http://www.rssboard.org/rss-specification 720 http://nitarthadigitallibrary.org/xtf/search?docsPerPage%3D100;expand%3Dsubject;f1-subject%3DDTG106;keyword%3Dབཅོམ་ལྡན་འདས་ཀྱིས་བཀའ་སྩལ་པ་ Results for your query: docsPerPage=100;expand=subject;f1-subject=DTG106;keyword=བཅོམ་ལྡན་འདས་ཀྱིས་བཀའ་སྩལ་པ་ Wed, 28 Oct 2020 12:00:00 GMT http://nitarthadigitallibrary.org/xtf/view?docId=tei/DTG106/DTG106.xml རྒྱ་གར་སྐད་དུ། བོ་དྷི་སཏྭ་ཙཱ་ཪྻ་ཨ་བ་ཏཱ་ར་སང་ཀཱ་ར། བོད་སྐད་དུ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་ལེགས་པར་སྦྱར་བ། བཅོམ་ལྡན་འདས་གསུང་གི་མངའ་བདག་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ངོ་བོ་ཉིད་ནི་བྱང་ཆུབ་པའི། །རྒྱ་མཚོ་དེ་ལ་ཕྱག་འཚལ་ཏེ། །བདག་འདྲའི་སྤྱོད་པའི་ཡན་ལག་ལ། །འཇུག་ཕྱིར་ལེགས་སྦྱར་བཤད་ཙམ་བྱ། །དམ་པ་རྣམས་ཀྱིས་ནི་ཐོག་མ་དང་བར་དང་ཐ་མར་དགེ་བ་མངོན་པར་འཕེལ་བར་བྱ་བ་ཡིན་པས། བདེ་གཤེགས་ཞེས་བྱ་བ་ལ་སོགས་པ་སྨོས་པ་ཡིན་ཏེ། འདིར་ཕྱག་འཚལ་བ་ནི་དང་པོར་དགེ་བའོ། །ཆོས་བསྟན་པ་ནི་བར་དུ་དགེ་བའོ། །དགེ་བའི་རྩ་བ་ཡོངས་སུ་བསྔོ་བ་ནི་དགེ་བའི་རྩ་བ་མངོན་པར་འཕེལ་བ་ཡིན་པས་ཐ་མར་དགེ་བ་ཡིན་ནོ། །དེ་ལ་བདེ་བར་གཤེགས་པ་ནི་རྟོགས་པར་བྱ་བའི་ལྷག་མ་མི་མངའ་བས་ན་ཡོངས་སུ་རྫོགས་པར་ཐུགས་སུ་ཆུད་པའི་ཕྱིར་བདེ་བར་གཤེགས་པའོ། །ཆོས་ཀྱི་སྐུ་མངའ་བ་ནི་ལུང་དང་རྟོགས་པའི་བདག་ཉིད་ཅན་གྱི་དམ་པའི་ཆོས་ཀྱི་ཚོགས་ནི་ཆོས་ཀྱི་སྐུ་སྟེ་དེ་དང་བཅས་པའོ། །སྲས་བཅས་ནི་ཉིད་ལས་འཁྲུངས་པའི་སྲས་ཏེ། བྱང་ཆུབ་སེམས་དཔའ་དང་བཅས་པའོ། ། http://nitarthadigitallibrary.org/xtf/view?docId=tei/DTG106/DTG106.xml Thu, 01 Jan 1970 12:00:00 GMT