གང་ལ་སྦྱར་དུ་རུང་བའི་གསོལ་འདེབས་བདུད་རྩིའི་ཐིགས་པ།
༄༅། གང་ལ་སྦྱར་དུ་རུང་བའི་གསོལ་འདེབས་བདུད་རྩིའི་ཐིགས་པ་ཨི་ཐི། ཨོཾ་ཨཱཿཧཱུྃ། ཀ་དག་སྤྲོས་བྲལ་ཆོས་སྐུ་གདོད་མའི་མགོན། །ལྷུན་གྲུབ་ངེས་པ་ལྔ་ལྡན་ལོངས་སྤྱོད་རྫོགས། །གང་འདུལ་སྤྲུལ་སྐུ་ཐུབ་དབང་རྡོ་རྗེ་འཆང་། །མཐོང་ཐོས་དྲན་རེག་སྒྲོལ་མཛད་རྡོ་རྗེ་སེམས། །གསོལ་བ་འདེབས་སོ་བྱང་ཆུབ་མཆོག་འགྲུབ་ཤོག །གངས་ཅན་བསྟན་པ་སྤེལ་མཛད་གནས་བརྟན་སྡེ། །གུ་རུ་རྩ་གསུམ་ཀུན་འདུས་ཨོ་རྒྱན་རྗེ། །རིགས་གསུམ་སེམས་དཔའ་སྒྲུབ་སྡེ་ཆེན་པོ་བརྒྱད། །གསོལ་བ་འདེབས་སོ་བྱང་ཆུབ་མཆོག་འགྲུབ་ཤོག །འཇིགས་བརྒྱད་ཀུན་སྐྱོབ་འཕགས་མ་སྒྲོལ་མཛད་ཡུམ། །བྱད་ཕུར་གཡུལ་འཇོམས་བདུད་འདུལ་སེང་གེའི་གདོང་། །གཞན་ཡང་སྐྱབས་འོས་དམ་པ་ཐམས་ཅད་ལ། །རྟག་ཏུ་གསོལ་འདེབས་འབྲལ་མེད་རྗེས་འཛིན་ཤོག།