ཟབ་མོ་ཡང་ཏིག་ལས། ཟབ་མོ་བཅུད་བསྡུས།― NYDZ003_Page_0285 ―
[མ་དཔེ་གཟིགས་ན་འདིར་གནོན།]
ཟབ་མོ་ཡང་ཏིག་ལས། ཟབ་མོ་བཅུད་བསྡུས་བཞུགས་སོ། །ཟབ་མོ་བཅུད་བསྡུས་ཞེས་བྱ་བ། །དཔལ་ཀུན་ཏུ་ ― NYDZ003_Page_0286 ―
[མ་དཔེ་གཟིགས་ན་འདིར་གནོན།]
བཟང་པོ་ལ་ཕྱག་འཚལ་ལོ། །གདོད་ནས་རང་བྱུང་སུས་ཀྱང་འདུས་མ་བྱས། །འཁོར་འདས་ཀུན་འབྱུང་རིག་པ་བྱང་ཆུབ་སེམས། །རང་བྱུང་ཡེ་ཤེས་རྫོགས་པ་ཆེན་པོ་ལ། །དུས་གསུམ་འདུ་འབྲལ་མེད་པས་ཕྱག་འཚལ་ལོ། །ཐེག་པའི་མཐར་ཐུག་རྡོ་རྗེ་སྙིང་པོའི་ལུང་། །གང་ཡང་མ་སྤངས་ཀུན་ལས་འདས་པའི་དོན། །ཟབ་ཡངས་ངོ་མཚར་རྨད་དུ་བྱུང་བའི་དོན། །ཇི་ལྟར་བདག་གིས་རྟོགས་བཞིན་བཤད་ཀྱིས་ཉོན། །གདོད་མའི་ངང་ནི་བརྗོད་འདས་གཞི་རྩ་བྲལ། །སྤང་བླང་རྩོལ་སྒྲུབ་རེ་དོགས་ཕྱོགས་རིས་མེད། །མི་འགྱུར་ལྷུན་གྲུབ་ཆོས་སྐུ་བྱང་ཆུབ་ཀློང་། །ཀུན་བཟང་ཡངས་པ་ཆེན་པོའི་རང་བཞིན་ནོ། །གནས་དེར་གནས་ན་ཀུན་ཀྱང་ཆོས་ཀྱི་སྐུ། །རང་བཞག་བདེ་བ་ཆེན་པོར་ལྷུན་གྲུབ་པས། །བཅས་བཅོས་མ་བྱེད་ཇི་བཞིན་ལྷུག་པར་ཞོག །རེ་དང་དོགས་མེད་གདོད་མའི་གཞི་དབྱིངས་ལགས། །སྒོམ་དུ་མེད་དོ་རྣམ་ཀུན་སྟོང་པའི་གཟུགས། །གང་ཤར་རྒྱལ་པོ་ལྷུན་རྫོགས་ངང་ལ་རོལ། །ཅོག་བཞག་རང་གྲོལ་འབད་མེད་གང་དགའི་ཡུལ། །ཤར་གྲོལ་ ― NYDZ003_Page_0287 ―
[མ་དཔེ་གཟིགས་ན་འདིར་གནོན།]
རིས་མེད་ཆོས་སྐུར་ཕྱམ་གདལ་ལོ། །ཡེ་ནས་གཉིས་མེད་རང་བྱུང་ཡེ་ཤེས་ལ། །དམིགས་འཛིན་ཞེན་པའི་བསམ་གཏན་ཅི་ཞིག་བྱ། །གང་བབས་རང་སྟོང་ཟང་ཀ་རྗེན་པ་ཉིད། །ཆུ་བོའི་གཞུང་བཞིན་རྟག་ཏུ་འདུ་འབྲལ་མེད། །འདི་ཉིད་ལྷུན་གྲུབ་རྒྱལ་པོའི་དགོངས་པ་སྟེ། །རང་བཞིན་གཞི་ཡི་བསམ་གཏན་ངོས་ཟིན་པས། །སྒོམ་མེད་ངང་དངས་འབྲལ་མེད་ཆེན་པོར་གནས། །ཐུན་མཚམས་རིས་མེད་རྫོགས་པ་ཆེན་པོར་གྲུབ། །ཀ་དག་ཆོས་ཟད་ཡིད་ལ་བྱར་མེད་པས། །ཕྱལ་བ་བར་མེད་སྣང་བ་དེ་ཡངས་པ། །ཐམས་ཅད་ཕྱམ་ཕྱམ་ནམ་མཁའ་ཡངས་པ་བཞིན། །ཆོས་ཟད་ངང་ན་བློ་ཟད་ཉམས་རེ་དགའ། །ཕྱི་རོལ་དངོས་ཀུན་སྒྱུ་མ་རྨི་ལམ་དང་། །ཆུ་ཟླ་མིག་ཡོར་དྲི་ཟའི་གྲོང་ཁྱེར་བཞིན། །མེད་པ་གསལ་སྣང་སྟོང་པའི་རང་གཟུགས་སུ། །དེ་རིང་ཉིད་ནས་མཐོང་བས་བློ་བདེའོ། །ནང་གི་རིག་པ་སྟོང་གསལ་ཆོས་ཀྱི་སྐུ། །ཟང་ཐལ་ཕྱལ་པ་བར་སྣང་དག་པ་བཞིན། །འགྱུ་བ་དངོས་མེད་རང་ཡལ་རྗེས་མེད་པས། །སྤང་གཉེན་རང་གྲོལ་ཆོས་ཟད་མཚར་རེ་ཆེ། །གནས་ལུགས་མཐོང་ |