སྤོང་ཀློག་གི་ལས་ལ་བསྐུལ་བ།སྤོང་ཀློག་གི་ལས་ལ་བསྐུལ་བ། རྒྱལ་བའི་བཀའ་དང་དགོངས་འགྲེལ་བསྟན་བཅོས་ལ། །ལྟ་བའི་ཤེས་རབ་བརྩོན་པ་ནུབ་གྱུར་བ། །རྩེད་ཆས་རྫུན་མར་ཉིན་མཚན་མིག་བགྲད་ནས། །དངོས་བརྒྱུད་བསྟན་ལ་གནོད་པའི་ལས་ལ་བྲེལ། །ཕ་མས་རེ་བ་བླ་མའི་བཀའ་དགོངས་ཀུན། །སངས་རྒྱས་བསྟན་དང་མི་ལུས་དོན་ལྡན་ལ། །བསམ་ནས་དོན་མེད་གཡེང་བ་རབ་སྤངས་ནས། །སྤོང་ཀློག་ལས་ཀྱིས་དལ་འབྱོར་དོན་ལྡན་མཛོད། །གཞན་ལ་བསམ་མེད་དོན་མེད་བྱིས་པ་ཟེར། །རང་གིས་དེ་འདྲ་བྱེད་ལ་ཞིབ་པར་སོམས། །ལྷ་ཆོས་མི་ཆོས་རིང་ལུགས་ཀུན་ལས་བཤོལ། །དེ་ལས་ལྡོག་ནས་གཏན་གྱི་འདུན་མར་རེམ། །བཙུན་པ་ངག་དབང་དངོས་གྲུབ་དཔལ་གྱིས། སྐུ་རིམ་གྱི་མཆོག་བསམ་པ་བཟང་པོ་གྱིས། །བྱ་བ་ལམ་འགྲོར་ལས་འབྲས་དྲང་བདེན་གྱིས། །བདེ་སྐྱིད་ཆེད་དུ་ཀུན་ལ་བཏང་སྙོམས་གྱིས། །ཉོན་མོངས་ཞི་ཕྱིར་བདག་མེད་སྒོམ་པ་གྱིས། །བསམ་ངན་འཆང་ནས་སྐུ་རིམ་བྱེད་པ་འགལ། །ལས་འབྲས་མི་རྩི་ལམ་འགྲོ་འདོད་པ་འགལ། །ཀུན་ལ་རེ་དོགས་བདེ་སྐྱིད་འཚོལ་བ་འགལ། །བདག་ཏུ་བཟུང་ནས་འཁོར་རྩ་སྤངས་འདོད་འགལ། །དངོས་གྲུབ་དཔལ་ནས། འབྲུག་འུར་སྒྲ་ཆེ་ཡང་སྟོང་སྒྲ་ཡིན། །མཁའ་འཇའ་ཚོན་ལེགས་ཀྱང་ཡལ་ནས་འགྲོ། །འཇིག་རྟེན་གྱི་སྙན་གྲགས་བྲག་ཆ་ཙམ། །སེམས་མ་ཞེན་སྒྱུ་མའི་གར་མཁན་ཡིན། །འདི་བསམ་ན་སྐྱོ་ཤས་ནང་ནས་གཡོ། །དོན་དེ་ཕྱིར་སྙིང་པོའི་ལྷ་ཆོས་ཀྱིས། །ཡིད་རྟོན་པའི་ཐར་ལམ་ཞི་བསིལ་ལ། །དུས་ཀུན་ཏུ་མ་གཡེང་འབད་པར་རིགས། །དངོས་གྲུབ་དཔལ་ནས། |