དངོས་གྲུབ་ཞུ་བའི་བྲོ།
༈ བླ་མ་རིན་པོ་ཆེ་འབའ་རོམ་པའི་སྤྱན་སྔ་ན། བླ་མ་རས་པ་བཞུགས་པའི་དུས་སུ། བླ་མ་རིན་པོ་ཆེ་འབའ་རོམ་པའི་ཞལ་ནས། དཔོན་ཞིག་མགུར་ཞིག་གྱིས་དང༌། གསུངས་པ་ལ། དེ་ཡི་དུས་སུ་བླ་མ་རིན་པོ་ཆེ་ཏི་ཤྲི་རས་པས། བརྒྱུད་པའི་བླ་མས་བར་ཆོད་སེལ་བ་དང༌། ཡི་དམ་ལ་དངོས་གྲུབ་ཞུ་བའི་བྲོ་འདི་གསུངས་པར་གདའ། སངས་རྒྱས་གཉིས་པ་ལྟ་བུ་སྟེ། །མཆོག་གི་དངོས་གྲུབ་སྟེར་བར་མཛད། །ཡིད་བཞིན་ནོར་བུ་ལྟ་བུ་སྟེ། །ཐུན་མོང་དངོས་གྲུབ་སྟེར་བར་མཛད། །ཉི་མ་ཟླ་བ་ལྟ་བུ་སྟེ། །མ་རིག་མུན་པ་སེལ་བར་མཛད། །ཞལ་ནས་གསུངས་པའི་ཚོགས་ཆོས་ལ། །ཅུང་ཙམ་གཅིག་གཉིས་བྲི་བར་བྱས། །ཞེས་གསུངས་སོ། །དགེའོ། །