བདེན་གཉིས་རྣམ་དབྱེ་ཤེས་པའི་ཕན་ཡོན།བཞི་པ་བདེན་གཉིས་ཀྱི་རྣམ་དབྱེ་ཤེས་པའི་ཕན་ཡོན་ནི། བདེན་གཉིས་རྣམ་དབྱེ་ཤེས་པ་དག །ཐུབ་པའི་བཀའ་ལ་མི་རྨོངས་ཏེ། །དེ་དག་མ་ལུས་ཚོགས་བསགས་ནས། །ཕུན་ཚོགས་ཕ་རོལ་འགྲོ་བར་འགྱུར། །ཞེས་གསུངས་སོ། ། སྨྲས་པ། ཁ་ཅིག་ཀུན་རྫོབ་སྣང་ཙམ་འདི་ཡང་འགོག། ཁ་ཅིག་དོན་དམ་བདེན་པ་མེད་དོ་ལོ། ། གཉིས་ཀ་དྲིལ་ནས་ཤེས་བྱ་ཡུལ་ནས་ཕུད། ། རི་བོང་རྭ་ལ་སུ་ཞིག་རྩོད་པ་ཡིན། ། ཕྱི་ནང་འཇིག་རྟེན་གནས་སྐབས་ཀུན་རྫོབ་གཞི། ། བདེ་གཤེགས་སྙིང་པོ་མཐར་ཐུག་དོན་དམ་གཞིར། ། དེ་སྐད་སྨྲས་པའི་བློ་གྲོས་ལྡན་པ་དེས། ། གཞིའི་ཟུང་འཇུག་བཀའ་བསྡུ་ལྔ་པ་བྱས། ། གཞི་བདེན་གཉིས་ཟུང་འཇུག་གཏན་ལ་ཕབ་པའི་སྐབས་ཏེ་གསུམ་པའོ། ། |