སངས་རྒྱས་ལ་མ་དག་པའི་སྣང་བ་ཡོད་མེད་སོགས།― MLP013_Page_0001 ―
[མ་དཔེ་གཟིགས་ན་འདིར་གནོན།]
དྲི་བ་སྣ་ཚོགས་པའི་ལན་རིམ་པར་སྤེལ་བ་རིན་ཆེན་ཕྲེང་བ་ཞེས་བྱ་བ་བཞུགས་སོ། །གཏེར་བདག་གླིང་པ་འགྱུར་མེད་རྡོ་རྗེ། ― MLP013_Page_0002 ―
[མ་དཔེ་གཟིགས་ན་འདིར་གནོན།]
དྲི་བ་སྣ་ཚོགས་པའི་ལན་རིམ་པར་སྤེལ་བ་རིན་ཆེན་ཕྲེང་བ་ཞེས་བྱ་བ་བཞུགས་སོ། །མ་དག་པའི་སྣང་བ་སངས་རྒྱས་ཀྱི་ཡེ་ཤེས་ལ་མ་དག་པ་མ་ཡིན་ཡང་སེམས་ཅན་གྱི་མ་དག་པའི་འཁྲུལ་སྣང་སངས་རྒྱས་ཀྱི་ཤེས་བྱ་ཐམས་ཅད་མཁྱེན་པའི་ཡེ་ཤེས་ལ་སྣང་ཞིང་གཟིགས་ཏེ། དཔེར་ན་ཆུ་ལ་རིགས་དྲུག་གི་འཁྲུལ་སྣང་དྲུག་ཇི་ལྟར་སོ་སོར་སྣང་བ་ལྟར་ཡང་གཟིགས་ལ། དེ་རྣམས་མ་དག་པ་འཁྲུལ་པའི་སྣང་བ་ཡིན་པར་ཡང་གཟིགས་ཤིང་། སྣང་བ་ལྟར་མ་གྲུབ་པ་ཡང་གཟིགས་སོ། །མདོར་ན་སོ་སོའི་སྐྱེ་བོ་རྣམས་ཀྱི་མ་དག་པའི་སྣང་བ་དང་། འཕགས་པ་རྣམས་ཀྱི་མ་དག་དག་པ་གཉིས་ལྡན་གྱི་སྣང་བ་དང་། ཤིན་ཏུ་རྣམ་པར་དག་པའི་སྣང་བ་ཐམས་ཅད་སོ་སོར་མཁྱེན་ཅིང་གཟིགས་པས་ཐམས་ཅད་མཁྱེན་པ་ཐམས་ཅད་གཟིགས་པ་ཞེས་བྱ་ཡི། མ་དག་པ་མི་སྣང་ན་དེ་ཇི་ལྟར་གཟིགས། མ་གཟིགས་ན་ནི་མཁྱེན་པར་མི་རུང་ལ། དག་པའི་སྣང་བ་ཁོ་ན་མཁྱེན་ཅིང་གཟིགས་པ་ཙམ་ལ། ཤེས་བྱ་ཐམས་ཅད་མཁྱེན་པ་ཐམས་ཅད་གཟིགས་པ་ཞེས་བྱ་བར་ཇི་ལྟར་རུང་། གལ་ཏེ་མ་དག་པ་ཐམས་ཅད་སངས་རྒྱས་ལ་མི་སྣང་ཞིང་མ་གཟིགས་ན་ནི་གདུལ་བར་བྱ་བའི་སེམས་ཅན་ཡང་མི་སྣང་ཞིང་མ་གཟིགས་པ་དང་། འདུལ་བར་བྱེད་པའི་ཆོས་སྟོན་པ་ཡང་མི་སྣང་ཞིང་མ་གཟིགས་པར་འགྱུར་ལ། གདུལ་བྱ་གཞན་སྣང་སངས་རྒྱས་ལ་མི་སྣང་ན་ནི་གཟུགས་སྐུ་གཉིས་དང་ཞིང་སོགས་ཀྱང་། གདུལ་བྱའི་སྣང་བ་ཡིན་པས་སངས་རྒྱས་ཀྱི་ཞིང་དང་གཟུགས་སྐུ་གཉིས་དང་མཛད་པ་ཕྲིན་ལས་སོགས་ཀྱང་སངས་རྒྱས་ལ་མི་སྣང་ཞིང་མ་གཟིགས་པར་འདོད་དགོས་པར་འགྱུར་རོ། །གཞན་ཡང་སངས་རྒྱས་ལ་རང་སྣང་ཁོ་ན་མ་གཏོགས་གཞན་ |