༣ རྨ་སྒྲོ་དང་བྱུ་རུའི་ཏོག་ཞྭ།

ཆིང་རྒྱལ་རབས་ཀྱི་སྐབས་སུ་དཔོན་རིགས་རྣམས་ཀྱིས་གྱོན་པའི་ཞྭ་མོ་སྔོན་པོ་མཐའ་ལ་པགས་པ་ནག་པོའམ། སྤུ་མ་ནག་པོའི་ཐོད་སྒོར་ཡོད་པ། ཞྭ་མོའི་སྟེང་སྟོང་རྒྱུད་དམར་བོའི་འཛར་དང་། ཏོག་གི་གདན་གྱི་མཚམས་ནས་རྨ་བྱའི་སྒྲོ་ཕོད་རྒྱབ་ཏུ་འཕྱང་བ་ཞིག དཔོན་རིགས་མཐོ་བ་རྣམས་ལ་བྱུ་རུའི་ཏོག་དང་སྒྲོ་ཕོད་གཉིས་རེ་ཡོད་པས། བོད་ཀྱི་ཁ་དཔེར་ཡང་། གོ་ས་མཐོ་བའི་དཔོན་རིགས་ལ། བྱུ་རུ་དམར་བོའི་ཏོག་ཅན། རྨ་བྱ་དེ་ཕོའི་སྒྲོ་ཅན། ཞེས་ཟེར་རོ། །