མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

པོད་བདུན་པ། ཇ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཚེ་སྒྲུབ་གསང་འདུས་དཀྱིལ་འཁོར་རིག་འཛིན་ཚེ་ཡི་གསོལ་འདེབས།

― CMR007_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་འདུས་དཀྱིལ་འཁོར་རིག་འཛིན་ཚེ་ཡི་གསོལ་འདེབས་སོ།། ན་མོ་ཨཱ་ཡུཛྙཱ་ན་ཡེ། ནུབ་ཕྱོགས་བདེ་བ་ཆེན་པོའི་ཞིང་། །བཅོམ་ལྡན་ཚེ་བདག་ཡབ་ཡུམ་ལ། །གསོལ་བ་འདེབས་སོ་བྱིན་གྱིས་རློབས། །ཕུང་པོ་ལྔ་པོ་རྣམ་དག་པའི། །ཚེ་བདག་རྒྱལ་བ་རིགས་ལྔ་ལ། །གསོལ་བ་འདེབས་སོ་བྱིན་གྱིས་རློབས། །ཁམས་ལྔ་གནས་སུ་དག་པ་ཡི། །ཚེ་བདག་རིགས་ཀྱི་ཡུམ་ལྔ་ལ། །གསོལ་བ་འདེབས་སོ་བྱིན་གྱིས་རློབས། །ཚོགས་བརྒྱད་གནས་སུ་དག་པ་ཡི། །ཚེ་ཡི་ལྷ་མོ་མཆེད་བརྒྱད་ལ། །གསོལ་བ་འདེབས་སོ་བྱིན་གྱིས་རློབས། །སྐྱེ་གནས་བཞི་པོ་གནས་དག་པའི། །ཚེ་ལྷ་སྒོ་མ་བཞི་པོ་ལ། །གསོལ་བ་འདེབས་སོ་བྱིན་གྱིས་རློབས། །དགའ་རབ་ཤྲཱི་སེང་བི་མ་ལ། །རྒྱུ་གར་ཚེ་ཡི་རིག་འཛིན་ལ། །གསོལ་བ་འདེབས་སོ་བྱིན་གྱིས་རློབས། །པདྨ་འབྱུང་གནས་མནྡཱ་ར། །འགྲན་མེད་རིག་འཛིན་ཡབ་ཡུམ་ལ། །གསོལ་བ་འདེབས་སོ་བྱིན་གྱིས་རློབས་། །ནམ་སྙིང་མ་གཅིག་མཚོ་རྒྱལ་མ། །བོད་ཡུལ་ཚེ་ཡི་རིག་འཛིན་ལ། །གསོལ་བ་འདེབས་སོ་བྱིན་གྱིས་རློབས། །རཏྣ་གླིང་པ་ཚེ་དབང་གྲགས། །རིག་འཛིན་རྩ་

― CMR007_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་བླ་མ་ལ། །གསོལ་བ་འདེབས་སོ་བྱིན་གྱིས་རློབས། །ཐོབ་དཀའི་དལ་འབྱོར་རིན་པོ་ཆེ། །དོན་ཆེན་འགྲུབ་པར་མ་གྱུར་བར། །དུས་མིན་འཆི་བ་མེད་པར་མཛོད། །རྟོགས་དཀའི་རང་སེམས་རྗེན་པ་འདི། །འཆི་མེད་གདེང་ཞིག་མ་ཐོབ་བར། །དུས་མིན་འཆི་བ་མེད་པར་མཛོད། །བདག་དང་སློབ་མ་བརྒྱུད་པར་བཅས། །བདེ་ཆེན་ཞིང་ཁམས་བགྲོད་པ་ཡི། །ཚོགས་གཉིས་མཐའ་རུ་མ་ཕྱིན་བར། །དུས་མིན་འཆི་བ་མེད་པར་མཛོད། །གདོས་བཅས་རྣམ་སྨིན་ལུས་པོ་འདི། །དཀྱིལ་འཁོར་ངོ་བོར་མ་སྨིན་བར་། །དུས་མིན་འཆི་བའི་བར་ཆད་སོལ། །ཐུགས་རྗེ་མ་ཆུང་རིག་འཛིན་རྣམས། །ཞེས་པ་འདི་ཚེ་སྒྲུབ་གསང་འདུས་ཀྱི། །བསྙེན་པ་ཁ་གསོ་ཞག་ལྔ་བྱས་པའི་དུས། །རྨི་ལམ་བདག་གིས་བྲིས་པ་ཡིན་སྙམ་བྱེད། །བར་སྣང་ཁམས་སུ་ལོ་རྒན་དྲུག་ཅུ་ནི། །སྣང་ལ་རང་བཞིན་མ་གྲུབ་འཇའ་ཚོན་ལྟར། །གསལ་བར་སྣང་ཚེ་གཟུགས་མེད་སྒྲ་འདི་གྲག །ཆོས་དབང་ཀུན་བཟང་ཤིང་ཡོས་ལོ་ཡིན་ལ། །དོན་གྲུབ་མེ་ཡོས་ཡིན་ནོ་ཟེར་བ་ལ། །དེ་དག་ཚེ་ཚད་ལུང་བསྟན་ཡིན་པར་གོ །བདག་ནི་ཚེ་ལོ་དྲུག་ཅུ་ཡིན་འདུག་སྙམ། །དེ་ཚེ་དྲུག་ཅུ་རེ་གཅིག་མ་ཡིན་ནོ། །ཞེས་པའི་སྒྲ་ཞིག་ཉམས་ཀྱི་སྐབས་སུ་གྲག །བར་ཆད་མ་བྱུང་ན་ནི་དེ་ལྟར་ཐུབ། །སྐུ་མཚམས་བསྡམས་

― CMR007_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལས་བསྲིང་དུ་ཡོད། །འདི་ནི་སྔ་ཕྱིར་ཉམས་རྨིས་ལུང་བསྟན་མཐུན། །དེ་ཕྱིར་གསོལ་འདེབས་འདི་ཡང་རྟེན་འབྲེལ་བྲིས། །ཞེས་པ་ཨ་རཱ་གས་སོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཚེ་སྒྲུབ་གསོལ་འདེབས།

― CMR007_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསོལ་འདེབས་ནི། ན་མོ་ཨཱ་ཡུཛྙཱ་ན་ཡེ། འགྱུར་མེད་རྒྱུན་དུ་བརྟན་པའི་གནས། །བདེ་བ་ཅན་གྱི་ཞིང་ཁམས་ནས། །བཅོམ་ལྡན་ཚེ་དཔག་མེད་མགོན་ལ། །གསོལ་བ་འདེབས་སོ་ཐུགས་རྗེས་གཟིགས། །རིག་འཛིན་ཚེ་ཡི་དངོས་གྲུབ་སྩོལ། །ངེས་པ་ལྔ་ལྡན་ལོངས་སྐུའི་ཞིང་། །འཐུག་པོ་བཀོད་སོགས་ལྔ་པོ་ནས། །རིགས་ལྔ་ཚེ་བདག་ཡབ་ཡུམ་ལ། །གསོལ་བ་འདེབས་སོ་ཐུགས་རྗེས་གཟིགས། །རིག་འཛིན་ཚེ་ཡི་དངོས་གྲུབ་སྩོལ། །རྡོ་རྗེ་གདན་གྱི་ལྷོ་ཡི་ཕྱོགས། །རི་བོ་གྲུ་འཛིན་རྩེ་མོ་ནས། །ཚེ་ཡི་བདག་པོ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་གཟིགས། །རིག་འཛིན་ཚེ་ཡི་དངོས་གྲུབ་སྩོལ། །མ་མོ་མཁའ་འགྲོ་འདུ་བའི་གནས། །ཟངས་མདོག་དཔལ་རིའི་རྩེ་མོ་ནས། །འཆི་མེད་པདྨ་འབྱུང་གནས་ལ། །གསོལ་བ་འདེབས་སོ་ཐུགས་རྗེས་གཟིགས། །རིག་འཛིན་ཚེ་ཡི་དངོས་གྲུབ་སྩོལ། །རང་བཞིན་ལྷུན་གྱིས་གྲུབ་པའི་གནས། །དཀྱིལ་འཁོར་ཆེན་པོའི་གཞལ་ཡས་ནས། །ཚེ་ཡི་ལྷ་མོ་ཐམས་ཅད་ལ། །གསོལ་བ་འདེབས་སོ་ཐུགས་རྗེས་གཟིགས། །རིག་འཛིན་ཚེ་ཡི་དངོས་

― CMR007_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་སྩོལ། །གདུལ་བྱ་འགྲོ་བ་འདུལ་བའི་ཞིང་། །གངས་ཅན་བོད་ཀྱི་སྒྲུབ་གནས་ནས། །ཚེ་དབང་གྲགས་པ་ཡབ་སྲས་ལ། །གསོལ་བ་འདེབས་སོ་ཐུགས་རྗེས་གཟིགས། །རིག་འཛིན་ཚེ་ཡི་དངོས་གྲུབ་སྩོལ། །དེ་ལྟར་གསོལ་བ་བཏབ་པའི་མཐུས། །ཚེ་རབས་བསྐལ་པོ་གྲངས་མེད་ནས། །སྲོག་བཅད་ཁ་ཟས་འཕྲོག་པ་སོགས། །ཚེ་ཐུང་བ་ཡི་ལས་སྒྲིབ་རྣམས། །གང་བསགས་བྱང་ཞིང་དག་པར་ཤོག །ཚེ་ཡི་བར་ཆད་ཞི་ནས་ཀྱང་། །ཚེ་དང་བསོད་ནམས་ཡེ་ཤེས་ནི། །ཡར་ངོའི་ཟླ་ལྟར་འཕེལ་བ་དང་། །འཆི་མེད་མགོན་པོ་ཚེ་དཔག་མེད། །མྱུར་དུ་འགྲུབ་པར་བྱིན་གྱིས་རློབས། །ཞེས་པ་འདི་བླ་མ་ཆོས་དབང་ཀུན་བཟང་ལ་རང་གཞན་མང་པོས་འཆི་ལྟས་མཐོང་ཟེར་བས་ཐུགས་རྗེ་ཆེན་པོའི་སྒོ་ནས་འཆི་བསླུའི་ལས་སྦྱོར་དང་། །ཐུགས་རྗེ་ཆེན་པོའི་སྒོ་ནས་བགེགས་ཞི་བའི་སྦྱིན་སྲེག་ལོ་གྲངས་འགྲུབ་པའི་ཉིན་ཨ་རཱ་གས་སྦྱར་བའོ། །དགེའོ།། །།

གསང་འདུས་ཚེ་ཡི་བླ་མ་བརྒྱུད་པའི་གསོལ་འདེབས།

― CMR007_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་འདུས་ཚེ་ཡི་བླ་མ་བརྒྱུད་པའི་གསོལ་འདེབས་ནི། དོན་གཉིས་མཐར་ཕྱིན་བཅོམ་ལྡན་སྣང་མཐའ་ཡས༔ མཁྱེན་བརྩེའི་གཏེར་ཆེན་འཕགས་པ་འཇིག་རྟེན་དབང་། སྣང་སྲིད་ཟིལ་གནོན་གུ་རུ་པདྨ་འབྱུང་༔ གསོལ་འདེབས་འཆི་མེད་ཚེ་ཡི་དངོས་གྲུབ་སྩོལ་གང་འདུལ་སྤྲུལ་པའི་གར་མཁན་རཏྣ་གླིང་༔ རྒྱལ་ཚབ་དམ་པ་རྒྱལ་སྲས་ཚེ་དབང་གྲགས༔ གྲུབ་པའི་མཆོག་བརྙེས་རྒྱལ་སྲས་ངག་དབང་གྲགས༔ གསོལ་འདེབས་འཆི་མེད་ཚེ་ཡི་དངོས་གྲུབ་སྩོལ༔ རིག་འཛིན་སར་གནས་གུ་རུ་ཀུན་དགའ་གྲགས༔ ཕྲིན་ལས་རྒྱ་མཚོའི་མངའ་བདག་བསྟན་འཛིན་མཚན༔ སྔགས་རིག་གྲུབ་པའི་རྣལ་འབྱོར་དབང་ཕྱུག་མཚན༔ གསོལ་འདེབས་འཆི་མེད་ཚེ་ཡི་དངོས་གྲུབ་སྩོལ༔ རིམ་གཉིས་གྲུབ་པ་ཀརྨ་ཨ་མོ་གྷ༔ ཀརྨ་ཆགས་མེད་པདྨ་ཨ་ནནྟ༔ ཕྲིན་ལས་དབང་འབྱུང་ཀརྨ་ཤེས་རབ་གྲགས༔ གསོལ་འདེབས་འཆི་མེད་ཚེ་ཡི་དངོས་གྲུབ་སྩོལ༔ སངས་རྒྱས་ཀུན་དངོས་རྩ་བའི་བླ་མ་སོགས༔ ཚེ་ལ་དབང་བའི་རིག་འཛིན་ཐམས་ཅད་དང་༔ གསང་འདུས་ཚེ་ཡི་དཀྱིལ་འཁོར་ལྷ་ཚོགས་ལ༔ གསོལ་འདེབས་འཆི་མེད་ཚེ་ཡི་དངོས་གྲུབ་སྩོལ༔ ལུས་

― CMR007_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་ཡིད་གསུམ་རྟག་ཅིང་མི་ཤིགས་པ༔ རྡོ་རྗེ་གསུམ་དུ་འགྲུབ་པར་བྱིན་གྱིས་རློབས༔ ཞེས་པ་འདི་དབུས་གཙང་ནས་མཆེད་གྲོགས་རང་གི་སློབ་དཔོན་གྱི་ཞལ་ནས། ཁྱེད་ཕྱི་འཇམ་ནང་འཛམ་མེ་ཏོག་རློན་པ་འདྲ་བ་ཞིག་བྱུང་སྣང་བ་ཤིན་ཏུ་དགའ། འོན་ཀྱང་དར་དཀར་པོ་ལ་དྲི་མ་ཕོག་སླ་བ་ལྟར། ཚེ་ལ་བར་ཆད་འོང་དོགས་ཡོད་པས་ཚེ་སྒྲུབ་རང་གལ་ཆེ་ཞེས་ཡང་ཡང་གསུངས་པས་ཚེ་སྒྲུབ་འགའ་རེ་བྱས་དུས། རཱ་ག་ཨ་སྱས་བྲིས་ནས་གསོལ་བ་བཏབ་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལས་བྱང་འདོན་འགྲིགས།

― CMR007_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བྱང་འདོན་འགྲིགས་བཞུགས་སོ༔ ཚེ་སྒྲུབ་གསང་བ་འདུས་པ་དང་༔ ལས་བྱང་གུད་དུ་སྦས་པ་གཉིས་གབ་སྤྲད་ལུགས་ནི༔ མཆོད་པ་བྱིན་རླབས་ནི༔ ཐུགས་རྗེ་ཆེན་པོ་གསང་འདུས་ཀྱི༔ མཆོད་པ་བྱིན་རླབས་སབ༔ དེ་མིན་ལས་བྱང་གཞུང་ལྟར་ལས༔ བདེ་ཆེན་ཡབ་དང་གཉིས་མེད་སྦྱོར༔ ཚེ་དང་དཔལ་གྱི་འཕྲོ་འདུ་གསལ༔ བདག་ཉིད་དམ་ཚིག་གི་ཚེ་དཔག་མེད་སྐུ་མདོག་དམར་པོ་ཚེ་བུམ་དང་ལྡན་པ་ལམ་གྱིས་བསྒོམ༔ དེའི་སྙིང་གར་སྣ་ཚོགས་རྡོ་རྗེ་རྒྱ་གྲམ༔ དེའི་ལྟེ་བའི་སྟེང་དང་འོག་ཏུ་ཉི་ཟླའི་གའུ་ཁ་སྦྱོར་གྱི་དབུས་སུ༔ སྲོག་མི་འགྱུར་བའི་ཡི་གེ་ནྲྀ་ལྗང་གུ་འོད་ཟེར་ཁ་དོག་ལྔ་འཕྲོ་བར་བསྒོམ༔ དེའི་གཡས་སུ་སྲོག་མི་འགྱུར་བའི་ཡི་གེ་ཨཱདཀར་པོ༔ གཡོན་དུ་སྲོག་བརྟན་པར་བྱེད་པའི་ཡི་གེ་ཧཱུྃམཐིང་ག དེ་གསུམ་འོད་ཟེར་དང་ལྡན་པར་གྱུར༔ རང་གི་སྤྱི་གཙུག་ཏུ་པདྨ་དཀར་པོ་འདབ་མ་སྟོང་དང་ལྡན་པའི་དབུས་སུ་ཟེའུ་འབྲུའི་སྟེང་ན༔ ཨོ་རྒྱན་རིན་པོ་ཆེ་ཚེ་དཔག་མེད་སྐུ་མདོག་དམར་པོ་བྱུ་རུའི་མདོག་ལྟ་བུ་ལ༔ འོད་དང་འོད་ཟེར་གྱི་ངོ་བོར་གནས་པ༔ ལོངས་སྐུའི་རྒྱན་རྫོགས་པ༔ རིན་པོ་ཆེའི་རྒྱན་དུ་མས་སྤྲས་པ༔ ཕྱག་མཉམ་བཞག་གི་ནང་འཆི་མེད་ཚེའི་བུམ་པ་བདུད་རྩིས་

― CMR007_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

གང་བ་བསྣམས་པ༔ དར་རྣམ་པ་ལྔའི་སྟོད་གཡོགས་དང་༔ དམར་པོའི་ཤམ་ཐབས་བྱས་པ༔ དེའི་མདུན་ན་ཡུམ་ཆེའི་ལྷ་མོ་གསང་བ་ཡེ་ཤེས་ཀྱི་མཁའ་འགྲོ་མ༔ སྐུ་མདོག་དམར་མོ་ཞལ་གཅིག་ཕྱག་གཉིས༔ སྐུ་གཅེར་བུ་ལ་རུས་པའི་རྒྱན་དྲུག་དང་པདྨའི་ཕྲེང་བས་སྤྲས་པ༔ ཕྱག་གཡས་པདྨའི་ཕྲེང་བ་ཡབ་ཀྱི་མགུལ་དུ་འཁྱུད་པ༔ གཡོན་པས་ཚེའི་བུམ་པ་ཡབ་ཀྱི་སྙན་གྱི་ཐད་དུ་འཛིན་པ༔ ཞབས་གཉིས་ཡབ་ཀྱི་སྐེད་ལ་སྙོམས་འཇུག་མཛད་པ༔ དབུ་སྐྲ་ཁམ་སེར་གྱེན་དུ་འཁྱིལ་ཞིང་སྐུ་རྒྱབ་ཏུ་འཕྱང་བ༔ ༈ ཤར་དུ་ལཱ་སེ་དཀར་མོ་ལ༔ ལྷོར་མཱ་ལེ་སྔོན་མོ་བསྐྱེད་ཅེས་སོགས་ནས༔ ལྷུན་གྲུབ་འགྱུར་བ་མེད་པར་བསྒོམ༔ དེའི་བར་བྱའོ༔ དེའི་སྤྱི་བོ་མགྲིན་པ་སྙིང་ག་གསུམ་གྱི་ཡིག་འབྲུ་གསུམ་ལས་འོད་ཟེར་འཕྲོས་པས༔ བདེ་བ་ཅན་ནས་ཚེ་དཔག་ཏུ་མེད་པ་ལ་འཁོར་རྒྱལ་བ་རྒྱ་མཚོ་དང་༔ རྔ་ཡབ་གླིང་ནས་ཨོ་རྒྱན་རིན་པོ་ཆེ་འཁོར་དཔག་ཏུ་མེད་པ་སྤྱན་དྲངས་ལ་བསྟིམ༔ ༈ ཧཱུྃ༔ ནུབ་ཕྱོགས་བདེ་ཆེན་དག་པའི་ཞིང་འགྱུར་བ་མེད་པའི་ཕོ་བྲང་ནས༔ ཞེས་སོགས་ནས་བཟུང་སྟེ༔ ཧཱ་ཧཱུྃ་བཛྲ་ཨ་ཡུ་ཥ་ཧཱུྃ་ཨཱཿ དེའི་བར་བརྗོད༔ དེ་ནས་ཟུར་

― CMR007_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་ནི༔ ༈ བཅོམ་ལྡན་ཚེ་བདག་ཡབ་ཡུམ་ནི༔ དམར་གསལ་དྲི་མེད་ཚེ་བུམ་འཛིན༔ སོགས་ནས༔ ཕྱག་འཚལ་དམ་ཚིག་སྒྲོལ་མ་ལའོ༔ དེའི་བར་བརྗོད༔ ཕྱོགས་བཅུའི་རྒྱལ་བ་དཔག་ཏུ་མེད་པ་ཐམས་ཅད་ཚེ་དཔག་ཏུ་མེད་པའི་ངོ་བོར་བྱོན་ནས༔ ཚེ་དཔག་མེད་ཀྱི་བུམ་པར་ཐིམ༔ རྣམ་པ་རྒྱལ་བ་ཞི་ཁྲོའི་རྣམ་པ་ལ༔ ངོ་བོ་འཆི་མེད་ཡེ་ཤེས་ཀྱི་བདུད་རྩིར་གྱུར༔ གཞན་ཡང་ལྷ་དང་དྲང་སྲོང་འཁོར་ལོས་སྒྱུར་བའི་རྒྱལ་པོ་ལ་སོགས་པའི་ཚེ་དང་བསོད་ནམས་དཔལ་དང་བཀྲག་མདངས་གཟི་བརྗིད་ཐམས་ཅད་བུམ་པར་བསྡུས་ཏེ༔ ཚེ་དཔག་མེད་ཀྱི་བུམ་པར་ཐིམ༔ གཞན་ཡང་ས་ཆུ་མེ་རླུང་ལ་སོགས་འབྱུང་བའི་བཅུད་ཐམས་ཅད་བསྡུས་ཏེ་བུམ་པར་བསྟིམ༔ འཆི་མེད་ཀྱི་བདུད་རྩི་ཆི་ལི་ལི་ཁོལ་བར་གྱུར༔ མོས་གུས་རྩེ་གཅིག་ཏུ་ཐལ་མོ་སྦྱར་ཏེ༔ ༈་ཀྱི་དུས་གསུམ་སངས་རྒྱས་ཀུན་གྱི་ངོ་བོ་ཉིད༔ འགྲོ་རྣམས་མ་ལུས་འདྲེན་པའི་དེད་དཔོན་མཆོག༔ ཨོ་རྒྱན་མགོན་པོ་རིག་འཛིན་ཚེ་དཔག་མེད༔ བདག་གི་ལུས་ངག་ཡིད་གསུམ་བྱིན་རློབས་ལ༔ འཆི་མེད་ཚེ་ཡི་དངོས་གྲུབ་བསྩལ་དུ་གསོལ༔ ཅེས་ལན་གསུམ་གསོལ་བ་བཏབ༔ མཉམ་བཞག་གི་བུམ་

― CMR007_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནས་འཆི་མེད་ཡེ་ཤེས་ཀྱི་བདུད་རྩི་དཀར་ན་རེ་རེ་བབ་པ་དང་༔ ཡབ་ཡུམ་གྱི་སྦྱོར་མཚམས་ནས་བྱང་སེམས་དཀར་དམར་དུ་བབས་པས༔ རང་གི་སྤྱི་བོ་མགྲིན་པ་སྙིང་ག་ལྟེ་བ་གསང་གནས་ཀྱི་བར་དུ་རྐྱལ་པ་ཞོ་ཡིས་གང་བ་ལྟར་དུ་དཀར་ལྟེམ་གྱིས་གང་བར་གྱུར༔ ཞེས་དམིགས་པ་གཏད་ལ༔ ཨོཾ་གུ་རུ་ཨཱ་ཡུསིདྡྷི་ཧཱུྃ་ཧི༔ ཨ་མཱ་ར་ཎི་ཛི་བན་ཏི་ཡེ་སྭཱ་ཧཱ༔ ཞེས་བསྙེན་པའོ༔ ༈ ཧཱུྃ༔ ཤར་གྱི་ཕྱོགས་ནས་ཚེ་འགུགས་མ༔ ཞེས་ནས༔ ཚེ་འདི་བཅོལ་ལོ་སྲོག་འདི་སྡོམས༔ ཞེས་པའི་བར། ལུས་ཀྱི་ནང་ཐམས་ཅད་འཆི་མེད་ཀྱི་བདུད་རྩི་འོ་མ་ལྟ་བུ་བཅུད་ཐམས་ཅད་ཀྱི་དྭངས་མའི་དྭངས་མ༔ སྙིང་པོའི་སྙིང་པོ་ཐམས་ཅད་སྙིང་གའི་གའུ་ཅུང་ཟད་ཁ་བྱེ་བའི་བར་ནས་ཡེ་ཤེས་ཀྱི་རླུང་བྱུང་ནས༔ རྡོ་ཁབ་ལེན་གྱིས་ལྕགས་བླངས་པ་ལྟར་འུབ་འུབ་བསྡུས་ནས༔ གྲྭའུ་ནང་གི་ཡིག་འབྲུ་གསུམ་ལ་ཐིམ༔ ཁྱད་པར་ནི་ཡིག་ལ་ཐིམ་པར་གྱུར༔ བཀྲག་མདངས་འོད་དུ་འབར༔ ལོ་བརྒྱའི་བར་དུ་འཆི་མེད་ཀྱི་རིག་འཛིན་ཐོབ་པར་གྱུར༔ ཉི་ཟླའི་གའུ་ཁ་བསྒྲིག འོག་གི་རྡོ་རྗེའི་རྭ་བཞིས་བསྣོལ་མར་རྒྱས་བཏབ༔ སྟེང་དུ་ཚེ་དཔག་མེད་ཡེ་ཤེས་སེམས་དཔའ་ཚོན་གང་བ་ཞིག་འགྱུར་

― CMR007_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཚེའི་རྟེན་དུ་བཞུགས་པར་གྱུར༔ ༔ ཨོ་ཏྲ་ཏྲ་ཤག༔ མུ་ཏྲ་ཧོ༔ ཚེ༔ སོགས་ནས༔ ཚེ་མཆོག་རྡོ་རྗེའི་དོན་རྟོགས་ཤོག༔ དེའི་བར་དུའོ༔ དེ་ནས་ཟུར་འདེབས་ནི༔ ཡི་དངོས་གྲུབ་སྩོལ༔ དེའི་བར་བརྗོད༔ ༈ ཧཱུྃ༔ དམ་ཚིག་ཐུགས་དམ་དུས་ལ་བབ༔ ཏིཥྛ་ལྷན༔ ༈ ཧཱུྃ༔ སྙིང་པོ་བརྟན་པ་མི་ནུབ་སྟེ༔ རྡོ་རྗེ་འཆང་གི་ཚེ་ཡང་ཚེ༔ ༈ ཧཱུྃ༔ གསང་འདུས་ཚེ་ཡི་དཀྱིལ་འཁོར་འདིར༔ སོགས་ནས༔ འཆི་མེད་ཚེ་སོགས་ནས་ལས་བྱུང་མ་རྫོགས་བར་གཞུང་ལྟར་རོ༔ ཞེས་པ་འདི་ནི་རཱ་ག་ཨ་སྱས་བསྒྲིགས་པའོ༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཆོད་ཕྲེང་རྒྱས་པ།

― CMR007_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་མཆོད་ཕྲེང་རྒྱས་པར་སྤྲོ་ན་འདི་ལྟར་རོ༔ ཉེ་བར་གྲུབ་པའི་མཆོད་པ་ནི༔ ཧྲཱི༔ སྣང་སྟོང་ཟུང་འཇུག་དབྱིངས་ཀྱི་གླུ༔ རྟོག་བྲལ་འདུ་འབྲལ་མེད་པའི་ངང་༔ །ཐབས་ཤེས་མེད་པའི་གླུ༔ བྲོ་ནི་བདེ་བ་ཆེན་པོར་བརྡུང་༔ ཤུ་མ་ཧཱ་ཛྷཱ་ན་ཏེ་ཏེ་ཧཱུྃ་ཏེ་ན་ཧཱུྃ༔ ཞེས་ཐུགས་རྗེ་ཆེན་པོ་གསང་འདུས་ལས་ཁོལ་ཕྱུང་ཚེ་སྒྲུབ་གསང་འདུས་ཀྱི་ཁ་བཀང་བྱེད་པ་ལེགས་ཀྱང་། དགོས་པ་མ་མཆིས་སོ། །རྒྱལ་བ་ཀཿཐོག་པའི་ཕྱག་བཞེས་དང་ཞལ་རྒྱུན་རྒྱུད་གཞུང་རྣམས་ལ་མ་མཆིས་སོ། །དེ་ནས་མཆོད་ཕྲེང་བྱ་བ་འདི་སྐད་དོ༔ ༔ ཧཱུྃ༔ རང་བྱུང་ཡེ་ཤེས་ཚེ་དཔག་མེད༔ གསང་བ་འདུས་པའི་གཙོ་དང་འཁོར༔ བླ་མེད་མཆོག་གི་དཀྱིལ་འཁོར་དུ༔ བདེ་ཆེན་གར་གྱི་མཆོད་པ་ནི༔ རྒྱུན་ཆད་མེད་པར་རབ་བརྟན་ཅིང་༔ མཉམ་པ་ཉིད་ཀྱི་ངང་དུ་འབུལ༔ ཧཱུྃ༔ རབ་ཏུ་མཛེས་པའི་ལྷ་མོ་ནི༔ དཀར་མོ་སྒེག་ཅིང་འགྱིང་བའི་གཟུགས༔ མཛེས་པའི་མེ་ཏོག་སྣ་ཚོགས་རིགས༔ དཀར་སེར་དམར་ལྗང་མཐིང་མདངས་ཅན༔ གསང་འདུས་ཚེ་ཡི་དཀྱིལ་འཁོར་དུ༔ སྣང་སྟོང་མཆོད་འབུལ་བཞེས་སུ་གསོལ༔ ཨོཾ་བཛྲ་པུཊྚེ་ཨཱཧཱུྃ༔ ཧཱུྃ༔ རབ་ཏུ་མཛེས་པའི་ལྷ་མོ་ནི༔ སེར་མོ་སྒེག་ཅིང་འགྱིང་བའི་

― CMR007_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས༔ དྲི་ཞིམ་བདུག་སྤོས་དཔག་མེད་བསྣམས༔ ག་པུར་ཙན་དན་ཨ་གར་སོགས༔ གསང་འདུས་ཚེ་ཡི་དཀྱིལ་འཁོར་དུ༔ དྲི་སྟོང་མཆོད་འབུལ་བཞེས་སུ་གསོལ༔ ཨོ་བཛྲ་དྷ་ཧྥེ་ཨཱཧཱུྃ༔ ཧཱུྃ༔ རབ་ཏུ་མཛེས་པའི་ལྷ་མོ་ནི༔ དམར་མོ་སྒེག་ཅིང་འགྱིང་བའི་གཟུགས༔ སྣང་གསལ་མར་མེ་ལ་སོགས་པ༔ ཉི་ཟླ་འབྲུ་མར་རྩི་མར་སོགས༔ གསང་འདུས་ཚེ་ཡི་དཀྱིལ་འཁོར་དུ༔ གསལ་སྟོང་མཆོད་འབུལ་བཞེས་སུ་གསོལ༔ ཨོཾ་བཛྲ་ཨཱ་ལོ་ཀེ་ཨཱཿཧཱུྃ༔ ཧཱུྃ༔ རབ་ཏུ་མཛེས་པའི་ལྷ་མོ་ནི༔ ལྗང་མོ་སྒེག་ཅིང་འགྱིང་བའི་གཟུགས༔ དྲི་ཞིམ་དྲི་ཆབ་བདེ་བའི་མཆོག༔ ཙནྡན་གུར་གུམ་དཔག་མེད་སྦྱར་གསང་འདུས་ཚེ་ཡི་དཀྱིལ་འཁོར་དུ༔ བདེ་སྟོང་མཆོད་འབུལ་བཞེས་སུ་གསོལ༔ ཨོ་བཛྲ་གནྡྷེ་ཨཱཿཧཱུྃ༔ ཧཱུྃ༔ རབ་ཏུ་མཛེས་པའི་ལྷ་མོ་ནི་སེར་མོ་སྒེག་ཅིང་འགྱིང་བའི་གཟུགས༔ རང་བྱུང་ལྷན་སྐྱེས་སྦྱར་བའི་བཤོས༔ རོ་ལྡན་གཙང་མའི་ཞལ་ཟས་ཚོགས༔ གསང་འདུས་ཚེ་ཡི་དཀྱིལ་འཁོར་དུ༔ རོ་སྟོང་མཆོད་འབུལ་བཞེས་སུ་གསོལ༔ ཨོཾ་བཛྲ་ནེ་ཝི་དྱ་ཨཱཧཱུྃ༔ ཧཱུྃ༔ རབ་ཏུ་མཛེས་པའི་ལྷ་མོ་ནི༔ མཐིང་སྐྱ་སྒེག་ཅིང་

― CMR007_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱིང་བའི་གཟུགས༔ རྔ་དུང་དྲིལ་བུ་སིལ་སྙན་སོགས༔ འབྱུང་བའི་སྒྲ་སོགས་རོལ་མོ་རྣམས༔ གསང་འདུས་ཚེ་ཡི་དཀྱིལ་འཁོར་དུ༔ གྲག་སྟོང་མཆོད་འབུལ་བཞེས་སུ་གསོལ༔ ཨོཾ་བཛྲ་ཤབྡ་ཨཱཿཧཱུྃ༔ དེ་ནས་ནང་གི་མཆོད་འབུལ་ནི༔ ཧཱུྃ༔ ཡིད་འོང་གཟུགས་ཀྱི་ལྷ་མོ་ནི༔ དཀར་མོ་གར་བསྒྱུར་ལྡན་པ་མོ༔ སྣང་གསལ་དག་པའི་མེ་ལོང་བསྣམས༔ སྣང་སྲིད་གཟུགས་སུ་ཀུན་སྤྲུལ་ནས༔ གསང་འདུས་ཚེ་ཡི་ལྷ་ཚོགས་ཀྱི༔ དཀྱིལ་འཁོར་ལྷ་ལ་མཆོད་པར་འབུལ༔ ཨོཾ་བཛྲ་རཱུ་པ་ཨཱཧཱུྃ༔ ཧཱུྃ་ཡིད་འོང་སྒྲ་ཡི་ལྷ་མོ་ནི༔ སེར་མོ་གར་བསྒྱུར་ལྡན་པ་མོ༔ སྒྲ་སྙན་དག་པའི་པི་ཝཾ་བསྣམས༔ སྣང་ཞིང་སྲིད་པའི་སྒྲ་རྣམས་ཀུན༔ གསང་འདུས་ཚེ་ཡི་ལྷ་ཚོགས་ཀྱི༔ དཀྱིལ་འཁོར་ལྷ་ལ་མཆོད་པར་འབུལ༔ ཨོཾ་བཛྲ་ཤཔྟ་ཨཱཧཱུྃ༔ ཧཱུྃ༔ ཡིད་འོང་དྲི་ཡི་ལྷ་མོ་ནི༔ སྔོན་མོ་གར་བསྒྱུར་ལྡན་པ་མོ༔ ཡིད་འོང་དྲི་ཡི་སྤྲོས་ཁང་བསྣམས༔ སྣང་སྲིད་དྲི་ཡི་སྤོས་མཆོག་ཀུན༔ གསང་འདུས་ཚེ་ཡི་ལྷ་ཚོགས་ཀྱི༔ དཀྱིལ་འཁོར་ལྷ་ལ་མཆོད་པར་འབུལ༔ ཨོཾ་བཛྲ་གནྡྷེ་ཨཱཿཧཱུྃ༔ ཧཱུྃ༔ ཡིད་འོང་རོ་ཡི་ལྷ་མོ་ནི༔ དམར་མོ་གར་

― CMR007_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་ལྡན་པ་མོ༔ རོ་མཆོག་བརྒྱ་ལྡན་ཞལ་ཟས་ཀུན༔ སྣང་སྲིད་རོ་མཆོག་བཅུད་ལྡན་རྣམས༔ གསང་འདུས་ཚེ་ཡི་ལྷ་ཚོགས་ཀྱི༔ དཀྱིལ་འཁོར་ལྷ་ལ་མཆོད་པར་འབུལ༔ ཨོཾ་བཛྲ་ནེ་ཝི་དྱ་ཨཱཿཧཱུྃ༔ ཧཱུྃ༔ ཡིད་འོང་རེག་བྱའི་ལྷ་མོ་ནི༔ ལྗང་གུ་གར་བསྒྱུར་ལྡན་པ་མོ༔ པཉྩ་ལི་ཀའི་ན་བཟའ་བསྣམས༔ སྣང་སྲིད་བདེ་བ་རེག་བྱའི་ཚོགས༔ གསང་འདུས་ཚེ་ཡི་ལྷ་ཚོགས་ཀྱི༔ དཀྱིལ་འཁོར་ལྷ་ལ་མཆོད་པར་འབུལ༔ ཨོཾ་བཛྲ་སྤརེ་ཨཱཧཱུྃ༔ ཧཱུྃ༔ ཡིད་འོང་ཆོས་ཀྱི་ལྷ་མོ་ནི༔ མཐིང་མདོག་གར་བསྒྱུར་ལྡན་པ་མོ༔ རྡོ་རྗེ་དྲིལ་བུའི་ཕྱག་རྒྱ་འཛིན༔ སྣང་སྲིད་ཐམས་ཅད་ཆོས་དབྱིངས་སྤྲུལ༔ གསང་འདུས་ཚེ་ཡི་ལྷ་ཚོགས་ཀྱི༔ དཀྱིལ་འཁོར་ལྷ་ལ་མཆོད་པར་འབུལ༔ ཨོཾ་བཛྲ་དྷརྨཱ་ཨཱཧཱུྃ༔ གསུམ་པ་གསང་བའི་མཆོད་པ་འབུལ་བ་ནི༔ ཧཱུྃ༔ གསང་མཆོག་སྐུ་ཡི་རིག་མ་ནི༔ དཀར་མོ་བདེ་བའི་མདངས་དང་ལྡན༔ རབ་མཛེས་མེ་ལོང་པདྨ་བསྣམས༔ གསང་མཆོག་བདེ་བའི་མཆོད་པ་ནི༔ གསང་འདུས་ཚེ་ཡི་ལྷ་ལ་འབུལ༔ ཀུན་ཏུ་བདེ་བས་མཉེས་གྱུར་ཅིག༔ ཨོཾ་བཛྲ་དརེ་ཨཱ༔ ཧཱུྃ༔ ཧཱུྃ༔ གསང་མཆོག་གསུང་གི་རིག་མ་ནི༔ དམར་མོ་བདེ་བའི་

― CMR007_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

མདངས་ལྡན་མ༔ རྡོ་ཟླུམ་སྙན་པའི་སྒྲ་སྒྲོག་ཅིང་༔ གསང་མཆོག་བདེ་བའི་མཆོད་པ་ནི༔ གསང་འདུས་ཚེ་ཡི་ལྷ་ལ་འབུལ༔ ཀུན་དུ་བདེ་བས་མཉེས་གྱུར་ཅིག ཨོ་བཛྲ་མུ་ར་ཛེ་ཨཱཧཱུྃ༔ ཧཱུྃ༔ གསང་མཆོག་ཐུགས་ཀྱི་རིག་མ་ནི༔ མཐིང་ག་བདེ་བའི་མདངས་ལྡན་མ༔ སྙན་པའི་པི་ཝཾ་སྒྲ་སྒྲོག་ཅིང་༔ གསང་མཆོག་བདེ་བའི་མཆོད་པ་ནི༔ གསང་འདུས་ཚེ་ཡི་ལྷ་ལ་འབུལ༔ ཀུན་ཏུ་བདེ་བས་མཉེས་གྱུར་ཅིག༔ ཨོཾ་བཛྲ་ཝི་ནི་ཨཱཧཱུྃ༔ ཧཱུྃ༔ གསང་མཆོག་ཡོན་ཏན་རིག་མ་ནི༔ སེར་མོ་བདེ་བའི་མདངས་ལྡན་མ༔ གསུང་སྙན་གླིང་བུའི་སྒྲ་སྒྲོག་ཅིང་༔ གསང་མཆོག་བདེ་བའི་མཆོད་པ་ནི༔ གསང་འདུས་ཚེ་ཡི་ལྷ་ལ་འབུལ༔ ཀུན་ཏུ་བདེ་བས་མཉེས་གྱུར་ཅིག༔ ཨོཾ་བཛྲ་མེ་དྷི་ཀེ་ཨཱཧཱུྃ༔ ཧཱུྃ༔ གསང་མཆོག་ཕྲིན་ལས་རིག་མ་ནི༔ ལྗང་མོ་བདེ་བའི་མདངས་ལྡན་མ༔ སིལ་སྙན་དྲིལ་བུའི་སྒྲ་སྒྲོག་ཅིང་༔ གསང་མཆོག་བདེ་བའི་མཆོད་པ་ནི༔ གསང་འདུས་ཚེ་ཡི་ལྷ་ལ་འབུལ༔ ཀུན་ཏུ་བདེ་བས་མཉེས་གྱུར་ཅིག༔ ཨོ་ཧིམུ་གུ་ཏ་ཨཱཧཱུྃ༔ དེ་ནས་བདུད་རྩི་སྨན་གྱི་མཆོད་པ་ནི༔ ཧཱུྃ༔ རང་བྱུང་གདོད་ནས་རྣམ་པར་

― CMR007_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

དག༔ རྩ་བརྒྱད་སྟོང་ལ་སྦྱར་བའི་སྨན་རིགས་ལྔ་དམ་ཚིག་ལྔ་ཡི་དངོས༔ ཡེ་ཤེས་ལྔ་རྫོགས་གྲུབ་པའི་རྫས༔ རྒྱུད་ལྔའི་སེམས་ཅན་ཀུན་སྒྲོལ་ཕྱིར༔ དུག་ལྔ་སེལ་བའི་བདུད་རྩི་མཆོག༔ ཨོཾ་ཨཱ༔ ཧཱུྃ༔ སརྦ་པཉྩ་ཨ་མྲྀ་ཏ་ཧཱུྃ་ཧཱུྃ༔ ཧཱུྃ༔ རྩ་བརྒྱད་ཡན་ལག་སྟོང་སྦྱར་བའི༔ ངོ་མཚར་རྨད་དུ་བྱུང་བའི་མཆོག༔ ཚེ་ཡི་རང་བཞིན་ལྷ་ཚོགས་ལ༔ གུས་པས་འབུལ་ལོ་བཞེས་སུ་གསོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ དེ་བཞིན་དུ་མཚན་དོན་ལྷ་ཚོགས་ཐམས་ཅད་ལ་སྦྱར༔ དེ་ནས་གཏོར་མའི་མཆོད་པ་འབུལ་བ་ནི༔ ཧཱུྃ༔ སྣང་སྲིད་བདེ་ཆེན་གཏོར་གཞོང་དུ༔ རང་བྱུང་འཁོར་འདས་གཏོར་མར་སྦྱར༔ མ་ལུས་འདུས་པའི་ཚོགས་ཆེན་པོ༔ ཚེ་ཡི་ལྷ་ཚོགས་བཞེས་སུ་གསོལ༔ མ་ཧཱ་བྷ་ལིཾ་ཏ་ཁ་རཾ་ཁཱ་ཧི༔ དེ་ནས་རཀྟའི་མཆོད་པ་ནི༔ ཧཱུྃ༔ རྒྱུ་དྲུག་རང་བཞིན་དབྱིངས་སུ་བསྒྲལ༔ འདོད་ཆགས་རཀྟའི་རྦ་ཀློང་འཁྲུག བློ་ངན་འཁོར་བའི་རྒྱུན་བཅད་ཕྱིར༔ རཀྟའི་མཆོད་པ་བཞེས་སུ་གསོལ༔ མ་ཧཱ་རཀྟ་ཁ་རཾ་ཁཱ་ཧི༔ དེ་ནས་སྦྱོར་བའི་མཆོད་པ་འབུལ་བ་ནི༔ ཧཱུྃ༔ ཐབས་དང་ཤེས་རབ་གཉིས་སུ་མེད༔ བདེ་ཆེན་འདུ་འབྲལ་མེད་པར་སྦྱོར༔ བདེ་བའི་རང་བཞིན་དགའ་བ་

― CMR007_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ༔ ཚེ་ཡི་ལྷ་ཚོགས་མཉེས་གྱུར་ཅིག༔ ཛཧཱུྃ་བཾ་ཧོ༔ པདྨ་ཡོ་གི་ནི་མུ་དྲ་པྲ་ཝེ་ཕཊ༔ སརྦ་པུཙྪ་ཧོ༔ བསྒྲལ་བའི་མཆོད་པ་ནི༔ ཧཱུྃ༔ འདོད་ཆགས་ཞེ་སྡང་གཏི་མུག་དང་༔ ང་རྒྱལ་ཕྲག་དོག་དུག་ལྔ་ནི༔ ཡེ་ཤེས་ལྔ་ཡི་ངོ་བོ་རུ༔ ཡེ་ནས་རོ་གཅིག་ཆོས་ཀྱི་སྐུ༔ རང་ངོ་རྟོགས་གྲོལ་རང་སར་བསྒྲལ༔ ཐམས་ཅད་ཡེ་རྫོགས་ཆེན་པོར་བཞེས༔ མ་ཏྲཾ་རུ་ཏྲ་པྲ་བན་ཙཀྲ་ཁ་རཾ་ཁཱ་ཧི༔ དེ་ནས་དེ་བཞིན་ཉིད་ཀྱི་མཆོད་པ་ནི༔ ཧཱུྃ༔ ཀ་དག་ཟང་ཐལ་ཆོས་ཀྱི་སྐུ༔ སྤྲོས་པ་མེད་པ་དབྱིངས་ཀྱི་ངང་༔ ནམ་མཁའ་ལ་ནི་ནམ་མཁའ་ཐིམ༔ ཡེ་མཆོད་ཆེན་པོར་བཞེས་སུ་གསོལ༔ ཨོཾ་ཤུ་ནྱ་ཏ་ཛྷཱ་ན་སརྦ་སྭ་བྷ་ཝ་ཨཏྨ་ཀོཉཧཾ་པུཙྪ་ཧོ༔ ཞེས་ཨ་རཱ་གས་བྲིས་པའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་མཆོད་ཕྲེང་འབྲིང་པོ།

― CMR007_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་མཆོད་ཕྲེང་འབྲིང་པོ་ལྟར་ནི༔ དང་པོ་གླུ་ཡི་མཆོད་པ་ནི༔ ཧཱུྃ༔ སྣང་སྟོང་ཟུང་འཇུག་དབྱིངས་ཀྱི་གླུ༔ རྟོགས་བྲལ་འདུ་འབྲལ་མེད་པའི་ངང་༔ གླུ་ནི་ཐབས་ཤེས་དབྱེར་མེད་གླུ༔ བྲོ་ནི་བདེ་བ་ཆེན་པོར་བརྡུང་༔ ཤུ་མ་ཧཱ་ཛྷཱ་ན་ཏེ་ཏེ་ཧཾ༔ ཏེ་ན་ཧཱུྃ༔ དེ་ནས་ཕྱི་ཡི་མཆོད་པ་ནི༔ ཧཱུྃ༔ གསང་འདུས་ཚེ་ཡི་ལྷ་ཚོགས་ལ༔ ཕྱི་ཡི་མཆོད་པ་འབུལ་བ་ནི༔ མཛེས་པའི་མེ་ཏོག་སྤྱན་ལ་འབུལ༔ དྲི་ཞིམ་བདུག་སྤོས་ཤངས་ལ་འབུལ༔ སྣང་གསལ་མར་མེ་ཐུགས་ལ་འབུལ༔ བདེ་བའི་དྲི་ཆབ་སྐུ་ལ་འབུལ༔ རོ་ལྡན་ཞལ་ཟས་ལྗགས་ལ་འབུལ༔ སྒྲ་སྙན་རོལ་མོ་སྙན་ལ་འབུལ༔ ཐུགས་རྗེའི་དབང་གིས་བཞེས་སུ་གསོལ༔ པུཥྤེ༴ དྷ་པེ༴ ཨཱ་ལོ་ཀེ༴ གནྡྷེ༴ ནི་ཝིདྱ༴ ཤབ་ཨཱཿཧཱུྃ༔ དེ་ནས་ནང་གི་མཆོད་པ་ནི༔ ཧཱུྃ༔ གསང་འདུས་ཚེ་ཡི་ལྷ་ཚོགས་ལ༔ ནང་གི་མཆོད་པ་འབུལ་བ་ནི༔ མཆོད་པའི་ཕྱག་རྒྱ་ཆེན་པོ་སྟེ༔ འདོད་པའི་ལོངས་སྤྱོད་སྤྲིན་ཚོགས་གཏིབས། གཟུགས་སྒྲ་དྲི་རོ་རེག་བྱ་ཆོས༔ འདོད་ཡོན་ལྔ་ཡི་མཆོད་ཚོགས་འབུལ༔ མ་ཧཱ་པཉྩཔཱ་ཛ་ཧོ༔ དེ་ནས་གསང་བའི་མཆོད་པ་ནི༔ ཧྲཱིཿ ཐབས་ཤེས་གཉིས་སུ་མེད་པ་ལས༔ བདེ་

བདག་འཇུག

― CMR007_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་འཇུག་ལེན་པ་ནི། མོས་པ་རྩེ་གཅིག་ཏུ་ཐལ་མོ་སྦྱར་ཏེ། ཀྱེ། དུས་གསུམ་སངས་རྒྱས་ཀུན་གྱི་ངོ་བོ་ཉིད། །འགྲོ་རྣམས་མ་ལུས་འདྲེན་པའི་དེད་དཔོན་མཆོག །ཨོ་རྒྱན་མགོན་པོ་རིག་འཛིན་ཚེ་དཔག་མེད། །བདག་གི་ལུས་ངག་ཡིད་གསུམ་བྱིན་རློབས་ལ། །འཆི་མེད་རྡོ་རྗེ་ཚེ་ཡི་དངོས་གྲུབ་སྩོལ། །ཅེས་ལན་གསུམ་གསོལ་བ་བཏབ་པས། ཧྲཱི༔ ཚེ་ཡི་ལྷ་མོ་རྣམས་ཀྱི་བུམ་པ་ནས། །བཅུད་རྣམས་དལ་གྱིས་བུམ་པར་སིབ་ཀྱིས་བླུགས། །ཆིལ་གྱིས་བཀང་ནས་རྣལ་འབྱོར་བདག་ཅག་ལ། །སྔགས་སྒྲ་དིར་དིར་དབང་བསྐུར་ཚངས་བུག་ནས། །བདུད་རྩི་བབས་པས་རང་ལུས་ལྟེམ་མེར་གང་། །བུམ་པའི་མཆུ་ནས་དཀར་ན་ར་ར་བབས་པར་བསམ། ཚེ་དཔག་མེད་ཀྱི་མཉམ་བཞག་བུམ་པ་ནས་འཆི་མེད་ཡེ་ཤེས་བདུད་རྩི་བབས་པ་དང་། །ཡབ་ཡུམ་སྙོམས་འཇུག་མཛད་པའི་སྦྱོར་མཚམས་ནས། །བྱང་སེམས་དཀར་དམར་རང་གི་ཚངས་བུག་བབས། །གསང་གནས་ཡན་ཆད་རྐྱལ་པ་ཞོས་བཀང་ལྟར། །གང་ནས་ལུས་ལ་བཀྲག་མདངས་གཟི་བརྗིད་འབར། །སྐྱེ་ཤི་མེད་པ་རྡོ་རྗེའི་སྐུ་ཐོབ་ཤོག །ཨོཾ་བུདྡྷ་ཀཱ་ཡ་བྷི་ཥིཉྩ་ཨཱ། ཨཱ༔ པདྨ་ཀཱ་ཡ་ཨ་བྷི་ཥིཉྩ་ཨཱ༔ ཧཱུྃ་བཛྲ་ཀཱ་ཡ་

― CMR007_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་བྷི་ཥིཉྩ་ཧཱུྃ། སྭ་རཏྣ་ཀཱ་ཡ་ཨ་བྷི་ཥིཉྩ་སྭཿ ཧ་ཀརྨ་ཀཱ་ཡ་ཨ་བྷི་ཥིཉྩ་ཧཱ། སྐབས་འདིར་ཏིང་ངེ་འཛིན་གྱི་དབང་བླང་ཟེར་བའི་དོན་ནོ། །དེ་ལྟར་ཆེ་བསྐུལ་བཀུག་སྐལ་ལྡན་གྱི་ལུས་ལ་བསྟིམ་ཚར་ནས། ད་ནི་ཚེ་སྦ་བ་ནི། དེ་ལྟར་ཚེ་དབང་བསྐུར་བས་ལུས་ཀྱི་ནང་། །བདུད་རྩི་འོ་མ་ལྟ་བུའི་བཅུད་རྣམས་ཀྱིས། །གང་བའི་དྭངས་མ་དྭངས་མའི་ཡང་སྙིང་ཀུན། །སྙིང་གའི་ཉི་ཟླའི་གའུ་ཁ་བྱེ་ནས་་་ཅུང་ཟད། །ཡེ་ཤེས་རླུང་བྱུང་འུབ་འུབ་བསྡུས་ནས་ཀྱང་། །རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར། །གཱའུ་ནང་གི་ཡིག་འབྲུ་་་ཨནཱིཧཱུཾ། གསུམ་ལ་ཐིམ། །བཀྲག་མདངས་འོད་ཟེར་གཟི་བརྗིད་འབར་བར་གྱུར། །གུའུ་ཁ་བསྒྲིགས་འོག་གི་རྡོ་རྗེ་ཡི། །རྭ་བཞིས་བསྣོལ་མར་རྒྱས་བཏབ་དེ་སྟེང་དུ། །ཚེ་དཔག་ཡེ་ཤེས་སེམས་དཔའ་ཚོན་གང་བ། །འགྱུར་མེད་ཚེ་ཡི་རྟེན་དུ་བཞུགས་པར་གྱུར། །ཧཱུྃ་ནམ་མཁའི་དབྱིངས་སོགས། ཧཱུྃ་ཏྲ་ཏྲ་ཤག །མུ་ཏྲ་ཧོ། ཏིཥྛ་ལྷན། བརྒྱ་སྟོང་ཅི་མང་བཟླ། ལོ་བརྒྱའི་བར་དུ་འཆི་མེད་ཀྱི་རིག་འཛིན་ཐོབ་པར་བསམ། ཞེས་པ་ཀརྨ་ཨ་རཱ་གས་ཚེ་སྒྲུབ་ལས་བྱང་ནང་དུ་དམིགས་རིམ་ཚིགས་བཅད་དུ་བྲིས་ནས་སེར་གྱིས་མནན་ནས་འདུག་པ་རྣམས་ཕྱོགས་གཅིག་ཏུ་བྲིས་པ་ལགས། །

ལས་བྱང་ཁ་སབ།

― CMR007_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་ཆེན་ཡབ་དང་གཉིས་མེད་སྦྱོར། །ཚེ་དང་དཔལ་གྱི་འཕྲོ་འདུ་གསལ། །སྙིང་ཁར་སྣ་ཚོགས་རྡོ་རྗེ་ཡི། །ལྟེ་བའི་སྟེང་དུ་ཉི་ཟླ་གཉིས། །ཁ་སྦྱོར་ནང་དུ་ཧྲཱིཿདམར་པོ། །དབུས་སུ་ཨ་ནཱི་ཧཱུྃ་གསུམ་གསལ། །སྤྱི་བོར་པད་དཀར་སྟོང་ལྡན་དབུས། །ཨོ་རྒྱན་ཚེ་དཔག་སྐུ་མདོག་དམར། །འོད་དང་འོད་ཟེར་ངོ་བོར་གནས། །ལོངས་སྐུའི་རྒྱན་རྫོགས་རིན་ཆེན་བརྒྱན། །མཉམ་གཞག་འཆི་མེད་ཚེ་བུམ་འཛིན། །དར་ཚོན་སྣ་ལྔའི་སྟོད་གཡོགས་དང་། །དམར་པོའི་ཤམ་ཐབས་བྱས་པའོ། །དེ་ཡི་པང་ཡུམ་རིག་མ་ནི། །གསང་བ་ཡེ་ཤེས་སྐུ་མདོག་དམར། །གཅེར་བུ་རུས་རྒྱུན་པད་འཕྲེང་བརྒྱན། །ཕྱག་གཡས་པད་ཕྲེང་ཡབ་མགུལ་འཁྱུད། །གཡོན་པས་ཚེ་ཡི་བུམ་པ་ནི། །ཡབ་ཀྱི་སྙན་གྱི་ཐད་དུ་འཛིན། །ཞབས་གཉིས་ཡབ་ཀྱི་རྐེད་ལ་འཁྲིལ། །སྙོམས་འཇུག་མཛད་པའི་ཚུལ་དུ་གནས། །དབུ་སྐྲ་དམར་སེར་འཁྱིལ་ཞིང་འཕྱང་། །ཤར་དུ་ལཱ་སྱ་དཀར་མོ་ལ། །སོགས་ནས། བདག་ཅག་ཚེ་སྲོག་བརྟན་པར་མཛོད། །ལྷ་ཚོགས་རྣམས་ཀྱི་ཐུགས་ཀ་ནས། །འོད་ཟེར་ཕྱོགས་བཅུར་འཕྲོས་པ་ཡིས། །ཕྱོགས་བཅུའི་རྒྱལ་བ་དཔག་མེད་

― CMR007_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །ཚེ་དཔག་མེད་ཀྱི་ངོ་བོར་བྱོན། །བདག་དང་ཚེ་བུམ་རྣམས་ལ་ཐིམ། །གཞན་ཡང་ལྷ་དང་དྲང་སྲོང་དང་། །འཁོར་ལོས་སྒྱུར་རྒྱལ་ལ་སོགས་པའི། །ཚེ་བསོད་དཔལ་དང་བཀྲག་མདངས་དང་། །གཟི་བརྗིད་མ་ལུས་ཀུན་བསྡུས་ནས། །བདག་དང་ཚེ་བུམ་རྣམས་ལ་ཐིམ། །འབྱུང་བའི་བཅུད་བསྡུས་དེ་ལྟར་ཐིམ། །ལྷ་ཀླུ་མི་གསུམ་འཁོར་བཅས་དང་། །རང་གི་བླ་ཚེ་ཡར་ཁྱེར་རྣམས། །ཨ་ནི་ཧཱུཾ་གསུམ་རྣམ་པར་བསྡུས། །འཆི་མེད་ཡེ་ཤེས་བདུད་རྩིར་གྱུར། །བུམ་པའི་ནང་དུ་ཆི་ལི་ལི། །འཁོར་བར་དམིགས་ཤིང་སྔགས་འདི་བཟླ། །ༀ་གུ་རུ་ཨཱ་ཡུ༔ སིདྡྷི་ཧཱུྃ་ཧི༔ ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། བཟླའོ། །ཚེ་འགུགས་སྨད་དུ། རྡོ་རྗེ་ཚེ་ཡི་དངོས་གྲུབ་སྩོལ༔ ཞེས་པའི་མཚམས་སུ། །ཀྱི། དུས་གསུམ་སངས་རྒྱས་ཀུན་གྱི་ངོ་བོ་ཉིད། །འགྲོ་རྣམས་མ་ལུས་འདྲེན་པའི་དེད་དཔོན་མཆོག །ཨོ་རྒྱན་མགོན་པོ་རིག་འཛིན་ཚེ་དཔག་མེད། །བདག་གི་ལུས་ངག་ཡིད་གསུམ་བྱིན་རློབས་ལ། །འཆི་མེད་ཚེ་ཡི་དངོས་གྲུབ་བསྩལ་དུ་གསོལ། །གསོལ་འདེབས་ལན་གསུམ་བྱ། ཚེ་ཡི་ལྷ་ཚོགས་རྣམས་ཀྱི་བུམ་པ་ནས། །བཅུད་རྣམས་དལ་གྱིས་བུམ་པར་

― CMR007_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

སིབ་སིབ་བླུགས། །ཆིལ་གྱིས་གང་ནས་རྣལ་འབྱོར་བདག་ཅག་ལ། །སྔགས་སྒྲ་དིར་དིར་དབང་བསྐུར་ཚངས་བུག་ནས། །བདུད་རྩི་བླུགས་པས་རང་ལུས་ལྟེམས་སེ་གང་། །ཚེ་དཔག་མེད་པའི་མཉམ་བཞག་བུམ་པ་ནས། །འཆི་མེད་ཡེ་ཤེས་བདུད་རྩི་བབ་པ་དང་། །ཡབ་ཡུམ་སྙོམས་འཇུག་མཛད་པའི་སྦྱོར་མཚམས་ནས། །བྱང་སེམས་དཀར་དམར་རང་གི་ཚགས་བུག་བབ། །གསང་གནས་ཡན་ཆད་རྐྱལ་པ་ཞོས་བཀང་ལྟར། །གང་ནས་ལུས་ལ་བཀྲག་མདངས་གཟི་བརྗིད་འབར། །སྐྱེ་འཆི་མེད་པ་རྡོ་རྗེའི་སྐུ་ཐོབ་ཤོག །ཨོཾ་བུདྡྷཱ་ཀཱ་ཡ་ཨ་བྷི་ཥིཉྩ་ཨཱ་ཧཱུྃ་བཛྲ་ཀཱ་ཡ་ཨ་བྷི་ཥིཉྩ་ཨཱ༔ སཱ་རཏྣ་ཀཱ་ཡ་ཨ་བྷི་ཥིཉྩ་ཨཱཿ ཨཱཔདྨ་ཀཱ་ཡ་ཨ་བྷི་ཥིཉྩ་ཨཱཿ ཧྭ་ཀརྨ་ཀཱ་ཡ་ཨ་བྷི་ཥིཉྩ་ཨཱཿ དེ་ལྟར་ཚེ་དབང་བསྐུར་བས་ལུས་ཀྱི་ནང་། །བདུད་རྩི་འོ་མ་ལྟ་བུའི་བཅུད་རྣམས་ཀྱིས། །གང་བའི་དྭངས་མ་དྭངས་མའི་ཡང་སྙིང་ཀུན། །སྙིང་ཁའི་ཉི་ཟླའི་གའུ་ཁ་བྱེ་སྟེ། །ཡེ་ཤེས་རླུང་བྱུང་འུབ་འུབ་བསྡུས་ནས་ཀྱང་། །གའུ་ནང་གི་ཡིག་འབྲུ་རྣམས་ལ་བསྟིམས། །བཀྲག་མདངས་འོད་ཟེར་གཟི་བརྗིད་འབར་བར་གྱུར། །གུའུ་ཁ་བསྒྲིགས་འོག་གི་རྡོ་རྗེ་

― CMR007_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི། །ར་བཞི་བསྣོལ་མས་རྒྱས་གདབ་དེའི་སྟེང་དུ། །ཚེ་དཔག་ཡེ་ཤེས་སེམས་དཔའ་ཚོན་གང་བ། །འགྱུར་མེད་ཚེ་ཡི་རྟེན་དུ་བཞུགས་པར་གྱུར། །ཨོཾ་ཏཱ་ཏྲ་ཤག མུ་ཏྲ་ཧོ༔ ཏིཥྛ་ལྷན། །ཨ་རཱ་གས་སྦྱར་བའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་བ་འདུས་པའི་ཚོགས་མཆོད་བདུད་རྩིའི་སྤྲིན་ཕུང་།

― CMR007_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པའི་ཚོགས་མཆོད་བདུད་རྩིའི་སྤྲིན་ཕུང་ཞེས་བྱ་བ་བཞུགས་སོ། །

― CMR007_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཨཱ་ཡུཛྙཱ་ན་ཡེ། །གསང་བ་འདུས་པའི་ཚོགས་མཆོད་བྱ་བར་འདོད་ན། །ཅི་འབྱོར་ཚོགས་བཤམས་ཚེ་ཆོག་གཞུང་བསྲང་ལ། །དེ་ནས་གྱེར་སྒོམ་སྦྲག་ལ་འདི་སྐད་དོ།། དྷཱི༔ བདག་ཉིད་ཚེ་དཔག་མེད་མགོན་གྱི། །ཐུགས་ལས་ཡིག་འབྲུ་རིམ་བཞིན་འཕྲོས། །རཾ་ཡིག་ལས་མེ་བྱུང་དངོས་འཛིན་བསྲེག །ཡཾ་ཡིག་ལས་རླུང་བྱུང་བག་ཆགས་གཏོར། །ཁཾ་ཡིག་ལས་ཆུ་བྱུང་གཉིས་འཛིན་བཀྲུས། །ཨོ་ཡིག་གིས་རྣམ་པར་རྟོག་པ་སྦྱངས། །ཨཱཡིག་གིས་དྲི་མེད་བདུད་རྩིར་བསྒྱུར། །ཧཱུྃ་ཡིག་གིས་སྣང་སྲིད་མཆོད་པས་བསྐང་། །ཧྲཱིཿཡིག་གིས་མཆོད་ལྷ་དཔག་མེད་

― CMR007_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ། །རཾ་ཡཾ་ཁཾ་ཨོཾ་ཨཱཧཱུཾ། ཧྲཱིཿ དཔལ་ཀུན་ཏུ་བཟང་མོའི་ཡུམ་གྱི་ཀློང་། །དོན་ཅིར་ཡང་འཆར་བ་སྒྱུ་མའི་འཕྲུལ། །སྣོད་མཚན་ལྡན་གྱི་རྡོ་རྗེཀ་པཱ་ལ། །ཚད་རྒྱ་ཁྱོན་ཆོས་ཀྱི་དབྱིངས་དང་མཉམ། །བཅུད་ཟག་མེད་ལོངས་སྤྱོད་ཟད་མི་ཤེས། །ཁ་དོག་དང་དྲི་རོ་ཕུན་སུམ་ཚོགས། །དོན་འགྱུར་མེད་བདེ་ཆེན་བསྐྱེད་པར་གྱུར། །ཧ་ཧོ་ཧྲཱིཿ དཔལ་སྐྱབས་གསུམ་ཀུན་འདུས་པདྨ་འབྱུང་། །དགའ་རབ་དང་ཤྲཱི་སེང་ཧཱུྃ་ཀཱ་ར། །བི་མ་ལ་ནམ་སྙིང་རཏྣ་གླིང་། །འཁོར་ཚེ་ཡི་རིག་འཛིན་ཉི་ལི་ལི། །སྐུ་མཛེས་པའི་རྒྱན་ཆ་ཁྲོ་ལོ་ལོ། །གསུང་འཛབ་

― CMR007_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་འབྲུག་སྒྲ་འུ་རུ་རུ། །ཐུགས་དགྱེས་པའི་བྲོ་གར་ལིངས་སེ་ལིང་། །ཁྱེད་འདིར་གཤེགས་དམ་རྫས་བྱིན་གྱིས་རློབས། །བཅུད་ཚོགས་ཀྱི་མཆོད་པ་དགྱེས་པར་རོལ། །དོན་ཚེ་ཡི་དངོས་གྲུབ་གནང་ནས་ཀྱང་། །རྗེ་ཁྱེད་དང་མཉམ་པར་བྱིན་གྱིས་རློབས། །དཔལ་ཚེ་དཔག་མེད་མགོན་ཡུམ་དང་བཅས། །རིགས་བཞིའི་ཚེ་བདག་ཡུམ་དང་བཅས་། །ལཱ་སྱ་སོགས་ཀྱི་སྒོ་མ་བཞི། །མགྱོགས་མ་དང་སྒོ་མ་ཆེན་མོ་བཞི། །འཁོར་རྒྱུད་སྡེའི་ལྷ་ཚོགས་ཉི་ལི་ལི། །སྐུ་མཛེས་པའི་རྒྱན་ཆ་ཁྲོ་ལོ་ལོ། །གསུང་འཛབ་དབྱངས་འབྲུག་སྒྲ་འུ་རུ་རུ། །ཐུགས་དགྱེས་པའི་བྲོ་གར་ལིངས་སེ་ལིང་། །ཁྱེད་འདིར་གཤེགས་དམ་རྫས་བྱིན་གྱིས་རློབས། །བཅུད་ཚོགས་ཀྱི་མཆོད་པ་དགྱེས་པར་རོལ། །དོན་ཚེ་ཡི་དངོས་གྲུབ་གནང་ནས་ཀྱང་། །ལྷ་ཁྱེད་དང་མཉམ་པར་བྱིན་གྱིས་རློབས། །མ་གསང་བ་ཡེ་ཤེས་མནྡཱ་ར། །བདེ་ཆེན་རྒྱ་མཚོ་དང་ཞི་བ་འཚོ། །དབྱིངས་ཕྱུག་རྒྱ་མཚོ་དང་བདེ་ལྡན་མ། །མཚོ་རྒྱལ་དང་ཤེལ་དཀར་རྡོ་རྗེ་མཚོ། །འཁོར་གནས་གསུམ་མཁའ་འགྲོ་ཉི་ལི་ལི། །སྐུ་མཛེས་པའི་རྒྱན་ཆ་ཁྲོ་ལོ་ལོ། །གསུང་འཛབ་དབྱངས་འབྲུག་སྒྲ་འུ་

― CMR007_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་རུ། །ཐུགས་དགྱེས་པའི་བྲོ་གར་ལིངས་སེ་ལིང་། །ཁྱེད་འདིར་གཤེགས་དམ་རྫས་བྱིན་གྱིས་རློབས། །བཅུད་ཚོགས་ཀྱི་མཆོད་པ་དགྱེས་པར་རོལ། །དོན་ཚེ་ཡི་དངོས་གྲུབ་གནང་ནས་ཀྱང་། །ཡུམ་ཁྱེད་དང་མཉམ་པར་བྱིན་གྱིས་རློབས། །མགོན་མ་ནིང་སྲོག་བདག་དཔལ་འབར་མ། །དཔལ་སེང་གདོང་ཡབ་ཡུམ་རྣམ་ཐོས་སྲས། །སྔགས་སྲུང་མ་རྡོར་ལེགས་སྨྱོ་ཁ་བ། །གཏེར་སྲུང་མ་མཁའ་རི་མིང་དང་སྲིང་། །འཁོར་དམ་ཅན་རྒྱ་མཚོ་ཉི་ལི་ལི། །སྐུ་མཛེས་པའི་རྒྱན་ཆ་ཁྲོ་ལོ་ལོ། །གསུང་འཛབ་དབྱངས་འབྲུག་སྒྲ་འུ་རུ་རུ། །ཐུགས་དགྱེས་པའི་བྲོ་གར་ལིངས་སེ་ལིང་། །ཁྱེད་འདིར་གཤེགས་དམ་རྫས་བྱིན་གྱིས་རློབས། །བཅུད་ཚོགས་ཀྱི་མཆོད་པ་དགྱེས་པར་རོལ། །དོན་ཆེ་ཡི་དངོས་གྲུབ་གནང་ནས་ཀྱང་། །མགོན་ཁྱེད་དང་མཉམ་པར་བྱིན་གྱིས་རློབས། །རྗེ་སྣང་སྲིད་ཀུན་ལ་དབང་བསྒྱུར་མཁན། །སྐུ་སྐྱེ་འཆི་མེད་པ་རྡོ་རྗེའི་སྐུ་། །དཔལ་ཨོ་རྒྱན་རིག་འཛིན་ཚེ་དཔག་མེད། །ཚེ་དབང་གི་རིག་འཛིན་རྒྱ་མཚོ་ལ། །མི་བདག་གི་ལུས་དང་ལོངས་སྤྱོད་བཅས། །བླ་མེད་ཀྱི་ཚོགས་འཁོར་མཆོད་པའི་

― CMR007_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲིན། །འཛད་མེད་ཀྱི་ལོངས་སྤྱོད་ནམ་མཁའི་མཛོད། །ཟག་མེད་ཀྱི་བདུད་རྩིར་བསྒྱུར་ཏེ་འབུལ། །ཚེ་བསོད་ཀྱི་དཀྱིལ་འཁོར་རབ་རྒྱས་ཤིང་། །བར་ཆད་ཀྱི་རྐྱེན་ལས་རབ་གྲོལ་ནས། །ལུས་འཆི་མེད་ཚེ་ཡི་རིག་འཛིན་མཆོག །དུས་ད་ལྟ་ཉིད་ནས་བསྩལ་བར་ཞུ། །གཞི་གདོད་ནས་མངོན་པར་བྱང་ཆུབ་ཀྱང་། །ལམ་ཐུགས་བསྐྱེད་སྨོན་ལམ་རླབས་ཆེན་མཐུས། །དུས་ད་ལྟ་རིག་འཛིན་ཚེ་ཡི་ལྷ། །ཐེག་དགུ་ཡི་ལྷ་ཚོགས་རྒྱ་མཚོ་ལ། །མི་བདག་གི་ལུས་དང་ལོངས་སྤྱོད་བཅས། །བླ་མེད་ཀྱི་ཚོགས་འཁོར་མཆོད་པའི་སྤྲིན། །འཛད་མེད་ཀྱི་ལོངས་སྤྱོད་ནམ་མཁའི་མཛོད། །ཟག་མེད་ཀྱི་བདུད་རྩིར་བསྒྱུར་ཏེ་འབུལ། །ཚེ་བསོད་ཀྱི་དཀྱིལ་འཁོར་རབ་རྒྱས་ཤིང་། །བར་ཆད་ཀྱི་རྐྱེན་ལས་རབ་གྲོལ་ནས། །ལུས་འཆི་མེད་ཚེ་ཡི་རིག་འཛིན་མཆོག །དུས་ད་ལྟ་ཉིད་ནས་བསྩལ་བར་ཞུ། །དཔལ་འཕགས་བཞི་སྐྱེད་བྱེད་རྒྱལ་བའི་ཡུམ། །གོས་དཀར་མོ་ལོངས་སྐུ་ཡུམ་ཆེན་ལྔ། །དེའི་སྤྲུལ་སྐུ་ཡུམ་མཆོག་མནྡཱ་ར། །ཚེ་དབང་གི་མཁའ་འགྲོ་རྒྱ་མཚོ་ལ། །མི་བདག་གི་ལུས་དང་ལོངས་སྤྱོད་བཅས། །བླ་མེད་ཀྱི་ཚོགས་འཁོར་མཆོད་པའི་སྤྲིན། །

― CMR007_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

འཛད་མེད་ཀྱི་ལོངས་སྤྱོད་ནམ་མཁའི་མཛོད། །ཟག་མེད་ཀྱི་བདུད་རྩིར་བསྒྱུར་ཏེ་འབུལ། །ཚེ་བསོད་ཀྱི་དཀྱིལ་འཁོར་རབ་རྒྱས་ཤིང་། །བར་ཆད་ཀྱི་རྐྱེན་ལས་རབ་གྲོལ་ནས། །ལུས་འཆི་མེད་ཚེ་ཡི་རིག་འཛིན་མཆོག །དུས་ད་ལྟ་ཉིད་ནས་བསྩལ་བར་ཞུ། །ཡེ་ཤེས་དང་ལས་ལས་གྲུབ་པ་ཡི། །རིག་འཛིན་གྱི་རྒྱལ་བས་བཀའ་བསྒོས་བཞིན། །རང་ཉིད་ཀྱིས་ཁས་བླངས་དམ་བཅས་པའི། །གསང་འདུས་ཀྱི་བཀའ་སྲུང་དམ་ཚིག་ཅན། །ཆོས་སྐྱོང་བའི་སྲུང་མ་དམ་ཅན་རྣམས། །མི་བདག་གི་ལུས་དང་ལོངས་སྤྱོད་བཅས། །བླ་མེད་ཀྱི་ཚོགས་འཁོར་མཆོད་པའི་སྤྲིན། །འཛད་མེད་ཀྱི་ལོངས་སྤྱོད་ནམ་མཁའི་མཛོད། །ཟག་མེད་ཀྱི་བདུད་རྩིར་བསྒྱུར་ཏེ་འབུལ། །ཚེ་བསོད་ཀྱི་དཀྱིལ་འཁོར་རབ་རྒྱས་ཤིང་། །བར་ཆད་ཀྱི་རྐྱེན་ལས་རབ་གྲོལ་ནས། །ལུས་འཆི་མེད་ཚེ་ཡི་རིག་འཛིན་མཆོག །དུས་ད་ལྟ་ཉིད་ནས་བསྩལ་བར་ཞུ། །དེ་ནས་ཚོགས་ཕུད་འབུལ་བ་ནི། རྗེ་ཨོ་རྒྱན་གུ་རུ་རིག་འཛིན་མཆོག །དཔལ་གསང་འདུས་ཚེ་ཡི་ལྷ་ཚོགས་རྣམས། །ཞལ་ཟས་ཀྱི་ཚོགས་ཕུད་ཡར་བཞེས་ལ། །འཆི་མེད་ཀྱི་དངོས་གྲུབ་དུས་འདིར་

― CMR007_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

སྩོལ། །ཨོཾ་གུ་རུ་ཨཱ་ཡུ་སིདྡྷི་ཧཱུཾ་ཧྲཱིཿ་ཨ་མཱ་ར་ཎི་ཛཱི་ཝན་ཏི་ཡེ་སྭཱ་ཧཱ། ཨི་དམ་བྷ་ལི་ཏ་ག་ཎ་ཙཀྲ་ཁཱ་ཧི་ཁཱ་ཧི།་བར་པ་བསྐང་བཤགས་ནི། བསྐང་རྫས་རྣམས་ཀུན་ཏུ་བཟང་པོའི་མཆོད་སྤྲིན་དུ་གྱུར། ཨོཾ་བཛྲ་སྤ་ར་ཎ་ཁཾ། ཧྲཱིཿ བདེ་ཆེན་དབྱིངས་བཞུགས་རིགས་ཀྱི་བདག །གསང་འདུས་ཡབ་ཡུམ་ཐུགས་དམ་བསྐང་། །ཕུང་པོ་ལྔ་པོ་གནས་དག་པའི། །ཚེ་བདག་རིགས་ལྔའི་ཐུགས་དམ་བསྐང་། །འབྱུང་བ་ལྔ་པོ་གནས་དག་པའི། །ཚེ་བདག་ཡུམ་ལྔའི་ཐུགས་དམ་བསྐང་། །ཕྱོགས་བཞིའི་ཕྱོགས་ནས་ཚེ་འགུགས་པའི། །ལྷ་མོ་བཞི་ཡི་ཐུགས་དམ་བསྐང་། །རིགས་བཞིའི་ཚེ་རྣམས་འགུགས་བྱེད་མ། །མགྱོགས་མ་བཞི་ཡི་ཐུགས་དམ་བསྐང་། །གདོན་ཆེན་བཞིའི་ལག་ནས་ཚེ་འགུགས་མ། །སྒོ་མ་བཞིའི་ཐུགས་དམ་བསྐང་། །མ་ར་ཏི་ཀར་འཆི་མེད་གྲུབ། །པད་འབྱུང་ཡབ་ཡུམ་ཐུགས་དམ་བསྐང་། །དོན་ཏིག་འགྲམ་དུ་འཆི་མེད་གྲུབ། །དགའ་རབ་ཡབ་ཡུམ་ཐུགས་དམ་བསྐང་། །སོ་ས་གླིང་དུ་འཆི་མེད་གྲུབ། །ཤཱི་སེང་ཡབ་ཡུམ་ཐུགས་དམ་བསྐང་། །བྱ་ཁྱུང་ཕུག་ཏུ་འཆི་མེད་གྲུབ། །ཧཱུཾ་ཀར་ཡབ་ཡུམ་ཐུགས་དམ་བསྐང་། །

― CMR007_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུན་གྲུབ་གཏེར་དུ་འཆི་མེད་གྲུབ། །བི་མ་ཡབ་ཡུམ་ཐུགས་དམ་བསྐང་། །མཁར་ཆུའི་གནས་སུ་འཆི་མེད་གྲུབ། །ནམ་སྙིང་ཡབ་ཡུམ་ཐུགས་དམ་བསྐང་། །ཚེ་ལ་དབང་ཐོབ་སྒྲེས་རྒུད་བྲལ། །མཁར་ཆེན་བཟའ་ཡི་ཐུགས་དམ་བསྐང་། །དུས་མིན་འཆི་བཟློག་ཚེ་མཐར་ཕྱིན། །རཏྣ་གླིང་པའི་ཐུགས་དམ་བསྐང་། །བརྒྱ་དང་བཅུ་བཞུགས་བསྟན་པ་སྐྱོང་། །ཚེ་དབང་གྲགས་པའི་ཐུགས་དམ་བསྐང་། །སྨིན་གྲོལ་གདམས་པས་འགྲོ་བ་འདྲེན། །རྩ་བརྒྱུད་བླ་མའི་ཐུགས་དམ་བསྐང་། །ཨོ་རྒྱན་བཀའ་ཡི་བྱ་ར་བ།་།མ་ནིང་ལྕམ་དྲལ་ཐུགས་དམ་བསྐང་། །སྒྲུབ་ལ་དངོས་གྲུབ་སྟེར་བའི་མགོན། །རྒྱལ་ཆེན་རྣམ་སྲས་ཐུགས་དམ་བསྐང་། །གནས་ཆེན་གནས་ཕྲན་ཀུན་གྱི་བདག ། ཞིང་སྐྱོང་ཡབ་ཡུམ་ཐུགས་དམ་བསྐང་། །གསང་འདུས་བརྒྱུད་པའི་སྲུང་མ་སྟེ། །ཨེ་ཀ་ཙ་ཏིའི་ཐུགས་དམ་བསྐང་། །ཁྱད་པར་བཀའ་ཡི་སྲུང་མ་སྟེ། །རྡོ་རྗེ་ལེགས་པའི་ཐུགས་དམ་བསྐང་། །སྒྲུབ་པའི་སྟོངས་གྲོགས་མཛད་པ་ཡི། །དགེ་བསྙེན་སྨྱོ་ཁའི་ཐུགས་དམ་བསྐང་། །ཟབ་གཏེར་བཀའ་ཡི་སོ་པ་སྟེ། །མཁའ་རི་ལྕམ་དྲལ་ཐུགས་དམ་བསྐང་། །

― CMR007_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ ཐུགས་དམ་བསྐང་བའི་དམ་རྫས་ནི། །བྷ་ལིང་གཏོར་མས་ཐུགས་དམ་བསྐང་། །བདུད་རྩི་སྨན་གྱིས་ཐུགས་དམ་བསྐང་། །རཀྟ་དམར་གྱིས་ཐུགས་དམ་བསྐང་། །ཛ་གད་ཚོགས་ཀྱིས་ཐུགས་དམ་བསྐང་། །ཞལ་ཟས་ཚོགས་ཀྱིས་ཐུགས་དམ་བསྐང་། །ཕྱི་མཆོད་ལྔ་ཡིས་ཐུགས་དམ་བསྐང་། །འདོད་ཡོན་ལྔ་ཡིས་ཐུགས་དམ་བསྐང་། །རིག་མ་ལྔ་ཡིས་ཐུགས་དམ་བསྐང་། །ལྟ་སྤྱོད་དག་པས་ཐུགས་དམ་བསྐང་། །སྙིང་པོ་འཛབ་ཀྱིས་ཐུགས་དམ་བསྐང་། །ཐུགས་དམ་བསྐངས་བའི་བྱིན་རླབས་ཀྱིས། །དུས་དང་དུས་མིན་འཆི་བ་ཟློག །འཆི་མེད་ཚེ་ཡི་དངོས་གྲུབ་སྩོལ། །བཅོལ་བའི་ཕྲིན་ལས་འགྲུབ་པར་མཛོད། །བཤགས་པ་བྱ་བ་ནི། ཐོག་མེད་དུས་ནས་ད་ལྟའི་བར། །སྲོག་བཅད་ཁ་ཟས་འཕྲོག་པ་དང་། །དམ་ཚིག་སེལ་དང་ཉམས་ཆག་སོགས། །ཚེ་ཐུང་བསད་པའི་ལས་སྒྲིབ་རྣམས། །རབ་ཏུ་འགྱོད་པའི་སེམས་ཀྱིས་ནི། །ཞལ་ཟས་ཚོགས་འབུལ་བསྐང་ཞིང་བཤགས། །མི་སྒྲིབ་ཚངས་པའི་དངོས་གྲུབ་སྩོལ། །ཨོཾ་ས་མ་ཡ། ཨཱས་མ་ཡ། ཧཱུཾ་ས་མ་ཡ། ཨོཾ་གུ་རུ་ཨཱ་ཡུསིདྡྷི་ཧཱུཾ་ཧྲཱིཿ ཨ་མཱ་ར་ཎི་ཛཱི་ཝན་ཏི་ཡེ་སྭཱ་ཧཱ། ཨོཾ་བཛྲ་སཏྭ་

― CMR007_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

ས་མ་ཡ། སོགས། སཏྭ་ཨཱཿ དེ་ནས་བསྒྲལ་བ་ནི། ཧཱུྃ། གསང་འདུས་བཀའ་སྲུང་ཕོ་ཉའི་ཚོགས། །ཚེ་སྲོག་ལ་གནོད་དགྲ་དང་བགེགས། །ལྕགས་ཀྱུས་ཟུངས་ལ་ཕུར་པས་ཐོབ། །རྣམ་ཤེས་བདེ་ཆེན་ཞིང་དུ་སྤོར། །ཤ་ཁྲག་ཕུང་པོ་ཚོགས་སུ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། སརྦ་དྷརྨ་པཱ་ལ་དགྲ་བགེགས་རྨི་ཏྲི་ཤ་ཧཱུཾ་མཱ་ར་ཡ་ཁཱ་ཧི༔ ཚོགས་དྲངས་ཏེ་རོལ། ཧཱུྃ༔ སྣང་སྲིད་སྔགས་ཀྱི་རོལ་པ་ལ། །མ་དག་རྟོག་པ་མི་དམིགས་པས། །གཞི་གདོད་ནས་རྣམ་དག་གི་མཆོད་པ་ཆེར། །ཁྱོད་རོལ་ཅིག་གྷ་ཎ་ཙཀྲ་ཧོ༔ ཞེས་དྲངས། ཧྲཱི༔ མི་བདག་ལུས་གསང་འདུས་ཚེ་ཡི་བདག །སྐུ་གནས་ལྔར་ཚེ་བདག་ཡབ་ཡུམ་ལྔ། །རྩ་འཁོར་ལོ་འཁོར་ཕྲན་ཌཱ་ཀིས་གཏམས། །གནས་ལྟེ་བའི་མེ་ཉིད་རང་བྱུང་མེ། །ཁ་དབང་གི་ཐབ་ཁུང་ལྕེ་ནི་མེ། །ལག་དགང་གཟར་སྦྱར་བས་བཟའ་བཏུང་རྣམས། །དཔལ་གསང་འདུས་ལྷ་ལ་སྲེག་བླུགས་འབུལ། །དོན་ཚོགས་རྫོགས་འཆི་མེད་འགྲུབ་པར་ཤོག །ཨོཾ་གུ་རུ་ཨཱ་ཡུ་སིདྡྷི་ཧཱུྃ། ག་ཎ་ཙཀྲ་པཱུ་ཛ་ཧོ༔ ཞེས་ཚིམ་པར་རོལ་ཏེ་ལྷག་མ་བཤམས། ཨོཾ་ཨ་ཀཱ་རོས་བྱིན་གྱིས་བརླབས་ལ། ཧཱུྃ༔ གསང་བ་ཡེ་ཤེས་

― CMR007_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཌཀྐིའི་འཁོར། །གནས་ཉེར་བཞིའི་ཕོ་ཉ་འཇིགས་ཆེན་པོ། །སྔོན་ལས་ལ་གྲུབ་པའི་ཤ་ཟ་མོ། །སྐུ་དཀར་སེར་དམར་ལྗང་སྔོ་དང་ཁྲ། །ལུས་མེ་འབར་གློག་འོད་ཁྱུགས་སེ་ཁྱུག །ངག་བརྡ་སྐད་བཤུག་གླུ་དི་རི་རི། །ཡིད་གསང་སྔགས་བསྟན་ལ་དུངས་སེ་དུང་། །ལས་ཁམས་གསུམ་ཉུལ་མ་ཤ་ར་ར། །མཐོ་དགུང་སྔོན་དབྱིངས་ནས་བྱ་ར་བྱེད། །མི་བསྟན་དགྲའི་སྟེང་དུ་ཐོག་ལྟར་འབེབས། །བར་དུར་ཁྲོད་གཉན་ས་ཀུན་ཏུ་རྒྱུག །སྡང་དགྲ་བོ་བསྒྲལ་ཕྱིར་ཚོགས་ལ་རོལ། །འོག་རྒྱ་མཚོའི་ཀློང་ནས་གྱེན་དུ་འཕྱུར། །དམ་ཉམས་པ་བསྒྲལ་ནས་ཁྲག་ལ་འཐུང་། །ནད་བཞི་བརྒྱ་རྩ་བཞི་ཀུན་གྱི་བདག །གདོན་སྟོང་ཕྲག་བརྒྱད་ཅུས་འཁོར་དུ་བསྐོར། །ཕོ་འཕྱོར་པོ་ཀུན་གྱི་བླ་ཡིད་ཁྱེར། །མོ་འཕྱོར་མོ་ཀུན་གྱི་བཀྲག་མདངས་ལེན། །སྒོམ་ཉམས་ལེན་མཁན་གྱི་དྲོད་ཚད་ཉུལ། །གནས་སྔགས་འཆང་ཀུན་གྱི་ཚོགས་ཁང་འགྲིམ། །ཟས་ཤ་ཁྲག་དྲི་ཚོར་བཟོད་བླག་མེད། །ཁྱེད་སྲིང་རྣམས་དགྱེས་པའི་ལྷག་གཏོར་འབུལ། །མི་བདག་གི་དུས་མིན་འཆི་བ་ཟློག །རྐྱེན་དལ་ཁ་རིམས་ཁ་དགྲ་ལ་སྒྱུར། །ཨོཾ་ཨུཙྪིཥྛ་བྷ་ལི་ཏ་བྷཀྵ་སྭཱ་ཧཱ། ཞེས་ལྷག་གཏོར་

― CMR007_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

པ། དམར་གཏོར་ལ་ཚེ་ཡི་བར་ཆད་ཐམས་ཅད་བཀུག་གཞུག་བྱས་ལ་བདུད་རྩིར་བསམ། ཐོག་མ་བར་དང་ཐ་མའི་བསྐལ་པ་ལ། །བདེ་ཆེན་ཞིང་དང་འཕགས་ཡུལ་གངས་ཅན་དུ། །སྣང་བ་མཐའ་ཡས་པདྨ་འབྱུང་གནས་ཀྱི། །རྒྱུད་སྲུང་རིག་འཛིན་སྒྲུབ་དང་གཏེར་སྦས་ཚེ། །ཌཀྐི་ཆོས་སྐྱོང་དམ་ཅན་ཐམས་ཅད་ཀྱིས། །སྲོག་སྙིང་ཕུལ་ནས་བཀའ་བསྒོས་དམ་བཞག་ཚེ། །སྒྲུབ་པའི་བར་ཆད་སེལ་བར་མ་ཆད་དམ། །རྣལ་འབྱོར་ཚེ་སྲོག་བསྲིང་བར་མ་ཆད་དམ། །རྐྱེན་ངན་བར་ཆད་སེལ་བར་མ་ཆད་དམ། །དམ་རྫས་བརྒྱན་པའི་གཏོར་མ་འདི་བཞེས་ལ། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །ཁྱད་པར་གསང་འདུས་བཀའ་ཡི་སྲུང་མ་སྟེ། །ཨེ་ཀ་ཙ་ཊི་རྡོར་ལེགས་སྨྱོ་ཁ་དང་། །མཁའ་རི་ལྕམ་དྲལ་འཁོར་དང་བཅས་པ་རྣམས། །འདིར་གཤེགས་དམ་རྫས་བཀའ་ཡི་གཏོར་མ་བཞེས། །བདག་ནི་གསང་འདུས་སྒྲུབ་པའི་དམ་ཚིག་ཅན། །སྔོན་ཚེ་སློབ་དཔོན་པདྨ་འབྱུང་གནས་ཀྱིས། །ཇི་ལྟར་བཀའ་བསྒོས་དམ་ཚིག་དྲན་མཛོད་ལ། །འགལ་རྐྱེན་སོལ་ལ་མཐུན་རྐྱེན་བསམ་པ་སྒྲུབས། །རྣལ་འབྱོར་བཅོལ་བའི་ཕྲིན་ལས་

― CMR007_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་པར་མཛོད། །ཅེས་ཕུལ་ནས་གཏོར་སྣོད་བདུད་རྩིས་བཤལ་ལ་བྲན་ནས། ཧྲཱི༔ ཚེ་དབང་རིག་འཛིན་པདྨ་ཐོད་ཕྲེང་གིས། །དམ་ལ་བཏགས་པའི་མ་སྲིང་བརྟན་མའི་ཚོགས། །མཚར་སྡུག་ཡིད་འཕྲོག་རྒྱན་དང་ན་བཟའ་ཅན། །རེ་རེའི་འཁོར་ཚོགས་འབུམ་ཕྲག་དུ་མར་བཅས། །བོད་ཡུལ་མཐའ་དབུས་ཀུན་ལ་བཞུགས་པ་རྣམས། །འདིར་གཤེགས་དམ་རྫས་བཤལ་ཆུའི་མཆོད་པ་བཞེས། །དུས་མིན་འཆི་བའི་རྐྱེན་རྣམས་བཟློག་པ་དང་། །བསམ་པ་བསྒྲུབས་ལ་རེ་བ་ཐམས་ཅད་སྐོངས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཨོཾ་མ་མ་ཧྲིང་ཧྲིང་བྷ་ལིཾ་ཏ་ཁཱ་ཧི་ཁཱ་ཧི། ཞེས་མཆོད། གཏོར་གཞོང་ཁ་སྦུབ་ལ། ཧྲཱི༔ གསང་འདུས་ཚེ་ཡི་ལྷ་ཚོགས་རྣམས། །དབུ་རྒྱན་ཐོར་ཚུགས་ལྡེམས་སེ་ལྡེམ། །ཕྱག་རྒྱ་གར་སྟབས་ཤིགས་སེ་ཤིག །འཛབ་དབྱངས་འབྲུག་སྒྲ་འུ་རུ་རུ། །བགེགས་དང་བར་ཆད་འཆི་བདག་བདུད། །རི་རབ་ཆེན་པོའི་འོག་ཏུ་མནན། །ཚེ་ཡི་ལྷ་ཚོགས་བྲོ་ར་བཅས། །ཟླུམ་པོར་བྲོ་བརྡུང་བར་ཆད་ཞི། །གྲུ་བཞིར་བྲོ་བརྡུང་ཚེ་བསོད་རྒྱས། །ཟླ་གམ་བྲོ་བརྡུང་ཚེ་དབང་རྒྱས། །གྲུ་གསུམ་བྲོ་བརྡུང་ཚེ་བདུད་ཟློག །ཚེ་ལ་གནོད་པའི་

― CMR007_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་དང་བགེགས། །ནམ་ཡང་ལྡང་བར་མ་བྱེད་ཅིག །ཨོཾ་ལཾ་ཧཱུཾ་ལཾ་སྭཱ་ལཾ་ཧྲིལཾ་ཨཱལཾ་ཛཱ་ལ་སམྦྷ་ཡ་ནན། ཞེས་མནན་ནོ། །རྡོ་རྗེའི་ཚིག་འདི་ཡིས་བཀྲ་ཤི་ས་བརྗོད་པ་ནི། །ཧྲཱིཿ ནམ་མཁའ་ཇི་སྲིད་འཆི་བ་མེད། །པདྨ་འབྱུང་གནས་བཀྲ་ཤིས་ཤོག །འཇའ་ལུས་རྡོ་རྗེའི་སྐུ་བརྙེས་པ། །རིག་འཛིན་རྣམས་ཀྱི་བཀྲ་ཤིས་ཤོག །དུས་མིན་འཆི་བ་འཇོམས་མཛད་པ། །གསང་འདུས་ཡབ་ཡུམ་བཀྲ་ཤིས་ཤོག །ཕུང་ཁམས་སྐྱེ་མཆེད་དག་པའི་དངོས། །ཚེ་ཡི་ལྷ་ཚོགས་བཀྲ་ཤིས་ཤོག །སྒྲུབ་པའི་བར་ཆད་སེལ་མཛད་པའི། །བཀའ་སྲུང་རྣམས་ཀྱི་བཀྲ་ཤིས་ཤོག །ཅེས་མེ་ཏོག་གཏོར། ཚེ་སྒྲུབ་གསང་འདུས་ཆོ་ག་ཡི། །མ་ཚང་ཁ་བསྐང་ལྷན་ཐབས་འདི། །བདག་འདྲ་རཱ་གའི་མིང་ཅན་གྱིས། །འབྲུག་ལོ་སྣོན་ཟླའི་ཚེས་བཅུའི་ཉིན། །རང་དང་གཞན་ལ་ཕན་ཕྱིར་བཀོད། །འདི་ལ་འགལ་འཁྲུལ་ཉེས་པའི་ཚོགས། །ཚེ་ཡི་ལྷ་ཚོགས་རྣམས་ལ་བཤགས། །དགེ་བས་ཚེ་ཡི་རིག་འཛིན་བརྙེས། །འཆི་བ་མེད་པ་རྡོ་རྗེའི་སྐུ། །ཚེ་འདི་ཉིད་ལ་འགྲུབ་ཕྱིར་བསྔོ། མངྒ་ལཾ།། །།

ས་ཀྱི་ལྷན་ཐབས་ཨ་རཱ་གས་སོ།

― CMR007_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཀྱི་ལྷན་ཐབས་ཨ་རཱ་གས་སོ། །ན་མོ་གུ་རུ་དྷེ་ཝ་ཌཱ་ཀི་ནི་ཡེ། ཉམས་ཆག་དྲི་མ་མ་ལུས་སྦྱང་འདོད་པ། །བར་ཆད་བསལ་ཞིང་ཚོགས་གཉིས་རྫོགས་པའི་ཕྱིར། །ཚོགས་འཁོར་བཤམས་ནས་བྱིན་རླབས་ལ་སོགས་གཞུང་། །ཞི་དྲག་ཁྲོ་འབར་ལ་སོགས་གང་མོས་བྱ། །ཚོགས་ཕུད་མ་ཕུལ་གོང་དུ་འདི་སྐད་ཅེས། །རོལ་མོ་དབྱངས་དང་བཅས་ཏེ་གྱེར་བར་བྱ། །གནས་འོག་མིན་ཆོས་དབྱིངས་ཕོ་བྲང་ནས། །དཔལ་ཀུན་བཟང་སྟོན་པ་བཅུ་གཉིས་སོགས། །འཁོར་སངས་རྒྱས་གང་གཱའི་བྱེ་སྙེད་བཅས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག ། ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །སེམས་རྫོགས་སངས་རྒྱས་པར་བྱིན་གྱིས་རློབས། །གནས་ནུབ་ཕྱོགས་བདེ་ཆེན་ཞིང་ཁམས་ན། །དཔལ་སྣང་བ་མཐའ་ཡས་ཚེ་དཔག་མེད། །འཁོར་སེམས་དཔའ་ལྷ་མོ་མགྱོགས་མའི་ཚོགས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་

― CMR007_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་གཤེགས་ཚོགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །ལུས་འཆི་མེད་ཐོབ་པར་བྱིན་གྱིས་རློབས་། གནས་པོ་ཊ་ལ་ཡི་རྩེ་མོ་ན། །དཔལ་ཐུགས་རྗེ་ཆེན་པོ་སྤྱན་རས་གཟིགས། །འཁོར་བསྐལ་བཟང་སངས་རྒྱས་སྟོང་གིས་བསྐོར། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚེགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །གནས་རིགས་དྲུག་སྐྱེ་སྒོ་བཅད་དུ་གསོལ། །གནས་ཟངས་མདོག་དཔལ་རིའི་རྩེ་མོ་ན། །དཔལ་པདྨ་འབྱུང་གནས་མཚན་བརྒྱད་རྣམས། །འཁོར་རྗེ་འབངས་ཉེར་ལྔ་རིག་འཛིན་ཚོགས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་

― CMR007_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཁང་འདི་ཉིད་དུ། །སེམས་ལུས་ངག་ཡིད་གསུམ་བྱིན་གྱིས་རློབས། །གནས་རྒྱ་བོད་སྒྲུབ་གནས་ཐམས་ཅད་ནས། །དཔལ་གྲུབ་ཆེན་བརྒྱད་ཅུ་རྩ་ལྔ་དང་། །བོད་གངས་ཅན་གྲུབ་ཐོབ་རྒྱ་མཚོའི་ཚོགས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །སེམས་ཕྱག་རྒྱ་རྟོགས་པར་བྱིན་གྱིས་རློབས། །གནས་རང་ལུས་རྒྱལ་བའི་དཀྱིལ་འཁོར་ནས། །དཔལ་རྡོ་རྗེ་སེམས་དཔའ་རིགས་བརྒྱའི་ཚོགས། །འཁོར་ཐེག་པ་དགུ་ཡི་ལྷ་ཚོགས་རྣམས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས་།གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །ལུས་སྒྲིབ་གསུམ་དག་པར་བྱིན་གྱིས་རློབས། །གནས་ལྷོ་ཕྱོགས་ཨེ་ཡི་

― CMR007_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

གཞལ་ཡས་ནས། །དཔལ་རྡོ་རྗེ་འཇིགས་བྱེད་བྷེ་ཏ་ལི། །འཁོར་ལས་གཤིན་བཞི་སོགས་སྤྲུལ་པའི་ཚོགས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །རྐྱེན་བར་ཆད་བཟློག་པའི་ཕྲིན་ལས་མཛོད། །གནས་དབང་དྲག་རོལ་པའི་དཀྱིལ་འཁོར་ན། །དཔལ་རྟ་ནག་ལྕགས་རལ་ལས་བཞིའི་ཚོགས། །འཁོར་དུར་ཁྲོད་བརྒྱད་ལ་གནས་པ་ཡི། །སྐུ་རབ་འཇིགས་གར་དགུའི་ཉམས་དང་ལྡན། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །ཀླུ་ས་བདག་གནོད་པ་བཟློག་པར་མཛོད། །གནས་པདྨ་འོད་ཀྱི་དཀྱིལ་འཁོར་ན། །དཔལ་དྲག་པོ་དམར་ནག་ཕྲེང་བ་ཅན། །འཁོར་རིགས་བཞི་ཌཱ་ཀི་ཁྲོ་བོ་བཅུ། །སྐུ་རབ་འཇིགས་གར་ད

― CMR007_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

གུའི་ཉམས་དང་ལྡན། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེའི་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །གནས་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །གདོན་རྒྱལ་བསེན་ལྷ་འདྲེའི་གནོད་པ་ཟློག །གནས་ནུབ་ཕྱོགས་ཨོ་རྒྱན་གཞལ་ཡས་ནས། །དཔལ་ཡེ་ཤེས་ཌཱཀི་སེང་གདོང་མ། །འཁོར་གནས་གསུམ་མཁའ་འགྲོ་བྱེ་བ་འབུམ། །དབུ་སྐྲ་ཐོར་ཚུགས་ཅོད་པན་ལྡེམས་སེ་ལྡེམ། །སྐུ་རིན་ཆེན་རྒྱན་ཆ་ཁྲ་ལ་ལ། །ཕྱག་གྲི་ཐོད་སྟངས་སྟབས་ཁྱུགས་སེ་ཁྱུག །ཞབས་གར་ཐབས་བྲོ་རྡུང་ཁྲིགས་སེ་ཁྲིག །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །བདག་སྐལ་ལྡན་རྣམས་ལ་ཡེ་ཤེས་སྤོར། །ཁོང་སྐལ་མེད་རྣམས་ལ་མོས་པ་སྐྱེད། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །གནས་གསང་ཆེན་རོལ་པའི་དུར་ཁྲོད་ནས། །དཔལ་ཨོ་རྒྱན་མ་ནིང་དཔལ་འབར་མ། །འཁོར་སྡེ་བརྒྱད་བསྟན་སྲུང་བྱེ་བ་འབུམ། །སྐུ་ཁྲོ་གཏུམ་སྲིན་པོ་ཁྲོས་པའི་གཟུགས། །གསུང་ང་རོས་སྲིད་པ་གསུམ་ཡང་འདར། །ཐུགས་མི་བཟད་ཁྲོ་

― CMR007_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུམ་མེ་ལྟར་འབར། །ཁྱེད་འདིར་བྱོན་དགྲ་བགེགས་ཚོགས་སུ་རོལ། །རྗེ་པད་འབྱུང་བསྟན་པ་རྒྱས་པ་དང་། །བདག་གསང་སྔགས་བསམ་པ་འགྲུབ་པ་དང་། །ཁོང་ཡོན་བདག་རྐྱེན་ངན་བཟློག་པར་མཛོད། །གནས་མཁའ་སྤྱོད་དཔལ་གྱི་ཙཱ་རི་ན། །དཔལ་ཞིང་སྐྱོང་སེང་གདོང་ཡབ་ཡུམ་ལ། །འཁོར་ནག་པོ་སྟོང་དང་ཤ་ཟ་འབུམ། །གནས་ཞིང་སྐྱོང་མཁའ་འགྲོ་བྱེ་བ་འབུམ། །སྐུ་མ་ངེས་སྤྲུལ་བསྒྱུར་ཅིར་ཡང་སྟོན། །གསུང་དྲག་སྔགས་གླུ་དབྱངས་ཅེ་རེ་རེ། །ཐུགས་བདེ་སྟོང་ཏིང་འཛིན་ངང་ཉིད་ལས། །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །བདག་གསང་སྔགས་བཅོལ་བའི་ཕྲིན་ལས་སྒྲུབས། །ཁོང་ཡོན་བདག་རྣམས་ཀྱི་ཆགས་རྐྱེན་ཟློག །རོལ་མོ་བྱ། དེ་ནས་ཚོགས་བཏེག་ལ། ཨོ་ཨཱཧཱུྃ། ཚོགས་མཆོད་བདུད་རྩིའི་རྒྱ་མཚོ་ལ། །རླངས་པ་མཆོད་པའི་ལྷ་མོའི་ཚོགས། །དཔག་མེད་ནམ་མཁའ་གང་བར་འཕྲོས། །གཟུགས་སྒྲ་དྲི་རོ་རེག་བྱའི་ཚོགས། །བསྟབ་བོ་བསྟབ་བོ་དགྱེས་པར་རོལ། །ག་ཎ་ཞེས་པ་ཚོགས་ཡིན་ཏེ། །སྟེང་བཀའ་བརྒྱུད་བླ་མ་ཚོགས་ལ་རོལ། །བར་ཡི་དམ་ལྷ་ཚོགས་ཚོགས་ལ་རོལ། །འོག་ཆོས་སྤྱོང་སྲུང་

― CMR007_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཚོགས་ལ་རོལ། །གྲོགས་རྡོ་རྗེའི་སྤུན་གྲོགས་ཚོགས་ལ་རོལ། །ཙཀྲ་ཞེས་བྱ་འཁོར་ལོ་སྟེ། །སྒྲིབ་གཉིས་གཅོད་པའི་འཁོར་ལོ་ཡིན། །དུག་ལྔ་གཅོད་པའི་འཁོར་ལོ་ཡིན། །བདུད་བཞི་གཅོད་པའི་འཁོར་ལོ་ཡིན། །སྐྱེ་སྒོ་གཅོད་པའི་འཁོར་ལོ་ཡིན། །ཨ་ལ་ལ་ངོ་མཚར་རྨད་དུ་བྱུང་། །འདི་ནི་ཆོས་ཀྱི་འབྱེད་པའི་སྒོ། །འདི་ནི་བྱིན་རླབས་འཇུག་པའི་ལམ། །འདི་ནི་དངོས་གྲུབ་འབྱུང་བའི་གཞི། །འདི་ནི་དཔའ་བོ་དགྱེས་པའི་ཐབས། །འདི་ནི་མཁའ་འགྲོ་འདུ་བའི་གཞི། །འདི་ནི་ཆོས་སྐྱོང་བསྟེན་པའི་ཐབས། །འདི་ནི་ཆག་ཉམས་བསྐང་བའི་མཆོག །འདི་ནི་སྒྲིབ་གཉིས་བཀྲུ་བའི་ཆུ། །འདི་ནི་བག་ཆགས་གཏོར་བའི་རླུང་། །འདི་ནི་འཁོར་བ་སྒྲོལ་བའི་གྲུ། །ཨེ་མ་ཧོ༔ འདི་ལ་ཐེ་ཚོམ་བྱ་མི་རུང་། །གང་གིས་ཚོགས་ལ་ཐེ་ཚོམ་ན། །ཆུ་བུར་ཅན་གྱི་དམྱལ་བར་ལྟུང་། །ཚེ་འདིར་ཌཱ་ཀིའི་ཆད་པ་འབྱུང་། །དེ་ཕྱིར་ཐེ་ཚོམ་མེད་པར་རོལ། །ཕྱི་མཆོད་ཡུལ་གྱི་ལྷ་རྣམས་ཐུགས་དམ་བསྐང་། །ནང་ལུས་ཀྱི་ལྷ་རྣམས་ཚིམས་པར་རོལ། །ཁ་ཡ་རྐན་རྒྱལ་བ་འོད་དཔག་མེད། །ལྕེ་ཡུམ་མཆོག་ལྷ་མོ་གོས་དཀར་མོ། །དེ་

― CMR007_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་མེད་བདེ་སྟོང་སྦྱོར་བ་ལ། །རོ་མྱོང་སྟོང་ཟག་མེད་བདུད་རྩིར་བསྒྱུར། །དེ་མྱོང་བ་མཆོག་གི་དངོས་གྲུབ་ཐོབ། །གནས་རང་ལུས་རྩ་འཁོར་ལྔ་པོ་རུ། །ལྷ་རིགས་ལྔ་ཡབ་ཡུམ་འཁོར་བཅས་མཉེས། །གནས་ཉི་ཤུ་རྩ་བཞིའི་རྩ་གནས་སུ། །ལྷ་དཔའ་བོ་མཁའ་འགྲོ་ཐམས་ཅད་ཚིམས། །དེ་ཚིམས་པས་དངོས་གྲུབ་རྣམ་གཉིས་སྩོལ། །ཉམས་རྟོགས་པ་ཡར་ངོའི་ཟླ་བ་བཞིན། །བདག་དོན་གཉིས་འགྲུབ་པར་མཛད་དུ་གསོལ། །ཅེས་པ་གུ་རུ་དོན་གྲུབ་ཀྱིས་བསྐུལ་ནས་ཨ་རཱ་གས་བྲིས་པའོ། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚོགས་འཁོར་གཏེར་གཞུང་རྣམས་བྱིན་རླབས་ཆེ་བ།

― CMR007_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་འཁོར་གཏེར་གཞུང་རྣམས་བྱིན་རླབས་ཆེ་བས་ལེགས། འོན་ཀྱང་གཉན་པའི་ཟ་ཚོགས་མ་འདི་འདོན་ན་ལེགས། ཧྲཱི༔ ཆོས་རྣམས་ཡེ་ནས་རྫོགས་པ་ཆེ། །དོན་སྟོང་ཉིད་སྨྲ་བསམ་བརྗོད་ལས་འདས། །དཔེ་ནམ་མཁའ་མཐའ་དབུས་བྲལ་བ་བཞིན། །དོན་ཅི་ཡང་མེད་པ་ཅི་ཡང་འཆར།།དཔེ་མཁའ་ལ་འཇའ་སྤྲིན་ཤར་བ་བཞིན། །སེམས་ཆོས་སྐུའི་ངོ་བོ་ཀུན་ཏུ་བཟང་། །དེ་གཟུགས་སུ་སྣང་བ་པད་འབྱུང་སྐུ། །ཐུགས་ཡིག་འབྲུ་རིག་རྩལ་འགགས་མེད་ལ། །གསུང་ཡིག་འབྲུ་རཾཡཾཁཾདང་གསུམ། །རྀའཕྲོས་པས་མི་གཙང་དྲི་མ་བསྲེག །ཡཾའཕྲོས་པས་དངོས་འཛིན་ཨ་འཐས་གཏོར། །ཁཾའཕྲོས་པས་ཐ་མལ་བག་ཆགས་བཀྲུས། །གསུང་ཡིག་འབྲུ་རཾཡཾཁཾགསུམ་འཕྲོས། །དེ་གནས་འགྱུར་སྐུ་གསུམ་ཡིག་འབྲུར་གྱུར། །ཧཱུཾ་ཐུགས་ཀྱི་ཡི་གེ་རྣམ་རྟོག་སྦྱངས། །ཨཱཐགསུང་གི་ཡི་གེ་བདུད་རྩིར་གྱུར། །ཨོཾ་སྐུ་ཡི་ཡི་གེ་མཆོད་སྤྲིན་གྱུར། །དྷཱིཐུགས་ལས་མཆོད་ལྷ་དཔག་མེད་འཕྲོས། །གནས་འོག་མིན་ཆོས་དབྱིངས་ཞིང་ཁམས་ན། །དཔལ་ཀུན་བཟང་རྡོ་རྗེ་འཆང་ཆེན་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་སེམས་

― CMR007_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཉིས་སུ་མེད་པར་མཆོད། །གནས་དག་པ་ཞིང་ཁམས་ལྔ་པོ་ན། །དཔལ་རྒྱལ་བ་རིགས་ལྔ་ཡབ་ཡུམ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་ལུས་དང་གཉིས་སུ་མེད་པར་མཆོད། །གནས་འཛམ་གླིང་བྱེ་བ་ཕྲག་བརྒྱ་ན། །དཔལ་སྤྲུལ་སྐུ་སངས་རྒྱས་སྟོང་རྩ་ལ། །རྗེས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་སྣང་གཉིས་སུ་མེད་པར་མཆོད། །གནས་གྲུ་འཛིན་བྱེ་བ་ཕྲག་བརྒྱ་ན། །དཔལ་སྤྱན་རིས་གཟིགས་དབང་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་ཐུགས་རྗེ་དང་གཉིས་སུ་མེད་པར་མཆོད། །གནས་རི་བོ་རྩེ་ལྔ་ཕྲག་བརྒྱ་ན། །དཔལ་འཇམ་དབྱངས་བྱེ་བ་ཕྲག་བརྒྱ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་མཁྱེན་རབ་དང་གཉིས་སུ་མེད་པར་མཆོད། །གནས་ལྕང་ལོ་བྱེ་བ་ཕྲག་བརྒྱ་ན། །དཔལ་ཕྱག་ན་རྡོ་རྗེ་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་མཐུ་སྟོབས་དང་གཉིས་སུ་མེད་པར་མཆོད། །གནས་རྔ་ཡབ་བྱེ་བ་ཕྲག་བརྒྱ་ན། །དཔལ་པདྨ་འབྱུང་གནས་བྱེ་བ་བརྒྱར། །རྫས་ཟག་མེད་བདུད་རྩིའི་

― CMR007_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་མཆོད་འབུལ། །དོན་རིག་རྩལ་དང་གཉིས་སུ་མེད་པར་མཆོད། །གནས་ཨོ་རྒྱན་བྱེ་བ་ཕྲག་བརྒྱ་ན། །དཔལ་རྟ་ཕག་ཡབ་ཡུམ་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་བདེ་སྟོང་དང་གཉིས་སུ་མེད་པར་མཆོད། །གནས་རིགས་དྲུག་བྱེ་བ་ཕྲག་བརྒྱ་ན། །ཐུབ་དྲུག་བྱེ་བ་ཕྲག་བརྒྱ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་ཕྱིན་དྲུག་དང་གཉིས་སུ་མེད་པར་མཆོད། །གནས་རྒྱ་གར་བྱེ་བ་ཕྲག་བརྒྱ་ན། །གྲུབ་ཆེན་བྱེ་བ་བརྒྱད་ཅུ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་བླ་མ་དང་གཉིས་སུ་མེད་པར་མཆོད། །གནས་གངས་ཅན་བྱེ་བ་ཕྲག་བརྒྱ་ན། །དཔལ་རྗེ་འབངས་ཉེར་ལྔ་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རིག་སྟོང་དང་གཉིས་སུ་མེད་པར་མཆོད། །གནས་གང་ལ་གང་འདུལ་ཞིང་ཁམས་སུ། །དཔལ་རྩ་བ་བརྒྱུད་པའི་བླ་མ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་པད་འབྱུང་དང་གཉིས་སུ་མེད་པར་མཆོད། །གནས་ཞི་བ་དབྱིངས་ཀྱི་དཀྱིལ་འཁོར་ན། །ལྷ་བུདྡྷ་བཞི་བཅུ་རྩ་གཉིས་

― CMR007_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་སྙིང་དང་གཉིས་སུ་མེད་པར་མཆོད། །གནས་ཁྲག་འཐུང་རོལ་པའི་དཀྱིལ་འཁོར་ན། །འབར་བ་ལྔ་བཅུ་རྩ་གཉིས་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་དུང་ཁང་དང་གཉིས་སུ་མེད་པར་མཆོད། །གནས་འོག་མིན་མཁའ་སྤྱོད་རྣམ་གསུམ་ལ། །དཔལ་དག་པ་རིག་འཛིན་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་མགྲིན་པ་དང་གཉིས་སུ་མེད་པར་མཆོད། །ཡུལ་ཆེན་པོ་ཉི་ཤུ་རྩ་བཞི་ལ། །དཔལ་དཔའ་བོ་མཁའ་འགྲོ་བྱེ་བ་བརྒྱར། །རྗེ་ས་ཟག་མེད་བདུད་རྩིའི་ཚོགས་མཆོད་འབུལ། །དོན་རྩ་ཕྲན་དང་གཉིས་སུ་མེད་པར་མཆོད། །གནས་རབ་འཇིགས་དུར་ཁྲོད་ཆེན་པོ་ན། །དཔལ་མ་མགོན་དམ་ཅན་རྒྱ་མཚོ་ལ། །རྫ་ས་ཟག་མེད་བདུད་རྩི་ཚོགས་མཆོད་འབུལ། །དོན་དམ་ཚིག་དང་གཉིས་སུ་མེད་པར་མཆོད། །གནས་སྟོང་གསུམ་མི་མཇེད་ཞིང་ཁམས་ན། །དྲེགས་པ་སྣང་སྲིད་ལྷ་འདྲེ་ལ། །རྫ་ས་ཟག་མེད་བདུད་རྩིའི་ཚོགས་མཆོད་འབུལ། །དོན་རྣམ་རྟོག་དང་གཉིས་སུ་མེད་པར་མཆོད། །གནས་ནམ་མཁའི་མཐར་

― CMR007_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་ཞིང་ཁམས་ན། །མ་འགྲོ་དྲུག་སེམས་ཅན་ཐམས་ཅད་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་ཡི་དམ་དང་གཉིས་སུ་མེད་པར་མཆོད། །བདག་དེ་ལྟར་ཚོགས་མཆོད་ཕུལ་བའི་མཐུས། །གནས་ཡུལ་འབྲོག་དང་རི་ཁྲོད་གྲོང་པའི་གསེབ། །གར་ཡོད་ཀྱང་འོག་མིན་བདེ་བ་ཅན། །ཞིང་ཡོངས་སུ་དག་པར་བྱིན་གྱིས་རློབས། །མཁར་ཁང་ཁྱིམ་སྦྲ་གུར་སྤྱིལ་བུའི་ཕུག །གར་འདུག་གཞལ་ཡས་སུ་བྱིན་གྱིས་རློབས། །གྲོགས་སྐྱེས་པ་དང་བུད་མེད་བྱི་སྦ་སོགས། །སུ་འགྲོགས་ཡི་དམ་ལྷ་རུ་བྱིན་གྱིས་རློབས། །གདན་ཕྱིང་པ་དང་གཡང་གཞི་རྩྭ་སོགས་ཤིང་། །དེ་གསེར་ཁྲི་པད་མར་བྱིན་གྱིས་རློབས། །སྣོད་ཟངས་ལྕགས་འཁར་བ་ཤིང་གི་སྡེར། །དེ་པདྨ་བྷནར་བྱིན་གྱིས་རློབས། །རླུང་ཟས་ཤ་ཇ་ཆང་ཞོ་ཟན་སོགས། །ཁ་མེ་ཐབ་ལག་གཉིས་དགང་གཟར་སྣོད། །སེམས་ཡི་དམ་ཨ་ཐུང་ཡེ་ཤེས་མེ། །ཟས་བཟའ་བཏུང་སྦྱིན་སྲེག་ཏུ་བྱིན་གྱིས་རློབས། །རླུང་འབྱུང་འཇུག་གནས་གསུམ་རྡོ་རྗེའི་སྔགས། །གཉིད་རྨི་ལམ་ཐ་མལ་སྙོམས་འཇུག་བཞི། །དོན་སྐུ་བཞི་ལྷུན་གྲུབ་ཏུ་བྱིན་གྱིས་རློབས། །དོན་རང་

― CMR007_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དང་ཆོས་དབྱིངས་ནམ་མཁའ་གཉིས། །སྣང་སྲིད་ཀུན་རང་སེམས་རོ་གཅིག་འདྲེས། །ལྷ་སྤྱན་འདྲེན་དང་བཞུགས་གསོལ་མི་དགོས་པའི། །འཁོར་འདས་མཉམ་ཉིད་དུ་བྱིན་གྱིས་རློབས། །ཟས་ཞིམ་བཙོག་མངར་སྐྱུར་གྱི་རྟོག་པ་ལ། །དེ་ངོ་བོ་བལྟས་པས་སྟོང་པར་ཡལ། །ཚོགས་ཕྱི་ནང་ཟག་མེད་བདུད་རྩིར་དམིགས། །ལུས་ཕུང་ཁམས་སྐྱེ་མཆེད་ལྷ་ལ་འབུལ། །དེ་ཟ་འཐུང་ཚོགས་འཁོར་གྱི་གདམས་པ་ཡིན། །གུ་རུ་དེ་ཝ་ཌཱ་ཀི་ནི་ས་པཱ་རི་ཝཱ་ར་ག་ཎ་ཙཀྲ་ལ་ཁ་རཾ་ཁཱ་ཧི་ཁཱ་ཧི། ཞེས་རོལ། ལྷག་མ་ནི། རང་ཡི་དམ་ཞལ་གྱི་ཡར་མར་རྐན། །ལྷ་སྣང་མཐའ་གོས་དཀར་སྦྱོར་མཚམས་ནས། །བདུད་རྩི་བྱང་སེམས་ཐིགས་པ་འཕྲོས། །རྫས་ལྷག་མ་ཤ་ལྔ་བདུད་རྩི་ལྔ། །དོན་ཟག་མེད་ཡེ་ཤེས་བདུད་རྩི་ལྔ། །གཟུགས་ཤ་ཁྲག་རུས་པའི་རྒྱ་མཚོར་གྱུར། །སྔགས་ཧ་ཧོ༔ ཧྲཱིཿཡིས་བྱིན་གྱིས་རློབས། །རྫས་ཁ་དོག་དྲི་རོ་ཕུན་སུམ་ཚོགས། །དོན་རང་གི་རིག་རྩལ་འགགས་མེད་ལ། །ཕྱི་དབང་ཕྱུག་མ་མོ་ཞིང་སྐྱོང་ཚོགས། །གནས་དུར་ཁྲོད་འགྲིམ་ཞིང་ཚོགས་ཁང་ཉུལ། །བུ་དམ་ཚིག་ཅན་ལ་དངོས་གྲུབ་སྟེར། །བཀའ་དམ་ཉམས་རྣམས་ལ་ཆད་

― CMR007_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འབེབས། །མི་ཉམས་རྟོགས་ཅན་གྱི་དྲོད་ཚད་ཉུལ། །མཐོ་ནམ་མཁའི་དབྱིངས་ནས་བྱ་ར་བྱེད། །བར་སྣང་སྲིད་ལྷ་འདྲེ་འཁོར་དུ་ཁྲིད། །དམའ་ས་གཞིའི་ལེགས་ཉེས་སྟངས་རྣམས་གཅོད། །ཕོ་འཕྱོར་པོ་ཀུན་གྱི་བླ་ཡིད་ཁྱེར། །མོ་འཕྱོར་མོ་ཀུན་གྱི་ཡིད་སེམས་བསླུ། །དུས་སྙིགས་དུས་དལ་ཡམས་རྐྱེན་རྣམས་འབེབས། །དགྲ་ཞིང་བཅུ་ཚང་བའི་ཚེ་སྲོག་གཅོད། །གནས་དུར་ཁྲོད་གནས་རི་ཐམས་ཅད་ཉུལ། །ཟས་ཤ་ཁྲག་ལྷག་མའི་གཏོར་མ་ཟས། །མི་དམ་ཚིག་ཅན་ལ་སྲིང་བས་གདུང་། །ཆོས་སྙིང་ནས་བྱེད་ལ་མ་བས་བྱམས། །མི་བསྟན་བཤིག་རྣམས་ལ་ཞེ་རེ་ནག །སྟོབས་རྫུ་འཕྲུལ་གནམ་ས་ཁ་ཞབས་བསྒྱུར། །བང་མྱུར་མགྱོགས་གློག་དང་སྐར་མདའ་འདྲ། །མཐུ་དྲག་རྩལ་ནམ་མཁའི་གློག་བས་ཆེ། །སྔོན་དཔལ་ཆེན་རིག་འཛིན་སྤྱན་སྔ་རུ། །དུས་མ་འོངས་གསང་སྔགས་ཉམས་ལེན་པ། །དེ་སྤྱི་བོའི་གཙུག་ཏུ་བཀུར་བ་དང་། །སྙིང་ཐག་པའི་བུ་བཞིན་མི་སྐྱོང་རེ། །དེ་རང་དམ་བཅའ་ལ་ཐ་ཚིག་བཞག །དོན་རྫོགས་སངས་རྒྱས་དང་དབྱེར་མེད་ཀྱང་། །འཕྲལ་གསང་སྔགས་བསྟན་པ་བསྲུང་བའི་ཕྱིར། །ལུས་

― CMR007_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

བྲན་གཡོག་ཕོ་མོའི་ཚུལ་གནས་པའི། །ཁྱེད་མཉེས་པའི་ལྷག་གཏོར་ངས་འབུལ་གྱིས། །ང་རྣལ་འབྱོར་དགའ་བའི་དངོས་གྲུབ་བྱིན། །དོན་སྟོངས་གྲོགས་མེ་ལྕེ་བཀའ་བཞིན་མཛོད་། །སརྦ་པྲ་ཏ་བ་ལིཾ་ཏ་ཁཱ་ཧི། མི་བདག་གིས་དུས་གསུམ་དགེ་བསགས་དང་། །ཟས་ཚོགས་ཀྱི་འཁོར་ལོ་བསྐོར་བའི་མཐུས། །ཚེ་འདི་ལ་ནད་གདོན་བར་ཆད་ཞི། །ཚེ་བསོད་ནམས་ཉམས་རྟོགས་འཕེལ་ཞིང་རྒྱས། །རང་རླུང་སེམས་སྣང་བ་དབང་དུ་འདུས། །དགྲ་བདུད་བཞིའི་གཡུལ་ལས་རབ་རྒྱལ་ནས། །ཚེ་འདི་ལ་པད་འབྱུང་སྐུ་འགྲུབ་ཤོག །དོན་སྣང་སྲིད་དག་པ་རབ་འབྱམས་ཞིང་། །དེ་ཡིན་ལ་ཡིན་པར་ངོ་འཕྲོད་ནས། །དེ་དངོས་སུ་འཆར་བའི་བཀྲ་ཤིས་ཤོག །ཅེས་ཡོས་ལོ་ས་གའི་ཉེར་དགུ་ལ། །རང་རྣམ་གཡེང་མང་པོས་གཡེང་སྐབས་ལ། །བུས་བྲིས་ཤོག་གཏད་ནས་བསྐུལ་བའི་ངོར། །འཕྲལ་གང་དྲན་བྲིས་པའི་ཚོགས་མགུར་འདི། །ཁྱེད་དུས་མིན་ཤ་ཆང་ལོངས་སྤྱོད་ཚེ། །འདི་བཏོན་པའི་སྔགས་ནུས་མི་ཉམས་ཤོག །ཟས་ཤ་ཆང་ལ་སོགས་བཟའ་བཏུང་ཚེ། །འདི་བཏོན་པས་བསོད་ནམས་ཚོགས་སུ་གྱུར། །ཚོགས་བྲི་བཞིན་བཤམས་ནས་བཏོན་ནས་ཀྱང་། །དོན་མ་ཚང་ལྷག་ཆད་འདི་ལ་མེད། །ཚིག་རྣམས་ཀྱི་དོན་རྩ་འདི་ལས་མེད། །དེ་སྐྱེས་ནས་ཉམས་རྟོགས་བོགས་སུ་

― CMR007_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར། །ཚིག་དེ་སྐད་རཱ་ག་ཨ་སྱས་སོ། །བཀྲ་ཤིས་ཤིང་ཉམས་རྟོགས་འཕེལ་རྒྱས་ཤོག། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསང་འདུས་སྒྲུབ་ཆེན་གྱི་དབང་ཁོལ་དུ་ཕྱུང་བ་ཚེ་སྒྲུབ་གསང་འདུས་ཀྱི་དབང་ཡང་།

― CMR007_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་འདུས་སྒྲུབ་ཆེན་གྱི་དབང་ཁོལ་དུ་ཕྱུང་བ་ཚེ་སྒྲུབ་གསང་འདུས་ཀྱི་དབང་ཡང་ཡིན༔

― CMR007_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་འདུས་སྒྲུབ་ཆེན་ལས༔ ཚེ་འགུགས་པ་ནི༔ རཏྟའི་བུམ་པ་ཚད་ལྡན་བགེགས་བསྐྲད་གུ་གུལ་བདུག་ལ༔ ཛ་གད་ཉུང་ངུས་བཀང་ལ༔ དར་དམར་མགུལ་ཆིངས་གཟུངས་ཐག་ལུ་གུ་རྒྱུད་རྣམས་བཏགས༔ ཨ་མྲྀ་ཏ་དང་མར་སྦྱར་རིལ་བུ་མཆེད་དང་མཉམ་པར་བསྒྲུབ༔ ཁ་རྒྱན་ཚེ་བཤོས་རྟ་མགོས་མཛེས་པར་མར་ཁུས་སྦྲུས་ལ༔ དཀྱིལ་འཁོར་དབུས་སུ་ནས་དཀར་མོ་བྲེ་གསུམ་ལས་མི་ཉུང་བའི་སྟེང་དུ་ཚེ་རྟེན་གསེར་གཡུ་དང་བཅས་པའི་དཀྱིལ་འཁོར་དུ་བུམ་པ་བཞག དེའི་མདུན་དུ་ཚེ་ཆང་མར་ཟན་ཅན་ཚེ་འབྲས་ཀྱིས་བཀང་ལ་བཞག༔ ཚེའི་མདའ་དར་མེ་ལོང་དང་བཅས་པ་བཞག༔ བགེགས་བསྐྲད༔ བདག་ཉིད་མི་དམིགས་པ་ལས་སྐད་ཅིག་གིས་ཚེ་དཔག་མེད་དུ་གསལ་བའི་ཐུགས་ཀར་ཧཱུྃ་ལས་ཨོཾ་

― CMR007_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

བྷྲཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཞེས་འབྲུ་བརྒྱད་ཀྱིས་བསྐོར་བར་བསམ༔ བདག་ཉིད་ཐུགས་ཀ་ནས་ཧཱུྃ་ཞིག་འཕྲོས་བུམ་པའི་ནང་དུ་ལམ་གྱིས་གསལ་བའི་མཐར་ཡང་འབྲུ་བརྒྱད་ཀྱིས་བསྐོར་བར་བསྒོམ༔ བདག་དང་བུམ་པ་གཉིས་ཀ་ཚེ་དཔག་མེད་ལ་རིགས་ལྔ་ཡུམ་ལྔ་ལྷ་མོ་བཞི་མགྱོགས་མ་བཞིས་བསྐོར་བར་བསྐྱེད་དོ༔ དེ་ནས་གཟུངས་ཐག་འཐེན་ལ༔ སྤྲོ་བསྡུ་བྱས་པས་འཇིག་རྟེན་གྱི་ཁམས་ཐམས་ཅད་ཚེ་ཡི་རང་བཞིན་ཚྭ་དང་ཨཱདང་ཧཱུཾ་གསུམ་གྱི་རང་བཞིན་དུ་བཀྲ་མེ་རེ་རེ་སྣོད་བཅུད་ཐམས་ཅད་ཞུ་ཞིང་ཁེངས་པས་འུབ་འུབ་བསྡུས་པས་བུམ་པ་འབྲུ་གསུམ་གྱིས་མེར་

― CMR007_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་གང་བདག་ལ་ཐིམ་པར་བསྒོམ་ཞིང་ཚེ་ཡི་ལྷ་ཚོགས་ཐམས་ཅད་གཡས་ཐམས་ཅད་ཚེ་ཡི་མདའ་དར་རིགས་ལྔ༔ གཡོན་རྣམས་ཚེ་ཡི་བུམ་པ་བསྣམས་པར་བསམས་ལ་ཐམས་ཅད་ཀྱིས༔ ཧཱུྃ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨོ་དྷཱི་བཛྲ་ཨཱ་ཡུ་ཤེ་ཧཱུྃ་ཨཱ༔ སྭཱ་ཧཱུཾབཛྲ་ཨཱ་ཡུ་ཤེ་ཧཱུྃ་ཨཱ༔ ཨཱཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཧཱ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཞེས་རེ་རེ་ལ་བརྒྱ་རྩ་བརྒྱད་བཟླའོ༔ ས་བོན་ལྔ་གོང་གི་གཙོར་བྱས་འདྲེན་པ་ལྟར་རིགས་ལྔ་དང་འབྱུང་བ་ལྔའི་དྭངས་མ་དང་འབྲུ་གསུམཾ་ཏིང་ངེ་འཛིན་གསལ་བས་དབུགས་ཀྱི་རྟ་ལ་དྲངས་ཏེ་ཤངས་རླུང་སྒྲོམ་ལས་ཀྱང་ཧཱུྃ་འཕྲོས་འབྲུ་གསུམ་དང་ཁྱད་པར་ཀྲྀ་འཁྱམས་པ་རང་གི་བླ་ཚེ་ཡར་བ་གདོན་བགེགས་ཀྱིས་ཁྱེར་བ་ཐམས་ཅད་རང་དབང་མེད་པར་བསྡུས་ཤིང་བཀུག་ལ་བུམ་པ་དང་བདག་ལ་ཡང་ཡང་གསལ་བར་བསྟིམ་ཞིང་རང་ལུས་དང་བུམ་པ་ཁེང་ཞིང་ཁྱད་པར་རང་གི་སྙིང་ཉི་ཟླའི༔ གའུ་ཡི་བར་དུ་སྲོག་གི་རྟེན་འབྲུ་གསུམ་བསྟིམས་པས་བཀྲག་མདངས་གཟི་བརྗིད་དང་ལྡན་པར་བསྒོམ༔ ལས་བུམ་ཉིད་ལས་ཀྱི་ཁྲོ་བོ་བདུད་རྩི་འཁྱིལ་པ༔ ལྗང་སེར་གྱི་རྒྱ་གྲམ་སྡིགས་མཛུབ་མཛད་པ༔ ཨོཾ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ལྷ་ཉིད་ཀྱང་ཡེ་ཤེས་ཀྱི་

― CMR007_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩིར་ཞུ༔ དེ་ནས་ཁྲུས་བྱས་ནས་དབང་བསྐུར༔ ཧཱུྃ༔ ཇི་ལྟར་བལྟམས་པ་ཙམ་གྱིས་ནི༔ ལྷ་རྣམས་ཀུན་གྱིས་ཁྲུས་གསོལ་ལྟར༔ དེ་བཞིན་དག་པ་ལྷ་ཡི་ཆུས༔ སྒྲུབ་མཆོག་རྣམས་ལ་ཁྲུས་གསོལ་ལོ༔ ཞེས་ལས་བུམ་གྱི་སྔགས་བཟླ་ཞིང་ཆབ་བཏང་༔ དེ་ནས་བགེགས་གཏོར༔ ཧཱུྃ༔ བྱང་ཆུབ་སྒྲུབ་ལ་མི་དགའ་བའི༔ མི་དང་མི་མིན་འབྱུང་པོའི་ཚོགས༔ ལན་ཆགས་གླུད་གཏོར་འདི་ལོངས་ལ༔ གནས་འདིའི་འཁོར་ཡུག་ཚུན་ཆད་དུ༔ སྐད་ཅིག་ཙམ་ལ་འདའ་མ་བྱེད༔ གལ་ཏེ་མི་ཉན་འདས་གྱུར་ན༔ རྡོ་རྗེ་ཁྲོ་ཚོགས་དཔག་མེད་ཀྱིས༔ ལུས་ངག་ཡིད་གསུམ་རླག་པར་བྱེད༔ འདིར་འདུག་འཇུག་པའི་གནས་མིན་གྱིས༔ དེ་བས་མ་འདུག་གཞན་དུ་དེངས༔ ཨོཾ་སུམ་བྷ་ནི་སོགས་ནས་ལྕག་བྲབ༔ འོ་ན་ལོ་རྒྱུས་ཟུར་ཙམ་ཞུ་ན༔ གནས་ཕུན་སུམ་ཚོགས་པ་ནུབ་ཕྱོགས་བདེ་བ་ཅན་གྱི་ཞིང་ཁམས་ན༔ རིགས་བདག་སྣང་བ་མཐའ་ཡས་འཁོར་དཔག་ཏུ་མེད་པ་དང་བཅས་ཏེ་བཞུགས་པའི་ཚེ༔ སྤྱན་རས་གཟིགས་ཀྱིས་ཞུས་ནས༔ ཐུགས་རྗེ་ཆེན་པོ་གསང་བ་འདུས་པའི་རྒྱུད་གསུངས་སླར་ཡང་འཁོར་རྣམས་ཀྱིས་ཞུས་པར༔ བཅོམ་ལྡན་འདས་ཀྱིས་

― CMR007_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་སྩལ་པ༔ ཉོན་ཅིག་རིགས་འདུས་སྤྲུལ་པའི་འཁོར༔ ལས་ཚོགས་རིམ་པ་བསྟན་པ་ནི༔ ཐོག་མར་རིག་འཛིན་ཚེ་ཉིད་བསྒྲུབ༔ ཅེས་ཚེ་སྒྲུབ་ཀྱི་ལེའུ་གསུངས་ནས་འདི་ལྟ་བུ་ཡི་སྦྱོར་བ་ཡིས༔ དུས་མིན་ཚེ་ཡི་བར་ཆད་ཟློག༔ ལུས་སེམས་བདེ་བའི་ཉམས་རྟོགས་འཆར༔ ཕྱོགས་བཅུའི་རྒྱལ་བའི་བྱིན་གྱིས་བརླབས༔ དངོས་གྲུབ་ཚེ་ལ་དབང་བ་དང་༔ ཕྱི་མ་བདེ་ཆེན་གནས་སུ་འགྲོ༔ ཞེས་གསུངས་ཏེ༔ རྒྱུད་ཚིག་དེ་ལ་བརྟེན་ནས༔ ཨོ་རྒྱན་རིན་པོ་ཆེས་ཚེ་སྒྲུབ་གསང་འདུས་ཀྱི་སྐོར་རྣམས་མཛད་པ་ཡིན་པས་ཚེ་སྒྲུབ་གསང་འདུས་ཀྱི་སྐོར་ཐམས་ཅད་ཐུགས་རྗེ་ཆེན་པོ་གསང་འདུས་ཀྱི་ཆ་ལག་ཡིན་པའི་ཕྱིར༔ ཐུགས་རྗེ་ཆེན་པོ་གསང་འདུས་ཀྱི་ཐེམ་ཡིག་ལས༔ མཐར་ཐུག་ཟབ་མོ་ཚེ་སྒྲུབ་སྐོར་དག་ལས༔ ཚེ་སྒྲུབ་གསང་འདུས་དེ་ཡི་བསྟོད་བསྐུལ་དང་༔ ཚེ་སྒྲུབ་གསང་འདུས་ཡང་ཟབ་སྒྲུབ་པ་དང་༔ ཕྱི་ནང་གསང་གསུམ་སྤྲ་ཁྲིད་རྟགས་ཡིག་བཅས༔ འཆི་མེད་ཚེ་ཡི་བཅུད་ལེན་མཐར་ཐུག་གོ༔ ཞེས་གསུངས་སོ༔ དེ་ལྟར་ཚེ་སྒྲུབ་གསང་འདུས་འདི་ལ་ང་གི་རིམ་པ་ལ་བཞི་སྟེ༔ སྒྲུབ་དབང་ཆེན་མོ་དང་༔ སྤྲོས་བཅས་བུམ་དབང་

― CMR007_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

དང་༔ མཆོག་དབང་སྐོར་གསུམ་དང་༔ གཏོར་དབང་བསྡུས་པ་དང་བཞི་ཡོད་དེ༔ དེའི་ནང་ནས་མཆོག་དབང་ནི་ཟབ་ལམ་གསང་འདུས་ཉམས་སུ་ལེན་ན་དགོས་ཀྱིས༔ དེ་མིན་ན་མ་ཐོབ་ཀྱང་རུང་ཚེ་སྒྲུབ་གསང་འདུས་ཀྱི་ལས་བྱང་འདོན་པ་དང་༔ ཕྱི་ནང་གསང་སྒྲུབ་སོགས་གང་བྱེད་ཀྱང་རུང་༔ སྒྲུབ་དབང་དང་བུམ་དབང་དང་གཏོར་དབང་གསུམ་གང་རུང་ཐོབ་ནས་ཉམས་སུ་ལེན་ཆོག་པ་ཡིན་པས༔ ད་རེས་སྒྲུབ་ཆེན་ནས་ཁོལ་དུ་ཕྱུང་བའི་སྒྲུབ་དབང་བསྐུར་བ་ཡིན་ཏེ༔ འདི་ཡི་བརྒྱུད་པ་ནི༔ གཏེར་སྟོན་རཏྣ་གླིང་པ༔ རྒྱལ་སྲས་ཚེ་དབང་གྲགས་པ༔ རྔོག་པ་ཤཱཀྱ་བཀྲ་ཤིས༔ མཁར་དྲུང་བསོད་ནམས་བཀྲ་ཤིས༔ ཚེ་ཆོག་པ་པདྨ་དབང་ཕྱུག༔ སྔགས་འཆང་བཀྲ་ཤིས་དབང་ཕྱུག རིག་འཛིན་ཀརྨ་དོན་ཡོད༔ དེས་བདག་རཱ་ག་ཨ་སྱ་ལའོ༔ ཡང་གཏེར་སྟོན་རཏྣ་གླིང་པ༔ དགོངས་འདུས་ཆོས་རྡོ་རྗེ༔ ཟུར་མང་བློ་གྲོས་དཔལ་འབྱོར༔ མཁས་གྲུབ་ཀརྨ་མཐར་ཕྱིན༔ ཀརྨ་རིཏྣ༔ རིག་འཛིན་ཀརྨ་འདུལ་བ༔ དེས་བདག་རཱ་ག་ཨ་སྱ་ལའོ༔ བརྒྱུད་པ་དེ་དག་དབང་ལུང་ཙམ་མ་ཡིན་པར་སྒྲུབ་པའི་རྒྱུན་

― CMR007_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཆད་པའོ༔ དེ་ལྟ་བུའི་དབང་ཞུ་བའི་ཕྱིར་མཎྜལ་ཕུལ༔ འདིའི་རྗེས་ཟློས་མཛོད༔ བླ་མ་གསང་སྔགས་ཆེ་བའི་མཆོག རྡོ་རྗེ་འཛིན་པ་དཀྱིལ་འཁོར་བདག ཚེ་དཔག་མེད་པ་སྐྱབས་ཀྱི་མཆོག༔ དབང་རྫོགས་བདག་ལ་བསྐུར་བར་ཞུ༔ ཞེས་ལན་གསུམ་ཕུལ་རྗེས་བླ་མ་ཡིས༔ ཚོགས་ཀྱི་དཀྱིལ་འཁོར་འདིར་འདུས་པས། ཁྱེད་རྣམས་སྣོད་དང་སྐལ་ལྡན་ནི༔ བདག་གིས་རྗེས་སུ་བཟུང་བར་བགྱི༔ དེ་ནས་སྐྱབས་འགྲོ་སེམས་བསྐྱེད་འདིའི་རྗེས་ཟློས་མཛོད༔ ན་མོ༔ དཀོན་མཆོག་གསུམ་དང་ཡི་དམ་ལྷ༔ རྒྱལ་བ་རྒྱ་མཚོའི་ཚོགས་བཅས་ལ༔ བདག་དང་འགྲོ་བ་སེམས་ཅན་རྣམས༔ སྒོ་གསུམ་གུས་པས་སྐྱབས་སུ་མཆི༔ ལན་གསུམ། ཧོཿ དུས་གསུམ་བླ་མ་མཆོག་དགོངས་ཤིག༔ འདི་བཟུང་བྱང་ཆུབ་མ་ཐོབ་བར༔ འགྲོ་དྲུག་སེམས་ཅན་ཐམས་ཅད་ལ༔ ཕ་མའི་འདུ་ཤེས་ཉེར་བཞག་སྟེ༔ མ་སྒྲལ་བསྒྲལ་དང་མ་གྲོལ་དགྲོལ༔ དབུག་དབྱུགས་མྱ་ངན་འདས་ལ་འགོད༔ སྨོན་པ་བྱང་ཆུབ་སེམས་བསྐྱེད་དོ༔ ལན་གསུམ། སྔོན་གྱི་རྒྱལ་བ་ཐམས་ཅད་ཀྱིས༔ སྡོམ་པ་ལ་ནི་གནས་པ་ལྟར༔ འདི་བཟུང་བྱང་ཆུབ་མ་ཐོབ་བར༔ བླ་མེད་

― CMR007_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་པ་བྱང་ཆུབ་སེམས༔ བདག་ཅག་རྣམས་ཀྱིས་སྤྱད་པར་བགྱི༔ ལན་གསུམ། དེ་ནས། ཧཱུྃ༔ གསང་བ་གསུམ་གྱི་དམ་ཚིག་ནི༔ ཁྱོད་ཀྱིས་ཡང་དག་ས་གྱུར་ཏེ༔ འདི་ཀུན་ཉམས་ན་ཉེས་ཆེན་ནོ༔ དེ་ཕྱིར་ཁྱོད་ཀྱིས་ཡང་དག་ཟུངས༔ ས་མ་ཡ་མེ་མི་ཏ་ཛ༔ རྡོ་རྗེ་གནས་གསུམ་དུ་བཞག་ཅིང་༔ སྐུ་གསུང་ཐུགས་ཀྱི་རྡོ་རྗེ་ནི་མཆོག་གི་དམ་པ་ཁྱོད་ཀྱིས་ཐོབ༔ ཚུལ་འདི་སྨྲ་བའང་མ་ཡིན་ཞིང་༔ མི་འགྱུར་རྡོ་རྗེ་མཆོག་ཐོབ་འགྱུར༔ ཨོཾ་ཨཱ༔ ཧཱུྃ་ཀ་ཏུ་ར་ཀཾ་ཧཱུྃ་ཛ༔ སློབ་མ་མི་དམིགས་པ་ལས་སྐད་ཅིག་གིས་ཚེ་དཔག་མེད་དུ་གསལ་བའི་ཐུགས་ཀར་ཧཱུྃ་ལ༔ ཨོཾ་ཤྲཱི་བཛྲ་ཨཱ་ཡུ་ཤེ་ཧཱུྃ་ཨཱ༔ ཞེས་འབྲུ་བརྒྱད་ཀྱིས་བསྐོར་བར་བསྒོམས་ལ༔ བླ་མ་དང་བུམ་པ་གཉིས་ཀ་ཚེ་དཔག་མེད་ལ་རིགས་ལྔ་ཡུམ་ལྔ་ལྷ་མོ་བཞི་མགྱོགས་མ་བཞི་སྒོ་མ་བཞིས་བསྐོར་བར་བསྒོམ༔ སྤྲོ་བསྡུས་བྱས་པས་འཇིག་རྟེན་གྱི་ཁམས་ཐམས་ཅད་ཚེ་ཡི་རང་བཞིན་ཧྲི་དང་ཨཱདང་ཧཱུཾ་གསུམ་གྱི་རང་བཞིན་དུ་བཀྲ་མེ་རེ་རེ་སྣོད་བཅུད་ཐམས་ཅད་ཞུ་ཞིང་ཁེངས་པས་འུབ་འུབ་བསྡུས་པས་བུམ་པ་འབྲུ་གསུམ་གྱིས་མེར་གྱིས་ཁེངས་ཁྱེད་རང་རྣམས་ལ་ཐིམ་པར་བསྒོམ་ཞིང་ཚེའི་ལྷ་ཚོགས་ཐམས་

― CMR007_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀྱང་གཡས་ཐམས་ཅད་ཚེ་ཡི་མདའ་དར་རིགས་ལྔ༔ གཡོན་རྣམས་ཚེའི་བུམ་པ་བསྣམས་པར་བསྒོམས་ལ༔ རིགས་ལྔ་དང་འབྱུང་བ་ལྔའི་དྭངས་མ་དང་འབྲུ་གསུམ་ཏིང་འཛིན་གསལ་བར་དབུགས་ཀྱི་རྟ་ལ་དྲངས་ཏེ་ཤངས་རླུང་སྒྲོམ་ལས་ཧཱུྃ་འཕྲོས་འབྲུ་གསུམ་དང་ཁྱད་པར་ཀྲྀ་འཁྱམས་པ་ཁྱེད་རང་གི་བླ་ཚེ་ཡར་བ་གདོན་བགེགས་ཀྱིས་ཁྱེར་བ་ཐམས་ཅད་རང་དབང་མེད་པར་བསྡུས་ཤིང་བཀུག་ལ་བུམ་པ་དང་ཁྱེད་རང་རྣམས་ལ་ཡང་ཡང་གསལ་བར་བསྟིམ་ཞིང་ཁྱེད་རང་གི་ལུས་དང་བུམ་པ་ཁེངས་ཤིང་ཁྱད་པར་ཁྱེད་རང་གི་སྙིང་ཉི་ཟླའི་གའུ་ཡི་བར་སྲོག་རྟེན་འབྲུ་གསུམ་ལ་བསྟིམས་པས་བཀྲག་མདངས་གཟི་བརྗིད་དང་ལྡན་པར་བསྒོམ་ཞིང་༔ ཚེ་མདའ་གཡབ་ཅིང་ཚེ་བསྐུལ་ཏེ༔ ཧཱུྃ༔ བཅོམ་ལྡན་མགོན་པོ་ཚེ་དཔག་མེད༔ སྐུ་མདོག་དམར་འཚེར་འོད་ཟེར་འབར༔ ཕྱག་གཡས་རྡོ་རྗེ་ཚེ་དར་འཛིན༔ གཡོན་པས་ཚེ་ཡི་བུམ་པ་འཛིན༔ ཡང་གསང་ཐུགས་ཀྱི་གའུ་ནས༔ སྙིང་པོ་ཐུགས་ཀྱི་ཨཱ་ཡུ་འདི༔ མགོན་པོ་ཚེ་ཡི་བཞུགས་གནས་ཡིན༔ བདག་ཅག་ཚེ་སྲོག་བརྟན་པར་མཛོད༔ ཨོཾ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱཿ ཞེས་འབྲུ་བརྒྱད་བརྗོད་པས། ཡབ་ཡུམ་གྱི་སྦྱོར་མཚམས་ནས་

― CMR007_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་འཕྲོས༔ འཇིག་རྟེན་གྱི་ཁམས་ཐམས་ཅད་ཚེའི་བཅུད་ཀྱིས་གང་བར་བསྒོམ་སྟེ་ཚེའི་ཕོ་ཉ་བསྐུལ་ཏེ༔ ཧཱུྃ༔ ཤར་གྱི་ཕྱོགས་ནས་ཚེ་འགུགས་མ༔ ལཱ་སྱ་དཀར་མོ་ཚེ་ཡི་བདག༔ ཕྱག་ན་ཚེ་ཡི་བུམ་པ་བསྣམས༔ བུམ་པའི་རང་བཞིན་གཞལ་ཡས་ཁང་༔ གཞལ་གཡས་ཁང་ལ་ཕྱི་ནང་མེད༔ བུམ་པའི་ཁ་རྒྱན་དཔག་བསམ་ཤིང་༔ བུམ་པའི་མགུལ་ཆིངས་ལེ་བརྒན་དར༔ བུམ་པའི་གཟུངས་ཐག་ལུ་གུ་རྒྱུད༔ ལུ་གུ་རྒྱུད་ལ་པདྨའི་ཕྲེང་༔ ཤར་གྱི་ཕྱོགས་ནས་ཚེ་ཁུག་ཅིག༔ ཧཱུྃ༔ ལྷོ་ཡི་ཕྱོགས་ནས་ཚེ་འགུགས་མ༔ ༈ མ་ལུ་སྔོན་མོ་ཚེ་ཡི་བདག༔ ཕྱག་ན་ཚེ་ཡི་བུམ་པ་བསྣམས༔ བུམ་པའི་རང་བཞིན་གཞལ་ཡས་ཁང་༔ གཞལ་གཡས་ཁང་ལ་ཕྱི་ནང་མེད༔ བུམ་པའི་ཁ་རྒྱུན་དཔག་བསམ་ཤིང་༔ བུམ་པའི་མགུལ་ཆིངས་ལེ་བརྒན་དར༔ བུམ་པའི་གཟུངས་ཐག་ལུ་གུ་རྒྱུད༔ ལུ་གུ་རྒྱུད་ལ་པདྨའི་ཕྲེང་༔ ལྷོ་ཡི་ཕྱོགས་ནས་ཚེ་ཁུག་ཅིག །ཧཱུྃ༔ ནུབ་ཀྱི་ཕྱོགས་ནས་ཚེ་འགུགས་མ༔ བྷི་རྟི་དམར་མོ་ཆེ་ཡི་བདག ཕྱག་ན་ཚེ་ཡི་བུམ་པ་བསྣམས༔ བུམ་པའི་རང་བཞིན་གཞལ་ཡས་ཁང་༔ གཞལ་གཡས་ཁང་ལ་ཕྱི་

― CMR007_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་མེད༔ བུམ་པའི་ཁ་རྒྱན་དཔག་བསམ་ཤིང་༔ བུམ་པའི་མགུལ་ཆིངས་ལེ་བརྒན་དར༔ བུམ་པའི་གཟུངས་ཐག་ལུ་གུ་རྒྱུད༔ ལུ་གུ་རྒྱུད་ལ་པདྨའི་ཕྲེང་༔ ནུབ་ཀྱི་ཕྱོགས་ནས་ཚེ་ཁུག་ཅིག༔ ཧཱུྃ༔ བྱང་གི་ཕྱོགས་ནས་ཚེ་འགུགས་མ༔ ནཱིཏི་ལྗང་མོ་ཚེ་ཡི་བདག༔ ཕྱག་ན་ཚེ་ཡི་བུམ་པ་བསྣམས༔ བུམ་པའི་རང་བཞིན་གཞལ་ཡས་ཁང་༔ ། གཞལ་གཡས་ཁང་ལ་ཕྱི་ནང་མེད་བུམ་པའི་ཁ་རྒྱན་དཔག་བསམ་ཤིང་༔ བུམ་པའི་མགུལ་ཆིངས་ལེ་བརྒན་དར༔ བུམ་པའི་གཟུངས་ཐག་ལུ་གུ་རྒྱུད༔ ལུ་གུ་རྒྱུད་ལ་པདྨའི་ཕྲེང་༔ བྱང་གི་ཕྱོགས་ནས་ཚེ་ཁུག་ཅིག༔ ཅེས་བསྐུལ་བས་འཇིག་རྟེན་ཁམས་ཀྱི་ཚེ་བཅུད་ཐམས་ཅད་ལྷ་མོ་རྣམས་ཀྱི་བུམ་པར་འུབས་སེ་བསྡུས་པར་བསམས་ལ༔ ཤིན་ཏུ་ཡང་མགྱོགས་མ་རྣམས་བསྐུལ་ལོ༔ ཧཱུྃ༔ ཤར་ཕྱོགས་དཀར་མོ་ཤེལ་གྱི་གཞལ་གཡས་ནས༔ དཀར་མོ་མགྱོགས་མ་ཚེ་ཡི་བུམ་པ་འཛིན༔ ཐུགས་ཀྱི་སྤྲུལ་པ་དཀར་མོ་མགྱོགས་མ་འབུམ༔ རྡོ་རྗེའི་ཚེ་མཆོག་འགུགས་པའི་ལས་མཛོད་ཅིག༔ ཧཱུྃ༔ ལྷོ་ཕྱོགས་བཻཌཱུརྱ་ཡི་ཞིང་ཁམས་ནས་སྔོན་མོ་མགྱོགས་མ་ཚེ་ཡི་བུམ་པ་འཛིན༔ ཐུགས་ཀྱི་སྤྲུལ་པ་སྔོན་མོ་མགྱོགས་མ་

― CMR007_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

འབུར༔ རིན་ཆེན་ཚེ་མཆོག་འགུགས་པའི་ལས་མཛོད་ཅིག༔ ཧཱུྃ༔ ནུབ་ཕྱོགས་པདྨ་རཱ་གའི་ཞིང་ཁམས་ནས༔ དམར་མོ་མགྱོགས་མ་ཚེ་ཡི་བུམ་པ་འཛིན༔ ཐུགས་ཀྱི་སྤྲུལ་པོ་དམར་མོ་མགྱོགས་མ་འབུམ༔ པདྨ་ཚེ་མཆོག་འགུགས་པའི་ལས་མཛོད་ཅིག༔ ཧཱུྃ༔ བྱང་ཕྱོགས་ཨིནྡྲ་ནཱི་ལའི་གཞལ་ཡས་ནས༔ ལྗང་མོ་མགྱོགས་མ་ཚེ་ཡི་བུམ་པ་འཛིན༔ ཐུགས་ཀྱི་སྤྲུལ་པ་ལྗང་མོ་མགྱོགས་མ་འབུམ༔ ལས་རབ་ཚེ་མཆོག་འགུགས་པའི་ལས་མཛོད་ཅིག༔ ད་དུང་མགྲོན་གལ་ཆེན་ལ་དབང་ཆེན་སྣོན་པ་ལྟར་ཕྱག་རྒྱ་བཞིས་བསྐུལ་ཏེ༔ ཧཱུྃ༔ ཁམས་གསུམ་གནས་ནས་ཚེ་འགུགས་མ༔ ལྷ་མོ་རྡོ་རྗེ་ལྕགས་ཀྱུ་མ༔ ཕྱག་ན་བསེ་ཡི་གའུ་བསྣམས༔ དྲོངས་ཤིག་དྲོངས་ཤིག་ཚེ་དྲོངས་ཤིག༔ ཧཱུྃ༔ དུས་གསུམ་གནས་ནས་ཚེ་འགུགས་མ༔ ལྷ་མོ་རྡོ་རྗེ་ཞགས་པ་མ༔ ཕྱག་ན་རིན་ཆེན་གའུ་བསྣམས༔ དྲོངས་ཤིག་དྲོངས་ཤིག་ཚེ་དྲོངས་ཤིག༔ ཧཱུྃ༔ སྲིད་གསུམ་གནས་ནས་ཚེ་འགུགས་མ༔ ལྷ་མོ་རྡོ་རྗེ་ལྕགས་སྒྲོག་མ༔ ཕྱག་ན་པདྨ་བྷན་བསྣམས༔ དྲོངས་ཤིག་དྲོངས་ཤིག་ཚེ་དྲོངས་ཤིག༔ ཧཱུྃ༔ སྐུ་གསུམ་གནས་ནས་ཚེ་འགུགས་མ༔ ལྷ་མོ་རྡོ་

― CMR007_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་དྲིལ་བུ་མ༔ ཕྱག་ན་གཡུ་ཡི་གའུ་བསྣམས༔ དྲོངས་ཤིག་དྲོངས་ཤིག་ཚེ་དྲོངས་ཤིག༔ ཧཱུྃ༔ མགྱོགས་མ་རྣམས་ཀྱིས་ཚེ་དྲོངས་ལ༔ བྱིན་ཆེན་རྣམས་ཀྱིས་བྱིན་ཕོབ་ཅིག དབང་ཆེན་རྣམས་ཀྱིས་དབང་བསྐུར་ཅིག༔ གསང་བ་བཞི་ཡིས་རྒྱས་ཐོབ་ཅིག༔ ཨོཾ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨཱ་ཡུ་ཤེ་ཛྷཱ་ན་ཛཛ༔ དེ་ནས་ཚེ་བརྟན་པར་བྱ་སྟེ༔ ཨོཾ་ཏྲ་ཏྲ་ཤག་མུ་ཏྲ་ཧོ༔ ཏིཥྛ་ལྷན༔ ཞེས་བདུན་ནམ་ཉེར་གཅིག དེ་ནས་ཚེ་དབང་བསྐུར་ཏེ༔ འདི་ཡི་རྗེས་ཟློས་མཛོད༔ ཧོ༔ རྡོ་རྗེ་འཛིན་པ་དཀྱིལ་འཁོར་བདག༔ ཚེ་ཡི་བདག་པོ་རིགས་ཀྱི་མཆོག འགྱུར་མེད་རྡོ་རྗེ་ཚེ་ཡི་དབང་༔ མགོན་པོས་བདག་ལ་བསྩལ་དུ་གསོལ༔ དེ་ནས་ཚེ་དབང་བསྐུར་ཏེ༔ གོང་གི་ལྷ་མོ་རྣམས་ཀྱི་བུམ་པ་ནས༔ བཅུད་རྣམས་དལ་གྱིས་བུམ་པར་སིབ་ཀྱིས་བླུག༔ ཆིལ་གྱིས་གང་ནས་ཁྱེད་རང་རྣམས་ལ་སྔགས་སྒྲ་ཏི་རི་རི་དབང་བསྐུར༔ སྤྱི་བོ་ནས་བླུག་ལུས་དཀར་ལྟེམ་ལྟེམ་གང་༔ དྭངས་མ་ཐམས་ཅད་སྙིང་གི་ནཾ་ལ་ཐིམ་བཀྲག་མདངས་ལྡན་པར་བསམ༔ མི་འགྱུར་བའི་རྒྱས་གདབ་པར་བསྒོམ་མོ༔ དེ་ལྟར་བསྐུལ་ནས་ད་ནི་ཚེ་སྦ་ཞིང་བསྟིམ་པ་ནི༔ ཧཱུྃ༔ ནམ་མཁའི་དབྱིངས་ནས་ཚེ་འགུགས་མ༔ དེ་

― CMR007_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ལྷ་མོ་ཀུན་ཏུ་བཟང་༔ རིན་ཆེན་གཏེར་གྱི་བུམ་པ་བསྣམས༔ ཚེ་ཡི་བདུད་རྩིས་བཀང་ནས་ཀྱང་༔ སེམས་ཀྱི་ཁམས་ནས་ཚེ་ཉམས་ན༔ ནམ་མཁའི་ཁམས་ནས་བཅུད་བསྡུས་ལ༔ འཁོར་ལོ་འབར་བས་རྒྱས་ཐོབ་ཅིག༔ ཚེ་འདི་བཅོལ་ལོ་སྲོག་འདི་སྡོམས༔ ཨོཾ་ཤྲཱི་བཛྲ་ཨཱ་ཡུ་ཤེ་ཧཱུྃ་ཨཱ༔ ཨོཾ་བུདྡྷ་ཀཱ་ཡ་ཨ་བྷི་ཥིཉྩ་ཨོཾ༔ ཞེས་སྤྱི་བོར་བུམ་པ་བཞག་ལ་མེ་ཏོག་འཐོར༔ ཨོཾ༔ རྣམ་པར་སྣང་མཛད་མགོན་པོ་ཚེ་དཔག་མེད༔ སྐུ་ཡི་ཚེ་བདག་དེ་བཞིན་བཀྲ་ཤིས་ནི༔ བདག་ཅག་འདིར་འཚོགས་རྣམས་ལ་བཀྲ་ཤིས་ཤོག༔ ཧཱུྃ༔ ཤར་གྱི་ཕྱོགས་ནས་ཚེ་འགུགས་མ༔ རྡོ་རྗེའི་ཡུམ་སྟེ་མ་མཱ་ཀི༔ རིན་ཆེན་ཤེལ་གྱི་བུམ་པ་འཛིན༔ ཚེ་དང་བདུད་རྩིས་བཀང་ནས་ཀྱང་། ཁྲག་གི་ཁམས་ནས་ཚེ་ཉམས་ན༔ ཆུ་ཡི་ཁམས་ནས་བཅུད་བསྡུས་ལ༔ རྡོ་རྗེ་འབར་བས་རྒྱས་ཐོབ་ཅིག༔ ཚེ་འདི་བཅོལ་ལོ་སྲོག་འདི་སྡོམས༔ ཧཱུཾ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ དཔྲལ་བར༔ ཧཱུྃ་བཛྲ་ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ རྡོ་རྗེ་སེམས་དཔའ་མགོན་པོ་ཚེ་དཔག་མེད༔ ཐུགས་ཀྱི་ཚེ་བདག་རྡོ་རྗེ་བཀྲ་ཤིས་ནི༔ བདག་ཅག་འདིར་འཚོགས་རྣམས་ལ་བཀྲ་ཤིས་ཤོག །

― CMR007_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ ལྷོ་ཡི་ཕྱོགས་ནས་ཚེ་འགུགས་མ༔ རིན་ཆེན་ཡུམ་སྟེ་སངས་རྒྱས་སྤྱན༔ བཻ་ཌཱུརྱའི་བུམ་པ་བསྣམས༔ ཚེ་ཡི་བདུད་རྩིས་བཀང་ནས་ཀྱང་༔ ཤ་ཡི་ཁམས་ནས་ཚེ་ཉམས་ན༔ ས་ཡི་ཁམས་ནས་བཅུད་སྡུས་ལ༔ རིན་ཆེན་འབར་བས་རྒྱས་ཐོབ་ཅིག༔ ཚེ་འདི་བཅོལ་ལོ་སྲོག་འདི་སྡོམས༔ སྭ་བྷཾ་བཛྲ་ཨཱ་ཡུ་ཤེ་ཧཱུྃ་ཨཱ༔ རྣ་ལྟག་གཡས་སུ། སྭ་རཏྣ་ཨ་བྷི་ཥིཉྩ་སྭཱ༔ རིན་ཆེན་འབྱུང་ལྡན་མགོན་པོ་ཚེ་དཔག་མེད༔ ཡོན་ཏན་ཚེ་བདག་རིན་ཆེན་བཀྲ་ཤིས་ནི༔ བདག་ཅག་འདིར་འཚོགས་རྣམས་ལ་བཀྲ་ཤིས་ཤོག༔ ཧཱུྃ༔ ནུབ་ཀྱི་ཕྱོགས་ནས་ཚེ་འགུགས་མ༔ པདྨའི་ཡུམ་སྟེ་ན་བཟའ་དཀར༔ པདྨ་རཱ་གའི་བུམ་པ་བསྣམས༔ ཚེ་ཡི་བདུད་རྩིས་བཀང་ནས་ཀྱང་༔ དྲོད་ཀྱི་ཁམས་ནས་ཚེ་ཉམས་ན༔ མེ་ཡི་ཁམས་ནས་བཅུད་བསྡུས་ལ༔ པདྨ་འབར་བས་རྒྱས་ཐོབ་ཅིག ཚེ་འདི་བཅོལ་ལོ་སྲོག་འདི་བསྡོམ་ཨཱ༔ ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ལྟག་པར། ཨཱཐཔདྨ་ཀཱ་ཡ་ཨ་བྷི་ཥིཉྩ་ཨཱ། སྣང་བ་མཐའ་ཡས་མགོན་པོ་ཚེ་དཔག་མེད༔ གསུང་གི་ཚེ་བདག་པདྨའི་བཀྲ་ཤིས་ནི༔ བདག་ཅག་འདིར་ཚོགས་རྣམས་ལ་བཀྲ་ཤིས་ཤོག༔ ཧཱུྃ༔ བྱང་གི་ཕྱོགས་ནས་ཚེ་

― CMR007_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

འགུགས་མ༔ ལས་རབ་ཡུམ་སྟེ་དམ་ཚིག་སྒྲོལ༔ ཨིནྡྲ་ནཱི་ལའི་བུམ་པ་བསྣམས༔ ཚེ་ཡི་བདུད་རྩིས་བཀང་ནས་ཀྱང་༔ དབུགས་ཀྱི་ཁམས་ནས་ཚེ་ཉམས་ན༔ རླུང་གི་ཁམས་ནས་བཅུད་སྡུས་ལ༔ རྒྱ་གྲམ་འབར་བས་རྒྱས་ཐོབ་ཅིག༔ ཚེ་འདི་བཅོལ་ལོ་སྲོག་འདི་སྡོམས༔ ཧཱ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ རྣ་ལྟག་གཡོན༔ ཧྭ་ཀརྨ་ཀཱ་ཡ་ཨ་བྷི་ཥིཉྩ་ཧཱ༔ ཧཱཿ དོན་ཡོད་གྲུབ་པ་མགོན་པོ་ཚེ་དཔག་མེད༔ ཕྲིན་ལས་ཚེ་བདག་ལས་ཀྱི་ཕྲིན་ལས་ནི༔ བདག་ཅག་འདིར་འཚོགས་རྣམས་ལ་བཀྲ་ཤིས་ཤོག༔ དེ་ནས་ཚེ་ཆང་ཐོགས་ལ༔ ཚེ་ཆང་ཁར་བླུད་ལ་མེད་པས་ཁྱེད་རང་ཚེ་དཔག་མེད་དངོས་སུ་བསྒོམ༔ འཇིག་རྟེན་གྱི་ཁམས་ཀྱི་ཚེ་བཅུད༔ ཚེ་ལྷ་རྒྱལ་བ་ཞི་ཁྲོ་ཐམས་ཅད་དང་༔ ལྷ་དང་དྲང་སྲོང་རིག་འཛིན་ཀླུ་དབང་འགྲོ་བ་མི་ཡི་སྲོག་ནི་ནམ་མཁའ་ཉི་ཟླ་འབྱུང་བའི་བཅུད་ཐམས་ཅད་ཁྱེད་རང་དང་བདུད་རྩི་ལ་སིབ་སིབ་ཐིམ༔ ཡང་འོད་དུ་མེ་རེ་རེ་འདུས་པས་བ་སྤུའི་བུ་ག་ལ་སིབ་སིབ་ཐིམ༔ སྐྱེ་ཤི་མེད་པར་རྡོ་རྗེའི་ཚེ་ཐོབ་པའི་གདེང་བསྐྱེད་དོ༔ ངེས་པར་ཐོབ་ཀྱང་འཐོབ་པར་འགྱུར་རོ༔ ཧཱུྃ༔ སྙིང་པོ་བརྟན་པར་མི་ནུས་ཏེ༔ རྡོ་རྗེ་འཆང་གི་

― CMR007_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་ཡང་ཚེ༔ སྤྲོས་པས་ཁམས་གསུམ་བཀྲག་མདངས་ལྡན༔ བསྡུས་པས་ལུས་ལ་གཟི་མདངས་ལྡན༔ བཅིངས་པས་རྡོ་རྗེ་ལུག་གུ་རྒྱུད༔ བརྟན་པས་མི་འགྱུར་རྡོ་རྗེ་འདྲ་བདག་ཅག་རྡོ་རྗེའི་དམ་ཚིག་ཅན༔ སྐུ་གསུང་ཐུགས་ཀྱི་ཚེ་མཆོག་རྩོལ༔ ཚེ་མཆོག་རྡོ་རྗེའི་དོན་རྟོགས་ཤོག༔ སྤྱི་བོར་མགྲིན་པ་སྙིང་ཁ་གསུམ་དུ་མར་ཟེད་བྱུག༔ ཡང་ན་རྡོ་རྗེ་བཞག༔ ཚེ་རིལ་བྱིན་ལ༔ བླ་མས་ཚེ་དར་རྡོ་རྗེ་སྤྱི་བོར་བཞག་དྲིལ་བུ་འཁྲོལ་ཞིང་༔ ཧཱུྃ༔ དེ་ལྟར་ཚེ་འགུགས་དབང་ཡང་བསྐུར༔ ད་ནི་རྡོ་རྗེའི་ཚེ་འཛུགས་འཚལ༔ རྡོ་རྗེ་ཚེ་འདི་ས་ལ་འཛུགས༔ གལ་ཏེ་ས་ལ་མ་ཚུགས་ན༔ ས་ཡི་སྙིང་པོ་གསེར་ཡིན་པས༔ ཚེ་འདི་གསེར་གྱི་དཀྱིལ་དུ་འཛུགས༔ རྡོ་རྗེའི་ཚེ་འདི་ཆུ་ལ་འཛུགས༔ གལ་ཏེ་ཆུ་ལ་མ་ཚུགས་ན༔ ཆུ་ཡི་སྙིང་པོ་ཚྭ་ཡིན་པས༔ ཚེ་འདི་ཚྭ་ཡི་དཀྱིལ་དུ་འཛུགས༔ རྡོ་རྗེའི་ཚེ་འདི་མེ་ལ་འཛུགས༔ གལ་ཏེ་མེ་ལ་མ་ཚུགས་ན༔ མེ་ཡི་སྙིང་པོ་དྲོད་ཡིན་པས༔ ཚེ་འདི་དྲོད་ཀྱི་དཀྱིལ་དུ་འཛུགས༔ རྡོ་རྗེའི་ཚེ་འདི་རླུང་ལ་འཛུགས༔ གལ་ཏེ་རླུང་ལ་མ་ཚུགས་ན༔ རླུང་གི་སྙིང་པོ་དབུགས་ཡིན་པས༔ ཚེ་འདི་དབུགས་ཀྱི་དཀྱིལ་དུ་འཛུགས༔ རྡོ་རྗེའི་ཚེ་འདི་

― CMR007_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ལ་འཛུགས༔ གལ་ཏེ་མཁའ་ལ་མ་ཚུགས་ན༔ ནམ་མཁའི་སྙིང་པོ་སེམས་ཡིན་པས༔ ཚེ་འདི་སེམས་ཀྱི་དཀྱིལ་དུ་འཛུགས༔ རྡོ་རྗེའི་ཚེ་འདི་མི་ལ་འཛུགས༔ གལ་ཏེ་མི་ལ་མ་ཚུགས་ན༔ མི་ཡི་སྙིང་པོ་ནི་ཡིན་པས༔ ཚེ་འདི་ནི་ཡི་དཀྱིལ་དུ་འཛུགས༔ ལོ་བརྒྱ་ཐུབ་པའི་ཚེ་འཛུགས་སོ༔ སྟོན་བརྒྱ་མཐོང་བའི་ཚེ་འཛུགས་སོ༔ ཚེ་དར་གྱི་བྱ་བ་ལ་ཁའི་བདུད་རྩི་རིལ་བུ་མིད་པས་ལུས་ཐམས་ཅད་ཚེ་ཡི་བཅུད་ཀྱིས་ལྟེམས་སེ་གང་༔ དྭངས་མ་སྙིང་ཁའི་དྲི་ལ་ཐིམ་པས་མི་འགྱུར་བའི་རྣམ་པར་བསྒོམ༔ དེ་ནས་བཀྲ་ཤིས་རྟགས་བརྒྱད་རྒྱབ་ཡིག་ཏུ་བྱས་ཏེ༔ གནས་རྣམས་ཐོབ་པས་ལམ་སོ་སོར་གཏུག་ཅིང་ལག་ཏུ་གཏད་དོ༔ ཧཱུྃ༔ གསེར་གདུགས་སྐྱབས་ཅན་ཀུན་ཏུ་ཁྱབ༔ ནོར་བུ་ཆེན་པོ་རིན་ཆེན་ཏོག༔ དབུ་ཡི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་སྐྱོབས་པར་ཤོག༔ ཨོཾ་ཨཱ་ཡུཛྙཱ་ན་ཤྲཱི་མངྒ་ལ་པྲ་སྟི་དྷྭཾ༔ ཧཱུྃ༔ གསེར་ཉ་དྲི་མེད་གསལ་འགྲིབ་མེད༔ ཡེ་ཤེས་མིག་ནི་དྲི་མ་མེད༔ སྤྱན་གྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་གསལ་བར་ཤོག༔ ཨོཾ་ཨཱ་ཡུཛྙཱ་ན་བྷྱཱ་མངྒ་ལ་སྭ་སྟི་ཧཱུཾ༔ ཧཱུྃ༔ ཚེ་མཆོག་དྲི་མེད་སྐྱེ་ཤི་གཅོད༔ དུང་མཆོག་དྲི་

― CMR007_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཆོས་ཀྱི་སྒྲ༔ ཚེམས་ཀྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་བརྟན་པར་ཤོག༔ ཨོཾ་ཨཱ་ཡུཛྙཱ་ན་བྷཾ་མངྒ་ལ་སྭ་སྟི་ཧཱུཾ༔ ཧཱུྃ༔ པདྨ་རབ་རྒྱས་རྣམ་པར་དག །དབྱངས་ཀྱི་ཆོས་སྒྲ་ཆེན་པོ་སྒྲོག༔ ལྗགས་ཀྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་རྒྱས་པར་ཤོག༔ ཨོཾ་ཨཱ་ཡུཛྙཱ་ན་ཤྲཱི་མདྨོ་ལ་སྲ་སྟེ་ཧཱུྃ༔ ཧཱུྃ༔ མགྲིན་པར་བུམ་བཟང་ཆེ་བའི་མཆོག་དྲི་མེད་དབང་བསྐུར་ཡང་དག་པར༔ མགྲིན་པར་བཀྲ་ཤིས་དཔལ་འབར་བ༔ སྐལ་ལྡན་བུ་ལ་དབང་རྫོགས་ཤོག༔ ཨོཾ་ཨཱ་ཡུཛྙཱ་ན་ཤྲཱི་མངྒ་ལ་སྭ་སྟི་ཧཱུྃ༔ ཧཱུྃ༔ ཐུགས་མཆོག་མི་འགྱུར་དཔལ་དུ་འབར༔ ནམ་མཁའ་ལྟ་བུ་གསལ་འགྲིབ་མེད༔ ཐུགས་ཀྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་རབ་རྒྱས་ཤོག༔ ཨོཾ་ཨཱ་ཡུཛྙཱ་ན་བྷཾ་མངྒ་ལ་སྭ་སྟི་བྷཾ༔ ཧཱུྃ༔ ཕྱག་ན་ནོར་བུ་དཔལ་འབར་བ༔ དགོས་འདོད་རིན་ཆེན་ཡིད་བཞིན་གཏེར༔ ཕྱག་གི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་ཡིད་བཞིན་ཤོག༔ ཨོཾ་ཨཱ་ཡུཛྙཱ་ན་ཤྲཱི་མངྒ་ལ་སྭ་སྟི་སིཾ༔ ཧཱུྃ༔ འཁོར་ལོ་རིན་ཆེན་ཆོས་འཁོར་བསྐོར༔ རྣམ་བཅུ་དབང་ལྡན་ཆེ་བ་པོ༔ ཞབས་ཀྱི་བཀྲ་ཤིས་དཔལ་འབར་བ༔ སྐལ་ལྡན་

― CMR007_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་ལ་རབ་བརྟན་ཤོག༔ ཨོཾ་ཨཱ་ཡུཛྙཱ་ན་ཤྲཱི་མངྒ་ལ་སྭ་སྟི་བྷཾ༔ ཧཱུྃ༔ མི་ནུབ་རྒྱལ་མཚན་ཕྱོགས་བཅུར་བསྒྲེངས༔ རྟག་པ་རྡོ་རྗེ་གཡུང་དྲུང་ཉིད༔ སྐུ་ཡི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་རབ་གནས་ཤོག༔ ཨོཾ་ཨཱ་ཡུཛྙཱ་ནི་ཧཱུཾ་མངྒ་ལ་སྭ་སྟི་ཧཱུཾ༔ ཧཱུྃ༔ འཁོར་བའི་འཁྲུལ་འཁོར་བཟློག་པའི་རིན་པོ་ཆེ༔ དགོས་འདོད་རེ་བ་སྐོང་བའི་རིན་པོ་ཆེ༔ ལོངས་སྤྱོད་འབྱོར་པ་སྤེལ་བའི་རིན་པོ་ཆེ༔ རྒྱལ་བའི་བསྟན་སྲིད་སྐྱོང་བའི་རིན་པོ་ཆེ༔ སྟོབས་བཅུས་བདུད་དཔུང་འཇོམས་པའི་རིན་པོ་ཆེ༔ ཐར་ལམ་བྱང་ཆུབ་བསྒོད་པའི་རིན་པོ་ཆེ༔ ཉོན་མོངས་གཡུལ་ངོ་བཟློག་པའི་རིན་པོ་ཆེ༔ རིན་ཆེན་སྣ་བདུན་དཔལ་གྱི་བཀྲ་ཤིས་ནི༔ འདིར་འཚོགས་སྐལ་ལྡན་རྣམས་ལ་བཀྲ་ཤིས་ཤོག ཅེས་རྗེས་སུ་མེ་ཏོག་འཐོར་ཞིང་ཤིས་པ་བརྗོད༔ གཞུང་ལས་དེ་ནས་ཚེ་ཡི་དབང་ཡང་བསྐུར༔ ཚེ་གཏོར་བྱ་སྟེ་ཚེ་ཡང་འགུགས༔ རྒྱས་པར་གཞན་དུ་ཤེས་པར་བྱ༔ ཞེས་གསུངས་པའི་དོན་དེ་སོང་བ་ཡིན་ལ༔ དོན་རྣམས་དོགས་ཕྱིར་འདི་ཡང་བསྐུལ༔ ཚེ་གཏོར་སྤྱི་བོའི་གཙུག་ཏུ་བཞག༔ ཅེས་གསུངས་པ་ལྟར༔ གཏོར་མ་ཚེ་དཔག་མེད་ཀྱི་ལྷ་ཚོགས་ཁྱེད་རང་གི་སྤྱི་བོར་བྱོན་འོད་དུ་ཞུ་ཁྱེད་རང་ལ་ཐིམ་པར་སྒོམས་ཤིག༔ ཧཱུྃ༔

― CMR007_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་འདུས་ཐུགས་རྗེའི་ཚེ་དཔག་མེད༔ ཅིས་ཀྱང་མི་འགྱུར་མི་ཤིགས་པ༔ ཚེ་སྲོག་བླ་ཁུག་རྒྱས་ཐོབ་ལ༔ འཆི་མེད་ཚེ་དབང་རྒྱས་ཐོབ་ཅིག༔ ཧོ༔ ཚེ་དབང་དུ་གྱུར་ཅིག དབང་དངོས་གྲུབ་ཏུ་གྱུར་ཅིག༔ མི་འགྱུར་བའི་གཡུང་དྲུང་དུ་གྱུར་ཅིག༔ མི་ཤིགས་པ་རྡོ་རྗེར་གྱུར་ཅིག ཚེ་སྲོག་རྡོ་རྗེའི་བྲག་ལས་སྲ་ཞིང་བརྟན་པར་གྱུར་ཅིག༔ ཨོ་ཨཱཧཱུྃ་སྭཱ་ཧཱ༔ ཨོཾ་སྭ་སྟི་ཧཱུཾ་ཧྲཱིཿ རྒྱལ་བ་ཀུན་གྱི་གསུང་མཆོག་གཅིག་བསྡུས་ནས༔ འགྲོ་བའི་མགོན་པོ་ཨོ་རྒྱན་ཚེ་དཔག་མེད༔ མི་འགྱུར་མི་ཤིགས་འཆི་མེད་རྡོ་རྗེའི་སྐུ༔ ལྷག་པའི་སྨོན་ལམ་ལས་འགྲུབ་བཀྲ་ཤིས་ཤོག༔ དེ་ལྟར་རིམ་པ་བཞིན་དུ་བསྐུར༔ དེས་ནི་དུས་མིན་འཆི་བ་བཟློག༔ ཚེ་།མཐར་ཕྱིན་པའི་ངེས་ཤེས་བསྐྱེད་དོ༔ དེ་ནས་བླ་མས་མེ་ཏོག་འཐོར༔ རྒྱལ་ཐེབ་ཀྱིས་ཚེ་ཆང་རྣམས་འདྲེན་ཞིང་ཚེའི་ཤིས་པ་བརྗོད་པ་ནི༔ ཨོ༔ སྐུ་ཡི་སྐུ་སྟེ་སྐུ་ལ་ཐིམ༔ ཕུང་པོ་ལྔ་ལ་རབ་ཏུ་ཐིམ༔ ཨཱ༔ གསུང་གི་གསུང་སྟེ་གསུང་ལ་ཐིམ༔ ལྗགས་ཀྱི་དབང་པོ་མཆོག་ལ་ཐིམ༔ ཧཱུྃ༔ ཐུགས་ཀྱི་ཐུགས་ཏེ་ཐུགས་ལ་ཐིམ༔ རང་བྱུང་ཡེ་ཤེས་ཐུགས་ལ་ཐིམ༔ ཉིན་མོ་བཀྲ་ཤིས་མཚན་བཀྲ་ཤིས༔ ཉིན་མཚན་རྟག་ཏུ་བཀྲ་ཤིས་པ༔ སྐལ་ལྡན་

― CMR007_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་བཀྲ་ཤིས་ཤོག སྙིང་པོ་ཉི་ཟླ་གསལ་གྱུར་ཅིག༔ ཨོཾ་ཨཱཿཧཱུྃ་ཛྙཱ་ན་ཧཱུཾ་ཧོ༔ དེས་གསང་འདུས་ཚེའི་སྒྲུབ་དབང་ཆེན་པོ་ལེགས་པར་ཐོབ་པ་ཡིན་པས༔ སྤྲོས་པ་ལ་དགའ་ན་ཚེ་སྒྲུབ་གསང་འདུས་ཀྱི་ལས་བྱང་ཆག་མེད་དམ༔ སྤྲོས་མེད་ལ་དགའ་ན་ཐུགས་རྗེ་ཆེན་པོའི་པོད་གཞུང་གི་ཚེ་སྒྲུབ་བདུད་རྩི་བུམ་པ་ཉམས་སུ་ལེན་སྙམ་པས་རྗེས་ཟློས་མཛོད༔ གཙོ་བོས་ཇི་ལྟར་བཀའ་སྩལ་པ༔ སོགས༔ མཎྜལ་ཕུལ། ས་གཞི་སྤོས་སོགས། ཞེས་པ་འདི་ནི་ཐུགས་རྗེ་ཆེན་པོ་གསང་འདུས་ཀྱི་སྒྲུབ་ཆེན་ཚེ་དབང་གུད་དུ་ཕྱུང་བ་ཚེ་སྒྲུབ་བདུད་རྩིའི་བུམ་པ་དང་༔ ཚེ་སྒྲུབ་གསང་འདུས་རང་གི་སྤྲོས་བཅས་བུམ་དབང་དང་མཆོག་དབང་སྐོར་གསུམ་གཏོར་དབང་དང་གསུམ་པོ་སྔར་མང་དུ་ཐོབ་ཀྱང་དུས་ཕྱིས་ནས་རྐྱེན་ཁག་ཆེ་བ་དང་༔ ལུས་ཀྱང་མི་འདྲ་བསྙེན་སྒྲུབ་མང་བའི་གནད་ཀྱིས༔ འདི་རང་གི་རྩ་བའི་ཡི་དམ་ཡིན་ཞིང་བསྙེན་སྒྲུབ་ཐེམ་པ་དང་༔ འདི་རང་རེ་ཚང་གི་སྲོག་ལྷ་ཡིན་པས༔ འདི་གཞན་ལ་བསྐུར་བས་རང་གི་ཚེ་ལ་གནོད་པར་སྣང་བས་བཀའ་རྒྱ་བྱས་ཀྱང་༔ ཚེ་སྒྲུབ་གསང་འདུས་ཀྱི་ལས་བྱང་འདོན་མཁན་ཤིན་ཏུ་མང་བར་འདུག་པས༔ དཔེ་ཆ་གཡར་འདུག་པས༔ འདི་གསང་འདུས་ཀྱི་དབང་དངོས་དེ་མིན་པས་ཅུང་ཞིག་འཕྲུག་ཡང་འདི་ཐོབ་ནས་གསང་འདུས་ཀྱི་ལས་བྱང་ཐུགས་དམ་བྱེད་ནི་ངེས་པར་ཆོག་པ་ཡིན༔ འོན་ཀྱང་དེ་བས་གཞན་ལྟར་སུ་

― CMR007_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ལ་མི་བསྐུར་ཏེ༔ ཡོང་ན་ལས་བྱང་ཆག་མེད་ཡང་ན་བསྙེན་པ་བྱེ་བ་གཅིག་ཡང་ན་བདུད་རྩི་བུམ་པ་ལ་ཟླ་མཚོ་གཅིག་ཁས་ལེན་བྱའོ༔ ཞེས་པ་པོད་གཞུང་ནས་ཨ་རཱ་གས་བསྒྲིགས་པའི་ཡི་གེ་པ་ནི་དགེ་སློང་བརྩོན་འགྲུས་ཏེ༔ འགལ་མཆིས་ན་ཆོས་བདག་གཏེར་སྲུང་རྣམས་ལ་བཤགས་ཤིང་། དགེ་བས་སྔགས་འཆང་རྣལ་འབྱོར་མང་པོའི་སྐུ་ཚེ་མཐར་ཕྱིན་པའི་རྒྱུར་གྱུར་ཅིག །མངྒ་ལཾ། །༧ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་བ་འདུས་པ་ལས། གནམ་སྐས་ཅན་གྱི་གཏེར་མ་ཡང་ཟབ་རཏྣའི་ཐུགས་བཅུད་དམ་པ་དཔལ་འབར་དབང་།

― CMR007_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པ་ལས། གནམ་སྐས་ཅན་གྱི་གཏེར་མ་ཡང་ཟབ་རཏྣའི་ཐུགས་བཅུད་དམ་པ་དཔལ་འབར་དབང་བཞུགས་པའི་དབུ་ཕྱོགས་ལགས་སོ་ཨ་རཱ་གས་ཁ་བཀང་བའོ༔

― CMR007_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཇུགཤཊགཏ།ཅབྷ།ཏ། རིགས་བདག་ཚེ་ཡི་མགོན་པོ་ལ༔ གུས་པས་བཏུད་དེ་དེ་ཉིད་ཀྱི༔ ཡང་ཟབ་དབང་གི་རིམ་པ་ཉིད༔ ཚེ་བདག་པདྨ་ང་ཡིས་བཀོད༔ དེ་ལ་སྔོན་འགྲོ་དངོས་གཞི་རྗེས་ཀྱི་རིམ་པ་དང་གསུམ་སྟེ༔ དང་པོ་ནི༔ སྒྲུབ་ཁོག་དང་ལས་བྱང་ལས་ཇི་ལྟར་བྱུང་བ་ལྟར༔ དཀྱིལ་འཁོར་དབང་རྫས་དང་བཅས་པ་ལེགས་པར་བཤམས༔ ཆོ་གའི་རྗེས་གནང་གི་སྐབས་སུ་བསྡུས་པར་གཞུང་ལས་བྱུང་བ་ལྟར་བྱ་ཞིང་༔ གོང་དུ་བླ་མ་རབ་འབྲིང་ཐ་མ་གསུམ་གྱིས་བསྙེན་སྒྲུབ་ཐེམ་པ་གལ་ཆེ་ཞིང་༔ གནས་སྐབས་སུ་དབང་བསྙེན་ཁ་གསོ་བ་ཡང་སྒྲུབ་ཁོག་ལྟར་བྱས་ལ༔ ཁྲིའམ་སྟོང་ལས་མི་ཉུང་བར་བྱའོ༔ དེ་ནས་དབང་བསྐུར་བའི་སྔོན་དུ་སྟ་གོན་ལ་འཇུག་པར་བྱའོ༔ དེ་ཡང་ཐོག་མར༔ ལས་བུམ་

― CMR007_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

མི་དམིགས་པ་ལས་ཁྲོ་བོ་བདུད་རྩི་འཁྱིལ་པ་ལྗང་སེར་རྒྱ་གྲམ་དང་སྡིགས་མཛུབ་མཛད་པར་དམིགས་ལ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཚིནྡྷ་ཚིན་ཧཱུྃ་ཕཊ༔ ཅེས་བརྒྱ་སྟོང་ལ་སོགས་བཟླས་ལ་རྗེས་སུ༔ ལྷ་འོད་དུ་ཞུ་ནས་དག་བྱེད་ཀྱི་བདུད་རྩི་ཕབ་ལ་ནུས་པ་དང་ལྡན་པར་བསྒོམ༔ བདག་འཇུག་སློབ་དཔོན་གྱིས་དབང་ལེན་པ་ནི༔ སྐད་ཅིག་གིས་མི་དམིགས་པ་སྟོང་པའི་ངང་ལས༔ རང་ཉིད་མགོན་པོ་ཚེ་དཔག་ཏུ་མེད་པ་སྐུ་མདོག་དམར་པོ་བྱུ་རུའི་མདོག་ལྟ་བུ་རྒྱན་སྣ་ཚོགས་ཀྱིས་བརྒྱན་པ༔ ཕྱག་མཉམ་གཞག་གི་སྟེང་ན་བུམ་པ་འཛིན་པ༔ དེའི་སྤྱི་བོར་རྡོ་རྗེ་སེམས་དཔའ་

― CMR007_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་ཡུམ༔ མགྲིན་པར་རིན་ཆེན་འབྱུང་ལྡན་ཡབ་ཡུམ༔ སྙིང་གར་རྣམ་པར་སྣང་མཛད་ཡབ་ཡུམ༔ ལྟེ་བར་དོན་ཡོད་གྲུབ་པ་ཡབ་ཡུམ་རྣམས་སྐུ་མདོག་རིགས་ཀྱི་ཁ་དོག་ལས་ཕྱག་མཚན་འཛིན་པ་ལ༔ ཁྱད་པར་དུ་ཕྱག་ན་ཚེའི་བུམ་པ་འཛིན་པ༔ ལྷ་དེ་རྣམས་ཀྱི་སྤྱི་བོར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ༔ དེ་ནས་ཨོཾ་བཛྲ་རཀྵ་ཧཱུྃ༔ ཞེས་བརྗོད་པས་སྤྱི་བོར་སྣ་ཚོགས་རྒྱ་གྲམ་ལས་རྡོ་རྗེའི་རྭ་བའི་ལུས་གཏམས་པར་བསམ༔ བདག་གཙོ་བོའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས༔ ཕྱོགས་བཅུ་ནས་ཡེ་ཤེས་སེམས་དཔའ་རྣམས་རང་རང་གི་ཚུལ་དུ་སྤྱན་དྲངས་ཏེ་ཡེ་ཤེས་པ་རྣམས་ཀྱི་གནས་གསུམ་ནས་ཡི་གེ་གསུམ་ལས་འོད་ཟེར་འཕྲོས་ཏེ༔ བདག་དམ་ཚིག་པའི་གནས་བཞིར་ཐིམ་པས་བདག་ལ་དབང་བཞི་རྫོགས་པར་བསྐུར་ཞིང་བདག་དང་ཡེ་ཤེས་སེམས་དཔའ་ཡིག་འབྲུའི་འོད་ཟེར་ལས་ཡེ་ཤེས་ཀྱི་མེ་འབར་ནསཿ་ཚེ་དཔག་མེད་ཀྱི་བུམ་པ་ནས་འཆི་མེད་ཀྱི་བདུད་རྩི་ཁོལ་བས་བདག་གི་སྤྱི་བོ་ནས་འཁོར་ལོ་ལྔ་རིམ་གྱིས་ཁེངས་ཏེ༔ ཕྱི་ནང་གསང་བའི་དབང་བཞི་ཡོངས་སུ་རྫོགས་པར་བསྐུར་ཞིང་༔ ཁྱོད་ཀྱིས་འགྲོ་བ་དཔག་ཏུ་མེད་པ་ལ་དབང་སྐུར་ཅིག ཅེས་

― CMR007_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་བ་བྱིན་ནས་རྡོ་རྗེ་སློབ་དཔོན་དུ་བཀའ་བསྒོ་བར་བསམ༔ དེ་ནས་བདག་དམ་ཚིག་པ་དང་གཉིས་སུ་མེད་པའི་ས་བོན་ལ་ཐིམ་པར་བསམ༔ དེ་ནས་ཡབ་ཡུམ་རང་རང་གི་ས་བོན་ལ་རང་རང་གི་སྙིང་པོས་འཁོར་བར་བསམས་ལ༔ བཟླས་པ་བརྒྱ་རྩ་བརྒྱད་བྱས་ལ༔ དེ་དག་ལས་འོད་ཟེར་འཕྲོས་པས་བདག་གཞན་གྱི་སྡིག་སྒྲིབ་དག་པར་བསམས་ལ༔ ཨོ་ཨཱཧཱུཾ་སྭ་ཧྭཿ ཨཾ་ལཾ་མཱ་པཱ་ཏཱཾ༔ ཨཱ་ཡུ་སིདྡྷི་ཕ་ལ་ཧཱུྃ་ཛ་བཟླས་པས་སངས་རྒྱས་ཐམས་ཅད་ཀྱི་བདག་ལ་དབང་བསྐུར་བར་བསམས་ལ༔ རྡོ་རྗེ་གསོར་ཞིང་དྲིལ་བུ་འཁྲོལ༔ ཡན་ལག་བདུན་པ་བྱ༔ ཕྱི་ནང་གསང་བས་མཆོད་ནས་རྡོ་རྗེའི་ཚིག་འདི་བརྗོད་དེ༔ ཧཱུྃ༔ བདག་ནི་སྐལ་ལྡན་རིགས་ཀྱི་བུ༔ སངས་རྒྱས་ཀུན་གྱི་རབ་ཏུ་བསྔགས༔ རྡོ་རྗེ་འཆང་གི་དབང་ཡང་བསྐུར༔ ཧཱུྃ༔ ང་ནི་རིགས་ཀྱི་བདག་པོ་སྟེ༔ སྐུ་ལྔ་ཡེ་ཤེས་ལྔ་ཡི་བདག༔ མ་རིག་ལོག་རྟོག་འཁྲུལ་པ་ཡི༔ འཁོར་བའི་རྒྱ་མཚོར་བྱིངས་བ་རྣམས༔ ཐམས་ཅད་བདག་གིས་བསྒྲལ་བར་བྱ༔ མ་གྲོལ་བ་རྣམས་དགྲོལ་བྱ་ཞིང་༔ མ་སྒྲལ་བ་རྣམས་བསྒྲལ་བྱ་ཞིང་༔ དབུགས་མ་དབྱུང་རྣམས་དབུགས་དབྱུང་བྱ༔ ཞེས་གསོལ་ནས༔ ཧཱུྃ༔ ང་ནི་རྒྱལ་བ་ཀུན་གྱི་སྲས་

― CMR007_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་རྒྱལ་བའི་དབང་ཡང་བསྐུར༔ རང་བྱུང་རིག་པའི་དབང་ཡང་ཐོབ༔ འགྲོ་བ་འདྲེན་པར་དམ་བཅའོ༔ ཞེས་བྱའོ༔ ༈ དེ་ནས་བགེགས་གཏོར་བཏང་ལ༔ བདག་ཉིད་དཔལ་ཆེན་རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས་པ་སྤྱན་གསུམ་སྡང་མིག་དམར་ལ་འཁྲུགས་ཤིང་སྤྱི་བོར་རྟ་མགོ་ལྗང་ཞུར་འཚེར་བ༔ ཕྱག་གཡས་རྡོ་རྗེའི་དབྱུག་པ་དང་གཡོན་པས་སྡིགས་མཛུབ་སྦྲུལ་ཞགས་ཅན༔ ཞབས་གཉིས་བརྐྱང་བསྐུམ་འདོར་ཐབས་སུ་བསྒྲད་ནས༔ ཁྲོ་བོའི་ཆ་ལུགས་དུ་མ་དང་ལྡན་པའི་ཞལ་ནས་ཧཱུཾ་ཧཱུཾ་དང་ཕཊ་ཕཊཀྱི་སྒྲ་སྒྲོག་ཅིང་༔ སྐུའི་ཆ་ཐམས་ཅད་ནས་ཁྲོ་བོ་དང་ཁྲོ་མོ་སྤྲུལ་པའི་ཚོགས་དཔག་ཏུ་མེད་པ་སེར་རྒོད་བབ་པ་ལྟར་བྱུང་ནས་ཁྱེད་རང་རྣམས་ཀྱི་ཚེ་དང་སྲོག་ལ་བར་དུ་གཅོད་པར་བྱེད་པའི་གདོན་བགེགས་འབྱུང་པོ་ཐམས་ཅད་ཐལ་བའི་རྡུལ་དུ་བརླག་པར་སྒོམས་ཤིག རོལ་མོ་འཇིགས་རྔམས་དང་བཅས་པས༔ ཧཱུྃ༔ ཉོན་ཅིག་ལོག་འདྲེན་བགེགས་སོགས་ནས༔ ཧཱུྃ༔ ང་ནི་འབར་བ་སོགས་ཀྱིས་མཚམས་བཅད༔ སྲུང་འཁོར་བསྒོམ༔ འོ་ཁྱེད་རང་རྣམས་ཀྱི་སྤྱི་བོར་ཁྲུས་ཀྱི་བུམ་པ་འདིའི་ནང་དུ་ཁྲོ་བོ་བདུད་རྩི་འཁྱིལ་པ་འོད་དུ་ཞུ་ནས་དག་བྱེད་ཡེ་ཤེས་ཀྱི་བདུད་

― CMR007_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིའི་ཆུ་རྒྱུན་ངང་ན་ར་ར་བྱུང་ནས་ལུས་ངག་ཡིད་གསུམ་གྱི་རྒྱུད་ལ་ཡོད་པའི་ནད་གདོན་སྡིག་སྒྲིབ་ཐམས་ཅད་ཉི་མའི་གྲིབ་སོ་དེད་པ་བཞིན་དུ་སང་སང་དག་ནས་འོག་དབང་ཆེན་གསེར་གྱི་ས་གཞིའི་འོག་ཏུ་སོང་༔ ལུས་ཀྱི་ཕྱི་ནང་མེད་པར་ཤེལ་སྒོང་གཡའ་དག་པ་ལྟར་སྒོམས་ཤིག ཨོ་བཛྲ་ཨ་མྲྀ་ཏ་ཀུཎྜ་ལི་ཚིནྡྷ་ཚིནྡྷ་ཧཱུྃ༔ སྡིག་པ་དང་སྒྲིབ་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ཞེས་བརྗོད་ཅིང་ཁྲུས་གསོལ༔ དེ་ནས་སློབ་མས་མཎྜལ་ཕུལ༔ ཀྱེ༔ མགོན་པོ་ཚོགས་རྗེ་དབང་དང་ལྡན༔ དཀྱིལ་འཁོར་ཀུན་ཏུ་ཡན་ལག་མཆོག༔ ལས་དང་སྐལ་བར་ལྡན་པ་ཡི༔ དམ་པ་མཆོག་ཉིད་བདག་ལ་སྩོལ༔ ཅེས་ལན་གསུམ་ཞུ། རྗེས་ཟློས། ཧོཿ ཚུར་ཤོག་རྒྱལ་བའི་དཀྱིལ་འཁོར་དུ༔ ཚུལ་བཞིན་འཇུག་འདོད་བུ་གང་སུ༔ གསང་བ་གསུམ་གྱི་མཆོག་ཆེན་པོ༔ ཡན་ལག་དབང་ཉིད་ཁྱོད་ལ་སྦྱིན༔ དེ་ནས་སྐྱབས་སུ་འགྲོ་བ་ནི༔ ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ༔ སློབ་དཔོན་རིན་པོ་ཆེ་བདག་ལ་དགོངས་སུ་གསོལ༔ དགེ་འདུན་བཙུན་པ་རྣམས་བདག་ལ་དགོངས་སུ་གསོལ༔ བདག་མིང་འདི་

― CMR007_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བགྱི་བས་དུས་འདི་ནས་བཟུང་སྟེ༔ ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ༔ རྐང་གཉིས་རྣམས་ཀྱི་མཆོག༔ སྐུ་གསུམ་ཡེ་ཤེས་ལྔ་དང་ལྡན་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ༔ ཞི་བ་དུལ་བ་འདོད་ཆགས་དང་བྲལ་བ་རྣམས་ཀྱི་མཆོག༔ འཕགས་པའི་ཐེག་པ་ཆེན་པོ་དམ་པའི་ཆོས་རྣམས་ལ་སྐྱབས་སུ་མཆིའོ༔ ཚོགས་རྣམས་ཀྱི་མཆོག༔ འཕགས་པའི་དགེ་འདུན་ཕྱིར་མི་ལྡོག་པ་རྣམས་ལ་སྐྱབས་སུ་མཆིའོ༔ ལན་གསུམ་རྗེས་ཟློས་བྱ༔ སློབ་མས་ལེགས་སོ་བརྗོད༔ དེ་ནས་སྨོན་པ་སེམས་བསྐྱེད་ནི༔ རྗེས་ཟློས༔ ཧོཿ དུས་གསུམ་བླ་མ་མཆོག་དགོངས་ཤིག༔ འདི་བཟུང་བྱང་ཆུབ་མ་ཐོབ་བར༔ འགྲོ་དྲུག་སེམས་ཅན་ཐམས་ཅད་ལ༔ ཕ་མའི་འདུ་ཤེས་ཉེར་བཞག་སྟེ༔ མ་སྒྲལ་བསྒྲལ་དང་མ་གྲོལ་དགྲོལ༔ དབུགས་དབྱུང་མྱ་ངན་འདས་ལ་འགོད༔ སྨོན་པ་བྱང་ཆུབ་སེམས་བསྐྱེད་དོ༔ ལན་གསུམ་དང་༔ འཇུག་པའི་སེམས་བསྐྱེད་བླང་བའི་དབུགས་དབྱུང་རྗེས་ཟློས་མཛོད༔ སྔོན་གྱི་རྒྱལ་བ་ཐམས་ཅད་ཀྱང་༔ སྡོམ་པ་ལ་ནི་གནས་པ་ལྟར༔ འདི་བཟུང་བྱང་ཆུབ་མ་ཐོབ་བར༔ བླ་མེད་འཇུག་པའི་བྱང་ཆུབ་སེམས༔ བདག་ཅག་

― CMR007_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱིས་བསྐྱེད་པར་བགྱི༔ གསུམ༔ རྡོ་རྗེ་སློབ་དཔོན་གྱིས་གསང་སྔགས་ཀྱི་དམ་ཚིག་ཇི་ལྟར་བསྒོས་པ་ལྟར་བསྲུང་སྙམ་པས་འདིའི་རྗེས་ཟློས་མཛོད། ཀྱེ༔ བླ་མ་ཡི་དམ་མཁའ་འགྲོ་དང་༔ སྐྱབས་ཆེན་དཀོན་མཆོག་གསུམ་པོ་ལ༔ མི་འདའ་རྡོ་རྗེ་དམ་ལ་གནས༔ ཡར་མཆོད་གུས་ཤིང་མར་ལ་བརྩེ་རྩ་བ་ཡན་ལག་དམ་ཚིག་བསྲུང་༔ སེམས་ཅན་ཡོངས་སུ་སྨིན་བྱའི་ཕྱིར༔ གསང་སྔགས་སྤྱོད་པ་རླབས་ཆེན་སྤྱོད༔ མདོར་ན་གསང་སྔགས་དམ་ཚིག་ལས༔ ནམ་ཡང་མི་འདའ་བཟུང་བར་བྱ༔ ཞེས་ལན་གསུམ༔ དེས་གསང་སྔགས་བླ་ན་མེད་པའི་དབང་བསྐུར་བའི་སྣོད་དུ་རུང་བ་ཡིན་ནོ༔ བླ་མས་རྡོ་རྗེ་ཕྱག་གིས་བཟུང་ལ་རིམ་པར་འགྲིམ་སྟེ༔ ཀྱེ༔ མགོན་པོ་རྡོ་རྗེ་མཆོག་སྩོལ་མཛད༔ སྐྱེ་འཆི་མེད་པ་རྡོ་རྗེའི་མཆོག༔ ཚེ་ཡི་དངོས་གྲུབ་ཡང་དག་ཉིད༔ གཙོ་བོས་བདག་ལ་བསྩལ་དུ་གསོལ༔ ཨེ་དམ་དྷ་རི་རཏྣ་ས་མ་ཡཱ༔ ཞེས་ཞུས་སོ༔ དེ་ནས་དམ་ཆུ་སྦྱིན་པ་ནི༔ ཧཱུྃ༔ གསང་བ་གསུམ་གྱི་དམ་ཚིག་ནི༔ ཁྱོད་ཀྱི་ཡང་དག་མནོས་གྱུར་ཏེ༔ འདི་ཀུན་ཉམས་ན་ཉེས་ཆེན་པོ༔ དེ་ཕྱིར་ཁྱོད་ཀྱིས་ཡང་དག་ཟུངས༔ ས་མ་ཡ་ཕེ་མི་ཏ་

― CMR007_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ཛ༔ དེ་ནས་གནས་གསུམ་དུ་རྡོ་རྗེ་གཏུགས་ལ༔ ཧཱུྃ༔ སྐུ་གསུང་ཐུགས་ཀྱི་རྡོ་རྗེ་ནི༔ མཆོག་གི་དམ་པ་ཁྱོད་ཀྱིས་ཐོབ་ཚུལ་འདི་སྨྲ་བའང་མ་ཡིན་ཞིང་༔ མི་འགྱུར་རྡོ་རྗེ་མཆོག་ཐོབ་འགྱུར༔ ཨོཾ་ཨཱཿཧཱུྃ་ཀ་རོ་ར་ཀ་ཧཱུྃ་ཛ༔ བདུད་རྩི་ངག་ཏུ་བྱིན་ལ་རྡོ་རྗེ་སྙིང་གར་བཞག་ལ༔ ཧཱུྃ༔ དེ་རིང་མགོན་པོ་ཚེ་ཡི་བདག༔ གཉིས་སུ་མེད་པར་ཁྱེད་ལ་བཞུགས༔ དཀྱིལ་འཁོར་གསུམ་དུ་ཡང་དག་གནས༔ མི་འདའ་རྡོ་རྗེའི་དམ་མནོས་ཤིག༔ བཛྲ་ཨུད་ཐ་མི་ཛ་ཧཱུྃ༔ དེ་ནས་སོ་ཤིང་སོར་བཅུ་གཉིས་པ་མགོ་མཇུག་མ་ལོག་པ་ཅོད་པན་དང་བཅས་པ་མེ་ཏོག་གི་ཚོམ་བུར་རེག་སྟེ༔ ཧཱུྃ༔ ཚེ་ལ་དབང་བའི་དཀྱིལ་འཁོར་དུ༔ འབྲེལ་པའི་མེ་ཏོག་འདི་འབུལ་བས༔ ལས་དང་སྐལ་པར་ལྡན་པའི་ལྷ༔ དེ་རིང་དམ་པ་ཉིད་དུ་སྩོལ༔ ཨོཾ་བཛྲ་ཧ་ས་ཞེས་དོར༔ ཕྱོགས་དང་སྐལ་པ་ལྷ་ངོ་བསྟན་པ་སྤྱི་དང་མཐུན་པར་བྱའོ༔ ཞེས་པས༔ ཤར་དུ་ཞི་བའི་དངོས་གྲུབ༔ སོགས་སྦྱར་རོ༔ དེ་ནས་དཔུང་སྐུད་སྣ་ལྔ་ལ་རྡོ་རྗེའི་མདུད་པ་བྱས་ཏེ༔ ཨོཾ་བཛྲ་པདྨ་ཀྲོཏྟ་བཛྲ་ཙཀྲ་ཏིག་ན་ཀརྨ་ཀཱི་ལ་ཡ་ཛྭ་ལ་རཾ་རཀྟ་ཧཱུྃ༔ ཞེས་བརྒྱ་རྩ་བརྒྱད་བཟླས་རྗེས༔ ཧཱུྃ༔ ཁ་དོག་ལྔ་ལྡན་སྲད་བུ་འདི༔ མི་ཤིགས་རྡོ་རྗེའི་གུར་དང་ལྡན༔ ལས་ཀྱི་རྡོ་རྗེའི་དཔུང་པར་

― CMR007_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

བཅིངས༔ བར་ཆད་ཀུན་གྱིས་མི་ཚུགས་ཤོག༔ ཅེས་ཕོའི་དཔུང་པ་གཡོན་མོའི་གཡས་སུ་བཏགས༔ རྗེས་སུ་རྡོ་རྗེའི་རྒྱས་གདབ་སྟེ༔ བཛྲ་རཀྟ་ཧཱུྃ༔ ཞེས་བརྗོད༔ དེའི་རྗེས་སུ་ཀུ་ཤ་གཙང་མ་ལ་འབྲུ་གསུམ་བརྗོད་ལ་བསྣོལ་མར་བྱིན་ཏེ༔ ཧཱུྃ༔ སྔོན་གྱི་རྒྱལ་བ་འཇིག་རྟེན་མགོན༔ རྩྭ་མཆོག་ལ་ནི་སྟན་བྱས་ནས༔ མི་འགྱུར་རྡོ་རྗེ་མཆོག་ཐོབ་ལྟར༔ ཁྱོད་ཀྱང་རྟེན་འབྲེལ་ལ་གནས་མཛོད༔ བཛྲ་ཏིཀཱ་པཾ༔ ཞེས་བྱིན་ལ་སྟན་དང་སྔས་སུ་བྱས་ལ༔ དམོད་པ་བོར་ལ་རྨི་ལམ་བརྟག༔ ངན་ན་བཟླས་པ་བྱ་ཞིང་སྲུང་བ་གདགས་པར་བྱའོ༔ ༄༅། །སྤྱི་དོན་གཉིས་པ་དབང་བསྐུར་བར་བྱ་སྟེ༔ གོང་དུ་དབང་རྫས་སྒྲུབ་ཁོག་ལྟར་དབང་རྫས་སྒེས་སུ༔ རིགས་ལྔའི་ཕྱག་མཚན༔ སྲོག་ཞུ༔ རྡོ་རྗེའི་གོ་ཁྲབ༔ སྙིང་པོ་ལྔ༔ བཀྲ་ཤིས་རྟགས་བརྒྱད༔ དེ་དག་རབ་དངོས༔ འབྲིང་བྲིས་པ་རྒྱབ་ཡིག་ཅན༔ ཐ་མ་ཕྱག་རྒྱུ་བསྣམས་པ་བསྟན་ཏེ༔ ཐོག་མར་སློབ་བུས་གསེར་གྱི་མཎྜལ་ཕུལ་ལ༔ མེ་ཏོག་ཐོགས་ཏེ༔ ཧོ༔ རྡོ་རྗེ་འཛིན་པའི་དཀྱིལ་འཁོར་བདག༔ ཚེ་ཡི་བདག་པོ་རིགས་ཀྱི་མཆོག༔ འགྱུར་མེད་རྡོ་རྗེ་ཚེ་ཡི་དབང་༔ མགོན་པོས་བདག་ལ་བསྩལ་དུ་གསོལ༔ ཞེས་ལན་གསུམ་གསོལ་བ་བཏབ༔ རྗེས་སུ༔ མིག་དར་བཅིངས་ལ༔ ཡེ་ཤེས་དབབ་པ་ནི༔ དམིགས་པ་འདི་བཞིན་དུ་མཛོད༔ ཁྱེད་རང་རྣམས་

― CMR007_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ཚེ་དཔག་ཏུ་མེད་པར་གསལ་བའི་སྙིང་གར་གསེར་གྱི་རྡོ་རྗེ་རྒྱ་གྲམ་རེ་བསྒོམ༔ དེའི་ལྟེ་བར་ཉི་ཟླའི་གའུ་ཁ་སྦྱོར་བའི་ནང་དུ་སྲོག་མི་འགྱུར་བའི་ཡི་གེ་ཧཱུྃ་ལྗང་གུ༔ གཡས་སུ་སྲོག་མི་འགྱུར་བའི་ཡི་གེ་ཨ་དཀར་པོ༔ གཡོན་དུ་སྲོག་བརྟན་པར་བྱེད་པའི་ཡི་གེ་ཧཱུྃ་མཐིང་ག་གསུམ་ལས་འོད་ཟེར་དཔག་ཏུ་མེད་པ་འཕྲོས་པར་སྒོམས་ཤིག རོལ་མོ་དབྱངས་དང་བཅས་པས༔ ཧཱུྃ༔ བྱིན་ཆེན་ངོ་མཚར་མཆོག་གི་གནས༔ སོགས་སྔགས་མཐར་ཨཱ་ཝེ་ཤ་ཡ་ཨཱ༔ རྡོ་རྗེ་སྤྱི་བོར་བཞག་ཅིང་༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ༔ མེ་ཏོག་འཐོར་བ་ནི༔ ཧོ༔ གསང་འདུས་ཚེ་ཡི་དཀྱིལ་འཁོར་དུ༔ རིག་པའི་མེ་ཏོག་ལྷ་ལ་འབུལ༔ ལས་དང་ཐུགས་རྗེས་འབྲེལ་པ་ཡི༔ ལྷག་པའི་ལྷ་ལ་འབབ་པར་ཤོག༔ ཨཱཡུ་ཏེ་པུཎྜེ་སི་གྷིཏྟ་ཧོ༔ སྤྱན་དབྱེ་བར་ཞུ་པའི་རྗེས་ཟློས་ཀྱི༔ ལས་དང་སྐལ་བར་ལྡན་པ་རྣམས༔ བྱང་ཆུབ་རྡོ་རྗེའི་ལམ་ལ་དྲངས༔ རྡོ་རྗེ་སློབ་དཔོན་མཆོག་གིས་ཟུངས༔ ནམ་མཁའི་རྡོ་རྗེ་བདག་ལ་སྩོལ༔ མ་རིག་སྒྲིབ་པའི་ལིང་ཏོག་སོལ༔ དག་པའི་ཞིང་ཁམས་བསྟན་དུ་གསོལ༔ ཞུས་རྗེས༔ གསེར་གྱི་རྡོ་རྗེ་ཐོགས་ལ༔ ཧོཿ ང་ནི་ཐར་པའི་ལམ་སྟོན་ཏེ༔ ཁྱོད་ཀྱི་མ་རིག་བསལ་བར་

― CMR007_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ༔ གསང་བ་འདུས་པའི་དཀྱིལ་འཁོར་ལྟོས༔ ལམ་མཆོག་རྙེད་དོ་སྤྲོ་བ་བསྐྱེད༔ བཛྲ་ཙཀྟ་པྲ་ཝེ་ཤ་ཡ་ཕཊ༔ ཅེས་མིག་དར་བསལ༔ དེ་ནས་གསང་མཚན་གདགས་པ་ནི༔ མེ་ཏོག་གང་དུ་ཕོག་པའི་མིང་ཐོབ་སྟེ༔ དབུས་སུ་བབ་ན་བུདྡྷ་ཚེ་དབང་རྩལ༔ གཙོ་མཆོག་ཚེ་དབང་རྩལ༔ རིགས་འདུས་ཚེ་དབང་རྩལ༔ ཤར་དུ་བཛྲ་དང་༔ རྡོ་རྗེ་ཞི་བ་ལས་གྲས་པ༔ ལྷོར་རཏྟ་རིན་ཆེན་དང་༔ རྒྱས་པ་ལས་གྲས་པ༔ ནུབ་ཏུ་པདྨ་དང་༔ དབང་ལས་གྲས་པ༔ བྱང་དུ་ཀརྨ་དང་༔ ལས་རབ་དྲག་པོ་ལས་གྲས་པར་བཏགས༔ མོ་ལ་ཡུམ་གྱི་འགྲེས་སུ་ཤེས་པར་བྱའོ༔ དེ་ནས་ཐོག་མར་ཅོད་པན་སྤྱི་བོར་བཞག་སྟེ༔ ཧཱུྃ༔ ཅོད་པན་འདི་ནི་དབང་གི་རྟགས༔ ཡི་དམ་ལྷ་དང་སྐལ་བ་མཉམ༔ ཚེ་དང་དཔལ་གྱི་རྒྱལ་མཚན་ཤོག༔ ཨོཾ་པུཎྜེ་སིདྡྷི་གྲིཉྩ་ཧོ༔ མ་འོངས་པ་ན་བདེ་ཆེན་པདྨོ་བཀོད་པའི་ཞིང་དུ་སངས་རྒྱས་པདྨོ་དཔལ་ཞེས་བྱ་བར་སངས་རྒྱས་པར་འགྱུར་རོ༔ ཞེས་ལུང་བསྟན༔ བུམ་པ་ཚེ་དཔག་མེད་དུ་གསལ་བ་སློབ་བུའི་སྤྱི་བོར་བཞག་ལ༔ ཚེ་དཔག་མེད་དང་ཚེ་ཡི་ལྷ་མོ་རྣམས་དང་བཅས་པ་ཐམས་ཅད་ཀྱི་ཕྱག་ན་འཆི་མེད་ཚེའི་བདུད་རྩིས་བཀང་བའི་བུམ་པ་ཐོགས་ཏེ༔ ཐམས་ཅད་འཆི་མེད་ཚེའི་སྔགས་སྒྲ་ཏི་རི་རི་དབང་བསྐུར་བས༔

― CMR007_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩི་དཀར་པོ་འོ་མ་ལྟ་བུ་སྤྱི་བོ་ནས་མར་བབས༔ ལུས་འཆི་མེད་བདུད་རྩིས་མེ་རེ་རེ་གང་ཞིང་འོད་ཟེར་བ་སྤུའི་བུ་ག་ནས་འཕྲོས༔ འཁོར་འདས་སྣང་སྲིད་ཐམས་ཅད་ཀྱི་ཚེ་བཅུད་བཀྲག་མདངས་ཨ་ནཱི་ཧཱུྃ་གསུམ་གྱི་རྣམ་པར་འཇིག་རྟེན་ཐམས་ཅད་མེ་རེ་རེ་གང་བ་ལུབ་འུབ་འདུས་ནས་སྙིང་ཁའི་སྲོག་རྟེན་དྲི་ལ་ཐིམ༔ བཀྲག་མདངས་འོད་དུ་འབར་བར་སྒོམས་ཤིག༔ ཧཱུྃ༔ བུམ་པ་ལོངས་སྐུའི་གཞལ་ཡས་ནས༔ བཅོམ་ལྡན་མགོན་པོ་ཚེ་དཔག་མེད༔ སྐུ་མདོག་དམར་འཚེར་འོད་ཟེར་འབར༔ ཕྱག་ན་ཚེ་ཡི་བུམ་པ་བསྣམས༔ བུམ་པ་འཆི་མེད་བདུད་རྩིས་བཀང་༔ ཕྱོགས་བཅུ་ནམ་མཁའི་མཐར་ཐུག་ནས༔ སྣོད་བཅུད་ཐམས་ཅད་ཚེ་རུ་བསྡུས༔ ཨ་ནི་ཧཱུྃ་གི་འཕྲོ་འདུར་གསལ༔ སྐལ་ལྡན་འདི་ལ་དབང་བསྐུར་རོ༔ ཨོཾ་ཧཱུྃ་ཧཱུྃ་ཧཱུྃ་ཧཱུྃཨཱ༔ ཨོཾ་བཛྲ་ཨཱ༔ ཡུ་ཛྙཱ་ན་ཀཱ་ཡ་ཨ་བྷི་ཥིཉྩ་ཨོཾ༔ ཝཀྐ་ཨ་བྷི་ཥིཉྩ་ཨཱ༔ ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ བུམ་པའི་དབང་བསྐུར་སྣོད་བཅུད་དཔལ༔ འབྲུ་ལྔ་སྨན་ལྔ་སྙིང་པོ་ལྔ༔ རིན་ཆེན་སྣ་ལྔ་དར་སྣ་ལྔ༔ སྐྱེ་འཆི་མེད་པ་ཚེ་ཡི་བཅུད༔ སྣོད་ལྡན་ཁྱོད་ལ་དབང་མཆོག་བསྐུར༔ རྡོ་རྗེ་ཚེ་ཡི་དབང་ཐོབ་ཤོག༔

― CMR007_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

འོ་རིགས་ཀྱི་བུ་ཁྱོད་ལ་བུམ་པའི་དབང་མཆོག་འདི་བསྐུར་བས༔ སྐུ་རྡོ་རྗེ་འགྱུར་མེད༔ གསུང་རྡོ་རྗེ་འགགས་མེད༔ ཐུགས་རྡོ་རྗེ་འཁྲུལ་མེད་ཀྱི་དབང་མཆོག་ཐོབ་ནས་རྟག་པ་གཡུང་དྲུང་གི་ཚེ་ཐོབ་པར་གྱུར་ཅིག༔ ཨོཾ་སྭ་སྟི་བྦྷ༔ རྒྱལ་བ་ཀུན་གྱི་གསུང་མཆོག་གཅིག་བསྡུས་པ༔ འགྲོ་བའི་མགོན་པོ་ཨུ་རྒྱན་ཚེ་དཔག་མེད༔ མི་འགྱུར་མི་ཤིགས་འཆི་མེད་རྡོ་རྗེའི་སྐུ༔ ལྷག་པ་སྨོན་ལམ་ལེགས་གྲུབ་བཀྲ་ཤིས་ཤོག༔ ཅེས་བུམ་པ་གནས་གསུམ་དུ་གཏུགས་ཤིང་བུམ་ཆུ་ངག་ཏུ་བླུད་པས༔ ལུས་འཆི་མེད་བདུད་རྩིས་བཀང་སྟེ་བ་སྤུའི་བུ་ག་ཐམས་ཅད་ནས་འོད་ཟེར་འཕྲོས༔ འཁོར་འདས་ཀྱི་ཨ་ནཱི་ཧཱུྃ་གསུམ་དུ་འུབ་འབ་བསྡུས་སྙིང་གའི་འབྲུ་གསུམ་ལ་ཐིམ་བཀྲག་མདངས་མི་འགྱུར་རྡོ་རྗེའི་ཚེ་ཐོབ་པར་བསྒོམ༔ དེ་ནས་གཏོར་མའི་དབང་སྐུར་ཏེ༔ ཧཱུྃ༔ གཏོར་མ་རིན་ཆེན་དཔལ་དུ་འབརཾ༔ གཡང་ཞགས་འཁྱིལ་པ་ཚེ་ཡི་རྟེན༔ ཚེ་བདག་རིགས་ཀྱི་ཡུམ་རྣམས་ཀྱི༔ སྐུ་གསུང་ཐུགས་ཡོན་ཕྲིན་ལས་རྫོགས༔ ཡོངས་སུ་རྫོགས་པའི་དབང་ཐོབ་ནས༔ རྡོ་རྗེ་ཚེ་ཡི་དབང་ཐོབ་ཤོག༔ མཱུྃལཾམཱཾཔཾཏཱཾ༔ ལཱ་སྱཱ༔ མཱ་ལྱ༔ གཱིརྟི༔ ནཱིཏི་༔ ཛཿཧཱུྃ་བཾ་ཧོ༔ ཨཱ་ཡུ་སརྦ་ཛྙཱ་ན་པུཎྱ་ཀཱ་ཡ་ཨ་བྷི་ཥིཉྩ་ཨོཾ༔

― CMR007_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

ཝཀྐ་ཨ་བྷི་ཥིཉྩ་ཨཱ༔ ཙིཏྟ་ཨ་བྷི་ཥིཉྩཧཱུྃ༔ ཞེས་གནས་གསུམ་དུ་གཏུགས་ཤིང་དངོས་གྲུབ་ཏུ་རོལ༔ དེ་ནས་ཚེ་ཆང་མགྲིན་པར་གཏུགས་ལ་ཚེ་རིལ་ཚེ་ཆང་དང་བཅས་པ་ངག་ཏུ་ཡང་སྦྱིན༔ ཧཱུྃ༔ རྩ་ཁམས་དག་པ་ལུས་ཀྱི་དཀྱིལ་འཁོར་དུ༔ དམ་རྫ་ས་ཚེ་ཡི་བཅུད་ཀྱིས་བཀང་༔ ཚེ་བཅུད་ལུས་ལ་བརྟན་གྱུར་ཅིག༔ ཨོཾ་ཨཱ་ཡུཛ་ན་གཏྰ་ཧཱུཾ་བཾ༔ དེ་ནས་རྡོ་རྗེ་སྤྱི་བོར་བཞག་ལ༔ ཧཱུྃ༔ རྡོ་རྗེ་སེམས་དཔའ་ཚེ་དཔག་མེད༔ མཱ་ཀི་ཡུམ་དང་གཉིས་མེད་སྦྱོར༔ རྡོ་རྗེ་རིགས་ཀྱི་དཀྱིལ་འཁོར་ནས༔ ཐུགས་མཆོག་ཚེ་ཡི་དབང་ཐོབ་ཤོག༔ ཧཱུྃ་ཨཱ་ཡུཛྙཱ་ན་ཀཱ་ཡ་ཨ་བྷི་ཥིཉྩ་ཧཱུྃ་ཧཱུྃ༔ རྡོ་རྗེ་སེམས་དཔའ་མགོན་པོ་ཚེ་དཔག་མེད༔ ཐུགས་ཀྱི་ཚེ་བདག་རྡོ་རྗེའི་བཀྲ་ཤིས་ནི༔ བདག་ཅག་འདིར་ཚོགས་རྣམས་ལ་བཀྲ་ཤིས་ཤོག་པདྨ་མགྲིན་པར་གཏུགས་ལ༔ ཧཱུྃ༔ སྣང་བ་མཐའ་ཡས་ཚེ་དཔག་མེད༔ གོས་དཀར་ཡུམ་དང་གཉིས་མེད་སྦྱོར༔ པདྨ་རིགས་ཀྱི་དཀྱིལ་འཁོར་ནས༔ གསུང་མཆོག་ཚེ་ཡི་དབང་ཐོབ་ཤོག༔ ཨོཾ་པདྨ་ཨཱ་ཡུཛྙཱ་ན་ཀཱ་ཡ་ཨ་བྷི་ཥིཉྩ་ཧྲཱིཿ ཨ༔ སྣང་བ་མཐའ་ཡས་མགོན་པོ་ཚེ་དཔག་མེད༔ གསུང་གི་ཚེ་བདག་པདྨའི་བཀྲ་ཤིས་ནི༔ བདག་ཅག་འདིར་ཚོགས་རྣམས་ལ་བཀྲ་

― CMR007_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་ཤོག༔ སྤྱི་བོར་འཁོར་ལོ་བཞག་སྟེ༔ ཨོཾ༔ རྣམ་པར་སྣང་མཛད་ཚེ་དཔག་མེད༔ ཀུན་བཟང་ཡུམ་དང་གཉིས་མེད་སྦྱོར༔ དེ་བཞིན་རིགས་ཀྱི་དཀྱིལ་འཁོར་ནས༔ སྐུ་མཆོག་ཚེ་ཡི་དབང་ཐོབ་ཤོག༔ ཨོ་བྷུདྡྷ་ཨཱ་ཡུཛྙཱ་ན་ཀཱ་ཡ་ཨ་བྷི་ཥིཉྩ་ཨོཾ༔ ཨོཾ༔ རྣམ་པར་སྣང་མཛད་མགོན་པོ་ཚེ་དཔག་མེད༔ སྐུ་ཡི་ཚེ་བདག་པདྨའི་བཀྲ་ཤིས་ནི༔ བདག་ཅག་འདིར་ཚོགས་རྣམས་ལ་བཀྲ་ཤིས་ཤོག༔ རིན་པོ་ཆེའི་པྲོག་ཞུ་མགོ་ལ་བཀོན་ཏེ༔ ཧཱུྃ༔ རིན་ཆེན་འབྱུང་ལྡན་ཚེ་དཔག་མེད༔ སྤྱན་མ་ཡུམ་དང་གཉིས་མེད་སྦྱོར༔ རིན་ཆེན་རིགས་ཀྱི་དཀྱིལ་འཁོར་ནས༔ ཡོན་ཏན་ཚེ་ཡི་དབང་ཐོབ་ཤོག༔ ཧཱུྃརཏྣ་ཨཱ་ཡུཛྙཱ་ན་ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ རིན་ཆེན་འབྱུང་ལྡན་མགོན་པོ་ཚེ་དཔག་མེད༔ ཡོན་ཏན་ཚེ་བདག་རིན་ཆེན་བཀྲ་ཤིས་ནི༔ བདག་ཅག་འདིར་ཚོགས་རྣམས་ལ་བཀྲ་ཤིས་ཤོག༔ རྒྱ་གྲམ་སྤྱི་བོར་བཞག་ལ༔ ཧཱུྃ༔ དོན་ཡོད་གྲུབ་པ་ཚེ་དཔག་མེད༔ སྒྲོལ་མ་ཡུམ་དང་གཉིས་མེད་སྦྱོར༔ ལས་ཀྱི་རིགས་ཀྱི་དཀྱིལ་འཁོར་ནས༔ ཕྲིན་ལས་ཚེ་ཡི་དབང་ཐོབ་ཤོག༔ ཧ་ཀརྨ་ཨཱ་ཡུཛྙཱ་ན་ཀཱ་ཡ་ཨ་བྷི་ཥིཉྩ་ཧཱ༔ ཞེས་དབང་བསྐུར་རྗེས་སུ༔

― CMR007_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་མཚན་བསྡོམས་ལ༔ གནས་ལྔར་གཏུགས་ཤིང་༔ ཧཱུྃ༔ དུག་ལྔ་གནས་སུ་དག་པ་ལ༔ རྒྱལ་བ་ཚེ་བདག་རིགས་མཆོག་རྣམས༔ ཡེ་ཤེས་ལྔ་ཡི་ངོ་བོར་གསལ༔ སྐལ་ལྡན་བུ་ལ་རྡོ་རྗེའི་ཚེ༔ སྐྱེ་འཆི་མེད་པའི་དབང་ཐོབ་ཤོག༔ ཨོཾ་ཨཱ་ཡུཛྙཱ་ན་མ་ཧཱ་པུཎྜེ་སརྦ་སིདྡྷི་ཨ་བྷི་ཥིཉྩ་མཱི༔ ཕྱོགས་བཞིའི་ཚེ་འགུགས་ལྷ་མོ་མགྱོགས་མ་སོགས༔ ཕྲིན་ལས་བསྒྲུབ་མཛད་ཡོངས་རྫོགས་བཀྲ་ཤིས་ནི༔ བདག་ཅག་འདིར་འཚོགས་རྣམས་ལ་བཀྲ་ཤིས་ཤོག ཞེས་དབང་བསྐུར་རྗེས་སུ་མེ་ཏོག་གཏོར་ཞིང་༔ ༀ་འགྲུབ་པར་གྱུར་ཅིག་སྐྱེ་འཆི་མེད་པའི་དབང་༔ རིགས་བདག་ཚེ་དབང་ལྷ་མོ་མགྱོགས་མའི་ཚོགས༔ བཀྲ་ཤིས་མཆོག་གི་དམ་པ་རབ་བརྙེས་པ༔ སྐལ་ལྡན་བུ་ལ་རབ་འབྱམས་དབང་ཐོབ་ཤོག་ཅེས་བརྗོད་དོ༔ དེ་ནས་རྡོ་རྗེའི་གོ་ཁྲབ་ལུས་ལ་བཀོན་ལ༔ ཧཱུྃ་སྐལ་ལྡན་ལུས་ཀྱི་དཀྱིལ་འཁོར་དུ༔ མི་ཤིགས་འགྱུར་མེད་རྡོ་རྗེའི་ཁྲབ༔ གསལ་བ་གསུམ་གྱི་རྒྱས་བཏབ་ནས༔ བར་ཆད་བདུད་ལས་རྣམ་རྒྱལ་ཤོག༔ ཨོཾ་བཛྲ་ཙཀྲ་རཀྟ་ཧཱུྃ༔ སྙིང་པོ་ལྔ་དངོས་སམ་བྲིས་པའམ་རྒྱབ་ཡིག་ཅན་ཀྱང་རུང་སྟེ༔ ལག་ཏུ་གཏད་དེ་སྙིང་གར་བཟུང་ལ༔ ཧཱུྃ༔ ས་ཡི་སྙིང་པོ་གསེར་ཡིན་ཏེ༔ ཚེ་ནི་སྲ་ཞིང་

― CMR007_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པར་ཤོག ཆུ་ཡི་སྙིང་པོ་ཚ་ཡིན་ཏེ༔ ཚེ་ནི་རྒྱུན་ཆད་མེད་པར་ཤོག༔ འབྲུ་ཡི་སྙིང་པོ་ཏིལ་ཡིན་ཏེ༔ ཚེ་བསོད་དཔག་མེད་འཕེལ་བར་ཤོག༔ རྩི་བཅུད་སྙིང་པོ་མར་ཡིན་ཏེ༔ འགྱུར་མེད་ཚེ་ཡི་བཅུད་རྒྱས་ཤོག༔ རྩི་ཐོག་སྙིང་པོ་སྦྲང་ཡིན་ཏེ༔ བཀྲག་མདངས་དཔལ་དུ་འབར་བར་ཤོག༔ ཨོ་པུཊྚེ་པཉྩ་ལི་ཀྲི་ཤཱ་དྷ་ར་སརྦ་སིདྡྷི་ཕ་ལ་ཧོ༔ ཞེས་བརྗོད་ལ་མེ་ཏོག་གཏོར༔ རོལ་མོ་བསྒྲགས༔ ཤིས་པ་བརྗོད༔ དེ་ནས་བཀྲ་ཤིས་རྟགས་བརྒྱད་རྒྱབ་ཡིག་ཅན་དང་བཅས་ཏེ༔ གནས་རྣམས་ཐོབ་པའི་གནས་སོ་སོར་གཏུགས་ཤིང་༔ ལག་ཏུ་གཏད༔ ཧཱུྃ༔ གསེར་གདུགས་སྐྱོབས་ཆེན་ཀུན་ཏུ་ཁྱབ༔ ནོར་བུ་ཆེན་པོ་རིན་ཆེན་ཏོག༔ དབུ་ཡི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་སྐྱོབས་པར་ཤོག༔ ཨོཾ་ཨཱ་ཡུཛྙཱ་ན་མཾ་ག་ལཾ་སྭ་སྟི་ཧཱུྃ་ཧཱུྃ༔ ཧཱུྃ༔ གསེར་ཉ་དྲི་མེད་གསལ་འགྲིབ་མེད༔ ཡེ་ཤེས་མིག་ནི་དྲི་མ་མེད༔ སྤྱན་གྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་གསལ་བར་ཤོག༔ ཨོཾ་ཨཱ་ཡུཛྙཱ་ན་མཾ་གཾ་ལཾ་སྭ་སྟི་ཧཱུྃ་ཧཱུྃ༔ ཧཱུྃ༔ ཚེམས་མཆོག་དྲི་མེད་སྐྱེ་ཤི་གཅོད༔ དུང་མཆོག་དྲི་མེད་ཆོས་ཀྱི་སྒྲ༔ ཚེམས་ཀྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་བརྟན་

― CMR007_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤོག༔ ཨོཾ་ཨཱ་ཡུཛྙཱ་ན་མཾ་ག་ལཾ་སྭ་སྟི་ཧཱུྃ་ཧཱུྃ༔ ཧཱུྃ༔ པདྨ་རབ་རྒྱས་རྣམ་པར་དག༔ དབྱིངས་ཀྱི་ཆོས་སྒྲ་ཆེན་པོ་སྒྲོག ལྗགས་ཀྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་རབ་རྒྱས་ཤོག༔ ཨོཾ་ཨཱ་ཡུཛྙཱ་ན་མཾ་ག་ལཾ་སྭ་སྟི་ཧཱུྃ་ཧཱུྃ༔ ཧཱུྃ༔ མགྲིན་པར་བུམ་བཟང་ཆེ་བའི་མཆོག༔ དྲི་མེད་དབང་སྐུར་ཡང་དག་དཔལ༔ མགྲིན་པའི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་དབང་རྫོགས་ཤོག༔ ཨོཾ་ཨཱ་ཡུཛྙཱ་ན་མཾ་ག་ལཾ་སྭ་སྟི་ཧཱུྃ་བྷྱ༔ ཧཱུྃ༔ ཐུགས་མཆོག་མི་འགྱུར་དཔལ་དུ་འབར༔ ནམ་མཁའ་ལྟ་བུ་གསལ་འགྲིབ་མེད༔ ཐུགས་ཀྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་རབ་རྒྱས་ཤོག༔ ཨོཾ་ཨཱ་ཡུཛྙཱ་ན་མཾ་ག་ལཾ་སྭ་སྟི་ཧཱུྃ་ཧཱུྃ༔ ཧཱུྃ༔ ཕྱག་ན་ནོར་བུ་དཔལ་འབར་བ༔ དགོས་འདོད་རིན་ཆེན་ཡིད་བཞིན་གཏེར༔ ཕྱག་གི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་ཡིད་བཞིན་ཤོག༔ ཨོཾ་ཨཱ་ཡུཛྙཱ་ན་མཾ་ག་ལཾ་སྭ་སྟི་ཧཱུཾ་ཧཱུཾ༔ ཧཱུྃ༔ འཁོར་ལོ་རིན་ཆེན་ཆོས་འཁོར་བསྐོར༔ རྣམ་བཅུད་དབང་ལྡན་ཆེ་བ་པོ༔ ཞབས་ཀྱི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་རབ་བརྟན་ཤོག ཨོ་ཨཱ་ཡུཛྙཱ་ན་མཾ་ག་ལཾ་སྭ་སྟི་ཧཱུྃ་ཧཱུྃ༔ ཧཱུྃ༔

― CMR007_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ནུབ་རྒྱལ་མཚན་ཕྱོགས་བཅུར་བསྒྲེང་༔ རྟག་པ་རྡོ་རྗེ་གཡུང་དྲུང་ཉིད༔ སྐུ་ཡི་བཀྲ་ཤིས་དཔལ་འབར་བ༔ སྐལ་ལྡན་བུ་ལ་རབ་གནས་ཤོག༔ ཨོཾ་ཨཱ་ཡུཛྙཱ་ན་མོ་ག་ལོ་སྭ་སྟི་ཧཱུྃ་ཧཱུྃ༔ ཧཱུྃ༔ འཁོར་བའི་འཁྲུལ་འཁོར་ཟློག་པའི་རིན་པོ་ཆེ༔ དགོས་འདོད་རེ་བ་སྐོང་བའི་རིན་པོ་ཆེ༔ ལོངས་སྤྱོད་འབྱོར་པ་འཕེལ་བའི་རིན་པོ་ཆེ་རྒྱལ་བའི་བསྟན་སྲིད་སྐྱོང་བའི་རིན་པོ་ཆེ༔ སྟོབས་བཅུས་བདུད་དཔུང་འཇོམས་པའི་རིན་པོ་ཆེ༔ ཐར་ལམ་བྱང་ཆུབ་བགྲོད་པའི་རིན་པོ་ཆེ༔ ཉོན་མོངས་གཡུལ་ངོ་ཟློག་པའི་རིན་པོ་ཆེ༔ རིན་ཆེན་སྣ་བདུན་དཔལ་ཀྱི་བཀྲ་ཤིས་ནི༔ འདིར་འཚོགས་སྐལ་ལྡན་རྣམས་ལ་བཀྲ་ཤིས་ཤོག༔ ཅེས་རྗེས་སུ་མེ་ཏོག་གཏོར༔ ཤིས་པ་བརྗོད༔ དེའི་རྗེས་སུ་སྒྲུབ་ཁོག་ལས་བྱུང་བ་ལྟར་ཚེ་སྦ་བསྟིམས་ལ་སོགས་པ་སྐབས་དང་སྦྱར་བར་བྱའོ༔ ཚེ་སྦ་ནི༔ ཧཱུྃ༔ ནམ་མཁའི་དབྱིངས་ནས་ཚེ་འགུགས་མ༔ སོགས། ཚེ་འགུགས་པ་ནི་མདའ་དར་གཡབ་ཅིང་༔ ཧཱུྃ༔ དམ་ཚིག་ཆེན་པོ༔ སོགས་བྱ༔ ཧཱུྃ༔ མི་འགྱུར་རྡོ་རྗེ་ཚེ་ཡི་རྟེན༔ གཡང་ཞགས་འཁྱིལ་པའི་དམ་རྫས་ནི༔ ཚེ་དཔག་མེད་པའི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ ཚེ་དང་

― CMR007_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་གྱི་འཕྲོ་འདུར་གསལ༔ སྐལ་ལྡན་བུ་ལ་དབང་བསྐུར་བས༔ ལུས་ངག་སྐུ་གསུང་ཐུགས་སུ་སྨིན༔ འཆི་མེད་ཚེ་ཡིདབང་ཐོབ་ཤོག༔ ཨོཾ་ཤྲཱི་བཛྲ་ཨཱ་ཡུཿཥེ་ཀཱ་ཡ་ཨ་བྷི་ཥིཉྩ་ༀ༔ ཝཱཀྐ་ཨ་བྷི་ཥིཉྩ་ཨཱཿ ཙིཏྟ་ཨ་བྷི་ཥིཉྩ་ཧཱུྃ༔ སརྦ་ཨ་བྷི་ཥིཉྩ་ཧཱུྃ༔ ཞེས་གནས་བཞིར་གཏུགས་ཤིང་བསྐུར་རོ༔ ཚེ་ཆང་ཚེ་འབྲས་ལ༔ ཨོ་ཚེ་བྷཾ་གཡུ་བྷཾ༔ ཨཱ་ཡུཛྙཱ་ན་གཡུ་ཚེ་ཧཱུཾ༔ སྤྲོ་བསྡུ་བྱ་ཞིང་༔ སློབ་དཔོན་གྱིས་མེ་ཏོག་གཏོར་ལ་ཚེ་ཆང་ཚེ་འབྲས་དྲངས་ཤིང་༔ ཧཱུྃ༔ རྩ་ཁམས་དག་པ་ལུས་ཁམས་གནས༔ དམ་རྫས་ཚེ་ཡི་བདུད་རྩི་འདིས༔ འབྱུང་བ་ཕྱི་ཡི་བཅུད་སྡུད་ལ༔ རྣལ་འབྱོར་ནང་གི་ལུས་ལ་བསྟིམ༔ སྐྱེ་ཤི་མེད་པའི་ཚེ་ཐོབ་ནས༔ འགྱུར་བ་མེད་པའི་དོན་རྟོགས་ཤོག ཅེས་དྲངས༔ དེ་ནས་ཆེ་རྟེན་རྣམས་སོ་སོར་གཏད་པ་ནི༔ ཧཱུྃ༔ མདའ་ནི་སྐྱེས་པ་ཕོ་ཡི་རྟེན༔ གསེར་ནི་རིན་ཆེན་སྙིང་པོའི་བཅུད༔ འགྱུར་བ་མེད་པའི་བླ་རྟེན་མཛད༔ གཡུ་འདི་ཟ་མ་མོ་ཡི་རྟེན༔ བལ་འདི་ལོངས་སྤྱོད་གཡང་གི་རྟེནཾ༔ ཤཱ་ནི་བྱིས་པ་ཆུང་གི་རྟེན༔ དུང་ནི་བཀྲ་ཤིས་དགེ་བའི་རྫས༔ ཚེ་ནི་མི་འགྱུར་ལུས་ལ་བསྟིམ༔ ཕོ་ཡི་བླ་རྟེན་ཕོ་ལ་གཏད༔ མོ་ཡི་བླ་རྟེན་མོ་ལ་གཏད༔ བྱིས་པའི་བླ་རྟེན་ཆུང་ལ་

― CMR007_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

གཏད༔ ཉིན་མོ་བཀྲ་ཤིས་མཚན་བཀྲ་ཤིས༔ ཉིན་མཚན་རྟག་ཏུ་བཀྲ་ཤིས་པ༔ སྐལ་ལྡན་རྣམས་ལ་བཀྲ་ཤིས་ཤོག༔ སྙིང་པོ་ཉི་ཟླ་གསལ་གྱུར་ཅིག ཧཱུྃ་ཧཱུྃ༔ ཕྱོགས་དང་དུས་དང་གནས་སྐབས་ཐམས་ཅད་དུ། བདག་གཞན་བདེ་ལེགས་བཀྲ་ཤིས་ཕུན་ཚོགས་ནས༔ མཁའ་མཉམ་འགྲོ་བ་གཅིག་ཀྱང་མ་ལུས་པ༔ བླ་མེད་བྱང་ཆུབ་མྱུར་དུ་འགྲུབ་པར་ཤོག༔ བླ་མས་རྡོ་རྗེ་དང་མདའ་དར་གྱིས་གཡབ་ཅིང་༔ ཨོྃ༔ སྐུ་ཡི་སྐུ་སྟེ་སྐུ་ལ་ཐིམ༔ སོགས་བརྗོད༔ སྤྱི་དོན་གསུམ་པ་དམ་ཚིག་རྒྱས་གདབ་པ་ནི༔ སྤང་བྱའི་དམ་ཚིག་ཏུ༔ སྲོག་གཅོད༔ རྟེན་གསུམ་བཤིག་གཞོམ༔ གཉན་ཁ་སྲོལ་བ༔ ལྷ་སྲིན་དྲེགས་པ་ཅན་ལ་མི་བསྡོའོ༔ བསྒྲུབ་བྱའི་དམ་ཚིག་ཏུ༔ ལམ་ཟམ་བཅོས༔ རྟེན་གསུམ་རྙིང་པ་གསོ་བ༔ སཱཙྪ་གདབ་པ༔ སེམས་ཅན་གྱི་སྲོག་སྐྱོབ་པ༔ དཀར་པོ་དགེ་བའི་རྩ་བ་མཐའ་དག་ལ་འབད་དོ༔ རྒྱས་གདབ་པ་ནི༔ ཚེ་དབང་ཟབ་མོ་འདི་སྣོད་མིན༔ སྡིག་ཅན༔ དམ་མེད༔ དམ་ལོག༔ ལོག་སྤྱོད་ཅན་ལ་མི་བསྐུར་ཏེ༔ ཤིན་ཏུ་བཀའ་རྒྱ་དམ་པར་བྱའོ༔ ཚེའི་དབང་མཆོག་འདི་ཉིད་གང་ཟག་རྒྱས་པ་ལ་དགའ་བ༔ དམ་ཚིག་སྣོད་ལྡན་ལ་བསྐུར་རོ༔ སྤྲོས་པ་མི་དགའ་ན༔ བསྡུས་པ་ལ་དགའ་

― CMR007_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

ར༔ སྒྲུབ་ཁོག་ལས་བྱུང་བ་ལྟར་བྱའོ༔ ཨེ་མ༔ ཐུགས་ཀྱི་ཡང་ཞུན་རིན་ཆེན་གསེར་ལྟ་བུ༔ ཤིན་ཏུ་ཟབ་ཕྱིར་གནམ་སྐས་བྲག་ལ་སྦས༔ ལས་ཅན་རྣམས་ཀྱི་ཚེ་ལ་དབང་ཐོབ་ཤོག༔ ལྷོ་བྲག་གནམ་སྐས་གཏེར་གནས་ཁྱད་པར་ཅན༔ ཀླུ་བདུད་མགོ་དགུ་གཏེར་སྲུང་ཁྱད་པར་ཅན༔ ཁྲི་སྲོང་ལྡེའུ་བཙན་ཆོས་རྒྱལ་ཁྱད་པར་ཅན༔ གསང་འདུས་སྐོར་གསུམ་གདམས་པ་ཁྱད་པར་ཅན༔ ལང་གྲོ་ལོ་ཙཱ་སྨོན་ལམ་ཁྱད་པར་ཅན༔ རྒྱ༔ གཏེར་སྲུང་རྣམས་ཀྱིས་བྱ་ར་མ་བསྙེལ་ཅིག༔ དུས་ལ་བབས་ན་ཆོས་བདག་བུ་ལ་སྤྱོད༔ དེས་ཀྱང་བཀའ་རྒྱ་སྤེལ་ཚོད་རིག་པས་ལྟོས༔ ཟབ་རྒྱ༔ སྦས་རྒྱ༔ ས་མ་ཡ༔ ཁ་ཐམ༔ རྒྱ་རྒྱ་རྒྱ༔ གུ་ཧྱ་རྒྱ༔ བརྡ་ཡིག བྱ་ལོར་གཏེར་ནས་རཏྣ་གླིང་པས་བཏོན་པའོ༔ ཞེས་གཏེར་གཞུང་ལས་ཁ་བཀང་རཱ་ག་ཨ་སྱས་མཛད་པའོ༔

ཚེ་སྒྲུབ་གསང་འདུས་ཀྱི་གཏོར་དབང་གི་འདོན་འགྲིགས།

― CMR007_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་འདུས་ཀྱི་གཏོར་དབང་གི་འདོན་འགྲིགས་ཡོད།

― CMR007_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ། ཀྱེ༔ བླ་མ་རྡོ་རྗེ་འཛིན་པ་ནི༔ དཀྱིལ་འཁོར་ཀུན་གྱི་མངའ་བདག་གཙོ༔ ཚེ་དཔག་མེད་པ་རྒྱལ་བའི་སྐུ༔ མི་ཕྱེད་དད་པས་སྐྱབས་སུ་མཆི༔ གསང་བ་ཚེ་ཡི་དཀྱིལ་འཁོར་དུ༔ ཁྱེད་ཀྱིས་བདག་ཅག་གཞུག་ཏུ་གསོལ༔ འཆི་མེད་རྡོ་རྗེའི་དམ་ཚིག་མཆོག༔ མགོན་པོས་བདག་ལ་བསྩལ་དུ་གསོལ༔ ཅེས་ལན་གསུམ་ཞུ། བླ་མས། ཁྱེད་ཅག་སུ་ཡིན་འདོད་དོན་གང་༔ ཇི་ལྟར་སྣོད་དང་ལྡན་པ་ཡི༔ དམ་ཚིག་བཀའ་ལས་མི་འདའ་ཞིང་༔ ཚུལ་བཞིན་བསྒྲུབ་པར་སྤྲོ་ལགས་སམ༔ ཞེས་པའི་ལན་དུ། བདག་ཅག་སྐལ་ལྡན་རིགས་ཀྱི་བུ༔ ཁྱེད་ཀྱི་

― CMR007_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ལས་མི་འདའ་ཞིང་༔ ཚུལ་བཞིན་བསྒྲུབ་པར་བདག་ཅག་སྤོ༔ རྡོ་རྗེའི་ཚེ་མཆོག་བསྩལ་དུ་གསོལ༔ ཅེས་ཞུས་ལ་མེ་ཏོག་འཐོར༔ འདི་ནི་བྱིན་རླབས་རྩ་བ་ཏིང་འཛིན་དམིགས་པའི་དབང་ཁོ་ན་ཡིན་པས༔ དམིགས་པ་ཁོ་ན་འདི་ཉིད་སྒོམས་ཤིག སློབ་མ་རང་རང་གིས་དམ་ཚིག་གི་ཚེ་དཔག་མེད་པར་གསལ་བའི་སྙིང་གར་གསེར་གྱི་རྡོ་རྗེ་རྒྱ་གྲམ་རེ་སྒོམས་ཤིག དེའི་ལྟེ་བའི་སྟེང་དུ༔ འོག་ཉི་མ་དང་སྟེང་ཟླ་བ༔ ཉི་ཟླའི་གའུ་ཁ་སྦྱོར་ཅིག་བསྒོམ༔ དེའི་ནང་དུ་སྲོག་མི་འགྱུར་བའི་ཡི་གེ་ནི་ལྗང་གུ་ཞིག་བསྒོམ༔ དེའང་འོད་ཟེར་ཁ་དོག་ལྔ་དང་ལྡན་པ༔

― CMR007_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་འདས་ཀྱི་ཚེ་དང་བསོད་ནམས་དཔལ་དང་གཟི་བརྗིད་ཐམས་ཅད་བསྡུས་པའི་ནུས་པ་དང་ལྡན་པ༔ དེའི་གཡས་ཕྱོགས་སུ་སྲོག་མི་འགྱུར་བའི་རྟེན་ཡི་གེ་ཨཱདཀར་པོ༔ གཡོན་ཕྱོགས་ན་སྲོག་བརྟན་པར་བྱེད་པའི་ཡི་གེ་ཧཱུྃ་མཐིང་ག་གསུམ་གནས་པ་ལས་འོད་ཟེར་དཔག་ཏུ་མེད་པ་འཕྲོ་བར་སྒོམས་ཤིག ཚེ་བུམ་ཚེ་དཔག་མེད་པའི་བུམ་པ་ནས༔ འཆི་མེད་ཀྱི་བདུད་རྩི་བབ་པ་དང་༔ ཡབ་ཡུམ་སྦྱོར་མཚམས་ནས་བྱང་སེམས་དཀར་དམར་བབ་པ་སྦྲག་སྟེ༔ སྤྱི་བོ་ཚངས་པའི་བུ་ག་ནས་ལུས་རིམ་པར་གང་སྟེ༔ དཔེར་ན་རྐྱལ་པ་ཞོས་གང་བ་ལྟར་གྱུར་པ་ལས༔ དེ་ནས་ཚེའི་ངོ་བོ༔ བཅུད་ཀྱི་བཅུད་དྭངས་མའི་དྭངས་མ་ཐམས་ཅད་ཆུ་ཧུབ་ཀྱིས་དྲངས་པའམ༔ རྡོ་ཁབ་ལེན་གྱིས་ལྕགས་བསྡུས་པ་ལྟར༔ ཚེའི་བཅུད་དང་དྭངས་མ་ཐམས་ཅད་ནི་ཡིག་ལ་སིབ་སིབ་ཐིམ༔ དམིགས་པ་དེ་ལྟ་བུ་དང་ལྡན་པར་མཛོད༔ དེ་ནས་གཏོར་མ་བཟུང་ལ༔ ཧཱུྃ༔ བཅོམ་ལྡན་མགོན་པོ་ཚེ་དཔག་མེད༔ མཁའ་དང་མཉམ་པའི་སྐུ་མངའ་བའི༔ སྐུ་ནི་ནམ་མཁའ་རྡུལ་བག་མེད༔ སྐུ་མདོག་དམར་པོ་འོད་ཟེར་འཕྲོ༔ ཕྱག་ན་ཚེ་ཡི་བུམ་པ་བསྣམས༔ བུམ་པ་འཆི་མེད་བདུད་རྩིས་

― CMR007_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

བཀང་༔ གསང་བའི་ཡུམ་མཆོག་གོས་དཀར་མོ༔ གཉིས་མེད་འཁྲིལ་སྦྱོར་བདེ་ཆེན་གྱི༔ གསང་བའི་ཐུགས་ཀྱི་གའུ་ནས༔ མི་འགྱུར་རྡོ་རྗེ་ཚེ་ཡི་དབང་༔ སྐལ་ལྡན་བུ་ལ་ཡོངས་རྫོགས་བསྐུར༔ འཆི་མེད་ཚེ་ཡི་དབང་ཐོབ་ཤོག༔ ཨོ་གླུ་རུ་ཨཱ་ཡུཛྙཱ་ན་ཀཱ་ཡ་ཨ་བྷི་ཥིཉྩ་ཨོཾ༔ ཝཀྐ་ཨ་བྷི་ཥིཉྩ་ཨཱ༔ ཙིཏྟ་ཨ་བྷི་ཥིཉྩ་ཧཱུྃ༔ སརྦ་ཨ་བྷི་ཥིཉྩ་ཧྲཱིཿ ཞེས་གནས་བཞིར་གཏུགས༔ སླར་ཡང་བཀྲག་མདངས་འོད་དུ་འབར་ཏེ༔ འོད་ཟེར་བ་སྤུའི་བུ་ག་ནས་སྟེང་འོག་ཕྱོགས་བཅུར་འཕྲོས་པ་ལས༔ འཁོར་འདས་ཀྱི་ཚེ་བཅུད་ཐམས་ཅད་འུབ་ཀྱིས་བསྡུས་ཏེ་སླར་ཡང་ནི་ཡིག་འབྲུ་གསུམ་དང་བཅས་པ་ལ་སིབ་སིབ་ཐིམ༔ སླར་ཡང་སྤྱི་བོར་བཞག་སྟེ༔ སྐལ་ལྡན་རིགས་ཀྱི་བུ་ཁྱོད་ལ༔ ཚེ་ཡི་དབང་མཆོག་དམ་པ་འདི་བསྐུར་བས༔ ཨོ་ཚེ་དབང་དུ་གྱུར་ཅིག༔ དབང་རྡོ་རྗེར་གྱུར་ཅིག༔ མི་ཤིགས་པ་རྡོ་རྗེར་གྱུར་ཅིག༔ མི་འགྱུར་བ་གཡུང་དྲུང་དུ་གྱུར་ཅིག༔ ཕྱིའི་འབྱུང་བ་ལྔའི་བཅུད་རྣལ་འབྱོར་ལུས་ལ་ཐིམ༔ ནང་འབྱུང་བ་མི་འགྱུར་རྡོ་རྗེའི་ཚེ་དབང་ཐོབ་སྟེ༔ སྐྱེ་ཤི་མེད་པའི་རྡོ་རྗེའི་ཚེ་དབང་ཐོབ་པར་གྱུར་ཅིག༔ དེ་ནས་ཉི་ཟླའི་གའུ་ཁ་བསྒྲིགས་ཏེ༔ འོག་གི་རྡོ་

― CMR007_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་རྒྱ་གྲམ་གྱི་རྭ་བཞི་གྱེན་ལ་ལངས་བསྣོལ་མར་རྒྱས་གདབ༔ དེའི་སྟེང་དུ་ཚེ་དཔག་མེད་ཡེ་ཤེས་སེམས་དཔའ་ཚོན་གང་བ་གཅིག་འགྱུར་མེད་རྟག་ཏུ་བཞུགས་པར་གྱུར༔ དེ་ནས་བདག་ཉིད་བཀྲག་མདངས་འོད་དུ་འབར༔ བཅུ་དྲུག་ལོན་པའི་གཞོན་ཤ་དང་ལྡན་ཞིང་༔ ལོ་བརྒྱའི་བར་དུ་འཆི་མེད་ཚེའི་རིག་འཛིན་ཐོབ་པར་ངེས་ཤེས་བསྐྱེད་པར་མཛོད༔ ཅེས་བསྐུར་རོ༔ དེ་ལྟ་བུ་ལོ་བརྒྱ་རྩའི་ལོ་གྲངས་སོགས་བསྐུར་བ་ཡིན་ན༔ ཚེ་སྦ་བ༔ བསྟིམ་པ༔ རྒྱས་གདབ་པ་རྣམས་ལས་བྱང་ལྟར་ལན་གཅིག་བྱའོ༔ རིན་ཆེན་སྲོག་གི་མཐུད་མ་འདི་༔ སྙིང་གི་སློབ་བུ་རྣམས་ལ་ཕན་པའི་ཕྱིར༔ ༧ རཱ་ག་ཨ་སྱས་འཁྲུགས་པ་སྡེབ་པའོ༔ དབང་ཆོག་ནི་གོང་དུ་ལས་བྱང་བཏང་ནས་བསྙེན་པས་འཐུས༔ བུམ་པ་ཞེས་པ་ཟན་བུམ་ཁོ་ནས་ཆོག༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དེ་ནས་དབང་རྫོགས་ནས་ཚེ་ཐིལ་མ་བརྒྱབ་པའི་གོང་དུ་གཏོར་མའི་བཀའ་བསྒོ།

― CMR007_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་དབང་རྫོགས་ནས་ཚེ་ཐིལ་མ་བརྒྱབ་པའི་གོང་དུ་གཏོར་མའི་བཀའ་བསྒོ་བྱ་བ་ནི༔ གཏོར་མ་འདི་ཉིད་སངས་རྒྱས་ཚེ་དཔག་མེད་ཀྱི་ལྷ་ཡོངས་རྫོགས་འཁོར་དང་བཅས་པ་དངོས་སུ་གསལ་བ་ཁྱེད་རང་རྣམས་ཀྱི་སྤྱི་བོར་སྤྲིན་འཁྲིགས་པ་ལྟར་བྱོན་ནས༔ ངེད་ཀྱིས་གསོལ་བ་ཇི་ལྟར་བཏབ་པའི་བྱིན་རླབས་དངོས་གྲུབ་ཐམས་ཅད་སྩོལ་ཞིང་ཡོད་སྙམ་པའི་མོས་པ་མཛོད་ཅིག༔ གཏོར་མ་ལག་ཏུ་ཐོགས་ལ༔ ཆོས་སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས་སྒྲ་བསྒྱུར་བེ་རོ་ཙཱ་ན༔ ཤུད་བུ་དཔལ་སེང་ཆུ་བོ་གྱེན་བཟློག༔ མི་འགྱུར་རྡོ་རྗེ་བདུད་འདུལ་རོལ་པ་རྩལ༔ མཁས་གྲུབ་ཀརྨ་ཆགས་མེད༔ ཀུན་བཟང་ཤེས་རབ༔ ལྷུན་གྲུབ་རྒྱ་མཚོ༔ རྒྱལ་བ་དགོངས་བརྒྱུད་རིག་འཛིན་བརྡའ་བརྒྱུད༔ མཁའ་འགྲོ་གཏད་རྒྱ་བརྒྱུད་པ༔ གཏེར་ཆོས་སྨོན་ལམ་བརྒྱུད་པ༔ ཐུགས་རྗེ་བྱིན་རླབས་བརྒྱུད་པ༔ བཀའ་བབ་དོན་གྱི་བརྒྱུད་པའི་རིག་འཛིན་བླ་མ་རྣམས་ཀྱིས་བྱིན་གྱིས་རློབས་ཤིག༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་བསོད་ནམས་གཟི་བརྗིད་དང་ཡོན་ཏན་

― CMR007_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཡེ་ཤེས་ཚད་མེད་པའི་རྒྱལ་པོས་བྱིན་གྱིས་རློབས་ཤིག༔ རིགས་བཞིའི་སངས་རྒྱས་ཚེ་དཔག་མེད་བཞི༔ སེམས་དཔའ་ཚེ་མཆོག་རིགས་བཞི༔ ཚེ་འགུགས་མཆོད་པའི་ལྷ་མོ་བཞི༔ མར་ཏ་དཀར་མོ་སོགས་ཚེ་ཡུམ་བཞི༔ འགུགས་བྱེད་དཀར་མོ་སོགས་ཚེ་ལྕམ་བཞི༔ སྲས་ཆེན་དཀར་མོ་སོགས་ཚེ་སྲས་བཞི་ལཱ་གདོང་དཀར་སེར་སོགས་གདོང་ཅན་བཞི༔ བྱ་རྒོད་གདོང་སོགས་སྒོ་བ་ཁྲོ་བོ་བཞི༔ སྒོ་མ་ཁྲོ་མོ་བཞི་ལ་སོགས་པ་འཆི་མེད་ཚེའི་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས་བྱིན་གྱིས་རློབས་ཤིག༔ དགའ་རབ་རྡོ་རྗེ༔ ཤྲཱི་སེང་ཧ༔ ཧཱུཾ་ཆེན་ཀ་ར༔ བི་མ་ལ་མི་ཏྲ༔ ནམ་མཁའི་སྙིང་པོ་སོགས་ཚེའི་རིག་འཛིན་རྣམས་ཀྱིས་བྱིན་གྱིས་རློབས་ཤིག༔ ལྷ་ལྕམ་མནྡྷ་ར་བ༔ བདེ་ཆེན་རྒྱལ་མོ༔ རིན་ཆེན་ཞི་བ་འཚོ༔ བྲམ་ཟེའི་བུ་མོ་བདེ་ལྡན་མ༔ དབྱིངས་ཕྱུག་རྒྱལ་མོ༔ ཇོ་མོ་མཁར་ཆེན་བཟའ༔ ཤེལ་དཀར་རྡོ་རྗེ་མཚོ་ལ་སོགས་པ་ཚེ་ལ་དབང་བའི་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་བྱིན་གྱིས་རློབས་ཤིག རྡོ་རྗེའི་སློབ་མ་འདི་རྣམས་ལ་འཆི་མེད་ཚེའི་དབང་བསྐུར་དུ་གསོལ༔ ནད་མེད་བདེ་བའི་བྱིན་དབབ་ཏུ་གསོལ༔ རྒས་མེད་ལུས་ཀྱི་

― CMR007_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

གཟི་བརྗིད་བསྐྱེད་དུ་གསོལ༔ ནམ་འཆི་འཕོ་བའི་ཚེ་ཡང་དག་པའི་ཞིང་ཁམས་སུ་ལམ་སྣ་འདྲེན་དུ་གསོལ༔ ཕྱི་མ་ཡང་བདེ་བ་ཅན་གྱི་ཞིང་ཁམས་སུ་སྐྱེས་ནས་སྐྱེ་འཆི་བགྲེས་རྒུད་མེད་པ་རྡོ་རྗེའི་སྐུ་ཐོབ་པར་མཛད་དུ་གསོལ༔ ཨོཾ་ཨཱ༔ ཧཱུྃ་མ་ཧཱ་གུ་རུ་ཨཱ་ཡུ་ཤེ་སིདྡྷི་ཕ་ལ་སྭཱ་ཧྭ༔ ཀཱ་ཡ་ཝཱཀ་ཙིཏྟ་སརྦ་ཨ་བྷི་ཥིཉྩ་ཧཱུྃ༔ ཞེས་གཏོར་མ་འགྲིམ༔ ཞེས་པའང་གནམ་ཆོས་ཀྱི་དབང་རྒྱས་པའི་ཁ་བསྐང་དུ༔ རཱ་ག་ཨ་སྱས་སྦྱར་བའི་ཡི་གེ་པ་ནི་འཕེན་ཤུལ་དགེ་བཤེས་པདྨ་ཐབས་མཁས་སོ༔ ༈ དེ་ནས་ཚེ་ཐིལ་བརྒྱག་སྟེ༔ ཤིན་ཏུ་གསལ་བར་དོད་ན་བཟང་༔ མི་གསལ་ཙམ་དོད་ན་ཅུང་ཟད་བསྲིང་ཐུབ་རྟགས༔ ཡེ་མ་དོད་ན་བསྲིང་མི་ཐུབ་རྟགས་གསུངས་སོ༔ སྐྱེས་པའི་དཔུང་པ་གཡས་དང་༔ བུད་མེད་ཀྱི་དཔུང་པ་གཡོན་གྱི་ཕྱི་ནང་དུ་མཚལ་ལམ་ཙག་གིས་བརྒྱབ་བོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་བ་འདུས་པ་ལས་སྟ་གོན་དམིགས་རིམ་གྱི་ཐོ་ཡིག

― CMR007_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པ་ལས༔ སྟ་གོན་དམིགས་རིམ་གྱི་ཐོ་ཡིག་བཞུགས་ལགས༔

― CMR007_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པའི་སྟ་གོན་དམིགས་རིམ་གྱི་ཐོ་ཡིག་ལ༔ དང་པོ་སྟེགས་བུ་མདའ་གང་འདོམ་གང་ལ་སོགས་ལ་སྤོས་ཆུ་དང་༔ དྲི་བཟང་བྱུགས་ལ༔ རྡུལ་ཚོན་ནམ་རས་བྲིས་སམ༔ ཐ་ན་ཤོག་གུ་ལ་སོགས་ལ་དཀྱིལ་འཁོར་བཤམས་ལ༔ དེ་སྟེང་མཉྫིའམ་ཤིང་ཁྲིའུ་སྟེང་དུ་ཚེ་གཏོར་སྤྱི་འཚམས་བཞག སྟེང་དུ་ཙཀླི་བཙུགས༔ དེའི་འོག་ཏུ་དཀྱིལ་འཁོར་སྟེང་མཉྫིའི་ཁར༔ བུམ་པ་སུམ་གཉིས་ཆུས་གང་བ་བུམ་རྫས་བཏབ་ལ་བཞག༔ མགུལ་ཆིངས་དམར་པོ༔ ཁར་དུང་ཆོས་དང་གཟུངས་ཐག་རྡོ་རྗེ་དང་བཅས་པ་བཤམས་པའི་ཁར་ཙཀྐི་བཙུགས༔ དེའི་མདུན་གྱི་ཤར་དུ་ཚེ་གཏོར་གཡང་ཞགས་འཁྱིལ་བ་ཟླུམ་པོ་དྲུག་བརྩེགས་སྟེང་དུ་ཟླུམ་པོ་ནོར་བུ་ཏོག་ལྟ་བུ་བཞག་ལ་གཅིག་གི་རྩེ་ལ་པ་ཏྲ་ཉི་ཟླ་ཚེ་བུམ་སོགས་མེར་གྱིས་བརྒྱན༔

― CMR007_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

བང་རིམ་རྣམས་སུ་མར་གྱི་དུང་ཕྲེང་བྱ༔ དེའི་མཐར་ཟས་སྣ་རྙེད་ཚད་རྣམས་སྤུངས་ལ་བཞག༔ དེའི་གཡས་སུ་བྷནྡྷ་བདུད་རྩིས་གང་བ༔ གཡོན་དུ་བྷནྡྷ་རཀྟས་གང་བ་བར་མཚམས་སུ༔ ཚེ་ནས༔ ཚེ་ཆང་༔ ཚེ་རིལ་བཀོད༔ ཕྱོགས་བཞིར་ཕྲིན་ལས་བཞིའི་འབྲང་རྒྱས་ནི༔ ཟན་ལ་ཀོང་བུ་འདྲ་བ་བཞིའི་ཁར༔ རི་མོ་ཟླུམ་པོ་གྲུ་བཞི་ཟླ་གམ་ཟུར་གསུམ་རྣམས་བཀོད་པ་བཞག༔ ཕྱོགས་བཞིར་མདའ་དར་དཀར་སེར་དམར་ལྗང་བཞི་འཛུགས༔ མདའ་མགུལ་དུ་ཚེའི་རྟེན་རྣམས་འདོགས་མཐར་མཆོད་པ་རྣམས་བཤམས༔ བཀྲ་ཤིས་རྟགས་བརྒྱད་ཡོད་ན་བཤམས། དེའི་མཐར་ཚོགས་དང་ཐུན་གཏོར་དཀར་བགེགས་སོགས་ཡོ་བྱད་རྣམས་བཞག༔ རང་ཉིད་སྟན་བདེ་བར་ཞལ་ནུབ་ཏུ་རྒྱུ་ནས༔ མདུན་དུ་ཌཱ་དྲིལ་རྔ་ལ་སོགས་གང་

― CMR007_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་བཞག་ལ༔ ༈ ཐོག་མར་སྐྱབས་འགྲོ་སེམས་བསྐྱེད་དང་༔ དཀར་བགེགས་ལ་སོགས་གཞན་ནས་སབ་ནས་འདོན༔ དེ་ནས་རང་ཉིད་དབང་ཆེན་རྟ་མགྲིན་བསྒོམས་ལ༔ ཧཱུྃ༔ ཉོན་ཅིག་ལོག་འདྲེན་བགེགས་ཀྱི་ཚོགས༔ ནས་ཨུ་ཙ་ཏ་ཡ་ཕཊ༔ བར་འདོན། དཀྱིལ་འཁོར་དང་ཁྱིམ་དུ་ནས་ཀྱིས་བྲབ་སླར་ཡང་རྟ་མགྲིན་དུ་བསྒོམ་ལ༔ ཛྭ་ལ་རཾ་བར་འདོན་ལ་མཚམས་གཅོད༔ དེ་ནས་དབྱངས་སྙན་པོས་ཚེ་ཡི་ལྷ་ཚོགས་རྣམས་ཀྱི་ཕྱོགས་བཅུ་ནམ་མཁའ་དང་མཉམ་པ་འཁོར་བ་དང་མྱ་ངན་ལས་འདས་པ་རྣམས་ཀྱི་ཚེ་དཔལ་བཀྲག་མདངས་དབང་ཐང་ཐམས་ཅད་བསྡུས་པ་རང་གི་གནས་དང་དཀྱིལ་འཁོར་རྫས་དང་ཡོ་བྱད་བདག་ཅག་རྣམས་ལ་བྱིན་གྱིས་བརླབས་ནས་ཐིམ་པར་བསམ་མོ༔ དེ་ནས་མཆོད་པ་བྱིན་རླབས་འདོན༔ དེ་ནས་རང་ལ་སོགས་ཀྱི་ལུས་ངག་ཡིད་གསུམ་གྱི་སྒོ་ནས་མི་དགེ་བ་དང་ཉམས་ཆག་ཐམས་ཅད་བཤགས་པར་བསམས་ལ༔ ཤུདྡྷེ་ཨ་བར་འདོན༔ དེ་ནས་གཞལ་ཡས་ཁང་ཕྱི་ནང་མི་སྒྲིབ་པ༔ རྒྱན་དང་ལྡན་པར་བསམ་ལ་མཎྜ་ལ་ཧཱུྃ་བར་འདོན༔ དེ་ནས་དཀྱིལ་འཁོར་གྱི་དབུས་སུ་རིན་པོ་ཆེའི་ཁྲི་རྨ་བྱ་དང་། དེ་སྟེང་པདྨ། དེ་སྟེང་ཟླ་བ། དེ་སྟེང་ཉི་མ། དེ་སྟེང་ཚེ་དཔག་མེད་སྐུ་མདོག་དམར་པོ་མཉམ་གཞག་ཚེ་བུམ་འཛིན་པ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པ༔ ཡུམ་མཆོག་གོས་དཀར་མོ་སྐུ་མདོག་དམར་སེར་གཞོན་ཚུལ་ཅན་གཡས་ཚེ་མདའ་གཡོན་ཚེ་བུམ་ཅན་ཡབ་དང་སྦྱོར་བར་བསམས་ལ༔ ཚེ་དང་དཔལ་གྱི་འཕྲོ་འདུ་གསལ་

― CMR007_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ང་འདོན། དེ་བཞིན་དུ་ཤར་དུ་ལཱ་སྱ་དཀར་མོ། ལྷོར་མ་ལེ་སྔོན་མོ། ནུབ་ཏུ་གྷི་ཏི་དམར་མོ། བྱང་དུ་ནིརྟི་ལྗང་མོ། དེའི་ཕྱི་རིམ་པད་འདབ་བཞི་ལ༔ ཤར་དུ་དཀར་མོ་མགྱོགས་མ། ལྷོར་སེར་མོ། ནུབ་ཏུ་དམར་མོ། བྱང་དུ་ལྗང་མོ། དེའི་ཕྱི་རིམ་པད་འདབ་ལ། ཤར་དུ་ལྕགས་ཀྱུ་མ་དཀར་མོ། ལྷོར་ཞགས་པ་མ་སེར་མོ། ནུབ་ཏུ་ལྕགས་སྒྲོག་མ་དམར་མོ། བྱང་དུ་དྲིལ་བུ་མ་ལྗང་གུ། དེ་ཡི་ཕྱི་རིམ་པད་འདབ་ལྔར༔ ཤར་དུ་ཀུན་བཟང་། ཤར་སྨད་མཱ་ཀི་དཀར་མོ། ལྷོར་སངས་རྒྱས་སྤྱན་མ་སེར། ནུབ་ཏུ་ན་བཟའ་དཀར་མོ་དམར། བྱང་དུ་དམ་ཚིག་སྒྲོལ་མ་ལྗང་མོ། དེ་རྣམས་ཞལ་ཐམས་ཅད་ནང་དུ་རྒྱུ་ནས་བཞུགས་པར་བསྒོམ༔ མདུན་བསྐྱེད་དཀྱིལ་འཁོར་དང་བུམ་པ་གཏོར་མ་དང་བཅས་པ་ཐམས་ཅད་དབྱེར་མེད་པར་དཀྱིལ་འཁོར་གཅིག་ཏུ་བསྒྲུབ་པ་ཡིན༔ སྒྲུབ་པ་གྲོལ་ཁ་བར་བསྒོམ༔ གྲོལ་ཁ་བདག་མདུན་བུམ་གསུམ་སོ་སོར་བསྒོམ་ལ་བདག་འཇུག་བླང་དགོས་སོ༔ དེ་ལྟར་བདག་མདུན་དུས་གཅིག་ལ་ལས་བྱང་གཅིག་གིས་དམིགས་པས་ལྕོགས་པར་བྱ༔ ས་མ་ཡ་ཛབར་འདོན༔ དེ་ནས་སྤྱན་འདྲེན་ནི་ནུབ་ཕྱོགས་བདེ་བ་ཅན་ནས་ཚེ་ཡི་ལྷ་ཚོགས་ཐམས་ཅད་དང་གཞན་ཡང་སངས་རྒྱས་བྱང་སེམས་ཚེ་ཡི་ཚུལ་དུ་སེམས་ཅན་དོན་དུ་ཐུགས་བསྐྱེད་ནས་བྱོན་པར་དམིགས་ལ་ཕྱག་གིས་མདའ་དར་གཡབ༔ པདྨ་ཉི་ཟླའི་གདན་ལ་བཞུགས་པར་བསམ་ལ་བཞུགས་གསོལ་བྱ༔ རང་གི་ལུས་གཅིག་ལ་ལུས་གྲངས་མེད་པར་སྤྲུལ་པར་བསམ་ལ་ཕྱག་

― CMR007_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་བར་དམིགས་ལ་ཕྱག་འཚལ་འདོན༔ དེ་ནས་བདག་མདུན་བུམ་གསུམ་དང་ལྷ་ཚོགས་ཐམས་ཅད་ཕྱོགས་གཅིག་ཏུ་མཆོད་པ་འབུལ་བ་ནི༔ རང་གི་ཐུགས་ཀ་ནས་མཆོད་པའི་ལྷ་མོ་གྲངས་མེད་པ་སྤྲུལ་ནས༔ རང་རང་གི་མཚན་གྱིས་རང་རང་གི་མཆོད་རྫས་ཐོགས་ལ༔ ལྷ་ཚོགས་ཐམས་ཅད་ལ་ཕུལ་བར་བསམས་ལ༔ མེ་ཏོག་མ་ལ་སོགས་མེ་ཏོག་ཐོགས་ཕྱི་མཆོད་ཕུལ། གཟུགས་ཀྱི་ལྷ་མོའི་མེ་ལོང་ལ་སོགས་ནང་མཆོད་ཕུལ༔ སྦྱོར་སྒྲོལ་བྱང་སེམས་ལ་སོགས་གསང་མཆོད་ཕུལ༔ ཨ་མྲྀ་ཏ་བདུད་རྩི་སྨན་མཆོད༔ དམ་རྫས་གཏོར་མའི་མཆོད་པ༔ དུག་གསུམ་བསྒྲལ་བའི་རཀྟ་དང་༔ ཆང་མཆོད་ལ་སོགས་མཆོད་པའི་ལྷ་མོ་རང་རང་གིས་ཕུལ་བར་བསམ་ལ་ཕུལ་ནས་མཆོད་ཚིག་རྣམས་འདོན༔ དེ་ནས་བསྟོད་པ་ནི༔ ཚེའི་ལྷ་ཚོགས་ཐམས་ཅད་ཀྱིས་ཚེ་ཡི་བཅུད་རྣམས་བསྡུ་བའི་ཚུལ་དུ་བཀྲག་མདངས་གཟི་བརྗིད་དང་ལྡན་པར་བསམས་ལ༔ བསྟོད་པ་དང་ཕྱག་འཚལ་བར་དམིགས་ལ༔ ཕྱག་འཚལ་དམ་ཚིག་སྒྲོལ་མ་ལའོ༔ བར་འདོན༔ དེ་ལྟར་བྱས་པའི་ཞུ་དོན་ལྟར་དུ༔ ཚེ་ལྷ་དང་ཚེ་ཡི་རིག་འཛིན་ཐོབ་པ་ལྷ་དང་དྲང་སྲོང་རྣམས་ཐུགས་རྗེ་མངའ་བ་ཅན་གྱིས་བདག་ཅག་སྒྲུབ་པ་པོ་རྣམས་ལ་སྐུ་གསུང་ཐུགས་ཀྱི་དངོས་གྲུབ་དང་བྱིན་རླབས་གནང་བ་ལུས་ངག་ཡིད་གསུམ་བྱིན་གྱིས་བརླབ༔ སྐྱེ་ཤི་མེད་པའི་དབང་བསྐུར༔ ལུས་ལ་གཟི་མདངས༔ ངག་ལ་ནུས་པ༔ སེམས་ལ་བདེ་བ་བསྐྱེད་པར་བསམས་ལ༔ འཆི་མེད་ཚེ་ཡི་དངོས་གྲུབ་སྩོལ་བར་འདོན༔ ༈ དེ་ནས་

― CMR007_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

སྙེན་སྒྲུབ་ལས་སྦྱོར་གསུམ་ལས་ཐོག་མར་བསྙེན་པ་བྱེད་པ་ལ༔ དང་པོ༔ ཧཱུྃ༔ བཅོམ་ལྡན་མགོན་པོ་ཚེ་དཔག་མེད༔ ཅེས་པ་ནས་བདག་ཅག་ཚེ་སྲོག་བརྟན་པར་མཛོད༔ བར་འདོན་ལ༔ བདག་མདུན་ལྷ་ཡི་སྐུར་གསལ་ལ༔ བདག་བསྐྱེད་ཀྱི་ཐུགས་ཀར་པདྨའི་གདན༔ དེ་སྟེང་ཉི་གདན་སེར་པོ༔ དེ་སྟེང་ཟླ་གདན་དཀར་པོ་བསམ་མོ༔ དེ་སྟེང་ཐུགས་སྲོག་ཧྲཱིཿདམར་པོ་རིང་ཆ་ཚེག་དྲག་དང་བཅས་པ༔ ནང་སྟོང་པ་ཕྱི་ནང་མི་སྒྲིབ་པ༔ སྤུ་གུ་ཡི་དབྱིབས་ཅན་ཡི་གེའི་སྔ་ཟུར་རང་གི་བྲང་ངོས་སུ་ཡོད་པ༔ ཕྱི་ཟུར་ཚེག་དྲག་སྒལ་ཚིགས་སུ་ཡོད་པ་གང་ལ་ཡང་མ་ཐུག་པ༔ རྣམ་པ་གསལ་བ་འཇའ་ཚོན་ལྟ་བུར་བསམ་མོ༔ དེ་ཡི་ཧ་ཁོག་གི་ནང་དབུས་སུ་རྨི་ལྗང་གུ་གཡས་སུ་ཨདཀར་པོ་བསྐྱེད༔ གཡོན་དུ་ཧཾམཐིང་ནག༔ དེ་གསུམ་ཡང་ཡི་གེའི་ཁ་གྲུ་ཕྱོགས་བྷུདང་མཚུངས་སོ༔ ཧྲི༔ ཡི་མཐའ་སྐོར་ཟླ་གདན་ཁར༔ ཨོཾ་གུ་རུ་ཨཱ་ཡུ་སིདྡྷི་ཧཱུྃ་ཧཱུྃ་ཨ་མཱ་ར་ཎི་ཛཱི་བྷན་དྷི་ཡེ་སྭཱ་ཧཱ༔ ཞེས་རང་གི་བྲང་ངོས་གཡོན་ཟུར་ཐད་དུ་ཨོཾ་གཡོན་ནས་རིམ་བཞིན་དུ་བཀོད་པའི་ཧཱ་དེ་བྲང་གི་གཡས་ཐད་དུ་སྣེ་ཐུག་པར་བསམ་མོ༔ འཁོར་དུས་གཡས་སུ་བཀོད་དུས་གཡོན་དུའོ༔ ཡིག་འབྲུ་རྣམས་ནི་དམར་པོ་ལྷ་ཡི་ཁ་དོག་གི་ཚུལ་དུ་བསམ་མོ༔ དེ་ནས་དང་པོ་བསྙེན་པ་དུས་དམིགས་པ་ནི༔ ཐུགས་སྲོག་གི་བྷིནི་ནམ་ཡང་འགུལ་མི་ཉན་ནོ༔ མཐའ་སྐོར་གྱི་ཡིག་འབྲུ་རྣམས་ཀློག་པའི་ཚུལ་དུ་ཡིད་ཡུལ་དུ་མ་གསལ་བར་དུ་ཡང་ཡང་གསལ་གདབ་

― CMR007_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བསྙེན༔ དེ་གསལ་ཐེབ་ན་འོད་ཟེར་དམར་པོ་སྟོང་སྐུད་ལྟར་འཁོར་བར་བསམ་ལ་བསྙེན༔ དེ་གསལ་ཐེབ་ན་ཡིག་འབྲུ་ཕྱི་མ་རྣམས་སྒ་ར་ར་འཁོར་བར་བསམ་ལ་བསྙེན༔ དེ་གསལ་ཐེབ་ན་ཡིག་འབྲུ་རྣམས་འོད་ཟེར་དམར་པོ་ཕྱོགས་བཅུར་འཕྲོས་པས་སངས་རྒྱས་བྱང་སེམས་ཚེ་ཡི་རིག་འཛིན་ཐོབ་པ་རྣམས་མཆོད་པས་ལྷ་དང་དྲང་སྲོང་དང་འཁོར་ལོའི་སྒྱུར་རྒྱལ་ལ་སོགས་འཁོར་འདས་སྣོད་བཅུད་ཚེ་བསོད་ཐམས་ཅད་བསྡུས་ནས་བདག་དང་མདུན་བསྐྱེད་ལ་སིབ་སིབ་ཐིམ་པས་ཚེ་ཡི་རིག་འཛིན་ཐོབ་པར་བསྒོམ༔ ཁྱད་པར་དུ་འཇིག་རྟེན་ཁམས་ཀྱི་ལྷ་ཀླུ་གནོད་སྦྱིན་གཤིན་རྗེ་ལ་སོགས་སྡེ་བརྒྱད་གཞན་ཡང་འདྲེ་གདོན་དེ་རྣམས་ཀྱི་ལག་ཏུ་བདག་ཅག་གི་ཚེ་འཁྱམས་པ་བརྐུས་པ་ཐམས་ཅད་ཡི་གེ་ཨཱཿདང་ནི་དང་ཧཱུྃ༔ དང་དེ་རྣམས་ཀྱི་ཚུལ་དུ་འོད་ཟེར་ལྕགས་ཀྱུའི་དབྱིབས་ལྟར་བཀྲག་མེ་རེ་རེ་བསྡུས་ནས༔ རང་དང་མདུན་བསྐྱེད་ལ་ཐིམ་པར་དམིགས་ལ་བསྙེན་པ་ཐུན་རེར་མ་རྫོགས་བར་བྱ་དགོས༔ ༈ དེ་ནས་སྒྲུབ་པའི་དུས་ལ་ནི༔ རང་གི་ཐུགས་ཀ་ནས་འོད་ཟེར་འཕྲོས༔ མདུན་བསྐྱེད་ལ་ཕོག༔ མདུན་བསྐྱེད་ཀྱི་སྔོན་གྱི་དམ་ཚིག་གི་ཚེ་བསྲིང་བའི་དམ་བཅའ་དྲན་ནས༔ ཐུགས་དམ་གྱི་རྒྱུད་བསྐུལ་བས་འོད་ཟེར་ཕྱོགས་བཅུར་འཕྲོས་པས་སངས་རྒྱས་རྣམས་ལ་མཆོད་སེམས་ཅན་གྱི་སྡིག་སྒྲིབ་སྦྱངས༔ དེ་ཡི་དྲིན་གྱིས་སངས་རྒྱས༔ སེམས་ཅན་དེ་རྣམས་ཀྱི་ཚེ་དང་བསོད་ནམས་དཔལ་དང་འབྱོར་པ་སྙན་གྲགས་དང་དབང་ཐང་ལ་སོགས་པ་ཐམས་ཅད་ཨ་རྗེ་ཧཱུྃ་གསུམ་གྱི་རྣམ་པར་བཀྲག་མེ་རེ་རེ་བསྡུས་ནས་མདུན་བསྐྱེད་ལ་

― CMR007_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ༔ མདུན་བསྐྱེད་ཀྱི་ཐུགས་ཀ་ནས་རང་ལ་ཐིམ་པས༔ རང་ཚེ་བསོད་དཔལ་འབྱོར་རྒྱས་པར་བསམས་ལ་བསྙེན་པ་བྱའོ༔ སྒྲུབ་པ་ཆེན་པོ་ནི་རང་གི་ཐུགས་ཀའི་སྔགས་ཕྲེང་དྲག་ཏུ་འཁོར་བས་འོད་ཟེར་རང་གི་ཞལ་ནས་ཐོན༔ མདུན་བསྐྱེད་ཀྱི་ཞལ་དུ་ཞུགས་ཐུགས་ཀར་ཐིམ༔ ཐུགས་ཀ་ནས་འོད་ཟེར་ཚུར་བྱུང་རང་གི་ཐུགས་ཀར་ཐིམ༔ ཡང་རང་གི་ཞལ་ནས་ཐོན་སྔར་ལྟར་འཁོར་བས་ཕར་ལ་མཆོད་པའི་ཚུལ་ཚུར་ལ་དངོས་གྲུབ་ཚུལ་དུ་འཁོར་བས་འོད་ཟེར་དེ་རྣམས་ལས་འོད་ཟེར་ཕྱོགས་བཞི་མཚམས་བཞི་སྟེང་འོག་གཉིས་དང་བཅུར་འཕྲོས་པས་སངས་རྒྱས་བྱང་སེམས་ཐམས་ཅད་མཆོད༔ སེམས་ཅན་གྱི་སྡིག་སྒྲིབ་སྦྱང་༔ དེ་རྣམས་ཐམས་ཅད་ཀྱི་ཚེ་བསོད་དཔལ་འབྱོར་ཚེ་ཡི་བཅུད་ཐམས་ཅད་ཨ་རྫི་ཧཱུྃ་གསུམ་གྱི་རྣམ་པར་མདུན་བསྐྱེད་ལ་ཐིམ་མདུན་བསྐྱེད་ཀྱི་ཐུགས་ཀ་ནས་རང་ལ་ཐིམ་པས་དཔལ་འབྱོར་ཚེ་བསོད་རྒྱས་པར་བསྒོམ་ལ་དམིགས་པ་ཡང་ཡང་དུ་ཞིབ་ཅིང་བསྙེན་པ་ནི་སྒྲུབ་པའོ༔ དེ་ཡང་ཐུན་རེར་རྫོགས་དགོས་སོ༔ ༈ དེ་ནས་ལས་སྦྱོར་དམིགས་པ་ནི༔ རང་གི་ཐུགས་ཀ་ནས་འོད་ཟེར་ཤར་དུ་བཞུགས་པའི་ལྷ་མོ་རྣམས་ཀྱི་ཐུགས་ཀར་འཕྲོས༔ ལཱ་སྱ་དཀར་མོ་སོགས་ཤར་ཕྱོགས་ཀྱི་ལྷ་མོ་རྣམས་ཀྱི་ཐུགས་རྒྱུད་བསྐུལ༔ དེ་རྣམས་ཀྱི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་ཤར་ཕྱོགས་སུ་འཕྲོས་པས༔ ཤར་ཕྱོགས་དྲི་ཟའི་ལག་ཏུ་ཚེ་འཁྱམ་པ་རྣམས་བཀུག་རང་ལ་ཐིམ༔ སེམས་ཀྱི་ཚེ་ཉམས་པ་སོས༔ རྡོ་རྗེ་རིགས་ཀྱི་ཚེ་མཆོག་ཐོབ་པར་བསམ་ལ་རང་ཁ་ཤར་དུ་

― CMR007_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུ་ལ་དམིགས་པ་གཏད་ཅིང་༔ ཧཱུཾ་བྷྲཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཞེས་བསྙེན་པ་བྱ༔ དེ་བཞིན་ལྷོར་འོད་ཟེར་སེར་པོ་ཞགས་པའི་དབྱིབས་ཅན་དུ་འཕྲོས་པས་གཤིན་རྗེའི་ལག་ནས་བཀུག་པ་སོགས་དང་༔ རིན་ཆེན་ཚེ་མཆོག་ཐོབ་ཤ་ཡི་ཁམས་ཀྱི་ཚེ་ཉམས་པ་སོས༔ སྭ་བྷཾ་གྱི་བསྙེན་པ་བྱ༔ དམིགས་པ་ལྷོར་གཏད༔ སྔར་ལྟར་འོད་ཟེར་ལྕགས་སྒྲོག་ལྟ་བུར་འཕྲོས་པས་ནུབ་ཕྱོགས་ཀླུ་དབང་ལ་སོགས་ཀྱི་ལག་ནས་ཚེ་བཀུག དྲོད་ཀྱི་ཚེ་ཉམས་པ་སོས༔ པདྨའི་ཚེ་མཆོག་ཐོབ༔ དམིགས་པ་ནུབ་ཏུ་གཏད༔ ཨཱ་བྷཾ་གྱི་བསྙེན་པ་བྱའོ༔ ཡང་འོད་ཟེར་བྱང་ཕྱོགས་སུ་དྲིལ་བུའི་དབྱིབས་ཅན་འཕྲོས་པས༔ བྱང་ཕྱོགས་གནོད་སྦྱིན་ལ་སོགས་ཀྱི་ལག་ཏུ་ཚེ་འཁྱམས་པ་ཐམས་ཅད་ཚུར་བསྡུས་ནས་རང་ལ་ཐིམ༔ དབུགས་ཀྱི་ཚེ་ཉམས་པ་སོས། ལས་རབ་ཀྱི་ཚེ་མཆོག་ཐོབ་པར་བསམ༔ ཧཱ་ཧཱུཾ་ཅན་བསྙེན་པ་བྱའོ༔ ཡང་འོད་ཟེར་དབུས་སུ་འཕྲོས་པས༔ དེ་བཞིན་རིགས་ཀྱི་ཆེ་ཉམས་པ་བཀུག༔ ནམ་མཁའི་ཁམས་ཀྱི་ཚེ་ཉམས་པ་སོས༔ དེ་བཞིན་རིགས་ཀྱི་ཚེ་མཆོག་ཐོབ་པར་བསམ༔ དམིགས་པ་དབུས་སུ་བྱའོ༔ དབུས་ཀྱི་དམིགས་པ་དང་སྔགས་ལས་བཞིའི་གོང་དུ་བྱས་ན་འཐད་དོ༔ དེ་ནས་མདའ་དར་བཟུང་ལ༔ ༈ ཤར་གྱི་ཕྱོགས་ནས་ཚེ་འགུགས་མ༔ སོགས༔ ཏིཥྛ་ལྷན་བར་འདོན༔ དམིགས་པ་ལས་བཞི་ལྟར་ཡིན་པས་འགྲེའོ༔ ཡང་། སྙིང་པོ་བསྟན་པ་ཞེས་པ་ནས༔ རྡོ་རྗེ་ཚེ་ཡི་དངོས་གྲུབ་སྩོལ༔ བར་ཐུགས་དམ་བསྐུལ་ལོ༔ སྐབས་

― CMR007_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ར་དབང་རྒྱས་པ་རང་གིས་རང་ལ་བསྐུར་རོ༔ ཡང་ན་མདུན་བསྐྱེད་དཔྲལ་བ་མགྲིན་པ་ཐུགས་ཀ་ལྟེ་བ་ནས༔ འོད་ཟེར་དཀར་དམར་མཐིང་སེར་བཞི༔ རང་ལ་ཐིམ་པས་རང་གི་ལུས་ངག་ཡིད་གསུམ་ལ་ཐིམ༔ སྐུ་གསུང་ཐུགས་ཡོན་ཏན་གྱི་དངོས་གྲུབ་ཐོབ་པར་བསམ་མོ་ཚོགས་བསྐང་གཏོར་འབུལ་བྱ༔ ༈ དེ་ནས་ཚེ་འཛུགས༔ ཧཱུྃ༔ དམ་ཚིག་ཆེན་པོའི་དུས་ལ་བབས༔ སོགས་ནས། སྐྱེ་ཤི་མེད་པའི་དོན་རྟོགས་ཤོག༔ བར་འདོན༔ དེ་ནས་མཐར་སྒྲུབ་པ་གྲོལ་ཁ༔ མདུན་བསྐྱེད་རང་ལ་ཐིམ་པར་དམིགས་ལ། ༈ སྐུ་ཡི་སྐུ་སྟེ་སྐུ་ལ་ཐིམ༔ སོགས་འདོན་དགོས་བཀྲ་ཤིས་སྨོན་ལམ་བྱའོ༔ དབང་གི་འོག་ཏུ་ཚོགས་དང་བསྐང་བ་གཏོར་འབུལ་ཡོད་ན་སབ་བོ༔ ༈ སྒྲུབ་པ་ཞག་བདུན་བྱེད་ན་ཞག་གསུམ་བསྙེན་པའི་དམིགས་པ་ཞག་གསུམ་སྒྲུབ་པའི་བསྙེན་པ་ཞག་གཅིག་ལས་སྦྱོར་དམིགས་པ་བྱ༔ ཉིན་ཕྱེད་ཡན་ཐུན་གཉིས་མན་ལ་ཐུན་གཉིས་ལ་སྔ་དྲོ་ཞི་བ་དེ་བཞིན་འགྲེས་སོ༔ ཐུན་ནི༔ སྔ་དྲོ་གཅིག ཕྱེད་ཚུན་གཅིག དགོང་མོ་གཅིག དགོང་ཀའི་བར་གཅིག མུན་རུབ་བར་གཅིག མུན་རུབ་ནས་སྲོད་དེ་དག་གཞན་རང་རང་གི་འདོན་པ་བྱ་དགོས༔ བདུན་གཅིག་གཉིས་གསུམ་ཟླ་གཅིག་སོགས་སྒྲུབ་པ་དང་མཚམས་ཅི་ཙམ་ཐོན་པའི་ཆ་བདུན་དུ་བྱས་པའི་གསུམ་རེ་བསྙེན་པ༔ གསུམ་རེ་སྒྲུབ་པ༔ ཆ་གཅིག་ལས་སྦྱོར་བྱ༔ མཐར་སྦྱིན་སྲེག་གྲུབ་ན་རབ་མ་འགྲུབ་ཀྱང་ཆོག༔ སྒྲུབ་པའི་བསྙེན་པ་ཅི་

― CMR007_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོན༔ བཅུ་ཆ་གཅིག་ལས་སྦྱོར་སྔགས་སོ༔ རཱ་ག་ཨ་སྱས་སྦྱར་བའོ༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་འདུས་ཀྱི་སྒྲུབ་ཐབས་ཟིན་བྲིས་བཞུགས་པའི་དབུ་ཕྱོགས།

― CMR007_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་འདུས་ཀྱི་སྒྲུབ་ཐབས་ཟིན་བྲིས་བཞུགས་པའི་དབུ་ཕྱོགས་ལགས་སོ།།

― CMR007_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཨཱ་ཡུཛྙཱ་ན་ཡེ༔ ཚེ་སྒྲུབ་གསང་བ་འདུས་པའི་ལག་ཁྲིད་ལ༔ གཞན་ལུགས་བརྗོད་པ་རང་ལུགས་བཞག་པ་གཉིས་ལས༔ དང་པོ་ནི་ཚེ་སྒྲུབ་གསང་བ་འདུས་པའི་རྒྱུད་ཏན་བཅོ་བརྒྱད་ཀྱི་ཡ་གྱལ་ཞིག་ཡོད་པ་ལ་བརྟེན་ནས་ཨོ་རྒྱན་རིན་པོ་ཆེས་མཛད་པར་འདོད་པ་དང་༔ ལས་བྱང་ལ་ཡང་མཆོད་པ་བྱིན་རླབས་དང་སྐྱབས་སེམས་སོགས་ཁ་སབ༔ དཀྱིལ་ཐང་ལ་ཡང་ནང་སྒྲུབ་ཀྱི་དཀྱིལ་འཁོར་བྲིས་ནས་ལས་བྱང་གི་ལྷ་བསྐྱེད་དེ་བདག་བསྐྱེད་བྱས་རྗེས༔ ནང་སྒྲུབ་ཀྱི་མདུན་བསྐྱེད་ཚིག་ལྷུག་ཁ་སབ་སྟེ་རྒྱུན་དུ་འདོན་པ་དང་དབང་ལ་ཁ་མང་དུ་སབ་སྟེ་སྐྱབས་སེམས་སོགས་གཞན་

― CMR007_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བསལ་ལ་ཁ་སབ་པར་བྱེད༔ མདོར་ན་ཨོ་རྒྱན་རིན་པོ་ཆེས་ང་ཡི་བཀའ་མ་བཅོས་གསུངས་པས་ཐམས་ཅད་བཅོས་དྲགས་ན་བྱིན་རླབས་ཆུང་བར་བདག་གིས་སེམས་སོ༔ དེ་དག་གིས་ཚེ་སྒྲུབ་གབ་མ་འཕྲོད་པར་ལས་བྱང་ཡོད་ཚུགས་བཏོན་ནས༔ སྒྲུབ་གཞུང་གི་མངོན་རྟོགས་རྗེས་ནས་བཏོན་ནས་སོ་སོའི་བསྙེན་པ་བྱེད་ཅིང་༔ འདི་གཏེར་གཞུང་ཡིན་བཅོས་མི་རུང་ཟེར་རོ༔ གབ་མ་འཕྲོད་ན་གཞུང་དེ་མ་བཅོས་པ་ཡིན་ལེགས་པར་བསམ་པར་བྱའོ༔ གསང་སྒྲུབ་དུས་ལས་བྱང་འདོན་པ་སོགས་སྤྲོས་མེད་ལ་སྤྲོས་བཅས་སྣ་ཚོགས་སོགས་མདོར་ན་སློབ་དཔོན་མེད་པ་ཅི་

― CMR007_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བྱ་བར་དོགས༔ འོ་ན་རང་ལུགས་ཀྱིས་ཇི་ལྟར་འདོད་ཞེ་ན༔ མདོར་ན་ཐུགས་རྗེ་ཆེན་པོ་གསང་འདུས་ཀྱི་རྒྱུད༔ རྟ་མགྲིན་གསང་འདུས་ཀྱི་རྒྱུད༔ ཕུར་པ་ཡང་གསང་བླ་མེད་ཀྱི་རྒྱུད༔ ཀློང་གསལ་འབར་མའི་རྒྱུད༔ རྒྱུད་བཞི་པུ་ཏི་འདི་ལ་བརྟེན་ནས༔ རཏྣའི་ལུགས་ཀྱི་འདུས་པ་སྐོར་བཞི་མཛད་པར་གསལ་བས་ཐུགས་རྗེ་ཆེན་པོ་གསང་འདུས་ཀྱི་རྒྱུད་ལས་ཚེ་སྒྲུབ་ལེའུ་དེ་ལ་བརྟེན་ནས་མཆོད་པའི་གཞུང་བསྲང་ལུགས་སོ༔ ཕྱི་སྒྲུབ་ནི་ལས་བྱང་འདི་ཉིད་ཡིན་པས༔ འདི་ལ་བརྟེན་ནས་སྒྲུབ་པ་བྱེད་པ་ན༔ དམིགས་པ་གབ་ཐིག་དང་སྤྱད༔ ལས་བྱང་གི་ལྷ་བསྐྱེད་སྐབས་སུ༔ རང་ཉིད་གཙོ་བོ་བསྐྱེད་ཚར་བའི་རྗེས་སུ་དེའི་སྤྱི་བོར་གབ་ཐིག་ནང་གི་ཨོ་རྒྱན་ཚེ་དཔག་མེད་བསྐྱེད་རྗེས་ཤར་དུ་ལ་སྱ་དཀར་མོ་ལ་སོགས་དཀྱིལ་འཁོར་ལྷ་བསྐྱེད་སྤྱན་འདྲེན་མཆོད་པའི་བར་གཞུང་ལས་བསྙེན་པའི་སྐབས་གབ་ཐིག་དམིགས་པ་རྣམས་བྱ་ཞིང་གབ་ཐིག་ལྟར་བསྙེན་པ་བྱའོ༔ གཞན་ཐམས་ཅད་ལས་གཞུང་ལྟར་རོ༔ ཡང་རྒྱུན་ཁྱེར་ལ་ལས་བྱང་མ་ལྕོགས་ན་གབ་ཐིག་གི་དམིགས་རིམ་སྐད་ཅིག་ལ་བསྒོམ་བསྙེན་པ་བརྒྱ་ཕྲག་ཙམ་མ་ཆག་པར་བྱའོ༔ ཡང་གསང་འདུས་སྒྲུབ་པའི་མཐར་ཐུག་ཅེས་པ་

― CMR007_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཕྱི་སྒྲུབ་ལ་མིང་བཏགས་ཀྱང་རུང་༔ འདི་དང་འདྲ་ལ་ཐུགས་རྗེ་ཆེན་པོ་གསང་འདུས་ཀྱི་ལས་ཚོགས་ལ་ཡང་ཡོད་ཅིང་༔ འདི་དང་གཉིས་རུང་རང་རང་གི་ཚེ་སྒྲུབ་ཡིན་ཀྱང་ཚེ་སྒྲུབ་ལེའུ་ཚེ་སྒྲུབ་གསང་འདུས་ཀྱིས་མཛད་པའི་ཕྱིར་རོ༔ ཐུགས་རྗེ་ཆེན་པོའི་ཐེམས་བྱང་ནང་དུ་ཚེ་སྒྲུབ་གསང་འདུས་ཡོངས་སུ་རྫོགས་པ་བྱུང་བ་ཡང་དེའི་ཕྱིར་རོ༔ དེ་ནས་ཚེ་སྒྲུབ་གསང་འདུས་ཀྱི་པོ་ཏི་ཁ་རྒྱས་འདོད་ན༔ ལང་གྲོས་ཞུས་ལན༔ ཞལ་གདམས་ལུང་གི་ཕྲེང་བ༔ གུ་རུའི་རྣམ་ཐར་ཐུགས་རྗེ་ཆེན་པོའི་ནང་གི་དེ༔ མགར་དམར༔ སྨྱོ་ཁ་ཨེ་ཀ་ཙ་ཊི༔ མཁའ་རི་སོགས་ཚེ་སྒྲུབ་གསང་འདུས་ཀྱི་དལ་བྲི་ཆོག་པའོ༔ ཐུགས་རྗེ་ཆེན་པོའི་རྒྱུད་ཀྱང་བཞེངས་ཆོག་གོ༔ ཚེ་སྒྲུབ་འདིའི་སྐྱབས་སེམས་ནི་ཚེ་སྒྲུབ་རྡོ་རྗེ་ཕྲེང་བའི་སྐྱབས་སེམས་ཡན་ལག་བདུན་པ་དེ་སྦྱར་རུང་བའོ༔ གཏེར་ཁ་ཡང་གཅིག་ཅིང་སྔར་ནས་སྲོལ་འདུག༔ བགེགས་གཏོར་སོགས་གང་འདོད་བྱ་རུང་༔ གེལ་དུ་བཅོལ་ལ་སྙིང་པོ་མེད་མཆོད་པ་བྱིན་རླབས་གོང་དུ་སོང་ན་གཞུང་དུ་སབ་མི་དགོས༔ གལ་ཏེ་སབ་ན་ཐུགས་རྗེ་ཆེན་པོ་སབ་འོས་ཡིན་ཐུགས་སྒྲུབ་ནས་ཀྱང་རུང་བ་ཙམ་ཡིན༔ ལས་བྱང་ཁ་རྐྱང་འདོན་པའི་དུས་

― CMR007_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མངོན་རྟོགས་གཞན་མི་སབ༔ བདག་མདུན་བུམ་གསུམ་དུས་གཅིག་བསྒོམ༔ བསྙེན་དུས་དམིགས་པ་ཚེ་སྒྲུབ་ཆེན་པོར་ཤེས་གསུངས་པ་ནི༔ ཀཿཐོག་བླ་མ་ཆོས་ཀྱི་འབྱུང་གནས་ཀྱི་ཟིན་བྲིས་ལྟར་བསྒོམ༔ བསྙེན་པ་ཚར་ནས་བསྟོད་པ་ཟུར་འགེབ་ལྟར་ཁ་སབ༔ དེ་ནས་ཚེ་འགུགས་ནས་བཟུང་སྟེ་ཚེའི་རིག་འཛིན་བསྐུལ་བའི་བར་གཞུང་འདོན༔ དེ་ནས་ཟུར་འགེབ་ནང་གི༔ ཧཱུྃ༔ གསང་འདུས་ཚེ་ཡི་དཀྱིལ་འཁོར་འདིར༔ ཞེས་སོགས་རིག་འཛིན་གྱི་བསྐུལ་འདོན༔ དེ་ནས་ཚེ་འཛུགས་པ་མན་ཆད་གཞུང་ལྟར་ཚོགས་ཆད་མདོ་བཀྲ་ཤིས་སོགས་ཐུགས་རྗེ་ཆེན་པོ་ལྟར་བྱའོ་གསུངས། དེ་ནས་ཨོ་འགྲུབ་པར་གྱུར་ཅིག་སོགས་སྨོན་ལམ་ལན་གསུམ་བྱའོ༔ དེ་ནས་ལས་བྱུང་བར་མའམ༔ དུས་བཟང་དང་གསུམ་ཀ་སྔགས་དང་དམིགས་རིམ་གཅིག་པར་ཡོད་དེ་ཚེ་རིང་བ་དང་བདེ་བ་ཅན་དུ་སྐྱེ་བ་སོགས་ཕན་ཡོན་ཆེ་བ་དང་༔ སྔགས་ཐུང་བས་བཟླ་སླ་བ་དང་༔ སྒྲུབ་ཚད་ཐུང་བ་དང་༔ སྒྲུབ་པ་བྱ་སླ་བ་སོགས་ཐམས་ཅད་རྩ་བ་འདི་རང་ལ་བྱ་འོས་པ་ཡིན༔ འདི་སྤྲོས་བཅས་དང་སྤྲོས་མེད་གཉིས༔ སྤྲོས་བཅས་ལ་དཀྱིལ་འཁོར་ཚོམ་བུ་མཆོད་གཏོར་བུམ་པ་བཅས་ལ༔ ལས་བྱང་གཞུང་

― CMR007_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲང་བ་སྟེ༔ ལྷ་བསྐྱེད་སྐབས་སུ་རང་ཉིད་ལས་བྱང་བདག་བསྐྱེད་གསལ་བའི་སྤྱི་བོར་གསང་འདུས་སྒྲུབ་པའི་མཐར་ཐུག་ནས་གསུངས་པའི་ཨོ་རྒྱན་བསྐྱེད་པ་ནི༔ ཤར་དུ་ལཱ་སྱ་དཀར་མོ་ནི་སོགས་འཁོར་ལྷ་བསྐྱེད་དོ༔ སྤྱན་འདྲེན་མཆོད་བསྟོད་བྱས༔ སྔགས་བཟླ་སྐབས་ཟབ་པའི་མཐར་ཐུག་ནས་གསུངས་པ་ལྟར༔ དམིགས་པ་བྱ་ཞིང་སྔགས་སྟོང་ཙམ་བཟླས༔ དེ་ནས་སླར་ཡང་མཆོད་པ་གཅིག་ལ་བསྟོད་པ་ཟུར་འགེབ་ཚེ་འགུགས་སོགས་གཞུང་བྱ༔ དེ་ལྟར་དུས་གསུམ་ཐུན་དུ་བཅད་ལ་ཞག་གསུམ་མམ་ལྔ་བདུན་སོགས་རྟགས་མ་བྱུང་བར་བསྒྲུབས་ནས༔ རྗེས་སུ་བུམ་པ་གཏོར་མ་རང་གི་སྤྱི་བོར་བཞག་ལ་དབང་བསྐུར་རོ༔ གཞན་དོན་ཡིན་ན་བུམ་པ་དང་གཏོར་མས་དབང་བསྐུར་ཚུལ་གཏོར་དབང་བྱིན་རླབས་སྤྲིན་ཕུང་ལྟར་བྱ༔ མདའ་དང་ཤྭ་དང་གཡུ་སོགས་ཚིགས་བཅད་བཅས་སོ་སོར་གཏད༔ ཚེ་འགུགས་སྦ་བསྟིམ་བཀྲ་ཤིས་བྱའོ༔ རང་དོན་ལ་དངོས་གྲུབ་རྫས་གཞན་ལ་མི་སྦྱིན་ནོ༔ སྤྲོས་མེད་ལྟར་བསྒྲུབས་ན་མཆོད་གཏོར་མི་དགོས༔ ལས་བྱང་མི་འདོན་གཞུང་ལྟར་དམིགས་པ་གསལ་འདེབས་སྔགས་ཁོ་ན་བཟླས་པས་འཐུས་སོ༔ སྟབས་བདེའོ༔ འདི་ནི་

― CMR007_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་སྒྲུབ་འདིའི་ལུགས་ཀྱི་སྒྲུབ་ཆེན་ཡིན་པས༔ སྤྲོས་པ་ཅི་རྒྱས་བྱ་སྟེ༔ ཐུགས་རྗེ་ཆེན་པོ་གསང་འདུས་སམ༔ ཐུགས་སྒྲུབ་སྒྲུབ་ཆེན་ལྟར་ས་ཆོག་རྒྱལ་ཐོ་སྒོ་བྱང་སོགས་འགྲུབ་ན་ལེགས༔ དེ་ཙམ་མི་འགྲུབ་ན༔ ནང་སྒྲུབ་རང་རྐང་ལྟར་སྟ་གོན་རྒྱས་པ་བྱ༔ ཁྱད་པར་ཚེ་གཏོར་ཚེ་མདའ་སོགས་ཡིག་ཆུང་སྤྲ་ཁྲིད་གུད་དུ་ཡོད་པ་ལྟར་བྱ༔ དེ་ནས་ལས་བྱང་དང་གབ་སྤྱད་ལུགས་འཁྲུགས་ཆེ་བ་སྟེ༔ བདག་ཉིད་དབང་ཆེན་ཧེ་རུ་ཀ༔ སོགས་ཚིག་གཉིས་དང་། ཧཱུྃ༔ ཉོན་ཅིག་ལོག་འདྲེན་སོགས་ནས་བཀའ་བསྒོས་ནས༔ ཨུ་ཙ་ཏ་ཡ་ཕཊ༔ བར་མཚམས་ཐམས་ཅད་ཁྲོ་ཆུང་སོགས་ནས་འབར་བར་གྱུར༔ ཧཱུྃ༔ ང་ནི་འབར་བ་དབང་གི་སྐུ་ནས་ཛྭ་ལ་རཾ་རཾ་ཧཱུཾ་ཕཊ༔ སྟེང་འོག་ཕྱོགས་མཚམས་ཐམས་ཅད་རྡོ་རྗེ་རིན་ཆེན་སོགས་ནས༔ འུ་རུ་རུ་འབར་བར་གྱུར༔ ཧཱུྃ༔ བྱིན་ཆེན་སོགས་ནས་གཞལ་ཡས་ཁང་བསྐྱེད་སྐྱུར་ལ༔ ཧཱུཾ་བཛྲ་རཀྵ་རཀྵ་ཧཱུྃ༔ ཧཱུྃ་ལས་ཡེ་ཤེས་གཞལ་ཡས་ཁང་ནས་རྡོ་རྗེའི་གུར་དུ་གྱུར་དེ་ལྟ་བུ་གཞལ་ཡས་ཁང་གི་ནང་དུ་ནས་སོགས༔ འོད་དང་འོད་ཟེར་འཕྲོས་པར་གྱུར༔ ཞེས་པའི་བར་སྒྲུབ་གཞུང་ལྟར་ལསཾ༔ ཤར་དུ་ལཱ་སྱ་དཀར་མོ་ལ་སོགས་ཞེས་ལས་

― CMR007_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ལྟར་འཁོར་ལྷ་བསྐྱེད༔ ལྷུན་གྲུབ་འགྱུར་བ་མེད་པར་བསྒོམ་ཞེས་པའི་བར་འདོན༔ དེ་ནས་སྭ་བྷཱ་ཝ་སོགས་ནས་སྒྲུབ་གཞུང་ལྟར་མདུན་བསྐྱེད་ཀྱི་ཚིག་ལྷུག༔ འོད་ཟེར་སྟོང་གསུམ་གང་བར་གྱུར་གྱི་བར༔ ལས་བྱང་ནས༔ ཨོ་ཨཱ་ཡུ་ནས་ཛའི་བར་དང་༔ སྤྱན་འདྲེན་མཆོད་པ་རྡོ་རྗེའི་ཚིག་བར་ལས་བྱང་ལྟར་རོ༔ ལས་བྱང་གི་སྔགས་དེ་རྣམས་སྐུ་ལ་བསྟོད་པ་ཟུར་འགེབ་ལྟར་བྱས༔ གཞུང་གི་འཛབ་དགོངས་དམིགས་པ་བྱ་ཞིང་བསྙེན་པ་སྔགས་སྟོང་ཡན་གང་འགྲུབ་བཟླས༔ དེ་ནས་ལས་བྱང་ལྟར་ཚེ་འགུག་སོགས་བྱ༔ ཐུན་མཚམས་གསོལ་འདེབས་གཞུང་ལྟར་གསུམ་མམ་བདུན་རེ་བྱ༔ ཐུན་བསྡུ་ཁ་ནི་ཚེ་སྦ་བསྟིམ་སྨོན་ལམ་གཞུང་ལྟར་བྱ༔ སླར་ཡང་ཐུན་གོང་ལྟར་མཚམས་གཅོད་ནས་བཟུང་སྟེ་བྱ༔ དེ་ལྟར་ཞག་རེ་ལ་ཐུན་བཞིའམ་གསུམ་རེ་བྱ་བ་ཞག་བདུན་བསྙེན༔ དེ་ནས་གཞན་གོང་ལྟར་ལས་སྒྲུབ་པའི་སྔགས་ལ་ཞག་བདུན་རེ༔ སྒྲུབ་པ་དང་ལས་སྦྱོར་དུས་དམིགས་པ་མི་འདྲ་བ་གཞུང་ཉིད་ནས་གསལ་བ་ལྟར་རོ༔ ཞག་ཉེར་གཅིག་བྱ་བ་ནི་ཐ་མ་སྟེ༔ རྒྱས་པ་ནི་གྲངས་བདུན་འབུམ་སོགས་གཞུང་ལྟར་བྱ༔ འདི་ཡང་སྒྲུབ་གྲོགས་མང་པོ་སྒྲུབ་ཆེན་ལྟར་བྱེད་ན༔

― CMR007_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་གསུམ་རེ་བྱས་ན་དགུ་ནས་ཀྱང་ཐོན་པར་ཡང་རུང་ངོ་༔ མཇུག་ཏུ་རང་དོན་ཡིན་ན་ཕྱི་སྒྲུབ་ལྟར་རང་གིས་དབང་དངོས་སུ་བླངས༔ གཞན་དོན་ཡིན་ན་དབང་རྒྱས་བསྡུས་གང་རུང་བསྐུར་བའམ༔ དེ་སྟབས་མ་བདེ་ན་ཚེ་འགུགས་རྒྱས་པ་བྱས་ལ༔ མདའ་དང་བླ་གཡུ་སོགས་བླ་རྟེན་སོ་སོར་འབུལ༔ བཀྲ་ཤིས་བརྗོད་ཅིང་ཚེ་ཆུ་ཚེ་རིལ་ཚེ་ཆང་འབུལ་ལོ༔ མཚམས་གྲོལ་ལུགས་སྤྱི་དང་མཐུན་ནོ༔ ཡང་རྣལ་འབྱོར་པ་ཏིང་ངེ་འཛིན་ལ་དབང་ཐོབ་ཅིང་སྤྲོས་པ་མི་དགའ་ན་བཅས་རྣམས་གཞུང་ཅི་ལྕོགས་བྱ༔ དང་པོ་ཐུན་ཐུགས་སྒྲུབ་ཚར་གཅིག་བཏང་ལ་གཞུང་འདིས་ཁོག་ཕུབ་ལ༔ རྒྱུན་དུ་སྒྲུབ་གཞུང་རང་གི་མངོན་རྟོགས་བསྡུས་པ་ཁོ་ན་བསྒོམ་ཞིང་སྔགས་དང་གསོལ་འདེབས་ཝིག་ཅིང་བསྒྲུབ་ལ༔ རྗེས་སུ་ཚོགས་དང་ཆད་མདོ་དཀྱིལ་འཁོར་བསྡུ་བ་བཀྲ་ཤིས་སོགས་ཐུགས་སྒྲུབ་ལྟར་བྱས་ཀྱང་རུང་བ་གཞུང་ཉིད་ནས་གསུངས་པ་ལྟར་རོ༔ ༈ འདི་ཡི་ནང་སྒྲུབ་ནི་ཤིན་ཏུ་སྤྲོས་མེད་དེ༔ ལས་བྱང་གབ་སྤྲོད་རྒྱུ་མ་ཡིན་པས༔ སྒྲུབ་གཞུང་ཉིད་ནས་ཇི་ལྟར་བྱུང་བཞིན་ཁོ་ནས་ཆོག༔ ཡེ་ཤེས་པ་སྤྱན་འདྲེན་མ་ཚང་བ་མ་ཡིན་ཏེ༔ ཨ་ནུ་དང་ཨ་ཏིའི་སྒྲུབ་པ་ཡིན་ཏེ༔ རང་སེམས་ཡེ་ཤེས་སེམས་

― CMR007_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་འམ༔ རང་ལུས་དམ་ཚིག་སེམས་དཔའ་ཡེ་ནས་ཡིན་པ་ལ༔ ཡིན་པར་གསལ་འདེབས༔ འདིའི་གནད་ལ་རླུང་རོ་ལེགས་པར་བུས་ནས་རླུང་བཟུང་ནས་ཡིད་ཀྱི་བཟླས་པ་དང་༔ དམིགས་པ་ཁོ་ན་བྱ་བ་གནད་ཡིན་ནོ༔ སྤྱིར་ཚེ་སྒྲུབ་ཐམས་ཅད་འདྲ་ཡང་ཁྱད་པར་གསང་སྒྲུབ་ཐུགས་དམ་བྱེད་ནས་ཐིག་ལེ་མ་ཉམས་པར་བསྲུང་བ་གནད་ཆེའོ༔ འདིའི་ཚེ་རིལ་འདྲ་མིན་གསུམ་བྱུང་སྟེ༔ གཅིག་ནི་ཐུགས་རྗེ་ཆེན་པོའི་གསང་འདུས་ཀྱི་ལས་ཚོགས་ཡིན༔ རྫས་ཡང་དཀའ༔ གཅིག་ཚེ་སྒྲུབ་རྡོ་རྗེའི་ཕྲེང་བ་ཡིན་ཏེ༔ དེ་ཡང་དཀའ༔ ཚེ་ཁྲིད་རྡོ་རྗེའི་ཕྲེང་བ་ལས་བདུད་རྩི་རིལ་བུ་སྒྲུབ་པ་ཞེས་པ་འདི་ཚེ་སྒྲུབ་གསང་འདུས་ལ་སྦྱར་རྒྱུ་ཡིན༔ སྟབས་བདེ་རྫས་ཡང་སླ་རང་གཞན་ཀུན་ལ་ཕན་པར་སྣང་སྟེ༔ བྱ་ལུགས་ཐམས་ཅད་གཞུང་བལྟས་ཆོག་ཏུ་གསུང་ཡོད་པར་འདུག་ཀྱང་༔ གསང་འདུས་ལས་བྱང་ཚར་རེས་གཞུང་བསྲང་ལ་སྔགས་ཚེ་རིལ་གྱི་སྔགས་ལ་འབད༔ རིལ་བུ་བདག་གཞན་ཀུན་གྱིས་ལོངས་སྤྱོད་པར་བྱའོ༔ རིལ་བུ་ཡི་ཕབ་རྒྱུན་རཏྣ་གླིང་པ་སོགས་གཏེར་ཁ་རྩོད་མེད་ཀྱི་དམ་རྫས་ཚེ་རིལ་ལ་སོགས་འདྲེས་ངེས་ཀྱི་དམ་རྫས་ལ་བྱའོ༔ ཚེ་དབང་རྒྱས་པ་ནི་གུ་རུ་ཀུན་

― CMR007_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བསྟན་འཛིན་སོགས་ཀྱི་གཏེར་གཞུང་ཉིད་ལ་གདའ་ཚུགས་ལས༔ ཁ་སབ་མི་མཛད་པས་དེ་ལྟར་ཡང་ལགས་ཏེ༔ ཀཿཐོག་ནས་མང་དུ་སབ་ནས་དབང་སྤྱི་ལྟར་ཆ་ཚང་ངེས་མཛད་འདུག་པ་དེ་ལྟར་འདོད་ན་ཀཿཐོག་ལྷམ་པ་བླ་མའི་ཟིན་བྲིས་བལྟ་བར་བྱོས་ཤིག༔ གཏོར་དབང་ལ་འཁྲུགས་ཅུང་ཟད་ཡོད་པ་ལེགས་པར་དཔྱད་ན་ཤེས་པར་ཡོད་ཅིང་༔ གཞན་དབང་ལ་སོགས་ལ་འཁྲུགས་མེད་གཞུང་ལྟར་ལས༔ རྒྱས་པར་དབང་བཤད་སྤྲོ་ན་རིག་ཐོག་ནས་བཤད་པར་བྱའོ༔ དོན་གྱི་གནད་འགག་ཚང་བར་ཡོད་པས༔ ཁམས་ཤིན་ཏུ་ཆེ་སྟེ༔ གསང་སྔགས་ཆོས་ཀྱི་སྡོམ་པ་ཆེན་པོ་ཡིན་པས་ལེགས་པར་ལྟ་ཞིང་གོ་བདེ་བར་ཡོད་དོ༔ འདི་ཡི་བཀའ་སྲུང་ནི་དགེ་བསྙེན་མཁའ་རི་དང་༔ སྨྱོ་ཁ་དང་༔ ་སྤུ་གྲི་མཆེད་གསུམ་རྣམས་ཡིན་པས་སྒྲུབ་པ་དང་༔ གཞན་ལ་སྤེལ་དུས་གཏོར་མ་རེ་འབུལ་བ་དང་༔ རྒྱུན་དུ་སྔགས་བསྔོས་ཙམ་བྱས་ན་བར་ཆད་སེལ་ཅིང་བཀྲ་ཤིས་ལ༔ དེ་ལྟར་མ་བྱས་ན༔ གཉེར་པ་ལ་མ་དྲིས་པར་ཆས་ཀ་ལ་ལོངས་སྤྱོད་པ་ལྟར་འཁུ་ལྡོག་འབྱུང་བས་དེ་དོན་ཤེས་པ་གནད་དམ་པའོ༔ ལར་ཚེ་སྒྲུབ་འདི་ཤིན་ཏུ་ཟབ་ཅིང་ཆ་ལག་ཚང་བས་ཀཐོག་ཟུར་མང་སོགས་དགོན་སྡེ་རྣམས་དང་༔

― CMR007_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཡང་འཕགས་སྐྱེས་སྐྱེས་ཆེན་དུ་མས་ཐུགས་དམ་དུ་མཛད་པ་ཡིན་ལ༔ སྔགས་ཨཱ་ཡུ་ཥེ་ཞེས་དང་ཨཱ་ཡུ་ཤྲཱི་ཞེས་ཡིག་ཆ་ཁུངས་མཉམ་དུ་བྱུང་ལ༔ གཏེར་ཁ་བརྡའ་སྔ་འགྱུར་དང་མཐུན་པ་ལས་ཕྱིས་དཔེ་ལ་ལར་ཨཱ་ཡུ་ཥེ་ཞེས་བརྡའ་གསར་མ་འདྲ་པར་ཡང་བྲིས་འདུག༔ ཨཱ་ཡུ་ཥེ་བཟླ་མཁན་འགའ་རེ་ཚེ་རིང་པོར་མ་བྱུང་༔ དེས་ན་གཏེར་མ་རང་རྐང་ལྟར་ཨཱ་ཡུ་ཤེ་ཞེས་སོགས་བཟླས་པ་ལེགས༔ ཨཱ་ཡུ་ཥེ་དང་ཛི་ཁཱིནྡྲི་སོགས་ཟབ་པ་ལེགས༔ ཨཱ་ཡུ་ཥ་དང་ཛི་ཁཱིན་སོགས་ལེགས་སྦྱར་དང་བསྟུན་པ་ལེགས་ཏེ༔ རྙིང་མ་སྔགས་ཕལ་ཆེར་སཾ་སྐྲྀ་ཏའི་སྐད་ཡིན་པས་ངེས་པ་མེད་པའི་ཕྱིར་རོ༔ ཆུའི་སྙིང་པོ་ཚྭ་ཡིན་པས༔ ཞེས་པ་ཚེ་ཡིན་པ་དང་༔ ས་ཡི་སྙིང་པོ་གསེར་ཡིན་པས༔ ཞེས་པ་ཤ་ཡིན་པ་ཟེར་བ་ཡིག་རྙིང་ལ་ལར་སྣང་བས་བསྒྱུར་བ་ཡང་མི་འགལ་བར་སེམས་སོ༔ ཞེས་པ་རྡོ་རྗེ་འཛིན་པ་པྲ་ཝའི་མཚན་ཅན་གྱིས་བསྐུལ་ཕྱིར༔ རཱ་ག་ཨ་སྱས་འཕྲལ་དུ་བྲིས་པ་མངྒ་ལཾ། །དེ་ནས་ཕན་ཐོགས་འབྱུང་བའི་རྒྱུར་གྱུར་ཅིག༔

ཚེ་སྒྲུབ་གསང་འདུས་ཀྱི་འདོན་འགྲིག་ནང་སྒྲུབ་ཀྱི་ཟིན་བྲིས་བཞུགས་པའི་དབུ་ཕྱོགས།

― CMR007_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་འདུས་ཀྱི་འདོན་འགྲིག་ནང་སྒྲུབ་ཀྱི་ཟིན་བྲིས་བཞུགས་པའི་དབུ་ཕྱོགས་ལགས་སོ༔

― CMR007_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ནང་སྒྲུབ་ཀྱི་འདོན་འགྲིག་ནི༔ བདག་ཉིད་དབང་ཆེན་ཧེ་རུ་ཀས༔ རྟ་སྐད་ཐེངས་གསུམ་སྒྲོག་པར་གྱུར༔ ཧཱུྃ༔ ཉོན་ཅིག་ལོག་འདྲེན་བགེགས་ཀྱི་ཚོགས༔ སོགས་ནས། སུཾ་བྷ་ནི་ཧཱུྃ་བཞི་ཡི་སྔགས་སོགས་ནས། ཚེ་སྲོག་ལ་བར་དུ་གཅོད་པའི་འབྱུང་པོ་ཐམས་ཅད་ཨུ་ཙ་ཏ་ཡ་ཕཊ༔ དེ་བར་བརྗོད༔ བགེགས་རྣམས་རྒྱ་མཚོའི་ཕར་འགྲམ་ཕྱིའི་ལྕགས་རི་ཆེན་པོའི་ཕྱིར་བསྐྲད་དེ་འདའ་བའི་གནས་མེད་པར་གྱུར༔ ཧཱུྃ༔ ང་ནི་འབར་བ་དབང་གི་སྐུ༔ སོགས་ནས་ཛྭ་ལ་རཾ་རཾ་ཧཱུྃ་ཕཊ༔ དེའི་བར་བརྗོད༔ སྟེང་འོག་ཕྱོགས་མཚམས་ཐམས་ཅད༔ རྡོ་རྗེ་འཁོར་ལོ་དབྱུག་ཏོ༔

― CMR007_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

རལ་གྲི་རྒྱ་གྲམ་ཕུར་པའི་གུར་གྱིས་བསྣོལ་མར་འཁོར་ཞིང་༔ བར་མཚམས་མེད་པར་གཏམས་པའི་ཕྱི་རོལ་ཡེ་ཤེས་ཀྱི་མེ་ཁ་དོག་ལྔས་ཚངས་པའི་གནས་ཀྱི་བར་འུ་རུ་རུ་འབར་བར་གྱུར༔ བར་མཚམས་ཐམས་ཅད་ཁྲོ་ཆུང་མཚོན་ཆས་གང་བ་སྐར་ལྟར་རྒྱུག་པ་དང་རླུང་ལྟར་འཁྲུག་ཅིང་འབར་བར་གྱུར༔ ཧཱུྃ༔ བྱིན་ཆེན་ངོ་མཚར་མཆོག་གི་གནས༔ ནས་ཨཱ་ཝེ་ཤ་ཡ་ཨཱ༔ དེ་ནས་མཆོད་པ་བྱིན་རླབས་ནི༔ ཧཱུྃ༔ གསང་འདུས་ཚེ་ཡི་དཀྱིལ་འཁོར་དུ༔ ཕྱི་ནང་གསང་བའི་མཆོད་ཚོགས་རྣམས༔ སྣང་སྲིད་ཐམས་ཅད་ཡོངས་བཀང་ནས༔ གུས་པས་འབུལ་གྱིས་

― CMR007_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས་སུ་གསོལ༔ ཨོཾ་བཛྲ་པུཊྚེ་ཨཱཧཱུྃ༔ སོགས། ཨོྃ་ཨཱ༔ ཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲིཋཱ༔ ཨོཾ་ཨཱཿཧཱུྃ་མ་ཧཱ་བྷ་ལིཏ་ཏེ་ཛཱ་བྷ་ལིནྟ་བྷ་ལ་བྷ་ཏེ་གླུ་རྒྱ་ས་མ་ཡེ་སྭཱ་ཧཱ༔ སོགས་ནས། ཤུདྡྷེ་ཨཱཧཱུྃ༔ མ་ཧཱ་རཀྟ་ཛྭ་ལ་མཎྜལ་ཧཱུྃ་ཧྲཱིཿཋཱ༔ ཨོཾ་ཨཱཧཱུྃ་བྷོ་དྷི་ཙིཏྟ་གྷ་ན་གུ་ཧྱ་ས་མ་ཡ་སཱུ༔ ཧཱུྃ༔ བླ་མ་ཡི་དམ་མཁའ་འགྲོ་དང་༔ ནས་ཤུདྡྷོ་ཨཱ༔ ཧཱུྃ་བྷཾ་བཛྲ་རཀྵ་རཀྵ་ཧཱུྃ༔ བློ་ལས་ཡེ་ཤེས་གཞལ་ཡས་ཁང་སྒོ་གྲུ་རྟ་བབས་ཆོས་འཁོར་ཡོངས་སུ་རྫོགས་པ་ཕྱི་གསལ་ནང་གསལ་ཡེ་ཤེས་ཀྱི་རང་སྣང་ལས་གྲུབ་པའི་གཞལ་ཡས་ཁང་ཆེན་པོར་གྱུར་པའི་སྟེང་ཐམས་ཅད་རྡོ་རྗེའི་བླ་རེ༔ འོག་ཐམས་ཅད་རྡོ་རྗེའི་ས་གཞི་ཕྱོགས་མཚམས་རྡོ་རྗེའི་གུར་དུ་གྱུར༔ དེ་ལྟ་བུའི་གཞལ་ཡས་ཁང་གི་ནང་དུ་བདག་ཉིད་པདྨ་ཉི་ཟླའི་སྟེང་དུ་དམར་པོ་ལས༔ འོད་ཟེར་ཕར་འཕྲོས་རྒྱལ་བ་མཉེས་པའི་མཆོད་པ་ཕུལ༔ སེམས་ཅན་གྱི་སྒྲིབ་པ་སྦྱངས༔ ཚུར་འདུས་ཡོངས་སུ་གྱུར་པ་ལས༔ བདག་ཉིད་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་གཞག་ན་ཚེའི་བུམ་པ་འཛིན་པ་འོད་དུ་འཕྲོ་བར་གྱུར༔ དེ་ནས་མདུན་བསྐྱེད་དཀྱིལ་འཁོར་བསྐྱེད་པ་ནི༔ སྭ་བྷཱ་ཝ་སོགས༔ ཨོཾ་མ་ཧཱ་ཤུ་ནྱ་ཏ་ཛྙཱ་ན་བཛྲ་སྭ་བྷ་ཝ་ཨཏྨ་

― CMR007_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ཀོཉཧཾ། ཞེས་བརྗོད་པས། མདུན་གྱི་དལ་བུམ་པ་བཅས་པ་མི་དམིགས་པ་ལས༔ གཞལ་ཡས་ཁང་ཆེན་པོ་སྒོ་བཞི་གྲུ་བཞི་རྟ་བབས་བཞི༔ གདུགས་ཏོག་ཆོས་འཁོར་རྣམས་ཡོངས་སུ་རྫོགས༔ ཕྱི་གསལ་ནང་གསལ་འོད་དུ་འབར་བ༔ ཡེ་ཤེས་ཀྱི་རང་སྣང་ལས་གྲུབ་པའི་དབུས་སུ༔ རྨ་བྱ་བརྒྱད་དང་པདྨ་དང་ཉི་མ་ཟླ་བའི་དལ་གྱི་སྟེང་༔ རང་བྱུང་ལྷུན་གྱིས་གྲུབ་པའི་ཡི་གེ་ཧྲཱིཿདམར་པོ་འོད་དུ་འབར་བ་ལས་འོད་ཟེར་འཕྲོས་སེམས་ཅན་གྱི་སྒྲིབ་པ་སྦྱངས༔ རྒྱལ་བ་རྣམས་ལ་མཉེས་པའི་མཆོད་པ་ཕུལ༔ ཁྱད་པར་དུ་འཁོར་གྱི་ཚེ་བསོད་ནམས་དཔལ་དང་བཅུད་ཐམས་ཅད་ཚུར་བསྡུས་ཧྲིལ་ཐིམ་ཡོངས་སུ་གྱུར་པ་ལས༔ ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་གཞག་ན་ཚེའི་བུམ་པ་འཆི་མེད་ཚེའི་བདུད་རྩིས་གང་བ་འཛིན་པ༔ རིན་པོ་ཆེའི་རྒྱན་དུ་མས་བརྒྱན་པ༔ མདུན་དུ་ཚེའི་ལྷ་མོ་གོས་དཀར་མོ་ཞལ་གཅིག་ཕྱག་གཉིས་སྐུ་མདོག་དམར་སེར༔ ཕྱག་གཡས་པདྨའི་ཕྲེང་བ་ཡབ་ཀྱི་མགུལ་ནས་འཁྱུད་པ༔ གཡོན་ཚེའི་བུམ་པ་ཡབ་ཀྱི་སྙན་གཡས་ཐད་དུ་འཛིན་པ༔ དབུ་སྐྲ་གྲོལ་བ༔ གཅེར་བུ་ལ་རིན་པོ་ཆེ་དང་

― CMR007_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨའི་ཕྲེང་བ་དང་རྒྱན་དྲུག་གིས་སྤྲས་པ༔ འཛུམ་པའི་མདངས་དང་ལྡན་པ༔ ཞབས་གཉིས་ཡབ་ཀྱི་རྐེད་དུ་འཁྲིལ་བ༔ དེའི་ཤར་དུ་མི་བསྐྱོད་པ་ཚེ་དཔག་མེད་ཡབ་ཡུམ་སྐུ་མདོག་དཀར་པོ༔ ཕྱག་ན་བུམ་པ་འཛིན་པ༔ ལྷོར་རིན་ཆེན་འབྱུང་ལྡན་ཚེ་དཔག་མེད་ཡབ་ཡུམ་སྐུ་མདོག་སེར་པོ་ཕྱག་ན་བུམ་པ་འཛིན་པ༔ ནུབ་ཏུ་རྣམ་པར་སྣང་མཛད་ཚེ་དཔག་མེད་ཡབ་ཡུམ་དམར་པོ་ཕྱག་ན་བུམ་པ་འཛིན་པ༔ བྱང་དུ་དོན་ཡོད་གྲུབ་པ་ཚེ་དཔག་མེད་ཡབ་ཡུམ་སྐུ་མདོག་ལྗང་གུ་ཕྱག་ན་བུམ་པ་འཛིན་པ༔ དེའི་ཕྱི་རིམ་ཤར་དུ་ལཱ་སྱ་དཀར་མོ་གཡས་ཚེའི་མདའ་དར་དང་གཡོན་ཚེའི་བུམ་པ་འཛིན་པའོ༔ ལྷོར་མཱ་ལེ་སྔོན་མོ་གཡས་མདའ་དར་དང་གཡོན་ཚེའི་བུམ་པ་འཛིན་པའོ༔ ནུབ་ཏུ་གྷིརྟི་དམར་མོ་གཡས་མདའ་དར་དང་གཡོན་ཚེའི་བུམ་པ་འཛིན་པའོ༔ བྱང་དུ་ནིརྟི་ལྗང་མོ་གཡས་མདའ་དར་དང་གཡོན་ཚེའི་བུམ་པ་འཛིན་པའོ༔ དེ་དག་རྣམས་ཀྱང་ལྷ་མོའི་ཕྱེད་སྐྱིལ་དུ་བཞུགས་པའོ༔ དེའི་ཕྱི་རིམ་ཤར་དུ་དཀར་མོ་མགྱོགས་མ་ཚེའི་བུམ་པ་འཛིན་པ༔ ལྷོར་སེར་མོ་མགྱོགས་མ་ཚེའི་བུམ་པ་འཛིན་པ༔ ནུབ་ཏུ་དམར་མོ་མགྱོགས་མ་ཚེའི་བུམ་པ་འཛིན་པ༔

― CMR007_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་དུ་ལྗང་མོ་མགྱོགས་མ་ཚེའི་བུམ་པ་འཛིན་པ༔ ཀུན་ཀྱང་པདྨའི་སྐྱིལ་ཀྲུང་དུ་བཞུགས་པའོ༔ དེའི་ཕྱི་རིམ་ཤར་དུ་སྒོ་མ་ལྕགས་ཀྱུ་དཀར་མོ་བསེའི་གའུ་འཛིན་པ༔ ལྷོར་སྒོ་མ་ཞགས་པ་སེར་མོ་ཞགས་པ་དང་བསེའི་གའུ་འཛིན་པ༔ ནུབ་ཏུ་སྒོ་མ་ལྕགས་སྒྲོག་མ་དམར་མོ་པདྨ་དང་བྷན་འཛིན་པ༔ བྱང་སྒོར་རལ་གྲི་མ་ལྗང་མོ་གཡུའི་གའུ་འཛིན་པ༔ སྒོ་མ་རྣམས་ཀྱི་སྐུ་གར་སྟབས་སུ་བཞུགས་པ༔ ཀུན་ཀྱང་རིན་པོ་ཆེའི་རྒྱན་དུ་མས་སྤྲས་པ་དར་རྣམ་པ་ལྔས་སྟོད་གཡོགས་དང་ཤམ་ཐབས་ཅན་འོད་ཟེར་དཔག་ཏུ་མེད་པ་འཕྲོ་བར་གྱུར༔ ལྷ་དེ་དག་གི་སྤྱི་བོར་ཨོཾ་དཀར་པོ༔ མགྲིན་པར་ཨཱདམར་པོ༔ ཐུགས་ཀར་ཧཱུྃ་མཐིང་ཁ༔ ཨོྃ་ཨཱ༔ ཧཱུྃ་བརྗོད་པས་རྒྱལ་བ་ཐམས་ཅད་ཀྱི་བྱིན་རླབས༔ ཡེ་ཤེས་ལྔའི་དབང་བསྐུར་བར་གྱུར་ལྷ་ཐམས་ཅད་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་ལྟེ་བར་ཧྲིདམར་པོའི་མཐའ་མ་ལ་རྩ་བའི་སྔགས་ཀྱིས་བསྐོར་བར་གྱུར༔ སྔགས་ལས་འོད་ཟེར་འཕྲོས་ཏེ་བདེ་བ་ཅན་ནས་རང་རང་གི་ཡེ་ཤེས་པ་སྤྱན་དྲངས་ཏེ༔ དམ་ཚིག་པ་རང་ལ་ཐིམ་གཉིས་སུ་མེད་པར་གྱུར་ཏེ༔ འོད་ཟེར་གྱིས་སྟོང་གསུམ་གང་བར་གྱུར༔ ཨོཾ་

― CMR007_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ་ཡུསརྦ་ཏ་ཐཱ་ག་ཏ་ཛཱ་ན་མུ་ཏྲ་ས་མ་ཡ་ཛ༔ དེ་ནས་སྤྱན་འདྲེན་པ་ནི། ནུབ་ཕྱོགས་བདེ་ཆེན་དག་པའི་ཞིང་༔ ནས་སྐྱེ་འཆི་མེད་པའི་དོན་རྟོགས་ཤོག༔ དེ་བར་བརྗོད་དམིགས་པ་གསལ་འདེབས་བསྙེན་སྒྲུབ་དང་ལས་སྦྱོར་སོགས་ནང་སྒྲུབ་གཞུང་ལྟར་བྱའོ། ཞེས་ཨ་རཱ་གས་བསྒྲིགས་པའོ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་བ་འདུས་པ་ལས་ནང་སྒྲུབ་དམིགས་རིམ་བཞུགས་པའི་དབུ་ཕྱོགས།

― CMR007_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པ་ལས་ནང་སྒྲུབ་དམིགས་རིམ་བཞུགས་པའི་དབུ་ཕྱོགས་ལགས་སོ།།

― CMR007_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

ཅཅཁ༔ ན་མོ་ཨཱ་ཡུཛྙཱ་ན་ཡེ༔ ཚེ་སྒྲུབ་གསང་འདུས་ཀྱི་ནང་སྒྲུབ་ལ༔ བདག་བསྐྱེད་གཞལ་ཡས་ཁང་གི་དབུས་སུ་གཙོ་རྐྱང་ཡིན༔ མདུན་བསྐྱེད་རྡུལ་ཚོན་གྱི་དཀྱིལ་འཁོར་མངོན་རྟོགས་ལྟར་འཁོར་མང་བསྐྱེད༔ མདུན་བསྐྱེད་གཙོ་བོའི་ཕྱག་ན་འཛིན་པའི་བུམ་པ་དང་བཤམ་པའི་བུམ་པ་གཉིས་དབྱེར་མེད་བསྒོམ་པ་མ་གཏོགས་ལོགས་ན་བུམ་པ་ལྷ་བསྐྱེད་ནས་མེད་དོ༔ རང་བདག་བསྐྱེད་ཚེ་དཔག་མེད་ཀྱི་ཐུགས་ཀར་པདྨ་དམར་པོ་ཞིག་གི་སྟེང་དུ༔ གསེར་གྱི་རྡོ་རྗེ་རྒྱ་གྲམ་ཞིག་ལྷན་ཐབས་སུ་ཡོད་པའི་ལྟེ་བའི་སྟེང་དུ་འོག་ཉི་མ་སྟེང་ཟླ་བ་གཉིས་ཀྱི་གའུ་ཁ་སྦྱོར་ཁ་ཅུང་ཟད་

― CMR007_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེ་བ། དེའི་ནང་དུ་པདྨ་དང་ཟླ་བའི་གདན་གྱི་དབུས་སུ་ཚེ་དཔག་མེད་པའི་ཐུགས་སྲོག་ཧཱུྃ༔ དམར་པོ་བྱུ་རུའི་མདོག་ཅན་ལངས་ཏེ་གནས་པ་ཧཱུྃཡིག་ཚེག་ངོས་རྒྱབ་སྒལ་ཚིགས་ངོས་ན་བསྟན་པ་གཡོ་འགུལ་མེད་པར་ཁྲོང་ངེ་གནས་པ༔ ཧཱུྃདེ་ཡི་ནང་སྟོང་པ་ཟངས་ཀྱི་སྦུ་གུ་ལྟ་བུའི་ཧའི་ཁོག་པའི་ནང་དུ་རང་གི་བླ་སྲོག་གི་ངོ་བོ་ནི་ལྗང་གུ་བཀྲག་མདངས་སྐར་རྗེན་ཤར་བ་ཙམ་ཡོད་པ་དེའི་གཡས་སུ་སྲོག་མི་འགྱུར་བའི་ཡི་གེ་ཨཱཿདཀར་པོ་གཡོན་དུ་སྲོག་བརྟན་པའི་ངོ་བོ་ཡི་གེ་ཧཱུྃ་མཐིང་ག་གསུམ་བསྒོམ༔ ཐུགས་སྲོག་ཧཱུྃཡི་མཐར་འདོན་རྒྱུའི་སྔགས་དེའི་ཡི་གེ་ངོ་ཕྱི་ན་བསྟན་ནས་ཡི་གེ་

― CMR007_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ལངས་ཏེ་གནས་པར་བསྒོམ༔ ངག་ནས་སྔགས་བརྗོད་མ་ཐག་བྱུ་རུའི་ཕྲེང་བའམ་མགལ་མེའི་འཁོར་ལོ་ལྟར་གཡས་སུ་དམར་ཀྱི་ལི་ལི་འཁོར། དེ་བཞིན་དུ་མདུན་བསྐྱེད་གཙོ་འཁོར་ཐམས་ཅད་ཀྱི་ཐུགས་ཀར་ཟླ་བའི་སྟེང་དུ་ཧྲཱིཿཝལ་སྔགས་ཕྲེང་འཁོར་བ་ནི་འདྲ་སྟེ་ཨ་ནཱི་ཧཱུྃ་གསུམ་མི་དགོས༔ བདག་ཚེ་དཔག་མེད་ཀྱི་ཐུགས་ཀ་ནས་ཧྲཱིཿདམར་པོ་གཅིག་འཕྲོས་པས༔ མདུན་བསྐྱེད་དཀྱིལ་འཁོར་གྱི་གཙོ་བོའི་ཕྱག་གི་བུམ་པ་དང་བཤམས་པ་གཉིས་གཅིག་ཡིན་པའི་དབུས་སུ་ཟླ་བའི་གདན་ལ་ཧཱུྃ༔ དེ་བཞུགས་པ་ལ་སྔགས་ཕྲེང་གིས་བསྐོར་བ་ཡང་གཡས་སུ་ཀྱི་ལི་ལི་འཁོར་བར་བསྒོམ༔ དེ་ཡན་ནི་བསྙེན་སྒྲུབ་ལས་གསུམ་ཀ་ལ་སྒོམ་ལུགས་འདྲ་ལ༔ མི་འདྲ་བའི་ཁྱད་པར་ཅུང་ཟད་ནི༔ བསྙེན་པའི་དུས་དམིགས་པ་ནི། བདག་གི་ཐུགས་ཀ་ནས་འོད་ཟེར་ཁ་དོག་ལྔ་ལྡན་དམར་པོ་ཤས་ཆེ་བ་སྤྲོས༔ གཟུངས་ཐག་གི་རྒྱུད་ནས་སོང་སྟེ༔ དཀྱིལ་འཁོར་ལྷ་ཐམས་ཅད་ལ་འོད་དེས་ཕོག་པས་ཐུགས་རྒྱུད་བསྐུལ༔ ཐུགས་རྒྱུད་ཟེར་བ་ནི༔ སྔོན་ཚེ་ཟད་པའི་ཚེ་བསྲིང་བའི་དམ་བཅས་པའི་སྨོན་ལམ་དེ་དྲན་པའོ༔ དཀྱིལ་འཁོར་གྱི་ལྷ་ཐམས་ཅད་ཀྱི་ཐུགས་ཀ་ནས་འོད་ཟེར་ཁ་དོག་སྣ་ཚོགས་དམར་པོ་

― CMR007_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

ཤས་ཆེ་བ་སྟེང་འོག་ཕྱོགས་བཅུར་ནམ་མཁས་གར་ཁྱབ་ཏུ་འཕྲོས༔ འཁོར་བའི་སེམས་ཅན་ཐམས་ཅད་དང་མྱ་ངན་ལས་འདས་པའི་ཉན་ཐོས་དགྲ་བཅོམ་པ་དང་། རང་སངས་རྒྱས་དང་བྱང་ཆུབ་སེམས་དཔའ་ས་བཅུ་པོ་གང་རུང་ལ་བཞུགས་པ་རྫོགས་པའི་སངས་རྒྱས་ཏེ་འཁོར་འདས་ཐམས་ཅད་ཀྱི་ཚེ་དང་བསོད་ནམས༔ བཀྲག་མདངས་དཔལ་དང་གཟི་བརྗིད་ཐམས་ཅད་འོད་དང་འོད་ཟེར་གྱི་རྣམ་པར་ཚུར་བསྡུས་ནས༔ ལ་ལ་རང་ལ་ཐིམ་ལ་ལ་མདུན་བསྐྱེད་ཀྱི་ཕྱག་གི་བུམ་པར་སིབ་སིབ་རུག་རུག་ཐིམ་པར་བསྒོམ༔ ཧྲེ་འཁྱམས་པ་ཞེས་བྱ་བ་རང་གི་བླ་སྲོག་འཁྱམས་པ་ཡིན་པ་སྟེ༔ ཡང་རང་གི་ཐུགས་ཀའི་འོད་ཟེར་གཟུངས་ཐག་ཏུ་བརྒྱུད་ནས་སོང་དཀྱིལ་འཁོར་གྱི་ལྷ་ཚོགས་རྣམས་ལ་ཕོག་པས་ཐུགས་རྒྱུད་བསྐུལ། དཀྱིལ་འཁོར་གྱི་ལྷ་ཐམས་ཅད་ཀྱི་ཐུགས་ཀའི་སྔགས་འཁོར་བཞིན་ལས་འོད་ཟེར་སྟེང་འོག་ཕྱོགས་བཅུར་འཕྲོས་པས་རང་ནི་སྲོག་འཁྱམས་པ་དང་༔ གདོན་ཆེན་གྱིས་འཕྲོག་པ༔ གདོན་ཕྲན་གྱིས་བསྡུམ་པ༔ བྱད་མ་ལྷ་སྲུང་གིས་བརྐུས་པ་ཐམས་ཅད་འོད་དང་འོད་ཟེར་གྱི་ཚུལ་དུ་འུབས་སེ་འུབས་སེ་བསྡུས༔ བདག་ལ་སིབ་སིབ་ཐིམ༔ མདུན་བསྐྱེད་ཚེ་དཔག་མེད་ཀྱི་

― CMR007_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་གི་བུམ་པར་རུག་རུག་བླུག་པར་བྷེ༔ ཡང་རང་གི་ཐུགས་ཀའི་གཟུངས་ཐག་ལ་འཁྲིལ་ཏེ་སོང་བ་ལས་དཀྱིལ་འཁོར་གྱི་ལྷ་ཚོགས་ཐམས་ཅད་ལ་ཕོག་པས་སྔགས་ཕྲེང་དྲག་ཏུ་འཁོར་བས་ཐུགས་རྒྱུད་བསྐུལ་ནས༔ མདུན་བསྐྱེད་ལྷ་ཚོགས་ཐམས་ཅད་ཀྱི་ཐུགས་ཀ་ནས་འོད་ཟེར་ཕྱོགས་བཅུའི་ནམ་མཁའ་ཁྱབ་པར་འཕྲོས་པས་ནམ་མཁའི་ཉི་ཟླ་ས་ཆུ་མེ་རླུང་འཁོར་འདས་སྣོད་བཅུད་ཀྱི་འཇིག་རྟེན་བཅུད་ཀྱི་སེམས་ཅན་ཐམས་ཅད་ཀྱིས་ཚེ་བསོད་ནམས་ཀྱི་བཅུད་ཐམས་ཅད་འོད་ཁ་དོག་སྣ་ཚོགས་དང་འོད་ཟེར་བཀྲག་མདངས་ཆེན་པོ་སྤྲིན་མེད་ཉི་མ་ལྟར་འུབས་སེ་འུབས་སེ་བསྡུས་ཏེ༔ རང་ལ་སིབ་སིབ་ཐིམ་པ་དང་༔ མདུན་བསྐྱེད་ཀྱི་བུམ་པའི་ནང་དུ་རུག་རུག་སོང་བ་ཚེའི་བདུད་རྩིར་གྱུར་པར་བསྒོམ་ལ་བསྙེན་པ་བྱ་ཐུན་མཚམས་སུ༔ ཀྱི་རྗེ་བཙུན་ཞེས་གསོལ་འདེབས་དབྱངས་དང་བཅས་ཏེ་བྱ༔ དབྱངས་ནི་རྣལ་འབྱོར་རང་གདངས་གང་ཤེས་ཆོག༔ ཐུན་མཚམས་སུ་ལས་བྱང་སྔོན་མ་ཚར་བསྙེན་པ་མང་དུ་སོང་ནས༔ ལས་བྱང་རྒྱབ་མ་བཏང་རན་ལ་ཁད་ཡིན་དེ་ཡིན་པས༔ ཐུན་འཇོག་ཁར་དབང་བླང་བ་ནི༔ གཟུངས་ཐག་གི་རྒྱུད་ནས་མདུན་གྱི་བུམ་པ་དེ་ནས་འཆི་མེད་ཚེའི་བཅུད་འོད་ཟེར་ཁ་དོག་སྣ་ཚོགས་

― CMR007_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ན་ར་ར་བྱུང་སྟེ། བདག་གི་དཔྲལ་བ་མགྲིན་པ་ཐུགས་ཀ་གསུམ་ལ་ཐིམ༔ ཁྱད་པར་དུ་སྙིང་གའི་ཧཱུྃ་ལ་ཐིམ་པས་བཀྲག་མདངས་གཟི་བརྗིད་དཔག་ཏུ་མེད་པ་དང་ལྡན་པར་བྷེ༔ དེ་རྣམས་ནི་བསྙེན་པ་དུས་ཡིན་པར་རྩེ་གཅིག་བྱའོ། །དེ་ནས་སྒྲུབ་པ་དུས་བདག་མདུན་གྱི་ནམ་མཁར་ཧྲཱིཿདང་སྔགས་འཁོར་གོང་སོང་དང་འདྲ་སྟེ་དམིགས་པ་མི་འདྲ་བའི་ཁྱད་ནི་རང་གི་ཐུགས་ཀ་ནས་འོད་ཟེར་གཟུངས་ཐག་རྒྱུད་ནས་སོང་དཀྱིལ་འཁོར་གྱི་ལྷ་ཚོགས་ལ་ཕོག་པས་ཐུགས་རྒྱུད་བསྐུལ༔ མདུན་བསྐྱེད་དཀྱིལ་འཁོར་དབུས་སུ་ཚེ་དཔག་མེད་ཡབ་ཡུམ་སྦྱོར་བ་མཛད་པའི་སྦྱོར་མཚམས་ནས་འོད་ཟེར་ཁ་དོག་སྣ་ཚོགས་འཇིག་རྟེན་གྱི་ཁམས་ཐམས་ཅད་དུ་འཕྲོས་པས༔ སྟོང་གསུམ་གྱི་འཇིག་རྟེན་གྱི་ཁམས་ཐམས་ཅད་ཀྱི་སྟེང་ལྷའི་ཚེའི་དངོས་གྲུབ་ཐམས་ཅད་ལ་ཨ་དཀར་པོ༔ བར་མིའི་ཚེ་དངོས་གྲུབ་ཐམས་ཅད་ནི་ལྗང་ཀུ༔ འོག་ཀླུ་དང་ལྷ་འདྲེ་སྡེ་བརྒྱད་ཐམས་ཅད་ཀྱི་ཚེའི་དངོས་གྲུབ་ཐམས་ཅད་ཧཱུྃ་སྔོན་པོའི་གཟུགས་ཀྱི་རྣམ་པར་གྱུར་ཏེ་སྟེང་འོག་ནམ་མཁའ་བར་སྣང་ཐམས་ཅད་ཡི་གེ་དེ་གསུམ་མེ་རེ་རེ་གང་བར་གྱུར་པ་ལས༔ མདུན་བསྐྱེད་ཀྱི་ཐུགས་སྲོག་ཧྲཱིཿདང་ཕྱག་གི་བུམ་པའི་དབུས་ཀྱི་ཧྲཱིཿ སྔགས་

― CMR007_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲེང་བཅས་པ་ལས་འོད་ཟེར་ཁ་དོག་སྣ་ཚོགས་ལྕགས་ཀྱུའི་དབྱིབས་སུ་ཚེ་འགུགས་པ་དང་སྡུད་པའི་ཕོ་ཉའི་ཚུལ་དུ་འཕྲོས་པས་ཡི་གེ་འབྲུ་གསུམ་གྱིས་གང་བ་ཐམས་ཅད་འུབ་ཀྱིས་ཧྲིལ་བསྡུས་ནས་བདག་ལ་ཡང་ཐིམ་ཞིང་ཁྱད་པར་མདུན་བསྐྱེད་ཀྱི་ཕྱག་གི་བུམ་པ་དང་བཤམས་པའི་བུམ་པ་དབྱེར་མེད་པ་རྒྱ་ཁྱོན་དཔག་ཏུ་མེད་པའི་ནང་དུ་བསྡུས་པའི་ཡིག་འབྲུ་གསུམ་པོ་འོད་དུ་ཞུ་ནས་བདུད་རྩིར་གྱུར་པས་ཆིལ་གྱིས་གང་བར་བསྒོམ༔ ཡང་རང་གི་འོད་ཟེར་གྱིས་མདུན་བསྐྱེད་བསྐུལ་བས་སྦྱོར་མཚམས་དང་ཕྱག་གི་བུམ་པའི་དབུས་ཀྱི་ཧྲུདང་སྔགས་ཕྲེང་ལས་འོད་ཟེར་དཔག་ཏུ་མེད་པ་འཕྲོས་པས་ཕྱི་ས་ཆུ་མེ་རླུང་ནམ་མཁའི་བཅུད་ཐམས་ཅད་འོད་ཟེར་ཁ་དོག་སྣ་ལྔའི་ཚུལ་དུ་བསྡུས་ནས་བདག་དང་བུམ་པའི་ནང་གི་བདུད་རྩི་ལ་སིབ་སིབ་ཐིམ་པར་བསྒོམ། ཡང་གོང་ལྟར་རང་གི་འོད་ཀྱིས་མདུན་བསྐྱེད་བསྐུལ་བས་ཐུགས་སྲོག་ཧཱུྃ༔ དང་བུམ་པ་སོགས་ལས་འོད་ཟེར་ཕྱོགས་བཅུར་འཕྲོས་ནས་ནང་རྒྱལ་བ་རིགས་ལྔ་སྟེ༔ རྡོ་རྗེ་སེམས་དཔའི༔ རིན་ཆེན་འབྱུང་ལྡན། སྣང་བ་མཐའ་ཡས༔ དོན་ཡོད་གྲུབ་པ༔ རྣམ་པར་སྣང་མཛད༔ ཡུམ་སངས་རྒྱས་སྤྱན་མ༔ མ་མཱ་ཀི༔ གོས་དཀར་མོ༔ དམ་ཚིག་སྒྲོལ་

― CMR007_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

མ༔ ནམ་མཁའི་དབྱིངས་ཕྱུག་མ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ཚེའི་དངོས་གྲུབ་ཀྱི་ངོ་བོ་འོད་ཟེར་ཁ་དོག་ལྔ་འུབ་ཧྲིལ་ཧྲིལ་བསྡུས་ནས་བདག་མདུན་བུམ་པའི་བདུད་རྩི་ལ་འདུས་ཤིང་ཐིམ་པར་བསྒོམ༔ ཡང་གོང་ལྟར་འོད་ཟེར་འཕྲོས་པས་གསང་བ་ཕྱོགས་བཅུའི་དུས་གསུམ་གྱི་རྒྱལ་བ་རྒྱལ་སྲས་ཐམས་ཅད་ཀྱི་སྐུ་གསུང་ཐུགས་ཀྱི་རང་བཞིན་འཆི་བ་མེད་པ་ཚེ་ཡི་དངོས་གྲུབ་ཐམས་ཅད་འོད་ཟེར་བདུད་རྩིའི་རྣམ་པར་འདུས་ཤིང་བུམ་པར་ཐིམ་བདག་ལ་ཡང་ཐིམ་པར་བསྒོམ༔ ཐུན་རེ་ལ་དམིགས་པ་དེ་རྣམས་གསལ་ངེས་བྱ༔ ཐུན་མཚམས་སུ་གསོལ་བ་གོང་ལྟར་གདབ་ནས་ཐུན་འཇོག་ཁར་དབང་བླང་བ་ནི༔ གཟུངས་ཐག་རྒྱུད་ནས་འཆི་མེད་ཚེའི་བཅུད་འོད་ཟེར་དུ་ན་ར་ར་བྱུང་སྟེ་བདག་གི་གནས་གསུམ་དང་ཁྱད་པར་སྙིང་གའི་ཎི་ལ་ཐིམ་ནས་བཀྲག་མདངས་གཟི་བརྗིད་ལྡན་པར་བསྒོམ་མོ༔ དེ་ནི་སྒྲུབ་པའི་དུས་ཡིན་ནོ༔ དེ་ནས་ལས་སྦྱོར་དམིགས་པ་ནི༔ བདག་མདུན་ཐུགས་ཀའི་ཧྲིལ་སྔགས་ཀྱིས་བསྐོར་བ་སོགས་ནི་ཁྱད་མེད་ལ༔ མི་འདྲ་བའི་ཁྱད་པར་གྱི་དམིགས་པ་ནི༔ རང་གིས་ཐུགས་ཀ་ནས་འོད་ཟེར་འཕྲོས་མདུན་གྱི་གཙོ་བོ་ལ་ཕོག༔ གཙོ་བོའི་ཐུགས་

― CMR007_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་ནས་འོད་ཟེར་འཕྲོས༔ འཁོར་ཚེའི་ལྷ་མོ་ལ་ཕོག་ལྷ་མོ་རྣམས་ཀྱི་ཐུགས་ཀ་ནས་འོད་ཟེར་རང་རང་གི་མདོག་ཅན་ཕྱོགས་ཐམས་ཅད་དུ་འཕྲོས་པས༔ ཕྱོགས་བཅུ་དུས་གསུམ་གྱི་རྒྱལ་བ་རྒྱལ་སྲས་ཚེའི་བདག་པོ་ཚེ་ལ་དབང་བ་དཔག་ཏུ་མེད་པའི་བྱིན་རླབས་ཚེའི་དངོས་གྲུབ་དང་༔ འབྱུང་བ་བཞིའི་བཅུད་དང་༔ ནམ་མཁའ་དང་ཉི་ཟླའི་བཅུད་དང་༔ འགྲོ་བ་སྣོད་བཅུད་འཇིག་རྟེན་གྱི་ཁམས་ཀྱི་ཨ་ནི་ཧཱུཾ་གསུམ་རིང་པར་རིང་པར་རུབ་རུབ་བསྡུས་ནས་ལྷ་མོ་རང་རང་གི་ཕྱག་གི་བུམ་པ་མེར་མེར་ཆིལ་ཆིལ་ཁེངས་ཤིང་བདུད་རྩི་ཞུ་ཞིང་ཁོལ༔ དེ་ཐམས་ཅད་གཙོ་བོའི་ཕྱག་གི་བུམ་པར་སིབ་སིབ་རུག་རུག་བླུག་སྟེ་བདུད་རྩིས་བུམ་པ་གང་བ་དེ༔ གཙོ་བོའི་ཕྱག་གཉིས་བརྐྱངས་ཏེ་བདག་གི་མགོ་ལ་བཞག་ནས་དབང་བསྐུར་ཞིང་༔ ལྷ་ཚོགས་ཐམས་ཅད་ཀྱི་འཆི་མེད་ཚེའི་སྔགས་ཀྱི་རང་སྒྲ་དི་རི་རི་བསམས་པས་བདུད་རྩི་ཚངས་བུག་ནས་ཞུགས་ལུས་ཐམས་ཅད་དཀར་ལྟེམས་སེ་གང་༔ བཅུད་ཀྱི་དངས་མ་སྙིང་དབུས་ཀྱི་ཨ་ནི་ཧཱུྃ་གསུམ་ལ་ཐིམ་པས་བཀྲག་མདངས་འོད་དུ་འབར་བར་བསྒོམ༔ ཐུན་མཚམས་སུ་གསོལ་བ་གོང་ལྟར་གདབ༔ དབང་བླང་བའི་དམིགས་པ་མི་དགོས༔ དམིགས་པ་དངོས་

― CMR007_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་འཐུས་སོ༔ དེ་ལྟར་མི་གཅིག་གིས་བསྒྲུབ་ན་བསྙེན་སྒྲུབ་ལས་གསུམ་ཞག་བདུན་རེ་ལས་ཉུང་ཐབས་མེད་ནའང་༔ མང་པོས་བསྒྲུབ་ན་མི་གྲངས་རྩི་བས་མི་བདུན་ཡོད་ན་ཞག་གཅིག་ལ་བདུན་རྩིའོ༔ དེ་ནས་ཡུན་ཅི་ཙམ་སྒྲུབ་པ་དུས་ཐེམས་ནས་ཕྱིར་ནངས་གྲོལ་ཁ་དབང་བླང་བ་ནི༔ དེ་ནས་བདག་མདུན་གཞུང་ལྟར་དང་༔ ཞོར་ལ་ཚེ་གཏོར་དང་མདུན་བསྐྱེད་དབྱེར་མེད་བུམ་པ་དང་༔ མདུན་བསྐྱེད་ཕྱག་གི་བུམ་པ་དབྱེར་མེད་དུ་བསྒོམ་ལ༔ ལས་བྱང་གི་བསྟོད་པ་ཡིན་བྱ་བ་འདིར་ཚོགས་ངེས་པར་བྱ་དགོས་སོ༔ བདག་གིས་བྱས་པ་དེའི་རྒྱལ་བ་རྒྱ་མཚོ་བྱས་ཀྱང་རུང་༔ རང་གི་ཐུགས་ཀ་ནས་འོད་ཟེར་འཕྲོས༔ མདུན་བསྐྱེད་ཀྱི་ལྷ་ཚོགས་ལ་ཕོག་པས་ཐུགས་ཀའི་ཧྲཱིཿདང་སྦྱོར་མཚམས་ནས་འོད་ཟེར་སྣ་ཚོགས་ཕྱོགས་ཐམས་ཅད་དུ་འཕྲོས་པས༔ འཁོར་འདས་ཀྱི་ཚེ་བསོད་ནམས་ཁྱད་པར་དུ་འབྱུང་བ་ལྔའི་བཅུད་ཐམས་ཅད་འུབ་ཧྲིལ་བསྡུས་ནས་ཚེ་ཆང་དང་ཚེ་འབྲས་ཞེས་པ་ཚེ་ནས་དང་ཚེ་རིལ་ལ་སིབ་སིབ་ཐིམ་པར་བསྒོམ༔ ཨོ་ཚེ་ཧཱུཾ་གཡུ་བྷཾ་གཡུ་ཚེ་ཧཱུཾ༔ ཨཱ་ཡུ་ཛྙཱ་ན་གཡུ་ཚེ་ཧཱུཾ༔ ཞེས་མི་གཅིག་ཡིན་ན་བཟླས་པ་མང་ན་སྤྱི་ཁ་ནས་སྟོང་འགྲོ་བར་བྱས༔ གོང་གི་བསྙེན་པ་འགྲོ་

― CMR007_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བྱས༔ གོང་གི་བསྙེན་སྒྲུབ་ལས་གསུམ་གྱི་སྔགས་དེ་འཛབ་དབྱངས་ཀྱི་ཚུལ་དུ་དབྱངས་བྱས་ཤིང་མི་གཅིག་ཡིན་ན་བརྒྱ་རེ་དང་མང་ན་སྤྱི་ཁ་ནས་སྟོང་འགྲོ་བར་བྱས་པས་བསྙེན་སྒྲུབ་དངོས་གྲུབ་ལན་ཁ་ཁ་གསོ་བའོ༔ དེ་ནས་དཀྱིལ་འཁོར་ལ་མཎྜལ་ཕུལ༔ དབང་ཞུ་བའི་གསོལ་འདེབས་ཚུར་དུ༔ གོང་གི་གསོལ་འདེབས་དེ་མང་མ་ལ་རྗེས་ཟློས་བཙུག༔ རང་གི་ཡིན་ན་ལན་གསུམ་གདུང་བའི་དབྱངས་ཀྱིས་བྱ༔ མཚམས་དེར་གཞུང་དབང་བླང་སྟེ༔ ཚེ་གཏོར་གྱི་བུམ་པ་ཚེ་དཔག་མེད་དངོས་སུ་གསལ་བས་མདུན་བསྐྱེད་གཙོ་བོ་དང་དབྱེར་མེད་པ་ལ་མདུན་བསྐྱེད་ཚེའི་དཀྱིལ་འཁོར་གྱི་ལྷ་ཚོགས་ཐམས་ཅད༔ ཕྱག་གཡས་ཚེའི་མདའ་དར་གཡབ་ཅིང་ཚེ་དཔལ་བསོད་ནམས་བཀྲག་མདངས་གཟི་བརྗིད་ཐམས་ཅད་བསྡུས་ནས་བདག་ལ་ཐིམ་ཞིང་གཡོན་པས་ཚེའི་བུམ་པར་ཚེ་བཅུད་བསྡུས་ཤིང་༔ བདག་ལ་དབང་བསྐུར་བའི་ཕྱིར༔ གཙོ་བོའི་བུམ་པར་རུག་རུག་བླུག་པར་བསྒོམ་ཞིང་༔ རང་གིས་མདའ་དར་གཡབ་ཅིང་༔ ཧཱུྃ༔ ཤར་གྱི་ཕྱོགས་ནས་ཚེ་འགུགས་མ༔ ཞེས་སོགས་ལས་བྱུང་གི་ཚེ་འགུགས་རྣམས་བྱ་སྟེ༔ ཚེ་སྦ་བ་དང་བསྟིམ་པ་དེ་སྐྱུར་ལ༔ མདུན་བསྐྱེད་གཙོ་བོའི་ཕྱག་གི་བུམ་

― CMR007_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

པས་རང་ལ་དབང་བསྐུར་བར་བྷེ༔ རྡོར་དྲིལ་དང་བཅས་བུམ་པ་བཟུང་ལ༔ དབང་ཚིག་ནི་སྒྲུབ་གཞུང་གིས༔ ཀྱེ༔ རྗེ་བཙུན་ཨོ་རྒྱན་མགོན་པོ་ཚེ་དཔག་མེད༔ ཞེས་སོགས་དབྱངས་དང་བཅས་པར་བྱ༔ མདུན་གྱི་གཙོ་བོའི་ཕྱག་གི་བུམ་པ་དང་དབྱེར་མེད་པའི་བུམ་དབང་བསྐུར་ཞིང་ནམ་མཁའ་ཐམས་ཅད་རྒྱལ་བ་ཚེ་དཔག་མེད་པའི་ལྷ་ཚོགས་ཀྱིས་གང་བ་ཀུན་ཀྱང་འཆི་མེད་སྔགས་ཀྱི་རང་སྒྲ་ཏི་རི་རི་ལྷ་མོ་རྣམས་ཀྱིས་བཀྲ་ཤིས་པའི་ཚིགས་སུ་བཅད་པ་འུ་རུ་རུ་དབང་བསྐུར་བས༔ བདག་གི་སྤྱི་བོ་ནས་མར་འཆི་མེད་ཚེའི་བདུད་རྩི་དཀར་ན་ར་ར་བབ༔ ལུས་སྤྱི་བོ་ནས་གསང་གནས་ཡན་ཆད་འཆི་མེད་བདུད་རྩིས་དཀར་ལྟེམ་གྱིས་གང་བར་བསྒོམ་ཞིང་སྒྲུབ་གཞུང་གི་དབང་གི་སྔགས་ལྔ་པོ་བརྗོད་ཅིང་བུམ་པ་མགོའི་ཕྱོགས་ལྔར་བཞག་ལ༔ བུམ་ཆུ་བཏུང་༔ དེ་ནས་ཚེ་གཏོར་མདུན་བསྐྱེད་ཀྱི་གཙོ་བོ་དང་དབྱེར་མེད་དུ་རང་གི་སྤྱི་བོར་བྱོན༔ དེའི་དཔྲལ་བ་མགྲིན་པ་ཐུགས་ཀ་ལྟེ་བ་བཞི་ནས༔ འོད་ཟེར་དཀར་དམར་མཐིང་ལྗང་བཞི་ཡི་ཐིག་ལེ་ཨོ་ཨཱ༔ ཧཱུྃ་ཧིས་མཚན་པ་རང་གི་གནས་བཞིར་ཐིམ་ལ་དབང་བཞི་ཐོབ་པར་བསྒོམ་ཞིང་༔ ཚེ་གཏོར་པྲ་ཁྲིད་ནས༔ ཧཱུྃ༔ མི་འགྱུར་རྡོ་རྗེའི་

― CMR007_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་བརྟན་སོགས་དང་༔ སྔགས་བཞི་བརྗོད་ཅིང་རང་གི་གནས་བཞིར་གཏུག་གོ༔ ཧཱུྃ༔ རྩ་ཁམས་དག་པ་ལུས་ཀྱི་གནས་༔ ཞེས་སོགས་བརྗོད་ཚེ་ཆང་དྲངས༔ ཚེ་རིལ་དྲངས༔ ཧཱུྃ༔ མདའ་འདིས་སོགས་བརྗོད༔ ཚེ་མདའ་ཚེ་ནས་ལག་ཏུ་འཛིན་ཙམ་བྱ༔ དེ་ནས་ལུས་འཆི་མེད་བདུད་རྩིས་དཀར་ལྟེམ་གྱིས་གང་༔ དྭངས་མའི་དྭངས་མ་བཅུད་ཀྱི་ཡང་སྙིང་ཐམས་ཅད་རང་གི་སྙིང་དབུས་ན་རྡོ་རྗེ་རྒྱ་གྲམ་གྱི་ལྟེ་བའི་སྟེང་ན༔ ཉི་ཟླའི་གའུ་ཁ་སྦྱོར་གྱི་ནང་དུ༔ སྲོག་མི་འགྱུར་བའི་རྟེན་ཨཱནཾ་ཧཱུྃ་གསུམ་གནས་པ་ལས༔ བཅུད་ཐམས་ཅད་སིབ་ཀྱིས་ཡིག་འབྲུ་གསུམ་ལ་ཐིམ་པས༔ བཀྲག་མདངས་སུ་འབར་བས་འོད་ཟེར་བ་སྤུའི་བུ་ག་ནས་འཇིག་རྟེན་གྱི་ཁམས་ཐམས་ཅད་དུ་འཕྲོས༔ འཁོར་འདས་གཉིས་ཀྱི་ཚེ་དཔལ་བཀྲག་མདངས་གཟི་བརྗིད་ཐམས་ཅད་རྡོ་ཁབ་ལེན་གྱིས་ལྕགས་བླངས་བ་ལྟར་འུབས་སེ་འདུས་ནས་དཔྲལ་མགྲིན་སྙིང་ག་གནས་གསུམ་དང་༔ བ་སྤུའི་བུ་ག་ནས་སིབ་སིབ་འདུས། སྙིང་དབུས་ཀྱི་ཨ་ནི་ཧཱུྃ་གསུམ་ལ་ཐིམ༔ སྲོག་རྩ་ཐམས་ཅད་ཀྱང་སླར་ཡང་༔ ལྷ་དང་དྲང་སྲོང་རིག་འཛིན་ཀླུ་དབང་འཁོར་ལོས་སྒྱུར་བའི་རྒྱལ་པོ༔ འཇིག་རྟེན་ཚེ་དང་བསོད་ནམས་ལ་

― CMR007_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བའི་ཚེ་བསོད་དཔལ་འབྱོར་བཅུད་ཐམས་ཅད་འདུས་ཤིང་སྙིང་དབུས་ཨ་ནི་ཧཱུྃ་གི་ཡི་གེ་འབྲུ་གསུམ་ལ་ཐིམ༔ བདག་བཀྲག་མདངས་འོད་དུ་འབར་བཅུ་དྲུག་ལོན་པའི་གཞོན་ཤ་དང་ལྡན་པར་བསྒོམ༔ རྟེན་འབྲེལ་མི་བསླུ་བས་དེ་ལྟར་འགྱུར་ངེས་སྙམ་པའི་དཔའ་གདིང་བསྐྱེད་དོ༔ དེ་ལྟར་བསྒོམ་ཞིང་ལས་བྱང་གི་ཚེ་སྦ་བསྟིམ་རྣམས་གྱེར་རོ༔ དེ་ནས་སྙིང་གའི་ཨ་ནི་ཧཱུྃ་གསུམ་ལ་བཅུད་ཐིམ་རྗེས་སུ༔ སྙིང་གའི་ཉི་ཟླ་གའུ་ཁ་འགྲིག འོག་གི་རྡོ་རྗེ་རྒྱ་གྲམ་གྱི་ཕྱོགས་བཞིའི་རྡོ་རྗེ་ར་བཞི་བཞིར་ཡར་གྱེན་དུ་ལངས༔ གའུའི་སྟེང་ནས་བསྣོལ་མར་རྒྱས་གདབས་ཏེ༔ གའུ་དམ་པར་དཀྱིག་པའི་རྡོ་རྗེ་ར་བཞི་ཡི་རྩེ་མོ་རྟ་མགྲིན་གྱི་སྔགས་ཕྲེང་དམར་པོ་སྟོང་སྐུད་དམར་པོ་འདྲ་བས་དམ་པར་བཅིངས༔ གའུའི་སྟེང་ན་ཚེ་དཔག་མེད་དཀར་པོ་ཚོན་གང་བ་ཅིག་བཞུགས་པར་བསྒོམས་ལ༔ ཨོ་སྐུ་ཡི་སོགས་ལས་བྱང་གི་མཇུག་ནས༔ བཀྲ་ཤིས་གང་རུང་བྱ༔ མདུན་བསྐྱེད་ཀྱི་ལྷ་ཚོགས་ཐམས་ཅད་སྐུ་གསུང་ཐུགས་རྟེན་རྣམས་ལ་ཐིམ༔ བདག་བསྐྱེད་ནམ་ཡང་མི་གཤེགས་སོ༔ འདི་སྒྲུབ་པའི་ཚེ་ནུབ་ཐུན་གང་རུང་དེ་ལ་སྨྱོ་ཁ་དང་མཁའ་རིའི་གཏོར་ཆོག་འདོན་པ་གལ་ཆེའོ༔ གྲོལ་དུས་གཏེར་

― CMR007_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་གཉིས་ཕྱིར་འབུལ་ལ་དབང་བླངས་ལ་དངོས་གྲུབ་བྱ་རུང་ངོ་༔ མ་བླངས་ཀྱང་ཆོག གཞན་ཡང་གཏོར་མ་ཚེ་རིལ་རང་དོན་ཡིན་ན་མི་ལ་མི་སྦྱིན༔ མང་པོས་བསྒྲུབས་ན་ནང་སྐོར་ཙམ་ལ་བཀྱེ༔ གཞན་དོན་ཡིན་ན་བུམ་ཆུ་ཚེ་རིལ་ཚེ་གཏོར་སོགས་ཚེ་རིལ་གྱི་རུ་རྩི་ལེགས་སོ༔ ཞེས་པ་འདི་ཡི་འདོན་ཆ་འཁྲུགས་ཆེ་བ་ནི་ལོགས་སུ་བསྒྲིགས་པ་ལྟར་ཡིན༔ དམིགས་པ་གཞུང་འདིར་ཁ་གསལ་བས་བྲི་དགོས་མེད་ནའང་༔ ཤིང་སྦྲུལ་ཆེན་པོའི་ཡར་ངོ་ཞག་བདུན་ཕྲག་ལ་དཔོན་སློབ་ཉི་ཤུ་ཙམ་གྱིས་འདིའི་སྒྲུབ་པ་བྱས་སྐབས༔ བླ་མ་རྒྱལ་མཚན་གྱིས་སྔགས་འཁོར་དམིགས་རིམ་དོགས་གཅོད་སུམ་ཅུ་དྲགས་བསྐུལ་བྱུང་ནས༔ རཱ་ག་ཨ་སྱས་བསྒྲིགས་ཏེ༔ འདི་ནང་སྒྲུབ་རང་གི་གཞུང་ཚིག་རྣམས་ཅུང་ཟད་གོ་བདེ་བ་མ་གཏོགས༔ བསྲེ་སླད་རང་གིས་རིགས་འགྲེས་སོགས་ཅུང་ཟད་མེད་པས་ཕྱི་རབས་རྣམས་ཡིད་ཆེས་པསཉམས་སུ་བླངས་ན་བློ་ཆུང་མང་པོ་ལ་ཕན་ཐོགས་པར་གྱུར་ཅིག

ཚེ་སྒྲུབ་གསང་བ་འདུས་པའི་ལས་བྱང་ཞལ་གདམས།

― CMR007_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པའི་ལས་བྱང་ཞལ་གདམས་ཞེས་པ་ནི། དང་པོ་སྐྱབས་འགྲོ་དུས། ནམ་མཁར་ཚེ་དཔག་མེད་ཀྱི་ལྷ་ཚོགས་སྤྲིན་ཕུང་ལྟར་བཞུགས་པའི་མོས་པ་ཙམ་བྱ། དེ་ནས་བགེགས་གཏོར་དུས། རང་ཉིད་སྐད་ཅིག་ལ་རྟ་མགྲིན་དམར་པོ་གྲི་གུག་དང་ཐོད་ཁྲག་ཅན་ཡབ་རྐྱང་བསྒོམ། གཏོར་མ་བདུད་རྩིའི་རྒྱ་མཚོས་བགེགས་ཚིམས་ནས་རང་གནས་སུ་སོང་བར་བསམ༔ བཀའ་བསྒོ་བྱས་པས་ཐམས་ཅད་བྲོས་པར་བསྒོམ། མི་འགྲོ་བ་རྣམས་ལ། རང་ལས་ཁྲོ་བོ་ཁྲོ་མོའི་ཚོགས་ཀྱིས་སྤྲིན་ནག་རླུང་གིས་གཏོར་བ་ལྟར་བསྐྲད་དེ་མེ་དཔུང་མཚོན་ཆ་སེར་སྐྱོགས་ལྟར་འཕྲོས་པས་དེད། ཚུར་འདུས་པས་མེ་རི་དང་། ཕུར་པའི་ར་བ་རལ་གྲི་སོ་འཐབ་ཀྱི་གུར། དེ་ནས་འཁོར་ལོའི་གུར་ཁང་། དེ་ནང་རྡོ་རྗེའི་གུར་སྲ་ཞིང་བརྟན་པར་བསྒོམ། བྱིན་འབེབས་དུས་བདེ་བ་ཅན་དང་རྔ་ཡབ་ནས་ལྷ་ཚོགས་ཁ་བ་བུ་ཡུག་ལྟར་བྱོན་ནས་རང་དང་དཀྱིལ་འཁོར་དང་སྒྲུབ་རྫས་ལ་ཐིམ་པར་བསྒོམ། །མཆོད་པ་བྱིན་རླབས་དུས་མཆོད་རྫས་ཕྱི་ནང་གསང་གསུམ་བསམ་གྱིས་མི་ཁྱབ་པར་བསྒོམ། དེ་ནས་ལྷ་བསྐྱེད་དུས་སུ་རང་དང་དཀྱིལ་འཁོར་ཚང་མ། མདུན་བསྐྱེད་ཚང་མ། བུམ་པ་

― CMR007_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་ན་དེ་ཡི་ནང་ན་ཚང་མ་གཅིག་དང་། གཏོར་མའི་རྩེ་ལ་ཚང་མ་གཅིག་སྟེ་བཞི། དུས་གཅིག་ལ་བསྐྱེད། སྤྱན་འདྲེན་དུས་བདེ་བ་ཅན་དང་རྔ་ཡབ་ནས་ལྷ་ཚོགས་དཔག་ཏུ་མེད་པ་བྱོན་ནས། བདག་མདུན་གཏོར་མའི་དཀྱིལ་འཁོར་བཞི་ལ་སོ་སོར་ཐིམ་པར་བསྒོམ། རང་གི་ཐུགས་ཀ་ནས་མཆོད་པའི་ལྷ་མོ་བྱེ་བ་དུང་ཕྱུར་འཕྲོས་ནས། བདག་མདུན་སོ་སོ་ལ་ཕྱག་འཚལ་བ་དང་མཆོད་པ་ཕུལ་བ་དང་བསྟོད་པའི་དབྱངས་ཀྱིས་བསྟོད་པར་བསྒོམ་ལ།་དེ་ནས་དམིགས་པ་གཞུང་ལྟར་ལ། ཨོཾ་གུ་རུ་ཨཱ་ཡུ་སིདྡྷི་ཧཱུཾ་ཧྲཱིཿ ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། །ཞེས་པ་སྒྲ་ཐད་སོར་བསྒྱུར་ལ་ཚིག་འགྱུར། ཨོཾ་ནི་དཔལ། འགུ་རུ་ཀླུ་རུ། གུ་རུ་དོན་གཅིག །བླ་མ། ཨཱ་ཡུ་ཚེ། སིདྡྷི་གྲུབ་པ། ཧཱུྃ་ནི་མཆོག ཧཱུྃཚེ་དཔག་མེད་ཀྱི་སྲོག ཨ་མཱ་ར་ཎི་འཆི་བ་མེད་པ། ཛཱི་ཝནྟི་དང་། ཛི་ཝན་དོན་གཅིག་སྟེ། གསར་རྙིང་གི་ཁྱད་དེ། སྲོག་ལ་ཕན་པ་སྭཱ་ཧཱ་གཞི་ཚུགས་ཟེར་བའོ། །འདི་དོན་འགྱུར་གཙོ་ཆེ་བས་ཡེ་ཤེས་ལྔའི་ཚེ་འགྲུབ་པའི་བླ་མའི་ཐུགས་མཆོག་གིས། འཆི་བ་མེད་པའི་སྲོག་ལ་ཕན་པའི་གཞི་ཚུགས་ཞེས་པ་ཞིག་འོང་ངོ་། སྔགས་འདི་སྙན་བརྒྱུད་རྩ་བ་ཡིན་ལ། ཐུན་རེ་ལ་སྟོང་བས་ཉུང་

― CMR007_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་མེད། དེ་མིན་ཅི་ཐོན་འདོན་ནོ། །དམིགས་པ་གཞུང་ལྟར་རོ། །དེ་ནས་ཚེ་བདག་རིགས་ལྔ་རེ་རེ་ལ་བརྒྱ་རེ་འདོན་པ་སྟེ། ཨོཾ་ཤྲཱི་དུས་ནམ་མཁའི་བཅུད། །ཨཱབྷོ་དུས་མེ་ཡི་བཅུད། ཧཱུཾ་ཧཱུཾ་དུས་ཆུ། སྭ་ཧཱུཾ་དུས་ས། ཧཱཧཱུཾ་དུས་རླུང་གི་བཅུད་ཐམས་ཅད་དང་། བདག་དང་སྤྱི་བོའི་ཚེ་དཔག་མེད་ཀྱི་བུམ་པ་དང་། མདུན་བསྐྱེད་བུམ་པར་བསྡུས་པར་བསྒོམ་མོ། །དེ་ནས་ཚེ་འགུགས་དུས་མདའ་དར་གཡོབ་པ་སོགས་རྒྱུན་དུ་མི་དགོས་ཏེ། བདག་མདུན་གྱི་ལྷ་མོ་རྣམས་ལས། རང་འདྲ་བ་མང་པོ་སྤྲོས་ནས། ཚེ་ཡི་དངོས་གྲུབ་ཐམས་ཅད་མདའ་དར་གྱིས་གཡབ་ཅིང་བུམ་པར་བསྡུས་ནས་འོངས་ཏེ་བདག་སྤྱི་བོའི་ཚེ་དཔག་མེད་ཀྱི་བུམ་པ་དང་། མདུན་གྱི་བུམ་པར་བླུག་ཅིང་བསྟིམ་པར་བསྒོམ་པའོ། །དེ་ནས་ཚེ་ཡི་རིག་འཛིན་རྣམས་བསྐུལ་བ་ནི། དང་པོ་ནི་དཀྱིལ་འཁོར་གྱི་ཕྱི་མེ་རི་རྡོ་ར་པད་རའི་ནང་དེ་ན་ཚེ་ཡི་རིག་འཛིན་ཐམས་ཅད་ཁྲོམ་ལྟར་འཚོགས་པར་བསྒོམ་ལ་དེ་རྣམས་ལས་འོད་ཟེར་སྤྲོས་པས་ཚེ་ཡི་དངོས་གྲུབ་བྱིན་རླབས་ཐམས་ཅད་བདག་ལ་ཐིམ་པར་བསྒོམ་མོ། །དེ་ནས་གསོལ་འདེབས། ཀྱེེ༔ དུས་གསུམ་སོགས་ལན་གསུམ། དེ་ནས་གཞུང་ལྟར་དཀྱིལ་

― CMR007_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལྷ་ཚོགས་ཀྱིས་རང་ལ་དབང་བསྐུར་བར་བསྒོམ་སྟེ་དམིགས་པས་ཆོག །རྒྱུན་དུ་སྤྱི་བོར་བཞག་མི་དགོས། དེ་མིན་སྦ་བསྟིམས་སོགས་དམིགས་པ་གཞུང་ལྟར་ཚང་བར་འདོན་ནོ། །ཉིན་རེ་ལན་རེ་ཙམ་བཀའ་སྲུང་གཏོར་འབུལ་དེ་འདོན། ཆོས་སྐྱོང་སྤྱི་གཏོར་གསོ་བའམ་གཏོར་མ་ཟུར་གསུམ་གཅིག་ཕུལ་ན་ཡང་རུང་། གྲོལ་ཁ་གཞུང་ལྟར་དབང་རང་གིས་རང་ལ་བསྐུར་བ་དང་། མདའ་དར་གཡབ་པ་སོགས་བྱ། མདུན་བསྐྱེད་ཐང་ཀ་སོགས་ལ་བསྟིམ། བདག་བསྐྱེད་ཡེ་ཤེས་པ་མི་གཤེགས་དཀྱིལ་འཁོར་རང་ལ་རང་ཐུགས་ཀའི་ཧྲིལ། སྟོང་པར་བསྒོམ་པ། སེམས་ངོ་སྐྱོང་། བསྔོ་བ་སྨོན་ལམ་བྱ། མཚམས་གྲོལ། ཞེས་གྲགས་ལུའི་ལས་བྱང་དང་གུད་སྦས་གཉིས་སྦྲག་གི་སྒྲུབ་པ་བྱས་དུས། རཱ་ག་ཨཱ་སྱས་གདམས་པའོ།། མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་བ་འདུས་པའི་སྒྲུབ་པའི་ཟིན་བྲིས།

― CMR007_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པའི་སྒྲུབ་པའི་ཟིན་བྲིས་བཞུགས།།

― CMR007_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་ཡི་ལྷ་ལ་ཕྱག་འཚལ་ལོ། །རཏྣ་གླིང་པའི་ཚེ་ཆོག་གསང་བ་འདུས་པའི་ལས་བྱང་འདི་ཉིད་འདོན་པར་བྱེད་པ་ལ་སྒྲུབ་པ་དང་རྒྱུན་ཁྱེར་གཉིས་སོ། །སྒྲུབ་པ་ལ་སྤྲོས་བཅས་དང་སྤྲོས་མེད་གཉིས་སོ། །དེ་ཡང་སྒྲུབ་པ་སྤྲོས་བཅས་ནི། ས་ཐིག་ཆོག་སྒྲུབ་ཆེན་གཞུང་གིས་ཁ་སབ་ནས། སྒྲུབ་ཁོག་དཀྱུས་ནས་འབྱུང་བ་ལྟར་བྱའོ། །སྒྲུབ་པ་སྤྲོས་མེད་ནི། རབ་རྡུལ་ཚོན་ནམ་འདིང་དཀྱིལ་ལམ། ཡང་ན་འབྲུ་ཚོན་དམར་པོས་ཁ་དོག་བསྒྱུར་ལ། དབུས་སུ་ཚོམ་བུ་མུ་ཁྱུད་སུམ་རིམ། དེའི་ཕྱིར་ཚོམ་བུ་བཞི། དེའི་ཕྱིར་ཚོམ་བུ་བཞི། དེའི་ཕྱིར་ཚོམ་བུ་བཞི། མཚམས་སུ་

― CMR007_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་པོ་ཆེས་མཚན་པ། དེའི་ཕྱིར་ཚོམ་བུ་ལྔ། མཚམས་པདྨས་མཚན་པ་བརྡ་ཙམ་བྱ། དེའི་ཕྱིར་མུ་ཁྱུད་ཟླུམ་བསྐོར་བྱ། དེའི་དབུས་སུ་བུམ་པ་བུམ་རྫས་དང་ཆུ་གཙང་གིས་བཀང་ལ་ཁ་རྒྱན་སྒྲོ་མདངས་དང་། དུང་ཆོས་གཟུངས་ཐག་སོགས་ཀྱིས་བརྒྱན་པ་བཤམ། དེའི་སྟེང་དུ་རྐང་གསུམ་མམ་ཁྲིའུ་སོགས་ཀྱི་སྟེང་དུ་གཏོར་མ་གཡང་ཞགས་འཁྱིལ་པ། ཚེ་རིལ་གྱིས་བསྐོར་བ་བཤམ། སྟེང་དུ་ཚེ་དཔག་མེད་ཡབ་ཡུམ་གྱི་སྐུ་གཟུགས་དར་དམར་གྱིས་བཀབ། དེའི་གཡས་སུ་བདུད་རྩི། གཡོན་དུ་རཀྟ། རྒྱབ་ཏུ་ཚེ་ཡི་མདའ་དར། མདུན་དུ་ཚེ་བརྟེན་རྣམས་བཤམས། །

― CMR007_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་མཐར་ཤར་དུ་མཆོད་ཡོན། ཤར་ལྷོར་ཞབས་བསིལ། ལྷོ་རུ་མེ་ཏོག །ལྷོ་ནུབ་བདུག་སྤོས། ནུབ་ཏུ་མར་མེ། ནུབ་བྱང་དྲི་ཆབ། བྱང་དུ་ཞལ་ཟས། བྱང་ཤར་མཚམས་འཛིན་མེ་ཏོག་རྣམས་བཤམས། དེའི་མཐར་འཛོམས་ན་སྒབ་སྐོར་རྒྱལ་མཚན་དར་འཕན་སོགས་སྒྲུབ་ཆེན་ཆས་རྣམས་བཤམ། མ་འཛོམ་ཡང་འགལ་བ་མེད། མདུན་དུ་སྟེགས་ཀྱི་ཁར༔ རྒྱུན་དུ་བརྗེ་རྒྱུའི་མཆོད་པ་རྣམ་ལྔ་དང་ཚོགས་རྫས་སྔོན་འགྲོ་རྣམས་བཤམ། ཚོགས་ནི་དང་པོ་དབུ་འཛུགས་དུས་དང་ཚེས་བཅུའི་དུས་དང་གྲོལ་དུས་སུ་བྱ། རྒྱུན་དུ་མི་དགོས། འདོན་འགྲིག་ནི། དང་པོ་དཀར་གཏོར་བསྔོས་ལ། ཚེ་སྒྲུབ་འདི་ལ་བར་ཆད་མེད་པའི་སྡོང་གྲོགས་མཛོད་ཅེས་བཀའ་བསྒོ་བར་བྱ། དེ་ནས་བགེགས་གཏོར་བསྔོས་ལ། ཚེ་སྒྲུབ་འདི་ལ་བར་དུ་གཅོད་པའི་དགྲ་བགེགས་འདིར་མ་འདུག་པར་གཞན་དུ་དེངས་ཤིག །ཧཱུྃ། ཉོན་ཅིག་བགེགས་དང་ལོག་འདྲེན་སོགས་བགེགས་བསྐྲད་ཚེ་གསང་སྲུང་འཁོར་བསྒོམ་། རིམ་བཞིན་ལས་བྱང་གཞུང་བསྲང་། བསྟོད་པའི་བར་དུ་འདོན། དེ་ནས་འཛབ་དགོངས་ནི། རང་གི་ཐུགས་ཀར་པདྨ་དང་ཟླ་བའི་སྟེང་དུ་ཧྲཱིཿཡིག་འགྲེང་སྟེ་གནས་པའི་

― CMR007_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར། ཨོཾ་གུ་རུ་ཨཱ་ཡུ༔ སིདྡྷི་ཧཱུཾ་ཧྲཱིཿ ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ༔ ཞེས་པའི་སྔགས་ཀྱི་ཕྲེང་བས་བཀླག་ཐབས་སུ་གཡོན་དུ་བཀོད་པ་ལས་འོད་ཟེར་སྔགས་ཀྱི་རང་སྒྲ་།གྲག་པར་བསམ། བསྙེན་པ་བཟླ། དེ་ནས་སྔགས་ཀྱི་ཕྲེང་བ་གཡས་སུ་འཁོར་བ་ལས་འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས་པས། ཕྱོགས་བཅུའི་བླ་མ་ཡི་དམ་མཁའ་འགྲོ་ཐམས་ཅད་མཆོད། དེ་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་འོད་ཟེར་ཁ་དོག་སྣ་ཚོགས་ཀྱི་རྣམ་པར་སྤྱན་དྲངས་ནས་རང་ལ་ཐིམ་པར་བསམས་ལ་བཟླས་པ་ཉེ་བསྙེན། རང་གི་ཐུགས་ཀའི་སྔགས་ཕྲེང་ཞལ་ནས་ཐོན། མདུན་བསྐྱེད་ཀྱི་ཞལ་དུ་ཞུགས་ནས་ཐུགས་ཀར་འཁོད་ནས་ཐུགས་རྒྱུད་བསྐུལ། མདུན་བསྐྱེད་ཀྱི་ཐུགས་ཀ་ནས་སྔགས་ཕྲེང་དངོས་གྲུབ་ཀྱི་ཚུལ་དུ་བྱུང་ནས་རང་གི་སྙིང་གར་ཐིམ་པས། ཚེ་དང་བསོད་ནམས་རྒྱས་པར་བསམས་ལ་བཟླས་པ་ནི་སྒྲུབ་པའོ། །དེ་ནས་རང་གི་ཐུགས་ཀར་ཉི་ཟླའི་གའུ་ཁ་སྦྱོར་གྱི་དབུས་སུ་གསེར་གྱི་སྣ་ཚོགས་རྡོ་རྗེའི་ལྟེ་བར་རང་གི་ཚེ་བསོད་ནམས་ཀྱི་ངོ་བོ་ཨ་ནི་ཧཱུྃ་གསུམ་བསམ། རང་གི་ཐུགས་ཀའི་སྔགས་ཕྲེང་དྲག་ཏུ་འཁོར་བ་ལས་འོད་ཟེར་འཕྲོས་པས་མདུན་བསྐྱེད་ཀྱི་ལྷ་ཚོགས་རྣམས་

― CMR007_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཐུགས་རྒྱུད་བསྐུལ་ནས། མདུན་བསྐྱེད་ཀྱི་ལྷ་ཚོགས་རྣམས་དང་ཁྱད་པར་སྒོ་མ་བཞི་དང་མགྱོགས་མ་བཞི་ལས་རང་འདྲའི་སྤྲུལ་པ་འཇིག་རྟེན་ཁྱབ་པར་འཕྲོས་པས་ལྷ་ཀླུ་གནོད་སྦྱིན་དྲི་ཟ་མི་ལ་སོགས་པའི་ཚེ་བསོད་ནམས་འབྱུང་བ་བཞིའི་བཅུད་ཐམས་ཅད་ཚེ་ཡི་བུམ་པར་བསྡུས་ཤིང་། ལྷ་མོ་རྣམས་རང་ལ་ཐིམ་ཞིང་། རང་གི་ཐུགས་ཀའི་ས་བོན་ལས་ཡེ་ཤེས་ཀྱི་རླུང་བྱུང་ནས་བསྡུས་ཤིང་གའུ་ནང་གི་ཡིག་འབྲུ་གསུམ་ལ་ཐིམ་ཞིང་གའུ་ནང་གི་རྡོ་རྗེ་རྒྱ་གྲམ་གྱི་ར་བཞིས་བསྣོལ་མར་བཀབ་པའི་སྟེང་དུ། ཚེ་རྟེན་ཚེ་དཔག་མེད་ཡེ་ཤེས་སེམས་དཔའ་ཚོན་གང་བ་ཚེ་ཡི་རྟེན་དུ་རྒྱུན་དུ་བཞུགས་པར་བསམས་ལ། ཨོ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ སོགས་རེ་རེ་ལ་བརྒྱ་རེ་བཟླས་ཤིང་བསྒྲུབ་པའོ། །དེ་ནས་ཐུན་མཚམས་སུ་སྣོད་བཅུད་འོད་དུ་ཞུ་ནས་དཀྱིལ་འཁོར་གྱི་ལྷ་ཚོགས་ལ་ཐིམ། དེ་ཡང་རིམ་གྱིས་བོདག་ཉིད་ལ་འདུས། བདག་ཐུགས་ཀའི་ཧྲིལ་ཐིམ། ཡང་གྱེན་དུ་ཡལ་ནས་སྟོང་པར་བསམ། སླར་ཡང་། རང་ཉིད་ཚེ་དཔག་རྒྱན་ཕྱག་མཚན་མེད་པ་སྣང་སྟོང་འཇའ་ཚོན་ལྟ་བུའི་སྐུར་གྱུར་པས་འཁོར་བ་ཇི་སྲིད་ཀྱི་བར་དུ་འགྲོ་བའི་དོན་བྱ་སྙམ་པས། ཐུན་མཚམས་ཀྱི་སྤྱོད་ལམ་གང་དགོས་བྱ། སླར་

― CMR007_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཐུན་བཟུང་ལུགས་སྔར་དང་འདྲ། ཐུན་བཞིའམ་དྲུག་གང་རུང་བྱ་གྲོལ་ཁ་ཚོགས་དང་ཚེ་འགུགས་རྒྱས་པར་བྱ། དེ་ནས་དབང་ལེན་པའི་ཚེ། ཧྲཱིཿ དུས་གསུམ་སངས་རྒྱས་ཀུན་གྱི་ངོ་བོ་སོགས་ནས། འཆི་མེད་རྡོ་རྗེའི་ཚེ་ཡི་དངོས་གྲུབ་སྩོལ། །ཞེས་པའི་གསོལ་འདེབས་དེ་ཉིད་གཅིག་ཙམ་བྱ། དེ་ནས་སྒྲུབ་རྫས་རྣམས་རང་གི་གནས་གསུམ་ལ་གཏུགས་ལ། ཧཱུྃ༔ ཚེ་ཡི་ལྷ་མོ་རྣམས་ཀྱི་བུམ་པ་སོགས་ནས་ཏིཥྛ་ལྷན་བར་བརྗོད། བུམ་ཆུ་བཏུང་ཁྲུས་བྱ། ཚེ་ཆང་ཚེ་རིལ་རྣམས་ཅུང་ཟད་རེ་བཟའ། ཨོ། སྐུ་ཡི་སྐུ་སྟེ་སོགས་དང་བརྗོད། ཨོཾ། འགྲུབ་པར་གྱུར་ཅིག་སོགས། རྗེས་མི་མངོན་པར་བྱ། བཀྲ་ཤིས་བསྔོ་བ་སྨོན་ལམ་སོགས་ཀྱིས་རྒྱས་གདབ་པར་བྱ། དེ་ནས་རྒྱུན་ཁྱེར་བྱ་བ་ནི། ཚེ་ཆོག་བསྟོད་པའི་བར་བྱ། འཛབ་དགོངས་ནི་གོང་དང་མཚུངས་ཤིང་། བདག་མདུན་བར་དུ་འཁོར་བའི་མལ་དུ། སྔགས་ཕྲེང་ཡབ་ཡུམ་གྱི་བར་བསྒོམ་ལ་བསྡུ་རིམ་གྱི་བར་དུ་བྱ་སྟེ། ནངས་སྔའམ་དགོང་ཀ་གང་རུང་ཐུན་གཅིག་བྱས་པས་ཆོག་དེ་ལ་སྔོན་འགྲོ་དཀར་བགེགས་སྲུང་འཁོར་སོགས་མི་དགོས་ཏེ་རྒྱུན་ཁྱེར་ལུགས་སོ། ༈ །རིམ་གྲོ་སོགས་ལ་ཚེ་སྒྲུབ་བཅའ་སྲོལ་

― CMR007_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག་སྟེ། འདི་ལ་སྒྲུབ་པ་དང་མི་འདྲ་སྟེ་བཅའ་གཞི་ནི། གཞི་ཡི་སྟེང་དུ་ཚེ་གཏོར་གཡང་ཞགས་འཁྱིལ་པ། ཚེ་བུམ་ཚེ་རིལ་ཚེ་ཆང་ཚེ་ཡི་མདའ་དར་ཁ་དོག་ལྔ་ལྡན་རྣམས་ཕྲེང་དུ་བཤམས། དེའི་མདུན་དུ་སྨན་རཀ་མཆོད་པ་རྣམ་ལྔ་ཚོགས་རྫས་ཆད་བརྟན་གྱི་གཏོར་མ། མཁའ་རི་ཞིང་སྐྱོང་དམ་ཅན་གྱི་གཏོར་འབུལ་བཅས་འདུ་བྱས་ལ། དང་པོ་ཚེ་ཁྲིད་རྡོ་རྗེ་ཕྲེང་བའི་སྐྱབས་འགྲོ་སེམས་བསྐྱེད་བྱ། དཀར་བགེགས་ཕུལ། དེ་ནས་ཚེ་ཡི་ལས་བྱང་བསྟོད་པའི་བར་འདོན། དེ་ནས་ཚོགས་བྱ། ཚོགས་ཕུད་ཕུལ་གཏོར་བསྔོས་བྱ། བར་པས་བསྐང་བ་གསོས་ལ་བསྐང་བ་འདོན། ཐ་མ་བསྒྲལ་བ་དང་། ཞལ་བསྟབ་བྱ། ལྷག་མ་འབུལ། དེ་ཡན་ཚར་དུ་ཐོན་བྱ། དོ་དགོང་ཚོགས་ཀྱི་ཐ་མ་བསྒྲལ་ལས་ཚར་ནས་ཚོགས་ལ་རོལ་༔ ཚེ་འགུགས་བྱ། ལྷག་མ་བསྔོ།་ཆད་བརྟན་གཉིས་དང་མཁའ་རི། ཞིང་སྐྱོང་། རྡོར་ལེགས་རྣམས་ཀྱི་གཏོར་འབུལ་བྱ། གྲོལ་ཁ་ཡོན་བདག་གལ་ཆེན་སོགས་ལ་ཚེ་དབང་བསྐུར་ན་གཞུང་ལྟར་གསོལ་འདེབས་ལན་གསུམ་དང་དབང་ཚིག་གཞུང་ལྟར་བརྗོད་ལ། ཚེ་བུམ་དང་ཚེ་གཏོར་གནས་གསུམ་དུ་བཞག་ལ་སྔགས་དབྱངས་བྱ། རྩ་སྔགས་བཟླ་

― CMR007_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། ཚེ་རིལ་ཚེ་ཆང་བྱིན། ཨོ། འགྲུབ་པར་གྱུར་ཅིག་སོགས་ཤིས་པ་བརྗོད། རྗེས་རྣམས་རང་གཞུང་ལྟར་བྱའོ། །ཀྱེ་ཧོ། སྐྱེ་འཆི་གཉིས་སྤང་མགོན་པོ་ཚེ་ཡི་ལྷ། །དུས་མིན་འཆི་བའི་འཇིགས་སྐྱོབ་མཁྱེན་གཟིགས་གཏེར། །དེ་ཉིད་སྒྲུབ་ཐབས་མདོ་གཟུངས་གྲངས་འདས་ལས། །སྒྲུབ་ཚུལ་མཐའ་ཡས་པྲ་བྷ་ཀ་རས་མཛད། །དེ་ཉིད་གཏེར་བྱུང་རྒྱས་བསྡུས་གྲངས་མེད་ཀྱང་། །ལང་འགྲོས་སྐྱེས་མཐའ་དེ་ཡི་གཏེར་བྱུང་བ། །ཚེ་སྒྲུབ་གསང་བ་འདུས་པ་འདི་ཉིད་ནི། །ནོར་འཛིན་ལྟོ་བ་གང་བའི་དར་རྒྱས་བྱུང་། །འོན་ཀྱང་རྡོ་རྗེའི་ཚིག་གྱུར་གོ་དཀའ་བས། །མཁས་གྲུབ་ལུང་རིག་འཛིན་པས་བཀྲོལ་ན་འང་། །འདི་ནི་ངག་ཁྲིད་འཛིན་བླུན་གཏམ་ཟུང་གྲངས་སྨྲས་པ། །རང་རེ་རེ་ལྟོས་གྱུར་ལ་ཕན་ཕྱིར་བཀོད། །འདི་དགེའི་དུས་མིན་ཚེ་ཡི་བར་ཆད་ཞི། །ཚེ་དབང་དཔལ་འབྱོར་དགུང་ལ་རེག་གྱུར་ཅིག །འཆི་མེད་རིག་འཛིན་གྲུབ་པའི་རྒྱུར་གྱུར་ཅིག །ཅེས་པ་རཱ་ག་ཨ་སྱས་སྦྱར་བ་ལ། །ཉེས་འགལ་མཆིས་ན་ཚེ་ཡི་ལྷ་ལ་བཤགས། །དགེ་བས་འགྲོ་ཀུན་ཚེ་ཡི་མཆོག་ཐོབ་ཤོག །མངྒ་ལཾ། །

ཚེ་སྒྲུབ་གསང་འདུས་ཡང་གསང་གི་ངག་ཁྲིད་ལག་ལེན་ཟིན་བྲིས།

― CMR007_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་འདུས་ཡང་གསང་གི་ངག་ཁྲིད་ལག་ལེན་ཟིན་བྲིས་ཡོད༔ ན་མོ་གུ་རུ་ཨཱ་ཡུ་ཛྷཱ་ན་ཡེ༔ ཚེ་སྒྲུབ་གསང་འདུས་ཡང་གསང་གི་ངག་ཁྲིད་བརྗེད་ཐོ་ལ༔ ཕུགས་གཏོར་རྒྱས་བསྡུས་གང་འགྲུབ་ལོགས་སུ་བཤམ༔ མདུན་དུ་ས་སྟེགས་སམ་སྟེགས་བུའི་སྟེང་དུ་དཀྱིལ་ཐང་བཏིང་༔ མེད་ན་ནས་ཚོམ་ལྷ་གྲངས་བཀོད༔ དེའི་དབུས་སུ་བུམ་པ་ཁ་རྒྱན་མགུལ་ཆིངས་བུམ་རྫས་ཅན༔ ཆུ་བོ་རྒྱུན་འབབས་ཀྱིས་སུམ་གཉིས་བཀང་༔ ཁ་རྒྱན་ཤུག་པ་བཙུགས་ལ་དཀྱིལ་འཁོར་གྱི་དབུས་སུ་བཤམས༔ དེ་སྟེང་མཉྫིའམ་ཤིང་གི་ཨོ་བཅིངས་བར་གཏོར་མ་གཡང་ཞགས་འཁྱིལ་པ་བཤམ༔ བུམ་པའི་གཡས་སུ་བདུད་རྩི་བྷནྡྷ༔ གཡོན་དུ་རཀྟ་བཤམ༔ དཀྱིལ་འཁོར་གྱི་མཐའ་ལ། ཤར་དུ་ཆུ་གཙང་༔ ཤར་ལྷོར་ཆུ་གཙང་༔ ལྷོར་མེ་ཏོག་ནས་ཏིང་གང་༔ ལྷོ་ནུབ་ཏུ་སྤོས་ཐུར་རམ་ནས་ཏིང་གང་ལ་ཨག་སེ་བཙུགས༔ ནུབ་ཏུ་མར་མེ༔ ནུབ་བྱང་དུ་དྲི་ཆབ་སྟེ་སྤོས་ཆུའམ་ཇ་རྒོད༔ བྱང་དུ་ལྷ་བཤོས༔ བྱང་ཤར་དུ་ཏིང་ཤག་གམ་ནས་ཏིང་བཤམ༔ བཤམས་ལུགས་དེ་ནི་རྙིང་མ་ཐམས་ཅད་འདྲའོ༔ ཚེ་རིལ་ཚེ་སྡེར་རམ་ཏིང་གང་༔ ཚེ་ཆང་༔ ཚེ་ནས་བཟང་པོ་སྡེར་

― CMR007_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

གང་༔ མདའ་དར་ཁ་དོག་ལྔའམ༔ མེད་ན་མདའ་གཅིག་ལ་དར་དམར་བཏགས༔ དེ་ལ་ཚེ་གཡུ་བཀྲ་བཟང་༔ ཤེལ་བལ་གཙང་མའི་སྲུང་སྐུད༔ མེ་ལོང་གཅིག་བཏགས༔ སྟོང་ཁ་མར་གྱིས་བརྒྱན༔ དེ་རྣམས་སྒྲུབ་པའི་རྫས་སོ༔ ཐང་ཀ་ཡོད་ན་མདུན་དུ་བཤམ༔ མེད་ན་གཏོར་མ་ལ་ཙཀ་ལི་བཙུགས༔ གཏོར་མ་ལ་ལྷ་བསྐྱེད་རྒྱུ་ཡིན་པས༔ དང་པོ་བྲན་ནས་སྒྲུབ་པ་མ་གྲོལ་བར་དུ་གསོ་བྲན་མི་དགོས་ཏིང་ངུ་ཡན་པ་ཡོད་ན་དཀྱིལ་འཁོར་མདུན་ནས༔ ཕུགས་གཏོར་མདུན་དུ་མཆོད་པ་བཤམ༔ ཉིན་རེ་འམ་ཐུན་རེ་རེ་བཞིན་བརྗེ་ཐོན་ན་བཟང་༔ མེད་ན་དཀྱིལ་འཁོར་ནང་གི་མཆོད་པ་དེ་ཞག་གསུམ་བཞི་རེ་ན་ལན་རེ་ཁ་གསོ༔ ཚེ་ཆོག་ནམ་འདོན་བླ་མ་གཏོར་མ་གསོ་བྲན་བྱས་པས་ཆོག གཏོར་བསྔོས་ཤམ་དུ་གཞི་བདག་གཏོར་མའི་མཇུག་ཏུ༔ གཏེར་སྲུང་མཁའ་རི་ལྕམ་དྲལ༔ ཀླུ་བདུད་དགེ་བསྙེན་སྨྱོ་ཁ་རྣམས་ཀྱི་ཞལ་དུ་ཨི་དམ་བ་ལིནྟ་ཁ་ཁ་ཁཱ་ཧི་ཁཱ་ཧི༔ ཞེས་ཁ་བསྔོས་བྱ་བ་ཡང་གལ་ཆེའོ། དང་པོ་ནུབ་སྔོན་འགྲོ་དཀར་བགེགས་ཕུལ་ནས་རྒྱུན་དུ་མི་དགོས༔ ནམ་ལངས་ནས་ཚེ་ཆོག་དབུ་འཛུགས། སྔ་དྲོ་ཐུན་གཅིག ཉིན་གུང་གཅིག དགོང་མོ་གཅིག མཚན་ལ་

― CMR007_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་དམ་ཆག་མེད་རྣམས་དང་ཐུན་གཅིག་དང་བཞི་བྱའོ༔ སྲོད་དང་ཐོ་རངས་གཉིད་སད་ནས་སྐད་ཅིག་དྲན་རྫོགས་སུ་ཡང་གསང་གུད་དུ་སྦས་པའི་དམིགས་རིམ་དེ་ཅི་ཟིན་བྱས་ལ་བསྙེན་པ་བྱ༔ ཐུན་རེ་ལ་སྟོང་ཚོ་གཉིས་གསུམ་གང་ཐོན་ཡིན་ངེས་པ་མེད༔ རྒྱུན་དུ་ངག་བཅད་ན་མཆོག་ཡིན༔ ཅིས་ཀྱང་བཏང་དགོས་བྱུང་ན་ཐུན་མཚམས་སུ་བཏང་ཆོག ཐུན་མཚམས་མིན་པར་བཏང་མི་རུང་༔ ཟས་ནི་འདི་བླ་མེད་ཡིན་པས་བཅད་ཁྲིག་མེད༔ ཐུན་དཀྱིལ་ལ་ཡང་ཟ་འཐུང་རུང་༔ ཆབ་ལེན་མི་རུང་༔ ཤ་ཆང་ཟ་ན་པདྨ་འོད་འབར་གྱི་ཚོགས་དེ་འདོན་ལ་བཟའ་བཏུང་རུང་༔ བྱིན་རླབས་མ་བྱས་པར་བཟའ་བཏུང་མི་རུང་༔ རྟགས་བཟང་ངན་ཅི་བྱུང་ཡང་བཟང་ངན་ངོ་ཤེས་པར་བྱས་ལ་དགའ་སྡུག་མེད་པར་བཞག༔ གཞུང་གི་དམིགས་པ་སེམས་ངོ་སྲུང་བ་གཉིས་རེས་མོས་སུ་གང་བདེ་བྱའོ༔ ༈ དེ་ཡང་ལས་བྱང་གི་དོན་ཐོ་རམ་ནི༔ རང་ཉིད་སྐད་ཅིག་ལ་རྟ་མགྲིན་དམར་པོ་དབྱུག་ཐོ་སྡིགས་མཛུབ་ཅན་བསྒོམས་ནས༔ ཧཱུྃ༔ ཉོན་ཅིག་སོགས་བཀའ་བསྒོ༔ རྟ་མགྲིན་དེ་ལས་ཁྲོ་ཆུང་དང་མཚོན་ཆ་མེ་དཔུང་གི་ཚོགས་འཕྲོས་པས༔ ས་དང་བར་སྣང་ཁྱབ་པར་

― CMR007_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམས་ལ༔ ཧཱུྃ༔ ང་ནི་འབར་བ་སོགས་བརྗོད༔ བདེ་བ་ཅན་དང་ཟངས་མདོག་དཔལ་རི་ནས་ཚེ་དཔག་མེད་ཚེའི་རིག་འཛིན་གྱི་ཚོགས་སྤྲིན་ལྟར་གཏིབས་ནས་བྱིན་གྱིས་བརླབ་པར་བསྒོམ་ལ་བྱིན་འབེབས་དང་༔ དེ་ནས་ལྷ་བསྐྱེད་དུས༔ བདག་ལ་དཀྱིལ་འཁོར་ཚང་མ་བསྒོམ་པ་དང་༔ མདུན་གྱི་དཀྱིལ་འཁོར་ལ་ཚང་མ་གཅིག བུམ་པའི་ནང་དུ་དཀྱིལ་འཁོར་གཅིག གཏོར་མ་གཅིག་དང་བཞི་དུས་གཅིག་བསྐྱེད༔ མདུན་བསྐྱེད་ཚོགས་ལ་མི་དགོས༔ བདག་གི་སྤྱི་བོར་གུད་དུ་སྦས་པ་ནས་བཤད་པའི་ཨོ་རྒྱན་ཚེ་དཔག་མེད་བསྒོམ༔ དེ་ནས་ཡེ་ཤེས་པ་མང་པོ་དུས་གཅིག་ལ་སྤྱན་དྲངས་ལ་སོ་སོར་བསྟིམ༔ བདག་གི་ཐུགས་ཀ་ནས་མཆོད་པའི་ལྷ་མོ་དཔག་མེད་སྤྲུལ་ནས༔ བདག་མདུན་ཐམས་ཅད་ལ་དུས་གཅིག་ཏུ་མཆོད༔ བསྟོད་པ་ཡང་མཆོད་པའི་ལྷ་མོ་རྣམས་ཀྱིས་བདག་མདུན་སོ་སོར་བསྟོད་པར་བསྒོམ༔ བསྙེན་དུས་དམིགས་པ་གུད་དུ་སྦས་པ་ནས་གསུངས་པ་ལྟར་རོ༔ ཚེ་འགུགས་དུས་གཞུང་ཚིག་ལྟར་དུ་ཚེ་ཡི་ལྷ་མོ་རྣམས་ལས་སྤྲུལ་པ་དཔག་མེད་འཕྲོས༔ ཚེ་བཅུད་བསྡུས་ནས་རང་གི་སྤྱི་བོའི་ཨོ་རྒྱན་ཚེ་དཔག་གི་བུམ་པར་བླུག་ཅིང་༔ བདག་གི་སྤྱི་བོ་ནས་བབ་ལུས་

― CMR007_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

ཁེངས་པར་བསྒོམ༔ རྟགས་ནི་ཚེ་སྒྲུབ་གཞུང་སྤྱི་དང་མཐུན་ནོ༔ གྲོལ་ཁ་ཚོགས་གཏོར་འབུལ་གསོལ་ཀ་བྱ༔ ཐོན་ན་ལེགས༔ ཚེ་གཏོར་སོགས་གཞན་ལ་མི་སྦྱིན༔ བུམ་ཆུ་བཏུང་ཞིང་ཁྲུས་བྱའོ༔ རཱ་ག་ཨ་སྱས་འཕྲལ་དུའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཟབ་པའི་མཐར་ཐུག་གི་ཟིན་བྲིས་ཉུང་བསྡུས་ཞིག་བཞུགས་པའི་དབུ་ཕྱོགས།

― CMR007_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་པའི་མཐར་ཐུག་གི་ཟིན་བྲིས་ཉུང་བསྡུས་ཞིག་བཞུགས་པའི་དབུ་ཕྱོགས་ལགས་སོ།།

― CMR007_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

རཏྣའི་གཏེར་ཁ་ཚེ་སྒྲུབ་གསང་བ་འདུས་པ་འདི་ཡང་ཕྱི་སྒྲུབ་ནང་སྒྲུབ་གསང་སྒྲུབ་སོགས། མང་དུ་ཡོད་པའི་ནང་ནས་ཟབ་པའི་མཐར་ཐུག་འདི་སྟབས་བདེ་ཞིང་ཤིན་ཏུ་ཟབ། གཏེར་སྟོན་ནས་ད་ལྟའི་བར་དུ་སྒྲུབ་པའི་རྒྱུན་མ་ཆད་ཅིང་རྟགས་ཐོན་པ་ཡིན། འདི་སྒྲུབ་པ་ལ་སྔོན་འགྲོ་དངོས་གཞི་རྗེས་དང་གསུམ། དང་པོ་སྐར་མ་བཟང་ཞིང་ཡར་ངོ་མར་ངོ་ནམ་ཡང་རུང་སྟེ། མཚམས་ལ་བཞུགས་ལ་གཟིམ་ཁང་ཕྱགས་དར་དང་མཆོད་བཤམས་སྤྱི་ལྟར་བྱ། སྒྲུབ་པ་མ་ཚར་བར་དུ་བཞུགས་གདན་བསྒུལ་མི་རུང་། ཕུགས་གཏོར་དང་གཏོར་གསོལ་མང་དུ་བཅའ། སྒྲུབ་པ་དུས་

― CMR007_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཤ་མིན་པ་མི་མཆོད། ཤ་གང་ཡོད་དུས་གཅིག་བྲན་ལ་ཚོགས་བྱ། དེ་གྲྭ་པ་ཚོས་ཚོགས་བྱས་ཀྱང་ཆོག །དེ་ནས་ཆ་གསུམ་བཏང་ལ་ཕྱིར་ཕུལ། སུམྦྷ་ནི་བརྗོད་ཅིང་ནས་ལྕག་གཏོར། ན་བཟའ་གཟིམ་ཆས་སྤོས་རུམ་བྱ། མཚམས་ཁང་སྒོ་རྩར་ཐོ་གཅིག་བརྩེགས་ནས་དཀར་པོ་ཐོན་ན་ལེགས། དཀར་གཏོར་གཅིག་དང་གཞན་ཞིག་སྤྱི་དང་གནས་བདག་དེ་ལ་ཁ་བསྔོས་བྱས་ལ་སྒྲུབ་པ་འདི་མཐར་མ་ཐོན་བར་དུ། ཕྱི་ཡི་བར་ཆད་ནང་དུ་མ་བཏང་། ནང་གི་དངོས་གྲུབ་ཕྱིར་མ་བཏང་། ཁྱེད་རྣམས་ལ་མཐུ་རྩལ་ཅི་འདུག་ལྟའོ། །བརྗོད་ལ་ཐོ་དཀར་པོའི་རྩར་

― CMR007_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ། དེ་ཐམས་ཅད་ཞག་གཉིས་གསུམ་གོང་ནས་དལ་བུས་བྱེད་ཆོག་དེ་ནས་ཡར་ངོའི་ཚེས་ཉིན་པར་སྒྲུབ་པའི་དབུ་བཙུགས་ཏེ། རྒྱུན་གྱི་ཐུགས་དམ་ཆག་མེད་རིགས་རྣམས་སྔར་ལྟར་བྱ༔ ནངས་སྔའི་ཁྲུས་དེ་ལ་སྨེ་བརྩེགས་རྣམ་འཇོམས་གང་རེད་ཀྱི་སྔགས་ཐུང་གང་རུང་གཅིག་གིས་ཞལ་བུ་བཏབ་ནས་ཁྲུས་བྱ། གཟུངས་ཆུ་མིན་པའི་ཁྲུས་དང་ཆབ་མི་རུང་། ཚོགས་ཤ་མིན་པ་མི་གསོལ། གཞན་ཟས་སྔར་མུས་ལྟར་ཅི་བདེ་ཆོག །ནམ་ཡང་ལྕེ་མི་གསོལ། མེ་ལ་ཕུ་མི་བྱ། ངག་བཅད་དམ་པར་བྱ། ངག་གཏམ་རུང་་། བདག་བསྐྱེད་རང་ཉིད་ཡི་དམ་ཟེར་བ་ནི་ཚེ་དཔག་གྲུབ་རྒྱལ་ཉུང་ངུས་ཆོག ༈ །དེ་ནས་གཞུང་དུ་གསལ་བ་ལྟར། སྤྱི་གཙུག་ཏུ་ཨོ་རྒྱན་ཚེ་དཔག་མེད་གཉིས་དབྱེར་མེད་བསྒོམ་སྟེ། དགུང་སྙིང་བྱ་ཡིན་པས་སྐུ་མདོག་དམར་སེར་བསྒོམ། དེ་ཡི་ཐུགས་ཀར་ཟླ་བའི་སྟེང་དུ་ཧྲི༔ ཡིག་དམར་པོ་འཕྲེང་ཐབས་སུ་གནས་པའི་མཐར་བཟླ་བྱའི་སྔགས་དེ། གཡས་སྐོར་དུ་ཀྱི་ལི་ལི་འཁོར་བར་བསྒོམ་། དེ་ལས་འོད་ཟེར་འཕྲོས། བདེ་བ་ཅན་དང་ཟངས་མདོག་དཔལ་རི་ནས། ཚེ་དཔག་མེད་དང་ཨོ་རྒྱན་དཔག་ཏུ་མེད་པ་སྤྱན་དྲངས་ལ་བསྟིམ། ཡང་དེ་ཡི་ཐུགས་ཀ་ནས་འོད་

― CMR007_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་འཕྲོས་པས། རང་གི་ཚེ་ཡར་བ་དང་། འབྱུང་བའི་བཅུད་དང་། འགྲོ་བའི་ཚེ་བསོད། འཕགས་པའི་བྱིན་རླབས་བསྡུ་བ་རྣམས་ཚེ་དབང་དུས་ལྟར། ཚེ་དཔག་མེད་ཡབ་ཡུམ་གྱི་སྐུ་དང་ཕྱག་གི་བུམ་པར་བསྟིམ། བུམ་པའི་བདུད་རྩི་ཆི་ལི་ལི་ཁོལ་བ་དང་། ཐལ་མོ་སྙིང་གར་སྦྱར་ཏེ་གཞུང་གི་གསོལ་འདེབས་ཤོ་ལོ་ཀ་གཉིས་དེ་ཚར་གསུམ། དེ་ནས་བདུད་རྩི་བྱུང་ནས་ཚངས་བུག་ནས་ཞུགས། རང་གི་ལུས་གང་། དེ་འདྲ་ལན་བདུན་གྱི་རྗེས་ལ། རང་ཚེ་དཔག་མེད་ཀྱི་ཐུགས་ཀའི་ཧཱུྃཡིག་ནང་དུ། རང་གི་སྲོག་གི་ངོ་བོ་ཚིལྗང་གུ་བཀྲག་མདངས་ཅན་གཅིག་བསྒོམ། བདུད་རྩིའི་བཅུད་ཐམས་ཅད་དེ་ལ་ཐིམ། སླར་ཡང་དེ་ལས་འོད་ཟེར་དཔག་ཏུ་མེད་པ་འཕྲོས་ནས། ཕྱི་སྣོད་འཇིག་རྟེན་ནང་བཅུད་སེམས་ཅན་ཐམས་ཅད་འོད་ཟེར་དུ་ཞུ་ནས། ཨ་དཀར་པོ་དང་ནི་ལྗང་ཁུས་འཇིག་རྟེན་མེ་རེ་རེ་གང་། དེ་ཐམས་ཅད་རྡོ་ཁབ་ལེན་གྱི་ཁབ་ལེན་པ་ལྟར། སྙིང་ཁའི་ཚྭ་ལ་སིབ་ཀྱིས་ཐིམ་པས་བཀྲག་མདངས་འོད་དུ་འབར་ཏེ་ལོ་བརྒྱ་ཡི་བར་དུ་འཆི་བ་མེད་པ་ཚེ་ཡི་རིག་འཛིན་ཐོབ་ཨང་སྙམ་དུ་ངེས་ཤེས་བསྐྱེད། སྔོན་ལྟར་དམིགས་པ་བསྒོམ་ཝིག་བྱ་ཞིང་སྔགས་ཤུབ་

― CMR007_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

བུར་བཟླས། སྔགས་འབྲུ་མིས་མི་གསལ་བ་དང་སྒྲ་ཆེ་བ་མི་བྱ། བུང་བའི་སྐད་ལྟར་སི་ལི་ལི་བཟླས། དམིགས་པ་མི་གསལ་ན་སྔ་དྲོ་ཐུན་གཉིས། དགོང་ཀ་གཅིག་དང་གསུམ་དང་བཞིའམ། ཉིན་གསུམ་མཚན་གསུམ་དང་ཐུན་དྲུག་གམ། ཉིན་གསུམ་མཚན་གཅིག་གམ་བཞི་ལ་ཡིག་ཆུང་རྣམས་སྐྱུར་ནས། ཡིག་ཆེན་རྣམས་འདོན་བསྒོམ་ལྟར་གསལ་བཏབ། དེ་ལྟར་ཟླ་གཅིག་ཙམ་བསྒྲུབས་པས་གཞུང་ནས་གསུངས་པ་ལྟར་རྟགས་དང་རྨི་ལམ་འབྱུང་། སྒྲུབ་པ་ཚར་ནས་སྤྱི་བོའི་ཚེ་དཔག་མེད་ཡབ་ཡུམ་རང་ལ་ཐིམ། རང་ཉིད་ཚེ་དཔག་མེད་མཐའ་ནས་དབུས་སུ་ཡལ་ཏེ་ཐུགས་ཀའི་ཧྲིལ་ཐིམ། གྷིཡང་མི་དམིགས་སྟོང་པ་ཉིད་ལ་བཞག་ནས། འདི་ནུབ་གཟིམ་ཁ་བྱ་བར་བཤད་ཀྱང་བསྐྱེད་རིམ་མ་བསྡུས་ན་རྟགས་གསལ་བར་འོང་། དེ་ཡི་བར་སྐབས་སུ་བདེ་མཆོག་སོགས་ལྷ་གཞན་བསྒོམ་དགོས་ན། བདག་ཚེ་དཔག་མེད་ཀྱི་ཐུགས་ཀ་ནས་རང་འདྲ་སྤྲོས། དེས་བདག་བསྐྱེད་དང་མདུན་བསྐྱེད་བསྒོམས་ནས་འོད་དུ་ཞུ་ནས་རང་ལ་བསྟིམ་པར་བྱའོ། །སྒྲུབ་པ་ཚར་དུས་བཀྲ་ཤིས་སྨོན་ལམ་བྱའོ། །དེ་ལྟར་སྒྲུབ་པ་ཚར་ནས་ཐོ་རངས་སམ་སྔ་དྲོ་དམིགས་པ་བསྒོམ། གསོལ་བ་བཏབ་ནས་སྔགས་

― CMR007_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་རབ་སྟོང་། འབྲིང་ལྔ་བརྒྱ། ཐ་མ་སུམ་བརྒྱ་མ་ཆག་པར་བཟླ། ཡང་རྨིས་ལྟས་ཞན་དུས་སོགས་ལ། སྔར་ལྟར་མཚམས་བསྡམས་ནས་བཟླས་ན་རྨི་ལམ་བཟང་བར་འོང་བ་མྱོང་བས་གྲུབ། མཚམས་མིན་ཀྱང་ནམ་དྲན་དམིགས་པ་གསལ་བཏབ་པས་བསྒོམ་ཆོག །གཏོར་བསྔོས་སོགས་མི་དགོས། གལ་ཏེ་གཏོར་བསྔོས་འདོད་ན་བཟླས་བྱའི་སྔགས་དེ་ཡི་མཇུག་ཏུ་ཚེ་དཔག་མེད། རྒྱལ་བ་རྒྱ་མཚོ་གསང་བ་འདུས་པའི་ཞལ་དུ་ཨི་དམ་བ་ལིངྐ་ཁ་ཁ་ཁཱ་ཧི། བརྗོད་པས་འཐུས། རྒྱལ་བ་རྒྱ་མཚོའི་དང་རྟ་མགྲིན་གཉིས་ཀྱི་མཚམས་སུ་འཛུད། དེ་ནས་མཚམས་གྲོལ་ནས་འབྱོན་དུས་མཚམས་ཐོའི་རྩར་གཏང་རཀ་དཀར་གཏོར་ཕུལ། ཐོ་འགྱེལ་བཞག །ཅེས་པ་ཨ་རཱ་གས་སོ། །ཤུ་བྷཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་བ་འདུས་པ་ལས་ཕྱི་སྒྲུབ་ནང་སྒྲུབ་གསང་སྒྲུབ་རྒྱུན་ཁྱེར་འདོན་ལུགས་དང་ཟིན་བྲིས་ཞིབ་ཏུ་ཡོད་པ་འདི་རྣམས་བླ་མ་པདྨས་བསྐུལ་བ་ལྟར་ཀརྨ་ཆགས་མེད་ཀྱིས་གནང་བ།

― CMR007_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པ་ལས་ཕྱི་སྒྲུབ་ནང་སྒྲུབ་གསང་སྒྲུབ་རྒྱུན་ཁྱེར་འདོན་ལུགས་དང་ཟིན་བྲིས་ཞིབ་ཏུ་ཡོད་པ་འདི་རྣམས་བླ་མ་པདྨས་བསྐུལ་བ་ལྟར་ཀརྨ་ཆགས་མེད་ཀྱིས་གནང་བའོ།། །།

― CMR007_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཨཱ་ཡུ་ཛྷཱ་ན་ཡེ། ཚེ་སྒྲུབ་གསང་བ་འདུས་པའི་ངག་ཁྲིད་ལས། གཞན་ལུགས་བརྗོད་པ་དང་རང་ལུགས་བཞག་པ་གཉིས་ལས། དང་པོ་ནི། ཚེ་སྒྲུབ་གསང་བ་འདུས་པའི་རྒྱུད་ཅེས་པ་ཏན་བཅོ་བརྒྱད་ཀྱི་ཡ་གྱལ་ཞིག་ཡོད་པ་ལ་བརྟེན་པ་ཨོ་རྒྱན་རིན་པོ་ཆེས་མཛད་པར་འོང་བ་དང་། ལས་བྱང་ལ་ཡང་མཆོད་པ་བྱིན་རླབས་སྐྱབས་འགྲོ་སེམས་བསྐྱེད་སབ་དཀྱིལ་ཐང་ལ་ནང་སྒྲུབ་ཀྱི་དཀྱིལ་འཁོར་བྲིས་ནས་ལས་བྱང་གི་ལྷ་བསྐྱེད་དེ། བདག་བསྐྱེད་བྱས་རྗེས་ནང་སྒྲུབ་ཀྱི་མདུན་བསྐྱེད་ཚིག་ལྷུག་ལ་ཕབ་སྟེ་རྒྱུན་དུ་འདོན་པ་དང་། དབང་ལ་ཡང་མང་དུ་ཁ་སབ་སྟེ་སྐྱབས་

― CMR007_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་སོགས་གསར་མ་ནས་ཁ་སབ་པར་བྱའོ། །མདོར་ན་ཨོ་རྒྱན་རིན་པོ་ཆེས། ང་ཡི་བཀའ་ལ་བཅོས་པ་ཐམས་ཅད་ནི། །བཅོས་དྲགས་བྱིན་རླབས་ཆུང་བར་སེམས་སོ། །དེ་དག་གི་སྒྲུབ་པ་བྱེད་ཚེ་གབ་མ་འཕྲོད་པ་ལས། ལས་བྱང་ཡོད་ཚུགས་བཏོན་ནས་སྒྲུབ་གཞུང་གི་མངོན་རྟོགས་རྗེས་ནས་བཏོན་ཏེ། སོ་སོའི་བསྙེན་པ་བྱེད་ཅིང་འདི་གཏེར་གཞུང་ཡིན་བཅོས་མི་རུང་ཟེར་རོ། །གབ་མ་འཕྲོད་པ་དེ་མ་བཅོས་པ་ཡིན་ན་ལེགས་པར་སེམས་པར་བྱའོ། །གསང་སྒྲུབ་དུས་ལས་བྱང་འདོན་པ་སོགས་སྤྲོས་མེད་ལ་སྤྲོས་བཅས་སྣོན་སོགས་སློབ་དཔོན་མེད་པའི་ཅི་གར་བྱ་

― CMR007_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

བའོ། །འོ་ན་རང་ལུགས་ཇི་ལྟར་འདོད་ཅེ་ན། མདོར་ན་ཐུགས་རྗེ་གསང་འདུས་ཀྱི་རྒྱུད། རྟ་མགྲིན་གསང་འདུས་རྒྱུད། ཕུར་པ་ཡང་གསང་བླ་མེད་ཀྱི་རྒྱུད། ཀློང་གསལ་འབར་མའི་རྒྱུད། རྒྱུད་སྡེ་བཞི་པོ་འདི་དག་ལ་བརྟེན་ནས་རཏཱ་ལུགས་ཀྱི་འདུས་པ་སྐོར་བཞི་ཐམས་ཅད་མཛད་པར་གསལ་བས། ཐུགས་རྗེ་གསང་འདུས་ཀྱི་རྒྱུད་ལས་ཚེ་སྒྲུབ་ཀྱི་ལེའུ་དེ་ལ་བརྟེན་ནས་ཚེ་སྒྲུབ་གསང་འདུས་མཛད་པའི་ཕྱིར། ཐུགས་རྗེ་ཆེན་པོའི་ཐེམ་བྱང་དུ་ཚེ་སྒྲུབ་གསང་འདུས་ཡོངས་སུ་རྫོགས་པ་བྱུང་བ་དེའི་ཕྱིར། དེ་ཚེ་སྒྲུབ་གསང་འདུས་པོ་ཏི་ཁ་རྒྱས་པར་འདོད་ན། ལང་གྲོའི་ཞུས་ལན་ཞལ་གདམས་ལུང་གི་ཕྲེང་བ། གུ་རུའི་རྣམ་ཐར་ཐུགས་རྗེ་ཆེན་པོའི་ནང་དེ། མགར་དམར་སྨྱོ་ཁ་ཨེ་ཀ་ཙ་ཏི། མཁའ་རི་སྤུ་གྲི་མཆེད་གསུམ་གསང་འདུས་གྲལ་བྲི་ཆོག་གོ །ཐུགས་རྗེ་ཆེན་པོའི་རྒྱུད་ཀྱང་བཞེངས་བར་སེམས། ཚེ་སྒྲུབ་འདི་ཡི་སྐྱབས་འགྲོ་སེམས་བསྐྱེད་ནི་ཚེ་སྒྲུབ་རྡོ་རྗེའི་ཕྲེང་བའི་སྐྱབས་སེམས་ཡན་ལག་བདུན་པ་དེ་སྦྱར་རུང་སྟེ། གཏེར་ཁ་ཡ་ཅིག་ཅིང་སྔར་ནས་སྲོལ་འདུག །བགེགས་གཏོར་སོགས་གང་འདོད་བྱེད་རུང་གེལ་དུ་རྩམ་པ་གདའ་སྟེ་སྙིང་པོ་མེད། མཆོད་པ་བྱིན་རླབས་ནང་ནས་སོང་

― CMR007_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

བས་གཞུང་དུ་སབ་མི་དགོས། སབ་ན་ཐུགས་རྗེ་ཆེན་པོའི་སབ་འོས་ཡིན། ཐུགས་སྒྲུབ་ནས་ཀྱང་སབ་རུང་ཙམ་ཡིན། ལས་བྱང་ཁ་རྐྱང་འདོན་དུས་མངོན་རྟོགས་གཞན་མི་སབ། བདག་མདུན་བུམ་གསུམ་དུས་གཅིག་ལ་བསྒོམ། བསྙེན་དུས་དམིགས་པ་ཚེ་སྒྲུབ་ཆེན་མོ་དེས་གསུངས་པ་ནི་ཀཿཐོག་བླ་མ་ཆོས་ཀྱི་འབྱུང་གནས་ཀྱི་ཟིན་བྲིས་ལྟར་བསྒོམ་། བསྙེན་པ་ཚར་ནས་བསྟོད་པ་ཟུར་འགེབ་ལྟར་ཁ་སབ། དེ་ནས་ཚེ་འགུགས་ནས་བཟུང་སྟེ་ཚེ་ཡི་རིག་འཛིན་བསྐུལ་བའི་བར་གཞུང་ལྟར་འདོན། དེ་ནས་ཟུར་འགེབ་ནང་གི །ཧཱུྃ། གསང་འདུས་ཚེ་ཡི་དཀྱིལ་འཁོར་འདིར་ཞེས། སོགས་རིག་འཛིན་གྱི་བསྐུལ་པ་འདོན། དེ་ནས་ཚེ་འཛུགས་ཡན་ཆད་གཞུང་ལྟར་འདོན་ཆོག །ཆད་མདོ་བཀྲ་ཤིས་སོགས་ཐུགས་སྒྲུབ་ཐུགས་རྗེ་ཆེན་པོ་ལྟར་བྱ་གསུངས་པས་བྱའོ། །དེ་ནས་ཨོཾ་འགྲུབ་པར་གྱུར་ཅིག་སོགས་སྨོན་ལམ་ལན་གསུམ་བྱ། དེ་ནི་ལས་བྱང་ནར་མའམ་དུས་བཟང་མཆོད་པའི་ལུགས་ལགས་སོ། ༈ །ཕྱི་སྒྲུབ་ནི་ལས་བྱང་འདི་ཉིད་ཡིན་པས། འདི་ལ་བརྟེན་ནས་སྒྲུབ་པ་བྱ་བ་ནི་དམིགས་པའི་གབ་ཐིག་དང་གབ་སྤྲད། ལས་བྱང་ལྷ་བསྐྱེད་སྐབས་སུ་གཙོ་

― CMR007_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་བསྐྱེད་ཚར་རྗེས་དེའི་དཀྱིལ་འཁོར་གབ་ཐིག་ནང་གི་ཨོ་རྒྱན་ཚེ་དཔག་མེད་བསྐྱེད་རྗེས་ཤར་དུ་ལཱ་སྱ་དཀར་མོ་ལ། ཞེས་སོགས་དཀྱིལ་འཁོར་ལྷ་བསྐྱེད། སྤྱན་འདྲེན་མཆོད་པའི་བར་གཞུང་ལྟར་ལས། བསྙེན་པའི་སྐབས་སུ་གབ་ཐིག་དམིགས་པ་རྣམས་བྱ་ཞིང་གབ་ཐིག་ལྟར་བསྙེན་པ་བྱའོ། །གཞན་ཐམས་ཅད་གཞུང་ལྟར་རོ། ༈ །ཡང་རྒྱུན་ཁྱེར་ལ་ལས་བྱང་མ་ལྕོགས་ན་གབ་ཐིག་དམིགས་རིམ་སྐད་ཅིག་གིས་བསྒོམས་ནས་བསྙེན་པ་བརྒྱ་ཕྲག་ཙམ་མ་ཆག་པར་བྱའོ། ༈ །ཡང་གསང་འདུས་ཟབ་པའི་མཐར་ཐུག་ཅེས་པ་དེ་ཕྱི་སྒྲུབ་ལ་མིང་བཏགས་ཀྱང་རུང་། འདི་དང་འདྲ་ལ་ཁད་ཅིག་ཐུགས་རྗེ་ཆེན་པོ་གསང་བ་འདུས་པ་ལ་ཡོད་ཅིང་འདི་དང་གཉིས་རྒྱུད་རང་རང་གི་ཚེ་སྒྲུབ་ལེའུ་དང་གསུམ་ཀ་སྔགས་དང་དམིགས་པ་གཅིག་པར་ཡོད་དེ། ཚེ་རིང་བ་དང་བདེ་བ་ཅན་དུ་སྐྱེ་བ་སོགས་ཕན་ཡོན་ཆེ་བ་དང་། སྔགས་ཐུང་བས་བཟླ་སླ་བ་དང་བསྒྲུབ་ཚད་བྱུང་བས་སྒྲུབ་སླ་བ་སོགས་ཐུགས་དམ་རྩ་བ་འདི་རང་ལ་བྱ་འོས་པ་ཡིན་ནོ། ༈ །འདི་སྤྲོས་བཅས་སྤྲོས་མེད་གཉིས་སྤྲོས་བཅས་ལ་དཀྱིལ་འཁོར་ཚོམ་བུ་མཆོད་གཏོར་བུམ་པ་བཅས་ལ། ལས་བྱང་གཞུང་བསྲང་བྱས་ཏེ། ལྷ་བསྐྱེད་སྐབས་སུ་

― CMR007_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་ལས་བྱང་གི་བདག་བསྐྱེད་གསལ་བ་དེ་སྤྱི་བོར་གསང་འདུས་ཟབ་པའི་མཐར་ཐུག་ནས་གསུངས་པའི་ཨོ་རྒྱན་བསྐྱེད་པ་ནས་ཤར་དུ་ལཱ་སྱ་དཀར་མོ་ནས་སོགས་འཁོར་ལྷ་བསྐྱེད། སྤྱན་འདྲེན་མཆོད་བསྟོད་བྱས། སྔགས་བཟླ་སྐབས་ཟབ་པའི་མཐར་ཐུག་ནས་གསུངས་པ་ལྟར་དམིགས་པ་བྱ་ཞིང་སྔགས་སྟོང་ཙམ་བཟླ། དེ་ནས་སླར་ཡང་མཆོད་པ་གཅིག་བྱས་ལ་བསྟོད་པ་ཟུར་འགེབ་ཚེ་འགུགས་སོགས་གཞུང་ལྟར་བྱ། དེ་ལྟར་དུས་གསུམ་དུ་ཐུན་བཅད་ལ་ཞག་གསུམ་མམ་ལྔ་བདུན་རྟགས་མ་བྱུང་བར་བསྒྲུབས་ནས། རྗེས་ནས་བུམ་པ་གཏོར་མ་རང་གི་སྤྱི་བོར་བཞག་ལ་དབང་བསྐུར་རོ། །གཞན་དོན་ཡིན་ན་བུམ་པ་དང་གཏོར་མས་དབང་བསྐུར་ཚུལ་གཏོར་དབང་བྱིན་རླབས་སྤྲིན་ཕུང་ལྟར་བྱ། མདའ་དར་ཤྭ་དང་གཡུ་བལ་སོགས་ཚིགས་བཅད་བཅས་སོ་སོར་གཏད། ཚེ་འགུགས་སྦ་བསྟིམ་བཀྲ་ཤིས་བྱའོ། །རང་དོན་ལ་དངོས་གྲུབ་རྫས་གཞན་ལ་མི་སྦྱིན། ༈ སྤྲོས་མེད་ལྟར་སྒྲུབ་ན་མཆོད་གཏོར་མི་དགོས། ལས་བྱང་མི་འདོན། གཞུང་ལྟར་དམིགས་པ་གསལ་འདེབས་སྔགས་ཁོ་ན་བཟླས་པས་འཐུས་ཆེ་སྟེ་སྟབས་བདེའོ། ༈ །འདི་ཡི་ནང་སྒྲུབ་འདི་ནི་འདི་ཡི་

― CMR007_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཀྱི་སྒྲུབ་ཆེན་ཡིན་པས་སྤྲོས་པ་ཅི་རྒྱས་བྱ་སྟེ། ཐུགས་རྗེ་ཆེན་པོ་གསང་འདུས་ཐུགས་སྒྲུབ་སྒྲུབ་ཆེན་ལྟར་ས་ཆོག་རྒྱལ་ཐོ་སྒོ་བྱང་ལ་སོགས་འགྲུབ་ན་ལེགས།་དེ་ཙམ་མ་འགྲུབ་ན་ནང་སྒྲུབ་རང་རྐང་ལྟར་སྟ་གོན་རྣམས་རྒྱས་པར་བྱ། ཁྱད་པར་ཚེ་གཏོར་ཚེ་མདའ་སོགས་ཡིག་ཆུང་ལྟར་པྲ་ཁྲིད་གུད་དུ་ཡོད་པ་ལྟར་བྱ། དེ་ནས་ལས་བྱང་གབ་སྤྱད་ལུགས་ནི་འཁྲུགས་ཆེ་བ་སྟེ། ༈ བདག་ཉིད་དབང་ཆེན་ཧེ་རུ་ཀ་སོགས་ཚིག་གཉིས་དང་། ཧཱུྃ་ཉོན་ཅིག་ལོག་འདྲེན་སོགས། བཀའ་བསྒོ་ནས་ཨུ་ཙ་ཏ་ཡ་ཕཊ༔ ༈ བར་མཚམས་ཐམས་ཅད་ཁྲོ་ཆུང་སོགས་ནས། འདའ་བའི་གནས་མེད་པར་གྱུར། ཧཱུཾ་ང་ནི་འབར་བ་དབང་གི་སྐུ༔ སོགས་ཛྭ་ལ་རཾ་རཾ་ཧཱུྃ་ཕཊ༔ སྟེང་འོག་ཕྱོགས་མཚམས་ཐམས་ཅད་རྡོ་རྗེ་རིན་ཆེན་སོགས་ནས་འུ་རུ་རུ་འབར་བར་གྱུར༔ ཧཱུྃ་བྱིན་ཆེན་ངོ་མཚར་མཆོག་གི་སོགས་ནས་གཞལ་ཡས་བསྐྱེད་བར་འདོན། ལས་བྱང་གི་གཞལ་ཡས་ཁང་བསྐྱེད་སྐྱུར་ལ། ཧཱུཾ་བཛྲ་རཀྵ་རཀྵ་ཧཱུྃ༔ བློ་ལས་ཡེ་ཤེས་ཀྱི་གཞལ་ཡས་ཁང་ནས་རྡོ་རྗེའི་གུར་དུ་གྱུར༔ དེ་ལྟ་བུའི་གཞལ་ཡས་ཁང་གི་ནང་དུ་ནི༔ འོད་དང་འོད་ཟེར་འཕྲོ་བ་གྱུར༔ ཞེས་པའི་བར་སྒྲུབ་པའི་གཞུང་ལྟར་ལས། ཤར་

― CMR007_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལཱ་སྱ་དཀར་མོ་ལ༔ ཞེས་སོགས་ལས་བྱང་འཁོར་ལྷ་བསྐྱེད༔ ལྷུན་གྲུབ་འགྱུར་བ་མེད་པར་བྷེ༔ ཞེས་བར་འདོན། དེ་ནས་སྭ་བྷཱ་ཝ་སོགས། ཨོཾ་མ་ཧཱ་ཤུ་རྩ་ཏ་སོགས་མདུན་གྱི་ད་ལ་སོགས༔ འོད་ཟེར་གྱིས་སྟོང་གསུམ་གང་བར་གྱུར༔ གྱི་བར་དང་ལས་བྱང་ལས་ཨོཾ་ཨཱ་ཡུ་ཛྷཱ་ན་ནས་ཛ་ཡི་བར་དང་སྤྱན་འདྲེན་མཆོད་པ་རྡོ་རྗེའི་ཚིག་གི་བར་ལས་བྱང་ལྟར་རོ། །ལས་བྱང་གི་སྔགས་དེ་རྣམས་སྐྱུར་ལ་བསྟོད་པ་ཟུར་འགེབ་ལྟར་བྱ། གཞུང་གི་འཛབ་དགོངས་དམིགས་པ་བྱ་ཞིང་བསྙེན་སྔགས་སྟོང་ཡན་གང་འགྲུབ་བྱ། དེ་ནས་ལས་བྱང་ལྟར་ཚེ་འགུགས་སོགས་རྒྱས་པར་བྱ༔ ཐུན་མཚམས་གསོལ་འདེབས་གསུམ་རེ་འམ་བདུན་རེ་བྱ། ཐུན་བསྡུ་ཁ་ནི་ཚེ་སྦ་བསྟིམ་སྨོན་ལམ་གཞུང་ལྟར་བྱ། སླར་ཡང་ཐུན་གོང་ལྟར་མཚམས་གཅོད་ནས་བཟུང་སྟེ་བྱ། དེ་ལྟར་ཞག་རེ་ཐུན་བཞིའམ་གསུམ་བྱ་བ་ཞིག་བདུན་བསྙེན། དེ་ནས་གཞན་གོང་ལྟར་ལ་སྒྲུབ་པའི་སྔགས་ལ་ཞག་བདུན། ཡང་གོང་ལྟར་ལས་ལ་སྦྱོར་སྔགས་ལ་ཞག་བདུན་རེ་སྟེ་སྒྲུབ་པ་དང་ལས་སྦྱོར་དམིགས་པ་མི་འདྲ་བ་ལ་གཞུང་ཉིད་གསལ་ལྟར་རོ། །ཞག་ཉེར་གཅིག་བྱ་བ་ནི་ཐ་མ་སྟེ། རྒྱས་པར་བྱ་ན་གྲངས་བདུན་འབུམ་

― CMR007_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་གཞུང་ལྟར་བྱའོ། །དེ་སྒྲུབ་གྲོགས་མང་པོ་སྒྲུབ་ཆེན་ལྟར་བྱེད་ན་ཞག་གསུམ་རེ་བྱས་ནས་དགུ་ལ་ཐོན་པ་ཡང་རུང་ངོ་། །མཇུག་ཏུ་རང་དོན་ཡིན་ན་སྒྲུབ་གཞུང་ལྟར་རང་གིས་དབང་དང་དངོས་གྲུབ་བླངས། གཞན་དོན་ཡིན་ན་དབང་རྒྱས་བསྡུས་གང་རུང་བསྐུར་བའམ། དེ་ལྟར་མི་བདེ་ན་ཡང་ཚེ་འགུགས་རྒྱས་པར་བྱས་ལ། མདའ་དར་བླ་གཡུ་བླ་རྟེན་སོ་སོར་འབུལ། བཀྲ་ཤིས་བརྗོད་ཅིང་ཚེ་ཆུ་ཚེ་རིལ་འབུལ་བའོ། །མཚམས་གྲོལ་ལུགས་སྤྱི་དང་མཐུན། ཡང་རྣལ་འབྱོར་པ་ཏིང་འཛིན་ལ་དབང་ཐོབ་ཅིང་སྤྲོས་པ་ལ་མི་དགའ་ན། །བཅས་རྣམས་གཞུང་ལྟར་ཅི་ལྕོགས་བྱས་སོ། །དང་པོ་ཐུགས་སྒྲུབ་ཚར་གཅིག་བཏང་ལ་དེས་གཞུང་བསྲང་ཞིང་ཁོག་ཕུབ་ལ་རྒྱུན་ཏུ་སྒྲུབ་པ་གཞུང་གི་མངོན་རྟོགས་བསྡུས་པ་ཁོ་ན་བསྒོམ་ཞིང་སྔགས་དང་གསོལ་འདེབས་ཝིག་ཅིང་སྒྲུབ་ལ། རྗེས་ཆོག་དང་ཆད་མདོ་དཀྱིལ་འཁོར་བསྡུ་བ་བཀྲ་ཤིས་སོགས་ཐུགས་སྒྲུབ་ལྟར་བྱས་ཀྱང་རུང་ངོ་། །གཞུང་ཉིད་ནས་གསུངས་པ་ལྟར་རོ། །འདི་ཡི་གསང་སྒྲུབ་ནི་ཤིན་ཏུ་སྤྲོས་མེད་དེ། ལས་བྱང་དང་གབ་སྤྲད་རྒྱུ་ཡིན་པས། སྒྲུབ་གཞུང་ཉིད་ནས་ཇི་ལྟར་གསུངས་པ་བཞིན་ཁོ་ནས་ཆོག །ཡེ་ཤེས་སྤྱན་དྲངས་པ་

― CMR007_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ན་ཡང་མ་ཚང་པ་མིན་ཏེ། ཨ་ནུ་དང་ཨ་ཏི་ལྟར་སྒྲུབ་པ་ཡིན་པས་རང་སེམས་ཡེ་ཤེས་སེམས་དཔའ་འམ། རང་ལུས་དམ་ཚིག་སེམས་དཔའ་ཡེ་ནས་ཡིན་པ་ལ་ཡིན་ལྟར་གསལ་འདེབས་སོ། །འདི་ཡི་གནད་ལ་རླུང་རོ་ལེགས་པར་བུས་ནས་རླུང་བཟུང་ནས་ཡིད་ཀྱི་བཟླས་པ་དང་དམིགས་པ་ཁོ་ན་བྱ་བ་གནད་ཡིན་ནོ། །སྤྱིར་ཚེ་སྒྲུབ་ཐམས་ཅད་འདྲ་ཡང་ཁྱད་པར་གསང་སྒྲུབ་ཐུགས་དམ་བྱ་བ་ནི་ཐིག་ལེ་མ་ཉམས་པར་སྲུང་བ་གནད། འདི་ཡི་ཚེ་རིལ་སྒྲུབ་ཐབས་འདྲ་མིན་གསུམ་བྱུང་སྟེ། གཅིག་ཐུགས་རྗེ་གསང་འདུས་ཀྱི་ལས་ཚོགས་ཡིན་པས་རྫས་ཡང་དཀའ། གཅིག་ཚེ་སྒྲུབ་རྡོ་རྗེ་ཕྲེང་བ་ཡིན་པས་དེ་ཡང་དཀའ། ཚེ་ཁྲིད་རྡོ་རྗེ་ཕྲེང་བ་ལས་བདུད་རྩི་རིལ་བུ་སྒྲུབ་པ་འདི་ཚེ་སྒྲུབ་གསང་འདུས་ལ་སྦྱར་རྒྱུ་ཡིན། །སྟབས་བདེ་རྫ་ས་སླ་བ་རང་གཞན་ཀུན་ལ་ཕན་པར་སྣང་སྟེ། བྱ་ལུགས་ཐམས་ཅད་གཞུང་བལྟས་ཆོག་ཏུ་ཡོད་ཀྱང་གསང་འདུས་ལས་བྱང་ཚར་རེས་གཞུང་བསྲང་ལ་སྔགས་ཚེ་རིལ་གྱི་སྔགས་ལ་འབད། རིལ་བུ་བདག་གཞན་གྱིས་ལོངས་སྤྱོད་པར་བྱའོ། །ཚེ་དབང་རྒྱས་པ་ནི་གུ་རུ་ཀུན་དགའ་བསྟན་འཛིན་སོགས་གཏེར་གཞུང་ཉིད་ལས་གདའ་ཚུགས་ལ་ཁ་མ་སབ་པར་

― CMR007_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་བ་དེ་ལྟར་ཡང་ལེགས། ཀཿཐོག་སོགས་ནས་མང་དུ་སབ་ནས་དབང་སྤྱི་ལྟར་ཆ་ཚང་བ་མཛད་འདུག་པས་དེ་ལྟར་འདོད་ན་ཀཿཐོག་ལྷ་ཕ་བླ་མའི་ཟིན་བྲིས་ལ་ལྟ་བར་བྱོས་ཤིག་གཏོར་དབང་ལ་འཁྲུགས་ཅུང་ཟད་ཡོད་པ་ལེགས་པར་སྤྱད་ན་ཤེས་པར་ཡོད་ཅིང་། གསང་དབང་སོགས་ལ་འཁྲུགས་མེད་གཞུང་ལྟར་ལས། རྒྱས་པར་དབང་བཤད་སྤྲོ་ན། རིག་ཤེས་བྱའི་དོན་ལ་ཁྲིད་ཐམས་ཅད་ཀྱི་གནད་འགག་ཚང་བར་ཡོད་པས་ཁམས་ཤིན་ཏུ་ཆེ་སྟེ། གསང་སྔགས་ཀྱི་སྡོམ་པ་ཆེན་པོ་ཡིན་པས་ལེགས་པར་ལྟ་ཞིང་གོ་བ་ལེགས་པ་གལ་ཆེ་བ་ཡོད་དོ། །འདི་ཡི་བཀའ་སྲུང་ནི་དགེ་བསྙེན་མཁའ་རི་དང་བསྙོ་ཁ་དང་སྤུ་གྲི་མཆེད་གསུམ་རྣམས་ལ་སྒྲུབ་པ་དང་དབང་ཆོས་སྤེལ་དུས་གཏོར་མ་རེ་འབུལ་བ་དང་། རྒྱུན་ཏུ་སྔགས་བསྔོས་རེ་བྱས་པས་བར་ཆད་སེལ་ཞིང་བཀྲ་ཤིས་ལ། དེ་ལྟར་མ་བྱས་ན་གཉེར་པ་ལ་མ་དྲིས་ནས་ཆས་ཀ་ལ་ལོངས་སྤྱོད་པ་ལྟར་མཁུ་ལྡོག་འབྱུང་བས་དེ་དོན་ཤེས་པར་བྱ་བ་གནད་དམ་པའོ། །ལར་ཚེ་སྒྲུབ་འདི་ནི་ཤིན་ཏུ་ཟབ་ཅིང་ཡོངས་སུ་གྲགས་པ་ཡིན་ལ། སྔགས་ལ་ཨཱ་ཡུ་ཤེ་དང་ཨཱ་ཡུ་ཥེ་ཞེས་ཡིག་ཆ་གཞུང་རྣམས་སུ་བྱུང་ལ། གཏེར་ཡིག་བརྡ་སྔ་འགྱུར་དང་མཐུན་པ་ལ། ཕྱིས་དཔེ་ལ་

― CMR007_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ལར་ཨ་ཡུ་ཥ་ཞེས་བརྡའ་གསར་མ་འདྲ་བ་བྲིས་གདའ་བ་ལ་ཨུ་ཏེ་བཟླ་མཁན་འགའ་རེ་ཚེ་རིང་པོར་མ་བྱུང་། དེས་ན་གཏེར་མ་རང་རྐང་ལྟར་ཨཱ་ཡུ་ཤེ་དང་ཛི་བཱིནྡྲི་སོགས་ཟབ་པ་ལེགས།་ཨཱ་ཡུ་ཥ་དང་ཛི་ཁཱིན་སོགས་ལེགས་སྦྱར་དང་མཐུན་པ་ལེགས་ཏེ། རྙིང་མ་སྔགས་ཕལ་ཆེར་སཾ་སྐྲྀ་ཏ་ཡི་སྐད་ཡིན་པར་ངེས་པ་མེད་པའི་ཕྱིར། ཆུ་ཡི་སྙིང་པོ་ཚྭ་ཡིན་པས་ཞེས་པ་ཚྭ་ཡིན་པ་དང་། ས་ཡི་སྙིང་པོ་གསེར་ཡིན་པས། ཞེས་པ་ཤ་ཡིན་པ་ཟེར་བ་ཡིག་རྙིང་ལ་ལར་སྣང་བས་བསྒྱུར་བ་ཡང་མི་འགལ་སེམས། ཞེས་པ་རྡོ་རྗེ་འཛིན་པ་ཕྲ་བྷའི་མཚན་གྱིས་བསྐུལ་བའི་ངོར། ཨ་རཱ་གས་འཕྲལ་དུ་བྲིས་པའོ། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གསང་བ་འདུས་པའི་ཡིག་ཆུང་སྐོར་ཚེ་གཏོར་པྲ་ཁྲིད་དབང་དང་བཅས་པ།

― CMR007_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པའི་ཡིག་ཆུང་སྐོར་ཚེ་གཏོར་པྲ་ཁྲིད་དབང་དང་བཅས་པ་བཞུགས་སོ།།

― CMR007_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

བཙཤཊགཏཾཊཎྜགཤ མགོན་པོ་ཚེ་ཡི་བདག་པོ་ལ་ཕྱག་འཚལ་ལོ༔ ཚེ་སྒྲུབ་གསང་བ་འདུས་པའི་ཡིག་ཆུང་སྐོར་འདི་ཡིན་ནོ༔ ཚེ་གཏོར་གཡང་ཞགས་འཁྱིལ་པའི་སྤྲ་ཁྲིད་ནི༔ འོག་ཏུ་ཟླ་བའི་དཀྱིལ་འཁོར་ཟླུམ་པོ༔ དེ་ཡི་སྟེང་དུ་རིམ་པར་གཡང་ཞགས་ཟླུམ་པོ་ལ༔ ཕྱི་སྐོར་བགས་ཀྱིས་མཐོ་བ་རིམ་པར་ཆུང་བ་བཞི་བརྩེགས༔ དེ་ཡི་སྟེང་དུ་ཉི་ཟླའི་དཀྱིལ་འཁོར་ཟླུམ་པོ༔ མཐའ་སྐོར་དུ་མུ་ཏིག་གི་ཕྲེང་བ་རིས་ཡོད་པ༔ དེ་ཡི་སྟེང་དུ་དཔལ་གཏོར་ཟླུམ་པོ་བརྗིད་ལྡན་རིན་པོ་ཆེའི་དབྱིབས་ཅན་འཁོར་ཡུག་སྟེང་འོག་ཚེ་རིལ་གྱིས་བཀང་༔ དཀར་གྱི་ཐིག་སོགས་དང་བ་འདྲེན་པ་བྱ༔ རྒྱུ་ནི་ཆང་དང་སྤྱོད་ལས་གྲུབ༔ དེ་ལྟ་བུའི་གཏོར་མ་དེ་ཡང་ཚེ་དཔག་མེད་ཀྱི་བསྐྱེད་བཟླས་གཞུང་བཞིན་བྱ༔

― CMR007_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

དངུལ་ལམ་རྒྱ་ཕོར་ཡང་ན་ཕོར་པ་གས་ཆག་མེད་པར༔ ཛ་གད་སྙིང་ཁུས་བཀང་བའི་ཚེ་ཆང་ལ་མར་གྱི་རིལ་བུ་ཉི་ཟླ་ཕྲིན་ལས་བཞིའི་རིལ་བུ་ལ་སོགས་པ་མི་གྲངས་མཉམ་པའི་ཚེ་འབྲས་བྱ༔ གཞན་ཚེ་རྟེན་རྣམས་གཞུང་ལྟར་རྒྱས་པར་བསག༔ དེ་ནས་བུམ་དབང་ཚར་བའི་རྗེས་སུ་ཚེ་གཏོར་གྱི་དབང་སྐུར་བ་ནི༔ རང་དང་གཞན་གྱི་སྤྱི་བོར་བཞག༔ ཧཱུྃ༔ མི་འགྱུར་རྡོ་རྗེ་ཚེ་ཡི་རྟེན༔ གཡང་ཞགས་འཁྱིལ་བའི་དམ་རྫས་ནི༔ ཚེ་དཔག་མེད་པའི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ ཚེ་དང་དཔལ་གྱི་འཕྲོ་འདུ་གསལ༔ སྐལ་ལྡན་བུ་ལ་དབང་བསྐུར་བས༔ ལུས་ངག་སྐུ་གསུང་ཐུགས་སུ་སྨིན༔ འཆི་མེད་ཚེ་ཡི་

― CMR007_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཐོབ་ཤོག༔ ཨོཾ་ཧཱུཾ་བཛྲ་ཨཱ་ཡུ་ཤེ་ཀཱ་ཡ་ཨ་བྷི་ཥིཉྩ་ཨོཾ༔ ཝཀཱ་ཨ་བྷི་ཥིཉྩ་ཨཱ༔ ཙིཏྟ་ཨ་བྷི་ཥིཉྩ་ཧཱུྃ༔ སརྦ་ཨ་བྷི་ཥིཉྩ་ཧཱུྃ༔ ཞེས་གནས་བཞིར་གཏུག་ཅིང་དབང་རྣམས་རིམ་པར་བསྐུར་རྗེས་སུ་གཏོར་མ་དངོས་གྲུབ་ཏུ་རོལ་བར་བྱ་སྟེ༔ འཆི་མེད་ཚེ་ཡི་དངོས་གྲུབ་ཐོབ་པར་ངེས་ཤེས་བསྐྱེད་དོ༔ གཉིས་པ་ཚེ་ཆང་ཚེ་འབྲས་བཅས་པ་བསྐྱེད་བསྟིམ་ཡང་ཡང་བྱ་ཞིང་༔ ཁྱད་པར་འབྱུང་བ་ལྔ་ཡི་བཅུད་ཐམས་ཅད་བསྡུས༔ ལས་སྦྱོར་སྙིང་པོ་འདི་བརྒྱ་འམ་སྟོང་སོགས་བཟླས་ཤིང་ངེས་ཤེས་ཚེ་ཡི་སྤྲོ་བསྡུ་བྱའོ༔ ཨོ་ཚེ་ཧཱུཾ་གཡུ་ཧཱུྃ༔ ཨ་ཡུཛྷ་ན༔ གཡུ་ཚེ་ཧཱུྃ༔ ཞེས་སྤྲོ་བསྡུ་བྱ་ཞིང་ཚེ་གཏོར་དབང་བསྐུར་བའི་རྗེས་སུ་ཚེ་ཆང་ཚེ་འབྲས་རིམ་པར་སྦྱིན་ཞིང༔ ཧཱུྃ༔ རྩ་ཁམས་དག་པ་ལུས་ཀྱི་གནས༔ དམ་རྫས་ཚེ་ཡི་བདུད་རྩི་འདི༔ འབྱུང་བ་ཕྱི་ཡི་བཅུད་རྣམས་བསྡུས༔ རྣལ་འབྱོར་ནང་གི་ལུས་ལ་ཐིམ༔ སྐྱེ་འཆི་མེད་པའི་ལུས་ཐོབ་ཤོག༔ འགྱུར་བ་མེད་པའི་དོན་རྟོགས་ཤོག༔ ཅེས་རིམ་པར་དྲངས་སོ༔ དེ་ནས་ཚེ་རྟེན་རྣམས་ཀྱང་སྦྱིན་བདག་ཕོ་མོ་རྣམས་ལ་རིམ་པར་གཏད་ཅིང་༔ མདའ་ནི་སྐྱེས་པ་ཕོ་ཡི་རྟེན༔ གསེར་ནི་རིན་ཆེན་སྙིང་པོའི་བཅུད༔ འགྱུར་བ་མེད་པའི་བླ་རྟེན་མཛོད༔ གཡུ་ནི་ཟ་མ་མོ་ཡི་རྟེན༔ བལ་ནི་ལོངས་སྤྱོད་གཡང་གི་རྒྱུ༔ ཤཱ་ནི་བྱི་སྦ་ཆུང་གི་རྟེན༔ དུང་ནི་བཀྲ་ཤིས་

― CMR007_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བའི་རྫས༔ ཚེ་ནི་མི་འགྱུར་ལུས་ལ་བསྟིམ༔ ཕོ་ཡི་བླ་རྟེན་ཕོ་ལ་གཏད༔ མོ་ཡི་བླ་རྟེན་མོ་ལ་གཏད༔ བྱི་སྦའི་བླ་རྟེན་ཆུང་ལ་གཏད༔ ཉིན་མོ་བཀྲ་ཤིས་མཚན་བཀྲ་ཤིས༔ ཉིན་མཚན་རྟག་ཏུ་བཀྲ་ཤིས་ཤོག སྙིང་པོ་ཉི་ཟླ་གསལ་གྱུར་ཅིག ཅེས་རྒྱལ་ཐེབ་ཀྱིས་རིམ་པར་གཏད་ཅིང་༔ རྡོ་རྗེ་སློབ་དཔོན་གྱིས་བཀྲ་ཤིས་པའི་མེ་ཏོག་མཐོར༔ ཚེ་སྒྲུབ་གསང་བ་འདུས་པའི་ཡིག་ཆུང་བསྐོལ་བ་ཟབ༔ ས་མ་ཡཱ༔ རྒྱ་རྒྱ་རྒྱ༔ སྤྲུལ་སྐུ་རཏྣ་གླིང་པས་གཏེར་ནས་གདན་དྲངས་པའོ༔ ཨ་རཱ་གས་ཅུང་ཟད་ཁ་བཀང་ནས་བྲིས་པ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་ལས་བྱང་གི་མཚམས་སྦྱར་རྣམས་ཕྱོགས་གཅིག་ཏུ་བསྒྲིགས་པའི་དབུ་ཕྱོགས།

― CMR007_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་ལས་བྱང་གི་མཚམས་སྦྱར་རྣམས་ཕྱོགས་གཅིག་ཏུ་བསྒྲིགས་པའི་དབུ་ཕྱོགས་ལགས་སོ།།

― CMR007_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་བཅད་ལས་བྱང་ནང་༔ ང་ཡི་བཀའ་ལ་འདའ་མ་བྱེད༔ ཅེས་པ་ནས༔ ཧཱུྃ༔ སྟེང་ཡང་རྡོ་རྗེའི་བླ་བྲེ་ལ༔ འོག་ཀྱང་རྡོ་རྗེའི་ས་གཞི་སྟེ༔ ཕྱོགས་མཚམས་རྡོ་རྗེའི་གུར་དུ་གྱུར༔ ཧཱུྃ༔ སྟེང་ཡང་འཁོར་ལོའི་བླ་བྲེ་ལ༔ འོག་ཀྱང་འཁོར་ལོའི་ས་གཞི་སྟེ༔ ཕྱོགས་མཚམས་འཁོར་ལོའི་གུར་དུ་གྱུར༔ ཧཱུྃ༔ སྟེང་ཡང་དབྱུག་ཏོའི་བླ་བྲེ་ལ༔ འོག་ཀྱང་དབྱུག་ཏོའི་ས་གཞི་སྟེ༔ ཕྱོགས་མཚམས་དབྱུག་ཏོའི་གུར་དུ་གྱུར༔ ཧཱུྃ། སྟེང་ཡང་རལ་གྲིའི་བླ་བྲེ་ལ༔ འོག་ཀྱང་རལ་གྲིའི་ས་གཞིར་གྱུར༔ ཕྱོགས་མཚམས་རལ་གྲིའི་གུར་དུ་གྱུར༔ ཧཱུྃ༔ སྟེང་ཡང་རྒྱ་གྲམ་བླ་བྲེ་

― CMR007_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ལ༔ འོག་ཀྱང་རྒྱ་གྲམ་ས་གཞི་སྟེ༔ ཕྱོགས་མཚམས་རྒྱ་གྲམ་གུར་དུ་གྱུར༔ ཧཱུྃ༔ སྟེང་ཡང་ནིཡི་བླ་བྲེ་ལ༔ འོག་ཀྱང་ནིཡི་ས་གཞི་སྟེ༔ ཕྱོགས་མཚམས་ནཱི༔ ཡི་གུར་དུ་གྱུརཿ༔ ཧཱུྃ༔ སྟེང་ཡང་ཕུར་པའི་བླ་བྲེ་ལ༔ འོག་ཀྱང་ཕུར་པའི་ས་གཞི་ས༔ ཕྱོགས་མཚམས་ཕུར་པའི་གུར་དུ་གྱུར༔ ཧཱུྃ༔ སྟེང་ཡང་མེ་ཡི་བླ་བྲེ་ལ༔ འོག་ཀྱང་མེ་ཡི་ས་གཞི་སྟེ༔ ཕྱོགས་མཚམས་མེ་ཡི་གུར་དུ་གྱུར༔ ཧཱུྃ༔ ཐམས་ཅད་བསྣོལ་མར་འཁོར་བའི་ཕྱིར༔ བར་མཚམས་མེད་པར་བསྡམས་པ་ལ༔ ཡེ་ཤེས་མེ་དཔུང་འུ་རུ་རུ༔ ཁྲོ་ཆུང་མང་པོ་སྐར་ལྟར་

― CMR007_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུག༔ རླུང་ལྟར་འཁྲུག་ཅིང་འབར་བར་བསྒོམ༔ བགེགས་རྣམས་རྒྱ་མཚོའི་ཆེ་འགྲམ་དུ༔ ལྕགས་རི་ཆེན་པོའི་ཕྱིར་བསྐྲད་དོ༔ ཨོ་ཧྲིབཛྲ་ཀྲོ་ཏ་ཧྱ་གྷི་ཝ་བཛྲ་ཙཀྲ་ཏིག་ཀརྨ་ཀཱི་ལ་ཡ་ཛྭ་ལ་རཾ་རཾ་རཀྵ་རཀྵ་ཧཱུྃ་ཕཊ༔ ཅེས་པས་མཚམས་བཅད་ནས་བརྡའི་སྒོ་ཡང་དབྱེ༔ ཧཱུྃ༔ གསང་འདུས་ཚེ་ཡི་རང་བྱུང་ཡེ་ཤེས་ལྷ༔ འཁོར་འདས་ཐམས་ཅད་དཀྱིལ་འཁོར་གཅིག་གི་ངང་༔ མ་རིག་རང་གསལ་ཐབས་ཀྱིས་སྒོ་བཅད་པ༔ རང་རིག་གསལ་སྟོང་དག་པའི་སྒོ་ཕྱེས་ཤིག༔ བྷཾ་ཛྙཱ་ན་པྲ་ཝེ་ཤ་ཡ་ཕཊ༔ དེ་ནས་བརྡ་ཡི་ཕྱག་ཀྱང་འཚལ༔ ཧཱུྃ༔ འཁོར་འདས་ཐམས་ཅད་རང་བྱུང་ཡེ་ཤེས་ལྷ༔ ཀུན་ཁྱབ་རང་བྱུང་ཡེ་ཤེས་དོན་མ་རྟོགས༔ རང་གསལ་མཐའ་དབུས་མེད་ཀྱང་མུ་བཞིར་གོལ༔ དོན་དམ་སྙིང་པོའི་རང་བཞིན་མཇལ་ཕྱག་འཚལ༔ གུ་རུ་ཨ་ཡུ་ཨ་ཏི་པཱུ་ཧོ༔ པྲ་ཏིཙྪ་ཧོ༔ ཧཱུྃ༔ ཚེ་ཡི་རང་རྩལ་རྒྱུ་དྲུག་འཁོར་བར་སྦྱང་༔ ཐོག་མེད་དུས་ནས་རང་སེམས་ཡི་དམ་ལྷ༔ དུས་འདིར་རང་བྱུང་སྙིང་པོའི་དོན་མ་རྟོགས༔ སྲོག་གི་ཕྱིར་ཡང་མི་བཏང་ས་མ་ཡ༔ ཙིཏྟ་བཛྲ་ས་མ་ཡ་ཛ༔ དེ་ནས་བྱིན་དབབ་གཞུང་ལྟར་བྱ། །གཉིས་པ་དངོས་གཞིའི་རིམ་པ་ནི། །ཧཱུྃ༔ སྤྲོས་མེད་ཆོས་རྣམས་ཡེ་

― CMR007_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དག༔ མཐའ་བཞི་དྲི་མ་རང་སངས་ཉིད༔ ཀ་དག་ཟང་ཐལ་ཆོས་ཀྱི་སྐུ༔ འཁོར་འདས་མཉམ་པ་ཉིད་དུ་བརྡལ༔ ཨོཾ་མ་ཧཱ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོཉ་ཧཾ༔ ཧཱུྃ༔ གདོད་ནས་བདེ་ཆེན་ཆོས་སྐུ་ཡང་༔ རང་ངོ་མ་ཤེས་འཁྲུལ་པའི་དབང་༔ གཟུང་འཛིན་ལས་ལ་རབ་ཏུ་འཐས༔ དེ་ཉིད་མ་རྟོགས་སྙིང་རེ་རྗེ༔ དྷརྨ་དྷརྟུ་སྭ་བྷ་ཝ་ཤུདྡྷེ་ཨཱ༔ ཧཱུྃ༔ འཁོར་བ་དང་ནི་མྱ་ངན་འདས༔ རྒྱུ་ཡི་ངོ་བོ་གཅིག་ཉིད་དེ༔ ཧཱུྃནི་ཡེ་ཤེས་སྙིང་པོའི་སྲོག༔ རྟེན་འབྲེལ་རྒྱུ་ཡི་ས་བོན་བསྒོམ༔ ཙིཏྟ་བཛྲ་ས་མ་ཏི་ཧཱུྃ༔ ཨེ་ལས་སྟོང་གསལ་ནམ་མཁའི་དབྱིངས༔ ཡཾ་ལས་སྟོབས་ཆེན་རྡོ་རྗེའི་རླུང་༔ ར་ལས་རྒྱ་མཚོ་མུ་མཐའ་མེད༔ སུཾ་ལས་དབང་ཆེན་གསེར་གྱི་གཞི༔ ཀེ་ལས་གྲུ་བཞི་རི་རབ་བརྗིད༔ རཾ་ལས་མེ་དཔུང་ཕྱོགས་བཅུར་འབར༔ རང་གི་སྙིང་ཁར་སྣ་ཚོགས་རྡོ་རྗེ་ཡི༔ ལྟེ་བའི་སྟེང་དུ་ཉི་ཟླ་གཉིས༔ ཁ་སྦྱོར་ནང་དུ་དྷཱིདམར་པོའི༔ དབུས་སུ་ཨ་ནི་ཧཱུྃ་གསུམ་གསལ༔ དེ་ཡང་གཡས་སུ་ཨ་དཀར་པོ་སྲོག་མི་འགྱུར་བའི་ཡི་གེ་གཡོན་དུ་ཧཱུྃ་མཐིང་ག་སྲོག་བརྟན་པའི་ཡི་གེ་དབུས་སུ་ཀྲྀ་ལྗང་གུ་དེ་གསུམ་འོད་ཟེར་དང་ལྡན་པར་བསྒོམ༔ རང་གི་སྤྱི་བོར་པད་དཀར་སྟོང་ལྡན་

― CMR007_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས༔ ཨོ་རྒྱན་ཚེ་དཔག་སྐུ་མདོག་དམར༔ འོད་དང་འོད་ཟེར་ངོ་བོར་གནས༔ ལོངས་སྐུའི་རྒྱན་རྫོགས་རིན་ཆེན་སྤྲས༔ མཉམ་བཞག་འཆི་མེད་ཚེ་བུམ་བསྣམས༔ དར་ཚོན་སྣ་ལྔའི་སྟོད་གཡོགས་དང་༔ དམར་པོའི་ཤམ་ཐབས་བྱས་པའོ༔ དེ་ཡི་གསང་ཡུམ་རིགས་མ་ནི༔ གསང་བ་ཡེ་ཤེས་སྐུ་མདོག་དམར༔ གཅེར་བུ་རུས་བརྒྱན་པད་ཕྲེང་བརྒྱན༔ ཕྱག་གཡས་པད་ཕྲེང་ཡབ་མགུལ་འཁྱུད༔ གཡོན་པས་ཚེ་ཡི་བུམ་པ་ནི༔ ཡབ་ཀྱི་སྙན་གྱི་ཐད་དུ་འཛིན༔ ཞབས་གཉིས་ཡབ་ཀྱི་རྐེད་ལ་འཁྲིལ༔ སྙོམས་འཇུག་མཛད་པའི་ཚུལ་དུ་གནས༔ དབུ་སྐྲ་ཁམ་སེར་སྐུ་རྒྱབ་འཁྱིལ་ཞིང་འཕྱང་༔ དེ་ཡི་ཕྱི་རིམ་འདབ་བཞི་ལ༔ ཤར་དུ་ལཱ་སྱ་སོགས། །གནས་གསུམ་འབྲུ་གསུམ་ས་བོན་ལས༔ འོད་འཕྲོས་བདེ་ཆེན་ཞིང་ཁམས་ནས་ཚེ་དཔག་གཙོ་འཁོར་རྒྱ་མཚོ་དང་༔ རྔ་ཡབ་གླིང་ནས་ཨོ་རྒྱན་རྗེ༔ གཙོ་འཁོར་དཔག་མེད་སྤྱན་དྲངས་ནས༔ བདག་མདུན་ཚེ་བུམ་རྣམས་ལ་ཐིམ༔ ལྷ་ཚོགས་རྣམས་ཀྱི་ཐུགས་ཀ་ནས༔ འོད་ཟེར་ཕྱོགས་བཅུར་འཕྲོས་པ་ཡིས༔ ཕྱོགས་བཅུའི་རྒྱལ་བ་དཔག་མེད་རྣམས༔ ཚེ་དཔག་མེད་ཀྱི་ངོ་བོར་བྱོན༔

― CMR007_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྒྱལ་བ་ཞི་ཁྲོ་དང་ཁྲོ་བོའི་རྣམ་པ་ལ་ངོ་བོ་འཆི་མེད་ཡེ་ཤེས་ཀྱི་བདུད་རྩིར་བསམས༔ བདག་དང་ཆེ་བུམ་རྣམས་ལ་ཐིམ༔ གཞན་ཡང་ལྷ་དང་དྲང་སྲོང་དང་༔ འཁོར་ལོས་བསྒྱུར་རྒྱལ་ལ་སོགས་ཀྱི༔ ཚེ་བསོད་དཔལ་དང་བཀྲག་མདངས་དང་༔ ཨ་མྲྀཧཱུྃགསུམ་གྱི་རྣམ་པར་འོད་ཟེར་ཆི་ལི་ལི་འདུས་པར་བསམ༔ གཟི་བརྗིད་མ་ལུས་ཀུན་བསྡུས་ནས༔ བདག་དང་ཚེ་བུམ་རྣམས་ལ་ཐིམ༔ འབྱུང་ལྔའི་བཅུད་བསྡུས་དེ་ལྟར་ཐིམ༔ འཆི་མེད་ཡེ་ཤེས་བདུད་རྩིར་གྱུར༔ བུམ་པའི་ནང་དུ་ཆི་ལི་ལི༔ ཁོལ་བར་དམིགས་ཤིང་སྔགས་འདི་བཟླས༔ ཨོ་གུ་རུ་ཨཱ་ཡུསིདྡྷི་ཧཱུཾ་ཧྲཱིཿ ཨ་མཱ་ར་ཎི་ཛི་བན་ཏི་ཡེ་སྭཱ་ཧཱ༔ བསྙེན་པ་བརྒྱ་རྩ་བརྒྱད་བཟླས། །དེ་ནས་གཟུངས་ཐག་འཐེན་ལ་སྤྲོ་བསྡུ་བྱས་པས༔ བདག་གི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས། །མདུན་བསྐྱེད་བུམ་ལྷའི་ཐུགས་ཀར་ཕོག །དེ་ལས་འོད་ཟེར་འཕྲོས་མཆན། འཇིག་རྟེན་གྱི་ཁམས་ཐམས་ཅད་ཚེའི་རང་བཞིན་དྲི་དང་ཨ་དང་ཧཱུྃ་གསུམ་གྱི་རང་བཞིན་དུ་བཀྲ་ལམ་མེ་རེ་རེ་སྣོད་བཅུད་ཐམས་ཅད་ཞུ་ཞིང་ཁེངས་པས༔ འུབ་འུབ་བསྡུས་པས་བུམ་པ་འབྲུ་གསུམ་གྱི་མེར་གྱིས་གང་༔ བདག་ལ་ཐིམ་པར་གྱུར་ཞིང་ཚེ་ཡི་ལྷ་ཚོགས་ཐམས་ཅད་ཀྱི་གཡས་ཐམས་ཅད་ཚེ་ཡི་མདའ་དར་རིགས་ལྔ༔ གཡོན་རྣམས་ཚེ་ཡི་བུམ་པ་བསྣམས་པའོ༔ ས་བོན་ལྔ་གོང་གི་གནས་འདྲེན་པ་རིགས་བདག་མདུན་གྱི་

― CMR007_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀའི་འབྲུ་བརྒྱུད་ལས་འོད་ཟེར་འཕྲོས༔ ཕྱོག་བཅུའི་རྒྱལ་བའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རིགས་ལྔ་དང་འབྱུང་བ་ལྔའི་དྭངས་མ་འབྲུ་གསུམ་ཏིང་ངེ་འཛིན་གསལ་བར་དབུགས་ཀྱི་རྟ་ལ་དྲངས་ཏེ༔ ཤངས་རླུང་སྒྲོམ་ལས་ཀྱང་ཧཱུྃ་འཕྲོས་འབྲུ་གསུམ་དང་ཁྱད་པར་ཀྲྀ་འཁྱམས་པ་རང་གི་བླ་ཚེ་ཡར་བ་གདོན་བགེགས་ཀྱིས་ཁྱེར་བ་ཐམས་ཅད་རང་དབང་མེད་པར་བསྡུས་ཤིང་བཀུག་ལ་བུམ་པ་དང་བདག་ལ་ཡང་ཡང་གསལ་བར་བསྟིམ་ཞིང་༔ རང་ལུས་དང་བུམ་པ་ཁེངས་ཤིང་ཁྱད་པར་རང་གི་སྙིང་ཁའི་ཉི་ཟླ་གའུ་ཁ་སྦྱོར་གྱི་སྲོག་གི་རྟེན་འབྲུ་གསུམ་ལ་བསྟིམས་པས༔ བཀྲག་མདངས་གཟི་བརྗིད་དང་ལྡན་པར་བསྒོམས་ལ༔ ཧཱུཾ་ཧཱུཾ་བཛྲ་ཨ་ཡུ་ཥེ་ཨཱ༔ ཨོཾ་བཛྲ་སོགས། དེ་ལྟར་ཆེ་བསྐུལ་བཀུག་སྐལ་ལྡན་གྱི་ལུས་ལ་བསྟིམས་ཚར་ནས༔ ད་ནི་ཚེ་སྔ་བ་ནི༔ དེ་ལྟར་དབང་བསྐུར་བས་ནི་ལུས་ཀྱི་ནང་༔ བདུད་རྩི་འོ་མ་ལྟ་བུའི་བཅུད་རྣམས་ཀྱི༔ གང་བའི་དྭངས་མའི་དྭངས་མ་ཡང་སྙིང་ཀུན༔ སྙིང་ཁའི་ཉི་ཟླ་གའུ་ཅུང་ཟད་ཁ་བྱེ་ནས༔ ཡེ་ཤེས་རླུང་བྱུང་འུབ་འུབ་བསྡུས་ནས་ཀྱང་༔ ཁབ་ལེན་རྡོ་ལ་ལྕགས་ཕྱེ་འདུས་པ་ལྟར༔ གའུ་ནང་གི་ཡིག་འབྲུ་གསུམ་ལ་ཐིམ༔ བཀྲག་མདངས་འོད་ཟེར་གཟི་བརྗིད་འབར་བར་གྱུར༔ གའུ་ཁ་བསྒྲིགས་འོག་གི་རྡོ་རྗེ་ཡི༔ རྭ་བཞི་བསྣོལ་མར་རྒྱས་བཏབ་དེ་སྟེང་དུ༔ ཚེ་དཔག་ཡེ་ཤེས་སེམས་དཔའ་ཚོན་གང་

― CMR007_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

བ༔ འགྱུར་མེད་ཚེ་ཡི་རྟེན་དུ་བཞུགས་པར་གྱུར༔ ཧཱུྃ་ནམ་མཁའི་དབྱིངས་ནས་༴ ཨོ་ཏྲ་ཏྲ་ཤག༔ མུ་ཏྲ་ཧོ༔ ཏིཥྛ་ལྷན༔ བརྒྱ་སོགས་ཅི་མང་བཟླས༔ ལོ་བརྒྱའི་ར་དུ་འཆི་མེད་ཀྱི་རིག་འཛིན་ཐོབ་པར་བསམ༔ བདག་འཇུག་ལེན་པ་ནི༔ མོས་པ་རྩེ་གཅིག་ཏུ་ཐལ་མོ་སྦྱར་ཏེ༔ ཀྱེ་དུས་གསུམ་སངས་རྒྱས་ཀུན་སོགས། འཆི་མེད་རྡོ་རྗེ་ཚེ་ཡི་དངོས་གྲུབ་སྩོལ༔ ཞེས་ལན་གསུམ་གསོལ་བ་བཏབ་པས༔ ཧྲཱིཿ ཚེ་ཡི་ལྷ་མོ་རྣམས་ཀྱི་བུམ་པ་ནས༔ བཅུད་རྣམས་དལ་གྱི་བུམ་པར་སིབ་ཀྱིས་བླུགས༔ ཚིལ་གྱིས་བཀང་ནས་རྣལ་འབྱོར་བདག་ཅག་ལ་སྔགས་སྒྲ་ཏིར་ཏིར་དབང་བསྐུར་ཚངས་བུག་ནས༔ བདུད་རྩི་བབས་པས་རང་ལུས་ལྡེམས་སེ་གང་༔ བུམ་པའི་མཆུ་ནས་དཀར་ན་ར་རོ་བབས་པར་བསམ། ཚེ་དཔག་མེད་ཀྱི་མཉམ་གཞག་བུམ་པ་ནས༔ འཆི་མེད་ཡེ་ཤེས་བདུད་རྩི་བབ་པ་དང་༔ ཡབ་ཡུམ་སྙོམས་འཇུག་མཛད་པའི་སྦྱོར་མཚམས་ནས༔ བྱང་སེམས་དཀར་དམར་རང་གི་ཚངས་པར་བབས༔ གསང་གནས་ཡན་ཆད་རྐྱལ་པ་ཞེས་གང་ལྟར༔ གང་ནས་ལུས་ལ་བཀྲག་མདངས་གཟི་བརྗིད་འབར༔ སྐྱེ་འཆི་མེད་པ་རྡོ་རྗེའི་སྐུ་ཐོབ་ཤོག༔ ཨོ་བྷནྡྷ་ཀཱ་ཡ་ཨ་བྷི་ཥིཉྩ་ཨོ༔

― CMR007_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱཔདྨ་ཀཱ་ཡ་ཨ་བྷི་ཥིཉྩ་ཨཱ༔ ཧཱུྃ་བཛྲ་ཀཱ་ཡ་ཨ་བྷི་ཥིཉྩ་ཧཱུྃ༔ སཱ་རཏྣ་ཀཱ་ཡ་ཨ་བྷི་ཥིཉྩ་སྭཱ༔ ཧྭ་ཀརྨ་ཀཱ་ཡ་ཨ་བྷི་ཥིཉྩ་ཧཱུཾ༔ སྐབས་འདིར་ཏིང་འཛིན་གྱི་དབང་བླངས་ཟེར་བའི་དོན་ནོ༔ ཞེས་ཚེ་སྒྲུབ་གསང་འདུས་ཀྱི་ལས་བྱང་དང་བསྟོད་པ་འདི་གཉིས་ནི་གཏེར་གཞུང་མ་འཆུགས་པ་ཡིན་ཞིང་བར་ཐམས་ཅད་དུ་བཙུད་པའི་སྡེབ་རྐྱང་འདི་རྣམས་ནི་སྒྲུབ་ཁོག་པད་མའི་ཕྲེང་བ་དང་ཚེ་སྒྲུབ་གཏེར་རང་གཞུང་གི་ཡང་གསང་གུད་དུ་སྦས་པའི་དམིགས་པ་རྣམས་མཚུངས་མེད་རཱ་ག་ཨ་སྱས་ཚིགས་བཅད་དུ་ཕབ་ཅིང་ཕྱོགས་གཅིག་ཏུ་གབ་སྤྲད་ནས༔ ཚེ་སྒྲུབ་ལས་བྱང་གཞུང་དུ་བསྒྲིགས་ཤིང་འདུག་པ༔ རང་རང་ལ་ཤོག་ཤོག་དཀོན་པའི་སྐབས་སུ་ཐུགས་པའི་དོན་གྱི་སྡེབ་རྐྱང་རྣམས་གུད་དུ་ཕྱུང་ནས༔ རྟགས་རྣམས་སོ་སོར་གསལ་པོར་བྱས་ནས་བྲིས་པ་འདི་ནི༔ རིག་འཛིན་ཤེས་རབ་ཆོས་དབང་གིས་གེ་ལ་དོན་དུ་བྱས་པ་མ་གཏོགས་གཞན་གྱི་བཅོས་སླད་ཅི་ཡང་མེད་ངེས་སོ༔ དེའང་དཔེ་འདིའི་ཕྱི་མོ་གཅིག་ནི༔ ཀུན་བཟང་ཤེས་རབ་ཀྱི་ཕྱག་དཔེ་ཡིན་ཅིང་དེ་ལ་ནི༔ ཡང་གསང་གུད་དུ་སྦས་པའི་དམིགས་པ་ཚིགས་བཅད་དུ་མ་ཕབ་ནས༔ ལས་བྱང་དུ་འདི་རྟགས་བརྒྱབ་ནས་འདུག་པ་ནི་གཞན་གྱིས་སྡེབ་རྐྱང་གཅིག་ཀྱང་མི་འདུག གཅིག་ནི་ཆགས་མེད་ཀྱི་དངོས་སློབ་བརྩོན་འགྲུས་རྒྱ་མཚོ་དང་༔ གཅིག་ནི་མི་འགྱུར་རྡོ་རྗེའི་ཉེ་གནས་བདེ་ཆེན་ཞེས་པ་དེ་གཉིས་ལ་ནི་ཐམས་ཅད་ཚིགས་བཅད་དུ་ཕབ་པ་དང་རེ་འགའ་ཙམ་མ་གཏོགས་ཐམས་ཅད་རྒྱུ་གཅིག་པར་འདུག་གོ༔ དགེའོ།།

ཚེ་སྒྲུབ་གསང་བ་འདུས་པའི་ལྷན་ཐབས་འཆི་བསླུ་ཆི་བདག་ཞགས་གཅོད།

― CMR007_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསང་བ་འདུས་པའི་ལྷན་ཐབས་འཆི་བསླུ་ཆི་བདག་ཞགས་གཅོད་བཞུགས་སོ།།

― CMR007_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་ཨཱ་ཡུ་སིདྡྷི་ཧཱུཾ། འཆི་མེད་ཚེ་ཡི་ལྷ་ལ་ཕྱག་འཚལ་ལོ། །ཚེ་སྒྲུབ་གསང་བ་འདུས་པའི་ལྷན་ཐབས་སུ། །ཨ་ཏི་བཀོད་པ་ཚེ་སྒྲུབ་རྡོར་ཕྲེང་སོགས། །རྫོགས་ཆེན་ཀུན་གྱི་དོན་བསྡུས་འཆི་བསླུ་བྲི། །འབྱུང་བའི་འཁོར་ལོ་དཔེའུ་རིས་ལྟར་བྲི། །ཕྱོགས་བཞི་དབུས་ལྔར་འགོད་ལ་སོ་སོ་ཡི། །ལྷ་མོ་ཐིམ་དམིགས་སོ་སོའི་ཡིག་འབྲུ་རེ། །ལོ་གྲངས་བརྗོད་པས་ཕུས་བཏབ་རྟེན་འབྲེལ་སྙིང་། །བརྗོད་ཅིང་མེ་ཏོག་འཐོར་བས་རབ་གནས་ཏེ། །རང་མདོག་སྐུད་པས་བཅིངས་ལ་ག་འུར་བཅུག །རང་མདུན་གཞི་སྟེང་འདབ་བརྒྱད་ཕྱོགས་ལྟར་བཀོད། །གའུ་དབུས་མའི་མདུན་དུ་མཚམས་བཞི་རུ། །ལྷ་མོ་སོ་སོའི་གཏོར་མ་ལྔ་པོ་བཀོད། །དེ་རྒྱབ་མཆོད་པ་སྣ་བདུན་སྐོར་བཤམ་བྱ། །དེ་ཡི་རྒྱབ་ཏུ་སྣོད་ནི་ཆེན་པོའི་ནང་། །

― CMR007_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་སྣ་མེ་སྣ་ས་སྣ་ཆུ་སྣ་ལྔ། །སེམས་ཅན་རིགས་མི་གཅིག་པ་མང་པོ་ཡི། །ཁ་ཆུ་ཁ་རླངས་ལ་བསྒྲེས་ཟན་ཆེན་པོས། །ཤིང་ཤུན་ནམ་ནི་སོག་མ་བཅིངས་པ་ལ། །ཟན་གྱིས་བསྣུམས་ཏེ་ངར་མི་གྲུ་གང་བཅའ། །མིག་གཉིས་རཾ་གཉིས་རྣ་བར་ཡཾ་གཉིས་དང་། །ཁ་ལ་བོ་གཅིག་ལྕེ་ལ་ལོ་གཅིག་དང་། །སྙིང་གར་ཨེ་གཅིག་བྲིས་པའི་ཤོག་དྲིལ་བཅུག །བསྲུང་བྱའི་མཆིལ་སྣབ་སྐྲ་སེན་དྲི་མ་དང་། །དྲི་ཆེན་དྲི་ཆུ་འབྲུ་སྣ་རིན་ཆེན་ཕྱེ། །བསྲེས་པའི་ཟན་ལ་ངར་མི་དཀར་སེར་དམར། །ལྗང་གུ་ནག་པོ་ཁྲ་བོ་དྲུག་བྱ་སྟེ། །རང་རང་མདོག་མཚུངས་གཏོར་མའང་མདུན་དུ་བཞག །དྲུག་པོ་ངར་མི་ཆེ་བ་ལ་བསྐོར་ཏེ། །དེ་དག་འཇིམ་པ་ལས་ནི་བཅས་ཀྱང་རུང་། །མགོ་ལ་འདྲེ་བྱ་གང་རྙེད་སྤུ་བཙུགས་ཤིང་། །དར་ཚོན་བལ་ཚོན་རང་མདོག་ལྗང་

― CMR007_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་བཙུགས། །ལུས་ལ་དར་རམ་སྣམ་རས་རང་མདོག་བཀོན། །དེ་རྒྱབ་ངར་ཆུང་གཏོར་ཆུང་ཆངས་བུ་རྣམས། །བསྲུང་བྱ་དེ་ཡི་ལོ་གྲངས་བསྐོར་བར་བྱ། །འབྲུ་སྣ་ཟས་ཕུད་བཏབ་ལ་ཆུ་གཙང་བྲན། །ཚེ་ཡི་ལས་བྱང་བསྟོད་པ་ཡན་ཚར་རྗེས། །འདི་ཉིད་འདོན་སྒོམ་སྦྲགས་པས་འཐུས་པ་ཡིན།། ཧཱུྃ། བཅོམ་ལྡན་ཤཱཀྱ་ཐུབ་པའི་བྱིན་རླབས་དང་། །ཐལ་མོ་ཁང་སྟོང་ཨ་དཀར་འོད་ཟེར་གྱིས། །གླུད་གཏོར་ཉེས་སྐྱོན་དྲི་མ་དག་པར་གྱུར། །ཨོཾ་སྭ་བྷ་ཝ་སོགས། ཧཱུྃ་ལས་རིན་ཆེན་སྣོད་མཆོག་རྒྱ་ཆེ་བ། །སྟོང་གསུམ་ཙམ་གྱི་ནང་དུ་ཁཾ་ཡིག་ལས། །ངར་གྱི་མི་ཆེན་ཁོག་སྟོད་གསེར་ལས་གྲུབ། །ཁོག་སྨད་གཡུ་དང་རྐེད་པ་མཆོང་ལས་གྲུབ། །ལག་པ་གསེར་དངུལ་རྐང་པ་ཟངས་དང་ལྕགས། །ཞོ་ཤའི་སྙིང་དང་མུ་ཏིག་ཀླད་པ་དང་། །ལུང་ཏང་མིག་ལ་ཟེར་མོའི་སྒྲོ་ཡི་སྒྲ། །བྱུ་རུའི་ལྗགས་ལ་མགྲོན་བུའི་སོ་བྱས་པ། །ཁམས་དང་སྐྱེ་མཆེད་དབང་པོ་ཡོངས་སུ་རྫོགས། །སྨྲ་མཁས་ལྗག་ལྗག་འགྲོ་མཁས་ལྡེམ་ལྡེམ་བྱེད།་།གཅིག་ལས་བརྒྱ་སྟོང་བྱེ་བ་དུང་ཕྱུར་འཕྲོ། །སྣང་སྲིད་ལྷ་འདྲེ་བགེགས་རིགས་སྤྱན་ལམ་དུ། །མི་བས་གླུད་བཟང་ལྷ་ཡི་བུ་ཕོ་འདྲ། །གླུད་གཏོར་སོ་སོའི་ཡིད་མཐུན་འདོད་ཡོན་ལྔ། །ཟད་མེད་སྟོང་གསུམ་

― CMR007_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གང་བར་གྱུར། །བཅོམ་ལྡན་རིན་ཆེན་འབྱུང་ལྡན་བྱིན་རླབས་ཀྱིས། །མཆོག་སྦྱིན་ཕྱག་རྒྱ་ཏཱཾ་སེར་འོད་འཕྲོས་པས། །མགྲོན་རྣམས་ཀུན་ལ་ཟད་མེད་ལོངས་སྤྱོད་གྱུར། །ཨོཾ་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷཿསརྦ་ཐཱ་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བཅོམ་ལྡན་སྣང་བ་མཐའ་ཡས་བྱིན་རླབས་ཀྱིས། །པདྨའི་ཕྱག་རྒྱ་ཧྲཱིཿདམར་འོད་ཟེར་འཕྲོས། །གླུད་གཏོར་འཆི་སོས་སྨན་གྱི་བདུད་རྩིར་གྱུར། །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། བཅོམ་ལྡན་དོན་ཡོད་གྲུབ་པའི་བྱིན་རླབས་ཀྱིས། །སྐྱབས་སྦྱིན་ཕྱག་རྒྱ་ཧ་ལྗང་འོད་ཟེར་གྱིས། །བསྔོས་པ་ཙམ་གྱིས་མགྲོན་རྣམས་ཚིམ་པར་གྱུར། །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུཾ། བཅོམ་ལྡན་མི་བསྐྱོད་པ་ཡི་བྱིན་རླབས་ཀྱིས། །ས་གནོན་ཕྱག་རྒྱ་ཧཱུཾ་སྔོན་འོད་ཟེར་གྱིས། །འཐབ་རྩོད་ཕམ་རྒྱལ་མེད་པར་ཐོབ་པར་གྱུར། །ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མས་མནྟ་སྤ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་དཱ་ཡ་ཛྭ་ལ་ནི་ཧཱུྃ། བཅོམ་ལྡན་རྣམ་པར་སྣང་མཛད་བྱིན་རླབས་ཀྱིས། །བྱང་ཆུབ་ཕྱག་རྒྱ་ཨོ་དཀར་འོད་ཟེར་འཕྲོས། །མགྲོན་རྣམས་

― CMR007_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་དབང་དུ་འདུས་པར་གྱུར། །ཨོཾ་ན་མཿས་མནྟ་བུདྡྷཱ་ནཾ་གྲ་ཧེ་ཤཱ་རི་པྲ་བྷཉྫཏི་མ་ཧཱ་ས་མ་ཡ་སྭཱ་ཧཱ། རང་ཉིད་ཚེ་དཔག་གནས་འགྱུར་རྟ་མགྲིན་སྐུ། །རྟ་སྐད་འཚེར་བས་ཁམས་གསུམ་དབང་དུ་སྡུད། །ཁྲོ་ཆས་ཡོངས་རྫོགས་གྲི་གུག་ཐོད་ཁྲག་བསྣམས། །མེ་དཔུང་ཀློང་བཞུགས་དྲེགས་པ་ཟིལ་གནོན་གྱུར། །ཨོཾ་ཧ་ཡ་གྲི་ཝ་ཧཱུྃ་ཕཊ། ཧཱུྃ། སྤྲུལ་པའི་ཡཀྵ་མེ་དབལ་ཚོགས། །ཕྱོགས་ཀྱི་ས་གནས་ཇི་སྙེད་པའི། །འབྱུང་པོ་ཐམས་ཅད་ཁྲིད་ཤོག་ཅེས། །གནོད་སྦྱིན་གྱི་ནི་སྡེ་དཔོན་ཀུན། །ཕྱོགས་བཞི་དག་ཏུ་བཀྱེ་བར་གྱུར། །གང་དག་སངས་རྒྱས་རང་སངས་རྒྱས། །སངས་རྒྱས་རྣམས་ཀྱི་ཉན་ཐོས་དང་། །ཚངས་དབང་དང་ནི་འཇིག་རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་དང་། །དེ་བཞིན་གནོད་སྦྱིན་སྟོབས་ཆེན་དང་། །འཕྲོག་མ་བུ་དང་བཅས་པ་དང་། །དེ་དག་མཐུ་དང་གཟི་བརྗིད་ཀྱིས། །ཚེ་དང་སྲོག་ལ་གནོད་བྱེད་ཅིང་། །གནོད་ཅིང་འཚེ་བའི་གདོན་གྱི་ཚོགས། །དེ་དག་རྣམས་ནི་སྐད་ཅིག་གིས། །བཅིངས་པ་ལྔ་ཡིས་བཅིངས་ཤིང་བཀུག །བཀའ་ཉན་གསུང་སྡོད་བྱེད་པར་གྱུར། །ཏྲི་བཛྲ་ཨཾ་ཀུ་ཤ་ཛ༔ ཛཧཱུཾ་བཾ་

― CMR007_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

ཧོ༔ ཧཱུྃ། སྔོན་ཚེ་ཐུབ་དབང་གསང་བདག་དང་། །རྟ་མགྲིན་པད་འབྱུང་སྤྱན་སྔ་རུ། །ཁས་བླངས་དམ་བཅས་དྲན་མཛོད་ལ། །གླུད་གཏོར་འདི་ནི་ལེན་པར་གྱིས། །རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ལོ། །གླུད་གཏོར་འདོད་ཡོན་ཟད་མེད་འདི། །ཚེ་དང་སྲོག་ལ་གནོད་བྱེད་པའི། །གདོན་གྱི་རིགས་གྱུར་ཀུན་ལ་འབུལ། །ཐམས་ཅད་ངོམས་ཤིང་ཚིམ་གྱུར་ཅིག །ཨོཾ་ཨ་ཀཱ་རོ་སོགས་ལན་གསུམ། ཨོཾ་སརྦ་བིགྷཱན་ས་པཱ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི། བདུན། ཧཱུྃ༔ ཉོན་ཅིག་ལོག་འདྲེན་བགེགས་ཀྱི་ཚོགས༔ བྱང་ཆུབ་སྒྲུབ་ལ་མི་དགའ་ཞིང་༔ ལུས་སེམས་སྦྱོར་བ་ངན་པ་ཡི༔ མི་ལ་གནོད་ཅིང་འཚེ་བྱེད་པ༔ ཚེ་ལ་རྐུ་ཞིང་སྲོག་ལ་འཇབ༔ གཤེད་དང་ལྕག་དང་བླ་ཁྱེར་བྱེད༔ འབྱུང་པོའི་རིགས་ནི་གང་ཡང་རུང་༔ བགེགས་རིགས་སྟོང་ཕྲག་བརྒྱད་ཅུ་དང་༔ བྱིས་པའི་གདོན་ཆེན་བཅོ་ལྔ་དང་༔ ནད་ཡམས་དལ་གྱི་བདག་མོ་སོགས༔ ཚེ་དང་སྲོག་ལ་གནོད་བྱེད་པའི༔ བདུད་སྡེ་དཔུང་དང་བཅས་པ་རྣམས༔ ལན་ཆགས་གླུད་གཏོར་

― CMR007_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ལོངས་ཤིག༔ མཐུ་བོ་ཆེ་ལ་སྟོབས་པོ་ཆེ། གཤིན་རྗེ་གཤིན་རྗེའི་ཕོ་ཉ་དང་། །བདུད་རྣམས་སྡེ་དང་བཅས་པ་རྣམས། །གནོད་སྦྱིན་བྱེ་བའི་གཡོག་འཆང་བ། །གནོད་སྦྱིན་དེ་མིང་འཕྲོག་པོ་ཡིན། །ཤ་རི་ཏ་ནི་སྡེར་བཅས་དང་། །རི་ཡི་བུ་མོ་སྟེར་བཅས་དང་། །རི་ཡི་བུ་མོ་གནོད་སྦྱིན་མོ།།གཟི་བརྗིད་ཆེན་པོ་འཇིགས་པའི་གཟུགས། །འཕྲོག་མ་ཞེས་ཀྱང་གྲགས་པ་དང་། །གདོལ་པ་མོ་དང་གཏུམ་མོ་དང་། །བུ་རྣམས་ལྔ་བརྒྱས་བསྐོར་བ་དག །ལན་ཆགས་གླུད་གཏོར་འདི་ལོངས་ཤིག །མི་རྡུང་ནག་པོ་ཀརྐ་སྟེ།་།པདྨ་དང་ནི་པདྨ་ཅན། །མེ་ཏོག་སོ་དང་ས་ག་དང་། །སྲིན་མོ་བོང་བུའི་རྣ་ཅན་དང་། །ཙན་དན་དང་ནི་ཁྱབ་འཇུག་ལེན། །སེང་གེ་སེར་སྐྱ་དམར་སེར་པོ། །ལན་ཆགས་གླུད་གཏོར་འདི་ལོངས་ཤིག །གླང་པོ་ཀླུ་ཡི་སོ་ཅན་དང་། །རི་བཤེས་དྲག་པོའི་མཆེ་བ་ཅན། །སྲིན་མོ་སོ་བཟང་ཡོད་པ་དང་།ཚངས་པ་ལེན་དང་ཁྱབ་འཇུག་ལེན། །གནོད་སྦྱིན་ཧ་ལ་ཧ་ལ་དང་། །གནོད་སྦྱིན་གནམ་སའི་མཆུ་ཅན་དག །ལན་ཆགས་གླུད་གཏོར་འདི་ལོངས་ཤིག །མདུང་དང་མདའ་གཞུ་ཀུན་ཐོགས་ཤིང་། །མི་རྟ་བ་ལང་རི་

― CMR007_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

དྭགས་རྣམས། །ཟ་ཞིང་འཚེ་བ་དེ་དག་ནི། །ཕྱོགས་རྣམས་ཀུན་ཏུ་རྒྱུག་ཅིང་འདོང་། །ས་འདི་རབ་ཏུ་གཡོ་བར་བྱེད། །ནགས་ཚལ་རྣམས་ཀྱང་རབ་ཏུ་སྐྱེམས། །རི་རྣམས་ཀུན་ནས་གཡོ་བར་བྱེད། །སྐྱེ་དགུ་འདི་དག་འཚེ་བྱེད་ཅིང་། །ཕན་ཚུན་ནས་ནི་འདུ་བ་དག །ལན་ཆགས་གླུད་གཏོར་འདི་ལོངས་ཤིག །འབྱུང་པོ་གནོད་སྦྱིན་ལུས་པོ་ཆེ། །ལག་པ་བཞི་པ་མ་རུངས་པ། །རྐང་མང་དང་ནི་རྐང་གཅིག་པ། །རྐང་པ་བཞི་པ་རྐང་གཉིས་པ། །རྐང་པ་བསྒྲེང་ལ་སྤྱིའུ་ཚུགས་དང་། །ལན་ཆགས་གླུད་གཏོར་འདི་ལོངས་ཤིག །ལུས་མང་མགོ་བོ་གཅིག་པ་དང་། །ལུས་གཅིག་པ་ལ་མགོ་བཞི་པ། །མིག་མང་པོ་ལ་ལུས་ཕྱེད་དང་། །མིག་གཅིག་ལྟོ་ནི་བཅུ་གཉིས་རྣམས། །ལན་ཆགས་གླུད་གཏོར་འདི་ལོངས་ཤིག །བོང་བུ་རྔ་མོང་གླང་ཆེན་མགོ །ལག་པ་བསྒྲེང་ལ་མགོ་བཏུད་དང་། །མཚོན་ཆའི་སོ་དང་མཚོན་ཆའི་ལག །མཚོན་ཆའི་རྐང་པའི་སྲིན་པོ་རྣམས། །ལན་ཆགས་གླུད་གཏོར་འདི་ལོངས་ཤིག །ཟངས་ཀྱི་སྐུ་དང་ལྕགས་ཀྱི་སོ། །ཟངས་ཀྱི་མིག་དང་ཟངས་ཀྱི་ལག །ཟངས་ཀྱི་ཐོ་བའི་རྐང་རྣམས་དང་། །

― CMR007_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ཟངས་ཀྱི་སྣ་དང་ལྕགས་ཀྱི་ཁ། །ལན་ཆགས་གླུད་གཏོར་འདི་ལོངས་ཤིག །རྐང་ལག་ཀུན་ཏུ་འབར་བ་དང་། །མི་ཡི་ལུས་སུ་གནས་པ་རྣམས། །སྐུར་ཞར་ལྔ་བ་གསུམ་ཡོད་པ། །མིག་མི་སྡུག་པ་ཁ་གླལ་བ། །ལན་ཆགས་གླུད་གཏོར་འདི་ལོངས་ཤིག །ཆུ་སྲིན་སྟག་གི་གཟུགས་དང་ནི། །གཟུགས་མི་སྡུག་པ་ཁ་རལ་པོ། །མཆུ་འཕྱངས་པོ་ལ་སོ་ཡོན་པོ། །རབ་ཏུ་གཏུམ་པོ་ཁྲོ་གཉེར་ཅན། །ལན་ཆགས་གླུད་གཏོར་འདི་ལོངས་ཤིག །གསུས་པོ་ཆེ་དང་བུམ་རྣ་བོ། །རྣ་འཕྱངས་པ་དང་རྣ་བ་མེད། །ལག་རིང་དང་ནི་རྣ་བ་རིང་། །སྣ་ཡི་རྩེ་དང་ལག་རྩེ་རིང་། །ལུས་སྐེམ་ལུས་ནི་རིང་བ་དང་། །སྐྲ་རིང་རབ་ཏུ་བརྒྱན་པ་དང་། །རྐང་པ་མིད་པ་ཕྲ་བ་དང་། །དྲི་ང་བ་ལ་བུམ་ལྟོ་བ། །ལན་ཆགས་གླུད་གཏོར་འདི་ལོངས་ཤིག །ཡན་ལག་ཆུ་སྲིན་འདྲ་བ་དང་། །གཏུན་ཤིང་ཐོ་བ་འདྲ་བའི་ལྟོ། །གནམ་ལྟོ་བོ་ལ་རྣ་བོ་ཆེ། །གྱེན་དུ་བརྗེས་དང་སྐྱ་རོལ་དམར། །མགོ་བོ་ཆེ་ལ་གཞུ་མགྲིན་པོ། །སྐེམ་པོ་སྒུར་པོ་བུམ་ལྟོ་བ། །ལན་ཆགས་གླུད་གཏོར་འདི་ལོངས་ཤིག །རི་རབ་རྩེ་མོ་བསྒུལ་ནས་སུ། །མེ་མདག་གི་ནི་ཆར་པ་འབེབས། །

― CMR007_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗོན་ཤིང་རི་དང་རྡོ་བ་དང་། །སྤྲིན་གྱི་ཚོགས་ཀྱི་མདོག་འདྲ་བ། །ལན་ཆགས་གླུད་གཏོར་འདི་ལོངས་ཤིག །དུང་དང་རྔ་ཆེན་རྡོ་རྔ་དང་། །གྲུལ་བུམ་རྔ་ཕྲན་རྣམས་ཀྱི་སྒྲ། །འཇིགས་པའི་སྒྲ་ནི་རབ་ཏུ་འབྱིན། །མིང་པོ་ཆེ་ལ་བོང་བུའི་སྒྲ། །ལན་ཆགས་གླུད་གཏོར་འདི་ལོངས་ཤིག །ནག་པོ་སྔོན་པོ་སེར་པོ་དང་། །དམར་སེར་མེ་ལྟར་དམར་བ་དང་། །ཁབ་འདྲའི་སྤུ་དང་རལ་གྲིའི་སྒྲ། །དམར་པོ་ཁྲག་གིས་བསྐུས་པ་རྣམས། །ལན་ཆགས་གླུད་གཏོར་འདི་ལོངས་ཤིག །མི་རོ་དག་ནི་ཁྱེར་ནས་སུ། །ཟ་བཞིན་དུ་ནི་རྣམ་པར་རྒྱུག །སོ་གནོན་ལག་པ་དམར་པོ་དང་། །མཆུ་ནི་ཁྲག་གིས་བསྐུས་པ་དང་། །ལུས་ཕྱེད་དག་ནི་ཟོས་པ་དང་། །མཁལ་མ་སྙིང་དང་ནང་ཁྲོལ་གྱིས། །སྙེམ་པ་ཤིན་ཏུ་བཀང་བ་དག །ལན་ཆགས་གླུད་གཏོར་འདི་ལོངས་ཤིག །བྱིས་པ་དག་ནི་ཟ་བཞིན་དུ། །མེར་མེར་པོ་དང་སྲོག་ཆགས་ཀྱི། །རྐང་ལག་རྣམས་ཀྱི་སྟོབས་ཀྱང་འཕྲོག །ཀེང་རུས་ཀྱིས་ནི་ལུས་ཀྱི་སུ། །སྐྱེ་བོ་མང་པོ་སྐྲག་པར་བྱེད། །ལན་ཆགས་གླུད་གཏོར་འདི་ལོངས་ཤིག །ཁྲག་གིས་རབ་ཏུ་གང་བ་ཡི། །མི་ཡི་པགས་པ་ཐོགས་

― CMR007_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སུ། །མི་བཟད་དུག་གིས་ཀུན་བསྐུས་ཏེ། །ཕྱོགས་ཕྱོགས་དག་ཏུ་རྣམ་པར་རྒྱུག །ལན་ཆགས་གླུད་གཏོར་འདི་ལོངས་ཤིག །གྲོང་ཁྱེར་རྣམས་ཀྱི་སྒོ་དག་དང་། །ཁྱིམ་དང་ཁྱིམ་དུ་རྣམ་པར་འཐོར། །རླུང་དང་མཁྲིས་པ་བད་ཀན་རྣམས། །ཕྱོགས་བཞི་དག་ཏུ་འཁྲུག་པར་བྱེད། །དེ་ལྟར་དེ་ན་རྒྱལ་པོ་ཡི། །གདོན་དང་འཇིགས་པ་ཆེན་པོ་རྣམས། །ལྷག་པ་དེ་དག་ཐམས་ཅད་ཀྱང་། །ལན་ཆགས་གླུད་གཏོར་འདི་ལོངས་ཤིག །ཕོ་བྲང་འཁོར་དུ་རྒྱུ་བ་ཡི། །གནོད་སྦྱིན་མ་རུངས་མདངས་འཕྲོག་པ། །སྙིང་རྗེ་མེད་ཅིང་ཁྲག་འཐུང་བ། །ལུས་ཆེན་འཇིགས་པ་ཆེན་པོ་སྟེ། །ལན་ཆགས་གླུད་གཏོར་འདི་ལོངས་ཤིག །སྟོབས་པོ་ཆེ་ལ་སྒྲ་ཡང་ཆེ། །མགྲིན་བཅུ་པོ་ལ་མིག་སྟོང་པོ།། གདོན་ཆེན་མིག་ནི་དམར་པོ་རྣམས། །འཁོར་ནི་མང་པོ་རྣམས་བཏང་སྟེ། །ལག་ན་མཚོན་ཐོགས་རབ་ཏུ་འཇིགས། །ལན་ཆགས་གླུད་གཏོར་འདི་ལོངས་ཤིག །སྦྲུལ་གྱི་ཞགས་པ་ཐོགས་པ་དང་། །ལག་བཞི་ལག་ན་སྒྲོན་མེ་ཐོགས། །ལག་ན་མཚོན་དང་དབྱིག་པ་ཐོགས། །རྡོ་རྗེ་མདུང་རྩེ་ལག་ཐོགས་པས། །རབ་ཏུ་དྲག་པོའི་དམག་བསྒྲིལ་

― CMR007_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །ཕྱོགས་ཀུན་ཏུ་ནི་རྒྱུག་པར་བྱེད། །ལན་ཆགས་གླུད་གཏོར་འདི་ལོངས་ཤིག །སྡང་བའི་གནས་ན་འཁོད་པ་ཡི། །གསང་བ་པོ་ནི་དེ་ཀུན་ཀྱང་། །མི་ཡི་འཇིག་རྟེན་འདི་དག་ཏུ། །སྐྱེས་པ་བུད་མེད་གཞན་ཡང་འཛིན། །ཤ་ཁྲག་དྲོན་མོར་བཅས་པ་ལ། །རྣམ་པར་འཁྲུགས་ཤིང་འདོད་པའི་གཟུགས། །སེང་གེ་དང་ནི་སྟག་དང་རྟ། །མ་ཧེ་བ་གླང་བོང་བུ་རྟ། །གླང་པོ་ཆེ་ཡི་གཟུགས་འདྲ་དང་། །དོམ་དང་གཟིག་དང་སྤྱང་ཀི་དང་། །ཁྱི་དང་ཝ་དང་རི་དྭགས་དང་། །བྱི་བ་བྱི་ལ་སྤྲེའུའི་གཟུགས། །བསེ་དང་ཕག་དང་སྲེ་མོང་དང་། །ཉ་དང་རུས་སྦལ་དག་གི་གཟུགས། །ལན་ཆགས་གླུད་གཏོར་འདི་ལོངས་ཤིག །ཁ་ཅིག་དག་ནི་སྲམ་གྱི་གཟུགས། །ལྭ་དང་འུག་པ་ཁུ་བྱུག་དང་། །བྱ་རྒོད་ཁྲ་དང་ཉ་མིད་བཅས། །རྨ་བྱ་ངང་པ་ཐི་བ་དང་། །ཁྲུང་ཁྲུང་དང་ནི་བྱ་རྣམས་དང་། །ཁ་ཅིག་བྱ་གག་གཟུགས་རྣམས་སུ། །གནོད་སྦྱིན་རྣམས་ནི་མི་ཡིས་མཐོང་། ལན་ཆགས་གླུད་གཏོར་འདི་ལོངས་ཤིག །འདབ་བཟང་བྱ་ཡི་གཟུགས་ཀྱིས་ཀྱང་། །སྐྱེ་བོ་མང་པོ་སྐྲག་པར་བྱེད། །ཁ་ཅིག་མི་ཡི་མགོ་ཅན་ལ། །ལུས་ནི་བྱ་

― CMR007_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

གག་བོང་བུ་འདྲ། །ཁ་ཅིག་མཚོན་གྱི་རབ་ཏུ་འཚེ། །ལུས་དང་བྲལ་བ་དག་ཏུ་སྣང་། །ལན་ཆགས་གླུད་གཏོར་འདི་ལོངས་ཤིག །རྣམ་པར་འཁྲུགས་ཤིང་འདོད་ལ་མོས། །རྒྱུ་མའི་ཕྲེང་བས་ཀུན་ཏུ་དཀྲི། །རྩེ་གསུམ་མདུང་གིས་རབ་འདེབས་ཤིང་། །སྲོག་ཆགས་ལ་ནི་གནོད་པར་བྱེད། །མི་བཟད་གདུག་པའི་དབུགས་འབྱིན་ཅིང་། །སྐྱེ་དགུ་འདི་དག་སྐྲག་པར་བྱེད། །ལན་ཆགས་གླུད་གཏོར་འདི་ལོངས་ཤིག །སྲོག་ཆགས་རྒྱུད་ནི་ཇི་སྙེད་པར། །སྣ་ཚོགས་ཀྱི་ནི་གཟུགས་སུ་སྣང་། །ཁ་ཅིག་དག་ནི་རི་ཡང་ཐོགས། །ལ་ལ་རལ་གྲི་འཁོར་ལོ་ཐོགས། །གྲངས་ནི་བརྒྱ་ཕྲག་སྟོང་རྣམས་ཏེ། །དབྱུག་པས་བསྡིགས་ཤིང་ཁ་དྲག་པོ། །ལན་ཆགས་གླུད་གཏོར་འདི་ལོངས་ཤིག །མིག་ཕྱུང་བ་ལ་བཞིན་མི་སྡུག །སྲིན་པོ་སོ་ནི་རྣོ་བ་དང་། །སྣ་དང་རྣ་བ་བཅད་པ་དང་། །ལྕེ་ཆད་གདོང་ནི་གཉེར་མ་ཅན།། །རྐང་ལག་དག་ནི་གཏུབས་པ་དང་། །མགོ་བོ་བཅད་པའི་སྲིན་པོ་རྣམས་། །སྐབས་ནི་རབ་ཏུ་འཚོལ་བར་བྱེད། །ལན་ཆགས་གླུད་གཏོར་འདི་ལོངས་ཤིག །སྡིག་པ་ཅན་རྣམས་གཟི་བྱིན་འཕྲོག །ཡི་དྭགས་ཀྱི་ནི་ལུས་རྣམས་ལ། །རབ་ཏུ་

― CMR007_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་བའི་གདོན་རྣམས་དང་། །སྤུ་ཡི་བར་དང་གནད་རྣམས་དང་། །དེ་བཞིན་རྨ་ཡི་ཁ་རྣམས་སུ། །ལྷག་པ་དེ་དག་ཐམས་ཅད་ཀྱང་། །ལན་ཆགས་གླུད་གཏོར་འདི་ལོངས་ཤིག །ཐམས་ཅད་ངོམས་ཤིང་ཚིམས་པར་མཛོད། །དེ་ནས་རྫོགས་ཆེན་རྒྱུད་གཞུང་མང་པོ་ནས། །གསུངས་པའི་ཚིག་རྐང་འདི་ཉིད་བརྗོད། ཁྱེར་ཅིག་ཁྱེར་ཅིག་སྟོབས་ལྡན་རྣམས་། །སྲེད་དང་ཆགས་དང་ཞེན་པ་དང་། །དྲན་དང་བཟུང་དང་བསམ་དང་རེག །ཀློད་དང་གྲོལ་དང་ཞི་བར་མཛོད། །ངར་མི་རེ་ལ་གསུམ་རེ་སྟེ། །ལོ་གྲངས་སུམ་འགྱུར་བརྗོད་པར་བྱ། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་ནི། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་སྟེ། །ཐམས་ཅད་དུ་ནི་སྡོམ་པ་ལེགས། །ཐམས་ཅད་བསྲུང་བའི་དགེ་སློང་དག །སྡུག་བསྔལ་ཀུན་ལས་ངེས་པར་གྲོལ། །

― CMR007_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །བཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་འབྱུང་། །ངོ་བོ་མེད་ཅིང་གནས་མེད་ཅིང་། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ལ་མཉམ་མེད་བྱོས། །འོན་ཀྱང་སྐྱོབ་པའི་སྲས་སུ་སྐྱེས། །རྒྱན་གྱིས་བརྒྱན་པར་བྱས་ཤིང་ཆོས་སྤྱོད་ཅིང་། །དུལ་ཞིང་ཡང་དག་སྡོམ་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤང་བ་སྟེ། །དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །མཚོན་ཆས་མི་འཇིགས་གང་ཡང་མེད། །འཆི་བའི་སྲོག་ལ་ཀུན་ཀྱང་འཛེམ། །འཚོ་བའི་ཟས་ལ་ཀུན་ཀྱང་འདུ། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །དྲི་ཟའི་གདོན་གྱིས་བཏབ་པ་ན། །གླུ་དབྱངས་ལེན་ཅིང་བྲོ་བརྡུང་སྟེ། །རྒྱན་རྣམས་ལ་ནི་དགའ་བར་བགྱིད། །བསྐམ་པ་མ་མཆིས་མང་བར་སྨྲ། །རྒོད་པར་བརྗིད་ཅིང་ཁྲོ་བར་འགྱུར། །སྐེམ་པར་འགྱུར་ལ་མིག་དམར་ཏེ། །རྟག་ཏུ་རིམས་ཀྱིས་འདེབས་པར་བགྱིད། །མིག་ཀྱང་འབྱེད་པར་མི་བགྱིད་དེ། །རྒྱབ་ཀྱིས་ཕྱོགས་ཤིང་ཉལ་བར་བགྱིད། །མཆོད་སྦྱིན་གླུད་གཏོར་འདི་ལོངས་

― CMR007_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །ཕྱིན་ཆད་དེ་ལྟར་མ་བྱེད་ཅིག །གྲུལ་བུམ་གདོན་གྱིས་ཟིན་པ་ན། །ཤིན་ཏུ་སྐོམ་པས་འདེབས་པར་འགྱུར། །གཡེང་བས་བཏབ་ཅིང་ལྟ་བར་འགྱུར། །བཞིན་ཡང་དམར་པོར་དགའ་བར་འགྱུར། །བསྐུམ་ནས་དོགས་སར་ཉལ་བར་འགྱུར། །ཁ་དོག་ངན་ཅིང་ལུས་ཀྱང་སྐེམ། །སྐྲ་དང་སེན་མོ་རིང་བ་སྟེ། །དྲི་མ་ཅན་ལ་དྲི་མི་བདའ། །བརྫུན་དང་རྒྱལ་ཁ་སྨྲ་བར་བགྱིད། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་དེ་ལྟར་མ་བྱེད་ཅིག །ཀླུ་དང་འདབ་བཟང་གདོན་གྱིས་ནི། །སྐྱིག་བུས་འདེབས་ཤིང་དབུགས་ཀྱང་འབྱིན། །དེ་བཞིན་དབུགས་ཀྱང་གྲང་བར་འགྱུར། །རྡུལ་ཞིང་དབུ་བ་ཁ་ཆུ་འབྱུང་། །ཕྱི་ཕྱིར་གཉིད་ཀྱང་ལོག་པར་འགྱུར། །ཁ་དོག་ལྡན་ཞིང་དཔའ་བ་སྟེ། །དེ་བཞིན་འདར་ཞིང་རྒྱུག་པར་འགྱུར། །སེན་མོ་དག་ཀྱང་སྟོན་པར་བགྱིད། །དོགས་སར་མཆིས་ཤིང་དུ་བར་བགྱིད། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་དེ་ལྟར་མ་བྱེད་ཅིག །གནོད་སྦྱིན་གདོན་གྱིས་བཏབ་པ་ན། །ཕྱི་ཕྱིར་རྒོད་ཅིང་འཇིགས་པར་འགྱུར། །སྨྲ་བར་བགྱིད་ཅིང་ཁྲོ་བར་འགྱུར། །དེ་ནི་གཉིད་

― CMR007_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་ལོག་པར་འགྱུར། །ཡང་ན་ཤིན་ཏུ་བྲོ་འཚལ་འགྱུར། །རྟག་ཏུ་གྱེན་ཏུ་ལྟ་བར་འགྱུར། །སྐུར་མ་དག་ལ་སྙེགས་པར་བགྱིད། །ནུབ་མོ་ཤིན་ཏུ་དགའ་བར་འགྱུར། །རྟག་ཏུ་འདར་ཞིང་སྒྲ་འབྱིན་ཏེ། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་དེ་ལྟར་མ་བྱེད་ཅིག །གདོན་རིགས་ཁྱེད་རྣམས་འཁྱམས་བགྱིད་ཅིང་། །ཕྱོགས་བཅུ་དག་ཏུ་འཇིགས་པ་བསྐྱེད། །བུད་མེད་དག་དང་སྐྱེས་པ་དང་། །དེ་བཞིན་ཁྱེའུ་བུ་མོ་དང་། །མངལ་ན་གནས་པའང་འཇིགས་པར་བགྱིད། །དུད་འགྲོའི་སྐྱེ་གནས་གཏོགས་པའང་འཚེ་། །སྐར་མ་དག་དང་ཉི་ཟླ་དང་། །གཏུམ་པའི་གཟའ་རྣམས་གནོད་པར་བགྱིད། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་དེ་འདྲའི་གནོད་མ་བྱེད།། །ལོ་ཏོག་ས་བོན་འབྲས་བུ་དང་། །མེ་ཏོག་སྨན་དང་ཟས་སྐོམ་དང་། །མི་རྣམས་ཀྱི་ནི་དཔལ་འཕྲོག་ཅིང་། །མཐོན་པོ་རྣམས་ཀྱང་དམའ་བར་བགྱིད། །མཆོད་སྦྱིན་གླུད་གཏོར་འདི་ཁྱེར་ལ། །ཕྱིན་ཆད་དབང་ཐང་མ་འཕྲོག་ཅིག །འཇིག་རྟེན་དག་ན་ནོངས་པ་རྣམས། །དམག་དང་འཐབ་མོ་ཤ་གཉེར་དང་། །ཚིག་གི་ཞིག་གམ་གསད་ཕྱེ་དང་། །དེ་ཀུན་འབྱུང་

― CMR007_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་གནོད་པར་གྱུར། །སྦེད་ཅིང་སྟོན་པར་བགྱིད་པ་དང་། །བཟློག་པར་བགྱིད་ཅིང་དགོད་པར་བགྱིད། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་དེ་ལྟར་སེམས་མ་དཀྲུགས། །འཇིགས་པར་བགྱིད་ཅིང་ལྟ་བར་བགྱིད། །དགྲར་འགྱུར་བ་ཡང་སྟོན་པར་བགྱིད། །སྡིག་པའི་རྨི་ལམ་མཐོང་བར་བགྱིད། །ཉལ་བ་དག་ལ་གནོད་པར་བགྱིད། །སྒོ་ནས་སེ་གོལ་སྒྲ་ཕྱུང་ཞིང་། །མི་སྙན་བརྗོད་དེ་ཟ་བར་བགྱིད། །མཛའ་བོ་གཉེན་བཤེས་གཟུགས་དག་ཏུ། །གདའ་ཞིང་བཀའ་མཆིད་སྨྲ་བར་བགྱིད། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་དེ་ལྟར་མ་འཚེ་ཞིག །བུ་མོ་སྡུག་གུའི་གཟུགས་དག་ཏུ། །འདོད་ལོགས་སྤྱོད་པ་དགའ་བར་བགྱིད། །ཉི་མ་སྐར་མའི་གཟུགས་དང་ནི། །ཟླ་བའི་གཟུགས་སུ་གདའ་བར་བགྱིད། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་དེ་ལྟར་ཡིད་མ་འཕྲོག །རླུང་དང་སྐར་མདའ་ལྕེ་གཟུགས་སུ། །ཚེ་ལ་གནོད་པར་དེ་དག་གདའ། །སྐར་མའི་ཚོགས་དང་འདྲ་བ་དང་། །འཇིགས་པར་བྱེད་པའི་ཝ་དང་ཁྱིར། །རྣམ་པར་སྤྲུལ་ནས་ལྗོན་ཤིང་དང་། །མཆོད་

― CMR007_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་དག་གི་གནས་ན་གདའ། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་གནས་འདིར་མ་འཚོགས་ཤིག །སྐྱེས་པ་གཞོན་ནུའི་གཟུགས་མཛེས་པ། །འབར་ཞིང་ཤིང་རྟའི་སྒྲ་ཡང་འབྱིན། །གནས་རྣམས་དང་ནི་ཤུལ་དག་ཏུ། །རྣམ་པ་སྣ་ཚོགས་རྗེས་ཀྱང་སྟོན། །མཆོད་སྦྱིན་གླུད་གཏོར་འདི་ལོངས་ལ། །དེ་ལྟར་ཆོ་འཕྲུལ་མ་སྟོན་ཅིག །གྲོང་ཁྱེར་དག་དང་ཁྱིམ་རྣམས་ཀྱི། །སྒོ་ཡང་གནོད་སྦྱིན་དེ་དག་འབྱེད། །སྲོག་དང་ལུས་ཀྱང་བླང་བགྱི་ཤིང་། །ལམ་ངན་ཀུན་ཏུ་སྐོར་བར་བགྱིད། །མཆོད་སྦྱིན་གླུད་གཏོར་འདི་ལོངས་ལ། །ཕྱིན་ཆད་འཁུ་ལྡོག་མ་བྱེད་ཅིག །རྣམ་པ་སྣ་ཚོགས་གཟུགས་དག་དང་། །རྣམ་པ་སྣ་ཚོགས་སྒྲ་རྣམས་དང་། །རྣམ་པ་སྣ་ཚོགས་ནད་རྣམས་ཀྱིས། །ལུས་ལ་ན་བ་གནས་པར་སྟོན། །ནད་རྣམས་ཀུན་གྱི་མཚན་ཉིད་ཀྱང་། །ཕྱིན་ཅི་ལོག་ཏུ་སྟོན་པར་བྱེད། །ཇི་སྙེད་འཇིག་རྟེན་རང་བཞིན་དག །ཐམས་ཅད་ལོག་པར་དེ་དག་སྟོན། །མཆོད་སྦྱིན་གླུད་གཏོར་འདི་ལོངས་ལ། །ཐབས་ཅད་ལོག་པར་མ་སྦྱོར་ཅིག །བདག་གིས་དེ་རིང་ཁྱོད་མཆོད་ཀྱིས། །ཁྱེད་ཅག་མགུ་ཞིང་ཚིམ་པར་གྱིས། །ལན་ཆགས་གླུད་

― CMR007_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་བྱིན་ནས་ཀྱང་༔ བསྒོ་བའི་བཀའ་ལ་མི་ཉན་ན༔ དབང་ཆེན་ཁྲོས་པའི་ང་རྒྱལ་གྱིས༔ རྟ་སྐད་འཚེར་ཞིང་མཚོན་ཆས་གཏུབས༔ རྡོ་རྗེ་འཛིན་ཡང་འཇིགས་ནུས་ན༔ བགེགས་ཚོགས་རྣམས་ལ་སྨོས་ཅི་དགོས༔ ལུས་ངག་ཐལ་བར་བརླག་ནས་ཀྱང་༔ སྡུག་བསྔལ་ཉམས་སུ་མྱོང་བར་འགྱུར༔ ལེགས་པར་གསུངས་པ་འདི་ཐོས་ནས། །གལ་ཏེ་མྱུར་དུ་མི་བཏང་ན། །ཐམས་ཅད་འབར་བར་འགྱུར་བ་ནི། །མར་དང་ཡུངས་ཀར་མེར་བླུགས་བཞིན། །གནོད་སྦྱིན་ཆད་པས་བསྡིགས་ནས་སུ། །དགེ་ཞིང་བདེ་བ་མི་རྙེད་དེ། །དེ་ཡི་རྩིབ་ལོགས་གཡས་པར་ནི། །འབྲས་ཆེན་ནད་ཀྱང་འབྱུང་བར་འགྱུར། །གནོད་སྦྱིན་ནད་ཀྱིས་བཏབ་པ་ན། །ཤ་བཀྲའི་ནད་ཀྱིས་བཏབ་པར་འགྱུར། །ལྕང་ལོ་ཅན་གྱི་ཕོ་བྲང་དུ། །གཞར་ཡང་འགྲོ་བར་མི་འགྱུར་རོ། །ལུས་ངན་གྲོགས་དང་ལྡན་པ་ཡི། །ཁྱིམ་ཡང་མཐོང་བར་མི་འགྱུར་ཏེ། །འབྱུང་པོ་མང་པོ་འཚོགས་པ་ན། །སྟན་ཡང་ཐོབ་པར་མི་འགྱུར་ཏེ། །གནོད་སྦྱིན་དག་གི་དཀྱིལ་འཁོར་དུ། །ཟས་སྐོམ་དང་ཡང་བྲལ་བར་འགྱུར། །སྟོང་ཆེན་རབ་འབྱམས་མདོ་སྡེ་ལ། །

― CMR007_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་སྦྱིན་གང་དག་མི་ཕྱོགས་པ། །དེ་ལ་རྡོ་རྗེ་འཆང་ཁྲོས་ཏེ། །སྤྱི་བོ་དག་ནི་འགེམ་པར་འགྱུར། །སྤུ་གྲིའི་སོ་ནི་རྩུབ་མོ་ཡིས། །དེ་ཡི་ལྕེ་ནི་གཅོད་པར་འགྱུར། །མཚོན་ཆ་ཤིན་ཏུ་རྣོན་པོ་ཡིས། །དེ་ཡི་སྣ་དང་རྣ་བ་གཅོད། །འཁོར་ལོ་སྤུ་གྲིའི་སོ་འདྲ་བས། །ཀླད་པ་རབ་ཏུ་གཤག་པར་བྱེད། །ཐོ་བ་ལྕགས་ཀྱིས་དཀྲིས་པ་ཡིས། །དེ་ཡི་སྙིང་ཡང་འཇོམས་པར་བྱེད། །རྣག་དང་ཁྲག་ནི་དྲོན་མོ་དག །དེ་ཡི་ཁ་ནས་འཛག་པར་འགྱུར། །རིག་སྔགས་ཞགས་པའི་ཆད་པ་ཡིས། །རྟག་ཏུ་འཁོར་བར་འགྲོ་བ་ནི། །འཁོར་བ་གནོད་སྦྱིན་དཀྱིལ་འཁོར་དུ། །དེ་ཉིད་དུ་ནི་འཁོད་པར་འགྱུར། །དེ་བས་མ་རུངས་གདུག་པའི་ཚོགས༔ སྐད་ཅིག་ཉིད་ལ་ཕྱིར་དེངས་ཤིག༔ དེ་ནས་གླུད་མདོས་ཁ་ཕྱིར་བསྒྱུར། །མདུན་དུ་དཀར་གཏོར་ཆུ་གཙང་བྲན། །ཧཱུྃ་ལས་རིན་ཆེན་སྣོད་དུ་ཁཾ་ཡིག་ལས། །གཏོར་མ་དཀར་གསུམ་མངར་གསུམ་བདུད་རྩིའི་མཚོ། །ཨོཾ་ཨཱཿཧཱུྃ་གིས་ཟག་མེད་བདུད་རྩིར་གྱུར། །ཡུལ་འདིའི་ཆུ་བོ་ཆུ་མདོ་ལ་གནས་པའི། །ཀླུ་ཆེན་ཀླུ་བདུད་ཀླུ་བཙན་མཚོ་སྨན་དང་། །ཀླུ་བྲན་ཀླུ་ཐེའུ་ཀླུ་གཉན་སྔ་མ་རྣམས། །མཆོད་སྦྱིན་དཀར་གསུམ་གཏོར་མ་འདི་བཞེས་ལ། །གླུད་མདོས་ཆུ་ལ་དོར་ལ་ཕྲག་མ་དོག །ང་ཡིས་མ་ཉེས་ཀུན་ཏུ་བཟང་པོ་དང་། །ཨོ་རྒྱན་ཆེན་

― CMR007_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་བཀའ་ཡིན་བཟོད་པར་བཞེས། །ཨོཾ་སརྦ་ནཱ་ག་ནཱ་གི་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། གཅིག་གིས་སྔོན་དུ་དཀར་གཏོར་ཁྱེར། །དེ་རྗེས་གླུད་གཏོར་དེ་ཁྱེར་ལ། །ཆུ་ཆེན་དག་གི་རྩར་སོང་ལ། །དང་པོ་དཀར་གཏོར་ཆུ་ལ་འཕོང་། །དེ་ནས་གླུད་མདོས་ཆུ་ལ་འཕོང་། །སྣོད་བཤལ་ནས་ཕྱི་མིག་མི་ལྟ་བར་ལོག་ཅེས་བསྒོའོ། །ཡོད་ན་ཐུན་རྫས་ཡམ་ཡུངས་ཀར། མེད་ན་ནས་ལྕག་བྲབ་ཅིང་། ཡོད་ན་གུ་གུལ་བདུག །སུམྦྷ་ནིའི་མཇུག་ཏུ། ཚེ་དང་སྲོག་ལ་བར་དུ་གཅོད་པའི་འབྱུང་པོ་ཐམས་ཅད་ཨུ་ཙ་ཏ་ཡ་ཕཊ༔ ལན་གསུམ་མམ་བདུན་དྲག་ཏུ་བརྗོད། རྔ་རོལ་མོ་དབྱངས་དང་བཅས། ཧཱུྃ༔ ང་ནི་འབར་བ་དབང་གི་སྐུ་ཞེས་པ་ནས་རཾ་ཧཱུྃ་ཕཊ༔ ཅེས་པའི་བར་བརྗོད་དོ། །རྔ་འུར་བརྡུང་དང་སྔགས་དེ་ལན་མང་བརྗོད་ཚེ་སྲུང་འཁོར་བསྒོམ། དེ་ནས་གའུ་མཆོད་གཏོར་བྲན་ལ། ཨོཾ་སྭ་བྷ་ཝ་སོགས། སྟོང་པའི་ངང་ལས་རིན་ཆེན་གཞལ་ཡས་ཁང་། །པདྨ་ཟླ་སྟེང་ལྔ་མཚམས་དབུས་མའི་སྟེང་། །ཨེ་ལས་ནམ་མཁའི་ལྷ་མོ་དབྱིངས་ཕྱུག་སྔོ། །ཕྱག་གཡས་ཆོས་འབྱུང་ཨེ་ཡིས་མཚན་པ་འཛིན། །ཤར་དུ་པཾལས་ཆུ་ཡི་ལྷ་མོ་ནི། །མཱ་ཀི་དཀར་མོ་ཕྱག་ན་ཆུ་བུམ་ཐོགས། །ལྷོ་རུ་ལཾལས་ས་ཡི་ལྷ་མོ་ནི། །སྤྱན་མ་སེར་མོ་གསེར་གྱི་བུམ་པ་ཐོགས། །ནུབ་ཏུ་རོལས་མེ་ཡི་ལྷ་མོ་ནི། །གོས་

― CMR007_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་དམར་མོ་སྒྲོན་ཤིང་མེ་འབར་ཐོགས། །བྱང་དུ་ཡཾ༔ ལས་རླུང་གི་ལྷ་མོ་ནི། །སྒྲོལ་མ་ལྗང་གུ་རླུང་གི་བ་དན་ཕྱར། །ཀུན་ཀྱང་སྒེག་འཛུམ་དར་དང་རཏྣས་བརྒྱན། །རང་རང་མདོག་མཚུངས་འོད་ཕུང་དབུས་ན་བཞུགས། །བར་ཁྱམས་འཁོར་ཡུག་འདོད་ཡོན་མཆོད་པའི་སྤྲིན། །ཀུན་ཏུ་བཟང་པོའི་མཆོད་སྤྲིན་ལྟ་བུར་གྱུར། །ལྷ་ལྔའི་གནས་གསུམ་ཡིག་འབྲུ་གསུམ་པོ་དང་། །རང་རང་ཐུགས་ཀའི་ས་བོན་འོད་ཟེར་གྱིས། །རང་འདྲ་དཔག་མེད་སྤྱན་དྲངས་དབྱེར་མེད་བསྟིམ། །ཧཱུྃ། འོག་མིན་དག་པའི་ཞིང་མཆོག་ལྔ་པོ་ནས། །རིགས་ཀྱི་ཡུམ་ཆེན་ལྔ་པོ་གཤེགས་སུ་གསོལ། །མཁའ་སྤྱོད་ཨོ་རྒྱན་གནས་ཡུལ་དུར་ཁྲོད་ནས། །ཡེ་ཤེས་མཁའ་འགྲོ་སྡེ་ལྔ་གཤེགས་སུ་གསོལ། །སྟོང་གསུམ་མི་མཇེད་འཇིག་རྟེན་ཞིང་ཁམས་ནས། །འབྱུང་བའི་ལྷ་མོ་ལྔ་པོ་གཤེགས་སུ་གསོལ། །སོ་སོའི་ཙཀྲ་འདི་ལ་བརྟན་པར་བཞུགས། །ཨེཡཾརཾཔཾལཾབཛྲ་ས་མཱ་ཛ༔ ཏིཥྛ་ལྷན༔ ། དབང་ལྷ་རིགས་ལྔ་སྤྱན་དྲངས་དབང་བསྐུར་ནས། །སོ་སོའི་བདག་པོ་རིགས་ལྔས་དབུར་བརྒྱན་གྱུར། །ཡུམ་ཆེན་ལྔ་དང་ཡེ་ཤེས་མཁའ་འགྲོ་ལྔ། །དབྱེར་མེད་འབྱུང་བའི་ལྷ་མོ་

― CMR007_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པོ་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །སྔར་བྱས་སྡིག་པ་ཐམས་ཅད་མཐོལ་ཞིང་བཤགས། །མཆོད་ཡོན་ཞབས་བསིལ་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་རོལ་མོ་འབུལ། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །དངོས་འབྱོར་ཡིད་སྤྲུལ་མཆོད་པ་དཔག་མེད་འབུལ། །བྷཱཝལས་རིན་ཆེན་སྣོད་མཆོག་ཡངས་པའི་ནང་། །གཏོར་མ་ཁ་དོག་དྲི་རོ་ཕུན་སུམ་ཚོགས། །ཧཧོ་ཧྲིདང་ཨོཾ་ཨཱཿཧཱུྃ་རྣམས་ཀྱིས། །ཟག་མེད་ཡེ་ཤེས་བདུད་རྩིར་བྱིན་བརླབ་སྟེ། །འབྱུང་བའི་ལྷ་མོ་ལྔ་ལ་འབུལ་གྱིས་བཞེས། །ཨེག་ག་ན་དེ་ཝི་ཨི་དཾ་བ་ལིཾ་ཏ་ཁ་ཁ་ཁཱ་ཧི༔ ཡཾཝ་ཡ་ཝེ་དེ་ཝི་ཨི༔ རཾཨཀྵེ་དེ་ཝི༴ བཻ་ས་ནེ་དེ་ཝི༴ ལཾབྷ་མི་དེ་ཝཱི༔ དམ་རྫས་བརྒྱན་པའི་གཏོར་མ་རྒྱུ་ཆེན་པོ་འདི་འབྱུང་བའི་ལྷ་མོ་ལྔ་ལ་འབུལ་ལོ། །མཉེས་ཤིང་ཚིམས་ནས་ཕྱི་ས་ཆུ་མེ་རླུང་ནམ་མཁའི་བཅུད་ཐམས་ཅད་བསྡུས་ནས། ནང་གི་ཤ་ཁྲག་དྲོད་་དབུགས་སེམས་ལ་བསྟིམ་དུ་གསོལ། འབྱུང་བ་མི་འཁྲུགས་ཤིང་ནད་མེད་པ་དང་ཚེ་རིང་བར་མཛད་དུ་གསོལ། ཧཱུྃ། དག་པའི་ཞིང་དུ་ཡུམ་ཆེན་ལྔ། །མཁའ་སྤྱོད་གནས་སུ་

― CMR007_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་ལྔ། །འཇིག་རྟེན་ཁམས་སུ་འབྱུང་བ་ལྔ། །འཁོར་འདས་ཐམས་ཅད་བསྐྱེད་པའི་ཡུམ། །འབྱུང་བའི་ལྷ་མོ་ལྔ་པོ་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་རྒྱུད་ཚིག་མཆོད་བསྟོད་ནི། ཧཱུྃ། འབྱུང་བ་བསྐྱེད་པའི་ལྷ་མོ་རྣམས། །བདག་ལ་གསན་ཅིང་དགོངས་སུ་གསོལ། །འབྱུང་བ་ཕྱི་ནང་འཁྲུག་པ་རྣམས། །ཆོ་ག་འདི་ཡིས་མཐུན་པར་ཤོག །དམིགས་པའི་མི་འདི་ད་བསླུའོ། །ནད་གདོན་སྡིག་སྒྲིབ་རྣམ་རྟོག་རྣམས། །ད་ལྟ་ཉིད་དུ་བྱང་ནས་ཀྱང་། །འཆི་བའི་རྐྱེན་རྣམས་བཟློག་ཏུ་གསོལ། །འདོད་ཡོན་མཆོད་པ་རྣམ་པ་ལྔ། །འབྱུང་བ་བསྐྱེད་པའི་ལྷ་ལ་འབུལ། །མཆོད་གཏོར་བཞེས་ལ་དགྱེས་པར་རོལ། །སརྦ་པཱུ་ཛ་ཧོ༔ ལྷ་མོ་ལྔ་པོའི་ཐུགས་ཀ་རུ། །རང་རང་ས་བོན་རང་མདོག་མཐར། །རང་རང་སྔགས་ཕྲེང་གཡོན་དུ་འཁོར། །ནམ་མཁའི་ལྷ་མོའི་ཐུགས་ཀ་ནས། །འོད་ཟེར་མཐིང་གས་ནམ་མཁའ་ཁྱབ། །ནམ་མཁའི་བཅུད་ཀུན་བསྡུས་ནས་ཀྱང་། །བསྲུང་བྱའི་སེམས་དང་ཙཀྲར་ཐིམ། །ཨེ་ལིཾ་ཏེ་ཤྭ་ར་ཏི་སིཾ༔ ཨཱབུདྡྷ་ཌཱ་ཀི་ནཱི་ཧཱུྃ༔ ཨེ་ག་ག་ན་དེ་ཝི་ཧཱུྃ་ཛ༔ ཞེས་དང་

― CMR007_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེཿལོ་གྲངས་བརྗོད། རླུང་གི་ལྷ་མོའི་ཐུགས་ཀ་ནས། །འོད་ཟེར་ཕྱོགས་བཅུར་རབ་འཕྲོས་པས། །རླུང་གི་བཅུད་ཀུན་འོད་ལྗང་གུར། །བསྡུས་ནས་བསྲུང་བྱའི་དབུགས་དང་ནི། །རླུང་གི་ཙཀྲར་སིབ་སིབ་ཐིམ། །ཏྭཾབཛྲ་ར་སྟི་སིཾ༔ ས་ཀརྨ་ཊཱ་ཀི་ནཱི་ཧཱུྃ༔ ཡཾཝ་ཡ་ཝེ་དེ་ཝཱི་ཧཱུྃ་ཛ༔ དེ་ནས་ཡཾ་ཞེས་ལོ་གྲངས་བརྗོད། །མེ་ཡི་ལྷ་མོའི་འོད་ཟེར་གྱིས། །མེ་ཡི་བཅུད་ཀུན་འོད་དམར་པོར། །བསྡུས་ནས་བསྲུང་བྱའི་དྲོད་དང་ནི། །མེ་ཡི་ཙཀྲར་ཐིམ་པར་གྱུར། །མྱྀ་རཱ་ག་ར་སྟི་སིཾ༔ ནིཔདྨ་ཊཱ་ཀི་ནཱི་ཧཱུྃ༔ རཾཨཀྵེ་དེ་ཝཱི་ཧཱུྃ་ཛ༔ རཾ་ཞེས་བསྲུང་བྱའི་ལོ་གྲངས་བརྗོད།། ཆུ་ཡི་ལྷ་མོའི་འོད་ཟེར་གྱིས། །ཆུ་བཅུད་ཐམས་ཅད་འོད་དཀར་པོར། །བསྡུས་ནས་བསྲུང་བྱའི་ཁྲག་དང་ནི། །ཆུ་ཡི་ཙཀྲར་ཐིམ་པར་གྱུར། །མཾ་དྷཆུ་ཤྭ་རི་སིཾ༔ ཧ་བཛྲ་དྷ་ཀི་ནཱི་ཧཱུྃ༔ བཻ་ས་ཎི་དེ་ཝཱི་ཧཱུྃ་ཛ༔ བཻཆུ་ཡི་ས་བོན་ལོ་གྲངས་བརྗོད། ས་ཡི་ལྷ་མོའི་འོད་ཟེར་གྱིས། །ས་བཅུད་གསེར་མདོག་འོད་དུ་བསྡུས། །ཤ་དང་ས་ཡི་ཙཀྲར་ཐིམ། །ཨཾཐམོ་ཧ་ར་སྟི་སིཾ༔ རི་རཏྣ་ཊཱ་ཀི་ནི་ཧཱུཾ། ལཾབྷ་མི་དེ་ཝཱི་ཧཱུྃ་ཛ༔ ལཾས་ཡི་ས་བོན་ལོ་གྲངས་བརྗོད། དེ་ནས་གསང་འདུས་ལས་བྱང་གི །ཧཱུྃ། །

― CMR007_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་མགོན་པོ་ཚེ་དཔག་མེད༔ ཅེས་སོགས་གཙོ་བོའི་བསྟོད་བསྐུལ་རྗེས། །ཚེ་དཔག་བསྙེན་པ་ཕྲེང་སྐོར་དང་། །ཧཱུྃ་ཤྲཱི་ལ་སོགས་སྔགས་ཚན་ལྔ། །ལོ་གྲངས་ཙམ་རེ་བརྗོད་པའི་རྗེས། །མདའ་དར་ཐོགས་ལ་ཚེ་འགུགས་ནི། ཧཱུྃ། ཤར་གྱི་ཕྱོགས་ནས་ཚེ་འགུགས་ནས། ཧཱུྃ། ཤར་ཕྱོགས་དཀར་མོ་ཤེལ་གྱི་གཞལ་ཡས་ནས༔ ཞེས་སོགས་དང་། ཧཱུྃ། ཁམས་གསུམ་གནས་ནས་ཚེ་འགུགས་མ༔ སོགས། ཛྷ་ན་ཛ་ཛའི་བར་དུ་བརྗོད། དབུས་ཀྱི་གའུ་ལག་ཏུ་ཐོགས།། ཧཱུྃ། ནམ་མཁའི་དབྱིངས་ནས་ཚེ་འགུགས་མ༔ ཞེས་སོགས་མཇུག་ཏུ་ཨེ་ལོ་གྲངས། །བསྲུང་བྱའི་སྙིང་གར་གཏུགས་པ་དང་། །མཇུག་ཏུ་སྔགས་འདི་བརྗོད་པར་བྱ། །ཨེཨ་བྷི་ཥིཉྩ་ཨ་དྷིཥྛ་ན་ཧཱུྃ་སྭཱ་ཧཱཿ བྱང་གི་གའུ་ལག་ཏུ་ཐོགས། ཧཱུྃ། བྱང་གི་ཕྱོགས་ནས་ཞེས་སོགས་མཇུག །རྣ་བར་གཏུག་ཅིང་ཡཾཿལོ་གྲངས། །ཡཾཿཨ་བྷི་ཥིཉྩ་ཨ་དྷིཥྛ་ན་ཧཱུྃ་སྭཱ་ཧྭ༔ ནུབ་ཀྱི་གའུ་ལག་ཏུ་ཐོགས། ཧཱུྃ་ནུབ་ཀྱི་ཕྱོགས་ནས་ཞེས་སོགས་མཐར། །མིག་ལ་གཏུག་ཅིང་རོལོ་གྲངས། །རཾཨ་བྷི་ཥིཉྩ་ཨ་དྷིཥྛན་ཧཱུཾ་སྭཱ་ཧཱཿ ཤར་གྱི་གའུ་ལག་ཏུ་ཐོགས།། ཧཱུྃ། ཤར་གྱི་ཕྱོགས་ནས་ཞེས་སོགས་མཐར། །ཁ་ལ་གཏུག་ཅིང་ཐཾ༔ ལོ་གྲངས། །ཐཾཨ་བྷི་ཥིཉྩ་ཨ་དྷིཥྛ་ན་ཧཱུཾ་སྭ་ཧཱཿ ལྷོ་ཡི་གའུ་ལག་ཏུ་ཐོགས། ཧཱུྃ། ལྷོ་ཡི་ཕྱོགས་ནས་ཞེས་སོགས་

― CMR007_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར། །ལྕེ་ལ་གཏུག་ཅིང་ལཾལོ་གྲངས། །ལཾཨ་བྷི་ཥིཉྩ་ཨ་དྷིཥྛན་ཧཱུྃ་སྭཱ་ཧཱ༔ ཏྲ་ཏྲ་ཤག་སོགས་བརྒྱ་རྩ་བརྗོད། །སྙིང་པོ་བརྟན་པར་མི་ནུས་སོགས། །ཐུགས་དམ་ཆེན་པོའི་དུས་ལ་བབ༔ སོགས། གཏོར་དབང་བསྐུར་ན་སྐབས་འདིར་བྱ། །མ་བསྐུར་ན་ཡང་འགལ་བ་མེད། །དེ་ནས་གའུའམ་འཁོར་ལོ་ལྔ། །བསྲུང་བྱའི་སྙིང་གར་བཟུང་བཅུག་ལ། །མེ་ཏོག་འཐོར་ཞིང་འདི་ཉིད་གྱེར།། ཧཱུྃ། དམ་ཚིག་ཆེན་པོའི་དུས་ལ་བབ་སོགས། །དེ་ནས་ཚེ་ཆང་ཡོད་ན་དྲངས། །རྡོ་རྗེ་དང་བཅས་མདའ་དར་གཡབ། །སྐུ་ཡི་སྐུ་སྟེ་ལ་སོགས་བརྗོད། མདའ་དར་དང་ཚེ་གཏོར་ལག་ཏུ་གཏད། །ཨོ་འགྲུབ་པར་གྱུར་ཅིག་ལ་སོགས་ཚིག །ལན་གསུམ་བར་དུ་རྗེས་ཟློས་བྱ། །འཁོར་ལོ་མགུལ་དུ་བཏགས་ན་བཟང་། །རྟག་ཏུ་ས་གཅིག་འདུག་ན་ནི། །གའུ་དང་བཅས་སྔས་ཞབས་སམ། །རྒྱབ་ཡོལ་གྲིབ་ཏུ་བཞག་པས་འཐུས། །འཆི་བསླུ་ལན་གསུམ་བྱེད་པའམ། །ལོ་དུས་འཆི་བསླུ་བྱེད་པ་ལ། །འཁོར་ལོ་དེ་གར་ཆོ་ག་ཝིག །འཆི་བསླུའི་གྲོང་ཆོག་བྱེད་པ་ན། །འཁོར་ལོའི་ཙཀླུ་བྲིས་ཏེ་ཁྱེར། །འཆི་བསླུ་ལན་གཅིག་བྱས་པས་ཀྱང་། །ལོ་གསུམ་འཆི་བ་བཟློག་པར་གསུངས། །འཆི་བསླུ་ལན་གསུམ་བྱས་པས་ན། །དུས་མ་ཡིན་པའི་འཆི་བ་ནི། །མི་བཟློག་མི་སྲིད་ཨོ་རྒྱན་གསུངས། །ནད་པ་མིན་ཀྱང་ཁག་ཆེ་ལ། །ལོ་རེ་ལན་རེ་བྱས་པ་ན། །སྐུ་རིམ་དེ་ལས་ཟབ་པ་ནི། །ཡོད་རེ་ན་ར་ཀན་

― CMR007_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས། །ཀློང་གསལ་སྙིང་ཐིག་ཞི་ཁྲོ་དང་། །ཡང་ཏིག་ཆེ་རྒྱུད་རྡོར་ཕྲེང་དང་། །གཏེར་ཁ་དུ་མ་ནས་གསུངས་པའི། །འཆི་བསླུ་ཀུན་གྱི་དོན་བསྡུས་ཏེ། །དོན་གསལ་ལག་ཏུ་བླངས་བདེར་བཀོད། །ཉེས་འགལ་ཚེ་ཡི་ལྷ་ལ་བཤགས། །དགེ་བས་བསྟན་འཛིན་སྐྱེས་བུ་དང་། །ཆོས་སྤྱོད་ཆོས་སྒོར་ཞུགས་རྣམས་ཀྱི། །དུས་མིན་འཆི་བའི་རྐྱེན་བཟློག་ནས། །དོན་གཉིས་ལྷུན་གྱིས་འགྲུབ་པར་ཤོག །དེ་སྐད་རཱ་ག་ཨ་སྱ་ཡིས། །ལྕགས་མོ་ཁྱི་ལོ་ནག་ཟླ་ཡི། །དམར་པོའི་ཐུན་མཚམས་འགའ་ལ་བསྒྲིགས། །བརྩོན་འགྲུས་ཞེས་བྱས་བརྩོན་པར་བྲིས། །མངྒ་ལཾ། །དགེའོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བདུད་ཀྱི་བླ་བསླུ་ཞགས་པ་དགུ་ཁྲོལ་བཅའ་ཐབས།

― CMR007_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱི་བླ་བསླུ་ཞགས་པ་དགུ་ཁྲོལ་བཅའ་ཐབས་བཞུགས་སོ།།

― CMR007_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཡེ༔ བདུད་ཀྱི་བླ་བསླུ་ཞགས་པ་དགུ་ཁྲོལ་བཅའ་ཐབས་ལ༔ གཞི་མ་དཀར་པོའི་སྟེང་དུ༔ མཁར་ཐབ་ཀྱི་མཐར༔ བདུད་གཟུགས་མི་ནག་རྟ་ནག་ལ་ཞོན་པ་གཅིག ལག་ན་བདུད་ཞགས་ནག་པོ་ཐོགས་པ་གཅིག་བཞག༔ མཐིང་གི་ནམ་མཁའ་ནག་པོ་དར་གྱིས་བརྒྱན་པ་གཅིག་རྒྱབ་ཏུ་བཙུགས༔ རྒྱང་བུ་ནག་པོ་དར་གྱིས་བརྒྱན་པ་གཅིག ཁྲག་གི་གཏོར་མ་བཅུ་གསུམ་གྱིས་བསྐོར༔ མདུན་དུ་གླུད་རབ་ལྷའི་གནྡྷེ༔ ཡོན་བདག་གི་གླུད་གྱིས་བསྐོར༔ དར་སྣ་འབྲུ་སྣ་སྨན་སྣ་ཟས་སྣ༔ མཐར་སྡེ་བརྒྱད་ཀྱི་བཤོས་བུ་བརྒྱད་ཀྱིས་བསྐོར༔ ཕྱོགས་བཞིར་ཟ་མ་ཏོག་གི་ནང་དུ༔ ཤར་དུ་དཔལ་བཤོས༔ ལྷོ་རུ་ཐུར༔ ནུབ་ཏུ་མར༔ བྱང་དུ་གཡུ༔ དེ་སྟེང་རྨ་བྱའི་སྒྲོ་མདངས་བཙུགས༔ བླ་ཁུག་དང་༔

― CMR007_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་རྡོ་དཀར་ནག་དྲུག༔ བླ་གཡུ་དུང་མཆོང་མུ་མན༔ བྱུ་རུ་མགྲོན་བུ་བུ་མ༔ དར་དཀར་པོ་ཁ་གང་དང་དམར་པོ་ཁ་གང་༔ མདའ་རྒོད་སྒྲོ་མ་མདེའུ་མ་ཉམས་པ་ལ་བཏགས༔ ཡང་ན་ཝ་དང་ཁྱི་དང་༔ བལ་བུའི་ཕོ་ཐོང་༔ ཤུག་པའི་གཡག་རུ༔ གླང་དང་འབྲོང་དང་སྟག་མའི་ཕོ་ཐོང་༔ རྟ་དང་སྟག་དང་གླང་མའི་ཕོ་ཐང་༔ ལུག་དང་སྤྱང་ཀི་སྐྱེར་པའི་ཕོ་ཐང་༔ ར་དང་འཕར་བ་ལྕང་མའི་ཕོ་ཐང་༔ མདའ་བཀྲ་དགུ༔ འཕང་བཀྲ་དགུ༔ ཆངས་བུ་ངར་གླུད་ལོ་གྲངས་སུམ་འགྱུར་རེ་རེར་བཤམས༔ ཡང་རང་གི་བླ་གཟུགས་གང་ཡིན་གྱི་གཟུགས་གཅིག་གི་རྒྱབ་ཏུ༔ བདུད་ཀྱི་ཁྱི་གཅིག་རྒྱབ་ཏུ་བླ་རྟགས་མཉམ་དུ་མཚོ་ནང་དུ་བཞག༔ སྔགས་དྲུག་ཕྱག་དྲུག་གིས་བྱིན་གྱིས་བརླབ༔ རང་ཡི་དམ་དུ་བསྒོམ་ལ་འདི་སྐད་དོ༔ ༈

― CMR007_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ སྔོན་གྱི་བསྐལ་པའི་དང་པོ་ལ༔ ལྷ་ཡུལ་དེ་ནི་གང་བཟང་ན༔ ལྷ་ཡི་གནས་མཆོག་ཕོ་བྲང་ན༔ ལྷ་ཡི་དེ་ནི་རྒྱལ་པོ་བླ༔ གསེར་གྱི་ཤ་བ་རུ་རིང་བརྫུས༔ ཁྱི་ནི་ཤ་བའི་གཤེད་དུ་བྱུང་༔ བདུད་ནི་ལྷ་ཡི་གཤེད་དུ་བྱུང་༔ ལྷ་གཉན་རིག་འཛིན་དེ་ཡིས་ནི༔ ལྷ་ཤིང་བལ་བུས་ཕོ་ཐོང་དང་༔ གླུད་དང་གསེར་སྐྱེམས་ཆ་གཅིག་གིས༔ ལྷ་བདུད་ཁྱབ་པ་འཁོར་བཅས་མཆོད༔ དེ་རིང་བླ་དང་གླུད་གཉིས་བརྗེ༔ དེ་རིང་བླ་དང་གཤེད་གཉིས་བརྗེ༔ བླ་ནི་བདུད་ཀྱི་ལག་ནས་བསླུ༔ བླ་ནི་རྒྱབ་རྟེན་ལག་ནས་བསླུ༔ བླ་ནི་སྡེ་བརྒྱད་ལག་ནས་བསླུ༔ ཡུལ་འདྲེ་ཕོ་མོའི་ལག་ནས་བསླུ༔ བཟུང་བ་ཐོངས་ལ་བཅིངས་བ་ཁྲོལ༔ མནན་པ་ཁྱོག་ལ་བསྡམས་པ་གློད༔ ཕྱིན་ཆད་གནོད་པ་མ་བྱེད་ཅིག༔ ཀྱི་ཡུལ་ནི་བཙན་ཡུལ་དགུ་ཐོག་ན༔ བཙན་རྗེ་དེ་ནི་ཐོད་དཀར་གྱི༔ བླ་ནི་དུང་གི་གླང་བུར་བརྫུས༔ བདུད་རྒྱལ་ཁྱབ་པ་རེ་ཉག་གི༔ ཆ་གཉན་རི་ཏི་མགོ་ཉག་གིས༔ ལྕགས་ཀྱི་འབྲོང་བུ་གཅིག་ཏུ་བརྫུས༔ བཙན་རྗེ་གླང་བུ་དཀར་པོ་དེས༔ འབྲོང་ནི་གླང་གི་གཤེད་དུ་བྱུང་༔ རི་ཏི་བཙན་རྗེ་གཤེད་དུ་བྱུང་༔ བཙན་གཉན་རིག་འཛིན་དེ་ཡིས་

― CMR007_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

ནི༔ བདུད་ཤིང་སྟག་པའི་ཕོ་ཐོང་བྱས༔ གླུད་དང་གསེར་སྐྱེམས་ཆ་གཅིག་གིས༔ བདུད་རྒྱལ་རེ་ཉག་འཁོར་བཅས་མཆོད༔ དེ་རིང་བླ་དང་གླུད་གཉིས་བརྗེ༔ དེ་རིང་བླ་དང་གཤེད་གཉིས་བརྗེ༔ བླ་ནི་བདུད་ཀྱི་ལག་ནས་བསླུ༔ བླ་ནི་རྒྱལ་བསེན་ལག་ནས་བསླུ༔ བླ་ནི་སྡེ་བརྒྱད་ལག་ནས་བསླུ༔ ཡུལ་འདྲེ་ཕོ་མོའི་ལག་ནས་བསླུ༔ བཟུང་བ་ཐོངས་ལ་བཅིངས་པ་ཁྲོལ༔ མནན་པ་ཁྱོག་ལ་བསྡམས་པ་གློད༔ ཕྱིན་ཆད་གནོད་པ་མ་བྱེད་ཅིག༔ ཀྱེ༔ ཡུལ་ནི་རྒྱ་ཡུལ་བསྟེན་བཟང་ན༔ རྒྱ་རྗེ་དེ་ནི་བཙན་པོའི་བླ༔ ཟངས་རྟ་དམར་པོ་གཅིག་ཏུ་བརྫུས༔ རྨུ་བདུད་ཁྱབ་པ་ལག་རིང་གི༔ ཆ་གཉན་རླུ་བདུད་ཐོད་དཀར་གྱིས༔ རྒྱ་སྟག་ཁྲ་བོ་གཅིག་ཏུ་བརྫུ་ས༔ རྒྱ་རྗེའི་བླ་རྟ་དམར་པོ་དེས༔ སྟག་ནི་རྟ་ཡི་གཤེད་དུ་བྱུང་༔ བདུད་ནི་རྒྱ་རྗེའི་གཤེད་དུ་བྱུང་༔ རྨུ་བ་གཏོ་མཁན་དེ་ཡིས་ནི༔ དམུ་ཤིང་གླང་མའི་ཕོ་ཐོང་བྱས༔ གླུད་དང་གསེར་སྐྱེམས་ཆ་གཅིག་གིས༔ རྨུ་བདུད་ཆབ་པ་འཁོར་བཅས་མཆོད༔ དེ་རིང་བླ་དང་གླུད་གཉིས་བརྗེ༔ དེ་རིང་བླ་དང་གཤེད་གཉིས་བརྗེ༔ བླ་ནི་བདུད་ཀྱི་ལག་ནས་བསླུ༔ བླ་ནི་སྡེ་

― CMR007_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ལག་ནས་བསླུ༔ བླ་ནི་རྒྱལ་བསེན་ལག་ནས་བསླུ༔ ཡུལ་འདྲེ་ཕོ་མོའི་ལག་ནས་བསླུ༔ བཟུང་བ་ཐོངས་ལ་བཅིངས་པ་ཁྲོལ༔ མནན་པ་ཁྱོག་ལ་བསྡམས་པ་གློད༔ ཕྱིན་ཆད་གནོད་པ་མ་བྱེད་ཅིག༔ ཀྱེ༔ ཡུལ་ནི་ཡར་ལུང་སོག་ཁ་ནས༔ མི་ཡི་རྒྱལ་པོ་ཐེར་བྱའི་བླ༔ དུང་ལུག་དཀར་པོ་གཅིག་ཏུ་བརྫུས༔ བཙན་བདུད་རྗེ་བའི་དམུ་བཙན་གྱི༔ ཆ་གཉན་སྐྱེས་བུ་ལུང་བཙན་དེས༔ ལྕགས་སྤྱང་སྔོན་པོ་གཅིག་ཏུ་བརྫུས༔ རྒྱལ་པོ་དུང་ལུག་དཀར་པོ་དེས༔ སྤྱང་ཀི་ལུག་གི་གཤེད་དུ་བརྫུས༔ བཙན་ནི་མི་ཡི་གཤེད་དུ་བྱུང་༔ མི་ཡི་གཏོ་མཁན་གྱེར་མཁན་གྱིས༔ བཙན་ཤིང་སྐྱེར་པའི་ཕོ་ཐོང་བྱས༔ གླུད་དང་གསེར་སྐྱེམས་ཆ་གཅིག་གིས༔ བཙན་གྱི་རྒྱལ་པོ་འཁོར་བཅས་མཆོད༔ དེ་རིང་བླ་དང་གླུད་གཉིས་བརྗེ༔ དེ་རིང་བླ་དང་གཤེད་གཉིས་བརྗེ༔ བླ་ནི་བཙན་གྱི་ལག་ནས་བསླུ༔ བླ་ནི་སྡེ་བརྒྱད་ལག་ནས་བསླུ༔ བླ་ནི་རྒྱལ་བསེན་ལག་ནས་བསླུ༔ ཡུལ་འདྲེ་ཕོ་མོའི་ལག་ནས་བསླུ༔ བཟུང་བ་ཐོངས་ལ་བཅིངས་པ་ཁྲོལ༔ མནན་པ་ཁྱོག་ལ་བསྡམས་པ་གློད༔ ཕྱིན་ཆད་གནོད་པ་མ་བྱེད་ཅིག༔ ཀྱེ༔ ཡུལ་ནི་མོན་ཡུལ་

― CMR007_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་སྟོང་ན༔ མོན་རྗེ་དེ་ནི་རྒྱལ་པོའི་བླ༔ ལྕགས་ཀྱི་ར་མ་གཅིག་ཏུ་བརྫུས༔ སེ་བཙན་རྒྱལ་པོ་འཁོར་བཅས་ཀྱི༔ ཆ་གཉན་སི་བཙན་རོལ་མོ་དེས་ཟངས་ཀྱི་འཕར་བ་གཅིག་ཏུ་བརྫུས༔ མོན་གྱི་བླ་ར་དཀར་པོ་དེ༔ འཕར་བ་ར་ཡི་གཤེད་དུ་བྱུང་༔ སེ་བཙན་མོན་རྗེའི་གཤེད་དུ་བྱུང་མོན་གྱི་གཏོ་མཁན་མཁས་པ་ཡིས༔ མོ་ཤིང་ལྕང་མའི་ཕོ་ཐོང་བྱས༔ གླུད་དང་གསེར་སྐྱེམས་ཆ་གཅིག་གིས༔ སེ་བཙན་རོལ་པོ་འཁོར་བཅས་མཆོད༔ དེ་རིང་བླ་དང་གླུད་གཉིས་བརྗེ༔ དེ་རིང་བླ་དང་གཤེད་གཉིས་བརྗེ༔ བླ་ནི་བཙན་གྱི་ལག་ནས་བསླུ༔ བླ་ནི་སྡེ་བརྒྱད་ལག་ནས་བསླུ༔ བླ་ནི་རྒྱལ་བསེན་ལག་ནས་བསླུ༔ ཡུལ་འདྲེ་ཕོ་མོའི་ལག་ནས་བསླུ༔ བཟུང་བ་ཐོངས་ལ་བཅིངས་པ་ཁྲོལ༔ མནན་པ་ཁྱོག་ལ་བསྡམས་པ་གློད༔ ཕྱིན་ཆད་གནོད་པ་མ་བྱེད་ཅིག༔ དེ་ནས་མིའུ་སྐག་ལ་བབ་སོགས། གང་ཡིན་གྱི་བླ་མཚོ་ནང་དུ་བླ་རྡོ་དཀར་ནག་ལེན་པ་སོགས་བརྟག་པ་བྱའོ། །ཡང་བླ་རྡོ་དཀར་པོ་ལོན་ན་བཟང་། ལོ་གསུམ་ཆེ་ཤུགས་འོང་གསུངས། བླ་རྡོ་ནག་པོ་ལོན་ཀྱང་བདུད་ཀྱི་བླ་རྡོ་ཡིན་པས་འབྲིང་། དཀར་པོ་གཅིག་བླ་ནང་དུ་བཏུམ། གཉིས་གྱེན་དུ་གཏོར། ནག་པོ་བདུད་ལ་བརྫོང་། ཞལ་ཤེས་

― CMR007_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ལེན་མངོན་དུ་བྱུང་བའོ། །ཀྱེ། ཡུལ་ནི་སེ་མཁར་གྲུ་བཞི་ན༔ ཁྱད་པར་གནས་ལམ་འདི་དག་གི༔ རྒྱུ་སྦྱོར་ཡོན་བདག་འཁོར་བཅས་དང་༔ མིའུ་སྐག་ལ་བབ་པ་འདི་དག་གིས༔ གླུད་འདི་སྡེ་བརྒྱད་ཚོགས་ལ་འབུལ༔ བདུད་དང་བཙན་གྱི་ཚོགས་ལ་འབུལ༔ རྒྱལ་བསེན་འབྱུང་པོའི་ཚོགས་ལ་འབུལ༔ ཡུལ་འདྲེ་ཕོ་མོའི་ཚོགས་ལ་འབུལ༔ དེ་རིང་བདེན་པ་སྨྲང་གིས་བཀྲོལ༔ དེ་རིང་བླ་དང་གླུད་གཉིས་བརྗེ༔ དེ་རིང་བླ་དང་གཤེད་གཉིས་བརྗེ༔ བླ་ནི་སྡེ་བརྒྱད་ལག་ནས་བསླུ༔ བདུད་དང་བཙན་གྱི་ལག་ནས་བསླུ༔ རྒྱལ་བསེན་འབྱུང་པོའི་ལག་ནས་བསླ༔ ཡུལ་འདྲེ་ཕོ་མོའི་ལག་ནས་བསླུ༔ བླ་ནི་བདུད་ཀྱི་ལག་ནས་ཐར༔ བཙན་དང་སྡེ་བརྒྱད་ལག་ནས་ཐར༔ རྒྱལ་བསེན་འབྱུང་པོའི་ལག་ནས་ཐར༔ ཡུལ་འདྲེ་ཕོ་མོའི་ལག་ནས་ཐར༔ དེ་རིང་བླ་དང་གླུད་གཉིས་བརྗེ༔ བླ་ཚེ་ཚང་དུ་ཚུད་པར་ཤོག༔ བླ་ཚེ་མལ་དུ་གནས་པར་ཤོག༔ བླ་གཡུ་མདངས་དང་ལྡན་པར་ཤོག༔ བླ་དར་བཀྲག་མདངས་ལྡན་པར་ཤོག༔ བླ་ཡི་ཚབ་ཏུ་གླུད་ལོངས་ལ༔ བཟུང་བ་ཐོངས་ལ་བཅིངས་པ་ཁྲོལ༔ མནན་པ་ཁྱོག་ལ་བསྡམས་པ་གློད༔ ཕྱིན་

― CMR007_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་གནོད་པ་མ་བྱེད་ཅིག༔ དེ་ནས་སྔགས་འཆང་བདག་གི་ཡོན་བདག་ཕོ་མོའི་སྐེ་དང་ཡན་ལག་རྣམས་བདུད་ཞགས་ནག་པོས་བཅིངས་ལ་བླ་བདུད་ཀྱི་མདུན་དུ་བཞག༔ རང་ཉིད་ལྷ་ཡི་ང་རྒྱལ་དང་ལྡན་པས་འདི་སྐད་དོ༔ ཧཱུྃ༔ སྔོན་གྱི་བསྐལ་པའི་དང་པོ་ལ༔ མི་ཡི་ཡུལ་གྱི་སྐྱི་མཐིང་ན༔ མི་ཡི་བླ་ལ་བདུད་བབ་པས༔ ཡ་བདུད་རྒྱལ་པོའི་ཞལ་ན་རེ༔ མ་བདུད་ཀླུ་གཉན་ཞལ་ན་རེ༔ མིའུ་ལྷའུ་ཁྱད་འཕགས་ལ༔ བདུད་བཙན་དགུ་བཅུའི་ཞགས་པས་བཅིངས༔ གཏོ་མཁན་གྱེར་མཁན་མཁས་པ་ཡིས༔ འབྲུ་སྣ་རིན་ཆེན་སྣ་ལྔ་ཡིས༔ གླུད་དང་ཡས་སུ་བཅས་ཏེ་འབུལ༔ བདུད་ཀྱི་ཞགས་པ་ད་བཀྲོལ་འཚལ༔ བཙན་གྱི་ཞགས་པ་ད་བཀྲོལ་འཚལ༔ རྒྱལ་བསེན་ཞགས་པ་ད་བཀྲོལ་འཚལ༔ ཡ་བདུད་མ་བདུད་ཞལ་ན་རེ༔ དེ་ལ་གླུད་ཡས་འབུལ་བ་ནི༔ བདུད་ཀྱི་ཞགས་པ་ཅི་ལ་འདེབས༔ བདུད་ཀྱི་ནད་ཁ་ཅི་ལ་འདེབས༔ ད་ནི་ཞགས་པ་བཀྲོལ་འཚལ་ལོ༔ ལྷ་དང་རིག་འཛིན་བཀའ་ཡིན་པས༔ གཏོ་མཁན་རིག་འཛིན་ང་ཡིས་ནི༔ ཞགས་པས་བཅིངས་བ་བཀྲོལ་བས་ནས༔ ཁྱེད་ཀྱིས་བཀའ་ཡང་གནང་བར་མཛོད༔ མཆོག་རབ་རིག་འཛིན་ཞལ་ན་རེ༔ ལྷ་

― CMR007_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིན་སྡེ་བརྒྱད་འཁོར་དང་བཅས༔ མི་ཡི་གླུད་དུ་སྤྱན་འདྲེན་ནོ༔ ཡ་བདུད་མ་བདུད་འཁོར་བཅས་རྣམས༔ མི་ཡི་གླུད་དུ་སྤྱན་འདྲེན་ནོ༔ འཆི་བདག་མཆེད་དགུ་འཁོར་བཅས་རྣམས༔ མི་ཡི་གླུད་དུ་སྤྱན་འདྲེན་ནོ༔ རྒྱལ་བསེན་བཙན་དང་ཡུལ་འདྲེ་རྣམས༔ མི་ཡི་གླུད་དུ་སྤྱན་འདྲེན་ནོ༔ བདུད་རྒྱལ་ཁྱབ་པ་ལག་རིང་ནི༔ རྟ་ནག་ཞོན་ནས་ཁམས་གསུམ་སྐོར་འཁོར་དུ་བདུད་དམག་སྤུན་དགུས་བསྐོར༔ མི་ཡི་གླུད་དུ་སྤྱན་འདྲེན་ནོ༔ འཆི་བདག་ནག་པོ་ཞགས་པ་ཅན༔ མི་ཡི་གླུད་དུ་སྤྱན་འདྲེན་ནོ༔ བདུད་ཞགས་ནག་པོ་ཁྲོལ་ཏེ་བཏང་༔ གནོད་སེམས་གདུག་པ་ཞི་བར་མཛོད༔ བྱམས་པའི་སེམས་དང་ལྡན་པར་མཛོད༔ སྤྱན་གྱི་དབང་པོས་ཡེས་ལ་གཟིགས༔ སྙན་གྱི་དབང་པོས་སྒྲ་ལ་ཉོན༔ ཐུགས་ཀྱི་དབང་པོས་སྙིང་རྗེ་བསྐྱེད༔ ཆ་བདུད་སྤུན་དགུ་འཁོར་བཅས་ལ༔ བླ་ཡི་ཚབ་ཏུ་གླུད་འདི་འབུལ༔ བདུད་ལ་དེ་རིང་བཤགས་པ་བྱས༔ རྒྱུ་སྦྱོར་ཡོན་གྱི་བདག་པོ་འདི༔ འཆི་བདག་མཆེད་དགུའི་ཞགས་པ་ཁྲོལ༔ སྣང་སྲིད་ལྷ་འདྲེ་འཁོར་དང་བཅས༔ ཆ་བདུད་སྤྱན་དགུ་འཁོར་དང་བཅས༔ ལྷ་སྲིན་སྡེ་བརྒྱད་འཁོར་དང་

― CMR007_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས༔ བླ་གླུད་མཆོད་པ་འདི་བཞེས་ལ༔ རྒྱུ་སྦྱོར་ཡོན་བདག་འཁོར་བཅས་ལ༔ བཟུང་བ་ཐོངས་ལ་བཅིངས་པ་ཁྲོལ༔ མནན་པ་ཁྱོག་ལ་བསྡམས་པ་གློད༔ ཕྱིན་ཆད་གནོད་པ་མ་བྱེད་ཅིག༔ ཀྱཻ༔ གཞན་ཡང་འཆི་བདག་འཁོར་བཅས་ལ༔ མཐིང་ནག་ནམ་མཁའ་མཛེས་པ་འདི༔ དར་ཟབ་རིན་ཆེན་མཛེས་པས་བརྒྱན༔ འདབ་ཆགས་བྱ་ཡི་སྒོ་ཡིས་སྨྲས༔ ཚེ་སྲོག་དབུགས་ཀྱི་གླུད་དུ་འབུལ༔ མཐིང་ནག་རྒྱང་བུ་མཛེས་པ་ལ༔ དར་ཟབ་རིན་ཆེན་མཛེས་པས་བརྒྱན༔ དཔལ་དང་མདངས་ཀྱི་གླུད་དུ་འབུལ༔ སྟག་པ་ཕོ་ཐོང་རྒྱན་ཅན་འདི༔ ལུས་དང་དབང་པོའི་གླུད་དུ་འབུལ༔ འབྲུ་སྣ་རིན་ཆེན་ངར་གླུད་འདི་ཕུང་ཁམས་སྐྱེ་མཆེད་གླུད་དུ་འབུལ༔ བདུད་རྩི་གཏོར་མའི་མཆོད་པ་དང་༔ གཙང་མ་ཕུད་ཀྱི་མཆོད་པ་འདི༔ བདུད་ནག་སྤུན་དགུའི་ཚོགས་རྣམས་དང་༔ སྡེ་བརྒྱད་ཡུལ་འདྲེ་རྣམས་ལ་འབུལ༔ བདུད་ཀྱི་སྤྲུལ་པ་མ་འབྱེད་ཅིག སྡེ་བརྒྱད་ཆོ་འཕྲུལ་མ་གཏོང་ཞིག༔ སྣོད་ད་ལ་དབང་བྱེད་ཀྱིས་དབུས༔ མིའུ་ཕོ་མོ་འདི་དག་ལ༔ བདུད་ཀྱི་ཞགས་པས་བཅིངས་བ་ཁྲོལ༔ སྡེ་བརྒྱད་ཞགས་པས་བཅིངས་བ་

― CMR007_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོལ༔ འབྱུང་བ་ས་ལ་དབང་བྱས་ཏེ༔ བྱིང་ཞིང་འཐིབས་པའི་ནད་གཏོང་བ༔ ཤ་ལ་བཅིངས་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ༔ འབྱུང་བ་ཆུ་ལ་དབང་བྱས་ནས༔ གྲང་ཞིང་བསིལ་བའི་ནད་བཏང་བ༔ ཁྲག་ལ་བཅིངས་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ༔ འབྱུང་བ་མེ་ལ་དབང་བྱས་ནས༔ ཚ་ཞིང་རུལ་བའི་ནད་བཏང་བ་དྲོད་ལ་བཅིངས་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ༔ འབྱུང་བ་རླུང་ལ་དབང་བྱས་ནས༔ འདར་ཞིང་སྔངས་བའི་ནད་བཏང་བ་དབུགས་ལ་བཅིངས་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ༔ མིའུ་ཕོ་མོ་འདི་དག་ལ༔ ལྷ་ཡི་ཞགས་པས་བཅིངས་བ་ཁྲོལ༔ ཀླུ་ཡི་ཞགས་པས་བཅིངས་བ་ཁྲོལ༔ བདུད་ཀྱི་ཞགས་པས་བཅིངས་བ་ཁྲོལ༔ བཙན་གྱི་ཞགས་པས་བཅིངས་བ་ཁྲོལ༔ གནོད་སྦྱིན་ཞགས་པས་བཅིངས་བ་ཁྲོལ༔ གཤིན་རྗེའི་ཞགས་པས་བཅིངས་བ་ཁྲོལ༔ གཉན་གྱི་ཞགས་པས་བཅིངས་བ་ཁྲོལ༔ རྨུ་ཡི་ཞགས་པས་བཅིངས་བ་ཁྲོལ༔ མ་མོའི་ཞགས་པས་བཅིངས་བ་ཁྲོལ༔ རྒྱལ་པོའི་ཞགས་པས་བཅིངས་བ་ཁྲོལ༔ སྲིན་

― CMR007_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཞགས་པས་བཅིངས་བ་ཁྲོལ༔ ས་བདག་ཞགས་པས་བཅིངས་བ་ཁྲོལ༔ སྨན་གྱི་ཞགས་པས་བཅིངས་བ་ཁྲོལ༔ ལུས་ལ་བསྡམས་པའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ༔ རྐེད་ལ་འཁོར་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ༔ སྐེ་ལ་བཅིངས་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ་རྐང་ལ་འཁོར་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ་ཡན་ལག་བཅིངས་བའི་ཞགས་པ་དེ༔ དེ་རིང་འབྱུང་བ་གཏོ་འདིས་ཁྲོལ༔ དེ་རིང་གཏོ་མཁན་བདག་གིས་ཀྱང་༔ རྨ་བྱས་མཛེས་པའི་མདངས་ལྟར་བཀྲོལ༔ སྡེ་བརྒྱད་ཞགས་པ་བཀྲོལ་ཏེ་བཏང་༔ ནད་རིམས་བྱུར་གསུམ་བཀྲོལ་ཏེ་བཏང་༔ བཀྲ་ཤིས་མིའུ་འདི་དག་གི་གླུད་གཟུགས་བརྒྱན་ཅན་འདི་བཞེས་ལ༔ ཕྱིན་ཆད་གནོད་པ་མ་བྱེད་ཅིག༔ དེ་ནས་ཞགས་པ་གླུད་ཀྱི་སྐེ་ལ་བཀོན༔ བདུད་ཞགས་ནག་པོ་ཡོན་བདག་གི་སྐེ་ལ་བཏགས་པ་དེ་བདུད་ཀྱི་མགོ་ཐོག་ཏུ་ཕར་འཕང་། ཡོན་བདག་གི་བླ་བདུད་ཀྱི་མདུན་དུ་ཡོད་པ། ནད་པས་ང་རྒྱལ་བསྐྱེད་ཚུལ་ཐགས་སེ་མྱུར་དུ་བླངས་ལ་འདི་སྐད་དོ༔ ཀྱེེ༔ བདེན་པའི་མཆོག་ནི་དཀོན་མཆོག་གསུམ་གྱི་བཀའ༔ དཀོན་མཆོག་བཀའ་ལ་

― CMR007_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཉན་གང་ཡང་མེད༔ འབྱུང་བའི་གཏོ་ཡིས་མི་བཟློག་གང་ཡང་མེད༔ དེ་བས་སྔགས་འཆང་བདག་གི་བཀའ་ལ་ཉོན༔ ཡོན་ནད་སྐག་ལ་བབ་པ་འདི༔ བླ་ནི་བདུད་ཀྱི་ལག་ནས་ཐར༔ བཙན་དང་སྡེ་བརྒྱད་ལག་ནས་ཐར༔ བླ་ནི་ལྷ་འདྲེའི་ལག་ནས་ཐར༔ རྒྱལ་བསེན་འབྱུང་པོའི་ལག་ནས་ཐར༔ རང་སྐག་བདུན་ཟུར་སྐག་ལས་ཐར༔ ནད་འདྲེ་ཕུང་གྱོད་སྐག་ལས་ཐར༔ དགུ་མིག་དུར་མིག་སྐག་ལས་ཐར༔ འདྲེ་ལྔ་བདུད་གཅོད་སྐག་ལས་ཐར༔ ས་སྒོ་གནམ་སྒོའི་སྐག་ལས་ཐརཿ་མོ་ངན་རྨིས་རྩུབ་སྐག་ལས་ཐར་ཆག་ཆེན་ཉམ་ངའི་སྐག་ལས་ཐར༔ ལོ་ཟླ་ཞག་དུས་སྐག་ལས་ཐར༔ སྣང་སྲིད་ལྷ་འདྲེའི་སྐག་ལས་ཐར༔ ནད་དང་གདོན་གྱི་སྐག་ལས་ཐར༔ ༈ ཀྱེ༔ སྣང་སྲིད་ལྷ་འདྲེ་ཚུར་གསོན་དང་༔ དཀོན་མཆོག་གསུམ་གྱི་བཀའ་མ་བཅག༔ རིག་འཛིན་རྣམས་ཀྱི་དམ་མ་འད༢་བསགས་པའི་ཡས་རྣམས་ཆུད་མ་ཟྭ༔ མིའུ་སྐག་ལ་བབ་པ་འདི་མཐུན་པའི་མདོས་གླུད་འདི་བཞེས་ལ༔ རང་རང་སོ་སོའི་གནས་སུ་དེངས༔ ཕྱིན་ཆད་གནོད་པ་མ་བྱེད་ཅིག༔ དེ་ནས་མདོས་གླུད་ཁ་ཕྱིར་བསྒྱུར༔ ལམ་བསྟན་ནི་འདི་སྐད་དོ༔ ཀྱཻཿ༔

― CMR007_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

སྐག་དང་འདྲེ་ལྔ་དགྲ་ལ་བསྒྱུར༔ ནད་དང་གནོད་པ་དགྲ་ལ་བསྒྱུར༔ སྤར་ཁའི་སྐྱ་མདའ་དགྲ་ལ་བསྒྱུར༔ མྱ་ངན་ངུ་འབོད་དགྲ་ལ་བསྒྱུར༔ དགྲ་གཤེད་ངན་པ་དགྲ་ལ་བསྒྱུར༔ ཆག་ཆེན་ཉམ་ང་དགྲ་ལ་བསྒྱུར༔ གཅིག་པ་རང་སྐག་དགྲ་ལ་བསྒྱུར༔ གཉིས་པ་ནད་སྐག་དགྲ་ལ་བསྒྱུར༔ གསུམ་པ་ཕུང་གྱོད་དགྲ་ལ་བསྒྱུར་བཞི་པ་བཞི་གཤེད་དགྲ་ལ་བསྒྱུར༔ ལྔ་པ་བྱེ་བྲལ་དགྲ་ལ་བསྒྱུར༔ དྲུག་པ་བྱད་གཏད་དགྲ་ལ་བསྒྱུར༔ བདུན་པ་བདུན་ཟུར་དགྲ་ལ་བསྒྱུར༔ བརྒྱད་པ་མནན་གཏད་དགྲ་ལ་བསྒྱུར༔ དགུ་པ་གསེར་འཛིན་དགྲ་ལ་བསྒྱུར༔ བཅུ་པ་དུར་སྒོ་དགྲ་ལ་བསྒྱུར༔ བཅུ་གཅིག་གཤིན་ལག་དགྲ་ལ་བསྒྱུར༔ བཅུ་གཉིས་ལོག་འདྲེན་དགྲ་ལ་བསྒྱུར༔ དེ་ནས་བཟློག་པ་ཅི་རིགས་བྱ༔ བྷྱོ༔ མདོས་ཟོར་ཤ་ཁྲག་གཏོར་མ་འདིས༔ སོགས་ནས། དམ་ཉམས་བྱད་མའི་སྟེང་དུ་བྷོ༔ ཨོཾ་ཨཱ༔ ཧཱུྃ་ཨར་ཅིག་སོགས༔ རང་ཉིད་ཡི་དམ་གྱི་སྔགས་བཟླས་མཐར་སུམྦྷ་ནི་བརྗོད༔ ཧཱུྃ༔ ང་ནི་ཁྲོ་རྒྱལ་འཇིགས་པའི་སྐུ༔ སོགས་ཞལ་ཤེས༔ ༈་ད་ནི་ཚེ་འགུགས་བྱ་བ་ནི། བུད་མེད་མཚན་ལྡན་གྱིས་ལག་ཏུ་གའུ་དང་ཚེ་བུམ་བཟུང་༔ མདའ་དར་གཡབ་ཅིང་༔ དེ་ནས་རྡོ་རྗེ་སློབ་

― CMR007_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་གྱིས་གཟུངས་ཐག་བཟུང་ལ་དབྱངས་རོལ་མོ་བྱ༔ ལྷ་མོ་བཞིའི་སྔགས་བཟླས་ལ་འདི་སྐད་དོ༔ ཧཱུྃ༔ བཅོམ་ལྡན་མགོན་པོ་ཚེ་དཔག་མེད༔ ཐུགས་ཀྱི་དཀྱིལ་འཁོར་ཟླ་གསང་གའུ་ན༔ བྱང་ཆུབ་སེམས་ཀྱི་ཨཱཡུ་མང་པོ་འཕྲོས༔ གཉིས་མེད་བཅུད་བསྡུས་ཚེ་ཡི་དངོས་གྲུབ་སྩོལ༔ བཛྲ་ཨཱཡུ་ཥ་ཧཱུྃ་ཧཱུྃ་ཛ༔ ལྷ་མོ་བཞིའི་བསྐུལ་པ་འདི་སྐད་དོ༔ ཧཱུྃ༔ ཤར་གྱི་ཕྱོགས་ནས་ཚེ་འགུགས་མ༔ རྡོ་རྗེ་མཁའ་འགྲོ་ཚེ་ཡི་བདག༔ ཕྱག་ན་མཐིང་གི་བུམ་པ་བསྣམས༔ འཆི་མེད་ཚེ་ཡི་བདུད་རྩིས་བཀང་༔ རྡོ་རྗེ་འབར་བས་རྒྱས་བཏབ་སྟེ༔ དྲི་ཟའི་ལག་ནས་ཚེ་ཁུག་ལ༔ མེ་ལྷའི་ལག་ནས་དཔལ་སྐྱབས་ཤོག༔ ཧཱུཾ་བཛྲ་ཨཱ་ཡུ་ཥེ་ཧཱུཾ་ཧཱུཾ་ཛ༔ ཧྲཱིཿ ལྷོ་ཡི་ཕྱོགས་ནས་ཚེ་འགུགས་མ༔ རིན་ཆེན་མཁའ་འགྲོ་ཚེ་ཡི་བདག ཕྱག་ན་གསེར་གྱི་བུམ་པ་བསྣམས༔ འཆི་མེད་ཚེ་ཡི་བདུད་རྩིས་བཀང་༔ རིན་ཆེན་འབར་བས་རྒྱས་བཏབ་སྟེ༔ གྲུལ་བུམ་ལག་ནས་ཚེ་ཁུག་ལ་བདེན་བྲལ་ལག་ནས་དཔལ་སྐྱབས་ཤོག༔ ཏྭཾ་རཏྣ་ཨ་ཡུ་ཥེ་ཧཱུཾ་ཧཱུཾ་ཛ༔ ཧཱུྃ༔ ནུབ་ཀྱི་ཕྱོགས་ནས་ཚེ་འགུགས་མ༔ པདྨ་མཁའ་འགྲོ་ཚེ་ཡི་བདག༔ ཕྱག་ན་བྱུ་རུའི་བུམ་པ་བསྣམས༔ འཆི་མེད་ཚེ་ཡི་བདུད་རྩིས་བཀང་༔

― CMR007_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་འབར་བས་རྒྱས་བཏབ་སྟེ༔ ཀླུ་ཡི་ལག་ནས་ཚེ་ཁུག་ལ༔ རླུང་ལྷའི་ལག་ནས་དཔལ་སྐྱབས་ཤོག དྭིཔདྨ་ཨ་ཡུ་ཥ་ཧཱུཾ་ཧཱུཾ་ཛ༔ ཧྲཱི༔ བྱང་གི་ཕྱོགས་ནས་ཚེ་འགུགས་མ༔ ལས་ཀྱི་མཁའ་འགྲོ་ཚེ་ཡི་བདག༔ ཨིནྡྲ་ནཱི་ལའི་བུམ་པ་བསྣམས༔ འཆི་མེད་ཚེ་ཡི་བདུད་རྩིས་བཀང་༔ རལ་གྲི་འབར་བས་རྒྱས་བཏབ་སྟེ༔ གནོད་སྦྱིན་ལག་ནས་ཚེ་ཁུག་ལ༔ དབང་ལྡན་ལག་ནས་དཔལ་སྐྱབས་ཤོག༔ ཨཱཿཀརྨ་ཨཱ་ཡུ་ཥེ་ཧཱུཾ་ཧཱུཾ་ཛ༔ མཚམས་བཞིའི་བསྐུལ་བ་ནི༔ ཧཱུྃ་ཧྲཱིཿ དཀར་མོ་མགྱོགས་མ་ཞི་བའི་འོད་འཕྲོ་མ༔ འགྲོ་བ་ཡོངས་ཀྱི་ཚེ་ལ་དབང་བསྒྱུར་ཏེ༔ དཔལ་དང་གཟི་བརྗིད་ལྡན་པའི་འོད་ཟེར་གྱིས༔ ཁམས་གསུམ་སྲིད་གསུམ་གནས་ནས་ཚེ་ཁུག་ལ༔ ཁྲག་གི་ཁམས་ནས་ཉམས་པ་ཆུ་ནས་ཁུག ཚེ་དང་ཡེ་ཤེས་འགུགས་པའི་ལས་མཛོད་ཅིག༔ ཨོ་ལཱ་སྱ་ཨཱ་ཡུསྶཁེ་ཧཱུཾ་ཧཱུཾ་ཛ༔ ཧཱུྃ༔ སེར་མོ་མགྱོགས་མ་རྒྱས་པའི་འོད་འཕྲོ་མ༔ འགྲོ་བ་ཡོངས་ཀྱི་ཚེ་ལ་དབང་བསྒྱུར་ཏེ༔ དཔལ་དང་གཟི་བརྗིད་ལྡན་པའི་འོད་ཟེར་གྱིས༔ ཁམས་གསུམ་སྲིད་གསུམ་གནས་ནས་ཚེ་ཁུག་ལ༔ ཤ་ཡི་ཁམས་ནས་ཉམས་པ་ས་ནས་ཁུག༔ ཚེ་དང་

― CMR007_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་འགུགས་པའི་ལས་མཛོད་ཅིག༔ ཨ་མཱ་ལུ་ཨཱ་ཡུ་ཥེ་ཧཱུཾ་ཧཱུཾ་ཛ༔ ཧཱུྃ༔ དམར་མོ་མགྱོགས་མ་དབང་གི་འོད་འཕྲོ་མ༔ འགྲོ་བ་ཡོངས་ཀྱི་ཚེ་ལ་དབང་བསྒྱུར་ཏེ༔ དཔལ་དང་གཟི་བརྗིད་ལྡན་པའི་འོད་ཟེར་གྱིས༔ ཁམས་གསུམ་སྲིད་གསུམ་གནས་ནས་ཚེ་ཁུག་ལ་དྲོད་ཀྱི་ཁམས་ནས་ཉམས་པ་མེ་ནས་ཁུག ཚེ་དང་ཡེ་ཤེས་འགུགས་པའི་ལས་མཛོད་ཅིག༔ ཧྲཱིཿ ཀཱིརྟི་ཨཱ་ཡུ་ཥེ་ཧཱུཾ་ཧཱུཾ་ཛ༔ ཧྲཱིཿ སྔོན་མོ་མགྱོགས་མ་དྲག་པོའི་འོད་འཕྲོ་མ༔ འགྲོ་བ་ཡོངས་ཀྱི་ཚེ་ལ་དབང་བསྒྱུར་ཏེ༔ དཔལ་དང་གཟི་བརྗིད་ལྡན་པའི་འོད་ཟེར་གྱིས༔ ཁམས་གསུམ་སྲིད་གསུམཾ་གནས་ནས་ཚེ་ཁུག་ལ༔ དབུགས་ཀྱི་ཁམས་ནས་ཉམས་པ་རླུང་ནས་ཁུག ཚེ་དང་ཡེ་ཤེས་འགུགས་པའི་ལས་མཛོད་ཅིག༔ ཧཱ་ནཱིརྟི་ཨཱ་ཡུ་ཁེ་ཧཱུཾ་ཧཱུཾ་ཛ༔ ཧཱུྃ༔ བྱང་ཤར་མཚམས་ཀྱི་ཚེ་བདག་མོ༔ དཀར་མོ་དུང་གི་ཐོར་ཚུགས་ཅན༔ མེ་ཏོག་ཕྲེང་བའི་བུམ་པ་འཛིན༔ རིན་ཆེན་སྣ་ཚོགས་རྒྱན་གྱིས་སྨྲས༔ ཚེ་མཆོག་འགུགས་པའི་ཕྲིན་ལས་མཛོད༔ པུཊྚེ་ཨཱ་ཡུ་ཥེ་ཧཱུཾ་ཧཱུཾ་ཛ༔ ཧཱུྃ༔ ཤར་ལྷོ་མཚམས་ཀྱི་ཚེ་བདག་མ༔ སྔོན་མོ་གཡུ་ཡི་ཐོར་ཚུགས་ཅན༔ དྲི་མཆོག་ཡོངས་ཀྱི་བུམ་པ་

― CMR007_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན༔ རིན་ཆེན་སྣ་ཚོགས་རྒྱན་གྱིས་སྤྲས༔ ཚེ་མཆོག་འགུགས་པའི་ཕྲིན་ལས་མཛོད༔ དྷབྦེ་ཨཱ་ཡུ་ཥ་ཧཱུྃ་ཧཱུྃ་ཛ༔ ཧཱུྃ༔ ལྷོ་ནུབ་མཚམས་ཀྱི་ཚེ་བདག་མོ་དམར་མོ་གསེར་གྱི་ལན་ཕྲན་ཅན༔ སྣང་བྱེད་འོད་ཀྱི་བུམ་པ་འཛིན༔ རིན་ཆེན་སྣ་ཚོགས་རྒྱན་གྱིས་སྤྲས༔ ཚེ་མཆོག་འགུགས་པའི་ཕྲིན་ལས་མཛོད༔ དེ་ཝི་ཨཱ་ཡུ་ཥ་ཧཱུཾ་ཧཱུཾ་ཛ༔ ཧཱུྃ༔ ནུབ་བྱང་མཚམས་ཀྱི་ཚེ་བདག་མོ༔ ལྗང་གུ་མུ་མེན་ལན་ཕྲན་ཅན༔ དྲི་མཆོག་བདུད་རྩིའི་བུམ་པ་འཛིན༔ རིན་ཆེན་སྣ་ཚོགས་རྒྱན་གྱིས་སྤྲས༔ ཚེ་མཆོགཾ་འགུགས་པའི་ཕྲིན་ལས་མཛོད༔ གནྡྷེ་ཨཱ་ཡུ་ཥེ་ཧཱུཾ་ཧཱུཾ་ཛ༔ སྒོ་མ་བཞི་བསྐུལ་པ་འདི་སྐད་དོ༔ ཧཱུྃ༔ ཤར་ཕྱོགས་སྲུང་བའི་ཚེ་བདག་མོ༔ དཀར་མོ་ལྕགས་ཀྱུ་བུམ་པ་འཛིན༔ སྤྲུལ་པ་མང་པོ་ཕྱོགས་བཅུར་འགྱེད༔ ཚེ་མཆོག་འགུགས་པའི་ཕྲིན་ལས་མཛོད༔ བཛྲ་ཨཱ་ཡུ་ཥེ་ཧཱུཾ་ཧཱུཾ་ཛ༔ ལྷོ་ཕྱོགས་སྲུང་བའི་ཚེ་བདག་མོ༔ སེར་མོ་ཞགས་པ་བུམ་པ་འཛིན༔ སྤྲུལ་པ་མང་པོ་ཕྱོགས་བཅུར་འགྱེད༔ ཚེ་མཆོག་འགུགས་པའི་ཕྲིན་ལས་མཛོད༔ རཏྣ་ཨཱ་ཡུ་ཥེ་ཧཱུཾ་ཧཱུཾ་ཛ༔ ནུབ་ཕྱོགས་སྲུང་བའི་ཚེ་བདག་མོ༔ དམར་མོ་ལྕགས་ཀྱུ་བུམ་པ་འཛིན༔

― CMR007_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པ་མང་པོ་ཕྱོགས་བཅུར་འགྱེད༔ ཚེ་མཆོག་འགུགས་པའི་ཕྲིན་ལས་མཛོད༔ པདྨ་ཨཱ་ཡུ་ཥེ་ཧཱུཾ་ཧཱུཾ་ཛ༔ བྱང་ཕྱོགས་སྲུང་བའི་ཚེ་བདག་མོ༔ སྔོན་མོ་རྒྱ་གྲམ་བུམ་པ་འཛིན༔ ། སྤྲུལ་པ་མང་པོ་ཕྱོགས་བཅུར་འགྱེད༔ ཚེ་མཆོག་འགུགས་པའི་ཕྲིན་ལས་མཛོད༔ དུས་ལ་བབ་བོ་དམ་ཚིག་ཅན༔ བླ་ནི་བཅོལ་ལོ་སྲོག་ནི་སྡོམ༔ ཀརྨ་ཨཱ་ཡུ་ཥེ་ཧཱུྃ་ཧཱུྃ་ཛ༔ ཚེ་འགྱུར་བ་མེད་པར་གཡུང་དྲུང་ལྟ་བུར་གྱུར་ཅིག ཚེ་མི་ཤིགས་པ་རྡོ་རྗེ་ལྟ་བུར་གྱུར་ཅིག༔ ཚེ་མི་ནུབ་པ་རྒྱལ་མཚན་ལྟ་བུར་གྱུར་ཅིག འཆི་མེད་ཚེ་ཡི་དངོས་གྲུབ་བསྩལ་དུ་གསོལ༔ ཨཱ་ཡུམངྒ་ལཾ༔ བདུད་ཀྱི་བླ་བསླུ་ཞགས་པ་དགུ་ཁྲོལ་དང་༔ ཚེ་འགུགས་འཇིག་རྟེན་དུ་དཀོན་པ་རཱ་ག་ཨ་སྱས་སྦྱར་བ་ལགས་སོ། །སརྦ་མངྒ་ལཾ།། །།

― CMR007_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོགྷརུཨཱཡུསིདྡྷིཧཱུྃཧྲཱིཿ ཨམཱརཎིཛཱིཝནདྷིཡེསྭཱཧཱ༔ ཨོཾབྷཾསྭཱཧཱུཿ ཨོམེབྷཾ༔ གཡུདྡྷཾ༔ ཨོཾབྷཱབཛྲཨཱཡུཥཧཱུྃཨཱཿ ཨཱཿ བྷཾབཛྲཨཡུཥཧཱུྃཨཱ༔ ཧཱུྃཧཱུཾབཛྲཨཡུཥཧཱུྃཨཱ༔ སྭ་བྷཾབཛྲཨཡུཏྟེཧཱུྃཨཱ༔ ཧབྷཾབཛྲཨཡུཏྟེཧཱུྃཨཱ༔ ཞེས་བསྙེན་པ་ཅི་མང་བཟླ༔ བླ་བསླུ་བཅུ་གསུམ་གྱི་བླ་འགུགས་སྔགས་འདི་ཅི་མང་བཟོ། བླ་མས་སྔགས་འདི་བྲི་ཕུ་བྱ། །ཡང་བླ་བསླུ་སྔགས་འདི་ཡིན། ཨོཾ་ཧ་རི་ནི་ས་རྫོབ་རྫབ་རྫུ་བ་རྫུ་བ་བྷ་དྲ་སློང་སློང་ནི་ཁུག་ཛ་ཛ༔ ཞེས་སྔགས་བྱང་རྫོགས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེས་བཅུའི་གསོལ་འདེབས།

― CMR007_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་བཅུའི་གསོལ་འདེབས་བཞུགས་སོ།།

― CMR007_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་སརྦ་སིདྡྷི་ཧཱུྃ། རྒྱ་མཚོའི་གོས་ཅན་རིན་ཆེན་འབྱུང་བའི་གནས། །ཆུ་རྒྱལ་ཁར་སྐྱེས་གེ་སར་མཛེས་པའི་དབུས། །མི་འགྱུར་འཇིགས་མེད་རྡོ་རྗེའི་སྐུ་མཆོག་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །དབང་ཆེན་སྤེལ་གྱི་ཟླ་བའི་ཚེས་བཅུའི་ཉིན།་་་ཧོར་ཟླ་དྲུག་པ་ཆུ་སྟོད་ཟླ་བ། །རྒྱུ་རྐྱེན་མ་གོས་པད་སྡོང་ཁ་ནས་བྱོན། །སྐྱེ་འཆི་མི་མངའ་རྡོ་རྗེའི་སྐུ་མཆོག་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་

― CMR007_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །སྟག་གི་་་བཅུ་གཉིས་པ་རྒྱལ་ཟླ། ཟླ་བའི་ཚེས་བཅུའི་ཉི་ཤར་དུས། །ལས་ཅན་རྒྱལ་པོའི་སྲས་སུ་སྐལ་བ་མཛད། །རྒྱལ་སྲིད་སྐྱོང་མཛད་པདྨ་རྒྱལ་པོ་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །ཡོས་གྱི་ཟླ་་་དང་པོ་མཆུ་ཟླ། བའི་ཚེས་བཅུའི་ཉི་ཤར་དུས། །བསིལ་བའི་ཚལ་དུ་མཁའ་འགྲོའི་ཚོགས་དཔོན་མཛད། །ཌཱ་ཀིའི་གཙོ་

― CMR007_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པདྨ་ཐོད་ཕྲེང་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །འབྲུག་གི་ཟླ་་་གཉིས་པ་དབོ་ཟླ། བའི་ཚེས་བཅུའི་ཉི་ཤར་དུས། །པྲ་ཆེན་ཧསྟིའི་དྲུང་དུ་དབང་བསྐུར་མཛད། །དགེ་སློང་ཚུལ་འཛིན་ཤཱཀྱ་སེང་གེ་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །སྦྲུལ་གྱི་ཟླ་་་་གསུམ་པ་ནག་ཟླ། བའི་ཚེས་བཅུའི་ཉི་ཤར་དུས། །ཟ་ཧོར་ཡུལ་དུ་ཙནྡན་མེར་སྲེག་ཚེ། །མེ་དཔུང་མཚོར་བསྒྱུར་ཤཱཀྱ་འོད་ཅེས་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །རྟ་ཡི་ཟླ་་་བཞི་པ་ས་ཟླ་། བའི་ཚེས་བཅུའི་ཉི་ཤར་དུས། །ཨོ་རྒྱན་ཡུལ་དུ་ཆད་པ་བསྒྲགས་པའི་ཚེ། །བར་ཆད་མི་ཚུགས་བཛྲ་གུ་རུ་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་

― CMR007_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །ལུག་གི་ཟླ་་་ལྔ་པ་སྨོན་ཟླ། བའི་ཚེས་བཅུའི་ཉི་ཤར་དུས། །མུ་སྟེགས་འདུལ་མཛད་ཆོས་ཀྱི་འཁོར་ལོ་བསྐོར། །ལོག་ལྟ་འདུལ་མཛད་སེང་གེ་སྒྲ་སྒྲོགས་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས་། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །བྱ་ཡི་ཟླ་་་་་བདུན་པ་གྲོ་བཞིན་ཟླ་བ། བའི་ཚེས་བཅུའི་ཉི་ཤར་དུས། །ཆུ་བོ་གང་གཱའི་སྟེང་དུ་བྲོ་གར་མཛད། །གྲུབ་ཐོབ་རྒྱལ་པོ་ནམ་མཁའ་ལྡིང་ཞེས་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །ཁྱི་ཡི་ཟླ་་་བརྒྱད་པ་ཁྲུམས་ཟླ། བའི་ཚེས་བཅུའི་ཉི་ཤར་དུས། །མུ་སྟེགས་དུག་དྲངས་སྐུ་མདོག་གཟི་བརྗིད་འབར། །དུག་ལྔ་རང་གྲོལ་མཚོ་སྐྱེས་རྡོ་རྗེ་ལ་། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །

― CMR007_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ཕག་གི་ཟླ་་་དགུ་པ་ཐ་སྐར་ཟླ་བ། བའི་ཚེས་བཅུའི་ཉི་ཤར་དུས། །བལ་པོའི་ཡུལ་དུ་ལྷ་སྲིན་དམ་ལ་བཏགས། །སྣང་སྲིད་དབང་སྡུད་བཛྲ་གུ་རུ་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །བྱི་བ་ཟླ་་་བཅུ་པ་སྨིན་དྲུག་ཟླ། བའི་ཚེས་བཅུའི་ཉི་ཤར་དུས། །བོད་ཀྱི་ལྷ་འདྲེ་བཏུལ་ནས་དམ་ཆོས་སྦས། །བསྟན་པ་རྒྱས་མཛད་བཛྲ་གུ་རུ་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །གླང་གི་ཟླ་་་བཅུ་གཅིག་པ་མགོ་ཟླ། ·བའི་ཚེས་བཅུའི་ཉི་ཤར་དུས། །བོད་ཡུལ་དམ་ཆོས་གཏེར་ཁ་བྱེ་བ་སྦས། །སྙིགས་མའི་དོན་མཛད་རྡོ་རྗེ་གྲོ་ལོད་ལ། །གསོལ་བ་འདེབས་སོ་བདག་སོགས་ཐུགས་རྗེས་ཟུངས། །བྱིན་གྱིས་རློབས་ཤིག་བརྒྱུད་འཛིན་ལམ་སྣ་དྲོངས། །འཁོར་བའི་སྡུག་བསྔལ་འདི་ལས་བསྐྱབ་ཏུ་གསོལ། །ཨུ་རྒྱན་པདྨ་ཁྱེད་སྐུ་ཅི་འདྲ་བ། །འཁོར་དང་སྐུ་ཚེའི་ཚད་དང་ཞིང་ཁམས་དང་། །ཁྱེད་ཀྱི་མཚན་མཆོག་བཟང་

― CMR007_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཅི་འདྲ་བ། །དེ་འདྲ་ཁོ་ནར་བདག་སོགས་འགྱུར་བར་ཤོག །ཅེས་པ་རཱ་ག་ཨ་སྱས་སྦྱར་བའོ། །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུའི་གསོལ་འདེབས་ཆོས་དབྱིངས་རབ་འབྱམས།

― CMR007_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དབྱིངས་རབ་འབྱམས་རྒྱལ་བའི་དཀྱིལ་འཁོར་ན། །དུས་གསུམ་འཕོ་འགྱུར་མེད་པར་རྟག་ཏུ་བཞུགས། །རྣམ་རྟོག་མི་མངའ་ཅི་ཡང་ས་ལེར་མཁྱེན། །སྲིད་ཞིའི་མགོན་པོ་ཡོན་ཏན་ཀུན་གྱི་གཞི། །པད་འབྱུང་ཆོས་ཀྱི་སྐུ་ལ་ཕྱག་འཚལ་བསྟོད། །འོག་མིན་འཐུག་པོ་བཀོད་པའི་ཞིང་ཁམས་ནས། །རིགས་ལྔ་གངས་ཅན་མཚོ་ཡི་སྐུར་སྣང་བས། །སྐུ་ཡི་བ་སྤུའི་འོད་ཟེར་རེ་རེ་ལ། །དག་པའི་ཞིང་ཁམས་གྲངས་མེད་སྤྲུལ་མཛད་ནས། །ས་བཅུའི་སེམས་དཔའ་རྣམས་ལ་བརྡའ་ཆོས་སྟོན། །ཨོ་རྒྱན་ལོངས་སྤྱོད་རྫོགས་ལ་ཕྱག་འཚལ་བསྟོད། །མི་མཇེད་འཇིག་རྟེན་བྱེ་བ་ཕྲག་བརྒྱ་ནས། །བརྫུས་སྐྱེས་པད་འབྱུང་བྱེ་བ་ཕྲག་བརྒྱ་འགྱེད། །རེ་རེའང་མཚན་བརྒྱད་འཕྲུལ་མཚན་བཞི་བཅུ་རེ་། །རིགས་དྲུག་འདུལ་ཕྱིར་གུ་རུ་དྲུག་རེ་སྤྲུལ། །ཨོ་རྒྱན་སྤྲུལ་པའི་སྐུ་ལ་ཕྱག་འཚལ་བསྟོད། །ཡར་དང་མར་གྱི་ཚེས་བཅུ་ཐམས་ཅད་ལ། །སྤྲུལ་པ་གྲངས་མེད་མཁའ་འགྲོའི་འཁོར་དང་བཅས། །བོད་ཁམས་བྱེ་བ་ཕྲག་བརྒྱ་རྟག་ཏུ་ཉུལ། །ཨོ་རྒྱན་ཐུགས་རྗེ་ཅན་ལ་ཕྱག་འཚལ་བསྟོད། །མངོན་ཤེས་དྲུག་ཅུ་མངའ་བའི་པདྨ་འབྱུང་། །སེམས་

― CMR007_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ཀུན་གྱི་ཡིད་ལ་ཅི་བསམ་པའི། །འགྱུ་བའི་གྲངས་ཁ་ཐམས་ཅད་རྟག་ཏུ་མཁྱེན། །སེམས་ཅན་ཐམས་ཅད་ཚེ་རབས་གར་སྐྱེས་དང་། །དེ་ཚེ་དགེ་སྡིག་ལས་གང་ཡོད་པ་གཟིགས།་།ཕྱིན་ཆད་གར་སྐྱེ་དེ་ལ་གང་ཕན་མཁྱེན། །ཨོ་རྒྱན་མངོན་ཤེས་ལྡན་ལ་ཕྱག་འཚལ་བསྟོད། །སོ་སོ་ཀུན་གྱིས་རང་རང་སོ་སོའི་སྐད། །ཅི་སྨྲས་ཐམས་ཅད་མ་འདྲེས་སོ་སོ་རུ། །རྒྱུན་དུ་གསན་ཅིང་གསོལ་བ་གང་བཏབ་གསན། །རྡོ་རྗེའི་སྙན་མངའ་ཨོ་རྒྱན་རྗེ་ལ་བསྟོད། །ཉིན་མཚན་དུས་དྲུག་སེམས་ཅན་ཐམས་ཅད་ལ། །བྱམས་དང་སྙིང་རྗེའི་ཐུགས་རྗེའི་སོ་སོར་གཟིགས། །ཕན་ཕྱིར་སྐྱོབ་ཕྱིར་སྤྲུལ་པ་རེ་རེ་ནི། །དྲུང་དུ་བཞུགས་ཀྱང་སྒྲིབ་པས་བསྒྲིབས་པ་ཡིས། །མཇལ་བའི་སྐབས་མེད་དད་པ་མེད་པ་ལ། །ཐུགས་རྗེ་བྱིན་རླབས་འཇུག་པའི་སྐབས་མ་མཆིས། །ཨོ་རྒྱན་ཐུགས་རྗེ་ཅན་ལ་ཕྱག་འཚལ་བསྟོད། །བདུད་དང་ལྷ་སྲིན་ཐོམས་ཅད་ཟིལ་གྱིས་གནོན། །ལས་ལ་དབང་བའི་མཐུ་སྟོབས་མངའ་བ་ཡི། །མཐོང་ཆོས་མྱོང་འགྱུར་མ་གཏོགས་ལས་ངན་བཟློག་།ཉི་ཟླ་ཐང་འབེབས་རྒྱ་མཚོ་གནམ་དུ་བསྒྱུར། །རི་རབ་ཚོགས་པོར་འཕེན་དང་ཤར་ནུབ་

― CMR007_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་། །ས་རྡོ་གསེར་དངུལ་བསྒྱུར་བའི་རྫུ་འཕྲུལ་ལྡན། །ཨོ་རྒྱན་མཐུ་སྟོབས་ཅན་ལ་ཕྱག་འཚལ་བསྟོད། །ཁྱོད་ཀྱི་ཡོན་ཏན་ནམ་མཁའི་ཚད་དང་མཉམ། །སངས་རྒྱས་ཀུན་གྱིས་བརྗོད་ཀྱང་མི་ཟད་ན། །བདག་འདྲ་རྨོངས་པས་བརྗོད་པར་ག་ལ་ནུས། །འོན་ཀྱང་རྒྱ་མཚོ་ཆེ་ལས་ཆུ་ཐིགས་ཙམ། །རྩེ་གཅིག་མོས་གུས་དྲག་པོས་བསྟོད་བྱས་པས། །བདག་ཅག་འཁོར་བཅས་བར་ཆད་བདུད་ལས་རྒྱལ། །བྱང་ཆུབ་སྒྲུབ་ལ་བར་ཆད་མེད་གྱུར་ཅིག །མེ་ཕོ་སྤྲེ་ལོ་སྤྲེལ་ཟླའི་ཚེས་བཅུ་ལ། །རཱ་ག་ཨ་སྱས་བསྟོད་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུའི་གསོལ་འདེབས་དག་པའི་ཞིང་མཆོག

― CMR007_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེ་མ་ཧོ། དག་པའི་ཞིང་མཆོག་རྔ་ཡབ་དཔལ་རིའི་རྩེ། །ཕོ་བྲང་པདྨ་འོད་ཀྱི་གཞལ་ཡས་སུ། །རྒྱལ་བ་ཀུན་འདུས་གུ་རུ་པདྨ་འབྱུང་། །རྒྱལ་བའི་ཡུམ་མཆོག་ལྷ་ལྕམ་མནྡ་ར། །ཤེས་རབ་རང་མདངས་ཌཱ་ཀྐི་མཚོ་རྒྱལ་མ། །སྙིང་ཁུང་རུས་པའི་གཏིང་ནས་གསོལ་བ་འདེབས། །བདག་དང་འགྲོ་དྲུག་སེམས་ཅན་ཐམས་ཅད་ཀྱི། །ལུས་ཀྱི་ན་ཚ་ཞི་བར་བྱིན་གྱིས་རློབས། །སེམས་ཀྱི་སྡུག་བསྔལ་ཞི་བར་བྱིན་གྱིས་རློབས། །ཚེ་ཡི་བར་ཆད་ཞི་བར་བྱིན་གྱིས་རློབས། །གནས་སྐབས་བདེ་སྐྱིད་ལྡན་པར་བྱིན་གྱིས་རློབས། །མཐར་ཐུག་མངོན་སངས་རྒྱས་པར་བྱིན་གྱིས་རློབས། །འཕོས་ཚེ་བདེ་ཆེན་ཞིང་དུ་ལམ་སྣ་དྲོངས། །ཞེས་ཨ་རཱ་གས་སོ།། །།

བླ་མ་དགོངས་འདུས་སྤྲོས་མེད་རྒྱུན་ཁྱེར་ངག་འདོན་གཏེར་གཞུང་ནས་བསྒྲིགས་པ།

― CMR007_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དགོངས་འདུས་སྤྲོས་མེད་རྒྱུན་ཁྱེར་ངག་འདོན་གཏེར་གཞུང་ནས་བསྒྲིགས་པའོ༔

― CMR007_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱེཀྱེ༔ ཕྱོགས་བཅུའི་སྐྱབས་གནས་དཀོན་མཆོག་བདག་ལ་དགོངས༔ འགྲོ་རྣམས་སྐྱོབས་པའི་མགོན་དང་དཔང་མཛོད་ཅིག །དུས་འདི་ནས་བཟུང་རྫོགས་སངས་མ་རྒྱས་བར༔ མགོན་པོ་མཆོག་གྱུར་རྣམས་ལ་ཕྱག་འཚལ་ལོ༔ བདག་གཞན་ལུས་དང་ལོངས་སྤྱོད་མཆོད་པར་འབུལ༔ ཉམས་ཆག་ཉེས་ལྟུང་བསགས་རྣམས་མཐོལ་ཞིང་བཤགས༔ དུས་གསུམ་དགེ་བར་གྱུར་ལ་རྗེས་ཡི་རང་༔ བླ་མེད་ཐེག་ཆེན་ཆོས་འཁོར་བསྐོར་བར་བསྐུལ༔ རྒྱལ་བ་མྱ་ངན་མི་འདའ་བཞུགས་པར་གསོལ༔ བདག་གཞན་དགེ་ཚོགས་བྱང་ཆུབ་ཆེན་པོར་བསྔོ༔ སྐྱབས་

― CMR007_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དཀོན་མཆོག་རྣམས་ལ་སྐྱབས་སུ་མཆི༔ སྔོན་ཆད་རྒྱལ་བས་མཛད་པ་རྨད་བྱུང་ལྟར༔ དེ་བཞིན་བདག་གིས་དུས་འདི་ནས་བརྩམ་བྱ༔ འགྲོ་བ་ཡོངས་ཀྱི་བླ་མར་བདག་གྱུར་ཅིག༔ དབང་དུས་ཡིན་ན༔ རང་ཉིད་པདྨ་ཟླ་བའི་སྟེང་༔ ཧཱུྃ་ལས་བསྐྱེད་པའི་རྡོ་རྗེ་སེམས༔ ཞལ་གཅིག་ཕྱག་གཉིས་སྐུ་མདོག་དཀར༔ ཕྱག་གཡས་རྡོ་རྗེ་ཐུགས་ཀར་འཛིན༔ གཡོན་པས་དྲིལ་བུ་དཀུ་ལ་བརྟེན༔ ཞབས་གཉིས་སྐྱིལ་ཀྲུང་ཕྱེད་པའི་ཚུལ༔ ལོངས་སྤྱོད་རྫོགས་པའི་ཆ་ལུགས་ལ༔ གནས་གསུམ་འབྲུ་གསུམ་ཡི་གེས་མཚན༔ ཅེས་དང་༔ སྒྲུབ་པ་དུས་ཡིན་

― CMR007_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ན། སྟོང་པའི་ངང་ལས་མེ་དཔུང་འབར་བའི་ཀློང་༔ རྟོག་མེད་རོ་ལྡན་པདྨ་ཉི་ཟླའི་སྟེང་༔ བདག་ཉིད་ཁྲོ་རྒྱལ་དབང་ཆེན་འབར་བའི་སྐུ༔ དམར་ནག་ཞལ་གཅིག་ཕྱག་གཉིས་གྲི་ཐོད་འཛིན༔ ཞལ་གདངས་མཆེ་གཙིགས་སྤྱན་གསུམ་སྡང་མིག་བགྲད༔ རལ་པ་སྤྱི་བཅིངས་རྟ་མགོ་ལྗང་ཞུར་འཚེར༔ རྔོག་མ་ལེ་བརྒན་འབར་ཞིང་ཚྭ་ཚྭ་འཕྲོ༔ གླང་ཆེན་སྟོད་གཡོགས་སྟག་གི་ཤམ་ཐབས་དཀྲིས༔ ཐོད་སྐམ་རིན་ཆེན་ལྔ་ཡི་རྩེ་བྲན་ཅན༔ ཐོད་རློན་ལྔ་བཅུའི་སྦྲུལ་ནག་ག་ཤར་དཀྲིས༔ ཞག་དང་རཀྟའི་ཐིག་ལེ་ཐལ་ཆེན་སྤྲས༔ སྣ་ཚོགས་དར་དང་རིན་ཆེན་རྒྱན་རྣམས་མཛེས༔ ཞབས་གཉིས་འདོར་ཐབས་སྲིན་པོ་ཁྲོས་པའི་ཚུལ༔ རྔམས་པའི་སྐུ་ལ་བརྗིད་པའི་རྣམ་འགྱུར་ཅན༔ གར་དགུའི་ཉམས་ལྡན་སྟོབས་ཆེན་ཁྲོ་བོའི་རྒྱལ༔ བདག་ཉིད་རྟ་མགྲིན་ཡབ་ལ་འཁྲིལ་བའི་ཡུམ༔ ཕག་མོ་མཐིང་ནག་ཞལ་གཅིག་ཕྱག་གཉིས་མ༔ གཡས་པས་གྲི་གུག་ཡབ་ཀྱི་མགུལ་ནས་འཁྱུད༔ གཡོན་པས་ཐོད་ཁྲག་ཡབ་ལ་སྟོབ་པའི་ཚུལ༔ སྤྱི་གཙུག་ཕག་ཞལ་མཐིང་ག་ངུར་སྒྲ་སྒྲོག༔ གཅེར་བུ་དར་དང་རིན་ཆེན་རུས་པས་བརྒྱན༔ རབ་ཏུ་ཁྲོས་ཤིང་བཞད་པའི་རྣམ་

― CMR007_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་སོགས༔ ཡབ་ཡུམ་གཉིས་མེད་གར་དགུའི་ཉམས་དང་ལྡན༔ ལས་སྦྱོར་དུས་ཡིན་ན༔ ༈ སྟོང་པའི་ངང་ལས་རང་བྱུང་ནི༔ ཆོས་འབྱུང་དམར་ནག་གྲུ་གསུམ་པ༔ གདེངས་ཀ་གྱེན་ལ་བསྟན་པ་ཡི༔ ཕྱི་རོལ་དུར་ཁྲོད་ར་བས་གཏམས༔ ནང་དུ་ཡེ་ཤེས་གཞལ་མེད་ཁང་༔ ཕྱི་ནང་གསལ་ཞིང་ཡངས་པའི་དབུས༔ ཉི་ཟླ་པདྨ་རོ་སྟེང་དུ༔ ཆུ་ལ་ཆུ་འཕར་ལྟ་བུ་ཡི༔ མཁའ་འགྲོ་ཡོངས་འདུས་གཙོ་མོ་མཆོག༔ བདག་ཉིད་རྡོ་རྗེ་རྣལ་འབྱོར་མ༔ ཞལ་གཅིག་ཕྱག་གཉིས་དམར་ནག་མདོག༔ ཕྱག་གཡས་ཟངས་གྲི་ནམ་མཁར་འཕྱར༔ གཡོན་པས་ཐོད་ཁྲག་ཐུགས་ཀར་འཛིན༔ ཁྲོ་ཞལ་སྤྱན་གསུམ་སྡང་མིག་བགྲད༔ སྨིན་མཚམས་ཁྲོ་གཉེར་གྲུ་གསུམ་བསྡུས༔ དབུ་སྐྲ་དམར་སེར་གྱེན་དུ་འཁྱིལ༔ མཐུར་སིལ་སྐུ་སྟོད་ཁྱབ་པར་གཏིབས༔ སྤྱི་གཙུག་རྟོག་མེད་ཕག་ཞལ་འཕྱོ༔ གཞོན་ཚུལ་ནུ་མ་བྷ་ག་རྒྱས༔ རིན་ཆེན་དུར་ཁྲོད་རུས་པས་བརྒྱན༔ དཔའ་བོ་ཡབ་མཆོག་སྦས་པའི་ཚུལ༔ ཁ་ཊཾ་ག་ལ་འཁྱུད་མཛད་དེ༔ བདེ་མཉེན་གར་སྟབས་རོལ་པར་གནས༔ དབུ་ལ་སངས་རྒྱས་རིགས་ལྔས་མཚན༔ ཉམས་དང་གཟི་

― CMR007_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗིད་ལྡན་པ་སྟེ༔ མེ་དཔུང་འོད་ལྔ་འཁྲིགས་པའི་དབུས༔ དེ་ལྟར་གང་བྱེད་ཀྱང་༔ ལུས་ནང་རྩ་གསུམ་རྩ་འཁོར་བཅས༔ ལུས་དབུས་སྲོག་རྩའི་སྦུ་གུ་རུ༔ བླ་མ་ཡི་དམ་མཁའ་འགྲོའི་ཚོགས༔ དཀོན་མཆོག་གསུམ་གྱི་རང་བཞིན་མཆོག ཐམས་ཅད་འདུས་པའི་ངོ་བོ་ཉིད༔ ཉི་ཟླ་པདྨའི་གེ་སར་སྟེང་༔ བཅོམ་ལྡན་པདྨ་བཛྲ་རྩལ༔ ཞལ་གཅིག་ཕྱག་གཉིས་སྐྱིལ་ཀྲུང་བཞུགས༔ སྐུ་མདོག་དཀར་ལ་འཛུམ་མདངས་ཅན༔ ཕྱག་གཡས་རྡོ་རྗེ་ཐུགས་ཀར་འཛིན༔ གཡོན་པས་ཐོད་པ་བདུད་རྩིར་བཅས༔ མཉམ་གཞག་ཚུལ་གྱིས་དཀུ་ལ་བརྟེན༔ སྐུ་ལ་ཟ་བེར་སྣམ་སྦྱར་གསོལ༔ དབུ་ལ་ཤ་བའི་མཉེན་ཞུ་གསོལ༔ རྒོད་འཕྲུ་དར་སྣ་མེ་ལོང་བརྒྱན༔ བརྗིད་ལྷུན་ཆགས་པའི་འདབ་ལྡན་མནབས༔ སྙན་གཡོན་གསེར་གྱི་འཁོར་ལོ་དང་ཕྱག་ཞབས་དུང་གི་གདུ་བུ་སོགས༔ རིན་ཆེན་སྣ་ཚོགས་སྤར་ཁབ་མཛེས༔ སྣང་སྲིད་ཟིལ་གྱིས་གནོན་པར་གསལ༔ སྙིང་ག་ཆོས་ཀྱི་ཕོ་བྲང་དུ་བཅོམ་ལྡན་བུདྡྷ་ཐོད་ཕྲེང་རྩལ་དཀར་དམར་མདངས་ལྡན་འོད་ཟེར་འཕྲོ༔ ཞལ་གཅིག་ཕྱག་གཉིས་གཡས་ཙཀྲ༔ གཡོན་པས་བདུད་རྩི་བུམ་པ་བསྣམས༔ འཛུམ་

― CMR007_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

མདངས་དར་གྱི་ལྷབ་ལྷུབ་དང་༔ རིན་ཆེན་སྣ་ལྔས་མཛེས་པར་སྤྲས༔ ཟླ་བ་རྒྱས་པའི་དཀྱིལ་འཁོར་སྟེང་༔ སྐྱིལ་ཀྲུང་མི་གཡོ་མཉམ་པར་བཞུགས༔ ཞི་དུལ་བག་ཆགས་ལྷམ་མེར་གསལ༔ སྤྱི་བོ་བདེ་ཆེན་དཀྱིལ་འཁོར་དུ༔ བཅོམ་ལྡན་མི་བསྐྱོད་རྡོ་རྗེའི་སྐུ༔ གསེར་མདོག་ཞལ་གཅིག་ཕྱག་གཉིས་པ༔ གཡས་གཡོན་རིན་ཆེན་འཁོར་ལོ་བསྣམས༔ ཚེ་དཔལ་ལོངས་སྤྱོད་རྒྱས་མཛད་ཕྱིར༔ སྐུ་ཡི་ཆ་རྣམས་རབ་རྒྱས་ཤིང་༔ རིན་ཆེན་རུས་པ་དུར་ཁྲོད་ཆས༔ ཁྲོ་འཛུམ་སྤྱན་གཉིས་ཟླུམ་ཞིང་འཁྱིལ་དབུ་སྐྲ་སྨིན་མ་ཨག་ཚོམ་ཡང་༔ དམར་སེར་གྱེན་དུ་མེ་ལྟར་འབར༔ རིན་ཆེན་བརྩེགས་པའི་གདན་ཁྲི་ལ༔ འགྱིང་བག་བརྐྱང་བསྐུམ་ཚུལ་གྱིས་བཞུགས༔ མགྲིན་པ་ལོངས་སྤྱོད་འཁོར་ལོ་རུ༔ བཅོམ་ལྡན་པདྨ་དབང་གི་སྐུ༔ དམར་འཚེར་བྱུ་རུའི་སྡོང་པོ་ལྟར༔ ཞལ་གཅིག་ཕྱག་བཞི་སྐྱིལ་ཀྲུང་བཞུགས༔ རྩ་ཕྱག་ཐུགས་ཀར་ཐལ་མོ་སྦྱར༔ གཡས་ཀྱི་འོག་མར་ཕྲེང་དམར་འདྲེན༔ གཡོན་འོག་པདྨ་དམར་པོའི་ཕྱག༔ འཛུམ་མདངས་དར་དང་རིན་ཆེན་བརྒྱན༔ དབུ་སྐྲ་ནག་པོའི་ཅོད་པན་ཅན༔ བདེ་གཤེགས་རིགས་

― CMR007_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔས་སྤྲས་པའོ༔ མཚན་དང་དཔེ་བྱད་ལྡན་པར་གསལ༔ ལྟེ་བ་སྤྲུལ་པའི་འཁོར་ལོ་རུ༔ བཅོམ་ལྡན་རིག་འཛིན་ཐོད་པ་རྩལ༔ དམར་ལྗང་ཞལ་གཅིག་ཕྱག་གཉིས་པ༔ གཡས་གཡོན་རལ་གྲི་ཕུར་པ་གདེངས༔ རབ་འཇིགས་ཆོས་བརྒྱད་འབར་བ་དང་༔ རིན་ཆེན་རུས་པས་བརྒྱན་པ་སྟེ༔ ཁྲོ་བོའི་ཆ་ལུགས་ཡོངས་སུ་རྫོགས༔ ཧོམ་ཁུང་བརྩེགས་པའི་གདན་ཁྲི་ལ༔ དྲག་པོའི་ལས་མཛད་སྟབས་ཀྱིས་བཞུགས༔ གསང་གནས་བདེ་སྐྱོང་འཁོར་ལོ་རུ༔ བཅོམ་ལྡན་གུ་རུ་དྲག་པོ་རྩལ༔ དམར་ནག་ཞལ་གཅིག་ཕྱག་གཉིས་པ༔ གཡས་པས་གནམ་ལྕགས་རྡོ་རྗེ་འཕྱར༔ གཡོན་པས་སྡིག་པ་ཕོ་ཉར་འགྱེད༔ ཞལ་གདངས་ལྗགས་འདྲིལ་མཆེ་བ་གཙིགས༔ སྨིན་མ་ཨག་ཚོམ་མེ་ལྟར་འབར༔ སྤྱན་མིག་གྲུ་གསུམ་ཁྲག་ལྟར་ཁོལ༔ དཔྲལ་བའི་དབྱིངས་སུ་ཁྲོ་གཉེར་བསྡུས༔ རུས་པའི་རྒྱན་དང་དུར་ཁྲོད་ཆེས༔ གནོད་བྱེད་ཕོ་མོ་བསྣོལ་བའི་སྟེང་༔ ཞབས་གཉིས་བརྐྱང་བསྐུམ་འདོར་སྟབས་བགྲད༔ སྲིན་པོ་ཁྲོས་པའི་ཆ་ལུགས་ཅན༔ རྐང་གཡས་ལང་ཀའི་འཁོར་ལོ་རུ༔ རྟ་མགྲིན་དབང་ཆེན་སྐུ་མདོག་དམར༔ དབུ་གཙུག་རྟ་མགོ་ལྗང་ཞུར་

― CMR007_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

འཚེར༔ གཡས་གཡོན་བེ་ཅོན་སྡིགས་མཛུབ་མཛད༔ ཞལ་གདངས་མཆེ་གཙིགས་ལྗགས་འདྲིལ་ཞིང་༔ སྤྱན་གསུམ་སྡང་མིག་གློག་ལྟར་འཁྱུག རལ་པ་སེ་ཡན་ལ་སོགས་ཏེ༔ ཁྲོ་རྒྱལ་འབར་བའི་ཆ་ལུགས་ཅན༔ ཞབས་གཉིས་གྱད་ཀྱི་འདོར་སྟབས་ཚུལ༔ ཀླུ་དང་རྒྱལ་འགོང་མནན་ཅིང་གཟིར༔ དུར་ཁྲོད་ཆས་བརྒྱད་སྐུ་ལ་རྫོགས༔ རྐང་གཡོན་རླུང་གི་འཁོར་ལོ་རུ༔ བཅོམ་ལྡན་ཕྱག་ན་རྡོ་རྗེའི་སྐུ༔ མཐིང་ནག་ཞལ་གཅིག་ཕྱག་གཉིས་པ༔ ཕྱག་གཡས་རྡོ་རྗེ་ནམ་མཁར་འཕྱར༔ གཡོན་པས་དྲིལ་བུ་དཀུ་ལ་བརྟེན༔ སྦྲུལ་སྟག་རིན་ཆེན་རྒྱན་གྱིས་བརྒྱན༔ ཞལ་གདངས་མཆེ་གཙིགས་སྤྱན་གསུམ་བགྲད༔ སྨིན་མ་ཨག་ཚོམ་དབུ་སྐྲ་རྣམས༔ དམར་སེར་གྱེན་དུ་མེ་འབར་ཚུལ༔ གནོད་སྦྱིན་ཁྲོས་པའི་ཆ་ལུགས་ལས༔ ཞབས་གཉིས་གཟའ་དང་ས་བདག་གཟིར༔ སྐུ་ཆེ་ཡན་ལག་རགས་པར་གསལ༔ སྤྱི་བོ་ཚངས་པའི་རྩ་བཟང་དེར༔ སངས་རྒྱས་ཐོད་པའི་དུམ་བུ་ནི༔ མཐིང་ནག་ཞལ་གཅིག་ཕྱག་གཉིས་པ༔ གཡས་པས་གྲི་ཁུག་ཌ་མ་རུ༔ གཡོན་པས་ཐོད་ཁྲག་ཁ་ཊཾ་ག ཁྲོ་འཛུམ་སྤྱན་གསུམ་རབ་ཏུ་

― CMR007_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲད༔ གླང་ཆེན་སྟོད་གཡོགས་སྟག་ཤམ་ཅན༔ རིགས་ལྔའི་དབུ་རྒྱན་ཅོད་པན་མཛེས༔ རུས་པའི་རྒྱན་དྲུག་དྲང་སྲོང་ཚུལ༔ སྐྱིལ་ཀྲུང་ཕྱེད་པའི་གར་སྟབས་ཀྱིས༔ དགྲ་བགེགས་བསྒྲལ་བའི་སྟེང་དུ་འགྱིང་༔ ཀུན་ཀྱང་རང་རང་འཁོར་ཚོགས་བཅས༔ ལྤགས་པའི་རྩ་བྲན་དཔའ་བོ་དང་༔ དཔའ་མོ་མཁའ་འགྲོ་ཤུགས་འགྲོ་གིང་༔ དམ་ཅན་ཕོ་ཉ་ལས་མཁན་བཅས༔ གསང་བཤང་ཁ་སྣ་མཚམས་མ་བཞི༔ ལྟེ་ནུ་ཚངས་བུག་སྒོ་མ་བཞི༔ ཐམས་ཅད་ཆོས་སྐུའི་རྣམ་འཕྲུལ་ལས༔ དམ་ཚིག་ཡེ་ཤེས་དབྱེར་མེད་གསལ༔ ལྷ་རྣམས་གནས་སུ་ཨོཾ་དཀར་དང་༔ ཨཱདམར་ཧཱུྃ་མཐིང་གསུམ་གསལ་བས༔ འཇུག་པ་ཨཱི་ལ་གནས་པ་ཨཱ༔ འབྱིན་པ་ཧཱུཾ་གི་རང་བཞིན་ཏེ༔ རླུང་གི་རྡུབ་གནས་འབྱིན་གསུམ་པོ༔ རྡོ་རྗེའི་བཟླས་པ་ལྷུན་གྱིས་གྲུབ༔ ཀ མདུན་བསྐྱེད་མཆོད་བསྟོད་བྱེད་ན༔ མངོན་རྟོགས་ཆེན་མོ་ལས༔ བློ་རབ་ཀྱིས་དཀྱིལ་འཁོར་སྐད་ཅིག་ལ་བསྒོམ་ཆོག་གསུངས་པས་༈ མདུན་གྱི་དཀྱིལ་འཁོར་དང་བུམ་པའི་ནང་དུ་ལྷ་ཚོགས་ཐམས་ཅད་གཞལ་གཡས་ཁང་དང་བཅས་པ་ལམ་གྱིས་བསྐྱེད་ལ༔ ཡེ་ཤེས་པ་རྒྱས་གདབ་རང་ཆས་སུ་བཞུགས་པ་གསལ་བའི་ཐུགས་སྲོག་

― CMR007_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

ཧྲཱིའི་འོད་ཀྱིས་ཡེ་ཤེས་པ་སྤྱན་དྲངས༔ ཧཱུྃ་ཧྲཱི༔ རང་བྱུང་ཐུགས་རྗེ་མ་འགགས་རོལ་པའི་སྐུ༔ སྤྱན་འདྲེན་བཞུགས་སུ་གསོལ་བར་མི་དམིགས་ཀྱང་༔ ཐུགས་རྗེའི་ངང་ཉིད་ཆོས་ཀུན་དག་པ་ལས༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ རྣམ་དག་ཨོ་རྒྱན་བཀོད་པའི་ཕོ་བྲང་ནས༔ པདྨ་བཛྲ་འཁོར་བཅས་གཤེགས་སུ་གསོལ༔ ཤར་ཕྱོགས་ཕོ་བྲང་རི་བོ་ཏཱ་ལ་ནས༔ བུདྡྷ་ཐོད་ཕྲེང་འཁོར་བཅས་གཤེགས་སུ་གསོལ༔ ལྷོ་ཕྱོགས་གྱད་མཁར་བརྩེགས་པའི་ཕོ་བྲང་ནས༔ མི་བསྐྱོད་རྡོ་རྗེ་འཁོར་བཅས་གཤེགས་སུ་གསོལ༔ ནུབ་ཕྱོགས་སོ་ས་གླིང་གི་ཕོ་བྲང་ནས༔ པདྨ་དབང་ཆེན་འཁོར་བཅས་གཤེགས་སུ་གསོལ༔ བྱང་ཕྱོགས་མ་ག་ཏ་ཡི་ཕོ་བྲང་ནས༔ ཐོད་པ་རྩལ་ཆེན་འཁོར་བཅས་གཤེགས་སུ་གསོལ༔ ཤར་ལྷོ་བསིལ་བ་ཚལ་གྱི་ཕོ་བྲང་ནས༔ དྲག་པོ་མེ་ཕྲེང་འཁོར་བཅས་གཤེགས་སུ་གསོལ༔ ལྷོ་ནུབ་དགའ་བ་ཚལ་གྱི་དུར་ཁྲོད་ནས༔ དཔའ་བོ་ཐོད་དུམ་འཁོར་བཅས་གཤེགས་སུ་གསོལ༔ ནུབ་བྱང་རབ་ཏུ་རྒྱུ་བའི་དུར་ཁྲོད་ནས༔ དཔའ་བོ་རྟ་མགྲིན་འཁོར་བཅས་གཤེགས་སུ་གསོལ༔ བྱང་ཤར་ལྕང་ལོ་ཅན་གྱི་

― CMR007_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་བྲང་ནས༔ ལག་ན་རྡོ་རྗེ་འཁོར་བཅས་གཤེགས་སུ་གསོལ༔ ཀུན་ཀྱང་མ་ངེས་ཆོ་རོལ་སྤྱོད་པའི་ཚུལ༔ གང་ལ་གང་འདུལ་ཕྲིན་ལས་སྣ་ཚོགས་བདག༔ ཆོ་འཕྲུལ་དུ་མ་རོལ་ཞིང་གཤེགས་སུ་གསོལ༔ འཁོར་གྱི་དྷ་ཀི་ཤུགས་འགྲོའི་ཚོགས་རྣམས་ཀུན༔ དོན་གྱི་དབྱིངས་ལ་ལྷུན་གྲུབ་གཅིག་མོད་ཀྱང་༔ གནས་སྐབས་ཡུལ་དོན་བྲན་གྱི་ཚུལ་སྣང་ཞིང་༔ མཐུ་སྟོབས་རྩལ་ལྡན་ནུས་པའི་ཤུགས་དང་ལྡན༔ བདག་སོགས་མོས་པའི་བུ་ལ་རབ་དགོངས་ནས༔ མ་ཐོགས་མྱུར་དུ་གནས་འདིར་གཤེགས་སུ་གསོལ༔ ཐུགས་རྗེ་བརྩེ་བས་གནས་འདིར་གཤེགས་ནས་ཀྱང་༔ དཀྱིལ་འཁོར་ཆེ་དང་ལུས་ལ་བྱིན་ཆེན་ཕོབ༔ སྒྲུབ་མཆོག་མཆེད་ལྕམ་རྣམས་ལ་དབང་བཞི་བསྐུར་རྒྱུད་འཛིན་མོས་པའི་སེམས་ལ་བྱིན་གྱིས་རློབས༔ མཆོག་དང་ཐུན་མོང་དངོས་གྲུབ་རྣམ་གཉིས་སྩོལ༔ ཨེ་ཧྱ་ཧི་བྷ་ག་ཝཱན་མ་ཧཱ་ཀ་རུ་ཎི་ཀ་ས་པ་རི་ཝཱ་ར་བཛྲ་ས་མ་ཡ་ཛ༔ པདྨ་ཀཱ་མ་ལཱ་ཡེ་སྟོ༔ བཛྲ་ས་མན་ཛ་སིཾ༔ ཛཧཱུྃ་བཾ་ཧོ༔ ཡེ་ཤེས་པ་དང་དམ་ཚིག་པ་དབྱེར་མེད་པ་ཆུ་དང་འོ་མ་འདྲེས་པ་ལྟར་གྱུར༔ ཨ་ཏི་པཱུ་ཧོ༔ པྲ་ཏི་ཛ་ཧོ༔ མཚོད་བསྟོད་ནི༔ ཨོཾ་སྣང་སྲིད་འདོད་ཡོན་

― CMR007_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ལོངས་སྤྱོད་མཆོད་པའི་སྤྲིན༔ ཨཱརྣམ་དག་ལྷ་རྣམས་དགྱེས་པ་སྐོང་བར་བྱེད༔ ཧཱུྃ་གཟུགས་སྒྲ་དྲི་རོ་རེག་བྱ་ནུས་བཅུད་ལྡན༔ ཧོ༔ ཕྱི་ནང་གསང་བའི་མཆོད་པ་བླ་ན་མེད༔ ཨོྃ་ཨཱ༔ ཧཱུྃ་ཧོ༔ ཡེ་ཤེས་བདུད་རྩི་འཇམ་ལྡན་འོ་མའི་མཚོ༔ དྲི་བྲལ་ཡན་ལག་བརྒྱད་དང་ལྡན་པའི་ཆུ༔ བཅོམ་ལྡན་རྒྱལ་བ་རྒྱ་མཚོའི་ཚོགས་ལ་འབུལ༔ འགྲོ་རྣམས་སྒྲིབ་པ་བསལ་ཕྱིར་བཞེས་སུ་གསོལ༔ རྒྱལ་བའི་སྐུ་ལ་དྲི་མ་མི་མངའ་ཡང་༔ འགྲོ་བའི་སྒྲིབ་པ་བག་ཆགས་བསལ་བའི་ཕྱིར༔ ཆུ་གཙང་ཡིད་དུ་འོང་བའི་ཁྲུས་ཆབ་འདི༔ ཞལ་དང་ཕྱག་ཞབས་སྐུ་ཁྲུས་གསོལ་བར་བགྱི༔ མེ་ཏོག་བདུག་སྤོས་མར་མེ་དྲི་ཆབ་དང་༔ བཤོས་གཙང་སྒྲ་དབྱངས་གཟུགས་སྒྲ་དྲི་རོ་རེག༔ དངོས་འབྱོར་ཡིད་སྤྲུལ་ཀུན་བཟང་མཆོད་སྤྲིན་མཆོག༔ རྩ་གསུམ་ཞི་ཁྲོ་འཁོར་དང་བཅས་ལ་འབུལ༔ དབང་པོ་རྣམ་ལྔའི་མེ་ཏོག་གསུར་ཆེན་སྤྲོས༔ ཞུ་ཆེན་མར་མེ་མཁྲིས་པའི་གནེ་དང་༔ བདུད་རྩི་ཞལ་ཟས་རྐང་གླིང་ཐོད་རྔ་རྣམས༔ རྩ་གསུམ་དཀྱིལ་འཁོར་ཞི་ཁྲོའི་ཚོགས་ལ་འབུལ༔ ཡབ་ཡུམ་གཉིས་སུ་མེད་པའི་མཁའ་གསང་ནས༔ བྱང་ཆུབ་སེམས་ལྡན་ཐབས་དང་ཤེས་

― CMR007_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་བཅུད༔ དངོས་གྲུབ་དགའ་བཞིས་ཡེ་ཤེས་བདེ་ཆེན་མཆོག རྣམ་རོལ་རྩ་གསུམ་ཞི་ཁྲོ་དགྱེས་པར་ཚིམ༔ ནམ་མཁའ་ཡེ་ཤེས་ཀུན་བཟང་ཡངས་པའི་ཀློང་༔ འདོད་ཆགས་ཞེ་སྡང་གཏི་མུག་ང་རྒྱལ་དང་༔ ཕྲག་དོག་རྣམ་རོལ་བདེ་ཆེན་དགྱེས་པའི་རོ༔ མཆོད་དུ་མེད་དེ་གཉིས་མེད་རོལ་པས་མཆོད༔ ཧྲཱི༔ བྷནྡྲ་ཁོར་ཡུག་ཡངས་པའི་སྣོད་ཆེན་དུ༔ དབྱིངས་དང་ཡེ་ཤེས་གཉིས་སྦྱར་བདུད་རྩི་མཆོག༔ རང་བྱུང་གདོད་ནས་རྣམ་པར་དག་པའི་རྫས༔ རྒྱུ་དྲུག་རྐྱེན་བཞི་བདུད་རྩི་ར་ས་ཡ༔ རང་བྱུང་འདུས་པའི་དཀྱིལ་འཁོར་ལྷ་རྣམས་ལ༔ རྣམ་དག་བདུད་རྩི་དམ་རྫས་དགྱེས་མཆོད་འབུལ༔ ཧྲཱིཿ དུང་ཆེན་སྣོད་དུ་དམར་ཆེན་རྦ་རླབས་འཕྱོ༔ རྟེན་འབྲེལ་བཅུ་གཉིས་རཀྟའི་བ་གམ་འཁྲིགས༔ གུ་རྒྱ་མཱུ་ལ་རཀྟ་བཅས་པ་རྣམསཿབཀྲམ་པའི་ལྷ་ཚོགས་རྣམས་ལ་དབུལ་བར་བྱ༔ ཧཱུྃ་ཧཱུྃ༔ དངོས་སུ་འབྱོར་བཤམས་ཡིད་ཀྱིས་རྣམ་སྤྲུལ་པའི༔ དམ་རྫས་བདུད་རྩི་རྫས་ཀྱི་གཏོར་མ་འདི༔ རྣལ་འབྱོར་དགོངས་རྒྱུད་དག་པས་བྱིན་བརླབས་ནས༔ དད་དང་གདུང་བས་ལྷ་རྣམས་མཆོད་བགྱི་ནས༔ བླ་མ་རྣམས་དང་ཡི་དམ་དཀྱིལ་

― CMR007_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལྷ༔ དཔའ་བོ་དཔའ་མོ་མཁའ་འགྲོ་དམ་ཅན་ཚོགས༔ ཆོས་སྐྱོང་སྲུང་མ་རྣམས་ཀྱིས་བཞེས་སུ་གསོལ༔ ཐུགས་རྗེའི་ཐུགས་དམ་དབང་གིས་བཞེས་ནས་ཀྱང་༔ ཐུན་མོང་མཆོག་གི་དངོས་གྲུབ་བསྩལ་དུ་གསོལ༔ ཨོཾ་ཨཱ༔ ཧཱུྃ་བཛྲ་གུ་རུ་དྷེ་ཝ་ཌཱཀི་ནི༔ སརྦ་བུདྡྷབོ་དྷི་སཏཱ༔ བཛྲ་མ་ཧཱ་ཀྲོ་ཏ༔ ཨགྷཾ་པཱཏྱཾ་པུཊྚེ་དྷཱུ་པེ་ཨཱ་ལོ་ཀེ་གནྡྷེ་ནེ་ཝི་དུ་ཤབྷ་རཱུ་པ་ཤབྷ་གནྡྷེ་རྭ་ས་སྤྱནེ་མ་ཧཱ་པུཙྪ༔ མ་ཧཱ་སུ་ཁ༔ སརྦ་པཉྩ་ཨ་མྲྀ་ཏ༔ མ་ཧཱ་རཀྟ༔ ཨི་དཾ་བ་ལིཾ་ཏ་གུ་ཎ་པུཙྪ་ཁ་ཁ་ཁཱ་ཧི་ཁཱ་ཧི༔ ཧཱུྃ་ཧཱུྃ༔ བདེ་ཆེན་རོལ་པ་དབང་གི་དཀྱིལ་འཁོར་ནས༔ སྲིད་གསུམ་སྒྲོལ་མཛད་ཆེ་མཆོག་ཐོད་ཕྲེང་རྩལ༔ ཞི་བའི་ངང་ལས་འབར་བའི་སྐུར་སྟོན་པ༔ པདྨ་བཛྲ་སྐུ་ལ་ཕྱག་འཚལ་བསྟོད༔ དཔལ་ཆེན་འབར་བའི་ཐུགས་དམ་གནད་བསྐུལ་ཞིང་༔ དགའ་བཞི་ཡེ་ཤེས་བསྐྱེད་པའི་རྣལ་འབྱོར་མ༔ མནྡ་ར་བ་ཤེས་རབ་ཡུམ་གྱི་ཚུལ༔ གསང་བ་ཡེ་ཤེས་སྐུ་ལ་ཕྱག་འཚལ་བསྟོད༔ ཕྱོགས་བཞི་མཚམས་བཞིའི་དཀྱིལ་འཁོར་གཞལ་ཡས་སུ༔ ཐུགས་ཀྱི་ཡེ་ཤེས་བུདྡྷ་ཐོང་ཕྲེལ་རྩལ༔ ཡོན་ཏན་འགྱུར་མེད་མི་བསྐྱོད་རྡོ་རྗེའི་སྐུ༔ གསུང་མཆོག་བདེ་ཆེན་པདྨ་དབང་གི་

― CMR007_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ༔ ཕྲིན་ལས་འགྲོ་འདུལ་རིག་འཛིན་ཐོད་པ་རྩལ༔ ལོག་རྟོག་བདུད་འཇོམས་དྲག་པོ་གློག་ཕྲེང་ཅན༔ སངས་རྒྱས་དཔའ་བོ་ཡང་གྱུར་ཐོད་དུམ་ཅན༔ ཐམས་ཅད་དབང་སྡུད་རྟ་མགྲིན་དྲེགས་པའི་ཚོགས༔ དགྲ་བགེགས་ཚར་གཅོད་གསང་བདག་རྡོ་རྗེ་འཛིན༔ ཕྱོགས་མཚམས་གཙོ་བརྒྱད་ཡབ་ཡུམ་སྲས་འཁོར་བཅས༔ བླ་མ་ཡི་དམ་ཞི་ཁྲོ་དྷ་ཀིའི་ཚོགས༔ ཐམས་ཅད་དགོངས་འདུས་དཀྱིལ་འཁོར་ཕྱི་ནང་ལྷ༔ དཔའ་བོ་དཔའ་མོ་མཚམས་མ་ཕྱེད་གཟུགས་ཅན༔ ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་འཁྲོལ༔ དམ་ཅན་སྒོ་མར་བཅས་ལ་ཕྱག་འཚལ་བསྟོད༔ སྔགས་ཀྱི་འོད་ཟེར་བུམ་བསྐྱེད་ལ་ཕོག་པས༔ འོད་འཕྲོས་རྒྱལ་བའི་བྱིན་རླབས་ཐམས་ཅད་བསྡུས༔ སྐུ་ལས་བདུད་རྩིའི་རྒྱུན་བབས་བུམ་པ་གང་༔ ཨོྃ་ཨཱ༔ ཧཱུྃ་ཧྲཱིཿབཛྲ་གུ་རུ་དྷེ་ཝ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱ༔ ཡབ་ཡུམ་གཙོ་བོ་ཀུན་གྱི་ཐུགས་ཀ་རུ༔ ཉི་ཟླའི་སྟེང་དུ་རྡོ་རྗེ་རྩེ་ལྔ་དཀར༔ ལྟེ་བའི་ནང་དུ་པདྨ་དམར་པོའི་སྟེང་༔ སྣང་བ་མཐའ་ཡས་རྒྱན་མེད་ཚེ་བུམ་བསྣམས༔ ཐུགས་ཀར་ཧྲིདང་བུམ་ནང་འབྲུ་གསུམ་བརྩེགས༔ སྐུ་ཡི་ཐ་མར་སྔགས་ཕྲེང་འཁོར་བ་ལས༔ འོད་འཕྲོས་

― CMR007_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཀུན་མཆོད་བྱང་སེམས་དང་༔ འཁོར་འདས་ཚེ་བསོད་འོད་ཟེར་རྣམ་པ་རུ༔ བསྡུས་ནས་བདག་ལ་ཐིམ་པས་དངོས་གྲུབ་ཐོབ༔ ཅེས་སྔགས་རིང་ཐུང་གང་འདོད་དང༔ བདག་མདུན་ལྷ་ཚོགས་སོ་སོའི་ཐུགས་ཀ་རུ༔ དྷཱི༔ ཡིག་སྔགས་ཀྱིས་བསྐོར་བ་གསལ་བར་གྱུར༔ སོ་སོའི་གཙོ་བོ་གང་འདོད་བཟླས་ཏེ༔ ཨོྃ་ཨཱ༔ ཧཱུྃ་བཛྲ་གུ་རུ་པདྨ་བཛྲ་ཧཱུྃསརྦ་སིདྡྷི་ཧཱུྃ༔ ཨོྃ་ཨཱ༔ ཧཱུྃ་བུདྡྷ་ཐོད་ཕྲེང་རྩལ་ས་མ་ཡ་ཛ༔ སིདྡྷི་ཕ་ལ་ཧཱུྃ༔ ཨོཾ་བཛྲ་ཨཀྟ་བླ་ཧཱུྃ་སྭཱ་ཧཱ༔ ཨོཾ་ཨཱཧཱུྃ་ཧི༔ ཨོཾ་མ་ཎི་པདྨེ་ཧཱུྃ༔ ཨོཾ་ཨ་ཙརྱ་མ་ཧཱ་ཡོ་ག་ཀ་པཱ་ལ་ཧཱུྃཕཊ༔ ཨོྃ་ཨཱ༔ ཧཱུྃ་ཨ་ཅིག་ནེརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ༔ ཨ་ཧཱུྃ་ཧཱུྃ་ཕཊ༔ ཕཊ༔ ཨོཾ་པདྨ་ཏ་ཀྲྀཏ་བཛྲ་ཀྲོ་ཏ་ཧྱ་གྲི་ཝ་ཧཱུྃ་ཕཊ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཨོཾ་བུདྡྷ་ཀ་པཱ་ལི་ནི་ཨཧི་ཧེ་ཧཱུྃ་ཕཊ༔ ཅེས་ཅི་ནུས་དང་༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ བུམ་ལྷ་རྣམས་ཞུ་བས་བདུད་རྩིར་གྱུར༔ འདི་སྐབས་དབང་དང་ཁྲུས་སོགས་བྱེད་པ་སྟེ༔ རྗེས་ནི༔ མདུན་བསྐྱེད་བུམ་བསྐྱེད་ལྷ་ཚོགས་རྣམས༔ ཚུར་འདུས་བདག་བསྐྱེད་ལྷ་ལ་བསྟིམ༔ རྗེས་ལ་སྤྱོད་ལམ་རྟོག་མེད་སྐྱོང་༔ འཁོར་འདས་བདག་གཞན་གཉིས་མེད་བསྲེ༔ བཅོས་བསླད་མེད་པར་ཀློད་ལ་གནད༔ སྤང་བླང་རེ་དོགས་མེད་པར་སྤྱོད༔

― CMR007_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་མཉམ་ཆེན་པོའི་བྱ་བ་ལ༔ གྲུབ་དང་མ་གྲུབ་ཐ་སྙད་བྲལ༔ ཞེས་གསུངས་པ་ལྟར་བྱའོ༔ ཞེས་སྒྲུབ་ཆེན་དུས་ཉམས་ལ་བབས་ནས་ཉིན་ཕྱེད་ཡོལ་ཙམ་ནས་ཉི་ནུབ་དབང་གི་དུས་སུ་ཚར་བར་བསྒྲིགས་པ་ལ༔ འགལ་འཁྲུལ་ཉེས་པ་མཆིས་ན་ཆོས་བདག་སྲུང་མ་རྣམས་ལ་བཤགས་ཤིང་༔ དགེ་བས་འདི་ཉིད་དང་འབྲེལ་ཚད་ཐམས་ཅད་ཚེ་འདི་ཉིད་ལ་པདྨ་བཛྲ་དང་དབྱེར་མེད་པར་འགྲུབ་པར་གྱུར་ཅིག༔ བཀའ་སྲུང་རྣམས་ཀྱིས་འདི་འཕེལ་ཞིང་བཀྲ་ཤིས་པའི་ཕྲིན་ལས་མཛོད་ཅིག ཅེས་རཱ་ག་ཨ་སྱས་སྦྱར༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱུན་ཁྱེར།

― CMR007_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ ཉོན་ཅིག་བགེགས་དང་ལོག་འདྲེན་འབྱུང་པོའི་ཚོགས༔ ཁྱེད་རྣམས་འདི་ནས་གཞན་དུ་འགྲོ་བར་གྱིས༔ མཚམས་ཀྱི་དཀྱིལ་འཁོར་རང་བཞིན་ལྷུན་གྱིས་གྲུབ༔ སྐྱབས་གནས་དཀོན་མཆོག་རྣམས་ལ་སྐྱབས་སུ་མཆི༔ འགྲོ་བ་ཡོངས་ཀྱི་བླ་མར་བདག་གྱུར་ཅིག༔ ཕྱི་ནང་གསང་བའི་མཆོད་པ་བླ་ན་མེད༔ ཨོཾ་ཨཱཿཧཱུྃ༔ སྟོང་ཞིང་བདག་མེད་ནམ་མཁའ་ལྟ་བུ་ལ༔ ལྟར་སྣང་སྐྱེ་འགྲོའི་འགྲོ་བ་ཉོན་རེ་མོངས༔ ཧཱུྃ༔ དོན་དམ་དབྱིངས་ལས་འབར་བའི་ཆོ་འཕྲུལ་ཤར༔ ཧཱུྃ་འབྱུང་བ་མེ་རླུང་འཁྲུགས་པའི་ཕོ་བྲང་དབུས༔ ཤ་ཁྲག་ཕུང་པོ་འདུས་པའི་གཞལ་ཡས་ཁང་༔ རྣམ་ཤེས་འདབ་བརྒྱད་བརྡལ་བའི་གདན་སྟེང་དུ༔ ཤེས་རིག་རྒྱལ་པོ་དཔལ་ཆེན་ཧེ་རུ་ཀ༔ སྣང་བའི་ངོ་བོ་པདྨ་བཛྲ་རྩལ༔ སྟོང་པའི་བདག་ཉིད་ལྷ་ལྕམ་གསང་བའི་ཡུམ༔ ཡབ་ཡུམ་སྲས་འཁོར་བཀའ་ཉན་བཅས་པ་དང་༔ སྟོང་གསལ་མ་འགགས་རོལ་པའི་ཚུལ་བཞིན་བསྐྱེད༔ སྣང་སྟོང་མ་འགགས་ལྷང་ངེ་ལྷན་ནེར་གསལ༔ རྩལ་སྣང་དབྱིངས་ལས་རོལ་པར་གཤེགས་སུ་གསོལ༔ ལྷ་རྣམས་དགྱེས་བཞིན་བརྟན་པར་བཞུགས་སུ་གསོལ༔ བྱིན་རླབས་དབང་

― CMR007_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུར་དམ་པ་དེང་འདིར་སྩོལ༔ ཡི་དམ་དཀྱིལ་འཁོར་ལྷ་ལ་ཕྱག་འཚལ་བསྟོད༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི༔ བླ་མེད་མཆོད་པ་རང་སྣང་ལྷ་ལ་འབུལ། སརྦ་པཱ་ཛཧོ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ དུས་གསུམ་བདེར་གཤེགས་རྒྱལ་བ་ཐམས་ཅད་ཀྱི༔ སྐུ་གསུང་ཐུགས་དང་ཡོན་ཏན་ཕྲིན་ལས་སོགས༔ དགོངས་པ་ཀུན་འདུས་རྩལ་རྫོགས་ལྷ་ཡི་ལྷ༔ འགྲོ་འདུལ་མངོན་སུམ་སྣང་ལ་ཕྱག་འཚལ་བསྟོད༔ ཨོཾ་ཨཱ༔ ཧཱུྃ་ཧཱུྃ༔ བཛྲ་གུ་རུ་དྷེ་ཝ་དྷཀི་ནཱི་སརྦ་སིདྡྷི་ཕ་ལ་ཧཱུྃ་ཨཱ༔ ཡབ་ཡུམ་གཙོ་འཁོར་ཀུན་གྱི་ཐུགས་ཀ་རུ༔ ཉི་ཟླའི་སྟེང་དུ་རྡོ་རྗེ་རྩེ་ལྔ་དཀར༔ ལྟེ་བའི་ནང་དུ་པདྨ་དམར་པོའི་སྟེང་༔ སྣང་བ་མཐའ་ཡས་རྒྱན་མེད་ཚེ་བུམ་བསྣམས༔ ཐུགས་ཀར་ཧཱུྃ༔ དང་བུམ་ནང་འབྲུ་གསུམ་བརྩེགས༔ སྐུ་ཡི་མཐའ་མར་སྔགས་ཕྲེང་འཁོར་བ་ལས༔ འོད་འཕྲོས་རྒྱལ་བ་ཀུན་མཆོད་བྱང་སེམས་དང་༔ འཁོར་འདས་ཚེ་བསོད་འོད་ཟེར་རྣམ་པ་རུ༔ བསྡུས་ནས་བདག་ལ་ཐིམ་པས་དངོས་གྲུབ་ཐོབ༔ ཅེས་སྔགས་རིང་ཐུང་གང་འདོད་བཟླས་ལ་མཆོད་བསྟོད་གོང་ལྟར་བྱ༔ དགེ་སློང་རཱ་ག་ཨ་སྱས་རྒྱུན་ཁྱེར་དུ་བསྒྲིགས་པ་སརྦ་མངྒ་ལཾ།།

དགོངས་འདུས་བྱིན་རླབས་གཏོར་མའི་བརྡ་དབང་གི་དབང་སྒྲུབ་བསྡུས་པ།

― CMR007_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་འདུས་བྱིན་རླབས་གཏོར་མའི་བརྡ་དབང་གི་དབང་སྒྲུབ་བསྡུས་པ་བཞུགས་པའི་དབུ་ལགས༔

― CMR007_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དྷེ་བ་ཌཱཀྐི་ནི་ཧཱུྃ༔ དགོངས་འདུས་གཏོར་དབང་མགྱོགས་པར་སྒྲུབ་པ་ནི༔ འབྲུ་ཡི་ཚོམ་བུའི་དབུས་སུ་གཏོམ་མ་བཤམ༔ བདག་དང་གཏོར་མའི་རྩེ་མོར་དཀྱིལ་འཁོར་བསྐྱེད༔ གཏོར་མའི་སྨད་ཆ་མཆོད་པའི་སྤྲིན་དུ་བསམ༔ ལས་བྱང་རྩ་ཚིག་འདི་ཡི་གསོལ་འདེབས་བྱ༔ ཧཱུྃ༔ ཉོན་ཅིག་བགེགས་དང་ལོག་འདྲེན་འབྱུང་པོའི་ཚོགས་ཁྱེད་རྣམས་འདི་ནས་གཞན་དུ་འགྲོ་བར་གྱིས༔ མཚམས་ཀྱི་དཀྱིལ་འཁོར་རང་བཞིན་ལྷུན་བས་གནས་དཀོན་མཆོག་རྣམས་ལ་སྐྱབས་སུ་མཆི༔ འགྲོ་བ་ཡོངས་ཀྱི་བླ་མར་བདག་གྱུར་ཅིག༔ ཕྱི་ནང་གསང་བའི་མཆོད་པ་བླ་ན་མེད༔ ཨོཾ་ཨཱ༔ ཧཱུྃ་ཧོ༔ སྟོང་

― CMR007_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་བདག་མེད་ནམ་མཁའ་ལྟབུ་ལ༔ ལྟར་སྣང་སྐྱེ་འགྲོའི་འགྲོ་བ་ཉོན་རེ་མོངས༔ ཧཱུྃ༔ དོན་དམ་དབྱིངས་ལས་འབར་བའི་ཆོ་འཕྲུལ་ཤོར༔ དྷཱི༔ འབྱུང་བ་མེ་རླུང་འཁྲུགས་པའི་ཕོ་བྲང་དབུས༔ ཤ་ཁྲག་ཕུང་པོ་འདུས་པའི་གཞལ་ཡས་ཁང་༔ རྣམ་ཤེས་འདབ་བརྒྱད་གདལ་བའི་གདན་སྟེང་དུ༔ ཤེས་རིག་རྒྱལ་པོ་དཔལ་ཆེན་ཧེ་རུ་ཀ༔ སྣང་བའི་ངོ་བོ་པདྨ་བཛྲ་རྩལ༔ སྟོང་པའི་བདག་ཉིད་ལྷ་ལྕམ་གསང་བའི་ཡུམ༔ ཡབ་ཡུམ་སྲས་འཁོར་བཀའ་ཉན་བཅས་པ་སྟེ༔ སྟོང་གསལ་མ་འགག་རོལ་པའི་ཚུལ་བཞིན་བསྐྱེད༔ སྣང་སྟོང་མ་འགག་ལྷང་ངེ་ལྷན་

― CMR007_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

ནེར་གསལ༔ རྩལ་སྣང་དབྱིངས་ནས་རོལ་པར་གཤེགས་སུ་གསོལ༔ ལྷ་རྣམས་དགྱེས་བཞིན་བརྟན་པར་བཞུགས་སུ་གསོལ༔ བྱིན་རླབས་དབང་བསྐུར་དམ་པ་དེང་འདིར་སྩོལ༔ ཡི་དམ་དཀྱིལ་འཁོར་ལྷ་ལ་ཕྱག་འཚལ་ལོ༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི༔ བླ་མེད་མཆོད་པ་རང་སྣང་ལྷ་ལ་འབུལ༔ སརྦ་པཱུ་ཙ་ཧོ༔ ཨ་མྲྀ་ཏ་རཀྟ་བྷ་ལིཏྟ་ཁཱ་ཧི༔ དུས་གསུམ་བདེ་ཤེགས་རྒྱལ་བ་ཐམས་ཅད་ཀྱི༔ སྐུ་གསུང་ཐུགས་དང་ཡོན་ཏན་ཕྲིན་ལས་སོགས༔ དགོངས་པ་ཀུན་འདུས་རྩལ་རྫོགས་ལྷ་ཡི་ལྷ༔ འགྲོ་འདུལ་མངོན་སུམ་སྣང་ལ་ཕྱག་འཚལ་བསྟོད༔ དེ་ནས་གྲྭ་སློབ་ཡོད་ན་སྔགས་རིང་འདི་ལ་འཛབ་དབྱངས་དང་ཐུང་བ་ལ་འུར་འདོན་བཅུག༔ ཨོཾ་ཨཱཿཧཱུྃ་ཧཱུྃ༔ བཛྲ་གུ་རུ་པདྨ་སིདྡྷི༔ དྷེ་ཝ་ཌཱཀྐི་ནི༔ བོ་དྷི་ཙིཏྟ༔ མ་ཧཱ་སུ་ཁ༔ བཛྲ་མ་ཧཱ་ཀྲོ་ཏ༔ ཤནྟི་ཀ༔ ཧྲི་མ་ཧ་རི་ནི་ས་ར་ཙ་ཧྲི་ཡ་སརྦ་སིདྡྷི༔ ཀཱ་ཡ་ཝཱཀྐ་ཙིཏྟ༔ ཛྷཱ་ན་སཏཱ༔ ཨ་མི་དེ་ཝ༔ མ་མ་ཙིཏྟ་སམྦྷ་ཝ༔ ཨ་དྷིཥྛ་ནི༔ མ་མ་ཨཱ་ཡུ་ཛྷཱ་ན་སིདྡྷི་ཕ་ལ་ཧཱུྃ་སྭཱ་ཧཱ༔ དེ་ནས་སྔགས་ཐུང་ནི༔ ༀ་ཨཱ༔ ཧཱུྃ་ཧཱུྃ༔ བཛྲ་གུ་རུ་དྷེ་བ་ཌཱཀྐི་ནཱི༔ སརྦ་སིདྡྷི་ཕ་ལ་ཧཱུྃ་ཨཱ༔ སློབ་དཔོན་རང་ཉིད་ཀྱིས་གཏོར་མའི་ལྷ་ཚོགས་གསལ་གདབ་ཡེ་

― CMR007_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ས་པ་བསྟིམ་ཅིང་༔ ཨོ་ཨཱ་ཧཱུྃ་ཧྲིབཛྲ་གུ་རུ་དྷེ་ཝ་དྷཱ་ཀི་ནི་ཛྙཱ་ན་སཏྲ་མ་ཧཱ་བྷ་ལིཏྟ་སརྦ་སིདྡྷི་ཕ་ལ་ཧཱུྃ་ཨཱ༔ ཞེས་བརྒྱ་སོགས་ཅི་འགྲུབ་བསྙེན་ནས་དབང་བསྐུར༔ རྗེས་ནི་བདག་མདུན་གྱི་ལྷ་ཐམས་ཅད་བདག་ཉིད་ལ་ཐིམ་པར་བསྒོམས་ནས༔ ངོ་བོ་སྐྱོང་བས་འཐུས༔ ཞེས་རཱ་ག་ཨ་སྱས་ཚེས་བཅུའི་གུང་ཐུན་ལ་བསྒྲིགས་པ་ལ། ཉེས་འགལ་གང་མཆིས། བཀའ་སྲུང་ཆོས་སྲུང་གཏེར་སྲུང་རྣམས་ལ་བཤགས་ཤིང་། དགེ་བས་མཐའ་ཡས་པའི་འགྲོ་བ་རྣམས། པདྨ་བཛྲ་རྩལ་གྱི་ཐུགས་རྗེས་ཟིན་པའི་ལྕགས་ཀྱུར་གྱུར་ཅིག །ཡི་གེ་པ་ནི་འཕན་ཤུལ་དགེ་བཤེས་པདྨ་ཐབས་མཁས་ཀྱིས་སོ། །མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་དགོངས་པ་འདུས་པའི་གཏོར་དབང་གི་མཚམས་སྦྱོར་བཤད་པ།

― CMR007_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དགོངས་པ་འདུས་པའི་གཏོར་དབང་གི་མཚམས་སྦྱོར་བཤད་པ་ཞིག་བཞུགས་སོ༔

― CMR007_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་གཏོར་བཤམ་ལ་མེ་ཏོག་ཕྲེང་མཛེས་སོགས་ཀྱི་ལས་བྱང་བཏང་༔ བསྙེན་པ་ཅི་ལྕོགས་ཞིག་བྱས་ནས་སློབ་མ་འཚོགས་ནས་ཁྲུས་བྱས༔ བགེགས་གཏོར་བཏང་ལ། སུམྦྷ་ནིས་བགེགས་བསྐྲད་རྣམས་སྤྱི་ཁྱབ་ལྟར་རམ། རྒྱས་པར་སྤྲོ་ན་མེ་ཏོག་ཕྲེང་མཛེས་ཀྱི་བགེགས་མཚམས་གཅོད་དང་རོལ་མོ་བྱའོ༔ མང་ན་བཛྲ་སཏྭ་འུར་འདོན་བྱེད༔ ཉུང་ན་ཆབ་བཏང་ཞིང་༔ ཁྱེད་རང་རྣམས་ཀྱི་སྤྱི་བོར་རྡོ་རྗེ་སེམས་དཔའ་དཀར་པོ་རྡོ་རྗེ་དང་དྲིལ་བུ་འཛིན་པའི་སྐུ་ལས་བདུད་རྩིའི་རྒྱུན་བབས་པས༔ གསང་སྔགས་སྣོད་དུ་མི་རུང་བའི་ཉམས་ཆག་སྡིག་སྒྲིབ་དག་པར་བསྒོམས་ལ༔ ཤེས་ན་ཡིག་བརྒྱ་དང་མི་ཤེས་ན་བཛྲ་སཏྭ་ཧཱུྃ་ཙི་ཐོན་དེ་ཡང་གནས་དག་པ་ནུབ་ཕྱོགས་བདེ་བ་ཅན་གྱི་

― CMR007_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཁམས་ན༔ སྟོན་པ་སངས་རྒྱས་གཟི་བརྗིད་འོད་དཔག་མེད་ལ༔ རྡོ་རྗེ་ཆོས་ལ་སོགས་པས་ཞུས་པ༔ བླ་མ་དགོངས་པ་འདུས་པའི་རྩ་རྒྱུད་པད་སྡོང་བརྩེགས་པ༔ སྐུ་རྒྱུད་ཤེལ་གྱི་རི་བོ༔ གསུང་རྒྱུད་རིན་ཆེན་འབྲུག་སྒྲ༔ ཐུགས་རྒྱུད་ནམ་མཁའི་ཀློང་ཡངས༔ ཡོན་ཏན་རྒྱུད་བསྟན་པའི་སྲོག་ཤིང་༔ ཕྲིན་ལས་རྒྱུད་སྤུ་གྲི་རེག་གཅོད་རྩ་བ་གསུམ་གྱི་གསང་རྒྱུད་རྣམས་བཀའ་སྩལ་པ༔ མཁའ་འགྲོ་རྣམས་ཀྱིས་བཀའ་ཡི་བསྡུ་བ་བྱས་ཏེ༔ གླེགས་བམ་ལ་བྲིས་པ༔ ཨོ་རྒྱན་མཁའ་འགྲོའི་ཕོ་བྲང་དུ་བབ་པས༔ དྷ་ཀིའི་གསང་བའི་བརྡ་སྐད་ཀྱི་

― CMR007_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་གེར་བསྟན་པ༔ ཨོ་རྒྱན་ཡུལ་ནས་རྒྱ་གར་ཡུལ་དུ་ཕབ༔ ཨོ་རྒྱན་གྱིས་བོད་སྐད་དུ་བསྒྱུར་ཞིང་སྒྲུབ་ཐབས་སོགས་མཛད་དེ༔ བོད་དུ་མཐའ་དབུས་མཁས་པ་བརྒྱ་རྩ་བརྒྱད་གདན་དྲངས་ནས་མདོ་སྔགས་ཀྱི་ཆོས་ཐམས་ཅད་བསྒྱུར་ནས་རང་ཡུལ་དུ་བརྫང་རྗེས༔ རྒྱལ་པོ་ཁྲི་སྲོང་ལྡེའུ་བཙན་ཡབ་སྲས་ཀྱིས་བསམ་ཡས་ཀྱི་མཆིམས་ཕུར་ཨོ་རྒྱན་ཆེན་པོ་ལ་ལོངས་སྤྱོད་དཔག་ཏུ་མེད་པ་ཕུལ་ནས༔ སྔོན་དུ་ཕྱི་ནང་གི་ཆོས་དཔག་མེད་ཐུགས་ལ་བཏགས་པ་རྣམས༔ བླ་མ་བརྒྱུད་པ་གཞན་ནས་བརྒྱུད་པ་ཁོ་ནར་འདུག༔ ད་ནི་ཨོ་རྒྱན་ཉིད་ལས་གཞན་དུ་བརྒྱུད་པ་འདེད་མི་དགོས་པ༔ མདོ་རྒྱུད་ཐེག་པ་ཐམས་ཅད་ཀྱི་དོན་དང་དགོངས་པ་འདུས་པ་ཞིག་ཞུ་ཞུས་པས༔ སྐུ་ལས་འོད་ཟེར་ཕྱུང་ཞིང་ཐུགས་གཏད་ནས་ཆོས་དང་གདམས་ངག་ཐམས་ཅད་ཀྱི་ནང་ནས་བཅུད་ཕྱུང་ཞིང་གནད་འདྲིལ་དོན་བསྡུས་པ༔ གཞན་ཡང་བླ་མ་ཡི་དམ་མཁའ་འགྲོ་ཐམས་ཅད་ཀྱི་སྲོག་སྙིང་༔ དམ་ཅན་ཆོས་སྐྱོང་ཐམས་ཅད་ཀྱི་རྗེ་དཔོན༔ བསྐྱེད་རིམ་ཐམས་ཅད་ཀྱི་འགག་དོན༔ རྫོགས་རིམ་ཐམས་ཅད་ཀྱི་སྙིང་པོ༔ མན་ངག་ཐམས་ཅད་ཀྱི་ཡང་ཞུནུ༔ བྱིན་རླབས་ཐམས་ཅད་ཀྱི་རྩ་

― CMR007_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

བ༔ དངོས་གྲུབ་ཐམས་ཅད་ཀྱི་འབྱུང་གནས༔ ནུས་པ་ཐམས་ཅད་ཀྱི་དཔུང་བསྐྱེད༔ བླ་མ་ཐམས་ཅད་ཀྱི་དགོངས་འདུས༔ འདི་བསྒྲུབས་པས་ཀུན་འདུས་པ༔ འདིའི་མཚན་ཉིད་ཐོས་པ་ལ་སོགས་ཏེ༔ འདི་ཉིད་ཀྱི་ལུང་ཚར་གཅིག་རྣ་བའི་དབང་པོའི་ཡུལ་དུ་འགྲིམ་པ་ཙམ་གྱིས༔ གསུང་རབ་ཡན་ལག་བཅུ་གཉིས་ཀྱིས་བསྡུས་པའི་ཆོས་ཐམས་ཅད་ཐོས་ཤིང་ལུང་ཐོབ་པ་དང་འདྲ་བ༔ འདིའི་དབང་ནོད་པ་རྣམས་ནི་གསང་སྔགས་འགྱུར་རོ་ཅོག་གི་དབང་ཐོབ་པ་དང་མཚུངས་ཤིང་༔ དོན་ཡིད་ལ་བྱེད་པ་རྣམས་ནི༔ ལྷུན་གྱིས་གྲུབ་པའི་རིག་འཛིན་ཕྱིར་མི་ལྡོག་པ་རྡོ་རྗེ་ལྟ་བུའི་ཡེ་ཤེས་དང་༔ ཏིང་ངེ་འཛིན་ཚེ་འདི་ཉིད་ལ་བརྟན་པ་ཐོབ་པར་འགྱུར་ཞིང་གནས་སྐབས་ཚེ་འདིར་ཡང་༔ མི་དང་མི་མ་ཡིན་པ་རྣམས་ཀྱིས་མཆོད་པའི་གནས་བཀུར་བའི་ཞིང་དམ་པར་འགྱུར་ལ༔ ནད་དང་གནོད་པ་རྐྱེན་དང་བར་ཆད་ལ་སོགས་པ་མི་མཐུན་པའི་ཕྱོགས་ངན་པ་ཐམས་ཅད་ཞི་བ་དང་༔ ཚེ་དང་བསོད་ནམས་དཔལ་དང་འབྱོར་པ་གྲགས་པ་དང་སྙན་པ་ལ་སོགས་པ༔ ལེགས་པའི་ཡོན་ཏན་ཅི་བསམ་པ་ཐམས་ཅད་འགྲུབ་ལ་དར་ཞིང་རྒྱས་པར་འགྱུར་རོ༔

― CMR007_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་གསུམ་སྲིད་པ་གསུམ་གྱི་ཚེ་དང་བསོད་ནམས་དཔལ་འབྱོར་སྙན་གྲགས་སྐྱེ་འགྲོ་ཕོ་མོ་ཟས་ནོར་ལོངས་སྤྱོད་ལ་སོགས་ཇི་ལྟར་འདོད་པ་ཐམས་ཅད་རང་དབང་མེད་པར་དབང་དུ་འདུས་པར་འགྱུར་རོ༔ རང་གཞན་ཐམས་ཅད་དང་བསྟན་པ་ལ་གནོད་ཅིང་འཚེ་བར་བྱེད་པའི་སྡང་དགྲ་གནོད་བྱེད་བགེགས་རྐྱེན་དང་བར་ཆད་འབྱུང་པོ་མི་དང་མི་མ་ཡིན་པ་ཕ་རོལ་གྱི་རིག་སྔགས་བསམ་སྦྱོར་ངན་པ་ཐམས་ཅད་ཚར་གཅོད་ཅིང་བཟློག་པར་འགྱུར་བ་ལ་སོགས་པ༔ རང་རང་སོ་སོའི་ཇི་ལྟར་འདོད་པའི་དོན་ཐམས་ཅད་འབྱུང་བ་ཡིད་བཞིན་གྱི་ནོར་བུ་ཐེག་པ་ཐམས་ཅད་ཀྱི་སྙིང་པོ་འདི་གནང་བས༔ བྱིན་རླབས་དང་དངོས་གྲུབ་ཀྱི་ལྟས་དཔག་ཏུ་མེད་པ་བྱུང་ཞིང་༔ བསྒྲུབས་པས་གྲུབ་རྟགས་དཔག་ཏུ་མེད་པ་བྱུང་༔ མཚོ་རྒྱལ་གྱིས་ཡི་གེར་བྲིས་ནས༔ གཅིག་རྒྱལ་པོའི་བླ་གཏེར་བང་སོ་ལ་སྦས༔ གཅིག་དབུས་རི་ནག་པོའི་སྟེང་ལ་སྦས༔ སྤྲུལ་པས་འདོན་ཅིང་འགྲོ་དོན་འབྱུང་བར་སྨོན་ལམ་བཏབ་ཕྱིས་སངས་རྒྱས་གླིང་པས་བཏོན་ནས་འཕེལ་ལོ༔ འདིའི་ཕན་ཡོན་ནི༔ ཨོ་རྒྱན་རིན་པོ་ཆེས་དབང་འདི་ནམ་བསྐུར་ཡང་དེར་ཨོ་རྒྱན་གྱི་སྤྲུལ་པ་འབྱོན་ནས་བྱིན་གྱིས་བརླབ་པར་

― CMR007_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གྱིས་བཞེས་སོ༔ རྩ་རྒྱུད་པད་སྡོང་བརྩེགས་པ་ལས༔ དེ་ལྟར་ཉི་མའི་ཟེར་ཐག་ལྟར༔ སྣང་ཡུལ་ཁྱབ་བྱེད་གནས་སྐབས་འགར༔ འཕྲོས་པའི་ཕྲེང་བ་རེ་རེ་ཙམ་མཐའ་ནས་མཐའ་རུ་འབྱུང་བར་འགྱུར༔ ཞེས་གསུངས་པའི་དོན་ཡང་༔ བདེ་བར་གཤེགས་པའི་བསྟན་པ་མར་འགྲིབ༔ བསྟན་པ་སྔགས་ཀྱིས་འཚོ་བའི་དུས༔ སྙིགས་མའི་ཡང་སྙིགས་མ༔ བསྟན་པ་ཉི་མའི་ཟེར་ཐག་ལྟར་དུ་གྱུར་པའི་ཚེ་ན༔ བཀའ་མའི་ཆོས་ཕལ་ཆེར་ལྟར་སྣང་ལ་སྤྱོད༔ གསང་སྔགས་ཀྱི་ཆོས་ཡང་སྣང་ཡུལ་ཙམ་ལ་དར་ལ་མ་སྨིན་པར་ཡང་ལ་འཇམ་ཡུགས་སུ་ཁྱབ་པར་བྱེད་ཅིང་༔ གནས་སྐབས་བར་སྣང་ལ་གློག་འགྱུ་བའི་རྣམ་པ་ལྟར་ཡུད་ཅིག་གི་ཚེ༔ འགའ་དང་འགར་ཐེག་པ་ཆེན་པོ་འདི་ཉིད་ཀྱི་མིང་གི་ཆ་འཛིན་པ་ཙམ་གྱིས་སྐྱེས་བུ་རེ་རེ་ཞིག་འབྱུང་བ་ནི༔ ཆོས་རྒྱལ་ཡབ་སྲས་ལ་སོགས་ཀྱིས༔ སྨོན་འཇུག་དང་སྨོན་ལམ་གྱི་ཤུགས་ལ་བརྟེན་ཏེ༔ འཕྲོས་པའི་ཕྲེང་བ་སྐྱེ་བ་ཐ་མའམ༔ སྤྲུལ་པ་ཡང་སྤྲུལ་སུམ་སྤྲུལ་བདུན་སྤྲུལ་དུ་གྱུར་པའི་སྐྱེས་བུ་ལ་ལ་ཙམ་ཞིག་ཀྱང་༔ གནས་སྐབས་ཡུལ་དོན་དུ་མཐའ་འཁོབ་ནས་མཁའ་འཁོབ་ཏུ་འབྱུང་ཞིང་༔

― CMR007_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་ཆེན་པོ་དེའི་མིང་ཙམ་འཛིན་ཅིང་༔ འགའ་དང་འགའ་ལ་འབྲེལ་པ་འཇོག་པ་འབྱུང་སྟེ༔ དེ་ཡང་བདེ་བར་གཤེགས་པ་རྣམས་ཀྱིས་དགོངས་ཤིང་༔ རིག་འཛིན་དམ་པ་རྣམས་ཀྱིས་བྱིན་གྱིས་བརླབས༔ རྒྱུད་འདིའི་མཚན་ཐོས་པ་ཙམ་གྱིས་བག་ཆགས་བཞག་ནས་འཁོར་བ་མཐའ་ཅན་དུ་འགྱུར་ཞིང་འདིའི་ལུང་ནོད་པ་དང་༔ འདིའི་རྗེས་སུ་སྤྱོད་པ་རྣམས་ནི༔ སྐྱེ་མེད་འཁོར་བའི་རྒྱུན་གཅོད་དེ༔ རིག་འཛིན་གྱི་ཞིང་དུ་ཡོངས་སུ་རྫོགས་པར་འགྱུར་རོ༔ ཞེས་ཨོ་རྒྱན་ཆེན་པོས་མཛད་པའི་རྒྱུད་ཀྱི་འགྲེལ་པ་མེ་ཏོག་རྒྱན་ལས་སོ༔ དེ་བཞིན་དུ་ལུང་བསྟན་ཆེན་པོ་བཀའ་རྒྱ་མ་ལས༔ ལྔ་བཅུ་ཁ་རལ་བསྟན་པའི་མར་ཞབས་སུ༔ བཀའ་མ་རྣམས་ནི་འཆལ་ཞིང་ནུབ་ལ་ཉེ༔ གཏེར་མ་འགའ་ཡང་གསར་འགྲོག་གནས་སྐབས་ཙམ༔ གསང་སྔགས་དར་ལ་མ་སྨིན་འབྱུང་བའི་ཚེ༔ མི་རྣམས་ཚེ་ཐུང་གློ་བུར་ཡེ་འདྲོགས་མང་༔ སྒྲུབ་པའི་ལོང་མེད་བར་ཆད་རྐྱེན་དབང་འགྱུར༔ དེ་དུས་དགོངས་འདུས་གསང་གཏེར་གྲོལ་འགྱུར་ཞིང་༔ སྨོན་ལམ་གང་ཐེབ་འདི་འཕྲད་དོན་དང་ལྡན༔ འདི་མཐོང་ཐོས་རེག་ལས་ཅན་སྐལ་ཚོགས་བསགས༔ མི་ནུབ་བསྟན་པའི་

― CMR007_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་མཚན་བཟུང་ནས་ཀྱང་༔ མོས་བྱེད་བསྒྲུབ་རྣམས་སངས་རྒྱས་སྨོས་ཅི་དགོས༔ ཞེས་དང་༔ དེ་སོགས་གྲངས་སྙེད་ཇི་སྲིད་བསྟན་པའི་བར༔ ནུབ་པར་མི་འགྱུར་དར་ཞིང་རྒྱས་པར་འགྱུར༔ ནམ་ཞིག་འཐོར་ཡང་དུམ་བུ་རེ་རེས་ཀྱང་༔ ཟ་འོག་རས་བཞིན་ཁ་ཚང་འགྲོ་ལ་ཕན༔ བསྟན་པ་འདི་འཕེལ་ཕྱོགས་ལ་རྣམ་པ་གཉིས༔ སྤྱིར་ནི་གསང་སྔགས་བསྟན་པ་དར་བའི་ཕྱོགས༔ ཁྱད་པར་ལྷོ་རོང་མཐའ་འཁོབ་མདོ་ཁམས་དང་༔ མེ་ཉག་ལི་ཡུལ་དབུས་སྡེ་གཙང་རོང་དང་༔ ལོ་ལོ་རུ་བཞི་ཡུལ་དགུའི་ཕྱོགས་སུ་དར༔ དུམ་བུར་འཐོར་ལ་ཕྱོགས་ཀྱི་རྣམ་ངེས་མེད༔ དེ་དག་རྣམས་སུ་བསྟན་པ་འདི་འཕེལ་ཞིང་༔ གདུལ་བྱའི་འགྲོ་བ་སྨིན་ཅིང་གྲོལ་བ་ནི༔ འབུམ་ཕྲག་དུང་ཕྱུར་ཐེར་འབུམ་ཁད་ཁོད་དགུ༔ མི་ཡི་སྐྱེ་འགྲོ་དེ་ལས་གཞན་པ་ནི༔ འཁོར་བ་མཐའ་ཅན་ཐར་པའི་ས་བོན་ཐེབ༔ འབྲེལ་པ་དོན་ཡོད་གྲངས་ཀྱི་རྫོགས་མི་འགྱུར༔ ཡང་དག་འབྲས་བུ་མཆོག་དོན་བརྙེས་པ་ནི༔ བདུན་འབུམ་བཞི་ཁྲི་དུང་ཕྱུར་ཕྱེད་དང་གཉིས༔ དེ་སྐད་འགྲོ་བ་འདི་འཕྲད་ཡོན་ཏན་ཏེ༔ གཞན་ཡང་འདི་འཕྲད་ཡོན་ཏན་བརྗོད་མི་ལོངས༔ འདི་མཐོང་

― CMR007_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་རེག་འདི་དང་གང་འབྲེལ་བ༔ སེམས་ཅན་རིགས་གྱུར་ལས་ཀྱི་མཐའ་སྟོངས་ཤིང་༔ སྣང་བ་མཐའ་ཡས་ཞིང་མཆོག་གནས་རབ་ཏུ༔ འཁོད་པར་འགྱུར་ན་ཉམས་སུ་ལེན་རྣམས་ནི༔ ཚེ་གཅིག་ལུས་གཅིག་གྲོལ་བ་སྨོས་ཅི་དགོས༔ ཞེས་གསུངས་སོ༔ དེ་ལྟ་བུའི་དབང་ཟབ་མོ་ཞུ་བའི་རྗེས་ཟློས་མཛོད༔ ཅེས་ཧྲུབྱིན་རླབས་རྩ་བ་སོགས་བརྗོད་པའོ༔ མང་ན་དབང་འགྲིམ་ཚེ་འཛབ་དབྱངས་ཕྱག་ལེན་ནོ༔ ཞེས་རཱ་ག་ཨ་སྱས་སྦྱར་བ་ལ་ཉེས་པ་ཆོས་བདག་སྲུང་མའི་ཚོགས་ལ་བཤགས༔ དགེ་བས་འགྲོ་བ་མང་པོའི་དགོངས་འདུས་ལ་འབྲེལ་པ་ཐོགས་ནས་བདེ་བ་ཅན་དུ་སྐྱེ་བའི་རྒྱུར་གྱུར་ཅིག མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་དགོངས་པ་འདུས་པ་ལས་བྱིན་རླབས་གཏོར་མའི་བརྡ་དབང་དང་རྩ་བ་གསུམ་གྱི་དབང་དོན་བསྡུས་པ།

― CMR007_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དགོངས་པ་འདུས་པ་ལས་བྱིན་རླབས་གཏོར་མའི་བརྡ་དབང་དང་རྩ་བ་གསུམ་གྱི་དབང་དོན་བསྡུས་པ་བཞུགས་སོ༔

― CMR007_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུག།ཊསྭ༔ ན་མོ་གུ་རུ་དྷེ་ཝ་དྷཱ་ཀི་ནཱི་ཧཱུྃ༔ བྱིན་རླབས་བདུད་རྩིའི་སྤྲིན་ཆར་ལས༔ སློབ་མ་སྨིན་ཅིང་གྲོལ་བ་ཡི༔ གདམས་པ་རྣམ་དག་མང་བཤད་ཀྱི༔ བསྡུས་ཏེ་གཏོར་མའི་བརྡ་དབང་བསྐུར༔ འདིར་གཏོར་མ་ལ་བརྟེན་ཏེ༔ བྱིན་རླབས་ཙམ་བརྡ་ཡི་དབང་སྐུར་བར་བྱེད་པ་ལ་བརྒྱད༔ སློབ་དཔོན་ཇི་ལྟ་བུས་སློབ་མ་ཅི་འདྲ་ལ༔ ཚུལ་ཇི་ལྟར་ལ་མ་བསྐུར་ན་ཅི་ཉེས་བསྐུར་ན་ཡོན་ཏན་ཅི་ཡོད་པ་དང་ལྔ་ལས༔ སློབ་དཔོན་ནི་དཀྱིལ་འཁོར་ལ་བརྟན་པ་ཐོབ་ཅིང་༔ སྟོང་ཉིད་སྙིང་རྗེའི་རྩལ་འབྱོངས་པ༔ འབྲིང་ཡི་དམ་ལྷའི་བསྙེན་པ་ཐེམས་ཤིང་རང་འདོད་ཀྱི་དྲི་མས་མ་གོས་པ༔ ཐ་མ་ཡང་ཆོ་ག་ལག་ལེན་གྱི་རིམ་པ་མཁས་ཤིང་༔ གཟུ་ལུམ་རལ་ཆོད་བབ་ཆོལ་མི་བྱེད་པའི་སློབ་དཔོན་བྱམས་སེམས་དང་ལྡན་

― CMR007_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ༔ སློབ་མ་ཅི་ལྟ་བུ་ལ་བསྐུར་ན༔ བློ་ཡངས་ཤིང་དད་པ་བརྩོན་འགྲུས་དམ་ཚིག་གཏོང་ཕོད་སྙིང་རུས་གོ་ཆ་ཆེ་བ་ཚུལ་བདུན་དང་ལྡན་པ་སྟེ༔ འབྲིང་དད་པ་ཆེ་བ་དམ་ཚིག་ལ་གནས་པ༔ གཏོང་ཕོད་ཆེ་བའི་སྐྱེས་བུ༔ ཐ་མ་ཡང་རྡོ་རྗེ་སློབ་དཔོན་གྱི་བཀའ་དྲིན་ཁྱད་དུ་མི་གསོད་པའི་སློབ་མའོ༔ ཚུལ་ཇི་ལྟར་བསྐུར་བ་ནི༔ སྔོན་འགྲོ་དངོས་གཞི་རྗེས་གསུམ་གྱི་སྐྱ་བར་ནས་བསྟན་ཏེ༔ བསྐུར་བར་བྱ་ཞིང་༔ དང་པོ་ནི་དུས་ཁྱད་པར་ཅན་ཉ་སྟོང་བརྒྱད་གསུམ་ལ་སོགས་པའི་ཚེས་བཅུའི་སྐབས་ལ་བབ་པའི་ཚེ༔ ཡིད་དང་མཐུན་པའི་གནས་ཁང་ལ་སོགས་པ་ཚོགས་རྫོགས་པའི་སྤྱན་གཟིགས་ཅི་ཡང་བཀྲམ༔ དེ་ནས་སའམ་ཤིང་སྟེགས་ཀྱི་སྟེགས་བུ་རྒྱ་ཁྱོན་ཇི་ལྟར་རིགས་པ་བཅས་པའི་སྟེང་དུ༔ དཀྱིལ་འཁོར་འདབ་བརྒྱད་བྲིས་ན་ལེགས། མ་གྲུབ་

― CMR007_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་འབྲུའི་ཚོམ་བུ་དགུ་སོགས་བཀོད་པའི་དབུས་སུ༔ འབྲུ་ཕྱེ་གཙང་མར་སྣ་ཚོགས་སྤྱོད་སྦྱར་བདུད་རྩི་ཆང་གིས་སྦྲུས་པའི་དཔལ་ཤོས་རིན་ཆེན་ཟུར་བརྒྱད་འདབ་བརྒྱད་ལྡན་པ་ལ། དཀར་ཐིག་དམར་གུར་འདོད་ཡོན་ཟས་སྣ། དར་གྱི་ཕོ་ལོང་རིན་པོ་ཆེའི་སྡོམ་ཚར་གྱི་བརྒྱན་པ་བཤམས་པའི་ཕྱོགས་མཚམས་བརྒྱད་ལ་ཡང་བླ་མ་ཡི་དམ་ཌཀྐི་ལ་སོགས་པའི་གཏོར་མ་ཇི་ལྟར་རིགས་པ་དང་། ཕྱི་ནང་གི་མཆོད་པ་སྨན་རཀ་གི་བདུད་རྩི་རྣམས་རིམ་པ་ལྟར་སྤྱི་དང་མཐུན་པར་བཤམ། དེ་ནས་རྡོ་རྗེ་སློབ་དཔོན་གདན་ལ་གནས་པས་སྐྱབས་འགྲོ་སེམས་བསྐྱེད་ནས་བཟུང་སྟེ༔ སྔོན་དུ་འགྲོ་བའི་མཆོད་བསྟོད་རྒྱས་པར་བྱ་ཞིང་རྩ་གསུམ་གྱི་དཀྱིལ་འཁོར་རྒྱས་བསྡུས་གང་རིགས་རྫོགས་པར་བསྐྱེད་དེ་བཟླས་པ་བྱ༔ རྡོ་རྗེ་རྒྱལ་ཐེབ་ལ་སོགས་པས་རྒྱས་པ་ཕྲིན་ལས་ཀྱི་གཞུང་བསྲང་སྟེ༔ ཚོགས་ལས་ཡན་ཆད་འགྲུབ་པར་བྱ་ཞིང་༔ ཁྱད་པར་དུ་དཔལ་གྱི་གཏོར་མ་རྩ་བ་གསུམ་གྱི་ལྷ་ཚོགས་དམ་ཚིག་པ་བསྐྱེད་ཅིང་། ཡེ་ཤེས་པ་སྤྱན་དྲངས་ལ་བསྟིམ༔ ཨོཾ་ཨཱ༔ ཧཱུྃ་ཧྲིབཛྲ་གུ་རུ་དྷེ་ཝ་དྷཱ་ཀི་ནི་ཛྙཱ་ན་སརྔ་མ་ཧུ་བྷ་ལི་ཏ་སརྦ་སིདྡྷི་ཕ་ལ་ཧཱུྃ་ཨཱ༔ ཞེས་པའི་འཛབ་བརྒྱ་ཕྲག་ཅི་འགྲུབ་བཟླས་པ་བྱའོ༔ སྤྲོས་པ་ལ་དགའ་ན་གཞན་ནས་འབྱུང་བའི་འཛབ་བསྐུལ་འཛབ་བསྟོད་ལ་སོགས་པ་འཛབ་ཀྱི་ཆོ་ག་ཡང་བྱའོ༔ དེ་དག་ནི་སྔོན་དུ་འགྲོ་བའི་རིམ་པའོ༔ གཉིས་པ་དངོས་གཞིའི༔ སྒྲིབ་པ་སྦྱང་བ་ནི༔ གཟུངས་སྔགས་བཟླས་པའི་ཆུས་སློབ་མ་རྣམས་ལ་ཁྲུས་བྱས་ཏེ༔ ནང་དུ་འཁོད་ལ་གུ་གུལ་གྱི་དུད་པས་བདུག༔ ཏིལ་

― CMR007_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཡུངས་ཀར་ལ་སོགས་པས་བྲབ་ཅིང་དྲག་སྔགས་ཀྱིས་བགེགས་བསྐྲད༔ རོལ་མོ་བསྒྲག སློབ་དཔོན་གྱིས་བསྲུང་བའི་འཁོར་ལོ་བསྒོམ་པར་བྱའོ༔ སློབ་མ་རྣམས་རྡོར་སེམས་བསྐྱེད་རིམ་ལ་གནས་པས་ཡི་གེ་བརྒྱ་པ་བཟླས་ཤིང་རྒྱུད་སྦྱོང་སོང་༔ དེ་ནས་མཎྜལ་འབུལ་ཏེ་ཕྱག་འཚལ་ནས༔ མགྲིན་གཅིག་ཏུ་འདི་སྐད་གསོལ་བ་གདབ༔ ཧཱུྃ༔ བྱིན་རླབས་རྩ་བ་བཀའ་བརྒྱུད་བླ་མ་རྣམས་ལ་གསོལ་བ་འདེབས་སོ༔ དངོས་གྲུབ་རྩ་བ་ཡི་དམ་ལྷ་ཚོགས་ལ་གསོལ་བ་འདེབས་སོ༔ ཕྲིན་ལས་རྩ་བ་མཁའ་འགྲོའི་ཚོགས་ལ་གསོལ་བ་འདེབས་སོ༔ བླ་མས་བྱིན་གྱིས་བརླབ་ཅིང་སྨིན་པར་མཛད་དུ་གསོལ། ཡི་དམ་ལྷའི་བྱིན་གྱིས་བརླབ་ཅིང་གྲོལ་བར་མཛད་དུ་གསོལ༔ མཁའ་འགྲོས་བྱིན་གྱིས་བརླབ་ཅིང་བར་ཆད་བསལ་དུ་གསོལ༔ ཅེས་དད་པའི་ཤུགས་བསྐྱེད་དེ་གསོལ་བ་གདབ༔ དེ་ནས་རྡོ་རྗེ་སློབ་དཔོན་རུས་པའི་རྒྱན་ལ་སོགས་པ་ཆེས་དང་ལྡན་པས་ལྷའི་ང་རྒྱལ་བསྐྱེད་དེ༔ སློབ་མ་རྣམས་ཀྱང་སྐད་ཅིག་གིས་ཕོ་ཐམས་ཅད་རྟ་མགྲིན་སྐུ་མདོག་དམར་པོ༔ ཞལ་གཅིག་ཕྱག་གཉིས་ཁྲོ་ཞིང་གཏུམ་པ་ཁྲོ་བོའི་ཆ་ལུགས་དུ་མ་དང་ལྡན་ཞིང་སྤྱི་བོར་རྟ་མགོ་ལྗང་ཞུར་དབང་སྐད་སྒྲོག་པ༔ ཕྱག་གཉིས་གཡས་གཡོན་གྲི་གུག་ཐོད་ཁྲག་འཛིན་ཅིང་དཔའ་བོ་དབང་ཆེན་རོལ་

― CMR007_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གར་སྟབས་མཛད་པ་ཙམ་གྱིས་སྣང་སྲིད་ཀྱི་སྐྱེ་འགྲོ་ཕོ་མོ་ཐམས་ཅད་ཀྱང་དཔལ་རྟ་མགྲིན་དུ་གྱུར་ནས་འདུས་ཏེ་གར་ཤིག་ཤིག༔ ཞལ་ནས་དྲག་པོའི་ཧཱུཾ་སྒྲ་ཏི་རི་རི་སྒྲོག་པར་བསྒོམ༔ མོ་ཐམས་ཅད་ཡུམ་རྡོ་རྗེ་ཕག་མོ་མཐིང་ནག་ཞལ་གཅིག་ཕྱག་གཉིས་གཅེར་བུ་རལ་པ་ཅན༔ ཁྲོ་མོའི་ཆ་ལུགས་དང་ལྡན་པ་ལས་ཀྱང་༔ སྤྱི་གཙུག་ཏུ་ཕག་ཞལ་ནག་མོ་ངུར་སྒྲ་སྒྲོག་པ༔ ཕྱག་གཉིས་གཡས་གཡོན་གྲི་གུག་ཐོད་ཁྲག་འཛིན་ཅིང་དཔའ་མོའི་སྟང་སྟབས་ཀྱིས་གར་མཛད་པ་ཙམ་གྱིས༔ སྣང་སྲིད་སྐྱེ་འགྲོ་ཕོ་མོ་ཐམས་ཅད་ཀྱང་ཡུམ་རྡོ་རྗེ་ཕག་མོར་གྱུར་ནས་འདུས་ཏེ༔ སྐུས་གར་སྟབས་མཛད་གསུང་གི་གད་རྒྱངས་དང་ཕཊ་སྒྲ་སྒྲོག་པར་བསམ༔ སླར་རྡོ་རྗེ་སློབ་དཔོན་ཨོ་རྒྱན་པདྨ་ཐོད་ཕྲེང་རྩལ་སྤྲུལ་སྐུའི་ཆ་ལུགས་ཅན་དུ་གསལ་བའི་ཐུགས་ཀ་ནས་ཧྲིདམར་པོ་ལས་འོད་ཟེར་དམར་པོ་ལྕགས་ཀྱུའི་རྣམ་པ་ཅན་དཔག་ཏུ་མེད་པ་འཕྲོས་པས༔ ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་མཁའ་འགྲོ༔ དཔའ་བོ་དཔའ་མོ་དམ་ཅན་སྲུང་མ་དང་བཅས་པ་ཐམས་ཅད་ལ་ཕོག་པས་ཐུགས་དམ་གྱི་རྒྱུད་བསྐུལ་ནས་སྤྱན་དྲངས༔ སློབ་མ་རྣམས་ལ་སིབ་སིབ་

― CMR007_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ་པར་བསམ༔ རང་གིས་ཀྱང་བསྒོམ་དུ་བཅུག་ལ༔ ཧཱུྃ་ཧྲཱིཿ བཞེངས་ཤིག་རྩ་བ་གསུམ་བཞེངས་ཤིག༔ རང་རང་གནས་ནས་སྐུ་བསྐྱོད་འཚལ༔ ཨོ་སྐུ་ཡི་བྱིན་གྱིས་བརླབ་ཏུ་གསོལ༔ ལུས་ལ་གཟི་བརྗིད་བསྐྱེད་དུ་གསོལ༔ ལུས་ཀྱི་སྒྲིབ་པ་སྦྱང་དུ་གསོལ༔ ལྷ་དབང་ལུས་ལ་བསྐུར་དུ་གསོལ༔ སྐུ་མི་འགྱུར་ཚེ་ཡི་དངོས་གྲུབ་སྩོལ༔ ཨཱགསུང་གི་བྱིན་གྱིས་བརླབ་ཏུ་གསོལ༔ ངག་གི་སྒྲིབ་པ་སྦྱང་དུ་གསོལ༔ སྔགས་དབང་ངག་ལ་བསྐུར་དུ་གསོལ༔ གསུང་སྙིང་པོ་ལུང་གི་དངོས་གྲུབ་སྩོལ༔ ཧཱུཾ་ཐུགས་ཀྱི་བྱིན་གྱིས་བརླབ་ཏུ་གསོལ༔ སེམས་ཀྱི་སྒྲིབ་པ་སྦྱང་དུ་གསོལ༔ ཆོས་དབང་སེམས་ལ་བསྐུར་དུ་གསོལ༔ ཐུགས་སྐྱེ་མེད་རྡོ་རྗེའི་དངོས་གྲུབ་སྩོལ༔ སྐུ་གསུང་ཐུགས་ཀྱི་བྱིན་གྱིས་རློབས༔ ཡེ་ཤེས་ལྔ་ཡི་དབང་བསྐུར་ཅིག༔ རྒྱུད་འཛིན་བུ་ལ་བྱིན་གྱིས་རློབས༔ དབང་རྣམས་རྫོགས་པར་བསྐུར་དུ་གསོལ༔ ཅེས་གསོལ་བ་གདབ༔ རོལ་མོ་སྒྲོག༔ སྤོས་བསྲེག སློབ་དཔོན་གྱིས་མེ་ཏོག་འཐོར༔ དམིགས་པ་སྤར༔ གཟི་ཟིན་བསྐྱེད༔ ཐམས་ཅད་ཀྱང་རིག་པའི་ངར་བསྐྱེད་ཅིང་དམིགས་པ་མ་ཡེངས་བར་བཟུང་༔ འཛབ་དབྱངས༔ ཧཱུྃ་ཕཊ༔ དྲག་པོའི་སྒྲ་རྣམས་བྱའོ༔ རྟོག་པ་སྣ་མི་སྐྱིལ་

― CMR007_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ཁ་ཡན་དུ་བཏང་ན་བྱིན་རླབས་ཆེ་བར་འགྱུར་བ་གནད་ཡིན་ནོ༔ ཕེབས་ནས་སློབ་དཔོན་གྱིས༔ ཏིཥྛ་བཛྲ་ཛྷཱ་ན་ས་མ་ཡ་སྟོ་ཧོ༔ ཡ་ཏ་སུ་ཁཾ༔ ཞེས་པས་ཡེ་ཤེས་པ་བསྟིམ་པའི་དམིགས་པ་བྱའོ༔ སློབ་མ་རྣམས་ཀྱིས་སེམས་དུས་གསུམ་རྟོག་པའི་རྗེས་ཕྱིར་མི་འབྲང་བར༔ རང་མལ་དུ་ལྷོད་དེ་ཀློད་ལ་དར་ཅིག་བཅས་བཅོས་མེད་པར་བཞག་གོ༔ དེ་ནས་དབང་བསྐུར་བར་བྱ་སྟེ༔ གཏོར་མ་སློབ་མའི་སྤྱི་བོར་བཞག་ཅིང་༔ གཏོར་མ་དེ་ཉིད་ཐ་དད་མེད་པར་པདྨ་འབྱུང་གནས་ཞེས་དུས་གསུམ་གྱི་བླ་མ་ཐམས་ཅད་འདུས་པའི་ངོ་བོ་སྤྲུལ་སྐུའི་ཆ་ལུགས་ཅན༔ དཀར་ལ་དམར་མདངས་ཆགས་པ་ཞལ་གཅིག་ཕྱག་གཉིས་གཡས་གསེར་གྱི་རྡོ་རྗེ་དང་གཡོན་ཀ་པཱ་ལ་བསྣམས་པ༔ སྐུ་ལ་ན་བཟའ་ཟབ་བེར་དང་༔ སྣམ་སྦྱར་ཆོས་གོས༔ དབུ་ལ་པད་ཞུ་དར་སྣ་ལྔ༔ མེ་ལོང་འཕྲུལ་གྱིས་བརྒྱན་པ་མནབས་ཤིང་གཞོན་ཞིང་མཛེས་པའི་ཆ་ལུགས་དུ་མས་སྤྲས་ཏེ༔ གཟི་བརྗིད་ཀྱི་ཉམས་དང་ལྡན་པར་བཞུགས་པ་ལ༔ ཕྱོགས་བཅུའི་རྒྱལ་སྲས་རྣམས་དང་༔ དུས་གསུམ་གྱི་སྐུ་གསུམ་བླ་མའི་ཚོགས་ཀྱིས་བསྐོར་བར་དམིགས་པའི་སྐུ་གསུང་ཐུགས་ལས་འོད་ཟེར་དཀར་དམར་མཐིང་ག་འཕྲོས་ཤིང་ལུས་ངག་ཡིད་གསུམ་ལ་ཕོག་

― CMR007_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

པས༔ དེ་དག་གི་སྡིག་སྒྲིབ་ཉམས་ཆག་ཐམས་ཅད་སང་སང་དག་ནས་ལུས་བདེ་བ་དང་ལྡན༔ ལྷ་དབང་ལུས་ལ་ཐོབ༔ ངག་ནུས་པ་དང་ལྡན༔ སྔགས་དབང་། ངག་ལ་ཐོབ༔ སེམས་བདེ་བ་དང་ལྡན༔ ཆོས་དབང་སེམས་ལ་ཐོབ༔ ལུས་ངག་ཡིད་གསུམ་སྨིན་ཅིང་གྲོལ་ཏེ༔ དུག་གསུམ་ངང་གིས་ཞི༔ སྐུ་གསུམ་ལྷུན་གྱིས་གྲུབ་པར་དཔོན་སློབ་ཀུན་གྱིས་བསམས་ལ༔ ཧཱུྃ་ཧཱུྃ༔ ཆོས་སྐུ་སྐྱེ་མེད་ངང་ལས་མ་གཡོས་ཀྱང་༔ ལོངས་སྐུ་གསལ་ལ་མ་འདྲེས་གུ་རུའི་སྐུ༔ སྤྲུལ་སྐུ་སྣ་ཚོགས་ཐབས་ཀྱིས་འགྲོ་བ་འདུལ༔ སྐུ་གསུམ་མ་འདྲེས་གསལ་ཅིང་ཡོངས་སུ་རྫོགས༔ སྔོན་ཚེ་པད་འབྱུང་ཁྱེད་དང་སྨོན་ལམ་གཅིག༔ ད་ལྟ་བདག་དང་སློབ་མའི་སྟོང་གཟུགས་གཅིག སྲོག་གི་ཕྱིར་ཡང་མི་གཏོང་བསྒྲུབ་ལགས་སོ༔ དེ་ཕྱིར་ཁྱེད་ཀྱི་མཁྱེན་བརྩེའི་ཡེ་ཤེས་ཀྱིས༔ སྐལ་ལྡན་སྐྱེས་མཆོག་རིགས་ཀྱི་བུ་རྣམས་ལ༔ སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ༔ ཡེ་ཤེས་དབང་ཆེན་རབ་འབྱམས་ཡོངས་རྫོགས་ཤོག༔ ཨོཾ་ཨཱཿཧཱུྃ་ཧཱུྃ༔ བཛྲ་གུ་རུ་པདྨ་ཐོང་ཕྲེལ་རྩལ་བཛྲ་ས་མཱ་ཡ་ཛ༔ སརྦ་སིདྡྷི་ཕ་ལ་ཧཱུྃ་ཨཱ༔ ཨོཾ་གུ་རུ་དྷརྨ་ཀཱ་ཡ༔ ཀཱ་ཡ་སིདྡྷི་ཨ་བྷི་

― CMR007_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ཥིཉྩ་ཨོཾ༔ གུ་རུ་ནིརྨ་ཀཱ་ཡ༔ ཝཱཀ་སིདྡྷི་ཨ་བྷི་ཥིཉྩ་ཨཱ༔ གུ་རུ་སམྦྷོ་ཀཱ་ཡ༔ ཙིཏྟ་སིདྡྷི་ཨ་བྷི་ཥིཉྩ་ཧཱུྃ༔ ཞེས་བསྐུར༔ འགྲིམ་ཚེ་འཛབ་དབྱངས་བྱ༔ གཏོར་མ་མགྲིན་པར་གཏད་དེ༔ གཏོར་མ་དེ་ཉིད་དང་གཉིས་སུ་མེད་པརཿ་ཡི་དམ་ཐམས་ཅད་འདུས་པའི་ངོ་བོ་དཔལ་རྟ་མགྲིན་རྒྱན་ཆ་ལུགས་དང་ལྡན་པར་བསྐྱེད་ལ༔ དཔལ་རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས་ཁྲོ་ཞིང་གཏུམ་པ༔ ཁྲོ་བོའི་ཆ་ལུགས་དུ་མ་དང་ལྡན་ཞིང་སྤྱི་བོར་རྟ་མགོ་ལྗང་ཞུར་དབང་སྐད་སྒྲོག་པ༔ ཕྱག་གཉིས་གཡས་གཡོན་གྲི་གུག་ཐོད་ཁྲག་འཛིན་ཅིང་༔ དཔའ་བོ་དབང་ཆེན་རོལ་པས་གར་སྟབས་མཛད་པ་ཡི་དམ་ཞི་ཁྲོ་རབ་འབྱམས་རྒྱལ་བའི་དཀྱིལ་འཁོར་གྱི་ཚོགས་དཔག་ཏུ་མེད་པས་བསྐོར་བ་རྣམས་ཀྱི༔ སྐུ་གསུང་ཐུགས་ལས་འོད་ཟེར་དཀར་དམར་མཐིང་ག་འཕྲོས་པ་ཙམ་གྱིས། ལུས་ངག་ཡིད་གསུམ་དང་ཁྱད་པར་སྙིང་གར་ཕོག་པས༔ སྐུ་གསུང་ཐུགས་ཡོན་ཏན་ཕྲིན་ལས་དངོས་གྲུབ་བསྩལ་ནས༔ སེམས་ཀྱི་འདོད་དགུ་འགྲུབ་པར་བསམ་ཞིང་༔ ཧཱུྃ་ཧཱུྃ༔ བདེ་མཆོག་བདེ་སྤྱོད་ནམ་མཁའི་ཀློང་ཡངས་ནས་ཡི་དམ་དཀྱིལ་འཁོར་ལྷ་ཚོགས་ཐུགས་རྗེ་ཅན༔ རྒྱལ་བ་ཞི་ཁྲོ་ཡབ་ཡུམ་འཁོར་

― CMR007_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ཀྱིས༔ སྐུ་གསུང་ཐུགས་དང་མཉམ་སྦྱོར་དངོས་གྲུབ་སྩོལ༔ ཕྲིན་ལས་རྣམ་བཞི་ལྷུན་གྱིས་གྲུབ་པའི་དཔལ༔ བུམ་བཟང་དཔག་བསམ་ཡིད་བཞིན་ནོར་བུའི་ཚུལ༔ དེང་འདིར་སྐལ་ལྡན་རྣམས་ལ་བསྩལ་དུ་གསོལ༔ སྐུ་གསུང་ཐུགས་མཆོག་ཡོན་ཏན་ཕྲིན་ལས་ཀྱི༔ བྱིན་རླབས་དབང་ཆེན་རབ་འབྱམས་བསྐུར་ནས་ཀྱང་༔ བླ་མེད་མཆོག་གི་དངོས་གྲུབ་བསྩལ་དུ་གསོལ༔ ཐུན་མོང་ཡིད་བཞིན་དངོས་གྲུབ་བསྩལ་དུ་གསོལ༔ གཉིས་མེད་ཡོངས་རྫོགས་དངོས་གྲུབ་བསྩལ་དུ་གསོལ༔ མགྲིན་པར་གཏུགས་ཨོཾ་ཧཱུྃ་ཧཱུྃ་ཧཱུྃཨཱ༔ བཛྲ་མ་ཧཱ་ཀྲོ་ཏ་ཤནྟི་ཀ༔ ཀཱ་ཡ་སིདྡྷི་ཨོྃ༔ ཝཱཀ་སིདྡྷི་ཨཱ༔ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧཱུྃ༔ སརྦ་དྷེ་ཝ་སིདྡྷི་ཨ་བྷི་ཥིཉྩ་མཱི༔ ཞེས་པས་བསྐུར༔ གཏོར་མ་སྙིང་ག་དང་ལྟེ་བ༔ གསང་གནས་དང་ལག་པར་གཏད་ལ༔ གཏོར་མ་དེ་དང་དབྱེར་མེད་པར་དྷ་ཀིའི་ཐམས་ཅད་འདུས་པའི་ངོ་བོ་ཡུམ་རྡོ་རྗེ་ཕག་མོ་རྒྱན་ཆ་ལུགས་དང་ལྡན་པ་ལ་ཕག་མོ་མཐིང་ནག་ཞལ་གཅིག་ཕྱག་གཉིས་གཅེར་བུ་རལ་པ་ཅན༔ ཁྲོ་མོའི་ཆ་ལུགས་དང་ལྡན་པ་ལས་ཀྱང་སྤྱི་བོའི་གཙུག་ཏུ་ཕག་ཞལ་ནག་པོའི་ངུར་སྒྲ་སྒྲོག་པ༔ ཕྱག་གཉིས་གཡས་གཡོན་གྲི་གུག་ཐོད་

― CMR007_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་འཛིན་ཅིང་དཔའ་མོའི་སྟང་སྟབས་ཀྱིས་གར་མཛད་པ༔ རྡོ་རྗེ་རིན་ཆེན་པདྨ་ལས་ཀྱི་ཌཱཀི་མ་ལ་སོགས་མདོར་ན་འཇིག་རྟེན་དང་༔ འཇིག་རྟེན་ལས་འདས་པ༔ མཁའ་འགྲོ་དམ་ཅན་དཔའ་བོ་དང་དཔའ་མོ་དང་བཅས་པ་བསམ་གྱིས་མི་ཁྱབ་པས་བསྐོར་བ་ཐམས་ཅད་ཀྱིས་བྱིན་གྱིས་བརླབས༔ ཕྲིན་ལས་བསྒྲུབ༔ བར་ཆད་བསལ༔ འདོད་དགུ་སྦྱིན་པར་དམིགས་ལ་ཧཱུྃ་ཧྲཱིཿ གཏོར་སྣོད་བྷནྡྷ་གཞལ་ཡས་ཆོས་ཀྱི་དབྱིངས༔ གཏོར་མ་འདོད་ཡོན་རྣམ་ལྔ་ཡེ་ཤེས་ལྔ༔ དྷ་ཀིའི་སྐུ་མཆོག་བདེ་ཆེན་འདུ་འབྲལ་མེད༔ རྣམ་དག་བདུད་རྩི་བླ་མ་མཆོད་པའི་རྫ་ས༔ གཉིས་མེད་དབྱིངས་སུ་དམ་ཚིག་མཉམ་པོར་བསྲེ༔ མ་མོ་དྷཱ་ཀི་དབང་དུ་སྡུད་པ་དང་༔ ཕྲིན་ལས་རྣམ་བཞིས་འགྲོ་བ་འདུལ་སླད་དུ༔ སྤྲུལ་པ་མང་པོ་ལས་ལ་འགྱེད་པའི་ཕྱིར༔ དབང་རྣམས་ཡོངས་སུ་རྫོགས་པ་ཐོབ་པར་ཤོག༔ སྙིང་ག་མགྲིན་པ་གསང་གནས་ལག་པ་བཞིར་བཞག༔ ཧྲཱིཿམ་ཧ་རི་ནི་ས༔ ར་ཙ་ཧྲི་ཡ༔ སརྦ་ཀརྨ་ཨ་བྷི་ཥིཉྩ་ཧཱུྃ༔ སརྦ་སིདྡྷི་ཀཱ་ཡ་ཝཱཀ་ཙིཏྟ་ཀརྨ་སརྦ་སིདྡྷི་ཧཱུྃ༔ ཞེས་བསྐུར་ཞིང་༔ དེ་ལྟར་རྩ་བ་གསུམ་གྱི་གཏོར་མའི་བྱིན་བརླབས་གྲུབ་ནས༔ སླར་དཀར་རྒྱན་ལ་འབྲུ་གསུམ་སོགས་སྔགས་

― CMR007_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ངར་གླུད་ལ་སྤྱི་བོར་རྒྱས་གདབ༔ ཀ་པཱ་ལའི་བདུད་རྩི་ལྕེ་ཐོག་ཏུ་བླུག༔ རྡོ་རྗེ་དྲིལ་བུས་སྙིང་གར་རྒྱས་གདབ༔ བླ་མ་སྤྱི་བོར༔ ཡི་དམ་མགྲིན་པ༔ ཌཱཀི་སྙིང་གར་བསྟིམ་ཞིང་༔ ཨོཾ་ཨཱཿཧཱུྃ༔ བླ་མ་རྣམས་ཀྱི་བྱིན་རླབས་རྒྱ༔ ལུས་ལ་བདེ་བ་བསྐྱེད་དུ་གསོལ༔ ཡི་དམ་ལྷ་ཡི་དངོས་གྲུབ་རྒྱ༔ ངག་ལ་ནུས་པ་བསྐྱེད་དུ་གསོལ༔ དྷ་ཀིའི་ཚོགས་ཀྱི་ཕྲིན་ལས་རྒྱ༔ སེམས་ཀྱི་འདོད་དགུ་བསྒྲུབ་ཏུ་གསོལ༔ སྒྲུབ་མཆོག་མོས་པའི་བུ་རྣམས་ལ༔ བྱིན་གྱིས་བརླབ་པར་མཛད་ནས་ཀྱང་༔ དངོས་གྲུབ་བདུད་རྩིའི་ཆར་ཆེན་ཕོབ༔ ཕྲིན་ལས་དགོས་འདོད་རེ་བ་སྐོངས༔ ཞེས་པ་རྣམས་ཀྱིས༔ དངོས་གཞི་དབང་བྱིན་རླབས་རྒྱས་འདེབས་དང་བཅས་པ་གྲུབ་ནས༔ གསུམ་པ་རྗེས་ཀྱི་ལས་རིམ་རྟོགས་པ་བརྗོད་ཅིང་དངོས་གྲུབ་བླངས་ནས་ཤིས་པ་བརྗོད་པ་ལས༔ རྟོགས་བརྗོད་རྣམ་གྲངས་མང་དུ་བཤད་ཀྱང་༔ འདིར་བརྡ་དཔེས་མཚོན་པ་ནི༔ བཞིར་འདུས་པ་ཡང་འདི་སྐད་དུ༔ གཏོར་མ་ལ་ཡང་མཚོན་བྱེད་དང་༔ བྱིན་རླབས་དབང་དུ་འདུས་པ་བླ་མ་འམ༔ ཡི་དམ་དྷ་ཀི་ལ་སོགས་དང་༔ དེ་བཞིན་དངོས་གྲུབ་འདོད་པའམ༔ བདུད་རྩིར་དམིགས་ལ་གང་འདོད་

― CMR007_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་༔ བགེགས་ཀྱི་སྦྱོར་བ་བཤིགས་པའི་ཚེ༔ རྣོ་ངར་ལྡན་པའི་མཚོན་ཆར་དམིགས༔ མཆོག་དང་ཐུན་མོང་བསྐང་ཚེ་ནི༔ འདོད་ཡོན་ལོངས་སྤྱོད་མཆོད་པའི་སྤྲིན། བསྐང་བའི་དམ་རྫ་ས་དག་ཏུ་དམིགས༔ དེ་སོགས་རྣམ་བཞི་མོས་པས་མཚོན༔ གང་སྦྱོར་ལའང་ལས་ཀྱི་སྦྱོར་བ་ཤེས༔ ཞེས་པའི་ལུགས་དང་མཐུན་པར༔ གཏོར་མ་དེ་ཉིད་བྱིན་རླབས་དབང་གི་སྐབས་སུ༔ བླ་མ་ཡི་དམ་དྷཱ་ཀི་ལ་སོགས་པའི་ངོ་བོར་དམིགས་ཏེ༔ དད་པའི་ཤུགས་བསྐྱེད་དེ་ཞུ༔ སློབ་དཔོན་གྱིས་ཀྱང་དེའི་ཚུལ་ཅན་བསྐུར་ན༔ བསྐུར་ཐོབ་ཀྱི་ཡོན་ཏན་འབྱུང་བར་འགྱུར་རོ༔ དངོས་གྲུབ་ཏུ་རོལ་བའི་ཚེ༔ གཏོར་མ་ལ་བསྐྱེད་པའི་ལྷ་ཡེ་ཤེས་པ་གཤེགས༔ དམ་ཚིག་པ་འོད་དུ་ཞུ་ནས་ཟག་པ་མེད་པའི་བདུད་རྩི་ཆེན་པོར་དམིགས་ཏེ༔ གུས་པས་རོལ་ཅིང་སྤྱོད་ན་དངོས་གྲུབ་རྣམ་གཉིས་འགྲུབ་པར་འགྱུར་རོ༔ དགྲ་བགེགས་གདུག་པ་ཅན་ལ་ཟོར་དུ་འཕེན་པའི་ཚེ་ན༔ གཏོར་མ་མདའ་མདུང་དྲག་པོའི་མཚོན་གྱི་ཆར་པར་དམིགས་ཏེ་འཕང་ན་ཚར་ཆོད་པར་འགྱུར་རོ༔ མཆོད་ཅིང་ཐུགས་དམ་བསྐང་བའི་དུས་སུ༔ མཆོད་རྫས་དང་བསྐོང་རྫས་ལ་སོགས་པར་དམིགས་ཤིང་ཕུལ་ན་དགྱེས་པ་བསྐང་བར་འགྱུར་རོ༔ གཏོར་ལུང་བཀའ་རྒྱ་མ་ལས་ཀྱང་༔ བྱིན་རླབས་གཏོར་མ་ལྟར་མོས་ཤིང་༔

― CMR007_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ལ་དབང་རྫས་ཉིད་དུ་སྟེ༔ དངོས་གྲུབ་བླང་བའི་གཏོར་མ་ནི༔ གང་འདོད་དངོས་གྲུབ་རྗེས་སུ་དམིགས༔ དེ་སོགས་གང་འདོད་སོ་སོ་ཡི༔ གཏོར་མ་རྣམས་ལ་དེ་ལྟར་དམིགས༔ རྣལ་འབྱོར་འདོད་གསོལ་རིམ་པར་སྦྱར༔ ཞེས་འབྱུང་བ་རྣམས་ཀྱིས་ཤེས་པར་བྱའོ༔ དངོས་གྲུབ་བླང་བ་ནི༔ གཤེགས་ཤིང་འཕང་བར་འོས་པ་རྣམས་ལས་གཞུང་མཐུན་པར་བཤགས་སྦྱང་ལ་སོགས་པ་བྱས་ཤིང་༔ དངོས་གྲུབ་བླང་བར་འོས་པ་རྣམས་ལྷ་དབྱིངས་སུ་བཏེག་ལ་གཏོར་མ་མེ་རླུང་འབྲུ་གསུམ་གྱི་སྦྱོར་བས་བཞུ་བཏུལ་བྱིན་གྱིས་བརླབ་ཅིང་སྨན་རཀ་སྦྲེང་བས༔ རྩ་སྔགས་ལ་ཁཱ་ཧི་ཤམ་བུ་ཅན་གྱིས་འབུལ༔ བསྟོད་པ་དང་འདོད་གསོལ་ལ་སོགས་སྤྱི་དང་མཐུན་པར་བྱས་ཏེ༔ ལྷ་ཚོགས་དགྱེས་པའི་ཞལ་ཆུ་བདུད་རྩིའི་རྒྱུན་ཅི་འདོད་འབྱུང་བར་དམིགས་ལ༔ ཨོཾ་ཨཱ༔ ཧཱུྃ་ཧཱུྃ༔ བཛྲ་གུ་རུ་དྷེ་བ་དྷ་ཀི་ནི་ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧཱུྃ་ཨཱཿ ཞེས་པའི་འཛབ་ཀྱིས༔ དངོས་གྲུབ་བླང་དེས་དངོས་གྲུབ་ནར་མར་འབྱུང་བར་འགྱུར་རོ༔ ཤིས་པ་བརྗོད་པ་ལ་སོགས་པའི་རྗེས་ནི་སྤྱི་དང་མཐུན་པར་གང་འོས་རིགས་པར་སྦྱར་རོ༔ སཱ་མཱ་ཡ༔ གཏོར་མའི་དབང་མ་བསྐུར་ན་ཅི་ཉེས་ན༔ འདི་སྐད་དུ༔ དབང་བཞི་ཡོངས་རྫོགས་བསྐུར་ནས་ནི༔ མཐའ་བརྟེན་གཏོར་དབང་མ་རྫོགས་ན༔ དེ་ཡང་ཆ་ལག་ཉམས་པ་

― CMR007_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ༔ ཐུན་མོང་དངོས་གྲུབ་ལས་འགྱང་འགྱུར༔ ཞེས་འབྱུང་བས་དབང་བཞི་ཡོངས་སུ་རྫོགས་པར་བསྐུར་ནས༔ གཏོར་དབང་མཐའ་བརྟེན་མ་བསྐུར་ན༔ ཆོ་གའི་ཆ་ལག་མ་ཚང་བར་འབྱུང་བར་འགྱུར་བ་དང་༔ ཐུན་མོང་གི་དངོས་གྲུབ་དང་༔ ལས་འགྱང་བའི་སྐྱོན་ཡོད་པས་དངོས་གྲུབ་མྱུར་དུ་འདོད་པ་དེ་བས་ཀྱང་གནད་ཆེ་བས༔ དེ་ལ་སོགས་པ་གཏོར་དབང་མ་བསྐུར་ན༔ ཉེས་པའི་རྣམ་གྲངས་མང་བར་གསུངས་སོ༔ བསྐུར་བའི་ཡོན་ཏན་ནི༔ ནོ་པེ་ཀ་ལས༔ གཏོར་མ་ནི་ལས་ཐམས་ཅད་པའོ༔ གཏོར་མ་ནི་དངོས་གྲུབ་ཀྱི་མཚོའོ༔ གཏོར་མ་ནི་ཚོགས་ཐམས་ཅད་ཡོངས་སུ་རྫོགས་པའི་རྩ་བའོ༔ གཏོར་མ་ནི་བྱིན་རླབས་ཐམས་ཅད་ཀྱི་འབྱུང་རྐྱེན་ནོ༔ གཏོར་མའི་དབང་ཐམས་ཅད་ཀྱི་མཆོག་གོ༔ ཞེས་པ་ལ་སོགས་པ་ལུང་མང་ཞིང་༔ སྤྱིར་སྨིན་གྲོལ་གཉིས་ལས༔ སྨིན་བྱེད་ཀྱི་དབང་གི་ལས་ཐམས་ཅད་གཏོར་མ་ལ་ཐུག་ཅིང་༔ སྣ་ཡང་གཏོར་མས་འདྲེན། མཇུག་ཀྱང་གཏོར་མས་སྡུད་ཅིང་༔ ཁྱད་པར་དུ་དབང་དང་བྱིན་རླབས་རྗེས་གནང་ཐམས་ཅད་ཀྱི་རྗེས་གཏོར་མ་ལ་བརྟེན་ནས་བསྐུར་བའི་ཕྱིར་ན་ཡོན་ཏན་གྱི་རྣམ་གྲངས་མང་དུ་

― CMR007_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པས༔ སྨིན་བྱེད་དབང་གི་བྱེ་བྲག་ཐམས་ཅད་ཀྱི་རྩ་བ༔ གཏོར་མའི་བརྡ་དབང་གནད་ཆེ་བས་རྣམ་གྲངས་གུད་དུ་ཕྱེས་པའོ༔ སྐལ་ལྡན་ལས་ཅན་གཅིག་དང་འཕྲད་པར་ཤོག༔ སཱ་མཱ་ཡཱ་རྒྱ་རྒྱ་རྒྱ༔ སྦས་རྒྱ༔ གཏད་རྒྱ༔ གཏེར་རྒྱ༔ དྷ་ཐིམ༔ འདིར་བཀྲ་ཤིས་ནི་མེ་ཏོག་ཕྲེང་མཛེས་ཀྱི་མཇུག་གི་དེ་སྦྱར་བ་ཕྱག་ལེན་ནོ༔ གཙོ་བོས་ཇི་ལྟར་བཀའ་སྩལ་སོགས་དང་༔ མཎྜལ་བྱའོ༔ ཞེས་རཱ་ག་ཨ་སྱས་གོང་འོག་གི་འཁྲུགས་ཅུང་ཟད་བསྡེབས་པ་སྟེ་བཅོས་སླད་མེད་དོ༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་དགོངས་འདུས་ཀྱི་བཀའ་སྲུང་ཆོས་སྲུང་གཏེར་སྲུང་གི་གཏོར་ཚོགས་རྒྱུན་ཁྱེར་བསྡུས་པ།

― CMR007_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དགོངས་འདུས་ཀྱི་བཀའ་སྲུང་ཆོས་སྲུང་གཏེར་སྲུང་གི་གཏོར་ཚོགས་རྒྱུན་ཁྱེར་བསྡུས་པ་བཞུགས་སོ༔

― CMR007_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཧྲཱི༔ སྟོང་ཉིད་སྤྲོས་བྲལ་ཆོས་དབྱིངས་དག་པ་ལས༔ རིག་པ་ཡེ་ཤེས་ཕྱག་རྒྱའི་སྐུར་གསལ་བའི༔ ཤེས་རབ་རང་སྣང་ཁྲོ་རྒྱལ་དབང་གི་ལྷ༔ ཡབ་ཡུམ་སྲས་དང་འཁོར་དང་སྤྲུལ་པ་བཅས༔ ཞི་བའི་ངང་ལས་དྲག་པོའི་སྐུར་བཞེངས་ལ༔ དབང་གི་རྟ་སྐད་འཚེར་ཞིང་ད་ཚུར་བྱོན༔ རྫུ་འཕྲུལ་ཤུགས་ཀྱིས་གནས་འདིར་གཤེགས་སུ་གསོལ༔ ཡུམ་ཆེན་ཨེ་ཀ་ཛ་ཊི་གཤེགས་སུ་གསོལ༔ སྲས་མཆོག་གནོད་སྦྱིན་ཤན་པ་གཤེགས་སུ་གསོལ༔ བཀའ་སྡོད་སྡེ་བརྒྱད་འཁོར་བཅས་གཤེགས་སུ་གསོལ༔ གནོད་བྱེད་ཕོ་མོ་བསྣོལ་བའི་གདན་སྟེང་དུ༔ ཁྲོ་རྒྱལ་

― CMR007_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་མགྲིན་ནག་པོ་འཁོར་བཅས་རྣམས༔ དགྱེས་པའི་ཚུལ་གྱིས་བརྟན་པར་བཞུགས་སུ་གསོལ༔ ཧ་ཡ་གྲི་ཝ་ཨེ་ཀ་ཛཱ་ཊི་ཡཀྵ་ཡཀཱ་ས་མ་ཡ༔ ཨེ་ཀྱེ་ཧི་ས་པ་རི་ཝཱ་ར་ས་མ་ཡ་ཛ༔ ཛཧཱུྃ་བཾ་ཧོ༔ ས་མ་ཡ་ཧུཾ༔ ཏིཥྛ་ལྷན༔ བཛྲ་ས་མ་ཡ་ཧཱུྃ༔ ཨ་ཏི་པཱུ་ཧོ༔ པྲ་ཏཱི་ཛ་ཧོ༔ ཧཱུྃ༔ ཁྲོ་རྒྱལ་སྐུ་ལ་ཉོན་མོངས་མི་མངའ་ཡང་༔ འགྲོ་བའི་ཉོན་མོངས་ལས་སྒྲིབ་སྦྱང་སླད་དུ༔ ཡན་ལག་བརྒྱད་ལྡན་རྣམ་པར་དག་པའི་ཆབ༔ འཇའ་ཚོན་སྣ་ཚོགས་མདོག་འདྲའི་མེ་ཏོག་དང་༔ མཁའ་དབྱིངས་སྤྲིན་ཚོགས་ལྟ་བུའི་བདུག་སྤོས་དང་༔ ཉི་ཟླ་ལྟ་བུར་གསལ་བའི་

― CMR007_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

མར་མེ་དང་༔ བདུད་རྩི་ལྟ་བུའི་བྱུག་མཆོག་དམ་པ་དང་༔ རི་རབ་ལྟ་བུར་བརྗིད་པའི་ཞལ་ཟས་དང་༔ ཚངས་པའི་དབྱངས་སྙན་རོལ་མོའི་མཆོད་པ་དང་༔ རཀྟའི་ཡོན་ཆབ་དབང་པོའི་མེ་ཏོག་དང་༔ གསུར་ཆེན་བདུག་སྤོས་ཞུན་ཆེན་གསལ་བའི་མེ༔ མཁྲིས་སྦྱར་གསང་ཆེན་དྲི་ཆབ་ཚྭ་སའི་བཤོས༔ རྐང་གླིང་ཐོད་རྔའི་སྒྲ་ཆེན་ལ་སོགས་དང་༔ ལྷན་ཅིག་སྐྱེས་སྦྱོར་ཟུང་འཇུག་དམ་པའི་རྫས༔ རྩ་བརྒྱད་ཡན་ལག་སྟོང་ལ་སྦྱར་བའི་སྨན༔ གནོད་བྱེད་དགྲ་བགེགས་བསྒྲལ་བའི་ཁྲག་ཆེན་པོ༔ གཏོར་མའི་ངོ་བོ་ཡེ་ཤེས་རྒྱ་མཚོའི་ཚོགས༔ རྟ་མགྲིན་ནག་པོ་འཁོར་དང་བཅས་ལ་འབུལ༔ ཐུགས་དམ་གཉན་པོ་བསྐང་ཕྱིར་བཞེས་སུ་གསོལ༔ རྣལ་འབྱོར་བསམ་པ་བསྒྲུབ་ཕྱིར་བཞེས་སུ་གསོལ༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ སངས་རྒྱས་བསྟན་པ་བསྲུང་ཕྱིར་བཞེས་སུ་གསོལ༔ བཞེས་ནས་ལས་ཀྱི་འབྲས་བུ་མཆིས་པར་མཛོད༔ ཨོཾ་ཨཱཿཧཱུྃ༔ ཨོཾ་ཀརྨ་ཀྲོ་དྷ་ཧ་ཡ་གྲི་ཝ༔ ཀྲོ་དྷི་ཤྭ་རི་ཨེ་ཀ་ཛཱ་ཊི༔ ཡཀཱ་ཡཀྵ༔ རཱ་ཙ་ཏྲཀ་རཀྵ༔ ཁ་མུན་ཏྲ༔ ཏྲི་དུ་རུ༔ དུ་དུ་ཧ་ར་ཏི༔ ཤུ་ལ་ར་ཏྲེ་བཛྲ་སཱ་དྷུ་རཱ་ཙ་ཡཀྵ༔ ནཱ་ག་རཱ་

― CMR007_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

ཙ༔ རཱ་ཧུ་ལ་ཡ་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ མ་ཧཱ་རཀྟ་ཛྭ་ལཾ་མཎྜ་ལ་པཱུ་ཛ་ཁཱ་ཧི༔ གུ་ཧྱ་མ་ཧཱ་སུ་ཁ་པཱུ་ཛ་ཧོ༔ མ་ཧཱ་མཎྜ་ལ་པཱུ་ཛ་ཧོ༔ ཨོཾ་བཛྲ་ཨབྷཾ་སོགས༔ པུཥྛ་དྷུ་པེ་ཨཱ་ལོ་ཀེ་གནྡྷེ་ནེ་ཝི་དྱ་ཤཐཱ་པཱུ་ཛ་ཨཱཿཧཱུྃ༔ ཧཱུྃ༔ ཆོས་ཉིད་ཞི་བའི་ངང་ལས་མ་གཡོས་ཀྱང་༔ གདུག་པ་ཅན་རྣམས་སྙིང་རྗེས་རབ་བསྒྲལ་བ༔ བདུད་བཞིའི་དཔུང་འཇོམས་དཔའ་བོ་རྟ་མགྲིན་དཔལ༔ གར་གྱི་དབང་ཕྱུག་སྐུ་ལ་ཕྱག་འཚལ་བསྟོད༔ ཆེ་བཙན་དཔེ་མེད་ཁམས་གསུམ་འགྲན་ཟླ་མེད༔ སྐུ་མདོག་ནག་རྔམ་རབ་བརྗིད་འཇིགས་པའི་སྐུ༔ འཁོར་དུ་ལྷ་སྲིན་གདུག་པའི་ཚོགས་ཀྱིས་བསྐོར༔ ཡབ་ཡུམ་སྲས་འཁོར་བཅས་ལ་ཕྱག་འཚལ་བསྟོད༔ ཧཱུྃ་ཧྲཱིཿཿ ལྷ་ཡི་ལྷ་མཆོག་པདྨ་དབང་གི་ལྷ༔ དུས་རྣམས་རྟག་ཏུ་ཁྲོ་རྒྱལ་ཁྱོད་བསྒྲུབ་སྟེ༔ སྲོག་གི་ཕྱིར་ཡང་ཡི་དམ་མི་སྤངས་ན༔ ཡེ་ཤེས་ཐུགས་རྗེའི་སྤྱན་གྱིས་གཟིགས་སུ་གསོལ༔ ཁྲོ་རྒྱལ་འཁོར་བཅས་ཁྱོད་ཀྱི་གཟི་བརྗིད་ཀྱིས༔ བར་ཆད་བགེགས་ཀྱི་ཚོགས་རྣམས་བསལ་ནས་ཀྱང་༔ བྱམས་པའི་ཞལ་བཟང་དངོས་སུ་བསྟན་པ་དང་༔ སྒྲུབ་པའི་འབྲས་བུ་དུས་འདིར་

― CMR007_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་དུ་གསོལ༔ ཨོཾ་ཨཱཿཧཱུྃ་གུ་རུ་དྷེ་ཝ་དྷཱ་ཀི་ནཱི་ཧ་ཡ་གྲྭ་ཝ་སརྦ་སིདྡྷི་ཧཱུྃ༔ དེ་ནས་བསྙེན་པའི་མན་ངག་ཏུ་འདུག་པ་ནི༔ ༀ་བྱཱ་གྷི་ཝ་ཧཱུྃ༔ ཨཡཐམདུརུཙཤཝནཙིཏྟ་ཧྲཱིཿང་ཧྲིང་ཛ༔ ཞེས་བཟླའོ༔ ཧཱུྃ༔ ལྗོན་ཤིང་བྲག་རིས་གཏམས་པའི་ཕོ་བྲང་ནས༔ སངས་རྒྱས་བསྟན་པ་སྲུང་བའི་མཐུ་རྩལ་ཅན༔ བཙན་རྒོད་འབར་བ་མ་རུངས་མཆེད་སྡེ་བདུན༔ དམ་ཚིག་དབང་གིས་གནས་འདིར་གཤེགས་སུ་གསོལ༔ སྲུང་མ་ཀླུ་བཙན་འབར་བ་སྤུན་བདུན་ལ༔ འཁོར་དུ་བཙན་རྒོད་སུམ་བརྒྱ་དྲུག་ཅུས་བསྐོར༔ དཔལ་གྱི་བཀའ་ཉན་དགེ་བསྙེན་མཆེད་བདུན་ལ༔ དཀོར་བདག་སྐྱེས་བུ་ཆེན་པོ་སྟོང་སྡེས་བསྐོར༔ ནོར་སྲུང་རྒྱལ་པོ་གནོད་སྦྱིན་མཆེད་བདུན་ལ༔ དངོས་གྲུབ་སྟེར་མཛད་གནོད་སྦྱིན་ས་ཡས་བསྐོར༔ ཀུན་ཀྱང་དཔལ་གྱི་བཀའ་ཉན་མཐུ་རྩལ་ཅན༔ སྤྲུལ་པ་ཡང་སྤྲུལ་འཁོར་དང་བཅས་པ་རྣམས༔ སྔོན་ཚེ་སློབ་དཔོན་པདྨའི་སྤྱན་སྔ་རུ༔ ཁས་བླངས་དམ་བཅས་བཞིན་དུ་ད་ཚུར་བྱོན༔ ནཱ་ག་ཙནྟི་ཏ་ས་མ་ཡ་ཛ་ཛ༔ ཛཧཱུྃ་བཾ་ཧོཿ ཧྲཱིཿ སངས་རྒྱས་བསྟན་པ་སྲུང་བའི་མཐུ་རྩལ་ཅན༔ བཙན་རྒོད་དགེ་བསྙེན་གནོད་སྦྱིན་འཁོར་བཅས་ལ༔ དཀར་

― CMR007_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མངར་གསུམ་ཤ་ཁྲག་ལ་སོགས་པ༔ རང་རང་དགྱེས་པའི་རྫས་མཆོག་གཏོར་མ་འབུལ༔ ཐུགས་དམ་གཉན་པོ་བསྐང་ཕྱིར་བཞེས་སུ་གསོལ༔ གཟུགས་སྒྲ་དྲི་རོ་རེག་བྱ་ལ་སོགས་པ༔ ཕྱི་ནང་གསང་བ་བཀོད་པའི་མཆོད་པ་འབུལ༔ ཤ་ཁྲག་དམར་གྱིས་བརྒྱན་པའི་གཏོར་ཆེན་པོ༔ དམ་རྫས་བདུད་རྩིར་བྱིན་གྱིས་བརླབས་པ་འདི༔ འབར་བ་སྤུན་བདུན་འཁོར་དང་བཅས་ལ་འབུལ༔ སྤྲུལ་པ་ཡང་སྤྲུལ་ཚོགས་རྣམས་དགྱེས་པར་རོལ༔ ཞི་རྒྱས་དབང་དང་དྲག་པོ་ལ་སོགས་པའི༔ ཕྲིན་ལས་རྣམ་བཞིའི་ལས་རྣམས་འགྲུབ་པར་མཛོད༔ མ་ཧཱ་མཱི་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀི་ནི་རི་ཏི་ལ་ཁཱ་ཧི༔ མ་ཧཱ་བ་ལིཾ་ཏ་ལ་ཁཱ་ཧི༔ མ་ཧཱ་ག་ཎ་པཱུ་ཛ་ལ་ཁ་ཁ་ཁཱ་ཧི་ཁཱ་ཧི༔ ཧཱུྃ༔ མཆོད་དོ་བསྟོད་དོ་སྲུང་མའི་ཚོགས༔ བཙན་རྒོད་འབར་བ་མཐུ་རྩལ་ཅན༔ སྤྲུལ་པའི་ཀླུ་བཙན་རྒྱུག་པའི་ཚེ༔ དགྲ་དང་བགེགས་ཀྱི་སྲོག་རྩ་ཆོད༔ དགེ་བསྙེན་ཆེན་པོར་སྤྲུལ་ཙ་ན༔ མ་རུངས་འཇིགས་པའི་ཆོ་འཕྲུལ་ཅན༔ གནོད་སྦྱིན་ཆེན་པོར་སྤྲུལ་པའི་ཚེ༔ སྒྲུབ་པ་པོ་ལ་དངོས་གྲུབ་སྟེར༔ མི་བརྫུ་དགུ་བརྫུ་སྟོབས་པོ་

― CMR007_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ༔ སངས་རྒྱས་བསྟན་པའི་བྱ་ར་བ༔ རིན་ཆེན་གཏེར་གྱི་སྲུང་མ་མཆོག རྫུ་འཕྲུལ་ཅན་ལ་བདག་བསྟོད་དོ༔ རང་རང་དགྱེས་པའི་མཆོད་གཏོར་འབུལ༔ ཐུགས་དམ་གཉན་པོ་དེས་བསྐངས་ལ༔ སྔར་བྱས་ལས་ཀྱི་གཏང་རག་དང་༔ ཕྱིས་བྱེད་ལས་ཀྱི་གཉེར་ཟས་མཛོད༔ སྡང་བའི་དགྲ་བོ་རྩད་ནས་ཆོད༔ གནོད་བྱེད་བགེས་ཀྱི་དམག་དཔུང་ཤིག༔ དགྲ་བགེགས་མ་ལུས་ཆམ་ལ་ཕོབ༔ ཉིན་གསུམ་ཉིན་གྱི་བྱ་ར་དང་༔ མཚན་གསུམ་མཚན་གྱི་མེལ་ཚེ་གྱིས༔ བདག་ལ་སྡང་བའི་དགྲ་བྱུང་ན༔ གཉེན་འདུན་ཡིན་ཀྱང་མྱུར་དུ་སྒྲོལ༔ སྔོན་གྱི་དམ་ཚིག་དགྱེས་དགོངས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ ཕྱི་ནང་གསང་གསུམ་གྱི་དྲིལ་སྒྲུབ་སྔགས་ནི༔ ཨོ་ན་ག་ཙནི་ཙ་ར་རཱ་ཏྲི༔ གིང་ཀ་ར༔ ཡཀཱ་ཡཀྵ་ས་མ་ཡ་ཧཱུྃ་ཕཊ༔ ཅེས་བཟླའོ༔ ཧཱུཾ་བྷྱོ༔ སངས་རྒྱས་བསྟན་པ་གཉན་པོ་སྲུང་བ་དང་༔ གསང་སྔགས་བཀའ་ཡི་སྲུང་མ་མཐུ་མོ་ཆེ༔ རྣལ་འབྱོར་སྒྲུབ་པ་པོ་ཡི་དགྲ་བླ་མོ༔ ཤ་ཟ་དྷཱ་ཀི་བདུད་མོ་ཁ་མོ་ཆེ༔ སྐད་ཅིག་ཉིད་ལ་གནས་འདིར་གཤེགས་སུ་གསོལ༔ གནོད་བྱེད་དགྲ་བགེགས་བསྒྲལ་བའི་གདན་ལ་བཞུགས༔ ཁྱོད་སྔོན་སློབ་

― CMR007_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་པདྨ་ཐོད་ཕྲེང་གིས༔ དཔལ་གྱི་བསམ་ཡས་མཆིམས་ཕུ་དགེ་གོང་དུ༔ རྩ་གསུམ་ལྷ་ཡི་དཀྱིལ་འཁོར་ཞལ་ཕྱེས་ནས༔ ཡང་ཟབ་བཀའ་ཡི་ཆོས་སྲུང་གཉེར་བྱང་གཏད༔ ནམ་ཞིག་ལས་ལྡན་བསྟན་པ་སྤེལ་བའི་ཚེ༔ བཤད་སྒྲུབ་བསྟན་པ་མཐའ་རུ་རྒྱས་བྱེད་ཅིང་༔ དམ་ལྡན་རྣལ་འབྱོར་བུ་བཞིན་སྐྱོང་དགོས་པའི༔ བཀའ་བསྒོས་དམ་ཚིག་རྡོ་རྗེ་སྤྱི་བོར་བཞག༔ ཇི་ལྟར་རྒྱལ་བའི་བཀའ་ལས་མ་འདའ་བར༔ དངོས་འབྱོར་ཡིད་སྤྲུལ་མཐུན་རྫས་དཔག་མེད་པ༔ སྨན་རཀ་གཏོར་མའི་མཆོད་པ་འདི་བཞེས་ལ༔ རྣལ་འབྱོར་བདག་ཅག་འཁོར་དང་བཅས་པ་ཡི༔ སྔོན་ལས་འཕྲལ་རྐྱེན་བར་ཆད་ཞི་བ་དང་༔ ཚེ་དཔལ་ལོངས་སྤྱོད་མངའ་ཐང་རྒྱས་པ་དང་༔ ཕྲིན་ལས་རྣམ་བཞི་ལྷུན་གྱིས་གྲུབ་པར་མཛོད༔ མི་དང་མི་མིན་བར་ཆད་ཞི་བར་མཛོད༔ བཤད་སྒྲུབ་བསྟན་པ་དུས་འདིར་རྒྱས་པར་མཛོད༔ དབང་སྡུད་ལྷ་མི་དབང་དུ་འདུ་བར་མཛོད༔ མ་ཧཱ་རཀྟ་སུ་རཱ་ཀེ༔ སུ་རོ་ཀི༔ བ་སུ་ཏ་ཧཱུྃ་ཧི་ཋ༔ ལན་གསུམ༔ བྷོ་ཤ་ཟ་དྷ་ཀི་མ་མོ་ས་པ་རི་ཝཱ་ར་བ་ལིཾ་ཏ་ཁཱ་ཧི༔ ནི་ཏྲི་མ་ཧཱ་རཀྟ་སུ་རཱ་ཀི་ནི་རི་ཏི་བ་སུ་ཏ་ཁ་ཁ་ཁཱ་ཧི་ཁཱ་ཧི༔ བདུན་གྱིས་

― CMR007_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ༔ བསྙེན་སྔགས་ནི༔ བྷོ་ཤ་ཟ་དྷ་ཀི་མ་མོ་ཙིཏྟ་ཧཱུྃ་ཧཱུྃ་ཛཿ ཞེས་བཟླ༔ ཞེས་པ་སྔར་ཉིན་དགོངས་འདུས་རྒྱུན་ཁྱེར་བྲིས་ནུབ་བཀའ་སྲུང་རྣམས་དགའ་བའི་རྟགས་བྱུང་ནས་ཕྱིར་ཉིན་འདི་ཉིད་བྲི་བ་པོ་རཱ་ག་ཨ་སྱས་སོ༔ མངྒ་ལཾ༔ ༈ སྐོང་བ་བསྡུས་པ་ནི༔ ཧཱུྃ་ཧཱུྃ༔ ཟླ་གམ་དམར་པོ་དབང་གི་དཀྱིལ་འཁོར་ནས༔ རིགས་ཀྱི་བདག་པོ་སྣང་བ་མཐའ་ཡས་ནི༔ མ་ཆགས་སྐྱོན་བྲལ་ཡོན་ཏན་རྫོགས་པའི་སྐུ༔ འདུས་པ་ཀུན་གྱི་གཙུག་རྒྱན་ཐུགས་དམ་བསྐང་༔ དུས་གསུམ་རྒྱལ་བ་ཀུན་གྱིས་རབ་བསྔགས་ཤིང་༔ པད་སྡོང་ལས་བྱུང་མཚོ་སྐྱེས་འགྱུར་མེད་པ༔ ངོ་བོ་གཅིག་ལས་རྣམ་འཕྲུལ་དཔག་མེད་འགྱེད༔ རྡོ་རྗེ་པདྨ་འབྱུང་གནས་ཐུགས་དམ་བསྐང་༔ ཤེས་རབ་དཔལ་ཕྲེང་མཁའ་འགྲོ་ཡོངས་ཀྱི་གཙོ༔ གཉིས་མེད་དག་པ་དགའ་བཞིའི་ཡེ་ཤེས་སྐྱེད༔ དབྱིངས་ཀྱི་ཡུམ་ཆེན་བདེ་སྟོང་ཟག་པ་མེད༔ ལྷ་ལྕམ་མནྡ་ར་བའི་ཐུགས་དམ་བསྐང་༔ དུས་གསུམ་སངས་རྒྱས་ཀུན་གྱི་དགོངས་པ་འདུས༔ ཡོན་ཏན་ཕྲིན་ལས་མི་ཟད་དཔལ་འབར་བ༔ མཚན་དང་དཔེ་བྱད་བྱིན་རླབས་ཀུན་གྱི་མཛོད༔ དུས་གསུམ་བླ་མ་རྣམས་ཀྱི་ཐུགས་དམ་བསྐང་༔ དཔལ་ཆེན་ཞི་ཁྲོ་ཡབ་ཡུམ་སྲས་དང་བཅས༔ རྣམ་

― CMR007_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་ཆ་ལུགས་སྤྲུལ་བསྒྱུར་དུ་མའི་བདག༔ དཀྱིལ་འཁོར་དགུ་རྫོགས་དངོས་གྲུབ་མཛོད་ཆེན་པོ༔ ཡི་དམ་ལྷ་ཚོགས་རྣམས་ཀྱི་ཐུགས་དམ་བསྐང་༔ ཕོ་རྒྱུད་ཆེ་བཙན་དཔའ་བོ་རྟ་མཆོག་དཔལ༔ གར་གྱི་དབང་ཕྱུག་སྲིད་གསུམ་འགྲན་ཟླ་མེད༔ ཞི་ཁྲོ་འབར་བ་སྣང་སྟོང་སྒྱུ་མའི་སྐུ༔ སྟོབས་ཆེན་མ་རུངས་འདུལ་མཛད་ཐུགས་དམ་བསྐང་༔ དེ་ཡི་ཡུམ་མཆོག་རྡོ་རྗེ་ཕག་མོའི་སྐུ༔ མོ་རྒྱུད་ཆེ་བཙན་རྟོག་མེད་མཁའ་དབྱིངས་མ༔ སྟོང་ཉིད་ཡེ་ཤེས་སྤྱི་དཔལ་དྷ་ཀིའི་ཚུལ༔ འགྱུར་མེད་དོན་སྟོན་མ་ཡི་ཐུགས་དམ་བསྐང་༔ རྣལ་འབྱོར་སྲོག་འཛིན་བསྟན་པའི་བྱ་ར་མ༔ སྤྲུལ་པའི་གར་བསྒྱུར་ཕྲིན་ལས་ཐོགས་མེད་སྒྲུབ༔ མཐུ་སྟོབས་ཕོ་ཉ་མྱུར་མགྱོགས་གློག་ལྟར་འཁྱུག མ་མོ་མཁའ་འགྲོའི་ཚོགས་ཀྱི་ཐུགས་དམ་བསྐང་༔ ཕྱོགས་བཅུའི་ཞིང་ཁམས་རྒྱ་མཚོ་མཐའ་ཡས་ཀྱི༔ བླ་མ་དཀོན་མཆོག་ཡི་དམ་འཕགས་པའི་ཚོགས༔ དཔའ་བོ་མཁའ་འགྲོ་ཆོས་སྐྱོང་ཐམས་ཅད་དང་༔ བཀའ་སྲུང་མཆོད་པའི་རྟེན་གྱུར་ཐམས་ཅད་ལ༔ ལྷ་མིའི་མཆོད་རྫས་རྣམ་དག་རྣམ་མང་པོ༔ དངོས་བཤམས་ཡིད་སྤྲུལ་རྒྱན་གྱིས་བརྒྱན་པ་གང་༔ ཕྱི་

― CMR007_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་གསང་བཀོད་མཆོད་པའི་བྱེ་བྲག་རྣམས༔ མོས་བློས་འབུལ་གྱིས་བཞེས་ལ་ཐུགས་དམ་བསྐང་༔ མེ་ཏོག་བདུག་སྤོས་སྣང་གསལ་དྲི་ཞལ་ཟས༔ གདུགས་དང་རྒྱལ་མཚན་བ་དན་ཅོད་པན་འཕུར༔ གཟུགས་སྒྲ་དྲི་རོ་རེག་བྱ་འདོད་ཡོན་རྫས༔ ཕྱི་མཆོད་རྣམ་དག་འབུལ་གྱིས་ཐུགས་དམ་བསྐང་༔ སྣོད་བཅུད་ལུས་དང་ལོངས་སྤྱོད་ལས་བྱུང་བའི༔ རྒྱན་གྱི་རྣམ་འགྱུར་གར་སྟབས་སྒྱུར་ལ་སོགས༔ འབྱུང་བ་ལྔས་བསྡུས་ནང་གི་མཆོད་པ་འདི༔ ཚོགས་གཉིས་སྤེལ་ཕྱིར་འབུལ་གྱིས་ཐུགས་དམ་བསྐང་༔ སྦྱོར་སྒྲོལ་དུག་ལྔ་དུག་གསུམ་ཤ་རུས་བཅས༔ དབང་ལྔ་སྨན་རཀ་གཏོར་མ་ཐོད་གླིང་སྒྲ༔ དཀར་དམར་འབར་འཛག་ག་ཎ་ཙ་ཀྲས་བསྐོར༔ གསང་མཆོད་ཏིང་འཛིན་བསྐྱེད་ཕྱིར་བཞེས་སུ་གསོལ་འཇིག་རྟེན་འདི་འམ་འཇིག་རྟེན་ལས་འདས་པའི་མཆོད་པའི་རྣམ་གྲངས་མཆོད་འོས་ཅི་མཆིས་པ༔ བཀོད་པ་ཁྱད་པར་འཕགས་པའི་ཚོགས་ཀུན་ཀྱང་༔ ཡོངས་རྫོགས་ལྷ་ལ་འབུལ་གྱིས་ཐུགས་དམ་བསྐང་༔ ཧཱུྃ་ཧཱུྃ༔ ཐུགས་དམ་གཉན་པོ་སྐོང་བའི་དམ་རྫས་ནི༔ དངོས་སུ་འབྱོར་བཤམས་ཡིད་ཀྱིས་རྣམ་སྤྲུལ་པའི༔ གཟུགས་སྒྲ་དྲི་རོ་རེག་བྱ་ཆོས་ལ་

― CMR007_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས༔ ཕྱི་ནང་གསང་མཆོད་སྨན་རཀ་གཏོར་མ་དང་༔ གྷ་ཎའི་ལོངས་སྤྱོད་སྐྱེ་འགྲོ་གཟུགས་སྣང་བཅས༔ བཟའ་དང་བཅའ་དང་བཏུང་བའི་བྱེ་བྲག་དང་༔ ཐབས་དང་ཤེས་རབ་ལས་བྱུང་བཅུད་ཆེན་པོ༔ མཆོག་ཆེན་མཆོག་ཕྲན་མཚན་ལྡན་ཟ་ལེ་འབྲི༔ ཤེལ་སྒོང་ལུག་དང་ཙ་ར་མཁའ་ལྡིང་མདངས༔ དབང་པོའི་མེ་ཏོག་གསུར་ཆེན་བདུག་སྤོས་དྲི༔ ཞུན་ཆེན་སྣང་གསལ་རྡོ་རྗེ་དྲི་ཡི་ཆུ༔ ཤ་རུས་ཞལ་ཟས་རྐང་གླིང་ཐོད་རྔའི་སྒྲ༔ སྙན་པའི་དབྱངས་དང་མཐུན་པའི་རྫས་ལ་སོགས༔ ཐུན་མོང་ཁྱད་པར་རྨད་དུ་བྱུང་བ་ཡིས༔ ཁྱེད་རྣམས་ཐུགས་དམ་གཉན་པོ་བསྐང་གྱུར་ཅིག༔ ཁྱེད་རྣམས་ཐུགས་དམ་གཉན་པོ་བསྐངས་ནས་ཀྱང་༔ བདག་ཅག་དཔོན་སློབ་རྒྱུ་སྦྱོར་འཁོར་བཅས་ཀྱི༔ དམ་ཚིག་ཉམས་ཆག་འགལ་འཁྲུལ་སོར་ཆུད་ནས༔ འདོད་པའི་དོན་རྣམས་མྱུར་དུ་འགྲུབ་པ་དང་༔ མཆོག་དང་ཐུན་མོང་དངོས་གྲུབ་བསྩལ་དུ་གསོལ༔ ཧཱུྃ་ཧྲཱིཿ མཆོད་དུ་མེད་དེ་གཉིས་མེད་རོལ་པས་མཆོད༔ བསྐང་དུ་མེད་དེ་སྐྱེ་མེད་ངང་དུ་བསྐང་༔ སྦྱོར་དུ་མེད་དེ་ཟུང་འཇུག་ཆེན་པོར་སྦྱོར༔ བསྒྲལ་དུ་མེད་དེ་མཉམ་ཉིད་ཆེན་པོར་བསྒྲལ༔ ཡེ་སྦྱོར་

― CMR007_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་སྒྲོལ་ཆེན་པོའི་ཐུགས་དམ་བསྐང་༔ ཧཱུྃ༔ དབང་ཆེན་མེ་རླུང་འཁྲུག་པའི་དཀྱིལ་འཁོར་ནས༔ རབ་འཇིགས་དུར་ཁྲོད་འབར་བའི་གཞལ་ཡས་སུ༔ དབང་གི་དབང་མཆོག་རྟ་མགྲིན་དབང་གི་ལྷ༔ ཡབ་ཡུམ་སྲས་འཁོར་བཅས་པ་ཐམས་ཅད་ལ༔ འདོད་ཆགས་ཞེ་སྡང་གཏི་མུག་ལས་བྱུང་བའི༔ ཉོན་མོངས་ཤ་ཁྲག་རུས་པའི་མཆོད་པ་འབུལ༔ ཐུགས་དམ་གཉན་པོ་བསྐང་ཕྱིར་བཞེས་སུ་གསོལ༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི༔ འདོད་ཡོན་རབ་རྒྱས་སྨན་རཀ་གཏོར་ཚོགས་འདིས༔ དཔའ་བོ་རྟ་མགྲིན་རྒྱལ་པོའི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ་ཡུམ་མཆོག་ཨེ་ཀ་ཙཱ་ཏཱིའི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ སྲས་མཆོག་གནོད་སྦྱིན་དམར་པོའི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་ཞེས་སུ་གསོལ༔ ཕོ་ཉ་ལས་མཁན་སྤྲུལ་པ་ལ་སོགས་པ༔ བཀའ་ཡི་ལྷ་སྲིན་སྡེ་བརྒྱད་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ ཕྱི་ནང་བསྟན་པ་སྲུང་བར་ཁས་བླངས་པའི༔ ཤ་ཟ་ཁ་མོ་ཆེ་ཡི་ཐུགས་དམ་

― CMR007_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་༔ ནག་མོ་དྲེད་མོའི་གདོང་དང་ཅེ་སྤྱང་གདོང་༔ སྤྱང་གདོང་ཝ་གདོང་རྣམས་ཀྱི་ཐུགས་དམ་བསྐང་༔ ཤ་ཟ་སྨན་མོ་ཀླུ་མོ་བཙན་མོ་སོགས༔ སྲུང་མ་དམ་ཅན་རྣམས་ཀྱི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ ཀླུ་བཙན་འབར་བ་སྤྱན་བདུན་ཐུགས་དམ་བས་དྲུག་ཅུའི་ཐུགས་དམ་བསྐང་༔ རཱ་ཙ་དགེ་བསྙེན་མཆེད་བདུན་ཐུགས་དམ་བསྐང་༔ དཀོར་བདག་སྐྱེས་བུ་སྟོང་སྡེའི་ཐུགས་དམ་བསྐང་༔ ནོར་ལྷ་གནོད་སྦྱིན་མཆེད་བདུན་ཐུགས་དམ་བསྐང་༔ གཏེར་བདག་གནོད་སྦྱིན་ས་ཡའི་ཐུགས་དམ་བསྐང་༔ སྨན་དང་རཀྟ་བདུད་རྩིའི་ཁུ་བ་བཅས༔ སྦྲེས་པའི་ཨགྷོ་འབྲས་ཆེན་གཙང་མའི་བཤོས༔ བྱུག་པའི་ཞུན་ཆེན་བདུག་པའི་གསུར་ཆེན་དྲི༔ མཛེས་པའི་བ་དན་གཡབ་དར་བརྟེན་པའི་རྫས༔ སྟག་གཟིགས་རྒྱལ་མཚན་མདུང་དམར་བ་དན་བཅས༔ ཐུགས་དམ་གཉན་པོ་བསྐང་ཕྱིར་བཞེས་སུ་གསོལ༔ ཁྱེད་ཀྱི་ཐུགས་དམ་གཉན་པོ་དེས་བསྐང་ལ༔ བདག་གི་བཅོལ་བའི་ཕྲིན་ལས་འགྲུབ་པར་མཛོད༔ གཟུགས་སྒྲ་དྲི་རོ་རེག་བྱ་ལ་སོགས་པ༔ འདོད་ཡོན་ལྔ་

― CMR007_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བྱུང་བའི་ཚོགས་མཆོད་འདིས༔ རྟ་མགྲིན་ནག་པོ་ཡབ་ཡུམ་སྲས་དང་འཁོར༔ ཀླུ་བཙན་དགེ་བསྙེན་གནོད་སྦྱིན་མཆེད་བདུན་དང་༔ དྷ་ཀི་ཁ་མོ་ཆེ་ཡི་ཐུགས་དམ་བསྐང་༔ ཐུགས་དམ་བསྐངས་ནས་དྲག་པོའི་ཕྲིན་ལས་མཛོད༔ སྡང་བའི་དགྲ་དང་གནོད་པར་བྱེད་པའི་བགེགས༔ ཟ་བའི་འདྲེ་དང་ཕུང་བའི་སྲི་ལ་སོགས༔ བསྟན་ལ་འཚེ་ཞིང་སེམས་ཅན་ཡོངས་ལ་གནོད༔ བསྒྲལ་བའི་ཞིང་དུ་གྱུར་པ་གང་ཡིན་རྣམས༔ འཁོར་བཅས་ཁྱེད་ཀྱིས་མྱུར་བསྒྲལ་ཕྲིན་ལས་མཛོད༔ ཕ་རོལ་མི་དང་མི་མ་ཡིན་པ་ཡི་བསམ་སྦྱོར་ངན་པ་ཐམས་ཅད་བཟློག་ཏུ་གསོལ༔ ཨོ་སིཾཧཱུྃ་ཧོ། བདག་ཅག་མ་རིག་ལུས་དང་ངག་སེམས་ཀྱིས༔ སྐུ་གསུང་ཐུགས་དང་རྩ་བ་ཡན་ལག་གི༔ དམ་ཚིག་ཉམས་ཆག་འགལ་འཁྲུལ་ཅི་མཆིས་པ༔ མཐོལ་ལོ་བཤགས་སོ་བྱང་ཞིང་དག་གྱུར་ཅིག༔ ཅེས་པ་བསྐང་འབུམ་དང་རྟ་མགྲིན་བཙན་ལས་བྱང་ཕྱག་རབ་སོགས་ནས་བསྡུས་ཏེ་རཱ་ག་ཨ་སྱས་བསྒྲིགས་པའོ༔ ༈ དེ་ནས་བསྐུལ་པ་བསྡུས་པ་ནི༔ ཧཱུྃ༔ མ་གཡེལ་མ་གཡེལ་བླ་མ་རིག་འཛིན་ཚོགས༔ ཆོས་སྐུ་སྐྱེ་བ་མེད་པའི་ངང་ཉིད་ལས༔ སྐྱེ་བའི་ཆོ་འཕྲུལ་ལོངས་སྤྱོད་རྫོགས་སྐུར་སྤྲུལ༔ སྤྲུལ་སྐུས་འགྲོ་བ་

― CMR007_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་དོན་མཛད་པ་ཡི༔ ཕྱོགས་བཅུ་དུས་གསུམ་བདེ་གཤེགས་བཅོམ་ལྡན་འདས༔ དོན་དམ་སྤྲོས་བྲལ་བླ་མ་ཆོས་ཀྱི་སྐུ༔ མཚན་དཔེས་རབ་བརྒྱན་བླ་མ་ལོངས་སྤྱོད་རྫོགས༔ ཐུགས་རྗེས་འགྲོ་འདུལ་བླ་མ་སྤྲུལ་པའི་སྐུ༔ དོན་གྱི་དབྱིངས་ལ་ཅ་ཅོལ་མི་མངའ་ཡང་༔ གང་ལ་གང་འདུལ་ཚུལ་དུ་དབྱིངས་ནས་བཞེངས་བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་བསྐུལ་ལོ་འགྲོ་བའི་དོན་ལ་སྐུལ༔ མཛོད་ཅིག་མཛོད་ཅིག་མངོན་སྤྱོད་ཕྲིན་ལས་མཛོད༔ ཤ་ཁྲག་དམར་གྱི་གཏོར་མ་འདི་བཞེས་ལ༔ ཉོན་མོངས་དུག་ལྔའི་དགྲ་འདྲེ་དབྱིངས་སུ་སྒྲོལ༔ ཐབས་མཁས་ཐུགས་རྗེའི་སྐུ་ཤུགས་མ་ཆུང་བར། སྡུག་བསྔལ་འཁོར་བའི་འཁྲུལ་འཁོར་བཟློག་ཏུ་གསོལ༔ ཧཱུྃ༔ གསང་ཆེན་རོལ་པའི་དཀྱིལ་འཁོར་ཆེན་པོ་ནས༔ དགུ་ཀློང་འཁྲུགས་པ་ཨེ་ཡི་གཞལ་ཡས་ཁང་༔ འབྱུང་བ་རང་འོད་འཁྲུགས་པའི་དཀྱིལ་འཁོར་ནས༔ ཡི་དམ་མཁའ་འགྲོའི་ཚོགས་རྣམས་སྐུ་བཞེངས་འཚལ༔ བཞེངས་ཤིག་བཞེངས་ཤིག་རང་རང་གནས་ནས་བཞེངས༔ བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ མཛོད་

― CMR007_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་མཛོད་ཅིག་དྲག་པོའི་ཕྲིན་ལས་མཛོད༔ པདྨ་བཛྲ་འཁོར་བཅས་སྐུ་བཞེངས་འཚལ༔ བུདྡྷ་ཐོང་ཕྲེང་འཁོར་བཅས་སྐུ་བཞེངས་འཚལ༔ མི་བསྐྱོད་རྡོ་རྗེ་འཁོར་བཅས་སུ་བཞེངས་འཚལ༔ པདྨ་དབང་ཆེན་འཁོར་བཅས་སྐུ་བཞེངས་འཚལ༔ ཐོད་པ་རྩལ་ཆེན་འཁོར་བཅས་སྐུ་བཞེངས་འཚལ༔ དྲག་པོ་མེ་ཕྲེང་འཁོར་བཅས་སྐུ་བཞེངས་འཚལ༔ སངས་རྒྱས་དཔའ་བོ་འཁོར་བཅས་སྐུ་བཞེངས་འཚལ༔ དབང་ཆེན་རྟ་མགྲིན་འཁོར་བཅས་སྐུ་བཞེངས་འཚལ༔ ལག་ན་རྡོ་རྗེ་འཁོར་བཅས་སྐུ་བཞེངས་འཚལ༔ རང་རང་གནས་ནས་སྐུ་བཞེངས་འདིར་གཤེགས་ལ༔ ཕྲིན་ལས་མྱུར་མགྱོགས་དྲག་པོའི་ལས་མཛོད་ཅིག་ངང་ཉིད་དོན་གྱི་དབྱིངས་ལས་མ་གཡོས་ཀྱང་༔ གནས་སྐབས་གཟུགས་སྐུས་འགྲོ་བའི་དོན་མཛད་ཅིང་༔ གནོད་བྱེད་གདུག་པའི་དགྲ་བགེགས་བསྒྲལ་བའི་ཕྱིར༔ རྣམ་འགྱུར་ཁྲོ་ཚུལ་འཇིགས་པའི་ཆ་ལུགས་ལ༔ ཞལ་གདངས་ལྗགས་དྲིལ་མཆེ་གཙིགས་རྐན་སྒྲ་རྡེབ༔ སྤྱན་གསུམ་དམར་པོ་གྲུ་གསུམ་སྡང་མིག་བགྲད༔ སྨིན་མ་ཨག་ཚོམ་མེ་འབར་གྱེན་དུ་འཕྱོ༔ དབུ་སྐྲ་རལ་པ་ཁམ་ནག་གཙུག་ཏུ་འཁྱིལ༔ ཐོད་སྐམ་རིན་ཆེན་རྩེ་བྲན་

― CMR007_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲུལ་གྱིས་དཀྲིས༔ གཞན་ཡང་དུར་ཁྲོད་ཆས་དང་རུས་པས་བརྒྱན༔ སྣ་ཚོགས་རིན་ཆེན་དར་དང་ལྷབ་ལྷུབ་སྤྲས༔ རྣམ་འགྱུར་འདོར་སྟབས་བགྲད་ཅིང་འགྱིང་བག་ཚུལ༔ མི་སྲུན་དྲག་ཤུལ་འབར་བའི་གར་སྟབས་འཁྱུག ཞལ་ནས་དྲག་པོ་སྔགས་ཀྱི་འབྲུག་སྒྲ་སྒྲོག༔ ཤ་ཁྲག་དམར་གྱི་གཏོར་མ་འདི་བཞེས་ལ༔ གནོད་བྱེད་དགྲ་བགེགས་ཐལ་བའི་རྡུལ་དུ་རློག༔ ཧཱུྃ༔ སྣང་སྲིད་ཐམས་ཅད་ཡུམ་གྱི་བྷ་གའི་ཀློང་༔ བདེ་སྟོང་འཁྲུག་པ་ཆགས་པའི་དཀྱིལ་འཁོར་ནས༔ དུས་གསུམ་སངས་རྒྱས་ཐམས་ཅད་སྐྱེད་མཛད་མ༔ མ་མོ་མཁའ་འགྲོའི་ཚོགས་རྣམས་སྐུ་བཞེངས་འཚལ༔ བཞེངས་ཤིག་བཞེངས་ཤིག་རང་བཞིན་དབྱིངས་ནས་བཞེངས༔ བསྐུལ་ལོ་བསྐུལ་ལོ་ཐུགས་དམ་གནད་ནས་སྐུལ༔ མཛོད་ཅིག་མཛོད་ཅིག་དྲག་པོའི་ཕྲིན་ལས་མཛོད༔ ཕྱི་ནང་གསང་གསུམ་མ་མོ་མཁའ་འགྲོའི་ཚོགས༔ ཡོངས་ཀྱི་གཙོ་གྱུར་རྡོ་རྗེ་ཕག་མོའི་སྐུ༔ འཁོར་གྱི་དྷཱ་ཀི་ཤུགས་འགྲོར་བཅས་རྣམས་ཀྱང་༔ རང་རང་དགྱེས་པའི་མཆོད་གཏོར་འདི་བཞེས་ལ༔ ཕྲིན་ལས་མྱུར་མགྱོགས་གནོད་བྱེད་དགྲ་བགེགས་སྒྲོལ༔ བསྟན་པ་སྲུང་བའི་ལས་འདི་

― CMR007_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་དུ་མཛོད༔ མ་ཚོགས་དྷ་ཀིའི་ཐུགས་དམ་དུས་ལ་བབ༔ ཧཱུྃ༔ སངས་རྒྱས་བསྟན་པ་སྲུང་བྱེད་ཅིང་༔ དཀྱིལ་འཁོར་མུ་རིན་སྐྱོང་བ་ཡི༔ ཆོས་སྐྱོང་སྲུང་མ་མཐུ་རྩལ་ཅན༔ ཁྱེད་ཀྱི་དམ་ཚིག་དུས་ལ་བབ༔ མ་གཡེལ་མ་གཡེལ་ཆོས་སྐྱོང་ཚོགས༔ བསྟན་པ་སྲུང་བའི་དུས་ལ་བབ༔ ཕྲིན་ལས་སྒྲུབ་པའི་དུས་ལ་བབ༔ དགྲ་བགེགས་བསྒྲལ་བའི་དུས་ལ་བབ༔ མཐུ་རྩལ་ཕྱུང་བའི་དུས་ལ་བབ༔ འབར་མ་ཕོ་ཉ་རྫུ་འཕྲུལ་ཅན༔ གར་གྱི་དབང་ཕྱུག་ཁྲོ་རྒྱལ་དཔལ༔ རྟ་མཆོག་རྒྱལ་པོ་ཧེ་རུ་ཀ༔ དོན་གྱིས་སངས་རྒྱས་ཡིན་མོད་ཀྱང་༔ མཛད་པའི་ཆོ་འཕྲུལ་དུ་མ་ལས༔ རྣམ་པ་སྣ་ཚོགས་ཆ་ལུགས་ཅན༔ བྲན་གྱི་ཚུལ་དུ་བཀའ་སྲུང་མཛད༔ འཁོར་དུ་སྡེ་བརྒྱད་ཚོགས་ཀྱིས་བསྐོར༔ ཡབ་ཡུམ་སྲས་འཁོར་ཡང་སྤྲུལ་བཅས༔ འདིར་གཤེགས་བརྒྱན་པའི་གཏོར་མ་བཞེས༔ བཅོལ་བའི་ཕྲིན་ལས་འགྲུབ་པར་མཛོད༔ ཧྲི་གཞན་ཡང་སྲུང་མ་དམ་ཚིག་ཅན༔ ཕྱི་ནང་བཀའ་ཡི་བྱ་ར་བ༔ གཙང་རིགས་དཔལ་མགོན་བདུན་ཅུ་སོགས༔ དབང་ཕྱུག་གིང་དང་བརྟན་མ་དང་༔ འབར་མ་ཕོ་ཉ་ལ་སོགས་ཏེ༔ དམ་ཅན་རྒྱ་མཚོ་ཐམས་ཅད་

― CMR007_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་༔ རྣམ་འགྱུར་ཆ་ལུགས་དུ་མ་ལ༔ ཁྲོ་གཏུམ་འཇིགས་གཟུགས་རྔམ་པའི་ཚུལ༔ ལ་ལ་ཞི་འཛུམ་སྒེག་བཞད་བཅས༔ གོས་སུ་ཤུན་ལྤགས་རོ་རས་དང་༔ ཞིང་ལྤགས་དར་ཟབ་རེ་ལྡེ་གྱོན༔ ལ་ལ་གཅེར་བུ་རལ་པ་ཅན༔ དེ་བཞིན་རྒྱན་ཀྱང་མ་ངེས་ཤིང་༔ ཐོད་ཕྲེང་སྦྲུལ་སོགས་དུར་ཁྲོད་ཆས༔ རིན་ཆེན་རུས་པའི་རྒྱན་གྱིས་སྤྲས༔ གནས་ཀྱང་ནམ་མཁའི་དབྱིངས་ལ་སོགས༔ རྒྱ་མཚོ་དུར་ཁྲོད་བས་མཐའ་འགྲིམ༔ ལས་སུ་སངས་རྒྱས་བསྟན་པ་སྲུང་༔ ཟས་སུ་ཤ་ཁྲག་རྐང་མར་ཟ༔ སྐོམ་དུ་ཁྲག་རྣག་ཆུ་སེར་འཐུང་༔ བཀའ་སྲུང་ཕོ་ཉ་ལས་མཁན་ཚོགས༔ འབོད་པའི་དུས་སུ་སྙན་མ་སྲ༔ གཡབ་པའི་དུས་སུ་སྤྱན་མ་རྟུལ༔ བསྟེན་པའི་དུས་སུ་རྒྱང་མ་རིང་༔ བསྐུལ་བའི་ཚེ་ན་བང་མ་བུལ༔ ཆད་པའི་དུས་སུ་མཐུ་མ་ཆུང་༔ བཅོལ་བའི་ཚེ་ན་རྩལ་མ་ཞན༔ སོ་སོས་ཇི་ལྟར་འདོད་པ་ཡི༔ མཐུན་རྫས་མཆོད་གཏོར་འདི་བཞེས་ལ༔ སྔོན་ཚེ་རྒྱལ་བའི་སྤྱན་སྔ་རུ༔ ཇི་ལྟར་ཁས་བླངས་དམ་བཅས་ལྟར༔ སངས་རྒྱས་བསྟན་པ་སྲུང་བ་དང་༔ དཀོན་མཆོག་གསུམ་གྱི་དབུ་འཕང་བསྟོད༔ སྒྲུབ་ལ་བར་ཆད་བྱེད་

― CMR007_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བགེགས༔ མི་དང་མི་མིན་བདུད་ཀྱི་ཚོགས༔ ཐམས་ཅད་མ་ལུས་རྡུལ་དུ་རློག ཁས་བླངས་བཞིན་དུ་བདག་གིས་སྐུལ༔ དམ་བཅས་བཞིན་དུ་ཁྱོད་ཀྱིས་སྒྲུབས༔ ལྡེམ་མེ་རྒྱང་ངེ་མ་མཛད་པར༔ སྐུ་ཤུགས་ཕྱུངས་ལ་མཐུ་དཔུང་སྐྱེད༔ སྡང་བར་བྱེད་པའི་དགྲ་བོ་སོད༔ གནོད་པར་བྱེད་པའི་བགེགས་དཔུང་ཤིག ཕ་རོལ་བསམ་སྦྱོར་ངན་པ་ཟློག༔ དམ་ཚིག་ཅན་གྱི་གྲོགས་མཛོད་ལ༔ དམ་ཉམས་རྣམས་ཀྱི་སྙིང་ཁྲག་འཐུང་༔ བཀའ་དང་བསྟན་པ་སྲུང་བ་དང་༔ འཁོར་དང་གང་ཟག་ཐམས་ཅད་སྐྱོངས༔ བདག་གིས་ཅི་ལྟར་བཅོལ་བ་ཡི༔ ཕྲིན་ལས་མ་ལུས་འགྲུབ་པར་མཛོད༔ ཧཱུྃ༔ བདག་ནི་རྣལ་འབྱོར་དམ་ཚིག་ཅན༔ རིག་འཛིན་རྒྱལ་པའི་ཞལ་ཚབ་ཆེ༔ དབང་ཆེན་འབར་བའི་སྤྲུལ་པ་ཡིན༔ ཁྱོད་ནི་སྲུང་མ་ཐུགས་དམ་ཅན༔ རྒྱལ་བས་བསྔགས་པའི་ཕོ་ཉ་བ༔ ཆོས་སྐྱོང་སྲུང་མ་མཐུ་རྩལ་ཅན༔ དམར་གྱི་གཏོར་མ་འདི་བཞེས་ལ༔ ཁྱེད་ཀྱི་ཐུགས་དམ་དུས་ལ་བབ༔ མཆིམས་ཕུ་བྲག་བཙན་དུས་ལ་བབ༔ གཡུ་ལུང་གངས་བཙན་དུས་ལ་བབ༔ སྤ་རི་སྤུ་བཙན་དུས་ལ་བབ༔ ཀོང་མ་གྲིབ་བཙན་དུས་ལ་བབ༔ སྤུ་

― CMR007_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

རི་སྤུ་བཙན་དུས་ལ་བབ༔ བྲག་དམར་རྫོང་བཙན་དུས་ལ་བབ༔ སྟག་མ་རོང་བཙན་དུས་ལ་བབ༔ དགེ་བསྙེན་ཆེན་པོའི་དུས་ལ་བབ༔ རྡོ་རྗེ་དྲག་པོའི་དུས་ལ་བབ༔ དབང་བཙན་ཆེན་པོའི་དུས་ལ་བབ༔ ཡེ་ཤེས་རྩལ་གྱི་དུས་ལ་བབ༔ རྡོ་རྗེ་མཆོག་རྒོད་དུས་ལ་བབ༔ རྡོ་རྗེ་སྲུང་མའི་དུས་ལ་བབ༔ རྡོ་རྗེ་དགྲ་འཇོམས་དུས་ལ་བབ༔ རྡོ་རྗེ་ལེགས་པའི་དུས་ལ་བབ༔ གནོད་སྦྱིན་ཆེན་པོའི་དུས་ལ་བབ༔ གང་བ་བཟང་པོའི་དུས་ལ་བབ༔ གནོད་སྦྱིན་འབྲོག་གནས་དུས་ལ་བབ༔ ཡཀཱ་ཀཱ་ལའི་དུས་ལ་བབ༔ གནོད་སྦྱིན་ཁྱུང་གདོང་དུས་ལ་བབ༔ གནོད་སྦྱིན་ཆུ་འབེབས་དུས་ལ་བབ༔ གནོད་སྦྱིན་གངས་དཀར་དུས་ལ་བབ༔ གནོད་སྦྱིན་བདུད་འཇོམས་དུས་ལ་བབ༔ སྤྲུལ་པ་ཉི་ཤུ་རྩ་གཅིག་སོགས༔ འཁོར་དང་བཅས་པའི་དུས་ལ་བབ༔ བཀའ་ཡི་གཏོར་མ་འདི་བཞེས་ལ༔ བཅོལ་བའི་ཕྲིན་ལས་གྲུབ་པར་མཛོད༔ ས་མ་ཡ་བྷོ་བྷོ༔ ཧཱུྃ་སྦྱོ༔ རྒྱ་མཚོ་ཆེན་པོའི་ཕ་རོལ་གྱི༔ འཇིག་རྟེན་མཁའ་འགྲོའི་དུར་ཁྲོད་དེར༔ རཀྟའི་ཁྲག་ལྷུ་འཁྲིགས་པ་ལ༔ ཞིང་ཆེན་ལྷུ་དུམ་བརྩེགས་མར་ལངས༔ ཀེང་རུས་གྲམ་ཁྲོད་

― CMR007_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲོལ་བའི་དབུས༔ ཅེ་སྤྱང་ངར་སྐད་ཀྱུ་རུ་རུ༔ འདྲེ་སྲིན་ཧ་ཧེའི་སྒྲ་སྒྲོགས་པ༔ འཇིགས་ཤིང་ཡ་ངའི་དུར་ཁྲོད་ན༔ བསྟན་སྲུང་མ་མོ་ལས་མཁན་མ༔ ཤ་ཟ་དྷ་ཀི་ཁ་མོ་ཆེ༔ འཁོར་བཅས་འདིར་གཤེགས་གཏོར་མ་བཞེས༔ སྡང་བའི་དགྲ་བོ་རྡུལ་དུ་རློག༔ བཅོལ་བའི་ཕྲིན་ལས་འགྲུབ་པར་མཛོད༔ བྷོ་ཤ་ཟ་དྷ་ཀི་དགྲ་བགེགས་ཀྱི་སྲོག་ལ་མཱ་ར་ཡ་བྷོ༔ དེ་ལྟར་གཏོར་འབུལ་ཉུང་བསྡུས་དང་སྐོང་བ། བསྐུལ་བསྡུས་བཅས་ཆ་ཚང་བ་འདི་བཞིན་ཨ་རཱ་གས་བསྒྲིགས་པ་ལ་ཉེས་འགལ་གང་མཆིས་ཆོས་སྐྱོང་སྲུང་མའི་ཚོགས་ལ་བཤགས་པས། འཕྲལ་གྱི་རྐྱེན་དང་ཡུན་གྱི་སྒྲིབ་པོར་མི་འགྱུར་ཞིང་། དགེ་བས་པདྨ་བཛྲ་མྱུར་དུ་འགྲུབ་པར་གྱུར་ཅིག །འདི་དག་ཐམས་ཅད་ཚིག་མཚམས་ཟུར་ཙམ་རེ་མ་གཏོགས་གཏེར་གཞུང་ཁོ་ན་བསྒྲིགས་པས་བྱིན་རླབས་ཆེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགོངས་འདུས་བཀའ་སྲུང་རྟ་ཤ་བཙན་གསུམ་བསྐང་བ།

― CMR007_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་འདུས་བཀའ་སྲུང་རྟ་ཤ་བཙན་གསུམ་བསྐང་བ་བཞུགས། དགོངས་འདུས་བཀའ་སྲུང་རྟ་ཤ་བཙན་གསུམ་བསྐང་བ་ནི། ཧཱུྃ༔ དབང་ཆེན་མེ་རླུང་འཁྲུགས་པའི་དཀྱིལ་འཁོར་ནས༔ རབ་འཇིགས་དུར་ཁྲོད་འབར་བའི་གཞལ་གཡས་སུ༔ དབང་གི་ལྷ་མཆོག་རྟ་མགྲིན་དབང་གི་ལྷ༔ ཡབ་ཡུམ་སྲས་འཁོར་བཅས་པ་ཐམས་ཅད་ལ༔ འདོད་ཆགས་ཞེ་སྡང་གཏི་མུག་ང་རྒྱལ་དང་༔ ཉོན་མོངས་ཤ་ཁྲག་རུས་པའི་མཆོད་པ་འབུལ༔ ཐུགས་དམ་གཉན་པོ་བསྐང་ཕྱིར་བཞེས་སུ་གསོལ༔ དངོས་སུ་འབྱོར་དང་ཡིད་ཀྱིས་རྣམས་སྤྲུལ་པའི༔ འདོད་ཡོན་རབ་རྒྱས་སྨན་རཀ་གཏོར་ཚོགས་འདིས༔ དཔའ་བོ་རྟ་མགྲིན་རྒྱལ་པོའི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ ཡུམ་མཆོག་ཨེ་ཀ་ཛཱ་ཊིའི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ སྲས་མཆོག་གནོད་སྦྱིན་དམར་པོའི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ ཕོ་ཉ་ལས་མཁན་སྤྲུལ་པ་ལ་སོགས་པའི༔ བཀའ་ཡི་ལྷ་སྲིན་སྡེ་བརྒྱད་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔

― CMR007_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནང་བསྟན་པ་བསྲུང་བར་ཁས་བླངས་པའི༔ ཤ་ཟ་ཁ་མོ་ཆེ་ཡི་ཐུགས་དམ་བསྐང་༔ ནག་མོ་དྲེད་མོའི་གདོང་དང་ཅེ་སྤྱང་གདོང་༔ སྤྱང་གདོང་ཝ་གདོང་རྣམས་ཀྱི་ཐུགས་དམ་བསྐང་༔ ཤ་ཟ་སྨན་མོ་ཀླུ་མོ་བཙན་མོ་སོགས༔ སྲུང་མ་དམ་ཅན་རྣམས་ཀྱི་ཐུགས་དམ་བསྐང་༔ གནོད་བྱེད་དགྲ་བགེགས་བསྒྲལ་ཕྱིར་བཞེས་སུ་གསོལ༔ ཀླུ་བཙན་འབར་བ་སྤྱན་བདུན་ཐུགས་དམ་བསྐང་༔ བཙན་འཁོར་སུམ་བརྒྱ་དྲུག་ཅུའི་ཐུགས་དམ་བསྐང་༔ རྭ་ཙ་དགེ་བསྙེན་མཆེད་བདུན་ཐུགས་དམ་བསྐང་༔ དཀོར་བདག་སྐྱེས་བུ་སྟོང་སྡེའི་ཐུགས་དམ་བསྐང་༔ ནོར་ལྷ་གནོད་སྦྱིན་མཆེད་བདུན་ཐུགས་དམ་བསྐང་༔ གཏེར་བདག་གནོད་སྦྱིན་ས་ཡའི་ཐུགས་དམ་བསྐང་༔ སྨན་དང་རཀྟ་བདུད་རྩིའི་ཁུ་བ་བཅས་ཕྲེང་བའི་ཨགྷཾ་འབྲས་མཆན་གཙང་མའི་བཤོས༔ བྱུག་པའི་ཞུན་ཆེན་བདུག་པའི་གསུར་ཆེན་དྲི༔ མཛེས་པའི་བ་དན་གཡབ་དར་བརྟེན་པའི་རྫས༔ སྟག་གཟིག་རྒྱལ་མཚན་མདུང་དར་བ་དན་ཅན༔ ཐུགས་དམ་གཉན་པོ་བསྐང་ཕྱིར་འབུལ་གྱིས་བཞེས༔ ཁྱེད་ཀྱི་ཐུགས་དམ་གཉན་པོ་དེས་བསྐང་ལ༔ བདག་གིས་བཅོལ་བའི་ཕྲིན་ལས་འགྲུབ་པར་

― CMR007_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད༔ གཟུགས་སྒྲ་དྲི་རོ་རེག་བྱ་ལ་སོགས་པ༔ འདོད་ཡོན་ལྔ་ལས་བྱུང་བའི་ཚོགས་མཆོད་འདིས༔ རྟ་མགྲིན་ནག་པོ་ཡབ་ཡུམ་སྲས་དང་འཁོར༔ ཀླུ་བཙན་དགེ་བསྙེན་གནོད་སྦྱིན་མཆེད་བདུན་དང་༔ ཌཱ་ཀི་ཁ་མོ་ཆེ་ཡི་ཐུགས་དམ་བསྐང་༔ ཐུགས་དམ་བསྐངས་ནས་དྲག་པོའི་ཕྲིན་ལས་མཛོད༔ སྡང་བའི་དགྲ་དང་གནོད་པར་བྱེད་པའི་བགེགས༔ ཟ་བའི་འདྲེ་དང་ཕུང་བའི་སྲི་ལ་སོགས༔ བསྟན་ལ་འཚེ་ཞིང་སེམས་ཅན་ཡོངས་ལ་གནོད༔ བསྒྲལ་བའི་ཡུལ་དུ་གྱུར་པ་གང་ཡིན་རྣམས༔ འཁོར་བཅས་ཁྱེད་ཀྱིས་མྱུར་སྒྲོལ་ཕྲིན་ལས་མཛོད༔ ཕ་རོལ་མི་དང་མི་མ་ཡིན་པ་ཡི༔ བསམ་སྦྱོར་ངན་པ་ཐམས་ཅད་བཟློག་ཏུ་གསོལ༔ ཆགས་མེད་རིན་པོ་ཆེའི་གསུངས་སོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏེར་སྲུང་འབར་བ་སྤུན་བདུན་གྱི་མཆོད་བྱང་བསྡུས་པ།

― CMR007_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་སྲུང་འབར་བ་སྤུན་བདུན་གྱི་མཆོད་བྱང་བསྡུས་པ་ནི། ཧྲཱིཿ ལྗོན་ཤིང་བྲག་རིའི་གཏམས་པའི་ཕོ་བྲང་ནས། །སངས་རྒྱས་བསྟན་པ་སྲུང་བའི་མཐུ་རྩལ་ཅན། །བཙན་རྒོད་འབར་བ་མ་རུངས་མཆེད་སྡེ་བདུན། །དམ་ཚིག་དབང་གིས་གནས་འདིར་གཤེགས་སུ་གསོལ། །སྲུང་མ་ཀླུ་བཙན་འབར་བ་སྤུན་བདུན་ལ། །འཁོར་དུ་བཙན་རྒོད་སུམ་བརྒྱ་དྲུག་ཅུས་བསྐོར། །དཔལ་གྱི་བཀའ་ཉན་དགེ་བསྙེན་མཆེད་བདུན་ལ། །དཀོར་བདག་ཆེན་པོ་སྐྱེས་བུ་སྟོང་སྡེས་བསྐོར། །ནོར་སྐྱོང་རྒྱལ་པོ་གནོད་སྦྱིན་མཆེད་བདུན་ལ། །དངོས་གྲུབ་གཏེར་བདག་བྱེ་བ་ས་ཡས་བསྐོར། །ཀུན་ཀྱང་དཔལ་གྱི་བཀའ་ཉན་མཐུ་རྩལ་ཅན། །སྤྲུལ་པ་ཡང་སྤྲུལ་འཁོར་དང་བཅས་པ་རྣམས། །སྔོན་ཚེ་སློབ་དཔོན་པདྨའི་སྤྱན་སྔ་རུ། །ཁས་བླངས་དམ་བཅས་བཞིན་དུ་ད་ཚུར་བྱོན། ནཱ་ག་ཙན་ཏྲི་ས་མ་ཡ་ཛ༔ ཛཧཱུྃ་བཾ་ཧོ༔ ཧཱུྃ༔ སངས་རྒྱས་བསྟན་པ་སྲུང་བའི་མཐུ་རྩལ་ཅན། །བཙན་རྒོད་དགེ་བསྙེན་གནོད་སྦྱིན་འཁོར་བཅས་ལ། །དཀར་གསུམ་མངར་གསུམ་ཤ་ཁྲག་ལ་སོགས་པ། །རང་རང་དགྱེས་པའི་རྫས་མཆོད་གཏོར་མ་འབུལ། །ཐུགས་དམ་གཉན་པོ་བསྐང་ཕྱིར་

― CMR007_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས་སུ་གསོལ། །གཟུགས་སྒྲ་དྲི་རོ་རེག་བྱ་ལ་སོགས་པ། །ཕྱི་ནང་གསང་བ་བཀོད་པའི་མཆོད་པ་འབུལ། །ཤ་ཁྲག་དམར་གྱིས་བརྒྱན་པའི་གཏོར་ཆེན་པོ། །དམ་རྫས་བདུད་རྩིར་བྱིན་གྱིས་བརླབས་པ་འདི། །འབར་བ་སྤུན་བདུན་འཁོར་དང་བཅས་ལ་འབུལ། །སྤྲུལ་པོ་ཡང་སྤྲུལ་ཚོགས་རྣམས་དགྱེས་པར་རོལ། །ཞི་རྒྱས་དབང་དང་དྲག་པོ་ལ་སོགས་པའི། །ཕྲིན་ལས་རྣམ་བཞི་མ་ལུས་འགྲུབ་པར་མཛོད། །ཨོཾ་ནཱ་ག་ཙན་ཏྲི་ཙ་ར་ར་ཏྲི་གིང་ཀ་ར་ཡཀཱ་ཡཀྵ་སྭཱ་མ་ཡ་ཧཱུྃ་ཕཊ༔ མ་ཧཱ་མཱི་ས་ལ་ཁཱ་ཧི། རཀྟ་ལ་ཁཱ་ཧི། ཙིཏྟ་ལ་ཁཱ་ཧི། ཀཾ་ནི་རི་ཏི་ལ་ཁཱ་ཧི། མ་ཧཱ་བ་ལིཾ་ཏ་ལ་ཁཱ་ཧི། མ་ཧཱ་ག་ན་པཱུ་ཙ་ལ་ཁ་ཁ་ཁཱ་ཧི་ཁཱ་ཧི། ཧཱུྃ༔ མཆོད་དོ་བསྟོད་དོ་སྲུང་མའི་ཚོགས། །བཙན་རྒོད་འབར་བ་མཐུ་རྩལ་ཅན། །སྤྲུལ་པ་ཀླུ་བཙན་རྒྱུག་པའི་ཚེ། །དགྲ་དང་བགེགས་ཀྱི་སྲོག་རྩ་གཅོད། །དགེ་བསྙེན་ཆེན་པོར་སྤྲུལ་རྩ་ན། །མ་རུངས་འཇིགས་པའི་ཆོ་འཕྲུལ་སྟོན། །གནོད་སྦྱིན་ཆེན་པོར་སྤྲུལ་པའི་ཚེ། །སྒྲུབ་པ་པོ་ལ་དངོས་གྲུབ་སྟེར། །མི་བརྫུ་དགུ་བརྫུ་སྟོབས་པོ་ཆེ། །སངས་རྒྱས་བསྟན་པའི་བྱ་ར་བ། །རིན་ཆེན་གཏེར་གྱི་སྲུང་མ་མཆོག །རྫུ་

― CMR007_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

འཕུལ་ཅན་ལ་བདག་བསྟོད་དོ། །རང་རང་དགྱེས་པའི་མཆོད་གཏོར་འབུལ། །ཐུགས་དམ་གཉན་པོ་དེས་བསྐངས་ལ། །སྔར་བྱས་ལས་ཀྱི་གཏང་རག་དང་། །ཕྱིས་བྱེད་ལས་ཀྱི་གཉེར་ཟས་མཛོད། །སྡང་བའི་དགྲ་བོ་རྩད་ནས་ཆོད། །གནོད་བྱེད་བགེགས་ཀྱི་དམག་དཔུང་ཤིག །དགྲ་བགེགས་མ་ལུས་ཆམ་ལ་ཕོབ། །ཉིན་གསུམ་ཉིན་གྱི་བྱ་ར་དང་། །མཚན་གསུམ་མཚན་གྱི་མེལ་ཚེ་གྱིས། །བདག་ལ་སྡང་བའི་དགྲ་བྱུང་ན། །གཉེན་འདུན་ཡིན་ཀྱང་མྱུར་དུ་སྒྲོལ། །སྔོན་གྱི་དམ་ཚིག་རྗེས་དགོངས་ལ། །བཅོལ་བའི་ཕྲིན་ལས་འགྲུབ་པར་མཛོད། །ཕྱི་ནང་གསང་གསུམ་གྱི་དྲིལ་སྒྲུབ་སྔགས་ནི། ཨོཾ་ནཱ་ག་ཙན་ཏྲི་ཙ་ར་རཱ་ཏྲི་གིང་ཀ་ར༔ ཡཀཱ་ཡཀྵ་ས་མ་ཡ་ཧཱུྃ་ཕཊ༔ ཅེས་བཟླའོ། །ཞེས་པ་སྔར་ཉིན་དགོངས་འདུས་རྒྱུན་ཁྱེར་བྲིས་ནུབ་བཀའ་སྲུང་རྣམས་དགའ་བའི་རྟགས་ཤིག་བྱུང་ནས་ཕྱིར་ཉིན་འདི་བྲིས་པ་རཱ་ག་ཨ་སྱས་སོ། །མངྒ་ལཾ།།

ཚེས་བཅུའི་གསོལ་འདེབས་བླ་མའི་བྱིན་འབེབས།

― CMR007_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་བཅུའི་གསོལ་འདེབས་བླ་མའི་བྱིན་འབེབས་ཞེས་བྱ་བ་བཞུགས་སོ༔

― CMR007_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་པདྨ་སིདྡྷི་ཧཱུྃ་ཧྲཱི༔ རྒྱལ་བ་ཀུན་གྱི་བྱིན་རླབས་གཅིག་བསྡུས༔ འགྲོ་བ་སེམས་ཅན་ཡོངས་ཀྱི་སྐྱབས་གནས༔ བླ་མེད་བླ་མ་གུ་རུ་པདྨ༔ གསོལ་བ་འདེབས་སོ་བྱིན་གྱིས་རློབས་ཤིག་གུ་རུ་པདྨ་སིདྡྷི་ཧཱུྃ་ཧཱུྃ༔ སྤེའུ་ཟླ་བའི་ཚེས་བཅུའི་དུས་ན༔ པདྨ་གེ་སར་སྟེང་དུ་འཁྲུངས་ཤིང་༔ མཚན་ཡང་གུ་རུ་པདྨ་འབྱུང་གནས༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུཾ་ཧྲཱིཿ ནད་དང་སྡུག་བསྔལ་བར་ཆད་ཀུན་ཞི༔ ཚེ་དང་བསོད་ནམས་ཡོན་ཏན་འཕེལ་ལ༔ གདོན་བགེགས་འབྱུང་པོ་ཐམས་ཅད་ཞི་ཞིང་༔ གུ་རུའི་ཞལ་ཡང་མཇལ་

― CMR007_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

བར་མཛོད་ཅིག༔ གུ་རུ་པདྨ་སིདྡྷི་ཧཱུཾ་ཧྲཱིཿ སྟག་གི་ཟླ་བའི་ཚེས་བཅུའི་དུས་སུ༔ ཟ་ཧོར་རྒྱལ་སྲིད་ཆོས་ཀྱིས་སྐྱོང་ཞིང་༔ མཚན་ཡང་གུ་རུ་པདྨ་རྒྱལ་པོ༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུཾ་ཧྲཱིཿ་སྟོབས་ཆེན་ནད་མེད་ན་བར་ཉེར་འཚེ༔ མིག་གསལ་ཡིད་བདེ་ཤེས་རབ་ཆེ་ཞིང་༔ དུས་རྣམས་རྟག་ཏུ་བདག་སོགས་འགྲོ་བ༔ མ་ཧཱ་གུ་རུས་འབྲལ་མེད་སྐྱོངས་ཤིག༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུཾ་ཧྲཱིཿ ཡོས་ཀྱི་ཟླ་བའི་ཚེས་བཅུའི་དུས་ན༔ བསིལ་བ་ཚལ་དུ་བརྟུལ་ཞུགས་སྤྱོད་པ༔ མཚན་ཡང་

― CMR007_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་ཐོད་ཕྲེང་རྩལ་ལ༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ ལོངས་སྤྱོད་སྤེལ་ཞིང་འགྲོ་བ་དབང་བསྡུས་མཐུན་རྐྱེན་སྒྲུབ་ཅིང་གནོད་རྐྱེན་ལས་སྲུང་༔ རྨི་ལམ་བཟང་ཞིང་དངོས་གྲུབ་ཀུན་སྟེར༔ ལེགས་འཕྲད་ཉེས་དང་བྲལ་བར་མཛོད་ཅིག༔ གུ་རུ་པདྨ་སིདྡྷི་ཧཱུྃ་ཧྲཱིཿ འབྲུག་གི་ཟླ་བའི་ཚེས་བཅུའི་དུས་ན༔ ཀུན་དགའ་བོ་ལ་རབ་ཏུ་བྱུང་ཞིང་༔ མཚན་ཡང་གུ་རུ་ཤཱཀྱ་སེངྒེ༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ འཇིག་རྟེན་ཀུན་ཏུ་སྙན་གྲགས་ཐོབ་ཅིང་བདུད་དང་མ་མོ་གཟའ་དང་གནོད་སྦྱིན༔ རྒྱལ་པོ་ཐེའུ་རང་འགོང་པོ་གཤིན་རྗེ༔ བཙན་དང་གསོན་འདྲེའི་གནོད་པ་ཟློག་ཅིག གསོལ་བ་འདེབས་སོ་བྱིན་གྱིས་རློབས་ཤིག གུ་རུ་པདྨ་སིདྡྷི་ཧཱུྃ་ཧྲཱིཿ སྦྲུལ་གྱི་ཟླ་བའི་ཚེས་བཅུའི་དུས་ན༔ ཟ་ཧོར་མེས་བསྲེགས་སྐུ་ལ་མ་གནོད༔ མཚན་ཡང་གུ་རུ་ཉི་མ་འོད་ཟེར༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧྲཱིཿ ཕྱོགས་བཅུར་གང་དུ་འགྲོ་ཡང་དོན་འགྲུབ༔ བཀྲ་མི་ཤིས་པ་མ་ལུས་ཞི་ཞིང་༔ གང་དུ་འགྲོ་བའི་ས་ཕྱོགས་དེ་རུ༔ བཀྲ་ཤིས་བདེ་ལེགས་

― CMR007_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་བར་མཛོད་ཅིག༔ གུ་རུ་པདྨ་སིདྡྷི་ཧཱུྃ་ཧི༔ རྟ་ཡི་ཟླ་བའི་ཚེས་བཅུའི་དུས་ན༔ ཨོ་རྒྱན་ཡུལ་དུ་མེས་བསྲེགས་མ་གནོད༔ མཚན་ཡང་གུ་རུ་པདྨ་བཛྲ༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧི༔ ལྷ་བདུད་ཀླུ་དང་ས་བདག་སྟོབས་ཆེན༔ མ་རུངས་རྣམས་ཀྱི་གནོད་པ་ཞི་ནས༔ ཆོས་སྐྱོང་རྣམས་ཀྱིས་སྦ་ཞིང་སྲུང་ལ༔ འགོ་བའི་ལྷ་ཡིས་སྲུང་སྐྱོབ་མཛོད་ཅིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ ལུག་གི་ཟླ་བའི་ཚེས་བཅུའི་དུས་ན༔ མུ་སྟེགས་བཏུལ་ཞིང་ཆོས་འཁོར་བསྐོར་ནས༔ མཚན་ཡང་གུ་རུ་སེངྒེ་སྒྲ་སྒྲོགས༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུཾ་ཧྲཱིཿ ནད་གདོན་བར་ཆད་མ་ལུས་ཞི་ཞིང་༔ ཚེ་དང་བསོད་ནམས་ཡོན་ཏན་འཕེལ་ལ༔ རླུང་སེམས་སྣང་སྲིད་དབང་དུ་བསྡུས་ཤིག༔ བདུད་བཞི་གཡུལ་ལས་རྒྱལ་བར་མཛོད་ཅིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ བྱ་ཡི་ཟླ་བའི་ཚེས་བཅུའི་དུས་ན༔ ཆུ་བོ་གང་གཱའི་སྟེང་དུ་བྲོ་མཛད༔ མཚན་ཡང་གུ་རུ་ནམ་མཁའ་ལྡིང་ལ༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧི༔ བསམ་པའི་དོན་དང་བང་མཛོད་འབྲུ་འཕེལ་

― CMR007_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་བདེ་ངག་གི་ནུས་པ་དང་ལྡན༔ འཁོར་ཡང་ནད་མེད་གཅོང་ནད་རྣམས་བྱང་༔ ཏིང་འཛིན་བཟང་པོ་སྐྱེ་བར་མཛོད་ཅིག༔ གུ་རུ་པདྨ་སིདྡྷི་ཧཱུཾ་ཧྲཱིཿ ཁྱི་ཡི་ཟླ་བའི་ཚེས་བཅུའི་དུས་ན༔ མུ་སྟེགས་ངན་སེམས་དུག་བཏང་མ་གནོད༔ མཚན་ཡང་གུ་རུ་མཚོ་སྐྱེས་རྡོ་རྗེ་གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུཾ་ཧྲཱིཿ ལོ་སྐག་ཟླ་སྐག་ཞག་སྐག་ཟ་སྐག དུས་ངན་ཕྱོགས་ངན་རྨི་ལམ་ངན་པ༔ ནད་དང་གནོད་པ་ཆོས་ཀྱི་བར་ཆད༔ རླུང་རྟ་རྒུད་པ་རྣམས་ལས་སྐྱོབས་ཤིག༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ ཕག་གི་ཟླ་བའི་ཚེས་བཅུའི་དུས་ན༔ བལ་པོའི་ལྷ་འདྲེ་དམ་ལ་བཏགས་ནས༔ མཚན་ཡང་གུ་རུ་པདྨ་བཛ྄༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧི༔ གཤིན་རྗེའི་འཁོར་ལོ་མ་མོའི་དལ་ཡམས༔ འབྱུང་པོའི་རིམས་ནད་གཤའ་སེར་ཁང་སེར༔ ལྟས་ངན་ཡེ་འདྲོགས་དུས་མིན་འཆི་བ༔ གློ་བུར་བརྒྱད་ཅུ་རྩ་གཉིས་ཟློག་ཅིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ བྱི་བ་ཟླ་བའི་ཚེས་བཅུའི་དུས་ན༔ བདུད་དང་ལྷ་འདྲེ་ངན་པ་བཏུལ་ཏེ༔ མཚན་ཡང་གུ་རུ་པདྨ་འབྱུང་

― CMR007_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

གནསཿ༔ གསོལ་བ་འདེབ་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧྲཱིཿ སྡོམ་ཁྲིམས་ཉམས་དང་དམ་ཚིག་ཉམས་པ༔ བདེ་གཤེགས་སྐུ་ལ་སྐུར་པ་བཏབ་པ༔ རྫུན་དང་ཕྲ་མ་ངག་འཁྱལ་ལ་སོགས༔ མི་དགེའི་ཉམས་གྲིབ་དག་པར་མཛོད་ཅིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ གླང་གི་ཟླ་བའི་ཚེས་བཅུའི་དུས་ན༔ བོད་ཡུལ་གཏེར་ཁ་བྱེ་བ་སྦས་ཤིང་༔ མཚན་ཡང་གུ་རུ་རྡོ་རྗེ་གྲོ་ལོད༔ གསོལ་བ་འདེབས་སོ་བྱིན་གྱིས་རློབས་ཤིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ བདག་སོགས་འདི་ནས་འཕོས་མ་ཐག་ཏུ༔ གུ་རུའི་དྲུང་ངམ་བདེ་བ་ཅན་དུ༔ ངེས་པར་སྐྱེས་ནས་སྤྲུལ་པའི་སྐུ་ཡིས༔ འགྲོ་དོན་དཔག་མེད་འབྱུང་བར་ཤོག་ཅིག༔ གུ་རུ་པདྨ་སིདྡྷི་ཧཱུྃ་ཧཱུྃ༔ ཞེས་པ་འདི་ཚེས་བཅུ་མཆོད་པ་ཞིག་ལ་གནས་པའི་ཚེ༔ ཐུན་མཚམས་སུ་དགེ་སློང་རཱ་ག་ཨ་སྱས་སྦྱར་བའོ༔ བཀྲ་ཤིས།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུ་དྲག་པོའི་རྫོགས་རིམ་བླ་མའི་ཐུགས་ཁྲིད་ཡིད་བཞིན་ནོར་བུའི་འདོན་འགྲིགས་བལྟས་ཆོག་ཏུ་བཀོད་པ།

― CMR007_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་དྲག་པོའི་རྫོགས་རིམ་བླ་མའི་ཐུགས་ཁྲིད་ཡིད་བཞིན་ནོར་བུའི་འདོན་འགྲིགས་བལྟས་ཆོག་ཏུ་བཀོད་པ་བཞུགས་སོ༔ ༔

― CMR007_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་པདྨ་ཀྲོ་ཏ་ཡེ༔ བླ་མ་དྲག་པོའི་སྐུ་ལ་ཕྱག་འཚལ་ལོ༔ གུ་རུ་དྲག་པོའི་རྫོགས་རིམ་ཐུགས་ཁྲིད་ལས༔ འདོན་ཆ་རང་གཞན་ཕན་ཕྱིར་ཁྱེར་བདེར་བཀོད༔ རྩ་གསུམ་སྲུང་མར་བཅས་པས་བཀའ་གནང་སྩོལ༔ དབང་ལུང་མ་ཐོབ་འདི་ཉིད་འདོན་མི་རུང་༔ དབང་ཐོབ་འདི་ཉིད་གྱེར་སྒོམ་སྦྲགས་པས་འཐུས༔ ཐོ་རངས་དང་པོར་རང་གི་མདུན་གྱི་ནམ་མཁའ་ལ༔ རང་བཞིན་གྱི་མཁའ་འགྲོ་མ་ལེགས་ཉེས་ཀྱི་སྟངས་འཛིན་དམ་ཚིག་གི་རྗེས་གཅོད་རྣལ་འབྱོར་པའི་སྲོག་སྐྱོབ་པའི་རྣལ་འབྱོར་མ་རྣམས་ཀྱིས༔ ཌཱ་མ་རུ་དང་དྲིལ་བུའི་སྒྲ་ཁྲོལ་གྱིས་བྱོན་ཏེ༔ རང་དགེ་སྦྱོར་ལ་བསྐུལ་མ་མི་རྟག་བློ་སྣ་བཏུང་བའི་གླུ་འདིས་བསྐུལ་བར་བསམ་ཞིང་༔ རང་གིས་ངག་ཏུ་གསལ་

― CMR007_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་ཀྱང་རུང་ངོ་༔ ཀྱེ་མ་ཀྱི་ཧུད་སྐལ་ལྡན་རིགས་ཀྱི་བུ༔ མ་རིག་གཏི་མུག་དབང་གིས་མ་ནོན་པར༔ བརྩོན་འགྲུས་ངར་བསྐྱེད་ད་ལྟ་ཡར་ལོངས་ལ༔ ཐོག་མེད་དུས་ནས་ད་ལ་ཐུག་གི་བར༔ མ་རིག་དབང་གིས་ཉལ་ཡུན་དེས་ཆོག་གིས༔ ད་ནི་མ་ཉལ་སྒོ་གསུམ་དགེ་ལ་འབུངས༔ སྐྱེ་རྒ་ན་འཆིའི་སྡུག་བསྔལ་མི་ཤེས་སམ༔ དེ་རིང་ཙམ་ཡང་རྟག་པའི་གོ་སྐབས་མེད༔ སྒྲུབ་ལ་བརྩོན་འགྲུས་བསྐྱེད་པའི་དུས་ལ་བབ༔ ད་རེས་སྐྱེས་བུའི་གཏན་བདེ་བསྒྲུབ་དུས་འདིར༔ སྙོམས་ལས་ངང་ལ་སྡོད་པའི་དུས་མ་ཡིན༔ འཆི་བ་སོམ་ལ་སྒྲུབ་པ་ཉམས་སུ་

― CMR007_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

ལོངས༔ ཚེ་ལ་ལོང་མེད་འཆི་རྐྱེན་བསམ་མི་ཁྱབ༔ དེ་ཚེ་མི་འཚེར་གདེང་ཞིག་མ་ཐོབ་ན༔ སྐྱེས་བུ་ཁྱོད་ནི་གསོན་པས་ཅི་ཞིག་རུང་༔ ཆོས་རྣམས་བདག་མེད་སྟོང་ཉིད་སྤྲོས་དང་བྲལ༔ སྒྱུ་མ་སྨིག་སྒྱུ་རྨི་ལམ་གཟུགས་བརྙན་དང་༔ དྲི་ཟའི་གྲོང་ཁྱེར་བྲག་ཆ་ལྟ་བུར་སྤྱོད༔ ཆུ་ཟླ་ཆུ་བུར་མིག་ཡོར་སྤྲུལ་པ་སོགས༔ ཤེས་བྱ་སྒྱུ་མའི་དཔེ་བཅུ་དེ་ཉིད་དུ༔ འཁོར་འདས་ཆོས་རྣམས་ཁྱོད་ཀྱིས་ཤེས་པར་གྱིས༔ ཞེས་ལྷང་ལྷང་སྒྲོག་ཅིང་སྤྲུགས་པའི་སྒྲ་ཏིར་གྱིས་ནམ་མཁའ་ལ་ཡལ་བར་བསམས་ལ༔ དོན་དེ་ཉིད་དྲན་པས་རང་ཉིད་རིག་པ་ཧུར་ཕྱུངས་གཟེངས་བསྟོད་དེ་ལྡང་བར་བྱའོ༔ དེ་ནས་ལས་རྒྱུ་འབྲས་སྒོམ་པ་ནི༔ ཀྱེ་མ་ཀྱེ་མ་མི་རྟག་འཁོར་བའི་ཆོས༔ ཐར་མེད་འཁོར་བའི་རྒྱ་མཚོ་དང་རིང་དུ༔ ལས་ཀྱིས་མནར་བའི་འགྲོ་རྣམས་སྙིང་རེ་རྗེ༔ སྡུག་བསྔལ་རྒྱ་མཚོ་སྐེམ་པར་བྱིན་གྱིས་རློབས༔ མ་རིག་ལས་ཀྱིས་མནར་བའི་འགྲོ་བ་རྣམས༔ བདེ་བ་འདོད་ཕྱིར་སྡུག་བསྔལ་ལས་ལ་སྤྱོད༔ ཐབས་མི་མཁས་པའི་འགྲོ་རྣམས་སྙིང་རེ་རྗེ༔ ཉོན་མོངས་ལས་སྒྲིབ་དག་པར་བྱིན་གྱིས་རློབས༔ འཁོར་བའི་ཉེས་དམིགས་ནི༔ བདག་འདོད་གཟུང་འཛིན་བཅིང་བའི་བཙོན་ར་འདིར༔ རི་དྭགས་རྒྱར་ཚུད་སླར་ཡང་འཇུག་

― CMR007_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར༔ མ་རིག་གཏི་མུག་ཅན་རྣམས་སྙིང་རེ་རྗེ༔ འཁོར་བ་དོང་ནས་སྤྲུགས་པར་བྱིན་གྱིས་རློབས༔ ཐར་མེད་ལས་ཀྱི་གྲོང་ཁྱེར་དྲུག་པོ་འདི༔ གཅིག་ནས་གཅིག་ཏུ་ཟོ་ཆུན་འཁྱུད་མོ་བཞིན་མཐའ་མེད་འཁོར་བའི་འགྲོ་རྣམས་སྙིང་རེ་རྗེ༔ རིགས་དྲུག་སྐྱེ་སྒོ་ཆོད་པར་བྱིན་གྱིས་རློབས༔ འཆི་བ་མི་རྟག་པ་སྒོམ་པ་ནི༔ སྐྱེ་རྒ་ན་དང་འཆི་བའི་སྡུག་བསྔལ་རྣམས༔ ཇི་ཙམ་མཐོང་ཡང་མི་འཇིགས་སྙིང་སྲན་ཅན༔ ཡེངས་མ་ལམ་ལ་དལ་འབྱོར་མི་ཚེ་ཟད༔ མི་རྟག་འཆི་བ་དྲན་པར་བྱིན་གྱིས་རློབས༔ མི་རྟག་བློ་གཏད་མེད་པར་མ་ཤེས་ནས༔ ད་དུང་འཁོར་བ་འདི་ལ་ཞེན་ཅིང་ཆགས༔ སྐྱིད་འདོད་ངང་ལ་མི་ཚེ་སྡུག་གིས་འདས༔ འཁོར་བར་ཞེན་པ་ལོག་པར་བྱིན་གྱིས་རློབས༔ སྣོད་ཀྱི་འཇིག་རྟེན་མི་རྟག་མེ་ཆུས་འཇིག༔ བཅུད་ཀྱི་སེམས་ཅན་མི་རྟག་ལུས་སེམས་བྲལ༔ དབྱར་དགུན་སྟོན་དཔྱིད་ནམ་ཟླ་དུས་མི་རྟག༔ སྐྱོ་ཤས་གཏིང་ནས་སྐྱེ་བར་བྱིན་གྱིས་རློབས༔ ན་ཉིན་ད་ལོ་ནམ་ཟླའི་སྟོད་སྨད་དང་༔ ཞག་དང་ཉིན་མཚན་སྐད་ཅིག་དུས་མི་རྟག༔ ལེགས་པར་སོམས་དང་རང་ཉིད་འཆི་བས་གཏུག སྒྲུབ་ལ་སྙིང་རུས་ནུས་པར་

― CMR007_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་གྱིས་རློབས༔ དལ་འབྱོར་རྙེད་དཀའ་བ་ནི༔ དལ་འབྱོར་འདི་ནི་ཤིན་ཏུ་རྙེད་པར་དཀའ༔ འཆི་བདག་ནད་ཀྱིས་ཉེ་བར་བཏབ་པའི་ཚེ༔ ཆོས་མེད་འགྲོ་རྣམས་སྟོང་ལོག་སྙིང་རེ་རྗེ༔ ལོང་མེད་རྒྱུད་ལ་སྐྱེ་བར་བྱིན་གྱིས་རློབས༔ ཀྱེ་མ་ཀྱི་ཧུད་དཀོན་མཆོག་ཐུགས་རྗེ་ཅན༔ རྒྱལ་བ་ཁྱེད་ལ་མཁྱེན་བརྩེའི་མཐུ་མངའ་བས༔ བདག་སོགས་རིགས་དྲུག་འཁོར་བའི་སྡུག་བསྔལ་ལས༔ ད་ལྟ་ཉིད་དུ་སྒྲོལ་བར་བྱིན་གྱིས་རློབས༔ ཞེས་ཐུན་མོང་གི་སྔོན་འགྲོ་བཞི་འདོན་བསྒོམ་བྱ༔ དེ་ཡང་གོང་གི་དུཋཁ་དེ་རྣམས་ལས་སྐྱོབ་ནུས་པ་དཀོན་མཆོག་གསུམ་མིན་པ་མེད་པས༔ མདུན་གྱི་ནམ་མཁར་སྐྱབས་ཡུལ་ཐམས་ཅད་སྤྲིན་ཕུང་བཞིན་དུ་གཏིབས་པར་བསམས་ལ༔ རང་དང་ཕ་མས་གཙོར་བྱས་སེམས་ཅན་ཐམས་ཅད་དགྲ་མི་ཤ་བཙོན་དོང་ནས་ཐར་བར་འདོད་པ་ལྟ་བུའི་གདུང་བས་ཁ་ཙམ་མ་ཡིན་པར་ཕྱིའི་སྐྱབས་འགྲོ་ནི༔ ན་མོ༔ འདས་དང་མ་བྱོན་ད་ལྟ་དུས་གསུམ་དུ༔ རྒྱུན་ཆད་མེད་པར་འགྲོ་ལ་དགོངས་མཛད་པའི༔ སངས་རྒྱས་རྣམས་ལ་ཕྱག་འཚལ་སྐྱབས་སུ་མཆི༔ རྐང་གཉིས་གཙོ་བོ་མཚན་དང་དཔེ་བྱད་བརྒྱན༔ ཕྲིན་ལས་མི་ཟད་ནམ་མཁའི་མཐའ་དང་མཉམ༔ སངས་རྒྱས་རྣམས་ལ་ཕྱག་འཚལ་སྐྱབས་སུ་མཆི༔ ཞི་བ་ཆགས་བྲལ་དོན་དམ་

― CMR007_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་པའི་ཆོས༔ ཐེག་པ་གསུམ་གྱི་ཕྱིར་མི་ལྡོག་པའི་ལམ༔ དམ་པའི་ཆོས་ལ་ཕྱག་འཚལ་སྐྱབས་སུ་མཆི༔ བཀའ་བརྒྱུད་ལུང་དང་མན་ངག་སྒྲུབ་པའི་ཚོགས། བསྟན་དང་བསྟན་འཛིན་ཉོན་མོངས་ཚོགས་བྲལ་བའི༔ དམ་པའི་ཆོས་ལ་ཕྱག་འཚལ་སྐྱབས་སུ་མཆི༔ མ་ནོར་ལམ་གནས་ཚོགས་མཆོག་ཀུན་གྱི་ཞིང་༔ ཉོན་མོངས་དྲི་མས་རབ་དབེན་འཕགས་པའི་ཚོགས༔ དགེ་འདུན་རྣམས་ལ་ཕྱག་འཚལ་སྐྱབས་སུ་མཆི༔ འཆད་རྩོད་རྩོམ་གྱིས་སངས་རྒྱས་བསྟན་འཛིན་ཅིང་༔ ལྷག་པའི་ཚོགས་མཆོག་ཕར་ཕྱིན་དྲུག་ལ་གནས༔ དགེ་འདུན་རྣམས་ལ་ཕྱག་འཚལ་སྐྱབས་སུ་མཆི༔ གཉིས་པ་ནང་གི་སྐྱབས་འགྲོ་ནི༔ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ གསང་བ་བླ་མེད་དཀྱིལ་འཁོར་ཀུན་གྱི་གཙོ༔ བླ་མ་རྣམས་ལ་ཕྱག་འཚལ་སྐྱབས་སུ་མཆི༔ དཔལ་ལྡན་བླ་མ་རྡོ་རྗེ་སེམས་དཔའ་ཆེ༔ མཐོང་ཐོས་དྲན་པས་དངོས་གྲུབ་མཆོག་སྩོལ་བའི༔ བླ་མ་རྣམས་ལ་ཕྱག་འཚལ་སྐྱབས་སུ་མཆི༔ ཆོས་སྐུ་སྐྱེ་མེད་སྤྲོས་པའི་མཐའ་བྲལ་ཡང་༔ འགྲོ་བའི་དོན་དུ་ཞི་དང་ཁྲོ་གར་སྤྲུལ༔ ཡི་དམ་ལྷ་ལ་ཕྱག་འཚལ་སྐྱབས་སུ་མཆི༔ ཐུགས་རྗེའི་ངང་ནས་སྐྱ་མ་ཆུ་

― CMR007_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བཞིན་མཆོག་དང་ཐུན་མོང་དངོས་གྲུབ་ཀུན་སྩོལ་བའི༔ ཡི་དམ་ལྷ་ལ་ཕྱག་འཚལ་སྐྱབས་སུ་མཆི༔ འབྱུང་བ་ལྔ་ཉིད་ཡེ་ནས་རྣམ་པར་དག༔ ཆོས་དབྱིངས་སྐྱེ་མེད་ངང་ལས་སྣ་ཚོགས་སྤྲུལ༔ མཁའ་འགྲོའི་ཚོགས་ལ་ཕྱག་འཚལ་སྐྱབས་སུ་མཆི༔ དག་པའི་གནས་མཆོག་བདེ་ཆེན་མཆོག་སྩོལ་ཅིང་༔ དམ་ཚིག་ཅན་ལ་དངོས་གྲུབ་སྟེར་མཛད་མ༔ མཁའ་འགྲོའི་ཚོགས་ལ་ཕྱག་འཚལ་སྐྱབས་སུ་མཆི༔ ལེགས་ཉེས་སྟངས་འཛིན་དམ་ཚིག་རྗེས་གཅོད་ཅིང་༔ བཀའ་བཞིན་རྗེས་སུ་སྒྲུབ་པའི་གྲོགས་མཛད་མ༔ དམ་ཅན་རྒྱ་མཚོའི་ཚོགས་ལ་ཕྱག་འཚལ་སྐྱབས་སུ་མཆི༔ གསུམ་པ་གསང་བའི་སྐྱབས་འགྲོ་ནི༔ ཡེ་ནས་སྟོང་ཉིད་སྤྲོས་དང་བྲལ་བ་ལ༔ སྤྲོས་མེད་སྤྲོས་བྲལ་འདུས་མ་བྱས་པའི་ངང་༔ འཛིན་མེད་བློ་འདས་ངང་དུ་སྐྱབས་སུ་མཆི༔ ངོ་བོ་རང་བཞིན་ཐུགས་རྗེ་ཀ་ནས་དག༔ མཉམ་རྫོགས་ཀློང་ཡངས་ཆེན་པོའི་རང་བཞིན་ལ༔ རྟོག་མེད་རང་གསལ་རྗེན་པར་སྐྱབས་སུ་མཆི༔ ལྷུན་གྲུབ་རང་བཞིན་ཡེ་ནས་སྐུ་ལྔའི་བདག༔ ཡེ་ཤེས་ལྔ་ལྡན་འོད་ཀྱི་རང་བཞིན་ལ༔ འཛིན་མེད་རང་གསལ་ངང་དུ་སྐྱབས་སུ་མཆི༔ དབྱིངས་རིག་གསལ་སྟོང་ཐིག་

― CMR007_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ལེའི་དཀྱིལ་འཁོར་དུ༔ རང་རིག་རང་གསལ་རྡོ་རྗེའི་ལུ་གུ་རྒྱུད༔ མངོན་སུམ་འདུ་འབྲལ་མེད་པར་སྐྱབས་སུ་མཆི༔ མ་འགག་རང་གསལ་ཀུན་ཁྱབ་ཐུགས་རྗེ་ཅན༔ ཅིར་ཡང་སྤྲུལ་པ་བདེ་ཆེན་ཐུགས་རྗེའི་ལྷ༔ ཤར་གྲོལ་མཐའ་བྲལ་ཆེན་པོར་སྐྱབས་སུ་མཆི༔ ཐུགས་རྗེའི་རང་བཞིན་ཉི་མའི་འོད་ཟེར་གྱིས༔ རྟོག་མེད་ངང་ནས་འགྲོ་བའི་མུན་སེལ་བ༔ དུས་གསུམ་ཐོག་མཐའ་མེད་པར་སྐྱབས་སུ་མཆི༔ ཞེས་ལན་གསུམ་མམ་བདུན་ནམ་ཅི་རིག་བྱའོ༔ འགྲོ་དྲུག་ཕ་མ་འདི་རྣམས་ལ་སྙིང་རྗེ་བཟོད་བླག་མེད་པར་བསྒོམས་ནས་བྱང་ཆུབ་ཏུ་སེམས་བསྐྱེད་པ་ནི༔ ན་མོ༔ འགྲོ་དྲུག་སེམས་ཅན་ཀུན་གྱི་དོན་གྱི་ཕྱིར༔ དེང་ནས་བཟུང་སྟེ་བྱང་ཆུབ་མ་ཐོབ་བར༔ བྱང་ཆུབ་སེམས་མཆོག་དམ་པ་བསྐྱེད་པར་བགྱི༔ ཞེས་ལན་གསུམ་གལ་ཆེ༔ དེ་ནས་སྡོམ་པ་བཟུང་བ་ནི༔ སངས་རྒྱས་རྣལ་འབྱོར་སྡོམ་པའི་མཆོག་ཉིད་དང་༔ སྡོམ་པ་ཡི་ནི་ལྷག་པའི་ཚུལ་ཁྲིམས་དང་༔ དགེ་བའི་ཆོས་རྣམས་མ་ལུས་སྡུད་པ་དང་། འགྲོ་བ་སེམས་ཅན་དོན་བྱེད་ཚུལ་ཁྲིམས་གསུམ༔ བདག་གིས་རྟག་ཏུ་བརྟན་པོར་བཟུང་བར་བགྱི༔ འགྲོ་བ་སེམས་ཅན་ཀུན་གྱི་དོན་གྱི་ཕྱིར༔ བདག་གིས་སྡོམ་པ་བརྟན་པོར་

― CMR007_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་བར་བགྱི༔ ལུས་དང་སྲོག་ལ་ལྟོས་པ་མེད་པར་ནི༔ ཁྱེད་ཀྱི་རྗེས་སུ་འཇུག་ཅིང་བདག་སློབ་ཅིང་༔ ཚད་མེད་ཐུགས་རྗེས་ཉེ་བར་དགོངས་ནས་ཀྱང༔ ཀུན་ནས་ཐུགས་རྗེས་བྱིན་གྱིས་བརླབ་ཏུ་གསོལ༔ སེམས་བསྐྱེད་རིགས་ལྔའི་སྡོམ་པ་བཟུང་བ་ནི༔ ཨེ་མ་ངོ་མཚར་རྨད་དུ་བྱུང་༔ སྔོན་གྱི་རྒྱལ་བ་ཐམས་ཅད་ཀྱིས༔ སྡོམ་པ་ལ་ནི་གནས་པ་ལྟར༔ འདི་བཟུང་འཁོར་བ་མ་སྟོངས་བར༔ བླ་མེད་འཇུག་པའི་བྱང་ཆུབ་སེམས༔ བདག་ཅག་རྣམས་ཀྱིས་བསྐྱེད་པར་བགྱི༔ ཕར་ཕྱིན་དྲུག་ལ་བསླབ་ཅིང་བསྒྲུབ༔ བརྩོན་འགྲུས་དག་གིས་ཐམས་ཅད་བསྒྲལ༔ ཀུན་དོན་ཚུལ་ཁྲིམས་གསུམ་ཡང་བཟུང་༔ བདག་གིས་སེམས་བསྐྱེད་སྡོམ་བཟུང་ནས༔ མ་གྲོལ་སྒྲོལ་དང་མ་བརྒལ་བསྒྲལ༔ དབུགས་དབྱུང་མྱ་ངན་འདས་ལ་འགོད༔ དཀོན་མཆོག་གསུམ་བང་མི་བཏང་ངོ་༔ རྡོ་རྗེ་རིགས་ཀྱི་དམ་ཚིག་ཏུ༔ རྡོ་རྗེ་དྲིལ་བུའི་ཕྱག་རྒྱ་དང་༔ བྱང་ཆུབ་སེམས་ནི་སྤང་མི་བྱ༔ རྡོ་རྗེ་རིགས་ཀྱི་དམ་ཚིག་ཡིན༔ རིན་ཆེན་རིགས་ཀྱི་དམ་ཚིག་ཏུ་སྦྱིན་པ་རྣམ་བཞི་རྟག་ཏུ་སྦྱིན༔ རིན་ཆེན་རིགས་ཀྱི་དམ་ཚིག་ཡིན༔ པདྨ་རིགས་ཀྱི་དམ་ཚིག་ཏུ༔ ཐེག་པ་གསུམ་གྱི་

― CMR007_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་རྣམས་བཤད༔ པདྨའི་རིགས་ཀྱི་དམ་ཚིག་ཡིན༔ ལས་ཀྱི་རིགས་ཀྱི་དམ་ཚིག་ཏུ༔ འགྲོ་བའི་དོན་ལ་བརྩོན་པར་བྱེད༔ ལས་ཀྱི་རིགས་ཀྱི་དམ་ཚིག་ཡིན༔ དེ་བཞིན་རིགས་ཀྱི་དམ་ཚིག་ཏུ༔ དཀྱིལ་འཁོར་གསུམ་དང་འབྲལ་མི་བྱ༔ དེ་བཞིན་རིགས་ཀྱི་དམ་ཚིག་ཡིན༔ བདག་ནི་དཔལ་ཆེན་རིགས་མཆོག་ས༔ བླ་མ་ཡི་དམ་མཁའ་འགྲོ་དང་༔ སྐྱབས་ཆེན་དཀོན་མཆོག་རྣམ་གསུམ་ལ༔ མི་འདའ་རྡོ་རྗེའི་དམ་ལ་གནས༔ ཡར་མཆོད་གུས་ཤིང་མར་ལ་བརྟེ༔ རྩ་བ་ཡན་ལག་དམ་ཚིག་བསྲུང་༔ རྩ་བ་བཞི་སོགས་དམ་ཚིག་ལ༔ ནམ་ཡང་མི་འདའ་བཟུང་བར་བྱའོ༔ རྡོར་སེམས་སྒོམ་བཟླས་ནི༔ རང་ཐ་མལ་པའི་སྤྱི་གཙུག་ཁྲུ་གང་ཙམ་གྱི་ནམ་མཁར་ཉི་ཟླ་དང་པདྨའི་གདན་ལ་བླ་མ་རྡོ་རྗེ་སེམས་དཔའ་སྐུ་མདོག་ཤེལ་འདྲ་བ༔ རྒྱལ་པོ་རོལ་པའི་འདུག་སྟངས་ཀྱིས་བཞུགས་པ༔ དར་དང་རཏྣའི་རྒྱན་གྱིས་སྤྲས་པ༔ དེའི་ཐུགས་ཀར་ཟླ་བའི་ལྟེ་བར་ཧཱུྃ་ལ་ཡིག་བརྒྱས་བསྐོར་བ༔ དེ་ལས་འོད་ཟེར་འཕྲོས་ཕྱོགས་བཅུའི་སངས་རྒྱས་བྱང་སེམས༔ བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་སྤྱན་དྲངས༔ ཐུགས་ཀར་ཐིམ་བདུད་རྩིའི་རང་

― CMR007_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཏུ་གྱུར་སྐུའི་ནང་ཐམས་ཅད་དྲི་མེད་ཡེ་ཤེས་ཀྱི་བདུད་རྩི་འོ་མ་ལྟ་བུས་གང་ནས༔ ཞབས་གཡས་པའི་མཐེ་བོང་ནས་ངང་ན་ར་ར་བབ༔ རང་གི་སྤྱི་བོ་ནས་རིམ་པར་བབ་ཅིང་ལུས་གང་བས༔ ལུས་ངག་ཡིད་གསུམ་གྱི་ཉམས་ཆག་སྡིག་སྒྲིབ་ཐམས་ཅད་ནག་ནུར་གྱིས་རྐང་མཐིལ་བཤང་ལམ་བ་སྤུའི་བུ་ག་ནས་ཐོན་ཏེ༔ ས་རིམ་པ་དགུའི་འོག་ན་མར་སོང་བར་གྱུར༔ ཨོཾ་བཛྲ་སཏཱ་ས་མ་ཡ་ནས། སཏཱ་ཨཱཿ ཞེས་གསུམ་བདུན་ཉེར་གཅིག་སོགས་ཅི་ལྕོགས་བཟླ༔ དེ་ནས་མཐར༔ སྣོད་བཅུད་ཐམས་ཅད་རྡོ་རྗེ་སེམས་དཔའ་ལ་ཐིམ༔ རྡོ་རྗེ་སེམས་དཔའ་ཡི་གེ་བརྒྱ་པའི་ཨ་ལ་ཐིམ༔ ཨ་ཡང་སྤྱི་བོ་ནས་མར་ཐིམ༔ སྙིང་གར་སླེབས་མཐའ་ནས་དབུས་སུ་ཧཱུཾ་ལ་ཐིམ༔ ཧཱུྃ་བདུད་རྩི་དཀར་མེར་གྱིས་ཞུ༔ རང་ལུས་རྩ་ཁམས་ཐམས་ཅད་དྲི་མེད་ཡེ་ཤེས་ཀྱི་བདུད་རྩིས་གང་༔ རྡོ་རྗེ་སེམས་དཔའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་དུ་ཕྲུག་གིས་འདྲེས་པར་གྱུར༔ མ་བཅོས་ཀ་དག་གི་ངང་ལ་དལ་ཅིག་བཞག དེ་ནས་མཎྜལ་ནི༔ ཨོཾ་ཨཱཧཱུྃ༔ ཨོཾ་སྭ་བྷ་ཝ་སོགས༔ སྟོང་པ་ཉིད་དུ་གྱུར༔ སྟོང་པའི་ངང་ལས་༔ གཞལ་ཡས་ཁང་ཆེན་པོ་ཡངས་ཤིང་རྒྱ་ཆེ་བའི་དབུས་སུ་

― CMR007_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་བའི་བླ་མ་ལ་བཀའ་བརྒྱུད་ཀྱི་བླ་མ་དཔག་ཏུ་མེད་པས་བསྐོར་བ༔ གཞན་ཡང་སངས་རྒྱས་བྱང་ཆུབ་སེམས་དཔལ༔ ཡི་དམ་མཁའ་འགྲོ་ཆོས་སྐྱོང་ཐམས་ཅད་ཀྱིས་བསྐོར་བར་གྱུར༔ གུ་རུ་བུདྡྷ་བྷོ་དྷི་སཏ་དྷེ་ཝ་དྷཱ་ཀི་ནཱི་རཏྣ་མཎྜལ་བཛྲ་ས་མ་ཡ་ཛ༔ ཛཧཱུྃ་བཾ་ཧོ༔ ཞེས་བསྟིམ་ལ་ནམ་མཁར་བཞུགས༔ མཎྜལ་ཚོམ་བུ་ལྔའམ་བཅུ་གཅིག་སྤྱི་དང་མཐུན་པར་བཀོད་གསུངས་པས༔ ཨོཾ་བཛྲ་བྷུ་མི་ཨཱ༔ ཧཱུྃ༔ གཞི་རྣམ་པར་དག་པ་རྡོ་རྗེའི་རང་བཞིན་གྱི་ས་གཞི། ཨོཾ་བཛྲ་རེ་ཁེ་ཨཱཧཱུྃ༔ ཕྱི་རྡོ་རྗེའི་རི་ཡི་ཁོར་ཡུག་གི་ར་བས་ཡོངས་སུ་བསྐོར་བའི་དབུས་སུ༔ རི་ཡི་རྒྱལ་པོ་རི་བོ་མཆོག་རབ༔ ཤར་ལུས་འཕགས་པོ༔ ལྷོ་འཛམ་བུ་གླིང་༔ ནུབ་བ་ལང་སྤྱོད༔ བྱང་སྒྲ་མི་སྙན༔ བྱང་ཤར་དུ་ཟླ་བ༔ ལྷོ་ནུབ་ཏུ་ཉི་མ་དབུས་སུ་ལྷ་དང་མི་ཡི་དཔལ་འབྱོར་ཕུན་སུམ་ཚོགས་པ༔ མ་ཚང་བ་མེད་པ༔ རབ་འབྱམས་རྒྱ་མཚོའི་རྡུལ་གྱི་གྲངས་ལས་འདས་པ་མངོན་པར་བཀོད་པ་འདི་ཉིད༔ བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ལ་འབུལ་བར་བགྱིའོ༔ ཐུགས་རྗེས་འགྲོ་བའི་དོན་དུ་བཞེས་སུ་

― CMR007_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ༔ བཞེས་ནས་བྱིན་གྱིས་བརླབ་ཏུ་གསོལ༔ ཅེས་དང་༔ ཕྱི་ཡི་མཎྜལ་ནི༔ ཨོཾ་ཨཱཿཧཱུྃ༔ ཕྱི་ནང་སྣོད་བཅུད་སྟོང་གསུམ་གཞལ་ཡས་སུ༔ རི་རབ་གླིང་བཞི་རྡུལ་སྙེད་མཆོད་སྤྲིན་གཏིབས༔ ལྷ་མའི་འདོད་ཡོན་དཔག་མེད་ཇི་སྙེད་ཀུན༔ བླ་མ་དཀོན་མཆོག་སྤྲུལ་སྐུའི་ཞིང་དུ་འབུལ༔ ཐུགས་རྗེས་བརྩེ་བར་དགོངས་ཏེ་བཞེས་ནས་ཀྱང་༔ འགྲོ་ཀུན་སྤྲུལ་སྐུའི་ཞིང་དུ་སྐྱེ་བར་ཤོག༔ ནང་གི་མཎྜལ་ནི༔ ཨོཾ་ཨཱཧཱུྃ༔ རང་ལུས་རྩ་ཁམས་དག་པའི་གཞལ་ཡས་སུ༔ དབང་པོ་རྣམ་ལྔ་བཀྲག་དང་མདངས་ཀྱིས་བརྒྱན༔ ཁམས་དང་སྐྱེ་མཆེད་ཡོངས་སུ་དག་པ་འདི༔ བླ་མ་དཀོན་མཆོག་ལོངས་སྐུའི་ཞིང་དུ་འབུལ༔ ཐུགས་རྗེས་བརྩེ་བར་དགོངས་ཏེ་བཞེས་ནས་ཀྱང་༔ འགྲོ་ཀུན་ལོངས་སྐུའི་ཞིང་དུ་སྐྱེ་བར་ཤོག གསང་བའི་མཎྜལ་ནི༔ ཨོཾ་ཨཱཿཧཱུྃ༔ སེམས་ཉིད་ཆོས་སྐུ་དག་པའི་གཞལ་ཡས་སུ༔ སྤྲོས་མེད་སྟོང་གསལ་འཛིན་མེད་ངང་དུ་གནས༔ གདོད་ནས་དག་པའི་སྤྲོས་བྲལ་གཉུག་མ་འདི༔ བླ་མ་དཀོན་མཆོག་ཆོས་སྐུའི་ཞིང་དུ་འབུལ༔ ཐུགས་རྗེས་བརྩེ་བས་དགོངས་ཏེ་བཞེས་ནས་ཀྱང་༔ འགྲོ་ཀུན་ཆོས་སྐུའི་ཞིང་དུ་སྐྱེ་བར་ཤོག༔ ཨོ་གུ་རུ་དྷེ་ཝ་དྷཀི་ནི་

― CMR007_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

རཏྣ་མཎྜལ་པུཙྩ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཿཧཱུྃ༔ དེ་ཡན་བླ་མ་སྐུ་གསུམ་སྒྲུབ་པའི་ཁྲིད༔ གསང་ཁྲིད་རིམ་ལྔ་སོགས་དྲག་པོའི་ཐུགས་ཁྲིད་ཡིད་བཞིན་ནོར་བུ་གང་བྱས་ཀྱང་ཐུན་མོང་གི་ཆོས་སོ༔ ཞི་དྲག་གང་བྱེད་ཀྱང་ངར་འདོན་ཧཱུྃ་སྒྲུབ་གལ་ཆེ་བས༔ འདི་དྲན་རྫོགས་སུ་དམ་ཚིག་ཡེ་ཤེས་དབྱེར་མེད་ཡིན་པས་ཡེ་ཤེས་སྤྱན་དྲངས་སོགས་མི་དགོས་གསུངས་སོ༔ དང་པོ་ཚད་མེད་སྟོང་ཉིད་ཡུད་ཙམ་ཞིག་བསྒོམ་གསུངས་པས༔ འགྲོ་ཀུན་བདེ་ལྡན་སྡུག་བསྔལ་ཀུན་བྲལ་ཞིང་༔ བདེ་ལས་ཉམས་མེད་བཏང་སྙོམས་ལ་གནས་ཤོག༔ ཆོས་རྣམས་དམིགས་མེད་ཡེ་ནས་སྟོང་པ་ཉིད༔ མཁའ་ལ་ཉི་ཤར་ཆུ་བུར་རྡོལ་བ་ལྟར༔ སྟོང་པའི་ངང་ལས་རང་ཉིད་ཐོད་ཕྲེང་རྩལ༔ རྡོ་རྗེ་གྲོ་ལོད་སྐུ་མདོག་དམར་སྨུག་ནག༔ གཅེར་བུ་རྒྱན་དྲུག་དུར་ཁྲོད་ཆས་བརྒྱད་གསོལ༔ དབུ་གཙུག་རྟ་མགོ་ལྗང་ཞུར་ཙེ་རེ་རེ༔ སྣ་སྒྲ་ཕྲིལ་ཕྲིལ་བག་ཆགས་ནད་རྣམས་གཏོར༔ སྤྱན་མིག་ཁྲུམ་ཁྲུམ་དྲེགས་པ་ཟིལ་གྱིས་གནོན༔ འཇིགས་པའི་ཆ་ལུགས་རྣོ་དབལ་མཆེ་བ་གཙིགས༔ སྤྱི་བོར་བླ་མ་ལོངས་སྤྱོད་རྫོགས་པའི་ཚུལ༔ མགྲིན་པར་ཐུགས་རྗེ་ཆེན་པོ་གསལ་བར་བསྐྱེད༔ ཕྱག་ཞབས་བཞི་ལ་མཁའ་འགྲོ་སྡེ་བཞི་བསྐྱེད༔ སྐུ་ལུས་མ་ལུས་སྤྱན་མིག་སྟོང་

― CMR007_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་གཏམས༔ ཐུགས་རྗེས་ཉེ་རིང་མེད་པར་ཀུན་ལ་ཁྱབ༔ མི་རོ་བསྣོལ་བའི་གདན་ལ་བརྗིད་ཅིང་འགྱིང་༔ གར་དགུའི་ཚུལ་གྱིས་ཧཱུྃ་སྒྲ་འབྲུག་སྟོང་ལྡིར༔ སྐུ་ནི་རྒྱལ་བ་ཀུན་མཉམ་རི་རབ་འདྲ༔ གསུང་ནི་རྔམ་པའི་ང་རོ་དྲག་ཧུར་ཅན༔ ཐུགས་ནི་མཉམ་ཉིད་གསལ་སྟོང་འགག་པ་མེད༔ ཕྱག་གཡས་རྡོ་རྗེ་རྩེ་དགུ་ནམ་མཁའ་ཕྱར༔ གདོན་བགེགས་མ་ལུས་ཐལ་བ་ཐུལ་ཐུལ་སྲེག༔ གཡོན་པས་ཕུར་བུ་དགྲ་བགེགས་སྙིང་ལ་འདེབས༔ སྐུ་ལུས་འོད་ཟེར་ཚྭ་ཚྭ་ཁྲོ་ཆུང་འཕྲོས༔ ཐུགས་ཀར་ཉི་སྟེང་ཧཱུྃ་ཆེན་མཐིང་ནག་ལས༔ མེ་འབར་ཁམས་གསུམ་མ་ལུས་ཐམས་ཅད་སྲེག༔ སྲིད་གསུམ་ཟིལ་གནོན་རང་ལས་ཆེ་བཙན་མེད༔ སྡེ་བརྒྱད་དྲེགས་པ་འདུལ་ཞིང་འདར་ནས་བསྔངས༔ ཅི་གསུངས་བཀའ་ཉན་ལས་ལ་བཀོལ་བ་ན༔ མཁའ་འགྲོ་འབུམ་གྱི་འཁོར་གྱིས་རང་ཉིད་བསྐོར༔ འཇིག་རྟེན་ཁམས་ཀུན་འུར་འུར་ཤིག་ཤིག་སྡིག༔ ཧཱུྃ་གི་སྒྲ་ཡིས་ཀུན་ཀྱང་གང་བར་གྱུར༔ ཧཱུཾ་ཧཱུཾ་ཧཱུྃ༔ ཞེས་བརྒྱའམ་སྟོང་བཟླའོ༔ བདག་ཉིད་པདྨ་དབང་ཆེན་རྡོ་རྗེ་གྲོ་ལོད་སྐུ་ཆེ་ལ་ཡན་ལག་རགས་པ་ཁྲོ་ཞིང་རྔམས་པ༔ དེའི་སྤྱི་བོ་ནས་རྟ་སྐད་དྲག་པོ་སྟོང་གསུམ་ཁེངས་པར་བཏོན་

― CMR007_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ལྷ་དང་མཁའ་འགྲོ་ལྷ་སྲིན་སྡེ་བརྒྱད་ཐམས་ཅད་དབང་དུ་འདུས་པར་གྱུར༔ ཡང་ཐང་ཅིག་སྟོན་པས་ཐམས་ཅད་བཀའ་དང་དམ་ལ་བཏགས་པར་གྱུར༔ ཐང་གསུམ་སྟོན་པས་གདུག་པ་ཅན་དམ་ལ་མི་གནས་ཤིང་བར་དུ་གཅོད་པ་ཐམས་ཅད་རྡུལ་ཕྲན་རླུང་གིས་ཁྱེར་བ་ལྟར་གཏོར་བར་གྱུར༔ དེ་ནས་བདག་གི་ཐུགས་ཀ་ནས་འོད་ཟེར་མཚོན་ཆའི་ཚུལ་དུ་འཕྲོས་པས་སྟེང་འོག་ཕྱོགས་མཚམས་ཐམས་ཅད༔ རྡོ་རྗེ་དང་འཁོར་ལོ་དང་རལ་གྲི་དང་དབྱུག་ཏོ་དང་རྒྱ་གྲམ་ལ་སོགས་པའི་མཚོན་ཆའི་གུར་དུ་གྱུར༔ ཡང་བདག་གི་ཐུགས་ཀ་ནས་མེ་ཁ་དོག་ལྔ་འཕྲོས་པས་སྟེང་འོག་ཕྱོགས་མཚམས་ཐམས་ཅད་མེ་དཔུང་འབར་བའི་གུར་དུ་གྱུར་ཏེ༔ གདོན་བགེགས་ཐམས་ཅད་སྐྲག་ཅིང་བསྔངས་ནས་ཕྱིའི་རྒྱ་མཚོའི་འགྲམ་དུ་བྲོས་ཤིང་བྱེར་ནས་བསྐད་པར་གྱུར༔ བསྐལ་པའི་རླུང་ཡང་མི་ཐར་བར་བར་མཚམས་ཐམས་ཅད་དང་༔ བདག་གི་བ་སྤུའི་བུ་ག་ཐམས་ཅད་ཁྲོ་ཆུང་མཚོན་ཆ་ཐོགས་པ་མང་པོ་སྐར་ལྟར་འཁྲུག་ཅིང་བསྲུང་བར་གྱུར༔ ཨོཾ་བཛྲ་ཙཀྲ་ཏིཀ་ཀརྨ་ཀཱི་ལ་ཡ་ཛྭ་ལ་རཾ་རཾ་བཛྲ་བྷི་ཤྭ་ཀྲོ་དྷ་ཛྭ་ལ་མཎྜལ་ཧཱུྃ་ཕཊ༔ དེས་སྒྲུབ་ལ་བར་ཆད་ཀྱིས་མི་ཚུགས་ཏེ་ཤིན་ཏུ་ཟབ་སྟེ་སྲུང་བའི་

― CMR007_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

རྣལ་འབྱོར་རོ༔ དེ་ནས་བླ་མ་སྤྲུལ་སྐུའི་རྣལ་འབྱོར་ནི༔ རང་ཡི་དམ་ལྷར་གསལ་བའི་སྤྱི་གཙུག་སེངྒེ་བརྒྱད་ཀྱིས་བཏེག་པའི་དབུས་སུ༔ པདྨའི་སྡོང་པོ་མེ་ཏོག་འདབ་མ་སྟོང་དང་ལྡན་པའི་དབུས་སུ་ཉི་མ་དང་ཟླ་བའི་སྟེང་དུ༔ རང་གི་རྩ་བའི་བླ་མ་དང་ཨོ་རྒྱན་དབྱེར་མེད་པའི༔ ཨོ་རྒྱན་སྤྲུལ་སྐུའི་ཆ་ལུགས་ཆོས་གོས་གསུམ་དང་ལྡན་པ་ཟ་འོག་གི་བེར་ཆེན་གསོལ་བ་ལ་སྟག་ལྤགས་ཀྱི་གོང་ལག མུ་ཏིག་གི་ཆུན་འཕྱང་༔ ནོར་བུའི་མགུལ་རྒྱནུ༔ གསེར་གྱི་སྙན་ཆ༔ ཤ་བའི་སྙན་ཞུ་ལ་རྩེ་རྒྱལ་དང་དར་སྣ་མེ་ལོང་གསེར་གྱི་ཉི་ཟླས་བརྒྱན་པ༔ ཕྱག་གཡས་རྡོ་རྗེ་རྩེ་ལྔ་གཡོན་བྷནྡྷའམ་དྲིལ་བུ་བསྣམས་པ༔ ཁ་ཊ་ཐོད་མཁར་མཆན་དུ་བཅུག་པ་པད་སྡོང་དང་ཉི་ཟླའི་གདན་ལ་བཞུགས་པ༔ དཀར་དམར་འཛུམ་པའི་མདངས་དང་ལྡན་པ༔ བླ་མ་དང་བཀའ་བརྒྱུད་རྒྱལ་བ་རྒྱ་མཚོ་ཡི་དམ་མཁའ་འགྲོ་ཆོས་སྐྱོང་དམ་ཅན་རྒྱ་མཚོའི་ཚོགས་ཀྱིས་བསྐོར་བ་ནམ་མཁའ་གང་བ༔ གཟི་བརྗིད་འོད་དུ་འབར་བའི་དཔྲལ་བར་ཟླ་བའི་སྟེང་དུ་ཨོ་དཀར་པོ་སྐུའི་རང་བཞིན༔ མགྲིན་པར་པདྨ་དམར་པོའི་དཀྱིལ་དུ་གསུང་གི་རང་བཞིན་ཨཱདམར་པོ༔ ཐུགས་ཀར་ཉི་མའི་དཀྱིལ་འཁོར་

― CMR007_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་པོའི་དཀྱིལ་དུ་ཐུགས་ཀྱི་རང་བཞིན་ཧཱུྃ་མཐིང་ག ལྟེ་བར་སྐྱེད་བྱེད་རྩའི་འཁོར་ལོའི་དཀྱིལ་དུ་ཧྲིལྗང་གུ་ཕྲིན་ལས་ཡོངས་རྫོགས་ཀྱི་ངོ་བོ༔ ཕྱག་ཞབས་བཞི་ལ་ཧ་རི་ནི་ས་ར་ཙ་ཧྲཱིཿཡ་གཉིས་གཉིས་སུ་གསལ་བར་གྱུར༔ གནས་གསུམ་འབྲུ་གསུམ་གསལ་བ་ལས་འོད་ཟེར་དཀར་དམར་ལྕགས་ཀྱུ་ལྟར་འཕྲོས་པས༔ ལྷོ་ནུབ་རྔ་ཡབ་པདྨ་འོད་ཀྱི་གཞལ་ཡས་ནས་གུ་རུ་པདྨ་ཐུགས་དམ་གྱི་རྒྱུད་བསྐུལ་ཏེ་བླ་མ་སྤྲུལ་སྐུའི་ཆ་ལུགས་སུ་འཁོར་རིག་འཛིན་དྷ་ཀི་རྣམས་དང་བཅས་པ་རྩ་བརྒྱུད་བླ་མ་ཐམས་ཅད་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྲུལ་སྐུའི་ཆ་ལུགས་ཅན་ཐམས་ཅད་བླ་མ་ལ་ཐིམ༔ གཞན་ཡང་རང་གི་རྩ་བའི་བླ་མས་གཙོར་བྱས་རེ་ལྟོས་སུ་གྱུར་པ་ཐམས་ཅད་དང་༔ ཡི་དམ་མཁའ་འགྲོ་ཆོས་སྐྱོང་ཐམས་ཅད་ཀྱང་དེ་ལ་འདུས་ཤིང་ཐིམ་པར་གྱུར༔ ན་མོ༔ ཨོ་རྒྱན་པདྨ་རིག་འཛིན་ཐོད་ཕྲེང་རྩལ༔ ཐུགས་རྗེས་སེམས་ཅན་དོན་ཕྱིར་འདིར་བྱོན་ལ༔ བདག་གཞན་འཁོར་བའི་སྡུག་བསྔལ་སྒྲོལ་བ་དང་༔ ད་དུས་བསྐལ་པ་སྙིགས་མའི་དུས་མཐའ་འདིར༔ མཐོང་ཐོས་དྲན་པས་བྱིན་རླབས་དཔག་མེད་ཕྱིར༔ བདག་ཅག་གསོལ་

― CMR007_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འདེབས་པའི་དོན་སླད་དུ༔ སྤྱི་གཙུག་པད་ཟླའི་གདན་ལ་བཞུགས་སུ་གསོལ༔ མ་ཧཱ་གུ་རུ་བཛྲ་ཐོད་ཕྲེང་རྩལ༔ བཛྲ་ས་མ་ཡ་ཛ༔ ཨཱ་བེ་ཤ་ཡ་ཨ་ཨཱཿ ནམ་མཁའ་གང་བར་ཡོད་པའི་ཡེ་ཤེས་པ་རྣམས་ཆུ་ལ་ཆུ་བཞག་ཏུ་ཐིམ་ཞིང་དབྱེར་མེད་དུ་གྱུར༔ ང་ཡི་བླ་མ་ནི་དུས་གསུམ་གྱི་སངས་རྒྱས༔ ཕྱོགས་དུས་རྒྱལ་བ་ཀུན་གྱི་ངོ་བོ༔ རིགས་འདུས་དཀྱིལ་འཁོར་ཐམས་ཅད་ཀྱི་བདག་ཉིད༔ སངས་རྒྱས་ཐམས་ཅད་ཀྱི་སྤྱི་གཟུགས༔ འགྲོ་ཀུན་ཐམས་ཅད་ཀྱི་སྐྱབས་མགོན༔ ངའི་ཚེ་འདི་ཕྱི་བར་གསུམ་ལ༔ མཐོ་བཏང་དམའ་བཏང་བླ་མ་མཁྱེན༔ བླ་མ་མཁྱེན༔ རྗེ་བླ་མ་སངས་རྒྱས་ཆོས་ཀྱི་སྐུ་ལ་གསོལ་བ་འདེབས༔ མ་རིག་མུན་པ་སངས་བར་བྱིན་གྱིས་རློབས༔ བླ་མ་ལོངས་སྤྱོད་རྫོགས་པའི་སྐུ་ལ་གསོལ་བ་འདེབས༔ ཏིང་འཛིན་རྒྱུད་ལ་སྐྱེ་བར་བྱིན་གྱིས་རློབས༔ བླ་མ་ཐུགས་རྗེ་སྤྲུལ་པའི་སྐུ་ལ་གསོལ་བ་འདེབས༔ ཉམས་དང་རྟོགས་པ་འཆར་བར་བྱིན་གྱིས་རློབས༔ བླ་མ་རྒྱལ་བ་རྒྱ་མཚོའི་སྐུ་ལ་གསོལ་བ་འདེབས༔ བདག་གཞན་དོན་གཉིས་འགྲུབ་པར་བྱིན་གྱིས་རློབས༔ དཔལ་ལྡན་བླ་མའི་སྐུ་ལ་གསོལ་བ་འདེབས༔ ལུས་ལ་

― CMR007_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་དྲོད་འབར་བར་བྱིན་གྱིས་རློབས༔ འཆི་མེད་ཚེ་ཡི་དངོས་གྲུབ་སྩོལ༔ བླ་མའི་གསུང་ལ་གསོལ་བ་འདེབས་༔ ངག་ལ་ནུས་པ་འབར་བར་བྱིན་གྱིས་རློབས༔ ཚངས་པའི་དབྱངས་ཀྱི་དངོས་གྲུབ་སྩོལ༔ བླ་མའི་ཐུགས་ལ་གསོལ་བ་འདེབས༔ སེམས་ལ་རྟོགས་པ་འཆར་བར་བྱིན་གྱིས་རློབས༔ ཕྱག་རྒྱ་ཆེན་པོའི་དངོས་གྲུབ་སྩོལ༔ བླ་མའི་ཡོན་ཏན་ཕྲིན་ལས་ཚོགས་ལ་གསོལ་བ་འདེབས༔ དབང་བཞི་ཡོངས་རྫོགས་ཐོབ་པར་བྱིན་གྱིས་རློབས༔ ཕྲིན་ལས་རྣམ་བཞིའི་དངོས་གྲུབ་སྩོལ༔ ཞེས་བླ་མ་སྤྲུལ་སྐུར་སྒྲུབ་པའི་གསོལ་འདེབས་གསུམ་མམ་བདུན་སོགས་གང་འགྲུབ་བྱ༔ ཆོས་སྐུ་སྣང་བ་མཐའ་ཡས་ལ་གསོལ་བ་འདེབས༔ ལོངས་སྐུ་ཐུགས་རྗེ་ཆེན་པོ་ལ་གསོལ་བ་འདེབས༔ སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས༔ རྒྱ་གར་རིག་འཛིན་བརྒྱད་པོ་ལ་གསོལ་བ་འདེབས༔ ལྷ་ལྕམ་མནྡཱ་ར་བ་ལ་གསོལ་བ་འདེབས༔ བལ་མོ་ཤཱཀྱ་དྷེ་བ་ལ་གསོལ་བ་འདེབས༔ མ་གཅིག་ཡེ་ཤེས་མཚོ་རྒྱལ་ལ་གསོལ་བ་འདེབས༔ བོད་ཀྱི་རིག་འཛིན་བརྒྱད་པོ་ལ་གསོལ་བ་འདེབས༔ རྗེ་འབངས་ཉི་ཤུ་རྩ་ལྔ་ལ་གསོལ་བ་འདེབས༔ གཏེར་སྟོན་བརྒྱ་དང་

― CMR007_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་བརྒྱད་ལ་གསོལ་བ་འདེབས༔ གཏེར་སྟོན་རཏྣ་གླིང་པ་ལ་གསོལ་བ་འདེབས༔ རྒྱལ་སྲས་ཚེ་དབང་གྲགས་པ་ལ་གསོལ་བ་འདེབས༔ སྐལ་ལྡན་སྐྱེས་བུ་རྣམ་གསུམ་ལ་གསོལ་བ་འདེབས༔ ངོ་མཚར་མཆོག་གི་བུ་ལྔ་ལ་གསོལ་བ་འདེབས་སྟོབས་ལྡན་སྐྱེས་བུ་རྣམ་ལྔ་ལ་གསོལ་བ་འདེབས༔ བཀའ་བབས་བརྒྱུད་འཛིན་བུ་ལྔ་ལ་གསོལ་བ་འདེབས༔ ཐུགས་སྲས་བརྒྱུད་འཛིན་བུ་ལྔ་ལ་གསོལ་བ་འདེབས༔ དཀྱིལ་འཁོར་འཛིན་པའི་བུ་ལྔ་ལ་གསོལ་བ་འདེབས༔ སྐུ་སྲས་རིགས་ཀྱི་བུ་ལྔ་ལ་གསོལ་བ་འདེབས༔ ཐུགས་སྲས་ཉེ་བའི་བུ་བཞི་ལ་གསོལ་བ་འདེབས༔ དཀྱིལ་འཁོར་འཛིན་པའི་སྲས་བརྒྱད་ལ་གསོལ་བ་འདེབས༔ གྲུབ་ཆེན་རྟོགས་ལྡན་བཅུ་གསུམ་ལ་གསོལ་བ་འདེབས༔ སྐལ་ལྡན་སྐྱེས་བུ་བཅུ་གཉིས་ལ་གསོལ་བ་འདེབས༔ ཆོས་བདག་སྐལ་ལྡན་བཅོ་ལྔ་ལ་གསོལ་བ་འདེབས༔ ཆོས་བདག་ཉི་ཤུ་རྩ་ལྔ་ལ་གསོལ་བ་འདེབས༔ སྐལ་བར་ལྡན་པ་བརྒྱད་ཅུ་ལ་གསོལ་བ་འདེབས༔ གཏེར་མ་བརྒྱུད་པའི་བླ་མ་ལ་གསོལ་བ་འདེབས༔ དྲིན་ཐོབ་རྩ་བའི་བླ་མ་ལ་གསོལ་བ་འདེབས༔ ཡི་དམ་ཞི་དྲག་ལྷ་ཚོགས་ལ་གསོལ་བ་

― CMR007_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས༔ བཀའ་སྲུང་དམ་ཅན་རྒྱ་མཚོ་ལ་གསོལ་བ་འདེབས༔ ཞེས་ཚར་གཅིག་དང་༔ མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ཐུགས་རྗེ་སྤྲུལ་པའི་སྐུ་ལ་གསོལ་བ་འདེབས་སོ༔ ཞེས་ཚར་ཅི་མང་དུ་བྱའོ༔ དེ་ལྟར་གསོལ་བ་བཏབ་པས་གུ་རུའི་དཔྲལ་བའི་ཨོ་ལས་འོད་ཟེར་དཀར་པོ་ཨོཾ་གྱི་རང་བཞིན་དཔག་ཏུ་མེད་པ་བྱུང་ནས་རང་གི་དཔྲལ་བར་ཐིམ་པས་ལུས་འཆི་མེད་ཡེ་ཤེས་ཀྱི་བདུད་རྩིས་གང་སྟེ་འཆི་མེད་ཚེའི་རང་བཞིན་སྐུའི་དངོས་གྲུབ་ཐོབ་པར་གྱུར༔ གུ་རུའི་མགྲིན་པའི་ཨཱལས་འོད་ཟེར་དམར་པོ་ཨཱཡི་རང་བཞིན་གྲངས་མེད་པ་བྱུང་ནས་རང་གི་མགྲིན་པར་ཐིམ༔ བྱང་སེམས་དཀར་དམར་གྱི་རང་བཞིན་གྱིས་རྩ་ཁམས་ཐམས་ཅད་གང་གསུང་གི་དངོས་གྲུབ་ཐོབ་པར་གྱུར༔ གུ་རུའི་ཐུགས་ཀའི་ཧཱུཾ་ལས་འོད་ཟེར་མཐིང་སྔོན་ཧཱུཾ་གི་རང་བཞིན་གྲངས་མེད་པ་བྱུང་ནས་རང་གི་སྙིང་ཁར་ཐིམ་པས༔ སྤྲོས་བྲལ་གྱི་རྟོགས་པ་ཤར་ཏེ་ཐུགས་ཀྱི་བྱིན་རླབས་དངོས་གྲུབ་ཐོབ་པར་གྱུར༔ བླ་མའི་ལྟེ་བའི་ཧྲིལས་ཧྲིལྗང་གུ་གྲངས་མེད་པ་བྱུང་ཞིང་རང་གི་ལྟེ་བར་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ཡོངས་རྫོགས་ཀྱི་བྱིན་རླབས་དངོས་གྲུབ་ཐོབ་

― CMR007_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྱུར༔ གུ་རུའི་ཕྱག་ཞབས་བཞིའི་ཡིག་འབྲུ་བརྒྱད་ལས་འོད་ཟེར་ཁ་དོག་སྣ་ཚོགས་དཔག་ཏུ་མེད་པ་བྱུང་༔ རང་གི་ཕྱག་ཞབས་ཡན་ལག་བཞི་ལ་ཐིམ་པས༔ མཆོག་ཐུན་མོང་ཕྲིན་ལས་རྣམ་བཞིའི་དངོས་གྲུབ་ཐོབ་པར་གྱུར༔ མདོར་ན་བྱིན་རླབས་དང་དངོས་གྲུབ་ཀྱི་དབྱིག་ཆེན་པོ་ཐོབ་པར་གྱུར༔ ཅེས་དམིགས་པ་ཙམ་གྱིས་ཆོག་གོ༔ དམིགས་པ་མ་ཟིན་བར་དུ་བཛྲ་གུ་རུ་ཤུབ་བུར་བཟླའོ༔ རླུང་ཕར་བུས་པས་སྒོ་གསུམ་གྱི་སྡིག་སྒྲིབ་མར་སངས་ཀྱིས་དག་པར་བསམ༔ ཚུར་རྔུབ་པའི་ཚེ་གུ་རུའི་སྐུའི་གནས་རྣམས་ནས་ཐིག་ལེ་ཡིག་འབྲུ་ཅན་བྱུང་ནས་གནས་སོ་སོར་ཐིམ་པས་དབང་བཞི་ཐོབ་པར་བསྒོམ་ལ་རླུང་དང་བསྲེ་བ་གསུམ་གང་འདོད་བྱའོ༔ དེ་ནས་གུ་རུ་རིན་པོ་ཆེ་འོད་དུ་ཞུ་ནས་རང་གི་སྤྱི་བོ་ནས་མར་ཐིམ༔ སྙིང་གར་བྱོན་ནས་རང་དང་དབྱེར་མེད་དུ་འདྲེས༔ བླ་མའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་དུ་བསྲེས་ལ༔ མ་བཅོས་གནས་ལུགས་ཀྱི་ངང་ལ་ལྷོད་དེ་ཀློད་ལ་བཞག་གོ༔ ཨོ་རྒྱན་རིན་པོ་ཆེས་རཏྣ་གླིང་པ་ལ་སྙན་བརྒྱུད་དུ་གསུངས་པ་ནི༔ ལུས་གནད་ཆོས་བདུན་ལྡན་པ་ཡིས༔ ལྟ་སྟངས་རིག་པ་རང་སར་ཞོག༔ དུས་གསུམ་བྱ་བྲལ་ཆོས་ཀྱི་སྐུ༔ སྒོམ་བྱེད་བློ་ཡི་གཟེབ་ལས་གྲོལ༔ སྒོམ་བྱུང་གཉེན་པོས་དྲན་ཐག་ཆོད་

― CMR007_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བའི་ཉམས་ལ་མ་ཞེན་ཅིག༔ འགྱུ་བའི་རང་རྩལ་མ་དགག་ཅིག༔ མ་བཅོས་ངང་ནས་རང་རྩལ་འཕྱོ༔ ཀ་དག་ཀློང་ཡངས་ཟང་ཐལ་ཡིན༔ གཏད་མེད་ངང་ནས་རྒྱ་ཡན་རོལ༔ གདོད་མའི་རང་བཞིན་ཡེ་ཡིན་ལ༔ ཡེ་བཅོས་མ་བྱེད་རང་བབ་ཞོག༔ མ་བཅོས་གཉུག་མ་རྫོགས་པ་ཆེ༔ ཀ་དག་ངང་དུ་འཇོགས་ཤེས་ན༔ ཚེ་གཅིག་སངས་རྒྱས་ས་ལ་འགྲོ༔ ཞེས་དབྱངས་དང་བཅས་ངག་གིས་གསལ་བཏབ་བོ༔ དེ་ནས་བླ་མ་ལོངས་སྐུའི་རྣལ་འབྱོར་ནི༔ རང་ཉིད་ཡི་དམ་དུ་གསལ་བའི་སྤྱི་བོར་པདྨ་དམར་པོ་འདབ་མ་སྟོང་ལྡན་གྱི་སྟེང་ཉི་ཟླའི་སྟེང་དུ་ཡི་གེ་ཧྲཱིཿདམར་པོ་ཞིག དེ་ལས་འོད་ཟེར་ཕར་འཕྲོས་འཕགས་པ་མཆོད་སེམས་ཅན་གྱི་དོན་བྱས་ཚུར་འདུས་ཧྲིལ་ཐིམ་བྷིཡོངས་སུ་གྱུར་པ་ལས་བླ་མ་ཚེ་དཔག་མེད་གསང་འདུས་སྐུ་མདོག་དམར་པོ་ལོངས་སྤྱོད་རྫོགས་པའི་ཆ་ལུགས་ཅན་ཕྱག་ན་ཆེའི་བུམ་པ་བསྣམས་པ༔ ཡུམ་པདྨ་མཁའ་འགྲོ་གཅེར་བུ་རྒྱན་དང་ལྡན་པ༔ གྲི་གུག་དང་བུམ་པ་བསྣམས་ནས་འཁྲིལ་བ༔ དར་དང་རིན་པོ་ཆེའི་རྒྱན་དཔག་ཏུ་མེད་པས་བརྒྱན་པ༔ བླ་མ་བཀའ་བརྒྱུད་རྒྱལ་བ་རྒྱ་མཚོ༔ ཡི་དམ་མཁའ་འགྲོ་ཆོས་སྐྱོང་དམ་ཅན་རྒྱ་

― CMR007_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོའི་ཚོགས་ཀྱིས་བསྐོར་བ༔ ནམ་མཁའ་གང་བ་གསལ་ལ༔ དེའི་སྤྱི་བོར་པདྨ་དཀར་པོ་འདབ་མ་བརྒྱད་པའིདབུས་སུ་སྐུ་ཡི་ངོ་བོ་ཨོ་དཀར་པོ༔ མགྲིན་པར་པདྨ་དམར་པོའི་དབུས་སུ་གསུང་གི་ངོ་བོ་ཨཱདམར་པོ༔ ཐུགས་ཀར་པདྨ་སྔོན་པོའི་ལྟེ་བར་ཐུགས་ཀྱི་རང་བཞིན་ཧཱུྃ་མཐིང་ག༔ ལྟེ་བར་པདྨ་ལྗང་གུའི་དཀྱིལ་དུ་ཕྲིན་ལས་ཡོངས་རྫོགས་ཀྱི་ངོ་བོ་ཧྲིལྗང་གུ༔ ཕྱག་ཞབས་བཞི་ལ་ཡོན་ཏན་ཕྲིན་ལས་ཀྱི་ངོ་བོ་ཧ་རི་ནི་ས་ར་ཙ་ཧྲཱིཿཡ་བཞི་བཞི་གསལ་བ༔ སྐུའི་གནས་གསུམ་ནས་འོད་ཟེར་དཀར་དམར་ལྕགས་ཀྱུ་ལྟ་བུ་འཕྲོས་ནས༔ བདེ་བ་ཅན་དང་ལྷོ་ནུབ་རྔ་ཡབ་པདྨ་འོད་ཀྱི་གཞལ་ཡས་ནས༔ ཚེ་དཔག་མེད་དང་གུ་རུའི་པདྨའི་ཐུགས་དམ་གྱི་རྒྱུད་བསྐུལ་ཏེ༔ བླ་མ་ལོངས་སྐུའི་ཆ་ལུགས་སུ་འཁོར་རིག་འཛིན་དྷ་ཀི་རྣམས་དང་བཅས་པ་གཞན་ཡང་རང་གི་རྩ་བའི་བླ་མས་གཙོར་བྱས་རེ་ལྟོས་སུ་གྱུར་པ་ཐམས་ཅད་དང་༔ ཡི་དམ་མཁའ་འགྲོ་ཆོས་སྐྱོང་ཐམས་ཅད་ཀྱང་དེ་ལ་འདུས་ཤིང་ཐིམ་པར་གྱུར༔ ན་མོ༔ ཨོ་རྒྱན་པདྨ་ལོངས་སྐུ་ཚེ་དཔག་མེད༔ ཐུགས་རྗེས་སེམས་ཅན་དོན་ཕྱིར་འདིར་བྱོན་ལ༔ བདག་གཞན་འཁོར་བའི་སྡུག་བསྔལ་བསྒྲལ་བ་

― CMR007_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

དང་༔ ད་དུས་བསྐལ་པ་སྙིགས་མའི་དུས་མཐའ་འདིར༔ མཐོང་ཐོས་དྲན་པས་བྱིན་རླབས་དཔག་མེད་ཕྱིར༔ བདག་ཅག་གསོལ་བ་འདེབས་པའི་དོན་སླད་དུ༔ སྤྱི་གཙུག་པད་ཟླའི་གདན་ལ་བཞུགས་སུ་གསོལ༔ ཨོཾ་གུ་རུ་ཨཱ་ཡུཛྙཱ་ན་ཧཱུཾ་ཧཱུཾ་ཏྲཾ་ཛསིདྡྷི་ཕ་ལ་ཧཱུྃ༔ ཨཱ་བེ་ཤ་ཡ་ཨ་ཨཱ༔ བླ་མ་ཡི་དམ་སངས་རྒྱས་བྱང་སེམས་ཐམས་ཅད་ལོངས་སྤྱོད་རྫོགས་པ་རྒྱལ་བ་རིགས་ལྔའི་ཚུལ་དུ་བྱོན་ནས་བླ་མ་ལ་ཐིམ༔ ནམ་མཁའ་གང་བ་ལ་མོས་གུས་རྩེ་གཅིག་པས༔ དྷཱི༔ འགྲོ་བའི་བླ་མ་ཨོ་རྒྱན་ཚེ་དཔག་མེད༔ མི་འགྱུར་མི་ཤིགས་འཇིག་མེད་རྡོ་རྗེའི་སྐུ༔ ལྷག་པའི་སྨོན་ལམ་ལས་གྲུབ་འོད་དཔག་མེད༔ སྔོན་ལས་འཕྲལ་རྐྱེན་ཚེ་ལ་གནོད་པའི་བགེགས༔ མི་མཐུན་བར་ཆད་ཞི་བར་གསོལ་བ་འདེབས༔ བླ་མ་ལོངས་སྐུ་འགྲུབ་པར་བྱིན་གྱིས་རློབས༔ བདེ་སྟོང་ཟུང་འཇུག་རྟོགས་པར་བྱིན་གྱིས་རློབས༔ མཉམ་ཉིད་སྤྲོས་བྲལ་རྟོགས་པར་བྱིན་གྱིས་རློབས༔ མ་བཅོས་རང་གསལ་རྟོགས་པར་བྱིན་གྱིས་རློབས༔ གནས་ལུགས་ཇི་བཞིན་རྟོགས་པར་བྱིན་གྱིས་རློབས༔ མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་བདེ་ཆེན་ལོངས་སྤྱོད་

― CMR007_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པའི་སྐུ་ལ་གསོལ་བ་འདེབས་སོ༔ ཞེས་དང་༔ བསྙེན་དུས་བླ་མ་སྤྱི་བོར་བསྒོམ༔ གསོལ་འདེབས་ཚུལ་དུ་འདི་འཛབ་བཟླ༔ གསུངས་པ་ལྟར༔ ཨོཾ་གུ་རུ་ཨཱ་ཡུ་ཛྙཱ་ན་ཧཱུཾ་ཧཱུཾ་ནི་ཛ་སིདྡྷི་ཕ་ལ་ཧཱུྃ༔ ཞེས་ཅི་ནུས་བཟླས་ལ་རླུང་རོ་བུས་པ་དང་བསྟུན་ནས་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག ༔ ཚུར་རྔུབ་པ་དང་དམིགས་པ་འདི་བསྟུན༔ བླ་མའི་སྤྱི་བོར་ཨོཾ་ལས་འོད་ཟེར་དཀར་པོ་ཐིག་ལེའི་རང་བཞིན་བར་མ་ཆད་པ་རང་གི་དཔྲལ་བར་ཐིམ༔ བླ་མའི་སྐུ་ཡི་བྱིན་རླབས་ཞུགས༔ བུམ་པའི་དབང་ཐོབ༔ ལུས་སྒྲིབ་དག་ནས་སྐུ་རྡོ་རྗེ་ཚེའི་དངོས་གྲུབ་ཐོབ་བླ་མའི་མགྲིན་པའི་ཨཱལས་འོད་ཟེར་དམར་པོ་ཐིག་ལེའི་རང་བཞིན་ཅན་བར་མ་ཆད་པར་རང་གི་མགྲིན་པར་ཐིམ༔ བླ་མའི་གསུང་གི་བྱིན་རླབས་ཞུགས༔ གསང་བའི་དབང་ཐོབ༔ ངག་སྒྲིབ་དག་ནས་གསུང་རྡོ་རྗེ་ཚེ་ཡི་དངོས་གྲུབ་ཐོབ་པར་གྱུར༔ བླ་མའི་ཐུགས་ཀའི་ཧཱུཾ་ལས་འོད་ཟེར་སྔོན་པོ་ཐིག་ལེའི་རང་བཞིན་ཅན་བར་མ་ཆད་པར་རང་གི་ཐུགས་ཀར་ཐིམ་བླ་མའི་ཐུགས་ཀྱི་བྱིན་རླབས་ཞུགས༔ ཤེས་རབ་ཡེ་ཤེས་ཀྱི་དབང་ཐོབ༔ ཡིད་སྒྲིབ་དག་ནས་ཐུགས་རྡོ་རྗེ་ཚེ་ཡི་དངོས་གྲུབ་ཐོབ་པར་གྱུར༔ བླ་མའི་ལྟེ་བའི་ཧྲཱིཿལས་

― CMR007_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་ལྗང་གུ་ཐིག་ལེའི་རང་བཞིན་ཅན་བར་མ་ཆད་པར་རང་གི་ལྟེ་བར་ཐིམ༔ བླ་མའི་སྐུ་གསུང་ཐུགས་ཡོངས་རྫོགས་ཀྱི་བྱིན་རླབས་ཞུགས༔ ཚིག་དབང་རིན་པོ་ཆེ་ཐོབ༔ ལུས་ངག་ཡིད་གསུམ་གྱི་སྒྲིབ་པ་དག་ནས་རྡོ་རྗེ་ཚེའི་དངོས་གྲུབ་ཐོབ་པར་གྱུར༔ བླ་མའི་ཕྱག་ཞབས་ཀྱི་ཡིག་འབྲུ་བརྒྱད་ལས་འོད་ཟེར་ཁ་དོག་སྣ་ཚོགས་ཐིག་ལེའི་རང་བཞིན་ཅན་བར་མ་ཆད་པར་རང་གི་ཡན་ལག་བཞི་ལ་ཐིམ་པས་མཆོག་ཐུན་མོང་ཕྲིན་ལས་རྣམ་བཞིའི་དངོས་གྲུབ་ཐོབ་པར་གྱུར༔ མདོར་ན་བྱིན་རླབས་དང་དངོས་གྲུབ་ཀྱི་དབྱིག་ཆེན་པོ་ཐོབ་པར་གྱུར༔ སླར་ཡང་བླ་མའི་གནས་གསུམ་དུ་ཡིག་འབྲུ་གསུམ་གསལ་བ་ལས་འོད་ཟེར་ཕྱོགས་བཅུར་འཕྲོས་པས༔ ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའི་བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་བསྡུས་ནས་མཉམ་བཞག་གི་བུམ་པར་སིབ་སིབ་ཐིམ་འཆི་མེད་ཡེ་ཤེས་ཀྱི་བདུད་རྩི་འོ་མ་ལྟ་བུས་གང་༔ དེ་ལས་འོད་ཟེར་འཕྲོས་པས་ལྷ་དང་དྲང་སྲོང་གྲུབ་ཐོབ་ཚེ་ལ་དབང་བ་འགྲོ་བ་མིའི་ཚེ་སྲོག་གྲོགས་འབྱུང་བ་བཞིའི་བཅུད་ནམ་མཁའ་ཐམས་ཅད་སིབ་སིབ་འདུས་ནས་བུམ་

― CMR007_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འཁྱིལ་བུམ་པ་ཆི་ལི་ལི་ཁོལ༔ འདིར་རླུང་རོ་ལན་གསུམ་བུས་པས་ནད་གདོན་ཚེའི་བར་ཆད་ཐམས་ཅད་སངས་ཀྱིས་དག་སྟེ་ལུས་སྟོང་སང་ངེ་བར་བསྒོམས་ལ༔ སྤྱི་བོའི་བླ་མ་ཚེ་དཔག་མེད་ཀྱི་ཕྱག་གི་བུམ་པ་ཁོལ་ཞིང་ལུད་པ་དང་༔ ཡབ་ཡུམ་བདེ་བས་བསྐུལ་བའི་སྦྱོར་མཚམས་ནས་དྭངས་མ་དཀར་དམར་ན་ར་ར་བབ༔ རང་གི་སྤྱི་གཙུག་དང་ཁའི་ནང་ནས་མར་བྱུང་༔ ལྟེ་བ་སྙིང་ག་མགྲིན་པ་ཁེངས་ནས་སྤྱི་བོར་ཆིལ་ཆིལ་གྱིས་ལུད་པ་དང་༔ ལུས་ཕྱི་ནང་མེད་པར་དཀར་ཤལ་གྱིས་བྱུང་༔ སྤྱི་བོའི་བླ་མ་ཚེ་དཔག་མེད་རང་གི་སྙིང་གར་བྱོན༔ དེའི་ཐུགས་ཀར་གསེར་གྱི་རྡོ་རྗེ་རྒྱ་གྲམ་ལྟེ་བར་མཆོང་གི་བུམ་པ་ཞིག དེའི་བུམ་པར་བདག་གི་སྲོག་གི་ངོ་བོར་ནི་ལྗང་གུ་ཞིག དེ་ལས་འོད་ཟེར་འཕྲོས་ཕྱོགས་བཅུའི་འཁོར་འདས་ཀྱི་ཚེ་བཅུད་ཐམས་ཅད་སིབ་སིབ་བསྡུས་ནས་ལུས་ཀྱི་ནང་ཐམས་ཅད་དཀར་མེར་གྱིས་གང་ནས༔ ལུས་ཀྱི་ཕྱི་ནང་བ་སྤུའི་བུ་ག་ཐམས་ཅད་ནས་སྐྱ་ཕྲོམ་མེ་བྱུང་༔ དེ་ནས་སྙིང་གའི་ཚེ་དཔག་མེད་འོད་དུ་ཞུ་ནས༔ བླ་མའི་ཐུགས་ཡེ་ཤེས་ལྔའི་ངོ་བོ་དང་༔ རང་གི་སེམས་དབྱེར་མེད་དུ་བསྲེས་ཏེ༔ གསལ་རིག་སྟོང་གསལ་གྱི་སྟེང་ན་རྗེན་ལྷང་ངེའི་ངང་ལ་མཉམ་པར་

― CMR007_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག ཚིག་འདིས་གསལ་བཏབ་ལ༔ སེམས་ཉིད་ཡེ་ནས་རྣམ་པར་དག མ་འགག་རང་རྩལ་ཅིར་ཡང་སྣང་༔ མེ་ལོང་ནང་གི་གཟུགས་བརྙན་ལྟར༔ སྤང་བླང་གཉིས་ཀྱི་བློ་ལས་འདས༔ མ་སྐྱེས་མི་འགྱུར་སྤང་བླང་བྲལ༔ གསལ་ལ་རྟོག་ཚོགས་ངང་གིས་དྭངས༔ རྟོག་ཚོགས་རང་ཤར་རང་བྱུང་གསལ༔ འདི་ཞེས་བརྗོད་བྲལ་འདི་ངོ་གསལ༔ དཔེར་ན་ལྐུགས་པའི་རྨི་ལམ་བཞིན༔ འདི་ཞེས་བརྗོད་ཚིག་སྨྲ་མི་ཤེས༔ དེ་ཉིད་རང་གི་ཡིན་ལུགས་ལ༔ ས་ལེ་སིང་ངེ་ཧྲིག་གེ་བ༔ ཝལ་ལེ་རྗེས་མེད་སང་ངེ་བ༔ གནས་ལུགས་ཉམས་སུ་མྱོང་ཞིང་གསལ༔ ཞེས་བརྗོད༔ དེ་ནས་བླ་མ་ཆོས་སྐུའི་རྣལ་འབྱོར་ནི༔ རང་ཉིད་ཡི་དམ་ལྷར་གསལ་བའི་སྤྱི་གཙུག་སོར་བརྒྱད་པདྨ་སྟོང་ལྡན་ཉི་མའི་དཀྱིལ་འཁོར་གྱི་གདན་ལ༔ ཨ་ཨཱ༔ ཨི་ཨཱི༔ ཨུ་ཨཱུ༔ རྀ་རཱྀ༔ ལི་ལཱི༔ ཨེ་ཨཻ༔ ཨོ་ཨཽ༔ ཨཾ་ཨ༔ ཟླ་བའི་དཀྱིལ་འཁོར་གྱི་གདན་ལ༔ ཀ་ཁ་ག་གྷ་ང་ཙ་ཚ་ཛ་ཛྷ་ཉ༔ ཊ་ཋ་ཌ་ཌྷ་ཎ༔ ཏ་ཐ་ད་དྷ་ན༔ པ་ཕ་བ་བྷ་མ༔ ཡ་ར་ལ་ཝ༔ ཤ་ཥ་ས་ཧཀྵ༔ རྣམས་ཀྱིས་བསྐོར་བ༔ དེའི་སྟེང་དུ་བླ་མ་དང་ཨོ་རྒྱན་དབྱེར་མེད་པའི་རྡོ་རྗེ་འཆང་སྐུ་

― CMR007_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

མདོག་མཐིང་ག་ཕྱག་གཡས་རྡོ་རྗེ་གཡོན་དྲིལ་བུ༔ ཡུམ་གྱི་གཡས་ཀྱིས་ཡབ་ལ་འཁྱུད་པ༔ གཡོན་དྲིལ་བུ་དཀུ་ལ་བརྟེན་པ༔ ཡབ་ཡུམ་གཉིས་ཀའི་སྐུ་ལ་རུས་པའི་རྒྱན་གྱིས་བརྒྱན་པ༔ ཞལ་འཛུམ་བག་ཅན་བདག་ལ་སྤྱན་གྱིས་གཟིགས་པ༔ བླ་མ་བཀའ་བརྒྱུད་རྒྱལ་བ་རྒྱ་མཚོ་ཡི་དམ་མཁའ་འགྲོ་ཆོས་སྐྱོང་དམ་ཅན་རྒྱ་མཚོའི་ཚོགས་ཀྱིས་བསྐོར་བ་ནམ་མཁའ་གང་བར་གསལ་དེའི་གནས་གསུམ་ཡིག་འབྲུ་གསུམ་དང་ཐུགས་ཀའི་ཧཱུཾ་ལས་འོད་ཟེར་ལྕགས་ཀྱུ་ལྟ་བུར་འཕྲོས་ནས༔ འོག་མིན་དང་ལྷོ་ནུབ་རྔ་ཡབ་པདྨ་འོད་ཀྱི་གཞལ་ཡས་ནས༔ རྡོ་རྗེ་འཆང་གུ་རུ་པདྨའི་ཐུགས་དམ་གྱི་རྒྱུད་བསྐུལ་ཏེ་བླ་མ་ཆོས་སྐུའི་ཆ་ལུགས་འཁོར་རིག་འཛིན་དྷ་ཀི་རྣམས་དང་བཅས་པ༔ གཞན་ཡང་རང་གི་རྩ་བའི་བླ་མས་གཙོར་བྱས་རེ་ལྟོས་སུ་གྱུར་པ་ཐམས་ཅད་དང་༔ ཡི་དམ་མཁའ་འགྲོ་ཆོས་སྐྱོང་ཐམས་ཅད་ཀྱང་དེ་ལ་འདུས་ཤིང་ཐིམ་པར་གྱུར༔ ན་མོ༔ ཨོ་རྒྱན་པདྨ་ཆོས་སྐུ་རྡོ་རྗེ་འཆང་༔ ཐུགས་རྗེས་སེམས་ཅན་དོན་ཕྱིར་འདིར་བྱོན་ལ༔ བདག་གཞན་འཁོར་བའི་སྡུག་བསྔལ་སྒྲོལ་བ་དང་༔ ད་དུས་བསྐལ་པ་སྙིགས་མའི་དུས་མཐའ་འདིར༔ མཐོང་

― CMR007_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་དྲན་པས་བྱིན་རླབས་དཔག་མེད་ཅིང་༔ བདག་ཅག་གསོལ་བ་འདེབས་པའི་དོན་སླད་དུ༔ སྤྱི་གཙུག་པད་ཟླའི་གདན་ལ་བཞུགས་སུ་གསོལ༔ ཨོཾ་ཨཱཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱ༔ ཨཱ་བེ་ཤ་ཡ་ཨ་ཨཱ༔ བླ་མ་ཡི་དམ་སངས་རྒྱས་བྱང་སེམས་ཐམས་ཅད་རྡོ་རྗེ་འཆང་གི་ཆ་ལུགས་སུ་བྱོན་ནས་བླ་མ་ལ་ཐིམ་ཞིང་དབྱེར་མེད་དུ་གྱུར༔ ང་ཡི་བླ་མ་ནི་སྟོང་ཉིད་སྙིང་རྗེའི་བདག་ཉིད༔ སྤྲོས་བྲལ་ཆོས་སྐུའི་ངོ་བོ༔ མཐའ་བྲལ་ཡེ་ཤེས་ཆེན་པོའི་ངང་ལ་རང་མཚན་གང་ཡང་མ་ཡིན་བདག་ལ་དེ་ལྟ་བུའི་སྟོང་པ་ཆོས་སྐུའི་ངོ་བོ་འཕྲོད་པར་བྱིན་གྱིས་བརླབ་ཏུ་གསོལ༔ ན་མོ༔ བདེ་ཆེན་རྒྱལ་པོ་འདུས་མ་བྱས་པའི་སྐུ༔ མ་བཅོས་སྤྲོས་བྲལ་སྟོང་ཉིད་སྙིང་རྗེའི་བདག༔ བླ་མ་སངས་རྒྱས་ཆོས་ཀྱི་སྐུ་ལ་གསོལ་བ་འདེབས༔ རང་རིག་བླ་མར་འཆར་བར་བྱིན་གྱིས་རློབས༔ ཟག་མེད་བདེ་ཆེན་སྐད་ཅིག་གཅིག་གི་ངང་༔ རང་བྱུང་ཡེ་ཤེས་བླ་མ་ཆོས་ཀྱི་སྐུ༔ ཀ་དག་སྤྲོས་བྲལ་ངང་དུ་གསོལ་བ་འདེབས༔ གཅིག་ཆོད་བློ་འདས་གྲོལ་བར་བྱིན་གྱིས་རློབས༔ ཐམས་ཅད་རིགས་འདུས་བླ་མ་ཆོས་ཀྱི་སྐུ༔ ལྷུན་གྲུབ་

― CMR007_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་གསལ་སྨྲར་མེད་སྟོང་པའི་ངང༔ རྟོག་མེད་བྱ་བྲལ་ངང་དུ་གསོལ་བ་འདེབས༔ སྐུ་གསུམ་སྐད་ཅིག་གྲོལ་བར་བྱིན་གྱིས་རློབས༔ ཞེས་དང་༔ མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་ཆོས་ཀྱི་སྐུ་ལ་གསོལ་བ་འདེབས་སོ༔ ཞེས་གྲངས་མང་བརྗོད་ནས༔ བླ་མ་རིན་པོ་ཆེ་བདག་ལ་ད་ལྟ་ཉིད་དུ་སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ༔ དབང་བཞི་རྫོགས་པར་བསྐུར་དུ་གསོལ༔ ཅེས་གསོལ་བ་བཏབ་པས༔ བླ་མ་ཡབ་ཡུམ་སྦྱོར་བ་མཛད་པའི་སྦྱོར་མཚམས་ནས་བྱང་སེམས་དཀར་དམར་དུ་ན་ར་ར་བབས་པས་ཚངས་བུག་ནས་མར་བྱུང་༔ སྤྱི་བོ་བདེ་ཆེན་གྱི་འཁོར་ལོ་ཐམས་ཅད་གང་བས་ལུས་སྒྲིབ་དག་བུམ་དབང་ཐོབ༔ མགྲིན་པ་ལོངས་སྤྱོད་ཀྱི་འཁོར་ལོ་ཐམས་ཅད་གང་བས་ངག་སྒྲིབ་དག་གསང་དབང་ཐོབ༔ སྙིང་ག་ཆོས་ཀྱི་འཁོར་ལོ་ཐམས་ཅད་གང་བས་ཡིད་སྒྲིབ་དག་ཤེས་རབ་ཡེ་ཤེས་ཀྱི་དབང་ཐོབ༔ ལྟེ་བ་སྤྲུལ་པའི་འཁོར་ལོ་ཐམས་ཅད་གང་བས་ལུས་ངག་ཡིད་གསུམ་གྱི་སྡིག་སྒྲིབ་དག་ཚིག་དབང་རིན་པོ་ཆེ་ཐོབ༔ དམིགས་པ་དེ་དག་བསྒོམ་ཞིང་སྔགས་འདི་མང་དུ་བཟླ༔ ཨོཾ་ཨཱཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ དེ་

― CMR007_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བླ་མ་ཡང་སྤྱི་བོ་ནས་མར་ཐིམ་སྙིང་གའི་དཀྱིལ་དུ་བྱོན༔ ཙིཏྟ་གྱེན་ལ་བསྟན་པ་པདྨ་འདབ་བརྒྱད་ཀྱི་དབུས་སུ༔ བླ་མ་གསང་འདུས་ཡབ་ཡུམ་དེའི་གནས་གསུམ་ལས་འོད་ཟེར་ཕར་འཕྲོས་རྒྱལ་བ་ཐམས་ཅད་མཆོད༔ ཚུར་འདུས་ཕྱོགས་བཅུའི་རྒྱལ་བ་རྣམས་ཐུགས་ཀའི་བླ་མ་ཉིད་ལ་ཐིམ༔ བླ་མ་ཡབ་ཡུམ་འོད་དུ་ཞུ་རང་དང་གཉིས་མེད་དུ་ཕྲུག་གིས་འདྲེས་སྤྲོས་མེད་དོན་གྱི་བླ་མ་དང་མཇལ༔ བདག་དང་བླ་མ་དབྱེར་མེད་འོད་ཀྱི་རང་བཞིན་དུ་ཡལ་བར་གྱུར༔ གཉིས་མེད་ཐུགས་རྒྱུད་འཕོས་པའི་ངང་དེ་ལ༔ སྟོང་གསལ་ནམ་མཁའ་བཞིན་དུ་གསལ་དྭངས་བཞག སྨར་མེད་ཡིད་ཆོས་འདི་ཞེས་བརྗོད་བྱ་བྲལ༔ འདི་འདྲའི་ཡིན་ལུགས་མ་མཐོང་མཐོང་རྒྱུ་ཞིག ས་ལེ་རང་གསལ་རྟོག་མེད་རྗེན་ནེ་བ༔ སྤང་བླང་མེ་ལོང་ནང་གི་གཟུགས་བརྙན་ལྟར༔ དེ་ཚེ་རང་བྱུང་བླ་མའི་རང་ཞལ་མཇལ༔ འགྲོ་མགོན་བླ་མའི་བྱིན་རླབས་དེ་ཆེ་ཞུགས༔ དེ་ཡི་དོན་རྟོགས་རྒྱུན་ཏུ་དེ་ལྟར་བསྒོམ༔ ཞེས་ཚིག་གིས་གསལ་བཏབ་ལ་བསྒོམས་ནས༔ འདི་ལྟར་བསྐྱེད་རྫོགས་སྒོམ་བཟླས་བྱས་པ་སོགས༔ དུས་གསུམ་བསགས་པའི་དགེ་བ་ཅི་བསགས་མཐུས༔ ཚེ་

― CMR007_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ཚེ་རིང་ནད་མེད་ཉམས་རྟོགས་འཕེལ༔ ནམ་ཞིག་འཕོས་ཚེ་བདེ་ཆེན་ཞིང་སྐྱེས་ནས༔ ཆོས་སྐུ་འོད་དཔག་མེད་པའི་ཞལ་མཐོང་སྟེ༔ ས་བཅུ་ཐོབ་ནས་ཕྱོགས་བཅུའི་ཞིང་ཁམས་སུ༔ སྤྲུལ་པས་འགྲོ་བ་མ་ལུས་འདྲེན་པར་ཤོག ཅེས་བསྔོ་བས་རྒྱས་གདབ་བོ༔ འདི་ལྟར་ཐུན་བཞིའམ༔ ཐུན་གསུམ་མམ༔ ཐུན་གཉིས་སམ༔ ཐུན་རེ་མ་ཆག་པར་བྱའོ༔ འདི་ནི་གུ་རུ་དྲག་པོའི་ཐུགས་ཁྲིད་ཀྱི་རྒྱུན་ཁྱེར་ཉམས་སུ་ལེན་བྱ་ཡིན་ཀྱང་༔ སྐུ་གསུམ་སྒྲུབ་པ་སྤྲོས་མེད་རྒྱུན་ཁྱེར་དང་༔ གསང་ཁྲིད་རིམ་ལྔའི་སྔོན་འགྲོ་དང་༔ མདོར་ན་གུ་རུ་ཞི་དྲག་གི་རྫོགས་རིམ་ཉམས་ལེན་བསྡུས་པ་ཡིན་ནོ༔ ཐུན་མཚམས་ཐམས་ཅད་ལ་ཡང་སྟོང་ཉིད་ཀྱི་རྩི་དང་མ་བྲལ་བར་སྤྱོད་ལམ་བྱ་ཞིང་༔ འགྲོ་བའི་ཚེ་གཡས་ཕྱོགས་ཀྱི་ནམ་མཁར་པདྨ་དམར་པོ་འདབ་མ་སྟོང་དང་ལྡན་པའིདབུས་སུ་བླ་མ་བཀའ་བརྒྱུད་རྒྱལ་བ་རྒྱ་མཚོས་བསྐོར་བ༔ དེའི་མཐར་ཕྱོགས་བཅུའི་སངས་རྒྱས་དཔག་ཏུ་མེད་པ༔ དེའི་མཐར་ཡི་དམ་ལྷ་ཚོགས༔ དེའི་མཐར་བྱང་ཆུབ་སེམས་དཔའི་ཚོགས་དང་༔ དེའི་མཐར་སྐུ་གདུང་རིང་བསྲེལ་མཆོད་རྟེན་གསུང་རབ༔ དེའི་ཕྱི་སྐོར་དུ་མཁའ་འགྲོ་ཆོས་སྐྱོང་དཔག་ཏུ་མེད་པས་བསྐོར་བར་བསམས་ལ༔ དེ་རྣམས་ལ་བདག་གིས་གཙོར་བྱས་འགྲོ་བ་སེམས་ཅན་ཐམས་ཅད་ཀྱིས་སྐོར་བ་བྱེད་པར་བསྒོམས་ལ༔ འགྲོ་བའི་ཡོན་ཏན་དཔག་ཏུ་མེད་དེ་འགྲོ་བའི་རྣལ་འབྱོར་རོ༔ བདག་ཉིད་གང་དུ་འདུག་པའི་ས་ཕྱོགས་དེ་ཉིད་གཞལ་ཡས་ཁང་

― CMR007_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བསྒོམ༔ རང་ཉིད་ཡི་དམ་ལྷར་གསལ་བའི༔ མ་བཅོས་ཕྱག་རྒྱ་ཆེན་པོའི་ངང་དུ་འཁོར་བ་མ་སྟོངས་བར་དུ་བཞུགས་པར་བསྒོམ་ལ་འདུག་པའི་རྣལ་འབྱོར་རོ༔ བདག་ཉིད་ཡི་དམ་ལྷར་གསལ་བའི་བདེ་བའི་མལ་དུ་འོད་གསལ་དང་རྨི་ལམ་འཛིན་པའི་འདུན་པ་དང་བཅས་པས་སྙིང་གར་བླ་མ་ཨོ་རྒྱན་དེ་ཉིད་ཡེ་ཤེས་སེམས་དཔའ་སྐུ་ཚོན་བ་གང་འོད་ཀྱིས་འཇིག་རྟེན་ཐམས་ཅད་དཀར་ས་ལེ་གསལ་བ་ལ་སེམས་གཏད་དེ་བསྒོམས་ལ༔ གཞོགས་གཡས་ས་ལ་ཕབ་སྟེ་ཉལ་ན་གཉིད་འོད་གསལ་ཟིན་ནོ༔ ༈ ལངས་བའི་ཚེ་དམིགས་མེད་སྟོང་པའི་ངང་ལས་ཐུགས་རྗེ་སྒྱུ་མའི་སྐུར་བཞེངས་ཏེ༔ གདུལ་བྱ་སེམས་ཅན་གྱི་དོན་ལ་འཇུག་པར་བྱ་སྙམ་དུ་ལངས་ནས་གོས་ཚག་རྣམས་རིམ་པར་བསྡམ་མོ༔ ཟས་བཟའ་བའི་ཚེ་རང་ཡི་དམ་དུ་གསལ་བས་སྣོད་དེ་ཉིད་ཐོད་པ་ཡངས་ཤིང་རྒྱ་ཆེ་བ༔ བཟའ་བཏུང་དེ་ཉིད་ཤ་ལྔ་བདུད་རྩི་ལྔ་ཟག་མེད་ཀྱི་ཚོགས་སུ་བསྒོམ་ལ་ལག་པ་རྡོ་རྗེའི་སྐྱ་བར་བསམས་ལ༔ ཨོཾ་ཨཱཿཧཱུྃ་གསུམ་བརྗོད་ཅིང་དཀྲུག་སོ། །དེ་ནས་རང་གི་མགྲིན་པར་བླ་མ་བཀའ་བརྒྱུད་ཀྱི་ཚོགས་དང་བཅས་པ༔ སྙིང་གར་ཡི་དམ་ཞི་ཁྲོའི་ལྷ་ཚོགས༔ ལྟེ་བར་མཁའ་འགྲོ་ཆོས་སྐྱོང་༔ གཞན་ཡང་རྩ་གནས་སུ་དཔའ་བོ་མཁའ་འགྲོ་ཏིལ་གྱི་གོང་བུ་ཁ་བྱེ་བ་ལྟར་བསྐྱེད་ལ༔ དེ་རྣམས་ལ་ཚོགས་ཀྱི་འཁོར་ལོ་བསྐོར་བར་བསྐྱེད་ལ༔ ཨོཾ་ཨཱཧཱུྃ་བརྗོད་ཅིང་བཟའོ༔ དེ་ནས་ལྷག་མ་རིགས་དྲུག་ལན་ཆགས་ལ་དམིགས་ལ་སྦྱིན༔ རང་ལུས་རྒྱལ་བའི་དཀྱིལ་འཁོར་དུ༔ ཞེས་སོགས་བསྔོ་བ་བྱའོ༔

― CMR007_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

བཟའ་བཏུང་གི་རྣལ་འབྱོར་རོ༔ ༈ རང་ཉིད་གསེར་གྱི་བུམ་པ་དྲི་མ་མེད་པར་བསྒོམ༔ དེའི་ནང་ནས་བདུད་རྩི་འོ་མ་ལྟ་བུ་ཡི་དྭགས་ཀྱི་གནས་སུ་ན་ར་ར་རྒྱུན་མི་ཆད་དུ་བབས་པས་ཡི་དྭགས་ཀྱི་བཀྲེས་སྐོམ་ཐམས་ཅད་ཞི་ནས་ལོངས་སྤྱོད་དང་ལྡན་པར་བསྒོམས་ལ༔ ཨོཾ་ཨཱནུཏྟ་ཨ་ཧ་རེ་བྱཱ་སྭཱ་ཧཱ༔ དྲི་ཆུ་ལ་ལོངས་སྤྱོད་པ་ཐམས་ཅད་ཚིམ་པར་གྱུར་ཅིག༔ ཅེས་བརྗོད་དོ༔ ༈ རང་སྐད་ཅིག་སྤྱན་རས་གཟིགས་སུ་བསྐྱེད་ལ༔ དྲི་མ་ཟས་ཀྱི་ཚོགས་དཔག་ཏུ་མེད་པར་བསྒོམ་ལ༔ ཨོཾ་ཨཱཿཧཱུྃ་ལན་གསུམ་གྱི་བྱིན་གྱིས་བརླབས༔ ཨོཾ་སརྦ་པྲ་ཏ་ནཾ་ཁཱ་ཧི་ཁཱ་ཧི༔ ཡི་དྭགས་དྲི་ཆེན་ལ་ལོངས་སྤྱོད་པ་རྣམས་ཚིམ་པར་གྱུར་ཅིག༔ ཅེས་བརྗོད་དོ༔ ནམ་ལངས་འགྲོ་དང་ནུབ་ཉལ་ཁ་དབྱངས་གསལ་རྟེན་འབྲེལ་སྙིང་པོ་ཚར་གསུམ་བརྗོད་ན་ངག་བྱིན་རླབས་དང་བཟླས་བརྗོད་ཀྱི་ལྷག་ཆད་ཁ་བཀང་བས་རབ་གནས་སུ་འགྲོ་བས་ནུས་པ་ཆེ་བ་དང་མི་ཉམས་པའི་གནད་ཟབ་བོ༔ དེ་ལྟར་རྫོགས་རིམ་ཉམས་ལེན་བལྟས་ཆོག་ཏུ་བཀོད་པ་ལ༔ འགལ་འཁྲུལ་བསྲེ་བསླད་སྦ་འོས་གསལ་བཀོད་སོགས་ཉེས་པ་ཅི་མཆིས་ན༔ ཐུགས་རྗེ་ཆེན་པོ་དང་ལྡན་པ་པད་འབྱུང་རྩ་གསུམ་ཆོས་བདག་སྲུང་མ་དང་བཅས་པ་ལ་མཐོལ་ཞིང་བཤགས་སོ༔ འདི་ཕྱིའི་སྒྲིབ་པར་མ་གྱུར་ཅིག༔ འདི་བྲིས་དགེ་བས་འདི་ཉིད་མཐོང་ཐོས་དྲན་རེག་གིས་གཙོར་བྱས་སེམས་ཅན་ཐམས་ཅད་བསྐྱེད་

― CMR007_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ལ་བརྟན་པ་ཐོབ་ནས༔ སྐྱེ་བ་གཞན་གྱིས་བར་མ་ཆོད་པར་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སྐྱེ་བར་གྱུར་ཅིག༔ སྐྱེས་མ་ཐག་ཏུ་མེ་ཏོག་པདྨ་ཁ་བྱེ་སྟེ༔ སངས་རྒྱས་སྣང་བ་མཐའ་ཡས་མཇལ་བར་གྱུར་ཅིག དེར་བྱང་ཆུབ་ཏུ་ལུང་བསྟན་ནས་ས་བཅུ་ཐོབ་པར་གྱུར་ཅིག ཅེས་པ་འདི་རང་གཞན་ལ་ཕན་པའི་བསམ་པ་ཁོ་ནས༔ ༧ སྔགས་འཆང་རཱ་ག་ཨ་སྱས་བསྒྲིགས་པའོ༔ འདི་གཞུང་པོད་ཁོ་ན་རྡོ་རྗེའི་གསུང་ཚིག་ཡིན་གྱི༔ བདག་རང་གི་ཚིག་འདྲེས་པ་མེད་པས་ཐམས་ཅད་ཀྱིས་དད་གུས་ཆེན་པོ་ནས་ཉམས་སུ་ལོངས་ཤིག༔ དགེའོ༔ ༈ ཚེ་དབང་གྲགས་པ་ནས། མཚུངས་མེད་ངག་དབང་གྲགས་པ། རིག་འཛིན་ཀུན་དགའ་གྲགས་པ། གར་དབང་ཀུན་དགའ་བསྟན་འཛིན། རིག་འཛིན་ཀརྨ་དོན་ཡོད། མཚུངས་མེད་ཀརྨ་ཆགས་མེད། རིག་འཛིན་མི་འགྱུར་རྡོ་རྗེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྙན་བརྒྱུད་ཡིད་བཞིན་ནོར་བུའི་ཟིན་བྲིས།

― CMR007_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་བརྒྱུད་ཡིད་བཞིན་ནོར་བུའི་ཟིན་བྲིས་བཞུགས་སོ།།

― CMR007_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་གུ་རུ་ཞི་དྲག་གཉིས་ཀ་སྙིང་པོ་ལྟ་བུ་བྱིན་རླབས་ཆེ་ཞིང་ཉམས་ལེན་བདེ་བ་ཚིག་ཉུང་ལ་དོན་ཆེ་བ་ཡིན། འདིར་གུ་རུ་ཞི་དྲག་གི་དབང་ཐོབ་ན་འདོན་རུང་བས་འདོན་དུ་འཇུག །ཨོ་རྒྱན་གྱི་གསུང་མ་བཅོས་པས་བྱིན་རླབས་ཆེ། འདི་བདག་ཉིད་གང་མོས་པའི་ཡི་དམ་ཟེར་བ་ནི། ཡི་དམ་གང་བསྒོམ་ཡང་རུང་ལ། རྟ་མགྲིན་ཡང་གསང་བསྒོམ་པ་ཁྱད་མེད་དེ། འདི་ཡི་ལུགས་ནི། བདག་ཉིད་དབང་ཆེན་ཡབ་ཡུམ་སྐུ༔ ཞལ་གཅིག་ཕྱག་གཉིས་སྐུ་མདོག་དམར༔ དབུ་གཙུག་རྟ་ཞལ་ཕག་གདོང་མཚན༔ གཡས་གཡོན་གྲི་ཁུག་ཐོད་ཁྲག་འཛིན༔ ཞབས་གཉིས་བརྐྱང་བསྐུམ་འཁྲིལ་སྦྱོར་ཚུལ༔ དུར་ཁྲོད་རུས་རྒྱན་མེ་ཀློང་བཞུགས༔ ཟེར་བ་འདི་ལྟར་

― CMR007_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་པར་བྱའོ། །དེ་ཡང་རྟ་མགྲིན་དམར་པོ་གྲི་གུག་ཐོད་ཁྲག་འཛིན་པ་ཡུམ་ཕག་མོ་དམར་མོ་གྲི་གུག་ཐོད་ཁྲག་ཅན་ལ་འཁྱུད་པ། སྤྱི་བོར་རྟ་ཞལ་ཕག་གདོང་ཅན་ལ་འཁྱུད་པ་ཡེ་ཤེས་དང་དམ་ཚིག་པ་དབྱེར་མེད་དུ་བསྒོམ་སྟེ། དེའི་སྤྱི་བོར་ཨོ་རྒྱན་གཞུང་ལྟར། བསྒོམ་སྟེ། རྔ་ཡབ་ནས་ཨོ་རྒྱན་ཡིད་ཀྱིས་སྤྱན་དྲངས་ལ་བསྟིམ་སྟེ། ཚིག་བདུན་གསོལ་འདེབས་ནི། སྤྱན་འདྲེན་དང་གསོལ་འདེབས་གཉིས་ཀ་ཡིན་ནོ། །ཚིག་བདུན་གསོལ་འདེབས་འདི་ལ་ཉུང་བ་ཚིག་འབྲུ་བདུན་ཡོད་པ་དང་། དེ་ནས་རྒྱས་བསྡུས་གཉིས་ཡོད་པས་རྒྱས་པ་འདི་བྱ་སྟེ། དྷཱི༔ སྔོན་གྱི་བསྐལ་པའི་དང་པོ་ལ༔ ཨོ་རྒྱན་ཡུལ་གྱི་ནུབ་བྱང་

― CMR007_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས༔ དྷ་ན་ཀོ་ཤའི་མཚོ་གླིང་དུ༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཀྱིས༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ ཅེས་གསོལ་འདེབས་སྤྱན་འདྲེན་གཉིས་ཀ་ཡིན་ནོ༔ ཨོ་རྒྱན་གྱི་དཔྲལ་བ་མགྲིན་པ་ཐུགས་ཀ་གསུམ་ནས་སྐུ་གསུང་ཐུགས་ཀྱི་བྱིན་རླབས་འོད་ཀྱི་ཐིག་ལེ་དཀར་པོ་ཨོཾ་གྱིས་མཚན་པ་དང་༔ ཐིག་ལེ་དམར་པོ་ཨཱས་མཚན་པ། ཐིག་ལེ་སྔོན་པོ་ཧཱུྃ་གིས་མཚན་པ་མང་པོ་བར་མ་ཆད་པར་བྱོན་ནས། རང་གི་དཔྲལ་བ་མགྲིན་པ་སྙིང་ག་གསུམ་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་འཇུག་པར་བསྒོམ་ལ། བཛྲ་གུ་རུ་ཕྲེང་སྐོར་གཅིག་ཙམ་མམ། སྟོང་ཕྲག་ཙམ་མམ། སུམ་བརྒྱ་ལྔ་བརྒྱ་ཙམ་མམ༔ རང་གིས་ཅི་ཙམ་འདོད་པ་འདོན། དེ་ནས་ཨོ་རྒྱན་སྤྱི་བོ་ནས་མར་རང་གི་སྙིང་དཀྱིལ་དུ་བྱོན་པས། རང་གི་སྙིང་པདྨ་འདབ་མ་བརྒྱད་པ་ཁ་གྱེན་དུ་བྱེ་བའི་

― CMR007_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་དུ་བཞུགས་པས། ཨོ་རྒྱན་དེ་ཉིད་རྡོ་རྗེ་འཆང་སྐུ་མདོག་སྔོན་པོ་ཕྱག་གཡས་རྡོ་རྗེ་ཐུགས་ཀར་འཛིན་ཅིང་དྲིལ་བུ་དཀུ་ལ་བརྟེན་པ། ཡུམ་མཁའ་འགྲོ་མཚོ་རྒྱལ་མ་དཀར་མོ་གཅེར་བུ་གྲི་ཐོད་འཛིན་པས་འཁྱུད་པ། དེ་ལྟར་ཡབ་ཡུམ་སྐུ་ལས་འོད་ཟེར་དཔག་ཏུ་མེད་པ་འཕྲོས། སངས་རྒྱས་བྱང་སེམས་ཐམས་ཅད་འོད་ཟེར་གྱི་ཚུལ་དུ་ཚུར་བསྡུས་ནས་རོང་གི་བ་སྤུའི་བུ་ག་ནས་ཞུགས། སྙིང་དཀྱིལ་རྡོ་རྗེ་འཆང་ཡབ་ཡུམ་ལ་ཐིམ་པར་བསྒོམ་ལ། སྔགས་ཐོད་ཕྲེང་རྩལ་དེ་བཛྲ་གུ་རུ་ཇི་ཙམ་བཏོན་པ་དེ་བས་ཅུང་ཟད་མང་ཙམ་འདོན། དེ་ནས་ཨོ་རྒྱན་རྡོ་རྗེ་འཆང་དེ་འོད་དུ་ཞུ་ནས་རང་གི་ལུས་ངག་ཡིད་གསུམ་དང་དབྱེར་མེད་དུ་གྱུར་པར་བསྒོམ། དེ་ནས་རང་ཡི་དམ་རྟ་མགྲིན་གྱི་དཔྲལ་བ་མགྲིན་པ་ཐུགས་ཀ་ལྟེ་བ་གསང་གནས་རྣམས་ནས་འོད་ཟེར་ཁ་དོག་སྣ་ཚོགས་འཕྲོས་པས་འོད་དཀར་པོས་ནད་གདོན་ཞི། སེར་པོས་བསོད་ནམས་རྒྱས། དམར་པོས་སྣང་སྲིད་ལྷ་འདྲེ་ཐམས་ཅད་དབང་དུ་སྡུས་ལྗང་གུས་གནོད་བྱེད་ཐམས་ཅད་ཚར་བཅད་པར་བསྒོམ། སྔགས་ཐོད་ཕྲེང་རྩལ་དང་། ཧྲིམ་ཧ་རི་ནི་ས་གཉིས་སྦྲེལ་ལ་ཅུང་ཟད་ཅིག་འདོན། ཐོད་ཕྲེང་རྩལ་ཅི་ཙམ་བཏོན་པ་དེའི་བཅུ་ཆ་སྟེ། དཔེར་ན་

― CMR007_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ལོང་ཧས་བཏབ་པ་དེ་ཡལ་བ་ལྟར་བསྒོམ། དེ་རང་གི་སེམས་དེ་ལ་ཅི་འདྲ་ཞིག་གདའ་ལེགས་པར་བལྟ། གཟུགས་ཁ་དོག་ཅི་འདུག་ལུས་ཀྱི་ཕྱི་ནང་གར་འདུག་བལྟ། མ་རྙེད་ན་མ་རྙེད་བསམ་མཁན་ལ་བལྟ། དེ་མ་རྙེད་ན་སྟོང་པ་ཉིད་ཟུར་ཙམ་ཞིག་མཐོང་བ་ཡིན་པས། མ་རྙེད་བསམ་པའི་སྡུག་སྣང་དང་སེམས་འཛེར་བྱེད་མི་དགོས། དེར་ཡང་ཡང་འདྲིས་བཅུག་ནས་སེམས་ལ་གཟུགས་དངོས་པོ་མེད་ཀྱང་། མི་དྲན་དགུ་དྲན་གྱི་རིག་པ་ཞིག་ཡོད། དེ་ལ་ཡང་ཡང་བལྟ་ཞིང་གོམས་བཅུག་ན། ཨོ་རྒྱན་རིན་པོ་ཆེའི་དགོངས་པ་རྟོགས་པར་འགྱུར་རོ། །གོང་དུ་གསོལ་འདེབས་བྱེད་དུས་ཨོ་རྒྱན་ལ་བློ་གདེང་གཏད་ནས་ཅི་མཛད་ཁྱེད་ཤེས་ཀྱི་མོས་གུས་དྲག་པོ་བྱས་ན། བྱིན་རླབས་མྱུར་བའི་གནད་དམ་པ་ཡིན། རྗེས་ལ་བསྔོ་བ་ནི། དགེ་བ་འདི་ཡིས་མྱུར་དུ་བདག །པདྨ་འབྱུང་གནས་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་སྨོན་ལམ་བྱའོ། །དེ་ལྟར་ནངས་སྔ་ནུབ་ཕྱི་ཐུགས་དམ་གཙོར་མཛད་པར་ཞུ། གནས་སྐབས་ནད་གདོན་བར་ཆད་ཞི་བ་དང་། མཐར་ཐུག་བྱང་ཆུབ་འགྲུབ་པ་སོགས་ཡོན་ཏན་མཐའ་ཡས་པས། འདི་ཉུང་བས་ཐུགས་དམ་གཞན་མི་ཆག །ཞལ་ཤེས་ཞུ་མིས་གོ་བདེ་བར་དགེ་སློང་ཨ་རཱ་གས་སོ།། །།

ཐུགས་སྒྲུབ་ཡང་སྙིང་འདུས་པ་ལས༔ བླ་མ་ཀུན་འདུས་ཡིད་བཞིན་ནོར་བུའི་འདོན་འགྲིགས།

― CMR007_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་སྒྲུབ་ཡང་སྙིང་འདུས་པ་ལས༔ བླ་མ་ཀུན་འདུས་ཡིད་བཞིན་ནོར་བུའི་འདོན་འགྲིགས་བཞུགས་པའི་དབུ་ཕྱོགས་ལགས་སོ༔

― CMR007_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཀུན་འདུས་ཡིད་བཞིན་ནོར་བུའི་སྒྲུབ་པ་ནི༔ སྟ་གོན་གཞུང་ལྟར་བྱའོ༔ དེ་ནས་འདོན་འགྲིགས་ནི༔ ཐུན་བཞི་ལ་ལས་བྱང་མང་ཉུང་གང་རུང་ཚར་བཞི་དགོས་ཏེ༔ གཞལ་ཡས་ཁང་བསྐྱེད་ཚར་ནས༔ ༈ ཕོ་བྲང་གཞལ་ཡས་དཀྱིལ་འཁོར་དབུས༔ ཞེས་སམ༔ ཕྱི་ནང་དག་པ་འོད་ལྔའི་དཀྱིལ༔ ཞེས་པ་ནས༔ ༈ བདག་ཉིད་པདྨ་ཉི་ཟླ་བདུད་བཞིའི་སྟེང་དུ༔ རང་རིག་པའི་ངོ་བོ་ཧྲིདམར་པོའི་འཕྲོ་འདུས་རྒྱལ་བ་རྣམས་ལ་མཆོད་པ་ཕུལ༔ སེམས་ཅན་གྱི་ལས་སྒྲིབ་སྦྱངས༔ སངས་རྒྱས་ཐམས་ཅད་ཀྱི་དངོས་གྲུབ་བྱིན་རླབས་ཚུར་འདུས་ཧྲིལ་ཐིམ་སྐད་ཅིག་ལ་

― CMR007_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཉིད་རྟ་མགྲིན་ཞལ་གཅིག་ཕྱག་གཉིས་གྲི་གུག་དང་ཐོད་ཁྲག་འཛིན་པ༔ སྤྱི་བོར་རྟ་སྐད་འཚེར་བ་དུར་ཁྲོད་ཀྱི་ཆས་བརྒྱད་གསོལ་བ༔ ཕག་མོ་མཐིང་ནག་ཞལ་གཅིག་ཕྱག་གཉིས་གྲི་ཐོད་འཁྱུད་ཅིང་སྟོབ་པ་ཡབ་དང་འཁྲིལ་བ་སྤྱི་གཙུག་ནས་ཕག་ཞལ་ངུར་སྒྲ་སྒྲོག་པ༔ རྒྱན་དྲུག་གིས་སྤྲས་པ༔ མེ་དཔུང་འབར་བའི་ཀློང་ན་བཞུགས་པར་གྱུར༔ དེའི་བསྐྱེད་རིམ་སྒྱུ་མ་ལྟ་བུ་དང་མ་བྲལ་བར་བྱའོ༔ དེ་ནས་དཀྱིལ་འཁོར་གྱི་ལྷ་བསྐྱེད་པ་ནི༔ གཞལ་ཡས་ཁང་སྒོ་གྲུ་རྟ་བབས་ཆོས་འཁོར་ཡོངས་སུ་རྫོགས་པའི་དབུས་སུ༔ པདྨ་སྟོང་ལྡན་ཉི་ཟླའི་གདན་ལ༔ ༈ རྗེ་བཙུན་

― CMR007_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཐོད་ཕྲེང་རྩལ༔ ཨ་ཙར་གཞོན་ཚུལ་དཀར་དམར་ཞལ༔ ཕྱག་གཡས་རྡོ་རྗེ་བྷན་གཡོན༔ མཐིང་ནག་ཟབ་བེར་ཆོས་གོས་དམར༔ པད་ཞྭ་སྒོ་དར་མེ་ལོང་རྒྱན༔ སྙན་ཆ་མགུལ་རྒྱན་ཁ་ཊཾ་འཛིན༔ སྐྱིལ་ཀྲུང་གཟི་བརྗིད་འོད་འབར་བ༔ དེ་ཡི་ཕྱི་རིམ་འདབ་བརྒྱད་ལ༔ ཤར་དུ་པདྨ་འབྱུང་གནས་མཐིང་༔ རྩེ་ལྔ་གཡས་ལ་སྡིགས་མཛུབ་གཡོན༔ གཏེར་བུ་ཡུམ་དང་འཁྲིལ་བར་བསྐྱེད༔ ལྷོ་ཕྱོགས་བློ་ལྡན་མཆོག་སྲེད་དཀར༔ ཌ་རུ་གཡས་ལ་པད་ཕོར་གཡོན༔ སྔགས་འཆང་གཟི་བརྗིད་ལྡན་པར་བསྐྱེད༔ ནུབ་ཕྱོགས་ཉི་མ་འོད་ཟེར་སེར༔ ཁ་ཊཾ་གཡས་ལ་ཉི་ཟེར་གཡོན༔ རྣལ་འབྱོར་སྤྱོད་པའི་ཆ་ལུགས་བསྐྱེད༔ བྱང་ཕྱོགས་སེངྒེ་སྒྲ་སྒྲོག་མཐིང་༔ རྡོ་རྗེ་གཡས་ལ་སྡིགས་མཛུབ་གཡོན༔ རབ་འཇིགས་ཁྲོ་བོའི་ཚུལ་ཏུ་བསྐྱེད༔ ཤར་ལྷོར་པདྨ་སམྦྷ་དཀརཿ༔ པད་ཕོར་གཡས་ལ་སྐྱབས་སྦྱིན་གཡོན༔ དགེ་སློང་གཞོན་ཚུལ་ལྡན་པར་བསྐྱེད༔ ལྷོ་ནུབ་པདྨ་རྒྱལ་པོ་དམར༔ ཌེ་རུ་གཡས་ལ་མེ་ལོང་གཡོན༔ རྒྱལ་པོ་གཟི་བརྗིད་ལྡན་པར་བསྐྱེད༔ ནུབ་བྱང་ཤཱཀྱ་སེང་གེ་སེར༔ རྡོ་རྗེ་གཡས་ལ་ལྷུང་བཟེད་གཡོན༔ སྤྲུལ་སྐུ་ཤཱཀྱ་ཐུབ་པར་བསྐྱེད༔ བྱང་ཤར་རྡོ་རྗེ་གྲོ་ལོད་

― CMR007_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

སྨུག༔ རྡོ་རྗེ་གཡས་ལ་ཕུར་པ་གཡོན༔ གཏུམ་དྲག་རྔམ་ཞིང་འཇིགས་པར་བསྐྱེད༔ ཕྱི་རིམ་པད་སྐོར་བཅུ་དྲུག་ལ༔ རྡོ་རྗེ་མཁའ་འགྲོ་ཡབ་ཡུམ་དང་༔ རིན་ཆེན་མཁའ་འགྲོ་ཡབ་ཡུམ་དང་༔ པདྨ་མཁའ་འགྲོ་ཡབ་ཡུམ་དང་༔ ལས་ཀྱི་མཁའ་འགྲོ་ཡབ་ཡུམ་རྣམས༔ གཅེར་བུ་རུས་པའི་རྒྱན་དྲུག་མཛེས༔ སྐུ་མདོག་རིགས་ཀྱི་ཕྱག་མཚན་འཛིན༔ གཞན་ཡང་རྡོ་རྗེ་རིན་ཆེན་དང་༔ པདྨ་ལས་ཀྱི་ཤུགས་འགྲོར་བཅས༔ གྲི་ཁུག་ཐོད་ཁྲག་ཁ་ཊཾ་བསྣམས༔ ཕྱི་རིམ་བར་ཁྱམས་འཁོར་ཡུག་ལ༔ བདག་སྐྱབས་ལྷ་དང་རིག་འཛིན་ཚོགས༔ མཁའ་འགྲོ་ཆོས་སྐྱོང་དམ་ཅན་རྣམས༔ གླུ་ལེན་གར་བྱེད་རོལ་མོ་སྒྲོག༔ འདོད་ཡོན་ལོངས་སྤྱོད་སྤྲིན་ལྟར་གཏིབས༔ ཕྲིན་ལས་བསྒྲུབ་ཅིང་བར་ཆད་སེལ༔ ༈ བུམ་པ་ཧཱུྃ་ལས་གཞལ་ཡས་ཁང་དུ་གསལ་བ་ཡི༔ དབུས་སུ་བུདྡྷ་ཐོད་ཕྲེང་རྩལ༔ འཁོར་ལོ་ཌཱ་རུ་བྷནྡྲ་བསྣམས༔ སྐུ་མདོག་སྨུག་པོ་ཟབ་བེར་གསོལ༔ ཕྱོགས་བཞིར་པདྨ་འདབ་བཞིའི་སྟེང་༔ ཤར་དུ་རྡོ་རྗེ་ཐོད་ཕྲེང་རྩལ༔ རྡོ་རྗེ་ཀླུ་རུ་ལྕགས་ཀྱུ་བསྣམས༔ སྐུ་མདོག་དཀར་པོ་དར་དཀར་གསོལ༔ ལྷོ་རུ་རཏྣ་ཐོད་ཕྲེང་རྩལ༔ རིན་ཆེན་ཌཱ་རུ་ཞགས་པ་

― CMR007_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས༔ སྐུ་མདོག་སེར་པོ་དར་སེར་གསོལ༔ ནུབ་ཏུ་པདྨ་ཐོད་ཕྲེང་རྩལ༔ པདྨ་ཊཱ་རུ་ལྕགས་སྒྲོག་བསྣམས༔ སྐུ་མདོག་དམར་པོ་དར་དམར་གསོལ༔ བྱང་དུ་ཀརྨ་ཐོད་ཕྲེང་རྩལ༔ རྒྱ་གྲམ་ཌཱ་རུ་དྲིལ་བུ་བསྣམས༔ སྐུ་མདོག་ལྗང་གུ་དར་ལྗང་གསོལ༔ ཀུན་ཀྱང་ན་བཟའ་སྦྲག་མ་གསོལ༔ གཟི་བརྗིད་མདངས་དང་ལྡན་པར་བསྐྱེད༔ ༈ དེའི་སྟེང་དུ་གཏོར་མ་རིན་ཆེན་འབར་བ༔ ཕྱི་གཏོར་མ་ལ་ནང་འདོད་ཡོན་གྱི་ལྷ་མོ་དཔག་ཏུ་མེད་པ་དང་བཅས་པའི་དབུས་སུ་པདྨ་ཐོད་ཕྲེང་རྩལ་བླ་མ་གསང་བ་འདུས་པ་སྐུ་མདོག་མཐིང་ནག་ལོངས་སྤྱོད་རྫོགས་པའི་ཚུལ་གྱི་རྒྱན་སྣ་ཚོགས་ཀྱིས་སྤྲས་པ༔ རྡོ་རྗེ་དང་དྲིལ་བུ་འགྱིང་སྟབས་ཀྱིས་ཡུམ་ལ་བརྟེན་པ༔ ཡུམ་རྡོ་རྗེ་དྲག་མོ་རྩལ་དཀར་དམར་མདངས་དང་ལྡན་པ་བཅུ་དྲུག་ལོན་པའི་གཞོན་ཚུལ་གཅེར་བུ་རྒྱན་དྲུག་གིས་སྤྲས་པ༔ གྲི་ཐོད་འཁྱུད་ཅིང་སྟོབ་པ་སྐུ་གྲོལ་བ༔ མཉེན་ལྕུག་ཡབ་དང་སྦྱོར་བའོ༔ དེ་ལ་བཀའ་བརྒྱུད་རིག་འཛིན་ཊཀྐིའི་ཚོགས་གྲངས་མེད་པས་བསྐོར་ཏེ༔ འཛབ་ཏི་རི་རི་བཞུགས་པར་བསྒོམ༔ ལས་བྱང་མང་བ་བྱེད་ན་དེ་ལྟར་ཡོངས་རྫོགས་ལྷ་རྣམས་སོགས་དབང་བསྐུར་བྱིན་རླབས་ནས་བཟུང་སྟེ༔ ས་མ་ཡ་ཛ༔ ཞེས་

― CMR007_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བར་བརྗོད༔ ལས་བྱང་ཉུང་བ་ཡིན་ན༔ བླ་མ་ཡི་དམ་མཁའ་འགྲོ་དམ་ཅན་སོགས་ནས༔ གུ་རུ་དྷེ་ཝ་ཌཱཀྐི་ནཱི་ས་མ་ཡ་ཛ་ཛ༔ ཞེས་པའི་བར་བརྗོད༔ བདག་དབང་ཆེན་གྱི་ཐུགས་ཀར་ཉི་མའི་དཀྱིལ་འཁོར་གྱི་དབུས་སུ་ཧྲིདམར་པོ་ལ་རྟ་མགྲིན་གྱི་སྔགས་ཀྱིས་བསྐོར་བའི་འོད་ཟེར་གྱིས་དཀྱིལ་འཁོར་ལྷ་རྣམས་ལ་ཕོག༔ ཐུགས་དམ་གྱི་རྒྱུད་བསྐུལ༔ ལྷ་རྣམས་ཀྱི་གནས་གསུམ་ལས་འོད་འཕྲོས་ཏེ༔ ལྷོ་ནུབ་རྔ་ཡབ་པདྨ་འོད་ཀྱི་ཕོ་བྲང་ནས༔ རྗེ་བཙུན་པདྨ་མཁའ་འགྲོ་འབུམ་དང་བཅས་པ་ལྷོ་ནུབ་ཀྱི་ནམ་མཁའ་ལ་འོད་ཟེར་འབར་ཞིང་༔ མཁའ་འགྲོའི་བརྡ་སྐད་ཏི་རི་རི་བྱོན་པས་ད་ལྟའི་ལྷ་ཚོགས་རྣམས་ལ་དབྱེར་མེད་དུ་མ་རོ་གཅིག་ཏུ་ཐིམ་སྟེ་དམ་ཚིག་དང་ཡེ་ཤེས་གཉིས་སུ་མེད་པར་གྱུར༔ ཁྱད་པར་དུ་གཏོར་མ་ཐོད་ཕྲེང་རྩལ་གསང་བ་འདུས་པ་གསལ་བར་ཐིམ་པར་གྱུར༔ དེ་ནས་ལས་བྱང་མང་ཉུང་གང་བྱེད་ཀྱང་བསྟོད་པ་མ་རྫོགས་པར་ལས་བྱང་གཞུང་ལྟར་རོ༔ དེ་ནས་བསྙེན་སྒྲུབ་དམིགས་པ་དང་ལས་སྦྱོར་སྒྲུབ་གཞུང་ལྟར་རོ༔ ཐུན་མཚམས་སུ་གསོལ་འདེབས་ཉེར་གཅིག་ཞེས་པ་ནི༔ གསོལ་འདེབས་ཚར་གསུམ་རེ་སྔགས་ཉེར་གཅིག་རེ་བྱའོ༔ དེ་ནས་ཏིང་ངེ་

― CMR007_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་གྱི་དབང་ནི༔ མདུན་བསྐྱེད་ཀྱི་གནས་བཞི་ལས་འོད་ཟེར་དཀར་དམར་མཐིང་ལྗང་བཞི་རང་གི་གནས་བཞི་ལ་ཐིམ་པར་བསྒོམ༔ དེ་ནས་ཐུགས་དམ་བསྐུལ་ཞེས་པ་ནི༔ ཐུགས་སྒྲུབ་ནང་གི་རྔ་ཡབ་གླིང་པ་དེ་ཡིན༔ ལས་སྔགས་ཕྲེང་སྐོར་རེ་རེའི་མགོ་ན་སྒྲུབ་སྔགས་རེ་རེ་སྦྱར་ན་ལེགས༔ མཇུག་ཏུ་དབང་ལེན་དུས་ཐུགས་སྒྲུབ་ནང་གི་དངོས་གྲུབ་ལེན་ཆོག་དེ་ཡིན༔ དེ་ནས་ཚོགས་ནི༔ དང་པོའི་ནུབ་དང་གྲོལ་ཁའི་ནུབ་མོར་དགོས༔ རྒྱུན་དུ་མི་དགོས༔ དགོང་མོ་རྒྱུན་དུ་གཏོར་བསྔོས་ཀྱི་མཇུག་ཏུ་མ་ནིང་དང་མཁའ་རི་གཉིས་འདོན་ལ༔ སྒྲུབ་པ་འདི་ལ་བར་ཆད་མེད་པའི་ཕྲིན་ལས་མཛོད་ཅིག༔ ཅེས་བརྗོད༔ གྲོལ་ཁ་ཆད་མདོ་བརྟན་སྐྱོང་བྱའོ༔ དབང་བླང་ཚར་ནས་རྗེས་ཆོག་བཀྲ་ཤིས་ཐམས་ཅད་ཐུགས་སྒྲུབ་གཞུང་ལྟར་རྫོགས་པར་བྱའོ༔ ཕྱག་ལེན་ལ་ཐུན་མཚམས་ཀྱི་གསོལ་འདེབས་ནི་བསྙེན་སྒྲུབ་ལས་གསུམ་ཁ་ལ་དགོས་སོ༔ བསྙེན་པ་ཞག་བདུན་སྒྲུབ་པ་ཞག་བདུན་གཉིས༔ ལས་སྦྱོར་ཞག་གཅིག་གོ༔ དེ་བས་ཉུང་ཐབས་ནི་མེད༔ དེ་བས་མང་འདོད་ན་གྲངས་ཀྱི་བསྙེན་པ༔ རྟགས་ཐོན་པའམ༔ རིག་པས་དཔག་སྟེ་བྱའོ༔ འདི་ཚར་ནས་སྐུ་གསུམ་སྒྲུབ་པ་མ་ཐོན་ཀྱང་

― CMR007_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་ཞི་བའི་ལས་གང་ཡང་བྱ་རུང་བའོ༔ སྒྲུབ་པ་འདི་མ་ཐོན་ན་དྲག་པོ་བསྙེན་མི་རུང་བ་གཞུང་དུ་གསལ༔ ཞེས་པ་འདི་ནི་གཏེར་སྟོན་ནས་ད་ལྟའི་བར་དུ་སྒྲུབ་པའི་རྒྱུན་མ་ཆད་པའི་ཕྱག་ལེན་འཁྲུལ་མེད་དུ་བཀོད་པའོ༔ ཟུར་མང་ནང་སོས་བསྐུལ་ནས་སྔགས་འཆང་རཱ་ག་ཨ་སྱས་བཀོད་པའོ༔ མངྒ་ལཾ༔ ཀུན་དྲིལ་ཡིད་བཞིན་ནོར་བུའི་གསལ་ཁ་ཡོད༔ རང་རྟ་མགྲིན་གྱི་ཐུགས་ཀར་ཉི་མའི་སྟེང་དུ་ཧྲཱིཿདམར་པོའི་མཐར༔ ཨོཾ་བཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ མདུན་བསྐྱེད་ཨོ་རྒྱནསྤྲུལ་སྐུའི་ཐུགས་ཀར་ཧྲཱིཿཡི་མཐར་བསྙེན་པའི་སྔགས༔ གཏོར་མ་ཨོ་རྒྱན་ཆོས་སྐུའི་ཐུགས་ཀར་ཧཱུྃ་མཐིང་ནག་གི་མཐར་སྒྲུབ་པའི་སྔགས༔ བུམ་ལྷ་ཐོད་ཕྲེང་རྩལ་སྡེ་ལྔ་སོ་སོའི་ཐུགས་ཀར་དབུས་སུ་ཨོ༔ ཤར་དུ་ཧཱུྃ༔ ལྷོ་རུ་སྭཱ༔ ནུབ་ཏུ་ཨཱཿ བྱང་དུ་ཧཱཿ༔ དེ་དག་གི་མཐར་སྒྲུབ་པའི་སྔགས་དེ་ཉིད་ཅུང་ཙམ་བསྒྱུར་ལ༔ དབུས་སུ་བྷུདྡྷ་ཤར་དུ་བཛྲ་ལྷོར་རཏྣ་ནུབ་ཏུ་པདྨ་བྱང་དུ་ཀརྨ་ཐོད་ཕྲེང་རྩལ་ལ་སོགས་སྒྲུབ་སྔགས་གཡས་སུ་འཁོར་བར་མོས་པ་ཙམ་གྱིས་ཆོག༔ སྔགས་ཐམས་ཅད་གཡས་སུ་ཀྱི་ལི་ལི་འཁོར་བ༔ ས་བོན་ཐམས་ཅད་གཡོ་འགུལ་མེད་པ༔ ལྷ་ཐམས་ཅད་ཀྱི་གནས་གསུམ་ཡིག་འབྲུ་གསུམ་

― CMR007_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མཚན་པ་ལ༔ བདག་གི་དཔྲལ་བའི་ཨོ་ལས་འོད་ཟེར་དཀར་པོ་འཕྲོས༔ ལྷ་ཐམས་ཅད་ཀྱི་དཔྲལ་བར་ཐིམ༔ སྐུ་མཉེས་པའི་མཆོད་པར་གྱུར༔ ཡང་ལྷ་ཐམས་ཅད་ཀྱི་ཨོཾ་ལས་འོད་ཟེར་དཀར་པོ་ཚུར་འཕྲོས༔ རང་གི་དཔྲལ་བར་ཐིམ་ལ་སྐུའི་དབང་དང་བྱིན་རླབས་ཐོབ༔ དེ་ལྟར་བདག་མདུན་གཉིས་ཀྱི་དཔྲལ་བ་ནས་འོད་ཟེར་ཕར་འཕྲོས་ཚུར་འཕྲོས་མགལ་མེའི་འཁོར་ལོ་ལྟར་རྒྱུན་མི་འཆད་པ་གཅིག་ཏུ་འཁོར༔ དེ་བཞིན་དུ་བདག་གི་མགྲིན་པའི་ཨཱལས་འོད་ཟེར་དམར་པོ་འཕྲོས༔ མདུན་བསྐྱེད་ཀྱི་མགྲིན་པའི་ཨཱལ་ཐིམ་པས་གསུང་མཉེས་པའི་མཆོད་པར་གྱུར༔ མདུན་བསྐྱེད་ཀྱི་ཨཱལས་འོད་ཟེར་དོམར་པོ་ཚུར་འཕྲོས༔ རང་གི་མགྲིན་པར་ཐིམ་པས་གསུང་གི་དབང་དང་བྱིན་རླབས་ཐོབ༔ དེ་ལྟར་བདག་མདུན་མགྲིན་པའི་བར་ནས་མགལ་མེ་འཁོར་བ་ལྟར་འོད་ཟེར་དམར་པོ་འཁོར༔ བདག་གི་ཐུགས་ཀའི་ཧཱུཾ་ལས་འོད་ཟེར་སྔོན་པོ་མདུན་བསྐྱེད་ཐུགས་ཀའི་ཧཱུཾ་ལ་ཐིམ༔ ཐུགས་མཉེས་པའི་མཆོད་པར་གྱུར༔ སྔགས་ཕྲེང་དྲག་ཏུ་འཁོར་བས་ཐུགས་རྒྱུད་བསྐུལ༔ ཐུགས་ཀའི་ཧཱུཾ་ལས་འོད་ཟེར་སྔོན་པོ་ཚུར་བྱུང་༔ རང་གི་ཐུགས་ཀར་ཐིམ་པས་ཐུགས་ཀྱི་དབང་དང་བྱིན་རླབས་ཐོབ༔ དེ་

― CMR007_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བདག་མདུན་ཐུགས་ཀའི་བར་ན་འོད་ཟེར་མགལ་མེ་འཁོར་བ་ལྟ་བུ་གཅིག་དེ་ལྟར་བདག་མདུན་གནས་གསུམ་དུ་འོད་ཟེར་དཀར་དམར་མཐིང་གསུམ་ཕར་འཕྲོས་ཚུར་འཕྲོས་རྒྱུན་མ་ཆད་པར་བསམ༔ ཕར་འཕྲོས་པས་སྐུ་གསུང་ཐུགས་ལ་མཆོད་པའི་ཚུལ༔ མདུན་བསྐྱེད་ཀྱི་འབྲུ་གསུམ་ལ་ཐིམ་པས་ཐུགས་དམ་གྱི་རྒྱུད་བསྐུལ༔ ཐུགས་དམ་གྱི་རྒྱུད་དེ་གང་ཡིན་ཞེ་ན༔ སྔོན་ཚེ་སངས་རྒྱས་ཀྱི་བསྟན་པ་སྲུང་༔ སེམས་ཅན་གྱི་དོན་བྱེད་པའི་ཐུགས་བསྐྱེད་དང་སྨོན་ལམ་རྒྱ་ཆེན་པོ་དྲན་པ་ཡིན༔ ཚུར་འཕྲོས་ནས་རང་གི་གནས་གསུམ་ལ་ཐིམ་པས་ལུས་ངག་ཡིད་གསུམ་གྱི་སྡིག་སྒྲིབ་དག༔ སྐུ་གསུང་ཐུགས་ཀྱི་དམ་ཚིག་ཆིག་ཉམས་ཐམས་ཅད་དག༔ སྐུ་གསུང་ཐུགས་ཀྱི་བྱིན་རླབས་དཔག་ཏུ་མེད་པ་ཞུགས་པར་བསྒོམ༔ འོད་ཟེར་དཀར་དམར་མཐིང་གསུམ་ནི༔ སྣལ་མ་དཀར་དམར་མཐིང་གསུམ་གྱི་ཐགས་བྲན་པ་འདྲ་བ་གནས་གསུམ་དུ་འོད་ཟེར་དཀར་དམར་མཐིང་གསུམ་གྱི་ཁུག་པ་གསུམ་མགལ་མེའི་འཁོར་ལོ་ལྟར་འཁོར་བ་ཡིན༔ བསྙེན་པའི་དུས་གཙོ་ཆེར་མདུན་བསྐྱེད་གཙོ་བོ་ཨོ་རྒྱན་སྤྲུལ་སྐུ་ལ་དམིགས་པ་གཏད༔ སྒྲུབ་པའི་དུས་གཏོར་མ་ཨོ་རྒྱན་ཆོས་སྐུ་ལ་དམིགས་པ་གཏད༔

― CMR007_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་སུ་བུམ་ལྷ་ཐོད་ཕྲེང་སྡེ་ལྔ་ལ་དམིགས་པ་གཏད༔ འཁོར་ལྷ་རྣམས་ལ་ཡང་དེ་ལྟར་འཁོར་ཞིང་ཡོད་པའི་མོས་པ་ཙམ་བྱ༔ ལས་སྦྱོར་དུས་རང་ཉིད་རྟ་མགྲིན་གྱི་ཐུགས་ཀར་སྔར་ལྟར་སྔགས་ཕྲེང་ཡོད༔ རྟ་མགྲིན་གྱི་དཔྲལ་བ་ཀླད་པའི་ནང་དུ་རྡོ་རྗེ་གིང་དང་རྡོ་རྗེ་མཁའ་འགྲོ་དཀར་མོ་ཡབ་ཡུམ་ཞལ་སྦྱོར༔ རྡོ་རྗེས་མཚན་པའི་གྲི་ཐོད་ཡབ་ཀྱི་ཐུགས་ཀར་ར་ཡུམ་གྱི་ཐུགས་ཀར་ཧ༔ སྔ་དྲོ་དེ་ལས་འོད་ཟེར་དཀར་པོ་ཟླ་བ་ཤར་བ་ལྟ་བུ་འཕྲོས་པས་ནད་གདོན་སྡིག་སྒྲིབ་ཐམས་ཅད་མུན་པ་ལ་ཟླ་བ་ཤར་བ་ལྟ་བུར་བསལ་རྟ་མགྲིན་གྱི་ལྟེ་བར་རཏྣ་གིང་ཡབ་ཡུམ་རིན་པོ་ཆེའི་ཡུ་བ་བྱས་པའི་གྲི་ཐོད་ཡབ་ཀྱི་ཐུགས་ཀར་ཙ༔ ཡུམ་གྱི་ཐུགས་ཀར་རི༔ ཉིན་གུང་དེ་ལས་འོད་ཟེར་ཉི་མ་ཤར་བ་ལྟ་བུ་འཕྲོས༔ ཚེ་དང་བསོད་ནམས་ཉམས་རྟོགས་འཕེལ་བར་བྱས༔ རྟ་མགྲིན་གྱི་མགྲིན་པར་པདྨ་གིང་ཡབ་ཡུམ་དམར་པོ་པདྨས་མཚན་པའི་གྲི་ཐོད་འཛིན་པ༔ ཡབ་ཀྱི་ཐུགས་ཀར་ཧྲཱིཿ ཡུམ་གྱི་ཐུགས་ཀར་ནི༔ དགོང་ཀ་དེ་ལས་འོད་ཟེར་གློག་འཁྱུག་པ་ལྟ་བུ་འཕྲོས༔ ལྷ་འདྲེ་མི་གསུམ་དབང་དུ་འདུས་ཏེ་དངོས་གྲུབ་བདག་ལ་ཐིམ༔ རྟ་མགྲིན་གསང་གནས་སུ་ཀརྨ་གིང་ཡབ་ཡུམ་ལྗང་ཀུ་སྣ་ཚོགས་རྡོ་རྗེས་ཡུ་

― CMR007_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བྱས་པའི་གྲི་ཐོད་འཛིན་པ༔ ཡབ་ཀྱི་ཐུགས་ཀར་ཡ༔ ཡུམ་གྱི་ཐུགས་ཀར་ས་སྲོད་ཀྱི་དུས་སུ་འོད་ཟེར་ལྗང་ནག་ཚ་ཞིང་རྩུབ་པ་འཕྲོས༔ གནོད་བྱེད་དགྲ་བགེགས་ཐམས་ཅད་གཞོབ་ཐུལ་བསྲེགས་པར་བསྒོམ༔ རྒྱུན་དུ་རྟ་མགྲིན་གྱི་ཐུགས་ཀར་སྔགས་འཁོར་གྱི་ཕྱི་ནས་ལས་སྦྱོར་གྱི་སྔགས་དེ་གཡས་སུ་འཁོར་བ༔ རྟ་མགྲིན་གྱི་ཡུམ་ཕག་མོའི་མ་ཡིག་གིས་མཐར༔ ལས་སྦྱོར་གྱི་སྔགས་དེ་གཡོན་དུ་འཁོར་བའོ༔ རཱ་ག་ཨ་སྱས་བསྒྲིགས་པའོ༔ མངྒ་ལཾ༔ འདི་བྲིས་དགེ་བས་རྩ་གསུམ་ལྷ་ཚོགས་འགྲུབ་པར་ཤོག༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་ཡང་སྙིང་འདུས་པའི་དབང་རྒྱས་འབྲིང་རྣམས་ཀྱི་དབང་བཤད་མདོར་བསྡུས་ལུང་གི་ཕྲེང་བ།

― CMR007_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་སྒྲུབ་ཡང་སྙིང་འདུས་པའི་དབང་རྒྱས་འབྲིང་རྣམས་ཀྱི་དབང་བཤད་མདོར་བསྡུས་ལུང་གི་ཕྲེང་བའོ།།

― CMR007_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

འོ་ན་ད་ལམ་ཁྱེད་རྣམས་ལ་ཐུགས་སྒྲུབ་གུ་རུ་ཞི་བའི་དབང་བསྐུར་བ་ཡིན་ཏེ༔ དེ་ལ་ཐོག་མར་ལོ་རྒྱུས་ཤིག་མ་བཤད་ན་དབང་གི་ས་བཅད་མི་ཚང་༔ རྒྱས་པར་ནི་བརྗོད་ཀྱིས་མི་ལང་་བསྡུས་པ་མདོ་རྒྱུད་ཀྱི་རྩ་ཚིག་ཙམ་ཞུ་ན༔ རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས༔ འདི་ལ་དབང་སྤྱོད་རིགས་ཀྱི་བུ༔ སྐྱེ་འཆིས་མི་གོས་རྡོ་རྗེའི་སྐུ༔ གཉིས་མེད་མཚོ་དབུས་འདབ་རྒྱས་ལས༔ ལེགས་བྱུང་སྤྲུལ་སྐུ་དམ་པ་འབྱུང་༔ རྒྱལ་བ་རྣམས་ཀྱི་ཕྲིན་ལས་བདག༔ སྣ་ཚོགས་སྤྱོད་པ་རླབས་པོ་ཆེ༔ གདུལ་བྱའི་མོས་བློ་ཐ་དད་ལ༔ རྣམ་པ་བཞི་ཡི་དོན་བྱེད་

― CMR007_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར༔ ཞེས་དང་༔ སྐུ་རྒྱུད་ཤེལ་གྱི་རི་བོ་ལས༔ དྲི་མེད་མཚོ་གླིང་གེ་སར་རྒྱས་པའི་སྟེང་༔ མངལ་གྱིས་མ་གོས་པདྨ་བཛྲ་རྩལ༔ བདེ་བའི་རོ་འབྱིན་ལྷ་ལྕམ་མནྡཱ་ར༔ ཐབས་ཤེས་བདེ་སྟོང་གར་གྱི་དབང་ཕྱུག་མཆོག༔ རྒྱལ་བ་ཀུན་གྱི་ཐུགས་བཅུད་བསྡུས་པ་སྟེ། དེ་ཡི་རྩལ་ལས་རྣམ་འགྱུར་དུ་མར་སྣང་༔ ཞེས་དང་༔ བུདྡྷ་ཐོད་ཕྲེང་རྩལ་དང་དེ་ཡི་ཡུམ༔ ཌཱཀི་རྣམ་པར་རོལ་པ་སྟེ༔ དེ་ཡི་ཆོ་འཕྲུལ་འགྱེད་པའི་འཁོར་གྱི་ཚོགས༔ བཛྲ་ཐོད་ཕྲེང་རཏྣ་ཐོད་ཕྲེང་རྩལ༔ པདྨ་ཐོད་ཕྲེང་ཀརྨ་ཐོད་ཕྲེང་རྩལ༔ ཅེས་དང་༔ པད་མ་འབྱུང་གནས་བློ་

― CMR007_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་མཆོག་སྲེད་དང་༔ ཉི་མ་འོད་ཟེར་སེངྒེ་སྒྲ་སྒྲོག་དང་༔ པདྨ་སཾ་བྷ་པདྨ་རྒྱལ་པོ་སྟེ༔ ཤཱཀྱ་སེངྒེ་རྡོ་རྗེ་གྲོ་བོ་ལོད༔ ཅེས་དང་༔ ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས༔ ང་སྤྲུལ་ཀོ་ཤའི་མཚོ་གླིང་དུ༔ པདྨ་ལས་འཁྲུངས་སྤྲུལ་པའི་སྐུ༔ ཚེ་ལ་དབང་བའི་རིག་འཛིན་ལ༔ བཀའ་ཡི་བབ་དང་བཅས་ཏེ་གནང་༔ ཨོ་རྒྱན་རྒྱ་གར་ཤར་ནུབ་ཏུ༔ དེ་ཡིས་བསྟན་པ་དར་བར་བྱེད༔ ཅེས་གསུངས་སོ༔ གཞན་ཡང་གུ་རུ་སྐུ་གསུམ་གྱི་རྒྱུད༔ སུམ་བརྒྱ་བདུན་ཅུ་རྩ་བཞི༔ དེ་བསྡུས་པ་ཐུགས་རྒྱུད་ནམ་མཁའི་ཀློང་ཡངས་སོགས་རྒྱུད་ལྡ༔ དེ་རྣམས་ཆོས་སྐུ་སྣང་བ་མཐའ་ཡས་ཀྱིས་གསུངས་པ་ཡིན་ལ༔ ཧེ་རུ་ཀ་འདུས་པའི་རྒྱུད་ལས་ཀྱང་༔ ཨེ་མ་ཧོ༔ སྐུ་དང་གསུང་དང་ཐུགས་ཀྱི་རྒྱུད་ཡོན་ཏན་ཕྲིན་ལས་གཟི་བརྗིད་དྲེགས༔ སྟོབས་ཀྱི་རྒྱུད་རྣམས་ཡོངས་བསྡུས་པ༔ པདྨའི་སྙིང་པོ་ལས་སྤྲུལ་ནས༔ ཨོ་རྒྱན་ཐོར་ཅོག་རྒྱས་སྲས་སུ༔ ལྷ་ཡིས་རབ་བསྐུལ་དེས་སྡད་འགྱུར༔ ཅེས་དང་༔ དཔལ་བཀའ་འདུས་གསང་བའི་རྒྱུད་ལས་ཀྱང་༔ སྤྱི་དཔལ་ཆེན་པོ་ང་དང་གཉིས་སུ་མེད༔ གུ་རུ་མཚོ་སྐྱེས་རྡོ་རྗེ་ཞེས་བྱ་བ༔ ད་ལྟ་ང་དང་ཚུལ་

― CMR007_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་པ་ཞིག་འབྱུང་༔ དེ་ཡི་བཀའ་འདུས་སྤྱི་ཏིའི་ཐེག་པ་འདི༔ ཟ་ཧོར་ཡུལ་གྱི་ཕོ་བྲང་ཆེན་པོ་རུ༔ རྒྱལ་པོ་གཙུག་ལག་འཛིན་ལ་སོགས་པ་ལ༔ ཆོས་འདི་རྒྱ་ཆེན་རབ་ཏུ་སྟོན་པར་འགྱུར༔ ཅེས་གསུངས་པ་དང་༔ ཆེ་མཆོག་གིས་གསུངས་པའི་མ་ནིང་ལས་རྒྱུད་ལས༔ ནམ་ཞིག་ལས་ཅན་རྡོ་རྗེ་ཐོད་ཕྲེང་རྩལ༔ སྤྱན་རས་གཟིགས་སྤྲུལ་དེ་ལ་བཀའ་འདི་གཏོད༔ རིག་འཛིན་རོལ་པའི་རྩ་རྒྱུད་ལ་སོགས་པ་ནས༔ ཀུན་ཏུ་བཟང་པོ་ཧེ་རུ་ཀའི་སྐུར་བཞེངས་ནས་གསུངས་པ་ཡིན་ནོ༔ ཐུགས་སྒྲུབ་འདི་ཡི་སྒྲུབ་ཆེན་སོགས་ཕལ་ཆེར༔ ཨོ་རྒྱན་ཉིད་ཀྱིས་ཀྱང་རིག་འཛིན་རོལ་པའི་རྩ་རྒྱུད་ལ་བརྟེན་ནས་མཛད་པ་ཡིན་གསུངས༔ རྩ་རྒྱུད་མན་ངག་གི་ཏན་ཏྲ་ལས་ཀྱང་༔ ང་ཉིད་འདས་པའི་དུས་ཤེས་ན༔ ལོ་ནི་གཉིས་བརྒྱ་ལྔ་བཅུ་ན༔ དགའ་རབ་རྡོ་རྗེ་ཞེས་བྱ་འབྱུང་༔ པདྨ་འབྱུང་གནས་མ་བྱུང་བར༔ ཁྱོད་ཀྱིས་ཐུབ་པའི་རྒྱལ་ཚབ་གྱིས༔ དེ་ནས་ང་ཡི་རྒྱལ་ཚབ་ཉིད་པདྨ་འབྱུང་གནས་ཞེས་བྱ་བ༔ སྐྱེ་ཤི་མེད་པའི་སྤྲུལ་སྐུ་འབྱུང་༔ སངས་རྒྱས་ཐམས་ཅད་འདུས་པའི་དཔལ༔ ཐུབ་པའི་རྒྱལ་ཚབ་དོན་གསུམ་པ༔ སངས་རྒྱས་ཀུན་གྱི་སྲས་

― CMR007_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་པོ༔ བཀའ་མདོ་ལུང་གསུམ་ཆོས་ཀྱི་མཛོད༔ ང་ཡི་བསྟན་མཇུག་དེས་སྐྱོང་ངོ་༔ ང་ཡི་ཞབས་ཀྱིས་མ་བཅགས་པའི༔ འཛམ་གླིང་བོད་ཁམས་གླིང་བཞི་སོགས༔ སྤྲུལ་སྐུ་དེ་ཡིས་ཞབས་ཀྱིས་བཅགས༔ སངས་རྒྱས་བསྟན་པའི་ཉི་མ་གདལ༔ ང་ཡི་ཆོས་རྣམས་ཀུན་གྱི་ལུང་༔ མན་ངག་སྐྱེས་བུ་དེ་ཡིས་སྟོན༔ ང་ཡི་ཆོས་སྲིད་བསྟན་པ་ཡིས༔ མ་ཁྱབ་བོད་ཁམས་མུན་རུབ་ཏུ༔ དམ་ཆོས་སྒྲོན་མེ་སྤྲུལ་སྐུས་སྦར༔ ཐུབ་པའི་བསྟན་པ་བོད་ཡུལ་དུ༔ ཨོ་རྒྱན་པདྨ་ཞེས་བྱ་བ༔ ཀུན་ཏུ་བཟང་པོའི་ངོ་བོ་ཉིད༔ རྡོ་རྗེ་འཆང་ཆེན་སྤྲུལ་བའི་སྐུ༔ རིགས་ལྔའི་སངས་རྒྱས་འདུས་པའི་དཔལ༔ རིགས་གསུམ་མགོན་པོའི་རང་བཞིན་ཏེ་སྣང་བ་མཐའ་ཡས་སྤྲུལ་པའི་སྐུ༔ ཐུགས་རྗེ་ཆེན་པོ་མངོན་སུམ་ཉིད༔ བདག་ཅག་ཐུབ་པ་དྲུག་གི་སྐུ༔ གཅིག་ཏུ་སྤྲུལ་པའི་སྲས་གཅིག་པོ༔ མ་འོངས་སེམས་ཅད་མགོན་གཅིག་ཡིན༔ སངས་རྒྱས་སྟོང་གི་གདུང་གཅིག་པོ༔ དུས་གསུམ་སངས་རྒྱས་སྤྱི་འདུས་དཔལ༔ བདེ་གཤེགས་ཐམས་ཅད་སྐུ་གསུམ་རྫོགས༔ སངས་རྒྱས་ཀུན་གྱི་རང་བཞིན་ཏེ༔ ལོ་ནི་བཞི་གསུམ་བཅུ་གཉིས་ན༔ དྷ་ན་ཀོ་ཤའི་མཚོ་ལས་

― CMR007_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུངས༔ དེ་དུས་ཐུབ་པའི་བསྟན་པ་དར༔ རྒྱལ་ཚབ་དགའ་རབ་གུང་གཤེགས་ཚེ༔ ཐུགས་མཛོད་མན་ངག་འདི་ལ་གཏོད༔ བསྟན་པའི་བདག་པོ་ཁྱེད་དབང་བསྐུར༔ བོད་ཁམས་ཆོས་ཀྱི་བསྟན་པ་སྐྱོང་༔ གདུག་པ་སྲིན་གྱི་ཁ་གནོན་མཛད༔ ཅེས་ཐུབ་པ་ཆེན་པོས་ལུང་བསྟན་ཏོ༔ འཇམ་དཔལ་རྩ་རྒྱུད་ཤིན་ཏུ་རྒྱས་པ་ལས། ང་ནི་མི་གནས་འདས་འོག་ཏུ༔ ལོ་ནི་བཞི་གཉིས་ལོན་པ་ན༔ སྔོན་གྱི་ལས་ཀྱིས་རབ་བསྐུལ་ནས༔ ཨོ་རྒྱན་ཡུལ་དང་སིང་ག་ལར༔ མངལ་སྐྱེས་སྤང་བའི་རྫུས་སྐྱེས་གཉིས༔ པདྨ་འབྱུང་གནས་རྫུ་འཕྲུལ་ལྡན༔ འཕགས་པ་ལྷ་ཡིས་རྒོལ་ངན་འཇོམས༔ བཀའ་སྲོལ་དག་ལ་མཁས་པ་འབྱུང་༔ ཞེས་གསུངས་པ་དང་༔ འཇམ་དཔལ་སྐྱ་འཕྲུལ་དྲྭ་བ་ལས་ཀྱང་༔ དཔལ་ལྡན་སངས་རྒྱས་པདྨ་སྐྱེས༔ ཀུན་མཁྱེན་ཡེ་ཤེས་མཛོད་འཛིན་པ༔ རྒྱལ་པོ་སྒྱུ་འཕྲུལ་སྣ་ཚོགས་འཆང་༔ ཆེ་བའི་སངས་རྒྱས་རིག་སྔགས་རྒྱལ༔ ཞེས་དང་༔ གཞན་ཡང་སངས་རྒྱས་ཐོད་པ་ཞེས་བྱ་བའི་རྒྱུད་ཆེན་པོ་བཞུགས་པ་ནི༔ ཨོ་རྒྱན་གྱི་རྒྱུད་ཡིན་ཏེ༔ སངས་རྒྱས་ཐོད་པ་དང་༔ པདྨ་ཐོད་ཕྲེང་རྩལ༔ ཐོད་

― CMR007_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྩལ་ཆེན་དང་༔ རིག་འཛིན་ཐོད་རྩལ་རྣམས་དོན་གཅིག་སྟེ༔ ཨོ་རྒྱན་གྱི་གསང་མཚན་ཡིན་པར་དགོངས་འདུས་ནས་གསུངས་སོ༔ གཞན་ཡང་སྒྲོན་མ་རལ་པ་གྱེན་བརྗེས་ཅན་གྱི་རྒྱུད་གླེགས་བམ་ཤིན་ཏུ་ཆེ་བ་ལས༔ པདྨ་དཀར་པོས་བརྒྱན་པ་ལ་སོགས་པ་རིག་འཛིན་གྱི་རྒྱལ་པོ་བཅོ་བརྒྱད་འཁོར་སྟོང་ཕྲག་བཅོ་བརྒྱད་མཐུ་ཆེན་དང་ལྡན་ཞིང་བུད་མེད་རྣམས་དང་ལྷན་ཅིག་ཏུ་བརྩེ་བར་བྱེད་པ༔ ཞེས་དང་༔ དེའི་སྙིང་པོ་ནི༔ ཨོ་པདྨ་བཛྲ་ཧཱུྃ༔ ཞེས་གསུངས་པ་ཡང་ཨོ་རྒྱན་ཉིད་ཡིན་ནོ༔ དེ་དག་ནི་རྒྱུད་ཀྱི་ལུང་ཡིན་ལ། མདོ་ཡི་ལུང་ནི༔ དབུས་འགྱུར་ཚལ་ལུང་བསྟན་པའི་མདོ་ལས༔ ང་ནི་མྱ་ངན་འདས་འོག་ཏུ༔ ལོ་ནི་བཞི་གསུམ་ལོན་པའི་ཚེ༔ ཨོ་རྒྱན་ཡུལ་གྱི་ནུབ་བྱང་མཚམས༔ དྲི་མེད་ཀོ་ཤའི་མཚོ་གླིང་དུ༔ ཀུན་བས་ལྷག་པའི་སྐྱེས་བུ་འབྱོན༔ ཁྱེད་རྣམས་མྱ་ངན་མོ་བྱེད་དང་༔ སྨན་མཆོག་ནང་ནས་རྣམ་རྒྱལ་ལྟར༔ མཐའ་ཡས་དབང་པོ་པདྨ་འབྱུང་༔ ཁྱེད་རྣམས་མྱ་ངན་མ་བྱེད་ཅིག༔ སྐར་ཚོགས་ནང་ནས་ཉི་ཟླ་ལྟར༔ མཐའ་ཡས་དབང་པོ་པདྨ་འབྱུང་༔ ཁྱེད་རྣམས་མྱ་ངན་ཅི་ཕྱིར་བྱེད༔ ནོར་བུའི་ནང་ནས་ཡིད་བཞིན་ལྟར༔

― CMR007_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཡས་དབང་པོ་པདྨ་འབྱུང་༔ འཇིག་རྟེན་མུན་པ་དེས་སེལ་འགྱུར༔ ཡང་མྱ་ངན་འདས་མདོ་ཤིན་ཏུ་རྒྱས་པ་ལས༔ ཉེ་གནས་ཀ་ཏ་ཡ་ན་དང་༔ ཙུན་དང་༔ མ་འགགས་པ་དང་༔ ཀུན་དགའ་བོ་རྣམས་ལ་བཀའ་སྩལ་པ༔ ང་ནི་ཡོངས་སུ་མྱ་ངན་ལས་འདའོ༔ ཁྱེད་རྣམས་མྱ་ངན་མ་བྱེད་ཅིག མདངས་ལྡན་དྲི་མེད་མཚོ་གླིང་དུ༔ ང་བས་ལྷག་པའི་སྐྱེས་བུ་འབྱུང་༔ ཁྱེད་རྣམས་ངུ་བར་མ་བྱེད་ཅིག ཅེས་དང་༔ དུས་འཁོར་དང་འཇམ་དཔལ་རྩ་རྒྱུད་སོགས་ལས༔ པདྨའི་མྱུ་གུ་ཞེས་སོགས་གསུངས་པ་ཡང་ཨོ་རྒྱན་ཉིད་དོ༔ དེ་ལྟར་ལུང་བསྟན་པའི་སྤྲུལ་སྐུ་དེའི་རྣམ་ཐར་ནི་མཐའ་ཡས་ལ༔ དེ་དག་གི་དོན་བསྡུས་ན༔ དྷ་ན་ཀོ་ཤའི་མཚོ་གླིང་དུ་མེ་ཏོག་པདྨ་ལས་འཁྲུངས་པས༔ མཚན་པདྨ་འབྱུང་གནས་དང་༔ མཚོ་སྐྱེས་རྡོ་རྗེར་གྲགས༔ ཨོ་རྒྱན་ཡུལ་དུ་རྒྱལ་སྲིད་སྐྱོང་བས༔ རྒྱལ་པོ་ཐོར་ཅོག་ཅན་དང་པདྨ་རྒྱལ་པོར་གྲགས༔ བསིལ་བ་ཚལ་དུ་བརྟུལ་ཞུགས་ཀྱི་སྤྱོད་པས་བདུད་དམག་བྱེ་བ་ཁྲག་ཁྲིག་བཏུལ་ཞིང་བཀའ་སྲུང་ཐམས་ཅད་དམ་ལ་བཏགས་པས༔ ནཱ་ག་ཀླུ་འདུལ་དང་ཤནྟ་རཀྵི་ཏར་གྲགས༔ རིག་པའི་

― CMR007_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ལྔ་ལ་མཁས་པས་པཎྜི་ཏ་ཡན་ལག་མེད་པའི་རྡོ་རྗེ་དང་པདྨ་སཾ་བྷ་བར་གྲགས༔ སྟག་བཅིབས་ནས་ནམ་མཁའ་ལ་བྱོན་པ་དང་༔ ཉི་ཟླ་བརྟོད་ལ་མནན་པ་སོགས་རྫུ་འཕྲུལ་དུ་མ་མཛད་པས་གྲུབ་ཆེན་པདྨ་བཛྲ་དུ་གྲགས༔ རྒྱ་ནག་ལི་ཡུལ་ཞང་ཞུང་སོགས་སུ་ལོ་སུམ་སྟོང་འགྲོ་དོན་མཛད་རྗེས༔ བོད་དུ་ཕེབས་ནས་ལོ་བརྒྱ་དང་བཅུ་གཅིག་བཞུགས་ནས་བསྟན་པ་དར་རྒྱས་སུ་མཛད་ནས༔ དེ་ནས་ལྷོ་ནུབ་རྔ་ཡབ་གླིང་དུ་སྲིན་པོའི་ཁ་གནོན་དུ་བྱོན་པ་ཡིན་ནོ༔ གྲུབ་ཆེན་བརྒྱད་ཅུའི་བསྟོད་པའི་རྒྱ་གཞུང་ལས༔ དགེ་སློང་ལུས་ཀྱི་ཕྱག་རྒྱ་བརྟེན༔ ལྷོ་ནུབ་སྲིན་པོའི་ཁ་གནོན་མཛད༔ པྲ་ཝཱ་ཀ་ར་ཞེས་བྱ་བའི༔ བླ་མ་དེ་ལ་ཕྱག་འཚལ་ལོ༔ ཞེས་གསུངས་ཏེ༔ རྒྱ་གར་སྐད་དུ༔ པྲ་ཝཱ་ཀ་ར༔ བོད་སྐད་དུ༔ པདྨ་འབྱུང་གནས་ཡིན་ནོ༔ གུ་རུ་ཉིད་ཀྱི་གསུང་རཏྣའི་གཏེར་ཁ་ནས་བྱུང་བ་རྣམས་ཀྱི་དོན་བཤད་ན༔ སྨོན་ལམ་ཀུན་རྫོབ་གདུལ་བྱའི་ངོར༔ སྲིན་ཡུལ་བཞུགས་པ་བདེན་མོད་ཀྱི༔ ཐུགས་རྗེའི་བྱིན་རླབས་རྒྱུན་ཆད་མེད༔ སུ་མོས་རྩ་ན་ང་ཉིད་འདུག དེ་བས་མང་དུ་ཅི་བཤད་ཀྱང་༔ ཚིག་གི་སྦྱིན་རོ་ཡིན་མོད་ཀྱི༔ དོན་གྱི་བློ་སྙིང་ང་ལ་ཁོལ༔ ཆེ་

― CMR007_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

རེག་ཆེ་དང་ཆུང་རེག་ཆུང་༔ རང་གི་མོས་གུས་དང་བསྟུན་པའི༔ བྱིན་རླབས་འཇུག་པར་ཐེ་ཚོམ་མེད༔ ཨེ་མ༔ བདག་འདྲ་རིག་འཛིན་པདྨ་འབྱུང་གནས་ཀྱིས༔ ཐུགས་བཅུད་ཟབ་མོ་གཏེར་ཁ་ཇི་སྙེད་སྦས༔ ཐུགས་སྒྲུབ་བརྒྱ་དང་རྩ་བརྒྱད་སྦས་མོད་ཀྱང་༔ ཀུན་གྱི་བཅུད་བསྡུས་ཡང་སྙིང་འདི་ཁོ་ན༔ བོད་ཡུལ་ས་འོག་ཀུན་གྱི་གཏེར་གཅིག་མ༔ པདྨ་ང་ཡི་ཐུགས་བཅུད་མིན་རེ་ཀན༔ ཞེས་དང་༔ བདག་འདྲ་པདྨ་འབྱུང་གནས་ཀྱིས༔ གཏེར་ཁ་བྱེ་བ་ལ་སོགས་སྦས༔ བཅུད་ནས་བཅུད་ཀྱི་སྙིང་པོར་དྲིལ༔ ཐུགས་སྒྲུབ་ཡང་སྙིང་འདུས་པ་འདི༔ ས་འོག་ཀུན་གྱི་གཏེར་གཅིག་མ༔ འདི་ཉིད་ཁོ་ན་མིན་རེ་ཀན༔ ཞེས་གསུངས་སོ༔ ཐུགས་སྒྲུབ་རྒྱ་ཐེམ་ལས༔ ཡང་གསང་སྙིང་པོ་འདི་ལ་སུས་སྤྱོད་པ༔ དངོས་གྲུབ་དུས་ལ་འདའ་བར་མི་སྲིད་ཀྱི༔ འདི་ཉིད་བྲི་འཆང་གུས་པས་མཆོད་པ་དང་༔ ལན་གཅིག་ཙམ་ཞིག་བཀའ་ཤོག་མཐོང་ན་ཡང་༔ པདྨ་ང་ཡི་སྨོན་ལམ་མཐུ་བཙན་པས༔ ངན་སོང་གནས་ནས་སྐྱེ་སྒོ་ངེས་པར་གཅོད༔ དབང་ཐོབ་ཙམ་ཡང་ང་ཡི་དྲུང་དུ་སྐྱེ༔ ཉམས་སུ་ལེན་རྣམས་ཚེ་གཅིག་སངས་རྒྱས་ཡིན༔ དེ་

― CMR007_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་འདི་དང་སུ་འཕྲད་སྐལ་བ་བཟང་༔ ཚུལ་བཞིན་སྤྱོད་པས་རང་གཞན་བདེ་ལ་བཀོད༔ མི་ལུས་དོན་ལྡན་ཡིན་ནོ་རིགས་ཀྱི་བུ༔ འདི་ཡི་རྗེས་འཇུག་སུ་དང་སུས་བསྒྲུབ་ཀྱང་༔ རྔ་ཡབ་གནས་ནས་རྔ་ཡབ་པདྨ་ཡིས༔ རྒྱུན་ཆད་མེད་པར་ཐུགས་རྗེས་མི་འཛིན་རེ༔ ཐེ་ཚོམ་མེད་པར་དམ་ཚིག་གཙང་བར་གཅེས༔ གསོལ་བ་ཐོབ་གཅིག་རྗེས་འཇུག་རིགས་ལྡན་རྣམས༔ བུ་ལ་གདུང་བའི་མ་ལྟར་བདག་གི་སྐྱབས༔ ཉམས་དང་རྨི་ལམ་དངོས་ཀྱི་ཚུལ་དུ་ཡང་༔ ཚུལ་བཞིན་བསྒྲུབས་ན་སྒྲུབ་པའི་བུ་དང་མཇལ༔ ངོ་སྤྱོད་དབང་བསྐུར་ཆོས་བཤད་ལུང་ཡང་སྟོན༔ བསླུས་ན་པད་འབྱུང་ཞན་ནོ་རྗེས་འཇུག་རྣམས༔ ཞེས་དང་༔ ཨེ་མ་ཧོ༔ བདག་འདྲ་པདྨ་འབྱུང་གནས་ང་༔ རང་གི་སྒྲུབ་པ་རང་གིས་བརྩམས༔ སུ་འཕྲད་བདེ་ཆེན་ཞིང་དུ་སྦྱོར༔ ཀུན་གྱི་བཅུད་བསྡུས་ཡང་གཏེར་འདི༔ གཉལ་སྨད་དགེ་རིའི་བྲག་ལ་སྦས༔ ཞེས་གསུངས་ནས་གཏེར་དུ་སྦས་པ༔ རྗེ་འབངས་ལང་གྲོ་དཀོན་མཆོག་འབྱུང་གནས་ཀྱི་སྐྱེ་བ༔ གཏེར་སྟོན་རཏྣ་གླིང་པས་གཏེར་ནས་བཏོན༔ གཏེར་འགའ་ཞིག་ཁྲོམ་གཏེར་མཛད་པས་ཐམས་ཅད་ཡིད་ཆེས༔ ཀརྨ་པ་

― CMR007_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་གྲགས་རྒྱ་མཚོ༔ འབྲུག་པ་རྒྱལ་དབང་ཆོས་རྗེ༔ སྣེལ་གདོང་གོང་མ་ཆེན་པོ་ལ་སོགས་པ༔ དེ་དུས་མཁས་གྲུབ་རྒྱལ་པོ་མི་ཆེན་ཀུན་གྱིས༔ གཏེར་ཆོས་ཀྱི་དབང་ལུང་ཞུས་པས༔ ཐམས་ཅད་ཐེ་ཚོམ་ཆོད༔ རཏྣ་གླིང་པ་ལ་རྟེན་འབྲེལ་མི་འགྲིགས་པ་དང་བར་ཆད་གཅིག་ཀྱང་མ་བྱུང་བས༔ གཏེར་ཆོས་བཀྲ་ཤིས༔ སློབ་མ་ལས་ཀྱང་ཡང་སློབ་རྗེས་སློབ་ཀྱི་དུས་སུ་བསྟན་པ་མཐའ་རྒྱས་སུ་འགྲོ༔ ཞེས་ལུང་བསྟན་པས༔ བསྟན་པ་རྒྱུན་རིང་ཞིང་བྱིན་རླབས་ཀྱི་བཀའ་མི་ཡལ་བ་ཡིན་ནོ༔ རྩ་རྒྱུད་མན་ངག་གི་ཏན་ཏྲ་ལས༔ བཛྲ་གུ་རུ་གསུངས་ནས༔ བླ་མ་གསང་བ་འདུས་པའི་སྔགས༔ སྟོང་ཕྲག་བཟླས་པས་བྱིན་རླབས་འབྱུང་༔ ཞེས་དང་༔ པདྨ་བཀའ་ཐང་ལས༔ འདི་རིགས་དྲུག་འདུལ་བའི་གུ་རུ་དྲུག་གི་སྙིང་པོ་ཡིན་པས༔ རིགས་དྲུག་གི་སྡུག་བསྔལ་ཞི་ཞིང་སྒྲིབ་པ་སྦྱང་ཚུལ་རྒྱ་ཆེར་གསུངས༔ རྩ་རྒྱུད་མན་ངག་གི་ཏན་ཏྲ་ལས༔ སྒྲུབ་སྔགས་ཐོད་ཕྲེང་རྩལ་གསུངས་ནས༔ བཟླས་པས་མཆོག་ཐུན་དངོས་གྲུབ་ཐོབ༔ འབྱུང་པོ་དྲེགས་པ་རྒྱལ་ཞིང་འབྲོས༔ ལྷ་སྲིན་སྡེ་བརྒྱད་བྲན་དུ་འཁོལ༔ མཁའ་འགྲོ་ཆོས་སྐྱོང་སྤྲིན་ལྟར་

― CMR007_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

འདུ༔ ཞེས་དང་༔ བླ་མ་གསང་བ་འདུས་པའི་རྩ་གཞུང་ལས༔ དེ་བཟླས་སྣང་སྲིད་གཡོབར་འགྱུར༔ དུས་གསུམ་རྒྱལ་བ་གཅིག་ཏུ་སྡུད༔ བླ་མ་ཀུན་དང་འདུ་འབྲལ་མེད་འབྱུང་པོ་དྲེགས་པ་བརྒྱལ་ཞིང་འབྲོས༔ མཁའ་འགྲོ་ཆོས་སྐྱོང་སྤྲིན་ལྟར་འདུ༔ ཞེས་དང་གཞུང་དེ་ཉིད་ལས༔ ཤམ་བུའི་སྔགས་དེ་བཏགས་གྱུར་ན༔ དཔའ་བོ་ཕོ་ཚོགས་མོ་ཚོགས་རྣམས༔ རང་དབང་མེད་པར་མདུན་དུ་བྱོན༔ ལུང་སྟོན་ཆོས་འཆད་ལེགས་ཉེས་སྨྲ༔ བསྟོད་ཅིང་གསོལ་འདེབས་བསྒོ་བ་ཉན༔ ལྷ་འདྲེ་མི་གསུམ་དབང་དུ་སྡུད༔ བསམ་པ་ཀུན་འགྲུབ་ཐེ་ཚོམ་མེད༔ རྟེན་འབྲེལ་ལས་ཚོགས་ཀུན་འགྲུབ་འགྱུར༔ ཞེས་དང་༔ དེ་ལྟར་བསྙེན་སྒྲུབ་ལས་གསུམ་ལ་འབད་པའི་རྟགས་དང་ཡོན་ཏན་ནི༔ གཞུང་དེ་ཉིད་ལས་བདག་ལུས་བདེ་བའི་དངོས་གྲུབ་འབྱུང་༔ ལུས་ཀྱི་རྫུ་འཕྲུལ་སྟོན་པར་ནུས༔ ཌཱཀྐི་དབང་དུ་འདུས་པའི་རྟགས༔ བུད་མེད་རིགས་གྱུར་ཀུན་ཀྱང་འདུ༔ དཔའ་བོ་དབང་དུ་འདུས་པའི་རྟོགས༔ སྔགས་བཙུན་སྐྱེ་བོ་ཀུན་ཀྱང་འདུ༔ དཔའ་བོ་དཔའ་མོ་དབང་འདུས་བས༔ རབ་དངོས་འབྲིང་ཉམས་ཐ་མ་ཡང་༔ རྨི་ལམ་ཙམ་དུ་མཁའ་འགྲོ་

― CMR007_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས༔ ལུང་སྟོན་ཆོས་འཆད་ལེགས་ཉེས་སྨྲ༔ ལྷ་འདྲེ་མི་གསུམ་དབང་དུ་འདུ༔ རིགས་གང་དབང་དུ་འདུས་པའི་སར༔ གདུལ་བྱ་རྒྱ་མཚོ་མ་ལུས་འབྱུང་༔ ངག་ལ་ནུས་པ་ཐོགས་མེད་འབྱུང༔ མ་བསླབ་ཆོས་སྒོ་སྨྲ་བར་ནུས༔ དམོད་པ་བཙན་ཞིང་སྨོན་ལམ་འགྲུབ༔ ཉིད་ལ་དག་སྣང་དཔག་མེད་འཆར༔ བླ་མ་ཌཀིའི་གནས་ཆེན་མཐོང་༔ མངོན་ཤེས་ཕྲ་མོ་མང་པོ་འབྱུང་༔ ཁྱད་པར་རྟག་ཏུ་བླ་མ་ཡི༔ དག་སྣང་དཔག་མེད་འཆར་བ་དང་༔ ཆོས་སྒོ་དཔག་མེད་གསུངས་པ་དང་༔ སྣང་བ་ཐམས་ཅད་བླ་མར་འཆར༔ སྣང་སྲིད་ཀུན་གྱི་ཆོས་རྣམས་སྟོན༔ དངོས་སུ་བསམ་པ་ཡིད་བཞིན་འགྲུབ༔ ཅེས་གསུངས་སོ༔ འཆི་དུས་རྟགས་འབྱུང་ཚུལ་ཡང་༔ པད་སྡོང་བརྩེགས་པའི་རྒྱུད་ལས༔ གདོས་བཅས་ཉིད་དང་བྲལ་བའི་ཚེ༔ རྡུལ་བྲལ་མཁའ་དང་འོད་ཟེར་འཇའ༔ ཡིག་འབྲུ་སྐུ་གདུང་རིང་བསྲེལ་སོགས༔ སྐུ་གསུམ་ཐོབ་རྟགས་མང་འབྱུང་འགྱུར༔ འབད་པ་དོན་ཡོད་གཅིག་ཆོག་ཉིད༔ འདི་ནི་དུས་གསུམ་རྒྱལ་བའི་བཀའ༔ ལ་ལའི་རྣ་བའི་དབང་པོ་རུ༔ ལན་གཅིག་ཐོས་ཀྱང་དོན་ཆེན་འགྲུབ༔ ཅེས་གསུངས་པ་དང་༔

― CMR007_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཕུང་པོ་ལྷག་མེད་ཚེ་འདིར་སངས་རྒྱ༔ འབྲིང་འཆི་བ་ཆོས་སྐུར་སངས་རྒྱ༔ ཐ་མ་ཡང་བར་དོར་འཚང་རྒྱ༔ སྤྲུལ་པ་ཡང་སྤྲུལ་དཔག་ཏུ་མེད་པས༔ སྟོང་སྤྱི་ཕུད་ཀྱི་འཇིག་རྟེན་ཁྱབ་པར༔ སེམས་ཅན་གྱི་འགྲོ་དོན་བྱེད་པར་བཤད་དེ༔ སྐུ་རྒྱུད་ཤེལ་གྱི་རི་བོ་ལས༔ གཞིར་སྣང་དག་པ་ཆོས་ཀྱི་དབྱིངས༔ ལྷག་མེད་ཉིད་དུ་མྱ་ངན་འདས༔ སྒྲ་དང་འོད་དུ་བཅས་ནས་ཀྱང་༔ སྐུ་གསུམ་ཞིང་དུ་མངོན་བྱུང་བ༔ འདུལ་བྱ་རྣམས་ལ་ལྷག་པར་བཅས༔ སྐུ་གདུང་རིང་བསྲེལ་བཞག་ནས་ཀྱང་༔ གཞན་ཕན་ཐབས་ཀྱིས་འགྲོ་བ་རྣམས༔ རིམ་གྱིས་འདྲེན་པར་དེས་བྱེད་དོ༔ ཡང་ཐ་བར་དོ་ཉིད་དུ་ཡང་༔ རང་སྣང་ཡེ་ཤེས་ལྷ་དང་འཕྲད༔ རང་ངོ་ཤེས་ན་རྣམ་པར་གྲོལ༔ དེ་ཡང་རྒྱུ་འབྲས་དེ་ཡི་ཡིན། སྤྲུལ་པ་ལས་ཀྱང་སྤྲུལ་པའི་སྐུ༔ སྐུ་དང་མཚན་དཔེས་རབ་སྨྲས་ཤིང་༔ ལས་དག་ཞིང་ལ་རབ་སྣང་པས༔ བྱང་ཆུབ་མངོན་དུ་དེ་འགྱུར་ཞིང་༔ དེ་སོང་ས་དང་ཡང་དག་ལྡན༔ སྤྱི་ཕུད་ཉིད་དུ་སྣང་བར་བྱེད༔ འདི་ཕྱིའི་དོན་ལ་ཡིད་བཞིན་གྱི་ནོར་བུ་ལྟ་བུའི་དབང་ཞུ་བའི་ཕྱིར་མཎྜལ་ཕུལ༔ ཞེས་པ་དབོན་པོ་བླ་མ་རྒྱལ་མཚན་གྱིས་བསྐུལ་ནས༔ གཡང་ཆེན་ལུག་གི་

― CMR007_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

པོ༔ སྒྲ་རྒྱལ་བ་འབྲུག་གི་ཟླ་བ༔ འབྲུག་གི་ཉི་མའི་སྔ་དྲོ་ལ༔ མངྒ་ལཾ༔ ༧ རཱ་ག་ཨ་སྱས་བསྒྲིགས་པའི་ཡི་གེ་པ་པདྨ་ཐབས་མཁས་སོ༔ འདི་ལ་ཉེས་འགལ་མཆིས་ན་ལྷ་ལ་བཤགས་ཤིང་༔ དགེ་བས་གསང་སྔགས་བསྟན་པ་ཕྱོགས་བཅུར་ཁྱབ་ཅིང་རྒྱས་པར་གྱུར་ཅིག༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་ཡང་སྙིང་འདུས་པའི་ལས་བྱང་མང་ཉུང་གཉིས་ཉམས་སུ་ལེན་པའི་ཟིན་བྲིས་མདོར་བསྡུས།

― CMR007_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་སྒྲུབ་ཡང་སྙིང་འདུས་པའི་ལས་བྱང་མང་ཉུང་གཉིས་ཉམས་སུ་ལེན་པའི་ཟིན་བྲིས་མདོར་བསྡུས་བཞུགས་སོ༔

― CMR007_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དྷ་ཀི་ནི་ཡེ༔ རྩ་བ་གསུམ་ལ་གུས་པས་ཕྱག་འཚལ་ལོ༔ གུ་རུའི་ཐུགས་བཅུད་ས་འོག་གཏེར་གཅིག་མ༔ ལུང་ཐོབ་ཙམ་གྱིས་གནས་ངན་སྐྱེ་བ་གཅོད༔ ཉམས་སུ་ལེན་རྣམས་ཚེ་གཅིག་སངས་རྒྱས་གསུངས༔ དེ་ཕྱིར་ཐུགས་སྒྲུབ་ཟིན་བྲིས་ཅུང་ཟད་བྲི༔ ཆོས་བདག་སྲུང་མས་བཀའ་ཡི་གནང་བ་སྩོལ༔ ཤེས་རབ་འབྱོར་བ་འཁོར་གཡོག་འཛོམ་པ་ན༔ སྒྲུབ་ཆེན་བྱས་ན་ཨོ་རྒྱན་དགོངས་པ་རྫོགས༔ ཤེས་རབ་ལྡན་པས་རང་དོན་ཉམས་ལེན་ནི༔ སྐུ་གསུམ་སྒྲུབ་པ་ལས་ལྷག་ཡོད་མ་ཡིན༔ ཤེས་རབ་དམན་དང་སྒྲུབ་ཆས་མི་འཛོམ་རྣམས༔ ཀུན་དྲིལ་ཡིད་བཞིན་ནོར་

― CMR007_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་བསྒྲུབས་པས་འཐུས༔ སྤྲོས་བཅས་མི་འདོད་སྒྲུབ་པ་འདོད་པ་ལ༔ འབྲུ་གསུམ་སྒྲུབ་པ་རིགས་གཉིས་གང་རུང་བྱ༔ དེ་དག་ཀུན་གྱི་གེགས་སེལ་ངར་འདོན་ནི༔ གུ་རུ་དྲག་མཐིང་ཧཱུཾ་སྒྲུབ་ཞོར་ལ་འབྱུང་༔ རྗེས་འཛོམ་ནུས་པར་ལྡན་པའི་གང་ཟག་གིས༔ ལྷ་མཉེས་རང་གཞན་ཀུན་ལ་ཕན་པའི་ཕྱིར༔ བདུད་རྩི་སྨན་གྱི་སྒྲུབ་པ་གཞུང་བཞིན་བྱ༔ དམ་ཚིག་ཉམས་ཆག་སྐྱོན་གྱིས་གོས་པ་ན༔ ཡང་དག་ཐུགས་ཀྱི་སྒྲུབ་པ་བྱས་པས་སེལ༔ དུས་མིན་ཚེ་ཡི་བར་ཆད་འབྱུང་དོགས་ན༔ ཚེ་སྒྲུབ་གསང་བ་བཀའ་རྒྱའི་སྒོམ་བཟླས་བྱ༔ རྫོགས་རིམ་གྲོལ་ལམ་ཉམས་སུ་ལེན་པ་

― CMR007_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ལ༔ སྔོན་འགྲོ་ཆོས་སྤྱོད་ལམ་རིམ་ཆེན་མོ་དང་༔ དངོས་གཞི་གསང་ཁྲིད་རིགས་ལྔ་ཉམས་སུ་ལོངས༔ གཏུམ་མོ་བསྒོམ་སྟེ་འཁྲུལ་འཁོར་ཉེར་ལྔ་བྱ༔ རབ་བྱུང་བསྙེན་རྫོགས་ལ་སོགས་མ་ཞུས་ཤིང་༔ གཏུམ་མོ་རྩ་རླུང་ནུས་པ་ཐོན་པ་ན༔ ཕྱག་རྒྱ་བརྟེན་ཐབས་བཞིན་དུ་མུ་དྲ་བཙལ༔ ཟུང་འཇུག་གསང་བའི་ཐེམ་སྐས་ཆགས་ལམ་སྦྱང་༔ ལུས་སྟོབས་རྒྱས་ཤིང་ཐིག་ལེ་འཕེལ་བའི་ཕྱིར༔ རྟག་ངུ་ལ་སོགས་བཅུད་ལེན་སྐོར་རྣམས་བྱ་ལོ་མང་ལུས་རྒུད་འཆི་ལ་ཉེ་བ་ན༔ ཚེ་ལམ་ལྡན་པའི་དྷ་ཀི་མཚན་ལྡན་བཙལ༔ གསང་བ་བཀའ་རྒྱ་མ་ལྟར་ལུས་སྟོབས་བསྐྱེད༔ དེ་དག་གེགས་དང་གོལ་ས་བྱུང་བ་ན༔ གེགས་སེལ་བཀའ་རྒྱ་མ་ལྟར་གེགས་སེལ་བྱ༔ ལྟ་སྒོམ་སྤྱོད་གསུམ་སྤྱི་ཡི་རྣམ་བཞག་རྣམས༔ ལང་གྲོའི་ཞུས་ལན་ལྟར་དུ་ཉམས་སུ་བླངས༔ ཁྱད་པར་རཏྟའི་སྙན་བརྒྱུད་སྙིང་ལ་འཆང་༔ བསྐང་གསོ་གླིང་བཞི་སྲིད་པའི་སྤྱི་མདོས་དང་༔ མཁའ་འགྲོའི་གཏོར་ཟློག་སུན་ཟློག་ལ་སོགས་པ༔ རང་གཞན་དོན་དུ་སྐབས་དང་སྦྱར་བར་བྱ༔ རབ་གནས་བདུན་ཚིགས་སྦྱིན་སྲེག་དེ་དང་འདྲ༔ ཞི་རྒྱས་རླུང་འཁོར་སཱཙྪ་ལ་སོགས་པ༔ རང་གཞན་དོན་དུ་གང་འགྱུར་བྱ་བ་ཡིན༔ འབྱོར་

― CMR007_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལོངས་སྤྱོད་སྤེལ་བར་འདོད་པ་རྣམས༔ ཡེ་ཤེས་གྲགས་དང་ཐོད་སྒྲུབ་ཉམས་སུ་བླངས༔ བྱད་ཁ་དྲོད་གཏོང་ལ་སོགས་གནོད་པ་ན༔ མཁའ་འགྲོའི་ཡང་ཟློག་ཟ་ཡིག་བཏགས་དང་ཟ༔ གཞན་ཡང་བར་ཆད་རྐྱེན་སོགས་གང་ཟློག་ཀྱང་༔ མཁའ་འགྲོའི་གཏོར་ཟློག་ཁ་སྦྱོར་བདུན་མ་གཉིས༔ མ་བུ་སྤྱོད་ཤེས་གནམ་ལྕགས་ཐོག་དང་འདྲ། བསྙེན་སྒྲུབ་རྟགས་ཐོན་རྫས་རྣམས་འཛོམས་པ་ན༔ ལས་ཚོགས་བཅོ་ལྔ་གང་སྒྲུབ་འགྲུབ་མོད་ཀྱི༔ ནུས་པར་མི་ལྡན་རྫས་རྣམས་མི་ཚང་དང་༔ ཕྱག་ལེན་མི་ཤེས་རང་མགོ་རང་སྐོར་ཡིན༔ དྲག་པོའི་རླུང་འཁོར་འགོང་ཆོག་ལ་སོགས་པ༔ རང་ཉིད་དམྱལ་བར་ལྟུང་ཕྱིར་ལག་མི་བླང་༔ འོན་ཀྱང་ཚེ་གཅིག་ཐུགས་སྒྲུབ་ཉམས་བླངས་ཤིང་༔ རྒྱུན་དུ་མ་ནིང་གསོལ་མཆོད་རེམ་པ་ན༔ མ་བསྐུལ་པ་ཡང་བརྣག་པའི་དགྲ་བགེགས་བསྒྲལ༔ རང་ལ་མི་སྒྲིབ་དགྲ་ཡང་བསྒྲལ་བར་འགྱུར༔ སློབ་མ་ལ་སོགས་རྗེས་སུ་འཛིན་པ་ན༔ དབང་བསྐུར་རྒྱས་བསྡུས་གསུམ་པོ་སྐབས་དང་བསྟུན༔ བསྡུས་པ་གཏོར་དབང་མཛད་ཆོས་རྐྱང་པ་ནི༔ སྒྲུབ་པ་བྱེད་མཁན་ཡིན་ན་གོ་མི་ཀེག༔ རྫོགས་རིམ་སྐོར་རྣམས་ཉམས་སུ་ལེན་པ་ལ༔ མཆོག་

― CMR007_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་སྐོར་གསུམ་བསྐུར་བ་གལ་ཆེའོ༔ ཚེ་སྒྲུབ་རྡོར་ཕྲེང་དཔལ་མགོན་མ་ནིང་གཉིས༔ པོད་ཆུང་གུད་དུ་སོ་སོར་ཡོད་མོད་ཀྱང་༔ ཐུགས་སྒྲུབ་ཆ་ལག་ཡིན་པ་ཤེས་པར་བྱ༔ ཀུན་དྲིལ་ཡིད་བཞིན་ནོར་བུའི་སྒྲུབ་པ་དང་༔ སྙན་བརྒྱུད་ཡིད་བཞིན་ནོར་བུ་གཉིས་པོ་ནི༔ ཞི་དྲག་ཐུན་མོང་ཡིན་པ་ཤེས་པར་བྱ༔ མཁའ་རིའི་སྒྲུབ་པ་ནོར་སྒྲུབ་བཅས་པ་ནི༔ ཐུགས་སྒྲུབ་ཐུགས་རྗེ་ཆེན་པོའི་ཐུན་མོང་ཡིན༔ ཞིང་སྐྱོང་སེང་གདོང་སྒྲུབ་པའི་སྐོར་རྣམས་ཀྱང་༔ སྐུ་གསུམ་སྒྲུབ་པའི་སྒེར་གྱི་སྲུང་མ་ཡིན༔ སྒྲུབ་ཆེན་མང་པོ་འཚོགས་ནས་སྔགས་རྒྱུན་བྱེད༔ དེ་ཚེ་ཚོམ་བུ་འབུམ་སྒྲུབ་ཅེས་བྱའོ༔ གང་ཟག་གཅིག་གིས་སྒྲུབ་པ་བྱེད་པ་ན༔ སྔགས་རྒྱུན་མེད་ཀྱང་དཔའ་བོ་གཅིག་སྒྲུབ་ཟེར༔ སྒྲུབ་ཆེན་སྐུ་གསུམ་སྒྲུབ་པ་གབ་སྤྱད་ལ༔ སྐུ་གསུམ་སྒྲུབ་ཆེན་ལྟར་སྒྲུབ་ཤིན་ཏུ་ཟབ༔ སྒྲུབ་ཆེན་མི་སབ་སྐུ་གསུམ་རང་གཞུང་དང་༔ སྤྲ་ཁྲིད་ལས་བྱང་གསུམ་པོ་གབ་སྤྱད་པ༔ སྐུ་གསུམ་སྒྲུབ་ཁྲིད་ལྟར་དུ་སྒྲུབ་པ་ཡིན༔ ལས་བྱང་མི་དགོས་ཆོས་སྤྱོད་ལམ་རིམ་དང་༔ སྐུ་གསུམ་སྒྲུབ་པའི་དམིགས་རིམ་གབ་སྤྲད་པ༔ སྐུ་གསུམ་ཁྲིད་རིམ་ལྟར་དུ་ཉམས་ལེན་ཡིན༔ དེ་ཡིས་ཐུགས་སྒྲུབ་པོ་ཏིའི་སྤྱི་ཆིང་ཚང་༔ དེ་

― CMR007_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་སྒྲུབ་ཐབས་རྣམ་གྲངས་མང་ན་ཡང་༔ དེང་སང་སྔགས་འཆང་གསར་བུ་ཕལ་ཆེར་གྱིས༔ ཉམས་སུ་མི་ལེན་དཔེ་ཆ་དད་རྟེན་ཙམ༔ ལས་བྱང་བློར་བཟུང་འདོན་མཁན་ཤིན་ཏུ་མང་༔ དེ་ལྟར་ལས་བྱང་ལ་བརྟེན་སྒྲུབ་པའི་ཐབས༔ དེ་ཡང་ཚིག་གི་ན་ཡམ་བཤད་པའི་སྐོར༔ འབྲུ་འགྲེལ་གསལ་ཕྱིར་འདི་རུ་བཤད་མི་དགོས༔ དང་པོ་དབང་ནི་ཐོབ་པ་གལ་ཆེ་སྟེ༔ དབང་མ་ཐོབ་པར་སྒྲུབ་པ་སྔགས་ལོག་ཡིན༔ དགོན་དང་རི་ཁྲོད་ཁང་པ་སྦྲ་གུར་སོགས༔ རང་ཉིད་གང་མོས་གནས་སུ་བསྒྲུབ་བྱ་སྟེ༔ ས་སྟེགས་སྒོ་ཁྲི་མཆོད་གཞི་གང་འཛོམ་སྟེ༔ འཛོམ་ན་དཀྱིལ་ཐང་བཏིང་བར་བྱ་བ་སྟེ༔ མ་འཛོམ་འབྲུ་ཡི་ཚོམ་བུ་ལྷ་གྲངས་བཀོད༔ པད་འབྱུང་རྟ་མགྲིན་བརྩེགས་མར་ཡོད་པ་ལ༔ ཚོམ་བུ་གཞན་ལས་སུམ་ལོག་ཆེ་བ་བྱ༔ དེ་དབུས་ཡོད་ན་བུམ་པ་སྤྱི་ལྟར་བཤམས༔ དེ་ཡི་སྟེང་ངམ་ཡང་ན་མདུན་ཡང་རུང་། སྒྲུབ་གཏོར་རིན་ཆེན་འབར་བ་ལེགས་པར་བཤམ༔ བུམ་པ་མེད་ན་གཏོར་མ་དབུས་དེར་བཤམ༔ ཡོད་ན་ཨོ་རྒྱན་ཞལ་ཐང་སྐུ་འདྲ་སོགས༔ དཀྱིལ་འཁོར་ནུབ་ནས་ཚུར་ལ་ཞལ་གཟིགས་བཤམ༔ མེད་ན་གཏོར་མའི་རྩེ་ལ་ཙཀ་ལི་འཛུགས༔

― CMR007_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་སྐུ་དང་ཐུགས་སྒྲུབ་པོ་ཏིའམ༔ ཐུགས་སྒྲུབ་གཏེར་གཞུང་དཔེ་ཆ་རེ་ཟུང་དང་༔ ཤེལ་དང་རྡོ་རྗེ་རྩེ་ལྔ་ལ་སོགས་པ༔ ཡོད་ན་སྐུ་གསུང་ཐུགས་རྟེན་ཡིན་པས་བཤམས༔ དེ་དག་མེད་ཀྱང་ཐབས་ནི་ཆག་པ་མེད༔ བུམ་པའམ་གཏོར་མའི་གཡས་སུ་བདུད་རྩི་དང་༔ གཡོན་དུ་རིཀ་གཉིས་ནི་བཤམ་པར་བྱ༔ ཕུགས་གཏོར་ལོགས་སུ་གཏོར་སྒམ་བྱས་ཀྱང་རུང་༔ དཀྱིལ་འཁོར་སྟེང་དེར་བཤམ་ན་ལེགས་པ་སྟེ༔ ཤར་དུ་བླ་མ་ལྷོ་རུ་ཡི་དམ་དང་༔ ནུབ་ཏུ་མཁའ་འགྲོ་བྱང་དུ་ཆོས་སྐྱོང་བཤམ༔ མཚམས་བཞིར་ཆོས་སྐྱོང་དང་ནི་ནོར་ལྷ་སོགས༔ ཕུགས་གཏོར་གང་ཡོད་དེ་རུ་བཤམ་པར་བྱ༔ དེ་རྒྱབ་མཆོད་པ་སྣ་བདུན་བསྐོར་བཤམ་བྱ༔ ཤར་དུ་མཆོད་ཡོན་ཤར་ལྷོར་ཞབས་བསིལ་དང་༔ ལྷོ་རུ་མེ་ཏོག་ལྷོ་ནུབ་བདུག་སྤོས་དང་༔ ནུབ་ཏུ་མར་མེ་ནུབ་བྱང་དྲི་ཆབ་དང་༔ བྱང་དུ་ཞལ་ཟས་བྱང་ཤར་ཏིང་ཤག་གམ་མེད་ན་མཚམས་འཛིན་མེ་ཏོག་ནས་བཤམ་མོ༔ སྔོན་འགྲོ་དཀར་བགེགས་ཚོགས་དང་གཏོར་འབུལ་དང་༔ མཐེབ་སྐྱུ་ལ་སོགས་མཆོད་གཏོར་བཟང་དུ་བཤམ༔ དཀྱིལ་འཁོར་བཤམ་པའི་མཆོད་པ་མི་བརྗེ་ཞིང་༔ ཡོན་ཆབ་ལ་སོགས་སྐམ་ན་ཁ་གསོ་བྱ༔ མདུན་དུ་ཉིན་

― CMR007_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་བརྗེ་རྒྱུའི་མཆོད་པ་བཤམ༔ རིན་ཆེན་འབར་བ་དང་པོ་བྲན་པ་ནས༔ གསོ་བྲན་མི་དགོས་སྒྲུབ་རྟེན་ལྷ་བསྐྱེད་ཡིན༔ ཕུགས་གཏོར་རྣམས་ནི་ནམ་འདོད་གསོ་བྲན་བྱ༔ དཀར་བགེགས་དང་པོའི་ཉིན་པར་རྒྱས་པར་བཏང་༔ དེ་ནས་རྒྱུན་དུ་གཏོང་བར་མི་དགོས་སོ༔ ཚོགས་དང་བསྐང་བ་ཆད་མདོ་གཏོར་འབུལ་རྣམས༔ དང་པོ་ནུབ་དང་ཡར་མར་ཚེས་བཅུ་དང་༔ དགུ་གཏོར་གྲོལ་ནུབ་མ་གཏོགས་མི་དགོས་སོ༔ མལ་སྟན་དང་པོ་བཏིང་ནས་བསྒུལ་མི་རུང་༔ ཁའང་ལྷོ་ནུབ་ཨོ་རྒྱན་བཞུགས་ངོས་གྱུ༔ དཀྱིལ་འཁོར་མཆོད་པ་མདུན་ནམ་གཡས་སུ་བཤམ༔ སྒོ་རྩར་ཐོ་བརྩེགས་དེ་ལ་དཀར་གཏོར་འབུལ༔ གནས་བདག་དེ་ལ་བསྔོ་ཞིང་བཅོལ་གཏམ་ནི༔ སྒྲུབ་པ་འདི་ཉིད་མཐའ་རུ་མ་ཐོན་བར༔ བར་ཆད་མ་གཏོང་སྡོང་གྲོགས་གྱིས་ཞེས་བརྗོད༔ རང་ཉིད་ཁྲུས་བྱས་མལ་གོས་སྤོས་ཀྱིས་བདུག༔ མཚམས་གཡོག་གཅིག་ཀྱང་མི་གཏུགས་རྟགས་གསལ་ཏེ༔ མི་གཏུགས་ཀ་མེད་ཡོད་ན་མདུན་དེར་བཞག༔ རྗེས་ནས་གཏུགས་དགོས་ཡོད་ན་ཤོག་བུ་ལ༔ མིང་བྲིས་རྡེའུ་བསྟམ་ལ་མི་དེ་བསམ༔ དེ་ནས་བགེགས་གཏོར་བཏང་ལ་མཚམས་བཅད་དེ༔ སྒྲུབ་ཁང་ཐུན་

― CMR007_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

བྲབ་གུ་གུལ་དུད་པས་བདུག༔ དེ་ནས་སྲུང་བའི་འཁོར་ལོ་དྲག་ཏུ་བསྒོམ༔ མི་དང་ངོ་མི་གཏུགས་ཤིང་ངག་མི་བསྲེ༔ རྒྱུན་དུ་ངག་བཅད་ཐུབ་ན་མཆོག་ཡིན་ཏེ༔ ཕྱེད་ངག་ཅེས་པ་རླངས་པ་མ་ཤོར་བར་ཁ་བཙུམས་ངག་གཏམ་སྨྲ་བ་བསླབ་ན་གོ༔ མི་གཏོང་ཀ་མེད་ཡོད་ན་ཐུན་མཚམས་གཏོང་༔ གལ་ཏེ་མཚམས་གཡོག་ངག་གཏམ་མི་གོ་ན༔ གཞན་ལ་ངག་མི་བསྲེ་བའི་མཚམས་གཡོག་ནི༔ གཅིག་པུ་དེ་ལ་ངག་ནི་མི་གཅོད་པར༔ གསང་བ་སྤྱི་རྒྱུད་སོགས་ནས་བཤད་དང་མཚུངས༔ མཚམས་གཡོག་དམེ་ཡུགས་ནལ་གསུམ་ལ་སོགས་པ༔ གྲིབ་ཆེན་མི་རུང་གཙང་བ་གལ་ཆེའོ༔ སྒྲུབ་གཡོག་མཚན་ཉིད་རྒྱུད་སྡེ་རྣམས་ནས་བཤད༔ འབྱོར་པ་ཡོད་ན་སྒྲུབ་ཚེ་མཆོད་གཏོར་གཟབ༔ མེད་ན་ཅི་འབྱོར་དམིགས་རྟེན་ཙམ་གྱིས་ཆོག ཚོགས་འཁོར་མ་བྱས་པ་ཡི་ཤ་ཆང་སྤངས༔ གཙོང་བུ་སྒྲོག་པ་ཟ་བར་མི་བྱ་སྟེ༔ ལྕེ་ཡང་མི་ཟ་མེ་ལ་ཕུ་མི་བྱ༔ སྐ་སེན་མི་བྲེག་ལུས་ལ་ཁྲུས་མི་བྱ༔ སྟན་དྲོད་མ་ཡལ་མེ་ཉི་སྤངས་ན་ལེགས༔ གཟུངས་ཆུ་མ་ཡིན་ཆུ་ཡིས་ཁ་མི་བཤལ༔ དེ་ནས་ཐུན་ནི་དྲུག་གམ་བཞི་བྱ་སྟེ༔ བསྐྱེད་རིམ་མི་བརྟན་པ་ནི་ཐུན་དྲུག་བྱ༔ ཐོ་རངས་སྔ་དྲོ་ཉིན་ཕྱེད་དགོང་མོ་

― CMR007_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

དང་༔ སྲོད་དང་ནམ་ཕྱེད་དྲུག་ལ་ལས་བྱང་བཏང་༔ ཅུང་ཙམ་བརྟན་ན་ཐུན་བཞི་བྱ་བ་སྟེ༔ སྔ་དྲོ་ཉིན་གུང་དགོང་མོ་མཚན་ཐུན་བཞི༔ བསྐྱེད་རིམ་རབ་ཏུ་བརྟེན་ན་ཐུན་གསུམ་སྟེ༔ སྔ་དྲོ་དགོང་མོ་མཚན་དང་གསུམ་ཡིན་ནོ༔ བསྐྱེད་རིམ་བརྟན་ཅིང་སྔགས་གྲངས་མང་འདོད་ན༔ ཉིན་ཐུན་མཚན་ཐུན་གཉིས་ཀྱིས་ཆོག་པ་སྟེ༔ འདི་ནི་མ་ཧཱ་ཡོ་གའི་ལུགས་ཡིན་པས༔ སྒྲུབ་ཚེ་ལས་བྱང་ཐུན་གཉིས་མེད་ཐབས་མེད༔ ལས་བྱང་རྒྱས་བསྡུས་གཉིས་པོ་གང་འདོད་ཆོག བསྡུས་པ་བྱེད་ན་མངོན་རྟོགས་སབ་དགོས་སོ༔ རྒྱས་བསྡུས་འདོན་རེས་བྱས་ན་ཤིན་ཏུ་ལེགས༔ དེ་ཡིས་མཚམས་སྒྲུབ་བྱེད་ལུགས་སྤྱི་ཙམ་ཚང་༔ མཚམས་སྒྲུབ་མ་ཡིན་རྒྱུན་ཁྱེར་ཉམས་ལེན་ན༔ ལས་བྱང་རྒྱས་བསྡུས་གཉིས་པོ་གང་རེད་གཅིག༔ ཞག་གཅིག་ནང་དུ་ཚར་གཅིག་མ་ཚིག་པར༔ དེ་ཡི་རྒྱུན་དུ་དམིགས་རིམ་བསྒོམ་ཞིང་བཟླ༔ དེ་ནས་ལས་བྱང་འདོན་ཚེ་སྒོམ་རིམ་ནི༔ གཞུང་དུ་གསལ་ཕྱིར་འདི་རུ་ཡི་གེར་འཇིགས༔ འོན་ཀྱང་མདོར་བསྡུས་ཙམ་ཞིག་བརྗོད་པ་ནི༔ སྐྱབས་འགྲོ་སེམས་བསྐྱེད་དཀར་བགེགས་རང་གཞུང་ངམ༔ གསང་སྔགས་སྤྱི་གཞུང་གང་རུང་བྱས་པས་འཐུས༔ དེ་ནས་

― CMR007_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་སྐད་ཅིག་དྲན་རྫོགས་སུ༔ རྟ་མགྲིན་ལྗང་གུ་གྲི་གུག་ཐོད་ཁྲག་འཛིན༔ རྟ་སྐད་ལྷང་ལྷང་འཚེར་བ་ཅིག་ཏུ་བསྒོམ༔ བགེགས་ལ་བཀའ་བསྒོའི་ཚིག་རྣམས་བརྗོད་པར་བྱ༔ དེ་ཡིས་བགེགས་རྣམས་ཐམས་ཅད་དེངས་པར་བསམ༔ བཀའ་ལ་མི་ཉན་མི་འགྲོ་འདུག་གྱུར་ན༔ རང་དབང་མེད་པར་དྲག་པོས་བསད་པའི་ཕྱིར༔ རང་གི་སྐུ་ལས་སྤྲུལ་པ་རང་འདྲ་བའི༔ ཁྲོ་ཆུང་ནམ་མཁའ་ས་གཞི་ཁྱབ་པར་འཕྲོས༔ བགེགས་རྣམས་བྱ་སྤུ་རླུང་གིས་གཏོར་བ་བཞིན༔ ཕྱི་རོལ་རྒྱ་མཚོའི་ཕ་རོལ་བསླད་པར་དམིགས༔ ཁྲོ་ཆུང་ཚུར་འདུས་སྲུང་བའི་གུར་ཁང་ནི༔ སྟེང་འོག་ཐམས་ཅད་རྡོ་རྗེའི་གུར་ས་གཞི༔ འཁོར་ལོ་རལ་གྲི་རྒྱ་གྲམ་ཕུར་པ་དང་༔ མེ་རིའི་གུར་ཁང་སྲ་ཞིང་བརྟན་པར་དམིགས༔ དེ་ནས་ལས་བྱང་རྒྱས་བསྡུས་གཉིས་པོ་ཡི༔ སོ་སོའི་གཞུང་བཞིན་གྱེར་བསྒོམ་སྦྲག་པར་བྱ༔ ལས་ཀྱང་ཆེ་བར་ཏིང་འཛིན་རྣམ་གསུམ་སྟེ༔ དེ་བཞིན་ཉིད་ཀྱི་ཏིང་འཛིན་སེམས་ངོར་ལྟ༔ ཀུན་སྣང་ཏིང་ངེ་འཛིན་ལ་སྙིང་རྗེ་བསྒོམ༔ རྒྱུ་ཡི་ཏིང་འཛིན་སྟོང་ཉིད་སྙིང་རྗེའི་ངང་༔ རང་སེམས་རྡོ་རྗེ་གྷིཡིས་མཚན་པ་ལས༔ ཨེ་ཡཾ་ར་སུཾ་ཀེ་རཾ་ཧཱུྃ་འཕྲོས་པས༔ འབྱུང་བ་རིམ་བརྩེགས་གཞལ་ཡས་ཁང་བསྐྱེད་བྱ༔ ལས་

― CMR007_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་བསྡུས་པར་དེ་རྣམས་མ་གསུངས་ཕྱིར༔ སྣོད་བཅུད་རྣམ་དག་གཞལ་ཡས་དྲན་རྫོགས་བསྐྱེད༔ རྒྱས་བསྡུས་མཚུངས་པར་གྲུ་བཞི་སྒོ་བཞི་སྟེ༔ རྟ་བབས་ཆོས་འཁོར་གདུགས་དང་བཅས་པ་བཞི༔ དབུས་ནི་ཕྱུར་བུར་མཆོད་རྟེན་ཁོག་སྟོང་འདྲ༔ ཕྱི་རོལ་པད་འདབ་དེ་འོག་དམའ་བའི་སར༔ དུར་ཁྲོད་བརྒྱད་པོ་མཚོ་རྣམས་སྤང་ཐང་བརྒྱད༔ མེ་དང་རི་དང་ཤིང་དང་མཆོད་རྟེན་དང་༔ ཕྱོགས་སྐྱོང་ཞིང་སྐྱོང་གྲུབ་ཐོབ་བརྒྱད་བརྒྱད་དེ༔ ཕྱི་རིམ་རྡོ་རྗེའི་རྭ་བ་ཟླུམ་པོ་ནི༔ དགོན་པའི་མཐའ་ཡི་ལྕགས་རི་ལྟ་བུའོ༔ དེ་རྒྱབ་མེ་དཔུང་ཁ་དོག་ལྔ་ཡི་ཕྲེང་༔ མེ་རི་རྡོ་རྭ་ཧད་པོའི་གུར་གྱི་ཚུལ༔ བདག་མདུན་གཙོ་ནི་གང་ཆེའི་ཁྱད་པར་ཏེ༔ སྒྲུབ་དུས་དཀྱིལ་འཁོར་ཡོད་ན་མདུན་བསྐྱེད་གཙོ༔ རྒྱུན་ཁྱེར་དཀྱིལ་འཁོར་མེད་དུས་བདག་བསྐྱེད་གཙོ༔ གཙོ་བོ་གང་བྱེད་རྡོ་རྗེའི་རྭ་བ་ཡི༔ ནང་དུ་ཚུད་པའི་རྡོ་རྗེའི་གུར་ཕུབ་སྟེ༔ མེ་རི་བར་མཚམས་མེད་པ་སྒོ་ང་བཞིན༔ གུར་གྱི་ལོགས་སུ་རྡོ་རྗེའི་མདའ་ཡི་དྲ༔ གུར་ནང་སྟེང་དུ་རྡོ་རྗེའི་བླ་བྲེ་བྲེས༔ དེ་ནང་བདག་མདུན་བུམ་པའི་དཀྱིལ་འཁོར་ཀུན༔ སྒྲུབ་དུས་མདུན་བསྐྱེད་དཀྱིལ་འཁོར་གཙོ་བོ་སྟེ༔ ཤར་སྒོའི་གཡོན་ཟུར་

― CMR007_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བསྐྱེད་དཀྱིལ་འཁོར་བསྒོམ༔ དེ་ཡི་རྡོ་ར་མེ་རི་སྟེང་ཧད་པོ༔ ཤར་སྒོའི་གཡས་ཟུར་བུམ་ནང་དཀྱིལ་འཁོར་གཅིག༔ གསུམ་ཀ་མཚུངས་པར་དཀྱིལ་འཁོར་དབུས་སུ་ནི༔ སྣ་ཚོགས་པདྨ་འདབ་མ་བཅུ་དྲུག་པ་དེ་སྟེང་རིན་ཆེན་ཟུར་བརྒྱད་ནོར་བུའི་མཚན༔ དེ་སྟེང་པདྨ་འདབ་བརྒྱད་བརྡལ་བའོ༔ དེ་སྟེང་པདྨ་འདབ་བཞི་དབུས་དང་ལྔ༔ དབུས་དང་འདབ་མ་རེ་རེའི་སྟེང་དུ་ཡང་༔ པདྨ་ཉི་ཟླ་བརྩེགས་པའི་གདན་རེ་བསྒོམ༔ དེ་ཡི་དབུས་སུ་བདུད་བཞི་བསྣོལ་བའི་གདན༔ ལྷ་བུའི་བདུད་དཀར་ཕུང་པོའི་བདུད་ནི་སེར༔ ཉོན་མོངས་བདུད་དམར་འཆི་བདག་བདུད་ནི་ནག༔ དེ་སྟེང་རང་སེམས་དང་པོ་བསྒོམ་པ་ཡི༔ རྡོ་རྗེ་ཧཱུྃབཅས་བབ་པ་འོད་དུ་ཞུ༔ རང་ཉིད་དབང་ཆེན་ཡབ་ཡུམ་གཞུང་ལྟར་བསྒོམ༔ རྟ་མགྲིན་སྤྱི་བོར་པདྨ་ཉི་ཟླའི་གདན༔ ཨོ་རྒྱན་སྤྲུལ་སྐུ་གཞུང་ལྟར་བསྒོམ་པ་སྟེ༔ བསྙེན་དུས་ཆོས་སྐུར་མི་སྒྱུར་སྤྲུལ་སྐུར་བཞག༔ སྒྲུབ་པའི་དུས་སུ་ཆོས་སྐུར་སྒྱུར་བ་ཡིན༔ ཚེ་སྒྲུབ་འདོན་ན་དེ་ཉིད་ལོངས་སྐུར་སྒྱུར༔ དེ་ནས་སྐུ་ལྔ་མཚན་བརྒྱད་བསྒོམ་པའི་ཚུལ༔ གཏེར་ཁ་གཞན་གྱི་ལུགས་དང་རང་ལུགས་གཉིས༔ གུ་རུ་ཆོས་དབང་ལ་སོགས་གཞན་གྱི་ལུགས༔ སྐུ་ལྔ་

― CMR007_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་བརྒྱད་ལ་སོགས་རྟ་མགྲིན་གྱི༔ དབུ་གཙུག་པད་འདབ་རྣམས་ལ་བསྒོམ་པ་སྟེ༔ རྟ་མགྲིན་འཁོར་ལ་སྐུ་ལྔ་མཚན་བརྒྱད་མེད༔ རང་ལུགས་རཏཱའི་ལུགས་ལ་དེ་ལྟར་མིན༔ རྟ་མགྲིན་དབུ་གཙུག་ཨོ་རྒྱན་རྐྱང་པ་སྟེ༔ རྟ་མགྲིན་ཐུགས་ཀར་བུདྡྷ་ཐོད་ཕྲེང་རྩལ༔ རྟ་མགྲིན་ཕྱོགས་བཞིར་ཐོད་ཕྲེང་རིགས་བཞི་དང་༔ དེ་རྒྱབ་རིན་ཆེན་ཟུར་བརྒྱད་འདབ་བརྒྱད་སྟེང་༔ གུ་རུ་མཚན་བརྒྱད་བསྒོམ་ཚུལ་མངོན་རྟོགས་ལྟར༔ དེ་ཡི་ཕྱི་རིམ་འདབ་མ་བཅུ་དྲུག་ལ༔ མཁའ་འགྲོ་སྡེ་བཞི་ཡབ་བཞི་ཡུམ་བཞི་བརྒྱད༔ གིང་ཆེན་སྡེ་བཞི་ཡབ་བཞི་ཡུམ་བཞི་བརྒྱད༔ ཡབ་རྣམས་ཐོར་ཚུགས་ཡུམ་རྣམས་དབུ་སྐྲ་གྲོལ༔ ཡབ་རྣམས་གཡས་བརྐྱང་ཡུམ་རྣམས་གཡོན་བརྐྱང་སྟེ༔ རུས་རྒྱན་ལ་སོགས་དུར་ཁྲོད་ཆས་རྣམས་རྫོགས༔ རང་རྟགས་གྲི་གུག་ཐོད་ཁྲག་ཁ་ཊཾ་བསྣམས༔ ཤར་སྒོར་ལྭ་གདོང་དཀར་མོ་ལྕགས་ཀྱུ་གཡས༔ ལྷོ་སྒོར་ཕག་གདོང་སེར་མོ་ཞགས་པ་གཡས༔ ནུབ་སྒོར་ཁྱི་གདོང་དམར་མོ་ལྕགས་སྒྲོག་གཡས༔ བྱང་སྒོར་འུག་གདོང་ལྗང་མོ་དྲིལ་བུ་གཡས༔ ཀུན་ཀྱང་ཕྱག་གཡོན་སྡིགས་མཛུབ་མཛད་པའོ༔ ཕྱི་རོལ་དུར་ཁྲོད་གནས་བརྒྱད་ནང་དུ་ཡང་༔ བསྐང་བའི་

― CMR007_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་ལྟར་དུར་ཁྲོད་མཁའ་འགྲོ་བརྒྱད༔ ཤར་ཕྱོགས་གཏུམ་དྲག་དུར་ཁྲོད་ན༔ མི་ཕྱེད་རྡོ་རྗེ་མཁའ་འགྲོ་མ༔ ལྷོ་ཕྱོགས་གད་རྒྱངས་དུར་ཁྲོད་ན༔ རིན་ཆེན་མཁའ་འགྲོ་གཟི་བརྗིད་ཅན༔ ནུབ་ཕྱོགས་པད་འཁྱིལ་དུར་ཁྲོད་ན༔ དྲི་མེད་པདྨ་མཁའ་འགྲོ་མ༔ བྱང་ཕྱོགས་ཀཱི་ལའི་དུར་ཁྲོད་ན༔ ལས་ཀྱི་མཁའ་འགྲོ་བདེ་བ་ཅན༔ ཤར་ལྷོ་རབ་འཇིགས་དུར་ཁྲོད་ན༔ དམ་ཚིག་མཁའ་འགྲོ་དམིགས་པ་ཅན༔ ལྷོ་ནུབ་གཏུམ་པོའི་དུར་ཁྲོད་ན༔ སྣ་ཚོགས་མཁའ་འགྲོ་མི་ཐུབ་མ༔ ནུབ་བྱང་རབ་རྒྱུའི་དུར་ཁྲོད་ན༔ ཐམས་ཅད་མཁའ་འགྲོ་ཀུན་རྒྱུ་མ༔ བྱང་ཤར་དྲག་ཤུལ་དུར་ཁྲོད་ན༔ རྒྱུད་འཛིན་འཇིག་རྟེན་མཁའ་འགྲོ་མ༔ རང་རང་འཁོར་ཡང་འབུམ་ཕྲག་རེ་རེས་བསྐོར༔ དེ་ནས་ལས་བྱང་མང་བའི་ནང་ན་ནི༔ ཕྱི་རིམ་བར་ཁྱམས་འཁོར་ཡུག་ལ༔ བདག་སྐྱོབ་ལྷ་དང་རིག་འཛིན་ཚོགས༔ མཁའ་འགྲོ་ཆོས་སྐྱོང་དམ་ཅན་རྣམས༔ དེ་བཞིན་ལས་བྱང་ཉུང་བའི་ནང་ན་ཡང་༔ བླ་མ་ཡི་དམ་མཁའ་འགྲོ་དམ་ཅན་དང་༔ ཕྱོགས་བཅུའི་བྱང་སེམས་རྒྱལ་བ་སྲས་བཅས་རྣམས༔ མ་འདྲེས་རང་གསལ་གཙོ་དང་འཁོར་དུ་བཅས༔ སྒྱུ་མ་ཆུ་ཟླ་མེ་ལོང་བཞིན་དུ་བསྐྱེད༔ ཅེས་གསུངས་

― CMR007_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དོན་ཚིག་ཉུང་དོན་ཆེ་བ༔ དེང་སང་ཕལ་གྱིས་རྟོགས་པར་མ་གྱུར་པས༔ ལས་བྱང་རེ་རེ་མཐའ་རུ་མ་རྫོགས་བར༔ ལས་བྱང་གཞན་ཞིག་གཏོང་ཐབས་མ་རྙེད་ནས༔ ལས་བྱང་སྔོན་མའི་ཚོགས་དང་གཏོར་འབུལ་རྣམས༔ བསྡུ་ཆོག་ཚར་ཏེ་སླར་ཡང་གཞན་མགོ་བཙུགས༔ དེ་འདྲ་བྱས་ན་ལས་བྱང་ཆག་མེད་ཡང་༔ སྒྲུབ་པ་ཆེན་པོ་བྱེད་ཐབས་མེད་པར་འགྱུར༔ དེ་ལྟར་མ་ཡིན་དཀྱིལ་འཁོར་གཅིག་གིས་ཁོག༔ ལས་བྱང་མང་པོ་བཅུག་ནས་འདོན་ཆོག་སྟེ༔ དེ་དོན་ཨོ་རྒྱན་ཆེན་པོའི་ཞལ་ནས་ཀྱང་༔ རྒྱལ་བ་གཅིག་གི་དཀྱིལ་འཁོར་དུ༔ རྒྱལ་བ་ཀུན་གྱི་ལས་གཞུང་བསྲངས༔ བདེ་གཤེགས་གཅིག་བསྒྲུབ་ཀུན་གྱི་ངང་༔ གསུངས་པའི་གནད་ཀྱི་མན་ངག་ནི༔ མདུན་བསྐྱེད་ཤར་དང་ཤར་ལྷོ་བྱང་ཤར་གྱི་ཕྱི་ཡི་ཁྱམས་ནས་ནུབ་ཏུ་ཞལ་གཟིགས་ནས༔ བདག་བསྐྱེད་མང་པོ་གྲལ་འགྲིགས་བཞིན་དུ་བསྒོམ༔ མདུན་བསྐྱེད་དཀྱིལ་འཁོར་དེ་ཡི་ནུབ་ཕྱོགས་དང་༔ ལྷོ་ནུབ་ནུབ་བྱང་ཕྱོགས་ནས་ཚུར་གཟིགས་པའི༔ མདུན་བསྐྱེད་དཀྱིལ་འཁོར་མང་པོ་གྲལ་འགྲིགས་བསྒོམ༔ མདུན་བསྐྱེད་དེ་དག་བར་མཚམས་རྣམས་སུ་ཡང་༔ གཏོར་མགྲོན་ཆོས་སྐྱོང་ནོར་ལྷ་ཐམས་ཅད་

― CMR007_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ༔ རྩ་བ་སྒྲུབ་པའི་དཀྱིལ་འཁོར་ཆེན་པོ་ལ༔ རྒྱུན་ཁྱེར་ཆག་མེད་ལས་བྱང་དཀྱིལ་འཁོར་ཀུན༔ གུར་ཆེན་ཅོག་པུས་བསྐོར་བ་ལྟ་བུ་ཡིན༔ བདག་བསྐྱེད་དཀྱིལ་འཁོར་མང་པོ་ཡོད་ན་ཡང་༔ ཐམས་ཅད་བདག་ཉིད་ཡིན་པར་བསམ་པས་ཆོག༔ དེ་དོན་ཀུན་རིག་ལ་སོགས་བདག་བསྐྱེད་སྐབས༔ གཙོ་བོ་ཐམས་ཅད་བདག་ཉིད་ཡིན་བསྒོམ་གསུངས༔ དེ་བཞིན་བཀའ་བརྒྱད་དགོངས་འདུས་སྐབས་སུ་ཡང་གཙོ་བོ་དགུ་ཀ་བདག་ཉིད་ཡིན་བསྒོམ་གསུངས༔ བདག་བསྐྱེད་མང་པོ་རུང་བ་དེ་ཡིས་ཤེས༔ འོན་ཀྱང་སོ་སོའི་སྔགས་ནི་བཟླ་བའི་ཚེ༔ སོ་སོའི་ལྷ་ཡི་ང་རྒྱལ་བཟུང་བ་ཡིན༔ དེ་ནས་སོ་སོའི་གནས་གསུམ་ཡིག་འབྲུ་གསུམ༔ ཁྱད་པར་ཐུགས་ཀར་ཐུགས་སྲོག་ཧྲུལ་སོགས༔ གཞུང་དུ་མི་གསལ་ན་ཡང་ཡིད་ཀྱིས་བསྒོམ༔ དེ་ནས་སྤྱན་འདྲེན་མཆོད་བསྟོད་ལ་སོགས་པ༔ གཞུང་དུ་གསལ་ཕྱིར་རྒྱས་པར་བཀྲོལ་མི་དགོས༔ འོན་ཀྱང་ཐུགས་ལས་སྤྲུལ་པའི་མཆོད་པ་ཡི༔ ལྷ་མོ་གྲངས་མེད་ནམ་མཁའ་ཁྱབ་པར་འཕྲོས༔ བདག་མདུན་སོ་སོར་མཆོད་བསྟོད་འབུལ་བར་བསམ༔ དེ་ནས་བསྟོད་པ་ཡན་ཆད་གཞུང་ལྟར་རོ༔ སྨན་མཆོད་སྐབས་སུ་མཚན་ནས་བརྗོད་པ་དང་༔

― CMR007_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མའི་སྐབས་སུ་གཏོར་བསྔོས་བཅུག་སྲོལ་ཡོད༔ མ་བཅུག་ན་ཡང་གམ་གཙང་ལེགས་པ་ཡིན༔ ཅི་ཕྱིར་གཞུང་འདིར་སྣོན་དང་འཕྲི་བ་འཕང་༔ རྡོ་རྗེའི་གསུང་འདི་བཅོས་སླད་མེད་པ་ཟབ༔ སྒྲུབ་པ་ཡིན་ན་ཐུན་སྐབས་འགའ་རེ་ལ༔ རིག་འཛིན་བྱིན་འབེབས་བཏོན་པས་བྱིན་རླབས་ཆེ༔ དེ་ཚེ་རོལ་མོ་དབྱངས་དང་སྤོས་དུད་བྱ༔ དགོང་མོའི་ཐུན་མཚམས་ཧཱུྃ་སྒྲུབ་དམིགས་པ་བཟུང་༔ ཧཱུྃ་གི་དབྱངས་སྒྲོགས་འཆམས་པས་གེགས་སེལ་མཆོག དེ་ནས་དང་པོ་བསྙེན་པའི་དམིགས་པ་ནི༔ རང་ཉིད་རྟ་མགྲིན་གསལ་བའི་ཐུགས་ཀ་རུ༔ བུདྡྷ་ཐོད་ཕྲེང་ཐུགས་ཀར་ཉི་མའི་སྟེང་༔ ཧཱུྃཡིག་དམར་པོ་འགྲེང་སྟེ་གནས་པའི་མཐར༔ ཨོཾ་བཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཅེས་པའི་སྔགས་ཕྲེང་གཡས་སུ་འཁོར་བར་བསམ༔ སྤྱི་གཙུག་ཨོ་རྒྱན་སྤྲུལ་སྐུའི་ཐུགས་ཀ་རུ༔ ཟླ་སྟེང་ཧཱུྃཡིག་དཀར་པོའི་མཐའ་མ་རུ༔ བཛྲ་གུ་རུའི་སྔགས་ཀྱི་ཕྲེང་བ་ནི༔ དཀར་དམར་མདངས་ལྡན་གཡས་སུ་འཁོར་བར་བསམ༔ བཛྲ་གུ་རུ་གསོལ་འདེབས་ཚུལ་དུ་བཟླས༔ གུ་རུའི་ཐུགས་ཀའི་སྔགས་ཕྲེང་འོད་ཟེར་ནི༔ ཁ་དོག་སྣ་ཚོགས་ནམ་མཁའ་ཁྱབ་པར་འཕྲོས༔ ནམ་མཁའི་མཐར་ཐུག་

― CMR007_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཁམས་རབ་འབྱམས་ཀྱི༔ བླ་མ་རིག་འཛིན་གྲུབ་ཐོབ་རྒྱ་མཚོ་དང་༔ ཡི་དམ་རྒྱུད་སྡེའི་ལྷ་ཚོགས་ཐམས་ཅད་དང་༔ དཔའ་བོ་མཁའ་འགྲོ་ཡེ་ཤེས་ཆོས་སྐྱོང་རྣམས༔ ཁ་བ་བུ་ཡུག་བཞིན་དུ་སྤྱན་དྲངས་ཏེ༔ སྤྱི་བོའི་གུ་རུའི་སྐུ་ལ་སིབ་སིབ་ཐིམ༔ ཁྱད་པར་སྲིན་ཡུལ་ཟངས་མདོག་དཔལ་རི་ནས༔ ཨོ་རྒྱན་རིག་འཛིན་མཁའ་འགྲོའི་ཚོགས་དང་བཅས༔ འཇའ་འོད་སྤོས་དུད་རོལ་མོའི་སྒྲ་དང་བཅས༔ བར་སྣང་ལམ་ནས་སྤྱན་དྲངས་དབྱེར་མེད་བསྟིམ༔ བག་དྲོ་བྱིན་ཆགས་སྣང་བ་འགྱུར་བ་དང་༔ ངེས་པར་སྤྱི་བོར་ཨོ་རྒྱན་ཕེབས་སྙམ་པའི་ངེས་ཤེས་མ་སྐྱེས་བར་དུ་བཟླས་པ་བྱ༔ དེ་ཚེ་གུ་རུའི་དཔྲལ་བའི་ཨོ་ཡིག་ལས༔ ཐིག་ལེ་དཀར་པོ་ཨོ་ཡིག་གིས་མཚན་པ༔ བར་མ་ཆད་པ་གཅིག་རྗེས་གཉིས་རྗེས་འཕྲོས༔ རང་གི་དཔྲལ་བའི་གནས་སུ་ཐིམ་པ་ཡིས༔ ལུས་ཀྱི་སྒྲིབ་དག་སྐུ་ཡི་བྱིན་རླབས་ཞུགས་འགྱུར་མེད་སྐུ་ཡི་དངོས་གྲུབ་ཐོབ་པར་བསྒོམ༔ གུ་རུའི་མགྲིན་པའི་ཨཱཡིག་དམར་པོ་ལས་འོད་ཀྱི་ཐིག་ལེ་དམར་པོ་ཨཱུས་མཚན་པ༔ རིམ་པར་འཕྲོས་ནས་རང་གི་མགྲིན་པར་ཐིམ༔ ངག་གི་སྒྲིབ་དག་གསུང་གི་བྱིན་རླབས་ཞུགས༔ འགག་མེད་གསུང་གི་དངོས་གྲུབ་ཐོབ་པར་

― CMR007_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ༔ གུ་རུའི་ཐུགས་ཀའི་ཧཱུཾ་ཡིག་སྔོན་པོ་ལས༔ ཐིག་ལེ་སྔོན་པོ་ཧཱུྃ་གིས་མཚན་པ་འཕྲོས༔ རང་གི་སྙིང་གར་རིམ་བཞིན་ཐིམ་པ་ཡིས༔ སེམས་ཀྱི་སྒྲིབ་དག་ཐུགས་ཀྱི་བྱིན་རླབས་ཞུགས༔ འཁྲུལ་མེད་ཐུགས་ཀྱི་དངོས་གྲུབ་ཐོབ་པར་བསྒོམ༔ ལྟེ་བ་ཕྱག་ཞབས་ལ་སོགས་དམིགས་པ་ནི༔ སྐུ་གསུམ་སྒྲུབ་པའི་དུས་ཡིན་འདིར་མ་གསུངས༔ དེ་ལྟར་དམིགས་པ་དེ་བཞིན་རྩེ་གཅིག་ཏུ༔ བསྒོམ་ཞིང་བཛྲ་གུ་རུའི་བཟླས་པ་ནི༔ མི་ཆེ་མི་ཆུང་བུང་བའི་སྐད་ཙམ་བྱ༔ ཨོཾ་ཨཱཿཧཱུྃ་ནི་རྒྱལ་བའི་སྐུ་གསུང་ཐུགས༔ བཛྲ་གུ་རུ་རྡོ་རྗེ་སློབ་དཔོན་ཏེ༔ པདྨ་ཞེས་པ་ཨོ་རྒྱན་མཚན་ཡིན་ལ༔ སིདྡྷི་ཧཱུཾ་ནི་དངོས་གྲུབ་སྩོལ་ཞེས་སོ༔ དེ་ནས་རིགས་དྲུག་འདུལ་བའི་གུ་རུ་དྲུག གཅིག་ཏུ་བསྡུས་པའི་སྙིང་པོ་ཡིན་པའི་ཕྱིར༔ འདི་བཟླས་རིགས་དྲུག་སྐྱེ་སྒོ་གཅོད་པའི་ཚུལ༔ པདྨ་བཀའ་ཐང་སོགས་ལས་གསུངས་པ་ཡིན༔ ཡིག་འབྲུ་བཅུ་གསུམ་སྔགས་ཀྱི་ཕྲེང་བ་འདི༔ ཕྱི་ལྟར་གསོལ་བ་འདེབས་པའི་སྙིང་པོ་ཡིན༔ བསྙེན་དུས་བླ་མ་སྤྱི་བོར་བསྒོམ་པ་འདི༔ གསོལ་འདེབས་ཚུལ་དུ་བཟླས་ཞེས་གསུངས་པ་ཡི༔ དོན་གྱི་རྩ་བ་དམིགས་པ་དེ་ལ་འདུས༔ མདུན་གྱི་དཀྱིལ་འཁོར་

― CMR007_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

བུམ་པ་ལ་སོགས་ལྷ༔ མཆོད་ཡུལ་ཙམ་ཡིན་སྔགས་ཕྲེང་བསྒོམ་མི་དགོས༔ དགོས་པ་སྐུ་གསུམ་ཀུན་དྲིལ་སྐབས་སུ་ཡིན༔ མཚམས་ལ་བདུན་གསུམ་ཙམ་ལ་འདུག་པ་ན༔ བསྙེན་པ་འདི་ལ་ཞག་བདུན་ཙམ་ཞིག་བྱ༔ མདོར་ན་མཚམས་ལ་རིང་ཐུང་ཅི་འདུག་གི༔ བསྙེན་པ་རུ་གཅིག་སྒྲུབ་པ་རུ་གཉིས་ཡིན༔ དེ་གཉིས་ཀྱི་ནི་བཅུ་ཆ་ལས་སྦྱོར་ཡིན༔ རྒྱུན་ཁྱེར་ཡིན་ན་བསྙེན་པ་ཕྲེང་སྐོར་གཅིག སྒྲུབ་པ་ཕྲེང་སྐོར་གཉིས་བྱ་ལས་སྦྱོར་སྔགས༔ ཚར་གྲངས་སུམ་ཅུ་ཙམ་ཞིག་འདོན་པའོ༔ དེ་ཡི་རིམ་པ་མཉུག་གི་རིང་ཐུང་ནི༔ རང་གི་རིག་པས་དཔག་སྟེ་བྱ་ཆོག་གོ༔ དེ་ལྟར་བསྙེན་པ་རྫོགས་ནས་སྒྲུབ་པ་ནི༔ ཐུན་སོགས་འདོན་ལུགས་གོང་དང་འདྲ་བ་ལས༔ མངོན་རྟོགས་སྐབས་སུ་སྤྱི་བོའི་ཨོ་རྒྱན་དེ༔ སྤྲུལ་སྐུ་ཆོས་སྐུར་བསྒྱུར་བ་ལས་བྱང་ལྟར༔ དེ་ཡི་སྤྱི་བོར་ཟླ་བའི་དཀྱིལ་འཁོར་སྟེང་༔ ཧཱུྃ་ཡིག་ཐ་མར་ཐོད་ཕྲེང་སྔགས་གཡས་འཁོར༔ དེ་ནས་བསྙེན་པའི་སྐབས་བར་ལས་བྱང་ལྟར༔ བསྙེན་པའི་སྐབས་སུ་སྤྱི་བོའི་ཆོས་སྐུ་དེ༔ རང་ཉིད་རྟ་མགྲིན་སྤྱི་བོའི་ཚངས་བུག་ནས༔ མར་ཞུགས་ཐུགས་ཀའི་བུདྡྷ་ཐོད་ཕྲེང་༔ ཚངས་བུག་ནས་ཞུགས་བུདྡྷའི་ཐུགས་ཀ་རུ༔ རང་གི་སྙིང་དེ་

― CMR007_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཏོག་དམར་པོ་ནི༔ ཁ་ནི་གྱེན་བསྟན་བྱེ་ལ་ཁད་པ་དེ༔ ཁ་བྱེ་དེ་ཡི་ཟེའུ་འབྲུའི་སྟེང་ཉིད་དུ༔ བླ་མ་གསང་འདུས་ཡབ་ཡུམ་བཞུགས་པར་བསྒོམ༔ བདག་བསྐྱེད་མདུན་བསྐྱེད་གཙོ་འཁོར་ཐམས་ཅད་ཀྱིས༔ རང་གི་སྙིང་དབུས་བླ་མ་གསང་འདུས་ལ༔ མཆོད་བསྟོད་ཚུལ་དུ་ཛབ་དབྱངས་འུར་དི་རེ༔ སྔགས་སྒྲས་སྟོང་གསུམ་འཇིག་རྟེན་གཡོ་བར་ནུས༔ དེ་ཡིས་རྐྱེན་བྱས་གསང་འདུས་ཐུགས་རྒྱུད་བསྐུལ༔ སྔགས་ཕྲེང་མཐིང་ཁ་གཡས་སུ་དྲག་ཏུ་འཁོར༔ དེ་ལས་འོད་ཟེར་ཕྱོགས་བཅུ་ཀུན་ཏུ་འཕྲོས༔ ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་དང་༔ བླ་མ་ཡི་དམ་དཔའ་བོ་མཁའ་འགྲོའི་ཚོགས༔ རང་དབང་མེད་པར་འོད་ཟེར་དེར་བསྡུས་ཏེ༔ དཔེར་ན་ཁབ་ལེན་རྡོ་ཡིས་ལྕགས་ཕྱེ་བཞིན༔ སིབ་སིབ་བསྡུས་ནས་སྙིང་གའི་བླ་མར་ཐིམ༔ ཁྱད་པར་སྲིན་ཡུལ་ཟངས་མདོག་དཔལ་རི་ནས༔ ཨོ་རྒྱན་སྐུ་ལྔ་མཚན་བརྒྱད་རྗེ་འབངས་ཚོགས༔ དཔག་མེད་སྤྱན་དྲངས་སྙིང་གའི་བླ་མར་ཐིམ༔ བདག་དང་དབྱེར་མེད་སེམས་རྒྱུད་བྱིན་རླབས་ཤིང་༔ མཆོག་དང་ཐུན་མོང་དངོས་གྲུབ་ཐོབ་པར་བསྒོམ༔ ཐོད་ཕྲེང་རྩལ་གྱི་སྔགས་ལ་བསྙེན་པ་བྱ༔ ཨོ་ནི་ཆོས་སྐུ་ལོངས་སྐུ་

― CMR007_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི་སྐུ༔ ངོ་བོ་ཉིད་སྐུ་བདེ་བ་ཆེན་པོའི་སྐུ༔ ལོངས་སྐུ་ཐོད་ཕྲེང་རིགས་ལྔའི་སྙིང་པོ་ཚང་༔ ཨཱནི་གསུང་དབྱངས་ཡན་ལག་དྲུག་ཅུ་སྟེ༔ གསུང་གི་དབང་ཕྱུག་སྣང་བ་མཐའ་ཡས་ཡིན༔ ཆོས་དབྱིངས་མེ་ལོང་མཉམ་ཉིད་སོར་རྟོག་དང་༔ བྱ་གྲུབ་ཡེ་ཤེས་ལྔ་ནི་ཧཱུཾ་ལ་ཚང་༔ ཁྲོ་བོ་ཀུན་གྱི་ཐུགས་ཀྱི་ས་བོན་ཏེ༔ སངས་རྒྱས་ཀུན་གྱི་ཐུགས་ཀྱི་སྤྲུལ་པ་སྟེ་སྤྲུལ་སྐུ་པདྨ་འབྱུང་གནས་ཐུགས་སྲོག་སོགས༔ བཛྲ་སྲ་བརྟན་མི་ཤིགས་རྡོ་རྗེའི་སྐུ༔ གུ་རུ་པདྨ་ཨོ་རྒྱན་ཉིད་ཀྱི་མཚན༔ དེ་དག་རྒྱ་གར་ལེགས་སྦྱར་སྐད་དང་མཚུངས༔ ཐོད་ཕྲེང་རྩལ་ནི་བོད་སྐད་ཡིན་པ་སྟེ༔ ཨོ་རྒྱན་ཆེན་པོའི་གསང་བའི་མཚན་ཡིན་ནོ༔ གསར་མའི་རྒྱུད་སྡེ་སངས་རྒྱས་ཐོད་པ་དང་༔ དགོངས་འདུས་དཀྱིལ་འཁོར་ཐོད་པ་རྩལ་ཆེན་དང་བཀའ་བརྒྱད་དཀྱིལ་འཁོར་རིག་འཛིན་ཐོད་པ་རྩལ༔ འདི་ཡི་ཐོད་ཕྲེང་རྩལ་རྣམས་དོན་གཅིག་གོ༔ ཨོ་རྒྱན་མཚན་གྱི་རྣམ་གྲངས་ཡིན་ཞེས་བྱ༔ བཛྲ་ས་མ་ཡ་ཛཞེས་བྱ་བ༔ རྡོ་རྗེའི་དམ་ཚིག་ཅེས་ནི་བྱ་བའོ་སིདྡྷི་ཕ་ལ་དངོས་གྲུབ་བཟང་པོ་སྟེ༔ ཧཱུྃ་ཨཱསྩོལ་དང་ཆོས་སྐུར་རྒྱས་ཐོབ་ཡིན༔ དེ་ཉིད་བཟླས་པའི་ཕན་ཡོན་ཨོ་རྒྱན་གསུངས༔ དེ་བཟླས་སྣང་སྲིད་གཡོ་བར་

― CMR007_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར༔ དུས་གསུམ་རྒྱལ་བ་གཅིག་ཏུ་སྡུད༔ བླ་མ་ཀུན་དང་འདུ་འབྲལ་མེད༔ འབྱུང་པོ་དྲི་ཟ་བརྒྱལ་ཞིང་འབྲོས༔ མཁའ་འགྲོ་ཆོས་སྐྱོང་སྤྲིན་ལྟར་འདུ༔ གསུངས་པའི་བཀའ་ལ་ངེས་ཤེས་བསྐྱེད༔ སྔགས་སྒྲ་བུང་བའི་སྐད་ཙམ་སྟེ༔ སྐབས་སུ་ཛབ་དབྱངས་བྱ་ཞིང་འཆམ༔ གང་ཤར་ཉམས་ཀྱི་སྣ་མི་གསལ༔ བག་དྲོ་བྱིན་འཐིབས་ཉམས་འབར་ཚེ༔ སྨྱོ་སྤྱོད་གཅེར་རྒྱུག་བྱ་ཞིང་འཁྲབ༔ སྣང་བ་ཝར་མ་ཝུར་མར་བསྐྱེད༔ ཉམས་ལ་གང་ཤར་བྱུང་རྒྱལ་བཏང་༔ དེ་ཡིས་བྱིན་འབེབས་དངོས་གྲུབ་ཐོབ༔ ཉམས་རྟོགས་བོགས་སྐྱེད་ཆེན་པོ་འབྱུང་༔ རབ་ནི་བདུན་འབུམ་ཉི་ཁྲི་སྟེ༔ ཐ་མ་འབུམ་ཕྲག་གསུམ་གྱིས་འགྲུབ༔ ཉི་ཤུ་གཅིག་ཙམ་ཞག་བདུན་ན༔ འདི་ལ་ཞག་པོ་བདུན་གཉིས་ཏེ། ཟླ་གཅིག་འདུག་ན་བདུན་གསུམ་ཙམ༔ དེ་ཡིས་གྲུབ་པ་ཐོབ་པ་ཡིན༔ དེ་ཡིས་བསྙེན་དང་སྒྲུབ་པའི་ཚེ༔ རྟགས་ནི་རྒྱས་པར་རྟགས་ཡིག་བཞིན༔ རབ་དངོས་འབྲིང་ཉམས་ཐ་མ་ཡང་༔ རྨི་ལམ་རྟགས་མཚན་འབྱུང་བར་གསུངས༔ དངོས་སུ་ཞལ་མཐོང་གསུང་ཐོས་སོགས༔ དུས་ཀྱི་སྟབས་ཀྱིས་འབྱུང་དཀའ་ཡང་༔ དངོས་སུ་མར་མེ་འཛིན་པ་དང་༔ གཏོར་

― CMR007_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡོན་ཆབ་འཛིན་པ་དང་༔ བདུད་རྩི་ཁོལ་དང་འཕྱུར་བ་དང་༔ བུམ་པ་ཁོལ་དང་རླངས་པ་འཐུལ༔ རོལ་མོའི་སྒྲ་ཐོས་དྲི་བཟང་འཐུལ༔ སྔགས་སྒྲ་ཐོས་དང་ཡིག་འབྲུ་མཐོང་ཉམས་དགའ་བྱིན་ཆགས་རིག་པ་དྭངས༔ དད་པ་དག་སྣང་མོས་གུས་སྐྱེས༔ བྱམས་དང་སྙིང་རྗེ་འཆི་བ་དྲན༔ ཉམས་རྟོགས་བོགས་ཐོན་དངོས་སུ་འབྱུང་༔ གཞན་ཡང་སྒྲུབ་གནས་འཇའ་ཟུག་དང་༔ རང་ཐདེ་བར་སྣང་འཇའ་སྤྲིན་འཁྲིགས༔ བསྐྱེད་རིམ་གསལ་ཞིང་ཡིད་ཡུལ་དུ༔ ཨོ་རྒྱན་དངོས་སུ་མཇལ་སྙམ་བྱེད་༔ ཉམས་ཞེས་བྱ་བ་དངོས་མིན་ཅིང་༔ གཉིད་པ་མ་ཡིན་བར་སྐབས་དེར༔ ལྷ་ཞལ་མཐོང་དང་ལུང་སྟོན་དང་༔ མཁའ་འགྲོའི་ཚོགས་ཀྱིས་དངོས་གྲུབ་སྟེར༔ རྨི་ལམ་ཉི་ཟླ་ཤར་བ་དང་༔ ཁྲུས་བྱེད་ནམ་མཁར་འཕུར་བ་དང་༔ དམར་པོ་ཁོ་ན་མ་ཡིན་པའི༔ མེ་ཏོག་ཐང་ལ་ཕྱིན་པ་དང་༔ མེ་ཏོག་ཆར་པ་འབབ་པ་དང་༔ རུས་རྒྱན་གྱོན་དང་རྡོ་དྲིལ་ཐོགས༔ ཞིང་ཁམས་སམ་ནི་གནས་རི་མཐོང་༔ རང་གི་བླ་མའམ་གྲུབ་ཆེན་གྱིས༔ དབང་བསྐུར་ཆོས་གསུངས་ལུང་བསྟན་པ༔ དེ་སོགས་ཡ་མཚན་རྨིས་རྟགས་འབྱུང་༔ བྱིན་རླབས་ཞུགས་པའི་རྟགས་ཡིན་ཀྱང་༔ ཧ་ཅང་དགའ་ཚོར་བྱ་མི་

― CMR007_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་༔ དགའ་བྲོད་བདུད་ཀྱིས་འཁྱེར་ཉན་ཡོད༔ རྨི་ལམ་རྩུབ་ཅིང་ཅི་ངན་ཡང་༔ རྣམ་རྟོག་ཐེ་ཚོམ་བྱ་མི་རུང་༔ ལྟ་བའི་གདེང་བསྐྱེད་བཏང་སྙོམས་བཞག༔ ནད་སོགས་རྐྱེན་ངན་བྱུང་ན་ཡང་༔ ལྷ་ལ་ལོག་ལྟ་མི་བྱ་སྟེ༔ སྣོད་བཀྲུས་དྲི་མ་ལངས་བ་ལྟར༔ སྒྲིབ་པ་དག་པའི་སློང་ཡིན་ཕྱིར༔ སྡིག་སྒྲིབ་དག་པའི་དགའ་བ་སྒོམ༔ དམ་སེལ་ཅུང་ཟད་ཡིན་དོགས་ན༔ ཐུན་མཚམས་ཞི་བའི་བསྐང་བ་འདོན༔ བར་ཆད་མི་འཇུག་གནད་ཟབ་ལ༔ སྒྲུབ་ཚེ་མ་ནིང་ལས་བྱང་དང་༔ ཞིང་སྐྱོང་མཁའ་རི་གཉིས་པོ་ལ༔ རྒྱུན་དུ་གཏོར་བསྔོས་བྱ་བ་གཅེས༔ སྒྲུབ་པའི་གཉེར་འདི་ཁོ་ལ་ཡོད༔ དེ་ཡི་བར་ཆད་སེལ་བ་ལ༔ ཁོང་གསུམ་བསྐོས་ནས་བཞག་ཕྱིར་རོ༔ ཁྱད་པར་མ་ནིང་གལ་ཆེའོ༔ དེ་དག་ཞག་རེ་ཚར་རེའི་ཆོག ཐུན་རྣམས་ཀུན་ལ་མི་དགོས་སོ༔ གཞན་ཡང་ཐུགས་དམ་ཆག་མེད་ཀྱི༔ ལས་བྱང་ཐུགས་དམ་གང་ཡོད་རྣམས༔ ཐུན་མཚམས་ཞིག་ལ་འདོན་པར་བྱ༔ གློ་བུར་དུས་མིན་ཤ་ཆང་སོགས༔ བྱུང་ན་ཚོགས་འཁོར་བྱས་ལ་རོལ༔ དེ་ནི་སྒྲུབ་པའི་རིམ་པའོ༔ ༈ དེ་ལྟར་བསྙེན་སྒྲུབ་གཉིས་པོ་ལ༔ གྲངས་བསྙེན་ནམ་ནི་དུས་ཐེམ་ནས༔ ལས་

― CMR007_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོར་ཐུན་བཟུང་གོང་འདྲ་ལས༔ མངོན་རྟོགས་སྐབས་སུ་རྟ་མགྲིན་གྱི༔ སྤྱི་བོར་སྤྲུལ་སྐུ་བསྒོམ་པ་དང་༔ དེ་ཉིད་ཆོས་སྐུར་བསྒྱུར་བའང་འདྲ༔ བསྙེན་པའི་སྐབས་སུ་ཕྱིན་པ་དང་༔ ཆོས་སྐུ་རྟ་མགྲིན་ཐུགས་ཀར་ཞུགས༔ སྒྲུབ་དུས་དམིགས་པ་དེ་བྱས་ལ༔ ཐོད་ཕྲེང་རྩལ་ལ་ཕྲེང་བསྐོར་བསྙེན༔ དེ་ནས་ཐུགས་ཀའི་བླ་མ་དང་༔ བུདྡྷ་ཐོད་ཕྲེང་གཉིས་ཀ་ནི༔ འོད་དུ་ཞུ་ནས་རང་ཉིད་ནི༔ རྟ་མགྲིན་གསལ་དང་དབྱེར་མེད་གྱུར༔ རང་ཉིད་རྟ་མགྲིན་སྐུ་ཡི་ནང་༔ སྐུ་ཡི་གནས་བཞིར་ལྷ་བཞི་བསྒོམ༔ རྩ་ཡི་འཁོར་ལོ་མ་གསུངས་པས༔ རྩ་འཁོར་བསྒོམ་ནི་མི་དགོས་སོ༔ སྤྱི་བོ་ཀླད་པ་དུང་ཁང་ན་རྡོ་རྗེ་མཁའ་འགྲོ་ཡབ་ཡུམ་དཀར༔ མགྲིན་པ་ལོངས་སྤྱོད་གནས་སུ་ནི༔ རིན་ཆེན་མཁའ་འགྲོ་ཡབ་ཡུམ་སེར༔ སྙིང་ག་ཆོས་ཀྱི་འཁོར་ལོའི་དབུས༔ པདྨ་མཁའ་འགྲོ་ཡབ་ཡུམ་དམར༔ ལྟེ་བ་སྤྲུལ་པའི་འཁོར་ལོའི་དབུས༔ ལས་ཀྱི་མཁའ་འགྲོ་ཡབ་ཡུམ་ལྗང་༔ སངས་རྒྱས་མཁའ་འགྲོ་ཡབ་ཡུམ་མེད༔ རྟ་ཕག་གཉིས་ཀྱིས་གོ་ཆོད་ཡིན༔ ཡབ་ཡུམ་བརྒྱད་ཀ་མཚུངས་པ་རུ༔ རྡོ་རྗེ་རིན་ཆེན་པདྨ་དང་༔ རྒྱ་གྲམ་མཚན་པའི་གྲི་གུག་གཡས༔ གཡོན་རྣམས་ཐོད་

― CMR007_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་དང་བཅས་འཁྱུད༔ ཡབ་རྣམས་གཡས་བསྐུམ་གཡོན་བརྐྱང་དང་༔ ཡུམ་རྣམས་གཡས་བརྐྱང་གཡོན་བསྐུམ་འཁྱུད༔ དུར་ཁྲོད་ཆས་དང་རུས་པའི་རྒྱན༔ ཡབ་རྣམས་ཐུགས་ཀར་ཟླ་བ་དང་༔ ཡུམ་རྣམས་ཐུགས་ཀར་ཉི་མའི་སྟེང་༔ རང་རང་ས་བོན་འགྲེང་སྟེ་གནས༔ རྡོ་རྗེ་དཔའ་བོའི་ཐུགས་ཀར་ར༔ རྡོ་རྗེ་མཁའ་འགྲོའི་ཐུགས་ཀར་རིན་ཆེན་དཔའ་བོའི་ཐུགས་ཀར་པ༔ རིན་ཆེན་མཁའ་འགྲོའི་ཐུགས་ཀར་རི༔ པདྨ་དཔའ་བོའི་ཐུགས་ཀར་ཧཱུྃ༔ པདྨ་མཁའ་འགྲོའི་ཐུགས་ཀར་ནི༔ ལས་ཀྱི་དཔའ་བོའི་ཐུགས་ཀར་ཡ༔ ལས་ཀྱི་མཁའ་འགྲོའི་ཐུགས་ཀར་ས༔ དེ་དག་རང་རང་མདོག་དང་མཚུངས༔ བསྐྱེད་རིམ་ཧ་ཅང་མི་གསལ་ན༔ ས་བོན་རྐྱང་པ་བསྒོམས་པས་ཆོག༔ ཐུགས་ཀར་པདྨ་དཔའ་བོ་ཡི༔ དབུ་གཙུག་པདྨ་ཉི་ཟླའི་སྟེང་༔ རྟ་མགྲིན་ས་བོན་ཧྲིདམར་པོ༔ འོད་འཕྲོས་གཟི་བརྗིད་ལྡན་པར་བསྒོམ་ཡུམ་ནི་ཕག་མོའི་ཐུགས་ཀ་རུ༔ ཉི་སྟེང་མ་ཡིག་བཀྲག་མདངས་ཅན༔ དེ་ཙམ་གྱིས་ཀྱང་ཆོག་པ་སྟེ༔ རྒྱས་པར་སྤྲོ་ན་རྟ་མགྲིན་གྱི༔ ཧྲི༔ ཡིག་མཐའ་རུ་རྟ་མགྲིན་སྔགས༔ ཕག་མོའི་ཐུགས་ཀར་མ་ཡིག་མཐར༔ ཨོཾ་བཛྲ་བྷ་རཱ་ཧི་སརྦ་བུདྡྷ་

― CMR007_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ཌཱཀི་ནི་ཧཱུྃ་ཕཊ༔ རྡོ་རྗེ་གིང་ཆེན་ཐུགས་ཀ་རུ༔ ཨོཾ་བཛྲ་དཔའ་བོ་ཧཱུཾ་རྡོ་རྗེ་མཁའ་འགྲོའི་ཐུགས་ཀ་རུ༔ ཨོཾ་བཛྲ་ཌཱཀི་ནཱི་ཧཱུྃ་ཛ༔ རཏྣ་གིང་ཆེན་ཐུགས་ཀ་རུ༔ ཨོཾ་རཏྣ་དཔའ་བོ་ཧཱུཾ་ཛ༔ རིན་ཆེན་མཁའ་འགྲོའི་ཐུགས་ཀ་རུ༔ ཨོཾ་རཏྣ་ཊཱ་ཀི་ནཱི་ཧཱུྃ་ཛ༔ པདྨ་གིང་ཆེན་ཐུགས་ཀ་རུ༔ ཨོཾ་པདྨ་དཔའ་བོ་ཧཱུྃ་ཛ༔ པདྨ་མཁའ་འགྲོའི་ཐུགས་ཀ་རུ༔ ཨོཾ་པདྨ་ཊཱ་ཀི་ནཱི་ཧཱུྃ་ཛ༔ ལས་ཀྱི་གིང་ཆེན་ཐུགས་ཀ་རུ༔ ཨོཾ་ཀརྨ་དཔའ་བོ་ཧཱུྃ་ཛ༔ ལས་ཀྱི་མཁའ་འགྲོའི་ཐུགས་ཀ་རུ༔ ཨོཾ་ཀརྨ་ཊཱ་ཀི་ནི་ཧཱུྃ་ཛ༔ སོ་སོའི་ཐུགས་སྲོག་མཐའ་རུ་བསྐོར༔ ཡབ་རྣམས་སྔགས་ཕྲེང་གཡས་སུ་འཁོར༔ ཡུམ་རྣམས་སྔགས་ཕྲེང་གཡོན་དུ་འཁོར༔ སྔགས་ཕྲེང་མདོག་ཀྱང་སྐུ་མདོག་མཚུངས༔ བདག་ཉིད་དབང་ཆེན་ལུས་ལྷར་བཅས༔ འཁོར་གྱི་ཐོད་ཕྲེང་སྡེ་བཞི་དང་༔ མཚན་བརྒྱད་གིང་ཆེན་བཅུ་དྲུག་སོགས༔ བདག་མདུན་ལྷ་ཚོགས་ཐམས་ཅད་ཀྱིས༔ རིམ་བུའི་ཚུལ་དུ་སྔགས་བཟླས་པས༔ སྔགས་སྒྲ་འབྲུག་ལྟར་འུར་ཆེན་སྒྲོག༔ དེ་ཡིས་རྐྱེན་བྱས་ཐུགས་རྒྱུད་བསྐུལ༔ ཕྱོགས་བཅུའི་རྒྱལ་བ་ཐམས་ཅད་དང་༔ མཁའ་འགྲོ་ཆོས་སྐྱོང་དམ་ཅན་དང་༔ ལྷ་འདྲེ་མི་གསུམ་སྣང་སྲིད་རྣམས༔ ཤ་རུལ་སྦྲང་མ་འདུས་པ་

― CMR007_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན༔ ཐམས་ཅད་བདག་ལ་འདུས་པར་བསྒོམ༔ དེ་ནས་སྔགས་བཟླས་མན་ངག་དང་༔ ཐོད་ཕྲེང་རྩལ་དང་སྦྲེལ་བཟླས་ན༔ སྟོབས་ནི་ཆེ་སྟེ་རྣོ་མྱུར་མེད༔ མ་སྦྲེལ་རྐྱང་པར་བཟླས་པ་ན༔ རྣོ་མྱུར་ཆེ་སྟེ་བཀྲ་མི་ཤིས༔ དེ་ཕྱིར་ཕྲེང་སྐོར་རེ་རེའི་མགོར༔ ཐོད་ཕྲེང་རྩལ་ནི་རེ་རེ་སྦྱར༔ ཧྲཱིཿཙམ་ཧ་རི་ནི་སའི་སྔགས་བཟླས་ཏེ༔ ཧཱུྃནི་དབང་ཆེན་རྟ་མགྲིན་ཡིན༔ མ་ནི་རྡོ་རྗེ་ཕག་མོ་སྟེ༔ ཧ་རི་ནི་ས་མཁའ་འགྲོ་བཞི༔ ར་ཙ་ཧྲཱིཿཡ་དཔའ་བོ་བཞི༔ ཙིཏྟ་དེ་རྣམས་སྲོག་ཡིན་ཏེ༔ ཧྲི་ཧྲི་གནད་ནས་སྤྱན་འདྲེན་པ༔ ཛཛཁུག་ཅིག་བསྡུས་ཤིག་ཡིན༔ ནམ་ལངས་ནས་ནི་ཉི་དྲོས་བར༔ སྤྱི་བོའི་དཔའ་བོ་ཡབ་ཡུམ་ལ༔ དམིགས་པ་གཏད་དེ་སྔགས་བཟླས་པས༔ ཐུགས་ཀའི་ས་བོན་སྔགས་ཕྲེང་ལས༔ འོད་ཟེར་དཀར་པོ་འཕྲོས་པ་ཡིས༔ བདག་གི་ལུས་ཀྱི་ནང་ཀུན་གང་༔ ནད་གདོན་སྡིག་སྒྲིབ་ཐམས་ཅད་ཞི༔ ཕྱིར་འཕྲོས་ཟླ་བའི་འོད་ཕོག་བཞིན༔ འོད་ཟེར་དཀར་པོས་འཇིག་རྟེན་གང་༔ འགྲོ་བ་ཀུན་གྱི་སྡིག་སྒྲིབ་དག བསྲུང་བྱའི་ནད་གདོན་ཐམས་ཅད་ནི༔ བ་མོར་ཉི་ཟེར་ཕོག་ལྟར་བསྒོམ༔ ཕྲེང་སྐོར་རེ་རེའི་མཇུག་ཏུ་ནི༔ ནད་གདོན་སྡིག་སྒྲིབ་སརྦ་

― CMR007_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཱིནྟཾ་ཀུ་རུ་ཡེ་སྭཱ་ཧཱཿ ཞེས་པའི་ཤམ་བུ་རེ་རེ་བཏགས༔ ཉི་དྲོས་ནས་ནི་ཕྱེད་ཡོལ་བར༔ མགྲིན་པའི་དཔའ་བོ་ཡབ་ཡུམ་གྱི༔ སྔགས་འཁོར་དམིགས་པ་གཏད་ལ་བཟླས༔ དེ་ལས་འོད་ཟེར་གསེར་མདོག་འཕྲོས༔ བདག་གི་ལུས་ཀུན་གང་བ་ཡིས༔ ཚེ་བསོད་ཡེ་ཤེས་ཡོན་ཏན་རྒྱས༔ ཕྱིར་འཕྲོས་ཉི་མའི་འོད་བཞིན་ཕོག༔ འོད་ཟེར་སེར་པོས་འཇིག་རྟེན་གང་༔ འགྲོ་བ་ཀུན་གྱི་ཡེ་ཤེས་རྒྱས༔ བདག་དང་བསྲུང་བྱའི་བསོད་ནམས་དང་༔ སྟོབས་དང་འབྱོར་པ་རྒྱས་པར་བསྒོམ༔ ཚེ་བསོད་དཔལ་འབྱོར་པུཏྟིཾ་ཀུ་རུ་ཡེ་སྭཱ་ཧཱ༔ ཞེས་པའི་ཤམ་བུ་རེ་རེ་སྦྱར༔ དགོང་ཀ་ནས་ནི་མུན་རུབ་བར༔ སྙིང་གའི་དཔའ་བོ་ཡབ་ཡུམ་ལ༔ དམིགས་པ་གཏད་ལ་སྔགས་བཟླས་པས༔ འོད་ཟེར་དམར་པོས་བདག་ལུས་གང་༔ ། རླུང་སེམས་སྣང་བ་དབང་དུ་འདུས༔ ཕྱིར་འཕྲོས་འོད་ཟེར་དམར་པོ་ནི༔ གློག་ཞགས་ལྟ་བུ་ཕྱོགས་བཅུར་འཕྲོས༔ འདོད་པའི་དངོས་གྲུབ་ཐམས་ཅད་ནི༔ རང་དབང་མེད་པར་དབང་བསྡུས་ནས༔ རང་ལ་ཐིམ་པས་དངོས་གྲུབ་ཐོབ༔ སརྦ་ལོ་ཀ་པཱ་ཤཾ་ཀུ་རུ་ཡེ་སྭཱ་ཧཱ༔ ཞེས་པའི་ཤམ་བུ་རེ་རེ་སྦྱར༔ མུན་རུབ་ནས་ནི་མ་གཉིད་བར༔ ལྟེ་བའི་ཡབ་ཡུམ་

― CMR007_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པ་གཏད༔ འོད་ཟེར་ལྗང་ནག་བདག་ལུས་གང་༔ བདུད་བཞི་ཉོན་མོངས་ཚར་བཅད་གྱུར༔ ཕྱིར་འཕྲོས་འོད་ཟེར་ལྗང་ནག་ནི༔ ཤིན་ཏུ་ཚ་བའི་རེག་བྱ་ཅན༔ བདག་དང་བསྲུང་བྱ་ཐམས་ཅད་ལ༔ གནོད་པའི་དགྲ་བགེགས་ལོག་འདྲེན་ཀུན༔ བྱ་སྒྲོ་མེ་ལ་སྲེག་བཞིན་བསྒོམ༔ གནོད་བྱེད་མཱ་ར་ཡ་ཧཱུྃ་ཕཊ༔ ཅེས་པའི་ཤམ་བུ་བཏགས་པར་བྱ༔ དེ་ལྟར་སྔགས་ཀྱི་གྲངས་ཀ་ནི༔ བསྙེན་སྒྲུབ་གཉིས་པོ་ཅི་སོགས་གི༔ ཅི་ཆའི་ཆ་གཅིག་ཚད་ཡིན་ཏེ༔ དེ་བས་མང་ན་བསྙེན་སྒྲུབ་ཉམས༔ ཉུང་ན་ཕྲིན་ལས་མི་འགྲུབ་བོ༔ དུས་ཀྱི་བསྙེན་པའི་དབང་བྱས་ན༔ བསྙེན་པ་ཞག་བདུན་སྒྲུབ་པ་ནི༔ ཞག་པོ་བདུན་གཉིས་བྱས་ནས་ཀྱང་༔ ལས་སྦྱོར་ཞག་པོ་གཉིས་བཟླ་ཞིང་༔ དེ་ཡི་ཕྱིར་ཉིན་སྔ་དྲོ་ལ༔ ལས་སྦྱོར་ཅུང་ཙམ་བཟླས་བྱས་ཏེ༔ ཚོགས་བྱས་བསྐང་གསོ་ཚར་མང་འདོན༔ དེ་ནས་ཚེ་གཏོར་བཤམས་བྱས་ལ༔ ལས་བྱང་མང་བའི་ཚེ་འགུགས་བྱ༔ ཚེ་ཡི་བསྙེན་པ་སྟོང་ཙམ་བཟླ༔ དེ་ནས་དངོས་གྲུབ་ལེན་ཆོག་ནི༔ ཡོད་ན་བུམ་པ་གཏོར་མ་གཉིས༔ ལག་པ་གཉིས་ཀས་མཉམ་དུ་བཟུང་༔ མེད་ན་སྒྲུབ་གཏོར་ཁོ་ན་བཟུང་༔ མདུན་གྱི་ལྷ་

― CMR007_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཐམས་ཅད་ཀྱི༔ དཔྲལ་མགྲིན་ཐུགས་ཀ་ལྟེ་བ་རུ༔ སྐུ་ཡི་ཆ་ནི་ཐམས་ཅད་ནས༔ ཨོ་དཀར་ཨཱཿདམར་ཧཱུཾ་མཐིང་ག ཧིལྗང་འོད་ཟེར་སྣ་ཚོགས་ནི༔ འཕྲོས་ནས་རང་ལ་ཐིམ་པ་ཡིས༔ དབང་དང་དངོས་གྲུབ་ཐོབ་པར་བསྒོམ༔ དངོས་གྲུབ་ལེན་ཆོག་དབྱངས་དང་བཅས༔ སྔགས་བརྗོད་རང་གི་གནས་བཞིར་གཏུགས༔ སྒྲུབ་གཏོར་ཅུང་ཟད་དངོས་གྲུབ་བྱ༔ བུམ་ཆུ་བཏུང་དང་ཁྲུས་བྱའོ༔ དེ་ནས་ཆེད་མདོ་བརྟན་སྐྱོང་དང་༔ བསྡུ་ཆོག་བཀྲ་ཤིས་ལ་སོགས་བྱ༔ ལས་བྱང་མཇུག་དེ་རྫོགས་པས་འཐུས༔ དེ་ནུབ་གནས་སྲུང་གར་མི་འགྲོ༔ དཀྱིལ་འཁོར་མཆོད་གཏོར་རྣམས་ནི་བསྡུ༔ དེ་ནས་ལས་བྱང་ལ་བརྟེན་པ༔ གུ་རུ་ཞི་བའི་སྒྲུབ་པ་ཚང་༔ སྒྲུབ་པ་མིན་པའི་རྒྱུན་ཁྱེར་ལ༔ བསྙེན་སྒྲུབ་ལས་སྦྱོར་གསུམ་ཀ་ཡང་༔ གོང་གི་དམིགས་པ་དེ་རྣམས་བྱ༔ ཉིན་རེ་བཞིན་དུ་བསྙེན་སྒྲུབ་དང་༔ ལས་སྦྱོར་གསུམ་ཀ་ཚང་བར་བྱ༔ སྔགས་ནི་མང་ཉུང་དལ་ཁོམ་བསྟུན༔ ད་ནངས་ལས་བྱུང་བཏང་ནས་ཀྱང༔ ཁ་ཅིག་འདུག་རྒྱུ་མ་བྱུང་ཡང་༔ འགྲོ་འདུག་བྱེད་ཅིང་བསྙེན་སྒྲུབ་རུང་༔ དེ་ཡང་བདེ་མཆོག་རྒྱུད་ལས་བཤད༔ དེ་ཡི་མན་ངག་ཟབ་གནད་ལ༔ མདུན་བསྐྱེད་

― CMR007_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་པར་མི་བྱ་ཞིང་༔ བདག་བསྐྱེད་ཁོ་ན་བསྒོམས་བྱས་ལ༔ གཏོར་བསྔོས་བྱེད་པའི་སྐབས་དེ་རུ༔ རང་གི་ཐུགས་ཀའི་འོད་ཟེར་གྱིས༔ གཏོར་མགྲོན་ལྷ་རྣམས་སྤྱན་དྲངས་ལ༔ གཏོར་མ་གསོལ་བའི་རྗེས་དེ་རུ༔ གཏོར་མགྲོན་ཡེ་ཤེས་རང་ལ་བསྟིམ༔ འཇིག་རྟེན་པ་རྣམས་རང་གནས་སུ༔ སོང་བར་བསྒོམ་པ་ཁོ་ནས་ཆོག༔ དེ་ནས་བདག་བསྐྱེད་ཏིང་འཛིན་དང་༔ འགྲོ་འདུག་སྤྱོད་ལམ་ཀུན་ཏུ་བཟླས༔ ནུབ་མོ་ཉལ་བའི་ཚེ་ན་ཡང་༔ རྡོ་ར་མེ་རི་སྲུང་འཁོར་ནི༔ བསྡུ་བར་མི་བྱེད་དེ་གར་བཞག༔ དེ་མིན་གཞལ་ཡས་འཁོར་གྱི་ལྷ༔ བདག་ཐིམ་བདག་ཉིད་ཐུགས་ཀ་ཡི༔ ཧྲིར་ཐིམ་དེ་ཡང་མི་དམིགས་པ༔ སྟོང་ཉིད་ཉམས་ལེན་ངང་ལ་ཉལ༔ འོད་གསལ་བཟུང་བའི་དམིགས་པའམ་ཡིན༔ མཚམས་སྒྲུབ་དུས་སམ་རྒྱུན་ཁྱེར་དུས༔ ལྟ་སྒོམ་སྤྱོད་གསུམ་བྱ་ལུགས་ནི༔ ཨོ་ཆོས་སྐུ་མི་འགྱུར་རྡོ་རྗེ་ཡི༔ པདྨ་རྒྱལ་པོས་འདི་སྐད་སྨྲས༔ དང་པོ་ཆོས་རྣམས་དམིགས་མེད་ཅིང་༔ སྨྲ་བརྗོད་བྲལ་བ་རྫོགས་པ་ཆེ༔ བློ་འདས་ཆོས་སྐུ་མི་འགྱུར་བའི༔ དེ་བཞིན་ཉིད་ཅེས་གསུངས་པའི་དོན༔ ལྟ་བའི་མཐར་ཐུག་ཡིན་པའོ༔ སྣང་སྲིད་འཁོར་འདས་ཐམས་ཅད་

― CMR007_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན༔ སངས་རྒྱས་ཐུགས་དང་སེམས་ཅན་སེམས༔ རང་དང་གཞན་དང་གྲུབ་པའི་མཐ༢༔ འཁྲུལ་དང་མ་འཁྲུལ་བཟང་དང་ངན༔ ཐམས་ཅད་དབྱེར་མེད་རོ་གཅིག་སྟེ༔ འདི་ཡིན་འདི་མིན་སྨྲ་བརྗོད་བྲལ༔ དེ་ཉིད་ཉམས་སུ་ལེན་པའི་ཚུལ༔ རང་གི་སེམས་ལ་ཚུར་བལྟས་པས༔ བཟུང་བའི་ཡུལ་དང་འཛིན་པའི་སེམས༔ དབྱེར་མེད་ངོ་བོ་སྟོང་པར་མཐོང་༔ སྣང་བ་མཐའ་ཡས་དགོངས་པ་ཡིན༔ ཅི་ཡང་མེད་པའི་སྟོང་པ་ཉིད༔ མ་འགགས་རང་གསལ་ཅི་ཡང་འཆར༔ དེ་ཡང་ངག་ཏུ་བརྗོད་མི་ཤེས༔ ཐུགས་རྗེ་ཆེན་པོའི་དགོངས་པ་ཡིན༔ དྲན་པའི་རྣམ་རྟོག་སྣ་ཚོགས་འདི༔ གང་ཤར་ངོ་བོར་བལྟས་པའི་ཚེ༔ རང་གྲོལ་ཆུ་དང་ཆུ་རླབས་བཞིན༔ སེམས་ལས་བྱུང་ཞིང་སེམས་ལ་ཐིམ༔ པདྨ་འབྱུང་གནས་དགོངས་པ་ཡིན༔ སེམས་ཀྱི་ངོ་བོ་སྟོང་པ་དང་༔ རང་བཞིན་གསལ་རིག་རྗེན་པ་དང་༔ འགགས་མེད་ཅི་ཡང་འཕྲོ་བ་གསུམ༔ དོན་ལ་བླ་མ་སྐུ་གསུམ་སྟེ༔ གཞན་དུ་མ་ཚོར་རང་སེམས་ལྟོས༔ དེ་ལ་རྒྱུན་དུ་གོམས་འཇུག་པ༔ སྒོམ་ཡིན་ཉམས་ལེན་སྐྱོང་བའང་ཡིན༔ དེ་ཡི་ངང་ལ་སྡིག་སྤངས་ཤིང་༔ དགེ་བ་བསྙེན་སྒྲུབ་ཚོགས་བསགས་འབད༔ དེ་

― CMR007_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྤྱོད་པ་ཞེས་བྱ་འོ༔ རང་སེམས་བླ་མ་སྐུ་གསུམ་ལ༔ བརྟན་པ་ཐོབ་ཅིང་གདེང་ལྡན་ན༔ འབྲས་བུ་དེ་ཉིད་ཡིན་པ་འོ༔ གལ་ཏེ་འབྲས་བུ་ཐོབ་ན་ཡང་༔ སྲིད་པ་བར་དོའི་གནས་སྐབས་ནས༔ རབ་ཏུ་སྣང་བ་མཐའ་ཡས་ཞིང་༔ སྐྱེས་ནས་ཕྱིར་མི་ལྡོག་པ་ཐོབ༔ འབྲིང་དུ་རྔ་ཡབ་གླིང་དུ་སྐྱེ༔ ཨོ་རྒྱན་ཆེན་པོས་རྗེས་སུ་བཟུང་༔ ཐ་མ་མི་ལུས་ཆོས་ལྡན་དུ༔ སྐྱེ་བ་གསུམ་མམ་བདུན་རྒྱུད་ནས༔ ཆོས་འདི་ཉམས་ལེན་གྲོལ་བར་འགྱུར༔ དེ་རྟགས་འདི་ཉིད་ཉམས་ལེན་མཁན༔ འདས་ནས་གདུང་སོགས་བཞུས་པ་ན། འཇའ་འོད་རིང་བསྲེལ་སྐུ་གཟུགས་དང་༔ ཡིག་འབྲུ་ཕྱག་མཚན་ལ་སོགས་པ༔ སྣ་གཅིག་མི་འབྱུང་མི་སྲིད་དེ༔ ཚུལ་བཞིན་ཉམས་སུ་མ་བླངས་དང་༔ དམ་ཚིག་ཉམས་པ་མ་གཏོགས་སོ༔ གོང་གི་ལས་སྦྱོར་སྔགས་དེ་ཡི༔ ཕན་ཡོན་ཨོ་རྒྱན་ཆེན་པོས་གསུངས༔ དཔའ་བོ་ཕོ་ཚོགས་མོ་ཚོགས་རྣམས༔ རང་དབང་མེད་པར་མདུན་དུ་འོང་༔ ལུང་སྟོན་ཆོས་འཆད་ལེགས་ཉེས་སྨ༔ བསྟོད་ཅིང་གསོལ་འདེབས་བསྒོ་བ་ཉན༔ ལྷ་འདྲེ་མི་གསུམ་དབང་དུ་སྡུད༔ བསམ་པ་ཀུན་འགྲུབ་ཐེ་ཚོམ་མེད༔ རྟེན་འབྲེལ་ལེགས་ཚོགས་ཀུན་འགྲུབ་

― CMR007_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར༔ ཐུགས་སྒྲུབ་འདི་ཡི་བསྙེན་སྒྲུབ་ལ༔ ཚན་ཆེན་ཐུགས་དམ་བྱས་པ་ན༔ དེ་ཡི་ཕན་ཡོན་ཨོ་རྒྱན་གསུངས༔ ལུས་ལ་བདེ་བའི་དངོས་གྲུབ་འབྱུང་༔ ལུས་ཀྱི་རྫུ་འཕྲུལ་སྟོན་པར་ནུས༔ ཌཱ་ཀི་དབང་དུ་འདུ་བའི་རྟགས༔ བུད་མེད་རིགས་གྱུར་ཀུན་ཀྱང་འདུ༔ དཔའ་བོ་དབང་དུ་འདུ་བའི་རྟགས༔ སྔགས་བཙུན་སྐྱེ་བོ་ཐམས་ཅད་འདུ༔ སྣང་བ་ཐམས་ཅད་བླ་མར་འཆར༔ སྣང་སྲིད་ཀུན་གྱི་ཆོས་རྣམས་སྟོན༔ བསམ་པ་ཐམས་ཅད་ཡིད་བཞིན་འགྲུབ་རབ་དངོས་འབྲིང་ཉམས་ཐ་མ་ཡང་༔ ལུང་སྟོན་ཆོས་འཆད་ལེགས་ཉེས་སྨྲ༔ ལྷ་འདྲེ་མི་གསུམ་དབང་དུ་འདུ༔ རིགས་གང་དབང་དུ་འདུ་བའི་སར༔ གདུལ་བྱ་རྒྱ་མཚོ་མ་ལུས་འབྱུང་༔ ངག་ལ་ནུས་པ་ཐོགས་མེད་འབྱུང་༔ མ་བསླབ་ཆོས་སྒོ་སྨྲ་བར་ནུས༔ དམོད་པ་བཙན་ཞིང་སྨོན་ལམ་འགྲུབ༔ ཡིད་ལ་དག་སྣང་དཔག་མེད་འཆར༔ བླ་མ་ཡི་དམ་དྷཱ་ཀི་ཡི༔ ཞལ་མཐོང་མངོན་ཤེས་ཕྲ་མོ་འབྱུང་༔ ཁྱད་པར་རྟག་ཏུ་བླ་མ་དང་༔ འདུ་འབྲལ་མེད་པའི་སྣང་བ་འཆར༔ ཆོས་སྒོ་དཔག་མེད་གསུང་བར་འགྱུར༔ འོན་ཀྱང་དོན་ལ་གནས་པ་གཅེས༔ གསུངས་ཕྱིར་དེ་འདྲ་བྱུང་སྲིད་ནའང་༔ དགའ་ཚོར་

― CMR007_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

རློམ་སེམས་མི་བྱ་ཞིང་༔ ཉམས་ལེན་ངོ་བོ་ལྟ་བ་གཅེས༔ འདི་དང་ཕྱི་མ་བར་དོ་རུ༔ ཨོ་རྒྱན་ཁྱེད་ཤེས་བློ་སྙིང་གཏད༔ གཏོར་བསྔོས་མ་ཆག་ཚེས་བཅུར་གཟབ༔ དེ་ནས་སྔགས་འཆང་གསར་བུ་ཡིས༔ ལས་བྱང་ཁོ་ན་ལ་བརྟེན་ནས༔ བསྙེན་སྒྲུབ་རྒྱུན་ཁྱེར་ཉམས་ལེན་ཚུལ༔ པདྨ་མཐར་ཕྱིན་གྱིས་བསྐུལ་ངོར༔ རཱ་ག་ཨ་སྱས་ཐུན་མཚམས་འགར༔ སྨྲས་པ་ཞུ་མཁན་ཉིད་ཀྱིས་བྲིས༔ མ་འོངས་གསར་བུ་མང་པོ་ལ༔ ཕན་ཐོགས་རྒྱ་ཆེར་འབྱུང་བར་ཤོག༔ མཐོང་ཐོས་དྲན་རེག་ཉམས་ལེན་མཁན༔ བསྐྱེད་རྫོགས་བརྟན་ཐོབ་བདེ་ཆེན་ཞིང་༔ པདྨ་ལས་འཁྲུངས་སྣང་མཐའ་མཇལ༔ བྱང་ཆུབ་ལུང་བསྟན་ས་བཅུ་ཐོབ༔ རྫོགས་པའི་སངས་རྒྱས་ཐོབ་པར་ཤོག༔ སརྦ་མངྒ་ལཾ།། ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་ཡང་སྙིང་འདུས་པའི་ལས་བྱང་ལ་བརྟེན་པའི་བསྙེན་སྒྲུབ་བྱ་ཚུལ་བཞུགས་པའི་དབུ་ཕྱོགས།

― CMR007_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་སྒྲུབ་ཡང་སྙིང་འདུས་པའི་ལས་བྱང་ལ་བརྟེན་པའི་བསྙེན་སྒྲུབ་བྱ་ཚུལ་བཞུགས་པའི་དབུ་ཕྱོགས་ལགས་སོ།།

― CMR007_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དྷེ་ཝ་དྷཱ་ཀི་ནཱི་ཡེ། རྩ་བ་གསུམ་གྱི་ལྷ་ལ་ཕྱག་འཚལ་ནས། །ཐུགས་སྒྲུབ་ལས་བྱང་ལ་བརྟེན་བསྙེན་པ་དང་། །རྒྱུན་བསྙེན་བྱ་ཚུལ་འདི་ནི་ཅུང་ཟད་བྲི། །ཆོས་བདག་སྲུང་མས་བཀའ་ཡི་གནང་བ་སྩོལ། །དེ་ལ་ཐུགས་སྒྲུབ་ཀྱི་ལུང་དང་གཏོར་དབང་ཙམ་ཐོབ་པའི་གང་ཟག་གིས། རང་གང་དུ་མཐུན་རྐྱེན་འཛོམ་པའི་གནས་སུ།། བླ་མ་ཡི་དམ་མཁའ་འགྲོ་གསུམ་གྱི་གཏོར་མ། ཆོས་སྐྱོང་སྤྱི་འདུས་དང་ནོར་ལྷ་ཕྱི་རྒྱུད་ལ་དཀར་གཏོར་གཅིག་དང་ལྔ་བཅས། རྒྱས་པར་འདོད་ན་ལྷ་གྲངས་བཅའ་འོ། །སྔོན་འགྲོ་དཀར་བགེགས་ཚོགས་གཏོར་འབུལ་རྒྱུ་བཅའ། མཆོད་

― CMR007_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམ་ལྔ། སྨན་རཀ་རྡོར་དྲིལ་ལ་སོགས་གང་འཛོམ་སྟ་གོན་བྱ། གནས་ཁང་སྤོས་སམ་ཤུག་རུམ་བྱ། རང་གོས་གདན་སྤོས་ཀྱིས་བསངས། རང་ཉིད་ཁྲུས་བྱས་མདུན་དུ་དཀྱིལ་ཐང་ངམ། ཞལ་ཐང་ཡོད་ན་རབ། མེད་ན་ཡང་རུང་གདན་བཏིང་ནས་མི་བསྒུལ། སྒོ་རྩར་ཐོ་དཀར་པོ་ཞིག་བརྩེགས། དེ་ནས་སྔོན་འགྲོ་སྐྱབས་སེམས་སོགས་གཞུང་ལྟར་བྱ། དཀར་གཏོར་བསྔོ་དུས་ཡུལ་དེའི་གནས་བདག་ལ་ཡང་ཁཱ་ཧི་བྱས་ལ་བདག་གི་བར་ཆད་སྲུངས་དང་སྡོང་གྲོགས་མཛོད། འདི་སྒྲུབ་པ་ལ་ཕྲག་དོག་མ་བྱེད། ཅེས་བཀའ་བསྒོའོ། །དེ་ནས་བགེགས་གཏོར་བྱིན་

― CMR007_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མཚམས་བཅད་ཡོད་ན་གུ་གུལ་བདུག་།མཚམས་གཡོག་གཏུག་དགོས་ཡོད་ན་མ་གཏོགས་ངོ་མི་གཏུག །དེ་ནས་ཐུགས་སྒྲུབ་གཞུང་ལྟར་འདོན་ཏེ། ལྷ་བསྐྱེད་དུས་བདག་མདུན་དཀྱིལ་འཁོར་ཡོངས་རྫོགས་བསྐྱེད་པ་དང་། མདུན་བསྐྱེད་ལ་བརྟེན་ཡོད་དམ་མེད་ན་གཏོར་མ་ལ་བསྐྱེད་དོ། །བླ་མའི་གཏོར་མའི་རྩེ་ན་མདུན་བསྐྱེད་དཀྱིལ་འཁོར་ཡོངས་རྫོགས་བསྐྱེད། དེ་ཡང་བདག་བསྐྱེད་ཀྱི་རྡོ་རྭ་མེ་རི་ནི་སྒོ་ང་སྲུབ་མེད་པ་རྒྱ་ཆེ་བར་བྷེ་ལ། བདག་བསྐྱེད་དཀྱིལ་འཁོར་གྱི་དུར་ཁྲོད་པད་ར་ནང་མའི་ཁྱམས་དེ་ནས་མདུན་བསྐྱེད་གཏོར་མའི་རྩེ་དཀྱིལ་འཁོར་དེར་བསྐྱེད། མདུན་བསྐྱེད་ཀྱི་རྡོ་ར་དང་མེ་རི་ནི་དགོན་པའི་ལྕགས་རི་ལྟར་ཡོད་པས། དཀྱིལ་འཁོར་བདག་མདུན་གཉིས་ཀྱི་བཏེག་དང་ཅུང་ཟད་མཐོ་བ་གཙོ་བོ་སྐུ་ཅུང་ཟད་ཆེ་བས། བདག་མདུན་གཙོ་བོ་གཉིས་ཕན་ཚུན་གཅིག་གིས་གཅིག་ལ་གཟིགས་ཤིང་ཞལ་སྤྲོད་ཚུལ་དུ་བསྒོམ། ༈་དེ་ཡང་འདི་ཡི་སྐབས་སུ་རང་རྟ་མགྲིན་བསྒོམ་པའི་སྤྱི་བོར་བླ་མ་སྤྲུལ་པའི་སྐུ་བསྒོམ་ཚུལ་གཞུང་ཁོག་ལ།དེ་ཉིད་གནས་འགྱུར་དྲན་རྫོགས་སུ་སོགས་ཆོས་སྐུའི་མངོན་རྟོགས་དེ་བསྒྱུར། རང་རྟ་མགྲིན་ཐུགས་ཀར་བུདྨ་ཐོད་ཕྲེང་རྩལ་རྟ་མགྲིན་གྱི་

― CMR007_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཞིར་ཐོད་ཕྲེང་རྩལ་རིགས་བཞི་བྷེ། མངོན་རྟོགས་ཚར་གཅིག་གིས་བདག་མདུན་གཉིས་དུས་གཅིག་བསྐྱེད་པ་རྙིང་མའི་ཁྱད་ཆོས་སོ། །གཞན་གཞུང་ལྟར་གོ་སླ་། སྤྱན་འདྲེན་དུས་བདག་མདུན་གཉིས་ཀ་ལ་བསྟིམ་རང་གི་ཐུགས་ཀ་ནས་མཆོད་པའི་ལྷ་མོ་དཔག་ཏུ་མེད་པ་སྤྲུལ་ནས་བདག་མདུན་གཉིས་ལ་མཆོད་པ་དང་བསྟོད་པ་བྱེད་པར་བསྒོམས་ལ་མཆོད་བསྟོད་འདོན། དེ་ནས་ཛབ་གོང་དེ་ན་བསྙེན་པ་བྱ་སྟེ། རང་རྟ་མགྲིན་གྱི་ཐུགས་ཀར་ཉི་མའི་སྟེང་དུ་ཧཱུྃ་དམར་པོ་ལ་རྟ་མགྲིན་གྱི་སྔགས་ཀྱིས་བསྐོར་བ་དང་། རང་གི་སྤྱི་བོར་ཨོ་རྒྱན་སྤྲུལ་སྐུའི་ཐུགས་ཀར་ཟླ་བའི་གདན་ལ་ཧཱུྃཡིག་དཀར་ལ་དམར་བའི་མདངས་ཆགས་པ་ཅན་གྱི་མཐར་བཛྲ་གུ་རུས་བསྐོར་བ་དེ་ལས་འོད་ཟེར་ཕྱོགས་བཅུར་འཕྲོས་པས་ཕྱོགས་བཅུའི་བླ་མ་ཡི་དམ་མཁའ་འགྲོ་བྱང་སེམས་ཐམས་ཅད་ལ་མཆོད་པའི་ཚོགས་དཔག་ཏུ་མེད་པ་སྤྲུལ་དེ་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་འོད་ཟེར་གྱི་རྣམ་པར་བསྡུས་ནས། སྤྱི་བོའི་སྤྲུལ་སྐུ་ལ་ཐིམ་པས་སངས་རྒྱས་ཀུན་འདུས་ཀྱི་ངོ་བོར་བྷོ། དེ་ནས་སྤྲུལ་སྐུའི་དཔྲལ་བ་ནས་འོད་ཀྱི་ཐིག་ལེ་དཀར་པོ་ཨ་ཡིག་དཀར་པོའི་མཚན་པ་མང་པོ་བར་མ་ཆད་པ་བྱུང་ནས་རང་

― CMR007_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

གི་དཔྲལ་བ་ལ་ཐིམ་པས་ལུས་ཀྱི་སྡིག་སྒྲིབ་དག་སྐུའི་བྱིན་རླབས་ཞུགས་འཆི་མེད་ཚེ་ཡི་དངོས་གྲུབ་ཐོབ། ཡང་སྤྲུལ་སྐུའི་མགྲིན་པ་ནས་འོད་ཀྱི་ཐིག་ལེ་དམར་པོ་དམར་པོས་མཚན་པ་བར་མ་ཆད་པར་བྱོན་ནས་རང་གི་མགྲིན་པ་ལ་ཐིམ་པས་ངག་སྒྲིབ་དག་གསུང་གི་བྱིན་རླབས་ཞུགས་འགག་མེད་གསུང་གི་དངོས་གྲུབ་ཐོབ། ཡང་སྤྲུལ་སྐུའི་ཐུགས་ཀ་ནས་འོད་ཀྱི་ཐིག་ལེ་སྔོན་པོ་ཧཱུྃ་གིས་མཚན་པ་བར་མ་ཆད་པར་བྱོན་ནས་བདག་གི་སྙིང་ཁར་ཐིམ་པས་ཡིད་ཀྱི་སྒྲིབ་པ་དག་ཐུགས་ཀྱི་བྱིན་རླབས་ཞུགས། འཁྲུལ་མེད་ཐུགས་ཀྱི་དངོས་གྲུབ་ཐོབ་པར་བསྒོམ་ཞིང་དམིགས་པ་དེ་རྣམས་ལན་མང་དུ་བྱ། སྐབས་སུ་དཀྱིལ་འཁོར་གྱི་ལྷ་ཐམས་ཅད་ཀྱིས་སྔགས་སྒྲ་འུ་རུ་རུ་འདོན་པར་བྱེད་པར་བསམ་ཞིང་། སྤྱི་བོའི་སྤྲུལ་སྐུ་ལ་དད་གུས་དྲག་པོས་སྔགས་བཛྲ་གུ་རུ་གསོལ་འདེབས་ཀྱི་ཚུལ་དུ་བྱ། མང་ཉུང་ཅི་ཙམ་འདོད་པ་རྒྱས་པའི་བསྙེན་པའོ།། ༈ དེ་ནས་སྤྱི་བོའི་བླ་མ་སྤྲུལ་སྐུ་དེ་སྤྱི་བོའི་ཚངས་བུག་ནས་མར་རང་གི་སྙིང་དབུས་སུ་བྱོན་ཏེ། ཐུགས་ཀར་བུདྡྷ་ཐོད་ཕྲེང་རྩལ་དེ་ཐུགས་ཀར་རང་གི་སྙིང་དེ་པདྨ་དམར་པོ་འདབ་མ་བརྒྱད་པ་ཁ་ཕྱེད་ཙམ་བྱེ་བར་བྷེ་པའི་ཕོར་པའི་དབྱིབས་ཅན་ནང་གི་ཟེའུ་འབྲུ་ཟླ་བའི་གདན་ལ་

― CMR007_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་སྐུ་དེ་བཞུགས་མ་ཐག་ཏུ་དེ་ཉིད་གནས་འགྱུར་དྲན་རྫོགས་སུ། ཞེས་སོགས་གོང་ལྟར་བླ་མ་ཆོས་སྐུའི་རྡོ་རྗེ་འཆང་ཡབ་ཡུམ་སྐུ་ལམ་གྱིས་གྱུར་པར་བསྒོམ། དེ་ཡི་གནས་གསུམ་ཨོཾ་ཨཱཿཧཱུྃ་དང་ཁྱད་པར་དུ་པདྨ་ཉི་མ་ཟླ་བ་སུམ་བརྩེགས་པའི་གདན་ལ་ཧཱུཾ་མཐིང་ནག་གསལ་བའི་ཐུགས་ཀར་ཐོད་ཕྲེང་རྩལ་གྱི་སྔགས་ཕྲེང་གཡས་སུ་འཁོར་བ་ལས་འོད་ཟེར་འཕྲོས་པས་སངས་རྒྱས་བྱང་སེམས་བླ་མ་ཡི་དམ་ཐམས་ཅད་མཆོད་དེ་ཐམས་ཅད་ཀྱི་བྱིན་རླབས་ཐམས་ཅད་འོད་ཟེར་གྱི་རྣམ་པར་བསྡུས་ནས་ཐུགས་ཀའི་བླ་མ་ཆོས་སྐུ་ལ་ཐིམ་པས། བླ་མ་གཟི་བརྗིད་ཇེ་ཆེར་སོང་བས་དཀྱིལ་འཁོར་གྱི་བླ་མ་ཐམས་ཅད་ཀྱིས་བླ་མ་ཆོས་སྐུ་ལ་བསྟོད་དབྱངས་ཚུལ་དུ་སྔགས་བཟླ་རོགས་བྱེད་པར་བསྒོམ་ཞིང་། སྔགས་ཐོད་ཕྲེང་རྩལ་ལ་བཛྲ་གུ་རུ་གང་རུང་ཅི་ཙམ་བཟླས་པའི་སུམ་འགྱུར་ཙམ་ཞིག་འདོན་ནོ། །ཐུན་མཇུག་ཏུ་སྙིང་གའི་བླ་མ་ཆོས་སྐུའི་སྐུ་གསུང་ཐུགས་ལས་འོད་ཟེར་བདུད་རྩིའི་ཆུ་རྒྱུན་གྱི་རྣམ་པ་དཀར་དམར་མཐིང་གསུམ་བྱུང་ལུས་ལྟེམ་གྱིས་གང་བས། ལུས་ངག་ཡིད་གསུམ་གྱི་ཉམས་ཆག་སྡིག་སྒྲིབ་སྦྱངས་ནས་རང་སྐུ་གསུང་ཐུགས་ཀྱི་དངོས་གྲུབ་ཐོབ་པར་བྷེ་པ་སྒྲུབ་པའོ། །དེ་ནས་སྙིང་གི་བླ་མ་

― CMR007_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་དུ་ཞུ། བུདྡྷ་ཐོད་ཕྲེང་རྩལ་དང་དབྱེར་མེད་དུ་འདྲེས། བུདྡྷ་ཐོད་ཕྲེང་རྩལ་འོད་དུ་ཞུ་ནས་བདག་རྟ་མགྲིན་དང་དབྱེར་མེད་དུ་གྱུར་པས། བདག་པདྨ་འབྱུང་གནས་དང་དབྱེར་མེད་པའི་ང་རྒྱལ་ཡུད་ཙམ་བཟུང་ནས་རྟ་མགྲིན་གྱི་སྤྱི་བོའི་ནང་དུ་རྡོ་རྗེ་མཁའ་འགྲོ་ཞལ་སྦྱོར་དཀར་པོ། མགྲིན་པར་རིན་ཆེན་མཁའ་འགྲོ་ཡབ་ཡུམ་སེར་པོ། སྙིང་གར་པདྨ་མཁའ་འགྲོ་ཡབ་ཡུམ་དམར་པོ། ལྟེ་བར་ལས་ཀྱི་མཁའ་འགྲོ་ཡབ་ཡུམ་ལྗང་གུ། །ཐམས་ཅད་གྲི་ཁུག་ཐོད་ཁྲག་ཅན། ཡབ་རྣམས་ཞབས་གཡས་བསྐུམ་གཡོན་བརྐྱང་པ་ཡུམ་རྣམས་གཡས་བརྐྱང་གཡོན་བསྐུམ་པ་འཁྲིལ་བ་རྒྱན་དྲུག་སོགས་དུར་ཁྲོད་རྒྱན་ཅན་དུ་བསྒོམས་པའི་ཐུགས་ཀ་རྣམས་སུ་དཔྲལ་བའི་ཡབ་ཀྱི་ཐུགས་ཀར་ར། ཡུམ་གྱི་ཐུགས་ཀར་ཧ། མགྲིན་པའི་ཡབ་ཀྱི་ཐུགས་ཀར་ཙ། ཡུམ་གྱི་ཐུགས་ཀ་རི། སྙིང་ཁའི་ཡབ་ཀྱི་ཐུགས་ཀར་ཧྲཱིཿ ཡུམ་གྱི་ཐུགས་ཀར་ཎི༔ ལྟེ་བའི་ཡབ་ཀྱི་ཐུགས་ཀར་ཡ། ཡུམ་གྱི་ཐུགས་ཀར་ས་བྷེ། དེ་ནས་དཔྲལ་བའི་མཁའ་འགྲོ་ཡབ་ཡུམ་ཐུགས་ཀ་ནས་འོད་ཟེར་དཀར་པོ་འཕྲོས། ལུས་གང་བདག་གི་ཉོན་མོངས་དང་ནད་གདོན་ཞི། འོད་ཕྱིར་འཕྲོས་པས་དགྲ་བགེགས་ཀྱི་བར་ཆད་ཞི། མགྲིན་

― CMR007_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡབ་ཡུམ་ལས་འོད་ཟེར་འཕྲོས་སེར་པོ་འཕྲོས། ལུང་གང་བས་ཚེ་དང་བསོད་ནམས་རྒྱས། ཕྱིར་འཕྲོས་པས་ལོངས་སྤྱོད་མངའ་ཐང་རྒྱས། སྙིང་གའི་ཡབ་ཡུམ་ལས་འོད་ཟེར་དམར་པོ་འཕྲོས། ལུས་གང་ནས་རླུང་སེམས་དབང་དུ་འདུས། ཕྱིར་འཕྲོས་པས་ལྷ་འདྲེ་མི་གསུམ་དབང་དུ་འདུས། ལྟེ་བའི་ཡུམ་ལས་འོད་ཟེར་ལྗང་ནག་འཕྲོས། ལུས་གང་རང་གི་ཉོན་མོངས་བདུད་བཞི་ཚར་གཅོད་ཕྱིར་འཕྲོས་པས་བདུད་དང་དགྲ་བགེགས་ཚར་བཅད་པར་བྷེ། དམིགས་པ་དེ་རྣམས་བསྒོམ་ཞིང་ཧྲིམ་ཧ་རི་ནི་སའི་སྔགས་གོང་དུ་སྒྲུབ་པའི་སྔགས་ཅི་ཙམ་བཟླས་པ་དེ་ཁ་བཅུ་བགོས་པའི་དུམ་གཅིག་ཙམ་བཟླས་ཏེ། དེ་ཡང་སྒྲུབ་པ་ཐོད་ཕྲེང་རྩལ་དང་འབྲེལ་ན་ཚན་ཆེ། ལས་སྔགས་རྐྱང་བར་བཟླས་ན་རྣོ་བས་གང་འདོད་བྱའོ། །ཤིནྟཾ་པུཎྜི་པ་ཤཾ་མཱ་ར་ཡ་སོགས་གང་འདོད་སྦྱར་ན་ཟབ་ཅིང་ལེགས། ཤམ་བུ་མེད་ཀྱང་རང་གཞུང་དམིགས་པ་བྱས་པས་ཆོག་གོ །དེ་ལྟར་བསྙེན་སྒྲུབ་ལས་གསུམ་སྟན་ཐོག་གཅིག་ལ་མཚམས་བྱེད་ན། བསྙེན་པ་ཞག་བདུན་སྒྲུབ་པ་ཉེར་གཅིག་ལས་སྦྱོར་ཞག་གཉིས་ཏེ་ཟླ་གཅིག་བྱའོ། །ཡང་མཚམས་ཧར་འདོན་དགོས་དོགས་ན། འཕྲལ་ཡང་འདོད་ན་ཐུན་

― CMR007_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་ལ་བསྙེན་སྒྲུབ་ལས་གསུམ་ཚང་བར་བྱས་ལ་ཐུན་མཚམས་སུ་ངག་བཏང་ཆོག་ལ། དེ་འདྲའི་མཚམས་ལ་ཐུན་མཚམས་རེག་ཀྱང་སྐྱོན་མེད་དོ། །ཐུན་ནི་ད་ནངས་དེ་རིང་དོ་དགོང་། སྲོད་དང་ཐུན་བཞིར་བྱ་སྟེ། ཐུན་རེ་རེ་ནས་སྐྱབས་འགྲོ་ནས་ཛབྲ་དགོངས་བར་བསྙེན་པ་བྱེད། ཐུན་མཚམས་སུ་མདུན་བསྐྱེད་བཞུགས་བཅུག་ལ། བདག་བསྐྱེད་ཡེ་ཤེས་པ་གཤེགས་མི་དགོས་པ་སྟེ་རང་ཉིད་དུ་བསྡུ་བ་ལྟ་བའི་ངང་ལ་ཡུད་ཙམ་བཞག །དེ་ནས་རང་ཉིད་རྟ་མགྲིན་ཡབ་རྐྱང་རྒྱན་མེད་པ་ཞིག་ཏུ་མོས་པ་ཙམ་བྱས་ལ་བྱ་བ་གཞན་གང་སྒྲུབ་གང་དགོས་ཐུན་མཚམས་སུ་བྱའོ། །ཕྱག་སྐོར་བ་ཆུ་གཏོར་ཆོས་སྤྱོད་གཞན་ཅི་དགོས་ཐུན་མཚམས་སུ་བྱའོ། །ཡང་སྔ་ཐུན་བཟུང་སྟེ། དེ་ཡང་སྔོན་འགྲོ་དཀར་བགེགས་ནི་དང་པོ་ཉིན་མ་གཏོགས་མི་དགོས་སོ། །ཚོགས་གཏོར་འབུལ་བརྟན་སྐྱོང་རྣམས་ཀྱང་དང་པོའི་དུས་དང་ཚེས་བཅུ་དང་དགུ་གཏོར་དང་གྲོལ་ཁ་ནུབ་མ་གཏོགས་རྒྱུན་དུ་མི་དགོས་སོ། །དགོང་ཀའི་ཐུན་ལ་དྲག་པོ་རྟ་མགྲིན་མ་ནིང་སོགས་ཆོས་སྐྱོང་གང་དགོས་འདོན། འདོན་རེས་བྱས་ཀྱང་རུང་གཏོར་བསྔོས་རྒྱས་པ་གཅིག་དགོང་ཀའི་སྲོད་ཐུན་ལ་སྦྱར་རོ། །ཐུན་བཞི་ཁ་ལ་གཏོར་བསྔོས་མི་དགོས་

― CMR007_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །ཚེས་བཅུ་སོགས་དུས་ཁྱད་པར་ཅན་ལ་ཐུགས་སྒྲུབ་ལྟར་རྫོགས་པར་འདོན། ༈ དེ་ནས་གྲུབ་ན་བསང་བྱ། ཐོ་བསྒྱེལ་ལ།་མཚམས་ཞག་གཅིག་སློད་ཙམ་བྱས་ལ་ཁད་ཀྱིས་བཀྲོལ་ན་ལེགས། ༈ ཡང་རྒྱུན་བསྙེན་མཚམས་མ་ཐོན་ན་ཡང་ཕུགས་གཏོར་བཅས་ལ་རྒྱུན་དུ་ནུབ་མོའམ། ནངས་པར་སྟབས་ཅིག་ལ་ཐུགས་སྒྲུབ་གོང་ལྟར་དུ་ཚར་རེ་འདོན་བསྙེན་པའི་དམིགས་པ་བྱས་ལ། བཛྲ་གུ་རུ་ཕྲེང་སྐོར་གཅིག་གམ་ཅི་ལྕོགས་སྒྲུབ་པའི་དམིགས་པ་བྱས་ལ་ཐོད་ཕྲེང་རྩལ་ཕྲེང་སྐོར་གསུམ་མམ་ཅི་ལྕོགས་ལས་སྦྱོར་དམིགས་པ་བྱས་ལ༔ ཧྲིམ་ཧ་རི་ནི་ས་ཉེར་གཅིག་བཟླའམ་གང་འོས་ཙམ་བཟླས། དེ་ནས་མདུན་བསྐྱེད་གཏོར་མ་དམིགས་པ་བསྲུང་ཕྱིར་བཞུགས་བཅུག་ལ། ཆོས་སྐུ་སྐྱེ་མེད་སོགས༔ བརྗོད་མ་བརྗོད་ཀྱང་རུང་བདག་བསྐྱེད་དཀྱིལ་འཁོར་སྟོང་ཉིད་དུ་བསྡུས། སླར་རང་ཉིད་རྟ་མགྲིན་ཡབ་རྐྱང་རྒྱན་མེད་པ་ཞིག་ཏུ་བསྒོམས་ལ་བྱ་བ་གཞན་དུ་འཇུག་གོ །དེ་ལྟར་ཞག་རེ་རེ་ཐུན་མ་ཆག་པར་བྱས་པ་དེ་ནི་རྒྱུན་བསྙེན་ཡིན་ནོ། །རང་གཞན་དུ་འགྲོ་ན་གཏོར་མ་ཉིན་རེ་བཞིན་ཁྱིམ་ལ་སྡོད་མི་ཞིག་ལ་གསོ་བཅུག །དེ་ཡང་མེད་ན་ཕོགས་རྒྱགས་པའི་ཚུལ་དུ་རང་ཞག་དུ་

― CMR007_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་གྲངས་འགྲོ་ཁ་གསོ་བྲན་དུས་གཅིག་བྱས་ལ་འགྲོ། གལ་ཏེ་འབྲོག་པ་ལྟ་བུ་ལ་ཕུགས་གཏོར་བཞག་ས་མེད་ན་མཐེབ་སྐྱུ་ཀམ་པོ་མང་དུ་ཁྱེར་ལ་ཐེབ་ཙེའམ་ཐོད་ཏིང་དུ་བྲན་ནོ། །མར་རམ་ཐུད་དམ་བྲན་ལ་འདོན། དེ་ཡང་མེད་ན་ཇ་ཕུད་ལ་བསྔོ་དམིགས་རྟེན་ཅུང་ཟད་མེད་ན་འདོན་མི་རུང་ངོ་། །དེ་ལྟར་མདུན་བསྐྱེད་དཀྱིལ་འཁོར་མེད་ནི་བདག་བསྐྱེད་དཀྱིལ་འཁོར་བདག་བསྐྱེད་གཙོ་ཆེ་བས་མཆོད། གཏོར་མགྲོན་ཐམས་ཅད་ཀྱང་། བདག་བསྐྱེད་ཀྱི་དཀྱིལ་འཁོར་གྱི་ཕྱི་ཁྱམས་དུར་ཁྲོད་པད་རའི་ནང་དེར་བྷེ་མོ། བྱང་ཆུབ་མ་ཐོབ་བར་དུ་མི་གཤེགས་ཏེ། འདི་བླ་མེད་ཁོ་ནའི་ཁྱད་ཆོས་ཡིན། ཞེས་པ་ཡོན་ཏན་གྱིས་བཤད་པ་ལྟར། རཱ་ག་ཨ་སྱས་བྲིས་པ་ཉེས་པའི་ཆ་མཆིས་ན་ལྷ་ལ་བཤགས་ཤིང་། དགེ་བས་སེམས་ཅན་ཐམས་ཅད་བདེ་ཆེན་དག་པའི་ཞིང་ཨོ་རྒྱན་ཆོས་སྐུ་འོད་དཔག་མེད་པ་ཞལ་མཐོང་བར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་ཡང་སྙིང་འདུས་པ་ལས་བླ་མ་སྐུ་གསུམ་སྒྲུབ་པའི་ཟིན་བྲིས་གབ་སྦས་སྤང་བ་རིན་ཆེན་ཤོག་འདྲ་ལས་སྒྲུབ་ཆེན་གྱི་ཁོག་དབུབ་སྔོན་འགྲོ་སྟ་གོན་གྱི་རིམ་པ།

― CMR007_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་སྒྲུབ་ཡང་སྙིང་འདུས་པ་ལས་བླ་མ་སྐུ་གསུམ་སྒྲུབ་པའི་ཟིན་བྲིས་གབ་སྦས་སྤང་བ་རིན་ཆེན་ཤོག་འདྲ་ལས་སྒྲུབ་ཆེན་གྱི་ཁོག་དབུབ་སྔོན་འགྲོ་སྟ་གོན་གྱི་རིམ་པ་ཞེས་བྱ་བ་བཞུགས་སོ་མ་ན་སིདྡྷི་ཧོ༔

― CMR007_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

ཤམིང་ཐཐ༔ ཕྱོགས་བཅུ་དུས་གསུམ་བདེ་གཤེགས་མ་ལུས་ཀྱི༔ སྐུ་གསུང་ཐུགས་ཀྱི་ངོ་བོ་པདྨ་འབྱུང་༔ བདག་གི་སྙིང་ལ་འབྲལ་མེད་བཞུགས་པར་གསོལ༔ ཐུགས་རྗེས་བྱིན་རླབས་དབང་དང་དངོས་གྲུབ་སྩོལ༔ དེ་ཉིད་སྐུ་གསུམ་སྒྲུབ་པའི་ཟིན་བྲིས་ཤིག༔ དོན་གཉེར་འགའ་ཡིས་ཡང་ཡང་བསྐུལ་བ་དང་༔ ཕྱག་ལེན་འཁྲུལ་མེད་ནུབ་པར་འཕང་པ་དང་༔ སྒྲུབ་གཞུང་ཉིད་ལས་གུ་རུས་བཀའ་གནང་བ༔ ཚིག་གི་གབ་འཁྲུགས་སྤྲོས་བསྐྱེད་རྣམསཾ༔ ལས་ཅན་འཆོས་པར་རྗེས་སུ་གནང་༔ ཞེས་གསུངས་པ་ལྟར་དུ་ཆོས་རྗེ་མཁར་དྲུང་པ་ལ་སོགས༔ སྔོན་གྱི་རིག་

― CMR007_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་རྣམས་ཀྱང་ཟིན་བྲིས་མཛད༔ དེ་ཕྱིར་བདག་གིས་བྲིས་ཀྱང་འགལ་མེད་སྙམ༔ འོན་ཀྱང་ཆོས་བདག་བཀའ་ཡི་སྲུང་མ་རྣམས༔ བདག་ལ་བཀའ་གནང་བྱིན་གྱིས་བརླབ་ཏུ་གསོལ༔ ཅེས་གསོལ་བ་བཏབ་ནས༔ བླ་མ་སྐུ་གསུམ་འདི་ཡི་སྒྲུབ་པའི་སྒྲུབ་ལུགས་རྣམ་གྲངས་མང་པོ་ཡོད་མོད་ཀྱང་༔ དེང་སང་གང་ཟག་གཅིག་གིས་སྒྲུབ་ཆེན་གྱི་ཁོག་ཕུབ་སྟེ་ཉམས་སུ་ལེན་པ་ལ༔ ཐོག་མར་གྲལ་ཤོམ་གྱི་སྟ་གོན་འདི་རྣམས་ལོ་ཟླའི་གོང་ནས་བྱ་བ་ཡིན་ཏེ༔ རབ་བཀའ་རྫོགས་པ་ཐོབ་པ་འབྲིང་དབང་རྒྱས་པ་མཆོག་དབང་དང་བཅས་པ༔ སྐུ་གསུམ་སྒྲུབ་པ་ལ་མཁོ་བའི་སྐོར་གྱི་ལུང་༔

― CMR007_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་མ་དབང་འབྲིང་པོ་དང་སྒྲུབ་གཞུང་གསུམ་དང་རྩ་གསུམོ་མཆོད་ཕྲེང་ལུང་ཐོབ་པར་བྱ༔ གཏོར་དབང་ཙམ་ཐོབ་པས་ནི་བསྒྲུབ་ཏུ་མི་གཏུབ་བོ༔ དེ་ནས་སྒྲུབ་ཐབས་དང་སྒྲུབ་ཆེན་སྤྱི་ཁྲིད་རྣམས་ལ་ཡུན་རིང་དཔེ་ལྟས་བྱས་ལ་ཧ་ལམ་པ་ཡིད་ལ་གསལ་བར་བྱས༔ དེ་ནས་སྐུ་འབག་གསུམ་པོ་རབ་རྣལ་འབྱོར་པ་དམ་ཚིག་ཅན་ནམ་རང་གིས་བྲིས༔ འབྲིང་ལྷ་བཟོ་ལ་བསྙེན་གནས་སྲུང་བཅུག༔ ཁྲུས་བྱས་ལ་བྲི་བཅུག་ཅིང་༔ སྐྱ་རིས་ཚར་དུས་སྔགས་བྲི་བ་དང་ཡེ་ཤེས་འགུགས་བསྟིམ་རང་གིས་བྱས༔ བྲི་ཚར་ཛ་རབ་གནས་རང་གིས་བྱའོ༔ སྔར་སྒྲུབ་པ་ཐེམ་པའི་རྙིང་པ་བྱིན་རླབས་ཅན་ཡོད་ན་རབ་གནས་སོགས་མི་དགོས༔ ཐ་མ་ལྷ་བཟོ་ལ་འབྲི་བཅུག་ནས༔ བྲི་ཚར་ཙ་ན་རྒྱབ་ཕྱོགས་སུ་སྔགས་རྣམས་བྲི་བ་དང་ཡེ་ཤེས་བཀུག་བསྟིམ་ལན་ལྔའམ་བདུན་ཙམ་བྱའོ༔ ཤོག་གུ་ལ་འབྲིའམ༔ པར་བཏབ་པ་ཡང་དེ་དང་འདྲའོ༔ ཙཀ་ལི་མེད་པས་སྒྲུབ་པ་བཤོལ་བར་མི་བྱ་སྟེ༔ ཐུགས་སྒྲུབ་ཀྱི་ཞལ་ཐང་བླ་མ་སྐུ་གསུམ་ཡོད་པ་ཞིག་ལ༔ རྒྱབ་ཕྱོགས་སྐུ་གསུམ་སོ་སོའི་ཐད་དུ་སྔགས་རྣམས་བྲིས་ལ་ཡེ་ཤེས་བཀུག་བསྟིམ་སྤུ་ཁྲིད་ནས་སྐྱ་རིས་སྐབས་སུ་བྱ་བར་གསུངས་པ་དེ་ལན་ལྔ་བདུན་བཅུ་ཙམ་

― CMR007_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ལ་དེ་ཉིད་མདུན་དུ་བཤམས་པས་འཐུས་སོ༔ དེ་ཡང་ཐང་སྐུ་གཅིག་ལ་གསུམ་ཁ་ཚང་བ་མ་རྙེད་ན་སྤྲུལ་སྐུ་ཨོ་རྒྱན་ཐང་ཀ་གཅིག་ལ་བྱ༔ ལོངས་སྐུ་ཚེ་དཔག་མེད་ཡུམ་ཅན་རྙེད་ན་རབ༔ མ་རྙེད་ན་ཡབ་རྐྱང་ལ་ཡང་རུང་༔ ཆོས་སྐུ་རྡོ་རྗེ་འཆང་ཡབ་ཡུམ་ཅན་རྙེད་ན་རབ་མ་རྙེད་ན་ཡབ་རྐྱང་གི་ཐང་སྐུ་ལ་ཡང་རུང་ངོ་༔ དེ་ཅིའི་ཕྱིར་ཞེ་ན་དམིགས་པའི་རྟེན་ཙམ་ཡིན་པས་སོ་༈ དེ་ནས་ཁོག་དབུབ་ཀྱི་འཁོར་ལོ་ཆེན་པོ་ཁྲི་སྟེ་རབ་ཐང་སྐུ་ལྟར་འབྲི་བའམ༔ དར་ཆེན་ལ་བྲི་ནས་བླ་བྲེའི་མཐོང་བྱ༔ འབྲིང་རས་ཀ་ཇི་ཨུར་མ་ལ་བྲི་ལ་ཆུ་ཚོན་བྱ༔ ཐ་མ་ཤོག་གུ་ལ་བྲིའོ༔ བྲི་ལུགས་གཞུང་དུ་གསལ་ཞིང་༔ རཏྣ་པདྨ་སོགས་གོང་ལྟར་འགྲེས་བཤངས་ལ་བྲི༔ མཚན་བརྒྱད་འགྲེས་བཤང་ཞིང་༔ རྩིབས་མཆན་སོ་སོའི་ཐད་དུ་སོ་སོའི་དངོས་གྲུབ་ཚིག་མ་འཆོལ་བར་བྲི་སྟེ༔ པདྨ་འབྱུང་གནས་ཀྱི་རྩིབས་མཆན་དུ་མཆོག་གི་དངོས་གྲུབ་བསྩལ་དུ་གསོལ༔ པདྨ་སམ་བྷ་ལ་ཡོན་ཏན༔ བློ་ལྡན་མཆོག་སྲེད་ལ་ཤེས་རབ་ཟབ་མོ༔ པདྨ་རྒྱལ་པོ་ལ་ཁམས་གསུམ་དབང་སྡུད་སོགས་སོ༔ ཉི་མ་འོད་ཟེར་ལ་མེད་དེ་རྩིབས་མཚན་གཅིག་འདོད་གསོལ་དེ་ལྷག་པོ་བྲིས་ཏེ༔ འགྲོ་བ་འདུལ་བའི་

― CMR007_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་གྲུབ༔ ཤཱཀྱ་སེངྒེ་ལ་བདུད་དཔུང་འདུལ་བའི་དངོས་གྲུབ༔ སེངྒེ་སྒྲ་སྒྲོག་ལ་མུ་སྟེགས་འདུལ་བའི་དངོས་གྲུབ༔ རྡོ་རྗེ་གྲོ་ལོད་ལ་དྲེགས་པ་ཚར་གཅོད་དངོས་གྲུབ་བསྩལ་དུ་གསོལ༔ བཀའ་བརྒྱུད་བླ་མ་གང་མོས་ཀྱི་མཚན་འབྲི་གསུངས་པ་ལས༔ ཨོཾ་ཨ་མི་ཏ་བྷ་ཧཱུྃ༔ ཨོ་ལོཀི་ཤྭ་རི་ཧཱུྃ༔ ཨོ་པྲ་ཝ་ཀ་ར་ཧཱུྃ༔ ཨོ་ཌཀི་ཛྙཱ་ན་ས་མུ་ཏྲ་ཛ་ཡེ་ཧཱུྃ༔ ཨོཾ་ཨཱགུ་རུ་རཏྣ་ཤྲཱི་བྷ་ཏྲ་ཧཱུྃ༔ ཨོཾ་ཨཱགུ་རུ་ཨཱ་ཡུཔཱ་ཤང་ཀཱིརྟི་ཧཱུྃ༔ ཨོཾ་ཨཱཋགུ་རུ་ཝཱ་གིནྡྲ་ཀཱིརྟི་ཧཱུྃ༔ ཨོཾ་ཨཱགུ་རུ་ཨ་ནནྟ་ཧཱུྃ༔ ཨོཾ་ཨཱ་གུ་རུ་ཨ་ནན་ཤ་ས་ན་དྷ་ར་ཧཱུྃ༔ ཞེས་སོགས་དང་རྒྱལ་བ་ཡབ་སྲས་སོགས་རང་གང་མོས་མཚན་སྔགས་འབྲི༔ འདིར་རིག་འཛིན་བརྒྱད་སོགས་ཀྱི་མཚན་འབྲི་སྲོལ་ནི་སྣང་ངོ་༔ ཡི་དམ་སྙིང་པོ་ནི་རྒྱལ་བ་རྒྱ་མཚོ་ཚེ་དཔག་མེད་སོགས་རང་གིས་གང་མོས་འབྲི༔ གཞན་གཞུང་དུ་གསལ་བ་ལྟར་རོ༔ ཡང་འཁོར་ལོ་གཅིག་ཤོག་གུ་སྲབ་མོ་ལ་བྲིས་ཏེ་ལུས་ལ་འཆང་ན་མཆོག་ཡིན་ལ༔ གཉིས་མ་གྲུབ་ན་ཕུབ་རྒྱུ་དེས་ཆོག་གོ༔ ཡང་ཤོག་གུ་ལ་བྲིས་ནས་སྒྲུབ་ཚེ་ཕུབ་ནས་རྒྱུན་དུ་ལུས་ལ་འཆང་ན་ཡང་རུང་ངོ་༔ ༈ དེ་ནས་རྩ་གསུམ་འཁོར་ལོ་བླ་མའི་ཙཀྲ་ལ་མཚན་བརྒྱད་འགྲེས་བཤང་བ་དང་༔ རྩིབས་མཆན་ནི་

― CMR007_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེས་མ་ཡིན༔ མཚན་རེ་རེ་ན་བཛྲ་རཏྣ་པདྨ་ཀརྨ་སོགས་ཚང་མ་རེ་རེ་བྲིའོ༔ ཡི་དམ་འཁོར་ལོའི་རྩིབས་བཞི་ལ་རྟ་མགྲིན་སྔགས་ཚར་རེ་བྲིའོ༔ མཁའ་འགྲོའི་ཙཀྲའི་རྩིབས་བཞི་ལ་ཤཱནཾ་ཀུ་རུ་ཡེ་སྭཱ་ཧཱ༔ དེ་བཞིན་དུ་པུཥྚིཾ༴ པ་ཤང་༴ མཱ་ར་ཡ་ཀུ་རུ་ཡེ་སྭཱ་ཧཱ༔ འདི་གཞུང་ན་མི་གསལ་ཡང་དོན་ལ་ཐོབ་པར་འདུག གཞུང་ལྟར་རབ་གནས་བྱས་ལ་གསུམ་ཀ་སྦྲགས་མར་མགུལ་ལམ་མཆན་ཁུང་དུ་བཏགས་སོ༔ དེ་ནས་ཤིང་རིས་ལ་ཡུལ་འཁོར་སྲུང་དཀར་པོ་པི་ཝང་འཛིན་པ༔ འཕགས་སྐྱེས་པོ་སྔོན་པོ་རལ་གྲི་བསྣམས་པ༔ སྤྱན་མི་བཟང་དམར་པོ་སྦྲུལ་ཞགས་དང་མཆོད་རྟེན་འཛིན་པ༔ རྣམ་ཐོས་སྲས་སེར་པོ་རྒྱལ་མཚན་དང་ནེའུ་ལེ་བསྣམས་པ༔ བཞི་ཀ་བསེ་ཁྲབ་རྨོག་ཞུ་ཅན་བྲི༔ རྒྱབ་ཏུ༔ ཧཱུྃ༔ ཤར་ཕྱོགས་རྒྱལ་པོ་ཆེན་ཡུལ་འཁོར་སྲུང་༔ ཞི་བའི་ཕྲིན་ལས་མཐར་ཕྱིན་སྐུ་མདོག་དཀར༔ ཞེས་སོགས་ཚིགས་བཅད་དང་༔ ན་མོ་དེང་གི་ཞེས་སོགས་འདོད་གསོལ་འགྲེས་བཤངས་ལ་བྲིའོ༔ ཡང་ཤིང་བྱང་གཉིས་ལ་བདུད་རྩི་འཁྱིལ་པ་ལྗང་གུ་གཡས་རྡོ་རྗེ་རྒྱ་གྲམ་ཕྱར་བ་གཡོན་སྡིགས་མཛུབ་ཅན་དང་༔ གཤིན་རྗེ་གཤེད་མཐིང་ནག་གཡས་བེ་ཅོན་གཡོན་སྡིགས་མཛུབ་

― CMR007_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ཁྲོ་བོའི་ཆ་ལུགས་རྫོགས་པར་བྲི༔ སྐུ་དྲུག་པོ་འཕྲལ་དུ་ཏིང་ངེ་འཛིན་གྱིས་རབ་གནས་དང་རྟེན་འབྲེལ་སྙིང་པོ་བརྗོད༔ ཐོད་ངན་ནམ་རའི་སོག་པ་ལ་འོག་ཏུ་དམ་སྲིའི་ལིངྒ༔ སྟེང་དུ་རི་རབ་གླིང་བཞི་བྲི༔ མ་རྙེད་ན་ཤོག་གུ་ལ་དམ་སྲིའི་ལིངྒ་དང་རོ་གཡམ་རྡོ་ལེབ་ལ་རི་རབ་གླིང་བཞི་བྲི་བདུད་བཞི་མནན་འཁོར་ཤོག་གུ་ལ་བྲི༔ རྡོ་རྗེ་རྒྱ་གྲམ་འཁོར་ལོ་དེ་མལ་འོག་ཏུ་དོང་བྲུས་པའི་བྲུབ་ཁུང་བཞག་ས་ཡོད་ན་ཚེར་མ་ཅན་གྱི་ཤིང་ལེབ་ལ་གཞུང་ལྟར་བྲི༔ མལ་འོག་ཞ་ལ་དང་ཤིང་གདན་ཡིན་ན་གཉིས་ཀ་ཤོག་གུ་ལ་བྲི་སྟེ་བདུད་བཞིའི་ཙཀྲ་ཕྱི་རོལ་ནས་གྲུ་གསུམ་ཧོ་ཁུང་གི་གཟུགས་བྲི༔ རྒྱ་གྲམ་འཁོར་ལོའི་སྟེང་དུ་ཤོག་གུ་ལ་གཡུང་དྲུང་བྲིའོ༔ ཉུལ་ལེའི་ལིངྒ་བཅུ་ལ་སྙིང་གར་ཏྲི་ལ་ཉུལ་ལེ་ནག་མོ་བྱ་རོག་སྐད་འགྱུར་ཁུག་ཛ༔ ཅེས་སོགས་བཅུ་དམ་སྲིའི་ལིངྒ་དང་བཅུ་གཅིག་མཐར་གྷ་ཏའི་སྔགས་ཀྱིས་བསྐོར་བ༔ དེ་བཅུག་པའི་བྲུབ་ཁུང་ཁ་ལེབ་དང་བཅས་པ་བཅའ༔ སྐྱེར་ཕུར་སོར་བཞི་པ་གཉིས་ལ་བདུད་རྩི་འཁྱིལ་པ་དང་གཤིན་རྗེ་གཤེད་ཀྱི་སྙིང་པོས་ཅུང་ཟད་སྔགས་ལ་འཚག་བྱ༔ སྐྱེར་པའམ་སེང་ལྡེང་ཕུར་པ་མཁྱུད་རེ་ཙམ་པ་བཅུ་ལ་དར་ཁྲོ་བོ་སོ་སོའི་ཁ་དོག་ཅན་རྙེད་ན་རབ་མ་རྙེད་ན་ནག་

― CMR007_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཅོད་པན་བཏགས༔ ཕུར་གདན་ས་ལ་གྲུ་གསུམ་ཕུར་པ་རེ་ཅུང་ཟད་བཙུགས་ས་བཅུ་བྱ༔ ཚོན་སྐུད་དྲ་བ་ཁ་དོག་ལྔ་ཁ་མེད་ན་དམར་པོ་དང་རྒྱལ་མཚན་བཞི་མེད་ན་གཟུགས་ཤིང་རིས་ཤོག་གུ་ལ་བྲིས་པ༔ རལ་གྲི་བཞི༔ མེད་ན་ཤིང་ལ་བྱས་པ༔ མདའ་བཞི༔ རྡོ་རྗེ་རྩེ་ལྔ་གཟུངས་ཐག་མེད་ན་ཤིང་ལ་བཟོས་པ༔ དེ་ཡང་མེད་ན་བྲིས་པ༔ རིན་པོ་ཆེ་ཡི་བུམ་པ་གས་ཆག་མེད་པ་བྲེ་གསུམ་འགྲོ་བ་རྙེད་ན་རབ༔ འབྲིང་རྫ་བུམ་དེ་ཙམ་ལ་ཚོན་བྱུག་པ་ལ་རིགས་ལྔའི་ཕྱག་མཚན་བྲིས་པ༔ མ་རྙེད་ན་རྫའམ་རིན་པོ་ཆེའི་བུམ་པ་ཅི་རྙེད་ལ༔ བུམ་རྒྱན་རིགས་ལྔའི་ཕྱག་མཚན་བྲིས་པ་མགུལ་དུ་བཏགས་པའམ༔ མེད་ན་མར་བྱུག་པ་ལ་ཁབ་ཀྱིས་བྲི་བར་བྱའོ༔ མགུལ་ཆིངས་དང་༔ ཁ་རྒྱན་ཀུ་ཤ་རྨ་བྱ་ཤིང་དང་གསུམ༔ མེད་ན་འབྲས་བུ་ཅན་གྱི་ཤིང་༔ གཙོ་ཕུར་ཁྲོ་ཞལ་ཅན༔ རྡུལ་ཚོན་འབྱོར་པ་ཆེ་ན་དུང་གཡུ་སོགས་རིན་པོ་ཆེའི་ཕྱེ་མ༔ འབྲིང་མཚལ་མཐིང་སོགས་ཚོན་བཟང་པོའི་ཕྱེ་མ༔ ཐ་མ་བཙག་སོགས་ས་ཚོན་ལྔ༔ ཡང་ན་ཅོང་ཞིའམ་བབ་བླ་ཡུངས་བ་སོགས་ཀྱིས་ཚོན་བྱས་པ༔ བདུད་རྩི་རིལ་བུ་དང་བྱིན་རླབས་རྟེན་གང་འཛོམ༔ རང་ལ་ནད་རུ་ལྡང་རྒྱུ་ཡོད་

― CMR007_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

ན་དེའི་སྨན་དང་༔ ཚད་སྨན་དུག་སྨན༔ མཆོད་གཏོར་རྒྱུ་སྒྲུབ་ཚེ་འདོགས་པའི་རྒྱགས་ཆུ་སོགས༔ མདོར་ན་སྒྲུབ་པ་ལ་མཁོ་བའི་ཡོ་བྱད་ཐམས་ཅད་སྔ་ཚེ་ནས་སྒྲུབ་ལ་ཐམས་ཅད་འཛོམ་པར་བྱའོ༔ དེ་ནས་རབ་གནས་རི་བཟང་པོ༔ འབྲིང་ས་དཔྱད་ནས་བཤད་པ་དང་སྒྲུབ་ཆེན་ནས་བཤད་པའི་མཚན་ཉིད་ཚང་བ༔ ཐ་མ་རང་ཉིད་གང་དུ་གནས་པའི་ས་མིས་མི་མཐོང་ཞིང་སྤྱོད་ལམ་བདེ་བའི་ས་དེར་སྒྲུབ་རུང་བར་རྒྱུད་སྡེ་རྣམས་ནས་གསུངས་སོ༔ འོན་ཀྱང་གནས་དེར་སྔར་རྨེ་བཙོག་དང་དམ་ཉམས་བསྡད་ས་ཡིན་ན་སྨེ་བརྩེགས་རྣམ་འཇོམས་སོགས་ཀྱི་གཟུངས་ཆུ་གཏོར་མེ་ལོང་ངོས་ལ་ཁྲུས་བྱ༔ གུ་གུལ་སྨེ་བརྩེགས་ཀྱིས་སྔགས་ལ་བདུག་ཅིང་༔ རྫས་རྒོད་ཅི་འཛོམ་བདུག༔ བགེགས་བསྐྲད་དྲག་པོ་ལན་གཉིས་གསུམ་བྱའོ༔ རྨེ་བརྩེགས་ཀྱི་སྦྱིན་སྲེག་འགྲུབ་ན་རབ༔ དེ་ནས་གནས་དེར་སྒྲུབ་ཆེན་ལྟར་ས་སློང་བ༔ བརྟན་མའི་མཆོད་གཏོར་དང་ཆ་གསུམ་བཏང་ནས་སྒྲུབ་ཆེན་ལྟར་ལྟོ་འཕྱེ་བརྩིས་ལ་ས་བརྐོས༔ ཆུ་འགྲམ་དུ་སོང་ལ་ནས་འཐོར་ཞིང་ཆུ་བསླང་ངོ་༔ ས་དཀྱིལ་འཁོར་ཅི་ཙམ་བྱེད་པའི་རྒྱུ་ཙམ་གྲུ་གང་བརྐོས་ས་བཀྲ་བརྟག༔ སླར་ཡང་ས་དེས་དོང་བཀང་ལ་ཁེངས་མ་ཁེངས་

― CMR007_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་བརྟག སླར་ས་བསལ་ལ༔ དོང་དེ་ཆུས་བཀང་བ་གོམ་པ་བདུན་ཅུ་ཕྱིར་སོང་ནས་ཚུར་འོང་བས༔ ཆུ་ཧ་ཅང་མ་སྨྲ་ན་བཟང་༔ སྒྲ་དང་བཅས་པར་ཁོལ་ན་ས་བདག་གདུག་པ་ཅན་ཡོད་པས༔ དཀྱིལ་འཁོར་དེར་མི་བྱ་ལོགས་སུ་བྱའོ༔ དེ་ནས་དོང་ནང་ནས་རྩིག་རྨིང་བཞག་ལ་བརྩེགས་ཏེ༔ རབ་འདོམ་གང་༔ འབྲིང་མདའ་གང་གནས་ཧ་ཅང་དོག་དྲག་ན་གྲུ་གང་ཡང་རུང་བ་གྲུ་བཞི་བརྩེགས༔ བའི་ཁ་ཆུ། སྣ་ཆུ། གཅིན། ལྕི་བ། མིག་རྣག་དང་ལྔ་ནི་བ་ཡི་རྣམ་ལྔ་སྟེ༔ བ་དམར་སེར་རམ་དམར་སྐྱ་རྙེད་ན་ལེགས་བའི་ལྕི་བ་སྐམ་པོ་བྱེ་མ་བསྲེས་ལ་ཞ་ལ་དབུས་ཅུང་མཐོ༔ ཤར་ཅུང་ཟད་དམའ་བ་བྱའོ༔ དེ་སྐམ་ནས་དྲི་བཟང་གིས་ཆུས་བྱུག༔ དེ་ནས་ཐིག་རྒྱབ་རོགས་རིག་མ་མཚན་ལྡན་ནམ་བུ་མོ་མགོ་གཙང་ཡོད་ན་རབ་མེད་ན་ཁྱེའུ་གཙང་མ་ལ་རལ་པ་བཀོན་ལ་ཌཱཀིར་བསམས་ལ༔ སྒྲུབ་ཆེན་ལྟར་ཐིག་བཏབ༔ ཐིག་ཚོན་བྱིན་གྱིས་བརླབས་ལ་བྲི་སྟེ༔ རབ་རང་གིས་ཐིག་ཚད་ཤེས་ན་བྲི༔ འབྲིང་རང་གིས་ཚངས་ཐིག་གདབ་ནས༔ དེ་འཕྲོ་ལྷ་བཟོ་ལ་ཁྲི་བཅུག་སྟེ་སྒོ་རྫོགས་ཚང་མ་བྲི༔ ཐ་མ་ནི་ཐུགས་སྒྲུབ་ཀྱི་དཀྱིལ་འཁོར་དཔེའུ་རིས་ལྟར༔ དབུས་

― CMR007_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་པདྨའི་ལྟེ་བར་ཐིག་ལེ་དམར་པོ་རྟ་མགྲིན༔ དེའི་སྟེང་དུ་སྨུག་པོ་བུདྡྷ་ཐོད་ཕྲེང་རྩལ༔ དེའི་སྟེང་དུ་ཐིག་ལེ་དཀར་པོ་སྤྲུལ་སྐུ༔ དེའི་སྟེང་དམར་པོ་ལོངས་སྐུ༔ དེའི་སྟེང་དུ་སྔོན་པོ་ཆོས་སྐུ་སྟེ་དབུས་ཐིག་ལེ་ལྔ་བརྩེགས༔ ཕྱོགས་བཞི་ལ་པདྨ་འདབ་བཞི་ལ་ཐོད་ཕྲེང་རྩལ་རིགས་བཞིའི་རང་མདོག་ཐིག་ལེ༔ དེ་རྒྱབ་འདབ་མ་བརྒྱད་ལ་མཚན་བརྒྱད་ཀྱི་རང་མདོག་ཐིག་ལེ་དང་རིན་ཆེན་ཟུར་བརྒྱད༔ དེ་རྒྱབ་འདབ་མ་བཅུ་དྲུག་ལ་༔ ཤར་གྱི་འདབ་མ་བཞི་ལ་ཐིག་ལེ་དཀར་པོ་བཞི༔ ལྷོའི་བཞི་སེར༔ ནུབ་བཞི་དམར༔ བྱང་བཞི་ལྗང་གུ་བྲི༔ སྒོ་བཞི་ལ་སྒོ་མ་བཞི་ལ་ཐིག་ལེ་ཕྱོགས་མདོག ཐ་མ་སྒོ་རྫོགས་མ་ཐུབ་ན༔ དེ་རྒྱབ་ཟླུམ་སྐོར་ཆེན་པོ་ལ་ཕྱོགས་མདོག༔ དེ་རྒྱབ་རྡོ་ར༔ དེ་རྒྱབ་མེ་རི་བྲིའོ༔ གལ་ཏེ་རྡུལ་ཚོན་མ་གྲུབ་པར་རས་བྲིས་ལ་བརྟེན་ན་ས་ཐིག་ཆོག་སྟེགས་བུ་བརྩེགས་པ་ཐམས་ཅད་མི་དགོས་ཏེ། ཤིང་ལེབ་བམ་གཞིའི་སྟེང་དུ་དཀྱིལ་ཐང་བཏིང་ངོ་༔ དཀྱིལ་འཁོར་མ་བྲིས་གོང་ངམ་བྲིས་ཐོན་ནས། ཉིན་གཅིག་ལ་མདོ་ཞལ་ཕྱེས་ལ་ཅི་ཐོན། ཉིན་གཅིག་ཚ་ཚ། ཉིན་གཅིག་ཡིག་བརྒྱ། ཉིན་གཅིག་ཕྱག་སྐོར་བ་རབ་བྱུང་བཞི་དང་། མི་ནག་དང་བྱིས་སྦ་ཅི་འཛོམ་སྤྲང་

― CMR007_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་རྣམས་ལ། ཅི་འབྱོར་བའི་བཟང་བཏུང་སྟོན་མོ་ཉིན་གཅིག་བྱའོ། །ཞི་བའི་སྦྱིན་སྲེག་གྲུབ་ན་ལེགས་སོ། །གལ་ཏེ་རྡུལ་ཚོན་མ་ཤེས། དཀྱིལ་ཐང་མེད་ན་ཡང་སྒྲུབ་པ་བཤོལ་མི་དགོས་ཏེ། དར་རས་སམ་གཞི་དམར་པོ་གཙང་མའི་སྟེང་དུ་ལྷ་གྲངས་ཀྱི་ཚོམ་བུ་བཀོད་དེ། དབུས་མ་གཅིག་ལ་ཐོག་གཉིས་ཐོག་མ་ནས་ལན་ལྔ་བླུག་གོ །དེ་ལྟར་དཀྱིལ་འཁོར་རྒྱས་བསྡུས་གང་འགྲུབ་ཀྱང་ཚར་མ་ཐག །སྐོར་བ་བྱེད་པ་ཡོད་ན་སྐོར་བ་བྱེད་ཅིང་། མེད་ཀྱང་དྲིལ་བུ་འཁྲོལ་ཞིང་དཀྱིལ་འཁོར་བསྐོར་ལ་མིག་གིས་བལྟས་ལ་ཡིག་བརྒྱ་དབྱངས་གསལ་ཚར་གསུམ་བརྗོད་ཅིང་། ཧཱུྃ༔ ཆོས་སྐུ་སྐྱེ་མེད་སོགས་སྒྲུབ་ཆེན་ལྟར་གྱེར་ནས། ཆད་ལྷག་ཁ་བསྐང་ངོ་། །དེ་ནས་ཁྱེའུ་མགོ་གཙང་ཕ་མ་འཛོམས་ཤིང་བཙོག་ཕྲུག་མིན་པས། ཆུ་ཆེན་པོ་གང་འབྲེལ་བའི་ཆུའམ། ཆུ་མིག་ཤར་གྱུ་ནས་ཆུ་བླང་བཅུག །བུམ་པར་གུ་གུལ་གྱིས་བདུག །སུམ་བྷ་ནིས་བགེགས་བསྐྲད། རྙེད་ན་བུ་མོ་རིགས་བཟང་གིས་བུམ་པར་བླུག །མ་འཛོམས་ན་རང་ངམ་ཁྱེའུས་བླུག །དེ་ནས་དབང་ཆོག་རྒྱས་པ་ནས་གསུངས་པ་ལྟར། བུམ་སྨན་གྱི་སྔགས་རྣམས་གསུམ་མམ་བདུན་རེ་བརྗོད་ཅིང་བུམ་རྫས་

― CMR007_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

བླུག །ལོངས་སྐུའི་སྒྲུབ་རྫས་བདུད་རྩི་རིལ་བུ་སྦྲང་བུ་རེ་རེ་མར་དང་སྦྱར་བའི་རིལ་བུ་ཉེར་བདུན་ནམ་ཅི་མང་སྲན་མ་ཙམ་བླུག །ཁ་རྒྱན་མགུལ་ཆིངས་གཟུངས་ཐག་རྡོ་རྗེ་རྣམས་སོ་སོའི་སྔགས་དབང་ཆོག་ལྟར་བརྗོད་ཅིང་བུམ་པ་བརྒྱན་ཏེ། མཉྫིའི་སྟེང་དུ་སྣོད་འབྲུ་བླུགས་པའི་ནང་དུ་བཞག་ལ། དཀྱིལ་འཁོར་དབུས་སུ་བཞག །དེའི་མདུན་དུ་གཏོར་མ་རིན་ཆེན་འབར་བ། བུམ་པའི་གཡས་སུ་བདུད་རྩི་ཨ་མྲྀ་ཏ་བཏབ་པ། གཡོན་དུ་རཀྟ་རྣམས་དང་པོ་བྲན་པས་ཆོག་སྒྲུབ་ཆེན་ནས་གསུངས་པའི་དངོས་གྲུབ་བླང་བའི་རྫས། བྷན་དུམ་བུ་གཅིག་པར་རྫས་རྣམས་ཚང་དང་སྦྱར་ལ་རིལ་བུ་ཆེན་པོ་མང་དུ་བྱས་པས་བཀང་། ཡང་ན་ཐུད་དང་གྲོ་མར་སྦྱར་ཆང་ཅུང་ཟད་བླུག །ཨ་རུ་ར་དང་བཅས། བུམ་པའི་འོག་ཏུ་བཞག ། བཞག་མ་བདེ་ན་རྒྱབ་ཏུ་བཞག །དར་དམར་བཀབ་བོ། །མཆོད་པ་སྐོར་བཤམ་སྤྱི་ལྟར་དང་། དཀྱིལ་འཁོར་འགྲམ་གང་བདེར་སྣོད་འབྲུས་བཀང་བར་ཕུར་པ་ཁྲོ་ཞལ་ཅན་གཅིག་བཞག ;ཧཱུྃ༔ བཀྲ་ཤིས་བུམ་པ་སོགས་རྒྱན་བཀོད་ཚིག་རྣམས་བརྗོད། ཕུགས་གཏོར་ཚང་མ་བཀའ་སྲུང་དང་བཅས་པ་དང་། ཚོགས་གཏོར་འབུལ་སོགས་ལོགས་སུ་གཏོར་སྒམ་

― CMR007_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཤམ་ཆོག །དཀྱིལ་འཁོར་དེའི་ཕྱི་ཤིང་སྒམ་བྲེ་སྒྲུབ་པ་ལྟ་བུ་ཐོན་ན་ལེགས། ཡང་ན་ཡོལ་བ་བཙན་པ་བྱས་ཀྱང་རུང་། ཟུར་བཞི་ནས་ཤིང་མདའ་བས་སྦོམ་པ་བཞི༔ དཀྱིལ་འཁོར་རྩ་བ་ནས་དམ་པར་བཙུགས་པའི་རྒྱལ་མཚན་བཞི། མེད་ན་རྒྱལ་མཚན་བྲིས་པ་བཏགས་མདའ་བཞི་ཡང་དེ་ལ་བཅིང་། དེ་ལ་སྟོད་སྨད་ནས་ཐག་པ་ཕྲ་མོ་ཕྱོགས་བཞིར་བྲིས་པ་ལ་ཚོན་སྐུད་དྭ་བ་བྲིས་པ། བུམ་པའི་སྟེང་དུ་ཁྲིའུའམ་མཉྫིའི་ཁར་ཀ་པཱ་ལ་འབྲུས་བཀང་བའི་སྟེང་དུ་སྐུ་འབག་སྐུ་གསུམ་གང་འགྲུབ་དེ་བཤམ་པའི། ཤིང་བྲེ་སྒྲུབ་པ་ལྟར་ཡོད་ན་ཤིང་གི་སྟེང་དུ་མདའ་བཙུགས་པ་ལ་སྐུ་འབག་བཏགས། མདའ་ཡི་རྩ་བར་ཀ་པཱ་ལ་འབྲུས་བཀང་བ་དར་དམར་གྱིས་བཏུམས་པ་བཞག་པའམ། ནམ་མཁར་ཤིང་བུ་གྲུ་གསུམ་བཏགས་ནས་དེར་ཀ་པཱ་ལ་འབྲུས་བཀང་བར་སྐུ་འབག་གང་འགྲུབ་དེ་བཤམ་སྟེ། བཤམ་ལུགས་དེ་གསུམ་གང་བདེ་བྱའོ། །དེ་ལྟར་བཤམ་ཐོན་མ་ཐག་རོལ་མོ་དང་བཅས་སྔགས་ཆས་གང་ཡོད་གྱོན་ལ་སྐོར་བ་བྱེད་ས་ཡོད་ན་དལ་ལ་སྐོར་བ་བྱེད་ཅིང་། མེད་ན་ཡང་ལངས་ལ་དབྱངས་དང་བཅས་པས། རིག་འཛིན་བྱིན་འབེབས་ཚར་གཅིག །གཞལ་ཡས་དོན་བསྟོད་

― CMR007_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

ཚར་གཅིག་འདོན་ནོ། །མཚམས་བསྡམ་པ་ནི།་སྐབས་འདིའམ། གོང་དུ་དཀྱིལ་འཁོར་མ་བྲིས་པའི་སྔོན་དུའམ། དཀྱིལ་འཁོར་བྲིས་ཚར་ནས་བུམ་པ་སོགས་རྫས་མ་བཀོད་པའི་མཚམས་སུ་ཡང་རུང་སྟེ། དང་པོ་དཀར་གཏོར་དྲུག་དམར་གཏོར་གསུམ། བགེགས་གཏོར་བཅས་བཤམས་ལ་སྒྲུབ་ཁང་གི་ཕྱོགས་བཞིར་ཐོ་ཆེ་བ་བཞི་འཛམ་བརྩེགས་བྱས་པའི་རྩེར་རྒྱལ་ཆེན་བཞི་ཁ་ཕྱིར་གྱུ་བ་བྱས་ལ་བཙུགས། སྒོ་རྩར་ཐོ་དཀར་པོ་ཆེ་བ་ཞིག་བརྩེགས། རྫས་རྒོད་དམ་གུ་གུལ་ཡང་ཚག་བྱས། ཐུན་ནམ་ཡུངས་ཀར། རྣམ་འཇོམས་སམ་སྨེ་བ་རྩེགས་ཀྱི་གཟུངས་ཆུ། ཚོགས་གཏོར་འབུལ། བཀའ་སྲུང་མ་ནིང་དམར་གཏོར། མཁའ་རིའི་གཏོར་མ། དེ་རྣམས་འཛོམས་པར་བྱས་ལ། དཀར་གཏོར་གཅིག་གཞི་བདག་སྤྱི་ལ། གཅིག་གནས་དེའི་གཞི་བདག་གཉུག་མར་གནས་པ་ལ་ཕུལ་ནས། བདག་སྒྲུབ་པ་འདི་མཐར་མ་ཐོན་གྱི་བར་དུ་གནས་འདི་བདག་ལ་གཡོར། རུ་ང་ཕྲག་དོག་མ་བྱེད་པར་སྒྲུབ་པའི་སྡོང་གྲོགས་མཛོད། ཕྱིའི་བར་ཆད་ནང་དུ་མ་བཏང་ནང་གི་དངོས་གྲུབ་ཕྱིར་མ་བཏང་། ཁྱོད་ལ་མཐུ་རྩལ་ནུས་པ་ཅི་འདུག་ད་རེས་ལྟའོ། །ཞེས་བརྗོད་ལ་དཀར་གཏོར་གཉིས་པོ་

― CMR007_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་ཙའི་ཐོ་དྲུང་དུ་ཕུལ་ལོ། །དེ་ནས་སྒྲུབ་པ་ལ་བར་དུ་གཅོད་པའི་བགེགས་རྣམས་བཀུག་ལ་བགེགས་གཏོར་བྱིན་ནས། ཧཱུྃ༔ བླ་མ་རྣམས་ཀྱི་བྱིན་རླབས་དང་སོགས་ཀྱིས་བགེགས་ལ་བཀའ་བསྒོས་ལ་བསྐྱད་དེ། དྲག་སྔགས་ཤེས་ཚད་དྲག་ཏུ་བརྗོད་སྒྲུབ་ཁང་ཉལ་མལ་གོས་དང་བཅས་རྫ་ས་རྒོད་གུ་གུལ་བདུག་གཟུངས་ཆུས་ཡན་ལག་ལྔ་ཁྲུས་བྱའོ། །དེ་ནས་སྤྲོ་ན་སྔགས་ཆས་གྱོན་དུང་སོགས་རོལ་མོ་སྤོས་དང་བཅས་ཐོ་བཞིའི་རྩར་འགྲོ་སྟེ། རྒྱལ་པོ་ཆེན་པོ་ཡུལ་འཁོར་སྲུང་༔ རི་རབ་གླིང་བཞིའི་ཤར་ཕྱོགས་ན༔ ཞེས་སོགས་འགྲེས་བཤང་སྟེ༔ ཤར་དུ་ཡུལ་འཁོར་སྲུང་དངོས་སུ་བྲིས་པ་ལྟར་བསྐྱེད་པ་ལ་ཡེ་ཤེས་པ་བསྟིམ། གཏོར་མ་དཀར་གཏོར་ལྟར་བྱིན་རླབས་ལ། ཨོ་དྷིཥྛ་རཱཥྛ་ཡེ་སྭཱ་ཧཱ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨནྡྷཾ་སོགས། ཧཱུྃ༔ ཤར་ཕྱོགས་སོགས་བསྟོད་པ་ན་མོ་དེང་གི་སོགས་ཕྲིན་བཅོལ་རོལ་མོ་སོགས༔ དེ་བཞིན་བཞི་ཀ་ལ་བྱ། དེ་ནས་སྒོ་རྩར་གོམ་པ་བདུན་གྱི་སར་དོང་བྲུས་པར་དམ་སྲིའི་ལིངྒ་བཅུག །བཀུག་གཞུག་ལན་དགུ་བྱ། རྒྱས་པར་སྤྲོ་ན། དམར་གཏོར་གཅིག་བྲན་ལ་བཀའ་བརྒྱད་ཕོ་ཉ་སྒོས་བསྐུལ་རྒྱས་བསྡུས་གང་རུང་ཞིག་བཏོན། དེ་

― CMR007_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བྱས་ཀྱང་རུང་། ཕུར་འདེབས་རྒྱས་བསྡུས་གང་རུང་ཞིག་བྱས། ཧཱུྃ༔ དམ་སྲི་བྱ་བའི་སོགས་བརྗོད་ས་རིམ་རེ་ལ་རྒྱ་གྲམ་རེ་བྲི་བ་དགུ་བྱ་རོ་གཡམ་བཀབ། མི་མངོན་པས་དམ་དུ་བཅགས་ལ༔ ཧཱུྃ༔ གཅིག་ནི་སོགས་སྒྲུབ་ཆེན་ནང་གི་དེ་དང་༔ ལས་བྱང་གི་རྟ་བྲོ་བཏོན་ཅིང་སྟེང་དུ་བྲོ་བརྡུང་། དེ་ནས་སྒོའི་རྒྱབ་ངོས་སྒོ་ཐོད་ལ་སྐྱེར་ཕུར་དང་བདུད་རྩི་འཁྱིལ་པའི་སྐུ། སྒོ་ནང་སྐྱེ་ཕུར་དང་གཤིན་རྗེ་གཤེད་ཀྱི་སྐུ་བཏགས། བྲིས་པ་ལྟར་བསྐྱེད་ཅིང་བསྟིམ། དམར་གཏོར་གཉིས་ལ་དགྲ་བགེགས་དམ་སྲི་སྒྲུབ་པའི་བར་ཆད་ཐམས་ཅད་བཀུག་བྱས་ལ། དགྲ་བགེགས་ཀྱི་ཤ་ཁྲག་གི་ངོ་བོ་བདུད་རྩིར་བསམས་ལ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨནྡྷཾ་སོགས། ཧཱུྃ༔ ཁྲོ་བོ་ཆེན་པོ་བདུད་རྩི་འཁྱིལ་སོགས་ཕྲིན་ལས་བཅོལ། ཨོ་ཧྲཱིཿཝབྷཱི་ཝི་ཀྲི་ཏ་ན་ན་ཧཱུྃ་ཕཊ༔ ཨི་དཾ་སོགས་ཨགྷཾ་སོགས། ཧཱུྃ༔ ལས་ཀྱི་གཤིན་རྗེ་གཤེད་སོགས་ཕྲིན་ལས་བཅོལ། ཡང་སྔར་ནས་རང་མཚམས་ལ་ཡོད་ན་རྒྱལ་ཆེན་དང་ཁྲོ་བོ་གཉིས་བཙུགས་བཅོལ་ལ། ཁྱིམ་ནས་གཏོར་མ་ཕུལ་རྒྱུ་བསྐུར་ལ། བཀའ་བསྒོ་དམིགས་པ་བྱ། དམ་སྲི་སྔར་མནན་ན་དེས་ཆོག །དེ་

― CMR007_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཕྱི་སྒོའི་ཡ་ཐེམ་ལ་དམ་ཡིག་སྤུ་ཁྲིད་ལྟར་བྲིས་ལ་སྦྱར། རྒྱས་པར་སྤྲོ་ན་སྒྲུབ་ཁང་ནང་གི་ཕྱོགས་བཞིར། སྒོ་མ་བཞིའི་གཟུགས་བྲིས་པའི་ཤིང་བྱང་སྔགས་དང་བཅས་པ་བཀོད་ལ་གཏོར་མ་ཕུལ་ཕྲིན་ལས་བཅོལ་ལོ། །དེ་མ་བྱས་ཀྱང་ཆོག་གོ །བྲུབ་ཁུང་གཅིག་ཏུ་དམ་སྲི་དང་ཉུལ་ལེའི་ལིངྒ་བཅུག་བཀུག་གཞུག་བྱས་ཁ་བཅད་ལ་ཕུར་པ་བཙུགས་ནས་བཞག་ཡོད་ན་བོང་མཇེ་ལ་ལུག་མགོ་སྦྱར་བའི་ཐོ་བ་དང་མི་ལྤགས་ཀྱི་ལྕག་འབྲས་བཏགས་པའི་ལག་ངར་དེར་བཤམ་མེད་ན་ཕུར་པ་དེས་ཆོག་གོ །དེ་ནས་རང་གི་འདུག་ས་གྲྭ་ཁྲི་ཡིན་ན་འོག་ཏུ་བྲུབ་ཁུང་ཆུང་ངུ་ཞིག་བཅས་ལ་བཞག །དེའི་ནང་དུ་བདུད་བཞིའི་ལིངྒ་བཞག་ལ་བཀུག་གཞུག་བྱས།་འོག་ས་གདན་ཡིན་ན་དོང་གྲུ་གསུམ་བྲིས་པར་བཞག །དེ་གཉིས་གང་ཡིན་ཀྱང་ཚེར་མ་ཅན་གྱི་ཤིང་དང་མནན་པའི་རྡོརྗེ་རྒྱ་གྲམ་འཁོར་ལོ་བྲིས་པ་དེས་ཁ་བཀབ་བོ། །འོག་ཞ་ལ་ཤིང་གདན་ཡིན་ན་སྟན་འོག་ཏུ་བདུད་བཞིའི་ལིངྒ་གན་རྐྱལ་དུ་བཞག་ལ་བཀུག་གཞུག་བྱས། དེའི་སྟེང་དུ་རྡོ་རྗེ་རྒྱ་གྲམ་འཁོར་ལོ་བྲིས་པས་ཁ་སྦྱར་ལ་བཞག །དེའི་སྟེང་དུ་གདན་འགུལ་འཆུག་མི་རུང་བས་ལེགས་པར་བཏིང་། དེའི་སྟེང་དུ་ས་དཀར་གྱི་གཡུང་དྲུང་

― CMR007_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་འཁྱིལ་བྲི། ཡང་ན་ཤོག་གུ་ལ་བྲིས་ལ་བཞག །དེའི་སྟེང་དུ་སྟན་བདེ་ཚེ་གཅིག་བཏིང་། སྟེང་དུ་ཐོག་ཕུབ་འཁོར་ལོ་བླ་བྲེ་ལྟར་ཕུབ་ལ་བཞག །ཟན་ནམ་ས་སྤྲིན་ལ་མ་ཏྲི་རུ་ཏྲའི་གཟུགས་བྱས་གན་རྐྱལ་མགོ་བོ་ལྷོ་ནུབ་ཏུ་བསྟན་ལ་དཀྱིལ་འཁོར་གྱི་ལྷོ་ནུབ་ཏུ་བཞག །བཀུག་གཞུག་བྱས་རྔ་རོལ་མོ་བྱ། ཕུར་པ་ཐོགས་ལ། ཧཱུྃ༔ མ་ཏྲི་བྱ་བའི་སོགས་བརྗོད་ཕུར་པས་བསྒྲལ་རོ་དེ་དཀྱིལ་འཁོར་ལྷོ་ནུབ་ཏུ་བཞག་མགོ་བཅད་ལ་དལ་གྱི་ཤར་ངོས་རྩ་བར་མནན་ནས། རང་རུ་ཏྲའི་སྲོག་རྩའི་ནང་དུ་ཞུགས་ནས་རུ་ཏྲའི་མགོ་བོ་ཐེམ་པའི་འོག་ཏུ་མནན་པས། རུ་ཏྲའི་ཕུང་པོ་དེ་དུར་ཁྲོད་ཆེན་པོ་བརྒྱད་དང་བཅས་པའི་གཞལ་ཡས་ཁང་དུ་གྱུར་པར་བསམ་མོ། །དེ་ནས་ཕུར་པ་བཅུ་ཁྲོ་བོ་བཅུར་བསྐྱེད་བསྟིམ་བྱས་ཏིང་ངེ་འཛིན་གྱི་དབང་བསྐུར་ལ། ཧཱུྃ༔ སྟེང་འོག་སོགས་ཚིགས་བཅད་བརྗོད་ནས། དཀྱིལ་འཁོར་གྱི་ཕྱི་རིམ་མེ་རིའི་རྒྱབ་ཏུ་ཕུར་གདན་ས་གྲུ་གསུམ་རྣམས་བཀོད་པ་ལ། ཁྲོ་བོ་བཅུ། སྟེང་འོག་གི་ཁྲོ་བོ་གཉིས་ཤར་དང་ནུབ་ཏུ་བྱས་ལ་བཀོད་དོ། །སྔགས་ནི་ཕུར་པའི་མཚམས་བཅད་ནས་ཚུར་ཁ་སབ་བོ། །དེའི་གོ་བ་རྡུལ་ཚོན་དཀྱིལ་འཁོར་དང་སྒྲུབ་གནས་ཐ་མི་དད་ཅིང་རང་ཉིད་ཤར་

― CMR007_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོའི་དྲུང་དུ་གནས་པར་བསྒོམ་རྒྱུ་ཡིན་པའི་ཕྱིར་རོ། ཡང་སྒྲུབ་ཁང་གི་ཕྱོགས་མཚམས་སུ་འདེབས་ལ་ནུབ་ཏུ་སྟེང་ལྷོ་ནུབ་ཏུ་འོག་གི་ཕུར་པ་འདེབས་པའི་ལུགས་ཤིག་ཀྱང་སྣང་ངོ་། །དེ་གཉིས་གང་རུང་བྱའོ། །དེ་ལྟར་སྟ་གོན་མ་ལུས་པ་ཐམས་ཅད་ཚར་ནས། དཀྱིལ་འཁོར་ཐམས་ཅད་མི་དམིགས་པ་ལས་རྒྱལ་བའི་དཀྱིལ་འཁོར་ཡོངས་རྫོགས་སྒྲུབ་ཁང་དང་དབྱེར་མེད་དུ་བསྒོམ་ལ། རྩ་བ་གསུམ་གྱི་དཀྱིལ་འཁོར་དཔག་མེད་སྤྱན་དྲངས་ལ་བསྟིམ་མཆོད་རྫས་རྣམས་ལ་ཡང་སངས་རྒྱས་ཀྱི་ཞིང་ཐམས་ཅད་ཀྱི་མཆོད་རྫས་སྤྱན་དྲངས་ལ་བསྟིམས་ནས། ཐལ་སྦྱར་དབྱངས་དང་བཅས་པས། ཧཱུྃ༔ ཆོས་སྐུ་སྤྲོས་བྲལ་སོགས། སྒྲུབ་ཆེན་ནང་གི་བྱིན་འབེབས་ཚར་བདུན་གསུམ། རིག་འཛིན་བྱིན་འབེབས་ཚར་གཅིག་རོལ་མོ་དབྱངས་དང་བཅས་པས་བྱའོ། །དེ་ནས་བུམ་པ་ཁའི་གཟུངས་ཐག་སྣེ་རང་གི་ལེན་ཏེ་འཇུ་རུང་ཙམ་དུ། ཕྱི་རོལ་ཚུར་ཅུང་ཟད་དུ་སྣར་ལ་བཞག །དེ་མིན་དངོས་གྲུབ་ལེན་དུས་བར་དཀྱིལ་འཁོར་ཞལ་ཕྱེ་མི་དགོས་པས། འདི་སྒྲུབ་ཆེན་དངོས་དང་བཤམ་ལུགས་མི་གཅིག་སྟེ་ནང་གི་མཆོད་པ་སྣ་བདུན་སྐོར་བཤམ་དེ་བརྗེ་མི་དགོས། འབྱོར་ན་ཕུགས་གཏོར་མདུན་

― CMR007_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་མེ་ཏོག་སོགས་སྣ་བདུན་སྐབས་སུ་རྗེ་རྒྱུ་ཚར་གཅིག་བཤམ། ཡོལ་བའི་ཁ་ལེབ་བརྒྱབ་ལ་བྱི་བས་མི་གནོད་པར་བྱས་ལ་བཞག །སྟ་གོན་གྱི་གོ་རིམ་འདི་རྣམས་ལག་ཏུ་བླང་ཅི་བདེ་ཡིན་པས་འདི་ལྟར་བྱས་ན་བདེ་ཞིང་ཡང་སྒྲུབ་ཆེན་གཞུང་གི་གོ་རིམ་ཇི་ལྟར་བ་བྱས་ཀྱང་ལེགས། དེ་ཡང་ཐུགས་སྒྲུབ་ཀྱི་སྒྲུབ་ཆེན་དང་སྨན་སྒྲུབ་ཀྱི་སྒྲུབ་ཆེན་དང་། སྐུ་གསུམ་སྒྲུབ་པའི་སྒྲུབ་ཆེན་དབང་གི་སྒྲུབ་ཆེན་རྣམས་རྡུལ་ཚོན་དང་འབྲེལ་ན། སྒྲུབ་ཆེན་ཁོག་དབུབ་ནས་གསུངས་པ་ལྟར་གོ་རིམ་མ་འཆུག་པ་བྱའོ། །རྣལ་འབྱོར་པ་ཅིག་གིས་སྐུ་གསུམ་སྒྲུབ་པ་སྒྲུབ་ཆེན་གྱི་ཁོག་ཕུབ་ནས་བྱེད་པ་དང་། རས་བྲིས་ལ་བརྟེན་པ་སོགས་ལ། སྒྲུབ་ཆེན་ཁོག་དབུགས་ཀྱི་དཀྱིལ་འཁོར་གྱི་གོ་རིམ་ཇི་ལྟ་བ་མི་དགོས་འདི་ལྟར་ལག་ཏུ་བླང་ཅི་བདེར་ཆོག་གོ །སྟ་གོན་གྱི་ཟིན་བྲིས་མཐར་ཕྱིན་ཡང་དག་སོགས་འགའ་ཞིག་ལ་ཕན་ཕྱིར། ཨ་རཱ་གས་བྲིས་པ་ལ་ཉེས་པ་གང་མཆིས་བཤགས་ཤིང་། དགེ་བས་འགྲོ་ཀུན་བླ་མ་སྐུ་གསུམ་འགྲུབ་པར་གྱུར་ཅིག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ སྐུ་གསུམ་སྒྲུབ་པའི་དབྱེ་བ།

― CMR007_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ སྐུ་གསུམ་སྒྲུབ་པའི་དབྱེ་བ་བཞུགས་སོ༔

― CMR007_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ སྒྲུབ་ཆེན་ཁོག་ཁྲོལ་བའི་ཕྱིར་སྒྲུབ་ཆེན་དང་༔ སྐུ་གསུམ་སྒྲུབ་པའི་རྣམ་དབྱེ་བཤད་པར་བྱ་སྟེ༔ ཐུགས་སྒྲུབ་ཀྱི་སྒྲུབ་ཆེན་ནི༔ སྒྲུབ་ཆེན་ཁོག་དབུབ་ནས་ཇི་ལྟར་གསུངས་པའི་སྟ་གོན་ཐམས་ཅད་བྱས་ལ༔ ཁྱད་པར་རྡོ་རྗེ་སློབ་དཔོན་དེ་ལ་ཐོག་དབུབ་ཕུབ༔ རྩ་གསུམ་འཁོར་ལོ་བཏགས༔ འོག་ཏུ་བདུད་བཞི་མནན༔ སྒྲུབ་པ་པོ་རབ་འབུམ་ཕྲག་སྟེ་ཚོམ་བུ་འབུམ་དང་བཅས་ཏེ་མངོན་སངས་རྒྱས་གསུངས་པ་ལྟ་བུ༔ འབྲིང་བརྒྱ་རྩ་བརྒྱད་དམ་སྟོང་ཕྲག ཐ་མ་ཡང་ཉི་ཤུ་རྩ་བརྒྱད་དམ་རྩ་གཅིག་ཡང་ན་ལྷ་གྲངས༔ རིགས་

― CMR007_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་གསང་སྔགས་ཀྱི་ཉམས་ལེན་དང་ལྡན་པའི་བུད་མེད་བརྒྱ་རྩ་བརྒྱད་དམ༔ ཉེར་ལྔའམ་བཅུ་དྲུག་གམ༔ ལྔ་བས་མི་ཉུང་བ་རྣམས་འཚོགས་ནས༔ དབང་བྱང་སྐོར་བ་ལྟར༔ རྡོ་རྗེ་རྒྱལ་པོ་དང་རྒྱལ་ཐེབ༔ གིང་པ་རྡུལ་ཕྱགས་པ་དང་༔ རིག་མ་སོགས་སོ་སོར་བསྐོས་ནས༔ རྡོ་རྗེ་མཚམས་པས་མཚམས་གཅོད་ཁོ་ན་ལ་ནན་ཏན་བྱེད་པ་སོགས་སོ་སོའི་བྱ་བ་ཁག་ཁུར་པོ་བྱེད༔ རྡོ་རྗེ་སློབ་དཔོན་སོགས་བརྒྱད་དགུ་ཙམ་གྱིས་ལས་བྱང་དུས་དྲུག་ཏུ་གཞུང་བསྲང་ཞིང་བསྐང་གསོ་བཀའ་སྲུང་གསོལ་མཆོད། ཐུན་སྐབས་སུ་འཛབ་བསྙེན་བྱ༔ མང་མ་བརྒྱའམ་ཅི་མང་བས་སྔགས་རྒྱུན་

― CMR007_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་སྟེ༔ དང་པོ་ཞག་བདུན་བཛྲ་གུ་རུ༔ དེ་ནས་བདུན་གཉིས་ལ་ཐོད་ཕྲེང་རྩལ༔ དེ་ནས་ལྔའམ་བདུན་ནམ་གསུམ་ཙམ་ལ༔ ཐོད་ཕྲེང་རྩལ་དང་ཧིམ་ཧ་རི་སྦྲེལ་བའི་སྔགས་རྒྱུན་ཉིན་མཚན་དུ་མ་ཆད་པར་བྱས་ལ༔ ཉིན་རེ་བཞིན་དུ་སློབ་དཔོན་གྱི་འཚོགས་པ་ལ་བསྙེན་སྒྲུབ་གང་ཡིན་གྱི་དམིགས་པ་འཛབ་དགོངས་ནས་གསུངས་པ་ལྟར་སྤྱོད་ནང་ནུབ་ཏུ་བཀའ་བརྒྱད་སོགས་ཡི་དམ་གཞན་མང་པོའི་ལས་བྱང་ཡང་འདོན་ནོ༔ སྐབས་སུ་སློབ་དཔོན་དཔོན་སློབ་ཀྱིས་ཧཱུྃ་སྒྲུབ་དམིགས་པ་བསྒོམ་ལ་ཧཱུྃ་རིང་བགྲང་༔ ལོགས་སུ་ཐུགས་སྒྲུབ་ཀྱི་ཚོགས་བརྒྱ་བསོག་མི་གཅིག༔ དྲི་མེད་བཤགས་རྒྱུད་འདོན་མི་གཅིག༔ ཞི་ཁྲོའི་བསྐང་ཆོག་མདངས་བསྐང་ན་རཀ་དོང་སྤྲུགས་ཀྱི་ཆོ་ག་བྱེད་མཁན་གཅིག དུས་བཞིའམ་དྲུག་ཏུ་ཉུལ་ལེ་བསྐྲད་ཆོག་བྱེད་མཁན་གཅིག༔ མ་ནིང་དང་གཏེར་སྲུང་བསྐང་གསོ་བྱེད་མཁན་གཅིག་ཡོད་ན་རབ་སྟེ༔ དེ་ལྟར་སློབ་དཔོན་དང་རྒྱལ་ཐེབ་སོགས་བླ་མར་འོས་པ་ལྔ༔ རྡོ་རྗེ་མ་དང་སྲིང་མོ་སོགས་མཚན་ལྡན་ཡིན་ངེས་པ་ལྔ༔ གཞན་ཡང་འཚོགས་པ་ཐམས་ཅད་ཀྱང་ཐུགས་སྒྲུབ་ཀྱི་དབང་རྒྱས་འབྲིང་གང་རུང་ངེས་པར་ཐོབ་ཅིང་༔ དམ་ཉམས་དང་སྡིག་ཆེན་མ་ཡིན་

― CMR007_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

པར༔ ཆོས་ལ་གཅིག་ཏུ་སེམས་པ་ཤ་སྟག་འཚོགས་ནས་བསྒྲུབ་ཅིང་༔ འདི་ལ་སྒྲུབ་ཆེན་ཁོག་དབུབ་ཀྱིས་ཁོག་ཕུབ༔ ལས་བྱང་གིས་གཞུང་བཟུང་༔ འཛབ་དགོངས་ཀྱིས་དམིགས་པ་སྤྱོད་པ་ཡིན་གྱི༔ སྒྲུབ་པའི་དཔེ་ཆ་དམིགས་པ་གཞན་ནི་མེད་དོ༔ སྒྲུབ་པ་ཚར་ནས་རྗེས་རྣམས་སྒྲུབ་ཆེན་ཁོག་དབུབ་ནས་གསུངས་པ་ལྟར་བྱའོ༔ དེ་ལྟ་བུའི་སྒྲུབ་ཆེན་འདི་ལ་ཡང་རབ་འབྲིང་ཐ་མ་གསུམ་ཡོད་དེ༔ རབ་ནི་སྔོན་གྱི་རྒྱལ་པོ་ཛ་དང་༔ ཨིནྡ་བྷོ་དྷི་དང་༔ ཨོ་རྒྱན་ཡུལ་དུ་གུ་རུ་པདྨ་རྒྱལ་པོས་མཛད་པ་དང་༔ ཤམ་བྷ་ལར་རིགས་ལྡན་ཆོས་རྒྱལ་རྣམས་ཀྱིས་མཛད་པ་དང་༔ ད་ལྟ་རྔ་ཡབ་གླིང་དུ་ཨོ་རྒྱན་རིན་པོ་ཆེས་མཛད་པ་ལྟར་རིག་འཛིན་གྲུབ་ཐོབ་མང་པོ་དང་དཔའ་བོ་ཌཱཀྐི་ཐམས་ཅད་འཚོགས་ནས༔ སྐལ་ལྡན་གྱི་ལས་ཅན་མང་པོ་སྒྲུབ་པའི་གྲལ་དུ་བཙུད་ནས་བསྒྲུབས་པས་སྒྲུབ་པ་དེ་ཚར་ལ་ཁད་དུ་ལས་ཅན་འབུམ་ཕྲག་མང་པོ་འཇའ་ལུས་མཁའ་སྤྱོད་དུ་གཤེགས་པ་སྟེ༔ སྔོན་རྒྱལ་པོ་ཛའི་ལོ་རྒྱུས་ལྟ་བུ་དང་༔ ལུང་བསྟན་བཀའ་རྒྱ་མ་ནས་སྔོན་ལྷ་སྲས་དམ་འཛིན་ཡབ་ཡུམ་སྲས་འཁོར་ལ་དགོངས་འདུས་སྒྲུབ་ཆེན་བཙུགས་ནས་ལུང་བསྟན་པའི་ལོ་རྒྱུས་ལྟར་རོ༔ འབྲིང་ནི་གཏེར་སྟོན་

― CMR007_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་གླིང་པ་དང་༔ རཏྣ་གླིང་པ་སོགས་ཀྱིས་སྒྲུབ་ཆེན་བཙུགས་པ་ལྟ་བུ༔ སྒྲུབ་ཆེན་གྱི་དཀྱིལ་འཁོར་ཞལ་ཕྱེས་པས་རྡོ་རྗེ་སློབ་དཔོན་རང་དང་ལས་ཅན་གྱི་སློབ་མ་རྣམས་ཀྱིས་དཀྱིལ་འཁོར་གྱི་ལྷ་ཚོགས་ཞལ་དངོས་སུ་མཐོང་བཀའ་སྲུང་རྣམས་དངོས་སུ་འོང་ནས་ཕྲིན་ལས་སྒྲུབ༔ སྒྲུབ་པའི་གྲོལ་ཚུད་པ་ཐམས་ཅད་ཀྱང་ལུས་ངག་ཡིད་གསུམ་སྨིན་གྲོལ་ལ་བཀོད་པའོ༔ ཐ་མ་ནི་དེང་སང་བུམ་སྒྲུབ་བཙུགས་པའི་ཕྱག་སྲོལ་ལྟར༔ རྡོ་རྗེ་སློབ་དཔོན་བསྐྱེད་རྫོགས་ལ་བརྟན་པ་ཐོབ་པ་ཞིག་གིས་གཙོར་བྱས༔ དམ་ཚིག་སྡོམ་པ་དང་ལྡན་ཅིང་དབང་ཐོབ་པའི་གང་ཟག་ཅི་མང་འཚོགས་ནས༔ སྒྲུབ་ཆེན་ཁོག་ཕུབ་ནས་ཇི་ལྟར་བྱུང་བ་ལྟར་བྱེད་པའོ༔ སྐུ་གསུམ་སྒྲུབ་པའི་སྒྲུབ་ཆེན་ནི༔ སྒྲུབ་ཆེན་དང་འདྲ་བ་ལས༔ སྐུ་འབག་བཤམ་པ་སོགས་སྐུ་གསུམ་སྒྲུབ་པའི་པྲ་ཁྲིད་ལྟར་བྱས་ལ༔ ལས་བྱང་ལྷ་བསྐྱེད་སྐབས་སུ་སྐུ་གསུམ་སྒྲུབ་པའི་མངོན་རྟོགས་དང་ལས་བྱང་གབ་སྤྱད༔ འཛབ་དགོངས་མི་བྱེད་པར་སྐུ་གསུམ་སྒྲུབ་པའི་དམིགས་པ་བསྙེན་སྒྲུབ་ལས་སྦྱོར་སོ་སོར༔ འཚོགས་པ་ལ་སློབ་དཔོན་གྱིས་དམིགས་པ་སྤྱོད་ཅིང་༔ ལོངས་སྐུ་དང་སྤྲུལ་སྐུ་ལ་བསྙེན་སྒྲུབ་སོ་སོའི་སྔགས་རྒྱུན༔ ཆོས་

― CMR007_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ལ་གསོལ་འདེབས་རྒྱུན་ཅིང་རྟོགས་པ་སྐྱོང་བའོ༔ དེ་ལྟར་བྱས་པས་སྒྲུབ་པའི་གྲལ་འཚོགས་ཚད་དེས་བསྙེན་སྒྲུབ་ཐེམ་སྒྲུབ་པ་ཐོན་པར་འགྱུར་རོ༔ སྨན་སྒྲུབ་སྒྲུབ་ཆེན་ནི༔ ཐུགས་སྒྲུབ་དཀྱིལ་འཁོར་གྱི་སྟེང་དུ་ལྡེང་ཁྲི་བྱས་ལ་སྨན་སྒྲུབ་དཀྱིལ་འཁོར་བྲིས་པར་སྨན་རྣམས་བྷནྡ་ཁ་སྦྱོར་དུ་བཤམས་པ་དང་༔ ཕོ་བྲང་སྟེང་དུ་ཙཀ་གདུགས་ཞི་ཁྲོའི་དུས་ལྟར་ལྷ་བརྒྱ་སོགས་ཡིག་ཆུང་ལྟར་བཀྲམ༔ ཐུགས་སྒྲུབ་གཞུང་བསྲང་དུས་བཞིའམ་དྲུག་ཏུ་བྱ་ཞིང་བསྙེན་པ་ཅུང་ཟད་རེ་དང་༔ སྨན་སྒྲུབ་ཀྱི་གཞུང་རྣམས་གྱེར་ལ་སྨན་སྒྲུབ་ཀྱི་སྔགས་དེ་ཐུན་བཅད་ལ་བཟླས༔ འཚོགས་པ་མང་མས་སྔགས་དེ་སྔགས་རྒྱུན་མ་ཆད་པར་བྱ༔ མཇུག་ཏུ་དངོས་གྲུབ་བླང་བ་དང་༔ འཚོགས་པ་རྣམས་ལ་སྨན་དབང་བསྐུར་བ་སོགས་སྒྲུབ་ཆེན་གྱིདབང་གི་སྐབས་སུ་སྦར་རྗེས་སྒྲུབ་ཆེན་དང་འདྲ་སྨན་ནི་བདུད་རྩི་རིལ་བུ་ཡིན༔ ཕྱེ་མ་ཡིན་ན་པཉྩ་གོ་ཕྱེ་ཟེར༔ བདུད་རྩི་ཆོས་སྨོན་ཡིན་ནོ༔ སྒྲུབ་ཆེན་མཇུག་ཏུ་སློབ་མ་གལ་ཆེན་དབང་རྒྱས་པར་སྐུར་ས་ཡོད་ན༔ སྒྲུབ་ཆེན་སྟ་གོན་སྐབས་སུ་སློབ་མ་སྟ་གོན་བྱེད་ཅིང་༔ དབང་རྒྱས་པ་བསྐུར་མི་དགོས་ན་སློབ་མ་སྟ་གོན་མི་དགོས་ལ༔ དབང་སྐུར་བ་ནི་སྒྲུབ་ཆེན་

― CMR007_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

ཚར་ནས་དབང་བསྐུར་བའི་སྐབས་སུ་བསྐུར་ནས༔ ཡོན་འབུལ་བའི་སྐབས་སུ་སློབ་མས་ཡོན་འབུལ་ལོ༔ དབང་མི་བསྐུར་སྒྲུབ་ཆེན་རྐྱང་པ་ལ༔ གསོལ་བ་གདབ་པ་དེ་སྒྲུབ་ཆེན་འཛུགས་པའི་ཡོན་བདག་གིས་བྱ༔ སློབ་མ་སྟ་གོན་མི་དགོས༔ སྒྲུབ་ཆེན་དབང་གི་སྐབས་སུ་ཡོན་བདག་སོགས་ལ་དབང་ཤིན་ཏུ་བསྡུས་པ་བསྐུར་ནས༔ ཡོན་ཕུལ་བའི་སྐབས་སུ་ཡོན་བདག་དེས་འབུལ་བའོ༔ དེ་ནས་དབང་གི་སྒྲུབ་ཆེན་བྱེད་ལུགས་ཐམས་ཅད་རྒྱལ་ཐོ་སོགས་དང་བཅས་སྒྲུབ་ཆེན་ལྟར་བྱ༔ བདུད་བཞི་མནན་པ་ཐོག་ཕུབ་སོགས་ནི་མི་དགོས་སོ་དངོས་གཞི་ཞག་བདུན་ཙམ་ལ་བསྙེན་སྒྲུབ་ཀྱི་སྔགས་དཔོན་སློབ་བཅའ་བཅུའམ་ཅི་མང་གིས་འུར་འདོན་བྱ༔ རྒྱུན་ནི་མི་དགོས༔ དེ་ནས་དབང་རྒྱས་པར་བསྐུར་ནས་རྗེས་རྣམས་སྒྲུབ་ཆེན་ལྟར་ཐམས་ཅད་བྱའོ༔ རྣལ་འབྱོར་པ་གཅིག་གིས་སྒྲུབ་ཆེན་ཁོག་ཕུབ་ནས་སྐུ་གསུམ་སྒྲུབ་པ་བྱུང་སྟེ་ཉམས་སུ་ལེན་ཐབས་ལོགས་སུ་སྟ་གོན་དུ་རྒྱས་པར་བཤད་པ་དང་འདོན་ལུགས་སོ་སོར་བྲིས་པ་ལྟར་ཡིན་ལ༔ དེ་ཡང་སྤྲུལ་སྐུ་ཟླ་བ་གསུམ༔ ལོངས་སྐུ་ཟླ་བ་གཉིས༔ ཆོས་སྐུ་ཟླ་གཅིག་སྟེ་ཟླ་དྲུག་བྱེད་ན་ཕྱག་ལེན་ཡོངས་སུ་གྲགས་པ་ཡིན་ཅིང་༔ དེ་བས་ཞག་

― CMR007_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ཉུང་ཡང་སྔགས་གྲངས་ཐེམ་ན་རུང་སྟེ་གྲངས་ཀྱི་བསྙེན་པའོ༔ རྟགས་ཁྱད་པར་ཅན་བྱུང་ན་ཡང་དུས་གྲངས་མ་ངེས་ཏེ་རྟགས་ཀྱི་བསྙེན་པའོ༔ དེ་ནི་སྐུ་གསུམ་དུས་གཅིག་སྒྲུབ་པའམ༔ སྐུ་གསུམ་གང་རུང་རེ་རེ་སྒྲུབ་པའམ༔ ལོ་རེ་རེ་འཐོར་སོགས་ཀྱང་རུང་སྟེ་སོ་སོར་སྒྲུབ་པ་སྒྲུབ་ལུགས་གོང་ལྟར་རོ༔ དེ་རྣམས་སྒྲུབ་ཆེན་ཁོག་ཕུབ་པས་སྒྲུབ་ལུགས་བྱིན་རླབས་ཆེའོ༔ ཡང་སྐུ་གསུམ་སྒྲུབ་པ་སྒྲུབ་ཕྲིན་ལྟར་སྒྲུབ་པ་ནི༔ སྒྲུབ་ཆེན་ཁོག་ཕུབ་ཀྱིས་ཁ་མི་སབ་པར༔ སྐུ་གསུམ་སྒྲུབ་པའི་ཁོག་དབུབ་པྲ་ཁྲིད་ནས་ཇི་ལྟར་བྱུང་བ་ལྟར༔ སྒྲུབ་ཁང་ནང་དུ་སྒོ་མ་བཞིའི་གཟུགས་བྲིས་པར་བཀའ་བསྒོ༔ སྔོན་འགྲོ་དཀར་བགེགས་ཙམ་གྱིས་ཆོག འདོན་ལུགས་ཁྱད་མེད་སྐུ་གསུམ་ཁའམ་རེ་རེ་སྒྲུབ་བོ༔ རྗེས་ཆོག་ཀྱང་ཐུགས་སྒྲུབ་ལས་བྱང་ལྟར་བྱས་པས་འཐུས་སྒྲུབ་ཆེན་ནས་མི་སབ༔ ཁྲིད་ལྟར་ཉམས་སུ་ལེན་ན་སྒྲུབ་ཆེན་ཁོག་དབུབ་དང་པྲ་ཁྲིད་གང་ཡང་མི་དགོས་འཁོར་ལོ་མནན་པ་ལིངྒ་མི་དགོས༔ མཚམས་བསྡམས་མཚམས་དཔོན་སློབ་རྣམས་ཐག་རིང་དུ་མི་འགྲོ༔ སློབ་དཔོན་གྱིས་ནུབ་ལས་བྱང་གཞུང་ཚར་རེ་དང་བཀའ་སྲུང་ལ་སྔགས་བསྔོས་ཐོག་མཐའ་བར་གསུམ་དུ་ཚོགས་དང་གཏོར་

― CMR007_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ་བཀའ་སྲུང་བསྐང་གསོལ་བྱ༔ དང་པོ་ཐུན་མོང་སྔོན་འགྲོ་ཞག་བདུན་བཤད་ཅིང་༔ ཀྱེ་མ་ཀྱེ་མ་སོགས་སྙིང་པོ་རྒྱང་འབོད་བསླབ་ཅིང་འདོན་འཇུག༔ དེ་ནས་ཞག་བདུན་རེ་ལ་སྐྱབས་འགྲོ༔ སེམས་བསྐྱེད༔ རྡོར་སེམས་མཎྜལ་བླ་མའི་རྣལ་འབྱོར་བཤད་ཅིང་བསྒོམ་འཇུག༔ ཤེས་རབ་ཆེ་ཆེས་ཟུང་འཇུག ཤེས་རབ་ཆུང་བ་རྣམས་ལ་དམིགས་པ་དང་༔ བཛྲ་སཏཱ་སོགས་ཉུང་ངུ་སླབ༔ ནུབ་མོ་ཀུ་སུ་ལུའི་ཚོགས་གསོག༔ ནངས་སྔ་གཉིད་ལས་བསླང་བ་དང་ཞི་བའི་སྲུང་འཁོར༔ དགོང་མོ་དྲག་པོའི་སྲུང་འཁོར༔ སྤྱོད་ལམ་ཐམས་ཅད་དྲི་ཆེ་ཆུང་གི་སྔགས་དང་དམིགས་པ་བསླབ༔ དེ་ནས་ཡི་གེ་ཤེས་པ་རྣམས་ལ་མཁར་དྲུང་གིས་བསྒྲིགས་པ་ལྟར༔ སྤྲུལ་སྐུའི་བསྙེན་པ་ཞག་བདུན༔ སྒྲུབ་པ་བཅུ་བཞི༔ ལས་སྦྱོར་གསུམ་རེ་བསྙེན་ཅིང་༔ མང་མ་ལ་ཡང་དམིགས་པ་སྤྱོད་ལ་སྔགས་ཅི་ནུས་བཟླ་འཇུག དེ་བཞིན་ལོངས་སྐུའི་བསྙེན་སྒྲུབ་ལས་གསུམ་ཡང་ཟླ་གཅིག་ཙམ་སྒོམ་བཟླས་བྱེད་འཇུག༔ དེ་ནས་ཆོས་སྐུ་ལ་མཉམ་ཉིད་ཕྱག་ཆེན་ཁྲིད་ཡིག་གིས་ངོ་སྤྲད་ལ༔ བསྒོམ་འཇུག་ཅིང་གསོལ་འདེབས་ཕྱག་སྐོར་སོགས་ཟླ་གཅིག་ཙམ་བྱེད་འཇུག༔ དེ་ནས་ཐུགས་སྒྲུབ་ལྟར་རྗེས་ཆོག་བར་བཀྲ་

― CMR007_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་བསྔོ་སྨོན་བྱས་ལ་སོ་སོར་གྱེས་ནས༔ རྗེས་ནས་ཉམས་ལེན་ལོ་གཅིག་གམ་ཟླ་བ་དྲུག་གམ་གསུམ་དུ་བརྩོན་འགྲུས་མི་འདོར་བར་ཁས་ལེན་བྱེད་འཇུག་གོ༔ འདི་ལ་དམིགས་རྟེན་ཙཀ་ལི་འཚོགས་པ་ལ་སྟོན་ཙམ་བྱས་ལ་སོ་སོར་སྒོམ་བཅུག་པས་འཐུས་སོ༔ དེ་ནས་སྐུ་གསུམ་སྒྲུབ་པ་རྒྱུན་ཁྱེར་ཉམས་སུ་ལེན་པ་ལ་ཡང་གཉིས་ཏེ༔ སྔོན་དུ་སྐུ་གསུམ་སྒྲུབ་པ་ཐོན་ནས༔ རྒྱུན་དུ་ཙཀ་ལི་མདུན་དུ་བཤམ༔ མཆོད་གཏོར་ཅི་འབྱོར་བཤམ༔ རྩ་གསུམ་མཆོད་ཕྲེང་ཐུགས་སྒྲུབ་གཞུང་བསྲང་ལ༔ འཛབ་དགོངས་སྐབས་སུ་སྤྲུལ་སྐུའི་བསྙེན་པ་བརྒྱ་སྒྲུབ་པ་བརྒྱ་ལས་སྦྱོར་བཅུ་རེ་ཙམ་བསྒྲུབ་སྟེ༔ བསྙེན་སྒྲུབ་ལས་སྦྱོར་གྱི་དམིགས་པ་དེ་དག་སྐད་ཅིག་སྐད་ཅིག་ལ་གནས་འགྱུར་གྱི་ཚུལ་དུ་བསྒོམ་པར་བྱའོ༔ ཡང་རྒྱུན་དུ་མཆོད་གཏོར་མེད་ན་སྤྲོས་མེད་ལྟར་ཉམས་སུ་ལེན་པ༔ མཁར་དྲུང་གིས་མཛད་པའི་ངག་འདོན་ལྟར་ཉམས་སུ་བླངས་ཏེ༔ མར་ཐང་གི་གྲྭ་པ་བགྲེས་པ་རྣམས་ཀྱང་དེ་ལྟར་རྒྱུན་ཁྱེར་མ་ཆག་པར་བྱེད་སྲོལ་སྣང་ངོ་༔ དེའི་ཕྱག་ལེན་ལ་ནི་སྐུ་གསུམ་སྒྲུབ་པ་མ་ཐོན་ན་ཡང་༔ རྒྱུན་ཁྱེར་བྱེད་སྲོལ་སྣང་༔ དེ་ཡང་སྒྲུབ་ཆེན་ཁོག་ནས་སྒྲུབ་པའི་ལུགས་ཀྱི་དཀྱིལ་འཁོར་ཡང་

― CMR007_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

འདོམ་གང་སོགས་རྒྱ་ཆེན་པོ་དང་༔ འོག་ཏུ་སྟག་སྒབ་སྟེང་དུ་བླ་བྲེ༔ ལོགས་སུ་ཚོན་སྐུད་དྲ་བས་བརྒྱན་ནས་ཡོལ་བ་དར་ཡོལ་གསུམ་རིམ༔ ནང་དུ་ཚེ་འབར་བཞི་སོགས་ཡོད་པས་བྱི་བ་སོགས་དོགས་མི་དགོས་པ་དང་༔ དཀྱིལ་འཁོར་རྒྱ་ཆེ་བའི་ཕྱིར༔ ཤར་དུ་མཆོད་ཡོན་ཞབས་བསིལ་སོགས་སྣ་བདུན་བཤམ༔ ལྷོར་གཟུགས་མ་མེ་ལོང་དང་༔ སྒྲ་པི་ཝང་དང་དུང་༔ དྲི་སྤོས་རེངས༔ རོ་ཟས་སྣས་བརྒྱན་པའི་བཤོས་གཙང་༔ རེག་ན་བཟའ་རྣམས་བཤམ༔ ནུབ་ནས་ཕུགས་གཏོར་ཆ་ཚང་དང་༔ སྨན་རཀྟ་རིན་ཆེན་འབར་བ༔ བྱང་དུ་བསྐང་གཏོར་དང་ཆོས་སྐྱོང་བཀའ་སྲུང་གཙོ་འཁོར་ཡོངས་རྫོགས་ཀྱི་བཤོས་བུ་ཀ་ཊོ་ར་དང་ཟངས་ལྕགས་ཀྱི་སྣོད་དུ་བཤམ་པ༔ ཡོལ་བའི་ཕྱིའི་དཀྱིལ་འཁོར་མདུན་དུ་ལག་མཆོད་རྒྱུའི་ཀ་པཱ་ལ༔ ཚོགས་རྫས་ཐམས་ཅད་དཀར་གཏོར་གཏོར་འབུལ་མཐེབ་སྐྱུ༔ རྒྱུན་དུ་བརྗེ་རྒྱུའི་མཆོད་པ་སྣ་བདུན་སྤྱན་གཟིགས་གང་འཛོམ་བཤམ་མོ༔ སྒྲུབ་ཆེན་དང་དབང་སྒྲུབ་གང་ལ་ཡང་༔ རས་བྲིས་དང་སྔགས་སྟེགས་བུ་རྙིང་པ་ལ༔ བརྟག་བསླང་ས་ཐིག་ཆོག་མི་དགོས༔ དེ་མ་དགོས་ན་རྗེས་ནས་རྡུལ་ཚོན་ཆུར་སྐྱེལ་བ་དང་སྔོན་དུ་བུམ་གཏོར་མི་དགོས་དབང་

― CMR007_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྒྲུབ་ཆེན་སྦྲགས་པ་དང་༔ དབང་གི་སྒྲུབ་ཆེན་མིན་ནས༔ སློབ་མ་སྟ་གོན་ཀུ་ཤ་དཔུང་སྐུད༔ སྡོམ་བཟུང་སོགས་མི་དགོས༔ ལར་ཐུགས་རྗེ་གསང་འདུས་ལ་སྒྲུབ་ཆེན་རྒྱས་པར་ཡོད་ཀྱང་༔ འགའ་ཞིག་གིས་རིལ་བུ་བུམ་སྒྲུབ་དུས་ཐུགས་སྒྲུབ་ཀྱི་སྒྲུབ་ཆེན་ཁོག་དབུབ་ཀྱི་ཁ་སབ་སྲོལ་ཡོད་པར་སྣང་བ་ལྟར༔ རྙིང་མའི་སྒྲུབ་པ་མཐའ་དག་དང་གུ་རུ་དྲག་པོ༔ རྟ་མགྲིན་དམར་ནག༔ མ་ནིང་རིགས་ལྔ༔ བཀའ་བརྒྱད་རཏྣ་ལུགས་སོགས་ཐམས་ཅད་ལ་སྒྲུབ་ཆེན་ཁོག་དབུབ་འདི་ཡིས་ཁོག་ཕུབ༔ རང་རང་གི་ལས་བྱང་གིས་གཞུང་བསྲང་ཞིང་མངོན་རྟོགས་དང་འཛབ་དགོངས་སྒྲུབ་གཞུང་སོ་སོ་ལྟར་བྱས་ན་བྱིན་རླབས་ཤིན་ཏུ་ཆེ་ཞིང་༔ སྒྲུབ་ཆེན་འདི་གསང་སྔགས་ཀྱི་སྲོག་ཡིན་པས་ཨོ་རྒྱན་རིན་པོ་ཆེ་ཡང་ཐུགས་དགོངས་རྫོགས་པ་ཡིན་གསུངས་སོ༔ ཡང་སྒྲུབ་ཆེན་དེ་ཡང་རྣལ་འབྱོར་པ་གཅིག་གིས་ཀྱང་རུང་ལ༔ ཇི་ལྟར་སྒྲུབ་གྲོགས་མང་བཞིན་བྱིན་རླབས་དང་ནུས་སྟོབས་ཆེའོ༔ ཡང་སྐུ་གསུམ་སྒྲུབ་པ་སོགས་གང་ཡང་སྒྲུབ་ཆེན་ཁ་མ་སབ་པར་རང་གཞུང་ལྟར་བྱས་ཀྱང་མ་ཚང་བ་ནི་མིན་ནོ༔ འོན་ཀྱང་རང་གཞུང་ལྟར་སྒྲུབ་པ་བས༔ སྒྲུབ་ཆེན་ཇི་ལྟར་བ་ཁ་སབ་ནས་སྒྲུབ་ན༔

― CMR007_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་སུ་དངོས་གྲུབ་དང་བྱིན་རླབས་ཆེ་སྟེ༔ རང་གིས་སྒྲུབ་པ་བས་བརྒྱ་འགྱུར་གྱིས་བར་ཆད་དང་དངོས་གྲུབ་གཉིས་ཀ་ཆེའོ༔ དེ་ལྟར་དབང་བསྐུར་བ་ཡང་སྒྲུབ་ཆེན་བྱས་ནས༔ དང་པོ་སྒྲུབ་པའི་སློང་ཚད་དང་བར་ཆད་ཆེ༔ བར་དུ་ལེ་ལོ་དང་ཚོད་ཡོད་སོང་ནས་ཕྲག་དོག་ཆེ༔ ཚུལ་བཞིན་བསྒྲུབས་ན་རྟགས་དང་མཚན་ལྟས་ཆེ༔ དེའི་མཇུག་ཏུ་སྒྲུབ་རྫས་བུམ་པའི་བདུད་རྩི་སྐུ་འབག་སོགས་དཀྱིལ་འཁོར་དེའི་སྟེང་ནས་བུམ་དབང་རྒྱས་པར་བསྐུར༔ རྡོ་རྗེ་སློབ་དཔོན་ཆགས་ལམ་པས་སློབ་མ་ཁྱིམ་པའམ་ཆགས་ལམ་པ་ལ་གསང་དབང་ཤེས་རབ་དངོས་སུ་བསྐུརཾ༔ སློབ་དཔོན་གྲོལ་ལམ་པས་སློབ་མ་རབ་བྱུང་ངམ་གྲོལ་ལམ་པ་ལ་རིག་མ་ཙཀ་ལི་ཙམ་དམིགས་རྟེན་དུ་བྱས་ལ༔ ཡིད་རིག་ཡེ་ཤེས་ཀྱི་ཕྱག་རྒྱ་ལ་བརྟེན་ནས་གསང་དབང་བསྐུར་དུས་བདུད་རྩི་ལྕེ་ལ་བཞག༔ ཤེས་རབ་ཡེ་ཤེས་ཡིད་ཀྱི་སྒོམ་བཅུག་གོ༔ དེ་ལྟར་སྒྲུབ་ཆེན་དང་དབང་འབྲེལ་ན་བྱིན་རླབས་ཤིན་ཏུ་ཆེ་བས་རབ་ཡིན༔ ཡང་དབང་གི་སྒྲུབ་ཆེན་བྱས་ན་ཞག་བདུན་ཙམ་དབང་བསྙེན་ཁ་གསོས་ནས་བསྐུར་བ་འབྲིང་ཡིན་ལ༔ ཐ་མ་རས་བྲིས་ལ་བརྟེན་ནས་དབང་བསྙེན་བརྒྱ་སྟོང་ཙམ་བྱས་ཏེ་བསྐུར་ཡང་མ་ཚང་བ་མིན་ལ༔ དེ་ཡང་སྔར་ནུབ་ཀུ་ཤ་དཔུང་སྐུད་གཉིས་དང་

― CMR007_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་བཟུང་དང་སྟ་གོན་བྱ༔ ཕྱིར་ནུབ་བུམ་དབང་༔ དེའི་ཕྱིར་ནུབ་མཆོག་དབང་བསྐུར༔ དེ་ལས་བསྡུས་ན་སྔ་ནུབ་སྟ་གོན་དང་ཕྱི་ཉིན་དབང་བཞི་ཁ་བསྐུར༔ ཡང་ཉི་མ་གཅིག་ལ་ཐམས་ཅད་བསྐུར་ཡང་རུང་སྟེ༔ དེ་ལ་ཀུ་ཤ་དཔུང་སྐུད་བྱེད་སྲོལ་ནི་ཡོད་དོ༔ མ་བྱས་ཀྱང་མ་ཚང་བའི་སྐྱོན་མེད་དོ༔ འོ་ན་དབང་དང་སྒྲུབ་ཆེན་སྦྲགས་མ་ཧ་ཅང་དཀའ་ལ་གཞན་སླ་བ་ཅི་ཞེ་ན་སྒྲུབ་ཆེན་དང་དབང་སྒྲུབ་སྦྲགས་མ་ནི༔ སྐལ་ལྡན་གྱི་སློབ་མ་སྔར་སངས་རྒྱས་ཀྱི་བསྟན་པ་ལ་མ་ཞུགས་སྡོམ་པ་དང་དབང་ལུང་ཅི་ཡང་མ་ཐོབ་པ་ཞིག་ཆོས་འདི་ཁོ་ནའི་སྒོ་ནས་བསྟན་པ་ལ་བཙུད༔ སྐྱབས་འགྲོ་སེམས་བསྐྱེད་ནས་བཟུང་སྟེ་རིམ་པར་ཁྲིད་ནས༔ ཚིག་དབང་ཕྱག་རྒྱ་ཆེན་པོའི་ངོ་སྤྲོད་ནས༔ སྒྲུབ་པ་འདིའི་སྒོ་ནས་ཚེ་གཅིག་ལ་བྱང་ཆུབ་ཐོབ་པའི་དབང་དུ་མཛད་ནས་གསུངས་ལ༔ སྟ་གོན་མི་དགོས་པ་དང་བསྟུན་པ་རྣམས༔ སློབ་མ་སྔར་ནས་བསྟན་ལ་ཞུགས་དབང་བཞི་ཡང་ཐོབ་པ་ཞིག༔ ཆོས་འདིའི་དབང་ལུང་ཐོབ་པར་འདོད་པ་ལ་བསྐུར་བ་ཁྱད་པར་དུ་གསུངས་པའོ༔ དེ་བཞིན་དུ་གང་ཟག་འབྱོར་བ་ཆེ་ཞིང་སྤྲོས་པ་ལ་དགའ་བ་ལ་སྒྲུབ་ཆེན༔ འབྱོར་པ་ཆུང་ཞིང་སྤྲོས་པ་ལ་མི་དགའ་ན་སྒྲུབ་ཕྲན་

― CMR007_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པའོ༔ ཤིན་ཏུ་སྤྲོས་མེད་ལ་དགའ་ནས་བསྐྱེད་རིམ་གྱི་ཆའི་བསྙེན་སྒྲུབ་ཐམས་ཅད་སྙན་བརྒྱུད་ཡིད་བཞིན་ནོར་བུ་ལ་འཐུས༔ རྫོགས་རིམ་ཐམས་ཅད་མཉམ་ཉིད་ཕྱག་ཆེན་ཁྲིད་ལ་འདུས་ཏེ་དེ་གཉིས་ཁོ་ནས་ཆོག་གོ༔ འདི་ལྟར་གོ་བདེ་བར་བྱས་ན་སྤྱིར་རྙིང་མ་མཐའ་དག་དང་༔ ཁྱད་པར་ཐུགས་སྒྲུབ་དང་སྐུ་གསུམ་སྒྲུབ་པ་ལ་རང་བྱན་ཚུད་ནས་བདག་པོས་རང་ནོར་སྤྱོད་པ་ལྟར༔ ཇི་ལྟར་བྱས་ཀྱང་མི་འགལ་བར་འགྱུར་རོ༔ འདི་ལྟར་མ་ཤེས་ན་ཇི་ལྟར་བྱས་ཀྱང་འགའ་རེ་ལྷག་འགའ་རེ་ཆད་པ་འདྲ་བས་བསྒྲུབ་ཀྱང་ཐེ་ཚོམ་མེ་ཁུ་འཕྲིག་གེ༔ རྒྱུས་མེད་ཀྱི་ལམ་དུ་འགྲོ་བ་ལྟར་འགྱུར་ཏེ༔ ཐེ་ཚོམ་དེས་སྒྲུབ་པའི་བར་ཆད་ཀྱི་སེལ་དུ་འགྱུར་རོ༔ དེ་བས་ན་ཟིན་བྲིས་འདི་ལ་ལེགས་པར་བལྟས་པས་གོ་བ་ནམ་ལངས་ཉི་མ་ཤར་བ་ལྟར་འགྱུར་རོ༔ སྒྲུབ་ཆེན་དང་སྐུ་གསུམ་སྒྲུབ་པའི་དབྱེ་བ་དང་སྤྱི་ཆིངས་འདི་ཡང་མཐར་ཕྱིན་དང་ཡང་དག་སོགས་ལ་འཕྲལ་དུ་ཕན་པ་དང་༔ མ་འོངས་ཕྱི་རབས་འགའ་ལ་ཡང་ཕན་སྲིད་སྙམ་པས༔ ༧ སྔགས་འཆང་ཨ་རཱ་གས་རྒྱལ་ཟླའི་ཉེར་གཅིག་ལ་རྫོགས་པར་བྲིས་པ་ལ༔ འགལ་འཁྲུལ་མཆིས་ན་རྩ་བ་གསུམ་ལ་བཤགས་ཤིང་༔ དགེ་བས་གསང་སྔགས་བླ་མེད་

― CMR007_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བསྟན་པ་རིན་པོ་ཆེ་ཕྱོགས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག མངྒ་ལཾ༔ ༧ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་སྐུ་གསུམ་སྒྲུབ་པ་སྤྱིའི་ཞལ་གདམས།

― CMR007_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་སྐུ་གསུམ་སྒྲུབ་པ་སྤྱིའི་ཞལ་གདམས་བཞུགས་སོ༔

― CMR007_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དྷེ་ཝ་ཌཱཀི་ནཱི་ཧཱུྃ༔ ད་ནི་སྐུ་གསུམ་པོ་གང་བསྒྲུབ་ཀྱང་སྒྲུབ་པ་དངོས་གཞིའི་སྐབས་སུ་སྤྱིའི་ཞལ་གདམས་ནི༔ སྒྲུབ་ཆེན་མི་མང་པོས་བྱེད་ན་མི་སོ་སོས་བསྐང་རྒྱུན་དང་༔ ཚོགས་བརྒྱ་དང་ཉུལ་ལེ་བསྐད་མཁན་གིང་ཕོ་མོ་དང་ཞི་ཁྲོ་སོགས་གཞུང་བསྲང་མང་པོ་སོ་སོས་བྱེད་ཚུལ་སོགས་སྒྲུབ་ཆེན་ཁོག་དབུབ་དངོས་གཞིའི་ལེའུ་ནས་གསུངས་པ་ལྟར་གོ་བར་བྱའོ༔ འདིར་རྣལ་འབྱོར་པ་གཅིག་གིས་ཉམས་སུ་ལེན་པའི་ཚེ་ན༔ དུས་བཞིའམ་གསུམ་དུ་ལས་བྱང་མང་ཉུང་གང་རུང་ངམ་གང་འདོད་གཞུང་བསྲང་༔ དགོང་མོའི་ཐུན་ལ་དྲག་པོ་སོགས་གཞན་ཡི་དམ་རྣམས་ཀྱི་ལས་བྱང་རེས་

― CMR007_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

མོས་སུ་བྱ༔ ཆོས་སྐྱོང་མ་ནིང་དང་མཁའ་རི་རྒྱུན་དུ་ཐོན་ན་རབ༔ གཞན་ཆོས་སྐྱོང་རྣམས་འདོན་རེས་བྱ་སྟེ༔ ཡི་དམ་ཆོས་སྐྱོང་སྤྱིའི་དེས་ཐུན་གོ་བཅད་ཀྱང་རུང་༔ རང་གི་ལུས་ལ་ནད་སོགས་ཡོད་ན་ཉལ་ཁ་ཆོས་སྤྱོད་ནས་གསུངས་པའི་ཀུ་སུ་ལུའི་ཚོགས་གསོག་དམིགས་ཐུན་མང་བ་རབ་ཅིག་བྱ༔ གཉིད་དུས་གསང་ཁྲིད་ནས་གསུངས་པ་ལྟར་འོད་གསལ་འཛིན་པའི་དམིགས་རིམ་མམ༔ སེམས་ངོའི་ངང་ནས་འོད་གསལ་ཨི་ཟིན་ཚད་ལ་ཉལ༔ དེ་ཡང་སྲུང་འཁོར་དང་མདུན་བསྐྱེད་མི་བསྡུ་བར༔ བདག་བསྐྱེད་སྟོང་ཉིད་འོད་གསལ་ངང་དུ་བསྡུས་ལ་ཉལ༔ ཡང་བདག་བསྐྱེད་

― CMR007_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

གཞལ་ཡས་ཁང་བཞག་ལ་ལྷ་སྟོང་ཉིད་དུ་བསྡུས་ཀྱང་རུང་༔ ཡང་རྙིང་མའི་སློབ་དཔོན་རྒན་པོ་རྣམས་སྒྲུབ་པ་དབུ་བཙུགས་ནས་མཚམས་གྲོལ་ཁ་བར་བདག་མདུན་བསྐྱེད་རིམ་མི་བསྡུ་བར་གསལ་འདེབས་ཤིང་བསྒོམ་སྲོལ་གདའ་བས༔ འདི་མཆོག་སྒྲུབ་པ་ལ་ཅུང་ཟད་མི་རུང་སྟེ་རྟག་པར་ཆད་པའི་ཉེས་པ་ཞིག་ཡོད་པར་བཤད་མཐུ་སྒྲུབ་ལྟ་བུ་ལ་ནི་དེ་ལྟར་བྱས་པས་ནུས་པ་ཆེ་ཞིང་རྟགས་མྱུར་བ་དང་གསལ་བའི་གནད་ཡོད་པར་གདའོ༔ འདིར་ཐུན་མཚམས་སུ་ཡང་ངག་མི་བཏང་༔ སྟན་དྲོད་མ་ཡལ་བ་རྟགས་དང་ནུས་པ་ཆེའོ༔ མི་རུང་བ་ཡང་མིན་ལར་གྱི་ལྟ་སྒོམ་གྱི་གནད་ཆོས་སྤྱོད་ལམ་རིམ་དང་༔ ལང་གྲོའི་ཞུས་ལན༔ དག་སྣང་སྙན་བརྒྱུད་རྣམས་ལས་གསུངས་པ་ལྟར་གོ་བར་བྱ༔ བཟའ་བཏུང་གི་རྣལ་འབྱོར་དྲི་ཆེན་དྲི་ཆུ་ཡི་སྦྱིན་པ་རྣམས་ཀྱང་ཆོས་སྤྱོད་ལམ་རིམ་ལྟར་བསྒོམ༔ སྤྱིའི་དམ་ཚིག་ལང་གྲོའི་ཞུས་ལན་ལྟར་ཁྱད་པར་སྐུ་གསུམ་སྒྲུབ་ཚེ་དམ་ཚིག་སྒྲུབ་ཆེན་ཁོག་དབུབ་དང་སྐུ་གསུམ་སྒྲུབ་པའི་པྲ་ཁྲིད་ལྟར་དམ་པར་སྲུང་༔ སྒྲུབ་ཆེན་དང་རྟགས་ཡིག་ནས་གསུངས་པ་ལྟར་རྟགས་བཟང་ངན་ཤེས་པར་བྱས་ལ༔ བཟང་ན་གང་བྱུང་དགའ་བྲོད་དང་རྣམ་རྟོག་ཆེན་པོ་མི་ཟ་མོད་ཀྱི༔ ངན་ན་སྨན་

― CMR007_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་ཡིག་ཆུང་ལྟར་ཉུལ་ལེའི་ལིངྒ་ལ་བཀུག་གཞུག་དང་ཕུར་འདེབས་བྱ༔ མི་ལྤགས་ཀྱི་ལྕག་སོགས་ཡོད་ན་རབ༔ མེད་ན་ཡང་ཕུར་པ་འདྲིལ་ཞིང་ཀུན་ཐུབ་རྒྱལ་མོ་བསྐུལ༔ རྟགས་ལེགས་པོ་བྱུང་ན་ཆང་བྷན་གང་ལ་བདུད་རྩི་རིལ་བུ་བཏབ་ནས་སྒྲུབ་ཆེན་ལྟར་དངོས་གྲུབ་བླང་༔ ཆང་མེད་ན་ཡང་ཞོ་ལ་རུང་སྟེ༔ བདེ་མཆོག་སྙན་བརྒྱུད་སྐོར་ནས་ཆང་གི་གོ་ཞོས་ཆོད་དེ༔ ཆང་དང་ཞོ་གཉིས་ཀ་བྱང་སེམས་དཀར་པོ་མཚོན་བྱེད་དུ་གསུངས་སོ༔ དངོས་གྲུབ་ཀྱི་ལྟས་དང་རྟགས་ཤིན་ཏུ་བཟང་ན༔ གཏོར་མ་རིན་ཆེན་འབར་བ་ཕྲིན་ལས་བཞིའི་འབྲང་རྒྱས་དང་བཅས་པ་བྱས་ལ་དངོས་གྲུབ་ཆེན་པོ་བླང་བའི་ཆོ་ག་སྒྲུབ་ཆེན་ཁོག་དབུབ་དངོས་གཞིའི་སྐབས་སུ་གསུངས་པ་ལྟར་བྱའོ༔ དང་པོ་ནས་བཤམས་པའི་དངོས་གྲུབ་རྫས་དེ་གྲོལ་ཁ་དངོས་གྲུབ་བླང་རྒྱུ་ཡིན་ལ་འདི་ནི་ཕྲལ་དུ་བཅས་པ་ཡིན་པས་མ་ནོར་བར་བྱའོ༔ གལ་ཏེ་སྒྲུབ་ཆེན་དངོས་ཀྱི་སྐབས་སུ་ཟས་ཕར་སྦྱིན་པ་དང་ནད་པ་ལ་དམིགས་པ་བྱེད་པ་སོགས་དམ་ཚིག་ལ་ཅུང་ཟད་འགལ་བྱུང་ན་ཐུན་མཚམས་སུ་རྡོར་སེམས་སྒོམ་བཟླས་ཤིག་བྱ་ཞིང་༔ དགོང་ཐུན་ལ་བསྐང་བཤགས་ཚར་གཅིག་བྱའོ༔ དེ་དང་མཉམ་དུ་དཀྱིལ་འཁོར་ལ་

― CMR007_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་ཞིང་༔ སྒྲུབ་ཆེན་གཞུང་ནས་གསུངས་པའི་བཤགས་ཚིག་བརྗོད་དོ༔ དེ་རྗེས་དམ་བཅའི་ཚིག་དེ་རྣམས་ཀྱང་བརྗོད་དོ༔ ཧཱུྃ༔ དུས་གསུམ་རྒྱལ་བ་སོགས་ཀྱི་ཚིག་དེའོ༔ སྐབས་སུ་ཐུན་མཚམས་སུ་ལག་ཏུ་ཕུར་པ་ཐོགས་ལ་འཚམས་ཤིང་དཀྱིལ་འཁོར་ལ་སྐོར་བ་བྱ༔ སྐོར་ས་མེད་ཀྱང་འཆོམ་སྟབས་བྱ་ཞིང་༔ སྐད་ཅིག་དྲན་རྫོགས་ལ་ཧཱུཾ་སྒྲུབ་ཀྱི་དམིགས་པ་དེ་རྣམས་བཟུང་ནས༔ ཧཱུྃ་བརྒྱའམ་ཉེར་གཅིག་ཙམ་བརྗོད་པ་ནི༔ གེགས་སེལ་གྱི་མཆོག་གོ༔ ད་ནངས་ཞོགས་པ་དང་པོ་གཉིད་ལས་ཌཱཀྐིས་སློང་བར་བསྒོམ་པ་དང་༔ མི་རྟག་པ་སོགས་དྲན་པ་རྣམས་ཡིད་བསྒོམ་ཆོག༔ སྐྱབས་སེམས་ནི་ཐུགས་སྒྲུབ་རང་ལུགས་ལྟར་བྱའོ༔ སྔོན་འགྲོ་མཎྜལ་སོགས་ཁྲིད་ཀྱི་དུས་ཡིན་གྱི༔ སྒྲུབ་པ་དངོས་གཞིའི་སྐབས་སུ་དེ་མི་དགོས༔ མཇུག་བསྔོ་བ་བདེ་བ་ཅན་དུ་སྐྱེ་བའི་སྨོན་ལམ་ཤོ་ལོ་ཀ་རེ་ཙམ་ནངས་ནུབ་རྒྱུན་དུ་བྱ་ཞིང་༔ བསྔོ་བ་སྨོན་ལམ་རྒྱས་པ་ནི་སྒྲུབ་པ་ཚར་དུས་བྱ་རྒྱུ་ཡིན་ནོ༔ དོན་ལ་སྐུ་གསུམ་སྒྲུབ་ཆེན་དང་༔ སྐུ་གསུམ་སྒྲུབ་པ་དང་༔ སྒྲུབ་ཕྲན་སྐུ་གསུམ་རྒྱུན་ཁྱེར་སྐུ་གསུམ་སྒྲུབ་པའི་ཁྲིད་རྣམས་སོ་སོ་ཡིན་པས་ཕྱེ་ཤེས་པར་བྱའི༔ ཐམས་ཅད་མི་དགོས་པས་རྩ་བསྲེ་ཤིང་བསྲེ་

― CMR007_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ན་དོན་དང་འགལ་ཞིང་རང་ཉིད་ཧ་ཅང་ཐང་ཆད་པའི་བྱ་བ་ནི་སྤང་བར་བྱའོ༔ སྒྲུབ་ཆེན་ལ་ཡང་མང་པོས་སྒྲུབ་ཆེན་བྱ་བ་དང་༔ མི་གཅིག་གིས་བྱ་བ་གཉིས་ལ་ཡང་སྤང་བླང་རིག་པས་ཕྱེ་ཤེས་པ་དང་༔ སྒྲུབ་ཆེན་གྱི་ཁོང་ནས་ཕྱུང་སྟེ་སྐུ་གསུམ་སྒྲུབ་པ་རྒྱས་པར་བྱ་བ་སྒྲུབ་ཆེན་ལྟ་བུ་དང་༔ སྒྲུབ་ཆེན་ཁོག་དབུབ་ལ་མ་ལྟོས་པར༔ སྐུ་གསུམ་སྒྲུབ་པའི་པྲ་ཁྲིད་ཁོ་ན་ལྟར་སྒྲུབ་པ་སྒྲུབ་ཕྲན་དང་དེ་ཡང་སྐུ་གསུམ་ཀ་སྦྲེལ་མའམ་གང་མོས་རེ་རེ་ཐོར་བུར་བསྒྲུབ་རུང་བ་ཡིན་པས༔ དེ་དག་གི་འཕྲུལ་དམིགས་ཁ་སབ་མི་དགོས་པ་དང་༔ དགོས་པ་དང་དབྱེ་བ་རིག་པས་དཔག་སྟེ་ཕྱེ་ཤེས་པར་བྱའོ༔ གོང་འོག་ཅུང་ཟད་སོང་བ་ལ་ནི་སྐྱོན་དུ་མི་ལྟ་སྟེ༔ སྒྲུབ་ཆེན་གྱི་གོ་རིམ་རྡུལ་ཚོན་གསར་དུ་བྱེད་པའི་དབང་དུ་གསུངས་པ་ཡིན་ལ༔ པྲ་ཁྲིད་ཀྱང་ཡོ་བྱད་གསར་དུ་བསྒྲུབ་པའི་དབང་དུ་ཡིན༔ དབང་ཡང་སྒྲུབ་ཆེན་གྱི་དབང་སྒྲུབ་ནས་སྐུར་བའི་དབང་དུ་ཡིན་པས༔ དེ་དག་གཞུང་ལྟར་རྒྱུན་དུ་བྱེད་མི་དགོས་པའི་སྐབས་མང་དུ་ཡོད་པ་ཤེས་རབ་ཀྱི་རྩལ་གྱིས་བརྟག་སྟེ་སྤང་བླང་བྱའོ༔ སྒྲུབ་པའི་སྐབས་སུ་ཚེས་བཅུ་དགུ་གཏོར་སོགས་དུས་མཆོད་གང་དགོས་དགོང་ཐུན་ལ་སྦྱར་བ་དང་༔ སྒྲུབ་པའི་སྐབས་སུ་

― CMR007_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

གློ་བུར་དུ་ཕྲིན་ལས་བཅོལ་དགོས་པ་གང་བྱུང་ཡང་ཡི་དམ་ཆོས་སྐྱོང་གཞན་ཞིག་ལ་གཏོར་མ་ཐུན་མཚམས་སུ་ཕུལ་ལ་བཀའ་བསྒོ་སྒྲུབ་པ་བྱེད་པའི་ཡི་དམ་ཆོས་སྐྱོང་དེ་ལ་ཕྲིན་ལས་མི་བཅོལ་བ་ཡང་གནད་དམ་པ་ཡིན་ནོ༔ གལ་ཏེ་བཅོལ་ན་ཆང་མ་ལང་བར་དུ་ཆུ་བརྒྱབ་པ་ལྟར་སྒྲུབ་པ་ཞུད་པར་འགྱུར་བའོ༔ ཞེས་སྐུ་གསུམ་སྒྲུབ་པ་གསུམ་གའི་སྤྱིའི་ཐུན་མཚམས་ཞལ་གདམས་གོ་བདེ་བར་ཨ་རཱ་གས་བྲིས་སོ༔ འདི་བྲིས་ཉེས་བཤགས་དགེ་བ་བྱང་ཆུབ་ཏུ་བསྔོ་བར་བགྱིའོ༔ མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ དོགས་གཅོད་ཅུང་ཟད།

― CMR007_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ དོགས་གཅོད་ཅུང་ཟད་བཞུགས་སོ།

― CMR007_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས་དོགས་གཅོད་ཅུང་ཟད་ཡོད༔ དེ་ལ་འདི་ནི་བཤད་པའི་ཆོས་མ་ཡིན་སྒྲུབ་པ་ཉམས་ལེན་གྱི་ཆོས་ཡིན་པས་བཤད་པ་མང་པོ་མི་འཚལ་ལག་ལེན་གཏན་ལ་འབེབས་པ་གལ་ཆེ༔ ལོ་རྒྱུས་དང་ཕན་ཡོན་མང་པོ་ཡི་གེའི་འཇིགས་པས་དེར་མི་བཤད་དེ༔ དོན་ལུ་ཨོ་རྒྱན་རིན་པོ་ཆེ་འདི་སངས་རྒྱས་འོད་དཔག་མེད་ཉིད་ཀྱི་སྐུའི་རྣམ་འགྱུར་ཡིན་གྱི་གཞན་ཞིག་ཏུ་སེམས་པར་མི་བྱའོ༔ དེ་ཅེས་ཤེས་ཞེ་ན་ཚེ་སྒྲུབ་གསང་འདུས་ཚེ་སྒྲུབ་རྡོ་རྗེ་ཕྲེང་བ་ལ་སོགས་ཀྱི་སྒྲུབ་གཞུང་ཐམས་ཅད་ལ་ལེགས་པར་ལྟོས་དང་༔ ཚེ་དཔག་མེད་སྒྲུབ་པའི་སྔགས་

― CMR007_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན་པ་ཕལ་ཆེར་བཛྲ་གུ་རུ་སོགས་ཨོ་རྒྱན་གྱི་སྔགས་སུ་གསལ་ཞིང་༔ གསོལ་འདེབས་དུས་ཀྱང་ཨོ་རྒྱན་པདྨ་རིག་འཛིན་ཚེ་དཔག་མེད་ཅེས་སོགས་ཨོ་རྒྱན་ལ་གསོལ་བ་བཏབ་པ་ཉིད་ཚེ་དཔག་མེད་ཀྱི་གསོལ་འདེབས་སུ་བྱས་པ་དང་༔ འདིར་ཨོ་རྒྱན་བླ་མ་ལོངས་སྐུར་སྒྲུབ་པ་འདི་ཉིད་ཚེ་དཔག་མེད་ཉིད་དུ་སྒྲུབ་པར་གསལ་བ་དང་༔ བླ་མ་དགོངས་པ་འདུས་པའི་དཀྱིལ་འཁོར་གྱི་གཙོ་བོ་དེ་ཡང་པདྨ་བཛྲ་ཡུམ་མནྡ་ར་བ་ཞེས་པ་ཡང་ཚེ་དཔག་མེད་ཁྲོ་བོར་བཞེངས་པ་དགོངས་འདུས༔ དེ་ཡང་ཨོ་རྒྱན་ཉིད་དུ་གསལ་བར་སྣང་བ་དང་༔ ཉང་གི་གཏེར་ཁ་སོགས་ནས་སྣང་བ་མཐའ་ཡས་

― CMR007_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་སྐུ་འགྲོ་བའི་དཔལ་དུ་ཤར་ཞེས་སོགས་སྣང་བ་མཐའ་ཡས་སུ་གསུངས༔ ངེས་པའི་རྒྱུ་མཚན་རྣམས་གོ་བར་བྱས་ལ༔ མདོ་སྡེ་པདྨ་དཀར་པོ་ནས་རྒྱལ་པོ་རྩིབས་ཀྱི་མུ་ཁྱུད་ཀྱིས་ཐུགས་བསྐྱེད་ཚུལ༔ དཀོན་མཆོག་བརྩེགས་པའི་ལེའུ་འོད་དཔག་ཏུ་མེད་པའི་མདོ་སྡེ་ལས་དགེ་སློང་ཆོས་ཀྱི་དབང་ཕྱུག་ཐུགས་བསྐྱེད་ཚུལ་ལ་སོགས་པ་དེ་རྣམས་སྐུ་གསུམ་སྒྲུབ་པའི་སྔོན་བྱུང་གི་ལོ་རྒྱུས་རྒྱས་པ་ཡིན་པར་ཤེས་པར་བྱའོ༔ དེ་ཡང་ཚེ་དཔག་མེད་དང་འབྲེལ་བའི་ལོ་རྒྱུས་དེ་དག་ལོངས་སྐུར་སྒྲུབ་པའི་ལོ་རྒྱུས་དང་༔ སྔོན་ཀུན་ཏུ་བཟང་པོ་སོགས་རྫོགས་པ་ཆེན་པོའི་སྟོན་པ་བཅུ་གཉིས་བྱོན་ཅིང་རྒྱུད་འབུམ་ཕྲག་དྲུག་ཅུ་རྩ་བཞི་ཇི་ལྟར་གསུངས་ཚུལ་གྱི་ལོ་རྒྱུས་ཐམས་ཅད་ཆོས་སྐུ་སྒྲུབ་པའི་ལོ་རྒྱུས་དང་༔ ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ཀྱིས་འཛམ་གླིང་བྱེ་བ་ཕྲག་བརྒྱར་སྤྲུལ་སྐུ་སངས་རྒྱས་སྟོང་རྩ་གཉིས་དང་སངས་རྒྱས་སྟོང་གི་ཡང་སྐུ་སྐྱེའི་ཚུལ་དུ་ཨོ་རྒྱན་དེ་ཉིད་སྤྲུལ་པ་དང་༔ རྒྱལ་པོ་སྲོང་བཙན་དང་རྒྱ་བཟའ་བལ་བཟའ་ཡང་བྱེ་བ་ཕྲག་བརྒྱ་རེ་དང་ཡང་སྤྲུལ་རྒྱ་བོད་ཀྱི་པཎ་གྲུབ་གྲངས་ལས་འདས་པ་བྱོན་ཚུལ་རྣམ་ཐར་ཐམས་ཅད་སྤྲུལ་སྐུར་སྒྲུབ་པའི་སྤྱིའི་ལོ་རྒྱུས་དང་༔ བཀའ་ཐང་རྒྱས་བསྡུས་

― CMR007_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བྱེ་བྲག་མཚན་པདྨ་འབྱུང་གནས་སུ་གྲགས་པའི་ལོ་རྒྱུས་ཡིན་པར་ཤེས་པར་བྱའོ༔ འདི་བསྒྲུབ་པའི་ཚེ་རྣལ་འབྱོར་པ་ཐོས་པ་ཧ་ཅང་མི་ཆེ་བ་དག་སྒྲུབ་ཐབས་འདི་ལེགས་ལེགས་འདྲ་ཡང་༔ རྒྱུད་གཞུང་ཆེན་རྣམས་སུ་མ་གྲགས་པས་ཅི་ཡིན་ཆ་མེད་སྙམ་དུ་ཐེ་ཚོམ་སྐྱེ་ཤིང་༔ དེས་གེགས་བྱས་ཏེ་མི་འགྲུབ་པའི་རྐྱེན་དུ་འགྱུར་བས༔ ཐེ་ཚོམ་གྱི་དོགས་པ་བསལ་བ་འདི་ནི་ཐེག་པ་ཆེ་ཆུང་མདོ་རྒྱུད་ཐམས་ཅད་ཀྱི་དོན་གཅིག་ཏུ་བསྡུས་པ་ཡིན་ནོ༔ དེ་ལ་ཆོས་སྤྱོད་སྔོན་འགྲོའི་དལ་འབྱོར་རྙེད་དཀའ༔ འཆི་བ་མི་རྟག་པ་ལས་རྒྱུ་འབྲས་འཁོར་བའི་ཉེས་དམིགས༔ སྐྱབས་འགྲོ་གསུམ་ལས་ཕྱིའི་སྐྱབས་འགྲོ་དེ་རྣམས་ཀྱིས༔ བཀའ་དང་པོ་བདེན་བཞིའི་ཆོས་ཀྱི་འཁོར་ལོའི་དོན་ཐམས་ཅད་ཚང་༔ ཕྱི་ཉན་ཐོས་ལུགས་ཀྱི་ཉམས་ལེན་གྱི་རྩ་བ་ཡང་ཚང་སྟེ༔ སྒྲུབ་ཆེན་སྟ་གོན་དབང་གི་སྔོན་འགྲོའི་སྐབས་སུ༔ དགེ་ཚུལ་དགེ་སློང་སོགས་སོ་ཐར་སྡོམ་པ་ཁས་ལེན་འབྱུང་བ་ཡང་དེའི་དོན་ཡིན༔ འོ་ན་དགེ་ཚུལ་བསྲུང་བྱ་བཅུ་དགེ་སློང་ཁྲིམས་ཉིས་བརྒྱ་ལྔ་བཅུ་ཅི་ལྟ་བ་མ་བསྲུངས་ན་ལྟུང་བ་འབྱུང་ངམ་ཞེ་ན༔ དེ་ཅི་ལྟ་བར་རྣམ་གྲངས་ཚང་བར་སྲུང་བ་མ་ཡིན་ཏེ༔ གཞན་ལ་གནོད་པ་གཞི་དང་

― CMR007_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་པ་སྤང་བ་དེ་ལ་སོ་ཐར་སྡོམ་པ་ཐམས་ཅད་འདུས་པས་རྩ་བ་དེ་སྲུང་བའོ༔ དེ་ཡང་སོ་ཐར་གྱི་ཉམས་ལེན་རྩ་བ་སྐྱབས་འགྲོ་ཡིན་པས་དེ་རྒྱུན་དུ་ཉམས་སུ་ལེན༔ ལྟ་བ་སྟོང་ཉིད་ཡིན་སྤྱོད་པ་དགེ་བཅུ་སྒྲུབ་མི་དགེ་བཅུ་སྤང་པ་ཡིན་པས་དེ་ཐམས་ཅད་ཚང་བ་ཡིན་ནོ༔ བཀའ་བར་པ་མཚན་ཉིད་མེད་པ་དང་བཀའ་ཐ་མ་ངེས་པར་རྣམ་པར་འབྱེད་པའི་ཆོས་ཀྱི་འཁོར་ལོའི་དོན་ནི་བྱང་ཆུབ་ཏུ་སེམས་བསྐྱེད་ནས་ཕར་ཕྱིན་དྲུག་ལ་བསླབ་པ་སྟེ༔ སེམས་བསྐྱེད་ནི༔ ན་མོ་འགྲོ་དྲུག་ཅེས་སོགས་ཉིན་རེ་བཞིན་སེམས་བསྐྱེད་དེ་ཡིན་ནོ༔ སྔོན་འགྲོ་སོགས་མཆོད་གཏོར་ནི་སྦྱིན་པ༔ དམ་ཚིག་སྲུང་བ་ནི་ཚུལ་ཁྲིམས༔ སྒྲུབ་པའི་དཀའ་ཚེགས་བཟོད་པ་ནི་དཀའ་བ་དང་ལེན་གྱི་བཟོད་པ༔ སྒྲུབ་པ་ལ་བརྩོན་པ་བརྩོན་འགྲུས༔ ཏིང་ངེ་འཛིན་གྱི་འོད་ཟེར་སྤྲོ་བསྡུ་སོགས་བསམ་གཏན༔ སྟོང་ཉིད་སྟེང་དུ་བཞག་པ་ཤེས་རབ་སྟེ་ཕར་ཕྱིན་དྲུག་ཚང་བས་མཚན་ཉིད་ཀྱི་དོན་ཐམས་ཅད་འདུའོ༔ གཙང་སྦྲ་དང་བཅས་པའི་མཆོད་གཏོར༔ ངོ་མི་གཏུག་གྲིབ་ལ་འཛེམ་པ་སོགས་བྱ་རྒྱུད་ཀྱི་དོན་ཚང་༔ མདུན་བསྐྱེད་ལ་དངོས་གྲུབ་འདོད་ཕྱིར་མཆོད་བསྟོད་སོགས་སྤྱོད་རྒྱུད་གྱི་དོན་ཚང་༔ རང་དམ་ཚིག་པ་ལ་ཡེ་

― CMR007_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་པ་སྤྱན་འདྲེན་བསྟིམ་སོགས་རྣལ་འབྱོར་རྒྱུད་ཀྱི་དོན་ཚང་བ་ཡིན་ནོ༔ དེ་ཡང་སྤྲུལ་སྐུར་སྒྲུབ་པ་བསྐྱེད་རིམ་འོད་ཟེར་སྤྲོ་བསྡུ་ལས་བཞིའི་སྦྱིན་སྲེག་སོགས་གཙོ་ཆེ་བས༔ ཕ་རྒྱུད་དང་བསྐྱེད་པ་མ་ཧཱ་ཡོ་གའི་དོན་ཐམས་ཅད་འདུས༔ ལོངས་སྐུར་སྒྲུབ་པ་ལུས་དཀྱིལ་དང་བྱང་སེམས་ཀྱི་བདེ་བས་ལུས་བཀང་བ་སོགས་བདག་ལུས་གཙོ་ཆེ་བས་མ་རྒྱུད་དང་ལུང་ཨ་ནུ་ཡོ་གའི་དོན་ཐམས་ཅད་འདུས༔ ཆོས་སྐུར་སྒྲུབ་པ་ཡེ་ནས་ལྷུན་གྲུབ་ཐབས་ཤེས་ཟུང་འཇུག་འབྲས་བུ་སྟོང་ཉིད་སྙིང་རྗེ་དབྱེར་མེད་གཙོ་ཆེ་བས་གཉིས་མེད་རྒྱུད་དང་ཨ་ཏི་རྫོགས་པ་ཆེན་པོའི་དོན་འདུས་སོ༔ འོ་ན་འདི་མདོ་རྒྱུད་ཀྱི་དོན་མན་ངག་གི་བསྡུས་པ་ཁོ་ན་ཡིན་ནམ༔ འདི་རང་ལ་རྒྱུད་གཞུང་ཡོད་དམ༔ རྒྱུད་གཞུང་གང་གི་རྗེས་འབྲང་ལུང་ཁུངས་སྨོས་རྒྱུ་ཡོད་དམ་མེད་ཅེ་ན༔ འདི་ལ་ལུང་རྒྱབ་འདྲེན་པ་དང་༔ ལུང་ཁུངས་དངོས་སྨོས་པ་དང་དོན་དམ་པར་ཆོས་འདི་རྒྱུད་གཞུང་གི་ལུང་ལ་ལྟོས་མི་དགོས་གཅིག་རྐྱ་ཕེར་ཚུལ་དང་གསུམ་ལས༔ དང་པོ་ལུང་རྒྱབ་སྨོས་ཚུལ་ནི༔ བཀའ་དང་པོ་བདེན་བཞིའི་ཁོངས་སུ་གཏོགས་པ་ཐེག་པ་ཐུན་མོང་བའི་མདོ་སྡེ་རྣམས་དང་འདུལ་བ་ལུང་སྡེ་བཞི་རྣམས་ནས༔ དགེ་འདུན་ལ་བཀུར་སྟི་བྱས་

― CMR007_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕན་ཡོན༔ ཐེག་པ་ཆེན་པོའི་མདོ་སྡེ་རྣམས་ནས་བྱང་ཆུབ་སེམས་དཔའ་ལ་མཆོད་ཅིང་བསྙེན་བཀུར་བའི་ཕན་ཡོན༔ དགེ་བའི་བཤེས་གཉེན་ལ་མཆོད་པའི་ཕན་ཡོན༔ རྒྱུད་སྡེ་ཆེན་པོ་ཐམས་ཅད་ནས༔ བླ་མ་རྡོ་རྗེ་སློབ་དཔོན་མཆོད་པའི་ཕན་ཡོན༔ གསོལ་བ་བཏབ་པའི་ཕན་ཡོན༔ བླ་མ་ལ་མོས་གུས་བྱས་པའི་ཕན་ཡོན༔ ཇི་སྐད་གསུངས་པ་ཐམས་ཅད་ནི༔ བླ་མ་སྤྲུལ་སྐུར་སྒྲུབ་པའི་ལུང་རྒྱབ་ཏུ་འདྲེན་ནོ༔ དེ་ཅིའི་ཕྱིར་ཞེ་ན༔ ཨོ་རྒྱན་རིན་པོ་ཆེ་ནི་སྟོན་པའི་བསྟན་པ་འདི་ལ་ཉན་ཐོས་རྣམས་ཀྱི་མཆོག་འཕགས་པ་ཀུན་དགའ་བོའི་མཁན་བུ་ཡིན་པས་དགེ་འདུན་གྱི་མཆོག་ཡིན༔ བྱང་ཆུབ་སེམས་དཔའ་པཎྜི་ཞེས་སུ་གྲགས་པ་ས་བཅུའི་བྱང་ཆུབ་སེམས་དཔའ་ཡིན༔ མ་ཧཱ་ཡོ་གའི་རྒྱུད་མང་པོ་ནས་རྒྱུད་གྱི་འགྲེལ་བྱེད་རྡོ་རྗེ་སློབ་དཔོན་དུ་ལུང་བསྟན་པའི་རྡོ་རྗེ་སློབ་དཔོན་ཆེན་པོ་ཡིན་པའི་ཕྱིར་རོ༔ བཀའ་དང་པོའི་མདོ་རྣམས་དང་༔ ཐེག་པ་ཆེན་པོའི་མདོ་སྡེ་རྣམས་ནས་སངས་རྒྱས་བཅོམ་ལྡན་འདས་ཀྱི་མཚན་ཐོས་པའི་ཕན་ཡོན༔ སངས་རྒྱས་ཡིད་ལ་བྱས་པའི་ཕན་ཡོན༔ མཆོད་པའི་ཕན་ཡོན་ཇི་སྐད་གསུངས་པ་ཐམས་ཅད་དང་༔ རྒྱུད་སྡེ་ཐམས་ཅད་ནས་བསྐྱེད་རྫོགས་དང་རྩ་རླུང་

― CMR007_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་པའི་ཕན་ཡོན་ཇི་སྐད་གསུངས་པ་ཐམས་ཅད་ལོངས་སྐུར་སྒྲུབ་པའི་ལུང་རྒྱབ་ཏུ་འདྲེན་ནོ༔ ཁྱད་པར་འོད་དཔག་མེད་ཀྱི་ཞིང་བཀོད་ཀྱི་མདོ་བདེ་བ་ཅན་གྱི་ཞིང་བཀོད་ཀྱི་མདོ༔ ཚེ་མདོ༔ འཆི་མེད་རྔ་སྒྲའི་གཟུངས༔ ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་གྱི་མདོ་རྣམས་སངས་རྒྱས་ཚེ་དཔག་མེད་མདུན་དུ་བཞུགས་པར་བསྒོམ་པ་ཞིང་དེར་སྐྱེ་ཚུལ་གསུངས་པ་དང་༔ ཐུགས་རྗེ་ཆེན་པོ་གསང་འདུས་རྒྱུད་སོགས་རྙིང་མའི་རྒྱུད་དུ་མ་ནས་ཚེ་དཔག་མེད་སྒྲུབ་ཐབས་གསུངས་པ་དང་༔ ཁྱད་པར་ཡོ་ག་ཚེ་རྒྱུད་ཏན་ཏྲ་བཅོ་བརྒྱད་ཡོད་པར་བཤད་པ་དང་༔ གསར་མའི་རྒྱུད་གསང་བ་འདུས་པ་སོགས་དུ་མ་ནས་སངས་རྒྱས་འོད་དཔག་མེད་ཀྱི་བསྐྱེད་རིམ་སྔགས་སྒྲུབ་ཐབས་དུ་མ་གསུངས་པ་དང་༔ རྩ་རྒྱུད་འབུམ་པ་བཤད་རྒྱུད་འོད་ཟེར་དྲྭ་བ་ཞེས་རྒྱུད་ཆེན་པོ་ཡོད་པར་བཤད་པ་རྣམས་ལོངས་སྐུར་སྒྲུབ་པའི་ལུང་རྒྱབ་ཡིན་ལ་ལུང་དངོས་སུ་ཡིན་བྱས་ཀྱང་མི་འགལ་བ་ཡིན་ནོ༔ རྒྱས་འབྲིང་རྣམ་གསུམ་སོགས་སྟོང་ཉིད་སྟོན་པའི་མདོ་སྡེ་ཐམས་ཅད་དང་༔ གསང་བ་བསམ་གྱིས་མི་ཁྱབ་པ་དང་༔ གསང་བ་མཛོད་ལ་སོགས་ལྟ་བ་གཙོ་བོར་སྟོན་པའི་རྒྱུད་རྣམས་དང་༔ རྫོགས་

― CMR007_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཆེན་པོའི་རྒྱུད་བཅུ་བདུན་ལ་སོགས་རྒྱུད་སྡེ་འབུམ་ཕྲག་དྲུག་ཅུ་རྩ་བཞི་ཐམས་ཅད་ནི་བླ་མ་ཆོས་སྐུར་སྒྲུབ་པའི་ལུང་རྒྱབ་ཡིན༔ ལུང་དངོས་སུ་ཡིན་བྱས་ཀྱང་མི་འགལ་ལོ༔ འོ་ན་སྡེ་སྣོད་གསུམ་དང་རྒྱུད་སྡེ་བཞི་ཕལ་ཆེ་བ་སྐུ་གསུམ་སྒྲུབ་པའི་ལུང་གི་རྒྱབ་སྐྱོར་དུ་འདྲེན་ན༔ ལུང་དངོས་དེ་གང་ཡིན་ཞེ་ན༔ དེ་ལ་དང་པོ་ཐུགས་སྒྲུབ་ཀྱི་སྒྲུབ་ཆེན་ཁོག་དབུབ་ཆེན་པོ༔ དེ་ལ་འབྲེལ་པའི་ལས་བྱང་མང་བ༔ དེ་ལ་འབྲེལ་བའི་གཞལ་ཡས་ཁང་བསྟོད༔ འཛབ་བསྟོད་དབང་རྒྱས་པ༔ མཆོག་དབང་གསུམ་དང་བཅས་པ་དེ་རྣམས་ནི་རིག་འཛིན་འདུས་པའི་རྩ་རྒྱུད་ཆེན་པོ་ལ་བརྟེན་ནས་མཛད་དོ༔ རྩ་རྒྱུད་དེ་ཐུགས་སྒྲུབ་ཀྱི་རྒྱུད་ལ་སྦྱར་བ་ཡིན་ཞེ་ན་སྦྱར་བ་ཡང་མ་ཡིན་ཏེ༔ དོན་དམ་པ་འདིའི་རྒྱུད་དངོས་ཡིན་ཏེ༔ བཀའ་བརྒྱད་ཀྱི་ལྷོ་ནུབ་རིག་འཛིན་སློབ་དཔོན་གྱི་དཀྱིལ་འཁོར་གྱི་གཙོ་བོ་རིག་འཛིན་ཐོད་པ་རྩལ་ཟེར་བ་དེ་ཨོ་རྒྱན་ཉིད་ཀྱི་མཚན་གྱི་རྣམ་གྲངས་ཡིན་ཏེ་རིག་འཛིན་ཐོད་ཕྲེང་ཞེས་པའི་ཚིག་དེ་ཅུང་ཟད་བསྡུས་པས་ཐོད་པ་རྩལ་ཟེར་བ་ཡིན་ཏེ༔ དེའི་དགེ་བ་དེ་བསྐྱེད་ཕྱིར་མཁས་གྲུབ་ཆེན་པོ་ལུང་རིགས་ཉི་མས༔ ཐུགས་སྒྲུབ་ཀྱི་བཀྲ་ཤིས་དེ་གསུང་དུས་ཤིག་བདག་ལ་གཟིགས་ཤིང་བཞད་ནས༔

― CMR007_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་སྐུའི་བཀྲ་ཤིས་རིག་འཛིན་ཐོད་པ་རྩལ་ཞེས་གསུངས་པ་ཙམ་གྱིས་བདག་ལ་དེའི་གོ་བ་སྐྱེས༔ དེའི་གསུང་གླེང་ལུང་མ་བྱུང་ཡང་ཕྱིས་རྒྱུད་གཞུང་ལ་ཡང་དེ་ལྟར་གསལ་བར་སྣང་ངོ་༔ དེས་ན་བཀའ་བརྒྱུད་བྱེ་བྲག་ཆེ་མཆོག་དཔལ་དགུ་སོ་སོ་ལ་རྩ་རྒྱུད་རེ་རེ་ཡོད་པ་ལས༔ ཐུགས་སྒྲུབ་གཞུང་པོད་འདི་ནི་རིག་འཛིན་འདུས་པའི་རྩ་རྒྱུད་ལ་བརྟེན་ནས་མཛད་པ་ཡིན་ཏེ༔ དེ་ཡིན་ཟེར་བ་གཞུང་རང་ན་གསལ་ལོ༔ སྐུ་གསུམ་སྒྲུབ་པ་ལ་རྒྱུད་སུམ་བརྒྱ་དང་ཉེར་བཞི་ཡོད་པར་བཤད་དེ༔ གནས་བདེ་བ་ཅན་དུ་སྟོན་པ་སྣང་བ་མཐའ་ཡས་ཞུ་བ་པོ་སྤྱན་རས་གཟིགས༔ དུས་ཨོ་རྒྱན་རིན་པོ་ཆེ་སྤྲུལ་པ་མཛད་དུས༔ ཆོས་སྐུར་སྒྲུབ་པའི་རྒྱུད་བརྒྱ་དང་རྩ་བརྒྱད༔ ལོངས་སྐུར་སྒྲུབ་པའི་རྒྱུད་བརྒྱ་རྩ་བརྒྱད༔ སྤྲུལ་སྐུར་སྒྲུབ་པའི་རྒྱུད་བརྒྱ་རྩ་བརྒྱད༔ དེ་དག་བསྡུས་པའི་བླ་མ་དགོངས་འདུས་རྩ་བའི་རྒྱུད་ཆེན་ལྔ༔ རིག་འཛིན་དྲག་པོར་ཁྲོས་པའི་རྒྱུད་དང་དེ་རྣམས་བཀའ་སྩལ་པ༔ མཁའ་འགྲོ་མ་གསང་བ་ཡེ་ཤེས་ཀྱིས་བྲག་ཕུག་མ་ར་ཏི་ཀར་ཨོ་རྒྱན་ཉིད་ལ་གཏད༔ རྒྱུད་དེ་དག་རྒྱ་བོད་ཀྱི་གནས་སོ་སོར་ཕལ་ཆེར་གཏེར་དུ་སྦས༔ རྩ་རྒྱུད་ལྔ་དང་དྲག་པོའི་རྒྱུད་ཉུང་ངུ་སངས་རྒྱས་གླིང་པས་ཐོན་

― CMR007_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདི་ཡིན་པས་ད་དུང་དྲག་པོའི་རྒྱུད་འདི་ཡང་རྒྱས་པ་མང་དུ་ཡོད་པ་མངོན་ནོ༔ དེ་ལྟར་སྤྲུལ་སྐུའི་རྒྱུད་བརྒྱ་རྩ་བརྒྱད་ལ་བརྟེན་ནས་སྤྲུལ་སྐུའི་སྒྲུབ་པ་འདི་མཛད༔ ལོངས་སྐུའི་རྒྱུད་བརྒྱ་རྩ་བརྒྱད་ལ་བརྟེན་ནས་ལོངས་སྐུའི་སྒྲུབ་པ་འདི་མཛད༔ ཆོས་སྐུའི་སྒྲུབ་པའི་རྒྱུད་བརྒྱ་རྩ་བརྒྱད་ལ་བརྟེན་ནས་བླ་མ་ཆོས་སྐུའི་སྒྲུབ་པ་འདི་མཛད༔ མདོ་རྒྱུད་སྤྱིའི་དོན་བསྡུས་ནས་ཆོས་སྤྱོད་ལམ་རིམ་ཆེན་མོ་མཛད་དོ༔ དེ་ལྟར་ལུང་ཁུངས་སྨོས་ནས༔ འདི་ལུང་ཁུངས་ལ་མི་ལྟོས་པའི་ཚུལ་བཤད་པ་ནི༔ གཞན་རྒྱུད་གཞུང་རྣམས་ནི་དང་པོ་བཅོམ་ལྡན་འདས་ཀྱིས་གསུངས་པ་ལ༔ བྱང་ཆུབ་སེམས་དཔའ་ཆེན་པོ་རྣམས་ཀྱིས་དེའི་འགྲེལ་ཆེན་རེ་མཛད༔ དེ་ལ་བརྟེན་ནས་གྲུབ་པ་ཐོབ་པ་རྣམས་ཀྱིས་སྒྲུབ་ཐབས་རེ་བརྩམས༔ སྒྲུབ་ཐབས་དེ་ལ་མཁོ་བའི་དབང་དཀྱིལ་ཆོག་བརྡ་ཙམ་རེ་མཛད༔ དེའི་ལུང་རྒྱུད་དབང་བྱིན་རླབས་རྒྱུན་རྣམས་ལོ་ཙཱ་བས་བོད་སྐད་དུ་བསྒྱུར་ཀྱང་ཅུང་ཟད་སྟབས་མི་བདེ་པས་ལོ་ཙཱ་བ་རང་གིས་ཀྱང་གསལ་ཁ་བག་རེ་ཁ་སབ༔ དེ་ལ་བོད་ཀྱི་བླ་མ་རྣམས་ཀྱིས་གཞན་ནས་ལེགས་ཆ་བསྡུས་ནས་ཁ་སབ་འོས་དང་གསར་རྩོམ་མཛད་ནས༔ ཆོ་ག་དང་སྒྲུབ་ཐབས་རྒྱས་བསྡུས་མང་དུ་མཛད་དེ༔ ཆོས་

― CMR007_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ལ་ཡང་འདྲ་མིན་དུ་མ་བྱུང་ངོ་༔ དེ་ལྟ་བུ་ལ་ནི་ལུང་ཁུངས་དང་ལུང་རྒྱབ་དང་རྩོད་སྤང་དང་འཐད་པ་སྒྲུབ་པ་སོགས་དགོས་ཀྱི༔ འདི་ལ་ནི་དེ་དག་མི་དགོས་ཏེ༔ རྒྱ་གར་ནཱ་ལེནྡྲའི་པཎྜི་བདུན་བརྒྱའི་ཚོགས་དཔོན་ཨོ་རྒྱན་རིན་པོ་ཆེས་མཛད་དེ༔ པཎྜི་ཏ་ཐམས་ཅད་ཀྱི་སློབ་དཔོན་པདྨ་འདིས་མཛད་པའི་བསྟན་བཅོས་ལ་བཀའ་དངོས་དང་འདྲ་བས༔ ལུང་འདྲེན་སོགས་བཤད་པའི་ཡན་ལག་གཞན་མི་དགོས་སོ༔ ཞེས་ཞལ་འཆམ་པས༔ མཚན་ཡང་པཎྜི་ཏ་ཡན་ལག་མེད་པའི་རྡོ་རྗེར་གྲགས་སོ༔ དེའི་དོན་ཅི་ཡིན་ཞེ་ན༔ ཨོ་རྒྱན་རིན་པོ་ཆེ་ནི་གསང་སྔགས་ཀྱི་སྟོན་པ་དངོས་ཡིན་པས་སྐུ་གསུམ་སྒྲུབ་པའི་གཞུང་འདི་ཉིད་རྒྱུད་དངོས་ཡིན་ཏེ༔ དཔེར་ན་ཕྱག་ན་རྡོ་རྗེས་གསུངས་པ་ཕལ་ཆེར་རྒྱུད་ཡན་པ་དང་འདྲའོ༔ རྒྱ་གཞུང་ཡང་འདི་ག་ཡིན་ཏེ་རྒྱ་གར་གྱི་སློབ་དཔོན་པདྨ་འབྱུང་གནས་ཀྱིས་མཛད་པའོ༔ བོད་གཞུང་འདི་ཀ་ཡིན་ཏེ་བོད་ཡུལ་དུ་བོད་སྐད་དུ་མཛད་བསྒྱུར་མ་དགོས་སོ༔ ལུང་ཡང་འདི་ཀ་ཡིན་ཏེ་བསྒྲུབ་རྒྱུའི་ཡི་དམ་ཁོ་ན་རང་ཉིད་ཀྱིས་གསུངས་པ་དེ་བས་ལྷག་པའི་ལུང་མེད་པའོ༔ མན་ངག་ཀྱང་འདི་ཀ་ཡིན་ཏེ༔ འདི་ལས་ཟབ་པའི་གདམས་པ་གཞན་མི་སྲིད་པའོ༔ ཕན་

― CMR007_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

གོང་དུ་བསྟན་པ་ཐམས་ཅད་དང་ཁྱད་པར་འདིའི་གཞུང་སོ་སོར་རྒྱ་ཆེར་གསུངས་པ་ཤེས་པར་བྱའོ༔ ཡི་གེས་འཇིགས་ཕྱིར་འདིར་མ་སྤྲོས་སོ༔ དེ་ལྟར་བླ་མ་སྐུ་གསུམ་གྱི་སྒྲུབ་པ་འདི་རང་ལ་ཡང་སྒྲུབ་ལུགས་མང་པོའི་ནས༔ རྣལ་འབྱོར་པ་གཅིག་གིས་སྒྲུབ་ཆེན་གྱི་ཁོག་ནས་ཕྱུང་སྟེ་སྒྲུབ་ལུགས་ཀྱི་ཕྱག་ལེན་རབ་ཏུ་གསལ་བ༔ སློབ་དཔོན་མེད་ཀྱང་དབང་ལུང་ཐོབ་ནས་གཞུང་པོད་དང་ཟིན་བྲིས་འདི་ཁོ་ན་ཡོད་ན་ཕྱག་ལེན་གསལ་ཞིང་དག་ལ་མ་འཁྲུལ་བར་ཉམས་སུ་ལེན་ངེས་པ་འདི་ནི༔ ཕྲལ་དུ་རྣལ་འབྱོར་པ་ཨོ་རྒྱན་མཐར་ཕྱིན་དང་ཀརྨ་ཡང་དག་ལ་ཕན་ཕྱིར་དང་ཐུགས་རྒྱུད་ནས་ཕྱི་རབས་ཀྱི་ཆོས་འདི་ལ་མོས་པ་ཐམས་ཅད་ལ་ཕན་པའི་སེམས་བསྐྱེད་བཟང་པོས་ཀུན་ནས་བསླང་སྟེ༔ ཨོ་རྒྱན་རིན་པོ་ཆེ་ཆོས་བདག་སྲུང་མ་དང་བཅས་པ་ལ་བཀའི་གནང་བ་སྩོལ་བར་ཤོག་ཅེས་གསོལ་བ་དྲག་ཏུ་བཏབ་སྟེ་བྲིས་པ་ཡིན་ལ༔ གཞུང་རང་ནས་ཀྱང་ཕྱི་རབས་ལ་རྒྱས་པར་འབྲེལ་ཆོག་པའི་གནང་བ་གསལ་བར་ཡོད་ཅིང་རྗེ་མཁར་དྲུང་སོགས་ཀྱིས་ཀྱང་མཛད་མོད༔ འོན་ཀྱང་འདི་བྲིས་སྐབས་དོན་མེད་པའི་རྣམ་གཡེང་མང་པོས་བཤོལ་བ་ཁོ་ན་བྱུང་ནས༔ དེ་ཡུན་རིང་པོར་འགོར་བ་ཞིག་བྱུང་བ་ནི༔ ཅུང་

― CMR007_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་གཉན་པའི་རྟེན་འབྲེལ་ཡིན་པ་འདྲ་སྙམ་པ་ཁོ་ན་ཡང་ཡང་བྱུང་ངོ་༔ འདི་ལ་འགལ་འཁྲུལ་དང་སྦ་འོས་གསལ་བཀོད་སོགས་ཉེས་པ་གང་མཆིས་རྩ་བ་གསུམ་དང་ཆོས་བདག་སྲུང་མའི་ཚོགས་དང་བཅས་པ་ལ་རབ་ཏུ་བཤགས་སོ༔ འདི་ཕྱིར་སྒྲིབ་པར་མ་གྱུར་ཅིག༔ འདི་བྲིས་དགེ་བའི་རྩ་བ་གང་མཆིས་པ་དེ་དག་བདག་དང་འབྲེལ་ཐོགས་ཐམས་ཅད་བདེ་བ་ཅན་དུ་སྐྱེ་བའི་རྒྱུར་ཡོངས་སུ་བསྔོའོ༔ འདི་ཉིད་མཐོང་ཐོས་དྲན་རེག་ཐམས་ཅད་ཨོ་རྒྱན་རིན་པོ་ཆེའི་ཐུགས་རྗེས་གཡེལ་བ་མེད་པར་སྐྱོབས་ཤིང་བཀྲ་ཤིས་བདེ་ལེགས་ཐམས་ཅད་འབྱུང་བར་གྱུར་ཅིག སརྦ་མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ བླ་མ་སྤྲུལ་སྐུའི་ཟིན་བྲིས།

― CMR007_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ བླ་མ་སྤྲུལ་སྐུའི་ཟིན་བྲིས་བཞུགས་སོ༔

― CMR007_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུམ་སྒྲུབ་པའི་ཟིན་བྲིས་རིན་ཆེན་ཤོག་འདྲ་ལས༔ བླ་མ་སྤྲུལ་སྐུར་སྒྲུབ་པའི་ཟིན་བྲིས་ནི༔ སྟ་གོན་གོང་ལྟར་ཚར་ནས༔ འདི་སྒྲུབ་ཆེན་གྱིས་ཁོག་ཕུབ་ནས༔ ཆོས་སྤྱོད་ལམ་རིམ་ཐམས་ཅད་ཁ་སབ་མི་དགོས༔ སྐྱབས་འགྲོ་སེམས་བསྐྱེད་ཆོས་སྤྱོད་ལམ་རིམ་ནང་གི་དེ་ད་ནངས་བྱ༔ དེ་ནས་ལས་བྱང་མང་ཉུང་གཉིས་འདོན་རེས་བྱེད་དམ༔ གཉིས་པོ་གང་རུང་ཞིག་གཏོན་ཀྱང་རུང་སྟེ༔ ཉུང་བ་ལ་མང་བའི་མངོན་རྟོགས་སབ་དུས༔ དེ་ཉིད་གནས་འགྱུར་དྲན་རྫོགས་སུ་ཟེར་བ་དེ་མི་བརྗོད༔ སྤྲུལ་སྐུ་གནས་མི་འགྱུར་བར་བཞུགས༔ དེ་ཡང་ཆོ་ག་ཚར་གཅིག་གིས་བདག་

― CMR007_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་གཉིས་ཀ་དུས་གཅིག་བསྐྱེད༔ བསྐྱེད་ལུགས་ཀྱི་གནད་ལ་སྒྲུབ་ཆེན་འདི་མདུན་བསྐྱེད་གཙོ་ཆེ་བའི་ཕྱིར༔ མདུན་བསྐྱེད་ཀྱི་དཀྱིལ་འཁོར་རྡོ་རྗེའི་རྭ་བ་དེ་སྟོང་གསུམ་ལས་ཆེ་ཞིང་ཡངས་བ༔ འོག་རྡོ་རྗེའི་ས་གཞི༔ བར་རྡོ་རྗེའི་དྲྭ་བ་རྭ་བ༔ སྟེང་རྡོ་རྗེའི་གུར༔ དེ་རྒྱབ་འཁོར་ལོའི་གུར༔ དེ་རྒྱབ་རལ་གྲི༔ དེ་རྒྱབ་རྒྱ་གྲམ༔ དེ་རྒྱབ་ཕུར་པའི་གུར༔ དེའི་བར་མཚམས་ཐམས་ཅད་ཁྲོ་བོ་འཆོལ་པ་སྐུ་ཆུང་ལ་ཡན་ལག་རགས་པ༔ དེ་རྒྱབ་མེ་ཁ་དོག་ལྔ་སྟེང་འོག་བར་མཚམས་མེད་པ་སྒོ་ང་ལྟར་སྲུབ་མེད་པར་འབར་བར་བསྒོམ༔ དེའི་དབུས་སུ་འབྱུང་བ་རིམ་

― CMR007_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེགས་སྟེང་དུ་དུར་ཁྲོད་བརྒྱད་ཀྱིས་བསྐོར་བའི་དབུས་སུ༔ མདུན་བསྐྱེད་ཀྱི་དཀྱིལ་འཁོར་བསྒོམས་ལ༔ མདུན་བསྐྱེད་ཀྱི་དལ་གྱི་ཤར་སྒོའི་དྲུང་དུ་དུར་ཁྲོད་པད་རིའི་ནང་དེར༔ བདག་བསྐྱེད་ཀྱི་དཀྱིལ་འཁོར་བསྒོམ་སྟེ༔ བདག་བསྐྱེད་ཀྱི་དལ་གྱི་མཐའ་རྡོ་རྗེའི་ར་བ་ནི་རྩིག་པའི་ལྕགས་རི་ལྟ་བུ༔ དེ་རྒྱབ་མེ་རི་དང་མེ་དཔུང་གི་ཕྲེང་བས་བསྐོར་བས་དཀར་སེར་དམར་ལྗང་བསྒྲིགས་པ་ལྟར་བསྒོམས་ནས༔ བདག་མདུན་གཙོ་བོའི་ལྷ་གཉིས་པོ་ཕན་ཚུན་དུ་གཟིགས་ཤིང་༔ རྡོ་རྭ་མེ་རིས་བར་མ་ཆོད་པ་ཞིག་བསྒོམ༔ ཐུགས་ཀར་བུདྡྷ་ཐོད་ཕྲེང་རྩལ་ཞེས་པ་ནས༔ རྟ་མགྲིན་གྱི་ཐུགས་ཀར་ཡིན༔ ཕྱོགས་བཞི་ཐོད་ཕྲེང་རྩལ་བཞི་ཡང་རྟ་མགྲིན་གྱི་ཕྱོགས་བཞིར་ཡིན་ནོ༔ ཕྱི་རོལ་བར་ཁྱམས་ཁོར་ཡུག་ལ་ཞེས་པ་ནི་ཤར་སྒོའི་བར་ཁྱམས་ལ་བདག་བསྐྱེད་ཀྱི་དཀྱིལ་འཁོར་ཡོད་པ་དེ་ལྟར༔ ཕྱོགས་གཞན་གསུམ་དང་མཚམས་དང་བཞིའི་བར་ཁྱམས་རྣམས་སུ༔ དྲག་པོ་རྟ་མགྲིན་གཤིན་རྗེ་གཤེད་བཀའ་བརྒྱད་ཐུགས་རྗེ་ཆེན་པོ་སོགས་རང་གི་ཡི་དམ་རྒྱུན་དུ་གཏོར་མ་བསྔོ་བ་རྣམས་ཡིན༔ མ་ནིང་མཁའ་རི་སོགས་བཀའ་སྲུང་རྣམས་ཀྱང་བསྒོམ་མོ༔ དེ་ལྟར་གཞན་ཐམས་ཅད་མོས་པ་ཙམ་དུ་བསྒོམ་ལ་

― CMR007_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རྟ་མགྲིན་དང་མདུན་བསྐྱེད་རྟ་མགྲིན་གཉིས་ཀའི་སྤྱི་བོར་སྤྲུལ་སྐུ་རེ་ཡོད་མོད་ཀྱང་༔ མདུན་བསྐྱེད་གཙོ་ཆེ་བས་མདུན་བསྐྱེད་ཀྱི་དབུ་གཙུག་གི་སྤྲུལ་སྐུ་དང་སྐུ་འབག་དབྱེར་མེད་ལ་དམིགས་པ་གཏད་ལ༔ བདག་རྟ་མགྲིན་དུ་གསལ་བའི་ཐུགས་ཀ་ནས་འོད་ཟེར་དཀར་དམར་ལྕགས་ཀྱུ་ལྟ་བུར་འཕྲོས་ནས་ལྷོ་ནུབ་རྔ་ཡབ་པདྨ་འོད་ཀྱི་གཞལ་ཡས་ནས་གུ་རུ་པདྨའི་ཐུགས་དམ་གྱི་རྒྱུད་བསྐུལ་བླ་མ་སྤྲུལ་སྐུའི་ཆ་ལུགས་འཁོར་རིག་འཛིན་དྷ་ཀི་རྣམས་དང་བཅས་པ་བྱོན་ནས༔ བདག་མདུན་གྱི་ལྷ་སོ་སོ་ལ་སོ་སོར་ཐིམ་ཞིང་༔ ཁྱད་པར་སྐུ་འབག་དང་དབྱེར་མེད་པའི་སྤྲུལ་སྐུ་ལ་ཐིམ་པར་བསྒོམས་ལ༔ ལས་བྱང་གི་སྤྱན་འདྲེན་རོལ་མོ་དང་བཅས་ཏེ་བྱའོ༔ གཞན་ཐམས་ཅད་ལས་བྱང་ལྟར་ལས༔ ཕྱག་འཚལ་བ་དང་མཆོད་པ་དང་བསྟོད་པ་དུས་རང་གི་ཐུགས་ཀ་ནས་མཆོད་པའི་ལྷ་མོ་གྲངས་མེད་པ་སྤྲོས་ལ༔ དེ་རྣམས་ཀྱིས་ཕྱག་འཚལ་བ་དང་མཆོད་པ་ཕུལ་བ་དང་བསྟོད་པ་བྱེད་པར་བསྒོམས་ལ་དངོས་སུ་རང་གིས་འདོན་ནོ༔ སྨན་གཏོར་གཉིས་བདུད་རྩིའི་རྒྱ་མཚོ༔ རཀྟ་ཁྲག་གི་རྒྱ་མཚོ་ལས་མཆོད་པའི་ལྷ་མོ་རྣམས་ཀྱིས་བྷནྡས་བཅུས་ཏེ་དཀྱིལ་འཁོར་གྱི་ལྷ་སོ་སོ་ལ་སོ་སོར་དྲངས་པར་བསྒོམ་

― CMR007_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

མོ༔ མཆོད་བསྟོད་ཚར་ནས་སྤྲུལ་པའི་མཆོད་ལྷ་རྣམས་རང་གི་ཐུགས་ཀར་བསྡུའོ༔ གཟུགས་སྒྲ་དྲི་རོ་རེག་བྱའི་ལྷ་མོ་རྣམས་ལྷ་སོ་སོའི་དབང་པོ་ལྔ་ལ་ཐིམ་པས་ཚིམ༔ སྐུ་གསུང་ཐུགས་ཡོན་ཏན་ཕྲིན་ལས་ཀྱི་རིག་མ་རྣམས་ལྷ་སོ་སོའི་ཡུམ་ལ་ཐིམ་པས་ཟག་མེད་ཀྱི་བདེ་བས་ཐུགས་དགྱེས་པར་བསྒོམ་ཡང་ལེགས༔ སྨན་རཀ་གཏོར་གསུམ་གྱི་ལྷ་མོ་རྣམས་རང་རང་གི་རླངས་པ་ལས་སྤྲོས་ཀྱང་རུང་ལ༔ རླངས་པ་ལས་སྤྲོས་ན་རང་ལ་མི་བསྡུའོ༔ ལས་བྱང་མང་བ་འདོན་ན་འཛབ་དགོངས་མན་ཆད་སྐྱུར༔ ཉུང་བ་ལ་སྨོན་ལམ་མན་ཆད་སྐྱུར༔ དེ་ཡང་ལས་བྱང་དུས་བཞིར་གཏོང་ངོ་༔ དེ་ནས་འཛབ་དགོངས་དམིགས་པ་ནི༔ མདུན་གྱི་དཀྱིལ་འཁོར་གྱི་དབུས་སུ་རྟ་ཕག་ཡབ་ཡུམ་གྱི་སྤྱི་བོར་སྐུ་འབག་དང་དབྱེར་མེད་པའི་ཨོ་རྒྱན་པདྨ་སྤྲུལ་སྐུའི་ཆ་ལུགས་ཅན་ཆོས་གོས་གསུམ་དང་ལྡན་པ་ཟ་འོག་གི་བེར་ཆེན་གསོལ་བ༔ སྟག་ལྤགས་ཀྱི་གོང་ལག༔ མུ་ཏིག་གི་ཆུན་འཕྱང་༔ ནོར་བུའི་མགུལ་རྒྱན༔ གསེར་གྱི་སྙན་ཆ༔ ཤ་བའི་སྙན་ཞུ་ལ་རྩེ་རྒྱལ་དང་དར་སྣ་མེ་ལོང་གསེར་གྱི་ཉི་ཟླས་བརྒྱན་པ༔ ཕྱག་གཡས་གསེར་གྱི་རྡོ་རྗེ་རྩེ་ལྔ་པ་གཡོན་བྷནྡྷ་འམ་དྲིལ་བུ་བསྣམས་པ་ཁཊ་ཐོད་མཁར་མཆན་དུ་

― CMR007_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུག་པ༔ པད་སྡོང་དང་ཉི་ཟླའི་གདན་ལ་བཞུགས་པ༔ དཀར་དམར་འཛུམ་པའི་མདངས་དང་ལྡན་པ༔ གུ་རུ་དངོས་སུ་གསལ་བའི་དཔྲལ་བར་ཨོ་སོགས་ནས་ཡིད་ཀྱིས་བཟླས་སོ་ཞེས་པའི་བར་སྒྲུབ་གཞུང་ལྟར་བྱ་སྟེ༔ དམིགས་པ་དེ་དག་འདོན་མི་དགོས་བསྒོམས་པས་ཆོག༔ བསྙེན་པ་བྱ་ཞིང་དམིགས་པ་ཅི་ཟིན་བྱའོ༔ དེ་ཡང་རླུང་བཟུང་བའི་ཐོག་མར་སྣ་བུག་གཡས་བཀག་གཡོན་ནས་གསུམ༔ གཡོན་བཀག་གཡས་ནས་གསུམ༔ སྣ་བུག་གཉིས་ཀ་ནས་གསུམ་སྟེ་དང་པོ་དལ་བུས༔ དེ་ནས་ཤུགས་དྲག་པོས་ལྷག་མ་མ་ལུས་པར་རླུང་རོ་བུས༔ དེ་ནས་རླུང་འབྱིན་འཇུག་གནས་གསུམ་དང་དམིགས་པ་སྤྱད་དེ༔ རླུང་དེལ་ལ་རིང་བར་རྔུབ་པའི་ཚེ༔ མདུན་བསྐྱེད་སྤྲུལ་སྐུ་གུ་རུའི་དཔྲལ་བའི་ཨོ་ལས་འོད་ཟེར་དཀར་པོ་སྐུའི་རང་བཞིན་གྲངས་མེད་པ་བྱུང་ནས་རང་གི་དཔྲལ་བར་ཐིམ་པས༔ ལུས་འཆི་མེད་བདུད་རྩིས་གང་སྟེ་འཆི་མེད་ཚེའི་རང་བཞིན་སྐུའི་དངོས་གྲུབ་ཐོབ་པར་བསྒོམ༔ རླུང་མཆིལ་མ་མིད་པ་དང་མཉམ་དུ་ལྟེ་འོག་ཏུ་གཅུན༔ སྟེང་རླུང་མནན་ནས་གསུས་པ་བརྒྱང་༔ འོག་སྒོ་བསྡམས་ལ་ཅུང་ཟད་འཐེན༔ ཡང་ན་འོག་སྒོའི་ཞབས་སུ་ཕྱིང་པའམ་གོས་དུམ་

― CMR007_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོག་རྡོག་བཞག་པས་འོག་རླུང་རང་ཤུགས་ཀྱིས་ཟིན༔ རླུང་བཟུང་ཚེ་ལྕེ་མཆུ་སྦྱར་ནས་བསྡམས་ཏེ་ཡིད་ཀྱིས་བཛྲ་གུ་རུ་ཅི་ནུས་ཕྲེང་བ་བཅད་ཅིང་བཟླས༔ རླུང་མི་ཐུབ་སྙམ་ཙ་ན་རྔུབ་ཆུང་བྱས་ལ་ཡང་མནན༔ དེ་འདྲ་བ་ལན་གཉིས་གསུམ་བྱེད་ནས་མ་ཐུབ་ན་རང་གི་ཉམས་ཆག་སྡིག་པ་དང་སྒྲིབ་པ་ཐམས་ཅད་དུ་བ་རླུང་གིས་དེད་པ་ལྟར་རླུང་མཉམ་དུ་ཕྱིར་ཐོན་པས་སངས་ཀྱིས་དག༔ ལུས་ཀྱི་ནང་ཐམས་ཅད་སྟོང་སང་ངེ་སོང་བར་བསྒོམ༔ རླུང་དང་པོ་དལ་གྱིས་ཕྱིན་ནས་ཤུགས་དང་བཅས་པས་ལྷག་མ་མ་ལུས་པ་སངས་ཀྱིས་བུས་དེས་རིགས་འགྲེས་ཏེ༔ ཨཱ་ཧཱུཾ་ཧྲཱིཿསོགས་དམིགས་སྐོར་ལྔ་ཀ་ལ་དེ་ལྟར་བྱའོ༔ དེ་ཡང་རང་རྟ་མགྲིན་གྱི་སྐུ་ཕྱི་དར་དམར་གྱི་གུར་ཕུབ་པ་ལྟ་བུ་ལ་ནང་སྟོང་པ་ཕྲུ་མ་ཕུས་བཏབ་པ་ལྟ་བུར་ཐུགས་ཀར་བུདྡྷ་ཐོད་ཕྲེང་རྩལ་སྣང་ལ་རང་བཞིན་མེད་པར་བཞུགས་པ་རང་གི་ལུས་ཀྱིས་གར་ཁྱབ་ཐམས་ཅད་རྩ་དབུ་མའི་རང་བཞིན་གྱིས་ཁྱབ་ནས་ཡོད་པར་སྒོམ་པ་གལ་ཆེའོ༔ སྤྲུལ་སྐུར་སྒྲུབ་པ་འདི་ཕྱི་སྒྲུབ་དང་བསྐྱེད་པ་མ་ཧཱ་ཡོ་ག་ལྟར་སྒྲུབ་པ་ཡིན་པས༔ ཕྱི་སྣོད་ཀྱི་འཇིག་རྟེན༔ ནང་རྡུལ་ཚོན་གྱི་དཀྱིལ་འཁོརགསང་བ་ཡིད་ཀྱིས་བསྒོམ་པའི་དཀྱིལ་འཁོར༔ གཞན་རྔ་ཡབ་པདྨ་འོད་

― CMR007_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གཞལ་ཡས་རྣམས་དབྱེར་མེད་དང་རྒྱལ་བ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ངོ་བོ་ཐོད་ཕྲེང་རྩལ་རིགས་ལྔ༔ རྣམ་ཐར་བརྒྱད་ཀྱི་ངོ་བོ་མཚན་བརྒྱད༔ སྟོང་ཉིད་བཅུ་དྲུག་གི་ངོ་བོ་གིང་ཡབ་ཡུམ་བཅུ་དྲུག༔ ཚད་མེད་བཞིའི་ངོ་བོ་སྒོ་མ་བཞི༔ ཐབས་ཤེས་ཀྱི་ངོ་བོ་རྟ་ཕག་གཉིས༔ དེ་ཐམས་ཅད་ཀུན་འདུས་བླ་མ་སྤྲུལ་སྐུ༔ ནང་བཅུད་ཀྱི་སེམས་ཅན་ཐམས་ཅད་ཁ་དོག་ལྔའི་དབྱེ་བས་ཕོ་ཐམས་ཅད་ཐོད་ཕྲེང་རྩལ་རིགས་ལྔ༔ མོ་ཐམས་ཅད་ཆ་ཀི་ལྔ་ཡ་ངོ་བོར་ཡེ་ནས་རྣམ་པར་དག་པའོ་སྙམ་དུ་གོ་བ་བསྐྱེད་པར་བྱའོ༔ དེའི་དོན་དབང་རྒྱས་པའི་མཇུག་ནས་དོན་ལ་ཕྱི་ནང་སྣོད་བཅུད་ཐམས་ཅད་ཡི་དམ་ལྷའི་ངོ་བོར་མ་གྱུར་པ་མེད་གསུངས་པའི་དོན་ཏེ་དེ་ལྟར་ཡེ་ནས་ཡིན་པ་ལ་ཡིན་པར་ངོ་ཤེས་པར་བྱས་ལ༔ སྣོད་ཀྱི་འཇིག་རྟེན་གཞལ་ཡས་ཁང་དང་༔ བཅུད་ཀྱི་སེམས་ཅན་དཀྱིལ་འཁོར་གྱི་ལྷ་ཚོགས་སུ་གསལ་འདེབས་པར་བྱའོ༔ བསྙེན་པ་འདི་དག་དམིགས་པ་གསལ་བས་བདུན་གསུམ་ཙམ་བྱའོ༔ ཐ་མ་ནི་ཞག་གྲངས་བདུན་དང་སྔགས་གྲངས་འབུམ་ཕྲག་གཅིག་གིས་ཀྱང་ཆོག་གོ༔ ཚོགས་རྒྱུན་དུ་ཡོད་ན་རབ༔ མེད་ན་བསྙེན་སྒྲུབ་མཚམས་འདིར་གཅིག་

― CMR007_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ༔ ནུབ་ཉལ་ཁ་མདུན་བསྐྱེད་དེ་བཞུགས་བཅུག་ལ༔ བདག་བསྐྱེད་གཞལ་ཡས་ཁང་བཞག་ལ་འཁོར་གྱི་ལྷ་ཐམས་ཅད་རང་ལ་ཐིམ༔ རང་གི་ཐིག་ལེ་སྲན་མ་ཙམ་དེ་ཡང་མི་དམིགས་པ་སྟོང་ཉིད་ངང་ལ་ཉལ༔ ཕྱིར་ནངས་སྐྱབས་སེམས་སོགས་སྔར་ལྟར་བྱའོ༔ ༈ དེ་ནས་སྒྲུབ་པའི་འདོན་ལུགས་ནི༔ ད་ནངས་སྐྱབས་འགྲོ་སེམས་བསྐྱེད་གཞུང་ལྟར་བྱ་སེམས་བསྐྱེད་མཇུག་ཏུ་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཞེས་སོགས་ཚད་མེད་བཞི་སྤྱི་ལྟར་བསྒོམ༔ དེ་ནས་ལས་བྱང་གཉིས་ལས་གང་རུང་ལྷ་བསྐྱེད་བར་འདོན༔ ཕོ་བྲང་གཞལ་ཡས་དཀྱིལ་འཁོར་དབུས་ཞེས་པ་ལ༔ ཕྱི་ནང་དག་པ་ཡེ་ཤེས་འོད་ལྔའི་དཀྱིལ༔ པདྨའི་སྡོང་པོ་འདབ་མ་དམར་པོ་སྟོང་ལྡན་གྱི་སྟེང་དུ༔ པདྨའི་ཕྲེང་བ་ཉི་མ་ཟླ་བའི་སྟེང་དུ་ཧྲིདམར་པོ་ལས་འོད་ཟེར་འཕྲོས་པས་འཕགས་པ་མཆོད་སེམས་ཅན་གྱི་དོན་བྱས་སྡིག་སྒྲིབ་སྦྱང་ཚུར་འདུས་ཡོངས་སུ་གྱུར་པ་ལས༔ བདག་ཉིད་དབང་ཆེན་ཡབ་ཡུམ་སྐུ༔ ཞལ་གཅིག་ཕྱག་གཉིས་སྐུ་མདོག་དམར༔ དབུ་གཙུག་རྟ་ཞལ་ཕག་གདོང་མཚན༔ གཡས་གཡོན་གྲི་གུག་ཐོད་ཁྲག་བསྣམས༔ ཞབ་གཉིས་བརྐྱང་བསྐུམ་འཁྲིལ་སྦྱོར་ཚུལ༔ དུར་ཁྲོད་

― CMR007_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

ཆས་བརྒྱད་མེ་ཀློང་བཞུགས༔ བདག་ཉིད་རྟ་མགྲིན་ཡབ་ཡུམ་དུ་བསྐྱེད་པའི་སྤྱི་གཙུག་ཉི་ཟླ་པདྨའི་སྟེང་དུ༔ ཨོ་རྒྱན་པདྨ་པཎྜི་ཏ་སྤྲུལ་སྐུའི་ཆ་ལུགས་ཆོས་གོས་གསུམ་དང་ལྡན་པ༔ ཟ་འོག་གི་བེར་ཆེན་གསོལ་པ༔ སྟག་ལྤགས་ཀྱི་གོང་ལག༔ མུ་ཏིག་གི་ཆུན་འཕྱང་༔ ནོར་བུའི་མགུལ་རྒྱན༔ གསེར་གྱི་སྙན་མ༔ ཤ་བའི་སྙན་ཞུ་རྩེ་རྒྱལ༔ དར་སྣ་མེ་ལོང་གསེར་གྱི་ཉི་ཟླས་བརྒྱན་པ༔ ཕྱག་གཡས་གསེར་གྱི་རྡོ་རྗེ་རྩེ་ལྔ༔ གཡོན་བྷནའམ་དྲིལ་བུ་བསྣམས་པ༔ ཁ་ཊཾ་ཐོད་མཁར་མཆན་ཁུང་དུ་བཅུག་པ༔ པད་སྡོང་ཉི་ཟླའི་གདན་ལ་བཞུགས་པ༔ དཀར་དམར་འཛུམ་པའི་མདངས་དང་ལྡན་པ༔ རང་གི་རྩ་བའི་བླ་མ་དང་དབྱེར་མེད་པ་དེ་ལ་བཀའ་བརྒྱུད་རྒྱལ་བ་རྒྱ་མཚོ་ཡི་དམ་མཁའ་འགྲོ་ཆོས་སྐྱོང་དམ་ཅན་རྒྱ་མཚོའི་ཚོགས་རྣམས་ཀྱིས་བསྐོར་བའོ༔ ཕྱོགས་བཞིའི་པདྨ་འདབ་བཞིའི་སྟེང་༔ ཞེས་སོགས་ནས་ཕྲིན་ལས་སྒྲུབ་ཅིང་བར་ཆད་སེལ༔ ཞེས་པའི་བར་གཞུང་ལྟར༔ དེ་ནས་ལས་བྱང་འདོན་ལུགས་གོང་དང་འདྲ༔ ཡེ་ཤེས་སྤྱན་འདྲེན་དམིགས་པ་ཡང་བསྙེན་དུས་གོང་དང་འདྲ༔ དེ་ནས་བསྒྲུབ་པའི་དམིགས་པ་ནི༔ རང་གི་སྤྱི་བོའི་བླ་མ་སྤྲུལ་སྐུ་ལ་དད་འདུན་རྩེ་

― CMR007_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་པས༔ རྗེ་བླ་མ་སངས་རྒྱས་ཆོས་ཀྱི་སྐུ་ལ་གསོལ་བ་འདེབས་སོ༔ ཞེས་སོགས་སྒྲུབ་གཞུང་གི་གསོལ་འདེབས་ཚར་གསུམ་མམ་ལྔ་བདུན་སོགས་རྒྱང་འབོད་ཀྱི་ཚུལ་དུ་བྱ༔ དེ་ནས་རང་གི་སྤྱི་བོར་གུ་རུ་སྤྲུལ་པའི་སྐུ་དངོས་སུ་གསལ་བའི་དཔྲལ་བར་ཟླ་བའི་སྟེང་དུ་ཨོཾ་དཀར་པོ་སྐུའི་རང་བཞིན༔ མགྲིན་པར་པདྨའི་དཀྱིལ་འཁོར་དུ་གསུང་གི་རང་བཞིན་ཨཱཐདམར་པོ༔ ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཐུགས་ཀྱི་རང་བཞིན་ཧཱུྃ་མཐིང་ག ལྟེ་བར་བསྐྱེད་བྱེད་རྩ་ཡི་འཁོར་ལོའི་དབུས་སུ་ཧྲིལྗང་གུ༔ ཕྲིན་ལས་བཞི་ཡོངས་སུ་རྫོགས་པའི་ངོ་བོར་བསམ༔ གུ་རུའི་དཔྲལ་བའི་ཨོ་ལས༔ ཨོཾ་དཀར་པོ་སྐུའི་རང་བཞིན་དཔག་ཏུ་མེད་པ་བྱུང་ནས༔ རང་གི་དཔྲལ་བར་ཐིམ་པས༔ བླ་མའི་སྐུའི་བྱིན་རླབས་ཞུགས༔ བུམ་པའི་དབང་ཐོབ༔ ལུས་ཀྱི་སྡིག་སྒྲིབ་དག་ནས་རྡོ་རྗེ་ཚེའི་དངོས་གྲུབ་ཐོབ༔ གུ་རུའི་མགྲིན་པའི་ཨཱལས་ཨཱ༔ དམར་པོ་གསུང་གི་རང་བཞིན་དཔག་ཏུ་མེད་པ་བྱུང་༔ རང་གི་མགྲིན་པར་ཐིམ་བྱང་སེམས་དཀར་དམར་གྱི་རང་བཞིན་གྱིས་རྩ་ཁམས་ཐམས་ཅད་གང་༔ བླ་མའི་གསུང་གི་བྱིན་རླབས་ཞུགས་གསང་བའི་དབང་ཐོབ་ངག་གི་སྒྲིབ་པ་དག་ནས་རྡོ་རྗེའི་གསུང་གི་དངོས་

― CMR007_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཐོབ༔ གུ་རུའི་ཐུགས་ཀའི་ཧཱུྃ་ལས་ཧཱུྃ་མཐིང་ཀ་གྲངས་མེད་པ་བྱུང་ནས་རང་གི་སྙིང་གར་ཐིམ༔ སྤྲོས་བྲལ་གྱི་རྟོགས་པ་ཤར་ཏེ་སྐུ་གསུང་ཐུགས་ཀྱི་བྱིན་རླབས་ཐོབ་ཤེས་རབ་ཡེ་ཤེས་ཀྱི་དབང་ཐོབ་ཡིད་སྒྲིབ་དག་ནས་རྡོ་རྗེའི་ཐུགས་ཀྱི་དངོས་གྲུབ་ཐོབ༔ བླ་མའི་ལྟེ་བར་ཧྲིལས་ཧྲཱིཿ༔ ལྗང་གུ་གྲངས་མེད་པ་བྱུང་ཞིང་༔ རང་གི་ལྟེ་བར་ཐིམ་པས་སྐུ་གསུང་ཐུགས་ཡོངས་རྫོགས་ཀྱི་བྱིན་རླབས་ཐོབ༔ ཚིག་དབང་རིན་པོ་ཆེ་ཐོབ༔ ལུས་ངག་ཡིད་གསུམ་གྱི་སྒྲིབ་པ་དག་ནས་སྐུ་གསུང་ཐུགས་དབྱེར་མེད་རྡོ་རྗེའི་དངོས་གྲུབ་ཐོབ༔ གུ་རུའི་ཕྱག་ཞབས་བཞིའི་ཡིག་འབྲུ་བརྒྱད་ལས་འོད་ཟེར་དཔག་ཏུ་མེད་པ་བྱུང་༔ རང་གི་ཡན་ལག་བཞི་ལ་ཐིམ་པས་མཆོག་ཐུན་མོང་ཕྲིན་ལས་རྣམ་བཞིའི་དངོས་གྲུབ་ཐོབ༔ རིག་པའི་རྩལ་དབང་ཐོབ༔ མདོར་ན་བྱིན་རླབས་དང་དངོས་གྲུབ་ཀྱི་དབྱིག་ཆེན་པོ་ཐོབ༔ དམིགས་པ་དེ་དག་ངག་ཏུ་བརྗོད་མི་དགོས་ཏེ༔ དང་པོ་གསོལ་འདེབས་ཚར་གཅིག་གིས་བསྙེན་གསན་ཕབ་ནས་གསོལ་འདེབས་གཉིས་གསུམ་རྗེས་མ་རྣམས་བྱེད་ཚེ་དམིགས་པ་དེ་དག་བྱེད་རྒྱུ་ཡིན་ཏེ༔ གསོལ་འདེབས་ཀྱི་ཚིག་ལ་ཡང་དམིགས་པ་དེ་དག་དོན་ལ་ཡང་ཚང་བར་ཡོད་དོ༔ དེ་ནས་

― CMR007_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་གཞི་སྒྲུབ་པའི་དམིགས་པ་དངོས་འདི་འཛབ་དགོངས་སོགས་ལ་ལྟོས་མ་དགོས་པར་ཅུང་ཟད་གབ་སྦས་སུ་ཡོད་པས་སྒྲུབ་གཞུང་དུ་མི་གསལ་བས༔ རྗེ་མཁར་དྲུང་པས་ཀྱང་གསལ་བར་མཛད་མོད་ཀྱིས༔ དེ་ལ་སྒྲུབ་པའི་དམིགས་པ་དངོས་འདི་བུམ་སྒྲུབ་ཡིན་པས་བུམ་པ་གཙོ་ཆེ༔ དེ་ལ་སྤྱིར་བུམ་པ་ཤར་སྒོའི་འགྲམ་དུ་བཞག་པའི་རིགས་ཐམས་ཅད་མདུན་བསྐྱེད་དང་བུམ་བསྐྱེད་སོ་སོར་བསྒོམ་པ་ཡིན༔ དེ་ནས་བྱ་སྤྱོད་ཀྱི་རྒྱུད་ཕལ་ཆེར་ལ་བུམ་ལྷ་མི་བསྒོམ་པར་མདུན་བསྐྱེད་ཀྱི་སྐུའམ༔ ཕྱག་ནས་བདུད་རྩི་བབས་པས་བུམ་པ་གང་བར་བསྒོམ་པ་དང་༔ བུམ་པའི་ནང་དུ་ས་བོན་སྔགས་ཕྲེང་འཁོར་བ་ལས་བདུད་རྩི་བྱུང་ནས་བུམ་པ་བང་བར་བསྒོམས་པའི་ལུགས་མང་ན་ཡང་རྙིང་མའི་ཚེ་སྒྲུབ་རིགས་འགའ་རེ་ལ་མདུན་བསྐྱེད་ཀྱི་དཀྱིལ་འཁོར་དབུས་ཀྱི་བུམ་པར་ཚེ་བཅུད་བསྡུ་བ་ཡང་ཡོད་དེ༔ རྙིང་མའི་ལུགས་དཀྱིལ་འཁོར་གྱི་དབུས་སུ་བུམ་པ་བཞག་ནས་མདུན་བསྐྱེད་དབྱེར་མེད་བསྒོམ་པ་ཡིན༔ དེ་ལ་འདིའི་བསྙེན་པ་ཚེ་མདུན་བསྐྱེད་དེ་གཙོ་ཆེ་བས་བུམ་པ་མི་དམིགས་པ་རྟ་མགྲིན་དང་དབྱེར་མེད༔ སྐུ་འབག་སྤྲུལ་སྐུར་བསྒོམ་པ་ཡིན་ལ༔ སྒྲུབ་པ་དངོས་གཞིའི་སྐབས་འདིར་བུམ་བསྐྱེད་གཙོ་

― CMR007_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་ཡིན་བུམ་པ་དང་མདུན་བསྐྱེད་གཞལ་ཡས་ཁང་དབྱེར་མེད་པའི་ནང་དུ་དངོས་གྲུབ་ཀྱི་རྒྱ་མཚོ་འཁྱིལ་བའི་དབུས༔ པདྨའི་སྡོང་པོ་ཆེན་པོ་འདབ་མ་སྟོང་ལྡན་གྱི་སྟེང་དུ་ཕྱི་འདབ་མ་བཅུ་དྲུག་ལ་གིང་བཅུ་དྲུག༔ དེ་སྟེང་འདབ་མ་བརྒྱད་ལ་མཚན་བརྒྱད༔ དེ་སྟེང་འདབ་མ་བཞི་ལ་ཐོད་ཕྲེང་རྩལ་རིགས་བཞི༔ པདྨའི་ལྟེ་བར་རྟ་མགྲིན་ཡབ་ཡུམ་ཐུགས་ཀར་བུདྡྷ་ཐོད་ཕྲེང་རྩལ༔ དབུ་གཙུག་བླ་མ་སྤྲུལ་སྐུ་སྟེ་སྒྲུབ་པའི་སྐབས་སུ་ལྷ་བསྐྱེད་དུས་ནས་དེ་ལྟར་བསྒོམས་ལ༔ གསོལ་འདེབས་དབང་བཞི་བླངས་ཚར་ནས༔ རང་དང་མདུན་བསྐྱེད་རྟ་མགྲིན་གཉིས་ཀའི་དབུ་གཙུག་ནས་བླ་མ་སྤྲུལ་སྐུ་དེ་མར་ཚངས་བུག་གི་ལམ་ནས་བྱོན་པས་སྙིང་གར་རང་བུདྡྷ་ཐོད་ཕྲེང་རྩལ་དང་དབྱེར་མེད་དུ་འདྲེས་ནས༔ སྙིང་པདྨ་འདབ་བརྒྱད་ཁ་ཅུང་ཟད་བྱེ་བའི་དབུས་སུ་བླ་མ་གསང་འདུས་རྡོ་རྗེ་འཆང་ཡབ་ཡུམ་གྱི་སྐུར་ལམ་གྱིས་གྱུར་པར་བསྒོམ༔ དེ་ལྟར་བདག་མདུན་གཉིས་ཀ་རྟ་མགྲིན་དུ་གསལ་བའི་ཐུགས་ཀར་བུདྡྷ་ཐོད་ཕྲེང་རྩལ་ལ་བླ་མ་གསང་འདུས་ཡབ་ཡུམ་གསལ་བར་བསྒོམ་པའི་གསང་འདུས་རྡོ་རྗེ་འཆང་གི་དཔྲལ་བར་ཟླ་བའི་སྟེང་དུ་ཨོཾ་དཀར་པོ་སྐུའི་རང་བཞིན༔ མགྲིན་པར་པདྨ་དམར་པོའི་དཀྱིལ་དུ་

― CMR007_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་གི་རང་བཞིན་ཨཱདམར་པོ༔ ཐུགས་ཀར་ཉི་མའི་དཀྱིལ་འཁོར་གྱི་དབུས་སུ་ཐུགས་ཀྱི་རང་བཞིན་ཧཱུྃ་མཐིང་ག༔ ལྟེ་བར་བསྐྱེད་བྱེད་རྩའི་འཁོར་ལོའི་དཀྱིལ་དུ་ཧྲཱིཿ༔ ལྗང་གུ་ཕྲིན་ལས་ཡོངས་སུ་རྫོགས་པའི་ངོ་བོར་བསམ༔ ཕྱག་ཞབས་བཞི་ལ་ཧ་རི་ནི་ས་ར་ཙ་ཧྲི་ཡ་བཞི་པོ་གཉིས་གཉིས་བསམ་མོ༔ དེ་ནས་རང་རྟ་མགྲིན་གྱི་ཐུགས་ཀ་ནས་རང་དང་དབྱེར་མེད་པའི་བླ་མ་གསང་འདུས་ཀྱི་དཔྲལ་བའི་ཨོ་ལས་ཨོཾ་དཀར་པོ་གྲངས་མེད་པ་སྐུ་ཡི་རང་བཞིན་དཔག་ཏུ་མེད་པ་འཕྲོས་ནས་མདུན་གྱི་གསང་འདུས་ཀྱི་དཔྲལ་བར་ཐིམ་པས༔ མདུན་གྱི་གསང་འདུས་ཀྱི་དཔྲལ་བའི་ཨོ་ལས་འོད་ཟེར་དཀར་པོ་དཔག་ཏུ་མེད་པ་འཕྲོས༔ ཕྱོགས་བཅུའི་རྒྱལ་བ་སྲས་བཅས་ཡི་དམ་མཁའ་འགྲོ་ཐམས་ཅད་མཆོད༔ དེ་ཐམས་ཅད་ཀྱི་སྐུ་ཡི་དངོས་གྲུབ་ཨོཾ་ཡིག་དཀར་པོ་གྲངས་མེད་པའི་རྣམ་པར་སྤྱན་དྲངས་ནས་མདུན་གྱི་གསང་འདུས་ཀྱི་དཔྲལ་བའི་ཨོ་ལ་ཐིམ་པས་སྐུ་ལས་བདུད་རྩིས་རྒྱུན་བབས་པས་བུམ་པ་སྐུའི་དངོས་གྲུབ་ཀྱི་རྒྱ་མཚོས་གང་༔ སངས་རྒྱས་ཐམས་ཅད་ཀྱི་སྐུའི་དངོས་གྲུབ་ཀྱི་བཅུད་དྭངས་མ་ཐམས་ཅད་བསྡུས༔ མདུན་གྱི་གསང་འདུས་ཀྱི་དཔྲལ་བའི་ཨོ་ལས་ཨོཾ་དཀར་པོ་སྐུའི་རང་བཞིན་དཔག་ཏུ་མེད་པ་

― CMR007_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་ནས་རང་རྟ་མགྲིན་གྱི་ཐུགས་ཀའི་རང་དང་གསང་འདུས་དབྱེར་མེད་པའི་དཔྲལ་བར་ཐིམ་པས་ཕྱོགས་བཅུའི་རྒྱལ་བ་ཐམས་ཅད་ཀྱི་སྐུའི་བྱིན་རླབས་ཐོབ༔ དེ་བཞིན་དུ་རང་བླ་མ་གསང་འདུས་ཡབ་ཡུམ་གྱི་མགྲིན་པའི་དམར་པོ་ལས་འོད་ཟེར་དམར་པོ་ཨཱཡི་རང་བཞིན་གྲངས་མེད་པ་འཕྲོས་ནས་མདུན་གྱི་གསང་འདུས་ཀྱི་མགྲིན་པར་ཐིམ་པས༔ མདུན་བསྐྱེད་ཀྱི་གསང་འདུས་ཀྱི་མགྲིན་པའི་ཨཱཋལས་འོད་ཟེར་དམར་པོ་དཔག་ཏུ་མེད་པ་འཕྲོས་ཕྱོགས་བཅུའི་རྒྱལ་བ་སྲས་བཅས་ཡི་དམ་མཁའ་འགྲོ་ཆོས་སྐྱོང་ཐམས་ཅད་མཆོད༔ དེ་ཐམས་ཅད་ཀྱི་གསུང་གི་དངོས་གྲུབ་ཨཱདམར་པོ་གྲངས་མེད་པ་འཕྲོས་མདུན་བསྐྱེད་གསང་འདུས་ཀྱི་མགྲིན་པའི་ཨཱལ་ཐིམ་པས༔ སྐུ་ལས་བདུད་རྩིའི་རྒྱུན་བབས་པས་བུམ་པ་གསུང་གི་དངོས་གྲུབ་ཀྱི་རྒྱ་མཚོས་གང་༔ སངས་རྒྱས་ཐམས་ཅད་ཀྱི་གསུང་གི་དངོས་གྲུབ་ཀྱི་བཅུད་དྭངས་མ་ཐམས་ཅད་བསྡུས༔ མདུན་གྱི་གསང་འདུས་ཀྱི་མགྲིན་པའི་ཨཱལས་ཨཱ༔ དམར་པོ་གསུང་གི་རང་བཞིན་དཔག་ཏུ་མེད་པར་བྱུང་ནས་རིང་རྟ་མགྲིན་གྱི་ཐུགས་ཀའི་རང་དང་དབྱེར་མེད་གསང་འདུས་ཀྱི་མགྲིན་པར་ཐིམ་པས་ཕྱོགས་བཅུའི་རྒྱལ་བ་ཐམས་ཅད་ཀྱི་གསུང་གི་བྱིན་རླབས་ཐོབ༔

― CMR007_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་རྟ་མགྲིན་གྱི་སྙིང་ག་ནས་རང་དང་དབྱེར་མེད་པའི་བླ་མ་གསང་འདུས་ཀྱི་ཐུགས་ཀའི་ཧཱུྃ་ལས་ཧཱུྃ་མཐིང་ཀ་གྲངས་མེད་པ་ཐུགས་ཀྱི་རང་བཞིན་དཔག་ཏུ་མེད་པ་བྱུང་ནས་མདུན་བསྐྱེད་ཀྱི་གསང་འདུས་ཀྱི་ཐུགས་ཀར་ཐིམ་པས༔ མདུན་གྱི་གསང་འདུས་ཀྱི་ཐུགས་ཀའི་ཧཱུཾ་ལས་འོད་ཟེར་མཐིང་ཀ་དཔག་ཏུ་མེད་པ་འཕྲོས་ཕྱོགས་བཅུའིརྒྱལ་བ་སྲས་བཅས་ཡི་དམ་ཆོས་སྐྱོང་ཐམས་ཅད་མཆོད༔ དེ་ཐམས་ཅད་ཀྱི་ཐུགས་ཀྱི་དངོས་གྲུབ་ཧཱུྃ་ཡིག་མཐིང་ག་གྲངས་མེད་པའི་རྣམ་པར་སྤྱན་དྲངས་ནས་མདུན་གྱི་གསང་འདུས་ཀྱི་ཐུགས་ཀའི་ཧཱུྃ་ལ་ཐིམ་པས་སྐུ་ལས་བདུད་རྩིའི་རྒྱུན་བབས་པས་བུམ་པ་ཐུགས་ཀྱི་དངོས་གྲུབ་རྒྱ་མཚོས་གང་སངས་རྒྱས་ཐམས་ཅད་ཀྱི་ཐུགས་ཀྱི་དངོས་གྲུབ་བཅུད་དྭངས་མ་བསྡུས་ནས༔ མདུན་གྱི་གསང་འདུས་ཀྱི་ཐུགས་ཀའི་ཧཱུྃ་ལས་ཧཱུྃ་མཐིང་ཀ་ཐུགས་ཀྱི་རང་བཞིན་དཔག་ཏུ་མེད་པ་བྱུང་ནས༔ རང་རྟ་མགྲིན་གྱི་ཐུགས་ཀའི་ཧཱུཾ་དང་དབྱེར་མེད་གསང་འདུས་ཀྱི་ཐུགས་ཀར་ཐིམ་པས་ཕྱོགས་བཅུའི་རྒྱལ་བ་ཐམས་ཅད་ཐུགས་ཀྱི་བྱིན་རླབས་ཐོབ༔ ཡང་རང་དང་བླ་མ་གསང་འདུས་ཀྱི་ལྟེ་བའི་ཧྲི་ལྗང་གུ་ལས་འོད་ཟེར་ལྗང་གུའི་རང་བཞིན་གྲངས་མེད་པ་འཕྲོས་བྱུང་ནས་མདུན་གྱི་གསང་འདུས་ཀྱི་ལྟེ་བར་

― CMR007_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ་པས་མདུན་གྱི་གསང་འདུས་ཀྱི་ལྟེ་བའི་ཧྲིལས་འོད་ཟེར་ལྗང་གུ་དཔག་ཏུ་མེད་པ་འཕྲོས་ཕྱོགས་བཅུའི་རྒྱལ་བ་སྲས་བཅས་ཡི་དམ་མཁའ་འགྲོ་ཆོས་སྐྱོང་ཐམས་ཅད་མཆོད༔ དེ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་ཧྲཱིཿལྗང་གུ་གྲངས་མེད་པའི་རྣམ་པར་སྤྱན་དྲངས་ནས་མདུན་གྱི་གསང་འདུས་ཀྱི་ལྟེ་བའི་ཧྲུལ་ཐིམ་པས༔ སྐུ་ལས་བདུད་རྩིའི་རྒྱུན་བབས་པས་བུམ་པ་སྐུ་གསུང་ཐུགས་ཡོངས་རྫོགས་ཀྱི་དངོས་གྲུབ་རྒྱ་མཚོས་གང་༔ སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོངས་རྫོགས་ཀྱི་དངོས་གྲུབ་ཀྱི་བཅུད་དྭངས་མ་ཐམས་ཅད་བསྡུས་མདུན་གྱི་གསང་འདུས་ཀྱི་ལྟེ་བའི་ཧིལས་ཧྲཱིཿལྗང་གུ་སྐུ་གསུམ་ཡོངས་རྫོགས་ཀྱི་རང་བཞིན་དཔག་ཏུ་མེད་པ་བྱུང་ནས་རང་རྟ་མགྲིན་གྱི་ཐུགས་ཀའི་རང་དང་དབྱེར་མེད་གསང་འདུས་ཀྱི་ལྟེ་བར་ཐིམ་པས་ཕྱོགས་བཅུའི་རྒྱལ་བ་ཐམས་ཅད་ཀྱི་སྐུ་གསུང་ཐུགས་ཡོངས་རྫོགས་ཀྱི་དངོས་གྲུབ་ཐོབ༔ ཡང་རྟ་མགྲིན་གྱི་ཐུགས་ཀའི་རང་དང་དབྱེར་མེད་པ་བླ་མ་གསང་འདུས་ཀྱི་ཕྱག་ཞབས་བཞིའི་ཡིག་འབྲུ་བརྒྱད་ལས་འོད་ཟེར་ཁ་དོག་སྣ་ཚོགས་དཔག་ཏུ་མེད་པ་བྱུང་༔ མདུན་གྱི་རྟ་མགྲིན་གྱི་ཐུགས་ཀའི་བླ་མ་གསང་འདུས་ཀྱི་ཕྱག་ཞབས་བཞི་ལ་

― CMR007_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ་པས༔ མདུན་གྱི་གསང་འདུས་ཀྱི་ཕྱག་ཞབས་ཡི་གེ་བརྒྱད་ལས་འོད་ཟེར་ཁ་དོག་དཔག་ཏུ་མེད་པ་འཕྲོས་ཕྱོགས་བཅུའི་དཔའ་བོ་ཌཱཀི་ཆོས་སྐྱོང་ཐམས་ཅད་མཆོད༔ དེ་ཐམས་ཅད་ཀྱིས་མཆོག་ཐུན་མོང་ཕྲིན་ལས་རྣམ་བཞིའི་དངོས་གྲུབ་འོད་ཟེར་ཁ་དོག་སྣ་ཚོགས་ཀྱི་རྣམ་པར་སྤྱན་དྲངས༔ མདུན་གྱི་བླ་མ་གསང་འདུས་ཀྱི་ཕྱག་ཞབས་བཞི་ལ་ཐིམ་པས་སྐུ་ལས་བདུད་རྩིའི་རྒྱུན་བབས་པས་བུམ་པ་མཆོག་ཐུན་མོང་ཕྲིན་ལས་རྣམ་བཞིའི་དངོས་གྲུབ་ཀྱི་རྒྱ་མཚོས་གང་༔ དཔའ་བོ་ཌཱཀྐི་ཆོས་སྐྱོང་ཐམས་ཅད་མཆོག་ཐུན་མོང་ཕྲིན་ལས་རྣམ་བཞིའི་དངོས་གྲུབ་ཀྱི་བཅུད་དྭངས་མ་ཐམས་ཅད་བསྡུས་ནས་མདུན་གྱི་གསང་འདུས་ཀྱི་ཕྱག་ཞབས་ཀྱི་ཡི་གེ་བརྒྱད་ལས་འོད་ཟེར་ཁ་དོག་སྣ་ཚོགས་དཔག་ཏུ་མེད་པ་བྱུང་ནས༔ རང་གི་ཡན་ལག་བཞི་ལ་ཐིམ་པས༔ མཆོག་ཐུན་མོང་ཕྲིན་ལས་རྣམ་བཞིའི་དངོས་གྲུབ་ཐོབ༔ མདོར་ན་བྱིན་རླབས་དང་དངོས་གྲུབ་ཀྱི་དབྱིག་ཆེན་པོ་ཐོབ་པར་བསྒོམ༔ དེ་ལྟ་བུའི་དམིགས་པ་མ་ཡེངས་པར་སྒྲུབ་པའི་སྙིང་པོ་སྔགས་ཐོད་ཕྲེང་རྩལ་ལ་ཟླ་བ་གཅིག་བཟླའོ༔ ཡང་ན་བདུན་གསུམ་ཡང་རུང་༔ གྲངས་བདུན་འབུམ་མམ་བྱེ་བའམ་སུམ་འབུམ་གྱིས་ཀྱང་ཆོག་གོ༔ སྐབས་སུ་གསོལ་

― CMR007_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་ནི་གཞུང་ཉིད་དང་༔ སྤྲོ་ན་སྐུ་གསུམ་གསོལ་འདེབས་དང་༔ ཀུན་དྲིལ་ཡིད་བཞིན་ནོར་བུའི་གསོལ་འདེབས་རུང་༔ དེ་ནས་གནད་ནས་བསྐུལ་བ་ནི༔ ཧཱུྃ་མ་གཡེལ་མ་འཕང་རིག་འཛིན་རྣམས༔ སོགས་ལས་བྱང་གི་སྐབས་སུ་དབྱངས་དང་བཅས་པས་བསྐུལ་པ་བྱ༔ འདི་ལ་གཏོར་མ་ཡང་འབུལ་སྲོལ་ཡོད༔ ཐུན་མཚམས་དམིགས་མེད་ངང་ལ་བཞག་ཅེས་པ་ནི༔ རབ་རྟོགས་པ་མཐོ་ན་སྟོང་ཉིད་རྟོགས་པའི་རྩི་དང་མ་བྲལ་བར་གོང་གི་དམིགས་རིམ་རྣམས་བསྒོམ་ཞིང་སྔགས་བཟླས༔ དེ་ཙམ་མི་ནུས་ན་དམིགས་པ་རྣམས་ཚར་རེ་བསྒོམ་རྗེས་མི་དམིགས་སྟོང་ཉིད་ངང་ལ་བཞག་ཅིང་བཟླ༔ ཡང་དམིགས་པ་ཚར་རེ་བྱ་ཞིང་སྤེལ་མ་འབད་པ་འབྲིང་༔ ཐ་མས་ཐུན་རེ་ལ་དམིགས་པ་ཐམས་ཅད་ཚར་རེ་ལས་མི་ཐུབ༔ ཐུན་མཚམས་ལ་དམིགས་མེད་སྟོང་ཉིད་ཡུད་ཙམ་རེ་བསྒོམ་མོ༔ ལངས་འདུག་སོགས་བྱེད་ཞོར་ལ་འཆམ་སྟབས་ལག་པས་པད་ཀོར་རྐང་པས་བྲོ་ངག་དབྱངས་དང་བཅས་སྔགས་ཐོད་ཕྲེང་རྩལ་དང་འཛབ་དབྱངས་བྱའོ༔ དེའི་ཚེ་བདག་མདུན་གྱི་དཀྱིལ་འཁོར་ལྷ་ཚོགས་ཐམས་ཅད་དང་འགྲོ་བ་རིགས་དྲུག་ཐམས་ཅད་དཀྱིལ་འཁོར་གྱི་ལྷ་ཚོགས་སུ་གསལ་བས་འཛབ་

― CMR007_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན་གྱི་སྔགས་འུ་རུ་རུ་འདོན་པར་བསྒོམ་མོ༔ སྐབས་སུ་ཉིན་རེ་ཐུན་རེ་ཙམ་རང་ཉིད་དང་དཀྱིལ་འཁོར་འགྲམ་དུ་བཤམས་པའི་ཕུར་པ་དབྱེར་མེད་ཧཱུྃ་སྒྲུབ་ནས་གསུངས་པའི་དྲག་པོ་མཐིང་ནག་གཉིས་སྐད་ཅིག་གནས་འགྱུར་དུ་བསྒོམ༔ དེ་ཡང་ལྷ་ཕུར་ཚང་བ་ཡོད་ན་སྐུ་ལྔ་མཚན་བརྒྱད་ཐམས་ཅད་མཐིང་ནག་ཏུ་བསྒོམ༔ ཕུར་པ་གཅིག་ལས་མེད་ན་རང་ཉིད་གཙོ་རྐྱང་མཚམས་གཅོད་ཀྱི་ཕུར་པ་བཅུ་དང་དབྱེར་མེད་ཁྲོ་བོ་བཅུ་རྣམས་སྐད་ཅིག་ལ་གསལ་བཏབ་བོ༔ ཧཱུྃ་བདུན་གསུམ་ཉེར་གཅིག་ཙམ་དྲག་ཏུ་བརྗོད་ནས༔ ལྷ་གཙོ་འཁོར་མི་དམིགས་པར་བྱ༔ ཁྲོ་བཅུས་ཕྱོགས་བཅུའི་བགེགས་བསྲུང་བར་བསམ་མོ༔ དེ་ལྟར་སྒྲུབ་པ་དུས་རྟགས་གྲངས་གསུམ་ཐེམས་ནས༔ ༈ ལས་སྦྱོར་འདོན་ལུགས་ནི༔ ལས་བྱང་འདོན་ལུགས་དང་བླ་མ་སྤྲུལ་སྐུ་སྤྱི་བོར་བསྒོམས་ནས་དབང་བཞི་ལེན་ལུགས་སྒྲུབ་པའི་དུས་དང་འདྲ༔ དབང་བླང་ཚར་ནས་སྤྱི་བོའི་བླ་མ་བདག་མདུན་གཉིས་ཀ་དེ་མར་རྟ་མགྲིན་གྱི་ཐུགས་ཀར་བྱོན་ནས་སྙིང་གར་བུདྡྷ་ཐོད་ཕྲེང་རྩལ་དང་དབྱེར་མེད་དུ་འདྲེས་པས་རང་དང་མདུན་བསྐྱེད་གཉིས་ཀའི་གཙོ་བོ་དེ་སྐད་ཅིག་ལ་གནས་འགྱུར་ནས༔ མདུན་གྱི་གཙོ་བོ་དང་བདག་ཉིད་རྡོ་རྗེ་ཐོད་ཕྲེང་

― CMR007_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

རྩལ༔ སྐུ་མདོག་དཀར་པོ་དར་དཀར་གྱི་ན་བཟའ་གསོལ་བ༔ དབུ་ལ་རིན་ཆེན་སྲོག་ཞུ་གསོལ་བ༔ ལོངས་སྐུའི་རྒྱན་ཅན༔ ཕྱག་གཡས་རྡོ་རྗེ་དང་༔ གཡོན་བུམ་པའམ་དྲིལ་བུ་འཛིན་པ༔ དེའི་སྤྱི་བོར་ཨོཾ་དཀར་པོ༔ མགྲིན་པ་ཨཱདམར་པོ༔ ཐུགས་ཀར་ཧཱུྃ་མཐིང་ག༔ ལྟེ་བར་ཧྲཱིཿལྗང་གུ༔ སྙིང་གར་ཟླ་བའི་གདན་ལ་ཧཱུྃ་མཐིང་ཀ་དཀར་བའི་མདངས་ཅན་གྱི་མཐའ་མར༔ ཨོ་བཛྲ་གུ་རུ་སརྦ་སིདྡྷི་ཧཱུྃ༔ ཤཱནྟཾ་ཀུ་རུ་ཡེ་སྭཱ་ཧཱ༔ ཞེས་པས་བསྐོར་བར་བསྐྱེད་ལ༔ བདག་གི་འཁོར་ལོ་བཞིའི་ཡིག་འབྲུ་སྔགས་ཕྲེང་དཀར་པོ་ལས་འོད་ཟེར་ཕྱོགས་བཅུར་འཕྲོས་པས་ནད་གདོན་བགེགས་དང་བར་ཆད་ཞི་བར་བསྒོམ༔ དེ་ཡང་སྡིག་སྒྲིབ་ཞི་བ་དང་༔ ཉམས་ཆག་ཞི་བ་དང་༔ བྱང་ཆུབ་སྒྲུབ་པའི་བར་ཆད་ཞི་བ་དང་༔ བསྟན་པ་སྤྱིའམ་རང་རང་གི་བླ་མ་མཆེད་གྲོགས༔ རང་ཉིད་ཀྱི་སློབ་མ་བརྒྱུད་འཛིན་སོགས་ཀྱི་བར་ཆད་ཞི་བ་དང་༔ རྒྱལ་པོའི་ཆད་པ་དང་༔ མེ་ཆུ་དུག་མཚོན་དགྲ་ཇག་ཆོམ་རྐུན་ཡམས་ནད་རིམས་ནད་ལ་སོགས་མདོར་ན་གནོད་པ་དང་༔ བཀྲ་མི་ཤིས་པའི་བྱེ་བྲག་ཐམས་ཅད་ཞི་བར་བསྒོམ༔ ཁྱད་པར་དུ་གལ་ཆེ་བའི་འཇིགས་སྐྲག་གང་ཡོད་དེ་ཞི་བར་

― CMR007_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་སྟེ་ཞག་གསུམ་ལྔ་བདུན་སོགས་གྲངས་འབུམ་ཕྲག་གཅིག་བསྒྲུབས་ནས་ཞི་བའི་སྦྱིན་སྲེག་ཐུགས་སྒྲུབ་ཀྱིས་བྱ་སྟེ༔ རྟོགས་བར་ཆད་ཞི་བའི་རྨིས་ལྟས་འབྱུང་བ་རིག་པས་ཤེས་པར་བྱའོ༔ དེས་རིག་འགྲེས་ཏེ་དབང་བཞི་བླངས་ནས་རང་ལ་བསྟིམ་མ་ཐག་ལྷོའི་རཏྣ་ཐོད་ཕྲེང་རྩལ་དུ་གནས་འགྱུར༔ གཙོ་བོ་གཉིས་རཏྣ་ཐོད་ཕྲེང་རྩལ་དུ་གྱུར་ཏེ་རྒྱན་ཆ་ལུགས་ཡིག་འབྲུ་འོད་ཟེར་སོགས་གཞུང་དུ་གསལ་ལྟར་ལས་ཚེ་བསོད་དཔལ་འབྱོར་ཉམས་དང་རྟོགས་པ་གདུལ་བྱ་འགྲོ་དོན༔ སངས་རྒྱས་ཀྱི་བསྟན་པ་སྤྱི་དང་བྱེ་བྲག་ཆོས་འདིའི་བསྟན་པ་དང་རང་གི་བླ་མ་དང་མཆེད་གྲོགས་སློབ་བརྒྱུད་ཀྱི་བསྟན་པ༔ འབྲུ་དང་ནོར་ཕྱུགས་ཟས་གོས་ལ་སོགས་རང་གང་འདོད་རྒྱས་པར་དམིགས་སོ༔ དུས་གྲངས་གོང་ལྟར་ལས་རྒྱས་པའི་སྦྱིན་སྲེག་འགྲུབ་པ་མཆོག་གོ༔ ༈ དེ་བཞིན་དུ་དབང་བླངས་ནས་རང་ལ་ཐིམ་མ་ཐག་ཏུ་ནུབ་ཀྱི་པདྨ་ཐོད་ཕྲེང་རྩལ་དུ་གནས་འགྱུར་རང་དང་མདུན་གྱི་གཙོ་བོ་པདྨ་ཐོད་ཕྲེང་རྩལ་དུ་གནས་འགྱུར་ཡིག་འབྲུ་འོད་ཟེར་འཕྲོས་སྔགས་ཕྲེང་གཞུང་དུ་གསལ་ལྟར་ལས༔ རྒྱལ་བློན་ཡུལ་ཁམས་ཟས་ནོར་ལོངས་སྤྱོད་སོགས་སྣང་བ་རླུང་སེམས་སྣང་སྲིད་ལྷ་འདྲེ་སོགས་གང་འདོད་ཐམས་ཅད་འོད་ཟེར་

― CMR007_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་པོ་ལྕགས་ཀྱུ་ལྟ་བུས་བཀུག་ནས་འོད་དམར་པོར་ཞུ་ནས་རང་ལ་བསྟིམ་པར་བྱ་ཞིང་དུས་གྲངས་ཐེམ་པ་དང་དབང་གི་སྦྱིན་སྲེག་བྱའོ༔ ༈ དྲག་པོ་ལ་ཡང་གསོལ་བ་བཏབ༔ དབང་བཞི་བླངས་ནས་རང་ལ་ཐིམ་མ་ཐག་བྱང་གི་ཀརྨ་ཐོད་ཕྲེང་རྩལ་དུ་བུདྡྷ་ཐོད་ཕྲེང་རྩལ་གནས་འགྱུར་ནས་བདག་མདུན་གྱི་གཙོ་བོ་གཉིས་ཀརྨ་ཐོད་ཕྲེང་རྩལ་ཡིག་འབྲུ་སྔགས་ཕྲེང་འོད་ཟེར་གཞུང་ལྟར༔ བདུད་བཞི་དང་བསྟན་པ་སྤྱི་དང་བྱེ་བྲག་རང་གི་བར་ཆེད་དགྲ་བགེགས་ཐམས་ཅད་ཚར་བཅད་པར་བསམ༔ དུས་གྲངས་ཐེམས་ནས་དྲག་པོའི་སྦྱིན་སྲེག་བྱའོ༔ ༈ ལས་སྦྱོར་གྱི་སྐབས་སུ་ཉམས་རྟོགས་པའི་གདེང་བསྐྱེད་བྱུང་རྒྱལ་དུ་བཏང་༔ བསྐྱེད་རིམ་གྱི་ང་རྒྱལ་ཆེན་པོ་བྱས་ལ༔ གང་ལ་ཡང་འགྲུབ་མི་འགྲུབ་ཀྱི་ཐེ་ཚོམ་ཁུ་འཕྲིགས་མེད་པར༔ རང་ཉིད་སྣང་སྲིད་ཀྱི་བདག་པོ་པདྨ་འབྱུང་གནས་དངོས་སུ་ང་རྒྱལ་བསྐྱེད་པར་གལ་ཆེ་སྟེ༔ ལས་སྦྱོར་དུས་སུ་རང་ཉིད་དང་བླ་མ་ཡི་དམ་དབྱེར་མེད་པར༔ རང་ཉིད་ཐམས་ཅད་ཀུན་གྱི་གཙོ༔ བདག་ཉིད་ཆེན་པོ་རང་གསལ་གདབ༔ ཅེས་གསུངས་སོ༔ དེ་ཡང་སྦྱིན་སྲེག་བཞི་པོ་མ་ཐུབ་ན་ཧ་ཅང་མི་རུང་བ་ནི་མིན་པ༔ འགྲུབ་ན་ཤིན་ཏུ་ཟབ་ཅིང་དངོས་

― CMR007_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་མྱུར་བའི་གནད་ཡོད་དོ༔ སྦྱིན་སྲེག་གི་ལྷ་བསྐྱེད་ལུགས་ཀྱང་དང་པོ་སྒྲུབ་པའི་དུས་ལྟར་བསྐྱེད་ནས་སྤྱི་བོའི་སྤྲུལ་སྐུ་ལ་བསྲེག་རྫས་བདུན་རེ་ཙམ་འབུལ་ནས་བུདྡྷཱ་ཐོད་ཕྲེང་རྩལ་དང་རྟ་མགྲིན་ལ་ཡང་ལྔའམ་བདུན་ཙམ་ཕུལ༔ དེ་ནས་སྤྲུལ་སྐུ་མར་བསྟིམས་ལ༔ གཙོ་བོ་འཕོ་བའི་རིགས་པས་བུདྡྷ་ཐོད་ཕྲེང་རྩལ་དང་ཕྱོགས་བཞི་པོ་གང་ཡིན་དབུས་ཀྱི་གཙོ་བོ་ལས་གང་སྒྲུབ་ཀྱི་ཐོད་ཕྲེང་རྩལ་དུ་སྒྱུར་ནས༔ ཡམ་ཤིང་ལ༔ བཛྲ་གུ་རུ་སརྦ་སིདྡྷི་ཧཱུྃ༔ ཨོཾ་བྷོ་དྷི་བྲིཀཱ་ཡེ་སྭཱ་ཧཱ༔ གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཞེས་པ་ལྟ་བུ་གཞན་ཐམས་ཅད་རིགས་འགྲེས་ཤིང་༔ འཁོར་ཐམས་ཅད་ལ་རྒྱས་པར་སོ་སོར་བདུན་རེ་འབུལ༔ བསྡུ་ན་སྔགས་ཐོད་ཕྲེང་རྩལ་ལ་ས་པཱ་རི་ཝཱ་ར་སྦྱར་ནས། སྐུ་ལྔ་མཚན་བརྒྱད་ཧྲི་མ་ཧ་རི་ནི་སའི་ལས་སྔགས་ཀྱིས་དཔའ་བོ་ཌཱཀི་སྤྱི་ལ་འབུལ་ལོ༔ མེ་ལྷའི་འོད་ཟེར་གོང་གི་དམིགས་པ་དང་འདྲ་བར་བསྒོམས་པས་ཕྲིན་ལས་སོ་སོར་འགྲུབ་པར་བསམ་སྐབས་སུ་དཀྱིལ་འཁོར་ལ་སྐོར་བ་བྱེད་དམ་བྱེད་པ་མེད་ན་འཆམ་སྟབས་བྱ་ཞིང་ཕྲིན་ལས་བཞིའི་སྔགས་འཛབ་དབྱངས་སུ་གྱེར་རོ༔ སྐབས་སུ་དུས་ཚོད་བཟང་དུས་སམ༔ བྱིན་

― CMR007_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཆགས་ཉམས་རྟོགས་མི་གསལ་ན་ལས་བྱང་འདོན་དུས་ལས་བྱང་ཆེ་བའི་བྱིན་འབེབས་སྐབས་སུ་དང་ཆུང་བའི་མཚམས་གཅོད་རྗེས་དེར་སྤོས་དུད་དབྱངས་རོལ་མོ་དང་བཅས་རིག་འཛིན་བྱིན་འབེབས་འདོན༔ རྨིས་ལྟས་ངན་པ་དང་ལུས་སེམས་མི་བདེ་བའི་རྩུབ་ཆ་བྱུང་ན་བྲུབ་ཁུང་ལིངྒ་དེ་ལ་དམ་སྲི་ཉུལ་ལེ་བཀུག་གཞུག་བྱ༔ ཕུར་པ་འདྲིལ་ཞིང་སྡང་མིག་ལྟ་སྟངས་གཟིར་ཞིང་༔ ཀུན་ཐུབ་རྒྱལ་མོའི་བསྐུལ་པ་འདོན་ལ༔ གྷ་ཏའི་སྔགས་བརྗོད་ཅིང་ལིངྒ་ཕུར་པས་བརྡུང་ངོ་༔ རྟགས་ཁྱད་པར་ཅན་བྱུང་དུས་སྒྲུབ་ཆེན་གཞུང་གི་དངོས་གྲུབ་བླང་ཆོག་བྱས་ལ་དངོས་གྲུབ་བླང་ངོ་༔ དགོང་མོ་རྒྱུན་དུ་མ་ནིང་དང་མཁའ་རི་ལ་གཏོར་མ་བསྔོ་ཞིང་བར་ཆད་མ་བཏང་ཞེས་བཀའ་བསྒོའོ༔ གཞི་བདག་ལ་ཡང་དེ་བཞིན་བྱ་སྒྲིབ་ཚེ་རྩོལ་མེད་དུ་ཚོགས་འཁོར་ཀྱི་རྫས་བཟང་པོ་འཛོམ་བྱུང་བའམ༔ ཚེས་བཅུ་ལ་སོགས་ཚོགས་འཁོར་རྒྱས་པར་བྱ་སྟེ༔ དེ་དུས་ཆང་བཟང་པོ་འཛོམ་ན་ལག་མཆོད་བྱའོ༔ ཉེར་ལྔ་མར་ངོའི་ཚེས་བཅུ་ལ་ཡང་ཚོགས་དང་བསྐང་གསོལ་བྱའོ༔ ཉེར་དགུ་ཐམས་ཅད་ལ་མ་ནིང་བསྐང་གསོལ་བྱའོ༔ གློ་བུར་དུ་དཀྱིལ་འཁོར་ཞལ་ཁེབས་འབྱེད་དགོས་སམ་འབྱེད་འདོད་པ་

― CMR007_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་ན་མོས་གུས་དྲག་པོ་བྱེད་ལ་གཞལ་ཡས་ཁང་བསྟོད་འདོན༔ ལར་སྐུ་གསུམ་སྒྲུབ་པའི་སྐབས་འདིར་གཞན་ཐུགས་དམ་ཚིག་མེད་ཀྱི་རིགས་གང་ཡོད་ཐུན་གཅིག་ལ་བསྡུས་ནས་སྔ་ཐུན་ཕྱི་ཐུན་གཅིག་ལ་ཚང་བར་བྱ༔ ཆག་མེད་མིན་པའི་ཡི་དམ་ཆོས་སྐྱོང་ཐམས་ཅད་སྔགས་བསྔོས་ཀྱི་གཏོར་བསྔོས་ཙམ་ལ་བསྡུ༔ དེ་མིན་ཐུན་ཐམས་ཅད་དུ་སྒྲུབ་པ་འདི་རང་ལ་གཅིག་དྲིལ་དུ་བྱའོ༔ དུས་མཆོད་མ་ཆག་པར་བྱེད་པའི་རིགས་གང་ཡོད་ཀྱང་དེའི་ཚོགས་གཏོར་འབུལ་སོགས་ཁོག་ཐམས་ཅད་ཐུགས་སྒྲུབ་ཀྱི་ཁོག་ཕུབ་པ་ལ་སྒྲུབ་པ་དང་༔ མི་འགལ་ཞིང་དུས་མཆོད་སོ་སོ་ཡང་མ་ཆག་པའི་ཐབས་ལ་མཁས་པར་བྱའོ༔ བཟང་ངན་གྱི་རྟགས་ཅི་བྱུང་ཡང་རྟགས་ཡིག་ལྟར་ངོ་ཤེས་པར་བྱས་ལ༔ བཟང་ངེས་པ་ལ་དངོས་གྲུབ་བླང་༔ ངན་ངེས་པ་ལ་དམ་སྲི་དང་ཉུལ་ལེ་བརྡུང་༔ དེ་ཡང་བཟང་པོ་ལ་དགའ་བྲོད་དང་ངན་པ་ལ་སྐྲག་སྔངས་མེད་པར་དོན་ཐམས་ཅད་རང་སེམས་ལས་གཞན་མ་གྲུབ་པའི་གདིང་དང་ལྡན་པའི་ངང་ནས་གནས་སྐབས་སུ་རྟེན་འབྲེལ་སྒྱུ་མ་ཙམ་དུ་སྒྱུ་མ་མཁན་གྱིས་སྒྱུ་མ་བཀོད་པ་ལྟར༔ རང་ཉིད་ཀྱི་རྟེན་འབྲེལ་ལེགས་ཚོགས་ཅི་ཡང་བསྒྲིག་ཤེས་པར་བྱའོ༔ རྗེས་ཀྱི་བྱ་ཚུལ་སྒྲུབ་ཆེན་དང་ཕྲ་

― CMR007_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིད་ལྟར་བྱའོ༔ སྤྲུལ་སྐུར་སྒྲུབ་པའི་ཟིན་བྲིས་འདི་ཡང་མཐར་ཕྱིན་ཡང་དག་སོགས་ལ་འཕྲལ་དུ་མཁོ་ཕྱིར་དང་༔ མ་འོངས་རྣལ་འབྱོར་པ་འགའ་ལ་ཕན་ཕྱིར༔ ཨ་རཱ་གས་ཤིང་ཕོ་རྟ་ལོ་རྒྱལ་ཟླ་རྒྱབ་མའི་ཉེར་གསུམ་ལ་རྫོགས་པར་བཀོད་པ་ཉེས་པ་གང་མཆིས་བཤགས་ཤིང་༔ དགེ་བས་སེམས་ཅན་ཐམས་ཅད་ཨོ་རྒྱན་རིན་པོ་ཆེའི་གོ་འཕང་ཐོབ་པར་གྱུར་ཅིག༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།