སྔ་འགྱུར་སྨིན་གླིང་དཔེ་ཚོགས།

སྔ་འགྱུར་སྨིན་གླིང་དཔེ་ཚོགས།

པོད་བདུན་པ།

རྩོམ་མཁན། ལོ་ཆེན་དྷརྨ་ཤྲཱི། རྒྱལ་སྲས་པདྨ་འགྱུར་མེད་རྒྱ་མཚོ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

འབྱུང་རྩིས་མན་ངག་ཟླ་བའི་འོད་ཟེར། ལོ་ཆེན་དྷརྨ་ཤྲཱི།

སྐོར་འགོ་སྤྱིའི་རྣམ་བཞག་བསྟན་པའི་ལེའུ་དང་པོ།

― MLP007_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཙནྡྲསྱརསྨིནཱམོདཡསྱགཎིཏོཡདེཤབིཧརཏིསྨ། །
འབྱུང་རྩིས་མན་ངག་ཟླ་བའི་འོད་ཟེར་ཞེས་བྱ་བ་བཞུགས་སོ། །

― MLP007_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་རྩིས་མན་ངག་ཟླ་བའི་འོད་ཟེར་ཞེས་བྱ་བ་བཞུགས་སོ། །
འབྱུང་རྩིས་མན་ངག་ཟླ་བའི་འོད་ཟེར་ཞེས་བྱ་བ། བླ་མ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ། །ཇི་ལྟའི་གནས་ལུགས་མངོན་གཟིགས་ནས། །ཇི་སྙེད་ཐུགས་རྗེའི་གཞན་དབང་གིས། །འགྲོ་ལ་ཕན་བདེའི་ཕྲིན་ལས་ཅན། །གཏེར་ཆེན་བླ་མ་ལ་ཕྱག་འཚལ། །མཁྱེན་བརྩེའི་ཆུ་སྐྱེས་ཀེ་ས་རར། །རབ་སྙན་ལེགས་བཤད་བུང་བའི་དབྱངས། །བསྒྱུར་མཁས་རྒྱལ་སྲས་གཞོན་ནུའི་སྐུ། །འཇམ་པའི་དབྱངས་ལ་ཕྱག་འཚལ་ལོ། །ཞུ་འཕྲུལ་ལེན་འཆང་སྐྱེས་བུ་ནི། །བཞི་ཚན་བཞི་དང་དུ་ཧ་ར། །ལོ་པཎ་དམར་ནག་ཁྲ་གསུམ་དང་། །ཁྱུང་ཕུག་བརྒྱུད་པར་བཅས་ཀུན་རྒྱལ། །བདག་བློའི་ཡོལ་གོ་དཀར་ནག་གི། རྩིས་རིག་བདུད་རྩིས་འགེངས་མཛད་པ། །རྒྱལ་སྲས་མཆོག་དང་ལྡུམ་ཆེན་རྗེ། །རྒྱ་སྟོན་རྣམས་ལའང་དྲིན་ཕྱག་འབུལ། །མང་ཐོས་ཉི་མ་དང་བྲལ་བའི། །འགྲོ་བློའི་མཚན་མུན་བསལ་བའི་ཆེད། །འབྱུང་བ་རྩིས་ཀྱི་མན་ངག་གནད། །གཅེས་བཏུས་ཟླ་བའི་འོད་ཟེར་སྤྲོ། །དེ་ལ་སྤྱི་ཡི་རྣམ་གཞག་དང་། །བྱེ་བྲག་སོ་སོའི་སྐོར་འགོ་སྟེ། །རྣམ་པ་གཉིས་ལས་དང་པོ་ནི། །གཙུག་ལག་འབྱུང་བའི་རྒྱུད་རྣམས་སུ། །སྡོང་པོ་དགུ་འདུས་ལས། ཀྱེ། ཉོན་ཅིག་འདུས་པའི་འཁོར་རྣམས་ཀུན། །རང་བཞིན་གནས་པའི་རུས་སྦལ་དང་། །ཆགས་དང་སྲིད་པའི་རུས་སྦལ་དང་། །དེ་ལས་སྤྲུལ་དང་བཤད་པ་ཡིས། །རུས་སྦལ་རྣམ་པ་ལྔ་རུ་བསྟན། །ཞེས་སོ། །རང་བཞིན་གནས་༡ཆགས་༢སྦལ་སྲིད་༣སྣོད་སྤྲུལ་༤བཅུད་བཤད་༥པ་ཡི། །རུས་སྦལ་རྣམ་པ་ལྔ་

― MLP007_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་བཤད། །དེ་ལས་སྣང་ལུགས་ཆགས་སྲིད་དེ། །མཚོན་བྱེད་སྤྲུལ་པའི་རུས་སྦལ་གྱིས། །མཚོན་ལས་སྟོན་པས་གཙུག་ལག་བསྟན། །དེ་ཕྱིར་དགོས་དོན་སྙིང་པོ་ནི། །རྩ་བ་སྲིད་པའི་རུས་སྦལ་དེ། །གན་རྐྱལ་དག་ཏུ་གནས་པ་ཡི། །མགོ་བོ་ལྷོར་བསྟན་མེ་ཡི་ཁམས། །གློ་གཡས་ཤར་བསྟན་ཤིང་གི་ཁམས། །གློ་གཡོན་ནུབ་བསྟན་ལྕགས་ཀྱི་ཁམས། །མཇུག་མ་བྱང་བསྟན་ཆུ་ཡི་ཁམས། །ཡན་ལག་མཚམས་བཞི་ས་ཡི་ཁམས། །དེ་ལ་བརྩི་བྱ་རྩི་བྱེད་ཀྱི། །གཙུག་ལག་ཐམས་ཅད་གྲུབ་པ་ཡིན། །བརྩི་བྱའི་གཞི་ནི་འབྱུང་ལྔ་སྟེ། །ཤིང་མེ་ས་ལྕགས་ཆུ་ལྔ་པོ། །དེ་རྣམས་མ་བུ་དགྲ་གྲོགས་རྩི། །ཤིང་མ་ཆུ་ལ་ཆུ་མ་ལྕགས། །ལྕགས་མ་ས་ལ་ས་མ་མེ། །མེ་ཡི་མ་དེ་ཤིང་ཡིན་ནོ། །ཤིང་བུ་མེ་ལ་མེ་བུ་ས། །ས་བུ་ལྕགས་ལ་ལྕགས་བུ་ཆུ། །ཆུ་ཡི་བུ་དེ་ཤིང་ཡིན་ནོ། །ཤིང་དགྲ་ལྕགས་ལ་ལྕགས་དགྲ་མེ། །མེ་དགྲ་ཆུ་ལ་ཆུ་དགྲ་ས། །ས་ཡི་དགྲ་དེ་ཤིང་ཡིན་ནོ། །ཤིང་གྲོགས་ས་ལ་ས་གྲོགས་ཆུ། །ཆུ་གྲོགས་མེ་ལ་མེ་གྲོགས་ལྕགས། །ལྕགས་ཀྱི་གྲོགས་དེ་ཤིང་ཡིན་ནོ། །དེ་ནི་འབྱུང་བའི་སྐོར་མགོ་སྟེ། །སྐོར་མགོ་ཀུན་གྱི་སྤྱི་རུ་བཞག །འབྱུང་བ་ལའང་ངོ་བོ་དང་། །ངེས་ཚིག་དབྱེ་བ་དེའི་མཚན་ཉིད། །བྱེད་ལས་ལྔ་ལས་དང་པོ་ནི། །བརྟགས་ན་དབེན་ཕྱིར་མ་གྲུབ་སྟེ། །དེ་ལས་རང་བཞིན་འབྱུང་ཕྱིར་ངེས། །དབྱེ་བ་ལྔའམ་དེ་ཡི་སྟེང་། །མཁའ་རླུང་རི་བསྣན་བདུན་བརྒྱད་སྲིད། །ཤིང་སོགས་རིམ་བཞིན་གཡོ་སྲེག་དང་། །སྲ་གཅོད་བརླན་ལྔའི་མཚན་ཉིད་འཛིན། །བྱེད་ལས་མ་འཁྲུགས་བདེ་སྟེར་ཞིང་། །འཁྲུགས་ན་ན་འཆིའི་སྡུག་བསྔལ་བསྐྱེད། །དེ་ཕྱིར་འབྱུང་འདུས་ཕུང་པོ་ལ། །རྣམ་རྟོག་ལས་བསྐྱེད་འདུ་བ་ཡི། །ནད་དང་ཡེ་འདྲོོག་གཤེད་བཞིས་སྤྱོད། །བདེ་སྡུག་མ་ལུས་འབྱུང་བས་བྱེད། །དེ་བསལ་ཕྱིར་ན་རྩིས་འདི་གཅེས། །རྩི་བྱེད་གཙུག་ལག་རྣམ་གཉིས་ཏེ། །རང་བཞིན་གཞི་དང་འཁྲུལ་སྣང་ངོ་། །རང་བཞིན་གཞི་ཡི་གཙུག་ལག་ནི། །སྣང་སྲིད་འབྱུང་བ་ལྔར་སྣང་བ། །ཀུན་ཀྱང་ནམ་མཁའི་རང་བཞིན་ཏེ། །མཐའ་དབུས་མེད་ཅིང་འདུས་མ་བྱས། །མ་རིག་འཁྲུལ་སྣང་གཙུག་ལག་ལ། །བརྩི་བའི་

― MLP007_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་དང་རྩི་ཐབས་གཉིས། །བརྩི་གཞི་ལའང་རྣམ་བཞི་སྟེ། །འབྱུང་བ་རང་རྒྱུད་སྣང་བ་ཡུལ། །སྤྱོད་བྱེད་ཡིད་དང་འཛིན་པ་སེམས། །འབྱུང་བ་ཕྱི་ནང་བར་གསུམ་གྱི། །ནང་གི་ཁམས་ལྔ་ནི། སྙིང་མེ་ཁམས། གློ་བ་ལྕགས་ཁམས། མཆིན་པ་ཤིང་ཁམས། མཚེར་པ་ས་ཁམས། མཁལ་མ་ཆུ་ཁམས། དབྱེ་བས་རང་རྒྱུད་གཏན་ལ་འབེབས། །དབང་ཡུལ་ཅིར་སྣང་འབྱུང་བ་རུ། །ཤེས་པ་དེ་ནི་སྣང་བ་ཡུལ། །དེ་དག་ཕན་ཚུན་འབྱུང་བ་ཡི། །གཅོད་འབྲལ་བསམ་པ་སྤྱོད་བྱེད་ཡིད། །དེ་ཡི་སྐྱོན་དང་ཡོན་ཏན་དག །འཛིན་པ་སེམས་ཀྱི་གབ་རྩེར་གྲགས། །རྩི་ཐབས་བསྡུ་ན་རྣམ་པ་དགུ། །ཁམས་༡ལོ་༢སྨེ་བ་༣སྤར་ཁ་༤དང་། །ཟླ་༥ཞག་༦དུས་ཚོད་༧གཟའ་༨སྐར་༩རོ། །དང་པོ་ཁམས་ནི་ཀེག་ཤིང་དང་། །ཇི་མེ་ཀུང་ས་ཤང་ལྕགས་ཏེ། །འུ་ཆུ་རུས་ཆེན་ལྔ་རུ་གྲགས། །དེ་དག་སོ་སོའི་ངོས་འཛིན་ཡང་། །སྐད་འགགས་གྲེ་བ་འདར་ཀེག་ཤིང་། །སོ་བར་སྒྲ་འདོན་ཇི་མེ་སྟེ། །ལྟེ་ཁུང་དབུགས་སྡུད་ཀུང་ས་དང་། །ཁ་གདངས་ལྕེ་འཕྱར་སྣ་ནས་དབུགས། །འོང་བ་དེ་ནི་ཤང་ལྕགས་ཁམས། །མཆུ་སྡུད་མཆུ་འཛུམ་འུ་ཆུར་བཤད། །ཁམས་ལོ་སྦྱར་བའི་མཐུན་སྡེབས་ནི། །ཤིང་ཁམས་ཀེག་ལ་དཔེར་མཚོན་ན། །སྟག་ཡོས་བྱུང་ན་དབང་ལོ་སྟེ། །བྱི་ཕག་མ་ལ་རྟ་སྦྲུལ་བུ། །ཁྱི་འབྲུག་གྲོགས་ལ་བྱ་སྤྲེལ་དགྲ། །ལུག་ནི་ཆད་ཆེན་ཆད་ཆུང་གླང་། །དབང་གཟའ་ཕུར་བུ་དབང་སྐར་ནི། །ཤར་སྐར་དྲུག་ཡིན་ཀུན་ལ་འགྲེ། །གཉིས་པ་ལོ་འགྲོས་བཅུ་གཉིས་ཏེ། །འབྱུང་རྩིས་ཐོག་མར་གསུངས་པའི་ཚེ། །ཐེ་སེ་བྱང་སྨད་བྱི་བའི་སྟེང་། །གནས་ཕྱིར་བྱི་བ་ལོ་མགོར་བཞག །དེ་ནས་གླང་སྟག་ཡོས་འབྲུག་སྦྲུལ། །རྟ་ལུག་སྤྲེའུ་བྱ་ཁྱི་ཕག །ཕོ་ལོ་མོ་ལོའི་དབྱེ་བ་ནི། །བྱི་སྟག་འབྲུག་རྟ་སྤྲེལ་ཁྱི་ཕོ། །གླང་ཡོས་སྦྲུལ་ལུག་བྱ་ཕག་མོ། །རེ་རེའང་དབང་ཐང་ལྔ་ལྔ་རུ། །ཕྱེ་བས་ལོ་རྒན་དྲུག་ཅུར་འགྱུར། །དེ་རྣམས་གནས་ལུགས་ཕྱོགས་བསྟན་པ། །ཤར་སྟོད་སྟག་ལ་ཤར་སྨད་ཡོས། །ཤར་ལྷོ་མཚམས་ན་འབྲུག་སྡེ་ལྔ། །ལྷོ་སྟོད་སྦྲུལ་ལ་ལྷོ་སྨད་རྟ། །ལྷོ་ནུབ་མཚམས་ན་ལུག་གནས་སོ། །ནུབ་སྟོད་སྤྲེའུ་ནུབ་སྨད་བྱ། །ནུབ་བྱང་ཁྱི་ཡི་གནས་ལུགས་ཡིན། །བྱང་སྟོད་ཕག་ལ་བྱང་སྨད་བྱི། །བྱང་ཤར་མཚམས་ན་གླང་སྡེ་ལྔ། །ཀུན་ལའང་སྲོག་ལུས་དབང་ཀླུང་བཞི། །སྲོག་ནི་གནས་ཕྱོགས་འབྱུང་བ་

― MLP007_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། །སྟག་ཡོས་སྲོག་ཤིང་རྟ་སྦྲུལ་མེ། །བྱ་སྤྲེལ་ལྕགས་ལ་བྱི་ཕག་ཆུ། །གླང་ལུག་ཁྱི་འབྲུག་བཞི་སྲོག་ས། །སྲོག་གི་མ་ནི་བླ་རུ་གྲགས། །སྲོག་དང་དབང་ཐང་གཅིག་པ་སྟེ། །ཁ་ཡན་ཡིན་ཏེ་དབང་ཐང་ནི། །སྲོག་གི་མར་སོང་ཁོང་ནོང་ལོ། །དབང་ཐང་བུར་གྱུར་སེ་ཤིག་དང་། །དབང་ཐང་གྲོགས་གྱུར་ཁ་རལ་ཏེ། །དབང་ཐང་དགྲ་གྱུར་འདུན་ཁུར་རོ། །དེ་ནས་ལུས་ཀྱི་ལྡེ་མིག་ནི། །སྟག་ཡོས་བྱ་སྤྲེལ་ཁཾ་ནས་ཆུ་རྩི། །གླང་ལུག་རྟ་བྱི་ཟིན་ཤིང་ནས་རྩི། །ཁྱི་འབྲུག་ཕག་སྦྲུལ་དྭ་ནས་ལྕགས་རྩི། །ལྕགས་ཆུ་མེ་ས་ཤིང་དུ་བགྲང་། །དབང་ཐང་ལུས་གཉིས་བབས་ས་བསྟུན། །དེ་ལྟར་ལོ་འགྲོས་དྲུག་ཅུ་ཡི། །ཁྱིམ་མཚེས་སོ་སོ་ལུས་ཀྱི་ཁམས། །གཅིག་ཕྱིར་ཁ་སྲོག་སུམ་ཅུར་གྲགས། །དབང་ཐང་ལྡེ་མིག་བསྟན་པ་ནི། །ཕོ་ལོ་གནམ་ལོར་ཤར་བའི་ཚེ། །གཅིག་བཅུ་རང་ལ་གཉིས་གསུམ་མ། །བཞི་ལྔ་དགྲ་ལ་དྲུག་བདུན་གྲོགས། །བརྒྱད་དགུ་བུ་རུ་ཤེས་པར་བྱ། །མོ་ལོ་གནམ་ལོར་ཤར་བའི་ཚེ། །གཅིག་གཉིས་རང་ལ་གསུམ་བཞི་མ། །ལྔ་དྲུག་དགྲ་ལ་བདུན་བརྒྱད་གྲོགས། །དགུ་དང་བཅུ་ནི་བུ་ཡིན་ཏེ། །ལོ་རྒན་དྲུག་ཅུའི་ཕོ་མོ་གཉིས། །སྦྲགས་མ་རེ་རེ་དབང་ཐང་གཅིག །དེ་ཕྱིར་བུ་འདེད་སུམ་ཅུར་འགྱུར། །དེ་ནས་ཀླུང་རྟའི་ལྡེ་མིག་ནི། །སྟག་རྟ་ཁྱི་གསུམ་ཀླུང་སྤྲེལ་ལྕགས། །བྱི་འབྲུག་སྤྲེལ་གསུམ་ཀླུང་སྟག་ཤིང་། །བྱ་གླང་སྦྲུལ་གསུམ་ཀླུང་ཕག་ཆུ། །ཕག་ལུག་ཡོས་གསུམ་ཀླུང་སྦྲུལ་མེ། །དེ་དག་མཐུན་གསུམ་སྡེབས་པ་སྟེ། །འབྱུང་བ་ས་ཡི་ཀླུང་རྟ་མེད། །དེ་ལྟར་སྲོག་ལུས་དབང་ཀླུང་སྟེང་། །རང་ཀླུང་སྐྱེས་པའི་སྨེ་བ་དང་། །མ་ཀླུང་སྐྱེས་པའི་སྤར་ཁ་བསྣན། །དྲུག་དྲུག་དག་ཏུ་རྩི་བའང་ཡོད། །ལོ་ལའང་དཀྱུས་ལྡོག་རྣམ་པ་གཉིས། །དཀྱུས་མ་ཤིང་བྱི་ཤིང་གླང་དང་། །མེ་སྟག་ལ་སོགས་བུ་འདེད་ཀྱིས། །རིམ་བཞིན་ཆུ་ཕག་བར་དུ་སྦྱར། །ལྡོག་པ་ལོ་ཡི་སྐོར་འགོ་ནི། །སྐྱེས་པ་བུ་ལྔ་སྟག་ནས་སྦུབ། །བུད་མེད་མ་ལྔ་སྤྲེའུ་ནས། །གྱེན་དུ་བཀན་ལ་ལོ་གྲངས་བགྲང་། །དཔེར་ན་ཤིང་ཕོ་བྱི་བ་ལ། །ཕོ་ནི་མེ་སྟག་མོ་ཆུ་སྤྲེལ། །སྐོར་འགོ་བྱས་ནས་གྱེན་ཐུར་རྩི། །གང་བབས་དམིགས་བཟུང་འགྲེལ་པ་ལྟ། །ཕོ་ཁྱི་གནམ་སྒོ་ཕག་ས་སྒོ། །མོ་གནམ་འབྲུག་ལ་ས་སྒོ་སྦྲུལ། །གླང་ལུག་གཉིས་ནི་ཕུང་གྱོད་ལྔ། །བྱ་སྤྲེལ་གཉིས་

― MLP007_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་བྱེ་བྲལ་ལྔ། །བྱི་རྟ་གཉིས་ནི་རུ་ཆོད་ལྔ། །སྟག་ཡོས་གཉིས་ནི་འབྱོར་པ་ལྔ། །ཡར་ལྔ་བགྲངས་པ་འཇུ་ཐག་སྟེ། །མར་ལྔ་ས་ཡི་རྟེན་ཕུར་ཡིན། །ཡར་བརྒྱད་བགྲངས་པ་གནམ་བརྒྱངས་ལ། །མར་བརྒྱད་བགྲངས་པ་ས་བརྒྱངས་ཡིན། །རང་གི་ལོག་མེན་སྲོག་དབང་གཉིས། །རང་ལོའི་སྲོག་དབང་གཉིས་ཀ་ཡི། །དགྲ་རུ་གྱུར་ཚེ་ཕོ་ལོ་དང་། །མོ་ལོ་སོ་སོ་ཕན་ཚུན་དུ། །རང་བདུད་ཆད་ཅིང་གཞན་བླ་འཁྱམས། །དཔེར་ན་ལོག་མེན་ཤིང་སྟག་ལ། །ས་ཁྱི་ས་འབྲུག་བདུད་གཅོད་དང་། །ས་ཡི་གླང་ལུག་བླ་འཁྱམ་མོ། །དེ་བཞིན་ལོག་མེན་ཤིང་ཡོས་ཚེ། །ས་གླང་ས་ལུག་བདུད་ཆད་ཅིང་། །ས་ཡི་ཁྱི་འབྲུག་བླ་འཁྱམས་འགྱུར། །དེ་ཡིས་ཀུན་ལ་འགྲེ་བར་བྱ། །ཤིང་གིས་ཕ་ཁུ་མེས་གསུམ་བརྩི། །མེ་ཡིས་བུ་ཚ་མ་སྨད་བརྩི། །ས་ཡིས་ས་ཞིང་ཡུལ་མཁར་བརྩི། །ལྕགས་ཀྱིས་ཞང་ཉེ་ནོར་དང་གྲོགས། །ལྷ་དང་སྲུང་མ་བརྩི་བར་བྱ། །ཆུ་ཡིས་གཉེན་ལམ་མཐའ་བཞི་བརྩི། །དེ་ལས་གཞན་ཡང་བཤད་པར་བྱ། །གཅིག་པ་རང་ཀེག་གཉིས་ནང་དགྲ། །གསུམ་པ་བྱེ་བྲལ་བཞི་བཞི་གཤེད། །ལྔ་པ་ལྔ་མཐུན་དྲུག་དྲུག་འགྲས། །བདུན་པ་བདུན་ཟུར་ཤེས་པར་བྱ། །ཡར་གྱི་བཞི་གཤེད་ན་རེས་དང་། །མར་གྱི་བཞི་གཤེད་འཆི་རེས་ཏེ། །དེ་ལ་ལོ་སྐར་ཆེ་བའང་ཟེར། །དེ་ཡི་བདུན་ཟུར་སྐར་ཆུང་ཡིན། །དཔེར་ན་བྱི་བ་ལོ་པ་ཡི། །གནམ་ལོ་ཡོས་ཤར་སྐར་ཆེན་ཏེ། །བྱ་ཤར་སྐར་ཆུང་གཞན་དུ་ན། །ཕྱི་ཡི་རོ་འདོད་ཆེ་ཆུང་ཟེར། །དེ་ཡིས་ཀུན་ལ་འགྲེ་བར་བྱ། །མེ་དང་ཆུ་ཡི་སྟག་སྦྲུལ་དང་། །ཤིང་ལྕགས་མེ་སྤྲེལ་མེ་ལྕགས་བྱ། །ལྕགས་ཆུ་ཤིང་ཕག་མེའི་བྱི་བ། །དེ་རྣམས་ནག་འཐུས་ལོ་རུ་གྲགས། །སྟག་ནས་བྱའི་བར་མེ་བརྒྱད་དང་། །ཁྱི་ནས་གླང་བར་ལྕགས་བཞིའི་ལོ། །ལྕགས་ཀྱི་བྱ་ཁྱི་ས་གླང་འབྲུག །མེ་སྤྲེལ་ཆུ་སྦྲུལ་སྐར་ཆུང་དྲུག །མེ་ཆུའི་སྟག་དང་ལྕགས་ཆུ་སྦྲུལ། །ཆུ་ཤིང་སྤྲེའུ་ཤིང་ཕག་རྣམས། །གདུག་པ་ཅན་གྱི་ལོ་བདུན་ནོ། །མེ་སྦྲུལ་ཆུ་ཡི་བྱ་ཕག་དང་། །ཤིང་བྱ་ལྕགས་ཀྱི་ཕག་ལུག་སྟེ། །ས་བྱ་བདུན་ནི་ལྟས་ངན་ལོ། །ས་འབྲུག་ལྕགས་ལུག་ས་སྤྲེལ་དང་། །ལྕགས་བྱ་ལྕགས་ཁྱི་མེ་མོ་ཕག །མེ་གླང་ཐན་པ་ལོ་བདུན་ནོ། །མེ་རྟ་ཆུ་བྱིའི་ལོ་གཉིས་ལ། །གནམ་སའི་བྱ་ར་ཞེས་སུ་གྲགས། །ལྕགས་བྱི་ནས་བཟུང་

― MLP007_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་༡༢ཕག་བར། །ཐན་སྐྱེས་ལོ་ནི་བཅུ་གཉིས་སོ། །ལྕགས་གླང་ཤིང་ལུག་མེ་ཁྱི་དང་། །ཆུ་འབྲུག་དུར་མི་ནག་པོ་བཞི། །ཆུ་ཡི་སྟག་སྦྲུལ་ལྕགས་སྤྲེལ་གསུམ། །ལྡིང་ནག་བུ་གསུམ་བྱ་བ་ཡིན། །སྨེ་བ་གཉིས་ནག་ལ་སྐྱེས་པའི། །སྟག་སྤྲེལ་ཕག་སྦྲུལ་ལོ་བཞི་ལ། །ལོ་ནག་མཆེ་བ་ཅན་དུ་གྲགས། །ཆུ་ཡི་བྱི་རྟ་བྱ་ཡོས་བཞི། །ས་ཡི་ཕག་འབྲུག་བྱ་དང་ཡོས། །མེ་འབྲུག་མེ་བྱ་ཆུ་གླང་རྣམས། །སྲིན་ཁྱེར་ལོ་ནི་བཅུ་གཅིག་ཡིན། །མེ་རྟ་ཆུ་བྱ་ཤིང་ཡོས་དང་། །ལྕགས་བྱ་ཐེར་འདྲེ་མི་བཞི་ཡིན། །སྨེ་ཕྲེང་དང་པོའི་ཤིང་གླང་དང་། །བར་པའི་ས་སྦྲུལ་ཤིང་ཕོ་ཁྱི། །འོག་མའི་ཆུ་ལུག་སའི་བྱི་ཕག །ཤིང་ལུག་ལྕགས་བྱི་རྣམ་པ་བརྒྱད། །འབྱུང་བ་ལྔ་ལྡན་ལོ་ཡིན་ནོ། །སྨེ་ཕྲེང་དང་པོའི་མེ་ཡོས་དང་། །ཆུ་བྱ་ས་ལུག་ལྕགས་སྤྲེལ་བཞི། །བར་པའི་ཆུ་སྦྲུལ་འོག་མ་ཡི། །མེ་ཡོས་ལྕགས་སྟག་ལྕགས་ཁྱི་གཉིས། །ཆུ་ཡི་བྱི་ཕག་བཅུ་པོ་ནི། །འབྱུང་བ་གཉིས་ལྡན་ལོ་ཡིན་ནོ། །ལྕགས་སྤྲེལ་ལྕགས་ཕག་མེ་འབྲུག་སྦྲུལ། །ས་ལུག་ལྕགས་ཁྱི་ཤིང་སྦྲུལ་དང་། །མེ་བྱ་ཡུགས་ས་ལོ་བརྒྱད་དོ། །ཤིང་སྟག་ལྕགས་སྤྲེལ་མེ་ཕོ་སྟག །ཆུ་ཡི་སྟག་སྦྲུལ་ཕག་སྤྲེལ་བཞི། །ས་ཁྱི་དྭ་ཕྲུག་ལོ་བརྒྱད་དོ། །ཐ་ཆུང་ལོ་བཞི་ར་རུ་དང་། །ར་བ་བཞི་ནི་བསེ་རུ་སྟེ། །འབྲིང་པོ་བཞི་ལ་འཆོལ་བུར་གྲགས། །གསུམ་པ་སྨེ་བ་དགུ་ཡིན་ཏེ། །གཅིག་དཀར་གཉིས་ནག་གསུམ་མཐིང་དང་། །བཞི་ལྗང་ལྔ་སེར་དྲུག་དཀར་དང་། །བདུན་དམར་བརྒྱད་དཀར་དགུ་དམར་ཏེ། །ལྷ་བདུད་བསེན་མོ་ཀླུ་ས་བདག །རྒྱལ་བཙན་ལྷ་དང་མ་མོ་ཡི། །མེ་ལོང་ཞེས་པ་རིམ་བཞིན་སྦྱར། །དཀར་༡གསུམ་༦ལྕགས་༨ལ་ནག་༢མཐིང་༣ཆུ། །བཞི་ལྗང་༤ཤིང་ལ་ལྔ་༥སེར་ས། །དགུ་༩དམར་བདུན་༧དམར་མེ་ཡིན་ནོ། །བརྒྱད་དཀར་གཉིས་ནག་ལྔ་སེར་གསུམ། །སྟག་སྤྲེལ་ཕག་སྦྲུལ་བཞི་ལ་དབང་། །བདུན་དམར་བཞི་ལྗང་གཅིག་དཀར་གསུམ། །བྱི་རྟ་བྱ་ཡོས་བཞི་ལ་དབང་། །དགུ་དམར་དྲུག་དཀར་གསུམ་མཐིང་གསུམ། །གླང་ལུག་ཁྱི་འབྲུག་བཞི་ལ་དབང་། །དེ་ཡང་ལོ་རྒན་དྲུག་ཅུ་ལ། །སྲོག་ལུས་དབང་ཐང་དབྱེ་བ་ཡི། །སྨེ་བ་དྲུག་ཅུ་ཚན་གསུམ་སྟེ། །བརྒྱ་དང་བརྒྱད་ཅུ་ཐམ་པ་འབྱུང་། །དེ་ཕྱིར་བརྒྱད་ཅུ་སྐོར་ཞེས་གྲགས། །སྨེ་ཕྲེང་གོང་མའི་གཅིག་དཀར་

― MLP007_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །དྲུག་ཅུ་གྲངས་ལྡོག་ལྔ་རུ་ཟད། །དེ་ནས་བར་པའི་བཞི་ལ་བགྲོངས། །བརྒྱད་ཟད་འོག་མའི་བདུན་ལ་འཁོར། །དེ་ཡི་ཐ་མ་གཉིས་སུ་ཟད། །སླར་ཡང་སྨེ་ཕྲེང་གོང་མ་ཡི། །ཕོ་བྲང་དང་པོའི་གཅིག་ལ་འཁོར། །དེ་ལྟར་བསྐལ་པའི་བར་དུ་ཡང་། །ཆད་ལྷག་མེད་པར་འཁོར་བ་ཡིན། །དེ་ཡང་ཡར་བཞི་སྲོག་སྨེ་སྟེ། །མར་བཞི་དབང་སྨེ་གང་སྐྱེས་ལུས། །མཐུན་གསུམ་ཀླུང་རྟའི་སྲོག་སྨེར་སྦྱར། །དཔེར་ན་ད་ལྟའི་ཤིང་བྱི་ཡི། །ལུས་སྨེ་གཅིག་དཀར་ལ་བབས་དུས། །ཡར་བཞི་བདུན་དམར་སྲོག་སྨེ་དང་། །མར་བཞི་བཞི་ལྗང་དབང་སྨེ་སྟེ། །ཀླུང་སྨེ་ཤིང་སྟག་སྲོག་སྨེར་སྦྱར། །དེ་དག་གླིང་དགུ་ལས་འཚོལ་ན། །སྐྱེས་པའི་སྨེ་བ་དབུས་བཞག་པས། །སྲོག་ནི་ལྷོ་ནུབ་མཚམས་ན་གནས། །དབང་ཐང་བྱང་ཤར་ལུས་ནི་དབུས། །བསྐོར་སྨེ་ཁྲ་བོ་གླིང་དགུ་སྟེ། །ལྔ་སེར་༥རུས་སྦལ་ལྟོ་ལ་གབ། །ལི་ལ་དགུ་དམར་༩ཁོན་གཉིས་ནག །དྭ་ལ་བདུན་དམར་༧ཁེན་ལ་༦དྲུག །ཁམ་ལ་གཅིག་དང་གིན་བརྒྱད་དཀར༨། །ཟིན་མཐིང་༣ཟོན་ལ་བཞི་ལྗང་༤སྟེ། །གོ་རིམ་ཇི་བཞིན་བྱ་འཕུར་ནི། །དབུས་ནས་གནམ་ལྕགས་རི་བོ་དང་། །མེ་ཆུ་ས་ཤིང་རླུང་ནས་དབུས། །སྐྱེས་སྨེ་དབུས་བྱས་བྱ་འཕུར་ལྟར། །བརྒྱད་བརྒྱད་ཀྱིས་བསྐོར་དགུ་ཚན་དགུ། །གཅིག་བཅུ་བཅུ་དགུ་ཉེར་བརྒྱད་དང་། །སོ་བདུན་ཞེ་དྲུག་ང་ལྔ་སྟེ། །རེ་བཞི་དོན་གསུམ་གྱ་གཉིས་དང་། །གོ་གཅིག་རྣམས་ལ་དབུས་སུ་འཚོག །སྐོར་ལུགས་དབུས་ནས་ཤར་དུ་ཐོན། །ཕོ་ལོ་དྲུག་པོ་གཡོན་སྐོར་དང་། །མོ་དྲུག་གཡས་སྐོར་དུ་ལོན་བགྲང་། །རང་རང་རྒྱབ་ནས་དབུས་སུ་འཇུག །སླར་ཡང་དབུས་ནས་བྱ་འཕུར་གྱིས། །གང་བབས་སྨེ་བ་ངོས་བཟུང་བྱ། །སྐྱེས་སྨེ་བདེ་བླག་འཚོལ་འདོད་ན། །གནམ་ལོའི་སྨེ་བ་དབུས་བཞག་ནས། །བྱ་འཕུར་ཁོ་ནས་སྨེ་བ་རེར། །བཅུ་ཚན་རེ་རེ་བགྲང་བྱ་ཞིང་། །བཅུ་ཁ་མ་ལོངས་རེ་རེ་རྩི། །ཡང་ན་དབུས་འཚོག་ལོ་ལོངས་དང་། །ད་ལྟའི་གནམ་ལོའི་སྨེ་བ་སྤྲད། །དེ་ནས་དབུས་འཚོག་མ་ལོངས་པའི། །ལོ་གྲངས་གནམ་ལོའི་སྨེ་བ་ནས། །བཟུང་སྟེ་ལུགས་འབྱུང་བགྲངས་པའི་གྲངས། །གང་བབས་སྐྱེས་སྨེར་ཐེ་ཚོམ་མེད། །གཞན་ཡང་ར་བསེ་ལ་སོགས་བཤད། །མེ་ལྕགས་ཆུ་གསུམ་ར་རུ་དང་། །ས་ཤིང་གཉིས་པོ་བསེ་རུ་སྟེ། །

― MLP007_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་མཐིང་དམར་གཉིས་སྟེང་བབས་ན། །བར་གྱི་རོ་འདོད་ཅེས་སུ་བཤད། །གཅིག་དཀར་ལ་སོགས་རིམ་པ་བཞིན། །བྱིས་༡པ་སྐྱེས་དར་༢ཤར་པོ་དང་༣། །ཡུགས་ས་༤བན་༥བོན་༦བུད་མེད་༧དང་། །ཞང་༨བློན་དང་ནི་བཙད་༩པོ་ལ། །ངན་པས་གཉིས་ནག་ཅེས་སུ་བཏགས། །གནམ་སྒོ་ཕོ་དྲུག་མོའི་གཅིག་དཀར། །ས་སྒོ་ཕོའི་གཉིས་མོའི་བཞི་ལྗང་། །ར་བ་བཞི་པོ་གཅིག་དཀར་ཚེས། །འབྲིང་པོ་བཞི་ལ་བཞི་ལྗང་ཚེས། །ཐ་ཆུང་བཞི་ལ་བདུན་དམར་ཚེས། །རིམ་པར་དེད་པས་ཚེས་ལ་འཁོར། །ཉིན་མཚན་དུས་གཉིས་ཐོག་མ་ལ། །ཚེས་སྨེ་སྦྱར་ནས་དེད་པ་ཡིས། །ཉིན་དགུ་མཚན་དགུ་དུས་ལ་འཆར། །བཞི་པ་སྤར་ཁ་བརྒྱད་ཡིན་ཏེ། །ལྷོ་ནས་གཡས་བསྐོར་རིམ་པ་བཞིན། །ལི་མེ་ཁོན་ས་དྭ་ལྕགས་དང་། །ཁེན་གནམ་ཁམ་ཆུ་གིན་རི་དང་། །ཟིན་ཤིང་ཟོན་རླུང་སྤར་ཁ་བརྒྱད། །མཁའ་རི་རླུང་ཡང་སར་བྱས་པས། །མདོ་དོན་འབྱུང་བ་ལྔ་རུ་འགྱུར། །སྐྱེས་པ་ལི་ནས་ཁོན་ཕྱོགས་བསྐོར། །བུད་མེད་ཁམ་ནས་ཁེན་ཕྱོགས་བསྐོར། །བཅུ་ཁ་མ་ལོངས་རེ་རེ་སྟེ། །བཅུ་ཁ་ལོངས་ནས་ཟུར་ལ་མཆོངས། །སྤར་ཁའི་བཟང་བཞི་ངན་བཞི་ནི། །ལི་ཁམ་གཉིས་དང་ཁེན་ཁོན་གཉིས། །དྭ་གིན་གཉིས་དང་ཟིན་ཟོན་གཉིས། །ཕན་ཚུན་གནམ་སྨན་རབ་ཀྱི་རབ། །ལི་ཟིན་ཁམ་ཟོན་དྭ་ཁེན་དང་། །གིན་ཁོན་གཉིས་གཉིས་ཕན་ཚུན་དུ། །སྲོག་འཚོ་གནས་པ་རབ་ཀྱི་འབྲིང་། །རླུང་མེ་ས་ལྕགས་རི་གནམ་དང་། །ཆུ་ཤིང་ཕན་ཚུན་གཅིག་གིས་གཅིག །བསྐྱེད་པ་དཔལ་བསྐྱེད་རབ་ཀྱི་ཐ། །ཕྱྭ་ལོན་རང་རང་ཕྱོགས་ན་སྟེ། །ཕྱེ་ན་ལྕགས་མེ་གནམ་རི་བཞི། །ཕྱྭ་ལོན་འབྲིང་རབ་ས་ཆུ་དང་། །ཤིང་རླུང་ཕྱྭ་གཡང་འབྲིང་གི་འབྲིང་། །མེ་རི་རླུང་གནམ་ལྕགས་ཆུ་དང་། །ཤིང་ས་གནོད་པ་འབྲིང་གི་ཐ། །ལྕགས་མེ་ས་རླུང་གནམ་ཤིང་དང་། །རི་ཆུ་འདྲེ་ལྔ་ཐ་མའི་རབ། །ལི་ཁེན་དྭ་ཟིན་ཁོན་ཁམ་དང་། །གིན་ཟོན་བདུད་གཅོད་ཐ་མའི་འབྲིང་། །གནམ་ཆུ་མེ་ས་རླུང་ལྕགས་དང་། །ཤིང་རི་ཕན་ཚུན་ལུས་ཆད་པ། །ཐ་མའི་ཐ་སྟེ་ངན་བཞིའོ། །ར་རུ་ཕྱོགས་བཞི་བསེ་རུ་མཚམས། །ཕོ་ལི་མོ་ཁམ་ལ་བབས་ན། །ནང་གི་རོ་འདོད་ཅེས་པར་གྲགས། །བལྟ་བའི་མིག་བཞི་བརྡུང་རྭ་བཞི། །བན་བཞི་བོན་བཞི་ལ་སོགས་པ། །འབྲས་བུའི་སྐབས་

― MLP007_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཤེས་པར་འགྱུར། །ཁེན་ལ་གནམ་སྒོ་ཁོན་ས་སྒོ། །དེ་ནི་སྤྱི་ཡིན་བྱེ་བྲག་ནི། །བརྩི་བྱའི་སྲོག་གི་མར་གྱུར་པའི། །སྤར་ཁ་ལ་བབས་གནམ་སྒོ་སྟེ། །བུ་ནི་ས་སྒོ་དགྲ་གཤེད་སྒོ། །བྱིས་པའི་སྐྱེས་སྤར་མ་ཀླུང་སྟེ། །དེ་ཉིད་བདེ་བླག་འཚོལ་འདོད་ན། །མ་ལོའི་སྟེང་ནས་བུ་ཡི་ལོས། །འཕྲི་ལྷག་སྟེང་དུ་གཅིག་བསྣན་པའི། །གྲངས་དེར་མ་ཡི་སྤར་ཁ་བསྐོར། །མ་དེ་གར་བབས་སྤར་ཁ་དེ། །བུ་དེ་སྐྱེས་པའི་སྤར་ཁ་ཡིན། །སྟག་རྟ་ཁྱི་གསུམ་ལི་ཡིས་ཚེས། །བྱི་འབྲུག་སྤྲེལ་གསུམ་ཁམ་གྱིས་ཚེས། །བྱ་གླང་སྦྲུལ་གསུམ་དྭ་ཡིས་ཚེས། །ཕག་ལུག་ཡོས་གསུམ་ཟིན་གྱིས་ཚེས། །རིམ་བཞིན་དེད་པས་ཚེས་ལ་འཆར། །གང་ཚེས་ཉིན་མཚན་ཐོག་མ་ནས། །ཉིན་བརྒྱད་མཚན་བརྒྱད་དུས་ལ་སྦྱར། །ལྔ་པ་ཟླ་བ་བཅུ་གཉིས་ཏེ། །དཔྱིད་ཟླ་ར་བ་བཅུ་གཅིག་སྟག །བཅུ་གཉིས་དཔྱིད་འབྲིང་ཡོས་སུ་རྩི། །ཟླ་བ་དང་པོ་དཔྱིད་ཐ་འབྲུག །དེ་བཞིན་དབྱར་ར་གཉིས་པ་སྦྲུལ། །དབྱར་འབྲིང་གསུམ་པ་རྟའི་ཟླ་བ། །བཞི་པ་དབྱར་ཟླ་ཐ་ཆུང་ལུག །ལྔ་པ་སྟོན་ཟླ་ར་བ་སྤྲེལ། །དྲུག་པ་སྟོན་འབྲིང་བྱའི་ཟླ་བ། །བདུན་པ་སྟོན་ཟླ་ཐ་ཆུང་ཁྱི། །བརྒྱད་པ་དགུན་ཟླ་ར་བ་ཕག །དགུན་འབྲིང་དགུ་པ་བྱི་བའོ། །བཅུ་པ་དགུན་ཟླ་གླང་དུ་འདོད། །དགུན་ཉི་དཔྱིད་ར་སྟག་ལ་ལྡོག །མགོ་ཡིས་ཉ་ན་ཟླ་བཤོལ་མེད། །དབྱར་ཉི་སྟོན་ར་སྤྲེའུར་ལྡོག །སྣྲོན་གྱིས་ཉ་ན་ཟླ་བཤོལ་མེད། །ཞིབ་པར་སྒང་བཤོལ་ཚིགས་དང་སྦྱོར། །དྲུག་པ་ཚེས་གྲངས་ཟླ་གཅིག་ལ། །ཞག་ནི་སུམ་ཅུ་ཐམ་པ་ཡོད། །ཕོ་ཟླ་དྲུག་པོ་སྟག་གིས་ཚེས། །མོ་ཟླ་དྲུག་པོ་སྤྲེའུས་ཚེས། །ཚེས་གཅིག་བཅུ་གསུམ་ཉེར་ལྔ་ལ། །གང་ཚེས་དེ་ཡི་ཉི་མ་འཆར། །ཕོ་ཟླ་འབྲུག་ཉ་སྟོང་ལ་ལུག །མོ་ཟླ་ཁྱིས་ཉ་སྟོང་ལ་གླང་། །ཞག་རེ་ལོ་འགྲོས་རེ་རེ་ཞིང་། །རིམ་པར་སྦྱར་བས་ཆད་ལྷག་མེད། །བདུན་པ་དུས་ཚོད་ཞག་རེ་ཞིང་། །ཉིན་དྲུག་མཚན་དྲུག་རྣམ་པར་བཞག །ནམ་ལངས་ཡོས་ལ་ཉི་ཤར་འབྲུག །ཉི་དྲོས་སྦྲུལ་ལ་ཉིན་ཕྱེད་རྟ། །ཕྱེད་ཡོལ་ལུག་ལ་ཉི་མྱུར་སྤྲེལ། །ཉི་ནུབ་བྱ་ལ་ས་སྲོད་ཁྱི། །སྲོད་འཁོར་ཕག་ལ་ནམ་ཕྱེད་བྱི། །ཕྱེད་ཡོལ་གླང་ལ་ཐོ་རངས་སྟག །ལོ་ཟླ་ཞག་དུས་དེ་དག་གི། དབང་ཐང་ལོ་ཟླ་ཉིས་སྦྲག་ལ། །ཞག་དང་དུས་ཚོད་རྐྱང་པར་འདེད། །གནམ་ལོ་མ་ལ་ཟླ་བ་བུ། །

― MLP007_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་མ་ལ་ཞག་ནི་བུ། །ཞག་ནི་མ་ལ་དུས་ཚོད་བུ། །ཟླ་ཞག་དུས་ཀྱི་དབང་ཐང་རྣམས། །བདེ་བླག་བརྟག་པའི་མན་ངག་ནི། །གནམ་ལོའི་དབང་ཐང་གང་ཡིན་དེའི། །སྟག་ཡོས་བྱི་གླང་བུ་ཡིན་ལ། །འབྲུག་སྦྲུལ་གྲོགས་ལ་རྟ་ལུག་དགྲ། །བྱ་སྤྲེལ་མ་ལ་ཁྱི་ཕག་རང་། །ཟླ་བ་དེ་ཉིད་གཞིར་བྱས་ཏེ། །ཟླ་རེའི་ཞག་པོ་སུམ་ཚན་བཅུའི། །གཅིག་དྲུག་བུ་ལ་གཉིས་བདུན་གྲོགས། །གསུམ་བརྒྱད་དགྲ་ལ་བཞི་དགུ་མ། །ལྔ་བཅུ་རང་ཡིན་ཞག་དེ་ཡི། །དུས་ཚོད་ཡོས་སྤྲེལ་གླང་གསུམ་བུ། །འབྲུག་བྱ་སྟག་གསུམ་གྲོགས་ཡིན་ཏེ། །སྦྲུལ་ཁྱི་དགྲ་ལ་རྟ་ཕག་མ། །ལུག་དང་བྱི་བ་རང་ཡིན་ནོ། །དེ་དག་རྣམས་ཀྱི་སྲོག་ལུས་དང་། །ཀླུང་རྟ་གསུམ་པོ་ལོ་བཞིན་བརྩི། །བརྒྱད་པ་གཟའ་ནི་བརྒྱད་ཡིན་ཏེ། །ཉི་ཟླ་དམར་ལྷག་ཕུར་སངས་སྤེན། །རཱ་ཧུ་ལ་དང་བརྒྱད་དུ་འདོད། །ཉི་མ་མིག་དམར་མེ་ཡིན་ལྷོ། །ཟླ་བ་ལྷག་པ་ཆུ་ཡིན་བྱང་། །ཕུར་ཤིང་ཤར་ཏེ་སངས་ལྕགས་ནུབ། །སྤེན་པ་ས་ཡིན་མཚམས་ལ་དབང་། །རཱ་ཧུ་སྤྱི་ཁྱབ་འབྱུང་ལྔ་ཚང་། །སྟག་རྟ་ཁྱི་གསུམ་སྤེན་པས་ཚེས། །བྱི་འབྲུག་སྤྲེལ་གསུམ་དམར་པོས་ཚེས། །ཕག་ལུག་ཡོས་གསུམ་ཟླ་བས་ཚེས། །བྱ་གླང་སྦྲུལ་གསུམ་ཕུར་བུས་ཚེས། །གང་ཚེས་དེ་དར་བུ་ཡང་དར། །མ་ཞུད་དགྲ་གྱོད་གྲོགས་ནི་གུད། །ཚེས་གཅིག་བརྒྱད་དང་བཅོ་ལྔ་དང་། །ཉེར་གཉིས་ཉེར་དགུར་གང་ཚེས་འཆར། །གཞན་ཡང་བཏགས་པའི་གཟའི་བྱེ་བྲག །ཕྱི་གཟའ་ནང་གཟའ་བར་གཟའ་གསུམ། །ཕྱི་གཟའ་ལོ་རྒན་དྲུག་ཅུ་ཡི། །ས་ལྕགས་ལོ་རྣམས་སྤེན་པ་དང་། །ཤིང་ལོ་ཕུར་བུ་མེ་མིག་དམར། །ཆུ་ལོ་བཅུ་གཉིས་ལྷག་པའོ། །འདི་ལ་དམར་ཆུང་སྟག་མགོ་ལས། །ཕུར་སྤེན་གོ་ལྡོག་སྦྱར་བ་ཡོད། །བར་གཟའ་ལོ་འགྲོས་བཅུ་གཉིས་ཀྱི། །བྱི་འབྲུག་སྤྲེལ་གསུམ་ལོ་མིག་དམར། །བྱ་གླང་སྦྲུལ་གསུམ་ཕུར་བུ་དང་། །སྟག་རྟ་ཁྱི་གསུམ་སྤེན་པ་སྟེ། །ཕག་ལུག་ཡོས་གསུམ་ལྷག་པའོ། །ནང་གཟའ་སྤར་ཁ་བརྒྱད་ཡིན་ཏེ། །ལི་ཁམ་ཕོ་སྤེན་མོའི་མིག་དམར། །དྭ་ཟིན་ཕོའི་དམར་མོའི་སྤེན་པ། །ཁེན་ཟོན་ཕོའི་ཕུར་མོའི་ལྷག་པ། །གིན་ཁོན་ཕོའི་ལྷག་མོའི་ཕུར་བུ། །དགུ་པ་སྐར་མ་ཉི་ཤུ་བརྒྱད། །སྨིན་དྲུག་སྣར་མ་མགོ་དང་ལག །ནབས་སོ་རྒྱལ་ཤར་སྐག་ཤར་ལྷོ། །མཆུ་གྲེ་དབོ་དང་མེ་བཞི་

― MLP007_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ནག །ས་རི་ལྷོ་སྐར་ས་ག་ནི། །ལྷོ་ནུབ་ཡིན་ཏེ་ལྷ་མཚམས་སྣྲོན། །སྣྲུབས་དང་ཆུ་སྟོད་ཆུ་སྨད་དང་། །གྲོ་ཞུན་ནུབ་སྐར་བྱི་ཞུན་ནི། །ནུབ་བྱང་མཚམས་ཀྱི་སྐར་མ་ཡིན། །མོན་དྲེ་མོན་གྲུ་ཁྲུམས་སྟོད་སྨད། །ནམ་གྲུ་དབྱུག་གུ་བྱང་སྐར་ཏེ། །བྲ་ཉེ་བྱང་ཤར་མཚམས་སྐར་ཡིན། །ཤར་སྐར་དྲུག་ཤིང་ལྷོ་སྐར་མེ། །ནུབ་ལྕགས་བྱང་ཆུ་མཚམས་སྐར་ས། །སྐར་ཆུང་ཉི་ཤུ་རྩ་བདུན་ཡོད། །མགོ་ལག་བར་ན་སྐར་ཆུང་མེད། །དཔྱིད་ཟླ་ར་བ་ནས་བརྩམས་ཏེ། །མགོ་༡༡རྒྱལ་༡༢མཆུ་༡དབོ་༢ནག་པ་༣དང་། །ས་ག་༤སྣྲོན་༥དང་ཆུ་སྟོད་༦དང་། །གྲོ་ཞུན་༧ཁྲུམས་༨དབྱུག་༩སྨིན་དྲུག་༡༠རྣམས། །ཟླ་བ་བཅུ་གཉིས་ཉ་སྐར་ཏེ། །གང་ཉ་དར་བ་སྟོང་སྐར་གུད། །དེ་རྗེས་དར་གུད་དགུ་དུར་གསུམ། །དང་པོ་འབྱུང་བའི་དར་གུད་ནི། །ར་བ་བཞི་ནས་སྐོར་མགོ་བྱ། །དེ་ཡང་ཤིང་རྣམས་སྟོན་ར་སྤྲེལ། །མེ་རྣམས་དགུན་ཟླ་ར་བ་ཕག །ལྕགས་རྣམས་དཔྱིད་ར་སྟག་ནས་བཟུང་། །ས་ཆུ་དབྱར་ར་སྦྲུལ་ནས་བརྩམས། །དབུགས་ལེན་མངལ་གནས་ལུས་རྫོགས་གསུམ། །བཙས་པ་ཁྲུས་བྱེད་གོས་གྱོན་གསུམ། །ལས་བྱེད་དར་བ་གུད་པ་གསུམ། །ན་བ་ཤི་བ་དུར་ཞུགས་གསུམ། །གཡས་བསྐོར་རིམ་པར་བགྲངས་བྱས་ནས། །ལོ་ཟླ་ཞག་དུས་བཞི་ཡི་སྟེང་། །སྐབས་དང་སྦྱར་ཏེ་བཞག་པར་བྱ། །དར་བ་ལས་བྱེད་བཟང་པོའི་རབ། །ཁྲུས་བྱེད་གོས་གྱོན་བཟང་པོའི་འབྲིང་། །ལུས་རྫོགས་བཙས་པ་བཟང་པོའི་མཐའ། །དབུགས་ལེན་མངལ་གནས་ངན་པའི་རབ། །གུད་པ་ན་བ་ངན་པའི་འབྲིང་། །ཤི་བ་དུར་ཞུགས་ངན་པའི་ཐ། །དེ་དག་རྣམས་ཀྱང་རིམ་པ་བཞིན། །གཏེར་ཆེན་རྙེད་༡དང་རྒྱུན་རིང་བ༢། །བསམ་གྲུབ་༣གསོ་ཐུབ་༤བདེ་བ་ལྡན༥། །ལོངས་སྤྱོད་༦ཆེ་ཐོབ་སྐལ་ཟད་༧དང་། །བྱུར་ངན་༨ལྷུང་དང་བྱེ་བྲལ་༩དང་། །ཕུང་༡༠གྱོད་གཡང་༡༡ཉམས་རྒྱུན་༡༢ཆད་ཅེས། །དེ་ལྟར་བཟང་དྲུག་ངན་དྲུག་པོ། །སྲོག་ལུས་དབང་ཀླུང་ཀུན་ལ་སྦྱོར། །སྟག་ཡོས་ཟིན་དང་རྟ་སྦྲུལ་ལི། །བྱ་སྤྲེལ་དྭ་དང་ས་ཆུ་ཡི། །ལོ་དྲུག་ཁམ་ནས་དབུགས་བླངས་ཏེ། །བསྐོར་བ་སྤར་ཁའི་དར་གུད་ཡིན། །གཉིས་པ་དགུ་མིག་སྐོར་མགོ་ལ། །རྐྱང་སྦྲགས་སྤར་སྨེ་རུས་ཁམས་ལྔ། །དང་པོ་རྐྱང་པའི་དགུ་མིག་ནི། །ཕོ་ནི་རང་ལྔའི་བྱི་བ་དང་། །མོ་ནི་རང་ལྔའི་བྱ་ནས་བཟུང་། །

― MLP007_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་ཚན་གྱེན་བགྲང་གཤེད་བཞིར་སྡོད། །དེ་ཡང་དགུ་དང་བཅོ་བརྒྱད་དང་། །ཉེར་བདུན་སོ་དྲུག་ཞེ་ལྔ་དང་། །ང་བཞི་རེ་གསུམ་བདུན་ཅུ་གཉིས། །གྱ་གཅིག་རྣམས་ལ་དགུ་མིག་འབབ། །ཁྱད་པར་གནམ་ལོའི་མདུན་རྒྱབ་ཏུ། །དགུ་དུར་གཉིས་འཛོམས་རེ་རེ་ཡོད། །དེ་ཡང་སྟག་ཡོས་ལོ་པའི་ཕོ། །བཅོ་བརྒྱད་བུད་མེད་སོ་དྲུག་པ། །རྟ་སྦྲུལ་སྐྱེས་པ་སོ་དྲུག་དང་། །བུད་མེད་བཅོ་བརྒྱད་བྱ་སྤྲེལ་ནི། །ང་བཞི་ཕོ་ལ་དོན་གཉིས་མོ། །གཤེད་བཞི་བྱི་ཕག་བཅས་པ་ལ། །སྐྱེས་པ་དོན་གཉིས་མོ་ང་བཞིར། །དགུ་མིག་དུར་ཐོག་ཕྱིན་པས་ངན། །སྦྲགས་མ་འབྲིང་པོ་བཞི་ནས་བསྐོར། །ས་ཆུ་ལོ་དྲུག་བྱི་བ་ནས། །གྱེན་དུ་བགྲང་པས་འབྲུག་ལ་སྡོད། །དེ་བཞིན་སྟག་ཡོས་ཡོས་ནས་ལུག །རྟ་སྦྲུལ་རྟ་ནས་ཁྱི་ལའོ། །བྱ་སྤྲེལ་བྱ་ནས་གླང་ཐོག་སྡོད། །དེ་དག་གནམ་ལོ་གང་ཤར་དེའི། །མར་གྱི་ལྔ་ཐུན་ལོ་པར་འབྱུང་། །དེ་ཕྱིར་ལོ་དགུ་ཉེར་གཅིག་དང་། །སོ་གསུམ་ཞེ་ལྔ་ལྔ་བཅུ་བདུན། །རེ་དགུ་གྱ་གཅིག་རྣམས་ལ་སྟེ། །དེ་རྣམས་དུར་བཞིའི་ཐོག་ཕྱིན་པས། །གནད་ཀྱི་དགུ་མིག་ཅེས་སུ་གྲགས། །སྤར་ཁ་ཕོ་ལི་མོ་ཁམ་དང་། །སྨེ་བ་སྐྱེས་སྨེར་བབས་པའོ། །རུས་ཁམས་དགུ་མིག་སྐོར་འགོ་ནི། །འུ་དང་ཀུང་གཉིས་བྱི་བ་ནས། །ཀེག་ནི་ཡོས་དང་ཇི་ནི་རྟ། །ཤང་ནི་བྱ་ནས་སྐོར་འགོ་བྱ། །གྱེན་བགྲང་དུར་སྟེང་ཕྱིན་པས་ངན། །དོན་ལ་སྦྲགས་མ་ཁོ་ནའོ། །གསུམ་པ་དུར་མིག་ཕྱི་ལོ་དང་། །ནང་ནི་སྤར་ཁ་དག་ལ་སྦྱོར། །དེ་ཡང་ཤིང་དུར་ལུག་དང་ཁོན། །མེ་དུར་ཁྱི་དང་ཁེན་ལ་ཞུགས། །ལྕགས་དུར་གླང་དང་གིན་ལ་སྟེ། །ས་ཆུ་འབྲུག་དང་ཟོན་ལ་བཏབ། །དུར་གྱི་ཁང་བུ་བརྒྱད་ཅུ་ནི། །བྱི་རྟ་བྱ་ཡོས་བཞི་ནས་བསྐོར། །འབྱེད་པའི་ལྡེ་མིག་བཞི་ཞེས་བྱ། །དེ་ཡང་བརྩི་བྱའི་དབང་མཐུན་གྱི། །ས་ཆུ་བྱི་བ་སྡེ་ལྔ་དང་། །ཤིང་གཉིས་ཡོས་དང་མེ་གཉིས་རྟ། །ལྕགས་གཉིས་བྱ་ལྔ་ནས་བསྐོར་ཕྱིར། །ཡང་དག་སྐོར་འགོ་ཉི་ཤུར་གྲགས། །ཐམས་ཅད་གྱེན་བསྐོར་རང་རང་གི། དབང་ཐུན་དུར་སྟེང་སླེབས་པ་ནི། །རང་དུར་ཆེ་སྟེ་དེའི་བདུན་ཟུར། །དབང་ཐང་མཐུན་པར་རང་དུར་ཆུང་། །རང་རང་དབང་ཐང་དགྲ་ཐོག་གི། དུར་སྟེང་ཕྱིན་པ་གཤེད་དུར་ཆེ། །དེ་ཡི་བདུན་ཟུར་གཤེད་དུར་ཆུང་། །དེ་ཡང་གནམ་ལོ་གང་ཤར་ཡང་། །སྐྱེས་བུའི་
ལོ་གྲངས་ཉེར་གཅིག་དང་། །ང་གཅིག་ཞེ་ལྔ་བཅོ་ལྔའི་སྟེང་། །སླེབས་པ་རང་དུར་ཆེ་དང་ཆུང་། །གཤེད་དུར་ཆེ་ཆུང་རིམ་པར་སྦྱར། །དེ་ལྟར་སྐོར་འགོ་ཉི་ཤུ་ལ། །བཞི་བཞི་སྦྱར་བས་བརྒྱད་ཅུའོ། །དུར་གྱི་ཉི་མ་སོ་དྲུག་ནི། །དྲུག་གསུམ་དུར་གྱི་ཉི་མ་ཞེས། །ཟླ་བ་ཀུན་ལ་གསུམ་གསུམ་ཡོད། །ཕོ་ཟླ་དྲུག་ལ་ལུག་ཉི་དང་། །མོ་དྲུག་གླང་གི་ཉི་མར་ངེས། །ཟླ་བའི་ར་འབྲིང་ཐ་གསུམ་ལ། །རིམ་བཞིན་གནམ་དུར་བར་དུར་དང་། །ས་དུར་ཞེས་པའི་ཐ་སྙད་བཏགས། །འབྱུང་རྩིས་མན་ངག་ཟླ་བའི་འོད་ཟེར་ལས། སྐོར་འགོ་སྤྱིའི་རྣམ་གཞག་བསྟན་པའི་ལེའུ་སྟེ་དང་པོའོ།། །།

རྒྱ་བོད་ཀྱི་སྐོར་མགོ་སུམ་ཅུའི་རྩིས་ཀྱི་ལེའུ་གཉིས་པ།

― MLP007_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་བོད་ཀྱི་སྐོར་མགོ་སུམ་ཅུའི་རྩིས་ཀྱི་ལེའུ་གཉིས་པ། བྱེ་བྲག་སོ་སོའི་སྐོར་འགོ་ལའང་། །རྒྱ་བོད་སྐོར་འགོ་སུམ་ཅུ་དང་། །ནམ་ཞག་གཏན་དང་མཐུན་སྦྱོར་གཉེན། །ལོ་གཅིག་ཀེག་དང་ནད་རྩིས་དང་། །གཤིན་གྱི་རྩིས་དང་དྲུག་གིས་བསྡུས། །དང་པོ་གཙུག་ལག་ཀུན་གྱི་བཅུད། །རྒྱ་བོད་སྐོར་འགོ་སུམ་ཅུ་ལ། །རྡེལ་བོར་རྒྱས་འབྲིང་བསྡུས་གསུམ་ལས། །འདིར་ནི་རྒྱས་པ་སྐོར་འགོ་རེར། །རྡེའུ་བརྒྱད་བརྒྱད་ཀུན་དྲིལ་བས། །ཉིས་བརྒྱ་བཞི་བཅུས་གཏན་ལ་དབབ། །ཐོག་མར་རང་རང་རྩིས་གཞི་ནི། །རྒྱ་ཡི་སྐོར་འགོ་བཅོ་ལྔ་ལས། །དང་པོ་ས་བདག་རྒྱལ་པོའི་རྩིས། །ཤེལ་གྱི་བྱ་ཁྱུང་དཀར་པོ་དང་། །ཤིང་རང་གི་བྱི་གླང་སྟེང་ནས་བརྩི། །གཉིས་པ་དགེ་བའི་བཤེས་གཉེན་ནི། །གངས་ཀྱི་སེང་གེ་དཀར་མོ་དང་། །མེ་བུ་སྟག་མེ་ཡོས་ཁ་ནས་བརྩི། །གསུམ་པ་རིག་འཛིན་སྔགས་འཆང་རྩིས། །སྲིད་པའི་དུག་སྦྲུལ་ནག་པོ་དང་། །ས་གྲོགས་ཡི་འབྲུག་སྦྲུལ་ཁ་ནས་བརྩི། །བཞི་པ་གཤེན་རབ་བོན་གྱི་རྩིས། །བར་སྣང་གཡུ་འབྲུག་སྔོན་མོ་དང་། །ལྕགས་དགྲ་རྟ་ལྕགས་ལུག་སྟེང་ནས་བརྩི། །ལྔ་པ་མི་ཆེན་གཙོ་བོ་རྣམས། །ས་ཡི་གླང་ཆེན་རབ་བརྟན་དང་། །ཆུ་མ་སྤྲེལ་ཆུ་བྱའི་སྟེང་ནས་བརྩི། །དྲུག་པ་སྐྱེས་པ་དར་མ་རྣམས། །ནགས་ཀྱི་རྒྱ་སྟག་ཁྲ་བོ་དང་། །ཤིང་རང་ཁྱི་ཤིང་ཕག་སྟེང་ནས་བརྩི། །བདུན་པ་ཟ་མ་བུད་མེད་རྣམས། །ཟངས་ཀྱི་སྲིན་མོ་དམར་མོ་དང་། །མེ་བུ་བྱི་མེ་གླང་སྟེང་ནས་བརྩི། །བརྒྱད་པ་ཁང་ཁྱིམ་ཞིང་རང་སའི་རྩིས། །ལྷ་ཁང་རྒྱ་ཕིབས་ཁྱུང་མགོ་དང་། །ཆུ་མ་ཡི་འབྲུག་སྦྲུལ་སྟེང་ནས་བརྩི། །དགུ་པ་ས་གཞི་གླིང་

― MLP007_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་ངན། །རྩི་ན་ཁང་ཁྱིམ་སྒོ་ས་དང་། །ཤིང་རང་རྟ་ཤིང་ལུག་སྟེང་ནས་བརྩི། །བཅུ་པ་གོ་ཁྲབ་ཟངས་ཐེར་རྩིས། །བྱེད་ན་ཡིད་བཞིན་ནོར་བུ་དང་། །མེ་བུ་སྤྲེལ་མེ་བྱའི་སྟེང་ནས་བརྩི། །བཅུ་གཅིག་བྱིས་པ་བསྡོས་ཚད་རྩིས། །བྱེད་ན་ལྗོན་ཤིང་ཆུ་མིག་དང་། །ས་གྲོགས་ཁྱི་ས་ཕག་སྟེང་ནས་བརྩི། །བཅུ་གཉིས་ཕན་པའི་ལྷ་ཁང་འགོའི། །རྩིས་ནི་ལྷ་བྱ་གོང་མོ་དང་། །ལྕགས་དགྲ་ཀྱི་བྱི་གླང་སྟེང་ནས་བརྩི། །བཅུ་གསུམ་གནོད་འདྲེ་གང་གནོད་རྩིས། །བྱེད་ན་དུར་བྱ་རོག་པོ་དང་། །ཆུ་མ་སྟག་ཆུ་ཡོས་སྟེང་ནས་བརྩི། །བཅུ་བཞི་རྒན་རྒོན་སྐྲ་ཡི་རྩིས། །བྱེད་ན་ཤ་བ་རྒྱ་བོ་དང་། །ཤིང་རང་གི་འབྲུག་སྦྲུལ་ཁ་ནས་བརྩི། །བཅོ་ལྔ་ནད་པ་ཡུན་ལོན་གྱི། །རྩིས་ནི་ནད་པ་ཡོ་ཉལ་དང་། །མེ་བུ་ཡི་རྟ་ལུག་སྟེང་ནས་བརྩི། །བོད་ཀྱི་སྐོར་འགོ་བཅོ་ལྔ་ལས། །དང་པོ་བྱིས་པ་གཞོན་ནུ་རྣམས། །གསེར་གྱི་རྡོ་རྗེ་རྩེ་ལྔ་དང་། །ས་གྲོགས་ཡི་སྟག་ཡོས་སྟེང་ནས་བརྩི། །གཉིས་པ་ན་ཆུང་བུ་མོ་རྣམས། །རྩི་ན་སྨྲ་མཁན་ནེའུ་ཙོ་དང་། །ལྕགས་དགྲ་འབྲུག་ལྕགས་སྦྲུལ་སྟེང་ནས་བརྩི། །གསུམ་པ་འཁོར་འབངས་བྲན་གཡོག་རྩིས། །བྱེད་ན་ཕོ་བྲང་གླིང་དགུ་དང་། །ཆུ་མ་རྟ་ཆུ་ལུག་སྟེང་ནས་བརྩི། །བཞི་པ་རྟ་བོང་དྲེའུ་ཡི། །རྩིས་ནི་རྟ་མཆོག་རིན་ཆེན་དང་། །ཤིང་རང་གི་བྱ་སྤྲེའི་སྟེང་ནས་བརྩི། །ལྔ་པ་རྨིག་པ་ཁ་བྲག་ནི། །བྱང་གི་འབྲོང་བུ་རྭ་སྔོན་དང་། །མེ་བུ་ཁྱི་མེ་ཕག་སྟེང་ནས་བརྩི། །དྲུག་པ་བཟའ་མི་མཐུན་སྦྱོར་རྩིས། །བྱེད་ན་གཏེར་གྱི་བུམ་པ་དང་། །ས་གྲོགས་ཡི་བྱི་གླང་སྟེང་ནས་བརྩི། །བདུན་པ་བག་མ་འགྲོ་ལམ་རྩིས། །བྱེད་ན་རྨ་བྱ་མཇིང་བསྣོལ་དང་། །ལྕགས་དགྲ་ཀྱི་སྟག་ཡོས་སྟེང་ནས་བརྩི། །བརྒྱད་པ་མི་རོ་དམར་པོ་དང་། །ས་གྲོགས་སྤྲེལ་ས་བྱའི་སྟེང་ནས་ནི། །རོ་ཡི་སྲེག་སྒྲུབ་སྟངས་གཅོད་བརྩི། །དགུ་པ་རོ་རྩིས་ལོག་མ་ལོག །རྩི་ན་ཤིང་སྒྲོམ་སྐྱ་བོ་དང་། །ལྕགས་དགྲ་ཁྱི་ལྕགས་ཕག་ཁ་ནས་བརྩི། །བཅུ་པ་དུར་ས་བཟང་ངན་གྱི། །རྩིས་ནི་ཐོད་པ་དགུ་བརྩེགས་དང་། །ཆུ་མ་ཡི་བྱི་གླང་སྟེང་ནས་བརྩི། །བཅུ་གཅིག་གཏོ་ཆོག་དཀར་ནག་ཁྲའི། །རྩིས་ནི་ས་བདག་མགོ་གསུམ་དང་། །ཤིང་རང་གི་སྟག་ཡོས་སྟེང་ནས་བརྩི། །བཅུ་གཉིས་སྐྱེས་པའི་སྲོག་ཕྱྭ་ཡི། །རྩིས་ནི་རྡོ་རྗེ་རྒྱ་གྲམ་དང་། །མེ་བུ་ཡི་འབྲུག་སྦྲུལ་སྟེང་ནས་བརྩི། །བཅུ་གསུམ་
བྱིས་པ་ཆུང་ངུའི་ལུས། །རྩི་ན་འཁོར་ལོ་རྩིབས་བརྒྱད་དང་། །ལྕགས་དགྲ་ཀྱི་བྱ་སྤྲེའི་སྟེང་ནས་བརྩི། །བཅུ་བཞི་བུད་མེད་དབང་ཐང་རྩིས། །བྱེད་ན་གཡུང་དྲུང་འཁྱིལ་པ་དང་། །ས་གྲོགས་ཡི་རྟ་ལུག་སྟེང་ནས་བརྩི། །བཅོ་ལྔ་པ་ནི་མི་ཆེན་དང་། །ཡོན་ཏན་ཅན་དང་བཟོ་རིག་པའི། །ཀླུང་རྩིས་པདྨ་འདབ་བརྒྱད་དང་། །ཆུ་མ་ཡི་ཁྱི་ཕག་སྟེང་ནས་བརྩི། །དེ་ལྟར་རྩིས་གཞི་གཏན་ཕབ་ནས། །ད་ནི་རྡེའུ་བོར་ཚུལ་བཤད། །རྒྱ་བོད་སྐོར་འགོ་གང་ལ་ཡང་། །བརྩི་བྱའི་ལོ་དང་སྐོར་འགོ་ཡི། །རང་གི་རྩིས་གཞི་ངོས་བཟུང་བྱ། །དེ་ནས་བརྩི་བྱའི་སྐྱེས་བུ་དེ། །ཕོ་ལོ་མོ་ལོའི་ཁྱད་པར་གྱི། །རྩིས་གཞིའི་ཕོ་ལོ་མོ་ལོ་ཡི། །སྟེང་ནས་ཡར་བཞི་མར་བཞི་བགྲང་། །དེ་བཞིན་ཡར་བདུན་མར་བདུན་དང་། །ཡར་དེད་མར་དེད་བཅུ་གཅིག་སྟེ། །ཡར་བགྲངས་གནས་སུ་རྡེལ་དཀར་དང་། །མར་བགྲངས་གནས་སུ་རྡེལ་ནག་རེ། །ལེགས་བོར་ཡར་བཞི་མར་བཞི་ཡི། །སྲོག་ལ་བརྩི་བྱའི་སྐྱེས་བུ་དེའི། །སྲོག་གིས་འཐབས་པའི་རྡེའུ་རེ། །དེ་བཞིན་ཡར་བདུན་མར་བདུན་གྱི། །ལུས་ལ་ལུས་འཐབས་རྡེའུ་རེ། །ཡས་མར་བཅུ་གཅིག་དབང་ཐང་ལ། །དབང་ཐང་གིས་འཐབས་རྡེའུ་རེ། །དེ་བཞིན་རྩ་བའི་ལོ་ཕོ་མོའི། །ཀླུང་རྟ་གཉིས་ལ་སྐྱེས་བུ་ཡི། །ཀླུང་རྟས་འཐབས་པའི་རྡེའུ་རེ། །བོར་ལ་བཟང་ངན་ཁ་དམར་ནི། །འགྲེལ་པ་འཕྲུལ་གྱི་མིག་ཚགས་ཀྱིས། །ལེགས་པར་གཏན་ལ་དབབ་པར་བྱ། །འབྱུང་རྩིས་མན་ངག་ཟླ་བའི་འོད་ཟེར་ལས། རྒྱ་བོད་ཀྱི་སྐོར་འགོ་སུམ་ཅུའི་རྩིས་ཀྱི་ལེའུ་སྟེ་གཉིས་པའོ། །

མཐར་རྩིས་བཤད་པའི་ལེའུ་སྟེ་གསུམ་པ།

― MLP007_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་རྩིས་བཤད་པའི་ལེའུ་གསུམ་པ། ནམ་ཞག་གཏན་གྱི་མཐའ་རྩིས་ལ། །གཅེས་པའི་རྡེལ་བཞི་སྒོས་རྡེལ་གཅིག །མེད་དུ་མི་རུང་རྡེའུ་གཉིས། །མི་འགྱུར་ཀླུང་གི་རྡེའུ་ལྔ། །བརྒྱ་འདྲེའི་རྡེའུ་བརྒྱ་ཕྲག་གཅིག །སྟངས་གཅོད་རྡེའུ་ཉི་ཤུ་བཞི། །སྤྱི་བསྡུས་བརྒྱ་དང་སུམ་ཅུ་དྲུག །དེ་ཡང་སྣམ་ཕྱིང་གཙང་མའི་སྟེང་། །མ་ཡེངས་སེམས་ཀྱིས་རྡེའུ་བོར། །ཐོག་མར་གཅེས་པའི་རྡེལ་བཞི་ནི། །རང་སྐྱེས་གནམ་ལོ་རྒྱལ་པོ་དང་། །ཟླ་བ་བློན་པོ་ཞག་དམག་མི། །དུས་ཚོད་མཚོན་ཆའི་རྡེའུ་བཞི། །སྐྱེས་པ་ཡིན་ན་དཀར་པོ་དང་། །བུད་མེད་ལ་ནི་ནག་པོར་བོར། །སྒོས་རྡེལ་ཁམས་དང་ལོ་སྦྱར་བའི། །ཆད་ཆེན་དཀར་གཅིག་ཆད་ཆུང་ནག །དབང་ལོ་དཀར་གསུམ་མ་ལོར་གཉིས། །བུ་ལོར་

― MLP007_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱེད་མ་དགྲ་ལོ་ལ། །དཀར་གཅིག་གྲོགས་ལོར་ནག་གཅིག་སྟེ། །གང་ཡིན་བོར་ལ་སྒོས་རྡེའོ། །མེད་དུ་མི་རུང་རྡེལ་གཉིས་ནི། །ཁ་ཡན་ཁོང་ནོང་རྡེལ་དཀར་དང་། །སེ་ཞིག་འདུན་ཁུར་ནག་པོའོ། །ཁ་རལ་དཀར་ནག་ཕྱེད་མ་སྟེ། །དེ་རྣམས་གང་ཡིན་རྡེལ་གཅིག་དང་། །རྩི་དུས་རྐྱང་རྩིས་དུས་ཚོད་སར། །རྡེལ་དཀར་གཅིག་བཞག་རྡེའུ་གཉིས། །མི་འགྱུར་ཀླུང་གི་རྡེལ་ལྔ་ནི། །ཕ་ཡི་ལོག་མེན་གར་བབས་སར། །རྡེལ་དཀར་གཅིག་བཞག་ཕ་ཀླུང་གཅིག །མ་ཡི་ལོག་མེན་གར་བབས་དང་། །བབ་སྤར་བབ་སྨེ་གང་ཡིན་སྟེང་། །རྡེལ་ནག་རེ་བོར་མ་ཀླུང་གསུམ། །རང་སྐྱེས་ཟླ་བ་གང་ཡིན་ཁར། །རྡེལ་དཀར་གཉིས་བོར་རང་ཀླུང་ཡིན། །བུ་མོ་ཡིན་ན་ཕ་ཡི་ཀླུང་། །དོར་བའི་ཚབ་ཏུ་མ་ལོ་ནས། །དུ་ལོན་གྱེན་དུ་བགྲངས་པ་ཡི། །གར་སླེབས་ས་རུ་རྡེལ་ནག་གཅིག །བོར་བ་མ་ཀླུང་བཞི་རུ་འགྱུར། །དེ་རྣམས་མི་འགྱུར་རྡེལ་ལྔ་སྟེ། །དྲིལ་བས་རྩ་རྡེལ་བཅུ་གཉིས་སོ། །དེ་རྗེས་བརྒྱ་འདྲེའི་རྡེའུ་ནི། །བརྩི་བྱའི་སྲོག་ལུས་དབང་ཀླུང་བཞི། །རང་མ་བུ་གྲོགས་དགྲ་ལྔར་ཕྱེ། །དེ་དག་ལྔ་པོ་རེ་རེས་ཀྱང་། །མི་འགྱུར་ཀླུང་གི་རྡེའུ་ཡི། །ཕ་ལོ་མ་ལོ་ཟླ་ཀླུང་གི། སྲོག་ལུས་དབང་ཐང་ཀླུང་རྟ་ནི། །རང་ཁོ་ན་དང་སྤར་སྨེ་ཡི། །ཁམ་གཉིས་ལ་འཐབས་རྡེའུ་ནི། །མ་གྲོགས་དཀར་ལ་དགྲ་བུ་ནག །ས་ཆུ་ནང་འཕྲད་དཀར་པོ་ལ། །ཤིང་ལྕགས་མེ་གསུམ་ནག་པོར་བོར། །དེ་ལྟར་སྲོག་ལུས་དབང་ཀླུང་བཞི། །རེ་རེར་རྡེའུ་ཉེར་ལྔ་རེ། །དྲིལ་བས་རྡེའུ་བརྒྱ་ཕྲག་གཅིག །སྲོག་ལུས་དབང་ཀླུང་བཞི་པོ་ཡི། །རང་མ་བུ་གྲོགས་དཀར་ན་བཟང་། །དགྲ་རྡེལ་བཞི་པོ་ནག་ན་དཀར། །བུད་མེད་ལུས་ཀྱི་དགྲ་གྲོགས་ལྡོག །དེ་ལྟར་ངེས་པར་བྱས་ནས་ཀྱང་། །རྡེའུ་ཉེར་བཞིས་སྟངས་གཅོད་དོ། །དེ་ཡང་བརྒྱ་འདྲེའི་རྡེའུ་ནི། །དཀར་ནག་སོ་སོར་བགྲངས་བྱས་ལ། །བཟང་ལ་དཀར་གཅིག་ངན་ལ་ནག །རྡེའུ་ཉི་ཤུ་དེ་ཡི་སྟེང་། །སྲོག་ལུས་དབང་ཐང་ཀླུང་རྟ་བཞིའི། །དར་གུད་རིམ་བཞིན་གང་སྐྱེས་ཀྱི། །ལོ་ཟླ་ཞག་དུས་སྟེང་ཕབས་ནས། །བརྩིས་ཏེ་བཟང་དྲུག་རྡེལ་དཀར་རེ། །ངན་དྲུག་ནག་སྟེ་རྡེལ་བཞི་པོ། །སྒོས་རྡེའི་མདུན་དུ་བོར་བར་བྱ། །དེ་ཡིས་སྟངས་གཅོད་ཉེར་བཞིར་འགྱུར། །འདི་ནི་དམར་སྟོན་མཁས་པས་བཞེད། །ཁྱུང་

― MLP007_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་ལ་བརྒྱུད་རང་ལུགས་ཏེ། །གསལ་སྒྲོན་རྩ་བའི་དགོངས་པ་ནི། །འཁྲུལ་མེད་ཡིན་ཕྱིར་གཅེས་པར་ཟུངས། །འདི་ལས་གཞན་ཡང་ཁྱུང་ནག་ལ། །ཕྱག་ལེན་མི་འདྲ་རྣམ་གཉིས་ཡོད། །དེ་ཡང་བྱང་སྟོན་པདྨའི་ལུགས། །བརྩི་བྱའི་སྲོག་ལུས་དབང་ཀླུང་གི། རང་མ་བུ་གྲོགས་དགྲ་ལྔ་པོས། །ཀླུང་ལྔའི་སྲོག་སོགས་རང་མ་བུ། །གྲོགས་དགྲར་ནང་འཐབས་རྡེའུ་བརྒྱ། །དེ་ཡི་ཁ་དམར་ཉི་ཤུའི་སྟེང་། །དར་གུད་བརྩིས་ཏེ་དར་གྱུར་ན། །མདུན་ཚུགས་གུད་ན་རྒྱབ་སྟོངས་ཞེས། །གང་ཡིན་རྡེའུ་གཅིག་བོར་ནས། །སྟངས་གཅོད་ཉེར་གཅིག་ཡིན་ཞེས་བཞེད། །གཉིས་པ་འབྲོག་སྟོན་རལ་པའི་ལུགས། །བརྩི་བྱའི་སྲོག་སོགས་རང་བཞི་ཡི། །འཐབ་ཟླ་ཀླུང་ལྔའི་རང་བཞིན་བྱེད། །དེ་བཞིན་མ་བུ་གྲོགས་དགྲ་བཞིས། །ཀླུང་ལྔའི་སྤར་སྨེའི་ཁམས་དང་ནི། །གཞན་གསུམ་དབང་ཐང་གཅིག་པུར་འཐབས། །དེ་ཡི་སྟངས་གཅོད་ཉི་ཤུའི་སྟེང་། །དར་གུད་རྡེའུ་ཉི་ཤུ་ལྔ། །བོར་ལ་དཀར་ནག་བགྲངས་པ་ཡིས། །གང་མང་རྡེའུ་གཅིག་ཏུ་སྡུད། །དེ་ཡིས་སྟངས་གཅོད་ཉེར་གཅིག་གོ །འདི་ཡི་དབང་ཐང་ཇི་ལྟ་བར། །མ་བུ་གྲོགས་དགྲའི་འཐབ་ཟླ་དེ། །ཀླུང་ལྔའི་སྲོག་གིས་བྱེད་པ་ནི། །རྒྱ་རྩིས་རྙིང་མའི་ལུགས་ཡིན་གསུངས། །ཕ་ཀླུང་མ་ཀླུང་བབས་སྤར་དང་། །རང་ཀླུང་མ་ཡི་སྤར་ཁ་སྟེ། །སྨེ་ཀླུང་དང་ནི་ཟླ་ཀླུང་བཅས། །མི་འགྱུར་ཀླུང་ལྔར་བཞེད་པའང་། །ཡོད་མོད་མཁས་པས་དཔྱད་བྱའི་གནས། །དེ་ནས་ཀུན་ལ་རབ་གཅེས་པའི། །དར་གུད་རྡེའུ་ཉེར་ལྔ་བཤད། །བརྩི་བྱ་སྐྱེས་བུའི་སྲོག་ལུས་དང་། །དབང་ཐང་ཀླུང་རྟ་རུས་ཁམས་ལྔ། །རང་མ་བུ་གྲོགས་དགྲ་ལྔར་ཕྱེ། །དེ་དག་འབྱུང་བའི་དར་གུད་རྣམས། །འབེབས་ཚུལ་སྲོག་ཁམས་གནམ་ལོའི་སྟེང་། །དེ་བཞིན་ལུས་རྣམས་ཟླ་བ་དང་། །དབང་ཐང་ཞག་དང་ཀླུང་རྟ་རྣམས། །དུས་ཚོད་སྟེང་ཕབ་རྡེའུ་ནི། །བཟང་དྲུག་དཀར་ཏེ་ངན་དྲུག་ནག །དེ་ལས་སྤྲོས་ཏེ་དར་གུད་རྡེལ། །བརྒྱ་དང་ལྔ་བཅུའི་འབོར་ལུགས་ཀྱང་། །སྔར་གྱི་སྲོག་སོགས་ལྔ་ཚན་ལྔ། །རེ་རེ་ལའང་རང་མ་བུ། །གྲོགས་དགྲ་ལྔ་ལྔར་ཕྱེ་བ་ལ། །དར་གུད་བསྐོར་བས་རྡེའུ་ནི། །བརྒྱ་དང་ཉེར་ལྔ་དེ་དག་སྟེང་། །སྟངས་གཅོད་རྡེའུ་ཉེར་ལྔར་བཅས། །བརྒྱ་དང་ལྔ་བཅུ་ཐམ་པར་འགྱུར། །དེ་ནས་

― MLP007_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་དཔལ་འདྲེ་བདུད་ནི། །བུ་ཚའི་སྲོག་ལུས་དབང་ཀླུང་བཞིས། །རང་སྐྱེས་སྤར་སྨེ་གཉིས་ལ་འཐབས། །རྡེལ་ཚར་མ་འདྲེས་སོ་སོར་སྒྲིགས། །མ་དང་འཕྲད་ན་ཕ་མ་ལྷ། །བུ་དང་འཕྲད་ན་བུ་ཚ་དཔལ། །གྲོགས་དང་འཕྲད་ན་ཐུབ་པ་འདྲེ། །དགྲ་དང་འཕྲད་ན་མི་ཐུབ་བདུད། །རང་ནང་འཕྲད་པ་མཐུན་པ་ཚེ། །ཡང་གཅིག་དཔལ་བྱུར་ལ་སོགས་བརྟག །བྱིས་པའི་སྲོག་དང་ཀླུང་རྟ་ཡིས། །ཕ་ཡི་སྲོག་ཀླུང་གཉིས་ལ་འཐབས། །དེ་བཞིན་ལུས་དབང་གཉིས་པོ་ཡིས། །མ་ལ་འཐབས་པའི་རྡེའུ་བཞི། །མ་དང་འཕྲད་ན་དཔལ་བབས་ལྔ། །དེ་བཞིན་དགྲ་འཕྲད་བྱུར་བབས་ཏེ། །རང་ནང་འཕྲད་པ་རང་རྐང་ལྔ། །བུ་དང་འཕྲད་ན་མདངས་ཤོར་དང་། །གྲོགས་འཕྲད་ཚེ་ལེན་ལྔ་རུ་འདོད། །གཞན་ཡང་སྦས་པ་མཛུབ་ཚུགས་ལས། །གསུངས་པའི་མན་ངག་བསྟན་པ་ནི། །བརྩི་བྱའི་སྲོག་ལུས་དབང་ཀླུང་བཞིས། །རང་གི་སྲོག་དབང་ཀླུང་གསུམ་ལ། །རང་དོར་ལྷག་གསུམ་གྱིས་འཐབས་པའི། །རྡེའུ་དགུ་བོར་ངོས་འཛིན་བྱ། །སྲོག་ལུས་རླུང་རྟས་དབང་ཐང་ལ། །བཅད་པ་འཁོར་ལོ་རབ་སྟོངས་ཏེ། །ལུས་དབང་ཀླུང་གིས་རང་སྲོག་ལ། །བཅད་ན་ཕེའུ་ཤ་རལ་དང་། །སྐྱོབ་ན་གཤིན་ཆུ་རབ་བསྲུང་ཟེར། །སྲོག་ལུས་དབང་གིས་ཀླུང་རྟ་ལ། །བཅད་པ་བྱ་དམར་མེ་ལེན་ཡིན། །དེ་ནས་གཟའ་བཞིའི་ཀླུང་རྩིས་ནི། །ཕོ་ནི་སྟག་རྟ་ཁྱི་གསུམ་དང་། །ས་ཡི་ལོ་པ་ལི་ཁམ་སྟེང་། །བཙས་དང་བབས་སམ་ཤི་ཡང་རུང་། །སྤེན་པ་སུམ་འདོམ་ཞེས་སུ་གྲགས། །བུད་མེད་ས་ལོ་སྟག་རྟ་ཁྱི། །དྭ་ཟིན་སྤེན་པ་སུམ་འདོམ་ཡིན། །དེ་བཞིན་བྱི་འབྲུག་སྤྲེལ་གསུམ་དང་། །མེ་ཡི་ལོ་པ་ཕོ་དྭ་ཟིན། །མོ་ནི་ལི་ཁམ་དམར་སུམ་འདོམ། །བྱ་གླང་སྦྲུལ་གསུམ་ཤིང་ལོ་པ། །ཕོ་ནི་ཁོན་ཟོན་མོ་གིན་ཁོན། །བཙས་སོགས་ཕུར་བུ་སུམ་འདོམ་གྲགས། །ཕག་ལུག་ཡོས་གསུམ་དབང་ཐང་ཆུ། །ཕོ་ནི་གིན་ཁོན་མོ་ཁེན་ཟོན། །དེ་རྣམས་ལྷག་པ་སུམ་འདོམ་སྟེ། །དེ་དག་མ་ཡི་བབས་སྤར་དང་། །ལོ་འགྲོས་རྐྱང་པ་ཕ་དང་མ། །རང་ལོ་གསུམ་ལ་བརྩི་ཞེས་གསུངས། །ཁྱིམ་གཅིག་འཚོག་པ་ཞེས་བྱ་བ། །ས་ཡི་སྟག་རྟ་ཁྱི་གསུམ་ལྟར། །ཕྱི་གཟའི་ཁམས་བསྟུན་མཐུན་གསུམ་ཡིན། །གཞན་ཡང་ཕྱི་གཟའི་དབང་ཐང་དང་། །བར་གཟའི་སྲོག་དང་ནང་

― MLP007_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

གཟའི་ཁམས། །ངེས་བྱས་གཅོད་འདྲལ་རྡེལ་དྲུག་བོར། །ཕྱི་གཟས་བར་དང་ནང་ལ་འཐབས། །དེ་བཞིན་བར་གཟས་ཕྱི་དང་ནང་། །ནང་གཟས་ཕྱི་བར་ལ་འཐབས་ཏེ། །བསྐྱེད་དང་གཅོད་པ་བརྟག་པར་བྱ། །འདི་དག་རྩ་བའི་ལྷན་ཐབས་ལུགས། །སྦས་པ་མཛུབ་ཚུགས་སྐོར་ལས་ནི། །མ་ཡི་ལོག་མེན་བར་གཟར་བབས། །དེ་དང་ནང་གཟའ་སྤྲད་པའི་སྟེང་། །བུ་ཆུང་རང་མཐུན་བར་གཟའི་ལོ། །སྐྱེས་ན་གང་ཡིན་གཟའ་སྤུན་གསུམ། །རང་མཐུན་མ་སྐྱེས་མ་གཟའི་སྟེང་། །གཟའ་གཞན་སྐྱེས་ཞེས་ཁ་དམར་གདགས། །དེ་ནས་རྒྱ་མ་ཕ་ཀླུང་ནི། །གྱེན་འཕར་གྱེན་ལྟ་ཐུར་བབས་གསུམ། །ཕ་མེས་ལོ་ཡི་དར་གུད་དེ། །བུ་ཚའི་ལོ་ཐོག་ཕབ་ལ་བསྐོར། །དེ་ཡང་སྲོག་གི་ཁམས་དང་སྦྱོར། །དང་པོ་གྱེན་འཕར་སྐོར་མགོ་ནི། །ཁྲུས་བྱེད་ཚོམས་ལ་བཙས་པ་ལྟེམས། །དར་བ་སྡོད་ལ་ལས་བྱེད་སར། །བབས་པ་རྣམས་ནི་ཁ་རལ་ལོ། །གཉིས་པ་གྱེན་ལྟའི་སྐོར་མགོ་ནི། །དབུགས་ལེན་ཚོམས་ལ་མངལ་གནས་ལྟེམས། །ལུས་རྫོགས་སྡོད་ལ་གུད་ན་རལ། །གསུམ་པ་ཐུར་འབབ་ངན་པ་ནི། །ན་སར་ཚོམས་ལ་ཤི་སར་ལྟེམས། །དུར་སར་ཁ་རལ་དུར་གཤེད་སྡོད། །ཁོན་ཐོག་བུ་ཚ་སྟག་ཡོས་སྐྱེས། །གིན་ལ་བྱ་སྤྲེལ་ཁེན་རྟ་སྦྲུལ། །ཟོན་ཐོག་གཤེད་བཞི་བྱི་ཕག་དྲུག །སྐྱེས་རྣམས་རྒྱ་མའི་འུར་རྡོར་གྲགས། །ཕ་མེས་རྟ་སྦྲུལ་བཞི་སྟུད་ལ། །བུ་ཚ་བྱི་ཕག་བྱུང་བ་ལྟར། །ཕ་མེས་བཞི་སྟུད་སྲོག་དགྲར་བུ། །གྱུར་ན་འཆིང་འགགས་ཚུད་པ་ཟེར། །ལོ་སྨེ་སྤར་ཁའི་ར་རུ་དང་། །བསེ་རུ་འཆོལ་བ་གསུམ་ངེས་པས། །རིམ་བཞིན་མི་གྲངས་ཟུང་དང་ཡ། །ངེས་མེད་འབྱུང་ཞེས་ལུང་བསྟན་བྱ། །ནག་འཐུས་ལྕགས་བཞི་མེ་བརྒྱད་སོགས། །ལོ་ངན་རྣམས་ལ་སྐྱེས་པ་དང་། །སྤར་སྨེའི་བསྡོམས་རྩིས་ལ་སོགས་པ། །ཞིབ་མོའི་བློ་ཡིས་ལེགས་བརྟགས་ནས། །དེ་རྣམས་འབྲས་བུའི་རིམ་པ་ནི། །རྩ་བའི་འགྲེལ་པ་ཉི་ཤུ་དང་། །དམར་ཆུང་སྟག་མགོ་སྒང་སྒྲིལ་སོགས། །མཁས་པའི་གཞུང་ལྟར་ཕྱིས་འབྱུང་བའི། །སྔ་རྟགས་ཚང་གི་མངོན་ཤེས་རྣམས། །འཁྲུལ་པ་མེད་པར་གཏན་ལ་དབབ། །འབྱུང་རྩིས་མན་ངག་ཟླ་བའི་འོད་ཟེར་ལས། །མཐར་རྩིས་བཤད་པའི་ལེའུ་སྟེ་གསུམ་པའོ།། །།

གི་གོང་མཐུན་སྦྱོར་བཤད་པའི་ལེའུ་སྟེ་བཞི་པ།

― MLP007_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་མཐུན་སྦྱོར་གཉེན་རྩིས་ལ། །སྲོག་ལུས་དབང་ཐང་ཀླུང་རྟ་དང་། །འབྱུང་བའི་སྤུན་གྲངས་བཙས་ཟླ་དང་། །སྤར་ཁ་རང་ཁམས་མ་ཁམས་དང་། །སྲོག་ལུས་དབང་ཀླུང་སྨེ་བ་ཡི། །གི་གོང་བཞི་སྟེ་མཐུན་སྦྱོར་གྱི། །རྡེའུ་བཅུ་གསུམ་འབོར་བར་བྱ། །དང་པོ་སྐྱེས་པ་བུད་མེད་ཀྱི། །སྲོག་གཉིས་འཐབས་པའི་རྡེའུ་གཅིག །དེ་བཞིན་ལུས་དང་དབང་ཐང་དང་། །ཀླུང་རྟ་གཉིས་འཐབས་རྡེའུ་རེ། །དེ་རྣམས་སྐྱེས་པས་བུད་མེད་དང་། །བུད་མེད་ཀྱིས་ཀྱང་སྐྱེས་པ་ལ། །ཕན་ཚུན་འཐབས་པའི་རྡེལ་ཚར་གཉིས། །དེ་ཡང་སྲོག་ཀླུང་སྐྱེས་པ་གཅེས། །ལུས་དབང་བུད་མེད་གཅེས་པར་བཟུང་། །དེ་ལས་འབྱུང་བའི་སྤུན་གྲངས་བརྩི། །ཤིང་གཅིག་ས་གཉིས་ཆུ་ལ་གསུམ། །མེ་བཞི་ལྕགས་ལ་རྡེའུ་ལྔ། །ར་བསེ་རྡེལ་གྲངས་མཉམ་རྒྱལ་བརྟག །དེ་བཞིན་སྐྱེས་ཟླའི་སྲོག་གཉིས་དང་། །སྤར་ཁ་གང་སྐྱེས་ཁམས་གཉིས་དང་། །རང་ཁམས་གཉིས་དང་མ་ཁམས་གཉིས། །གཅོད་འདྲལ་འཐབས་པའི་རྡེའུ་བོར། །འདི་དག་བརྩི་ཚུལ་ལུགས་མང་ཡང་། །རྩ་བའི་རང་འགྲེལ་ཉི་ཤུ་པར། །འབྱུང་བ་གསོ་བསྐྱེད་དགྲ་གྲོགས་ཀྱིས། །གཉེན་སྦྱོར་གཏན་ལ་དབབ་པར་བྱ། །ཞེས་གསུངས་འདི་ལ་ཚད་མ་ཡིན། །དེ་ནས་གི་གོང་རྣམ་བཞི་ནི། །སྲོག་སྨེ་ལུས་སྨེ་དབང་སྨེ་དང་། །ཀླུང་སྨེ་བཞི་པོ་ངོས་བཟུང་སྟེ། །སྤར་སྨེ་ལྟག་སྤྲད་སྲོག་འཚོ་སོགས། །བརྩིས་པའི་རྡེལ་བཞི་བོར་བར་བྱ། །སྐྱེས་པ་ལྔ་མེད་གཉིས་དང་ནི། །བུད་མེད་ལྔ་མེད་བདུན་ལ་བརྩི། །དེ་རྣམས་གསལ་སྒྲོན་རྩ་བ་ཡི། །རྡེའུ་བཅུ་གསུམ་འབོར་ལུགས་ཏེ། །གཞན་དུ་མཁས་པའི་ཕྱག་བཞེས་ལ། །རྐྱང་ཁུག་ཎི་ཤའི་ངོས་འཛིན་མཛད། །དང་པོ་རྐྱང་པ་ཕོ་མོ་ཡི། །སྲོག་སོགས་འཐབས་དང་ཁུག་པ་ནི། །སྔར་གྱི་སྤར་སྨེ་སྤྲད་དེ་ཡིན། །གལ་ཏེ་དེ་ལ་མ་མཐུན་ན། །གསང་བ་ཡང་ཁུག་བརྩི་བར་མཛད། །སྐྱེས་པའི་སྨེ་བ་རང་སར་བཞག །བུད་མེད་སྨེ་བ་འགུགས་པ་ནི། །གཅིག་ནི་གཉིས་ལ་གཉིས་ནི་གཅིག །གསུམ་ནི་དགུ་ལ་དགུ་ནི་གསུམ། །བཞི་ནི་བརྒྱད་ལ་བརྒྱད་ནི་བཞི། །དྲུག་བདུན་མི་འགུགས་དེ་རྗེས་སུ། །སྤར་སྨེ་ལྟག་སྤྲད་སྔར་བཞིན་བརྩི། །གསུམ་པ་ཎི་ཤ་རྩི་བ་ནི། །སྐྱེས་པ་ཕོ་ལོ་རྒན་པ་དང་། །བུད་མེད་མོ་ལོ་ན་གཞོན་གཉིས། །བཟང་ཞིང་གོ་
ལྡོག་ངན་པ་སྟེ། །འདི་དང་ཕོ་མོའི་སྐྱེས་ཟླ་ཡི། །སྲོག་སོགས་དར་གུད་བརྩི་བ་གཉིས། །རང་འགྲེལ་ཉི་ཤུ་པ་ལས་གསུངས། །དེ་དག་ལེགས་པར་བརྩིས་ནས་ཀྱང་། །འགྲེལ་པའི་ལེའུ་བཞི་པ་ཡི། །ལེགས་ཉེས་འབྲས་བུ་སྟངས་བཅད་དོ། །དེ་ཉིད་ལམ་དུ་འཇུག་པ་ན། །བྱུར་ཐག་ཉི་ཤུ་བཅད་པ་དང་། །རྫོང་ལུགས་བཅུ་ཡིས་རྫོང་བ་དང་། །དགོས་པའི་མི་ལྔ་བསྟན་པ་གསུམ། །དང་པོ་བྱུར་ཐག་ཉི་ཤུ་ནི། །ལྡིང་ནག་ཆེ་འབྲིང་ཆུང་བ་གསུམ། །ཁ་ཉེས་ཡི་མུག་གཟོང་བརྡལ་གསུམ། །ལྟས་ངན་ཆེ་འབྲིང་ཆུང་བ་གསུམ། །སྣ་ལ་སྤུ་གྲི་ལག་ཨེ་སྐྱོགས། །མགལ་མེ་ཀླད་ཀོར་རྒྱབ་ས་སྒྱེ། །འཕྱགས་ཤིང་ལག་ཐོགས་རྟིང་ལྕགས་ཀྱུ། །སྤྱི་བོར་རྒྱ་ཟོར་ཁྲམ་ཤིང་འཛུགས། །ཁྱོ་འཆི་བ་དང་རབས་ཆད་དང་། །བྱེ་བྲལ་ཉི་ཤུ་གཅད་པར་བྱ། །གཉིས་པ་ལོ་སྨེ་སྤར་ཁ་དང་། །དར་གུད་ཟླ་བ་ཞག་དང་དུས། །གཟའ་སྐར་ས་བདག་བཅུ་ཡིས་རྫོང་། །གསུམ་པ་དགོས་པའི་མི་ལྔ་ཡང་། །གཉེ་བོ་མཐུན་གསུམ་ལོ་པ་དང་། །ལུས་མཐུན་རྟ་ཁྲིད་སྲོག་མས་བྱ། །སྲོག་མཐུན་ཟླ་མོ་སྲོོག་གྲོགས་སམ། །དབང་ཐང་མ་ཡིས་ཟས་དྲངས་ལ། །བདུན་ཟུར་དགྲ་ལོས་སྣ་ཚོགས་བྱ། །རྒྱས་པར་རིན་ཆེན་འགྲོ་ལམ་དང་། །འགྲེལ་པའི་ལེའུ་ལྔ་པ་སོགས། །ཞིབ་མོར་བལྟས་ཏེ་གཏན་ལ་དབབ། །འབྱུང་རྩིས་མན་ངག་ཟླ་བའི་འོད་ཟེར་ལས། གི་གོང་མཐུན་སྦྱོར་བཤད་པའི་ལེའུ་སྟེ་བཞི་པའོ།། །།

ལོ་གཅིག་མཁྱུད་སྦྱོར་གྱི་རྩིས་ཀྱི་ལེའུ་ལྔ་པ།

― MLP007_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་གཅིག་མཁྱུད་བསྐོར་ཀེག་རྩིས་ལ། །མི་འགྱུར་རྩ་བའི་རྡེའུ་དྲུག །གཅོད་འདྲལ་རྡེའུ་ཉི་ཤུ་བཞི། །ཁ་དམར་རྡེལ་བཞི་རྩུབ་རྡེལ་བདུན། །སྨེ་བའི་ཀེག་ཕྲན་རྡེའུ་བཞི། །དགུ་མིག་དུར་མིག་རྣམ་པ་གཉིས། །སྤྱི་བསྡུས་རྡེའུ་ཞེ་བདུན་ནོ། །སྤྱི་ནི་གནམ་ལོ་གང་ཡིན་དང་། །བརྩི་བྱའི་ལོག་མེན་གར་བབས་གཉིས། །བབ་སྨེ་ནང་སྤར་གང་བབས་དང་། །གསང་བ་དར་གུད་འབེབས་གཞིའི་ལོ། །ཡང་གསང་དབང་ཐང་གར་བབས་ཀྱི། །དུས་ཚོད་གང་ཡིན་རྡེའུ་དྲུག །སྐྱེས་པ་ལ་ནི་དཀར་པོ་དང་། །བུད་མེད་ཡིན་ན་ནག་པོར་བོར། །དེ་རྗེས་གཅོད་འདྲལ་རྡེའུ་ནི། །བརྩི་བྱའི་སྲོག་གིས་གནམ་ལོ་དང་། །ལོག་མེན་གཉིས་ཀྱི་སྲོག་དང་ནི། །སྤར་སྨེ་ལ་འཐབས་རྡེའུ་བཞི། །དར་གུད་བསྐོར་ཏེ་གནམ་ལོ་ཡི། །སྟེང་དུ་བཟང་ངན་བརྩིས་

― MLP007_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ལྔ། །དུས་ཚོད་སྲོག་ལ་འཐབས་པས་དྲུག །དེ་རྣམས་སྲོག་རྡེལ་དྲུག་ཡིན་ནོ། །དེ་བཞིན་ལུས་དབང་ཀླུང་རྟ་བཞིས། །རྩ་བའི་རྡེའུར་འཐབས་པ་དང་། །དར་གུད་གནམ་ལོའི་སྟེང་བརྩིས་ཏེ། །ལུས་དབང་ཀླུང་བཞིར་དྲུག་དྲུག་བོར། །དེ་དག་རྡེའུ་འབོར་ཚུལ་ཡང་། །མ་འཕྲད་དཀར་གསུམ་གྲོགས་ལ་གཉིས། །ས་ཆུ་ནང་ཕྲད་དཀར་པོ་གཅིག །བུ་ཕྲད་ཕྱེད་མ་ནག་གཉིས་དགྲ། །ཤིང་ལྕགས་མེ་གསུམ་ནག་གཅིག་བོར། །དར་གུད་ལའང་བཟང་དྲུག་གི། རབ་འབྲིང་ཐ་མའི་གོ་རིམ་བཞིན། །དཀར་པོ་གསུམ་དང་གཉིས་དང་གཅིག །ངན་དྲུག་རབ་འབྲིང་ཐ་གསུམ་ལ། །ཕྱེད་མ་ནག་གཅིག་ནག་གཉིས་སོ། །དེ་ནས་ཁ་དམར་རྡེལ་བཞི་ཡང་། །དཀར་ནག་མང་ཉུང་བགྲང་བྱས་ལ། །དཀར་གསུམ་དཀར་གཉིས་སོགས་སུ་བོར། །དེ་རྗེས་རྩུབ་པའི་རྡེལ་བདུན་ནི། །རང་ལོ་གནམ་ཤར་རང་ཀེག་རྩུབ། །བདུན་ཟུར་ཤར་ན་དགྲ་གཤེད་རྩུབ། །ལོ་འགྲོས་དབང་ཐང་ཚང་ཟླ་གཅིག །གནམ་ལོ་ཤར་བ་ཁྱིམ་མཚེས་རྩུབ། །ཀླུང་རྟ་གཅིག་ཤར་མཐུན་གསུམ་རྩུབ། །ཕ་མེས་སྤུན་ཟླའི་དུར་སྲི་སོགས། །སྲི་ངན་སྟེང་སླེབས་དེ་ཡིས་རྩུབ། །བཟའ་མི་སྤར་ཁ་གཅིག་སྟེང་ཚོགས། །སྐྱམ་ཟླ་ཞེས་པ་གཟའ་ཤུགས་རྩུབ། །རང་སྐྱེས་སྤར་ཁའི་སྟེང་སླེབས་པ། །གསང་ཀེག་རྐུན་བུས་རྩུབ་པ་སྟེ། །རྩུབ་ན་རྡེའུ་ནག་པོ་དང་། །མི་རྩུབ་ན་ནི་དཀར་པོར་བོར། །སྨེ་བའི་ཀེག་ཕྲན་རྣམ་བཞི་ནི། །ཁང་ཀེག་གནམ་ལོའི་སྨེ་བ་དང་། །མལ་ཀེག་རང་གི་སྐྱེས་སྨེ་དང་། །ཡུལ་ཀེག་སྨེ་བ་གཉིས་ནག་དང་། །ཁམས་ཀྱི་རྒྱལ་སྒོ་འགགས་པ་ནི། །རང་གི་སྐྱེས་སྨེའི་དགྲ་སྟེང་བབས། །དེ་རྣམས་སྟེང་སླེབས་ནག་པོ་དང་། །བཟློག་ན་རྡེའུ་དཀར་པོར་བོར། །དེ་རྗེས་ལོ་གྲངས་སྤར་སྨེ་ཡི། །དགུ་མིག་ཚུད་དང་སྤར་ཁ་ཡི། །དུར་དུ་ཚུད་ན་རྡེལ་ནག་རེ། །མ་ཚུད་དཀར་པོ་རེ་རེ་བོར། །གཞན་ཡང་ལོག་མེན་ལེ་ལག་གི། འཇུ་ཐག་རྟེན་ཕུར་གནམ་སའི་རྒྱང་། །གཞི་ལ་བརྩི་བྱའི་སྲོག་དང་ལུས། །དབང་ཀླུང་བཞིས་འཐབས་རྡེལ་བཞི་དང་། །བདུད་གཅོད་བླ་འཁྱམས་ལ་སོགས་བརྩི། །གཞན་ཡང་སྦས་པ་མཛུབ་ཚུགས་ལས། །གསུངས་པའི་ལོ་གཅིག་མཁྱུད་བསྐོར་རྩིས། །རྡེའུ་སུམ་ཅུ་སོ་གཅིག་ནི། །གནམ་ལོའི་སྲོག་ལུས་དབང་

― MLP007_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླུང་དང་། །སྤར་སྨེ་རྩ་བའི་རྡེལ་དྲུག་ལ། །བརྩི་བྱའི་སྲོག་ལུས་དབང་ཀླུང་བཞིས། །ཕར་འཐབས་རྡེའུ་ཉི་ཤུ་བཞི། །དེ་དག་ཁ་དམར་རྡེལ་བཞི་དང་། །སྤར་སྨེ་དགུ་མིག་གསུམ་དང་བཅས། །སུམ་ཅུ་རྩ་གཅིག་དག་ཏུ་ངེས། །ཡང་ན་རྩ་བའི་རྡེལ་དྲུག་དང་། །བསྡོམས་པས་སོ་བདུན་དག་ཏུའང་འགྱུར། །དེ་ལྟར་བརྩིས་པའི་འབྲས་བུ་ནི། །རྩ་བའི་འགྲེལ་པ་ཉི་ཤུ་དང་། །དམར་ཆུང་སྟག་མགོ་སྒང་སྒྲིལ་སོགས། །བལྟས་ཏེ་ཉེས་སྐྱོན་བཅོས་པ་གཅེས། །དེ་ནས་རྒྱ་ནག་རྡེལ་སྐོར་ནི། །བཟའ་ཚང་གཅིག་གིས་བསྡུས་པ་ཡི། །བརྩི་བྱའི་སྲོག་ལུས་དབང་ཀླུང་བཞིས། །གནམ་ལོའི་སྲོག་ལུས་དབང་ཀླུང་ལ། །གཅོད་འབྲལ་བྱས་པའི་རྡེལ་བཞི་སྟེ། །དཀར་ནག་རེ་རེ་སྤྱི་ལྟར་བོར། །དེ་རྗེས་བབས་སྨེའི་རྡེའུ་ནི། །རང་རང་ཁམས་མཐུན་ཁ་དོག་སྟེ། །དང་པོར་སྐྱེས་པ་དེ་རྗེས་མོ། །རྒན་གཞོན་མ་ནོར་རིམ་བཞིན་དགྲམ། །དེ་ནས་རྡེལ་ཁྲ་བྱ་བ་ནི། །རྡེལ་གྲལ་གོང་མའི་ལུས་དང་ནི། །འོག་མའི་ཁམས་ནས་བླངས་ལ་བོར། །ལྷག་རྣམས་རྫོགས་པར་མ་གྱུར་བར། །སེ་བརྡར་རིས་སུ་བླངས་ཏེ་བརྐྱང་། །དེ་ལ་བརྐྱང་པའི་རྡེལ་བསྐོར་ཟེར། །དེ་ལ་དང་པོའི་རྡེའུ་གསུམ། །ལྷ་ས་རབ་འབྲིང་ཐ་གསུམ་མོ། །དེ་ནས་རྐྱང་པའི་གྲལ་གཞུག་ནས། །རེ་རེ་བླངས་ལ་ཕྱེད་འགུགས་བྱ། །གྲལ་རིམ་འོག་མའི་དང་པོ་གསུམ། །མི་ས་རབ་འབྲིང་ཐ་གསུམ་ཟེར། །དེ་ནས་ཡས་མས་གཉིས་ཀ་ཡི། །མཇུག་ནས་རེ་རེ་བླངས་བྱས་ནས། །མི་སའི་འོག་ཏུ་རིམ་བཞིན་བོར། །དེ་ཉིད་ཐོག་མའི་རྡེལ་གསུམ་པོ། །ཁྱིམ་ས་རབ་འབྲིང་ཐ་གསུམ་མོ། །སོ་སོའི་ས་དང་རྡེལ་རོ་ལ། །ཞིབ་མོའི་བློས་བརྟགས་འབྲས་བུ་ནི། །འགྲེལ་པ་ཐིག་ལེ་ནག་པོར་ལྟོས། །ཡང་ཅིག་ཀེག་རྩིས་རྣམ་གྲངས་ལ། །བརྒྱ་གསུམ་ཁ་སྤྲོད་ཅེས་བྱ་བ། །སྤང་རྒྱན་ལོ་མ་སྐོར་གསུམ་ལས། །དང་པོ་གསེར་ལོ་ཅན་གྱི་རྡེལ། །འགྲེམས་ལུགས་གནམ་ལོ་གང་ཤར་གྱི། །སྲོག་ལུས་དབང་ཀླུང་སྨེ་བ་ལྔ། །རེ་རེ་ལ་ཡང་བརྩི་བྱ་ཡི། །སྲོག་ལུས་དབང་ཀླུང་སྨེ་བ་ལྔས། །འཐབས་པའི་རྡེའུ་ཉེར་ལྔ་དང་། །ཁ་དམར་ལྔ་སྟེ་སུམ་ཅུའོ། །དེ་བཞིན་གནམ་ལོའི་བདུན་ཟུར་དང་། །མར་གྱི་དྲུག་འབྲས་བཞི་གཤེད་ཀྱི། །སྲོག་སོགས་ལྔ་ལ་བརྩི་བྱའི་ལྔས། །འཐབས་པའི་རྡེལ་དང་ཁ་དམར་བཅས། །
རེ་རེར་སུམ་ཅུ་སུམ་ཅུ་སྟེ། །ཁྱོན་དྲིལ་བརྒྱ་དང་ཉི་ཤུའོ། །གཡུ་ལོ་ཅན་གྱི་འགྲེམས་ལུགས་ནི། །རང་གི་ལོག་མེན་གར་བབས་དང་། །དེ་ཡི་བདུན་ཟུར་མར་དྲུག་འབྲས། །བཞི་གཤེད་བཞི་ཡི་སྲོག་སོགས་ལྔར། །རང་གི་སྲོག་སོགས་ལྔས་འཐབས་པའི། །གཅོད་འདྲལ་སྟངས་གཅོད་དྲིལ་བ་ཡི། །རྡེའུ་བརྒྱ་དང་ཉི་ཤུའོ། །དུང་ལོ་ཅན་གྱི་འགྲེམས་ཐབས་ལ། །གང་ཤར་ཟླ་བ་དེའི་བདུན་ཟུར། །མར་གྲངས་དྲུག་འབྲས་བཞི་གཤེད་བཞིས། །སྔར་བཞིན་འཐབས་པའི་བརྒྱ་ཉི་ཤུ། །དེ་ལྟར་ཡོངས་བསྡོམས་རྡེའུ་ནི། །སུམ་བརྒྱ་དྲུག་ཅུར་འགྲེམས་ཚུལ་ཏེ། །མར་སྟོན་ཇོ་སྨོན་གདམས་པ་ཡིན། །དེ་སྟེང་ཞག་དང་དུས་ཚོད་ལའང་། །རྡེའུ་བརྒྱ་དང་ཉི་ཤུ་རེ། །བཀྲམ་པས་དྲུག་བརྒྱར་འགྱུར་རོ་ཞེས། །ཁྱུང་ལྷས་གཞོན་ནུ་བསོད་ནམས་བཞེད། །དེ་ལྟར་བརྩིས་པའི་འབྲས་བུའང་། །སྡོང་པོ་ཀུན་འདུས་འགྲེལ་པ་ནི། །གབ་པའི་སྙིང་གཟེར་ཞེས་བྱ་བར། །ཡོད་ཅེས་མཁས་པའི་གཞུང་ལས་འབྱུང་། །འོན་ཀྱང་གནས་སྐབས་བྱ་སླའི་ཆེད། །སྲོག་ལུས་དབང་ཀླུང་སྨེ་བ་ལྔས། །ཚེ་དང་ནད་དང་ཟ་ཐང་དང་། །བསོད་ནམས་གདོན་བྱད་ལ་བརྟགས་པའི། །ཁ་དམར་སྤྱི་བསྡོམས་ལྔར་བསྡུས་ལ། །རིགས་མཐུན་འབྲས་བུ་གང་རུང་གིས། །སྟངས་གཅོད་བྱས་ཀྱང་ཆོག་པར་ངེས། །དེ་ལྟར་ལོ་གཅིག་མཁྱུད་སྐོར་གྱི། །འཕེལ་འགྲིབ་ཆགས་ཆེན་བསལ་བའི་ཕྱིར། །ཞིབ་མོར་གཏན་ལ་དབབ་པ་གཅེས། །འབྱུང་རྩིས་མན་ངག་ཟླ་བའི་འོད་ཟེར་ལས། ལོ་གཅིག་མཁྱུད་སྐོར་གྱི་རྩིས་ཀྱི་ལེའུ་སྟེ་ལྔ་པའོ།། །།

སྲིའུ་དང་ནད་པའི་རྩིས་ཀྱི་ལེའུ་དྲུག་པ།

― MLP007_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་འཁྲུགས་དང་རྣམ་རྟོག་གིས། །བསྐྱེད་པའི་ནད་འདྲེས་གདུང་པའམ། །བཙས་མ་ཐག་གི་བྱིས་པའི་ཆེད། །རྡེའུ་བཅུ་དགུ་བོར་བར་བྱ། །དེ་ཡང་བརྩི་བྱའི་སྲོག་གིས་ནི། །གནམ་ལོའི་སྲོག་འཐབས་རྡེའུ་དང་། །སྲོག་གི་དར་གུད་ལོ་ཡི་སྟེང་། །ཕབ་པའི་རྡེའུ་གཅིག་དེ་བཞིན་དུ། །ཟླ་ཞག་དུས་ཚོད་སྲོག་ལའང་། །བརྩི་བྱའི་སྲོག་གི་འཐབས་པ་དང་། །སྲོག་གི་དར་གུད་ཟླ་སོགས་སྟེང་། །བརྩིས་པའི་རྡེའུ་རེ་རེ་སྟེ། །འཐབས་བསྐོར་སྤེལ་བསྒྲིགས་སྲོག་རྡེལ་བརྒྱད། །དེ་བཞིན་བརྩི་བྱའི་ལུས་ཀྱིས་ཀྱང་། །ལོ་ཟླ་ཞག་དང་དུས་ཚོད་ཀྱི། །ལུས་

― MLP007_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོ་སོར་འཐབས་པ་དང་། །ལུས་ཀྱི་དར་གུད་ལོ་སོགས་བཞིའི། །སྟེང་ཕབ་བརྩིས་པས་ལུས་རྡེལ་བརྒྱད། །དྲིལ་བས་སྲོག་ལུས་རྡེལ་བཅུ་དྲུག །དེ་སྟེང་ཟླ་བ་ངོ་རེ་ཞིང་། །ལྷ་མོ་བརྒྱད་འཆར་ཚེས་གཅིག་ནས། །འོད་འབར་བརྟན་མ་རྣོ་དབལ་མ། །མདངས་ལྡན་ཆར་འབེབས་གཡོ་མེད་དང་། །འོད་ལྗང་སྐྱེད་བྱེད་རིམ་པ་བཞིན། །དང་པོ་དྲུག་ལ་ཞག་བཞི་དང་། །ཕྱི་མ་གཉིས་ལ་ཞག་གསུམ་རེ། །སྦྱར་བའི་ཚེས་གྲངས་བཟང་ངན་དང་། །དེ་བཞིན་གཟའ་དང་སྐར་མ་ཡང་། །བཟང་ངན་བརྩིས་པའི་རྡེལ་གསུམ་སྟེ། །དྲིལ་བས་རྡེའུ་བཅུ་དགུ་བོར། །དེ་ལྟར་བརྩིས་པའི་འབྲས་བུའང་། །རྩ་འགྲེལ་ཉི་ཤུ་པ་སོགས་ལྟོས། །གཞན་ཡང་ནད་རྩིས་ཐང་ཤིང་ནི། །ཐོག་མར་བརྩི་གཞི་ངོས་བཟུང་བྱ། །དེ་ལས་རྩིས་འགོ་བཅོ་ལྔ་སྟེ། །དང་པོ་རང་གི་བླ་ཚེ་ནི། །སྟོར་རམ་མ་སྟོར་གནམ་ལོ་ནས། །མི་དེས་དུ་ལོན་ཐུར་དུ་སྦུབ། །གཉིས་པ་རྒྱལ་པོ་གདན་ས་ནས། །འདྲེད་དམ་མ་འདྲེད་ལྕགས་སྟག་ནས། །དུ་ལོན་ཐུར་དུ་སྦུབ་ལ་བརྩི། །གསུམ་པ་ཞྭ་ཕྱིང་ཐལ་འོག་ཏུ། །ཚུད་དམ་མ་ཚུད་ཆུ་སྟག་ནས། །ཐུར་དུ་དུ་ལོན་བགྲངས་ལ་བརྩི། །བཞི་པ་བློན་པོ་གྲལ་ས་ནས། །ཡར་རམ་མ་ཡར་ཤིང་སྟག་ནས། །དུ་ལོན་ཐུར་དུ་སྦུབ་ལ་བརྩི། །ལྔ་པ་གཡི་སྤྱང་གྲྭ་ཆག་གམ། །མ་ཆག་ས་ཕོ་སྟག་ནས་ནི། །དུ་ལོན་ཐུར་དུ་སྦུབ་ལ་བརྩི། །དྲུག་པ་བདུད་ཀྱིས་འཚོལ་མི་འཚོལ། །ལྕགས་མོ་ཡོས་ནས་དུ་ལོན་སྦུབ། །བདུན་པ་སྲིན་པོས་ཁྲིད་མ་ཁྲིད། །ས་མོ་ཡོས་ནས་དུ་ལོན་སྦུབ། །བརྒྱད་པ་ལྗོན་ཤིང་ཆག་མ་ཆག །ཤིང་མོ་ཡོས་ནས་དུ་ལོན་སྦུབ། །དགུ་པ་བང་མཛོད་སྟོང་མ་སྟོངས། །མེ་མོ་ཡོས་ནས་དུ་ལོན་སྦུབ། །བཅུ་པ་ཡས་ཐག་ཆད་མ་ཆད། །གནམ་ལོའི་ཡར་གྱི་བཅུ་གསུམ་ནས། །ཐུར་དུ་དུ་ལོན་སྦུབ་ལ་བརྩི། །བཅུ་གཅིག་དཔྱང་ཐག་ཆད་མ་ཆད། །གནམ་ལོའི་མར་གྱི་བཅུ་གསུམ་ནས། །དུ་ལོན་གྱེན་དུ་བཀན་ལ་བརྩི། །བཅུ་གཉིས་པ་ནི་བྱང་ཐང་རླུང་། །ལངས་སམ་མ་ལངས་མེ་སྟག་ནས། །དུ་ལོན་ཐུར་དུ་བགྲངས་ལ་བརྩི། །བཅུ་གསུམ་སྒོ་ཁྱིམ་ཞིག་མ་ཞིག །ཆུ་ཕོ་སྤྲེལ་ནས་དུ་ལོན་བཀན། །བཅུ་བཞི་པ་ནི་ཉལ་བའི་སྔས། །ཞིག་གམ་མ་ཞིག་གནམ་ལོ་ཡི། །ཡར་གྱི་ལྔ་ནས་དུ་ལོན་སྦུབ། །བཅོ་ལྔ་རྟེན་ཕུར་ཕྱུང་མ་
ཕྱུང་། །གནམ་ལོའི་མར་གྱི་ལྔ་ཐུན་ནས། །དུ་ལོན་གྱེན་དུ་བགྲངས་ལ་བརྩི། །བཅུ་དྲུག་རྡེལ་སྒོ་འགགས་མ་འགགས། །གནམ་ལོའི་མར་གྱི་དྲུག་འབྲས་ནས། །དུ་ལོན་གྱེན་དུ་བགྲངས་ལ་བརྩི། །དེ་ལྟར་རྩིས་གཞི་གར་བབས་ཀྱི། །སྲོག་ལུས་དབང་ཐང་ཀླུང་རྟ་ལ། །བརྩི་བྱའི་སྲོག་ལུས་དབང་ཀླུང་གིས། །འཐབས་པའི་རྡེའུ་བཞི་བཞི་སྟེ། །དཀར་ནག་བསྟན་རྩིས་བཞིན་དུ་བོར། །དེ་ནས་དཀར་ནག་བགྲངས་བྱས་ལ། །སོ་སོའི་བཟང་ངན་སྟངས་གཅོད་བྱ། །དེ་རྗེས་རྩིས་མིག་བཅུ་དྲུག་ཀྱང་། །རྩིས་ཆེན་བདུན་དུ་དྲིལ་ལ་བརྟག །དེ་ཡང་ཐང་ཤིང་རིང་མོ་དང་། །གསེར་ཟམ་གཡུ་ཤུག་དཔག་བསམ་ལྗོན། །དཔལ་བྱུར་ཁྱིམ་དང་གཤིན་གསོན་མིག །ལིང་ཙེ་བརྒལ་ལམ་མ་བརྒལ་བལྟ། །དེ་དག་རྡེའུ་ལྔ་ཚན་ལྔར། །བཅད་ལ་དང་པོ་སྐྱེས་པའི་ས། །བར་པ་བུད་མེད་ཐ་བྱིས་པ། །རིམ་བཞིན་སོ་སོའི་ས་རུ་བརྟག །གཞན་དུ་རྩིས་འགོ་ཐ་མ་ཡི། །རྡེལ་བོར་ད་ལྟའི་ཕྱག་བཞེས་སུ། །གནམ་ལོ་རང་གི་སྲོག་ལུས་དབང་། །ཀླུང་རྟ་བཞི་ཡི་སྨེ་བ་ལ། །བརྩི་བྱའི་སྲོག་སོགས་སྨེ་བ་བཞིས། །འཐབས་པས་རྡེལ་སྒོ་བརྟག་པ་ཡོད། །གཞན་ཡང་ལོག་མེན་སྤར་སྨེ་དང་། །ཉི་མའི་ནད་གདོན་བརྟག་པ་སོགས། །རྒྱ་ཆེན་གཞུང་ལས་ཤེས་པར་བྱ། །དེ་ལྟར་ནད་ཀྱིས་གདུངས་པའི་འགྲོར། །ཕན་པའི་ལྷག་བསམ་དྲང་པོ་ཡིས། །ལེགས་པར་བརྩིས་ལ་ཁ་དམར་རྣམས། །རང་རང་འགྲེལ་པས་སྟངས་བཅད་དེ། །འཁྲུགས་པ་བཅོས་ཤིང་གུད་པ་གསོ། །རྣམ་རྟོག་འདྲེ་གདོན་བསལ་བར་བྱ། །འབྱུང་རྩིས་མན་ངག་ཟླ་བའི་འོད་ཟེར་ལས། །སྲིའུ་དང་ནད་པའི་རྩིས་ཀྱི་ལེའུ་སྟེ་དྲུག་པའོ།། །།

ཟང་ཀྱམ་གྱི་རྩིས་ཀྱི་ལེའུ་བདུན་པ།

― MLP007_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཅན་ཚེ་ཡི་དུས་བྱས་ཚེ། །བླ་སེམས་ཡིད་གསུམ་རིམ་པ་ལྟར། །གཤེད་མས་ཁྱེར་ཞིང་འགྲོ་དྲུག་འཁྱམས། །ཕུང་པོའི་ཡུལ་ལ་ཆགས་པའི་ཕྱིར། །དེ་ཡི་ཕུང་པོ་ལ་བརྟེན་ནས། །ཤུལ་གྱི་གསོན་པོའི་བྱུར་བསལ་ཕྱིར། །དུར་མཛོད་རྩིས་ལ་གསུམ་ཡིན་ཏེ། །གསོན་གྱི་ཁོག་ནས་གཤིན་དབྱུང་དང་། །གཤིན་གྱི་ཁོག་ནས་གསོན་འདོན་པ། །གཤིན་གྱི་དུར་ཤིད་བརྟག་པའོ། །དང་པོ་གསོན་ཁོག་གཤིན་འདོན་པའི། །ངེས་ཅན་རྡེའུ་ཉི་ཤུ་སྟེ། །ལོ་དང་སྲོག་ལུས་དབང་ཐང་ཀླུང་། །སྤར་ཁ་བབས་སྨེ་དར་གུད་ལྔ། །རྩུབ་རྡེལ་བདུན་དང་སྐྱེས་སྨེའོ། །དེ་

― MLP007_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་གསོན་ཕྱིང་གཡས་བཏིང་ལ། །ཕུ་བོ་ནས་ནི་རིམ་པ་བཞིན། །བཟའ་སྐོར་ཕྱེ་ཡིས་བར་བཅད་ལ། །ནུ་བོ་ཆུང་རྒྱུད་ཡན་ཆད་ཀྱི། །གསོན་རྡེལ་མ་ནོར་རིམ་བཞིན་བོར། །དང་པོ་བརྩི་བྱའི་ལོ་རྡེལ་ནི། །ར་བར་རྡེལ་གཉིས་འབྲིང་པོར་རེ། །རང་ཕྱོགས་འབྱུང་བའི་ཁ་དོག་བཞིན། །ཐ་ཆུང་ཕྱོགས་བསྲེས་རྡེའུ་ནི། །ཕྲ་མེན་གཉིས་ཏེ་གང་ཡིན་བོར། །དེ་མདུན་སྲོག་ལུས་དབང་ཀླུང་གིས། །གནམ་ལོ་ལ་འཐབས་རྡེའུ་བཞི། །དེ་འོག་སྤར་ཁ་གང་ཡིན་རྡེལ། །རང་རྒྱུད་ཕྲ་མེན་སྔར་ལྟར་བོར། །དེ་འོག་བབས་སྨེ་གང་ཡིན་རྡེལ། །གཅིག་དཀར་དཀར་གཅིག་དྲུག་དཀར་གཉིས། །བརྒྱད་དཀར་དཀར་གསུམ་གཉིས་ནག་ལ། །ནག་གཅིག་མཐིང་གཉིས་བཞི་ལྗང་གསུམ། །ལྔ་སེར་ཕྱེད་མ་བདུན་དམར་ལ། །དམར་གཅིག་དགུ་ལ་དམར་གཉིས་བོར། །སྲོག་ལུས་དབང་ཀླུང་སྨེ་བ་ལྔའི། །དར་གུད་རྡེལ་ལྔ་འགྲམ་དང་ནི། །རྩུབ་རྡེལ་བདུན་པོ་རྒྱབ་ཏུ་བོར། །དེ་རྗེས་སྐྱེས་སྨེ་གང་ཡིན་རྡེལ། །བབས་སྨེ་ཇི་བཞིན་བོར་བར་བྱ། །དེ་ལྟར་རྡེའུ་ཉི་ཤུའོ། །རྒྱས་པར་ཀེག་རྩིས་བཞིན་དུ་བོར། །སྤྱི་དང་བྱེ་བྲག་ཁ་དམར་གདགས། །གསོན་གྱི་ཆགས་བཟློག་རིམ་གྲོ་དང་། །གཤིན་ལ་འགོ་ཤིད་ལ་སོགས་པ། །རིག་པས་མ་ནོར་སྟངས་གཅོད་གཅེས། །གཉིས་པ་བླ་རྡེལ་གཤིན་ཁོང་ནས། །གསོན་རྟགས་གཏན་ལ་དབབ་པ་ནི། །གསོན་རྩིས་བཞིན་དུ་བོར་བའམ། །ཡང་ན་ཆད་ཆེན་ནག་པོ་གསུམ། །ཆད་ཆུང་ལ་ནི་ནག་པོ་གཉིས། །མ་ལོ་ཆེ་བར་དཀར་ཆེན་གཉིས། །མ་ལོ་ཆུང་བར་དཀར་ཆུང་གཉིས། །དེ་བཞིན་རང་ལོར་དཀར་པོ་གཅིག །བུ་ལོར་ཕྱེད་མ་དགྲ་ལོར་ནག །གྲོགས་ལ་དཀར་གཉིས་ནག་པོ་གཅིག །དེ་ཡང་ཆེ་ལོ་ཆུང་ལོ་ལ། །མི་ནོར་རྡེའུ་ཆེ་ཆུང་བོར། །ཡང་ན་རང་རྒྱུད་རྡེའུ་སྟེ། །མགོ་བཀད་གནམ་ཐིག་བཏབ་པ་འདྲ། །སོ་སོའི་མདུན་བོར་འབྲས་རྡེལ་དངོས། །རང་གི་ལོ་དང་བདུན་ཟུར་ལ། །དཀར་ནག་རེ་རེ་འབོར་རོ་ཞེས། །རྩ་བར་གསུངས་མོད་དེ་ལྟ་ནའང་། །ཕྱག་ལེན་དེང་སང་མཛད་པའི་སྲོལ། །མེད་ཕྱིར་འདིར་ཡང་བཏང་སྙོམས་བཞག །རྡེའུ་དང་བསྟུན་ཁ་དམར་ནི། །སྤྱི་དང་བྱེ་བྲག་ཁྱད་པར་གྱི། །དུར་སའི་སྐྱོན་ཡོན་གང་ཟློས་བརྟགས། །ཐམས་ཅད་དྲིལ་ལ་སྟངས་གཅོད་བྱ། །གསུམ་པ་གཤིན་

― MLP007_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དུར་ཤིད་ཀྱི། །རྡེའུ་བརྒྱ་དང་གོ་དགུ་སྟེ། །གཤིན་གྱི་སྲོག་ལུས་དབང་ཀླུང་ཁམས། །སྤར་ཁ་ར་བསེ་དུར་ལྔ་དང་། །རོ་རིགས་འདོན་ཕྱོགས་སྐྱེ་གནས་གཏོ། །དེ་ལྟར་སྡེ་ཚན་བཅུ་གཉིས་སོ། །དེ་ཡང་གཤིན་གདན་རོག་པོ་ནི། །གཡོན་ཕྱོགས་བཏིང་ལ་གཤིན་རྡེལ་བོར། །ཐོག་མའི་སྡེ་ཚན་ལྔ་པོ་ནི། །གནམ་ལོ་ལོག་མེན་སྨེ་བ་དང་། །སྤར་ཁ་དར་གུད་ཟླ་བ་ཞག །དུས་ཚོད་གཟའ་སྐར་གསོན་ལོ་སྟེ། །དེ་ལྟར་རྩ་རྡེལ་བཅུ་གཅིག་ལ། །གཤིན་དེའི་སྲོག་ལུས་དབང་ཐང་དང་། །ཀླུང་རྟ་རུས་ཀྱི་ཁམས་དང་ལྔས། །དར་གུད་བརྟག་ཅིང་གཅོད་འདྲལ་འགྱེད། །དཀར་ནག་གསོན་རྡེལ་བཞིན་དུ་བོར། །དྲིལ་བས་རྡེའུ་ང་ལྔ་སྟེ། །དེ་སྟེང་གསོན་གཤིན་སྲོག་འཐབས་རྡེལ། །ཁམས་ཀྱི་གཅོད་འདྲལ་མཐར་བཞག་པས། །རྡེལ་གྲངས་ང་དྲུག་དག་ཏུ་འགྱུར། །དྲུག་པ་སྙད་དང་ལེ་ལན་ནི། །སྤར་ཁའི་ནད་བརྒྱད་འདྲེ་བརྒྱད་དང་། །ཕྱུགས་བརྒྱད་ཟས་བརྒྱད་གོས་བརྒྱད་དང་། །ནོར་བརྒྱད་མགྲོན་བརྒྱད་འགྲུལ་བ་བརྒྱད། །ཕྱོགས་བརྒྱད་གནོད་པའི་ས་བརྒྱད་དང་། །རྦོད་གཏོང་བརྒྱད་དེ་དེ་དག་ལ། །ལེ་ལན་ཐུག་ན་རྡེལ་ནག་དང་། །མ་ཐུག་རྡེལ་དཀར་རྡེལ་བཅུ་གཅིག །བདུན་པ་ར་བསེའི་རོ་ཟློས་ནི། །གནམ་ལོ་ལོག་མེན་སྨེ་བ་དང་། །སྤར་ཁ་དར་གུད་ཟླ་བ་དང་། །ཞག་དུས་གཟའ་དང་སྐར་མ་སྟེ། །དེ་རྣམས་ཟློས་པ་ཡོད་མེད་དང་། །གསོན་པོ་གང་ལ་ཟློས་པ་ཡི། །རྡེའུ་རེ་བོར་བཅུ་གཅིག་གོ །བརྒྱད་པ་འབྱུང་དུར་སིལ་བུ་ནི། །གཤིན་དེའི་ཁམས་དང་གནམ་ལོ་དང་། །ཟླ་བ་ཞག་དང་དུས་ཚོད་དང་། །གཟའ་དང་སྐར་མ་སྲོག་དང་ལུས། །དབང་ཐང་ཀླུང་རྟ་སྨེ་བ་དང་། །སྤར་ཁ་རྣམས་ཏེ་བཅུ་གསུམ་གྱིས། །དུར་ལྔར་འཐབས་པའི་རྡེའུ་བོར། །གཤིན་གྱིས་ཕར་བཅད་དཀར་པོ་སྟེ། །དུར་གྱིས་བཅད་ན་རྡེལ་ནག་ལ། །ནང་འཕྲད་ས་ཆུ་དཀར་པོ་སྟེ། །ཤིང་ལྕགས་མེ་གསུམ་ནག་པོར་བོར། །སིལ་བུའི་རྡེའུ་རེ་ལྔའོ། །དུར་ས་ལྔ་ནི་རི་སྐྱེལ་ཤིང་། །བསྲེག་པ་མེ་ལ་སྦ་བ་ས། །སྒྲུབ་པ་ལྕགས་ལ་སྐྱུར་བ་ཆུ། །དགུ་པ་རོ་རིགས་བཅུ་གཅིག་ནི། །མཛེ་རོ་དང་ནི་རབས་ཆད་དྲུག །དམེ་བོ་རིགས་གསུམ་སྐྱོན་ཅན་བརྒྱད། །བཀྲ་རིགས་ལྔ་དང་སྲིའུ་རིགས་དྲུག །གྲིར་ཤི་བཞི་དང་གཤིས་ངན་གསུམ། །རྒོད་ཅེས་མཚུན་དང་ཞན་པ་

― MLP007_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ངན་པ་རྣམས་ཏེ་བཅུ་གཅིག་པོ། །གང་ཡིན་རྡེལ་དཀར་མིན་ན་ནག །བཅུ་པ་འདོན་ཕྱོགས་བཅུ་གཅིག་ནི། །ལོ་དང་སྨེ་བ་སྤར་ཁ་དང་། །ཡུལ་ཕྱོགས་རོ་རིགས་ཟླ་བ་དང་། །ཞག་དང་གཟའ་སྐར་དུས་ཚོད་དང་། །གསོན་པོའི་ལོ་ཡིས་དྲང་བ་སྟེ། །སོ་སོའི་གཙང་ཕྱོགས་གང་ཡིན་ལ། །ཕྱོགས་བཞི་འབྱུང་བ་རང་རྒྱུད་དང་། །མཚམས་བཞིར་ཕྲ་མེན་རྡེའུ་བོར། །བཅུ་གཅིག་ཕྱི་མ་གར་སྐྱེ་ནི། །གནམ་ལོ་ལོག་མེན་སྨེ་བ་དང་། །སྤར་ཁ་དར་གུད་ཟླ་བ་ཞག །དུས་ཚོད་གཟའ་དང་སྐར་མ་དང་། །གསོན་རྡེལ་རྣམས་ཀྱིས་སྐྱེ་གནས་བརྟག །ལྷ་ལ་དཀར་གཉིས་མིར་ཕྱེད་མ། །ངན་འགྲོར་ལྟུང་ན་ནག་གཉིས་བོར། །བཅུ་གཉིས་མཇུག་གཅོད་གཏོ་ཆོག་ནི། །གནམ་ལོ་ལོག་མེན་སྨེ་བ་དང་། །སྤར་ཁ་དར་གུད་ཟླ་ཞག་དུས། །གཟའ་སྐར་ཉམས་རྣམས་བཅོས་པ་དང་། །གསོན་རྡེལ་ཆགས་ཆེར་གྱུར་ན་འཆོས། །དེ་ཡང་བཅོས་ཐབས་གང་དགོས་ལ། །རྡེལ་ནག་དེ་ལྡོག་དཀར་པོར་བོར། །དེ་ལྟར་དྲིལ་བས་དུར་ཤིད་ཀྱི། །རྡེའུ་བརྒྱ་དང་བརྒྱད་ཅུ་བདུན། །དེ་ནས་སྡེ་ཚན་བཅུ་གཉིས་ལ། །དཀར་ནག་བགྲངས་ལ་ཁ་དམར་གྱི། །རྡེའུ་བཅུ་གཉིས་ལོགས་སུ་བོར། །དཀར་ལ་དཀར་པོ་ལྡོག་པ་ནག །མཉམ་ན་ཕྱེད་མ་ཁྱད་པར་དུ། །སྲེག་སྒྲུབ་དུར་ལྔའི་ཁ་དམར་ནི། །རང་ལ་རང་འདུར་དཀར་པོ་གཅིག །མ་ལ་བུ་འདུར་དཀར་པོ་གཉིས། །བུ་ལ་མ་འདུར་ནག་པོ་གཉིས། །དགྲ་ལ་གྲོགས་འདུར་ནག་པོ་གཅིག །གྲོགས་ལ་དགྲ་འདུར་དཀར་ནག་གཉིས། །རོ་རིགས་བཟང་ངན་དཀར་དང་ནག །དྲང་ཕྱོགས་གཙང་བསྟུན་ལོ་རྡེལ་བོར། །སྐྱེ་གནས་ལྷ་མི་ངན་འགྲོ་ལ། །དཀར་གཅིག་ཕྱེད་མ་ནག་གཅིག་སྟེ། །གཏོ་ཆོག་རྡེལ་གྲངས་བསྟུན་པ་གཅེས། །དེ་ལྟར་སྟངས་གཅོད་རྡེའུ་ཡི། །ཁ་དོག་དང་བསྟུན་ཁ་དམར་ཡང་། །སྲོག་གིས་འཆི་དུས་ལུས་དུར་ས། །དབང་ཐང་ཟས་སྐལ་ཀླུང་རྡེལ་གྱིས། །ཤིད་ཀྱི་ཡལ་ག་རུས་ཁམས་རྡེས། །འདུར་ཐང་ཆེ་ཆུང་སྤར་ཁ་ཡིས། །ལེ་ལན་ར་བསེས་ཟློས་པ་དང་། །འབྱུང་དུར་སིལ་བུས་སྲེག་སྒྲུབ་བརྩི། །རོ་རིགས་བཞག་པ་འདོན་ཕྱོགས་ཀྱིས། །དྲང་ཕྱོགས་གནས་རིས་གར་སྐྱེ་བརྟག །གཞུག་གཅོད་གཏོ་ཡིས་ཤི་གཞུག་བཅད། །གཞན་ཡང་གཤིན་ཁོང་གསོན་དབྱུང་བའི། །རྡེའུ་རོ་

― MLP007_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་འབོར་ཚུལ་ནི། །ཤི་ཟླ་དེ་ཡི་སྲོག་རྐྱང་ལ། །གཤིན་དེའི་སྲོག་ལུས་དབང་ཀླུང་བཞི། །རང་མ་བུ་དགྲ་གྲོགས་དང་ལྔར། །ཕྱེ་བས་རིམ་འཐབས་རང་རྡེལ་སོགས། །སོ་སོ་མ་འདྲེས་འཕྲེང་ལ་བསྒྲིག །དེ་ནས་རྡེའུ་སྤྲུག་པ་ནི། །སྲོག་གི་དགྲ་དང་ལུས་ཀྱི་དངོས། །དབང་ཐང་དགྲ་དང་ཀླུང་རྟའི་དངོས། །སྲོག་གི་གྲོགས་དང་ལུས་ཀྱི་མ། །དབང་ཐང་གྲོགས་དང་ཀླུང་རྟའི་མ། །སྲོག་གི་མ་དང་ལུས་ཀྱི་གྲོགས། །དབང་ཐང་མ་དང་ཀླུང་རྟའི་གྲོགས། །སྲོག་གི་དངོས་དང་ལུས་ཀྱི་དགྲ། །དབང་ཐང་དངོས་དང་ཀླུང་རྟའི་དགྲ། །གཉིས་གཉིས་ཕན་ཚུན་སོ་སོར་བརྗེ། །བུ་བཞི་མི་བརྗེ་རང་སར་བཞག །སྟེང་ནས་མར་དེད་རྡེལ་ཚར་ནི། །དང་པོ་ཕ་ཁུ་རྒན་རིམ་སྤུན། །གཉིས་པ་མ་སྲུ་ཞང་ཉེའི་ས། །གསུམ་པ་མག་པ་ཚ་ཡུག་ས། །བཞི་པ་དོ་བདག་ས་ཡིན་ནོ། །འཕྲེད་ལ་རང་མ་བུ་སོགས་ལྔ། །རིམ་བཞིན་རྒན་དང་སྐྱེས་དར་དང་། །བུད་མེད་དར་མ་བུ་ཚ་དང་། །རྐང་བྲན་རྣམས་ཀྱི་ས་ཡིན་ནོ། །དེ་ནས་རྡེའུའི་རོ་བླངས་ཏེ། །ནག་གསུམ་དཀྱིལ་ནས་དཀར་པོ་ལོང་། །དཀར་གསུམ་ནང་ནས་རྡེལ་ནག་ལེན། །མཐུན་གསུམ་ལོ་པར་ཟློས་ཞེས་གསུངས། །དེ་ལྟར་བོར་རྡེལ་རང་འགྲེལ་སོགས། །ཟང་ཀྱམ་མན་ངག་ཡི་གེ་ལྟར། །འདུར་ལུགས་སྲེག་སྒྲུབ་གང་བཟང་དང་། །འགྲམ་ཟློས་ཤི་གཞུག་གཅོད་ཐབས་སོགས། །གཤིན་དང་གསོན་ལ་ཕན་སེམས་ཀྱིས། །ཀུན་ནས་བསླངས་ཏེ་བཅོས་པ་གཅེས། །འབྱུང་རྩིས་མན་ངག་ཟླ་བའི་འོད་ཟེར་ལས། ཟང་ཀྱམ་གྱི་རྩིས་ཀྱི་ལེའུ་སྟེ་བདུན་པའོ། །གཞན་ཡང་གསོན་གཤིན་གཉིས་ཀ་ལ། །གཅེས་པའི་ས་བཅད་བརྟག་ཐབས་དང་། །གྱིམ་ཤང་འཕུང་བཤིག་རྣམ་པ་བཞིས། །འགལ་བྱེད་དགྲ་བོ་བརླག་པ་དང་། །རང་ཀེག་གཞན་ལ་སྤོ་བ་སོགས། །བཤད་མོད་ཤེས་འདོད་ལྡན་པ་དག །རྒྱ་ཆེན་གཞུང་དུ་བལྟ་བར་གྱིས། །འདིར་ནི་བློ་ལྡན་འགའ་ཞིག་གིས། །ཉེ་བར་བསྐུལ་ཞིང་རང་ཉིད་ཀྱིའང་། །དྲན་ཐོར་སྐོར་འགོ་རྡེལ་བོར་གྱི། །རྩ་བ་ཙམ་ཞིག་བསྡུས་འདིའང་། །བན་ཆུང་དྷརྨ་ཤྲཱི་ཡིས། །དམ་ཆོས་སྒྲུབ་པར་མ་ནུས་པའི། །ཞག་འགའི་ཉི་རིང་འཕུལ་ཕྱིར་བྲིས། །ནོངས་གྱུར་མཁས་

― MLP007_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བཟོད་པར་བཞེས། །ལེགས་བཤད་གང་མཆིས་དགེ་བ་དེས། །འགྲོ་ཀུན་བདག་སྟོན་རིག་པ་ལ། །བརྟེན་ནས་ཆོས་ཀུན་སྡོམ་གྱུར་པའི། །བདག་མེད་གཉིས་པོ་རབ་རྟོགས་ཏེ། །ཀུན་ཏུ་གྲོལ་བ་བརྙེས་གྱུར་ཅིག །འབྱུང་རྩིས་མན་ངག་ཟླ་བའི་འོད་ཟེར་ཞེས་བྱ་བ་དྲུག་ཅུ་སྐོར་བཅུ་གཉིས་པའི་མགོར་སྨྱོས་ཀྱི་བན་ཆུང་གིས་སློབ་དཔོན་མཁས་པ་རྣམས་ཀྱི་དྲིན་ལས་ཅུང་ཟད་ངེས་པ་རྣམས་ཟིན་ཐུན་སུག་རིས་སུ་བགྱིས་པ་དགེ་ལེགས་སུ་གྱུར་ཅིག །མངྒ་ལཾ།། །།

སྡེབ་སྦྱོར་རིན་ཆེན་འབྱུང་གནས་ཀྱི་འགྲེལ་པ་དོན་གསལ་མེ་ལོང་། ལོ་ཆེན་དྷརྨ་ཤྲཱི།

བསྟན་བཅོས་ལ་འཇུག་པའི་ཡན་ལག་མཆོད་པར་བརྗོད་པ།

― MLP007_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ཙྪནྡརཏྣཱཀརསྱབྲྀཏྟྱརྠབྱཀྟཱདརྴནཱམབིཧརཏིསྨ། །སྡེབ་སྦྱོར་རིན་ཆེན་འབྱུང་གནས་ཀྱི་འགྲེལ་པ་དོན་གསལ་མེ་ལོང་ཞེས་བྱ་བ་བཞུགས་སོ། །ལོ་ཆེན་དྷརྨ་ཤྲཱི།

― MLP007_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེབ་སྦྱོར་རིན་ཆེན་འབྱུང་གནས་ཀྱི་འགྲེལ་པ་དོན་གསལ་མེ་ལོང་ཞེས་བྱ་བ་བཞུགས་སོ། །སྡེབ་སྦྱོར་རིན་ཆེན་བྱུང་གནས་ཀྱི་འགྲེལ་པ་དོན་གསལ་མེ་ལོང་ཞེས་བྱ་བ། བླ་མ་དང་འཇམ་དཔལ་དབྱངས་ལ་ཕྱག་འཚལ་ལོ། །སོ་སོ་ཡང་དག་རིག་པ་བཞི་བརྙེས་ནས། །མི་འཇིགས་རྣམ་བཞིས་འཁོར་གྱི་ཁྱམས་ནང་དུ། །སེང་གེའི་སྒྲ་ཡིས་ཐེག་ཆེན་ཆོས་ཀྱི་དབྱངས། །སྒྲོག་མཛད་གཏེར་ཆེན་ཆོས་རྗེ་སྤྱི་བོས་མཆོད། །དམར་སེར་ཅན་སོགས་ཕྱོགས་འདིའི་གཞུང་ཀུན་ལས། །ཕུལ་བྱུང་ཡོན་ཏན་བརྒྱད་ཀྱིས་རབ་འཕགས་པ། །མཛད་པོ་རིན་ཆེན་འབྱུང་གནས་ཞི་བ་ཞེས། །རྩོད་དུས་ཀུན་མཁྱེན་གཉིས་པར་གྲགས་དེ་རྒྱལ། །ཐ་སྙད་གཙུག་ལག་ཉི་མའི་གདེངས་ཀ་ཅན། །ལྗོངས་འདིར་འདྲེན་མཛད་ཤོང་དཔང་ཡབ་སྲས་དང་། །སྙིགས་མའི་མཐར་ཡང་ལེགས་བཤད་རྫོགས་ལྡན་སྤྲིན། །རྣམ་པར་འགྱེད་མཁས་ཆོས་སྐྱོང་བཟང་པོར་འདུད། །བདག་བློ་ཆེས་ཕྲའ་ིབུ་གར་ལེགས་བཤད་ཀྱི། །འོད་སྣང་སྤྲོ་མཛད་བསྟན་པའི་ཉི་མ་དང་། །གུང་ཐང་པ་དང་རྒྱ་སྟོན་སྟག་ལུང་པ། །དྲིན་ཅན་ལོ་ཆེན་རྣམ་བཞི་དགྱེས་གྱུར་ཅིག །གང་ཞིག་མཐོང་བ་ཙམ་གྱིས་བདེ་བླག་ཏུ། །རྟོགས་པར་འགྱུར་འདི་བརྩམས་པའི་དགོས་པ་སྟེ། །དེ་ཕྱིར་

― MLP007_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་འབྱུང་གནས་གཞུང་གི་དོན། །རབ་གསལ་མེ་ལོང་འདི་འདྲ་རྙེད་པར་དཀའ། །འདིར་ཡུལ་དམ་པ་རྣམས་ལ་བསྔགས་པར་བྱ་བ་དང་། མཁས་པ་རྣམས་བསྟན་བཅོས་རྩོམ་པ་ལ་འཇུག་པ་ན། བརྗོད་བྱའི་དོན་ཇི་སྙེད་པ་ཚིགས་སུ་བཅད་པའི་ངག་ཏུ་སྦྱོར་འདོད་པ་རྣམས་ལ་ཕན་གདགས་པའི་སླད་དུ་གཞུང་འདི་དགྲོལ་བར་བྱའོ། །འདི་ལ་གསུམ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །དང་པོ་ལ། མཚན་བསྒྱུར་བ། མཚན་བཤད་པ། འགྱུར་ཕྱག་དང་གསུམ། དང་པོ་ནི། རྒྱ་གར་ན་སྐད་རིགས་རྣམ་པ་བཞི་ཡོད་པ་ལས་སཾ་སྐྲྀ་ཏའི་སྐད་དུ། འདིའི་མིང་ལ། ཙྪནྡ་རཏྣཱ་ཀ་ར་ནཱ་མ། དེ་བོད་སྐད་དུ་བསྒྱུར་ན། སྡེབ་སྦྱོར་རིན་ཆེན་འབྱུང་གནས་ཞེས་བྱ་བ་ཞེས་སོ། །གཉིས་པ་ནི། རིག་པའི་གནས་ལས་སྡེབ་སྦྱོར་ནི་སྒྲ་རིག་པའི་ཡན་ལག་གམ། བཟོ་རིག་པའི་ཕྱོགས་སུ་གཏོགས་སོ་ཞེས་བཞེད། ཡང་རྒྱ་གར་ན་པཎྜི་ཏ་རྣམས་ལ་རིག་པའི་གནས་བཅུ་ཕྲག་ཅེས་གྲགས་པ་ལས་ཆུང་བ་ལྔའི་ཡ་གྱལ། སྡེབ་སྦྱོར་ཤེས་ན་ཚིགས་བཅད་ལ་མི་རྨོངས་ཞེས་ཀྱང་གྲགས་ཏེ། དེའི་ཕྱིར་སྡེབ་སྦྱོར་ནི་བརྗོད་བྱའི་མིང་དང་། རིན་ཆེན་འབྱུང་གནས་ནི་འདྲ་དཔེའམ་མཛད་པ་པོའི་མཚན་ལས་བཏགས་པའོ། །གསུམ་པ་ནི། ༀ་ཞེས་པ་བཀྲ་ཤིས་པའི་ཡི་གེས་མགོ་དྲངས་པ་སྟེ། བརྩམས་པ་མཐར་ཕྱིན་པའི་དོན་དུ་ཤིས་པ་བརྗོད་པའོ། །དེ་ལྟར་ཡང་རྡོ་རྗེ་རྩེ་མོ་ལས། ༀ་ནི་ཅི་ཞིག་ཡིན་པར་བཤད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་ཞིང་། །དམ་བཅའ་བ་དང་བཀྲ་ཤིས་དོན། །ཞེས་སོ། །ངག་གི་དབང་ཕྱུག་ལ་ཕྱག་འཚལ་ལོ། །ཞེས་པ་ནི་འཇམ་དཔལ་ལ་ལོ་ཙཱ་བས་འགྱུར་བྱེད་པའི་སྔ་ལོགས་སུ་ཕྱག་བྱས་པའོ། །གཉིས་པ་གཞུང་གི་དོན་ལ། བསྟན་བཅོས་ལ་འཇུག་པའི་ཡན་ལག་མཆོད་པར་བརྗོད་པ། འཇུག་བྱ་བསྟན་བཅོས་ཀྱི་དོན་བཤད་པ། དེ་ཐོབ་དགེ་བ་བསྔོ་བ་དང་གསུམ། དང་པོ་ནི། རྒྱལ་བ་ཡང་དག་པར་རྫོགས་པའི་སངས་རྒྱས་ཐུབ་པ་ནི་ཉི་མ་དང་ཆོས་མཚུངས་ཏེ། སྣང་བ་མཆོག་གི་བདག་ཉིད་ཅན་ཡིན་པའི་ཕྱིར་རོ། །དཔེར་ན། ཉི་མས་ཕྱི་རོལ་གྱི་མཚན་

― MLP007_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་མུན་སྟུག་བསལ་ནུས་པ་ལྟར། ནང་སེམས་ཀྱི་དེ་ཁོ་ན་ཉིད་སྒྲིབ་བྱེད་མཚན་མོའི་མུན་པ་ནི་གཏི་མུག་ཡིན་ལ། དེས་ལྡོངས་ཤིང་དམིགས་བུའི་བཤེས་གཉེན་དང་བྲལ་བ་རྣམས་ཀྱི་བློ་གྲོས་ཀྱི་མིག་ལེགས་པར་ཕྱེ་ནས་ཡང་དག་པའི་ཡེ་ཤེས་ཀྱི་སྣང་བ་རྒྱས་པར་མཛད་པའི་ཕྱིར་ནང་གི་ཉིན་བྱེད་དོ། །དེ་ལ་བསྟན་བཅོས་བརྩམ་པའི་ཐོག་མར་སློབ་དཔོན་གྱིས་ཕྱག་འཚལ་བར་མཛད་དོ། །དེ་ལྟར་ཕྱག་མཛད་ནས་ཅིའི་ཕྱིར་བསྟན་བཅོས་རྩོམ་ཞེ་ན། ནང་པ་སངས་རྒྱས་པ་དང་། ཕྱི་རོལ་མུ་སྟེགས་པས་བྱས་པའི་སྙན་ངག་རྣམས་ལ་ཚིག་གི་སྦྱོར་ཚུལ་ཁྱད་པར་ཡོད་པ་ཉིད་བདེ་བླག་ཏུ་རྟོགས་པའི་ཕྱིར་ཏེ། རང་འགྲེལ་ལས། རང་གི་སྙན་ངག་དང་གཞན་གྱི་སྙན་ངག་རྣམས་ལ་ཇི་ལྟར་བྱ་བ་བྱེ་བྲག་ཏུ་རྟོགས་པར་འགྱུར་བའི་ཕྱིར་བསྟན་བཅོས་རྩོམ་མོ། །ཞེས་སོ། །བརྩམ་དགོས་པའི་རྒྱུ་མཚན་ཡང་། དེ་ལས་དེ་ལ་དམར་སེར་གྱིས་སྡེབ་སྦྱོར་གྱི་རྩ་བའི་མདོ་དང་། དེའི་དཔེར་བརྗོད་ནི་རྒྱལ་བའི་ལྷས་མཛད་དོ། །དེ་དག་གིས་མཛད་དུ་ཟིན་ཀྱང་། དེ་ཡོན་ཏན་བརྒྱད་རྣམས་ཀྱིས་ཤིན་ཏུ་དབེན་པར་གྱུར་ཏེ། ཞེས་དང་། འདི་ལ་ཡོན་ཏན་བརྒྱད་པོ་རྣམས་ཀྱང་ཡོད་ཅིང་། སླར་དཔེར་བརྗོད་ཀྱང་མདོ་ཡིས་སོ། །དེའི་ཕྱིར་འདི་དེ་བས་ཀྱང་མཆོག་ཏུ་གྱུར་པ་ཡིན་ནོ། །ཞེས་དམར་སེར་གྱིས་བྱས་པའི་མདོ་སོགས་སུན་ཕྱུང་ནས། དེ་དག་ལས་ཡོན་ཏན་བརྒྱད་ཀྱིས་ཁྱད་པར་དུ་འཕགས་པའི་བསྟན་བཅོས་མཛད་པར་བཞེད་དེ་བརྩམ་པར་དམ་བཅའ་བ་དགོས་པ་དང་བཅས་པ་གསུངས་སོ། །དེ་ལ་ཡོན་ཏན་བརྒྱད་གང་ཞེ་ན། འགྲེལ་པར། མདོར་བསྡུས་ཚིགས་བཅད་གསལ་བ་དང་། མདོ་ཡིས་དཔེར་བརྗོད་བགྱིས་པ་དང་། །མ་འདྲེས་པྲསྟཱ་ར་གཞུང་། ཚིག་དོན་གཉིས་ཀརིམ་པས་འདོན་པ་དང་། །དེ་གའི། མཐར་སྡོད་ངལ་གསོ་དང་མིང་སོགས། ཚོགས་ཉིད་ཡོན་ཏན་ཡིན། སྤྱི་བྱེ་བྲག་གིམ་ནོར་བ། ངག་ཏུ། སླ་བ། བྲྀཏྟ་ཛཱ་ཏི་གཉིས་ཀ་ལ། ཛཱ་ཏི་ལ་ཡི་གེ་བཞིར། ཅེས་འཇོག་པ། ཞེས་སོ། །དེ་ལྟར་ན་གོང་དུ་མདོས་དཔེར་བརྗོད་བྱས་པ་ཡོན་ཏན་བརྒྱད་དུ་མ་བགྲངས་པས། དེར་ཡོན་ཏན་བརྒྱད་པོ་མ་ཚང་བའི་སྐྱོན་ཡོད་དོ་ཞེ་ན། མེད་དེ། སྔར་ངོ་མཚར་བའི་སྦྱོར་བ་དྲུག་བསྣན་ནས་བརྒྱད་དུ་བགྲངས་བར་མངོན་པའི་ཕྱིར་ཏེ། དམར་སེར་
ཅན་སུན་དབྱུང་བ་ན། ངོ་མཚར་བའི་སྦྱོར་བ་བསྟན་པའང་མ་མཛད་པ་དང་ཞེས་གསུངས་པའི་ཕྱིར་རོ། །

འཇུག་བྱ་བསྟན་བཅོས་ཀྱི་དོན་བཤད་པ།

སྡེབ་སྦྱོར་བྱ་བའི་གཞི་ཚིགས་བཅད།

― MLP007_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་འཇུག་བྱ་བསྟན་བཅོས་ཀྱི་དོན་བཤད་པ་ལ། སྡེབ་སྦྱོར་བྱ་བའི་གཞི་ཚིགས་བཅད་དང་། དེ་ལ་བྱ་བའི་སྡེབ་སྦྱོར་དངོས་སོ། །དང་པོ་ལ། ལུང་ལས་གསུངས་པ་དང་། སྙན་ངག་མཁན་ལ་གྲགས་པའོ། །དང་པོ་ནི། ཚིགས་བཅད་རྐང་པ་བཞི་པ་ཁོ་ནར་མ་ངེས་ཏེ། མངོན་པ་ཀུན་ལས་བཏུས་ལས། ཚིགས་སུ་བཅད་པ་ནི། རྐང་པ་གཅིག་པ་དང་། གཉིས་པ་དང་། གསུམ་པ་དང་། བཞི་པ་དང་། ལྔ་པ་དང་། དྲུག་པ་རྣམས་སུ་ཡོད་དོ། །ཞེས་པས་རྐང་པ་གཅིག་ནས་དྲུག་པའི་བར་དུ་གསུངས་ལ། རྐང་པ་བདུན་པ་ནི་མེད་ཅིང་། བརྒྱད་པ་ནས་ཚིགས་བཅད་གཉིས་སུ་བགྲང་བར་བཤད་དོ། །གཉིས་པ་ནི། ཚིགས་སུ་བཅད་པའི་མཚན་ཉིད། རྐང་པ་བཞིར་བཅད་ཅིང་རྐང་པ་བཞིར་ཚོགས་པའི་ངག་ཅན་ནོ། །ཚིགས་བཅད་དང་། ཤོ་ལོ་ཀ་དང་། རྐང་ལྡན་རྣམས་ནི་དོན་གཅིག་མིང་གི་རྣམ་གྲངས་སོ། །དེས་ན་སྙན་ངག་པའི་ལུགས་ལ་ཚིགས་བཅད་ལ་རྐང་བཞིས་ཁྱབ་པའི་ཕྱིར། རྒྱུན་ཆགས་དང་རབ་བསགས་སོགས་ཀྱང་ཚིགས་བཅད་རྐང་པ་རིང་པོ་ཉིད་ཡིན་ནོ། །དེ་ལྟར་ཡང་འཇམ་དཔལ་རྩ་རྒྱུད་ལས། ཚིགས་བཅད་རྒྱུན་ཆགས་ཆ་དག་ནི། །ཚིགས་བཅད་ཚིགས་སུ་བཅད་པ་ཡིན། །ཞེས་སོ། །གང་དག་རྒྱུན་ཆགས་བཅད་པ་དང་མ་བཅད་པ་གཉིས་སུ་བཞེད་པ་ནི་མི་རིགས་ཏེ། མ་བཅད་པ་དེ་ལྷུག་པ་ཡིན་པའི་ཕྱིར། དེའང་སྙན་ངག་མེ་ལོང་ལས། རྐང་པ་མེད་པའི་ཚིག་རྒྱུན་ནི། །ལྷུག་པ་ཞེས་གསུངས་པའི་ཕྱིར་རོ། །

དེ་ལ་བྱ་བའི་སྡེབ་སྦྱོར་དངོས།

སྤྱིར་བསྟན་པ།

― MLP007_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལ་སྤྱིར་བསྟན་པ་དང་། སོ་སོར་བཤད་པའོ། །དང་པོ་ནི། ཚིགས་སུ་བཅད་པ་དེ་ཡང་། བྲྀཏྟ་དང་ཛཱ་ཏི་རྣམ་པ་གཉིས་སུ་དབྱེ་སྟེ། མེ་ལོང་ལས། ཚིགས་བཅད་རྐང་བཞི་ཅན་དེ་ཡང་། །བྲྀཏྟ་ཛཱ་ཏི་ཞེས་རྣམ་གཉིས། །དེ་ཡི་སྤྲོས་པ་མཐའ་དག་ནི། །སྡེབ་སྦྱོར་གཞུང་དུ་ངེས་པར་བསྟན། །ཅེས་སོ། །དེ་ཉིད་ཀྱི་མཚན་ཉིད་ནི། སྡེབ་སྦྱོར་གང་ཞིག་དབྱངས་ཀྱི་ཡི་གེ་བགྲང་བ་བྲྀཏྟའི་མཚན་ཉིད། ཞུགས་པ་དང་། སྦྱར་བ་དང་། རྒྱུད་འཕེལ་རྣམས་ནི་
མིང་གི་རྣམ་གྲངས་ཏེ། བྲྀཏྟ་ཉིད་བསྒྱུར་བ་ཡིན་ནོ། །སྡེབ་སྦྱོར་གང་ཞིག་དབྱངས་ཐུང་བ་ཕྱི་མོ་རེ་རེ་དང་། རིང་བ་དང་ཤིན་ཏུ་རིང་བ་ལ་གཉིས་གཉིས་སུ་བགྲང་བའི་སྒོ་ནས་ཕྱི་མོ་བགྲང་བ་ཛཱ་ཏིའི་མཚན་ཉིད། རིགས་དང་སྐྱེད་མ་ཞེས་པ་ནི་བསྒྱུར་བ་སྟེ་མིང་གི་རྣམ་གྲངས་སུ་འགྱུར་རོ། །དེའི་ཕྱིར་ཚིགས་སུ་བཅད་པ་ལ་དབྱངས་བགྲང་གི། གསལ་བྱེད་བགྲང་བར་མི་བྱ་སྟེ། འགྲེལ་པར། ཡི་གེ་བགྲང་བ་ན་དབྱངས་བགྲང་བར་བྱའི། གསལ་བྱེད་རྣམས་ནི་མ་ཡིན་ནོ། །ཞེས་དང་། འདིར་ནི་དབྱངས་ཡིག་ཉི་ཤུ་གཉིས། །གསལ་བྱེད་རྣམས་ནི་སུམ་ཅུ་བདུན། །འདི་རྣམས་ཡི་གེ་ལྔ་བཅུ་དགུ། །དབྱངས་ཀྱི་ཡི་གེ་བགྲང་བར་བྱ། །ཞེས་སོ། །དེ་ལ་དབྱངས་ཡིག་ཉི་ཤུ་རྩ་གཉིས་ནི། ཐུང་ངུ་ལྔ། རིང་པོ་བརྒྱད། ཤིན་ཏུ་རིང་པོ་དགུའོ། །དང་པོ་ནི། ཕྱི་མོ་གཅིག་པ་སྟེ། ཨ་ཨི་ཨུ་རྀ་ལྀ་ལྔའོ། །གཉིས་པ་ནི། ཕྱི་མོ་གཉིས་པ་སྟེ། ཨཱ་ཨཱི་ཨཱུ་རཱྀ་ཨེ་ཨཻ་ཨོ་ཨཽ་བརྒྱད་དོ། །གསུམ་པ་ནི། ཕྱི་མོ་གསུམ་པསྟེ། ཨ྅་ཨི྅་ཨུ྅་རྀ྅་ལྀ྅་ཨེ྅་ཨཻ྅་ཨོ྅་ཨཽ྅་སྟེ་པླུ་ཏའི་མཚན་མ་ཅན་དགུའོ། །དེ་ལྟ་ནའང་ཛཱ་ཏིའི་གཞུང་གི་དཔེར་བརྗོད་རྣམས་སུ་པླུ་ཏའི་མཚན་མ་ཅན་ཉིད་ཕྱི་མོ་གཉིས་པར་བགྲངས་བ་ཤ་སྟག་སྣང་ངོ་། །གསལ་བྱེད་སོ་བདུན་ནི། སྡེ་པ་ལྔ་ལ་ནང་ཚན་ལྔ་ལྔ་སྟེ་ཉེར་ལྔ། མཐར་གནས་བཞི། དྲོ་བ་བཞི། ང་རོ་ཅན་སོགས་བཞིའོ། །དང་པོ་ནི། ཀ་ཁ་ག་གྷ་ང་། ཙ་ཚ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ་རྣམས་སོ། །གཉིས་པ་ནི། ཡ་ར་ལ་ཝ་བཞིའོ། །གསུམ་པ་ནི། ཤ་ཥ་ས་ཧ་བཞིའོ། །བཞི་པ་ནི། ཨཾ་ཨཿྈྐ་ྉྤ་བཞིའོ། །དེ་ལྟར་དབྱངས་གསལ་གཉིས་བསྡོམས་པས་ལྔ་བཅུ་རྩ་དགུའོ། །དེ་ནས་ཡི་གེ་ལྕི་ཡང་གི་ཁྱད་པར་བཤད་པ་ནི། ཕ་རོལ་ཏུ་ཡི་གེ་བརྩེགས་མ་དང་། རྣམ་བཅད་དང་། ང་རོ་རྣམས་མེད་པའི་དབྱངས་ཐུང་ངུ་རྣམས་ལ་ནི་ཡང་བ་ཞེས་གྲགས་ཏེ། དབྱངས་ཅན་བརྡ་སྤྲོད་ལས། ཕ་རོལ་ཏུ་རབ་སྦྱོར་ལ་སོགས་པ་མེད་པའི་ཐུང་ངུ་ནི་ཡང་བའོ། །ཞེས་སོ། །དེར་མ་ཟད་ལ་གྷུ་ཡང་བ་ལ་འཇུག་པའི་ཐོག་མ་བརྗོད་དེ་ལ་ཞེས་ཀྱང་བརྡ་འདོགས་ཏེ། པྲསྟཱ་ར་འདྲི་བ་ན་རི་མོ་དྲང་པོར་བྲིའོ། །སྤྱིར་ཐུང་ངུ་ལ་ཡིག་ཡིན་ཡང་རྐང་པའི་མཐའ་རྣམས་སུ་ཡོད་པའི་དབྱངས་

― MLP007_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུང་ངུ་མང་པོ་ཞིག་ཀྱང་ལྕི་བ་དང་ག་ཞེས་བརྡ་འདོགས་ཏེ་རི་མོ་ཡང་འཁྱོག་པོར་བྲིའོ། །འདིར་མང་པོ་ཞེས་པ་ནི་འགྱུར་རྙིང་ལྟར་ཕལ་ཆེ་བའི་དོན་ཏེ། འདྲ་མཚུངས་ལ་སོགས་པ་སྡེབ་སྦྱོར་འགའ་ཞིག་གི་རྐང་མཐའི་ཐུང་ངུ་ལྕི་བར་མི་འགྱུར་བའི་ཕྱིར། གཞན་དུ་ན་རྐང་པ་གཉིས་པ་དང་བཞི་པ་སྟེ་ཟུང་གི་རྐང་མཐའི་ཐུང་ངུ་ལྕི་བར་འགྱུར་བ་དང་། དབང་རྡོར་ལ་སོགས་པའི་དང་པོ་དང་གསུམ་པ་སྟེ་ཟུང་མིན་གྱི་རྐང་མཐའ་ཡང་ལྕི་བར་འགྱུར་བ་ཡིན་ནོ། །ཕ་རོལ་ན་དབྱངས་དང་བྲལ་བ་ཧ་ལནྟའི་མཚན་མ་ཅན་གྱི་གསལ་བྱེད་དམ་གསལ་བྱེད་བརྩེགས་པ་ཡོད་ནའང་དེ་ལས་ཚུ་རོལ་སྔ་མའི་ཡི་གེ་ཐུང་ངུ་དེའང་ལྕི་བའོ། །དབྱངས་རིང་ཆ་དང་འགྲེང་བུ་རྣ་རུ་ཅན་ཏེ་རིང་པོ་རྣམས་དང་པླུ་ཏའི་རྟགས་ཅན་ཤིན་ཏུ་རིང་པོ་ཉིད་ནི་གནས་སྐབས་ཐམས་ཅད་དུ་ལྕི་བ་ཡིན་ལ། དེར་མ་ཟད་རྣམ་བཅད་དང་རྗེས་སུ་ང་རོ་ཅན་རྣམས་ཀྱང་ལྕི་བའོ། །དེ་ལྟར་ལྕི་བ་དེ་དག་ལ་འདིར་ག་ཞེས་བརྡ་བྱེད་པ་ནི་གུ་རུ་ལྕི་བ་ལ་འཇུག་པའི་གུའི་ཨུ་ཕྱིས་པ་སྟེ། པྲསྟཱ་ར་ཡང་འཁྱོག་པོར་བྲིའོ། །དེ་སྐད་དུའང་། བརྩེགས་པའི་ཐོག་མར་གང་བྱུང་དང་། །ཚེག་དྲག་ཅན་དང་ཐིག་ལེ་ཅན། །རྐང་མཐའ་རིང་པོའི་ཡི་གེ་རྣམས། །ལྕི་བའི་ཡི་གེ་རྣམས་སུ་བཤད། །ཅེས་སོ། །པྲསྟཱ་ར་འགོད་པའི་མདོ་ནི། བྲྀཏྟ་ལ་ཡི་གེ་གསུམ་གསུམ་ལ་མིང་རེ་འདོགས་པ་ལས། ཡི་གེ་གསུམ་གྱི་ཐོག་མའི་ཡི་གེ་ལྕི་བ་བྱུང་བ་དེ་ལ་བྷ་ཞེས་བྱེད་དོ། །དེ་བཞིན་དུ། ཛ་ཞེས་པ་ནི་དབུས་ལྕི་བའོ། །ས་ཞེས་པ་ནི་མཐའ་ལྕི་བའོ། །མ་ཞེས་པ་ནི་ཀུན་ལྕི་བ་སྟེ། དེ་དག་ནི་ལྕི་བའི་ཕྱོགས་ནས་བཤད་དོ། །ཡང་བའི་ཕྱོགས་ནས་བཤད་པ་ནི། ཡ་ཞེས་པ་ནི་གསུམ་གྱི་ཐོག་མ་དེ་ཡང་བའོ། །དེ་བཞིན་དུ་ར་དབུས་ཡང་བ། ཏ་མཐའ་ཡང་བ། ན་ཞེས་པ་ཀུན་ཡང་བའོ། །དེ་ལྟར་བརྡ་ཆད་བྱས་པའི་ཡི་གེ་བརྒྱད་པོ་འདི་སྡེབ་སྦྱོར་གྱི་སྐབས་གང་དང་གང་དུ་བརྗོད་པ་དེ་དང་དེའི་དུས་སུ་དྲན་པར་བྱའོ། །དེའི་སྡོམ་ཚིག་ནི། བྷ་ཐོག་ལྕི་བ་ཛ་དབུས་ལྕི། །ས་མཐའ་ལྕི་བ་མ་ཀུན་ལྕི། །ཡ་ཐོག་ཡང་བ་ར་དབུས་ཡང་། །ཏ་མཐའ་ཡང་བ་ན་ཀུན་ཡང་། །ཞེས་པ་བློ་ལ་བྱང་ཞིང་ཆུབ་པར་བྱའོ། །དེ་ནས་མཉམ་པའི་བྲྀཏྟའི་སྡེབ་སྦྱོར་གྱི་སྤྱིའི་མིང་འདོགས་ལ། གང་

― MLP007_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གདགས་བྱའི་གཞི་དང་། དེ་ལ་བཏགས་པའི་མིང་ངོ་། །དང་པོ་ནི། གལ་ཏེ་ཏ་ཡ་དབུས་ཕྲའོ་ཞེས་པ་ལྟ་བུ་ཡི་གེ་དྲུག་རེ་ལ་རྐང་པ་རེར་བྱས་པ་ནས་བརྩམས་ཏེ་ཡི་གེ་རེ་རེ་འཕེལ་བའི་རྐང་པས་སྡེབ་སྦྱོར་རྣམས་རྟོགས་པར་བྱེད་དོ། །འོ་ན་ཡི་གེ་གཅིག་པ་ནས་ལྔ་པའི་བར་ལ་རྐང་པར་བྱས་པའི་སྦྱོར་བ་དམར་སེར་སོགས་ཀྱིས་བཀོད་པ་ལྟར་གཞུང་འདིར་ཡང་མི་བཞེད་དམ་ཞེ་ན། ཡི་གེ་ལྔ་པ་མན་ཆད་ཀྱི་སྡེབ་སྦྱོར་གྱི་སྦྱོར་བ་ཆེས་ཉུང་བའི་དབང་དུ་མཛད་ནས་འདིར་བྱེ་བྲག་མ་ཕྱེ་མོད་ཀྱི། དེ་ལྟ་ནའང་ངོ་མཚར་བའི་སྦྱོར་བ་རྣམས་ཀྱི་དཔེར་བརྗོད་ཡི་གེ་བཞི་པ་ལ་མཛད་པའི་ཕྱིར། གཏན་ནས་མི་བཞེད་པ་ནི་མ་ཡིན་ནམ་སྙམ་དུ་སེམས་སོ། །བླ་མ་རྣམས། སློབ་དཔོན་ནི་ཡི་གེ་དྲུག་པ་མན་ཆད་ནས་ཚིགས་བཅད་མཚན་ཉིད་པར་བཞེད་ཅིང་གསུང་ངོ་། །གཉིས་པ་ནི། བོད་སྔ་རབས་ཀྱི་མཁས་པ་དག །བྲམ་ཟེ་ཀ་པི་ལའི་གཞུང་ལས། གང་གི་དང་པོར་ངེས་ལྡན་པ། །དེ་ཡི་རྐང་པ་ཡི་གེ་དྲུག །གཞོན་ནུ་རོལ་པ་བདུན་པ་སྟེ། །བརྒྱད་པ་རྗེས་སུ་བསྔགས་པའོ། །ཡི་གེ་དགུ་པ་བཤོལ་དང་ལྡན། །ཡི་གེ་བཅུ་པ་ཕྱག་འཚལ་བ། །བཅུ་བཞི་དབང་པོ་རྡོ་རྗེའོ། །བཅུ་གཉིས་མགྲིན་པ་འདོན་པ་སྟེ། །ཡི་གེ་བཅུ་གསུམ་མཉམ་དུ་རྒོད། །ཡི་གེ་བཅུ་བཞི་དཔྱིད་ཐིག་ལེ། །བཅོ་ལྔ་པ་ནི་ཕྲེང་བ་ཅན། །བཅུ་དྲུག་པ་ནི་སྒྲ་གཅན་ནོ། །མི་ཡི་གདུ་བུ་བཅུ་བདུན་པ། །དལ་བུས་འདོན་པ་དག་ཏུ་བཤད། །བཅོ་བརྒྱད་པ་ནི་བརྩེ་བ་ཅན། །རྣམ་སྣང་རྩེན་མ་བཅུ་དགུ་པ། །ཡི་གེ་ཉི་ཤུ་མཉམ་པར་ལྡན། །ཉི་ཤུ་རྩ་གཅིག་ཕྲེང་བ་འཛིན། །ཉི་ཤུ་རྩ་གཉིས་དལ་བར་བརྗོད། །ཉི་ཤུ་རྩ་གསུམ་ལྷས་བོས་པའོ། །དྲག་པོས་བྱས་པ་ཉི་ཤུ་བཞི། །ཁྲུང་ཁྲུང་རྐང་པ་ཉི་ཤུ་ལྔ། །ཡི་གེ་བརྗོད་པ་ཉི་ཤུ་དྲུག །ལག་འགྲོས་རྣམ་པར་རྩེན་པའོ། །ཞེས་པའི་རྗེས་སུ་འབྲངས་ནས་མིང་འདོགས་དེ་ལྟར་མཛད་ནའང་། མིང་དེ་དག་སྡེབ་སྦྱོར་དེ་དང་དེ་དག་གི་བྱེ་བྲག་རེ་བརྗོད་པར་ཟད་ཀྱི། སྤྱིའི་མིང་རྫོགས་པར་བརྗོད་པ་མ་ཡིན་ཞེས་བཞེད་པ་དོན་ལ་གནས་སོ། །འོ་ན་རྫོགས་པར་བརྗོད་པ་གང་ཞེ་ན། ཡི་གེ་གཅིག་པ་ནས་ལྔ་པའི་བར་གྱི་མིང་གཞུང་འདི་ལས་མི་འབྱུང་ཡང་། མེ་ཏོག་ཆུན་པོ་ལས། བརྗོད་དང་ཤིན་ཏུ་བརྗོད་བར་མ། །རབ་

― MLP007_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ལེགས་པར་རབ་གནས་དང་། །ཞེས་པ་ལྟར་ཡི་གེ་གཅིག་པའི་ཚིགས་བཅད་ལ་བརྗོད་པ། གཉིས་པ་ལ་ཤིན་ཏུ་བརྗོད་པ། གསུམ་པ་ལ་ལྷན་ཅིག་བར་མ། བཞི་པ་ལ་རབ་གནས། ལྔ་པ་ལ་ལེགས་པར་རབ་གནས་ཞེས་བྱའོ། །ཡི་གེ་དྲུག་པ་མན་ཆད་ཀྱི་མིང་ནི་གཞུང་འདིར་གསུངས་ཏེ། དེ་ལ་རྐྱང་པ་དང་། སྦྲགས་མ་གཉིས། དང་པོ་ནི། ཡི་གེ་དྲུག་པ་ལ་དབྱངས་སྒྲོག་ཅེས་འདོགས་ལ། དེ་བཞིན་དུ། བདུན་པ་རབ་དགའ། བརྒྱད་པ་རྗེས་བསྔགས། དགུ་པ་བྲྀ་ཧ་ཏཱི། བཅུ་པ་ཕྲེང་ལྡན། བཅུ་གཅིག་པ་སུམ་བསྔགས་སོ། །གཉིས་པ་ལ། ཤིན་ཏུས་ཕྱེ་བ་དང་རབ་སོགས་དྲུག་གིས་ཕྱེ་བའོ། །དང་པོ་ནི། སྐྱེ་འགྲོ། ནུས་ལྡན། ལེགས་སྤྱོད། བརྟན་འཛིན་རྣམས་སོ་སོ་སྟེ་རྐྱང་པ་རེ་རེ་དང་། དེའི་ཕྱི་དེ་མ་ཐག་ཏུ་རང་རང་གི་མགོར་ཤིན་ཏུ་སྦྱར་བ་རེ་རེ་སྤེལ་མར་གནས་ཏེ། རིམ་པར་ཡི་གེ་བཅུ་གཉིས་པ་སྐྱེ་འགྲོ། བཅུ་གསུམ་པ་ཤིན་ཏུ་སྐྱེ་འགྲོ། བཅུ་བཞི་པ་ནུས་ལྡན། བཅོ་ལྔ་པ་ཤིན་ཏུ་ནུས་ལྡན། བཅུ་དྲུག་པ་ལེགས་སྤྱོད། བཅུ་བདུན་པ་ཤིན་ཏུ་ལེགས་སྤྱོད། བཅོ་བརྒྱད་པ་བརྟན་འཛིན། བཅུ་དགུ་པ་ཤིན་ཏུ་བརྟན་འཛིན་རྣམས་སོ། །གཉིས་པ་ནི། བྱེད་ལྡན་དག་པ་ཞེས་པ་དག་པའི་སྒྲ་ཁོ་ནའི་དོན་དང་། རབ་སོགས་དྲུག་ལས་དེའི་ཕྱི་མར་ཡང་བྱེད་ལྡན་རེ་རེ་སྦྱར་བ་སྟེ། ཉི་ཤུ་པ་བྱེད་ལྡན། ཉེར་གཅིག་པ་རབ་བྱེད་ལྡན། ཉེར་གཉིས་པ་ཀུན་བྱེད་ལྡན། ཉེར་གསུམ་པ་རྣམ་བྱེད་ལྡན། ཉེར་བཞི་པ་ལེགས་བྱེད་ལྡན། ཉེར་ལྔ་པ་ཤིན་ཏུ་ལེགས་བྱེད་ལྡན། ཉེར་དྲུག་པ་ལྷག་པར་བྱེད་ལྡན་ནོ། །ཡི་གེ་ཉེར་བདུན་པ་ཕན་ཆད་རྐང་པས་བཅད་པའི་ཡི་གེ་བགྲང་བ་ལ་རྒྱུན་ཆགས་དང་རབ་བསགས་ཞེས་ཟེར་ཏེ། དེ་དག་ཀྱང་ཚིགས་སུ་བཅད་པ་ཡིན་མོད་ཀྱི། དེ་ལྟ་ནའང་བྲྀཏྟའི་ཚིགས་བཅད་ལ་ཡི་གེ་ཉེར་དྲུག་ལས་མང་བ་ངོ་མཚར་བའི་བྱ་བས་སྤེལ་དུ་ཡོད་ཀྱང་སྦྱོར་བ་ཆེས་ཉུང་བ་ལ་དགོངས་ནས། འདིར་ན་གཉིས་ཀྱི་རྗེས་སུ་ར་དང་ཡ་འབའ་ཞིག་བསྒྲིགས་པ་རྒྱུན་ཆགས་དང་རབ་བསགས་ལས་གཞན་པའི་རྣམ་གཞག་མ་མཛད་དོ། །དེ་ལྟར་ན་དབྱངས་སྒྲོགས་ལ་སོགས་པ་དྲུག་དང་། སྐྱེ་འགྲོ་སོགས་བརྒྱད་དང་། རྟ་ནི་བདུན་ཏེ་བྱེད་ལྡན་ལ་སོགས་པ་བདུན་རྣམས་སོ། །འགྲེལ་པར་སྐབས་འདིར་འཕྲོས་

― MLP007_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དུ་གསུངས་པའི་གྲངས་ཀྱི་བརྡ་ཆད་ཀྱི་སྡོམ་ཚིག་ནི། གཟུགས་གཅིག་ཟུང་གཉིས་མེ་ནི་གསུམ། །རིག་བྱེད་དང་ནི་ཆུ་གཏེར་བཞི། །མདའ་དང་དབང་པོ་ཡུལ་ནི་ལྔ། །དུས་དང་རོ་ནི་དྲུག་ཡིན་ཏེ། །འཇིག་རྟེན་རྟ་དབྱངས་ཐུབ་པ་བདུན། །ནོར་ལྷ་ཡན་ལག་མྱོས་བྱེད་བརྒྱད། །གཟའ་དང་བུ་ག་དགུ་ཡིན་ནོ། །ཕྱོགས་བཅུ་དྲག་པོ་བཅུ་གཅིག་གོ །བཅུ་གཉིས་ཉི་མ་བཅུ་གསུམ་སྲིད། །ཡིད་སྐྱེས་ཞེས་པ་བཅུ་བཞིའོ། །དེ་དག་གི་རྒྱུ་མཚན་ནི། གཟུགས་ནི་གཟུགས་ཕུང་གཅིག་ཡིན་པ་དང་། ཟུང་ནི་གོ་སླའོ། །མེ་ནི་རྟ་གདོང་གི་མེ་དང་ཉི་མ་དང་བསྲེག་བྱ་ཟ་བའི་མེ་དང་གསུམ་མོ། །རིག་བྱེད་བཞི་ནི། མཆོད་སྦྱིན། སྙན་ངག །སྲིད་སྲུང་། ངེས་བརྗོད་དང་བཞིའོ། །ཆུ་གཏེར་ནི་ཕྱིའི་རྒྱ་མཚོ་བཞིའོ། །མདའ་ནི་རྒྱལ་བའི་ལྷའི་སྡེབ་སྦྱོར་འགྲེལ་པ་ལས། དགའ་བྱེད་རབ་ཏུ་སྲེག་བྱེད་དང་། །རྨོངས་བྱེད་དེ་བཞིན་བརྒྱལ་བར་བྱེད། །འཆིང་བྱེད་རྣམས་ནི་འདོད་དབང་གི། མདའ་ལྔ་རྣམས་སུ་རབ་ཏུ་བསྒྲགས། །ཞེས་འདོད་འཇོར་བགྲངས་སོ། །དབང་པོ་ནི་མིག་དབང་སོགས་སོ། །ཡུལ་ལྔ་ནི་གཟུགས་སོགས་སོ། །དུས་ནི་དཔྱིད་ཀསོས་ཀདབྱར། སྟོན། དགུན་སྟོད་སྨད་དང་དྲུག་གོ །རོ་ནི་མངར་སྐྱུར་ཁ་བ་བསྐ་བ་ཚ་བ་ལན་ཚྭ་བའོ། །འཇིག་རྟེན་ནི་ངན་སོང་གསུམ་དང་མི་དང་འདོད་ལྷ་དང་ཁམས་གོང་མ་གཉིས་སོ། །རྟ་ནི་སྡེབ་སྦྱོར་གྱི་འགྲེལ་པ་ལས། རླུང་དང་ཡིད་མགྱོགས་མདོག་ལྔ་དང་། །དེ་བཞིན་ཐིག་ལེ་ཅན་དང་ནི། །ངེས་བརྗོད་ཤིན་ཏུ་རྒྱལ་མཚན་དང་། །རི་བོ་འཇོམས་རྣམས་ཉི་མའི་རྟ། །ཞེས་སོ། །དབྱངས་ནི། དྲུག་སྐྱེས་རྨ་བྱའི་སྒྲ་ལྟར་སྒྲོགས། །ཁྱུ་མཆོག་བ་ལང་སྐད་ཀྱིས་རྩོམ། །དྲི་འཛིན་སྐྱེས་ནི་ར་ཡི་སྐད། །བར་མ་ཁྲུང་ཁྲུང་སྒྲ་སྒྲོགས་བཞིན། །ལྔ་པ་མེ་ཏོག་རྒྱས་དུས་སུ། །ཁུ་བྱུག་སྒྲོག་པ་ལྟ་བུ་སྟེ། །བློ་གསལ་རྟ་སྐད་ལྟ་བུར་འཚེར། །འཁོར་ཉན་གླང་པོ་སྒྲོགས་པ་བཞིན། །ཞེས་ཐུབ་པ་མིས་བྱིན་བུས་བཤད་དོ། །ཐུབ་པ་ནི་སངས་རྒྱས་རབས་བདུན་ནམ། ཡང་ན་སྨེ་བདུན་ལ་གནས་པའི་དྲང་སྲོང་བདུན་ནོ། །ནོར་ལྷ་ནི། འདོད་འཇོ་ལས། ཆུ་དང་བརྟན་པ་ཟླ་བ་དང་། །འཛིན་བྱེད་རླུང་དང་མེ་དང་ནི། །ནམ་ལངས་འོད་བྱེད་ཅེས་བྱ་བ། །བརྒྱད་པོ་ནོར་གྱི་ལྷ་ཞེས་བྱ། །ཞེས་སོ། །ཡན་

― MLP007_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ནི། འདུལ་བ་ལས། བསིལ་དང་ཞིམ་དང་ཡང་དང་འཇམ། །དང་ཞིང་དྲི་མ་མེད་པ་དང་། །འཐུངས་ན་ལྟོ་བར་བྱམས་པ་དང་། །མགྲིན་པ་ལ་ཡང་མི་གནོད་པ། །འདི་དག་ཡན་ལག་བརྒྱད་ལྡན་ཆུ། །ཞེས་པའོ། །མྱོས་བྱེད་བརྒྱད་ལ་འཇུག་པའི་རྒྱུ་མཚན་ནི་མ་མཐོང་ངོ་། །གཟའ་ནི་རེས་གཟའ་བདུན་སྒྲ་གཅན་མཇུག་རིང་དང་བཅས་པའོ། །བུ་ག་ནི་མིག་རྣ་བ་སྣ་ཁ་བཤང་གཅིའི་ལམ་རྣམས་སོ། །ཕྱོགས་བཅུ་ནི་གོ་སླའོ། །དྲག་པོ་ནི་འདོད་འཇོར། མ་སྐྱེས་རྐང་གཅིག་འཕེལ་དང་བསྟོད། །དྲག་པོ་དང་ནི་བརྩོན་འགྲུས་ལྡན། །འཕྲོག་བྱེད་དེ་ནས་བདེ་འབྱུང་དང་། །སྤྱན་གསུམ་གཞན་ལས་རྒྱལ་བ་དང་། །དབང་ལྡན་དང་ནི་ས་གསུམ་པ། །དྲག་པོ་བཅུ་གཅིག་ཤེས་པར་བྱ། །ཞེས་སོ། །ཉི་མ་ནི་འདོད་འཇོར། དེ་ལ་ཉི་མ་བཅུ་གཉིས་འདི་ལྟ་སྟེ། དབང་པོ་བྱེད་པོ་ལམ་པ་དང་། །ཆར་འབབ་བསྟོད་བྱེད་མིག་སྔོན་འཕགས། །མིག་གཟུགས་ཁྱབ་འཇུག་འོད་ཅན་དང་། །ཆུ་བདག་གཤིན་རྗེ་ཉིད་ཀྱང་ངོ་། །ཞེས་སོ། །སྲིད་པ་ནི་དྲན་ཉེར། ལྷ་མིན་དུད་འགྲོ་ཀླུ་དུད་འགྲོ། །ཞེས་པ་ལྟར་ལྷ་མིན་དུད་འགྲོར་བསྡུས་པས་འདོད་ཁམས་ན་འགྲོ་བ་རིགས་ལྔ་དང་། གཟུགས་ཁམས་བསམ་གཏན་བཞི། གཟུགས་མེད་སྐྱེ་མཆེད་མུ་བཞི་སྟེ་བཅུ་གསུམ་མོ། །ཡིད་སྐྱེས་ཀྱང་མ་ནུ་ཞེས་པའི་སྒྲས་སྲིད་པ་སྟེ། སྔར་ལྟར་ལས་ལྷ་མིན་དང་དུད་འགྲོ་སོ་སོར་ཕྱེ་བ་ཙམ་དུ་ཟད་དོ། །དེ་ནས་གཞུང་ཚིག་འགའ་ཞིག་གོང་འོག་བསྒྱུར་ནས་སྐབས་འདིར་ངལ་གསོ་བའི་ཐ་སྙད་བརྡ་ཆད་དང་བཅས་པ་བཤད་པར་བྱ་སྟེ། དེ་ལ་ངལ་གསོ་ཞེས་པ་ནི་ཚིགས་བཅད་འདོན་པའི་གནས་ཀྱི་བྱེ་བྲག་ཡིན་ལ། གང་དུ་བྱ་ཞེ་ན། བྲྀཏྟ་དང་ཛཱ་ཏི་གཉིས་ཀ་ལ་རྐང་མཐར་ཀླད་ཀོར་གྱི་མཚན་མ་ཅན་གྱི་པྲསྟཱ་རས་ངལ་གསོ་བ་ནི་ངེས་པར་དགོས་པ་མ་ཡིན་ཡང་། དེ་ལྟར་བྱ་བར་འདོད་པ་རྣམས་ཀྱིས་བྱས་པས་ཆོག་གོ །གནས་པ་དང་སྡོད་པ་དང་འཇོག་པ་རྣམས་ནི་ངལ་གསོའི་མིང་གི་རྣམ་གྲངས་སོ། །དེ་ལྟ་བུའི་ངལ་གསོ་དེ་རྐང་པ་བཞི་པོ་གང་ལ་བྱེད་ཀྱང་དེ་རྣམས་ཀྱི་སོ་སོའི་རྐང་པའི་མཐའ་ལ་བྱའི། དབུས་དང་ཐོག་མར་མི་བྱའོ། །ངལ་གསོ་ངེས་པར་དགོས་པ་ནི། བྷ་སོས་ཞེས་པས་སྔར་ཚིགས་བཅད་ཀྱི་ནང་གི་ཡི་གེ་གསུམ་གསུམ་ལ་
མིང་བཏགས་པའི་ཡི་གེ་བརྒྱད་པོ་ལ་ཨུ་ཏྲ་སྟེ་ཨུ་ཐུང་སྦྱར་བའི་བྷུ་ཛུ་སུ་མུ། ཡུ་རུ་ཏུ་ནུ་རྣམས་བྱུང་བ་ལ་ངལ་གསོ་དེ་ངེས་པར་ལྡན་པའི་བརྡ་ཡིན་པས་སྦྱར་དགོས་ཏེ། བྷུ་ལྟ་བུའི་ནང་གི་ཡི་གེ་གསུམ་གྱི་མཐའ་མ་དེའི་པྲ་སྟཱ་ར་ལ་སྡོད་པའི་ཕྱིར་དེར་ཐིག་ལེའི་མཚན་མ་བྱའོ། །གལ་ཏེ་ཡི་གེ་རེ་རེ་ལ་ངལ་གསོ་བའི་ཚེ། ལྕི་བ་ལ་ཝ་དང་། ཡང་བ་ལ་ཀ་ཞེས་མིང་གདགས་ཤིང་མཉམ་པའི་བྲྀཏྟ་ལ་རྐང་པ་བཞི་པོ་སོ་སོ་ལ་གང་འདོད་པའི་མཐར་ངལ་གསོ་བྱར་རུང་བར་ཤེས་པར་བྱའོ། །

སོ་སོར་བཤད་པ།

བྲིཏྟ་བཤད་པ།

མདོར་བསྟན་པ།

― MLP007_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་སོ་སོར་བཤད་པ་ལ། བྲིཏྟ་བཤད་པ། ཛཱ་ཏི་བཤད་པ། ཐུན་མོང་ངོ་མཚར་བའི་སྦྱོར་བ་བཤད་པ་དང་གསུམ། དང་པོ་ལ། མདོར་བསྟན་པ་དང་། རྒྱས་པར་བཤད་པ་གཉིས། དང་པོ་ནི། མཉམ་པ་དང་། ཕྱེད་མཉམ་པ་དང་། མི་མཉམ་པ་ཞེས་བྱ་བའི་དབྱེ་བས་བྲྀཏྟ་རྣམ་པ་གསུམ་དུ་རབ་ཏུ་བཤད་པར་བྱའོ། །དེ་གསུམ་གྱི་མཚན་ཉིད་ནི། བྲྀཏྟ་གང་ཞིག་རྐང་པ་དང་པོ་ཇི་ལྟ་བར་རྐང་པ་ལྷག་མ་གསུམ་ཡང་དེ་དང་མཚུངས་པ་ནི་མཉམ་པའི་མཚན་ཉིད་དེ། མེ་ཏོག་ཆུན་པོ་ལས། རྐང་པ་དང་པོའི་སྡེབ་སྦྱོར་ལྟར། །རྐང་བཞི་མཚུངས་ན་མཉམ་པ་ཡིན། །ཞེས་སོ། །བྲྀཏྟ་གང་ཞིག་རྐང་པ་ཟུང་གཉིས་མཉམ་ལ། ཡ་གཉིས་མཉམ་པས་རྐང་པ་བཞི་པོའི་ཕྱེད་སྡེབ་སྦྱོར་འདྲ་ལ་ཕྱེད་མི་འདྲ་བ་ནི་ཕྱེད་མཉམ་གྱི་མཚན་ཉིད་དེ། སྔ་མ་ལས། ཚིག་རྐང་ཟླ་བ་ཡོན་ཏན་མཚུངས། །ལག་པ་རྒྱ་མཚོ་མཚན་ཉིད་གཅིག །ཕྱེད་མཉམ་སྤྱི་ཡི་མཚན་ཉིད་ཡིན། །ཞེས་སོ། །བྲྀཏྟ་གང་ཞིག་རྐང་པ་བཞི་པོ་རེ་རེ་ཞིང་ལྕི་ཡང་ངམ་ཡི་གེ་མི་མཚུངས་པ་ནི་མི་མཉམ་པའི་མཚན་ཉིད་དེ། དེ་ལས། སྡེབ་སྦྱོར་མཚན་ཉིད་མི་འདྲ་བའི། །རྐང་བཞི་ལྡན་པ་མི་མཉམ་པའོ། །ཞེས་སོ། །དེ་དག་སོ་སོའི་དབྱེ་བ་ནི། མཉམ་པའི་བྲྀཏྟ་ལ་དབུས་ཕྲ་སོགས་བརྒྱ་དང་བཅུ་ཡོད་དེ། ཡི་གེ་དྲུག་པ་ནས་ཉེར་དྲུག་པའི་བར་ལ་གཞུང་དུ་དངོས་བསྟན་གྱི་དཔེར་བརྗོད་མཛད་པ་བརྒྱད་ཅུའི་སྟེང་། ཉེར་བསྐྱེད་བཅུ་བཞིར་ཕྱེ་ཞིང་རྒྱུན་ཆགས་དང་རབ་བསགས་བརྒྱད་རེ་བསྣན་པས་དེ་ལྟར་འབྱུང་བའི་ཕྱིར་རོ། །ཕྱེད་མཉམ་པའི་བྲྀཏྟ་ལ་ཉེར་བཀྲ་སོགས་བཅུ་གསུམ་ཡོད་ཅིང་། མི་
མཉམ་པའི་བྲྀཏྟ་ལ། ཁ་སྒོ་སོགས་བཅུ་གཅིག །རྐང་འཕེལ་སོགས་ལྔ། སྟེང་འགྲོ་སོགས་གསུམ། དལ་འགྲོ་སོགས་གསུམ་སྟེ། དྲིལ་བས་ཁ་སྒོ་ལ་སོགས་པ་ཉི་ཤུ་རྩ་གཉིས་རྣམས་སུ་འགྱུར་རོ། །དེ་བས་ན་མཉམ་པ་ནི་དབུས་ཕྲ་སོགས་དང་ཕྱེད་མཉམ་ཉེར་བཀྲ་སོགས་གོ་རིམ་ཇི་ལྟ་བ་བཞིན་དུ་སྦྱར་བར་བྱ་བ་ཡིན་ནོ། །

རྒྱས་པར་བཤད་པ།

མཉམ་པའི་པྲྀཏྟ།

― MLP007_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་རྒྱས་བཤད་ལ། མཉམ་པ་དང་། ཕྱེད་མཉམ་པ་དང་། མི་མཉམ་པའི་བྲྀཏྟ་གསུམ་ལས། དང་པོ་ནི། ཡི་གེ་གཅིག་པ་ནས་ལྔ་པའི་བར་གྱི་མིང་དང་མཚན་ཉིད་དཔེར་བརྗོད་པ་རྣམས་གཞུང་འདིར་མ་གསུངས་ཏེ། མེ་ཏོག་ཆུན་པོ་ལས་ཀྱང་། ཡི་གེ་གཅིག་ནས་ལྔ་པའི་བར། །ཚིགས་སུ་བཅད་པར་གྲགས་མོད་ཀྱི། །མཁས་པ་ཕལ་ཆེར་དེ་སྒྲུབ་པའི། །མཚན་ཉིད་དབྱེ་བ་བཏང་སྙོམས་མཛད། །ཅེས་གསུངས་སོ། །དེ་ལྟ་ནའང་། སློབ་དཔོན་རྟག་པའི་སྡེས་སྒྲོལ་མ་ལ་བསྟོད་པ་བྲྀཏྟཱ་མཱ་ལའི་རྗེས་སུ་འབྲངས་ཏེ། དེ་དག་གི་མིང་མཁས་པ་དག་གིས་སྡོམ་ཚིག་ཏུ་མཛད་པ་ནི། དང་པོའི་བྱེ་བྲག་དཔལ་ཞེས་བྱ། །གཉིས་པའི་དབྱངས་ཅན་བརྟན་པ་གཉིས། །གསུམ་པའི་བྱེ་བྲག་ལྕགས་སྒྲོག་སྟེ། །བཞི་པའི་ནོར་རྒྱུན་འབྱོར་ལྡན་གཉིས། །ལྔ་པའི་ཆུ་གྲི་པི་ཝཾ་གཉིས། །ཞེས་བཞེད། དཔེར་བརྗོད་ཀྱང་བྲམ་ཟེ་དམར་སེར་དང་རྒྱལ་བའི་ལྷ་སོགས་ཀྱིས་ཡི་གེ་གཅིག་པའི་ཚིགས་བཅད་ལ། ཧྲཱི་ཤྲཱི་དྷཱི་མཱྃ་ཞེས་རྐང་པ་རེ་ལ་ཡི་གེ་རེ་ཡོད་པའི་ཚིགས་བཅད་མཛད་ཅིང་། ཆོས་རྗེ་ས་པཎ་ཁྲེལ་དཔལ་བློ་ལྡན་གྱིས་འཇམ་དབྱངས་ལ་བསྟོད་པ་ཚིགས་བཅད་གཅིག་པ་ནས་ལྔ་པའི་བར་གྱི་དཔེར་བརྗོད་བོད་སྐད་དུ་མཛད་པ་ཡོད་དེ། དེའང་། ཡི་གེ་གཅིག་པའི་ཚིགས་བཅད་ལ། བློ། མཆོག །དཔལ། དབྱངས། ཡི་གེ་གཉིས་པ་ལ། དབྱངས་ཅན། ཁྱོད་བསྒྲུབས། སྤོབས་པ། བརྟན་ཐོབ། ཡི་གེ་གསུམ་པ་ལ། ཁྱོད་ཀྱི་གསུང་། གཉིས་མེད་བློ། ལྕགས་སྒྲོག་གིས། སྦྲེལ་ལེགས་འདྲ། ཡི་གེ་བཞི་པ་ལ། རྒྱལ་སྲས་དབང་པོ། འཇམ་དབྱངས་ཁྱོད་ཀྱི། ལེགས་བཤད་ནོར་རྒྱུན། བདག་བློ་ཚིམ་བྱེད། ཡི་གེ་ལྔ་པ་ལ། བརྩེ་ལྡན་ཁྱེད་ཀྱི་གསུང་། །དྲི་ཟའི་པི་ཝཾ་ལྟར། །སྙན་ཞིང་འཇེབས་པ་ཡིས། །གདུལ་བྱའི་ཡིད་འཕྲོག་བྱེད། །ཅེས་གསུངས་པ་ལྟ་བུ་སྟེ། དེ་དག་

― MLP007_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

གི་པྲསྟཱ་ར་འགོད་ཚུལ་སོགས་འདིར་བཏང་སྙོམས་སུ་བྱས་ནས་གཞུང་གི་དཀྱུས་ཉིད་ལ་འཇུག་པར་བྱའོ། །དེ་ལ་ཡི་གེ་དྲུག་པ་ནས་བརྩམས་ཏེ་ཉེར་དྲུག་པའི་བར་ཉི་ཤུ་རྩ་གཅིག་ཡོད་པའི་དང་པོ་ཡི་གེ་དྲུག་པ་དབྱངས་སྒྲོགས་ལ་རྣམ་གྲངས་དྲུག་ཅུ་རེ་བཞི་ཡོད་པ་ལས། གལ་ཏེ་རྐང་པ་བཞི་པོ་སོ་སོ་ལ་ཡི་གེ་དྲུག་རེ་ཡོད་པ། སུམ་ཚན་གཉིས་སུ་བཅད་པའི་དང་པོ་ལ་ཏ་ཞེས་བརྡ་བྱས་པའི་པྲསྟཱ་ར་མཐའ་ཡང་བ་དང་། གཉིས་པ་ལ་ཡ་ཐོག་ཡང་བ་བྱུང་ན་དབྱངས་སྒྲོགས་ཀྱི་བྱེ་བྲག་བྲྀཏྟ་བཅུ་གསུམ་པ་དབུས་ཕྲ་ཞེས་བྱ་བར་འགྱུར་ཏེ། ཐོག་མཐའ་གཉིས་སུ་ཡི་གེ་ལྕི་བ་གཉིས་གཉིས་དང་དབུས་ན་ཡང་བ་གཉིས་ཡོད་པའི་ཕྱིར་རོ། །དཔེར་ན་མདོ་འདི་ཉིད་ཀྱི་སཾ་སྐྲྀ་ཏའི་སྐད་ལ། ཏྱཽཙེཏྟནུམདྷྱཱ་ཞེས་པ་ལྟ་བུའོ། །དེའང་བཤད་མ་ཐག་པའི་ཏ་ཡ་ཞེས་པ་མཚན་ཉིད། ཨུདྡིཥྚ་ཏ་ཡ། གལ་ཏེ། ཕྲ། དབུས། དབུས་ཕྲ་ཞེས་པ་མིང་། ཏྱཽ་སོགས་ཀྱིས་དཔེར་བརྗོད་པ་སྟེ། རྐང་པ་དེ་ཉིད་ལན་བཞིར་བསྐྱར་ནས་ཚིགས་བཅད་བྱའོ། །དེ་བས་ན་གཞུང་བོད་སྐད་ཀྱིས་མཚན་ཉིད་དང་མིང་བཤད་ལ་རྒྱ་སྐད་ཀྱིས་དཔེར་བརྗོད་བྱ་སྟེ་བྲྀཏྟ་ཛཱ་ཏི་ཐམས་ཅད་ལ་འདྲ་ཞིང་། རྐང་པ་བཞི་པོ་སོ་སོ་ལ་ཞེས་པའང་མཉམ་པའི་བྲྀཏྟ་ཐམས་ཅད་ལ་སྦྱར་བར་བྱའོ། ༈ །གཉིས་པ་ཡི་གེ་བདུན་པ་རབ་དགའི་བྱེ་བྲག །དཔེར་ན། ཀུ་མཱརལལིཏཱཛོག྄ཞེས་པ་ལྟ་བུ་ཛ་དང་སའི་མཐར་ག་གཅིག་ཡོད་པ་དེའི་ཚེ་རབ་དགའ་ལ། གཞོན་ནུ་རོལ་པ་ཛསག་༡༢༨༽ཡོད་པའི་བྱེ་བྲག །༣༠༽པ་གཞོན་ནུ་རོལ་པ་ཞེས་བྱའོ། ༈ །གསུམ་པ་ཡི་གེ་བརྒྱད་པ་རྗེས་བསྔགས་ལ་འདིར་ལྔ་སྟེ། གླཽཙཏུཿསམཱནྱསཽཧི། ཞེས་པ་ལྟ་བུ་ལྕི་ཡང་གི་ཡི་གེ་ལན་བཞིར་བསྐྱར་བ་དེ་ནི་རྗེས་བསྔགས་ལྕི་ཡང་བཞི་པ་འདྲ་མཚུངས་ལ། ༢༥༦༽ཡོད་པའི་བྱེ་བྲག །༡༧༡༽པ་འདྲ་མཚུངས་སོ། །༡དེ་ལས་ལྡོག་པ་སྟེ། དཔེར་ན། ལགཽཙཏུཿཔྲམཱཎྱསཽ། ལྟ་བུ་ལ་ག་སྟེ་ཡང་ལྕི་བཞིར་གྱུར་པ་དེ་ནི། ༨༦༽པ་གཞལ་དཔག་གོ །༢༽ལག་བཞི་པ་གཞལ་དཔག་ཙིཏྲཔདཱཡདིབྷཽགཽལྟ་བུ་གལ་ཏེ་བྷ་དག་ག་དག་སྟེ་བྷ་གཉིས་དང་ག་གཉིས་བྱུང་ན། ༥༥༽རྐང་བཀྲ་བ་རྐང་གལ་ཏེ་བྷ་དག་ག་དག །བཀྲའོ། ༣༽མཽགཽཙེཏྶཱབིདྱུནྨཱལཱ། ལྟ་བུ་གལ་ཏེ་མ་དག་གི་མཐར་ག་དག་སྦྱར་བ་ནི་གློག་ཕྲེང་ཅན་ནོ། །༤༽མ་དག་ག་དག་གལ་ཏེ་གློག་ཕྲེང་། སཱ་ཞེས་པ་དེ་ལ་འཇུག་ཀྱང་མ་བསྒྱུར་རོ། །

― MLP007_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

བྷཱཏྟལགཱམཱཎཔཀཾལྟ་བུ་བྷ་ལས་ཕ་རོལ་དུ་ཏ་དང་ལ་དང་ག་ཡོད་ན། ༡༠༣༽བྲམ་ཟེའི་བྷ་ལས་ཏ་ལ་ག་བྲམ་ཟེའི་བུ་བུའོ། །༥༽༈ བཞི་པ་ཡི་གེ་དགུ་པ་བྲྀ་ཧ་ཏཱི་ལ་འདིར་གཉིས་ཏེ། དཔེར་ན། རཱནྣསཽཡདིཧལམུཁཱི། ལྟ་བུ་གལ་ཏེ་ར་ལས་ཕ་རོལ་ཏུ་ན་དང་ས་དག་ཡོད་ན་བྲྀ་ཧ་ཏཱིའི། ༥༡༢༽ར་ལས་ན་ས་དག་གལ་ཏེ་གཤོལ་གདོང་ཅན། བྱེ་བྲག །༢༥༡༽གཤོལ་གདོང་ངོ་། །༡༽བྷུཛགཤིཤུཔུཏཱནཽམཿལྟ་བུ་ན་དག་དང་མ་བསྒྲིགས་པ་དེ་ནི། ༦༤༽ལག་འགྲོའི་ཁྱེའུའི་བུའོ། །༢༽ལག་འགྲོ་ཁྱེའུ་བུ་ན་དག་མ་༈ ལྔ་པ་ཡི་གེ་བཅུ་པ་ཕྲེང་ལྡན་མ་ལ་འདིར་ལྔ་སྟེ། ཛྙཡཱཤུདྡྷབིརཱཎྨསཽཛགཽལྟ་བུ་མ་དང་ས་དང་ཛའི་མཐར་ག་གཅིག་བྱུང་ན་ཕྲེང་ལྡན་མ། ཤེས་པར་བྱ་དག་པའི་སྣང་བར་མ་ས་ཛ་ག་༡༠༢༤༽འི་བྱེ་བྲག༣༤༥༽དག་པའི་སྣང་བ་ཞེས་བྱ་བར་ཤེས་པར་བྱའོ། །༡མྣཽཡཱངྒཿཁལུཔཎཔཿཁྱཱཏཿལྟ་བུ་མ་དང་ན་དང་ཡ་ལས་ཕ་རོལ་དུ་ལྕི་བ་གཅིག་བྱུང་ན་ངེས་པར་མ་ན་ཡ་ལས་ལྕི་ངེས་འཁར་རྔ་བཤད། དེ་ལ། ༡༤༡༽འཁར་རྔ་ཞེས་བྱ་བར་བཤད་དོ། །༢སྱཱནྨཡཱུརསཱརིཎཱིརཛཽརྒཽ། ལྟ་བུ་ར་དང་ཛ་དང་ར་དང་ག་རྣམས་སྦྲེལ་བ་དེ་ནི། ༡༧༡༽རྨ་བྱའི་འགྱུར་རམ་ཡིན་རྨ་བྱའི་འགྲོས་ར་ཛ་དང་ག་འགྲོས་ཡིན་ནོ། །༣རུགྨབཏཱིསཱཡཏྲབྷམཽསྒཽ། ལྟ་བུ་གང་གི་རྐང་པ་སོ་སོ་ལ་བྷ་དང་མ་དང་ས་དང་ག་རྣམས་ཡོད་གསེར་ལྡན་དེ་ནི་གང་ལ་བྷ་མ་ས་ག །པ་དེ་ནི། ༡༩༩༽གསེར་ལྡན་ནོ། །༤ཛྙེཡཱམཏྟཱམབྷསགསྲཾཥྚཱ། ལྟ་བུ་མ་དང་བྷ་དང་ས་དང་གས་བསྐྱེད་པ་ནི། ༢༤༡༽མྱོས་ཤེས་པར་བྱ་མྱོས་མང་མ་བྷ་ས་ག་བསྐྱེད་པ་མ་ཞེས་བྱ་བར་ཤེས་པར་བྱའོ། །༥༈ དྲུག་པ་ཡི་གེ་བཅུ་གཅིག་པ་སུམ་བསྔགས་ལ་འདིར་བཅུ་བཞི་སྟེ། ཏཱཛྫཽགགིཏཱིཡམུཔསྠིཏཱསྱཱཏ྄། ལྟ་བུ་ཏ་ལས་ཕ་རོལ་ཏུ་ཛ་ཡིག་གཉིས་དང་ག་དང་ག་ཞེས་ཏ་ལས་ཛ་གཉིས་ག་ག་ཞེས་འདི་ཉེར་འཁོད་འགྱུར། ཡོད་པ་འདི་ནི་སུམ་བསྔགས། ༢༠༤༨༽བྱེ་བྲག་༣༦༥༽ཉེར་འཁོད་ཅེས་བྱ་བར་འགྱུར་རོ། །༡སྱཱདིནྡྲབཛྲཱཡདིཏཽཛགཽགཿལྟ་བུ་གལ་ཏེ་ཏ་གཉིས་དང་ཛ་གཅིག་གི་མཐར་ལྕི་བ་འགྱུར་དབང་པོ་རྡོ་རྗེ་གལ་ཏེ་ཏ་གཉིས་ཛ་ལྕི་བ་གཉིས། གཉིས་བསྒྲིགས་པ་དེ་ནི། ༣༥༧༽དབང་པོ་རྡོ་རྗེ་ཞེས་བྱའོ། །༢ཨུཔེནྡྲབཛྲཱཧིཛཏཽཛགཽགཿལྟ་བུ་ཛ་དང་ཏ་དང་ཛ་དང་ལྕི་བ་གཉིས་བསྒྲིགས་པ་དེ་ནི། ༣༥༨༽ཉེ་དབང་རྡོ་རྗེ་ནི་ཛ་ཏ་ཛ་ལྕི་གཉིས། ཉེ་དབང་རྡོ་རྗེ་ཞེས་བྱའོ། །༣བཞི་པ་ཉེར་བསྐྱེད་ལ་ནང་གསེས་སུ་ཕྱེ་ན་བཅུ་བཞིར་འགྱུར་

― MLP007_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། གང་ཞེ་ན། དེ་མ་ཐག་ཏུ་བརྗོད་ཟིན་པ་དབང་རྡོར་དང་ལ་སོགས་པས་ཉེ་རྡོར་གྱི་མཚན་ཉིད་གཉིས་པོ་དག་བསྲེས་ནས། སྣ་ཚོགས་པར་སྤེལ་བའི་རྣམ་པར་རྟོག་པ་སྤྲོས་པ་རྣམས་ཀྱིས་ནི་ཉེར་བསྐྱེད་ཀྱི་རྐང་པ་བཅུ་བཞི་པོ་སོ་སོ་དག་ཏུ་འགྱུར་ཞིང་། ཡང་རྡོ་རྗེ་རྣམ་གཉིས་ཏེ། དེ་གཉིས་ཀ་བསྲེས་པ་ཉེར་བསྐྱེད་རྣམས་དང་། དེ་གཉིས་ལས། མཚན་ཉིད་གཞན་པ་ཤཱ་ལི་ནཱི་ལ་སོགས་པ་དེ་དག་ལ་རྣ་བར་མཉན་འོས་ངལ་གསོའི་སྤྲོས་པ་དང་ལྡན་པར་གྱུར་པ་ལས་གང་བཅུ་བཞི་པོ་དེ་རྣམས་ཉེར་བསྐྱེད་རྣམས་སུ་སྡེབ་སྦྱོར་ལ་མཁས་པའི་དྲང་སྲོང་དྲན་པའི་དབང་པོ་རྣམས་ཀྱིས་བཤད་དོ། །འདིར་ཉེར་བསྐྱེད་བརྟག་པའི་མན་ངག་ཟུར་འདེབས་ནི། ༀ་སྭ་སྟི། ཉེར་བསྐྱེད་ཉེ་བར་བརྟག་པའི་ཕྱིར། །ཨི་ཡིག་དབང་པོ་རྡོ་རྗེ་སྟེ། །ཨུ་ཡིག་ཉེ་དབང་རྡོ་རྗེར་འགྱུར། །ཐོག་མར་ཨི་ཡིག་རྣམ་བཞི་བཞག །ཨི་ཡིག་ཐོག་མའི་འོག་ཏུ་ཨུ། །ཕྱི་མར་སྟེང་འདྲ་སྔ་མར་ཨི། །མཐའ་དག་ཨུ་ཡིག་གྱུར་གྱི་བར། །ཡི་གེ་བཞི་པའི་བྲྀཏྟ་ཡི། །པྲསྟཱ་ར་བཞིན་བྱས་ལ་བལྟ། །དེ་ལྟར་བྲྀཏྟ་བཅུ་དྲུག་པའི། །ཡི་གེ་རེ་རེ་རྐང་པ་རེ། །ཡིན་ཕྱིར་སྟེང་འོག་རིམ་པ་བཞིན། །དབང་པོ་རྡོ་རྗེ་ཉེ་རྡོ་རྗེ། །དབུས་མ་བཅུ་བཞི་ཉེར་བསྐྱེད་དོ། །ཞེས་ལོ་ཙཱ་བ་ནམ་མཁའ་བཟང་པོས་མཛད་པའི་ཟུར་འདེབས་ཏེ་མཁས་པའི་ཕྱག་རྗེས་ལ་གཅེས་སྤྲས་སུ་བྱ་བའི་ཕྱིར་བྲིས་ལ། གཞན་དུ་ན་བློ་དམན་གྱིས་གོ་ཤིན་ཏུ་སླ་བའི་ཕྱིར་འདི་ལྟར་བྱ་སྟེ། གཅིག་གཉིས་བཞི་བརྒྱད་ཨངྐིའི་གཟུགས། །ཕྲེད་བྲིས་འོག་ཏུ་ཨི་ཡིག་བཞི། །དེ་ནས་བརྩམས་ཏེ་ཨང་གྲངས་དང་། །མཐུན་པའི་ཨི་དང་ཨུ་ཡིག་དག །སྟེང་ནས་འོག་ཏུ་རིམ་པ་བཞིན། །མཐའ་དག་ཨུ་རུ་གྱུར་པར་སྤེལ། །དང་པོའི་ཨི་ཡིག་དབང་རྡོར་དང་། །ཐ་མའི་ཨུ་ཡིག་ཉེ་རྡོར་ཏེ། །བར་མ་བཅུ་བཞི་ཉེར་བསྐྱེད་ཡིན། །དཔེར་ན་ཚིགས་བཅད་རྐང་བཞི་ཡི། །དང་པོ་དབང་རྡོར་ཕྱི་མ་གསུམ། །ཉེ་དབང་རྡོ་རྗེས་བྱས་པ་དེ། །ཉེར་བསྐྱེད་དང་པོ་ཞེས་སུ་གྲགས། །དེ་ཡིས་ཀུན་ལ་འགྲེ་བར་བྱ། །ཞེས་སྨྲས་

― MLP007_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །༤དོདྷཀམིཙྪཏིབྷཏྲིཏཡཱངྒཽ། ལྟ་བུ་བྷ་གསུམ་ལས་འཇོ་བ་པོར་འདོད་བྷ་གསུམ་ལས་ག་དག་ཕ་རོལ་ཏུ་ག་དག་སྦྱར་བ། ༤༣༩༽འཇོ་བ་པོར་འདོད་དོ། ༥མོབཱརཽབཱཤཱལིནཱིབེདལོཀེཿལྟ་བུ་མ་དང་ཝ་དང་མ་ཝ་ར་གཉིས་ཝ་ཤཱ་ཱལི་ནཱི་རིག་བྱེད་འཇིག་རྟེན་ར་གཉིས་ཀྱི་མཐར་ཝ་སྦྱར་ལ་རིག་བྱེད་དང་འཇིག་རྟེན་ལ་ངལ་གསོ་ན། ༢༨༩༽ཤཱ་ལི་ནཱི་ཞེས་བྱའོ། །༦མོཝཱཿསྲཽབཱཡདིབཱཏོརྨིམཱལཱ། ལྟ་བུ་གལ་ཏེ་མ་ཝ་ས་མ་ཝ་ས་ར་བ་གལ་ཏེ་ཆུ་རླབས་ཕྲེང་ར་ཝ་སྟེ་བཞི་དང་བདུན་ལ་ངལ་གསོ་བ་ནི། ༣༠༥༽ཆུ་རླབས་ཕྲེང་བའོ། །༧མཽབཱནཽབཱབྷྲམརབིལལིཏཱ། ལྟ་བུ་མའི་མཐར་ཝ་དང་མ་ཱཝ་ན་དག་ཝ་བུང་བ་རོལ་པ་ན་གཉིས་ཀྱི་མཐར་ཝ་རྣམས་ཡོད་ལ་སྔར་བཞིན་ངལ་གསོ་བ་ནི། ༡༠༠༩༽བུང་བ་རོལ་བའོ། ༨རཱཏྤརེནརལགཱར་ཐོདྡྷཏཱ། ལྟ་བུ་ར་ལས་ཕ་རོལ་ཏུ་ར་ལས་ན་ར་ལ་དང་ག་བསྒྲིགས་པ་དེའི་ཕ་རོལ་ན་ར་ལ་ག་ཤིང་རྟ་དྲེགས་ཚེ། ༦༩༩༽ཤིང་རྟ་དྲེགས་སོ། །༩འདིར་མེ་ཏོག་ཆུན་པོར། ར་ན་ར་མཐར་ཡང་དང་ལྕི། །སྔར་བཞིན་ངལ་གསོ་ཤིང་རྟ་དྲེགས། །ཞེས་གསུངས་ཀྱང་། འདིར་རང་འགྲེལ་དུ་རིག་བྱེད་འཇིག་རྟེན་ཞེས་པ་ལྡོག་གོ་ཞེས་པས་ངལ་གསོའི་སྦྱོར་བ་མི་བཞེད་དོ། །སྭཱགཏཱརནབྷགཽརྒུརུཎཱཙ། ལྟ་བུ་ར་ན་བྷ་ག་རྣམས་དང་མཐར་ལྕི་བ་གཅིག་སྦྱར་བ་ལེགས་འོངས་སོ་ར་ན་བྷ་ག་རྣམས་ལྕི་བས་དང་ནི། ༤༤༣༽ལེགས་པར་འོངས་སོ། །༡༠ནནསག །གིཏིཙབྷབེདྦྲྀཏྟཱ། ལྟ་བུ་ན་ན་ས་རྣམས་ཀྱི་མཐར་ག་དང་ག་ཞེས་བྱའི་ཡི་གེ་སྦྱར་བ་ན་ན་ས་ག་ག་ཞེས་ཙམ་བསྒྱུར་ཟླུམ་པོར་འགྱུར། དེའི་ཚེ། ༢༥༦༽ཟླུམ་པོར་འགྱུར་

― MLP007_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

རོ། །༡༡ནནརལགིག །ཏིཙཻབབྷདྲིཀཱལྟ་བུ་ན་ན་རའི་མཐར་ལ་ག་ཞེས་བྱ་བ་བསྡེབས་ན། ༧༠༤༽བཟང་ན་ན་ར་ལ་ག་ཞེས་བྱ་བ་ཉིད་བཟང་ལྡན་ལྡན་ཉིད་དོ། །༡༢ཤྱེནུདཱིརིཏཱརཛཽརལཽགུརུཿལྟ་བུ་ར་ཛ་རའི་མཐར་ལ་དང་ལྕི་བ་བསྒྲིགས་པ་ནི། ༦༨༥༽དཀར་དཀར་མོ་བརྗོད་ར་ཛ་ར་ལ་ལྕི་བ། མོར་བརྗོད་དོ། །༡༣ཛསཽཙཏགགཱཤྩོཔསྠིཏིསྱཱཏ྄། ལྟ་བུ་ཛ་ས་ཏ་དང་ག་ག་རྣམས་སྦྱར་བ་ནི། ༢༨༦༽ཉེར་གནས་ཛ་ས་དང་ཏ་ག་ག་རྣམས་ནི་ཉེར་གནས་འགྱུར། ཞེས་བྱ་བར་འགྱུར་རོ། །༡༤༈ བདུན་པ་ཡི་གེ་བཅུ་གཉིས་པ་སྐྱེ་འགྲོ་ལ་འདིར་བཅོ་ལྔ་སྟེ། ཙནྡྲཝརྟྨཙརཡནྟྲིརནབྷསཻཿལྟ་བུར་ན་བྷ་ས་རྣམས་ཀྱིས་གང་དུ་རྒྱུ་ཞིང་འཁོར་བ་དེ་ནི་སྐྱེ་ཟླ་བ་ལམ་རྒྱུ་ཞིང་འཁོར་ར་ན་བྷས་རྣམས་ཀྱིསའགྲོའི། ༤༠༩༦༽བྱེ་བྲག །༡༩༧༩༽ཟླ་བའི་ལམ་ཞེས་བྱའོ། །༡ཨུཤནྟིབཾཤསྠམིདཾཛཏཽཛརཽ། ལྟ་བུ་ཛ་ཏ་ར་བསྒྲིགས་པ་འདི་ནི། ༡༣༨༢༽རིགས་གནས་ཉིད་འདོད་རིགས་གནས་འདི་ནི་ཛ་ཏ་ཛ་ར་དུ་འདོད་དོ། །༢སྱཱདིནྡྲབཾཤཱཁལུཡཏྲཏཽཛརཽ། ལྟ་བུ་སྡེབ་སྦྱོར་གང་ལ་ཏ་གཉིས་དང་ཛ་ར་ཡོད་ན་ངེས་པ་ཁོ་འགྱུར་དབང་པོའི་རྒྱུད་དུ་ངེས་པར་གང་ལ་ཏ་གཉིས་ཛ་ར་ནར། ༡༣༨༡༽དབང་པོའི་རྒྱུད་དུ་འགྱུར་རོ། །༣ཡུཊཨིཧབསུབེདཱནནཽགབཽརྦཽ། ལྟ་བུ་ན་དག་དང་ག་ཝ་ར་དང་ལྔ་རྣམས་ནོར་དང་རིག་བྱེད་ལ་སྦྱོར་བའོ། འདིར་ནོར་རིག་བྱེད་ན་དག་ག་བ་ར་བངལ་གསོ་བ་དེ་ནི་འདིར། ༥༧༦༽སྦྱོར་བ་ཞེས་བྱའོ། །༤རྀཏཱུཛསུཛསཱུཛལོདྡྷཏགཏིཿལྟ་བུ་སྟེ། དུས་དག་ཅེས་པས་དྲུག་ཚན་གཉིས་ཀྱི་རེ་རེའི་དུས་དག་ལ་ནི་ཛ་སུ་ཛ་སུ་ཆུ་འཐོར་འགྲོ་མཐའ་ལ་ངལ་གསོ་བ་ཅན་གྱི་ཛ་སུ་དང་ཛ་སུ་བསྡེབས་པ་དེའི་ཚེ་ན། ༡༨༨༦༽ཆུ་འཐོར་འགྲོ་ཞེས་བྱའོ། །༥ཨཐཏོཊཀམབྡྷིསཀཱརཀྲྀཏཾ། ལྟ་བུ་ཆུ་གཏེར་ནི་བཞི་སྟེ་ས་ཡིག་ལན་བཞིར་བསྐྱར་བར་བྱས་དེ་ནས་འགྲོ་བྱེད་ཆུ་གཏེར་ས་ཡིག་བྱས་པ་པ་དེའི་ཚེ། ༡༧༥༦༽དེ་ནས་འགྲོ་བྱེད་དོ། །༦དྲུཏབིལམྦིཏམཱཧནབྷཽབྷརཽ། ལྟ་བུ་ན་དང་བྷ་དང་བྷ་དང་ར་ཡིག་སྦྱར་བ་ནི། ༡༤༦༤༽དལ་མྱུར་དལ་སྨྲ་ན་དང་བྷ་དང་བྷ་ར་མྱུར་ཞེས་བྱ་བའི་སྡེབ་སྦྱོར་ཡིན་པར་སྨྲའོ། །༧བྷུཛངྒཔྲཡཱཏཾཙཏུརྦྷིཪྻཀཱརེཿལྟ་བུ་ཡ་ཡིག་བཞི་སྦྲེལ་བ་རྣམས་ཀྱིས་ནི། ༥༨༦༽ལག་འགྲོ་ལག་འགྲོ་ལྟུང་བ་བཞི་རྣམས་ཀྱིས་ཡ་ཡིག་རྣམས་ཀྱི་ལྟུང་བ་ཞེས་བྱ་བ་ཡིན་ནོ། །༨ཀཱིརྟིཏིཥཱཙཏཱུརེཕིཀཱསྲགྦིཎཱི། ལྟ་བུ་ར་ཡིག་བཞི་བསྡེབས་པ་ནི། ༡༡༧༡༽མེ་ཏོག་ཕྲེང་ཅན་

― MLP007_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གྲགས་སོ། །༩པྲམིཏཱཀྵརཱསཛསསཻཿཀཐིཏཱ། བུས་ཛ་ས་དང་ས་རྣམས་ཀྱིས་ལྟ་ནི། ༡༧༧༢༽ཡི་གེ་ཉུང་ངུ་ཞེས་ཉུང་ངུ་ཡི་གེ་ས་ཛ་ས་ས་རྣམས་ཀྱིས་གྲགསབྱ་བར་གྲགས་སོ། །༡༠མགྭཱརཻཕཽབཱབཻཤྭདེབཱིཤརཱཤྭཻཿལྟ་བུ་མ་ག་ཝ་དང་ར་གཉིས་དང་ཝ་རྣམས་ཡོད་ཅིང་མདའ་དང་མ་ག་ཝ་ར་དག་བ་སྣ་ཚོགས་ལྷ་མོ་མདའ་རྟས། རྟས་ངལ་གསོ་ན། ༥༧༧༽སྣ་ཚོགས་ལྷ་མོ་ཞེས་བྱའོ། །༡༡མོབཱནྱགྭཱཛལདྷརམཱལཱབདྷྱངྒཻཿལྟ་བུ་མ་ཝ་ན་ཡ་ག་ཝ་རྣམས་སྦྲེལ་ཞིང་རྒྱ་མཚོ་དང་ཡན་མ་བ་ན་ཡ་ག་བ་ཆུ་འཛིན་ཕྲེང་རྒྱ་མཚོ་ཡན་ལགལག་ལ་ངལ་གསོ་ན། ༢༤༡༽ཆུ་འཛིན་ཕྲེང་ངོ་། །༡༢ནནརརགྷཊིཏཱཙམནྡྷཱཀིནཱི། ལྟ་བུ་ན་ན་ར་ར་བཞི་པོ་འདུས་པ་ན། ༡༢༡༦༽དལ་གྱིས་འབབ་པ་ན་ན་ར་ར་འདུས་པ་དལ་གྱིས་འབབས་པ་ཡིན། ཞེས་བྱ་བ་ཡིན་ནོ། །༡༣བདཏིམུནིཪྻམུནཱཾནཛཽཛརཽ། ལྟ་བུ་ན་ཛ་ཛ་ར་ཡིན་པ་དེའི་ཚེ། ༡༣༤༩༽ཡ་མུ་ནཱ་ཞེས་པར་ཐུབ་སྨྲ་ཐུབ་པ་ཡ་མུ་ནཱ་ཱན་ཛ་ཛ་ར་པ་དྲང་སྲོང་ཉིད་སྨྲའོ། །༡༤ཨིཧནབམཱལིནཱིཡདིནཛཽབྷྱཽཿལྟ་བུ་གལ་ཏེ་སྡེབ་སྦྱོར་འདི་ནི་ན་ཛ་བྷ་ཡ་བསྒྲིགས་པ་དེ་འདི་ནི་གསར་པ་ཕྲེང་བ་གལ་ཏེ་ན་ཛ་བྷ་ཡནི། ༧༤༤༽ཕྲེང་བ་གསར་པ་ཞེས་བྱའོ། །༡༥༈ བརྒྱད་པ་ཡི་གེ་བཅུ་གསུམ་པ་ཤིན་ཏུ་སྐྱེ་འགྲོ་ལ་འདིར་ལྔ་སྟེ། ཏྲྱཤཱབྷིརྨུནཛརབཱཿཔྲཧཪྵིཎཱིསྱཏ྄། ལྟ་བུ་མུ་ན་ཛ་ར་ཝ་རྣམས་ཡོད་ཅིང་ཡི་གེ་གསུམ་དང་ཕྱོགས་ཀྱིས་མུ་ན་ཛ་ར་བ་རྣམས་རབ་དགའ་ཅན་འགྱུར། གསུམ་པ་དང་ཕྱོགས་ཀྱི་གནས་སུ་ངལ་གསོ་ན་ཤིན་ཏུ་སྐྱེ་འགྲོའི། ༨༡༩༢༽བྱེ་བྲག །༡༤༠༡༽རབ་དགའ་ཅན་ནོ། །༡ཛབཽནཛཽརིཏིརུཙིརཱཙཏུརྒྲཧཻཿལྟ་བུ་ཛ་ཝ་ན་ཛ་ར་ཞེས་བྱ་བ་བསྡེབས་ཤིང་བཞི་དང་གཟའ་ལ་ཛ་བ་ན་ཛ་ར་ཞེས་དགའ་མཛེས་ཡིན་བཞི་གཟའ། ངལ་གསོ་ན། ༢༨༠༦༽དགའ་མཛེས་ཞེས་པ་ཡིན་ནོ། །༢མོབོབྷཏྱཱཿསཻབཡཏིརྨཏྟམཡཱུརཿལྟ་བུ་མ་ཝ་བྷ་ཏ་ཡ་རྣམས་སྦྱར་ཅིང་སྔར་ལྟར་བཞི་དང་མ་བ་བྷ་ཏ་ཡ་རྣམས་དེ་ཉིད་ངལ་གསོ་མྱོས་རྨ་བྱ། གཟའི་གནས་དེ་ཉིད་དུ་ངལ་གསོ་ན། ༡༦༣༣༽རྨ་བྱ་མྱོས་སོ། །༣སཛསཱཿསགཽཙཀཐིཏཿཀལཧཾསཿལྟ་བུ་ས་ཛ་ས་དང་ས་ག་རྣམས་སྦྱར་བ་ནི། ༡༧༧༢༽སྙན་ས་ཛ་ས་དང་ས་ག་ནི་དང་བཤད་སྙན་པའི་ངང་པར། པའི་ངང་པ་ཞེས་བྱ་བར་བཤད་དོ། །༤སཛསཱཛགཽཙཡདིམཉྫུབྷཱཥིཎི། ལྟ་བུ་གལ་ཏེ་ས་ཛ་ས་དང་ཛ་ག་རྣམས་བསྡེབས་པ་ནི། ༢༧༩༦༽ས་ཛ་ས་རྣམས་ཛ་ག་དང་གལ་ཏེ་འཇམ་པའི་ངག །འཇམ་པའི་ངག་

― MLP007_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

གོ །༥༈ དགུ་པ་ཡི་གེ་བཅུ་བཞི་པ་ནུས་ལྡན་ལ་འདིར་ལྔ་སྟེ། མཱགཱབཱནཽམཱཿཤརནབབྷིརསིབཱདྷཱ། ལྟ་བུ་མ་ག་ཝ་དང་ན་གཉིས་མ་རྣམས་ཡོད་ཅིང་ཡི་གེ་མ་ག་ཝ་ན་གཉིས་མ་རྣམས་མདའ་དགུ་ཡིས་གནོད་མེད། མདའ་དང་དགུ་ཡིས་སྡོད་ན་ནུས་ལྡན་གྱི། ༡༦༣༨༤༽བྱེ་བྲག །༢༠༡༧༽གནོད་མེད་དོ། །༡ནནབིཛཛབིཙསྭརཻརཔརཱཛིཏཱ། ལྟ་བུ་ན་ན་ཝ་དང་ཛ་ཛ་ཝ་རྣམས་བསྒྲིགས་ལ་རང་རང་གི་ན་ན་བ་ཛ་ཛ་བ་དབྱངས་ཀྱིས་གཞན་གྱིས་མི་ཐུབ་པ། དབྱངས་ཏེ་ཡི་གེ་བདུན་པའི་གནས་སུ་ངལ་གསོ་ན། ༥༨༢༤༽གཞན་གྱིས་མི་ཐུབ་པའོ། །༢པྲཧརཎཀལིཏཱནནབིནནབིཏཻཿལྟ་བུ་ན་ན་ཝ་དང་ན་ན་ཝ་རྣམས་སྔ་མ་ལྟར་ཡི་གེ་བདུན་མཚོན་ཆ་ཁ་འབུས་ན་ན་བ་དང་ན་ན་བ་དེ་རྣམས་ཀྱིས། པ་དེ་དང་དེའི་སར་སྡོད་ན། ༨༡༢༨༽མཚོན་ཆ་ཁ་འབུས་སོ། །༣ཛྙེཡཾབསནྟཏིལཀཾཏབྷཛཱཛགཽགཿལྟ་བུ་ཏ་བྷ་ཛ་ཛའི་མཐར་ག་ག་སྦྲེལ་བ་ནི། ༢༩༣༣༽ཤེས་པར་བྱ་དཔྱིད་ཀྱི་ཐིག་ལེ་ཏ་བྷ་ཛ་ཛ་ག་གདཔྱིད་ཀྱི་ཐིག་ལེ་ཞེས་བྱ་བར་ཤེས་པར་བྱའོ། །༤བསུདྷཱསླབོནཔིཙརཽཙཔཉྩགྲཧཻཿལྟ་བུ་ས་ལ་ཝ་དང་ན་དང་གཞན་ཡང་ར་གཉིས་སྦྲེལ་ལ་ལྔ་ནོར་འཛིན་ས་ལ་བ་ན་གཞན་ཡང་ར་དག་ལྔ་གཟའ་ཡིས། དང་གཟའ་ཡིས་སྡོད་པ། ༤༨༤༤༽ནོར་འཛིན་ནོ། ༈ །བཅུ་པ་ཡི་གེ་བཅོ་ལྔ་པ་ཤིན་ཏུ་ནུས་ལྡན་ལའང་འདིར་ལྔ་སྟེ། གུརུནིདྷནམནུལགྷུརིཧཤཤིཀལཱ། ལྟ་བུ་ལྕི་བ་གཅིག་མཐའ་མར་བཀོད་པའི་ཡང་བའི་ཡི་གེ་ལྕི་བ་མཐའ་མ་མ་ནུས་ཡང་བ་འདི་ནི་རི་བོང་ཅན་གྱི་ཆ། མ་ནུ་རྣམས་ཀྱིས་འདིར་ནི་ཤིན་ཏུ་ནུས་ལྡན་གྱིས། ༣༢༧༦༨༽བྱེ་བྲག །༡༦༣༨༤༽རི་བོང་ཅན་གྱི་ཆ་ཞེས་བྱའོ། །༡སྲགིཡམཔིཙརསནབཀབིརམཎཱ། ལྟ་བུ་འདིར་ནི་གཞན་ཡང་རི་བོང་ཅན་གྱི་སྡེབ་སྦྱོར་དེ་ཉིད་ཕྲེང་བའོ་འདི་ཉིད་གཞན་ཡང་རོ་དགུ་ཡིས་ངལ་གསོར་གྱུར་ན། ལས་རོ་དང་དགུ་ཡིས་ངལ་གསོ་བ་ཙམ་གྱིས་ཁྱད་པར་དུ་གྱུར་ན། ༡༦༣༨༤༽ཕྲེང་བའོ། །༢བསུམུནིཡཏིརིཏིམཎིགུཎནིཀརཿལྟ་བུ་སྟེ། སྔར་རི་བོང་ཅན་གྱི་ཆ་དེ་ལྟ་བུ་ལས་ནོར་དང་ནོར་དང་ཐུབ་པ་ངལ་གསོ་དེ་ལྟ་བུ་ལ་ནོར་བུ་ཡོན་ཏན་ཚོགས། ཐུབ་པར་ངལ་གསོ་ན། ༡༦༣༨༤༽ཡོན་ཏན་ནོར་བུའི་ཚོགས་ཞེས་བྱའོ། །༣ནནགབརརཝཱཿསྻུརྨཱལིནཱིཏྭཥྚལོཀཻཿལྟ་བུ་ན་ན་ག་ཝ་ར་ར་ཝ་རྣམས་ལ་བརྒྱད་དང་འཇིག་ན་ན་ག་བ་ར་ར་བ་རྣམས་ཕྲེང་ལྡན་མ་བརྒྱད་དང་འཇིག་རྟེན་གྱི། རྟེན་དུ་ངལ་གསོ་ན། ༤༦༧༢༽ཕྲེང་ལྡན་མའོ། །༤ནཛབྷཛརཽཏྤིརཱ

― MLP007_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

ཛིཏམིདཾསམུདྲཀཾ། ལྟ་བུ་ན་ཛ་བྷ་ཛ་ར་རྣམས་སྡེབ་སྦྱོར་མཁན་པོས་རྣམ་པར་སྤེལ་བ་འདི་རྣམ་པར་སྤེལ་བ་འདི་ནི་རྒྱ་མཚོ་ཅན། ནི། ༡༡༡༨༤༽རྒྱ་མཚོ་ཅན་ཞེས་བྱའོ། །༥བཅུ་གཅིག་པ་ཡི་གེ་བཅུ་དྲུག་པ་ལེགས་སྤྱོད་ལ་འདིར་གཉིས་ཏེ། བྷྲཀནསཱམུནེཿཁམྲྀཥབྷགཛབིལསིཏཾ། ལྟ་བུ་བྷ་ར་ཀ་ན་ན་ས་རྣམས་ཡོད་ཅིང་ཐུབ་པའི་སྐད་བྷ་ར་ཀ་ན་ན་ས་ཐུབ་ལས་ཁ་ཁྱུ་མཆོག་གླང་ཆེན་རྩེན། དོད་ལས་ཕ་རོལ་ཁ་མྲྀ་ཥའི་ཁ་སྟེ་ཡི་གེ་བདུན་པ་དང་མཐའི་ལྕི་བ་ལ་ངལ་གསོ་ན་ལེགས་སྤྱོད་ཀྱི། ༦༥༥༣༦༽བྱེ་བྲག །༣༢༧༢༧༽ཁྱུ་མཆོག་གླང་ཆེན་རྩེན་ནོ། །༡ནཛབྷཛརཱགུརུཤྩཡདིཏཏྟདཱཀུསུམྦྷཾ། ལྟ་བུ་གལ་ཏེ་ན་ཛ་བྷ་ཛ་རའི་མཐར་ལྕི་བ་གཅིག་ན་ཛ་བྷ་ཛ་ར་ལྕི་བ་གལ་ཏེ་དེ་ནི་ཡོད་པ་དེ་ཚེ་ལེ་བརྒན་རྩི། དེ་ནི་དེ་ཚེ། ༡༡༡༨༤༽ལེ་བརྒན་རྩི་ཞེས་བྱའོ། །༢༈ བཅུ་གཉིས་པ་ཡི་གེ་བཅུ་བདུན་པ་ཤིན་ཏུ་ལེགས་སྤྱོད་ལ་འདིར་བདུན་ཏེ། ཡམཱུནཱསཱབྷཱལྭཱརསཧརབིརཱམཱཤིཁརིཎཱི། ལྟ་བུ་ཡ་མུ་ན་ས་བྷ་ལ་ཝ་རྣམས་ཡོད་ཅིང་རོ་ཡ་མུ་ན་ས་བྷ་ལ་བ་རྣམས་རོ་འཕྲོག་བྱེད་ངལ་གསོ་གཙུག་ཕུད་ཅན། དང་འཕྲོག་བྱེད་ལ་ངལ་གསོ་ན་ཤིན་ཏུ་ལེགས་སྤྱོད་ཀྱི། ༡༣༡༠༧༢༽བྱེ་བྲག །༡༡༨༦༥༨༽གཙུག་ཕུད་ཅན་ནོ། །༡ཛསལྭནརརཱབསུགྲཧཡཏིསྟུཔྲྀཐྭཱམཏཱ། ལྟ་བུ་ཛ་ས་ལ་ཝ་ན་ར་ར་རྣམས་ཡོད་ཅིང་ནོར་དང་ཛ་ས་ལ་བ་ན་ར་ར་ནོར་དང་གཟའ་ལ་སྡོད་པ་ཡངས་ལྡན་མ། གཟའ་ལ་སྡོད་དེ་ངལ་གསོ་ན། ༣༨༧༥༠༽ཡངས་ལྡན་མའོ། །༢དིདྨུནིབཾཤཔཏྲཔཏིཏཾབྷརནབནབཻཿལྟ་བུ་བྷ་ར་ན་ཝ་ན་ན་ཝ་རྣམས་ཡོད་ཅིང་ཕྱོགས་དང་ཕྱོགས་ཐུབ་པར་འོད་མ་འདབ་མ་ལྟུང་བ་བྷ་ར་ན་བ་ན་ན་བ་རྣམས། ཐུབ་པར་ངལ་གསོ་ན། ༦༤༩༨༣༽འོད་མའི་འདབ་མ་ལྟུང་བའོ། །༣ནསུམབཛཛཱབཱཿསྭཱདཱབྡྷིསྭརཻརྷརིཎཱིམཏཱ། ལྟ་བུ་ན་སུ་མ་ཝ་ཛ་ཛ་ཝ་རྣམས་ལས་རོ་དང་ཆུ་ན་སུ་མ་བ་ཛ་ཛ་བ་རྣམས་རོ་ཆུ་དབྱངས་ལ་རི་དྭགས་མོ་རུ་འདོད། དང་དབྱངས་ལ་ངལ་གསོ་ན། ༤༦༡༡༢༽རི་དྭགས་མོ་རུ་འདོད་དོ། །༤མནྤཱཀྲཱནྟཱམབནསུརརཱབཿསམུདྲརྟུལཽཀཻཿལྟ་བུ་མ་ཝ་ན་སུ་ར་ར་ཝ་རྣམས་ཡོད་ཅིང་མཚོ་དང་དུས་དལ་གྱིས་གནོན་མ་བ་ན་སུ་ར་ར་བ་རྣམས་མཚོ་དུས་འཇིག་རྟེན་རྣམས་ཀྱིས། དང་འཇིག་རྟེན་ལ་སྡོད་ན། ༡༨༩༢༩༽དལ་གྱིས་གནོན་པའོ། །༥ནཛབྷཛཛཱལགཽཙཡདིནཏྐུཊཀནྟུཏདཱ། ལྟ་བུ་གལ་ཏེ་ན་ཛ་བྷ་ཛ་ཛ་ལ་ག་རྣམས་བསྡེབས་པ་ན་ཛ་བྷ་ཛ་ཛ་ལ་ག་རྣམས་གལ་ཏེ་བུམ་པ་ཅན་དེ་ཚེ། དེའི་ཚེ། ༥༦༢༤༧༽བུམ་པ་ཅན་ཞེས་བྱའོ། །

― MLP007_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

༦ནཛབིནབྷུབྷབཽམུནིརསོདདྷིཀོཀིལཀཾལྟ་བུ་ན་ཛ་ཝ་དང་ན་བྷུ་དང་བྷ་བ་རྣམས་ཡོད་ཅིང་ན་ཛ་བ་ན་བྷུ་དང་བྷ་བ་ཐུབ་པ་རོ་དང་ཆུ་གཏེར་ཁུ་བྱུག་ཅན། ཐུབ་པ་དང་རོ་དང་ཆུ་གཏེར་གྱི་ཡི་གེ་རྣམས་ལ་ངལ་བསོ་ན། ༥༦༢༤༠༽ཁུ་བྱུག་ཅན་ནོ། །༧༈ བཅུ་གསུམ་པ་ཡི་གེ་བཅོ་བརྒྱད་པ་བརྟན་འཛིན་ལ་འདིར་གཉིས་ཏེ། མགྭཱནྶཱུརཽབཿཀུསུམིཏལཏཱབེལླིཏཱཀྵརྟུལོཀཻཿལྟ་བུ་མ་ག་ཝ་ན་སུ་དང་ར་གཉིས་ཝ་རྣམས་མ་ག་བ་ན་སུ་ར་གཉིས་པ་རྣམས་མེ་ཏོག་འཁྲི་ཤིང་གཡོ་བའི་དབང་དུས་འཇིག་རྟེན། ཡིན་ལ་དབང་པོ་དང་དུས་དང་འཇིག་རྟེན་ལ་ངལ་གསོ་ན་བརྟན་འཛིན་གྱི། ༢༦༢༡༤༤༽བྱེ་བྲག །༣༧༨༥༧༽མེ་ཏོག་གཡོ་བའི་འཁྲི་ཤིང་ངོ་། །༡ཨིཧནནརཙཏུཥྐསྭྀཥྚནྟུནཱརཱཙམཱཙཀྵཏེ། ལྟ་བུ་སྡེབ་སྦྱོར་འདི་ནི་ན་གཉིས་དང་ར་བཞི་འདི་ནི་ན་ན་ར་བཞི་བསྒྲིགས་པ་ལྕགས་ཀྱི་མདའ་རུ་འཆད་པར་བྱེད། བསྒྲིགས་པ་ལ། ༧༤༩༤༤༽ལྕགས་ཀྱི་མདའ་ཞེས་བྱ་བ་རུ་འཆད་པར་བྱེད་དོ། །༢༈ བཅུ་བཞི་པ་ཡི་གེ་བཅུ་དགུ་པ་ཤིན་ཏུ་བརྟན་འཛིན་ལའང་འདིར་གཉིས་ཏེ། ཡམུནྶཱུརེཕོབཿཥདྷྲྀཏུཏུརགཻརྨེགྷབིསྥུརྫིཏསྱཱཏ། ལྟ་བུ་ཡ་མུ་ན་སུ་ར་ར་ཝ་རྣམས་ཡོད་ཡ་མུ་ན་སུ་ར་དག་དང་བ་རྣམས་དྲུག་དུས་མགྱོགས་འགྲོ་སྤྲིན་རྣམ་པ་སྒྲོགས་པ་འགྱུར། ཅིང་དྲུག་དང་དུས་དང་མགྱོགས་འགྲོ་སྟེ་རྟ་ལ་ངལ་གསོ་ན་ཤིན་ཏུ་བརྟན་འཛིན་གྱི། ༥༢༤༢༨༨༽བྱེ་བྲག །༥༧༡༤༽སྤྲིན་རྣམ་པར་སྒྲོགས་པ་ཞེས་བྱ་བར་འགྱུར་རོ། །༡ཨརྐཱཤྭཻཪྻདིམཿསཛཽསུཏཏབཱཿཤརྡཱུལབིཀྲཱིཌིཏཾ། ལྟ་བུ་གལ་ཏེ་མ་ས་ཛ་སུ་ཏ་ཏ་ཝ་རྣམས་ཡོད་ཉི་མ་རྟ་རྣམས་ཀྱིས་གལ་ཏེ་མ་ས་ཛ་སུ་ཏ་ཏ་བ་རྣམས་སྟག་རྣམ་པར་རྩེན། ཅིང་ཉི་མ་དང་རྟ་ཡིས་ངལ་གསོ་བ་དེའི་ཚེ། ༡༤༩༣༣༧༽སྟག་རྣམ་པར་རྩེན་པའོ། །༢༈ བཅོ་ལྔ་པ་ཡི་གེ་ཉི་ཤུ་པ་བྱེད་ལྡན་ལའང་འདིར་གཉིས་ཏེ། སཔཱཤྭསྭཱདབྷིནྣཱམརབནནབཏཱཿསུཤྩེཏྶུབདན། ལྟ་བུ་གལ་ཏེ་མ་ར་ཝ་དང་ན་ན་བདུན་དང་རྟ་དང་རོ་ཡིས་ཕྱེ་བ་མ་ར་བ་ན་ན་བ་ཏ་སུ་རྣམས་གལ་ཏེ་ཁ་མཛེས་སོ། །ཝ་དང་ཏ་སུ་རྣམས་ཡོད་ལ་དེའི་ཚེ་བདུན་དང་རྟ་དང་རོ་ཡིས་ཕྱེ་བ་སྟེ་སྡོད་ན་བྱེད་ལྡན་གྱི། ༡༠༤༨༥༧༦༽བྱེ་བྲག་༤༦༦༨༣༣༽ཁ་མཛེས་སོ། །༡བྲྀཏྟམཱིདྲིཤནྟུནཱམཏོརཛཽརཛཽརཛཽགུརུལླགྷུཤྩ། ལྟ་བུ་ར་ཛ་ར་ཛ་ར་ཛ་རྣམས་ཟླུམ་པོ་འདི་ལྟ་བུ་རྣམས་ཞེས་བྱར་འདོད་ར་ཛ་ར་ཛ་ར་ཛ་ལྕི་བ་ཡང་བ། ཀྱི་མཐར་ལྕི་བ་དང་ཡང་བ་ཡོད་པ་འདི་ལྟ་བུ་རྣམས་ལ་ནི། ༦༩༩༠༥༡༽ཟླུམ་པོ་ཞེས་བྱར་འདོད་དོ། །༢༈ བཅུ་དྲུག་པ་ཡི་གེ་ཉེར་གཅིག་

― MLP007_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རབ་བྱེད་ལྡན་གྱི་དཔེ་ནི། མྲཽབཽནཽབཤྩརཽབསྟྲིབྷིརིཏིབིརཏིཿསཔྟཀཻཿསྲགྡྷརསྱཱཏ། ལྟ་བུ་མ་ར་ཝ་དང་ན་ན་ཝ་དང་ར་ར་མ་ར་ཝ་ན་དག་པ་ར་དག་ཝ་གསུམ་རྣམས་ཀྱིས་ཞེས་བྱ་སྡོད་པ་བདུན་པ་ཕྲེང་འཛིན་འགྱུར། ཝ་རྣམས་ཡོད་ཅིང་ཡི་གེ་བདུན་པ་གསུམ་གྱི་གནས་སུ་སྡོད་པ་ན་རབ་བྱེད་ལྡན་གྱི། ༢༠༩༧༡༥༢༽བྱེ་བྲག །༣༠༢༩༩༣༽ཕྲེང་འཛིན་ཞེས་བྱ་བར་འགྱུར་རོ། ༈ །བཅུ་བདུན་པ་ཡི་གེ་ཉེར་གཉིས་པ་ཀུན་བྱེད་ལྡན་གྱི་དཔེ་ནི། ཡཏྲབྷརཽནབཽཛསཛསཱདཤོཥྞགུབིརཱམིམདྲཀམིིདཾ། ལྟ་བུ་རྐང་པ་གང་ལ་བྷ་ར་ན་ཝ་ཛ་ས་གང་ལ་བྷ་ར་ན་བ་ཛ་ས་ཛ་ས་ཕྱོགས་དང་ཉི་མར་ངལ་གསོ་ཟབ་མོའི་དབྱངས་འདི་ནི། ཛ་ས་རྣམས་ཡོད་ཅིང་ཕྱོགས་དང་ཉི་མར་ངལ་གསོ་བ་འདི་ནི་ཀུན་བྱེད་ལྡན་གྱི། ༤༡༩༦༤༣༠༤༽བྱེ་བྲག །༡༩༣༠༧༡༡༽ཟབ་མོའི་དབྱངས་ཞེས་བྱའོ། ༈ །བཅོ་བརྒྱད་པ་ཡི་གེ་ཉེར་གསུམ་པ་རྣམ་བྱེད་ལྡན་ལ་འདིར་གཉིས་ཏེ། ཧརརབིབྷིནྣམཤྭལལིཏཾནཛཽཙབྷལབཱཛསཽཙེཛསུཙ། ལྟ་བུ་ན་ཛ་བྷ་ལ་ཝ་དང་ཛ་ས་འཕྲོག་བྱེད་ཉི་མར་ཐ་དད་པ་ནི་རྟ་རོལ་པ་ན་ཛ་དང་བྷ་ལ་བ་ཛ་ས་དག་དང་ཛ་སུའང་། དག་དང་ཛ་སུ་རྣམས་ཡོད་ཅིང་འཕྲོག་བྱེད་དང་ཉི་མར་ཐ་དད་དུ་སྡོད་པ་ནི་རྣམ་བྱེད་ལྡན་གྱི། ༨༣༨༨༦༠༨༽བྱེ་བྲག །༣༨༦༡༤༢༤༽རྟ་རོལ་པ་ཞེས་བྱའོ། །༡མཏྟཱཀྲཱྀཌཾབསྭཀྵཱཤཱཡདིམམིཙགབིཙནལཀནནནབཱཿལྟ་བུ་གལ་ཏེ་མ་མ་མྱོས་མ་རྩེན་པའོ། །ནོར་དབང་ཕྱོགས་ཀྱིས་གལ་ཏེ་མ་མ་དང་ག་བ་དང་ན་ལ་ཀ་ན་ན་ན་བ་རྣམས། ག་བ་དང་ན་ལ་ཀ་དང་ན་ན་ན་ཝ་རྣམས་ཡོད་ཅིང་ནོར་དང་དབང་པོ་དང་ཕྱོགས་ཀྱིས་ངལ་གསོ་ན། ༤༡༩༤༠༤༩༡༣༽མྱོས་མ་རྩེན་པའོ། །༢༈ བཅུ་དགུ་པ་ཡི་གེ་ཉེར་བཞི་པ་ལེགས་བྱེད་ལྡན་གྱི་དཔེ་ནི། སྱཱདིཧཏནྭཱིབྷག །བཐནནབཱབྷཽནྻུཤརསྭརཏརཎིབིརཱམཱ། ལྟ་བུ་སྡེབ་སྦྱོར་འདིར་འགྱུར་འདིར་ལུས་ཕྲང་བྷ་ལྕི་བ་ཝ་དེ་ནས་ན་ན་བ་བྷ་དག་ན་ཡུ་མདའ་དབྱངས་སྒྲོལ་བྱེད་ངལ་གསོ། །ནི་བྷ་དང་ལྕི་བ་གཅིག་དང་ཝ་དང་། དེ་ནས་ན་ན་ཝ་དང་བྷ་གཉིས་དང་། ན་དང་ཡུ་རྣམས་བསྒྲིགས་པ་ལ་མདའ་དང་དབྱངས་དང་སྒྲོལ་བྱེད་དེ་ཉི་མ་རྣམས་ལ་ངལ་གསོ་ན་ལེགས་བྱེད་ལྡན་གྱི། ༡༦༧༧༧༢༡༦༽བྱེ་བྲག །༡༡༥༥༣༦༧ལུས་ཕྲ་ཞེས་བྱ་བར་འགྱུར་རོ། ༈ །ཉི་ཤུ་པ་ཡི་གེ་ཉེར་ལྔ་པ་ཤིན་ཏུ་བྱེད་ལྡན་གྱི་དཔེ་ནི། ཀྲཽཉྩཔདཱབྷགྭཱབྷག །བཱནཽལྐནནབཨིཥུཤརབསུམུནིབིརཏིཿལྟ་བུ་བྷ་ག་ཝ་དང་བྷ་ག་ཁྲུང་ཁྲུང་རྐང་བྷ་ག་བ་བྷ་ག་བ་ན་དག་ལ་ཀ་ན་ན་བ་མདའ་མདའ་ནོར་

― MLP007_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ཝ་དང་བྷ་ན་ན་ལ་ཀ་དང་ན་ན་ཝ་རྣམས་ཡོད་ཅིང་མདའ་དང་མདའ་དང་ནོར་དང་ཐུབ་པར་ངལ་གསོ་བ་དེ་ནི་ཤིན་ཏུ་བྱེད་ལྡན་གྱི། ༣༣༥༥༤༤༣༢༽བྱེ་བྲག །༡༦༢༧༦༣༩༡༽ཁྲུང་ཁྲུང་རྐང་ཞེས་བྱའོ། ༈ །ཉེར་གཅིག་པ་ཡི་གེ་ཉེར་དྲུག་པ་ལྷག་པར་བྱེད་ལྡན་ལ་འདིར་གཉིས་ཏེ། མཽགྭཽནཽལྐོསུརྫཽབཱཿསྱཱཏྤསུམདནདཧནམུནིབྷིརྦྷུཛཾགབིཛྲྀམྦྷིཏཾ། ལྟ་བུ་མ་གཉིས་དང་ག་ཝ་ན་མ་དག་ག་བ་དག་ན་དག་ལ་ཀ་སུ་དང་ཛ་དག་པ་རྣམས་ནོར་ལྷ་འགྱུར་མྱོས་བྱེད་མེ་ཐུབ་པ་ལག་འགྲོ་རྣམས་བསྒྱིངས་སོ། །གཉིས་ལ་ཀ་སུ་དང་ཛ་ཛ་ཝ་རྣམས་ཡོད་ཅིང་ནོར་ལྷ་དང་མྱོས་བྱེད་དང་མེ་དང་ཐུབ་པ་རྣམས་ཀྱིས་ངལ་གསོ་བ་ན་ལྷག་པར་བྱེད་ལྡན་གྱི། ༦༧༡༠༨༨༦༤༽བྱེ་བྲག །༡༣༨༥༤༨༨༤༩༽ལག་འགྲོ་རྣམས་བསྒྱིངས་སོ། །༡མྣཽནུརྡྭིརྣིནུསགབིཏིནབརསརསཀརཎབིརཏིརསབཱཧཿསྱཱཏ྄། ལྟ་བུ་མ་ན་ནུ་དང་། དེ་ནས་ན་ནུ་མ་ན་དག་ནུ་གཉིས་ན་ནུ་ས་ག་བ་ཞེས་བྱ་བ་དགུ་རོ་རོ་བྱེད་པར་ངལ་གསོ་བཟློག་ཕྱོགས་འབབ་འགྱུར། རྣམ་པ་གཉིས་སུ་བལྡབས་པའི་མཐར་ས་ག་ཝ་ཞེས་བྱ་བ་རྣམས་ཡོད་ཅིང་དགུ་དང་རོ་དང་རོ་དང་བྱེད་པ་སྟེ་དབང་པོ་རྣམས་ལ་ངལ་གསོ་ན། ༨༣༨༨༦༠༠༽བཟློག་ཕྱོགས་འབབ་ཏུ་འགྱུར་རོ། །༢༈ ད་ནི་ཡི་གེ་ཉེར་བདུན་པ་ནས་བརྩམས་ཏེ་རྒྱུན་ཆགས་ཞེས་ཐ་སྙད་མཛད་ལ། དེ་ལའང་དབྱེ་ན། རྒྱུན་ཆགས་དང་། རབ་བསགས་གཉིས་ལས། དང་པོ་ནི། པྲཐམཀཨིཧདཎྜཀཤྩཎྜབྲྀཥྚིཔྲཡཱཏོབྷབེནྣདྭཡེནཱཐརཻཿསཔྟབྷིཿལྟ་བུ་མཉམ་པའི་དང་པོ་འདི་ཉིད་དུ་ནི་རྒྱུན་ཆགས་གཏུམ་པའི་ཆར་འབེབས་དག་ཏུ་འགྱུར་ཏེ་ན་གཉིས་དེ་ནས་ར་བདུན་རྣམས་ཀྱིས་སོ། །བྲྀཏྟ་འདི་ཉིད་དུ་ནི་རྒྱུན་ཆགས་ཀྱི་དང་པོ་གང་ཞེ་ན་གཏུམ་པའི་ཆར་འབེབས་དག་ཏུ་འགྱུར་ཏེ། གང་གིས་ན་རྐང་པ་སོ་སོ་ལ་ན་གཉིས་དང་དེ་ནས་བར་མ་ཆད་པར་ར་ཡིག་བདུན་རྣམས་བསྒྲིགས་པ་ནའོ། །དེས་ན་རྒྱུན་ཆགས་ཀྱི་སྐབས་འདིར་ནི་རྐང་པ་སོ་སོར་རེ་ཕ་སྟེ་ར་དབུས་ཡང་བའི་པྲ་སྟཱ་ར་ཅན་གྱི་ཡི་གེ་གསུམ་གསུམ་འཕེལ་བར་གྱུར་པ་རྣམས་ཀྱིས་མིང་ཐ་དད་པ་སྟེ། དཔེར་ན། པྲཏིཔདམིཧརེཕབྲྀཏྟཱཿསྻུརརྞྞརྞྞབབྱཱལཛཱིམཱུཏལཱིལཱཀརོདྡཱམཤངྑཱདཡཿལྟ་བུ་ན་སོ་སོར་རྐང་པ་འདིར་ནི་རེ་ཕའཕེལ་བར་གྱུར་རྣམས་ཆུ་རྒྱུན་རྒྱ་མཚོ་སྦྲུལ་ཆར་སྤྲིན་རོལ་པའི་འགྱུར་གནས་ཤིན་ཏུ་ཀླུབས་དུང་སོགས་སོ། །གཉིས་ཀྱི་རྗེས་སུ་ར་བརྒྱད་སྦྲེལ་ན་ནི་རྒྱུན་ཆགས་གཉིས་པ་ཆུ་རྒྱུན་ཞེས་བྱའོ། །དེ་བཞིན་དུ་ན་གཉིས་ཀྱི་རྗེས་སུ་སྦྲེལ་བ་གཞིར་བཞག་གིས།

― MLP007_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

ར་དགུས་གསུམ་པ་རྒྱ་མཚོ་དང་། ར་བཅུས་བཞི་པ་སྦྲུལ་དང་། བཅུ་གཅིག་གིས་ལྔ་པ་ཆར་སྤྲིན་དང་། བཅུ་གཉིས་ཀྱིས་དྲུག་པ་རོལ་པའི་འབྱུང་གནས་དང་། བཅུ་གསུམ་གྱིས་བདུན་པ་ཤིན་ཏུ་ཀླུབས་དང་། བཅུ་བཞི་པས་བརྒྱད་པ་དུང་ངོ་། །འདིར་འགྲེལ་པར་ཆུ་རྒྱུན་གྱི་དཔེར་བརྗོད་ནི་མདོ་ཡིན་ལ། ལྷག་མ་རྣམས་ཀྱི་ནི་དྲང་བར་བྱའོ། །ཞེས་ཁ་འཕངས་ནས་རྒྱ་མཚོ་མན་ཆད་ལ་དཔེར་བརྗོད་མ་བཀོད་པ་ནི་ཧ་ཅང་མངས་པར་གྱུར་གྱིས་དོགས་ནས་མ་བཤད་ཀྱང་སྔ་མས་མཚོན་ཏེ་རྟོགས་སླ་བའི་ཕྱིར་སྙམ་དུ་དགོངས་སོ། །དེ་ལྟར་འདིར་ན་གཉིས་ཀྱི་རྗེས་སུ་ར་ཡིག་བཅུ་བཞི་སྦྲེལ་བ་ཡི་གེ་ཞེ་བརྒྱད་ཀྱི་བར་དུ་དངོས་སུ་བསྟན་ནས། དེ་ནས་ཀྱང་དུང་སོགས་སོ། །ཞེས་སྨོས་པ་གང་ཞེ་ན། ལྔ་བཅུ་ང་གཅིག་མན་ཆད་ཀྱི་ཚིགས་བཅད་རྣམས་ཀྱང་རྒྱུན་ཆགས་དང་རབ་བསགས་ལས་གཞན་པའི་ཐ་སྙད་གདགས་སུ་མེད་པའི་ཕྱིར་མཐའ་ཡས་པ་སྟེ། དཔེར་ན། དྷརྨ་ཀཱིརྟིས་བདེ་མཆོག་ལ་བསྟོད་པ་རྒྱུན་ཆགས་སུ་ན་གཉིས་ཀྱི་རྗེས་སུ་ར་བརྒྱ་དང་བཅུ་བསྒྲིགས་པ་ལ་སོགས་པ་བཞིན་མང་ངོ་། །གཉིས་པ་ནི། མེ་ཏོག་ཆུན་པོ་ལས། རབ་བསགས་རྒྱུན་ཆགས་འདྲ་བ་ལ། །འོན་ཀྱང་ཁྱད་པར་ཡ་ལ་སྦྱོར། །ཞེས་པ་ལྟར་རབ་བསགས་ཀྱི་སྐབས་འདིར་ནི། ན་ཟུང་དག་སྔ་མ་དང་འདྲ་བ་ལས་རའི་ཚབ་ཏུ་ཡ་སྦྱར་བ་རྣམས་ཀྱིས་ནི་རབ་བསགས་རྣམས་སུ་འགྱུར་ཏེ། དཔེར་ན། པྲཙིཏཨིཧནཡུགཱངྻེསྟཐཱཙཎྜབྲྀཥྚིཔྲཡཱཏཱདཡོཡེཪྻཐཱདཎྜཀོརཻཿལྟ་བུ་ན་གཉིས་དང་ཡ་བདུན་རབ་བསགས་འདིར་ནི་ན་ཟུང་དག་ལས་ཡ་རྣམས་ཀྱིས་ནི་དེ་བཞིན་གཏུམ་པའི་ཆར་འབེབས་སོགས་ཡ་ཡིས་ཇི་བཞིན་རྒྱུན་ཆགས་ར་རྣམས་ཀྱིས། བསྒྲིགས་པ་ན་རབ་བསགས་དང་པོ་གཏུམ་པའི་ཆར་འབེབས་ཏེ། སོགས་ཁོངས་ནས། དེ་བཞིན་དུ་ན་ཟུང་གི་རྗེས་སུ་སྦྲེལ་བའི་ཡ་བརྒྱད་ཀྱིས་རབ་བསགས་གཉིས་པ་ཆུ་རྒྱུན་དང་ཡ་དགུས་གསུམ་པ་རྒྱ་མཚོ། བཅུས་བཞི་པ་སྦྲུལ། བཅུ་གཅིག་གིས་ལྔ་པ་ཆར་སྤྲིན། བཅུ་གཉིས་ཀྱིས་དྲུག་པ་རོལ་འབྱུང་། བཅུ་གསུམ་གྱིིས་བདུན་པ་ཤིན་ཏུ་ཀླུབས། བཅུ་བཞི་པས་བརྒྱད་པ་དུང་རྣམས་སུ་འགྱུར་ཏེ། ར་ཡིག་རྒྱུན་ཆགས་སུ་འགྱུར་བ་བཞིན་དུ་ཡ་ཡིག་རབ་བསགས་སུ་འགྱུར་བའི་རྒྱུ་མཚན་གྱིས་སོ། །འདིར་ཡང་ཆུ་རྒྱུན་ལ་སོགས་པའི་དཔེར་བརྗོད་
ནི་སྔར་གྱི་རིག་པས་རྟོགས་སླའོ། །ཞེས་མཉམ་པའི་བྲྀཏྟ་རྣམས་ཀྱི་དོན་བཤད་ཟིན་ཏོ། །

ཕྱེད་མཉམ་པའི་བྲྀཏྟ།

― MLP007_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་ཕྱེད་མཉམ་པའི་བྲྀཏྟ་ནི། དེ་ཡང་སྐབས་འདིར་ཚིགས་བཅད་རྐང་པ་བཞི་པ་ལས། རྐང་པ་དང་པོ་དང་གསུམ་པ་ལ་ཟུང་མིན་དང་མི་མཉམ་པ་ཞེས་དང་། རྐང་པ་གཉིས་པ་དང་བཞི་པ་ལ་ཟུང་དང་མཉམ་པ་ཞེས་བརྡ་བྱས་པ་ངེས་པར་བྱས་ནས། གཞུང་འདིར་ཕྱེད་མཉམ་ལ་དཔེར་བརྗོད་བཅུ་གསུམ་གསུངས་ཏེ། འདི་ལྟར། ཨུཔཙིཏྲཀམཱཧུརཡུགྨཡུགཽསལགཱཡདཱིབྷཏྲིཏཡཱངྒཽ། ཞེས་པ་ལྟ་བུ་གལ་ཏེ་རྐང་པ་ཟུང་མིན་གཉིས་ལ་ཉེར་བཀྲ་སྨྲ་ཟུང་མིན་ཟུང་ས་དག་ས་ལ་ག་གལ་ཏེ་བྷ་གསུམ་ཅན་ལས་ག་དག །ས་དག་ས་སྟེ་ས་ཡིག་གསུམ་གྱི་མཐར་ལ་ག་དག་སྦྱར་བ་དང་། རྐང་པ་ཟུང་གཉིས་ལ་བྷ་གསུམ་ཅན་ལས་ཕ་རོལ་ཏུ་ག་དག་བསྒྲིགས་པ་དེའི་ཚེ་ཉེར་བཀྲ་ཞེས་བྱ་བའི་བྲྀཏྟ་ཞེས་སྨྲའོ། །༡བྷཏྲིཏཡཱངྻདིགཽདྲུཏམདྷྱཡདིཔུནརེབབྷབནྟིནཛཽཛྱཽ། ལྟ་བུ་གལ་ཏེ་རྐང་པ་ཟུང་མིན་བྷ་གསུམ་ཅན་ལས་གལ་ཏེ་ག་དག་མྱུར་བ་དབུས་གལ་ཏེ་སླར་ཉིད་གྱུར་ན་ཛ་ཛ་ཡ། དག་ལ་བྷ་གསུམ་ཅན་ལས་ག་དག་གྱུར་པ་ཡིན་ལ། གལ་ཏེ་རྐང་པ་ཟུང་དག་ལ་སཱ་ར་ཉ་ད་ན་ཛ་ཛ་དང་ཡ་རྣམས་བྱུང་བ་ན་མྱུར་བའི་དབུས་སོ། །༢ཡདིསཏྲིཏཡཾགུརུཡུཀྟཾབེགབཏཱིཡདིབྷཏྲིཏཡཱངྒཽ། ལྟ་བུ་གལ་ཏེ་རྐང་པ་ཟུང་མིན་དག་གལ་ཏེ་ས་གསུམ་ཅན་ལས་ལྕི་བ་ཟུང་སྟེ་ཤུགས་ལྡན་མ་གལ་ཏེ་བྷ་གསུམ་ཅན་ལས་ག་དག །ལ་ས་ཡིག་གསུམ་བལྡབས་ཅན་ལས་ཕ་རོལ་ཏུ་ལྕི་བ་དང་ལྡན་ཞིང་། གལ་ཏེ་རྐང་པ་ཟུང་དག་བྷ་གསུམ་ཅན་ལས་ཕ་རོལ་ཏུ་ག་དག་བསྒྲིགས་པ་དེ་ནི་ཤུགས་ལྡན་མའོ། །༣ཡསྱཱཾཏཛརེཕག །ཨཡུཀྨཾཡུཀྨཾབྷདྲབིརཎྨསཽཛགཽགཿལྟ་བུ་གང་ལ་རྐང་པ་ཟུང་དག་ལ་ཏ་གང་ལ་ཏ་ཛ་རེ་ཕ་ལྕི་བ་ཟུང་མིན་ཟུང་ལ་བཟང་པོ་སྣང་བ་མ་ས་ཛ་ལྕི་ག །ཛ་དང་རེ་ཕ་སྟེ་ར་དང་ལྕི་བ་གཅིག་རྣམས་ཡོད་ཅིང་། རྐང་པ་ཟུང་དག་ལ་མ་ས་ཛ་རྣམས་ཀྱི་མཐར་ལྕི་བ་གཅིག་དང་ག་སྦྱར་བ་འདི་བཟང་པོའི་སྣང་བའོ། །༤བིཥམཾསམཾཡདིསཛཽསྒཽཀེཏུམཏཱིབྷརེཕནགགཱཤྩ། ལྟ་བུ་གལ་ཏེ་རྐང་པ་མི་མཉམ་མི་མཉམ་མཉམ་པ་གལ་ཏེ་ས་ཛ་ས་དང་ལྕི་བ་ཏོག་ལྡན་མ་བྷ་ར་ན་ག་ལྕི་བ། པ་དག་ལ་ས་ཛ་ས་དང་ལྕི་བ་གཅིག་རྣམས་ཡོད་ཅིང་རྐང་པ་མཉམ་པ་དག་ལ་བྷ་ར་ན་ག་རྣམས་ཀྱི་མཐར་ལྕི་བ་གཅིག་སྦྲེལ་བ་ནི་ཏོག་ལྡན་མའོ། །༥ཨཱཁྱཱནིཀཱསྱཱངྻདིཏཽཛ

― MLP007_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

གཽགསྟྭཡུཀྤདཾཡུཀྟཛཏཽཛགཽགཿལྟ་བུ་གལ་ཏེ་རྐང་པ་ཟུང་མིན་དག་ལ་ཏ་གཉིས་དང་ཛ་དང་གཟུང་མིན་རྐང་པ་ཟུང་ནི་ང་ཏ་ཛ་ག་ལྕི་བ་རྣམས། ལྕི་བ་གཅིག་དང་ག་རྣམས་ཡོད་ཅིང་། རྐང་པ་ཟུང་དག་ལ་ནི་ཛ་ཏ་ཛ་ག་དང་ལྕི་བ་གཅིག་རྣམས་ཡོད་པ་དེའི་ཚེ་ཀུན་བསྒྲགས་སོ། །༦ཛཏཽཛགཽགྱཏྲཙཏཽཛགཽགཱཨཱཁྱཱནིཀཱསཽབིཔརཱིཏཔཱུརྦྦཱ། ལྟ་བུ་འདིར་ཡང་རྐང་པ་ཟུང་མིན་དག་ལ་ཛ་ཏ་ཛ་ག་ག་གང་ལ་ཡང་ཏ་དག་ཛ་ག་ལྕི་བ་ཀུན་བསྒྲགས་འདི་ནི་བཟློག་པ་སྔ་མ་ཅན། ཛ་ཏ་ཛ་ག་ག་རྣམས་ཡོད་ཅིང་། ཟུང་དག་ལ་ཏ་དག་དང་ཛ་ག་ལྕི་བ་གཅིག་དང་བཅས་བསྒྲིགས་པ་འདི་ནི་ཀུན་བསྒྲགས་ཀྱི་རྐང་པ་གཉིས་གོ་བཟློག་ནས་གནས་པའི་ཕྱིར་ཀུན་བསྒྲགས་བཟློག་པ་སྔ་མ་ཅན་ཞེས་བྱའོ། །༧ཡདིསཏྲིཏཡཱདྦྷབཏོལགཽནབྷབྷརཱཤྩཏདཱཧརིཎཔླུཏཱ། ལྟ་བུ་གལ་ཏེ་རྐང་པ་ཟུང་མིན་དག་ལ་ས་གལ་ཏེ་ས་གསུམ་ཅན་ལས་ཡིན་ཅིང་ལ་ག་ན་བྷ་བྷ་ར་རྣམས་ཀྱང་དེ་ཚེ་རི་དྭགས་འཕྱོང་ངོ་། །གསུམ་ཅན་ལས་ཕ་རོལ་ཏུ་ལ་དང་ག་ཡིག་ཡིན་ཞིང་། ཟུང་དག་ལ་ན་བྷ་བྷ་ར་རྣམས་ཡོད་ན་དེ་ཚེ་རི་དྭགས་འཕྱོང་ངོ་། །༨ཡདིནནརལགཱནཛཽཛརཽཡདིཙཏདཱ྅པརབཀྟྲམིཥྱཏེ། ལྟ་བུ་གལ་ཏེ་ཟུང་མིན་དག་ན་ན་ར་གལ་ཏེ་ན་ན་ར་ལ་ག་ན་ཛ་ཛ་ར་དག་གལ་ཏེ་དང་དེ་ཚེ་གཞན་སྒོར་འདོད། དང་ལ་དང་ག་ཡིན་ཞིང་གལ་ཏེ་ཟུང་ལ་ན་ཛ་ཛ་ར་ཡོད་པ་དེའི་ཚེ་གཞན་སྒོ་ཞེས་བྱ་བར་འདོད་དོ། །༩ཨཡུགིཧཡདིནཽརཡཽཙཡུགྨཾནཛཛརགཱཿཀཐཡནྟིཔུཥྤིཏཱགྲཾ། ལྟ་བུ་གལ་ཏེ་འདིར་ནི་རྐང་ཟུང་མིན་འདིར་ནི་གལ་ཏེ་ན་དག་ར་ཡ་དག་དང་ཟུང་ལ་ན་ཛ་ཛ་ར་ག་རྣམས་བརྗོད་དོ། །མེ་ཏོག་རྒྱས་པའི་རྩེ་མོར། པ་ཟུང་མིན་དག་ལ་ན་གཉིས་དང་ར་ཡ་རྣམས་ཡོད་ཅིང་། ཟུང་དག་ལ་ན་ཛ་ཛ་ར་ག་རྣམས་ཡོད་ན་མེ་ཏོག་རྒྱས་པའི་རྩེ་མོ་ཞེས་བྱ་བར་བརྗོད་དོ། །༡༠རེཕཛཽརཛཽཏཐཱཛརཽཛྲགཤྩཡབདྷྭནེརྨཏུཔྶིཡཱེསམཱབྷིདྷཱནཱ། ལྟ་བུ་རྐང་པ་ཟུང་མིན་དག་ལ་ར་ར་ཛ་ར་ཛ་དེ་བཞིན་ཛ་ར་ཛ་ར་ག་རྣམས་ཡ་བའི་སྒྲ་ལས་མ་ཏུ་པྲ་བུད་མེད་མཚུངས་པར་བརྗོད་དོ། །ཛ་ར་ཛ་ཡོད་ཅིང་། དེ་བཞིན་དུ་ཟུང་དག་ལ་ཛ་ར་ཛ་ར་ག་རྣམས་བྱུང་བ་ན་ཡ་བའི་སྒྲ་ལས་ཞེས་པ་ཡ་བ་ནས་དང་དྷྭ་ནེ་ར་སྒྲ་ལ་འཇུག་པར་ཙཱནྡྲ་པའི་སྐབས་གསུམ་པའི་རྐང་པ་དང་པོར་བཤད་པའི་དེ་ཕན་གྱི་རྐྱེན་གྱི་ནང་ཚན་མ་ཏུ་པྲ་ཡི་རྐྱེན་སྦྱར་བ་གང་ཡིན་པ་དེ་ལས་བུད་མེད་དང་མཚུངས་པ་ནས་ལྡན་མའམ་ནས་འདྲ་མ་ཞེས་པར་བརྗོད་དེ། མོ་རྟགས་དང་ནས་
སྐད་དོད་གཅིག་པས་སོ། །༡༡དཤདཤབསུལགྷུཙཡདིབིཥམམིཏརདཔིཙདཤདཤདཤལགྷུཀཾགུརུནིདྷནམུབྷལམབིབཅུ་བཅུ་ནོར་ལྡན་ཡང་བ་དང་གལ་ཏེ་མི་མཉམ་ཅིག་ཤོས་དག་ཀྱང་བཅུ་བཅུ་བཅུ་ཡང་བ་ལྕི་བར་བྱས་པ་དག་ནི་གཉིས་ཀ་དག་ཀྱང་བིཧིཏལལིཏཔདབིསྲྀཏིཡདིབྷབཏིབྷབཏིཤིཁཱ། ལྟ་བུ་གལ་ཏེ་རྐང་པ་མི་མཉམ་པ་དག་ཐ་མ་རོལ་བའི་རྐང་པ་རྣམ་པར་སྤྲོ་བར་གལ་ཏེ་གྱུར་པ་འགྱུར་གཙུག་ཕུད་ཅན། ནི་བཅུ་དང་བཅུ་དང་ནོར་ལྡན་དག་ཅེས་པས་བཅུ་ཚན་གཉིས་དང་བརྒྱད་དེ་ཡི་གེ་ཉི་ཤུ་རྩ་བརྒྱད་ནི་ཡང་བ་ཡིན་ལ། ཅིག་ཤོས་ཟུང་གི་རྐང་པ་དག་ཀྱང་བཅུ་དང་བཅུ་དང་བཅུ་སྟེ་ཡི་གེ་སུམ་ཅུ་རྣམས་ནི་ཡང་བ་ཡིན་ཞིང་། གལ་ཏེ་ཐ་མའི་ཡི་གེ་གཅིག་ཟུང་དང་ཟུང་མིན་གཉིས་ཀ་དག་ཀྱང་ལྕི་བར་བྱས་ལ་རོལ་སྒེག་དང་ལྡན་པའི་རྐང་པའི་འགྲོས་རྣམ་པར་སྤྲོ་བར་གྱུར་པ་དག་ནི་གཙུག་ཕུད་ཅན་ཞེས་བྱ་བའི་སྡེབ་སྦྱོར་དུ་འགྱུར་རོ། །༡༢སམབིཥམཙརཎཔརིགདིཏནིཛནིལཡབིནིམཡབིཧིཏདལབིརཙནཱ། ནིཡཏམིཡམིཧབྷབཏིམཉམ་པ་མི་མཉམ་པ་རྐང་པ་ཡོངས་སུ་བརྗོད་པ་ངེས་པར་གནས་ནི་ངེས་པ་དང་བྲལ་པར་བྱས་པས་འདབ་མར་བཀོད་པའི། ངེས་པར་འདི་དག་ནི་འདིར་ནི་འགྱུར་ཛགཏིཀུཊིལཔདནིགདནསདྲྀཤསམབྷིདྷཱ། ལྟ་བུ་མཉམ་པ་དང་མི་མཉམ་པའི་རྐང་པ་དག་འགྲོ་ལྡན་འཁྱོག་པོའི་རྐང་པ་འཐེང་པོ་འདྲ་བར་མཚུངས་པར་མངོན་པར་བརྗོད། གིས་ཡོངས་སུ་བརྗོད་པ་ངེས་པའི་གནས་ནི་བཤད་མ་ཐག་པའི་གཙུག་ཕུད་ཅན་གྱི་སྡེབ་སྦྱོར་དེ་ཉིད་ཡིན་ལ། ངེས་པ་དང་བྲལ་བ་ནི་དེ་ཉིད་བཟློག་པ་སྟེ་འདིར་ཟུང་མིན་ལ་ཡང་བ་སུམ་ཅུའི་མཐར་ལྕི་བ་གཅིག་དང་། ཟུང་ལ་ཡང་བ་ཉེར་བརྒྱད་ཀྱི་མཐར་ལྕི་བ་གཅིག་རྣམས་སྦྲེལ་བར་བྱས་པ་འདབ་མར་བཀོད་པའི་ངེས་པ་འདི་དག་ནི་སྐབས་འདིར་ནི་སྐྱེས་བུ་རྐང་པ་འཁྱོག་པོའི་འགྲོ་བ་དང་ལྡན་པ་ལ་འཐེང་པོ་ཞེས་གྲགས་པ་ལྟར། དེ་དང་མཚུངས་ཤིང་འདྲ་བར་མངོན་པར་བརྗོད་པ་དེའི་ཕྱིར་མིང་འགྲོ་ལྡན་འཐེང་པོ་ཞེས་བྱ་བར་འགྱུར་བ་ཡིན་ནོ། །༡༣ཞེས་ཕྱེད་མཉམ་པའི་བྲྀཏྟ་རྣམས་ཀྱི་དོན་བཤད་ཟིན་ཏོ། །

མི་མཉམ་པའི་བྲིཏྟ།

― MLP007_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་མི་མཉམ་པའི་བྲིཏྟ་ལ། ཁ་སྒོ། རྐང་འཕེལ། སྟེང་འགྲོ། དལ་འགྲོ་དང་བཞི་ལས། དང་པོ་ཁ་སྒོ་ལ་བཅུ་གཅིག་སྟེ། ཨཥྚཱཀྵརེཥུཔཱདེཥུ། ནཱདྱཏྶྣཽཡོཉམྦུདྷེཪྺཀྟྲཾ། ཞེས་

― MLP007_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟ་བུ་སྟེ་སྤྱིར་ཁ་སྒོ་ནི་ཡི་གེ་བརྒྱད་པའི་སྡེབ་སྦྱོར་ཡིན་པས་རྐང་པ་རེ་རེ་ཞིང་ཡི་གེ་བརྒྱད་བརྒྱད་ལས། ཐོག་མཐའ་སྤངས་པའི་བར་གྱི་སུམ་ཚན་གཉིས་ལ་པྲསྟཱ་ར་བྱ་ཞིང་། དེ་ཡང་རྐང་པའི་ཡི་གེ་དང་པོ་སྤངས་པ་ལས་ཕ་རོལ་གྱི་སུམ་ཚན་དེ་ས་དང་ན་གང་རུང་མིན་པ་གཞིར་བྱས་ནས། སུམ་ཚན་དང་པོ་ཡར་བཅད་ཀྱི་ཡི་གེ་བཞིའི་ཕ་རོལ་གྱི་སུམ་ཚན་དེ་ཁ་སྒོ་རྣམས་ཀྱི་བྱེ་བྲག་སོ་སོ་ལ་འགྱུར་བར་འདོད་པའི་ཕྱིར། འདིར་མཚོ་ལས་ཕ་རོལ་ཡ་ཡིག་གཅིག་བྱུང་ན་དེའི་ཚེ་ཁ་སྒོ་ཙམ་པོ་ཞེས་བྱའོ། །དེ་ཡང་དཔེར་བརྗོད་ཀྱི་རྐང་པ་ཉིད་ཇི་ལྟར་རིགས་པ་བསྐྱར་ནས་ཚིག་དོན་གཞན་གྱིས་ཚིགས་སུ་བཅད་པ་རྫོགས་པར་བྱ་སྟེ། དཔེར་ན་ཁ་སྒོ་ཕན་པའི་སྡེབ་སྦྱོར་གྱི་དཔེ་མཚན་བརྗོད་ཀྱི་རྒྱ་དཔེར། ཨཐབཛྲདྷརཿཤྲཱིམཱན། དུརྡཱནྟདམཀཿཔརཿཏྲིལོཀབིཛཡཱིཝཱིརོ། གུཧྱརཱཊྐུལིཤེ་ཤྭརཿལྟ་དེ་ནས་རྡོ་རྗེ་འཆང་དཔལ་ལྡན་གདུལ་དཀའ་འདུལ་བ་རྣམས་ཀྱི་མཆོག །གསུམ་འཇིག་རྟེན་རྒྱལ་དཔའ་བོ། གསང་བའི་རྒྱལ་རྡོ་རྗེ་དབང་ཕྱུག་བུའོ། །༡ཡུཀྤཱདཡོརྫཀཱརེཎ། བཀྟྲཾཔཐྱེཏིཀཱིརྟིཏཾ། ལྟ་བུ་རྐང་པ་ཟུང་དག་སྟེ་གཉིས་པ་དང་བཞི་པའི་ཟུང་རྐང་པ་དག་ཛ་ཡིག་གིས་ཁ་སྒོ་ཕན་པ་ཞེས་གྲགས། མཚོའི་ཕ་རོལ་ཛ་ཡིག་གིས་བྱས་པ་དེ་ནི་ཁ་སྒོ་ཕན་པ་ཞེས་བྱ་བར་གྲགས་སོ། །༢ཛེནཱཡུཛཽཏུདཱཧྲྀཏཱ། བིཔདཱཏཱིདིརིཥཱསྨིན། ལྟ་བུ་ཛ་ཡིག་རྐང་པ་དང་པོ་དང་གསུམ་པ་སྟེ་ཟུང་ཛ་ཡིས་ཟུང་མིན་བརྗོད་རྣམས་བཟློག་པ་དང་པོ་ཅན་གྱི་འདི་ནི། མིན་གྱི་མཚོ་ལས་བརྗོད་པ་འདི་ནི་སྔ་མ་ལས་གོ་བཟློག་པའི་ཕྱིར། དང་པོ་ཅན་ཏེ་མིང་བཟློག་པའི་ཕན་པ་ཞེས་པ་ཉིད་ཀྱི་དཔེའོ། །༣བཀྟྲཾཏདེབཙཔལཱ། ནཀཱརེཎཱཡུཛོཛྙེཡཱ། ལྟ་བུ་ཁ་སྒོ་སྤྱི་དེ་ཉིད་ལས་བྱེ་བྲག་གི་མིང་གྱ་གྱུ་ཁ་སྒོ་དེ་ཉིད་གྱ་གྱུ་ཅན་ན་ཡིག་ཟུང་མིན་ཤེས་བྱ། ཅན་དུ་གྲགས་པ་ནི། ན་ཡིག་རྐང་པ་ཟུང་མིན་གྱི་མཚོ་ལས་ཕ་རོལ་ཏུ་བྱུང་བ་ཉིད་ཡིན་པར་ཤེས་པར་བྱའོ། །༤ལགྷུསཔྟམཡུགྨཱཡ། བིཔུལཱསཽམཏཱམུནིཿལྟ་བུ་རྐང་པ་ཟུང་གི་ཡི་གེ་བདུན་པ་ཡང་བ་ཡིན་པ་ཡང་བ་བདུན་པ་ཟུང་མིན་ཡངས་མར་དེ་ནི་འདོད་ཐུབ་པས་དེ་ནི་ཐུབ་པ་དམར་སེར་གྱིས་ཡངས་མར་འདོད་དོ། །སཻབཏསྱསཱསརྦཏཿལྟ་བུ་ཟུང་གི་བདུན་པར་མ་ཟད་ཐམས་ཅད་ནས་ཏེ་རྐང་པ་བཞི་དེ་ཉིད་དེ་ཡིས་དེ་ཐམས་ཅད་ནས། ཀའི་བདུན་པ་རྣམས་ཡང་བའི་ཡི་གེ་ཡིན་པ་དེ་ཉིད་ཡངས་མ་ཞེས་བྱ་བ་དེའི་མཚན་ཉིད་དུ་སློབ་དཔོན་ཉིད་བཞེད་

― MLP007_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

དོ། །༥བྷེནཱམྦུདྷེསྟདྦིཔུལཱ། ལྟ་བུ་སྟེ་ཡངས་མའི་མཚན་ཉིད་ཡོད་པའི་སྟེང་དུ་མཚོ་ལས་ཕ་རོལ་བྷ་བྷ་ཡིས་མཚོ་ལས་དེ་ཡི་ཡངས་མ་ཡིས་བྱས་ན་དེའི་ཡངས་མ་སྟེ་བྷ་ཡངས་ཞེས་བྱའོ། །༦རེཕེཎཙེབིཏཏོནྱཾ། ལྟ་བུ་མཚོ་ལས་རེ་ཕ་སྟེར་ཡིག་གིས་བྱས་ན་སྔ་མ་དེ་ལས་གཞན་དུ་འགྱུར་ར་ཡིག་གིས་ཀྱང་དེ་བཞིན་དེ་ལས་གཞན་ཏེ། ཡངས་མ་དེའི་མིང་གང་ཞེ་ན་རྒྱུ་མཚན་སྔར་བཞིན་དུ་ར་ཡངས་མ་ཞེས་བྱའོ། །༧ནཀཱརེཎཱཔིཙཏཐཱ། ལྟ་བུ་མཚོ་ལས་ཕ་རོལ་ན་ཡིག་གིས་ཀྱང་དེ་བཞིན་དུ་ན་ཡངས་ན་ཡིག་གིས་ཀྱང་ཡང་དེ་བཞིན། མ་ཞེས་བྱའོ། །༨ཨེཝཾཏཀཱརེཎཱཔིབཱ། ལྟ་བུ་མཚོ་ལས་ཏ་ཡིག་གིས་ཀྱང་དེ་བཞིན་དུ་ཏ་ཡངས་མ་ཉིད་དོ། །༩དེ་ལྟ་ཏ་ཡིག་གིས་ཀྱང་ཉིད་དྲྀཥྚཱམཀཱརེཎཱསྱེབཾ། ལྟ་བུ་མཚོ་ལས་ཕ་རོལ་མ་ཡིག་གིས་ཀྱང་དེ་ཁོ་ན་ལྟར་མ་ཡངས་བ་ལྟའོ་མ་ཡིག་གིས་ཀྱང་དེ་ལྟར། མ་ཞེས་བལྟའོ། །༡༠ཨནྱདཏོཧིབིཏཱནཾ། ལྟ་བུ་བཤད་མ་ཐག་པའི་ཁ་སྒོའི་མཚན་ཉིད་དེ་རྣམས་ལས་གཞན་གཞན་དེ་ལས་བླ་རེ་པའི་ཁ་སྒོའི་མཚན་ཉིད་ཅན་གང་ཡོད་ཀྱང་མིང་གཅིག་ཏུ་འགྱུར་ཏེ། བླ་རེ་ཞེས་བྱ་བ་ཡིན་ནོ། །༡༡ད་ནི་ཁ་སྒོའི་བྱེ་བྲག་རྣམས་ཀྱི་དོན་བསྡུ་བར་བྱ་སྟེ། མདོར་ན་ཁ་སྒོའི་སྡེབ་སྦྱོར་གྱི་རྐང་པ་བཞི་ཀ་ཀུན་ལ་ཐོག་མའི་ཡི་གེ་གཅིག་དོར་བ་ལས་ཕ་རོལ་གྱི་ཡི་གེ་གསུམ་པོ་དེ་ས་ན་གང་རུང་མིན་པ་གཞིར་བྱས་ལ། རྐང་པ་ཟུང་གཉིས་ལ་རྒྱ་མཚོ་ལས་ཕ་རོལ་ཛ་ཡིན་ཞིང་། རྐང་པ་ཟུང་མིན་དག་གིས་མཚོ་ལས་ཕ་རོལ་སྔར་བརྗོད་པའི་བྷ་ར་ན་ཏ་མ་རྣམས་དང་། དེ་ལས་གཞན་པ་ཇི་ལྟར་མཛེས་པས། སྙན་ངག་མཁན་རྣམས་ཀྱིས་དེ་ལྟ་བུའི་སྦྱོར་བ་ཕལ་ཆེར་བལྟ་བར་བྱ་ཞེས་གདམས་པར་མཛད་དོ། །ཞེས་ཁ་སྒོའི་བྱེ་བྲག་རྣམས་ཀྱི་དོན་བཤད་ཟིན་ཏོ། ༈ །གཉིས་པ་རྐང་བཞི་འཕེལ་ལ་ལྔ་སྟེ། པྲཐམོ྅ཥྚཱཀྵརཿཔཱདཤྩཏུརྦྷིརབྷིཝརྡྷིཏཱཿཔརེ྅མུཥྨཱཏ྄། ཀྲམཤོཡསྱཏདེཏནྣཱནཱབིནྱཱསསཾཤོབྷིཿདང་པོ་བརྒྱད་ཡི་གེ་རྐང་པ་བཞི་རྣམས་མངོན་པར་འཕེལ་བ་ཕྱི་མར་འདི་ལས་རིམ་བཞིན་གང་གི་དེ་དེ་རྣམས་སྣ་ཚོགས་རྣམ་པར་བཀོད་པས་ཡང་དག་མཛེས་པ་ཅན་སལལིཏཔདཔདབཱིཀཾཔདཙཏུརཱུརྡྷྭཾབུདྷཱཿཔྲཱཧུཿལྟ་བུ་རྐང་པ་དང་པོ་ཡི་གེ་བརྒྱད་ཡིན་ཞིང་། བཅས་རོལ་སྒེག་རྐང་པ་ལྡན་པ་དག་ནི་རྐང་པ་བཞི་འཕེལ་དུ་མཁས་རྣམས་སྨྲའོ། །དེ་ལས་ཚིག་རྐང་ཕྱི་མ་ཕྱི་མར་རིམ་བཞིན་དུ་ཡི་གེ་བཞི་རེ་རྣམས་མངོན་

― MLP007_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འཕེལ་བས། ཚིག་རྐང་གཉིས་པ་ལ་ཡི་གེ་བཅུ་གཉིས། གསུམ་པར་བཅུ་དྲུག །བཞི་པར་ཉི་ཤུ་པ་སྟེ་དེ་ལྟར་འཕེལ་བ་དེ་རྣམས་སྣ་ཚོགས་རྣམ་པར་བཀོད་པའི་སྦྱོར་བས་ཡང་དག་པར་མཛེས་པར་སྤྲས་པའི་རོལ་སྒེག་དང་བཅས་པ་འདོན་པ་ན་རྣ་བ་དང་ཡིད་འཕྲོག་པ་ནི་རྐང་པ་རྐང་པར་ཏེ་རྐང་པ་སོ་སོར་ལྡན་པ་དེ་ལྟ་བུ་དག་ནི་རྐང་བཞི་འཕེལ་ཞེས་བྱ་བའི་སྡེབ་སྦྱོར་དུ་མཁས་པ་རྣམས་སྨྲའོ། །དེ་ཡང་རྐང་པ་དང་པོ་ཁ་སྒོ་དང་། གཉིས་པ་འཕགས་མའི་རྐང་པ་གཉིས་པ་བཞིན་དང་། ཕྱི་མ་གཉིས་འཕགས་མའི་ཕྱེད་ཕྱི་མ་གཉིས་དང་མཚུངས་པས་འདི་ནི་བྲྀཏྟ་ཁོ་ན་ལ་མ་ཡིན་གྱི་འདོད་ན་བྲྀཏྟ་ཛཱ་ཏི་གཉིས་ཀའི་ཆ་ཤས་ཚོགས་པ་ལས་བྱར་རུང་བར་བཞེད་དོ། །༡ཨིཧཔདཙཏུརཱུརྦྷ། གགནིདྷནནིཁིལལགྷུཔཱདཿཡདིམུདམུཔནཡཏིཛགཏིཡུདཨཱདཱ། འདིར་ནི་རྐང་པ་བཞི་ཀ་འཕེལ་ལ་ག་དང་ག་ཡི་མཐའ་ཅན་མ་ལུས་ཡང་བ་རྐང་པ། གལ་ཏེ་དགའ་བ་ཉེ་བར་འདྲེན་བྱེད་འཇིག་རྟེན་ལྡན་པའི་ཀུན་ནས་སམུཔཧིཏསལལིཏཡཏིགཏིརཐབྷབཏིཔཱིཌཿལྟ་བུ་འདིར་ནི་སྔར་ལྟར་རྐང་པ་བཞི་ཀར་ཉེ་བར་ཕན་པ་བཅས་རོལ་སྒེག་ངལ་གསོ་འགྲོ་བས་དེ་ནས་འགྱུར་ཏེ་བཅེར་བ་འཕེལ་བ་གཞིར་བྱས་ལ་རྐང་པ་རེ་རེ་ཞིང་ག་དང་ག་སྟེ་ལྕི་བ་གཉིས་ཀྱི་མཐའ་བརྟེན་པ་ཅན་གྱི་རྐང་པ་སོ་སོའི་ཡི་གེ་གཞན་མ་ལུས་པ་ཡང་བ་འབའ་ཞིག་བསྒྲིགས་པ་ལ་རོལ་སྒེག་གི་ཉམས་དང་བཅས་པས་ཉེ་བར་ཕན་པ་སྟེ་སྦྱོར་ལེགས་ཤིང་ལྷོད་པོར་བརྗོད་པས་ངལ་བསོ་བའི་འགྲོ་བ་དང་འདྲ་བས་གལ་ཏེ་འཇིག་རྟེན་གྱི་དགའ་བ་ཉེ་བར་འདྲེན་པར་བྱེད་པས་ན། རྐང་པ་གསུམ་པའི་མཐར་ཨཱཾ་དང་ལྡན་པའི་སྦྱོར་བ་དང་། བཞི་པའི་མཐའ་པཱི་ཌཿཞེས་ཡོད་པ་དེ་ཚོགས་ནས་མིང་དུ་འགྱུར་ཏེ་ཀུན་ནས་བཅེར་ཞེས་བྱའོ། །༢ཡདིནིཀཊམིཧཙརཎམཱདྱཿསམཏིཔཏཏིཔཱདཱཿཔརིཀྲྀཏཔརབསཏིརཐབསཏིམདྷྱེ། ཏྲཡམིཏགལ་ཏེ་གནས་པར་འདིར་ནི་རྐང་པ་དང་པོ་ཡང་དག་ཤིན་ཏུ་ལྟུང་བའི་རྐང་པ་དག་གི་ཡོངས་སུ་བྱས་ཏེ་ཉེ་ལས་ཕ་རོལ་དེ་ནས་གནས་པར་གྱུར་དབུས་སུ་གསུམ་རྣམས་རདཙལིཏནིཛནིལཡམིཏིཀལིཀཱསྱཱཏ྄། ལྟ་བུ་འདིར་ནི་ཡང་དག་ཤིན་ཏུ་ལྟུང་བའམ་མིང་ཅིག་ཤོས་གཡོ་བ་མེད་པར་ངེས་པར་གནས་ནི་མེ་ཏོག་ཁ་མ་བྱེ་བར་འགྱུར། གཞན་ཀུན་བཅེར་ཞེས་གྲགས་པ་དེའི་རྐང་པ་དག་གི་ཚོགས་ལས། རྐང་པ་དང་པོ་ཡི་གེ་བརྒྱད་པ་དེ་ཉིད་རང་དང་ཉེ་བ། རྐང་པ་གཉིས་

― MLP007_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡི་གེ་བཅུ་གཉིས་པ་ལས་ཕ་རོལ་དུ་སྤོས་ཏེ་གོ་ས་བརྗེས་ནས་རྐང་པ་གཉིས་པ་ལ་ཡི་གེ་བརྒྱད་དང་དེ་ལས་རྐང་པ་དང་པོ་བཞིས་མང་བར་གནས་པ་ཞིག་གལ་ཏེ་ཡོངས་སུ་བྱས་ཏེ། དེ་ནས་དབུས་སུ་གནས་པའི་རྐང་པ་གསུམ་པ་དེ་རྐང་པ་དང་པོ་ལ་བཞིས་འཕེལ་བར་གྱུར་པ་ཡི་གེ་བཅུ་དྲུག་པར་བྱས་ལ། མདོར་ན་རྐང་པ་དང་པོ་གཉིས་གོ་བསྣོར་བས་གཉིས་པ་ལས་དང་པོར་འཕེལ་བ་མ་གཏོགས་གཞན་གཅིག་ཤོས་རྐང་པ་དང་པོ་གསུམ་པ་བཞི་པ་གསུམ་རྣམས་རྐང་བཞི་འཕེལ་སྤྱི་ལས་གཡོ་བ་མེད་པར་གནས་པ་ནི་ངེས་པར་གོ་རིམ་དུ་གྱུར་པ་དེའི་ཚེ་མེ་ཏོག་ཁ་མ་བྱེ་བ་ཞེས་བྱའོ། །༣ཡདིཙརཎཡུགམཏིསམཱིཔཾ། པྲཐམཀཐིཏཨིཧསམཏིཔཏཏིཔཱདཿཏདིཏརཙརཎཱནཱཾ། ཏྲིཏཡམགལ་ཏེ་རྐང་པ་ཟུང་དག་འདས་པ་ཉེ་བའི་དང་པོར་གྲགས་པ་འདིར་ནི་ཡང་དག་ཤིན་ཏུ་ལྟུང་བའི་རྐང་པ་དག་གི་དེ་ནས་ཅིག་ཤོས་རྐང་པ་རྣམས་ཀྱི་རྣམ་པ་གསུམ་ནི་བིཙལིཏནིཛབསཏིབྷབཏིཁབལཱིལཱ། ལྟ་བུ་འདིར་ནི་ཡང་དག་ཤིན་ཏུ་ལྟུང་བའམ་རྣམ་པར་གཡོ་བ་མེད་ཅིང་ངེས་པར་གནས་པར་གྱུར་པ་ཡུད་ཙམ་རོལ་པ། ཀུན་ནས་བཅེར་བ་དེའི་རྐང་པའི་ཚོགས་དག་གི་རྐང་པ་དང་པོར་གྲགས་པ་ཡི་གེ་བརྒྱད་པ་དེ་ཉིད། གལ་ཏེ་དང་པོ་ལ་ཉེ་བའི་རྐང་པ་ཟུང་དག་འདས་པ་སྟེ། ཡི་གེ་བཅུ་གཉིས་པ་དང་བཅུ་དྲུག་པའི་འོག་ཏུ་སྤོས་པ་ཡིན་ལ། དེ་གཅིག་པུ་ལས་གཞན་གཅིག་ཤོས་རྐང་པ་རྣམས་ཀྱི་མཚན་ཉིད་རྐང་པ་རྣམ་པ་གསུམ་པོ་དེ་ནི་སྔར་ལས་རྣམ་པར་གཡོ་བ་མེད་ཅིང་དེ་ཁོ་ནར་ངེས་པར་གནས་པར་གྱུར་པ་དེ་ནི་ཡུད་ཙམ་རོལ་པ་ཞེས་བྱའོ། །༤ཏྲཡམིཏརདབིཙལིཏམེབཾ། པྲཐམཀཨིཧསམཏིཔཏཏིཡདིཔཱདཿབཧུགསུམ་རྣམས་ཅིག་ཤོས་རྣམ་པར་གཡོ་བ་མེད་པ་ཉིད་ནི་དང་པོ་འདིར་ནི་ཡང་དག་འདས་པར་ལྟུང་བར་གྱུར་ཅིང་གལ་ཏེ་རྐང་པ་མང་པོར་བིདྷབིཧིཏལལིཏཡཏརབྷིརཏིཛནནིཡཾ། ནིཡཏམམྲྀཏདྷཱརཱ། ལྟ་བུ་འདིར་རྣམ་པར་བྱས་པའི་རོལ་སྒེག་སྡོད་ཀྱིས་མངོན་པར་དགའ་བ་བསྐྱེད་པ་ཅན། ངེས་པར་བདུད་རྩིའི་རྒྱུན་དུ་ནི་ཀུན་བཅེར་གྱི་རྐང་པ་དང་པོ་ཞེས་བྱ་བ་དེ་ཉིད་བཞི་པའི་མཐར་སྤོས་ལ། དེ་ལས་གཞན་པའི་ཅིག་ཤོས་རྐང་པ་གསུམ་པོ་རྣམས་རྐང་འཕེལ་སྤྱི་ལྟར་ལས་རྣམ་པར་གཡོ་བ་མེད་པ་ཉིད་ནི་སྔར་ཡང་དག་འདས་པར་ལྟུང་བར་གྱུར་པའམ་ཀུན་བཅེར་དུ་བཤད་པ་དེ་ཁོ་ན་ལྟར་ཡོད་ཅིང་། གལ་ཏེ་

― MLP007_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་པ་བཞི་པ་ཉིད་ཡི་གེ་བརྒྱད་པར་བྱས་ཏེ་རྣམ་པ་མང་པོར་བྱས་པའི་རོལ་སྒེག་དང་ལྡན་པའི་སྡོད་ཀྱིས་མངོན་པར་དགའ་བ་བསྐྱེད་པ་ཅན་འདི་ནི་ངེས་པ་ཁོ་ནར་བདུད་རྩིའི་རྒྱུན་ཞེས་བྱ་བའི་སྡེབ་སྦྱོར་དུ་འགྱུར་རོ། །༥ཞེས་རྐང་བཞི་འཕེལ་གྱི་བྱེ་བྲག་རྣམས་བཤད་ཟིན་ཏོ། ༈ །གསུམ་པ་སྟེང་འགྲོ་ལ་གསུམ་སྟེ། པུརཨེབཙེཏྶཛསལཱནི། ནསཛགུརུཀཱཎྱནནྟརི། ཡདྱཐབྷནཛལགཱཿསྻུརཐོསཛསཱཛགཽཙབྷབཏཱིཡསྔ་མ་ཉིད་དང་གལ་ཏེ་ས་ཛ་ས་ལ། ན་ས་ཛ་ལྕི་བ་རྣམས་བར་མ་ཆད་གལ་ཏེ་དེ་ནས་བྷ་ན་ཛ་ལ་ག་རྣམས་འགྱུར་དེ་ནས། ས་ཛ་ས་ཛ་ལྕི་བ་འགྱུར་འདི་ནི་མུཏྒཏཱ། ལྟ་བུ་གལ་ཏེ་སྔ་མ་སྟེ་རྐང་པ་དང་པོ་ལ་ས་ཛ་ས་ལ་སྟེ་ཡི་གེ་བཅུ་རེ་ཉིད་དང་། སྟེང་འགྲོ་ཉིད་བར་མ་ཆད་དུ་སྟེ་རྐང་པ་གཉིས་པར་ན་ས་ཛ་རྣམས་ཀྱི་མཐར་ལྕི་བ་གཅིག་བསྒྲིགས་པའི་ཡི་གེ་བཅུ་རྣམས་དང་། དེ་ནས་གལ་ཏེ་གསུམ་པ་ལ་བྷ་ན་ཛ་ལ་ག་རྣམས་སྦྱར་བས་ཡི་གེ་བཅུ་གཅིག་ཏུ་འགྱུར་ཞིང་། དེ་ནས་བཞི་པར་ས་ཛ་ས་ཛ་དང་ལྕི་བ་གཅིག་རྣམས་བསྡེབས་པ་ལས་ཡི་གེ་བཅུ་གསུམ་དུ་འགྱུར་བ་འདིའི་མིང་ནི་སྟེང་འགྲོ་ཞེས་བྱ་བ་ཉིད་དོ། །༡ཏྲཡམུངྒཏཱསདྲྀཤམིབ། བྷབཏིཧིཏྲྀཏཱིཡམནྱཐཱ། ཛྙེཡཏེརནབྷག །གྲཐིཏཾ། ཀཐཡནྟིསཽརབྷཀམེགསུམ་ནི་སྟེང་འགྲོ་དེ་འདྲ་ཉིད་དུ་གྱུར་ཅིང་གསུམ་པ་རྣམ་པ་གཞན་དུ་ཤེས་པར་བྱ་སྟེ་ར་ན་བྷ་ལྕི་བ་བསྒྲིགས་པ་བརྗོད་པར་འགྱུར་བ་ཡིན་དྲི་ཞིམ་ལྡན་པར་ཏདཱིདྲྀཤཾལྟ་བུ་རྐང་པ་དང་པོ་གཉིས་པ་བཞི་པ་གསུམ་པོ་ནི་སྔར་བཤད་པའི་སྟེང་འགྲོ་དེ་ལྟ་དེ་ནི་དེ་འདྲ་བུ་ཉིད་དུ་གྱུར་ཅིང་། རྐང་པ་གསུམ་པ་ཁོ་ན་དེ་ལས་རྣམ་པ་གཞན་དུ་ཤེས་པར་བྱ་སྟེ། དེ་ཡང་ར་དང་ན་དང་བྷ་དང་ལྕི་བ་གཅིག་བསྒྲིགས་པ་དེ་འདྲ་བ་དེ་ལ་ནི་མིང་དྲི་ཞིམ་ལྡན་པ་ཞེས་བྱ་བར་བརྗོད་པར་འགྱུར་བ་ཡིན་ནོ། །༢ཏྲིཏཡཾནཡོརཐསཡོཤྩ། བྷབཏིཙརཎེཏྲིཏཱིཡཀེཔྲསྲྀཏཔདརཙནཡཱལལིཏཾ། གསུམ་པའི་མིང་ཅན་ན་དག་ནི་དེ་ནས་ས་དག་ཏུ་ཡང་གྱུར་པ་རྐང་པར་རྣམ་པ་གསུམ་པོ་ནི་རབ་ཏུ་སྤྲོས་པའི་ཚིག་གི་བཀོད་པས་རོལ་སྒེག་ལྡན་པ་ལལིཏཾཧིནཱམཀབིབྷིསྟདིཥྱཏེ། ལྟ་བུ་གསུམ་པའི་མིང་ཅན་ཏེ་རྐང་པ་གསུམ་པར་ན་རོལ་པ་ཞེས་བྱར་སྙན་ངག་མཁན་རྣམས་ཀྱིས་དེ་ནི་བཞེད། གཉིས་དང་ནི་ས་གཉིས་སུའང་གྱུར་ཅིང་། རྐང་པ་གཞན་རྣམ་པ་གསུམ་པོ་ནི་སྟེང་འགྲོ་དང་འདྲ་བ་སྟེ། གང་རབ་ཏུ་སྤྲོས་པའི་ཚིག་གི་བཀོད་པས་རོལ་སྒེག་གི་ཉམས་དང་ལྡན་པ་དེའི་མིང་ནི་རོལ་པ་ཞེས་བྱ་བར་སྙན་

― MLP007_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་མཁན་པོ་རྣམས་བཞེད་དོ། །ཞེས་སྟེང་འགྲོའི་བྱེ་བྲག་རྣམས་བཤད་ཟིན་ཏོ། ༈ །བཞི་པ་དལ་འགྲོ་ལའང་གསུམ་སྟེ། པཱདེཙེཏྤྲཐམེམསཽཛབྷཽགུརུཎཱིཙསྻུརཐོསནཛརགཱཿཔརཉྩནཽསཿཨཐནཡུཏནནཛཡཱཿཔྲཙུརྐང་པ་གལ་ཏེ་དང་པོར་མ་ས་ཛ་བྷ་ལྕི་བ་དག་གྱུར་དེ་ནས་ས་ན་ཛ་ར་ག་རྣམས་ཕ་རོལ་ན་དག་ས་དེ་ནས་ན་སྦྱར་ན་ན་ཛ་ཡ་པིཏམིདམུདིཏམུཔསྠིཏཔཱུརྦཾ། ལྟ་བུ་གལ་ཏེ་རྐང་པ་དང་པོ་ལ་མ་ས་ཛ་བྷའི་མཐར་ལྕི་བ་དལ་འགྲོ་འདི་བརྗོད་ཉེར་ནས་སྔ་མ་གཉིས་སུ་གྱུར་ཅིང་། དེ་ནས་གཉིས་པ་ལ་ས་དང་ན་དང་ཛ་དང་ར་དང་ག་རྣམས་དང་། དེའི་ཕ་རོལ་གསུམ་པ་ལ་ན་དག་སྟེ་ན་གཉིས་དང་ས་ཡིག་རྣམས་ཡོད་པ་ཡིན་ཞིང་། དེ་ནས་བཞི་པ་ལ་ན་སྦྱར་བའི་མཐར་ད་དུང་ན་དང་ན་དང་ཛ་ཡ་རྣམས་ཉེ་བར་གནས་པ་འདི་ནི་དལ་འགྲོ་ཞེས་བྱ་བར་བརྗོད་དོ། །༡པཱདེསྻུཪྻདིནཽསནཽནསཽཙཏྲིཏཱིཡེཀབིཡསྟདབྷིབདནྟིབརྡྷམཱནཾ། པྲཙུཔིཏསདྲྀཤཀམནྱདིཧརྐང་པ་གྱུར་གལ་ཏེ་དང་གསུམ་པ་ལ་ནི་སྙན་ངག་མཁན་པོ་དེ་ནི་མངོན་པར་བརྗོད་འཕེལ་བ་ཅན་དལ་འགྲོ་འདྲ་ཞིང་གཞན་འདིར་བྷབཏིསཀལཾཔྲཏིནིཡཙརཎགཏལལཀྵྨབིདྷཱནཾ། ལྟ་བུ་གལ་ཏེ་རྐང་པ་གསུམ་པ་ལ་ནི་ན་གྱུར་པ་མཐའ་དག་སོ་སོར་ངེས་པ་རྐང་པ་གནས་མཚན་ཉིད་སྒྲུབ་པ་གཉིས་དང་ས་དང་ན་དང་ན་དང་ས་རྣམས་ཡོད་ལ། དེ་ལས་འདིར་གཞན་མཐའ་དག་ནི་དལ་འགྲོ་དང་འདྲ་ཞིང་དེའི་ཕྱིར་རྐང་པའི་གནས་ཀྱི་མཚན་ཉིད་དལ་འགྲོ་ལྟར་སྒྲུབ་པ་སོ་སོར་ངེས་པར་བསྟན་པ་དེའི་ཚེ་དེ་ལ་སྙན་ངག་མཁན་པོ་རྣམས་ཀྱིས་དེ་ནི་འཕེལ་བ་ཅན་ཞེས་མིང་གིས་མངོན་པར་བརྗོད་པར་གྱུར་པ་དག་ཡིན་ནོ། །༢ཨསྨནྣེབཡདཱཏྲིཏཱིཡཀེཏཛརིཕཱཿཔྲཐམེཙབིརཏིརཱཪྵབྷཾབདནྟིཏ། ཙྪུདྡྷབིརཱཌིཤེཥཎཾཔྲཙུའདི་ཉིད་གང་ཚེ་གསུམ་པར་ཏ་ཛ་ར་རྣམས་དང་པོར་ངལ་བསོ་རབ་མཆོག་ལྡན་རྗོད་པར་བྱེད་པ་ཡིན། དེ་ནི་དག་པ་སྣང་ལྡན་གྱི་ཁྱད་པར་དལ་འགྲོའི་པིཏགཎསམམཔརཾཏྲིཏཡཉྩྀཾཏ྄། ལྟ་བུ་གང་གི་ཚེ་རྐང་པ་གསུམ་པར་ཏ་ཛ་ར་རྣམས་ཚོགས་མཚུངས་པར་གྱུར་པ་གཞན་གསུམ་རྣམས་ནི་གལ་ཏེ། འདི་ཉིད་ཡིན་ལ་དེའི་དང་པོར་ངལ་བསོ་བྱ་ཞིང་། གལ་ཏེ་རྐང་པ་གཞན་གསུམ་རྣམས་ནི་དལ་འགྲོ་དང་ཚོགས་མཚུངས་པར་གྱུར་པ་དེའི་ཚེ་དག་པ་སྣང་ལྡན་གྱི་ཁྱད་པར་རབ་མཆོག་ལྡན་པ་ཞེས་བྱ་བའི་མིང་དུ་དེ་ནི་མཁས་རྣམས་རྗོད་པར་བྱེད་པ་ཡིན་ནོ། །༣ཞེས་དལ་འགྲོའི་བྱེ་བྲག་རྣམས་ཏེ། དེ་ལྟར་མི་མཉམ་པའི་བྲྀཏྟ་རྣམས་ཀྱི་དོན་བཤད་ཟིན་ཏོ། །

ཛཱ་ཏི་བཤད་པ།

སྤྱིར་བསྟན་པ།

― MLP007_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་ཛཱ་ཏི་ལ། སྤྱིར་བསྟན་པ་དང་། སོ་སོར་བཤད་པ་གཉིས་ལས། དང་པོ་ནི། དེ་ལྟར་བྲྀཏྟའི་རྣམ་པར་རྟོག་པ་རྣམས་བཤད་ཟིན་ནས། ད་ནི་འདི་ལས་ཕྱི་ནས་ཛཱ་ཏིའི་སྡེབ་སྦྱོར་རྣམས་རིམ་པར་བརྗོད་པར་བྱ་ཞེས་རྩོམ་པར་དམ་བཅའ་བས་མཚམས་སྦྱར་ཏེ། ཐོག་མར་ཛཱ་ཏིའི་སྒོས་ཆོས་ཀྱི་བརྡ་དང་ཐ་སྙད་རྣམས་འདྲི་བར་བྱའོ། །དེ་ལ་གཉིས། ཕྱི་མོ་འདྲེན་པའི་དང་། དེ་ལ་པྲསྟཱ་ར་འགོད་པའི་བརྡ་ཁྱད་དོ། །དང་པོ་ནི། སྔར་བྲྀཏྟའི་སྐབས་སུ་ཡང་བའི་པྲསྟཱ་ར་ཐོབ་པ་རྣམས་ལ་འདིར་ཕྱི་མོ་གཅིག་པ་སྟེ་རི་མོའང་དྲང་པོའོ། །དེ་བཞིན་དུ་སྔར་ལྕིབའི་པྲསྟཱ་ར་ཐོབ་པ་རྣམས་ནི་འདིར་ཕྱི་མོ་གཉིས་སུ་འགྱུར་ཞིང་། དེའི་རི་མོ་ནི་འཁྱོག་པོའོ། །དེ་ཡང་དབྱངས་དང་བྲལ་བའི་གསལ་བྱེད་དག་གིས་བགྲང་བར་བྱ་བ་ནི་མ་ཡིན་ཏེ། ཛཱ་ཏི་རྣམས་ལ་ཕྱི་མོས་བགྲང་བར་བཤད་པ་དེའི་ཕྱིར། གཉིས་པ་ནི། བྷ་དང་ཛ་དང་ས་སྟེ། ཐོག་དབུས་མཐའ་མར་ལྕི་བ་ཅན་གསུམ་དང་། ལྕི་ཟུང་སྟེ་ལྕི་བ་གཉིས་ཚོགས་པ་དང་། ཡང་བ་ཁོ་ན་བཞི་ཚོགས་པ་རྣམས་ནི་ཐམས་ཅད་ཕྱི་མོ་བཞི་པར་མཚུངས་ཏེ། ལྕི་བ་རེ་ལ་ཕྱི་མོ་གཉིས་གཉིས་སུ་བགྲང་དགོས་པའི་ཕྱིར་རོ། །དེ་ལྟ་བུའི་བྷ་སོགས་ཕྱི་མོ་བཞི་པ་ཅན་ལྔ་པ་དེ་རྣམས་ལ་ཛཱ་ཏིའི་སྐབས་འདིར་ནི་ཙ་ཞེས་བརྡ་བྱ་སྟེ། ཙ་ཏུ་རཿའི་ཐོག་མ་བརྗོད་པའོ། །དེ་ལས་ཀྱང་ཐ་མ་ཡང་བ་བཞི་ཚོགས་པ་དེ་ནི་ཙའི་མིང་ཅན་ཡིན་པར་མ་ཟད་ཁ་ཞེས་པའི་མིང་ཅན་དུ་ཡང་འགྱུར་བ་ཡིན་ནོ། །ཕྱི་མོ་གཅིག་པ་སྟེ་ཡང་བ་གཅིག་ཁོ་ན་ལ་ནི་ཀ་ཞེས་མིང་འདོགས་ཏེ། ཨེ་ཀའི་ཕྱི་མའོ། །ཕྱི་མོ་གཉིས་པ་སྟེ་ལྕི་བ་གཅིག་ཁོ་ནའམ་ཡང་བ་གཉིས་ཚོགས་པ་ལ་ནི་ད་ཞེས་བརྡ་བྱ་སྟེ། དྭིའི་ཡི་གེ་གཞན་ཕྱིས་པའོ། །དེ་དག་ཀྱང་། དཔེར་ན། པཉྩབྷཛསཱགུརུཡུགཾ། ལགྷུཀཙཏུཥྐཾག །ཎཱཤྩཏུརྨཱཏྲཱཿཏེཙཱཿཁོཔིཙཏུརླཿཀཨེཀམཱཏྲོདྭིམཱཏྲོདཿལྟ་བུ་ལྔ་བྷ་ཛ་ས་ལྕི་ཟུང་། ཡང་བ་བཞི་པ་ཚོགས་རྣམས་བཞི་ཕྱི་མོ་དེ་རྣམས་ཙ་ཁ་ཡང་བཞི་ཡང་བ་ཀ་གཅིག་པ་ཕྱི་མོ་གཉིས་ཕྱི་མོ་ད། སྟེ་དེ་ཡང་སྤྱིར་ཛཱ་ཏི་ལ་ཚིགས་བཅད་རྐང་བཞི་ཕྱེད་དུ་བཅད་པའི་ཕྱེད་སྔ་ཕྱི་གཉིས་རེ་རེར་འདོན་མོད་ཀྱང་། འདིར་རེ་ཞིག་རྟོགས་སླ་བའི་ཆེད་
དུ་རྐང་པ་བཞིར་བཅད་པའི་དང་པོའི་ཚོགས་གསུམ་དང་། གཉིས་པའི་མགོ་ནས་ཚོགས་གཉིས་ཀྱིས་ཕྱི་མོ་བཞི་པ་ལྔ་པོའི་དཔེ་དང་། རྐང་པ་བཞི་པའི་ཚོགས་གསུམ་པས་ཡང་བ་ཀ་དང་། རྐང་པ་ཟུང་གཉིས་ཀྱི་ཐ་མས་ཕྱི་མོ་གཉིས་པ་དེའི་དཔེར་བརྗོད་པ་བསྟན་ཅིང་། ཛཱ་ཏིའི་པྲསྟཱ་ར་ཡང་རྩིས་ཀྱི་དྷྲུ་བ་ཀ་བཞིན་དུ་འདི་ལྟར་སྟེང་ནས་འོག་ཏུ་བརྩེགས་མར་འདྲི་བར་གསུངས་ནའང་། བློ་དམན་དག་གིས་གོ་དཀའ་བར་སྣང་བའི་ཕྱིར། འདིར་འོག་ཏུ་དཔེར་བརྗོད་སོ་སོའི་པྲསྟཱ་ར་རྣམས་བྲྀཏྟ་ལྟར་འཕྲེད་བྲིས་སུ་འདྲི་བར་འདོད་དོ། །

སོ་སོར་བཤད་པ།

འཕགས་མའི་ཛཱ་ཏི།

― MLP007_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་སོ་སོར་བཤད་པ་ལ། འཕགས་མ་དང་། རོ་ལངས་ཅན་དང་། ཕྱི་མོ་མཉམ་པའི་ཛཱ་ཏི་གསུམ་སྟེ། མེ་ཏོག་ཆུན་པོ་ལས། འཕགས་མ་དང་ནི་རོ་ལངས་ཅན། །ཕྱི་མོ་མཉམ་པའི་ཛཱ་ཏི་གསུམ། །ཞེས་སོ། །དེ་གསུམ་གྱི་མཚན་ཉིད་ནི། ཛཱ་ཏི་གང་ཞིག །ཕྱི་མོ་བགྲང་བའི་ཁྱད་པར་མ་གཏོགས་མི་མཉམ་པའི་བྲྀཏྟ་དང་མཚུངས་པ་ནི་དབྱངས་གསུམ་མ་གཏོགས་པའི་འཕགས་མའི་མཚན་ཉིད། ཕྱེད་མཉམ་གྱི་བྲྀཏྟ་དང་མཚུངས་པ་ནི་ཕྱི་མ་གཉིས་མ་གཏོགས་པའི་རོ་ལངས་ཅན་གྱི་མཚན་ཉིད། མཉམ་པའི་བྲྀཏྟ་དང་མཚུངས་པ་ནི་ཕྱི་མ་གསུམ་མ་གཏོགས་པའི་ཕྱི་མོ་མཉམ་པའི་ཛཱ་ཏིའི་མཚན་ཉིད་དེ། སྔ་མ་ལས། འཕགས་མ་ཕལ་ཆེར་མི་མཉམ་མཚུངས། །རོ་ལངས་ཅན་ནི་ཕྱེད་མཉམ་འདྲ། །ཕྱི་མོ་མཉམ་པ་མཉམ་པ་བཞིན། །དེ་དག་ཕྱི་མོ་བགྲང་བས་ཕྱེ། །ཞེས་སོ། །དེ་ལྟར་གསུམ་ལས། དང་པོ་འཕགས་མ་ལ་བཅུ་སྟེ། བིཥམེཥུཛརཧིཏཱཤྩེདྡལེདལེ྅ཥྚཽགཎཱཾབྷཔཏྻཱཪྻཱ། པཥྩཱརྡྷེཀཿཥཥྛོདོཥྚམཨུབྷཡཏྲཙཱཿམི་མཉམ་རྣམས་ལ་ཛ་སྤངས་གལ་ཏེ་འདབ་མ་འདབ་མ་བརྒྱད་ཚོགས་རྣམས་འགྱུར་འཕགས་མར། ཕྱི་མ་ཕྱེད་ལ་ཀ་དྲུག་པ་བརྒྱད་པ་དང་གཉིས་ཀ་ཙ་རྣམས་ཤེཥཱ། ལྟ་བུ་གལ་ཏེ་འདབ་མ་འདབ་མར་ཏེ་ཤོ་ལོ་ཀ་ཕྱེད་རེ་རེ་ལ་ཙ་སོགས་བཞི་པོ་གང་ལྷག་རྣམས་རུང་རེར་ཚོགས་རེར་བརྩིས་པའི་ཚོགས་བརྒྱད་རྣམས་ཀྱི་ཚོགས་དང་གསུམ་ལྔ་བདུན་ཏེ་མི་མཉམ་པ་རྣམས་ལ་དབུས་ལྕི་བའི་ཛ་སྤངས་པ་དེའི་ཚེ་འཕགས་མར་འགྱུར་ཞིང་། དེའི་ཕྱེད་ཕྱི་མ་ལ་ཚོགས་བརྒྱད་ཡོད་པའི་སྔ་མ་ཚོགས་གསུམ་དང་དེའི་ཕྱེད་རྐང་པ་བཞི་པ་ལ་

― MLP007_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ལྔ་ཡོད་པ་ལས་ཤོ་ལོ་ཀ་ཕྱེད་ཕྱི་མའི་ཚོགས་དང་པོ་ནས་བརྩིས་པའི་ཚོགས་དྲུག་པ་ནི་ཀ་དང་། ཕྱེད་སྔ་ཕྱི་གཉིས་ཀའི་ཚོགས་བརྒྱད་པ་ད་སྟེ། གཞན་ཚོགས་ལྷག་མ་རྣམས་ནི་ཕྱི་མོ་བཞི་པ་ཙ་ཡིག་ཁོ་ན་བསྒྲིགས་པ་རྣམས་སོ། །༡པཱུརྦཱརྡྷཥཥྛོཛཿཁོབཱཁེཏྭཱདྱལགྷུནིབྷབཏིཡཏིཿཥཥྛཿཁཔརོ྅ནྟཡཏིསྟུཪྻོབྱཐབྷབཏིཙརམདལེ། སླར་ཕྱེད་དྲུག་པ་ཁ་འམ་ཁ་ལ་དང་པོ་ཡང་བ་འགྱུར་ངལ་བསོ། དྲུག་པའི་ཁ་ཕ་རོལ་མཐར་ངལ་བསོ་བཞི་པའང་དེ་ནས་འགྱུར་ཕྱེ་མ་འདབ་མ། ལྟ་བུ་སྟེ། ཤོ་ལོ་ཀ་ཕྱེད་སྔ་མར་རྐང་པ་དང་པོ་ལ་ཚོགས་གསུམ་དང་། དེ་ནས་བཞི་པ་སོགས་ཤར་མར་བགྲངས་པའི་ཚོགས་དྲུག་པ་ནི་མདོ་སྔ་མ་ལྟར་ཛ་ཡིག་གིས་བྱས་པའམ། ཡང་ན་མདོ་འདི་ཉིད་ལྟར་ཁ་ཡིག་གིས་བྱས་པའོ། །གལ་ཏེ་ཁ་ཡིག་ཏུ་བྱས་པ་ལ་ནི། དེའི་དང་པོ་སྟེ་ཡང་བ་བཞི་པོའི་ཐོག་མའི་པྲསྟཱ་ར་དེ་ཉིད་ལ་ནི་ཐིག་ལེའི་མཚན་མ་བྱ་སྟེ། དེར་ཡང་བའི་ངལ་བསོར་འགྱུར་བའི་ཕྱིར། སླར་ཡང་ཁ་ཡིག་དེ་ལས་གཞན་གྱིས་བར་མ་ཆོད་པའི་ཁ་ཕ་རོལ་ཏུ་ཡོད་པ་ལ་ནི་འདས་མ་ཐག་པའི་ཚོགས་དྲུག་པའི་ཐོག་མར་མ་ཟད་མཐའ་མའི་ཡང་བ་བཞི་པ་དེ་ལ་ཡང་ངལ་བསོའི་རྟགས་བྱའོ། །འདབ་མ་སྟེ་ཤོ་ལོ་ཀ་ཕྱེད་ཕྱི་མ་དེར་ཡང་ཚོགས་བརྒྱད་ཡོད་པའི་རྐང་པ་དང་པོ་ལ་ཚོགས་གསུམ་དང་། རྐང་པ་གཉིས་པ་ལ་ཚོགས་ལྔ་སྟེ་ཚོགས་བརྒྱད་ཀྱི་ཚོགས་བཞི་པ་དེའི་མཐར་ཡང་སྔ་མའི་རྒྱུ་མཚན་གྱིས་ངལ་བསོ་བྱའོ། །ཁ་དེ་ནས་ཕ་རོལ་ཚོགས་ལྔ་པའི་ཀ་དེ་ལའང་ངལ་བསོར་འགྱུར་ཏེ། དེའི་ཕ་རོལ་དེ་ན་ཁ་ཡིག་ཡོད་པའི་ཕྱིར་ཁ་ཕ་རོལ་ལ་དྲུག་པའི་མཐར་ཡང་ངལ་བསོ་ཞེས་གསུངས་པའི་རིག་པས་སོ། །དེ་ལྟར་ངལ་བསོ་ཐམས་ཅད་ལ་འདིས་རིགས་འགྲེ་ཤེས་པར་བྱ་དགོས་ཏེ། རང་འགྲེལ་དུ། ངལ་བསོ་ཐམས་ཅད་ཀྱི་མཚན་ཉིད་དཔེར་བརྗོད་པའང་མདོ་འདི་ཉིད་དོ། །ཞེས་སོ། །དེ་ལྟར་སྤྱིར་བཤད་ནས། ད་ནི་འཕགས་མའི་བྱེ་བྲག་རྣམས་འཆད་དེ། ཙཻསྟྲིབྷིརཡུགྨཔཱདཽཡདཱསམཱཔྟོཏདཱབྷབེཏྤཐྱཱ། ཨེཀོཔིནིཥྛིཏོནཡདིཏཻརཡུགྨསྟདཱབིཔུལཱ། ཙ་གསུམ་རྣམས་ཀྱི་ཟུང་མིན་རྐང་པ་དག་གང་ཚེ་རྫོགས་པ་དེ་ཚེ་འགྱུར་འཕྲོད་མར། གཅིག་ཀྱང་རྫོགས་མིན་པ་གལ་ཏེ་དེ་རྣམས་ཀྱིས་ཟུང་མིན་དེ་ཚེ་ཡངས་མ་ཡིན་ཞེས་པ་ལྟ་བུ་སྟེ། འདིར་འཕགས་མའི་བྱེ་བྲག་འཕྲོད་མ་དང་། ཡངས་མ་གཉིས་ལས། དང་པོ་ནི། གང་གི་ཚེ་ཙ་ཡིག་གསུམ་རྣམས་

― MLP007_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་རྐང་པ་དང་པོ་དང་གསུམ་པ་སྟེ་ཟུང་མིན་གྱི་རྐང་པ་དག་རྫོགས་པར་གྱུར་པ་དེའི་ཚེ་ན་འཕགས་མའི་བྱེ་བྲག་འཕྲོད་མ་ཞེས་བྱ་བའི་སྡེབ་སྦྱོར་དུ་འགྱུར་རོ། །༢གཉིས་པ་ནི། གལ་ཏེ་ཙ་ཡིག་གསུམ་པོ་དེ་རྣམས་ཀྱིས་ཟུང་མིན་གྱི་རྐང་པ་གཅིག་ཀྱང་རྫོགས་པ་མིན་པ་དེའི་ཚེ་མིང་འཕགས་མའི་བྱེ་བྲག་ཡངས་མ་ཞེས་འདོགས་པ་ཡིན་ནོ། །༣དེ་གཉིས་ཀྱི་དཔེར་བརྗོད་ནི། འཕྲོད་མའི་དཔེ་མདོ་སྔ་མ་ཉིད་དེ། རྐང་པ་དང་པོ་དང་གསུམ་པ་གཉིས་ལ་ཙ་ཡིག་གསུམ་རེ་དང་། རྐང་པ་གཉིས་པ་ལ་ཙ་གཉིས་དང་ཁ་གཉིས་ཀྱི་མཐར་ད་ཡིག་དང་། རྐང་པ་བཞི་པར་ཙ་ཁ་ཀ་དང་ཁ་དང་ད་ཡིག་རྣམས་ཀྱིས་རྫོགས་པའོ། །ཡངས་མའི་དཔེ་ནི། ཙཻསྟྲི་བྷི་ར་སོགས་མདོ་འདི་ཉིད་དོ། །གུརུམདྷྱབརྟྟིནཽཙེདྷྭིཏཱིཡཏུཪྻོག །ཎཽཛཀཱརཱཁྱཽ། ཨརྡྷདྭཡེབྷབེཏཱཾབྷབེཏྟདཱསརྦཏཤྩཔལཱ། ལྟ་བུ་ལྕི་བ་དབུས་བཞུགས་གལ་ཏེ་གཉིས་པ་བཞི་པའི་ཚོགས་ཛ་ཡིག་དག་བཤད། ཕྱེད་པ་གཉིས་ལ་གྱུར་པ་ཡིན་གྱུར་དེ་ཚེ་ཀུན་ནས་གཡོ་བར་གལ་ཏེ་ཚོགས་གཉིས་པ་དང་བཞི་པའི་ཚོགས་གཉིས་ཀ་ཛ་ཡིག་ཡིན་ལ། ལྕི་བ་གཉིས་རེ་དེའི་དབུས་སུ་ཞུགས་པ་སྟེ། ཛ་ཡིག་གཉིས་པོ་དག་གི་བར་དུ་ཡོད་པའི་མཚན་ཉིད་བཤད་པ་འདི་ནི། ཤླཽ་ཀ་ཕྱེད་པ་སྔ་ཕྱི་གཉིས་ལ་དེ་ལྟར་གྱུར་པ་དེའི་ཚེ་འཕགས་མའི་བྱེ་བྲག་ཀུན་ནས་གཡོ་བ་ཞེས་པར་གྱུར་པ་ཡིན་ནོ། །༤པཱུརྦཱརྡྷཨེབཙེཏྐེབལེབྷབེལླཀྵཎཾཏུཙཔལཱཡཱཿནསྱཱཏཔུནརཔརཱརྡྷེམུཁཙཔལཱསཽཏདཱབྷབཏི། ས་ཕྱེད་ཉིད་གལ་ཏེ་འབའ་ཞིག་གྱུར་མཚན་ཉིད་གཡོ་བ་ཡི། གྱུར་མིན་སླར་ཡང་ཕྱི་ཕྱེད་ལ་སྒོ་གཡོ་བར་དེ་དེ་ཚེ་འགྱུར་ལྟ་བུ་གལ་ཏེ་ཤོ་ལོ་ཀ་ཕྱེད་སྔ་མ་ཛ་ཡིག་གཉིས་ཀྱི་བར་དུ་ཚོགས་གསུམ་པ་ལྕི་གཉིས་ཞུགས་པ་ཅན་སྔར་བཤད་འབའ་ཞིག་པ་ཉིད་དེ་ཀུན་ནས་གཡོ་བའི་མཚན་ཉིད་དང་འདྲ་བར་གྱུར་ཅིང་། སླར་ཡང་ཤློ་ཀ་ཕྱེད་ཕྱི་མ་ནི་དེའི་མཚན་ཉིད་ཅན་དུ་གྱུར་པ་མིན་པ་དེའི་ཚེ་ཛཱ་ཏི་དེ་འཕགས་མའི་བྱེ་བྲག་སྒོ་གཡོ་བ་ཞེས་བྱ་བར་འགྱུར་རོ། ༥ནིརྡིཥྚཾཙཔལཱཡཱཡཀྵཎམབིཧཱཡཡཏྲཔཱུརྦཱརྡྷམ྄། པཤྩཱརྡམེཀམཱཤྲིཏྱབརྟྟཏེཛགྷནཙཔལཱསཱ། ལྟ་བུ་ཕྱི་ཕྱེད་གཡོ་མཚན་ཉིད་སྤངས་ནས་ཀྱང་གང་ལ་སྔ་མ་ཕྱེད་ལ་ཕྱི་ཕྱེད་གཅིག་པུར་བརྟེན་ནས་ཞུགས་ལུས་རྟེན་གཡོ་བ་དེ་ནི་འཕགས་མ་གང་ལ་བསྟན་པའི་གཡོ་བའི་མཚན་ཉིད་ལྕི་གཉིས་ཛ་གཉིས་ཀྱི་དབུས་སུ་ཞུགས་པ་དེ་ཤློ་ཀ་ཕྱེད་སྔ་མ་ལ་སྤངས་ནས། ཕྱེད་ཕྱི་

― MLP007_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གཅིག་པུར་བརྟེན་ནས་ཛ་གཉིས་དབུས་སུ་ལྕི་བ་དག་ཞུགས་པ་གཡོ་བའི་མཚན་ཉིད་དེ་ཡོད་པ་དེའི་ཚེ་དེ་ནི་འཕགས་མའི་བྱེ་བྲག་ལུས་རྟེན་གཡོ་བའོ། །སྱཱདུབྷཡོརཔིདལཡོཿཥཥྛགཎོཡཏྲཛཿཁཀཱརོབཱ། པཱུརྦཱརྡྷབཤྩཤེཥཿཔྲཏིནིཡམོབྷབཏིབྷབཏིསཱགཱིཏིཿགྱུར་གཉིས་ཀའང་འདབ་མ་དྲུག་ཚོགས་གང་དུ་ཛའམ་ཁ་ཡིག་ག །མ་སྔ་མ་ཕྱེད་བཞི་ན་དང་ལྷག་མ་སོ་སོར་ངེས་གྱུར་འགྱུར་དེ་དབྱངས་ལྟ་བུ་གང་དུ་འདབ་མ་སྟེ་ཤློ་ཀ་ཕྱེད་སྔ་ཕྱི་གཉིས་ཀའི་ཡང་དྲུག་པའི་ཚོགས་དེ་ཛའམ། ཡང་ན་ཁ་ཉིད་ཡིན་ལ། ཕྱེད་ཕྱི་མའང་ཕྱེད་སྔ་མ་བཞིན་དུ་གྱུར་པ་དང་། ལྷག་མ་ངལ་བསོ་ལ་སོགས་པའི་རྣམ་པར་བཞག་པ་ཡང་སོ་སོར་ངེས་པར་གྱུར་པ་དེ་ནི་འཕགས་མའི་བྱེ་བྲག་དབྱངས་ཞེས་འགྱུར་རོ། །༧ཡསྱཱཿཀཨེབདལཡོརུབྷཡོརཔིབྷཔཏིཥཥྛགཎཿཨཔརཱརྡྷཔཙྩཤེཥོནིཡམསྟཱམཱཧུརུཔགཱིཏཱིཾ། གང་གི་ཀ་ཉིད་འདབ་མ་གཉིས་ཀའི་ཡང་གྱུར་དྲུག་པའི་ཚོགས་ནི་ཕྱེད་ཕྱི་བཞིན་དང་ལྷག་མ་ངེས་པ་དེ་ནི་སྨྲ་ཉེ་བའི་དབྱངས་སུ་ལྟ་བུ་འཕགས་མ་གང་གི་འདབ་མ་སྟེ་ཤློ་ཀ་ཕྱེད་སྔ་ཕྱི་གཉིས་ཀའི་ཡང་དྲུག་པའི་ཚོགས་དེ་ནི་ཀ་ཉིད་དུ་གྱུར་ཅིང་། དེའི་ཕྱིར་ཕྱེད་སྔ་མ་ལའང་ཕྱེད་ཕྱི་མ་བཞིན་དུ་གྱུར་པ་དང་། ལྷག་མ་ངལ་བསོ་སོགས་སོ་སོར་ངེས་པར་བྱས་པ་དེ་ནི་འཕགས་མའི་བྱེ་བྲག་ཉེ་བའི་དབྱངས་སུ་སྨྲའོ། །༨པཱུརྦཱརྡྷེཥཥྛཿསྱཱཏྐོཡཏྲཛཁཽརུབཤྩཱརྡྷེ། ཤེཥཿཔྲཏིནིཡམོདལབིཔཪྻཡཱཏབྷབཏིབྷབཏིསངྒཱ ིཏིཿསྔ་མ་ཕྱེད་དྲུག་འགྱུར་གང་དུ་ཛ་ཁ་དག་ཏུ་ནི་ཕྱི་ཕྱེད་ལ། ལྷག་སོ་སོར་ངེས་པ་འདབ་མ་ལོག་པ་ལས་གྱུར་པ་གྱུར་པ་མཆོག་དབྱངས་ལྟ་བུ་འཕགས་མ་གང་དུ་ཤློ་ཀ་ཕྱེད་སྔ་མའི་ཚོགས་དྲུག་པར་གྱུར་པ་དེ་ནི་ཀ་དང་། ཕྱེད་ཕྱི་མའི་ཚོགས་དྲུག་པ་ནི་ཛའམ་ཁ་གང་རུང་དག་ཏུ་བྱུང་ལ་ལྷག་མ་ངལ་བསོ་ལ་སོགས་པའི་ངེས་པ་རྣམས་ཀྱང་འཕགས་མའི་འདབ་མ་སྟེ་ཕྱེད་སྔ་ཕྱི་གོ་བཟློག་པ་ལས་གྱུར་པ་དེ་ནི་འཕགས་མའི་བྱེ་བྲག་མཆོག་དབྱངས་ཞེས་བྱ་བ་ཡིན་ནོ། །༩ཡསྱཱདལེདལེ྅ཥྱོཙཱཁྱཱཿཥཥྛོགཎསྟུཛོབཱཁོབཱ། པཱུརྦཱརྡྷཔཙྩཤེཥཿཔྲཏིནིཡམོབྷབཏིབྷབཏིགང་གི་འདབ་མ་འདབ་མ་བརྒྱད་རྣམས་ཙ་ཞེས་བྱ་དྲུག་པའི་ཚོགས་ནི་ཛའམ་ཁ་ཡང་ན་སྔར་ཕྱེད་བཞིན་དང་ལྷག་མ་སོ་སོར་ངེས་པར་གྱུར་པ་འགྱུར་སཱཪྱཱགཱིཏཱིཿལྟ་བུ་འཕགས་མ་གང་ཞིག་གི་འདབ་མ་འདབ་མ་སྟེ་ཤློ་ཀ་ཕྱེད་སྔ་ཕྱི་ལ་ཚོགས་དེ་ནི་འཕགས་མའི་དབྱངས་སུ། བརྒྱད་བརྒྱད་ཡོད་པ་རྣམས་ཙ་ཞེས་བྱ་བ་ཡིན་ལ། དེའི་ནང་ནས་དྲུག་
པའི་ཚོགས་ནི་ཛའམ་ཡང་ན་ཁ་སྟེ་འཕགས་མའི་ཕྱེད་སྔ་མ་བཞིན་དང་། ལྷག་མ་ངལ་བསོ་ལ་སོགས་པ་ཡང་དེ་ལྟར་སོ་སོར་ངེས་པར་གྱུར་པ་དེ་ནི་འཕགས་མའི་དབྱངས་ཞེས་བྱ་བར་འགྱུར་རོ། །༡༠ཞེས་འཕགས་མའི་ཛཱ་ཏི་རྣམས་བཤད་ཟིན་ཏོ། །

རོ་ལངས་ཅན་གྱི་ཛཱ་ཏི།

― MLP007_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་རོ་ལངས་ཅན་གྱི་ཛཱ་ཏི་ལ་བརྒྱད་དེ། འདི་ལྟར། དཏྲཡམཡུཛོཏྨུཁེཡུཛོདྡཙཏུཥྐརལགཱསྟུཔྲྀཥྛཏཿབཻཏཱལཱིཡཾཏདུཙྱཏེལགྷུཥཊྐཾནནིརནྟརཾཡུཛོཿད་གསུམ་ཟུང་མིན་དང་པོར་ཟུང་ད་བཞི་ར་ལ་ག་རྣམས་ཏེ་ཕྱི་མ་ལ་ནི། རོ་ལངས་ཅན་དུ་དེ་ནི་བརྗོད་ཡང་བ་དྲུག་བར་མ་ཆད་དུ་མིན་ཟུང་ལ་ལྟ་བུ་ཟུང་མིན་པའི་རྐང་པ་དང་གསུམ་གཉིས་ཀྱི་དང་པོར་ད་ཡིག་གསུམ་དང་གཉིས་བཞི་སྟེ་རྐང་པ་ཟུང་གཉིས་ཀྱི་དང་པོར་ད་ཡིག་བཞི་རྣམས་ཡོད་ཅིང་རྐང་པ་བཞི་ཀའི་ཕྱི་མ་སྟེ་མཐའ་ལ་ནི་ར་ལ་ག་རྣམས་ཡོད་ལ། ཟུང་གི་རྐང་པ་དག་ལ་ཡང་བའི་ཡི་གེ་དྲུག་ཡོད་པ་དེ་བར་མ་ཆད་དུ་གྱུར་པ་མ་ཡིན་པར་ལྕི་བ་བཞི་པོས་བར་བཅད་པ་དེ་ནི་རོ་ལངས་ཅན་དུ་བརྗོད་པར་བྱའོ། །༡བཻཏཱལཱིཡོཔམཾམུཁེཙེདཽཔཙྪནྡསིཀཾརཡཽཏུཔྲྀཥྛེ། ལྟ་བུ་གལ་ཏེ་རྐང་པ་རྣམས་ཀྱི་དང་པོར་ད་རོ་ལངས་ཅན་ལྟ་བུ་དང་པོ་གལ་ཏེ་ཉེ་བ་སྡེབ་སྦྱོར་ར་ཡ་དག་ནི་ཕྱི་མ་བསྒྲིགས་པ་ནི་རོ་ལངས་ཅན་ཇི་ལྟ་བུ་ཡིན་ལ། རྐང་པ་བཞི་ཀའི་ཕྱི་མར་ར་ཡ་དག་སྦྲེལ་བ་དེ་ནི་རོ་ལངས་ཅན་གྱི་བྱེ་བྲག་ཉེ་བའི་སྡེབ་སྦྱོར་རོ། །༢ཨཱཔཱཏལིཀཱབྷགགནྟཱམུཁམིཧབཻཏཱལཱིཡསམཱནཾ། ལྟ་བུ་སྡེབ་སྦྱོར་འདིར་ནི་སྔར་ལྟར་རྐང་པའི་ཀུན་ནས་སྲབ་པ་ཡིན་བྷ་ག་ག་མཐའ་དང་པོ་འདིར་ནི་རོ་ལངས་ཅན་མཚུངས་དང་པོ་རྣམས་རོ་ལངས་ཅན་དང་མཚུངས་ལ། དེ་ནས་བྷ་དང་ག་དང་ག་རྣམས་རྐང་པའི་མཐའ་སོ་སོར་སྦྱར་བ་ནི་རོ་ལངས་ཅན་གྱི་བྱེ་བྲག་ཀུན་ནས་སྲབ་པ་ཞེས་བྱ་བ་ཡིན་ནོ། །༣ཡུགྨམུཁེདཱརཽཛདཽཔྲཱཙྱབྲྀཏྟིརབཤིཥྚམཱདྱབཏ྄། ལྟ་བུ་གལ་ཏེ་ད་ལས་ཕ་རོལ་ཏུ་ཛ་དང་ད་ཟུང་དང་པོ་ད་ལས་ཕ་རོལ་ཛ་ད་དག་སྔ་འཕེལ་ཡིན་ལྷག་མ་དང་པོ་ལྟ་བུ་ཡིག་རྐང་པ་ཟུང་དག་གི་དང་པོར་ཡོད་ལ། ལྷག་མའི་མཚན་ཉིད་རྣམས་ནི་དང་པོ་ལྟ་བུ་སྟེ་རོ་ལངས་ཅན་གྱི་དང་འདྲ་བ་དེའི་ཚེ་སྔ་འཕེལ་ཞེས་བྱ་བ་ཡིན་ནོ། །༤ཨུདཱིཙྱབྲྀཏྟིརྫདཽཡདཱམུཁམཡུཛོཿཔརིཤིཥྚིམཱདྱབཱཏ྄། ལྟ་བུ་གང་གི་ཚེ་ཟུང་མིན་གྱི་རྐང་པ་དག་ཕྱི་འཕེལ་ཡིན་ཛ་ད་དག་གང་ཚེ་དང་པོ་ཟུང་མིན་ལྷག་མ་དང་པོ་ལྟ་བུ་གི་དང་པོར་ཛ་ད་དག་བྱུང་ལ། ལྷག་མ་དང་པོ་སྟེ་རོ་ལངས་
ཅན་སྤྱི་ལྟ་བུ་བྱུང་བ་ན་ཕྱི་འཕེལ་ཞེས་བྱ་བ་ཡིན་ནོ། །༥ཨུདཱིཙྱབྲྀཏྟེརཡུགྨབྷཀྤྲཙྱབྲྀཏྟིཡུགབྷཱཀྤྲབྲྀཏྟཀཾལྟ་བུ་གལ་ཏེ་ཟུང་མིན་གྱི་རྐང་པ་དག་གི་ཆ་ནི་བཤད་ཕྱི་འཕེལ་ཟུང་མིན་ཆ་སྔ་འཕེལ་ཟུང་གི་ཆ་རབ་འཕེལ་མ་ཐག་པའི་ཕྱི་འཕེལ་དང་ཟུང་གི་རྐང་པ་དག་གི་ཆ་ནི་སྔ་འཕེལ་དང་འདྲ་བ་དེ་ནི་རབ་འཕེལ་ལོ། །༦སྱཏྤྲབྲྀཏྟཀཡུཛཱ྅པརཱནྟིཀཱལྟ་བུ་རབ་འཕེལ་གྱི་ཟུང་གི་རྐང་པ་དེ་ལན་བཞིར་བསྐྱར་འགྱུར་རབ་འཕེལ་ཟུང་ནི་གཞན་གྱི་མཐའ་ཅན་བའི་ཚིགས་བཅད་ནི་གཞན་གྱི་མཐའ་ཅན་དུ་འགྱུར་རོ། །༧ཨཡུཀྤདེཤྩཱརུཧཱསིནཱི། ལྟ་བུ་རབ་འཕེལ་གྱི་ཟུང་མིན་གྱི་རྐང་པ་དེ་ལན་བཞིར་བསྐྱར་ཟུང་མིན་རྐང་པ་མཛེས་རྒོད་མབས་མཛེས་རྒོད་མ་ཞེས་བྱ་བར་འགྱུར་རོ། །༨ཞེས་རོ་ལངས་ཅན་གྱི་ཛཱ་ཏི་རྣམས་བཤད་ཟིན་ཏོ། །

ཕྱི་མོ་མཉམ་པའི་ཛཱ་ཏི།

― MLP007_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གསུམ་པ་ཕྱི་མོ་མཉམ་པའི་ཛཱ་ཏི་ལ་བཅུ་སྟེ། འདི་ལྟར། ཨགུརུརཙལདྷྲྀཏརུདདྷིཙིཔདིཔདི། ལྟ་བུ་གལ་ཏེ་རྐང་པ་རྐང་པར་ཆུ་གཏེར་ཙ་སྟེ་ཞེས་པས་ལྕི་མེད་མི་གཡོ་བརྟན་ཆུ་གཏེར་ཙ་སྟེ་རྐང་པ་རྐང་པར་རྐང་པ་སོ་སོར་ཙ་ཡིག་བཞི་རེ་བསྒྲིགས་པ་ལ་ལྕི་བ་གཅིག་ཀྱང་མེད་པ་དེ་ནི་མི་གཡོ་བརྟན་ནོ། །༡གནྟེམཱཏྲཱསམཀཾལིདལཱཏ྄། ལྟ་བུ་རྐང་མཐར་ལྕི་བ་ཡོད་ཅིང་། འདབ་མ་སྟེ་རྐང་པ་སོ་སོ་ལ་མཐར་ལྕི་ཕྱི་མོ་མཉམ་པ་ཡང་བ་འདབ་ལས་ཙ་ཡིག་བཞི་བཞི་ལས་ཕྱེད་སྔ་མ་ཙ་ཡིག་གཉིས་ཀྱི་ཕ་རོལ་ན་ཡང་བ་དག་ཏུ་གྱུར་པ་ནི་སྤྱི་མིང་བྱེ་བྲག་ལ་བཏགས་ཏེ་ཕྱི་མོ་མཉམ་པ་ཞེས་བྱའོ། །༢བྷོཡདིཙདྭིཏཡཱདུཔཙིཏྲཱ། ལྟ་བུ་གལ་ཏེ་རྐང་པ་སོ་སོ་ལ་ཙ་ཡིག་བཞི་རེ་ཡོད་པའི་ཙ་བྷ་གལ་ཏེ་ཙ་གཉིས་ལས་ཉེར་བཀྲ་ཡིན་གཉིས་ལས་ཕ་རོལ་དུ་བྷ་ཡོད་ན་ཉེར་བཀྲ་ཞེས་བྱ་བ་ཡིན་ནོ། །༣ཙཱཏྑོཛཨེབཨཱབིཤློཀཿལྟ་བུ་རྐང་པ་སོ་སོར་ཙ་བཞི་ལས་ཙ་དང་པོའི་ཕ་རོལ་ཏུ་ཛའམ་ཙ་ལས་ཁའམ་ཛ་ཉིད་ཁྱད་པར་ཚིགས་བཅད་ཁ་གང་རུང་ཡོད་ན་དེའི་ཚེ་ཁྱད་པར་ཚིགས་བཅད་ཅེས་བྱའོ། །༤ཁོཛོབཱབཱནབཱསིཀཱརྡྷཱཏ྄། ལྟ་བུ་གལ་ཏེ་རྐང་པ་སོ་སོར་ཙ་བཞི་བསྒྲིགས་ཀྱི་རྐང་པའི་ཁའམ་ཛ་ནི་ནགས་ཁྲོད་གནས་ཕྱེད་ལས་ཕྱེད་ཙ་གཉིས་ལས་ཕ་རོལ་ཏུ་ཁའམ་ཛ་ཡོད་ན་དེ་ནི་ནགས་ཁྲོད་གནས་སོ། །༥ཙཱཁྱཱངྻདིསདྭིཏཡཾཙིཏྲཱ། ལྟ་བུ་ཙ་བཞི་ཞེས་བྱ་བ་སྔར་ལྟར་ལས་གལ་ཏེ་ཙ་དང་ཙ་ཞེས་བྱ་ལས། གལ་ཏེ་ས་གཉིས་བཀྲ་བའོ། །པོའི་ཕ་རོལ་ཏུ་ས་གཉིས་

― MLP007_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་ན་བཀྲ་བ་ཞེས་བྱའོ། །༦སམནནྟརནིགདིཏལཀྵཎབྷཱཏ྄། མཱཏྲཱསམཱདིཔཱདཱཀུལཀཾསབིདིཏབྲྀཏྟཔརིམཱཎཡུཀྟཾ། བར་མ་ཆད་དུ་བཤད་པའི་མཚན་ཉིད་བསྟན་ཕྱི་མོ་གཉིས་སོགས་རྐང་པ་དཀྲུགས་པ་ལ་རྟོགས་པ་མེད་གྱུར་པ་བྲྀཏྟའི་ཚང་རྣམས་མུནིནཱ྅བྷྱདྷཱཔིཔཱདཱཀུལཀཾལྟ་བུ་གང་བར་མ་ཆད་དུ་བཤད་ཟིན་གྱི་ཕྱི་མོ་མཉམ་པའི་ཛཱ་ཏི་ཐུབ་པས་མངོན་པར་བརྗོད་རྐང་པ་དཀྲུགས་སུ་ནི་སོ་སོའི་མཚན་ཉིད་བསྟན་པ་དྲུག་པོ་དེ་ལས། དང་པོ་མི་གཡོ་བརྟན་དོར་བའི་ལྷག་ནང་ཚན་གྱི་ཕྱི་མོ་མཉམ་པ་སོགས་ལྔ་སྟེ། འདི་ལྟར་ཕྱི་མོ་མཉམ་པ་དང་། །ཉེར་བཀྲ་ཁྱད་པར་ཚིགས་བཅད་དང་། །ནགས་ཁྲོད་གནས་དང་བཀྲ་བ་ལྔ། །ཞེས་པ་དེ་རྣམས་ལས་གང་འདོད་བཟུང་སྟེ་རྐང་པ་དཀྲུགས་ནས་བསྒྲིགས་པ་ལས་དེའི་དབྱེ་བའང་མཐའ་ཡས་པར་འགྱུར་བའི་ཕྱིར། བྲྀཏྟ་སྟེ་དེ་ལྟར་འཕེལ་བའི་ཚད་རྣམས་རྟོགས་པ་མེད་པར་གྱུར་པ་དེ་ལ་ཐུབ་པ་དམར་སེར་གྱིས་དེའི་མིང་ནི་རྐང་འཁྲུགས་སུ་མངོན་པར་བརྗོད་པར་བྱེད་དོ། །༧ཨཥྚོབཥྚཽཙཱརྡྷེཡསྱཱགཱཿསྻུཿསོཀྟཱ྅ནཾགཀྲཱིཌཱ། སཀལམཔརམཔིཔལིམནིདྷིགུཎིཏབསུལགྷུབརྒྱད་བརྒྱད་དག་ཕྱེད་ལ་གང་གི་ག་ཡིན་དེ་ནི་ལུས་མེད་རྩེན་དུ། མཐའ་དག་གཞན་ཡང་ཆུ་གཏེར་བསྒྱུར་ནོར་གྱིས་ཡང་བ་ཀམུཔརིགྷཊིཏཔདབིསྲྀཏི། ལྟ་བུ་གང་གི་ཚེ་རྐང་པ་སོ་སོ་ལ་ཙ་ཡིག་བཞི་རེ་ཡོད་པ་གཞིར་ཕྱི་མར་བཀོད་པའི་རྐང་པ་སྤྲོ་བྱས་ནས། གང་ཤློ་ཀ་ཕྱེད་རེ་ལ་ཙ་བརྒྱད་རེ་ཡོད་པའི་ཕྱེད་སྔ་མར་བརྒྱད་དག་སྟེ་བརྒྱད་གཉིས་ཀྱིས་བསྒྱུར་བའི་ག་ཞེས་ལྕི་བ་བཅུ་དྲུག་ཡིན་ཞིང་། གཞན་མཐའ་དག་ཡང་བ་ཁོ་ན་ཆུ་གཏེར་ནོར་གྱིས་བསྒྱུར་བས་ཡང་བ་སུམ་ཅུ་རྩ་གཉིས་ཤློ་ཀ་ཕྱེད་ཕྱི་མར་བཀོད་པའི་སྦྱོར་བས་རྐང་པ་སྤྲོས་པའི་ཚོགས་དེ་ནི་ལུས་མེད་རྩེན་ཞེས་མིང་དུ་རྗོད་པར་བྱེད་པ་ཡིན་ནོ། །༨པྲཏིདལམུཔཧིཏདཤདཤདཤལགྷུརཔསིཏིབིརཙིཏགུརུརཏིརུཙིརཱ། ལྟ་བུ་གལ་ཏེ་སོ་སོར་འདབ་མ་བྱས་བཅུ་བཅུ་བཅུ་ཡང་བ་མཐར་བཀོད་ལྕི་ཤིན་ཏུ་གསལ་མཛེས་རྐང་པ་རེ་ལ་ཙ་ཡིག་བཞི་རེ་ཡོད་པ་ལས། འདབ་མ་སྟེ་ཤློ་ཀ་ཕྱེད་སྔ་ཕྱི་སོ་སོར་བཅུ་དང་བཅུ་དང་བཅུ་རྣམས་ཏེ་ཡང་བ་སུམ་ཅུ་བཀོད་པའི་མཐར་ལྕི་བ་གཅིག་སྦྲེལ་བར་བྱས་པ་དེ་ནི་ཤིན་ཏུ་གསལ་མཛེས་སོ། །༩ཙདཀདཀཏྲིཙཛགིཏིཁཎྜམཛཾབྷརཧིཏཡནཱདིམེ། ལྟ་བུ་ཚོགས་དགུ་པ་མ་གཏོགས་གཞན་ཙ་ད་ཀ་ད་ཀ་གསུམ་ཙ་ཛ་ག་ཞེས་དུམ་བུ་ཛ་མེད་བྷ་བྲལ་གང་ཞིག་དང་པོ་མིན་རང་གི དུ་ཛ་ཡིག་མེད་ཅིང་།
རྐང་པ་རང་རང་གི་ཚོགས་དང་པོ་མིན་པ་གཞན་དུ་བྷ་ཡིག་དང་བྲལ་བ། གང་ཞིག་རྐང་པ་སོ་སོ་ལ་ཙ་ད་ཀ་ད་ཀ་དང་། ཙ་གསུམ་དང་། ཛ་དང་ག་རྣམས་ཡོད་པ་དེ་ལ་མིང་ཅི་ཞེས་འདྲི་ན། དུམ་བུ་ཞེས་བྱའོ། །༡༠ཞེས་ཕྱི་མོ་མཉམ་པའི་ཛཱ་ཏི་རྣམས་བཤད་ཟིན་ཏོ། །

ཐུན་མོང་ངོ་མཚར་བའི་སྦྱོར་བ་བཤད་པ།

― MLP007_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གསུམ་པ་ངོ་མཚར་བའི་སྦྱོར་བ་བཤད་པ་ནི། ཅིའི་ཕྱིར་ངོ་མཚར་ཞེ་ན། རྟོགས་བྱེད་ཀྱི་ཐབས་ཉུང་ངུས་རྟོགས་བྱའི་ཁྱད་པར་རྒྱ་ཆེན་པོ་དག་བདེ་བླག་ཏུ་རྟོགས་ནུས་པའི་ཕྱིར་མཚར་བ་སྟེ། དཔེར་ན་སྐར་རྩིས་ཀྱི་རི་མོས་ཉི་ཟླ་ལ་སྒྲ་གཅན་འཇུག་པ་སྟོན་པ་བཞིན། དེ་ལྟར་ཡང་རང་འགྲེལ་ལས། འདི་རྣམས་ཀྱིས་གང་ལས་མ་རྟོགས་པའི་ཁྱད་པར་ཉུང་ངུས་རྟོགས་པར་བྱེད་ཅིང། བསྟན་བཅོས་མཛད་པོ་རྣམས་ཀྱིའང་མཁྱེན་པ་ཕུལ་དུ་བྱུང་བ་ཡང་དག་པར་རྟོགས་པར་འགྱུར་ཏེ། སྒྲ་གཅན་གྱི་སྤྱོད་པ་ལ་སོགས་པ་བརྩིས་པས་སྐར་རྩིས་པ་བཞིན་ནོ། །ཞེས་སོ། །དེ་ལྟ་བུའི་དགོས་པ་ཁྱད་པར་ཅན་གྱི་རྟོགས་བྱེད་དེ་ལ་དབྱེ་ན། ཁྱད་པར་གྱི་རྟོགས་བྱེད་དྲུག་དང་། ཐུན་མོང་གི་རྟོགས་བྱེད་གཅིག་སྟེ་བདུན་ནོ། །དེ་གཉིས་ཀྱི་ཁྱད་པར་ནི། ངོ་མཚར་བའི་སྦྱོར་བ་གང་ཞིག་མཉམ་པའ་ིབྲྀཏྟ་ཁོ་ནའི་རྟོགས་བྱེད་དུ་གྱུར་པ་ནི་དང་པོ་སྟེ། དེ་ལས་པྲསྟཱ་ར་ལ་སོགས་པ་དྲུག་མཉམ་པའི་བྲིཏྟ་རྣམས་ལ་རྟོགས་བྱེད་ཡིན་ཏེ། ཕྱེད་མཉམ་པ་ལ་མ་ཡིན་ཞིང་། མི་མཉམ་པ་ལའང་མ་ཡིན་ལ། ཛཱ་ཏི་རྣམས་ལའང་མི་རིགས་པའི་ཕྱིར་རོ། །ཞེས་སོ། །ངོ་མཚར་བའི་སྦྱོར་བ་གང་ཞིག་བྲྀཏྟ་ཛཱ་ཏི་གཉིས་ཀའི་གྲངས་རྟོགས་བྱེད་དུ་གྱུར་པ་ནི་གཉིས་པ་སྟེ། དེ་ལས། བྲྀཏྟའམ་ཛཱཏི་རེ་རེ་ལ་ལྕི་བ་དང་། ཡང་བ་དང་། ཡི་གེ་དང་། ཕྱི་མོ་རྣམས་ཀྱི་གྲངས་ཤེས་པ་བརྗོད་པར་བྱའོ། །ཞེས་སོ། །དེ་ལས་དང་པོ་ལ།

སོ་སོར་བཤད་པ།

― MLP007_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོར་བཤད་པ་དང་། དོན་བསྡུ་བ་གཉིས། དང་པོ་ལའང་། སྤྱི་གྲངས་བརྟག་ཐབས་པྲསྟཱ་ར། །བྱེ་བྲག་བརྟག་ཐབས་ནཥྚ་སྟི། །གར་ཡོད་བརྟག་ཐབས་ཨུདྡིཥྚ། །ལྕི་ཡང་བརྟག་ཐབས་ཡང་བྱ་བ། །དུ་ཡོད་སྟོན་པ་གྲངས་ཇི་ཙམ། །འགྲོ་ལམ་སྟོན་པ་ཨ་དྷྭ་དྲུག །དང་པོ་ལ། དམར་སེར་གྱི་དང་། ཤཱནྟི་པ་རང་གི་པྲ་སྟཱ་རའོ། །དང་པོ་ནི། བྲྀཏྟའི་གནས་དང་པོ་སྟེ་སྟེང་མ་ཐམས་ཅད་ལྕི་བ་འབའ་ཞིག་པའོ། །དེ་ནས་ལྕི་བ་ཐོག་མའམ་
གཙོ་བོ་དེའི་འོག་མ་ཡང་ཞིང་། ཕྱི་མ་གཞན་རྣམས་སྟེང་མ་དང་འདྲ་ལ། ཡང་སྔ་མར་ལྕི་བ་དང་། ལྕི་བ་འདིའི་ཕྱི་མ་ཡང་བ་ལྟ་བུ་སྟེ། པྲསྟཱ་རར་ཇི་སྲིད་ཐ་མའི་གནས་ཐམས་ཅད་ཡང་བར་མ་གྱུར་པ་དེ་སྲིད་དུ་བྲི་བར་བྱའོ། །དེ་ནི་དྲང་སྲོང་དམར་སེར་ཅན་གྱིས་བཞེད་པའི་པྲསྟཱ་ར་སྟེ་ཤིན་ཏུ་རྟོགས་དཀའ་བའོ། །གཉིས་པ་ནི། སྟེང་མ་ལྕི་བ་དང་། དེའི་འོག་ཏུ་ཡང་བ་གཅིག་བྲིའོ། །པྲསྟཱ་ར་དེ་ཉིད་འཕྲེད་ལ་ཡི་གེའི་གྲངས་དང་མཉམ་པའི་ཕྲེང་བ་དང་། སྟེང་འོག་ཏུ་སྔ་མ་སྔ་མ་ལས་ཕྱི་མ་ཕྱི་མ་ཉིས་འགྱུར་དུ་སྤེལ་བར། གྲངས་དེ་སྙེད་ཀྱི་ཡི་གེ་རིང་པོ་ལ་སོགས་པའི་སྡེབ་སྦྱོར་སོ་སོའི་པྲསྟཱ་ར་སྟོན་ཏེ། དེ་ཡང་ལྕི་བ་དང་ཡང་བའི་གྲངས་ཉིས་འགྱུར་གྱི་ཚོགས་རྣམས་ཀྱིས་རིམ་པ་ཇི་ལྟ་བ་བཞིན་ཏུ། ཇི་སྲིད་གནས་ཐ་མ་ཡང་བ་འབའ་ཞིག་ཏུ་མ་གྱུར་གྱི་བར་དེ་སྲིད་དུ་རེ་རེ་བྲིས་ཏེ་སྤེལ་བར་བྱའོ། །འདི་ནི་ཁོ་བོ་སྟེ་ཤཱནྟི་པ་རང་ཉིད་ཀྱིས་བཞེད་པའི་པྲསྟཱ་རའོ། །དེའི་ལག་ལེན་བདེ་བླག་ཏུ་རྟོགས་པའི་ཕྱིར་སྨྲས་པ། ཡི་གེ་བཞི་པར་དཔེར་མཚོན་པའི། །པྲསྟཱ་ར་ཡི་ཆོ་ག་བཤད། །ཐོག་མར་ཉིས་འགྱུར་ཨངྒི་ནི། །གཅིག་གཉིས་བཞི་བརྒྱད་འཕྲེད་ལ་འབྲི། །དེ་རྣམས་སོ་སོའི་ཐད་དྲང་འོག །གཅིག་འོག་ལྕི་དང་ཡང་བ་གཅིག །གཉིས་འོག་ལྕི་གཉིས་ཡང་བ་གཉིས། །བཞི་འོག་ལྕི་ཡང་བཞི་བཞི་སྟེ། །བརྒྱད་ཀྱི་འོག་ཏུ་ལྕི་བརྒྱད་དང་། །ཡང་བ་བརྒྱད་དེ་བཅུ་དྲུག་བཀོད། །དེ་ལྟར་ཐ་མའི་སྒྲེང་ཚར་ནི། །བཅུ་དྲུག་བར་དུ་སྔ་མ་རྣམས། །རང་རང་ཨང་གྲངས་དང་བསྟུན་ཏེ། །རིམ་པར་སྤེལ་བས་གནས་ཐ་མ། །ཡང་བ་ཁོ་ནར་གྱུར་པ་དེ། །པྲསྟཱ་ར་ཡི་རྫོགས་ཚད་ཡིན། །གཞན་དུ་ཨངྐི་བཞི་པ་ཡན། །རང་རང་མཐའ་གྲངས་མཐུན་པར་སྤེལ། །ཡི་གེ་གཅིག་པ་ལ་སོགས་ཏེ། །དེ་མན་ཡི་གེ་ལྔ་པ་ནས། །

― MLP007_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

ཨངྒིའི་ཉིས་འགྱུར་དང་བསྟུན་ཏེ། །ཡི་གེ་ཉེར་དྲུག་བར་སྤེལ་བས། །མཉམ་པའི་བྲྀཏྟའི་སྡེབ་སྦྱོར་གྱི། །མཐའ་ཡས་སྦྱོར་བ་རྟོགས་པར་འགྱུར། །འདིར་ཡི་གེ་གཅིག་པ་ནས་བརྩམས་ཏེ་ཉེར་དྲུག་པའི་བར་པྲསྟཱ་ར་ཉིས་འགྱུར་དུ་འཕེལ་བའི་བྲྀཏྟའི་གྲངས་ནི་འདི་ཡིན་ཏེ། དེ་རྣམས་སོ། ༈ །གཉིས་པ་ནི། ཡི་གེའི་གྲངས་གང་ཡང་རུང་བའི་བྲྀཏྟའི་གྲངས་འདི་འདྲ་བ་སྟེ། དེའི་པྲསྟཱ་རའི་རི་མོ་དེ་ནི་འདི་ལྟ་བུའོ། །ཞེས་བྱ་བ་རྟོགས་འདོད་ནས་ཁ་ཅིག་གིས། དེ་ལ་རི་མོ་ཅི་ཞིག་ཡོད་ཅེས་འདྲི་ན། དེ་དག་བདེ་བླག་ཏུ་བརྟག་པའི་ཆོ་ག་ནི། དེ་ཡང་ཡི་གེ་བཞི་པའི་བྲིཏྟ་བཅུ་པ་ལ་མཚོན་ན། བྲྀཏྟའི་གྲངས་ཨངྐི་བཅུ་པ་དེ་བཀོད་པའི་འབྲས་བུ་ལ་བརྟགས་ཏེ། གྲངས་དེ་མཉམ་ན་ཡང་བ་དང་མི་མཉམ་ན་ལྕི་བའི་རི་མོ་འདྲི་དགོས་པས། འདིར་གྲངས་མཉམ་པའི་ཕྱིར་ཡང་བའི་རི་མོ་དྲང་པོ་གཅིག་བྲི། དེ་ནས་འདབ་མ་བྱ་ཞེས་པས། གྲངས་དེ་གཉིས་ཀྱིས་བགོས་པའི་ནོར་ལ་བརྟགས་ཏེ། སྔར་བཞིན་འདྲི་དགོས་པས། འདིར་ལྔ་མི་མཉམ་པའི་རྙེད་ནོར་ཡིན་པས་ལྕི་བ་གཅིག་བྲི། བགོད་གཞི་མི་མཉམ་ན་རྣམ་པ་ཀུན་ཏུ་གཅིག་བསྣན་པ་དང་བཅས་པ་ལ་གཉིས་ཀྱིས་བགོས་ཏེ་འདབ་མ་བྱ་དགོས་པས། འདིར་ནོར་ལྔ་ལ་གཅིག་བྱིན་ཏེ་བགོས་པས། གསུམ་མི་མཉམ་པའི་རྙེད་ནོར་ལྕི་བ་བྲི། དེ་ལ་མི་མཉམ་གཅིག་བསྣན་ནས་འདབ་མ་བྱས་པས། འདིར་གཉིས་མཉམ་པའི་རྙེད་ནོར་ཡང་བ་གཅིག་བྲི་སྟེ། དེ་ལྟར་བྱས་པའི་འབྲས་བུ་ནི། ཡི་གེ་བཞི་པའི་བྲྀཏྟ་བཅུ་པ་ལ་ཡང་བ་གཉིས་ཀྱི་བར་དུ། ལྕི་བ་གཉིས་ཞུགས་པའི་རི་མོ་འདི་བདེ་བླག་ཏུ་ཤེས་པ་ནི་ནཥྚ་སྟེ་འདྲེན་བྱེད་ཅེས་བྱ་བའི་ཆོ་གའོ། །དེའི་ལག་ལེན་རྟོགས་སླ་བའི་ཕྱིར་སྨྲས་པ། བྲྀཏྟ་གང་ཡིན་གྲངས་བཀོད་ལ། །གྲངས་དེ་མི་མཉམ་ལྕི་བ་དང་། །མཉམ་ན་ཡང་བའི་རི་མོ་བྲི། །གྲངས་དེ་མི་

― MLP007_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་གཅིག་བསྣན་ནས། །ལག་པས་བགོས་པའི་རྙེད་ནོར་ལ། །མི་མཉམ་མཉམ་བརྟགས་ལྕི་ཡང་བྲི། །དེ་ལྟར་མིག་གིས་ཐོབ་ནོར་ལ། །རང་གི་ཡིག་གྲངས་མ་རྫོགས་པར། །མི་མཉམ་གཅིག་བྱིན་ལག་པ་ཡིས། །ཐོབ་ནོར་ལ་བརྟགས་ཡང་ཡང་བྱ། །ཚུལ་དེས་བྲྀཏྟ་གང་གང་གི། པྲསྟཱ་ར་ཡི་རི་མོའི་གཟུགས། །ཚེགས་མེད་རྟོགས་ཕྱིར་ནཥྚར་གྲགས། ༈ །གསུམ་པ་ནི། གང་གི་ཚེ་ཐོག་མར་པྲསྟཱ་རའི་རི་མོ་བྲིས་ནས། བྲིཏྟ་འདི་ནི་དུ་པ་ཡིན་ཞེས་འདྲི་བ་ན། འདིར་ཨུདྡིཥྚས་བརྟག་པར་བྱ་སྟེ། དེ་ཡང་པྲསྟཱ་ར་དེའི་རི་མོ་རེའི་སྟེང་དུ། ཨངྐི་གཅིག་ལ་སོགས་ཏེ་རིམ་པས་ཉིས་འགྱུར་དུ་བྲིའོ། །དེ་ནི་ཡང་བའི་རི་མོའི་སྟེང་གི་ཨངྐི་ཇི་སྙེད་པ་ཐམས་ཅད་གཅིག་ཏུ་བསྡོམས་པ་ལ། སླར་ཡང་གཅིག་བསྣན་པ་དང་བཅས་པ་ལས་གང་ཤར་བའི་རི་མོས་འདི་ལྟར་གྲངས་གནས་དེ་དང་དེ་ན་ཡོད་པའི་བྲྀཏྟ་འདི་ཉིད་ཡིན་ནོ་ཞེས་རྟོགས་པ་ནི། ཨུདྡིཥྚ་སྟེ། སྟེང་ནས་སྟོན་ཞེས་བྱ་བའི་ཆོ་གའོ། །དཔེར་ན་ཡི་གེ་དྲུག་པའི་ནང་ཚན་དབུས་ཕྲའི་པྲསྟཱ་ར་བྲིས་ནས། དེ་སྟེང་ཉིས་འགྱུར་གྱིས་ཨངྒི་བཀོད་པ་ལས། ༡༢༤༨༡༦༣༢ཡང་བ་གཉིས་ཀྱི་སྟེང་གི་ཨངྐི་བཞི་དང་བརྒྱད་བསྲེས་པས་བཅུ་གཉིས། དེ་ལ་གཅིག་བསྣན་པས་བྲྀཏྟ་བཅུ་གསུམ་པ་ཉིད་ཡིན་པར་ཤེས་པ་བཞིན་ནོ། །དེའི་ལག་ལེན་གོ་བདེར་སྨྲས་པ། པྲསྟཱ་ར་ཡི་ལྕི་ཡང་གི། རི་མོ་མ་ནོར་རིམ་བཞིན་བཀོད། །དེ་སྟེང་གཅིག་གཉིས་བཞི་ལ་སོགས། །ཉིས་འགྱུར་འཕེལ་བའི་གྲངས་ཡིག་བཏབ། །དེ་ནས་ཡང་པའི་སྟེང་གི་གྲངས། །བསྲེས་ལ་དེ་སྟེང་གཅིག་སྦྱིན་པའི། །རི་མོས་གྲངས་གནས་གར་ཡོད་རྣམས། །སྟོན་ཕྱིར་ཨུདྡིཥྚ་རུ་བརྗོད། ༈ །བཞི་པ་དམར་སེར་ཅན་གྱི་དང་། ཤཱནྟི་པ་རང་གི་ཡང་བའི་བྱ་བའོ། །དང་པོ་ནི། སྡེབ་སྦྱོར་འདི་ལ་ལྕི་བ་འབའ་ཞིག་པ་ནི་དུ། གཅིག་ཡང་བ་ནི་དུ། གཉིས་ཡང་བ་ནི་དུ་ཞེས་སོགས་འདྲི་ན། དེ་བརྟག་པའི་ཆོ་ག་ནི། གཟུགས་ཏེ་དང་པོ་གཅིག་ཡིག་བཀོད་ལ། ༼༡༽དེའི་སྟེང་དུ་ཡི་གེ་གཅིག་ལ་གཅིག་དང་། ༼༡༽གཉིས་པ་ལ་གཅིག་ཡིག་གཉིས་དང་། ༼༡༽གསུམ་པ་ལ་གཅིག་ཡིག་གསུམ་དང་། ༼༡༽བཞི་པ་ལ་གཅིག་ཡིག་བཞི་

― MLP007_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེགས། ༼༡༽ལྟ་བུའི་སྡེབ་སྦྱོར་སོ་སོའི་ཡི་གེའི་གྲངས་ཀྱིས་སྟེང་དུ་བསླང་ངོ་། །དེ་ནས་རང་རང་མ་ཕྱིས་པར་འོག་ནས་ཡི་གེ་དང་མཉམ་པའི་གྲངས་ཀྱི་སྟེང་མ་སྟེང་མར་བཅུག་པས་ལོངས་ཤིང་། གང་ལོངས་པ་དེ་རྣམས་ལ་མཚན་མ་རིམ་པར་བཏབ་པས། ལོངས་པའི་འོག་ཏུ་གནས་པ་ཐུང་ངུར་འགྱུར་ཏེ། ཡི་གེ་བཞི་པ་ལ་མཚོན་ན་གནས་ལྔ་ལས། དང་པོ་ལ་བྲྀཏྟ་ཡང་བ་མེད་པ་སྟེ་ཐམས་ཅད་ལྕི་བ་གཅིག་དང་། དེ་ནས་གཅིག་ཡང་བ་བཞི་དང་། གཉིས་ཡང་བ་དྲུག་དང་། གསུམ་ཡང་བ་བཞི་དང་། བཞི་ཀ་ཡང་བ་གཅིག་སྟེ། ཡི་གེ་ལྔ་པ་སོགས་ཐམས་ཅད་ལ་དེ་ལྟར་བྱའོ། །འདི་ནི་དམར་སེར་ཅན་གྱི་ཡང་བའི་བྱ་བའོ། །དེའི་ལག་ལེན་གོ་བདེར་སྨྲས་པ། ཡི་གེ་བཞི་པ་ལ་མཚོན་ན། དང་པོ་གཅིག་ཡིག་བྲིས་པའི་སྟེང་། །གཅིག་ཡིག་བཞི་ནི་བསླང་བར་བྱ། །སྟེང་མའི་གཅིག་ཡིག་སྟེང་དུ་དོར། །ལོངས་པའི་མཚན་མ་བཏབ་སྟེ་བཞག །སླར་ཡང་རང་རང་མ་ཕྱིས་པར། །གོང་མར་བསྲེས་པས་བཞི་ལོངས་དོར། །དེ་མན་སྔར་ལྟར་བསྲེས་བྱས་པས། །དྲུག་ལོངས་སླར་ཡང་སྔར་བཞིན་བསྲེ། །དེ་ཡིས་བཞི་ལོངས་དམར་སེར་ལུགས། །གཉིས་པ་ནི། གཟུགས་བསླང་བ་སོགས་ནི་དང་པོར་མ་བྱས་ཀྱང་རུང་སྟེ། བྱས་ཀྱང་མི་འགལ་ལོ། །དེ་ལ་དང་པོ་གཅིག་ཡིག་གཅིག་བྲིས་པ་སྟེང་དུ་གཞུག་པ་སྟེ་སྟེང་དུ་བཀོད་ནས། དེའི་གནས་སུ་སྡེབ་སྦྱོར་གང་ཡིན་གྱི་ཡི་གེའི་གྲངས་བྲིའོ། །དཔེར་ན་ཡི་གེ་གཅིག་པའི་སྡེབ་སྦྱོར་ལ། ༼༡༽དེ་ནས་ཡི་གེ་གཉིས་པ་ལ་དང་པོའི་གཟུགས་སྟེང་དུ་བཀོད་ནས། དེའི་གནས་སུ་སྟེ་གཅིག་ཡིག་གཉིས་པོའི་བར་དུ་ཡི་གེའི་གྲངས་གཉིས་བྲིའོ། །༼༡༽གསུམ་པ་ལ་དང་པོའི་གཅིག་ཡིག་འོག་ཏུ་གསུམ་བྲི་བ་སོགས་སྔར་ལྟར་བྱས་ལ། དེ་ནས་དེའི་འོག་གི་གཉིས་ཡིག་དེ་ལ་རང་གི་འོག་གི་གཅིག་ཡིག་རང་མ་ཕྱིས་པར་བསྲེའོ། །༼༡༽དེ་བཞིན་དུ་ཡི་གེ་བཞི་པ་ལ་དང་པོའི་གཟུགས་ཀྱི་འོག་ཏུ་ཡི་གེའི་གྲངས་བཞི་བྲིས་ལ། དེ་ནས་དེའི་འོག་ན་གནས་པའི་གནས་གསུམ་པོ་རང་རང་གི་འོག་གི་མཉམ་པ་གསུམ་ཡིག་དང་། དེའི་འོག་གི་གཅིག་ཡིག་རྣམས་རང་མ་ཕྱིས་པར་

― MLP007_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

གོང་མ་ལ་བསྲེ་བར་བྱ་སྟེ། ༼༤༽དེས་བྲྀཏྟ་ཡང་མེད་གཅིག་ཡང་བ་སོགས་བདེ་བླག་ཏུ་རྟོགས་པའི་ཆོ་ག་འདི་ནི་ཁོ་བོ་ཤཱནྟི་པའི་ཡང་བའི་བྱ་བའོ། །དེའི་ལག་ལེན་ཡང་། དང་པོའི་གཟུགས་འོག་གཟུགས་ཉིད་བྲི། །ཡི་གེ་གཅིག་པའི་སྡེབ་སྦྱོར་ཡིན། །དེ་ནས་དང་པོའི་གཟུགས་ཀྱི་འོག །ཡི་གེའི་གྲངས་ཀྱི་གཉིས་ཡིག་བྲི། །ཡི་གེ་གཉིས་པའི་སྡེབ་སྦྱོར་ཡིན། །སླར་ཡང་དང་པོའི་གཟུགས་ཀྱི་འོག །གསུམ་བྲི་དེ་འོག་གཉིས་ཡིག་དེར། །རང་མ་ཕྱིས་པར་གཅིག་ཡིག་བསྲེ། །ཡི་གེ་གསུམ་པའི་སྡེབ་སྦྱོར་རོ། །དེ་ཡི་དང་པོའི་གཟུགས་འོག་དེར། །ཡི་གེའི་གྲངས་ཀྱི་བཞི་ཡིག་བྲི། །དེ་འོག་རང་རང་མ་ཕྱིས་པར། །གསུམ་ཡིག་འོག་མ་གོང་མ་དང་། །གཅིག་ཡིག་རང་སྟེང་གསུམ་ལ་བསྲེ། །ཡི་གེ་བཞི་པའི་སྡེབ་སྦྱོར་ཏེ། །དེ་བཞིན་ཀུན་ལ་སྦྱར་ཏེ་བརྟག །དེ་ལས་གཞན་དུ་དང་པོའི་གཟུགས། །མ་བཀོད་པར་ཡང་འདི་ལྟར་ཏེ། །ཡི་གེའི་གྲངས་བྲི་སྔ་མ་ལས། །ཕྱི་མའི་གྲངས་ཡིག་སྟེང་དུ་བཀོད། །ངོ་ཐོག་རང་གྲངས་མ་གཏོགས་པའི། །འོག་མ་སྟེང་གཞུག་དེ་ལའང་འོག །རང་མ་བསུབ་པར་རིམ་བཞིན་དུ། །ཇི་སྙེད་ཡོད་པ་དེ་སྙེད་བསྲེ། ༈ །ལྔ་པ་ནི། བྲྀཏྟ་རྣམས་ཀྱི་གྲངས་ནི་དུ་ཞེས་འདྲི་ན། དེ་ལ་བརྟག་པའི་ཐབས་གསུམ་སྟེ། གཟུགས་ཏེ་གཅིག་ཡིག་བྲིས་ནས་དེ་ཉིད་ཟུང་ཞེས་པ་གཉིས་ཀྱིས་ལན་ཡི་གེའི་གྲངས་སུ་བསྐྱར་ཏེ་བསྒྱུར་རོ། །དཔེར་ན་ཡི་གེ་བཞི་པ་ལ་མཚོན་ན། བསྒྱུར་གཞི་གཅིག་ཉིད་སྒྱུར་བྱེད་གཉིས་ཀྱིས་ལན་བཞིར་བསྐྱར་ནས་བསྒྱུར་བས། ཡི་གེ་བཞི་པ་ལ་བྲྀཏྟ་རིགས་མི་གཅིག་པ་བཅུ་དྲུག་ཡོད་པ་སྟོན་ཅིང་། དེ་བཞིན་དུ་ཡི་གེ་ཉེར་དྲུག་པ་ལ་ལན་དེ་སྙེད་དུ་བསྐྱར་ཏེ་བསྒྱུར་བས། ༼༦༧༡༠༨༨༦༤༽བྱེ་བ་དྲུག་དང་ས་ཡ་བདུན། །འབུམ་ཕྲག་གཅིག་དང་སྟོང་ཕྲག་བརྒྱད། །བརྒྱད་བརྒྱ་དྲུག་ཅུ་རྩ་བཞིའོ། །ཞེས་ཡོད་པ་གསལ་བར་སྟོན་ཏོ། །ཡང་ན་ཨུདྡིཥྚའི་ཨངྐིའི་གྲངས་ཡིག་ཐ་མ་དེ་ཉིས་འགྱུར་དུ་བྱས་པས་ཀྱང་རྟོགས་ཏེ། དཔེར་ན་ཡི་གེ་བཞི་པ་ལ་པྲསྟ་རའི་སྟེང་གི་གྲངས་ཡིག་ཐ་མ་བརྒྱད་པོ་དེ་ཉིད་གཉིས་ཀྱིས་བསྒྱུར་བས་བཅུ་དྲུག་འབྱུང་བ་བཞིན་ནོ། །ཡང་ན་དང་པོའི་གཟུགས་དང་བཅས་པའི་ཡང་བའི་

― MLP007_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་བསྡུ་བར་བྱ་སྟེ། དཔེར་ན་ཡི་གེ་བཞི་པ་ལ་མཚོན་ན། སྔར་བཤད་པའི་ཡང་བའི་བྱ་བ་གཅིག་དང་། བཞི་དང་། དྲུག་དང་། བཞི་དང་གཅིག་རྣམས་ཡོད་པ་ལ། གཅིག་ཏུ་བསྲེས་པས་བཅུ་དྲུག་འབྱུང་བའི་ཕྱིར། ༈ དེ་ནས་བྲྀཏྟ་རྣམས་ཀྱི་ཡི་གེ་ལྕི་ཡང་དང་། ཕྱི་མོ་རྣམས་དུ་ཞེས་འདྲི་ན། དེ་བརྟག་པའི་ཆོ་ག་ནི་འདི་ཡིན་ཏེ། གང་བརྟག་པར་འདོད་པའི་བྲྀཏྟའི་གྲངས་དེ་ཉིད་ཝརྞ་ཎ་སྟེ་དབྱངས་ཀྱི་ཡི་གེ་ཇི་ཙམ་ཡོད་པ་དེས་བསྒྱུར་བ་ནི་རྐང་པ་གཅིག་གི་ཡི་གེའི་གྲངས་དང་། དེ་ནས་གྲངས་ཀྱི་ཚོགས་དེ་ཕྱེད་དུ་གཏུབས་པས་ལྕི་ཡང་གི་གྲངས་དང་། དེ་ནས་ཡི་གེ་དང་ལྕི་ཡང་གི་གྲངས་གཉིས་ཀའང་གཅིག་ཏུ་བསྡོམས་པས་ཕྱི་མོ་རྣམས་སྟོན་ཏེ། དཔེར་ན། ཡི་གེ་བཞི་པ་ལ་བརྟགས་པའི་ཚེ་བྲྀཏྟ་བཅུ་དྲུག་པོ་ཡི་གེ་བཞིས་བསྒྱུར་བས་ཡི་གེ་དྲུག་ཅུ་རྩ་བཞི། དེ་གཉིས་ཀྱིས་བགོས་པས་ལྕི་ཡང་སོ་གཉིས། དེ་གཉིས་གཅིག་ཏུ་བསྲེས་པས་ཕྱི་མོ་གོ་དྲུག་སྟེ། དེ་ལྟར་རིམ་བཞིན་དང་པོ་དབྱངས་ཀྱི་ཡི་གེའི་གྲངས་དང་། དབུས་མ་ནི་ལྕི་བ་དང་ཡང་བ་སོ་སོའི་གྲངས་དང་། དེ་ནས་རྗེས་མ་ནི་ཕྱི་མོའི་གྲངས་རྣམས་སྟོན་བྱེད་ཡིན་ནོ། ༈ །དྲུག་པ་ནི་སྡེབ་སྦྱོར་འདི་ལ་པྲསྟཱ་ར་འཕྲེད་དང་འོག་ཏུ་ཇི་ཙམ་འགྲོ་ཞེ་ན། དེ་བརྟག་པའི་ཆོ་ག་ནི། པྲསྟཱ་རའི་རི་མོའི་ཚད་དང་། བར་ཐག་གཉིས་ཀ་ལ་ནས་རེའམ་སོར་རེ་ཡོད་པ་གཞིར་བྱས་ནས། ཡི་གེ་བཞི་པ་ལ་མཚོན་ན། ཡི་གེའི་གྲངས་བཞི་དང་། བྲྀཏྟའི་གྲངས་བཅུ་དྲུག་སྟེ། དེ་གཉིས་ཀ་སོ་སོར་གཉིས་ཀྱིས་བསྒྱུར་ནས་རེ་ཞིག་ཡི་གེ་ལ་བརྒྱད་དང་། བྲྀཏྟ་ལ་སོ་གཉིས་འབྱུང་། དེ་གཉིས་ཀ་ལས་གཅིག་རེ་དམན་པས་ཨ་དྷྭ་ཞེས་པ་ལམ་སྟེ། ཕར་འཕྲེད་ལ་ལྕི་ཡང་རྣམས་ཀྱི་རི་མོའི་ས་ལ་བཞི་དང་། བར་སྟོང་ལ་གསུམ་སྟེ་ནས་སམ་སོར་བདུན་དུ་འགྲོ་བ་དང་། འོག་ཏུ་ཡང་རི་མོ་ལ་བཅུ་དྲུག་དང་། བར་སྟོང་ལ་བཅོ་ལྔ་སྟེ་བསྲེས་པས་སོ་གཅིག་ཏུ་འགྲོ་ཞེས་པའོ། །མདོར་ན་ལྕི་ཡང་གི་རི་མོའི་ས་དེ་ལ་ཇི་ཙམ་ཡོད་པའི་ཚད་བར་སྟོང་ལའང་མཚུངས་ཏེ། དེའི་ཕྱིར་དཀར་ནག་ཆ་སྙོམ་པར་བྱའོ། །

དོན་བསྡུ་བ།

― MLP007_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་དོན་བསྡུ་བ་ནི། གང་པྲསྟཱར་དང་། ནཥྚ་དང་། ཨུདྡིཥྚ་དང་། ཡང་བའི་བྱ་བ་དང་། གྲངས་དང་། ཨ་དྷྭ་སྟེ། དེ་ལྟར་ངོ་མཚར་བའི་སྦྱོར་བ་དྲུག་པོ་འདི་རྣམས་ནི་རིམ་པ་ཇི་ལྟ་བ་བཞིན་དུ་མཉམ་པའི་བྲྀཏྟ་རྣམས་ལ་རྟོགས་བྱེད་ཀྱི་ཆོ་ག་རྨད་དུ་བྱུང་བར་འགྱུར་ཏེ། དེ་རྣམས་ཀྱིས་མེ་ལོང་དུ་གཟུགས་བརྙན་བཞིན་གསལ་བར་སྟོན་པ་ཡིན་པའི་ཕྱིར་རོ། །གཉིས་པ་ཐུན་མོང་གི་གྲངས་རྟོགས་བྱེད་ནི། དཔེར་ན། ཡཿཔརམཿཔརམཱརྠོཡདཁིལཔརམཱརྠགཏིཕལཾབརྟྨེ། ཏཛྫནིཏོཡཤྩཛནོཛཡནྟིཏེབུདྡྷདྷརྨགཎཿགང་ཞིག་མཆོག་དང་གང་ཞིག་དམ་པའི་དོན། །མ་ལུས་དོན་དམ་ལམ་འབྲས་རྟོགས་གྱུར་ཅིག །སྐྱེ་བོ་གང་ཡང་དེར་ནི་སྐྱེད་མཛད་པ། །སངས་རྒྱས་ཆོས་ཚོགས་དེ་རྣམས་རྒྱལ་གྱུར་ཅིག །ཛཡཏིཛིནོདྷརྨཱམོཛཡཏིཔྲཛྙཱཙསཧཙརཱིཏསྱ། ཨུབྷཡཱདྷིམུཀྟིབཱིཛཔྲསབཏནུརྫཡཏིཙཱརྱགཎཿརྒྱལ་ཆོས་ནད་ལས་རྒྱལ་བ་རྒྱལ་གྱུར་ཅིག །དེ་ཡི་ལྷན་ཅིག་སྤྱོད་མ་ཤེས་རབ་ཀྱང་། །གཉིས་ལ་ལྷག་མོས་ས་བོན་ལས་བྱུང་བ། །ལུས་ཅན་འཕགས་པའི་ཚོགས་རྣམས་རྒྱལ་གྱུར་ཅིག །ཞེས་པ་ཚིགས་སུ་བཅད་པ་གཉིས་པོ་འདི་དག་ལྟ་བུ་སྟེ། དེའང་ཤློ་ཀ་གཉིས་ཀ་ལ་འདིར། ཕྱི་མོ་ལྔ་བཅུ་རྩ་བདུན། ཡི་གེ་བཞི་བཅུ། ལྕི་བ་བཅུ་བདུན། ཡང་བ་ཉི་ཤུ་རྩ་གསུམ་མོ། །དེ་ནས་གྲངས་གཉིས་གཉིས་ཀྱི་བྱ་བའི་འབྲས་བུ་ཅིག་ཤོས་རྣམས་སྟོན་ཏེ། ཇི་ལྟར་ན་ལྕི་བ་དང་། ཡང་བ་དང་། ཡི་གེ་དང་། ཕྱི་མོ་དང་། དེ་རེ་རེ་ལའང་རྟོགས་བྱེད་གསུམ་གསུམ་སྟེ་བཅུ་གཉིས་ལས། ༈ དང་པོ་ལྕི་བ་རྟོགས་བྱེད་ཀྱི་ཆོ་ག་གསུམ་ནི། ཡང་བ་ཉེར་གསུམ་རྣམས་ཀྱིས་ཡི་གེ་བཞི་བཅུའི་སྟེང་ནས་དོར་བ་སྟེ་ཕྲི་བས་བཅུ་བདུན། ཕྱི་མོའི་གྲངས་ང་བདུན་ལས་ཡང་བ་ཉེར་གསུམ་དོར་ལྷག་སོ་བཞི་ལ་འདབ་མ་སྟེ་ཕྱེད་དུ་གཏུབས་པས་ཀྱང་བཅུ་བདུན། ཕྱི་མོ་ང་བདུན་ལས་ཡི་གེ་བཞི་བཅུས་དོར་བའི་ལྷག་མའང་བཅུ་བདུན་ཏེ་བྱ་བ་གསུམ་པོ་དེ་རྣམས་ཀྱི་འབྲས་བུས་གྲངས་ཇི་སྙེད་ལུས་པ་ནི། འདིར་ལྕི་བའི་གྲངས་སོ། ༈ །གཉིས་པ་ཡང་བའི་རྟོགས་བྱེད་གསུམ་ནི། ལྕི་བ་བཅུ་བདུན་པོ་ཉིས་འགྱུར་སོ་བཞིས་ཕྱི་མོ་ང་བདུན་ལ་ཕྲི་བས་ཀྱང་
ཉེར་གསུམ། ཡི་གེ་བཞི་བཅུ་པོ་ཉིས་འགྱུར་བརྒྱད་ཅུ་ལ་ཕྱི་མོ་ང་བདུན་གྱིས་སྤངས་པས་ཀྱང་ཉེར་གསུམ། ཡི་གེ་བཞི་བཅུའི་སྟེང་ནས་ལྕི་བ་བཅུ་བདུན་ཕྲལ་བས་ཀྱང་ཉེར་གསུམ་རྣམས་ཏེ། དེ་རྣམས་ཇི་སྙེད་འདིར་ཡང་བའི་གྲངས་སོ། ༈ །གསུམ་པ་ཡི་གེ་རྟོགས་བྱེད་གསུམ་ནི། ལྕི་བ་བཅུ་བདུན་དང་ཡང་བ་ཉེར་གསུམ་བསྡོམས་པ་ཇི་སྙེད་པ་དེ་ལའང་བཞི་བཅུ། ཕྱི་མོ་ང་བདུན་ལས་ལྕི་བ་བཅུ་བདུན་ཕྲལ་ནའང་བཞི་བཅུ་པོ་ཇི་སྙེད་དོ། །ཇི་སྙེད་པའི་ཕྱི་མོ་ང་བདུན་དང་། ཡང་བ་ཉེར་གསུམ་བསྡོམས་པའི་བརྒྱད་ཅུ་ལ་འདབ་མ་བྱས་པས་ཀྱང་བཞི་བཅུ་སྟེ། དེ་སྙེད་འདིར་ནི་དབྱངས་ཀྱི་ཡི་གེའི་གྲངས་རྣམས་སོ། ༈ །བཞི་པ་ཕྱི་མོ་རྟོགས་བྱེད་གསུམ་ནི། ལྕི་བ་བཅུ་བདུན་ཉིས་འགྱུར་དུ་བྱས་པའི་སོ་བཞི་ལ། ཡང་བ་ཉེར་གསུམ་བསྲེས་པས་ང་བདུན། ཡི་གེ་བཞི་བཅུ་པོ་ཉིས་འགྱུར་བརྒྱད་ཅུ་ལས་ཡང་བ་ཉེར་གསུམ་རྣམས་དོར་བས་ཀྱང་ང་བདུན། ལྕི་བ་བཅུ་བདུན་པོ་ཡི་གེ་བཞི་བཅུ་ལ་བསྲེས་པའི་ཚོགས་རྣམས་ལའང་ང་བདུན་ཏེ། དེ་རྣམས་ཇི་སྙེད་འདིར་ཕྱི་མོ་རྣམས་ཀྱི་གྲངས་སོ། །ངོ་མཚར་སྦྱོར་བ་བདུན་བཤད་ཟིན་ཏོ། །

དེ་ཐོབ་དགེ་བ་བསྔོ་བ།

― MLP007_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གསུམ་པ་དེ་ཐོབ་དགེ་བ་བསྔོ་བ་ནི། རྒྱལ་བའི་རིག་པ་ནི་སྡེབ་སྦྱོར་གྱི་རིག་པའོ། །ཅིའི་ཕྱིར་དེ་དག་དམར་སེར་སོགས་ཀྱིས་དང་པོར་བྱས་ཟིན་པ་མ་ཡིན་ནམ་ཞེ་ན། དེས་བྱས་པའང་སངས་རྒྱས་ཀྱི་མཐུ་ཡིན་པས་མི་འགལ་ཏེ། འཇིག་རྟེན་གྱི་ཡོན་ཏན་ཐམས་ཅད་ཀྱང་སངས་རྒྱས་ཀྱི་མཐུ་ཁོ་ནར་ངེས་པའི་ཕྱིར། རྣམ་པ་གཅིག་ཏུ་ན། གང་ཀུན་མཁྱེན་རྒྱལ་བའི་གོ་འཕང་ལ་བགྲོད་པར་བྱེད་པའི་ཐབས་སུ་གྱུར་པའི་ཕྱིར་རྒྱལ་བའི་རིག་པ་སྟེ། རྒྱལ་ཚབ་མ་ཕམ་པས། རིག་པའི་གནས་ལྔ་དག་ལ་མཁས་པར་མ་བྱས་ན། །འཕགས་མཆོག་གིས་ཀྱང་ཐམས་ཅད་མཁྱེན་ཉིད་མི་འགྱུར་ཏེ། །ཞེས་དང་། མགོན་པོ་ཀླུ་སྒྲུབ་ཀྱིས། ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་འགྱུར། །ཞེས་སོ། །དེ་ཡང་འཕགས་ཡུལ་ན་གསུང་རབ་ཕལ་མོ་ཆེ་ཞིག་ལེགས་པར་སྦྱར་བའི་སྐད་དང་། ཁྱད་པར་ཚིགས་སུ་

― MLP007_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

བཅད་པ་རྣམས་སྡེབ་སྦྱོར་གྱིས་ཀྱང་འཆིང་དགོས་པས་ན། དེ་དག་དཔྱིས་ཕྱིན་པར་གོ་བ་འདི་ལ་ལྟོས་དགོས་པའི་ཕྱིར་ཏེ། མེ་ཏོག་ཆུན་པོ་ལས། དེ་འདྲའི་སྡེབ་སྦྱོར་ལེགས་རྟོགས་ནས། །ཚིགས་བཅད་རྣམས་ལ་འཇུག་པ་ཡིན། །འདི་ལ་རྒྱན་གཞན་སྦྱོར་ཤེས་ན། །མཁས་པ་རྣམས་ཀྱི་ཡིད་འཕྲོག་བྱེད། །ཅེས་དང་། སྙན་ངག་མེ་ལོང་ལས། རིག་དེ་སྙན་ངག་རྒྱ་མཚོ་ནི། །ཟབ་མོ་བརྒལ་འདོད་རྣམས་ཀྱི་གྲུ། །ཞེས་གསུངས་པའི་ཕྱིར། དེ་བས་ན་འདི་རྩོམ་པ་ལ་ཤཱནྟི་པ་བདག་ཤིན་ཏུ་དད་པའི་སྒོ་ནས། བསྟན་བཅོས་བརྩམས་པའི་བསོད་ནམས་གང་ཞིག་བདག་ལ་རབ་ཏུ་སྐྱེས་པའི་མཐུ་དེ་ཡིས། འགྲོ་བ་ཀུན་གྱིས་དོན་དམ་པའི་གནས་ལུགས་ཇི་ལྟ་བ་བཞིན་དུ་རྟོགས་པ་དང་། གནས་སྐབས་སུའང་ཐུན་མོང་རིག་པའི་གནས་རྣམས་དང་། དེ་ལས་ཀྱང་མཆོག་ནང་རིག་པ་ལ་རབ་ཏུ་དད་པས་འཇུག་ཅིང་ཞུགས་ནས་ཀྱང་ཐམས་ཅད་མཁྱེན་པའི་གོ་འཕང་ཐོབ་པར་གྱུར་ཅིག་པའོ། །གསུམ་པ་མཇུག་གི་དོན་ལ། མཛད་པ་པོའི་སློབ་དཔོན་དང་། སྒྱུར་བྱེད་ལོ་ཙཱ་བའི་མཚན་སྨོས་པ་གཉིས་ལས། དང་པོ་ནི། བསྟན་བཅོས་འདི་ནི་མཁས་པ་སྒོ་དྲུག་ལས་ཤར་སྒོ་སྲུང་བ་པོ། རྩོད་པའི་དུས་ཀྱི་ཐམས་ཅད་མཁྱེན་པ་རཏྣ་ཨཱ་ཀ་ར་ཤཱནྟི་སྟེ་རིན་ཆེན་འབྱུང་གནས་ཞི་བའི་ཞལ་སྔ་ནས་མཛད་པའོ། །གཉིས་པ་ནི། ཆོས་ལྡན་ར་ས་དང་། ཡར་ཀླུང་པ་གྲགས་པ་རྒྱལ་མཚན་གྱིས་རྩ་བ་རང་འགྲེལ་དང་བཅས་པ་བསྒྱུར་བ་ལ། སླད་ཀྱི་ལོ་ཙཱ་བ་ཆེན་པོ་བྱང་ཆུབ་རྩེ་མོ་དང་། སྟག་ལུང་ལོ་ཙཱ་བ་ནམ་མཁའ་བཟང་པོ་གཉིས་ཀྱིས་འགྱུར་བཅོས་ལེགས་པར་མཛད་ཅིང་། སླར་ཡང་འགོས་ལོ་ཙཱ་བ་ཆེན་པོ་དྷརྨ་པ་ལ་བྷ་དྲས་རྩ་བ་ལས་འགྱུར་བཅོས་མཛད་པ་རྣམས་མཐོང་བ་ལས། འདིར་ནི་འགྱུར་ཕྱི་མ་ཉིད་ལ་གཙོ་བོར་བརྟེན་ཏེ་བཤད་པ་ཡིན་ནོ། །སྨྲས་པ། སློབ་དཔོན་ཉིད་ཀྱི་རང་འགྲེལ་ལ་བརྟེན་ནས། །སྡེབ་སྦྱོར་རིན་ཆེན་འབྱུང་གནས་གཞུང་གི་དོན། །རབ་གསལ་འགྲེལ་པ་མེ་ལོང་ལྟ་བུ་འདི། །སྨྱོས་ཀྱི་བན་ཆུང་དྷརྨཱ་ཤྲཱིས་སྦྱར། །སྦྱངས་དང་རང་བཞིན་བློ་གྲོས་མཐུ་ཆུང་ཞིང་། །སྣ་ཚོགས་ཡི་གེར་མ་བལྟས་

― MLP007_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་མའི་ངག །སཾ་ཊར་བརྟེན་སོགས་ཉིས་བྲིས་མ་ཁོམ་པས། །འགལ་གྱུར་སྲིད་མོད་མཁས་ལ་བཟོད་པར་གསོལ། །བཤེས་གཉེན་མཁས་པའི་གསུང་དང་གཞུང་བཟང་ལ། །བརྟེན་ནས་ལེགས་བཤད་གང་མཆིས་དགེ་བ་དེས། །འགྲོ་ཀུན་རིག་པ་མཆོག་གི་ལམ་ཞུགས་ནས། །ཀུན་མཁྱེན་རྒྱལ་བའི་གོ་འཕང་ཐོབ་པར་ཤོག །ཅེས་སྡེབ་སྦྱོར་རིན་ཆེན་འབྱུང་གནས་ཀྱི་འགྲེལ་པ་དོན་གསལ་མེ་ལོང་ཞེས་བྱ་བ་འདི་ནི་མཚན་བརྗོད་པར་དཀའ་བ་རྗེ་བཙུན་ཐམས་ཅད་མཁྱེན་པ་གཏེར་ཆེན་ཆོས་ཀྱི་རྒྱལ་པོའི་བཀའ་དྲིན་གྱིས་འཚོ་བ་བན་ཆུང་ངག་དབང་ཆོས་དཔལ་གྱིས་རང་གི་དྲན་གསོ་དང་། བློ་དམན་འགའ་ལ་ཕན་པའི་ཕྱིར་ཨོ་རྒྱན་སྨིན་གྲོལ་གླིང་གི་ཆོས་གྲྭར་སུག་བྲིས་སུ་སྦྱར་བའོ། །སརྦ་དཱ་ཀ་ལྱཱ་ཎཾ་བྷ་ཝ་ཏུ།། ༈ །།ལེགས་བཤད་ནོར་བུ་ཇི་སྙེད་འདྲེན་པའི་ཀླུང་། །སྙན་ངག་རྒྱ་མཚོའི་འཇིངས་ལས་བརྒལ་བའི་གྲུ། །སྡེབ་ལེགས་སྦྱོར་བའི་གཞུང་བཟང་རིན་པོ་ཆེའི། །འབྱུང་གནས་ཟླ་མེད་སློབ་དཔོན་ཞི་བའི་གསུང་། །གང་དེ་འགྲེལ་ལ་ཕུལ་བྱུང་རྣམ་དཔྱོད་ཀྱིས། །མཁས་རྣམས་དགྱེས་པའི་ངོ་མཚར་འཆར་བཟོད་པ། །བརྗོད་དོན་རབ་གསལ་མེ་ལོང་དག་པ་འདི། །ལྔ་རིག་སྨྲ་རྣམས་ཡིད་འོང་ལྟད་མོའི་ཡུལ། །བསྟན་པའི་ས་ཆེན་རིས་སུ་མི་བཅད་པས། །མཆོག་གི་གོ་འཕང་བརྙེས་པ་མཁྱེན་བརྩེའི་རྗེས། །ཆོས་རྒྱལ་སྡེ་དགེའི་ཆོས་མཛོད་ཆེན་མོ་རུ། །རིག་གཞུང་མཐའ་དག་རྫོགས་པའི་ཡན་ལག་ཏུ། །སྤར་དུ་དགོད་བཞེད་དགོངས་པའི་ཆ་འདི་ལྟའང་། །གུས་པས་བླངས་པའི་བསོད་ནམས་གང་སྐྱེས་པ། །དེས་ཀྱང་སྐྱེ་བར་རྗེས་སུ་འཛིན་པ་དང་། །ཡོངས་རྫོགས་བསྟན་པ་ཕྱོགས་མཐར་རྒྱས་གྱུར་ཅིག །མངྒ་ལཾ་བྷ་བནྟུ།། །།

སྙན་ངག་མེ་ལོང་གི་འགྲེལ་པ་གཞུང་དོན་རབ་གསལ་སྣང་བ།

― MLP007_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་མེ་ལོང་གི་འགྲེལ་པ་གཞུང་དོན་རབ་གསལ་སྣང་བ་ཞེས་བྱ་བ་བཞུགས་སོ། །
རྒྱལ་སྲས་པདྨ་འགྱུར་མེད་རྒྱ་མཚོ།

― MLP007_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་མེ་ལོང་གི་འགྲེལ་པ་གཞུང་དོན་རབ་གསལ་སྣང་བ་ཞེས་བྱ་བ་བཞུགས་སོ། །
ཚད་མེད་ཐུགས་རྗེའི་ཉིན་བྱེད་འོད་བརྡལ་བས། །འགྲོ་བའི་མི་ཤེས་རྨོངས་མུན་ཀུན་བཅིལ་ནས། །ཕུལ་བྱུང་བློ་གྲོས་སྣང་བ་རྒྱས་མཛད་པ། །གཏེར་ཆེན་བླ་མས་དགེ་ལེགས་གཡོ་མེད་མཛོད། །རྒྱལ་ཀུན་མཁྱེན་བརྩེ་ནུས་གཟུགས་འབབ་ལྡན་རྒྱུན། །ཁྱོད་ཐུགས་རྒྱ་མཚོར་འཁྱིལ་བའི་ངོ་མཚར་གྱིས། །སྲིད་གསུམ་གདུང་སེལ་མཛད་པ་གཏན་གྱི་སྐྱབས། །ཨོ་ཌཱི་ཡ་ནའི་སློབ་དཔོན་དེས་སྐྱོངས་ཤིག །དུས་གསུམ་རྒྱལ་ཀུན་ཡུམ་གཅིག་ཤེར་ཕྱིན་མ། །ཡིད་འཕྲོག་ཚངས་པའི་བུ་མོར་རྣམ་རོལ་བ། །གང་ཁྱོད་བདག་སྙིང་པད་མཚོར་རྟག་བཞུགས་ལ། །ལེགས་བཤད་སྨྲ་བའི་སྤོབས་པ་མཆོག་སྩོོལ་ཅིག །ཁྱོད་ཐུགས་ཀུན་གསལ་བཞིན་རས་ངོས་ཡངས་པར། །ཤར་བའི་མཁྱེན་རབ་མཚན་མོའི་མགོན་པོ་ནི། །ལྔ་རིག་ཨུཏྤལ་མཚན་མ་བཀྲ་བ་ཅན། །དབྱུག་པ་ཅན་ཞེས་གྲགས་གང་རྒྱལ་གྱུར་ཅིག །ཟབ་ཡངས་གཏིང་དཔག་དཀའ་བ་ཤེས་བྱའི་མཚོར། །ཐོགས་མེད་བགྲོད་པའི་ལེགས་བཤད་གྲུ་བོ་ཆེ། །སྐལ་ལྡན་བདེ་བླག་འཇུག་པའི་ཐབས་མཁས་སྒོ། །འབྱེད་མཛད་བརྒྱུད་པའི་བླ་མ་ཕྱག་གི་གནས། །གྲོང་ཚིག་རྙོགས་བྲལ་སྙན་ངག་ཆུ་གཏེར་ཆེ། །མཁྱེན་རབ་མགུར་དུ་དྲངས་ནས་ཤེས་ལྡན་གྱི། །མི་ཤེས་ཉོན་མོངས་མ་ལུས་སེལ་མཛད་པ། །དྷརྨ་ཤྲི་གཙུག་གི་རྒྱན་དུ་མཆོད། །ཨེ་མ་ཚིག་རྒྱན་བསྟན་བཅོས་མེ་ལོང་གི། གཞུང་དོན་རབ་ཏུ་གསལ་བའི་ཉིན་བྱེད་དབང་། །ལེགས་བཤད་སྣང་བའི་འོད་ཟེར་འབུམ་བཀྱེ་བ། །གང་འདིས་བློ་གྲོས་ལྡན་རྣམས་དགྱེས་པར་མཛོད། །འདིར་འཕགས་ཡུལ་གྱི་སྙན་ངག་མཁན་ཆེན་པོ་དབྱུག་པ་ཅན་གྱིས་མཛད་པའི་སྙན་

― MLP007_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་གི་བསྟན་བཅོས་མེ་ལོང་འདི་ཉིད་འཆད་པར་བྱེད་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །དང་པོ་ལ་གཉིས་ཏེ་མཚན་དོན་དང་། འགྱུར་ཕྱག་གོ །དང་པོ་ནི། རྒྱ་གར་སྐད་དུ། ཀ་བྱཱ་དརྴ། བོད་སྐད་དུ། སྙན་ངག་མེ་ལོང་ཞེས་པ་སྟེ། རྒྱ་གར་ན་སྐད་རིགས་བཞི་ཡོད་པ་ལས་ལེགས་པར་སྦྱར་བ་སཾ་ཀྲྀ་ཏའི་སྐད་དུ། ཀ་བྱཱ་དརྴ་ཞེས་ཟེར་ཏེ། བོད་སྐད་དུ་བསྒྱུར་ན་སྙན་ངག་མེ་ལོང་ཞེས་བྱའོ། །དེ་ཡང་ཀ་བེ་སྙན་ངག །ཨཱདརྴ་མེ་ལོང་། དེ་གཉིས་མཚམས་སྦྱར་བས་ཀ་བྱཱ་དརྴ་གྲུབ་བོ། །གཉིས་པ་ནི། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཞེས་པ་སྟེ། སོ་སྐྱེ་ལས་འཕགས་པས་ན་འཕགས། ཉོན་མོངས་པ་ལ་སོགས་པའི་རྩུབ་པ་དང་བྲལ་བས་འཇམ་པ། གཉིས་མེད་རྟོགས་པའི་ཡེ་ཤེས་ནི་དཔལ། དོན་གཉིས་རྒྱུན་ཆད་མེད་པས་གཞོན་ནུར་གྱུར་པ་སྟེ། དེ་ལ་ལུས་ངག་ཡིད་གསུམ་གུས་པས་བཏུད་དེ་ཕྱག་འཚལ་ལོ་ཞེས་ཤོང་སྟོན་རྡོ་རྗེ་རྒྱལ་མཚན་གྱིས་འགྱུར་ཕྱག་ཏུ་སྨོས་པའོ། །གཉིས་པ་གཞུང་གི་དོན་ལ་གསུམ་སྟེ། བསྟན་བཅོས་ལ་འཇུག་པའི་སྒོ། འཇུག་བྱ་བསྟན་བཅོས་ཀྱི་རང་བཞིན། ཞུགས་པའི་འབྲས་བུའོ། །དང་པོ་ལ་གཉིས་ཏེ། ཤིས་པ་བརྗོད་པ་དང་། རྩོམ་པར་དམ་བཅའ་བའོ། །དང་པོ་ནི། གདོང་བཞི་གདོང་གི་པད་ཚལ་གྱི། །ངང་པའི་བུ་མོ་ཐམས་ཅད་དཀར། །དབྱངས་ཅན་མ་ནི་ཁོ་བོ་ཡི། །ཡིད་ལ་རིང་དུ་གནས་པར་མཛོད། །ཅེས་པ་སྟེ། གདོང་བཞི་ཅན་ནི་ཚངས་པ་ཡིན་ལ། དེའི་གདོང་པ་པདྨའི་ཚལ་གྱི་གཟུགས་སུ་བཀོད་ཅིང་། དེ་ལས་བྱུང་བ་ངང་པའི་བུ་མོ་དབྱངས་ཅན་མ་ཞེས། ལྷ་མོ་དེ་ངང་མོར་བཀོད་པའོ། །ཇི་ལྟར་བཀོད་ན། ཐམས་ཅད་དཀར་ཞེས་ངང་མོ་དང་དབྱངས་ཅན་མ་གཉིས་ཀ་དཀར་བར་མཚུངས་པས་སོ། །དེ་ལྟ་བུའི་དབྱངས་ཅན་མ་དེ་ནི་དབྱུག་པ་ཅན་ཁོ་བོའི་ཡིད་ལ་ཡུན་རིང་དུ་གནས་པར་མཛོད་ཅེས་པའོ། །རྒྱན་འདི་ནི་སྦྱར་བའི་གཟུགས་ཅན་ཏེ། ཅིའི་ཕྱིར་ན། ངང་པ་ཞེས་པ་དྲི་ཟའི་མིང་གི་རྣམ་གྲངས་དང་། མཱ་ན་སེ་ཞེས་པ་ཡིད་དང་མཚོ་གཉིས་ཀ་ལ་འཇུག་པས་སོ། །གཉིས་པ་ནི། བསྟན་བཅོས་སྔ་མ་རྣམས་བསྡུས་

― MLP007_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་། །སྦྱོར་བ་རྣམས་ཀྱང་ཉེར་མཚོན་ཏེ། །ཇི་ལྟར་ནུས་བཞིན་བདག་གིས་ནི། །སྙན་ངག་རྣམས་ཀྱི་མཚན་ཉིད་བྱ། །ཞེས་པ་སྟེ། སྔོན་གྱི་སློབ་དཔོན་རཱ་མ་ཤརྨ་ལ་སོགས་པས་མཛད་པའི་སྙན་ངག་གི་བསྟན་བཅོས་སྔ་མ་རྣམས་ཀྱི་དོན་ཚིག་ཉུང་ངུར་བསྡུས་ཤིང་། དཔེར་བརྗོད་ཀྱི་སྦྱོར་བ་རྣམས་ཀྱང་ཉེ་བར་བཀོད་པས་མཚོན་པར་བྱས་ཏེ། དབྱུག་པ་ཅན་བདག་གིས་ཇི་ལྟར་ནུས་པ་བཞིན་དུ་སྙན་ངག་རྣམས་ཀྱི་མཚན་ཉིད་བཤད་པར་བྱ་ཞེས་པའོ། །གཉིས་པ་འཇུག་བྱ་བསྟན་བཅོས་ཀྱི་རང་བཞིན་བཤད་པ་ལ་གསུམ་སྟེ། དགོས་དོན། བསྡུས་དོན། ཚིག་དོན་ནོ། །དང་པོ་ལ་བདུན། བསྟན་བཅོས་བརྩམས་པའི་ཡོན་ཏན། མ་བརྩམ་པའི་སྐྱོན། ཡུན་རིང་གནས་པའི་རྒྱུ་མཚན། རྩོམ་བྱེད་ཀྱི་ཁྱད་པར། སྐྱོན་སྤངས་ཐབས། བསྟན་བཅོས་མི་ཤེས་པའི་སྐྱོན། མཁས་པས་ལེགས་པར་དབྱེ་བའོ། །དང་པོ་ནི། འདི་ན་ཀུན་ཏུ་མཆོག་རྣམས་ཀྱང་། །མཆོག་གི་རྗེས་སུ་བསྟན་པ་ཡི། །ཚིག་རྣམས་ཉིད་ཀྱི་དྲིན་གྱིས་ནི། །འཇིག་རྟེན་ལུགས་ལ་འཇུག་པར་བྱེད། །ཅེས་པ་སྟེ། འཇིག་རྟེན་འདི་ན་རྣམ་པ་ཀུན་ཏུ་མཆོག་ཏུ་གྱུར་པ་རྣམས་ཀྱང་གྱ་ཚོམ་དུ་མ་ཡིན་ཏེ། སྔོན་གྱི་མཁས་པ་མཆོག་རྣམས་ཀྱིས་རྗེས་སུ་བསྟན་པའི་བསྟན་བཅོས་ཀྱི་ཚིག་རྣམས་ཀྱི་དྲིན་གྱིས་བླང་དོར་ཕྱེ་ནས། འཇིག་རྟེན་གྱི་ལུགས་བཟང་པོ་ལ་འཇུག་པར་བྱེད་ཅེས་པའོ། །གཉིས་པ་ནི། གལ་ཏེ་སྒྲ་དོན་སྣང་བ་ནི། །འཁོར་བའི་བར་དུ་མི་གསལ་ན། །འཇིག་རྟེན་གསུམ་པོ་མཐའ་དག་འདི། །སྨག་རུམ་མུན་པ་ཉིད་དུ་འགྱུར། །ཞེས་པ་སྟེ། གལ་ཏེ་སྒྲ་དོན་ཕྱིན་ཅི་མ་ལོག་པའི་བསྟན་བཅོས་ཀྱི་སྣང་བས། འཁོར་བ་ཇི་སྲིད་ཀྱི་བར་དུ་མི་གསལ་བ་དེའི་ཚེ་ན། འཇིག་རྟེན་གསུམ་པོ་མཐའ་དག་པ་འདི་ནི་བླང་དོར་གྱི་གནས་མི་ཤེས་པས་སྨག་རུམ་མུན་པ་ཉིད་དུ་འགྱུར་བ་ཡིན་ནོ། །གསུམ་པ་ནི། སྔོན་གྱི་རྒྱལ་པོ་གྲགས་པའི་གཟུགས། །ངག་གི་རང་བཞིན་མེ་ལོང་ཐོབ། །དེ་དག་ཉེ་བར་མི་གནས་ཀྱང་། །རང་ཉིད་ཉམས་པ་མེད་ལ་ལྟོས། །ཞེས་པ་སྟེ། སྔོན་གྱི་རྒྱལ་པོ་ང་ལ་ནུ་ལ་སོགས་པ་རྣམས་ཀྱིས་ཡོན་ཏན་གྱི་གྲགས་པའི་གཟུགས་བརྙན་གཏམ་དུ་གྲགས་པའི་ངག་གི་རང་བཞིན་བློའི་མེ་ལོང་དུ་གསལ་བར་ཐོབ་ལ། དེའི་ཕྱིར་རྒྱལ་པོ་དེ་

― MLP007_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ད་ལྟ་ཉེ་བར་མི་གནས་ཀྱང་རང་རང་གི་གྲགས་པའི་གཟུགས་བརྙན་ད་དུང་ཡང་ཉམས་པ་མེད་པར་གནས་པ་ལ་ལྟོས་ཞེས་དཔེས་མཚོན་པའོ། །བཞི་པ་ནི། མཁས་པས་ཡང་དག་རབ་སྦྱར་བའི། །ངག་ནི་ངག་གི་འདོད་འཇོར་བཤད། །དེ་ཉིད་ཉེས་པར་སྦྱར་ན་སླར། །སྦྱོར་པོ་བ་ལང་ཉིད་རྗོད་བྱེད། །ཅེས་པ་སྟེ། མཁས་པ་རྣམས་ཀྱིས་ཡང་དག་པར་སྦྱར་བའི་ངག་ནི་ཚིག་དོན་ཕུན་སུམ་ཚོགས་པ་དང་ལྡན་པས་ངག་གི་འདོད་པ་འཇོ་བར་བྱེད་ལ། གལ་ཏེ་དེ་ཉིད་ཉེས་པར་སྦྱར་བ་སྟེ་ལོག་པར་སྦྱར་ན། བསྟན་བཅོས་དེ་གཞན་གྱིས་འདོར་བར་མ་ཟད། སྦྱོར་བ་པོ་དེ་ཡང་བ་ལང་དང་འདྲ་བར་རྗོད་པར་བྱེད་དོ། །ལྔ་པ་ནི། དེ་ཕྱིར་སྙན་ངག་དག་ལ་སྐྱོན། །ཆུང་བར་གྱུར་ཀྱང་ཅི་ཞིག་ལྟར། །བཏང་སྙོམས་མི་བྱ་ལུས་མཛེས་ཀྱང་། །སྐྱོན་གཅིག་གིས་ནི་སྐལ་ངན་འགྱུར། །ཞེས་པ་སྟེ། གོང་དུ་སྨོས་པའི་རྒྱུ་མཚན་དེའི་ཕྱིར། སྙན་ངག་ཤེས་པ་དག་གིས་ཚིག་སྦྱོར་ལ་འགོད་པའི་གནས་སྐབས་སུ། སྐྱོན་ཆུང་ངུ་ཞིག་ཆགས་པར་གྱུར་ཀྱང་ཅི་ཞིག་ལྟར་ཏེ་འོག་ཏུ་དཔེ་བཀོད་པ་བཞིན་ཏེ། དེའི་ཕྱིར་སྐྱོན་ཆུང་ངུ་ཙམ་གྱིས་ཉེས་པ་མེད་ཅེས་བཏང་སྙོམས་སུ་བཞག་པར་མི་བྱའོ། །དཔེ་ཇི་ལྟར་ན་སྐྱེས་བུ་ཞིག་ལུས་མཛེས་ཀྱང་ཁ་ཡོ་བ་ལྟ་བུ་སྐྱོན་གཅིག་གིས་ཀྱང་སྐལ་བ་ངན་པར་འགྱུར་བ་བཞིན་ནོ། །དྲུག་པ་ནི། སྐྱེ་བོ་བསྟན་བཅོས་མི་ཤེས་པས། །ཡོན་ཏན་སྐྱོན་དག་ཇི་ལྟར་དབྱེ། །གཟུགས་ཀྱི་དབྱེ་བ་དམིགས་པའི་སྐབས། །ལོང་བ་དག་ལ་ཡོད་དམ་ཅི། །ཞེས་པ་སྟེ། སྐྱེ་བོ་གང་ཞིག་བསྟན་བཅོས་ཀྱི་སྤྱི་བྱེ་བྲག་མི་ཤེས་པས། ཉམས་སོགས་ཡོན་ཏན་དང་། དོན་ཉམས་སོགས་སྐྱོན་གྱི་བྱེ་བྲག་དག་ཇི་ལྟར་དབྱེ་སྟེ་དབྱེ་མི་ནུས། ཅིའི་ཕྱིར་ན། གཟུགས་ལེགས་ཉེས་ཀྱི་དབྱེ་བ་དམིགས་པའི་སྐབས་ལོང་བ་ལ་ཡོད་དམ་ཅི་སྟེ་མེད་པ་བཞིན་ནོ། །བདུན་པ་ནི། དེ་ཕྱིར་མཁས་པས་སྐྱེ་རྒུ་རྣམས། །བྱེ་བྲག་རྟོགས་ལ་མངོན་དགོངས་ནས། །རྣམ་བཀྲ་ལམ་ལྡན་ཚིག་རྣམས་ཀྱིས། །བྱ་བའི་ཆོ་ག་ངེས་པར་སྦྱར། །ཞེས་པ་སྟེ། རྒྱུ་མཚན་དེའི་ཕྱིར་སྔོན་གྱི་མཁས་པས་སྐྱེ་རྒུ་རྣམས་ཀྱིས་ལེགས་ཉེས་ལ་སོགས་པའི་བྱེ་བྲག་རྟོགས་པ་ལ་མངོན་པར་དགོངས་ནས་ལུས་མཛེས་སྒྲ་དོན་གྱི་རྣམ་པར་བཀྲ་བའི་ལམ་དང་ལྡན་པའི་

― MLP007_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ཚིག་གི་རིག་པ་ཤེས་པར་བྱ་བའི་ཆོ་ག་རྣམས་ངེས་པར་སྦྱར་ཅེས་པའོ། །གཉིས་པ་བསྡུས་དོན་ནི། དེ་རྣམས་ཀྱིས་ནི་སྙན་ངག་གི། ལུས་དང་རྒྱན་ཡང་རབ་ཏུ་བསྟན། །ཅེས་པ་སྟེ། སྔོན་གྱི་མཁས་པ་དེ་རྣམས་ཀྱིས་ནི་སྙན་ངག་གི་ལུས་ཚོགས་པའི་ངོ་བོ་དང་། དེ་མཛེས་བྱེད་ཀྱི་རྒྱན་ཡང་རབ་ཏུ་བསྟན་ཅེས་པའོ། །གསུམ་པ་ཚིག་དོན་ལ་གསུམ་སྟེ། ལུས་བཤད་པ། རྒྱན་བཤད་པ། སྐྱོན་སེལ་བཤད་པའོ། །དང་པོ་ལ་གཉིས། མཚན་ཉིད་དང་། མཚན་གཞིའོ། །དང་པོ་ནི། ལུས་ནི་རེ་ཞིག་འདོད་པ་ཡི། །དོན་གྱི་རྣམ་བཅད་ཚིག་གི་ཕྲེང་། །ཞེས་པ་སྟེ། ལུས་ཀྱི་མཚན་ཉིད་ནི་གང་ཞེ་ན། རེ་ཞིག་སྙན་ངག་མཁན་གྱིས་བརྗོད་པར་འདོད་པའི་བསམ་པས་ཀུན་ནས་བསླངས་པའི་བརྗོད་བྱའི་དོན་གང་ཞིག །ཚིག་རྒྱན་གྱི་བསྟན་བཅོས་ལས་བཤད་པའི་ངེས་པ་ལས་མ་འདས་པར་རྣམ་པར་བཅད་པའི་ཚིག་གི་ཕྲེང་བ་སྤེལ་བའོ། །གཉིས་པ་ལ་གསུམ་སྟེ། ལུས་གཞུང་གི་དབྱེ་བས་གསུམ་དུ་བཤད། སྐད་རིགས་ཀྱི་དབྱེ་བས་བཞིར་བཤད། སྦྱོར་ཚུལ་གྱི་དབྱེ་བས་གཉིས་སུ་བསྟན་པའོ། །དང་པོ་ལ་དབྱེ་བ་དང་། སོ་སོར་བཤད་པའོ། །དང་པོ་ནི། དེ་ཡང་ཚིགས་བཅད་ལྷུག་པ་དང་། །སྤེལ་མ་རྣམ་གསུམ་ཉིད་དུ་གནས། །ཞེས་པ་སྟེ། གོ་སླའོ། །གཉིས་པ་ལ་གསུམ། ཚིགས་བཅད། ལྷུག་པ། སྤེལ་མའོ། །དང་པོ་ལ་བཞི། མཚན་ཉིད། དབྱེ་བ། དེས་བརྩམས་པའི་སྙན་ངག་ཆེན་པོའི་མཚན་ཉིད། སྦྱོར་ཚུལ་འགའ་ཞིག་མཚོན་པའོ། །དང་པོ་ནི། ཚིགས་བཅད་རྐང་བཞི། །ཞེས་པ་སྟེ། དེ་ལ་ཚིགས་བཅད་ཀྱི་མཚན་ཉིད་གང་ཞེ་ན་རྐང་པ་བཞིའི་བདག་ཉིད་ཅན་ཉིད་ཡིན་ཞེས་པའོ། །གཉིས་པ་ལ་གཉིས། སྡེབ་སྦྱོར་གྱི་སྒོ་ནས་གཉིས་སུ་དབྱེ། སྦྱོར་ཚུལ་གྱི་སྒོ་ནས་བཞིར་དབྱེ་བའོ། །དང་པོ་ནི། དེ་ཡང་ནི། །བྲྀརྟ་ཛཱ་ཏི་ཞེས་རྣམ་གཉིས། །དེ་ཡི་སྤྲོས་པ་མཐའ་དག་ནི། །སྡེབ་སྦྱོར་གཞུང་དུ་ངེས་པར་བསྟན། །རིག་དེ་སྙན་ངག་རྒྱ་མཚོ་ནི། །ཟབ་མོ་བརྒལ་འདོད་རྣམས་ཀྱི་གྲུ། །ཞེས་པ་སྟེ། ཚིགས་བཅད་རྐང་བཞིའི་བདག་ཉིད་ཅན་དེ་ལ་ཡང་སྡེབ་སྦྱོར་གྱི་སྒོ་ནས་དབྱེ་

― MLP007_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ན་བྲྀརྟ་དང་ཛཱ་ཏི་ཞེས་རྣམ་པ་གཉིས་སུ་འགྱུར་ཞིང་། དེའི་སྤྲོས་པ་མཐའ་དག་པ་ནི་སྡེབ་སྦྱོར་རིན་ཆེན་འབྱུང་གནས་སོགས་སྡེབ་སྦྱོར་གྱི་གཞུང་རྣམས་ཀྱི་ནང་དུ་ངེས་པར་བསྟན་པས་དེར་ཤེས་པར་བྱ་ཞིང་། རིག་པ་དེ་ནི་སྙན་ངག་གི་རྒྱ་མཚོ་ཟབ་མོ་རྟོགས་པར་དཀའ་བའི་ཕ་རོལ་དུ་བརྒལ་བར་འདོད་པ་རྣམས་ཀྱི་གྲུ་ལྟ་བུ་ཡིན་ནོ། །གཉིས་པ་ནི། གྲོལ་བ་དང་ནི་རིགས་དང་མཛོད། །འདུས་པ་ཞེས་བྱ་དེ་འདྲ་ཡི། །ཚིགས་བཅད་རྒྱ་ཆེ་སརྒས་བཅིངས། །ཆ་ཤས་རང་བཞིིན་ཕྱིར་མ་བརྗོད། །ཅེས་པ་སྟེ། ཚིགས་བཅད་གཅིག་གིས་དོན་རྫོགས་པར་སྟོན་པ་གྲོལ་བ་དང་། བྱ་ཚིག་གཅིག་གི་སྒོ་ནས་ཚིགས་བཅད་ཕན་ཚུན་ལྟོས་ཏེ་དོན་གཅིག་རྫོགས་པར་སྟོན་པ་རིགས་དང་། གཅོད་མཚམས་དང་བྱ་ཚིག་སྣ་ཚོགས་པས་དོན་དུ་མ་སྟོན་པ་མཛོད་དང་། བཅད་མཚམས་དང་བྱ་ཚིག་སྣ་ཚོགས་པས་དོན་གཅིག་སྟོན་པ་འདུས་པ་ཞེས་བྱའོ། །དེ་འདྲའི་ཚིགས་བཅད་རྒྱ་ཆེ་བ་བཞི་པོ་རྣམས་ནི་སརྒ་སྟེ་ལེའུ་གཉིས་སོགས་ཀྱིས་བཅིངས་པ་ཚིགས་བཅད་དུ་བྱས་པའི་སྙན་ངག་ཆེན་པོའི་ཆ་ཤས་ཡིན་པས་ཆ་ཤས་ཅན་འདིར་དཔེར་བརྗོད་རང་བཞིན་གྱིས་གྲུབ་པའི་ཕྱིར་ལོགས་སུ་མ་བརྗོད་དོ། །གསུམ་པ་ལ། བཤད་པར་དམ་བཅའ་བ། མཚན་ཉིད་དངོས། དེའི་དམིགས་བསལ་ལོ། །དང་པོ་ནི། སརྒས་བཅིངས་པ་སྙན་ངག་ཆེ། །དེ་ཡི་མཚན་ཉིད་བརྗོད་པར་བྱ། །ཞེས་པ་སྟེ། གོང་དུ་བཤད་པ་བཞིན་སརྒ་གཉིས་སོགས་ཀྱིས་བཅིངས་པ་ནི་སྙན་ངག་ཆེན་པོའོ། །ངག་གི་དབང་ཕྱུག་གིས། ཁ་ཅིག་སརྒ་བཅུ་དྲུག་ལ་སོགས་པས་བྱས་པ་ཆེན་པོ་ཉིད་དུ་འདོད་ཅེས་དང་། སརྒ་ཉེ་བར་མཚོན་པ་ཡིན་པས་ན། ཨཱ་ཤྭཱ་ས་དང་། ཨཱཾ་ཀ་དང་། ཨཱཪྻ་དང་། གཱི་ཏི་ཡིས་བཅིངས་པ་ཡང་སྙན་ངག་ཆེན་པོའོ་ཞེས་འཆད་དེ། དོན་དུ་ན་ལེའུ་དུ་མར་བཅད་པ་སྙན་ངག་ཆེན་པོ་དེའི་མཚན་ཉིད་བརྗོད་པར་བྱ་ཞེས་པའོ། །གཉིས་པ་ལ། སྒོ་དང་། རྟེན་གཞི། རྩོམ་ཚུལ་དང་གསུམ་ལས། དང་པོ་ནི། ཤིས་བརྗོད་ཕྱག་བྱ་དངོས་པོ་ནི། །ངེས་པར་བསྟན་པའང་དེ་ཡི་སྒོ། །ཞེས་པ་སྟེ། འདོད་པའི་དོན་ལ་ཤིས་པ་བརྗོད་པ། ཡུལ་ཁྱད་པར་ཅན་ལ་ཕྱག་བྱ་བ། བསྟན་བཅོས་ཀྱི་ལམ་རྣམ་པར་བཞག་པ། དངོས་པོ་ངེས་པར་བསྟན་པ་སྟེ། དེ་གསུམ་ནི་

― MLP007_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་ཆེན་པོ་ལ་འཇུག་པའི་སྒོ་ཡིན་ནོ། །གཉིས་པ་ནི། སྔོན་བྱུང་གཏམ་ལས་གྱུར་པའམ། །ཅིག་ཤོས་ལེགས་པ་ལ་བརྟེན་པ། །སྡེ་བཞི་འབྲས་བུའི་དབང་གྱུར་དང་། །མཁས་ཤིང་ཡིད་འོང་འདྲེན་པ་དང་། །ཞེས་པ་སྟེ། སྐྱེས་རབས་ལྟ་བུ་སྔོན་བྱུང་བའི་གཏམ་ལས་གྱུར་པའམ། ཅིག་ཤོས་ཏེ་ད་ལྟའི་གཏམ་ལེགས་པ་དག་ཀྱང་བརྗོད་བྱར་བྱས་ནས། དེ་ལ་བརྟེན་པའི་ཚིག་སྦྱོར་འགོད་པ་ལ། ནོར་གྱི་སྡེ། འདོད་པའི་སྡེ། ཐར་པའི་སྡེ། ཆོས་ཀྱི་སྡེ་སྟེ་དེ་བཞི་ནི་སྐྱེས་བུའི་དོན་གྱི་ངོ་བོ་ཉིད་དང་། འགྲུབ་བྱ་ཡིན་པས་འབྲས་བུའི་དབང་དུ་གྱུར་པ་དང་། དེར་མ་ཟད། ཤེས་བྱ་ཀུན་ལ་མཁས་ཤིང་ཡིད་དུ་འོང་བའི་འདྲེན་པ་ཡོན་ཏན་ཅན་རྣམས་ཀྱི་བསྔགས་བརྗོད་དཔག་བསམ་འཁྲི་ཤིང་ལྟ་བུའོ། །གསུམ་པ་ནི། གྲོང་ཁྱེར་རྒྱ་མཚོ་རི་དང་དུས། །ཉི་ཟླ་འཆར་བའི་བསྔགས་པ་དང་། །སྐྱེད་ཚལ་ཆུ་ཡི་རོལ་རྩེད་དང་། །ཆང་འཐུང་དགའ་བའི་དགའ་སྟོན་དང་། །མ་ཚོགས་པ་དང་བག་མ་དང་། །གཞོན་ནུ་སྐྱེ་དག་འཕེལ་བ་དང་། །གྲོས་དང་ཕོ་ཉ་བགྲོད་པ་དང་། །གཡུལ་དང་འདྲེན་པ་དར་བས་ཀྱང་། །བརྒྱན་པར་གྱུར་ཅིང་མདོར་བསྡུས་མིན། །ཉམས་དང་འགྱུར་བ་དག་གིས་གཏམས། །སརྒ་ཤིན་ཏུ་རྒྱ་ཆེ་མིན། །མཉན་འོས་བྲྀརྟ་ལེགས་མཚམས་སྦྱར། །ཀུན་ཏུ་སརྒ་དག་གི་མཐའ། །ཐ་དད་ལྡན་པས་འཇིག་རྟེན་མཛེས། །སྙན་ངག་དམ་པའི་རྒྱན་ལྡན་ནི། །བསྐལ་པའི་བར་དུ་གནས་པར་འགྱུར། །ཞེས་པ་སྟེ། དེ་ལ་དང་པོ་ལྔ་ལ་བསྔགས་པ་ཞེས་པ་དང་། ཐམས་ཅད་ལ་བརྒྱན་པ་ཞེས་སྦྱར་ཏེ་གྲོང་ཁྱེར་ལ་བསྔགས་པ་ནས་འདྲེན་པ་དར་བའི་ཚུལ་གྱི་བར་འདི་རྣམས་ཀྱིས་ཀྱང་བརྒྱན་པར་གྱུར་ཅིང་། དེ་ཡང་ཧ་ཅང་མདོར་བསྡུས་པ་མ་ཡིན་པ་སྒེག་སོགས་ཉམས་དང་མངོན་པར་སྤྲོ་བ་སོགས་འགྱུར་བའི་ཡོན་ཏན་དག་གིས་གཏམས་པར་གྱུར་ལ། སརྒ་ཤིན་ཏུ་རྒྱ་ཆེ་བ་ཡང་མ་ཡིན་པ་མང་ཉུང་འཚམ་པས་མཉན་པར་འོས་པ་བྲྀརྟ་དང་། ཛཱ་ཏིས་ལེགས་པར་མཚམས་སྦྱར་ཞིང་། ཀུན་ཏུ་སརྒ་དག་གི་མཐའ་ཐམས་ཅད་དུ། དཀྱུས་ལས་གཞན་པའི་སྡེབ་སྦྱོར་ཐ་དད་པ་དང་ལྡན་པས་འཇིག་རྟེན་མཛེས་པར་བྱེད་པའོ། །དེ་ལྟ་བུའི་སྙན་ངག་དམ་པའི་རྒྱན་དང་ལྡན་པ་དེ་ནི། འཛིན་པ་པོ་མང་བས་བསྐལ་བའི་བར་དུ་གནས་

― MLP007_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར་རོ། །གསུམ་པ་ནི། གང་ཞིག་ཡན་ལག་འགས་དམན་ཡང་། །གལ་ཏེ་སྦྱར་རྣམས་ཕུན་ཚོགས་ཀྱིས། །དེ་རིགས་མགུ་བར་བྱེད་པས་ན། །འདི་ནི་སྙན་ངག་སྐྱོན་མ་ཡིན། །ཞེས་པ་སྟེ། གང་ཞིག་གོང་དུ་བསྟན་པའི་གྲོང་ཁྱེར་ལ་བསྔགས་པ་སོགས་ཡན་ལག་འགས་དམན་པར་གྱུར་ཀྱང་། གལ་ཏེ་སྦྱར་བ་སྟེ། ཉེ་བར་བཀོད་པའི་ཚིག་དོན་རྣམས་ཕུན་སུམ་ཚོགས་པའི་སྙན་ངག་གིས་ནི། དེ་རིག་པའི་མཁས་པ་རྣམས་མགུ་བར་བྱེད་པས་ན་སྙན་ངག་ཆེན་པོ་འདིར་སྐྱོན་དུ་འགྱུར་བ་མ་ཡིན་ནོ། །བཞི་པ་ནི། ཐོག་མར་འདྲེན་པ་ཡོན་ཏན་གྱི། །ཉེ་བར་བཀོད་ནས་དེ་ཡིས་ནི། །དགྲ་ལ་གནོད་པ་བྱེད་ཅེས་པའི། །ལམ་འདི་རང་བཞིན་མཛེས་པ་ཡིན། །རིགས་དང་བརྩོན་འགྲུས་ཐོས་སོགས་ཀྱིས། །དགྲ་བོ་ལ་ཡང་བསྔགས་བྱས་ནས། །དེ་ལས་རྒྱལ་ཕྱིར་འདྲེན་པ་ནི། །ཁྱད་འཕགས་བརྗོད་པའང་བདག་དགའ་སྐྱེས། །ཞེས་པ་སྟེ། ཐོག་མར་བསྔགས་རྒྱུའི་ཡུལ་རྒྱལ་པོ་ལྟ་བུ་འདྲེན་པ་དེའི་ཡོན་ཏན་གྱི་བསྔགས་པ་ཉེ་བར་བཀོད་ནས། དེ་ལྟ་བུའི་འདྲེན་པ་དེས་ནི། དགྲ་ལ་གནོད་པ་སྟེ་ཚར་གཅོད་པར་བྱེད་ཅེས་པ་སྙན་ངག་མཁན་བྷཱ་མ་ཧའི་འདོད་པ་སྟེ། ལམ་སྲོལ་འདི་ནི་རང་བཞིན་གྱིས་མཛེས་ཤིང་ཡིད་དུ་འོང་བ་ཡིན་ནོ། །དེར་མ་ཟད། རིགས་དང་། བརྩོན་འགྲུས་དང་། ཐོས་པ་སོགས་ཀྱིས་དགྲ་བོ་ལ་ཡང་བསྔགས་པར་བྱས་ནས། ཡོན་ཏན་དེ་ལྟ་བུ་དང་ལྡན་པའི་དགྲ་དེ་ལས་ཀྱང་རྒྱལ་བའི་ཕྱིར། འདྲེན་པ་ཁྱོད་ནི་ཁྱད་པར་དུ་འཕགས་པའོ་ཞེས་བརྗོད་པ་ལའང་དབྱུག་པ་ཅན་བདག་དགའ་བ་སྐྱེས་སོ། །གཉིས་པ་ལྷུག་པ་བཤད་པ་ལ་གཉིས་ཏེ། མཚན་ཉིད་དང་། དབྱེ་བའོ། །དང་པོ་ནི། རྐང་པ་མེད་པའི་ཚིག་རྒྱུན་ནི། །ལྷུག་པ། ཞེས་པ་སྟེ། རྐང་པ་མེད་པའི་ཚིག་གི་ཕྲེང་བ་རྒྱུན་ཆགས་སུ་སྤེལ་བ་དེ་ལ་ནི་ལྷུག་པ་ཞེས་བྱའོ། །གཉིས་པ་ལ་གཉིས། མིང་ཙམ་གྱི་དབྱེ་བ་བསྟན། དོན་གྱི་དབྱེ་བ་གཞན་དགག་པའོ། །དང་པོ་ནི། བརྗོད་པ་དག་དང་གཏམ། །ཞེས་པ་དེ་ཡི་རབ་དབྱེ་གཉིས། །ཞེས་པ་སྟེ། སྔོན་གྱི་གཏམ་རྒྱུད་ལས་གྲགས་པ་མ་ཡིན་པ་བརྗོད་པ་དག་དང་། སྔོན་གྱི་གཏམ་རྒྱུད་ལས་བརྩམས་པ་གཏམ་ཞེས་ལྷུག་པ་དེའི་རབ་ཏུ་དབྱེ་བ་

― MLP007_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སུ་འགྱུར་རོ། །གཉིས་པ་ནི། བྷཱ་མ་ཧའི་འདོད་པ་རེ་རེ་བཀོད་པ་ལ། དབྱུག་པ་ཅན་གྱི་རིགས་པ་རེ་རེས་སུན་ཕྱུང་བ་སྟེ། དེ་ལ་འདྲེན་པ་ཉིད་ཀྱིས་ནི། །བརྗོད་པར་བྱ་བ་བརྗོད་པ་ལོ། །གཞན་ནི་འདྲེན་པའམ་གཞན་གྱིས་ཀྱང་། །རང་གི་ཡོན་ཏན་བསྒྲགས་སྐྱོན་འདིར། །ཡང་དག་དོན་བསྔགས་ཕྱིར་ཡོད་མིན། །ཞེས་པ་སྟེ། དེ་ལ་འདྲེན་པ་ཉིད་ཀྱིས་བརྗོད་པ་བྱ་བ་རང་ལ་བསྔགས་པ་ལྟ་བུ་བརྗོད་པ་ཡིན་ལ། གཞན་གཏམ་ནི། འདྲེན་པའམ་དེ་ལས་གཞན་འཁོར་སོགས་ཀྱིས་ཀྱང་གླེང་བ་སྟེ་དེ་མིན་པས་སྨྲ་བ་པོ་ངེས་པ་ཡོད་ཅིང་། རང་གི་ཡོན་ཏན་བསྒྲགས་པའི་སྐྱོན་ཡང་སྐབས་འདིར་ཡང་དག་པའི་དོན་ཅན་སྒྲོ་སྐུར་མེད་པར་བསྔགས་པའི་ཕྱིར་ཡོད་པ་མ་ཡིན་ནོ། །ཞེས་པ་ལ། འོན་ཀྱང་ངེས་པ་མ་མཐོང་སྟེ། །དེར་ཡང་གཞན་གྱིས་བརྗོད་པའི་ཕྱིར། །གཞན་གྱིས་བརྗོད་དམ་རང་གིས་ཞེས། །དབྱེ་བའི་རྒྱུ་ནི་ཅི་ཞིག་ཡོད། །ཅེས་པ་སྟེ། འོན་ཀྱང་ཁྱོད་ཀྱིས་གཞན་པའི་དབྱེ་བ་དེ་གཉིས་ལ་ངེས་པ་མ་མཐོང་སྟེ། བརྗོད་པ་དེར་ཡང་འདྲེན་པ་ལས་གཞན་སྙན་ངག་མཁན་སོགས་ཀྱིས་བརྗོད་པ་ཡང་ཡོད་པའི་ཕྱིར། གཞན་གྱིས་བརྗོད་པའི་གཏམ་རང་གིས་བརྗོད་པའོ་ཞེས་དབྱེ་བའི་རྒྱུ་ནི་ཅི་ཞིག་ཡོད་དེ་མེད་དོ། །ཡང་། གལ་ཏེ་སྒོ་དང་གཞན་སྒོ་དང་། །ཡིད་བརྟན་ལྡན་ཉིད་བརྗོད་པ་ནི། །ཐ་དད་པ་ཡི་རྟགས་ཡིན་ན། །ཞེས་པ་སྟེ། གལ་ཏེ་སྒོ་དང་གཞན་སྒོ་ཞེས་ཚིགས་བཅད་འབྱུང་འགྱུར་གྱི། དོན་གསལ་བར་བྱེད་པ་དང་། ཡིད་བརྟན་དང་ལྡན་པ་ཉིད་དེ་བརྗོད་པ་དེ་གསུམ་ནི། གཏམ་ལས་ཐ་དད་པའི་རྟགས་ཡིན་ན་ཞེས་པའོ། །དེ་ལ། ཞར་གྱི་གཏམ་རྣམས་དག་ལ་ཡང་། །འཕགས་པ་སོགས་བཞིན་སྒོ་དང་ནི། །གཞན་གྱི་སྒོ་དག་ཅིས་མི་འཇུག །ལམྦྷ་སོགས་སམ་ཨཱ་ཤྭཱ་སའི། །དབྱེ་བ་མཐོང་ཡང་དེ་ལས་ཅི། །ཞེས་པ་སྟེ། ཚིགས་བཅད་ཀྱི་བརྗོད་པ་ལ་དེ་དག་འཇུག་པའི་ཞར་གྱི་གཏམ་རྣམས་དག་ལ་ཡང་འཕགས་པ་དང་། སོགས་ཁོངས་ནས་རྗེས་བསྔགས་སོགས་འཇུག་པ་བཞིན་སྒོ་དང་གཞན་གྱི་སྒོ་དེ་དག་ཅིས་མི་འཇུག་སྟེ་འཇུག་གོ །དེར་མ་ཟད། ལམྦྷ་སྟེ་གཞོན་ནུ་མ་རྙེད་པ་སོགས་སམ། ཨཱ་ཤྭཱ་ས་ཡིད་བརྟན་དང་ལྡན་པ་ནི་ཐ་དད་པའི་རྟགས་ཡིན་ནོ་ཞེ་ན། དེའི་དབྱེ་བ་

― MLP007_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་ཡང་ཐ་སྙད་ཐ་དད་པ་ཙམ་ལས་དོན་ལ་དེ་ལས་ཅི་ཞེས་ཐ་དད་མེད་པར་བསྟན་པའོ། །ཡང་། དེ་ཕྱིར་གཏམ་དང་བརྗོད་པ་ཞེས། །མིང་གཉིས་དག་གིས་རིགས་གཅིག་མཚོན། །ཞེས་པ་སྟེ། རྒྱུ་མཚན་དེའི་ཕྱིར་གཏམ་དང་བརྗོད་པ་ཞེས་མིང་གི་ཐ་སྙད་གཉིས་བྱུང་ཡང་། དེ་དག་གིས་ལྷུག་པའི་རིགས་གཅིག་ཉིད་མཚོན་ནོ་ཞེས་པའོ། །དེ་ལ། ལྷག་མ་བརྗོད་པའི་རིགས་རྣམས་ཀྱང་། །འདི་ཉིད་ནང་དུ་འདུས་པར་འགྱུར། །ཞེས་པ་སྟེ། དངོས་སུ་མ་བཤད་པའི་ལྷག་མ་བརྗོད་པའི་རིགས་གཞན་རྣམས་ཀྱང་། འདི་ཉིད་ཀྱི་ནང་དུ་འདུས་པར་འགྱུར་བས་ལོགས་སུ་མ་བཤད་ཅེས་པའི་ཐ་ཚིག་གོ །ཡང་། བརྗོད་པ་ལ་བུ་མོ་འཕྲོག་པ་སོགས་དང་ལྡན་ཞིང་། གཏམ་ནི་དེ་ལྟ་མ་ཡིན་ནོ་ཞེ་ན། དེ་ལ། བུ་མོ་འཕྲོག་དང་གཡུལ་དང་ནི། །བསླུ་དང་དར་བ་ལ་སོགས་པ། །སརྒས་བཅིངས་པ་མཚུངས་པ་ཉིད། །དེ་དག་ཁྱད་འབྱེད་ཡོན་ཏན་མིན། །ཞེས་པ་སྟེ། བུ་མོ་འཕྲོག་པ་དང་། གཡུལ་དང་། བསླུ་བ་དང་། འདྲེན་པ་དར་བ་ལ་སོགས་པ་སརྒས་བཅིངས་པའི་སྙན་ངག་ཀུན་ཏུ་མཚུངས་པ་ཉིད་དུ་བཞེད་པའི་ཕྱིར། དེ་དག་བརྗོད་པ་དང་གཏམ་གཉིས་ཀྱི་ཁྱད་པར་འབྱེད་པའི་ཡོན་ཏན་མིན་ནོ། །ཡང་། སྙན་ངག་མཁན་གྱི་བསམ་པས་བྱས་པའི་རྟགས་ཅུང་ཟད་ཡོད་པ་བརྗོད་པ་མ་ཡིན་ལ། དེ་ལས་གཏམ་གཞན་ཡིན་ནོ་ཞེ་ན། དེ་ལ། སྙན་ངག་མཁན་གྱིས་བསམ་བྱས་རྟགས། །གཞན་དུ་ཡང་ནི་སྐྱོན་མི་འགྱུར། །འདོད་དོན་སྒྲུབ་ལ་སྒོ་རུ་ནི། །མཁས་པ་རྣམས་ལ་ཅི་མི་འགྱུར། །ཞེས་པ་སྟེ། སྙན་ངག་མཁན་གྱི་བསམ་པས་བྱས་པའི་རྟགས་དེ་འདྲ་བ་ནི་བརྗོད་པ་ལས་གཞན་གཏམ་དང་། སརྒས་བཅིངས་པ་སོགས་ལ་ཡང་སྐྱོན་དུ་མི་འགྱུར་ཏེ། འདོད་དོན་སྒྲུབ་པའི་ཐབས་ཀྱི་སྒོར་མཁས་པ་རྣམས་ཅི་ཡང་མི་འགྱུར་བ་མེད་པས་སོ། །གསུམ་པ་སྤེལ་མ་བཤད་པ་ལ་གཉིས་ཏེ། གཙོ་བོ་དང་ཕལ་པའོ། །དང་པོ་ནི། སྤེལ་མ་ཟློས་གར་ལ་སོགས་ཏེ། །དེ་དག་རྣམས་ནི་གཞན་ན་རྒྱལ། །ཞེས་པ་སྟེ། བཅད་ལྷུག་སྤེལ་མ་སྐད་རིགས་བཞི་ཀ་ཚང་བའི་བདག་ཉིད་ཅན་ཟློས་གར་གྱི་བསྟན་བཅོས་ལ་སོགས་ཏེ། དེ་དག་གི་མཚན་ཉིད་དང་དབྱེ་བ་རྣམས་ནི་བྷཱ་ར་ཏ་སོགས་གཞན་ན་རྒྱས་པར་བཤད་དོ་ཞེས་

― MLP007_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །གཉིས་པ་ནི། ལྷུག་པ་ཚིགས་བཅད་རང་བཞིན་གང་། །ཙམྦཱུ་ཞེས་པར་མངོན་པར་བརྗོད། །ཅེས་པ་སྟེ། སྐད་རིགས་བཞི་ཀ་མ་ཚང་ཡང་ལྷུག་པ་དང་ཚིགས་བཅད་བསྲེས་པའི་རང་བཞིན་ཅན་གང་ཡིན་པ་སྟེ། ཙམྦཱུ་ཞེས་པར་མངོན་པར་བརྗོད་དོ། །གཉིས་པ་སྐད་རིགས་ཀྱི་དབྱེ་བས་བཞིར་བཤད་པ་ལ་གསུམ་སྟེ་དབྱེ་བ་དང་། སོ་སོར་བཤད་པ་དང་། དེ་དག་གིས་བརྩམས་པའི་བསྟན་བཅོས་ཀྱི་རྣམ་པའོ། །དང་པོ་ནི། ངག་གི་རང་བཞིན་དེ་དག་ཀྱང་། །ལེགས་སྦྱར་དེ་བཞིན་རང་བཞིན་དང་། །ཟུར་ཆག་འདྲེས་མ་ཞེས་པ་སྟེ། །རྣམ་པ་བཞི་རུ་མཁས་པས་གསུངས། །ཞེས་པ་སྟེ། ངག་གི་རང་བཞིན་ལུས་གསུམ་པོ་དེ་དག་ཀྱང་། ལེགས་སྦྱར་ཏེ་སཾ་ཀྲྀ་ཏ་དང་། དེ་བཞིན་དུ་རང་བཞིན་ཏེ་པྲ་ཀྲྀ་ཏ་དང་། ཟུར་ཆག་སྟེ་ཨ་ཝ་བྷྲཾ་ཤ་དང་། དེ་གསུམ་བསྲེས་པའི་འདྲེས་མ་ཞེས་པ་སྟེ། རྣམ་པ་བཞི་རུ་རཱ་མ་ཤརྨ་སོགས་མཁས་པས་གསུངས་སོ། །གཉིས་པ་ལ་གསུམ། ལེགས་སྦྱར། རང་བཞིན། ཟུར་ཆག་བཤད་པའོ། །དང་པོ་ནི། ལེགས་སྦྱར་ཞེས་པ་ལྷ་ཡི་ནི། །སྐད་དུ་དྲང་སྲོང་ཆེན་པོས་གསུངས། །ཞེས་པ་སྟེ། ལེགས་པར་སྦྱར་བ་སཾ་ཀྲྀ་ཏ་ཞེས་པ་ནི་ལྷའི་སྐད་དུ་དྲང་སྲོང་ཆེན་པོ་སརྦ་ཛྙཱ་སོགས་ཀྱིས་གསུངས་སོ། །གཉིས་པ་ནི། དེ་སྐྱེས་དེ་མཚུངས་ཡུལ་ཅན་ཞེས། །རང་བཞིན་རིམ་པ་དུ་མ་ཡོད། །ཡུལ་འཁོར་ཆེན་པོ་ལ་བརྟེན་སྐད། །ལེགས་བཤད་རིན་ཆེན་དག་གི་མཚོ། །སེ་རུས་བཅིངས་པ་རང་བཞིན་གང་། །རང་བཞིན་མཆོག་ཏུ་གྱུར་པར་རིག །སཽ་ར་སེ་ན་གཽ་ཌ་དང་། །ལཱ་ཌཱི་གཞན་ཡང་དེ་འདྲའི་སྐད། །རང་བཞིན་ཉིད་ཅེས་བྱ་བ་ཡིས། །ཐ་སྙད་རྣམས་ལ་ཉེ་བར་འགྱུར། །ཞེས་པ་སྟེ། ལེགས་སྦྱར་དེ་ལས་སྐྱེས་ཤིང་དེ་དང་མཚུངས་པའི་ཡུལ་ཅན་ཞེས་གྲགས་པའི་རང་བཞིན་གྱི་རིམ་པའི་སྐད་དུ་མ་ཞིག་ཡོད་ཅིང་། གང་དུ་བཟོ་གནས་བཅོ་བརྒྱད་ཚང་བར་ཡོད་པ་ཡུལ་འཁོར་ཆེན་པོ་ལ་བརྟེན་པའི་སྐད་ནི། ཚིག་དོན་ཕུལ་དུ་བྱུང་བས་ལེགས་བཤད་རིན་ཆེན་དག་གི་འབྱུང་གནས་སུ་གྱུར་པའི་རྒྱ་མཚོ་ཡིན་ལ། སེ་རུ་སྟེ་ལེའུས་བཅིངས་པར་རབ་མཆོག་སྡེབ་སྦྱར་བ་སོགས་ལས་མཐོང་བའི་རང་བཞིན་གང་ཡིན་པ་དེ་ནི་རང་བཞིན་གྱི་སྐད་མཆོག་ཏུ་གྱུར་པར་རིག་

― MLP007_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

གོ །དེར་མ་ཟད། སཽ་ར་སེ་ན་དབང་པོའི་སྡེ་དང་། གཽ་ཌཱ་ཤར་ཕྱོགས་དང་། ལཱ་ཌཱི་རོལ་པ་དང་། གཞན་ཡང་ཡུལ་དེ་འདྲ་བའི་སྐད་ནི་རང་བཞིན་གྱི་སྐད་ཉིད་ཅེས་བྱ་བའི་མིང་གི་ཐ་སྙད་རྣམས་ལ་ཉེ་བར་བསྟན་ཅིང་སྦྱོར་བར་འགྱུར་རོ། །གསུམ་པ་ནི། བ་ལང་རྫི་ལ་སོགས་པའི་ཚིག །སྙན་ངག་ལ་ཟུར་ཆག་ཅེས་གནས། །བསྟན་བཅོས་རྣམས་ལ་ལེགས་སྦྱར་ལས། །གཞན་པ་ཟུར་ཆག་ཉིད་དུ་བརྗོད། །ཅེས་པ་སྟེ། བ་ལང་རྫི་ལ་སོགས་པའི་གྲོང་ཚིག་རྣམས་ནི། སྙན་ངག་ལ་ཟུར་ཆག་ཏུ་གནས་ཤིང་རྣམ་པར་བཞག་ལ། བསྟན་བཅོས་བརྡ་སྤྲོད་ལ་སོགས་རྣམས་ལ་ལེགས་སྦྱར་ལས་གཞན་པའི་སྐད་ཐམས་ཅད་ཟུར་ཆག་ཉིད་དུ་བརྗོད་དོ། །གསུམ་པ་ནི། ལེགས་སྦྱར་སརྒས་བཅིངས་ལ་སོགས། །རང་བཞིན་སྐནྡྷ་ཀ་སོགས་དང་། །ཟུར་ཆག་ཨོ་ས་ར་སོགས་ཏེ། །ཟློས་གར་ལ་སོགས་འདྲེས་པའོ། །གཏམ་སོགས་སྐད་ནི་ཐམས་ཅད་དང་། །ལེགས་སྦྱར་གྱིས་ཀྱང་བཅིངས་པ་སྟེ། །རྨད་བྱུང་དོན་ཅན་རྒྱ་ཆེའི་གཏམ། །འབྱུང་པོའི་སྐད་ཀྱི་རང་བཞིན་བརྗོད། །ཅེས་པ་སྟེ། ལེགས་སྦྱར་གྱི་སྐད་སརྒས་བཅིངས་པ་དཔག་བསམ་འཁྲི་ཤིང་ལ་སོགས་པ་དང་། རང་བཞིན་གྱི་སྐད་ལས་བྱས་པ་སྐནྡྷ་ཀ་སོགས་དང་། ཟུར་ཆག་ལས་བྱས་པ་ཨོ་ས་ར་སོགས་དང་། ཟློས་གར་ཏེ་སོགས་ཁོངས་ནས་བྷ་ན་ཀ་སོགས་སྐད་རིགས་འདྲེས་པ་ལས་བྱས་པའོ། །ཞར་བྱུང་སྔོན་འབྱུང་གི་གཏམ་ལ་སོགས་པ་སྐད་རིགས་བཞི་པོ་ཐམས་ཅད་དམ་ཡ་གྱལ་ཇི་ལྟར་རིགས་པས་བཅིངས་པ་དང་། གཙོ་བོར་ལེགས་སྦྱར་འབའ་ཞིག་གིས་ཀྱང་བཅིངས་པའོ། །འོ་ན་ཤ་ཟའི་སྐད་ཀྱིས་བཅིངས་པ་མ་མཐོང་ངོ་ཞེ་ན། དེ་ཡང་ཡོད་དེ། རྨད་དུ་བྱུང་བའི་བརྗོད་བྱའི་དོན་རྒྱ་ཆེར་སྟོན་པའི་ཡོན་ཏན་ཅན་གཏམ་རྒྱུད་ཆེན་པོ་ཞེས་བྱ་བ་དང་། རིན་ཆེན་རབ་སྣང་སོགས་འབྱུང་པོའི་སྐད་ཀྱི་རང་བཞིན་དུ་བརྗོད་པ་ཡང་མཐོང་ངོ་། །གསུམ་པ་སྦྱོར་ཚུལ་གྱི་དབྱེ་བས་གཉིས་སུ་བསྟན་པ་ནི། སྒེག་དང་རོལ་དང་སྟབས་ལ་སོགས། །ལྟ་བའི་དོན་ཡིན་ཅིག་ཤོས་ཀྱང་། །མཉན་པར་བྱ་བ་ཉིད་ཅེས་པ། །འདི་ཡང་ལུགས་གཉིས་དག་ཏུ་བརྗོད། །ཅེས་པ་སྟེ། སྒེག་པ་དང་། རོལ་པ་དང་། ལག་པའི་སྟབས་

― MLP007_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོགས་པ་སྟོན་པའི་སྙན་ངག་ནི། ལྟ་བའི་དོན་གཙོ་བོར་གྱུར་པ་ཡིན་ལ། དེའི་ཅིག་ཤོས་རྣམས་མཉན་པར་བྱ་བའི་ཉམས་གཙོ་བོར་སྟོན་པ་ཡིན་ཅེས་པ། འདི་ཡང་སྦྱོར་ཚུལ་གྱི་ལུགས་གཉིས་དག་ཏུ་བརྗོད་དོ། །གཉིས་པ་རྒྱན་བཤད་པ་ལ་གཉིས་ཏེ། ཐུན་མོང་མ་ཡིན་པའི་རྒྱན་དང་། ཐུན་མོང་གི་རྒྱན་ནོ། །དང་པོ་ལ་གསུམ། ལམ་དུ་མར་བསྟན། ལྷོ་པ་དང་ཤར་པའི་ལམ་དབྱེ། བར་སྐབས་སུ་སྙན་ངག་གི་རྒྱུ་བཤད་པའོ། །དང་པོ་ནི། ཕན་ཚུན་དབྱེ་བ་ཕྲ་མོ་ཅན། །ཚིག་གི་ལམ་ནི་དུ་མ་ཡོད། །ཅེས་པ་སྟེ། སྙན་ངག་འདིར་ལྷོ་ཤར་གཉི་ཀ་ལ་ཕན་ཚུན་ནང་གསེས་ཀྱི་རྒྱན་རིགས་མི་འདྲ་བའི་དབྱེ་བ་ཕྲ་མོ་ཅན་སྙན་ཚིག་གི་ལམ་ནི་དུ་མ་ཞིག་ཡོད་དོ། །གཉིས་པ་ལ། མདོར་བསྟན། རྒྱས་བཤད། དོན་བསྡུ་བའོ། །དང་པོ་ནི། དེ་ལ་བཻ་དརྦྷ་དང་ནི། །གཽ་ཌའི་ཁྱད་པར་གསལ་བར་བརྗོད། །སྦྱར་བ་རབ་དྭངས་མཉམ་ཉིད་དང་། །སྙན་དང་ཤིན་ཏུ་གཞོན་པ་དང་། །དོན་གསལ་བ་དང་རྒྱ་ཆེ་དང་། །བརྗིད་དང་མཛེས་དང་ཏིང་ངེ་འཛིན། །ཡོན་ཏན་འདི་བཅུ་བཻ་དརྦྷའི། །ལམ་གྱི་སྲོག་ཏུ་བཤད་པ་ཡིན། །འདི་དག་ཕལ་ཆེར་ལྡོག་པས་ནི། །གཽ་ཌའི་ལམ་དག་མཚོན་པ་ཡིན། །ཞེས་པ་སྟེ། རྒྱན་གྱི་མིང་ཙམ་སྨོས་པའི་སྒོ་ནས་ལྷོ་ཤར་གྱི་ལམ་ཐུན་མོང་མ་ཡིན་པའི་དབྱེ་བ་མདོར་བསྟན་པའོ། །གཉིས་པ་རྒྱས་བཤད་ལ་བཅུ་ལས། དང་པོ་སྦྱར་བའི་ཡོན་ཏན་ལ་གསུམ། མཚན་ཉིད། ཟློག་ཟླ། དཔེར་བརྗོད་དོ། །དང་པོ་ནི། སྦྱར་བ་སྲོག་ཆུང་ཡི་གེ་མཆོག །ལྷོད་པ་ཉིད་ཀྱིས་མ་རེག་པའོ། །ཞེས་པ་སྟེ། སྦྱར་བའི་མཚན་ཉིད་གང་ཞེ་ན། སྙན་ངག་གང་ཞིག་ཅེས་པ་འོག་མ་ཀུན་ལའང་འགྲེ་ཤེས་པར་བྱས་ནས། སྲོག་ཆུང་བའི་ཡེ་གེ་མཆོག་སྟེ་ཤས་ཆེ་བར་གྱུར་པ། ལྷོད་པ་ཉིད་ཀྱིས་མ་རེག་པའང་སྲོག་ཆེན་གྱི་ཡི་གེ་ཤས་ཆེ་བར་བཀོད་པའོ། །དེ་ལ་སྲོག་ཆུང་བ་ནི། སྡེ་པའི་དང་པོ། གསུམ་པ། ལྔ་པ་རྣམས་དང་། ཡ་ར་ལ་ཝ་རྣམས་ཡིན་ལ། དེ་ལས་གཞན་སྡེ་པའི་གཉིས་པ་དང་བཞི་པ་རྣམས་དང་ཤ་ཥ་ས་ཧ་ཀྵ་རྣམས་ནི་སྲོག་ཆེ་བའི་ཡི་གེ་ཡིན་ནོ། །གཉིས་པ་ནི། ལྷོད་པ་མཱ་ལ་ཏཱི་མཱ་ལཱ། །ལོ་ལཱ་ལི་ཀ་ལི་ལཱ་བཞིན། །

― MLP007_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

གཽ་ཌ་པ་ཡི་རྗེས་ཁྲིད་བློས། །དེ་འདོད། ཅེས་པ་སྟེ། མཱ་ལ་ཏཱི་ཛ་ཏིའི་མེ་ཏོག །མཱ་ལཱ་འཕྲེང་བ། ལོ་ལ་སྲེད་པ། ཨ་ལི་ཀ་བུང་བ། ལི་ལཱ་འཁོར་བ་སྟེ། ལྷོད་པ་ཛ་ཏིའི་མེ་ཏོག་འཕྲེང་། །སྲེད་པས་བུང་བ་འཁོར་བ་བཞིན། །ཞེས་འབྱུང་སྟེ། གཽ་ཌ་པ་ཡིས་ལ་ཡིག་བསྐོར་བའི་རྗེས་ཁྲིད་ཀྱི་བློས་ཚུལ་དེ་ལྟར་ལྷོད་པ་ཆེ་བ་སྦྱར་བ་འདོད་དོ། །གསུམ་པ་ནི། མཱ་ལ་ཏཱ་དཱ་མ། །ལཾ་གྷི་ཏཾ་བྷྲ་མ་རཻཿཞེས། །བཻ་དརྦྷ་ཡིས་སྦྱོར་ལྕི་བྱེད། །ཅེས་པ་སྟེ། མཱ་ལ་ཏཱི་ཛ་ཏིའི་མེ་ཏོགདཱ་མ་འཕྲེང་བ། ལཾ་གྷི་ཏཾ་འཁོར་བའི་ལྡིང་བ། བྷྲ་མ་རཻཿབུང་བ་རྣམས་ཀྱིས་ཏེ། ཛ་ཏིའི་མེ་ཏོག་འཕྲེང་། བུང་བ་རྣམས་ཀྱིས་འཁོར་ཞིང་ལྡིང་། ཞེས་འབྱུང་བ་བཞིན་བཻ་དརྦྷ་ཡིས་སྦྱོར་བ་ལྕི་བ་འགོད་པར་བྱེད་དོ། །སྐབས་འདིར། སྲོག་ཆུང་ཁོ་ན་བསྒྲིགས་པ་གཽ་ཌ་པ་དང་། སྲོག་ཆེན་ཡང་ཡོད་ལ་སྲོག་ཆུང་ཤས་ཆེ་བ་བཻ་དརྦྷའི་ལུགས་སུ་འཐད་ཅེས་བོད་མཁས་པ་བཞེད་དོ། །གཉིས་པ་རབ་དྭངས་ཀྱི་ཡོན་ཏན་ལ། དངོས་ལྷོ་པའི་ལུགས་དང་། ལྡོག་པ་ཤར་པའི་ལུགས་སོ། །དང་པོ་ལ་མཚན་ཉིད་ནི། རབ་དྭངས་ལྡན་པ་གྲགས་དོན་ཅན། །ཞེས་པ་སྟེ། རབ་དྭངས་ཀྱི་ཡོན་ཏན་དང་ལྡན་པའི་མཚན་ཉིད་གང་ཞེ་ན། རྟོགས་སླ་བ་འཇིག་རྟེན་ན་གྲགས་པའི་དོན་ཅན་ནོ། །དཔེར་བརྗོད་ནི། ཟླ་བའི་མཚན་མ་ཨུཏྤལ་གྱི། །འོད་ཀྱིས་མཛེས་པ་རྒྱས་ཞེས་པ། །རྟོགས་པའི་སྐལ་བཟང་ལྡན་པའི་ཚིག །ཅེས་པ་སྟེ། ཟླ་བའི་ངོས་ལ་སྣང་བའི་མཚན་མ་ཨུཏྤལ་གྱི་འོད་ཀྱིས་ཟླ་བའི་མཛེས་པ་རྒྱས་ཞེས་པ་དོན་བདེ་བླག་ཏུ་རྟོགས་པའི་སྐལ་བ་བཟང་པོ་དང་ལྡན་པའི་ཚིག་དེ་ལྟ་བུའོ། །གཉིས་པ་ལ། མཚན་ཉིད་ནི། ངེས་ཚིག་ཡོད་ཕྱིར་གཽ་ཌ་པ། །ཤིན་ཏུ་གྲགས་པ་མིན་ཡང་འདོད། །ཅེས་པ་སྟེ། ངེས་ཚིག་ཡོད་པ་ཙམ་གྱི་ཕྱིར། གཽ་ཌ་པ་རྣམས་ནི་གོ་དཀའ་བས་ཤིན་ཏུ་གྲགས་པ་མིན་ཡང་རབ་དྭངས་ཀྱི་ཡོན་ཏན་དུ་འདོད་དོ། །དཔེར་བརྗོད་ནི། ཤིན་ཏུ་དཀར་མིན་ཆུ་ལས་སྐྱེས། །དེ་འདྲས་མཚན་པ་འོད་དཀར་ཅན། །ཞེས་པ་སྟེ། ཁ་དོག་ཤིན་ཏུ་དཀར་བ་མ་ཡིན་ལ། ཆུ་ལས་སྐྱེས་པ་ནི་ཨུཏྤལ་སྔོན་པོ་སྟེ། དེ་འདྲ་བས་མཚན་པ་འོད་དཀར་ཅན་ཏེ་ཟླ་བ་ཡིན་ཞེས་པའོ། །

― MLP007_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་མཉམ་ཉིད་ཀྱི་ཡོན་ཏན་ལ། དངོས་ལྷོ་པའི་ལུགས་དང་། ལྡོོག་པ་ཤར་པའི་ལུགས་སོ། །དང་པོ་ལ། མཚན་ཉིད་ནི། མཉམ་པ་སྦྱོར་བ་མི་མཉམ་བྲལ། །དེ་ནི་འཇམ་རྩུབ་བར་མ་སྟེ། །སྦྱོར་བ་འཇམ་རྩུབ་བར་མ་ཡི། །ཡི་གེ་བཀོད་པའི་སྐྱེ་གནས་ཅན། །ཞེས་པ་སྟེ། མཉམ་པའི་དོན། ཡི་གེའི་སྦྱོར་བ་མི་མཉམ་པ་དང་བྲལ་བས་འཇམ་རྩུབ་གཉིས་པོ་དེ་ནི་བར་མར་བརྗོད་པ་སྟེ། སྦྱོར་བ་འཇམ་རྩུབ་བར་མའི་ཡི་གེ་ཆ་མཉམ་པར་བཀོད་པའི་སྐྱེ་གནས་ཅན་ནོ། །དཔེར་བརྗོད་ནི། ཁུ་བྱུག་ཅ་ཅོ་སྒྲོག་བྱེད་ཅིང་། །ཉར་མ་རབ་འཐོར་དྭངས་ཤིང་དྭངས། །ཆུ་རྒྱུན་ཆུ་ཐིགས་ཀྱིས་བྲན་པའི། །མ་ལ་ཡ་རླུང་བདག་ལ་འོངས། །ཞེས་པ་སྟེ། དཔྱིད་དུས་ཁུ་བྱུག་རྣམས་དགའ་བའི་ཅ་ཅོ་སྒྲོག་པར་བྱེད་ཅིང་། ཉར་མ་སྟེ་ཆུའི་ཟེགས་མ་རབ་ཏུ་འཐོར་ལ། དྭངས་ཤིང་ཤིན་ཏུ་དྭངས་པའི་ཆུ་རྒྱུན་ཆུ་ཐིགས་བསིལ་བས་བྲན་པ་ལྟ་བུའི་མ་ལ་ཡ་རླུང་དག་ནི་བདག་ལ་འདིར་ཆགས་པ་བསྐྱེད་པའི་ཆེད་འོངས་སོ་ཞེས་པའི་སྐྱེས་པའི་རྒྱ་དཔེར། རྐང་པ་དང་པོ་གཉིས་འཇམ་ཞིང་ཕྱི་མ་གཉིས་རྩུབ་པར་ཡོད་པས་འཇམ་རྩུབ་མཉམ་པའོ། །གཉིས་པ་ལ་དཔེར་བརྗོད་ནི། ཙནྡན་དྲིས་འགོས་དྲི་ལྡང་ཞིང་། །འཇམ་པ་མ་ལ་ཡ་ཡི་རླུང་། །བདག་གི་བརྟན་འགོག་དགའ་མ་ནི། །མཆོག་གི་ཁ་ཡི་རླུང་དང་འགྲན། །ཞེས་པ་སྟེ། ཙནྡན་གྱི་དྲིས་འགོས་པའི་དྲི་ངད་བཟང་པོ་ལྡང་ཞིང་། བསིལ་ཞིང་འཇམ་པ་མ་ལ་ཡའི་རླུང་དེས་ནི། བདག་གི་སེམས་ཀྱི་བརྟན་པ་འགོག་པ་དང་། དགའ་མ་མཆོག་འགའ་ཞིག་ནི་ཁའི་རླུང་དང་ཡང་འགྲན་ཞིང་ཅོ་འདྲིའོ་ཞེས་པའི་རྒྱ་དཔེར་རྐང་པ་གསུམ་པ་རྩུབ་ཅིང་གཞན་རྣམས་འཇམ་པས་འཇམ་རྩུབ་མི་མཉམ་པའོ། །དོན་བསྡུ་བ་ནི། ཞེས་པ་མི་མཉམ་མ་བརྟགས་པར། །དོན་དང་རྒྱན་གྱི་ཚོགས་དག་ལ། །ལྟོས་ནས་ཤར་ཕྱོགས་པ་དག་ལ། །སྙན་ངག་ལམ་འདི་འབྱུང་བར་འགྱུར། །ཞེས་པ་སྟེ། གོང་དུ་བཀོད་པའི་ཙནྡན་ཞེས་པ་ལ་སོགས་པ་བཞིན་མི་མཉམ་པ་སྐྱོན་དུ་མ་བརྟགས་པར། དོན་དང་རྒྱན་གྱི་ཚོགས་དག་ཕུན་སུམ་ཚོགས་པ་ལ་བསམས་ཤིང་ལྟོས་ནས། ཤར་ཕྱོགས་པ་དག་ལ་སྙན་ངག་གི་ལམ་འདི་ལྟ་བུ་འབྱུང་བར་འགྱུར་བ་ཡིན་ནོ། །

― MLP007_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པ་སྙན་པའི་ཡོན་ཏན་ལ་གསུམ། མདོར་བསྟན། རྒྱས་བཤད། མཇུག་བསྡུ་བའོ། །དང་པོ་ནི། སྙན་པ་ཉམས་ལྡན་ཚིག་དང་ནི། །དངོས་པོ་ལ་ཡང་ཉམས་གནས་པ། །སྦྲང་རྩི་སྤྱོད་པ་སྦྲང་རྩིས་བཞིན། །གང་གིས་བློ་ལྡན་དགའ་བྱེད་པའོ། །ཞེས་པ་སྟེ། སྙན་པའི་མཚན་ཉིད། ཉམས་དང་ལྡན་པ་སྟེ། དེ་ཡང་ཚིག་ཉམས་དང་ལྡན་པར་མ་ཟད། དོན་གྱི་དངོས་པོ་ལ་ཡང་ཉམས་ཁྱད་པར་ཅན་གནས་པའོ། །དཔེ་ཇི་ལྟར་ན། སྦྲང་རྩི་སྤྱོད་པ་སྟེ་བུང་བ་རྣམས་སྦྲང་རྩིས་དགའ་བ་བཞིན་དུ། ཉམས་ཕུན་སུམ་ཚོགས་པའི་སྙན་ངག་གང་གིས་ཀྱང་བློ་ལྡན་རྣམས་དགའ་བར་བྱེད་པའོ། །གཉིས་པ་ལ་གསུམ། སྒྲའི་ཉམས། དོན་གྱི་ཉམས། གཉིས་ཀ་ལ་གྲོང་ཚིག་སྤོང་བའོ། །དང་པོ་ལ། མཚན་ཉིད་དང་། དབྱེ་བའོ། །དང་པོ་ནི། སྒྲ་ནི་གང་དང་ཅི་ཡིས་ཀྱང་། །གང་ཞིག་མཚུངས་པར་ཉམས་མྱོང་བ། །དེ་ཡི་གཟུགས་སོགས་ཚིག་ཉེ་བ། །རྗེས་སུ་ཁྲིད་བཅས་ཉམས་དང་ལྡན། །ཞེས་པ་སྟེ། དེ་ལ་སྒྲའི་ཉམས་ཡི་གེ་དང་། གནས་དང་། ཕྱི་མོ་སོགས་གང་དང་ཅི་ཡིས་སྦྱར་ཡང་། གང་ཞིག་སྔ་ཕྱི་མཚུངས་པར་ཉམས་སུ་མྱོང་བ་དེ་ཡི་གཟུགས་སོགས་ཚིག་ཉེ་བར་གནས་པ་རྗེས་སུ་ཁྲིད་པ་དང་བཅས་པ་སྒྲའི་ཉམས་དང་ལྡན་པ་ཅན་ནོ། །གཉིས་པ་ལ་གཉིས། ལྷོ་པ་ཁོ་ན་འདོད་པ་མཚུངས་པར་ཐོས་པའི་སྒྲའི་ཉམས་དང་། གཉིས་ཀ་ཅི་རིགས་པར་འདོད་པ་རྗེས་ཁྲིད་ཀྱི་ཉམས་སོ། །དང་པོ་ལ། དཔེར་བརྗོད་དང་། མཇུག་བསྡུ་བའོ། །དང་པོ་ནི། གང་ཚེ་བྲམ་ཟེ་དགའ་བ་ཡི། །རྒྱལ་པོ་འདི་ཡིས་དཔའ་ཐོབ་འགྱུར། །དེ་ནས་བཟུང་སྟེ་ཆོས་ཀྱི་ནི། །དགའ་སྟོན་འཇིག་རྟེན་འདི་རུ་འབྱུང་། །ཞེས་པ་སྟེ། གང་གི་ཚེ་བྲམ་ཟེ་དགའ་བར་བྱེད་པའི་རྒྱལ་པོ་འདིས་ནི་རྒྱལ་སྲིད་ཀྱི་དཔལ་ཕུན་སུམ་ཚོགས་པ་ཐོབ་པར་འགྱུར་ལ། དེ་ནས་བཟུང་སྟེ་ཐོས་པ་དང་དྲན་པ་ལ་སོགས་པའི་ཆོས་ཀྱི་དགའ་སྟོན་འཇིག་རྟེན་འདིར་འབྱུང་བར་འགྱུར་རོ། །ཞེས་པའི་རྒྱ་དཔེར། ཨེ་ཥ་དང་། ལཀྵྨཱིམ་ཞེས་ཥ་ཡིག་མཚུངས་པར་ཉམས་སུ་མྱོང་བ་སོགས་ཡོད་དོ། །གཉིས་པ་ནི། ཞེས་འདི་གཽ་ཌ་པ་མི་འདོད། །དེ་དག་རྗེས་སུ་ཁྲིད་ལ་དགའ། །ཕལ་ཆེར་རྗེས་སུ་ཁྲིད་པས་ཀྱང་། །བཻ་དརྦྷ་ནི་འདི་ཉིད་འདོད། །ཅེས་པ་

― MLP007_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། གོང་དུ་དཔེར་བརྗོད་པའི་ཚིག་མཚུངས་ཉེ་བ་འདི་ལྟ་བུ་ནི་གཽ་ཌ་པ་རྣམས་མི་འདོད་པས་དེ་དག་ནི་རྗེས་སུ་ཁྲིད་པ་ལ་དགའ་ལ། བཻ་དརྦྷ་རྣམས་ནི་ཕལ་ཆེར་རྗེས་སུ་ཁྲིད་པ་ལས་ཀྱང་ཚིག་མཚུངས་ཉེ་བ་འདི་ཉིད་འདོད་དོ། །གཉིས་པ་ལ་གསུམ། མཚན་ཉིད་ཀྱིས་མདོར་བསྟན། སྦྱོར་བ་རྒྱས་པར་བཤད། ཞར་བྱུང་ཟུང་ལྡན་སྨོས་པའོ། །དང་པོ་ནི། རྐང་པ་རྣམས་དང་ཚིགས་རྣམས་ལ། །ཡི་གེ་བསྐོར་བ་རྗེས་སུ་ཁྲིད། །གལ་ཏེ་སྔ་མའི་ཉམས་མྱོང་ནི། །འདུ་བྱེད་རྟོག་བྱེད་མི་རིང་ཉིད། །ཅེས་པ་སྟེ། ཚིགས་བཅད་ལ་ལྟོས་ནས་རྐང་པ་རྣམས་དང་བཅད་ལྷུག་གཉིས་ཀ་ལ་ལྟོས་ནས་ཚིག་རྣམས་ལ། ཡི་གེ་རེ་རེ་བ་བསྐོར་ཞིང་བརྗོད་པ་ནི་རྗེས་སུ་ཁྲིད་པ་སྟེ། གལ་ཏེ་རྐང་པ་སྔ་མར་བཀོད་པའི་སྒྲ་ཉམས་སུ་མྱོང་བའི་འདུ་བྱེད་ཀྱི་ཀུན་སློང་ལས། དྲན་པའི་རྟོག་པ་སྐྱེད་བྱེད་ཡི་གེ་འདྲ་བ་ཕྱི་མ་དེ་མི་རིང་བ་ཉེ་བ་ཉིད་དོ། །གཉི་པ་ལ་བཞི། རྐང་པ་ལ་བསྐོར་བ། ཚིག་ལ་བསྐོར་བ། རིང་བར་ཐོས་པ། ཤར་པ་ཁོ་ན་འདོད་པའི་རྗེས་ཁྲིད་དོ། །དང་པོ་ནི། སྟོན་མཚན་དབུ་རྒྱན་ཟླ་བ་ནི། །ཀུནྡའི་ཕོན་པོར་འཁྲུལ་བ་ལ། །མཚན་མ་ཨིནྡྲ་ནཱི་ལ་མཚུངས། །བུང་བའི་དཔལ་ནི་ཡང་དག་འཛིན། །ཞེས་པ་སྟེ། སྟོན་དུས་ཀྱི་མཚན་མོའི་དབུ་རྒྱན་ཟླ་བ་དེ་ནི་ཀུནྡའི་ཕོན་པོར་སྐྱེ་བོ་འགའ་ཞིག་འཁྲུལ་བ་ལ། ཞིབ་མོར་བརྟགས་པས། རི་དྭགས་ཀྱི་མཚན་མ་ཨིནྡྲ་ནཱི་ལ་དང་མཚུངས་ཤིང་བུང་བའི་དཔལ་ཡང་དག་པར་འཛིན་པ་དེ་མཐོང་བས་སྒྲོ་འདོགས་ཆོད་ཅེས་པའི་རྒྱ་དཔེར་རྐང་པ་བཞི་པོ་རེ་རེའི་སྔོན་དུ། ཙནྡྲ། ཀུནྡ། ཨིནྡྲ། སནྡ་ཞེས་ཡོད་དོ། །གཉིས་པ་ནི། མཛེས་མ་མཁའ་ལ་ཟླ་བ་ཡི། །དཀྱིལ་འཁོར་མཛེས་པས་བདག་གི་ཡིད། །ཡིད་སྲུབས་ཀྱིས་མནན་བརྩེ་མེད་དུ། །འཇོམས་པར་བརྩོན་པའི་འདི་ལ་ལྟོས། །ཞེས་པ་ཤིན་ཏུ་མི་རིང་བར། །ཐོས་པ་དག་ནི་རྗེས་ཁྲིད་འདོད། །ཅེས་པ་སྟེ། མཛེས་མ་ཞེས་བོས་ནས། མདུན་གྱི་མཁའ་ལ་ཟླ་བའི་དཀྱིལ་འཁོར་མཛེས་པ་ཅན་མཐོང་བས་བདག་གི་ཡིད་རང་དབང་མེད་པར་ཡིད་སྲུབས་ཏེ་འདོད་ལྷའི་དཔུང་གིས་མནན་ནས་བརྩེ་མེད་དུ་འཇོམས་པར་བརྩོན་པ་འདི་ལ་ལྟོས་ཤིག་ཅེས་པའི་རྒྱ་དཔེར། རྐང་པ་དང་པོར་ཙཱ་ཡིག །གཉིས་པ་

― MLP007_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བའི་ཡི་གེ་བརྩེགས་པ་སོགས་ཡོད་དེ། ཚིགས་བཅད་དེ་ལྟ་བུ་ཤིན་ཏུ་མི་རིང་བར་ཐོས་པའི་ཚུལ་ཅན་ནི་ལྷོ་ཤར་གཉིས་ཀ་དག་རྗེས་ཁྲིད་དུ་འདོད་དོ། །གསུམ་པ་ནི། དགའ་མ་བཞིན་གྱི་ཆུ་སྐྱེས་དང་། །མཚུངས་པ་ཟླ་བ་ཞེས་མི་འདོད། །ཅེས་པ་སྟེ། ཡིད་དུ་འོང་བའི་དགའ་མའི་བཞིན་གྱི་ཆུ་སྐྱེས་དང་མཚུངས་པ་ཟླ་བ་ཞེས་དེ་གཉིས་ཕན་ཚུན་མི་མཐུན་པ་མེད་པར་འདོད་དོ་ཞེས་པའི་རྒྱ་དཔེར། མཱ་ཡིག་གཉིས་བར་ཐག་རིང་པོར་བསྐོར་བ་ལྟ་བུའོ། །བཞི་པ་ནི། བདག་གི་ལུས་དང་ཁྲོ་བ་ཕྲད། །འདོད་པ་རྩུབ་ཅིང་མཛའ་བོ་ངན། །ཁེངས་པ་ཉམས་ཤིང་ཆགས་པ་རྒྱས། །རྨོངས་པ་སྐྱེས་ཏེ་སྲོག་རྣམས་སོང་། །ཞེས་སོགས་སྦྱོར་བ་རྩུབ་པ་དང་། །ལྷོད་པ་ཡང་ནི་སྟེར་བར་བྱེད། །དེ་ཕྱིར་དེ་ལྟའི་རྗེས་ཁྲིད་ནི། །ལྷོ་ཕྱོགས་པ་རྣམས་མི་སྦྱོར་རོ། །ཞེས་པ་སྟེ། བདག་གི་ལུས་ནི་རིད་པས་ཕྲ་ཞིང་མི་འདུད་པའི་ཁྲོ་བ་ཡང་ཕྲད། འདོད་པའི་མཚོན་ནི་རྩུབ་ཅིང་རྣོ་ཡང་། འཛའ་བོ་ངན་པ་དེས་དོར་བས། ད་ནི་ལང་ཚོའི་ཁེངས་པ་ཉམས་ཤིང་ཆགས་པ་ཆེར་རྒྱས། འདོད་པ་དོན་གཉེར་གྱི་རྨོངས་པ་ཁོ་ན་སྐྱེས་ཏེ་སྲོག་རྣམས་ཀྱང་སོང་ནས་འཆི་བ་ལ་ཐུག་གོ་ཞེས་པའི་རྒྱ་དཔེར་སྨ་རཿཞེས་སོགས་ཚེག་དྲག་མང་པོའི་རྗེས་ཁྲིད་སྦྱོར་བ་རྩུབ་པ་དང་། ཨོ་ཡིག་མང་པོའི་རྗེས་ཁྲིད་ལྷོད་པ་ཡང་སྟེ་འཇམ་རྩུབ་བསྲེས་པའི་རྗེས་ཁྲིད་ནི་ཤར་ཕྱོགས་པ་རྣམས་སྟེར་བ་སྟེ་སྦྱོར་བར་བྱེད་ལ། རྒྱུ་མཚན་དེའི་ཕྱིར་དེ་ལྟ་བུའི་རྗེས་ཁྲིད་ནི་ལྷོ་ཕྱོགས་བཻ་དརྦྷའི་མཁས་པ་རྣམས་མི་སྦྱོར་རོ། །གསུམ་པ་ནི། བསྐོར་བ་ཁོ་ན་ཚོགས་པ་ཡི། །སྤྱོད་ཡུལ་ཟུང་དང་ལྡན་པར་རིག །དེ་ཡང་གཅིག་ཏུ་སྙན་པ་མིན། །དེ་ཕྱིར་ཕྱི་ནས་བཤད་པར་བྱ། །ཞེས་པ་སྟེ། ཡི་གེ་གཅིག་བསྐོར་བ་ཁོ་ནའི་རྗེས་ཁྲིད་དང་། ཚོགས་པ་ཡི་གེ་གསུམ་སོགས་བསྐོར་བ། སྔ་མ་བསྐོར་བའི་སྤྱོད་ཡུལ་དུ་ཕྱི་མ་ཇི་ལྟར་གྱུར་པ་ནི། ཟུང་དང་ལྡན་པར་རིག་ལ། དེ་ཡང་མཐའ་གཅིག་ཏུ་སྙན་པ་མིན་པ་དེའི་ཕྱིར་ཕྱི་ནས་སྒྲ་རྒྱན་གྱི་སྐབས་བཤད་པར་བྱའོ། །གཉིས་པ་དོན་གྱི་ཉམས་ནི། ངེས་པར་རྒྱན་རྣམས་ཀུན་ལ་ཡང་། །དོན་གྱི་ཉམས་དག་སྦྱིན་པར་བྱེད། །ཅེས་པ་སྟེ། བཤད་མ་ཐག་པའི་སྒྲའི་ཉམས་ཀྱང་སྙན་པའི་རོ་ཉམས་ཕུན་སུམ་ཚོགས་མོད། འོན་ཀྱང་ངེས་པར་

― MLP007_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་གི་རྒྱན་རྣམས་ཀུན་ལ་ཡང་མཉན་པ་དང་སྒེག་པ་སོགས་དོན་གྱི་ཉམས་དག་སྦྱིན་པར་བྱེད་པ་གལ་ཆེའོ། །གསུམ་པ་གཉིས་ཀ་ལ་གྲོང་ཚིག་སྤོང་བ་ལ་གཉིས། དོན་གྱི་གྲོང་པ་ལྡོག་པ་དང་། སྒྲའི་གྲོང་པ་དམིགས་བསལ་དང་བཅས་པའོ། །དང་པོ་ནི། དེ་ལྟ་ན་ཡང་གྲོང་པ་ཉིད། །མིན་པས་ཁུར་འདི་ཕལ་ཆེར་འཛིན། །ཞེས་པ་སྟེ། དེ་ལྟ་ན་ཡང་གྲོང་པ་ཉིད་ཀྱི་ཚིག་རང་དགའ་བས་སླད་པ་མ་ཡིན་པའི་བརྗོད་བྱ་དོན་ཉམས་དང་ལྡན་པའི་སྙན་ངག་གི་ཁུར་འདི་ནི་ཕལ་ཆེར་འཛིན་ནོ། །དེ་ལ་སྤང་བྱའི་གྲོང་པ་ཅི་ཞེ་ན། འདོད་ལྡན་བདག་ལ་གཞོན་ནུ་མ། །ཁྱོད་ནི་ཇི་ལྟར་འདོད་མི་བྱ། །ཞེས་འདི་གྲོང་པའི་དོན་བདག་ཉིད། །ཉམས་དང་བྲལ་བ་ཁོ་ནར་བྱེད། །ཅེས་པ་སྟེ། འདོད་ཆགས་དང་ལྡན་པའི་སྐྱེ་བོ་བདག་ལ། གཞོན་ནུ་མ་ཁྱོད་ནི་ཇི་ལྟར་འདོད་པ་བསྟེན་དུ་འཇུག་པར་མི་བྱེད་དེ་བྱེད་དགོས་སོ་ཞེས་པ་འདི་ནི་གྲོང་པའི་དོན་གྱི་བདག་ཉིད་ཅན་ཉམས་དང་བྲལ་བ་ཁོ་ནར་བྱེད་དོ། །འོ་ན་སྤོང་བྱེད་ཀྱི་ཉམས་ཇི་ལྟར་སྦྱིན་ཞེ་ན། གཡོན་མིག་འདོད་པ་གཏུམ་པོ་འདི། །ངེས་པར་བདག་ལ་བརྩེ་བ་མེད། །ཁྱོད་ལ་ཁྲོ་མེད་དགའ་ཞེས་པ། །གྲོང་པའི་དོན་མིན་རོ་དང་ལྡན། །ཞེས་པ་སྟེ། གཡོན་མིག་མ་ཞེས་མཛེས་མ་ལ་བོས་ནས་འདོད་པ་གཏུམ་པོ་འདི་ནི་ངེས་པར་བདག་ལ་བརྩེ་བ་མེད་མོད་ཀྱི། བདག་ནི་ཁྱོད་ལ་ཁྲོ་བ་མེད་པའི་སྟེང་དུ་དགའ་བར་བྱེད་ཅེས་གྲོང་པའི་དོན་ཅན་མ་ཡིན་པ་སྙན་ངག་གི་རོ་སྟེ་ཉམས་དང་ལྡན་པའོ། །གཉིས་པ་ནི། སྒྲ་ལའང་གྲོང་པ་ཉིད་ཡོད་དེ། །དེ་ནི་ལེགས་པའི་ཅིག་ཤོས་གྲགས། །དགའ་བའི་དགའ་སྟོན་བརྗོད་པ་ལ། །ཇི་ལྟར་ཡཱ་ཡིག་ལ་སོགས་བཞིན། །ཚིག་གི་མཚམས་སྦྱོར་གྱིས་བཞུགས་དང་། །སླར་ཡང་ངག་དོན་དག་གིས་ཀྱང་། །ངེས་པར་རྟོགས་བྱེད་གྲོང་པ་སྟེ། །ཞེས་པ་སྟེ། དོན་ཙམ་དུ་མ་ཟད། སྒྲ་ལའང་གྲོང་པ་ཉིད་ཡོད་དེ། དེ་ཞུགས་པའི་སྙན་ངག་ནི་ལེགས་པའི་ཅིག་ཤོས་ཏེ་མི་ལེགས་པར་གྲགས་སོ། །དེ་ཡང་གང་ཞེ་ན། དགའ་བའི་དགའ་སྟོན་བརྗོད་ཅིང་གོ་བར་བྱེད་པ་ལ། ཇི་ལྟར་ཡཱ་ཡིག་དང་། ལ་སོགས་པའི་ཁོང་ནས་བྷ་ཡིག་ཀྱང་སྟེ་ཡཱ་བྷ་ཞེས་འཁྲིག་པའི་དངོས་:མིན་༼མིང་༽ཡིན་པ་བཞིན། ཇི་ལྟར་འཇུག་ན། ཚིག་གི་མཚམས་

― MLP007_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོར་ལོག་པའི་དབང་གིས་ཞུགས་པ་དང་། སླར་ཡང་དེར་མ་ཟད། ངག་ཚིག་གཅིག་ལ་གོ་དོན་ཐ་དད་པ་དག་གིས་ཀྱང་ངེས་པར་ལེགས་པའི་ཅིག་ཤོས་རྟོགས་བྱེད་གྲོང་པའི་ཚིག་འབྱུང་སྟེ། དཔེར་ན། ཡཱ་བྷ་བ་ཏཿཔྲི་ཡ་བཞིན། །གཞན་ལ་བསྣུན་ནས་སྐྱེས་བུ་ནི། །བཱིཪྻ་ལྡན་པའི་བིཤྲནྟཿ། གཞན་ལ་བསྣུན་ནས་སྐྱེས་བུ་ནི། །ཁུ་བ་ལྡན་པ་རྣམ་པར་ངལ། །དེ་ལྟ་བུ་སོགས་ལམ་དག་ནི། །གཉིས་ཀ་ལའང་བསྔགས་མ་ཡིན། །ཞེས་པ་སྟེ། ཡཱ་ནི་གང་། བྷ་བ་ཏཿཁྱོད་ཀྱི། པྲི་ཡ་དགའ་མ་ལ་འཇུག་པ་བཞིན། གང་ཁྱོད་ཀྱི་དགའ་མ་ཞེས་བརྗོད་རྒྱུ་ལ། །ཡཱ་བྷ་འཁྲིག་པ་བ་ཏཿལྡན་པར་གོ་སྟེ། འཁྲིག་པ་དང་ལྡན་པའི་དགའ་མ་ཞེས་པ་ལྟ་བུ་ཚིག་གི་མཚམས་སྦྱོར་གྱིས་ཞུགས་པ་དང་། གཡུལ་ངོར་གཞན་ལ་མཚོན་གྱིས་བསྣུན་ནས་གཞོམ་པར་བྱེད་པའི་སྐྱེས་བུ་ནི་བཱིཪྻ་སྟེ་བརྩོན་འགྲུས་དང་ལྡན་པའི་ཕྱིར་བི་ཤྲཱནྟ་ཿསྟེ་རྣམ་པར་གནས་པའོ་ཞེས་བརྗོད་རྒྱུ་ལ། བཱིཪྻ་ཁུ་བ། བིཤྲཱནྟཿརྣམ་པར་ངལ་བ་ལ་འཇུག་པའི་ཕྱིར་གཞན་དུ་བུད་མེད་ལ་བསྣུན་ནས་སྐྱེས་བུ་འདོད་ལྡན་ཁུ་བ་ལྡན་པ་རྣམ་པར་ངལ་ཞེས་གོ་བ་ལྟ་བུ་ཚིག་གཅིག་ལ་དོན་ཐ་དད་པས་ཞུགས་པ་སྟེ། གྲོང་ཚིག་དེ་ལྟ་བུ་ལ་སོགས་པའི་ལམ་དག་ནི། ལྷོ་ཤར་གཉིས་ཀ་ལའང་བསྔགས་པ་མ་ཡིན་ནོ། །དེའང་སྐབས་འགར་སྐྱོན་མི་འཇུག་སྟེ། བྷ་ག་ཝ་ཏཱི་བྷ་གི་ནཱི། །ཞེས་སོགས་ཀུན་ཏུ་ཁས་ལེན་ཉིད། །ཅེས་པ་སྟེ། བྷ་ག་སྐལ་བ་དང་མོ་མཚན། ཝ་ཏཱི་ལྡན་མ། བྷ་གི་ནཱི་སྲིང་མོ་སྟེ། དེའི་ཕྱིར། བྷ་ག་ལ་སྲིང་མོ་སྐལ་ལྡན་མ་ཞེས་སོགས་དོན་གཉིས་ཐ་དད་དུ་གོ་ཡང་རང་གི་སྲིང་མོར་ངོ་ཚའི་གཏམ་མི་སྨྲ་བས་སྐལ་ལྡན་ཟེར་བ་ལས་འོས་མེད་ཕྱིར་འདི་ལྟ་བུ་ཤར་ལྷོའི་ལམ་སྲོལ་ཀུན་ཏུ་ཁས་ལེན་པ་ཉིད་དོ། །གསུམ་པ་མཇུག་བསྡུ་བ་ནི། དེ་ལྟར་སྙན་པ་རྣམ་པར་ཕྱེ། །ཞེས་པ་སྟེ་གོ་སླའོ། །ལྔ་པ་ཤིན་ཏུ་གཞོན་པའི་ཡོན་ཏན་ལ། དངོས་ལྷོ་པའི་ལུགས་དང་། ལྡོག་པར་ཤར་པའི་ལུགས་སོ། །དང་པོ་ལ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། ཤིན་ཏུ་གཞོན་པ་བཤད་པར་བྱ། །རྩུབ་མིན་ཡི་གེ་མང་བ་ནི། །ཤིན་ཏུ་གཞོན་པ་ཉིད་དུ་འདོད། །

― MLP007_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཕྱིར་ཐམས་ཅད་མཉེན་པ་ནི། །སྦྱོར་བ་ལྷོད་པའི་སྐྱོན་དུ་བཤད། །ཅེས་པ་སྟེ། ད་ནི་ཤིན་ཏུ་གཞོན་པའི་ཡོན་ཏན་བཤད་པར་བྱའོ་ཞེས་དམ་བཅས་ནས། དེའི་མཚན་ཉིད་གང་ཞེ་ན། རྩུབ་པ་མ་ཡིན་པ་འཇམ་པའི་ཡི་གེ་མང་བ་ནི་ཤིན་ཏུ་གཞོན་པའི་ཡོན་ཏན་ཉིད་དུ་འདོད་དོ། །གང་གི་ཕྱིར་ཐམས་ཅད་མཉེན་པ་ཞིག་སྦྱར་དུ་རུང་ངམ་ཞེ་ན། མི་རུང་སྟེ། སྦྱོར་བ་ལྷོད་པའི་སྐྱོན་དུ་བཤད་པའི་ཕྱིར་རོ། །གཉིས་པ་ནི། སྤྲིན་གྱི་འཕྲེང་བ་ལྡན་དུས་སུ། །སྙན་པར་སྒྲོག་པའི་མགྲིན་ལྡན་པ། །རྨ་བྱ་ཡི་ནི་མཇུག་མ་དག །ཟླུམ་པོར་བྱས་ནས་གར་བྱེད་དོ། །ཞེས་པ་སྟེ། ཆར་སྤྲིན་གྱི་འཕྲེང་བ་ལྡན་པ་:དབྱངས་ཀྱི་༼དབྱར་གྱི་༽དུས་སུ། སྙན་པར་སྒྲོག་པའི་མགྲིན་པ་དང་ལྡན་པ་རྨ་བྱའི་མཇུག་མ་དག་ཟླུམ་པོར་བྱས་ནས་དགའ་བའི་གར་བྱེད་དོ་ཞེས་པའི་རྒྱ་དཔེར་འཇམ་པའི་ཡི་གེ་མང་པོ་ཡོད་དོ། །གསུམ་པ་ནི། ཞེས་པ་དོན་རྒྱས་ཉིད་མ་ཡིན། །རྒྱན་ཡང་དེ་འདྲ་ཡོད་མིན་ཏེ། །ཤིན་ཏུ་གཞོན་པ་ཉིད་ཀྱིས་དེ། །དམ་པ་རྣམས་ཀྱི་ཁ་ན་གནས། །ཞེས་པ་སྟེ། བཤད་མ་ཐག་པའི་དཔེར་བརྗོད་དེ་ནི་དོན་རྒྱས་པ་ཟབ་ཅིང་བརླིང་བ་ཉིད་མ་ཡིན་ཞིང་། རྒྱན་ཡང་རང་བཞིན་ཙམ་ལས་ཕུལ་བྱུང་ལ་སོགས་པའི་རྒྱན་དེ་འདྲ་བ་ཡོད་པ་མིན་ཏེ། འོན་ཀྱང་འཇམ་པའི་ཡི་གེ་མང་དུ་ཚོགས་ཤིང་བརྗོད་བདེ་བས་ཤིན་དུ་གཞོན་པའི་ཡོན་ཏན་དང་ལྡན་པ་ཉིད་ཀྱིས་ཚིག་སྦྱོར་དེ་དམ་པ་རྣམས་ཀྱི་ཁ་ན་གནས་སོ། །གཉིས་པ་ལ། འདོད་ཚུལ་ནི། གསལ་ཕྱིར་གཞན་དག་ཕལ་ཆེར་ནི། །བརྗོད་པར་དཀའ་བ་དག་ཀྱང་སྦྱོར། །ཞེས་པ་སྟེ། སྔར་བསྟན་ལྷོ་ཕྱོགས་པ་འདོད་པའི་ཤིན་ཏུ་གཞོན་པའི་ཡོན་ཏན་དེས་ནི་དོན་གསལ་བར་སྟོན་ཕྱིར་གཞན་ཤར་ཕྱོགས་པ་དག་སྐབས་འགར་སྦྱོར་མོད། ཕལ་ཆེར་ནི། ཤིན་ཏུ་གཞོན་པའི་ཡོན་ཏན་ལ་བརྗོད་པར་དཀའ་བ་དག་ཀྱང་སྦྱོར་རོ། །དཔེར་བརྗོད་ནི། ནྱཀྵས་རྒྱལ་རིགས་རྣམས་ཀྱི་ཕྱོགས། །སྐད་ཅིག་གིས་ནི་ཉམས་པར་བྱས། །ཞེས་པ་སྟེ། ནྱཀྵ་སྟེ་དགྲ་སྟ་རཱ་མ་ཎས་རང་གི་དགྲ་ཟླར་གྱུར་པའི་རྒྱལ་རིགས་རྣམས་ཀྱི་ཕྱོགས་སྐད་ཅིག་གིས་ནི་བཅོམ་ནས་ཉམས་པར་བྱས་སོ་ཞེས་པའི་རྒྱ་དཔེར། ཀྵ་ཡིག་མང་བས་བརྗོད་དཀའ་བའོ། །

― MLP007_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་པ་དོན་གསལ་བའི་ཡོན་ཏན་ལ། ཤར་ལྷོ་འདོད་མཐུན་གྱི་ལུགས་དང་། ཤར་པ་རེས་འགའ་འདོད་པའོ། །དང་པོ་ལ། མཚན་ཉིད་ནི། དོན་གསལ་དོན་བརྟག་མི་དགོས་ཉིད། །ཅེས་པ་སྟེ། དོན་གསལ་གྱི་མཚན་ཉིད་གང་ཞེ་ན། བརྗོད་བྱའི་དོན་དེ་བརྟག་མི་དགོས་པར་གོ་བ་ཉིད་དོ། །དཔེར་བརྗོད་ནི། འཕྲོག་བྱེད་ཀྱིས་ནི་ས་གཞི་དག །རྨིག་པས་བཅད་པའི་ཀླུ་ཁྲག་གིས། །དམར་བ་ཆུ་ཡི་གཏེར་ལས་ཕྱུངས། །ཞེས་པ་སྟེ། སྔོན་འཕྲོག་བྱེད་ཀྱིས་ཕག་པར་སྤྲུལ་ནས་ས་གཞིའི་ཁྱོན་འདི་དག་བཏེགས་པའི་ཚེ་རྨིག་པས་བཅད་པའི་ཀླུ་ཁྲག་གིས་དམར་བར་གྱུར་པའི་ཆུའི་གཏེར་རྒྱ་མཚོ་ལས་ཕྱུངས་སོ་ཞེས་བརྗོད་པ་ཙམ་གྱིས་དོན་གོ་བའོ། །གཉིས་པ་ལ་གསུམ། དཔེར་བརྗོད། དོན་བཤད། མཇུག་བསྡུ་བའོ། །དང་པོ་ནི། ཕག་པ་ཆེན་པོ་དག་གིས་ས། །ཆུ་གཏེར་དམར་པོ་དག་ལ་ཕྱུངས། །ཞེས་པ་སྟེ། ཁྱབ་འཇུག་གི་སྤྲུལ་པའི་ཕག་པ་ཆེན་པོ་དེ་དག་གིས་ས་བཞིའི་ཁྱོན་འདི་ཆུ་གཏེར་དམར་པོར་གྱུར་པ་དག་ལས་ཕྱུངས་སོ། །གཉིས་པ་ནི། ཞེས་པ་འདི་ཉིད་བསྟན་པ་ནི། །བྲང་འགྲོའི་ཁྲག་ནི་བརྟག་དགོས་ཉིད། །ཅེས་པ་སྟེ། བཤད་མ་ཐག་པའི་དཔེར་བརྗོད་འདི་ཉིད་དུ་བསྟན་པ་ནི། ཆུ་གཏེར་དམར་བའི་རྒྱུའི་བྲང་འགྲོའི་ཁྲག་བརྟག་དགོས་པ་ཉིད་དོ། །གསུམ་པ་ནི། ལམ་འདི་གཉིས་ཀ་དག་ལ་ཡང་། །རྟོགས་པའི་སྐལ་བཟང་མི་ལྡན་ཞིང་། །སྒྲ་དང་རིགས་པ་ལས་འགོངས་པ། །འདི་འདྲ་ཕལ་ཆེར་བཞེད་མ་ཡིན། །ཞེས་པ་སྟེ། ལམ་འདི་ནི་ལྷོ་ཤར་གྱི་ལུགས་གཉིས་ཀ་དག་ལ་ཡང་དོན་རྟོགས་པའི་སྐལ་བ་བཟང་པོ་དང་མི་ལྡན་ཞིང་། དངོས་སུ་བརྗོད་པའི་སྒྲ་དང་། གཏན་ཚིགས་ཀྱི་རིགས་པ་ལས་འགོངས་པ་འདི་འདྲ་ཤར་པ་རེས་འགའ་ཙམ་མ་གཏོགས་ཕལ་ཆེར་ཏེ་མང་དུ་བཞེད་པ་མ་ཡིན་ནོ། །བདུན་པ་རྒྱ་ཆེ་བའི་ཡོན་ཏན་ལ། དངོས་ལྷོ་པའི་ལུགས་དང་། ལྡོག་པ་ཤར་པའི་ལུགས་སོ། །དང་པོ་ལ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། གང་དུ་འགའ་ཞིག་བརྗོད་པ་ལ། །ཁྱད་འཕགས་ལྡན་པའི་ཡོན་ཏན་རྟོགས། །དེ་ནི་རྒྱ་ཆེར་བརྗོད་དེ་དེས། །སྙན་ངག་ལམ་ཀུན་མགོན་དང་བཅས། །ཞེས་པ་སྟེ། ཚིག་སྦྱོར་གང་དུ་བརྗོད་བྱའི་དོན་

― MLP007_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

འགའ་ཞིག་དངོས་སུ་བརྗོད་པ་ལ་བརྟེན་ནས། བརྗོད་ཡུལ་དེའི་ཁྱད་པར་དུ་འཕགས་པ་དང་ལྡན་པའི་ཡོན་ཏན་ཤུགས་ལས་རྟོགས་པ་དེ་ནི་རྒྱ་ཆེ་བར་བརྗོད་དེ། དེས་སྙན་ངག་གི་ལམ་ཀུན་ལ་མགོན་དང་བཅས་པ་སྟེ་མཛེས་པར་བྱེད་དོ། །གཉིས་པ་ནི། སློང་བ་རྣམས་ཀྱི་བཀྲེན་པའི་མིག །ལན་གཅིག་ཁྱོད་གདོང་ལ་ལྷུང་བ། །ལྷ་གཅིག་ག །ནས་སྐབས་དེ་ཡིས་སླར། །གཞན་གྱི་གདོང་ལ་ལྟ་མ་ཡིན། །ཞེས་པ་སྟེ། སློང་བ་རྣམས་ཀྱི་བཀྲེན་པས་ཉེན་པའི་མིག་ལན་གཅིག་ཙམ་ཁྱོད་གདོང་ལ་ལྷུང་བ་སྟེ་བལྟས་པ་ན། ལྷ་གཅིག་ཁྱོད་ཀྱིས་ཚིམ་པར་བྱས་པའི་གནས་སྐབས་དེའི་མཐུས་སླར་སྦྱིན་པ་པོ་གཞན་གྱི་གདོང་ལ་ལྟ་དགོས་པ་མ་ཡིན་ནོ། །གསུམ་པ་ནི། ཞེས་པ་ཉིད་ཀྱི་ངག་འདི་ལ། །གཏོང་བ་ཁྱད་འཕགས་ལེགས་པར་མཚོན། །ལམ་འདི་ཉིད་ཀྱིས་གཞན་དག་ཀྱང་། །རིགས་པ་མཚུངས་པས་དཔག་པར་བྱ། །ཞེས་པ་སྟེ། བརྗོད་མ་ཐག་པའི་སློང་བ་ཞེས་པ་ལ་སོགས་པ་ཉིད་ཀྱི་ངག་ཚིག་འདི་ལ་གཏོང་བ་ཁྱད་པར་དུ་འཕགས་པའི་ཚུལ་ལེགས་པར་མཚོན་ཅིང་། ལམ་འདི་ཉིད་ཀྱིས་ཡོན་ཏན་གཞན་དག་ཀྱང་རིགས་པ་མཚུངས་པས་དཔག་པར་བྱའོ། །གཉིས་པ་ལ། མཚན་ཉིད་ནི། བསྔགས་པར་འོས་པའི་ཁྱད་པར་དང་། །ལྡན་པ་རྒྱ་ཆེར་འགའ་ཞིག་འདོད། །ཅེས་པ་སྟེ། བསྔགས་པར་འོས་པའི་ཁྱད་ཆོས་འགའ་ཞིག་བརྗོད་པའི་ཤུགས་ལས། ཁྱད་པར་དེ་དང་ལྡན་པའི་ཁྱད་གཞི་དེ་ཕུལ་དུ་བྱུང་བར་སྟོན་པ་རྒྱ་ཆེ་བར་ཤར་ཕྱོགས་པ་འགའ་ཞིག་འདོད་དོ། །དཔེར་བརྗོད་ནི། རོལ་པའི་ཆུ་སྐྱེས་རྩེ་དགའི་མཚོ། །གསེར་གྱི་རྒྱན་ལ་སོགས་པ་བཞིན། །ཞེས་པ་སྟེ། གང་གི་སྐྱེད་མོས་ཚལ་ནི་རོལ་པའི་ཆུ་སྐྱེས་དང་། བརྩེ་དགའི་མཚོ་དང་། གསེར་གྱི་རྒྱན་ལ་སོགས་པས་མཛེས་ཞེས་བརྗོད་པ་བཞིན་ནོ། །བརྒྱད་པ་བརྗིད་པའི་ཡོན་ཏན་ལ། སྤྱིར་བསྟན་པ་དང་། སོ་སོར་བཤད་པའོ། །དང་པོ་ནི། བརྗིད་པ་ཚིག་སྡུད་མང་པོ་ཉིད། །འདི་ནི་ལྷུག་པ་དག་གི་གསོས། །ཞེས་པ་སྟེ། བརྗིད་པའི་མཚན་ཉིད་ཚིག་སྡུད་ཀྱི་སྦྱོར་བ་མང་པོ་ཉིད་དེ། འདི་ནི་ལྷུག་པ་དག་གི་བསོས་ཏེ་སྲོག་དང་སྙིང་དང་སྙིང་པོ་ལྟ་བུ་ཡིན་ནོ། །གཉིས་པ་ལ་ཤར་པ་དང་། ལྷོ་པའི་ལུགས་སོ། །དང་

― MLP007_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལ། འདོད་ཚུལ། མཚན་ཉིད། དཔེར་བརྗོད། མཇུག་བསྡུ་བའོ། །དང་པོ་ནི། ཚིགས་བཅད་ལ་ཡང་ཤར་ཕྱོགས་པ། །འདི་ཉིད་དཔུང་དང་གཉེན་དུ་བཞེད། །ཅེས་པ་སྟེ། ལྷུག་པར་མ་ཟད། ཚིགས་བཅད་ལ་ཡང་ཤར་ཕྱོགས་པའི་སྙན་ངག་མཁན་རྣམས་བརྗིད་པ་འདི་ཉིད་དཔུང་དང་གཉེན་དུ་བཞེད་དོ། །གཉིས་པ་ནི། དེ་ལ་ལྕི་དང་ཡང་བ་རྣམས། །མང་དང་ཉུང་བ་ཉིད་སྤེལ་བས། །མཐོ་དམའ་ཡི་ནི་རྣམ་པ་དེ། །བརྗོད་པ་ལ་སོགས་རྣམས་ལ་བལྟ། །ཞེས་པ་སྟེ། བརྗིད་པ་དེ་ལ་ལྕི་བ་དང་ཡང་བའི་ཡི་གེ་རྣམས་འགའ་ཞིག་ཏུ་ལྕི་བ་མང་ལ་ཡང་བ་ཉུང་བ་དང་། འགའ་ཞིག་ཏུ་ཡང་བ་མང་ལ་ལྕི་བ་ཉུང་བ་ཉིད་སྤེལ་བས་མཐོ་དམའི་རྣམ་པ་ཅན་ཏེ། དེ་ནི་བརྗོད་པ་དང་གཏམ་ལ་སོགས་པ་རྣམས་ལ་བལྟ་ཞིང་སྦྱོར་རོ། །གསུམ་པ་ནི། ནུབ་ཀྱི་རི་མགོར་ལྷུང་བ་ཡི། །མཐའ་དག་ཉི་འོད་མལ་སྟན་ཅན། །མཁྲེགས་པའི་ནུ་མ་ལ་གནས་པའི། །གོས་དམར་གཡོ་བཞིན་ཆུ་ལྡན་མ། །ཞེས་པ་སྟེ། ནུབ་ཀྱི་རི་བོའི་མགོར་ལྷུང་དུ་ཆ་བའི། མཐའ་དག་ཉི་མའི་འོད་ཀྱི་མལ་སྟན་ཅན་སྲ་ཞིང་མཁྲེགས་པའི་ནུ་མ་ལ་གནས་པའི་གོས་དམར་གཡོ་བ་བཞིན་མཛེས་པ་ནི་ཆུ་ལྡན་མའོ་ཞེས་པའི་རྒྱ་དཔེར་ཚིག་སྡུད་མང་དུ་ཡོད་ཅིང་ལྕི་ཡང་མི་མཉམ་པ་མཐོ་དམའི་རྣམ་པ་ཤིན་ཏུ་གསལ་ལོ། །བཞི་པ་ནི། ཞེས་པ་བརྗིད་དང་ལྡན་པའི་ཚིག །ཚིགས་བཅད་ལ་ཡང་ཤར་པ་སྦྱོར། །ཞེས་པ་སྟེ། བཤད་མ་ཐག་པའི་དཔེར་བརྗོད་འདི་ནི་བརྗིད་དང་ལྡན་པའི་ཚིག་ཡིན་པས། ཚིགས་བཅད་ལ་ཡང་ཤར་ཕྱོགས་པ་དག་སྦྱོར་བར་བྱེད་དོ། །གཉིས་པ་ལ། མཚན་ཉིད་ནི། གཞན་དག་འཁྲུགས་མིན་མཛེས་པ་ཡི། །ཚིག་རྣམས་བརྗིད་པར་འདོད་དེ་དཔེར། །ཞེས་པ་སྟེ། ཤར་པ་ལས་གཞན་ལྷོ་ཕྱོགས་པ་དག་ཚིགས་བཅད་ལ་སྦྱོར་ཚེ་ལྕི་ཡང་འཁྲུགས་པ་མིན་པས་མཛེས་པ་དང་ལྡན་པའི་ཚིག་རྣམས་བརྗིད་པར་འདོད་དེ་དཔེར་ན་ཞེས་སོ། །དཔེར་བརྗོད་ནི། ཆུ་འཛིན་ངོས་ཀྱི་ཕང་ན་ཆགས། །མཚམས་ཀྱི་ཉི་འོད་གོས་དང་ལྡན། །ཆུ་ལྡན་མ་ཡི་ཆུ་ཡི་ཡིད། །འདོད་པས་གཟིར་བར་བྱེད་མི་འགྱུར། །ཞེས་པ་སྟེ། ཆུ་འཛིན་ལང་ལོང་གཡོ་བའི་ངོས་ཀྱི་ཕང་ན་ཆགས་ཤིང་། ཐུན་མཚམས་ཀྱི་ཉི་འོད་དམར་པོའི་གོས་དང་ལྡན་པའི་ཆུ་

― MLP007_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་མས་འདོད་ལྡན་གྱི་སྐྱེ་བོ་སུ་ཡི་ཡིད་འདོད་པས་གཟི་བར་བྱེད་པར་མི་འགྱུར་ཏེ་འགྱུར་རོ་ཞེས་པའི་རྒྱ་དཔེར་ལྕི་ཡང་མ་འཁྲུགས་ཤིང་ཚིག་སྡུད་མང་དུ་ཡོད་དོ། །དགུ་པ་མཛེས་པའི་ཡོན་ཏན་ལ། དངོས་ལྷོ་པའི་ལུགས་དང་། ལྡོག་པ་ཤར་པའི་ལུགས་སོ། །དང་པོ་ལ། མཚན་ཉིད། སྦྱར་གཞི། དཔེར་བརྗོད། དོན་བསྡུ་བའོ། །དང་པོ་ནི། མཛེས་པ་འཇིག་རྟེན་དོན་དག་ལས། །མ་འདས་འགྲོ་ཀུན་ལ་མཛེས་པའོ། །ཞེས་པ་སྟེ། མཛེས་པའི་མཚན་ཉིད་གང་ཞེ་ན། འཇིག་རྟེན་པས་ཤེས་པའི་བརྗོད་བྱའི་དོན་དག་ལས་མ་འདས་པར་བརྗོད་པས་མཁས་རྨོངས་ཀྱི་འགྲོ་བ་ཀུན་ལ་མཛེས་ཤིང་ཡིད་འཕྲོག་པའོ། །གཉིས་པ་ནི། དེ་ཡང་གཏམ་གྱི་མངོན་བརྗོད་དང་། །བསྔགས་པ་ལ་སོགས་རྣམས་ལའང་སྦྱར། །ཞེས་པ་སྟེ། མཛེས་པ་དེ་ཡང་སྔོན་བྱུང་གཏམ་གྱི་རིམ་པ་མངོན་པར་བརྗོད་པ་དང་། ཡུལ་གང་རུང་ལ་བསྔགས་པ་བརྗོད་པ་ལ་སོགས་པ་རྣམས་ལའང་སྦྱར་རོ། །གསུམ་པ་ལ། གཏམ་ལ་སྦྱར་བ་དང་། བསྔགས་པ་ལ་སྦྱར་བའོ། །དང་པོ་ནི། དཀའ་ཐུབ་ཕུང་པོ་ཁྱོད་འདྲ་ཡི། །ཞབས་ཀྱི་རྡུལ་ནི་གཙང་མ་རྣམས། །ཡང་དག་བཏབ་པ་གང་ཡིན་པ། །དེ་དག་ཁོ་ན་ངེས་པར་ཁྱིམ། །ཞེས་པ་སྟེ། དཀའ་ཐུབ་ཕུང་པོ་དམ་པའི་ཆོས་བསགས་པ་ཁྱོད་འདྲ་བའི་ཞབས་ཀྱི་རྡུལ་ནི་གཙང་མ་གང་གའི་ཆུ་དང་འདྲ་བ་རྣམས་ཀྱིས་ཡང་དག་པར་བཏབ་པ་གང་ཡིན་པ་དེ་དག་ཁོ་ན་བཀྲ་ཤིས་ཀྱི་མཚན་མ་དང་ལྡན་པས་ངེས་པར་མིང་དོན་མཚུངས་པའི་ཁྱིམ་ཡིན་གྱི་གཞན་ནི་བཏགས་མིང་ཙམ་མོ། །གཉིས་པ་ནི། སྐྱོན་མེད་ལུས་ཅན་ཁྱོད་ཀྱི་ནི། །ལག་པའི་འཁྲི་ཤིང་བར་དག་ཏུ། །ནུ་མ་རབ་རྒྱས་འདི་དག་གི། གོ་སྐབས་རྙེད་པར་འགྱུར་མ་ཡིན། །ཞེས་པ་སྟེ། སྐྱོན་མེད་པའི་ལུས་ཅན་མཛེས་མ་ཁྱོད་ཀྱི་ལག་པའི་འཁྲི་ཤིང་ཟུང་གི་བར་དག་ཏུ་ནུ་མ་རབ་ཏུ་རྒྱས་པ་འདི་དག་གནས་པའི་ཡུལ་གྱི་གོ་སྐབས་རྙེད་པར་འགྱུར་བ་མ་ཡིན་ནོ། །བཞི་པ་ནི། ཞེས་པ་ཁྱད་པར་བརྗོད་པ་ཡི། །ལེགས་སྦྱར་དེ་དག་སྲིད་པ་ཉིད། །འཇིག་རྟེན་ལུགས་ཀྱི་རྗེས་སུ་ནི། །འབྲང་བ་ཐམས་ཅད་མཛེས་པར་འགྱུར། །ཞེས་པ་སྟེ། དཀའ་ཐུབ་པའི་ཞབས་རྡུལ་དང་། བུད་མེད་ཀྱི་ནུ་མའི་ཁྱད་པར་རྗོད་པའི་ཚིག་

― MLP007_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་སྦྱར་བ། དེ་དག་སྲིད་པ་ཉིད་ཡིན་པས། འཇིག་རྟེན་ལུགས་ཀྱི་རྗེས་སུ་འབྲང་བ་མཁས་བླུན་ཐམས་ཅད་ལ་མཛེས་པར་འགྱུར་རོ། །གཉིས་པ་ལ། མཚན་ཉིད། དཔེར་བརྗོད། མཇུག་བསྡུ་བའོ། །དང་པོ་ནི། འཇིག་རྟེན་འདས་ཤིང་བརྗོད་འདོད་ཀྱི། །དོན་གང་ཤིན་ཏུ་བཀོད་གྱུར་པ། །དེ་ཡིས་མཁས་པ་ཤིན་ཏུ་ནི། །ཚིམ་འགྱུར་ཅིག་ཤོས་མ་ཡིན་དཔེར། །ཞེས་པ་སྟེ། འཇིག་རྟེན་ལས་འདས་ཤིང་། འུད་ཆེན་པོས་བརྗོད་འདོད་ཀྱི་བློས་བརྗོད་བྱའི་དོན་གང་ཤིན་ཏུ་ཆེས་ལྷག་པར་སྒྲོ་བཏགས་ནས་བཀོད་པར་གྱུར་པ་དེ་ཡིས། ཤར་ཕྱོགས་པའི་མཁས་པ་རྣམས་ཤིན་ཏུ་ཚིམ་པར་འགྱུར་ལ། དེའི་ཅིག་ཤོས་ལྷོ་ཕྱོགས་པའི་མཁས་པ་རྣམས་ཚིམ་པ་མ་ཡིན་ཏེ་དཔེར་ན་ཞེས་སོ། །གཉིས་པ་ལ། གཏམ་ལ་སྦྱར་བ་དང་། བསྔགས་པ་ལ་སྦྱར་བའོ། །དང་པོ་ནི། དེང་ནས་བཟུང་སྟེ་བདག་གི་ཁྱིམ། །ལྷ་ཡི་ཁྱིམ་བཞིན་བསྟེན་པར་འོས། །ཁྱོད་ཀྱི་ཞབས་རྡུལ་ལྷུང་པ་ཡིས། །ཉེས་པ་དག་ནི་མ་ལུས་བཀྲུས། །ཞེས་པ་སྟེ། དུས་དེང་ནས་བཟུང་སྟེ་བདག་གི་ཁྱིམ་འདི་ནི་ལྷའི་ཁྱིམ་བཞིན་བསྟེན་པར་འོས་ཏེ། ཅིའི་ཕྱིར་ན་སྐྱེས་བུ་ཆེན་པོ་ཁྱོད་ཀྱི་ཞབས་རྡུལ་ལྷུང་པས་ཁྱིམ་གྱི་ཉེས་པ་དག་ནི་མ་ལུས་པ་བཀྲུས་ཤིང་བཀྲ་ཤིས་པར་བྱས་པའི་ཕྱིར་རོ། །གཉིས་པ་ནི། ཁྱོད་ཀྱི་ནུ་མ་འདི་ལྟ་བུར། །རྣམ་པར་རྒྱས་པར་གྱུར་པ་འདི། །ངེས་པར་མ་བརྟགས་བྱེད་པོ་ཡིས། །ནམ་མཁའ་དག་ནི་ཆུང་ངུར་སྤྲུལ། །ཞེས་པ་སྟེ། མཛེས་ལྡན་མ་ཁྱོད་ཀྱི་ནུ་མ་འདི་ལྟ་བུར་རྣམ་པར་རྒྱས་པར་གྱུར་པ་འདི་ཉིད་ད་ལྟ་ངེས་པར་འབྱུང་བའི་ཚུལ་ལ་མ་བརྟགས་པར་བྱེད་པོས་ནམ་མཁའ་དག་ནི་ཆུང་ངུར་སྤྲུལ་ལོ། །གསུམ་པ་ནི། འདི་ནི་ཧ་ཅང་བརྗོད་པས་ན། །གཽ་ཌ་པ་ལ་མཛེས་པར་བརྗོད། །འཇུག་པ་སྔ་མ་གཞན་གྱི་ནི། །ལམ་ལ་སྙིང་པོ་ཉིད་དུ་བཤད། །ཅེས་པ་སྟེ། བཤད་མ་ཐག་པའི་དཔེར་བརྗོད་འདི་ནི་ཧ་ཅང་མི་འཚམ་པར་བརྗོད་པས་ན་ཤར་ཕྱོགས་གཽ་ཌ་པ་རྣམས་ལ་མཛེས་པར་བརྗོད་ཅིང་། འཇུག་པ་སྔ་མ་འཚམ་པར་བརྗོད་པ་ནི་གཞན་ལྷོ་ཕྱོགས་བཻ་དརྦྷ་རྣམས་ཀྱིས་ལམ་ལ་སྙིང་པོ་ཉིད་དུ་བཤད་དོ། །བཅུ་པ་ཏིང་ངེ་འཛིན་གྱི་ཡོན་ཏན་ལ། མཚན་ཉིད། དཔེར་བརྗོད། མཇུག་བསྡུ་བའོ། །

― MLP007_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ནི། གཞན་གྱི་ཆོས་དེ་གཞན་དག་ལ། །འཇིག་རྟེན་ལུགས་ཀྱི་རྗེས་འབྲངས་ནས། །གང་དུ་ཡང་དག་འཛིན་བྱེད་པ། །ཏིང་ངེ་འཛིན་དུ་བརྗོད་དེ་དཔེར། །ཞེས་པ་སྟེ། གཞན་མིག་དང་སྦྲུམ་མ་ལ་ཡོད་པའི་ཆོས་འབྱེད་འཛུམ་དང་འཁུན་པ་ལ་སོགས་པ་དེ་པདྨ་དང་སྤྲིན་སོགས་གཞན་དག་ལ་སྒྲོ་བཏགས་ཏེ་བརྗོད་པ་ལྟ་བུ་འཇིག་རྟེན་ལུགས་ཀྱི་རྗེས་སུ་འབྲངས་ནས། ཚིག་སྦྱོར་གང་དུ་རྗོད་བྱེད་ཀྱི་སྒྲ་ཡང་དག་པར་འཛིན་པར་བྱེད་པ་དེ་ནི་ཏིང་ངེ་འཛིན་ཞེས་པའི་རྒྱན་དུ་བརྗོད་དེ་དཔེར་ན་ཞེས་སོ། །གཉིས་པ་ལ། སྤྱིར་བསྟན་པ་དང་། བྱེ་བྲག་ཏུ་ཕྱེ་བའོ། །དང་པོ་ནི། ཀུ་མུ་ད་ནི་མིག་འཛུམ་ཞིང་། །པདྨ་དག་ཀྱང་མིག་འབྱེད་ཅེས། །མིག་གི་བྱ་བ་བཀོད་པ་ལས། །དེ་ཡི་རྗོད་བྱེད་སྒྲ་དག་ཐོབ། །ཅེས་པ་སྟེ། ཉི་མ་ཤར་བའི་ཚེ། ཆུ་སྐྱེས་ཀུ་མུ་ད་ནི་མིག་འཛུམ་པར་བྱེད་ཅིང་། པདྨ་དག་ཀྱང་མིག་འབྱེད་ཅེས་པདྨ་དང་ཀུ་མུད་ལ་མིག་གི་བྱ་བ་བཀོད་པར་གྱུར་པ་ལས། དེའི་རྗོད་བྱེད་མིག་འབྱེད་འཛུམ་གྱི་སྒྲ་དག་ཐོབ་བོ། །གཉིས་པ་ལ། ཆོས་གཅིག་བཀོད་པའི་ཏིང་ངེ་འཛིན་དང་། ཆོས་དུ་མ་བཀོད་པའི་ཏིང་ངེ་འཛིན་ནོ། །དང་པོ་ལ། འབྲེེལ་འགོད་པ་དང་། དཔེར་བརྗོད་དོ། །དང་པོ་ནི། ནིཥྛུ་ཏ་དང་ཨུརྒཱིརྞ་དང་། །སྐྱུག་སོགས་ཕལ་པར་འཇུག་བརྟེན་པ། །ཤིན་ཏུ་མཛེས་ཏེ་གཞན་དུ་ནི། །གྲོང་པ་ཉིད་ཀྱི་ནུས་པ་བསྟེན། །ཞེས་པ་སྟེ་ནིཥྛུ་ཏ་དང་ཨུརྒཱིཪྞ་སྐྱུག་པ་ལ་འཇུག་པ་ལས། དངོས་བསྟན་བུད་མེད་ལ་སྦྱོར་རྒྱུ་དེ་བསྒྲིབས་ནས་སྐྱུག་པ་སོགས་ཕལ་པའམ་བཏགས་པ་བ་པདྨ་དང་ཉི་མར་འཇུག་པའི་སྦྱོར་བར་བསྟེན་པ་ནི་ཤིན་ཏུ་མཛེས་ཏེ། གཞན་དུ་གྲོང་པ་ཉིད་ཀྱི་ནུས་པ་མི་མཛེས་པ་བསྟེན་པའི་ཕྱིར་རོ། །གཉིས་པ་ནི། པདྨས་ཉི་ཟེར་སྐྱུག་པ་རྣམས། །འཐུངས་ནས་རྡུལ་དམར་བསྐྱུགས་པ་ཡི། །ཁ་ཡི་དག་བྱེད་ཟེར་མ་རྣམས། །ཤིན་ཏུ་སྐྱུག་པར་བྱེད་པ་བཞིན། །ཞེས་པ་མཛེས་ཏེ་མི་མཛེས་པ། །ཆུང་མ་སྐྱུག་པར་བྱེད་ཅེས་པའོ། །ཞེས་པ་སྟེ། ཆུ་སྐྱེས་པདྨས་ཉི་ཟེར་སྐྱུག་པ་རྣམས་འཐུངས་ནས་གེ་སར་གྱི་རྡུལ་དམར་བསྐྱུགས་པའི་ཁ་ཡི་དག་བྱེད་ཆུའི་ཟེར་མ་རྣམས་ཀྱང་ཤིན་ཏུ་སྐྱུག་པར་བྱེད་པ་བཞིན། ཞེས་སྐྱུག་པའི་ཆོས་གཅིག་པུ་པདྨ་དང་ཉི་མར་བཀོད་ནས་བརྗོད་པ་ནི་མཛེས་

― MLP007_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་ཏེ། མི་མཛེས་པ་ནི་ཆུང་མ་ཆང་གིས་ར་རོ་ནས་སྐྱུག་པར་བྱེད་ཅེས་པའོ། །གཉིས་པ་ལ། འདོད་ཚུལ། དཔེར་བརྗོད། དོན་བཤད་པའོ། །དང་པོ་ནི། ཅིག་ཅར་ཉིད་དུ་ཆོས་དུ་མ། །བཀོད་པ་དག་ཀྱང་འདོད་དེ་དཔེར། །ཞེས་པ་སྟེ། དུས་ཅིག་ཅར་ཉིད་དུ་ཆོས་ཅན་གཞན་གྱི་ཆོས་དུ་མ་ཞིག་དངོས་པོ་གཞན་ལ་བཀོད་པའི་ཏིང་ངེ་འཛིན་དག་ཀྱང་འདོད་དེ། དཔེར་ན་ཞེས་སོ། །གཉིས་པ་ནི། ལྕི་བའི་མངལ་ཁུར་གྱིས་ངལ་ཞིང་། །འཁུན་པར་བྱེད་པ་སྤྲིན་གྱི་འཕྲེང་། །འདི་དག་གཡོ་མེད་སྟེང་གི་ནི། །ཕང་པ་དག་ཏུ་ཡང་དག་ཉལ། །ཞེས་པ་སྟེ། ཤིན་ཏུ་ལྕི་བའི་མངལ་ཁུར་གྱིས་ནན་པས་ངལ་ཞིང་། འབྲུག་གི་སྒྲ་དལ་བུས་འཁུན་པར་བྱེད་པའི་ཆར་སྤྲིན་གྱི་འཕྲེང་བ་འདི་དག་ནི་གཡོ་མེད་རི་བོའི་སྟེང་གི་ཕང་པ་དག་ཏུ་ཡང་དག་པར་ཉལ་ལོ། །གསུམ་པ་ནི། གྲོགས་མོའི་ཕང་པར་ཉལ་བ་དང་། །འཁུན་དང་ལྕི་བ་ཉིད་དང་ངལ། །ཞེས་པ་འདི་ནི་མངལ་ལྡན་མའི། །ཆོས་མང་པོ་རྣམས་གཞན་ལ་བསྟན། །ཞེས་པ་སྟེ། གྲོགས་མོའི་ཕང་པར་ཉལ་ཏེ་གནས་པ་དང་། འཁུན་བུ་འབྱིན་པ་དང་། ལུས་ལྕི་བ་ཉིད་དང་། ངལ་བ་ཞེས་པའི་ཚིག་སྦྱོར་འདི་ནི་བུད་མེད་མངལ་ལྡན་མའི་ཆོས་མང་པོ་སྟེ། དེ་རྣམས་གཞན་སྤྲིན་པ་ལ་བཏགས་ཏེ་བསྟན་པ་ཡིན་ནོ། །གསུམ་པ་ནི། ཏིང་འཛིན་ཞེས་བྱའི་ཡོན་ཏན་གང་། །འདི་ནི་སྙན་ངག་བདོག་ཀུན་ཏེ། །སྙན་ངག་མཁན་པོ་དོན་མཐུན་གྱི། །ཚོགས་ཀྱང་འདི་ཉིད་རྗེས་སུ་འབྲང་། །ཞེས་པ་སྟེ། ཏིང་ངེ་འཛིན་ཞེས་བྱ་བའི་ཡོན་ཏན་གང་ཡིན་པ་འདི་ནི་སྙན་ངག་གི་རིག་པའི་བདོག་པ་ཀུན་ཏེ། དེའི་ཕྱིར་སྙན་ངག་མཁན་པོ་དོན་མཐུན་གྱི་ཚོགས་རྣམས་ཀྱང་རྒྱན་འདི་ཉིད་ཀྱི་རྗེས་སུ་འབྲང་ངོ་། །གསུམ་པ་དོན་བསྡུ་བ་ནི། དེ་ལྟར་རང་བཞིན་བརྟག་པ་ལས། །ལམ་ནི་དེ་གཉིས་རྣམ་པར་ཕྱེ། །དེ་དག་དབྱེ་བ་སྙན་ངག་མཁན། །སོ་སོ་ལ་གནས་བརྗོད་མི་ནུས། །བུར་ཤིང་འོ་མ་བུར་སོགས་ཀྱིས། །མངར་བ་ཉིད་ཀྱི་ཁྱད་པར་ཆེ། །དེ་ལྟ་མོད་ཀྱི་དེ་བརྗོད་པར། །དབྱངས་ཅན་མས་ཀྱང་ནུས་མ་ཡིན། །ཞེས་པ་སྟེ། བཤད་ཟིན་པའི་ཚུལ་དེ་ལྟར། ལམ་གཉིས་ཀྱི་རང་བཞིན་ལེགས་པར་བརྟགས་པ་ལས། ལྷོ་ཤར་གྱི་ལམ་སྲོལ་དེ་གཉིས་ནི་རྣམ་པར་ཕྱེ་

― MLP007_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ་བསྟན་ཅིང་། དེ་དག་གི་དབྱེ་བ་ཆུང་ངུ་ཕྲ་ཞིང་ཞིབ་པ་རྣམས་ནི་སྙན་ངག་མཁན་སོ་སོ་ལ་གནས་པ་ཡིན་གྱི་འདིར་ནི་བརྗོད་པར་མི་ནུས་སོ། །ཇི་ལྟར་ན་བུར་ཤིང་དང་། འོ་མ་དང་། བུ་རམ་སོགས་ཀྱི་རོ་མངར་བ་ཉིད་ཀྱི་ཁྱད་པར་ཤིན་ཏུ་ཆེ་བ་དེ་ལྟ་མོད་ཀྱི། འོན་ཀྱང་དེའི་ཁྱད་པར་བརྗོད་པར་ངག་གི་དབང་ཕྱུག་དབྱངས་ཅན་མས་ཀྱང་ནུས་པ་མ་ཡིན་ནོ། །གསུམ་པ་བར་སྐབས་སུ་སྙན་ངག་གི་རྒྱུ་བཤད་པ་ལ། ཕུན་སུམ་ཚོགས་པའི་རྒྱུ། སྣོད་དུ་རུང་བའི་རྒྱུ། རྒྱུ་དེ་ལྡན་གྱི་ཕན་ཡོན་བསྟན་པའོ། །དང་པོ་ནི། རང་བཞིན་གྱིས་གྲུབ་སྤོབས་པ་དང་། །མང་དུ་ཐོས་པ་དྲི་མེད་དང་། །མངོན་པར་སྦྱོར་བ་མི་དམན་པ། །སྙན་ངག་ཕུན་སུམ་ཚོགས་པའི་རྒྱུ། །ཞེས་པ་སྟེ། སྐྱེ་བ་གཞན་དུ་གོམས་པའི་མཐུས། ཚེ་འདིར་རང་བཞིན་གྱིས་གྲུབ་པའི་སྤོབས་པ་དང་། གཞུང་ལུགས་མང་དུ་ཐོས་པས་ཐེ་ཚོམ་གྱི་དྲི་མ་མེད་པ་དང་། བྱ་བ་སྒྲུབ་པ་ལ་མངོན་པར་སྦྱོར་བས་བརྩོན་འགྲུས་མི་དམན་པ་སྟེ། དེ་གསུམ་སྙན་ངག་ཕུན་སུམ་ཚོགས་པའི་རྒྱུ་ཡིན་ནོ། །གཉིས་པ་ནི། གལ་ཏེ་སྔོན་གྱི་བག་ཆགས་ཡོན་ཏན་གྱི། །རྗེས་འབྲེལ་སྤོབས་པ་རྨད་བྱུང་མེད་པ་ལའང་། །ཐོས་དང་འབད་པ་དག་གིས་ངག་བསྟེན་ན། །ཅི་ཞིག་ལྟར་ཡང་ངེས་པར་རྗེས་འཛིན་བྱེད། །ཅེས་པ་སྟེ། གལ་ཏེ་སྔོན་གོམས་ཀྱི་བག་ཆགས་སད་པའི་ཡོན་ཏན་གྱི་རྗེས་འབྲེལ་དུ་བྱུང་བའི་སྤོབས་པ་རྨད་དུ་བྱུང་བ་མེད་པ་ལའང་མང་དུ་ཐོས་པ་དང་། འབད་པ་ཆེན་པོའི་བརྩོན་འགྲུས་དག་གིས་སྙན་ངག་གི་རིག་པ་ལ་བརྟེན་ན། དབང་པོ་རྣོ་བརྟུལ་ཅི་ཞིག་ལྟར་ཡང་ངེས་པར་རྗེས་སུ་འཛིན་ཕྱིར་སྙན་ངག་རྩོམ་པའི་ནུས་པ་མཐུ་ཅན་དུ་བྱེད་དོ། །གསུམ་པ་ནི། དེ་ཕྱིར་གྲགས་འདོད་རྣམས་ཀྱིས་རྟག་ཏུ་ནི། །སྙོམས་ལས་མེད་པར་རིམ་པས་དབྱངས་ཅན་བསྟེན། །སྙན་ངག་ཆུང་ངུ་ལ་ཡང་ངལ་བྱས་མི། །མཁས་པའི་མདུན་ས་དག་ཏུ་འདུག་ལ་དབང་། །ཞེས་པ་སྟེ། གོང་དུ་བརྗོད་པའི་རྒྱུ་མཚན་དེའི་ཕྱིར་གནས་སྐབས་དང་མཐར་ཐུག་གི་གྲགས་པ་འདོད་པ་རྣམས་ཀྱིས་དུས་རྟག་ཏུ་སྙོམས་ལས་དང་ལེ་ལོའི་དབང་དུ་ལུས་པ་མེད་པར་ཐོས་པ་དང་བསམ་པ་དང་། གོམས་པའི་རིམ་པས་དབྱངས་ཅན་ཏེ་སྙན་ཚིག་གི་རིག་པ་རྣམས་སམ་ཡང་ན་ལྷག་

― MLP007_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལྷ་དབྱངས་ཅན་མ་ཉིད་བསྟེན་པར་བྱ་ཞིང་། དེར་མ་ཟད། སྙན་ངག་ཆུང་ངུ་ཚིགས་བཅད་གཅིག་ཙམ་གྱི་སྐྱོན་ཡོན་ལ་ཡང་བརྟག་ཅིང་དཔྱོད་པའི་ངལ་བ་བསྟེན་པར་བྱས་པའི་མི་དེ་ནི་མཁས་པ་ཚོགས་པའི་མདུན་ས་དག་ཏུ་འདུག་པ་ལ་དབང་ངོ་། །སྙན་ངག་གི་བསྟན་བཅོས་མེ་ལོང་ལས། ལམ་རྣམ་པར་ཕྱེ་བ་བསྟན་པ་སྟེ་ལེའུ་དང་པོའི་དོན་བཤད་ཟིན་ཏོ།། །།

― MLP007_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་ཐུན་མོང་གི་རྒྱན་བཤད་པ་ལ་གཉིས། སྤྱིར་བསྟན་པ་དང་། སོ་སོར་བཤད་པའོ། །དང་པོ་ནི། སྙན་ངག་མཛེས་པར་བྱེད་པ་ཡི། །ཆོས་རྣམས་རྒྱན་ཞེས་རབ་ཏུ་བརྗོད། །དེ་ནི་ད་ལྟའང་རྣམ་རྟོག་སྟེ། །དེ་དག་མ་ལུས་སུས་འཆད་ནུས། །འོན་ཀྱང་རྣམ་རྟོག་ས་བོན་ནི། །སྔོན་གྱི་སློབ་དཔོན་རྣམས་ཀྱིས་བསྟན། །དེ་ཉིད་རབ་ཏུ་ལེགས་སྦྱར་ཕྱིར། །ཡོངས་སུ་ངལ་འདི་བདག་གིའོ། །ཞེས་པ་སྟེ། ཚིག་དོན་ཕུན་སུམ་ཚོགས་པའི་སྙན་ངག་གི་ལུས་བཅད་ལྷུག་སྤེལ་མ་གསུམ་མཛེས་པར་བྱེད་པའི་ཆོས་རྣམས་ལ་རྒྱན་ཞེས་བྱ་བར་རབ་ཏུ་བརྗོད་ཅིང་། དེ་ལྟ་བུའི་རྒྱན་དེ་ནི་སྔར་བསྟན་པར་མ་ཟད་ད་ལྟའང་རྣམ་རྟོག་སྟེ་རྟོག་དཔྱོད་ལ་མཐའ་མེད་ཕྱིར། དེ་དག་གི་དབྱེ་བ་མ་ལུས་པ་ནི་སུས་ཀྱང་འཆད་པར་ནུས་པ་མ་ཡིན་མོད། འོན་ཀྱང་རྣམ་རྟོག་གི་ས་བོན་ཙམ་ནི་སྔོན་གྱི་སློབ་དཔོན་རྣམས་ཀྱིས་བསྟན་ཏེ། དེ་ཉིད་ཚིག་ཉུང་ངུས་རབ་ཏུ་ལེགས་པར་སྦྱར་ཕྱིར་ཡོངས་སུ་ངལ་བ་འདི་ནི་དབྱུག་པ་ཅན་བདག་གིས་བསྟན་པར་བྱ་ཞེས་པའོ། །གཉིས་པ་ལ། མཚམས་སྦྱར་ནས་བཤད་པ་དང་། བཤད་ཚུལ་དངོས་རྣམ་པར་ཕྱེ་བའོ། །དང་པོ་ནི། ལམ་ནི་རྣམ་པར་དབྱེ་དོན་དུ། །རྒྱན་འགའ་ཞིག་ནི་སྔར་ཡང་བསྟན། །ཐུན་མོང་དག་ཏུ་རྒྱན་གྱི་ནི། །རིགས་གཞན་རབ་ཏུ་བསྟན་པར་བྱ། །ཞེས་པ་སྟེ། ལྷོ་ཤར་གྱི་ལམ་སྲོལ་གཉིས་ནི་རྣམ་པར་དབྱེ་བའི་དོན་དུ། སྦྱར་བ་སོགས་རྒྱན་འགའ་ཞིག་ནི་ལེའུ་དང་པོའི་སྐབས་སུ་སྔར་ཡང་བསྟན་ཟིན་ལ། ད་ནི་ལྷོ་ཤར་དག་ཐུན་མོང་དུ་འདོད་པའི་རྒྱན་གྱི་རིག་པ་གཞན་དག་རབ་ཏུ་བསྟན་པར་བྱའོ། །གཉིས་པ་ལ་གསུམ། དོན་རྒྱན། སྒྲ་རྒྱན། གབ་ཚིག་གྱི་རྒྱན་ནོ། །དང་པོ་ལ། མདོར་བསྟན། རྒྱས་བཤད། མཇུག་བསྡུ་བའོ། །དང་པོ་ནི། རང་བཞིན་བརྗོད་དང་དཔེ་དང་ནི། །གཟུགས་ཅན་གསལ་བྱེད་བསྐོར་བ་དང་། །འགོག་དང་དོན་གཞན་བཀོད་པ་དང་། །ལྡོག་པ་ཅན་དང་སྲིད་པ་ཅན། །བསྡུས་དང་ཕུལ་བྱུང་རབ་བརྟགས་དང་། །རྒྱུ་དང་ཕྲ་མོ་ཆ་དང་

― MLP007_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ། །དགའ་དང་ཉམས་ལྡན་གཟི་བརྗིད་ཅན། །རྣམ་གྲངས་བརྗོད་དང་ཀུན་ཏུ་ཕན། །རྒྱ་ཆེ་བསྙོན་དོར་སྦྱར་བ་དང་། །ཁྱད་པར་མཚུངས་པར་སྦྱོར་བ་དང་། །འགལ་དང་སྐབས་མིན་བསྟོད་པ་དང་། །ཟོལ་བསྟོད་ངེས་པར་བསྟན་པ་དང་། །ལྷན་ཅིག་བརྗོད་དང་ཡོངས་རྗེས་ཤིས། །རབ་སྤེལ་དེ་ནས་དགོངས་པ་ཅན། །འདི་དག་ཚིག་རྣམས་དག་གི་ནི། །རྒྱན་དུ་སྔོན་གྱི་མཁས་པས་བསྟན། །ཞེས་པ་སྟེ། གོ་སླའོ། །གཉིས་པ་རྒྱས་བཤད་ལ་གཉིས། རྒྱན་སུམ་ཅུ་རྩ་ལྔ་བཤད་པ་དང་། ཟློས་གར་གྱི་མཚན་ཉིད་ཀྱང་རྒྱན་དུ་བསྟན་པའོ། །དང་པོ་ལ་སུམ་ཅུ་རྩ་ལྔ་ལས། དང་པོ་རང་བཞིན་བརྗོད་པའི་རྒྱན་ལ་གསུམ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། དངོས་པོ་རྣམས་ཀྱི་རང་བཞིན་དང་། །གནས་སྐབས་སྣ་ཚོགས་དངོས་གསལ་བྱེད། །དེ་ནི་རང་བཞིན་བརྗོད་པ་སྟེ། །དང་པོའི་རྒྱན་ཡིན་རིགས་སོགས་དཔེར། །ཞེས་པ་སྟེ། དངོས་པོ་བརྗོད་བྱ་རྣམས་ཀྱི་རང་བཞིན་དང་གནས་སྐབས་སྣ་ཚོགས་སྒྲོ་སྐུར་མེད་པར་ཚིག་གིས་དངོས་སུ་གསལ་བར་བྱེད་པ་དེ་ནི་རང་བཞིན་བརྗོད་པའི་རྒྱན་ཏེ་དང་པོའི་རྒྱན་ཡིན་ཞིང་། རྣམ་གྲངས་རིགས་སོགས་དཔེར་བརྗོད་ན་ཞེས་སོ། །གཉིས་པ་ལ། དང་པོ་རིགས་བརྗོད་པ་ནི། མཆུ་ནི་དམར་ཞིང་གུག་པ་དང་། །གཤོག་པ་ལྗང་ཞིང་མཉེན་པ་དང་། །མགྲིན་པ་ཁ་དོག་གསུམ་འཕྲེང་ཅན། །ནེ་ཙོ་འདི་དག་ཚིག་འཇམ་ལྡན། །ཞེས་པ་སྟེ། མཆུ་ཁ་དོག་དམར་ཞིང་དབྱིབས་གུག་པ་དང་། གཤོག་པ་ཁ་དོག་ལྗང་ཞིང་རེག་བྱ་མཉེན་པ་དང་། མགྲིན་པ་དཀར་སྔོ་དམར་བའི་ཁ་དོག་གསུམ་གྱི་འཕྲེང་བ་ཅན་ནེ་ཙོ་འདི་དག་ནི་ཚིག་འཇམ་པོར་སྨྲ་བ་དང་ལྡན་ནོ་ཞེས་ནེ་ཙོ་སྤྱིའི་རིགས་སྨོས་པའོ། །གཉིས་པ་བྱ་བ་བརྗོད་པ་ནི། མགྲིན་པའི་ནང་ནས་སྙན་སྒྲོག་ཅིང་། །མིག་ནི་ཀུན་ཏུ་འཕྲུལ་པ་ཡི། །ཕུག་རོན་བརྩེ་འདོད་དགའ་མ་ལ། །ཡོངས་སུ་བསྐོར་ནས་མཆུ་དག་སྦྱོར། །ཞེས་པ་སྟེ། མགྲིན་པའི་ནང་ནས་སྐད་ཅུང་ཟད་མི་གསལ་བར་སྙན་པར་སྒྲོག་ཅིང་། མྱོས་པའི་མིག་གཉིས་ཀུན་ཏུ་འཕྲུལ་བར་བྱེད་པའི་ཕུག་རོན་བརྩེ་འདོད་པས་རང་གི་དགའ་མ་ལ་ཡོངས་སུ་བསྐོར་ནས་ཕན་ཚུན་མཆུ་དག་

― MLP007_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོར་བར་བྱེད་དོ། །གསུམ་པ་ཡོན་ཏན་བརྗོད་པ་ནི། །དགའ་མ་ཡི་ནི་རེག་པ་འདིས། །ལུས་ལ་སྤུ་ལོང་རྒྱས་པ་དང་། །ཡིད་ནི་བདེ་བར་བྱེད་པ་དང་། །མིག་དག་ཟུམ་པར་བྱེད་ཅིང་འཇུག །ཅེས་པ་སྟེ། དགའ་མ་ལ་འཁྱུད་པའི་རེག་པ་འདིས་ནི་ལུས་ལ་ཆགས་པའི་སྤུ་ལོང་རྒྱས་པ་དང་། ཡིད་ནི་བདེ་བས་ཚིམ་པར་བྱེད་པ་དང་། མིག་དག་ཀྱང་ཟུམ་པར་བྱེད་ཅིང་བརྩེ་དགའི་བྱ་བ་ལ་འཇུག་པར་བྱས་པས་ཚོར་བ་བདེ་བ་ཐོབ་བོ། །བཞི་པ་རྫས་བརྗོད་པ་ནི། མགྲིན་སྔོན་ལག་ན་ཐོད་པ་ནི། །གནས་པ་ཟླ་བའི་ཅོད་པན་དང་། །སྣུམ་ཞིང་དམར་བའི་རལ་པ་ཅན། །ཁྱུ་མཆོག་རྒྱལ་མཚན་འཁྲུངས་པར་གྱུར། །ཞེས་པ་སྟེ། དུག་གིས་མགྲིན་པ་སྔོན་པོར་གྱུར་ཅིང་། ལག་ན་སློང་སྣོད་ཀྱི་ཐོད་པ་གནས་པ་ཟླ་བའི་ཅོད་པན་དང་ལྡན་པ། རབ་ཏུ་སྣུམ་ཞིང་ཁ་དོག་དམར་བའི་རལ་པ་ཅན་ཁྱུ་མཆོག་རྒྱལ་མཚན་ཅན་དབང་ཕྱུག་དེ་ནི་བསོད་ནམས་ཀྱི་དཔལ་དུ་འཁྲུངས་པར་གྱུར་ཏོ། །གསུམ་པ་ནི། རིགས་དང་བྱ་བ་ཡོན་ཏན་རྫས། །རང་བཞིན་བརྗོད་པ་འདི་འདྲ་ནི། །བསྟན་བཅོས་ཀུན་ལ་རྒྱལ་སྲིད་ཉིད། །སྙན་ངག་ལ་ཡང་འདི་དག་འདོད། །ཅེས་པ་སྟེ། བཤད་མ་ཐག་པའི་རིགས་དང་། བྱ་བ་དང་། ཡོན་ཏན་དང་། རྫས་ཏེ་རང་བཞིན་བརྗོད་པའི་རྒྱན་རྣམ་པ་བཞི་འདི་འདྲ་བ་ནི་བསྟན་བཅོས་ཀུན་ལ་རྒྱལ་སྲིད་ཉིད་དེ་མཆོག་ཏུ་གྱུར་པ་ཡིན་ཅིང་། སྙན་ངག་རིག་པའི་རྒྱན་དང་པོ་ལ་ཡང་འདི་དག་འདོད་དོ། །གཉིས་པ་དཔེའི་རྒྱན་ལ་བཞི། མཚན་ཉིད། དཔེར་བརྗོད། སྐྱོན་ཡོན་གྱི་དམིགས་ཕྱེ། མཚུངས་གསལ་གྱི་སྒྲ་བཤད་པའོ། །དང་པོ་ནི། ཇི་ལྟ་ཇི་ཞིག་ལྟར་མཚུངས་པར། །གསལ་བར་གང་དུ་རྟོགས་བྱེད་པ། །དེ་ནི་དཔེ་ཞེས་བྱ་སྟེ་དེའི། །སྤྲོས་པ་འདི་ནི་རབ་བཤད་བྱ། །ཞེས་པ་སྟེ། དཔེ་ཇི་ལྟ་བ་བཞིན་དུ་ཇི་ཞིག་དཔེ་ཅན་དེ་དཔེ་དེ་ལྟར་མཚུངས་པར་གནས་པ། གསལ་བར་ངག་གི་སྦྱོར་བས་གང་དུ་དོན་རྟོགས་པར་བྱེད་པ་དེ་ནི་དཔེའི་རྒྱན་ཞེས་བྱ་སྟེ། དེའི་སྤྲོས་པ་འདི་ནི་རབ་ཏུ་བཤད་པར་བྱའོ། །གཉིས་པ་ལ། དང་པོ་ཆོས་དཔེ་ནི། མཛེས་མ་ཁྱོད་ཀྱི་ལག་མཐིལ་ནི། །ཆུ་སྐྱེས་བཞིན་དུ་ཀུན་ཏུ་དམར། །ཞེས་པ་ཆོས་དཔེར་དངོས་

― MLP007_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ནི། །མཚུངས་པའི་ཆོས་དག་བསྟན་ཕྱིར་རོ། །ཞེས་པ་སྟེ། མཛེས་མ་ཞེས་བོས་ནས། ཁྱོད་ཀྱི་ལག་པའི་མཐིལ་འདི་ནི་ཆུ་སྐྱེས་པདྨ་བཞིན་དུ་ཀུན་ཏུ་དམར་རོ་ཞེས་པ་ཆོས་དཔེ་སྟེ་ཚིག་གི་དངོས་སུ་མཚུངས་པའི་ཆོས་དག་བསྟན་པའི་ཕྱིར་རོ། །གཉིས་པ་དངོས་པོའི་དཔེ་ནི། ཁྱོད་ཀྱི་གདོང་ནི་པདྨ་བཞིན། །མིག་དག་ཨུཏྤལ་སྔོན་པོ་བཞིན། །ཞེས་པ་ཆོས་གཅིག་རྟོགས་བྱེད་པ། །དེ་ནི་དངོས་པོའི་དཔེ་ཉིད་དོ། །ཞེས་པ་སྟེ། མཛེས་མ་ཁྱེད་ཀྱི་གདོང་པ་ནི་པདྨ་བཞིན་ནོ། །མིག་གཉིས་པོ་འདི་དག་ནི་ཨུཏྤལ་སྔོན་པོ་བཞིན་ནོ་ཞེས་དཔེ་དོན་གྱི་དངོས་པོ་ཙམ་བཀོད་པའི་ཤུགས་ལས་མཚུངས་ཆོས་གཅིག་པར་རྟོགས་པར་བྱེད་པ་དེ་ནི་དངོས་པོའི་དཔེ་ཉིད་དོ། །གསུམ་པ་ལྡོག་པའི་དཔེ་ནི། ཁྱོད་ཀྱི་གདོང་བཞིན་པདྨ་ནི། །རྣམ་པར་རྒྱས་པར་གྱུར་ཅེས་པ། །དེ་ནི་གྲགས་པ་ལྡོག་པའི་ཕྱིར། །ལྡོག་པའི་དཔེ་ཞེས་བྱ་བར་འདོད། །ཅེས་པ་སྟེ། ལུས་ཕྲ་ཁྱོད་ཀྱི་གདོང་པ་བཞིན་དུ་པདྨ་ནི་མཛེས་པ་རྣམ་པར་རྒྱས་པར་གྱུར་ཞེས་དཔེ་དཔེ་ཅན་གོ་ལྡོག་པ་དེ་ནི་འཇིག་རྟེན་ན་གྲགས་པའི་དོན་ལས་ལྡོག་པའི་ཕྱིར་ལྡོག་པའི་དཔེ་ཞེས་བྱ་བར་འདོད་དོ། །བཞི་པ་ཕན་ཚུན་གྱི་དཔེ་ནི། ཁྱོད་ཀྱི་ཞལ་བཞིན་ཆུ་སྐྱེས་ཏེ། །ཆུ་སྐྱེས་བཞིན་དུ་ཁྱོད་ཀྱི་ཞལ། །ཞེས་པ་ཕན་ཚུན་ཁྱད་འཕགས་ནི། །རྗོད་པར་བྱེད་དེ་ཕན་ཚུན་དཔེ། །ཞེས་པ་སྟེ། ཡིད་འོང་མ་ཁྱོད་ཀྱི་ཞལ་བཞིན་དུ་ཆུ་སྐྱེས་ནི་མཛེས་ཏེ། ཆུ་སྐྱེས་མཛེས་པ་དེ་བཞིན་དུ་ཁྱོད་ཀྱི་ཞལ་འདི་ཡང་མཛེས་ཞེས་པ་དཔེ་དཔེ་ཅན་ཕན་ཚུན་བཀོད་རེས་ཀྱིས་ཁྱད་པར་དུ་འཕགས་པའི་ཚིག་རྗོད་པར་བྱེད་པའི་ཚུལ་འདི་ལ་ཕན་ཚུན་གྱི་དཔེ་ཞེས་བྱའོ། །ལྔ་པ་ངེས་པའི་དཔེ་ནི། ཁྱེད་ཞལ་པདྨ་ཉིད་དང་མཚུངས། །གཞན་ནི་འགའ་ཞིག་དང་ཡང་མིན། །ཞེས་པ་མཚུངས་པ་གཞན་ལྡོག་ཕྱིར། །འདི་ནི་ངེས་པ་ཉིད་ཀྱི་དཔེ། །ཞེས་པ་སྟེ། ཁྱོད་ཀྱི་ཞལ་མཛེས་ཤིང་ཡིད་དུ་འོང་བ་འདི་ནི་པདྨ་ཉིད་དང་མཚུངས་ཀྱི། དེ་ལས་གཞན་པའི་དཔེ་ནི་འགའ་ཞིག་དང་ཡང་མཚུངས་པ་མ་ཡིན་ནོ། །ཞེས་པ་མཚུངས་པའི་དཔེ་གཞན་ལྡོག་སྟེ་བརྗོད་པའི་ཕྱིར་ཚུལ་འདི་ནི་ངེས་པ་ཉིད་ཀྱི་དཔེ་ཡིན་ནོ། །དྲུག་པ་ངེས་མེད་ཀྱི་དཔེ་ནི། རེ་ཞིག་ཁྱོད་གདོང་པདྨ་ཡི། །རྗེས་འགྲོ་གཞན་ཡང་དེ་འདྲ་བ། །གལ་

― MLP007_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་ཡོད་ན་དེ་བྱེད་འགྱུར། །ཞེས་པའི་འདི་ནི་ངེས་མེད་དཔེ། །ཞེས་པ་སྟེ། རེ་ཞིག་སྟེ་ཐོག་མ་ཁོ་ནར་ཁྱོད་གདོང་པདྨའི་རྗེས་སུ་འགྲོ་ཞེས་བརྗོད་ཀྱི། གཞན་ཡང་དེ་འདྲ་བའི་མཛེས་པ་ཅན་དག་གལ་ཏེ་འཇིག་རྟེན་འདི་ན་ཡོད་པར་གྱུར་ན་དེ་ཡང་ཁྱོད་ཀྱི་གདོང་པའི་དཔེ་བྱེད་པར་འགྱུར་རོ་ཞེས་དཔེ་གཅིག་ཏུ་མ་ངེས་པར་བརྗོད་པ་འདི་ནི་ངེས་མེད་ཀྱི་དཔེ་ཡིན་ནོ། །བདུན་པ་བསྡུས་པའི་དཔེ་ནི། ཁྱོད་གདོང་མཛེས་པ་ཁོ་ན་ཡིས། །ཟླ་བའི་རྗེས་སུ་འགྲོ་མིན་ཏེ། །དགའ་བསྐྱེད་ལས་ཀྱིས་ཀྱང་ཞེས་པ། །འདི་འདྲ་བསྡུས་པའི་དཔེ་ཡང་ཡོད། །ཅེས་པ་སྟེ། ཁྱོད་གདོང་མཛེས་ཤིང་ལྟ་ན་སྡུག་པ་ཁོ་ནས་ཟླ་བའི་རྗེས་སུ་འགྲོ་བ་མ་ཡིན་ཏེ། འགྲོ་བ་རྣམས་ལ་དགའ་བ་བསྐྱེད་པའི་བྱེད་ལས་ཀྱིས་ཀྱང་མཚུངས་སོ་ཞེས་དཔེ་གཅིག་ལ་ངོ་བོ་དང་བྱེད་ལས་གཉིས་ཀའི་སྒོ་ནས་མཚུངས་པར་བརྗོད་པའི་ཚུལ་འདི་འདྲ་བ་བསྡུས་པའི་དཔེ་ཞེས་བྱ་བ་ཡང་ཡོད་དོ། །བརྒྱད་པ་ཕུལ་བྱུང་གི་དཔེ་ནི། ཁྱོད་ཀྱི་ཞལ་ནི་ཁྱོད་ཉིད་ལ། །མཐོང་ཞིང་ཟླ་བ་མཁའ་ལ་མཐོང་། །འདི་ཉིད་ཁོ་ན་ཐ་དད་དོ། །གཞན་མེད་ཅེས་འདི་ཕུལ་བྱུང་དཔེ། །ཞེས་པ་སྟེ། བཞིན་མཛེས་མ་ཁྱོད་ཀྱི་ཞལ་ནི་ཁྱོད་ཉིད་ཀྱི་ལུས་ལ་མཐོང་ཞིང་། ཟླ་བ་ནི་ནམ་མཁའ་ལ་མཐོང་སྟེ། དེའི་ཕྱིར་མཐོང་ཡུལ་མི་གཅིག་པ་འདི་ཉིད་ཁོ་ན་ཁྱོད་གདོང་དང་ཟླ་བ་ཐ་དད་དུ་འབྱེད་པའི་ཆོས་ཏེ། གཞན་དུ་ཁྱད་པར་འབྱེད་ཆོས་ཅི་ཡང་མེད་དོ་ཞེས་འུད་ཆེན་པོའི་སྒོ་ནས་བརྗོད་པ་འདི་ནི་ཕུལ་བྱུང་གི་དཔེའོ། །དགུ་པ་རབ་བརྟགས་ཀྱི་དཔེ་ནི། དེ་ཡི་བཞིན་དཔལ་ང་ཉིད་ལ། །ཡོད་ཅེས་ཟླ་བ་བསྙེམ་མི་དགོས། །པདྨ་ལ་ཡང་དེ་ཡོད་ཕྱིར། །ཞེས་པ་འདི་ནི་རབ་བརྟགས་དཔེ། །ཞེས་པ་སྟེ། མཛེས་མ་དེའི་བཞིན་དཔལ་མཐའ་དག་ང་ཉིད་ལ་ཡོད་ཀྱི། གཞན་ལ་མེད་དོ་ཞེས་ཟླ་བ་ཁྱོད་བསྙེམ་པའི་ང་རྒྱལ་བྱ་མི་དགོས་ཏེ། ཆུ་སྐྱེས་པདྨ་ལ་ཡང་དཀར་བ་སོགས་ཀྱི་ཡོན་ཏན་དེ་ལྟ་བུ་ཡོད་པའི་ཕྱིར་ཞེས་ཟླ་བ་སེམས་མེད་ལ་རྣམ་རྟོག་ཡོད་པ་ལྟར་བྱས་ཏེ་བརྗོད་པ་འདི་ནི་རབ་བརྟགས་ཀྱི་དཔེའོ། །བཅུ་པ་རྨད་བྱུང་གི་དཔེ་ནི། སྨིན་ལེགས་གལ་ཏེ་པདྨ་འགའ། །རྣམ་པར་འཕྲུལ་བའི་མིག་ལྡན་ན། །ཁྱོད་ཀྱི་བཞིན་གྱི་དཔལ་འཛིན་ཏེ། །ཞེས་པ་འདི་ནི་རྨད་བྱུང་དཔེ། །

― MLP007_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་སྟེ། སྨིན་ལེགས་མ་ཞེས་བོས་ནས། གལ་ཏེ་ཆུ་སྐྱེས་པདྨ་འགའ་ཞིག་རྣམ་པར་འཕྲུལ་བའི་མིག་དང་ལྡན་པར་གྱུར་ན་ཁྱོད་ཀྱི་བཞིན་གྱི་དཔལ་འཛིན་པར་བྱེད་དེ་གཞན་ནི་མིན་ནོ་ཞེས་དཔེ་ཅན་དེ་ངོ་མཚར་བར་སྟོན་པའི་ཚིག་གི་སྦྱོར་བ་བཀོད་ཚུལ་འདི་ནི་རྨད་བྱུང་གི་དཔེའོ། །བཅུ་གཅིག་པ་རྨོངས་པའི་དཔེ་ནི། ལུས་ཕྲ་ཁྱོད་གདོང་རི་བོང་ཅན། །ཞེས་བཏགས་ཁྱོད་གདོང་བསམ་པ་ཡིས། །ཟླ་བ་འདིའི་ཡང་རྗེས་སུ་བསྙེགས། །ཞེས་འདི་རྨོངས་པའི་དཔེ་རུ་བཤད། །ཅེས་པ་སྟེ། ལུས་ཕྲ་མ་ཁྱོད་ཀྱི་གདོང་ནི་རི་བོང་ཅན་ཏེ་ཟླ་བའོ་ཞེས་བཏགས་ལ་འཁྲུལ་པ་དེར་མ་ཟད་ཁྱོད་གདོང་ཡིན་པར་བསམ་པས་ཟླ་བ་ཤར་བ་འདིའི་ཡང་རྗེས་སུ་བསྙེགས་སོ། །ཞེས་དཔེ་དཔེ་ཅན་གཉིས་ཀ་ངོ་མ་ཤེས་པར་འཁྲུལ་བར་སྟོན་པས་ཚུལ་འདི་ནི་རྨོངས་པའི་དཔེ་རུ་བཤད་དོ། །བཅུ་གཉིས་པ་ཐེ་ཚོམ་གྱི་དཔེ་ནི། པད་ནང་བུང་བ་འཁོར་རམ་ཅི། །ཁྱོད་གདོང་ལ་མིག་གཡོ་འམ་ཅི། །བདག་གི་སེམས་ནི་རྣམ་པར་གཡོ། །ཞེས་པ་འདི་ནི་ཐེ་ཚོམ་དཔེ། །ཞེས་པ་སྟེ། འདི་ན་དཀར་ལ་དམར་བའི་མདངས་ཆགས་པ་ཞིག་གི་དཀྱིལ་ན་མཐོན་མཐིང་ཟུང་ཞིག་འཁྲུལ་བ་འདི་ནི། པདྨའི་ནང་ན་བུང་བ་འཁོར་བ་ཡིན་ནམ། ཁྱོད་གདོང་ལ་མིག་ཟུང་གཡོའམ་ཅི་སྟེ་བདག་གི་སེམས་ནི་སོམ་ཉིའི་དབང་དུ་རྣམ་པར་གཡོ་བ་ལས་མཐའ་གཅིག་ཏུ་ངོས་མ་ཟིན་ནོ་ཞེས་ཐེ་ཚོམ་གྱི་སྒོ་ནས་མཚུངས་པར་སྒྲུབ་པས་འདི་ནི་ཐེ་ཚོམ་གྱི་དཔེའོ། །བཅུ་གསུམ་པ་གཏན་ལ་ཕེབས་པའི་དཔེ་ནི། ཟླ་བ་སྐྱེང་བྱེད་མཛེས་པ་འདི། །ཟླ་བས་ཚར་གཅོད་པདྨ་མིན། །དེ་ཕྱིར་ཁྱོད་ཀྱི་གདོང་ཉིད་དོ། །ཞེས་འདི་གཏན་ལ་ཕེབས་པའི་དཔེ། །ཞེས་པ་སྟེ། ཅི་འདི་ན་ཟླ་བའང་སྐྱེང་པར་བྱེད་པའི་མཛེས་པ་ཅན་ཞིག་འདུག་པ་འདི་ནི་པདྨ་མིན་ཏེ། གལ་ཏེ་ཡིན་ན་ཟླ་བས་ཚར་གཅོད་པར་བྱེད་མོད་རྒྱུ་མཚན་དེའི་ཕྱིར་ཡིད་འོང་མ་ཁྱོད་ཀྱི་གདོང་པ་ཉིད་དོ་ཞེས་དཔེ་དཔེ་ཅན་གྱི་དབྱེ་བ་གཏན་ཚིགས་ཀྱིས་སྒོ་ནས་ངེས་པར་བྱེད་པས་འདི་ནི་གཏན་ལ་ཕེབས་པའི་དཔེའོ། །བཅུ་བཞི་པ་སྦྱར་བའི་དཔེ་ནི། བསིལ་ཟེར་ཅན་གྱི་འགྲན་ཟླ་དང་། །དཔལ་དང་ལྡན་དང་དྲི་བཟང་གིས། །ཁྱོད་ཀྱི་གདོང་ནི་ཆུ་སྐྱེས་བཞིན། །ཞེས་པ་སྦྱར་བའི་དཔེ་རུ་བཤད། །ཅེས་པ་སྟེ། གདོང་གིས་

― MLP007_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བའི་མཛེས་པ་འཕྲོག་ཅིང་། ཟླ་བས་པདྨ་ཟུམ་པར་བྱེད་པས་གཉིས་ཀ་བསིལ་ཟེར་ཅན་གྱི་འགྲན་ཟླ་ཡིན་པ་དང་། གདོང་དང་པདྨ་གཉིས་ཀ་མཛེས་པའི་དཔལ་དང་ལྡན་པ་དང་། དྲི་བཟང་པོ་དང་ལྡན་པའི་རྒྱུ་མཚན་གྱིས་མཛེས་མ་ཁྱོད་ཀྱི་གདོང་ནི་ཆུ་སྐྱེས་བཞིན་ནོ་ཞེས་སྦྱར་རྒྱན་དང་དཔེ་རྒྱན་ལྷན་ཅིག་ཏུ་བཀོད་པས་སྦྱར་བའི་དཔེ་རུ་བཤད་དོ། །བཅོ་ལྔ་པ་མཉམ་ཉིད་ཀྱི་དཔེ་ནི། མཚུངས་པའི་སྒྲ་ཡིས་བརྗོད་བྱའི་ཕྱིར། །མཉམ་ཉིད་དཔེ་སྟེ་ཇི་ལྟར་ན། །སྐྱེད་ཚལ་འཕྲེང་འདི་བུ་མོ་བཞིན། །མཛེས་ལྡན་སཱ་ལ་ཀཱ་ན་ན། །ཞེས་པ་སྟེ། དོན་གྱི་མཚུངས་ཆོས་མེད་ཀྱང་སྒྲ་མཚུངས་པ་ཙམ་གྱིས་དཔེ་དཔེ་ཅན་དུ་བཀོད་པས་བརྗོད་བྱའི་དོན་སྟོན་ཕྱིར་དེ་ནི་མཉམ་ཉིད་ཀྱི་དཔེ་སྟེ། ཇི་ལྟར་ན། སྐྱེད་ཚལ་གྱི་འཕྲེང་བ་འདི་ནི་བུ་མོ་བཞིན་དུ་མཛེས་པ་དང་ལྡན་ཏེ། སཱ་ལ་ཀཱ་ན་ན་ཞེས་པའི་མཚུངས་ཆོས་ཀྱིས་སོ། །སྒྲ་དེ་དཔེ་དཔེ་ཅན་གཉིས་པོ་དེར་ཇི་ལྟར་འཇུག་ན། སྐྱེད་ཚལ་ལ་སྦྱར་བའི་སྐབས་སུ་སཱ་ལ་སྤོས་དཀར་གྱི་ཤིང་། ཀཱ་ན་ན་ནགས་ཏེ། ས་ལའི་ནགས་ཀྱིས་མཛེས་ལྡན་པ། །ཞེས་དང་། བུ་མོ་ལ་སྦྱར་བའི་སྐབས་སུ། ས་བཅས་པ། ཨ་ལ་ཀ་ལན་བུ། ཨཱ་ན་ན་གདོང་སྟེ། ལན་བུར་བཅས་པའི་གདོང་མཛེས་ལྡན། ཞེས་སོ། །བཅུ་དྲུག་པ་སྨད་པའི་དཔེ་ནི། པདྨ་རྡུལ་མང་ཟླ་བ་འཛད། །དེ་དག་ལས་ནི་ཁྱོད་ཀྱི་བཞིན། །མཚུངས་པ་ལ་ཡང་ཁྱད་པར་བཅས། །ཞེས་པ་སྨད་པའི་དཔེ་རུ་འདོད། །ཅེས་པ་སྟེ། པདྨ་ནི་གེ་སར་གྱི་རྡུལ་མང་པོས་གོས་ཤིང་། ཟླ་བ་ནི་མར་ངོ་ཆ་ཤས་བྲི་ནས་འཛད་པས། གཉིས་པོ་དེ་དག་ལས་ནི། ཁྱོད་ཀྱི་བཞིན་མཚུངས་པ་ལ་ཡང་ཁྱད་པར་དུ་འཕགས་པ་དང་བཅས་པ་ཞེས་དཔེ་ལ་སྨད་པའི་སྒོ་ནས་མཚུངས་ཆོས་སྦྱར་བས་འདི་ནི་སྨད་པའི་དཔེ་རུ་འདོད་དོ། །བཅུ་བདུན་པ་བསྔགས་པའི་དཔེ་ནི། པདྨས་ཚངས་པ་མཆོག་ཏུ་བསྐྱེད། །ཟླ་བ་བདེ་འབྱུང་གཙུག་གིས་འཛིན། །དེ་དག་ཁྱོད་གདོང་མཚུངས་ཞེས་པ། །དེ་ནི་བསྔགས་པའི་དཔེར་བརྗོད་དོ། །ཞེས་པ་སྟེ། པདྨས་འཇིག་རྟེན་གྱི་མེས་པོ་ཚངས་པའང་མཆོག་ཏུ་བསྐྱེད་ཅིང་། ཟླ་བ་ནི་བདེ་འབྱུང་གིའང་གཙུག་གིས་འཛིན་པས་ཁྱད་པར་དུ་འཕགས་མོད། དེ་དག་དང་ཁྱོད་ཀྱི་གདོང་མཚུངས་ཞེས་དཔེ་ལ་བསྔགས་པ་

― MLP007_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པས་མཚུངས་པར་སྟོན་པ་དེ་ནི་བསྔགས་པའི་དཔེར་བརྗོད་དོ། །བཅོ་བརྒྱད་པ་བརྗོད་འདོད་ཀྱི་དཔེ་ནི། ཡོན་ཏན་ལྡན་ནམ་སྐྱོན་འགྱུར་ཡང་། །ཟླ་བ་ཁྱོད་གདོང་མཚུངས་ཞེས་པ། །བརྗོད་འདོད་བདག་གི་ཡིད་ལ་ཡོད། །ཅེས་པ་བརྗོད་འདོད་དཔེ་ཞེས་རིག །ཅེས་པ་སྟེ། བདུད་རྩིའི་རང་ཉིད་ཅན་སོགས་ཡོན་ཏན་དང་ལྡན་ནམ། འཛད་པ་སོགས་སྐྱོན་དུ་འགྱུར་བ་མི་ཤེས་མོད་ཀྱི། དེ་ལྟར་ན་ཡང་ཟླ་བ་དང་ཁྱོད་གདོང་མཚུངས་ཞེས་པའི་ཚིག་བརྗོད་འདོད་ཀྱི་བསམ་པ་བདག་གི་ཡིད་ལ་ཡོད་ཅེས་མཚུངས་པ་དང་མི་མཚུངས་པ་ཇི་ལྟར་ཡང་བརྗོད་འདོད་ཙམ་གྱི་དཔེ་དཔེ་ཅན་དུ་བཀོད་པས་བརྗོད་འདོད་ཀྱི་དཔེ་ཞེས་བྱ་བར་རིག་གོ །བཅུ་དགུ་པ་འགལ་བའི་དཔེ་ནི། འདབ་བརྒྱ་པ་དང་སྟོན་ཟླ་དང་། །ཁྱེད་ཀྱི་གདོང་དང་གསུམ་པོ་ནི། །ཕན་ཚུན་རྣམ་པར་འགལ་ཞེས་པ། །དེ་ནི་འགལ་བའི་དཔེར་བརྗོད་དོ། །ཞེས་པ་སྟེ། འདབ་བརྒྱ་པ་སྟེ་པདྨ་དང་། སྟོན་དུས་ཀྱི་ཟླ་བ་དང་། མཛེས་མ་ཁྱོད་ཀྱི་གདོང་དང་གསུམ་པ་འདི་ནི་ཕན་ཚུན་རྣམ་པར་འགལ་ཞེས་པ་འགལ་བ་བརྗོད་པ་མཚུངས་པ་གསལ་བར་བྱེད་པས་དེ་ནི་འགལ་བའི་དཔེར་བརྗོད་དོ། །ཉི་ཤུ་པ་དགག་པའི་དཔེ་ནི། དྲི་མ་ལྡན་ཞིང་བླུན་གྱུར་པས། །ཟླ་བ་ལ་ནི་ཁྱོད་གདོང་དང་། །འགྲན་པའི་ནུས་པ་ནམ་ཡང་མེད། །ཅེས་པ་དགག་པའི་དཔེ་ཉིད་དོ། །ཞེས་པ་སྟེ། ནག་པོ་ར་རིའི་དྲི་མ་དང་ལྡན་ཞིང་སེམས་ཀྱིས་མ་ཟིན་པའི་ཕྱིར་བླུན་པར་གྱུར་པས་སྐྱོན་དེ་ལྟ་བུ་དང་ལྡན་པའི་ཟླ་བ་ལ་ནི་ཁྱོད་གདོང་དང་འགྲན་པའི་ནུས་པ་ནམ་ཡང་མེད་དོ་ཞེས་མཚུངས་པ་དགག་པའི་སྒོ་ནས་དཔེ་དཔེ་ཅན་སྦྱར་བ་འདི་ནི་དགག་པའི་དཔེ་ཉིད་དོ། །ཉེར་གཅིག་པ་ངོ་བསྟོད་ཀྱི་དཔེ་ནི། ཁྱོད་གདོང་རི་དྭགས་མིག་གིས་མཚན། །ཟླ་བ་རི་དྭགས་ཉིད་ཀྱིས་མཚན། །དེ་ལྟ་ན་ཡང་འདི་མཚུངས་ཉིད། །ཁྱད་འཕགས་མིན་ཞེས་ངོ་བསྟོད་དཔེ། །ཞེས་པ་སྟེ། མཛེས་མ་ཁྱོད་གདོང་རི་དྭགས་ཀྱི་མིག་གིས་མཚན་ལ། ཟླ་བའི་དཀྱིལ་འཁོར་རི་དྭགས་ཀྱི་གཟུགས་ཉིད་ཀྱིས་མཚན་མོད། དེ་ལྟ་ན་ཡང་ཟླ་བ་འདི་ནི་ཁྱོད་གདོང་དང་མཚུངས་པ་ཉིད་ལས་ཁྱད་པར་དུ་འཕགས་པ་མིན་ཞེས་ཆ་ཤས་ཙམ་དང་ཆ་ཤས་རྫོགས་པ་ཡོན་ཏན་མཉམ་པར་བྱས་པས་ངོ་བསྟོད་ཀྱི་དཔེ་

― MLP007_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བྱའོ། །ཉེར་གཉིས་པ་དེ་ཉིད་བརྗོད་པའི་དཔེ་ནི། འདི་ནི་བཞིན་ཉིད་པདྨ་མིན། །འདི་དག་བུང་བ་མ་ཡིན་མིག །ཅེས་པ་རྣམ་གསལ་མཚུངས་པ་ལས། །དེ་ནི་དེ་ཉིད་བརྗོད་པའི་དཔེ། །ཞེས་པ་སྟེ། དཀར་ཞིང་ཡིད་དུ་འོང་བ་འདི་ནི་ཁྱོད་ཀྱི་བཞིན་ཉིད་ཡིན་ཏེ་པདྨ་མིན་ནོ། །གནག་སྣུམ་མཛེས་པ་འདི་དག་བུང་བ་མ་ཡིན་ཏེ་ཁྱོད་ཀྱི་མིག་གོ་ཞེས་དཔེ་དཔེ་ཅན་མཛེས་པ་རྣམ་པར་གསལ་བར་མཚུངས་པ་ལས་དེ་གཉིས་མ་འཁྲུལ་བར་དཔེ་ཅན་ཡིན་པར་ངེས་པས་དེ་ནི་དེ་ཉིད་བརྗོད་པའི་དཔེའོ། །ཉེར་གསུམ་པ་ཐུན་མོང་མ་ཡིན་པའི་དཔེ་ནི། ཟླ་བ་པདྨ་དག་གི་ནི། །མཛེས་པ་ལས་འདས་ཁྱོད་ཀྱི་གདོང་། །བདག་རང་ཉིད་དང་མཚུངས་པར་འགྱུར། །ཞེས་པ་ཐུན་མོང་མིན་པའི་དཔེ། །ཞེས་པ་སྟེ་འཇིག་རྟེན་ན་མཛེས་པའི་དཔེར་བྱེད་ཟླ་བ་དང་པདྨ་དག་གི་མཛེས་པ་ལས་འདས་པ་ཁྱོད་ཀྱི་གདོང་འདི་ལ་མཚུངས་ཟླ་གཞན་མེད་པས་བདག་རང་ཉིད་དང་མཚུངས་པར་གྱུར་ཏོ་ཞེས་མཛེས་ཕུལ་ཆེས་པས་ཉིད་ལས་གཞན་པའི་དཔེ་གཞན་མེད་པར་སྟོན་པ་འདི་ནི་ཐུན་མོང་མིན་པའི་དཔེའོ། །ཉེར་བཞི་པ་བྱུང་མིན་གྱི་དཔེ་ནི། པདྨ་མཛེས་པའི་སྙིང་པོ་ཀུན། །འགའ་ཞིག་དག་ཏུ་བསྡུས་པ་བཞིན། །ཁྱོད་ཞལ་རྣམ་པར་མཛེས་ཞེས་པ། །དེ་ནི་བྱུང་མིན་དཔེ་ཞེས་རིག །ཅེས་པ་སྟེ། སྲིད་འདིའི་པདྨ་མཛེས་པའི་སྙིང་པོ་ཇི་སྙེད་ཡོད་པ་ཀུན་ཕྱོགས་འགའ་ཞིག་དག་ཏུ་བསྡུས་པ་བཞིན་དུ་ཁྱོད་ཀྱི་ཞལ་འདི་ནི་རྣམ་པར་མཛེས་ཞེས་པ་དེ་ལྟ་བུའི་དཔེ་ནི་སྔར་མ་བྱུང་ཞིང་ཡོོད་པ་མ་ཡིན་པས་ན་བྱུང་མིན་གྱི་དཔེ་ཞེས་བྱ་བར་རིག་གོ །ཉེར་ལྔ་པ་སྲིད་མིན་གྱི་དཔེ་ནི། ཟླ་བའི་གཟུགས་ལས་དུག་བཞིན་དང་། །ཙནྡན་ལས་ནི་མེ་བཞིན་དུ། །ཞལ་འདི་ལས་ནི་རྩུབ་མོའི་ཚིག །ཅེས་པ་སྲིད་པ་མིན་པའི་དཔེ། །ཞེས་པ་སྟེ། ཟླ་བའི་གཟུགས་བདུད་བརྩིའི་རང་བཞིན་ལས་དུག་འབྱུང་བ་མི་སྲིད་པ་བཞིན་དང་། ཙནྡན་ལས་མེ་འབྱུང་བ་མི་སྲིད་པ་བཞིན་དུ། དམ་པ་ཁྱོད་ཀྱི་ཞལ་འདི་ལས་རྩུབ་མོའི་ཚིག་འབྱུང་བ་དུས་ནམ་ཡང་སྲིད་པ་མིན་ཞེས་མི་སྲིད་པའི་བསམ་པས་མཚུངས་པ་རྟོགས་པར་བྱེད་པ་དེ་ནི་སྲིད་པ་མིན་པའི་དཔེའོ། །ཉེར་དྲུག་པ་མང་བའི་དཔེ་ནི། ཙནྡན་ཆུ་དང་ཟླ་བའི་ཟེར། །ཟླ་ཤེལ་སོགས་བཞིན་ཁྱོད་ཀྱི་ནི། །

― MLP007_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

རེག་པ་བསིལ་ཞེས་ཁྱད་པར་དག །གསལ་བར་བྱེད་པ་མང་བའི་དཔེ། །ཞེས་པ་སྟེ། ཙནྡན་དང་། ཆུ་དང་། ཟླ་བའི་ཟེར་དང་། ཟླ་བ་ཆུ་ཤེལ་གྱི་ནོར་བུ་ལ་སོགས་པ་བཞིན་དུ་དགའ་མ་ཁྱོད་ཀྱི་རེག་པ་བསིལ་ཞེས་དཔེ་མང་པོས་དཔེ་ཅན་གཅིག་གི་ཁྱད་པར་གང་དག་གསལ་བར་བྱེད་པ་དེ་ནི་མང་བའི་དཔེའོ། །ཉེར་བདུན་པ་རྣམ་འགྱུར་གྱི་དཔེ་ནི། ལུས་ཕྲ་ཁྱོད་ཀྱི་བཞིན་རས་ནི། །ཟླ་བའི་དཀྱིལ་འཁོར་ལས་བཏོན་བཞིན། །པདྨའི་ནང་ནས་ཕྱུང་བ་བཞིན། །ཞེས་པ་འདི་ནི་རྣམ་འགྱུར་དཔེ། །ཞེས་པ་སྟེ། ལུས་ཕྲ་མ་ཁྱོད་ཀྱི་བཞིན་རས་ནི་ཟླ་བའི་དཀྱིལ་འཁོར་ལས་བཏོན་པ་བཞིན་ནོ། །ཆུ་སྐྱེས་པདྨའི་ནང་ནས་གསར་དུ་ཕྱུང་བ་བཞིན་ནོ་ཞེས་རྣམ་འགྱུར་ཡིད་དུ་འོང་བ་བརྗོད་ཚུལ་གྱིས་དཔེ་དཔེ་ཅན་སྦྱར་བ་འདི་ནི་རྣམ་འགྱུར་གྱི་དཔེའོ། །ཉེར་བརྒྱད་པ་ཕྲེང་བའི་དཔེ་ནི། འོད་ཀྱིས་ཉི་བཞིན་ཉི་མ་ཡིས། །ཉིན་བཞིན་ཉིན་གྱིས་མཁའ་ལ་བཞིན། །རྣམ་པར་གནོན་པས་ཁྱོད་ལ་དཔལ། །འཛིན་ཞེས་དེ་ནི་ཕྲེང་བའི་དཔེ། །ཞེས་པ་སྟེ། ཉི་འོད་ཀྱིས་ཉི་མའི་དཀྱིལ་འཁོར་ལ་དཔལ་འཛིན་པ་བཞིན་དུ་ཉི་མས་ཉིན་པར་ལ་དཔལ་འཛིན་ཅིང་། དེ་བཞིན་དུ་ཉིན་པར་གྱིས་ནམ་མཁའ་ལ་དཔལ་འཛིན་ལ། དེ་བཞིན་དུ་རྣམ་པར་གནོན་པ་དཔའ་བས་རྒྱལ་པོ་ཁྱོད་ལ་དཔལ་འཛིན་ཞེས་དཔེ་ཅན་ཕྱི་མ་ཕྱི་མའི་དཔེར་སྔ་མ་སྔ་མ་བཀོད་དེ་བརྗོད་པའི་ཚུལ་དེ་ལས་ཕྲེང་བའི་དཔེ་ཞེས་བྱའོ། །ཉེར་དགུ་པ་ངག་དོན་གྱི་དཔེ་ལ། མཚན་ཉིད་ནི། གང་ཡང་ངག་དོན་ཉིད་ཀྱིས་ནི། །གལ་ཏེ་ངག་དོན་ཉེར་འཇལ་ན། །ངག་དོན་དཔེ་དེ་བཞིན་སྒྲ་ནི། །གཅིག་དང་དུ་མས་དེ་རྣམ་གཉིས། །ཞེས་པ་སྟེ། གང་ཡང་ངག་གི་དོན་བྱེད་ཅན་དྲུག་གང་རུང་ཉིད་ཀྱིས་གལ་ཏེ་ངག་དོན་འགའ་ཞིག་ཉེ་བར་འཇལ་ན་ངག་དོན་གྱི་དཔེ་ཞེས་བྱ་སྟེ། དེ་ལ་བཞིན་སྒྲ་གཅིག་པ་དང་། དུ་མའི་དབྱེ་བས་རྣམ་པ་གཉིས་སུ་འགྱུར་རོ། །དཔེར་བརྗོད་ལ་གཉིས་ལས་བཞིན་སྒྲ་གཅིག་པ་ནི། ཁྱོད་གདོང་མིག་ནི་མི་བརྟན་ཞིང་། །སོ་ཡི་འོད་ཟེར་རབ་གསལ་བ། །དམ་སྐྱེས་བུང་བ་གཡོ་ལྡན་ནི། །གེ་སར་དག་གིས་མཚོན་བཞིན་མཛེས། །ཞེས་པ་སྟེ། མཛེས་མ་ཁྱོད་གདོང་མིག་གཉིས་ནི་མི་བརྟན་པར་གཡོ་བས་མཛེས་ཤིང་། སོའི་འོད་ཟེར་རབ་ཏུ་

― MLP007_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བ་ཞེས་པའི་དཔེ་ཅན་གྱི་ངག་དོན་གསུམ་འདམ་སྐྱེས་ཏེ་པདྨ། དེ་ལ་བུང་བ་གཡོ་བ་དང་ལྡན་པ། གེ་སར་དག་གིས་མཚོན་པ་བཞིན་དུ་མཛེས་ཞེས་དཔེའི་ངག་དོན་གསུམ་གྱིས་འཇལ་ཚུལ་བཞིན་སྒྲ་གཅིག་གིས་གསལ་བར་སྟོན་པས་བཞིན་སྒྲ་གཅིག་པའི་དཔེའོ། །བཞིན་སྒྲ་དུ་མ་ནི། པདྨ་ཅན་བཞིན་ལུས་ཕྲ་མ། །པདྨ་བཞིན་དུ་དེ་ཡི་གདོང་། །སྦྲང་རྩི་སྤྱོད་པས་བཞིན་དུ་ནི། །བདག་གིས་འཐུངས་ཤིང་འཐུངས་ཤིང་རྩེས། །ཞེས་པ་སྟེ། པདྨ་ཅན་པདྨའི་ལྗོན་པ་བཞིན་དུ་ལུས་ཕྲ་མ། དེ་ལས་བྱུང་བའི་པདྨ་བཞིན་དུ་མཛེས་མ་དེ་ཡི་གདོང་། དེ་ལ་སྦྲང་རྩི་སྤྱོད་པ་སྟེ་བུང་བས་བརྩེ་བ་བཞིན་དུ་འདོད་ལྡན་བདག་གིས་འཐུངས་ཤིང་འཐུངས་ཤིང་རྩེས་ཞེས་དཔེ་དཔེ་ཅན་གྱི་ངག་དོན་མཚུངས་ཆོས་བཞིན་སྒྲ་དུ་མས་གསལ་བར་སྟོན་པས་བཞིན་སྒྲ་དུ་མའི་དཔེའོ། །སུམ་ཅུ་པ་ཟླ་བོ་དངོས་པོའི་དཔེ་ལ། མཚན་ཉིད་ནི། དངོས་པོ་འགའ་ཞིག་ཉེར་བཀོད་ནས། །དེ་ཡི་ཆོས་མཐུན་རབ་བཀོད་པ། །མཉམ་པ་ཉིད་དུ་རྟོགས་པ་ཅན། །ཟླ་བོ་དངོས་པོའི་དཔེ་ཡིན་དཔེར། །ཞེས་པ་སྟེ། དཔེ་ཅན་གྱི་དངོས་པོ་འགའ་ཞིག་ཉེ་བར་བཀོད་ནས། དེའི་ཆོས་མཐུན་གྱི་དཔེ་འགའ་ཞིག་རབ་ཏུ་བཀོད་པ་ལས་དཔེ་དཔེ་ཅན་མཉམ་པ་ཉིད་དུ་རྟོགས་པ་ཅན་དེ་ནི་ཟླ་བོ་དངོས་པོའི་དཔེ་ཡིན་ཏེ། དཔེར་ན་ཞེས་སོ། །དཔེར་བརྗོད་ནི། རྒྱལ་པོ་རྣམས་ནི་སྐྱེས་གྱུར་ཀྱང་། །ད་ལྟ་ཁྱོད་འདྲ་གཅིག་ཀྱང་མེད། །ཡོངས་འདུ་དག་ལ་རྐང་འཐུང་ནི། །གཉིས་པ་ངེས་པར་ཡོད་མ་ཡིན། །ཞེས་པ་སྟེ། འཇིག་རྟེན་འདིར་རྒྱལ་པོ་རྣམས་ནི་མང་པོ་ཞིག་སྐྱེས་པར་གྱུར་ཀྱང་། སྔོན་ནས་ད་ལྟའི་བར་དུ་ཁྱོད་དང་འདྲ་བའི་རྒྱལ་པོ་ནི་གཅིག་ཀྱང་མེད་ལ། ལྷའི་ཤིང་ཡོངས་འདུ་དག་ལ་འགྲན་པར་ནུས་པའི་རྐང་འཐུང་སྟེ་ལྗོན་ཤིང་གཉིས་པའང་ངེས་པར་ཡོད་པ་མ་ཡིན་ནོ་ཞེས་དཔེ་དཔེ་ཅན་ཕན་ཚུན་ཟླ་བོར་བཀོད་དེ་མཚུངས་ཆོས་སྦྱར་བ་ལྟ་བུའོ། །སོ་གཅིག་པ་མཚུངས་སྦྱོར་གྱི་དཔེ་ལ། མཚན་ཉིད་ནི། ལྷག་པས་དམན་པ་བྱ་བ་ཡི། །ཆོ་ག་གཅིག་ལ་རབ་བསྡུས་ནས། །གང་སྨྲས་དེ་ནི་མཚུངས་པ་དག །སྦྱོར་བའི་དཔེ་རུ་བཤད་དེ་དཔེར། །ཞེས་པ་སྟེ། དཔེ་ལྷག་པས་དཔེ་ཅན་དམན་པ་བྱ་བའི་ཆོ་ག་གཅིག་ལ་རབ་ཏུ་བསྡུས་ནས།

― MLP007_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

གང་སྨྲས་པ་དེ་ནི་དཔེ་དང་དཔེ་ཅན་མཚུངས་པར་སྟོན་པ་དག་སྦྱོར་བའི་དཔེ་རུ་བཤད་དེ། དཔེར་ན་ཞེས་སོ། །དཔེར་བརྗོད་ནི། པུ་ལོ་མ་དགྲས་མཐོ་རིས་དང་། །ཁྱོད་ཀྱི་ས་བསྲུང་མེལ་ཚེ་བྱེད། །དེ་ཡིས་དྲེགས་ལྡན་ལྷ་མིན་དང་། །ཁྱོད་ཀྱིས་མི་ཡི་བདག་པོ་འཇོམས། །ཞེས་པ་སྟེ། ལྷ་མིན་པུ་ལོ་མ་ཞེས་པའི་དགྲ་བོ་ནི་བརྒྱ་བྱིན་ཏེ། དེས་ནི་མཐོ་རིས་ལྷའི་གནས་དང་། རྒྱལ་པོ་ཁྱོད་ཀྱི་ས་ཆེན་པོ་འདི་བསྲུང་བའི་མེལ་ཚེ་བྱེད་ལ། བརྒྱ་བྱིན་དེས་ནི་དྲེགས་པ་དང་ལྡན་པའི་ལྷ་མིན་དང་། ཁྱོད་ཀྱིས་མིའི་བདག་པོ་གཞན་འཇོམས་པར་བྱེད་དོ་ཞེས་དཔེ་བརྒྱ་བྱིན་དང་དཔེ་ཅན་རྒྱལ་པོ་གཉིས་བྱ་བ་མཚུངས་པར་སྦྱར་བ་ལྟ་བུའོ། །སོ་གཉིས་པ་རྒྱུའི་དཔེ་ནི། རྒྱལ་པོ་མཛེས་པས་ཟླ་བ་དང་། །གཟི་བྱིན་གྱིས་ནི་ཉི་མ་དང་། །བརྟན་པས་རྒྱ་མཚོའི་རྗེས་སུ་བྱེད། །ཅེས་པ་འདི་ནི་རྒྱུ་དཔེར་དྲན། ཞེས་པ་སྟེ། ས་སྐྱོང་བའི་རྒྱལ་པོ་ཁྱོད་ནི་མཛེས་པའི་རྒྱུས་ཟླ་བ་དང་། གཟི་བྱིན་ཆེ་བའི་རྒྱུ་མཚན་གྱིས་ཉི་མ་དང་། ཟབ་ཅིང་བརྟན་པས་རྒྱ་མཚོའི་རྗེས་སུ་བྱེད་ཅེས་མཛེས་པ་ལ་སོགས་པ་དཔེ་དཔེ་ཅན་གཉིས་མཚུངས་པའི་རྒྱུ་རྣམས་རབ་ཏུ་བཀོད་ན་མཚུངས་ཆོས་སྦྱར་བ་འདི་ནི་རྒྱུའི་དཔེ་ཞེས་བྱ་བར་དྲན་པར་བྱའོ། །གསུམ་པ་སྐྱོན་ཡོན་གྱི་དམིགས་ཕྱེ་བ་ལ། ཡོན་ཏན་དང་། སྐྱོན་ནོ། །དང་པོ་ནི། བློ་ལྡན་མི་དགྱེས་མེད་གང་ལ། །ངེས་པར་དཔེ་ཡི་སྐྱོན་དག་ནི། །ཐ་དད་རྟགས་དང་ཚིག་ལ་མེད། །དམན་དང་ལྷག་པ་ཉིད་ལའང་མེད། །མ་ནིང་འདི་འགྲོ་བུད་མེད་བཞིན། །བུད་མེད་འདི་སྨྲ་སྐྱེས་པ་བཞིན། །བདག་གི་གྲོགས་འདི་སྲོག་རྣམས་བཞིན། །རིག་པ་རྣམས་བསྒྲུབ་ནོར་བཞིན་ནོ། །ས་གཞི་སྐྱོང་བ་ཁྱོད་བཞིན་དུ། །ལྷ་ཡི་རྒྱལ་པོ་རྣམ་པར་མཛེས། །ཚ་ཟེར་ཅན་གྱི་ནུས་པ་ལ། །མི་བདག་གཟི་ཡི་འགོང་བར་ནུས། །ཞེས་པ་དེ་ལྟ་བུ་ལ་སོགས། །སྐལ་བཟང་ནམ་ཡང་གཏོང་མིན་ཉིད། །ཅེས་པ་སྟེ། སྙན་ངག་མཁན་བློ་གྲོས་དང་ལྡན་པ་རྣམས་མི་དགྱེས་པ་མེད་པའི་སྦྱོར་བ་གང་ལ་ངེས་པར་དཔེ་ཡི་སྐྱོན་དུ་འགྱུར་བ་དག་ནི། ཐ་དད་པའི་རྟགས་དང་། ཐ་དད་པའི་ཚིག་ལ་མེད་ཅིང་། དཔེ་དམན་པ་དང་ལྷག་པ་ཉིད་ལའང་མེད་དོ། །དཔེར་ན། མ་ནིང་འདིའི་འགྲོ་ཚུལ་བུད་མེད་བཞིན་ནོ་བུད་མེད་འདིའི་སྨྲ་ཚུལ་

― MLP007_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་པ་བཞིན་ནོ་ཞེས་རྟགས་ཐ་དད་པ་དང་། བདག་གི་གྲོགས་འདི་ཚེ་རབས་དུ་མའི་སྲོག་རྣམས་བཞིན་ནོ། །རིག་པ་རྣམས་བསྒྲུབ་པའི་ཚུལ་ནི་ཡིད་བཞིན་གྱི་ནོར་བུ་བཞིན་ནོ་ཞེས་ཚིག་ཐ་དད་པ་དང་། ས་གཞི་སྐྱོང་བའི་རྒྱལ་པོ་ཁྱོད་བཞིན་དུ་ལྷའི་རྒྱལ་པོ་རྣམ་པར་མཛེས་སོ། །ཚ་ཟེར་ཅན་ཉི་འོད་ཀྱི་ནུས་པ་ལ་མི་བདག་ཁྱོད་ཀྱི་གཟི་བྱིན་གྱིས་འགོང་བར་ནུས་སོ་ཞེས་དཔེ་དམན་ལྷག་གི་སྦྱོར་བ་སྟེ། ཚུལ་དེ་ལྟ་བུ་ལ་སོགས་པ་རྣམས་ནི་མཁས་པ་རྣམས་ཀྱི་ཡིིད་འཕྲོག་པར་བྱེད་པས་སྐལ་བཟང་ནམ་ཡང་གཏོང་བ་མིན་པ་ཉིད་དོ། །གཉིས་པ་ནི། སྦྱོར་བ་འགའ་ལ་ངག་རིག་རྣམས། །མི་དགྱེས་པ་ཡོད་ཇི་ལྟར་ན། །ངང་མོ་བཞིན་དུ་ཟླ་བ་དཀར། །མཚོ་རྣམས་བཞིན་དུ་མཁའ་དྲི་མེད། །ཁྱི་བཞིན་དཔའ་བོ་རྗེ་ལ་གུས། །ཉི་མ་བཞིན་དུ་མེ་ཁྱེར་གསལ། །འདི་འདྲ་སྤངས་ཏེ་མཁས་རྣམས་ཀྱིས། །རྒྱུ་ཡང་འདིར་ནི་བསམ་པར་བྱོས། །ཞེས་པ་སྟེ། རྟགས་ཚིག་ཐ་དད་པ་ལ་སོགས་པའི་སྦྱོར་བ་འགའ་ལ་སྙན་ངག་རིག་པ་རྣམས་མི་དགྱེས་པ་ཡོད་པ་དེ་ཇི་ལྟར་ན། ངང་མོ་བཞིན་དུ་ཟླ་བ་དཀར་ཞེས་རྟགས་ཐ་དད་པ་དང་། མཚོ་རྣམས་བཞིན་དུ་ནམ་མཁའ་དྲི་མ་མེད་ཅེས་ཚིག་ཐ་དད་པ་དང་། ཁྱི་བཞིན་དུ་དཔའ་བོ་ཁྱོད་ནི་རྗེ་ལ་གུས་སོ། །ཉི་མ་བཞིན་དུ་མེ་ཁྱེར་གསལ་ལོ་ཞེས་དཔེ་དམན་ལྷག་སྟེ། ཚུལ་འདི་འདྲ་བ་སྤངས་ཏེ་མཁས་པ་རྣམས་ཀྱིས་སྙན་ངག་ཕུན་སུམ་ཚོགས་པའི་རྒྱུ་ཡང་འདིར་ནི་བསམ་པར་བྱོས་ཤིག་ཅེས་པའོ། །བཞི་པ་མཚུངས་གསལ་གྱི་སྒྲ་བཤད་པ་ལ་སྡེ་ཚན་བཞི་ལས། དང་པོ་ནི། བཞིན་ལྟར་ལྟ་བུ་ཇི་ལྟར་སྒྲ། །མཐུན་མཚུངས་ཡང་དག་མཚུངས་དང་མཉམ། །ཡང་དག་གསལ་དང་ངེས་པར་གསལ། །རབ་གསལ་གཟུགས་ཀྱི་ཟླ་བོ་དང་། །གཉེན་པོ་དང་ནི་དགྲ་ཟླ་དང་། །སོ་སོར་རྟོགས་དང་འགྲན་དང་འདྲ། །བལྟ་བཅས་དང་ནི་བསླུ་བ་དང་། །རིགས་མཐུན་རྗེས་སུ་སྨྲ་བ་དང་། །ཞེས་པ་ཉི་ཤུ་རྩ་གཉིས་སོ། །གཉིས་པ་ནི། གཟུགས་བརྙན་དང་ནི་སོ་སོར་སྡེབ། །གཟུགས་མཚུངས་མཉམ་དང་ཡང་དག་གཞལ། །མཚན་ཉིད་མཐུན་འདྲ་མཚུངས་པ་དང་། །མཐུན་ཕྱོགས་དཔེར་བྱས་དཔེ་དང་རྟོག །དམན་དང་ཅུང་ཟད་དམན་སོགས་དང་། །རབ་ཏུ་སྨྲ་དང་སོ་སོར་བཟློག །

― MLP007_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་མཐུན་མཉམ་བྱས་སྒྲ་དག་དང་། །གང་ཡང་དམན་མིན་དོན་ཅན་ཚིག །ཅེས་པ་བཅོ་བརྒྱད་དོ། །གསུམ་པ་ནི། རི་བོང་མཚན་མའི་གདོང་ཅན་སོགས། །འབྲུ་མང་པོ་ཡི་ཚིག་སྡུད་དང་། །འགྲན་དང་རྒྱལ་དང་སྡང་བ་དང་། །འཁུ་དང་མི་མཐུན་སྒྲོག་པ་དང་། །འཐབ་པ་དང་ནི་འཕྱ་བ་དང་། །སྨ་འབེབས་བྱེད་དང་སྨོད་པ་དང་། །ཅོ་འདྲི་བ་དང་འགོག་པ་དང་། །རྒོད་དང་ཕྲག་དོག་མི་བཟོད་དང་། །ཞེས་པ་བཅོ་ལྔའོ། །བཞི་པ་ནི། དེ་ཡི་སྐལ་བཟང་འཕྲོག་བྱེད་དང་། །དེ་ཡི་མཛེས་པ་ཟུམ་བྱེད་དང་། །དེ་དང་འགྲན་ལས་ཚར་གཅོད་དང་། །དེ་དང་མཚུངས་ལས་ལྷག་པར་མཛེས། །དེ་ཡི་རྗེས་སུ་རྐང་འཇོག་དང་། །དེ་ཡི་ནུས་པ་ལ་འཇུག་དང་། །དེ་ཡི་རྗེས་འགྲོ་རྗེས་སུ་འཆིང་། །དེ་ཡི་ངང་ཚུལ་དེ་འགོག་དང་། །དེ་ཡི་རྗེས་སུ་བྱེད་ཅེས་པའི། །སྒྲ་རྣམས་མཚུངས་པ་གསལ་བྱེད་ཡིན། །ཞེས་པ་བཅུའོ། །འདིར་མ་བརྗོད་པ་གཞན་ཡང་། ཆ་དང་། གྲོགས་དང་། སྤུན་ཟླ་དང་། མཐོང་དང་ཐོས་དང་། དྲན་དང་། རེག་དང་། ཕམ་དང་། སྙེག་དང་། འཛེག་དང་། སེམས་པ་སོགས་ཇི་སྙེད་འབྱུང་བས་ཀྱང་མཚོན་པར་ནུས་སོ། །གསུམ་པ་གཟུགས་ཅན་གྱི་རྒྱན་ལ་གསུམ། མཚན་ཉིད། དཔེར་བརྗོད། དཔེ་གཟུགས་ཐུན་མོང་དུ་དོན་བསྡུ་བའོ། །དང་པོ་ནི། ཐ་དད་སྣང་མིན་གྱུར་པ་ཡི། །དཔེ་ཉིད་དག་ནི་གཟུགས་ཅན་འདོད། །ཅེས་པ་སྟེ། དཔེ་དཔེ་ཅན་ཐ་དད་དུ་སྣང་བ་མ་ཡིན་པར་གཅིག་པ་ལྟར་གྱུར་པའི་དཔེ་ཉིད་དག་ནི་གཟུགས་ཅན་གྱི་རྒྱན་དུ་འདོད་དོ། །གཉིས་པ་ལ། དང་པོ་བསྡུས་པའི་གཟུགས་ཅན་ནི། །དཔུང་པ་འཁྲི་ཤིང་ལག་པ་ནི། །པདྨ་སོར་མོ་ཡལ་འདབ་བོ། །ཞེས་པ་སྟེ། དཔུང་པ་འཁྲི་ཤིང་དང་། ལག་པ་པདྨ་དང་། སོར་མོ་ཡལ་འདབ་ཀྱི་གཟུགས་སུ་བཀོད་ལ། དཔུང་པའི་འཁྲི་ཤིང་ཞེས་པ་ལ་སོགས་པ་ཐོབ་ཀྱང་རྣམ་དབྱེ་བསྡུས་ཏེ་མི་མངོན་པར་བྱས་པ་ལྟ་བུའོ། །གཉིས་པ་མ་བསྡུས་པའི་གཟུགས་ཅན་ནི། ལག་པའི་འཁྲི་ཤིང་སོར་མོ་རྣམས། །ཡལ་འདབ་སེན་མོའི་འོད་ཟེར་ནི། །མེ་ཏོག་ཏུ་གྱུར་དཔྱིད་ཀྱི་དཔལ། །ཁྱོད་ནི་ངེད་ལ་མངོན་སུམ་རྒྱུ། །ཞེས་པ་འདི་ནི་མ་བསྡུས་ཏེ། །སྔ་མ་བསྡུས་པའི་

― MLP007_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་ཅན་ནོ། །ཞེས་པ་སྟེ། ལག་པའི་འཁྲི་ཤིང་དང་། སོར་མོ་རྣམས་ཀྱི་ཡལ་འདབ་དང་། སེན་མོའི་འོད་ཟེར་ནི་མེ་ཏོག་ཏུ་གྱུར་པའི་མཛེས་ལྡན་དཔྱིད་ཀྱི་དཔལ་ཁྱོད་ནི་ངེད་ལ་དགའ་བདེ་སྦྱིིན་ཕྱིར་མངོན་སུམ་དུ་རྒྱུའོ་ཞེས་ལག་པ་འཁྲི་ཤིང་སོགས་ཀྱི་གཟུགས་སུ་བཀོད་ལ། ལག་པའི་ཞེས་པ་ལ་སོགས་པའི་རྣམ་དབྱེ་རྣམས་མ་བསྡུས་པས་འདི་ནི་མ་བསྡུས་པའི་གཟུགས་ཅན་ཞེས་བྱ་སྟེ། དཔེར་བརྗོད་སྔ་མ་ནི་བསྡུས་པའི་གཟུགས་ཅན་ནོ། །གསུམ་པ་བསྡུས་དང་མ་བསྡུས་པའི་གཟུགས་ཅན་ནི། བཞིན་ཟླ་མཛུམ་པའི་ཟླ་འོད་ཅེས། །གཟུགས་ཅན་བསྡུས་དང་མ་བསྡུས་པའོ། །ཞེས་པ་སྟེ། མཛེས་མའི་བཞིན་རས་ཟླ་བ་དང་། མཛུམ་པའི་ཟླ་འོད་ཅེས་སྔ་མ་བསྡུས་ཤིང་ཕྱི་མ་མ་བསྡུས་པས་བསྡུས་དང་མ་བསྡུས་པའི་གཟུགས་ཅན་ཞེས་བྱའོ། །བཞི་པ་མཐའ་དག་གཟུགས་ཅན་ལ། དཔེར་བརྗོད་ནི། སོར་མོ་དམར་བའི་འདབ་འཕྲེང་དང་། །སེན་མོའི་འོད་ཀྱི་གེ་སར་ཅན། །ཁྱོད་ཀྱི་ཞབས་ཀྱི་ཆུ་སྐྱེས་ནི། །ས་སྐྱོང་རྣམས་ཀྱི་སྤྱི་བོར་འཛིན། །ཞེས་པ་སྟེ། སོར་མོ་རབ་ཏུ་དམར་བའི་འདབ་ཕྲེང་དང་། སེན་མོའི་འོད་ཀྱི་གེ་སར་མཛེས་པ་ཅན། རྒྱལ་པོ་ཁྱོད་ཀྱི་ཞབས་ཀྱི་ཆུ་སྐྱེས་འདི་ནི་ས་སྐྱོང་བའི་རྒྱལ་པོ་གཞན་རྣམས་ཀྱི་སྤྱི་བོར་འཛིན་ཞེས་པའོ། །དོན་བཤད་ནི། སོར་མོ་ལ་སོགས་འདབ་སོགས་དང་། །རྐང་པ་པདྨ་ཉིད་བྱས་ནས། །དེ་འོས་གནས་སུ་རྣམ་བཀོད་པ། །འདི་ནི་མཐའ་དག་གཟུགས་ཅན་ནོ། །ཞེས་པ་སྟེ། སོར་མོ་ལ་སོགས་པའི་ཁོང་ནས་སེན་མོའི་འོད་དེ། གཉིས་པོ་འདབ་སོགས་ཀྱི་སྒྲས་འདབ་མ་དང་གེ་སར་གྱི་གཟུགས་སུ་བཀོད་ཅིང་། དེ་ལྡན་གྱི་རྐང་པ་པདྨ་ཉིད་དུ་བྱས་ནས་དེ་གཟུང་བར་འོས་པའི་གནས་ས་སྐྱོང་གི་སྤྱི་བོར་རྣམ་པར་བཀོད་པ་འདི་ནི་ཡན་ལག་དང་ཡན་ལག་ཅན་གཉིས་ཀ་གཟུགས་སུ་བཀོད་ཕྱིར་མཐའ་དག་གཟུགས་ཅན་ནོ། །ལྔ་པ་ཆ་ཤས་གཟུགས་ཅན་ལ། དཔེར་བརྗོད་ནི། གཏུམ་མོ་གློ་བུར་ཉིད་དུ་ནི། །ཁྱོད་གདོང་མཆུ་ཡི་ཡལ་འདབ་གཡོ། །རྔུལ་གྱི་ཆུ་ཡི་ཐིགས་པ་ཡི། །དོག་པ་མུ་ཏིག་འོད་ཅན་འཛིན། །ཞེས་པ་སྟེ། གཏུམ་མོ་ཞེས་བུད་མེད་ཁྲོ་བོ་ཅན་ལ་བོས་ནས་གློ་བུར་ཉིད་དུ་ཁྱོད་གདོང་ལ་མཆུའི་ཡལ་འདབ་གཡོ་བ་དང་། རྔུལ་གྱི་ཆུའི་ཐིགས་

― MLP007_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དོག་པ་མུ་ཏིག་གི་འོད་ཅན་དག་ཀྱང་འཛིན་པར་བྱེད་ཅེས་སོ། །དོན་བཤད་ནི། འདིར་ནི་རྔུལ་ཆུ་དོག་པར་བྱས། །མཆུ་ཡང་ཡལ་འདབ་ཉིད་བྱས་ཀྱི། །གདོང་ནི་རྣམ་པ་གཞན་མ་བྱས། །དེ་ཕྱིར་ཆ་ཤས་གཟུགས་ཅན་ནོ། །ཞེས་པ་སྟེ། འདིར་ནི་རྔུལ་ཆུ་མུ་ཏིག་གི་དོག་པར་བྱས་ཤིང་། ཆུ་ཡང་ཡལ་འདབ་ཉིད་དུ་བྱས་ཀྱི་ཆ་ཤས་དེ་ལྡན་གྱི་གདོང་ནི་རྣམ་པ་གཞན་དུ་མ་བྱས་ཏེ། རྒྱུ་མཚན་དེ་ཕྱིར་ཆ་ཤས་གཟུགས་ཅན་ནོ། །དྲུག་པ་ཆ་ཤས་ཅན་གྱི་གཟུགས་ཅན་ལ། དཔེར་བརྗོད་ནི། གདོང་པའི་འདམ་སྐྱེས་སྨིན་འཁྱོག་ཅིང་། །རྔུལ་གྱི་ཆུ་ནི་ཟག་པ་དང་། །མིག་དག་ཀུན་ཏུ་དམར་བ་འདི། །མྱོས་པའི་གནས་སྐབས་གསལ་བར་བྱེད། །ཅེས་པ་སྟེ། གདོང་པའི་འདམ་སྐྱེས་མཛེས་པ་ལ། སྨིན་མ་འཁྱོག་ཅིང་རྔུལ་གྱི་ཆུའི་ཐིགས་པ་ཟག་པ་དང་། མིག་དག་ཀུན་ཏུ་དམར་བ་འདི་ནི་ཆགས་པས་མྱོས་པའི་གནས་སྐབས་གསལ་བར་བྱེད་པའོ། །དོན་བཤད་ནི། འདིར་ནི་གདོང་པའི་ཆ་ཤས་དག །རྣམ་འགྱུར་མ་བྱས་གདོང་པ་ཉིད། །པདྨར་བཀོད་བྱས་དེས་ན་ནི། །ཆ་ཤས་ཅན་གྱི་གཟུགས་ཅན་ནོ། །ཞེས་པ་སྟེ། འདིར་ནི་གདོང་པའི་ཆ་ཤས་སྨིན་མ་འཁྱོག་པ་ལ་སོགས་པ་དག་རྣམ་འགྱུར་གཞན་དུ་མ་བྱས་ལ། ཆ་ཤས་ཅན་གདོང་པ་ཉིད་པདྨར་བཀོད་པར་བྱས་པ་དེ་ལྟ་བས་ན་ཆ་ཤས་ཅན་གྱི་གཟུགས་ཅན་ནོ། །བདུན་པ་ཡན་ལག་གཅིག་གཟུགས་ནི། མཛེས་མ་མྱོས་པའི་མཁུར་ཚོས་དམར། །མིག་གི་ཨུཏྤལ་དམར་པོ་ཅན། །ཁྱོད་ཀྱི་གདོང་གིས་སྐྱེ་བོ་ནི། །འདི་ཡང་དམར་བའི་རང་བཞིན་བྱས། །འདི་ནི་ཡན་ལག་གཅིག་གཟུགས་ཅན། །དེ་ལྟར་འདིར་ནི་གཉིས་སོགས་ཀྱི། །ཡན་ལག་རྣམས་ཀྱང་རྟོགས་པར་བྱ། །ཞེས་པ་སྟེ། མཛེས་མ་ཞེས་བོས་ནས། ཆགས་པས་མྱོས་པའི་མཁུར་ཚོས་དམར་ཞིང་། མིག་གི་ཨུཏྤལ་དམར་པོ་ཅན་ཁྱོད་ཀྱི་གདོང་གིས་འདོད་ལྡན་གྱི་སྐྱེ་བོ་འདི་ཡང་དམར་བའི་རང་བཞིན་དུ་བྱས་སོ། །ཞེས་ཡན་ལག་མིག་གཅིག་པོ་གཟུགས་སུ་བཀོད་པ་འདི་ནི་ཡན་ལག་གཅིག་པའི་གཟུགས་ཅན་ཏེ། ཚུལ་དེ་ལྟར་འདིར་ནི་ཡན་ལག་གཉིས་གཟུགས་དང་ལ་སོགས་པས་བསྡུས་པ་གསུམ་གཟུགས་སོགས་ཀྱི་ཡན་ལག་རྣམས་ཀྱང་རྟོགས་པར་བྱའོ། །འོ་ན་ཡན་ལག་དང་ཆ་

― MLP007_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

ཤས་ཀྱི་ཁྱད་གང་ཞེ་ན། ཁྱབ་ཆེ་ཆུང་སྟེ། ཆ་ཤས་ཀྱི་ཡན་ལག་ལ་ཁྱབ་ཀྱང་ཡན་ལག་གིས་ཆ་ཤས་ལ་མ་ཁྱབ་པའི་ཕྱིར། དཔེར་ན། རྔུལ་ཆུ་མུ་ཏིག་གི་དོག་པར་བཀོད་པ་དེ། གདོང་པའི་ཆ་ཤས་ཡིན་ཡང་ཡན་ལག་མ་ཡིན་པ་བཞིན་ནོ། །བརྒྱད་པ་ལྡན་པའི་གཟུགས་ཅན་ལ། དཔེར་བརྗོད་ཕྱི་མ་དང་མིང་མཉམ་དུ་བསྟན་པ་དང་། དངོས་སོ། །དང་པོ་ནི། ལྡན་དང་མི་ལྡན་ཐ་དད་བྱེད། །ཅེས་པའོ། །གཉིས་པ་ནི། གདོང་འདི་འཛུམ་པའི་མེ་ཏོག་འབར། །གཡོ་བའི་མིག་གི་བུང་བ་ཅན། །ཞེས་པ་མེ་ཏོག་བུང་བ་དག །འགྲོགས་པས་ལྡན་པའི་གཟུགས་ཅན་ནོ། །ཞེས་པ་སྟེ། མཛེས་མ་ཁྱོད་ཀྱི་གདོང་འདི་འཛུམ་པའི་མེ་ཏོག་འབར་ཞིང་། གཡོ་ཞིང་འཕྲུལ་བའི་མིག་གི་བུང་བ་ཅན་ནོ་ཞེས་པ་མེ་ཏོག་དང་བུང་བ་དག་འགྲོགས་པར་འོས་པས་ལྡན་པའི་གཟུགས་ཅན་ནོ། །དགུ་པ་ལྡན་མིན་གྱི་གཟུགས་ཅན་ནི། གདོང་འདི་འཛུམ་པའི་ཟླ་འོད་དང་། །སྣུམ་པའི་མིག་གི་ཨུཏྤལ་ཅན། །ཟླ་འོད་ཨུཏྤལ་མི་ལྡན་པས། །ལྡན་མིན་ཞེས་པའི་གཟུགས་ཅན་ནོ། །ཞེས་པ་སྟེ། ཁྱོད་ཀྱི་གདོང་འདི་ནི་འཛུམ་མདངས་གཡོ་བའི་ཟླ་འོད་དང་། སྣུམ་པའི་མིག་གི་ཨུཏྤལ་དང་ལྡན་པ་ཅན་ནོ་ཞེས་ཟླ་འོད་ཀྱི་ཨུཏྤལ་ཟུམ་པར་བྱེད་ཀྱིས་ལྷན་ཅིག་ཏུ་མི་ལྡན་པས་ན་ལྡན་མིན་ཞེས་པའི་གཟུགས་ཅན་ནོ། །བཅུ་པ་མི་མཉམ་པའི་གཟུགས་ཅན་ལ། མཚན་ཉིད་ནི། ཡན་ལག་ཅན་དང་ཡན་ལག་རྣམས། །གཟུགས་བྱས་གཟུགས་སུ་མ་བྱས་ལ། །བརྟེན་པའི་མི་མཉམ་པ་ཞེས་པའི། །གཟུགས་ཅན་མཛེས་པ་ཡིན་ཏེ་དཔེར། །ཞེས་པ་སྟེ། ཡན་ལག་ཅན་བཞིན་རས་ལྟ་བུ་དང་། ཡན་ལག་མིག་ལྟ་བུ་རྣམས་འགའ་ཞིག་གཟུགས་སུ་བྱས་ཤིང་འགའ་ཞིག་གཟུགས་སུ་མ་བྱས་པ་ལ་བརྟེན་པས་མི་མཉམ་པ་ཞེས་པའི་གཟུགས་ཅན་འདི་ནི་མཛེས་པ་ཡིན་ཏེ། དཔེར་ན་ཞེས་སོ། །དཔེར་བརྗོད་ནི། མྱོས་པའི་མཁུར་ཚོས་རབ་དམར་ཞིང་། །སྨིན་མའི་འཁྲི་ཤིང་གར་བྱེད་པ། །ཁྱོད་གདོང་ཟླ་བ་ཡིད་སྲུབས་ཀྱིས། །འཇིག་རྟེན་གསུམ་པོ་གཞོམ་པར་ནུས། །ཞེས་པ་སྟེ། ཆགས་པས་མྱོས་པའི་མཁུར་ཚོས་རབ་ཏུ་དམར་ཞིང་ཞེས་གཟུགས་སུ་མ་བཀོད་ལ། སྨིན་མའི་འཁྲི་ཤིང་ཞེས་སྨིན་མ་འཁྲི་ཤིང་གི་གཟུགས་སུ་བཀོད་ཅིང་། དེའང་གར་བྱེད་པའི་

― MLP007_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་སུ་བཀོད། ཁྱོད་གདོང་ཟླ་བ་དང་། དེའང་ཡིད་སྲུབས་ཀྱི་གཟུགས་སུ་བཀོད། དེས་ནི་འཇིག་རྟེན་གསུམ་པོ་གཞོམ་པར་ནུས་ཞེས་གང་དུའང་མ་བཀོད་པ་ལྟ་བུའོ། །བཅུ་གཅིག་པ་ཁྱད་པར་གྱི་གཟུགས་ཅན་ལ། དཔེར་བརྗོད་ནི། འཕྲོག་བྱེད་རྐང་པ་ཛ་ཧུ་ཡི། །བུ་མོའི་ཆུ་གོས་རྩེ་ལ་བཏགས། །ལྷ་མིན་དོགས་མེད་ལྷ་དགའ་བའི། །དགའ་སྟོན་རྒྱལ་མཚན་རྒྱལ་གྱུར་ཅིག །ཅེས་པ་སྟེ། འཕྲོག་བྱེད་དེ་ཁྱབ་འཇུག་གི་རྐང་པ་ཏོག་ཏུ་བྱས་པ་ཉིད་ཛ་ཧུའི་བུ་མོ་གངྒའི་ཆུ་གོས་སུ་བྱས་པའི་རྩེ་ལ་བཏགས་པ་སྟེ། དེ་ལྟ་བུའི་ལྷ་མིན་དོགས་པ་མེད་ཅིང་ལྷ་དགའ་བར་བྱེད་པའི་དགའ་སྟོན་དུ་བསྒྲེངས་བའི་རྒྱལ་མཚན་འདི་ནི་རྒྱལ་བར་གྱུར་ཅིག་ཅེས་སོ། །དོན་བཤད་ནི། གང་ཞིག་ཏོག་གི་ཁྱད་པར་གྱི། །ཚོགས་ཀྱི་གཟུགས་ནི་འདི་འདྲ་བ། །དེ་ནི་རྐང་པ་ལ་བཀོད་འདི། །ཁྱད་པར་དང་བཅས་གཟུགས་ཅན་ནོ། །ཞེས་པ་སྟེ། གང་ཞིག་རྒྱལ་མཚན་གྱི་ཏོག་གི་ཁྱད་པར་གྱི་ཚོགས་ཀྱི་གཟུགས་ནི་ལྷ་མིན་དོགས་པ་མེད་ཅིང་ལྷ་འགའ་བར་བྱེད་པའི་ཡོན་ཏན་འདི་འདྲ་བ་དེ་ནི་ཁྱབ་འཇུག་གི་རྐང་པ་ལ་བཀོད་པ་འདི་ནི་ཁྱད་པར་དང་བཅས་པའི་གཟུགས་ཅན་ནོ། །བཅུ་གཉིས་པ་འགལ་བའི་གཟུགས་ཅན་ལ། དཔེར་བརྗོད་ནི། པདྨ་རྣམས་ནི་མི་འཛུམ་ཞིང་། །ནམ་མཁའ་ལ་ཡང་མི་འགྲོ་བ། །ཁྱོད་གདོང་ཟླ་བས་བདག་གི་ནི། །སྲོག་རྣམས་འཕྲོག་པ་ཉིད་དུ་བལྟ། །ཞེས་པ་སྟེ། པདྨ་རྣམས་ནི་མི་འཛུམ་སྟེ་ཟུམ་པར་མི་བྱེད་ཅིང་། ནམ་མཁའི་ངོས་ལ་ཡང་མི་འགྲོ་བའི་མཛེས་མ་ཁྱོད་གདོང་གི་ཟླ་བས་འདོད་ལྡན་བདག་གི་སྲོག་རྣམས་འཕྲོག་པ་ཉིད་ཀྱི་ཕྱིར་དུ་བལྟ་ཞེས་སོ། །དོན་བཤད་ནི། ཟླ་བའི་བྱ་བ་བྱ་མིན་དང་། །གཞན་གྱི་བྱ་བའི་བྱ་བ་འདིར། །ཡང་དག་བསྟན་ཏེ་དེ་ཡི་ཕྱིར། །འགལ་བ་ཞེས་བྱའི་གཟུགས་ཅན་ནོ། །ཞེས་པ་སྟེ། མཛེས་མའི་བཞིན་ཟླ་དེས་ནི་ཟླ་བའི་བྱ་བ་པདྨ་ཟུམ་པ་སོགས་བྱ་བ་མིན་པ་དང་། གཞན་གྱི་བྱ་བ་སྲོག་འཕྲོག་པའི་བྱ་བ་འདིར་ཡང་དག་པར་བསྟན་ཏེ། རྒྱུ་མཚན་དེའི་ཕྱིར་འགལ་བ་ཞེས་བྱ་བའི་གཟུགས་ཅན་ནོ། །བཅུ་གསུམ་པ་རྒྱུའི་གཟུགས་ཅན་ལ། དཔེར་བརྗོད་ནི། ཁྱོད་ནི་ཟབ་པས་རྒྱ་མཚོ་སྟེ། །བརླིང་བ་ཉིད་ཀྱིས་རི་བོ་ཡིན། །འཇིག་རྟེན་རྣམས་ལ་འདོད་པ་ནི། །སྟེར་

― MLP007_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་དཔག་བསམ་རྐང་འཐུང་ངོ་། །ཞེས་པ་སྟེ། མི་བདག་ཁྱོད་ནི་ཟབ་པའི་རྒྱུས་རྒྱ་མཚོ་སྟེ། བརླིང་བ་ཉིད་ཀྱིས་རི་བོ་ཡིན་ལ། འཇིག་རྟེན་རྣམས་ལ་འདོད་པའི་རེ་བ་སྟེར་ཕྱིར་དཔག་བསམ་ཤིང་གི་རྐང་འཐུང་ངོ་། །དོན་བཤད་ནི། འདིར་ནི་ཟབ་པ་ལ་སོགས་པའི། །རྒྱུ་རྣམ་དག་གིས་རྒྱ་མཚོ་རི། །དཔག་བསམ་ཤིང་ཡང་བྱེད་པས་ན། །འདི་ནི་རྒྱུ་ཡི་གཟུགས་ཅན་ནོ། །ཞེས་པ་སྟེ། འདིར་ནི་ཟབ་པ་དང་། ལ་སོགས་པའི་ཁོང་ནས་བརླིང་བ་དང་རེ་བ་སྐོང་བའི་རྒྱུ་རྣམས་དག་གིས་རྒྱ་མཚོ་དང་། རི་དང་། དཔག་བསམ་ཤིང་གི་གཟུགས་སུ་ཡང་འགོད་པར་བྱེད་པས་ན་ཚུལ་འདི་ནི་རྒྱུའི་གཟུགས་ཅན་ནོ། །བཅུ་བཞི་པ་སྦྱར་བའི་གཟུགས་ཅན་ནི། གྲོགས་མོ་ཁྱོད་ཀྱི་གདོང་པད་ནི། །རཱ་ཛ་ཧཾ་སས་ཉེར་སྤྱད་འོས། །དྲི་ཞིམ་བུང་བས་དོན་གཉེར་འོས། །ཞེས་པ་སྦྱར་བའི་གཟུགས་ཅན་ནོ། །ཞེས་པ་སྟེ། གྲོགས་མོ་ཞེས་བོས་ནས། ཁྱོད་ཀྱི་གདོང་པད་མཛེས་ཤིང་ཡིད་དུ་འོང་བ་འདི་ནི་གཞན་གྱིས་སྤྱོད་པར་འོས་པ་མིན་ནོ། །སུ་ཞིག་གིས་སྤྱད་པར་འོས་ཅེ་ན། རཱ་ཛ་ཧཾ་ས་ཞེས་པ་མིའི་རྒྱལ་པོ་དང་ངང་པའི་རྒྱལ་པོ་གཉིས་ཀ་ལ་འཇུག་པའི་ཕྱིར་གདོང་མི་བདག་དང་པདྨ་བུང་བས་ཉེ་བར་སྤྱད་པར་འོས་ཞེས་སྒྲ་སྦྱར། གཉིས་ཀ་དྲི་ཞིམ་པས་བུང་བའི་ཚོགས་ཀྱིས་དོན་དུ་གཉེར་བར་འོས་ཞེས་དོན་སྦྱར་ཏེ་ཚུལ་དེ་ལྟར་གཟུགས་ཅན་དང་སྦྱར་རྒྱན་ལྷན་ཅིག་ཏུ་བཀོད་པ་འདི་ནི་སྦྱར་བའི་གཟུགས་ཅན་ནོ། །བཅོ་ལྔ་པ་དཔེའི་གཟུགས་ཅན་ལ། དཔེར་བརྗོད་ཕྱི་མ་དང་མཚན་ཉིད་མཉམ་དུ་བསྟན་པ་དང་། དངོས་སོ། །དང་པོ་ནི། གཙོ་བོ་དང་ནི་ཕལ་པ་ལ། །ཆོས་མཐུན་ཆོས་མི་མཐུན་མཐོང་བས། །དཔེ་དང་ལྡོག་པ་ཅན་ཞེས་པའི། །གཟུགས་ཅན་རྣམ་པ་གཉིས་འདོད་དཔེར། །ཞེས་པ་སྟེ། གཙོ་བོ་ཟླ་བ་དངོས་ལྟ་བུ་དང་དང་ཕལ་པ་གདོང་གི་ཟླ་བ་ལྟ་བུ་ལ་ཆོས་མཐུན་པ་དང་ཆོས་མི་མཐུན་པ་ཡང་མཐོང་བས་རིམ་པ་བཞིན་དཔེ་དང་ལྡོག་པ་ཅན་ཞེས་པའི་གཟུགས་ཅན་རྣམ་པ་གཉིས་སུ་འདོད་དེ། དཔེར་ན་ཞེས་སོ། །གཉིས་པ་ནི། མྱོས་པའི་ཀུན་ཏུ་དམར་བ་འདིས། །བཀབ་པ་བཞིན་གྱི་ཟླ་བ་འདི། །འཆར་ཀའི་དམར་བ་ཕུན་ཚོགས་པའི། །ཟླ་བ་ལ་ནི་རབ་ཏུ་འགྲན། །ཞེས་པ་སྟེ། འདོད་པས་མྱོས་པའི་

― MLP007_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

མདངས་ཀུན་ཏུ་དམར་བས་བཀབ་པ་བཞིན་རས་ཀྱི་ཟླ་བ་འདི་ནི་འཆར་ཀའི་དམར་བའི་འོད་ཕུན་སུམ་ཚོགས་པ་ནམ་མཁའི་ཟླ་བ་ལ་རབ་ཏུ་འགྲན་ཞེས་མཚུངས་པ་གསལ་བར་བྱེད་པས་དཔེའི་གཟུགས་ཅན་ནོ། །བཅུ་དྲུག་པ་ལྡོག་པ་ཅན་གྱི་གཟུགས་ཅན་ནི། ལྷ་རྣམས་ཀྱིས་ནི་ཟླ་བ་དང་། །བདག་གིས་ཁྱོད་གདོང་ཟླ་བ་འཐུང་། །འདི་ནི་གང་བ་མ་ཡིན་ཡང་། །འདི་ནི་རྟག་ཏུ་དཀྱིལ་འཁོར་རྫོགས། །ཞེས་པ་སྟེ། ལྷ་རྣམས་ཀྱིས་ནི་ནམ་མཁའི་ཟླ་བ་དང་། བདག་གིས་ནི་ཁྱོད་གདོང་གི་ཟླ་བ་འཐུང་བར་མཚུངས་མོད་ཀྱི། ནམ་མཁའི་ཟླ་བ་འདི་ནི་རྟག་པར་ཆ་ཤས་གང་བ་མ་ཡིན་ཡང་ཁྱོད་གདོང་གི་ཟླ་བ་འདི་ནི་རྟག་ཏུ་དཀྱིལ་འཁོར་རྫོགས་པའོ་ཞེས་ཆོས་མི་མཐུན་པའི་དབྱེ་བ་སོ་སོར་ཕྱེ་སྟེ་བརྗོད་པས་ལྡོག་པ་ཅན་གྱི་གཟུགས་ཅན་ནོ། །བཅུ་བདུན་པ་འགོག་པའི་གཟུགས་ཅན་ནི། མཛེས་མ་ཁྱོད་གདོང་ཟླ་བ་ནི། །འདི་ལྟར་གཞན་དག་གདུང་བྱེད་པས། །ཟླ་བ་ཉིད་དུ་བརྗོད་མིན་ཞེས། །དེ་ནི་འགོག་པའི་གཟུགས་ཅན་ནོ། །ཞེས་པ་སྟེ། མཛེས་མ་ཁྱོད་གདོང་གི་ཟླ་བ་མཛེས་ཤིང་ཡིད་དུ་འོང་བ་འདི་ལ་ནི། འདི་ལྟར་འདོད་ལྡན་གཞན་དག་གདུང་བར་བྱེད་པས་ཟླ་བ་ཉིད་དུ་བརྗོད་པ་མིན་ཞེས་ཟླ་བར་བཀོད་པ་ཕྱིས་འགོག་པར་བྱེད་པས་དེ་ནི་འགོག་པའི་གཟུགས་ཅན་ནོ། །བཅོ་བརྒྱད་པ་མཉམ་འཇོག་གཟུགས་ཅན་ནི། གཏུམ་མོ་ཁྱོད་གདོང་ཟླ་བས་ཀྱང་། །བརྩེ་བ་མེད་པར་བདག་བསྲེག་པ། །བདག་གི་སྐལ་བ་ཉིད་ཀྱི་སྐྱོན། །ཞེས་འདི་མཉམ་འཇོག་གཟུགས་ཅན་ནོ། །ཞེས་པ་སྟེ། གཏུམ་མོ་ཞེས་བོས་ནས། ཁྱོད་གདོང་གི་ཟླ་བ་དགའ་བདེ་བསྐྱེད་པར་འོས་པས་ཀྱང་བརྩེ་བ་མེད་པ་འདོད་ལྡན་བདག་ཆེས་ཆེར་བསྲེག་པ་འདི་ནི་བདག་གི་སྐལ་བ་ཉིད་ཀྱི་སྐྱོན་ཏེ་ཁྱོད་གདོང་ཟླ་བའི་སྐྱོན་ཁོ་ན་མ་ཡིན་ནོ་ཞེས་ཕན་ཚུན་གཉིས་ཀ་ལ་སྐྱོན་མཉམ་དུ་འཇོག་ཕྱིར་འདི་ནི་མཉམ་འཇོག་གཟུགས་ཅན་ནོ། །བཅུ་དགུ་པ་གཟུགས་ཅན་གྱི་གཟུགས་ཅན་ནི། ཁྱོད་གདོང་འདམ་སྐྱེས་དོ་ར་འདིར། །སྨིན་མའི་འཁྲི་ཤིང་གར་མཁན་མ། །རོལ་སྒེག་དགའ་བས་གར་བྱེད་དོ། །ཞེས་པ་གཟུགས་ཅན་གྱི་གཟུགས་ཅན། །ཞེས་པ་སྟེ། ཁྱོད་གདོང་འདམ་སྐྱེས་ཏེ་པདྨ་དང་། དེའང་དོ་རའི་གཟུག་སུ་བཀོད་པ་འདིར། སྨིན་

― MLP007_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་འཁྲི་ཤིང་གར་མཁན་མ་དེ་ནི་རོལ་སྒེག་དང་བཅས་ཏེ་དགའ་བའི་སེམས་ཀྱིས་གར་བྱེད་དོ་ཞེས་གཟུགས་ཅན་འཕར་མར་བཀོད་པ་འདི་ནི་གཟུགས་ཅན་གྱི་གཟུགས་ཅན་ནོ། །ཉི་ཤུ་པ་སྙོན་དོར་གྱི་གཟུགས་ཅན་ལ། དཔེར་བརྗོད་ནི། འདི་ནི་གདོང་མིན་འདི་པདྨ། །འདི་དག་མིག་མིན་འདི་བུང་བ། །འདི་ཁྱོད་སོ་ཡི་འོད་ཟེར་མིན། །འདི་རྣམས་གེ་སར་ཉིད་ཡིན་ནོ། །ཞེས་པ་སྟེ། དཀར་ཞིང་མཛེས་པ་འདི་ནི་གདོང་མ་ཡིན་ཏེ་འདི་ནི་པདྨའོ། །མཐོན་མཐིང་རྣམ་པར་འཕྲུལ་བ་འདི་དག་མིག་མ་ཡིན་ཏེ་འདི་ནི་བུང་བའོ། །དཀར་བའི་འཕྲེང་བ་མཚར་དུ་དངར་བ་འདི་ནི་ཁྱོད་ཀྱི་སོའི་འོད་ཟེར་མ་ཡིན་ཏེ་འདི་རྣམས་པདྨའི་གེ་སར་ཉིད་ཡིན་ནོ། །དོན་བཤད་ནི། གདོང་ལ་སོགས་པ་ཉིད་བཟློག་སྟེ། །པདྨ་ལ་སོགས་གཟུགས་བྱས་པས། །ཡོན་ཏན་ཁྱད་འཕགས་གསལ་བྱེད་པ། །དེ་ཉིད་སྙོན་དོར་ཟུགས་ཅན་ནོ། །ཞེས་པ་སྟེ། གདོང་ལ་སོགས་པ་ཡིན་པ་ཉིད་བཟློག་སྟེ་མ་ཡིན་པར་བསྒྲུབ་པས་དོན་གྱི་དངོས་པོ་ལ་བསྙོན་ནས། པདྨ་ལ་སོགས་པའི་གཟུགས་སུ་བཀོད་པར་བྱས་པས་ཡོན་ཏན་ཁྱད་འཕགས་གསལ་བར་བྱེད་པ་གོང་དུ་བཀོད་མ་ཐག་པ་དེ་ལྟ་བུ་ཉིད་ནི་སྙོན་དོར་གྱི་གཟུགས་ཅན་ཡིན་ནོ། །གསུམ་པ་དཔེ་གཟུགས་ཐུན་མོང་དུ་དོན་བསྡུ་བ་ནི། གཟུགས་ཅན་དཔེ་ཡི་རྣམ་རྟོག་རྣམས། །མཐའ་ཡོད་མ་ཡིན་དེ་ཡི་ཕྱིར། །ཕྱོགས་ཙམ་བསྟན་པ་བློ་ལྡན་རྣམས། །མ་བརྗོད་རྗེས་སུ་དཔག་པར་བྱ། །ཞེས་པ་སྟེ། གཟུགས་ཅན་དང་དཔེའི་རྣམ་པར་རྟོག་པ་ཇི་སྙེད་པ་རྣམས་ནི་མཐའ་ཡོད་མ་ཡིན་པ་དེའི་ཕྱིར་འདིར་ཕྱོགས་ཙམ་ཞིག་བསྟན་པ་ཡིན་ལ། དེས་མཚོན་ཏེ་སྙན་ངག་མཁན་བློ་གྲོས་དང་ལྡན་པ་རྣམས་ཀྱིས་འདིར་མ་བརྗོད་པ་གཞན་ཡང་རྗེས་སུ་དཔག་པས་ཤེས་པར་བྱ་ཞེས་པའོ། །བཞི་པ་གསལ་བྱེད་ཀྱི་རྒྱན་ལ་གསུམ། མཚན་ཉིད། དཔེར་བརྗོད། མ་བཤད་པ་བསླབ་ཚུལ་ལོ། །དང་པོ་ནི། རིགས་དང་བྱ་བ་ཡོན་ཏན་རྫས། །ཚིག་གཅིག་ལ་ནི་གནས་པ་ཡིས། །གལ་ཏེ་ངག་ཀུན་ལ་ཕན་ན། །དེ་ནི་གསལ་བྱེད་དུ་བརྗོད་དཔེར། །ཞེས་པ་སྟེ། དེ་ལ་རིགས་དང་བྱ་བ་ཡོན་ཏན། རྫས་ཏེ་རྣམ་པ་བཞི་པོ་ཚིགས་བཅད་ཀྱི་ཐོག་མཐའ་བར་གསུམ་གང་

― MLP007_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་རུང་བའི་ཚིག་གཅིག་ལ་གནས་པས་གལ་ཏེ་ཚིགས་བཅད་དེས་ངག་ཀུན་ལ་ཕན་ཞིང་གསལ་བར་བྱེད་ན་དེ་ནི་གསལ་བྱེད་ཀྱི་རྒྱན་དུ་བརྗོད་དེ། དཔེར་ན་ཞེས་སོ། །གཉིས་པ་ལ་ལྔ་ལས། དང་པོ་གནས་གསུམ་གསལ་བྱེད་ཀྱི་དང་པོ་རིགས་ཐོག་གསལ་ནི། ལྷོ་ཡི་རླུང་གིས་འཁྲི་ཤིང་ནི། །འདབ་མ་རྙིང་པ་ལྷུང་བར་བྱེད། །དུད་པའི་ལུས་ཅན་རྣམས་ཀྱི་ཡང་། །ཁེངས་པ་གསར་དུ་འཇོག་པར་ནུས། །ཞེས་པ་སྟེ། ལྷོའི་རླུང་བསིལ་བ་དག་གིས་འཁྲི་ཤིང་ནི་བསྐྱོད་ཅིང་བསྒུལ་བས་འདབ་མ་རྙིང་པ་རྣམས་ལྷུང་བར་བྱེད་ཅིང་། ལང་ཚོས་དུད་པའི་ལུས་ཅན་མ་རྣམས་ཀྱི་ཡང་མཛའ་བོ་ལ་རྗེས་སུ་མི་མཐུན་པའི་ཁེངས་པ་གསར་དུ་འཇོམས་པར་ནུས་སོ། །གཉིས་པ་བྱ་བ་ཐོག་གསལ་ནི། རྒྱུའོ་ཆུ་གཏེར་བཞི་ངོགས་ཀྱི། །སྐྱེད་མོས་ཚལ་དུ་སོ་ཅན་ཏེ། །ཁོར་ཡུག་རི་བོའི་ཁོངས་སུ་ཡང་། །ཁྱོད་ཀྱི་ཡོན་ཏན་ཀུནྡ་དཀར། །ཞེས་པ་སྟེ། རྒྱུའོ། །སུ་ཞིག་གང་དུ་རྒྱུ་ན། ཆུ་གཏེར་བཞིའི་ངོགས་ཀྱི་སྐྱེད་མོས་ཚལ་དུ་སོ་ཅན་ཏེ་ཕྱོགས་ཀྱི་གླང་པོ་ཆེ་བརྒྱད་རྣམས་སོ། །དེར་མ་ཟད། ཁོར་ཡུག་ལྕགས་ཀྱི་རི་བོའི་ཁོངས་སུ་ཡང་རྒྱལ་པོ་ཁྱོད་ཀྱི་ཡོན་ཏན་ཀུནྡ་ལྟར་དཀར་བ་རྣམས་ཀྱང་ངོ་། །གསུམ་པ་ཡོན་ཏན་ཐོག་གསལ་ནི། སྔོ་སངས་ཉིད་དོ་ཕྱོགས་རྣམས་ནི། །དབྱར་སྐྱེས་སྤྲིན་གྱི་ཕྲེང་བ་ཡིས། །ས་ཡང་རྩ་སྔོན་གསར་པ་ནི། །ཤིན་ཏུ་གཞོན་པའི་འཕྲེང་བས་སོ། །ཞེས་པ་སྟེ། སྔོ་སངས་ཉིད་དོ། །ནམ་མཁའི་ཕྱོགས་རྣམས་ནི་དབྱར་སྐྱེས་སྤྲིན་གྱི་འཕྲེང་བ་འཁྲིགས་པ་ཡིས་སོ། །ནམ་མཁར་མ་ཟད། ས་གཞིའི་ཁྱོན་འདིའང་རྩའི་མྱུ་གུ་སྔོན་པོ་ལང་ཚོ་གསར་པ་ཅན་ཤིན་ཏུ་གཞོན་པའི་འཕྲེང་བས་སོ། །བཞི་པ་རྫས་ཐོག་གསལ་ནི། ཁྱབ་འཇུག་རྣམ་གནོན་ལ་གནས་པས། །དཱ་ནུའི་བུ་ཡི་འབྱོར་པ་དག །གང་དུ་བཏང་ཞིང་ལྷ་རྣམས་ཀྱི། །ཕུན་ཚོགས་གང་ན་གནས་པ་བླངས། །ཞེས་པ་སྟེ། ལྷ་ཁྱབ་འཇུག་ཕ་རོལ་རྣམ་པར་གནོན་པ་ལ་གནས་པས། དཱ་ནུའི་བུ་ལྷ་མིན་གྱི་འབྱོར་པ་དག །གང་དུ་མིང་མི་གྲགས་པར་བཏང་ཞིང་། ལྷ་རྣམས་ཀྱི་ཕུན་སུམ་ཚོགས་པའི་དཔལ་གང་ན་གནས་པ་ཐམས་ཅད་བླངས་སོ། །ལྔ་པ་རིགས་བར་གསལ་ལ། བཤད་ཟིན་དང་འཆད་འགྱུར་མཚམས་སྦྱར་བ་དང་། དངོས་སོ། །དང་པོ་ནི།

― MLP007_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་དང་པོའི་གསལ་བྱེད་བསྟན། དེ་བཞིན་བར་དང་མཐའ་ཡི་ཡང་། །ཚིག་དག་བདག་གིས་བསྟན་པར་བྱ། །དེ་དག་འགའ་ཞིག་འདི་ལྟ་སྟེ། །ཞེས་པ་སྟེ། གོང་དུ་བརྗོད་པའི་ལྷོ་ཡི་རླུང་གིས་ཞེས་པ་ལ་སོགས་པ་དེ་དག་ནི་རིགས་ཐོག་གསལ་སོགས་དང་པོའི་གསལ་བྱེད་རྣམས་བསྟན་པ་སྟེ། ཚུལ་དེ་བཞིན་དུ་བར་དང་མཐའི་གསལ་བྱེད་ཀྱི་ཚིག་དག་ཀྱང་བདག་གིས་བསྟན་པར་བྱ་བ་དེ་དག་འགའ་ཞིག་བརྗོད་པ་འདི་ལྟ་སྟེ་ཞེས་སོ། །གཉིས་པ་ནི། གར་བྱེད་ནི་ཙུ་ལ་འཕང་དུ། །གླུ་ཡང་ལེན་ནོ་མཇུག་སྒྲོ་ཅན། །དགའ་བས་རྒྱས་པའི་མིག་དག་ཀྱང་། །ཆུ་འཛིན་ལ་ནི་གཏོད་པར་བྱེད། །ཅེས་པ་སྟེ། ཤིང་ནི་ཙུ་ལའི་འཕང་དུ་གར་བྱེད་ཅིང་གླུ་ཡང་ལེན་ནོ། །སུ་ཞིག་གླུ་གར་བྱེད་ཅེ་ན། །མཇུག་སྒྲོ་ཅན་ཏེ་རྨ་བྱའི་ཚོགས་རྣམ་སོ། །དེར་མ་ཟད་དགའ་བས་རྒྱས་པའི་མིག་དག་ཀྱང་ཆུ་འཛིན་གྱི་འཕྲེང་བ་འཁྲིགས་པ་ལ་ནི་གཏོད་པར་བྱེད་དོ། །དྲུག་པ་བྱ་བ་བར་གསལ་ནི། དྲི་གཞོན་དལ་བུ་འགྱུར་བྱེད་དེ། །ཟླ་བ་དག་ཀྱང་མེ་རུ་འགྱུར། །ཙནྡན་བྱུག་པ་ལྷུང་བ་ཡང་། །མཚོན་ལྷུང་འཁྱམས་པ་རྣམས་ལའོ། །ཞེས་པ་སྟེ། དྲི་གཞོན་ཏེ་རླུང་བསིལ་བ་དལ་བུར་རྒྱུ་བ་དག་ཀྱང་འགྱུར་བྱེད་དེ་བྱ་བ་ཚ་བ་མེའི་རང་བཞིན་དང་། ཟླ་བའི་འོད་ཟེར་བསིལ་བ་དག་ཀྱང་མེ་རུ་འགྱུར་བ་ཡིན་ནོ། །གཞན་ཡང་ཙནྡན་གྱི་བྱུག་པ་ལྷུང་བ་ཡང་མཚོན་ལྷུང་བ་བཞིན་དུའོ། །སུ་ཞིག་ལ་ཞེ་ན་བུད་མེད་དང་བྲལ་ཏེ་བྱེས་སུ་འཁྱམས་པ་རྣམས་ལའོ། །བདུན་པ་རིགས་མཐའ་གསལ་ནི། ཆུ་འཛིན་གྱིས་ནི་རབ་གཏོར་ཆུ། །ཁྱིམ་གྱི་གཙུག་ཕུད་ལྡན་པའི་ཚོགས། །གློག་གི་ཐག་པ་གཡོ་བ་ཡང་། །མེ་ཏོག་གཞུ་ཅན་དག་གི་དཔུང་། །ཞེས་པ་སྟེ། ཆུ་འཛིན་གྱིས་རབ་ཏུ་གཏོར་བ་ཆར་གྱི་ཆུ་དང་། ཁྱིམ་གྱི་གཙུག་ཕུད་ལྡན་པའི་ཚོགས་གར་བྱེད་པ་གློག་གི་ཐག་པ་ཕན་ཚུན་དུ་གཡོ་ཞིང་འཁྱུག་པ་ཡང་སྟེ། དེ་རྣམས་ནི་མེ་ཏོག་གཞུ་ཅན་འདོད་ལྷ་དག་གི་དཔུང་ཡིན་ནོ། །བརྒྱད་པ་བྱ་བ་མཐའ་གསལ་ནི། ཁྱོད་ཀྱི་ཨུཏྤལ་རྣ་བ་ལ། །འདོད་པའི་མདའ་ནི་མདའ་བསྟན་ལ། །ངས་ཀྱང་སེམས་ནི་འཆི་བ་ལ། །གསུམ་པོ་དེ་ནི་མཉམ་དུ་བྱས། །ཞེས་པ་སྟེ། མཛེས་མ་ཁྱོད་ཀྱི་རྣ་བ་ལ་ཨུཏྤལ་རྒྱན་དུ་དང་། འདོད་པའི་ལྷའི་མདའ་ལྔ་ནི་མདའ་སྟན་གཞུ་ལ་དང་།

― MLP007_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

ངས་ཀྱང་སེམས་ནི་ཆགས་པས་ནོན་ཏེ་འཆི་བ་ལ་ཐུག་པ་སྟེ། གསུམ་པོ་འདི་ནི་དུས་མཉམ་དུ་བྱས་སོ། །གཉིས་པ་ཕྲེང་བའི་གསལ་བྱེད་ལ། དཔེར་བརྗོད་ནི། དཀར་ཕྱོགས་ཀྱིས་ནི་འོད་དཀར་ཅན། །འཕེལ་བྱེད་དེ་ཡིས་མདའ་ལྔ་པ། །དེས་ཀྱང་ཆགས་པ་ཆགས་པས་ཀྱང་། །ན་ཆུང་དགའ་བའི་དགའ་སྟོན་དཔལ། །ཞེས་པ་སྟེ། དཀར་ཕྱོགས་ཀྱི་དུས་ཀྱིས་ནི་འོད་དཀར་ཅན་ཏེ་ཟླ་བའི་ཆ་ཤས་འཕེལ་བར་བྱེད་དོ། །འོད་དཀར་ཅན་དེ་ཡིས་ནི་མདའ་ལྔ་པ་འདོད་ལྷའི་སྟོབས་སོ། །མདའ་ལྔ་པ་དེས་ཀྱང་ལང་ཚོ་ཅན་གྱི་ཆགས་པའི་སེམས་སོ། །ཆགས་པས་ཀྱང་ན་ཆུང་གི་དགའ་བའི་དགའ་སྟོན་འཁྲིག་པའི་དཔལ་རྣམ་པར་འབྱོར་བའི་ངོ་བོའོ། །དོན་བཤད་ནི། ཞེས་སོགས་གསལ་བྱེད་ཡིན་མོད་ཀྱང་། །སྔ་མ་སྔ་མ་ལ་ལྟོས་པའི། །ངག་གི་ཕྲེང་བར་རབ་ལྡན་ཕྱིར། །དེ་ནི་ཕྲེང་བའི་གསལ་བྱེད་འདོད། །ཅེས་པ་སྟེ། ཞེས་སོགས་སྤྱིར་གནས་གསུམ་གསལ་བྱེད་དུ་འདུས་པ་ཡིན་མོད་ཀྱང་། ཁྱད་པར་ཚིག་སྔ་མ་སྔ་མ་ལ་ཕྱི་མ་ཕྱི་མ་ལྟོས་པའི་ངག་གི་ཕྲེང་བར་རབ་ཏུ་ལྡན་པའི་ཕྱིར་བཤད་མ་ཐག་དེ་ནི་ཕྲེང་བའི་གསལ་བྱེད་དུ་འདོད་དོ། །གསུམ་པ་འགལ་དོན་གསལ་བྱེད་ལ། དཔེར་བརྗོད་ནི། རླུང་གིས་གཙུབས་པའི་ཆུ་ཐིགས་ཅན། །སྤྲིན་གྱི་ལུས་མེད་དག་གིས་ནི། །ཨ་བ་ལེ་བ་འཕེལ་བར་བྱེད། །རྡུལ་གྱི་དག་ནི་སེལ་བར་བྱེད། །ཅེས་པ་སྟེ། རླུང་ཤིན་ཏུ་བསིལ་བ་དལ་བུར་རྒྱུ་བ་དག་གིས་གཙུབས་ཤིང་བསྐྱོད་པའི་ཆུ་ཐིགས་ཅན་ཆར་སྤྲིན་གྱི་ལུས་མེད་འདོད་ལྷ་དག་གིས་ནི་འདོད་ཆགས་ཀྱི་ཨ་བ་ལེ་བ་འཕེལ་བར་བྱེད་དོ། །ཚ་བས་གདུངས་པ་ལས་བྱུང་བའི་རྡུལ་གྱི་དག་ནི་སེལ་བར་བྱེད་དོ། །དོན་བཤད་ནི། འདིར་ནི་སྤྲིན་གྱི་ཚིག་དག་དང་། །ཨ་བ་ལེ་བའི་ཚིག་དག་གིས། །བྱ་བ་འགལ་བ་ལྡན་པ་དེས། །འགལ་བའི་དོན་གྱི་གསལ་བྱེད་དོ། །ཞེས་པ་སྟེ། འདིར་ནི་བྱེད་པ་པོ་སྤྲིན་གྱི་ཚིག་དག་དང་། ལས་སུ་གྱུར་པ་ཨ་བ་ལེ་བ་སྟེ་ངེས་པར་ཞེན་པའམ་དྲེགས་པ་ཞེས་པའི་དོན་ལ་འཇུག་པའི་ཚིག་དག་གིས་བྱ་བ་འགལ་བ་དང་ལྡན་པ་འཕེལ་བ་དང་སེལ་བ་དག་སྦྱར་བས་དེ་ནི་འགལ་བའི་དོན་གྱི་གསལ་བྱེད་དོ། །བཞི་པ་དོན་གཅིག་གསལ་བྱེད་ལ། དཔེར་བརྗོད་ནི། ཆུ་འཛིན་དག་གི་འཕྲེང་བ་འདིས། །ཕྱོགས་

― MLP007_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱི་ནི་གོ་སྐབས་ཕྲོགས། །སྐར་མ་ཡི་ནི་ཚོགས་རྣམས་བཟུང་། །དེང་ཡང་བདག་གི་སྲོག་རྣམས་ལེན། །ཞེས་པ་སྟེ། ཆུ་འཛིན་དག་གི་ཕྲེང་བ་འཐུག་པོར་འཁྲིགས་པ་འདིས་ཕྱོགས་རྣམས་ཀྱི་ནི་གསལ་བའི་གོ་སྐབས་ཕྲོགས། སྐར་མ་ཡི་ནི་ཚོགས་རྣམས་སྒྲིབ་སྟེ་བཟུང་། །དེང་ཡང་བདག་གི་སྲོག་རྣམས་ཀྱང་ལེན་པར་བྱེད་དོ། །དོན་བཤད་ནི། གང་ཕྱིར་ཆུ་འཛིན་ཕྲེང་བ་ཡི། །བྱ་བ་གཅིག་ཉིད་གསལ་བྱེད་འདིར། །དུ་མའི་སྒྲ་ཡིས་ཉེར་བླངས་པ། །དེ་ཕྱིར་དོན་གཅིག་གསལ་བྱེད་དོ། །ཞེས་པ་སྟེ། གང་གི་ཕྱིར་ཆུ་འཛིན་ཕྲེང་བའི་བྱ་བ་གཅིག་ཉིད་གསལ་བར་བྱེད་པ་ལ་སྐབས་འདིར། ཕྲོགས། བཟུང་། ལེན་ཞེས་དུ་མའི་སྒྲ་ཡིས་ཉེ་བར་བླངས་པ་དེ་ཕྱིར་དོན་གཅིག་གི་གསལ་བྱེད་དོ། །ལྔ་པ་སྦྱར་བའི་གསལ་བྱེད་ལ། དཔེར་བརྗོད་ནི། དྲི་ཡི་བཞོན་པ་ཡིད་འོང་མཐོ། །སྔོ་སངས་ཏ་མ་ལ་ཡིད་འོད། །སྤྲིན་ནི་མཁའ་ལ་རྒྱུ་བྱེད་དེ། །གླང་ཆེན་འདི་དག་ས་ལའོ། །ཞེས་པ་སྟེ། དེ་ལ་འདིར་སྦྱར་གཞི་སྤྲིན་དང་གླང་པོ་གཉིས་ཏེ། བ་ཧའི་སྒྲ་བཞོན་པ་དང་ཐོབ་བྱེད་གཉིས་ཀ་ལ་འཇུག་པས་སྤྲིན་ལ་སྦྱར་སྐབས་དྲིའི་བཞོན་པ་རླུང་ཡིད་དུ་འོང་བ་དང་ལྡན་ཞེས་དང་། གླང་པོ་ཆང་གི་དྲི་ཐོབ་པ་ཡིད་གར་འོང་ཞེས་སྒྲ་སྦྱར། གཉིས་ཀ་དཔངས་མཐོ་ཞིང་ཁ་དོག་སྔོ་སངས་ཤ ིང་ཏ་མ་ལའི་འོད་དང་འདྲ་བ་དོན་སྦྱར། དེ་ལྟ་བུའི་སྤྲིན་ནི་ནམ་མཁའ་ལ་རྒྱུ་བར་བྱེད་དེ། གླང་ཆེན་འདི་དག་ནི་ས་གཞིའི་ངོས་ལའོ། །དོན་བཤད་ནི། འདི་ནི་ཆོས་རྣམས་ཐ་དད་མིན། །སྤྲིན་དང་གླང་པོ་རྣམས་དག་ཀྱང་། །རྒྱུ་བ་ཉིད་ཀྱིས་འབྲེལ་བའི་ཕྱིར། །སྦྱར་བའི་དོན་གྱི་གསལ་བྱེད་དོ། །ཞེས་པ་སྟེ། འདིར་ནི་ཁྱད་གཞི་གཉིས་ཀྱི་ཁྱད་ཆོས་རྣམས་ཐ་དད་མིན་པར་སྦྱར་ཞིང་སྤྲིན་དང་གླང་པོ་རྣམས་དག་ཀྱང་རྒྱུ་བ་ཉིད་ཀྱི་སྒྲས་གསལ་བྱེད་དུ་འབྲེལ་བའི་ཕྱིར་སྦྱར་བའི་དོན་གྱི་གསལ་བྱེད་དོ། །གསུམ་པ་མ་བཤད་པ་བསླབ་ཚུལ་ནི། རྣམ་པ་འདི་ཉིད་ཁོ་ན་ཡི། །གསལ་བྱེད་ལ་ནི་རྣམ་རྟོག་པ། །ལྷག་མ་རྣམ་ཀྱང་རྗེས་མཐུན་པར། །མཁས་པ་རྣམས་ཀྱིས་རྟོགས་པར་བྱ། །ཞེས་པ་སྟེ། གོང་དུ་བཤད་མ་ཐག་པའི་རྣམ་པ་འདི་ཉིད་ཁོ་ན་ཡིས་རྗེས་སུ་དཔགས་ཏེ་འདིར་མ་བརྗོད་པའི་གསལ་བྱེད་ཀྱི་རྒྱན་ལ་རྣམ་པར་རྟོག་པ་ལྷག་མ་རྣམས་

― MLP007_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་སྔར་བཤད་པ་དེ་དག་གི་རྗེས་སུ་མཐུན་པར་མཁས་པ་རྣམས་ཀྱིས་རྟོགས་པར་བྱའོ། །ལྔ་པ་བསྐོར་བ་ཅན་གྱི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། གསལ་བྱེད་ཀྱི་ནི་གནས་ཉིད་དུ། །དོན་བསྐོར་དང་ནི་ཚིག་བསྐོར་དང་། །གཉིས་ཀ་བསྐོར་བ་ཞེས་པ་ཡི། །རྒྱན་གསུམ་པོ་དག་འདོད་དེ་དཔེར། །ཞེས་པ་སྟེ། གསལ་བྱེད་ཀྱི་གནས་ཐོག་མཐའ་བར་གསུམ་གང་རུང་ཉིད་དུ་དོན་བསྐོར་བ་དང་། ཚིག་བསྐོར་བ་དང་། ཚིག་དོན་གཉིས་ཀ་བསྐོར་བ་ཞེས་པའི་རྒྱན་གསུམ་པོ་འདི་དག་སྔོན་གྱི་མཁས་པ་རྣམས་ཀྱིས་འདོད་དེ། དཔེར་ན་ཞེས་སོ། །གཉིས་པ་ལ། དང་པོ་དོན་བསྐོར་ནི། ཀ་དམྦ་ནི་རྣམ་པར་རྒྱལ། །ཀུ་ཌ་ཛོདྒ་མ་རབ་གསལ། །ཀནྡ་ལྱ་ནི་རབ་ཏུ་བྱེ། །ཀ་ཀུ་བྷ་ཡང་གྱེས་པར་གྱུར། །ཞེས་པ་སྟེ། དེ་ལ་ཤིང་ཀ་དམ། ཀུ་ཊ་ཛོདྒ་མ། ཀནྡ་ལྱ། ཀ་ཀུ་བྷ་ཞེས་པ་བཞི་པོ། རྣམ་པར་རྒྱས། རབ་ཏུ་གསལ། རབ་ཏུ་བྱེ། གྱེས་པར་གྱུར་ཞེས་ཚིག་ཐ་དད་ཀྱང་དོན་རྒྱས་པ་གཅིག་པུ་བསྐོར་ཏེ་བརྗོད་པ་ལྟ་བུའོ། །གཉི་པ་ཚིག་བསྐོར་ནི། སྤྲིན་གྱི་འཕྲེང་བ་དག་གི་ནི། །རྨ་བྱའི་ཚོགས་རྣམས་འདོད་ལྡན་བྱེད། །ཆུ་སྲིན་རྒྱལ་མཚན་ཅན་གྱིས་དེང་། །ན་ཆུང་རྣམས་ཡིད་འདོད་ལྡན་བྱེད། །ཅེས་པ་སྟེ། ཆར་སྤྲིན་གྱི་འཕྲེང་བས་འཁྲིགས་པ་དག་གིས་ནི་རྨ་བྱའི་ཚོགས་རྣམས་དགའ་བས་འདོད་ལྡན་དུ་བྱེད་ལ། ཆུ་སྲིན་རྒྱལ་མཚན་ཅན་གྱིས་ནི་དེང་དུས་ན་ཆུང་རྣམས་ཀྱི་ཡིད་འདོད་ལྡན་དུ་བྱེད་ཅེས་སོ། །སྐབས་འདིར་འདོད་ལྡན་བྱེད་ཅེས་སྒྲ་བཟླས་པ་རྣམ་པ་གསལ་བར་བྱས་ནས་དེ་ལྟར་བསྒྱུར་བ་སྟེ། གཞན་རྒྱ་དཔེར། འདོད་ལྡན་བྱེད་གཉིས་ཀྱི་སྐད་དོད། ཨུརྐཎྛ་ཡ་ཏི་ཞེས་ཡོད་པས་ཚིག་བསྐོར་ལ། དོན་སྤྲིན་འཕྲེང་གི་རྨ་བྱ་སྒྲ་སྒྲོག་པ་དང་འདོད་ལྷས་ན་ཆུང་འདོད་ལྡན་དུ་བྱེད་པ་གཉིས་མི་གཅིག་པ་ལྟ་བུའོ། །གསུམ་པ་གཉིས་ཀ་བསྐོར་བ་ནི། ཀུན་ལས་རྒྱལ་ནས་དེ་རིང་ཁྱོད། །བཙུན་མོ་རྣམས་དང་བརྩེ་བར་བྱེད། །ཁྱོད་ཀྱི་དགྲ་སྡེ་མཐོ་རིས་སོང་། །ལྷ་མོ་རྣམས་དང་བརྩེ་བར་བྱེད། །ཅེས་པ་སྟེ། མི་མཐུན་ཕྱོགས་ཀུན་ལས་རྒྱལ་ནས་དེ་རིང་མིའི་བདག་པོ་ཁྱོད་ནི་བཙུན་མོ་རྣམས་དང་ལྷན་ཅིག་བརྩེ་བར་བྱེད་ལ། ཁྱོད་ཀྱི་དགྲ་སྡེ་རྣམས་གཡུལ་ངོར་ཤི་བས་མཐོ་རིས་སུ་

― MLP007_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་སྟེ་ལྷ་མོ་རྣམས་དང་བརྩེ་བར་བྱེད་དོ་ཞེས་དགྲ་ལས་རྒྱལ་བར་དོན་གཅིག་པས་དོན་བསྐོར་ལ། བརྩེ་བར་བྱེད་ཅེས་ཚིག་བསྐོར་བ་ལྟ་བུའོ། །དྲུག་པ་འགོག་པའི་རྒྱན་ལ་གསུམ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། དགག་པ་བརྗོད་པ་འགོག་པ་སྟེ། །དུས་གསུམ་ལ་ལྟོས་རྣམ་པ་གསུམ། །དེ་ནས་དེ་ཡང་དགག་བྱ་ཡིས། །དབྱེ་བ་མཐའ་ཡས་ཕྱིར་མཐའ་ཡས། །ཞེས་པ་སྟེ། དགག་བྱའི་ཡུལ་འགྲོ་བ་ལྟ་བུ་གང་ཡང་རུང་བ་ལ། འགོག་བྱེད་ཀྱི་ཚིག་མ་འགྲོ་ཞེས་སོགས་བརྗོད་པའི་ཚུལ་ནི་འགོག་པ་སྟེ། དེའང་དུས་གསུམ་ལ་ལྟོས་ཏེ་བྱུང་བ། ད་ལྟར། མ་འོངས་འགོག་པ་སྟེ་རྣམ་པ་གསུམ་དང་། དེ་ནས་དེ་ཡང་ཕྱེ་ན་དགག་བྱའི་དབྱེ་བ་མཐའ་ཡས་པའི་ཕྱིར་འགོག་པ་ཡང་མཐའ་ཡས་སོ། །གཉིས་པ་ལ། དང་པོ་བྱུང་བ་འགོག་པ་ལས། དཔེར་བརྗོད་ནི། ལུས་མེད་ཀྱི་ནི་མེ་ཏོག་གི། མདའ་ལྔས་ཀུན་ལས་རྒྱལ་བར་གྱུར། །ཞེས་པ་མི་སྲིད་ཡང་ན་ནི། །དངོས་པོའི་ནུས་པ་རྣམ་པར་བཀྲ། །ཞེས་པ་སྟེ། ལུས་མེད་འདོད་ལྷ་ཁྱོད་ཀྱི་འཇམ་ཞིང་གྲངས་ཉུང་བའི་མེ་ཏོག་གི་མདའ་ལྔས་འགྲོ་བ་ཀུན་ལས་རྒྱལ་བར་གྱུར་ཅེས་པ་མི་སྲིད་དོ། །ཡང་ན་ནི་དངོས་པོའི་ནུས་པ་རྣམ་པར་བཀྲ་བ་སྟེ་བསམ་གྱིས་མི་ཁྱབ་པའི་ཕྱིར་དེ་འདྲ་སྲིད་དུའང་རུང་ངོ་། །དོན་བཤད་ནི། ཞེས་པ་འདི་ནི་རྒྱུ་སྟོབས་ཀྱིས། །ལུས་མེད་རྒྱལ་བར་མི་རིགས་བློ། །དེ་ལྟར་གྱུར་བཀག་དེ་ཡི་ཕྱིར། །འདི་འདྲ་དེ་ནི་བྱུང་བ་འགོག །ཅེས་པ་སྟེ། བརྗོད་མ་ཐག་པ་འདི་ནི་དངོས་པོའི་ནུས་པ་རྣམ་པར་བཀྲ་བའི་རྒྱུ་སྟོབས་ཀྱིས་ལུས་མེད་རྒྱལ་བར་མི་རིགས་པའི་བློ་སྔར་དེ་ལྟར་གྱུར་པ་བཀག་པ་སྟེ། རྒྱུ་མཚན་དེའི་ཕྱིར་ཚུལ་འདི་འདྲ་བ་དེ་ནི་འབྱུང་བ་འགོག་པའི་རྒྱན་ནོ། །གཉིས་པ་མངོན་གྱུར་འགོག་པ་ལ་དཔེར་བརྗོད་ནི། སྙན་སྒྲོག་མ་དག་ཅི་ཡི་ཕྱིར། །རྣ་བ་ལ་ནི་ཨུཏྤལ་འཇུག །ལས་འདི་ལ་ནི་མིག་ཟུར་དག །ཡོངས་རྫོགས་མིན་པར་སེམས་སམ་ཅི། །ཞེས་པ་སྟེ། ཀྱཻ་སྙན་པར་སྒྲོག་མ་དག་ཅེས་བོས་ནས། ཅིའི་ཕྱིར་རྣ་བ་ལ་ཨུཏྤལ་འཇུག་པར་བྱེད་དེ། ཨུཏྤལ་གྱི་ལས་འདི་ལ་ནི་ཁྱོད་ཀྱི་མིག་ཟུར་དག་ལ་ཡོངས་སུ་རྫོགས་ན་དེ་ལྟར་མ་ཡིན་པར་སེམས་སམ་ཅི་ཞེས་སོ། །

― MLP007_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་བཤད་ནི། འགའ་ཞིག་དཀར་མིན་ཨུཏྤལ་ལ། །རྣ་བར་བྱེད་ལ་མཛའ་བོ་ཡིས། །དེ་ལྟར་བསྟོད་པས་འགོག་བྱེད་པ། །འདི་ནི་མངོན་གྱུར་འགོག་པའོ། །ཞེས་པ་སྟེ། མཛེས་མ་འགའ་ཞིག་དཀར་མིན་ཨུཏྤལ་རྣ་བའི་རྒྱན་དུ་བྱེད་བཞིན་པ་ལ། མཛའ་བོས་དེ་ལྟར་མིག་ཟུར་ལ་བསྟོད་པའི་སྒོ་ནས་འགོག་པར་བྱེད་པ་འདི་ནི་མངོན་གྱུར་འགོག་པའོ། །གསུམ་པ་འབྱུང་འགྱུར་འགོག་པ་ལ། དཔེར་བརྗོད་ནི། ཇོ་བོ་བདེན་པར་སྨྲའོ་བདག །གཞན་དང་ཙུམྦ་ནས་འཕོས་པའི། །རྒྱ་སྐྱེགས་ཀྱིས་དམར་མིག་གིས་ནི། །ནམ་ཡང་མཐོང་བར་འགྱུར་མ་ལགས། །ཞེས་པ་སྟེ། ཇོ་བོ་ཞེས་བོས་ནས། བདག་ནི་བདེན་པར་སྨྲའོ། །ཇི་ལྟར་སྨྲ་ན། ཁྱོད་བུད་མེད་གཞན་དང་ཙུམྦ་ན་སྟེ་ཁ་སྤྲད་པ་ལས་འཕོས་པའི་རྒྱ་སྐྱེགས་ཀྱིས་བྱུགས་པ་ལྟར་དམར་བའི་མིག་གིས་ནི་ནམ་ཡང་བདག་མཐོང་བར་འགྱུར་བ་མ་ལགས་ཏེ། དེ་ལྟ་བུ་ཁོ་མོས་མི་བཟོད་པས་དེ་མ་ཐག་ཚེའི་དུས་བྱེད་པས་སོ། །དོན་བཤད་ནི། སྔར་ཉིད་ཤིན་ཏུ་ཁེངས་ལྡན་མས། །ནམ་ཞིག་འདི་ཡི་གནོད་པ་དག །འབྱུང་བ་དེ་ལྟར་འགོག་བྱེད་པ། །འདི་ནི་འབྱུང་འགྱུར་འགོག་པའོ། །ཞེས་པ་སྟེ། སྔར་ཉིད་ཤིན་ཏུ་ཁེངས་པ་དང་ལྡན་པའི་དགའ་མས་ནམ་ཞིག་རང་གི་མཛའ་བོ་འདི་བུད་མེད་གཞན་དང་འགྲོགས་པའི་གནོད་པ་དག་འབྱུང་བར་འགྱུར་དུ་དོགས་པ་ལ། ཚུལ་དེ་ལྟར་རང་གི་གནས་སྐབས་གསལ་བའི་སྒོ་ནས་འགོག་པར་བྱེད་པ་འདི་ནི་འབྱུང་འགྱུར་འགོག་པའོ། །བཞི་པ་ཆོས་འགོག་པ་ལ། དཔེར་བརྗོད་ནི། ལུས་ཕྲ་ཁྱོད་ཀྱི་ཡན་ལག་རྣམས། །འཇམ་པ་ཉིད་དུ་གནས་པ་རྫུན། །གལ་ཏེ་བདེན་པར་འཇམ་པ་ན། །གློ་བུར་དུ་བདག་ཅི་ལ་གདུང་། །ཞེས་པ་སྟེ། ལུས་ཕྲ་མ་ཁྱོད་ཀྱི་ཡན་ལག་རྣམས་འཇམ་པ་ཉིད་དུ་གནས་སོ་ཞེས་པ་ནི་རྫུན་ཏེ། གལ་ཏེ་བདེན་པར་འཇམ་པ་ཡིན་ན་གློ་བུར་དུ་བདག་འདོད་མྱོས་ཀྱི་ཚོར་བ་རྩུབ་མོས་ཅི་ལ་གདུང་སྟེ་གདུང་མི་རིགས་སོ། །དོན་བཤད་ནི། གང་ཕྱིར་དེ་ལྟར་འདོད་ལྡན་གྱིས། །དེ་དང་འགལ་བའི་ཆོས་ཀྱིས་འདིར། །བུད་མེད་ལུས་ནི་འཇམ་པ་དག །འགོག་པ་འདི་ནི་ཆོས་འགོག་པའོ། །ཞེས་པ་སྟེ། གང་གི་ཕྱིར་ཚུལ་དེ་ལྟར་འདོད་ལྡན་གྱིས་འཇམ་པ་དེ་དང་འགལ་བའི་ཆོས་གདུང་བ་བསྐྱེད་

― MLP007_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་གྱིས་སྐབས་འདིར་བུད་མེད་ཀྱི་ལུས་འཇམ་པ་དག་འགོག་པར་བྱེད་པ་འདི་ནི་ཆོས་འགོག་པའོ། །ལྔ་པ་ཆོས་ཅན་འགོག་པ་ལ། དཔེར་བརྗོད་ནི། དེ་ནི་མཛེས་སམ་མ་ཡིན་ཞེས། །རྣམ་རིག་འདི་ནི་ཅི་ལས་སྐྱེས། །དེར་ནི་འོད་ཙམ་གཡོ་བ་ཉིད། །མཐོང་བར་གྱུར་གྱི་རྟེན་མ་ཡིན། །ཞེས་པ་སྟེ། འདོད་ལྡན་ཀུན་ཡིད་འཕྲོག་པའི་ན་ཆུང་དེ་ནི་མཛེས་སམ་མཛེས་པ་མ་ཡིན་ཞེས་པའི་རྣམ་རིག་འདི་ནི་རྒྱུ་ཅི་ལས་སྐྱེས་ཏེ། དེར་ནི་འོད་ཙམ་གཡོ་བ་ཉིད་མཐོང་བར་གྱུར་གྱི་རྟེན་དངོས་ནི་མ་ཡིན་ནོ། །དོན་བཤད་ནི། གང་ཕྱིར་གཟུགས་ཅན་མ་ངོ་མཚར། །བརྗོད་པར་འདོད་པས་འོད་ཅེས་པའི། །ཆོས་འདི་ཁས་བླངས་ཆོས་ཅན་དག །འགོག་འདི་ཆོས་ཅན་འགོག་པའོ། །ཞེས་པ་སྟེ། གང་ཕྱིར་གཟུགས་ཅན་མ་དེའི་ངོ་མཚར་བརྗོད་པར་འདོད་པས་དེ་གནས་པའི་སར་འོད་ཙམ་གཡོ་ཞེས་པའི་ཆོས་འདི་ཁས་བླངས་ནས། ཆོས་ཅན་གཟུགས་ཅན་མ་དངོས་མ་མཐོང་བའི་ཚུལ་དག་བརྗོད་པས་འགོག་པའི་ཆོས་ཅན་འགོག་པའོ། །དྲུག་པ་རྒྱུ་འགོག་པ་ལ། དཔེར་བརྗོད་ནི། ཁྱོད་ཀྱི་མིག་དག་དམར་གྱུར་ཅིང་། །མཆུ་ཡི་ཡལ་འདབ་གཡོ་བ་དང་། །སྨིན་མ་འཁྱོག་སྟེ་དེ་ལྟ་ནའང་། །ཉེས་པ་མེད་པས་བདག་མི་འཇིགས། །ཞེས་པ་སྟེ། མཛའ་མོ་ཁྱོད་ཀྱི་མིག་དག་དམར་པོར་གྱུར་ཅིང་། མཆུའི་ཡལ་འདབ་འདར་ཞིང་གཡོ་བ་དང་། སྨིན་མ་འཁྱོག་པ་ལ་སོགས་པ་བྱེད་དེ། ཁྲོ་བའི་རྣམ་འགྱུར་གསལ་བ་དེ་ལྟ་ནའང་ཉེས་པ་མེད་པས་བདག་མི་འཇིགས་སོ། །དོན་བཤད་ནི། གང་ཕྱིར་མཛའ་བོ་མཁས་པ་ཡིས། །འཇིགས་པ་ཡི་ནི་རྒྱུ་ཡི་གཙོ། །རང་གི་ཉེས་པ་འགོག་བྱེད་པ། །འདི་དག་འདིར་ནི་རྒྱུ་འགོག་པའོ། །ཞེས་པ་སྟེ། གང་ཕྱིར་མཛའ་བོ་སྐྱོན་སྤོང་བ་ལ་མཁས་པས་མཛེས་མ་ཁྲོ་བའི་རྣམ་འགྱུར་ཤེས་ནས་འཇིགས་པ་འབྱུང་བའི་རྒྱུའི་གཙོ་བོ་རང་གི་ཉེས་པ་འགོག་པར་བྱེད་པ་འདི་དག་སྐབས་འདིར་རྒྱུ་འགོག་པ་ཞེས་བྱའོ། །བདུན་པ་འབྲས་བུ་འགོག་པ་ལ། དཔེར་བརྗོད་ནི། མཛའ་བོ་དག་ནི་རིང་ན་གནས། །ཆུ་འཛིན་བགྲོད་ལྡན་འདི་ནི་འོངས། །ནི་ཙུ་ལ་ཡང་རྒྱས་པར་མཐོང་། །བདག་ཤི་མིན་པ་འདི་ཅི་ག །ཞེས་པ་སྟེ། མཛའ་བོ་དག་ནི་ཡུལ་ཐག་རིང་པོ་ན་གནས་པ་དང་། ཆུ་འཛིན་གྱི་

― MLP007_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲེང་བ་བགྲོད་ལྡན་ལང་ལོང་དུ་གཡོ་བ་ཅན་འདི་ནི་འོང་པ་དང་། ཤིང་ནི་ཙུ་ལ་ཡང་རྒྱས་པ་སྟེ་འབྲས་བུ་ཆགས་པས་ནོན་ནས་འཆི་བའི་རྒྱུ་མི་ཉུང་ཙམ་ཞིག་མཐོང་ཡང་ད་དུང་བདག་ཤི་བ་མིན་པ་འདི་ཅི་ག་ཞེས་སོ། །དོན་བཤད་ནི། དེ་རྒྱུ་ཆུ་འཛིན་བགྲོད་པ་སོགས། །མི་བཟད་པ་དག་ཉེར་བཀོད་ནས། །འབྲས་བུ་འཆི་བ་བཟློག་པའི་ཕྱིར། །དེ་ནི་འབྲས་བུ་འགོག་པའོ། །ཞེས་པ་ཏེ། འཆི་བ་དེའི་རྒྱུ་ཆུ་འཛིན་བགྲོད་པ་ལ་སོགས་པ་མི་བཟད་པ་ཤིན་ཏུ་བཟོད་དཀའ་བ་དག་ཉེ་བར་བཀོད་ནས་འབྲས་བུ་འཆི་བ་བཟློག་སྟེ་བརྗོད་པའི་ཕྱིར་དེ་ནི་འབྲས་བུ་འགོག་པའོ། །བརྒྱད་པ་རྗེས་གནང་འགོག་པ་ལ། དཔེར་བརྗོད་ནི། གལ་ཏེ་གཤེགས་ན་གཤེགས་པར་མཛོད། ཁྱོད་ཀྱི་བགྲོད་པས་བདག་ལ་ནི། །གདུང་བ་ཡུན་རིང་འབྱུང་མི་འགྱུར། །འདི་ལ་ཁྱོད་ནི་དོགས་མི་འཚལ། །ཞེས་པ་སྟེ། མཛའ་བོ་ཁྱོད་གལ་ཏེ་ཡུལ་གཞན་དུ་གཤེགས་ན་གཤེགས་པར་མཛོད་ཅིག །ཁྱོད་ཀྱི་བགྲོད་པས་བདག་ལ་གདུང་བ་ཡུན་རིང་འབྱུང་བར་མི་འགྱུར་ཏེ་བྲལ་མ་ཐག་འཆི་བས་འདི་ལ་ཁྱོད་ནི་ཐེ་ཚོམ་མེད་ཀྱི་དོགས་པ་མཛད་མི་འཚལ་ལོ། །དོན་བཤད་ནི། ཞེས་པ་འཆི་བ་གསལ་བྱེད་པས། །རྗེས་གནང་ཉིད་ཀྱི་སྒོ་ནས་ནི། །མཛའ་བོའི་བགྲོད་པ་འགོག་བྱེད་པ། །དེ་ནི་རྗེས་གནང་འགོག་པའོ། །ཞེས་པ་སྟེ། རང་གི་གནས་སྐབས་འཆི་བ་གསལ་བར་བྱེད་པས་མཛའ་བོ་ལ་རྗེས་སུ་གནང་བ་ལྟར་བྱེད་པ་ཉིད་ཀྱི་སྒོ་ནས་མཛའ་བོའི་བགྲོད་པ་འགོག་པར་བྱེད་པ་དེ་ནི་རྗེས་གནང་འགོག་པའོ། །དགུ་པ་དབང་གིས་འགོག་པ་ལ། དཔེར་བརྗོད་ནི། ནོར་ནི་མང་པོ་རྙེད་གྱུར་ཞིང་། །ལམ་དུ་ཡང་ནི་བདེ་ཞིང་དགེ། བདག་སྲོག་ལ་ཡང་ཐེ་ཚོམ་མེད། །འོན་ཀྱང་མཛའ་བོ་འགྲོ་མི་བྱ། །ཞེས་པ་སྟེ། བྱེས་སུ་ཕྱིན་ན་ནོར་ནི་མང་པོ་རྙེད་པར་གྱུར་ཞིང་། ལམ་དུ་ཡང་ནི་བགྲོད་བདེ་ཞིང་དགེ་ལ། བདག་གི་སྲོག་ལ་ཡང་སྐྱོན་མི་འབྱུང་བར་ཐེ་ཚོམ་མེད་མོད། འོན་ཀྱང་མཛའ་བོ་ཁྱོད་ཡུལ་གཞན་དུ་འགྲོ་བར་མི་བྱའོ། །དོན་བཤད་ནི། མཛའ་བོ་འགྲོ་བར་སྦྱོར་བ་ཡིས། །རྒྱུ་རྣམས་དག་ནི་རབ་བཤད་ནས། །དབང་ཉིད་ཀྱིས་ནི་དེ་འགོག་པ། །འདི་འདྲ་དབང་གིས་འགོག་པའོ། །ཞེས་པ་སྟེ། མཛའ་བོ་ཡུལ་གཞན་དུ་འགྲོ་བར་སྦྱོར་བའི་རྒྱུ་རྣམས་

― MLP007_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ནི་རབ་ཏུ་བཤད་ནས་དབང་ཆེ་བ་ཉིད་ཀྱིས་དེ་ལྟར་མཛའ་བོའི་བགྲོད་པ་འགོག་པར་བྱེད་པ་འདི་འདྲ་བ་དེ་ནི་དབང་གིས་འགོག་པའོ། །བཅུ་པ་མ་གུས་པས་འགོག་པ་ལ། དཔེར་བརྗོད་ནི། བདག་ནི་བསོན་རེ་སྟོབས་དང་ལྡན། །ནོར་གྱི་བསམ་པ་སྟོབས་ལྡན་མིན། །མཛའ་བོ་གཤེགས་སམ་བཞུགས་ལགས་སམ། །རང་གི་གནས་སྐབས་སྨོས་པ་ལགས། །ཞེས་པ་སྟེ། བདག་ནི་གསོན་དུ་རེ་བའི་བསམ་པ་སྟོབས་དང་ལྡན་ལ་ནོར་སྒྲུབ་འདོད་ཀྱི་བསམ་པ་སྟོབས་དང་ལྡན་པ་མིན་མོད། མཛའ་བོ་ཁྱོད་ཡུལ་གཞན་དུ་ནོར་སྒྲུབ་པའི་ཕྱིར་གཤེགས་སམ་འདི་ཉིད་དུ་བཞུགས་ལགས་སམ་ཇི་ལྟར་མཛད་ཤེས་མོད་ཀྱི། བདག་གིས་ནི་རང་གི་གནས་སྐབས་ཙམ་སྨོས་པ་ལགས་སོ། །དོན་བཤད་ནི། གང་ཕྱིར་འདིར་ནི་ཆགས་ལྡན་མས། །མ་གུས་བཞིན་དུ་ཚོགས་སྦྱར་ནས། །མཛའ་བོའི་བགྲོད་པ་འགོག་བྱེད་པ། །འདི་ནི་མ་གུས་འགོག་པའོ། །ཞེས་པ་སྟེ། གང་གི་ཕྱིར་སྐབས་འདིར་ཆགས་ལྡན་མས་མ་གུས་པ་བཞིན་དུ་བྱས་པའི་ཚིག་སྦྱར་ནས་མཛའ་བོའི་བགྲོད་པ་འགོག་པར་བྱེད་པ་འདི་ནི་མ་གུས་པས་འགོག་པའོ། །བཅུ་གཅིག་པ་ཤིས་བརྗོད་ཀྱིས་འགོག་པ་ལ། དཔེར་བརྗོད་ནི། མཛའ་བོ་གལ་ཏེ་གཤེགས་ན་བཞུད། །ཁྱོད་ཀྱི་ལམ་ནི་ཤིས་གྱུར་ཅིག །གང་དུ་ཁྱོད་ནི་གཤེགས་པ་དེར། །བདག་ཀྱང་སྐྱེ་བ་ཉིད་གྱུར་ཅིག །ཅེས་པ་སྟེ། མཛའ་བོ་ཁྱོད་གལ་ཏེ་ཡུལ་གཞན་དུ་གཤེགས་ན་ཅི་བདེར་བཞུད་ཅིག །ཁྱོད་ཀྱི་ལམ་དེ་ཡང་ཤིས་པར་གྱུར་ཅིགགང་དུ་ཁྱོད་གཤེགས་པ་དེར་བདག་ཀྱང་སྐྱེ་བ་ཉིད་དུ་གྱུར་ཅིག །དོན་བཤད་ནི། དེ་ལྟར་ཤིས་བརྗོད་ལམ་གྱི་གང་། །རང་གི་གནས་སྐབས་གསལ་བྱེད་པས། །མཛའ་བོའི་བགྲོད་པ་འགོག་བྱེད་པ། །འདི་ནི་ཤིས་བརྗོད་ཀྱིས་འགོག་པའོ། །ཞེས་པ་སྟེ། ཚུལ་དེ་ལྟར་ཤིས་པ་བརྗོད་པའི་ལམ་སྲོལ་གྱིས་གང་དུ་རང་གི་གནས་སྐབས་གསལ་བར་བྱེད་པས་མཛའ་བོའི་བགྲོད་པ་འགོག་པར་བྱེད་པ་འདི་ནི་ཤིས་བརྗོད་ཀྱི་འགོག་པའོ། །བཅུ་གཉིས་པ་རྩུབ་མོས་འགོག་པ་ལ། དཔེར་བརྗོད་ནི། གལ་ཏེ་ཁྱོད་འགྲོ་བདེན་ཉིད་ན། །ཁྱོད་ཀྱིས་གཞན་པ་འགའ་ཞིག་ཚོལ། །བདག་ནི་གླགས་འཚོལ་འཆི་བ་ཡིས། །དེ་རིང་ཉིད་དུ་འགོག་པར་གྱུར། །

― MLP007_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་སྟེ། གལ་ཏེ་མཛའ་བོ་ཁྱོད་ཡུལ་གཞན་དུ་འགྲོ་བ་བདེན་པ་ཉིད་ཡིན་ན་ཁྱོད་ཀྱིས་དགའ་མ་གཞན་པ་འགའ་ཞིག་ཚོལ་བར་རིགས་ཏེ། བདག་ནི་ཁྱོད་དང་བྲལ་བས་གླགས་འཚོལ་བའི་འཆི་བས་དེ་རིང་ཉིད་དུ་འཚོ་བ་འགོག་པར་འགྱུར་རོ། །དོན་བཤད་ནི། གང་ཕྱིར་མཛའ་བའི་དབང་གྱུར་མས། །མཛའ་བོའི་བགྲོད་པ་འགོག་བྱེད་པ། །ཚིག་རྩུབ་ཡི་གེ་སྔོན་འགྲོ་ཅན། །དེ་ནི་རྩུབ་མོས་འགོག་པའོ། །ཞེས་པ་སྟེ། གང་གི་ཕྱིར་མཛའ་བ་བརྟན་པོའི་དབང་དུ་གྱུར་པའི་དགའ་མས་མཛའ་བོའི་བགྲོད་པ་འགོག་པར་བྱེད་པའི་ཚུལ་ཚིག་རྩུབ་མོའི་ཡི་གེ་སྔོན་དུ་འགྲོ་བ་ཅན་དེ་ནི་རྩུབ་མོས་འགོག་པའོ། །བཅུ་གསུམ་པ་གྲོགས་ཀྱིས་འགོག་པ་ལ། དཔེར་བརྗོད་ནི། གལ་ཏེ་གཤེགས་ན་མྱུར་དུ་བཞུད། །ཕྱི་ནས་གཉེན་འདུན་འཁྲུགས་པའི་ཁས། །བསྒྲགས་པའི་ཆོ་ངེས་འགྲོ་བ་ཡི། །གེགས་གྱུར་ཁྱོད་ཀྱི་རྣ་བར་འོང་། །ཞེས་པ་སྟེ། གལ་ཏེ་མཛའ་བོ་ཡུལ་གཞན་དུ་གཤེགས་ན་མྱུར་དུ་བཞུད་ཅིག་ཕྱི་ནས་ཁོ་མོ་ཤི་བས་གཉེན་འདུན་རྣམས་འཁྲུགས་པའི་ཁས་བསྒྲགས་པའི་ཆོ་ངེས་འགྲོ་བའི་གེགས་སུ་གྱུར་པ་དག་ཁྱོད་ཀྱི་རྣ་བར་འོང་ངོ་། །དོན་བཤད་ནི། གང་ཕྱིར་འདིར་ནི་མཐའ་གཅིག་ཏུ། །ཆགས་མས་གྲོགས་ཉིད་བྱེད་པ་ཡིས། །མཛའ་བའི་བགྲོད་པ་འགོག་པ་འདི། །གྲོགས་ཉིད་ཀྱིས་ཀྱི་འགོག་པའོ། །ཞེས་པ་སྟེ། གང་གི་ཕྱིར་སྐབས་འདིར་མཐའ་གཅིག་ཏུ་ཆགས་ལྡན་མས་འགྲོ་བ་ལ་གྲོགས་ཉིད་བྱེད་པ་ལྟ་བུ་ཡིས་མཛའ་བོའི་བགྲོད་པ་འགོག་པ་འདི་ནི་གྲོགས་ཉིད་ཀྱིས་འགོག་པ་ཞེས་བྱའོ། །བཅུ་བཞི་པ་འབད་པས་འགོག་པ་ལ། དཔེར་བརྗོད་ནི། བཞུད་ཅེས་ཁྱོད་དགྱེས་བརྗོད་འདོད་ཀྱང་། །བདག་ཉིད་དགའ་བར་བྱེད་པའི་ཚིག །མ་གཤེགས་ཞེས་པ་ཁ་ནས་ནི། །བྱུང་བར་གྱུར་ལ་བདག་ཅི་བྱེད། །ཅེས་པ་སྟེ། མཛའ་བོ་ཁྱོད་ཅི་བདེར་བཞུད་ཅེས་ཁྱོད་དགྱེས་པའི་ཚིག་བརྗོད་པར་འདོད་ཀྱང་བདག་ཉིད་དགའ་བར་བྱེད་པའི་ཚིག་མ་གཤེགས་ཤིག་ཅེས་པ་ཁ་ནས་རང་དབང་མེད་པར་བྱུང་བར་གྱུར་པ་ལ་བདག་ཅི་ཞིག་བྱེད་ཅེས་སོ། །དོན་བཤད་ནི། མི་འདོད་དངོས་ལ་འབད་བྱས་པས། །འབྲས་བུ་ཕྱིན་ཅི་ལོག་སྐྱེད་པའི། །དོན་མེད་ཉེ་བར་བསྟན་པའི་ཕྱིར། །དེ་ནི་འབད་པས་

― MLP007_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

འགོག་པའོ། །ཞེས་པ་སྟེ། མི་འདོད་པའི་དངོས་པོ་མཛའ་བོ་འགྲོ་བར་སྦྱོར་བ་ལ་འབད་པར་བྱས་པས་འབྲས་བུ་ཕྱིན་ཅི་ལོག་འགྲོ་བ། འགོག་པ་བསྐྱེད་པའི་རྒྱུ་མཚན་གྱིས་འབད་པ་དོན་མེད་དུ་ཉེ་བར་བསྟན་པའི་ཕྱིར་དེ་ནི་འབད་པས་འགོག་པ་ཞེས་བྱའོ། །བཅོ་ལྔ་པ་གཞན་དབང་གིས་འགོག་པ་ལ། དཔེར་བརྗོད་ནི། སྐད་ཅིག་ལྟ་ལ་གེགས་བྱེད་པའི། །རྫི་མ་བསྐྱོད་པ་ལ་ཁྲོ་བ། །ཁྱོད་ཀྱིས་མཛའ་ལ་འགྲོ་བ་སྨོས། །བདག་ནི་དེ་ཡི་འདོད་པ་འདོད། །ཅེས་པ་སྟེ། སྐད་ཅིག་ཙམ་ལྟ་བ་ལ་གེགས་བྱེད་པའི་རྫི་མ་བསྐྱོད་ཅིང་གཡོ་བ་ལ་ཡང་ཁྲོ་བའི་བསམ་པ་སྟོབས་ལྡན་འདི་ལ་ཁྱོད་ཀྱིས་ཡུལ་གཞན་དུ་འགྲོ་བའི་ཚུལ་སྨྲོས་ཤིག །བདག་ནི་དེ་ཡི་འདོད་པ་དང་མཐུན་པར་འདོད་དོ། །དོན་བཤད་ནི། གང་ཕྱིར་མཛའ་བའི་གཞན་དབང་མས། །དོན་འདི་ཉེ་བར་གསལ་བྱས་ནས། །མཛའ་བོའི་བགྲོད་པ་འགོག་བྱེད་པ། །འདི་ནི་གཞན་དབང་འགོག་པའོ། །ཞེས་པ་སྟེ། གང་ཕྱིར་མཛའ་བའི་གཞན་དབང་དུ་གྱུར་པའི་དགའ་མས་དོན་འདི་ཉེ་བར་གསལ་བར་བྱས་ནས་མཛའ་བོའི་འགྲོད་པ་འགོག་པར་བྱེད་པའི་ཚུལ་འདི་ནི་གཞན་དབང་གིས་འགོག་པའོ། །བཅུ་དྲུག་པ་ཐབས་ཀྱིས་འགོག་པ་ལ། དཔེར་བརྗོད་ནི། མགོན་པོ་བྲལ་བ་བཟོད་པར་བགྱི། །གང་གིས་མིག་བསྒོས་བདག་ལ་ནི། །འདོད་པས་བསྣུན་དུ་མི་མཐོང་བའི། །མཐོང་མིན་མིག་སྨན་བདག་ལ་སྩོལ། །ཅེས་པ་སྟེ། མགོན་པོ་ཞེས་མཛའ་བོ་ལ་བོས་ནས་ཁྱོད་དང་བྲལ་བའི་གདུང་བ་བཟོད་པར་བགྱི་མོད། འོན་ཀྱང་གང་གིས་མིག་ལ་བསྒོས་པ་ཙམ་གྱིས་བདག་ལ་འདོད་པའི་ལྷའི་མདའ་ལྔས་བསྣུན་པའི་ཡུལ་དུ་མི་མཐོང་བའི་མཐོང་བྱ་མིན་པའི་མིག་སྨན་སྔོན་མེད་པ་ཞིག་བདག་ལ་སྩོལ་བར་མཛོད་ཅིག་པའོ། །དོན་བཤད་ནི། འཚོ་བའི་ཐབས་ནི་དཀའ་བ་དག །ཉེ་བར་བཀོད་ནས་བདག་པོ་ནི། །འགྲོ་བ་འགོག་པར་བྱེད་པའི་ཕྱིར། །འདི་འདྲ་ཐབས་ཀྱིས་འགོག་པར་བརྗོད། །ཅེས་པ་སྟེ། འཚོ་བའི་ཐབས་རྙེད་པར་དཀའ་བ་དག་ཉེ་བར་བཀོད་ནས་བདག་པོ་བྱེས་སུ་འགྲོ་བ་འགོག་པར་བྱེད་པའི་ཕྱིར་འདི་འདྲ་བ་ནི་ཐབས་ཀྱིས་འགོག་པ་ཞེས་བྱ་བར་བརྗོད་དོ། །བཅུ་བདུན་པ་ཁྲོ་བས་འགོག་པ་ལ། དཔེར་བརྗོད་ནི། ཇོ་བོ་ཁྱོད་ཀྱི་ཞལ་

― MLP007_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཚིག །བདག་འགྲོ་ཞེས་པ་ངེས་པར་བྱུང་། །འཛའ་བ་དམན་པ་ཁྱོད་ཀྱིས་ད། །མ་ཕྱིན་ན་ཡང་བདག་ལ་ཅི། །ཞེས་པ་སྟེ། ཇོ་བོ་ཞེས་བོས་ནས། ཁྱོད་ཀྱི་ཞལ་ནས་བརྗོད་མི་རུང་བའི་ཚིག་བདག་འགྲོ་ཞེས་པ་ངེས་པར་བྱུང་ཟིན་མོད། རྒྱུ་མཚན་དེ་ཕྱིར་མཛའ་བ་དམན་པ་ཁྱོད་ཀྱིས་ད་ནི་མ་ཕྱིན་ན་ཡང་བདག་ལ་ཅི་ཞིག་བྱ་སྟེ་ཁྱད་པར་མེད་དོ། །དོན་བཤད་ནི། མཛའ་བ་རྒྱས་པས་མ་བསྡམས་པའི། །བདག་ཉིད་ཁྲོ་བས་མཛའ་བོ་ཡི། །འགྲོ་བ་རྩོམ་པ་བཟློག་པ་གང་། །དེ་ནི་ཁྲོ་བས་འགོག་པའོ། །ཞེས་པ་སྟེ། མཛའ་བ་རྒྱས་པའི་སྙིང་ཉེ་བས་མ་བསྡམས་པའི་མཛེས་མས་བདག་ཉིད་ཁྲོ་བའི་ཚིག་སྦྱར་བས་མཛའ་བོའི་འགྲོ་བ་རྩོམ་པ་བཟློག་སྟེ་འགོག་པ་གང་ཡིན་པ་དེ་ནི་ཁྲོ་བས་འགོག་པའོ། །བཅོ་བརྒྱད་པ་མྱ་ངན་གྱིས་འགོག་པ་ལ། དཔེར་བརྗོད་ནི། མ་སྣོམ་བུ་མོའི་རྣ་བ་ལ། །མ་བྱས་ཆང་ལ་མ་བཏབ་པར། །ཁྱོད་ཀྱི་དགྲ་ཡི་རྫིང་ཉིད་དུ། །ཨུཏྤལ་སྔོན་པོ་ཟེགས་པར་གྱུར། །ཞེས་པ་སྟེ། དྲི་ཞིམ་མ་སྣོམ་པ་དང་། བུ་མོའི་རྣ་བ་ལ་རྒྱན་དུ་མ་བྱས་པ་དང་། ཆང་ལ་ཡང་མ་བཏབ་པར་ཁྱོད་ཀྱི་དགྲའི་རྫིང་ཉིད་དུ་ཨུཏྤལ་སྔོན་པོའི་མེ་ཏོག་རྣམས་ཟེགས་པར་གྱུར་ཏོ། །དོན་བཤད་ནི། མྱ་ངན་བཅས་ཤིང་ཨུཏྤལ་ལ། །དེ་འོས་ལས་ནི་བཟློག་བྱས་ནས། །མྱ་ངན་འོས་པའི་སྐབས་སྟོན་ཕྱིར། །འདི་ནི་མྱ་ངན་གྱིས་འགོག་པའོ། །ཞེས་པ་སྟེ། ཨུཏྤལ་གྱི་ཡུལ་ལ་མྱ་ངན་དང་བཅས་ཤིང་དེའི་འོས་པའི་བྱ་བ་ལས་བཟློག་པར་བྱས་ནས་མྱ་ངན་འོས་པའི་གནས་སྐབས་སྟོན་པའི་ཕྱིར་ཚུལ་འདི་ནི་མྱ་ངན་གྱིས་འགོག་པའོ། །བཅུ་དགུ་པ་འགྱོད་པས་འགོག་པ་ལ། དཔེར་བརྗོད་ནི། དོན་ནི་འགའ་ཡང་ཚོགས་མ་བྱས། །རིག་པ་འགའ་ཡང་མ་བསྒྲུབས་ཤིང་། །དཀའ་ཐུབ་འགའ་ཡང་མ་བསགས་པར། །ན་ཚོད་མཐའ་དག་སོང་བར་གྱུར། །ཞེས་པ་སྟེ། རང་གཞན་གྱི་དོན་ནི་འགའ་ཡང་ཚོགས་པར་མ་བྱས་ལ། ཕྱི་ནང་གི་རིག་པ་འགའ་ཡང་མ་བསྒྲུབས་ཤིང་། དཀའ་ཐུབ་ཏུ་གྱུར་པ་འགའ་ཡང་མ་བསགས་པའི་ངང་དེར་ན་ཚོད་མཐའ་དག་སོང་བར་གྱུར་ཏོ། །དོན་བཤད་ནི། གང་ཕྱིར་འདིར་ནི་ཚེ་སོང་བས། །དོན་སྒྲུབ་ལ་སོགས་འགོག་པ་ནི། །འགྱོད་པ་གཙོ་བོར་སྟོན་བྱེད་པ། །འདི་ནི་འགྱོད་པས་འགོག་པའོ། །

― MLP007_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་སྟེ། གང་གི་ཕྱིར་འདིར་ནི་ཚེ་སྟོང་ཟད་དུ་སོང་བས་དོན་སྒྲུབ་པ་ལ་སོགས་པའི་བྱ་བ་རྣམས་འགོག་པ་ནི་འགྱོད་པ་གཙོ་བོར་སྟོན་པར་བྱེད་པ་དེའི་ཕྱིར་འདི་ནི་འགྱོད་པས་འགོག་པའོ། །ཉི་ཤུ་པ་ཐེ་ཚོམ་གྱིས་འགོག་པ་ལ། དཔེར་བརྗོད་ནི། ཅི་འདི་སྟོན་གྱི་ཆུ་འཛིན་ནམ། །ཡང་ན་ངང་པའི་ཚོགས་སམ་ཅི། །སྒྲ་ནི་རྐང་གདུབ་ཀྱི་འདྲ་བ། །ཐོས་པ་དེ་ནི་ཆུ་འཛིན་མིན། །ཞེས་པ་སྟེ། ཅི་ནམ་མཁར་རྒྱུ་བའི་དཀར་གསལ་མཛེས་པ་འདི་དག་སྟོན་གྱི་ཆུ་འཛིན་ནམ། ཡང་ན་ངང་པའི་ཚོགས་སམ་ཅི་ཞིག་ཡིན་སྙམ་དུ་བདག་ཡིད་ཐེ་ཚོམ་དུ་གྱུར་མོད། འོན་ཀྱང་རྐང་གདུབ་ཀྱི་སྒྲ་འདྲ་བ་ཐོས་པ་དེ་ནི་ཆུ་འཛིན་མིན་ཏེ་ངང་པའོ། །དོན་བཤད་ནི། ཆོས་འདི་ངང་པ་ལ་ཡོད་ཅིང་། །སྤྲིན་གྱི་རིགས་ལ་མ་རེག་པས། །གང་ཞིག་ཐེ་ཚོམ་བཟློག་བྱེད་པ། །འདི་ནི་ཐེ་ཚོམ་འགོག་པའོ། །ཞེས་པ་སྟེ། རྐང་གདུབ་ཀྱི་སྒྲ་འཁྲོལ་བའི་ཆོས་འདི་ངང་པ་ལ་ཡོད་ཅིང་སྤྲིན་གྱི་རིགས་ལ་མ་རེག་པས་གང་ཞིག་སྤྲིན་དང་ངང་པ་གང་ཡིན་ཐེ་ཚོམ་གྱི་བློ་མངོན་གྱུར་བཟློག་པར་བྱེད་པ་འདི་ནི་ཐེ་ཚོམ་འགོག་པའོ། །ཉེར་གཅིག་པ་སྦྱར་བས་འགོག་པ་ལ། དཔེར་བརྗོད་ནི། བདུད་རྩིའི་བདག་ཉིད་པདྨ་ལ། །སྡང་ཞིང་སྣུམ་པའི་སྐར་འབྲས་ཅན། །ཁྱོད་གདོང་ཟླ་བ་འདི་ཡོད་བཞིན། །ཟླ་བ་གཞན་གྱིས་ཅི་ཞིག་བྱ། །ཞེས་པ་སྟེ། དེ་ལ་སྦྱར་གཞི་གདོང་དང་ཟླ་བ་སྟེ། གཉིས་ཀ་བདུད་རྩིའི་བདག་ཉིད་ཅན་ཡིན་པ་དང་། གདོང་གིས་པདྨའི་མཛེས་པ་འཕྲོག་ཅིང་ཟླ་བས་པདྨ་ཟུམ་པར་བྱེད་པ་ན་གཉིས་ཀ་པདྨ་ལ་སྡང་བ་སྦྱར་ཞིང་། སྣུམ་པའི་ཏཱ་ར་ཀ་ཞེས་གདོང་ལ་མིག་འབྲས་མིག་དབུས་ཀྱི་ཆ་ཅན་དང་། ཟླ་བ་རྒྱུ་སྐར་གྱི་འཁོར་ཅན་ཞེས་སྒྲ་སྦྱར་བ་སྟེ། དེ་ལྟ་བུའི་ཁྱོད་གདོང་གི་ཟླ་བ་འདི་ཡོད་བཞིན་དུ་ཟླ་བ་གཞན་གྱིས་ཅི་ཞིག་བྱ་ཞེས་སོ། །དོན་བཤད་ནི། ཕལ་པའི་ཟླ་བ་ལ་བརྟེན་པ། །དེ་མཚུངས་ཡོན་ཏན་བསྟན་བྱས་ནས། །གཙོ་བོའི་ཟླ་བ་འགོག་བྱེད་པ། །རྣམ་པ་དེ་ལྟར་སྦྱར་བའི་འགོག །ཅེས་པ་སྟེ། ཕལ་པ་བཏགས་པ་གདོང་གི་ཟླ་བ་ལ་བརྟེན་པ་གཙོ་བོ་ནམ་མཁའི་ཟླ་བ་དེ་དང་མཚུངས་པའི་ཡོན་ཏན་བསྟན་པར་བྱས་ནས་གཙོ་བོའི་ཟླ་བ་འགོག་པར་བྱེད་པའི་རྣམ་པ་དེ་ལྟར་བཀོད་པ་ནི་སྦྱར་བས་འགོག་པ་ཞེས་བྱའོ། །ཉེར་

― MLP007_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་དོན་གཞན་འགོག་པ་ལ། དཔེར་བརྗོད་ནི། ཐམས་ཅད་མནན་ཡང་ཁྱོད་ཀྱིས་ནི། །རྣམ་གནོན་ཚིམ་པ་མེད་པ་མཚར། །འོན་ཀྱང་སྲེག་ཟ་འབར་བ་ལ། །ཚིམ་པ་དག་ནི་ནམ་ཞིག་མཐོང་། །ཞེས་པ་སྟེ། རྒྱལ་པོ་ཁྱོད་ཀྱིས་ཐམས་ཅད་ཟིལ་གྱིས་མནན་ཡང་ད་དུང་རྣམ་པར་མནོན་པས་ཚིམ་པ་མེད་པ་འདི་ནི་ཤིན་ཏུ་མཚར་མོད། འོན་ཀྱང་སྲེག་ཟ་སྟེ་མེའི་ཕུང་པོ་འབར་བ་ལའང་ཚིམ་པ་དག་ནི་ནམ་ཞིག་མཐོང་སྟེ་མ་མཐོང་ངོ་། །དོན་བཤད་ནི། གང་ཕྱིར་འདིར་ནི་དོན་གཞན་དག །དེ་ཡི་ཆོས་མཚུངས་བསྟན་བྱས་ནས། །ཡ་མཚན་རྩོམ་པ་འགོག་བྱེད་པ། །འདི་ནི་དོན་གཞན་འགོག་པའོ། །ཞེས་པ་སྟེ་གང་ཕྱིར་གནས་སྐབས་འདིར་ནི་དོན་གཞན་དག་དེ་ཡི་ཆོས་མཚུངས་སུ་གྱུར་པ་མེ་ལ་ཚིམ་པ་མེད་པ་དག་བསྟན་པར་བྱས་ནས་མི་དབང་རྣམ་པར་མནོན་པས་ཚིམ་པ་མེད་པ་ཡ་མཚན་དུ་རྩོོམ་པ་འགོག་པར་བྱེད་པ་འདི་ནི་དོན་གཞན་འགོག་པའོ། །ཉེར་གསུམ་པ་རྒྱུས་འགོག་པ་ལ། དཔེར་བརྗོད་ནི། སྦྱིན་པ་པོ་ཞེས་ནམ་ཡང་ནི། །མི་དབང་ཁྱོད་ལ་མི་བསྟོད་དེ། །གང་ཕྱིར་སློང་བས་ཁྱོད་ཀྱི་ནོར། །རང་གི་ཉིད་དུ་བསམ་ནས་ལེན། །ཞེས་པ་སྟེ། སྦྱིན་པ་པོ་ཞེས་དུས་ནམ་ཡང་མི་དབང་ཁྱོད་ལ་མི་བསྟོད་དེ། གང་ཕྱིར་སློང་བ་པོ་རྣམས་ཀྱིས་ཁྱོད་ཀྱི་ནོར་ལས་རང་གི་ཉིད་དུ་བསམ་ནས་ལེན་པའི་ཕྱིར་རོ། །དོན་བཤད་ནི། ཞེས་པ་ལ་སོགས་འགོག་པ་ནི། །རྒྱུས་འགོག་པ་ཞེས་བཤད་པ་སྟེ། །ཞེས་པ་སྟེ། བཤད་མ་ཐག་པའི་དཔེར་བརྗོད་མི་དབང་ལ་མི་བསྟོད་པའི་རྒྱུ་རང་ནོར་དུ་བསམ་པ་བཀོད་ནས་འགོག་པའི་ཚུལ་དེ་ལྟ་བུ་ལ་སོགས་པ་རྣམས་ལ་ནི་རྒྱུས་འགོག་པ་ཞེས་བཤད་དོ། །སྟེ་ཞེས་པ་འོག་མ་དྲང་བའི་ཚིག་གོ །གསུམ་པ་དོན་བསྡུ་བ་ནི། ཕྱོགས་འདི་ཉིད་ཀྱིས་རྣམ་པར་རྟོག །གཞན་པ་དག་ཀྱང་དཔག་པར་ནུས། །ཞེས་པ་སྟེ། བཤད་ཟིན་གྱི་བྱུང་བ་འགོག་པ་ལ་སོགས་པ་ཕྱོགས་འདི་ཉིད་ཀྱིས་འགོག་རྒྱན་གྱི་རྣམ་པར་རྟོག་པ་གཞན་མཐའ་ཡས་པ་དག་ཀྱང་རྗེས་སུ་དཔག་པར་ནུས་ཞེས་པའི་དོན་ནོ། །བདུན་པ་དོན་གཞན་བཀོད་པའི་རྒྱན་ལ་གསུམ། མཚན་ཉིད། དབྱེ་བ། དཔེར་བརྗོད་

― MLP007_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

དོ། །དང་པོ་ནི། གང་ཞིག་དངོས་འགའ་རབ་བཀོད་ནས། །དེ་ཡི་སྒྲུབ་བྱེད་ནུས་པ་ཅན། །དངོས་པོ་གཞན་དག་འགོད་པ་དེ། །དོན་གཞན་བཀོད་པར་ཤེས་པར་བྱ། །ཞེས་པ་སྟེ། གང་ཞིག་བརྗོད་བྱའི་དོན་གྱི་དངོས་པོ་འགའ་ཞིག་རབ་ཏུ་བཀོད་ནས། དེའི་སྒྲུབ་བྱེད་དུ་འགྱུར་བའི་དངོས་པོ་ནུས་པ་ཅན་གཞན་དག་འགོད་པ་དེ་ནི་དོན་གཞན་བཀོད་པའི་རྒྱན་ཞེས་བྱ་བར་ཤེས་པར་བྱའོ། །འོ་ན། རྒྱན་འདི་དང་ཟླ་བོ་དངོས་པོའི་དཔེ་གཉིས་ལ་ཁྱད་པར་ཅི་ཡོད་ཅེ་ན། ཁྱབ་ཆེ་ཆུང་སྟེ། ཟླ་བོ་དངོས་པོ་ནི། སྒྲུབ་བྱེད་དུ་གྱུར་ཀྱང་རུང་། མ་གྱུར་ཀྱང་རུང་། ངེས་པར་དཔེ་དཔེ་ཅན་དུ་འབྲེལ་བ་ཞིག་དགོས་ལ། འདི་ལ་ནི། དཔེ་དཔེ་ཅན་དུ་གྱུར་མ་གྱུར་ཇི་ལྟར་ཡང་བསྒྲུབ་བྱ་སྒྲུབ་བྱེད་དུ་འབྲེལ་བ་ཞིག་ངེས་པར་དགོས་སོ། །གཉིས་པ་ནི། ཀུན་ཁྱབ་ཁྱད་པར་ལ་གནས་དང་། །སྦྱར་བ་ཅན་དང་འགལ་བ་ཅན། །མི་འོས་བྱེད་དང་འོས་པའི་བདག །འོས་དང་མི་འོས་ལྡོག་པའོ། །འདི་ཡི་དབྱེ་བ་དེ་ལྟ་སོགས། །སྦྱོར་བ་རྣམས་ལ་རབ་ཏུ་མཚོན། །འདི་རྣམས་རང་བཞིན་གསལ་བྱེད་ཕྱིར། །དཔེར་བརྗོད་ཕྲེེང་བ་བསྟན་པར་བྱ། །ཞེས་པ་སྟེ་གོ་སླའོ། །གསུམ་པ་ལ། དང་པོ་ཀུན་ཁྱབ་དོན་གཞན་བཀོད་པ་ནི། ལེགས་ལྡན་འགྲོ་བ་རྣམས་ཀྱི་མིག །ཉི་མ་དང་ནི་ཟླ་བ་ཡང་། །ནུབ་པར་གྱུར་པ་ཉིད་ལ་ལྟོས། །ངེས་པ་ལ་ནི་སུ་ཞིག་འགོངས། །ཞེས་པ་སྟེ། ལེགས་ལྡན་ཡོན་ཏན་གྱི་ཕུང་པོ་འགྲོ་བ་རྣམས་ཀྱི་མིག་ལྟ་བུ་ཉི་མ་དང་ཟླ་བ་ཡང་ནུབ་པར་གྱུར་པ་ཉིད་ལ་ལྟོས་ཤིག །ཅེས་བསྒྲུབ་བྱ། སྒྲུབ་བྱེད་ནི། སྐྱེ་བ་ཅན་ཐམས་ཅད་འཇིག་པའི་ངེས་པ་ལ་ནི་སུ་ཞིག་གིས་འགོང་བར་ནུས་ཞེས་དངོས་པོ་ཀུན་ཁྱབ་དོན་གཞན་བཀོད་པ་ཞེས་བྱའོ། །གཉིས་པ་ཁྱད་པར་ལ་གནས་དོན་གཞན་བཀོད་པ་ནི། ཆུ་འཛིན་འདི་དག་ལུས་ཅན་གྱི། །ཡོངས་སུ་གདུང་བ་འཕྲོག་པར་བྱེད། །བདག་ཐོབ་མིན་ནམ་ཆེན་པོ་རྣམས། །གཞན་གྱི་སྡུག་བསྔལ་ཞི་སླད་དུའོ། །ཞེས་པ་སྟེ། ཆུ་འཛིན་གྱི་ཕྲེང་བ་འདི་དག་ལུས་ཅན་འགྲོ་བ་རྣམས་ཀྱི་ཡོངས་སུ་གདུང་བ་འཕྲོག་པར་བྱེད་དེ། སྐྱེས་བུ་ཆེན་པོ་རྣམས་ནི་གཞན་གྱི་སྡུག་བསྔལ་ཞི་བའི་སླད་དུ་བདག་ཉིད་ཐོབ་པ་མིན་ནམ་ཅི་སྟེ་གཞན་ཕན་ཁོ་ན་སྒྲུབ་པས་སོ་ཞེས་ཆོས་འདི་སྐྱེས་བུ་ཆེན་པོ་ལ་ཡོད་ཀྱི་ཀུན་

― MLP007_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མ་ཡིན་པས་ཁྱད་པར་ལ་གནས་དོན་གཞན་བཀོད་པ་ཞེས་བྱའོ། །གསུམ་སྦྱར་བའི་དོན་གཞན་བཀོད་པ་ནི། མ་ལ་ཡ་ཡི་རླུང་གིས་ནི། །འཇིག་རྟེན་དགའ་བ་བསྐྱེད་པར་བྱེད། །དཱཀྵི་ཎྱ་དང་ཡང་དག་ལྡན། །ཀུན་གྱི་སྙིང་སྡུག་མ་ཡིན་ནམ། །ཞེས་པ་སྟེ། མ་ལ་ཡའི་རླུང་བསིལ་བ་དལ་བུར་རྒྱུ་བ་དག་གིས་འཇིག་རྟེན་རྣམས་དགའ་བ་བསྐྱེད་པར་བྱེད་དེ། དཱཀྵི་ཎྱ་དང་ཡང་དག་ལྡན་ན་ཀུན་གྱི་སྙིང་དུ་སྡུག་པ་མ་ཡིན་ནམ་སྟེ་ཡིན་པས་སོ། །འདིར་དཱཀྵི་ཎྱ་ཞེས་པའི་སྒྲ་ལྷོའི་རླུང་དང་། གཡས་ཕྱོགས་དང་། རྗེས་སུ་མཐུན་པ་སོགས་དུ་མ་ལ་འཇུག་པ་སྦྱར་བ་ཅན་གྱི་དོན་གཞན་བཀོད་པ་ཞེས་བྱའོ། །བཞི་པ་འགལ་བའི་དོན་གཞན་བཀོད་པ་ནི། མཚན་མོར་བྱེད་འདི་དྲི་མ་དང་། །ལྡན་ཡང་འགྲོ་བ་དགའ་བ་བསྐྱེད། །གཉིས་སྐྱེས་དབང་པོ་སྐྱོན་ལྡན་ཡང་། །གཞན་དག་རྗེས་སུ་འཛིན་པར་ནུས། །ཞེས་པ་སྟེ། མཚན་མོར་བྱེད་པ་ཟླ་བ་འདི་ནི་ར་རིའི་དྲི་མ་དང་ལྡན་ཡང་འགྲོ་བ་རྣམ་ལ་དགའ་བར་བསྐྱེད་པར་བྱེད་དེ། གཉིས་སྐྱེས་བྲམ་ཟེའི་དབང་པོ་སྐྱོན་འགའ་ཞིག་དང་ལྡན་ཡང་འགྲོ་བ་གཞན་དག་རྗེས་སུ་འཛིན་པར་ནུས་པས་སོ་ཞེས་སྐྱོན་ལྡན་གྱི་ལེགས་པ་སྒྲུབ་པར་བསྟན་པ་འགལ་བའི་དོན་གཞན་བཀོད་པ་ཞེས་བྱའོ། །ལྔ་པ་ནི་མི་འོས་པའི་དོན་གཞན་བཀོད་པ་ནི། སྦྲང་རྩི་འཐུངས་པའི་མགྲིན་སྙན་ལས། །བྱུང་བ་བུང་བའི་སྒྲ་དག་ཀྱང་། །རྣ་བར་རྩུབ་པའི་ཉིད་འགྱུར་བ། །འདོད་ལྡན་རྣམས་ཀྱི་སྡིག་འདི་འདྲ། །ཞེས་པ་སྟེ། སྦྲང་རྩི་མེ་ཏོག་གི་རྩི་བཅུད་འཐུངས་བའི་མགྲིན་པ་སྙན་པོ་ལས་བྱུང་བ་བུང་བའི་སྒྲ་དབྱངས་དག་ཀྱང་རྣ་བར་རྩུབ་པ་ཉིད་དུ་འགྱུར་བ་སྟེ། འདོད་ལྡན་རྣམས་ཀྱི་སྡིག་པའམ་མྱོང་བྱའི་རང་བཞིན་ནི་འདི་དང་འདྲ་བས་སོ་ཞེས་སྙན་པའི་སྒྲ་རྣ་བར་རྩུབ་པ་མི་འོས་པའི་ཕྱིར་མི་འོས་པའི་དོན་གཞན་བཀོད་པ་ཞེས་བྱའོ། །དྲུག་པ་འོས་པའི་དོན་གཞན་བཀོད་པ་ནི། ཆུ་སྐྱེས་འདབ་མའི་མལ་སྟན་འདིས། །བདག་གི་ལུས་འདི་གདུང་བར་བྱེད། །བསྲེག་པའི་བདག་ཉིད་སྲེག་ཟ་དང་། །འདྲ་བས་རིགས་པ་མ་ཡིན་ནམ། །ཞེས་པ་སྟེ། ཆུ་སྐྱེས་འདབ་མའི་མལ་སྟན་ཤིན་ཏུ་འཇམ་པ་འདིས་ནི་བདག་གི་ལུས་འདི་འདོད་པའི་ཚོར་བས་གདུང་བར་བྱེད་དེ། བསྲེག་པའི་བདག་ཉིད་པདྨའི་མལ་

― MLP007_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

སྟན་འདི་ནི་ཁ་དོག་དམར་བ་སྲེག་ཟ་མེ་དང་འདྲ་བའི་རྒྱུ་མཚན་གྱིས་རིགས་པ་མ་ཡིན་ནམ་ཞེས་འཇམ་པས་འདོད་པ་སྐྱེས་ཏེ་གདུང་བ་འོས་པའི་ཕྱིར་འོས་པའི་དོན་གཞན་བཀོད་པ་ཞེས་བྱའོ། །བདུན་པ་འོས་ཤིང་མི་འོས་པའི་དོན་གཞན་བཀོད་པ་ནི། བསིལ་ཟེར་ཅན་གྱིས་ཉམས་བྱེད་མོད། །དཔྱིད་ཀྱིས་བདག་ནི་ཅི་ལ་གདུང་། །དྲི་མ་ཅན་གྱིས་སྤྱོད་པའི་ལས། །དག་པས་མི་འོས་པ་མིན་ནམ། །ཞེས་པ་སྟེ། བསིལ་ཟེར་ཅན་གྱིས་འདོད་ལྡན་བདག་གདུང་ཞིང་ཉམས་པར་བྱེད་མོད། དཔྱིད་ཀྱི་དུས་དག་པ་འདིས་བདག་ཅི་ལ་གདུང་སྟེ། དྲི་མ་ཅན་གྱིས་སྤྱོད་པའི་ལས་གང་ཡིན་པ་དེ་དྲི་མ་དག་པས་བྱེད་མི་འོས་པ་མ་ཡིན་ནམ་ཞེས་སྔ་མ་འོས་ཤིང་ཕྱི་མ་མི་འོས་པས་འོས་ཤིང་མི་འོས་པའི་དོན་གཞན་བཀོད་པ་ཞེས་བྱའོ། །བརྒྱད་པ་མི་འོས་ཤིང་འོས་པའི་དོན་གཞན་བཀོད་པ་ནི། ཀུ་མུད་ལྡན་ཡང་བསྲེག་བྱེད་ན། །པདྨའི་འབྱུང་གནས་ཅིས་མི་བྱེད། །ཟླ་བས་བཟུང་རྣམས་རྩུབ་པ་ན། །ཉི་མས་བཟུང་བ་འཇམ་མི་འགྱུར། །ཞེས་པ་སྟེ། ཀུ་མུད་ལྡན་པ་ཟླ་བ་ཡང་བདག་བསྲེག་པའི་བྱ་བ་བྱེད་ན་པདྨའི་འབྱུང་གནས་ཉིན་མོར་བྱེད་པས་གདུང་བར་ཅིས་མི་བྱེད་དེ། ཟླ་བ་བདུད་རྩིའི་རང་བཞིན་ཅན་གྱིས་བཟུང་བ་རྣམས་ཀྱང་རྩུབ་པར་འགྱུར་ན་ཉི་མ་ཚ་བའི་རེག་བྱ་ཅན་གྱིས་བཟུང་བ་འཇམ་པར་མི་འགྱུར་བ་ཆོས་ཉིད་ཡིན་པའི་ཕྱིར་ཞེས་སྔ་མ་མི་འོས་ཤིང་ཕྱི་མ་འོས་པས་མི་འོས་ཤིང་འོས་པའི་དོན་གཞན་བཀོད་པ་ཞེས་བྱའོ། །བརྒྱད་པ་ལྡོག་པ་ཅན་གྱི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། སྒྲ་འཇུག་པའམ་རྟོགས་པ་ཡིས། །དངོས་པོ་གཉིས་ནི་མཚུངས་གྱུར་པ། །དེ་ཡི་དབྱེ་བ་བརྗོད་པ་གང་། །དེ་ནི་ལྡོག་པ་ཅན་ཞེས་བརྗོད། །ཅེས་པ་སྟེ། སྒྲ་དངོས་སུ་འཇུག་པའམ། ཤུགས་ལས་རྟོགས་པའི་སྒོ་ནས་དངོས་པོ་གཉིས་ཕན་ཚུན་མཚུངས་པར་གྱུར་པ་ལས་གཉིས་པོ་དེའི་ཁྱད་པར་གྱི་དབྱེ་བ་སླར་བརྗོད་པ་གང་ཡིན་པ་དེ་ནི་ལྡོག་པ་ཅན་གྱི་རྒྱན་ཞེས་བྱ་བར་བརྗོད་དོ། །གཉིས་པ་ལ་བཞི་ལས། དང་པོ་སྒྲས་ཟིན་མཚུངས་པའི་ལྡོག་པ་ཅན་གྱི་དང་པོ་གཅིག་ལྡོག་ལ། དཔེར་བརྗོད་ནི། བརྟན་དང་ཆེ་བའི་བདག་ཉིད་དང་། །ལཱ་བ་ཎྱ་སོགས་

― MLP007_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་གྱི། །ཁྱོད་དང་རྒྱ་མཚོ་མཚུངས་ཐ་དད། །ཁྱོད་ལུས་འདི་འདྲ་ཉིད་ཀྱིས་སོ། །ཞེས་པ་སྟེ། བསྐྱོད་པར་མི་ནུས་པ་བརྟན་པ་དང་། ཡངས་ཤིང་ཆེ་བའི་བདག་ཉིད་དང་། ལཱ་པ་ཎྱ་ཞེས་པ་ཟབ་པ་དང་། མཛེས་པ་དང་། ལན་ཚྭ་ལ་སོགས་པ་ལ་འཇུག་པས་ཡོན་ཏན་དེ་ལྟ་བུ་དང་ལྡན་པའི་རྒྱུ་མཚན་གྱིས་རྒྱལ་པོ་ཁྱོད་དང་རྒྱ་མཚོ་གཉིས་མཚུངས་པ་ལས་ཐ་དད་དེ། ཁྱོད་ལུས་སྐྱེས་བུ་ཆེན་པོའི་རང་བཞིན་འདི་འདྲ་ཉིད་ཀྱིས་སོ། །དོན་བཤད་ནི། གཅིག་ལ་གནས་པའི་ཆོས་ཀྱི་ནི། །གཉིས་ཀ་ལ་གནས་ཐ་དད་དག །རྟོགས་པའི་ཡུལ་དུ་གྱུར་པའི་ཕྱིར། །འདི་ནི་གཅིག་གི་ལྡོག་པ་ཅན། །ཞེས་པ་སྟེ། སྐྱེས་བུ་གཅིག་པོ་ལ་གནས་པའི་ཆོས་ཀྱིས་རྒྱ་མཚོ་དང་རྒྱལ་པོ་གཉིས་ཀ་ལ་གནས་པའི་ལྡོག་པ་ཐ་དད་པ་དག་རྟོགས་པའི་ཡུལ་དུ་གྱུར་པ་དེའི་ཕྱིར་འདི་ནི་གཅིག་གི་ལྡོག་པ་ཅན་ཞེས་བྱའོ། །གཉིས་པ་གཉིས་ལྡོག་ལ། དཔེར་བརྗོད་ནི། ཆུ་ཡི་ཕུང་པོ་དག་དང་ཁྱོད། །མཚམས་ལ་མི་འདའ་ཟབ་པ་སྟེ། །འདི་ནི་མིག་སྨན་དང་མཚུངས་ལ། །ཁྱོད་ནི་གསེར་གྱིས་འོད་ཅན་ནོ། །ཞེས་པ་སྟེ། ཆུ་ཡི་ཕུང་པོ་རྒྱ་མཚོ་དག་དང་རྒྱལ་པོ་ཁྱོད་གཉིས་མཚམས་ལས་མི་འདའ་བ་དང་། ཟབ་ཅིང་གཏིང་དཔག་དཀའ་བའི་རྒྱུ་མཚན་གྱིས་མཚུངས་པ་ཐ་དད་དེ། རྒྱ་མཚོ་འདི་ནི་ཁ་དོག་སྔོ་ནག་མིག་སྨན་དང་མཚུངས་ལ། རྒྱལ་པོ་ཁྱོད་ནི་གསེར་གྱི་འོད་ཅན་ནོ། །དོན་བཤད་ནི། གང་ཕྱིར་འདིར་ནི་གཉིས་ཀ་ཡི། །འབྱེད་བྱེད་ཡོན་ཏན་ནག་པོ་དང་། །སེར་པོ་དག་ནི་ཐ་དད་བསྟན། །འདི་ནི་གཉིས་ཀའི་ལྡོག་པ་ཅན། །ཞེས་པ་སྟེ། གང་ཕྱིར་གནས་སྐབས་འདིར་ནི་རྒྱ་མཚོ་དང་རྒྱལ་པོ་གཉིས་ཀའི་འབྱེད་བྱེད་ཀྱི་ཡོན་ཏན་ནག་པོ་དང་སེར་པོ་དག་ཐ་དད་དུ་བསྟན་པས་ལྡོག་པ་སོ་སོར་ཕྱེ་བ་འདི་ནི་གཉིས་ཀའི་ལྡོག་པ་ཅན་ཞེས་བྱའོ། །གསུམ་པ་སྦྱར་བ་ཅན་གྱི་ལྡོག་པ་ལ། དཔེར་བརྗོད་ནི། ཁྱོད་དང་རྒྱ་མཚོ་དུརྦཱ་རོ། །མ་ཧཱ་ས་ཏྭ་ཏེ་ཛཿབཅས། །འདི་ཡིས་ཁྱེད་གཉིས་ཐ་དད་དེ། །དེ་ནི་ཆུ་བདག་ཁྱོད་མཁས་སོ། །ཞེས་པ་སྟེ། དེ་ལ་སྦྱར་གཞི་རྒྱལ་པོ་ཁྱོད་དང་རྒྱ་མཚོ་གཉིས་ཏེ། སྦྱར་ཆོས་དུརྦཱ་རོ་བཟློག་དཀའ་བ་དང་ཆུ་ངན་པ་ལ་འཇུག་པས་རྒྱལ་པོ་གཞན་གྱིས་བཟློག་དཀའ་བ་དང་། རྒྱ་མཚོ་བ་ཚྭ་སོགས་ཀྱིས་ངན་པ་

― MLP007_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར། མ་ཧཱ་ས་ཏྭ་སྙིང་སྟོབས་ཆེན་པོ་དང་སེམས་ཅན་ཆེན་པོ་ལ་འཇུག་པས་རྒྱལ་པོ་སྙིང་སྟོབས་ཆེ་བ་དང་རྒྱ་མཚོ་སེམས་ཅན་ཆེན་པོ་ཆུ་སྲིན་དང་ལྡན་པ་སྦྱར། ཏེ་ཛཿགཟི་བརྗིད་དང་མེ་ལ་འཇུག་པས་རྒྱལ་པོ་གཟི་བརྗིད་ཆེ་བ་དང་རྒྱ་མཚོ་རྒོད་མ་ཁའི་མེ་དང་བཅས་པ་སྦྱར། དེ་ལྟར་སྒྲ་སྦྱར་བའི་སྒོ་ནས་རྒྱལ་པོ་དང་རྒྱ་མཚོ་གཉིས་མཚུངས་པ་ལས་རྒྱུ་མཚན་འདི་ཡིས་ཁྱོད་གཉིས་ཐ་དད་དེ། དེ་ནི་ཆུའི་བདག་པོ་ཡིན་ལ། ཁྱོད་ནི་མཁས་ཤིང་རིག་པའི་བདག་ཉིད་དོ། །དོན་བཤད་ནི། འདི་ནི་སྦྱར་བའི་ཚུལ་ལྡན་ཕྱིར། །སྦྱར་བ་ཅན་ཞེས་བཟུང་བར་མཛོད། །ཅེས་པ་སྟེ། བརྗོད་མ་ཐག་པ་འདི་ནི་སྒྲ་སྦྱར་བའི་ཚུལ་གསུམ་དང་ལྡན་པ་དེའི་ཕྱིར་སྦྱར་བ་ཅན་གྱི་ལྡོག་པ་ཞེས་བྱ་བར་བཟུང་བར་མཛོད་ཅིག་པའོ། །བཞི་པ་འགོག་པ་ཅན་གྱི་ལྡོག་པ་ལ། དཔེར་བརྗོད་ཕྱི་མ་དང་ལྷན་ཅིག་དམ་བཅའ་བ་དང་། དངོས་སོ། །དང་པོ་ནི། འགོག་པ་ཅན་དང་གཏན་ཚིགས་ཅན། །གཉིས་པོ་དེ་ཡང་བསྟན་པར་བྱ། །ཞེས་སོ། །གཉིས་པ་ནི། ལུགས་དང་ལྡན་ཞིང་བརྟན་པ་དང་། །རིན་ཆེན་འབྱུང་གནས་ཡིན་མོད་ཀྱང་། །དྲི་མ་ལྡན་པ་ཆུ་སྲིན་གནས། །ཁྱོད་ཀྱི་འགྲན་ཟླར་འགྱུར་མ་ཡིན། །ཞེས་པ་སྟེ། ལུགས་བཟང་པོ་དང་ལྡན་ཞིང་། གཞན་གྱིས་བསྐྱོད་མི་ནུས་པས་བརྟན་པ་དང་། རིན་པོ་ཆེ་དུ་མའི་འབྱུང་གནས་ཡིན་པས་རྒྱ་མཚོ་དང་རྒྱལ་པོ་གཉིས་མཚུངས་མོད་ཀྱང་། བ་ཚྭ་ལ་སོགས་པའི་དྲི་མ་དང་ལྡན་པ་ཆུ་སྲིན་གདུག་པའི་གནས་དེ་ནི། རྒྱལ་པོ་ཁྱོད་ཀྱི་འགྲན་ཟླར་འགྱུར་བ་མ་ཡིན་ནོ་ཞེས་འགོག་པའི་སྒོ་ནས་ལྡོག་པ་བརྗོད་པ་འདི་ནི་འགོག་པ་ཅན་གྱི་ལྡོག་པ་ཞེས་བྱའོ། །ལྔ་པ་གཏན་ཚིགས་ཅན་གྱི་ལྡོག་པ་ལ། དངོས་དང་བཤད་ཟིན་རྣམ་ཀྱི་དོན་བསྡུ་བའོ། །དང་པོ་ནི། རི་གླིང་རྒྱ་མཚོར་བཅས་པ་ཡིས། །ས་གཞི་མཐའ་དག་འཛིན་མོད་ཀྱང་། །ལག་འགྲོ་རྣམས་ཀྱི་རྗེར་གྱུར་ཕྱིར། །ལྷག་མ་ཅན་ནི་ཁྱོད་བས་དམན། །ཞེས་པ་སྟེ། རི་གླིང་རྒྱ་མཚོར་བཅས་པའི་ས་གཞི་མཐའ་དག་འཛིན་པ་ལ་རྒྱལ་པོ་ཁྱོད་དང་ཀླུ་རྒྱལ་གཉིས་མཚུངས་མོད་ཀྱང་། ཀླུའི་རྒྱལ་པོ་དེ་ནི་ལག་འགྲོ་རྣམས་ཀྱི་རྗེ་བོར་གྱུར་པའི་ཕྱིར་ལྷག་མ་ཅན་ནི་མི་བདག་ཁྱོད་བས་དམན་ནོ་ཞེས་ལག་འགྲོ་སྟེ་ཀླུའི་མིང་ཡིན་ལ། ཀླུ་དུད་འགྲོ་ཡིན་པའི་གཏན་

― MLP007_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིགས་ཀྱིས་མི་བདག་ལས་ཀླུ་རྒྱལ་དམན་ཚུལ་བརྗོད་པས་ལྡོག་པ་སོ་སོར་ཕྱེ་བ་འདི་ནི་གཏན་ཚིགས་ཅན་གྱི་ལྡོག་པ་ཞེས་བྱའོ། །གཉིས་པ་ནི། སྒྲ་དག་འཇུག་པར་མཚུངས་པ་ཡི། །ལྡོག་པ་ཅན་ནི་འདི་འདྲ་སྟེ། །ཞེས་པ་སྟེ། སྒྲ་དག་འཇུག་པའམ། སྒྲས་ཟིན་པར་མཚུངས་པའི་ལྡོག་པ་ཅན་ནི་བཤད་ཟིན་འདི་དག་འདྲ་བ་སྟེ་ཞེས་སོ། །གཉིས་པ་རྟོགས་པས་མཚུངས་པའི་ལྡོག་པ་ཅན་ལ་གསུམ་ལས། དང་པོ་དམ་བཅའ་བ་ནི། རྟོགས་པར་གྱུར་པ་མཚུངས་པ་ཡང་། །ཡོད་པ་དེ་ནི་རྗེས་སུ་བསྒྲུབ། །ཅེས་པ་སྟེ། དངོས་སུ་སྒྲས་མ་ཟིན་ཀྱང་ཤུགས་ཀྱིས་རྟོགས་པར་གྱུར་པ་མཚུངས་པའི་ལྡོག་པ་ཡང་ཡོད་པ་དེ་ནི་རྗེས་སུ་བསྒྲུབ་པ་སྟེ་བསྟན་པར་བྱའོ། །གཉིས་པ་དཔེར་བརྗོད་ལ། དང་པོ་རྟེན་གྱི་དབྱེ་བའི་ལྡོག་པ་ཅན་ནི། ཁྱོད་ཀྱི་གདོང་དང་པདྨ་སྟེ། །འདི་གཉིས་ཀྱི་ནི་ཁྱད་པར་ཡང་། །པདྨ་ཆུ་ལས་སྐྱེས་པ་དང་། །ཁྱོད་གདོང་ཁྱོད་ལ་བརྟེན་པའོ། །ཞེས་པ་སྟེ། མཛེས་ལྡན་ཁྱོད་ཀྱི་གདོང་དང་འདབ་ལྡན་པདྨ་སྟེ། འདི་གཉིས་ཀྱི་ཁྱད་པར་ཡང་གང་ཞེ་ན། པདྨ་ཆུ་ལ་སྐྱེས་པ་དང་། ཁྱོད་གདོང་ཁྱོད་ཉིད་ཀྱི་ལུས་ལ་བརྟེན་པའོ། །གཉིས་པ་དཔེ་ཅན་ལྷག་པའི་ལྡོག་པ་ཅན་ནི། རི་དྭགས་མིག་ལ་སྨིན་སྒེག་དང་། །མྱོས་པའི་དམར་བས་རེག་པ་མེད། །ཁྱོད་ཀྱི་མིག་ནི་གཉིས་པོ་འདི། །ཡོན་ཏན་དེ་དག་ཉིད་ཀྱིས་བརྒྱན། །ཞེས་པ་སྟེ། རི་དྭགས་ཀྱི་མིག་ལ་སྨིན་མ་གཡོ་བའི་རོལ་སྒེག་དང་། འདོད་པས་མྱོས་པའི་དམར་བའི་མདངས་ཀྱིས་རེག་པ་མེད་ལ། མཛེས་མ་ཁྱོད་ཀྱི་མིག་གཉིས་པོ་འདི་ནི་ཡོན་ཏན་དེ་དག་ཉིད་ཀྱིས་བརྒྱན་ནོ། །གསུམ་པ་དཔེར་བརྗོད་གཉིས་ཀྱི་དོན་བསྡུ་བ་ནི། སྔ་མར་དབྱེ་བ་ཙམ་ཞིག་བསྟན། །འདིར་ནི་ལྷག་པ་ཉིད་བསྟན་ཏོ། །ཞེས་པ་སྟེ། དཔེར་བརྗོད་སྔ་མར་དཔེ་དཔེ་ཅན་གཉིས་རྟེན་ཐ་དད་པའི་དབྱེ་བ་ཙམ་ཞིག་བསྟན་ལ། ཕྱི་མ་འདིར་ནི་དཔེ་ལས་དཔེ་ཅན་ཡོན་ཏན་ལྷག་པ་ཉིད་དུ་བསྟན་ཏོ། །གསུམ་པ་འབྱེད་བྱེད་མཚུངས་པའི་ལྡོག་པ་ཅན་ལ་གསུམ་ལས། དང་པོ་དམ་བཅའ་བ་ནི། སླར་ཡང་མཚུངས་པའི་ལྡོག་པ་ཅན། །གཞན་དག་རབ་ཏུ་བསྟན་པར་བྱ། །ཞེས་པ་སྟེ། སླར་ཡང་མཚུངས་སྒྲས་ཟིན་པ་ལས་འབྱེད་བྱེད་ཀྱང་མཚུངས་པའི་ལྡོག་པ་ཅན་གཞན་དག་རབ་ཏུ་བསྟན་པར་

― MLP007_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ། །གཉིས་པ་དཔེར་བརྗོད་ལ། དང་པོ་མཚུངས་ཆོས་འབྱེད་བྱེད་གཉིས་ཀ་སྒྲས་ཟིན་པའི་ལྡོག་པ་ཅན་ནི། ཁྱོད་ཀྱི་གདོང་དང་པདྨ་དཀར། །རྒྱས་ཤིང་དྲི་བཟང་ལྡན་པ་སྟེ། །པདྨ་ལ་ནི་བུང་བ་འཁོར། །ཁྱོད་ཀྱི་གདོང་ལ་མིག་རབ་གཡོ། །ཞེས་པ་སྟེ། མཛེས་མ་ཁྱོད་ཀྱི་གདོང་དང་པདྨ་དཀར་པོ་གཉིས་ཀ་རྒྱས་ཤིང་དྲི་བཟང་པོ་ལྡན་པ་སྟེ། པདྨ་ལ་ནི་བུང་བ་འཁོར་ཞིང་ལྡིང་ལ། ཁྱོད་ཀྱི་གདོང་ལ་མིག་ཟུང་རབ་ཏུ་གཡོ་བར་བྱེད་དོ། །གཉིས་པ་མཚུངས་ཆོས་ཤུགས་དང་འབྱེད་བྱེད་སྒྲས་ཟིན་པའི་ལྡོག་པ་ཅན་ལ། དཔེར་བརྗོད་ནི། ཟླ་བ་འདི་ནི་མཁའ་ཡི་རྒྱན། །ངང་པ་འདི་ནི་ཆུ་ཡི་རྒྱན། །མཁའ་འདི་རྒྱུ་སྐར་ཕྲེང་བ་ཅན། །ཆུ་འདི་ཀུ་མུད་རྒྱས་པ་ཅན། །ཞེས་པ་སྟེ། ཟླ་བའི་དཀྱིལ་འཁོར་འདི་ནི་ནམ་མཁའི་རྒྱན་དང་། ངང་པ་འདི་ནི་ཆུའི་རྒྱན་ཡིན་ནོ། །དེ་བཞིན་ནམ་མཁའ་འདི་རྒྱུ་སྐར་གྱི་ཕྲེང་བ་ཅན་དང་། ཆུ་འདི་ཀུ་མུད་རྒྱས་པ་ཅན་ནོ། །དོན་བཤད་ནི། འདིར་ནི་ཟླ་བ་ངང་པ་དག །དཀར་བ་ཉིད་སོགས་རྟོགས་པ་དང་། །མཁའ་དང་ཆུ་ནི་དག་པར་ཡང་། །རྟོགས་པར་མཚུངས་པའི་དབྱེ་བ་བྱས། །ཞེས་པ་སྟེ། འདིར་ནི་ཟླ་བ་དང་ངང་པ་དག་གི་མཚུངས་ཆོས་དཀར་བ་ཉིད་སོགས་ཤུགས་ཀྱིས་རྟོགས་པ་དང་། དེ་བཞིན་མཁའ་དང་ཆུ་གཉིས་དག་པར་ཡང་རྟོགས་པར་མཚུངས་པའི་དབྱེ་བ་ཤུགས་དང་འབྱེད་བྱེད་ཟླ་བ་དང་ངང་པ་མཁའ་དང་ཆུའི་རྒྱན་དུ་གྱུར་པ་དང་། ནམ་མཁའ་རྒྱུ་སྐར་ཕྲེང་ཅན་དང་ཆུ་ཀུ་མུད་རྒྱས་པ་དངོས་སུ་སྒྲས་ཟིན་པར་བྱས་སོ། །གསུམ་པ་ཁྱད་པར་བསྟན་པ་ནི། སྔ་མ་ལ་ནི་སྒྲ་ལྡན་མཚུངས། །གཉིས་ཀ་ལ་ཡང་ཐ་དད་དབྱེ། །བུང་བ་མིག་ལ་སོགས་པ་མཚུངས། །དེ་ཕྱིར་མཚུངས་པའི་ལྡོག་པ་ཅན། །ཞེས་པ་སྟེ། དཔེར་བརྗོད་སྔ་མ་ལ་ནི་རྒྱས་ཤིང་དྲི་བཟང་ལྡན་ཞེས། སྒྲ་དངོས་སུ་ལྡན་པར་མཚུངས་ཤིང་། ཕྱི་མ་ལ་ཤུགས་ཀྱིས་དང་། སྔ་ཕྱི་གཉིས་ཀ་ལ་ཡང་ཐ་དད་པའི་དབྱེ་བ། བུང་བ་དང་མིག་ལ་སོགས་པའི་ཁོང་ནས་མཁའ་དང་ཆུ། ཟླ་བ་དང་ངང་པ་སོགས་མཚུངས་པར་བསྟན་པ་དེ་ཕྱིར་མཚུངས་པའི་ལྡོག་པ་ཅན་ཞེས་བྱའོ། །བཞི་པ་རིགས་མཐུན་འབྱེད་པའི་ལྡོག་པ་ཅན་ལ། དཔེར་བརྗོད་ནི། རིན་ཆེན་སྣང་བས་མི་འཕྲོག་ཅིང་། །ཉི་མའི་འོད་ཀྱིས་མི་བཟློག་

― MLP007_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །ལང་ཚོ་ལས་བྱུང་ན་ཆུང་གི། མུན་པས་ལྟ་བ་འགོག་པར་བྱེད། །ཅེས་པ་སྟེ། རིན་ཆེན་ནོར་བུའི་སྣང་བས་མི་འཕྲོག་ཅིང་། ཉི་མའི་འོད་ཀྱིས་ཀྱང་མི་བཟློག་པའི་ལང་ཚོ་རྒྱས་པ་ལས་བྱུང་བ་ན་ཆུང་གི་མུན་པས་གཟུགས་ལ་ལྟ་བ་འགོག་པར་བྱེད་དོ། །དོན་བཤད་ནི། མུན་པའི་རིགས་ལས་མུན་པ་འདི། །ལྟ་བ་འགོག་པ་ཉིད་ཀྱིས་མཚུངས། །གཞན་དག་གིས་ནི་ཐ་དད་བསྟན། །འདི་ནི་རིགས་མཐུན་ལྡོག་པ་ཅན། །ཞེས་པ་སྟེ། མུན་པའི་རིགས་ལས་ན་ཆུང་གི་མུན་པ་འདི་ནི་ལྟ་བ་འགོག་པ་ཉིད་ཀྱི་ཕྱིའི་མུན་པ་དང་མཚུངས་ཤིང་རིགས་མཐུན་པ་ལས། ཁྱད་ཆོས་གཞན་རིན་ཆེན་སྣང་བས་མི་འཕྲོག་པ་ལ་སོགས་པ་དག་གིས་མུན་པ་གཞན་དང་ཐ་དད་པར་བསྟན་པ་དེ་ཕྱིར་འདི་ནི་རིགས་མཐུན་འབྱེད་པ་འདི་ལྡོག་པ་ཅན་ཞེས་བྱའོ། །དགུ་པ་སྲིད་པ་ཅན་གྱི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། རབ་ཏུ་གྲགས་པའི་རྒྱུ་བཟློག་ནས། །གང་ཞིག་རྒྱུ་གཞན་ཅུང་ཟད་དམ། །གང་དུ་རང་གི་ངོ་བོ་ཉིད། །སྟོན་པ་དེ་ནི་སྲིད་པ་ཅན། །ཞེས་པ་སྟེ། འཇིག་རྟེན་ན་རབ་ཏུ་གྲགས་པའི་རྒྱུ་བཟློག་ནས་གང་ཞིག་དེ་དང་རྗེས་མཐུན་གྱི་རྒྱུ་གཞན་ཅུང་ཟད་དམ། གང་དུ་རང་གི་ངོ་བོ་དངོས་པོའི་ཆོས་གྲུབ་པ་ཉིད་སྟོན་པ་དེ་ནི་སྲིད་པ་ཅན་གྱི་རྒྱན་ཞེས་བྱ་བར་བཞེད་དོ། །གཉིས་པ་ལ། དང་པོ་ཕྱིའི་རྒྱུ་ཅུང་ཟད་སྟོན་པའི་སྲིད་པ་ཅན་ནི། མ་འཐུངས་མྱོས་པའི་ཀཱ་དམྦ། །མ་ཕྱིས་དྲི་མ་མེད་པའི་མཁའ། །བགྲུངས་པར་མ་བྱས་དྭངས་པའི་ཆུ། །འགྲོ་བའི་ཡིད་ནི་འཕྲོག་པར་བྱེད། །ཅེས་པ་སྟེ། མྱོས་འགྱུར་མ་འཐུངས་པར་མྱོས་པའི་ཀཱ་དམྦ་སྟེ་བྱ་མཐིང་རིལ་དང་། མ་ཕྱིས་པར་ཡང་དྲི་མ་མེད་ཅིང་དག་པའི་མཁའ་དང་། ཀེ་ཏ་ཀ་སོགས་ཀྱིས་བགྲུངས་པར་མ་བྱས་ཀྱང་དྭངས་པའི་ཆུ་སྟེ། དེ་ལྟ་བུའི་སྟོན་གྱི་དུས་འདིས་འགྲོ་བའི་ཡིད་ནི་འཕྲོག་པར་བྱེད་དོ། །གཉིས་པ་ནང་གི་རྒྱུ་ཅུང་ཟད་སྟོན་པའི་སྲིད་པ་ཅན་ལ། དངོས་དང་། གཉིས་ཀའི་དོན་བཤད་དོ། །དང་པོ་ནི། སྨན་མ་བསྐུས་པར་དཀར་མིན་མིག །མནན་པ་མིན་པར་སྨིན་མ་དམའ། །ཚོན་མ་བསྐུས་པར་དམར་བ་ནི། །མཛེས་མ་ཁྱོད་ཀྱི་མཆུ་འདིའོ། །

― MLP007_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་སྟེ། མིག་སྨན་མ་བསྐུས་པར་དཀར་མིན་གནག་པའི་མིག་དང་། མནན་པ་མིན་པར་སྨིན་མ་དམའ་བ་དང་། ཚོན་གྱིས་མ་བསྐུས་པར་ཤིན་ཏུ་དམར་བ་ནི་མཛེས་མ་ཁྱོད་ཀྱི་མཆུ་སྒྲོས་འདིའོ། །གཉིས་པ་ནི། གང་ཕྱིར་མ་འཐུངས་ལ་སོགས་སྐྱེས། །མྱོས་པ་ཉིད་སོགས་རྒྱུ་གཞན་ཅན། །ཞེས་པ་སྟེ། གང་ཕྱིར་མ་འཐུངས་པ་ལ་སོགས་པ་ལས་སྐྱེས་པའི་འབྲས་བུ་མྱོས་པ་ཉིད་སོགས་བསྟན་པའི་སྒོ་ནས་མྱོས་འགྱུར་འཐུངས་པ་སོགས་རབ་ཏུ་གྲགས་པའི་རྒྱུ་རྣམས་བཟློག་སྟེ་ཕྱི་ནང་གི་རྒྱུ་གཞན་ཅན་ཅུང་ཟད་སྟོན་པ་དཔེར་བརྗོད་སྔ་མར་སྟོན་གྱི་དུས་དང་། ཕྱི་མར་ལང་ཚོ་དར་བ་ཤུགས་ཀྱིས་རྟོགས་པར་བྱས་སོ། །གསུམ་པ་འབྲས་བུ་རང་གི་ངོ་བོ་ཙམ་སྟོན་པའི་སྲིད་པ་ཅན་ལ། དམ་བཅའ་ནི། རྒྱུ་མེད་དག་ཀྱང་བརྗོད་འདོད་པ། །དེ་ལ་འདིར་ནི་འགལ་བ་མེད། །ཅེས་པ་སྟེ། གོང་དུ་བཤད་པ་དེར་མ་ཟད་རྒྱུ་མེད་པ་དག་ཀྱང་བརྗོད་པར་འདོད་པ་དེ་ལ་གནས་སྐབས་འདིར་ནི་འགལ་བ་མེད་ཕྱིར་བསྟན་པར་བྱའོ། །དཔེར་བརྗོད་ནི། འགོས་པ་མེད་པར་ཁ་དྲི་ཞིམ། །བཅོས་པ་མེད་པར་ལུས་པོ་མཛེས། །རྒྱུ་མེད་དག་ཏུ་ཟླ་བ་དགྲ། །རྒྱུ་མཚན་མེད་པར་འདོད་པ་གྲོགས། །ཞེས་པ་སྟེ། ག་བུར་སོགས་ཀྱིས་འགོས་པ་མེད་པ་ཁ་དྲི་ཞིམ། འབད་པས་བཅོས་པ་མེད་པར་ལུས་པོ་མཛེས་ཤིང་ཡིད་དུ་འོང་། འཁོན་གྱི་རྒྱུ་མེད་དག་ཏུ་ཟླ་བ་དགྲ། མཐུན་པའི་རྒྱུ་མཚན་མེད་པར་འདོད་པའི་སྐྱེས་བུ་གྲོགས་ཡིན་ནོ། །དོན་བཤད་ནི། འགོས་པ་མེད་སོགས་ཚིག་གིས་འདིར། །རྒྱུ་ནི་དངོས་སུ་རབ་བཟློག་ཅིང་། །དྲི་ཞིམ་ཉིད་སོགས་འབྲས་བུར་བརྗོད། །དེ་ཕྱིར་དེ་ནི་སྲིད་པ་ཅན། །ཞེས་པ་སྟེ། འགོས་པ་མེད་པ་ལ་སོགས་པའི་ཚིག་གི་སྐབས་འདིར་རྒྱུ་ཐམས་ཅད་ནི་དངོས་སུ་རབ་ཏུ་ཟློག་ཅིང་བཀག་ནས་དྲི་ཞིམ་པ་ཉིད་ལ་སོགས་པའི་འབྲས་བུ་བརྗོད་པ་དེ་ཕྱིར་དེ་ནི་འབྲས་བུ་རང་གི་ངོ་བོ་ཙམ་སྟོན་པའི་སྲིད་པ་ཅན་ཞེས་བྱ་བར་ཤེས་པར་བྱའོ། །བཅུ་པ་བསྡུས་བརྗོད་ཀྱི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། དངོས་པོ་འགའ་ལ་བསམ་བྱས་ནས། །དེ་དང་མཚུངས་པའི་དངོས་པོ་གཞན། །བསྡུས་པའི་ཚུལ་གྱིས་རྗོད་བྱེད་པ། །དེ་ནི་བསྡུས་པ་བརྗོད་པར་འདོད། །ཅེས་པ་སྟེ། བརྗོད་བྱའི་

― MLP007_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་གྱི་དངོས་པོ་འགའ་ལ་བསམ་པར་བྱས་ནས་དེ་དང་ཕྱོགས་མཚུངས་པའི་དངོས་པོ་གཞན་ཞིག་བརྗོད་དོན་བསྡུས་པའི་ཚུལ་གྱིས་རྗོད་པར་བྱེད་པ་དེ་ནི་བསྡུས་པ་བརྗོད་པའི་རྒྱན་ཞེས་བྱ་བར་འདོད་དོ། །གཉིས་པ་ལ། སྤྱིའི་བསྡུས་བརྗོད་དང་། ཁྱད་པར་གྱི་བསྡུས་བརྗོད་དོ། །དང་པོ་ལ། དཔེར་བརྗོད་ནི། བུང་བ་ཇི་ལྟར་འདོད་པ་བཞིན། །པདྨ་རྒྱས་ལ་སྦྲང་རྩི་འཐུངས། །དྲི་ཞིམ་རྒྱས་པ་མ་ཡིན་ཡང་། །མེ་ཏོག་ཁ་མ་བྱེ་སྦྱོར་ལྟོས། །ཞེས་པ་སྟེ། བུང་བ་དག་ཇི་ལྟར་འདོད་པ་བཞིན་དུ་པདྨ་རྒྱས་པ་ལ་སྤྱོད་ཅིང་སྦྲང་རྩིའི་བཅུད་འཐུངས་ལ། དེས་མ་ཚིམ་པར་དྲི་ཞིམ་རྒྱས་པ་མ་ཡིན་པའི་མེ་ཏོག་ཁ་མ་བྱེ་བ་ལ་ཡང་མཆུ་སྦྱོར་བ་ལ་ལྟོས་ཤིག་པའོ། །དོན་བཤད་ནི། ཆགས་ལྡན་བུད་མེད་དར་མ་ལ། །དགའ་བའི་བརྩེ་དགས་བཅིངས་པ་དག །བུ་མོ་འགའ་ཞིག་དག་ལ་ཡང་། །འདོད་པ་འཕེལ་བ་སྟོན་པར་བྱེད། །ཅེས་པ་སྟེ། ཆགས་ལྡན་དག་བུད་མེད་ལང་ཚོ་དར་མ་ལ་དགའ་བའི་བརྩེ་དགའི་བྱ་བས་བཅིངས་པ་དག་ནི། བུ་མོ་ཆུང་ངུ་འགའ་ཞིག་དག་ལ་ཡང་འདོད་པ་འཕེལ་བའི་རྣམ་འགྱུར་སྟོན་པར་བྱེད་ཅེས་པའི་དོན་ནོ། །གཉིས་པ་ལ། དབྱེ་བ་དང་། དཔེར་བརྗོད་དོ། །དང་པོ་ནི། ཁྱད་པར་ཅན་ཙམ་ཐ་དད་ཅིང་། །ཁྱད་པར་རྣམ་པ་མཚུངས་པའང་ཡོད། །ཁྱད་པར་ཐ་དད་ཐ་དད་མིན། །འདི་ནི་གཞན་པ་དག་ཀྱང་ཡོད། །ཅེས་པ་སྟེ། གོ་སླའོ། །གཉིས་པ་ལ། དང་པོ་ཁྱད་གཞི་ཐ་དད་ཁྱད་ཆོས་མཚུངས་པའི་བསྡུས་བརྗོད་ནི། རྩ་བརྟན་འབྲས་བུའི་ཁུར་གྱིས་ནི། །སློང་རྣམས་རྟག་ཏུ་རྒྱས་པར་བྱེད། །གྲིབ་མ་སྣུམ་པའི་ལྗོན་པ་ཆེ། །འདི་ནི་བདག་གིས་ཡང་དག་ཐོབ། །ཅེས་པ་སྟེ། དཔག་བསམ་ལྗོན་ཤིང་རྩ་བ་བརྟན་ཅིང་འབྲས་བུའི་ཁུར་ལྕི་བ་དག་གིས་སློང་བ་རྣམས་རྟག་ཏུ་དགའ་བ་རྒྱས་པར་བྱེད་ལ། གྲིབ་མ་ཤིན་ཏུ་སྣུམ་པའི་ལྗོན་པ་ཆེན་པོ་འདི་ནི་བདག་གིས་ཡང་དག་ཐོབ་ཅེས་པའི་དོན་རང་བཞིན་བཟང་པོའི་རྩ་བ་བརྟན་ཅིང་སྡེ་བཞིའི་འབྲས་བུའི་ཁུར་གྱིས་སློང་བ་རྣམས་རྟག་ཏུ་རྒྱས་པར་བྱེད་པ་ཕན་བདེའི་གྲིབ་མ་སྣུམ་པའི་སྐྱེས་བུ་ཆེན་པོ་འདི་ནི་བདག་གིས་ཡང་དག་ཐོབ་ཅེས་པའོ། །གཉིས་པ་ཁྱད་གཞི་ཐ་དད་ཁྱད་ཆོས་མཚུངས་ཤིང་མི་མཚུངས་པའི་བསྡུས་བརྗོད་ལ། དངོས་དང་། གཉིས་ཀའི་དོན་བཤད་དོ། །དང་པོ་

― MLP007_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ཡལ་གའི་ཁྱོན་ནི་མི་ནུས་ཤིང་། །མེ་ཏོག་འབྲས་བུ་ཕུན་སུམ་ཚོགས། །དམ་པའི་གྲིབ་བསིལ་བརྟན་ལྡན་པའི། །ཤིང་འདི་བདག་གི་སྐལ་བས་རྙེད། །ཅེས་པ་སྟེ། ཡལ་གའི་ཁྱོན་ནི་མི་ཆུང་བར་རྒྱ་ཆེ་ཞིང་། ཤིན་ཏུ་མཛེས་པའི་མེ་ཏོག་དང་འབྲས་བུ་ཕུན་སུམ་ཚོགས་པ་དང་ལྡན་ལ་དམ་པའི་གྲིབ་བསིལ་གྱིས་གཞན་གྱི་ཚ་གདུང་སེལ་ཞིང་། རྩ་བ་བརྟན་པ་དང་ལྡན་པའི་ཤིང་འདི་ནི་བདག་གི་སྐལ་བས་རྙེད་ཅེས་པའི་དོན་རྐང་པ་སྔ་མ་གཉིས་ལ་ཤིང་ཁོ་ནའི་ཁྱད་པར་བརྗོད་ཅིང་། ཕྱི་མ་གཉིས་ཕན་བདེ་དམ་པའི་གྲིབ་བསིལ་དང་། རང་བཞིན་བརྟན་པ་དང་ལྡན་པའི་སྒོ་ནས་སྐྱེས་བུ་དང་ཤིང་གཉིས་ཀའི་ཁྱད་པར་ལྷན་ཅིག་ཏུ་བསྡུས་ནས་བརྗོད་པའི་ཚུལ་གྱིས་དེ་ལྟ་བུའི་སྐྱེས་བུ་ཆེན་པོ་འདི་ནི་བདག་གི་སྐལ་བས་རྙེད་ཅེས་པའོ། །གཉིས་པ་ནི། གཉིས་ཀ་ལ་ཡང་སྐྱེས་བུ་འགའ། །ལྗོན་པ་ཉིད་ཀྱིས་ཉེ་བར་བསྔགས། །ཆོས་རྣམས་ཐམས་ཅད་སྔ་མ་ལ། །ཐུན་མོང་གཞན་ལ་རྣམ་པ་གཉིས། །ཞེས་པ་སྟེ་དཔེར་བརྗོད་སྔ་ཕྱི་གཉིས་ཀ་ལ་ཡང་སྐྱེས་བུ་ཁྱད་པར་ཅན་འགའ་ལྗོན་པར་བསྡུས་པ་ཉིད་ཀྱིས་ཉེ་བར་བསྔགས་ལ། དེ་ཡང་ཁྱད་གཞི་ལྗོན་པ་དང་སྐྱེས་བུ་གཉིས་ཐ་དད་པར་སྔ་ཕྱི་གཉིས་ཀར་མཚུངས་ཤིང་། ཁྱད་པར་གྱིི་ཆོས་རྣམས་ཐམས་ཅད་སྔ་མ་ལ་ཐུན་མོང་དང་། གཞན་ཕྱི་མ་ལ་རྐང་པ་དང་པོ་གཉིས་ཐ་དད་དང་ཕྱི་མ་གཉིས་ཐ་དད་མིན་པས་རྣམ་པ་གཉིས་སོ། །གསུམ་པ་སྔོན་མེད་བསྡུས་བརྗོད་ལ། དཔེར་བརྗོད་ནི། སྦྲུལ་ངན་འགྲོགས་པ་དང་བྲལ་ཞིང་། །རང་བཞིན་གྱིས་ནི་མངར་བའི་ནང་། །ཀྱེ་མ་ཆུ་ཡི་གཏེར་འདི་ནི། །དུས་ཀྱི་ཡོངས་སུ་སྐམ་པར་འགྱུར། །ཞེས་པ་སྟེ། སྦྲུལ་ངན་འགྲོགས་པ་དང་བྲལ་ཞིང་། བ་ཚྭ་ལ་སོགས་པའི་སྐྱོན་གྱིས་མ་གོས་པར་རང་བཞིན་གྱིས་མངར་བའི་ནང་ཞེས་སྔོན་མེད་ཀྱི་རྒྱུ་བརྗོད་ནས། ཀྱཻ་མ་དེ་ལྟ་བུའི་ཆུའི་གཏེར་ཕུན་སུམ་ཚོགས་པ་འདི་ནི་དུས་ཀྱི་ཡོངས་སུ་སྐམ་པར་འགྱུར་ཞེས་པའོ། །དོན་བཤད་ནི། རྒྱ་མཚོ་ལ་ནི་དེ་མཚུངས་པ། །སྐྱེས་བུའི་ལྡོག་པ་གསལ་བྱེད་ཅིང་། །སྔ་མའི་ཆོས་ནི་བཟློག་པའི་ཕྱིར། །འདི་ནི་སྔོན་མེད་བསྡུས་པ་བརྗོད། །ཅེས་པ་སྟེ། རྒྱ་མཚོ་ལ་སྦྲུལ་ངན་འགྲོགས་པ་ལ་སོགས་པའི་སྐྱོན་མེད་པར་བརྗོད་པས་བསམ་བྱ་དེ་དང་མཚུངས་པའི་སྐྱེས་

― MLP007_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་ལྡོག་པ་སྐྱེ་བོ་ངན་པ་དང་མི་འགྲོགས་ཤིང་། རང་བཞིན་གྱིས་མངར་བའི་ནང་གི་བསམ་པ་ཅན་དེ་ལྟ་བུའི་སྐྱེས་བུ་འདི་ནི་དུས་ཀྱི་ཡོངས་སུ་འདའ་ཞེས་པའི་དོན་གསལ་བར་བྱེད་ཅིང་། སྔ་མ་རྒྱ་མཚོའི་ཆོས་སྦྲུལ་དང་བ་ཚྭ་ལྡན་པ་བཟློག་སྟེ་བརྗོད་པའི་ཕྱིར་ཚུལ་འདི་ནི་སྔོན་མེད་བསྡུས་པ་བརྗོད་པ་ཞེས་བྱའོ། །བཅུ་གཅིག་པ་ཕུལ་བྱུང་གི་རྒྱན་ལ་གསུམ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། ཁྱད་པར་གྱི་ནི་བརྗོད་འདོད་གང་། །འཇིག་རྟེན་མཚམས་ལས་བརྒལ་གྱུར་པ། །ཕུལ་དུ་བྱུང་བར་བརྗོད་པ་འདི། །རྒྱན་གྱི་དམ་པ་ཡིན་ཏེ་དཔེར། །ཞེས་པ་སྟེ། ཁྱད་པར་གྱི་ཚིག་བརྗོད་འདོད་ཀྱི་དངོས་པོ་གང་འཇིག་རྟེན་ན་ཇི་ལྟར་གནས་པའི་མཚམས་ལས་བརྒལ་བར་གྱུར་པ་འུད་ཆེན་པོའི་སྒོ་ནས་ཤིན་ཏུ་ཕུལ་དུ་བྱུང་བར་བརྗོད་པ་འདི་ནི་དམ་པ་ཡིན་ཏེ། དཔེར་ན་ཞེས་སོ། །གཉིས་པ་ལ། དང་པོ་ཁྱད་འཕགས་ཕུལ་བྱུང་ལ། དཔེར་བརྗོད་ནི། མལླི་ཀཱ་ཡི་ཕྲེང་ཚོགས་ཅན། །ལུས་ཀུན་ཁྱབ་པའི་ཙནྡན་གཤེར། །དཀར་བའི་གོས་ཅན་སྔོན་འགྲོ་མ། །ཟླ་བའི་འོད་ཀྱིས་མཚོན་མ་ཡིན། །ཞེས་པ་སྟེ། མེ་ཏོག་དཀར་པོ་མལླི་ཕྲེང་བའི་ཚོགས་ཅན། ལུས་ཀུན་ཁྱབ་པའི་ཙན་དན་དཀར་པོའི་བྱུག་པ་གཤེར་བ། ཤིན་ཏུ་དཀར་བའི་གོས་ཅན་མཛའ་བོའི་སྔོན་དུ་འགྲོ་མ་ཁྱོད་ཀྱི་མཚར་སྡུག་ནི་ཟླ་བའི་འོད་ཀྱིས་ཀྱང་ཆ་ཙམ་མཚོན་པར་ནུས་པ་མ་ཡིན་ནོ། །དོན་བཤད་ནི། ཟླ་བའི་འོད་ནི་ལྷག་པ་ཉིད། །ཁྱད་འཕགས་ལྡན་བརྗོད་ཅེས་པ་སྟེ། །འཇིག་རྟེན་ན་ཟླ་བའི་འོད་ནི་མཛེས་ཤིང་དཀར་བ་སོགས་ཆེས་ལྷག་པ་ཉིད་ཡིན་ལ། དེ་ལས་ཀྱང་མཛེས་མའི་ལུས་ཁྱད་པར་འཕགས་པའི་ཡོན་ཏན་ལྡན་པ་བརྗོད་པ་དེ་འདྲ་བ་ནི་ཁྱད་འཕགས་ཕུལ་བྱུང་ཞེས་བྱ་བར་བརྗོད་དོ། །གཉིས་པ་ཐེ་ཚོམ་ཕུལ་བྱུང་ལ། དཔེར་བརྗོད་ཕྱི་མ་རྣམས་ཀྱི་དམ་བཅའ་བ་དང་། དངོས་སོ། །དང་པོ་ནི། དེ་བཞིན་དུ། །ཐེ་ཚོམ་ཕུལ་བྱུང་ལ་སོགས་ཀྱང་། །གསལ་ཕྱིར་ཅུང་ཟད་བསྟན་པར་བྱ། །ཞེས་པ་སྟེ། བཤད་མ་ཐག་པའི་ཁྱད་འཕགས་ཕུལ་བྱུང་དེ་བཞིན་དུ་ཐེ་ཚོམ་ཕུལ་བྱུང་ལ་སོགས་པ་གཞན་དག་ཀྱང་གསལ་ཞིང་རྟོགས་པའི་ཕྱིར་ཅུང་ཟད་བསྟན་པར་བྱའོ། །གཉིས་

― MLP007_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། དགའ་མ་ཁྱོད་ཀྱི་ནུ་མ་དང་། །དཔྱི་ཡི་བར་ན་སྐེད་པ་ནི། །ཡོད་དམ་མེད་ཅེས་བདག་གི་ནི། །ཐེ་ཚོམ་ད་དུང་བཟློག་མ་གྱུར། །ཞེས་པ་སྟེ། དགའ་མ་ཁྱོད་ཀྱི་ནུ་མ་གཉིས་དང་དཔྱི་མགོ་སྟེ་ཚང་རའི་བར་ན་སྐེད་པ་ནི་ཡོད་དམ་མེད་ཅེས་བདག་གི་ཐེ་ཚོམ་གྱི་སེམས་ད་དུང་བཟློག་པར་མ་གྱུར་ཏོ་ཞེས་དེ་འདྲའི་ཐེ་ཚོམ་སྐྱེ་མི་སྲིད་ཀྱང་སྐེད་པ་ཤིན་ཏུ་ཕྲ་བ་སྟོན་པའི་ཕྱིར་ཚིག་སྦྱོར་དེ་ལྟར་བཀོད་པས་ཐེ་ཚོམ་ཕུལ་བྱུང་ཞེས་བྱའོ། །གསུམ་པ་ངེས་པ་ཕུལ་བྱུང་ནི། ནི་ཏམྦི་ནི་ཁྱོད་ལ་ནི། །སྐེད་པ་ཡོད་ཅེས་ངེས་པར་ནུས། །འོ་མ་འཛིན་པའི་ཁུར་གནས་པ། །རྣམ་པ་གཞན་དུ་སྲིད་མ་ཡིན། །ཞེས་པ་སྟེ། ནི་ཏམྦི་ནིའི་སྒྲ་ལས་ཚང་ར་རྒྱས་མ་ཁྱོད་ལ་སྐེད་པ་ཡོད་ཅེས་ངེས་པར་ནུས་ཏེ། འོ་མ་འཛིན་པའི་ཁུར་ལྕི་བ་འདི་ལྟ་བུ་རྟེན་མེད་ནམ་མཁར་གནས་པ་ནི་རྣམ་པ་གཞན་དུ་སྲིད་པ་མ་ཡིན་པས་སོ་ཞེས་སྐེད་པ་ཤིན་ཏུ་ཕྲ་བས་དངོས་སུ་མ་མཐོང་ལ། གཏན་ཚིགས་ཀྱི་སྒོ་ནས་ཡོད་པར་ངེས་པ་རྙེད་ཚུལ་བརྗོད་པས་ངེས་པ་ཕུལ་བྱུང་ཞེས་བྱའོ། །བཞི་པ་གྲགས་པ་ཕུལ་བྱུང་ནི། ཁྱོད་ཀྱི་གྲགས་པའི་ཕུང་པོ་ནི། །དཔག་ནུས་མིན་ཡང་འདིར་ཤོང་བ། །ས་སྐྱོང་སྲིད་པ་གསུམ་གྱི་ནི། །ཁོང་དག་ཨེ་མ་ཤིན་ཏུ་ཡངས། །ཞེས་པ་སྟེ། ས་སྐྱོང་ཞེས་བོས་ནས། ཁྱོད་ཀྱི་ཡོན་ཏན་གྱི་གྲགས་པའི་ཕུང་པོ་འདི་ཙམ་ཞེས་དཔག་པར་ནུས་པ་མ་ཡིན་ཡང་འཇིག་རྟེན་འདིར་ཤོང་བའི་ཕྱིར་སྲིད་པ་གསུམ་གྱི་ཁོངས་དག་ཨེ་མ་ཤིན་ཏུ་ཡངས་སོ་ཞེས་གྲགས་པ་ཤོང་བའི་གཏན་ཚིགས་ཀྱིས་འཇིག་རྟེན་ཡངས་པར་བསྒྲུབས་པས་གྲགས་པ་ཕུལ་བྱུང་ཞེས་བྱའོ། །གསུམ་པ་ནི། རྒྱན་ནི་གཞན་པ་དག་ལས་ཀྱང་། །ངག་གི་དབང་པོས་མཆོད་གྱུར་པ། །ཕུལ་བྱུང་ཞེས་ནི་བརྗོད་པ་འདི། །གཅིག་པུ་ཉིད་ནི་མཆོག་ཏུ་བརྗོད། །ཅེས་པ་སྟེ། རྒྱན་གཞན་ཇི་སྙེད་པ་དག་ལས་ཀྱང་ངག་གི་དབང་པོ་སྙན་ངག་རིག་པ་རྣམས་ཀྱིས་མཆོད་པར་གྱུར་པ་ཕུལ་བྱུང་ཞེས་བརྗོད་པའི་རྒྱན་འདི་གཅིག་པུ་ཉིད་ནི་མཆོག་ཏུ་བརྗོད་དོ། །བཅུ་གཉིས་པ་རབ་རྟོག་གི་རྒྱན་ལ་བཞི། མཚན་ཉིད། དཔེར་བརྗོད། ལོག་རྟོག་དགག་པ། གསལ་བྱེད་ཀྱི་སྒྲ་བཤད་པའོ། །དང་པོ་ནི། སེམས་ལྡན་དག་གམ་ཅིག་ཤོས་ཀྱི། །རྣམ་

― MLP007_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཞན་དུ་གནས་པའི་ཚུལ། །གང་དུ་རྣམ་གཞན་རབ་རྟོག་པ། །དེ་ནི་རབ་རྟོག་ཏུ་རིག་དཔེར། །ཞེས་པ་སྟེ། སེམས་ལྡན་སྲོག་ཆགས་དག་གམ་དེའི་ཅིག་ཤོས་སེམས་མེད་དག་ཀྱང་རུང་སྟེ། དེ་དག་གི་རྣམ་པ་རབ་རྟོག་བརྗོད་འདོད་ལས་གཞན་དུ་གྱུར་པ་དངོས་པོའི་གནས་ལུགས་ཇི་ལྟར་ཡིན་པའི་ཚུལ་དེ་ཉིད་ཚིག་སྦྱོར་གང་དུ་རྣམ་པ་གཞན་དུ་རབ་ཏུ་རྟོག་པ་སྒྲོ་འདོགས་ཀྱི་སྒོ་ནས་བརྗོད་པ་དེ་ནི་རབ་རྟོག་གི་རྒྱན་དུ་རིག་སྟེ། དཔེར་ན་ཞེས་སོ། །གཉིས་པ་ལ། དང་པོ་སེམས་ལྡན་རབ་རྟོག་ལ། དཔེར་བརྗོད་ནི། ཉིན་གུང་ཉི་མས་གདུངས་པ་ཡི། །གླང་པོ་དག་ནི་མཚོར་འཇུག་པ། །ཉི་མའི་ཕྱོགས་གྱུར་པདྨ་རྣམས། །གཞོམ་པར་འདོད་པ་ཡིན་ནམ་སྙམ། །ཞེས་པ་སྟེ། ཉིན་གུང་གི་དུས་ཉི་མའི་འོད་ཟེར་གྱིས་གདུངས་པའི་གླང་པོ་ཆེ་དག་པད་མཚོར་འཇུག་པ་འདི་ནི་ཚ་བས་གདུངས་པའི་ལན་ཉི་མ་ལ་གླན་པར་མ་ནུས་ནས་དེའི་ཕྱོགས་སུ་གྱུར་པའི་པདྨ་རྣམས་གཞོམ་པར་འདོད་པ་མིན་ནམ་སྙམ་མོ། །དོན་བཤད་ནི། ཁྲུས་དང་བཏུང་དང་པད་རྩ་དག །བཟའ་ཕྱིར་ལག་ལྡན་ཆུར་འཇུག་པ། །དེ་ནི་འཁོན་ལན་གླན་ཕྱིར་ཞེས། །སྙན་ངག་མཁན་གྱིས་རབ་བརྟགས་བརྗོད། །ཅེས་པ་སྟེ། ཁྲུས་བྱ་བ་དང་། ཆུ་བཏུང་བ་དང་། པད་རྩ་དག་བཟའ་བའི་ཕྱིར་ལག་ལྡན་དག་ཆུར་འཇུག་པ་ཡིན་པ་ལ། དེ་ནི་ཉི་མ་ལ་འཁོན་ལན་གླན་ཕྱིར་ཉི་མའི་གྲོགས་པདྨ་རྣམས་གཞོམ་པར་འདོད་པ་ཡིན་ཞེས་སྙན་ངག་མཁན་གྱིས་གཞན་དུ་རབ་ཏུ་བརྟགས་ནས་བརྗོད་དོ། །གཉིས་པ་སེམས་མེད་རབ་རྟོག་ལ། དཔེར་བརྗོད་ནི། འདི་ནི་བདག་གི་རིང་བ་དག །འགོག་བྱེད་རྣ་བའི་རྒྱན་ཞེས་ཏེ། །ཁྱོད་ཀྱི་མིག་གིས་རྣ་བ་ཡི། །ཨུཏྤལ་དག་ལ་འགོངས་པ་འདྲ། །ཞེས་པ་སྟེ། ཨུཏྤལ་གྱི་ཆུན་པོ་འདི་ནི་མིག་བདག་གི་རིང་བ་དག་འགོག་པར་བྱེད་ཕྱིར་བདག་ནི་རྣ་བའི་རྒྱན་ཞེས་བརྗོད་དེ་འོངས་པ་འདྲའོ། །དེར་མ་ཟད། ཁྱོད་ཀྱི་མིག་གིས་རྣ་བའི་ཨུཏྤལ་གྱི་མཛེས་པ་དག་ལ་འགོངས་ཤིང་རྫི་བར་བྱེད་པ་འདྲའོ། །དོན་བཤད་ནི། མིག་ཟུར་ཆར་ནི་ལྷུང་གྱུར་པ། །མིག་གི་འོད་ཀྱིས་ཨུཏྤལ་ལ། །རེག་པ་མིན་ཡང་སྙན་ངག་མཁན། །དེ་ལྟར་རབ་ཏུ་བརྟགས་ཏེ་བརྗོད། །ཅེས་པ་སྟེ། མིག་ཟུར་ཆར་ནི་ལྷུང་བར་གྱུར་པ་ཙམ་རབ་རྟོག་

― MLP007_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ས་བོན་དུ་བྱས་ནས། མིག་གི་འོད་ཀྱིས་ཨུཏྤལ་ལ་འགོང་ཞིང་རེག་པ་མིན་ཡང་སྙན་ངག་མཁན་གྱིས་དེ་ལྟར་སྒྲོ་རབ་ཏུ་བརྟགས་ཏེ་བརྗོད་དོ། །གསུམ་པ་བཞིན་སྒྲ་ཅན་ནི། མུན་པ་ལུས་ལ་འབྱུག་པ་བཞིན། །མཁའ་ནི་མིག་སྨན་ཆར་འབེབས་བཞིན། །ཞེས་འདི་ཡང་ངོ་རབ་རྟོག་གི། མཚན་ཉིད་ལྡན་པ་ཤིན་ཏུ་མང་། །ཞེས་པ་སྟེ། མཚན་དུས་ཀྱི་མུན་པ་འདི་ནི་རང་ལུས་ལ་འབྱུག་པ་བཞིན་ནོ། །ནམ་མཁའ་ནི་མིག་སྨན་གྱི་ཆར་འབེབས་པ་བཞིན་ནོ། །ཞེས་པ་འདི་ཡང་རབ་རྟོག་ཏུ་འགྱུར་ཏེ་ཚུལ་དེ་ལྟར་རབ་རྟོག་གི་མཚན་ཉིད་ལྡན་པ་ཤིན་ཏུ་མང་ངོ་། །གསུམ་པ་ནི། འདིར་ནི་བཞིན་གྱི་སྒྲ་ཡིས་འགའ། །དཔེ་འདི་ཉིད་དུ་ཁྲུལ་པས་སྐྱེད། །ཏིང་ངའི་མཐའ་ཡིས་དཔེ་མ་ཡིན། །ཞེས་པ་ཡིད་ཆེས་གསུང་འདས་ནས། །ཞེས་པ་སྟེ། མུན་པ་ལུས་ལ་འབྱུག་པ་བཞིན་ཞེས་སོགས་བརྗོད་མ་ཐག་པའི་དཔེར་བརྗོད་འདིར་ནི་བཞིན་སྒྲ་དང་ལྡན་པས་འགའ་ཞིག་དཔེ་རྒྱན་ཉིད་དུ་འཁྲུལ་པ་བསྐྱེད་དེ། དེ་ལྟ་ན་རྒྱ་དཔེར། འབྱུག་པ་བཞིན་ཞེས་པ་ལ་ལིམྦ་ཏི་ཞེས་དང་། ཆར་འབེབས་བཞིན་ཞེས་པ་ལ་ཝཪྵ་ཏི་ཞེས་གཉིས་ཀ་ཏིང་ངའི་མཐའ་ཅན་ཡིན་པས་དཔེ་རྒྱན་དུ་འགྱུར་བ་མ་ཡིན་ཏེ། གལ་ཏེ་ཡིན་ན་དེ་ཕན་གྱི་རྐྱེན་སྟེར་དགོས་སོ་ཞེས་ཙནྡྲ་གོ་མི་ལ་སོགས་པ་ཡིད་ཆེས་ཀྱི་མཁས་པ་དུ་མའི་གསུང་ངག་ལས་འབྱུང་བའི་ཕྱིར་དེ་དག་ལས་འདས་ནས་བརྗོད་པ་མི་རིགས་པས་སོ། །གཞན་ཡང་། དཔེ་དང་དཔེར་བྱ་ཉིད་དག་ནི། །མཚུངས་པའི་ཆོས་ལ་ལྟོས་པས་ན། །འབྱུག་པ་དང་ནི་མུན་པ་ལ། །ཆོས་འདི་མངོན་པར་གྱུར་ཏམ་ཅི། །ཞེས་པ་སྟེ། ལུང་དང་འགལ་བར་མ་ཟད། རིགས་པ་དང་ཡང་འགལ་ཏེ། དཔེ་རྒྱན་ཡིན་ན། དཔེ་དང་དཔེར་བྱ་ཉིད་དག་ཕན་ཚུན་མཚུངས་པའི་ཆོས་ལ་ལྟོས་དགོས་ལ། འདིར་དེ་མེད་པས་དཔེ་རྒྱན་དུ་འགྱུར་བ་མ་ཡིན་ནོ། །གལ་ཏེ་འབྱུག་པ་དང་མུན་པ་གཉིས་དཔེ་དང་དཔེར་བྱར་འགྱུར་རོ་ཞེ་ན་དཔེ་དཔེ་ཅན་དུ་འགྱུར་བ་ལ་ཁ་དོག །དབྱིབས། བྱེད་ལས་སོགས་གཉིས་ཀ་ལ་ཐུན་མོང་དུ་ཡོད་པའི་མཚུངས་ཆོས་གང་རུང་ཞིག་མཐོང་དགོས་པ་ལས། འདིར་དེ་ལྟ་བུའི་ཆོས་གང་ཡང་མངོན་པར་མཐོང་བར་གྱུར་ཏམ་ཅི་སྟེ་མ་མཐོང་བས་ན་དཔེ་རྒྱན་མ་ཡིན་ནོ། །དེར་མ་ཟད། གལ་ཏེ་འབྱུག་པ་ཉིད་

― MLP007_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ན། །འབྱུག་ཅེས་བྱ་བ་གཞན་པ་ཅི། །དེ་ཉིད་ཆོས་དང་ཆོས་ཅན་ཡང་། །ཞེས་པ་མ་མྱོས་འཆད་མ་ཡིན། །ཞེས་པ་སྟེ། གལ་ཏེ་འབྱུག་པར་བྱ་བའི་ངོ་བོ་ཉིད་མཚུངས་ཆོས་སུ་འདོད་དོ་ཞེ་ན། འབྱུག་ཅེས་བྱ་བ་གཅིག་བུ་དེ་ལས་གཞན་པའི་འབྱུག་པ་གཉིས་པ་ཅི་ཞིག་མཆིས། ཡང་འབྱུག་པ་དེ་ཉིད་ཆོས་དང་ཆོས་ཅན་གཉིས་ཀ་ཡང་ཡིན་ནོ་ཞེ་ན་དེ་ལྟ་བུ་སྨྱོན་པས་སྨྲ་སྲིད་ཀྱི། མ་མྱོས་པ་སེམས་རང་བཞིན་དུ་གནས་པ་རྣམས་ནི་དེ་ལྟར་འཆད་པ་མ་ཡིན་ཏེ། ཆོས་དང་ཆོས་ཅན་གཉིས་པོ་ཐ་དད་པར་འཇིག་རྟེན་དང་བསྟན་བཅོས་ཀུན་ཏུ་གྲགས་པས་སོ། །ཡང་། གལ་ཏེ་བྱེད་པ་དཔེ་ཡིན་ན། །བྱ་ཚིག་ལ་འདི་དབང་བྲལ་འགྱུར། །རང་གི་བྱ་བསྒྲུབ་མི་ནུས་པ། །གཞན་གྱི་བལྟོས་བྱ་མི་འགྱུར་རོ། །ཞེས་པ་སྟེ། གལ་ཏེ་འབྱུག་པར་བྱེད་པའི་བྱེད་པ་དཔེ་ཡིན་ནོ་ཞེ་ན་འབྱུག་ཅེས་བྱ་བའི་བྱ་ཚིག་ཏིང་ངའི་མཐའ་ཅན་ལ་བྱེད་ཚིག་འདི་ནི་དབང་བྲལ་དུ་འགྱུར་བས་རང་གི་བྱ་བ་འབྱུག་པ་ཉིད་ཀྱང་བསྒྲུབ་མི་ནུས་པ་ཡིན་ན། གཞན་མུན་པ་སོགས་ཀྱི་བལྟོས་བྱ་དཔེར་མི་འགྱུར་རོ། །ཡང་གང་གིས་འབྱུག་པ་འདི་དང་ནི། །མུན་པ་མཚུངས་ཞེས་སྨྲ་ན་ཡང་། །ལུས་ལ་ཞེས་པ་མ་འབྲེལ་ཏེ། །དེ་ཡང་ཡོན་ཏན་མཚུངས་པ་བལྟ། །ཞེས་པ་སྟེ། རྒོལ་བ་པོ་གང་གིས་དོན་དུ་བྱས་པའི་འབྱུག་པ་འདི་དང་། དཔེར་བྱས་པའི་མུན་པ་གཉིས་པོ་མཚུངས་སོ་ཞེས་སྨྲ་ན་ཡང་ལུས་ལ་ཞེས་པའི་ཚིག་དེ་བར་ན་ཡོད་པས་དཔེ་དོན་མ་འབྲེལ་ཏེ། དེ་ཡང་དཔེ་དཔེ་ཅན་ཡོན་ཏན་མཚུངས་པར་བལྟ་དགོས་ལ་འདིར་དེ་མེད་པའི་ཕྱིར་དཔེ་རྒྱན་དུ་མི་འགྱུར་རོ། །ཡང་། དཔེར་ན་ཁྱོད་གདོང་ཟླ་བ་བཞིན། །ཞེས་པས་མཛེས་པ་རྟོགས་འགྱུར་ཏེ། །དེ་བཞིན་འབྱུག་པ་འདི་ལ་ནི། །འབྱུག་པ་ལས་གཞན་རྟོགས་མ་ཡིན། །ཞེས་པ་སྟེ། དེ་ཡང་དཔེས་སྒྲུབ་ན། དཔེར་ན་ཁྱོད་གདོང་ཟླ་བ་བཞིན་ཞེས་པ་ཟླ་བ་དང་གདོང་པ་གཉིས་དཔེ་དཔེ་ཅན་དུ་སྦྱར་བའི་སྒོ་ནས་གདོང་ཤིན་ཏུ་མཛེས་པ་ཟླ་བ་དང་མཚུངས་པར་རྟོགས་པར་འགྱུར་ཏེ། ཚུལ་དེ་བཞིན་དུ། འབྱུག་པ་འདི་ལ་ནི་འབྱུག་པའི་ཆོས་ལས་གཞན་དུ་གྱུར་པའི་མུན་པ་དང་མཚུངས་ཆོས་རྟོགས་རྒྱུ་ཡོད་པ་མ་ཡིན་ནོ། །དེ་ཕྱིར་འབྱུག་པ་འདི་དང་ནི། །མུན་པ་བྱེད་པ་ལུས་ཀྱང་ལས། །ཉེ་བར་སྦྱར་དོན་སྐྱེས་བུ་

― MLP007_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །དེ་ལྟར་རབ་བརྟགས་ཞེས་འདོད་བྱ། །ཞེས་པ་སྟེ། རྒྱུ་མཚན་དེ་ཕྱིར་འབྱུག་པ་འདི་དང་། མུན་པ་བྱེད་པ་པོར་སྦྱར། ལུས་ཀྱང་ལས་སུ་ཉེ་བར་སྦྱར་བའི་དོན་ཅན་གྱི་ཚིགས་སྐྱེས་བུ་སྙན་ངག་མཁན་མཁས་པས་དངོས་པོའི་གནས་ཚུལ་ལ་མུན་པ་ཤིན་ཏུ་གནག་པས་ལུས་མི་མཐོང་བ་ལས་གཞན་མུན་པས་སྐྱེས་བུའི་ལུས་ལ་འབྱུག་རྒྱུ་མེད་པ་དེ་ལྟ་ནའང་མུན་པ་ས་ལ་འབྱུག་པ་བཞིན་ཞེས་དེ་ལྟར་གཞན་དུ་སྒྲོ་བཏགས་ནས་བརྗོད་པ་འདི་ལྟ་བུ་རྣམས་ལ་དཔེ་རྒྱན་དུ་འཁྲུལ་བར་མི་བྱ་སྟེ། རབ་བརྟགས་ཞེས་བྱ་བའི་རྒྱན་དུ་འདོད་པར་བྱའོ། །བཞི་པ་ནི། སྙམ་དང་དོགས་དང་ངེས་དང་འདྲ། །མིན་ནམ་ཞེས་པ་ལ་སོགས་པའི། །སྒྲ་ཡིས་རབ་བརྟགས་གསལ་བར་བྱེད། །བཞིན་གྱི་སྒྲ་ཡང་དེ་དང་འདྲ། །ཞེས་པ་སྟེ། སྙམ་དང་། དོགས་དང་། ངེས་དང་། འདྲ་དང་། མིན་ནམ་ཞེེས་པ་དང་། ལ་སོགས་པའི་ཁོང་ནས་རྟོག་དང་། རྣམ་པར་རྟོག་དང་། ཆོས་མཐོང་དང་། ཇི་ལྟ་བུ་ལ་སོགས་པའི་སྒྲ་དུ་མས་རབ་བརྟགས་གསལ་བར་བྱེད་ཅིང་། བཞིན་གྱི་སྒྲ་ཡང་དེ་དང་འདྲ་བར་ཤེས་པར་བྱའོ། །བཅུ་གསུམ་པ་རྒྱུའི་རྒྱན་ལ་གཉིས། རྒྱན་གསུམ་གྱི་བསྔགས་པ་སྤྱིར་བརྗོད་པ་དང་། རྒྱུ་རྒྱན་དངོས་སོ། །དང་པོ་ནི། རྒྱུ་དང་ཕྲ་མོ་ཆ་དག་ནི། །ཚིག་རྣམས་དག་གི་རྒྱན་གྱི་མཆོག །ཅེས་པ་སྟེ། གོ་སླའོ། །གཉིས་པ་ལ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། རྒྱུ་ནི་བྱེད་པོ་ཤེས་བྱེད་དེ། །དེ་དག་རྣམ་པ་དུ་མ་དཔེར། །ཞེས་པ་སྟེ། སྤྱིར་རྒྱུའི་རྒྱན་ནི་བྱེད་པོ་དང་ཤེས་བྱེད་གཉིས་སུ་འགྱུར་ལ། དེ་ཡང་བྱེད་པོའི་རྒྱུ་འབྲས་བུ་སྔར་མེད་གསར་དུ་བསྐྱེད་པ་ས་བོན་ལས་མྱུ་གུ་ལྟ་བུ་དང་། ཤེས་བྱེད་ཀྱི་རྒྱུ་དུ་བ་ལས་མེར་ཤེས་པ་ལྟ་བུ་སྟེ། དེ་དག་གི་དབྱེ་བ་རྣམ་པ་དུ་མ་དཔེར་བརྗོད་ན་ཞེས་སོ། །གཉིས་པ་ལ། དངོས་པོའི་རྒྱུ། དངོས་མེད་ཀྱི་རྒྱུ། མཚར་བའི་རྒྱུ་དང་གསུམ། དང་པོ་ནི། བྱེད་པའི་རྒྱུ་དང་། ཤེས་བྱེད་ཀྱི་རྒྱུ་གཉིས། དང་པོ་ལ། སྐྱེད་བྱེད་ཀྱི་རྒྱུ། ཉམས་བྱེད་ཀྱི་རྒྱུ། ལས་ཀྱི་རྒྱུ་དང་གསུམ། དང་པོ་ལ། དཔེར་བརྗོད་ནི། མ་ལ་ཡ་ཡི་རླུང་གིས་ནི། །ཙནྡན་ལྗོན་པ་གསར་པ་ཡི། །ཡལ་འདབ་སྐྱོད་པར་བྱེད་པ་འདི། །ཀུན་གྱི་དགའ་བ་སྐྱེད་པར་བྱེད། །ཅེས་པ་སྟེ། ལྷོ་ཕྱོགས་མ་ལ་ཡའི་རླུང་བསིལ་

― MLP007_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དག་གིས་ཙནྡན་གྱི་ལྗོན་པ་གསར་པའི་ཡལ་འདབ་སྐྱོད་པར་བྱེད་པ་འདི་ནི་ཀུན་གྱི་ཡིད་ལ་དགའ་བ་སྐྱེད་པར་བྱེད་དོ། །དོན་བཤད་ནི། དགའ་བ་བསྐྱེད་པར་འོས་པ་ཡི། །རང་བཞིན་ཉེ་བར་སྦྱར་བ་འདིར། །རྒྱན་ཉིད་དུ་ནི་རབ་བསྟན་ཏེ། །ལྡོག་པ་དག་ཀྱང་དེ་དང་མཚུངས། །ཞེས་པ་སྟེ། དྲི་བསུང་བཟང་པོ་འཐུལ་བའི་རླུང་བསིལ་ལྡན་དགའ་བ་བསྐྱེད་པར་འོས་པའི་རང་བཞིན་ཉེ་བར་སྦྱར་བའི་ངག་ཚིག་འདིར་བཀོད་པ་དང་ཚུལ་མཐུན་པ་རྣམས་ནི་སྐྱེད་བྱེད་ཀྱི་རྒྱུའི་རྒྱན་ཉིད་དུ་རབ་ཏུ་བསྟན་ཏེ། དེ་ལས་ལྡོག་པ་ཉམས་བྱེད་དག་ཀྱང་དེ་དང་མཚུངས་ཞེས་པའོ། །གཉིས་པ་ལ། དངོས་དང་། ཞར་བྱུང་གཉིས། དང་པོ་ལ། དཔེར་བརྗོད་ནི། མ་ལ་ཡ་ཡི་ཆུ་རྒྱུན་ལ། །རེག་ཅིང་ཙནྡན་ནགས་བསྐྱོད་པ། །རླུང་འདི་མགྲོན་པོ་རྣམས་དག་ནི། །ཉམས་པར་བྱེད་ཕྱིར་ཉེ་བར་གནས། །ཞེས་པ་སྟེ། མ་ལ་ཡའི་རི་ངོས་ནས་བབས་པའི་ཆུ་རྒྱུན་ལ་རེག་ཅིང་ཙནྡན་གྱི་ནགས་ཚལ་བསྐྱོད་པ་བསིལ་ལྡན་དྲི་བཟང་འཐུལ་བའི་རླུང་འདི་མགྲོན་པོ་བུད་མེད་དང་བྲལ་བ་རྣམས་དག་ནི་ཉམས་ཏེ་འཆི་བར་བྱེད་ཕྱིར་ཉེ་བར་གནས་སོ། །དོན་བཤད་ནི། དེ་ལྟར་བྱུང་བའི་རླུང་གིས་ནི། །འབྲལ་བའི་རིམས་ལས་བྱུང་གྱུར་པ། །ཡིད་འོང་ལ་སྲིད་སྐྱེ་བོ་ལ། །ཉམས་པ་སྒྲུབ་པར་བྱེད་པར་ནུས། །ཞེས་པ་སྟེ། དེ་ལྟར་བྱུང་བའི་རླུང་གིས་ནི་འབྲལ་བའི་རིམས་ནད་འཕེལ་བ་ལས་བྱུང་བར་གྱུར་པ་ཡིད་འོང་མ་ལ་སྲེད་པའི་སྐྱེ་བོ་རྣམས་ལ་ཉམས་པ་སྒྲུབ་པར་བྱེད་པར་ནུས་སོ། །གཉིས་པ་ནི། འགྲུབ་པར་བྱེད་དང་རྣམ་འགྱུར་ལ། །དེ་ཉིད་ལ་ལྟོས་རྒྱུ་ཉིད་དོ། །ཐོབ་པའི་ལས་ལ་ཕལ་ཆེར་ནི། །བྱ་བ་ལ་ལྟོས་རྒྱུ་ཉིིད་དོ། །ཞེས་པ་སྟེ། རྒྱུ་ལས་འབྲས་བུ་སྔར་མེད་གསར་དུ་བསྐྱེད་པ་འགྲུབ་པར་བྱེད་པའི་རྒྱུ་དང་། སྔར་ཡོད་གཞན་དུ་འགྱུར་བ་རྣམ་འགྱུར་གྱི་རྒྱུ་ཡིན་ལ། དེ་ཉིད་ཀྱང་བྱེད་པོ་ལ་ལྟོས་པའི་རྒྱུ་ཉིད་དོ། །ཐོབ་པའི་ལས་ལ་ཕལ་ཆེར་རིག་བྱེད་བཀླགས་པས་ཐོབ་པར་བྱ་བ་ལྟ་བུ་བྱ་བ་ལ་ལྟོས་པའི་རྒྱུ་ཉིད་དོ། །གསུམ་པ་ལ། མཚམས་སྦྱར་བའི་སྒོ་ནས་ཤེས་བྱེད་ཀྱི་རྒྱུ་དང་ལྷན་ཅིག་དམ་བཅའ་བ་དང་། དངོས་སོ། །དང་པོ་ནི། འགྲུབ་པར་བྱེད་པའི་རྒྱུ་དག་ནི། །བསྟན་ཏེ་ལྷག་མ་གཉིས་པོ་ཡིན། །དཔེར་བརྗོད་གཉིས་ནི་བཀོད་

― MLP007_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ནས། །ཤེས་པར་བྱེད་པ་བསྟན་པར་བྱ། །ཞེས་པ་སྟེ། དེ་ལྟར་འགྲུབ་པར་བྱེད་པའི་རྒྱུ་དག་བསྟན་ཏེ། ད་ནི་དེའི་ལྷག་མ་རྣམ་འགྱུར་གྱི་རྒྱུ་དང་། ཐོབ་བྱའི་རྒྱུ་གཉིས་པོའི་དཔེར་བརྗོད་དག་ཀྱང་དེ་གཉིས་མ་འདྲེས་པར་སོ་སོར་བཀོད་པས་བྱས་ནས། དེ་རྗེས་ཤེས་པར་བྱེད་པའི་རྒྱུ་ཡང་བསྟན་པར་བྱའོ། །གཉིས་པ་ལ་གཉིས་ལས། དང་པོ་རྣམ་འགྱུར་གྱི་རྒྱུ་ནི། ལོ་འདབ་གསར་འཁྲུངས་ནགས་ཚལ་དང་། །འདབ་བརྒྱ་རབ་ཏུ་རྒྱས་པའི་རྫིང་། །ཟླ་བ་རྒྱས་པ་འདོད་པ་ཡི། །མགྲོན་པོ་ལྟ་བའི་དུག་ཏུ་བྱས། །ཞེས་པ་སྟེ། ལོ་འདབ་གསར་པ་འཁྲུངས་པའི་ནགས་ཚལ་དང་། འདབ་བརྒྱ་རབ་ཏུ་རྒྱས་པའི་རྫིང་བུ་དང་ཟླ་བ་རྒྱས་པ་སྟེ་གསུམ་པོ་དེས་ནི་འདོད་པས་མྱོས་པའི་མགྲོན་པོ་བྲལ་བས་ཉེན་པ་རྣམས་ལ་ལྟ་བའི་དུག་ཏུ་བྱས་སོ། །གཉིས་པ་ཐོབ་བྱའི་རྒྱུ་ནི། ཁེངས་པ་གོམས་པར་བྱའོ་ཞེས། །གྲོགས་མོ་མཛའ་བོའི་གནས་བཀོད་ལ། །བུ་མོ་སྨིན་འཁྱོག་མི་གཡོན་གྱིས། །མཆུ་ནི་གཡོ་ཞིང་ལྟ་བར་བྱེད། །ཅེས་པ་སྟེ། མཛའ་བོ་དང་མི་མཐུན་པའི་ཁེངས་པ་གོམས་པར་བྱའོ་ཞེས་གྲོགས་མོ་མཛའ་བོའི་གནས་སུ་བཀོད་པ་ལ་བུ་མོ་དེ་ཡིད་མ་རངས་ནས་སྨིན་མ་འཁྱོག་པའི་མིག་ཟུར་གཡོན་པོ་དང་། མཆུ་སྒྲོས་གཡོ་ཞིང་འདར་བ་དང་བཅས་ཁྲོ་བའི་ཚུལ་གྱིས་ལྟ་བར་བྱེད་དོ། །གཉིས་པ་ཤེས་བྱེད་ཀྱི་རྒྱུ་ལ། དང་པོ་ཕྱི་ཤེས་བྱེད་ཀྱི་རྒྱུ་ནི། ཉི་མ་ནུབ་གྱུར་ཟླ་བ་མཛེས། །འདབ་ཆགས་རྣམས་ནི་གནས་སུ་སོང་། །ཞེས་པ་འདི་ཡང་དུས་ཀྱི་སྐབས། །གོ་བར་བྱེད་པ་ལེགས་པ་ཉིད། །ཅེས་པ་སྟེ། ཉི་མའི་དཀྱིལ་འཁོར་ནུབ་པར་གྱུར་ཅིང་། ཟླ་བ་འོད་ཟེར་གསལ་བའི་མཛེས་པ་ངོམ་པ་དང་། འདབ་ཆགས་རྣམས་ནི་རང་རང་གི་གནས་སུ་ཉལ་བ་ལ་སོང་ངོ་ཞེས་པ་འདི་ཡང་སྲོད་དུས་ཀྱི་སྐབས་གོ་བར་བྱེད་པ་ལེགས་པའི་རྒྱན་ཉིད་ཡིན་ནོ། །གཉིས་པ་ནང་ཤེས་བྱེད་ཀྱི་རྒྱུ་ནི། གྲོགས་མོ་འདོད་པས་གཟིར་བའི་ཡིད། །ཟླ་བའི་འོད་ཀྱིས་མི་བཟློག་ཅིང་། །ཙནྡན་ཆུ་ཡིས་མི་བཟོད་པ། །ལུས་ཀྱི་དྲོད་ཀྱི་གདུང་བ་འཛིན། །ཞེས་པའི་སྦྱོར་བ་རྣམས་ལ་ནི། །ཡིད་འོང་ཤེས་བྱེད་རྒྱུ་དག་མཚོན། །ཞེས་པ་སྟེ། གྲོགས་མོ་ཁྱོད་འདོད་པས་གཟིར་བའི་ཡིད་དེ་ནི་ཟླ་བའི་འོད་ཟེར་གྱིས་རེག་པས་ཀྱང་མི་བཟློག་ཅིང་། ཙནྡན་གྱི་ཆུས་

― MLP007_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་པས་ཀྱང་མི་བཟོད་པ་ལུས་ཀྱི་དྲོད་ཀྱི་གདུང་བ་འཛིན་ཞེས་པའི་ཚིག་སྦྱོར་བ་རྣམས་ལ་ཡིད་དུ་འོང་བ་ནང་ཤེས་བྱེད་ཀྱི་རྒྱུ་དག་མཚོན་ནོ། །གཉིས་པ་དངོས་མེད་ཀྱི་རྒྱུ་ལ། དམ་བཅའ། དཔེར་བརྗོད། དོན་བསྡུ་བའོ། །དང་པོ་ནི། དངོས་མེད་ཀྱི་རྒྱུ་ནི་ཡིད་འཕྲོག་པ། །འགའ་ཞིག་རབ་ཏུ་བསྟན་པར་བྱ། །ཞེས་པ་སྟེ། གོ་སླའོ། །གཉིས་པ་ལ། རྒྱུ་མེད་པས་འབྲས་བུ་ཡོད་པ་བསྐྱེད་པ་དང་རྒྱུ་མེད་པས་འབྲས་བུའང་མེད་པ་བསྐྱེད་པ་གཉིས། དང་པོ་ལ་བཞི་ལས། དང་པོ་སྔ་ན་མེད་པའི་བྱེད་རྒྱུ་ནི། །རིག་པ་རྣམས་ནི་མ་གོམས་དང་། །བློ་ལྡན་རྣམས་དང་མ་འགྲོགས་དང་། །དབང་པོ་རྣམས་ནི་མ་བསྡམས་པས། །མི་རྣམས་རབ་ཏུ་གདུང་བར་འགྱུར། །ཞེས་པ་སྟེ། ཤེས་བྱ་རིག་པའི་གནས་རྣམས་ལ་ནི་མ་གོམས་པ་དང་། བློ་ལྡན་མཁས་པ་རྣམས་དང་མ་འགྲོགས་པ་དང་། དབང་པོའི་སྒོ་རྣམས་ནི་མ་བསྡམས་པས་མི་རྣམས་རབ་ཏུ་གདུང་བར་འགྱུར་རོ་ཞེས་རྒྱུ་སྔ་ན་བྱས་པ་མེད་པས་འབྲས་བུ་སྡུག་བསྔལ་བསྐྱེད་པས་སྔ་ན་མེད་པའི་བྱེད་རྒྱུའོ། །གཉིས་པ་ཞིག་ནས་མེད་པའི་བྱེད་རྒྱུ་ནི། འདོད་པའི་གཏམ་གྱིས་མྱོས་པ་སོང་། །ལང་ཚོ་ཡི་ནི་རིམས་དག་ཉམས། །རྨོངས་པ་ཟད་ཅིང་སྲེད་པ་འཕོས། །བསོད་ནམས་གནས་ལ་ཡིད་དག་བྱས། །ཞེས་པ་སྟེ། སྔར་འདོད་པའི་གཏམ་གྱིས་ཀྱང་མྱོས་པ་ནི་སོང་སྟེ་ཞིག །ལང་ཚོ་རྒྱས་པའི་ཆགས་པའི་གདུང་བ་རིམས་ནད་དུ་གྱུར་པ་དག་ནི་ཉམས་ཤིང་ཞིག །འཁོར་བ་བདེན་འཛིན་གྱི་རྨོངས་པ་ཟད་ཅིང་། ཆགས་ཡུལ་ལ་སྲེད་པའང་འཕོས་ནས་ཞིག་པས་བསོད་ནམས་ཀྱི་གནས་ཆགས་བྲལ་དག་ལ་ཡིད་དག་བྱས་སོ་ཞེས་སྔར་ཡོད་ཞིག་པའི་རྒྱུས་འབྲས་བུ་ཆོས་བློ་བསྐྱེད་པས་ཞིག་ནས་མེད་པའི་བྱེད་རྒྱུའོ། །གསུམ་པ་ཕན་ཚུན་མེད་པའི་བྱེད་རྒྱུ་ནི། ནགས་ཚལ་འདི་དག་ཁྱིམ་མ་ཡིན། །ཆུ་ཀླུང་འདི་དག་བུད་མེད་མིན། །རི་དྭགས་འདི་དག་བུ་ཚ་མིན། །དེ་ཕྱིར་བདག་ནི་ཡིད་དགའོ། །ཞེས་པ་སྟེ། ནགས་ཚལ་མཛེས་པ་འདི་དག་ཁྱིམ་གྱི་གནས་མ་ཡིན་ལ། ཆུ་ཀླུང་འབབ་པ་འདི་དག་བུད་མེད་མིན་ཅིང་། རི་དྭགས་རྒྱུ་བ་འདི་དག་བུ་ཚ་མིན་ཏེ། རྒྱུ་མཚན་དེ་ཕྱིར་བདག་ནི་ཡིད་དགའོ་ཞེས་ནགས་དང་ཁྱིམ་སོགས་ཕན་ཚུན་ཡིན་པ་མེད་པའི་རྒྱུས་འབྲས་བུ་དགའ་བ་བསྐྱེད་པས་ཕན་

― MLP007_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུན་མེད་པའི་བྱེད་རྒྱུའོ། །བཞི་པ་སྤངས་ནས་མེད་པའི་བྱེད་རྒྱུ་ནི། ཤིན་ཏུ་མ་བརྟགས་སྤྱོད་པ་ནི། །འཕགས་པ་རྣམས་ལ་ཡོད་མ་ཡིན། །དེ་ཕྱིར་དེ་དག་རྣམས་ཀྱི་ནི། །ཕུན་ཚོགས་ཐམས་ཅད་རྟག་ཏུ་འཕེལ། །ཞེས་པ་སྟེ། ཤིན་ཏུ་མ་བརྟགས་པ་གྱ་ཚོམ་དུ་སྤྱོད་པ་ནི་འཕགས་པ་རྣམས་ལ་ཡོད་པ་མ་ཡིན་ཏེ། རྒྱུ་མཚན་དེ་ཕྱིར་དེ་དག་རྣམས་ཀྱི་ཕུན་སུམ་ཚོགས་པའི་དཔལ་ཐམས་ཅད་རྟག་ཏུ་འཕེལ་ལོ་ཞེས་མ་བརྟགས་སྤྱོད་པ་སྤངས་པའི་རྒྱུས་ཕུན་ཚོགས་འཕེལ་བ་སྟོན་པས་སྤངས་ནས་མེད་པའི་བྱེད་རྒྱུའོ། །གཉིས་པ་ནི། སྐྱེད་ཚལ་ས་ཧཱ་ཀཱ་ར་རྣམས། །སྙེ་མ་མ་འཁྲུངས་པ་མིན་ན། །མགྲོན་པོ་རྣམས་ཀྱི་བུད་མེད་ནི། །ཏིལ་བཅས་ཁྱོར་ཆུ་སྦྱིན་བྱར་འགྱུར། །ཞེས་པ་སྟེ། སྐྱེད་མོས་ཚལ་གྱི་ཤིང་ས་ཧཱ་ཀཱ་ར་རྣམས་སྙེ་མ་མ་འཁྲུངས་པ་མིན་ན་མགྲོན་པོ་རྣམས་ཀྱིས་བུད་མེད་ཆགས་པས་མྱོས་པ་རྣམས་ལ་ཏིལ་དང་བཅས་པའི་ཁྱོར་ཆུ་སྦྱིན་བྱར་འགྱུར་རོ་ཞེས་རྒྱུ་དགག་པ་དངོས་མེད་དེས་འབྲས་བུ་དངོས་མེད་དྲན་པ་ཉམས་པ་བསྐྱེད་པ་ལྟ་བུའོ། །གསུམ་པ་ནི། ཡོད་དང་མེད་པའི་རང་བཞིན་གྱི། །འབྲས་བུ་བསྐྱེད་པ་དག་ལ་འདིར། །སྔར་མེད་ལ་སོགས་རང་བཞིན་གྱིས། །དངོས་པོ་ཡི་ནི་རྒྱུ་ཉིད་དོ། །ཞེས་པ་སྟེ། ཡོད་པ་བསྒྲུབ་པ་དང་། མེད་པ་དགག་པའི་རང་བཞིན་གྱི་འབྲས་བུ་བསྐྱེད་པ་དག་ལ་སྐབས་འདིར་སྔར་མེད་ལ་སོགས་པའི་རང་བཞིན་གྱི་དངོས་པོའི་རྒྱུ་ཉིད་དོ། །གསུམ་པ་མཚར་བའི་རྒྱུ་ལ། དབྱེ་བ་དང་། དཔེར་བརྗོད་དོ། །དང་པོ་ནི། རིང་འབྲས་དེ་དང་ལྷན་ཅིག་སྐྱེས། །དེ་བཞིན་འབྲས་མ་ཐག་སྐྱེད་དང་། །རིགས་མིན་རིགས་པ་བྱེད་ཅེས་པ། །མཚར་བའི་རྒྱུ་རྣམས་གྲངས་མེད་དོ། །འདི་རྣམས་སྦྱོར་བའི་ལམ་རྣམས་ལ། །བཏགས་པའི་འཇུག་པ་ལ་བརྟེན་པ། །ཤིན་ཏུ་མཛེས་པ་དག་མཐོང་སྟེ། །དེ་ཡི་དཔེར་བརྗོད་ཇི་ལྟར་ན། །ཞེས་པ་སྟེ། ཚིགས་བཅད་སྔ་མ་གོ་སླ་ཞིང་། ཕྱི་མའི་དོན་རིང་འབྲས་ལ་སོགས་པ་མཚར་བའི་རྒྱུ་འདི་རྣམས་སྦྱོར་བའི་ལམ་སྙན་ངག་རྣམས་ལ་རྒྱུ་དངོས་མིན་ཡང་རྒྱུར་བཏགས་པའི་འཇུག་པ་ཤིན་ཏུ་མཛེས་པ་དག་མཐོང་སྟེ། དེའི་དཔེར་བརྗོད་ཀྱི་རིམ་པ་ཇི་ལྟར་ན་ཞེས་སོ། །གཉིས་པ་ལ་ལྔ་ལས། དང་པོ་རིང་འབྲས་ཀྱི་རྒྱུ་ནི། ལུས་ཅན་ཁྱོད་མིག་ཟུར་ཅེས་པ། །

― MLP007_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བྱེད་ལུས་མེད་དག་གི་མཚོན། །གང་དེ་གཞན་ལ་རབ་འཕངས་པ། །དེ་ཡིས་བདག་གི་ཡིད་ཀྱང་བཅོམ། །ཞེས་པ་སྟེ། ལུས་ཅན་མ་ཞེས་བོས་ནས། ཁྱོད་ཀྱི་མིག་ཟུར་ཅེས་པ་འགྲོ་བ་ཀུན་ལས་རྒྱལ་བྱེད་ལུས་མེད་འདོད་ལྷ་དག་གི་མཚོན་ཆར་གྱུར་པ་གང་དེ་གཞན་ལ་རབ་ཏུ་འཕངས་པ་དེ་ཡིས་རིང་ན་གནས་པ་བདག་གི་ཡིད་ཀྱང་བཅོམ་མོ་ཞེས་མིག་ཟུར་འཕངས་པའི་རྒྱུས་འབྲས་བུ་དམིགས་ཡུལ་མྱོས་པར་མ་ཟད་རིང་ན་གནས་པ་དག་ཀྱང་མྱོས་པར་བསྟན་པ་ལྟ་བུའོ། །གཉིས་པ་རྒྱུ་འབྲས་ལྷན་ཅིག་པ་ནི། སྐྱེས་བུ་ལུས་སྐྱེས་ཀྱིས་མྱོས་པའི། །རྣམ་འཕྲུལ་སྣ་ཚོགས་ལྷན་ཅིག་ཉིད། །བུད་མེད་རྣམས་ལ་བུ་མོ་ནི། །ཡོངས་སུ་ནུབ་པའི་ན་ཚོད་སྐྱེས། །ཞེས་པ་སྟེ། སྐྱེས་བུ་འགའ་ཞིག་ལུས་སྐྱེས་ཀྱིས་མྱོས་པའི་རྣམ་འཕྲུལ་སྣ་ཚོགས་གསལ་བ་དང་ལྷན་ཅིག་ཉིད་དུ་བུད་མེད་རྣམས་ལ་བུ་མོ་གཞོན་ནུའི་གནས་སྐབས་ཡོངས་སུ་ནུབ་པའི་ན་ཚོད་དར་བ་སྐྱེས་སོ་ཞེས་རྒྱུ་ལང་ཚོ་དར་བ་དང་འབྲས་བུ་ཆགས་པའི་རྣམ་འགྱུར་གསལ་བ་ལྷན་ཅིག་པར་བསྟན་པ་ལྟ་བུའོ། །གསུམ་པ་འབྲས་བུ་སྔ་བའི་རྒྱུ་ནི། སྔར་ཉིད་རི་དྭགས་མིག་ཅན་གྱིས། །ཆགས་པའི་རྒྱ་མཚོ་རྒྱས་པར་གྱུར། །ཕྱིས་ནས་འོད་ཟེར་རབ་འཕྲོ་བའི། །ཟླ་བ་ཡི་ནི་དཀྱིལ་འཁོར་ཤར། །ཞེས་པ་སྟེ། སྔར་ཉིད་རི་དྭགས་མིག་ཅན་གཞོན་ནུ་མ་རྣམས་ཀྱི་ཆགས་པའི་རྒྱ་མཚོ་རྒྱས་པར་གྱུར་ལ། ཕྱིས་ནས་ཤིན་ཏུ་བསིལ་བའི་འོད་ཟེར་རབ་ཏུ་འཕྲོ་བའི་ཟླ་བའི་དཀྱིལ་འཁོར་ཤར་བར་གྱུར་ཏོ་ཞེས་རྒྱུ་ཟླ་བ་ཤར་བ་ལས་འབྲས་བུ་ཆགས་པ་འཕེལ་བ་སྔ་བར་བསྟན་པ་ལྟ་བུའོ། །བཞི་པ་རིགས་མིན་གྱི་རྒྱུ་ནི། ལྷ་གཅིག་ཁྱོད་ཀྱི་ཞབས་གཉིས་པོ། །དམར་བའི་ཉི་གཞོན་ལ་རེག་པས། །རྒྱལ་པོ་རྣམས་ཀྱི་ལག་པ་ཡི། །པདྨ་ཟུམ་པར་བྱེད་པ་ཅི། །ཞེས་པ་སྟེ། ལྷ་གཅིག་རྒྱལ་པོ་ཁྱོད་ཀྱི་ཞབས་གཉིས་པོ་དམར་བའི་ཉི་གཞོན་འདི་ལྟ་བུ་ལ་རེག་པས་ས་སྐྱོང་བའི་རྒྱལ་པོ་གཞན་རྣམས་ཀྱིས་ཕྱག་འཚལ་བའི་ལག་པའི་པདྨ་ཟུམ་པར་བྱེད་པ་ཅི་ཞིག་ཡིན་ཞེས་རྒྱལ་པོའི་ཞབས་དང་ས་སྐྱོང་གཞན་གྱི་ལག་པ་ཉི་མ་དང་པདྨར་བཀོད་ཅིང་། ཉི་མས་པདྨ་ཟུམ་པ་མི་རིགས་པ་ལྟ་བུའོ། །ལྔ་པ་རིགས་པའི་རྒྱུ་ནི། ཁྱོད་ཀྱི་ཞབས་སེན་ཟླ་བ་ཡིས། །འོད་ཟེར་ཀུནྡ་དྲི་མེད་

― MLP007_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །ས་སྐྱོང་རྣམས་ཀྱི་ལག་པ་ཡི། །པདྨ་ཟུམ་པར་བྱེད་ལ་དབང་། །ཞེས་པ་སྟེ། རྒྱལ་པོ་ཁྱོད་ཀྱི་ཞབས་སེན་ཟླ་བའི་དཀྱིལ་འཁོར་འདི་ཡིས་འོད་ཟེར་ཀུནྡ་དྲི་མ་མེད་པའི་མདངས་འཕྲོ་བ་རྣམས་ནི། ས་སྐྱོང་རྣམས་ཀྱི་ལག་པའི་པདྨ་ཟུམ་པར་བྱེད་པ་ལ་དབང་ངོ་ཞེས་རྒྱལ་པོའི་ཞབས་སེན་ཟླ་འོད་དང་རྒྱལ་ཕྲན་རྣམས་ཀྱི་ལག་པ་པདྨར་བཀོད་ཅིང་། ཟླ་བས་པདྨ་ཟུམ་པ་རིགས་པ་ལྟ་བུའོ། །གསུམ་པ་དོན་བསྡུ་བ་ནི། ཞེས་པ་རྒྱུ་ཡི་རྣམ་རྟོག་རྣམས། །ལུགས་ནི་འདི་འདྲ་དག་ཏུ་བསྟན། །ཞེས་པ་སྟེ། ཚུལ་དེ་ལྟར་རྒྱུའི་རྒྱན་གྱི་རྣམ་པར་རྟོག་པ་རྣམས་ཀྱི་ལུགས་ནི་དངོས་པོའི་རྒྱུ་ལ་སོགས་པ་རྣམ་པ་གསུམ་པོ་འདི་འདྲ་བ་དག་ཏུ་བསྟན་ཏོ། །བཅུ་བཞི་པ་ཕྲ་མོའི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། ཟུར་དང་རྣམ་པས་མཚོན་པའི་དོན། །ཕྲ་ཕྱིར་ཕྲ་མོ་ཞེས་པར་བརྗོད། །ཅེས་པ་སྟེ། བློ་སྔོན་དུ་བཏང་ནས་ལུས་ཀྱིས་བརྡ་སྟོན་པ་ལྟ་བུ་ཟུར་དང་། བློ་སྔོན་དུ་མ་བཏང་ཡང་ཕྱི་རོལ་གྱི་རྣམ་པས་ནང་མཚོན་པའི་དོན་སྟོན་པ་སྟེ། དེ་དག་ཕྲ་ཞིང་རྟོགས་དཀའ་བའི་ཕྱིར་ཕྲ་མོའི་རྒྱན་ཞེས་བྱ་བར་བརྗོད་དོ། །གཉིས་པ་ལ་གཉིས་ལས། དང་པོ་ཟུར་གྱི་ཕྲ་མོ་ལ། དཔེར་བརྗོད་ནི། ནམ་ཞིག་ཡུ་ཅག་འགྲོག་འགྱུར་ཞེས། །ཚོགས་སུ་བརྗོད་པར་མ་བཟོད་པའི། །མཛའ་བོ་རིག་ནས་བུད་མེད་ཀྱིས། །བརྩེ་དགའི་པདྨ་ཟུམ་པར་བྱས། །ཞེས་པ་སྟེ། ནམ་ཞིག་གི་ཚེ་ཡུ་བུ་ཅག་གཉིས་ལྷན་ཅིག་འགྲོག་པར་འགྱུར་ཞེས་མང་པོའི་ཚོགས་སུ་བརྗོད་པར་མ་བཟོད་པའི་མཛའ་བོའི་བསམ་པ་བུད་མེད་ཀྱིས་རིག་ནས་བརྩེ་དགའི་རྒྱན་གྱི་པདྨ་ལག་སོར་གྱིས་ཟུམ་པར་བྱས་སོ། །དོན་བཤད་ནི། ལུས་སྐྱེས་དག་གིས་གཟིར་བ་ཡི། །མཛའ་བོ་དབུགས་དབྱུང་འདོད་པ་ཡིས། །པདྨ་ཟུམ་པར་བྱས་པ་ལས། །འདིར་ནི་མཚན་མོ་འགྲོག་པར་བསྟན། །ཞེས་པ་སྟེ། ལུས་སྐྱེས་དག་གིས་གཟིར་བར་གྱུར་པའི་མཛའ་བོ་ལ་དབུགས་དབྱུང་བར་འདོད་པའི་བསམ་པས་རྒྱན་གྱི་པདྨ་ཟུམ་པར་བྱས་པའི་བརྡ་ལས། འདིར་ནི་པདྨ་ཟུམ་པའི་དུས་མཚན་མོ་འགྲོག་པར་ཟུར་གྱིས་བསྟན་ནོ། །གཉིས་པ་རྣམ་པའི་ཕྲ་མོ་ལ། དཔེར་བརྗོད་ནི། གླུ་ཡི་མདུན་སར་ཁྱོད་ལ་མིག །གཏད་པ་དེ་གདོང་ཆུ་སྐྱེས་ལ། །དམར་ཞིང་གསལ་

― MLP007_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

བ་རྒྱས་པ་ཡི། །མཛེས་པ་ཅི་ཡང་བྱུང་བར་གྱུར། །ཞེས་པ་སྟེ། སྐྱེ་བོ་མང་པོ་གླུ་གར་བྱེད་པའི་མདུན་སར་མཛེས་མ་ཁྱོད་ལ་མིག་གཏད་པའི་སྐྱེས་བུ་དེའི་གདོང་པའི་ཆུ་སྐྱེས་ལ་དམར་ཞིང་མདངས་གསལ་བ་དང་། སྤུ་ལོང་རྒྱས་པའི་མཛེས་པ་ཅི་ཡང་བྱུང་བར་གྱུར་ཏོ། །དོན་བཤད་ནི། འདིར་ཡང་རང་བཞིན་མ་བརྗོད་པར། །དགའ་བའི་དགའ་སྟོན་འདོད་པ་དག །ངེས་པར་གནས་པ་ཉིད་གྱུར་པ། །ཕྲ་མོ་ཉིད་ལས་བརྒལ་མ་ཡིན། །ཞེས་པ་སྟེ། འདིར་ཡང་འདོད་པའི་དོན་གྱི་རང་བཞིན་དངོས་སུ་མ་བརྗོད་པར། དགའ་བའི་དགའ་སྟོན་འདོད་པའི་སྐྱེས་བུ་དག་རྣམ་པ་དེ་ཁོ་ནས་ངེས་པར་གནས་པ་ཉིད་དུ་གྱུར་པ་ཕྲ་མོ་ཉིད་ལས་བརྒལ་བ་མ་ཡིན་ནོ། །བཅོ་ལྔ་པ་ཆའི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། ཆ་ནི་ཆ་ཡི་དངོས་པོ་ཡི། །རང་བཞིན་ངེས་པར་གསལ་བ་བསྒྲིབ། །དཔེར་བརྗོད་ཉིད་ཀྱིས་འདི་ཡི་ནི། །རང་བཞིན་ངེས་པར་གསལ་བར་བྱ། །ཞེས་པ་སྟེ། ཆའི་རྒྱན་ནི་སྙད་ཀ་བྱ་བའི་ཡུལ་གྱི་ཆའི་དངོས་པོའི་རང་བཞིན་མི་མཛེས་པ་ངེས་པར་གསལ་བ་ཟོལ་གྱིས་སྒྲིབ་ཅིང་སྦེད་པ་སྟེ། དཔེར་བརྗོད་ཉིད་ཀྱིས་འདིའི་རང་བཞིན་ངེས་པར་གསལ་བར་བྱ་ཞེས་པའོ། །གཉིས་པ་ལ། ཟོལ་གྱིས་སྦེད་པའི་ཆ་དང་། ཟོལ་གྱིས་སྨད་པ་དང་བསྟོད་པའི་ཆ་གཉིས་ལས་དང་པོ་ལའང་གཉིས་ལས། དང་པོ་ལའང་གཉིས་ལས། དང་པོ་འོས་པའི་ཆ་ནི། རྒྱལ་པོའི་བུ་མོ་ལ་ཆགས་བདག །སྤུ་ལོང་རྒྱས་པ་སྲུང་བ་པོས། །རིག་པར་གྱུར་ལ་ཀྱེ་མ་ཚལ། །བསིལ་བའི་རླུང་ལྡན་ཡིན་པར་ཤེས། །ཞེས་པ་སྟེ། རྒྱལ་པོའི་བུ་མོ་མཚར་སྡུག་ཅན་ལ་ཆགས་པ་བདག་གི་ལུས་ལ་ཆགས་པའི་སྤུ་ལོང་རྒྱས་པ་དེ་བུ་མོ་སྲུང་བ་པོ་རྣམས་ཀྱིས་རིག་པ་གྱུར་པ་ལ་ཀྱེ་མ་ཚལ་འདི་ནི་བསིལ་བའི་རླུང་དང་ལྡན་པ་ཡིན་པར་ཤེས་སོ་ཞེས་གྲང་བའི་སྤུ་ལོང་གི་ཟོལ་གྱིས་བསྒྲིབས་ཤིང་གཉིས་ཀས་སྤུ་ལོང་བསྐྱེད་པ་འོས་པ་ལྟ་བུའོ། །གཉིས་པ་མི་འོས་པའི་ཆ་ལ། དངོས་དང་། གཉིས་ཀའི་དོན་བསྡུ་བའོ། །དང་པོ་ནི། ཅི་ལྟར་བུ་མོ་མཐོང་ཉིད་ན། །བདག་ལ་དགའ་བའི་མཆི་མ་བྱུང་། །རླུང་གིས་གཙུབས་པའི་མེ་ཏོག་གི། རྡུལ་གྱིས་

― MLP007_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་མིག་སུན་ཕྱུང་ངོ་། །ཞེས་པ་སྟེ། ཅི་ལྟར་བུ་མོ་མཚར་སྡུག་ཅན་མཐོང་བ་ཉིད་ན་བདག་ལ་དགའ་བ་རྒྱས་པའི་དབང་གིས་མཆི་མ་བྱུང་བ་ལ་རླུང་གིས་གཙུབས་ཤིང་སྐྱོད་པའི་མེ་ཏོག་གི་རྡུལ་གྱིས་བདག་གི་མིག་ལ་སུན་ཕྱུང་ངོ་ཞེས་དགའ་བས་མཆི་མ་བྱུང་བ་མི་འོས་པ་ལྟ་བུའོ། །གཉིས་པ་ནི། ཞེས་པ་ལ་སོགས་སྐབས་སུ་ནི། །རྒྱན་འདི་ཤིན་ཏུ་མཛེས་པ་ཡིན། །ཞེས་པ་སྟེ། གོང་དུ་བཀོད་པ་དེ་ལྟ་བུ་ལ་སོགས་པ་སྐྱོན་གྱི་ཆ་ཤས་དག་སྒྲིབ་པའི་སྐབས་སུ་རྒྱན་འདི་ནི་ཤིན་ཏུ་མཛེས་པ་ཡིན་ནོ། །གཉིས་པ་ལ་བསྟན་བཤད་གཉིས་ལས། དང་པོ་ནི། ཁ་ཅིག་ཆ་ལ་སྨད་པའམ། །བསྟོད་པར་བྱས་ལ་ཆ་ཞེས་བརྗོད། །ཅེས་པ་སྟེ། གོ་སླའོ། །གཉིས་པ་ལ། དང་པོ་སྨད་པའི་ཆ་ལ། དཔེར་བརྗོད་ནི། གང་ཡིད་གཡུལ་གྱི་དགའ་སྟོན་ལ། །འདོད་པའི་དགའ་སྟོན་པས་ཀྱང་ཆགས། །གཟི་ལྡན་ལང་ཚོ་ཡོན་ཏན་ཅན། །རྒྱལ་འདི་ཁྱོད་ཀྱི་བདག་པོར་འོས། །ཞེས་པ་སྟེ། སྐྱེས་བུ་གང་གི་ཡིད་གཡུལ་གྱི་དགའ་སྟོན་འཐབ་རྩོད་ཀྱི་བྱ་བ་ལ་ཆགས་ལྡན་འདོད་པའི་དགའ་སྟོན་སེམས་པ་ལས་ཀྱང་ཆགས་ལ། གཟི་བྱིན་དང་ལྡན་ཞིང་ལང་ཚོ་ལ་བབ་པའི་ཡོན་ཏན་ཅན་གྱི་རྒྱལ་པོ་འདི་ནི་གཞོན་ནུ་མ་ཁྱོད་ཀྱི་བདག་པོར་འོས་སོ། །དོན་བཤད་ནི། བརྩོན་འགྲུས་ཁྱད་འཕགས་བསྟོད་པ་འདིར། །སྨད་པ་ཉིད་དེ་ལོངས་སྤྱོད་ལ། །རྒྱུན་དུ་སྤྱོད་འདོད་བུ་མོ་ཡི། །བསམ་པ་དག་ནི་བཟློག་པར་ནུས། །ཞེས་པ་སྟེ། གཡུལ་གྱི་དགའ་སྟོན་ལ་བརྩོན་འགྲུས་ཁྱད་འཕགས་ལྡན་པར་བསྟོད་པའི་ཚུལ་འདི་སྐབས་འདིར་སྨད་པ་ཉིད་དེ། རྒྱུ་མཚན་འདོད་པའི་ལོངས་སྤྱོད་ལ་རྒྱུན་དུ་སྤྱོད་པར་འདོད་པའི་བུ་མོའི་བསམ་པ་དག་ནི་བཟློག་པར་ནུས་པས་སོ། །གཉིས་པ་བསྟོད་པའི་ཆ་ལ། དཔེར་བརྗོད་ནི། གནོད་པ་རབ་གཞིལ་ཉིད་ཀྱི་ཕྱིར། །གང་གི་སྙན་པར་སྨྲ་བ་བསླབ། །སྐྱེ་བོ་འདི་ནི་བརྩེ་མེད་གཡོ། །གྲོགས་པོ་དེ་ཡིས་བདག་ལ་ཅི། །ཞེས་པ་སྟེ། རང་ལ་གནོད་པ་རབ་ཏུ་གཞིལ་བ་ཉིད་ཀྱི་ཕྱིར། གང་གིས་ངག་སྙན་པར་སྨྲ་བ་དག་བསླབ་ཀྱི་གཞན་དུ་སྐྱེ་བོ་འདི་ནི་བརྩེ་བ་མེད་པར་མ་ཟད་གཡོ་རྒྱུའི་རང་བཞིན་ཅན་ཏེ། དེ་ལྟ་བུའི་གྲོགས་མོ་དེ་ཡིས་བདག་ལ་ཅི་ཞིག་བྱ་ཞེས་སོ། །དོན་བཤད་ནི། སྐྱེ་བོ་གྲོགས་མོས་རབ་བསྟན་ཁེངས། །ཆགས་ཕྱིར་

― MLP007_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པར་མ་ནུས་ནས། །སྐྱོན་ལྟར་སྣང་བས་ཡོན་ཏན་གང་། །སྙན་པར་སྨྲ་བ་ཉིད་ཀྱང་བསྟན། །ཞེས་པ་སྟེ། སྐྱེ་བོ་འདི་མགུ་བར་མ་བྱེད་ཅེས་གྲོགས་མོས་རབ་ཏུ་བསྟན་པའི་ཁེངས་པ་ལྟ་བུ་རང་ལ་ཆགས་པའི་ཕྱིར་བྱེད་པར་མ་ནུས་ནས། སྐྱོན་བརྗོད་པ་ལྟར་སྣང་བའི་ཚུལ་གྱིས་ཡོན་ཏན་གང་དང་སྙན་པར་སྨྲ་བ་ཉིད་ཀྱིས་ཀྱང་བསྟན་ཏོ། །བཅུ་དྲུག་པ། རིམ་པ་ཅན་གྱི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། དངོས་པོ་རབ་ཏུ་བསྟན་པ་རྣམས། །རིམ་པ་བཞིན་དུ་རྗེས་སྟོན་པ། །གྲངས་དང་རིམ་པ་བཞིན་ཞེས་པ། །གྲངས་བཞིན་ཞེས་པར་རབ་ཏུ་བརྗོད། །ཅེས་པ་སྟེ། བརྗོད་བྱའི་དོན་གྱི་དངོས་པོ་རབ་ཏུ་བསྟན་པ་རྣམས་རིམ་པ་བཞིན་དུ་དེ་དང་འབྲེལ་བའི་དོན་རྣམས་རྗེས་སུ་སྟོན་པའི་ཚུལ་གྲངས་དང་རིམ་པ་མ་ནོར་བར་བཀོད་པ་བཞིན་ཞེས་པ་གྲངས་བཞིན་ནམ་རིམ་པ་ཅན་གྱི་རྒྱན་ཞེས་པར་རབ་ཏུ་བརྗོད་དོ། །གཉིས་པ་ནི། ཁྲུས་ལ་ཆུར་ནི་རབ་བཞུགས་མ། །ཁྱོད་ཀྱི་འཛུམ་མིག་གདོང་མཛེས་ནི། །ཀུ་མུད་ཨུཏྤལ་པདྨ་ཡིས། །བརྐུས་པར་ངེས་སོ་གཟུགས་ཅན་མ། །ཞེས་པ་སྟེ། གཟུགས་ཅན་མ་ཞེས་བོས་ནས་ཁྲུས་ཀྱི་བྱ་བ་ལ་ཆུར་རབ་ཏུ་ཞུགས་མ་ཁྱོད་ཀྱི་འཛུམ་དཀར་དང་། མིག་དང་། གདོང་མཛེས་གསུམ་ནི། ཀུ་མུད་དང་། ཨུཏྤལ་དང་། པདྨ་གསུམ་གྱིས་བརྐུས་པར་ངེས་སོ། །བཅུ་བདུན་པ་དགའ་བའི་རྒྱན་ལ་གཉིས། རྒྱན་ཕྱི་མ་གཉིས་དང་མཚན་ཉིད་ལྷན་ཅིག་ཏུ་བཤད་པ་དང་། དཔེར་བརྗོད་པའོ། །དང་པོ་ནི། དགའ་བ་མཆོག་ཏུ་དགའ་བར་བརྗོད། །ཉམས་ལྡན་ཡིད་འོང་ཉམས་དང་ལྡན། །གཟི་བརྗིད་ང་རྒྱལ་སྐྱེས་པ་སྟེ། །དེ་གསུམ་ཁྱད་འཕགས་དག་དང་ལྡན། །ཞེས་པ་སྟེ། དགའ་བ་ནི་མཆོག་ཏུ་དགའ་བར་གྱུར་པའི་ཚིག་བརྗོད་པ་དང་། ཉམས་ལྡན་ཡིད་དུ་འོང་བ་སྒེག་སོགས་ཀྱི་ཉམས་དང་ལྡན་པའི་ཚིག་བརྗོད་པ་དང་། གཟི་བརྗིད་ཅན་ནང་དུ་ང་རྒྱལ་སྐྱེས་པའི་ཚིག་བརྗོད་པ་སྟེ། རྒྱན་དེ་གསུམ་ནི་ཁྱད་པར་འཕགས་པ་དག་དང་ལྡན་པར་བརྗོད་དོ། །གཉིས་ལ་གཉིས་ལས། དང་པོ་དངོས་ཐོབ་ཀྱི་དགའ་བ་ལ། དཔེར་བརྗོད་ནི། གོ་བིནྡ་ཁྱོད་ཁྱིམ་འོངས་པ། །དེང་བདག་དགའ་བ་སྐྱེས་

― MLP007_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གང་། །དགའ་བ་འདི་ནི་སླར་ཡང་ཁྱོད། །དུས་ཀྱིས་འོངས་ན་འབྱུང་བར་འགྱུར། །ཞེས་པ་སྟེ། གོ་བིནྡ་སྟེ་ཁྱབ་འཇུག་ཁྱོད་ཁྱིམ་འདིར་འོངས་པ་ལ་བརྟེན་ནས་དེང་གི་དུས་བདག་ལ་དགའ་བ་སྐྱེས་པ་གང་ཡིན་པའི་དགའ་བ་འདི་འདྲ་བ་ནི་སླར་ཡང་ཁྱོད་དགེ་བའི་དུས་ཀྱིས་འོངས་ན་འབྱུང་བར་འགྱུར་རོ། །དོན་བཤད་ནི། དེ་འདྲའི་དགའ་བ་བི་དུ་རས། །གཞན་ལས་མིན་ཞེས་རིགས་པར་སྨྲས། །དེ་ལ་གུས་པ་ཙམ་གྱིས་ནི། །རབ་བསྟེན་འཕྲོག་བྱེད་ཤིན་ཏུ་དགེས། །ཞེས་པ་སྟེ། དེ་འདྲའི་དགའ་བ་ཁྱད་པར་དུ་གྱུར་པ་རྨད་དུ་བྱུང་བ་འདི་ནི་གཞན་ལས་བྱུང་བ་མིན་ཞེས་རྒྱལ་པོ་བི་དུ་ར་ཞེས་པས་རིགས་པར་སྨྲས་ཤིང་། དེ་ལྟར་ན་ཁྱབ་འཇུག་དེ་ལ་གུས་པ་ཙམ་གྱིས་རབ་བསྟེན་འཕྲོག་བྱེད་ཁྱབ་འཇུག་དེ་ཉིད་ཤིན་ཏུ་དགེས་སོ། །གཉིས་པ་གཟུགས་བརྙན་གྱི་དགའ་བ་ལ། དཔེར་བརྗོད་ནི། ཟླ་བ་ཉི་མ་རླུང་ས་མཁའ། །སྦྱིན་བསྲེག་བྱེད་དང་མེ་དང་ཆུ། །ཞེས་པའི་གཟུགས་རྣམས་རབ་འདས་ནས། །ལྷ་ཁྱོད་ལྟ་བར་ངེད་ཀྱིས་ཅི། །ཞེས་པ་སྟེ། ཟླ་བ་དང་། ཉི་མ་དང་། རླུང་དང་། ས་དང་། མཁའ་དང་། སྦྱིན་སྲེག་བྱེད་པ་དང་། མེ་དང་། ཆུ་ཞེས་པའི་གཟུགས་བརྒྱད་པོ་རྣམས་ལས་རབ་ཏུ་འདས་ནས། ལྷ་དབང་ཕྱུག་ཁྱོད་མངོན་སུམ་དུ་ལྟ་བར་ངེད་ཕལ་པ་རྣམས་ཀྱིས་ཅི་ཞེས་སོ། །དོན་བཤད་ནི། མངོན་སུམ་བྱས་པའི་ལྷ་ལ་ནི། །རྒྱལ་པོ་དགའ་བའི་གོ་ཆ་ཡིས། །དགའ་བ་རབ་ཏུ་གསལ་བྱས་གང་། །དེ་ཡང་དགའ་བར་རྗེས་རྟོགས་བྱ། །ཞེས་པ་སྟེ། སྤྲུལ་པའི་གཟུགས་བརྒྱད་མངོན་སུམ་དུ་བྱས་པའི་ལྷ་དབང་ཕྱུག་དེ་ལ་རྒྱལ་པོ་དགའ་བའི་གོ་ཆ་ཞེས་བྱ་བས་དགའ་བ་རབ་ཏུ་གསལ་བར་བྱས་པ་གང་དེ་ཡང་དགའ་བ་ཕུལ་དུ་བྱུང་བ་སྟོན་པར་རྗེས་སུ་རྟོགས་པར་བྱའོ། །བཅོ་བརྒྱད་པ་ཉམས་ལྡན་གྱི་རྒྱན་ལ་གཉིས། དངོས་དང་། དོགས་པ་གཅོད་པའོ། །དང་པོ་ལ་བརྒྱད་ལས། དང་པོ་སྒེག་པའི་ཉམས་ལ། དཔེར་བརྗོད་ནི། ཤི་བ་ཞེས་པ་ཕ་རོལ་དུ། །གང་དང་འགྲོག་ཕྱིར་བདག་འཆི་འདོད། །ཨ་བནྟེ་དེ་བདག་གིས་ནི། །སྐྱེ་འདི་ཉིད་ལ་ཅི་ལྟར་ཐོབ། །ཅེས་པ་སྟེ། རྒྱལ་པོ་ཨུ་ད་ཡ་ན་ཞེས་པའི་བཙུན་མོ་ཨ་བནྟེ་བྱ་བ་བློན་པོ་

― MLP007_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱིས་ལྐོག་ཏུ་སྦས་ནས་ཤིའོ་ཞེས་བརྗོད་པའི་ཚེ། རྒྱལ་པོ་སྡུག་བསྔལ་གྱིས་གཟིར་ཏེ། ཤི་བ་ཞེས་པ་འཇིག་རྟེན་ཕ་རོལ་དུ་སོང་བ་ཡིན་པས། གང་དང་འགྲོག་པའི་ཕྱིར་དུ་བདག་ཀྱང་འཆི་བར་འདོད་དོ་ཞེས་སྨྲ་བ་ན། བློན་པོ་རྣམས་ཀྱིས་སྙན་སྦྲན་ཏེ་བཙུན་མོ་བཏད་པས་ཨ་ཝནྟེ་ཤི་ཟིན་པ་དེ་འདྲ་བདག་གིས་སྐྱེ་བ་འདི་ཉིད་ལ་ཅི་ལྟར་ཐོབ་ཅེས་པའོ། །དོན་བཤད་ནི། དགའ་བ་ཉིད་ནི་སྔར་བསྟན་ཏེ། །དགའ་བ་སྒེག་པ་ཉིད་འགྱུར་འདིས། །གཟུགས་མང་དག་དང་ལྡན་པས་ན། །འདི་ནི་ཉམས་དང་ལྡན་པའི་ཚིག །ཅེས་པ་སྟེ། དགའ་བའི་རྒྱན་ཉིད་ནི་སྔར་བསྟན་ཟིན་ཏེ། དགའ་བ་སྒེག་པའི་ཉམས་ལྡན་ཉིད་དུ་འགྱུར་བའི་མཚན་ཉིད་ཅན་བརྗོད་མ་ཐག་པ་འདི་ནི། རྣམ་པར་འགྱུར་བའི་གཟུགས་མང་པོ་དག་དང་ལྡན་པས་ན་འདི་ནི་སྒེག་པའི་ཉམས་དང་ལྡན་པའི་ཚིག་གོ །གཉིས་པ་དྲག་ཤུལ་གྱི་ཉམས་ལ། དཔེར་བརྗོད་ནི། གང་གིས་ནག་མོ་བདག་མདུན་ནས། །སྐྲ་ནས་བཟུང་སྟེ་དྲངས་གྱུར་པ། །བསྟན་དཀའ་སྡིག་ཅན་ཐོབ་པ་འདི། །སྐད་ཅིག་འཚོ་བར་འགྱུར་རམ་ཅི། །ཞེས་པ་སྟེ། བསྟན་དཀའ་གང་གིས་འཇིགས་སྡེའི་ཆུང་མ་ནག་མོ་བདག་མདུན་ནས་སྐྲ་ནས་བཟུང་སྟེ་དྲངས་པར་གྱུར་པ་ན་འཇིགས་སྡེ་ཁྲོས་ཏེ། བསྟན་དཀའ་ཞེས་པའི་སྡིག་པ་ཅན་འཇིགས་སྡེ་བདག་གི་ལག་ཏུ་ཐོབ་པ་འདི་ད་སྐད་ཅིག་ཙམ་འཚོ་བར་འགྱུར་རམ་ཅི་སྟེ་ད་ལྟ་ཉིད་དུ་གསད་པར་བྱའོ། །དོན་བཤད་ནི། ཞེས་པ་འཇིགས་སྡེ་དགྲ་དག་ལ། །ལྟ་བའི་ཁྲོ་བ་མཆོག་གི་མཐར། །འཛེགས་པ་དྲག་པོའི་བདག་ཉིད་འགྱུར། །འདི་ནི་རོ་དང་ལྡན་པའི་ཚིག །ཅེས་པ་སྟེ། དེ་ལྟར་སྐྱ་སེང་བུ་ལྔའི་ནང་ཚན་འཇིགས་སྡེ་དེ་དགྲ་བོ་བསྟན་དཀའི་:ཐུམ་༼གཏུམ༽སྤྱོད་དག་ལ་ལྟ་བའི་ཁྲོ་བ་མཆོག་གི་མཐར་འཛེགས་པ་དྲག་པོའི་ཉམས་དང་ལྡན་པའི་བདག་ཉིད་ཅན་དུ་འགྱུར་བ་འདི་ནི་སྙན་ངག་གི་རོ་ཉམས་དང་ལྡན་པའི་ཚིག་ཡིན་ནོ། །གསུམ་པ་དཔའ་བའི་ཉམས་ལ། དཔེར་བརྗོད་ནི། མཚོར་བཅས་ས་ལས་མ་རྒྱལ་ཞིང་། །རྣམ་མང་མཆོད་སྦྱིན་མ་བྱས་ལ། །སློང་ལ་ནོར་རྣམས་མ་སྦྱིན་པར། །ས་སྐྱོང་དུ་བདག་ཇི་ལྟར་འགྱུར། །ཞེས་པ་སྟེ། རྒྱ་མཚོར་བཅས་པའི་ས་ཞི་ལས་དཔུང་གིས་མ་རྒྱལ་ཞིང་། རྒྱལ་པོའི་སྒྲུབ་བྱེད་རྣམ་པ་མང་པོའི་མཆོད་

― MLP007_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་མ་བྱས་ལ། སློང་བ་རྣམས་ལ་ནོར་རྣམས་མ་སྦྱིན་པར་ས་སྐྱོང་དུ་བདག་ཇི་ལྟར་འགྱུར་ཏེ་འདི་ནི་རྨི་ལམ་མ་ཡིན་ནམ་ཞེས་པའོ། །དོན་བཤད་ནི། ཞེས་པ་སྤྲོ་བ་ཁྱད་འཕགས་དག །དཔའ་བའི་ཉམས་ཀྱི་བདག་ཉིད་གནས། །ཉམས་ལྡན་ཉིད་དུ་ནུས་པ་ལ། །ཚིག་འདི་དག་ནི་དབང་བ་ཡིན། །ཞེས་པ་སྟེ། སྤྲོ་བ་འཕེལ་བར་ཁྱད་པར་འཕགས་པའི་ཚུལ་དག་བརྗོད་པ་འདི་ནི་དཔའ་བའི་ཉམས་ཀྱི་བདག་ཉིད་ཅན་ཉིད་དུ་གནས་ཏེ། དེ་ལྟར་ཉམས་དང་ལྡན་པ་ཉིད་དུ་རྟོགས་ནུས་པ་ལ་ཚིག་འདི་དག་ནི་དབང་བ་ཡིན་ནོ། །བཞི་པ་སྙིང་རྗེའི་ཉམས་ལ། དཔེར་བརྗོད་ནི། ལུས་འཇམ་གང་ལ་པདྨ་ཡི། །མལ་སྟན་དག་ཀྱང་རྩུབ་བྱེད་མ། །ལྷ་མོ་དེ་ནི་རོ་ཁང་དག །སྲེག་ཟ་ལྡན་པར་ཇི་ལྟར་ཉལ། །ཞེས་པ་སྟེ། ལུས་ཤིན་ཏུ་འཇམ་པ་གང་ལ་པདྨའི་མལ་སྟན་དག་ཀྱང་རྩུབ་པར་བྱེད་པའི་མཛེས་མ་མིའི་ལྷ་མོ་དེ་ནི་རོ་ཁང་དག་སྲེག་ཟ་མེའི་ཕུང་པོ་འབར་བ་དང་ལྡན་པར་ཇི་ལྟར་ཉལ་བར་བྱེད་ཅེས་སོ། །དོན་བཤད་ནི། ཞེས་པ་སྙིང་རྗེ་རྒྱས་པ་ཡི། །རྒྱན་ཉིད་དུ་ནི་རབ་ཏུ་བཤད། །ཅེས་པ་སྟེ། དེ་ལྟར་བདག་པོ་ཤི་བའི་རོ་ཁང་དུ་བཙུན་མོ་གསོན་པོར་བསྲེགས་པ་ལ་སྙིང་རྗེ་རྒྱས་པའི་ཚིག་བརྗོད་པའི་ཚུལ་འདི་ལྟ་བུ་ནི་སྙིང་རྗེའི་ཉམས་དང་ལྡན་པའི་རྒྱན་ཉིད་དུ་རབ་ཏུ་བཤད་དོ། །ལྔ་པ་མི་སྡུག་པའི་ཉམས་ལ། ཉམས་ཕྱི་མ་རྣམས་དང་ལྷན་ཅིག་དམ་བཅའ་བ་དང་། དངོས་སོ། །དང་པོ་ནི། དེ་བཞིན་གཞན་ཡང་ངམ་པ་དང་། །བཞད་གད་རྨད་བྱུང་འཇིགས་རུང་ངོ་། །ཞེས་པ་སྟེ། གོ་སླའོ། །གཉིས་པ་ནི། རྒྱུ་མས་བརྒྱན་པའི་སྲིན་པོ་རྣམས། །མགོ་མེད་རོ་དང་ལྷན་ཅིག་ཏུ། །ལག་པ་སྦྱར་བས་ཁྱོད་དགྲའི་ཁྲག །འཐུང་ཞིང་འཐུང་ཞིང་གར་བྱེད་དོ། །ཞེས་པ་སྟེ། རྒྱུ་མས་བརྒྱན་པའི་སྲིན་པོ་མི་རོ་ཟ་བ་རྣམས་མགོ་མེད་པའི་རོ་དང་ལྷན་ཅིག་ཏུ་ལག་པའི་སྙིམ་པ་ཁ་སྦྱར་བས་ཁྱོད་དགྲའི་བྱང་ཁོག་གི་ཁྲག་རྣམས་བཅུས་ནས་འཐུང་ཞིང་འཐུང་ཞིང་མྱོས་པའི་གར་བྱེད་དོ། །དྲུག་པ་བཞད་གད་ཀྱི་ཉམས་ནི། གྲོགས་མོ་མེ་ཏོག་མ་རྙིངས་མ། །ཁྱོད་ཀྱི་ནུ་མའི་ངོས་ལ་ནི། །སེན་རྗེས་གསར་པ་ཆགས་པ་འདི། །སྟོད་གཡོགས་ཀྱིས་ནི་སྒྲིབ་པར་མཛོད། །ཅེས་པ་སྟེ། གཞན་དང་ལྷན་ཅིག་བརྩེ་དགར་རོལ་བས་རྒྱན་གྱི་མེ་ཏོག་

― MLP007_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིངས་པ་མོ་ལ་བཞད་གད་ཀྱི་ཆེད་དུ་གྲོགས་མོ་མེ་ཏོག་མ་རྙིངས་མ་ཞེས་བོས་ནས། ཁྱོད་ཀྱི་ནུ་མའི་ངོས་ལ་སྦར་མོས་འཇུས་པའི་སེན་རྗེས་གསར་པ་ཆགས་པ་འདི་དག་སྟོད་གཡོགས་ལྷབ་ལྷུབ་གཡོ་བ་དག་གིས་སྒྲིབ་པར་མཛོད་ཅིག་པའོ། །བདུན་པ་རྨད་བྱུང་གི་ཉམས་ནི། དགའ་ཚལ་ལྗོན་པ་འདི་རྣམས་ཀྱི། །འདབ་མ་གསར་པ་གོས་བཟང་དང་། །མེ་ཏོག་དོ་ཤལ་ལ་སོགས་རྒྱན། །ཡལ་འདབ་ཁང་པར་གྱུར་པ་མཚར། །ཞེས་པ་སྟེ། སྔོན་མེད་དགའ་བའི་ཚལ་གྱི་ལྗོན་པའི་ཤིང་འདི་རྣམས་ཀྱི་འདབ་མ་གསར་པ་རྣམས་གོས་བཟང་པོ་དང་། མེ་ཏོག་བཞད་པ་རྣམས་དོ་ཤལ་ལ་སོགས་པའི་རྒྱན་དང་། ཡལ་འདབ་རྣམས་ཀྱང་ཁང་པར་གྱུར་པ་འདི་ནི་ངོ་མཚར་རོ། །བརྒྱད་པ་འཇིགས་རུང་གི་ཉམས་ནི། རྩེ་མོ་དག་ལ་མེ་གནས་པ། །བརྒྱ་བྱིན་གྱི་ནི་རྡོ་རྗེ་གང་། །འདི་ནི་དྲན་ན་ལྷ་མིན་གྱི། །བུད་མེད་མངལ་ནི་ལྷུང་བར་བྱེད། །ཅེས་པ་སྟེ། རྩེ་མོ་དག་ལ་འབར་བའི་མེ་གནས་པ་རྒྱ་བྱིན་གྱི་ལག་གི་རྡོ་རྗེ་རྩེ་བརྒྱ་པ་གང་འདི་དྲན་པ་ཙམ་ཉིད་ན་ལྷ་མིན་གྱི་བུད་མེད་མངལ་ན་བུ་ཡོད་པ་རྣམས་ནི་འཇིགས་སྐྲག་གིས་མངལ་ལྷུང་བར་བྱེད་དོ། །གཉིས་པ་ནི། སྙན་པ་གྲོང་པ་ཉིད་མིན་སྐྱེས། །བརྗོད་བྱ་ཡི་ནི་ཉམས་དག་བསྟན། །འདིར་ནི་ཉམས་བརྒྱད་དབང་བྱས་ཏེ། །ཚིག་རྣམས་ཉམས་དང་ལྡན་པར་བཤད། །ཅེས་པ་སྟེ། བཤད་མ་ཐག་པའི་ཉམས་ལྡན་གྱི་རྒྱན་འདི་རྣམས་ལེའུ་དང་པོའི་སྙན་པའི་ཉམས་ལས་ཁྱད་པར་ཅི་ཞེ་ན། སྙན་པའི་ཉམས་ནི་གྲོང་པ་ཉིད་མ་ཡིན་པ་ལས་སྐྱེས་པའི་བརྗོད་བྱའི་ཉམས་དག་བསྟན་ལ། འདིར་ནི་སྒེག་པ་སོགས་ཉམས་བརྒྱད་ཀྱི་དབང་དུ་བྱས་ཏེ། ཚིག་རྣམས་ཉམས་དང་ལྡན་པར་བཤད་དོ། །བཅུ་དགུ་པ་གཟི་བརྗིད་ཅན་གྱི་རྒྱན་ལ་གཉིས། དཔེར་བརྗོད་དང་། དོན་བཤད་དོ། །དང་པོ་ནི། བདག་ནི་གནོད་པ་བྱེད་པོ་ཞེས། །ཁྱོད་ཀྱི་སྙིང་ལ་འཇིགས་མ་བྱེད། །བདག་ནི་རལ་གྲི་ཕྱིར་ཕྱོགས་རྣམས། །ནམ་ཡང་གཞོམ་པར་འདོད་མ་ཡིན། །ཞེས་པ་སྟེ། བདག་ནི་བསྡིགས་ཤིང་གནོད་པ་བྱེད་པ་པོ་ཡིན་ནོ་ཞེས་ཁྱོད་རྣམས་ཀྱི་སྙིང་ལ་འཇིགས་པར་མ་བྱེད་ཅིག །རྒྱུ་མཚན། སྐྱེས་བུ་བདག་ནི་རལ་གྲི་ཕྱིར་ཕྱོགས་པ་རྣམས་དུས་ནམ་ཡང་གཞོམ་པར་

― MLP007_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པ་མ་ཡིན་པས་སོ། །གཉིས་པ་ནི། ཞེས་པ་སྐྱེས་བུ་དྲེགས་ལྡན་འགས། །གཡུལ་དུ་གཞན་ནི་བཀག་བྱས་ནས། །གཏོང་བ་དེ་ལྟ་བུ་ལ་སོགས། །གཟི་བརྗིད་ལྡན་པར་ཤེས་པར་བྱ། །ཞེས་པ་སྟེ། དེ་ལྟར་སྐྱེས་བུ་དྲེགས་ལྡན་འགས་གཡུལ་དུ་གཞན་སྡེ་བཅོམ་པའི་ཚེ་བྲོས་པ་རྣམས་བཀག་པར་བྱས་ནས་གཏོང་བ་ན་ང་རྒྱལ་གྱི་ཚིག་དེ་ལྟ་བུ་ལ་སོགས་པ་བརྗོད་པའི་ཚུལ་གང་ཡིན་པ་དེ་ནི་གཟི་བརྗིད་ལྡན་པའི་རྒྱན་ཞེས་བྱ་བར་ཤེས་པར་བྱའོ། །ཉི་ཤུ་པ་རྣམ་གྲངས་བརྗོད་པའི་རྒྱན་ལ་གསུམ། མཚན་ཉིད། དཔེར་བརྗོད། དོན་བཤད་དོ། །དང་པོ་ནི། འདོད་དོན་དངོས་སུ་མ་བརྗོད་པར། །དེ་ཉིད་འགྲུབ་པར་བྱ་བའི་ཕྱིར། །རྣམ་པ་གཞན་དག་བརྗོད་པ་གང་། །དེ་ནི་རྣམ་གྲངས་བརྗོད་པར་འདོད། །ཅེས་པ་སྟེ། འདོད་པའི་དོན་གྱི་རང་བཞིན་དངོས་སུ་མ་བརྗོད་པར། འདོད་དོན་དེ་ཉིད་འགྲུབ་པར་བྱ་བའི་ཕྱིར་ཐབས་ལ་མཁས་པའི་རྣམ་པ་གཞན་དག་བརྗོད་པའི་ཚུལ་གང་ཡིན་པ་དེ་ནི་རྣམ་གྲངས་བརྗོད་པའི་རྒྱན་ཞེས་བྱ་བར་འདོད་དོ། །གཉིས་པ་ནི། ས་ཧཱ་ཀཱ་རའི་སྙེ་མ་རྣམས། །གཞན་གྱིས་གསོས་འདི་ཟ་བར་བྱེད། །དེ་ནི་བདག་གིས་བཟློག་པར་བགྱི། །ཁྱེད་གཉིས་དལ་གྱི་འདུག་པར་མཛོད། །ཅེས་པ་སྟེ། ཤིང་ས་ཧཱ་ཀཱ་རའི་སྙེ་མ་རྣམས་གཞན་བྱ་རོག་གིས་གསོས་པར་གྲགས་པ་ཁྱུ་བྱུག་འདི་དག་གིས་ཟ་བར་བྱེད་པས། དེ་ནི་བདག་གིས་བཟློག་པར་བགྱི་བའི་ཆེད་དུ་ཁོ་བོ་སྐྱེད་མོས་ཚལ་དུ་འགྲོ་བས་ཁྱེད་ཅག་གཉིས་གནས་འདིར་དལ་གྱིས་འདུག་པར་མཛོད་ཅིག་པའོ། །གསུམ་པ་ནི། གྲོགས་མོ་སྐྱེས་ཕྲན་ཕྲད་བྱས་ནས། །དེ་དག་འདུས་པར་དགའ་བ་ཡི། །དགའ་སྟོན་སྒྲུབ་ཏུ་གཞུག་འདོད་པས། །འགའ་ཞིག་དེ་ནས་སོང་བར་གྱུར། །ཞེས་པ་སྟེ། རང་གི་གྲོགས་མོ་སྐྱེས་ཕྲན་གཞོན་ནུ་དང་ཕྲད་པར་བྱས་ནས་དེ་དག་འདུས་པར་དགའ་བའི་དགའ་སྟོན་བསྒྲུབ་ཏུ་གཞུག་འདོད་པས་འགའ་ཞིག་གནས་དེ་ནས་ཁུ་བྱུག་བཟློག་པའི་ཟོལ་གྱིས་གཞན་དུ་སོང་བར་གྱུར་ཏོ། །ཉེར་གཅིག་པ་ཀུན་ཕན་གྱི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། བྱ་བ་འགའ་ཞིག་རྩོམ་པ་ལ། །སྐལ་བ་ཡི་ནི་སྟོབས་ལས་ཀྱང་། །དེ་ཡི་སྒྲུབ་བྱེད་ཕུན་

― MLP007_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་གང་། །དེ་ནི་ཀུན་ཏུ་ཕན་པར་བརྗོད། །ཅེས་པ་སྟེ། བྱ་བའི་དངོས་པོ་འགའ་ཞིག་རྩོམ་པར་འདོད་པ་སྐལ་བའམ་བསོད་ནམས་ཀྱི་སྟོབས་ལས་ཀྱང་དེའི་སྒྲུབ་བྱེད་ཕུན་སུམ་ཚོགས་པ་གང་དག་བྱུང་བར་སྟོན་པ་དེ་ནི་ཀུན་ཏུ་ཕན་པའི་རྒྱན་ཞེས་བྱ་བར་བརྗོད་དོ། །གཉིས་པ་ནི། ཁེངས་པ་གཞོམ་ཕྱིར་དེ་ཡི་ནི། །རྐང་པ་དག་ལ་ཕྱག་འཚལ་བ། །བདག་ལ་ཕན་ཕྱིར་སྐལ་བ་ཡིས། །འབྲུག་གི་སྒྲ་ནི་གྲགས་པར་འགྱུར། །ཞེས་པ་སྟེ། ཆགས་ལྡན་དག་དགའ་མས་མི་འདུད་པའི་ཁེངས་པ་གཞོམ་ཕྱིར་དེའི་རྐང་པ་དག་ལ་ཕྱག་འཚལ་བར་རྩོམ་པའི་ཚེ་བདག་ལ་ཕན་ཕྱིར་སྐལ་བའི་སྟོབས་ཀྱིས་འབྲུག་གི་སྒྲ་ཁེངས་ལྡན་མའི་ཁེངས་པས་བཟོད་པར་དཀའ་བ་དག་གློ་བུར་དུ་གྲགས་པར་གྱུར་ཏོ། །ཉེར་གཉིས་པ་རྒྱ་ཆེ་བའི་རྒྱན་ལ་གསུམ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། བསམ་པའམ་ནི་འབྱོར་པ་ཡི། །ཆེན་པོ་ཉིད་ཀྱི་བླ་མེད་གང་། །དེ་ནི་རྒྱ་ཆེ་ཞེས་པ་ཡི། །རྒྱན་དུ་མཁས་པ་རྣམས་ཀྱིས་བརྗོད། །ཅེས་པ་སྟེ། བསམ་པའམ་འབྱོར་པའི་དངོས་པོ་དོག་ཆེན་པོ་ཉིད་ནི་བླ་ན་མེད་པ་གང་དག་རྟོགས་པར་བྱེད་པ་དེ་ནི་རྒྱ་ཆེ་བ་ཞེས་པའི་རྒྱན་དུ་མཁས་པ་རྣམས་ཀྱིས་བརྗོད་དོ། །གཉིས་པ་ལ། དང་པོ་བསམ་པ་རྒྱ་ཆེ་བ་ནི། །རཱ་ཝ་ཎ་ཡི་མགོ་གཅོད་པའི། །བྱ་བའི་ཁུར་ཡང་བཟོད་པ་ཡི། །རཱ་གྷུའི་བུ་དེས་བླ་མ་ཡིས། །བཀའ་ལས་འདའ་བར་ནུས་མ་གྱུར། །ཞེས་པ་སྟེ། རཱ་ཝ་ཎ་སྒྲ་སྒྲོག་གི་བུ་ལངྐ་མགྲིན་བཅུའི་མགོ་གཅོད་པའི་བྱ་བའི་ཁུར་ཆེན་པོ་ཡང་བཟོད་ནུས་པ་གང་། རཱ་གྷུ་ཞེས་པ་རྒྱལ་པོ་ཤིང་རྟ་བཅུ་པའི་བུ་རཱ་མ་ཎ་དེས་རང་གི་ཡབ་བླ་མའི་བཀའ་ལས་འདའ་བར་ནུས་པར་མ་གྱུར་ཏོ། །གཉིས་པ་འབྱོར་པ་རྒྱ་ཆེ་བ་ནི། རིན་ཆེན་རྩིག་པ་ལ་འཕོས་པའི། །གཟུགས་བརྙན་བརྒྱ་ཡིས་བསྐོར་གྱུར་པ། །ལངྐའི་དབང་ཕྱུག་དེ་ཁོ་ན། །ཨཉྫ་ན་བུའི་དཀའ་བ་ཤེས། །ཞེས་པ་སྟེ། རིན་ཆེན་སྣ་ཚོགས་པའི་རྩིག་པའི་ངོས་ལ་འཕོས་པའི་རང་འདྲའི་གཟུགས་བརྙན་བརྒྱ་ཡིས་བསྐོར་བར་གྱུར་པ་ལངྐའི་དབང་ཕྱུག་དེ་ཁོ་ན་ཨཉྫ་ནའི་བུ་སྤྲེའུ་ཧ་ནུ་མནྡྷ་དེས་སི་ཏཱ་འཚོལ་བར་སོང་དུས་དཀའ་བས་ཤེས་ཀྱི་ཡུད་ཙམ་གྱིས་ནི་མ་ཡིན་ནོ། །གསུམ་པ་ནི། སྔ་མར་བསམ་པའི་བདག་

― MLP007_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཆེ། །འདིར་ནི་མངོན་པར་འབྱོར་པ་བརླིང་། །རྒྱ་ཆེ་གཉིས་པོ་འདི་དག་ཀྱང་། །རབ་ཏུ་གསལ་བར་མཚོན་པ་ཡིན། །ཞེས་པ་སྟེ། དཔེར་བརྗོད་སྔ་མར་བསམ་པའི་བདག་ཉིད་རྒྱ་ཆེ་བར་བསྟན་ལ། ཕྱི་མ་འདིར་ནི་མངོན་པར་འབྱོར་པ་བརླིང་ཞིང་ཆེ་བའི་བདག་ཉིད་དག་བསྟན་ཏེ། རྒྱ་ཆེ་བའི་རྒྱན་གཉིས་པོ་འདི་དག་ཀྱང་རབ་ཏུ་གསལ་བར་མཚོན་པ་ཡིན་ནོ། །ཉེར་གསུམ་པ་བསྙོན་དོར་གྱི་རྒྱན་ལ་གསུམ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། བསྙོན་དོར་དག་ནི་བསྙོན་བྱས་ནས། །དོན་གཞན་ཅུང་ཟད་སྟོན་པ་སྟེ། །ཞེས་པ་སྟེ། བསྙོན་དོར་དག་གི་མཚན་ཉིད་ནི་དངོས་པོའི་ངོ་བོ་ཡིན་པ་ལ་འདི་མ་ཡིན་ནོ་ཞེས་བསྙོན་བྱས་ནས། དོན་གཞན་ཆོས་དང་ཆོས་ཅན་གྱི་ངོ་བོ་ཅུང་ཟད་སྟོན་པ་སྟེ་ཞེས་སོ། །གཉིས་པ་ལ། དང་པོ་ཆོས་ལ་བསྙོན་པ་ནི། འདོད་པ་དག་ནི་མདའ་ལྔ་པ། །མ་ཡིན་སྒྲོ་ལྡན་སྟོང་ཕྲག་ཡོད། །ཅེས་པ་སྟེ། འདོད་པའི་ལྷ་དག་ནི་མདའ་ལྔ་པའོ་ཞེས་གྲགས་ཀྱང་དེ་མ་ཡིན་ཏེ། འདིས་ནི་སྲིད་པ་གསུམ་ལས་རྒྱལ་བར་ནུས་པའི་ཕྱིར་སྒྲོ་ལྡན་ཏེ་མདའ་སྟོང་ཕྲག་ཡོད་དོ་ཞེས་འདོད་ལྷའི་ཆོས་མདའ་ལྔ་ལ་བསྙོན་ནས་སྟོང་ཕྲག་ཡོད་པར་སྟོན་པས་ཆོས་ལ་བསྙོན་པ་ཞེས་བྱའོ། །གཉིས་པ་ཡུལ་ལ་བསྙོན་པ་ལ། དཔེར་བརྗོད་ནི། ཙནྡན་ཟླ་འོད་དལ་བུ་ཡིས། །ལྷོ་ཕྱོགས་དྲི་ཡི་བཞོན་པ་འདི། །མེ་ཡི་རང་བཞིན་སྤྲོ་བ་སྟེ། །གཞན་གྱི་ངོར་ནི་བསིལ་ཞེས་གྲགས། །ཞེས་པ་སྟེ། ཙནྡན་དང་། ཟླ་བའི་འོད་ཟེར། དལ་བུར་རྒྱུ་བའི་ལྷོ་ཕྱོགས་དྲིའི་གཞོན་པ་དང་གསུམ་པོ་འདི་ཁོ་བོས་ནི་མེའི་རང་བཞིན་སྤྲོ་བར་མཐོང་སྟེ། སྐྱེ་བོ་གཞན་གྱི་ངོར་ནི་བསིལ་ཞེས་གྲག་གོ །དོན་བཤད་ནི། འདོད་ལྡན་གྱིས་ནི་གཞན་ལ་དེ། །བསིལ་བར་ཁས་བླངས་བདག་ཉིད་ལ། །ཚ་བ་ཉིད་དུ་རབ་བསྟན་ཕྱིར། །འདི་ནི་ཡུལ་ལ་བསྙོན་པའོ། །ཞེས་པ་སྟེ། དེ་ལྟར་འདོད་ལྡན་གྱིས་སྐྱེ་བོ་གཞན་ལ་ཙནྡན་ཟླ་འོད་ལ་སོགས་པ་དེ་བསིལ་བའི་དངོས་པོར་ཁས་བླངས་ཀྱང་བདག་ཉིད་ལ་ཚ་བ་ཉིད་དུ་རབ་ཏུ་བསྟན་པའི་ཕྱིར་བསིལ་བའི་དངོས་པོ་ཚ་བར་སྟོན་པས་འདི་ནི་ཡུལ་ལ་བསྙོན་པ་ཞེས་བྱའོ། །གསུམ་པ་རང་བཞིན་ལ་བསྙོན་པ་ལ། དཔེར་བརྗོད་ནི། བདུད་རྩི་ཟག་པའི་འོད་ཟེར་ཅན། །ཟླ་བ་ཞེས་པར་བདག་

― MLP007_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ཅག་འདོད། །དོན་གྱི་བདག་ཉིད་འདི་ནི་གཞན། །དུག་ཟག་ཟེར་དང་ལྡན་པ་ཉིད། །ཅེས་པ་སྟེ། བདུད་རྩི་ཟག་པའི་འོད་ཟེར་གྱིས་མཛེས་པའི་རང་བཞིན་ཅན་ཟླ་བ་ཞེས་པར་བདག་ཅག་འདོད་མོད། དོན་གྱི་བདག་ཉིད་ཟླ་བ་འདི་ནི་དེ་ལས་གཞན་དུ་གྱུར་པ་སྟེ། དུག་ཟག་ཟེར་དང་ལྡན་པ་ཉིད་ཡིན་ནོ། །དོན་བཤད་ནི། ཅེས་པའི་ཟླ་བའི་ཟླ་བ་ཉིད། །བཟློག་ནས་དོན་གཞན་བདག་ཉིད་ནི། །འདོད་པས་གཟིར་བར་བརྗོད་པའི་ཕྱིར། །འདི་ནི་རང་བཞིན་བསྙོན་དོར་རོ། །ཞེས་པ་སྟེ། དེ་ལྟར་ཟླ་བ་བདུད་རྩིིའི་རང་བཞིན་ཅན་གྱི་དངོས་པོ་དེ་ཟླ་བ་ཉིད་མ་ཡིན་ཞེས་བསྙོན་ཞིང་བཟློག་ནས། དོན་གཞན་དུག་ཟག་པའི་ཟེར་ལྡན་དུ་བསྟན་པ་འདི་ནི་བདག་འདོད་ན་འདོད་པས་གཟིར་བས་བརྗོད་པའི་ཕྱིར་ཚུལ་འདི་ནི་རང་བཞིན་བསྙོན་དོར་རོ། །གསུམ་པ་ནི། བསྙོན་དོར་དཔེ་ནི་སྔར་ཉིད་དུ། །དཔེར་བརྗོད་རྣམས་ལ་རབ་བསྟན་ཏོ། །འདི་ཡིས་བསྙོན་དོར་དབྱེ་བ་རྣམས། །མཚོན་བྱ་དག་ལ་རྒྱ་ཆེར་མཚོན། །ཞེས་པ་སྟེ། བསྙོན་དོར་གྱི་དཔེ་ནི་སྔར་དཔེ་རྒྱན་གྱི་སྐབས་ཉིད་དུ་དཔེར་བརྗོད་རྣམས་ལ་རབ་ཏུ་བསྟན་ཟིན་ཏོ། །དེར་མ་ཟད། འདི་ལྟར་བཀོད་པའི་བསྙོན་དོར་གྱི་དཔེར་བརྗོད་འདི་རྣམས་ཀྱིས་མཚོན་ཞིང་རྗེས་སུ་དཔགས་ནས། རྒྱུ་ལ་བསྙོན་དོར་དང་། སྙན་པར་སྨྲ་བའི་བསྙོན་དོར་སོགས་བསྙོན་དོར་གྱི་དབྱེ་བ་མཐའ་ཡས་པ་རྣམས་ཀྱང་མཚོན་བྱ་སྙན་ངག་དག་ལ་རྒྱ་ཆེར་མཚོན་ཞིང་རྟོགས་པར་བྱའོ། །ཉེར་བཞི་པ་སྦྱར་བའི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། སྦྱར་བ་གཟུགས་གཅིག་ལྡན་པའི་ཚིག །དུ་མའི་དོན་ཅན་ཉིད་དུ་འདོད། །ཅེས་པ་སྟེ། སྦྱར་བ་ནི་རྗོད་བྱེད་སྒྲའི་གཟུགས་གཅིག་དང་ལྡན་པའི་ཚིག་བརྗོད་བྱ་དུ་མའི་དོན་གྱི་བདག་ཉིད་ཅན་ཉིད་དུ་འདོད་དོ། །གཉིས་པ་ལ་གསུམ། རྩ་བ་གཉིས་སུ་བསྟན་པ། བཤད་ཟིན་དྲན་པར་བྱ་བ། ཁྱད་པར་བདུན་དུ་དབྱེ་བའོ། །དང་པོ་ལ། མིང་གིས་མདོར་བསྟན་པ་དང་། དཔེར་བརྗོད་ཀྱིས་རྒྱས་པར་བཤད་པ་གཉིས། དང་པོ་ནི། དེ་ཚིག་ཐ་དད་མིན་པ་དང་། །ཐ་དད་ཚིག་འདྲ་རྣམ་པ་གཉིས། །ཞེས་པ་སྟེ། གོ་སླའོ། །གཉིས་པ་ལ། དང་པོ་ཚིག་ཐ་དད་

― MLP007_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་པའི་སྦྱར་བ་ནི། ཨུ་ད་ཡ་གནས་མཛེས་པ་ཅན། །དཀྱིལ་འཁོར་ལ་ཆགས་རྒྱལ་པོ་འདི། །མྲྀ་དུ་ཀ་རཿའཇིག་རྟེན་གྱི། །ཡིད་ནི་རབ་ཏུ་འཕྲོག་པར་བྱེད། །ཅེས་པ་སྟེ། དེ་ལ་སྦྱར་གཞི་ཟླ་བ་དང་རྒྱལ་པོ་སྟེ། སྦྱར་ཆོས། ཨུ་ད་ཡ་འཆར་བ་དང་དར་བ་ལ་འཇུག་པས། ཟླ་བ་འཆར་བ་ལ་གནས་པའི་མཛེས་པ་ཅན་དང་། རྒྱལ་པོ་དར་བ་ལ་གནས་པའི་མཛེས་པ་ཅན་ཞེས་སྦྱར། མཎྜ་ལ་དཀྱིལ་འཁོར་དང་། རཀྟ་དམར་བ་དང་ཆགས་པ་ལ་འཇུག་པའི་རྒྱུ་མཚན་གྱིས་ཟླ་བའི་དཀྱིལ་འཁོར་དམར་བ་དང་། རྒྱལ་པོ་འཁོར་འབངས་ལ་རྗེས་སུ་ཆགས་པ་སྦྱར། མྲྀ་དུ་ཀ་རཿའཇམ་པའི་འོད་དང་འཇམ་པའི་དཔྱ་གཉིས་ཀ་ལ་འཇུག་པས། ཟླ་བ་བདུད་རྩིའི་རང་བཞིན་འཇམ་པའི་འོད་ཟེར་སྤྲོ་བ་དང་། རྒྱལ་པོ་འཇམ་པའི་དཔྱ་ཁྲལ་རན་པར་སྡུད་པ་སྦྱར་ཏེ། དེ་ལྟ་བུའི་ཟླ་བ་དང་རྒྱལ་པོ་འདིས་ནི་འཇིག་རྟེན་གྱི་ཡིད་རབ་ཏུ་འཕྲོག་པར་བྱེད་དོ། །གཉིས་པ་ཐ་དད་ཚིག་འདྲའི་སྦྱར་བ་ནི། རྒྱ་དཔེ་གཅིག་ལ་གཅོད་མཚམས་ཐ་དད་པའི་དོན་གཉིས་སྟོན་པ་སྟེ། འགྱུར་གཅིག་ལ། རྒྱལ་རིགས་ལམ་ལ་མི་གནས་པ། །རྒྱལ་པོ་སྐྱོན་གྱི་འབྱུང་གནས་དང་། །བསྡོངས་ནས་སྐྱོན་མང་དག་གིས་བདག །དགའ་མེད་འདི་ལྟར་ཅིས་མ་མནར། །ཞེས་པ་སྟེ། རྒྱལ་རིགས་ཀྱི་ལམ་སྲོལ་བཟང་པོ་ལ་མི་གནས་པའི་རྒྱལ་པོ་ངན་པ་སྐྱོན་གྱི་འབྱུང་གནས་དང་བསྡོངས་པ་ལ་བསྟེན་ནས་ཉེས་སྐྱོན་མང་པོ་དག་གིས་བདག་དགའ་མེད་དུ་འདི་ལྟར་ཅིས་མ་མནར་ཏེ་མནར་རོ། །ཞེས་དང་། ཡང་འགྱུར་གཅིག་ལ། རྒྱུ་སྐར་ལམ་ལ་རབ་གནས་པ། །མཚན་མོར་བྱེད་པ་དང་བསྡོངས་ནས། །སྲོད་ལ་:ཡིས་༼འདིས་༽ནི་བདག་འདི་ལྟར། །དགའ་བ་མེད་པར་ཅིས་མ་མནར། །ཞེས་པ་སྟེ། རྒྱུ་སྐར་གྱི་ལམ་ནམ་མཁའ་ལ་རབ་ཏུ་གནས་པ་མཚན་མོར་བྱེད་པའི་བྱ་བ་དང་བསྡོངས་ནས་སྲོད་ལ་ཟླ་བ་འདི་ཡིས་བྲལ་བས་ཉེན་པ་བདག་འདི་ལྟར་དགའ་བ་མེད་པར་ཅིས་མ་མནར་ཏེ་མནར་རོ་ཞེས་པའོ། །གཉིས་པ་ནི། དཔེ་དང་གཟུགས་ཅན་འགོག་པ་དང་། །ལྡོག་པ་ཅན་སོགས་སྤྱོད་ཡུལ་ཅན། །སྦྱར་བ་གོང་དུ་བསྟན་ཟིན་ཏེ། །ཞེས་པ་སྟེ་སྦྱར་བའི་དཔེ་དང་། སྦྱར་བའི་གཟུགས་ཅན། སྦྱར་བའི་འགོག་པ་དང་། ལྡོག་པ་ཅན་གྱི་སྦྱར་བ། སོགས་

― MLP007_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོང་ནས་རྒྱན་གཞན་གྱི་སྤྱོད་ཡུལ་ཅན་གྱི་སྦྱར་བ་གོང་དུ་བསྟན་ཟིན་ཏེ་ཞེས་པའོ། །གསུམ་པ་ལ་གསུམ། དམ་བཅའ་བ། མདོར་བསྟན་པ། རྒྱས་པར་བཤད་པའོ། །དང་པོ་ནི། གཞན་པ་འགའ་ཞིག་བསྟན་པར་བྱ། །ཞེས་པའོ། །གཉིས་པ་ནི། འགའ་ཞིག་བྱ་བ་ཐ་དད་མིན། །གཞན་པ་བྱ་བ་འགལ་མིན་ཡོད། །འགལ་བའི་ལས་ཅན་དག་ཀྱང་གཞན། །སྦྱར་བ་ངེས་པ་ཅན་ཡང་ཡོད། །ངེས་པ་འགོག་པའི་གཟུགས་བརྗོད་དང་། །འགལ་མེད་འགལ་བ་ཅན་ཡང་སྟེ། །དེ་དག་རྣམས་ཀྱི་རང་བཞིན་ཡང་། །དཔེར་བརྗོད་དག་ལ་གསལ་བར་འགྱུར། །ཞེས་པ་སྟེ། གོ་སླའོ། །གསུམ་པ་དང་པོ་བྱ་བ་ཐ་དད་མིན་པའི་སྦྱར་བ་ནི། འཁྱོག་ཅིང་ཡིད་འོང་རང་བཞིན་ཅན། །ཆགས་པ་གསལ་བར་སྟོན་བྱེད་མ། །མཛེས་མས་བསྐུལ་བའི་མིག་དང་ནི། །ཕོ་ཉ་མོས་ཀྱང་འཛའ་བོ་འགུགས། །ཞེས་པ་སྟེ། མིག་ཟུར་ཕན་ཚུན་དུ་འཁྱོག་པ་དང་། ཕོ་ཉ་མོའི་བསམ་པ་དང་ངག་འཁྱོག་པར་སྦྱར། ཡིད་དུ་འོང་བའི་རང་བཞིན་ཅན་གཉིས་ཀ་ལ་སྦྱར། དེ་ལྟ་བུའི་ཆགས་པ་འཕེལ་བའི་རྣམ་འགྱུར་གསལ་བར་སྟོན་པར་བྱེད་མ་མཛེས་མས་བསྐུལ་བའི་མིག་ཟུར་དང་། ཕོ་ཉ་མོས་ཀྱང་མཛའ་བོ་འགུགས་སོ་ཞེས་མིག་ཟུར་དང་ཕོ་ཉ་མོ་གཉིས་ཀ་བྱ་བ་ཐ་དད་མ་ཡིན་པར་སྦྱར་བའོ། །གཉིས་པ་འགལ་མིན་གྱི་སྦྱར་བ་ནི། ཡིད་འོང་ཆགས་པ་འཕེལ་བར་བྱེད། །འཇམ་ཞིང་མྱོས་པའི་མདངས་སྙན་ཅན། །ཁྱུ་བྱུག་སྒྲ་ནི་ཐོས་གྱུར་ཏེ། །དཀར་མིན་མིག་ཅན་དག་ལ་འཁྱུད། །ཅེས་པ་སྟེ། ཀུན་གྱི་ཡིད་དུ་འོང་ཞིང་ཆགས་པ་འཕེལ་བར་བྱེད་པ། འཇམ་ཞིང་མྱོས་པའི་མདངས་སྙན་པོ་དང་ལྡན་པ་ཅན་ཁྱུ་བྱུག་གི་སྒྲ་ཐོས་པར་གྱུར་ཏེ། དེ་ཆགས་པ་འཕེལ་ནས་དཀར་མིན་གནག་པའི་མིག་ཅན་མ་དག་ལ་འཁྱུད་དོ་ཞེས་ཐོས་བྱ་དང་འཁྱུད་བྱ་འགལ་མིན་དུ་སྦྱར་བའོ། །གསུམ་པ་འགལ་བའི་ལས་ཅན་གྱི་སྦྱར་བ་ནི། ཆུ་མ་དང་སྦྱར་འཕེལ་བ་ཡི། །དམར་བ་རབ་ཏུ་སྟོན་བྱེད་ཅིང་། །ཚ་ཟེར་ཅན་ནི་ནུབ་གྱུར་ཏེ། །ལུས་སྐྱེས་དག་ནི་རྣམ་པར་རྒྱས། །ཞེས་པ་སྟེ། ཆུ་མ་ནུབ་ཕྱོགས་དང་བུད་མེད་ཀྱི་མཚན་མ་གཉིས་ཀ་ལ་འཇུག་པས། ནུབ་ཕྱོགས་ལ་སྦྱར་བའི་ཚེ་མཐུན་འཚམས་ཀྱི་དམར་བ་དང་། མཚན་མ་ལ་སྦྱར་བའི་ཚེ་འདོད་པ་ཕེལ་བའི་

― MLP007_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་ཕྱི་རོལ་དུ་རབ་ཏུ་སྟོན་པར་བྱེད་པ་སྦྱར་ཞིང་། དེ་ལྟ་བུའི་ཚ་ཟེར་ཅན་ནི་ནུབ་པར་གྱུར་ཏེ་ལུས་སྐྱེས་འདོད་པ་དག་ནི་རྣམ་པར་རྒྱས་སོ་ཞེས་ནུབ་པ་དང་རྒྱས་པ་འགལ་བའི་ལས་ཅན་གྱི་བྱ་བར་སྦྱར་བའོ། །བཞི་པ་ངེས་པ་ཅན་གྱི་སྦྱར་བ་ནི། རལ་གྲི་ཉིད་ལ་ནི་སྟྲིམ་ཤ། གཞུ་ཉིད་ལ་ནི་འཁྱོག་པོ་ཉིད། །མི་བདག་འདི་ཡི་མཱརྒཱ་ཎ། །མདའ་རྣམས་ཉིད་ལ་གནས་པ་ཡིན། །ཞེས་པ་སྟེ། ནི་སྟྲིམ་ཤ་རལ་གྲི་དང་ཁྲོ་བ་ལ་འཇུག །འཁྱོག་པོའི་སྒྲ་གཞུ་དང་གཡོན་ཅན་ལ་འཇུག །མཱརྒ་ཎ་མདའ་དང་སློང་བ་ལ་འཇུག་པ་ལས། མི་བདག་ནི་ཁྲོ་བ་དང་། སེམས་འཁྱོག་པ་དང་། བདག་ཉིད་སློང་བ་མིན་པས་རྒྱལ་པོ་འདིའི་ནི་སྟྲིམ་ཤ་ལ་སོགས་པ་རྣམས་ནི་རལ་གྲི་དང་གཞུ་དང་མདའ་རྣམས་ཉིིད་ཡིན་པ་ལ་གནས་པ་ཡིན་ནོ་ཞེས་ནིསྟྲིམ་ཤ་རལ་གྲིར་ངེས་པ་ལ་སོགས་པ་ངེས་བཟུང་བརྗོད་པས་ངེས་པ་ཅན་གྱི་སྦྱར་བའོ། །ལྔ་པ་ངེས་པ་འགོག་པའི་སྦྱར་བ་ནི། ཁྱོད་ཀྱིས་བསྲུངས་ལ་ཚེར་མ་ནི། །པདྨའི་ཡུ་བ་ཉིད་ལ་མཐོང་། །འོན་ཀྱང་ཆགས་ཅན་འཁྲིག་པ་ལ། །འཁྱུད་པར་གྱུར་པ་རྣམས་ལའང་མཐོང་། །ཞེས་པ་སྟེ། ཀཎྚ་ཀའི་སྒྲ་ཚེར་མ་དང་། སེམས་ཅན་མ་རུངས་པ་དང་། པདྨའི་ཡུ་བའི་སྤུ་དང་། ལུས་ཀྱི་སྤུ་ལོང་རྣམས་ལ་འཇུག་པ་ལས། རྒྱལ་པོ་ཁྱོད་ཀྱིས་བསྲུངས་པའི་ས་གཞིའི་ཁྱོན་འདི་ལ་ཚེར་མ་དང་། སེམས་ཅན་ངན་པ་མེད་པའི་ཕྱིར་ཀཎྚ་ཀ་ནི་པདྨའི་ཡུ་བའི་སྤུ་ཉིད་ལ་མཐོང་ངོ་། །འོན་ཀྱང་ཆགས་ཅན་འཁྲིག་པ་ལ་ཞུགས་པ་འཁྱུད་པར་གྱུར་པ་རྣམས་ཀྱི་ལུས་ལ་ཆགས་པས་བསྐྱེད་པའི་སྤུ་ལོང་གཡོ་བའང་མཐོང་ངོ་ཞེས་ངེས་བཟུང་བྱས་པ་ཕྱིས་འགོག་པས་ངེས་པ་འགོག་པའི་སྦྱར་བའོ། །དྲུག་པ་འགལ་མེད་ཀྱི་སྦྱར་བ་ནི། ས་འཛིན་ཀ་ཊ་ཀ་མང་ཞིང་། །གཟི་བརྗིད་ལྡན་པ་ངེས་པར་དར། །མཁས་པ་སྐྱེ་རྒུའི་བདག་འབྱུང་སྟེ། །རྗེ་བོ་ནུས་པ་འཛིན་ཡང་སྟེ། །ཞེས་པ་སྟེ། ཁྱད་གཞི་ས་འཛིན་རི་དང་རྒྱལ་པོ། ཁྱད་ཆོས་ཀ་ཊ་ཀ་རི་ཞོལ་དང་འཁོར་མང་བ། ཁྱད་གཞི་གཟི་བརྗིད་ལྡན་པ་ཉི་མ་དང་རྒྱལ་པོ། ཁྱད་ཆོས་ཨུ་ད་ཡ་འཆར་བ་དང་ངེས་པར་དར་བ། ཁྱད་གཞི་སྐྱེ་རྒྱུའི་བདག་པོ་བྱུང་བ་སྟེ་ཚངས་པ་དང་རྒྱལ་པོ། ཁྱད་ཆོས་མཁས་ཤིང་རིག་པའི་བདག་ཉིད་ཅན། ཁྱད་གཞི་རྗེ་

― MLP007_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་སྟེ་སྨིན་དྲུག་གི་བུ་དང་རྒྱལ་པོ། ཁྱད་ཆོས་ཤཀྟི་མདུང་ཐུང་དང་ནུས་པ་འཛིན་པ་སྟེ། ཡང་སྒྲས་གོང་མ་རྣམས་བསྡུས་པའོ། །དེ་ལྟར་སྦྱར་གཞི་གཉིས་གཉིས་སྦྱར་ཆོས་འགལ་མེད་དུ་སྦྱར་བ་ལྟ་བུའོ། །བདུན་པ་འགལ་བ་ཅན་གྱི་སྦྱར་བ་ནི། ཉམས་མེད་ཡིན་ཡང་ཆོས་གཅོད་མིན། །རྒྱལ་པོ་ཡིན་ཡང་ཟད་མི་ཤེས། །བདེ་བྱེད་ཡིན་ཡང་ལག་འགྲོ་མེད། །ལྷ་ཉིད་ཡིན་ཡང་རྣམ་སད་མིན། །ཞེས་པ་སྟེ། ཁྱད་གཞི་ཁྱབ་འཇུག་དང་རྒྱལ་པོ་གཉིས་ཀ་ཉམས་མེད་ཡིན་ཡང་། ཁྱད་ཆོས་ཁྱབ་འཇུག་གིས་གླང་ཟོས་པར་གྲགས་པས་མི་གཅོད་པ་འགལ་ཞིང་། རྒྱལ་པོ་བསོད་ནམས་རྒྱུན་མི་ཆད་པས་མི་འགལ། ཁྱད་གཞི་ཟླ་བ་དང་མི་བདག་གཉིས་ཀ་རྒྱལ་པོ་ཡིན་ཡང་ཁྱད་ཆོས་ཟླ་བ་མར་ངོ་འཛད་པས་ཟད་མི་ཤེས་པ་འགལ་ཞིང་རྒྱལ་པོ་རྒྱལ་སྲིད་མི་ཟད་པ་མི་འགལ། ཁྱད་གཞི་དབང་ཕྱུག་དང་རྒྱལ་པོ་གཉིས་ཀ་བདེ་བྱེད་ཡིན་ཡང་། ཁྱད་ཆོས་དབང་ཕྱུག་སྦྲུལ་རྒྱན་འཆང་བས་ལག་འགྲོ་མེད་པ་འགལ་ཞིང་། རྒྱལ་པོ་སྐྱེ་བོ་ངན་པ་དང་མི་འགྲོགས་པས་མི་འགལ། ཁྱད་གཞི་ལྷའི་འགྲོ་བ་དང་རྒྱལ་པོ་གཉིས་ཀ་ལྷ་ཉིད་ཡིན་ཡང་། ཁྱད་ཆོས་ལྷ་གཉིད་མེད་པས་རྣམ་སད་མིན་པ་འགལ་ཞིང་མིའི་རྒྱལ་པོ་ལ་རྣམ་སད་མིན་པ་མི་འགལ་བ་སྟེ། དེ་ལྟར་སྦྱར་གཞི་གཉིས་གཉིས་སྦྱར་ཆོས་འགལ་བ་ཅན་དུ་སྦྱར་བ་ལྟ་བུའོ། །ཉེར་ལྔ་པ་ཁྱད་པར་བརྗོད་པའི་རྒྱན་ལ་གསུམ། མཚན་ཉིད། དཔེར་བརྗོད། མ་བཤད་པ་བསླབ་ཚུལ་ལོ། །དང་པོ་ནི། ཁྱད་པར་རབ་ཏུ་བསྟན་པའི་ཕྱིར། །ཡོན་ཏན་རིགས་དང་བྱ་བ་སོགས། །གང་དུ་མ་ཚང་ཉིད་བསྟན་པ། །དེ་ནི་ཁྱད་པར་བརྗོད་པར་འདོད། །ཅེས་པ་སྟེ། གཞན་ལས་ཆོག་ཏུ་གྱུར་པའི་ཁྱད་པར་རབ་ཏུ་བསྟན་པའི་ཕྱིར། ཡོན་ཏན། རིགས་དང་། བྱ་བ་ལ་སོགས་པ་ཚིག་སྦྱོར་གང་དུ་མ་ཚང་བ་ཉིད་ཀྱིས་ཚང་བ་ལས་ཀྱང་ལྷག་པའི་འབྲས་བུ་འགྲུབ་པར་བསྟན་པ་དེ་ནི་ཁྱད་པར་བརྗོད་པའི་རྒྱན་ཞེས་བྱ་བར་འདོད་དོ། །གཉིས་པ་ལ། དང་པོ་ཡོན་ཏན་མ་ཚང་བ་ནི། མེ་ཏོག་གཞུ་ཅན་དག་གི་མཚོན། །རྩུབ་པ་མ་ཡིན་རྣོ་བའང་མིན། །དེ་ལྟ་ན་ཡང་འདི་ཡིས་ནི། །ས་གསུམ་དག་ལས་རྒྱལ་བར་གྱུར། །ཞེས་པ་

― MLP007_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། མེ་ཏོག་གཞུ་ཅན་འདོད་ལྷ་དག་གི་མཚོན་འདི་ནི་རྩུབ་པ་མ་ཡིན་རྣོ་བའང་མ་ཡིན་མོད་ཀྱི། དེ་ལྟ་ན་ཡང་འདིས་ནི་ས་གསུམ་དག་ལས་རྒྱལ་བར་གྱུར་ཏོ་ཞེས་མཚོན་ཆའི་ཡོན་ཏན་རྣོ་བ་སོགས་མ་ཚང་བས་བྱེད་ལས་ས་གསུམ་ལས་རྒྱལ་བར་སྟོན་པ་ལྟ་བུའོ། །གཉིས་པ་རིགས་མ་ཚང་བ་ནི། འདི་དག་ལྷ་ཡི་བུ་མོ་མིན། །དྲི་ཟའི་རིགས་ལས་བྱུང་བའང་མིན། །དེ་ལྟ་མོད་ཀྱི་ཚངས་པའི་ཡང་། །དཀའ་ཐུབ་གཞོམ་པ་བསྒྲུབ་པར་ནུས། །ཞེས་པ་སྟེ། ཡིད་འོང་མ་འདི་དག་ལྷའི་བུ་མོ་མིན་ཞིང་། དྲི་ཟའི་རིགས་ལས་བྱུང་བའང་མ་ཡིན་ནོ། །དེ་ལྟར་མོད་ཀྱི་ཆགས་བྲལ་ཚངས་པ་ཆེན་པོའི་ཡང་དཀའ་ཐུབ་གཞོམ་པ་བསྒྲུབ་པར་ནུས་སོ་ཞེས་རིགས་མ་ཚང་བ་ལྷའི་རིགས་སོགས་མ་ཡིན་པ་དེས་ཚངས་པའང་ཆགས་ལྡན་དུ་བྱེད་ནུས་པར་སྟོན་པ་ལྟ་བུའོ། །གསུམ་པ་བྱ་བ་མ་ཚང་བ་ནི། ཁྲོ་གཉེར་དག་ནི་མ་བསྡུས་ཤིང་། །སོ་ཡི་གཡོགས་ཀྱང་མ་བསྐྱོད་ལ། །མིག་ཀྱང་དམར་པོར་མ་གྱུར་པར། །དགྲ་ཡི་རིགས་ནི་ཉམས་པར་བྱས། །ཞེས་པ་སྟེ། དཔའ་བོ་ཁྱོད་ཀྱིས་ཁྲོ་གཉེར་དག་ནི་མ་བསྡུས་ཤིང་། སོ་ཡི་གཡོགས་མཆུ་སྒྲོས་ཀྱང་མ་བསྐྱོད་ལ། མིག་གཉིས་ཀྱང་དམར་པོར་མ་གྱུར་པར་དགྲའི་རིགས་རྣམས་ནི་རྩ་བ་ནས་ཉམས་པར་བྱས་སོ་ཞེས་བྱ་བ་ཁྲོ་བའི་རྣམ་འགྱུར་མ་ཚང་བས་དགྲ་འཇོམས་པར་སྟོན་པ་ལྟ་བུའོ། །བཞི་པ་རྫས་མ་ཚང་བ་ནི། ཤིང་རྟ་མེད་ཅིང་གླང་པོའང་མེད། །རྟ་མེད་རྐང་ཐང་མེད་པར་ཡང་། །ཟུར་མིག་ཉིད་ཀྱིས་བུད་མེད་རྣམས། །འགྲོ་བ་གསུམ་པོ་དག་ལས་རྒྱལ། །ཞེས་པ་སྟེ། ཤིང་རྟ་དང་། གླང་པོ་ཆེ་དང་། རྟ་དང་། རྐང་ཐང་གང་ཡང་མེད་པར་ཟུར་མིག་འཁྱོག་པ་ཉིད་ཀྱིས་བུད་མེད་རྣམས་འགྲོ་བ་གསུམ་པོ་དག་ལས་རྒྱལ་ལོ་ཞེས་ཤིང་རྟ་སོགས་དཔུང་གི་རྫས་མ་ཚང་བ་དེས་འགྲོ་བ་གསུམ་ལས་རྒྱལ་བར་སྟོན་པ་ལྟ་བུའོ། །ལྔ་པ་རྒྱུ་མ་ཚང་བ་ལ། དཔེར་བརྗོད་ནི། ཤིང་རྟ་འཁོར་ལོ་གཅིག་པ་དང་། །ཁ་ལོ་བ་ཉམས་རྟ་མི་མཉམ། །དེ་ལྟ་ན་ཡང་གཟི་བརྗིད་ཅན། །ཉི་མས་འགྲོ་བ་གསུམ་པོ་མནན། །ཞེས་པ་སྟེ། ཉི་མ་འདྲེན་པའི་ཤིང་རྟ་འཁོར་ལོ་གཅིག་ལས་མེད་པ་དང་། ཁ་ལོ་པ་བརླ་ཉམས་པ་དང་། འདྲེན་བྱེད་ཀྱི་རྟ་མི་མཉམ་པ་མདུན་ཏེ་ཆ་མ་ཚང་བ་དེ་ལྟ་ན་ཡང་

― MLP007_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

གཟི་བརྗིད་ཅན་ཉི་མའི་དཀྱིལ་འཁོར་འདིས་ནི་འགྲོ་བ་གསུམ་པོ་དག་ཟིལ་གྱིས་མནན་ནོ། །དོན་བཤད་ནི། གཟི་བྱིན་ཅན་ཞེས་ཁྱད་པར་ལས། །འདི་ནི་རྒྱུ་ཡི་ཁྱད་པར་བརྗོད། །ཅེས་པ་སྟེ། རྒྱུ་དེ་དག་མ་ཚང་ཡང་གཟི་བྱིན་ཅན་ཞེས་པའི་ཁྱད་པར་གྱི་རྒྱུ་མཚན་ལས་འགྲོ་བ་གསུམ་མནན་པར་བརྗོད་པས། ཚུལ་འདི་ནི་རྒྱུའི་ཁྱད་པར་བརྗོད་པ་ཞེས་བྱའོ། །གསུམ་པ་ནི། རིམ་པ་འདི་ཡིས་གཞན་གྱི་ནི། །དབྱེ་བ་རྣམས་ཀྱང་བརྟག་པར་བྱ། །ཞེས་པ་སྟེ། གོང་དུ་བརྗོད་པའི་རིམ་པ་འདི་རྣམས་ཀྱིས་ཁྱད་པར་བརྗོད་པའི་རྒྱན་གཞན་གྱི་དབྱེ་བ་རྣམས་ཀྱང་ཚུལ་འདིས་རྗེས་སུ་དཔགས་ནས་བརྟགས་པར་བྱའོ། །ཉེར་དྲུག་པ་མཚུངས་སྦྱོར་གྱི་རྒྱན་ལ་གཉིས། མཚན་ཉིད་དང་། དཔེར་བརྗོད་དོ། །དང་པོ་ནི། བརྗོད་འདོད་ཡོན་ཏན་ཁྱད་འཕགས་དང་། །མཚུངས་པར་བྱས་ནས་འགའ་ཞིག་ནི། །བསྟོད་སྨད་དོན་དུ་བསྒྲགས་པ་གང་། །དེ་ནི་མཚུངས་པར་སྦྱོར་བར་བཤད། །ཅེས་པ་སྟེ། བརྗོད་འདོད་ཀྱི་ཡོན་ཏན་འཁྱད་འཕགས་དང་། ཁྱད་འཕགས་མ་ཡིན་པ་གང་གི་བརྗོད་ཚུལ་དཔེ་དཔེ་ཅན་ཕན་ཚུན་མཚུངས་པར་བྱས་ནས་འགའ་ཞིག་ནི་བསྟོད་པ་དང་འགའ་ཞིག་སྨད་པའི་དོན་དུ་བསྒྲགས་པ་གང་ཡིན་པའི་ཚིག་སྦྱོར་དེ་ནི་མཚུངས་པར་སྦྱོར་བ་ཞེས་བྱ་བར་བཤད་དོ། །གཉིས་པ་ལ། དང་པོ་བསྟོད་པའི་མཚུངས་སྦྱོར་ནི། །གཤིན་རྗེ་ལུས་ངན་ཆུ་ལྷ་དང་། །མིག་སྟོང་བ་དང་ཁྱོད་ཉིད་ཀྱང་། །འཇིག་རྟེན་སྐྱོང་བ་ཞེས་པའི་སྒྲ། །ཡུལ་གཞན་མེད་པར་རྣམ་པར་འཛིན། །ཞེས་པ་སྟེ། གཤིན་རྗེ་དང་། ལུས་ངན་དང་། ཆུ་ལྷ་དང་། མིག་སྟོང་པ་སྟེ་བརྒྱ་བྱིན་དང་། །མིའི་བདག་པོ་ཁྱོད་ཉིད་ཀྱང་སྟེ། དེ་རྣམས་ནི་འཇིག་རྟེན་སྐྱོང་བ་ཞེས་པའི་སྒྲ་ཡུལ་གཞན་དུ་འཇུག་པ་མེད་པར་ཁྱོད་རྣམས་ཀྱིས་རྣམ་པར་འཛིན་ནོ། །གཉིས་པ་སྨད་པའི་མཚུངས་སྦྱོར་ནི། རི་དྭགས་མིག་དང་འགྲོགས་པ་དང་། །གློག་གི་རྩེ་དགའ་དག་དང་ནི། །སྤྲིན་གྱི་རྩོམ་པའང་རང་བཞིན་གྱིས། །སྐད་ཅིག་གཉིས་པར་མི་གནས་སོ། །ཞེས་པ་སྟེ། རི་དྭགས་མིག་ཅན་མ་དང་འགྲོགས་པའི་བདེ་བ་དང་གློག་ནི་རྩེ་དགའ་ཕན་ཚུན་དུ་འཁྱུག་པ་དག་དང་། སྤྲིན་གྱི་འདུ་འཁོད་རྩོམ་པའང་སྟེ། དེ་རྣམས་རང་བཞིན་

― MLP007_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་གཡོ་བའི་ཆོས་ཅན་ཡིན་པའི་ཕྱིར་སྐད་གཅིག་གཉིས་པར་མི་གནས་སོ། །ཉེར་བདུན་པ་འགལ་བའི་རྒྱན་ལ་གསུམ། མཚན་ཉིད། དཔེར་བརྗོད། མཇུག་བསྡུ་བའོ། །དང་པོ་ནི། འགལ་ཟླ་སྒྲུབ་བྱེད་སླད་དུ་ནི། །གང་དུ་དངོས་པོ་འགལ་བ་རྣམས། །ཡང་དག་འགྲོགས་པར་རབ་བསྟན་པ། །དེ་ནི་འགལ་བར་བཤད་དེ་དཔེར། །ཞེས་པ་སྟེ། ཕན་ཚུན་འགལ་ཟླ་སྒྲུབ་པར་བྱེད་པའི་སླད་དུ་ཚིག་སྦྱོར་གང་དུ་དངོས་པོ་འགལ་བ་རྣམས་ཡང་དག་འགྲོགས་པར་རབ་ཏུ་བསྟན་པ་དེ་ནི་འགལ་བའི་རྒྱན་ཞེས་བྱ་བར་བཤད་དེ། དཔེར་ན་ཞེས་སོ། །གཉིས་པ་ལ། དང་པོ་གཞི་ཐ་དད་ཀྱི་བྱ་བ་འགལ་བ་ནི། ངང་པའི་རྒྱལ་པོ་རྣམས་དག་ནི། །མྱོས་པའི་མདངས་སྙན་ཅ་ཅོ་འཕེལ། །རྨ་བྱ་རྣམས་ཀྱི་སྒྲ་དག་ནི། །ཡིད་འོང་ཉིད་དང་བྲལ་བས་ཉམས། །ཞེས་པ་སྟེ། སྟོན་དུས་ངང་པའི་རྒྱལ་པོ་རྣམས་དག་ནི་དགའ་བས་མྱོས་པའི་གདངས་སྙན་པོ་དང་ལྡན་པའི་ཅ་ཅོ་འཕེལ་ལ། རྨ་བྱ་རྣམས་ཀྱི་སྒྲ་སྒྲོག་པ་དག་ནི་དུས་དེར་ཡིད་དུ་འོང་བའི་དངོས་པོ་ཆར་སྤྲིན་ཉིད་དང་བྲལ་བས་ཉམས་སོ་ཞེས་ངང་པ་དང་རྨ་བྱ་གཞི་ཐ་དད་ཅིང་བྱ་བ་ཅ་ཅོ་འཕེལ་བ་དང་སྒྲ་ཉམས་པ་འགལ་བ་ལྟ་བུའོ། །གཉིས་པ་གཞི་གཅིག་གི་བྱ་བ་འགལ་བ་ནི། དབྱར་སྐྱེས་ཆུ་འཛིན་དག་གིས་ནི། །ནམ་མཁའ་ཡུལ་ངན་ལྟ་བུར་སྤྱོད། །ཆགས་པ་ཡིས་ཀྱང་འགྲོ་བ་ཡི། །ཡིད་ནི་ཀུན་ཏུ་ཆགས་པར་འགྱུར། །ཞེས་པ་སྟེ། དབྱར་ལས་སྐྱེས་པའི་ཆུ་འཛིན་དག་གིས་ནམ་མཁའི་ཁམས་རྣམས་ནི་ཡུལ་ངན་ནམ་ཆགས་པ་ཞིག་པ་ལྟ་བུར་སྤྱོད་ལ། སྤྲིན་དེས་ཆགས་པ་འཕེལ་བས་ཀྱང་འགྲོ་བའི་ཡིད་ནི་ཀུན་ཏུ་ཆགས་པར་གྱུར་ཏོ་ཞེས་གཞི་སྤྲིན་གཅིག་པོས་བྱ་བ་འགལ་བ་ཞིག་པ་དང་འཕེལ་བར་བསྟན་པ་ལྟ་བུའོ། །གསུམ་པ་རྫས་འགལ་བ་ནི། རྐེད་པ་ཕྲ་ཞིང་རོ་སྨད་སྦོམ། །མཆུ་དམར་མིག་ནི་དཀར་བ་མིན། །ལྟེ་བ་དམའ་ཞིང་ནུ་མ་མཐོ། །བུད་མེད་ལུས་ཀྱིས་སུ་མ་བཅོམ། །ཞེས་པ་སྟེ། རྐེད་པ་ཤིན་ཏུ་ཕྲ་ཞིང་རོ་སྨད་སྦོམ་པ་དང་། མཆུ་སྒྲོས་དམར་ཞིང་མིག་ནི་དཀར་བ་མིན་པ་དང་། ལྟེ་བ་དམའ་ཞིང་ནུ་མ་མཐོ་བ་དེ་ལྟ་བུའི་བུད་མེད་ཀྱི་ལུས་ཀྱིས་སུ་ཞིག་མ་བཅོམ་སྟེ་བཅོམ་མོ་ཞེས་བུད་མེད་ཀྱི་ལུས་ལ་ཡོད་པའི་རྫས་རྐེད་པ་ཕྲ་བ་

― MLP007_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རོ་སྨད་སྦོམ་པ་འགལ་བར་བསྟན་པ་ལ་སོགས་ལྟ་བུའོ། །བཞི་པ་རྫས་དང་ལས་འགལ་བ་ནི། པད་རྩའི་ལག་པ་ཆུ་ཤིང་བརླ། །པདྨའི་གདོང་དང་ཨུཏྤལ་མིག །ཁྱོད་ཀྱི་གཟུགས་ཀྱིས་བདག་ཅག་རྣམས། །གདུང་ནུས་མིན་ནམ་ལུས་ཅན་མ། །ཞེས་པ་སྟེ། ལུས་ཅན་མ་ཞེས་བོས་ནས། འཇམ་གཉེན་པད་རྩའི་ལག་པ། འཁྲང་ཟླུམ་ཆུ་ཤིང་གི་བརླ། དཀར་མཛེས་པདྨའི་གདོང་དང་། མཐོན་མཐིང་ཨུཏྤལ་གྱི་མིག་ཅན་མཛེས་མ་ཁྱོད་ཀྱི་གཟུགས་ཀྱིས་བདག་ཅག་རྣམས་གདུང་ནུས་མིན་ནམ་ཅི་སྟེ་ནུས་སོ་ཞེས་རྫས་བསིལ་བ་ཚོགས་པས་བྱེད་ལས་གདུང་བ་བསྐྱེད་པ་འགལ་བ་ལྟ་བུའོ། །ལྔ་པ་གཞི་གཅིག་གི་ལས་འགལ་བ་ནི། སྐྱེད་ཚལ་རླུང་གིས་རབ་བསྐྱོད་པ། །ཙཱུཏ་ཙམྤ་ཀ་ཡི་རྡུལ། །རེག་པ་མིན་ཡང་མགྲོན་པོ་ཡི། །མིག་ལས་མཆི་མ་ཟག་པར་བྱེད། །ཅེས་པ་སྟེ། སྐྱེད་མོས་ཚལ་རླུང་གིས་རབ་ཏུ་བསྐྱོད་པ་ལས་བྱུང་བའི་ཙཱུ་ཏ་དང་ཙམྤ་ཀའི་རྡུལ་གྱིས་རེག་པ་མིན་ཡང་། བྲལ་བས་ཉེན་པའི་མགྲོན་པོའི་མིག་ལས་མཆི་མ་ཟག་པར་བྱེད་དོ་ཞེས་གཞི་སྐྱེད་ཚལ་གཅིག་པོ་ལ་བྱེད་ལས་རེག་པ་མེད་པར་མིག་ཆུ་ཟག་པ་འགལ་བར་བསྟན་པ་ལྟ་བུའོ། །དྲུག་པ་སྦྱར་བའི་འགལ་བ་ནི། སྦྱར་རྒྱན་གྱི་སྒོ་ནས་རྒྱ་དཔེ་གཅིག་ལ་དོན་གཉིས་སྟོན་པའི་འགྱུར་གཅིག་ལ། སྙན་པར་སྒྲོག་མ་ཁྱོད་ཀྱི་མིག །ནག་དཀར་རྗེས་སུ་དམར་བ་ཡང་། །རྣ་བ་དག་ལ་བརྟེན་པ་ནི། །སུ་ཡི་ཡིད་བརྟན་ཉིད་དུ་གྱུར། །ཞེས་པ་སྟེ། སྙན་པར་སྒྲོག་མ་ཞེས་བོས་ནས། ཁྱོད་ཀྱི་མིག་འབྲས་ནག་པ་དང་། དེའི་མཐར་དཀར་བ་དང་རྗེས་སུ་དམར་བ་ཅན་འདི་ཡང་རྣ་བའི་བར་དག་ལ་བརྟེན་པ་ནི་སྐྱེ་བོ་སུ་ཞིག་གི་ཡིད་བརྟན་ཉིད་དུ་འགྱུར་ཞེས་སོ། །འདིར་ནག་དཀར་དམར་བ་ཁ་དོག་འགལ་ལོ། །ཡང་། འགྱུར་གཅིག་ལ། ནག་མོ་སྙན་སྒྲོག་ཁྱོད་ཀྱི་མིག །སྲིད་སྒྲུབ་ལ་ཆགས་ལྟ་བྱེད་ཀྱང་། །རྣ་ཅན་དག་ལ་བརྟེན་པ་ནི། །སུ་ཡིས་ཡིད་བརྟན་ཉིད་དུ་འགྱུར། །ཞེས་པ་སྟེ། ནག་མོ་སྙན་པར་སྒྲོག་མ་ཁྱོད་ཀྱི་མིག་གཉིས་རང་གི་བདག་པོར་གྱུར་པ་སྲིད་སྒྲུབ་ལ་རྗེས་སུ་ཆགས་པས་ལྟ་བར་བྱེད་ཀྱང་། སྲིད་སྒྲུབ་ཀྱི་དགྲ་ཟླ་རྣ་ཅན་དག་ལ་ཡང་བརྟེན་པ་ནི་སུའི་ཡིད་བརྟན་ཉིད་དུ་འགྱུར་ཞེས་པའོ། །འདིར་དགྲ་ཟླ་གཉིས་ཀ་བསྟེན་པ་

― MLP007_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་ལོ། །གསུམ་པ་ནི། དེ་ལྟར་རྒྱན་འདི་རྣམ་པ་འདི། །དུ་མ་ཉིད་དུ་རབ་རྟོགས་བྱ། །ཞེས་པ་སྟེ། ཚུལ་དེ་ལྟར་གོང་དུ་བཀོད་པ་དེ་རྣམས་ཀྱིས་མཚོན་ནས་འགལ་རྒྱན་འདི་ནི་རྣམ་པ་དུ་མ་ཉིད་དུ་རབ་ཏུ་རྟོགས་པར་བྱའོ། །ཉེར་བརྒྱད་པ་སྐབས་མིན་བསྟོད་པའི་རྒྱན་ལ་གསུམ། མཚན་ཉིད། དཔེར་བརྗོད། དོན་བཤད་དོ། །དང་པོ་ནི། སྐབས་མིན་འདོད་པས་བསྟོད་པ་ནི། །སྐབས་སུ་མ་བབས་བསྟོད་པ་ཡིན། །ཞེས་པ་སྟེ། བསྟོད་པར་བྱ་བ་སྐབས་སུ་བབས་པ་མ་ཡིན་པ་ལ་འདོད་པའི་ཀུན་སློང་གིས་བསྟོད་པ་ནི་སྐབས་སུ་མ་བབས་པར་བསྟོད་པའི་རྒྱན་ཡིན་ནོ། །གཉིས་པ་ནི། གཞན་མི་བསྟེན་པའི་རི་དྭགས་རྣམས། །འབད་མེད་རྙེད་པར་སླ་བའི་ནོར། །ཆུ་དང་རྩ་ཡི་མྱུག་སོགས་ཀྱིས། །ནགས་རྣམས་སུ་ནི་བདེ་བར་འཚོ། །ཞེས་པ་སྟེ། གཞན་དག་ངོ་སྲུང་གིས་མི་བསྟེན་པའི་རི་དྭགས་རྣམས་ནི་འབད་མེད་དུ་རྙེད་པར་སླ་བའི་ནོར་ཆུ་དང་རྩའི་མྱུ་གུ་སོགས་ཀྱིས་ནགས་སུ་ནི་བདེ་བར་འཚོ་ཞིང་སྤྱོད་དོ། །གསུམ་པ་ནི། རྒྱལ་པོའི་རྗེས་འབྲངས་ཉོན་མོངས་པ། །སྐྱོ་བའི་ཡིད་དང་ལྡན་པ་ཡིས། །སྐབས་སུ་མ་བབས་ཉིད་དུ་འདིར། །རི་དྭགས་སྤྱོད་ཚུལ་འདི་དག་བསྔགས། །ཞེས་པ་སྟེ། རྒྱལ་པོའི་རྗེས་འབྲངས་བྱ་བ་མང་པོས་ཉོན་མོངས་པ་སྐྱོ་བའི་ཡིད་དང་ལྡན་པ་འགའ་ཡིས་བསྟོད་པའི་སྐབས་སུ་མ་བབས་པ་ཉིད་དུ་འདིར་རི་དྭགས་ཀྱི་སྤྱོད་ཚུལ་འདི་དག་ལ་བསྔགས་པར་བྱས་སོ། །ཉེར་དགུ་པ་ཟོལ་བསྟོད་ཀྱི་རྒྱན་ལ་གསུམ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། གལ་ཏེ་སྨད་པ་བཞིན་བསྟོད་ནས། །སྐྱོན་ལྟར་སྣང་བའི་ཡོན་ཏན་ཉིད། །གང་དུ་ཉེ་བར་ཐོབ་གྱུར་པ། །འདི་ནི་ཟོལ་གྱིས་བསྟོད་པར་བཤད། །ཅེས་པ་སྟེ། གལ་ཏེ་སྨད་པ་སྐྱོན་བཞིན་དུ་སྣང་བའི་ཚིག་གིས་བསྟོད་པའི་སྒོ་ནས། རྣམ་པ་སྐྱོན་ལྟར་སྣང་བའི་ཡོན་ཏན་གྱི་ཆེ་བ་ཉིད་གང་དུ་ཉེ་བར་ཐོབ་པར་གྱུར་པ་འདི་ནི་ཟོལ་གྱིས་བསྟོད་པའི་རྒྱན་ཞེས་བྱ་བར་བཤད་དོ། །གཉིས་པ་ལ། དང་པོ་མཐུ་ཕུན་ཚོགས་ཀྱི་ཟོལ་བསྟོད་ནི། །རཱ་མ་དཀའ་ཐུབ་པ་ཡིས་ཀྱང་། །འབྱུང་བོ་འཛིན་མ་འདི་ལས་རྒྱལ། །དེ་ཉིད་རྒྱལ་པོ་ཁྱོད་ཀྱིས་

― MLP007_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །འདི་ལ་ཁྱོད་ཀྱིས་རྒྱགས་མ་མཛད། །ཅེས་པ་སྟེ། རྒྱལ་པོ་རཱ་མ་ཎ་དཀའ་ཐུབ་ལ་གནས་པས་ཀྱང་འབྱུང་བོ་འཛིན་མ་ས་གཞིའི་ཁྱོན་འདི་ལས་རྒྱལ་བར་གྱུར་ན། ས་གཞི་དེ་ཉིད་དཔུང་ཚོགས་ཡན་ལག་བཞི་དང་བཅས་པས་རྒྱལ་པོ་ཁྱོད་ཀྱིས་ཀྱང་རྒྱལ་བར་ཐོབ་པ་འདི་ལ་ཁྱོད་ནི་རྒྱགས་པ་སྟེ་ང་རྒྱལ་མ་མཛད་ཅིག་ཅེས་རློམས་སེམས་བྱ་རིང་མི་ཆོག་པར་ལྟར་སྣང་བའི་ཚིག་གིས་ཤུགས་ལ་མཐུ་ཆེ་བར་རཱ་མ་ཎ་དང་འདྲ་བར་བསྟན་པ་ལྟ་བུའོ། །གཉིས་པ་དཔའ་བ་ཕུན་ཚོགས་ཀྱི་ཟོལ་བསྟོད་ནི། སྔོན་གྱི་སྐྱེས་བུ་ལས་བཅད་ནས། །དཔལ་འདི་ཁྱོད་ཀྱིས་ཡོངས་སུ་སྤྱོད། །རྒྱལ་པོ་བུ་རམ་ཤིང་པའི་རྒྱུད། །ཁྱོད་ཀྱིས་འདི་ནི་རིགས་སམ་ཅི། །ཞེས་པ་སྟེ། སྔོན་གྱི་སྐྱེས་བུ་ཁྱབ་འཇུག་གིས་དབང་བྱེད་བཞིན་པ་ལས་བཅད་དེ་ཕྲོགས་ནས་ས་གཞིའི་དཔལ་འབྱོར་འདི་ལ་ཁྱོད་ཀྱིས་ཡོངས་སུ་སྤྱོད་མོད། དེ་ལྟ་ནའང་། རྒྱལ་པོ་བུ་རམ་ཤིང་པ་མཐོན་པོའི་རིགས་རྒྱུད་ཁྱོད་ཀྱིས་མ་བྱིན་ལེན་གྱི་བྱ་བ་འདི་ནི་རིགས་སམ་ཅི་སྟེ་མི་རིགས་ཞེས་མི་འོས་པ་ལྟར་བརྗོད་པའི་ཤུགས་ལས་དཔའ་བ་ཕུན་ཚོགས་ཁྱབ་འཇུག་ལས་ཀྱང་འཕྲོག་ནུས་པར་བསྟན་པ་ལྟ་བུའོ། །གསུམ་པ་སྦྱར་བའི་ཟོལ་བསྟོད་ནི། ཁྱོད་ཀྱི་བཙུན་མོ་ས་གཞི་ནི། །ལག་འགྲོའི་ལོངས་སྤྱོད་དག་ལ་ཆགས། །ཅི་སླད་ཁྱོད་ཀྱི་ང་རྒྱལ་ནི། །མཆོག་གི་མཐའ་རུ་འཛེགས་པར་གྱུར། །ཞེས་པ་སྟེ། མི་བདག་ཁྱོད་ཀྱི་བཙུན་མོ་དང་ས་གཞི་དག་ནི། ལག་འགྲོའི་ལོངས་སྤྱོད་དག་ལ་ཆགས་སོ་ཞེས་ལག་འགྲོ་ཀླུ་དང་སྐྱེ་བོ་ངན་པ་གཉིས་ཀ་ལ་འཇུག་པའི་དོན་གྱིས་ས་གཞི་ཀླུའི་ཡུལ་ལ་གནས་པ་དང་། བཙུན་མོ་སྐྱེ་བོ་ངན་པའི་ལོངས་སྤྱོད་ལ་ཆགས་པ་སྦྱར་ཏེ། རྒྱུ་མཚན་དེའི་ཕྱིར་ཅིའི་སླད་དུ། རྒྱལ་པོ་ཁྱོད་ཀྱི་ང་རྒྱལ་ནི་མཆོག་གི་མཐའ་རུ་འཛེགས་ཤིང་གནས་པར་གྱུར་ཏེ་དེ་ལྟར་ང་རྒྱལ་བྱ་བ་མི་རིགས་སོ་ཞེས་སྨད་པ་ལྟར་སྣང་བའི་ཤུགས་ཀྱིས་ས་གཞི་མ་ལུས་པའི་རྒྱལ་སྲིད་ཀྱི་བདག་པོར་བསྔགས་པའོ། །གསུམ་པ་ནི། དེ་ལྟར་ཉེ་བར་མཚོན་པ་ལས། །སྦྱར་བ་ཅན་དང་གཞན་དག་གི། ཟོལ་གྱིས་བསྟོད་པའི་རྣམ་པ་རྣམས། །རབ་ཏུ་རྒྱ་ཆེ་མཐའ་དང་བྲལ། །ཞེས་པ་སྟེ། བརྗོད་མ་ཐག་པ་དེ་ལྟར་ཉེ་བར་མཚོན་པ་ལས་སྦྱར་བ་ཅན་དང་། གཞན་ཡང་

― MLP007_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་གཞན་དག་གྱི་སྒོ་ནས་ཟོལ་གྱིས་བསྟོད་པའི་རྣམ་པ་རྣམས་རབ་ཏུ་རྒྱ་ཆེ་ཞིང་མཐའ་དང་བྲལ་བ་དག་ཀྱང་རྟོགས་པར་བྱའོ། །སུམ་ཅུ་པ་ངེས་བསྟན་གྱི་རྒྱན་ལ་གཉིས། མཚན་ཉིད་དང་། དཔེ་བརྗོད་དོ། །དང་པོ་ནི། གལ་ཏེ་དོན་གཞན་འཇུག་པ་ཡིས། །དེ་དང་མཚུངས་པའི་འབྲས་བུ་འགའ། །མཆོག་གམ་མཆོག་མིན་སྟོན་བྱེད་པ། །དེ་ནི་ངེས་པར་བསྟན་པ་ཡིན། །ཞེས་པ་སྟེ། གལ་ཏེ་བརྗོད་བྱའི་དོན་ངེས་པར་བསྟན་བྱ་ལས་གཞན་པའི་དོན་གྱི་འཇུག་པ་འགའ་ཡིས། དེ་དང་ཕྱོགས་མཚུངས་པའི་འབྲས་བུ་འགའ་ཞིག་མཆོག་འདོད་བྱའམ། མཆོག་མིན་འདོད་བྱ་མ་ཡིན་པ་དག་སྟོན་པར་བྱེད་པ་དེ་ནི་ངེས་པར་བསྟན་པའི་རྒྱན་ཡིན་ནོ། །གཉིས་པ་ལ། དང་པོ་མཆོག་གི་ངེས་བསྟན་ནི། ཉི་མ་འཆར་བ་ཉིད་ཀྱིས་ནི། །པདྨ་རྣམས་ལ་དཔལ་སྟེར་བྱེད། །ཕུན་ཚོགས་རྣམས་ཀྱི་འབྲས་བུ་དག །གྲོགས་པོ་རྗེས་འཛིན་བསྟན་པའི་ཕྱིར། །ཞེས་པ་སྟེ། ཉི་མའི་དཀྱིལ་འཁོར་འཆར་བ་ཉིད་ཀྱིས་པདྨ་རྣམས་ལ་དཔལ་སྟེར་བར་བྱེད་པ་ནི་ཕུན་ཚོགས་རྣམས་ཀྱི་འབྲས་བུ་གྲུབ་པ་དམ་པའི་སྐྱེས་བུ་དག་གིས་གྲོགས་པོ་རྣམས་རྗེས་སུ་འཛིན་པ་བསྟན་པའི་ཕྱིར་ཡིན་ནོ། །གཉིས་པ་མཆོག་མིན་ངེས་བསྟན་ནི། ཟླ་བའི་ཟེར་གྱིས་རེག་པ་ན། །མུན་པའི་ཕྲེང་བ་ནུབ་པར་གྱུར། །འཕྲལ་ལ་རྒྱལ་པོ་དང་འགལ་རྣམས། །ངན་པའི་མཐར་ཐུག་གསལ་བར་བྱེད། །ཅེས་པ་སྟེ། ཟླ་བའི་ཟེར་གྱིས་རེག་པ་ན་མུན་པའི་འཕྲེང་བ་སྐད་ཅིག་ལ་ནུབ་པར་གྱུར་པ་ནི་འཕྲལ་ལ་རྒྱལ་པོ་དང་འགལ་བ་རྣམས་བསོད་པ་སོགས་གནས་སྐབས་ངན་པའི་མཐར་གྱུར་པ་གསལ་བར་བྱེད་པ་སྟོན་པ་ཡིན་ནོ། །སོ་གཅིག་པ་ལྷན་ཅིག་བརྗོད་པའི་རྒྱན་ལ་གསུམ། རྒྱན་ཕྱི་མ་དང་མཚན་ཉིད་མཉམ་དུ་བཤད་པ། དཔེར་བརྗོད། མཇུག་བསྡུ་བའོ། །དང་པོ་ནི། ཡོན་ཏན་ལས་རྣམས་ལྷན་གཅིག་གི། དངོས་པོ་བརྗོད་པ་ལྷན་ཅིག་བརྗོད། །དོན་རྣམས་བསྣོལ་བ་གང་ཡིན་པ། །ཡོངས་བརྗེས་ཡིན་ཏེ་དེ་དག་དཔེར། །ཞེས་པ་སྟེ། ཡོན་ཏན་དང་ལས་རྣམས་ལྷན་ཅིག་པའི་དངོས་པོ་བརྗོད་པ་དེ་ནི་ལྷན་ཅིག་བརྗོད་པའི་རྒྱན་ཡིན་ལ། དོན་རྣམས་ཕན་ཚུན་བསྣོལ་

― MLP007_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཚུལ་དུ་བརྗོད་པ་གང་ཡིན་པ་ནི་ཡོངས་བརྗེས་ཀྱི་རྒྱན་ཡིན་ཏེ། རྒྱན་གཉིས་པོ་དེ་དག་དཔེར་བརྗོད་ན་ཞེས་སོ། །གཉིས་པ་ལ། དང་པོ་ཡོན་ཏན་ལྷན་ཅིག་བརྗོད་པ་ནི། ད་ནི་མཚན་མོ་འདི་དག་རྣམས། །བདག་གི་དབུགས་དང་ལྷན་ཅིག་རིང་། །ཟླ་བའི་རྒྱན་ལྡན་མ་རྣམས་ཀྱང་། །བདག་ལུས་ཉིད་དང་ལྷན་ཅིག་སྐྱ། །ཞེས་པ་སྟེ། ད་ནི་བྲལ་བས་ཉེན་པའི་མཚན་མོའི་ཐུན་འདི་དག་རྣམས་བདག་གི་ཤུགས་རིང་འབྱིན་པའི་དབུགས་དང་ལྷན་ཅིག་རིང་ལ། ཟླ་བའི་རྒྱན་ལྡན་མ་མཚན་མོ་རྣམས་ཀྱང་འདོད་གདུངས་ཀྱིས་ཉམས་པ་བདག་ལུས་ཉིད་དང་ལྷན་ཅིག་སྐྱའོ་ཞེས་ཡོན་ཏན་རིང་བ་དང་སྐྱ་བ་ལྷན་ཅིག་བརྗོད་པ་ལྟ་བུའོ། །གཉིས་པ་བྱ་བ་ཐ་དད་པའི་ལྷན་ཅིག་བརྗོད་པ་ནི། མགྲོན་པོ་རྣམས་ཀྱི་རྨོངས་པ་དང་། །ལྷན་ཅིག་ཙུ་ཏའི་དོག་པ་རྒྱས། །དེ་དག་མཆི་མ་དང་མཉམ་དུ། །མ་ལ་ཡ་ཡི་རླུང་དག་འབབ། །ཅེས་པ་སྟེ། མགྲོན་པོ་རྣམས་ཀྱི་ཆགས་པའི་རྨོངས་པ་རྒྱས་པ་དང་ལྷན་ཅིག་ཤིང་ཙུ་ཏའི་དོག་པ་རྒྱས་ལ། དེ་དག་མཛེས་མ་དྲན་པའ་ིམཆི་མ་འབབ་པ་དང་མཉམ་དུ་མ་ལ་ཡའི་རླུང་དག་འབབ་སོ་ཞེས་བྱ་བ་ཐ་དད་པ་རྨོངས་པ་རྒྱས་པ་དང་ཙཱུ་ཏའི་དོག་པ་རྒྱས་པ་ལྷན་ཅིག་བརྗོད་པ་ལ་སོགས་པ་ལྟ་བུའོ། །གསུམ་པ་བྱ་བ་གཅིག་པའི་ལྷན་ཅིག་བརྗོད་པ་ནི། ཁུ་བྱུག་སྒྲོག་པའི་སྐལ་བཟང་དང་། །ནགས་ཀྱི་རླུང་ནི་དྲི་བཟང་དང་། །དཔྱིད་ཉིན་སྐྱེ་བོའི་ཀུན་དགའ་རྣམས། །ལྷན་ཅིག་དག་ཏུ་འཕེལ་བར་གྱུར། །ཞེས་པ་སྟེ། ཁུ་བྱུག་གི་སྐད་སྙན་པར་སྒྲོག་པའི་སྐལ་བ་བཟང་པོ་དང་། ནགས་ཀྱི་རླུང་དྲི་བཟང་འཐུལ་བ་དང་། དཔྱིད་དུས་ལ་བབས་པའི་ཉིན་མོ་རྣམས་ཀྱི་ཚེ་སྐྱེ་བོའི་ཀུན་དགའ་རྣམས་ལྷན་ཅིག་དག་ཏུ་འཕེལ་བར་གྱུར་ཏོ་ཞེས་བྱ་བ་གཅིག་པ་འཕེལ་བའི་བྱ་བ་གསུམ་ལྷན་ཅིག་བརྗོད་པ་ལྟ་བུའོ། །གསུམ་པ་ནི། དེ་ལྟར་ལྷན་ཅིག་བརྗོད་པ་ཡི། །དཔེར་བརྗོད་འགའ་ཞིག་འདིར་བྱས་ཏེ། །ཞེས་པ་སྟེ། ཚུལ་དེ་ལྟར་ལྷན་ཅིག་བརྗོད་པའི་རྒྱན་གྱི་དཔེར་བརྗོད་པ་འགའ་ཞིག་སྐབས་འདིར་བསྟན་པར་བྱས་ཟིན་ཏེ་ཞེས་སོ། །སོ་གཉིས་པ་ཡོངས་བརྗེས་ཀྱི་རྒྱན་ལ་གཉིས། དམ་བཅའ་དང་དཔེར་བརྗོད་དོ། །དང་

― MLP007_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ནི། ཡོངས་སུ་བརྗེས་པའི་རང་བཞིན་ཡང་། །ངེས་པར་ཅུང་ཟད་བསྟན་པར་བྱ། །ཞེས་པ་སྟེ། གོ་སླའོ། །གཉིས་པ་ནི། ས་སྤྱོད་རྣམས་ལ་མཚོན་བསྣུན་པ། །སྟེར་བྱེད་ཁྱོད་ཀྱི་ལག་པ་ཡིས། །དེ་དག་གྲགས་པ་ཀུ་མུད་དཀར། །ཡུན་རིང་དག་ཏུ་སྒྲུབ་པ་ཕྲོགས། །ཞེས་པ་སྟེ། དགྲ་ཟླའི་ས་སྤྱོད་རྣམས་ལ་མཚོན་བསྣུན་ཏེ་འཆི་བ་སྟེར་བར་བྱེད་པ་རྒྱལ་པོ་ཁྱོད་ཀྱི་ལག་པས་དེ་དག་གི་གྲགས་པ་ཀུ་མུ་ད་ལྟར་དཀར་བ་ཡུན་རིང་དག་ཏུ་སྒྲུབ་པ་རྣམས་ཕྲོགས་ཤིང་བླངས་སོ་ཞེས་འཆི་བ་སྟེར་བ་དང་གྲགས་པ་ཕྲོགས་པ་ཡོངས་སུ་བརྗེས་པར་བསྟན་པ་ལྟ་བུའོ། །སོ་གསུམ་པ་ཤིས་བརྗོད་ཀྱི་རྒྱན་ལ་གསུམ། མཚན་ཉིད། དཔེར་བརྗོད། ཞར་བྱུང་རྒྱན་གཞན་པ་འདིར་འདུ་ཚུལ་ལོ། །དང་པོ་ནི། མངོན་པར་འདོད་པའི་དངོས་པོ་ལ། །སྨོན་པ་ཤིས་བརྗོད་ཅེས་བྱ་དཔེར། །ཞེས་པ་སྟེ། མངོན་པར་འདོད་པ་སྟེ་དོན་དུ་གཉེར་བྱའི་དངོས་པོ་ལ་སྨོན་པའི་ཚིག་གི་སྦྱོར་བ་ལ་ནི་ཤིས་བརྗོད་ཀྱི་རྒྱན་ཞེས་བྱ་སྟེ། དཔེར་ན་ཞེས་སོ། །གཉིས་པ་ནི། ངག་ཡིད་སྤྱོད་ཡུལ་མ་ཡིན་པའི། །སྣང་བ་དམ་པས་ཁྱོད་ལ་སྲུངས། །ཞེས་པ་སྟེ། ངག་གིས་བརྗོད་པ་དང་། ཡིད་ཀྱིས་བརྟག་བྱའི་སྤྱོད་ཡུལ་མ་ཡིན་པའི་ཡེ་ཤེས་ཀྱི་སྣང་བ་དམ་པས་ཁྱོད་ལ་དུས་ཀུན་ཏུ་སྲུངས་ཤིག་པའོ། །གསུམ་པ་ནི། རྗེས་འགྲོ་མེད་དང་ཐེ་ཚོམ་ཅན། །དག་ནི་དཔེ་རྣམས་ཉིད་ལ་བསྟན། །དཔེ་ཡི་གཟུགས་ཅན་དག་ཀྱང་འདིར། །གཟུགས་ཅན་རྣམས་ལ་ངེས་པར་བསྒྲགས། །རབ་རྟོག་ཆ་ཤས་འདི་ཡང་ནི། །རབ་རྟོག་དག་གི་དབྱེ་བ་ཉིད། །ཅེས་པ་སྟེ། འདིར་འགའ་ཞིག་རྗེས་འགྲོ་མེད་པ་ལ་སོགས་པའི་རྒྱན་རྣམས་འདིར་མ་འདུས་སོ་ཞེ་ན། རྗེས་འགྲོ་མེད་པ་དང་ཐེ་ཚོམ་ཅན་དག་ནི་དཔེ་རྣམས་ཉིད་ཀྱི་སྐབས་སུ་ཐུན་མོང་མ་ཡིན་པའི་དཔེ་དང་ཐེ་ཚོམ་གྱི་དཔེར་བསྟན་ཅིང་། དཔེའི་གཟུགས་ཅན་དག་ཀྱང་འདིར་གཟུགས་ཅན་རྣམས་ལ་ངེས་པར་བསྒྲགས་ཟིན་ལ་རབ་རྟོག་གི་ཆ་ཤས་འདི་ཡང་རབ་རྟོག་དག་གི་དབྱེ་བ་ཉིད་ལས་གཞན་མ་ཡིན་ནོ། །སོ་བཞི་པ་རབ་སྤེལ་གྱི་རྒྱན་ལ་གསུམ། མཚན་ཉིད་དང་། དབྱེ་བ་བསྟན། རྒྱུ་དང་རྒྱུ་

― MLP007_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱི་དངོས་པོ་དཔེར་བརྗོད། དེའི་སྒྲུབ་བྱེད་དང་རྒྱན་སྤྱིའི་རྣམ་དབྱེའོ། །དང་པོ་ནི། ཐ་དད་རྒྱན་རྣམས་བསྲེས་པ་ནི། །སྤེལ་མ་དག་ཏུ་བརྗོད་པ་སྟེ། །ཡན་ལག་ཡན་ལག་ཅན་དངོས་ཀྱི། །སྐབས་དང་ཐམས་ཅད་སྟོབས་མཚུངས་ཉིད། །ཅེས་པའི་ལུགས་གཉིས་སྤེལ་མ་ཡི། །རྒྱན་དག་ལ་ནི་མཚོན་པར་བྱ། །ཞེས་པ་སྟེ། ཐ་དད་པའི་རྒྱན་མི་འདྲ་བ་རྣམས་བསྲེས་པ་ནི་སྤེལ་མའི་རྒྱན་དག་ཏུ་བརྗོད་པ་སྟེ། དེ་ལ་དབྱེ་ན། ཡན་ལག་སྒྲུབ་བྱེད་ཕན་འདོགས་བྱེད་དང་། ཡན་ལག་ཅན་བསྒྲུབ་བྱ་ཕན་གདགས་བྱའི་དངོས་པོར་གནས་པ་ལྟོས་པ་དང་བཅས་པའི་སྐབས་དང་། ལྟོས་མེད་རྒྱན་ཐམས་ཅད་སྟོབས་མཚུངས་པ་ཉིད་ཅེས་པའི་ལུགས་རྣམ་པ་གཉིས་ཏེ། གཉིས་པོ་དེ་དག་སྤེལ་མའི་རྒྱན་དག་ལ་ནི་མཚོན་པར་བྱའོ། །གཉིས་པ་ནི། མཛེས་མ་ཁྱོད་ཀྱི་བཞིན་གྱི་དཔལ། །པདྨ་དག་གིས་འགོག་པར་བྱེད། །མཛོད་དང་ཡུ་བ་ཕུན་ཚོགས་པ། །འདི་ལ་བྱ་དཀའ་ཅི་ཞིག་ཡོད། །ཅེས་པ་སྟེ། མཛེས་མ་ཁྱོད་ཀྱི་བཞིན་རས་ཀྱི་དཔལ་མཐའ་དག་ནི་པདྨ་དག་གིས་འགོག་པར་བྱེད་ཅེས་དཔེ་རྒྱན་ཏེ་བསྒྲུབ་བྱ་དང་སྒྲུབ་བྱེད་ཀོ་ཥའི་སྒྲ་པདྨའི་སྙིང་པོ་དང་བང་མཛོད་ལ་འཇུག །དཎྜ་པདྨའི་ཡུ་བ་དང་ཡན་ལག་བཞི་པའི་དཔུང་ལ་འཇུག་པས། པདྨའི་སྙིང་པོ་ཡུ་བར་བཅས་པའམ། མཛོད་དཔུང་དུ་བཅས་པ་ཞེས་སྒྲ་སྦྱར་ཏེ། དེ་ལྟར་ཕུན་སུམ་ཚོགས་པའི་དངོས་པོ་འདི་ལ་བྱ་དཀའ་བ་ཅི་ཞིག་ཡོད་ཅེས་དོན་གཞན་བཀོད་པའི་རྒྱན་སྦྱར་རྒྱན་དང་བཅས་པ་སྟེ། སྟོབས་མཚུངས་དཔེར་བརྗོད་ཤུགས་ལས་རྟོགས་པར་དགོས་སོ། །གསུམ་པ་ནི། རང་བཞིན་བརྗོད་དང་འཁྱོག་བརྗོད་ཅེས། །ངག་གི་རང་བཞིན་ཐ་དད་གཉིས། །འཁྱོག་པོར་བརྗོད་པ་ཐམས་ཅད་ལ། །ཕལ་ཆེར་སྦྱར་བས་དཔལ་རྒྱས་བྱེད། །ཅེས་པ་སྟེ། རང་བཞིན་ཇི་ལྟ་བར་བརྗོད་པ་དང་། རྣམ་པ་གཞན་དུ་བྱས་པ་འཁྱོག་བརྗོད་ཅེས་པའི་ངག་གི་རང་བཞིན་ཐ་དད་པ་གཉིས་སུ་གནས་པ་ལས། འཁྱོག་པོར་བརྗོད་པའི་ཚུལ་ཐམས་ཅད་ལ་ཕལ་ཆེར་སྦྱར་བ་ཁོ་ནས་ཚིག་སྦྱོར་གྱི་དཔལ་རྒྱས་པར་བྱེད་ཅེས་པའོ། །སོ་ལྔ་པ་དགོངས་པ་ཅན་གྱི་རྒྱན་ལ་གཉིས། རྒྱུ་དང་ངོ་བོ་མདོར་བསྟན་པ་དང་། དེ་

― MLP007_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཁྱད་ཆོས་བཞིས་རྒྱས་པར་བཤད་པའོ། །དང་པོ་ནི། སྙན་ངག་མཁན་བསམ་དགོངས་པ་སྟེ། །སྙན་ངག་གྲུབ་པར་གང་གནས་པ། །རབ་སྦྱོར་ཡུལ་གྱི་ཡོན་ཏན་ཅན། །དེ་ནི་དགོངས་པ་ཅན་ཞེས་བརྗོད། །ཅེས་པ་སྟེ། སྙན་ངག་མཁན་པོས་སྙན་ངག་གི་ཚིག་རྒྱུན་འགྲུབ་བྱེད་ཀྱི་རྟོག་པ་རྩོལ་བའི་ཁྱད་པར་གྱི་བསམ་པ་ནི་དགོངས་པ་སྟེ་སྙན་ངག་གི་རྒྱུན་དེ་ཐོག་མ་ནས་འགྲུབ་པར་མ་གྱུར་གྱི་བར་དུ་གང་ལ་གནས་པའི་བསམ་པ་ཉི་ཚེ་བ་མ་ཡིན་པ། ངོ་བོ་བཅད་ལྷུག་སྤེལ་མར་རབ་ཏུ་སྦྱོར་བའི་བདག་ཉིད་ཅན་གྱི་ཡུལ་གྱི་ཡོན་ཏན་ཅན་དེ་ནི་དགོངས་པ་ཅན་ཞེས་པར་བརྗོད་དེ། འདི་ནི་རྒྱན་ཐམས་ཅད་ཀྱི་རྒྱན་དུ་གྱུར་པ་སྟེ། ཐོག་མཐའ་བར་གསུམ་ཐམས་ཅད་དུ་རྒྱུན་ལ་རྗེས་སུ་འཇུག་པའོ། །གཉིས་པ་ནི། དངོས་པོ་ཡི་ནི་ཚིག་རྣམས་ཀུན། །ཕན་ཚུན་ཕན་པར་བྱེད་པ་ཉིད། །དོན་དང་བྲལ་བའི་ཁྱད་པར་རྣམས། །མ་བྱས་གནས་སུ་བསྔགས་པ་དང་། །བརྗོད་རིམ་སྟོབས་ལས་དངོས་པོ་ནི། །ཟབ་མོ་དག་ཀྱང་གསལ་བ་སྟེ། །དེ་ཀུན་དགོངས་པའི་དབང་གྱུར་ཕྱིར། །དེ་དག་དགོངས་པ་ཅན་ཞེས་རིག །ཅེས་པ་སྟེ། དངོས་པོ་སྙན་ངག་གི་ཚིག་རྣམས་ཀུན་ཕན་ཚུན་གཅིག་གིས་གཅིག་ལ་ཕན་པར་བྱེད་པ་ཉིད་དང་། དགོས་དོན་དང་བྲལ་བའི་ཚིག་གི་ཁྱད་པར་རྣམས་མ་བྱས་པ་དང་། དངོས་པོ་གང་ཡིན་ཡང་གནས་སུ་སྟེ་སྐབས་དང་འཚམ་པར་བསྔགས་པ་དང་། བརྗོད་པའི་རིམ་པ་དེ་ཉིད་ཀྱི་སྟོབས་སམ་ཤུགས་ལས་དངོས་པོ་ཟབ་མོ་རྟོགས་དཀའ་བ་དག་ཀྱང་གསལ་བ་སྟེ། ཁྱད་ཆོས་བཞི་པོ་དེ་ཀུན་དགོངས་པའི་དབང་དུ་གྱུར་པའི་ཕྱིར། དེ་དག་དགོངས་པ་ཅན་ཞེས་པའི་རྒྱན་དུ་རིག་པར་བྱའོ། །གཉིས་པ་ཟློས་གར་གྱི་མཚན་ཉིད་ཀྱང་རྒྱན་དུ་བསྟན་པ་ནི། གང་ཡང་མཚམས་སྦྱོར་ཡན་ལག་དང་། །འཇུག་པའི་ཡན་ལག་མཚན་ཉིད་སོགས། །ལུང་གཞན་དག་ཏུ་བརྗོད་འདི་ཡང་། །རྒྱན་ཉིད་དུ་ནི་བདག་ཅག་འདོད། །ཅེས་པ་སྟེ། གང་ཡང་མཚམས་སྦྱོར་གྱི་ཡན་ལག་སྨྲ་བ་དང་། སྨྲ་བའི་ལན་ལ་སོགས་པ་ལྔ་དང་། ཚིག་ལྡན་ལ་སོགས་པ་བཞི་ལ་རབ་ཏུ་སྣང་བྱེད་ལ་སོགས་པ་བཅུ་དྲུག་ཏུ་ཕྱེ་བའི་འཇུག་པའི་ཡན་ལག་རྣམས་དང་། རྒྱན་

― MLP007_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་ལ་སོགས་པ་མཚན་ཉིད་སུམ་ཅུ་རྩ་དྲུག་དང་སོགས་ཁོང་ནས་སྒེག་པའི་ཡན་ལག་ལ་སོགས་པ་ལུང་གཞན་དག་དུ་བརྗོད་པ་འདི་ཡང་སྙན་ངག་མཛེས་པའི་རྒྱན་ཉིད་དུ་ནི་དབྱུག་པ་ཅན་བདག་ཅག་འདོད་དོ། །གསུམ་པ་མཇུག་བསྡུ་བ་ནི། རྒྱ་ཆེ་མཐའ་ཡས་རབ་བསྡུས་ཚད་དུ་གྱུར་པ་ཡི། །རྒྱན་རྣམས་དག་གི་ལམ་འདི་ཉིད་ནི་རྣམ་པར་ཕྱེ། །བརྗོད་པའི་ཡུལ་ལས་འདས་པར་ཡོངས་སུ་གནས་པ་ཡི། །ཁྱད་པར་རྣམས་ནི་གོམས་པ་རྣམས་ཀྱིས་དབྱེ་བར་ནུས། །ཞེས་པ་སྟེ། རྒྱན་རྣམས་ཀྱི་མཚན་ཉིད་དང་མཚོན་བྱའི་དབྱེ་བ་རྒྱ་ཆེ་ཞིང་མཐའ་ཡས་པ་དེ་དག་ལས་རབ་ཏུ་བསྡུས་པ་དོན་རྒྱན་སོ་ལྔའི་ཚད་དུ་གྱུར་པའི་རྒྱན་རྣམས་དག་གི་ལམ་འདི་ཉིད་ནི་དབྱུག་པ་ཅན་བདག་གིས་རྣམ་པར་ཕྱེ་ལ། དེ་ལས་སྤྲོས་པ་བརྗོད་པའི་ཡུལ་ལས་འདས་པར་ཡོངས་སུ་གནས་པའི་ཁྱད་པར་གཞན་རྣམས་ནི་ལམ་འདིར་གོམས་ཤིང་འདྲིས་པ་རྣམས་ཀྱིས་དབྱེ་བར་ནུས་སོ། །སྙན་ངག་གི་བསྟན་བཅོས་མེ་ལོང་ལས། དོན་རྒྱན་སུམ་ཅུ་རྩ་ལྔ་བསྟན་པ་སྟེ་ལེའུ་གཉིས་པའི་དོན་བཤད་ཟིན་ཏོ།། །།

― MLP007_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་སྒྲ་རྒྱན་བཤད་པ་ལ་གསུམ། ཟུང་ལྡན་གྱི་རྣམ་བཞག །བྱ་དཀའི་ཁྱད་པར་གཞན། དབྱངས་སོགས་ངེས་པའི་བྱ་དཀའ་བཤད་པའོ། །དང་པོ་ལ། མདོར་བསྟན་དང་། རྒྱས་བཤད་དོ། །དང་པོ་ལ། མཚན་ཉིད་དང་དབྱེ་བའོ། །དང་པོ་ནི། བར་མ་ཆོད་དང་བར་ཆོད་བདག །ཡི་གེ་ཚོགས་པ་བསྐོར་བ་ནི། །ཟུང་ལྡན། ཞེས་པ་སྟེ། ཡི་གེ་གཞན་གྱིས་བར་མ་ཆོད་པ་དང་། བར་ཆོད་པའི་བདག་ཉིད་ཀྱང་སྟེ། དབྱངས་གསལ་གྱི་ཡི་གེ་ཚོགས་པ་དག་ལན་གཉིས་ལ་སོགས་པར་བཟླས་ཏེ་བསྐོར་བ་ནི་ཟུང་ལྡན་གྱི་མཚན་ཉིད་ཡིན་ནོ། །གཉིས་པ་ནི། དེ་ཡང་རྐང་པ་ཡི། །དང་པོ་བར་མཐའ་སྤྱོད་ཡུལ་ཅན། །གཅིག་གཉིས་གསུམ་བཞི་རྐང་པ་ཡི། །ཟུང་ལྡན་རྣམས་ཀྱི་རྣམ་རྟོག་ནི། །ཐོག་མ་བར་མཐའ་བར་དང་མཐའ། །བར་དང་ཐོག་མ་ཐོག་མཐའ་ཀུན། །ཀུན་ཏུ་དབྱེ་བ་ལས་གྱེས་པ། །དེ་དག་དབྱེ་བ་ཤིན་ཏུ་མང་། །དེ་ལ་བྱ་སླ་བྱ་དཀའ་ཡང་། །འགའ་ཞིག་དག་ནི་བསྟན་པར་བྱ། །ཞེས་པ་སྟེ། ཟུང་ལྡན་དེ་ཡང་རྐང་པའི་དང་པོ་དང་། བར་དང་། མཐའ་ན་ཡོད་པའི་སྤྱོད་ཡུལ་ཅན། དེ་ཡང་རྐང་བཞི་གང་རུང་གཅིག་ལ་ཡོད་པ་དང་། གཉིས་དང་། གསུམ་དང་། བཞི་ཀ་ལ་ཡོད་པའི་ཚུལ་ཅན་རྐང་པའི་ཟུང་ལྡན་རྣམས་ཀྱི་རྣམ་རྟོག་ནི། རྐང་པའི་ཐོག་མར་ཡོད་ལ་བར་མཐའ་ན་མེད་པ། བར་དུ་ཡོད་ལ་ཐོག་མཐར་མེད་པ། མཐའ་ལ་ཡོད་ལ་གོང་མ་གཉིས་ལ་མེད་པ། བར་དང་མཐའ་ན་ཡོད་ལ་དང་པོར་མེད་པ། ཐོག་བར་ལ་ཡོད་ཅིང་ཐ་མར་མེད་པ་དང་། ཐོག་མ་དང་ཐ་མར་ཡོད་ལ་བར་དུ་མེད་པ། ཐོག་མཐའ་བར་གསུམ་ཀུན་ལ་ཡོད་པ་སྟེ། རྣམ་པ་བདུན་དུ་ཀུན་ཏུ་དབྱེ་བ་ལས་གྱེས་པ་ཟུང་ལྡན་དེ་དག་གི་དབྱེ་བ་ཤིན་ཏུ་མང་ཞིང་། དེ་ལ་དབྱེ་བ་མདོར་བསྡུ་ན་བྱ་སླ་དང་བྱ་དཀའི་ལམ་སྲོལ་གཉིས་སུ་འགྱུར་བ་ཡང་ཡིན་ཏེ། དེ་དག་གི་དབྱེ་བ་འགའ་ཞིག་དག་ནི་བསྟན་པར་བྱའོ། །གཉིས་པ་རྒྱས་བཤད་ལ་དྲུག །རྐང་པའི་དང་པོ་ལ་ཡོད་པའི་ཟུང་ལྡན། གནས་གཞན་ན་ཡོད་པའི་ཟུང་ལྡན། མཐའ་ཐོག་སྦྱར་བའི་ཟུང་ལྡན། ཀུན་ཏུ་ཟུང་ལྡན། འདྲེས་པའི་ཟུང་

― MLP007_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན། ཟློག་པའི་ཟུང་ལྡན་ནོ། །དང་པོ་ལ། བར་མ་ཆོད་ཀྱི་ཟུང་ལྡན། བར་ཆོད་པའི་ཟུང་ལྡན། ཆོད་ཅིང་མ་ཆོད་པའི་ཟུང་ལྡན་ནོ། །དང་པོ་ལ། དངོས་དང་། དོན་བསྡུ་བའོ། །དང་པོ་ལ། དང་པོ་རྐང་པ་དང་པོའི་ཐོག་མར་ཡོད་པ་ནི། གྲོགས་མོ་མཛའ་བོའི་སྐྱེ་བོ་ལ། །ཁེངས་པ་འདི་དང་འགྲོགས་མ་བྱེད། །བསླུས་པའི་མགྲིན་པ་ནས་འཁྱུད་ལ། །དེ་ཉིད་ངོ་ཚ་ལྡན་པར་གྱིས། །ཞེས་པ་སྟེ། གྲོགས་མོ་ཁྱོད་མཛའ་བོ་སྐྱེ་བོ་ལ་མི་འདུད་པའི་ཁེངས་པ་འདི་དང་འགྲོགས་པར་མ་བྱེད་པར་བསླུས་པའི་མཛའ་བོ་དེའི་མགྲིན་པ་ནས་འཁྱུད་ལ་དེ་ཉིད་ལ་ངོ་ཚ་དང་ལྡན་པར་གྱིས་ཤིག་ཅེས་པའི་རྒྱ་དཔེར་རྐང་པ་དང་པོའི་མགོར། མཱ་ནེ་ན་མཱ་ནེ་ན་ཞེས་བར་མ་ཆད་པའི་ཟུང་ལྡན་ཡོད་དོ། །གཉིས་པ་རྐང་པ་གཉིས་པའི་ཐོག་མར་ཡོད་པ་ནི། ངང་པ་རྣམས་ཀྱི་དྲེགས་འཇོམས་པ། །སྤྲིན་གྱི་སྒྲ་ཡིས་མྱོས་བྱེད་ནི། །དགའ་མ་དང་བཅས་བུད་མེད་ཀྱི། །ཁེངས་བྲལ་ཡིད་ལ་འཇུག་པར་བྱེད། །ཅེས་པ་སྟེ། ངང་པ་རྣམས་ཀྱི་དྲེགས་པའི་ང་རྒྱལ་འཇོམས་པར་བྱེད་པ་སྤྲིན་གྱི་སྒྲ་འབྲུག་སྒྲ་འདིས་མྱོས་བྱེད་འདོད་ལྷ་དག་ནི་དགའ་མ་དང་བཅས་ནས་བུད་མེད་རྣམས་ཀྱི་ཁེངས་པ་བྲལ་བའི་སླད་དུ་ཡིད་ལ་འཇུག་པར་བྱེད་དོ་ཞེས་པའི་རྐང་པ་གཉིས་པའི་མགོར། མ་ད་ནོ་མ་ད་ནོ་ཞེས་པ་ཡོད་དོ། །གསུམ་པ་རྐང་པ་གསུམ་པའི་ཐོག་མར་ཡོད་པ་ནི། ཆུ་གཏེར་བཞི་ཡི་སྐ་རགས་ཅན། །ས་ཡི་ལག་དཔྱ་འཛིན་ལ་མཁས། །ཁྱོད་ཉིད་ཐོབ་ནས་ད་ལྟ་ནི། །སྐྱེ་རྒུ་རྒྱལ་པོ་བཟང་ལྡན་གྱུར། །ཞེས་པ་སྟེ། ཆུ་གཏེར་རྒྱ་མཚོ་བཞི་ཡི་སྐ་རགས་ཅན་ས་གཞིའི་ལག་པ་དང་དཔྱ་འཛིན་པ་ལ་མཁས་པའི་རྒྱལ་པོ་ཁྱོད་ཉིད་ཐོབ་ནས་ད་ལྟ་ནི་སྐྱེ་རྒུ་རྣམས་རྒྱལ་པོ་བཟང་པོ་དང་ལྡན་པར་གྱུར་ཏོ་ཞེས་པའི་རྐང་པ་གསུམ་པའི་མགོར་ཙ་ཏུ་རམ་ཙ་ཏུ་རམ་ཞེས་ཡོད་དོ། །བཞི་པ་རྐང་པ་བཞི་པའི་ཐོག་མར་ཡོད་པ་ནི། རྐང་ཐང་ཤིང་རྟ་གླང་པོ་དང་། །རྟ་དང་བྲལ་བ་ཁྱོད་ཀྱི་དགྲ། །འགའ་ཞིག་ནགས་དང་གཞན་དག་ནི། །ལྷ་རྣམས་དག་གི་གནས་སུ་སོང་། །ཞེས་པ་སྟེ། རྐང་ཐང་དང་། ཤིང་རྟ་དང་། གླང་པོ་དང་། རྟའི་ཚོགས་ཏེ་དཔུང་ཚོགས་བཞི་དང་བྲལ་བ་རྒྱལ་པོ་ཁྱོད་དགྲ་བོ་རྣམས་འགའ་ཞིག་ནགས་ཚལ་དང་། གཞན་དག་ནི་མཚོན་གྱི་ལམ་

― MLP007_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ལྷ་རྣམས་དག་གི་གནས་སུ་སོང་ངོ་ཞེས་པའི་རྐང་པ་བཞི་པའི་མགོར་ར་ཧི་ཏཻ་ར་ཧི་ཏཻ་ཞེས་ཡོད་དོ། །ལྔ་པ་རྐང་པ་དང་པོ་དང་གཉིས་པའི་ཐོག་མར་ཡོད་པ་ནི། ཆུ་སྐྱེས་གདོང་ལྡན་མིག་གཉིས་ཀྱི། །རྣམ་འཕྲུལ་ཡིད་འོང་འདི་ལ་ནི། །དཔྱིད་ཀྱི་བུང་བའི་རྣམ་འཕྲུལ་གྱིས། །ཅོ་འདྲི་བྱེད་པ་ཅི་ཡིན་སྨྲོས། །ཞེས་པ་སྟེ། ཆུ་སྐྱེས་པདྨའི་གདོང་ལྡན་མ་ཁྱོད་ཀྱི་མིག་གཉིས་ཀྱི་རྣམ་འཕྲུལ་ཡིད་དུ་འོང་བ་འདི་ལ། དཔྱིད་དུས་ཀྱི་བུང་བ་གཞོན་ནུའི་རྣམ་འཕྲུལ་གྱིས་ཅོ་འདྲི་བྱེད་པ་འདི་ཅི་ཡིན་སྨྲོས་ཤིག་ཅེས་པའི་རྐང་པ་དང་པོའི་མགོར། མ་དྷུ་རཾ་མ་དྷུ་རཾ། ཞེས་དང་། གཉིས་པའི་མགོར། བ་ད་ནེ་བ་ད་ནེ་ཞེས་ཡོད་དོ། །དྲུག་པ་རྐང་པ་དང་པོ་དང་གསུམ་པའི་ཐོག་མར་ཡོད་པ་ནི། འདོད་པ་གཡུལ་དུ་དཔའ་བ་ཡི། །གླང་པོའི་བཟུང་དཀའ་རྟ་མེད་ཀྱིས། །གང་ཕྱིར་བདག་ཅག་མཐར་བྱས་པ། །དེ་ཕྱིར་ཁྱོད་ཀྱི་རྣམ་གནོན་མཚར། །ཞེས་པ་སྟེ། འདོད་པ་ཁྱོད་གཡུལ་དུ་དཔའ་བ་དང་ལྡན་པའི་གླང་པོའམ། དེ་ལས་གཞན་ཡང་བཟུང་བར་དཀའ་བའི་རྟ་ལ་སོགས་པ་མེད་པ་ཉིད་ཀྱིས་གང་ཕྱིར་བདག་ཅག་འདོད་གདུངས་ཀྱིས་མཐར་བྱས་པ་དེ་ཕྱིར་ཁྱོད་ཀྱི་ཕ་རོལ་རྣམ་པར་གནོན་པ་འདི་ནི་མཚར་ཆེའོ། །ཞེས་པའི་རྐང་པ་དང་པོའི་མགོར། བཱ་ར་ཎོ་བཱ་ར་ཎོ་ཞེས་དང་། གསུམ་པའི་མགོར། ན་ཡ་ཏོ་ན་ཡ་ཏོ་ཞེས་ཡོད་དོ། །བདུན་པ་རྐང་པ་དང་པོ་དང་བཞི་པའི་ཐོག་མར་ཡོད་པ་ནི། གཡུལ་དུ་རྣོ་བས་མཛེས་པ་ཡི། །མི་བདག་ཁྱོད་འདྲས་ནོར་འཛིན་ནི། །རྒྱལ་བར་གྱུར་ཏེ་ནོར་འཛིན་གྱིས། །ཚིམ་པ་དག་ཀྱང་ཐོབ་པར་གྱུར། །ཞེས་པ་སྟེ། གཡུལ་དུ་རྣོ་བ་སྟེ་དཔའ་བས་མཛེས་པའི་མི་བདག་ཁྱོད་འདྲ་བའི་ནོར་འཛིན་འདི་ནི་རྒྱལ་བར་གྱུར་ཏེ། ནོར་འཛིན་གྱི་སྐྱེ་འགྲོ་དག་རྫོགས་ལྡན་གྱི་དཔལ་ལྟ་བུས་ཚིམ་པ་དག་ཀྱང་ཐོབ་པར་གྱུར་ཏོ་ཞེས་པའི་རྐང་པ་དང་པོའི་མགོར། རཱ་ཛི་ཏཻ་རཱ་ཛི་ཏཻ། ཞེས་དང་། བཞི་པའི་མགོར། བ་སཱུ་དྷཱ་བ་སུ་དྷཱ། ཞེས་ཡོད་དོ། །བརྒྱད་པ་རྐང་པ་གཉིས་པ་དང་གསུམ་པའི་ཐོག་མར་ཡོད་པ་ནི། ས་ཧཱ་ཀཱ་རིའི་མེ་ཏོག་གསར། །བདག་ཡིད་མཆོག་ཏུ་སྲེག་ལྡན་བྱེད། །ཁུ་བྱུག་མྱོས་པ་དག་གི་སྒྲ། །ཡིད་དུ་འོང་བ་འདིས་ཀྱང་ངོ་། །ཞེས་པ་སྟེ། ས་ཧཱ་ཀཱ་རའི་མེ་ཏོག་གསར་པ་ཁ་བྱེ་མ་ཐག་

― MLP007_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ནི་བདག་ཡིད་མཆོག་ཏུ་སྲེག་པར་བྱེད་ལ། ཁུ་བྱུག་མྱོས་པ་དག་གི་སྒྲ་ཡིད་དུ་འོང་བ་འདིས་ཀྱང་དེ་ལྟར་བྱེད་དོ་ཞེས་རྐང་པ་གཉིས་པའི་མགོར། ཀ་ལི་ཀོཏྐ་ལི་ཀོཏ། ཞེས་དང་། གསུམ་པའི་མགོར། མནྨ་ནོ་མནྨ་ནོ་ཞེས་ཡོད་དོ། །དགུ་པ་རྐང་པ་གཉིས་པ་དང་བཞི་པའི་ཐོག་མར་ཡོད་པ་ནི། ཁྱོད་ལ་དམིགས་པའི་རེ་བ་དང་། །མ་བྲལ་འདི་ལ་དེ་འདྲ་ཡི། །གནས་སྐབས་ལུས་ནི་འཇིག་བྱེད་པས། །བུད་མེད་འཛེག་ནུས་ཇི་ལྟར་མིན། །ཞེས་པ་སྟེ། མཛེས་མ་ཁྱོད་ལ་དམིགས་པའི་རེ་བ་དང་མ་བྲལ་བ་འདི་ལ་མངོན་པར་འདོད་པ་ལ་སོགས་པ་དེ་འདྲ་བའི་གནས་སྐབས་དུ་མས་ལུས་རྒུད་དེ་འཇིགས་པར་བྱེད་པས་བུད་མེད་བཟང་མོ་ཁྱོད་ལ་རྩེ་དགའི་ཆེད་དུ་འཛེག་ནུས་ཇི་ལྟར་མིན་ཏེ་ནུས་སོ་ཞེས་པའི་རྐང་པ་གཉིས་པའི་མགོར། བི་ཧ་ཏཱ་བི་ཧ་ཏཱ། ཞེས་དང་། བཞི་པའི་མགོར། མངྒ་ནཱ་མངྒ་ནཱ། ཞེས་ཡོད་དོ། །བཅུ་པ་རྐང་པ་གསུམ་པ་དང་བཞི་པའི་ཐོག་མར་ཡོད་པ་ནི། ཡལ་འདབ་གསར་པས་མཛེས་པ་ཡི། །ལྗོན་པས་དྲངས་པའི་གཞོན་ནུ་རྣམས། །པདྨར་མངོན་ཕྱོགས་བུང་བ་ཡི། །མིག་ནས་བཟུང་སྟེ་འགུགས་པར་བྱེད། །ཅེས་པ་སྟེ། ཡལ་འདབ་གསར་པས་མཛེས་པར་བྱས་པའི་ལྗོན་པས་ཡིད་དྲངས་པའི་གཞོན་ནུ་རྣམས་པདྨར་མངོན་དུ་ཕྱོགས་པའི་བུང་བ་རྣམས་ཀྱིས་ཀྱང་མིག་ནས་བཟུང་སྟེ་འགུགས་པར་བྱེད་དོ་ཞེས་པའི་རྐང་པ་གསུམ་པའི་མགོར། ཏ་རུ་ཎཱ་ཏ་རུ་ཎཱ། ཞེས་དང་། བཞི་པའི་མགོར། ན་ལི་ནོ་ན་ལི་ནོ་ཞེས་པ་ཡོད་དོ། །བཅུ་གཅིག་པ་རྐང་པ་དང་པོ་གསུམ་གྱི་ཐོག་མར་ཡོད་པ་ནི། མྱོས་པའི་བཞད་ནི་རབ་འཇུག་པ། །རྫིང་གི་ཆུ་ལ་དཀར་བ་ཡི། །ངང་པ་འདི་ཡི་ཅ་ཅོ་ཡིས། །བདག་ནི་མཐར་བྱེད་ཟས་སུ་བྱེད། །ཅེས་པ་སྟེ། དགའ་བས་མྱོས་པའི་བཞད་ཅེས་བྱ་བའི་བྱའི་ཁྱད་པར་དག་རབ་ཏུ་འཇུག་ཅིང་བརྩེ་བའི་རྫིང་གི་ཆུ་ལ་གནས་པ་དཀར་བའི་ངང་པ་འདི་ཡི་ཅ་ཅོས་འདོད་ལྡན་དག་ནི་མཐར་བྱེད་གཤིན་རྗེའི་ཟས་སུ་བྱེད་དོ་ཞེས་པའི་རྐང་པ་དང་པོའི་མགོར། བི་ཤ་དཱ་བི་ཤ་དཱ། ཞེས་དང་། གཉིས་པའི་མགོར་སཱ་ར་པེ་སཱ་ར་པེ་དང་། གསུམ་པའི་མགོར། ཀུ་རུ་ཏེ་ཀུ་རུ་ཏེ་ཞེས་ཡོད་དོ། །བཅུ་གཉིས་པ་རྐང་པ་དང་པོ་གཉིས་དང་བཞི་པའི་ཐོག་མར་ཡོད་པ་ནི། དྲི་བྲལ་ཟླ་བའི་

― MLP007_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་དག་དང་། །ལྷན་ཅིག་མ་ལ་ཡ་ཡི་རླུང་། །བདག་དགའ་མི་བྱེད་འདོད་པ་ནི། །མི་ཟད་དུག་གི་རྗེས་སུ་འགྲོ། །ཞེས་པ་སྟེ། དྲི་མ་དང་བྲལ་བའི་ཟླ་བའི་ཆ་དག་དང་ལྷན་ཅིག་པར་མ་ལ་ཡ་ནས་འོངས་པའི་རླུང་འདིས་བདག་དགའ་བར་མི་བྱེད་དེ། དེས་བསྐྱེད་པའི་འདོད་པ་ནི་མི་ཟད་དུག་གི་རྗེས་སུ་འགྲོ་བའི་ཕྱིར་རོ། །ཞེས་པའི་རྐང་པ་དང་པོའི་མགོར། བི་ཥ་མཾ་བི་ཥ་མཾ། ཞེས་དང་། གཉིས་པའི་མགོར། མ་ད་ནཾ་མ་ད་ནཾ། ཞེས་དང་བཞི་པའི་མགོར། མ་ལ་ཡཱ་མ་ལ་ཡཱ་ཞེས་ཡོད་དོ། །བཅུ་གསུམ་པ་རྐང་པ་དང་པོ་དང་ཕྱི་མ་གཉིས་ཀྱི་ཐོག་མར་ཡོད་པ་ནི། བདག་བསྟེན་མི་འདོད་ཁེངས་པ་ཅན། །དོ་ཤལ་དང་ལྡན་འཕྲོག་བྱེད་མ། །ལུས་མེད་ཉིད་ཀྱི་དང་པོ་ཁྱོད། །ཕྲ་གྱུར་བདག་འགྲོགས་བདེ་རྒྱས་མཛོད། །ཅེས་པ་སྟེ། བདག་བསྟེན་པར་མི་འདོད་པའི་ཁེངས་པ་ཅན་རིན་པོ་ཆེའི་དོ་ཤལ་དང་ལྡན་པ་ཡིད་འཕྲོག་པར་བྱེད་མ་ལུས་མེད་འདོད་ལྷ་ཉིད་ཀྱི་མདའ་ཚོགས་ཀྱིས་གང་བའི་དང་པོར་གྱུར་པའི་མཛེས་མ་ཁྱོད་ཆགས་པས་ཕྲ་བར་གྱུར་པའི་ལུས་དེ་བདག་དང་འགྲོགས་པའི་བདེ་བས་རྒྱས་པར་མཛོད་ཅིག་ཅེས་པའི་རྐང་པ་དང་པོའི་མགོར། མཱ་ནི་ནཱི་མཱ་ནི་ནཱི། གསུམ་པའི་མགོར། ཧཱ་རི་ཎཱི་ཧཱ་རི་ཎཱི། ཞེས་དང་། བཞི་པའི་མགོར། ཏ་ནུ་ཏཱཾ་ཏ་ནུ་ཏཱཾ་ཞེས་ཡོད་དོ། །བཅུ་བཞི་པ་རྐང་པ་ཕྱི་མ་གསུམ་གྱི་ཐོག་མར་ཡོད་པ་ནི། ཁྱོད་ཀྱི་གདོང་གིས་བདག་ལས་རྒྱལ། །ཆུ་ཡི་རྒྱན་གྱུར་བུང་བ་ཅན། །འདབ་ལྡན་པདྨ་གཏམ་མེད་ལས། །ཇི་ལྟར་མི་རྒྱལ་བདག་དགའ་མ། །ཞེས་པ་སྟེ། ཁྱོད་ཀྱི་གདོང་གིས་བདག་གཏམ་སྨྲ་བ་ལས་རྒྱལ་བར་བྱས་ན་ཆུའི་རྒྱན་ཙམ་དུ་གྱུར་པའི་བུང་བ་གཡོ་བ་འདབ་ལྡན་པདྨ་གཏམ་མེད་བེམ་པོའི་རང་བཞིན་ལས་ཇི་ལྟར་མི་རྒྱལ་ཏེ། དེ་ལྟ་བུའི་མཛེས་མ་དེ་ནི་བདག་གི་དགའ་མའོ་ཞེས་པའི་རྐང་པ་གཉིས་པའི་མགོར། ན་ཀ་ཐཾ་ན་ཀ་ཐཾ། ཞེས་དང་། གསུམ་པའི་མགོར། ཀ་མ་ལཾ་ཀ་མ་ལཾ། ཞེས་དང་། བཞི་པའི་མགོར། ད་ལི་མད་ད་ལི་མད་ཅེས་ཡོད་དོ། །བཅོ་ལྔ་པ་རྐང་པ་བཞི་ཀའི་ཐོག་མར་ཡོད་པ་ནི། ཉི་མའི་འོད་ཀྱི་དམར་གྱུར་པའི། །ཆུ་ལྷ་མོ་བཞིན་པཱ་ཊ་ལ། །དམར་བའི་གོས་ཅན་དྲི་བཟང་གནས། །བདག་གི་དགའ་མ་དགའ་བར་བྱས། །ཞེས་པ་སྟེ། ཉི་མའི་

― MLP007_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཀྱིས་དམར་བར་གྱུར་པའི་ནུབ་ཕྱོགས་ཆུ་ལྷ་མོ་བཞིན་དུ། ཤིང་པཱ་ཊ་ལའི་མེ་ཏོག་ལྟར་དམར་བའི་གོས་འཆང་བ་ཅན་ཨུཏྤལ་ལྟར་དྲི་བཟང་པོ་དང་ལྡན་པའི་གནས་བདག་གི་དགའ་མ་འདི་དགའ་བར་བྱས་སོ་ཞེས་པའི་རྐང་པ་དང་པོའི་མགོར། ར་མ་ཎཱི་ར་མ་ཎཱི། ཞེས་དང་། གཉིས་པའི་མགོར། པཱ་ཊ་ལཱཾ་པཱ་ཊ་ལཱཾ། ཞེས་དང་། གསུམ་པའི་མགོར། བཱ་རུ་ཎཱི་བཱ་རུ་ཎཱི། ཞེས་དང་། བཞི་པའི་མགོར། སཽ་ར་བྷཱ་སཽ་ར་བྷཱ། ཞེས་ཡོད་དོ། །གཉིས་པ་ནི། དེ་ལྟར་རྐང་པའི་ཐོག་མ་ཡི། །ཟུང་ལྡན་བར་ཆོད་མེད་རྣམ་རྟོག །ཅེས་པ་སྟེ། ཚུལ་དེ་ལྟར་རྐང་པའི་ཐོག་མ་ན་ཡོད་པའི་ཟུང་ལྡན་བར་ཆོད་མེད་པའི་རྣམ་རྟོག་གི་དབྱེ་བ་དག་བསྟན་ཏོ། །གཉིས་པ་བར་ཆོད་པའི་ཟུང་ལྡན་ལ་གསུམ། དམ་བཅའ་བ། དཔེར་བརྗོད། དོན་བསྡུ་བའོ། །དང་པོ་ནི། ད་ནི་བར་དུ་ཆོད་པ་ཡི། །རྣམ་རྟོག་འགའ་ཡང་བསྟན་པར་བྱ། །ཞེས་པ་སྟེ། གོ་སླའོ། །གཉིས་པ་ལ། དང་པོ་རྐང་པ་སྔ་མ་གཉིས་ཀྱི་ཐོག་མར་ཡོད་པ་ནི། ས་ཧཱ་ཀཱ་ར་ལས་འཁྲུངས་ཉིད། །ཡིད་འོང་དྲི་བཟང་ལྡན་པ་ཡི། །དཔྱིད་ཀྱི་ཨེ་ཎའི་མིག་ཅན་གྱི། །ཁེངས་པ་སྒྲ་ཡི་ལྷག་མར་བྱེད། །ཅེས་པ་སྟེ་ས་ཧཱ་ཀཱ་རའི་ཤིང་ལས་འཁྲུངས་པ་ཉིད་ཀྱི་ལོ་འདབ་ཡིད་འོང་དྲི་བཟང་པོ་དང་ལྡན་པ། དཔྱིད་དུས་ཀྱི་རི་དྭགས་ཨེ་ཎའི་མིག་ཅན་གྱི་མཛའ་བོར་མི་འདུད་པའི་ཁེངས་པ་སྒྲའི་ལྷག་མར་བྱེད་དོ་ཞེས་པའི་རྐང་པ་དང་པོ་དང་གཉིས་པའི་མགོར། མ་དྷུ་རེ་ཎ་ཞེས་ཡོད་དོ། །གཉིས་པ་རྐང་པ་དང་པོ་དང་གསུམ་པའི་ཐོག་མར་ཡོད་པ་ནི། དགའ་མའི་ལག་པ་ཤིན་ཏུ་དམར། །རྒྱུད་མང་ལ་བསྣུན་རྣམ་འཕྲུལ་ལ། །ཕྲག་དོག་ལྡན་པར་མཛའ་བོ་ལའང་། །རྣ་བའི་ཨུཏྤལ་གྱིས་བསྣུན་བྱེད། །ཅེས་པ་སྟེ། དགའ་མའི་ལག་པ་ཤིན་ཏུ་དམར་བའི་མདངས་ཆགས་པའི་སོར་མོའི་རྒྱུད་མང་ལ་སྣུན་པའི་རྣམ་འཕྲུལ་ལ། ཕྲག་དོག་དང་ལྡན་པ་མཛའ་བོ་ལའང་རྣ་བའི་ཨུཏྤལ་གྱི་བསྣུན་ཅིང་ཆགས་པར་བྱེད་དོ་ཞེས་པའི་རྐང་པ་དང་པོ་དང་གསུམ་པའི་མགོར། ཀ་རོ་ཏི་ཞེས་ཡོད་དོ། །གསུམ་པ་རྐང་པ་དང་པོ་དང་བཞི་པའི་ཐོག་མར་ཡོད་པ་ནི། རླུང་གི་གར་བསྒྱུར་སྤྲིན་གྱི་ཕྲེང་། །མཐའ་དག་ཆུ་ནི་འཐོར་བར་བྱེད། །དེ་རྗེས་མཇུག་མ་རབ་བསླང་བའི། །མཇུག་སྒྲོ་ལྡན་པ་

― MLP007_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

གར་དག་བྱེད། །ཅེས་པ་སྟེ། རླུང་གིས་བསྐྱོད་པས་གཡོ་ཞིང་གར་བསྒྱུར་བའི་སྤྲིན་གྱི་ཕྲེང་བ་ཕྱོགས་མཐའ་དག་ཁྱབ་པ་ལས་ཆར་གྱི་ཆུ་རྣམ་པར་འཐོར་བྱེད་ཅིང་དེའི་རྗེས་སུ་མཇུག་མ་རབ་ཏུ་བསླང་བའི་མཇུག་སྒྲོ་ལྡན་པ་གར་དག་བྱེད་དོ་ཞེས་པས་རྐང་པ་དང་པོ་དང་བཞི་པའི་མགོར། ས་ཀ་ལཱ་པོ་ཞེས་ཡོད་དོ། །བཞི་པ་རྐང་པ་གཉིས་པ་དང་གསུམ་པའི་ཐོག་མར་ཡོད་པ་ནི། འདོད་ལྡན་མ་དག་ཁྱོད་ཀྱི་ཡིད། །ཁེངས་བཅོམ་རང་ཉིད་ཉམས་འགྱུར་ཏེ། །ནཱིམ་པའི་ཀ་ལི་ཀཱ་མཐོང་ན། །གནས་སྐབས་ཅི་ལ་རེག་འགྱུར་རམ། །ཞེས་པ་སྟེ། འདོད་ལྡན་མ་དག་ཅེས་བོས་ནས། ཁྱོད་ཀྱི་ཡིད་བདག་པོར་མི་འདུད་པའི་ཁེངས་པ་བཅོམ་པས་རང་ཉིད་འདོད་པའི་གདུང་བས་ཉམས་པར་འགྱུར་ཏེ། ནཱིམ་པའི་ཀཱ་ལི་ཀཱ་སྟེ་མེ་ཏོག་ཁ་འབུས་པ་དག་མཐོང་ན་གནས་སྐབས་ཅི་ལྟ་བུ་ལ་རེག་པར་འགྱུར་རམ་ཞེས་པའི་རྐང་པ་གཉིས་པ་དང་གསུམ་པའི་མགོར། ཀ་ལི་ཀཱ་ཞེས་ཡོད་དོ། །ལྔ་པ་རྐང་པ་གཉིས་པ་དང་བཞི་པའི་ཐོག་མར་ཡོད་པ་ནི། བརྩེ་དགའི་རི་ཡི་ཟླ་ཤེལ་གྱི། །ཐང་འདི་ལ་ནི་རབ་འཛེགས་ནས། །མདོངས་མཐའ་མཆོག་ཏུ་མཛེས་པ་ཡི། །གཙུག་ཕུད་ཅན་འདི་གར་བྱེད་དོ། །ཞེས་པ་སྟེ། བརྩེ་དགའི་དོན་གྱི་རི་ལ་གནས་པའི་ཟླ་བ་ཆུ་ཤེལ་གྱི་རང་བཞིན་ཅན་ཐང་འདི་ལ་རབ་ཏུ་འཛེགས་པར་གྱུར་ནས་མདོངས་མཐའ་མཆོག་ཏུ་མཛེས་པ་དང་ལྡན་པའི་གཙུག་ཕུད་ཅན་འདི་གར་བྱེད་དོ་ཞེས་རྐང་པ་གཉིས་པ་དང་བཞི་པའི་མགོར། ཙནྡྲ་ཀཱནྟཿཞེས་ཡོད་དོ། །དྲུག་པ་རྐང་པ་ཕྱི་མ་གཉིས་ཀྱི་ཐོག་མར་ཡོད་པ་ནི། གང་ཞིག་སྦྲུལ་མཆོག་སྟེང་གནས་ཤིང་། །ཕག་པས་བཟུང་བའི་ས་འདི་ནི། །རྒྱལ་པོ་ཕྱོགས་ལས་རབ་བླངས་ནས། །ད་ལྟ་ཁྱོད་ཀྱི་ལག་པས་བཟུང་། །ཞེས་པ་སྟེ། གང་ཞིག་སྦྲུལ་ལམ་ཀླུའི་མཆོག་ལྷག་མ་ཅན་གྱི་སྟེང་ན་གནས་ཤིང་ཁྱབ་འཇུག་གི་སྤྲུལ་པའི་ཕག་པས་བཟུང་བའི་ས་འདི་ནི་རྒྱལ་པོའི་ཕྱོགས་གཞན་ལས་རབ་ཏུ་བླངས་ནས་ད་ལྟ་མི་བདག་ཁྱོད་ཀྱི་ལག་པས་བཟུང་ངོ་ཞེས་པའི་རྐང་པ་གསུམ་པ་དང་བཞི་པའི་མགོར། བ་ར་ཧེ་ཞེས་ཡོད་དོ། །བདུན་པ་རྐང་པ་དང་པོ་གསུམ་གྱི་ཐོག་མར་ཡོད་པ་ནི། གཡུལ་དུ་སྒྲ་ཡི་གླང་པོ་རྣམས། །ཁྱོད་ཀྱི་ལག་པ་མཐར་བྱེད་ཀྱིས། །བསྣུན་

― MLP007_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཁྲག་ནི་རབ་ཟགས་པ། །ཐུན་མཚམས་དག་གི་སྤྲིན་བཞིན་མཛེས། །ཞེས་པ་སྟེ། གཡུལ་དུ་དགྲའི་ཚོགས་ཀྱི་གླང་པོ་རྣམས་ལ་དཔའ་བོ་ཁྱོད་ཀྱི་ལག་པ་མཐར་བྱེད་ཀྱིས་ཆེས་ཆེར་བསྣུན་པས་ཁྲག་རབ་ཏུ་ཟགས་པ་དག་ནི་མཐུན་མཚམས་དག་གི་སྤྲིན་བཞིན་དུ་མཛེས་སོ་ཞེས་པའི་རྐང་པ་སྔ་མ་གསུམ་གྱི་མགོར། ཀ་རེ་ཎ་ཞེས་ཡོད་དོ། །བརྒྱད་པ་རྐང་པ་དང་པོ་དང་ཕྱི་མ་གཉིས་ཀྱི་ཐོག་མར་ཡོད་པ་ནི། རླུང་གི་རི་ཡི་འཁྲི་ཤིང་བཞིན། །གཞན་གྱི་སྡེ་ནི་དཔའ་བོས་བཅོམ། །མཐའ་ནི་ག་ཤེད་སོང་བ་བཞིན། །རྡུལ་གྱིས་ནམ་མཁའ་ཁྱབ་པར་གྱུར། །ཞེས་པ་སྟེ་རླུང་དྲག་པོ་དག་གིས་རིའི་འཁྲི་ཤིང་གཞོན་ནུ་འཇོམས་པ་བཞིན་དུ་གཞན་གྱི་སྡེ་ནི་དཔའ་བོ་ཁྱོད་ཀྱིས་བཅོམ་ཞིང་། མཐའ་ནི་ག་ཤེད་དེ་གར་སོང་མེད་པར་སོང་བ་བཞིན་དུ་རྡུལ་གྱིས་ནམ་མཁའ་ཐམས་ཅད་ཁྱབ་པར་གྱུར་ཏོ་ཞེས་རྐང་པ་དང་པོ་དང་ཕྱི་མ་གཉིས་ཀྱི་མགོར། ས་རཱ་ག་ཏ་ཞེས་ཡོད་དོ། །དགུ་པ་རྐང་པ་ཕྱི་མ་གསུམ་གྱི་ཐོག་མར་ཡོད་པ་ནི། ལེགས་ལྡན་ཆུ་འཛིན་གསར་པའི་འོད། །ལྷ་མིན་དག་གི་རིགས་ཉམས་བྱེད། །སྦྱིན་ལྡན་གླང་པོ་མཆོག་བཅོམ་པ། །ཁྱབ་འཇུག་དེས་ཁྱོད་རྟག་ཏུ་སྲུངས། །ཞེས་པ་སྟེ། ལེགས་ལྡན་ཞེས་བོས་ནས་ཆུ་འཛིན་གསར་པའི་འོད་ལྟར་ནག་པས་ལྷ་མིན་དག་གི་རིགས་རྣམས་ཉམས་པར་བྱེད་ཅིང་། སྦྱིན་ལྡན་གླང་པོ་ཆེའི་མཆོག་འདུལ་ཞིང་བཅོམ་པའི་ལྷ་ཁྱབ་འཇུག་དེས་ཁྱོད་ལ་དུས་རྟག་ཏུ་སྲུངས་ཤིག་ཅེས་པའི་རྐང་པ་ཕྱི་མ་གསུམ་གྱི་མགོར། ས་དཱ་ན་བ་ཞེས་ཡོད་དོ། །བཅུ་པ་རྐང་པ་བཞི་ཀའི་ཐོག་མར་ཡོད་པ་ནི། ཁྱོད་ཀྱི་མགོ་སྐྲ་བུང་བ་འདྲ། །གདོང་ནི་པདྨར་ཕྲག་དོག་བྱེད། །དཔལ་གྱིས་བཞིན་དུ་རབ་མྱོས་པ། །ཁྱོད་ཀྱིས་སུ་ཞིག་རྩི་མི་བྱེད། །ཅེས་པ་སྟེ། མཛེས་མ་ཁྱོད་ཀྱི་མགོ་ལས་སྐྱེས་པའི་སྐྲ་ནི་བུང་བ་འདྲ་ཞིང་། གདོང་ནི་པདྨར་ཕྲག་དོག་བྱེད་ལ། ལྷ་མོ་དཔལ་གྱིས་ལྷ་རྣམས་བཞིན་དུ་རབ་ཏུ་མྱོས་པ་མོ་ཁྱོད་ཀྱིས་ཀྱང་སུ་ཞིག་འདོད་མྱོས་ཀྱི་གྲངས་སུ་རྩི་བར་མི་བྱེད་དེ་བྱེད་དོ་ཞེས་པའི་བཞི་ཀའི་མགོར། ཀ་མ་ལེ་ཞེས་ཡོད་དོ། །བཅུ་གཅིག་པ་རྐང་པ་སྔ་མ་གཉིས་འདྲ་ཕྱི་མ་གཉིས་འདྲ་བ་ནི། རྒྱ་ཆེན་རིན་ཆེས་རྒྱན་དང་ལྡན། །རྒྱགས་པས་མིག་འཁོར་ཛ་གྷ་ན། །ཆུང་བ་མིན་པས་འཛའ་

― MLP007_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་ནི། །དགའ་བ་ལྡན་པ་བྱ་བར་བཟོད། །ཅེས་པ་སྟེ། རྒྱ་ཆེ་བའི་རིན་པོ་ཆེའི་རྒྱན་སྣ་ཚོགས་དང་ལྡན་ལ་ལང་ཚོས་རྒྱགས་པས་མིག་འཁོར་འཁོར་དུ་འཕྲུལ་ཞིང་ཛ་གྷ་ན་སྟེ་ཚང་ར་ཆུང་བ་མིན་པས་འཛའ་བོ་དགའ་བ་དང་ལྡན་པ་བྱ་བར་བཟོད་དོ་ཞེས་པའི་རྐང་པ་སྔ་མ་གཉིས་ཀྱི་མགོར། མུ་དཱ་ར་མ་ཎ་ཞེས་དང་། ཕྱི་མ་གཉིས་ཀྱི་མགོར། མ་ད་བྷྲ་ཞེས་ཡོད་དོ། །བཅུ་གཉིས་པ་རྐང་པ་དང་གསུམ་འདྲ་ཞིང་གཉིས་བཞི་འདྲ་བ་ནི། གཞན་གསོས་རྣམས་ཀྱིས་བསྒྲགས་པ་དང་། །ཁྱོད་ཀྱིས་བརྗོད་པའི་སྒྲ་དང་ནི། །ལྷོ་ཡི་ཕྱོགས་ཀྱི་རླུང་གིས་ཀྱང་། །བདག་ཡིད་ཕྲོགས་སོ་ཕོ་ཉ་མོ། །ཞེས་པ་སྟེ། ཀྱེ་ཕོ་ཉ་མོ་ཞེས་བོས་ནས། གཞན་གསོས་ཁུ་བྱུག་རྣམས་ཀྱིས་བསྒྲགས་པའི་སྐད་དང་། ཁྱོད་ཀྱིས་བརྗོད་པའི་སྒྲ་སྙན་པ་དང་། ལྷོ་ཕྱོགས་ཀྱི་རླུང་བསིལ་བ་དག་གིས་ཀྱང་བདག་ཡིད་རང་དབང་མེད་པར་ཕྲོགས་སོ་ཞེས་པའི་རྐང་པ་དང་པོ་དང་གསུམ་པའི་མགོར། ཨུ་འདི་ཏཻ་ར། ཞེས་དང་། གཉིས་པ་དང་བཞི་པའི་མགོར། མཱ་རུ་ཏཻ། ཞེས་ཡོད་དོ། །བཅུ་གསུམ་པ་ཐོག་མཐའ་གཉིས་འདྲ་བར་གཉིས་འདྲ་བ་ནི། རྐེད་པ་ཕྲ་ཞིང་རྔུལ་ཟག་པས། །གདོང་གི་ཟླ་བ་རབ་མཛེས་པ། །བུད་མེད་ཆང་གིས་ངོ་ཚ་བཅོམ། །སྐྱེས་པའི་ལུས་ལ་འཛེག་པར་བྱེད། །ཅེས་པ་སྟེ། རྐེད་པ་རབ་ཏུ་ཕྲ་ཞིང་འདོད་པས་རྔུལ་བའི་ཆུ་ཟགས་པས་གདོང་གི་ཟླ་བ་རབ་ཏུ་མཛེས་པའི་བུད་མེད་ཆང་གིས་ངོ་ཚ་བཅོམ་ནས་སྐྱེས་པའི་ལུས་ལ་བག་ཚ་བ་མེད་པར་འཛེག་པར་བྱེད་དོ་ཞེས་པའི་རྐང་པ་དང་པོ་དང་བཞི་པའི་མགོར། སུ་རཱ་ཛི་ཏ། ཞེས་དང་། གཉིས་པ་དང་གསུམ་པའི་མགོར། ཏ་ནུ་མ་དྷྱཱ། ཞེས་ཡོད་དོ། །གསུམ་པ་དོན་བསྡུ་བ་ནི། །དེ་ལྟར་བར་ཅོད་ཟུང་ལྡན་གྱི། །རབ་ཏུ་དབྱེ་བ་འདི་ཡང་བསྟན། །ཅེས་པ་སྟེ། གོ་སླའོ། །གསུམ་པ་ཆོད་ཅིང་མ་ཆོད་པའི་ཟུང་ལྡན་ལ་གསུམ། དམ་བཅའ་བ། དཔེར་བརྗོད། ཐོག་མའི་ཟུང་ལྡན་གྱི་མཇུག་བསྡུ་བའོ། །དང་པོ་ནི། བར་ཆོད་མ་ཆོད་བདག་ཉིད་ཀྱི། །རྣམ་རྟོག་ཀྱང་ཡོད་འདི་ལྟ་སྟེ། །ཞེས་པ་སྟེ། ད་ནི་བར་ཆོད་པ་དང་མ་ཆོད་པ་གཉིས་ཀའི་བདག་ཉིད་ཅན་གྱི་རྣམ་པར་རྟོག་པ་དག་ཀྱང་ཡོད་པ་འདི་ལྟ་སྟེ། དེའི་ཚུལ་བསྟན་པར་བྱའོ། །

― MLP007_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལ། དང་པོ་རྐང་པ་སྔ་མ་གཉིས་འདྲ་ཕྱི་མ་གཉིས་འདྲ་བའི་ཆོད་ཅིང་མ་ཆོད་པ་ནི། ཀཱ་ལི་ཀ་འཕྱང་ཡལ་ག་ཅན། །སཱ་ལ་བལྟ་བར་དེ་མི་ནུས། །བ་ཀུ་ལར་ཆགས་བུང་བ་དང་། །གྲོགས་མོས་པདྨ་ཅན་ཡང་མིན། །ཞེས་པ་སྟེ། གྲོགས་མོ་དེས་ནི་ཀཱ་ལི་ཀ་འཐུར་དུ་འཕྱང་བའི་ཡལ་ག་ཅན་སཱ་ལའི་ཤིང་དེ་ལྟ་བར་མི་ནུས་ལ། བ་ཀུ་ལའི་མེ་ཏོག་ལ་ཆགས་པའི་བུང་བ་དང་། པདྨ་ཅན་པདྨ་འབྱུང་བའི་གཞི་ཡང་ལྟ་བར་ནུས་པ་མིན་ནོ་ཞེས་པའི་རྐང་པ་སྔ་མ་གཉིས་ཀྱི་མགོར། སཱ་ལཾ་སཱ་ལཾ། ཞེས་དང་། ཕྱི་མ་གཉིས་ཀྱི་མགོར། ནཱ་ལཱི་ནཱ་ལཱི། ཞེས་ཡོད་དོ། །གཉིས་པ་རྐང་པ་སྔ་ཕྱི་གཉིས་འདྲ་བར་མ་གཉིས་འདྲ་བ་ནི། སྤྲིན་ནག་ཆེན་པོ་ལྡན་པའི་དུས། །སྣང་དང་རྒྱུ་སྐར་ཀུན་མི་མཚོན། །གསང་མཐོར་དགའ་བ་སྒྲོག་བྱེད་པ། །དུས་འདྲ་སུ་ཡིས་ལྟ་བར་ནུས། །ཞེས་པ་སྟེ། ཆར་སྤྲིན་ནག་པོ་ཆེན་པོ་དང་ལྡན་པ་དབྱར་གྱི་དུས་སྣང་བ་དང་རྒྱུ་སྐར་ཀུན་མི་མཚོན་པ་སྟེ་མི་སྣང་ལ། གསང་མཐོར་ཏེ་དབྱར་རྔ་དགའ་བའི་སྒྲ་སྒྲོག་པར་བྱེད་པའི་དུས་འདི་འདྲ་འདོད་ལྡན་སུ་ཡིས་ལྟ་བར་ནུས་ཞེས་པའི་རྐང་པ་དང་པོ་དང་བཞི་པའི་མགོར། ཀཱ་ལཾ་ཀཱ་ལཾ། ཞེས་དང་། གཉིས་པ་དང་གསུམ་པའི་མགོར། ཏཱ་ར་ཏཱ་ར། ཞེས་ཡོད་དོ། །གསུམ་པ་རྐང་པ་བཞི་ཀ་འདྲ་བ་ནི། ཐུན་གསུམ་དབང་གྱུར་རིང་བ་ཡི། །མཚན་མོ་འདི་ཡིས་བདག་ཤི་ཞིག །གང་ལ་བདག་སོང་སྲོག་གཟིར་འགྲོ། །དེ་ནི་བློ་མེད་བདག་གིས་བཅོམ། །ཞེས་པ་སྟེ། སྲོད་གུང་ཐོ་རེངས་ཀྱི་མཐུན་གསུམ་གྱི་དབང་དུ་གྱུར་པ་རིང་བའི་མཚན་མོ་འདི་ཡིས་བདག་འདོད་གདུངས་ཀྱིས་ཤི་བར་གྱིས་ཤིག །རྒྱུ་མཚན་ཕྱོགས་གང་ལ་བདག་སོང་ཡང་བྲལ་བའི་གདུང་བས་སྲོག་གཟེར་ཏེ་ཕ་རོལ་དུ་འགྲོ་བའི་དགའ་མ་དེ་ནི་འགྲོགས་བློ་མེད་པ་བདག་གིས་འདི་འདྲ་མ་བསམས་པར་བཅོམ་ཞིང་ཆེ་བའི་རྒྱུ་བྱས་པས་སོ་ཞེས་པའི་རྐང་པ་བཞི་ཀའི་མགོར། ཡཱ་མ་ཡཱ་མ། ཞེས་ཡོད་དོ། །གསུམ་པ་ནི། ཞེས་རྐང་དང་པོ་ཟུང་ལྡན་གྱི། །རྣམ་རྟོག་ལུགས་ནི་འདི་འདྲ་སྟེ། །ཞེས་པ་སྟེ། དེ་ལྟར་རྐང་པའི་དང་པོ་ན་ཡོད་པའི་ཟུང་ལྡན་གྱི་རྣམ་པར་རྟོག་པའི་ལུགས་ནི་སྔར་བཤད་ཀྱི་རིམ་པ་འདི་འདྲ་སྟེ། ཞེས་སོ། །གཉིས་པ་གཞན་ན་ཡོད་པའི་ཟུང་ལྡན་ལ། དམ་བཅའ་དང་།

― MLP007_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེར་བརྗོད་དོ། །དང་པོ་ནི། འདི་ལྟ་ཁོ་ན་ཟུང་ལྡན་གྱི། །རྣམ་རྟོག་གཞན་པ་རྣམས་ཀྱང་ངོ་། །སྤྲོས་པས་འཇིགས་ཕྱིར་དབྱེ་བ་ནི། །མཐའ་དག་བརྗོད་པར་མི་འདོད་དེ། །དེ་ལ་བྱ་དཀར་མངོན་འདོད་གང་། །འགའ་ཞིག་དག་ནི་བསྟན་པར་བྱ། །ཞེས་པ་སྟེ། ཐོག་མའི་ཟུང་ལྡན་གྱི་རིམ་པ་བརྗོད་ཟིན་འདི་ལྟ་ཁོ་ན་ལྟར་ཟུང་ལྡན་གྱི་རྣམ་རྟོག་གཞན་པ་རྣམས་ཀྱང་ཤེས་པར་འགྱུར་ཞིང་འོན་ཀྱང་རྟོགས་སླ་བའི་ཕྱིར་དེ་དག་གི་དཔེར་བརྗོད་པ་འགའ་ཞིག་བརྗོད་པར་འདོད་མོད། དེ་ལྟ་ནའང་གཞུང་མང་པོའི་སྤྲོས་པས་འཇིགས་ཕྱིར་དབྱེ་བ་མཐའ་དག་བརྗོད་པར་མི་འདོད་དེ། དེ་ལ་བྱ་དཀའ་བར་མངོན་པར་འདོད་པ་གང་ཡིན་པ་འགའ་ཞིག་དག་ནི་བསྟན་པར་བྱའོ། །གཉིས་པ་ལ། དང་པོ་རྐང་བཞིའི་དབུས་ན་ཡོད་པའི་ཟུང་ལྡན་ལས་དབུས་ཀྱི་ཆོད་ཅིང་མ་ཆོད་པ་ནི། བརྟན་དང་དབང་པོ་རབ་བསྡམས་པ། །ཁྱོད་ནི་སྡོམ་བརྩོན་ལས་མ་ཉམས། །སྒྱུ་མེད་ཁྱོད་ཀྱི་བདེ་འཇིགས་པར། །མི་འགྱུར་འདི་སྙེད་ཆེད་དུའང་འགྱུར། །ཞེས་པ་སྟེ། བློ་བརྟན་པ་དང་། དབང་པོ་རྣམས་རབ་ཏུ་བསྡམས་པ་སྟེ་བྱ་བ་མ་ཡིན་པ་མི་བྱེད་པ་ཁྱོད་ནི་སྡོམ་བརྩོན་ཏེ་བཙུན་ཚུགས་ལས་དུས་ནམ་ཡང་མི་ཉམས་ཤིང་། གཡོ་སྒྱུ་མེད་པར་དྲང་བས་ཁྱོད་ཀྱི་བདེ་བ་འདི་ནི་འཇིགས་པར་མི་འགྱུར་ཏེ། འདི་སྙེད་གཅིག་སླར་ཐོབ་པའི་ཆེད་དུའང་འགྱུར་རོ་ཞེས་པའི་རྐང་པ་བཞི་ཀའི་དབུས་ན་ཡ་ཏེ་ཡ་ཏེ། ཞེས་ཡོད་དོ། །དབུས་ཀྱི་ཆོད་པ་ནི། རྒྱལ་པོ་མདུན་སར་ས་ཡི་ལྷ་རྣམས་དག་གི་ཞལ། །ཆང་གིས་མ་བཅོམ་ནོར་གྱིས་མཛེས་པས་རབ་བསྟོད་པའི། །ཁྱོད་ཀྱི་ཡོན་ཏན་རབ་གསལ་ཆགས་བདག་སྐྱེ་རྒུ་ལ། །ཕུང་པོ་ཉིད་གྱུར་ལྷ་རྣམས་སུ་ནི་མི་འགྲོ་མིན། །ཞེས་པ་སྟེ། རྒྱལ་པོ་ཞེས་བོས་ནས། མདུན་སར་སའི་ལྷ་བྲམ་ཟེ་རྣམས་དག་གི་ཞལ་ཆང་གིས་མ་བཅོམ་པས་བཅིངས་ཤིང་དགེ་ལ། ནོར་གྱིས་མཛེས་པ་སྟེ་ནོར་གྱིས་ཚིམས་ནས་རབ་ཏུ་བསྟོད་པའི་ཁྱོད་ཀྱི་ཡོན་ཏན་རབ་ཏུ་གསལ་བར་ཆགས་པའི་བདག་ཉིད་སྐྱེ་རྒུ་ཀུན་ལ་གྲགས་པའི་ཕུང་པོ་ཉིད་དུ་གྱུར་པ་དེ་ནི་ལྷ་རྣམས་ཀྱི་གནས་སུ་ཡང་མི་འགྲོ་བ་མིན་པ་སྟེ་འགྲོའོ་ཞེས་པའི་རྐང་པ་བཞི་ཀའི་དབུས་ཀྱི་བསྟོད་སྨད་ན་སུ་རཱ། ཞེས་ཡོད་དོ། །གཉིས་པ་རྐང་བཞིའི་མཐའ་ན་

― MLP007_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པའི་ཟུང་ལྡན་ལས་མཐའི་ཆོད་པ་ནི། དམ་པའི་སྤྱོད་ལ་བག་མེད་ཁྱོད་ཀྱི་དགའ་མ་གང་། །དགའ་བའི་དགའ་སྟོན་དགའ་བས་ཁྱད་པར་དུ་མྱོང་མ། །དེ་ཡིས་འདིར་ནི་འདོད་ལྡན་རྒྱན་རྣམས་གཟུང་བར་འོས། །བདག་ལ་མཛེས་ལྡན་ཉིད་ཀྱི་འབྲས་བུ་འགའ་ཡང་མེད། །ཅེས་པ་སྟེ། དམ་པའི་སྤྱོད་ཚུལ་ལ་བག་མེད་པ་ཁྱོད་ཀྱི་དགའ་མ་གང་འདོད་པའི་དགའ་བའི་དགའ་སྟོན་གྱི་དགའ་བ་ཕུལ་དུ་བྱུང་བས་ཁྱད་པར་དུ་མྱོས་མ་དེ་ཡིས་འདིར་ནི་འདོད་ལྡན་གྱི་རྒྱན་ཡིད་དུ་འོང་བ་རྣམས་གཟུང་བར་འོས་ཏེ། ཚུལ་ལྡན་མ་བདག་ལ་མཛེས་ལྡན་ཉིད་དུ་བྱས་པའི་འབྲས་བུ་འགའ་ཡང་མེད་དོ་ཞེས་པའི་རྐང་པ་བཞི་ཀའི་མཐར། མ་ཏྟ་ཡཱ། ཞེས་ཡོད་དོ། །མཐའི་ཆོད་ཅིང་མ་ཆོད་པ་ནི། མགོན་པོ་ཁྱོད་ལྟས་དུད་པའི་རོ་ནི་མི་མཁྱེན་ཏེ། །དམན་པ་ཉིད་དང་མཆོག་ཉིད་དག་ནི་ངེས་པར་འགལ། །གང་ཞིག་དམན་པ་རྣམས་ནི་ཁྱོད་ལ་མགོས་འདུད་ཅིང་། །དེ་དག་ཁོ་ན་དམན་པའི་རོ་དེས་མཆོག་ཏུ་རྒྱུ། །ཞེས་པ་སྟེ། མགོན་པོ་ཁྱོད་ལྟ་བུས་གཞན་ལ་དུད་པ་སྟེ་གུས་པར་བྱེད་པའི་རོ་མྱོང་བ་མི་མཁྱེན་ཏེ། སྐྱེས་བུ་དམན་པ་ཉིད་དང་མཆོག་ཉིད་དག་ནི་ངེས་པར་འགལ་བའི་ཕྱིར། གང་ཞིག་སྐྱེས་བུ་དམན་པ་རྣམས་ནི་ཁྱོད་ལ་མགོ་བོས་འདུད་ཅིང་དེ་དག་ཁོ་ན་དམན་པའི་རོ་མྱོང་བ་དེས་མཆོག་ཏུ་རྒྱུའོ་ཞེས་པའི་རྐང་པ་བཞི་ཀའི་མཐར། ན་ཏེ་ན་ཏེ། ཞེས་ཡོད་དོ། །གསུམ་པ་རྐང་བཞིའི་བར་མཐའ་ན་ཡོད་པའི་ཟུང་ལྡན་ལས། བར་མཐའི་ཆོད་པ་ནི། རོལ་པ་འཛུམ་དཀར་དག་དང་འཇོམ་པར་སྨྲ་བ་དང་། །ཆུང་ངུའི་ལྟ་བ་དང་ནི་ལྕི་བའི་འགྲོ་བ་དང་། །ཀུན་ཏུ་གླལ་དང་ཛ་ཧ་ན་དག་སྟོན་པ་དེས། །བསྣུན་པ་དེས་ན་བདག་ནི་འཚོ་བས་དམན་པར་འགྱུར། །ཞེས་པ་སྟེ། རོལ་པའི་མཛུམ་དཀར་དག་དང་། ངག་འཇམ་པར་སྨྲ་བ་དང་། མིག་ཟུར་ཆུང་ངུའི་ལྟ་བ་དང་། ལུས་ལྕི་བའི་ཚུལ་གྱི་འགྲོ་བ་དང་། འདོད་མྱོས་ཀྱིས་ཀུན་ཏུ་གླལ་བ་དང་། ཛ་གྷ་ན་ཚང་ར་དག་སྟོན་པ་དེས་ཡིད་སྲུབས་ཀྱི་མཚོན་གྱིས་བསྣུན་པ་དེས་ན་བདག་ནི་མཚོ་བས་དམན་པར་གྱུར་ཏོ་ཞེས་པའི་རྐང་པ་བཞི་ཀའི་བར་མཐའ་གཉིས་ན། ཏེ་ན། ཞེས་ཡོད་དོ། །བར་མཐའ་མཆོད་ཅིང་མ་ཆོད་པ་ནི། དཔལ་ལྡན་མི་ཤོང་བརྟན་ལྡན་གང་གི་བདག་

― MLP007_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ནི། །འཆི་མེད་ལམ་དང་མཉམ་པའི་ཚད་ལྡན་རབ་དུད་པའི། །འགྲོ་བ་རྒྱས་བྱེད་མཆོད་ལྡན་ཚད་མེད་མིང་ཅན་ནི། །འཇལ་བྱེད་ཚད་མེད་མང་པོ་བཀོད་ལ་ཕྱག་དག་མཛོད། །ཅེས་པ་སྟེ། ལྷ་མོ་དཔལ་མོ་དང་ལྡན་ཞིང་། ཕུལ་དུ་བྱུང་བའི་ཡོན་ཏན་གྱི་གྲགས་པ་རྒྱ་ཆེ་བས་མི་ཤོང་བར་རྟག་ཏུ་གཡོ་བ་མེད་པས་བརྟན་པ་དང་ལྡན་པ་གང་གི་བདག་ཉིད་ནི་འཆི་མེད་ནམ་མཁའི་ལམ་དང་མཉམ་པའི་ཚད་ལྡན། གང་ལ་རབ་དུད་པའི་འགྲོ་བའི་དཔལ་རྒྱས་པར་བྱེད་པ། ཀུན་གྱི་མཆོད་པའི་ཡུལ་དུ་གྱུར་པས་མཆོད་ལྡན། ཚད་བཟུང་མེད་པའི་མིང་ཅན་གོམ་པས་ས་གསུམ་འཇལ་བར་བྱེད་པ་ཚད་མེད་པའི་མཐུ་ལྡན། འཇུག་པ་བཅུ་སོགས་རྣམ་གྲངས་མང་པོར་བཀོད་པའི་ལྷ་ཁྱབ་འཇུག་དེ་ལ་ཕྱག་དག་མཛོད་ཅིག་ཅེས་པའི་རྐང་པ་བཞི་ཀའི་བར་མཐའ་གཉིས་ན། མཱ་ན་མཱ་ན། ཞེས་ཡོད་དོ། །བཞི་པ་རྐང་བཞིིའི་ཐོག་བར་ན་ཡོད་པའི་ཟུང་ལྡན་ལས། ཐོག་བར་གྱི་ཆོད་པ་ནི། བཅུད་ལ་ཞུགས་ཏེ་བྲང་གིས་དགའ་བྱེད་ཅིང་། །སྙིང་པོར་གྱུར་པའི་བཅུད་མང་རབ་ཏུ་འཛིན། །གཞད་ཀྱི་རྗེས་མཚུངས་སྒྲ་ལྡན་དྲིལ་ཆུང་ཅན། །དེས་ནི་བཅུད་ལེན་སྙིང་པོ་མེད་པར་རིག །ཅེས་པ་སྟེ། བཅུད་དེ་འདོད་པའི་བྱ་བ་ལ་ཞུགས་ཏེ་བྲང་གིས་རབ་ཏུ་དགའ་བར་བྱེད་ཅིང་སྙིང་པོར་གྱུར་པའི་བཅུད་མང་པོ་རབ་ཏུ་འཛིན་པ། ཆུ་བྱ་བཞད་དཀར་གྱི་སྐད་དང་རྗེས་སུ་མཚུངས་པའི་སྒྲ་ལྡན་སྙན་པའི་སྐད་ཀྱི་དྲིལ་ཆུང་ཅན་གྱི་མཛེས་མ་དེས་ནི་རྒས་པར་མི་འགྱུར་བ་ལ་སོགས་པའི་བཅུད་རྣམས་ཀྱང་སྙིང་པོ་མེད་པར་རིག་གོ་ཞེས་པའི་རྐང་པ་བཞི་ཀའི་ཐོག་བར་ན། སཱ་ར། ཞེས་ཡོད་དོ། །ཞར་བྱུང་རྐང་པ་དང་པོ་དང་གསུམ་པའི་ཐོག་མཐའ་གཉིས་བཞིའི་ཐོག་བར་ཆོད་ཅིང་མ་ཆོད་པ་ནི། བརྟན་རྒྱས་ཚུལ་དང་ཚུལ་མིན་བརྟག་པ་འདི་ཡིས་ནི། །ཚུལ་མེད་དགེ་བའི་ཐབས་ལ་ལོང་རྣམས་རྣམ་པར་ཐུལ། །བཞོན་པས་མི་འགྲོ་རྒྱལ་བའི་ཐེག་འགྲོ་དག་གིས་གང་། །ཚུལ་མ་ཐོབ་རྣམས་ཐོབ་པ་དག་ལ་བརྟེན་པ་བསྐྱེད། །ཅེས་པ་སྟེ། སེམས་བརྟན་ཞིང་བློ་རྒྱས་པས་ཚུལ་དང་ཚུལ་མིན་བརྟག་པར་བྱས་པ་འདིས་ནི། གང་ཞིག་ཆོས་ཚུལ་མང་

― MLP007_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་རྒྱུད་ལ་བསྟེན་པ་མེད་པ་དགེ་བའི་ཐབས་ལ་མིག་ལྡོངས་པས་ཆོས་མིག་ལོང་བར་གྱུར་པ་རྣམས་ཀྱི་རྒྱུད་རྣམ་པར་ཐུལ་བར་འགྱུར་ཞིང་། གཞན་ཡང་བཞོན་པ་ཉོན་མོངས་པས་མི་འགྲོ་ཞིང་རྒྱལ་བའི་ཐེག་པར་བསྟེན་ནས་འགྲོ་བ་དག་གི་གང་དགེ་བའི་ཚུལ་མ་ཐོབ་པ་རྣམས་ཐོབ་པར་འགྱུར་བ་དག་ལ་བརྟེན་པ་སྐྱེད་ཅིག་ཅེས་པའི་རྐང་པ་དང་གསུམ་གྱི་ཐོག་མཐའ་དང་། གཞན་གཉིས་ཀྱི་ཐོག་བར་ན། ན་ཡཱ་ན་ཡཱ། ཞེས་ཡོད་དོ། །ལྔ་པ་རྐང་བཞིའི་ཐོག་མཐར་ཡོད་པའི་ཟུང་ལྡན་ལས། ཐོག་མཐའི་ཆོད་པ་ནི། མཚུངས་མེད་ལྕི་བའི་མཚོན་ལྡན་གཡུལ་དུ་ས་སྐྱེས་ནི། །རྒྱལ་མཚན་ལ་གནས་དཔའ་བོ་བྱ་ཡི་སྒྲ་ཡིས་བྲོས། །ཉི་མ་བཞིན་དུ་དྲག་པོའི་ཕྲོག་བྱེད་འདི་མདུན་དུ། །འཇིགས་རུང་གཡུལ་ལ་དགྲ་རྣམས་ལུག་དང་མཚུངས་པར་རིག །ཅེས་པ་སྟེ། མཚུངས་མེད་ལྕི་བའི་མཚོན་ཆ་དང་ལྡན་པའི་གཡུལ་དུ་ལྷ་མ་ཡིན་ས་སྐྱེས་ཀྱང་གང་གི་ཕྱག་མཚན་རྒྱལ་མཚན་ལ་གནས་པའི་དཔའ་བོ་བྱའི་རྒྱལ་པོ་མཁའ་ལྡིང་གི་སྒྲས་བྲོས་ཤིང་འདར་བར་འགྱུར་ན། ཉི་མ་བཞིན་དུ་བཟོད་པར་དཀའ་བའི་དྲག་པོ་གཟི་བྱིན་ལྡན་པའི་འཕྲོག་བྱེད་ཁྱབ་འཇུག་འདི་ཡི་མདུན་དུ། འཇིགས་རུང་གཡུལ་གྱི་བྱ་བ་ལ་རྒོལ་བར་འདོད་པའི་དགྲ་རྣམས་བཤན་པའི་གདོང་གི་ལུག་དང་མཚུངས་པར་རིག་གོ་ཞེས་པའི་རྐང་པ་བཞི་ཀའི་ཐོག་མཐའ་གཉིས་ན། ར་བེ། ཞེས་ཡོད་དོ། །ཐོག་མཐའི་ཆོད་ཅིང་མ་ཆོད་པ་ནི། །མཚན་མོ་ཚད་མེད་ཐུན་ལྡན་དཔལ་མེད་ཚད་མེད་ཅིང་། །མཐར་ནི་བསྒྲོད་བྱ་མིན་པས་ཟད་ནད་ལ་བརྟེན་པ། །ཆ་ཡི་རང་བཞིན་ནད་ཅན་འབྲལ་བའི་ནད་ཀྱིས་གཟིར། །སྐལ་ལྡན་མ་འདི་སྙིང་རྗེའི་རང་བཞིན་འབྲལ་མེད་མཛོད། །ཅེས་པ་སྟེ། མཚན་མོ་གཉིད་མེད་པས་ཚད་མེད་པའི་ཐུན་དང་ལྡན། ལུས་རིད་པས་ལང་ཚོའི་དཔལ་ཡང་མེད། གྲོགས་དང་བྲལ་བས་གདུང་བ་ཚད་མེད་ཅིང་མཐར་ནི་བསྒྲོད་བྱ་འཁྲིག་བདེ་མྱོང་བ་མིན་པས་ཚེ་ཟད་པའི་ནད་ལ་བརྟེན་པ། བཅུ་དྲུག་ཆའི་རང་བཞིན་ཟླ་བས་ཀྱང་ནད་བསྐྱེད་པ་ཅན་འབྲལ་བའི་ནད་ཀྱིས་གཟིར་བའི་སྐལ་མ་འདི་སྙིང་རྗེའི་རང་བཞིན་ཁྱོད་དང་འབྲལ་བ་མེད་པར་མཛོད་ཅིག་ཅེས་པའི་རྐང་པ་བཞི་ཀའི་ཐོག་མཐར། མ་ཡཱ་མ་ཡཱ། ཞེས་ཡོད་དོ། །

― MLP007_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་པ་རྐང་བཞིའི་གནས་གསུམ་ཀ་ན་ཡོད་པའི་ཟུང་ལྡན་ལས། གསུམ་ཀའི་ཆོད་པ་ནི། ངལ་མེད་ཁྱོད་ཀྱི་བློ་ལ་མཉམ་ཉིད་བཟློག་པ་ཉིད། །མ་ཡིན་བླ་མེད་རྗེས་སུ་མི་མཐུན་འགྲོ་མ་ཡིན། །གདུང་མེད་ཀྱིས་ཐོབ་མཆོག་གི་རྗེས་སུ་མཐུན་པ་ཉིད། །དགའ་མེད་འདོད་མེད་རྣམས་ཀྱི་བཞེད་པ་དག་ལས་རྒྱལ། །ཞེས་པ་སྟེ། གཞན་དོན་སྒྲུབ་པ་ལ་ངལ་བ་མེད་པ་ཁྱོད་ཀྱི་བློ་ལ་འདོད་ཆགས་དང་ཞེ་སྡང་ལ་སོགས་པའི་དབང་གིས་མི་མཉམ་པ་མེད་པས་མཉམ་པ་ཉིད་ཀྱི་སེམས་དང་ལྡན་ཏེ། དེ་ལས་བཟློག་པ་མ་རུང་པ་ཉིད་མ་ཡིན་པས་བླ་ན་མེད་པའི་རྗེས་སུ་མི་མཐུན་པར་འགྲོ་བ་མ་ཡིན་ཞིང་བྱ་དཀའ་བའི་གདུང་བ་མེད་པ་ཉིད་ཀྱིས་དོན་ཆེན་ཐོབ་པ་སྐྱེས་བུ་མཆོག་གི་རྗེས་སུ་མཐུན་པ་ཉིད་དེ། སྲིད་བདེར་དགའ་མེད་འདོད་མེད་དཀའ་ཐུབ་པ་རྣམས་ཀྱི་བཞེད་པ་དག་ལས་རྒྱལ་ལོ་ཞེས་པའི་རྐང་པ་བཞི་ཀའི་གནས་གསུམ་ཀར། མ་ཏཱ་ཞེས་ཡོད་དོ། །གསུམ་ཀའི་ཆོད་ཅིང་མ་ཆོད་པ་ནི། །དུས་ཀྱི་དུས་:ཀྱི་༼ཅན༽མགྲིན་ནག་ངོ་ནག་ནག་པོ་ཉིད་དག་འཛིན། །སྙན་སྒྲོག་དག་གི་སྒྲོག་བྱེད་བུང་ཚོགས་སྤྲིན་ནག་དུས་ལྟར་གནག །དུས་ཀྱིས་མི་བཟུང་དུས་ཆའི་གཙོ་བོ་ཆུ་འཛིན་གྱིས་མཛེས་སུ། །དཀའ་བས་འཚོ་བའི་བུད་མེད་ལན་བུའི་འཕྲེང་བས་མགོ་ནག་བསྟེན། །ཞེས་པ་སྟེ། དུས་ཀྱི་དུས་ཏེ་ལྷ་དབང་ཕྱུག་གི་མགྲིན་པ་ནག་པོ་དང་ངོ་གདོང་ནག་པོ་ཁྱུ་མཆོག་ནག་པོའི་མགོ་བོས་མཚན་པའི་རྒྱལ་མཚན་ཉིད་དག་འཛིན་པ་ནི། སྙན་སྒྲོག་དག་གི་སྐད་སྒྲོག་བྱེད་བུང་བའི་ཚོགས་སམ། ཆར་སྤྲིན་ནག་པོ་འཁྲིགས་པའི་དུས་ལྟར་གནག་ཅིང་། འཆི་བའི་དུས་ཀྱིས་མི་བཟུང་བ་དུས་ཆའི་གཙོ་བོ་ཁྱོད་ནི་ཆུ་འཛིན་གྱིས་མཛེས་པའི་གངས་རིའི་བསྟི་གནས་སུ། དཀའ་ཐུབ་བཟློག་པས་འཚོ་བའི་བུད་མེད་དཔལ་མོ་ལན་བུའི་ཕྲེང་བས་མགོ་བོ་ནག་པ་བསྟེན་ཏོ་ཞེས་པའི་རྐང་པ་བཞི་ཀའི་གནས་གསུམ་ཀར། ཀཱ་ལ་ཀཱ་ལ། ཞེས་ཡོད་དོ། །གསུམ་པ་མཐའ་ཐོག་སྦྱར་བའི་ཟུང་ལྡན་ལ། མཚན་ཉིད་དང་། དཔེར་བརྗོད་དོ། །དང་པོ་ནི། རྐང་པ་གཉིས་ཀྱི་མཐའ་ཐོག་ནི། །རབ་སྦྱར་ཟུང་ལྡན་གནས་སྐབས་འདི། །བརྗོད་

― MLP007_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཁོངས་སུ་འདུ་མོད་ཀྱང་། །རང་དབང་ཉིད་ཀྱིས་འདིར་བཤད་དོ། །ཞེས་པ་སྟེ། ཚིགས་བཅད་རེ་ལ་རྐང་པ་བཞི་བཞི་ཡོད་པའི་དང་པོའི་མཐའ་དང་གཉིས་པའི་མགོ་ལྟ་བུ་རྐང་པ་གཉིས་གཉིས་ཀྱི་མཐའ་ཐོག་རབ་ཏུ་སྦྱར་བའི་ཟུང་ལྡན་གྱི་གནས་སྐབས་འདི་ནི་སྔར་བརྗོད་པའི་ཟུང་ལྡན་དེ་དག་གི་ཁོངས་སུ་འདུ་བ་ཡིན་མོད་ཀྱང་། རང་དབང་ཉིད་ཀྱིས་ཏེ་རྐྱང་པར་ཐ་དད་པར་སྐབས་འདིར་བཤད་དོ། །གཉིས་པ་ནི། མྱོས་པས་ཆགས་པ་ཉེར་བར་གནས་ཀྱང་བུད་མེད་དེས། །བདག་ཉིད་མ་སྦྱར་བདག་གི་སྡིག་པས་ཁྲོ་བ་ཡི། །རོ་དང་སྦྱར་ཏེ་ལུས་མེད་དག་གིས་གདུངས་གྱུར་ཀྱང་། །བདག་ནི་འདི་སྙེད་གདུང་བའི་སླད་དུ་མ་བསྡད་དོ། །ཞེས་པ་སྟེ། ལང་ཚོས་མྱོས་པས་ཆགས་པ་ཉེ་བར་གནས་ཀྱང་བུད་མེད་དེས་བདག་ཉིད་ལ་མ་སྦྱར་བའི་དུས་སུ་བདག་གི་སྡིག་པས་ཁྲོ་བའི་རོ་དང་སྦྱར་ཏེ་ལུས་མེད་འདོད་པ་དག་གིས་གདུངས་པར་གྱུར་ཀྱང་དེའི་མཁོན་ལན་གླན་ཕྱིར་བདག་ནི་མཛེས་མ་དེ་ཡུན་འདི་སྙེད་ཅིག་གདུང་བར་བྱ་བའི་སླད་དུ་རང་ཁྱིམ་དུ་མ་བསྡད་དོ། །ཞེས་པའི་རྐང་པ་དང་པོའི་མཇུག་དང་གཉིས་པའི་མགོར། མ་དེ་ན་སཱ། གཉིས་པའི་མཇུག་དང་གསུམ་པའི་མགོར། ན་ཡོ་ཛི་ཏཱ། གསུམ་པའི་མཇུག་དང་བཞི་པའི་མགོར། ག་ཏཱ་སི་ཏཱ། ཞེས་ཡོད་དོ། །བཞི་པ་ཀུན་ཏུ་ཟུང་ལྡན་ལ་གསུམ། རྐང་པ་བཟླས་པ། ཚིགས་བཅད་བཟླས་པ། ཟུང་ལྡན་ཆེན་པོའོ། །དང་པོ་ལ། སྤྱིར་བསྟན་པ་དང་། སོ་སོར་བཤད་པའོ། །དང་པོ་ནི། ཕྱེད་བཟླས་ཡང་དག་སྦྱར་བ་ཡིན། །འདི་ལ་དབྱེ་བ་གསུམ་དུ་འདོད། །རྐང་པ་བཟླས་པའང་དུ་མ་ཡི། །བདག་ཉིད་དེ་དག་དཔེས་གསལ་བྱ། །ཞེས་པ་སྟེ། ཚིགས་བཅད་ཕྱེད་དེ་རྐང་པ་གཉིས་བཟླས་པ་ནི་ཡང་དག་སྦྱར་བའི་ཟུང་ལྡན་ཡིན་ལ། འདི་ལ་དབྱེ་ན་རྣམ་པ་གསུམ་དུ་འདོད་ཅིང་། རྐང་པ་རེ་རེ་བཟླས་པའང་དུ་མའི་བདག་ཉིད་དེ། དེ་དག་དཔེ་ཡིས་གསལ་བར་བྱའོ། །གཉིས་པ་ལ་གཉིས། ཕྱེད་བཟླས་ཡང་དག་སྦྱར་བ་དང་། །རྐང་པ་རེ་རེ་བཟླས་པའོ། །དང་པོ་ལ། དང་པོ་རྐང་པ་དང་གསུམ་བཟླས་ཤིང་གཉིས་བཞི་བཟླས་པ་ནི། སྐྱེས་བུ་བརྟན་གང་སྙིང་སྟོབས་ཅན། །ཁེངས་པར་རབ་སྤངས་སྤང་བྱ་སྟེ། །ཁྱོད་ཀྱི་མཆོག་ཏུ་འབད་

― MLP007_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡི། །ཡིད་བརྟན་བྱའོ་འབད་མེད་མ། །ཞེས་པ་སྟེ། སྐྱེས་བུ་གང་ཞིག་བརྟན་པ་དང་ལྡན་ཞིང་སྙིང་སྟོབས་ཕུལ་དུ་བྱུང་བ་ཅན་དེས་ཀྱང་ཁེངས་པ་རབ་ཏུ་སྤངས་ནས་སྤང་བྱར་བྱས་ཏེ། དེའི་ཕྱིར་ཁེངས་ལྡན་འབད་མེད་མ་ཁྱོད་ཀྱིས་ཀྱང་མཆོག་ཏུ་འབད་པས་སྤོང་བའི་ཡིད་བརྟན་བྱའོ་ཞེས་པའི་རྒྱ་དཔེར་རྐང་པ་དང་པོ་དང་གཉིས་པ་ལ་ཇི་ལྟར་ཡོད་པ་དེ་ཉིད་གསུམ་པ་དང་བཞི་པར་ཡང་བཟླས་ཏེ་ཡོད་པས་མཚོན་དཔེར་བརྗོད་འོག་མ་རྣམས་ལའང་རིགས་འགྲེ་བར་བྱའོ། །གཉིས་པ་དང་པོ་གཉིས་པ་དང་གསུམ་པ་བཞི་པར་བཟླས་པ་ནི། ཁྱོད་ཀྱི་བགྲོད་པ་ཁྱབ་བདག་གཟི་བྱིན་གྱིས། །ཡང་ཡང་རབ་སྦྱར་མཛེས་པ་མེད་པ་ཡི། །མི་རྣམས་ཚུལ་དང་ང་རྒྱལ་ཉམས་བྱས་ནས། །གདུངས་ཤིང་ཀྱེ་མ་བྱས་ཟོས་རྣམ་པར་བཅོམ། །ཞེས་པ་སྟེ། རྒྱལ་པོ་ཁྱོད་ཀྱི་གཡུལ་ལ་བགྲོད་པ་ཁྱབ་བདག་སྟེ་ཁྱབ་འཇུག་ལྟ་བུའི་གཟི་བྱིན་གྱིས་གདུང་བའི་གནོད་པ་ཡང་ཡང་རབ་ཏུ་སྦྱར་བས་མཛེས་པ་མེད་པས་མི་རྣམས་དཔའ་བོའི་ཚུལ་དང་ང་རྒྱལ་ཉམས་པར་བྱས་ནས་འཆི་བའི་སྡུག་བསྔལ་གྱིས་གདུངས་ཤིང་རོ་རྣམས་ནི་ཀྱེ་མ་བྱས་ཟོས་ཏེ་རྣམ་པར་བཅོམ་མོ། །གསུམ་པ་དང་པོ་བཞི་པ་དང་གཉིས་པ་གསུམ་པར་བཟླས་པ་ནི། སྒྲ་ཡིས་སྤྲིན་བགྲོད་དབྱར་སྐྱེས་རྨ་བྱ་ཡིས། །ཚོགས་རྣམས་མཛེས་པ་ཉིད་དུ་ཉེ་བར་གྱུར། །རླུང་གི་ཚོགས་སྟུག་བྲལ་བ་ཆུར་སྒྲོག་ཀྱང་། །ཚོགས་རྣམས་སྒྲ་དང་བྲལ་བ་ཉིད་དུ་གྱུར། །ཅེས་པ་སྟེ། འབྲུག་གི་སྒྲའི་སྤྲིན་གྱི་བགྲོད་པ་གཡོ་བ་དབྱར་སྐྱེས་རྨ་བྱའི་ཚོགས་རྣམས་དགའ་བས་མཛེས་པ་ཉིད་དུ་ཉེ་བར་གྱུར་ཅིང་། རླུང་གི་ཚོགས་སྟུག་པོ་དང་བྲལ་བ་ཆུར་སྒྲོག་ངང་པའི་ཚོགས་རྣམས་ཀྱང་དུས་དེར་མི་དགའ་བས་སྒྲ་དང་བྲལ་བ་ཉིད་དུ་གྱུར་ཏོ། །གཉིས་པ་ལ་གཉིས། དངོས་དང་། དོན་བསྡུ་བའོ། །དང་པོ་ལ། དང་པོ་རྐང་པ་སྔ་མ་གཉིས་བཟླས་ཤིང་ཕྱི་མ་གཉིས་གང་བདེར་བྱས་པ་ནི། འཚོ་བའི་དབང་ཕྱུག་དུད་པའི་བྲང་ལ་ཁོ་མོ་ནི། །དམན་ཞིང་ཁེངས་པ་ངེས་པར་བསྒྲུབ་པའི་དབང་གྱུར་མ། །བརྩེ་བ་སྤངས་པའི་བདག་ཉིད་ཡིད་ཀྱི་འོ་མ་འཛིན། །གཉིས་པོ་ཉེ་བར་གཏད་ནས་ཀུན་ཏུ་མ་འཁྱུད་དོ། །ཞེས་པ་སྟེ། འཚོ་བའི་དབང་ཕྱུག་མཛའ་བོ་དུད་པའི་བྲང་ལ་ཁོ་མོ་ངོ་ཚ་དམན་

― MLP007_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཁེངས་པ་ངེས་པར་བསྒྲུབ་པའི་དབང་དུ་གྱུར་མ་བརྩེ་བ་སྤངས་པའི་བདག་ཉིད་ཀྱི་ཡིད་སེམས་ཅན་མཛའ་མོ་བདག་གི་འོ་མ་འཛིན་པ་གཉིས་པོ་ཉེ་བར་གཏད་ནས་ཀུན་ཏུ་མ་འཁྱུད་པ་ལ་བདག་རྗེས་སུ་འགྱོད་དོ། །གཉིས་པ་རྐང་པ་དང་གསུམ་བཟླས་ཤིང་གཉིས་བཞི་གང་བདེར་བྱས་པ་ནི། ལྷ་རྣམས་འདུན་པ་སྟོབས་མེད་རྣམ་པར་བརྒྱན་པ་རུ། །ཁྱོད་ཀྱི་ཡོན་ཏན་པད་རྩ་དྲི་མ་མེད་པས་འཛེགས། །དེ་ནི་ཕྱི་ནས་གྲོང་བཟང་རྣམས་ཀྱི་ཕུན་སུམ་ཚོགས། །བརྒྱན་པའི་བུད་མེད་དག་དང་རྣམ་པར་བརྩེ་ཞིང་སྤྱོད། །ཅེས་པ་སྟེ། ལྷ་རྣམས་ཀྱི་འདུན་ས་ལྷ་མ་ཡིན་རྣམས་སྟོབས་མེད་པར་བྱས་ནས་རང་ཕྱོགས་རྒྱལ་བར་བྱེད་པའི་བརྒྱ་བྱིན་འཁོར་ཚོགས་མཐའ་ཡས་པ་དང་བཅས་པས་རྣམ་པར་བརྒྱན་པའི་ལྷའི་གནས་ཕུན་སུམ་ཚོགས་པ་རུ། རྒྱལ་པོ་ཁྱོད་ཀྱི་ཡོན་ཏན་གྱི་གྲགས་པ་པད་རྩ་དྲི་མ་ལྟར་དཀར་བས་སྟེང་དུ་འཛེགས་ཏེ་ཕྱིན་ལ། དེ་ནི་ཕྱི་ནས་མིའི་གྲོང་ཁྱེར་བཟང་པོ་རྣམས་ཀྱི་ནང་ན་ཕུན་སུམ་ཚོགས་པའི་རྒྱན་གྱིས་བརྒྱན་པའི་བུད་མེད་དག་དང་རྣམ་པར་བརྩེ་ཞིང་སྤྱོད་དོ། །གསུམ་པ་རྐང་པ་དང་མཐའ་བཟླས་ཤིང་བར་པ་གཉིས་གང་བདེར་བྱས་པ་ནི། སྙན་པར་སྨྲ་དང་ལུས་སྐེད་དུད་དང་ནུ་གཉིས་མས། །ཁྱོད་ལས་གཞན་པ་སུ་ཞིག་མ་བཅོམ་དེ་ཡི་ཕྱིར། །འབྱུང་པོ་ལུས་ལྡན་སྐྱོན་ལས་གྲོལ་བ་ཁྱོད་ལ་སོགས། །འགྲང་བ་ལ་ནི་མིང་མེད་ཉེ་བར་འགྲོ་མ་ཡིན། །ཞེས་པ་སྟེ། སྐད་སྙན་པར་སྨྲ་བ་དང་། ལུས་སྐེད་དུད་པ་དང་། ནུ་མ་གཉིས་དང་ལྡན་པའི་མཛེས་མ་འདིས་ནི། ཁྱོད་ལས་གཞན་པའི་སྐྱེས་བུ་སུ་ཞིག་མ་བཅོམ་པ་མིན་པ་སྟེ་བཅོམ་ནས་མྱོས་པར་བྱས་པ་དེའི་ཕྱིར་འབྱུང་པོ་སྟེ་སྐྱེས་བུའི་ལུས་དང་ལྡན་པའི་ནང་དུ་སྐྱོན་ལས་གྲོལ་བ་ཁྱོད་ལ་སོགས་པ་བགྲང་བ་ལ་ནི་མིང་མེད་ཅིང་། ཉེ་བར་འགྲོ་བའང་མ་ཡིན་ནོ། །བཞི་པ་རྐང་པ་བར་མ་གཉིས་བཟླས་ཤིང་དང་མཐའ་གང་བདེར་བྱས་པ་ནི། ཁྱོད་ཀྱི་དམག་དཔུང་ཁྱབ་འཇུག་ལྟ་བུ་གོ་དགོས་པ། །མཚོན་རྣོན་ལྡན་པ་དཔའ་བོ་དག་གིས་ཕྱོགས་རྣམས་སུ། །གྲགས་པ་དང་ནི་རྡུལ་དག་རྒྱས་བྱེད་གཡུལ་གྱི་ནི། །དགྲ་རིགས་ལུས་བྲལ་གཟི་མེད་རྒྱགས་པ་ཉམས་པར་བྱེད། །ཅེས་པ་སྟེ། རྒྱལ་པོ་ཁྱོད་ཀྱི་དམག་དཔུང་ཁྱབ་འཇུག་ལྟ་བུ།

― MLP007_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་པས་གོ་བགོས་པ། མཚོན་རྣོན་པོ་དང་ལྡན་པ་དཔའ་བོའི་དཔུང་ཚོགས་དག་གིས་ཕྱོགས་རྣམས་སུ་རྣམ་པར་རྒྱལ་བའི་གྲགས་པ་དང་། རྟ་རྡུལ་དག་རྒྱས་པར་བྱེད་ལ། གཡུལ་གྱི་དགྲ་རིགས་རྣམས་ལུས་སྲོག་བྲལ་བས་གཟི་བྱིན་མེད་ཅིང་། རྒྱགས་པ་ཉམས་པར་བྱེད་དོ། །ལྔ་པ་གཉིས་པ་བཞི་པ་བཟླས་ཤིང་དང་གསུམ་གང་བདེར་བྱས་པ་ནི། དྲན་ལྡན་བདག་ལས་ཕན་པའི་ཚིག་གཅིག་མཉན་པར་མཛོད། །ཁྱོད་ཀྱི་ལག་པ་དཔལ་དང་ལྷན་ཅིག་ལག་འགྲོ་ཡིས། །ས་ཡི་དཀྱིལ་འཁོར་རྣམས་འཛིན་དེ་ཕྱིར་ས་གཞི་འཛིན། །རང་ལག་རིག་ནས་རྒྱགས་པར་ཡོང་མ་བྱེད། །ཅེས་པ་སྟེ། དྲན་ལྡན་ཞེས་བོས་ནས། བདག་ལས་ཕན་པའི་ཚིག་གཅིག་མཉན་པར་མཛོད་ཅིག །ཇི་སྐད་སྨྲ་ཞེ་ན། ཁྱོད་ཀྱི་ལག་པ་དཔལ་དང་ལྡན་པ་དང་ལྷན་ཅིག་ལག་འགྲོས་ས་གཞིའི་དཀྱིལ་འཁོར་འདི་ཉིད་རྣམ་པར་འཛིན་ལ། དེ་ཕྱིར་ས་གཞི་འཛིན་པ་རང་ཉིད་ཀྱི་ལག་པར་རིག་ནས་རྒྱགས་པའི་ང་རྒྱལ་རྒྱས་པར་ཡོང་མ་བྱེད་ཅིག་པའོ། །དྲུག་པ་རྐང་པ་ཕྱི་མ་གཉིས་བཟླས་ཤིང་སྔ་མ་གཉིས་གང་བདེར་བྱས་པ་ནི། འདོད་པའི་མེ་གང་ཁེངས་པས་རབ་བསྒྲུབས་པ། །སྐད་ཅིག་དང་མཉམ་རྒྱས་ཏེ་པདྨའི་མིག །རོ་མེད་ཁྱོད་ཀྱི་བདེ་བ་དེ་དག་ནི། །ཀུན་ནས་ཉམས་པ་ཉིད་དུ་ཅིས་མི་བྱེད། །ཅེས་པ་སྟེ། འདོད་པའི་མེ་གང་མཛའ་བོར་མི་འདོད་པའི་ཁེངས་པས་རབ་ཏུ་བསྒྲུབས་པ་ཉིད་སྐད་ཅིག་རེ་དང་མཉམ་དུ་ཆེས་ཆེར་རྒྱས་ཏེ་པདྨའི་མིག་ཅན་མ་རོ་འདོད་མེད་པ་ཁྱོད་ཀྱི་བདེ་བ་དེ་དག་ནི་ཀུན་ནས་ཉམས་པ་ཉིད་དུ་ཅིས་མི་བྱེད་དོ། །བདུན་པ་སྔ་མ་གསུམ་བཟླས་ཤིང་བཞི་པ་གང་བདེར་བྱས་པ་ནི། མ་དུད་ཁྱོད་ནི་འཇིག་རྟེན་དག་གྱུར་ཚེ། །མཐུ་ཡིས་མཐུ་ལྡན་རིན་ཆེན་མང་གིས་བཏུད། །དེ་ཕྱིར་གསར་པའི་བཏུང་ལྡན་མཆོད་སྦྱིན་ནི། །ངེས་པ་ཉིད་དུ་ཆད་པར་མ་གྱུར་ཏོ། །ཞེས་པ་སྟེ། སུ་ལ་ཡང་མ་དུད་པ་ཁྱོད་ནི། འཇིག་རྟེན་གྱི་བདག་པོར་གྱུར་པའི་ཚེ། བསོད་ནམས་ཀྱི་མཐུ་ཡིས་མཐུ་དང་ལྡན་པ། རིན་ཆེན་མང་སྟེ་བརྒྱ་བྱིན་གྱིས་ཀྱང་བཏུད་པ་དེའི་ཕྱིར། སྔོན་མེད་ལྷའི་བདུད་རྩི་གསར་པའི་བཏུང་བ་དང་ལྡན་པའི་མཆོད་སྦྱིན་ནི་ངེས་པ་ཉིད་དུ་ཆད་པར་མ་གྱུར་ཏོ། །བརྒྱད་པ་དང་པོ་དང་ཕྱི་མ་གཉིས་བཟླས་ཤིང་གཉིས་

― MLP007_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གང་བདེར་བྱས་པ་ནི། དཔུང་གི་གླང་པོ་རྣམས་ནི་གཞན་དང་གཞན། །སྟོབས་ལྡན་སྒྲ་སྒྲོག་རབ་ཏུ་བརྒྱུད་པ་ཡི། །ཐང་ལ་རྡུལ་བསྒྲུབས་ནམ་མཁའ་འགོག་བྱེད་ཅིང་། །གཡུལ་གྱི་སྟོབས་ལྡན་མཆོག་ཏུ་གཞན་ལ་རྒྱུག །ཅེས་པ་སྟེ། རྒྱལ་པོ་ཁྱོད་ཀྱི་དཔུང་གི་གླང་པོ་རྣམས་ནི་གཞན་དང་གཞན་མང་པོའི་སྟོབས་དང་ལྡན་ཞིང་འཇིགས་པའི་སྒྲ་སྒྲོག་པར་བྱེད་ལ། དགྲ་ཕྱོགས་སུ་རབ་ཏུ་བརྒྱུད་དེ་བགྲོད་པ་ཡིས་ཐང་ལ་རྡུལ་ཚུབ་བསྒྲུབས་པས་ནམ་མཁའ་འགོག་པར་བྱེད་ཅིང་། གཡུལ་གྱི་སྟོབས་དང་ལྡན་པས་མཆོག་ཏུ་དགྲ་ཕྱོགས་ཀྱི་གླང་པོ་རྣམས་གཞོམ་ཕྱིར་ཕྱོགས་གཞན་ལ་རྒྱུག་གོ །དགུ་པ་ཕྱི་མ་གསུམ་བཟླས་ཤིང་དང་པོ་གང་བདེ་བྱས་པ་ནི། ཁྱོད་ལྟ་མཉམ་པར་མ་གཞག་སྲིད་པར་ནི། །རྣམ་གཉིས་མི་མཉམ་ཕན་པ་མེད་རྣམས་ཚིག །ལོག་པར་གྱུར་པ་སྒྲུབ་བྱེད་མི་མཉམ་པ། །སྦྲུལ་བགྲོད་མཚུངས་ལ་མི་དད་ངོ་ཚ་མེད། །ཅེས་པ་སྟེ། ཀྱེ་ངོ་ཚ་མེད་པ་ཁྱོད་ལྟ་བུ་མཉམ་པར་མ་གཞག་པའི་སེམས་ལྡན། སྲིད་པར་ཆགས་སྡང་རྣམ་གཉིས་མི་མཉམ་པ་ཀུན་ལ་ཕན་པ་མེད་པའི་ཚིག་རྣམས་ལོག་པར་གྱུར་པ། སྒྲུབ་བྱེད་མི་ཉམས་པ་ངག་དང་རྣམ་པ་གཞན་དུ་བྱེད་པ་སྦྲུལ་གྱི་བགྲོད་པ་དང་མཚུངས་པ་ཁྱོད་ལ་བདག་མི་དད་དོ། །བཅུ་པ་རྐང་པ་བཞི་ཀ་བཟླས་པ་ནི། དགྲ་ཡི་མཛེས་ཉམས་རྒྱལ་པོའི་སྡེ་ཡིས་བཏུད། །སྐྱེ་མཆོག་ཨུ་མས་ཕན་རྗེ་དཔལ་མེད་མིན། །གོ་བགོས་ཨུ་མས་བཏུད་པ་ཟླ་འདྲ་སྟེ། །མཆོད་ཐོབ་དམ་པ་རྡུལ་མེད་མི་མཛེས་མིན། །ཞེས་པ་སྟེ། དགྲའི་ཚོགས་ཀྱི་མཛེས་པ་ཉམས་པ་རྒྱལ་པོའི་སྡེ་ཡིས་བཏུད་པའི་སྐྱེས་བུ་མཆོག་སྟེ་ཨུ་མས་ཕན་པར་བྱེད་པ་ལྷ་རྣམས་ཀྱི་རྗེ་བོ་དབང་ཕྱུག་གི་དཔལ་མེད་པ་མིན་པ་སྟེ་དབང་ཕྱུག་གི་དཔལ་དང་ལྡན་པ། སྙིང་སྟོབས་ཀྱི་གོ་ཆ་བགོས་ཤིང་། ཨུ་མས་བཏུད་པ་གཙུག་ན་ཟླ་བ་འདྲ་སྟེ། ཀུན་གྱིས་མཆོད་པ་ཐོབ་པའི་དམ་པ་ཁྱོད་ཉེས་པའི་རྡུལ་མེད་མི་མཛེས་པ་མིན་ནོ། །གཉིས་པ་དོན་བསྡུ་བ་ནི། དེ་ལྟར་རྐང་པ་ལན་གཅིག་དང་། །གཉིས་དང་གསུམ་ཡང་བཟླས་པ་བསྟན། །ཞེས་པ་སྟེ། གོ་སླའོ། །གཉིས་པ་ཚིགས་བཅད་བཟླས་པ་ལ། མཚན་ཉིད་དང་། དཔེར་བརྗོད་དོ། །དང་པོ་ནི།

― MLP007_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིགས་བཅད་གཉིས་དང་ལྡན་པའི་དོན། །ཚིགས་བཅད་བཟླས་པ་ཡིན་དེ་དཔེར། །ཞེས་པ་སྟེ། ཚིགས་བཅད་གཉིས་དང་ལྡན་པའི་ཚིགས་བཅད་ཕྱི་མ་ལ་སྔ་མ་ཉིད་བཟླས་ཏེ་བརྗོད་པས་ཚིགས་བཅད་སྔ་མ་ལས་དོན་ཐ་དད་སྟོན་པ་དེ་ནི་ཚིགས་བཅད་བཟླས་པ་ཞེས་བྱ་བའི་ཟུང་ལྡན་ཡིན་ཏེ། དཔེར་ན། ཞེས་སོ། །གཉིས་པ་ནི། ཟླུམ་ཞིང་རྒྱས་པའི་ལག་པ་ཅན། །གྲོགས་མིན་རབ་ཏུ་འཇོམས་བྱེད་པ། །རྣམ་འདྲེན་ཁྱོད་ཀྱིས་བསྟེན་པ་ཡི། །མི་མཚུངས་པ་འདི་འཇིགས་པ་མེད། །འདྲེན་པ་དག་དང་བྲལ་གྱུར་ཅིང་། །ལག་པ་སྲེག་ཁང་ཉེ་གྱུར་པ། །རང་གྲོགས་ཀྱིས་བཏང་དགྲ་ཡིས་ནི། །མཚུངས་མེད་ས་འདི་མངོན་པར་བསྟེེན། །ཞེས་པ་སྟེ། མི་བདག་ཁྱོད་ཀྱི་ཟླུམ་ཞིང་རྒྱས་པའི་ལག་པ་སྟོབས་དང་ལྡན་པ་ཅན་གྱིས་རང་གི་གྲོགས་མིན་དགྲ་བོ་རྣམས་རབ་ཏུ་འཇོམས་པར་བྱེད་པ་རྣམ་འདྲེན་རྒྱལ་པོ་ཁྱེད་ཀྱིས་བསྟེན་པའི་ས་གཞན་དང་མི་མཚུངས་པ་འདིར་ཕ་རོལ་པོས་རྒོལ་མི་ནུས་པ་ལ་སོགས་པའི་རྒྱུ་མཚན་གྱིས་འཇིགས་པ་མེད་ལ། ཁྱོད་ཀྱི་དགྲ་སྡེ་རྣམས་ནི་རང་གི་འདྲེན་པ་དག་དང་བྲལ་བར་གྱུར་ཅིང་ལག་པ་སྲེག་ཁང་དང་སྲེག་རྫས་སློང་བ་ཉེ་བར་གྱུར་པ་རང་གྲོགས་ཀྱིས་བཏང་བའི་དགྲ་ཚོགས་རྣམས་ཀྱིས་ཀྱང་མཚུངས་མེད་འགྲན་ཟླ་མེད་པའི་ས་འདི་མངོན་པར་བསྟེན་ཏོ་ཞེས་པའི་རྒྱ་དཔེར་ཚིགས་བཅད་གཅིག་ལན་གཉིས་བཟླས་ཏེ་ཡོད་དོ། །གསུམ་པ་ཟུང་ལྡན་ཆེན་པོ་ལ། མཚན་ཉིད། དོགས་གཅོད། དཔེར་བརྗོད་དོ། །དང་པོ་ནི། རྐང་བཞི་རྣམ་པ་གཅིག་པ་གང་། །ཟུང་ལྡན་ཆེན་པོར་བརྗོད་པ་ཡིན། །ཞེས་པ་སྟེ། རྐང་པ་བཞིའི་ཡི་གེའི་གཟུགས་ཀྱི་རྣམ་པ་གཅིག་པ་གང་ཡིན་པ་དེ་ནི་ཟུང་ལྡན་ཆེན་པོ་ཞེས་བྱ་བར་བརྗོད་པ་ཡིན་ནོ། །གཉིས་པ་ནི། དེ་ལའང་བཟླས་པ་མཐོང་སྟེ་དེ། །ཟུང་ལྡན་བྱ་བ་གཞན་ཡིན་ནོ། །ཞེས་པ་སྟེ། དེ་ལའང་ཟུང་ལྡན་ཆེན་པོ་འདི་ཉིད་སྔར་གྱི་རྐང་པ་བཞི་ཀ་བཟླས་པ་དང་འདྲ་བར་མཐོང་སྟེ་དེ་གཉིས་ལ་ཁྱད་ཅི་ཡོད་ཅེ་ན། རྐང་པ་བཞི་ཀ་བཟླས་པ་ནི། རྐང་པ་དང་པོ་ལ་ཇི་ལྟར་ཡོད་པ་དེ་ཉིད་ཕྱི་མ་གསུམ་ལའང་བཟླས་ཏེ་བརྗོད་པ་ཡིན་ལ། འདི་ནི་རྐང་པ་རེ་རེ་ལའང་བར་མ་ཆོད་ཀྱི་ཟུང་ལྡན་གཉིས་ལ་སོགས་པ་ཡོད་པས་ཟུང་

― MLP007_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་གྱི་བྱ་བ་གཞན་ཡིན་ནོ། །གསུམ་པ་ནི། མཉམ་མེད་དཔལ་ལྡན་མཚུངས་མེད་མ། །ཁེངས་ལྡན་ངལ་བ་དག་དང་ནི། །ཁེངས་པ་མཉམ་ལྡན་ཚུལ་མིན་དག །དོར་བའི་ཚད་འདིས་གྲོགས་སུ་ཆུག །ཅེས་པ་སྟེ། མཛེས་པ་མཉམ་པ་མེད་པའི་དཔལ་ལྡན་མཚུངས་པ་མེད་པའི་ལང་ཚོ་ཅན་མ་ཁེངས་ལྡན་ཁྱོད་འདོད་གདུངས་ཀྱིས་ངལ་བ་དག་དང་ཁེངས་པ་མཉམ་དུ་ལྡན་ཏེ། ཁྱོད་ཚུལ་མིན་དག་དོར་བའི་སྤྱོད་པ་ཚད་ལྡན་འདིས་འཛའ་བོ་གྲོགས་སུ་ཆུག་ཅིག་ཅེས་པའི་རྒྱ་དཔེར། ས་མཱ་ན་ཡཱ་ཞེས་པ་ཉིད་རྐང་པ་རེར་ལན་གཉིས་གཉིས་བཟླས་ཏེ་ཡོད་དོ། །ལྔ་པ་འདྲེས་པའི་ཟུང་ལྡན་ནི། འཛིན་མ་འཛིན་མའི་རྣམ་འཛིན་འཛིན་མ་སྤྱོད་རྣམས་ཀྱི། །ལག་པ་རྣམ་གནོན་མི་དམན་འཕྲལ་ལ་དགྲ་འཇོམས་པ། །མྱུར་བ་དང་ལྡན་མཆོད་པའི་ཁུར་ནི་བརྟན་པ་ཡིས། །ས་གཞི་དག་ནི་རིམ་པས་བསྲུང་བར་བཟོད་པ་ཡིན། །ཞེས་པ་སྟེ། འཛིན་མ་ས་གཞི་སྟེ། དེ་འཛིན་མ་ཀླུའི་རྒྱལ་པོ་ལྷག་མ་ཅན་དེའི་རྣམ་པ་འཛིན་པ་མི་བདག་ཁྱོད་ནི་འཛིན་མ་ནོར་འཛིན་གྱི་ཁྱོན་འདི་ལ་སྤྱོད་ཅིང་ཁྱོད་ཀྱི་སྡེ་དཔུང་རྣམས་ཀྱི་ལག་པ་ཕ་རོལ་རྣམ་པར་གནོན་པའི་སྟོབས་མི་དམན་པས་འཕྲལ་ལ་དགྲ་བོ་རྣམས་འཇོམས་པར་བྱེད་པ་ལ་མི་ཐོགས་པས་མྱུར་བ་དང་ལྡན་ཞིང་ཁྱོད་ལ་མཆོད་པའི་ཁུར་ནི་བརྟན་པ་ཡིས་ས་གཞི་མཐའ་དག་རིམ་པས་བསྲུང་བར་བཟོས་པ་ཡིན་ནོ་ཞེས་པའི་རྐང་པ་དང་པོའི་ཐོག་བར་ན། དྷ་རཱ་དྷ་རཱ། ཞེས་ཆོད་ཅིང་མ་ཆོད་པ་དང་། དང་པོ་དང་གཉིས་པའི་མཐར་ཐོག་ན། བྷུ་ཛཱཾ་ཞེས་མཐའ་ཐོག་སྦྱར་བའི་ཟུང་ལྡན་དང་། གཉིས་པའི་བར་གྱི་བསྟོད་སྨད་ན། མ་ཧཱི། ཞེས་ཆོད་པའི་ཟུང་ལྡན་ལ་སོགས་པ་བསྲེས་པའི་ཟུང་ལྡན་མང་དུ་ཡོད་དོ། །དྲུག་པ་ལྡོག་པའི་ཟུང་ལྡན་ལ། མཚན་ཉིད་དང་དཔེར་བརྗོད་དོ། །དང་པོ་ནི། རྐང་ཕྱེད་ཚིགས་བཅད་སྤྱོད་ཡུལ་ཅན། །ལུགས་ལས་བཟློག་པས་བསྐོར་བ་ནི། །ཟུང་ལྡན་ལུགས་ལས་བཟློག་པའི་ཕྱིར། །ལུགས་ལས་བཟློག་པ་ཞེས་པར་བཤད། །ཅེས་པ་སྟེ། རྐང་པ་བཟློག་པ་དང་། ཚིགས་བཅད་ཕྱེད་བཟློག་དང་། ཚིགས་བཅད་རང་སོ་བཟློག་པའི་སྤྱོད་ཡུལ་ཅན་ཏེ། ལུགས་ལས་བཟློག་པའི་ཚུལ་གྱིས་བསྐོར་བ་ནི་ཟུང་ལྡན་ཡིན་པ་གང་ཞིག

― MLP007_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་གེ་ལུགས་ལས་བཟློག་སྟེ་བཀོད་པའི་ཕྱིར་ལུགས་ལས་བཟློག་པའི་ཟུང་ལྡན་ཞེས་པར་བཤད་དོ། །གཉིས་པ་ལ། དང་པོ་རྐང་པ་ལྡོག་པ་ནི། །གང་ལ་འབད་བྱས་ཕྲ་མོ་ཉིད། །དེ་ནི་བདག་གིས་ཐོབ་མཛའ་བོ། །རེ་འདོད་མེད་པས་བྱེད་མེད་ལྷ། །བསྟོད་ནས་འོངས་ཁྱོད་འགྲོ་གྱུར་ཅིག །ཅེས་པ་སྟེ། འཛའ་བོ་གང་ལ་ཐོབ་འདོད་ཀྱི་འབད་པ་དྲག་པོ་བྱས་པས་ལུས་ཕྲ་མོ་ཉིད་དུ་གྱུར་པ་དེ་ནི་བདག་གི་ཐོབ་མོད་ད་ནི་འཛའ་བོ་ཁྱོད་རེ་བ་བཞིན་མི་བྱེད་པ་ལ་བདག་ཀྱང་འདོད་པ་མེད་པས་བྱེད་མེད་ཀྱི་ལྷ་བེམ་པོའི་རང་བཞིན་ཅན་བསྟོད་ནས་ཡུན་རིང་ཞིག་ལོན་ནས་འོངས་པ་ཁྱོད་ད་གང་དགར་འགྲོ་བར་གྱུར་ཅིག་ཅེས་པའི་རྐང་པ་དང་པོ་དང་གསུམ་པ་ལ་ཇི་ལྟར་ཡོད་པ་དེ་གཉིས་པ་དང་བཞི་པར་མགོ་མཇུག་ལྡོག་སྟེ་ཡོད་པ་ལྟ་བུའོ། །གཉིས་པ་ཚིགས་བཅད་ཕྱེད་ལྡོག་ནི། ནཱ་ད་ལྡན་བདག་རང་གི་བློ། །མྱོས་མིན་འདོད་པ་འགའ་ཡང་མེད། །དུལ་བ་འཇོམས་པའི་འདོད་པ་ཡི། །རང་དབང་གདུང་བ་དག་ཀྱང་མེད། །ཅེས་པ་སྟེ། ནཱ་ད་སྟེ་དེ་ཉིད་རྟོགས་པ་དང་༼ལྡན་༽པ་བདག་རང་གི་བློ་འདོད་པས་མྱོས་པ་མིན་པས་འདོད་པ་དོན་གཉེར་གྱི་བློ་འགའ་ཡང་མེད་ལ། དེའི་ཕྱིར་དུལ་བ་འཇོམས་པའི་མེ་ཏོག་འདའ་ཅན་འདོད་པའི་ལྷ་ཡིས་རང་དབང་དུ་བྱས་པའི་གདུང་བ་དག་ཀྱང་མེད་དོ་ཞེས་པའི་རྐང་པ་སྔ་མ་གཉིས་ལ་ཇི་ལྟར་ཡོད་པ་དེ་ཕྱི་མ་གཉིས་ལ་མགོ་མཇུག་ལྡོག་སྟེ་ཡོད་པ་ལྟ་བུའོ། །གསུམ་པ་ཚིགས་བཅད་རང་སོ་ལྡོག་པ་ནི། ཡིད་འགྲོ་བདུད་སྐྱོང་ལྕགས་མི་དམན། །གང་ཞིག་དབང་གྱུར་སྐྱེ་བོ་འཇོམས། །གང་ལ་བདག་སོང་སྐྱེ་བོ་བརྒྱའི། །དབང་གྱུར་དེ་ལ་བྱོན་ཞེས་སྨྲས། །སྟོན་འདི་ཡིས་ནི་གཟིར་གྱུར་ཅིང་། །བརྟན་མི་ཤེས་པ་དེ་ཡི་ནི། །ཉིན་མོའི་ནད་དག་མ་ཐོབ་མིན། །མྱ་ངན་བྲལ་སླད་ཁེངས་མ་བྱེད། །ཅེས་པ་སྟེ། ཀུན་གྱི་ཡིད་ལ་འགྲོ་ཞིང་བདུད་འདོད་ལྷས་སྐྱོང་བ་གཞན་ཡིད་བསྐུལ་བའི་ལྕག་མི་དམན་པ། གང་ཞིག་གཞན་གྱི་དབང་དུ་གྱུར་པའི་སྐྱེ་བོའམ་ཆགས་བྲལ་དྲང་སྲོང་རྣམས་ཀྱི་ཡང་དུལ་བ་འཇོམས་པ་གང་ལ་བདག་ཡིད་སོང་བས་སྐྱེ་བོ་བརྒྱའི་དབང་དུ་གྱུར་མ་དེ་ལ་བདག་གིས་བྱོན་ཞེས་སྨྲས་སོ་ཞེས་པ་ཚིགས་བཅད་སྔ་མའི་དོན་དང་། ཕྱི་མའི་དོན་ནི། སྟོན་དུས་

― MLP007_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཉི་མའི་འོད་ཟེར་གསལ་བ་འདིས་ནི་གཟིར་བར་གྱུར་ཅིང་བརྟན་པ་གནས་སྐབས་མི་ཤེས་པ་དེ་ཡིས་ཉིན་མོའི་ནད་རྩུབ་མོ་དག་མ་ཐོབ་པ་མིན་ཏེ་ཐོབ་པས་མྱ་ངན་དེ་དང་བྲལ་བའི་སླད་དུ་མཛའ་བོ་ཁྱོད་ཁེངས་པར་མ་བྱེད་ཅིག་ཅེས་པའི་ཚིགས་བཅད་སྔ་མ་ལ་ཇི་ལྟར་ཡོད་པ་དེ་ཉིད་ཕྱི་མ་ལ་མགོ་འཇུག་ལྡོག་སྟེ་ཡོད་པ་ལྟ་བུའོ། །གཉིས་པ་བྱ་དཀའི་ཁྱད་པར་གཞན་བཤད་པ་ལ་གཉིས། བ་ལང་གཅིན་དང་། འཁོར་བའི་བྱ་དཀའོ། །དང་པོ་ལ། མཚན་ཉིད་དང་། དཔེར་བརྗོད་དོ། །དང་པོ་ནི། གལ་ཏེ་ཕྱེད་ཀྱི་ཡི་གེ་རྣམས། །གཅིག་གི་བར་ཆོད་གཟུགས་གཅིག་ཉིད། །དེ་ནི་བྱ་དཀའ་དེ་ཉིད་རིག །བ་ལང་གཅིན་ཞེས་སྨྲས་ཏེ་དཔེར། །ཞེས་པ་སྟེ། གལ་ཏེ་ཚིགས་བཅད་ཕྱེད་སྔ་མ་སྟེང་དང་ཕྱེད་ཕྱི་མ་འོག་ཏུ་བྲིས་པ་ལས། སྟེང་འོག་གི་ཡི་གེ་རྣམས་ཡི་གེ་འབྲུ་གཅིག་རེས་བར་ཆོད་པའི་ཡིག་འབྲུ་རེ་རེ་སྟེང་འོག་གཟུགས་གཅིག་པ་ཉིད་དུ་འབྱུང་བ་དེ་ནི་བྱ་དཀའི་དེ་ཉིད་རིག་པ་རྣམས་ཀྱིས་བ་ལང་གཅིན་ཞེས་སྨྲས་ཏེ། དཔེར་ན། ཞེས་སོ། །གཉིས་པ་ནི། ཆང་འདྲའི་མིག་ལྡན་ཟུར་མིག་གི། མཚོན་གྱིས་འདོད་པ་འདི་རྒྱལ་ཏེ། །གལ་ཏེ་བདག་ཀྱང་སྡིག་ཟད་ན། །འདོད་པ་ལ་ནི་ཐལ་མོ་སྦྱོར། །ཞེས་པ་སྟེ། ཆང་གི་མྱོས་འདྲའི་ཟིམ་བུའི་མིག་ལྡན་ཟུར་མིག་གི་མཚོན་གྱིས་འདོད་པའི་ལྷ་འདི་འགྲོ་བ་ཀུན་ལས་རྒྱལ་བར་གྱུར་ཏེ། གལ་ཏེ་བདག་ཀྱང་རང་ལ་མཛའ་མོ་མི་འདུད་པར་ཁེངས་པའི་སྡིག་པ་ཟད་པར་གྱུར་ན། འདོད་པའི་ལྷ་ཁྱོད་ལ་ཐལ་མོ་སྦྱོར་རོ་ཞེས་པའི་རྒྱ་དཔེར་རེའུ་མིག་ཏུ་བཀོད་པ་འདི་ཉིད་ཀྱིས་མཚོན་ནོ། །མདནོམདིརཱཀྵཱིཎཱམདེནོམདིཏཀྵཱིཎཱམབྷངྒཱསྟྲོཛཡེདཡཾམནངྒཱཡཱཉྫལིཾདདྷེ

― MLP007_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལ། མཚན་ཉིད་དང་། དཔེར་བརྗོད་དོ། །དང་པོ་ནི། གལ་ཏེ་ཚིགས་བཅད་ཕྱེད་འཁོར་ན། །ཕྱེད་དུ་འཁོར་བ་ཞེས་པར་བརྗོད། །གལ་ཏེ་ཀུན་ཏུ་འཁོར་བ་ན། །ཀུན་ཏུ་བཟང་པོ་ཞེས་པར་འདོད། །ཅེས་པ་སྟེ། གལ་ཏེ་ཚིགས་བཅད་རེར་ཚིག་རྐང་བཞི་ཡོད་པའི་རྐང་པ་བཞི་པོ་བརྩེགས་མར་བྲིས་པ་ལས། རྐང་པ་བཞི་པོ་རེ་རེའི་ཕྱེད་སྔ་མ་མགོ་ནས་མར་དཀྱུས་དང་སྟེང་ནས་འོག་ཏུ་འཁོར་ཞིང་། དེའི་འཕྲོ་ནས་བརྩམས་ཏེ་ཕྱེད་ཕྱི་མ་མགོ་ནས་མར་ཇི་ལྟར་ཡོད་པ་དེ་རྐང་པའི་མཇུག་ནས་ཡིག་མགོ་ཕྱོགས་སུ་འོག་ནས་སྟེང་དུ་འཁོར་ན་ཕྱེད་དུ་འཁོར་བ་ཞེས་པར་བརྗོད་ཅིང་། གལ་ཏེ་ཚིག་རྐང་བཞི་པོ་འབྲི་ཚུལ་སྔར་ལྟར་ལ་རྐང་པའི་ཕྱེད་སྔ་མའི་ཕྱེད་འཁོར་དང་འདྲ་བ་ལས་ཕྱེད་ཕྱི་མ་རྐང་པའི་ཕྱེད་སྔ་མ་ཉིད་མགོ་མཇུག་ལྡོག་སྟེ་བཀོད་པས་ཀུན་ཏུ་འཁོར་བ་ན། ཀུན་ཏུ་བཟང་པོ་ཞེས་བྱ་བར་འདོད་དོ། །གཉིས་པ་ལ་གཉིས། ཕྱེད་འཁོར་དང་། ཀུན་འཁོར་རོ། །དང་པོ་ནི། མ་དུད་ཡིད་འབྱུང་ཁྱོད་དར་ཕྱིར། །སྡེ་ནི་ཁེངས་ལྡན་མ་ཡིན་མིན། །ཡང་ན་འཇིགས་ལས་དཔག་མེད་ན། །བདག་ཅག་སྡིག་པའི་རང་བཞིན་ནོ། །ཞེས་པ་སྟེ། སུ་ལ་ཡང་མ་དུད་པའི་ཡིད་འབྱུང་འདོད་ལྷ་ཁྱོད་འཇིག་རྟེན་གསུམ་ལས་རྒྱལ་བའི་དཔལ་དར་ཞིང་རྒྱས་ཕྱིར། སྡེ་དཔུང་ནི་ཁེངས་ལྡན་མ་འདི་མ་ཡིན་པ་མིན་པ་སྟེ་ཡིན་ལ། ཡང་ན་དཔུང་ནི་འཇིགས་པར་བྱེད་པ་ཡིན་པས་ན་འདི་ཡང་འདོད་གདུངས་ཀྱིས་གདུང་བའི་རྒྱུར་གྱུར་པས་འཇིགས་སུ་རུང་ཞིང་། རྒྱུ་དེ་ལས་འབྲས་བུ་དཔག་ཏུ་མེད་པའི་ཆགས་སྲེད་འཕེལ་བས་ན་སྲེད་ལྡན་བདག་ཅག་རྣམས་ནི་སྡིག་པའི་རང་བཞིན་ཏེ་ཉོན་མོངས་ཅན་ཡིན་ནོ་ཞེས་པའི་རྒྱ་དཔེ་འཁོར་ལོར་བཀོད་པ་བཞིན་ནོ། །མ་ནོབྷབཏབཱནཱིཀཾནོདཡཱཡ་ན་མཱ་ཱནི་ནཱི་བྷཡཱདམེཡཱམཱམཱབཱབ་ཡམེནོམཡཱན་ཏ

― MLP007_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི། ཟླ་དང་ནད་རིང་ཅི་མིན་གང་། །དགའ་མ་བདུད་ཀྱི་རྒྱར་མ་ལྷུང་། །བསྒྲོད་བཟློག་སྒྲ་མེད་དཔལ་མེད་མ། །སྟོབས་ལྡན་སྒྱུ་གནས་འཆི་སླད་དུའོ། །ཞེས་པ་སྟེ། ཟླ་བ་ཤར་བ་དང་ལྷན་ཅིག་འདོད་ལྡན་བདག་འདོད་པའི་ནད་དྲག་ཅིང་ཡུན་རིང་བས་གདུང་བ་ཅིས་མིན་པ་སྟེ་ཡིན་ན། གང་ཞིག་བདག་གི་དགའ་མ་འདི་ནི་བདུད་འདོད་ལྷ་དག་གི་རྒྱར་མ་ལྷུང་བ་ཞིག་སྟེ། བསྒྲོད་པ་འཁྲིག་པའི་བྱ་བ་ལས་བཟློག་ཅིང་། དེའི་གཏམ་གྱི་སྒྲ་ཡང་མེད་ལ། བརྩེ་དགའི་དཔལ་མེད་པའི་དགའ་མ་ཁེངས་པ་སྟོབས་ལྡན་གཡོ་སྒྱུ་ལ་གནས་པའི་བདག་ཉིད་ཅན་འདི་ནི་བདག་འཆི་བའི་སླད་དུ་འོངས་སོ་ཞེས་པའི་རྒྱ་དཔེ་འཁོར་ལོར་བཀོད་པ་ལྟར་རོ། །སཱ་མཱ་ཡཱ་མཱ་མཱ་ཡཱ་མཱ་སཱ་མཱ་རཱ་ནཱ་ཡཱ་ཡཱ་ནཱ་རཱ་མཱ་ཡཱ་ནཱ་བཱ་རཱ་རཱ་བཱ་ནཱ་ཡཱ་མཱ་ཡཱ་རཱ་མཱ་མཱ་རཱ་ཡཱ་མཱ་ གསུམ་པ་དབྱངས་སོགས་ངེས་པའི་བྱ་དཀའ་བཤད་པ་ལ་གསུམ། མཚན་ཉིད། དཔེར་བརྗོད། དོན་བསྡུ་བའོ། །དང་པོ་ནི། དབྱངས་དང་གནས་དང་ཡི་གེ་རྣམས། །ངེས་པ་གང་འདི་བྱ་དཀའ་ལ། །བཞི་ལ་སོགས་པ་རབ་བསྟན་འདི། །གཞན་ནི་བྱ་སླ་དག་ཏུ་འདོད། །ཅེས་པ་སྟེ། ཚིག་སྦྱོར་གང་དུ་དབྱངས་དང་། སྐྱེ་གནས་དང་། གསལ་བྱེད་ཀྱི་ཡི་གེ་རྣམས་བཞི་ལ་སོགས་པའི་ཁོང་ནས་གསུམ་དང་། གཉིས་དང་། གཅིག་ཏུ་ངེས་པར་བྱས་པའི་ཚུལ་གང་རབ་ཏུ་བསྟན་པ་འདི་ནི་བྱ་དཀའ་ལ། དེ་ལས་གཞན་པ་ལྔ་ལ་སོགས་པ་ནི་བྱ་སླ་བ་དག་ཏུ་འདོད་དོ། །དེ་ལ་དབྱངས་ནི། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ་སྟེ་དབྱངས་བཅུ་བཞི་དང་། སྐྱེ་གནས་ནི། ཨ་ཀུ་ཧ་ྈྐ་་རྣམས་རྐན། རྀ་ཊུ་ར་ཥ་རྣམས་སྤྱི་བོ། ཨུ་སུ་ཝ་ཨོ་༷ྉྤ་རྣམས་མཆུ། ལྀ་ཏུ་ལ་ས་རྣམས་སོ། །རྗེས་སུ་ང་རོ་སྣ་ལས་སོ། །གསལ་བྱེད་ནི། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་

― MLP007_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

ཝ། ཤ་ཥ་ས་ཧ། ཀྵཿརྣམས་སོ། །རྒྱ་སྐད་ལ་མེད་པའི་ཡི་གེ་ཅ་ཆ་ཇ་གསུམ་དང་ཞ་ཟ་འ་གསུམ་ནི་ཙ་ཚ་ཛ་ཤ་ས་ཨ་རྣམས་སུ་བསྡུའོ། །གཉིས་པ་ལ་གསུམ། དབྱངས་ངེས་པ། སྐྱེ་གནས་ངེས་པ། གསལ་བྱེད་ངེས་པའོ། །དང་པོ་ལ། དབྱངས་བཞིར་ངེས་པ་ནི། རིག་བྱེད་རྣམས་མཐར་ཚིག་སྨྲས་པའི། །གླུ་དང་དགའ་བ་ཡམས་ནད་འཇིགས། །ལོངས་སྤྱོད་ནད་དང་དགའ་དང་རྨོངས། །དགེ་བའི་ཡུལ་དུ་སེམས་འདོད་ཟུང་། །ཞེས་པ་སྟེ། རིག་བྱེད་རྣམས་ཀྱི་མཐར་ཚིག་ལྔ་པའམ་བར་མའི་དབྱངས་ཀྱིས་སྨྲས་པའི་གླུ་དང་། འདོད་བྱ་གསར་རྙེད་ཀྱི་དགའ་བ་དག་ནི། ཡམས་ནད་དང་འཇིགས་སྐྲག་བསྐྱེད་པའི་རྒྱུ་སྟེ། འདོད་པའི་ལོངས་སྤྱོད་དག་ནི་འཕྲལ་བདེ་བ་ལྟར་སྣང་ཡང་། ནད་དང་མཚུངས་པ་ལ། དགའ་བར་འཛིན་པ་དང་། རྨོངས་པ་འཁོར་བ་འཕེན་ཕྱིར། ད་ནི་དགེ་བའི་ཡུལ་གཏན་བདེ་སྒྲུབ་པའི་ཆེད་དུ་སེམས་འདོད་ཟུང་ཞིག་ཅེས་པའི་རྒྱ་དཔེར་དབྱངས་བཞིར་ངེས་པས་མཚོན་འོག་མ་རྣམས་ལའང་འགྲེའོ། །དབྱངས་གསུམ་དུ་ངེས་པ་ནི། ས་ལས་རྣམ་རྒྱལ་བརྟན་པ་སྒྲུབ་བྱེད་པའི། །བརྟུལ་བཞུགས་ལ་དགའ་མཆོག་རྟོགས་ཀུ་རུ་པས། །གཡུལ་དུ་རང་གི་རིགས་ཀྱི་དགྲ་རྣམས་ནི། །ཆེ་བར་བཀག་ཅིང་ལྕི་བར་འདར་བར་བྱས། །ཞེས་པ་སྟེ། སའི་དཀྱིལ་འཁོར་ལས་རྣམ་པར་རྒྱལ་ཞིང་མི་ཉམས་པར་བརྟན་པ་སྒྲུབ་པར་བྱེད་པའི་བརྟུལ་ཞུགས་ལ་དགའ་བ་ལུགས་ཀྱི་བྱ་བ་རྣམས་མཆོག་ཏུ་རྟོགས་པའི་རྒྱལ་པོ་ཀུ་རུ་པས་གཡུལ་དུ་རང་གི་རིགས་ཀྱི་དགྲ་རྣམས་ཚབས་ཆེ་བར་བཀག་ཅིང་། ལྕི་བ་སྟེ་ཆེས་ཆེར་འདར་བར་བྱས་སོ། །དབྱངས་གཉིས་སུ་ངེས་པ་ནི། དཔལ་གཟི་ངོ་ཚ་གྲགས་དང་། །བློ་ལུགས་ཚིག་དང་དགའ་དག །ཁྱོད་ལ་འཕེལ་བ་གཉིས་གང་། །འདི་གཉིས་ལྷ་དབང་ལ་མེད། །ཅེས་པ་སྟེ། དཔལ་དང་གཟི་བྱིན་དང་། ངོ་ཚ་དང་། གྲགས་པ་དང་། བློ་གྲོས་དང་། ལུགས་རྣམས་ཀྱི་སྟེང་དུ། ཚིག་དང་དགའ་བ་དག་སྟེ། ཁྱོད་ལ་འཕེལ་བ་གཉིས་པོ་གང་ཡིན་པའི་ཡོན་ཏན་འདི་གཉིས་ནི་ལྷའི་དབང་པོ་ལ་ཡང་མེད་དོ། །དབྱངས་གཅིག་ཏུ་ངེས་པ་ནི། ཟླ་དང་ནད་རིང་ཅིས་མིན་གང་། །དགའ་མ་བདུད་ཀྱི་རྒྱར་མ་ལྷུང་། །བསྒྲོད་བཟློག་སྨྲ་མེད་དཔལ་མེད་མ། །སྟོབས་ལྡན་སྒྱུ་

― MLP007_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་འཆི་སླད་དུའོ། །ཞེས་པ་སྟེ། ཀུན་འཁོར་གྱི་སྐབས་སུ་བཤད་ཟིན་ནོ། །གཉིས་པ་ལ། གནས་བཞིར་ངེས་པ་ནི། འདྲེན་བྱེད་ཀུན་དགའ་སྐྱེད་བྱེད་མ། །རྒྱུ་སྐར་ཚོགས་རྣམས་དག་གི་གནས། །སྤྲིན་མེད་མཁའ་ལ་ལུས་ཅན་མ། །ལན་གཅིག་མིག་གཉིས་སྦྱིན་པར་མཛོད། །ཅེས་པ་སྟེ། འདྲེན་བྱེད་དེ་མིག་གིས་ཀུན་དགའ་བ་སྐྱེད་པར་བྱེད་མ། རྒྱུ་སྐར་གྱི་ཚོགས་རྣམས་དག་གི་གནས་སྤྲིན་གྱིས་བསྒྲིབས་པ་མེད་པའི་ནམ་མཁའ་ལ་ལུས་ཅན་མ་ཁྱོད་ཀྱིས་ལན་གཅིག་མིག་གཉིས་སྦྱིན་པ་སྟེ་ལྟ་བར་མཛོད་ཅིག་པའོ། །གནས་གསུམ་དུ་ངེས་པ་ནི། ནུ་སྡུག་ཁྱོད་གདོང་ལན་བུ་ཡི། །འཁྲི་ཤིང་བུང་བ་ལྟར་སྔོ་ཞིང་། །འདྲེན་བྱེད་པདྨའི་གཟུགས་བརྙན་ཅན། །ཟླ་ལྟར་མཛེས་པས་སུ་མ་བཅོམ། །ཞེས་པ་སྟེ། ནུ་སྡུག་མ་ཞེས་བོས་ནས། ཁྱོད་གདོང་མཚར་སྡུག་ཅན་ལན་བུའི་འཁྲི་ཤིང་བུང་བ་ལྟར་སྔོ་ཞིང་འདྲེན་བྱེད་ཡངས་པ་པདྨའི་གཟུགས་བརྙན་ཅན་ཟླ་བ་ལྟར་མཛེས་པའི་གདོང་གིས་སུ་ཞིག་མ་བཅོམ་སྟེ་བཅོམ་མོ། །གནས་གཉིས་སུ་ངེས་པ་ནི། རྟག་ཏུ་སྡིག་མེད་ཀུན་དགའ་མཆོག །ལུས་དུད་དག་དང་འགྲོགས་ལ་ཆགས། །བཙུན་མོ་ལུས་མེད་ཀྱིས་འགོངས་ཏེ། །འཇིགས་པ་དུ་མས་རེག་པར་གྱུར། །ཅེས་པ་སྟེ། རྟག་ཏུ་སྡིག་པ་མེད་ཅིང་ཀུན་དགའ་བ་བསྐྱེད་པའི་མཆོག་ལུས་དུད་མཛེས་མ་གཞན་དག་དང་འགྲོགས་པ་ལ་ཆགས་པ་ཞེས་བོས་ཏེ། ཁྱོད་ཀྱི་བཙུན་མོ་ལུས་མེད་འདོད་པ་དག་གིས་འགོངས་ཏེ་གདུང་བའི་འཇིགས་པ་དུ་མས་རེག་པར་གྱུར་པ་འདི་ལ་བརྩེ་བར་མཛོད་ཅིག་པའོ། །གནས་གཅིག་ཏུ་ངེས་པ་ནི། ཧ་ཧ་མི་སྒྲོག་མཁའ་འགྲོས་མཚན། །རི་འགྲོ་དབང་འཁྱོག་ལྡན་མ་ཆགས། །འཁྱོག་སྒྲོག་གངྒཱའི་ཆུར་འཇུག་སྡིག །བྱ་རོག་འཇོམས་པ་མཐོ་རིས་འགྲོ། །ཞེས་པ་སྟེ། ཧ་ཧ་ཞེས་མུ་ཅོར་མི་སྒྲོག་ལ། མཁའ་འགྲོ་སྟེ་ཉི་མས་མཚན་པ་རི་ལྷུན་པོའི་རྩེར་འགྲོ་བ། །དབང་པོ་མིག་སོགས་འཁྱོག་པོ་དང་ལྡན་པ། །སྐྱེ་བོ་ངན་པ་ལ་མ་ཆགས་པ་ཁྱོད་ནི་འཁྱོག་ཅིང་འགྲོ་བ་དང་། སྙན་པའི་སྒྲ་སྒྲོག་བཞིིན་དུ་གངྒཱའི་ཆུར་འཇུག་པ་ཁྱོད་ཀྱི་སྡིག་པ་བྱ་རོག་ལྟར་ནག་པ་འཇོམས་པས་མཐོ་རིས་སུ་འགྲོའོ། །གསུམ་པ་ལ། གསལ་བྱེད་བཞིར་ངེས་པ་ནི། །ཀྱེ་ཀྱེ་སྒྲ་སྒྲོག་རུ་རུའི་བྲང་། །འཇོམས་སྡིག་

― MLP007_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

བ་རི་རི་ཆར་འགྲོ། །ང་ཅན་མ་འོངས་བདག་གི་མ། །བྱ་རོག་རྨ་བྱའི་སྒྲ་བསྒྱུར་ཅིང་། །ཞེས་པ་སྟེ། ཀྱེ་ཀྱེ་སྙན་པའི་སྒྲ་སྒྲོག་རི་དྭགས་རུ་རུའི་བྲང་འཇོམས་པར་བྱེད་པའི་སྡིག་ཅན་བ་རི་སྟེ་རི་དྭགས་རྣམས་ལོངས་སྤྱོད་བྱར་སེམས་པའི་རྔོན་པ་རི་རྣམས་ཀྱི་ཆར་ཡང་ཡང་འགྲོ་བ་ཁྱོད་ང་ཅན་ཏེ་ང་དྲུང་དུ་མ་འོང་ཞིག །རྒྱུ་མཚན། བདག་གི་མ་རི་དྭགས་རྣམས་འཇོམས་པར་བྱེད་པའི་སྡིག་ཅན་ཁྱོད་དང་། བདག་ཐར་པ་དོན་གཉེར་ལྷན་ཅིག་གནས་པ་མི་རིགས་པས་སོ། །དཔེ་ཇི་ལྟར་ན་བྱ་རོག་གིས་རྨ་བྱའི་སྒྲ་བསྒྱུར་བ་ཅིའི་ཕྱིིར་སྲིད་དེ་མི་སྲིད་པ་བཞིན་ནོ། །གསལ་བྱེད་གསུམ་དུ་ངེས་པ་ནི། ལྷ་རྣམས་དགའ་བར་བྱེད་པའི་ལྷ། །རིག་བྱེད་ལ་སྨོད་འགོག་པ་པོས། །ལྷ་མིན་དགའ་བྱེད་བཅོམ་པ་ན། །སྒྲ་ཡིས་མཐོ་རིས་གང་བར་གྱུར། །ཅེས་པ་སྟེ། ལྷ་རྣམས་དགའ་བར་བྱེད་པའི་ལྷ་ཁྱབ་འཇུག་ཆེན་པོ་རིག་བྱེད་ལ་སྨོད་པ་རྣམས་འགོག་པ་པོ་དེས། ལྷ་མིན་རྣམས་དགའ་བར་བྱེད་པའི་ལྷ་མ་ཡིན་གྱི་དབང་པོ་རྣམས་བཅོམ་པར་བྱས་པ་ན། དེའི་གྲགས་པའི་སྒྲ་ཡིས་མཐོ་རིས་རྣམས་གང་བར་གྱུར་ཏོ། །གསལ་བྱེད་གཉིས་སུ་ངེས་པ་ནི། མཁས་པ་ལྷ་དང་ལྷ་མིན་ལ། །འགྲོ་སྟོབས་ལྡན་པའི་བྱིན་ལེགས་ཅན། །ཆང་གི་རོ་ལྡན་གཤོལ་འཛིན་ཏེ། །བཞད་ཀྱི་སྒྲ་ལྡན་མཚོ་རུ་སོང་། །ཞེས་པ་སྟེ། རིག་པ་ཀུན་ལ་མཁས་པ་ལྷ་དང་ལྷ་མ་ཡིན་ཀུན་ལ་འགྲོ་བའི་སྟོབས་དང་ལྡན་པའི་བྱིན་པ་ལེགས་པ་ཅན་ཆང་གི་རོ་མྱོང་བ་དང་ལྡན་པའི་གཤོལ་འཛིན་སྟོབས་བཟང་ཞེས་པ་དེ་ནི་ཁྲུས་ཀྱི་ཕྱིར་བཞད་ཀྱི་སྒྲ་དང་ལྡན་པའི་མཚོ་རུ་སོང་ངོ་། །གསལ་བྱེད་གཅིག་ཏུ་ངེས་པ་ནི། འདི་ཡི་བདག་ཅག་རྣམས་ཀྱི་བཞིན། །བཞིན་གྱིས་ངེས་པར་ལ་བཅོམ་མིན། །བདག་སྲོག་མི་དམན་འདི་དང་སྦྱོར། །རྗེ་བོ་སྐྱེས་མིན་སྡིག་མེད་མིན། །ཞེས་པ་སྟེ། འཐབ་བྱའི་སྐྱེས་བུ་འདི་ཡིས་བདག་ཅག་རྣམས་ཀྱི་བཞིན་རས་ཁོའི་བཞིན་གྱི་དཀྱིལ་འཁོར་ཉི་མ་ལྟ་བུའི་གཟི་འོད་འབར་བས་ངེས་པར་མ་བཅོམ་པ་མིན་ཏེ་བཅོམ་པར་བྱས་ན། བདག་ཅག་གི་སྲོག་སྟོབས་མི་དམན་པའི་དགྲ་ཟླ་འདི་དང་ལྷན་ཅིག་འཐབ་མོ་ལ་སྦྱོར་བའི་རྗེ་བོ་ཁྱོད་སྐྱེས་བུ་བཟང་པོ་མིན་ཏེ་སྡིག་པ་མེད་པའང་མིན་ནོ། །གསུམ་པ་དོན་བསྡུ་བ་ནི། དེ་ལྟར་བྱ་དཀའི་

― MLP007_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ལ་ཡང་། །རིམ་པ་ཅུང་ཟད་ཀུན་ཏུ་བསྟན། །ཅེས་པ་སྟེ། དེ་ལྟར་བྱ་སླ་བར་མ་ཟད། བྱ་དཀའི་ལམ་ལ་ཡང་འཇུག་པའི་རིམ་པ་ཅུང་ཟད་ཙམ་ཞིག་ཀུན་ཏུ་བསྟན་ཏོ། ༈ །གསུམ་པ་གབ་ཚིག་གི་རྒྱན་བཤད་པ་ལ་བཞི། དམ་བཅའ། དགོས་པ། དངོས་དང་། དོན་བསྡུ་བའོ། །དང་པོ་ནི། གབ་ཚིག་དག་གི་རྣམ་པ་ཡི། །ལུགས་ཀྱང་རབ་ཏུ་བསྟན་པར་བྱ། །ཞེས་པ་སྟེ། ད་ནི་གབ་ཚིག་གི་རྒྱན་དག་གི་རྣམ་པའི་ལུགས་མཚོན་བྱེད་དག་ཀྱང་རབ་ཏུ་བསྟན་པར་བྱའོ། །གཉིས་པ་ནི། རྩེད་མོའི་མདུན་སར་བཞད་གད་དང་། །དེ་ཤེས་ཚོགས་སུ་གསང་སྨྲ་དང་། །ཕ་རོལ་ཀུན་ཏུ་རྨོངས་བྱེད་ལ། །གབ་ཚིག་དག་ནི་ཉེར་མཁོ་ལྡན། །ཞེས་པ་སྟེ། རྩེད་མོ་བྱ་བའི་མདུན་སར་བཞད་གད་ཀྱི་ཆེད་དང་། དེ་ཤེས་པ་དག་ཚོགས་སུ་གསང་གཏམ་སྨྲ་བ་དང་། གབ་ཚིག་མི་ཤེས་པའི་ཕ་རོལ་པོ་རྣམས་མགོ་ཀུན་ཏུ་རྨོངས་པར་བྱེད་པ་ལ་གབ་ཚིག་དག་ནི་ཉེ་བར་མཁོ་བ་དང་ལྡན་པ་ཡིན་ནོ། །གསུམ་པ་ལ། དང་པོ་ཀུན་ཚོགས་གབ་ཚིག་ལ། མཚན་ཉིད་ནི། ཚིག་མཚམས་སྦྱར་བས་དོན་སྦས་པ། །ཀུན་ཏུ་ཚོགས་པ་ཞེས་པར་བརྗོད། །ཅེས་པ་སྟེ། རྣམ་དབྱེ་དང་མཚམས་སྦྱོར་སོགས་ཀྱི་སྒོ་ནས་ཚིག་མཚམས་སྦྱར་བས་སྒྲ་འདྲེས་ཏེ་བརྗོད་བྱའི་དོན་སྦས་པ་ནི་ཀུན་ཏུ་ཚོགས་པ་ཞེས་པར་བརྗོད་དོ། །དཔེར་བརྗོད་ནི། མ་ཡཱ་གོ་རཿསེམས་ཀྱིས་ནི། །ཤེས་པ་མེད་ལ་ཅི་སླད་ཁྲོ། །གནས་མིན་ངུ་བ་འདི་ཡིས་ནི། །ཅི་བྱེད་ཀུན་ཏུ་མིག་དམར་མ། །ཞེས་པ་སྟེ། ཨསྨད་ལ་ཊཱ་བྱིན་པའི་དོན་གྱིས་མེ་ཞེས་པ་བདག་གིས། ཨཱ་གཿགནོད་པ། རས་རོ་བྲོ་བ་སྟེ། དེ་རྣམས་མཚམས་སྦྱར་བས་མ་ཡཱ་གོ་རཿཞེས་པ་གྲུབ་སྟེ། དེ་ཡང་བདག་གིས་གནོད་པའི་རོ་བྲོ་བའི་སེམས་ཀྱིས་ཀུན་ནས་བླངས་པའི་ཤེས་པ་མེད་པ་ལ་ཅིའི་སླད་དུ་ཁྲོ་སྟེ། དེས་ན་ཁྲོ་བའི་གནས་མིན་པ་ལ་ངུ་བ་འདིས་ཅི་ཞིག་བྱེད་དེ་ཀྱེ་ཀུན་ཏུ་མིག་དམར་མ་ཞེས་པའི་དོན་ཡིན་པ་ལ། མ་ཡཱ་བདག་གིས། གོ་བ་ལང་། རས་རོ་བྲོ་བ་སྟེ། བདག་གིས་བ་ལང་གི་རོ་བྲོ་བ་ཞེས་པར་གོ་ནས་འཁྲུལ་དུ་འཇུག་པ་ལྟ་བུའོ། །གཉིས་པ་བསླུ་བྱེད་གབ་ཚིག་ལ། མཚན་ཉིད་ནི། གཞན་ལ་གྲགས་པའི་སྒྲ་དག་གིས། །གང་དུ་བསླུ་བ་སླུ་བྱེད་ཉིད། །ཅེས་པ་སྟེ། གཞན་ལ་གྲགས་

― MLP007_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྒྲ་སྟོབས་ཆེ་བ་དག་གིས་ཕྱོགས་མཐུན་གྱི་མིང་གང་གཞན་དུ་གོ་ནས་བསླུ་བ་དེ་ནི་སླུ་བྱེད་ཉིད་དོ། །དཔེར་བརྗོད་ནི། ཀུནྫ་བསྟེན་པ་ཁྱོད་ཀྱི་ནི། །དགའ་བ་ཇི་ལྟར་འཕེལ་གྱུར་པ། །འཆི་མེད་བུ་མོ་ཅོ་འདྲི་མ། །མི་མོ་སྤྱད་པས་དེ་ལྟ་མིན། །ཞེས་པ་སྟེ། གྲོང་ཁྱེར་ཀཱ་ནྱ་ཀུནྫའི་མཛེས་མ་འགའ་ཞིག་བསྟེན་པ་ཁྱོད་ཀྱི་དགའ་བ་ཇི་ལྟར་འཕེལ་བར་གྱུར་པ་འདི་ནི། འཆི་མེད་ལྷའི་བུ་མོ་ལ་ཅོ་འདྲི་བ་མ་ཉིད་ཡིན་ཏེ། མི་མོ་ལ་སྤྱད་པས་དགའ་བ་དེ་ལྟ་བུ་བྱུང་བ་མིན་ནོ་ཞེས་བརྗོད་རྒྱུ་ལ་ཀུན་རྫོབ་ཅེས་པ་གཉའ་སྒུར་བའི་བུད་མེད་ལ་གྲགས་པས་དེར་འཁྲུལ་དུ་འཇུག་པ་ལྟ་བུའོ། །གསུམ་པ་རིམ་པ་བྲལ་བའི་གབ་ཚིག་ལ། མཚན་ཉིད་ནི། སྦྱོར་བ་ཤིན་ཏུ་འཁྲུགས་པ་ཡིས། །རྨོངས་བྱེད་རིམ་པ་བྲལ་བ་སྟེ། །ཞེས་པ་སྟེ། ཚིག་གི་སྦྱོར་བ་སྔ་ཕྱི་ཤིན་ཏུ་འཁྲུགས་པས་རྨོངས་པར་བྱེད་པ་དེ་ནི་རིམ་པ་བྲལ་བ་སྟེ་ཞེས་སོ། །དཔེར་བརྗོད་ནི། ཡུ་བར་འོ་བྱེད་པད་ཅན་གྱི། །ངང་པ་ཚེར་མ་རྩུབ་མོ་ཅན། །ཞལ་ལ་སྒྲ་སྙན་སྒྲོག་བྱེད་ཅིང་། །ལུས་ནི་འདར་བ་བྱེད་ཅིང་མཆུས། །ཞེས་པ་སྟེ། ངང་པ་དག་ནི་ཞལ་ལ་སྒྲ་སྙན་སྒྲོག་པར་བྱེད་ཅིང་ལུས་ཀྱང་གཡོ་ཞིང་འདར་བར་བྱེད་བཞིན་དུ་པདྨ་ཅན་མེ་ཏོག་གི་ཡུ་བ་ཚེར་མ་རྩུབ་མོ་ཅན་ལ་མཆུས་འོ་བྱེད་དོ་ཞེས་བརྗོད་རྒྱུ་ལ་སྔ་ཕྱི་རིམ་པ་དཀྲུགས་པ་ལྟ་བུའོ། །བཞི་པ་རབ་བཅོམ་གབ་ཚིག་ལ། མཚན་ཉིད་ནི། གང་ལ་དོན་རྟོགས་དཀའ་བ་ཡི། །ཚིག་ཕྲེང་དེ་ནི་རབ་བཅོམ་ཡིན། །ཞེས་པ་སྟེ། གང་ལ་བརྗོད་བྱའི་དོན་ཤིན་ཏུ་རྟོགས་དཀའ་བར་བརྗོད་པའི་སྒོ་ནས་དོན་དེ་བཅོམ་པ་ལྟ་བུའི་ཚིག་ཕྲེང་སྤེལ་བ་དེ་ནི་རབ་བཅོམ་ཡིན་ནོ། །དཔེར་བརྗོད་ནི། བུ་མོ་ཁྱོད་ཀྱི་རྐང་མཛེས་ལ། །རྐང་གདུབ་རྒྱས་པ་སྒྲ་སྙན་སྒྲོག །མངོན་སུམ་ཉིད་དུ་གྱུར་པ་འདིར། །བདག་གི་སྲོག་ནི་བརྟན་མ་ཡིན། །ཞེས་པ་སྟེ། བུ་མོ་ཁྱོད་ཀྱི་རྐང་པ་མཛེས་པ་ལ་རིན་པོ་ཆེའི་རྐང་གདུབ་རྒྱས་པ་བསིལ་ཁྲོལ་གྱི་སྒྲ་སྙན་སྒྲོག་པ་དབང་པོའི་མངོན་སུམ་ཉིད་དུ་གྱུར་པའི་སྐབས་འདིར་འདོད་ལྡན་བདག་གི་སྲོག་ནི་བརྟེན་པ་མ་ཡིན་ནོ་ཞེས་པ་བོད་སྐད་དུ་ཞིག་པ་མ་གཏོགས་རྒྱ་དཔེར་ཤིན་ཏུ་གོ་དཀའ་བར་ཡོད་ཅིང་། བོད་སྐད་ཀྱི་དབང་དུ་བྱས་ན། ཧ་ཧ་མི་སྒྲོག་མཁའ་འགྲོས་མཚན། །ཞེས་

― MLP007_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལྟ་བུའོ། །ལྔ་པ་མཐུན་གཟུགས་གབ་ཚིག་ལ། མཚན་ཉིད་ནི། ཕལ་པའི་དོན་བཀོད་ཚིག་དག་གིས། །བསྡེབས་པ་དག་ནི་མཐུན་པའི་གཟུགས། །ཞེས་པ་སྟེ། ཕལ་པ་བཏགས་པའི་དོན་བཀོད་པའི་ཚིག་དག་གིས་བསྡེབས་ཤིང་སྒྲིབ་པ་དག་ནི་མཐུན་པའི་གཟུགས་ཞེས་བྱའོ། །དཔེར་བརྗོད་ནི། གང་གི་ཡལ་ག་ཡལ་འདབ་ལ། །མེ་ཏོག་དམར་པོའི་དོག་པ་ཅན། །འཁྲི་ཤིང་ཡལ་འདབ་ལྔ་པ་ནི། །བསྐྱེད་མོས་ཚལ་འདིར་བདག་གིས་མཐོང་། །ཞེས་པ་སྟེ། གང་གི་ལག་པ་ཡལ་ག་དང་། སོར་མོའི་ཡལ་འདབ་ལ། སེན་མོ་དམར་འོད་ཆགས་པ་མེ་ཏོག་དམར་པོའི་དོག་པ་ཅན། དེ་ལྟ་བུའི་མཛེས་མའི་ལུས་ཀྱི་འཁྲི་ཤིང་ཡལ་འདབ་ལྔ་པ་ནི་བསྐྱེད་མོས་ཚལ་འདིར་བདག་མཐོང་ངོ་ཞེས་དོན་མཛེས་མ་ལག་པ་སོར་མོ་ལྔ་ལྡན་མཐོང་ཞེས་བརྗོད་རྒྱུར་དེ་དང་ཕྱོགས་མཐུན་པའི་ལྗོན་ཤིང་དུ་གབ་སྟེ་བརྗོད་པ་ལྟ་བུའོ། །དྲུག་པ་རྩུབ་མོའི་གབ་ཚིག་ལ། མཚན་ཉིད་ནི། མཚན་ཉིད་ཡོད་ཙམ་ངེས་ཚིག་དང་། །ལྡན་པའི་ཚིག་ནི་རྩུབ་མོའོ། །ཞེས་པ་སྟེ། བཤད་རུང་གི་མཚན་ཉིད་ཡོད་ཙམ་གྱི་སྒྲའི་ངེས་ཚིག་དང་ལྡན་པའ ི་ཚིག་དག་ནི་རྩུབ་མོའོ། །དཔེར་བརྗོད་ནི། ལྷ་རྣམས་ལྷ་ཡི་ཁང་པ་རུ། །སོ་སོའི་འོད་ཀྱིས་དལ་བུར་རྒྱུ། །དྲི་བཟང་རྫིང་བུར་མྱོས་བྱས་པ། །དེ་རྣམས་ད་ནི་རྒན་མོ་བཞིན། །ཞེས་པ་སྟེ། སུ་རཱའི་སྒྲ་ཆང་མ་དང་དྲི་བཟང་གི་རྫིང་བུར་བཤད་རུང་ཙམ་ཡོད་པས། ཆང་མ་རྣམས་ཆང་ཁང་དུ་སོ་སོའི་བྱ་བས་དལ་བུར་རྒྱུ་ཞིང་། ཆང་གིས་མྱོས་པར་བྱས་པ་དེ་རྣམས་ད་ནི་རྒན་མོ་བཞིན་ནོ་ཞེས་བརྗོད་རྒྱུ་ལ། ལྷ་རྣམས་ལྷའི་ཁང་པར་སོ་སོའི་རང་ལུས་ཀྱི་འོད་ཀྱིས་དལ་བུར་རྒྱུ་ཞིང་དྲི་བཟང་གི་རྫིང་བུར་དགའ་བས་མྱོས་པར་བྱས་པ་དེ་རྣམས་ད་ནི་རྒན་མོ་བཞིན་ནོ་ཞེས་པར་འཁྲུལ་དུ་འཇུག་པ་ལྟ་བུའོ། །བདུན་པ་གྲངས་ཀྱི་གབ་ཚིག་ལ། མཚན་ཉིད་ནི། གང་དུ་གྲངས་ཀྱིས་ཀུན་རྨོངས་པར། །བྱེད་པ་གྲངས་ཉིད་ཅེས་བྱ་སྟེ། །ཞེས་པ་སྟེ། གང་དུ་གྲངས་ཀྱི་སྦྱོར་བས་ཀུན་རྨོངས་པར་བྱེད་པ་དེ་ནི་གྲངས་ཀྱི་གབ་ཚིག་ཅེས་བྱ་སྟེ། ཞེས་སོ། །དཔེར་བརྗོད་ནི། སྣ་ལྡན་དབུས་ན་གསལ་བྱེད་བཞིས། །ཡོངས་སུ་རྣམ་པར་བརྒྱན་པ་ཡི། །གྲོང་ཁྱེར་འགའ་ཡོད་གང་ཞིག་ན། །མི་བདག་ཡིག་བརྒྱད་མིང་ཅན་

― MLP007_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད། །ཅེས་པ་སྟེ། སྣ་ལྡན་གྱི་ཡི་གེ་ཉ་ཡིག་དབུས་ན་ཡོད་པའི་གསལ་བྱེད་བཞིས་ཡོངས་སུ་རྣམ་པར་བརྒྱན་པའི་གྲོང་ཁྱེར་འགའ་ཡོད་གང་ཞིག་ཏེ་ཀཉྩ་པུ་རི་ཞེས་བྱ་བ་ན་མི་བདག་ཡི་གེ་བརྒྱད་པ་ཀཉྩ་པུ་རི་སླ་ཝ་ཞེས་པའི་མིང་ཅན་ཡོད་དོ་ཞེས་བརྗོད་རྒྱུ་ལ་གྲངས་ཀྱིས་རྨོངས་སུ་འཇུག་པ་ལྟ་བུའོ། །བརྒྱད་པ་རབ་བརྟགས་གབ་ཚིག་ལ། མཚན་ཉིད་ནི། གང་དུ་ངག་དོན་རྣམ་པ་གཞན། །སྣང་བ་དེ་ནི་རབ་བརྟགས་ཡིན། །ཞེས་པ་སྟེ། གང་དུ་བརྗོད་བྱའི་ངག་དོན་གྱི་རྣམ་པ་གཞན་དུ་སྣང་བའི་ཚིག་གི་སྦྱོར་བ་དེ་ནི་རབ་བརྟགས་ཡིན་ནོ། །དཔེར་བརྗོད་ནི། ཚིག་རྣམས་རབ་ཏུ་འཁྲུལ་པ་དང་། །མགོ་བོ་དུད་ཅིང་མིག་དམན་པ། །འདུག་ཀྱང་འདར་ལྡན་བདག་ལ་ནི། །རྒན་མོ་རྗེས་སུ་མི་བརྩེའམ། །ཞེས་པ་སྟེ། སློང་བའི་ཚིག་རྣམས་རབ་ཏུ་འཁྲུལ་པ་དང་། མགོ་བོ་དུད་ཅིང་མིག་དམན་པར་ལྟ་བ་དང་འདུག་ཀྱང་ལུས་འདར་བ་དང་ལྡན་པའི་དབུལ་པོ་བདག་ལ་ཕྱུག་པོ་རྗེས་སུ་མི་བརྩེའམ་ཞེས་བརྗོད་རྒྱུ་ལ། བྲྀརྡྷ་ཞེས་པ་ཕྱུག་པོ་དང་རྒན་མོ་གཉིས་ཀ་ལ་འཇུག་པས་ཚིག་འཁྲུལ་བ་ལ་སོགས་པ་ཆགས་ཅན་གྱི་འདོད་པའི་རྣམ་འགྱུར་དུ་བརྟགས་ནས་རྒན་མོ་ལ་ཀུ་རེ་བྱེད་པར་འཁྲུལ་དུ་འཇུག་པ་ལྟ་བུའོ། །དགུ་པ་མིང་དུ་འདུས་པའི་གབ་ཚིག་ལ། མཚན་ཉིད་ནི། གང་དུ་མིང་ལ་སྣ་ཚོགས་དོན། །བརྟགས་ཏེ་མིང་དུ་འདུས་པ་ཉིད། །ཅེས་པ་སྟེ། གང་དུ་བརྗོད་བྱའི་མིང་གཅིག་ལ་སྣ་ཚོགས་པའི་དོན་དུ་མར་བརྟགས་ཏེ་གབ་པ་ནི་མིང་དུ་འདུས་པ་ཉིད་དོ། །དཔེར་བརྗོད་ནི། མིག་མི་བརྟན་མ་ས་ལྡན་འགའ། །དང་པོ་རཱ་ཛ་ཞེས་པ་སྒྲོག །ས་ནཱ་ཏ་ན་ཡང་སྟེ་འདི། །རྒྱལ་པོ་མ་ཡིན་ཁྱབ་འཇུག་མིན། །ཞེས་པ་སྟེ། ཀྱེ་མིག་མི་བརྟན་མ་ཞེས་བོས་ནས། སྤྱིར་ས་ལྡན་ནི་སའི་བདག་པོའི་ལྗོན་ཤིང་ངམ་ཁྱབ་འཇུག་སོགས་དོན་འགའ་ལ་འཇུག་པ་ལས། དང་པོར་རཱ་ཛ་ཞེས་པ་རྒྱལ་པོར་སྒྲོག་ལ། ས་ནཱ་ཏ་ན་ཁྱབ་འཇུག་གམ། ཡང་ན་མ་རྒྱས་པ་མིན་པ་དང་བཅས་པ་ཞེས་པ་ལ་འཇུག །དེ་ལྟར་ནའང་སྐབས་འདིའི་ས་ལྡན་ནི་རྒྱལ་པོ་མ་ཡིན་ཁྱབ་འཇུག་མིན་ཞེས་པའི་དགག་ཚིག་གི་དོན་ཤིང་གི་རྒྱལ་པོ་མ་རྒྱས་པ་མིན་པ་དང་བཅས་པ་གོ་སྟེ། ཚིག་སྦྱོར་འདིར་འཇུག་ཚུལ་གྱི་མིང་དུ་མ་འདུས་པས་དོན་གོ་

― MLP007_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལ་སྒྲིབ་པ་ལྟ་བུའོ། །བཅུ་པ་སྒྲིབ་པའི་གབ་ཚིག་ལ། མཚན་ཉིད་ནི། ཚིག་ནི་ཆོས་མཚུངས་ལ་རེག་པས། །དོན་གཞན་བསྒྲིབས་པ་སྒྲིབ་པའོ། །ཞེས་པ་སྟེ། ཚིག་ནི་བརྗོད་བྱའི་དོན་དེ་དང་ཆོས་མཚུངས་གཞན་ལ་རེག་པས་དོན་གཞན་བསྟན་བྱ་དེ་ཉིད་བསྒྲིབས་ཏེ་གབ་པ་ནི་སྒྲིབ་པ་ཞེས་བྱའོ། །དཔེར་བརྗོད་ནི། རྫས་བྲལ་མི་ནི་བཏང་བྱས་ནས། །ནོར་ལྡན་རྣམས་ཅན་བགྲོད་པ་གང་། །སྣ་ཚོགས་སྐྱོགས་བརྒྱས་འཇིག་རྟེན་འགུགས། །བཟུང་དཀའ་སྨད་འཚོང་མ་ཡིན་ནོ། །ཞེས་པ་སྟེ། ནོར་རྫས་དང་བྲལ་བའི་མི་ནི་བཏང་བར་བྱས་ནས། ནོར་ལྡན་རྣམས་ཅན་དུ་བགྲོད་པ་གང་སྣ་ཚོགས་པའི་སྐྱོགས་ཏེ་ཐབས་ཚུལ་བརྒྱད་འཇིག་རྟེན་འགུགས་ཤིང་སུས་ཀྱང་བཟུང་བར་དཀའ་བ་འདི་ནི་སྨད་འཚོང་མ་ཡིན་ནོ་ཞེས་དགག་ཚིག་གི་བསྟན་བྱའ་ིདོན་གཞན་དུ་གོ་ནས་སྒྲིབ་པ་ལྟ་བུའོ། །བཅུ་གཅིག་པ་མཐུན་སྒྲའི་གབ་ཚིག་ལ། མཚན་ཉིད་ནི། སྒྲ་ཡི་རྣམ་གྲངས་བཀོད་པ་ཡི། །བསྒྲུབ་པ་དག་ནི་མཐུན་པའི་སྒྲ། །ཞེས་པ་སྟེ། ༼འདིའི་འགྲེལ་བ་ཆད༽༼ཁྱོད་ཀྱི་ས་མིན་མིང་མཐུན་གང་། །རབ་གྱུར་སྐྲ་མིང་ཅན་ལས་རྒྱལ། །དེ་ཡིས་དེང་བདག་མཆོག་ཏུ་ནི། །སྲེད་ལྡན་བྱེད་དོ་སྙན་སྒྲོག་མ། །རྩ་བ་འདི་ཆད་དམ་སྙམ་ནས་མི་ཕམ་སྙན་འགྲེལ་ལས་བླངས། ༽སྙན་སྒྲོག་མ་ཞེས་བོས་ནས་ཁྱོད་ཀྱི་མཆུ་སྒྲོས་ཤིན་ཏུ་དམར་བ་བྱུ་རུ་ལས་རྒྱལ་བ་དེ་ཡིས་དེང་བདག་མཆོག་ཏུ་སྲེད་པ་དང་ལྡན་པར་བྱེད་དོ་ཞེས་བརྗོད་རྒྱུ་ལ། མཆུ་སྒྲོས་དང་བྱུ་རུ་དེ་དང་མིང་མཐུན་ས་མིན་དང་རབ་གྱུར་སྐྲ་ཞེས་པའི་སྒྲས་གབ་པ་ལྟ་བུའོ། །མིང་མཐུན་ཚུལ་ཇི་ལྟར་ཞེ་ན། ཨ་དྷཱ་ར། ས་མིན་དང་མཆུ། པྲ་བཱ་ལ། རབ་གྱུར་སྐྲ་དང་བྱུ་རུ་གཉིས་ཀ་ལ་འཇུག་པའི་རྒྱུ་མཚན་གྱིས་སོ། །བཅུ་གཉིས་པ་རྨོངས་པའི་གབ་ཚིག་ལ། མཚན་ཉིད་ནི། གང་ཞིག་མངོན་སུམ་དོན་བསྟན་ཡང་། །རྨོངས་ཕྱིར་དེ་ནི་རྨོངས་ཞེས་བྱ། །ཞེས་པ་སྟེ། གང་ཞིག་མངོན་སུམ་དུ་བརྗོད་བྱའི་དོན་བསྟན་ཡང་། ཚིག་དེས་འཁྲུལ་རྒྱུ་བྱས་ནས་རྨོངས་པའི་ཕྱིར་ན་དེ་ནི་རྨོངས་པ་ཞེས་བྱའོ། །དཔེར་བརྗོད་ནི། འདོད་ལྡན་དག་ནི་མལ་སྟན་ལ། །ཁྲོ་བས་ཕྱིར་བཟློག་ཉལ་བར་གྱུར། །ཆགས་པས་དེ་བཞིན་ཉིད་ཉལ་ཏེ། །དལ་བུ་ཡིས་ནི་ཁ་དག་སྦྱོར། །ཞེས་པ་སྟེ། འདོད་ལྡན་ཕོ་མོ་དག་

― MLP007_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་མལ་སྟན་ལ་ཁྲོ་བས་ཕྱིར་བཟློག་སྟེ་ཉལ་བར་གྱུར་ལ། ཆགས་པ་རྒྱས་པ་ཀྱང་དེ་བཞིན་ཉིད་དུ་ཉལ་ཏེ་དལ་བུས་ཁ་དག་སྦྱོར་རོ་ཞེས་པ་བརྗོད་དོན་མངོན་སུམ་དུ་བསྟན་ཡང་མལ་སྟན་ལ་ཁྲོ་བ་ཕན་ཚུན་ཁྲོ་བ་དང་། ཕྱིར་བཟློག་སྟེ་ཉལ་བ་ཕན་ཚུན་རྒྱབ་སྤྲད་པ་དང་། ཆགས་པས་ཕྱིར་བཟློག་ཏུ་ཇི་ལྟར་ཉལ་སྙམ་པ་དང་། རྒྱབ་སྤྲད་ནས་ཁ་ཇི་ལྟར་སྦྱོར་སྙམ་དུ་རྨོངས་པ་ལྟ་བུའོ། །བཅུ་གསུམ་པ་ཡོངས་ཕྲོགས་གབ་ཚིག་ལ། མཚན་ཉིད་ནི། གང་ལ་སྦྱོར་ཕྲེང་བདག་ཉིད་ཅན། །དེ་ནི་ཡོངས་སུ་ཕྲོགས་ཞེས་བྱ། །ཞེས་པ་སྟེ། གང་ལ་ཚིག་སྦྱོར་མང་པོའི་ཕྲེང་བ་སྔ་མ་སྔ་མའི་དོན་ཕྱི་མ་ཕྱི་མས་ཡོངས་སུ་ཕྲོགས་པ་ལྟ་བུའི་བདག་ཉིད་ཅན་སྐོར་ཐག་རིང་པོར་བརྗོད་པ་དེ་ནི་ཡོངས་སུ་ཕྲོགས་པ་ཞེས་བྱའོ། །དཔེར་བརྗོད་ནི། བྱ་རྒྱལ་ཟས་སྐྱེས་དགྲ་ཡི་ནི། །བླ་མའི་འོད་ཀྱིས་བཅོམ་སྐྱེ་བ། །ཁ་འཇོམས་གྲོགས་མིན་འཛིན་པ་ཡིས། །ཁྱབ་པའི་མཁའ་ལ་མངོན་པར་དགའ། །ཞེས་པ་སྟེ། བྱ་ནི་མཁའ་ལྡིང་སྟེ་དེས་རྒྱ་མཚོ་བསྲུབས་པ་ལས་བྱུང་བའི་བདུད་རྩི་ཕྲོགས་པས་རྒྱལ་བ་ཞེས་བྱ་ལ། བདུད་རྩི་དེའི་ཟས་ཅན་ནི་བརྒྱ་བྱིན། དེ་ལས་སྐྱེས་པ་སྲིད་སྒྲུབ། དེའི་དགྲ་ཀརྞ། དེའི་བླ་མ་ཉི་མ། དེའི་འོད་ཀྱིས་བཅོམ་པའི་སྐྱེ་བོ་རྣམས་ཁ་བ་འཇོམས་པ་མེ། དེའི་གྲོགས་མིན་ཆུ། དེ་འཛིན་པ་སྤྲིན། དེས་ཁྱབ་པའི་མཁའ་ལ་མངོན་པར་དག །འ་ཞེས་ཉི་མས་གདུངས་པ་རྣམས་སྤྲིན་འཁྲིགས་པའི་མཁའ་ལ་དགའ་ཞེས་བརྗོད་རྒྱུ་ལ་ཚིག་སྐོར་ཐག་རིང་པོར་བརྗོད་པ་ལྟ་བུའོ། །བཅུ་བཞི་པ་གཅིག་སྒྲིབ་པའི་གབ་ཚིག་ལ། མཚན་ཉིད་ནི། གང་དུ་རྟེན་ནི་གསལ་བྱས་ཏེ། །བརྟེན་པ་སྦས་པ་གཅིག་བསྒྲིབས་པའོ། །ཞེས་པ་སྟེ། གང་དུ་རྟེན་དང་བརྟེན་པ་གཉིས་ལས་རྟེན་ནི་གསལ་བར་བྱས་ཏེ་བརྟེན་པ་སྦས་པ་ནི་གཅིག་བསྒྲིབས་པའོ། །དཔེར་བརྗོད་ནི། ནམ་ཡང་མཚོན་དང་བུད་མེད་ཀྱི། །ནུ་མའི་དཀྱིལ་འཁོར་ལ་མ་རེག །མི་མ་ཡིན་པ་འགའ་ཞིག་གི། ལག་ནི་འབྲས་མེད་ཡིན་ནོ་ལོ། །ཞེས་པ་སྟེ། དུས་ནམ་ཡང་མཚོན་ཆ་དང་བུད་མེད་ཀྱི་ནུ་མའི་དཀྱིལ་འཁོར་ལ་མ་རེག་ཀྱང་། མི་མ་ཡིན་པ་དྲི་ཟ་འགའ་ཞིག་གི་ལག་པར་གྲགས་པ་ཤིང་ཨེ་རཎྜ་ལ་ནི་འབྲས་བུ་མེད་པ་ཡིན་ནོ་ལོ་སྟེ་འབྲས་མེད་ཡིན་ཅེས་ཟེར་ཡང་འབྲས་བུ་དང་

― MLP007_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་པའོ། །འདིར་རྟེན་མི་མ་ཡིན་གསལ་བར་བྱེད་ལ་བརྟེན་པ་ཤིང་ཨེ་རཎྜ་གབ་པ་ལྟ་བུའོ། །བཅོ་ལྔ་པ་གཉིས་ཀ་བསྒྲིབས་པའི་གབ་ཚིག་ལ། མཚན་ཉིད་ནི། གང་དུ་གཉིས་ཀ་སྦས་གྱུར་པ། །དེ་ནི་གཉིས་ཀ་བསྒྲིབས་པའོ། །ཞེས་པ་སྟེ། གང་དུ་རྟེན་དང་བརྟེན་པ་གཉིས་ཀ་སྦས་པར་གྱུར་པ་དེ་ནི་གཉིས་ཀ་བསྒྲིབས་པའོ། །དཔེར་བརྗོད་ནི། སུ་ཞིག་གང་དང་འགྲོགས་པ་ཡིས། །བྱ་བ་ཐམས་ཅད་ཉེ་བར་ནི། །ཐོབ་ཅིང་ཟས་ཀྱི་དུས་དག་ཏུ། །གལ་ཏེ་མཐོང་ན་འདོར་བར་བྱེད། །ཅེས་པ་སྟེ། སུ་ཞིག་གང་མགོ་བོ་དང་འགྲོགས་པ་སྐྲའི་བྱ་བ་ཁྲུས་དང་ཤད་པ་སོགས་བྱ་བ་ཐམས་ཅད་དུ་ཉེ་བར་ཐོབ་ཅིང་ཁ་ཟས་ཀྱི་དུས་དག་ཏུ་གལ་ཏེ་ཉག་མ་རེ་རེ་མཐོང་ནའང་འདོར་བར་བྱེད་དོ། །འདིར་རྟེན་མགོ་དང་བརྟེན་པ་སྐྲ་གཉིས་ཀ་གབ་པ་ལྟ་བུའོ། །བཅུ་དྲུག་པ་ཡོངས་འདྲེས་གབ་ཚིག་ལ། མཚན་ཉིད་ནི། གང་ལ་མཚན་ཉིད་སྣ་ཚོགས་འདྲེས། །དེ་ནི་ཡོངས་སུ་འདྲེས་ཞེས་བྱ། །ཞེས་པ་སྟེ། གང་ལ་སྔར་བསྟན་པའི་གབ་ཚིག་རྣམས་ཀྱི་མཚན་ཉིད་སྣ་ཚོགས་འདྲེས་པ་དེ་ནི་ཡོངས་སུ་འདྲེས་པ་ཞེས་བྱའོ། །དཔེར་བརྗོད་ནི། ཧ་ཡ་ག་ཛ་བྷ་ཊ་ཅན། །སྡེ་འདི་གལ་ཏེ་མ་རྒྱལ་ན། །མཱ་ཏྲི་ཀ་མེད་ངེད་ཀྱི་བུ། །འདི་ནི་ཡི་གེ་ཤེས་ཀྱང་བླུན། །ཞེས་པ་སྟེ། ཧས་དྲོ་བ། ཡས་མཐར་གནས། གས་ཀ་སྡེ། ཛས་ཙ་སྡེ། བྷས་པ་སྡེ། ཊས་ཊ་སྡེ། སྡེ་པའི་སྐད་དོད་སེ་ནའི་:ཡིག་གིས་༼ཡི་གེས༽ཏ་སྡེ་སྟེ། ཡི་གེ་འདི་རྣམས་དབྱངས་དང་བཅས་པ་ལས་གལ་ཏེ་མ་རྒྱལ་བ་སྟེ་མི་ཤེས་ན། མཱ་ཏྲི་ཀ་སྟེ་ཡི་གེའི་ཕྱི་མོ་ཙམ་ཡང་ཤེས་པ་མེད་པ་ངེད་ཀྱི་བུ་འདི་ནི་ཨ་ཀྵ་ར་ཞེས་པ་འགྱུར་མེད་དེ་རྟག་པའི་རིག་བྱེད་ཤེས་ཀྱང་བླུན་པོའོ་ཞེས་བརྗོད་རྒྱུ་ལ། ཧ་ཡ་རྟ། ག་ཛ་གླང་པོ། བྷ་ཊ་དཔའ་བོ། སེ་ན་སྡེ་སྟེ་དཔུང་གི་ཚོགས་འདི་དག་ལས་གལ་ཏེ་མ་རྒྱལ་ན་མཱ་ཏྲི་ཀ་མེད་པ་སྟེ་མ་མེད་པ་ངེད་ཀྱི་བུ་འདི་ནི་ཡི་གེ་ཤེས་ཀྱང་བླུན་ནོ་ཞེས་པར་གབ་པ་ལྟ་བུའོ། །དོན་བཤད་ནི། དེ་ནི་མིང་དུ་འདུས་པ་བསྲེས། །བསླུས་པ་ཡི་ནི་གཟུགས་དང་ལྡན། །དེ་བཞིན་ཉིད་དུ་གཞན་གྱི་ཡང་། །འདྲེས་པའི་རིམ་པ་ཤེས་པར་བྱ། །ཞེས་པ་སྟེ། བཤད་མ་ཐག་པ་དེ་ནི་མིང་དུ་འདུས་པ་བསྲེས་ཏེ། ཧ་ཡ་ག་ཛ་སོགས་ལ་དོན་གཅིག་མིན་ཐ་དད་པར་བརྟགས་

― MLP007_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

པས་སོ། །མཱ་ཏྲི་ཀ་ཞེས་པ་ཡི་གེའི་ཕྱི་མོ་ཞེས་བརྗོད་རྒྱུ་ལ་བསྐྱེད་མར་གོ་ཞིང་། ཨ་ཀྵ་ར་རིག་བྱེད་རྟག་པ་ཞེས་བརྗོད་རྒྱུ་ལ་ཡི་གེར་གོ་ནས་བསླུས་པས་བསླུས་པ་ཡི་ནི་གཟུགས་དང་ལྡན་ལ། དེ་བཞིན་ཉིད་དུ་གབ་ཚིག་གཞན་དང་གཞན་གྱི་ཡང་གཟུགས་དག་འདྲེས་པའི་རིམ་པ་ཤེས་པར་བྱའོ། །བཞི་པ་དོན་བསྡུ་བ་ནི། འདི་རྣམས་གབ་ཚིག་བཅུ་དྲུག་སྟེ། །སྔོན་གྱི་སློབ་དཔོན་རྣམས་ཀྱིས་བསྟན། །གབ་ཚིག་ངན་པ་གཞན་དག་ཀྱང་། །བཅུ་བཞི་དེ་དག་རྣམས་ཀྱིས་བརྗོད། །ངན་པའི་མཚན་ཉིད་མེད་གང་དེ། །སྐྱོན་གྱིས་ཡོངས་བགྲང་བྱ་མིན་པར། །རིག་ནས་སླར་ཡང་བདག་ཅག་གིས། །ལེགས་པ་ཁོ་ན་བརྗོད་པར་བྱ། །ཞེས་པ་སྟེ། བཤད་མ་ཐག་པ་འདི་རྣམས་ནི་གབ་ཚིག་གི་རྒྱན་བཅུ་དྲུག་སྟེ། སྔོན་གྱི་སློབ་དཔོན་རྣམས་ཀྱིས་བསྟན་ཞིང་། གབ་ཚིག་ངན་པ་འདིར་བསྟན་ལས་གཞན་པ་བཅུ་བཞི་དག་ཀྱང་དེ་དག་རྣམས་ཀྱིས་བརྗོད་མོད། ངན་པའི་མཚན་ཉིད་མེད་པ་གང་དེ་སྐྱོན་གྱིས་གབ་ཚིག་གི་གྲངས་ལ་ཡོངས་སུ་བགྲང་བྱ་མ་ཡིན་པར་རིག་ནས་སླར་ཡང་བདག་ཅག་གིས་ལེགས་པའི་ཕྱོགས་ཁོ་ན་བསྡུས་ཏེ་བརྗོད་པར་བྱའོ། །གསུམ་པ་སྐྱོན་སེལ་བཤད་པ་ལ་གཉིས་ཏེ། མདོར་བསྟན་པ་དང་། རྒྱས་བཤད་དོ། །དང་པོ་ནི། དོན་ཉམས་དོན་འགལ་དོན་གཅིག་པ། །ཐེ་ཚོམ་ཅན་དང་རིམ་པ་ཉམས། །སྒྲ་ཉམས་གཅོད་མཚམས་ཉམས་པ་དང་། །སྡེབ་སྦྱོར་ཉམས་དང་མཚམས་སྦྱོར་བྲལ། །ཡུལ་དུས་སྒྱུ་རྩལ་འཇིག་རྟེན་དང་། །ལུང་རིགས་དག་དང་འགལ་བ་སྟེ། །སྐྱོན་བཅུ་དེ་དག་སྙན་ངག་ལ། །སྙན་ངག་མཁན་གྱིས་སྤང་བར་བྱ། །དམ་བཅའ་གཏན་ཚིགས་དཔེ་ཉམས་པ། །ཞེས་པ་འདི་ཡང་སྐྱོན་མིན་ནམ། །ཕལ་ཆེར་དཔྱད་པར་དཀའ་བ་ཉིད། །སྦྱོར་བ་དེ་ཡིས་འབྲས་བུ་ཅི། །ཞེས་པ་སྟེ། དོན་ཉམས་སོགས་དགུའི་སྟེང་དུ་ཡུལ་འགལ་སྐྱོན་སོགས་འགལ་བ་དྲུག་པོ་གཅིག་ཏུ་བསྡོམས་པའི་སྐྱོན་བཅུ་པོ་དེ་དག་སྙན་ངག་ལ་སྙན་ངག་མཁན་རྣམས་ཀྱིས་སྤང་བར་བྱ་ཞིང་། དམ་བཅའ་ཉམས་པ། གཏན་ཚིགས་ཉམས་པ། དཔེ་ཉམས་པ་ཞེས་པ་གསུམ་པོ་འདི་ཡང་སྐྱོན་མིན་ནམ་ཞེ་ན། དེ་དག་རྟོག་གེ་པར་གྲགས་ཀྱང་ཕྱོགས་

― MLP007_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་མ་གྲགས་པས་ཕལ་ཆེར་དཔྱད་པར་དཀའ་བ་ཉིད་ཀྱི་ཕྱིར་སྦྱོར་བ་དེ་ཡི་འབྲས་བུ་ཅི་སྟེ་དགོས་པ་མེད་དོ། །གཉིས་པ་ལ་བཅུ་ལས། དང་པོ་དོན་ཉམས་ལ། མཚན་ཉིད་ནི། ཚོགས་པའི་དོན་གྱིས་སྟོང་པ་གང་། །དེ་ནི་དོན་ཉམས་ཞེས་པར་འདོད། །མྱོས་པ་སྨྱོན་པ་བྱིས་པ་ཡིས། །བརྗོད་ལས་གཞན་དུ་དེ་སྐྱོན་ནོ། །ཞེས་པ་སྟེ། རྗོད་བྱེད་ཀྱི་ཚིག་ཚོགས་པ་ལ་བརྗོད་བྱའི་དོན་གྱིས་སྟོང་པ་གང་ཡིན་པ་དེ་ནི་དོན་ཉམས་ཞེས་པར་འདོད་དེ། མྱོས་པ་དང་། སྨྱོན་པ་དང་། བྱིས་པ་གསུམ་གྱིས་བརྗོད་པ་ལས་གཞན་དུ་དེ་ནི་སྐྱོན་ཡིན་ནོ། །དཔེར་བརྗོད་ནི། འདི་ནི་རྒྱ་མཚོ་འཐུང་བྱེད་དེ། །བདག་ནི་དེ་རིང་རྒས་པས་གཟིར། །སྤྲིན་འདི་རབ་ཏུ་སྒྲོག་བྱེད་དེ། །འཕྲོག་བྱེད་ས་སྲུང་དག་ལ་དགའ། །ཞེས་པ་སྟེ། སྐྱེས་བུ་འདི་ནི་རྒྱ་མཚོ་འཐུང་བར་བྱེད་དེ། བདག་ནི་དེ་རིང་རྒས་པས་གཟིར་ལ། སྤྲིན་འདི་ནི་འབྲུག་སྒྲ་རབ་ཏུ་སྒྲོག་པར་བྱེད་དེ། འཕྲོག་བྱེད་ནི་གླང་པོ་ཆེ་ས་སྲུང་དག་ལ་དགའོ་ཞེས་ངག་ཚིག་ཇི་ཙམ་ཚོགས་ཀྱང་ཚིག་སྔ་ཕྱི་འབྲེལ་ཆད་དེ་བརྗོད་དོན་སྟོན་རྒྱུ་མེད་པ་ལྟ་བུའོ། །དམིགས་བསལ་ནི། འདི་སེམས་རྣལ་དུ་མི་གནས་པས། །མངོན་པར་བརྗོད་ལ་སྨད་མིན་ཏེ། །གཞན་དུ་དེ་ལྟ་བུ་ལ་སོགས། །སྙན་ངག་མཁན་པོ་སུ་ཞིག་སྦྱོར། །ཞེས་པ་སྟེ། འདི་ལྟ་བུ་སེམས་རྣལ་དུ་མི་གནས་པས་མངོན་པར་བརྗོད་པ་ལ་སྨད་པ་མིན་ཏེ། གཞན་དུ་འབྲེལ་མེད་ཀྱི་ཚིག་བརྗོད་མ་ཐག་པ་དེ་ལྟ་བུ་ལ་སོགས་པ་སྙན་ངག་མཁན་པོ་སུ་ཞིག་སྦྱོར་ཏེ་མི་སྦྱོར་རོ། །གཉིས་པ་ལ་དོན་འགལ་ལ། མཚན་ཉིད་ནི། ངག་གཅིག་གིས་ནི་རབ་སྦྱར་བ། །སྔ་མ་ཕྱི་མ་གཞན་འཇོམས་པ། །འགལ་བའི་དོན་ཅན་ཉིད་ཀྱི་སྐྱོན། །དོན་འགལ་ཞེས་པར་རབ་ཏུ་བརྗོད། །ཅེས་པ་སྟེ། ངག་གི་རྒྱུན་གཅིག་གིས་རབ་ཏུ་སྦྱར་བ་ངག་ཚིག་གཅིག་ལ་དོན་སྔ་མ་དང་ཕྱི་མ་གཅིག་གི་ནུས་པས་གཞན་ཅིག་ཤོས་དེ་འཇོམས་པར་བྱེད་པ་ནི་འགལ་བའི་དོན་ཅན་ཉིད་ཀྱི་སྐྱོན་ཏེ། དོན་འགལ་ཞེས་པར་རབ་ཏུ་བརྗོད་དོ། །དཔེར་བརྗོད་ནི། དགྲ་རིགས་མཐའ་དག་འཇོམས་པ་དང་། །སྣ་ཚོགས་ཁུར་འདི་རྒྱལ་གྱུར་ཅིག །འབྱུང་པོ་ཀུན་ལ་བརྩེ་བ་ཅན། །ཁྱོད་ལ་དགྲ་ནི་སུ་ཡང་མེད། །ཅེས་པ་སྟེ་དགྲ་རིགས་ཀྱི་དཔུང་མཐའ་དག་འཇོམས་པ་དང་། སྣ་

― MLP007_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་པའི་བྱ་བའི་ཁུར་ལྡན་འདི་རྒྱལ་བར་གྱུར་ཅིག །འབྱུང་པོ་སྟེ་སེམས་ཅན་ཀུན་ལ་བརྩེ་བ་ཅན་ཁྱོད་ལ་དགྲ་ནི་སུ་ཡང་མེད་དོ་ཞེས་དགྲ་འཇོམས་པ་དང་དགྲ་མེད་པ་འགལ་བ་ལྟ་བུའོ། །དམིགས་བསལ་ལ། སྐབས་བསྟན་པ་དང་། དཔེར་བརྗོད་པའོ། །དང་པོ་ནི། མངོན་པར་ཆགས་ལྡན་སེམས་ལ་ནི། །སྐབས་དེ་འགའ་ཞིག་ཡོད་པས་ན། །གང་ལ་འགལ་བའི་དོན་ཅན་གྱི། །ཚིག་ཀྱང་མངོན་པར་འདོད་པར་འགྱུར། །ཞེས་པ་སྟེ། མངོན་པར་ཆགས་པ་དང་ལྡན་པའི་སེམས་ལ་སྐབས་དེ་ལྟ་བུ་འགའ་ཞིག་ཏུ་ཡོད་པས་ན། གང་ལ་འགལ་བའི་དོན་ཅན་གྱི་ཚིག་དག་ཀྱང་མངོན་པར་འདོད་པར་འགྱུར་རོ། །གཉིས་པ་ནི། གཞན་གྱི་བུད་མེད་ལ་སྲེད་པ། །འཕགས་པ་བདག་གིས་ག་ལ་རིགས། །དེ་ཡི་སོ་སྒྲིབ་གཡོ་བ་དག །བདག་ནི་ནམ་ཞིག་འཐུང་འགྱུར་རམ། །ཞེས་པ་སྟེ། གཞན་གྱི་བུད་མེད་ལ་ཆགས་ཤིང་སྲེད་པ་ནི་འཕགས་པ་བདག་གིས་ག་ལ་རིགས་ཏེ་མི་རིགས་མོད། འོན་ཀྱང་མཛེས་མ་དེའི་སོ་སྒྲིབ་གཡོ་བ་དག་བདག་ནི་ནམ་ཞིག་འཐུང་བར་འགྱུར་རམ་ཞེས་པ་ལྟ་བུ་འགལ་ཡང་ཆགས་པ་ཕུལ་བྱུང་སྟོན་པས་སྐྱོན་མེད་དོ། །གསུམ་པ་དོན་གཅིག་ལ། མཚན་ཉིད་ནི། དོན་ཉིད་དམ་ནི་སྒྲ་ལ་ཡང་། །ཁྱད་པར་མེད་པར་སྔར་བརྗོད་པ། །གལ་ཏེ་སླར་ཡང་རབ་བསྒྲགས་པ། །དེ་ནི་དོན་གཅིག་པར་འདོད་དཔེར། །ཞེས་པ་སྟེ། བརྗོད་བྱའི་དོན་ཉིད་དམ་ནི་རྗོད་བྱེད་ཀྱི་སྒྲ་ལ་ཡང་དགོས་པ་ཁྱད་པར་ཅན་མེད་པར་སྔར་བརྗོད་པ་ཉིད་གལ་ཏེ་སླར་ཡང་རབ་ཏུ་བསྒྲགས་པ་དེ་ནི་དོན་གཅིག་པར་འདོད་དེ། དཔེར་ན། ཞེས་སོ། །དཔེར་བརྗོད་ནི། སྲེད་པ་སྲེད་བྱེད་བུ་མོ་རྣམས། །དེ་ཡི་ལན་བུའི་འོད་ཟེར་ཅན། །ཆུ་འཛིན་གློག་དང་ལྡན་པ་དང་། །ཟབ་མོ་སྒྲ་སྒྲོག་འདི་དག་གོ །ཞེས་པ་སྟེ། སྲེད་པ་ཆགས་པས་སྲེད་པར་བྱེད་པ་བུ་མོ་རྣམས་ཀྱི་འདོད་པ་འཕེལ་བའི་རྒྱུ་ནི། དེའི་ལན་བུའི་འོད་ཟེར་ཅན་གྱི་ཆུ་འཛིན་དང་། གློག་དང་ལྡན་པ་དང་། ཟབ་མོ་སྒྲ་སྒྲོག་འདི་དག་གོ་ཞེས་པའི་སྲེད་པ་སྲེད་བྱེད་གཉིས་དོན་གཅིགཆུ་འཛིན། གློག་ལྡན། ཟབ་མོ་སྒྲ་སྒྲོག་གསུམ་སྤྲིན་དུ་དོན་གཅིག་པ་ལྟ་བུའོ། །དམིགས་བསལ་ལ། སྐབས་བསྟན་པ་དང་། དཔེར་བརྗོད་པའོ། །དང་པོ་ནི། རྗེས་སུ་བརྩེ་སོགས་

― MLP007_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་ལས། །གལ་ཏེ་འགའ་ཞིག་བརྗོད་འདོད་ན། །ཡང་བརྗོད་པ་ལ་སྐྱོན་མེད་དེ། །འདི་ནི་རྒྱན་དུ་རིགས་པ་ཡིན། །ཞེས་པ་སྟེ། རྗེས་སུ་བརྩེ་བ་དང་། སོགས་ཁོངས་ནས་ངོ་མཚར་བ་སོགས་དོན་ཁྱད་པར་ཅན་ལས་གལ་ཏེ་འགའ་ཞིག་བརྗོད་པར་འདོད་ན་ཡང་ཡང་བཟླས་ཏེ་བརྗོད་པ་ལ་སྐྱོན་མེད་དེ་འདི་ནི་རྒྱན་དུ་རིགས་པ་ཡིན་ནོ། །གཉིས་པ་ནི། འདོད་པ་སྐབས་མིན་འཁོན་པ་ཡིས། །བུད་མེད་མཆོག་འདི་བཅོམ་པར་གྱུར། །ཡན་ལག་ཀུན་མཛེས་བཅོམ་པར་གྱུར། །འཇམ་པར་སྒྲོག་མ་བཅོམ་པར་གྱུར། །ཅེས་པ་སྟེ། འདོད་པ་སྐབས་མིན་ཏེ་རྒྱུ་མེད་པར་འཁོན་པ་ཡིས། བུད་མེད་མཆོག་འདི་ནི་བཅོམ་པར་གྱུར་ཏོ། །ཡན་ལག་ཀུན་མཛེས་མ་འདི་བཅོམ་པར་གྱུར་ཏོ། །ངག་འཇམ་པར་སྒྲོག་པ་འདི་བཅོམ་པར་གྱུར་ཏོ་ཞེས་བརྩེ་བའི་དབང་གིས་ཡང་ཡང་བཟླས་པ་ལྟ་བུའོ། །བཞི་པ་ཐེ་ཚོམ་ཅན་ལ། མཚན་ཉིད་ནི། ངེས་པའི་དོན་དུ་རབ་སྦྱར་བའི། །ཚིགས་རྣམས་ཉིད་ཀྱིས་གལ་ཏེ་ནི། །ཐེ་ཚོམ་བསྐྱེད་པར་བྱེད་ན་འདི། །ཐེ་ཚོམ་ཅན་ཞེས་རབ་ཏུ་བརྗོད། །ཅེས་པ་སྟེ། བརྗོད་དོན་གྱི་ངེས་པ་རྟོགས་པའི་དོན་དུ་རབ་ཏུ་སྦྱར་བའི་ཚིག་རྣམས་ཉིད་ཀྱིས་གལ་ཏེ་ཐེ་ཚོམ་སྐྱེད་པར་བྱེད་ན་འདི་ནི་ཐེ་ཚོམ་ཅན་ཞེས་བྱ་བར་རབ་ཏུ་བརྗོད་དོ། །དཔེར་བརྗོད་ནི། རེ་འདོད་དགའ་བ་ལྟ་བ་ཡི། །རོ་ལ་མི་གཡོ་གྲོགས་མོ་དག །རྒྱང་ན་འདུག་པའི་མ་མ་འདིས། །འདི་འདྲ་ལྟ་བར་བཟོད་མ་ཡིན། །ཞེས་པ་སྟེ། འདོད་པའི་ལོངས་སྤྱོད་རེ་འདོད་ཀྱི་ཡིད་ཀྱིས་དགའ་བ་མཛའ་བོ་ལྟ་བའི་རོ་ལ་མིག་ཟུར་གཡོ་བའི་གྲོགས་མོ་དག་ཞེས་བོས་ནས། རྒྱང་རིང་བའམ་ཉེ་བ་ན་འདུག་པའི་མ་མ་འདིས་ཁྱོད་གཉིས་ཀྱི་སྤྱོད་ཚུལ་འདི་འདྲ་ལྟ་བར་བཟོད་པ་མ་ཡིན་ནོ་ཞེས་པའི་རྒྱ་དཔེར་དགའ་བའི་སྐད་དོད་སྲི་ཡ་ཞེས་པ་ཡིད་ཀྱི་འདོད་པ་དང་མཛའ་བོ། ཨ་རཱཏ་རིང་བ་དང་ཉེ་བ། ཨ་དས་ལས་བསྒྲུབས་པ་འདིས་ཞེས་པ་འདིའང་མངོན་འགྱུར་ལྐོག་འགྱུར་གཉིས་ཀ་ལ་འཇུག་པས་ཐེ་ཚོམ་བསྐྱེད་པ་ལྟ་བུའོ། །དམིགས་བསལ་ལ། སྐབས་བསྟན་པ། དཔེར་བརྗོད་པ། དོན་བཤད་པའོ། །དང་པོ་ནི། འདི་འདྲ་ཐེ་ཚོམ་སླད་ཉིད་དུ། །གལ་ཏེ་འགའ་ཞིག་ཏུ་སྦྱར་ན། །འདི་ནི་རྒྱན་ཉིད་དུ་འགྱུར་གྱི། །དེ་ལ་སྐྱོན་མེད་འདི་ལྟ་སྟེ། །

― MLP007_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་སྟེ། ཚུལ་འདི་འདྲ་ཐེ་ཚོམ་བསྐྱེད་པའི་སླད་ཉིད་དུ་གལ་ཏེ་སྐབས་འགའ་ཞིག་ཏུ་སྦྱར་ན་འདི་ནི་རྒྱན་ཉིད་དུ་འགྱུར་གྱི་དེ་ལ་སྐྱོན་མེད་པས་དཔེར་བརྗོད་ན་འདི་ལྟ་སྟེ་ཞེས་སོ། །གཉིས་པ་ནི། མ་སྨད་དེ་ནི་ལུས་སྐྱེས་ཀྱི། །འཇིགས་པས་གཟིར་ཞིང་རྩུབ་མོ་ཡི། །དུས་ཉིད་ཀྱིས་ནི་བཟུང་བ་མཐོང་། །བདག་ཅག་ཁྱོད་ལ་རེ་བ་ཅི། །ཞེས་པ་སྟེ། མ་སྨད་མཛེས་མ་དེ་ནི་ལུས་སྐྱེས་འདོད་པའམ་ཚ་བའི་ནད་ཀྱི་འཇིགས་པས་གཟིར་ཞིང་རྩུབ་མོའི་དུས་འཆི་བ་ཉིད་ཀྱིས་བཟུང་བ་མཐོང་སྟེ། ད་ནི་བདག་ཅག་མཛའ་བོ་ཁྱོད་ལ་རེ་བ་ཅི་ཡང་མེད་དོ། །གསུམ་པ་ནི། འདོད་པས་གཟིར་རམ་ཚ་བས་གདུངས། །ཞེས་པ་ངེས་མེད་བྱེད་པའི་ཚིག །རྩེད་འཇོས་སྐྱེས་པ་འཁྲུགས་པར་ནི། །བྱ་ཕྱིར་ཕོ་ཉ་མོས་སྨྲས་སོ། །ཞེས་པ་སྟེ། དེ་ལྟ་བུ་འདོད་པས་གཟིར་རམ་ཚ་བས་གདུངས་ཞེས་པ་ངེས་མེད་ཐེ་ཚོམ་སྐྱེ་བར་བྱེད་པའི་ཚིག་སྟེ། རྩེད་འཇོའི་ཀུ་རེའི་སྒོ་ནས་སྐྱེས་པ་འཛའ་བོ་དེའི་ཡིད་འཁྲུག་པར་བྱ་ཕྱིར་ཕོ་ཉ་མོས་སྨྲས་སོ། །ལྔ་པ་རིམ་པ་ཉམས་པ་ལ། མཚན་ཉིད་ནི། མདོར་བསྟན་རྗེས་སུ་ཡོན་ཏན་དོན། །གལ་ཏེ་རྗེས་བསྟན་མ་མ་ན། །རིམ་པ་ཉམས་པར་མངོན་བརྗོད་པའི། །སྐྱོན་དུ་དེ་ནི་བཤད་དེ་དཔེར། །ཞེས་པ་སྟེ། མདོར་བསྟན་གྱི་གོ་རིམ་དང་རྗེས་སུ་མཐུན་པར་ཡོན་ཏན་བརྗོད་པའི་དོན་རྣམས་ཀྱང་གལ་ཏེ་རྗེས་སུ་བསྟན་པར་མ་བྱས་ན་རིམ་པ་ཉམས་པ་ཞེས་བྱ་བར་མངོན་པར་བརྗོད་པའི་སྐྱོན་དུ་དེ་ནི་བཤད་དེ་དཔེར་ན་ཞེས་སོ། །དཔེར་བརྗོད་ནི། འགྲོ་བ་རྣམས་ཀྱིས་གནས་པ་དང་། །སྤྲུལ་དང་འཇིག་རྒྱུ་མ་སྐྱེས་པ། །བདེ་བྱུང་སྲེད་མེད་ཆུ་སྐྱེས་ཀྱི། །སྐྱེ་གནས་ཅན་གྱིས་ཁྱེད་རྣམས་སྲུངས། །ཞེས་པ་སྟེ། འགྲོ་བ་རྣམས་ཀྱིས་གནས་པའི་རྒྱུ་ཁྱབ་འཇུག་དང་། སྤྲུལ་པའི་རྒྱུ་ཚངས་པ་དང་། འཇིགས་པའི་རྒྱུ་དབང་ཕྱུག་ཅེས་བསྟན་ནས། དེ་ལྟ་བུའི་མ་སྐྱེས་པ་བདེ་བྱུང་དང་། སྲེད་མེད་ཀྱི་བུ་དང་། ཆུ་སྐྱེས་པདྨའི་སྐྱེ་གནས་ཅན་རྣམས་ཀྱིས་ཁྱེད་རྣམས་སྲུངས་ཤིག་ཅེས་སྔར་བསྟན་པའི་གོ་རིམ་ལས་འཁྲུགས་པར་བཀོད་པ་ལྟ་བུའོ། །དམིགས་བསལ་ལ། སྐབས་བསྟན་པ་དང་། དཔེར་བརྗོད་པའོ། །དང་པོ་ནི། འབྲེལ་པ་ངེས་པར་ཤེས་པའི་རྒྱུར། །གང་ཡང་གལ་ཏེ་འབད་བྱས་ན། །རིམ་པ་

― MLP007_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློས་ཀྱང་སྐྱོན་མིན་པར། །མཁས་པ་རྣམས་ནི་སྨྲ་སྟེ་དཔེར། །དོན་གྱི་འབྲེལ་པ་ངེས་པར་ཤེས་པའི་རྒྱུར་གོ་རིམ་འཁྲུགས་པའི་སྦྱོར་བ་གང་ཡང་གལ་ཏེ་འབད་པར་བྱས་ན་རིམ་པ་བཟློག་ཀྱང་སྐྱོན་མིན་པར་མཁས་པ་རྣམས་ནི་སྨྲ་སྟེ། དཔེར་ན་ཞེས་སོ། །གཉིས་པ་ནི། གཉེན་གཏོང་བ་དང་ལུས་གཏོང་དང་། །ཡུལ་གཏོང་ཞེས་པ་གསུམ་པོ་ལ། །དང་པོ་ཐ་མ་ཉོན་མོངས་རིང་། །བར་པ་སྐད་གཅིག་གདུང་བའོ། །ཞེས་པ་སྟེ། གཉེན་གཏོང་བ་སྟེ་དེ་དང་བྲལ་བ་དང་། །ཤི་སྟེ་ལུས་གཏོང་བ་དང་། ཡུལ་ཁམས་གཏོང་བ་ཞེས་པ་གསུམ་པོ་འདི་ལ། དང་པོ་དང་ཐ་མ་གཉིས་ཉོན་མོངས་པའི་གདུང་བ་རྒྱུན་རིང་ལ། བར་པ་སྐད་ཅིག་ཙམ་གྱི་གདུང་བའོ་ཞེས་གདུང་བ་རིང་ཐུང་གི་འབྲེལ་པ་ཤེས་པའི་རྒྱུ་དེ་ལྟ་བུ་གོ་རིམ་འཁྲུགས་པར་བཀོད་ཀྱང་སྐྱོན་མེད་དོ། །དྲུག་པ་སྒྲ་ཉམས་ལ། མཚན་ཉིད་ནི། མཚོན་བྱ་མཚན་ཉིད་ལམ་མ་མཚོན། །ཚིག་སྦྱོར་མཆོག་མིན་འདོད་པ་ནི། །སྒྲ་ཉམས་ཡིན་ཏེ་མཆོག་རྣམ་དག །འདོད་པ་ཉིད་ནི་སྐྱོན་མ་ཡིན། །ཞེས་པ་སྟེ། མཚོན་བྱ་བརྗོད་པར་བྱ་བའི་མཚན་ཉིད་སྒྲའི་ཆོ་གའི་རིམ་པ་སྒྲ་རྗེས་སུ་བསྟེན་པ་ལས་བྱུང་བའི་ལམ་མ་མཚོན་པ་སྒྲའི་བསྟན་བཅོས་དང་འགལ་བའི་ཚིག་སྦྱོར་མཆོག་མིན་དག་འདོད་པ་ནི་སྒྲ་ཉམས་པ་ཡིན་ཏེ། དེ་ལས་བཟློག་པ་མཆོག་རྣམ་དག་འདོད་པ་ཉིད་ནི་སྐྱོན་མ་ཡིན་ནོ། །དཔེར་བརྗོད་ནི། ས་གཞི་རྒྱ་མཚོའི་སྐ་རགས་ཅན། །རྒྱལ་ཆེན་ཁྱོད་ལ་དཔུང་པས་སྲུངས། །ཞེས་པ་ཤེས་འདོད་མེད་པས་ན། །ཚིག་འདིས་ལ་ནི་ཉམས་ཡོད་མིན། །ཞེས་པ་སྟེ། ས་གཞིི་ཁྱོན་རྒྱ་མཚོའི་སྐ་རགས་ཅན་འདི་ནི་རྒྱལ་པོ་ཆེན་པོ་ཁྱོད་ཀྱི་དཔུང་པས་སྲུངས་ཤིག་ཅེས་པའི་རྒྱ་དཔེར། ཁྱོད་ཀྱི་ཞེས་པར་རྣམ་དབྱེ་དྲུག་སྟེར་དགོས་པ་ལ་བཞི་པ་བྱིན་པས་རྒྱལ་ཆེན་ཁྱོད་ལ་ཞེས་བྱུང་བས་མཚོན་སྒྲ་ཉམས་དུ་མ་གསལ་བར་ཡོད་པ་ལྟ་བུ་སྟེ། ཞེས་པ་ཤེས་འདོད་དམ་བརྗོད་འདོད་མེད་པས་ཚིག་འདི་ལ་ནི་ཉམས་ཡོད་པ་མ་ཡིན་ནོ། །དམིགས་བསལ་ལ། དཔེར་བརྗོད་པ་དང་། སྐྱོན་མེད་དུ་སྒྲུབ་པའོ། །དང་པོ་ནི། ལྷོ་ཡི་རི་ལས་ཉེར་བཏུད་པའི། །རླུང་གིས་ཙཱུ་ཏའི་རྐང་འཐུང་ནི། །ཡལ་འདབ་རོལ་པར་བསྐྱོད་པ་ཡི། །མྱུ་གུ་མཛེས་དང་ལྡན་པར་བྱེད། །ཅེས་པ་སྟེ། ལྷོའི་རི་ལས་

― MLP007_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེ་བར་བཏུད་དེ་འོངས་པའི་རླུང་གིས་ཤིང་ཙཱུ་ཏའི་རྐང་འཐུང་ནི་ཡལ་འདབ་རྣམས་རོལ་ཞིང་བརྩེ་བ་ལྟར་བསྐྱོད་པའི་མྱུ་གུ་མཛེས་པ་དང་ལྡན་པར་བྱེད་དོ། །གཉིས་པ་ནི། ཅེས་སོགས་བསྟན་བཅོས་བདག་ཉིད་ཆེ། །ལྟ་ལ་གཡེལ་བའི་སེམས་ལྡན་པ། །སྒྲ་ཉམས་བཞིན་དུ་སྣང་མོད་ཀྱི། །སྐལ་བཟང་ནམ་ཡང་གཏོང་མ་ཡིན། །ཞེས་པ་སྟེ། བརྗོད་མ་ཐག་པ་འདི་ཉིད་སྒྲའི་བསྟན་བཅོས་ཀྱི་བདག་ཉིད་ཆེན་པོ་ལྟ་བ་ལ་གཡེལ་བའི་སེམས་དང་ལྡན་པ་རྣམས་ལྷོ་ཡི་རི་ལས་ཞེས་ལྔ་པ་མི་ཐོབ་པར་རི་ལ་ཞེས་བདུན་པའམ་གཉིས་པ་གང་རུང་སྟེར་དགོས་པར་འདོད་པས་མཚོན་སྒྲ་ཉམས་བཞིན་དུ་སྣང་མོད་ཀྱི། གཞན་དུ་ན་དེ་ལྟ་བུ་ནི་སྐལ་བཟང་ནམ་ཡང་གཏོང་བ་མ་ཡིན་ནོ། །བདུན་པ་གཅོད་མཚམས་ཉམས་པ་ལ། མཚན་ཉིད་ནི། ཚིགས་བཅད་རྣམས་ལ་ངེས་པའི་གནས། །ཚིག་གི་གཅོད་མཚམས་ངལ་གསོ་རིག །དེ་ཉམས་གཅོད་མཚམས་ཉམས་པ་སྟེ། །ཉན་པ་དགའ་མིན་བསྐྱེད་དེ་དཔེར། །ཞེས་པ་སྟེ། ཚིགས་སུ་བཅད་པ་རྣམས་ལ་ངལ་གསོ་ངེས་པའི་གནད་ནི་ཚིག་གི་གཅོད་མཚམས་ཉམས་སུ་ངལ་གསོ་བར་རིག་ལ། དེ་ཉམས་པ་ནི་གཅོད་མཚམས་ཉམས་པ་ཡིན་ཏེ། ཉན་པ་པོ་དག་དགའ་བ་མིན་པ་བསྐྱེད་པར་བྱེད་དེ། དཔེར་ན་ཞེས་སོ། །དཔེར་བརྗོད་ནི། བུད་མེད་རྣམས་ཀྱིས་ཡང་དག་བརྗོད་པའི་ཆོ་ག་རོ་ཉམས་མེད་ལ་འདིར། །མཆོག་རྣམས་དང་འགྲོགས་མི་དབང་ཉི་མའི་རིགས་འདིས་ལྟ་བྱེད་ལ་སོགས་སྐྱོན། །ཞེས་པ་སྟེ། བུད་མེད་རྣམས་ཀྱིས་ཡང་དག་པ་བརྗོད་པའི་ཆོ་ག་གླུ་དབྱངས་ལེན་པ་ལ་སོགས་པ་སྒེག་སོགས་ཀྱི་རོ་ཉམས་མེད་པ་ལ། སྐབས་འདིར་སྐྱེས་བུ་མཆོག་རྣམས་དང་འགྲོགས་པའི་མི་དབང་ཉི་མའི་རིགས་བརྒྱུད་ལས་བྱུང་བ་འདིས་ཀྱང་ལྟ་བར་བྱེད་དོ་ཞེས་པ་ལ་སོགས་པ་སྐྱོན་ཡོན་ནོ། །དེ་ཡང་རྒྱ་དཔེར། སཾ་གཱི་ཏི། ཞེས་པའི་མིང་གི་དབུས་ན་ངལ་གསོ་ཡོད་པ་སོགས་དཔེར་བརྗོད་གསལ་བར་ཡོད་དོ། །དམིགས་བསལ་ལ། དངོས་དང་། སྐྱོན་མེད་དུ་སྒྲུབ་པའོ། །དང་པོ་ནི། བྱ་དང་བྱ་མིན་མ་ཚང་མེད་ལ་ལུང་ཉིད་ཀྱིས་ནི་ལྟ་བྱེད་ཅིང་། །མི་བདག་འདི་ཡི་དབང་གྱུར་ས་འཛིན་ཞེས་པ་དེ་ལྟར་སྦྱོར་བ་ཡོད། །ཅེས་པ་སྟེ། བྱ་བ་དང་བྱ་བ་མ་ཡིན་པའི་བླང་དོར་མ་ཚང་བ་

― MLP007_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ་རྟོགས་པ་ལ་རྣམ་པར་དག་པའི་ལུང་ཉིད་ཀྱིས་ནི་ལྟ་བར་བྱེད་ཅིང་སྟོབས་ལྡན་མི་བདག་འདི་ཡི་རང་དབང་དུ་གྱུར་བའི་ས་གཞི་འཛིན་པར་བྱེད་ཅེས་པ་དེ་ལྟར་མིང་གི་དབུས་སུ་ངལ་གསོ་སྦྱོར་བ་ལྟར་ཡོད་དེ། རྒྱ་དཔེར། ཀཱརྨཱ་ཎི་ཞེས་པའི་ཡཱ་ལ་ངལ་གསོ་བྱས་པ་ལ་སོགས་པ་ལྟ་བུའོ། །གཉིས་པ་ནི། ཇི་ལྟར་ཚིག་མཐའ་ཕྱིས་པ་ལ། །ལྷག་མ་ཚིག་ཉིད་དུ་ངེས་པ། །དེ་བཞིན་མཚམས་སྦྱོར་རྣམ་འགྱུར་མཐའ། །ཚིག་ཉིད་ཅེས་ནི་བརྗོད་པ་ཡིན། །དེ་ལྟ་ན་ཡང་རྣ་བར་རྩུབ། །སྙན་ངག་མཁན་༼རྣམས་༽མི་སྦྱོར་ཏེ། །རྒྱལ་པོ་དེ་ཡི་རྒྱལ་མཚན་གྱི། །ཏོག་གིས་ཆུ་འཛིན་བསྐུལ་ཞེས་འདིའོ། །ཞེས་པ་སྟེ། ཇི་ལྟར་རྣམ་དབྱེའི་སྟོབས་ཀྱིས་ཚིག་མཐའ་ཕྱིས་པ་ལ་ལྷག་མ་ཚིག་ཉིད་དུ་ངེས་པ་དེ་བཞིན་དུ་མཚམས་སྦྱོར་དང་རྣམ་འགྱུར་གྱི་མཐའ་ལ་ཡང་ཚིག་ཉིད་ཅེས་ནི་བརྗོད་པ་ཡིན་ནོ། །དེ་ལྟ་ན་ཡང་འདི་ནི་རྣ་བར་རྩུབ་ཅིང་མི་སྙན་པའི་ཕྱིར་སྙན་ངག་མཁན་རྣམས་མི་སྦྱོར་ཏེ། དཔེར་ན། རྒྱལ་པོ་དེའི་རྒྱལ་མཚན་གྱི་ཏོག་གིས་ཆུ་འཛིན་སྤྲིན་གྱི་ཚོགས་རྣམས་བསྐུལ་ཞིང་བསྐྱོད་པར་བྱེད་ཅེས་པའི་འདི་ལྟ་བུ་སྟེ། རྒྱ་དཔེར། ཏོག་གི་སྐད་དོད། ཀེ་ཏུ། ཞེས་པའི་ཀེ་ནི་རྐང་པའི་མཐར་ཡོད་ཅིང་བདུན་པའི་ཚིག་མཐའ་ཡིན་པས་ངལ་གསོ་ཉམས་པའི་སྐྱོན་མིན་ནའང་མི་སྙན་པས་སྤང་བར་བྱའོ། །བརྒྱད་པ་སྡེབ་སྦྱོར་ཉམས་པ་ལ། མཚན་ཉིད་ནི། གང་དུ་ཡི་གེ་ཆད་ལྷག་དང་། །ལྕི་ཡང་ཇི་ལྟ་བཞིན་མི་གནས། །དེ་ནི་སྡེབ་སྦྱོར་ཉམས་པ་སྟེ། །སྐྱོན་འདི་ཤིན་ཏུ་སྨད་པའོ། །ཞེས་པ་སྟེ། ཚིགས་བཅད་གང་དུ་ཡི་གེ་ཆད་ལྷག་དང་། ལྕི་ཡང་གི་སྦྱོར་བ་སྡེབ་སྦྱོར་ལས་བཤད་པ་ཇི་ལྟ་བ་བཞིན་དུ་མི་གནས་པ་དེ་ནི་སྡེབ་སྦྱོར་ཉམས་པ་སྟེ། སྐྱོན་འདི་ནི་ཤིན་ཏུ་སྨད་བྱར་གྱུར་པའོ། །དཔེར་བརྗོད་ལ། ཆད་ལྷག་དང་། ལྕི་ཡང་གི་དཔེའོ། །དང་པོ་ནི། ཟླ་བའི་འོད་ཟེར་རབ་བསིལ་བས། །རེག་ཅེས་ཡི་གེ་ཉུང་བ་ཉིད། །ས་ཧཱ་ཀཱ་རའི་ལོ་འདབ་གསར་པ་རྣམས། །སྣུམ་ཞེས་ཡི་གེ་ལྷག་པའམ། །ཞེས་པ་སྟེ། ཟླ་བའི་འོད་ཟེར་རབ་ཏུ་བསིལ་བས་རེག་ཅེས་པ་ལ་རྒྱ་དཔེར་ཡི་གེ་བདུན་ལས་མེད་པས་ཉུང་བ་ཉིད་དང་། ས་ཧཱ་ཀཱ་རའི་ལོ་འདབ་གསར་པ་རྣམས་ཤིན་ཏུ་སྣུམ་ཞེས་པར་ཡི་གེ་དགུ་ཡོད་པས་ལྷག་པ་ཉིད་དེ། བོད་

― MLP007_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

སྐད་ལ་ཡང་གསལ་བ་བཞིན་ནོ། །གཉིས་པ་ནི། འདོད་པའི་མདའ་རྣོན་རི་དྭགས་མིག་ཅན་ལ། །རྣམ་པར་འཕངས་ཞེས་ལྕི་བ་ཇི་བཞིན་མིན། །མཛེས་པའི་མིག་ཅན་དག་ལ་མྱོས་བྱེད་ཀྱིས། །མདའ་རྣོན་ལྷུང་ཞེས་ཡང་བ་ཇི་བཞིན་མིན། །ཞེས་པ་སྟེ། འདོད་པའི་ལྷས་མེ་ཏོག་གི་མདའ་རྣོན་པོ་རི་དྭགས་མིག་ཅན་མ་ལ་རྣམ་པར་འཕངས་ཞེས་པ་ཉེ་དབང་རྡོ་རྗེའི་ཡི་གེ་དང་པོ་ལ་ཡང་བ་དགོས་པ་ལ་ལྕི་བ་བྱུང་བས་ལྕི་བ་ཇི་བཞིན་མིན་ལ། མཛེས་པའི་མིག་ཅན་མཛེས་མ་དག་ལ་མྱོས་བྱེད་འདོད་ལྷ་དག་གིས་མདའ་རྣོན་ལྷུང་སྟེ་འདོད་པའི་དབང་དུ་གྱུར་ཅེས་པ་དབང་པོ་རྡོ་རྗེའི་ཡི་གེ་དང་པོ་ལྕི་བ་དགོས་པ་ལ་ཡང་བ་བྱུང་བས་ཡང་བ་ཇི་བཞིན་མིན་ནོ། །དགུ་པ་མཚམས་སྦྱོར་ཉམས་པ་ལ། མཚན་ཉིད་ནི། བསྡུས་པ་བརྗོད་པར་མི་འདོད་ཅེས། །ཚིག་ལ་མཚམས་སྦྱོར་མེད་པ་དང་། །ཡ་ཕྱིས་ལ་སོགས་རྒྱུ་མེད་པ། །དེ་ནི་མཚམས་སྦྱོར་བྲལ་ཞེས་བསྟན། །ཞེས་པ་སྟེ། བསྡུས་པ་མཚམས་སྦྱར་བ་བརྗོད་པར་མི་འདོད་དོ་ཞེས་ཚིག་ལ་མཚམས་སྦྱོར་ཐོབ་ཀྱང་མེད་པར་བྱས་པ་དང་། ཨེ་ཨ་ཡའི་ཡ་ཕྱིས་ཤུལ་ལྟ་བུ་ལ་སོགས་པ་རང་བཞིན་དུ་འཇོག་པའི་རྒྱུ་མཚན་མེད་པར་མཚམས་སྦྱོར་མི་བྱེད་པ་དེ་ནི་མཚམས་སྦྱོར་བྲལ་བ་ཞེས་བསྟན་ཏོ། །དཔེར་བརྗོད་ནི། མཁའ་དང་བདག་གི་ཡིད་ལ་ཡང་། །རླུང་ནི་དལ་བུར་རྒྱུ་བ་ཡི། །བུད་མེད་འགྲམ་པའི་དཀྱིལ་འཁོར་ལ། །རྔུལ་གྱི་ཆུ་རྒྱས་སེལ་བར་བྱེད། །ཅེས་པ་སྟེ། ནམ་མཁའ་ལ་རླུང་དལ་བུར་རྒྱུ་བ་དང་། དེས་ཡིད་འཕྲོག་པའི་སྒོ་ནས་བདག་གི་ཡིད་ལ་ཡང་རྒྱུ་བ་ཡིས། བུད་མེད་ཀྱི་འགྲམ་པའི་དཀྱིལ་འཁོར་ལ་གདུང་བ་ལས་བྱུང་བའི་རྔུལ་གྱི་ཆུ་རྒྱས་པ་སེལ་བར་བྱེད་དོ་ཞེས་པའི་རྒྱ་དཔེར། ཙ་ར་ཏཱ། ཨངྒ་ནཱ་ཞེས་པའི་ཏཱ་དང་ཨ་གཉིས་ལ་མཚུངས་འདྲའི་མཚམས་སྦྱོར་ཐོབ་ཀྱང་ཤད་ཀྱིས་མ་བྱས་པ་ལྟ་བུའོ། །དམིགས་བསལ་ནི། མཚན་མོ་འདི་ལ་ཞེས་འདི་འདྲ། །མཁས་པས་ཉམས་པར་རིག་མི་བྱེད། །ཅེས་པ་སྟེ། མཚན་མོ་འདི་ལ་ཞེས་པའི་སྐད་དོད་ཀྱི་མགོའི་ཨཱ་དང་དཔེར་བརྗོད་སྔ་མ་འཇུག་གི་ཨི་ལྟ་བུ་མཚམས་སྦྱོར་ཐོབ་ཀྱང་ཤད་ཀྱིས་བར་ཆོད་པས་མ་བྱས་པ་འདི་འདྲ་མཁས་པ་རྣམས་ཀྱིས་མཚམས་སྦྱོར་ཉམས་པར་རིག་པར་མི་བྱེད་དོ། །

― MLP007_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་པ་འགལ་བ་དྲུག་བཤད་པ་ལ་གསུམ། མཚན་ཉིད། དཔེར་བརྗོད། དམིགས་བསལ་ལོ། །དང་པོ་ནི། རི་ནགས་ཡུལ་འཁོར་ལ་སོགས་ཡུལ། །ཉིན་མཚན་དུས་དྲུག་ལ་སོགས་དུས། །འདོད་པའི་དོན་ལ་བརྟེན་པ་ཡི། །གར་དང་གླུ་སོགས་སྒྱུ་རྩལ་ཏེ། །འབྱུང་པོ་རྒྱུ་དང་མི་རྒྱུ་བའི། །འཇུག་པ་འཇིག་རྟེན་མིང་ཅན་ནོ། །རིགས་པ་གཏན་ཚིགས་རིག་བདག་ཉིད། །ཐོས་བཅས་གསུངས་པ་ལུང་ཉིད་དེ། །སྙན་ངག་མཁན་པོ་བག་མེད་ལས། །དེ་དེར་ཇི་ལྟར་གྲགས་པ་བཞིན། །མིན་པར་གལ་ཏེ་རབ་བཞུགས་ན། །འདི་ནི་ཡུལ་སོགས་འགལ་ཞེས་བརྗོད། །ཅེས་པ་སྟེ། རི་དང་། ནགས་དང་། ཡུལ་འཁོར་ལ་སོགས་པ་ཡུལ་དང་། ཉིན་མཚན་དང་། དབྱར་སོགས་དུས་དྲུག་ལ་སོགས་པ་དུས་དང་། འདོད་པའི་དོན་ལ་བརྟེན་པའི་གར་དང་གླུ་སོགས་སྒྱུ་རྩལ་ཏེ། འབྱུང་པོ་རྒྱུ་བ་དང་མི་རྒྱུ་བ་སེམས་ལྡན་དང་བེམ་པོའི་འཇུག་པ་འཇིག་རྟེན་གྱི་མིང་ཅན་ནོ། །རིགས་པ་ནི་གཏན་ཚིགས་རིག་པ་རྟོག་གེའི་བདག་ཉིད་དང་། ཐོས་པ་རིག་བྱེད་དང་བཅས་གསུངས་པ་ལུང་ཉིད་དེ་སྙན་ངག་མཁན་པོ་བག་མེད་པས་མཁས་རློམ་རྣམས་ལས་གཞན་དེ་དང་དེར་ཇི་ལྟར་གྲགས་པ་བཞིན་མིན་པར་གལ་ཏེ་རབ་ཏུ་ཞུགས་ན་འདི་ནི་ཡུལ་སོགས་དང་འགལ་བ་ཞེས་པའི་སྐྱོན་དུ་བརྗོད་དོ། །གཉིས་པ་ལ། དང་པོ་ཡུལ་འགལ་ནི། ག་བུར་རྐང་འཐུང་ལ་རེག་པའི། །མ་ལ་ཡ་རླུང་དྲི་བཟང་ཅན། །ཀ་ལིངྐ་ཡི་ནགས་སྐྱེས་པའི། །གླང་པོ་དག་ནི་རི་དྭགས་རིགས། །ཙོ་ལ་ཀཱ་བེ་རི་ངོགས་པ། །ཨ་ཀ་རུ་ནི་ནག་པོ་སྔོ། །ཞེས་པ་ཡུལ་དང་འགལ་བ་ཡི། །ཚིག་གི་འཇུག་པ་འདི་འདྲ་སྟེ། །ཞེས་པ་སྟེ། ག་བུར་གྱི་ཤིང་གི་རྐང་འཐུང་ལ་རེག་པའི་མ་ལ་ཡའི་རླུང་ནི་དྲི་བཟང་པོ་ཅན་ནོ་ཞེས་པ་དེ་ན་ག་བུར་མེད་པས་འགལ། ཀ་ལིངྐའི་ནགས་སུ་སྐྱེས་པ་གླང་པོ་དག་ནི་རི་དྭགས་ཀྱི་རིགས་སོ་ཞེས་པ་དེའི་གླང་པོ་ཆེ་བྷ་དྲའི་རིགས་ཡིན་པས་འགལ། ཙོ་ལའི་ཡུལ་འཁོར་གྱིས་ཆུ་ཀླུང་ཀཱ་བེ་རིའི་འགྲམ་ངོགས་ཀྱི་སའི་ཨ་ཀ་རུ་ནི་ནག་པོ་སྔོ་ཞེས་པ་དེ་ན་ཨ་ཀ་རུ་མེད་པས་འགལ་ལོ། །ཞེས་པ་ཡུལ་དང་འགལ་བའི་ཚིག་གི་འཇུག་པ་འདི་འདྲ་སྟེེས་སོ། །གཉིས་པ་དུས་འགལ་ནི། པདྨ་ཅན་ནི་མཚན་མོ་རྒྱས། །ཉིན་བར་ཀུ་མུད་ལྡན་

― MLP007_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསལ། །དཔྱིད་ནི་ནི་ཙུ་ལ་རབ་རྒྱས། །སོས་ཀ་དག་ནི་སྤྲིན་གྱིས་གཏིབས། །ངང་པའི་སྒྲ་ནི་དབྱར་མཉན་འོས། །སྟོན་ནི་རྨ་བྱ་མྱོས་པ་སྟེ། །དགུན་སྟོད་ཉི་མ་དྲི་མ་མེད། །དགུན་ནི་ཙནྡན་བསྔགས་པར་འོས། །ཞེས་པ་འདི་འདྲ་དུས་དང་ནི། །འགལ་བའི་ལུགས་དག་བསྟན་པ་ཡིན། །ཞེས་པ་སྟེ། པདྨ་ཅན་ནི་མཚན་མོའི་དུས་རྒྱས་ཤིང་། །ཉིན་བར་ཀུ་མུད་ལྡན་པ་གསལ་བའི་མཛེས་པ་ངོམ་པ་དང་། དཔྱིད་ནི་ཤིང་ནི་ཙུ་ལ་རབ་ཏུ་རྒྱས་པ་དང་། སོས་ཀ་དག་ནི་སྤྲིན་གྱིས་གཏིབས་ཤིང་། ངང་པའི་སྒྲ་ནི་དབྱར་གྱི་དུས་གཉན་པར་འོས་ལ། སྟོན་ནི་རྨ་བྱ་དགའ་བས་མྱོས་པའི་དུས་ཏེ། དགུན་སྟོད་ཉི་མ་དྲི་མ་མེད་ལ། དགུན་ནི་ཙནྡན་བསྔགས་པར་འོས་སོ་ཞེས་པ་འདི་འདྲ་དུས་དང་འགལ་བའི་ལུགས་དག་བསྟན་པ་ཡིན་ནོ། །གསུམ་པ་སྒྱུ་རྩལ་དང་འགལ་བ་ལ། དངོས་དང་། དོན་བསྡུ་བའོ། །དང་པོ་ནི། སྒྱུ་རྩལ་དག་དང་འགལ་བའི་ལམ། །ཅུང་ཟད་བསྟན་པར་བྱ་སྟེ་དཔེར། །དཔའ་བ་སྒེག་པ་དག་གི་དངོས། །བསྟན་པ་ཁྲོ་དང་ཡ་མཚན་ནོ། །ཞེས་པ་སྟེ། སྒྱུ་རྩལ་དག་དང་འགལ་བའི་ལམ་ཡང་ཅུང་ཟད་བསྟན་པར་བྱ་སྟེ། དཔེར་ན། དཔའ་བ་དང་སྒེག་པ་དག་གི་ཉམས་ཀྱི་དངོས་པོར་གྱུར་པ་ཉམས་ཇི་སྲིད་གནས་ཀྱི་བར་དུ་བསྟན་པའམ་གནས་པ་ནི་ཁྲོ་བ་དང་ཡ་མཚན་ནོ་ཞེས་པ་དཔའ་བ་དང་སྒེག་པའི་ཉམས་ཀྱི་འགྱུར་བ་སྤྲོ་བ་དང་དགའ་བ་ཡིན་པ་ལ་དེ་ལྟར་མ་བརྗོད་པ་ལྟ་བུའོ། །གཉིས་པ་ནི། དབྱངས་བདུན་རྫོགས་པ་འདི་དག་ནི། །ཐ་དད་ལམ་དུ་རབ་ཏུ་འཇུག །འདི་ལྟར་སྒྱུ་རྩལ་དྲུག་ཅུ་བཞིར། །འགལ་བ་ལེགས་པར་རྟོགས་པར་བྱ། །སྒྱུ་རྩལ་ཡོངས་སུ་བཅད་པ་ལས། །དེ་ཡི་རང་བཞིན་གསལ་བར་འགྱུར། །ཞེས་པ་སྟེ། དྲང་སྲོང་། ས་འཛིན། དྲུག་སྐྱེས། བར་མ། བློ་གསལ། ལྔ་པ། འཁོར་ཉན་ཏེ་དབྱངས་བདུན་རྫོགས་པ་སྟེ་བདུན་ཀ་ཚང་བའམ། འདི་དག་གང་རུང་ཐ་དད་ཀྱི་ལམ་དུ་རང་རང་གི་འཇུག་ཡུལ་དང་མཐུན་པར་རབ་ཏུ་འཇུག་པས་འདི་ལྟར་སྒྱུ་རྩལ་དྲུག་ཅུ་རྩ་བཞིར་འགལ་བའི་ཚུལ་ལེགས་པར་རྟོགས་པར་བྱ་ཞིང་། སྒྱུ་རྩལ་ཡོངས་སུ་བཅད་པའི་བསྟན་བཅོས་ལེའུ་བཞི་པ་སློབ་དཔོན་འདི་ཉིད་ཀྱིས་མཛད་པ་ལས་དེའི་རང་བཞིན་གསལ་བར་འགྱུར་རོ། །བཞི་པ་

― MLP007_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་དང་འགལ་བ་ནི། གླང་པོ་དག་ནི་རལ་པ་གཡོ། །རྟ་ཡི་རྭ་ནི་རྣོ་བ་ཡིན། །ཨེ་རཎྜ་ནི་སྙིང་པོ་ལྕི། །སེང་ལྡེང་ལྗོན་པ་སྙིང་པ་མེད། །ཅེས་པ་འདི་ནི་འཇིག་རྟེན་པ། །ཉིད་དང་འགལ་བ་ཀུན་གྱིས་སྨད། །ཅེས་པ་སྟེ། གླང་པོ་དག་ནི་རལ་བ་གཡོ་བར་བྱེད་ཅིང་། རྟའི་རྭ་ནི་ཤིན་ཏུ་རྣོ་བ་ཡིན་ལ། ཤིང་ཨེ་རཎྜ་ནི་སྙིང་པོ་ལྕི་ཞིང་། སེང་ལྡེང་གི་ལྗོན་པ་ལ་སྙིང་པོ་མེད་དོ་ཞེས་པ་འདི་འདྲ་བ་ནི་འཇིག་རྟེན་པ་ཉིད་དང་འགལ་བ་སྟེ་མཁས་བླུན་ཀུན་གྱིས་སྨད་དོ། །ལྔ་པ་རིགས་པ་དང་འགལ་བ་ལ་དམ་བཅའ་དང་། དཔེར་བརྗོད་དོ། །དང་པོ་ནི། རིགས་པ་ཞེས་བྱ་གཏན་ཚིགས་ཀྱི། །རིགས་པ་དང་འགལ་བསྟན་པར་བྱ། །ཞེས་པ་སྟེ། གོ་སླའོ། །གཉིས་པ་ལ་གཉིས། ནང་པ་དང་། ཕྱི་པའི་རིགས་པ་དང་འགལ་བའོ། །དང་པོ་ནི། བདེ་གཤེགས་འདུས་བྱས་འཇིག་པར་ནི། །གསུང་བ་བདེན་མོད་དེ་ལྟ་ནའང་། །ཙ་ཀོ་ར་ཡི་མིག་ཅན་དེ། །བདག་གི་སྙིང་ལ་ད་དུང་གནས། །ཞེས་པ་སྟེ། བདེ་བར་གཤེགས་པ་སངས་རྒྱས་ཀྱིས་འདུས་བྱས་ཐམས་ཅད་མི་རྟག་པའོ། །ཞེས་འཇིག་པར་གསུང་བ་བདེན་མོད། དེ་ལྟ་ནའང་བྱ་ཙ་ཀོ་རའི་མིག་ཅན་མཛེས་མ་དེ་ནི་བདག་གི་སྙིང་ལ་ད་དུང་གནས་སོ། །གཉིས་པ་ནི། སེར་སྐྱས་གནས་ལ་ཡོད་པ་ཉིད། །རབ་ཏུ་སྐྱེ་བར་ཉེ་བར་བརྗོད། །མེད་པ་ཉིད་ནི་བདག་ཅག་གིས། །རབ་ཏུ་སྐྱེ་བར་མཐོང་གང་ཕྱིར། །རིགས་པ་དག་དང་འགལ་བ་ཡི། །ལུགས་འདི་ཀུན་ཏུ་བལྟ་བར་བྱ། །ཞེས་པ་སྟེ། དྲང་སྲོང་སེར་སྐྱའི་སློབ་མ་གྲངས་ཅན་པ་རྣམས་ཀྱིས་སྔར་ནས་དངོས་པོར་གནས་ལ་ཡོད་པ་ཉིད་ཕྱིས་གསལ་བར་རབ་ཏུ་སྐྱེ་བར་ཉེ་བར་བརྗོད་དེ། དེ་ལྟ་ནའང་སྔར་མེད་པ་ཉིད་བདག་ཅག་གིས་ཕྱིས་རབ་ཏུ་སྐྱེ་བར་མཐོང་བ་གང་གི་ཕྱིར་དེ་ནི་མི་བདེན་ནོ། །དེ་ལྟར་རིགས་པ་དག་དང་འགལ་བའི་ལུགས་འདི་ཀུན་ཏུ་བལྟ་བར་བྱའོ། །དྲུག་པ་ལུང་དང་འགལ་བ་ལ། དམ་བཅའ་དང་། དཔེར་བརྗོད་དོ། །དང་པོ་ནི། དེ་ནས་ལུང་དང་འགལ་བ་ཡི། །འཇུག་པ་དག་ནི་བསྟན་པར་བྱ། །ཞེས་པ་སྟེ། གོ་སླའོ། །གཉིས་པ་ལ་གཉིས། མེ་མ་བཞག་ཀྱང་མཆོད་སྦྱིན་བྱེད་པ་ལུང་དང་འགལ་བ་དང་། ཆོ་ག་མ་བྱས་ཀྱང་རིག་བྱེད་བཀླག་པ་ལུང་དང་འགལ་བའོ། །དང་པོ་ནི།

― MLP007_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ནི་བཞག་པ་མ་ཡིན་ཡང་། །བུ་སྐྱེད་བྲམ་ཟེ་མ་ཉམས་པའི། །སྤྱོད་པས་བརྒྱན་པ་འདི་དག་ནི། །བཻ་ཤྭ་ན་རཱི་མཆོད་སྦྱིན་བྱེད། །ཅེས་པ་སྟེ། རང་སྐྱེས་དུས་ཀྱི་མེ་ནི་བཞག་པ་མ་ཡིན་ནའང་བུ་སྐྱེས་པར་གྱུར་པའི་བྲམ་ཟེ་མ་ཉམས་པའི་སྤྱོད་པས་བརྒྱན་པ་འདི་དག་བཻ་ཤྭ་ན་རཱི་སྟེ་མེའི་མཆོད་སྦྱིན་བྱེད་དོ། །གཉིས་པ་ནི། འདི་ནི་ཆོ་ག་མ་བྱས་ཀྱང་། །བླ་མ་དག་ལས་རིམ་བྱེད་བཀླགས། །རང་བཞིན་དག་པའི་ཤེལ་དག་ནི། །འདུ་བྱེད་གཞན་ལ་ལྟོས་པ་མེད། །ཅེས་པ་སྟེ། འདི་ནི་སྔོན་དུ་ཆོ་གའི་རིམ་པ་མ་བྱས་ཀྱང་བླ་མ་དག་ལས་སྲིད་སྲུང་ལ་སོགས་པའི་རིག་བྱེད་རྣམས་བཀླགས་སོ། །དེ་ཡང་། རང་བཞིན་གྱིས་དག་པའི་ཤེལ་དག་ནི་ཕུལ་བྱུང་བ་སྒྲུབ་པའི་འདུ་བྱེད་གཞན་ལ་ལྟོས་པ་མེད་པ་བཞིན་ནོ། །གསུམ་པ་ལ་གཉིས། སྤྱིར་བསྟན་པ་དང་། སོ་སོར་བཤད་པའོ། །དང་པོ་ནི། སྐྱོན་ནི་མཐའ་དག་འདི་ལ་ཡང་། །རེས་འགའ་སྙན་ངག་མཁན་མཁས་པས། །སྐྱོན་གྱི་གྲངས་ལས་རབ་འདས་ནས། །ཡོན་ཏན་ལམ་ནི་རྣམ་པར་འཛིན། །ཞེས་པ་སྟེ། ཡུལ་འགལ་སྐྱོན་སོགས་འགལ་བ་དྲུག་པོ་མཐའ་དག་པ་འདི་ལ་ཡང་རེས་འགའ་སྙན་ངག་མཁན་མཁས་པས་ལེགས་པར་སྦྱོར་ཤེས་ན་སྐྱོན་གྱི་གྲངས་ལས་རབ་ཏུ་འདས་ནས། ཡོན་ཏན་གྱི་ལམ་ནི་རྣམ་པར་འཛིན་ནོ། །གཉིས་པ་ལ། དང་པོ་ཡུལ་འགལ་ཡང་སྐྱོན་མེད་པ་ནི། རྒྱལ་པོ་དེ་ཡི་མཐུ་ཡིས་ནི། །དེ་ཡི་སྐྱེད་ཚལ་ལྷ་རྣམས་ཀྱི། །ལྗོན་པ་ཡལ་འདབ་གོས་དམར་དང་། །ལྡན་པ་དག་ནི་གནས་སུ་གྱུར། །ཞེས་པ་སྟེ། མི་བདག་རྒྱལ་པོ་དེའི་བསོད་ནམས་ཀྱི་མཐུས་དེའི་སྐྱེད་མོས་ཚལ་ལྷ་རྣམས་ཀྱི་དཔག་བསམ་ལྗོན་པ་ཡལ་འདབ་ཀྱི་གོས་དམར་པོ་དང་ལྡན་པ་དག་གི་གནས་སུ་གྱུར་ཏོ་ཞེས་མི་ཡུལ་དུ་ལྷའི་ཤིང་འབྱུང་བ་འགལ་ཡང་རྒྱལ་པོའི་བསོད་ནམས་ཕུལ་དུ་བྱུང་བར་སྟོན་པས་སྐྱོན་མེད་དོ། །གཉིས་པ་དུས་འགལ་ཡང་སྐྱོན་མེད་པ་ནི། རྒྱལ་པོ་འཇིགས་པ་གསལ་བྱེད་པ། །ཀ་དམྦ་ཡི་རྡུལ་དང་འགྲོགས། །འདབ་བདུན་ལས་འཁྲུངས་སྐྱོད་བྱེད་ཅིང་། །དྲག་པོ་ཡི་ནི་རླུང་དག་རྒྱུ། །ཞེས་པ་སྟེ། རྒྱལ་པོ་འཆི་བའི་འཇིགས་པ་གསལ་བར་བྱེད་པའི་ཆེད་དུ། ཤིང་ཀ་དམྦའི་རྡུལ་དང་འགྲོགས་པའི་འདབ་མ་བདུན་པ་ལས་འཁྲུངས་

― MLP007_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མེ་ཏོག་རྣམས་སྐྱོད་པར་བྱེད་ཅིང་དྲག་པོའི་རླུང་རྩུབ་རྩུབ་མོ་དག་རྒྱུའོ་ཞེས་ཀ་དམྦ་དང་འདབ་བདུན་དུས་ལྷན་ཅིག་བྱུང་བ་འགལ་ཡང་ལྟས་ངན་པ་སྟོན་པས་སྐྱོན་མེད་དོ། །གསུམ་པ་སྒྱུ་རྩལ་དང་འགལ་ཡང་སྐྱོན་མེད་པ་ནི། ཁྱོད་ཀྱིས་རབ་བསྐུལ་སྐྲག་པ་ཡི། །སྐྱེ་བོ་བུད་མེད་ཁས་བརྗོད་གླུ། །སྟབས་མི་མཉམ་པས་འདོད་ལྡན་གྱི། །ཆགས་པ་དག་ནི་འཕེལ་བར་བྱེད། །ཅེས་པ་སྟེ། ཁྱོགས་ཀྱིས་བཏེག་ནས་གཡོ་ཞིང་རབ་ཏུ་བསྐུལ་བས་སྐྲག་པར་གྱུར་པའི་སྐྱེ་བོ་དང་། བུད་མེད་ཀྱི་ཁས་བརྗོད་གླུ་མྱུར་བ་དང་། བར་མ་སོགས་སྟབས་མི་མཉམ་པས་ཀྱང་འདོད་ལྡན་གྱི་ཆགས་པ་དག་ནི་འཕེལ་བར་བྱེད་དོ་ཞེས་སྤྱིར་གླུ་སྟབས་མི་མཉམ་པ་ཡིད་དུ་མི་འོང་བས་ཆགས་པ་འཕེལ་བ་སྒྱུ་རྩལ་དང་འགལ་ཡང་འདོད་ལྡན་རྣམས་ལ་ཅིས་ཀྱང་ཆགས་པ་འཕེལ་བར་སྟོན་པས་སྐྱོན་མེད་དོ། །བཞི་པ་འཇིག་རྟེན་དང་འགལ་ཡང་སྐྱོན་མེད་པ་ནི། ཟླ་བའི་འོད་ཟེར་རབ་བསིལ་བ། །བསྲེག་ཟ་འཛིན་པར་འདོད་ལྡན་ནི། །བུད་མེད་དང་བྲལ་ཉོན་མོངས་ཀྱི། །འཁྲུག་པ་འདི་ཡིས་རྩི་བར་བྱེད། །ཅེས་པ་སྟེ། ཟླ་བའི་འོད་ཟེར་རབ་ཏུ་བསིལ་བ་ཡིན་ཡང་བསྲེག་བྱ་འཛིན་པར་འདོད་ལྡན་བུད་མེད་དང་བྲལ་བའི་ཉོན་མོངས་པ་སེམས་འཁྲུགས་པ་འདི་ཡིས་རྩི་བར་བྱེད་དོ་ཞེས་ཟླ་བའི་མེའི་རང་བཞིན་དུ་འཛིན་པ་འཇིག་རྟེན་དང་འགལ་ཡང་ཆགས་པ་ཕུལ་བྱུང་སྟོན་པས་སྐྱོན་མེད་དོ། །ལྔ་པ་རིགས་པ་དང་འགལ་ཡང་སྐྱོན་མེད་པ་ནི། གཞལ་བྱ་ཡིན་ཡང་གཞལ་བྱ་མིན། །ཆ་ལྡན་ཡིན་ཡང་ཆ་ལྡན་མིན། །གཅིག་ཉིད་ཡིན་ཡང་གཅིག་ཉིད་མིན། །སྣ་ཚོགས་གཟུགས་ཁྱོད་ལ་ཕྱག་འཚལ། །ཞེས་པ་སྟེ། རྗེས་དཔག་ཚད་མས་རྟོགས་པས་གཞལ་བྱ་ཡིན་ཡང་དབང་པོའི་མངོན་སུམ་གྱི་ཡུལ་མ་ཡིན་པས་གཞལ་བྱ་མིན་ལ། ས་སོགས་སྣ་ཚོགས་པའི་གཟུགས་ཅན་ཡིན་པས་ཆ་ལྡན་ཡིན་ཡང་ངོ་བོ་མཆོག་དམ་པའི་བདག་ཉིད་ཡིན་པས་ཆ་ལྡན་མིན་ཞིང་། ངོ་བོ་རྟག་པའི་གཟུགས་གཅིག་ཉིད་ཡིན་ཡང་འགྱུར་བ་སྣ་ཚོགས་སྟོན་པས་གཅིག་ཉིད་མིན་པ་སྟེ། དེ་ལྟ་བུའི་སྣ་ཚོགས་གཟུགས་ཅན་དབང་ཕྱུག་ཁྱོད་ལ་ཕྱག་འཚལ་ལོ་ཞེས་གཞལ་བྱ་ཡིན་པ་དང་མ་ཡིན་པ་སོགས་རིགས་པ་དང་འགལ་ཡང་དབང་ཕྱུག་གི་ཡོན་ཏན་དུ་མི་

― MLP007_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་བས་སྐྱོན་མེད་དོ། །དྲུག་པ་ལུང་དང་འགལ་ཡང་སྐྱོན་མེད་པ་ནི། སྐྱ་སེང་བུ་ལྔ་དག་གི་ནི། །ཆུང་མ་ལྔ་ལེན་བུ་མོ་སྟེ། །དག་པ་རྣམས་ཀྱི་མཆོག་ཏུ་གྱུར། །འདི་འདྲ་ལྷ་ཡི་སྒྲུབ་བྱེད་དོ། །ཞེས་པ་སྟེ། རྒྱལ་པོ་སྐྱ་སེང་གི་བུ་ལྔར་གྲགས་པ་ནི། གཡུལ་ངོར་བརྟན་པ་དང་། ལྷར་བཅས་དང་། འཇིགས་སྡེ་དང་། སྲིད་སྒྲུབ་དང་། རིགས་མེད་དེ་ལྷས་བྱིན་པས་བུ་ལྔ་པོ་དེ་དག་གི་ཆུང་མ་ཐུན་མོང་དུ་རྒྱལ་པོ་ལྔ་ལེན་གྱི་བུ་མོ་དྲཽ་པ་དཱི་ཞེས་པ་ཡིན་ཏེ། དེ་ནི་བུད་མེད་འཆོལ་པའི་སྐྱོན་གྱིས་མ་གོས་པ་དག་པ་རྣམས་ཀྱི་མཆོག་ཏུ་གྱུར་པ་ཡིན་ནོ་ཞེས་རིགས་མི་གཅིག་པའི་སྐྱེས་པ་དུ་མ་བསྟེན་པ་དག་པར་བསྒྲུབ་པ་འདི་འདྲ་ལུང་དང་འགལ་ཡང་ལྷའི་སྒྲུབ་བྱེད་ཡིན་པས་སྐྱོན་མེད་དོ། ༈ །གསུམ་པ་བཞུག་པའི་འབྲས་བུ་བཤད་པ་ལ་གཉིས་ཏེ། སྤྱིའི་དོན་བསྡུ་བ་དང་། དངོས་སོ། །དང་པོ་ནི། སྒྲ་དོན་རྒྱན་ནི་བཀྲ་བ་དང་། །བྱ་སླ་བྱ་དཀའ་དག་གི་ལམ། །སྙན་ངག་རྣམས་ཀྱི་ཡོན་ཏན་སྐྱོན། །དེ་ལྟར་མདོར་བསྡུས་རབ་ཏུ་བསྟན། །ཞེས་པ་སྟེ། ལུས་གསུམ་མཛེས་པར་བྱེད་པའི་སྒྲ་དོན་གྱི་རྒྱན་ནི་བཀྲ་བ་དང་། བྱ་སླ་བ་དང་བྱ་དཀའ་བ་དག་གི་ལམ་སྲོལ་རྣམས་དང་། སྙན་ངག་རྣམས་ཀྱི་ཡོན་ཏན་དང་སྐྱོན་ཏེ། དེ་ལྟར་མདོར་བསྡུས་པའི་སྒོ་ནས་རབ་ཏུ་བསྟན་ཟིན་ཏོ། །གཉིས་པ་ནི། སྒྲུབ་བྱེད་བསྟན་པའི་ལམ་འདིས་སྐྱོན་དང་ཡོན་ཏན་དག །རབ་ཏུ་རྟོགས་པའི་བློ་ཅན་སྐལ་བཟང་དབང་གྱུར་པའི། །ཚིག་དང་མངོན་པར་འགྲོགས་བྱས་ཆང་མིག་མ་དག་དང་། །ལང་ཚོ་ཅན་བཞིན་དགའ་དང་གྲགས་པ་ཐོབ་པར་གྱུར། །ཞེས་པ་སྟེ། སྙན་ངག་གི་མཚན་ཉིད་སྒྲུབ་པར་བྱེད་པའི་ཐབས་ཚུལ་དཎྜི་བདག་གིས་བསྟན་པའི་ལམ་སྲོལ་འདིས་ནི་སྙན་ངག་གི་སྐྱོན་དང་ཡོན་ཏན་དག་རབ་ཏུ་རྟོགས་པའི་བློ་ཅན་སྐལ་བ་བཟང་པོའི་དབང་དུ་གྱུར་པའི་སྙན་ཚིག་དང་མངོན་པར་འགྲོགས་པར་བྱས་པ་རྣམས། ཆང་མིག་མ་མཛེས་མ་དག་དང་སྐྱེས་བུ་ལང་ཚོ་ཅན་ལྷན་ཅིག་འགྲོགས་པ་བཞིན་དུ་ཚད་མེད་པའི་དགའ་བ་དང་། སྙན་པའི་གྲགས་པ་ནམ་མཁའི་མཐའ་དང་མཉམ་པའི་སྐལ་བཟང་ཉམས་སུ་མྱོང་བ་ཐོབ་པར་འགྱུར་རོ། །སྙན་ངག་གི་བསྟན་བཅོས་མེ་ལོང་

― MLP007_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། སྒྲ་རྒྱན་སོགས་བསྟན་པ་སྟེ་ལེའུ་གསུམ་པའི་དོན་བཤད་ཟིན་ཏོ།། ༈ །།གསུམ་པ་མཇུག་གི་དོན་ནི། སློབ་དཔོན་དབྱུག་པ་ཅན་གྱིས་མཛད་པའི་སྙན་ངག་མེ་ལོང་གི་གཞུང་འདི་ཕུལ་དུ་བྱུང་བའི་ཡོན་ཏན་དཔག་ཏུ་མེད་པས་སྤྲས་པ་བླ་མ་དམ་པ་ཆོས་ཀྱི་རྒྱལ་པོ་རིན་པོ་ཆེ་དང་། དཔོན་ཆེན་ཤཱཀྱ་བཟང་པོའི་བཀའ་ལུང་གིས་རྒྱ་གར་གྱི་མཁན་པོ་སྙན་ངག་མཁན་ཆེན་པོ་ཤྲཱི་ལཀྵྨཱི་ཀ་ར་དང་། བོད་ཀྱི་ལོ་ཙཱ་བ་དགེ་སློང་ཤོང་སྟོན་གྱིས་དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་ཅིང་ཞུས་ཏེ་གཏན་ལ་ཕབ་པའོ། །དེ་རྗེས་དཔང་ལོ་ཙཱ་བ་བློ་གྲོས་བརྟན་པས་གོ་དཀའ་བའི་ཆ་ཤས་སུ་གྱུར་པ་རྣམས་དང་དོན་ཆེ་བ་རྣམས་ལ་འགྱུར་བཅོས་བགྱིས་པ་ལ་ཕྱིས་སྙེ་ཐང་བློ་བརྟན་བཞི་པས་ལེགས་པར་འགྱུར་བཅོས་བགྱིས་པ་ལགས་སོ། །ཞེས་པའོ། ༈ །དཎྜིའི་དགོངས་དོན་ཁ་བའི་རྡུལ་བརྩེགས་ནི། །སྙན་ཚིག་ཉིན་བྱེད་ཟེར་གྱིས་བཞུ་བའི་རྒྱུན། །ལེགས་བཤད་ཡན་ལག་བརྒྱད་དུ་འཁྱིལ་བའི་རྫིང་། །བློ་གསལ་ངང་མོའི་འཇུག་ངོགས་བླ་ན་མེད། །ཚུལ་འདི་ངག་དབང་མཚོ་ལྡན་དགའ་མ་ཡིས། །དགྱེས་པའི་འཛུམ་དཀར་གཡོ་བའི་མཚར་སྡུག་གཟུགས། །སྙིང་གི་པད་མཚོར་རོལ་བའི་སྙན་འགྱུར་གླུ། །ལེགས་བཤད་འགྱུར་ཁུག་སྟོང་གི་རོལ་མོ་འཁྲོལ། །རྒྱ་བོད་མཁས་མང་ཐུགས་མཚོ་ལས་འཐོན་པའི། །རྣམ་དཔྱོད་མཁྱེན་བརྩེ་ཆུ་ཁུར་འཛིན་པའི་སྤྲིན། །བཤེས་གཉེན་གསུང་གི་སྙན་འགྱུར་དྲི་བཞོན་གྱིས། །ལྷོངས་པ་བདུད་རྩིའི་ཐིག་ལེ་ཆར་གྱི་རྒྱུན། །བློ་གྲོས་སྙིང་གི་བུམ་པ་བཟང་པོ་རུ། །འཁྱིལ་བའི་དགེ་མཚན་སྐལ་བ་བཟང་པོའི་དཔལ། །དོན་གཉེར་བློ་གསལ་གཞོན་ནུའི་རྣམ་དཔྱོད་ཀྱི། །ཆུ་སྐྱེས་ཀུན་དགར་བཞད་པའི་དཔྱིད་དུ་སྤེལ། །རང་བཞིན་གྲུབ་པའི་སྤོབས་པ་བཟང་པོའི་འབྲས། །མང་ཐོས་དྲོད་གཤེར་བསྐྱེད་ཀྱིས་བསྲིངས་པ་ན། །ལེགས་བཤད་སྙེ་མ་དུད་པའི་ངོ་མཚར་ལ། །མཐོ་རིས་བདག་པོ་དེ་ཡང་བལྟ་བ་སྙམ། །བཅད་ལྷུག་སྤེལ་མ་མཚར་སྡུག་ལུས་ཕྲ་མ། །སྒྲ་དོན་རིན་ཆེན་རྒྱན་གྱི་འཇོ་སྒེག་དང་། །སྙན་ཚིག་གླུ་

― MLP007_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་འགྱུར་ཁུགས་ཀྱིས་བསུས་ཚེ། །ཆགས་བྲལ་དག་ཀྱང་ཆགས་པས་བྲིད་མིན་ནམ། །ཇི་སྙེད་ཤེས་བྱ་ཕ་མཐའ་མེད་པའི་གཟུགས། །ལེགས་བཤད་གཏམ་གྱི་མེ་ལོང་འདི་གསལ་ཚེ། །གྲོང་ཚིག་༼སྙོག༽མའི་ཆུ་ཡི་རྫིང་བུ་ལ། །བལྟ་བར་འདོད་དེ་ག་ཞའི་གནས་སུ་ལྷུང་། །རྣམ་དག་གཞུང་དོན་རྩ་བ་མཆོག་ཏུ་བརྟན། །མཐའ་གཅོད་ལོ་འདབ་གཞོན་ནུ་ཕང་ཕུང་གཡོ། །ཚིག་སྙན་མེ་ཏོག་དོན་བཟང་འབྲས་བུས་ལྕི། །སྔོན་མེད་ཡོངས་འདུའི་ལྗོན་པ་འདི་རྨད་བྱུང་། །དོན་གྱི་ཆ་ཤས་ཀུན་ནས་གང་། །ཚིག་སྦྱོར་རི་དྭགས་མཚན་མས་མཛེས། །ལེགས་བཤད་འོད་དཀར་སྤྲོ་བ་ཅན། །སྔོན་མེད་འགྲེལ་པའི་ཟླ་བ་ཤར། །དེ་ཚེ་རྨོངས་པའི་མུན་པ་དག །བསལ་དང་ལྷན་ཅིག་བློ་གྲོས་ཀྱི། །ཀུ་མུད་ཁོང་ནས་བཞད་པ་ལས། །བློ་ལྡན་བདེ་འབྱུང་གཙུག་ན་མཆོད། །རྨད་བྱུང་ཤེས་བྱའི་རྒྱ་མཚོ་ཆེ། །རབ་འཐུངས་ལེགས་བཤད་ཞབས་བསིལ་དུ། །རྣམ་པར་སྤེལ་བར་ཕྱོགས་ཀུན་ལས། །རྒྱལ་བ་རྡོ་རྗེའི་ཁམས་སུ་གྲུབ། །དགེ་འདིས་རྒྱལ་བསྟན་རིན་ཆེན་སྲོག །མི་འགྱུར་བྱེད་པོ་བླ་ན་མེད། །གཞོམ་ཞིག་བྲལ་བ་རྡོ་རྗེའི་མཁར། །ཐར་འདོད་མགོན་དུ་བརྟན་གྱུར་ཅིག །རྣམ་དག་གཞུང་དོན་རིན་ཐང་བྲལ་བའི་ནོར། །རབ་གསལ་ཕན་བདེའི་འོད་འཕྲོ་འདོད་འཇོའི་དཔྱིད། །རྣམ་འགྲེལ་རྒྱལ་མཚན་རྩེ་མོར་མཆོད་པའི་དགེས། །ཐུབ་བསྟན་སྣང་བ་རྒྱས་པའི་དཔལ་གྱུར་ཅིག ། སྙན་ངག་མེ་ལོང་གི་འགྲེལ་པ་གཞུང་དོན་རབ་གསལ་སྣང་བ་ཞེས་བྱ་བ་འདི་ནི་རང་ཉིད་ཀྱི་དྲན་གསོ་དང་གཞན་དག་ལ་ཡང་ཕན་པར་འགྱུར་རམ་སྙམ་ནས་བྲི་འདུན་ཡོད་པའི་སྟེང་གནས་བརྟན་འདུལ་བ་འཛིན་པ་ཁུ་བོ་རྗེ་དབོན་རིན་པོ་ཆེ་ཀུན་དགའ་ཚུལ་ཁྲིམས་རྒྱ་མཚོའི་གསུང་གིས་ཉེ་བར་བསྐུལ་བ་ལ་པད་གླིང་ལྔ་པ་འགྲོ་བའི་རྣམ་འདྲེན་སྤྲུལ་པའི་སྐུ་མཆོག་གསུང་སྤྲུལ་ངག་དབང་ཀུན་བཟང་རྡོ་རྗེའི་བཀའ་ལུང་གིས་ཀྱང་སྐུལ་མ་གནང་བ་དང་། ཉེ་ཆར་ཕུལ་དུ་བྱུང་བའི་མཁྱེན་པའི་སྤྱན་དཀྱུས་རིང་པོར་སྐྱོང་བ་སྟག་ལུང་སྤྲུལ་པའི་སྐུ་ཨོ་རྒྱན་བསྟན་འཛིན་དོན་གྲུབ་ཀྱིས་ནན་ཏན་ཆེན་པོའི་གསུང་གིས་ཡང་ཡང་སྐུལ་མ་བཏབ་པར་བརྟེན་དུས་གསུམ་རྒྱལ་བའི་སྤྱི་གཟུགས་སྐྱབས་མགོན་བླ་མ་གཏེར་ཆེན་ཆོས་ཀྱི་རྒྱལ་

― MLP007_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སྐུ་མཆེད་ཀྱི་བཀའ་དྲིན་ལ་བརྟེན་ནས་ཕྱི་ནང་གི་རིག་པའི་གནས་དུ་མ་ལ་བློ་ཁ་ཅུང་ཟད་ཕྱོགས་པ་སྨྱོས་ཀྱི་རིགས་ལས་གངས་ཅན་ལྗོངས་ཀྱི་སྙན་ངག་མཁན་ཤཱཀྱའི་དགེ་སློང་པདྨ་འགྱུར་མེད་རྒྱ་མཚོ་མི་ཕམ་རྣམ་རྒྱལ་རྡོ་རྗེ་དཔལ་བཟང་པོས་རང་ལོ་ཉི་ཤུ་པ་རབ་བྱུང་ཉི་མའི་ས་སྐྱོང་གི་ལོ་མགོ་ཟླ་བའི་དཀར་ཕྱོགས་ཚེས་གཉིས་དྲང་སྲོང་ཆེན་པོ་པ་སངས་ཆུ་སྟོད་ཀྱི་དགའ་མ་དང་རྣམ་པར་རྩེན་པ་སྔ་དྲོའི་དུས་དགེ་བར་ཆོས་གྲྭ་ཆེན་པོ་འོག་མིན་ཨོ་རྒྱན་སྨིན་གྲོལ་གླིང་གི་བླ་བྲང་ཆོས་འཁོར་ལྷུན་པོར་སྦྱར་བའི་ཡི་གེ་རང་ཉིད་ཀྱིས་སུག་བྲིས་སུ་བགྱིས་པ་སྟེ། འདིས་ཀྱང་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པའི་རྒྱུར་གྱུར་ཅིག། །།

སྙན་ངག་གི་མཚན་ཉིད་བསྡུས་པ་རྩོམ་དཔེ་དང་བཅས་པ་སྣ་ཚོགས་ཨུཏྤ་ལའི་ཆུན་པོ། །ལོ་ཆེན་དྷརྨ་ཤྲཱི།

― MLP007_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་གི་མཚན་ཉིད་བསྡུས་པ་རྩོམ་དཔེ་དང་བཅས་པ་སྣ་ཚོགས་ཨུཏྤ་ལའི་ཆུན་པོ་ཞེས་བྱ་བ་བཞུགས་སོ། །ལོ་ཆེན་དྷརྨ་ཤྲཱི།

― MLP007_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་གི་མཚན་ཉིད་བསྡུས་པ་རྩོམ་དཔེ་དང་བཅས་པ་སྣ་ཚོགས་ཨུཏྤ་ལའི་ཆུན་པོ་ཞེས་བྱ་བ་བཞུགས་སོ། །ན་མོ་མཉྫུ་གྷོ་ཥཱ་ཡ། ལྟ་བས་མི་ངོམས་རབ་མཛེས་སྒེག་མོའི་གཟུགས། །ཚངས་དབང་སྲས་མོ་ཡིད་འཕྲོག་སྒྲ་དབྱངས་ཅན། །ངག་གི་ལྷ་མོའི་ཞབས་པད་ལ་བཏུད་དེ། །སྙན་ངག་ལ་དགའི་སྐྱེས་སུ་ཚུལ་འདི་སྦྱིན། །དེ་ལ་འདིར་སྙན་ངག་གི་མཚན་ཉིད་དཔེར་བརྗོད་དང་བཅས་པ་རྗེ་བཙུན་ཐམས་ཅད་མཁྱེན་པ་གཏེར་ཆེན་བླ་མའི་དགོངས་པ་ལྟར་རང་བློས་གང་ནུས་མདོ་ཙམ་ཞིག་བྲི་བར་བྱའོ། །འདི་ལ་གཉིས་ཏེ། གང་ཞེ་ན། སྙན་ངག་གི་ལུས་ཚོགས་པའི་ངོ་བོ་དང་། དེ་མཛེས་བྱེད་ཀྱི་རྒྱན་གཉིས་སུ་སྔོན་གྱི་སློབ་དཔོན་རྣམས་ཀྱིས་བསྟན་ཅིང་གསལ་བར་བྱས་པའི་ཕྱིར། དེ་ལྟར་ཡང་། དེ་རྣམས་ཀྱིས་ནི་སྙན་ངག་གི། ལུས་དང་རྒྱན་ཡང་རབ་ཏུ་བསྟན། །ཅེས་སོ། །དེ་ལ་རེ་ཞིག་སྙན་ངག་གི་ལུས་ནི། སྨྲ་བ་པོས་བརྗོད་པར་འདོད་པའི་དོན་གྱི་བརྗོད་བྱ་ཅན་བསྟན་བཅོས་སུ་བཤད་པའི་ངེས་པ་ལས་མ་འདས་པས་རྣམ་པར་བཅད་ཅིང་། རྗོད་བྱེད་སི་དང་ཏི་སོགས་མཐའ་ཅན་ཚིག་གི་ཕྲེང་བ་ཅན་ཞིག་སྟེ། ལུས་ནི་རེ་ཞིག་འདོད་པ་ཡི། །དོན་གྱི་རྣམ་བཅད་ཚིག་གི་འཕྲེང་། །ཞེས་སོ། །དབྱེ་ན་གསུམ་སྟེ། དེ་ཡང་ཚིགས་བཅད་ལྷུག་པ་དང་། །སྤེལ་མ་རྣམ་གསུམ་ཉིད་དུ་གནས། །ཞེས་གསུངས་པའི་ཕྱིར། དེ་ལ་ཚིགས་སུ་བཅད་པའི་མཚན་ཉིད་ནི། ལུས་གང་ཞིག་རྐང་པ་བཞིར་བཅད་ཅིང་བཞིར་ཚོགས་པའི་ངག་སྟེ། ཚིགས་བཅད་རྐང་བཞི། ཞེས་སོ། །དབྱེ་ན་གཉིས་ལས་སྡེབ་སྦྱོར་གྱི་སྒོ་ནས་བྲྀཏྟ་ཛ་ཏི་གཉིས་སུ་དབྱེ་བ་ནི། བོད་སྐད་ལ་བྲྀཏྟ་དང་རྗེས་མཐུན་ཡི་གེ་བགྲང་བ་ཙམ་ལས་སྡེབ་སྦྱོར་མཚན་ཉིད་པ་མི་འབྱུང་བའི་ཕྱིར་མ་སྨོས་ལ། སྦྱོར་ཚུལ་གྱི་སྒོ་ནས་བཞིར་དབྱེ་བ་ནི།

― MLP007_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་བ་ལ་སོགས་པའོ། །ལྷུག་པའི་མཚན་ཉིད། ལུས་གང་ཞིག་རྐང་པས་མ་བཅད་པའི་རྣམ་དབྱེའི་མཐའ་ཅན་གྱི་ངག་ཚིག་རྒྱུན་ཆགས་པ། དབྱེ་ན་བརྗོད་པ་དང་གཏམ་གཉིས། འདི་གཉིས་ཐ་དད་པར་འདོད་པ་ཡོད་ཀྱང་མེ་ལོང་རང་ལུགས་མི་འགལ་བར་འདོད་དོ། །སྤེལ་མའི་མཚན་ཉིད། ལུས་གང་ཞིག་ཚིགས་བཅད་ལྷུག་བསྲེས་པའམ་སྐད་རིགས་བསྲེས་པའོ། །དབྱེ་ན་བཅད་ལྷུག་སྤེལ་བ་:ཙམ་བསྡུ་༼ཙམྦཱུ་༽དང་། སྐད་རིགས་བཞི་ཀ་སྤེལ་བ་ཟློས་གར་གཉིས་སོ། །དེ་འདྲའི་བཅད་ལྷུག་སྤེལ་མ་གསུམ་ལ་སྐད་ལེགས་སྦྱར་དང་། རང་བཞིན་དང་། ཟུར་ཆག་དང་། འདྲེས་མ་བཞིར་གནས་ལ། ལེགས་སྦྱར་ལྷའི་སྐད་དང་། རང་བཞིན་ལ། ལེགས་སྦྱར་དེས་སྐྱེས་དང་། དེ་མཚུངས་དང་། ཡུལ་སོ་སོའི་སྐད་ཅན་གསུམ། ཟུར་ཆག་ནི། སྙན་ངག་པ་བ་ལང་རྫི་ལ་སོགས་པའི་སྐད་དུ་འདོད། སྒྲའི་བསྟན་བཅོས་ཀྱི་ལུགས་རྣམས་ལས། ལེགས་སྦྱར་ལས་གཞན་པ་རྣམས་ཟུར་ཆག་ཏུ་འདོད་དོ། །དེ་ལྟར་ལུས་གསུམ་ལས། འདིར་ཚིགས་སུ་བཅད་པ་རྩོམ་པའི་ཚུལ་ལ། ཐོག་མར་གྲོལ་བ་ནི། ཤྭ་ལོ་ཀ་གཅིག་གིས་བརྗོད་བྱའི་དོན་གཅིག་རྫོགས་པས་གཞན་ལ་མ་ལྟོས་པར་རང་དབང་ཅན་དུ་གྲོལ་བར་སྟོན་ཏེ། དཔེར་ན། ངོ་མཚར་སྒྲ་དབྱངས་འདུས་པའི་ཆུ་གཏེར་ལས། །ལེགས་འཁྲུངས་ཚངས་དབང་སྲས་མོ་ཟླ་ཞལ་ཅན། །ཨེ་མ་མ་ལ་མཁྱེན་བརྩེའི་སྣང་བ་ཡིས། །དེ་རིང་བདག་བློའི་ཀུན་ད་བཞད་པར་མཛོད། །ཅེས་པ་ལྟ་བུའོ། །རིགས་ནི། ཤྭ་ལོ་ཀ་དུ་མས་བརྗོད་བྱའི་དོན་གཅིག་བྱ་ཚིག་གཅིག་གིས་རྫོགས་པར་སྟོན་པ་སྟེ། དཔེར་ན། བློ་ལྡན་གང་གིས་རྣམ་པར་འདྲེན་པའི་དཔལ། །མཚན་དཔེའི་མེ་ཏོག་དཔེ་བྱད་ཟེའུ་འབྲུ་ཡིས། །རབ་མཛེས་སྣང་བརྙན་ངོ་མཚར་ཕུང་པོའི་གཏེར། །གསལ་བས་ཡང་དག་རྫོགས་པའི་སངས་རྒྱས་བཞིན། །རལ་པའི་ཅོད་པན་མངོན་པར་འཁྱིལ་བ་གང་། །རྒྱལ་བའི་གཙུག་ཏོར་བལྟར་མི་མངོན་འཕགས་པ། །མཐོང་བའི་སྐལ་བ་རབ་བསྒྲིབས་ལུས་ཅན་ལ། །གསལ་བར་སྟོན་ཕྱིར་ས་འདིར་ལྷགས་པ་བཞིན། །ཉེས་པའི་དྲི་བྲལ་དུང་དང་པད་རྩ་ལྟར། །རབ་དཀར་མཐང་གོས་དག་གིས་ཉེར་བཀླུབས་པ། །མ་ལུས་འགྲོ་བ་རྣམ་གྲོལ་ཐར་པའི་ལམ། །སྟོན་པའི་སྙིང་

― MLP007_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་མཆོག་ཏུ་དཀར་བ་བཞིན། །ལྷ་རྫས་རིན་ཆེན་རྒྱན་མང་རབ་བཟུང་བའི། །ཡིད་འོང་རྣམ་བཀྲའི་ཁྲི་ལ་རབ་བཀོད་པ། །མཐོང་ནས་ཡ་མཚན་མངོན་འདོད་དད་པ་ཡི། །བདུད་རྩིའི་རོ་ཡིས་སྙིང་ག་མྱོས་པར་གྱུར། །མཛོད་ནི། གཅོད་མཚམས་བྱ་ཚིག་སྣ་ཚོགས་པའི་སྒོ་ནས་ཤྭ་ལོ་ཀ་ངེས་བཟུང་མེད་པར་བརྗོད་བྱ་དུ་མས་མཛོད་ལྟར་ཕྱུག་པ་སྟེ། རིགས་བཟང་ཆོ་འབྲང་དག་གིས་མ་རྨས་ཤིང་། །དཔའ་མཛངས་དུལ་བའི་བློ་ལྡན་སྐྱེས་བུ་དེ། །ནམ་ཞིག་མི་བདག་ས་ཡི་དབང་ཕྱུག་ཆེའི། །དཔལ་གྱི་འདུན་སར་སྤྲོ་བར་ལྷགས་ནས་སུ། །སྙིམ་པ་འཆར་ཀའི་པད་འདབ་འཛུམ་པ་ལྟར། །སྤྱི་བོར་བཀོད་ནས་བཞིན་ལ་དགའ་བའི་མདངས། །མངོན་པར་ཕྱུང་སྟེ་ཆེན་པོའི་རྣ་བ་ལ། །བདུད་རྩི་སྟེར་བ་ངག་གིས་འདི་སྐད་སྨྲས། །ཨེ་མ་ལྷ་གཅིག་བསོད་ནམས་ཆེན་པོའི་དཔུང་། །མངོན་པར་དར་བའི་རིགས་ཀྱི་ལང་ཚོ་ལ། །ཕུལ་བྱུང་མང་ཐོས་གཏོང་དང་སྙིང་སྟོབས་ཀྱིས། །མཛེས་པར་བརྒྱན་ཁྱོད་མཐོ་རིས་བདག་པོ་བཞིན། །མི་བདག་ཚངས་དབང་ས་ལ་བབས་པའམ། །ས་འདི་ཚངས་དབང་འདུན་སར་རྒྱུག་པ་ལྟར། །ས་ལ་སྤྱོད་ཀྱང་ཚངས་པའི་བློ་ལྡན་ཁྱོད། །ལྷ་དབང་རྣམས་ཀྱིས་གཙུག་གི་རྒྱན་དུ་བཀུར། །རབ་གསལ་གྲགས་པ་ཉིན་བྱེད་ལྟ་བུ་ཞེས། །ཡང་དག་བགྲོས་ནས་སྟན་ལས་ལངས་ཏེ་སོང་། །འདུས་པ་ནི། བརྗོད་བྱའི་དོན་གཅིག་ཤྭ་ལོ་ཀ་དུ་མ་དང་བྱ་ཚིག་མང་པོ་འདུས་ནས་སྟོན་པ་སྟེ། ཡོན་ཏན་གཟི་བརྗིད་ལ་བརྟེན་ལྷ་རྣམས་ཀྱིས། །གང་གི་གྲགས་པ་སྤྱི་བོར་མངོན་མཆོད་པ། །གཏེར་ཆེན་བླ་མ་ཞེས་བྱའི་འགྲོ་མགོན་དེ། །སྲིད་ཞིའི་རྒྱན་དུ་མཛེས་བྱེད་ཐིག་ལེར་གྱུར། །གང་གི་གྲགས་པ་མེ་ཏོག་མནྡྷ་རའི། །དོག་པ་ཡོན་ཏན་དྲི་བཟང་མངར་པོ་རུ། །ཕྱོགས་ཀུན་དུལ་བས་ལུས་ཅན་བྷྲ་མ་རའི། །ཡིད་ལ་སྔོན་མེད་དགའ་བ་སྦྱིན་པར་གྱུར། །མཁྱེན་བརྩེའི་ཉིན་མོར་བྱེད་པ་གང་གི་དཔྱིད། །སྙན་གྲགས་རྡུལ་འཕྲེང་འཛག་པ་ལྷ་དང་མིའི། །གཙུག་ཏོར་ལྷ་ལམ་ཡངས་པར་རྒྱུ་བ་ན། །མ་ལུས་དུད་ནས་རབ་ཏུ་བསྟེན་པར་བགྱི། །དེ་འདྲ་བའི་ཚིགས་བཅད་རྒྱ་ཆེན་ལེའུས་བཅིངས་པ་ལ་ཚིགས་སུ་བཅད་པའི་སྙན་ངག་ཆེན་པོ་ཞེས་བྱ་སྟེ། དེའི་དང་པོར་ལུས་རྩོམ་པའི་སྒོ་ལ་གསུམ་གྱི། དང་

― MLP007_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཤིས་བརྗོད་ནི། འདོད་བྱ་ལ་སྨོན་པ་སྒོར་བྱས་པ་སྟེ། སྒེག་འཆང་བྱེ་བ་ཕྲག་བརྒྱས་རབ་མཛེས་པའི། །དཔལ་མོ་རྣམ་པར་དཀར་བའི་ཚངས་སྲས་མ། །རྣམ་མང་འགྲོ་ལ་སྙན་འགྱུར་ངག་གི་གཏེར། །སྦྱིན་མཛད་ལྷག་པའི་ལྷ་དེས་དགེ་ལེགས་མཛོད། །གཉིས་པ་ཕྱག་བྱ་བ་ནི། ཡུལ་ལ་གུས་པས་འདུད་པ་སྟེ། སྲིད་འདིར་ཆེ་བར་གྲགས་པའི་ལྷ་ཆེན་རྣམས། །ཁྱོད་ཀྱི་ཞབས་ཟུང་བསྟེན་ལ་པདྨོ་བཞིན། །ངོ་མཚར་དད་བརྒྱའི་གེ་སར་འཛུམ་རླབས་ཀྱིས། །མཆོད་འོས་གཏེར་ཆེན་བླ་མར་ཕྱག་འཚལ་ལོ། །གསུམ་པ་དངོས་པོ་ངེས་བསྟན་ནི། བརྗོད་བྱའི་དངོས་པོའི་གནས་ལུགས་མདོར་བསྡུས་ནས་སྟོན་པ་སྟེ། བཅད་ལྷུག་སྤེལ་མའི་སྒེག་འཆང་ལུས་ཕྲ་མར། །རབ་མཛེས་སྒྲ་དོན་རྒྱན་མང་གིས་བརྒྱན་ཏེ། །རིགས་ལྡན་མཁས་པའི་མདུན་སར་ངོམ་པ་ན། །གྲོང་ཚིག་མུ་ཏོའི་དུག །་ཧྲུལ་ཕ་མཐར་འགྲོ། །སྙན་ངག་ཆེན་པོའི་ལུས་རྩོམ་ཚུལ་ལས། གྲོང་ཁྱེར་ལ་བསྔགས་པ་ནི། ནོར་འཛིན་དཔལ་མོའི་གཙུག་གིས་རབ་བསྟེན་པའི། །ནོར་བུའི་བ་གམ་མཐོར་བརྩེགས་གཞལ་མེད་ཁང་། །འཛམ་བུའི་གསེར་གྱི་མདངས་འཕྲོག་རྒྱལ་མཚན་གྱིས། །རྣམ་མཛེས་གྲོང་ཁྱེར་འདི་ནི་ལྷ་ཡི་ཡུལ། །རྒྱ་མཚོ་ལ་བསྔགས་པ་ནི། རབ་དྭངས་ཨིནྡྲ་ནཱི་ལའི་ཁུ་བའི་རྒྱུན། །མངོན་པར་འཁྱིལ་བའི་རླབས་འཕྲེང་སྲིད་པའི་རྩེར། །འཕྱུར་བའི་དགེ་མཚན་ངོམ་པའི་རྒྱ་མཚོ་ཁྱོད། །ལྷ་མིའི་འཇིག་རྟེན་མཛེས་པའི་རྒྱན་དུ་གྱུར། །རི་བོ་ལ་བསྔགས་པ་ནི། ཕྲ་རབ་རྡུལ་ཚོགས་སྟུག་པོར་བརྩེགས་པ་ལས། །སྲིད་པའི་རྩེར་བསྙེགས་དབྱིབས་ལེགས་ལྷུན་ཆགས་པའི། །རི་དབང་མཆོག་འདི་ལྷུན་པོ་གཉིས་པ་རུ། །འཇིག་རྟེན་མེས་པོས་བྱས་པ་མིན་ནམ་ཀྱེ། །དུས་ལ་བསྔགས་པ་ནི། དཔྱིད་ཀྱི་དཔལ་མོས་ཡོངས་བསུས་ནོར་འཛིན་གཞི། །མརྒད་ཞུ་འདྲའི་མཛེས་པ་ངོམ་པ་ན། །མ་བཟོད་ལྗོན་པའི་ཚོགས་ཀྱང་ལོ་འདབ་དང་། །རྣམ་བཀྲའི་མེ་ཏོག་མཚར་བས་འགྲན་པ་བཞིན། །ཉི་མ་འཆར་བ་ལ་བསྔགས་པ་ནི། སྤྲིན་བྲལ་དྭངས་པའི་ལྷ་ཡི་ལམ་ཡངས་པོར། །ཉི་མའི་དཀྱིལ་འཁོར་ཤར་བའི་འོད་སྣང་གིས། །མཚན་མོའི་མུན་པ་རབ་ཞི་ཆུ་སྐྱེས་དང་། །སྐྱེ་རྒུའི་མིག་གི་དགའ་བ་ལྷན་ཅིག་བཞད། །ཟླ་བ་འཆར་བའི་བསྔགས་པ་ནི། ཨེ་མ་མ་

― MLP007_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཕྱོགས་ཀྱི་མུན་པ་ཡི། །རྨོངས་པ་འཇོམས་བསྟན་ཀུ་མུ་དཱ་ཡི་གཉེན། །ཤར་རིའི་ཕྲག་པར་འཕོས་པའི་སྣང་བ་ཆེས། །ནམ་མཁའ་ཁེངས་ཤིང་མིག་གི་བདུད་རྩིར་བྱས། །སྐྱེད་ཚལ་ལ་བསྔགས་པ་ནི། འཇམ་མཉེན་མརྒད་མདངས་ལྡན་ཡལ་འདབ་ཀྱིས། །རབ་དུད་དྲི་ལྡན་ལྗོན་པའི་ནགས་ནང་དུ། །འདབ་བཟང་བུང་བ་གླུ་ལེན་རྩེད་འཇོའི་གར། །བསྒྱུར་བས་མཛེས་འདི་ལྷ་ཡི་དགའ་ཚལ་བཞིན། །ཆུའི་རོལ་རྩེད་ལ་བསྔགས་པ་ནི། སྒེག་འཆང་ནུ་འབུར་གྱིས་བརྒྱན་རབ་མཛེས་མ། །རབ་དྭངས་བསིལ་བའི་རྫིང་བུར་ལུས་བཀྲུས་ནས། །དབུ་བའི་འོག་པག་འཆང་བ་ལངས་མཐོང་བས། །མཛེས་ལྡན་ཆུ་ཡི་ལྷ་མོ་རྒྱུ་བ་བཞིན། །ཆང་འཐུང་བ་ལ་བསྔགས་པ་ནི། རིན་ཆེན་ར་བས་བསྐོར་བའི་ཁྱམས་ཆེན་པོར། །ལྟ་ན་སྡུག་པའི་གྲོགས་དང་ལྷན་ཅིག་ཏུ། །བཅུད་ལྡན་ཆང་གི་བདུད་རྩིའི་དགའ་སྟོན་ལ། །སྤྱོད་ཁྱོད་ས་ཡི་རྟག་མྱོས་གཉིས་པ་བཞིན། །འཁྲིག་པའི་དགའ་སྟོན་ནི། ཆགས་ལྡན་གཞོན་ནུའི་ལྗོན་པ་གསར་པ་ལ། །ན་ཆུང་དགའ་མའི་འཁྲི་ཤིང་དམ་འཁྱུད་ནས། །བག་ཡོད་ལོ་མའི་གོས་ཀྱིས་ཁེབས་བཞིན་དུ། །རེག་བདེའི་དགའ་བ་ལོངས་སུ་སྤྱད་བྱར་གྱུར། །བསླུ་བའམ་མ་ཚོགས་པ་ནི། གཞོན་ནུ་ན་ཆུང་འདོད་པའི་དུས་བཏབ་ནས། །མ་འཛོམས་གཞོན་ནུའི་རྟོག་པས་དགའ་མའི་གཟུགས། །བྲི་བའི་གདུང་བས་ལག་གདུབ་དཔུང་པའི་བར། །རྒྱུ་བའི་དཀའ་ཐུབ་ཐར་པའི་ལམ་ལས་རིང་། །བག་མ་གཏོང་ལེན་ནི། འདོད་གདུང་མེ་ཡིས་རབ་མནར་ལུས་ཕྲ་མ། །འཇམ་གཉེན་ལྷ་གོས་རིན་ཆེན་གྱིས་བཀླུབས་ཏེ། །རྒྱལ་བུ་གཞོན་ནུ་དཔལ་གྱི་མདུན་ས་ཆེར། །བག་མའི་དགའ་སྟོན་ཆེན་མོར་ལུགས་བཞིན་འཇུག །གཞོན་ནུ་སྐྱེ་བ་ནི། ཤེས་རབ་དགའ་མའི་མངལ་ནང་གཤིན་པོའི་སར། །སྨྱོས་རིགས་ས་བོན་སྣུམ་པོ་ལེགས་བཏབ་ནས། །དགུ་ཟླའི་དུས་ཀྱིས་ཡོངས་སྨིན་དཔག་བསམ་གྱི། །ལྗོན་པ་ལྟར་མཛེས་རྒྱལ་བའི་སྲས་པོ་བཙས། །འཕེལ་བ་སྟེ་གཞོན་ནུ་སྐྱེད་བསྲིང་བ་ནི། གཞོན་ནུ་སྐྱེས་ཙམ་ཉིད་ནས་ཆོས་དཀར་རྒྱུད། །ཐུགས་ཀྱི་དཔལ་བེའུར་འཁྱིལ་མོད་ད་དུང་ཡང་། །ནུ་ཞོ་རོ་བརྒྱའི་ཟས་ཀྱིས་བསྐྱེད་བསྲིངས་པས། །ལུས་དང་ཡོན་ཏན་ཡར་ངོའི་ཟླ་ལ་འགྲན། །བྱ་བ་རྩོམ་

― MLP007_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གྲོས་ནི། ཕུན་ཚོགས་རྒྱལ་ཐབས་དཔལ་གྱི་འདུན་ས་ཆེར། །མཐའ་བྲལ་བདེན་པར་སྨྲ་བའི་ལྕེ་ལྡན་རྣམས། །འདུས་ནས་མ་ཞུམ་སྙིང་སྟོབས་ཆེན་པོའི་གྲོས། །གླེང་འདིས་མི་མཐུན་སྟོན་ཀའི་ཆུ་འཛིན་བཞིན། །ཕོ་ཉ་བགྲོད་པ་ནི། ཨེ་མ་མཁའ་འགྲོའི་རྩལ་ལྡན་བྱ་མ་རྟ། །ངོ་མཚར་བཀའ་ཡིག་གསེར་གྱི་མལླི་ཀ། ཁྱེར་ནས་དེ་དོན་སྒྲུབ་ལ་མི་སྐྱོ་བས། །ཆོས་ལྡན་ལྷ་དེས་ཕོ་ཉའི་མཆོག་ཏུ་བསྔགས། །གཡུལ་རྒྱལ་བ་ནི། དཔའ་ཞིང་རྟུལ་ཕོད་བློ་ལྡན་སྐྱེས་ཆེན་གང་། །ཕ་ལམ་རྡོ་རྗེའི་ཡ་ལད་རབ་བགོས་ནས། །རྣོ་ངར་མཚོན་གྱིས་ཕ་རོལ་དཔུང་བཅོམ་པའི། །སྙན་གྲགས་སྒྲ་ཡིས་ལྷ་ལམ་རལ་བ་བཞིན། །འདྲེན་པ་སྟེ་རྒྱལ་པོའི་མངའ་ཐང་དར་བ་ནི། མི་བདག་བསོད་ནམས་ཆེན་པོའི་མཐུས། །གང་གི་ནོར་དང་སྐྱེ་བོ་རྣམས། །དབྱར་གྱི་ཆུ་བཞིན་དར་དྲགས་པས། །བརྒྱ་བྱིན་དཔལ་ལ་འགྲན་པ་བཞིན། །ལྟ་བུ་སྟེ། དཔང་ཊིཀ་ཏུ་དང་པོ་ལྔ་ལ་བསྔགས་པ་དང་། ཐམས་ཅད་ལ་བརྒྱན་པ་ཞེས་ཡར་བླངས་ཏེ་སྦྱོར་གསུང་ངོ་། ༈ །གཉིས་པ་རྒྱན་ལ། ཐུན་མིན་དང་། ཐུན་མོང་པ་གཉིས། དང་པོའི་མཚན་ཉིད། སྙན་ངག་གི་རྒྱན་གང་ཞིག་རྒྱ་གར་ལྷོ་ཕྱོགས་པ་དང་ཤར་ཕྱོགས་པའི་ལུགས་ཐ་དད་པའོ། །དབྱེ་ན། དང་པོ་ལྷོ་ཕྱོགས་བཻ་དཪྦྷའི་རྒྱན་བཅུ་དང་། བཟློག་པ་ཤར་ཕྱོགས་གཽ་ཌ་པའི་ལམ་སྟེ། དེ་ལྟར་ཡང་། སྦྱར་བ་རབ་དང་མཉམ་ཉིད་དང་། །སྙན་དང་ཤིན་ཏུ་གཞོན་པ་དང་། །དོན་གསལ་བ་དང་རྒྱ་ཆེ་ཉིད། །བརྗིད་དང་མཛེས་ལྡན་ཏིང་ངེ་འཛིན། །ཡོན་ཏན་འདི་བཅུ་བཻ་དཪྦྷའི། །ལམ་གྱི་སྲོག་ཏུ་བཤད་པ་ཡིན། །འདི་དག་ཕལ་ཆེར་བཟློག་པས་ནི། །གཽ་ཌའི་ལམ་དག་མཚོན་པ་ཡིན། །ཞེས་སོ། །དེ་ལྟར་བཅུ་ལས་དང་པོ་མ་ཡིག་བསྐོར་བའི་རྗེས་ཁྲིད་ཀྱི་བློས་དེ་འདྲའི་སྲོག་ཡི་གེའི་མདོར། དང་པོ་དང་གསུམ་པ་དང་ལྔ་པ་རྣམས་དང་མཐར་གནས་རྣམས་ནི་སྲོག་ཆུང་བ་རྣམས་སོ། །ཞེས་བཤད། མཆན། ཆུང་གི་ཡི་གེ་ཚོགས་པས་ལྷོད་པ་བཟློག་ཟླ་ཤར་ཕྱོགས་གཽ་ཌ་པ་འདོད་པ་སྦྱར་བའི་ཡོན་ཏན་ནི། ཉི་མའི་རིགས་སྐྱེས་མ་ལུས་སྐྱེ་རྒུའི་མ། །མ་ལུས་མུན་པ་དྲུངས་འཇོམས་ཉིན་མོར་བྱེད། །མ་སྨད་བདག་བློ་རྣམ་གྲོལ་པདྨའི་འདབ། །ཨེ་མ་

― MLP007_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གཡེལ་མ་ལུས་རྒྱས་པར་མཛོད། །སྲོག་ཆེན་སྲོག་ཆེན་ནི། སྡེ་པའི་གཉིས་པ་དང་བཞི་པ་དྲོ་བའི་ཡི་གེའོ། །མཆན། གྱི་ཡི་གེ་ཤས་ཆེ་བ་ཚོགས་པ་སྦྱོར་བ་ལྕི་བ་དངོས་ལྷོ་ཕྱོགས་བཻ་དཪྦྷ་འདོད་པའི་ཡོན་ཏན་ནི། སྲིད་གསུམ་ཚ་ཆེན་གདུང་སེལ་ཤཱཀྱའི་སྲས། །ཐུབ་ཆེན་སངས་རྒྱས་ཐུགས་རྗེའི་མཐུ་ཁོ་ན། །མཐའ་མེད་སེམས་ཅན་ཁམས་ཀུན་ཐེག་པ་ཆེའི། །ཆོས་ཀྱི་འཁོར་ལོས་ཕན་བདེའི་སར་ཁྲིད་ཤོག །གཉིས་པ་འཇིག་རྟེན་ན་གྲགས་ཆེ་ཞིང་གོ་སླ་བའི་དོན་བརྗོད་པར་འདོད་པ་བཻ་དཪྦྷའི་རབ་དྭངས་ཀྱི་ཡོན་ཏན་ནི། བདེ་འབྱུང་ལྷ་ཡི་གཙུག་རྒྱན་ཟླ་བ་ནི། །ཨུཏྤལ་སྔོན་པོའི་མདངས་ལྡན་མཚན་མས་མཛེས། །བསིལ་ཟེར་འོད་དཀར་བྱེ་བའི་རྡུལ་འཛག་པས། །ཀུན་དའི་ཚལ་རྣམས་རབ་དགའ་བཞད་པར་བྱེད། །ཡང་འཇིག་རྟེན་ན་གྲགས་མི་ཆེ་བའི་སྦྱོར་བའང་འདོད་པ་གཽ་ཌ་བའི་རབ་དྭངས་ནི། ཧ་ཅང་གསལ་མིན་བཅོ་ལྔའི་རྒྱུ་སྐར་གཟུགས། །དེ་འདྲའི་མཚན་མས་རབ་མཛེས་ནམ་མཁའི་མཚོ། །འགྲོ་འདིའི་འདྲེན་བྱེད་སྲིད་པའི་སྣང་མིན་སྨག །རབ་གསལ་བཅུ་དྲུག་རྫོགས་པའི་ལང་ཚོར་གོ །གསུམ་པ། ཕྱེད་རྐང་པ་སྔ་མ་གཉིས་འཇམ་ལ་ཕྱི་མ་གཉིས་རྩུབ་པས་ཡི་གེའི་སྦྱོར་བ་འཇམ་རྩུབ་མཉམ་པ་བཻ་དཪྦྷ་འདོད་པའི་མཉམ་ཉིད་ཀྱི་ཡོན་ཏན་ནི། ལན་གཅིག་མི་ལུས་ཐོབ་གྱུར་ཀྱང་། །ལང་ལོང་ཅ་ཅོའི་ངང་དུ་སོང་། །གདུག་ལྡན་ཁྲོ་གཏུམ་འཆི་བདག་ཁོ། །བཟློག་དཀའ་དྲུང་ན་ལྷགས་འདི་སྐྱོ། །རྐང་པ་གསུམ་པ་ཡི་གེའི་སྦྱོར་བ་རྩུབ་ཅིང་གཞན་རྣམས་འཇམ་པས་ཆ་མི་མཉམ་པ་གཽ་ཌ་པ་འདོད་པའི་མཉམ་ཉིད་ནི། ཀྭ་ཡེ་བློ་ལྡན་ཡིད་སྐྱེས་གྲགས་པའི་གཏམ། །ཀུ་མུ་ད་ལྟར་རབ་དཀར་ན་ཆུང་མའི། །བྷ་འདིར་བྷ་དྷ་ཁ་ཆ་རྣམས་ཡོད་པས་རྩུབ། གར་རྡོ་རྗེ་མཆོག་ཆེན་སྦྱོར་བའི་ཁ། །ཉ་རྒྱས་བདུད་རྩིའི་བཅུད་འཐུང་ངོམས་པ་མེད། །བཞི་པ་སྙན་པ་ནི། ལ་ལར་རིང་པོ་དང་། ལ་ལར་གནས་དང་། ལ་ལར་བརྩེགས་པས་བྱས་པ་སོགས་སྒྲ་ཚིག་མཚུངས་པར་བྱས་པ་ལྷོ་ཕྱོགས་པ་ཁོ་ན་འདོད་པའི་སྒྲ་ཉམས། ཨ་ཧོ་བགྲང་ཡས་གྲགས་སྐྱེ་གནས། པ་སྐྱེ་བའི་སྒོ། །རབ་དཀར་ཕྱི་མོ། ཡོན་ཏན་མང་པོའི་ཕུང་པོ་ཅན། །རྒྱལ་བ་རྒྱ་མཚོའི་རྣམ་སྤྲུལ་བརྩེགས་པ། རྒྱལ་བའི་སྲས། །ཡང་དག་ཐར་ལམ་གསལ་མཛད་ཨ་དབྱངས་

― MLP007_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུང་། ལ་ལ། །ལྷོ་ཤར་ཐུན་མོང་དུ་འདོད་པའི་རྗེས་ཁྲིད་ལ་གསུམ་ལས། དང་པོ་རྐང་པ་ལ་བསྐོར་བའི་རྗེས་ཁྲིད། རི་རབ་ཀྱང་ནི་འཇིག་པའི་ཆོས་ཅན་ཕྱིར། །རང་བཞིན་ཉིད་ཀྱིས་གཡོ་བ་བདག་གི་སྲོག །རང་དབང་གནས་པར་གྱུར་པ་མ་ཡིན་པར། །རགས་ཕྲ་འདི་དག་འཇིག་པར་སྨོས་ཅི་དགོས། །ཚིག་ལ་བསྐོར་བའི་རྗེས་ཁྲིད། ལེགས་བྱས་ལང་ཚོའི་དཔལ་གྱིས་སྒེག །ཟག་མེད་བདེ་ཆེན་བདེ་སྟེར་མཁན། །སྒྲ་དབྱངས་ལྷ་མོ་སྒྲ་ལྡན་མས། །ངག་ལ་ངག་གི་དཔལ་སྩོལ་ཅིག །ཡི་གེར་རིང་པོར་བསྐོར་བའི་རྗེས་ཁྲིད། ཡང་དག་ཆོས་ཀྱི་སྣང་བ་འོད་པོ་ཆེས། །སྒྲིབ་ཚོགས་མུན་པའི་སྨག་རུམ་ཡོངས་དག་ནས། །སྟོང་པ་བདག་མེད་འདུས་མ་བྱས་པའི་དབྱིངས། །སྙིང་རྗེའི་སྤྱོད་ཡུལ་སྟོང་ཉིད་སྨྲ་བའི་གཙོ། །ཕྱེད་སྔ་མ་གཉིས་སྦྱོར་བ་རྩུབ་པ་དང་། ཕྱེད་ཕྱི་མ་གཉིས་སྦྱོར་བ་ལྷོད་པ་སྟེ། འཇམ་རྩུབ་ཆ་མཉམ་པར་བསྐོར་བ་ཤར་པ་ཁོ་ན་འདོད་པའི་རྗེས་ཁྲིད། སྒྲིབ་གསུམ་གྱིས་བསྒྲིབས་བསྒྲལ་དཀའ་འཁོར་བའི་མཚོས། །སྦྲེབས་མཐོང་སྦྲང་བུས་སྦྲང་རྩི་གསོག་པ་འདྲའི། །ཡང་ནས་ཡང་དུ་ཡ་མ་བརླའི་བྱ་བར། །ང་དང་ང་ཡིར་འཛིན་པས་འབད་འདི་སྐྱོ། །སྒྲ་དོན་གཉིས་ཀ་ལ་སྤང་བྱ་གཉིས་ཀྱི། དང་པོ་སྤང་བྱ་དོན་གྱི་གྲོང་ཚིག་ནི། ཉལ་ནས་མི་སྡོད་ཀ་བ་ལྟར་ལངས་པའི། །ཤ་མེད་རྒྱུས་པའི་ལག་ཐོགས་ཕོ་མཚན་འདིས། །རྟག་པར་བུད་མེད་གཞོན་ནུ་དྲན་དུ་བཅུག །དེ་ཕྱིར་བསམ་པ་དེ་ལས་གཞན་མི་འཆར། །སྤོང་བྱེད་ཀྱི་ཉམས་ཇི་ལྟར་བྱིན་པ་ནི། རབ་གཏུམ་བརྩེ་མེད་འདོད་པའི་མདའ་ལྔ་ཡིས། །ནན་ཏན་སྙིང་ལ་གཟིར་བས་བདག་གི་ཡིད། །རྩེ་གཅིག་ཟླ་བཞིན་རི་དྭགས་མིག་ཅན་མ། །ཁྱོད་ལ་ཁྲོ་མེད་དགའ་བས་གཞན་མི་སེམས། །སྒྲའི་གྲོང་པ་ཚིག་གི་མཚམས་སྦྱོར་གྱིས་ཞུགས་པ། ཕུལ་བྱུང་བློ་ལྡན་རྒྱལ་པོའི་རིགས་ཀྱི་མཚན། །བཟང་པོ་ཟླ་བའི་བཞིན་ཅན་མཛེས་པའི་པད། །དམ་པའི་ཟེའུ་འབྲུས་གཏམས་ཀྱང་བྱང་ཆུབ་སེམས། །དཀར་བས་དོན་དུ་མི་གཉེར་འདོར་ཏེ་མཚར། །ཚིག་དོན་ཐ་དད་དུ་གོ་བ་ངག་ཚིག་གི་དོན་ལ་ཞུགས་པའི་གྲོང་པ་ནི། རབ་མྱོས་དམར་བའི་བཞིན་གསལ་བའི། །སྐྱེས་བུས་ཤུགས་དྲག་རྡོ་རྗེ་ཆེ། །གཞན་ལ་ལན་བརྒྱར་བསྣུན་པ་ཡིས། །རང་འདོད་

― MLP007_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུག་རྔུ་མ་བཟོད་འཁུན། །དམིགས་བསལ་སྐྱོན་མེད་ཁས་བླང་བར་འོས་པ་ནི། མཚན་ལྡན་སྲིང་མོ་འདི་ཡིས་ནི། །འདོད་པ་སྒྲུབ་འོས་ཕུ་བོ་དེའི། །ཀུན་ལ་རྗེས་སུ་ཆགས་པའི་སེམས། །མི་འདོར་སྙིང་སྟོབས་ཆེ་དེའི་རྟགས། །ལྔ་པ་ཤིན་ཏུ་གཞོན་པ་ནི། ཕལ་ཆེར་འཇམ་པའི་ཡི་གེ་མང་ཞིང་རྩུབ་པའི་ཡི་གེ་རེ་རེ་ཙམ་ཡོད་པ་བཻ་དཪྦྷའི་ཤིན་ཏུ་གཞོན་པ་ནི། དབྱར་དཔལ་དར་བའི་ཆུ་འཛིན་ནམ་མཁའི་གོས། །འཕྲེང་བར་བྱས་ཚེ་མདོངས་ལྡན་རྨ་བྱ་རྣམས། །ཅོང་ཅོང་དགའ་བའི་གླུ་དབྱངས་ཆེར་འབྱིན་ཞིང་། །མཇུག་མ་ཟླུམ་པོར་བཀྲམ་ནས་གར་གྱིས་རོལ། །ཕལ་ཆེར་ཤིན་ཏུ་གཞོན་པ་ལས་བཟློག་པ་སྦྱར་བ་རྩུབ་ཅིང་བརྗོད་དཀའ་བ་སྦྱོར་བར་འདོད་པ་གཽ་ཌ་པ་ནི། སྦྲང་རྩིས་རྒྱགས་པའི་བྷྲ་མ་ར། །དགུན་གྱི་དགྲ་ལས་མ་རྒྱལ་ཕྱིར། །འཁྱགས་གདུང་སྨྲེ་སྔགས་སྒྲ་སྒྲོག་གང་། །ཚ་བས་གདུངས་པའི་དགའ་སྟོན་ཡིན། །དྲུག་པ་དོན་གསལ་བ་ནི། བརྗོད་བྱའི་དོན་དེ་གཏན་ཚིགས་སོགས་ཀྱིས་བརྟག་མི་དགོས་པར་གོ་ནུས་པ་ཤར་ལྷོ་འདོད་མཐུན་གྱི་དོན་གསལ་བ་ནི། ལེགས་པར་ཕ་རོལ་སོན་འདི་ཡིས། །དགོས་འདོད་བསྙིལ་བའི་ནོར་བུ་དག །ཤིང་རྟས་རྙོག་པའི་ཆུ་ཡི་གཏེར། །བརྒལ་བའི་མཐུ་ལས་ཡང་དག་ཕྱུང་། །རྒྱུ་མཚན་མི་གསལ་བར་བརྗོད་འདོད་ཙམ་གྱིས་རྟོགས་བྱ་བརྟག་དགོས་པ་གཽ་ཌ་པ་རེས་དགའ་ཙམ་འདོད་པ་ནི། བློ་ལྡན་སེམས་དཔའ་རྒན་པོ་དེས། །དགོས་འདོད་འབེབས་པའི་ཡིད་བཞིན་ནོར། །ཤིན་ཏུ་རྙོག་པར་བྱས་པ་ཡི། །ཟབ་མོ་ཉལ་འགྲོའི་གཏེར་ལས་ཕྱུང་། །བདུན་པ་རྒྱ་ཆེ་བ་ནི། ཆོས་འགའ་ཞིག་དངོས་སུ་བརྗོད་པའི་ཤུགས་ལས་ཆེས་འཕགས་པར་མཚོན་ནུས་པ་བཻ་དཪྦྷའི་རྒྱ་ཆེ་བའི་ཡོན་ཏན་ནི། སྲིད་པའི་འཇིགས་པས་མནར་བའི་བློས། །ཐུབ་ཆེན་མགོན་ཁྱོད་དྲན་ཙམ་ན། །ནམ་ཡང་ཁྱོད་གཞན་སྟོན་པ་གང་། །འཚོལ་བའི་འབད་རྩོལ་བགྱིད་མ་ལགས། །བསྔགས་པར་འོས་པའི་ཁྱད་ཆོས་བརྗོད་ཙམ་ན་དེ་དང་ལྡན་པའི་གཞི་དེ་འཕགས་པར་མཚོན་ནུས་པ་གཽ་ཌ་པའི་རྒྱ་ཆེ་བའི་ཡོན་ཏན་ནི། མཚུངས་མེད་བློ་གྲོས་དཀྱིལ་པོ་ཆེ། །འབངས་རྣམས་སྐྱོང་བའི་བྱམས་བརྩེར་ལྡན། །གཞན་སྡེ་དཔའ་བས་རྣམ་པར་གནོན། །རྒྱལ་བསྟན་གུས་པས་མཆོད་སོགས་

― MLP007_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། །བརྒྱད་པ་བརྗིད་པའི་ཡོན་ཏན་ནི། ལྕི་ཡང་གི་ཡི་གེ་འཁྲུགས་པར་སྤེལ་བ་དང་། ཚིག་སྡུད་ཀྱི་རྣམ་པ་མང་བར་བརྗོད་པས་བརྗིད་པ་གཽ་ཌ་པའི་ཡོན་ཏན་ནི། མཛེས་མ་མཛེས་དྲུག །ཁ་ཆུ་ལྔ་ཡ། སྐྱེས་བཞིན་དུ། །ཁ་དོག་དམར་ཆགས་མ་ལུས་པ་འགུགས། །ཟུང་གྲངས་སྔམ། མིག་ཕྲ་རིང་ཆུ་སྐྱེས་སྔོན་པོ། །མཚུངས་འདི་ཡིད་དགའ་ཅི་ཕྱིར་མི་རྒོད། །ཚིག་སྡུད་ལྡན་ཞིང་ཡི་གེ་ལྕི་ཡང་མ་འཁྲུགས་པར་འདོད་པ་བཻ་དཪྦྷའི་བརྗིད་པའི་ཡོན་ཏན་ནི། ཁ་དོག་ཟླ་བ་ཉ་གང་བཞིན་དུ། །དཀར་ལ་ཟུང་མིག་རི་བོང་སྔོ་གཟུགས། །བླུགས་འདི་གནོད་སྦྱིན་ལྷ་ཀླུའི་སྲིད་པར། །མཛེས་མ་ཁྱོད་ལྟ་སུ་ཞིག་མི་བདོག །དགུ་པ་མཛེས་པ་ནི། འཇིག་རྟེན་ལས་མ་འདས་པར་འཚམས་པར་བརྗོད་པས་ཀུན་ཡིད་འཕྲོག་པར་བྱེད་པ་བཻ་དཪྦྷའི་འདོད་པ་སྟེ། དབྱེ་ན་གཉིས་ལས། བཻ་དཪྦྷའི་མཛེས་པ་གཏམ་ལ་སྦྱར་བ་ནི། ཤ་འུག་བདེ་ཆེན་ཡེ་ཤེས་འཁོར་ལོ་ནས། །གཏེར་ཆེན་ཆོས་ཀྱི་རྒྱལ་པོས་ཟབ་མོའི་གཏེར། །ཕྱུང་ནས་ཤིས་པ་བསྒྲུབས་པས་མཐའ་འཁོབ་མོན། །ཡ་མཚན་གནས་ཞེས་བརྗོད་དེ་དོན་དང་ལྡན། །ཡང་བཻ་དཪྦྷའི་མཛེས་པ་བསྔགས་པ་ལ་སྦྱར་བ་ནི། གཏུམ་ཆེན་རྔམས་པའི་གཟི་ལྡན་ཧེ་རུ་ཀ། རྨོངས་ཆེན་ཤ་རུས་དངོས་པོ་ཁམ་ཟས་སུ། །བྱེད་པའི་འཇིགས་ཞལ་རིང་པོར་བགྲད་པའི་ཁྱོན། །རྣ་བའི་བར་དུ་རྫོགས་པར་ག་ལ་འགྱུར། །འཇིག་རྟེན་པའི་བློའི་ཡུལ་ལས་འདས་པ་ཧ་ཅང་ཕུལ་བྱུང་དུ་བརྗོད་པས་མཁས་རྣམས་ཡིད་འཕྲོག་པར་བྱེད་པ་གཽ་ཌ་པའི་མཛེས་པ་སྟེ། སྔར་ལྟར་གཉིས་ལས་གཏམ་ལ་སྦྱར་བ་ནི། དེང་ནས་བཟུང་སྟེ་མཐའ་འཁོབ་མོན་ཡུལ་ཡང་། །འོག་མིན་རྒྱལ་བའི་ཞིང་ལྟར་མཆོད་པར་འོས། །དམ་པ་ཁྱོད་ཀྱིས་པདྨའི་ཐུགས་བཅུད་གཏེར། །ཕྱུང་པ་ཡིས་ནི་ཉེས་ཀུན་སྦྱངས་པས་སོ། །གཽ་ཌ་པའི་མཛེས་པ་བསྔགས་པ་ལ་སྦྱར་བ་ནི། རབ་འབར་མེ་དཔུང་དབུས་ན་ཆེར་འགྱིང་བའི། །གར་དགུའི་ཉམས་ཀྱི་སྒེག་འཆང་དཔལ་ཆེན་པོ། །རྨོངས་ཆེན་ཟས་སུ་བྱེད་པ་ཁྱོད་ཀྱི་ཞལ། །བགྲད་འདི་སྲིད་གསུམ་མཐས་ཀྱང་རྫོགས་པ་མིན། །བཅུ་པ་ཏིང་ངེ་འཛིན་གྱི་རྒྱན་ནི། ཆོས་ཅན་དེའི་ཡོན་ཏན་དུ་གྲགས་པ་གཅིག་དངོས་དེ་ལས་གཞན་པ་འཇིག་རྟེན་ན་གྲགས་པ་དང་མཐུན་པར་

― MLP007_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ཅིང་སྒྲོ་བཏགས་ནས་བཀོད་པ་ཞིག་སྟེ། དེ་ལའང་། སྤྱི་བྱེ་བྲག་གཉིས་ལས། སྤྱི་ནི། རབ་དྭངས་མཁའ་འགྲོའི་ལམ་ལ་རྟག་རྒྱུ་བའི། །རྒྱུ་སྐར་ཕྲེང་བའི་ཚོགས་ནི་མིག་འཛུམ་ཞིང་། །གང་དུ་ཉིན་བྱེད་འདྲེན་པའི་ཁ་ལོ་པ། །སྐྱ་རེངས་གཞོན་ནུའི་མིག་ཀྱང་མངོན་པར་འབྱེད། །བྱེ་བྲག་ལས། ཆོས་གཅིག་བཀོད་པའི་ཏིང་ངེ་འཛིན་ནི། ཆུང་མ་ཆང་གིས་མྱོས་ནས་སྐྱུག་ཅེས་པ་ལ། རྟ་ལྗང་ཅན་གྱི་ཚ་ཟེར་སྐྱུག་པ་དག །མངོན་པར་འཐུངས་པས་རབ་མྱོས་ཀ་མ་ལ། །ཟེའུ་འབྲུ་རྣམ་པར་རྒོད་ལས་མེ་ཡི་རྡུལ། །ལན་གཅིག་མིན་པར་ཀུན་ཏུ་སྐྱུག་པ་བཞིན། །ཆོས་དུ་མ་བཀོད་པའི་ཏིང་ངེ་འཛིན་ནི། བུད་མེད་མངལ་ལྡན་མ་ལ་ཡོད་པའི་ཆོས་དུ་མ་བཀོད་པ་སྟེ། ཀུན་གསལ་ལྟོ་བ་ཡོངས་གང་ཆུ་ཆར་གྱིས། །ལྕི་བའི་མངལ་ཁུར་གྱིས་ངལ་སྤྲིན་གྱི་འཕྲེང་། །དབྱར་སྐྱེས་སྙན་པའི་འཁུན་དབྱངས་གླུར་ལེན་ཅིང་། །གཡོ་མེད་རི་བོའི་ཕང་པར་དལ་གྱིས་ཉལ། །ལྟ་བུའོ། ༈ །སྭ་སྟི། གཉིས་པ་ཐུན་མོང་པའི་རྒྱན་གྱི་མཚན་ཉིད། སྙན་ངག་གི་རྒྱན་གང་ཞིག་ལྷོ་ཤར་ཐུན་མོང་པའི་འདོད་པ་སྟེ། ཐུན་མོང་རྒྱན་གྱི་ཚོགས་རྣམས་ནི། །ད་ལྟ་རབ་ཏུ་བསྟན་པར་བྱ། །ཞེས་སོ། །དབྱེ་ན། དོན་རྒྱན། སྒྲ་རྒྱན། གབ་ཚིག་གི་རྒྱན་གསུམ། དང་པོ་ལ། སུམ་ཅུ་རྩ་ལྔ་སྟེ། དེ་ལྟར་ཡང་། རང་བཞིན་བརྗོད་དང་དཔེ་དང་ནི། །གཟུགས་ཅན་གསལ་བྱེད་བསྐོར་བ་དང་། །འགོག་དང་དོན་གཞན་བཀོད་པ་དང་། །ལྡོག་པ་ཅན་དང་སྲིད་པ་ཅན། །བསྡུས་དང་ཕུལ་བྱུང་རབ་བརྟགས་དང་། །རྒྱུ་དང་ཕྲ་མོ་ཆ་དང་རིམ། །དགའ་དང་ཉམས་ལྡན་གཟི་བརྗིད་ཅན། །རྣམ་གྲངས་བརྗོད་དང་ཀུན་ཏུ་ཕན། །རྒྱ་ཆེ་བསྙོན་དོར་སྦྱར་བ་དང་། །ཁྱད་པར་མཚུངས་པར་སྦྱོར་བ་དང་། །འགལ་དང་སྐབས་མིན་བསྟོད་པ་དང་། །ཟོལ་བསྟོད་ངེས་པར་བསྟན་པ་དང་། །ལྷན་ཅིག་བརྗོད་དང་ཡོངས་རྗེས་ཤིག །རབ་སྤེལ་དེ་ནི་དགོངས་པ་ཅན། །ཞེས་སོ། །དེ་ལས་དང་པོར་རང་བཞིན་བརྗོད་པའི་རྒྱན་གྱི་མཚན་ཉིད། དངོས་པོའི་གནས་ཚུལ་

― MLP007_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་ལྟར་གནས་པ་བཞིན། དཔེ་སོགས་ཀྱིས་སྒྲོ་མ་བཏགས་པར་གསལ་བར་བྱེད་པའོ། །དེའང་བརྗོད་བྱ་གང་ཡིན་དེའི། །རིགས་དང་བྱ་བ་ཡོན་ཏན་རྫས། །ཞེས་པའི་དབྱེ་བ་བཞི་ལས། རིགས་ཀྱི་རང་བཞིན་བརྗོད་པ་ནི། དཔེར་ན། མཚན་དཔེའི་དཀྱིལ་འཁོར་རྫོགས་པའི་སྐུ་མངའ་ཞིང་། །ཡན་ལག་དྲུག་ཅུའི་དབྱངས་ཀྱི་ཆོས་སྒྲ་སྒྲོག །སྲིད་ཞིའི་འཆིང་བ་ལས་གྲོལ་ཟག་མེད་ཀྱི། །ཡེ་ཤེས་ཐུགས་ལྡན་རྒྱལ་བའི་ཚོགས་ལ་འདུད། །ལྟ་བུའོ། །བྱ་བ་བརྗོད་པ་ནི། བདག་མགྲིན་ནང་ནས་ཧྲིཾ་ཡིག་སྙན་སྒྲོག་ཅིང་། །མིག་གི་འཛུམ་པས་དབྱངས་ཅན་ཞལ་སྒོར་རྩེ། །མོས་འདུན་ཡིད་ཀྱིས་གང་ཐུགས་འཁོར་ལོ་ཡི། །བཅུ་དྲུག་དབྱངས་ཀྱི་ཕྲེང་བར་ཀུན་ཏུ་བལྟ། །ཡོན་ཏན་བརྗོད་པ་ནི། ངག་དབང་ལྷ་མོས་རྗེས་སུ་བསྐྱངས་པ་ལས། །ཤེས་བྱའི་གནས་ཀུན་རྟོགས་པའི་བློ་གྲོས་ཀྱིས། །ཡིད་ལ་ཀུན་ཏུ་དགའ་བའི་དཔལ་ཐོབ་ཅིང་། །ལེགས་བཤད་རྩོམ་ལ་ཐོགས་པ་མེད་པར་བྱེད། །རྫས་བརྗོད་པ་ནི། རབ་དཀར་མདངས་འཛིན་སོར་མོའི་འདེགས་འཇོག་གིས། །སྙན་སྒྲོག་དྲི་ཟའི་རྒྱུད་མངས་ལེགས་འཁྲོལ་ཞིང་། །ཙ་ཀ་ལི་ཀའི་དར་དང་རིན་པོ་ཆེའི། །རྒྱན་མང་གིས་བཀླུབས་ཚངས་སྲས་ཡིད་འོང་མ། །ལྟ་བུའོ། །གཉིས་པ་དཔེ་རྒྱན་གྱི་མཚན་ཉིད། འདྲ་ཡུལ་དང་འདྲ་ཆོས་སམ་དཔེ་དང་དོན་གཉིས་ཇི་ལྟར་འདྲ་བའི་དོན་མཚུངས་པར་གསལ་བར་རྟོགས་པར་བྱེད་པ་སྟེ། དབྱེ་ན་སུམ་ཅུ་རྩ་གཉིས་ལས། དང་པོ་མཐུན་ཚུལ་དངོས་སུ་བསྟན་པ་ཆོས་དཔེ་ནི། དཔེར་ན། ཁྱོད་སྐུའི་ཞལ་མདངས་སྟོན་ཟླ་བཞིན་དུ་དཀར། །གང་གསུང་དྲི་ཟའི་རྒྱུད་མངས་ལྟ་བུར་སྙན། །ཁྱེད་ཐུགས་ནམ་མཁའི་དབྱིངས་ལྟར་མཐའ་དབུས་བྲལ། །དབྱངས་ཅན་མ་ཁྱོད་ཀུན་མཁྱེན་ཇི་བཞིན་མཁས། །གཉིས་པ་མཐུན་ཚུལ་ཤུགས་ལ་མཚོན་པ་དངོས་པོའི་དཔེ། ཁྱོད་ཞལ་པུཎྜ་རཱི་ཀའི་དཔལ་དང་མཚུངས། །མཁུར་ཚོས་རྒྱ་སྐྱེགས་གཞོན་ནུའི་རྗེས་སུ་འགྲོ། །དཀྱུས་རིང་མིག་དག་ཆུ་སྐྱེས་སྔོན་པོ་འདྲ། །མཛེས་མ་ཁྱོད་ལུས་པདྨའི་སྡོང་པོ་བཞིན། །གསུམ་པ་གྲགས་པ་བཟློག་པའི་དཔེ། གཏེར་ཆེན་ཆོས་རྗེའི་མཁྱེན་རབ་སྣང་བ་ལྟར། །ཚ་ཟེར་

― MLP007_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་འདིའི་འོད་སྣང་རྣམ་པར་རྒྱས། །གང་གི་ཐུགས་རྗེ་དང་མཚུངས་ས་གཞི་འདིས། །འགྲོ་བའི་དགེ་ལེགས་བརྟེན་པའི་དཔལ་དུ་གྱུར། །བཞི་པ་ཕན་ཚུན་གྱི་དཔེ། མཁྱེན་རབ་མཚུངས་མེད་ཚུལ་ཁྲིམས་བློ་གྲོས་བཞིན། །འཇམ་མགོན་གཞོན་ནུའི་རྣམ་དཔྱོད་མཚུངས་ཟླ་བྲལ། །འཇམ་དཔལ་ཇི་བཞིན་ཀུན་མཁྱེན་ཆོས་རྗེ་ཡི། །དྲི་མེད་མཁྱེན་པའི་བློ་གྲོས་མཚུངས་པ་མེད། །ལྔ་པ་ངེས་པའི་དཔེ། གངས་ཅན་ལྷ་གཅིག་རྒྱལ་བའི་དབང་པོ་ཡི། །བརྩེ་ཆེན་ཐུགས་རྗེས་འགྲོ་ཀུན་ཡོངས་ཁྱབ་པ། །ནམ་མཁའི་རྗེས་འགྲོ་དེ་ལས་གཞན་པའི་དཔེ། །མཚུངས་ཟླར་འོས་པ་འཇིག་རྟེན་ཁོངས་ན་མེད། །དྲུག་པ་ངེས་མེད་ཀྱི་དཔེ། དོན་ལ་མི་རྟོན་ཚིག་ཕྱིར་འབྲེང་སྤྲོ་བའི། །སྟོན་ཆེན་འདི་རྣམས་འབྲས་ཀྱི་ཕྱི་ཤུན་དག །ལེན་དང་མཚུངས་མོད་གཞན་ཡང་དེ་འདྲ་བ། །གལ་ཏེ་ཡོད་ན་ཚུལ་དེའི་རྗེས་སུ་འགྲོ། །བདུན་པ་བསྡུས་པའི་དཔེ། འབངས་རྣམས་སྤྱོད་མཁས་ཁོ་ནས་མི་བདག་འདི། །མྱ་ངན་མེད་ཀྱི་མཚུངས་ཟླར་བྱས་མིན་ཏེ། །གཞན་སྡེ་དཔའ་བས་ནོན་ཅིང་རྒྱལ་བའི་བསྟན། །གོང་དུ་འདེགས་པའི་སྙིང་སྟོབས་མཛད་པས་ཀྱང་། །བརྒྱད་པ་ཕུལ་བྱུང་ངམ་ཁྱད་པར་གྱི་དཔེ། མི་བདག་སངས་རྒྱས་རྒྱ་མཚོ་རྩོད་དུས་འདིར། །བྱོན་མོད་ང་ལས་ནུ་ནི་རྫོགས་ལྡན་ལ། །བྱུང་བ་ཁོ་ནས་འདི་གཉིས་ཐ་དད་དེ། །གཞན་དུ་ཁྱད་པར་འབྱེད་ཆོས་ཡོད་མ་ཡིན། །དགུ་པ་རབ་བརྟགས་ཀྱི་དཔེ། ཟུར་ཆེན་ཤཱཀ་འབྱུང་རྒྱུད་ཀུན་གསང་བའི་དོན། །མ་ལུས་ཇི་བཞིན་འཛིན་ཅེས་སྙེམས་མི་འཚལ། །ཁྱོད་དང་མཚུངས་པ་རྒྱལ་བས་གསང་ཆེན་གྱི། །བདག་པོར་རབ་བསྔགས་ལག་ན་རྡོ་རྗེའང་ཡོད། །བཅུ་པ་རྨད་བྱུང་གི་དཔེ། རབ་མཛེས་འདབ་མ་བཞད་པའི་མནྡ་ར། །གེ་སར་སོ་ཡི་འཕྲེང་བར་བཀོད་བྱས་ནས། །སྐྱེ་བོའི་ཚོགས་རྣམས་འཛུམ་གྱིས་འགུགས་བྱེད་ན། །ཡིད་འོང་ལྷ་མོ་ཁྱོད་དང་མཚུངས་པར་འགྱུར། །བཅུ་གཅིག་པ་རྨོངས་པའི་དཔེ། འཇམ་དཔལ་གཞོན་ནུ་ཁྱོད་ཞལ་མཚར་སྡུག་གང་། །གཟི་ལྡན་ཉིན་མོར་བྱེད་པའི་དཀྱིལ་འཁོར་ཞེས། །མངོན་པར་འཁྲུལ་ནས་ཉི་མ་ལྷར་འཛིན་པའི། །བྲམ་ཟེའི་ཚོགས་རྣམས་ཁྱོད་ལ་ཕྱག་བྱེད་དོ། །བཅུ་གཉིས་པ་ཐེ་ཚོམ་གྱི་དཔེ། པདྨ་རཱ་གའི་ལྷུན་པོ་བརྩེགས་པའི་ངོས། །ཉིན་བྱེད་

― MLP007_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བ་འབུམ་གྱིས་འཁྱུད་དམ་ཅི། །ཡང་ན་ཁམས་གསུམ་དབང་བྱེད་དཔལ་གྱི་སྐུ། །གཟི་བྱིན་འབར་བའི་འཕྲེང་བར་འཁྲིགས་སམ་ཅི། །བཅུ་གསུམ་པ་སྒྲོ་འདོགས་ཆོད་པའི་དཔེ། མཁས་རྣམས་སྙེམས་པ་འཕྲོག་བྱེད་ཀུན་མཁྱེན་འདི། །བདག་ལྟའི་ཆུ་བུར་མིག་གིས་མངོན་མཐོང་ཕྱིར། །ས་བཅུའི་དབང་ཕྱུག་འཇམ་མགོན་མ་ཡིན་ཏེ། །དེ་ཕྱིར་སྨྲ་མཁས་ཀློང་ཆེན་རབ་འབྱམས་ཉིད། །བཅུ་བཞི་པ་སྦྱར་བའི་དཔེ། ངོ་མཚར་ཆུ་གཏེར་ཆེ་ལས་རབ་ཐོན་ཅིང་། །ཡིད་འོང་དཀར་གསལ་རྒྱས་པའི་བཞིན་རས་ཅན། །འགྲོ་ལ་ཕན་བདེའི་བསིལ་ཟེར་འགྱེད་མཁས་པས། །དབྱངས་ཅན་ཁྱོད་ཞལ་ཆ་གང་ཟླ་བ་བཞིན། །བཅོ་ལྔ་པ་མཉམ་ཉིད་ཀྱི་དཔེ། རྒྱལ་བསྟན་གཅིག་ལ་ཕྱོགས་འཛིན་གྲུབ་མཐའ་ཡིས། །སྒྲུབ་ཅིང་ཅིག་ཤོས་འགོག་འདི་ཉིན་བྱེད་ཀྱིས། །ཆུ་སྐྱེས་དཀར་དམར་འབྱེད་དང་འཛུམ་པ་བཞིན། །སྐལ་ལྡན་གདུལ་བྱ་བི་ན་ཡ་ཀའོ། །བཅུ་དྲུག་པ་སྨད་པའི་དཔེ། དགེ་འདུན་བཟང་པོ་ལུང་རིགས་སྨྲ་མཁས་ཀྱང་། །ཐེག་ཆེན་ཟབ་མོའི་གནས་ལུགས་གཟིགས་པ་མིན། །དེ་ཕྱིར་སྨྲ་བའི་དབང་ཕྱུག་རོང་ཟོམ་རྗེ། །དེ་ལྟའི་ཚུལ་དང་མཚུངས་པ་ལས་ཀྱང་འཕགས། །བཅུ་བདུན་པ་བསྔགས་པའི་དཔེ། བསིལ་ཟེར་འོད་དཀར་རབ་འཕྲོ་རི་བོང་ཅན། །བདེ་འབྱུང་ལྷ་ཡི་ཟུར་ཕུད་རྩེ་མོར་བསྟེན། །དེ་དང་རྒྱལ་ཡུམ་ཤེས་རབ་གསལ་བྱེད་མའི། །ཞལ་རས་དཀར་མཛེས་རྣམ་པ་ཀུན་ཏུ་མཚུངས། །བཅོ་བརྒྱད་པ་བརྗོད་འདོད་ཀྱི་དཔེ། དྲི་ཟའི་རྒྱུད་མངས་དབྱངས་འདི་སྙན་གྱུར་ཏམ། །གཞན་དུ་རྣ་བའི་ཚེར་མ་བསྐྱེད་ཀྱང་རུང་། །རོང་སྟོན་དམ་ཆོས་འཆད་གསུང་པི་ཝཾ་དང་། །མཚུངས་ཞེས་བརྗོད་འདོད་བདག་གི་ཡིད་ལ་བསམ། །བཅུ་དགུ་པ་འགལ་བའི་དཔེ། དབྱངས་ཅན་ཞལ་གྱིས་ཟླ་བའི་མཛེས་པ་འཇོམས། །འོད་དཀར་ཅན་གྱིས་པདྨའི་བཞིན་རས་སྡུད། །དེ་ཕྱིར་ཕན་ཚུན་མཛེས་པའི་ཡོན་ཏན་རྣམས། །མཚུངས་པར་གྱུར་ཀྱང་འགལ་བར་བདག་ཉིད་སེམས། །ཉི་ཤུ་པ་དགག་པའི་དཔེ། གང་ལ་གསོལ་ན་ལེགས་བཤད་སྨྲ་བའི་དཔལ། །རྣམ་པར་སྟེར་བའི་མཐུ་ཡིས་རབ་དབེན་ཕྱིར། །དཀར་མཛེས་ཟླ་བས་དབྱངས་ཅན་ཞལ་རས་ལ། །འགྲན་པའི་ནུས་པ་ནམ་ཡང་ཡོད་མ་ཡིན། །ཉེར་གཅིག་པ་ངོ་བསྟོད་ཀྱི་དཔེ།

― MLP007_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

རྨུགས་འཛིན་དབང་པོ་འདོད་དགུའི་འབྱོར་པས་མཛེས། །མི་བདག་ཁྱོད་ནི་ཉེར་སྤྱོད་བདོག་པས་མཚན། །དེ་ལྟ་ན་ཡང་གནོད་སྦྱིན་དེད་དཔོན་འདི། །ཁྱོད་དང་མཚུངས་ལས་འཕགས་ཆོས་ཡོད་མ་ཡིན། །ཉེར་གཉིས་པ་དེ་ཉིད་བརྗོད་པའི་དཔེ། རབ་དཀར་མཚར་སྡུག་ཡིད་འོང་ལྡན་པ་འདི། །ཟླ་བ་མ་ཡིན་ཚངས་སྲས་ལྷ་མོའི་ཞལ། །ཨུཏྤལ་མཚན་མས་བརྒྱན་འདི་རི་དྭགས་གཟུགས། །མ་ཡིན་ཁྱོད་གདོང་མཛེས་བྱེད་མིག་ཏུ་ངེས། །ཉེར་གསུམ་པ་ཐུན་མོང་མ་ཡིན་པའི་དཔེ། གསེར་གྱི་ལྷུན་པོ་གུརྒུམ་ཆུས་བྲན་པའི། །མཛེས་པ་ལས་འདས་ཐུབ་ཆེན་ཤཱཀྱའི་རྒྱལ། །ཁྱོད་སྐུའི་དཔེར་འོས་ཆོས་གཞན་ལས་བྲལ་ཕྱིར། །ཉིད་ཞལ་དང་མཚུངས་རང་ཉིད་ཙམ་དུ་ཟད། །ཉེར་བཞི་པ་འབྱུང་མིན་གྱི་དཔེ། འཛམ་གླིང་མཁས་པ་ཀུན་གྱི་མཁྱེན་པའི་ཕུལ། །འཆད་རྩོད་རྩོམ་པའི་དཔལ་རྣམས་མ་ལུས་པ། །གཅིག་ཏུ་བསྡུས་པའི་ཕུང་པོར་བྱས་པ་བཞིན། །སྨྲ་མཁས་རྗེ་བཙུན་ཚངས་སྲས་བཞད་པའི་སྡེ། །ཉེར་ལྔ་པ་སྲིད་མིན་གྱི་དཔེ། ཟླ་བའི་གཟུགས་ལས་སྲེག་བྱེད་ཟེར་མ་དང་། །མེ་དཔུང་ལས་ནི་ཆུ་བོའི་རྒྱུན་ཇི་བཞིན། །འགོས་ལོ་ཆེན་པོ་གཞོན་ནུའི་ཞལ་སྒོ་ལས། །ཉེས་བཤད་ཤིན་ཏུ་ཕྲ་བའང་འབྱུང་མི་སྲིད། །ཉེར་དྲུག་པ་མང་བའི་དཔེ། མ་ལ་ཡ་རླུང་ཟླ་བའི་འོད་ཟེར་དང་། །ཤིན་ཏུ་བསིལ་བའི་ཙནྡན་འབབས་ཆུ་ལྟར། །འཇིག་རྟེན་དབང་ཕྱུག་བརྩེ་ཆེན་ཐུགས་རྗེའི་མཐུས། །དམྱལ་མེས་གདུངས་པའི་འགྲོ་འདི་བསིལ་བར་བྱས། །ཉེར་བདུན་པ་རྣམ་འགྱུར་གྱི་དཔེ། རྡོ་རྗེ་རྒྱལ་མཚན་རྣམ་འབྱེད་མཁྱེན་པ་ཡིས། །ལྔ་རིག་ཤེས་བྱའི་གནས་ཀུན་གཟིགས་པའི་དཔལ། །གང་དེ་འཇམ་དབྱངས་གཞོན་ནུའི་ཐུགས་མཛོད་ཀྱི། །ཟ་མ་ཏོག་ལས་གསར་དུ་ཕྱུང་པ་བཞིན། །ཉེར་བརྒྱད་པ་འཕྲེང་བའི་དཔེ། འོད་དཀར་འཕྲོ་བས་ཟླ་བའི་མདངས་ཇི་བཞིན། །ཟླ་བས་བདེ་འབྱུང་ཟུར་ཕུད་རྩེ་མོ་སྟེ། །ལེགས་བཤད་གཏམ་གྱིས་མཁས་པའི་འདུན་ས་ལྟར། །མཁས་པས་འཇིག་རྟེན་ཁམས་འདི་མཛེས་པར་བྱེད། །ཉེར་དགུ་པ་ངག་དོན་གྱི་དཔེ་ལ་གཉིས་ཀྱི། བཞིན་སྒྲ་གཅིག་པའི་དཔེ་ལ། དབྱངས་ཅན་ཁྱོད་ཞལ་ཡིད་འོང་མིག་གཡོ་ཞིང་། །འཛུམ་སྐྱེས་ཚེམས་ཀྱི་འཕྲེང་བ་དཀར་གསལ་འདི། །

― MLP007_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

འདབ་ཕྲེང་གཞོན་ནུ་བུང་བ་གཡོ་ལྡན་པ། །གེ་སར་མཛེས་པའི་འཛུམ་གྱིས་མཚོན་པ་བཞིན། །བཞིན་སྒྲ་དུ་མའི་དཔེ། པདྨའི་སྡོང་པོ་ཇི་བཞིན་དབྱངས་ཅན་མཛེས། །ཁྱོད་གདོང་ཡིད་འོང་པདྨའི་བཞིན་རས་བཞིན། །བུང་བས་སྦྲང་རྩི་ལེན་ཅིང་བརྩེ་བ་བཞིན། །བདག་མིག་ཁྱོད་ཞལ་བདུད་རྩི་འཐུང་ཞིང་རྩེ། །སུམ་ཅུ་པ་ཟླ་བོ་དངོས་པོའི་དཔེ། རྒྱལ་བའི་དགོངས་འགྲེལ་འཆད་པོ་མང་མོད་ཀྱང་། །དྲི་མེད་འོད་ཟེར་ཁྱོད་འདྲ་ལྗོངས་འདིར་མེད། །སྐབས་གསུམ་རྣམ་རྒྱལ་ཁང་བཟང་གདན་ཁྲི་ཆེར། །མིག་སྟོང་ལྡན་པ་གཉིས་པ་ཡོད་མ་ཡིན། །སོ་གཅིག་པ་མཚུངས་སྦྱོར་གྱི་དཔེ། པདྨ་ཀཱ་ར་ལངྐའི་གླིང་ཕྲན་དང་། །མགོན་ཁྱོད་གཡོ་རུའི་ལྗོངས་འདིར་ཆོས་འཁོར་བསྐོར། །དེ་ཡིས་མ་རུང་ཤ་ཟའི་ཚོགས་རྣམས་དང་། །ཁྱོད་ཀྱིས་ལྟ་ངན་གྲུབ་མཐའི་དཔུང་རྣམས་འཇོམས། །སོ་གཉིས་པ་རྒྱུའི་དཔེ། དབྱངས་ཅན་ཁྱོད་སྐུ་མཛེས་པས་ཀུནྡ་དང་། །ཁྱོད་གསུང་སྙན་པས་ལྷ་ཡི་དུནྡྷུ་བྷིཿ། ཁྱོད་ཐུགས་བརྟན་ཅིང་ཟབ་པས་ཆུ་གཏེར་དང་། །རྣམ་པ་ཀུན་ཏུ་མཚུངས་ལ་དང་བས་འདུད། །ཅེས་པ་ལྟ་བུའོ། །ཞར་བྱུང་དཔེའི་སྐྱོན་སེལ་ལས། རྟགས་དང་ཚིག་ཐ་དད་ཀྱང་སྐྱོན་མེད་པ། དཔེར་ན། མི་བདག་འབངས་སྐྱོང་བརྩེ་ཆེན་མ་མ་བཞིན། །ཟླ་སྲིང་མ་འདི་འདོད་སྟེར་རྣམ་ཐོས་འདྲ། །ཁ་ཅིག་སྲེད་ལྡན་ནོར་བཞིན་རིགས་རྣམས་འཚོལ། །ལ་ལ་མཛའ་མོ་སྲོག་རྣམས་ཇི་བཞིན་བལྟ། །ལྟ་བུའོ། །དཔེ་དོན་མཆོག་དམན་བྱུང་ཡང་སྐྱོན་མེད་པ། དཔེར་ན། མང་ཐོས་བློ་གྲོས་ལྡན་པ་ཁྱོད་ཇི་བཞིན། །ངག་དབང་འཇམ་དཔལ་རྡོ་རྗེ་ལྷག་པར་མཁས། །གཟི་ལྡན་ཉིན་མོར་བྱེད་པའི་འོད་ལྡན་པ། །གང་ཁྱོད་མཁྱེན་པའི་སྣང་བས་འགྲན་པར་ནུས། །ལྟ་བུ། སྦྱོར་མ་ཤེས་ན་དེ་དག་སྐབས་འགར་སྐྱོན་དུ་འགྱུར་བ། དཔེར་ན། ལུས་ཕྲ་མ་འདིའི་གདོང་བཞིན་ཟླ་བ་དཀར། །གཡུལ་བཀྱེའི་ལས་ཐབས་མཁས་བཞིན་ཇོ་མོ་མཁས། །ཉི་མའི་འོད་སྣང་ཇི་བཞིན་བ་མོ་དཀར། །ནོར་སྐྱོང་ཇི་བཞིན་དཔའ་ཞིང་རྟུལ་ཕོད་ཅན། །ལྟ་བུའོ། །མཚུངས་པ་གསལ་བྱེད་ཀྱི་སྒྲའི་མཚན་ཉིད། ཚིག་སྦྱོར་གང་དང་གང་དུ་བྱུང་ཡང་དཔེ་དོན་གཉིས་མཚུངས་པ་གསལ་བར་བྱེད་པ། དབྱེ་ན་དྲུག་ཅུ་རྩ་ལྔ་སྟེ། བཞིན་ལྟར་ལྟ་བུ་

― MLP007_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་ལྟར་སྒྲ། ཞེས་པ་ནས། སྒྲ་རྣམས་མཚུངས་པ་གསལ་བྱེད་ཡིན། །ཞེས་པའི་བར་སྡེ་ཚན་བཞིའི་སྒོ་ནས་གསུངས་པ་རྣམས་སོ། །དེ་དག་ཀྱང་སྦྱོར་ཚུལ་དཔེར་ན། སྡེ་ཚན་དང་པོ་དཔེ་དོན་གྱི་ངོ་བོ་གསལ་བར་བྱེད་པའི་ཚིག་ཉེར་གཉིས་ནི། ཐུབ་དབང་ཁྱོད་སྐུ་གསེར་གྱི་ལྷུན་པོ་བཞིན། །གསུང་དབྱངས་ལྷ་ཡི་རྔ་བོ་ཆེ་ལྟར་གྲགས། །གང་ཐུགས་ཟབ་རླིང་རྒྱ་མཚོའི་འཇིངས་ལྟ་བུ། །མཁའ་དབྱིངས་ཇི་ལྟར་དཔག་ཡས་ཡོན་ཏན་མངའ། །འཕྲིན་ལས་ཆད་མེད་ཆུ་བོའི་རྒྱུན་དང་མཐུན། །དེ་ཕྱིར་སྔོན་གྱི་རྒྱལ་བ་ཀུན་དང་མཚུངས། །ཟླ་བར་ཡང་དག་མཚུངས་པའི་ཐུགས་རྗེའི་འོད། །མཐའ་ཡས་འགྲོ་ཀུན་ལ་ཁྱབ་མཁའ་དང་མཉམ། །འཛུམ་ཞལ་ཚེམས་ཀྱི་མཛེས་པ་ཡང་དག་གསལ། །མཆུ་སྒྲོས་བིམ་པའི་མཚར་སྡུག་ངེས་པར་གསལ། །མཛོད་སྤུ་ཀུནྡའི་མཛེས་པ་རབ་ཏུ་གསལ། །པད་འདབ་རྒྱས་འདི་ཐུབ་དབང་སྤྱན་གྱི་ཟླ། །དབུ་སྐྲ་མཐོན་མཐིང་བུང་བའི་གཟུགས་བརྙན་འཛིན། །ཡོན་མིན་རང་རྒྱལ་གཙུག་ཏོར་གཉེན་པོར་གྲུབ། །ཞབས་སེན་བདེ་འབྱུང་ཅོད་པཎ་དགྲ་ཟླ་བྱེད། །གང་སྐུའི་འོད་དང་ཉི་འོད་སོ་སོར་རྟོགས། །སྣམ་སྦྱར་ཐུན་མཚམས་གོས་དང་ཕན་ཚུན་འགལ། །རྒྱལ་བའི་དཀྱིལ་འཁོར་དབུས་ན་རི་དབང་འདྲ། །མུ་མེད་ཐུགས་རྗེའི་མཁའ་དབྱིངས་མཐའ་ལ་བཅལ། །གང་གི་ཡོན་ཏན་གཞན་གྲགས་སྙན་འཇེབས་གླུ། །ཡང་དག་རྫོགས་སངས་རྒྱས་ཀུན་ཁྱོད་རིགས་མཐུན། །ཐར་འདོད་མ་ལུས་ཁྱོད་ཀྱི་རྗེས་སུ་སྨྲ། །དེ་ཕྱིར་བདག་ཅག་སྟོན་པ་བླ་མེད་དེར། །སྡེ་ཚན་དང་པོའི་མཚུངས་སྒྲས་བསྟོད་པར་བགྱི། །ལྟ་བུ། སྡེ་ཚན་གཉིས་པ་འདྲ་བའི་དོན་གསལ་བར་བྱེད་པ་བཅོ་བརྒྱད་ནི། དཔེར་ན། འཇམ་མགོན་ཁྱོད་ཞལ་སྟོན་ཟླའི་གཟུགས་བརྙན་ཅན། །སྤྱན་ཡངས་ཨུཏྤལ་འདབ་དང་སོ་སོར་བསྡེབས། །མཆུ་སྒྲོས་དམར་གསལ་པདྨའི་འདབ་དང་མཚུངས། །ས་གཞིའི་རྡུལ་ཕྲན་སྤུངས་མཉམ་མཛེས་སྡུག་ཅན། །ཚེམས་དཀར་འཕྲེང་བས་རྒྱུ་སྐར་ཡང་དག་གཞལ། །ལྗགས་དང་སྲབ་ཡངས་ལྷ་གོས་མཚན་ཉིད་མཐུན། །དུནྡྷུ་བྷི་དང་མཚན་ཉིད་འདྲ་གསུང་གིས། །ཆོས་སྟོན་མཚན་ཉིད་རྒྱལ་བ་ཉིད་དང་མཚུངས། །དེ་ཕྱིར་ཁྱོད་དཔལ་མཐུན་ཕྱོགས་ཐུབ་པའི་དབང་། །བུང་

― MLP007_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མཛེས་པ་ཐོར་ཅོག་དཔེ་རུ་བྱས། །ཉིན་མོའི་མགོན་འདི་ཁྱོད་སྐུའི་གཟི་མདངས་དཔེ། །ལྷ་རྫས་རྒྱན་མང་དབང་གཞུའི་འོད་ལ་རྟོགས། །པདྨ་ཁྱོད་ཞལ་ལས་དམན་འདམ་ཁྲོད་རྒྱུ། །ཟླ་བའང་ར་རིའི་མཚན་མས་ཅུང་ཟད་དམན། །དྲི་ཟ་ཕང་འགྲོའི་གསུང་དབྱངས་རབ་ཏུ་སྨྲ། །ཐུགས་མཚོ་ཟག་མེད་དཔལ་དེར་སོ་སོར་བཟློག །ཕན་བདེའི་འདོད་སྦྱིན་ནོར་བུའི་རིགས་སུ་མཐུན། །ཁྱོད་དང་ཉི་མ་མུན་སྨག་གཞོམ་ལ་དཔའ། །དེ་ལྟར་རྒྱལ་སྲས་མཐུ་བོ་འཇམ་དཔལ་ལ། །སྡེ་ཚན་གཉིས་པའི་མཚུངས་སྒྲས་བསྔགས་པ་ལགས། དཔེ་དོན་གཉིས་ཀ་དམན་མིན་དོན་ཅན་གྱི་ཚིག་ལས་འདི་ནི་ཆོས་མཐུན་པ་སྟེ་ཆོས་མཐུན་ཡོངས་དང་གྲིབ་མ་མཚུངས་པ་སོགས་ཀྱང་མཚོན་ནོ། །མཆན། སྡེ་ཚན་གསུམ་པ། དཔེ་རྒྱན་གསལ་བྱེད་བཅོ་ལྔ་ནི། ཟླ་བའི་བཞིན་ལེགས་ཨུཏྤལ་སྤྱན་ལྡན་མ། །ཁྱོད་སྐུ་མཛེས་པ་ཐིག་ལེ་མཆོག་མར་འགྲན། །སྒེག་ཉམས་ལྷ་ཡི་གར་མཁན་མ་ལས་རྒྱལ། །མཚར་སྡུག་ལང་ཚོ་པདྨའི་དཔལ་ལ་སྡང་། །ཆུ་ཤེལ་མེ་ལོང་ལ་འཁུ་ཁྱོད་གདོང་དང་། །ཀུནྡའི་དཀར་མཛེས་སུ་ཆེར་མི་མཐུན་སྒྲོག །ཨུཏྤལ་འདབ་རྒྱས་དང་འཐབ་སྤྱན་ཡངས་མ། །མུ་ཏིག་ལ་འཆའ་དཀར་འོད་ཚེམས་ཕྲེང་གསལ། །ལྷབ་ལྷུབ་དར་གྱིས་དབང་གཞུའི་སྨ་འབེབས་བྱེད། །སོར་གདུབ་འོད་ཀྱིས་ཉིན་བྱེད་སྣང་བར་དམོད། །དེ་སྒྲས་ལྷ་ཡི་བསིལ་སྙན་ལ་ཅོ་འདྲི། །སྙན་འགྱུར་གསུང་གིས་ཚངས་དབྱངས་མཛེས་པ་འགོག །རྒྱུད་མངས་གླུ་ཡིས་དྲི་ཟའི་རོལ་མོར་རྒོད། །སྤྱན་ཟུར་རྣ་རྒྱན་མཛེས་པར་ཕྲག་དོག་བྱེད། །ཟླ་བས་མཚར་སྡུག་མི་བཟོད་དབྱངས་ཅན་མར། །སྡེ་ཚན་གསུམ་པའི་འཕྲེང་བས་ཅུང་ཟད་བསྔགས། །སྡེ་ཚན་བཞི་པ་དེ་ལྟ་བུ་ལ་སོགས་པའི་སྒྲ་བཅུ་ནི། ཏི་སེའི་སྐལ་བཟང་འཕྲོག་བྱེད་གཏུམ་ཆེན་སྐུ། །རབ་དཀར་ཟླ་བའི་མཛེས་པའང་ཟུམ་པར་བྱེད། །གཟི་བྱིན་ཉི་འོད་ལ་འགྲན་ཚར་གཅོད་ཅིང་། །ཟླ་ཚེས་དང་མཚུངས་མཆེ་བ་ལྷག་པར་མཛེས། །ལྗགས་འདྲིལ་གློག་དམར་རྗེས་སུ་རྐང་པ་འཇོག །ཧཱུྃ་སྒྲའི་བཞད་སྒྲ་དབྱར་རྔའི་ནུས་པར་འཇུག །སྤྱན་གསུམ་བསྐལ་མེའི་རྗེས་འགྲོ་དེ་ནུས་འཆིང་། །སྐྲ་སྨིན་ཨག་ཚོམ་བསྲེག་ཟའི་ངང་ཚུལ་འཛིན། །ཕྱག་གཡས་རལ་གྲིས་གནམ་སྔོན་ཁེངས་པ་འགོག །གཡོན་པའི་ཞགས་པས་ལྷ་གཞུའི་

― MLP007_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་འགྲོ་བྱེད། །མི་ཤེས་དགྲ་འཇོམས་ཁྲོ་རྒྱལ་མི་གཡོ་བར། །སྡེ་ཚན་བཞི་པའི་སྒྲ་བཅུས་ལེགས་པར་བསྟོད། །འདིར་མ་བརྗོད་པ་གཞན་ཡང་མཚུངས་པ་གསལ་བྱེད་དུ་འགྲོ་བ་ཡོད་དེ། ཆ་གྲོགས་སྤུན་ཟླ་མཐོང་ཐོས་དྲན། །རེག་ཕམ་སྙེག་དང་འཛེག་སེམས་སོགས། །དཔེར་ན། མཚར་སྡུག་བཞིན་རས་ཆ་འོས་ཟླ་ཉ་སྟེ། །སྤྱན་མིག་ཨུཏྤལ་གཞོན་ནུའི་གྲོགས་སུ་འགྱུར། །མཁུར་ཚོས་རྒྱ་སྐྱེགས་གསར་པའི་སྤུན་ཟླར་ཐོབ། །ཚེམས་བཟང་དཔལ་འདི་མུ་ཏིག་འཕྲེང་བར་མཐོང་། །དྲི་ཟའི་རྒྱུད་མངས་གང་གི་ངག་ལས་ཐོས། །ཁྱོད་གདོང་བསྟན་པས་ལྷ་མིའི་མཛེས་པ་དྲན། །ལུས་ལྡེམ་པདྨའི་སྡོང་པོའི་དཔལ་ལ་རེག །ནུ་འབུར་ཟུང་གིས་ཉི་ཟླའི་མཛེས་པ་ཕམ། །ཁྱོད་ལུས་དྲི་བསུང་ཨུཏྤལ་རྗེས་སུ་སྙེག །རྒྱན་མང་བཀླུབས་པས་དབང་གཞུའི་སྤྱི་བོར་འཛེག །དེ་ཕྱིར་མིག་གི་བདུད་རྩི་ཁོ་ནར་སེམས། །དེ་སོགས་མང་མོད་འདིར་ནི་བརྗོད་མི་ལང་། །གསུམ་པ་གཟུགས་ཅན་གྱི་རྒྱན་གྱི་མཚན་ཉིད། དཔེ་དོན་གཉིས་ཀ་ཐ་དད་དུ་མ་ཕྱེ་བར་དོན་གང་དཔེའི་ངོ་བོར་སྒྲོ་བཏགས་ནས་བཀོད་པ་སྟེ། དབྱེ་ན་ཉི་ཤུ་ལས། དང་པོ་བསྡུས་པའི་གཟུགས་ཅན་ནི། དཔེར་ན། ཁྱོད་ཞལ་ཟླ་བ་ཉིད་གསུང་འཆི་མེད་རྔ། །གང་ཐུགས་ཆུ་གཏེར་ཡོན་ཏན་ལྷུན་པོ་ཆེ། །འཕྲིན་ལས་ལྷ་ལམ་མཚར་སྡུག་མེ་ཏོག་ཕྲེང་། །ངག་དབང་ཚངས་སྲས་སྙན་གྲགས་གདུགས་དཀར་ཅན། །གཉིས་པ་མ་བསྡུས་པའི་གཟུགས་ཅན། གང་གི་ཞལ་རས་ཟླ་བ་ཚེས་པའི་དཔལ། །མཚར་སྡུག་མིག་གི་རི་བོང་རྣམ་པར་གཡོ། །དགྱེས་པའི་འཛུམ་མདངས་བསིལ་ཟེར་འོད་སྣང་གིས། །ཆགས་ལྡན་གཞོན་ནུའི་ཚ་གདུང་འཕྲོག་པར་བྱེད། །གསུམ་པ་བསྡུས་ཤིང་མ་བསྡུས་པའི་གཟུགས་ཅན། མཛེས་སྐུ་པད་སྡོང་འཛུམ་ཞལ་འདབ་འཕྲེང་བཞད། །སྨིན་འཁྱོག་འཁྲི་ཤིང་འདྲེན་བྱེད་ཟེའུ་འབྲུ་གཡོ། །རྩེ་དགའི་དྲི་བསུང་སྤྲོ་བའི་སྐྱེད་ཚལ་དུ། །འདོད་པའི་བུང་བ་དགའ་བའི་གླུ་དབྱངས་ལེན། །བཞི་པ་མཐའ་དག་གཟུགས་ཅན། དབྱངས་ཅན་ཁྱོད་ཞལ་ཟླ་བའི་དཀྱིལ་འཁོར་ལས། །ལེགས་བཤད་གསུང་གི་འོད་དཀར་རབ་སྤྲོས་པས། །བདག་བློའི་ཀུ་མུད་འདབ་བརྒྱ་དགོད་

― MLP007_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྩེར། །ཡོན་ཏན་གྲགས་པའི་ཟེའུ་འབྲུ་ཅི་ཡང་ངོམ། །ལྔ་པ་ཆ་ཤས་གཟུགས་ཅན་ནི། དཔལ་ལྡན་བློ་བརྟན་གསུམ་པའི་ཞལ་སྒོ་ནས། །ལེགས་བཤད་བསིལ་བའི་ཆུ་རྒྱུན་ལྷུང་ལྷུང་འབབ། །དེ་ཡིས་བླུན་རྨོངས་ཚད་པའི་ཟུག་རྔུ་རྣམས། །བསལ་ནས་ལྔ་རིག་བདུད་རྩིར་རྩེ་ཞིང་འཐུང་། །དྲུག་པ་ཆ་ཤས་ཅན་གྱི་གཟུགས་ཅན་ནི། འཇམ་མགོན་ཁྱོད་ཞལ་ཉི་མའི་མཛེས་པ་ལ། །ཀུན་ཏུ་དྭངས་བས་མི་ཤེས་རྨོངས་པའི་ཚོགས། །རྣམ་པར་སངས་ནས་ཤེས་བྱའི་གནས་རྣམས་ཀུན། །རྟོགས་པས་ཐུགས་རྗེའི་གནས་སྐབས་གསལ་བར་བྱེད། །བདུན་པ་ཡན་ལག་གཅིག་གཟུགས་ནི། རྒྱལ་སྲས་ཁྱོད་སྐུ་ཡིད་འོང་མཚར་སྡུག་གང་། །སྤྱན་དཀྱུས་ཡངས་པ་པདྨའི་འདབ་མ་ཅན། །སྙན་འགྱུར་དབྱངས་ཀྱིས་གཙུག་ལག་མ་ལུས་པ། །གང་འདུལ་མོས་ངོར་སྟོན་མཁས་འཇམ་དཔལ་དབྱངས། །ཡང་། དེ་ལྟར་འདི་ནི་གཉིས་སོགས་ཀྱི། །ཡན་ལག་རྣམས་ཀྱང་རྟོགས་པར་བྱ། །ཞེས་པ་ལྟར་སོགས་ཁོངས་ནས་གཉིས་གཟུགས་གསུམ་གཟུགས་སོགས་ཀྱི་ཡན་ལག་ཀྱང་མཚོན་ནོ། །བརྒྱད་པ་ལྡན་གཟུགས་ནི། གང་སྐུ་ལྡུམ་རའི་པད་སྡོང་འཁྲིལ་ལྡེམ་ཞིང་། །ཡིད་འཕྲོག་ལང་ཚོའི་འདབ་མ་དགོད་པ་ནི། །འདྲེན་བྱེད་བུང་བ་གཞོན་ནུའི་འཕུར་ལྡིང་དང་། །ལྷན་ཅིག་འགྲོགས་པའི་དཔལ་འདི་ཚངས་སྲས་མོ། །དགུ་པ་ལྡན་མིན་གཟུགས་ཅན་ནི། གཟི་ལྡན་འོད་ཆགས་ཁྱོད་ཞལ་ཉི་མ་ནི། །འཛུམ་དཀར་གཡོ་བའི་བདུད་རྩིའི་བསིལ་ཟེར་དང་། །སྤྱན་ཟུར་ཀུ་མུད་གཞོན་ནུ་གཡོ་ལྡན་པས། །འགྲོ་ལ་རྟག་པར་གཟིགས་མཛད་བཅོམ་ལྡན་འདས། །བཅུ་པ་མི་མཉམ་པའི་གཟུགས་ཅན་ནི། ལྟ་ན་སྡུག་པའི་ཡིད་འོང་མཆུ་འཛུམ་ཞིང་། །ཁྱོད་གདོང་ཟླ་བའི་ཐིག་འཕྲེང་གར་སྟབས་བསྒྱུར། །སྤྱན་རས་བུང་བ་ཡིད་སྲུབས་བདག་པོ་ཡིས། །ཡིད་ཅན་འདི་དག་རང་དབང་མེད་པར་འཇོམས། །བཅུ་གཅིག་པ་ཁྱད་པར་གཟུགས་ཅན་ནི། མགོན་ཁྱོད་ཞབས་ཟུང་ནོར་བུའི་གདེངས་ཀ་ནི། །སྲིད་གསུམ་རལ་པའི་ཅོད་པཎ་རྩེར་བཀོད་པས། །ཐུབ་བསྟན་ཕྱོགས་ལས་རྣམ་རྒྱལ་མཚན་མ་བཟང་། །ཀུན་དགའི་དཔྱིད་དུ་མི་ནུབ་བརྟན་པར་བྱས། །བཅུ་གཉིས་པ་འགལ་གཟུགས། ཤར་གྱི་སྤོ་མཐོན་ཕྲག་པར་མི་

― MLP007_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

འཛེག་ཅིང་། །ནུབ་རིའི་སྤྱི་བོ་ལ་ཡང་མི་ལྷུང་བའི། །རྣམ་འདྲེན་ཁྱེད་སྐུ་ཉིན་མོར་བྱེད་པའི་གཟིས། །གདུལ་བྱའི་རྨོངས་མུན་ཚོགས་རྣམས་བསལ་ཞིང་བཀྲུས། །བཅུ་གསུམ་པ་རྒྱུའི་གཟུགས། གང་གིས་ཉེས་བཤད་འཇོམས་པས་དཔའ་བོ་དང་། །རྣམ་གྲོལ་ཐར་ལམ་སྟོན་པས་དམིགས་བུའི་བཤེས། །སྐྱེ་རྒུའི་ཡིད་ཀྱི་རེ་བ་མ་ལུས་པ། །སྟེར་ཕྱིར་ཁྱོད་གསུང་འདོད་འབྱུང་རིན་པོ་ཆེ། །བཅུ་བཞི་པ་སྦྱར་བའི་གཟུགས་ཅན། མཛེས་མ་ཁྱོད་གདོང་ཞལ་སྒོའི་པདྨོ་ལ། །རབ་དཀར་གཉིས་སྐྱེས་ཚོགས་རྣམས་གནས་པར་འོས། །འདོད་སྟེར་དབྱངས་ཅན་བུང་བས་བརྩེ་བཞིན་པར། །རོལ་བས་ཀུན་དགའི་དཔལ་དུ་དེ་འགྱུར་རོ། །བཅོ་ལྔ་པ་དཔེའི་གཟུགས་ཅན། མིག་སྟོང་ལྡན་པ་དབང་པོའི་སྤྱི་བོ་ལ། །བཀོད་པའི་ཁྱོད་ཞབས་སེན་མོའི་དམར་འོད་དག །འཆར་ཀའི་ཚོན་རིས་གསར་པས་འཁྱུད་པ་ཡིས། །ཉིན་མོར་བྱེད་པའི་འོད་ལ་འགྲན་པར་བྱེད། །བཅུ་དྲུག་པ་བཟློག་པའི་གཟུགས་ཅན། བྷྲ་མ་ར་ཡིས་པདྨའི་བཅུད་འཐུང་ལ། །བདག་གིས་ཉིད་ཞལ་ཆུ་སྐྱེས་མཚར་སྡུག་འཐུང་། །པདྨ་འདི་ནི་གདོས་བཅས་སྐྱོན་དང་ལྡན། །དབྱངས་ཅན་ཁྱོད་ཞལ་སྣང་སྟོང་སྒྱུ་མའི་འཕྲུལ། །བཅུ་བདུན་པ་འགོག་པའི་གཟུགས་ཅན། རྣམ་འདྲེན་མཆོག་ཁྱོད་ཞབས་སེན་ཉི་མ་ནི། །དྲེགས་ལྡན་ལྷ་བརྒྱའི་དབུས་ན་བསིལ་སྦྱིན་མཁན། །སྲིད་པའི་མེ་ཡི་གདུང་བ་ཞི་མཛད་པས། །ཉི་མའི་དངོས་པོ་ཡིན་པར་གང་གིས་གྲུབ། །བཅོ་བརྒྱད་པ་མཉམ་འཇོག་གཟུགས་ཅན། མཛེས་མ་ཁྱོད་གདོང་ཀུནྡའི་མཛའ་ན་མོ། །རབ་བསིལ་བདུད་རྩིའི་ཟེར་འཕྲེང་འཛག་པས་ཀྱང་། །བདག་ཡིད་སྲེག་འདི་ཁྱོད་ཀྱི་སྐྱོན་ཁོ་ནར། །མ་ཟད་བདག་རང་འདོད་པས་གདུངས་པས་ཀྱང་། །བཅུ་དགུ་པ་གཟུགས་ཅན་གྱི་གཟུགས་ཅན། ཐུབ་བསྟན་རྒྱ་ཆེ་ནམ་མཁའི་སྐྱེད་ཚལ་དུ། །རྣམ་དཔྱོད་ཉིན་བྱེད་པདྨོ་རབ་བཞད་པའི། །ལེགས་བཤད་འོད་སྣང་སྦྲང་རྩིའི་དགའ་སྟོན་ལ། །སྤྱོད་པའི་བློ་གསལ་འདི་དག་སྐལ་བ་བཟང་། །ཉི་ཤུ་པ་བསྙོན་དོར་གཟུགས་ཅན། །འདི་ནི་ཁྱོད་གདོང་མ་ཡིན་འོད་དཀར་ཅན། །གང་གསུང་མ་ཡིན་ལྷ་ཡི་དུནྡྷུ་བྷི། །ཁྱོད་ཀྱི་ཐུགས་མིན་ཟབ་བརླིང་ལྷ་ཡི་ལམ། །མ་གཅིག་དགེ་འདུན་འབུམ་མིན་ཚངས་སྲས་

― MLP007_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

མོ། །ཞེས་པ་ལྟ་བུའོ། །བཞི་པ་གསལ་བྱེད་ཀྱི་རྒྱན་གྱི་མཚན་ཉིད། རིགས་དང་བྱ་བ་སོགས་གང་རུང་སྟོན་པའི་ཚིག་གཅིག་རྐང་པའི་ཐོག་མཐའ་བར་གསུམ་གང་རུང་དུ་གནས་པའི་ནུས་པས་ངག་ཀུན་ལ་ཕན་ཞིང་གསལ་བར་བྱེད་པ་སྟེ། དབྱེ་ན་བཅུ་གཉིས་ལས། དང་པོ་རིགས་ཐོག་གསལ་ནི། དམ་ཆོས་བདུད་རྩིའི་ཆར་རྒྱུན་གཅིག་ཁོ་ནས། །སྐྱེ་རྒུའི་སྡུག་བསྔལ་ཚ་གདུང་ཞི་བྱེད་ཅིང་། །རྟོགས་དཀའ་རྒྱལ་བའི་ཡོན་ཏན་གདོད་མ་ནས། །བཞུགས་དེའི་སྒྲིབ་བྱེད་དྲི་མའང་འབྱིན་པར་ནུས། །གཉིས་པ་བྱ་བ་ཐོག་གསལ་ནི། བསྒྲལ་བར་བྱས་སོ་འགྲོ་བ་མ་ལུས་ཀུན། །སྡུག་བསྔལ་རྦ་རླབས་འཁྲུགས་པའི་ཆུ་གཏེར་ལས། །ཞི་བའི་ལམ་དུ་འཕྱན་རྣམས་རང་དོན་གྱི། །ནགས་ཚལ་སྟུག་པོས་བསྐོར་བའི་འབྲོག་ལས་སོ། །གསུམ་པ་ཡོན་ཏན་ཐོག་གསལ་ནི། དམར་སེར་ཉིད་དོ་ཀུན་གསལ་མཁའ་ཡི་ཁྱོན། །ཐུན་མཚམས་ཆུ་འཛིན་འཕྲེང་བས་བསྟར་བས་ཏེ། །གངས་རིས་བསྐོར་བའི་ནོར་འཛིན་ཕང་པ་ཡང་། །ངུར་སྨྲིག་འཆང་བའི་གསུམ་ལྡན་འདུས་པས་སོ། །བཞི་པ་རྫས་ཐོག་གསལ། བདེ་གཤེགས་ཁྱོད་ཀྱིས་སྒྲིབ་གསུམ་མུན་པ་ཡི། །མི་ཤེས་རྨོངས་པའི་ཚོགས་རྣམས་གང་དུ་བཏང་། །སྟོབས་བཅུ་མི་འཇིགས་བཞི་སོགས་མ་འདྲེས་པའི། །ཡིད་འོང་ཆོས་རྣམས་གང་ནས་བླངས་ཞེས་རྟོགས། །ལྔ་པ་རིགས་བརྗོད་པའི་བར་གསལ། དམ་ཆོས་འཆད་དོ་འཁོར་གྱི་ཁྱམས་ནང་དུ། །ལེགས་བཤད་སྟོན་མཁས་ཡོངས་འཛིན་དགེ་བའི་བཤེས། །དཔལ་གྱི་མགྲིན་པ་རབ་བཏེགས་སྤྱན་རས་ཀྱང་། །འཇིགས་མེད་ཕྱོགས་རྣམས་ཀུན་ཏུ་རྣམ་པར་གཟིགས། །དྲུག་པ་བྱ་བ་བརྗོད་པའི་བར་གསལ། བཟང་པོ་དཔལ་གྱིས་རང་གི་བདེ་བ་དང་། །གཞན་གྱི་སྡུག་བསྔལ་བརྗེ་བའི་དམ་བཅའ་བླངས། །སྲེད་ལྡན་འགའ་ཞིག་ཕ་རོལ་གཞན་གྱི་ནོར། །ཆེན་པོའང་རང་གི་ནོར་རྫས་ཆུང་ངུས་སོ། །བདུན་པ་རིགས་མཐའ་གསལ། ལ་ལ་ཆགས་བྲལ་ངུར་སྨྲིག་རྒྱལ་མཚན་སྒྲེང་། །འགའ་ཞིག་གོས་དཀར་ལྕང་ལོའི་ཅོད་པཎ་འཆང་། །གཞན་དག་གཅེར་བུ་གཏུམ་མོའི་བདེ་དྲོད་སྤོར། །དེ་ལྟའི་སྐྱེས་མཆོག་འདི་ཀུན་འགྲོ་བའི་

― MLP007_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན། །བརྒྱད་པ་བྱ་བ་མཐའ་གསལ། བུ་དང་ཆུང་མས་ཁྱིམ་གྱི་གནས་སུ་སྟེ། །རྒ་བའི་ཞགས་པས་དེ་བཞིན་ལང་ཚོ་ཉིད། །གཟུང་འཛིན་སྒྲོག་གིས་འཁོར་བའི་བཙོན་ར་ལས། །གཞན་དུ་ཐར་མེད་རྣམ་པར་བསྡམས་པར་གྱུར། །དགུ་པ་ཕྲེང་བའི་གསལ་བྱེད། གཏེར་ཆེན་ཆོས་རྗེས་རྒྱལ་བསྟན་རིན་པོ་ཆེ། །རྒྱས་པར་མཛད་དེ་བསྟན་འཛིན་འདུས་པའི་སྡེ། །དེ་ཡིས་རིས་མེད་འགྲོ་བའི་ཕན་བདེ་དང་། །དེས་ཀྱང་མངོན་པར་མཐོ་དང་ངེས་ལེགས་སོ། །བཅུ་པ་འགལ་དོན་གསལ་བྱེད། ཁུ་ལུང་དབེན་པའི་གནས་སུ་བསྐྱེད་རྫོགས་རོས། །རྣམ་པར་མྱོས་པའི་གནུབས་རིགས་རྡོ་རྗེ་འཛིན། །རིམ་པར་བྱོན་དུས་མ་རུངས་བདུད་སྡེའི་ཕྱོགས། །བཅོམ་ཞིང་བསྟན་འགྲོའི་ཕན་བདེ་རྒྱས་པར་བྱས། །བཅུ་གཅིག་པ་དོན་གཅིག་པའི་གསལ་བྱེད། འཇམ་མགོན་བླ་མའི་ཕུལ་བྱུང་མཁྱེན་པ་འདིས། །ལུང་རྟོགས་བསྟན་པའི་ཁ་ལོ་གྱེན་དུ་འདེགས། །སྐྱེ་རྒུའི་ཕན་བདེའི་འབྱོར་པ་སྤེལ་བྱེད་ཅིང་། །མེ་ཏོག་གཞུ་ཅན་ཡིད་ཀྱི་རེ་བའང་འཇོམས། །བཅུ་གཉིས་པ་སྦྱར་བའི་གསལ་བྱེད། །བསོད་ནམས་ཆེན་པོས་ཀུན་ལ་དབང་བསྒྱུར་ཞིང་། །དྲེགས་ལྡན་ཚོགས་ཀྱིས་གུས་པས་ཕྱག་བྱས་པ། །མིག་སྟོང་ལྡན་པ་སུམ་རྩེན་ཚལ་ན་སྟེ། །མི་དབང་ཁྱོད་ནི་གངས་རིའི་ལྗོངས་འདིར་རྒྱུ། །ཞེས་པ་ལྟ་བུའོ། །ལྔ་པ་བསྐོར་རྒྱན་གྱི་མཚན་ཉིད། རྐང་པ་བཞིའི་ཐོག་མཐའ་བར་གསུམ་གང་རུང་དུ་ཚིག་དོན་འདྲ་བས་བསྐོར་བ་སྟེ། དབྱེ་ན་གསུམ་ལས། དང་པོ་དོན་བསྐོར་ནི། འགའ་ཞིག་དམ་ཆོས་འཆད་པས་ཀུན་གྱིས་བཀུར། །ལ་ལ་རྩོད་པས་རྒོལ་ངན་གཡུལ་ལས་རྒྱལ། །གཞན་དག་ལེགས་བཤད་རྩོམ་པས་མངོན་པར་མཐོ། །འགའ་ཞིག་དབེན་པར་དོན་སྒོམ་ཀུན་ལས་འཕགས། །གཉིས་པ་ཚིག་བསྐོར་ནི། ཟླ་བའི་བཞིན་ལྡན་གཡོན་མིག་ལུས་ཕྲ་མས། །ཆགས་ལྡན་སྐྱེ་བོའི་ཚོགས་ཀྱི་ཡིད་རབ་འཕྲོག །སྨྲ་མཁས་བསྟན་འཛིན་བཟང་པོའི་ལེགས་བཤད་ཀྱིས། །དཔྱོད་ལྡན་མཁས་པ་རྣམས་ཀྱི་ཡིད་རབ་འཕྲོག །གསུམ་པ་གཉིས་ཀ་བསྐོར་བ་ནི། མང་དུ་ཐོས་དོན་བསམ་པས་ངེས་བྱས་པའི། །བློ་ལྡན་དེ་དག་སྲིད་པའི་

― MLP007_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུལ་ལས་རྒྱལ། །དབེན་པའི་ནགས་སུ་སྤོང་བ་ལྷུར་ལེན་པའི། །དམ་པ་འདི་རྣམས་སྒྲིབ་གསུམ་གཡུལ་ལས་རྒྱལ། །ཞེས་པ་ལྟ་བུའོ། །དྲུག་པ་འགོག་པའི་རྒྱན་གྱི་མཚན་ཉིད། ཆོས་གང་ལ་དགག་པ་བརྗོད་པས་ཆོས་དེ་འགོག་པར་བྱེད་པ་སྟེ། དབྱེ་ན་ཉི་ཤུ་རྩ་གསུམ་ལས། དང་པོ་བྱུང་བ་འགོག་པ་ནི། དྷརྨ་བྷ་དྲའི་རྣམ་དཔྱོད་ཧུབ་གཅིག་གིས། །ཤེས་བྱའི་ཆུ་གཏེར་མ་ལུས་དྲངས་སོ་ཞེས། །སྔོན་ཆད་གྲགས་པའི་གཏམ་འདི་འུད་པོ་ཆེ། །འོན་ཀྱང་འཕགས་བློའི་ནུས་པ་བསམ་མི་ཁྱབ། །གཉིས་པ་ད་ལྟ་བ་འགོག་པ་ནི། ཁམས་གསུམ་དབང་དུ་བྱེད་པ་འདོད་པའི་རྒྱལ། །འགུགས་བྱེད་ལྕགས་ཀྱུ་འཛིན་པའི་ངལ་བས་ཅི། །སྲིད་པ་གསུམ་གྱི་ཕུན་ཚོགས་མ་ལུས་ཀུན། །གང་སྐུའི་ཟེར་འཕྲེང་གཅིག་གིས་འགུགས་པར་ནུས། །གསུམ་པ་འབྱུང་འགྱུར་འགོག་པ་ནི། བདག་ནི་དེང་ནས་འཁོར་བའི་ཚེ་རབས་སུ། །གཏེར་ཆེན་བླ་མ་ཁྱེད་ལས་སྐྱབས་མི་འཚོལ། །དེ་ཕྱིར་དམྱལ་མེའི་དོང་ཁར་ལྷགས་ན་ཡང་། །ཐུགས་རྗེའི་དཔྱང་ཐག་སྲ་འདིས་ཅི་ལ་ལྷུང་། །བཞི་པ་ཆོས་འགོག་པ་ནི། གསང་བདག་དངོས་བྱོན་ཟུར་ཆུང་ཤེས་རབ་གྲགས། །འགྲོ་བ་ཀུན་ལ་ཕན་པར་མཛད་པ་རྫུན། །གལ་ཏེ་བདེན་ན་ཁྱུང་པོ་གྲགས་སེ་ཡི། །སྙིང་ལ་ཕྲག་དོག་ཟུག་རྔུ་སྦྱིན་འདི་ཅི། །ལྔ་པ་ཆོས་ཅན་འགོག་པ་ནི། རྣལ་འབྱོར་དབང་ཕྱུག་ལྕེ་བཙུན་ཆེན་པོའི་སྐུ། །ཟག་མེད་འོད་སྐུར་ཡལ་ལམ་མ་ཡལ་ཞེས། །དཔག་པར་དཀའ་སྟེ་འབྱུང་ལུས་སྙིགས་མའི་ལྷག །མ་བཞག་ཙམ་ལས་མངོན་དུ་མཐོང་མ་ནུས། །དྲུག་པ་རྒྱུ་འགོག་པ་ནི། མེ་སྟག་འར་འུར་འཕྲོ་བའི་ལྕགས་སྲེག་གཞིར། །རབ་རྣོན་མཚོན་ཆ་དུ་མས་ལུས་ཕུག་སྟེ། །མི་བཟོད་ཟུག་རྔུས་མནར་ཡང་དེར་སྐྱེ་བའི། །རྒྱུ་མེད་ཕྱིར་ན་འཇིགས་སེམས་ཅི་ལ་ལྡང་། །བདུན་པ་འབྲས་བུ་འགོག་པ་ནི། མི་བདག་ཞེ་སྡང་དྲག་པོས་རབ་མྱོས་ཏེ། །ཡན་ལག་མཚོན་གྱིས་དུམ་བུར་གཏུབས་གྱུར་ཀྱང་། །དྲང་སྲོང་ཆེན་པོ་བཟོད་པར་སྨྲ་བ་དེས། །རང་ཉིད་དགེ་སྦྱོང་ཆོས་ལས་འདས་མ་གྱུར། །བརྒྱད་པ་རྗེས་གནང་གིས་འགོག་པ་ནི། འགྲོ་བ་སྒྲོལ་བའི་བཤེས་ཁྱོད་ཆོས་དབྱིངས་ཀྱི། །ནགས་དེར་གཤེགས་པར་བཞེད་ན་

― MLP007_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་མཛོད། །བདག་ཅག་མཐར་བྱེད་གྲོང་དེར་མྱུར་འཇུག་པས། །ཁྱོད་བྲལ་གདུངས་པས་ཡུན་རིང་མནར་མི་འགྱུར། །དགུ་པ་དབང་གིས་འགོག་པ་ནི། ཤེས་བྱ་ཀུན་གཟིགས་དཔལ་ལྡན་རྒྱལ་བའི་སྲས། །དག་པའི་ཞིང་མཆོག་གཞན་དུ་གཤེགས་ན་ཡང་། །གདུལ་བྱ་འདུལ་བའི་ཕྲིན་ལས་འདྲ་མོད་ཀྱི། །འོན་ཀྱང་ཞིང་འདིའི་མགོན་དུ་རྟག་བཞུགས་ཤིག །བཅུ་པ་མ་གུས་པས་འགོག་པ་ནི། འགྲོ་ལ་ཕན་བཞེད་རྒྱལ་བའི་སྲས་པོ་སྟེ། །རང་ཉིད་ཞི་བ་དོན་གཉེར་དེ་ལྟ་མིན། །མགོན་ཁྱོད་ཞི་བདེར་གཤེགས་སམ་བཞུགས་ལགས་ཀྱང་། །རང་གི་བསམ་པའི་གནས་སྐབས་གསོལ་བར་ཟད། །བཅུ་གཅིག་པ་ཤིས་བརྗོད་ཀྱིས་འགོག་པ་ནི། གྲོགས་དག་ཇི་སྲིད་འཚོའི་བར་འདུ་འཛི་ལ། །སྒྲིལ་བར་བཞེད་ན་དུབ་པར་མ་གྱུར་ཅིག །བདག་ཅག་དམ་པའི་གཤེགས་ཤུལ་སྙེག་འདོད་རྣམས། །ཁྱོད་ལ་ཟུར་འགྲོས་སྟབས་ཀྱིས་འབྲལ་བར་སྨོན། །བཅུ་གཉིས་པ་རྩུབ་མོས་འགོག་པ་ནི། མགོན་ཁྱོད་དག་པའི་ཞིང་གཞན་ལ་དགྱེས་ན། །ཉིད་ཀྱི་རྗེས་ཞུགས་སློབ་མ་གཞན་འགའ་འཚོལ། །ཁྱེད་ལ་བརྟེན་པའི་བདག་ཅག་གདུལ་བྱ་རྣམས། །མྱུར་དུ་དུས་ཀྱི་ཆོས་ལས་ཡོལ་བར་ངེས། །བཅུ་གསུམ་པ་གྲོགས་ཀྱིས་འགོག་པ་ནི། གྲོགས་ཁྱོད་བསམ་གཏན་བསྟེན་ཕྱིར་ནགས་ནང་དུ། །གཤེགས་པར་བཞེད་ན་མྱུར་བ་ཉིད་དུ་བྱོན། །ཕྱིས་ནས་དུང་པའི་མཛའ་བོ་ཁྱིམ་བཅས་དང་། །བྲལ་བའི་གདུང་བས་ཁྱོད་ལམ་འགོག་པར་འགྱུར། །བཅུ་བཞི་པ་འབད་པས་འགོག་པ་ནི། མྱ་ངན་འདའ་བཞེད་རྒྱལ་བའི་དགོངས་པ་དང་། །བསྟུན་ནས་གཤེགས་ཞེས་འཇེབས་པར་གསོལ་སེམས་ཀྱང་། །རང་འདོད་ཤུགས་ཀྱིས་མ་གཤེགས་ཞེས་པའི་ཚིག །དབང་མེད་ཐོན་པར་གྱུར་གང་བཟོད་པར་བཞེས། །བཅོ་ལྔ་པ་གཞན་དབང་གིས་འགོག་པ་ནི། འཆད་རྩོད་རྩོམ་པའི་བྱ་བས་རྒྱལ་བའི་བསྟན། །འཛིན་པར་འོས་ཞེས་དམ་པ་ཀུན་གྱིས་བསྔགས། །བདག་བློ་རྒྱ་ཁབ་མིག་བཞིན་ཕྲར་གྱུར་བ། །དེ་དང་དཔྱོད་ལྡན་ཁྱོད་ཅག་གླེང་མོ་མཛོད། །བཅུ་དྲུག་པ་ཐབས་ཀྱིས་འགོག་པ་ནི། སྐྱེ་རྒུའི་མགོན་ཁྱོད་འོག་མིན་ཞིང་ཁམས་སུ། །གཤེགས་པའི་མྱ་ངན་བདག་གིས་བཟོད་པར་བགྱི། །ཉིད་ཀྱིས་མཉེས་པའི་གོ་འཕང་མཐོན་པོ་དེར། །

― MLP007_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་ཀུན་འགོད་ནུས་མཐུ་ཆེན་དེ་རིང་སྩོལ། །བཅུ་བདུན་པ་ཁྲོ་བས་འགོག་པ་ནི། མི་སྨྲ་ནགས་ཁྲོད་འགྲོ་ཞེས་ཁྱོད་ཞལ་ནས། །རྩུབ་མོའི་བཀའ་སྩལ་ལྷུངས་པས་བདག་སྙིང་བསྣད། །ད་ཀོ་མ་གཤེགས་བཞུགས་ནའང་ཉམ་ཆུང་བདག །གསོན་པའི་སྐབས་མེད་དགོས་པ་ལྷག་པོ་གང་། །བཅོ་བརྒྱད་པ་མྱ་ངན་ནམ་སྙིང་རྗེས་འགོག་པ་ནི། སྟོན་ཆེན་ཁ་ཅིག་ཐོས་པའི་ནོར་བསགས་ནས། །ཁེངས་དྲེགས་ཀྱིས་བརླམས་གཞན་ལ་མ་བཤད་ཅིང་། །རང་གིས་མ་བསྒོམས་སུ་ལའང་མ་ཕན་པར། །གྲོང་མཐར་རིག་པ་ཡུད་ཀྱིས་རྒས་ལ་ལྟོས། །བཅུ་དགུ་པ་འགྱོད་པས་འགོག་པ་ནི། ཀྱི་ཧུད་བདག་ནི་བསྟན་པའི་སྒོར་ཞུགས་ཀྱང་། །ཚེ་འདིའི་དོན་ཆུང་བྱ་བྱེད་ཀྱིས་བསླུས་ནས། །སེམས་རྒྱུད་དམ་པའི་ཆོས་དང་མ་འདྲེས་པར། །ན་ཚོད་ཕལ་ཆེར་སོང་བ་དེ་རིང་ཚོར། །ཉི་ཤུ་པ་ཐེ་ཚོམ་གྱིས་འགོག་པ་ནི། ཡིད་འཕྲོག་དཀར་མཛེས་ཅན་འདི་ཟླ་བའམ། །ཡང་ན་སྤུ་ལྡན་ལྷ་མོའི་ཞལ་ལམ་ཅི། །གསུང་འདི་རབ་སྙན་ཚངས་པའི་དབྱངས་འདྲ་ཕྱིར། །འདི་ནི་ཟླ་བའི་དཀྱིལ་འཁོར་ག་ལ་ཡིན། །ཉེར་གཅིག་པ་སྦྱར་བས་འགོག་པ་ནི། ཇི་ལྟའི་གནས་ལུགས་དོན་གཉིས་ཐུགས་ཆུད་ཅིང་། །ཇི་སྙེད་ཆོས་ཀུན་མ་འདྲེས་གཟིགས་པ་ཡི། །མཁྱེན་གཉིས་ལྡན་པའི་མགོན་འདི་བཞུགས་བཞིན་དུ། །ཐམས་ཅད་གཟིགས་པའི་རྒྱལ་བ་གཞན་གྱིས་ཅི། །ཉེར་གཉིས་པ་དོན་གཞན་འགོག་པ་ནི། ཕྲ་ཞིབ་དཔྱོད་ནུས་བློ་ལྡན་སྐྱེས་བུ་ཁྱོད། །ད་དུང་རིག་པ་འཚོལ་བས་བྲེལ་འདི་ཅི། །དེ་ལྟ་ན་ཡང་གཏིང་ཟབ་ཆུ་ཡི་གཏེར། །ངོམས་པ་མེད་པར་ཆུ་ཕྲན་སྡུད་ལ་ལྟོས། །ཉེར་གསུམ་པ་རྒྱུས་འགོག་པ་ནི། ཐམས་ཅད་སྒྲོལ་ལ་བཀྲེན་པ་རྣམས་ཀྱིས་དེང་། །སྦྱིན་པ་པོ་ཞེས་བསྟོད་པར་མི་བྱེད་དེ། །སློང་མོ་པ་དག་རང་ནོར་རང་ཉིད་ཀྱིས། །ལེན་པར་བསམ་ནས་བདེ་བར་སྤྱོད་ཕྱིར་རོ། །ཞེས་པ་ལྟ་བུའོ། །བདུན་པ་དོན་གཞན་བཀོད་པའི་རྒྱན་གྱི་མཚན་ཉིད། བརྗོད་བྱའི་དངོས་པོ་འགའ་ཞིག་དམ་བཅའ་ལྟར་བཀོད་ནས། དེའི་སྒྲུབ་བྱེད་ཀྱི་རྟགས་ནུས་པ་ཅན་གཞན་ཞིག་འགོད་པར་བྱེད་པ་སྟེ། དབྱེ་ན་བརྒྱད་ལས། དང་པོ་ཀུན་ཁྱབ་ཀྱི་དོན་གཞན་བཀོད་པ་ནི། འཇིག་རྟེན་

― MLP007_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་འོངས་སྔོན་རབས་སྐྱེ་བོ་རྣམས། །གཅིག་ཀྱང་མ་ལུས་འཆི་བདག་གྲོང་དུ་བསྙེགས། །འདུས་བྱས་ཆོས་ཀུན་རང་བཞིན་འཇིག་ཆོས་ཀྱི། །ངེས་པ་ལ་ནི་སུ་ཡིས་འགོང་པར་ནུས། །གཉིས་པ་ཁྱད་པར་ལ་གནས་དོན་གཞན་བཀོད་པ་ནི། སྐྱེས་མཆོག་ཁྱོད་ལ་གཞན་གྱིས་མ་གསོལ་ཀྱང་། །ཐུགས་རྗེའི་སྤྱན་གྱིས་རྟག་པར་བུ་བཞིན་གཟིགས། །ཉིན་མོར་བྱེད་འདི་ལེགས་ལྡན་སྐྱེ་རྒུ་ཡི། །མིག་ལ་སྣང་བའི་དཔལ་སྟེར་དངོས་པོའི་གཤིས། །གསུམ་པ་སྦྱར་བའི་དོན་གཞན་བཀོད་པ་ནི། ཨེ་མ་ཤེས་མི་སྤྱི་དང་མཁས་པ། ལྡན་ཁྱོད་ཀྱི་མཛད་པ་འདིས། །འཇིག་རྟེན་པ་ཀུན་ཡིད་ལ་དགའ་བ་སྟེར། །གཉིས་བྱ་དང་ཟླ་བ། སྐྱེས་དབང་པོས་རབ་དྭངས་ནམ་མཁའི་ཁྱོན། །ཀུན་ཏུ་མཛེས་པར་བྱེད་པ་མ་ཡིན་ནམ། །བཞི་པ་འགལ་བའི་དོན་གཞན་བཀོད་པ་ནི། དམ་པ་རྣམས་ནི་ཤིན་ཏུ་ཁྲོས་གྱུར་ཀྱང་། །གཞན་ལ་ཕན་པའི་སྦྱོར་བ་འདོར་མི་སྲིད། །སེམས་མེད་བླུན་པར་གྱུར་ཀྱང་ཕན་བདེའི་ཆར། །འབེབས་པར་ནུས་པ་ཡིད་བཞིན་ནོར་མིན་ནམ། །ལྔ་པ་མི་འོས་པའི་དོན་གཞན་བཀོད་པ་ནི། བདེ་གཤེགས་ཀུན་གྱི་བགྲོད་པ་གཅིག་པུའི་ལམ། །ཟབ་གསང་རྫོགས་པ་ཆེན་པོ་འདི་ཡིན་ཞེས། །རབ་སྙན་དབྱངས་ཀྱིས་བསྙད་ཀྱང་རྣ་བ་ལ། །རྩུབ་འགྱུར་སྐལ་བས་ཕོངས་པའི་སྡིག་འདི་འདྲ། །དྲུག་པ་འོས་པའི་དོན་གཞན་བཀོད་པ་ནི། དབྱངས་ཅན་ཞལ་གྱི་མཚར་སྡུག་འཛུམ་མདངས་འདིས། །བདག་ཡིད་དད་པའི་ཤུགས་ཀྱིས་གདུང་བར་བྱེད། །མོས་སེམས་དྲག་དེ་སྲེག་བྱེད་ཞུགས་འབར་དང་། །མཚུངས་ཕྱིར་གདུང་བར་རིགས་པ་མ་ཡིན་ནམ། །བདུན་པ་འོས་ཤིང་མི་འོས་པའི་དོན་གཞན་བཀོད་པ་ནི། འདུ་འཛིའི་གཡེངས་བས་རང་རྒྱུད་གདུང་མོད་ཀྱི། །ཞི་བའི་དགོན་པས་ཆགས་གདུང་བསྐྱེད་འོས་སམ། །ཟླ་བས་པདྨའི་བཞིན་རས་སྡུད་རིགས་ཀྱི། །ཉི་མས་ཉམས་པར་བྱེད་ན་ཐབས་ཅི་ཡོད། །བརྒྱད་པ་མི་འོས་ཤིང་འོས་པའི་དོན་གཞན་བཀོད་པ་ནི། རྒྱུ་འབྲས་བླང་དོར་ཤེས་རྣམས་མི་དགེ་བའི། །ལས་ལ་འཇུག་ན་བླུན་རྣམས་ཅིས་མི་འཇུག །མིག་ལྡན་ཉམ་ངའི་གཡང་སར་གར་རྩེ་ན། །དམུས་ལོང་ལྕེབས་པར་བྱེད་ནའང་འོས་མིན་ནམ། །ཞེས་པ་ལྟ་བུའོ། །

― MLP007_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་པ་བཟློག་པ་ཅན་གྱི་རྒྱན་གྱི་མཚན་ཉིད། སྔོན་ལ་ཆོས་གཉིས་མཚུངས་པར་བསྟན་ནས། སླར་ཡང་མི་མཚུངས་པའི་ཁྱད་པར་འགའ་ཞིག་བསྟན་པར་བྱེད་པ་སྟེ། དབྱེ་ན་བཅུ་ལས། དང་པོ་གཅིག་བཟློག་ནི། ཟབ་ཅིང་ཡངས་ལ་གཡོ་མེད་བརྟན་གྱུར་པ། །མི་བདག་ཁྱོད་ཀྱི་ཐུགས་དང་ཆུ་ཡི་གཏེར། །མཚུངས་མོད་དེ་ལྟ་ན་ཡང་ཐ་དད་པའི། །ཁྱད་པར་འབྱེད་ཆོས་ཁྱོད་ཐུགས་རྣམ་རིག་ལྡན། །གཉིས་པ་གཉིས་ལྡོག་ནི། རི་བོང་ཅན་དང་སྒྲ་དབྱངས་ལྷ་མོའི་སྐུ། །དཀར་མཛེས་སྐྱེ་རྒུའི་གདུང་བ་སེལ་བྱེད་དེ། །དེ་ནི་རྒྱུ་སྐར་ཕྲེང་བའི་ཚོགས་རྣམས་དང་། །ཁྱོད་སྐུ་བློ་སྟེར་དབུས་ན་མངོན་པར་རྒྱུ། །གསུམ་པ་སྦྱར་བའི་ལྡོག་པ་ནི། སྨྲ་མཁས་ཁྱོད་དང་ཉིན་མོར་བྱེད་པ་གཉིས། །བླང་དོར་གསལ་བར་སྟོན་ཅིང་ཀུན་གྱི་བླར། །འཕགས་པར་མཚུངས་མོད་ཉི་མ་འཆར་ནུབ་ཅན། །ཁྱོད་ནི་འཆར་ནུབ་བྲལ་བས་ཐ་དད་དོ། །བཞི་པ་འགོག་པའི་ལྡོག་པ་ཅན་ནི། །གང་ལ་གསོལ་བ་བཏབ་ན་འདོད་དགུའི་དཔལ། །ཐོགས་མེད་སྩོལ་བའི་མཛད་པ་འདྲ་མོད་ཀྱང་། །མི་གཙང་འདམ་གྱིས་གེགས་བྱེད་ནོར་བུ་འདིས། །མགོན་ཁྱོད་རྣམ་རྒྱལ་ཐུགས་རྗེར་འགྲན་ནུས་མིན། །ལྔ་པ་གཏན་ཚིགས་ཅན་གྱི་ལྡོག་པ་ནི། ཤིང་རྟའི་ཁྲིར་གནས་གཟི་བརྗིད་མཚུངས་ཟླ་བྲལ། །ཉེ་རིང་མེད་པར་ཀུན་ལ་ཕན་འདོགས་ཀྱང་། །བླུན་ཞིང་འཆར་ནུབ་རེས་འཇོག་བྱེད་པའི་ཕྱིར། །རྟ་ལྗང་ཅན་དེ་མི་བདག་ཁྱོད་ལས་དམན། །དྲུག་པ་དཔེ་དང་དཔེ་ཅན་དབྱེ་བ་ཅན་གྱི་ལྡོག་པ་ནི། དཔལ་ལྡན་འཇམ་མགོན་གཞོན་ནུའི་ཞལ་རས་དང་། །པདྨའི་གཉེན་གྱི་དཀྱིལ་འཁོར་རྣམ་གཉིས་ཀྱི། །འབྱེད་ཆོས་ཁྱོད་ཞལ་ཁྱོད་ཀྱི་གདོང་པ་དང་། །ཉིན་མོར་བྱེད་དེ་ལྷ་ལམ་གནས་པས་དབྱེ། །བདུན་པ་དཔེ་ཅན་ལྷག་པའི་ལྡོག་པ་ཅན་ནི། ཀུནྡའི་ཕུང་པོར་རབ་མཛེས་སྨིན་འཁྱོག་དང་། །འཛུམ་ཞལ་མཆུ་སྒྲོས་དམར་བས་མཚན་པ་མེད། །ཚངས་སྲས་བུ་མོ་ཁྱོད་གདོང་དཀྱིལ་འཁོར་ནི། །མཛེས་པའི་ཡོན་ཏན་དེ་དག་རྣམས་ཀྱིས་སྤྲས། །བརྒྱད་པ་མཚུངས་ཆོས་འབྱེད་བྱེད་གཉིས་ཀ་ཅན་གྱི་ལྡོག་པ་ནི། དབྱངས་ཀྱི་རྒྱལ་མོའི་ཞལ་དང་རྒྱུ་སྐར་བདག །དཀར་གསལ་རབ་ཏུ་མཛེས་པའི་དཔལ་འཛིན་མོད། །ཟླ་བ་ལ་ནི་རི་

― MLP007_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

བོང་མཚན་ལྡན་ཞིང་། །ཁྱོད་ཞལ་ཚེམས་འཕྲེང་གཡོ་བས་རྣམ་པར་མཛེས། །དགུ་པ་འབྱེད་བྱེད་ཅན་གྱི་ལྡོག་པ་ནི། ངང་པའི་བུ་མོ་འདི་ནི་ཆུ་ཡི་རྒྱན། །དབྱངས་ཅན་ཁྱོད་ཞལ་འཇིག་རྟེན་མཁས་རྣམས་རྒྱན། །ཆུ་གཏེར་འདིས་ནི་ཀུནྡའི་ཚལ་བཞད་ཅིང་། །མཁས་པས་ལེགས་བཤད་གཏམ་གྱི་དགའ་སྟོན་སྤེལ། །བཅུ་པ་རིགས་མཐུན་འབྱེད་པའི་ལྡོག་པ་ཅན་ནི། རབ་འབར་ཞུགས་ཀྱི་ཕུང་པོས་མི་ཚིག་ཅིང་། །རྣོ་ངར་ལྡན་པའི་མཚོན་གྱིས་ཆོད་མིན་པའི། །གཟུང་འཛིན་འཁྲི་བ་དམ་པོའི་ཐིག་སྒྲོག་འདིས། །ཐབས་ཤེས་རྐང་པའི་འགྲོས་བཟང་ངང་གིས་བསྡམས། །ཞེས་པ་ལྟ་བུའོ། །དགུ་པ་སྲིད་པ་ཅན་གྱི་རྒྱན་གྱི་མཚན་ཉིད། དངོས་པོ་འགའ་ཞིག་འཇིག་རྟེན་ན་གྲགས་པའི་རྒྱུ་ལྡོག་ནས། རྒྱུ་མེད་པར་འབྲས་བུ་སྲིད་པ་ལྟར་སྒྲོ་བཏགས་ནས་སྟོན་པ་སྟེ། དབྱེ་ན་གསུམ་ལས། དང་པོ་དུས་ལ་སྦྱར་བ་ནི། མཐིང་ཞུན་མཚོན་གྱིས་མ་བྱུགས་ནེའུ་སེང་གཞིར། །མ་བཀོད་མེ་ཏོག་སྣ་ཚོགས་ཚོམ་བུས་མཛེས། །བསྐུལ་བ་མེད་པར་རྐང་དྲུག་གླུ་དབྱངས་ཀྱིས། །རྨ་མེད་སྙིང་བཏབ་ལྕགས་ཀྱུ་དབྱར་གྱི་དཔལ། །གཉིས་པ་ལང་ཚོ་ལ་སྦྱར་བ་ནི། མ་ལྷུངས་ཟླ་ཐིགས་ཀྱིས་གདུང་གཙུག་ཕུད་དང་། །བྲིས་པ་མེད་པར་གཉེར་མའི་རི་མོ་བཀྲ། །མ་བཀུག་ན་ཡང་རྣམ་པར་དུད་པའི་ལུས། །འདི་གསུམ་བཞི་པའི་ལང་ཚོ་རྫོགས་པའི་རྟགས། །གསུམ་པ་ངོ་བོ་ཙམ་སྟོན་པ་ནི། ཕྱིས་པ་མེད་པར་དྲི་བྲལ་ཁྱོད་ཀྱི་གདོང་། །མ་བྲིས་མཚན་དཔེའི་རི་མོ་མངོན་པར་གསལ། །མ་བརྒྱན་པར་ཡང་མཛེས་སྡུག་ངོ་མཚར་གྱིས། །མ་འཕྲོག་ཡིད་ཀྱི་ཆོམ་རྐུན་དབྱངས་ཅན་མ། །ཞེས་པ་ལྟ་བུའོ། །བཅུ་པ་བསྡུས་བརྗོད་ཀྱི་རྒྱན་གྱི་མཚན་ཉིད། བརྗོད་འདོད་ཀྱི་དངོས་པོ་གཞན་ཞིག་བསམ་ནས། ངག་ཏུ་དེ་དང་མཚུངས་པའི་དངོས་པོ་གཞན་ཞིག་བརྗོད་པ་སྟེ། དབྱེ་ན་བཞི་ལས། དང་པོ་སྤྱིའི་བསྡུས་བརྗོད་ནི། འཇིག་རྟེན་སྣང་བྱེད་ཉིན་མོར་བྱེད་པའི་འོད། །སྤྲིན་བྲལ་མཁའ་ལ་རྣམ་པར་རྒྱུ་བ་འདི། །རིང་དུ་བཏང་ནས་སྲིན་བུའི་སྒྲོན་འོད་ལ། །འགའ་ཞིག་སྣང་བར་རེ་བ་འཁྲུལ་པའི་བློ། །གཉིས་པ་ཁྱད་གཞི་ཐ་དད་ཀྱང་ཁྱད་ཆོས་གཅིག་པའི་

― MLP007_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་བརྗོད་ནི། རབ་དཀར་ཟླ་བའི་གཟི་བརྗིད་ཉམས་བྱེད་ཅིང་། །མཁའ་རྒྱུ་འབྱུང་པོའི་ཚོགས་རྣམས་ལོང་འགྱུར་ཡང་། །མུན་པའི་རྨག་རུམ་སེལ་ཞིང་སྣང་བའི་དཔལ། །རྒྱས་བྱེད་འོད་སྟོང་ལྡན་པ་དེང་འདིར་ཤར། །གསུམ་པ་ཁྱད་ཆོས་ཐ་དད་ཐ་མི་དད་ཀྱི་བསྡུས་བརྗོད་ནི། འཕེལ་འགྲིབ་དཀར་ནག་ཆ་ཤས་དང་ལྡན་ཞིང་། །རི་དྭགས་གཟུགས་ཀྱི་མཚན་མས་རྣམ་པར་བརྒྱན། །ཀུན་ནས་ཡིད་འོང་དམ་པའི་བདུད་རྩི་ཡི། །བསིལ་སྦྱིན་ཅན་འདི་ཁོ་བོའི་སྐལ་བས་རྙེད། །བཞི་པ་སྔོན་མེད་བསྡུས་བརྗོད་ནི། གདུག་པའི་སྦྲུལ་གྱིས་རྣམ་པར་མ་དཀྲིས་ཤིང་། །རབ་རྩུབ་ཚེར་མ་རྣོན་པོའང་མི་ལྡན་པའི། །ཚ་གདུང་འཕྲོག་པའི་བསིལ་སྟེར་ཙནྡན་ལྗོན། །ཀྱེ་མ་དུས་ཀྱི་ལང་ཚོས་བསྐམ་པར་འགྱུར། །ཞེས་པ་ལྟ་བུའོ། །བཅུ་གཅིག་པ་ཕུལ་བྱུང་གི་རྒྱན་གྱི་མཚན་ཉིད། བརྗོད་འདོད་ཁྱད་པར་འཕགས་པའི་ཆོས་ཀྱི་དོན་དེ་འཇིག་རྟེན་ལས་འདས་པ་ལྟ་བུ་འུད་ཀྱིས་བརྗོད་པ་སྟེ། དབྱེ་ན་བཞི་ལས། དང་པོ་ཁྱད་འཕགས་བརྗོད་པའི་ཕུལ་བྱུང་ནི། ཀུ་མུད་གསར་པའི་འཕྲེང་བས་ཐོད་བཅིངས་ཤིང་། །དཀར་བསིལ་ཙནྡན་ཁུ་བས་ལུས་ཀུན་གཤེར། །སྲབ་འཇམ་དཀར་བའི་གོས་ཅན་ཚངས་སྲས་མར། །ཟླ་གཞོན་འཆར་ཀའི་འོད་ཀྱིས་མཚོན་མ་ལགས། །གཉིས་པ་ཐེ་ཚོམ་ཕུལ་བྱུང་ནི། སྒྲ་དབྱངས་ལྷ་མོ་ཁྱོད་ཀྱི་མཛེས་སྡུག་གདོང་། །དཀར་གསལ་འོད་ཀྱི་ཕུང་པོར་འཁྱིལ་བ་འདི། །ཟླ་དཀྱིལ་ཡིན་ནམ་མིན་ཞེས་རིང་མོ་ནས། །བསམས་ཀྱང་ད་དུང་སོམ་ཉི་བཟློག་མ་གྱུར། །གསུམ་པ་ངེས་པའི་ཕུལ་བྱུང་ནི། རབ་དཀར་དབྱངས་ཅན་ལྷ་མོའི་ཞལ་རས་འདི། །རྒྱུ་སྐར་བདག་པོའི་དཀྱིལ་འཁོར་མིན་པར་ངེས། །དཀྱུས་རིང་ཨུཏྤལ་འདབ་ལྟར་ཡངས་པའི་སྤྱན། །ལྡན་ཕྱིར་རྣམ་པ་གཞན་དུ་སྲིད་པ་མིན། །བཞི་པ་ངོ་མཚར་རམ་གྲགས་པ་ཕུལ་བྱུང་ནི། སྲིད་འདིར་འཚལ་ཏོ་ཅོག་གི་རིག་པ་རྣམས། །བརྩོན་པས་སྦྱངས་པའི་ཡོན་ཏན་གྲགས་དཀར་ཁུར། །ཤིན་ཏུ་ལྕི་བ་འདི་འདྲ་ཐེག་བཟོད་པའི། །ནོར་འཛིན་མ་ཁྱོད་ཨེ་མ་ཤིན་ཏུ་མཚར། །ཞེས་པ་ལྟ་བུའོ། །བཅུ་གཉིས་པ་རབ་བརྟགས་ཀྱི་རྒྱན་གྱི་མཚན་ཉིད་རང་བཞིན་ཇི་ལྟར་གནས་ཚུལ་གཞན་

― MLP007_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་རྟོག་པས་སྒྲོ་བཏགས་ནས་བརྗོད་པ་སྟེ། དབྱེ་ན་དྲུག་ལས། དང་པོ་སེམས་ལྡན་རབ་བཏགས་སྙམ་སྒྲ་ཅན་ནི། ལྗོངས་འདིར་གྲོང་པའི་ངག་བྱང་མཁས་རློམ་འགར། །ཁྲེལ་ནས་སྒྲ་དབྱངས་ལྷ་མོ་བདག་སྙིང་དབུས། །ལེགས་བཤད་དྲི་ཟའི་གླུ་དབྱངས་ལེན་པ་ཡི། །ཟོལ་ལ་བརྟེན་ཏེ་བག་ཕབ་བཞུགས་སམ་ཅི། །གཉིས་པ་སེམས་མེད་རབ་བཏགས་འདྲ་བའི་སྒྲ་ཅན་ནི། འགྲོ་བའི་བླ་མ་ཁྱོད་སྐུའི་གཟི་འོད་ཀྱིས། །འོད་གཞན་ཟིལ་གྱིས་མནན་པ་འདི་འདྲའི་ཁུར། །མ་བཟོད་རྟ་ལྗང་ཅན་གྱི་དཀྱིལ་འཁོར་དེ། །ཀུན་གསལ་ལྷ་ཡི་ལམ་ལ་བྲོས་པ་འདྲ། །གསུམ་པ་བཞིན་སྒྲ་ཅན་ནི། དབྱར་དུས་ཉི་འོད་འབར་ཚེ་ཉལ་འགྲོའི་རྒྱུན། །མཐིང་ཞུན་མདངས་ཅན་ལྷག་པར་འཕེལ་བ་འདི། །རྟ་བདུན་རྒྱལ་པོའི་ཚ་ཟེར་ཞུགས་འབར་གྱིས། །གནམ་སྔོན་བཞུ་བ་གཅིག་ཏུ་འཁྱིལ་བ་བཞིན། །བཞི་པ་དོགས་སྒྲ་ཅན་ནི། གང་གི་ཚེམས་འཕྲེང་མཛེས་པའི་རྒྱན་གྱི་མཆོག །ཡིད་བཞིན་འཁོར་ལོའི་ཞལ་གྱི་མཛོད་ཁང་ནས། །བརྐུས་པས་སྐྲག་སྟེ་མུ་ཏིག་འཕྲེང་ཚོགས་ཀྱང་། །ན་ཆུང་ལྷས་མའི་ཕག་ཏུ་ཡིབ་ཀྱི་དོགས། །ལྔ་པ་ངེས་སྒྲ་ཅན་ནི། གང་སྐུར་ཉེས་པའི་དྲི་མ་ཆེས་ཕྲ་བའང་། །མ་མཐོང་བཙལ་བར་འདོད་དེ་ཉི་ཟླ་གཉིས། །རེས་ཀྱིས་གླིང་བཞིར་ཉུལ་ཡང་མ་རྙེད་པར། །བསྐྱེངས་ཏེ་ནམ་མཁའི་གནས་སུ་འཁོད་པར་ངེས། །དྲུག་པ་མིན་སྒྲ་ཅན་ནི། སྣང་བའི་དཔལ་སྟེར་ཉིན་མོའི་བློ་ལྡན་མཁན། །རྟ་ལྗང་ཅན་དེ་སྐྱ་རེངས་ཞགས་པ་ཡིས། །མཁའ་ལ་དྲངས་པ་མིན་ནམ་བདག་མདུན་ན། །གཟི་ལྡན་གསུང་གི་དབང་ཕྱུག་མངོན་པར་བཞུགས། །ཞེས་པ་ལྟ་བུའོ། །བཅུ་གསུམ་པ་རྒྱུའི་རྒྱན་གྱི་མཚན་ཉིད། སྐྱེད་བྱེད་དམ་ཤེས་བྱེད་ཀྱི་རྒྱུ་ལས་འབྲས་བུའམ་བསྒྲུབ་བྱ་འགྲུབ་པར་སྟོན་པ་སྟེ། དབྱེ་ན་བཅུ་དྲུག་ལས། དང་པོ་སྐྱེད་བྱེད་ཀྱི་རྒྱུ་ནི། རྣམ་དཔྱོད་ལྷོ་ཕྱོགས་དྲི་བཞོན་གསར་པ་ཡིས། །ལེགས་བཤད་ཙནྡན་ན་ཡི་ལྗོན་ཤིང་གི། འདབ་མ་ལེགས་བསྐྱོད་དལ་བུར་གཡོ་ལྡན་པས། །འཇིག་རྟེན་བློ་གསལ་ཚོགས་རྣམས་ཀུན་དགར་བྱེད། །གཉིས་པ་ཉམས་བྱེད་ཀྱི་རྒྱུ་ནི། དྲི་མེད་འོད་ཟེར་ཁྱོད་གསུང་ལེགས་བཤད་ཀྱི། །ནོར་བུས་ཡོངས་གཏམས་རིགས་གཞུང་མཛོད་ཁང་བདུན། །ཐར་འདོད་རྣམས་

― MLP007_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྤྱད་བྱའི་ཕགས་ནོར་འདིས། །ཡིད་སྲུབས་སྙིང་གི་དགའ་བ་ཉམས་པར་བྱས། །གསུམ་པ་རྣམ་འགྱུར་གྱི་རྒྱུ་ནི། ཐུབ་ཆེན་རྒྱལ་བའི་བཀའ་དང་དེ་འགྲེལ་གཞུང་། །རྒྱལ་སྲས་རྣམས་ཀྱིས་ལེགས་པར་བཀྲལ་རྣམས་དང་། །སྒྲ་དབྱངས་ལྷ་མོའི་རབ་སྙན་གསུང་མཆོག་འདིས། །མེ་ཏོག་གཞུ་ཅན་རྣ་བའི་དུག་ཏུ་བྱས། །བཞི་པ་འཐོབ་བྱེད་ཀྱི་རྒྱུ་ནི། མཁས་རློམ་ཁ་ཅིག་གཞན་གྱི་ལེགས་བཤད་གཏམ། །རྣམ་དཔྱོད་མཐུ་ཡིས་མནན་ཏེ་ཚིག་ཟུར་ལས། །ཁྱད་གསོད་ལྟ་བུའི་ཟོལ་ལ་བརྟེན་བྱེད་ཀྱང་། །རྣ་བ་གཏད་དེ་སྒྲིམ་པོའི་ཡིད་ཀྱིས་འཛིན། །ལྔ་པ་ཕྱིའི་དུས་ཤེས་བྱེད་ཀྱི་རྒྱུ་ནི། ཉིན་མོར་བྱེད་པ་ནུབ་རིའི་འཕགས་ཉལ་ཞིང་། །རྒྱུ་སྐར་ཕྲེང་བ་རྣམས་ནི་བཞིན་རས་ངོམ། །འདབ་ཆགས་རང་གནས་མནལ་ཚེ་བདག་ཉིད་ཀྱང་། །མལ་ཆུང་གྲུ་བཞིར་དགེ་བའི་སེམས་ཀྱིས་ཉལ། །དྲུག་པ་ནང་ཤེས་བྱེད་ཀྱི་རྒྱུ་ནི། གྲོགས་ཁྱོད་ལེགས་བཤད་གཏམ་གྱིས་ཡིད་བསྒྱུར་བ། །འདི་སྣང་འདུ་འཛིའི་བྱ་བས་མི་བཟློག་ཅིང་། །མཛའ་བཤེས་སྙན་པའི་སྒྲུང་གིས་མི་བྲིད་པའི། །ངོ་མཚར་རིག་པའི་གླེང་མོས་འཚོ་འདི་ཤེས། །བདུན་པ་སྔ་ན་མེད་པའི་བྱེད་རྒྱུ་ནི། རྒྱལ་བའི་བསྟན་ལ་ཐོས་བསམ་སྒོམ་པ་ཡིས། །ཚིག་དོན་མ་ངེས་བརྩོན་པས་མ་གོམས་པར། །འགོག་པའི་འབྲས་བུ་མངོན་དུ་བྱེད་མིན་ཕྱིར། །བདག་ཉིད་འཁོར་བས་གདུང་བར་བྱེད་འདི་སྐྱོ། །བརྒྱད་པ་ཞིག་ནས་མེད་པའི་རྒྱུ་ནི། མཁར་གཞིས་ནོར་ལ་སྲེད་པའི་མཐུ་ཉམས་ཤིང་། །ལང་ཚོའི་རིམ་པ་ཕལ་ཆེར་ཐལ་གྱུར་ལ། །ཡུལ་རྗེས་རྒྱུག་པའི་ཤེས་པའང་གཞན་དུ་འཕོས། །དེ་ཕྱིར་ཕྱི་མའི་གནས་སྐབས་ཁོ་ནར་སེམས། །དགུ་པ་ཕན་ཚུན་མེད་པའི་བྱེད་རྒྱུ་ནི། རང་ཤོང་གནས་འདི་ཡངས་པའི་རྒྱལ་ཁམས་མིན། །དམ་པའི་ཆོས་ནོར་ཟང་ཟིང་ནོར་རྫས་མིན། །ཁམས་འདུས་བློ་འདིས་འཇིག་རྟེན་བྱ་བཞག་ལ། །འཇུག་པ་མིན་ཕྱིར་བདག་ཡིད་ཨེ་མ་སྐྱིད། །བཅུ་པ་སྤངས་ནས་མེད་པའི་བྱེད་རྒྱུ་ནི། ཉོན་མོངས་ཤེས་བྱ་སྙོམས་འཇུག་སྒྲིབ་པ་གསུམ། །རྫོགས་པའི་སངས་རྒྱས་ས་ན་ཡོད་མ་ཡིན། །རྒྱུ་དེས་ཤེས་བྱའི་དཀྱིལ་འཁོར་མ་ལུས་པ། །མཁྱེན་པའི་ཡེ་ཤེས་གཅིག་གིས་ས་ལེར་གཟིགས། །བཅུ་གཅིག་པ་བཟློག་པ་སྐྱེད་བྱེད་ཀྱི་རྒྱུ་ནི། ཁྱོད་ཀྱི་ལོག་

― MLP007_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྲ་ཚར་གཅོད་གཏན་ཚིགས་ཀྱིས། །རིགས་སྨྲའི་མདུན་སར་མ་ཞུགས་པ་མིན་ན། །རིང་ནས་སྦྱངས་པའི་རྩོད་རིགས་གྲགས་འབར་ཕལ། །ལྕེ་དང་ལྷན་ཅིག་སྙིང་ཡང་འདར་བར་འགྱུར། །བཅུ་གཉིས་པ་རིང་འབྲས་ཀྱི་རྒྱུ་ནི། རྒྱལ་བསྟན་ཡོངས་རྫོགས་ཡིད་བཟང་རྩེ་པ་ཡིས། །དབུ་རུ་དཔལ་འཛིན་སྤྱི་བོར་ལུང་རིགས་མཚོན། །འཕྱར་བས་མ་བཟོད་གཉལ་པ་ཧྲུལ་པོ་སོགས། །མཁས་རློམ་འགའ་ཡང་སྐྲག་སྟེ་སྙིང་རྩ་འདར། །བཅུ་གསུམ་པ་ལྷན་ཅིག་པའི་རྒྱུ་ནི། མགོན་ཁྱོད་ལེགས་བཤད་དབྱངས་ཀྱི་རྒྱལ་མོའི་སྐུ། །མགྲིན་པའི་ལྡིང་ཁང་དབུས་སུ་ཕེབས་པ་དང་། །བདག་བློའི་རྣམ་དཔྱོད་གཡའ་བྲལ་དངུལ་དཀར་གྱི། །མེ་ལོང་ངོས་ལ་ཤར་བ་ལྷན་ཅིག་བྱས། །བཅུ་བཞི་པ་རྒྱུ་ལས་འབྲས་བུ་སྔ་བ་ནི། ཆོས་ཀུན་གནས་ལུགས་གཉུག་མའི་ལུས་ཕྲ་མས། །གཟོད་མ་ཉིད་ནས་དལ་དུ་འཁྱུད་པའི་མཐུས། །གང་ཡང་རྟོགས་བྱ་རང་རྒྱུད་ཡེ་ཤེས་དེ། །ཕྱིས་ནས་རང་གིས་ལོངས་སུ་སྤྱད་བྱར་བྱས། །བཅོ་ལྔ་པ་རིགས་མིན་གྱི་རྒྱུ་ནི། རྒྱལ་བསྟན་རྩེ་མོ་གསང་ཆེན་རྒྱུད་ཀྱི་དོན། །རྟོག་གེའི་རིག་པས་འཁྱོག་པོར་འཆད་པའི་འགྲོས། །མཐོང་བས་མ་བཟོད་ཉམ་ཆུང་རྨོངས་པ་ཡིས། །ཚིག་དོན་དྲང་པོར་འགྲེལ་འདི་རིགས་སམ་ཅི། །བཅུ་དྲུག་པ་རིགས་པའི་རྒྱུ་ནི། ཉི་འོད་འཆར་ཀའི་དཔལ་འཛིན་ཞལ་བཟང་ནས། །བསྡུས་དོན་སྣང་བ་ལྷུང་བ་ཙམ་གྱིས་ཀྱང་། །ཚིག་དོན་བཀའ་གནད་མ་ལུས་གསལ་ནུས་འདི། །ཀུན་མཁྱེན་ཁྱེད་ལ་རིགས་ཤིང་འོས་པ་ཉིད། །ཅེས་པ་ལྟ་བུའོ། །བཅུ་བཞི་པ་ཕྲ་མོའི་རྒྱན་གྱི་མཚན་ཉིད་ནི། ངག་གི་རྣམ་རིག་མེད་པར་ལུས་ཀྱི་རྣམ་རིག་གི་ཟུར་གྱི་བརྡ་དང་རྣམ་འགྱུར་ལས་འདོད་དོན་གཞན་གོ་བར་བྱེད་པ་སྟེ། དབྱེ་ན་གཉིས་ལས། དང་པོ་ཟུར་གྱི་ཕྲ་མོ་ནི། རིག་པ་གཅེར་བུ་དྲི་མ་མེད་པའི་དོན། །ཚིག་གིས་མཚོན་ཏེ་བརྗོད་པར་ནུས་མིན་ཞེས། །རྣལ་འབྱོར་དབང་ཕྱུག་དམ་པ་རྒྱ་གར་བས། །ན་བཟའ་སྤངས་ཏེ་གཅེར་བུའི་བརྡ་འདིས་བསྟན། །གཉིས་པ་རྣམ་པའི་ཕྲ་མོ་ནི། ལྔ་རིག་པཎ་ཆེན་པདྨའི་ངང་ཚུལ་གྱིས། །སྟོན་མུན་མཁན་པོའི་རྣམ་དཔྱོད་བརྟག་བཞེད་ནས། །ཕྱག་འཁར་

― MLP007_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླད་དུ་ལན་གྲངས་གསུམ་བསྐོར་བའི། །སྐུ་ཡི་རྣམ་འགྱུར་བསྟན་པས་གསལ་བར་མཛད། །ཅེས་པ་ལྟ་བུའོ། །བཅོ་ལྔ་པ་ཆའི་རྒྱན་གྱི་མཚན་ཉིད། དངོས་པོའི་རང་བཞིན་གསལ་པོ་དེ་ཟོལ་གྱི་ཚིག་གིས་སྒྲིབ་ཅིང་སྦེད་པ་སྟེ། དབྱེ་ན་བཞི་ལས། དང་པོ་ཟོལ་གྱིས་སྦེད་པའི་འོས་པའི་ཆ་རྒྱན་ནི། རིང་ནས་སྦྱངས་པའི་མཁས་མང་ཚོགས་དབུས་སུ། །རྩོད་ཚེ་བརྗོད་པ་བརྟབ་ཅིང་ལྕེ་སྙིང་འདར། །དབུགས་ཧད་འཁུན་སྒྲ་གཞན་གྱིས་རིག་གྱུར་ལ། །ཀྱེ་མ་སྟོད་འཚང་ནད་ཀྱིས་གདུངས་སོ་སྐད། །གཉིས་པ་མི་འོས་པའི་ཆ་རྒྱན་ནི། ལང་ཚོས་རབ་སྒེག་མཛེས་མ་ཚོགས་དབུས་སུ། །དཔལ་ལྡན་ཇོ་བོའི་བཞིན་འགྱུར་མིག་གཉིས་ནས། །མཆི་མ་བྱུང་འདི་ངེས་འབྱུང་རྒྱས་པ་ཡིས། །འཁོར་བའི་རང་བཞིན་དྲན་མོད་གཞན་དུ་ཅི། །གསུམ་པ་བསྟོད་བསྟོད་འདྲ་ལ་སྨད་པའི་ཆ་རྒྱན་ནི། གྲགས་པའི་ཁྲི་ལ་ཞབས་ཟུང་བསྟི་བྱས་ནས། །རྙེད་བཀུར་ནོར་བུའི་དཔལ་དང་དགྲ་བོའི་སྡེ། །མཐར་བྱེད་དཔའ་བོའི་དགའ་སྟོན་རྒྱ་ཆེན་པོར། །དགྱེས་རོལ་སྔོན་མེད་དགེ་སློང་ཁྱེད་རྒྱལ་ལོ། །བཞི་པ་སྨད་སྨད་འདྲ་ལ་བསྟོད་པའི་ཆ་རྒྱན་ནི། རི་དྭགས་རྒྱུ་བའི་ནགས་ཁྲོད་དབེན་པ་ན། །གང་ཁྱོད་སྙན་གྲགས་འཁོར་སློབ་རྙེད་བཀུར་གྱི། །བསོད་ནམས་དཔལ་ཀུན་བོར་ནས་བསམ་གཏན་ངང་། །འཇོག་པའི་ཉམ་ཆུང་ལ་བརྟེན་ཚུལ་འདི་དམན། །ཞེས་པ་ལྟ་བུའོ། །བཅུ་དྲུག་པ་རིམ་པ་ཅན་གྱི་རྒྱན་གྱི་མཚན་ཉིད། ཚིག་སྔ་མ་དང་ཕྱི་མ་གོ་རིམ་མ་འཆོལ་བར་རིམ་བཞིན་སྦྱར་བས་དོན་སྟོན་པ་ཞིག་སྟེ། དཔེར་ན། རྨད་བྱུང་སྤོབས་པ་སྟེར་ལ་ཆེས་རིངས་པའི། །དབྱངས་ཅན་ཁྱོད་གདོང་དབུ་སྐྲ་འདྲེན་བྱེད་དཔལ། །ཟླ་དཀྱིལ་བུང་བ་ཨུཏྤལ་སྔོན་པོ་ཡི། །མཚར་སྡུག་མ་ལུས་བསྡུས་ནས་སྤེལ་བར་ངེས། །ཞེས་པ་ལྟ་བུའོ། །བཅུ་བདུན་པ་དགའ་བའི་རྒྱན་གྱི་མཚན་ཉིད། མཆོག་ཏུ་བདེ་བའི་རྒྱུ་དགའ་བ་སྔོན་མེད་སྐྱེས་པ་རྟོགས་བྱེད་ཀྱི་ཚིག་སྦྱོར་ཏེ། དབྱེ་ན་གཉིས་ལས། དང་པོ་དངོས་ཐོབ་ཀྱི་དགའ་བ་ནི། ཟབ་ཅིང་རྒྱ་ཆེའི་བསྟན་བཅོས་ཤིང་རྟ་ཆེ། །རྗེ་བཙུན་བླ་མའི་ཞལ་བཟང་ལས་ཐོས་

― MLP007_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །ཡ་མཚན་འདི་འདྲའི་དགའ་བ་སྟེར་ནུས་སུ། །ད་དུང་ལན་གཅིག་མིན་པར་བསྟན་དུ་གསོལ། །གཉིས་པ་གཟུགས་བརྙན་གྱི་དགའ་བ་ནི། རྒྱལ་ཀུན་འདུས་ཞལ་ཕྱེ་བའི་ཟ་མ་ཏོག །ཐམས་ཅད་མཁྱེན་གཟིགས་བློ་བཟང་རྒྱ་མཚོ་སྟེ། །ཁྱོད་ཞལ་བསྟན་འགྲོའི་ཉེར་འཚོར་གསལ་བ་འདི། །ལེགས་བྱས་ཡངས་པའི་མིག་གིས་མཐོང་བར་གྱུར། །ཅེས་པ་ལྟ་བུའོ། །བཅོ་བརྒྱད་པ་ཉམས་ལྡན་གྱི་རྒྱན་གྱི་མཚན་ཉིད་གང་ཐོས་ན་སྒེག་པ་ལ་སོགས་པ་ཡིད་དུ་འོང་བའི་ཉམས་འཆར་བ་ཞིག་སྟེ། དབྱེ་ན་བརྒྱད་ལས། དང་པོ་སྒེག་པའི་ཉམས་ནི། རླབས་ཆེན་ཚོགས་གཉིས་སྤྱོད་པས་རིང་མོ་ནས། །སྒྲུབ་འོས་རིག་པ་རང་གྲོལ་ཆོས་ཀྱི་སྐུ། །དེ་རིང་དཔལ་ལྡན་བླ་མའི་མན་ངག་གིས། །སྐད་ཅིག་ཉིད་ལ་མངོན་དུ་བསྟན་འདི་ཅི། །གཉིས་པ་དྲག་ཤུལ་གྱི་ཉམས་ནི། རབ་གཏུམ་སྲིན་མོའི་གཟུགས་འཆང་ངན་ནེ་མ། །དམར་འཁྲུག་རྔམས་པའི་གདོང་མིག་ཆེར་བགྲད་དེ། །སེན་མོའི་ལྕགས་ཀྱུས་ཉམས་པའི་མགོ་སྐྱེས་ནས། །མདུན་དུ་དྲངས་འདི་ཡུད་ཙམ་འཚོ་གྱུར་རམ། །གསུམ་པ་དཔའ་བའི་ཉམས་ནི། ཡན་ལག་བཞི་བའི་དཔུང་ཚོགས་མ་བཤམས་ཤིང་། ཁོང་ཁྲོའི་རལ་གྲི་རྣོན་པོ་མ་བརྡར་ལ། །ཕྱོགས་ལས་རྒྱལ་བའི་རུ་མཚོན་མ་ཕྱར་བར། །སྲིད་པའི་གཡུལ་བཟློག་དཔའ་བོར་ཇི་ལྟར་འགྱུར། །བཞི་པ་སྙིང་རྗེའི་ཉམས་ནི། པདྨའི་མལ་སྟན་འཇམ་པོ་ལ་མནལ་ཞིང་། །རྔ་ཡབ་བསིལ་བས་དུས་སུ་སློང་འོས་པའི། །གཞོན་ནུ་མ་དེ་མི་བཟད་དམྱལ་བ་ཡི། །མེ་ཚོགས་སྤུ་གྲིའི་ཚལ་དུ་ཇི་ལྟར་ཉལ། །ལྔ་པ་མི་སྡུག་པའི་ཉམས་ནི། བག་མེད་ཆང་ལ་རོལ་བའི་སྐྱེ་བོ་འགའ། །ར་རོའི་ངན་སྐྱུག་སྐྱུག་དང་ལྷན་ཅིག་པར། །མི་གཙང་ཕྱི་སས་གང་བའི་དོ་ར་ན། །འཁྱོམས་ཤིང་འཁྱོམས་ཤིང་གར་བྱེད་འགྱེལ་བར་གྱུར། །དྲུག་པ་བཞད་གད་ཀྱི་ཉམས་ནི། གང་ཞིག་ཆགས་བྲལ་བརྟུལ་ཞུགས་འཛིན་བྱེད་པའི། །རབ་བྱུང་ཁྱོད་ནི་དབེན་པར་མཛེས་མ་དང་། །ལྷན་ཅིག་མཛའ་བའི་སྤྱོད་པས་འཚོ་བ་འདི། །རང་རིག་དམར་སེར་གོས་ཀྱིས་སྒྲིབ་པར་མཛོད། །བདུན་པ་རྨད་བྱུང་གི་ཉམས་ནི། བདག་མེད་རྟོགས་པའི་ཤེས་རབ་གཅིག་ཁོ་ནས། །སྡུག་བསྔལ་རླབས་འཁྲུགས་སྲིད་གསུམ་འཁོར་མཚོ་ལས། །རྣམ་

― MLP007_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བརྒལ་བའི་གོ་འཕང་ཀུན་གྱི་མཆོག །དཀའ་བ་མེད་པར་རྙེད་འདི་ཨེ་མ་མཚར། །བརྒྱད་པ་འཇིགས་རུང་གི་ཉམས་ནི། གཏུམ་ཚན་ཧ་ལའི་མདོག་འཆང་སྲིད་པ་གསུམ། །ཟ་བྱེད་རྔམས་པའི་ཞལ་བགྲད་ཧེ་རུ་ཀ། དེ་མཐོང་ཙམ་གྱིས་འཇིགས་བྱེད་ཁྲོ་ཚོགས་ཀུན། །ཐམས་ཅད་ཅིག་ཅར་འདར་ཞིང་ལག་ཆ་ཤོར། །ཞེས་པ་ལྟ་བུའོ། །བཅུ་དགུ་པ་གཟི་བརྗིད་ཅན་གྱི་རྒྱན་གྱི་མཚན་ཉིད། གང་ཐོས་ན་སྨྲ་བ་པོ་ང་རྒྱལ་ཅན་དུ་གོ་བར་བྱེད་པའི་ཚིག་གཟི་བརྗིད་ཅན་བརྗོད་པ་སྟེ། དཔེར་ན། ཐེག་མཆོག་སྔགས་གཞུང་འཆད་ལ་གསང་བདག་ལྟར། །ཕྱོགས་ལས་རྣམ་རྒྱལ་འགྱུར་མེད་རྡོ་རྗེའི་སྡེ། །རྟོག་གེའི་གཡང་སར་འཕྱན་རྣམས་མ་འཇིགས་པར། །བདག་ལུས་སྤྱི་བོར་ལོངས་དང་རྗེས་སུ་འཛིན། །ལྟ་བུའོ། །ཉི་ཤུ་པ་རྣམ་གྲངས་བརྗོད་པའི་རྒྱན་གྱི་མཚན་ཉིད། འདོད་དོན་དངོས་སུ་མ་བརྗོད་པར་དེ་འགྲུབ་པའི་ཆེད་དུ་ཚིག་སྦྱོར་གྱི་རྣམ་པ་གཞན་གྱི་སྒོ་ནས་བརྗོད་པ་སྟེ། དཔེར་ན། ཉི་མའི་དཀྱིལ་འཁོར་ནུབ་ཚེ་ཁོ་བོ་ཅག །བསྐྱེད་རྫོགས་བསྒོམ་ཕྱིར་བསམ་གཏན་ཁང་བུར་འགྲོ། །གཞོན་ནུ་ལང་ཚོ་ལྡན་པ་ཁྱེད་ཅག་གཉིས། །དེ་སྲིད་ཁྱིམ་འདིར་དལ་གྱིས་འདུག །པར་མཛོད། །ལྟ་བུའོ། །ཉེར་གཅིག་པ་ཀུན་ཏུ་ཕན་པའི་རྒྱན་གྱི་མཚན་ཉིད། བྱ་བ་འགའ་ཞིག་རྩོམ་པ་ལ་ཁར་རྗེའི་བསོད་ནམས་ཀྱི་མཐུས་འདོད་བྱ་འབད་མེད་དུ་འགྲུབ་པའི་རྐྱེན་ཚོགས་པ་སྟེ། དཔེར་ན། དཔྱིད་ཀའི་བཞིན་རས་ངོམ་ཚེ་སྐྱེ་བོ་རྣམས། །འབད་པས་ལྡུམ་ར་འཆུ་བར་འདོད་པ་ན། །གློག་གི་ཞགས་པས་དྲངས་པའི་ཆུ་ཁུར་ལས། །ཆར་ཟིམ་བདུད་རྩིའི་རྒྱུན་བཟང་བབ་པར་གྱུར། །ལྟ་བུའོ། །ཉེར་གཉིས་པ་རྒྱ་ཆེ་བའི་རྒྱན་གྱི་མཚན་ཉིད། བསམ་པའི་འབྱོར་པ་ཤིན་ཏུ་རྒྱ་ཆེ་བའི་ཡོན་ཏན་བླ་ན་མེད་པ་སྟོན་པའི་ཚིག་སྦྱོར་ཏེ། དབྱེ་ན་གཉིས་ལས། དང་པོ་བསམ་པ་རྒྱ་ཆེ་བ་ནི། སྡུག་བསྔལ་རླབས་འཁྲུགས་སྲིད་པའི་ཆུ་གཏེར་ལས། །འགྲོ་ཀུན་གདོན་པར་

― MLP007_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེད་པའི་སྙིང་སྟོབས་ཀྱིས། །ཤིན་ཏུ་གཏོང་དཀའ་གཅེས་པའི་ལུས་སྲོག་ཀྱང་། །གཞན་ཕྱིར་གཏོང་ལ་འཇིགས་སེམས་ལྡང་མི་འགྱུར། །གཉིས་པ་འབྱོར་པ་རྒྱ་ཆེ་བ་ནི། རིན་ཆེན་ལས་གྲུབ་སུམ་རྩེན་ཁང་བཟང་གི། ཨིནྡྲ་ནཱི་ལའི་གཞིར་འཕོས་གཟུགས་བརྙན་བརྒྱས། །བསྐོར་བའི་མིག་སྟོང་ལྡན་པ་དངོས་དེའི་མདུན། །བློ་ལྡན་རིག་པ་ལེན་ཕྱིར་སྤྲོ་བས་ལྷགས། །ཞེས་པ་ལྟ་བུའོ། །ཉེར་གསུམ་པ་བསྙོན་དོར་གྱི་རྒྱན་གྱི་མཚན་ཉིད། དངོས་པོ་རང་གི་ངོ་བོ་གང་ཡིན་པ་དེ་ལ་མ་ཡིན་ཞེས་བསྙོན་ནས། དེ་ལས་ཆོས་གཞན་ཞིག་སྟོན་པ་སྟེ། དབྱེ་ན་གསུམ་ལས། དང་པོ་ཆོས་ལ་བསྙོན་པ་ནི། བསྟན་པའི་མངའ་བདག་གཏེར་ཆེན་ཆོས་ཀྱི་རྗེ། །གང་གི་གཟུགས་སྐུ་གཅིག་པུ་འདི་ཁོ་ན། །མ་ཡིན་སྣ་ཚོགས་མོས་དགེའི་རྗེས་སོང་བའི། །སྣང་བརྙན་བྱེ་བ་ཕྲག་བརྒྱ་ལས་ཀྱང་བརྒལ། །གཉིས་པ་ཡུལ་ལ་བསྙོན་པ་ནི། ཐུབ་རྣམས་དགོངས་པའི་ཞེ་ཕུགས་བི་མ་ལས། །གཅིག་བསྡུས་གསང་ཆེན་མན་ངག་བརྒྱ་བཅུ་དགུ། །བློ་དམན་སྙིང་ལ་དུག་ནད་སྟེར་བྱེད་དེ། །གཞན་དུ་མཁས་རྣམས་དགའ་བ་སྐྱེད་ཅེས་གྲགས། །གསུམ་པ་རང་བཞིན་ལ་བསྙོན་པ་ནི། མཚར་སྡུག་མཚན་མོའི་མགོན་གྱུར་ཀུནྡའི་གཉེན། །བདུད་རྩི་འཛག་པའི་འོད་ཅན་ཡིན་ཞེས་གྲགས། །དེ་ལྟ་ན་ཡང་སྙིང་ལ་འདོད་གདུང་གི། ཚད་ནད་སྐྱེད་པའི་དུག་ཏུ་འགྱུར་འདི་ཅི། །ཞེས་པ་ལྟ་བུའོ། །ཉེར་བཞི་པ་སྦྱར་བའི་རྒྱན་གྱི་མཚན་ཉིད། ཚིག་སྦྱོར་གཅིག་ཉིད་ལ་བརྗོད་བྱའི་དོན་ཐ་དད་ཡོད་པར་སྟོན་པ་སྟེ། དབྱེ་ན་དགུ་ལས། དང་པོ་གཅོད་མཚམས་ཐ་དད་མིན་པའི་སྦྱར་བ་ནི། གང་ཞིག་དྲི་མེད་ཤེལ་ལས་ལྷུང་བའི་འོད། །དབང་ཕྱོགས་རི་བོའི་རྩེ་ནས་ཤར་ཙམ་གྱིས། །འདབ་མ་རྣམ་པར་རྒྱས་ཤིང་མུན་པའི་སྐབས། །འཕྲོག་བྱེད་སྣང་བའི་དགའ་སྟོན་སྟེར་བ་ཡོད། །གཉིས་པ་གཅོད་མཚམས་ཐ་དད་ཚིག་འདྲའི་སྦྱར་བ་ནི། ཞེན་འཁོར་བར་སྐྱེ་བ་དང་བྱ་བའི་ལས་ཟིན་མེད། པའི་ལས་ཀྱི་ཟོ་ཆུན་དག །ཅིག་བག་ཆགས། ཅར་བསྐྱོད་པའི་མིག་འཁྲུལ་ལ། །བལྟས་འཁོར་བའི་མཐའ་དང་ལས་ཀྱི་མཐའ། ཀྱིན་ཡང་ཡང་འཁོར་འགྲོ་བ། །འདི་ལ་

― MLP007_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བ་དང་ལས་ལ། སྙིང་པོ་ཅི་ཞིག་ཡོད། །གསུམ་པ་བྱ་བ་གཅིག་པའི་སྦྱར་བ་ནི། །མི་བརྟན་གྱ་གྱུའི་འགྲོས་ལྡན་ཐུན་མོང་དུ། །ཀུན་གྱིས་སྤྱད་བྱའི་ཡུལ་གྱུར་མཛེས་མ་དང་། །དབྱར་དུས་རྣམ་པར་རྒྱས་པའི་ཉལ་འགྲོ་མས། །སྐྱེ་བོ་འདི་དག་ཐུར་དུ་འཁྲིད་པར་བྱེད། །ཡང་ན། གཡོ་ཐོབ་གོམས་བརྟན་ཉམས་རིམ་གྱིས་བགྲོད་པའི། །རྣལ་འབྱོར་ངང་ལས་གཡོ་མེད་བསྐྱེད་རིམ་དང་། །རྫོགས་པའི་རིམ་པ་ཟབ་མོས་སྐྱེ་བོ་དག །བླ་མེད་ཐེག་པའི་གོ་ས་མཐོན་པོར་འདྲེན། །བཞི་པ་བྱ་བ་མི་འགལ་བའི་སྦྱར་བ་ནི། སྲིད་པའི་ཉེས་ཀུན་མ་ལུས་དག་བྱེད་པ། །བདུད་རྩིའི་དཔལ་འདིས་འགྲོ་ཡིད་བསིལ་གྱུར་གང་། །དམ་པའི་ཆོས་ནི་ལེགས་པར་ཐོས་བྱས་ཏེ། །མངོན་རྟོགས་བསླབ་གསུམ་རྒྱུད་ལ་བསྟེན་པར་བྱས། །ལྔ་པ་འགལ་བ་ཅན་གྱི་སྦྱར་བ་ནི། ཆུ་ལྷའི་ཕང་པར་དལ་གྱིས་ཞུགས་པ་ཡིས། །རབ་ཏུ་འཕེལ་རྒྱས་དམར་བའི་རྣམ་འགྱུར་སྟོན། །ཉིན་མོར་བྱེད་པའི་འོད་ཟེར་ནུབ་གྱུར་ཏེ། །སྲེད་ལྡན་ཆགས་པ་དྲག་ཏུ་རྒྱས་པར་གྱུར། །དྲུག་པ་ངེས་པ་ཅན་གྱི་སྦྱར་བ་ནི། དཔལ་མགྲིན་ལྡན་ཕྱིར་འཕྲོག་བྱེད་ནི། །དབང་ཕྱུག་ཉིད་དེ་གཉིས་སྐྱེས་དབང་། །གང་གི་རལ་པའི་ཅོད་པན་རྩེར། །འཛེག་ཕྱིར་ཟླ་བ་ཁོ་ནར་ངེས། །བདུན་པ་ངེས་པ་འགོག་པའི་སྦྱར་བ་ནི། ཚངས་སྤྱོད་མཐར་ཕྱིན་ཁྱོད་ཞབས་རྟག་རྒྱུ་བའི། །པདྨ་ཅན་བུད་མེད་དང་མཚོ། ནི་ཆུ་གཏེར་ཁོ་ནར་ངེས། །འོན་ཀྱང་དམ་པའི་རྟེན་བཟང་འདེགས་བྱེད་པའི། །ཡིད་འོང་མཚར་བའི་འདམ་སྐྱེས་ཅན་འདི་མཐོང་། །བརྒྱད་པ་འགལ་མེད་ཀྱི་སྦྱར་བ་ནི། ལེགས་ལྡན་འགྲོ་ལ་མིག་གི་དཔལ་སྟེར་རྒྱལ་པོ་དང་ཉི་མ། བ། །གང་དག་གཟི་བརྗིད་ལྡན་ཞིང་ཀུན་ལ་སྙོམས། །ཤིང་རྟས་དྲངས་པའི་ཁྲི་ལ་རབ་བསྟི་བས། །ནོར་འཛིན་གཞི་ལ་ཀུན་དགའི་མཛེས་པ་སྟོན། །དགུ་པ་འགལ་བ་ཅན་གྱི་སྦྱར་བ་ནི། ཡི་དྭགས་རྒྱལ་པོར་གྲགས་ཀྱང་སྲིད་འདིར་འཇམ་དཔལ་གཤིན་རྗེ་དང་གཟའ། རྒྱལ། །ལྟ་བྱེད་མིག་སྟོང་བགྲད་ཀྱང་བརྒྱ་བྱིན་མིན། །འཕྲོག་བྱེད་མཚན་བཟང་འཛིན་ཀྱང་མགྲིན་སྔོན་མིན། །བྷ་ག་ཝན་ཁྱོད་གཡུལ་ལས་རྣམ་པར་རྒྱལ། །ཞེས་པ་ལྟ་བུའོ། །ཉེར་ལྔ་པ་ཁྱད་པར་བརྗོད་པའི་རྒྱན་གྱི་མཚན་ཉིད། རྒྱུ་འགའ་ཞིག་ཁྱད་པར་འཕགས་

― MLP007_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བསྟན་པའི་ཕྱིར། རྒྱུ་དེའི་ཁྱད་ཆོས་རིགས་ཡོན་ཏན་བྱ་བ་རྫས་འགའ་ཞིག་མ་ཚང་ཡང་། འབྲས་བུ་སྐྱེད་ནུས་པར་སྟོན་པ་སྟེ། དབྱེ་ན་ལྔ་ལས། དང་པོ་ཡོན་ཏན་མ་ཚང་བའི་ཁྱད་པར་བརྗོད་པ་ནི། རྒྱལ་བའི་སྲས་པོ་ཁྱོད་ཀྱི་བཟོད་པ་ཡི། །གོ་ཆ་འདི་ནི་མཁྲེགས་མིན་སྲ་བའང་མིན། །དེ་ལྟ་ན་ཡང་ཞེ་སྡང་ཚིག་གི་མདའ། །ཇི་ཙམ་འཕངས་ཀྱང་བརྫི་བར་ནུས་མ་ལགས། །གཉིས་པ་རིགས་མ་ཚང་བའི་ཁྱད་པར་བརྗོད་པ་ནི། རིག་པ་འཛིན་ཁྱོད་ཨོ་ཌཱི་ཡ་ན་དང་། །ལངྐའི་ཡུལ་ན་སྤྱོད་པའི་རིགས་མིན་ཡང་། །འདི་ན་གསང་ཆེན་རྡོ་རྗེ་ཐེག་པ་ཡི། །ཟབ་ལམ་སྨྲ་བའི་སྤོབས་པ་གཟེངས་སུ་མཐོ། །གསུམ་པ་བྱ་བ་མ་ཚང་བའི་ཁྱད་པར་བརྗོད་པ་ནི། མཛེས་པའི་ཟུར་མིག་ལྕགས་ཀྱུས་མ་བཏབ་ཅིང་། །ཡིད་འོང་གླུ་དང་གར་གྱིས་མ་བསུས་པར། །དྲན་པ་ཙམ་གྱིས་བདག་སྙིང་དབང་མེད་དུ། །འཕྲོག་མཛད་མཁས་པའི་དབང་པོ་སངས་རྒྱས་འཕེལ། །བཞི་པ་རྫས་མ་ཚང་བའི་ཁྱད་པར་བརྗོད་པ་ནི། ཡན་ལག་བཞི་ཡི་དཔུང་ཚོགས་མི་ལྡན་ཞིང་། །སྲ་བརྟན་ཡ་ལད་རྣོ་བའི་མཚོན་མེད་ཀྱང་། །སྔགས་ཀྱི་སྦྱོར་བ་ཙམ་གྱིས་བསྟན་དགྲའི་དཔུང་། །ལྷག་མེད་གཞོམ་མཁས་གནུབས་རིགས་པདྨ་དབང་། །ལྔ་པ་རྒྱུ་མ་ཚང་བའི་ཁྱད་པར་བརྗོད་པ་ནི། འཁོར་གཡོག་གིས་དོར་དབེན་པར་དཀའ་ཐུབ་ཀྱིས། །ལུས་མདངས་ཉམས་ཤིང་གོས་མེད་གཅེར་བུ་ཅན། །དེ་ལྟ་ན་ཡང་བདག་མེད་མངོན་རྟོགས་པའི། །མེ་ལོང་རྡོ་རྗེས་ཁམས་གསུམ་ཟིལ་གྱིས་མནན། །ཞེས་པ་ལྟ་བུའོ། །ཉེར་དྲུག་པ་མཚུངས་སྦྱོར་གྱི་རྒྱན་གྱི་མཚན་ཉིད། བརྗོད་འདོད་ལས་མཚུངས་ཆོས་ལྷག་པར་གྲགས་པ་གཅིག་དང་དོན་ལ་མི་མཚུངས་ཀྱང་བསྟོད་པའམ་སྨད་པའི་དོན་དུ་མཚུངས་པ་ལྟར་སྦྱར་བའི་ངག་སྟེ། དབྱེ་ན་གཉིས་ལས། དང་པོ་བསྟོད་པའི་མཚུངས་སྦྱོར་ནི། འཕགས་པའི་ཡུལ་དུ་དཔལ་ལྡན་ཆོས་ཀྱི་གྲགས། །གངས་ཅན་ལྗོངས་འདིར་བློ་ལྡན་ཤེས་རབ་སྟེ། །རྣམ་གཉིས་ཡང་དག་དོན་ལ་བལྟ་བ་དང་། །ཕྱིར་རྒོལ་འཇོམས་པའི་རིགས་པ་སྨྲ་འདི་མཚུངས། །གཉིས་པ་སྨད་པའི་མཚུངས་སྦྱོར་ནི། བླུན་ཚོགས་འཁོར་དབུས་འགྱིང་བའི་གཟི་བྱིན་དང་། །སྙན་གྲགས་ལོངས་སྤྱོད་འཇིག་རྟེན་བདེ་བའི་ཆོས། །མཛེས་ཀྱང་

― MLP007_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་པའི་ཚོན་རིས་ལྷ་གཞུ་ཡིས། །རྣམ་འགྱུར་སྙིང་པོའི་རང་མཚང་རྗེན་པར་སྟོན། །ཞེས་པ་ལྟ་བུའོ། །ཉེར་བདུན་པ་འགལ་རྒྱན་གྱི་མཚན་ཉིད། བྱ་བ་དང་ཡོན་ཏན་སོགས་དངོས་པོའི་ཆོས་འགལ་བ་རྣམས་ཡུལ་གཅིག་ལ་མི་འགལ་བར་འགྲོགས་པར་སྟོན་པ་སྟེ། དབྱེ་ན་དྲུག་ལས། དང་པོ་ཁྱད་གཞི་ཐ་དད་པའི་བྱ་བ་འགལ་བ་ནི། དྲི་མེད་བསླབ་གསུམ་རྒྱུད་ལ་བསྟེན་པ་ན། །ཐར་འདོད་རྣམས་ཀྱི་ཡིད་ལ་དགའ་བ་འཕེལ། །ལུས་མེད་སྙིང་ཞུགས་ལོག་ལམ་གཡང་ས་ལ། །གོམ་པ་འཇོག་རྣམས་དགའ་བའི་རྣམ་འགྱུར་ཉམས། །གཉིས་པ་ཡོན་ཏན་འགལ་བ་ནི། ཚ་ཟེར་ཅན་གྱི་འོད་རིས་གསར་པ་ཡིས། །རྒྱུ་སྐར་འཕྲེང་བའི་མཛེས་པ་རབ་ཕྲོགས་ནས། །ནོར་འཛིན་དཔལ་མོའི་གཞི་ལ་ཀུན་དགའ་བའི། །སྣང་བ་མཆོག་གི་མཛེས་པ་འཕེལ་བར་གྱུར། །གསུམ་པ་རྫས་འགལ་བ་ནི། བཞིན་མདོག་གནག་ཅིང་མགོ་སྐྱེས་ཀུན་ཏུ་དཀར། །གཉེར་མའི་རི་མོ་རབ་འཕེལ་སོ་རྣམས་དེངས། །ལུས་འཁྱོག་རང་སེམས་དྲང་པོ་མདའ་ལྟ་བུར། །སོང་བ་རྒན་པོའི་ལང་ཚོས་མ་བཅོམ་སུ། །བཞི་པ་རྫས་དང་ལས་འགལ་བའི་རྒྱན་ནི། ཟླ་བའི་བཞིན་རས་བུང་བ་གཞོན་ནུའི་མིག །པདྨའི་འཛུམ་ཞལ་གེ་སར་བཞད་པའི་ཚེམས། །གང་སྐུ་ཕན་བདེའི་བསིལ་སྟེར་དབྱངས་ཅན་མས། །བདག་ཡིད་མོས་ཤུགས་མེ་ཡིས་གདུངས་མིན་ནམ། །ལྔ་པ་གཞི་གཅིག་གི་བྱ་བ་འགལ་བ་ནི། གྲོང་ལས་རིང་བརྒལ་རྒྱལ་བས་བསྔགས་པའི་གནས། །རི་སུལ་དབེན་པར་བསམ་གཏན་ལ་བརྩོན་པས། །མ་བསྐུལ་ན་ཡང་ཐར་འདོད་སྐྱེ་བོ་རྣམས། །དམ་ཆོས་སྒྲུབ་ལ་རིངས་པས་གནས་དེར་ལྷགས། །དྲུག་པ་སྦྱར་བའི་འགལ་བ་ནི། འཇིག་རྟེན་དབང་ཕྱུག་འདབ་མ་ཡངས་པའི་སྤྱན། །གནག་ཅིང་དཀར་བའི་འབྲས་བུ་གཡོ་མེད་དག །མ་འདྲེས་སོ་སོར་གཟིགས་པའི་འགྲོ་ཀུན་ལ། །ཕན་བདེ་སྩོལ་བའི་དཔལ་དུ་ཅིས་མི་འགྱུར། །ཞེས་པ་ལྟ་བུའོ། །ཉེར་བརྒྱད་པ་སྐབས་མིན་བསྟོད་པའི་རྒྱན་གྱི་མཚན་ཉིད། དངོས་པོ་འགའ་ཞིག་ལ་བསྟོད་པ་སྐབས་སུ་མ་བབས་ཀྱང་དེ་ཉིད་ལ་རང་འདོད་ཀྱིས་བསྟོད་པ་སྟེ། དཔེར་ན། རང་

― MLP007_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཐོབ་པའི་བྲང་ཁང་ཉམས་དགའ་བར། །འབད་མི་དགོས་པའི་དད་ཟས་ཀྱིས་འཚོ་ཞིང་། །ཀློག་སྤོང་བྱ་བས་མི་བྲེལ་བློ་མཐུན་པའི། །གྲོགས་བཅས་ཟོས་བདེར་གནས་ཚོའི་སྐྱིད་པ་ལ། །ལྟ་བུའོ། །ཉེར་དགུ་པ་ཟོལ་བསྟོད་ཀྱི་རྒྱན་གྱི་མཚན་ཉིད། འགའ་ཞིག་ལ་སྨད་པ་སྐྱོན་ལྟར་བརྗོད་པའི་ཚུལ་གྱིས་ཕུགས་སུ་ཡོན་ཏན་བརྗོད་པར་སོང་བའི་ཟོལ་གྱིས་བསྟོད་པ་སྟེ། དབྱེ་ན་གསུམ་ལས། དང་པོ་མཐུ་ཕུན་ཚོགས་ཀྱི་ཟོལ་བསྟོད་ནི། དཔལ་མགོན་འཕགས་པ་ནཱ་གཱརྫུ་ནས་ཀྱང་། །ཚེ་གཅིག་ཟུང་འཇུག་གོ་འཕང་མངོན་མཛད་ན། །དེ་ཉིད་ཞིག་པོ་ཉི་སེང་ཁྱོད་ཀྱིས་ཀྱང་། །བརྙེས་པ་ཙམ་ལ་ཁེངས་པ་མཛད་རིགས་སམ། །གཉིས་པ་དཔའ་བ་ཕུན་ཚོགས་ཀྱི་ཟོལ་བསྟོད་ནི། སྔོན་ཚེ་བྱང་ཆེན་སྤྱོད་པ་ཡི། །ཆོམ་རྐུན་མི་བཟད་རྩུབ་མོ་དེས། །སྲིད་ཞིའི་བདེ་འབྲས་ཀུན་འཕྲོག་པ། །ཁྱོད་ཀྱིས་འདི་འདྲ་མཛད་རིགས་སམ། །གསུམ་པ་སྟོབས་ཕུན་ཚོགས་ཀྱི་སྦྱར་བའི་ཟོལ་བསྟོད་ནི། གང་གི་རིང་ལུགས་སྨྲ་བའི་དབྱངས་མཁན་གྱིས། །ངང་པའི་རྒྱལ་པོའི་ལོངས་སྤྱོད་མཐར་སོན་ན། །ཁྱོད་ལ་བརྟེན་པའི་སྨྲ་བའི་སྤོབས་པ་གང་། །ཐོབ་ཅེས་ཅི་ཕྱིར་མཆོག་གི་ང་རྒྱལ་མཛད། །ཅེས་པ་ལྟ་བུའོ། །སུམ་ཅུ་པ་ངེས་བསྟན་གྱི་རྒྱན་གྱི་མཚན་ཉིད། རང་གི་བསྟན་བྱའི་དོན་དེ་ལས་གཞན་ཞིག་དཔེའི་འཇུག་པས་བསྟན་ན་དེ་ཡང་དེ་དང་མཚུངས་པར་གོ་བའི་ངག་ཞིག་སྟེ། དབྱེ་ན་གཉིས་ལས། དང་པོ་མཆོག་གི་ངེས་བསྟན་ནི། སྨྲ་མཁས་ཁྱོད་ཀྱིས་དམ་ཆོས་བཤད་ཙམ་གྱིས། །གདུལ་བྱའི་འགྲོ་ལ་ཕན་པས་རྗེས་བཟུང་བ། །ཉིན་བྱེད་ཤར་བ་ཉིད་ཀྱིས་པདྨོ་ལ། །ཕུན་ཚོགས་དཔལ་སྟེར་བྱེད་པས་གསལ་བར་མཚོན། །གཉིས་པ་མཆོག་མིན་ངེས་བསྟན་ནི། ཐུབ་པས་བཅས་པའི་བསླབ་ཁྲིམས་ལས་འགོངས་པ། །དེ་དག་ཚར་གཅོད་འབྲས་བུ་གསལ་བྱེད་ཅིང་། །ཟླ་བ་ཤར་བའི་ཟེར་གྱིས་རེག་པ་ན། །མཚན་མོའི་མུན་ཚོགས་འཇོམས་འདི་ངེས་པར་བསྟན། །ཞེས་པ་ལྟ་བུའོ། །སོ་གཅིག་པ་ལྷན་ཅིག་བརྗོད་པའི་རྒྱན་གྱི་མཚན་ཉིད། ཆོས་ཐ་དད་པ་གཉིས་ཡོན་

― MLP007_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་དང་ལས་སོགས་ཀྱི་སྒོ་ནས་ལྷན་ཅིག་པར་བརྗོད་པ་སྟེ། དབྱེ་ན་གསུམ་ལས། དང་པོ་ཡོན་ཏན་ལྷན་ཅིག་བརྗོད་པ་ནི། དཔལ་ལྡན་དཎྜིའི་ལེགས་བཤད་དང་། །དངུལ་དཀར་མེ་ལོང་མཉམ་དུ་གསལ། །ཉི་མ་ཤར་ཚེ་ཀུ་མུད་དང་། །མི་མཁས་བློ་མིག་ལྷན་ཅིག་ཟུམ། །གཉིས་པ་ལས་ལྷན་ཅིག་བརྗོད་པ་ནི། འགྲོ་བ་རྣམས་ཀྱི་རེ་བཅས་མོས་པ་དང་། །པདྨ་འབྱུང་གནས་ཐུགས་རྗེ་མཉམ་དུ་སྐྱེས། །གང་དག་དད་པས་རབ་གདུངས་མཆི་མ་དང་། །ལྷན་ཅིག་པདྨའི་བྱིན་རླབས་རྣམ་པར་འབབ། །གསུམ་པ་རྫས་ལྷན་ཅིག་བརྗོད་པ་ནི། སྐྱེས་བུའི་ཚེ་འགྲོ་མི་རྟག་སྐྱོ་ཤས་དང་། །འཁོར་བའི་སྐྱོན་རྣམས་མཐོང་བའི་འཇིགས་སེམས་དང་། །རྣམ་གྲོལ་ཡོན་ཏན་དྲན་པའི་དད་པ་སྟེ། །འདི་གསུམ་ལྷན་ཅིག་རྣམ་པར་འཕེལ་བར་འགྱུར། །ཞེས་པ་ལྟ་བུའོ། །སོ་གཉིས་པ་ཡོངས་བརྗེས་ཀྱི་རྒྱན་གྱི་མཚན་ཉིད། དངོས་པོ་འགའ་ཞིག་ཡོན་ཏན་དང་བྱ་བ་སོགས་ཀྱི་དོན་ཕན་ཚུན་བསྣོལ་ནས་བརྗོད་པའི་ངག་སྟེ། དཔེར་ན། བློ་ཆེན་ཁྱོད་ཀྱིས་ཕན་བདེའི་དངོས་པོ་ཀུན། །འགྲོ་ལ་ཕོངས་པ་མེད་པར་སྦྱིན་མཛད་ནས། །དེ་དག་ཀུན་གྱི་གྲགས་སྙན་ཡིད་འོང་རྣམས། །ཁྱོད་ཀྱིས་ལྷག་མ་མེད་པར་ཅིག་ཅར་འཕྲོག །ལྟ་བུའོ། །སོ་གསུམ་པ་ཤིས་བརྗོད་ཀྱི་རྒྱན་གྱི་མཚན་ཉིད། མངོན་པར་འདོད་པའི་དངོས་པོ་ལ་སྨོན་པའི་ངག་སྟེ། དཔེར་ན། སྲིད་དང་རྣམ་པར་གྲོལ་བ་རྣམ་གསུམ་གྱི། །ཐེ་ཚོམ་དྲ་བ་མ་ལུས་གཅོད་མཛད་པ། །དུས་གསུམ་རྒྱལ་བའི་ཡབ་གཅིག་འཇམ་མགོན་གྱིས། །ཁྱོད་ལ་དགེ་ལེགས་གཡོ་མེད་མཛད་གྱུར་ཅིག །ལྟ་བུའོ། །སོ་བཞི་པ་རབ་སྤེལ་གྱི་རྒྱན་གྱི་མཚན་ཉིད། རྒྱན་ཐ་དད་པ་གཉིས་སམ་གསུམ་ལ་སོགས་པ་བསྲེས་ཏེ་ཚིགས་བཅད་རེར་རྒྱན་དུ་མ་ཚོགས་པའོ། །དེ་ལ་སྦྱོར་ཚུལ་གྱི་དབྱེ་བ་མཚོན་པའི་དཔེ་གཉིས་ལས། དང་པོ་བསྒྲུབ་བྱ་སྒྲུབ་བྱེད་འབྲེལ་མཚུངས་ཀྱི་རབ་སྤེལ་ནི། ཟླ་བ་གསར་པའི་མདངས་འཕྲོག་སྒྲ་དབྱངས་མའི། །མཛེས་སྐུ་མ་བྲིས་མཚར་སྡུག་རི་མོ་

― MLP007_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། །བྱ་དཀའ་མེད་པར་ཟླ་བའི་ཕུན་ཚོགས་ལ། །འགོངས་ནུས་ཉི་མའི་འོད་ཀྱིས་འཕྱ་བ་བཞིན། །གཉིས་པ་སྟོབས་མཚུངས་རབ་སྤེལ་ནི། དབྱངས་ཅན་ཁྱོད་ཞལ་རང་བཞིན་མཛེས་པའི་སྐུ། །ཚངས་པའི་དབྱངས་ལྟར་རབ་སྙན་གསུང་དབྱངས་ཅན། །གང་ཐུགས་ངང་པའི་ལམ་གྱི་ཁེངས་འཕྲོག་མས། །བློ་དང་ངག་གི་ཕུན་ཚོགས་མཉམ་དུ་སྩོལ། །ཅེས་པ་ལྟ་བུའོ། །སོ་ལྔ་པ་དགོངས་པ་ཅན་གྱི་རྒྱན་གྱི་མཚན་ཉིད། སྙན་ངག་མཁན་གྱི་རྩོམ་འདོད་ཀྱི་བསམ་པ་ནི་དགོངས་པ། དེས་ཀུན་ནས་བསླངས་ཏེ་བརྩམས་པའི་དབུ་ནས་ཞབས་རྫོགས་པའི་བར་གྱི་ཚིག་སྦྱོར་གང་ལ་གནས་པའི་རྒྱུན་ལུས་གསུམ་གྱི་ཡུལ་ལ་ཡོད་པའི་ཡོན་ཏན། ངག་རྣམས་གཅིག་གིས་གཅིག་ཕན་ཚུན་འབྲེལ་ཆགས་ཤིང་ཕན་པར་བྱེད་པ། དགོངས་དོན་བྲལ་བའི་ཚིག་སྤངས་པ། སྐབས་སུ་བབ་པའི་གནས་ལ་བསྔགས་ཤིང་བརྒྱན་པ། ཚིག་སྦྱོར་གང་བརྗོད་པའི་ཤུགས་ཀྱིས་བརྗོད་བྱའི་དངོས་པོ་ཟབ་མོ་དག་བདེ་བླག་ཏུ་རྟོགས་ནུས་པ་སྟེ། དེ་རྣམས་ཚོགས་པ་ལས་རྒྱན་འདི་འབྱུང་བས་ཚིགས་བཅད་རེ་ཙམ་ལྟ་བུ་ཉི་ཚེ་བའི་རྒྱན་མིན་ཞེས་བཞེད་དེ། དཔང་ཊིཀ་ལས། འདི་ནི་རྒྱན་ཐམས་ཅད་ཀྱི་རྒྱན་དུ་གྱུར་པ་སྟེ། དང་པོ་དང་། བར་དང་། ཐ་མ་རྣམས་སུ་རྒྱུན་ལ་རྗེས་སུ་འཇུག་པའོ། །ཞེས་གསུངས་སོ། །དེ་བས་ན་དཔེར་བརྗོད་པ་ལ་ལོགས་སུ་བརྩམ་མི་དགོས་སོ། ༈ །གཉིས་པ་སྒྲ་རྒྱན་ལ་ཟུང་ལྡན། བྱ་དཀའི་ཁྱད་པར། དབྱངས་སོགས་ངེས་པའི་བྱ་དཀའ་དང་གསུམ། དང་པོ་ཟུང་ལྡན་གྱི་མཚན་ཉིད། ཡི་གེ་གཞན་གྱིས་བར་མ་ཆོད་པའམ་ཆོད་ཀྱང་རུང་སྟེ། ཡི་གེ་རེ་རེའམ་འགའ་ཟུང་ཟློས་ནས་རྗོད་པར་བྱེད་པའོ། །དབྱེ་ན། རྐང་པའི་ཐོག་མ་ནས་གཞན་དང་། །ཐོག་མཐའ་སྦྱར་དང་ཀུན་ཏུ་དང་། །འདྲེས་དང་བཟློག་པའི་ཟུང་ལྡན་དྲུག །ཅེས་པ་ལྟར་ལས། དང་པོ་ཐོག་མའི་ཟུང་ལྡན་ལ། བར་མ་ཆོད་པ་དང་། བར་དུ་ཆོད་པ་དང་། ཆོད་ཅིང་མ་ཆོད་པའོ། །དང་པོ་བར་མ་ཆོད་པ་ལའང་སྡེ་ཚན་བཞིའི། དང་པོ་རྐང་བ་གཅིག་ལ་ཡོད་པ་ལས། རྐང་པའི་ཐོག་མར་ཡོད་པ་ནི། ཐུབ་པ་ཐུབ་པར་གྲགས་འབར་དེ་དག་གི། རལ་པའི་ཅོད་པཎ་རྩེ་མོར་མངོན་འཕགས་པ། །སྟོན་པ་རྫོགས་

― MLP007_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཞབས་འོད་ཀར་ཅན། །ཕན་བདེའི་བསིལ་སྦྱིན་མཛད་དེ་སྤྱི་བོས་མཆོད། །༡རྐང་པ་གཉིས་པར། ཞི་ལམ་སྟོན་པའི་གང་གསུང་ལྷ་ཡི་རྔ། །དིར་དིར་བསྒྲགས་ཚེ་མཐའ་ཡས་སྐྱེ་རྒུ་ཀུན། །མ་རིག་གཉིས་ལས་བསླངས་ནས་ཐར་ལམ་གྱི། །སྣང་བ་དམ་པའི་དཔལ་ལ་འགོད་པར་མཛོད། ༢རྐང་པ་གསུམ་པར། དམ་ཆོས་བདུད་རྩིའི་བསིལ་སྟེར་རི་བོང་ཅན། །འགྲོ་འདིའི་བསོད་ནམས་ཤིང་རྟས་རབ་དྲངས་པས། །བརྒྱ་ཕྲག་བརྒྱ་ཕྲག་སྟོང་གི་ཐུགས་རྗེའི་འོད། །སྤྲོ་མཛད་ཚོགས་མཆོག་འཇིག་རྟེན་གསུམ་གྱི་སྐྱབས། །༣རྐང་པ་བཞི་པར། བྱང་ཆུབ་མཆོག་གི་ཐུགས་བསྐྱེད་ས་བོན་གང་། །ལེགས་སྤྱད་རྨད་བྱུང་དྲོད་གཤེར་གྱིས་བསྐྱངས་པས། །སྟོབས་བཅུའི་རྩལ་གྱིས་བདུད་སྡེའི་དཔུང་ཚོགས་ལས། །རྒྱལ་བ་རྒྱལ་བའི་དམ་པ་བརྙེས་དེར་འདུད། །༤ཅེས་པ་ལྟ་བུའོ། །གཉིས་པ་རྐང་པ་གཉིས་ལ་ཡོད་པ་ལས། དང་པོ་གཉིས། ལྡེམ་ལྡེམ་ཡིད་འོང་མཚར་སྡུག་མཛེས་པའི་སྐུ། །འཁྲོལ་འཁྲོལ་རྒྱུད་མང་སྒྲ་ཡིས་ཆོས་ཀུན་སྟོན། །རབ་དཀར་གངས་རིའི་མདངས་འཕྲོག་དབྱངས་ཅན་མས། །དེ་རིང་ཤེས་བྱར་ཐོགས་མེད་བློ་གྲོས་སྩོལ། །༥དང་པོ་དང་གསུམ་པར། ཧཱུ་ཧུ་འཁོར་བའི་མྱ་ངམ་ཐང་རིང་པོར། །ཐང་ཆད་རྣམ་གྲོལ་ངལ་སྟེགས་བྲལ་བའི་སེམས། །ཅེར་ཅེར་རང་ངོ་འཕྲོད་པ་དགའ་བདེའི་མཆོག །དེ་རིང་དཔལ་ལྡན་བླ་མས་བསྟན་འདི་སྤྲོ། །༦དང་པོ་དང་བཞི་པར། ལྷབ་ལྷབ་སྒྲོན་མེ་ལྟ་བུར་འབར་བའི་འོད། །ཀུན་ཏུ་གསལ་བས་འཇིག་རྟེན་མུན་པའི་སྨག །སྐྱོབ་ནུས་ལྷན་སྐྱེས་རང་སྣང་རིག་པ་ཡིས། །ལྷག་ལྷག་ཆོས་ཀུན་གནས་ལུགས་གསལ་བར་བསྟན། །༧གཉིས་པ་དང་གསུམ་པར། མགོན་ཁྱོད་ཐུགས་རྗེ་ཆད་མེད་གངྒཱའི་རྒྱུན། །ལྷུང་ལྷུང་གདུལ་བྱའི་ས་གཞིར་དལ་གྱིས་འབབ། །ཆིལ་ཆིལ་ཕན་བདེའི་རླབས་ཕྲེང་རབ་གཡོ་བས། །འགྲོ་འདིའི་སྲིད་པའི་ཚ་གདུང་ཀུན་ཏུ་བཅིལ། །༨གཉིས་པ་དང་བཞི་པར། འཁོར་བའི་མལ་དུ་གྱི་ནར་བག་ཕབ་པའི། །ཡུར་ཡུར་མ་རིག་གིས་མྱོས་གཉིད་འཐུག་ལས། །བརྩེ་ཆེན་དམ་པའི་ཆོས་སྒྲས་རབ་བསླངས་ནས། །ལྷག་ལྷག་འོད་གསལ་རྟོགས་པའི་སྣང་བ་ཤར། །༩གསུམ་པ་དང་བཞི་པར། སྨྲ་

― MLP007_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་གསུང་གི་དབང་ཕྱུག་ལ་བརྟེན་ན། །བསླུ་བ་མེད་པའི་སྐྱབས་སུ་ངེས་བརྙེད་ནས། །དུང་དུང་དད་པའི་གསོལ་བ་འདིར་འདེབས་ཀྱི། །བཞུགས་བཞུགས་བདག་གི་སྙིང་གར་རྟག་ཏུའོ། །༡༠ལྟ་བུའོ། །གསུམ་པ་རྐང་པ་གསུམ་ལ་ཡོད་པ་ལས། དང་པོ་གསུམ་ལ། ལྷང་ལྷང་འབོད་པའི་བསྟོད་དབྱངས་དང་། །ཁྲོལ་ཁྲོལ་སྙན་འགྱུར་རོལ་མོའི་སྒྲ། །འུར་འུར་སྒྲོག་འདི་སྲས་བཅས་ཀྱི། །རྒྱལ་རྣམས་དགྱེས་པའི་མཆོད་པར་སྤྲོ། །༡༡དང་པོ་གཉིས་དང་བཞི་པར། ལྡེམ་ལྡེམ་པུཎྜ་རི་ཀའི་སྡོང་པོ་ལ། །དཀར་དཀར་འདབ་སྟོང་རྒྱན་གྱིས་སྤྲས་པ་བཞིན། །མཛེས་སྡུག་ལང་ཚོ་ངོམ་པའི་ཚངས་སྲས་མས། །གསལ་གསལ་བློ་གྲོས་མཆོག་ཏུ་དཀར་བར་མཛོད། །༡༢དང་པོ་དང་ཕྱི་མ་གཉིས་ལ། ཟུམ་ཟུམ་མིག་ནི་འཛུམ་པ་ཡིས། །གང་གི་ཞལ་སྒོ་ལ་ལྟ་ཞིང་། །ཧྲིང་ཧྲིང་འགྱུར་ཁུགས་རྫོགས་པའི་གླུས། །ལྷང་ལྷང་འབོད་དོ་ཚངས་སྲས་མ། །༡༣ཕྱི་མ་གསུམ་ལ། ངག་དབང་ལྷ་མོ་དབྱངས་ཅན་མའི། །ལྷག་ལྷག་ཐུགས་རྗེའི་འོད་གསལ་གྱིས། །ཐོམ་ཐོམ་འགྲོ་བློའི་མུན་སྟུག་རྣམས། །ཡལ་ཡལ་ཞི་བ་དངོས་པོའི་གཤིས། །༡༤ལྟ་བུའོ། །བཞི་པ་རྐང་པ་བཞི་ཀའི་ཐོག་མར་ཡོད་པ་ནི། སྙན་སྙན་ལེགས་བཤད་སྒྲ་དབྱངས་རྫོགས་པའི་གཏམ། །ཡང་ཡང་རྣ་བར་སྐྱོར་མཁས་བཤེས་གཉེན་ལ། །འཁྱིལ་འཁྱིལ་གདུགས་ཕྲེང་ན་བཟའ་ལྷབ་ལྷུབ་དང་། །མེར་མེར་གང་བའི་ཟས་ཀྱིས་བཀུར་བར་འོས། །༡༥ལྟ་བུའོ། །གཉིས་པ་བར་དུ་ཆོད་པ་ལ་གསུམ་གྱི། དང་པོ་རྐང་པ་གཉིས་ལ་ཡོད་པ་ལས། རྐང་པ་དང་པོ་གཉིས་ལ་ཡོད་པ། ཉི་མ་སྟོང་ཕྲག་འཁྱིལ་འདྲའི་གཟི་བྱིན་གྱིས། །ཉི་མའི་འོད་སྣང་མོག་པོར་བྱེད་ནུས་པ། །མཧཱ་དེ་ཝ་ཁྱོད་སྐུའི་ངོ་མཚར་གྱིས། །རྟ་མཆོག་དཔལ་གྱི་སྙེམས་པའང་ཕྲོགས་སམ་སྙམ། །༡དང་པོ་དང་གསུམ་པར། པདྨ་དཀར་པོའི་སྡོང་བུ་ལྡེམ་པ་བཞིན། །མཚར་སྡུག་འཛུམ་ཞལ་གཡོ་བའི་རབ་མཛེས་མ། །པདྨའི་སྟན་བཞུགས་བཅོམ་ལྡན་ཐུགས་རྗེའི་གཏེར། །ཡིད་བཞིན་འཁོར་ལོས་འཆི་མེད་གྲུབ་པ་སྩོལ། །༢དང་པོ་དང་བཞི་པར། ཟླ་ཞལ་སྣང་སྟོང་སྒྱུ་མའི་སྐུ། །ཁྲོ་འཛུམ་བཞད་པའི་རྣམ་འགྱུར་ཅན། །བཅོམ་ལྡན་ཤེས་རབ་གསལ་བྱེད་མས། །ཟླ་ལྟར་གསལ་

― MLP007_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་བློ་གྲོས་སྩོལ། །༣བར་མ་གཉིས་ལ་:ཕོད་༼ཡོད༽པ། གང་སྐུ་པདྨའི་སྡོང་པོ་རབ་ལྡེམ་པར། །ཀུན་ནས་མཛེས་པའི་མཚན་བཟང་ཡལ་འདབ་གཡོ། །ཀུན་ནས་རྣམ་རྒྱལ་བློ་གྲོས་སྦྲང་རྩིའི་དཔྱིད། །འགྲོ་ལ་སྦྱིན་མཁས་རྒྱལ་ཡུམ་ཤེར་ཕྱིན་མ། །༤གཉིས་པ་དང་བཞི་པར། སྒྲ་དབྱངས་འདུས་པའི་ཆུ་གཏེར་ལས། །ལེགས་འཁྲུངས་ཡིད་འོང་མཚར་སྡུག་ཅན། །འགྲོ་ལ་སྙན་འགྱུར་ངག་གི་དཔལ། །ལེགས་པར་སྟེར་མཛད་ཟླ་ཞལ་མ། །༥ཕྱི་མ་གཉིས་ལ། ཤིན་ཏུ་མི་བཟད་རྔམས་པའི་ཞལ་བགྲད་པས། །སྲིད་གསུམ་ཁམ་དུ་ཟ་བྱེད་ཧེ་རུ་ཀ། རབ་འབར་བསྐལ་པའི་མེ་དཔུང་འབར་བའི་དབུས། །རབ་གཏུམ་གར་གྱིས་འགྱིད་ཅིང་རྣམ་པར་རོལ། །༦ལྟ་བུའོ། །གཉིས་པ་རྐང་པ་གསུམ་ལ་ཡོད་པ་ལས། དང་པོ་གསུམ་ལ་ཡོད་པ། སྨྲ་ངན་ཝ་ཚོགས་ཀླད་པ་འགེམས་བྱེད་ཅིང་། །སྨྲ་མཁས་བློ་གསལ་རི་དྭགས་ཚོགས་སྐྱོང་བ། །སྨྲ་བའི་སེངྒེ་ཀློང་ཆེན་རབ་འབྱམས་དཔལ། །ཐུབ་བསྟན་གངས་རིའི་རྩེ་མོར་མངོན་པར་འགྱིངས། །༧དང་པོ་དང་ཕྱི་མ་གཉིས་ལ་ཡོད་པ། དཔལ་ལྡན་ཚོགས་གཉིས་ཆུ་གཏེར་བསྲུབས་པ་ལས། །ལེགས་འཁྲུངས་མཁྱེན་བརྩེའི་ཉི་མ་འཇམ་དཔལ་དབྱངས། །དཔལ་ལྡན་སྐལ་བཟང་ཡིད་མཁར་རྟག་བཞུགས་ནས། །དཔལ་ལྡན་བློ་གྲོས་སྣང་བ་སྟེར་དེར་འདུད། །༨རྐང་པ་ཕྱི་མ་གསུམ་ལ་ཡོད་པ། བཅུ་ཕྲག་རིག་པའི་གནས་ཀྱི་གཞུང་ལུགས་ལ། །ཤེས་རབ་གསུམ་གྱི་བྱ་བ་འཇུག་པའི་ཚེ། །ཤེས་རབ་རྨད་བྱུང་སྤོབས་པ་སྦྱིན་མཁས་པ། །ཤེས་རབ་གསལ་བྱེད་རྡོ་རྗེ་ཕག་མོས་སྐྱོངས། །༩རྐང་པ་བཞི་ཀའི་ཐོག་མར་ཡོད་པ། ཡིད་བཞིན་ནོར་བུ་ཇི་ལྟ་བ་བཞིན། །ཡིད་བཞིན་འདོད་པ་ཀུན་ཏུ་སྩོལ་མཁས། །ཡིད་བཞིན་འཁོར་ལོ་རྒྱལ་ཡུམ་དགེ་མས། །ཡིད་བཞིན་རེ་བ་འགྲུབ་པར་མཛོད་ཅིག །༡༠དང་པོ་གཉིས་འདྲ་ཞིང་ཕྱི་མ་གཉིས་འདྲ་བ། ཆོས་དབྱིངས་ངང་ལས་མི་གཡོའི་ཐུགས་མངའ། །ཆོས་ཅན་རབ་བརྗིད་ཁྲོ་རྒྱལ་སྐུར་སྟོན། །གཅོད་བྱེད་རལ་གྲིས་ཀུན་རྟོག་དྲ་བ། །གཅོད་མཛད་ལྷག་པའི་ལྷ་དེས་སྲུངས་ཤིག །༡༡དང་གསུམ་འདྲ་ལ་གཉིས་བཞི་མཚུངས་པ། ཨུཏྤལ་སྤྱན་མངའ་རྗེ་བཙུན་སྒྲོལ་མ། །རབ་མཛེས་ཁྱོད་སྐུ་མརྒད་མདངས་

― MLP007_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོག །ཨུཏྤལ་སྔོན་པོའི་ཕྱག་གི་པདྨ། །རབ་མཛེས་བརྒྱན་པར་མཛད་ལ་འདུད་དོ། །༡༢ཐོག་མཐའ་འདྲ་ཞིང་བར་གཉིས་འདྲ་བ། ཆ་ཤས་ཡོངས་གང་ཟླ་འདྲའི་སྐུ་མངའ། །མི་ཤེས་མུན་ཚོགས་ལས་རྒྱལ་འཕགས་མས། །མི་ཤེས་སྤྲིན་བྲལ་བློ་གྲོས་ཟླ་བ། །ཆ་ཤས་ཀུན་ནས་རྫོགས་པར་མཛོད་ཅིག །༡༣ཅེས་པ་ལྟ་བུའོ། །གསུམ་པ་ཆོད་ཅིང་མ་ཆོད་པའི་ཟུང་ལྡན་ནི། ཕྱེད་སྔ་མ་འདྲ་ཞིང་ཕྱེད་ཕྱི་མ་འདྲ་བ། ཀྱི་ཧུད་ཀྱི་ཧུད་འཁོར་མཚོར་ལྷུངས་པའི་འགྲོ། །ཀྱི་ཧུད་ཀྱི་ཧུད་སྡུག་བསྔལ་རྦ་ལ་གཡེང་། །ཐར་པ་ཐར་པའི་ཕུན་ཚོགས་ཐོབ་འདོད་ན། །ཐར་པ་ཐར་པའི་ལམ་སྟོན་བཤེས་གཉེན་བསྟེན། །༡༤ཐོག་མཐའ་གཉིས་དང་བར་མ་གཉིས་འདྲ་བ། ལྡེམ་ལྡེམ་ནི་ཙུ་ལ་ཡི་སྐྱེད་ཚལ་དུ། །ལྷུང་ལྷུང་མརྒད་བཞུ་འདྲའི་ཆུ་རྒྱུན་འབབ། །ལྷུང་ལྷུང་བུང་བ་སྙན་པའི་གླུ་ལེན་ཅིང་། །ལྡེམ་ལྡེམ་པདྨོའང་མགོ་ལྕོག་རྣམ་པར་གཡོ། །༡༥རྐང་པ་བཞི་ཀའི་ཐོག་མར། དངོས་པོ་དངོས་པོར་འཛིན་ཞེན་ཨ་འཐས་པས། །དངོས་པོ་དངོས་པོའི་དུཿཁས་འགྲོ་འདི་མནར། །དངོས་པོ་དངོས་པོར་སྣང་ཀུན་གདོད་མ་ནས། །དངོས་པོ་དངོས་པོར་མེད་པ་རྟོགས་ན་ཐར། །༡༦ལྟ་བུ་སྟེ་ཐོག་མའི་ཟུང་ལྡན་སོ་གཅིག་ཚར་རོ། །གཉིས་པ་གནས་གཞན་ན་ཡོད་པའི་ཟུང་ལྡན་ལ་དྲུག་གི། དང་པོ་རྐང་བཞིའི་དབུས་ན་ཡོད་པ་ལ་གཉིས་ལས། དང་པོ་ཆོད་ཅིང་མ་ཆོད་པ་ནི། མ་རིག་མུན་པ་ལས་རྒྱལ་རྒྱལ་བའི་འོད། །ཉོན་མོངས་གཡུལ་ལས་རྣམ་རྒྱལ་རྒྱལ་བའི་དབང་། །སྲིད་པའི་དགྲ་ལས་རབ་རྒྱལ་རྒྱལ་མཆོག་སྟེ། །བདུད་དཔུང་ལས་རྒྱལ་རྒྱལ་བའི་ཚོགས་ལ་འདུད། །༡གཉིས་པ་ཆོད་པ་ནི། མིག་སྔར་མཛེས་སྡུག་མཛེས་པའི་སྐུ་མངའ་ཞིང་། །རྣ་བར་མཛེས་སྙན་མཛེས་གསུང་ཆོས་སྒྲ་སྒྲོག །བསམ་གྱིན་ཡིད་ལ་མཛེས་སྟེར་མཛེས་པའི་ཐུགས། །གང་ལ་མཛེས་གསུམ་མཛེས་ལྡན་དགེ་བའི་བཤེས། །༢ལྟ་བུའོ། །གཉིས་པ་མཐའ་ན་ཡོད་པ་ལ་གཉིས་ལས། དང་པོ་ཆོད་པ་ནི། མཐའ་ཡས་འགྲོ་བའི་བསོད་ནམས་ཞིང་གི་དཔལ། །ཐར་འདོད་རྣམས་ཀྱིས་རྟག་ཏུ་བསྟེན་བྱའི་དཔལ། །སྒྲིབ་བྲལ་ཡོན་ཏན་མ་ལུས་རྫོགས་པའི་དཔལ། །དེ་ཕྱིར་མགོན་ཁྱོད་བསླུ་མེད་སྐྱབས་མཆོག་དཔལ། །༡གཉིས་

― MLP007_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཆོད་ཅིང་མ་ཆོད་པ་ནི། མཚན་དཔེས་རབ་སྤྲས་ཁྱེད་སྐུའི་མདངས་གསལ་གསལ། །ཐེག་གསུམ་ཆོས་དབྱངས་སྒྲོག་པའི་གསུང་གསལ་གསལ། །ཆོས་ཀུན་གནས་ལུགས་མཁྱེན་པའི་ཐུགས་གསལ་གསལ། །མཁའ་ཁྱབ་འགྲོ་འདུལ་ཐུགས་རྗེས་འོད་གསལ་གསལ། །༢ལྟ་བུའོ། །གསུམ་པ་བར་ཐ་གཉིས་ན་ཡོད་པ་ལ་གཉིས་ལས། དང་པོ་ཆོད་པ་ནི། རིན་ཆེན་དོ་ཤལ་རབ་འཁྲོལ་འོག་པག་འཁྲོལ། །རྐང་ལག་གདུ་བུ་གསིལ་འཁྲོལ་རྣ་ཆ་འཁྲོལ། །སྙན་འགྱུར་རྒྱུད་མང་སྟོང་འཁྲོལ་སོར་གདུབ་འཁྲོལ། །སྒྲ་དབྱངས་འཁྲོལ་བས་བདག་མགྲིན་ལེགས་བཤད་འཁྲོལ། །༡གཉིས་པ་ཆོད་ཅིང་མ་ཆོད་པ། གང་སྐུ་རབ་དཀར་དཀར་མཛེས་མདངས་དཀར་དཀར། །ལེགས་སྟོན་གསུང་དཀར་དཀར་ཆོས་དཔལ་དཀར་དཀར། །སྒྲིབ་བྲལ་རྣམ་དཀར་དཀར་གསལ་ཐུགས་དཀར་དཀར། །ཚངས་སྲས་མ་དཀར་དཀར་མོ་ཁྱོད་དཀར་དཀར། །༢ལྟ་བུའོ། །བཞི་པ་ཐོག་བར་ན་ཡོད་པ་ལ་གཉིས་ལས། དང་པོ་ཆོད་པ་ནི། རབ་དཀར་ཀུནྡ་རབ་ཏུ་བཞད་པའི་ཞལ། །རབ་མཛེས་སྤྱན་ཟུར་རབ་གཡོ་སྨིན་འཁྱོག་མ། །རབ་འཕངས་འདོད་མདས་རབ་ཏུ་གཟིར་བྱས་པའི། །རབ་མང་གཞོན་ནུ་རབ་རིབ་ཐིབས་པོས་མྱོས། །༡གཉིས་པ་ཟུང་མིན་གྱི་ཐོག་ཐ་དང་། ཟུང་གི་ཐོག་བར་ན་ཆོད་ཅིང་མ་ཆོད་པ་ནི། ལ་ལ་ཚུལ་ཁྲིམས་ལེགས་བསྲུང་ཨ་ལ་ལ། །ལ་ལ་མང་ཐོས་ལ་ལ་རྟོག་ཅིང་དཔྱོད། །ལ་ལ་འོད་གསལ་དོན་སྒོམ་ཏ་ལ་ལ། །ལ་ལ་འཆད་རྩོམ་ལ་ལ་རྩོད་པས་དགེ། ཡང་ན། སོ་སོར་སྐྱེ་ཞིང་འགག་པ་ཡང་སོ་སོར། །སོ་སོར་འདུ་ཞིང་སོ་སོར་འབྲལ་བའི་ཆོས། །སོ་སོའི་རྒྱུ་ལས་འབྲས་སྨིན་ཡང་སོ་སོ། །སོ་སོའི་སྐྱེ་བོས་སོ་སོར་རྟོགས་མི་འགྱུར། །ལྟ་བུའོ། །ལྔ་པ་ཐོག་ཐ་གཉིས་ན་ཡོད་པ་ལ་གཉིས་ལས། དང་པོ་བཞི་ཀའི་ཐོག་ཐ་བར་ཆོད་པ་ནི། ཀུན་མཁྱེན་ཉིད་ཕྱིར་ཤེས་བྱའི་གནས་རྣམས་ཀུན། །ཀུན་ནས་འདྲེས་པ་མེད་པར་རྣམ་པ་ཀུན། །ཀུན་ཀྱང་པདྨའི་འདབ་ལྟར་ཕྱོགས་དུས་ཀུན། །ཀུན་ཏུ་ས་ལེར་རབ་གཟིགས་རྒྱལ་བ་ཀུན། །༡གཉིས་པ་བཞི་ཀའི་ཐོག་ཐ་ཆོད་ཅིང་མ་ཆོད་པ་ནི། མཚར་མཚར་ཧྲཱིཿཡིག་བཞུ་བའི་མདངས་མཚར་མཚར། །མཚར་མཚར་པད་འདབ་རྒྱས་འདྲའི་སྤྱན་མཚར་

― MLP007_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

མཚར། །མཚར་མཚར་སིལ་འཁྲོལ་རིན་ཆེན་རྒྱན་མཚར་མཚར། །མཚར་མཚར་གཞོན་ཚུལ་དགྱེས་པའི་ཉམས་མཚར་མཚར། །ལྟ་བུའོ། །དྲུག་པ་གནས་གསུམ་ཀ་ན་ཡོད་པ་ལ་གཉིས་ལས། དང་པོ་གནས་གསུམ་ཀའི་ཆོད་པ་ནི། ཐུབ་པ་བདུད་དཔུང་ཀུན་ཐུབ་མུ་སྟེགས་ཐུབ། །ཐུབ་དབང་ཉེས་ཚོགས་ཀུན་ཐུབ་སྒྲིབ་མུན་ཐུབ། །ཐུབ་གང་ཉོན་མོངས་དགྲ་ཐུབ་གདུལ་དཀའ་ཐུབ། །ཐུབ་ཆེན་གསེར་ཐུབ་ཕས་རྒོལ་གྱིས་མི་ཐུབ། །གཉིས་པ་གནས་གསུམ་ཀའི་ཆོད་ཅིང་མ་ཆོད་པ་ནི། མཁས་མཁས་བཟོ་གནས་མ་ལུས་མཁྱེན་མཁས་མཁས་གང་གསོ་རིག་སྨན་མཁས་མཁས། །མཁས་མཁས་ལེགས་སྦྱར་བརྡ་སྤྲོད་སྨྲ་མཁས་མཁས་ཁྱོད་ཚད་མའི་གཞུང་མཁས་མཁས། །མཁས་མཁས་སྡེ་སྣོད་རྒྱུད་སྡེའི་དོན་མཁས་མཁས་མཆོག་ལེགས་བཤད་འཆད་མཁས་མཁས། །མཁས་མཁས་དབྱངས་ཅན་དགྱེས་པའི་རྩོམ་མཁས་མཁས་དབུས་རྩོད་པའི་ངག་མཁས་མཁས། །ལྟ་བུའོ། །གསུམ་པ་ཐ་ཐོག་སྦྱར་བའི་ཟུང་ལྡན་ནི། ཨ་ཏི་ཡོ་ག་རྣམ་གྲོལ་ཐེག་པའི་མཆོག །མཆོག་ཏུ་གཞོམ་མེད་བདེ་ཆེན་སྐྱེད་མཛད་མ། །མ་བཅོས་གཉུག་མའི་ཡེ་ཤེས་སྟེར་བའི་ལམ། །ལམ་བཟང་རྨད་བྱུང་འདི་འཕྲད་ཨེ་མ་ཧོཿ༡ལྟ་བུའོ། །བཞི་པ་ཀུན་ཏུ་ཟུང་ལྡན་ལ། རྐང་བཟླས་ཚིགས་བཅད་བཟླས་དང་ཟུང་ལྡན་ཆེ། །ཞེས་པ་ལྟར་གསུམ་ལས། དང་པོ་རྐང་བཟླས་ལས། ཚིགས་བཅད་ཕྱེད་བཟླས་གསུམ་ནི། རྐང་པ་དང་པོ་གསུམ་པ་དང་གཉིས་པ་བཞི་པར་བཟླས་པ་ནི། དགེ་ལེགས་འོད་སྣང་བྱེ་བའི་དཔལ། །ཉི་མ། ལེགས་ལྡན་འགྲོ་བའི་མིག་ཉིན་མོའི་ཏུ་གྱུར། །དགེ་ལེགས་འོད་སྣང་བྱེ་བའི་དཔལ། །ཟླ་བ། ལེགས་ལྡན་འགྲོ་བའི་མཚན་མོའི་མིག་ཏུ་གྱུར། །ཕྱེད་སྔ་མ་གཉིས་དང་ཕྱི་མ་བཟླས་པ། ཆུ་བུར་ཇི་བཞིན་འཇིག་པའི་ཆོས། །ཆུ་བུར་ཇི་བཞིན་འཇིག་པའི་ཆོས། །ཀྱེ་མ་འཇིག་སྣོད་ཀྱི་རྟེན་འདི་མི་རྟག །ཀྱེ་མ་འཇིག་བཅུད་ཀྱི་རྟེན་འདི་མི་རྟག །༢རྐང་པ་ཐོག་ཐ་དང་བར་གཉིས་བཟླས་པ། ཤེས་བྱར་བལྟ་བའི་བློ་གྲོས་མིག་སྦྱིན་མཁན། །གསུང་གི་དབང་ཕྱུག་ཚངས་སྲས་ཡིད་འོང་མ། །གསུང་གི་དབང་ཕྱུག་ཚངས་སྲས་ཡིད་འོང་མ། །ཤེས་བྱར་བལྟ་བའི་བློ་གྲོས་མིག་སྦྱིན་མཁན། །༣རྐང་པ་ལན་གཅིག་

― MLP007_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླས་པ་དྲུག་ནི། རྐང་པ་དང་པོ་གཉིས་བཟླས་ལ་ཕྱི་མ་གཉིས་གང་བདེ། ཐུབ་བསྟན་ཡོངས་སུ་རྫོགས་པ་འཛམ་གླིང་རྒྱན། །ཐུབ་བསྟན་ཡོངས་སུ་རྫོགས་པ་འཛམ་གླིང་རྒྱན། །ཐམས་ཅད་མཁྱེན་པ་དྲི་མེད་འོད་ཟེར་དང་། །ཀུན་མཁྱེན་རྒྱལ་བ་བློ་བཟང་རྒྱ་མཚོའི་སྡེ། །༤དང་གསུམ་བཟླས་ཤིང་གཞན་གཉིས་གང་བདེ། སྔ་འགྱུར་བསྟན་པའི་ཉི་མ་འོད་པོ་ཆེ། །གསང་བདག་དཔའ་བོ་ཕྲིན་ལས་ལྷུན་གྲུབ་དཔལ། །སྔ་འགྱུར་བསྟན་པའི་ཉི་མ་འོད་པོ་ཆེ། །གཏེར་ཆེན་ཆོས་ཀྱི་རྒྱལ་པོ་གཏེར་བདག་གླིང་། །༥ཐོག་ཐ་བཟླས་ཤིང་གཞན་གང་བདེ། འབུམ་ཕྲག་འདུལ་གཞུང་འཆད་ལ་འཇིགས་བྲལ་བ། །ཡོན་ཤཱཀ་གཉིས་པ་བྱ་འདུལ་བརྩོན་འགྲུས་འབར། །ཀུན་དགའི་མཚན་ཅན་འཇམ་དབྱངས་ཆོས་ཀྱི་རྗེ། །འབུམ་ཕྲག་འདུལ་གཞུང་འཆད་ལ་འཇིགས་བྲལ་བ། །༦བར་གཉིས་བཟླས་ཤིང་གཞན་གང་བདེ། །འཇམ་མགོན་ཐུགས་རྗེའི་འོད་སྣང་གིས་ཕྱེ་བའི། །བདག་བློའི་པདྨོ་རྒྱས་པའི་འཛུམ་ཞལ་སྟོན། །བདག་བློའི་པདྨོ་རྒྱས་པའི་འཛུམ་ཞལ་སྟོན། །བཤེས་གཉེན་མཁས་པའི་ལེགས་བཤད་ཚ་ཟེར་གྱིས། །༧གཉིས་པ་བཞི་པར་བཟླས་པ། དབྱར་དུས་གཙུག་ཕུད་ཅན་རྣམས་ལ། །དགའ་སྟེར་ལྷ་ཡི་རྔ་གསང་དབྱངས། །སུམ་རྩེན་ལྷ་རྣམས་ཐོས་འཛིན་ལ། །དགའ་སྟེར་ལྷ་ཡི་རྔ་གསང་དབྱངས། །༨གསུམ་པ་བཞི་པར་བཟླས་པ་ནི། སྟོན་དུས་པདྨོར་རྩེན་པའི་བུང་བ་དང་། །དཔྱིད་ཀྱི་དོང་ཆུར་རོལ་པའི་སྲོག་ཆགས་ལྟར། །ཆགས་བཅས་འཁོར་བའི་མཐའ་འདིར་བསམ་གྱིན་སྐྱོ། །ཆགས་བཅས་འཁོར་བའི་མཐའ་འདིར་བསམ་གྱིན་སྐྱོ། །༩རྐང་པ་གཅིག་ལན་གཉིས་སུ་བཟླས་པ་གསུམ་ནི། དང་པོ་གཉིས་དང་གསུམ་པར་བཟླས་པ། སྲིད་ལས་སྒྲོལ་མཛད་བསླུ་བ་མེད་པའི་སྐྱབས། །སྲིད་ལས་སྒྲོལ་མཛད་བསླུ་བ་མེད་པའི་སྐྱབས། །སྲིད་ལས་སྒྲོལ་མཛད་བསླུ་བ་མེད་པའི་སྐྱབས། །སངས་རྒྱས་ཆོས་དང་འཕགས་མཆོག་སྤྱི་བོས་མཆོད། །དང་པོ་ཉིད་གསུམ་བཞིར་བཟླས་པ། ཇི་ལྟ་ཇི་སྙེད་ཤེས་བྱ་ཀུན་གཟིགས་པ། །རྔོག་ལོ་ས་པཎ་འཇིགས་མེད་གྲགས་པ་ཡང་། །ཇི་ལྟ་ཇི་སྙེད་ཤེས་བྱ་ཀུན་གཟིགས་པ། །ཇི་ལྟ་ཇི་སྙེད་ཤེས་བྱ་ཀུན་གཟིགས་པ། །གཉིས་པ་ཉིད་

― MLP007_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བཞིར་བཟླས་པ། དབྱངས་ཅན་ཟླ་བ་ངང་པའི་རྒྱལ། །རབ་དཀར་མཚར་སྡུག་དཔལ་དང་ལྡན། །རབ་དཀར་མཚར་སྡུག་དཔལ་དང་ལྡན། །རབ་དཀར་མཚར་སྡུག་དཔལ་དང་ལྡན། །རྐང་པ་དང་པོ་ཉིད་ལན་གསུམ་དུ་བཟླས་པ་གཅིག་ནི། གསང་བདག་མི་ཡི་ཟོལ་འཛིན་བསྟན་པའི་བདག །གནུབས་ཆེན། གསང་བདག་མི་ཡི་ཟོལ་འཛིན་བསྟན་པའི་བདག །ཟུར་པོ་ཆེ། གསང་བདག་མི་ཡི་ཟོལ་འཛིན་བསྟན་པའི་བདག །སྒྲོ་ཕུག་པ། གསང་བདག་མི་ཡི་ཟོལ་འཛིན་བསྟན་པའི་བདག །གཏེར་ཆེན་བླ་མ། གཉིས་པ་ཚིགས་བཅད་བཟླས་པ་ནི། རླབས་ཆེན་བསོད་ནམས་སྟོབས་ཀྱིས་ལེགས་བསྐྱེད་པའི། །མིག་ལ་དཔལ་སྟེར་རབ་མཛེས་མཚན་དཔེའི་སྐུ། །གཟི་ལྡན་གཙོ་མའི་གསེར་གྱི་མདངས་འཕྲོག་པ། །འགྲོ་བའི་གཙོ་བོའི་སངས་རྒྱས་སྐལ་བཟང་མིག་གིས་མཐོང་། །རླབས་ཆེན་བསོད་ནམས་སྟོབས་ཀྱིས་ལེགས་བསྐྱེད་པའི། །མིག་ལ་དཔལ་སྟེར་རབ་མཛེས་མཚན་དཔེའི་སྐུ། །གཟི་ལྡན་གཙོ་མའི་གསེར་གྱི་མདངས་འཕྲོག་པ། །འགྲོ་བའི་གཙོ་བོ་འཁོར་ལོས་སྒྱུར་བའི་རྒྱལ་པོ་སྐལ་བཟང་མིག་གིས་མཐོང་། །གསུམ་པ་ཟུང་ལྡན་ཆེན་པོ་ནི། །བློ་གྲོས་མཚུངས་མེད་ཐོགས་མེད་བློ་གྲོས་མཚུངས་པ་དབྱིག་གཉེན་མེད། །བློ་གྲོས་མཚུངས་མེད་ཀླུ་སྒྲུབ་བློ་གྲོས་མཚུངས་པ་ཨརྱ་དེ་ཝ་མེད། །བློ་གྲོས་མཚུངས་མེད་ཕྱོགས་གླང་བློ་གྲོས་མཚུངས་པ་ཆོས་གྲགས་མེད། །བློ་གྲོས་མཚུངས་མེད་དཔའ་བོ་བློ་གྲོས་མཚུངས་པ་ཙནྡྲ་གོ་མི་མེད། །ལྔ་པ་འདྲེས་པའི་ཟུང་ལྡན་ནི། སྲིད་དང་སྲིད་པ་ལས་འདས་བདེ་བའི་རྒྱུ། །རྒྱུ་འབྲས་བླང་དོར་ལམ་སྟོན་སྟོན་མཁས་པ། །མཁས་པ་མཁས་པའི་དབུས་ན་མངོན་མཐོའི་དཔལ། །དཔལ་ལྡན་མཁྱེན་བརྩེའི་དཔལ་མངའ་དགེ་བའི་བཤེས། །དྲུག་པ་ལྡོག་པའི་ཟུང་ལྡན་ལ་གསུམ་ལས། དང་པོ་རྐང་པ་གཅིག་བཟློག །འཁོར་ཞིང་རྒྱུ་འདི་བླུན་པས་མཐོང་པ་མེད། །མེད་པ་མཐོང་པས་བླུན་འདི་རྒྱུ་ཞིང་འཁོར། །གྲོལ་ཚུལ་རིགས་པས་མཁས་དང་གྲུབ་མཆོག་ཐར། །ཐར་མཆོག་གྲུབ་དང་མཁས་པས་རིགས་ཚུལ་གྲོལ། །གཉིས་པ་ཚིགས་བཅད་ཕྱེད་བཟློག །གསལ་ཞིང་སྟོང་པས་སྟོང་གསལ་གང་། །དངོས་ཀུན་དེ་ཉིད་དེ་བཞིན་རིག །རིག་བཞིན་དེ་ཉིད་དེ་ཀུན་དངོས། །གང་གསལ་སྟོང་པས་སྟོང་ཞིང་

― MLP007_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། །གསུམ་པ་ཚིགས་བཅད་རངས་པོ་བཟློག་པ། སྣང་ཞིང་སྟོང་ལ་སྟོང་ཞིང་སྣང་། །གྲག་ཅིང་སྟོང་ལ་སྟོང་ཞིང་གྲག །བདེ་གསལ་སྟོང་ལ་སྟོང་གསལ་བདེ། །སྐུ་གསུང་ཐུགས་དེ་མཉམ་མེད་འགྱུར། །འགྱུར་མེད་མཉམ་དེ་ཐུགས་གསུང་སྐུ། །བདེ་གསལ་སྟོང་ལ་སྟོང་གསལ་བདེ། །གྲག་ཅིང་སྟོང་ལ་སྟོང་ཞིང་གྲག །སྣང་ཞིང་སྟོང་ལ་སྟོང་ཞིང་སྣང་། །གཉིས་པ་བྱ་དཀའི་ཁྱད་པར་གཞན་བསྟན་པ་ལ། བ་གླང་གཅིན་དང་། ཕྱེད་འཁོར་དང་། ཀུན་འཁོར་གསུམ་ལས། དང་པོ་བ་གླང་གཅིན་འཁོར་ནི། གཉིས་པ་ཕྱེད་འཁོར་ནི། གསུམ་པ་ཀུན་འཁོར་ནི། གསུམ་པ་དབྱངས་སོགས་ངེས་པའི་བྱ་དཀའ་ལ་བཞི་ཚན་གསུམ་གྱི། བཞི་ཚན་དང་པོ་དབྱངས་ངེས་པ་ལས། དབྱངས་བཞིར་ངེས་པ། ཡང་དག་ས་ལམ་མཐར་མཛད་རྒྱལ་རྣམས་ལ། །ཡིད་གཉིས་སྤྲིན་གྱིས་མི་སྒྲིབ་ཡིད་གཅིག་གི། མོས་བློས་གསོལ་ཐོབ་མཆོད་

― MLP007_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་སོ་སོར་སྟོབ། །དཔེ་མེད་ཡེ་ཤེས་བརྙེས་དེས་རྗེས་བརྩེར་བཞེས། །དབྱངས་གསུམ་དུ་ངེས་པ། སྲིད་ཞི་གཉིས་འཛིན་མི་དམིགས་དབྱིངས་ཐིམ་ཞིང་། །བག་ཆགས་རབ་ཟད་ས་ལམ་མཐར་མཛད་པས། །དུས་གསུམ་ཀུན་ཏུ་སྒྱུ་འཕྲུལ་གཟུགས་སྐུས་འདུལ། །ཐབས་མཁས་གཞན་ཕན་མཛད་ལ་བདག་ཅག་དད། །དབྱངས་གཉིས་སུ་ངེས་པ། གཉིས་འཛིན་འཁྲི་ཤིང་རིང་འཁྲིགས་འདི། །ཇི་བཞིན་ཉིད་ཐིམ་ཏིང་འཛིན་གྱི། །ཡེ་ཤེས་མེ་ལྕེ་ཆེར་འཕེལ་དེས། །ཉེར་སྲེག་བདེ་ཆེན་ངེས་ལེགས་སྟེར། །དབྱངས་གཅིག་ཏུ་ངེས་པ། གང་ལ་བརྟགས་ནའང་བསགས་པ་ཐམས་ཅད་འཛད། །གནས་པ་མཐར་འགག་གནས་ངན་ཉམ་ཐག་ལ། །ཡང་ཡང་དཔྱད་ཀྱང་ལས་ངན་མ་ཚང་བས། །རང་གཞན་ཕན་ཐབས་ད་ལྟ་བཙལ་ན་བཟང་། །གཉིས་པ་གནས་ངེས་པ་ལས་བཞིར་ངེས་པ། བག་མེད་སྤངས་མཆུ་པས་བླ་མེད་ཕུལ་བྱུང་འབྲས། །ཀུན་དགར་མགྲིན་གྱུར་གང་ངེས་ངེས་སྐྱེད་མཁས་ངག །ཅ་ཅོ་རྩབ་རྩུབ་ཆད་ཅིང་འཇམ་རྐན་མཉེན་སྙན། །རྟག་ཏུ་ཐལ་ལེར་སྟོན་ལ་དད་ནས་སོ་འདུད། །གནས་གསུམ་དུ་ངེས་པ། ཨ་ཧོ་ཨ་ཧོ་མགྲིན་མཁས་གྲུབ་འགྲོ་ཀུན་སྐྱབས། །མཚར་རྐན་མཛེས་ཡ་ཤ་སྙན་གྲགས་ཡ་མཚན་ཆོས་མཆོག་འཆང་། །རྟག་སོ་ཏུ་བདེ་ལྡན་ས་ལམ་བསྟན་གདམས་ལྟར། །ནགས་སུ་ནན་སོ་ཏན་བརྟེན་ནས་བདག་ལྟ་ཐུལ། །གནས་གཉིས་སུ་ངེས་པ། མ་རྨད་དཔའ་བའི་བློ་མངའ་བའི། །མི་ཕམ་མཆུ་སྤོབས་པའི་སྤྲིན་འཕྱུར་བས། །མཐའ་དག་ས་ལ་དུས་རྟག་ཏུསོ། །དུང་དུང་ལུས་བཏུད་ལྷ་ལྟར་བལྟ། །གནས་གཅིག་ཏུ་ངེས་པ། དཔག་མཆུ་མེད་མུན་སྨག་རྨོངས་པའི་ཕར་ཕྱིན་པས། །བྲལ་འབྲས་རྨད་བྱུང་དཔལ་འབར་པདྨ་འབྱུང་། །པཱ་དར་བར་མེད་མོས་བློས་ཕྱག་འབུལ་བས། །འབད་པ་མེད་པར་མི་ཕམ་དཔལ་འབྱོར་སྤེལ། །གསུམ་པ་གསལ་བྱེད་ངེས་པ་ལས། བཞིར་ངེས་པ། ཀྱེ་ཀྱེ་དཀར་སྐྱ་ནུས་རྒྱས་མ་ཀཱ་ཀཱ་ཀཱ། །ར་རོས་རང་རང་རབ་རིབ་རིགས། །ས་དེ་སཿདེ་སོ་སོར་སེམས་བསུས་པ། །ལྐོག་ཏུ། དགྱེས་དགྱེས་སྒྲ་སྒྲོག་དགའ་མགུར་གྱིས། །གསུམ་དུ་ངེས་པ། ལུང་ལས་ལམ་ལོག་ལས་ལ་ལན། །ལེ་ལོས་ལམ་ལུས་ལ་ལའི་ལས། །ས་ས་སོ་སོར་སྲེད་སེམས་བསྲུངས། །གངྒཱའི་རྒྱུད་གང་

― MLP007_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་སྒྲོལ་གྱིས། །གཉིས་སུ་ངེས་པ། ལོག་ལམ་ལས་ལ་ལོ་སྲེད་པའི་ཕྲེང་ལ་ལི། །ལང་ལིང་ལུས་ལས་ལཿཚིམས་བྱེད་ལ་ལར། །དེ་འདོད་དུང་དུང་དང་དོད་དེས། །འདར་འདར་ད་དུང་འདུད་དེ་དོངས། །གཅིག་ཏུ་ངེས་པ། ལ་ལ་ལོག་ལམ་ལེ་ལོས་ལེན། །ལ་ལ་ལུང་ལས་ལེགས་ལམ་ལེན། །ལ་ལས་ལོན་ལས་ལ་ལར་ལོབ། །ལེགས་ལམ་ལོན་ལས་ལམ་ལོག་ལུས། །གསུམ་པ་གབ་ཚིག་གི་རྒྱན་ལ། གབ་ཚིག་བཅུ་དྲུག་ལས། དང་པོ་ཚིག་མཚམས་སྦྱར་བས་དོན་སྦས་པ་ཀུན་ཚོགས་གབ་ཚིག །འོད་ཟེར་སྤྲོ་བའི་སྔོ་བསངས་མ། །ཉིན་དུས་བཞིན་རས་མི་གསལ་བས། །མཐོ་རིས་རྟེན་གྱུར་འཆིང་བྱེད་ཀྱང་། །ཀུན་གསལ་ནུ་རྒྱས་མ་ཡིན་ནོ། །ཞེས་ཉིན་ནམ་མཁའ་སྐར་བཅས་མི་གསལ་བ་གབ་བྱ། གབ་བྱེད་བུད་མེད་ཀྱིས་མཐོ་རིས་ཀྱི་རྟེན་འཆིང་བ་དང་། དེ་ཡང་ཡིན་པ་དང་མ་ཡིན་པ་འཁྲུལ་དུ་བཅུག །གཉིས་པ་སླུ་བྱེད། ཆུར་གནས་མཛེས་པའི་སྟན་ལ་རབ་བསྟི་བའི། །གཉིས་སྐྱེས་ལྟ་ན་སྡུག་ལ་ཉི་འོད་ཅན། །སྙན་འགྱུར་དབྱངས་ཅན་སྐྱེད་བྱེད་འཁོར་ལྡིང་གིས། །བདག་ཡིད་རང་དབང་མེད་པར་འཕྲོག་མིན་ནམ། །གབ་བྱ་དབྱངས་ཅན་མའི་ཡབ་ངང་པ་ལ་གནས་པའི་ཚངས་པ། གབ་བྱེད་པདྨར་རོལ་བའི་བུང་བ། གསུམ་པ་རིམ་པ་བྲལ་བ། སྤྱི་བོར་༩བཀོད་དེ་རབ་དུད་པད་༧གདན་ལ། །དམའ་༡བའི་སར་བཞག་པུས་བཙུགས་༨ཐལ་མོ་སྦྱར། །ཕྲག་༣པར་གཟར་པའི་བླ་༢གོས་༤དད་པ་ཡིས། །འདར་༥ཞིང་ཞུམ་པས་སྒྲ་༦དབྱངས་ལྷ་མོའི་ཞབས། །ཞེས་པུས་བཙུགས་བླ་གོས་ཕྲག་གཟར་གྱིས་དབྱངས་ཅན་མའི་ཞབས་ལ་འདུད་པ་གོ་བྱའོ། །བཞི་པ་རབ་བཅོམ། བཅུ་དྲུག་དབྱངས་བདག་པོ་མཛེས་པ་པདྨའི་དང་འགྲན་པས་དགྲ། །བདུད་རྩིའི་གཏེར་གྱིས་གང་སྙིང་འགྲོ་བའི་ནུ་མ་ཞིང་། །རབ་བརྟན་འཁོར་འཇམ་དབྱངས་ལོ་དགའ་བར་སྤྱོད། །དཀར་གསལ་ཟླ་བ་འདི་སུ་ཞིག །གབ་བྱ་དབྱངས་ཅན་མ་དང་གབ་བྱེད་ཟླ་བ། ལྔ་པ་མཐུན་གཟུགས། ཤེལ་གྱི་ལྗོན་ཤིང་ཡལ་ག་བཞི་ལྡན་པར། །མཉེན་ལྕུག་ལོ་འདབ་མཚར་བཞད་ཉི་ཤུ་ལ། །སྙན་སྒྲོག་བུང་བ་སྟོང་གི་འཕུར་ལྡིང་ཅན། །སྔོན་བྱས་རིན་ཆེན་ཚལ་འདི་དེ་རིང་

― MLP007_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་། །གབ་བྱ་དབྱངས་ཅན་མའི་ཡན་ལག་དང་ཉིང་ལག་པི་ཝང་དང་བཅས་པ། གབ་བྱེད་ཕལ་པ་ལྗོན་ཤིང་བུང་བ་དང་བཅས་པ། དྲུག་པ་རྩུབ་མོ། དམར་སེར་ལོ་འདབ་ཀྱིས་སྒྲིབ་པའི། །འབྲས་བུ་མྱུར་སྟེར་འཁྲི་ཤིང་དཔལ། །འགྲོ་ལ་ཉེ་བར་ཕན་བྱེད་གང་། །དུས་ཀྱི་དགྲ་ལས་རྒྱལ་མ་གྱུར། །གབ་བྱ་བཙུན་པ་བགྲེས་པོ། གབ་བྱེད་འགྲོ་ཕན་གྱི་ངེས་ཚིག་ཡོད་ཙམ་གྱི་སྟོན་དུས་ཀྱི་ཤིང་། བདུན་པ་གྲངས་ཀྱི་གབ་ཚིག །དྲོ་བའི་བཞི་ཧ་པ་དབུས་ན་ལེགས་གནས་པའི། །གསལ་བྱེད་ལ་ས་གཉིས་བསྐོར་ངོ་མཚར་ཁང་བཟང་དབུས། །དབྱངས་ཡིག་བཞི་ཨོ་པས་བརྒྱན་པའི་ཡི་གེ་གཉིས། ཇ་བ། རྣམ་པར་རོལ་པའི་མཚན་ལྡན་ལྷ་ཡི་ལྷ། །ལྷ་སར་ཇོ་བོ་བཞུགས་པ་བརྗོད་འདོད་ལ་གྲངས་ཀྱིས་རྨོངས་སུ་བཅུག །བརྒྱད་པ་རབ་བརྟགས། ལོང་ཤེས་རབ་ཀྱི་མིག་ཁྲིད་བཤེས་བླ་མ་བྲལ་ལམ་གོལ་ཉམ་ཐག་འཁོར་བ་ཅན། །མུན་པས་ཕྱོགས་བཅིངས་འཇིགས་རུང་གཡང་སའི་ངན་སོང་ཁར། །གོམ་འགྲོས་འདར་ཞིང་འཁྱོར་བའི་རྒན་མོ་མ་རྒན་སེམས་ཅན་ལ། །མཐུ་ལྡན་འཕགས་པ་བྱམས་པའི་སེམས་ལྡན་ཅིས་མི་བརྩེ། །ཞེས་གབ་བྱ་འཁོར་བའི་སེམས་ཅན། གབ་བྱེད་རྒན་མོར་བརྟགས་པའོ། །དགུ་པ་མིང་འདུས་པ། མཐོང་ན་ཡིད་འཕྲོག་མིག་ལ་དཔལ་སྟེར་བ། དྲི་མེད་དཀར་གསལ་མདངས་ལྡན་མཚོ་ལས་སྐྱེས། །རབ་ལྡེམ་རྣམ་པར་གཡོ་བའི་དངོས་པོ་འདི། །པད་དཀར་མ་ཡིན་ཆུ་འཛིན་དཀར་པོའང་མིན། །པད་དཀར་དང་སྤྲིན་དཀར་ལ་ཡོད་པའི་ཆོས་ཀྱིས་དབྱངས་ཅན་མ་གབ་བྱ། བཅུ་པ་སྒྲིབ་པ། གང་ལ་འདོད་པའི་ཆགས་པ་མི་མངའ་ཞིང་། །ཚད་མེད་བཞི་ལྡན་སྣ་ཚོགས་སྤྲུལ་པའི་གར། །ངང་ལས་མ་གཡོས་ཀུན་ཏུ་བསྒྱུར་མཁས་པ། །གང་དེ་གསེར་གྱི་མངལ་ཅན་མ་ཡིན་ནམ། །ཞེས་གབ་བྱ་སངས་རྒྱས། གབ་བྱེད་ཚངས་པ་དང་མཚུངས་ཆོས་སྦྱར་བས་སྒྲིབ། བཅུ་གཅིག་པ་མཐུན་སྒྲ། ཆུ་གཏེར་ལས་སྐྱེས་གཟི་བརྗིད་ཅན། དཀར་གསལ་ངོ་མཚར་སྣང་བའི་དཔལ། །པདྨོའི་གཉེན་དང་མི་མཐུན་པའི། །གངས་རིའི་མདངས་འཕྲོག་རབ་མཛེས་མ། །ཞེས་གབ་བྱ་དབྱངས་ཅན་མ། གབ་བྱེད་རྣམ་གྲངས་ཀྱི་མིང་གིས་གབ། །བཅུ་གཉིས་པ་རྨོངས་པའི་གབ་ཚིག །སྲིད་པའི་མལ་སྟན་འཇམ་ཞིང་

― MLP007_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ་ཡིས། །རྩུབ་པའི་རེག་བྱ་བྱིན་པས་སྲེད་བྲལ་ནས། །སྲིད་པའི་རྫིང་བུར་འཁྲུངས་པའི་དྲི་ལྡན་གྱི། །པདྨའི་གེ་སར་ལྟེ་བར་དགྱེས་པས་རོལ། །ཞེས་སྲིད་པའི་སྟན་གྱིས་སྐྱོ་ནས་སྲིད་པའི་པད་སྟན་ལ་རོལ་བ་ཅི་ཡིན་སྙམ་དུ་རྨོངས་པའོ། །བཅུ་གསུམ་པ་ཡོངས་འཕྲོགབཞི་ཁྲི་འཛམ་གླིང་ལས་འཕགས་ནམ་མཁའ་ལམ་རྒྱུ་བའི་རིན་ཆེན་ལས་གྲུབ་པའི་རྒྱུ་སྐར་འཕྲེང་། །ཟིལ་གནོན་དཀར་ཟླ་བ་གསལ་ཅན་གྱི་མཛའ་ཀུནྡ་བའི་གྲོགས། །ཟུམ་ཉི་མ་བྱེད་འོད་ཀྱིས་གདུང་བའི་སྐྱེ་བོ་རྣམས་བསྲེག་ཟ་མེ་ཡི། །དགྲ་བོ་ཆུ་ཡིན་པས་དེ་འཛིན་པ་སྤྲིན་བཅས་མཁའ་ལ་སྲེད་འཁྲིགས་པ་ལ་པར་གྱུར། གབ་བྱ་ཉི་མས་གདུངས་པ་རྣམས་སྤྲིན་འཁྲིགས་པར་དགའ་བ་སྟེ། གབ་བྱེད་སྔ་མ་སྔ་མའི་ཕྱི་མ་ཕྱི་མས་ཕྲོགས་ཏེ་གབ། བཅུ་བཞི་པ་གཅིག་སྒྲིབ། དཀར་འཇམ་ལང་ཚོ་རབ་རྒྱས་པ། །ཀུནྡའི་མཛེས་པ་འཕྲོག་པའི་དགྲ། །ཚངས་སྲས་ལྷ་མོའི་ནུ་མའི་འཁུར། །མི་མཐོང་འདབ་མ་འགའ་ཞིག་མཛེས། །ཞེས་རྟེན་དབྱངས་ཅན་མའི་ནུ་མ་གསལ་བར་བསྟན་ནས་བརྟེན་པ་སྟོད་གཡོགས་སོགས་གབ། བཅོ་ལྔ་པ་གཉིས་ཀ་སྒྲིབ་པ། མཁའ་ལ་རྒྱུ་བའི་གྲོགས་པོ་གང་། །མཐོང་ཚེ་རྫིང་གནས་མཛའ་བོ་རྣམས། །བར་ཐག་རིང་པོས་ཆོད་གྱུར་ཀྱང་། །དགའ་བའི་འཛུམ་གྱིས་བསུ་བ་མཐོང་། །རྟེན་ཉི་མ་དང་བརྟེན་པ་པདྨོ་གཉིས་ཀ་གབ། བཅུ་དྲུག་པ་ཡོངས་འདྲེས་གབ་ཚིག །རིང་མོ་ཉིད་ནས་འགྲོགས་གྱུར་བཅོམ་པ་ན། །དེ་དང་ལྷན་ཅིག་བྱས་པ་མཐོང་བར་གྱུར། །མིག་གི་ཡོན་ཏན་རབ་རྫོགས་པ་སྡེ་ཡི། །བཞི་པ་སྔོན་འགྲོའི་མ་མོ་གསུམ་ལྡན་ནོ། །རྟེན་ཡེ་ཤེས་དང་བརྟེན་པ་སྒྲིབ་པ་གཉིས་ཀ་སྒྲིབ་པ་དང་། མཐོང་བས་བསླུས་ཏེ་སྤངས་རྟོགས་མིག་གི་ཡོན་ཏན་ལ་འཁྲུལ་དུ་བཅུག་ཅིང་དབྱངས་ཡིག་ཀྱང་མ་མོས་གབ་སྟེ་སླུ་བྱེད་པ་སྡེའི་བཞི་པ་སྔོན་འགྲོའི་དབྱངས་གསུམ་ལྡན་པའི་གྲངས་ཀྱི་བྷ་ག་ཝཱན་གབ་པ་རྣམས་བསྲེས་པའོ། །སྐྱོན་སེལ་ལ་བཅུ་ལས། དང་པོ་དོན་ཉམས། ཆུ་ཀླུང་ཚོགས་རྣམས་ཐུར་དུ་གོམ་རྩལ་འགྲན། །བདག་ཉིད་དེ་རིང་ཁོ་ནར་ལང་ཚོ་ཡོལ། །སྐྱེ་བོ་འདི་དག་ཉལ་ནས་རིངས་པར་འགྲོ། །སྟོན་དུས་ཉི་མའི་དཀྱིལ་འཁོར་ལྷག་པར་གསལ། །གཉིས་པ་དོན་འགལ། མང་པོའི་

― MLP007_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོས་དབུས་རིན་ཆེན་ཁྲིར་འཁོད་ཅིང་། །དཔལ་འབྱོར་ལོངས་སུ་སྤྱད་པས་མི་ངོམས་པ། །མི་བདག་ཁྱོད་ནི་ཆོག་ཤེས་ལྡན་པའི་བློས། །རྙེད་བཀུར་འདུ་འཛིའི་བདེ་བ་རིང་དུ་དོར། །དམིགས་བསལ། སྨིན་ལེགས་སྒེག་མོ་པདྨའི་སྡོང་པོ་ལྟར། །མཛེས་ཀྱང་རིགས་ལྡན་མཁས་པ་སུ་ཞིག་ཆགས། །མཚར་སྡུག་ཅན་འདིའི་མཆུ་སྒྲོས་སྦྲང་རྩིའི་རོ། །ནམ་ཞིག་འཐུངས་པའི་སྐལ་བ་ཐོབ་འགྱུར་སྙམ། །གསུམ་པ་དོན་གཅིག །ཆུ་སྐྱེས་པད་སྡོང་པདྨའི་ཀེ་ས་རར། །འཕུར་ལྡིང་གཡོ་ཞིང་རྒྱུ་བའི་བྷྲ་མ་རཿསྦྲང་རྩི་འཛིན་པས་གླུ་དབྱངས་སྙན་འགྱུར་སྒྲ། །རྣ་བའི་བདུད་རྩིར་འགྱུར་ཁུག་སྐད་སྙན་སྒྲོག །དམིགས་བསལ། མཐོང་ན་མི་མཐུན་མེད་པའི་སྨིན་ལེགས་མ། །མིག་གི་བདུད་རྩི་སྟེར་སླད་ད་ཚུར་བྱོན། །དགའ་བས་བདག་ཡིད་འཆིང་སླད་ད་ཚུར་བྱོན། །ཕན་ཚུན་སྙིང་གཏམ་འཆད་ཕྱིར་ད་ཚུར་བྱོན། །བཞི་པ་ཐེ་ཚོམ་ཅན། རབ་དྭངས་བསིལ་བའི་རླབས་འཕྱུར་ཆུ་གཏེར་ལས། །གཉིས་བྱ་དང་བྲམ་ཟེ་སྐྱེས་སྲེད་ལྡན་འདི་དག་ཆུར་ཉ་དང་པདྨ་གནས་གང་། །འཛིན་པར་བྱེད་འདི་གཞན་ལ་འབུལ་འགྱུར་རམ། །རང་ཉིད་སྤྱོད་ཅེས་བདག་ཡིད་རྣམ་པར་གཡོ། །དམིགས་བསལ། རང་བཞིན་གྱིས་གྲུབ་སྤོབས་པ་ཐོབ་པའམ། །གཞན་དུ་དད་བརྩོན་སྦྱོར་བས་སྦྱངས་ཀྱང་རུང་། །ལྔ་རིག་གཞུང་བརྒྱ་སྨྲ་ལ་འཇིགས་བྲལ་བ། །ཆོས་སྐྱོང་བཟང་པོའི་རྣམ་ཐར་ཡིད་ཀྱི་གསོས། །ལྔ་པ་རིམ་པ་ཉམས་པ། རྒྱལ་བ་ཀུན་གྱི་སྐུ་གསུང་ཐུགས་རྡོ་རྗེ། །རྒྱལ་སྲས་སེམས་དཔའི་ཚུལ་དུ་རྣམ་འཕྲུལ་བ། །འཇིག་རྟེན་དབང་ཕྱུག་གསང་བདག་རྡོ་རྗེ་འཛིན། །བརྟན་པའི་འཁོར་ལོ་རྣམས་ཀྱིས་བདག་ལ་སྲུངས། །དམིགས་བསལ། མཁས་པ་རྣམས་ཀྱི་རྣམ་དཀར་བྱ་བའི་དཔལ། །འཆད་རྩོད་རྩོམ་པས་རྒྱལ་བསྟན་འཛིན་པ་ཡི། །ཐོག་ཐ་གཉིས་ལའང་ཡོན་ཏན་བསམ་ཡས་ཀྱང་། །ལྟ་ངན་གཞོམ་ལ་བར་མ་ཁོ་ན་དགེ། དྲུག་པ་སྒྲ་ཉམས། སྲིད་ལམ་དག་གིས་ལ་བགྲོད་པས་བའི་སྐྱེ་འགྲོ་ཁྱོད། །རྣམས། ཐར་པའི་བདེ་བ་སྒྲུབ་ལས་ཕྱིར་དམ་ཆོས་ཀྱི། །ལ། བརྩོན་འགྲུས་བསྐྱེད་དང་གཏན་དུ་ཕན་བདེ་ལ། །ཡི། འདོད་དོན་ཇི་ལྟ་བ་བཞིན་འགྲུབ་པར་ངེས། །དམིགས་བསལ། སྨིན་ལེགས་ཁྱོད་ཀྱི་མཚར་སྡུག་རབ་འཕེལ་བ། །མཐོང་བའི་མིག་ལ་ངོ་མཚར་

― MLP007_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟད་མོ་བསྐྱེད། །གཞན་ཡིད་རང་དབང་མེད་པར་འཕྲོག་པ་འདི། །ལྷ་ཀླུའི་རིན་ཆེན་རྒྱན་ལས་བྱུང་བ་མིན། །བདུན་པ་ངལ་གསོ་སྟེ་གཅོད་མཚམས་ཉམས་པ། །དཔའ་མཛངས་རྟུལ་ཕོད་ཡོན་ཏན་གྱི་རྒྱན་ཅན། །མང་ཚོགས་ཞང་བློན་གྱི་འདུན་ས་ནང་དུ། །ཕྱོགས་ལས་རྣམ་རྒྱལ་བྱེད་ཀྱི་དཔའ་རྟགས་མཚན། །སྒྲེང་བའི་རྒྱལ་པོ་མཆོག་དེ་ཡིས་འདི་སྲུངས། །དམིགས་བསལ། མཚོ་བྱུང་ལྷ་མོ་དབྱངས་ཅན་མའི། །ཞལ་བཟང་མཚར་སྡུག་མིག་དབང་གིས། །བདུད་རྩི་ངོམ་མེད་འཐུངས་གྱུར་པའི། །མཐུས་ཐོབ་རྣམ་དཔྱོད་དེ་རྨད་བྱུང་། །བརྒྱད་པ་སྡེབ་སྦྱོར་ཉམས་པ་ལས། ཆད་ལྷག་གི་དཔེ། ཀྱི་ཧུད་གངས་ཅན་སྐྱེ་བོ་རྣམས། །ཆོ་རོལ་ཅན་གྱི་ཆོས་པར་རློམ་ལ་མོས། །ཞི་དུལ་བློ་གྲོས་ལྡན་པའི་མཁས་པ་རྣམས། །མཆོད་པ་ལྟ་ཅི་བརྙས་པར་བྱེད་པའོ། །ལྕི་ཡང་ཉམས་པ། ༼ཤཱསྟཱསཾབུདྡྷཤྩ། བིརཱགསདྡྷརྨ། ཨཱཪྻགཎསཾགྷཱན྄། ཀཱལེཥུཔྲཎམྱཾ། ༽སྟོན་པ་རྫོགས་པའི་སངས་རྒྱས་དང་། །འདོད་ཆགས་བྲལ་བ་དམ་པའི་ཆོས། །འཕགས་ཚོགས་དགེ་འདུན་ཐམས་ཅད་ལ། །དུས་ཀུན་རབ་ཏུ་འདུད་པར་བགྱི། །ལྟ་བུའི་དབུས་ཕྲའི་པྲསྟཱ་ར་ལ་ཀུ་རུ་རིས་ཀྱི་རྟགས་ཅན་རྣམས་ལྕི་ཡང་ཉམས་པའོ། །དགུ་པ་མཚམས་སྦྱོར་ཉམས་པ། ཤེས་བྱའི་གཟུགས་བརྙན་ཡོངས་འཆར་བའི། །རྣམ་དཔྱོད་མ་ཏི་ཨ་དརྴ། །གང་འདི་སྔོན་བསགས་བསོད་ནམས་དང་། །ལྷ་མཆོག་ཝཱཀ྄་ཨཱི་ཤྭ་རའི་དྲིན། །དམིགས་བསལ་སྐྱོན་མེད། རྒྱལ་བ་ཀུན་གྱི་བྱིན་རླབས་ཀུ་མུ་ཊ། །ཨ་ཧོ་ཡོངས་འདུའི་མེ་ཏོག་མཚར་བཞད་པ། །གང་གི་གཙུག་ཏུ་བཅིངས་པའི་གཟི་བྱིན་འོད། །སྣང་བ་མི་བཟད་ཕན་བདེའི་སྲོག་ཏུ་སོང་། །བཅུ་པ་འགལ་བ་དྲུག་ལས་ཡུལ་དང་འགལ་བ། གུརྒུམ་གེ་སར་ལ་བརྡར་བའི། །མ་ལ་ཡ་ཡི་དྲི་བཞོན་གྱི། །བསུང་ཞིམ་ལ་ཆགས་གངས་ལྗོངས་ཀྱི། །གླང་ཆེན་འདི་དག་གར་གྱིས་རྩེན། །༡དུས་ལ་འགལ་སྐྱོན། རྒྱལ་གྱི་ཟླ་བར་འདབ་བརྒྱ་བཞད་པ་ཡི། །ཨུཏྤལ་ལུས་ཕྲ་མ་ཁྱོད་རྣ་བའི་རྒྱན། །སྟོན་ཟླ་ཐ་ཆུང་ཆར་སྤྲིན་གསར་པ་ཡིས། །རྩྭ་ལྗང་གཞོན་ནུའི་མྱུ་གུ་ཅི་ཡང་བསྐྱེད། །༢སྒྱུ་རྩལ་དང་འགལ་སྐྱོན། འཆི་མེད་གར་གྱི་འདུན་སར་ནམ་མཁའ་ལྡིང་། །ཞུགས་ཚེ་ཀླུ་དབང་སྐྲག་པས་ལྟོ་འགྲོ་ཡི། །རྣམ་པར་ཚོགས་བདག་སྣར་ཞུགས་

― MLP007_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

བཞད་གད་ཀྱིས། །ལྷ་རྣམས་མ་ལུས་སྐྲག་ནས་འདར་བ་བཞིན། །༣འཇིག་རྟེན་དང་འགལ་སྐྱོན། མརྒད་མདངས་ལྡན་གངས་ཆེན་རི་སུལ་ན། །འཕྲུལ་གྱི་ཅང་ཤེས་གྱི་ལིང་མཆེ་སྡེར་གྱིས། །བཅད་པའི་རི་བོང་རྭ་རྩེའི་དུམ་བུ་ལ། །རིང་འགྲོའི་འཕྱེ་བོ་རྐང་པ་ཐོགས་ཀྱིས་དོགས། །༤ལྔ་པ་རིགས་པ་དང་འགལ་བ་ལ་གཉིས་ལས། ནང་པའི་རིགས་པ་དང་འགལ་བ། འདུས་བྱས་ཆོས་ཀུན་རྟག་པ་མ་ཡིན་ཞེས། །ཐུབ་ཆེན་སྟོན་པས་གསུངས་པ་བདེན་མོད་ཀྱང་། །བདག་ནི་དེ་རིང་དུས་འདིར་མི་འཆི་ཞེས། །བློ་གདེངས་ཆུད་པས་རྟག་འཛིན་ཞིག་མ་གྱུར། །ཕྱི་རོལ་པའི་རིགས་པ་དང་འགལ་བ། སྡིག་པ་དག་སླད་གངྒཱ་ཡི། །ཆུ་ལ་འབད་པས་འཁྲུ་མོདཀྱི། །ལུས་བཀྲུས་པ་ལས་སེམས་ཀྱི་སྡིག །འདག་མིན་རྗེས་དཔག་ཚད་མས་རྟོགས། །དྲུག་པ་ལུང་དང་འགལ་བ་གཉིས་ཀྱི། འདུལ་བའི་ལས་ཆོག་གི་ལུང་དང་འགལ་བ། བརྟན་མཁས་ཡོན་ཏན་མི་ལྡན་མཁན་པོ་ཡིས། །དད་པའི་དགེ་འདུན་གྲངས་ཚང་མ་གྱུར་ཀྱང་། །ལས་ཀྱི་ཆོ་གས་ཉེས་མེད་ཕུན་ཚོགས་ཀྱི། །དགེ་སློང་སྡོམ་པ་རྣམ་དག་སྟེར་བར་མཛད། །གསང་སྔགས་ཀྱི་རྒྱུད་ཀྱི་ལུང་དང་འགལ་བ། སྨིན་བྱེད་དབང་གི་ས་བོན་མ་ཐེབས་ཀྱང་། །གྲོལ་བྱེད་བསྐྱེད་རྫོགས་མྱུ་གུ་གཡུར་ཟ་བའི། །གྲུབ་གཉིས་ལོ་ཐོག་འབྲས་བུའི་ཁུར་ཆེན་གྱིས། །རྣམ་པར་དུད་པས་དཔྱོད་ལྡན་དགའ་བ་སྐྱེས། །གནས་སྐབས་འགའ་ཞིག་ཏུ་འགལ་ཡང་སྐྱོན་མེད་པ་དྲུག་ལས། ཡུལ་དང་འགལ་ཡང་སྐྱོན་མེད་པ། སྔོན་བསགས་བསོད་ནམས་མཐུ་དཔུང་དར་དྲགས་པས། །གཞོན་ནུ་མེ་སྐྱེས་ཁྱིམ་ནི་སྣ་བདུན་གྱིས། །རིན་ཆེན་ལས་གྲུབ་ལྷ་ཡི་གཞལ་མེད་ཁང་། །མཐོང་བས་སྐྱེ་བོ་ཀུན་གྱི་ཡིད་རབ་འཕྲོག །༡དུས་དང་འགལ་ཡང་སྐྱོན་མེད་པ། བཞུ་བདེའི་ཡེ་ཤེས་ཕྱོགས་བརྒྱར་འབར་བ་ཡི། །རྣལ་འབྱོར་དབང་ཕྱུག་མེ་ལོང་རྡོ་རྗེའི་སྐུ། །གཅེར་བུར་ཞུགས་ཀྱང་དགུན་དུས་ཁ་བ་ཡིས། །མི་བརྫི་དབྱར་གྱི་དྲོད་ལའང་འཁུ་བ་སྙམ། །༢སྒྱུ་རྩལ་དང་འགལ་ཡང་སྐྱོན་མེད་པ། འདུ་འཛིར་ཡིད་རབ་བྱུང་བའི་དགེ་སྦྱོང་གིས། །རབ་མཛེས་ཟུར་མིག་འཕེན་པའི་ལུས་ཕྲ་མ། །པད་སྡོང་ཇི་བཞིན་ལྡེམ་ལྡེམ་གར་བསྒྱུར་བ། །མཐོང་བས་མི་སྡུག་སྐྱོ་བའི་སྣང་བ་ཤར། །

― MLP007_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

༣འཇིག་རྟེན་དང་འགལ་ཡང་སྐྱོན་མེད་པ། ཆུ་འཛིན་གོས་བཟང་བཀླུབས་པའི་ལྷ་ལམ་ནས། །བསིལ་སྟེར་བདུད་རྩིའི་ཆར་རྒྱུན་བབས་པ་གང་། །རེག་ཙམ་ཉིད་ནས་དགའ་མ་སྟི་བྱས་པའི། །ཆགས་ལྡན་ལུས་ལ་མེ་འདྲའི་གདུང་བ་སྐྱེས། །༤རིགས་པ་དང་འགལ་ཡང་སྐྱོན་མེད་པ། དངོས་དང་བྲལ་ཡང་དངོས་པོ་ཀུན་རང་བཞིན། །རྣམ་པར་བྲལ་ཡང་རྣམ་ཀུན་མཆོག་དང་ལྡན། །གཅིག་པུ་ཉིད་དེ་དུ་མའི་རྣམ་རོལ་གར། །སྒྱུར་མཛད་ཁྱབ་བདག་བླ་མས་རྟག་ཏུ་སྐྱོངས། །༥ལུང་དང་འགལ་ཡང་སྐྱོན་མེད་པ། གྲངས་མེད་གསུམ་དུ་ཚོགས་གཉིས་མ་སྤྱད་ཅིང་། །ས་བཅུའི་སྐས་ལ་རིམ་གྱིས་མ་འཛེགས་པར། །གསང་ཆེན་ཐབས་ལམ་གོམ་སྟབས་གཅིག་ཁོ་ནས། །མི་སློབ་རྡོ་རྗེ་འཆང་སར་བདེ་བར་འགྲོ། །༦ཞེས་སྙན་ངག་གི་དཔེར་བརྗོད་གཞུང་བཞིན་ཚང་ལ་མཚན་ཉིད་བསྡུས་པས་བརྒྱན་པ་སྣ་ཚོགས་ཨུཏྤ་ལའི་ཆུན་པོ་འདིའང་སྨྱོས་བཙུན་རྨོངས་པ་དྷརྨ་ཤྲཱིའི་བློ་མཚོ་ལས་འཐོན་པའོ། །ངག༵་དབང༵་ལྷ་མོས་མགྲིན་འཁྱུད་ནས། །ཆོས༵་སྨྲའི་ཤེས་རབ་གཏེར་གྲོལ་བས། །མི་ཤེས་རྨོངས་མུན་འགོག་པའི་དཔལ༵། །ཀུན་མཁྱེན་སྣང་བ་འབར་གྱུར་ཅིག །སརྦ་མངྒ་ལཾ།

སྙན་ངག་མེ་ལོང་ལ་དོགས་གཅོད་གཞུང་དོན་སྙིང་པོ། །རྒྱལ་སྲས་པདྨ་འགྱུར་མེད་རྒྱ་མཚོ།

― MLP007_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་མེ་ལོང་ལ་དོགས་གཅོད་གཞུང་དོན་སྙིང་པོ་ཞེས་བྱ་བ་བཞུགས་སོ། །རྒྱལ་སྲས་པདྨ་འགྱུར་མེད་རྒྱ་མཚོ། ༀ་སྭ་སྟི་སིདྡྷི། མི་འགྱུར་འགྲོ་ལ་ཕན་བདེ་དཔག་མེད་ཐུགས། །རྡོ་རྗེའི་ཚིག་གི་གོ་འབྱེད་ལེགས་བཤད་སྒྲས། །མ་རིག་གཉིད་སློང་དབྱངས་ཀྱི་ལྷ་མོ་ལ། །བཏུད་ནས་སྙན་ངག་རྒྱན་གྱི་དོགས་སེལ་བཤད། །འདིར་འཕགས་ཡུལ་གྱི་སྙན་ངག་མཁན་ཆེན་པོ་སློབ་དཔོན་དབྱུག་པ་ཅན་གྱིས་མཛད་པའི་སྙན་ངག་གི་བསྟན་བཅོས་མེ་ལོང་དང་རྗེས་འབྲེལ་རྒྱན་ངོས་འཛིན་གྱི་དོགས་སེལ་འགའ་ཞིག་འཆད་པ་ལ། ཐུན་མོང་མ་ཡིན་པའི་རྒྱན་གྱི་སྐབས། རབ་དྭངས་དང་། དོན་གསལ་གྱི་རྒྱན་གྱི་ཁྱད་པར། རབ་དྭངས་ནི། སྙན་ངག་མཁན་གྱི་བརྗོད་འདོད་ཀྱི་ཀུན་ནས་བསླངས་པའི་དོན་དེ་ཉིད་གོ་བདེ་བར་འཇིག་རྟེན་ན་ཡོངས་གྲགས་ཀྱི་བརྡས་བརྗོད་པ་བཻ་དརྦྷའི་ལུགས་དང་། མངོན་བརྗོད་ལ་སོགས་པ་ངེས་ཚིག་ཡོད་ཙམ་གྱིས་བརྡས་བརྗོད་པ་གཽ་ཌ་པའི་ལུགས་ཡིན་ཏེ། དཔེར་ན། ཡིད་འོང་རི་བོང་མཚན་རྟགས་ཀྱི། །རབ་མཛེས་ཟླ་བ་ཀུ་མུད་འབྱེད། །ཅེས་དང་། ཐོན་མཐིང་རྟགས་ཀྱིས་ཉེར་མཚན་པའི། །དཀྱིལ་འཁོར་འདིས་ནི་ས་མོས་བཞད། །ཅེས་པ་ལྟ་བུ། དོན་གསལ་ནི། རང་བཞིན་གོ་བདེ་བར་བརྗོད་པས། དོན་བརྟག་མི་དགོས་པར་ཤར་ལྷོ་འདོད་མཐུན་གྱི་ལུགས་དང་། བརྟགས་དགོས་པ་ཤར་པ་རེས་འགའ་འདོད་པའི་ལུགས་ཏེ། དཔེར་ན། ཀུ་མུད་འདབ་བརྒྱ་གྲོལ་བ་ནི། །ཟླ་བའི་འོད་ཀྱི་འཕོག་ལས་བྱུང་། །ཞེས་དང་། ཀུ་མུད་༴ རྒྱུ་དང་རྟེན་འབྲེལ་ཅི་ལས་བྱུང་། །ཞེས་ལྟ་བུ། ཡང་། ལེའུ་དང་པོའི་རྒྱ་ཆེ་བའི་རྒྱན་དང་། ལེའུ་གཉིས་པའི་རྒྱ་ཆེ་བའི་རྒྱན་གྱི་ཁྱད་པར་ལེའུ་དང་པོའི་སྐབས་ཚིག་སྦྱོར་གང་དུ་བརྗོད་བྱའི་དོན་ཅི་རིས་བརྗོད་ཡུལ་དེའི་ཁྱད་པར་དུ་འཕགས་པའི་

― MLP007_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་ཤུགས་ལས་མཚོན་ནུས་པ་སྟེ། འགྲོ་བའི་སྐྱབས་གཅིག་ཁྱོད་ཀྱི་ཞལ། །མཐོང་ཚེ་སྐྱབས་གཞན་རེ་བ་བྲལ། །ཞེས་པ་ལྟ་བུ། ལེའུ་གཉིས་པའི་སྐབས་བརྗོད་ཡུལ་དེའི་བསམ་པའམ་འབྱོར་བའམ་རྨད་དུ་བྱུང་བ་ཡོད་ཚུལ་བརྗོད་པ་སྟེ། ཁྱོད་ནི་འགྲོ་ལ་རྗེས་བརྩེ་བའི། །གཞན་དོན་སྒྲུབ་ལ་སྐྱོ་བ་བྲལ། །ཞེས་པ་ལྟ་བུའོ། །གཽ་ཌ་པའི་ལུགས་ཀྱི་མཛེས་པའི་ཡོན་ཏན་དང་། ཕུལ་བྱུང་གི་རྒྱན་གྱི་ཁྱད་པར་གཉིས། དང་པོ། འཇིག་རྟེན་ན་གྲགས་པའི་བརྗོད་པ་ལས་འདས་པར་འུད་ཆེན་པོས་གཏམ་དང་བསྔགས་པར་བརྗོད་པ་སྟེ། མཛེས་མ་ཁྱོད་ཀྱི་ནུ་མ་ཟུང་། །འཇིག་རྟེན་ཁམས་འདིར་ཤོང་བ་མཚར། །ཞེས་པ་ལྟ་བུ། གཉིས་པ་ནི། ཁྱད་པར་གྱི་ཚིག་བརྗོད་འདོད་ཀྱི་དངོས་པོ་གང་འཇིག་རྟེན་ལས་འདས་ཚུལ་སྒྲོ་བཏགས་ཀྱིས་ཆེད་དུ་བརྗོད་པ་སྟེ། མཛེས་མ་ཁྱོད་ཀྱི་༴ ཐེག་པའི་སྐེད་སྐབས་ལྕགས་ལས་གྲུབ། །ཏིང་ངེ་འཛིན་གྱི་རྒྱན་དང་། ལེའུ་གཉིས་པའི་བསྡུས་བརྗོད་ཀྱི་རྒྱན་གྱི་ཁྱད་པར། དང་པོ་ནི། གཞན་མིག་དང་སྦྲུམ་མ་སོགས་ལ་ཡོད་པའི་ཆོས་འབྱེད་འཛུམ་དང་། འཁུན་པ་སོགས་པདྨ་དང་སྤྲིན་ལ་སོགས་པའི་དངོས་པོ་གཞན་གྱི་སྟེང་དུ་བཀོད་པ་ཉིད་འཇིག་རྟེན་གྱི་ལུགས་ཀྱི་རྗེས་སུ་འབྲངས་ནས་རྗོད་བྱེད་ཀྱི་སྒྲས་དངོས་སུ་ཟིན་པར་བརྗོད་པ་སྟེ། སྐྱེས་བུ་འདོད་ལྡན་བུད་མེད་ལ་བརྩེ་དགར་རོལ་ཞེས་བརྗོད་པ་ལ། བུང་བ་གཞོན་ནུའི་སྐྱེས་བུ་ཞིག །པདྨའི་ན་ཆུང་དག་ལ་སྤྱོད། །ཅེས་པ་ལྟ་བུ། གཉིས་པ་ནི། བརྗོད་འདོད་ཀྱི་ཀུན་ནས་བསླངས་པའི་དོན་དེ་པདྨ་ལྟ་བུ་དངོས་པོ་གཞན་ཞིག་ཡིན་པ་ལྟར་བྱས་ནས་བརྗོད་པ་སྟེ། དོན་སྔ་མ་ཉིད་ལ་མཚོན་ན། རྐང་དྲུག་བུང་བ་གཞོན་ནུ་ཞིག །འདབ་ལྡན་པདྨར་འཕུར་ཞིང་རྩེན། །ཞེས་པ་ལྟ་བུ། དོན་གཉེར་ཀ་ལ་པིང་ཀའི་སྙན་འགྱུར་བློས། །བསྐུལ་ལས་ཤན་འབྱེད་རི་དྭགས་མང་ཚོགས་ཚེ། །སྐྱེད་ཚལ་བདག་པོས་དབྱེ་བ་མ་འདྲེས་འབྱེད། །ལེའུ་དང་པོ་དང་རྗེས་འབྲེལ་གྱི་དོགས་སེལ་འགའ་ཞིག་བཤད་ཟིན་ཏོ། ༈ །ལེའུ་གཉིས་པའི་སྐབས་སུ་སྦྱར་བའི་དཔེ་དང་། མཉམ་ཉིད་ཀྱི་དཔེའི་ཁྱད་པར། དང་པོ་སྦྱར་རྒྱན་དང་དཔེ་རྒྱན་ལྷན་ཅིག་ཏུ་བཀོད་པ་ཙམ་སྟེ། དཔེར་ན། དཀར་མཛེས་ཡིད་འོང་

― MLP007_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ལང་ཚོ་ཅན། །སྙིང་གི་ཚ་གདུང་ཕ་མཐར་བསྐྲོད། །མཚོ་ལྡན་ཞལ་གྱི་དཀྱིལ་འཁོར་ནི། །རི་བོང་འཛིན་པའི་དཔལ་ལ་འགྲན། །ཞེས་པ་ལྟ་བུ། གཉིས་པ་ནི། ཚིག་གི་སྒྲ་མཚུངས་ཙམ་ལ་དཔེ་དང་དཔེ་ཅན་བཞག་པ་སྟེ། ཀུན་གསལ་ལྷ་ཡི་ལམ་རྒྱུ་བའི། །ཉིན་མོར་བྱེད་པའི་འོད་ཟེར་དང་། །ས་ལ་ལེགས་གནས་བ་ལང་གཉིས། །མཚུངས་ཏེ་གོ་ཞེས་སྒྲ་ཡིས་སོ། །ཞེས་པ་ལྟ་བུ། དེས་ན་སྦྱར་དཔེ་དང་མཉམ་ཉིད་གཉིས་ཁྱབ་ཆེ་ཆུང་གི་ལྡོག་ཆས་ཕྱེ་བ་ཡིན་ནོ། །ཟླ་བོ་དངོས་པོ་དང་། དོན་གཞན་བཀོད་པའི་ཁྱད་པར། དང་པོ་ནི། དོན་ལེ་ཚན་གཉིས་ལ་སོགས་པར་བཀོད་པ་ལས། དེ་དག་དཔེ་དཔེ་ཅན་དུ་འགྲོ་བ་ཞིག་དགོས་ལ། བསྒྲུབ་བྱ་སྒྲུབ་བྱེད་དུ་འབྲེལ་དགོས་པའི་ངེས་པ་མེད་དེ། ཡིད་འོང་ལང་ཚོ་ལྡན་པའི་བུ། །མང་ཡང་རྒྱལ་སྲས་ཁྱོད་འདྲ་སུ། །ལྗོན་ཤིང་བགྲང་ཡས་མཆིས་གྱུར་ཀྱང་། །དཔག་བསམ་འཁྲི་ཤིང་གཉིས་པ་མེད། །གཉིས་པ་ནི། དོན་ལེ་ཚན་གཉིས་ལ་སོགས་པར་བཀོད་པ་བསྒྲུབ་བྱ་སྒྲུབ་བྱེད་དུ་འབྲེལ་དགོས་ལ། དཔེ་དཔེ་ཅན་དུ་འགྲོ་དགོས་པའི་ངེས་པ་མེད་དེ། དམ་ཆོས་རྩེ་གཅིག་བརྩོན་ལྡན་འགྲོ། །སྡུག་བསྔལ་ཅན་ལ་ལྷག་པར་བརྩེ། །གཞན་དོན་བྱང་ཆུབ་སྤྱོད་པ་ལ། །གཞོལ་བ་དམ་པའི་ཆོས་ཉིད་ཡིན། །ཡང་དཔེའི་སྐྱོན་སེལ་སྐབས་སྦྱོར་མ་ཤེས་ན་སྐྱོན་དུ་འགྱུར་ཚུལ་ལས། དཔེ་ལྷག་པས་དཔེ་ཅན་དམན་པ་གཞལ་བ། ཉི་མ་བཞིན་དུ་མེ་ཁྱེར་གསལ། །ཞེས་གསུངས་པས་ཧ་ཅང་མི་འཚམས་པའི་དབང་དུ་བྱས་ན། བུད་མེད་ཀྱི་གདོང་ལ་ཟླ་བས་འགྲན་དུ་མེད་པ་སོགས་ཀྱང་གནད་གཅིག་འདྲ་བ་མཁས་པ་དག་གིས་དཔྱད་པར་བྱའོ། །གཟུགས་ཅན་གྱི་རྒྱན་གྱི་སྐབས་ཆ་ཤས་གཟུགས་ཅན་དང་། ཡན་ལག་གྱི་ཁྱད་པར། ཁྱབ་ཆེ་ཆུང་གི་ཁྱད་པར་ཏེ། ཆ་ཤས་ཀྱིས་ཡན་ལག་ལ་ཁྱབ་ཀྱང་ཡན་ལག་གིས་ཆ་ཤས་ལ་མ་ཁྱབ་པའི་ཕྱིར། དཔེར་ན་རྔུལ་ཆུ་དང་སྐྲའི་ཉག་མ་རེ་སོགས་ལུས་ཀྱི་ཆ་ཤས་ཡིན་ཡང་། ཡན་ལག་མ་ཡིན་པ་བཞིན་ནོ། །ཇི་ལྟར་ཆ་ཤས་ནི། བུ་མོ་ཁྱོད་ཀྱི་བཞིན་རས་ལ། །མིག་གི་བུང་བ་འཕུར་ལྡིང་གཡོ། །རྔུལ་ཆུའི་མུ་ཏིག་དོག་པ་འབབ། །མཆུ་སྒྲོས་པདྨའི་འཛུམ་མདངས་ལ། །ཞེས་དང་། བུ་མོ་ཁྱོད་ཀྱི་༴ མིག་༴ སོ་འཕྲེང་མུ་ཏིག་ཚར་

― MLP007_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་དངར། །མཆུ་སྒྲོས་༴ ཞེས་པ་ལྟ་བུ། འགོག་རྒྱན་གྱི་སྐབས་སུ་རྒྱུ་འགོག་པ་དང་རྒྱུས་འགོག་པའི་ཁྱད་པར། དང་པོ་ནི་འབྲས་བུ་གང་དུ་འབྱུང་བྱེད་ཀྱི་རྒྱུ་འགོག་པ་སྟེ། གཤིན་རྗེའི་རྒྱལ་པོ་འཇིགས་རུང་གཟུགས། །ཆེར་སྟོན་རྒྱོབ་གསོད་སྒྲས་འགེངས་ཡང་། །མི་དགེའི་ལས་ལམ་རིང་དོར་ཕྱིར། །མི་འཇིགས་བ་སྤུ་གཡོ་མ་ལགས། །གཉིས་པ་ནི། འབྲས་བུ་གང་རུང་འགྲུབ་བྱེད་ཀྱི་རྒྱུ་མཚན་གྱི་བྱ་བ་ལྟ་བུ། གཞན་འགོག་པ་སྟེ། གཤིན་རྗེའི་རྒྱལ་པོ་འཇིགས་རུང་གཟུགས། །ཆེར་ཁྲོས་རྒྱོབ་གསོད་སྒྲས་འགེངས་ཕྱིར། །སྡིག་ཅན་ཁྱོད་ནི་མིའི་འགྲོ་བ། །མ་ཡིན་དམྱལ་བ་པར་བརྗོད་དོ། །དོན་གཞན་བཀོད་པའི་རྒྱན་གྱི་སྐབས་མི་འོས་པའི་ཚེ། སྦྲང་རྩི་འཐུང་བའི་མགྲིན་སྙན་ལས། །ཞེས་སོགས་ཀྱི་སྒྲ་སྙན་ཐོས་པས་རྣ་བར་རྩུབ་པ་མི་འོས་པ་དང་། འོས་པའི་སྐབས། ཆུ་སྐྱེས་འདབ་མའི་མལ་སྟན་འདིས། །ཞེས་སོགས་ཀྱི། འཇམ་པས་འདོད་པ་སྐྱེས་ཏེ་གདུང་བར་འོས་པར་གསུང་བ་འདོད་ལྡན་ལ་ལྟོས་ནས་གཉིས་ཀ་མཚུངས་པ་ལྟ་བུ་ཞིག་གནང་མོད་དགོངས་དོན་གྱི་ཁྱད་པར་ཕྱི་མའི་སྐབས། ཁ་དོག་དམར་བ་སྲེག་ཟ་མེ་དང་འདྲ་བའི་ཁྱད་པར་ཡིན་ནམ་སྙམ་མོ། །འོན་ཀྱང་དཔེར་བརྗོད་རྣམ་པ་གསལ་བའི་དབང་དུ་བྱས་ན། མི་འོས་པ་ནི། ཟླ་གཞུན་འཇམ་པོས་ལུས་རེག་ཚེ། །འདོད་ལྡན་སེམས་ལ་སྡུག་བསྔལ་གྱི། །གདུང་བ་དྲག་པོས་ཆེས་ཆེར་མནར། །སྡིག་ཅན་མྱོང་འགྱུར་སུ་ཡིས་འགོག །ཅེས་དང་། འོས་པ་ནི། ཉི་མའི་འོད་ཟེར་རབ་འཕྲོ་བས། །དབྱར་དུས་སྐྱེས་བུའི་ལུས་རེག་ཚེ། །ཚ་གདུང་དྲག་པོས་མནར་གྱུར་ཏེ། །ཚ་གྲང་བྱེད་ལས་ཐ་དད་ཕྱིར། །ཅེས་པ་ལྟ་བུ། ༈ ལྡོག་པ་ཅན་གྱི་རྒྱན་ལས། གཉིས་ལྡོག་དང་། མཚུངས་ཆོས་འབྱེད་ཆོས་གཉིས་ཀ་སྒྲས་ཟིན་པའི་ལྡོག་པ་ཅན་གཉིས་གཙོ་ཆེ་ཆུང་གི་སོ་སོར་གསུངས་པ་ལས་དོན་གྱི་གནད་གཅིག །འོན་ཀྱང་གཉིས་ལྡོག་ལ་དཔེ་དཔེ་ཅན་སོ་སོའི་ལྡོག་ཆ་གཉིས་ཀ་དངོས་སུ་བསྟན་ཕྱིར་མཚུངས་ཆོས་དངོས་སུ་མ་གསལ་ཡང་ཆོག །ཕྱི་མར་མཚུངས་ཆོས་དང་ལྡོག་ཆ་གཉིས་ཀ་དངོས་བརྗོད་དགོས་སོ། །དཔེར་ན། གཉིས་ལྡོག་ནི། བསིལ་ཟེར་ཅན་གྱི་དཀྱིལ་འཁོར་

― MLP007_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ན་ཆུང་བཞིན་རས་མཛེས་ལྡན་མཚུངས། །ཟླ་བ་ནམ་མཁར་རྒྱུ་བ་དང་། །བུ་མོ་སྐྱེད་ཚལ་གནས་འདིར་དབྱེ། །གཉིས་ཀ་སྒྲས་ཟིན་ནི། བསིལ་ཟེར་ཅན་དང་མཛེས་ལྡན་མ། །དཀར་ཞིང་ཡིད་དུ་འོང་ཕྱིར་མཚུངས། །ཟླ་བ་༴ བུ་མོ་སྐྱེད་༴ ཞར་བྱུང་མཚུངས་ཆོས་ཤུགས་དང་འབྱེད་ཆོས་སྒྲས་ཟིན་ནི། བསིལ་ཟེར་རི་བོང་འཛིན་པ་ནི། །མཁར་འགྲོ་ཀུནྡ་བཞད་པའི་གྲོགས། །བུ་མོ་མཚར་སྡུག་ཡིད་འོང་མས། །འདོད་ལྡན་འགྲོ་ལ་ཆགས་བདེ་སྐྱེད། །ཅེས་པ་ལྟ་བུ། སྲིད་པ་ཅན་གྱི་རྒྱན་གྱི་སྐབས་ཕྱིའི་རྒྱུ་དང་ནང་གི་རྒྱུ། ཕྱི་དུས་རྟོགས་པ་དང་ནང་ལང་ཚོ་དར་བ་སོགས་ལས་མཚོན་དགོས་ལ། རང་གི་ངོ་བོ་ཙམ་སྟོན་པ་ནི། ཡོངས་གྲགས་ཀྱི་རྒྱུ་ཐམས་ཅད་བཀག་ནས་བརྗོད་པ་ཙམ་མོ། །དཔེར་ན། མིག་སྨན་མ་བྱུགས་མགོ་སྐྱེས་གནག །ཆེད་དུ་མ་བསྒྲིགས་སོ་ཚགས་དམ། །མ་བསྡུས་ན་ཆུང་ངང་གིས་འདུ། །སྐྱེས་གཞོན་ལང་ཚོའི་གནས་སྐབས་མཚར། །ཞེས་ནང་ལང་ཚོ་ལ་སྦྱར་བ་དང་། ངོ་བོ་ཙམ་ནི། མ་བསྒྲུབས་ཡན་ལག་ཐམས་ཅད་ཚང་། །མ་བསྒྲིགས་མིག་གི་རི་མོ་བཀྲ། །མ་བརྒྱུས་སོ་ཕྲེང་ཚར་དུ་དངར། །སྐྱེས་བུའི་ལུས་ཀྱི་རོལ་པ་ལགས། །ཞེས་ལུས་ཀྱི་རྫས་རྒྱུ་བཟློག་ནས། རང་བཞིན་དུ་བརྗོད་པ་ལྟ་བུའོ། །ཕུལ་བྱུང་གི་རྒྱན་ལ། ཁྱད་འཕགས་ཕུལ་བྱུང་དང་། གྲགས་པ་ཕུལ་བྱུང་གི་ཁྱད་པར་ནི། ལུས་ཀྱི་ཁ་དོག་དཀར་བའམ་རེག་བྱ་འཇམ་པ་ལྟ་བུའི་ཁྱད་པར་གྱི་ཆོས་ཤིག་བྱེ་བྲག་ཏུ་བཀར་ཏེ་འུད་དང་བཅས་པར་བརྗོད་པ་ཡིན་ལ། གཉིས་པ་ནི། སྙན་གྲགས་ཀྱི་ཡོན་ཏན་ཕུལ་དུ་བྱུང་བར་བརྗོད་པའོ། །དཔེར་ན། དང་པོ་ནི། རྒྱལ་ཡུམ་དབྱངས་ཀྱི་ལྷ་མོའི་གདོང་། །ཤིན་ཏུ་དཀར་བའི་ཁྱད་པར་འདིར། །ཟླ་གཞུན་ལན་བརྒྱར་བྱུག་པས་ཀྱང་། །མཚོན་མིན་ལྟ་ན་སྡུག་པ་ལགས། །གཉིས་པ་ནི། དབྱངས་ཅན་ངག་གི་དབང་ཕྱུག་ཏུ། །རབ་གྲུབ་གྲགས་དཀར་སྲིད་པའི་རྩེར། །འཕྱུར་པའི་ངོ་མཚར་གདེངས་གཅོད་ཀྱིས། །ནོར་འཛིན་བུ་མོའི་སྟོབས་རྨད་བྱུང་། །ཞེས་སོ། །རབ་རྟོག་གི་སྐབས་སྙམ་དང་དོགས་དང་ཞེས་གསུངས་པའི་འདྲ་དང་བཞིན་ལ་སོགས་པ་དཔེ་རྒྱན་གྱི་གསལ་བྱེད་དུའང་འབྱུང་བས། དེའི་ཁྱད་པར་མདོར་བསྡུ་ན། སྔར་དཔེའི་སྐབས་སུ་ནི། དཔེ་དཔེ་ཅན་

― MLP007_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་ཆོས་སྦྱར་བའི་ཚིག་ཡིན་ཏེ། བྲམ་ཟེའི་ཕྲུ་གུ་ཁ་ཆེ་སྣ་ཉག་ལ་ཁྱོད་སེང་གེ་དང་འདྲ། ཁྱོད་ནི་སེང་གེ་བཞིན་ཁ་ཆེ་སྣ་ཉག་གོ །ཞེས་བརྗོད་པ་ལྟ་བུའོ། །རབ་རྟོག་གི་སྐབས་འདིར། དེ་དང་ཆེད་དུ་སྒྲོ་བཏགས་གསལ་བའི་ཚིག་ཡིན་ཏེ། ཁྱོད་མཁས་པའི་ཚོགས་ལ་འགྲན་ཞིང་རྩོད་པ་འདི་དེའི་བློ་གྲོས་བརྐུ་བའི་ཆེད་དུ་བྱས་པ་ཡིན་འདྲ། ཞེས་དང་། ནམ་མཁའ་ནས་ཆར་ཤིན་ཏུ་ཆེ་བ་བབས་པ་འདིས་ད་ནི་ལུང་པ་ཐམས་ཅད་ཆུས་འགེངས་པ་བཞིན་བྱེད་དོ། །ཞེས་པ་ལྟ་བུའོ། །རྒྱུ་རྒྱན་གྱི་སྐབས་སྐྱེད་བྱེད་དང་ཉམས་བྱེད་ནི་སྤྱི་མིང་བྱེ་བྲག་ལ་བཏགས་ཏེ། རྒྱུ་གང་རུང་གིས་དགའ་བ་བསྐྱེད་པའི་ཕྱོགས་ལ་སྐྱེད་བྱེད་དང་། རྒྱུ་གང་རུང་གིས་སྡུག་བསྔལ་བསྐྱེད་པའི་ཕྱོགས་ལ་ཉམས་བྱེད་དུ་བཞག །རྣམ་འགྱུར་འཐོབ་བྱེད་ནི། རྒྱུ་གང་རུང་གིས་ཡིད་དགའ་བ་བསྐྱེད་པ་ལྟ་བུ་རྣམ་འགྱུར་དང་། རྒྱུ་གང་རུང་གིས་སྔར་མེད་ཀྱི་འདོད་དོན་གསར་དུ་ཐོབ་པ་ལྟ་བུ་འཐོབ་བྱེད་དོ། །དཔེར་ན། ན་ཆུང་གཞོན་ནུ་གླུ་དབྱངས་བཅས། །སྐྱེད་ཚལ་སོང་ལས་ཟླ་འོད་ཀྱིས། །འཕོག་དང་ལྷན་ཅིག་བུང་བའི་སྒྲ། །ཐོས་ཚེ་འདོད་གདུང་དྲག་པོས་མནར། །འཐོབ་བྱེད་ནི། ལང་ཚོ་ལྡན་པའི་སྐྱེས་བུ་འདི། །ཁྱོད་ཀྱི་གྲོགས་སུ་ཉེར་འོས་ཞེས། །ཕོ་ཉ་གྲོགས་མོར་རྗེས་གདམས་པས། །ན་ཆུང་སྐྱེས་བུའི་རྩེ་དགའ་ཐོབ། །ཅེས་པ་ལྟ་བུ། ཡང་རྒྱུ་འབྲས་ལྷན་ཅིག་པ་དང་། རྒྱུ་ལས་འབྲས་བུ་སྔ་བའི་སྦྱར་ཚུལ་གནད་ནི། སྤྱིར་འབྲས་བུ་གང་རུང་འབྱུང་བ་ལ་རྒྱུ་སྔོན་དུ་སོང་བ་ཞིག་དགོས་མོད། འོན་ཀྱང་སྐབས་འདིའི་སྦྱར་ཚུལ། རྒྱུ་ས་བོན་ལས་འབྲས་བུ་སྟོན་ཐོག་སྐྱེས་ཀྱང་། འདི་ལོའི་སྟོན་གྱི་འབྲས་བུ་ལོ་དེའི་ས་བོན་བྱེད་པ་མི་སྲིད་ལ། སྤྱིར་སྟོན་གྱི་འབྲས་བུ་སླར་མྱུ་གུའི་རྒྱུ་བྱེད་དེ། དེས་ཕྱིའི་རྒྱུ་འབྲས་ཕྲུགས་གཅིག་པ་ལ་རྒྱུ་འབྲས་ལྷན་ཅིག་པ་དང་། རྒྱུ་ལས་འབྲས་བུ་སྔ་བ་མི་འབྱུང་ཡང་། རིགས་འདྲའི་སྒོ་ནས་སྐྱོན་མེད་དུ་སྦྱར་བ་ཡིན་ནོ། །ཕྲ་མོ་དང་ཆ་རྒྱན་གྱི་ཁྱད་པར། ཕྲ་མོ་ནི། བློ་སྔོན་དུ་བཏང་ནས་དོན་གང་རུང་འགྲུབ་པ་ལ་སོ་སོའི་བརྡའ་ལ་སོགས་པར་གོ་བར་བྱེད་པ་ཟུར་གྱི་ཕྲ་མོ་དང་བློ་སྔོན་དུ་མ་བཏང་ཡང་ནང་དུ་སེམས་ལ་ཆགས་པ་སྐྱེས་པས་ཕྱི་རྟགས་སུ་བཞིན་མདངས་དམར་བ་ལྟ་བུ་རྣམ་པའི་ཕྲ་མོ་སླར་དེ་སྒྲིབ་པའི་ཆེད་

― MLP007_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཁོ་བོའི་བཞིན་ཉི་མའི་འོད་ཀྱིས་གདུང་པས་དམར་བར་གྱུར་ཏོ། །ཞེས་པ་ལྟ་བུ། བསྟོད་སྨད་ཀྱི་ཆ་རྒྱན་ལ་གཉིས་དང་། ཟོལ་བསྟོད་ཀྱི་རྒྱན་གྱི་ཁྱད་པར་དང་པོ་ནི། སྨད་སྨད་འདྲ་ལ་བསྟོད་པར་མཚོན་ན། ཉམས་ཆུང་བ་དང་དཀའ་ཐུབ་ཀྱིས་གདུང་བ་སོགས་གང་ལ་སྨད་བྱའི་ཡོན་ཏན་དེ་ཉིད་སྐྱོན་ལྟར་བརྗོད་པས་ཤུགས་ཀྱིས་ཡོན་ཏན་མཚོན་ནུས་པ་ཙམ་དང་། གཉིས་པ་ནི། གནས་སྐབས་སུ་གང་ལ་བསྔགས་བྱའི་བྱ་བ་གང་རུང་མི་རིགས་པར་སྒྲུབ་པ་ལྟ་བུས་སྨད་བཞིན་དུ་བྱས་ལ་ཤུགས་ལ་དེའི་ཡོན་ཏན་ཕུལ་བྱུང་དུ་ཆེད་དུ་སྒྲུབ་པའོ། །དཔེར་ན། ཆ་རྒྱན་ནི། ཟ་འོག་གོས་སྤངས་དུག་ཧྲུལ་བསྟེན། །ངན་ངོན་བཅུད་མེད་ཟས་ཀྱིས་འཚོ། །བསམ་གཏན་དཀའ་ཐུབ་དྲག་པོས་མནར། །འདི་འདྲའི་སྒོམ་ཆེན་སྙིང་རྗེའི་ཡུལ། །ཟོལ་བསྟོད་ནི། ཁྱོད་ཀྱིས་དུག་ཧྲུལ་གོས་གྱོན་ཞིང་། །ངན་ངོན་ཟས་བཅས་སྒོམ་བྱེད་ཀྱང་། །ངོ་མཚར་ཅི་མཆིས་ཟས་གཙང་སྲས། །ལོ་དྲུག་བཟའ་བཏུང་སྤངས་ཞེས་ཐོས། །ཞེས་པ་ལྟ་བུའོ། །དགའ་རྒྱན་དང་སྒེག་པའི་ཉམས་ཀྱི་ཁྱད་པར། དང་པོ་ནི། ཡིད་རབ་ཏུ་དགའ་བའི་གཏམ་གྱིས་སྦྱོར་བ་དངོས་ཐོབ་དང་གཟུགས་བརྙན་གང་རུང་དུ་འགོད་པ་དང་། སྒེག་པ་ནི། ནང་དུ་དགའ་བ་སྐྱེས་པའི་ཉམས་སྒེག་པའི་རོལ་མོར་ཤར་བའོ། །དཔེར་ན། དགའ་རྒྱན་ནི། གང་ཞིག་བསམ་གཏན་ཁང་བུ་རུ། །དབྱངས་ཅན་ཁྱེད་སྐུ་གསལ་བསྒོམ་པས། །མཚོ་བྱུང་བཞིན་རས་མངོན་སུམ་དུ། །མཐོང་བའི་དགའ་བདེ་གཞན་གྱིས་མིན། །སྒེག་ཉམས་ནི། དབྱངས་ཅན་ཡེ་ཤེས་སྒྱུ་མའི་སྐུ། །ཆུ་བུར་མིག་གི་ལམ་གྱུར་པ། །ཀུན་གྱི་སྤྱོད་ཡུལ་མ་ལགས་ན། །སྔོན་གོམས་བཟང་པོའི་རིགས་སད་ངེས། །ཞེས་པ་ལྟ་བུ། སྦྱར་རྒྱན་གྱི་སྐབས་འགལ་མིན་གྱི་སྦྱར་བ་དང་འགལ་མེད་ཀྱི་སྦྱར་བའི་ཁྱད་པར། དང་པོ་ནི། འཐོབ་བྱ་དང་འཁྱུད་བྱ་ལྟ་བུ་བྱ་བ་གཉིས་ལ་སོགས་པར་ཕན་ཚུན་གྱི་འགལ་བ་སྦྱར་བ་ཡིན་ལ། གཉིས་པ་ནི། སྦྱར་ཆོས་གཉིས་གཉིས་ཕན་ཚུན་མི་འགལ་བར་བྱ་བ་ལ་སོགས་པ་ཆོས་མཚུངས་སུ་སྦྱར་བའོ། །དཔེར་ན། འགལ་མིན་ནི། དཀར་མཛེས་ཡིད་འོང་ལྟ་ན་སྡུག །ཤིན་ཏུ་བསིལ་བའི་རེག་བྱ་ཅན། །ཟླ་དཀྱིལ་ཤར་བ་མཐོང་གྱུར་ཏེ། །ཆགས་པས་ན་ཆུང་ལུས་ལ་འཁྱུད། །

― MLP007_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་མེད་ནི། མཐོན་མཐིང་མཚན་མས་རབ་ཏུ་བཀྲ། །ཤེས་ལྡན་མིག་གི་གཟིགས་མོར་མཚར། །རབ་དཀར་ཡིད་འོང་བཞིན་རས་ངོམས། །ན་ཆུང་མ་དང་བསིལ་ཟེར་ཅན། །ཞེས་པ་ལྟ་བུ། འགལ་བའི་ལས་ཅན་འགལ་བ་ཅན་གྱི་ཁྱད་པར། དང་པོ་ནི། ཆོས་མཚུངས་གང་རུང་གི་སྦྱར་གཞི་ཇི་སྙེད་ཅིག་སྦྱར་བ་ལས་དེ་དག་བྱ་བ་འགལ་བར་བསྒྲུབ་པར་བྱ་བ་ཡིན་ལ། གཉིས་པ་ནི། སྦྱར་གཞི་གཉིས་ལ་སོགས་པ་དེ་དག་སྦྱར་ཆོས་འགའ་ཞིག་མཚུངས་ཀྱང་འགའ་ཞིག་འགལ་བའི་སྒོ་ནས་སྤུ་རིས་སུ་འབྱེད་པའོ། །དཔེར་ན། འགལ་བའི་ལས་ཅན་ནི། ཡིད་འོང་མཚར་སྡུག་ལང་ཚོས་སྤྲས། །འཛུམ་པའི་མདངས་ཀྱིས་གཞན་ཡིད་འགུགས། །གནག་སྣུམ་སྐྲ་ཅན་མཚོ་ལྡན་མས། །འདོད་འཇོམས་མི་མོས་ཆགས་པ་སྤེལ། །འགལ་བ་ཅན་ནི། ཤིན་ཏུ་དཀར་ཡང་བེམ་པོ་མིན། །ཡིད་དུ་འོང་ཡང་འདོད་ཆགས་འཇོམས། །འོད་དཀར་སྤྲོ་ཡང་ཀུ་མུད་ད། །ཟུམ་པར་མི་བྱེད་མཚོ་བྱུང་ལྷ། །ཞེས་པ་ལྟ་བུ། འགལ་རྒྱན་གྱི་སྐབས་གཞི་གཅིག་གི་བྱ་བ་འགལ་བ་དང་། གཞི་གཅིག་གི་ལས་འགལ་བའི་ཁྱད་པར། དང་པོ་ནི། གཞི་སྤྲིན་པ་ལྟ་བུ་ཞིག་གི་བྱ་བ་ཡུལ་ངན་པར་སྤྱོད་པས་ཆགས་པ་ཞིག་པ་ལྟ་བུ་དང་། འདོད་ལྡན་ལ་ཆགས་པ་ལྷན་ཅིག་སྤེལ་བ་ལྟ་བུ་བྱ་བ་འགལ་བར་སྒྲུབ་པ་ཡིན་ལ། གཉིས་པ་ནི། གཞི་འདོད་ལྡན་ལ་བསམ་སྟེ་ཆགས་པ་རྒྱས་པ་ལས་རྒྱུ་ལུས་ལ་བསིར་བུ་ལྟ་བུས་མ་བཏབ་ཀྱང་། འབྲས་བུ་སྤུ་ལོང་ལྡང་བ་སྒྲུབ་པ་ལྟ་བུ་གནས་སྐབས་འགའ་ཞིག་ལ་ལྟོས་ནས་ལས་འགལ་བར་སྒྲུབ་པའོ། །དཔེར་ན། གཞི་གཅིག་གི་བྱ་བ་འགལ་བ། དེ་བཞིན་གཤེགས་མཆོག་རྡོ་རྗེའི་གསུང་། །ཐོས་པས་གཏི་མུག་བཅོམ་པ་དང་། །བློ་གྲོས་རྒྱས་པའི་བྱ་བ་གཉིས། །ལྷན་ཅིག་འགྲུབ་འདི་ཡིད་ཁར་གཤིམ། །གཞི་གཅིག་ལས་འགལ་བ་ནི། ཧྲཱི་ཡིག་དབྱངས་སུ་ལ་བཟླས་ཤིང་། །དེ་ནར་བསམ་གཏན་གཞོལ་མིན་ཡང་། །མཚོ་ལྡན་ཞལ་དཀྱིལ་མངོན་སུམ་དུ། །མཐོང་ཞིང་གསུང་གི་གསང་བ་ཐོབ། །ཅེས་པ་ལྟ་བུ། ༈ རབ་སྤེལ་གྱི་རྒྱན་ནི། སྤྱིར་རྒྱན་གསུམ་ལ་སོགས་པ་བསྲེས་ཏེ་བརྗོད་པ་ཡིན་ལ། བྱེ་བྲག་སྒྲུབ་བྱེད་འགྲེལ་མཚུངས་ནི། དཔེ་རྒྱན་ལྟ་བུ་དང་འབྲེལ་བའི་ཚིག་བསྒྲུབ་བྱར་བཀོད་

― MLP007_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། གཟུགས་ཅན་དང་འབྲེལ་བའི་ཚིག་གི་སྒྲུབ་པར་བྱེད་པའོ། །སྟོབས་མཚུངས་ནི། རྒྱན་གསུམ་ལ་སོགས་པར་བསྲེས་ཏེ། དེ་དག་ཕན་ཚུན་སྟོབས་མཚུངས་པར་བཀོད་པའོ། །གཞན་དུ་རྒྱན་གཉིས་སོགས་འདྲེས་ཙམ་གྱིས་རབ་སྤེལ་དུ་འགྲོ་བ་ངེས་པ་མེད་དེ། མཁས་པའི་གསུང་ངག་ལས་བྱུང་བའི་དཔེར་བརྗོད་དག་ཏུ། དཔེ་རྒྱན་ལ་སོགས་པའི་སྐབས་གཟུགས་ཅན་སོགས་འདྲེས་པར་ཡོད་པས་མཚོན་ནུས་སོ། །དཔེར་ན་སྒྲུབ་བྱེད་འབྲེལ་མཚུངས་ནི། དབྱངས་ཅན་ཞལ་གྱི་ཟླ་བ་ནི། །མཐོང་བས་ཤེས་ལྡན་དགའ་བསྐྱེད་དེ། །ཡིད་འོང་ལང་ཚོས་སེམས་འགུགས་པ། །པདྨར་བུང་བ་འདུ་བས་མཚོན། །སྟོབས་མཚུངས་ནི། འཇམ་མགོན་ཞལ་དཀྱིལ་ཉི་མའི་དབུས། །བུང་བ་ལྟར་ནག་སྤྱན་ཟུང་བཀྲ། །གང་ཞིག་མཐོང་བའི་མོད་ཉིད་ལ། །ཤེས་བྱའི་གནས་ཀུན་ཅིག་ཅར་རྟོགས། །ཞེས་པ་ལྟ་བུའོ། །ཀ་ཡེ་སྙན་ངག་རྒྱ་མཚོ་ཐོས་བརྩོན་གྱིས། །བསྲུབས་སྐྱེས་གནད་དོན་རིན་ཆེན་མཆོག་གི་ནོར། །དོག་པ་སྲེས་ཀྱང་སྨྲ་བའི་སྒོ་འབྱེད་ཕྱིར། །དེད་དཔོན་བཟང་པོའི་སྙིང་སྟོབས་དེང་འདིར་བཟུང་། །ལེའུ་གཉིས་པ་དང་རྗེས་འབྲེལ་དོགས་སེལ་འགའ་ཞིག་བཤད་ཟིན་ཏོ། ༈ །ལེའུ་གསུམ་པའི་སྐབས་བར་མ་ཆོད་ཀྱི་ཟུང་ལྡན་ནི། ཤོ་ལོ་ཀ་རེ་ལ་རྐང་པ་བཞི་རེ་ཡོད་པའི་བཞི་ཀའམ་གཉིས་གསུམ་སོགས་གང་ལ་ཡོད་ཀྱང་རུང་སྟེ། བར་མ་ཆོད་ཀྱིས་གཉིས་གཉིས་བཟླས་པ་དེ་ཉིད་མ་གཏོགས་གཟུགས་མི་གཅིག་པ་ཞིག་ངེས་པར་དགོས་ཏེ། གཞན་དུ་ཆོད་དང་མ་ཆོད་དང་མ་ཆོད་པའི་ཟུང་ལྡན་དུ་འགྱུར་རོ། །དཔེར་ན། དཀར་དཀར་སྐུ་ཡི་ཁྱོན་ཡངས་པོར། །མཛེས་མཛེས་རིན་ཆེན་རྒྱན་ཕྲེང་དང་། །ལྷུབ་ལྷུབ་ན་བཟའ་གཡོ་ལྡན་པས། །ལེགས་ལེགས་མཁས་པའི་དངོས་གྲུབ་སྟེར། །ཞེས་དང་། ཨེ་མ་ཨེ་མ་སྐལ་ལྡན་ཤེས་ལྡན་འགྲོར། །དུང་ཞིང་དུང་ཞིང་ཐོས་འཛིན་ལེགས་གཏོད་དང་། །སྨྲ་མཆོག་སྨྲ་མཆོག་དབྱངས་ཀྱི་ང་རོ་དང་། །ཐོས་ཤིང་ཐོས་ཤིང་ཤེས་བྱ་གོང་དུ་སྤེལ། །ཞེས་པ་ལྟ་བུའོ། །དེས་མཚོན་བར་མ་ཆོད་ཀྱི་ཟུང་ལྡན་སྦྱར་ཚུལ། གཞན་ཡང་། དཀར་དཀར་ན་ཆུང་བཞིན་ལ་གནག་ནག་མིག །འཁྲུལ་བའི་སྣང་བ་ཡང་ཡང་མཐོང་གྱུར་མོད། །ཆགས་ཆགས་འདོད་

― MLP007_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡུམ་དེར་རྗེས་དུངས་པས། །ངེས་ངེས་ལན་ཙར་མ་ཡིན་རྟག་སེམས་བརྟག །ཅེས་པ་ལྟ་བུ། ཡང་རྐང་བཞིའི་ཐོག་མཐའི་ཆོད་དང་མ་ཆོད་པའི་ཟུང་ལྡན་གང་རུང་དང་། མཐའ་ཐོག་སྦྱར་བའི་ཁྱད་པར། ཤོ་ལོ་ཀ་རེ་ལ་རྐང་པ་བཞིར་ཡོད་པའི་ཟུང་ལྡན་གང་ལ་སྦྱར་བའི་རྐང་པའི་མགོ་མཇུག་མཚུངས་པ་ཁོ་ན་དགོས་ཀྱི། རྐང་པ་དང་པོའི་མཇུག་དང་གཉིས་པའི་མགོ་མཚུངས་མི་དགོས། དཔེར་ན་ཆོད་པའི་ཟུང་ལྡན་ལ་མཚོན་ན། དཀར་མཛེས་ཡིད་འོང་ཞལ་རས་དཀར། །གནག་སྣུམ་སྤྱན་གཡོ་དབུ་སྐྱེས་གནག །ལེགས་བྱས་མཚན་དཔེའི་དགེ་མཚན་ལེགས། །ལྷ་མོ་དབྱངས་ཅན་བདག་གི་ལྷ། །ཞེས་པ་ལྟ་བུ། གཉིས་པ་ནི། རྐང་པ་དང་པོའི་མཇུག་དང་གཉིས་པའི་མགོ་ལྟ་བུ་རྐང་པ་སྔ་མའི་མཇུག་དང་ཕྱི་མའི་མགོ་ངེས་པར་མཚུངས་པ་ཞིག་དགོས་ཀྱི་རྐང་པ་སོ་སོའི་མཐའ་ཐོག་མཚུངས་མི་དགོས། དཔེར་ན། དབྱངས་ཀྱི་རྒྱལ་མོའི་བཞིན་གྱི་དཔལ། །དཔལ་འབར་ཟླ་བའི་གཟུགས་བཞིན་མཛེས། །མཛེས་ལྡན་སྤྱན་དཀྱུས་གཟིགས་པ་མཆོག །མཆོག་ཏུ་མ་གཡེལ་དགོངས་པར་མཛོད། །ཅེས་པ་ལྟ་བུ། འོན་ཀྱང་རྐང་བཞིའི་ཐོག་མཐའི་ཟུང་ལྡན་དང་། མཐའ་ཐོག་སྦྱར་བ་མི་འགལ་ཏེ། དཔེར་ན། ཕུལ་བྱུང་འཇིག་རྟེན་དབང་ཕྱུག་དཀར། །དཀར་མཛེས་ཟླ་དཀྱིལ་ཉིད་ལས་དཀར། །དཀར་བ་ཕུན་ཚོགས་ཞལ་རས་དཀར། །དཀར་བའི་ཚེམས་ཕྲེང་གིས་ཀྱང་མཛེས། །ཞེས་པ་ལྟ་བུ། ཡང་དབྱངས་དང་སྐྱེ་གནས་དང་གསལ་བྱེད་ངེས་པའི་སྐབས་དེ་དག་བཞིར་ངེས་པ། གསུམ་དུ་ངེས་པ་སོགས་གང་ཡིན་ཡང་། དེ་རྣམས་གང་ཡིན་དེ་ཉིད་དུ་ངེས་ཕྱིན་ཚིག་ལ་ཆ་བགོས་པ་དང་། དཀྲུགས་ཏེ་བརྗོད་པ་ལ་ཁྱད་པར་མེད་དོ། །དཔེར་ན་ཆ་དགོས་པའི་དཔེར་བརྗོད་གོང་མ་ལ་མཚོན་ན། ཟླ་བ་ལྟར་དཀར་ཞལ་རས་དཀར། །སྙིང་གི་དཔྱིད་གཉིས་མིག་གཉིས་ཀྱིས། །ཡུལ་དུ་དུས་གསུམ་ཀུན་གྱུར་དུས། །བློ་གྲོས་མཆོག་མཐོང་ཁྱོད་བསྟོད་དོ། །ལྷ་མོ་དབྱངས་ཅན་མའི་ཞལ་རས། །ཡིད་འོང་ཟླ་བ་ལྟ་བུར་དཀར། །བ་ལ་སྤྱན་གཉིས་པོ་གཡོ་བ། །མཐོང་བའི་ཚེ་ནི་བློ་གྲོས་འཕེལ་ལོ། །ཞེས་གཅོད་མཚམས་ཉམས་པའི་སྐྱོན་དང་གནད་གཅིག་གོ །དཀྲུགས་ཏེ་བརྗོད་པའི་དཔེར་བརྗོད་གོང་

― MLP007_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལ་མཚོན་ན། ཡང་དག་བཞིན་རས་དཔལ་མོ་ལ། །སྤྱན་ཟུང་བུང་བ་གཡོ་གྱུར་ཀྱང་། །མཐོང་བའི་མོད་ལ་བློ་གྲོས་མཐུ། །མཆོག་ཐོབ་མཁས་པའི་གོ་འཕང་བཀོད། །ཡང་དབྱངས་ཨ་ཨི་ཨུ་ཨོ་བཞིར་ངེས་པ་ལྟ་བུ། ཡང་སྐྱོན་ཡོན་སེལ་སྐབས་སྡེབ་སྦྱོར་ཉམས་པའི་སྐྱོན་ལ་ཆད་ལྷག་གི་སྐྱོན་གོ་སླ། ལྕི་ཡང་གི་དཔེར་བརྗོད་ཀྱང་ལེགས་སྦྱར་ལ་སྦྱོར་ཚེ་རྟོགས་པར་སླ་ཡང་བོད་སྐད་རུང་མཐུན་དུ་བྱེད་ན། ཚིགས་བཅད་ཀྱི་ཁྲིགས་སྡེབ་ཚུལ་ཉམས་པས་གྲོང་ཚིག་རྐང་པར་བཅད་པ་ཙམ་ལས་ཚིག་ངལ་གསོའི་གཅོད་མཚམས་མ་བྱུང་བ་སྟེ། དཔེར་ན། ཨ་གཉིས་འདུས་པ་ལ་འདྲ་འདུས་ཨ་རིང་པོ་བྱེད་པ་ལྟ་བུའི་མཚམས་སྦྱོར་གྱི་བྱ་བ་ཉམས་པ་དང་། མ་ཉམས་པར་འཇོག་མོད་ཀྱི། འོན་ཀྱང་བོད་སྐད་ལ་སྦྱོར་ཚེ། དག་ཡིག་ལས་བཤད་པའི་ཚིག་འཕྲད་ལ་སྦྱར་ཡང་མི་འགལ་ལམ་སྙམ་པ་ལྟར། དག་ཡིག་ཏུ། ག་ད་བ་ཅེས་ང་འ་དང་། །ན་མ་ར་ལ་ས་དང་ནི། །རྐྱང་པ་འདོགས་ཅན་ས་སྟེ་དཔེར། །ཞེས་པ་ལྟར་དཔེར་བརྗོད་ན། མཚམས་སྦྱོར་ཉམས་པའི་སྐྱོན་ཅན་ནི། །ཆོས་རྣམས་ཀུན་གྱི་རང་བཞིན་དག །ཞེས་པ་དང་། རྒྱལ་བའི་གསུང་ལས་ངེས་འབྱུང་སྟེ། །ཞེས་ག་མཐར་ཅེས་ཐོབ་ལ་ཞེས་སྦྱར་བའི་སྐྱོན་དང་། དམིགས་བསལ་སྐྱོན་མེད་ནི། ཆོས་ཀུན་རང་བཞིན་རྣམ་པར་དག །ཞེས་པ་རྒྱལ་གསུང་དབྱངས་ཀྱིས་འདོམས། །ཞེས་སོ། །གཞན་ཡང་། བློ་ལྡན་ཁྱོད་ཀྱི་བཞིན་གྱི་དཔལ། །མཐོང་བས་དགའ་བ་མཆོག་ཏུ་བསྐྱེད། །ཅེས་ད་མཐར་ཀྱི་དང་ན་མཐར་གྱི་ཐོབ་པ་ལ་གཉིས་གར་གི་སྦྱར་སྐྱོན་དང་། མཆོག་ཏུ་ཞེས་པ་ལ་མཆོག་དུ་ཞེས་ཏ་སྡེའི་དུས་མཚོན་པར་སྦྱར་བའི་སྐྱོན་དང་། སྙན་ཚིག་རྒྱ་མཚོར་ཐོག་སྟེ་འཇུག་འདོད་ན། །བརྒྱད་ལྡན་རྫིང་བུ་འདི་ལ་རྩེ་བར་རིགས། །དེ་ལས་མ་དྲོས་ཀླུ་དབང་བརྟུལ་ཞུགས་མཐུ། །ཐོག་པར་གྱུར་གང་མི་བསླུའི་ཆོས་ཉིད་ཡིན། །ལེའུ་གསུམ་པ་དང་རྗེས་འབྲེལ་དོགས་སེལ་འགའ་ཞིག་བཤད་ཟིན་ཏོ། །ཚིག་རྒྱན་བང་མཛོད་སྒོ་བརྒྱ་དབྱེ་བ་ལ། །དེ་སྲོལ་མན་ངག་ལྡེ་མིག་འདི་ཤེས་ཏེ། །དཔེར་བརྗོད་ཉམས་བརྒྱ་རྫོགས་པའི་མགྲིན་གླུའི་དབྱངས། །ཤེས་ལྡན་མཁས་པའི་ཐོས་སིམ་དཔྱིད་དུ་གྲུབ། །དགེ་འདིས་འགྲོ་བློའི་གཏི་མུག་རྨོངས་པའི་མུན། །

― MLP007_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་བྱས་ངག་གི་དབང་ཕྱུག་ཉིད་བྱས་ནས། །རང་གཞན་ཕན་བདེའི་འདོད་རྒུའི་ཆུ་སྐྱེས་འདབ། །གྲོལ་བའི་ངོ་མཚར་སྣང་བ་འབར་གྱུར་ཅིག །ཅེས་སྙན་ངག་གི་བསྟན་བཅོས་མེ་ལོང་དང་རྗེས་འབྲེལ་ཤན་འབྱེད་ཀྱི་དོགས་སེལ་འགའ་ཞིག་ཁྲིགས་སུ་སྡེབས་པ་གཞུང་དོན་སྙིང་པོ་ཞེས་བྱ་བ་འདི་ཡང་ཟབ་གཏེར་བསྟན་པའི་བདག་པོ་པདྨ་གླིང་པའི་ཐུགས་སྲས་ཟླ་བ་རྒྱལ་མཚན་གྱི་རྣམ་རོལ་བསྟན་པའི་གསལ་བྱེད་མཆོག་སྤྲུལ་དམ་པའི་བཀའ་སྩལ་དང་། ཁྱད་པར་མི་འཕྲོགས་པའི་ཐུགས་ཀྱི་བློ་གྲོས་མངའ་བ་མི་དབང་བཀའི་སྲས་ནོར་འཛིན་དབང་པོ་དང་། ཀླུ་ཆུ་མིག་གི་སྡེ་པ་ཟུང་གིས་ནན་གཏན་ཆེན་པོའི་གསུང་གིས་བསྐུལ་བ་ལས་གངས་ཅན་ལྗོངས་ཀྱི་སྙན་ངག་མཁན་པདྨ་འགྱུར་མེད་རྒྱ་མཚོས་རང་ལོ་སོ་གཅིག་པ་གདོང་ངན་གྱི་ལོ་ལ་ཟིན་ཐུན་དུ་སྤེལ་བ་དགེ་ལེགས་སུ་གྱུར་ཅིག། །།

ཡིག་བསྐུར་གྱི་རྣམ་གྲངས་ལོ་ཙཱ་བ་དྷརྨ་ཤྲཱིའི་གསུང་། ལོ་ཆེན་དྷརྨ་ཤྲཱི།

― MLP007_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིག་བསྐུར་གྱི་རྣམ་གྲངས་ལོ་ཙཱ་བ་དྷརྨ་ཤྲཱིའི་གསུང་བཞུགས་སོ། །ལོ་ཆེན་དྷརྨ་ཤྲཱི།

― MLP007_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིག་བསྐུར་གྱི་རྣམ་གྲངས་ལོ་ཙཱ་བ་དྷརྨ་ཤྲཱིའི་གསུང་བཞུགས་སོ། །
ན་མཿསརྦ་ཛྙཱ་ཡ། བསྐུར་ཡིག་གི་རྣམ་གྲངས་ལས། བླ་ཆེན་གྱི་རིགས་ལ་འབུལ་ན། ཁམས་གསུམ་འགྲོ་བའི་གཙུག་རྒྱན་དམ་པ་གང་གི་ཞབས་སྟེགས་གསེར་གྱི་པདྨོ་དྲི་མ་མེད་པའི་དྲུང་དུ། ཡན་ལག་མཆོག་གིས་བཏུད་དེ་ཞུ་བ། རིང་མོ་ཉིད་ནས་བྱང་ཆེན་ས་བོན་གྲུང་པོ་ཕུལ་བྱུང་ཚོགས་གཉིས་ཀྱི་དྲོད་གཤེར་བཟང་པོས་སྨིན་པ་ལས་རྣམ་གྲོལ་སྐུ་གསུམ་གྱི་འབྲས་བུ་གཡུར་དུ་ཟ་བ་ནས། གདུལ་བྱའི་བློ་མཚོར་འགོག་པ་མེད་པར་འཆར་བའི་ཕྲིན་ལས་ཟླ་བ་ནོར་བུའི་མེ་ལོང་ཕན་བདེའི་འོད་དཀར་མཁའ་ཁྱབ་ཏུ་སྤྲོ་བའི་བདག་ཉིད་ཆེན་པོར་བཞུགས་པ་ནི་བཀའ་དྲིན་གྱི་དཔལ་དམ་པར་གྱུར། ༧སླད་མར་ཡང་ཞལ་གྱི་དཀྱིལ་འཁོར་མཇལ་ཞིང་གསུང་གི་བདུད་རྩི་མྱང་བ་ལ་ལྷག་པར་སྨོན་པ་ལགས་པ་དེ་བཞིན་དུ་འགྲུབ་པ་དང་། རྣམ་ཀུན་ཡེ་ཤེས་ཀྱི་གཟིགས་པ་མཆོག་ནས་ནམ་ཡང་མི་འདོར་བར་ཐུགས་རྗེས་བཟུང་དུ་གསོལ། ཞེས་སྲབ་འཇམ་དྲི་མ་མེད་པའི་དར་གྱི་ཁྱོགས་ལ་བླངས་ཏེ་གུས་པ་ཆེན་པོས་ཕུལ་བའི་ཞུ་ཡིག ། ༈ ཡང་ན། ལྷ་མིའི་མཆོད་སྡོང་དམ་པ་འགྲོ་བའི་བླ་མ་མཆོག་གི་ཞབས་རྡུལ་དྲི་མ་མེད་པའི་དྲུང་དུ། སྒོ་གསུམ་གུས་པའི་ཕྱག་སྔོན་དུ་བཏང་སྟེ་ཞུ་བ། གང་ཡང་རྣམ་དག་ཆོས་ཀྱི་དབྱིངས་ཀྱི་མཁའ་ལ་བསོད་ནམས་དང་ཡེ་ཤེས་ཀྱི་ཤིང་རྟས་དྲངས་པའི་སྐུ་གསུམ་ཉིན་མོར་བྱེད་པའི་དཀྱིལ་འཁོར་འདུ་བྱེད་ཕྲིན་ལས་ཀྱི་ཟེར་སྣང་འགྲོ་བའི་སེམས་རྒྱུད་ཀྱི་ས་གཞིའི་ཁྱོན་ལ་སྤྲོ་བའི་རིང་ནས་བརྩེ་ཆེན་ཐུགས་རྗེའི་གཟིགས་པ་མཆོག་ནས་མི་བསྐྱུད་པའི་བཀའ་ཤོག་རིན་པོ་ཆེ་གནང་རྟེན་བཅས་སྤྱི་བོར་ཕེབས་པས་དད་པའི་འདབ་བརྒྱ་ཅི་ཡང་

― MLP007_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་བཞད་པར་གྱུར། ༈ ཡང་རང་གི་བླ་མ་ལྟ་བུ་ལ། རིགས་ཀུན་ཁྱབ་བདག་སྐྱབས་མགོན་བླ་མ་དམ་པ་མཆོག་གི་ཞབས་པད་དྲི་མ་མེད་པའི་དྲུང་དུ། སོར་བཅུའི་ཐལ་མོ་སྤྱི་བོར་བཀོད་དེ་ཞུ་བ། གཟོད་མ་ཉིད་ནས་རབ་འབྱམས་རྒྱལ་བ་མ་ལུས་པའི་སྐུ་གསུང་ཐུགས་ཀྱི་ངོ་བོ་ཉིད་དུ་རོ་མཉམ་པས་གང་ལ་གང་འདུལ་གྱི་འགྲོ་བའི་བློ་དང་འཚམས་པར་སྟོན་པའི་ཐབས་མཁས་ཀྱི་ཕྲིན་ལས་མཁའ་ལྟར་ཁྱབ་ཅིང་རྟག་པའི་བདག་ཉིད་ཅན་དུ་བཞུགས་སོ་ཞེས་སྙན་གྲགས་ཀྱི་བ་དན་དཀར་པོ་སྲིད་རྩེར་བསྒྲེངས་པས་བདག་ཡིད་དད་པའི་ལྕགས་ཀྱུས་རང་དབང་མེད་པར་ཕྲོགས་པར་གྱུར། ཕྲན་བུའང་གང་གི་ཐུགས་རྗེའི་གྲིབ་བསིལ་དུ་བདེ་བར་འཚོ་སྐབས་ལགས། ༧སླད་མར་དམིགས་མེད་ཡེ་ཤེས་ཀྱི་རོལ་རྩལ་འགག་པ་མེད་པར་འཆར་བའི་ཐུགས་རྗེས་ནམ་ཡང་མི་གཏོང་བའི་བཀའ་དྲིན་མཆོག་ནས་འདོར་བ་མེད་པ་ཅི་ནས་མཁྱེན་མཁྱེན། ཞེས་བདེ་ལེགས་ཀྱི་རི་མོར་རྣམ་པར་བཀྲ་བའི་དར་གྱི་ལྡོ་ལི་ལ་བཏེགས་ནས་ཡར་ཚེས་དགེ་བར་ཕུལ་བའི་ཞུ་ཡིག ། ༈ ཡང་དགེ་བའི་བཤེས་གཉེན་ཆེ་རིགས་ལ། ཕུལ་དུ་བྱུངབའི་མཁྱེན་རབ་ཀྱི་དབང་ཕྱུག་བཤེས་གཉེན་དམ་པ་མཆོག་གི་ཞབས་དྲུང་དུ། ཞུ་བ། དེང་སང་སྐུའི་འཚོ་གཞེས་སྒྲ་གཅན་གྱི་གདོང་ལས་རྣམ་པར་རྒྱལ་བའི་ཟླ་བ་ལྟར་མཆོག་ཏུ་བཟང་ཞིང་། མཁས་པའི་བྱ་བ་གསུམ་གྱིས་ཐུབ་བསྟན་རིན་པོ་ཆེ་བླ་ནས་བླར་འདེགས་པའི་ཕན་བདེའི་སྲོག་ཏུ་གྱུར་པ་ནི་བཀའ་དྲིན་གྱི་དཔལ་དུ་འཁུམས། ༈ ཡང་ན། ཉེ་བའི་ཆར་ཡང་ཕུལ་བྱུང་ལེགས་བྱས་ཀྱི་ཆུ་གཏེར་བསྲུབས་པ་ལས་ཐོན་པའི་སྐུ་བརྙན་ཉིན་མོར་བྱེད་པའི་དཀྱིལ་འཁོར་ཕན་བདེའི་ཟེར་འཕྲེང་འཕྲོ་བས་སྐྱེ་རྒུའི་དགེ་ལེགས་ཀྱི་པདྨོ་རྣམ་པར་བཞད་ཅིང་བསྟན་པ་རིན་པོ་ཆེ་ལ་རི་མོར་མཛད་པའི་རྣམ་དཀར་ཕྲིན་ལས་ཀྱི་ཟེའུ་འབྲུ་ཡོངས་སུ་ངོམ་པའི་དཔལ་ཡོན་དམ་པར་འཚོ་གཞེས་བཀའ་དྲིན་ཆེ། ཞེས་སམ།

― MLP007_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡང་། དེང་ཡང་ལེགས་བྱས་རྨད་དུ་བྱུང་བའི་མཆོད་སྦྱིན་གྱིས་བསྒྲུབས་པའི་རྣམ་དཔྱོད་ཀྱི་མིག་སྟོང་རྣམ་པར་བཀྲ་ཞིིང་། ལུང་རིགས་རྩེ་བརྒྱའི་རྡོ་རྗེས་ལོག་སྨྲ་ལྷ་མིན་གྱི་དཔུང་ཕམ་པར་མཛད་པས་ཐུབ་བསྟན་སུམ་རྩེན་གྱི་མདུན་ས་མཛེས་པའི་རྒྱན་དམ་པར་བཞུགས་པ་ནི་ཡིད་ཀྱི་སྨན་ཡོན་དུ་གྱུར། ༈ ཡང་། སྨྲ་བའི་དབང་ཕྱུག་ཟླ་མེད་གཅིག་པུ་པ་གང་གི་དྲུང་དུ། དེང་སྔོན་བསགས་ལེགས་བྱས་ཀྱི་ལྡུམ་རར་སྦྱོར་བརྩོན་རྨད་དུ་བྱུང་བའི་ཆུ་ལུད་ཀྱིས་བསྐྱེད་པའི་རྣམ་འབྱེད་ཀྱི་མྱུ་གུ་དཔག་ཡས་ལུང་རིགས་ཀྱི་མེ་ཏོག་རྣམ་པར་བཀྲ་བས་མཛེས་ཤིང་སྒོམ་བྱུང་རྣམ་གྲོལ་གྱི་འབྲས་བུ་ཡོངས་སུ་སྨིན་པས་བསྟན་འགྲོའི་རྩ་ལག་ཏུ་འཚོ་གཞེས་བཀའ་དྲིན་ཆེ། ༈ ཡང་ལུགས་གཉིས་འཛིན་པའི་སྡེ་དཔོན་ལྟ་བུ་ལ། གཙུག་ལག་ཐམས་ཅད་ལ་གཟིགས་པ་དག་པ་དཔལ་ལྡན་ས་དབང་མཆོག་གི་ཞབས་དྲུང་དུ། ཞུ་བ། དེང་ཡང་ཕུལ་དུ་བྱུང་བའི་བསོད་ནམས་ཀྱི་ར་བར་ཡོངས་སུ་འཁྲུངས་པའི་སྐུ་བརྙན་དཔག་བསམ་གྱི་ལྗོན་པ་ཆོ་འབྲང་གིས་མ་རྨས་པའི་སྡོང་པོ་རྣམ་པར་ལྡེམ་པ་ལས་དམ་པའི་ཡོན་ཏན་གྱི་མེ་ཏོག་གསལ་ཞིང་རྣམ་གྲོལ་ལེགས་བྱས་ཀྱི་འབྲས་བུ་མངོན་པར་དུད་ལ། ཕན་བདེའི་གྲིབ་བསིལ་ཕྱོགས་ཀྱི་འཁོར་ལོར་ཁྱབ་པས་སྐྱེ་དགུ་མ་ལུས་པའི་གདུང་སེལ་གཅིག་པུ་པར་འཚོ་གཞེས་བཀའ་དྲིན་མཆོག་ཏུ་ཆེ། ༧སླད་མར་ཡང་བརྩེ་ཆེན་སྤྱན་རས་ཀྱི་བཙའ་བ་ལས་མི་འདོར་བའི་བསླབ་སྟོན་ཕེབས་ཚོགས་སྐལ་ལྡན་ཤིང་རྟའི་རྒྱུན་ལྟར་མཁྱེན་མཁྱེན། ཞེས་ལྷ་རྫས་དཀར་པོ་དྲི་མ་མེད་པས་མངོན་པར་བཀླུབས་ཏེ་ཕུལ་བའི་ཞུ་ཡིག༈ ཡང་ན། ས་སྐྱོང་ཆོས་ཀྱི་སྤྱན་མངའ་བ་མཆོག་གི་ཞབས་དྲུང་དུ། ཞུ་བ། དེང་ཡང་སྐུའི་དཀྱིལ་འཁོར་ཟླ་བ་ནོར་བུའི་མེ་ལོང་ལུགས་གཉིས་མཁྱེན་དཔྱོད་ཀྱི་རི་དྭགས་རྣམ་པར་བཀྲ་ཞིང་སྟོང་ཕྲག་བྱེ་བའི་འོད་དཀར་མཁའ་ཁྱབ་ཏུ་སྤྲོ་བས་ཆབ་འབངས་ཀུནྡའི་ཚལ་རབ་ཕན་བདེའི་འདབ་བརྒྱ་ཁོང་ནས་རྒོད་པའི་དཔལ་ཡོན་དམ་པར་བཞུགས་པ་བཀའ་དྲིན་ཆེ། ༈ སྐྱེ་བོ་ཡ་རབས་དཀྱུས་མ་ལྟ་བུ་ལ། ལུགས་གཉིས་མཁྱེན་པའི་སྤྱན་ལྡན་གང་གི་དྲུང་དུ། དེང་

― MLP007_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ལེགས་སྤྱད་ཀྱི་སྐྱེད་མོས་ཚལ་དུ་སྨིན་པའི་སྐུ་བརྙན་ཆུ་སྐྱེས་ཀྱི་སྡོང་པོ་གདོལ་བར་སྤྱོད་པའི་འཛེར་འཁྱོག་གིས་མ་བསླད་པས་རྣམ་པར་ལྡེམ་ཞིང་དཔའ་མཛངས་དེས་པའི་འདབ་བརྒྱ་བཞད་པས་དམ་པའི་ཡོན་ཏན་གྱི་དྲི་བསུང་མངོན་པར་འཐུལ་བའི་ཟེའུ་འབྲུའི་སོ་ཕྲེང་ངོམ་བཞིན་པར་བཞུགས་སོ། །ཞེས་ཐོས་འཛིན་གྱི་བཅུད་དུ་བབས་པས་དགའ་སྤྲོའི་ཟླ་བ་ཡར་ངོའི་དཀར་ཆ་ལ་འགྲན་པ་ལྟར་འགྱུར། ༧སླད་མར་ཡང་། ཐུགས་ཉེའི་མཛའ་གཅུགས་མི་དམན་པའི་ཕེབས་ཚོགས་འབབ་ལྡན་གྱི་རྒྱུན་ལྟར་ཞུ། ༈ ཡང་ན། མི་རིང་བའི་ཆར་ཡང་སྐུའི་འཚོ་གཞེས་ཉེས་པའི་ཆུ་འཛིན་གྱི་དྲྭ་བ་ལས་རྣམ་པར་གྲོལ་བས་སྟོན་དུས་ཀྱི་མཁའ་ལྟར་དྭངས་ཤིང་རྣམ་དཀར་གྱི་མཛད་བཟང་ཉིན་མོར་བྱེད་པའི་དཀྱིལ་འཁོར་ལེགས་བྱས་རྟ་བདུན་གྱིས་ཉེ་བར་དྲངས་པས་འཇིག་རྟེན་གསལ་བའི་རྒྱན་དུ་བཞུགས་པ་བཀའ་དྲིན་ཆེ། ༈ ཡང་། དེང་ཡང་སྐྱེས་བུ་དམ་པའི་རྣམ་ཐར་གྱི་རྗེས་སུ་འགྲོ་བའི་ལེགས་སྤྱད་ཀྱི་གཟུགས་བརྙན་འགག་མེད་དུ་འཆར་བའི་རིང་ནས། ཕྱག་བྲིས་རྟེན་ལྡན་ཕྱག་རྒྱའི་རེ་ཁཱ་མ་རྨས་པར་ཕེབས་པས་ངོས་མཇལ་ལྟ་བུའི་དགའ་བདེ་དབྱར་གྱི་ཆུ་བོ་ལྟར་འཕེལ་བར་གྱུར། ༈ ཡང་ན། ཉེར་འཚོའི་དྲི་བཞོན་གྱིས་མ་བསྐྱོད་པའི་སྐུའི་ལང་ཚོ་པདྨའི་མཚོ་ལྟར་བརྟན་ཞིང་རྣམ་དཀར་གྱི་ཡོན་ཏན་རྨད་དུ་བྱུང་བའི་རླན་གྱིས་ཕན་བདེའི་མྱུ་གུ་མངོན་པར་སྐྱེད་པའི་དཔྱིད་དུ་འཚོ་གཞེས་བཀའ་དྲིན་ཆེ། ༈ ཡང་། ཉེ་བའི་ཆར་ཡང་སྐུ་འཚོའི་ལྗོན་པ་ཡོན་ཏན་གྱི་འདབ་བརྒྱ་མངོན་པར་བཞད་ཅིང་ལེགས་བྱས་འབྲས་བུའི་ཁུར་གྱིས་དུད་པས་ཕན་བདེའི་ཡལ་ག་མགོ་ལྕོགས་རྣམ་པར་ལྡེམ་པའི་རིང་ནས། བྱམས་བརྩེའི་ལྕགས་ཀྱུས་མ་བཏང་བའི་ཕྱག་བྲིས་གཉེན་གཤིན་བཟང་པོའི་རྟེན་དང་བཅས་འབྱོར་བས་དངོས་མཇལ་ལྟར་དགའ་སྤྲོ་མཆོག་ཏུ་བརྟས། ༈ ཡང་། བླ་མའི་རིགས་ལ། ཆོས་ཀྱི་སྤྱན་མངའ་བ་གང་དེའི་དྲུང་དུ། ཞུ་བ། དེང་ཡང་སྐུའི་དཀྱིལ་འཁོར་རི་དབང་ལྟར་བརྟན་ཞིང་མཛད་ཕྲིན་རྣམ་པར་དཀར་བ་ཡར་ངོའི་ཟླ་བ་

― MLP007_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འགྲན་བཞིན་པར་འཚོ་གཞེས་བཀའ་དྲིན་ཆེ། ༈ ཡང་། རྣམ་འདྲེན་བསྟན་པའི་གསལ་བྱེད་དམ་པ་མཆོག་གི་དྲུང་དུ། ཞུ་བ། དེང་ཡང་སྐུའི་ཟོ་མདོག་བཙོ་སྦྱངས་ཀྱི་གསེར་ལྟར་བཟང་ཞིང་། མཐའ་ཡས་པའི་ཆོས་ཚུལ་རྒྱ་མཚོ་ལ་བདག་གིར་སྤྱོད་པའི་མཛད་པ་མཁའ་ལྟར་ཡངས་པ་ནས། ཉེ་ཆར་བཀའ་འཕྲིན་ལེགས་བཤད་ཀྱི་ཚིག་ཏུ་འབབ་པ་རྟེན་བཟང་པོ་དང་བཅས་འབྱོར་བས་དགའ་ཞིང་ཡིད་རངས་བར་གྱུར། ༈ ཡང་ན། འགྲོ་བའི་དཔལ་མགོན་དམ་པ་གང་གི་དྲུང་དུ། ཞུ་བ། སྐུའི་རི་དབང་མཁས་གྲུབ་གསེར་རིའི་དབུས་ན་བརྗིད་ཆགས་པར་བཞུགས་ཤིང་། དམ་པའི་ཆོས་སྒྲ་ཟད་མི་ཤེས་པར་སྒྲོག་པའི་སྨྲ་བའི་དབང་ཕྱུག་ཟླ་མེད་དུ་འཚོ་གཞེས་བཀའ་དྲིན་ཆེ། ༈ ཡང་། སྐྱེ་རྒུའི་རྣམ་འདྲེན་ཆོས་ཀྱི་རྗེ་རིན་པོ་ཆེའི་དྲུང་དུ། ཞུ་བ། རིང་མིན་གྱི་ཆར་ཡང་ལེགས་སྤྱད་ཀྱི་ཟོང་གིས་བསྒྲུབས་པའི་སྐུ་འཚོ་ནོར་བུ་ཕན་བདེའི་དགོས་འདོད་ཅི་དགར་སྩོལ་བའི་དཔལ་དུ་བཞུགས་པའི་རིང་ནས། ༈ ཡང་། དེང་ཡང་སྐུའི་འཚོ་གཞེས་གསེར་བཟང་པོའི་ཁམས་ལྟར་བཟང་ཞིང་། སྡུག་བསྔལ་གྱི་རྦ་ཀློང་དུ་ལྷུངས་བའི་ཉམ་ཐག་ཅན་རྣམས་ཐར་པའི་སྐམ་སར་བདེ་བར་འདྲེན་པའི་ཐུགས་རྗེའི་དཔྱང་ཐག་དུས་ལས་ཡོལ་བ་མེད་པའི་ཕྲིན་ལས་རྣམ་པར་དཀར་བ་ནས། ༈ ཡང་ན། སྔོན་གོམས་ལེགས་བྱས་ཀྱིས་བསྒྲུབས་པའི་ཐུགས་རྗེའི་གྲུ་གཟིངས་ཐབས་ཤེས་ཀྱི་རླུང་གིས་བསྐུལ་བས་སྐལ་བཟང་དོན་མཐུན་གྱི་འགྲོ་བ་རྣམས་མངོན་པར་མཐོ་བ་དང་ངེས་པར་ལེགས་པའི་གླིང་དུ་འཁྲིད་པའི་དེད་དཔོན་གཅིག་པུ་པར་འཚོ་གཞེས་བཀའ་དྲིན་ཆེ། ༈ ཡང་། དེང་ཡང་ཐུགས་བསྐྱེད་ཀྱི་གྲུ་གཟིངས་དམིགས་མེད་མཁྱེན་པའི་གཟེར་གྱིས་བརྟན་པར་བྱས་ཤིང་། ཞི་ལྷག་གི་དར་ཆེན་བརྩོན་འགྲུས་ལྷོད་པ་མེད་པའི་རླུང་གིས་དྲངས་ཏེ་རྣམ་གྲོལ་ནོར་བུའི་གླིང་དུ་ཐར་འདོད་མ་ལུས་པ་འདྲེན་པའི་དེད་དཔོན་ཟླ་མེད་པར་བཞུགས་

― MLP007_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི་བཀའ་དྲིན་གྱིས་དཔལ་དམ་པར་གྱུར། ༈ ཡང་ན། ཉེ་ཆར་སྔོན་སྦྱངས་ཆུ་གཏེར་ཆེན་པོ་བསྲུབས་པ་ལས་ཐོན་པའི་གང་སྐུ་རི་བོང་གི་མཚན་མས་སྤྲས་པའི་དཀྱིལ་འཁོར་བརྩེ་ཆེན་བསིལ་བའི་ཟེར་སྣང་མུ་མེད་པར་འཕྲོ་བས་བསྟན་འགྲོའི་ཕན་བདེའི་ཀུ་མུད་བཞད་པའི་གཉེན་དུ་འཚོ་གཞེས་བཀའ་དྲིན་ཆེ། ༈ ཡང་། དེང་ཡང་སྐུ་རིན་པོ་ཆེ་གསེར་གྱི་མཆོད་སྡོང་གདུལ་བྱའི་བསོད་ནམས་ཀྱི་དཔལ་དུ་བརྗིད་ཆགས་པར་བཞུགས་ཤིང་། གསོ་རིག་བསྟན་པའི་ཟླ་བ་ཡར་ངོའི་གང་བ་ལ་འགྲན་པའི་ཕྲིན་ལས་ནམ་མཁའ་དང་མཉམ་པར་བཞུགས་པའི་གནས་ཚུལ་ཐོས་པས་ཡིད་ཀྱི་སྤྲོ་བ་དབྱར་གྱི་ཆུ་བོ་ལྟར་གོང་འཕེལ་དུ་གྱུར་ལགས། ཤུ་བྷཾ་མསྟུ་སརྦ་ཛ་ག་ཏཾ།། །