བླ་མ་ཤངས་པའི་མན་ངག་གསང་སྔགས་ཀྱི་རྗེས་སུ་ཡི་རང་གི་དབང་བསྐུར་དང་དེའི་གདམས་ངག― PS008_Page_0681 ―
[མ་དཔེ་གཟིགས་ན་འདིར་གནོན།]
བླ་མ་ཤངས་པའི་མན་ངག་གསང་སྔགས་ཀྱི་རྗེས་སུ་ཡི་རང་གི་དབང་བསྐུར་དང་དེའི་གདམས་ངག་བཞུགས་སོ། ན་མོ་གུ་རུ། རྗེས་སུ་ཡི་རང་གི་དབང་བསྐུར་ལ་མཎྜལ་པདྨ་འདབ་བཞི། དེའི་ཕྱི་རོལ་འདབ་བརྒྱད་ལྟེ་བ་སེར་པོ། གཞན་ཕྱོགས་ཚོན་དབུས་སུ་མཎྜལ་ཚོམ་ ― PS008_Page_0682 ―
[མ་དཔེ་གཟིགས་ན་འདིར་གནོན།]
བུ་ལྔ༴ ཕྱོགས་བཞིར་གཏོར་མ་མཆོད་པ་ལྔ་དང་བགེགས་གཏོར་བཤམས་པར་བྱའོ། །དེ་ནས་སློབ་མ་རྣམས་ཁྲུས་བྱས་གྲལ་ལ་འཁོད་བགེགས་གཏོར་བཏང་། བླ་མས་མཎྜལ་བསྐྱེད་ཆོག་བྱས་ལ། ཏེ་ལྟེ་བ་སེར་པོའི་སྟེང་དུ། བཅོམ་ལྡན་འདས་རིན་ཆེན་འབྱུང་ལྡན། བླ་མ་དང་དབྱེར་མེད་པ་སྐུ་མདོག་གསེར་གཙོ་མའི་མདོག་ཅན། ཕྱག་གཡས་ཌཱ་མ་རུ། གཡོན་དྲིལ་བུ། ཕྱག་མཚན་མཐུན་པར། ལྷོར་མི་བསྐྱོད་པ་སྔོན་པོ། །ཤར་དུ་རྣམ་སྣང་དཀར་པོ། ནུབ་ཏུ་སྣང་བ་མཐའ་ཡས་དམར་པོ། བྱང་དུ་དོན་གྲུབ་ལྗང་ཁུ། འོད་དང་འོད་ཟེར་དུ་བསྐྱེད། པདྨ་འདབ་བརྒྱད་ལ་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པ་བསྐྱེད་དོ། །རང་དང་དམ་ཚིག་སེམས་པའི་ཐུགས་ཀ་ནས་འོད་ཟེར་འཕྲོས། ཡེ་ཤེས་པ་ཛ་ཧཱུྃ་བྃ་ཧོཿས་བསྟིམ། མཆོད་པ་བྱ། བསྲུང་འཁོར་བསྒོམ། སློབ་མ་ལ་སྐྱབས་འགྲོ། སེམས་བསྐྱེད། ལས་རྒྱུ་འབྲས་འཁོར་བའི་ཉེས་དམིགས་རྣམས་སྔོན་འགྲོ་ཆོས་བཅུ་ཚང་བར་བཤད་དོ། །དེ་ནས་གསོལ་བ་གདབ། གནང་བ་སྦྱིན། ― PS008_Page_0683 ―
[མ་དཔེ་གཟིགས་ན་འདིར་གནོན།]
ལམ་ཡན་ལག་ལྔས་སྡིག་པ་བཤགས་པ་ལ་སོགས་པ་བྱའོ། །དངོས་གཞི་ལ། མཎྜལ། ༈ ལུས་ལོངས་སྤྱོད་དབུལ། དེ་ནས་སྤོས་དང་རོལ་མོ་སྒྲོགས་ཤིང་མཎྜལ་གྱི་དབུས་ན་བླ་མ་འོད་ཀྱི་རང་བཞིན་རང་གི་སྤྱི་བོར་འུར་འུར་ཆེམ་ཆེམ་བྱོན་པར་བསམ། ཡང་ཡི་དམ་གྱི་ལྷ་ཚོགས་རྣམས་ཀྱང་སྔར་ལྟར་བྱོན་པར་བསམ་ཞིང་རོལ་མོ་བྱའོ། དེ་ནས་རང་གི་སྤྱི་བོའི་བླ་མ་སངས་རྒྱས་ཞིང་རོལ་མོ་བྱའོ། དང་བྱང་ཆུབ་སེམས་དཔའ་ཐམས་ཅད་ལས་དེ་འདྲ་བ། དེ་བཞིན་དུ་ཕྱོགས་བཞིའི། བྱུང་ཐམས་ཅད་རང་གི་ལུས་ལ་སིབ་སིབ་ཐིམ་པར་བསམ་མོ། །དེ་ནས་ཡང་བླ་མའི་སྐུ་སྟོད་ནས་དཔའ་བོ། སྐུ་ཆུང་ལ་ཡན་ལག་རགས་པ་གྲི་ཐོད་ཅན། སྐུ་སྨད་ནས་དཔའ་མོ་དཔག་ཏུ་མེད་པ། སྐུ་ཆུང་ལ་ཡན་ལག་རགས་པ་གྲི་ཐོད་ཅན། ། |