ཏྲེ་བོ་དཔོན་འགྱུར་མེད་སྐལ་བཟང་འཕེལ་རྒྱས་ཀྱི་དྲི་ལན།― MLP013_Page_0133 ―
[མ་དཔེ་གཟིགས་ན་འདིར་གནོན།]
༈ ཏྲེ་བོ་དཔོན་འགྱུར་མེད་སྐལ་བཟང་འཕེལ་རྒྱས་ཀྱི་དྲི་ལན། སློབ་མར་དབང་བསྐུར་དང་རབ་གནས་སོགས་ལ་རས་བྲིས་སོགས་ཕྱི་དཀྱིལ་ལ་ངེས་པར་བརྟེན་དགོས་ཤིང་། ཚེས་བཅུ་སོགས་སྐབས་ཕྱི་དཀྱིལ་ཡོད་མེད་གང་རུང་སྟེ་ལས་བྱང་གི་ཟུར་དུ་སྨོས་པའི་དམིགས་བསལ་རེ་གཉིས་མ་གཏོགས་གང་གི་ཚེ་སྒོམ་དོན་ལ་བདག་མདུན་དབྱེར་མེད་ཡིན་པའི་ཕྱིར་རོ། །ནང་སྒྲུབ་གྱི་སྔགས་བླ་མའི་སྒེར་སྒྲུབ་ཀྱི་དབང་དུ་བྱས་ནས་མཚན་སྔགས་རྐྱང་པ་དང་ལས་བྱང་གི་སྐབས་རྩ་གསུམ་དྲིལ་སྒྲུབ་ཀྱི་དབང་དུ་དེ་ཝ་ཌཱ་ཀི་ནཱི་ཞེས་ཡི་དམ་མཁའ་འགྲོའི་སྔགས་ ― MLP013_Page_0134 ―
[མ་དཔེ་གཟིགས་ན་འདིར་གནོན།]
པ་གང་ཡིན་དེ་སྤྲོས་བྲལ་དུ་འཇོག་ཅིང་། དེ་ཐམས་ཅད་སྤྲོས་བྲལ་དུ་གཅིག་ཀྱང་དོན་མཐོ་དམའ་ཇི་སྙེད་པའི་མཐའ་གཞལ་དུ་མེད་པའི་ཕྱིར་རོ། །དེས་ན་རང་རིག་སྐུ་གསུམ་རང་ཆས་ཀྱི་དོན་རང་བྱུང་གི་ཡེ་ཤེས་ལམ་དུ་བྱེད་པ་ལ། རྫོགས་ཆེན་སེམས་སྡེ་བ་དང་ཕྱག་ཆེན་སོགས་མཚན་མ་བཤིག་པས་ཐག་གཅོད་པ་སྤང་བྱ་རྣམ་ཤེས་ཀྱི་ཕྱོགས་ནས་བསླབ་པ་དང་། རྫོགས་ཆེན་མན་ངག་གི་སྡེའི་ལུགས་ལ་བཟང་ངན་གྱི་རྟོག་པ་རིས་མི་འབྱེད་པར་སྩོལ་བ་བཤིག་པས་ལ་ཟླ་བའམ་ཐག་གཅོད་པ་སྟེ་གཉེན་པོ་ཡེ་ཤེས་ཀྱི་ཕྱོགས་ནས་བསླབ་པ་ཡིན་ཞིང་། དེ་ཡང་མཚན་མར་སྣང་བ་ཐམས་ཅད་སྤང་བླང་དང་བྲལ་བ་སྣང་སྟོང་ཟུང་འཇུག་གཉིས་སུ་མེད་པའི་ཡེ་ཤེས་ཀྱིས་འཁོར་འདས་གང་དུའང་མ་ཆད་པའི་རིག་པའི་ཡེ་ཤེས་ཆོས་ཉིད་དབྱིངས་ཀྱི་ཡུལ་ལ་མངོན་སུམ་དུ་ཤར་བ་རང་རིག་རང་གསལ་བྱ་རྩོལ་དང་བྲལ་བའི་གནས་ལུགས་གཏན་ལ་ཕབ་ནས་ཐག་གཅོད་པ་སྟེ། ཉམས་ལེན་གྱི་ཚེ་སེམས་ཆེད་དུ་མ་བསྒྲིམས་ཆེད་དུ་མ་གློད་པར་གང་ཤར་ལ་བཟོ་མེད་དུ་འཇོག་ཅིང་འདོན་ཡང་དེ་གའི་ངང་དུ་ཞི་ཆམ་མེ་བཞག་ན། ཕྱིའི་སྣང་བ་ནང་དུ་མ་བླངས་ནང་གི་རིག་པ་ཕྱིར་མ་འཕྲོས་ཀྱང་བར་དུ་བསམ་གཏན་གྱིས་བཅིངས་པར་འགྱུར་བས་ཞི་གནས་ཙམ་དུ་ཟད་པས་རྣམ་རྟོག་དྲུང་ནས་འབྱིན་མི་ནུས་པས་གཉེན་པོའི་རྩོལ་བའང་བཤིག་དགོས། བཤིག་ཚུལ་ཡང་སྔར་གྱི་གནས་ཆ་དེས་མཚམས་སྦྱར་ནས་གང་ཤར་གྱི་ཐོག་ཏུ་ས་ལེ་རྗེན་ནེ་གནས་པ་དེ་གའི་རང་ངོ་བལྟས་པས་སྒོ་ལྔའི་ཚོགས་དྲུག་གི་ཡུལ་མ་འགགས་པར་ས་ལེ་བ་དང་། བལྟ་བྱེད་ཀྱི་རིག་པ་ནང་ནས་ཤར་བ་སོ་སོ་མ་ཡིན་པ་སྣང་རིག་དང་བྲལ་བའི་རིག་པ་ཧར་སང་རྗེན་ལ་ཕུད་དེ་ཅེར་མཐོང་རང་གྲོལ་དུ་འཇོག་པ་འདི་ག་ལྟ་བའི་སྐྱོང་ལུགས་འཁྲུལ་མེད་དུ་རློམ་པ་ལགས། རླུང་དྲག་རླུང་འཇམ་རླུང་སོགས་རང་གཞུང་དང་བླ་མའི་གསུང་ངག་བཞིན་ཉམས་སུ་བླངས་པས་བོགས་སྐྱེད་གང་ཐོན་དེ་ག་ཟབ་པ་དང་། འཇམ་རླུང་ལས་དྲག་རླུང་གེགས་དང་བོག་གཉིས་ཀ་ཆེའམ་སྙམ། དམ་རྫས་ད་ལྟ་དང་ཐ་མར་ཟ་བ་ཁྱད་ཡོང་མདོག་མ་ཁ་ཡང་འཆི་ཁ་ཟ་བ་ཟབ་པར་བྱེད་འདུག །འཕོ་བའི་གསོལ་འདེབས་ཀ་དག་མ་འདི་ཕྱོགས་སུ་མི་དར་བས་བརྗོད་ངོ་མ་དོད་ཅིང་། ཡང་སྙིང་ཀུན་འདུས་ཀྱི་སྒྲུབ་པའི་སྐབས་ཞིང་སྐྱོང་གི་གཏོར་འབུལ་གནང་དགོས་སོ། ། |