ནང་གི་གཏོར་མ།

---

^{[མ་དཔེ་གཟིགས་ན་འདིར་གནོན།]}

ནང་གི་གཏོར་མ་ནི། ཡཾ་ལས་རླུང༌། རཾ་ལས་མེ། ཀཾ་ལས་ཐོད་པ་གསུམ་གྱི་སྒྱེད་པུ། ཨཱ་ལས་ཐོད་པའི་གཞལ་ཡས་ཁང་གི་ནང་དུ། གོ་ཀུ་ད་ཧ་ན། བི་མུ་ཤུ་ན་ད། དེ་ལ་ཨ་ལས་ཟླ་བའི་ཁམས་རྡོ་རྗེ་རྩེ་ལྔ་པ་སྐྱུག་པ་ཅིག་བསྒོམ་མོ། །དེ་ལ་ཨོཾ་ཧཱུཾ་ཧྲཱིཿཞེས་བརྗོད་པས་ལས་ཀྱི་རླུང་བསྐྱོད་པས་བསོད་ནམས་ཀྱི་མེ་སྦར་བས་དམ་ཚིག་གི་བདུད་རྩི་དྲོས་ཡེ་ཤེས་ཀྱི་བདུད་རྩིར་གྱུར། ལས་ཐམས་ཅད་པའི་སྔགས་ཀྱི་མཇུག་ལ། ག་ཎ་ཙ་ཀྲ་ཨི་དཾ་བ་ལིཾ། གྲྀཧྞ་གྲྀཧྞ་ཁཱ་ཧི་ཁཱ་ཧི་ཞེས་ལན་གསུམ་གྱིས་བླ་མ་དམ་པ་རྣམས་དང་ཡི་དམ་གྱི་ལྷ་ཚོགས་རྣམས་དང༌། རྡོ་རྗེ་མཁའ་འགྲོ་མའི་ཚོགས་རྣམས་དང༌།

---

^{[མ་དཔེ་གཟིགས་ན་འདིར་གནོན།]}

ཆོས་སྐྱོང་བའི་སྲུང་མ་ཐུགས་དམ་ཅན་རྣམས་ཕྱིའི་མཆོད་པ། གསང་བའི་མཆོད་པར་བཞེས་ཤིག །བག་ཆགས་ཀྱི་མི་མཐུན་པའི་ཕྱོགས་ཐམས་ཅད་རྒྱུ་དང་འབྲས་བུ་ནས་ཞི་བར་མཛད་དུ་གསོལ་ལོ་ཞེས་བརྗོད་ལ་གཏར་མ་གཏང༌། དེ་ནས་ཆོས་ཀྱི་སྦྱིན་པ་གཏང༌། གཏོར་མོའི་ཆོ་ག་རྫོགས་སོ།།