http://www.rssboard.org/rss-specification 720 http://nitarthadigitallibrary.org/xtf/search?subject%3Dསྡེ་དགེའི་ཤིང་པར་རྙིང་མ་རྒྱུད་འབུམ།;subject-join%3Dexact;smode%3Dsimple;brand%3Ddefault Results for your query: subject=སྡེ་དགེའི་ཤིང་པར་རྙིང་མ་རྒྱུད་འབུམ།;subject-join=exact;smode=simple;brand=default Sat, 25 Nov 2023 12:00:00 GMT http://nitarthadigitallibrary.org/xtf/view?docId=tei/DNG001/DNG001.xml རྒྱ་གར་སཾ་སྐྲི་ཏའི་སྐད་དུ། ཏི་ལ་ཀཱ་པྲ་པཉྩཱནྲ་པྲ་ཀ་ཊ་ཏནྟྲ་མ་ཧཱ་ནཱ་མ། བོད་སྐད་དུ། སྤྲོས་བྲལ་དོན་གསལ་ཆེན་པོའི་རྒྱུད་ཅེས་བྱ་བ། དཔལ་རྡོ་རྗེ་འཆང་ཆེན་པོ་ཐམས་ཅད་མཁྱེན་པའི་སྐུ་གསུང་ཐུགས་ལ་ཕྱག་འཚལ་ལོ། །སུམ་ཅུ་རྩ་གསུམ་གྱི་གནས་བརྩེགས་པ་མེད་པའི་ཁང་བཟང་ཆེན་པོ་ན། ལྷ་ཡི་དབང་པོ་བརྒྱ་བྱིན་ཞེས་བྱ་བ་ལྷ་རྣམས་ཀྱི་གཙོ་བོར་གྱུར་པ། འཁོར་ལྷ་ཕྲན་མང་པོས་བསྐོར་ནས་བཞུགས་པ་དེས་ལྷ་མ་ཡིན་གྱི་འཁྲུག་པ་ཆེན་པོ་བྱེད་པའི་གཡུལ་ངོ་བཟློག་ནས་བདེ་བ་ལ་འགོད་པའི་མན་ངག །དྷརྨ་སརྦ་ཏི་ལ་ཨཀ་ཧྃ་རུ་བི་ཏི་ཀ་ཡ་ཏྲི་རུ་ཀ་རུས་དུ་བ་ཧི་ན་མ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རང་རིག་རྟོགས་པ་མངོན་གྱུར་གྱི་རྡོ་རྗེ་འཆང་ཆེན་པོ་དེ། སྐུ་ཡེ་ཤེས་ཀྱི་རྩལ་སྣང་ལ་རང་བཞིན་མེད་པ། སྐུ་མདོག་སྣ་ཚོགས་སུ་བཞུགས་པ། ཆ་ལུགས་མཉམ་པའི་སྐྱིལ་མོ་ཀྲུང་ལ། ཕྱག་རྒྱ་ཆོས་འཆད་པའི་ཚུལ་དུ་མཛད་པ། ཡེ་ཤེས་ཀྱི་སྐུ་ཡིན་པའི་ཕྱིར། ཞལ་ཕྱོགས་བཅུ་ཀུན་ཏུ་མ་འགགས་པར་ཐལ་ལེ་གསལ་བ། གནས་རང་བཞིན་གྱིས་རྣམ་ http://nitarthadigitallibrary.org/xtf/view?docId=tei/DNG001/DNG001.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG002/DNG002.xml རྒྱ་གར་སྐད་དུ། མ་ཧཱ་སནྟི་ནི་ཡཱ་མཱརྠ་སརྦ་ས་མུ་དཱ་ཡ། ཛྙཱ་ན་ག་ག་ན་ས་མཱ་ན་ཏནྟྲ། དྲྀཥྚི་བྷཱ་བ་ན་སརྦ་གརྦྷ། རཏྣ་བྱཱུ་ཧ་ནཱ་མ། བོད་སྐད་དུ། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད། ལྟ་བསྒོམ་ཐམས་ཅད་ཀྱི་སྙིང་པོ། རིན་པོ་ཆེ་རྣམ་པར་བཀོད་པ་ཞེས་བྱ་བ། བཅོམ་ལྡན་འདས་མཉམ་པ་ཉིད་ཀྱི་རྒྱལ་པོ་རང་བྱུང་རིག་པའི་ཡེ་ཤེས། རྟོགས་པའི་དོན་དང་ལྡན་པ། དཔལ་གྱི་དཔལ་གྱུར་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་གསུངས་པའི་དུས་གཅིག་ན། ཀུན་རིག་སེམས་ཀྱི་རྒྱལ་པོ་དེ། །འོག་མིན་ཆོས་ཀྱི་དབྱིངས་གནས་ན། །ངེས་པའི་དོན་ལ་རབ་ཞུགས་ཏེ། །རྡོ་རྗེ་སེམས་དཔའ་ལ་སོགས་པའི། །འཁོར་རྣམས་འདུས་ནས་རབ་ཏུ་འཁོད། །དེ་ཚེ་རྡོ་རྗེ་སེམས་དཔའ་ཡིས། །འདུས་པའི་ཚོགས་ལ་ཕན་དོན་དུ། །ཀུན་རིག་ཆོས་ཀྱི་རྒྱལ་པོ་ལ། །རང་གི་རིག་པས་འདི་སྐད་གསོལ། །ངེས་ http://nitarthadigitallibrary.org/xtf/view?docId=tei/DNG002/DNG002.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG003/DNG003.xml རྒྱ་གར་སྐད་དུ། སརྦ་བུདྡྷཱ་྅་ཤཱ་ཡ་སུ་ར་སཾ་གྲ་ཧ་གི་རི་ཀུ་ཊ་ཏནྟྲ། བོད་སྐད་དུ། སངས་རྒྱས་ཀུན་གྱི་དགོངས་པའི་བཅུད་བསྡུས་རི་བོ་བརྩེགས་པའི་རྒྱུད། དམ་པ་དང་པོའི་སངས་རྒྱས་ཀ་དག་རྣམ་པར་སྣང་བའི་སྐུ་ལ་ཕྱག་འཚལ་ལོ། །འདི་སྐད་བདག་གིས་རྟོགས་ཤིང་བཤད་པའི་དུས་གཅིག་ན། ཀུན་གཞི་མཁའ་ཀློང་རྣམ་པར་དག་པའི་གནས། རིན་པོ་ཆེ་འོད་སྣ་ཚོགས་འཕྲོ་བའི་གདངས། དབྱིངས་རྣམ་པར་དག་པའི་ཀློང་ཀུན་གཞིའི་ཕོ་བྲང་། རྩལ་ཟེར་ཡན་ལག་འོད་གསལ་ཀུན་འབྱུང་གི་མཁའ། སེམས་ཉིད་ཁྱབ་གདལ་ཆེན་པོའི་དཀྱིལ་འཁོར། རང་བཞིན་གྱིས་འོད་གསལ་བ། དེ་ཉིད་དུ་རྣམ་པར་དག་པ། རྒྱུ་རྐྱེན་འཕོ་འགྱུར་མེད་པ། སྐྱེ་འགག་གཉིས་སུ་མེད་པར་རང་གྲོལ་བ། རང་བྱུང་འོད་གསལ་རྣམ་དག་བསམ་མི་ཁྱབ་ཀྱི་ལྷ་ཁང་ནི། http://nitarthadigitallibrary.org/xtf/view?docId=tei/DNG003/DNG003.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG004/DNG004.xml རྒྱ་གར་སྐད་དུ། མ་ཧཱ་ཆེན་པོ་མངྒ་ལ་བཀྲ་ཤིས་རུ་ཙི་ར་མཛེས་ལྡན་བཱནྟནྟྲ་རྒྱུད་ལྼཱྀག་དཔལ་ག་ན་ནམ་མཁའ་མེད་པ་མ་ཧཱ་ཆེན་པོ་ཏནྟྲ་རྒྱུད་ནཱ་མ་ཅེས་བྱ་བ། བོད་སྐད་དུ། བཀྲ་ཤིས་མཛེས་ལྡན་མཚན་དོན་ཆེན་པོའི་རྒྱུད། དཔལ་ནམ་མཁའ་མེད་པ་ཆེན་པོའི་རྒྱུད་ཅེས་བྱ་བ། དོན་བསྒྱུར་ཨོཾ་བཅོམ་ལྡན་འདས་རིག་པ་རང་སྣང་ཉིད་དང་། ཐོག་མའི་མགོན་པོ་འོད་དཔག་མེད་ལ་ཕྱག་འཚལ་ལོ། །འཁྲུལ་པ་དངོས་ཀླད་ཀྱིས་བཀའ་ཚོམས་སུ་བསྟན་པ་སརྦ་དྷར་རྒྱ་ཨ། འདི་སྐད་བདག་གིས་བསྟན་པའི་དུས་གཅིག་ན་བསྟན་པ་རིན་པོ་ཆེ་བྱུང་ཚུལ་བསྟན་པ། རིག་པ་ཡེ་ཤེས་ཀྱི་སྣང་བ་ཆེན་པོར་གནས་ཕུན་སུམ་ཚོགས་པ་རང་སྣང་བའི་དུས་ན། སྣང་བ་ཆེན་པོའི་ངོ་བོ་སྐུ་དང་བཅས་པ།སྣང་བའི་རང་བཞིན་མ་འགགས་པ་ནས། རིག་པའི་སྐུ་རྣམ་པར་དག་པ་སྟོན་པ་ཕུན་སུམ་ཚོགས་པ་ཆེན་པོ་ཉིད་དོ། །ཨེ་མ་ཧོ། རིག་པའི་ཡེ་ཤེས་ཆེན་པོ་ཡུལ་མེད་པ་སྣང་བའི་ཀློང་ནས། ངོ་བོ་རིག་པ་ངའི་ཡེ་ཤེས་སོ། ། http://nitarthadigitallibrary.org/xtf/view?docId=tei/DNG004/DNG004.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG005/DNG005.xml རྒྱ་གར་སྐད་དུ། དེ་བ་ཏནྟྲ་རཏྣ་ཀུ་ཊ་ནཱ་མ། བོད་སྐད་དུ།ལྷ་རྒྱུད་རིན་པོ་ཆེ་སྤུངས་པ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་ཀུན་ཏུ་བཟང་པོ་ཡིས། །ཡེ་གྲོལ་ཡེ་ཤེས་རང་ལ་ཤར། །ཕྱི་ནང་མེད་པའི་ཟང་ཐལ་གནས། །ཆེན་པོ་ལྔ་ཡི་བསྟན་པ་ལ། །རང་སྣང་ཆེན་པོ་རྣམ་དག་ཡིན། །དེ་ཡང་ཐོག་མ་མེད་པའི་དུས། །གཞི་གསུམ་དབྱེར་མེད་ལྷུན་གྱིས་གྲུབ། །ཡང་དག་ཡེ་ཤེས་སྣང་བ་དང་། །དག་པ་འཇིག་རྟེན་སྣང་བ་དང་། །མ་དག་འཁྲུལ་པའི་སྣང་བ་གསུམ། །དབྱེར་མེད་ལྷུན་གྱིས་གྲུབ་པ་ཡིན། །ཡང་དག་ཡེ་ཤེས་སྣང་བ་ནི། །སྐུ་གསུམ་རང་སྣང་ལྷུན་གྱིས་གྲུབ། །དེ་ཡང་ཕྱོགས་སུ་མ་ལྷུང་རྒྱ་མ་ཆད། །དག་པ་འཇིག་རྟེན་སྣང་བ་ཡིན། །འོད་ལྔ་ལ་སོགས་ལྷུན་གྱིས་གྲུབ། ། http://nitarthadigitallibrary.org/xtf/view?docId=tei/DNG005/DNG005.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG006/DNG006.xml རྒྱ་གར་སྐད་དུ། སརྦ་དྷརྨ་མ་ཧཱ་སནྟི་བོ་དྷི་ཙིཏྟ་ས་མུ་དཱ་ཡ་སཱུ་ཏྲ། བོད་སྐད་དུ། ཆོས་ཐམས་ཅད་རྫོགས་པ་ཆེན་པོ་བྱང་ཆུབ་ཀྱི་སེམས་སུ་འདུས་པའི་མདོ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །སྔ་ཕྱི་མེད་པར་འདི་སྐད་བཤད་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ། ཆོས་ཐམས་ཅད་ཀྱི་སྙིང་པོ་རྡོ་རྗེ་རྫོགས་པའི་བདག་ཉིད་ཆེན་པོ་དེ། འོག་མིན་ཆོས་ཉིད་ཀྱི་མཁའ་དབྱིངས་ཉིད་ཀྱི་ཀློང་། ཆོས་ཉིད་ཀྱི་གནས། རང་བྱུང་མ་བསྒྲིབས་པའི་གཞལ་ཡས་ཁང་ན། དུས་གསུམ་གཅིག་པའི་སངས་རྒྱས་དང་། མི་སྐྱེ་ལམ་ལ་བལྟ་བའི་རྣལ་འབྱོར་པ་རྣམས་དང་། ས་ལ་གནས་པའི་བྱང་ཆུབ་སེམས་དཔའ་རྣམས་དང་། ངེས་པ་མ་ཐོབ་པ་རྣམས་དང་། སྙིང་པོས་ http://nitarthadigitallibrary.org/xtf/view?docId=tei/DNG006/DNG006.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG007/DNG007.xml རྒྱ་གར་སྐད་དུ། སརྦ་ཏ་ཐཱ་ག་ཏ་ཙིཏྟ་གུ་ཧྱ་ཛྙཱ་ན་ཨརྠ་གརྦྷ་ཀྲོ་དྷ་བཛྲ་ཀུ་ལ་ཏནྟྲ་པིཎྜཱརྠ་བིདྱཱ་ཡོ་ག་སིཌྜྷ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི་ཡེ་ཤེས་དོན་གྱི་སྙིང་པོ་ཁྲོ་བོ་རྡོ་རྗེའི་རིགས་ཀུན་འདུས་རིག་པའི་མདོ་རྣལ་འབྱོར་གྲུབ་པའི་རྒྱུད་ཅེས་བྱ་བ་ཐེག་པ་ཆེན་པོའི་མདོ། བཅོམ་ལྡན་འདས་དཔལ་སྒྲོལ་བྱེད་ཐུགས་རྗེའི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་དཔལ་ཀུན་དུ་བཟང་པོ་རྡོ་རྗེ་སང་ཧེ་རུ་ཀ་གསང་བ་མཆོག་གི་བདག་པོ་བྱིན་གྱིས་བརླབས་ཀྱི་དབང་ཕྱུག །མི་ཟད་མཛོད་ཀྱི་བཀོད་པ། ཆེ་བའི་དོན་ལ་དམ་པའི་སྤྱོད་པས་བསྐྱོད་པ་དེ། རྨད་དུ་བྱུང་བའི་དོན་འདི་ཉིད་བཤད་པའི་གནས་གསང་བའི་ཡང་གསང་བ་ཀུན་གཞི་ཆོས་ཀྱི་དབྱིངས་ཀྱི་ཕོ་བྲང་ཐིག་ལེ་བདལ་བའི་ཀློང་། ཡེ་འབྱམ་རྨད་དུ་གྲགས་པའི་གཞལ་ཡས་རྒྱ་ཕྱོགས་ http://nitarthadigitallibrary.org/xtf/view?docId=tei/DNG007/DNG007.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG008/DNG008.xml བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་གསང་བ་དུར་ཁྲོད་ཁུ་བྱུག་རོལ་པའི་རྒྱུད་ཅེས་བྱ་བ་ཐེག་པ་ཆེན་པོའི་མདོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གསང་བ་མཆོག་གི་བདག་པོ། ཐིག་ལེ་བྱང་ཆུབ་སེམས་ཀྱི་རྡོ་རྗེ། དེ་བཞིན་གཤེགས་པ་ཐམས་ཅད་ཀྱི་སྐུ་རྣམ་པར་དག་པའི་བདག་ཉིད། པད་མ་ཆེན་པོ་རྣམ་པར་དག་པའི་གསུང་།རྡོ་རྗེ་ལྟ་བུའི་ཏིང་ངེ་འཛིན་ལ་མངའ་བརྙེས་པ། ཡིད་བཞིན་གྱི་རིན་པོ་ཆེ་རྒྱལ་པོའི་ཡོན་ཏན་མཉམ་པ་ཆེན་པོས་ཀུན་ཏུ་ཁྱབ་པར་མཛད་པ། ཀུན་ཏུ་འདུལ་བའི་ཕྲིན་ལས་ཀྱི་སྒོ་ཡངས་པར་ཀུན་ཏུ་མཛད་པ། སྐུ་གསུང་ཐུགས་ཡོན་ཏན་དམ་ཚིག་ཆེན་པོ་མ་ལུས་པའི་བདག་ཉིད་ཆེན་པོ། དུས་གསུམ་གྱིས་ཆོས་མ་ http://nitarthadigitallibrary.org/xtf/view?docId=tei/DNG008/DNG008.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG009/DNG009.xml གསང་བའི་སྙིང་པོ། བོད་སྐད་དུ། གསང་བའི་སྙིང་པོ་དེ་ཁོ་ན་ཉིད་ངེས་པའོ། །བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་ན། དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས། ལོངས་སྤྱོད་ཆེན་པོ། ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་བདག་ཉིད། མ་ལུས་མི་ལུས་ལུས་པ་མེད་པ་ཐམས་ཅད་དང་། སོ་སོ་མ་ཡིན་ཐ་མི་དད་དབྱེར་མེད་པའི་རང་བཞིན་ཏེ། འོག་མིན་གྱི་གནས་མཐའ་དང་དབུས་མེད་པ་ན། གཞི་ཚད་མེད་པའི་ཡེ་ཤེས་ཀྱི་འཁོར་ལོ་གསལ་བ་ལ། ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་། རྒྱ་ཕྱོགས་བཅུར་ཡོངས་སུ་མ་ཆད་པ། ཡོན་ཏན་དཔག་ཏུ་མེད་པར་རྒྱས་པའི་ཕྱིར་གྲུ་བཞིར་གྱུར་པ། ལྷག་པའི་ཡེ་ཤེས་རིན་པོ་ཆེའི་གློ་འབུར་གྱིས་ http://nitarthadigitallibrary.org/xtf/view?docId=tei/DNG009/DNG009.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG010/DNG010.xml གསུམ་པ་ལས་ཀྱི་རིམ་པའི་ཏིང་ངེ་འཛིན་ལ། ཡེ་ཤེས་ཀྱི་དཀྱིལ་འཁོར་སྤྱན་དྲང་ཞིང་མཆོད་པ་དབུལ་བ་དང་། བཤགས་པ་བྱ་བ་དང་།དངོས་གྲུབ་གསོལ་བ། དམ་བཅའ་བ། འཛབ་བཟླ་བ་དང་ལྔ། དང་པོ་ལ།སྤྱན་དྲང་བ་སོགས་དང་། མཆོད་པ་དབུལ་བའོ། །དང་པོ་ལ། སྙན་གསན་དབབ་པ། སྤྱན་དྲང་བ་དངོས། རིག་པའི་མེ་ཏོག་དོར་བ། དངོས་གྲུབ་བསྐུལ་བ། བསྡིམ་པའོ། །དང་པོ་ནི། སྟོང་པ་ཤིན་ཏུའི་ཚིག་དང་ཨེ་ཧྱེ་ཧིའི་སྔགས་བརྗོད་ཅིང་། དམ་ཚིག་པའི་ཐུགས་ཀའི་ཧཱུཾ་གི་འོད་ཟེར་གྱིས་བསྐུལ་བས་རང་བཞིན་ལྷུན་གྱིས་གྲུབ་པའི་ཕོ་བྲང་ན་བཞུགས་པའི་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱིས་དགོངས་ཏེ། ཆོས་ཀྱི་སྐུ་ལས་མ་གཡོས་བཞིན་དུ་གཟུགས་ཀྱི་སྐུ་བསྒོམས་པ་དང་འདྲ་བའི་རྣམ་པར་ངང་གིས་བཞེངས་ནས་འབྱོན་མ་རག་ http://nitarthadigitallibrary.org/xtf/view?docId=tei/DNG010/DNG010.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG011/DNG011.xml རྒྱ་གར་སྐད་དུ། དེ་བཱི་ཛཱ་ལི་མ་ཧཱ་མཱ་ཡཱ་ཏནྟྲ་ནཱ་མ། བོད་སྐད་དུ། ལྷ་མོ་སྒྱུ་འཕྲུལ་དྲ་བ་ཆེན་མོ་ཞེས་བྱ་བའི་རྒྱུད། བཅོམ་ལྡན་འདས་གསང་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་གསུངས་པ་ཉིད་དུ་གྱུར་པའི་ཚེ་ན་བཅོམ་ལྡན་འདས་དེ་བཞིན་གཤེགས་པ་ནམ་མཁའ་དང་མཉམ་པའི་རྣལ་འབྱོར་ཆེན་པོ་དང་། རྣལ་འབྱོར་མ་ཆེན་མོ་དང་། ཤིན་ཏུ་མོས་པ་ཆེན་མོ་དང་། མོས་པ་དང་བཅས་པ་སྲུང་བར་བྱེད་པ། རབ་ཏུ་རྣམ་པར་སྲུང་བར་བྱེད་ཉེ་བ་མོ་དང་བཅས་པ་ཉེ་བར་ཞི་བ་ཆེན་པོ་དང་ཞི་བར་མཛད་པ་ཆེན་པོ་མཛེས་པ་དང་མདོག་ཏུ་ལྡན་པ། ཤེས་པ་དང་སྐྱབས་སུ་ལྡན་པ་ནི་འདི་ལྟ་སྟེ། གཙོ་བོ་རྣལ་འབྱོར་འཁོར་ལོ་ཞེས་བྱ་བ་དང་། རྣལ་འབྱོར་ཆེན་པོ་རྡོ་རྗེ་ཉིད་དུ་འདུས་པ་ཞེས་བྱ་བ་དང་། རྣལ་འབྱོར་ཆེན་པོ་བཏང་སྙོམས་ཞེས་བྱ་བ་དང་། རྣལ་འབྱོར་ཆེན་པོ་དབང་དུ་མཛད་པ་ཞེས་བྱ་བ་དང་། རྣལ་འབྱོར་ཤིན་ཏུ་རྣམ་པར་རྒྱ་གྲམ་གྱི་ཚུལ་འཛིན་པ་དང་བཅས་ http://nitarthadigitallibrary.org/xtf/view?docId=tei/DNG011/DNG011.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG012/DNG012.xml རྒྱ་གར་སྐད་དུ། སརྦ་ཀལྤ་ས་མུཙྪ་ཡ་ནཱ་མ་སརྦ་བུངྔྷ་ས་མ་ཡོ་ག་ཌཱ་ཀི་ནཱི་ཛཱ་ལ་ས་མཱ་ར་ཨུཏྟ་ར་ཏནྟྲ། བོད་སྐད་དུ། རྟོག་པ་ཐམས་ཅད་འདུས་པ་ཞེས་བྱ་བ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་གི་རྒྱུད་ཕྱི་མའི་ཕྱི་མ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སངས་རྒྱས་ཐམས་ཅད་ཕྱག་འཚལ་ཏེ། །མ་ལུས་ལུས་པ་མེད་པར་གྲུབ། །རྣམ་རྟོག་མེད་པའི་སེམས་ལ་ནི། །དེ་ཁོ་ན་ཉིད་ངེས་པར་གནས། །སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བའི་མཆོག །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །འདོད་ཆགས་ཆེན་པོ་བདེ་ཆེན་པོ། །བདེ་ཆེན་རྡོ་རྗེ་ཆེན་པོ་བས། །རྡོ་རྗེ་འཛིན་དང་ལྷན་ཅིག་པའི། །བདེ་གཤེགས་མགོན་ཁྱོད་རྣམས་ཀྱིས་བཞུགས། །ཐམས་ཅད་མཆོག་གྱུར་འདོད་ཆེན་ http://nitarthadigitallibrary.org/xtf/view?docId=tei/DNG012/DNG012.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG013/DNG013.xml རྒྱ་གར་སྐད་དུ། སརྦ་ཏ་ཐཱ་ག་ཏ་བུད་ཏྲོ་པུ་ན་གུ་ཧྱ་པ་ནོ་ཤི་ཨ་ཤྭད་ད། མ་བི་ན་ས་མ་ཧཱ་ཏནྟྲ་ནཱ་མ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པ་གསང་བ་རྟ་མཆོག་རོལ་པའི་རྒྱུད་ཆེན་པོ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་བདེ་བ་ཆེན་པོ་ཕྱོགས་བཅུ་དང་དུས་གསུམ་གྱི་སངས་རྒྱས་མ་ལུས་པའི་འབྱུང་གནས། སྐུ་གསུང་ཐུགས་ཡོན་ཏན་ཕྲིན་ལས་རྡོ་རྗེ་གསང་བ་གཞན་ལས་ཁྱད་པར་དུ་གྱུར་པ་མཚན་དང་དཔེ་བྱད་ཕུན་སུམ་ཚོགས་པས་སྤྲས་པ། བཀོད་པ་རྒྱན་གྱི་དཀྱིལ་འཁོར་ལྷུན་པོ་བརྩེགས་ཤིང་ཡོན་ཏན་རིན་པོ་ཆེའི་འབྱུང་གནས་སྣ་ཚོགས་རྣམ་པར་སྣང་བའི་ངོ་བོ། ཟབ་པ་དང་རྒྱ་ཆེ་བའི་ཡན་ལག་ཐམས་ཅད་གསལ་བར་བྱེད་ཅིང་ཡེ་ཤེས་ཀྱི་ཚོགས་ཀྱིས་ཆོས་མ་ལུས་པ་མཐར་ཕྱིན་པ། ཀུན་ཏུ་ཕྲིན་ http://nitarthadigitallibrary.org/xtf/view?docId=tei/DNG013/DNG013.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG014/DNG014.xml རྒྱ་གར་སྐད་དུ། ས་མ་ཡ་སརྦ་བི་ཏི་ཨ་ནུ་སརྦ་ས་ནི་ཏནྟྲ་བི་མ་ལ་རཱ་ཛ་ནཱ་མ། བོད་སྐད་དུ། དམ་ཚིག་ཐམས་ཅད་ཀྱི་ཉམས་ཆག་སྐོང་བའི་ལུང་། བཤགས་པ་ཐམས་ཅད་ཀྱི་རྒྱུད་དྲི་མ་མེད་པའི་རྒྱལ་པོ་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རི་མ་ལ་ཡ་གནམ་ལྕགས་ཡོད་པའི་རྩེ་མོ། སེང་གེའི་ཟ་འགྲམ་ལྟ་བུར་གྱུར་པའི་གནས། དུས་གསུམ་གྱི་རྒྱལ་བ་རྣམས་ཀྱི་བྱིན་གྱིས་བརླབས་པའི་རིན་པོ་ཆེའི་ཁང་པ་རང་བྱུང་དུ་གྲུབ་པ་ན། བཅོམ་ལྡན་འདས་གསང་བའི་བདག་པོ་ཕྱག་ན་རྡོ་རྗེ། སྐུ་གསུམ་གྱི་སྟོན་པ་རྣམས་ཀྱི་གསུང་གི་ཚོགས་མ་ལུས་པར་སྡུད་ཅིང་། བྱང་ཆུབ་སེམས་དཔའ་དང་། འགྲོ་བ་རྣམས་ཀྱི་བླ་མ་ཆེན་པོར་གྱུར་པ་དེ་ལ། འཁོར་དུ་གྱུར་ http://nitarthadigitallibrary.org/xtf/view?docId=tei/DNG014/DNG014.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG016/DNG016.xml ཟླ་གསང་མེ་ལྕེ་ཕྲེང་བ། རྒྱ་གར་སྐད་དུ། ཤྲཱི་ཙནྡྲཱ་གུ་ཧྱ་ཀཱ་ལ་ཏནྟྲ། བོད་སྐད་དུ། དཔལ་ཟླ་གསང་ནག་པོའི་རྒྱུད། དཔལ་འཇིགས་བྱེད་ཀྱི་རྒྱལ་པོ་གཤིན་རྗེའི་གཤེད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་ཉིད། འཇིགས་བྱེད་ཀྱི་རྒྱལ་པོ་ཆེན་པོ་ཆེ་བ་ཀུན་གྱི་བདག་ཉིད། ཟབ་མོའི་གསུང་བརྗོད་དུ་མེད་པའི་སྒྲ་སྐད་སྣ་ཚོགས་སུ་གསུང་བ། དྲན་རྟོག་ཐམས་ཅད་ཡེ་ནས་ལྷུན་གྱིས་གྲུབ་པའི་དགོངས་པ་ལས་མི་གཡེང་བའི་སར། རྡོ་རྗེའི་ངང་ཚུལ་བསྟན་པའི་བདག་ཉིད་ཀྱིས། སྣང་བའི་ངང་མ་བཅོས་པའི་སྟོབས་དང་ལྡན་པའི་དབྱིངས་ནས། ཐམས་ཅད་གསལ་བའི་འོད་ཀྱི་ཉི་མ་ལྟ་བུའི་དཀྱིལ་འཁོར་གྱིས། སྲིད་པའི་བག་ཆགས་མ་ལུས་པ་བསྲེག་པར་མཛད་པའི་འོད་ཅིར་ཡང་སྣང་བ་སྟེ། འོག་མིན་གྱི་གནས་དབུས་མཐའ་མེད་པའི་གཞལ་ཡས་ཁང་ཡེ་ཤེས་རིན་པོ་ཆེ་དུར་ཁྲོད་ཀྱི་རྒྱུ་ http://nitarthadigitallibrary.org/xtf/view?docId=tei/DNG016/DNG016.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG017/DNG017.xml རྒྱ་གར་སྐད་དུ། ཨཱརྱ་མཉྫུ་ཤྲཱི་ཡ་མ་རཱ་ཛ་བྲྀཤྩི་ཀ་མ་ཧཱ་བ་ལ་གུ་ཧྱ་ཏནྟྲ། བོད་སྐད་དུ། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གསང་བའི་རྒྱུད། བཅོམ་ལྡན་འདས་དཔལ་གཤིན་རྗེ་གཤེད་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཆོས་ཐམས་ཅད་ལྷུན་གྱིས་རྫོགས་པའི་རང་བཞིན་ཡོངས་སུ་བཀོད་པའི་སྙིང་པོ་མཁའ་དབྱིངས་རྣམ་པར་དག་པའི་ཀློང་། རྒྱ་ཡོངས་སུ་མ་ཆད་པ། རང་བཞིན་ལྷུན་གྱིས་གྲུབ་པའི་གཞལ་ཡས་ཁང་ན། རྡོ་རྗེ་སྙིང་པོ་དྲེགས་པ་འཇོམས་པ་ཉིད་དང་། དུས་གསུམ་གཅིག་པའི་སངས་རྒྱས་རྣམས་དང་། མ་སྐྱེས་ལམ་ལ་འདུན་པ་རྣམས་དང་། ས་ལ་གནས་པའི་སེམས་དཔའ་རྣམས་དང་། རྡོ་རྗེ་ཁྲོ་བོ་དྲེགས་པ་རྣམས་དང་། ཁྲམ་ཐོགས་ཀྱི་བདུད་ཕོ་མོ་དང་། གྲི་ཐོགས་ཀྱི་གིང་དང་། ཟོར་ཐོགས་ http://nitarthadigitallibrary.org/xtf/view?docId=tei/DNG017/DNG017.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG018/DNG018.xml རྒྱ་གར་སྐད་དུ། ཤྲཱི་པདྨ་མ་ཧེ་ཤྭ་ར་དུཥྚ་རཀྵྀ་ཏ་ནི་རཱ་ཀྲྀ་ཏཾ་གུ་ཎ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་དྲེགས་པ་སྲུང་བཟློག་ཡོན་ཏན་གྱི་རྒྱུད་ཅེས་བྱ་བ། ལྷུན་གྱིས་གྲུབ་པའི་སངས་རྒྱས་དཀྱིལ་འཁོར་ཆེན་པོ་དགུའི་ལྷ་ཚོགས་རྣམས་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་ཉིད་ཡོན་ཏན་ཕྲིན་ལས་མ་ལུས་པའི་བདག་པོ་དེ་ནི། འདི་ལྟར་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཙུན་མོའི་བྷ་ག་ལ་དུས་གསུམ་འདུ་འབྲལ་མེད་པ་ཆེན་པོར་བཞུགས་སོ། །དེ་ཉིད་ལས་བརྗོད་ཀྱིས་མི་ལང་བའི་འཁོར་གྱི་གྲངས་དང་བཅས་ནས་བཞུགས་པ་ནི། འདི་ལྟ་སྟེ། བདེ་གཤེགས་ཁམ་རྒྱ་མོ་དང་། རྡོ་རྗེའི་ཁམ་རྒྱ་མོ་དང་། རིན་པོ་ཆེའི་ཁམ་རྒྱ་མོ་དང་། པདྨའི་ཁམ་རྒྱ་མོ་དང་། ལས་ཀྱི་ཁམ་ http://nitarthadigitallibrary.org/xtf/view?docId=tei/DNG018/DNG018.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG019/DNG019.xml རྒྱ་གར་སྐད་དུ། ཤྲི་ཧེ་རུ་ཀ་ཏན་དུ་ན་མ། བོད་སྐད་དུ། དཔལ་ཁྲག་འཐུང་གལ་པོ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ལུང་བསྟན་པའི་དུས་གཅིག་ན། རང་སྣང་བཀོད་པ་མེད་བཀོད་པ། །འོག་མིན་ཉམས་དགའ་གནས་ཀྱི་མཆོག །སངས་རྒྱས་རྡོ་རྗེ་འཆང་ཆེན་པོ། །རྒྱལ་བ་ཀུན་གྱི་སྤྱི་གཟུགས་ཅན། །ས་བཅུའི་གནས་ཀྱི་དབང་ཕྱུག་ཆེ། །བྱང་ཆུབ་སེམས་དཔའ་སེམས་ཆེན་འཁོར། །རིགས་བདག་བརྗོད་པ་མེད་པ་ཡིས། །རྨད་བྱུང་ཆོས་ཀྱི་འཁོར་ལོ་བསྐོར། །གསང་སྔགས་ཆེ་བའི་བྱིན་རླབས་ནི། །སོ་སོར་སྣང་བ་འདི་ལྟར་བཞི། །གདུལ་བྱ་ཞེན་ཆགས་ཅན་རྣམས་ལ། །འདུལ་བྱེད་སྟོན་པ་གསང་བའི་སྐུས། །འདོད་པ་རང་རྐྱེན་ཚིག་ཏུ་གསུངས། །གདུལ་བྱ་ལོག་སྲེད་ཅན་རྣམས་ལ། །འདུལ་བྱེད་སྟོན་པ་སྤྲུལ་ http://nitarthadigitallibrary.org/xtf/view?docId=tei/DNG019/DNG019.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG020/DNG020.xml རྒྱ་གར་སྐད་དུ། མ་ཧཱ་ཨ་མྲྀ་ཏ་ཙཀྲ་ཛྭ་ལ་ཏནྟྲ་ནཱ་མ། བོད་སྐད་དུ། བདུད་རྩི་ཆེན་པོ་འཁོར་ལོ་འབར་བའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་ཆེན་པོ། དུས་གསུམ་གྱི་སངས་རྒྱས་ཐམས་ཅད་ཀྱི་མངའ་བདག་ཆེན་པོ་དེ་ནི། ཆོས་ཀྱི་དབྱིངས་རྣམ་པར་དག་པའི་ཀློང་ཆེན་པོ་འོག་མིན་གྱི་གནས་མ་བཀོད་པར་སྣང་བ་ཞེས་བྱ་བར། འདི་ལྟར་ས་བཅུ་པའི་དུས་གསུམ་གྱི་རྣལ་འབྱོར་གྱི་དབང་ཕྱུག་ཆེན་པོ་རྣམས་དང་། ལུས་ཀྱི་ཁམས་དགུ་འདུས་པའི་དྭངས་མ་བདུད་རྩི་ཆེན་པོ་ཡེ་ནས་སངས་རྒྱས་པའི་དོན་ལ་སོ་སོ་མ་ཡིན་ཐ་མི་དད་ཅིང་དབྱེར་མེད་པར་བཞུགས་སོ། །དེ་ནས་རྡོ་རྗེ་སྙིང་པོ་རང་གི་གདན་ལས་བཞེངས་ནས། སེང་གེའི་འགྲོ་སྟངས་ཀྱིས་བཅོམ་ལྡན་འདས་དཔལ་ཀུན་ཏུ་བཟང་པོའི་སྤྱན་སྔར་མཆིས་ནས། གླང་པོ་ཆེའི་ལྟ་སྟངས་ཀྱིས་སངས་རྒྱས་ཐམས་ཅད་ཀྱི་སྤྱི་མེས་ཆེན་པོའི་ཞལ་དུ་བལྟས་ཏེ། http://nitarthadigitallibrary.org/xtf/view?docId=tei/DNG020/DNG020.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG021/DNG021.xml རྒྱ་གར་སྐད་དུ། ཀརྨྨ་ཀཱི་ལ་ཡ་ཏནྟྲ། བོད་སྐད་དུ། ཕུར་པ་ཀརྨྨ་ལས་ཀྱི་རྒྱུད། རྡོ་རྗེ་ཀཱི་ལ་ཡ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཙུན་མོའི་བྷ་ག་ལ་བཞུགས་ཏེ། རྡོ་རྗེ་ཁྲོ་བོའི་ཚོགས་བསམ་གྱིས་མི་ཁྱབ་བརྗོད་ཀྱིས་མི་ལང་བ་དང་། བཙུན་མོའི་ཚོགས་བསམ་གྱིས་མི་ཁྱབ་བརྗོད་ཀྱིས་མི་ལང་བ་དང་། ཡང་སྤྲུལ་དང་། སུམ་སྤྲུལ་དང་། མགྱོགས་མའི་ཚོགས་དང་ཐབས་ཅིག་ཏུ་བཞུགས་སོ། །དེའི་ཚེ་ན་རཱུ་ཏྲ་ཤིན་ཏུ་གདུག་པ་འཇིག་རྟེན་ཐམས་ཅད་ཕུང་བར་བྱེད་པ། མགོ་གསུམ་པ་ལག་པ་དྲུག་པ། དྲག་པོའི་གཏུམ་ཚིག་བརླང་པོར་སྨྲ་བ་ཞིག་གིས་འཇིག་རྟེན་གྱི་ཁམས་ཐམས་ཅད་ཕུང་བར་བྱེད་དོ། །འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཐམས་ཅད་ཕུང་བར་བྱེད་པའི་རཱུ་ཏྲ་དེ་བསྒྲལ་བའི་ཕྱིར། དེ་བཞིན་གཤེགས་པ་དགྲ་བཅོམ་ http://nitarthadigitallibrary.org/xtf/view?docId=tei/DNG021/DNG021.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG022/DNG022.xml རྒྱ་གར་སྐད་དུ། བཛྲ་ཀཱི་ལ་ཡ་གུ་ཧྱ་མ་ཧཱ་ཏནྟྲ། བོད་སྐད་དུ། རྡོ་རྗེ་ཕུར་པ་གསང་བའི་རྒྱུད་ཆེན་པོ། བཅོམ་ལྡན་འདས་གསང་བ་མཆོག་གི་བདག་པོ། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ་ཐམས་ཅད་མཁྱེན་པ་ལ་ཕྱག་འཚལ་ལོ། །འདི་སྐད་བསྟན་ཅིང་ཐོས་པའི་དུས་གཅིག་ན། བཅོམ་ལྡན་འདས་གསང་བ་མཆོག་གི་བདག་པོ། དུས་གསུམ་མ་ལུས་མི་ལུས་ལུས་པ་མེད་པའི་ངོ་བོ། རྡོ་རྗེ་དང་། འཁོར་ལོ་དང་། རིན་པོ་ཆེ་དང་། པདྨ་དང་ལས་ཀྱི་རང་བཞིན། རིགས་དང་ཡེ་ཤེས་ཀུན་གྱི་བདག་ཉིད། རོལ་པའི་རྫུ་འཕྲུལ་ལ་མངའ་བརྙེས་པ་དེ། དོན་ཆོས་ཉིད་སྐྱེ་བ་མེད་པའི་ངང་ལས། རྟགས་འགག་པ་མེད་པའི་ཆོ་འཕྲུལ་གྱི་སྐུར་བཞུགས་སོ། །འོག་མིན་གྱི་གནས་གསང་བ་མཆོག་གི་དཀྱིལ་འཁོར་ཆེན་པོ་དུས་གསུམ་གྱི་རྒྱལ་བ་རྣམས་ཀྱིས་གཤེགས་ཤིང་བཞུགས་ཏེ་བཞུགས་ http://nitarthadigitallibrary.org/xtf/view?docId=tei/DNG022/DNG022.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG023/DNG023.xml རྒྱ་གར་སྐད་དུ། དྷརྨ་དྷཱ་ཏུ་ཨེ་ཀ་ཛ་ཏི་མནྟྲ་ཀ་མ་ལི་ཏིག་ན་ཁཙྪེ་ད་མཱ་ར་ཎ་ཏནྟྲ། བོད་སྐད་དུ། རལ་གཅིག་མ་ཆོས་ཀྱི་དབྱིངས་བདག་མོ་སྤུ་གྲི་ཡ་མའི་རྒྱུད། བཅོམ་ལྡན་འདས་དཔལ་པདྨ་གར་གྱི་དབང་ཕྱུག་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། ཡུམ་གྱི་མཁའ་ཆོས་ཀྱི་དབྱིངས་རྣམ་པར་དག་པ། སྤྲོས་པ་ཐམས་ཅད་དང་བྲལ་བ། ཆོས་ཀྱི་སྐུ་ཐིག་ལེ་ཉག་གཅིག །རྒྱ་ཕྱོགས་བཅུ་ཡོངས་སུ་མ་ཆད་ཅིང་། ལོངས་སྤྱོད་ཐམས་ཅད་རང་ལ་རྫོགས་པའི་སྐུ། རང་བྱུང་ཕོ་ཉ་ལྷ་མོའི་གཟུགས་སུ་བྱུང་བ་ནི། བུད་མེད་སྨུག་མོ་གཡུ་ཡི་སྨིན་མ་ཅན། སྤྲུལ་པའི་དུང་གི་མཆེ་བ་གཙིགས་པ། སྤྱི་བོའི་གཙུག་ན་གཡུ་ཡི་རལ་གཅིག་མ། རལ་པའི་རྩེ་ལ་བསྐལ་པའི་མེ་འབར་བ།རལ་པའི་སྐེད་ནས་སྤྲུལ་པའི་གློག་སྟོང་འགྱུ་བ། རལ་པའི་མཐའ་ནས་ཁྲག་གི་སེར་བ་འབབ་པ། བུད་མེད་སྨུག་མོ་འབུམ་གྱི་དབུས་ http://nitarthadigitallibrary.org/xtf/view?docId=tei/DNG023/DNG023.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG024/DNG024.xml རྒྱ་གར་སྐད་དུ། ལོ་ཀ་སྟོ་ཏྲ་པཱུ་ཛ་ཏནྟྲ་ནཱ་མ་ནོ་པི་ཀ་སནྟ་ཀཾ།བོད་སྐད་དུ། འཇིག་རྟེན་མཆོད་བསྟོད་སྒྲུབ་པ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་གསང་བ་ཆེན་པོ་རྡོ་རྗེ་འཛིན་པ། དུས་གསུམ་གྱི་སངས་རྒྱས་མ་ལུས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་ཕྲིན་ལས་མ་ལུས་པ་ཡང་དག་པར་བསྒྲུབ་པར་མཛད་པ། མཐུ་དང་། སྟོབས་དང་། མི་འཇིགས་པ་དང་། དབང་ཕྱུག་དང་། གཟུགས་ཀྱིས་འཇིགས་པར་བྱེད་པ། གཏུམ་པོ་དང་། དྲག་ཤུལ་ཅན་དང་། དྲེགས་པ་ཅན་དང་། སྟོབས་ཅན་དང་། བཟོད་པར་དཀའ་བ་དག་མྱུར་དུ་འདུལ་བར་བྱེད་པ། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་དེ་ཁོ་ན་ཉིད་ལས་ཕྱུང་བ། བྱང་ཆུབ་སེམས་དཔའ་སེམས་དཔའ་ཆེན་པོ་ http://nitarthadigitallibrary.org/xtf/view?docId=tei/DNG024/DNG024.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG025/DNG025.xml མ་ཚང་བ་ཁ་བསྐོང་བའི་རིགས་རྣམས་སོ། །རྒྱ་གར་སྐད་དུ། སན་དྷི་མ་ཧཱ་ས་པ་ཤི་ཀ་གརྦྷཱ་མ་སུ་ཁ་ཙཀྲ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ། རང་བྱུང་བདེ་བའི་འཁོར་ལོའི་རྒྱུད་ཅེས་བྱ་བ། བཅོམ་ལྡན་འདས་དཔལ་རང་བྱུང་རིག་པའི་རྒྱལ་པོ་ཡེ་ཤེས་ཀྱི་སྐུ་དང་ལྡན་པ་དེ་ལ་ཕྱག་འཚལ་ལོ། །འདི་སྐད་གསུངས་པའི་དུས་གཅིག་ན། །ངོ་བོ་ཉིད་རྟོགས་ཀུན་བཟང་དེ། །བདེ་གཤེགས་འོག་མིན་གནས་མཆོག་ཏུ། །རིགས་ལྔ་རྒྱལ་བ་ལ་སོགས་པ། །རང་ཤར་ཆོས་སྐུ་བྱིན་རླབས་བཤད། །དེ་ཚེ་སེམས་དཔས་དོན་རིག་ནས། །གཙང་རིས་ལྷ་ཡི་གནས་ཆེན་དུ། །བརྩེ་དགོངས་དུས་ལ་བབ་གྱུར་ནས། །རིག་འཛིན་སེམས་དཔའི་འཁོར་རྣམས་ལ། །ངེས་དོན་རང་གི་ངོ་བོས་བཤད། །དེ་ནས་ཤཱཀ་ཐུབ་སྤྲུལ་པ་ཡིས། །འཛམ་གླིང་བདེ་ལྡན་གནས་དག་ཏུ། །དད་ལྡན་དུས་ཀྱི་དེ་སོང་ན། །གསང་བདག་སྤྲུལ་པའི་དད་ཉན་ལ། །སྡེབ་སྦྱོར་ལེགས་པའི་ཚིག་ཏུ་གསུངས། །ད་ཡང་ http://nitarthadigitallibrary.org/xtf/view?docId=tei/DNG025/DNG025.xml Thu, 01 Jan 1970 12:00:00 GMT http://nitarthadigitallibrary.org/xtf/view?docId=tei/DNG026/DNG026.xml http://nitarthadigitallibrary.org/xtf/view?docId=tei/DNG026/DNG026.xml Thu, 01 Jan 1970 12:00:00 GMT