མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

པོད་བཅུ་པ། ཐ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཧཱུྃ་སྒྲུབ་ཟིལ་གནོན་ཆེན་པོའི་འདོན་འགྲིགས།

[Full Size]

ཧཱུྃ་སྒྲུབ་ཟིལ་གནོན་ཆེན་པོའི་འདོན་འགྲིགས་བཞུགས་སོ༔

[Full Size]

དེ་ནས་སྒྲུབ་པ་བྱེད་ན་གཏོར་མ་རིན་ཆེན་འབར་བ་ཙཀ་ལི་བཤམས༔ རྒྱུན་ཁྱེར་ལ་མི་དགོས༔ ད་ནངས་སྐྱབས་སེམས་སྤྱི་ལྟར་སྔོན་དུ་སོང་ནས༔ སྒྲུབ་པ་བྱེད་ན་ཐུན་བཞིའམ་དྲུག་བྱ༔ སེམས་ཅན་ཐམས་ཅད་བདེ་བ་དང་སོགས། ཨོཾ་སྭ་བྷཱ་ཝ་སོགས། མཁའ་ལ་ཉི་ཤར་ཆུ་བུར་རྡོལ་བ་ལྟར༔ སྟོང་པའི་ངང་ལས་རང་ཉིད་རྡོ་རྗེ་རྩལ༔ རྡོ་རྗེ་ཁྲོ་ལོད་སྐུ་མདོག་དམར་སྨུག་ནག༔ གཅེར་བུ་རྒྱན་དྲུག་དུར་ཁྲོད་ཆས་བརྒྱད་གསོལ༔ དབུ་གཙུག་རྟ་མགོ་ལྗང་གུ་རྟ་སྐད་ཙེ་རེ་རེ༔ སྣ་སྒྲ་ཕྲིལ་ཕྲིལ་བག་ཆགས་ནད་རྣམས་གཏོར༔ སྤྱན་མིག་ཕུལ་ཕྲུལ་དྲེགས་པ་ཟིལ་གྱིས་གནོན༔

[Full Size]

འཇིགས་པའི་ཆ་ལུགས་རྣོ་དབལ་མཆེ་བ་གཙིགས༔ སྤྱི་བོར་བླ་མ་ལོངས་སྤྱོད་རྫོགས་པའི་སྐུ༔ མགྲིན་པར་ཐུགས་རྗེ་ཆེན་པོ་གསལ་བར་གྱུར༔ ཕྱག་ཞབས་བཞི་ལ་མཁའ་འགྲོ་སྡེ་བཞི་བཅས༔ ཀུན་ཀྱང་སྣང་རིག་སྟོང་པའི་ངང་དུ་གསལ༔ ཐུགས་རྗེའི་ཉེ་རིང་མེད་པར་ཀུན་ལ་ཁྱབ༔ མི་རོ་བསྣོལ་བའི་སྟེང་ན་བརྗིད་ཅིང་འགྱིངས༔ གར་དགུའི་ཚུལ་དུ་ཧཱུྃ་དགུ་འབྲུག་སྟོང་ལྡིར༔ སྐུ་ནི་རྒྱལ་བ་ཀུན་མཉམ་རི་རབ་འདྲ༔ གསུང་ནི་རྔམ་པའི་ང་རོ་དྲག་ཧུར་ཅན། ཐུགས་ནི་གསལ་སྟོང་ཐུགས་རྗེ་འགགས་པ་མེད༔ ཕྱག་གཡས་རྡོ་རྗེ་རྩེ་དགུ་ནམ་མཁར་ཕྱར༔ གདོན་བགེགས་མ་

[Full Size]

ལུས་ཐལ་བ་རྡུལ་དུ་བསྲེག༔ གཡོན་པས་ཕུར་བུ་དགྲ་བགེགས་སྙིང་ལ་འདེབས༔ སྐུ་ལས་འོད་ཟེར་ཚྭ་ཚྭ་ཁྲོ་ཆུང་འཕྲོ༔ ཐུགས་ཀར་ཉི་སྟེང་ཧཱུྃ་ཆེན་མཐིང་ནག་ལས༔ མེ་འབར་ཁམས་གསུམ་མ་ལུས་ཐམས་ཅད་བསྲེག༔ སྲིད་གསུམ་ཟིལ་གནོན་རང་ལས་ཆེ་བཙན་མེད༔ སྡེ་བརྒྱད་དྲེགས་པ་འདུལ་ཞིང་མདུན་ནས་བསྔངས༔ ཅི་གསུང་བཀའ་ཉན་ལས་ལ་བཀོལ་བ་ལས༔ མཁའ་འགྲོ་འབུམ་གྱི་འཁོར་གྱིས་རང་ཉིད་བསྐོར༔ འཇིག་རྟེན་ཁམས་ཀུན་འུར་འུར་ཤིག་ཤིག་རྡེག༔ ཧཱུྃ་གི་སྒྲ་ཡིས་ཀུན་ཀྱང་གང་བར་གྱུར༔ སངས་རྒྱས་བྱང་ཆུབ་སེམས་དཔའ་མདོ་རྒྱུད་དང་གྲུབ་ཐོབ་པཎྜི་ཏ་སོགས་རྟོགས་པ་རྣམས༔ ཐུགས་རྗེའི་འོད་ཀྱིས་མ་ལུས་འདུས་པར་གྱུར༔ ལྷ་འདྲེ་མི་གསུམ་ཚེ་སྲོག་བཅུད་རྣམས་ཀུན༔ ཐམས་ཅད་མ་ལུས་བདག་ལ་འདུས་པར་གྱུར༔ ཧཱུྃ་ཧཱུྃ་ཧཱུྃ༔ སྒྲུབ་པ་ཡིན་ན་ཞག་བདུན༔ རྒྱུན་ཁྱེར་ཡིན་ན་ཕྲེང་སྐོར་རེ་བྱ༔ སྒྲུབ་པ་ཡིན་ན་རྒྱུན་དུ་ཚོགས་འཁོར་བྱ༔ རྒྱུན་ཁྱེར་ཡིན་ན་ཚེས་བཅུའི་ཚོགས་འཁོར་བྱ༔ དེ་ནས་དངོས་གྲུབ་ལེན་ཆོག་ཐུགས་སྒྲུབ་མཇུག་ལྟར་རོ༔ དོན་བསྟོད་ནི༔ ཧཱུྃ་ཧྲཱིཿ མ་བཅོས་སྤྲོས་བྲལ་བླ་མ་ཆོས་ཀྱི་སྐུ༔ སོགས། རྡོ་རྗེ་ཐོད་ཕྲེང་

[Full Size]

རྩལ་ལ་ཕྱག་འཚལ་བསྟོད༔ བདུད་དང་ལོག་འདྲེན་ཚར་གཅོད་པའི༔ སོགས། རྡོ་རྗེ་གྲོ་ལོད་སྐུ་ལ་ཕྱག་འཚལ་བསྟོད༔ བདེ་བ་ཐམས་ཅད་སྐུ་ལ་རྫོགས༔ ཡེ་ཤེས་མཁའ་འགྲོའི་སྐུ་ལ་ཕྱག་འཚལ་བསྟོད༔ ༈ བརྡའ་བསྟོད་ནི༔ ཧཱུྃ༔ གུ་རུའི་ཐུགས་རྗེས་འགྲོ་དོན་མཛད་ཙམ་ན༔ འདབ་ལྡན་རིགས་ལྔ་དབུ་ལ་གསོལ་བ་ནི༔ སྐུ་ལྔའི་དབང་རྫོགས་ཡེ་ཤེས་ལྔ་ལྡན་བརྡ༔ དེ་ལ་དབུས་མཐིང་ཕྱོགས་མཚོན་བརྒྱན་པ་ནི༔ ཕྲིན་ལས་རྣམ་བཞིའི་འགྲོ་དོན་མཛད་པའི་བརྡ༔ ཐོད་སྐམ་སུམ་བརྩེགས་ཐོད་པ་བརྩེགས་པ་ནི༔ ཆོས་ཀུན་མ་འདྲེས་ཕྱི་ནང་སྟོན་པའི་བརྡ༔ དེ་ལ་རིན་ཆེན་དྲྭ་བས་བརྒྱན་པ་ནི༔ ཁམས་གསུམ་མ་ལུས་དབང་དུ་སྡུས་པའི་བརྡ༔ དེ་ལ་གསེར་གྱི་རྡོ་རྗེ་བཙུགས་པ་ནི༔ རྡོ་རྗེ་ལྟ་བུའི་ཏིང་འཛིན་བརྙེས་པའི་བརྡ༔ དར་སྣ་ལྔ་ཡི་ཅོད་པན་འཕུར་བ་ནི༔ རིགས་པའི་གནས་ལྔས་འགྲོ་བ་འདུལ་བའི་བརྡ༔ གཡས་གཡོན་རྒོད་ཀྱི་ཐེའུ་ཆུང་སྤྲད་པ་ནི༔ ཐབས་དང་ཤེས་རབ་ཟུང་དུ་འབྲེལ་བའི་བརྡ༔ དེ་དབུས་རྨ་བྱའི་མདངས་ལྔ་གསལ་བ་ནི༔ སྣང་སེམས་དབྱིངས་རིག་འོད་དུ་འཁྱིལ་བའི་བརྡ༔ རིན་ཆེན་གསེར་གྱི་ཉི་ཟླ་གསལ་བ་ནི༔ འགྲོ་བ་མ་

[Full Size]

རིག་མུན་པ་སེལ་བའི་བརྡ༔ དབྱི་དཀར་པགས་པས་ཁ་འདྲིལ་བྱས་པ་ནི༔ བསྟན་གཉིས་ཟུང་གཅིག་གཏེར་གྱིས་སྐྱོང་བའི་བརྡ༔ མཛེས་པའི་རྣ་ལེབ་ཐུར་དུ་འཕྱང་བ་ནི༔ སྦྱོར་སྒྲོལ་ལྟ་བ་དབྱིངས་སུ་དག་པའི་བརྡ༔ རྗེ་ཉིད་སྐུ་ལུས་བཀོད་པ་བསྟན་ཙམ་ན༔ ཞལ་གྱི་དཀྱིལ་འཁོར་ཆོག་མི་ཤེས་པ་ནི༔ དེ་བཞིན་གཤེགས་པའི་སྐུ་དངོས་བསྟན་པའི་བརྡ༔ རྡོ་རྗེའི་སྐུ་ལུས་དྲང་པོར་བཞུགས་པ་ནི༔ ཏིང་འཛིན་རྩེ་གཅིག་གཡོ་བ་མེད་པའི་བརྡ༔ སྐུ་མདོག་དཀར་ལ་དམར་མདངས་སྟོན་པ་ནི༔ བདེ་བ་ཐམས་ཅད་སྐུ་ལ་རྫོགས་པའི་བརྡ༔ ཡེ་ཤེས་སྤྱན་གཉིས་ཐད་ཀར་གཟིགས་པ་ནི༔ ཆོས་དབྱིངས་ཡེ་ཤེས་མཆོག་ཏུ་སྤོར་བའི་བརྡ༔ འཛུམ་པའི་མདངས་ཆེན་ཞལ་ཚོམ་མཛེས་པ་ནི༔ གསང་སྔགས་མཛད་པ་མཐའ་རུ་ཕྱིན་པའི་བརྡ༔ ཚངས་དབྱངས་གསུང་གི་ཆོས་སྒྲ་སྒྲོག་པ་ནི༔ འགྲོ་དྲུག་སེམས་ཅན་བདེ་ལ་བཀོད་པའི་བརྡ༔ ཤངས་ནས་ཡེ་ཤེས་རླུང་ལྔ་འགྱུ་བ་ནི༔ སྤྲོས་མེད་ལྟ་བ་ཡོངས་སུ་དག་པའི་བརྡ༔ སྙན་ཆ་གསེར་གྱི་དྲིལ་བུས་བརྒྱན་པ་ནི༔ སངས་རྒྱས་རྣམས་དང་གསུང་གླེང་མཛད་པའི་བརྡ༔ དབུ་སྐྲ་ཁམ་ནག་ལྕང་ལོ་འཁྱིལ་བ་ནི༔ མ་ལུས་དགོངས་པའི་དོན་རྣམས་

[Full Size]

འགྲུབ་པའི་བརྡ༔ ཞབས་གཉིས་མཉམ་པའི་སྐྱིལ་ཀྲུང་བཞུགས་པ་ནི༔ ལམ་ལྔ་ས་བཅུ་སྐད་ཅིག་རྫོགས་པའི་བརྡ༔ ཕྱག་གཡོན་མཉམ་བཞག་བྷན་འཛིན་པ་ནི། འདོད་ཡོན་ལྔ་ལ་ལོངས་སྤྱོད་རོལ་པའི་བརྡ༔ གཡས་ཀྱི་ཕྱག་ན་རྡོ་རྗེ་བསྣམས་པ་ནི༔ བདེ་སྟོང་བྷྱོ་པ་རྒྱུན་ཆད་མེད་པའི་བརྡ༔ ཕྱག་འཁར་ཆུ་ཤིང་འཁར་བ་བསྣམས་པ་ནི༔ ཆོས་རྣམས་ཐེག་པ་གཅིག་ཏུ་རྫོགས་པའི་བརྡ༔ དེ་ལ་ཆུ་སྲིན་རྒྱ་མདུད་བཅིངས་པ་ནི༔ འདུ་བ་རྣམ་བཞིའི་བསྟན་པ་བསྲུང་བའི་བརྡ༔ དེ་ལ་རྡོ་རྗེ་རྩེ་ལྔ་བསྐྱོན་པ་ནི༔ སྐྱེ་བ་རྣམ་བཞིའི་སྦྱོར་བ་ལྔ་ལྡན་བརྡ༔ དེ་ལ་ཐོད་མཁར་དགུ་བརྩེགས་བསྐྱོན་པ་ནི༔ འཇིགས་རྟེན་དུར་ཁྲོད་གླིང་གྱུར་མཁྱེན་པའི་བརྡ༔ དར་སྣ་ལྔ་ཡིས་མགུལ་ཆིངས་བྱས་པ་ནི༔ སྟོང་གཟུགས་ཡེ་ཤེས་ལྔ་ལྡན་སྦྱོར་བའི་བརྡ༔ གསེར་དངུལ་ཟངས་ལྕགས་ཁྲོ་ཞལ་བསྟན་པ་ནི༔ གསང་སྔགས་སྒོ་མོ་བཞི་རྣམས་འབྱེད་པའི་བརྡ༔ དེ་ལ་ཁ་ཊཾ་རྩེ་གསུམ་གྱེས་པ་ནི༔ ཁམས་གསུམ་འཁོར་བ་རྩད་ནས་སྟོང་པའི་བརྡ༔ དེ་ལ་ལྕགས་ལུང་དགུ་ཡིས་བརྒྱན་པ་ནི༔ ཐེག་པའི་འཇུག་སྒོ་མང་པོ་བསྟན་པའི་བརྡ༔ རྩེ་ལ་ལྕགས་ལུང་བདུན་གྱིས་བརྒྱན་པ་ནི༔ རྣམ་ཤེས་

[Full Size]

ཚོགས་བརྒྱུད་སྦྱོར་མཚམས་དག་པའི་བརྡ༔ ཟ་འོག་བེར་བརྩེགས་སྐུ་ལ་གསོལ་བ་ནི༔ སྣང་སྲིད་འཇའ་འོད་ཟེར་གསུམ་འོང་བའི་བརྡ༔ དམར་སེར་མཐིང་ནག་བེར་ཕྱམ་སྤྲུག་པ་ནི༔ སྣ་ཚོགས་ཆོས་སྐུ་རང་ལ་ཤར་བའི་བརྡ༔ རྒྱ་མཚོར་པད་སྡོང་རྩེ་ལ་བཞུགས་པ་ནི༔ འཁོར་བའི་སྐྱོན་གྱིས་མ་གོས་བསྟན་པའི་བརྡ༔ ཕྱོགས་བཞི་མཚམས་བརྒྱད་འཇའ་འོད་འཁྲིགས་པ་ནི༔ ཕུང་པོ་ལྷག་མེད་ཡེ་སངས་རྒྱས་པའི་བརྡ་འཁོར་དུ་བཀའ་བརྒྱུད་བླ་མས་བསྐོར་བ་ནི༔ སྐལ་ལྡན་བུ་ལ་བྱིན་རླབས་འབེབས་པའི་བརྡ༔ ༈ རྟགས་བསྟོད་ནི༔ ཨེ་མ་ཧོ༔ ལེགས་པའི་དཔེ་བྱད་མཚན་བཟང་སུམ་ཅུ་གཉིས༔ དུས་གསུམ་སངས་རྒྱས་པད་འབྱུང་སྐུ་ལ་རྫོགས༔ རི་རབ་ལྟ་བུར་སྐུ་ནི་ལྷུན་མདངས་ལྡན༔ རི་རབ་བུམ་པ་ལྟ་བུར་དབུ་ནི་ཟླུམ༔ བུང་བ་ཨུཏྤལ་ལྟ་བུར་དབུ་སྐྲ་མཛེས༔ ཟླ་བ་རྒྱས་པ་ལྟ་བུའི་དཔྲལ་བའི་དབྱིབས༔ སྐར་ཆེན་ཤར་འདྲ་སྤྱན་གཉིས་ནག་ཅིང་རིང་༔ འདི་ཡི་སྨིན་མ་ཁྱུང་ཆེན་ལྡིང་བ་འདྲ༔ ཁྲ་གཤོག་བརྐྱང་པ་ལྟ་བུར་རྫི་མ་ལེགས༔ སྙན་ནི་གྲོ་ག་གཅུས་པ་ལྟ་བུར་འདྲ༔ ཤངས་ནི་ལེགས་ཤིང་ལྟ་ན་སྡུག་པའི་ཤངས༔ ཡ་མཆུ་མ་མཆུ་པདྨའི་ཟེའུ་འབྲུ་འདྲ༔ ལྗགས་ནི་རིང་

[Full Size]

ཞིང་པདྨའི་མདོག་ལྟར་དམར༔ དཀར་ཚེམས་ཐགས་བཟང་དུང་མདོག་གངས་རི་འདྲ༔ ཚེམས་ཕྲེང་ལྔ་བཅུ་རྩ་བརྒྱད་ཞལ་ལ་མཛེས༔ ཞི་བའི་ཞལ་མཐོ་ཨོག་མ་ལྷང་ངེ་བ༔ ཀ་ལ་པིང་ཀ་ལྟ་བུར་ཚངས་པའི་དབྱངས༔ ཞལ་ཚེམས་དོམ་ནག་དཀྱུས་པ་ལྟ་བུ་རིང་༔ སྐུ་མདོག་དུང་ལ་ཕོ་ཚོས་བྱུག་པ་འདྲ༔ མགུལ་ནི་བུམ་པའི་མགྲིན་པ་ལྟ་བུར་ལེགས༔ འདི་ཡི་སྐུ་སྟོད་སེང་གེ་འགྱིངས་བ་འདྲ༔ དཔུང་པའི་མགོ་ཟླུམ་ཕྲག་པ་རྒྱས་པ་དང་༔ ཕྱག་ཞབས་སོར་རིང་དྲ་བས་འབྲེལ་བ་དང་༔ སེན་མོའི་མདོག་ནི་ཟངས་མདོག་ཤེལ་འོད་གསལ༔ པདྨའི་སྦུ་གུ་ལྟ་བུར་ལྟེ་བར་མཛེས༔ སྦ་བ་སྦུབས་སུ་རྟ་གླང་ལྟ་བུར་ནུབ་བྱིན་པ་ཨེ་ན་ཡ་འདྲ་ཞབས་པད་འབུར༔ མཁའ་ལ་འཇའ་ཚོན་ལྟ་བུར་འཕུར་རྩལ་འགྲོ༔ གཞོན་ནུ་བཙས་འདྲ་སྐུ་ལུས་ཡན་ལག་རྒྱས༔ འཛུམ་ཤིང་མཛེས་པ་དྲི་མེད་ཟླ་བའི་ཞལ༔ གཟུགས་མཛེས་མི་ངོམས་སྐྱེ་བོས་ལྟ་ན་སྡུག༔ འོད་ཟེར་དུ་མ་འབར་བའི་འོད་ཁྱིམ་འདྲ༔ རོ་མཆོག་འཇམ་ཤིང་དམ་པ་མཆོག་རབ་འཕགས༔ མི་ཤིགས་རྡོ་རྗེ་ལྟ་བུར་ཟག་པ་མེད༔ འདྲ་བ་འདི་དག་པད་འབྱུང་མཚན་བཟང་པོ༔ སུམ་ཅུ་རྩ་གཉིས་རྒྱལ་བའི་སྐུ་

[Full Size]

ལ་བསྟོད༔ ཧཱུྃ་ཧཱུྃ་གླུ་རུ་དྷེ་ཝ་ཌཱཀི་ནཱི་ན་ན་ཁ་དྷེ་སིདྡྷི་ཕ་ལ་ཨཱ་ཡུ་སིདྡྷི་ཧཱུྃ༔ ས་མ་ཡ་སྡུས་སྡུས༔ ཞེས་བཟླ༔ ད་ནི་དབང་བླངས་བ་ནི༔ ཀྱེ༔ རྗེ་བཙུན་ཨོ་རྒྱན་རིན་པོ་ཆེ༔ འགྲོ་བའི་མགོན་པོ་ཐོད་ཕྲེང་རྩལ༔ ལྷག་པའི་ལྷ་ཁྱོད་དགོངས་སུ་གསོལ༔ ལས་ཀྱི་འབྲེལ་བས་ཕ་ཁྱེད་ལ༔ བདག་ནི་སྙིང་ནས་མོས་ལགས་ཀྱི༔ དུས་འདིར་ལས་དང་སྐལ་བ་ལྡན༔ ནམ་མཁའི་མཐའ་དང་མཉམ་པ་ཡི༔ སྐུ་གསུང་ཐུགས་ཀྱི་ཀློང་ཆེན་ནས༔ མཆོག་དང་ཐུན་མོང་དངོས་གྲུབ་སྩོལ༔ ཐམས་ཅད་བདག་ལ་དངོས་གྲུབ་སྩོལ༔ འཆི་མེད་ཚེ་དང་འགགས་མེད་གསུང་༔ འཁྲུལ་མེད་ཐུགས་ཀྱི་དངོས་གྲུབ་སྩོལ༔ ཡོན་ཏན་ཕྲིན་ལས་མ་ལུས་དང་༔ ཅི་བསམ་དངོས་གྲུབ་མ་ལུས་སྩོལ༔ བརྒྱུད་འཛིན་སྲིད་དང་འཛད་མེད་ནོར༔ དཔལ་འབྱོར་རྒྱས་པའི་དངོས་གྲུབ་སྩོལ༔ རྒྱལ་བསེན་དམ་སྲི་ཀླུ་ལ་སོགས༔ འབྱུང་པོ་འབྱུང་མོ་བར་ཆད་བགེགས༔ བར་ཆད་ཐུལ་ལ་དངོས་གྲུབ་སྩོལ༔ ཀཱ་ཡ་སིདྡྷི་ཨོ༔ ཝཀཱ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧཱུྃ༔ ཞེས་གནས་བཞིར་གཏུགས༔ ཨོ་རྒྱན་རིན་པོ་ཆེ་དང་རིག་འཛིན་རྒྱལ་བ་རྣམས་ཀྱི་རྣམ་པ༔ ཨོ་དཀར༔ ཨཱདམར༔ ཧཱུྃ་མཐིང་༔

[Full Size]

ཧྲཱིཿ ལྗང་ལས་འོད་ཟེར་དཔག་ཏུ་མེད་པ་རང་གི་ལུས་ངག་ཡིད་གསུམ་ཐམས་ཅད་ལ་ཐིམ་པས༔ མཆོག་དང་ཐུན་མོང་གང་ལ་གང་འདོད་ཀྱི་དངོས་གྲུབ་ཐོབ་པར་ངེས་ཤེས་བསྐྱེད་དོ༔ ཞི་བའི་ལས་སྒྲུབ་དུས་བདག་ཉིད་ཀྱང་སྐུ་མདོག་དཀར་པོ་འོད་ཟེར་དཀར་པོ་ལས་ཧཱུཾ་དཀར་འཕྲོས་པས་ནད་གདོན་སྡིག་སྒྲིབ་རྣམས་རྡོ་ཚན་དག་ལ་ཁ་བ་བབ་པ་ལྟར༔ རྒྱས་པའི་ལས་མཛད་ཚེ་བདག་ཉིད་ཀྱང་སྐུ་མདོག་སེར་པོ་འོད་ཟེར་སེར་པོ་ལས་ཧཱུྃ་སེར་རིན་པོ་ཆེས་སྣོད་བཅུད་བཀང་བའི་ཟས་ནོར་ལོངས་སྤྱོད་འབྱོར་དྲུག་ཆར་ལྟར་བབ༔ དབང་གི་ལས་མཛད་ཚེ་ན་བདག་ཉིད་ཀྱང་སྐུ་མདོག་དམར་པོ་འོད་ཟེར་ཀྱང་ལྕགས་ཀྱུ་དམར་པོ་ཧཱུྃ་དམར་དག་གིས་གང་དམིགས་དབང་དུ་བསྡུས༔ ཤིང་བལ་རླུང་གིས་ཁྱེར་བ་ལྟར་གྱུར་ཏེ༔ དྲག་པོའི་ལས་སྒྲུབ་རང་ཉིད་དྲག་པོ་ནག༔ འོད་ཟེར་ལྗང་གུ་ཕུར་པ་ཚྭ་ཚྭ་འཕྲོ༔ སྣོད་བཅུད་གདོན་བགེགས་མ་ལུས་རྡུལ་དུ་བརླག༔ འདྲེ་གདོན་ཐམས་ཅད་རྩད་ནས་གཅོད་པར་གྱུར༔ སྒྲུབ་པ་ཞག་བདུན་ཡིན་ན་དམིགས་པ་དེ་ཞག་གཅིག༔ རྒྱུན་ཁྱེར་ཡིན་ན་དམིགས་པ་དེ་ཕྲེང་སྐོར་རེ་བྱའོ༔ ༈ དྲག་པོའི་ཧཱུཾ་སྒྲུབ་ཀྱི་དམིགས་པའི་གསལ་བྱེད་བཞུགས་སོ༔ གུ་རུ་

[Full Size]

དྲག་པོའི་ཧཱུཾ་སྒྲུབ་ནི༔ རང་ཉིད་གྲོ་ལོད་ཀྱི་ཐུགས་ཀར་ཧཱུྃ་མཐིང་ནག༔ དེ་ལས་ཡེ་ཤེས་ཀྱི་མེ་འབར་བས་ལུས་གང་༔ ནད་གདོན་སྡིག་སྒྲིབ་ཐམས་ཅད་བསྲེགས་བ་སྤུའི་བུ་ག་ཐམས་ཅད་ནས་ཕྱིར་འཕྲོས༔ ཁམས་གསུམ་སེམས་ཅན་ཐམས་ཅད་ཀྱི་སྡིག་སྒྲིབ་བསྲེགས༔ ཁམས་གསུམ་སེམས་ཅན་དབང་དུ་བསྡུས་ཤིང་ཟིལ་གྱིས་མནན་ནས་རང་ལས་ཆེ་བཙན་གཅིག་ཀྱང་མེད་ནས་རང་ལ་གནོད་བྱེད་དྲེགས་པ་སྡེ་བརྒྱད་ལ་ཕོག་ནས་ཁོང་རྣམས་སྐྲག་ཅིང་བསྔངས་ནས་ཐལ་མོ་སྦྱར་ནས་རང་གི་བཀའ་ཉན་གསུང་སྡོད་བཅོལ་བའི་ཕྲིན་ལས་སྒྲུབས༔ རང་གི་འཁོར་དུ་མཁའ་འགྲོ་མ་དཀར་སེར་མཐིང་དམར་ལྗང་གུ་བྱེ་བ་འབུམ་ཕྲག་དུ་མས་བསྐོར་ཞིང་༔ ཀུན་ཀྱང་བྲོ་འཁྲབ་ཧཱུྃ་འབྲུག་སྟོང་ལྟར་སྒྲོགས་པས་འཇིག་རྟེན་ཐམས་ཅད་འུར་འུར་ཤིག་ཤིག་སྡིག་སྡིག་ཅིང་འགུལ་ནས་སངས་རྒྱས་བྱང་སེམས་ཐམས་ཅད་ཀྱི་བྱིན་རླབས་མདོ་རྒྱུད་ཀྱི་དོན༔ གྲུབ་ཐོབ་པཎྜི་ཏ་རྣམས་ཀྱི་ཉམས་རྟོགས༔ ལྷ་འདྲེ་མི་གསུམ་རྣམས་ཀྱི་ཚེ་བསོད་ནམས་ཀྱི་བཅུད་ཐམས་ཅད་ཐུགས་ཀའི་འོད་ཟེར་གྱིས་བསྡུས་ནས་བདག་ལ་ཐིམ༔ དེ་ལྟར་ཞག་བདུན་བཟླ༔ དེ་ནས་ཚོགས་བྱ༔ དེ་ནས་ཟིན་བྲིས་གོང་ལྟར་བསྟོད་པ་བྱ༔ དེ་ནས་

[Full Size]

ཧཱུྃ་ཧཱུྃ་ནས་བསྡུས་བསྡུས་བར་སྔགས་རིང་ཞག་གཅིག་གིས་བཟླ༔ དེ་ནས་ཕྱིར་ནངས་སྔ་དྲོ་ཚོགས་དང་བསྟོད་པ་གཅིག་བྱས་ཚར་རྗེས༔ བདག་ཉིད་གྲོ་ལོད་སྐུ་མདོག་དཀར་པོ་བྷེ༔ སྐུ་ལས་འོད་ཟེར་དཀར་པོ་འཕྲོ་བའི་རྩེ་ནས་ཧཱུྃ་དཀར་པོ་དཔག་ཏུ་མེད་པ་འཕྲོས༔ བདག་དང་བསྲུང་བྱའི་ནད་གདོན་སྡིག་སྒྲིབ་ཐམས་ཅད་རྡོ་ཚན་ལ་ཁ་བ་བབ་པ་ལྟར་སངས་སངས་བྱང་བར་བྷེ་ལ་ཧཱུྃ་བཟླ༔ ཉིན་གུང་ཚོགས་དང་བསྟོད་པ་ཚར་གཅིག་བྱ༔ རང་ཉིད་ཁྲོ་ལོད་སྐུ་མདོག་སེར་པོ་འོད་ཟེར་སེར་པོ་འཕྲོས་པའི་རྩེ་ནས་ཧཱུཾ་སེར་པོ་དཔག་ཏུ་མེད་པ་འཕྲོས་ནས་ཧཱུཾ་དེ་དག་རིན་པོ་ཆེའི་སྣོད་ཚེ་ཡིས་བཀང་བ་དང་༔ ཟས་ནོར་ལོངས་སྤྱོད་ཅི་འདོད་པའི་དངོས་གྲུབ་ཀྱི་ཆར་ཆེན་པོ་བབ་པར་བྷྱོ་ཞིང་ཧཱུྃ་བཟླའོ༔ དགོང་མོ་ཚོགས་དང་བསྟོད་པ་བྱ༔ དེ་ནས་རང་ཉིད་ཁྲོ་ལོད་འཁོར་བཅས་སྐུ་མདོག་དམར་པོ་འོད་ཟེར་དམར་པོ་ལྕགས་ཀྱུའི་དབྱིབས་ལྟ་བུའི་རྩེ་ལ་ཧཱུྃ་དམར་པོས་མཚན་པ་འཕྲོས༔ རང་གི་ཡིད་ལ་ཅི་འདོད་དངོས་གྲུབ་ཐམས་ཅད་ཤིང་བལ་རླུང་གིས་ཁྱེར་བ་ལྟ་བུར་བསྡུས་ནས་རང་ལ་བསྟིམས་ཤིང་ཧཱུྃ་བཟླ༔ མཚན་མོ་ཚོགས་དང་བསྟོད་པ་བྱ༔ རང་ཉིད་ཁྲོ་ལོད་སྐུ་མདོག་ནག་པོ་བྷེ༔ འོད་ཟེར་

[Full Size]

ལྗང་ནག་གི་རྩེ་ལ་ལྕགས་སྡིག་ཕུར་པ་ཚྭ་ཚྭ་འཕྲོ་བ་དཔག་ཏུ་མེད་པ་འཕྲོས་གནོད་བྱེད་གདོན་བགེགས་ཐམས་ཅད་ལ་ཐོག་ཕོག་པ་ལྟར་གྱུར་པར་བྷྱོ་ཞིང་ཧཱུྃ་དྲག་པོར་བཟླའོ༔ གོང་གི་སྔགས་རིང་མཇུག་ཏུ་དངོས་གྲུབ་ལེན་ཆོག་བྱ་བའམ༔ འདིར་བྱས་ཀྱང་རུང་༔ དེ་ནས་འཁོར་དང་སྤྲུལ་པའི་ཚོགས་རང་ལ་བསྟིམ༔ རང་མཐའ་ནས་དབུས་སུ་ཡལ༔ སྟོང་པ་ཉིད་དུ་བྱ༔ ཉམས་ལེན་བསྐྱངས་ཏེ་བཀྲ་ཤིས་བརྗོད་ནས་མཚམས་བཀྲོལ༔ རྒྱུན་ཁྱེར་བྱེད་ན་རྩ་བའི་སྒྲུབ་པ་ཟླ་གཅིག་ཙམ་གཞན་རྣམས་ཞག་ལྔ་རེ་བདུན་རེ་གང་འདོད་ཆོག༔ རྩ་བའི་སྒྲུབ་པ་ཚར་ནས་དགོས་དུས་ཕྲིན་ལས་བཞི་པོ་གང་འདོད་བྷེ་བཟླས་སོ༔ ཨ་རཱ་གས་སོ༔ སརྦ་མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གུ་རུ་དྲག་པོའི་ཚེ་དཔག་མེད་སྒྲུབ་པའི་འདོན་འགྲིགས།

[Full Size]

གུ་རུ་དྲག་པོའི་ཚེ་དཔག་མེད་སྒྲུབ་པའི་འདོན་འགྲིགས་བཞུགས་སོ༔

[Full Size]

དེ་ནས་སྟ་གོན་གཞུང་ལྟར་བྱས་ལ༔ བགེགས་གཏོར་ནི་ནམ་འདོན་བཏང་བར་བྱ༔ དེ་ནས་ལས་བྱང་ནི༔ ལྷ་བསྐྱེད་ཀྱི་མཇུག་ཏུ༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ ཞེས་པ་ཡན་ཆད་བདག་བསྐྱེད་ཡིན་པ་ལ༔ མདུན་བསྐྱེད་ནི༔ ༈ དམིགས་མེད་ངང་ལས་གཏོར་མ་ཚེ་དཔག་མེད༔ མཉམ་བཞག་ཚེ་བུམ་རིན་ཆེན་རྒྱན་གྱིས་སྤྲས་བུམ་པའི་ནང་དུ་ཧཱུྃཨཱཧཱུྃ་ཧཱུྃ་བཞི་བསྒོམ༔ གཞན་ཡང་ལྷ་དང་རིག་འཛིན་ཚོགས༔ ཞེས་པ་ཡན་ཆད་ལས་བྱང་གཞུང་ལྟར་རོ༔ དེ་ནས་བསྙེན་པའི་སྐབས་སུ༔ མདུན་བསྐྱེད་བུམ་པའི་ནང་དུ་ཧཱུྃཨཱཧཱུྃ་ཧཱུྃ་བཞི༔ བཀྲག་མདངས་དང་

[Full Size]

འབྲུ་བཞི་འོད་དང་གཟི་བརྗིད་རྒྱས་པར་གྱུར༔ ཨོཾ་གུ་རུ་ཨཱ་ཡུ་ཛྙཱ་ན་བཛྲ་ཨཱ་ཡུ་ཥ་ཧཱུཾ་ཧཱུཾ་ཚྭ་ཛ་སིདྡྷི་ཕ་ལ་ཧཱུྃ་ཨ༔ ཐུན་མཚམས་སུ༔ ཧཱུྃ༔ ཨོ་རྒྱན་པདྨ་རིག་འཛིན་ཚེ་དཔག་མེད༔ རྒྱལ་བའི་ཐུགས་ཀྱི་གསང་མཛོད་དམ་པ་ནས༔ འགྱུར་མེད་རྡོ་རྗེའི་ཚེ་མཆོག་དམ་པ་སྩོལ༔ སྐལ་ལྡན་བདག་ལ་འཆི་མེད་ཚེ་ཡི་གཏེར༔ སྐུ་གསུང་རྡོ་རྗེའི་དབྱིངས་སུ་བསྐུལ་ནས་ཀྱང་༔ འཆི་མེད་རྡོ་རྗེའི་དངོས་གྲུབ་བསྩལ་དུ་གསོལ༔ ཞེས་གསོལ་བ་བཏབ་པས༔ འཆི་མེད་རྡོ་རྗེའི་བདུད་རྩིའི་ལུས་གང་སྤྱི་བོར་ལུད༔ དྭངས་མ་ཀུན་འདུས་ཡིག་འབྲུ་བཞི་ལ་ཐིམ༔ ཡིག་འབྲུ་བཞི་ཡང་ཉི་

[Full Size]

ཟླའི་གའུ་གྱུར༔ དེ་ཡང་སྙིང་གི་དཀྱིལ་ཞུགས་སྙིང་གི་ཕྱི༔ མི་འགྱུར་རྡོ་རྗེས་རྒྱས་གདབ་རྒྱ་ཡིས་བསྡམས༔ ལོ་བརྒྱའི་བར་དུ་གཡོ་འཇིག་མེད་པར་གྱུར་དེ་ལྟར་ཐུན་བཞིར་ཉམས་སུ་བླངས་པའོ༔ ཞག་བདུན་ནམ་ཉེར་གཅིག༔ ཡང་ན་རྟགས་ཐོན་ནས་ཚེ་གཏོར་གྱི་དབང་བླངས་བ་སོགས་གཞུང་ལྟར་རོ༔ ༈ གུ་རུ་དྲག་པོ་ཚེ་དཔག་མེད་སྒྲུབ་པའི་དམིགས་གསལ་གཞུང་གི་ཚིག་དོན་གསལ་བར་བཀོད་པ༔ རང་ཉིད་གུ་རུ་དྲག་པོར་གསལ་བ་ཡི༔ ཐུགས་ཀར་མཆོད་རྟེན་བུམ་པར་གསང་བའི་བདག༔ དེ་ཡི་ཐུགས་ཀར་ཡེ་ཤེས་སེམས་དཔའ་ཡི༔ ཐུགས་ཀར་གསེར་གྱི་རྡོ་རྗེ་འགྲེང་བ་ཡི་ལྟེ་བའི་ནང་དུ་ཉི་ཟླའི་གའུ་ནང་༔ ཧཱུྃ་མཐིང་ཁོག་པར་ཧྲཱིཿ དམར་དེ་ཡི་ནང་༔ ནི་ལྗང་མིག་ཏུ་ཨཱཝཡིག་དཀར་པོས་མཚན༔ མདུན་བསྐྱེད་ཚེ་གཏོར་ཚེ་དཔག་མེད་གསལ་བའི༔ ཐུགས་ཀར་ཟླ་སྟེང་ཧྲིལ་སྔགས་གཡས་འཁོར༔ དེ་ཡི་ཕྱག་གི་བུམ་པའི་ནང་དུ་ནི༔ ཧཱུྃ་ཧཱུྃཨཱཧཱུྃ་བཞི་པོ་གོང་ལྟར་གསལ༔ བདག་གི་ཐུགས་ལས་འོད་འཕྲོས་མདུན་བསྐྱེད་ཐུགས་ལ་ཕོག༔ མདུན་བསྐྱེད་སྔགས་འཁོར་དྲག་འཁོར་དེ་ཡི་འོད༔ བུམ་པར་ཕོག་པས་ཡིག་འབྲུ་བཞི་པོ་ལས༔ འོད་ཟེར་ཁ་དོག་སྣ་ཚོགས་

[Full Size]

ཕྱོགས་བཅུར་འཕྲོས༔ སྣང་སྲིད་འཁོར་འདས་ཚེ་དཔལ་བཀྲག་བཅུད་བསྡུས༔ བདག་དང་བུམ་པ་ལ་ཐིམ་བདུད་རྩིས་གང་༔ ཡིག་འབྲུ་བཞི་པོ་བཀྲག་མདངས་འོད་དུ་འབར༔ དེ་ལས་འོད་འཕྲོས་འཇིག་རྟེན་འོད་ཀྱིས་ཁྱབ༔ ལྷ་ཡི་ཚེ་ཀུན་ཨཱཿཡིག་དཀར་པོ་དང་༔ མི་ཡི་ཚེ་ཀུན་ནཾ་ཡིག་ལྗང་གུ་དང་༔ ཀླུ་དང་ལྷ་འདྲེའི་ཚེ་ནི་ཧཱུཾ་མཐིང་གྱུར༔ སངས་རྒྱས་བྱང་སེམས་ཚེ་ཀུན་ཧྲིདམར་གྱུར༔ ཡིག་འབྲུ་བཞི་པོས་འཇིག་རྟེན་ཐམས་ཅད་གང་༔ སླར་ཡང་རང་གི་ཡིག་འབྲུ་བཞི་ལས་འོད་འཕྲོས་པས༔ ཐམས་ཅད་ཚུར་འདུས་བདག་དང་བུམ་པར་ཐིམ༔ བདག་དང་བུམ་པ་ཚེ་བཅུད་བདུད་རྩིས་གང་༔ ཡིག་འབྲུ་ཐམས་ཅད་སྙིང་དབུས་འབྲུ་བཞིར་ཐིམ༔ འབྲུ་བཞི་སྔགས་ལས་གཟི་མདངས་རབ་ཏུ་འབར༔ མདུན་བསྐྱེད་ཕྱག་གི་བུམ་པ་བདུད་རྩིས་གང་༔ དེ་ལྟར་བསྒོམ་ཞིང་བསྙེན་པ་རྩེ་གཅིག་འབད༔ ཐུན་མཐར་མཆོད་ཅིང་གསོལ་འདེབས་བྱས་པ་ཡིས༔ མདུན་བསྐྱེད་ཕྱག་གི་བུམ་པས་དབང་བསྐུར་བས༔ བུམ་པའི་བདུད་རྩི་ཚངས་བུག་ནས་ཞུགས་ཏེ༔ ལུས་གང་དྭངས་མའི་བཅུད་རྣམས་སྙིང་དབུས་ཀྱི༔ ཡིག་འབྲུ་བཞི་ལ་སིབ་སིབ་ཐིམ་པས་གཟི་བརྗིད་འབར༔ ཉི་ཟླའི་

[Full Size]

གའུ་ཁ་ཡང་དམ་དུ་འགྲིགས༔ གའུ་འོག་གི་རྡོ་རྗེ་རྒྱ་གྲམ་གྱི༔ རྭ་བཞི་ཡར་ལངས་བསྣོལ་མར་རྒྱས་གདབ་བསྒོམ༔ ཐུན་བཞི་དྲག་པོའི་ལས་བྱང་ཚར་བཞི་དང་༔ གསོལ་འདེབས་ལ་སོགས་གཞུང་བཞིན་བྱ་བ་སྟེ༔ གྲོལ་ཁ་གཏོར་མ་སྤྱི་བོར་བཞག་པ་ཙམ༔ དེ་མིན་ཐུན་མཚམས་གྲོལ་ཁ་ཁྱད་པར་མེད༔ མཐར་ནི་མདུན་བསྐྱེད་རང་ལ་བསྟིམ༔ གྲོལ་ཁ་དྲག་པོའི་ཚོགས་ཆད་མདོ༔ བསྡུ་ཆོག་བཀྲ་ཤིས་ཐུགས་སྒྲུབ་ལྟར༔ རཱ་ག་ཨ་སྱས་གསལ་བརྗོད་དེས༔ ཚེ་འདིར་རིག་འཛིན་ཐོབ་པར་ཤོག༔ མངྒ་ལཾ༔ ༈ གུ་རུ་དྲག་པོ་དང་རིགས་བདག་སྣང་བ་མཐའ་ཡས་སྦག་སྒྲུབ་བདེ་བ་ཅན་དུ་སྐྱེ་ཐབས་ཟིན་བྲིས་བཞུགས་སོ༔ ན་མོ་གུ་རུ་པདྨ་ཀྲོ་དྷ་ཡེ༔ ཨོ་རྒྱན་ཆེན་པོའི་ལུང་བྱང་ལས༔ རཏྣའི་ཆོས་སྐོར་ཁམས་དང་གཙང་ཕྱོགས་སུ༔ མ་འོངས་བསྟན་པ་དར་རྒྱས་ལུང་བསྟན་ལྟར༔ དེང་སང་མདོ་ཁམས་ཤར་གྱི་ཕྱོགས་འདི་ན༔ སྔགས་ལ་མོས་པའི་སྐྱ་སེར་ཕལ་ཆེར་གྱིས༔ རཏྣའི་གུར་དྲག་ཡི་དམ་བྱེད་པ་མང་༔ གུར་དྲག་ལས་ལྷག་ཡི་དམ་གཞན་མེད་ཀྱང་༔ མཐར་ཐུག་རྫོགས་པའི་སངས་རྒྱས་ཐོབ་པ་དང་༔ བདེ་བར་དག་པའི་ཞིང་ཁམས་ཐོབ་པ་ཡི༔ དང་པོ་སེམས་

[Full Size]

བསྐྱེད་འདུན་པ་མེད་པ་ཡི༔ སྲུང་ཟློག་ངག་ནུས་ལྷ་འདྲེ་འདུལ་བའི་ཕྱིར༔ བཏོན་པས་ཙན་དན་སོལ་བ་བྱས་པ་ལྟར༔ ཕྱི་མའི་ས་ལམ་ཕན་པ་ཆུང་བར་སོམ༔ རྫོགས་པའི་བྱང་ཆུབ་ཐོབ་ཕྱིར་ལ་དམིགས་ན༔ ལྷ་འདྲེ་འདུལ་དང་རིག་ནུས་ཞོར་ལ་འབྱུང་༔ དེ་ཕྱིར་ཐོག་མར་སེམས་བསྐྱེད་གཟབ་པ་གཅེས༔ བྱང་ཆུབ་དམིགས་ཀྱང་བྱང་ཆུབ་ཧ་ཐག་རིང་༔ ཤཱཀ་ཐུབ་ཀྱིས་ཀྱང་གྲངས་མེད་གསུམ་འགོར་སྐད༔ རང་རེ་དེ་བས་བརྩོན་འགྲུས་མི་ཆེ་འམ༔ ངན་སོང་སྡུག་བསྔལ་འདི་ཡང་ཡ་རེ་ང་༔ མཐོ་རིས་སྐྱེ་བ་ཁོ་ན་བརྒྱུད་དགོས་ན༔ སྐྱེ་འཆི་གྲངས་མེད་མྱོང་དགོས་དཀའ་བ་ལགས༔ འགའ་ཞིག་ཨོ་རྒྱན་ལ་མོས་རྒྱུ་མཚན་གྱིས༔ ཟངས་མདོག་དཔལ་རིར་སྨོན་ལམ་འདེབས་མོད་ཀྱང་༔ འཇའ་ལུས་རིག་འཛིན་གྲལ་ན་ཚུད་པར་དཀའ༔ དེང་སང་ཁྲོ་བོའི་བསྐྱེད་རིམ་ང་རྒྱལ་དང་༔ ལྷ་འདྲེ་ཐུབ་པ་བྱས་དང་ངན་སོང་སོགས༔ ལས་ཀྱི་རྒྱུ་མཐུན་སྲིན་པོའི་ལུས་སུ་གྱུར༔ ཨོ་རྒྱན་ཞལ་མཐོང་དམ་ཆོས་ཐོབ་མོད་ཀྱང་༔ སྐྱེ་རྒ་ན་འཆི་སྡུག་བསྔལ་འདི་དང་འདྲ༔ དེ་ནས་ནུབ་ཕྱོགས་བདེ་ཆེན་ཞིང་ཁམས་སུ༔ སྨོན་ལམ་བཏབ་ན་རྟག་པའི་བདེ་བའོ༔ སྨོན་ལམ་ཁ་

[Full Size]

བསྒྱུར་སྔགས་ལ་དམིགས་པའི་གནད༔ བསྒྱུར་ཁ་ཤེས་ན་གུ་རུ་དྲག་པོ་ལས༔ བདེ་བ་ཅན་དུ་སྐྱེ་ཐབས་ཟབ་པ་མེད། ཅི་ཕྱིར་ཞེ་ན་གུ་རུ་དྲག་པོ་འདི༔ འོད་དཔག་མེད་ཀྱི་སྤྲུལ་པའི་ཁྲོ་བོ་ལུགས༔ ཚེ་དཔག་མེད་དང་འོད་དཔག་མེད་པ་དང་༔ སྣང་བ་མཐའ་ཡས་དོན་གཅིག་མཚན་གྱི་གྲངས༔ གུ་དྲག་ཁྲག་འཐུང་རོལ་པའི་རྩ་རྒྱུད་ལས༔ ཆེ་མཆོག་པདྨ་ཐོད་ཕྲེང་རྩལ༔ རིགས་བདག་སྣང་བ་མཐའ་ཡས་ཁྲོས་པའི་ཧེ་རུ་ཀཿ ཞེས་དང་༔ གུར་དྲག་བདེ་གཤེགས་འདུས་པའི་གཞུང་ཆེན་ལས༔ ཆོས་སྐུ་ཀུན་བཟང་ཐུགས་ལས་མ་གཡོས་ཀྱང་༔ ལོངས་སྤྱོད་རྫོགས་སྐུ་འོད་དཔག་མེད་དུ་ཤར༔ སྤྲུལ་སྐུ་ཨོ་རྒྱན་འགྲོ་བའི་དཔལ་དུ་བྱོན༔ སྐུ་གསུམ་ཡེ་ཤེས་ངང་ལ་ཕྱག་འཚལ་ལོ༔ ཧཱུྃ༔ ཁམས་གསུམ་གནས་ནས་སྟོབས་ལྡན་རྫུ་འཕྲུལ་ཅན༔ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔ སྣང་བ་མཐའ་ཡས་སྐུ་གསུང་ཐུགས་ལས་སྤྲུལ༔ ངོ་མཚར་རྨད་བྱུང་པདྨ་ཧེ་རུ་ཀ༔ མཐུ་ཆེན་པདྨ་དབང་ཕྱུག་གཟི་མདངས་ལྡན༔ དྲག་པོ་པདྨའི་སྐུ་ལ་ཕྱག་འཚལ་ལོ༔ གསུངས་པའི་དོན་ལ་གོ་བ་ངེས་ཤེས་སྐྱེ༔ ༈ དེ་ནས་རྒྱས་པར་གུ་དྲག་ལས་བྱང་འདོན༔ མ་ལྕོགས་དྲག་པོ་གཙོ་རྐྱང་དྲན་རྫོགས༔

[Full Size]

བྷྲཻཾ༔ དབུ་གཙུག་བྱ་ཁྱུང་རྭ་བར་ནོར་བུའི་བར༔ ཕལ་ཆེར་ཚེ་དཔག་མེད་པ་བསྒོམ་བཤད་ཀྱང་༔ གསང་སྒྲུབ་གཞུང་ནས་སྣང་མཐའ་མཉམ་བཞག་མཛད༔ སྤྲུལ་སྐུའི་ཆ་ལུགས་བསྒོམ་པར་གསུངས་པའི་ཕྱིར༔ ༈ བྱ་ཁྱུང་རྭ་བར་ནོར་བུའི་རྩེ་མོ་ནས༔ སྐྱེས་པའི་མེ་ཏོག་པདྨ་དམར་པོ་ནི༔ འདབ་མ་སྟོང་ལྡན་ཆེ་ཞིང་ཡངས་པར་བསྒོམ༔ དེ་སྟེང་ཟེའུ་འབྲུ་སངས་རྒྱས་འོད་དཔག་མེད༔ པདྨ་རཱ་གའི་མདོག་ཅན་འོད་ཟེར་འཕྲོ༔ དབུ་ལ་གཙུག་ཏོར་ཞབས་ལ་འཁོར་ལོ་སོགས༔ མཚན་དང་དཔེ་བྱད་ཐམས་ཅད་ཡོངས་སུ་རྫོགས༔ ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་བཞུགས༔ སྐུ་ལ་ཆོས་གོས་ངུར་སྨིག་རྣམ་གསུམ་གསོལ༔ ཕྱག་གཉིས་མཉམ་བཞག་མཛད་པའི་སྟེང་དུ་ནི༔ བཻཌཱུརྱ་ཡི་ལྷུང་བཟེད་བདུད་རྩིས་བཀང་༔ ཐུགས་རྗེས་སྤྱན་གྱིས་བདག་ལ་གཟིགས་པར་བྷེ༔ འདབ་མ་སྟོང་གི་སྟེང་དུ་སངས་རྒྱས་སྟོང་༔ ཆ་ལུགས་ཤཱཀྱ་ཐུབ་པ་འདྲ་བར་བྷེ་དེ་དག་མངོན་རྟོགས་དུས་ནས་གསལ་བར་བསྒོམ༔ སྤྱན་འདྲེན་དུས་སུ་སྤྱན་དྲངས་མཉམ་དུ་བསྟིམ༔ འོན་ཀྱང་དམིགས་པ་དེ་དག་མ་གསལ་རཿ༔ དྲན་རྫོགས་ཉིད་དུ་སླར་ཡང་གསལ་བཏབ་སྟེ༔ སྣང་བ་

[Full Size]

མཐའ་ཡས་ཐུགས་ཀར་ཟླ་བའི་སྟེང་༔ དྷཱི༔ཡིག་དམར་པོའི་མཐའ་སྐོར་སྔགས་གཡས་འཁོར༔ དེ་ལས་འོད་ཟེར་ནུབ་ཀྱི་ཕྱོགས་འཕྲོས་པས༔ བདེ་བ་ཅན་ནས་རིགས་བདག་སྣང་མཐའ་ཡས༔ སངས་རྒྱས་སྟོང་བཅས་ཡང་ཡང་སྤྱན་དྲངས་བསྟིམ༔ ངེས་པར་སྤྱི་བོར་བཞུགས་པའི་ངེས་ཤེས་བྱ༔ དེ་ནས་བསྙེན་པ་བྱེད་ཚེ་དམིགས་པ་ནི༔ སྣང་བ་མཐའ་ཡས་དཔྲལ་མགྲིན་ཐུགས་ཀ་དང་༔ ལྟེ་བ་གསང་གནས་ལྔ་ནས་འོད་ཟེར་ནི༔ དཀར་དམར་མཐིང་སེར་ལྗང་གུ་ལྔ་འཕྲོས་ཏེ༔ རང་གི་དཔྲལ་མགྲིན་སྙིང་ག་ལྟེ་བ་ནས༔ གསང་གནས་ལྔ་རུ་ཡང་ཡང་ཐིམ་པ་ཡིས༔ དུག་ལྔའི་སྒོ་ནས་བསགས་པའི་སྡིག་སྒྲིབ་དག༔ སྐུ་གསུང་ཐུགས་ཡོན་ཕྲིན་ལས་ལྔ་པོ་ཡི༔ དབང་དང་བྱིན་རླབས་དངོས་གྲུབ་ཐོབ་བསྒོམ་ཞིང་༔ བསྙེན་པ་འདི་ལ་ཅི་ནུས་བཟླ་བར་བྱ༔ ཨོཾ་ཨཱཿཧཱུྃ་སརྦ་སིདྡྷི་ཧཱུྃ༔ དེ་ནས་སྒྲུབ་པ་ཚེ་སྒྲུབ་གཉིས་ཀ་ནི༔ འོད་དཔག་མེད་པའི་ཐུགས་ཀའི་ས་བོན་ལས༔ འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས༔ རྒྱལ་བ་སྲས་བཅས་ཀུན་གྱི་བྱིན་རླབས་དང་༔ ལྷ་ཀླུ་མི་གསུམ་ཀུན་གྱི་ཚེ་བསོད་ནམས༔ འབྱུང་བའི་བཅུད་དང་དྭངས་མ་ཐམས་ཅད་བསྡུས༔ ལྷུང་བཟེད་ནང་

[Full Size]

ཞུགས་འཆི་མེད་བདུད་རྩིར་གྱུར༔ ཁོལ་ཞིང་ལུད་པས་རང་གི་སྤྱི་བོ་ནས༔ ཚངས་བུག་ཏུ་ཞུགས་ལུས་ཀུན་བདུད་རྩིས་གང་༔ འཆི་མེད་ཚེ་ཡི་དངོས་གྲུབ་ཐོབ་བསྒོམ་ཞིང་༔ ཨོཾ་ཨ་མི་དྷེ་ཝ་སརྦ་སིདྡྷི་ཧཱུཾ༔ ཞེས་པ་ཅི་ཙམ་ནུས་པའི་བར་དུ་བྷེ༔ འདི་ལྟར་སྒོམ་བཟླས་བྱས་པའི་དགེ་བ་འདིས༔ མཆོག་དང་ཐུན་མོང་དངོས་གྲུབ་མྱུར་ཐོབ་ཅིང་༔ ནམ་ཞིག་འཕོས་ཚེ་བདེ་ཆེན་ཞིང་ཁམས་སུ༔ མེ་ཏོག་པདྨའི་སྦུབས་ལ་བརྫུས་སྐྱེས་ནས༔ སྣང་བ་མཐའ་ཡས་མཆོད་པས་མཉེས་བྱེད་ཤོག༔ ཅེས་བརྗོད་དེ་ལྟར་རྒྱུན་དུ་ཉམས་བླངས་ན༔ ། བདེ་བ་ཅན་དུ་སྐྱེ་བར་ཐེ་ཚོམ་མེད༔ དེ་ཡང་ཐུན་མགོར་བསྐྱེད་རིམ་གསལ་གདབ་ཕྱིར༔ དང་པོ་རང་ལུས་གུར་དྲག་གསལ་གདབ་ལ༔ ཨ་ཙིག་བདུན་ནམ་ཉེར་གཅིག་བརྒྱ་ལ་སོགས༔ རང་གི་ཅི་ཙམ་འདོད་པ་བཟླས་པའི་རྗེས༔ སྣང་བ་མཐའ་ཡས་ཁོ་ནའི་བསྙེན་པ་བྱ༔ བསྙེན་པ་དང་ནི་སྒྲུབ་པའི་དམིགས་པ་གཉིས༔ མང་ཉུང་ཕྱེད་ཕྱེད་ཙམ་རེ་བྱ་བ་ཡི༔ འདི་ནི་གུར་དྲག་རིགས་བདག་སྦྲག་སྒྲུབ་སྟེ༔ གུར་དྲག་བསྒོམ་ཞིང་ཅུང་ཟད་བཟླས་པ་དེས༔ སྙིགས་དུས་སྡེ་བརྒྱད་གནོད་པ་སྲུང་བའི་མཆོག༔ བསྒྲུབ་པའི་སྔགས་དང་དམིགས་པ་དེ་གཉིས་

[Full Size]

པོ༔ ཚེ་སྒྲུབ་མཆོག་ཡིན་ཚེ་ཡི་བར་ཆད་སེལ༔ བསྙེན་པའི་སྔགས་དང་དམིགས་པ་དེ་གཉིས་ནི༔ བདེ་བ་ཅན་དུ་སྐྱེ་བའི་ས་བོན་ཏེ༔ ཕྱི་མ་གར་སྐྱེ་ལས་འབྲས་དབང་ཆེ་བས༔ དེ་ཡིས་བདེ་ཆེན་སྐྱེ་བའི་ལས་འཕྲོ་བཞག༔ འདི་ནི་བླ་མེད་རྫོགས་ཆེན་ལུགས་ཡིན་པས༔ བསྐྱེད་རིམ་བསྡུ་བའི་དམིགས་པ་མི་དགོས་ཏེ༔ སྒོམ་མཁན་སེམས་ཀྱི་ངོ་བོ་བལྟས་པས་འཐུས༔ རང་གི་ཇི་ལྟར་ཉམས་སུ་བླངས་པ་ལྟར༔ ༧ རཱ་ག་ཨ་སྱས་གཞན་ཕན་བསམ་པས་སྨྲས་པདྨ་མཐར་ཕྱིན་ཞེས་བྱས་ཡི་གེར་བྲིས༔ ཉེས་འགལ་མཆིས་ན་ཆོས་བདག་སྲུང་མར་བཤགས༔ དགེ་བས་སྔགས་འཆང་འགའ་ལ་ཕན་པར་ཤོག༔ སརྦ་མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འཇམ་དཔལ་སྐུ་ཡི་སྒྲུབ་པའི་འདོན་འགྲིགས།

[Full Size]

འཇམ་དཔལ་སྐུ་ཡི་སྒྲུབ་པའི་འདོན་འགྲིགས་བཞུགས་སོ།།

[Full Size]

སྟ་གོན་གཞུང་ལྟར་ལས༔ ལས་བྱང་ཏིང་འཛིན་རྣམ་གསུམ་བར་དུ་འདོན་ཏེ༔ དེ་ཡང་༔ འཇམ་དཔལ་གཤིན་རྗེ་དྲག་ཤུལ་ཅན༔ གཤིན་རྗེའི་གཤེད་པོ་ཁྲོས་ནས་ནི༔ ཞེས་དང་༔ བདག་ནི་འབར་བ་གཤིན་རྗེའི་བདག་ཉིད་དེ༔ གཤིན་རྗེ་རོལ་པའི་དཀྱིལ་འཁོར་ནས༔ སོགས། ཡ་མཱནྟ་ཀ་སརྦ་ས་མ་ཡ་རུ་ལུ་རུ་ལུ་སོགས་ནས་ཏིང་འཛིན་རྣམ་གསུམ་ཚང་བར་བྱ༔ དེ་ནས་ལས་བྱང་གི་གཞལ་ཡས་ཁང་བསྐྱེད་འདོན་པར་བྱ༔ ༈ སྟོང་པའི་ངང་ལས་རིག་པའི་ངོ་བོ་ཉི་ཟླ་པདྨའི་སྟེང་དུ་ཨོ་སེར་གསེར་ལྡན་ཅིག་གྱུར༔ རྒྱལ་བ་མཆོད༔ སེམས་ཅན་གྱི་ལས་སྒྲིབ་

[Full Size]

སྦྱངས༔ དབང་དང་བྱིན་རླབས་དངོས་གྲུབ་ཐམས་ཅད་འདུས༔ སྐད་ཅིག་ལ་བདག་ཉིད་འཇམ་དཔལ་ཞལ་གཅིག་ཕྱག་གཉིས་པ༔ སྐུ་མདོག་གུར་གུམ་ལྟ་བུ་ལ་དབུ་སྐྲ་ཐོར་ཚུགས་སུ་ཡོད་པ༔ རིན་ཆེན་འབྱུང་ལྡན་སྤྱི་བོར་བརྒྱན་པ༔ ཁྲོས་ཤིང་རྔམས་པའི་ཚུལ་ཅན་ནོ༔ རིན་པོ་ཆེ་དང་སྤྲུལ་དང་ཐོད་ཕྲེང་གིས་བརྒྱན་པ༔ ཞིང་དང་གླིང་ཆེན་གྱི་སྟོད་གཡོགས་པ༔ སྟག་ལྤགས་ཀྱི་ཤམ་ཐབས༔ རཀྟའི་ཐིག་ལེ༔ ཞག་གི་ཟོ་རིས༔ ཐལ་ཆེན་གྱི་ཚོམ་བུ༔ དུར་ཁྲོད་ཀྱི་ཆས་བརྒྱད་གསོལ་བ༔ ཕྱག་གཡས་ཤེས་རབ་ཀྱི་རལ་གྲི་མེ་འབར་བ་ཀླད་ལ་བསྐོར་བ༔ གཡོན་པས་

[Full Size]

སྦྲུལ་ཞགས་དང་སྡིགས་མཛུབ་ཐུགས་ཀར་བསྒྲེང་བ༔ ཞབས་གཉིས་ཆུ་གླང་དང་ཉི་ཟླ་པདྨའི་གདན་ལ་འདོར་ཐབས་སུ་བསྒྲད་པ༔ དེའི་ཐུགས་ཀར་ཉི་ཟླའི་དཀྱིལ་འཁོར་གྱི་ལྟེ་བར་ཨོ་མཐིང་ནག་གི་མཐའ་བསྐོར་དུ་སྔགས་ཀྱིས་བསྐོར་བར་གྱུར༔ འོག་མིན་ནས་ཡེ་ཤེས་པ་སྤྱན་དྲངས་ལ་བདག་དང་དཀྱིལ་འཁོར་དང་ཕུར་པ་ལ་གཉིས་སུ་མེད་པར་ཐིམ༔ ༈ ཧཱུྃ༔ འོག་མིན་ཆོས་དབྱིངས་ཕོ་བྲང་ནས༔ སྐུ་མཆོག་འཇམ་དཔལ་གཤེགས་སུ་གསོལ༔ རང་བཞིན་གཞལ་ཡས་ཐམས་ཅད་ནས༔ སོགས་མན་ཆད་སྤྱན་འདྲེན་ཚང་བར་འདོན༔ གུ་རུ་ཡ་མཱནྟ་ཀ་དྷེ་ཝ་སོགས་ནས། གཤིན་རྗེ་རོལ་པའི་དཀྱིལ་འཁོར་ཆེན་པོ་ནས༔ ཁྲོ་རྒྱལ་དྲེགས་འཇོམས་གཤིན་རྗེའི་ལྷ་ཚོགས་རྣམས༔ སོགས། འཇམ་དཔལ་སྐུ་ཡི་དཀྱིལ་འཁོར་ལྷ་ཚོགས་རྣམས༔ སོགས་ནས་མཆོད་པ་གཞུང་ལྟར་རོ༔ དེ་ནས་བསྟོད་པ་ནི༔ རྣམ་རྒྱལ་འབར་བའི་འཇམ་དཔལ་བསྟོད་པ་བྱའོ༔ བཤགས་པ་ནི༔ ཧཱུྃ༔ འཇམ་དཔལ་སྐུ་མཆོག་རིག་འཛིན་ལྷ་ཡི་ཚོགས༔ ཡ་མཱན་ཀ་བཛྲ་ས་ཏཱ་སོགས། གསོལ་འདེབས་ནི༔ བྱིན་ཆེན་ངོ་མཚར་མཆོག་གི་གནས༔ ཡང་རྫོང་ཤེལ་གྱི་བྲག་ཕུག་ནས༔ འཇམ་དཔལ་སྐུ་

[Full Size]

ཡི་དངོས་གྲུབ་བརྙེས༔ སངས་རྒྱས་ཡེ་ཤེས་བྱིན་ཕོབ་ཅིག༔ བྱིན་ཆེན་ངོ་མཚར་མཆོག་གི་གནས༔ ལྷུན་གྲུབ་དབྱིངས་ཀྱི་དཀྱིལ་འཁོར་ནས༔ སྐུ་གསུང་ཐུགས་ཡོན་ཕྲིན་ལས་འདུས༔ འཇམ་དཔལ་ལྷ་ཚོགས་བྱིན་ཕོབ་ཅིག༔ མན་ཆད་བྱིན་འབེབས་ཚང་བར་བྱ༔ གཞན་རྣམས་གཞུང་ལྟར་རོ༔ ༈ འཇམ་དཔལ་སྐུ་ཡི་སྒྲུབ་པའི་འཛབ་དགོངས་གསལ་བྱེད་བཞུགས་སོ༔ དང་པོ་ནས་བདག་མདུན་དུས་གཅིག་ལ་བསྐྱེད༔ སྤྱན་འདྲེན་མཆོད་བསྟོད་བྱ༔ བཤགས་པ་གསོལ་འདེབས་འདོན་འགྲིགས་ལྟར་ཚར་ནས༔ ༈ བདག་མདུན་ཐུགས་ཀར་ཉི་མའི་དཀྱིལ་འཁོར་གདན་ལ་པད་ཉི་སྟེང་དུ༔ ཨོཾ་མཐིང་ནག་གི་མཐའ་མར་སྔགས་ཕྲེང་རྣམས་ལངས་ཏེ་གནས་པ༔ དེ་ཡང་བྲི་ཡན་གྱི་སྔགས་རྣམས་སེར་པོ༔ ཡ་མཱནྟ་ཀ་མན་ཆད་མཐིང་ག༔ ཨོ་མི་འགུལ་སྔགས་ཕྲེང་རྣམས་གཡས་སུ་ཀྱི་ལི་ལི་འཁོར་བ༔ དེ་ལས་འོད་ཟེར་སེར་པོ་ཅུང་ཟད་ནག་པའི་མདངས་ཅན་འཕྲོས༔ སངས་རྒྱས་ཐམས་ཅད་མཆོད༔ སྐུ་གསུང་ཐུགས་ཀྱི་བྱིན་རླབས་ཐམས་ཅད་བསྡུས་ནས་རང་ལ་བསྟིམ༔ ཡང་འོད་འཕྲོས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས༔ ཐམས་ཅད་འཇམ་དཔལ་

[Full Size]

གྱི་གོ་འཕང་ལ་བཀོད༔ དེ་དག་གི་སྟོབས་དང་བསོད་ནམས་བསྡུས་ནས་རང་ལ་བསྟིམ༔ དེ་ལྟར་བསྒོམ་ཞིང་ཞག་གསུམ་ཙམ་བཟླས་པ་བསྙེན་པ༔ དེ་ནས༔ རང་གི་ཐུགས་ཀའི་འོད་ཟེར་དེ་བདག་ཞལ་ནས་ཐོན་མདུན་བསྐྱེད་ཀྱི་ཞལ་དུ་ཞུགས༔ ཐུགས་ཀར་ཕོག་པས་སྔགས་ཕྲེང་དྲག་ཏུ་འཁོར༔ ཐུགས་རྒྱུད་དྲག་ཏུ་བསྐུལ༔ འོད་ཟེར་ལྟེ་བ་ནས་ཚུར་བྱོན༔ རང་གི་ལྟེ་བ་ནས་ཐུགས་ཀར་ཐིམ༔ ཕར་མཆོད་པའི་ཚུལ༔ ཚུར་དངོས་གྲུབ་ཀྱི་ཚུལ་དུ་བྷེ༔ དེ་ནས་འོད་ཟེར་དེ་ཡང་སྔགས་ཕྲེང་དུ་བྷེ༔ བདག་མདུན་བར་དུ་ཀྱི་ལི་ལི་འཁོར་དེ་ལས་འོད་ཟེར་ཁ་དོག་སྣ་ཚོགས་འཇིག་རྟེན་ཁྱབ་པར་འཕྲོས་༔ སངས་རྒྱས་བྱང་ཆུབ་སེམས་དཔོའ་ཐམས་ཅད་མཆོད༔ དེ་དག་འཇམ་དཔལ་གྱི་སྐུར་གྱུར་ནས༔ ཆར་ལྟར་བབ་སྟེ་བདག་དང་མདུན་བསྐྱེད་ལ་ཐིམ༔ སེམས་ཅན་ཐམས་ཅད་འཇམ་དཔལ་གྱི་སྐུར་གྱུར་ནས་སྔགས་བཟླ་རོགས་བྱེད་པར་བསྒོམ་ཞིང་༔ ཞག་བཞི་ཙམ་བཟླ༔ དེ་ནས་ཚོགས་དང་དྲག་པོའི་བསྐང་བ་རྒྱས་པ་བྱ༔ ཆད་མདོ་བརྟན་སྐྱོང་ཕུལ༔ ཕུར་པ་དེ་འཇམ་དཔལ་དངོས་སུ་བསམས་ལ༔ ༈ ཧཱུྃ༔ ཤེས་རབ་མཁྱེན་ལྡན་ལྷ་ཡི་མཆོག༔ འཇམ་དཔལ་ཡེ་ཤེས་

[Full Size]

སེམས་དཔའི་སྐུ༔ ཤེས་རབ་ཡེ་ཤེས་ཀུན་མཁྱེན་དབང་༔ སྐལ་ལྡན་བུ་ལ་ཡོངས་རྫོགས་ཤོག༔ རྩ་སྔགས་མཇུག་ཏུ་ཀཱ་ཡ་ཨ་བྷི་ཥིཉྩ་ཨོ༔ ཝཱཀ་ཨ་བྷི་ཥིཉྩ་ཨཱཿ ཙིཏྟ་ཨ་བྷི་ཥིཉྩ་ཧཱུྃ༔ སརྦ་ཨ་བྷི་ཥིཉྩ་ཧཱུྃ༔ ཞེས་གནས་བཞིར་གཏུགས་ལ་འཇམ་དཔལ་སྐུ་ཡི་དངོས་གྲུབ་ཐོབ་པར་བསྒོམ༔ མདུན་བསྐྱེད་ཀྱི་ལྷ་ཕུར་པ་ལ་བསྟིམ༔ བདག་བསྐྱེད་མཐའ་ནས་དབུས་སུ་ཡལ་ཏེ་ཐུགས་ཀའི་ཨོ་ལ་བསྟིམ༔ ཨོཾ་སྟོང་པར་ཡལ་ནས་ཉམས་ལེན་སྐྱོང་༔ ཕུར་པ་དར་གྱིས་དཀྲིས་ལ་ཡུད་ཙམ་སྙིང་གར་བཅངས༔ དེ་ནས་དད་རྟེན་བྱ་སྔགས་འཆང་རཱ་ག་ཨ་སྱས་བསྒྲིགས་པའོ༔ མངྒ་ལཾ། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་མགྲིན་གསུང་གི་སྒྲུབ་པ་མེ་རླུང་དམར་ནག་གི་འདོན་འགྲིགས།

[Full Size]

རྟ་མགྲིན་གསུང་གི་སྒྲུབ་པ་མེ་རླུང་དམར་ནག་གི་འདོན་འགྲིགས་བཞུགས་སོ༔

[Full Size]

སྟ་གོན་བཅས་རྣམས་གཞུང་ལྟར་ལས༔ དྲག་པོའི་ལས་བྱང་གཞལ་ཡས་ཁང་ལྷ་བསྐྱེད་བར་འདོན༔ ལྷ་བསྐྱེད་མི་འདོན་པར༔ ༈ ཕོ་བྲང་དག་པའི་དཀྱིལ་འཁོར་དབུས༔ སྟོང་པའི་ངང་ལས་ཉི་ཟླ་པདྨ་བདུད་བཞིའི་སྟེང་དུ་དྷཱི༔ཡིག་དམར་པོ་ལས་འོད་ཟེར་ཕྱོགས་བཅུར་འཕྲོས་ཏེ༔ རྒྱལ་བ་རྣམས་ལ་མཉེས་པའི་མཆོད་པ་ཕུལ༔ སེམས་ཅན་ཐམས་ཅད་ཀྱི་ལས་སྒྲིབ་སྦྱངས༔ གདུག་པ་ཅན་ཐམས་ཅད་ཚར་བཅད༔ ཚུར་འདུས་ཧྲིལ་ཐིམ་ཡོངས་སུ་གྱུར་པ་ལས༔ བདག་ཉིད་སྐད་ཅིག་དྲན་རྫོགས་སུ༔ རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས་པ༔ སྤྱན་གསུམ་

[Full Size]

སྡང་མིག་ཏུ་བསྒྲད་པ༔ ཞལ་གདངས་མཆེ་བ་གཙིགས་པ༔ སྨིན་མ་དང་སྨ་ར་ལས་མེ་འབར་བ༔ ཕྱག་གཡས་རལ་གྲི་ལས་མེ་འབར་བ་བསྣམས་པ༔ གཡོན་པས་སྡིག་པ་དང་སྦྲུལ་ཞགས་འཛིན་པ༔ དབུ་ལ་རིགས་ཀྱི་བདག་པོས་བརྒྱན་པ༔ དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཉིས་འདོར་སྟབས་སུ་བསྒྲད་པ༔ མེ་འབར་བའི་ཀློང་ན་རྟ་སྐད་འཚེར་བ༔ ཁྲོ་བོའི་ཚོགས་ཀྱིས་སྤྲིན་ལྟར་གཏིབས་པར་གྱུར། བདག་གི་གནས་གསུམ་ལས་འོད་ཟེར་འཕྲོས་པས༔ ནུབ་ཕྱོགས་བདེ་ཆེན་པདྨ་རོལ་པའི་དུར་ཁྲོད་ནས་ཡེ་ཤེས་པ་སྤྱན་དྲངས་ཏེ༔ བདག་ལ་ཐིམ་

[Full Size]

པས་གཉིས་སུ་མེད་པར་བདག་བྱིན་གྱིས་བརླབས་པར་གྱུར༔ ༈ ཧཱུྃ༔ དབང་དྲག་རོལ་པའི་དཀྱིལ་འཁོར་ནས༔ པདྨ་དབང་ཆེན་གཤེགས་སུ་གསོལ༔ རང་བཞིན་གཞལ་ཡས་ཐམས་ཅད་ནས༔ སོགས་སྤྱན་འདྲེན་ཚང་བར་འདོན༔ རྒྱ་གྷི་ཝ་དྷེ་ཝ་ཌཱཀྐི་སོགས། ཁྲོ་རྒྱལ་དྲེགས་འཇོམས་དབང་ཆེན་ལྷ་ཚོགས་རྣམས༔ སོགས། ཧཱུྃ༔ རྟ་མགྲིན་གསུང་གི་ལྷ་ཚོགས་རྣམས༔ སོགས་མཆོད་པ་ནི་ལས་བྱང་གཞུང་ལྟར་རོ༔ བསྟོད་པ་ནི་རྣམ་རྒྱལ་འབར་བའི་རྟ་མགྲིན་བསྟོད་པ་དེ་བྱའོ༔ ཧཱུྃ༔ རྟ་མགྲིན་གསུང་གི་དཀྱིལ་འཁོར་ལྷ་ཡི་ཚོགས༔ སོགས་བཤགས་པ་བྱའོ༔ ཨོཾ་པདྨ་སཏཱ་ས་མ་ཡ་སོགས་ཡིག་བརྒྱ་བཟླས༔ བདག་མདུན་གྱི་ལྟེ་བར་རཾ་ལས་ཉི་མའི་དཀྱིལ་འཁོར་གྱི་ལྟེ་བར་ཧྲིའི་མཐའ་བསྐོར་དུ་རྩ་སྔགས་ཀྱིས་བསྐོར་བར་གྱུར༔ བདག་མདུན་བར་དུ་འོད་ཟེར་རམ་སྔགས་ཕྲེང་འཁོར་བ་སྤྱི་ལྟར་རོ༔ རྗེས་རྣམས་གཞུང་ལྟར་བྱའོ༔ ༈ རྟ་མགྲིན་གསུང་གི་སྒྲུབ་པའི་འཛབ་དགོངས་གསལ་བྱེད་བཞུགས་སོ༔ རྟ་མགྲིན་སྒྲུབ་པ་འདོན་འགྲིགས་ལྟར་བཏོན་པའི་རྗེས་སུ༔ བདག་མདུན་གྱི་ཐུགས་ཀར་པདྨ་དམར་པོ་འདབ་མ་བརྒྱད་པའི་ལྟེ་བར་རཾ་ཞུ་བ་ལས་ཉི་མའི་

[Full Size]

དཀྱིལ་འཁོར་གདན་ཐབས་ཀྱི་ལྟེ་བར༔ ཧིདམར་པོ་འགྲེང་སྟེ་གནས་པའི་མཐར་སྔགས་ཕྲེང་གཡས་སུ་འཁོར་བ་ལས༔ འོད་ཟེར་དམར་པོ་ཕྱོགས་བཅུར་འཕྲོས་པས༔ སངས་རྒྱས་བྱང་སེམས་ཁྲོ་བོ་ཁྲོ་མོ་ཐམས་ཅད་མཆོད༔ དེ་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་འོད་དེས་ཚུར་བསྡུས་ནས་རང་ལ་བསྟིམ༔ སླར་ཡང་འོད་འཕྲོས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱང་༔ རྟ་མགྲིན་གྱི་གོ་འཕང་ལ་བཀོད༔ དེ་རྣམས་ཀྱི་བསོད་ནམས་དང་མཐུ་སྟོབས་ཐམས་ཅད་བསྡུས་རང་ལ་ཐིམ་པར་བྷེ་ཞིང་ཞག་གསུམ་བཟླས་པ་བསྙེན་པ༔ རང་གི་ཐུགས་ཀའི་སྔགས་ཕྲེང་ལས་འོད་ཟེར་དམར་པོ་འཕྲོས༔ རང་གི་ཞལ་ནས་ཐོན༔ མདུན་བསྐྱེད་ཀྱི་ཞལ་དུ་ཞུགས༔ ཐུགས་ཀར་སོང་ནས་སྔགས་ཕྲེང་དྲག་ཏུ་འཁོར་བས་ཐུགས་རྒྱུད་བསྐུལ༔ ལྟེ་བ་ནས་ཚུར་བྱུང་རང་གི་ལྟེ་བ་ནས་ཐུགས་ཀར་ཐིམ༔ ཕར་མཆོད་པ་ཚུར་དངོས་གྲུབ་ཀྱི་ཚུལ་དུ་མགལ་མེའི་འཁོར་ལོ་ལྟར་འཁོར༔ དེ་ནས་འོད་ཟེར་དེ་ཡང་སྔགས་ཕྲེང་དུ་གྱུར༔ དེ་ཡང་འཁོར་བཞིན་པ་ལས་འོད་ཟེར་དམར་པོ་ཕྱོགས་བཅུར་འཕྲོས༔ ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་ཐམས་ཅད་མཆོད༔ དེ་

[Full Size]

ཐམས་ཅད་ཀྱི་སྐུ་གསུང་ཐུགས་ནས་རྟ་མགྲིན་གྱི་སྐུ་དང་སྔགས་དང་ཕྱག་མཚན་དཔག་ཏུ་མེད་པ་ཆར་བཞིན་བབས་ནས༔ བདག་མདུན་རྣམས་ལ་སིབ་སིབ་ཐིམ༔ འགྲོ་དྲུག་གི་སེམས་ཅན་རྣམས་ཀྱང་རྟ་མགྲིན་གྱི་སྐུར་གྱུར་ནས་སྔགས་སྒྲ་དི་རི་རི་སྒྲོགས་པར་བྷེ་ལ་ཞག་བཞི་ཙམ་བཟླ་བ་སྒྲུབ་པ༔ དེ་ནས་ཚོགས་དང་བསྐང་བ་བྱ༔ དམར་གཏོར་གཅིག་ལ་རྣམ་རྒྱལ་འབར་མ་འདོན༔ ཆད་མདོ་གཏོར་སྐྱོང་ཡང་འབུལ༔ ཕུར་པ་གནས་གསུམ་དུ་ཡང་གཏུགས་ཤིང་༔ རྩ་སྔགས་མཇུག་ཏུ་ཀཱ་ཡ་སིདྡྷི་སོགས་དབང་བླངས༔ མདུན་བསྐྱེད་ཀྱི་ལྷ་ཚོགས་ཐམས་ཅད་སྔོན་གྱི་ཐུགས་རྗེ་ཐུགས་དམ་གྱི་དབང་གིས་ཕུར་པ་འདི་ལ་བརྟན་པར་བཞུགས་སུ་གསོལ༔ ཅེས་མདུན་བསྐྱེད་ཕུར་པ་ལ་བསྟིམ༔ བདག་བསྐྱེད་སྟོང་པར་བསྡུ༔ དེ་ལྟར་སྒྲུབ་པ་ཚར་ནས་དར་སྔོ་དམར་ཅོད་པན་ཤུབ་སོགས་བྱས་ནས་རྟ་མགྲིན་དངོས་སུ་གསལ་ལ་དད་རྟེན་བྱ༔ ལས་སྦྱོར་ནི་དགོས་པའི་དུས་སུ་རང་ཉིད་རྟ་མགྲིན་ང་རྒྱལ་གྱིས་ཕུར་པ་རྟ་མགྲིན་དུ་གསལ་བ་གདེངས་ཤིང་གཟིར་བས༔ དེ་ལ་རྟ་མགྲིན་རང་འདྲ་བ་དཔག་ཏུ་མེད་པ་འཕྲོས་ནས། གནོད་བྱེད་སྤྲིན་ནག་རླུང་གིས་གཏོར་བ་ལྟར་ཟློག་པ་དང་ཚར་བཅད་པར་བསམ༔

[Full Size]

དེས་ལས་གང་ཡིན་འགྲུབ་པ་ནི་ལས་སྦྱོར་རོ༔ སྔགས་རྒན་༧ རཱ་ག་ཨ་སྱས་བསྒྲིགས་པའོ༔ སརྦ་མངྒ་ལཾ། །༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕྱག་རྡོར་ཐུགས་ཀྱི་སྒྲུབ་པ་རྡོ་རྗེའི་ཐོག་འབེབས་ཀྱི་འདོན་འགྲིགས།

[Full Size]

ཕྱག་རྡོར་ཐུགས་ཀྱི་སྒྲུབ་པ་རྡོ་རྗེའི་ཐོག་འབེབས་ཀྱི་འདོན་འགྲིགས་བཞུགས་སོ༔

[Full Size]

སྟ་གོན་བཅས་རྣམས་གཞུང་ལྟར་ལས༔ ལས་བྱང་ཏིང་འཛིན་རྣམ་གསུམ་གཞལ་ཡས་ཁང་དང་བཅས་པ་ཡན་ཆད་འདོན༔ ཕོ་བྲང་ཨེ་ཡི་དཀྱིལ་འཁོར་གྱི་དབུས་སུ་ཉི་ཟླ་པདྨ་བརྩེགས་པའི་གདན་གྱི་སྟེང་དུ༔ སྟོང་པའི་ངང་ལས་ཧཱུྃ་མཐིང་ནག་འོད་ཟེར་དུ་འབར་བ་གཅིག་བསྒོམ༔ དེ་ལས་འོད་ཟེར་འཕྲོས་འཕགས་པ་མཆོད༔ སེམས་ཅན་གྱི་ལས་སྒྲིབ་སྦྱངས༔ རྒྱལ་བ་ཐམས་ཅད་ཀྱི་ནུས་པ་ཐམས་ཅད་བསྡུས་པ་ལས༔ བདག་ཉིད་ཕྱག་ན་རྡོ་རྗེ་མཐིང་ནག་ཞལ་གཅིག་ཕྱག་གཉིས་པ་གཏུམ་ཞིང་སྒེག་པ༔ གསུས་ཁྱིམ་ཆེ་ལ་སྦྲུལ་རིགས་ལྔས་སྐུ་ལ་བརྒྱན་པ༔ གདོལ་བ་ནག་

[Full Size]

པོའི་དོ་ཤལ་བྱས་པ༔ གླང་ཆེན་དང་ཞིང་གི་སྟོད་གཡོགས་པ༔ སྟག་གི་པགས་པའི་ཤམ་ཐབས་ཅན༔ ཞལ་གདངས་ལྗགས་འདྲིལ་བ༔ མཆེ་བ་གཙིགས་པ༔ སྤྱན་གསུམ་དམར་ལ་གཡོ་ཞིང་ཁྲོ་གཉེར་བསྡུས་པ༔ སྨིན་མ་དང་ཨག་ཚོམ་ལས་མེའི་ཚྭ་ཚྭ་འཕྲོ་བ༔ དབུ་སྐྲ་ཁམ་སེར་གྱེན་དུ་བརྗེས་པ༔ མི་བསྐྱོད་པས་དབུ་རྒྱན་པ༔ ཕྱག་གཡས་རྡོ་རྗེ་ནམ་མཁར་ཕྱར་བ༔ གཡོན་པའི་སྡིགས་མཛུབ་ལས་མེ་འབར་བ་ཐུགས་ཀར་བསྒྲེང་བ༔ ཞབས་གཉིས་འདོར་ཐབས་སུ་བསྒྲད་པ༔ ཧཱུཾ་དང་ཕཊ་ཀྱི་སྒྲ་སྒྲོག་པ༔ དེའི་ཐུགས་ཀར་ཡེ་ཤེས་སེམས་དཔའ་ཚོན་གང་བ་

[Full Size]

དེའི་ཐུགས་ཀར་རཾ་ལས་མེའི་དཀྱིལ་འཁོར་གྱི་དབུས་སུ༔ ཧཱུྃ་མཐིང་ནག་རྨ་བྱའི་སྒྲོ་ལྟ་བུའི་མཐའ་མར་སྔགས་ཀྱིས་བསྐོར་བར་གྱུར༔ ༈ ཧཱུྃ༔ ལྕང་ལོ་ཅན་གྱི་གནས་མཆོག་ནས༔ གསང་བདག་གཏུམ་པོ་གཤེགས་སུ་གསོལ༔ རང་བཞིན་གཞལ་ཡས་ཐམས་ཅད་ནས༔ སོགས་སྤྱན་འདྲེན་ཚང་བར་བྱ༔ བཛྲ་ཀྲོ་དྷ་དྷེ་ཝ་ཌཀྐི་ནི་སོགས། ཁྲོ་རྒྱལ་དྲེགས་འཇོམས་གསང་བདག་ལྷ་ཚོགས་རྣམས༔ སོགས། ཧཱུྃ༔ དྲག་པོ་གསང་བདག་དཀྱིལ་འཁོར་ལྷ་ཚོགས་རྣམས༔ སོགས་མཆོད་པ་གཞུང་ལྟར་རོ༔ བསྟོད་པ་ནི་རྣམ་རྒྱལ་འབར་མའི་ཕྱག་རྡོར་བསྟོད་པ་དེ་བྱ༔ བཤགས་པ་ནི༔ ཕྱག་རྡོར་ཐུགས་མཆོག་རིག་འཛིན་ལྷ་ཡི་ཚོགས༔ སོགས། བདག་མདུན་བར་དུ་སྔགས་འཁོར་སྤྱི་ལྟར་བྱ༔ རྗེས་ནི་གཞུང་ལྟར་རོ༔ ༈ ཕྱག་རྡོར་ཐུགས་ཀྱི་སྒྲུབ་པའི་འཛབ་དགོངས་ནི༔ བདག་མདུན་གྱི་ཕུར་པ་སོ་སོར་ཕྱག་རྡོར་དུ་གསལ་བའི་ཐུགས་ཀར་ཡི་གེ་རཾ་ཞུ་བ་ལས་མེའི་དཀྱིལ་འཁོར་གདན་ཐབས༔ ངོ་བོ་མེ་ལ་རྣམ་པ་ཉི་མའི་དཀྱིལ་འཁོར་འདྲ་བ༔ དེའི་སྟེང་གི་དབུས་སུ་ཧཱུྃ་མཐིང་ནག་འགྲེང་ཐབས་སུ་གནས་པ༔ མཐར་སྔགས་ཕྲེང་ཡིག་ངོ་ཕྱིར་བསྟན་པ་གཡོན་དུ་བཀོད་ནས་དལ་བུས་

[Full Size]

ཚིགཡས་སུ་འཁོར་བ༔ དེའང་ཇེ་མགྱོགས་སུ་འཁོར་ཏེ༔ དེ་ལས་འོད་ཁ་དོག་ལྔ་ལྡན་རྨ་བྱའི་སྒྲོ་ལྟ་བུ༔ དེ་ལས་འོད་ཟེར་ཁ་དོག་སྣ་ཚོགས་འཕྲོས་པས༔ སྟེང་ཕྱོགས་འོག་མིན་ལྕང་ལོ་ཅན་དང་༔ རི་རབ་བྱང་ཕྱོགས་ལྕང་ལོ་ཅན་བྱེ་བ་ཕྲག་བརྒྱ་ནས༔ ཕྱག་ན་རྡོ་རྗེ་དཔག་ཏུ་མེད་པ་ཁ་བ་བུ་ཡུག་ལྟར་བྱོན་ནས༔ བདག་མདུན་ལ་སིབ་སིབ་ཐིམ་པར་སྒོམ་པ་བསྙེན་པའོ༔ ༈ བདག་གི་ཐུགས་ཀར་སྔགས་ཕྲེང་འཁོར་བ་ཡི༔ འོད་ཟེར་སྔགས་ཕྲེང་གི་རྣམ་པར་ཞལ་ནས་ཐོན༔ མདུན་བསྐྱེད་ཀྱི་ཞལ་དུ་ཞུགས༔ ཐུགས་རྒྱུད་བསྐུལ་མདུན་བསྐྱེད་ཀྱི་ཐུགས་ཀ་ནས་ཚུར་བྱུང་རང་གི་ཐུགས་ཀར་ཐིམ༔ ཕར་མཆོད་པ་དང་ཚུར་དངོས་གྲུབ་ཀྱི་ཚུར་དུ་འཁོར་བ་སྒྲུབ་པའོ༔ ༈ སླར་ཡང་སྔགས་འཁོར་བཞིན་པ་ལས་འོད་ཟེར་ཕྱོགས་བཅུར་འཕྲོས་པས༔ སངས་རྒྱས་ཐམས་ཅད་མཆོད་པས་མཉེས་ནས་བྱིན་རླབས་རང་ལ་ཐིམ༔ སེམས་ཅན་ཐམས་ཅད་ལ་འོད་དེས་ཕོག་པས་སྡིག་སྒྲིབ་དག་ནས་ཕྱག་རྡོར་གྱི་སྐུར་གྱུར༔ ཀུན་ཀྱང་རང་གི་རམ་བུ་བཀྱག་སྟེ་སྔགས་སྒྲ་དི་རི་རི་སྒྲོག་པ་སྒྲུབ་པ་ཆེན་པོའོ༔ ཡང་རང་གི་ཐུགས་ཀ་ནས་མེ་དཔུང་དང་ཁྲོ་བོ་དཔག་མེད་འཕྲོས༔ གནོད་

[Full Size]

བྱེད་ཐམས་ཅད་མེ་དཔུང་གིས་བསྲེགས༔ ཁྲོ་བོ་རྣམས་ཀྱིས་བརྡུང་ཞིང་དེད་ནས་ནམ་མཁའི་མཐར་བསྐྲད༔ དེ་ནི་ལས་སྦྱོར་དམིགས་པ་སྟེ་དམིགས་པ་བཞི་རེས་མོས་སམ་ཐུན་རེ་ལའང་རྫོགས་པར་བྱའོ༔ རཱ་ག་ཨ་སྱས་བསྒྲིགས་པ་དགེའོ༔ མངྒ་ལཾ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཁའ་འགྲོའི་གསང་སྒྲུབ་སྙིང་པོའི་ཡང་ཞུན་གྱི་འདོན་འགྲིགས།

[Full Size]

མཁའ་འགྲོའི་གསང་སྒྲུབ་སྙིང་པོའི་ཡང་ཞུན་གྱི་འདོན་འགྲིགས་བཞུགས་སོ༔

[Full Size]

སྟ་གོན་ནི་གཞུང་ལྟར་ལས༔ དྲག་པོའི་ལས་བྱང་གཞུང་ལྟར་འདོན་ལ་བསྙེན་པ་ཅུང་ཟད་ཅིག་བྱ༔ དེའི་རྗེས་སུ་ནི༔ རང་སྟོང་པར་གྱུར་པའི་ངང་ལས༔ འབྱུང་བ་རིམ་བརྩེགས་ཀྱི་སྟེང་དུ་ཨེ་ལས་ཆོས་འབྱུང་དམར་པོའི་དབུས་སུ༔ ཐཾ་དང་ཉི་ཟླ་པདྨའི་སྟེང་དུ༔ བཻ་དམར་པོ་ལས་འོད་ཟེར་འཕྲོས༔ དོན་གཉིས་བྱས་ཚུར་འདུས་ཡོངས་སུ་གྱུར་པ་ལས༔ བདག་ཉིད་རྣལ་འབྱོར་མ་དམར་མོ༔ ཞལ་གཅིག་ཕྱག་གཉིས་སྤྱན་གསུམ་སྐྲ་གྲོལ་བ༔ ཐོད་སྐམ་ལྔས་དབུར་བརྒྱན་པ༔ རྒྱན་དྲུག་གིས་སྤྲས་པ༔ གཡས་གྲི་གུག་གཡོན་ཐོད་ཁྲག་ཁཊཾ་རྩེ་གསུམ་མཆན་ཁུང་དུ་བཅུག་པ༔

[Full Size]

ཞབས་གཡས་བསྐུམ་གཡོན་བརྐྱངས་པས་བམ་རོའི་སྙིང་གར་མནན་པ༔ ཡེ་ཤེས་ཀྱི་མེ་དཔུང་འབར་བའི་ཀློང་ན༔ ཕག་ཞལ་གཡས་ནས་ལྟ་བ༔ ངུར་སྒྲ་འབྱིན་པ༔ བདེ་བའི་ཉམས་དང་ལྡན་པའི་ངང་ལ་བཞུགས་པར་གྱུར༔ དེའི་ལྟེ་བར་ཆོས་འབྱུང་གྲུ་གསུམ་གྱི་དབུས་སུ༔ པདྨ་འདབ་བཞིའི་དབུས་སུ་པད་ཉི་རོའི་གདན་ལ་ཕག་མོ་མཐིང་ནག་གཡས་གྲི་གུག་དང་གཡོན་ཐོད་ཁྲག་འཛིན་པ༔ གཡས་བསྐུམ་པ་གཡོན་བརྐྱང་བ་གར་ཐབས་ཀྱི་རོའི་སྙིང་གར་མནན་པ༔ གཅེར་བུ་རུས་པའི་རྒྱན་དྲུག་ཅན་ཁཊཾ་མཆན་ཁུང་དུ་བཅུག་པ༔ སྤྱི་བོར་ཕག་སྐད་ངུར་བ་ཅིག་གསལ་བར་

[Full Size]

གྱུར༔ དེའི་མདུན་དུ་རྡོ་རྗེ་མཁའ་འགྲོ་དཀར་མོ་གཙོ་མོ་དང་ཆ་ལུགས་མཐུན་པ༔ གཡས་སུ་རིན་ཆེན་མཁའ་འགྲོ༔ རྒྱབ་ཏུ་པདྨ་མཁའ་འགྲོ༔ གཡོན་དུ་ལས་ཀྱི་མཁའ་འགྲོ༔ དེ་རྣམས་གྲི་གུག་ཐོད་ཁྲག་བསྣམས་པ༔ གཡས་བསྐུམ་གཡོན་བརྐྱང་པདྨ་དང་རོའི་གདན་ལ་གར་ཐབས་སུ་བཞུགས་པ༔ ཁཊཾ་མཆན་དུ་བཅུག་པ་ཁོ་ནའོ༔ ཆ་ལུགས་གཙོ་མོ་དང་མཐུན་པ༔ རང་རང་གི་ཐུགས་ཀར་གཙོ་མོ་ལ་མ༔ རྡོ་རྗེ་ལ་རིན་ཆེན་ལ་རི༔ པདྨ་ལ་ནི༔ ཀརྨ་མཁའ་འགྲོ་ལ་ས་གནས་པར་གྱུར༔ དེ་ཐམས་ཅད་ཀྱང་བདེ་བའི་ཉམས་དང་ལྡན་པ༔ གར་ཐབས་ལིང་ལིང་ཡོད་པར་བྷེ༔ ༈ དེ་ནས་མདུན་དུ་ཆོས་འབྱུང་གྱི་དབུས་སུ་རྡོ་རྗེ་ཕག་མོ་མཐིང་ནག་བདག་གི་སྤྲུལ་པའི་ངོ་བོར་གཡས་གྲི་གུག་དང་གཡོན་ཐོད་ཁྲག་འཛིན་པ༔ གཡས་བསྐུམ་གཡོན་བརྐྱང་བ་གར་ཐབས་ཀྱིས་རོའི་སྙིང་གར་མནན་པ༔ གཅེར་བུ་རུས་པའི་རྒྱན་ཅན་ཁཊཾ་མཆན་དུ་བཅུག་པ༔ སྤྱི་བོར་ཕག་སྐད་ངུར་བ་ཞིག་གསལ་བར་གྱུར༔ པད་འདབ་བཞི་ལ་ཤར་དུ་རྡོ་རྗེ་ལྷོ་རིན་ཆེན་ནུབ་ཏུ་པདྨ་བྱང་དུ་ལས་ཀྱི་ཌཱཀྐི་མ་རྣམས་གྲི་གུག་དང་ཐོད་ཁྲག་འཛིན་པ༔ གཡས་བསྐུམ་གཡོན་བརྐྱང་པདྨ་དང་རོའི་གདན་ལ་གར་

[Full Size]

ཐབས་སུ་བཞུགས་པ༔ ཁཊ་མཆན་དུ་བཅུག་པ་ཁོ་ནའོ༔ ཕྱག་རྒྱ་དང་ཆ་ལུགས་གར་ཐབས་སུ་ལིང་ལིང་ཡོད་པར་གྱུར༔ རང་རང་གི་ཐུགས་ཀར་ཡིག་འབྲུ་རྣམས་གསལ་བར་གྱུར༔ མེ་དཔུང་དམར་ནག་རབ་ཏུ་འབར་བའི་ཀློང་ནས་སྔགས་ཀྱི་སྒྲ་དང་ཕག་སྐད་ངུར་བའི་ངང་ནས༔ ཛཕེ་ཞེས་པའི་སྒྲ་འབྱུང་བ་ལས༔ རང་རང་གི་གནས་གསུམ་ལས་འོད་ཟེར་བྱུང་བས་འོག་མིན་ནས་ཡེ་ཤེས་པ་རྣམས་མངོན་སུམ་དུ་སྤྱན་དྲངས༔ རང་གི་བསྐྱེད་པའི་འཁོར་ལོ་དང་དཀྱིལ་འཁོར་གྱི་ལྷ་གཉིས་ལ་དབྱེར་མེད་དུ་ཐིམ༔ ༈ ཧཱུྃ༔ བདེ་ཆེན་གསང་བའི་གནས་མཆོག་ནས༔ རྡོ་རྗེ་ཕག་མོ་གཤེགས་སུ་གསོལ༔ དུར་ཁྲོད་ཆེན་པོའི་གནས་བརྒྱད་ནས༔ མཁའ་འགྲོ་སྡེ་བཞི་གཤེགས་སུ་གསོལ༔ རང་བཞིན་གཞལ་ཡས་སོགས། བཛྲ་ཝཱ་རཱ་ཧྲཱིཿ ཌཱཀྐི་སོགས། བྷ་ར་ཧི་ཊཀྐི་ནཱི་ཛཿཧཱུྃ་བཾ་ཧོཿ ཧཱུྃ༔ དུར་ཁྲོད་ཆེན་པོ་མེ་ཀློང་འབར་བའི་དབུས༔ གསང་ཆེན་རོལ་པའི་དུར་ཁྲོད་ཆེན་པོ་འདིར༔ ཁྲོ་མོ་དྲེགས་འཇོམས་ཕག་མོའི་ལྷ་ཚོགས་རྣམས༔ སོགས། ཧཱུྃ༔ རྡོ་རྗེ་ཕག་མོའི་དཀྱིལ་འཁོར་ལྷ་ཚོགས་རྣམས༔ སོགས་མཆོད་པ་གཞུང་ལྟར་རོ༔ བསྟོད་པ་ནི་རྣམ་རྒྱལ་འབར་བའི་

[Full Size]

ཕག་མོའི་བསྟོད་པ་དེ་བྱའོ༔ ཧཱུྃ༔ རྡོ་རྗེ་ཕག་མོ་རིག་འཛིན་ལྷ་ཡི་ཚོགས༔ སོགས་ཀྱིས་བཤགས༔ དམིགས་པ་དང་རྗེས་རྣམས་གཞུང་ལྟར་རོ༔ ༈ མཁའ་འགྲོ་སྒྲུབ་པའི་འཛབ་དགོངས་གསལ་བྱེད་བཞུགས་སོ༔ གུ་རུ་དྲག་པོའི་མཁའ་འགྲོ་གསང་སྒྲུབ་འདོན་འགྲིགས་ལྟར་ལ༔ བདག་མདུན་རྣམས་ཀྱི་རྩ་དབུ་མ་ཡང་གསལ་བཏབ་སྟེ༔ བདག་གི་ལྟེ་བའི་མཁའ་འགྲོ་སྡེ་ལྔའི་ཡིག་འབྲུ་རྣམས་ཀྱི་འོད་ལས་གྲུབ་པའི་སྔགས་ཕྲེང་རང་གི་རྩ་དབུ་མ་བརྒྱུད་ཞལ་ནས་ཐོན༔ མདུན་བསྐྱེད་ཀྱི་ཞལ་དུ་ཞུགས༔ རྩ་དབུ་མ་བརྒྱུད་ལྟེ་བ་ནས་ཚུར་བྱུང་རང་གི་ལྟེ་བར་ཞུགས༔ ལྷ་ལྔ་ལ་ཐིམ༔ དེ་ལྟར་རྒྱུན་མ་ཆད་ཅིང་འཁོར་བར་བསྒོམ་ཞིང་སྔགས་ཡིད་ཀྱིས་བཟླ་ཞིང་རླུང་བཟུང་བ་བསྙེན་པ༔ བཟླ་སྐབས་སྔགས་ཕྲེང་གཡས་སུ་འཁོར་བའི་སྐབས༔ བདག་མདུན་དཀྱིལ་འཁོར་གྱི་ལྷ་ཐམས་ཅད་ཀྱི་སྔགས་སྒྲ་དི་རི་རི་སྒོག་པ་དང་༔ ཕྱི་སྣོད་ཀྱི་འཇིག་རྟེན་ཨུ་རྒྱན་དག་པའི་ཞིང་ཁམས༔ ནང་བཅུད་ཀྱི་སེམས་ཅན་ཐམས་ཅད་མཁའ་འགྲོ་མ་རུ་གྱུར་ནས་སྔགས་སྒྲ་དི་རི་རི་བུང་བ་ཚང་ཞིག་པ་ལྟར་བཟླ་བར་བྷེ༔ རླུང་བཟུང་ཞིང་སྔགས་ཡིད་བཟླས་བྱེད་པ་སྒྲུབ་པ༔ དེ་ལྟར་ཞག་ཉེར་གཅིག་ལ་

[Full Size]

བྱེད་ན་བསྙེན་པ་ཞག་བདུན༔ སྒྲུབ་པ་ཞག་བདུན་གཉིས་ཡིན་ལ༔ ཞག་བདུན་ལས་མི་བྱེད་ན་བསྙེན་པ་ཞག་གསུམ་སྒྲུབ་པ་ཞག་བཞི་ཡིན་ལ༔ དེ་ནས་ཚོགས་ཆད་མདོ་སོགས་དང་༔ མདུན་བསྐྱེད་རྣམས་སྒྲུབ་རྟེན་སྦ་ལྕག་སོགས་ལ་བསྟིམ༔ བདག་བསྐྱེད་སྟོང་པར་བསྡུས་ཏེ་མཐའ་ནས་དབུས་སུ་ཡལ༔ མི་དམིགས་སྟོང་པར་བཞགོ༔ ཡང་དགོས་དུས་སུ་རང་ཉིད་མཁའ་འགྲོའི་ང་རྒྱལ་བསྐྱེད་སྦ་ལྕག་མདུན་བསྐྱེད་མཁའ་འགྲོ་ལྔར་བསྐྱེད༔ དེ་ལས་འོད་ཟེར་གློག་ཞགས་ལྟར་ཕྱོགས་བཅུར་འཕྲོས༔ ལྷ་འདྲེ་མི་གསུམ་ཤོག་སྐྱ་རླུང་གིས་བསྐྱོད་པ་ལྟར་རང་དབང་མེད་པར་རང་གི་དབང་དུ་འདུས་པར་དམིགས་ཤིང་མཁའ་འགྲོའི་རྩ་སྔགས་མཇུག་ཏུ་བསེ་ལམ་མཁའ་འགྲོའི་སྔགས་ཞལ་ཤེས་ལྟར་བཟླས་པས་དབང་སྡུད་ཀྱི་མཆོག་ཏུ་འགྱུར་རོ༔ རང་དྲན་རྫོགས་ཕག་མོར་བསྐྱེད༔ མདུན་མེའམ་ཐབ་ཀྱི་ནང་དུ་དྲན་རྫོགས་སུ་བསྐྱེད༔ རྩ་སྔགས་མཇུག་ཏུ༔ བཱ་སུ་ན་ན་ཁ་དྷེ་པུཊྚི་ཀུ་རུ་ཡེ་སྭཱ་ཧཱ༔ ཞེས་ཕྱེ་མར་དང་ཟས་སྣ་བརྒྱ་རྩ་བསྲེགས༔ མཐར་མདུན་བསྐྱེད་རང་ལ་བསྟིམ༔ རང་མི་དམིགས་པར་བྱ༔ དེ་ལྟར་མང་དུ་བྱས་ན་འཕྲལ་དུ་སྒྲུབ་རྒྱུགས་ཀྱིས་མི་ཕོངས་བར་འགྱུར་བ་

[Full Size]

ལས་སྦྱོར་རོ༔ མཁའ་འགྲོའི་གསང་སྒྲུབ་དམིགས་རིམ་༧ རཱ་ག་ཨ་སྱས་བསྒྲིགས་པའོ༔ མངྒ་ལཾ།། །། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རྭ་གས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཡཀྴ་མེ་དབལ་གྱི་སྒྲུབ་པ་ཁྲོ་རྒྱལ་སྟོབས་འདུས་ཀྱི་འདོན་འགྲིགས།

[Full Size]

ཡཀྴ་མེ་དབལ་གྱི་སྒྲུབ་པ་ཁྲོ་རྒྱལ་སྟོབས་འདུས་ཀྱི་འདོན་འགྲིགས་བཞུགས་སོ༔

[Full Size]

སྟ་གོན་ནི་གཞུང་ལྟར་ལས༔ ལས་བྱང་གི་གཞལ་ཡས་ཁང་ཡན་ཆད་འདོན༔ ཕོ་བྲང་ཨེ་ཡི་དཀྱིལ་འཁོར་དུ༔ མེ་དཔུང་དམར་ནག་འབར་བའི་ཀློང་ནས་བདུད་བཞི་ཉི་ཟླའི་སྟེང་དུ༔ རིག་པའི་ངོ་བོ་ཧཱུྃ་མཐིང་ནག་གཅིག་ཏུ་གྱུར༔ འོད་ཟེར་འཕྲོས་ཚུར་འདུས་ཡོངས་སུ་གྱུར་པ་ལས༔ བདག་ཉིད་ཁྲོ་རྒྱལ་ཡཀྵ་མེ་དབལ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ༔ རབ་ཏུ་ཁྲོས་པའི་ཚུལ་ཅན་གཡས་པས་ལྕགས་ཀྱི་རྡོ་རྗེ་རྩེ་དགུ་པ་ཁ་གདེངས་པ་ནམ་མཁར་ཕྱར་བ༔ གཡོན་པས་སྡིག་པ་དང་ཞགས་པ་མེའི་ཐོ་བ་འཛིན་པ༔ རབ་ཏུ་གཏུམ་ཞིང་འཇིགས་པའི་ཞལ་གདངས་

[Full Size]

པ༔ ལྗགས་ལས་གློག་འཁྱུགས་པ༔ ཨག་ཚོམ་སྨྲ་ར་ལས་མེའི་ཚྭ་ཚྭ་འཕྲོ་བ༔ དུར་ཁྲོད་ཀྱི་ཆས་བརྒྱད་གསོལ་བ༔ བ་སྤུའི་བུ་ག་ཐམས་ཅད་ནས་ལྕགས་ཀྱི་སྡིག་པས་གཏམས་པ༔ ཞབས་བརྐྱང་བསྐུམ་འདོར་ཐབས་སུ་བསྒྲད་པ༔ མེ་དཔུང་དམར་ནག་འབར་བའི་ཀློང་ན་བཞུགས་པ༔ མེའི་ཀློང་ནས་ཁྲོ་ཆུང་མང་པོ་རླུང་ལྟར་འཚུབ་པ༔ སེར་རྒོད་ལྟར་འབེབས་པར་གྱུར༔ ཐུགས་ཀར་ཉི་མའི་དཀྱིལ་འཁོར་མཐིང་ནག་གི་དབུས་སུ་ཧཱུྃ་ནག་པོ་ལ་སྔགས་ཀྱིས་བསྐོར་བ་ལས་འོད་འཕྲོས༔ དབང་དྲག་རོལ་པའི་དཀྱིལ་འཁོར་ནས་ཡེ་ཤེས་པ་སྤྱན་དྲངས༔ བདག་དང་ཕུར་པ་ལ་ཡང་

[Full Size]

ཡང་བསྟིམ༔ སྐུ་གསུང་ཐུགས་ཀྱི་བྱིན་བརླབས་དབང་བསྐུར༔ ཁྲོ་རྒྱལ་ཀུན་འདུས་ཀྱི་མཐུ་དང་ལྡན་པར་གྱུར༔ ༈ རྩུབ་འགྱུར་མེ་ཡི་འཁྲུག་ཀློང་ནས༔ ཡཀཱ་མེ་དབལ་གཤེགས་སུ་གསོལ༔ རང་བཞིན་གཞལ་ཡས་སོགས་སྤྱན་འདྲེན་ཚང་བར་བྱ༔ བཛྲ་ཡཀཱ་ཀྲོ་དྷ་དྷེ་ཝ་ཌཱཀྐི་ནི་སོགས། ཁྲོ་རྒྱལ་དྲེགས་འཇོམས་མེ་དབལ་ལྷ་ཚོགས་རྣམས༔ སོགས། ཧཱུྃ༔ དྲག་པོ་མེ་དབལ་དཀྱིལ་འཁོར་ལྷ་ཚོགས་རྣམས༔ སོགས། མཆོད་པ་གཞུང་ལྟར་རོ༔ བསྟོད་པ་ནི་རྣམ་རྒྱལ་འབར་བའི་ཡཀཱ་མེ་དབལ་བསྟོད་པ་དེ་བྱ༔ བཤགས་པ་ནི༔ ཡཀཱ་མེ་དབལ་རིག་འཛིན་ལྷ་ཡི་ཚོགས༔ སོགས་རྗེས་རྣམས་གཞུང་ལྟར་རོ༔ ཞེས་པ་འདི་ཟུར་མང་ནང་སོས་བསྐུལ་ནས༔ སྔགས་འཆང་༧ ཨ་རཱ་གས་བསྒྲིགས་པའོ༔ ༈ ཡཀཱ་མེ་དབལ་གྱི་དམིགས་རིམ་འཛབ་དགོངས་གསལ་བྱེད་བཞུགས་སོ༔ ༈ མངོན་རྟོགས་གཅིག་གིས་བདག་མདུན་དུས་གཅིག་བསྐྱེད་ནས༔ འདོན་འགྲིགས་ལྟར་ཚར་རྗེས༔ བདག་མདུན་ཐུགས་ཀའི་སྔགས་ཕྲེང་འཁོར་བཞིན་པ་ལས་འོད་ཟེར་ཕྱོགས་བཅུར་འཕྲོས་པས་ཕྱོགས་བཅུའི་ཁྲོ་བོ་ཁྲོ་མོ་ཐམས་ཅད་མཆོད༔ འཇིག་རྟེན་གྱི་དྲེགས་པ་ཅན་ཐམས་ཅད་ཚར་

[Full Size]

བཅད༔ དེ་ཐམས་ཅད་ཀྱི་མཐུ་སྟོབས་ནུས་པ་བསྡུས་ནས་བདག་མདུན་ལ་ཐིམ༔ དེ་ལྟར་བྷེ་ཞིང་བཟླ་བ་བསྙེན་པ༔ རང་གི་ཐུགས་ཀའི་སྔགས་ཕྲེང་འཁོར་བཞིན་པ་དེ་ལས་སྔགས་ཕྲེང་འཕྲོས༔ ཞལ་ནས་ཐོན༔ མདུན་བསྐྱེད་ཀྱི་ཞལ་དུ་ཞུགས༔ ཐུགས་ཀ་བརྒྱུད་ལྟེ་བ་ནས་ཚུར་བྱོན༔ རང་གི་ལྟེ་བ་ནས་ཞུགས་ཐུགས་ཀར་ཐིམ༔ དེ་ལས་འོད་ཟེར་ཕྱོགས་བཅུར་འཕྲོས་པས་འོག་མིན་དབང་དྲག་རོལ་པའི་དཀྱིལ་འཁོར་ཡཀཱ་མེ་དབལ་དང་རི་རབ་ཀྱི་རྩེ་ཅོག་བཞི་ནས་གནོད་སྦྱིན་ཡཀཱ་མེ་དབལ་དཔག་ཏུ་མེད་པ་སྤྱན་དྲངས༔ བདག་དང་ཕུར་པ་ལ་ཡང་ཡང་བསྟིམས་པས་སྐུ་གསུང་ཐུགས་བྱིན་གྱིས་བརླབས་ཏེ་དབང་བསྐུར་ནས་ཁྲོ་རྒྱལ་ཀུན་འདུས་ཀྱི་མཐུ་ནུས་དང་ལྡན་པར་བསྒོམ་ཞིང་བཟླ་བ་ནི་སྒྲུབ་པ་ཡིན་ལ༔ རྩ་སྔགས་རང་ལ་སུམ་འབུམ་ཉི་ཁྲི་ཡང་ན་ཞག་དྲུག་བཟླ༔ དེ་བྱེད་ན་ཞག་གསུམ་བསྙེན་པ་ཞག་གསུམ་སྒྲུབ་པ༔ ༈་དེ་ནས་རང་གི་སྔགས་ཕྲེང་གཡས་སུ་འཁོར་བ་ལས་མེ་འབར་བས་ལུས་ཀྱི་ནད་གདོན་ཐམས་ཅད་བསྲེག༔ བ་སྤུའི་བུ་ག་ནས་ཕྱིར་འབར་འཇིག་རྟེན་ཐམས་ཅད་མེས་ཁེངས་རང་ལ་གནོད་པའི་རྒྱལ་བསེན་དམ་སྲི་གདུག་པ་ཅན་ཐམས་ཅད་མྱལ་སྒྲ་ཙིར་ཙིར་

[Full Size]

བསྲེག་པར་བསྒོམ་པ་དང་༔ ཡང་སྔགས་ཀྱི་འོད་ཟེར་ལས་འཇིག་རྟེན་ཁམས་ཐམས་ཅད་མེ་འབར་བ་ལས༔ མེའི་ཀློང་ནས་ཧཱུྃ་གིས་གང་ཧཱུཾ་ཐམས་ཅད་ཡཀྵ་མེ་དབལ་དུ་གྱུར༔ དེ་ཐམས་ཅད་ལག་ན་མཚོན་ཆ་སྣ་ཚོགས་ཐོགས་སྐུ་ལས་མེ་འབར་བས་མེའི་འཁོར་ལོ་ལྟར་འཁྲུགས་པས་གནོད་བྱེད་ལྷ་སྲིན་སྡེ་བརྒྱད་ཐམས་ཅད་བསད་བཅད་ཟོས་གདོན་ཐམས་ཅད་ཐལ་བར་བརླག་སྟེ༔ འཇིག་རྟེན་མྱལ་སྒྲ་དང་ངུ་སྒྲས་གང་༔ ལྕགས་ཀྱི་སྡིག་པ་མང་པོས་ཀྱང་ངར་ཞིང་འབྲད༔ མྱལ་མྱལ་ཟོས་སྣང་སྲིད་ཐམས་ཅད་ཡཀྵ་མེ་དབལ་ལྕགས་སྡིག་གི་རང་བཞིན་ལ་གནོད་བྱེད་ཐམས་ཅད་མིང་ཡང་མི་གྲགས་པར་བསྒོམ་ཞིང་༔ རྩ་སྔགས་མཇུག་ཏུ་གནོད་བྱེད་གདོན་བགེགས་ཀྱི་སྙིང་ལ་མཱ་ར་ཡ་ཧཱུྃ༔ ཞེས་བཏགས་པ་བཟླ་བ་ལས་སྦྱོར་ཏེ་ཞག་བདུན་བྱེད་ན་འདི་ཞག་གཅིག་ཡིན༔ གོང་དུ་སུམ་འབུམ་ཉི་ཁྲི་བཟླས་འདི་ལ་སུམ་ཁྲི་ཉིས་སྟོང་ཙམ་བཟླས་འོན་ཀྱང་རྟགས་གཙོ་ཆེ་བས་ཐུལ་རྟགས་བྱུང་ན་སྔགས་དང་དམིགས་པ་ཀློད་གདོན་རྣམས་ཐལ་མོ་སྦྱར་ནས་ཆོས་ཉན་པར་བསྒོམས་ལ༔ ཆོས་རྣམས་ཐམས་ཅད་རྒྱུ་ལས་བྱུང་༔ སོགས་བརྗོད་པས༔ ཁོ་ཞེ་སྡང་ཞི་ནས་བདག་ལ་གུས་པར་བསམ༔ ཕྱིན་ཆད་

[Full Size]

གནོད་པ་མ་བྱེད་དང་བདག་གིས་གསོ་བར་བྱའོ་ཞེས་བཀའ་བསྒོས་ནས་སྔོན་འགྲོ་དཀར་བགེགས་གཉིས་ཕུལ༔ གུ་དྲག་གི་བཀའ་བསྒོ་མཚམས་གཅོད་གཉིས་བྱ༔ སླར་ཚོགས་དང་བསྐང་བ་རྣམ་རྒྱལ་འབར་བ་ཆད་མདོ་བརྟན་སྐྱོང་རྣམས་བྱ༔ མདུན་བསྐྱེད་ཕུར་པ་ལ་བསྟིམ༔ བདག་བསྐྱེད་སྟོང་པར་བསྡུས་གོང་དུ་བསྙེན་སྒྲུབ་ཚེ་ཡུངས་ཀར་མང་ཞིག་སྔགས་ལ་དེའི་ཐུམ་པོ་ཕུར་པའི་མགུལ་དུ་བཏགས༔ ཤ་རྩིས་སམ་ཕྱིང་ཁུག་ཏུ་བཅུག་རང་གི་དྲུང་དུ་འཆང་༔ དགོས་དུས་རང་ཉིད་དྲག་པོའི་ང་རྒྱལ་གྱིས༔ ཕུར་པ་མེ་དབལ་དུ་བསྐྱེད་དོ༔ གདེངས་བས་དེ་ལས་མེའི་བྱ་ཁྱུང་དཔག་ཏུ་མེད་པ་འཕྲོས༔ གདོན་དང་འབྱུང་པོ་ཐམས་ཅད་ནམ་མཁའི་ཕར་མཐར་བྲོས་བར་བྷེ༔ ནཱ་ག་རཱ་ཙ་ཞེས་སོགས་སྔགས་རིང་བཏགས་ལ་བཟླ༔ དེ་སོགས་ལས་ཚོགས་རྣམས་གཞུང་དུ་གསལ་ལོ༔ སརྦ་མངྒ་ལཾ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་དྲག་པོའི་ལས་བྱང་ལས་ཁྱུང་ནག་ཡོན་ཏན་གྱི་སྒྲུབ་པའི་འདོན་འགྲིགས།

[Full Size]

ཐུགས་སྒྲུབ་དྲག་པོའི་ལས་བྱང་ལས་ཁྱུང་ནག་ཡོན་ཏན་གྱི་སྒྲུབ་པའི་འདོན་འགྲིགས་བཞུགས་སོ།།

[Full Size]

བླ་མའི་ཐུགས་སྒྲུབ་དྲག་པོའི་ལྷ་ལ་ཕྱག་འཚལ་ལོ༔ དེ་ཡི་ཕྲིན་ལས་སྤྲུལ་པའི་ལྷ༔ ཁྱུང་ནག་ཡོན་ཏན་སྒྲུབ་པ་བསྟན༔ དེ་ཡང་སྒྲུབ་པ་བྱེད་ན་སྟ་གོན་གཞུང་ལྟར་ལས་བདག་མདུན་དུས་གཅིག་བསྒོམ༔ རྒྱུན་བསྙེན་བྱེད་ན་ཕུར་པ་མི་དགོས་བདག་བསྐྱེད་རྐྱང་པ་བྱ་སྟེ༔ ལས་བྱང་ཏིང་འཛིན་རྣམ་གསུམ་བར་འདོན༔ ཞེས་དང་༔ ཞེས་དང་༔ སོགས་ཚིག་བསྒྱུར་འོས་བསྒྱུར༔ གཞལ་ཡས་ཁང་བསྐྱེད་མི་འདོན་པར༔

[Full Size]

རི་རབ་ཀྱི་སྟེང་དུ་པདྨའི་སྡོང་པོའི་སྟེང་དུ༔ ཉི་ཟླའི་གདན་གྱི་སྟེང་དུ༔ ཁྲོ་ལས་ལྕགས་ཀྱི་སྒོ་ངའི་ནང་དུ་ཁྲོ་འོད་ཟེར་འབར་བ་གཅིག་གསལ༔ འོད་ཟེར་འཕྲོས་རྒྱལ་བ་མཆོད༔ སྡིག་སྒྲིབ་སྦྱངས༔ ཁྲོ་རྒྱལ་ཐམས་ཅད་མཐུ་ནུས་པ་བསྡུས༔ ཡོངས་སུ་གྱུར་པ་ལས་བདག་ཉིད་ས་བདག་ཀླུའི་གཉེན་པོ༔ རྒྱལ་བ་ཐམས་ཅད་ཀྱི་མཐུ་ནུས་པ་ལས་གྲུབ་པའི་བྱ་ཁྱུང་རྒྱལ་པོ༔ ཁྲོ་ཆུའི་ལུས་པོ་གནམ་ལྕགས་ཀྱི་མཚུ༔ མེའི་གཤོག་པ་ཡོད་པ༔ གཤོག་པ་གཡས་པས་ཉི་ཟླ་ཀློག་པར་འཕེན་པ༔ གཤོག་པ་གཡོན་པས་ས་གཞི་འདར་ལ་གནོན་པ༔ སྤུ་སྤྲུགས་པས་ཐོག་

[Full Size]

སེར་གྱི་ཆར་འབེབས་པ༔ གསེར་གྱི་མིག་ལས་འོད་འཕྲོ་བ༔ ཟངས་ཀྱི་རྭ་ལས་མེ་འབར་བ༔ ལྕགས་ཀྱི་མཆུ་ལ་རྐན་སྒྲ་རྡེབ་པ༔ རྡོ་རྗེའི་སྡེར་མོ་དང་དུང་གི་སོ༔ ཁ་ནས་མེ་འབར་བ༔ མིག་ནས་གློག་འགྱུ་བ༔ སྤྱི་གསེབས་ནས་མཚོན་ཆའི་ཆར་དུ་འབེབས་པ་དབུ་ལ་རིན་པོ་ཆེས་བརྒྱན་པ༔ སྐུ་དང་ཡན་ལག་ལ་སྦྲུལ་གྱིས་བརྒྱན་པའོ༔ ཕྱག་གཉིས་ཀྱིས་སྦྲུལ་རིགས་ལྔའི་ཆུན་པོར་དྲིལ་བའི་མགོ་ནས་ཟ་བ༔ མཇུག་མ་ཞབས་ལ་དཀྲིས་པ་གཅིག་ཏུ་གྱུར། དབུས་སུ་ཁྲོ་ནག་པོ་གཅིག་ཏུ་གསལ༔ ཁྲོ་ལས་འོད་ཟེར་འཕྲོས་པས་ཡེ་ཤེས་པའི་བྱ་ཁྱུང་ཁྲོ་བོ་ཐམས་ཅད་ཀྱི་ཐུགས་ཀ་ནས་སྤྱན་དྲངས་ལ་ཐིམ༔ ཧཱུྃ༔ རི་རབ་ཆེན་པོ་རི་ཡི་རྩེ་མོ་ནས༔ དཔག་བསམ་རྒྱས་པ་ཤིང་གི་སྡོང་པོ་ནས༔ འཇིགས་བྱེད་སྲིད་པའི་བྱ་ཁྱུང་ཁྲོ་བོའི་རྒྱལ༔ བདག་གིས་དད་པ་དང་ནི་དམ་ཚིག་གིས༔ ཚུར་གཤེགས་ཚུར་གཤེགས་དཔལ་ཆེན་བཅོམ་ལྡན་འདས༔ གང་འདུལ་ཐབས་ཀྱིས་བྱ་ཁྱུང་སྐུ་རུ་སྤྲུལ༔ ཁྲོ་རྒྱལ་དག་དང་དགོངས་པ་མཉམ་པར་བཞུགས༔ ཐབས་དང་ཤེས་རབ་གཉིས་མེད་ཡུམ་དང་སྦྱོར༔ གནམ་ལྕགས་ངར་མའི་མཆུ་སྡེར་ཕྱུར་བ་ཡིས༔ ས་

[Full Size]

བདག་ལྷ་ཀླུ་འདར་ཞིང་འཇིགས་པར་བྱེད༔ ཁྲོ་ཆུའི་རྭ་ལས་བསྐལ་པའི་མེ་ཆེན་འབར༔ གཤོག་པ་གསེར་གྱི་རལ་གྲི་མེ་དཔུང་འབར༔ སྣང་སྲིད་མ་ལུས་ཟིལ་གྱིས་གནོན་པར་བྱེད༔ མཇུག་མ་གཡུ་ཡི་མཚོན་ཆ་རལ་གྲི་ཁ༔ འཁོར་ལོ་རིན་ཆེན་འབར་བས་དབུ་ལ་བརྒྱན༔ རྣལ་འབྱོར་བདག་གིས་བྱ་ཁྱུང་བོས་པའི་ཚེ༔ སྔོན་གྱི་ཐུགས་དམ་ལས་ལ་མངག་པ་ཡི༔ སྤྱན་ནས་ཁྲག་གི་རྦ་རླབས་ཀྱི་ལི་ལི༔ ཁྱུང་སྐད་ཏང་ཏང་ཀླུ་རྣམས་སྲོག་རྩ་འདར༔ གཤོག་པ་གཡས་པས་ཉི་ཟླ་ལྐོག་པར་འཕེན༔ གཤོག་པ་གཡོན་པས་ས་གཞི་གདར་ཤ་གཅོད༔ ལྕགས་སྡེར་བསྐྲད་པས་ཚངས་པའི་ཡུལ་ས་གནོན༔ གཤོག་པ་བརྡབས་པས་གཟའ་ཀླུ་དབང་དུ་སྡུད༔ སྤུ་གྲིའི་མཆེ་གཙིགས་གནམ་ལྕགས་ངར་མའི་མཆུ༔ ཀླུ་ཆེན་བརྒྱད་པོ་འདར་ཞིང་བྲན་ལ་འཁོལ༔ བྱ་ཁྱུང་རྒྱལ་པོ་གཡབ་བོ་སྤྱན་མ་རྟུལ༔ བྱ་ཁྱུང་རྒྱལ་པོ་བརྟེན་ནོ་རྒྱང་མ་རིང་༔ བྱ་ཁྱུང་རྒྱལ་པོ་སྒྲུབ་བོ་མཐུ་མ་ཆུང་༔ བྱ་ཁྱུང་རྒྱལ་པོ་བསྐུལ་ལོ་སྙན་མ་རིང་༔ ཀླུ་རྒྱལ་ཆར་འབེབས་ཕྲིན་ལས་བསྒྲུབ་པའི་ཕྱིར༔ ཐུགས་དམ་མ་གཡེལ་གནས་འདིར་གཤེགས་སུ་གསོལ༔ ཁྲོ་བཛྲ་གྷ་རུ་ཊ་ས་མ་ཡ་ཛ་ཛ༔ཧཱུྃ་བཾ་ཧོ༔ ལྷ་

[Full Size]

ཚོགས་རྣམས༔ སོགས༔ མེ་ཏོག་སོགས༴ ལྷ་ཚོགས་ཀྱི༔ ཞལ་དུ་བསྟབ་སོགས། ཚིག་བསྒྱུར་འོས་བསྒྱུར་ནས་ཁྱུང་གི་གཏོར་མ་རྩ་སྔགས་ལ༔ བཏགས་པ་གསུམ་གྱིས་ཕུལ་ལ༔ ཞེས་སོགས་རྣམ་རྒྱལ་འབར་བའི་ཁྱུང་བསྟོད་འདོན༔ སྒྲུབ་པ་ཡིན་ན་རྗེས་རྣམས་གཞུང་ལྟར་དང་༔ རྒྱུན་བསྙེན་ཡིན་ན་ཞག་རེ་མ་ཐ་ན་ཡང་དེ་ལྟར་ལས་བྱང་དེ༔ རབ་ཉིན་དང་མཚན་གཉིས་ལ་འདོན༔ བར་མཚམས་ཐམས་ཅད་དུ་ཏིང་ངེ་འཛིན་དང་མ་བྲལ་བར་བསྙེན་པ་བྱ་སྟེ༔ སུམ་འབུམ་ཡན་ཆད་གཞུང་གི་རྟགས་དང་བསྟུན་ཏེ༔ ལར་གྲངས་ལས་རྟགས་གཙོ་ཆེ་བ་ཡིན་ནོ༔ རྟགས་ཐོན་ཆར་འབེབས་ཀླུ་འདུལ་སོགས་གཞུང་ལྟར་དང་སེར་བ་སྲུང་བ་སོགས་ཐུབ་པར་ངེས་སོ༔ རཱ་ག་ཨ་སྱས་བསྒྲིགས་པ་སྟེ་འགྲོ་བ་མང་པོ་ལ་ཕན་པར་གྱུར༔ དར་རྒྱས་འཕེལ༔ ཆགས་མེད་རིན་པོ་ཆེའི་ཕྱག་བྲིས་དངོས་ཀྱི་བུ་ཚེ་ཆོས་བླ་མ་པདྨའི་ཕྱག་བྲིས་ལས་དག་པར་ཀརྨ་ཉི་མས་བཤུས༔ དེའི་བུ་འདི་ཀ་ལགས་ཤིང་དག་པར་ཡོད་དོ༔

[Full Size]

གུ་རུ་དྲག་པོའི་ཁྱུང་ནག་ཡོན་ཏན་སྒྲུབ་པའི་འཛབ་དགོངས་བཞུགས༔ བདག་དང་མདུན་བསྐྱེད་ཕུར་པ་སོགས་ཁྱུང་དུ་བསྒོམ༔ འདོན་འགྲིགས་ལྟར་སྤྱན་འདྲེན་མཆོད་བསྟོད་ཚར་རྗེས༔ བདག་མདུན་གྱི་ཐུགས་ཀར་རཾ་ལས་ཉི་མའི་དཀྱིལ་འཁོར་གདན་ཐབས་ཀྱི་སྟེང་དུ་༔ ཁྲོ་ནག་པོའི་མཐར་སྔགས་ཕྲེང་གཡས་སུ་འཁོར་བ༔ དེ་ལས་འོད་ཟེར་སྣ་ཚོགས་ཕྱོགས་བཅུར་འཕྲོས་པས༔ རི་རབ་བྱེ་བ་ཕྲག་བརྒྱའི་རྩེ་དཔག་བསམ་ཤིང་བྱེ་བ་ཕྲག་བརྒྱའི་རྩེར་བཞུགས་པའི་ཡེ་ཤེས་བྱ་ཁྱུང་ཁྲོ་བོ་ཐམས་ཅད་ཀྱི་ཐུགས་ཀ་ནས་སྤྲུལ་པའི་བྱ་ཁྱུང་དཔག་ཏུ་མེད་པ་ཁ་བ་བུ་ཡུག་ལྟར་ཆི་ལི་ལི་བྱོན་ནས་བདག་མདུན་ལ་སིབ་སིབ་ཐིམ་པར་བསྒོམ་ཞིང་བཟླ་བ་བསྙེན་པའོ༔ ༈ དེ་ནས་སྔགས་ཕྲེང་འཁོར་བཞིན་པ་ལས༔ བདག་གི་ཐུགས་ཀ་ནས་སྔགས་འོད་ཟེར་ལས་གྲུབ་པའི་སྔགས་ཕྲེང་འཕྲོས་ཞལ་ནས་ཐོན༔ མདུན་བསྐྱེད་ཀྱི་ཞལ་དུ་ཞུགས༔ ཐུགས་ཀ་ནས་ལྟེ་བ་ནས་ཚུར་བྱུང་རང་གི་ལྟེ་བ་ནས་ཐུགས་ཀར་ཐིམ༔ དེ་ལྟར་ཀྱི་ལི་ལི་འཁོར་བ་ལས༔ འོད་ཟེར་ཁ་དོག་སྣ་ཚོགས་འཕྲོས༔ ཕྱོགས་བཅུའི་ཡེ་ཤེས་ཀྱི་ཁྲོ་བོ་ཁྲོ་མོ་ཐམས་ཅད་མཆོད༔ དེ་རྣམས་ཀྱི་སྐུ་གསུང་ཐུགས་ལས་ཁྱུང་གི་སྐུ་

[Full Size]

དང་སྔགས་ཕྲེང་དང་ཁྲོ་ཡིག་མཐིང་ནག་དཔག་ཏུ་མེད་པ་ཆར་བཞིན་བབས་ནས་བདག་མདུན་ལ་སིབ་སིབ་ཐིམ་པར་བསྒོམ་ཞིང་བཟླ་བ་ནི་བསྙེན་པ་ཡིན༔ གྲངས་ལ་སུམ་འབུམ་གསུངས་ཀྱང་ཞག་བདུན་ཀྱང་སྒྲུབ་པས་འཐུས་ཏེ་རྟགས་གཙོ་ཆེ༔ རང་ལ་ནད་སོགས་གནོད་པ་མེད་ན་ལས་སྦྱོར་མ་བྱས་ཀྱང་ཆོག༔ ལས་སྦྱོར་ནི་གཞུང་གི་སྔགས་ཤམ་དུ་སྔགས་འོག་མ་བཏགས་ལ་བཟླ༔ སྤྲུལ་པའི་ཁྱུང་ནག་གིས་ནམ་མཁའ་བར་སྣང་གང་སྟེ་གཤོག་གསེབ་ནས་བྱེ་ཚན་གྱིས་ཆར་འབེབས་ཤིང་མེའི་གཤོག་པ་བརྡབས་པས་ས་གཞི་བར་སྣང་མེས་གང་༔ སྣང་ཞིང་སྲིད་པའི་ནགས་ཚལ་ཐམས་ཅད་གང་སླར་ཡང་མེ་འབར༔ ས་གཞི་ཐམས་ཅད་མེར་འབར་ཏེ་ཀླུ་དང་ས་བདག་གཉན་ཐམས་ཅད་ཐུལ་ཏེ་གནོད་པ་བྱེད་རེ༔ ཅི་བཅོལ་བའི་ཕྲིན་ལས་མི་སྒྲུབ་རེ་ན་ར་ཀན༔ ཞེས་ལན་དགུར་ཁས་ལེན་པར་བསྒོམ༔ ཐུལ་རྟགས་བྱུང་ནས་དམིགས་པ་དང་སྔགས་རིང་སྐྱུར༔ ཚོགས་བསྐང་བ་ཆད་མདོ་སོགས་བྱ༔ བདག་མདུན་གྱི་ཁྱུང་ཡེ་ཤེས་པ་རྣམས་ཕུར་པ་འདི་ལ་བརྟན་པར་བཞུགས་སུ་གསོལ༔ དམ་ཚིག་པ་རྣམས་བདག་ལ་ཐིམ་ཞིང་༔ བདག་ཁྱུང་དུ་གསལ་བ་ཡང་སྟོང་པ་ཉིད་དུ་བསྒོམ༔ བཀྲ་ཤིས་བརྗོད།

[Full Size]

མངྒ་ལཾ༔ ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རཱ་ག་ཨ་སྱས་བསྒྲིགས་པ་ཡི༔ ཁྱུང་དམར་མེ་ཕྲེང་ཐོག་རྒོད་ཀྱི་ལས་བྱང་དང་གཏོར་ཟློག

[Full Size]

རཱ་ག་ཨ་སྱས་བསྒྲིགས་པ་ཡི༔ ཁྱུང་དམར་མེ་ཕྲེང་ཐོག་རྒོད་ཀྱི་ལས་བྱང་དང་གཏོར་ཟློག་བཞུགས་སོ༔

[Full Size]

བདག་མདུན་ཁྲོ་དམར་པོ་ལས་འོད་ཟེར་འཕྲོས་ཀླུ་གཉན་ས་བདག་གདུག་པ་ཅན་ཐམས་ཅད་ཚར་བཅད་ཚུར་འདུས༔ ཁྲོ་ཡོངས་སུ་གྱུར་པ་ལས༔ བདག་མདུན་བྱ་ཁྱུང་དམར་པོ༔ མེའི་མདོག་ཅན༔ གཤོག་པ་གཡུ༔ མཆུ་སྡེར་གནམ་ལྕགས་ལས་གྲུབ་པ་སྤྱི་བོར་ནོར་བུའི་བརྒྱན་ཅིང་༔ སྦྲུལ་རིགས་ལྔ་ཡི་མགོ་ཁར་བཅུག་ཅིང་ཟ་བ༔ དེའི་ལུས་ལ་མེའི་འོད་ཟེར་ཕྱོགས་བཅུར་འཕྲོས་ནས༔ ཏོང་ཏོང་གི་སྒྲ་བཏོན་པས༔ ཀླུ་རིགས་གཉན་རིགས་ས་བདག་ཐམས་ཅད་སྙིང་འདར་བར་གྱུར༔ ཧཱུྃ༔ རི་རབ་ཆེན་པོ་རི་ཡི་རྩེ་མོ་ནས༔ དཔག་བསམ་

[Full Size]

རྒྱས་པ་ཤིང་གི་སྡོང་པོ་ནས༔ འཇིགས་བྱེད་སྲིད་པའི་བྱ་ཁྱུང་ཁྲོ་བོའི་རྒྱལ༔ བདག་གིས་དད་པ་དང་ནི་དམ་ཚིག་གིས༔ ཚུར་གཤེགས་ཚུར་གཤེགས་དཔལ་ཆེན་བཅོམ་ལྡན་འདས༔ གང་འདུལ་ཐབས་ཀྱིས་བྱ་ཁྱུང་སྐུ་རུ་སྤྲུལ༔ ཁྲོ་རྒྱལ་དག་དང་དགོངས་པ་མཉམ་པར་བཞུགས༔ ཐབས་དང་ཤེས་རབ་གཉིས་མེད་ཡུམ་དང་སྦྱོར༔ གནམ་ལྕགས་ངར་མའི་མཆུ་སྡེར་ཕྱར་བ་ཡིས༔ ས་བདག་ཀླུ་གཉན་འདར་ཞིང་འཇིགས་པར་བྱེད༔ ཁྲོ་ཆུའི་རལ་པ་བསྐལ་པའི་མེ་ཆེན་འབར༔ གཤོག་པ་གསེར་གྱི་རལ་གྲི་མེ་དཔུང་འབར༔ སྣང་སྲིད་མ་ལུས་ཟིལ་གྱིས་

[Full Size]

གནོན་པར་བྱེད༔ མཇུག་མ་གཡུ་ཡི་མཚོན་ཆ་རལ་གྲི་ཁ༔ འཁོར་ལོ་རིན་ཆེན་འབར་བས་དབུ་ལ་བརྒྱན༔ རྣལ་འབྱོར་བདག་གིས་བྱ་ཁྱུང་བོས་པའི་ཚེ༔ སྔོན་གྱི་ཐུགས་དམ་ལས་མངག་པ་ཡི༔ སྤྱན་ནས་ཁྲག་གི་རྦ་རླབས་ཀྱི་ལི་ལི༔ ཁྱུང་སྐད་ཏོང་ཏོང་ཀླུ་རྣམས་སྲོག་རྩ་འདར༔ གཤོག་པ་གཡས་པས་ཉི་ཟླ་ཚོགས་པོར་འཕེན༔ གཤོག་པ་གཡོན་པས་ས་གཞི་གདར་ཤ་གཅོད༔ ལྕགས་སྡེར་བསྒྲད་པས་ཚངས་པའི་ཡུལ་ས་གནོན༔ གཤོག་པ་བརྡབས་པས་གཟའ་ཀླུ་དབང་དུ་སྡུདཿ༔ སྤུ་གྲིའི་མཆེ་གཙིགས་གནམ་ལྕགས་ངར་མོའི་མཆུ༔ ཀླུ་ཆེན་བརྒྱད་པོ་འདར་ཞིང་ལས་ལ་ཁོལ༔ བྱང་ཁྱུང་རྒྱལ་པོ་འབོད་དོ་སྙན་མ་སྲ༔ བྱ་ཁྱུང་རྒྱལ་པོ་གཡབ་བོ་སྤྱན་མ་རྟུལ༔ བྱ་ཁྱུང་རྒྱལ་པོ་བརྟེན་ནོ་རྒྱང་མ་རིང་༔ བྱ་ཁྱུང་རྒྱལ་པོ་བསྒྲུབ་བོ་མཐུ་མ་ཆུང་༔ བྱ་ཁྱུང་རྒྱལ་པོ་བསྐུལ་ལོ་རྩལ་མ་ཞེན༔ ཀླུ་གདོན་བཟློག་ཅིང་ཕྲིན་ལས་བསྒྲུབ་པའི་ཕྱིར༔ ཐུགས་དམ་མ་གཡེལ་གནས་འདིར་གཤེགས་སུ་གསོལ༔ ཨོ་ཁྲོ་གྷ་རུ་ཎ་ཨེ་ཧྱ་ཧི་བཛྲ་ས་མ་ཡ་ཛ༔ ཛཿཧཱུྃ་བཾ་ཧོཿ ཧཱུྃ༔ དུར་ཁྲོད་ཆེན་པོ་མེ་ཀློང་འབར་བའི་དབུས༔ ཁྱུང་ཆེན་རོལ་པའི་དཀྱིལ་འཁོར་ཆེན་

[Full Size]

པོ་འདིར༔ ཁྲོ་རྒྱལ་དྲེགས་འཇོམས་ཁྱུང་གི་ལྷ་ཚོགས་རྣམས༔ ཉི་ཟླ་པདྨའི་གདན་ལ་བཞུགས་སུ་གསོལ༔ ཁྲོ་ག་རུ་ཎ་ས་མ་ཡ་ཏིཥྛ་ལྷན༔ ཧཱུྃ༔ དྲག་པོ་ཁྱུང་དམར་མེ་ཕྲེང་ཐོག་རྒོད་རྣམས༔ ཧཱུྃ་སྒྲ་སྒྲོག་ཅིང་བགེགས་རྣམས་འདུལ་མཛད་ལྷ༔ འབར་བའི་ཁྲོ་རྒྱལ་འཁོར་དང་བཅས་པ་ལ༔ བརྐྱང་བསྐུམ་སྲིན་པོའི་གར་གྱིས་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏི་ཛ་ཧོ༔ ཧཱུྃ༔ ཁྱུང་དམར་མེ་ཕྲེང་ཐོག་རྒོད་ལ༔ མེ་ཏོག་དང་ནི་བདུག་སྤོས་དང་༔ མར་མེ་དྲི་དང་ཞལ་ཟས་དང་༔ སིལ་སྙན་ཡིད་འོང་མཆོད་སྤྲིན་རྣམས༔ ཀུན་བཟང་བླ་མེད་མཆོད་པའི་སྤྲིན༔ སྐུ་གསུང་ཐུགས་ལ་མཆོད་པ་འབུལ༔ ཨོ་བཛྲ་ཨགྷཾ་སོགས། ཧཱུྃ༔ གཟུགས་སྒྲ་དྲི་རོ་རེག་བྱ་ཆོས༔ ཕུང་པོ་ལྔ་ཉིད་ཡེ་ཤེས་ལྔ༔ འདོད་ཡོན་གླུ་གར་མཆོད་ཡིད་ཚིམ༔ རྣམ་དག་མཆོད་པ་བཞེས་སུ་གསོལ༔ མ་ཧཱ་པཉྩ་པཱ་ཙ་ཧོ༔ ཧཱུྃ༔ ཐབས་དང་ཤེས་རབ་གཉིས་སུ་མེད༔ གཉིས་མེད་སྦྱོར་བའི་འཕྲོ་འདུ་ལས༔ བྱང་ཆུབ་སེམས་ཀྱི་འོད་ཟེར་འཕྲོ༔ ཐབས་ཤེས་བདེ་བ་ཆེན་པོར་བཞེས༔ མ་ཧཱ་མུ་དྲ་ས་མ་ཡ༔ གུ་ཧྱ་པཱུ་ཙ་ཧོ༔ ཧཱུྃ༔ རང་བྱུང་གདོད་ནས་རྣམ་པར་

[Full Size]

དག༔ རྩ་བརྒྱད་སྟོང་ལ་སྦྱར་བའི་སྨན༔ རིགས་ལྔ་དམ་ཚིག་ལྔ་ཡི་དངོས༔ ཡེ་ཤེས་ལྔ་རྫོགས་སྒྲུབ་པའི་རྫ་ས༔ རྒྱུད་ལྔ་སེམས་ཅན་ཀུན་གྲོལ་ཕྱིར༔ དུག་ལྔ་སེལ་བའི་བདུད་རྩི་ཆེ༔ ངོ་མཚར་རྨད་བྱུང་ཡེ་ཤེས་མཆོག༔ ཁྱུང་ཆེན་འབར་བའི་ཚོགས་རྣམས་ལ༔ མཉམ་ཉིད་ཆེན་པོར་འབུལ་ལགས་ན༔ ཐུགས་རྗེས་བརྩེར་དགོངས་བཞེས་སུ་གསོལ༔ བཞེས་ནས་རྣལ་འབྱོར་བདག་ཅག་ལ༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཨོཾ་ཨཱཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧི༔ ཧཱུྃ༔ དམ་རྫས་གཏོར་ཆེན་འབར་བ་འདི༔ བརྗིད་ལྡན་རོ་མཆོག་བརྒྱད་དང་ལྡན༔ འདོད་ཡོན་ལྷ་མོའི་ཚོགས་ཀྱིས་སྤྲས༔ ཡེ་ཤེས་རྒྱ་མཚོའི་མཆོད་སྤྲིན་འདི༔ ཁྱུང་དམར་མེ་ཕྲེང་ཐུགས་དམ་བསྐང་༔ བསྐངས་གྱུར་དབང་དང་དངོས་གྲུབ་སྩོལ༔ མ་ཧཱ་བ་ལིཾ་ཏ་ལ་ཁ་རཾ་ཁཱ་ཧི༔ ཧཱུྃ༔ མ་རིག་ལོག་རྟོག་འཁྲུལ་པ་ཡི༔ ཞིང་བཅུ་གདུག་པའི་རུ་དྲ་བསྒྲལ༔ ལྕང་ལོར་བཅས་པའི་བྷན་དྷ་རུ༔ ཁམས་གསུམ་བསྒྲལ་བའི་རཀྟ་བསྐྱིལ༔ ཁྱུང་ཆེན་འབར་བའི་ལྷ་ཚོགས་ཀྱི༔ ཞལ་དུ་བསྟབ་བོ་ཁ་རཾ་ཁཱ་ཧི༔ མ་ཧཱ་རཀྟ་ལ་ཁ་རཾ་ཁཱ་ཧི༔ ཧཱུྃ༔ ཡང་དག་དོན་རྟོགས་ཤེས་རབ་

[Full Size]

ཀྱིས༔ གཟུང་འཛིན་གདུག་པའི་དགྲ་བགེགས་བསྒྲལ༔ རྒྱལ་བའི་ཚོགས་རྣམས་དེ་ལ་དགྱེས༔ ཆོས་དབྱིངས་རོལ་པའི་མཆོད་པ་བཞེས༔ མ་ཏྲཾ་རུ་ཏྲ་པྲ་བྷན་ཙཀྲ་པྲ་ཝེ་ཤ་ཡ་ཁཱ་ཧི༔ ཧཱུྃ༔ ས་བོན་ཁྲོ་ལས་མེ་ཡི་བྱ་ཁྱུང་ནི༔ མཁའ་ལྡིང་འཇིགས་བྱེད་རྒྱལ་པོ་གྷ་རུ་ཎ༔ གནམ་ལྕགས་ཁྲོ་ཆུ་ཞུན་མའི་ལུས་པོ་ལ༔ རྡེབ་བྱེད་མེ་ཡི་གཤོག་པ་ལྷབས་སེ་ལྷབ༔ འཇིགས་བྱེད་རྡོ་རྗེའི་སྡེར་མོ་ལྗིབས་སེ་ལྗིབ༔ རྡུང་བྱེད་ཟངས་ཀྱི་རྭ་ནི་ཟངས་སེ་ཟང་༔ གསེར་གྱི་སྤྱན་མིག་འབར་བ་ཀྱི་ལི་ལི༔ གནམ་ལྕགས་རྡོ་རྗེའི་མཆུ་ནི་ཐམས་སེ་ཐམ༔ འཇིགས་བྱེད་གློག་དམར་ལྕེ་ནི་ལྗིབས་སེ་ལྗིབ༔ དུང་གི་སྤུ་གྲིའི་སོ་ནི་ཐམས་སེ་ཐམ༔ རིན་ཆེན་སྣ་ཚོགས་སྤུ་ནི་སྤྲུག་པ་ལས༔ གནམ་ལྕགས་རྡོ་རྗེའི་སེར་རྒོད་ཤ་ར་ར༔ ཀླུ་རིགས་སྦྲུལ་མགོ་ལྔ་ནི་ཁར་བཅུག་ནས༔ ལག་པས་བཟུང་ཞིང་རྒྱ་མཚོའི་སྟེང་ནས་འདྲེན༔ ཀྲང་ཀྲི་སྒྲ་སྒྲོག་འཇིག་རྟེན་རླབས་ཀྱིས་གཅོད༔ གཤོག་པ་གཡས་པས་རི་རབ་ཐལ་བར་བཤིགས༔ གཤོག་པ་གཡོན་པས་ཉི་ཟླ་ཐང་ལ་འཕེན༔ ནོར་བུ་རིན་ཆེན་འབར་བས་དབུ་ལ་བརྒྱན༔ ཁྲོ་རྒྱལ་དག་དང་དགོངས་པ་

[Full Size]

མཉམ་པར་བཞུགས༔ མཁའ་ལྡིང་ཁྱུང་ཆེན་སྐུ་ལ་ཕྱག་འཚལ་བསྟོད༔ གནོད་བྱེད་ས་བདག་ཀླུ་གཉན་བསྒྲལ་དུ་གསོལ༔ ཐུགས་དམ་དབང་གིས་བཅོལ་བའི་ཕྲིན་ལས་མཛོད༔ དེ་ནས་སྐབས་དེར་བསྙེན་པ་གཅིག་བྱ༔ ཨོ་ཁྲོ་གྷ་རུ་ཎ༔ ནཱ་ག་ལེ༔ དུ་པ་ལེ༔ པ་ཏཾ་ཏེ༔ ཀུ་རུ་ཧཱུྃ་ཧཱུྃ༔ བྷྱོ་བྷྱོ་ཛ་ཛ་ཛ༔ ཕཊ་ཕཊ་ཕཊ༔ དེ་ནས་ལིངྒ་དང་གཏོར་མ་ལ་བཀུག་གཞུག་བྱས་ལ༔ ན་མོ༔ དཀོན་མཆོག་གསུམ་དང་རྩ་བ་གསུམ་གྱི་བདེན་པ་དང་༔ ཁྱུང་ཆེན་འབར་བའི་བདེན་པ་དང་༔ བདག་དང་བསྲུང་བྱ་ལ་གནོད་ཅིང་འཚེ་བར་བྱེད་པའི་ཀླུ་གཉན་ས་བདག་གང་ཡིན་པ་ཐམས་ཅད་ལིངྒ་དང་གཏོར་མ་འདི་ལ་ཁུག་ཅིག༔ བཛྲ་ཨཾ་ཀུ་ཤ་ཛ་ཛ་ཛ༔ བཛྲ་པཱ་ཤ་ཧཱུྃ་ཧཱུྃ་ཧཱུྃ༔ བཛྲ་སྤོ་ཊ་ཐཾ་ཐཾ་ཐཾ༔ བཛྲ་གནྡྷེ་ཧོ་ཧོ་ཧོ༔ བཛྲ་ཨཱ་ཝེ་ཤ་ཡ་ཨ་ཨ་ཨ༔ རྒྱབ་རྟེན་ཐམས་ཅད་པྲ་ཝེ་ཤ་ཡ་ཕཊ་ཕཊ་ཕཊ༔ ཧཱུྃ༔ ང་ནི་ཁྲོ་རྒྱལ་སྤྲུལ་པའི་ཁྱུང་༔ སྲས་དང་སྤྲུལ་པ་དཔག་མེད་ཀྱི༔ གནམ་ལྕགས་མཆུ་སྡེར་ཁྲོ་ཆུའི་རྭ༔ དམ་ཅན་ཕྱག་མཚན་མཚོན་ཆ་ཡིས༔ གནོད་བྱེད་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ རྩ་སྔགས་ལ༔ ཨོཾ་ན་མོ་བྷངྒཱ་ཡ༔ བཛྲ་ཀཱི་ལི་ཀཱི་ལ་ཡ༔ ཨ་ཡ་

[Full Size]

མ་དུ་རུ་ཙ་ཤ་ན༔ ནཱ་ག་དུན་ཙན་ཙནྡྷེ་མི་ལི་མི་ལི༔ བྷནྡྷ་བྷནྡྷ༔ ནཱ་ག་ནི་སྭཱ་ཧཱ༔ མཱ་ར་ཡ་ཛྭ་ལ་རཾ༔ མཱ་ར་ཡ་ཕཊ༔ ཅེས་བསྒྲལ༔ ཧཱུྃ༔ རྣལ་འབྱོར་བདག་ཅག་འཁོར་དང་བཅས་པ་ཡི༔ བྱང་ཆུབ་སྒྲུབ་ལ་བར་ཆད་བྱེད་པའི་བགེགས༔ ཀླུ་གཉན་ས་བདག་ནད་འདྲེ་གཅོང་སྲི་སོགས༔ དྲག་པོས་བསྒྲལ་བའི་ཤ་ཁྲག་རུས་པའི་ཚོགས༔ ཁྱུང་དམར་མེ་ཕྲེང་ཐོག་རྒོད་ཞལ་དུ་བསྟབས༔ ཐུགས་རྗེའི་དབང་གིས་བཞེས་ནས་བར་ཆད་སོལ༔ ཨོ་ཁྲོ་གྷ་རུ་ཊ་གནོད་བྱེད་ཀླུ་གཉན་ས་བདག་གི་ཚྭ་ས་ལ་ཁཱ་ཧི། རཀྟ་ལ་ཁཱ་ཧི༔ ཙིཏྟ་ལ་ཁཱ་ཧི༔ བཱ་སུ་ཏ་ལ་ཁཱ་ཧི༔ ཀེ་ནི་རི་ཏི་ལ་ཁཱ་ཧི༔ ཧཱུྃ༔ ཁྱུང་དམར་མེ་ཕྲེང་སྤྲུལ་པའི་བྱ་ཁྱུང་འགྱེད༔ ཡང་སྤྲུལ་ཁྱུང་གིས་སྟོང་གསུམ་འཇིག་རྟེན་གང་༔ ག་རུ་ཊ་ཡི་ཐུགས་དམ་དབྱིངས་ནས་བསྐུལ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཁྱུང་ཆེན་འབར་བ་མེ་ཕྲེང་ཐོད་རྒོད་ཀྱི༔ ཁྱུང་གི་རལ་ནག་སྤུག་པ་ཡིས༔ སྲིད་པའི་མ་མོ་ཐམས་ཅད་འཁྲུག༔ གཞན་སྤྲུལ་ཁྲོ་བོའི་ཚོགས་ཀྱིས་གང་༔ གཡས་ཀྱི་གཤོག་ཟུར་ལྔ་པོ་ལས༔

[Full Size]

སྟེང་གི་ཁྲོ་བོ་བཅུ་དང་ནི༔ གསང་བའི་ཁྲོ་མོ་བཅུ་རུ་འབར༔ སྤྱི་དཔལ་ཁྲོ་བོ་བཅུ་དང་ནི༔ རྫོགས་པ་ཆེན་པོའི་ཁྲོ་བཅུ་འབར༔ ཏ་ཀྲིཏ་ཁྲོ་བོ་བཅུ་དྲུག་ཤར༔ ལྟས་ངན་མི་རུང་སྣ་དགུ་ཡང་༔ བཟློག་གོ་ཁྱུང་ཆེན་འབར་བས་ཟློག༔ བསྒྱུར་རོ་ཆག་ཆེན་དགྲ་ལ་སྒྱུར༔ གཡོན་གྱི་གཤོག་ཟུར་ལྔ་པོ་ལ༔ སྲོག་རྩ་མ་མོ་སྤུན་བདུན་ཤར༔ ཨེ་ཀ་དྲག་མོ་སྤུན་དྲུག་སྤྲུལ༔ སྲིན་མོ་འབར་བ་སྤུན་བདུན་ཤར༔ གདོང་མོ་བཞི་དང་རྒྱལ་མོ་ལྔ༔ དབང་མོ་ཉེར་བརྒྱད་སྤྲུལ་པའི་ཁྱུང་༔ ལྟས་ངན་བརྒྱད་ཅུ་རྩ་གཅིག་དང་༔ ཡེ་འདྲོག་སུམ་བརྒྱ་དྲུག་ཅུ་དང་༔ གློ་བུར་དགུ་ཅུ་རྩ་གཅིག་ཟློག༔ བཟློག་གོ་སྡང་བའི་དགྲ་ལ་ཟློག༔ བསྒྱུར་རོ་གནོད་པའི་བགེགས་ལ་སྒྱུར༔ ཁྱུང་གི་མཇུག་སྒྲོ་བརྒྱད་པོ་ལ། རྒྱལ་མོ་བཞི་དང་གདོང་མོ་བཞི༔ སྤྲུལ་པའི་མ་མོ་བརྒྱད་དུ་ཤར༔ ཆག་ཆེན་ཉམ་ང་ཐམས་ཅད་ཟློག༔ བཟློག་གོ་ཁྱུང་ཆེན་འབར་བས་ཟློག༔ བསྒྱུར་རོ་ཆག་ཆེན་དགྲ་ལ་སྒྱུར༔ དགྲ་བགེགས་གཤེད་ཅན་བྱ་ཁྱུང་རྒྱལ་པོ་ཡིས༔ ལྟས་ངན་མ་ལུས་བཟློག་ཅིང་བསྒྱུར་བ་དང་༔ ལྟས་ངན་མི་ལུས་ཟློག་པའི་དུས་ལ་བབ༔ བཟློག་གོ་ལྟས་ངན་ཐམས་

[Full Size]

ཅད་དགྲ་ལ་ཟློག༔ བསྒྱུར་རོ་ཆག་ཆེན་ཉམ་ང་བགེགས་ལ་སྒྱུར༔ ཁྲོ་རྒྱལ་མ་ལུས་འཁོར་དང་བཅས་པ་ཡིས༔ བཟློག་ཅིང་བསྒྱུར་བའི་ཕྲིན་ལས་ད་མཛོད་ཅིག༔ ཧཱུྃ༔ ཁྲོ་རྒྱལ་ཁམས་གསུམ་ཧཱུཾ་སྒྲ་སྒྲོག༔ ཟངས་ཁྲབ་གསོལ་ནས་མདུང་མར་ཐོགས༔ བ་དན་རྩེ་གསུམ་གཡབ་པའི་ཚེ༔ ལྷ་སྲིན་དབང་སྡུད་དགྲ་བགེགས་གསོད༔ བདུད་དཔུང་འཇོམས་ཤིང་སྲོག་དབུགས་དབང་༔ མདུང་དམར་དབལ་གྱིས་ལོག་འདྲེན་སྒྲོལ༔ དགྲ་བགེགས་ཐམས་ཅད་བཟློག་ཏུ་གསོལ༔ བྷྱོ་བྷྱོ་སྡང་བའི་དགྲ་ལ་བྷྱོ༔ བཟློག་བཟློག་གནོད་པའི་བགེགས་ལ་ཟློག༔ ས་བདག་ཀླུ་གཉན་གྱི་ནད་ཐམས་ཅད་ཁྱུང་གི་སྡེར་མོས་བྲད༔ གཤོག་པས་བརྡབས༔ མཆུ་ཡིས་ཟོས༔ རྡུལ་དུ་བརླག་པར་བསྒོམ༔ ཧཱུྃ༔ གདུག་པའི་ཀླུ་གདོན་ས་བདག་ཁྱོད༔ དང་པོ་ཞེ་སྡང་ཕ་ཡི་རྒྱུད༔ བར་དུ་འདོད་ཆགས་མ་ཡི་མངལ༔ ཐ་མ་དྲི་ཟ་ལྟོ་བར་འཁོར༔ དེ་ནས་གཟུགས་ཕུང་ཡན་ལག་རྒྱས༔ ལྔ་ཕུང་རྩད་ནས་གཅོད་པའི་ཕྱིར༔ ཞེ་སྡང་སྙིང་ལ་གཏོར་ཟོར་ཡ༔ གཏི་མུག་ཤ་ལ་གཏོར་ཟོར་ཡ༔ འདོད་ཆགས་ཁྲག་ལ་གཏོར་ཟོར་ཡ༔ ང་རྒྱལ་རུས་ལ་གཏོར་ཟོར་ཡ༔ ཕྲག་དོག་

[Full Size]

དབུགས་ལ་གཏོར་ཟོར་ཡ༔ གནོད་བྱེད་ནད་འདྲེ་གཅོང་སྲི་ལ༔ དྲག་པོ་གཏོར་མའི་ཟོར་རྒྱོབས་ལ༔ ལྔ་ཕུང་ཡན་ལག་རྡུལ་དུ་རློགས༔ ཁྱུང་དམར་རྔམས་པའི་ཞལ་དུ་བསྟབ༔ སྤྲུལ་པའི་ཁྱུང་གིས་མཆོད་པར་བཞེས༔ ཡང་སྤྲུལ་ཁྱུང་གིས་རྔམས་ཟས་མཛོད༔ སེམས་ནི་རྒྱལ་བའི་སྲས་སུ་སྤོར༔ བཅོལ་བའི་ལས་རྣམས་མཐར་ཕྱུངས་ཤིག༔ རྩ་སྔགས་ལ༔ ནཱ་ག་རཱ་ཙ་ཨུ་ཙ་ཏ་ཡ་ཧཱུྃ་ཕཊ༔ སུ་མ་རཱ་ཛ༔ སུ་ནི་རཱ་ཛ༔ མ་ཙ་ར་ཙ༔ ཟ་ཟ་ཏྲག་ཤ་ཏྲིག་ཧྲིང་ཧྲིང་༔ དུ་དུ་མ་མ་རཀ་མོ་སརྦ་བིག་ནན༔ ཨུ་ཙ་ཏ་ཡ་ཕཊ༔ འདི་བྲི་བསམ་མེད་ཀྱང་ཀླུའི་གནོད་པས་ལག་པ་ལ་གྲུམ་བུའི་ནད་བྱུང་༔ ཡི་གེ་བྲིས་པ་ལ་བར་ཆད་བྱས་པས་མི་བྲི་ཀ་མེད་བྱུང་༔ ཆོས་བདག་བཀའ་སྲུང་རྣམས་ཀྱིས་ཀོ་ལོང་ཡོད་ན་གདོན་དེ་ལ་ཆད་པ་ཆོད་ཅིག༔ ཅེས་རཱ་ག་ཨ་སྱས་བསྒྲིགས་པའོ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་དྲག་པོའི་ལས་མཐའ་ཁྱུང་དམར་མེ་ཕྲེང་ཐོག་རྒོད་ཀྱི་དམིགས་པའི་འཛབ་དགོངས་གསལ་བྱེད་ཀྱི་ཞལ་ཤེས།

[Full Size]

བླ་མ་དྲག་པོའི་ལས་མཐའ་ཁྱུང་དམར་མེ་ཕྲེང་ཐོག་རྒོད་ཀྱི་དམིགས་པའི་འཛབ་དགོངས་གསལ་བྱེད་ཀྱི་ཞལ་ཤེས༔ ཁྱུང་དམར་མེ་ཕྲེང་ཐོག་རྒོད་ཞལ་ཤེས་ནི༔ འདི་ལ་སྤྲོས་མེད་དང་སྤྲོས་བཅས་གཉིས་ཏེ༔ དང་པོ་གུ་དྲག་གི་དབང་རྒྱས་འབྲིང་བསྡུས་གསུམ་གང་རུང་དང་༔ འདི་ཉིད་ཀྱི་ལུང་ཐོབ་ནས༔ སྒྲུབ་རྫས་ཅི་ཡང་མི་དགོས་པར༔ སྐྱབས་འགྲོ་སེམས་བསྐྱེད་སྤྱི་མཚམས་པ་སྔོན་དུ་སོང་ནས༔ བདག་ཉིད་ཁྲོ་དམར་པོ་ལས་འོད་ཟེར་འཕྲོས༔ ཀླུ་གཉན་ས་བདག་གདུག་པ་ཅན་ཐམས་ཅད་ཚར་བཅད་ཚུར་འདུས༔ ཁྲོ་ཡོངས་སུ་གྱུར་པ་ལས༔ བདག་ཉིད་བྱ་ཁྱུང་དམར་པོ༔ མེའི་མདོག་ཅན༔ གཤོག་པ་གཡུ༔ མཆུ་སྡེར་གནམ་ལྕགས་ལས་གྲུབ་པ༔ སྤྱི་བོར་ནོར་བུས་བརྒྱན་ཅིང་༔ སྦྲུལ་རིགས་ལྔའི་མགོ་ཁར་བཅུག་ནས་ཟ་བ༔ དེའི་ལུས་ལ་མེའི་འོད་ཟེར་ཕྱོགས་བཅུར་འཕྲོས་པས༔ ཏོང་ཏོང་གི་སྒྲ་བཏོན་པས༔ ཀླུ་རིགས་གཉན་རིགས་ས་བདག་ཐམས་ཅད་སྙིང་འདར་བར་བསྒོམ༔ རང་གི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ༔ ཡི་གེ་ཁྲོ་དམར་པོའི་མཐར་སྔགས་ཕྲེང་བྱི་རུའི་ཕྲེང་བ་ལྟར་གཡས་སུ་ཀྱི་ལི་ལི་འཁོར་བ༔ དེ་ལས་འོད་ཟེར་དམར་པོ་ཕྱོགས་བཅུར་འཕྲོས་པས༔ ཕྱོགས་བཅུའི་ཁྲོ་བོ་ཁྲོ་མོ་ཐམས་ཅད་

[Full Size]

མཆོད༔ དེ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་སྤྲུལ་པའི་ཁྱུང་དང་༔ རི་རབ་བྱེ་བ་ཕྲག་བརྒྱའི་སྟེང་དཔག་བསམ་གྱི་ཤིང་བྱེ་བ་ཕྲག་བརྒྱའི་རྩེ་ནས། འཇིག་རྟེན་ལས་ཀྱི་ཁྱུང་དཔག་ཏུ་མེད་པ་བྱ་ཁྱུ་འདྲོགས་པ་ལྟར་ཆི་ལི་ལི་བྱོན་རང་ལ་སིབ་སིབ་ཐིམ་པར་བསྒོམ་ཞིང་བཟླས་པ་བསྙེན་པ༔ དེ་ནས་རང་གི་ཐུགས་ཀའི་སྔགས་ཕྲེང་ལས་མེ་འབར་རང་གི་ལུས་ཀྱི་ནད་གདོན་ཐམས་ཅད་ཡེ་ཤེས་ཀྱི་མེས་བསྲེག༔ དེའི་ཐལ་བ་རྣམས་བ་སྤུའི་བུ་ག་ནས་ནག་ཉི་ལི་ལི་ཕྱིར་ཐོན༔ ལུས་ཐམས་ཅད་མེའི་རང་བཞིན་དུ་བསྒོམས་ལ་བཟླས༔ རང་སྲུང་ལ་དེས་ཆོག༔ གཞན་སྲུང་ན་རང་གི་ཐུགས་ཀར་ཁྲོ་གྱི་མིག་ཏུ་བསྲུང་བྱ་ཐམས་ཅད་ཚུད་པར་བསྒོམ༔ དེ་ནས་པུ་ཏ་སོགས་ཤམ་བུ་བཏགས་ལ་བཟླ༔ གཞན་གྱི་བགེགས་བསྲེག་པའམ༔ རང་ལ་གནོད་པ་སོགས་བྱུང་ན༔ རང་གི་ཐུགས་ཀ་ནས་མེའི་བྱ་ཁྱུང་དཔག་ཏུ་མེད་པ་འཕྲོས༔ མེ་འབར་བ་དང་བཅས་ཏེ་རང་དང་བསྲུང་བྱ་ལ་གནོད་པའི་གདོན་ཐམས་ཅད་རྒྱ་མཚོའི་ཕར་མཐར་བསད་པར་བསམས་ལ་སྔགས་བཟླ༔ མཐར་ཐམས་ཅད་རང་ལ་བསྡུས་རང་ཡང་མི་དམིགས་པར་བཞག༔ དེ་ལྟར་རྒྱུན་བསྙེན་ནམ་སྒྲུབ་པ་སོགས་གང་བྱེད་ཀྱང་རུང་༔ རང་གཞན་གྱི་ནད་གདོན་སེལ་བ་དེ་ཁོ་ནས་ཆོག་པ་མྱོང་བས་གྲུབ༔ དེ་དག་ནི་སྤྲོས་མེད་ལུགས་

[Full Size]

སོ༔ ༈་སྤྲོས་བཅས་ཀྱི་བྱ་ཚུལ་འདོན་ཆ་རྣམས་ཁོ་བོས་ལོགས་སུ་བགྱིས་པ་ལྟར་ཡིན་ཅིང་དེའི་འཛབ་དགོངས་ནི༔ བདག་མདུན་གྱི་ཐུགས་ཀར་ཁྲོ་ཡིག་གི་མཐར་སྔགས་ཕྲེང་འཁོར་བཞིན་པ་ལས༔ འོད་ཟེར་ལས་གྲུབ་པའི་སྔགས་ཕྲེང་འཕྲོས༔ ཞལ་ནས་ཐོན་མདུན་བསྐྱེད་ཀྱི་ཞལ་དུ་ཞུགས༔ ཐུགས་རྒྱུད་བསྐུལ་ལྟེ་བ་ནས་ཚུར་བྱོན་རང་གི་ལྟེ་བ་ནས་ཞུགས་ཐུགས་ཀར་ཐིམ༔ དེ་ལྟར་ཀྱི་ལི་ལི་འཁོར་བ་ལས་འོད་ཟེར་དམར་པོ་ཕྱོགས་བཅུར་འཕྲོས། ཁྲོ་བོ་ཁྲོ་མོ་ཐམས་ཅད་མཆོད༔ དེ་རྣམས་ཀྱི་ཐུགས་ཀ་ནས་སྤྲུལ་པའི་ཁྱུང་དང་༔ རི་རབ་ཀྱི་རྩེ་ནས་འཇིག་རྟེན་ལས་ཀྱི་ཁྱུང་དཔག་ཏུ་མེད་པ་ཆར་བཞིན་བབས་ནས་བདག་མདུན་ལ་ཐིམ་པར་བསྒོམ་ཞིང་བཟླ་བ་བསྙེན་པ༔ ནམ་མཁའ་བར་སྣང་ཐམས་ཅད་སྤྲུལ་བའི་ཁྱུང་གིས་གང་དེ་དག་གི་སྤུ་གསེབས་ནས་བྱེ་ཚན་གྱི་ཆར་འབེབས་ཤིང་༔ རང་ལ་གནོད་ཅིང་འཚེ་བའི་ཀླུ་གཉན་ས་བདག་ཐམས་ཅད༔ སྦལ་སྦྲུལ་གྱི་རྣམ་པ་ས་འོག་ནས་ཇུར་ཇུར་བཏོན་ནས་གཏུབས་པ་དང་ཟ་བར་བྱས༔ གཤོག་པ་བརྡབས་པས་སྣང་སྲིད་ཐམས་ཅད་མེ་འབར་ནས༔ གནོད་བྱེད་ཐམས་ཅད་བསྲེགས་ནས་མིང་ཡང་མེད་པར་བསྒོམ༔

[Full Size]

མཐར་ཐམས་ཅད་རང་ལ་བསྡུའོ༔ དེ་ནས་སྒྲུབ་པ་ཡིན་ན༔ མཐར་གཏོར་མ་ཁྱུང་དམར་མེ་འབར་བ་དང་བཅས་པ་དམིགས་ལ༔ མཐར་ནད་པའི་གདོན་གྱི་སྟེང་ལ་རྡེག་པ་ལས་སྦྱོར་རོ༔ གཞན་ལས་ཚོགས་རྣམས་ནི་གཞུང་ལྟར་རོ༔ ཞེས་པདྨ་ནམ་མཁས་བསྐུལ་ནས༔ ༧ རཱ་ག་ཨ་སྱས་ངག་ནས་སྨྲས་པ་ལྟར་བསྐུལ་བ་པོ་དེས་ཡི་གེར་བཀོད་པ་ལས་འགལ་འཁྲུལ་གང་མཆིས་བཤགས་ཤིང་དགེ་བས་འགྲོ་བ་ཐམས་ཅད་ཀླུ་ས་བདག་གི་ནད་ཐམས་ཅད་ལས་གྲོལ་བར་གྱུར་ཅིག༔ མངྒ་ལཾ།། ༈ ཨོ་ཁྲོ་གྷ་རུ་ཎ༔ ནཱ་ག་ལེ༔ དུ་པ་ལེ༔ པ་ཏཾ་ཏེ༔ ཀུ་རུ་ཧཱུྃ་ཧཱུྃ་ཧཱུྃ༔ བྷྱོ་བྷྱོ་བྷྱོ༔ ཛ་ཛ་ཛ༔ ཕཊ་ཕཊ་ཕཊ༔ བཟླས་སྔགས་གཞན་བསྲུངས་ན་ཤི་བུ་འདི་བཏགས་ལ་བཟླའོ༔ སྤུ་ཏ་སྤུ་ཏ༔ ཙ་ལེ་ཙ་ལེ༔ རཀྵ་རཀྵ་སྭཱ་ཧཱ༔ ཞེས་བཏགས་ལ་བཟླའོ༔ སརྦ་མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྡིག་པའི་ཁོལ་སྒྲུབ་འདོན་འགྲིགས།

[Full Size]

སྡིག་པའི་ཁོལ་སྒྲུབ་འདོན་འགྲིགས་བཞུགས་སོ༔

[Full Size]

ན་མོ་གུ་རུ་བཛྲ་ཀྲོ་དྷ་ཡེ༔ སྡིག་པའི་ཁོལ་སྒྲུབ་ཟིན་བྲིས་བྲི་བ་ལ༔ བཀའ་སྲུང་གཏེར་སྲུང་རྣམས་ཀྱིས་གནང་བ་བསྩལ་དུ་གསོལ་འདི་སྒྲུབ་པ་ལ་དང་པོ་གུར་དྲག་གི་བསྙེན་པ་ཐེམ་པ་རབ༔ གུ་རུ་ཞི་བའི་བསྙེན་པ་ཐེམ་པ་འབྲིང་༔ ཡི་དམ་གཞན་གྱི་བསྙེན་པ་ཐོན་ན་ཡང་རུང་ཙམ་ཡིན༔ དུས་ནི་རང་ངམ་གཞན་ལ་རྒྱལ་འགོང་གི་གནོད་པ་ཆེ་བའམ༔ ཁྱིམ་དུ་གདོན་ཆེན་ཞུགས་པའམ༔ སྨོན་པ་འདུལ་ན་བྱ༔ བདེ་རིམ་ལ་མི་རུང་༔ གཞུང་དུ་གཏོར་མ་ཆ་ལྔ་གསུངས་པའི༔ བླ་མ་ཡི་དམ་མཁའ་འགྲོ་གསུམ་གྱི་གོང་གཏོར་ཡོད་པ་དེས་ཆོག༔ ལྕགས་སྡེར་ནང་དུ་གཏོར་མ་

[Full Size]

ཟུར་གསུམ་ཆེ་བ་གཅིག་ལ་རྩང་བཙུགས་ཤ་ཁྲག་གིས་བརྒྱན༔ ཡོད་ན་མཚེ་དང་ཡུངས་ཀར་སྒང་བུ་བཙུགས༔ འདབ་ཀྱི་ལོགས་གསུམ་དུ་ཟན་ལིང་གསུམ་བཞག༔ དེའི་རྩེར་མདུན་བསྐྱེད་ཀྱི་རྟེན་དང་སྨད་ཆ་གདོན་བགེགས་ཀྱི་ཤ་ཁྲག་ཏུ་བསྒོམ༔ དེའི་གཡས་སུ་སྣོད་གཅིག་ཏུ་སྤུ་གྲི་མཆེད་གསུམ་ལ་དམར་གཏོར་སུམ་ཚོམ༔ གཡོན་དུ་སྨྱོ་ཁའི་དམར་གཏོར་སྦྲུལ་དཀྲིས་བྱ་ནག་བཙུགས་པ་ལ༔ ཡང་གཞི་བདག་དཀར་གཏོར་གཅིག་རྒྱུན་དུ་གསོ་རྒྱུ་ཟན་ལིང་དང་གཏོར་ཆུང་ཉི་ཤུ་རྩ་བརྒྱད་མཐེབ་སྐྱུ་མང་ཞིག་བཅ༢༔ ༈ དེ་ནས་སྐྱབས་འགྲོ་སེམས་བསྐྱེད་བྱས་རྗེས་གུར་དྲག་གི་

[Full Size]

ལས་བྱང་ཚར་གཅིག་འདོན༔ རང་ཉིད་དྲག་པོའི་དབུ་གཙུག་བླ་མ་ཐོད་ཕྲེང་རྩལ་གྱི་གྲུ་མོར་གསེར་གྱི་ཌཱ་མ་རུ་ལས་ཧཱུྃ་གི་སྒྲ་བྱུང་བས་སྟོང་གསུམ་ཐམས་ཅད་ཧཱུྃ་སྒྲ་དི་རི་རི་གྲགས་པས་རྐྱེན་བྱས་རྔ་ཡབ་གླིང་ནས་གུ་རུ་དྲག་པོའི་ལྷ་ཚོགས་འུར་སྒྲ་ཆེམ་སྒྲ་དང་བཅས་ཏེ་ནམ་མཁའ་གང་བར་བྱོན༔ རང་ལ་སིབ་སིབ་ཐིམ་པར་བསྒོམ་ཞིང་སྔགས་ཐོད་ཕྲེང་རྩལ་བརྒྱ་ཙམ་འདོན༔ དེ་ནས་རང་ཉིད་གུ་རུ་དྲག་པོ་གོ་ཆའི་ལྷ་དང་བཅས་པ་གསལ་བཏབ༔ ཐུགས་དབུས་ཧཱུྃ་དམར་སྔགས་ཀྱིས་བསྐོར་བ་ལ་དམིགས་པ་གཏད་ལ་ཨ་ཙིག་ཕྲེང་སྐོར་གཅིག་བཟླ༔ དེ་ནས་དམར་གཏོར་ཚན་གསུམ་པོ་བྲན་ནས༔ ན་མོ༔ དཀོན་མཆོག་གསུམ་དང་རྩ་བ་གསུམ་གྱི་བདེན་པ་དང་༔ བཅོམ་ལྡན་འདས་དབང་དྲག་པདྨའི་ལྷ་ཚོགས་རྣམས་ཀྱི་བདེན་པའི་མཐུས༔ བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་རྒྱལ་འགོང་དམ་སྲི་ཐམས་ཅད་དྲག་པོ་དམར་གྱི་གཏོར་མ་འདི་ལ་ཁུག་ཅིག༔ སརྦ་ཏྲི་ཛཿཧཱུྃ་བཾ་ཧོ༔ གསུམ་མམ་བདུན༔ ངོ་བོ་གདོན་བགེགས་ཀྱི་ཤ་ཁྲག་ལ་རྣམ་པ་བདུད་རྩིའི་རྒྱ་མཚོ་ཆེན་པོར་གྱུར༔ ཨོཾ་ཨཱཿཧཱུྃ་ཧ་ཧོ་ཧི༔ དེ་ནས་སྤུ་གྲི་སྨྱོ་ཁ་གཉིས་འདོན༔ དེ་ནས་གནམ་ཆོས་

[Full Size]

ལྟར་གཞི་བདག་དཀར་གཏོར་བསྔོས་ལ་མ་བསྔངས་མ་སྐག་བདག་གི་གྲོགས་གྱིས་ཤིག་བརྗོད༔ དེ་ནས་རང་གུ་དྲག་མཐའ་ནས་དབུས་སུ་ཡལ་ཏེ་སྟོང་པ་ཉིད་དུ་བསྒོམ༔ སྟོང་པའི་ངང་ལས་ཧཱུྃ་མཐིང་ནག་ཅེས་པ་ནས་ཧབ་ཧབ་ཟ་བར་བསྒོམ༔ ཞེས་པའི་བར་བརྗོད༔ རང་ཡི་དམ་ལྷ་དང་སྡིག་པ་གཉིས་སུ་མེད་པའི་ང་རྒྱལ་དང་ལྡན་པ༔ ཨོཾ་བཛྲ་ནས་རུ་རུ་བྷ་ཤ་ཧཱུྃ༔ ཞེས་པའི་བར་ཡིག་འབྲུ་བཅུ་བདུན་པ་དེ་ཕྲེང་སྐོར་ཙམ་བཟླ་བ་བདག་བསྐྱེད་དོ༔ དེ་ནས་མདུན་དུ་གནམ་ལྕགས་སྡིག་པ་མི་ཟད་པ་ཞེས་པ་ནས་བྷ་ལིང་ཏ་ཁཱ་ཧིའི་བར་གྱིས༔ གཞུང་གི་ཡི་དམ་ལྷ་དང་སྡིག་པ་གཉིས་སུ་མེད་པར་བསྒོམས་ནས༔ ཁྲག་ཡར་ལྷུད་ལྷུད་བྱུང་བར་བསམ་ཞེས་པའི་བར༔ དམིགས་པ་ཡིད་ཀྱིས་དྲག་ཏུ་བསྒོམ་ཞིང་༔ ཨོ་བཛྲ་ཛྷཱ་ན་ཞེས་པ་ནས་ཛཧཱུྃ་ཕཊ་ཀྱི་བར་སྔགས་རིང་སི་ལི་ལི་བཟླས༔ སྔགས་སྒྲ་ཧ་ཅང་ཆེ་བ་མ་ཡིན་པ་ཡིད་འདོན་འབྲུ་མི་གསལ་བ་མ་ཡིན་པར༔ ཐུན་མཚམས་སུ་སྤྲུལ་བའི་སྡིག་རྒོད་ཐམས་ཅད་ཧཱུྃ་དུ་གྱུར༔ ཧཱུྃ༔ ཐམས་ཅད་བདག་ལ་ཐིམ༔ བདག་འོད་དུ་ཞུ་ཧཱུྃ་ལ་ཐིམ༔ ཧཱུྃ་གྱེན་རྫོགས་སུ་སྟོང་པར་ཡལ་ནས་ངོ་བོ་སྐྱོང་༔ ཐུན་མཚམས་སུ་གཞན་ཐམས་ཅད་གང་

[Full Size]

དགོས་བྱ༔ གུ་དྲག་སྤུ་གྲི་སྨྱོ་ཁ་དཀར་གཏོར་སོགས་ཉིན་རེ་རེ་རེས་ཆོག༔ སླར་ཡང་སྡིག་པའི་བདག་མདུན་བསྙེན་པ་བསྐུལ་སོགས་སྔོན་ལྟར་བྱ༔ དེ་ལྟར་ཞོགས་པ་སྔ་དྲོ་ཉིན་གུང་དགོང་ཁ་ཐུན་བཞིའམ་སྲོད་ཐུན་དང་ལྔ་མཚན་མོ་གཏོར་བསྔོས་གྲ་ལ་སྡིག་པའི་ཁཱ་ཧི་སྦྱར་བ་ཐུན་དྲུག་ཡིན་ཏེ༔ གུ་དྲག་ལས་བྱང་བློ་ལ་ཡོད་ན་མཚན་མོ་ཚར་གཅིག་འདོན་ན་ཤིན་ཏུ་ལེགས༔ དེ་སྟོང་པར་བསྡུས་ལ་སྡིག་པའི་མངོན་རྟོགས་མི་དགོས༔ བསྐུལ་མི་དགོས་དམིགས་པ་བསྒོམ་ཞིང་མ་གཉིད་བར་དུ་སྔགས་བཟླ༔ དམིགས་པ་མི་བསྡུ་བོར་ཉལ་བས་རྟགས་འབྱུང་སྟེ༔ ལྡེར་སོ་ལྷ་ཁང་མཆོད་རྟེན་དཔེ་རུལ་མཆོད་ཆ་ངན་ངོན་གྱི་རིགས་བཅག་པ་བཤིགས་པ་མེར་བསྲེག་པ་ཆུར་བསྐུར་བ༔ རྟ་དཀར་བྱ་དཀར་ཁྱི་དཀར་ར་དཀར་ཁྱི་རྒྱ་སྤྲེའུ་བྱི་བ་བྱི་ལ་རྣམས་བརྡུང་བ་བཅོམ་པ་བསད་པ༔ བཀྱིག་པ་ཁ་བཅིང་པ་དོང་དུ་མནན་པ་བྱིས་པ་གཅེར་བུ་བཙུན་པ་ཆས་བཟང་ངམ་རོད་ངན་མི་རང་གོས་སྐྱ་ཅན་དུ་བ་ཕྱག་འཚལ་བ་ཁས་ལེན་དམ་བཅའ་སྲོག་སྙིང་འབུལ་བ་གཟུགས་མ་མཐོང་ཡང་རྣ་བའི་ཡུལ་ནས་ད་ཕྱིན་ཆད་གནོད་རེ་ན་ར་ཀན་ཟེར་བས་དེ་དག་བརྡུང་བ་མནན་པ་བསད་སོགས་རྨིས་ན་དེ་ནས་མི་འདོན་ཚོད་བཟུང་༔

[Full Size]

སྒྲུབ་པའི་ཚད་ནི་ཞག་གསུམ་ཡིན༔ རྟགས་ཆལ་ཆོལ་བྱུང་ན་ཞག་ལྔའམ་བདུན་ལས་མང་བར་བྱ༔ རྟགས་མ་བྱུང་ན་མང་ཡང་རུང་སྟེ་བྲོས་པའི་རྟགས་ཡིན་ཏེ་མ་ཐུལ་བ་ཡང་མ་ཡིན་པས་ཕན་མི་ཐོགས་པའི་ངེས་པ་མི་སྣང་༔ གྲོལ་ཁ་གུ་དྲག་གི་ཚོགས་བསྐང་བ་ཆད་མདོ་ཐོན་ན་ལེགས༔ མ་ཐོན་ཀྱང་ཆོག་བཀའ་སྲུང་གཉིས་ཀྱི་གཏོར་མ་ཕྱོགས་གཙང་སའམ་རང་གི་ལོ་བདུད་ཕྱོགས་སུ་འབུལ༔ སྡིག་པའི་གཏོར་མ་གནས་རྣམས་སུ་བཞག་སྟེ༔ ཀཱ་ཡ་སིདྡྷི་སོགས། མདུན་བསྐྱེད་དང་སྤྲུལ་པའི་སྡིག་པ་རྣམས་འོད་དུ་ཞུ་ནས་བདག་ལ་ཐིམ༔ བདག་ནི་མཐུ་སྟོབས་ནུས་པ་དང་ལྡན་པར་གྱུར༔ བདག་མི་དམིགས་སྟོང་པར་བསྒོམ༔ གཏོར་མ་དེ་སྲོག་རླུང་ཅན་ལ་གཏོར་བདུག་མཆོག་ཡིན༔ སྲོག་རླུང་ཅན་ལ་བཀའ་བསྒོ་དྲག་པོ་དུས༔ རང་དྲན་རྫོགས་སུ་ལྕགས་སྡིག་ཏུ་བསྒོམ༔ སྤྲུལ་པའི་ལྕགས་སྡིག་ཁོའི་ལུས་ལ་རྩུབ་ཅིང་ཟ་བར་བསྒོམ་སྟེ་སྔགས་དྲག་ཏུ་བརྗོད་ཅིང་ཕྲེང་ལྕག་རྒྱབ་པས་འཕྲལ་དུ་ཐུལ༔ སྨྱོ་རྒོད་དང་ཁྱིམ་དུ་གདོན་ཆེན་ཞུགས་པ་ལ་གོང་ལྟར་ལ་མཚམས་བསྡམས་ལ་ཞག་གསུམ་བསྒྲུབ༔ སྔགས་ཆུ་སྔགས་མར་སྲུང་སྐུད་བྱ༔ ཤིན་ཏུ་ཟབ་པ་ལན་མང་མྱོང་བས་

[Full Size]

གྲུབ༔ ཅེས་རཱ་ག་ཨ་སྱས་བྲིས་པ་དགེ།། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རྭགས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྡིག་པའི་སྦྲུལ་ཆིངས་ཀྱི་མན་ངག་བཞུགས་པའི་དབུ་ཕྱོགས།

[Full Size]

སྡིག་པའི་སྦྲུལ་ཆིངས་ཀྱི་མན་ངག་བཞུགས་པའི་དབུ་ཕྱོགས་ལགས་སོ།།

[Full Size]

མདུན་དུ་ཡི་གེ་ཀཾ་ནག་པོ་ཡོངས་སུ་གྱུར་པ་ལས། ལྕགས་ཀྱི་ཁ་སྒྲོམ་གྲུ་གསུམ་པ་ཁ་རུབ་པ། གཏིང་ཟབ་པ། ཕྱི་ན་གས་པོ་མེད་པ། ནང་ན་སྲུབ་མེད་པ། བདུད་ཀྱི་བཤའ་ར། གཤིན་རྗེའི་འདུ་ས། ཐར་མེད་ཀྱི་བཙོན་དོང་ནག་པོ། དམྱལ་བ་ན་རིགས་རྒྱུ་རབ་ཏུ་ཁོལ་བ། ཕྱི་ན་ཞེ་སྡང་གི་མེ་འབར་བ། ནང་ན་ཕྲག་དོག་གི་རླུང་འཚུབ་པ། བར་ན་གཏི་མུག་གི་མུན་པ་འཐིབ་པ། ནད་ཀྱི་ན་བུན་འཐུལ་བ། །གདོན་གྱི་བུ་ཡུག་འཚུབ་པ། མཚོན་ཆའི་ཆར་འབེབས་པ། སྐྱོབ་བྱེད་ཀྱི་ལྷ་ཕྱིར་མི་ཐར་བ། གནོད་བྱེད་ཡར་མི་ཐར་བ། ཡ་ང་བ། སྐྱི་ཚ་

[Full Size]

བ། སོད་སོད་དང་། རྒྱབ་རྒྱོབ་ཀྱི་སྒྲ་སྒྲོག་པ།་དེ་དག་གི་ནང་དུ་ནི་ཏྲ་ཛཡོངས་སུ་གྱུར་པ་ལས། དགྲ་བགེགས་ཀྱི་གཟུགས་ཀྱི་ཕུང་པོ་ཁམས་དང་སྐྱེ་མཆེད་དབང་པོ་ཡན་ལག་དང་ཉིང་ལག་ཐམས་ཅད་གསལ་བར་བསྐྱེད། བདེན་སྟོབས་བཀུག་གཞུག་བྱ། དེ་ནས་དེ་ཡི་ནང་དུ་ལས་ཀྱི་གཤིན་རྗེ་ཨ་ཝ་གླང་མགོ །དར་མ་སྤྲེལ་མགོ །རྔོམ་པ་དོམ་མགོ །གྲི་བཙན་ཤ་བའི་མགོ་ཅན་ལ་སོགས་སྡེ་བརྒྱད་འདུས་པའི་མདོར་ཚུབ་པར་བསམ། དེ་ནས་རང་གི་ཐུགས་ཀ་ནས་ཧཱུྃ་དམར་ནག་གཉིས་འཕྲོས་པས། ཉམས་པ་ཅན་གྱི་སྟེང་འོག་གཉིས་སུ། ལྷན་ཅིག་སྐྱེས་པའི་ལྷ་དང་།

[Full Size]

མཉམ་པོར་འོང་བའི་བདུད་ཀྱི་ངོ་བོ། སྡིག་པ་དམར་ནག་གཉིས་བར་དུ་ཚུད་དེ། དེ་ཡི་ཕྱི་ནས་ཞེ་སྡང་གི་ངོ་བོ་སྦྲུལ་ནག་པོ་འདོམ་པ་དགུ་བརྒྱ་དང་གོ་གཅིག་གི་གྲུ་གུ་ཆིངས་སུ་དཀྲིས་པར་བསམ། ཡང་རང་གི་ཐུགས་ཀ་ནས་ཧཱུྃ་དམར་ནག་གཉིས་འཕྲོས་པས་སྡིག་པ་དམར་ནག་གཉིས་སུ་གྱུར་ནས། དགྲ་བགེགས་ཀྱི་ཚངས་བུག་དང་བཤང་ལམ་གཉིས་ནས་ཞུགས་ནས། སྙིང་ཁར་ནི་ཁྲི་ལྗང་ནག་གི་མགོ་མཇུག་གཉིས་ནས་ཁས་འཐབ་ཤིང་སྡིག་པ་དེ་དག་ལས་སྡིག་པ་ཁྲ་མོ་གྲངས་མེད་པ་འཕྲོས་པས། དབང་པོའི་བུ་ག་དགུ་ནས་ཞུགས་ཤིང་། རྩ་རྒྱུད་དང་ཁོང་པ་ཐམས་ཅད་སྡིག་པས་ཁེངས་ནས། ཤ་ཟོས་ཁྲག་འཇིབས་ནས་རྣམ་པ་མར་མེ་ལྟ་བུ་དེ་ནག་ཀཾ་ཤིག་བཏང་བར་བསམ། དེ་ཡི་ཕྱི་ནས་རྡོ་རྗེའི་ཞགས་པས་གྲུ་གུ་ཆིངས་སུ་དཀྲིས་པར་བསམ། སྟེང་དུ་གསེར་གྱི་འཁོར་ལོ་རྩིབས་བརྒྱད་ལ་ཨ་ཡ་མ་དུ་རུ་ཙ་ཤ་ན། ཡོངས་སུ་གྱུར་པ་ལས་སྡེ་བརྒྱད། འོག་ཟངས་ཀྱི་འཁོར་ལོ་རྩིབས་བརྒྱད་ལ་ཡི་གེ་ཕུབརྒྱད་ཡོངས་སུ་གྱུར་པ་ལ་ཀླུ་བརྒྱད། དེ་བརྒྱད་ཀྱི་སྙིང་ནང་དུ་གསེར་གྱི་འཁོར་ལོ་རྩིབས་བརྒྱད་གཡས་སུ་འཁོར་བ། ཀླུ་བརྒྱད་ཀྱི་སྙིང་ནང་དུ་ལྕགས་སྲེག་གི་འཁོར་ལོ་རྩིབས་བརྒྱད་གཡོན་

[Full Size]

དུ་སྒ་ར་ར་འཁོར་བས། སྡེ་བརྒྱད་དང་ཀླུ་བརྒྱད་ཁྲོས་ཤིང་འཁྲུག་ནས་སྟེང་སྡེ་བརྒྱད་ཀྱི་སྐུ་ལུས་ལ་མཚོན་ཆའི་ཆར་བབ། ཀླུ་བརྒྱད་ཀྱི་ཕྱག་ན་ལྕགས་ཀྱུ་དང་ཞགས་པ་ཐོགས་ནས་ཤ་ཟོས་ཁྲག་འཇིབ་པར་བསམ། དེ་ཡི་ཕྱི་ནས་འོད་ཟེར་སྣ་ལྔའི་ཞགས་པས་གྲུ་གུ་ཆིངས་སུ་དཀྲིས་པར་བསམ། སྟེང་ཟླ་བའི་དཀྱིལ་འཁོར་གྱི་སྟེང་ལ་འདོད་ཆགས་ཀྱི་ཆུ་འབྲུབ་འོག་ཉི་མའི་དཀྱིལ་འཁོར་ལ་ཞེ་སྡང་གི་མེ་འབར་བས། མེ་ཆུ་དེ་གཉིས་ཀྱི་བར་དུ་ནག་ཀམ་ཤིག་བཏང་བར་བསམ། ཁ་ཆོད་ལ་གནམ་ལྕགས་འཁོར་ལོ་རྩིབས་བརྒྱད་སྟེང་རྡོ་རྗེ་རྒྱ་གྲམ་གྱི་མཚན་པས་བཅད་པར་བསམ། དེ་ཡི་སྟེང་དུ་འབྱུང་བ་རིམ་བརྩེགས་རི་རབ་དང་བཅས་པས་མནན་པར་བསམ། དེ་དག་གི་སྟེང་དུ་རང་ཉིད་ཁྲོས་མ་ནག་མོ་གྲི་གུག་དང་ཐོད་ཁྲག་འཛིན་པ། སྐུ་སྨད་རྡོ་རྗེ་རྩེ་དགུ་པ་རྭ་ཐམས་ཅད་གདེངས་བས་འབྱུང་བ་རིམ་བརྩེགས་རི་རབ་དང་བཅས་པ་འཛེར་ནས་རྭ་དབུས་ལས་དགྲ་བགེགས་ཀྱི་སྙིང་དཀར་ནག་མཚམས་སུ་ནཱི་ཏྲི་ལྗང་ནག་གི་ནི་མིག་ཏུ་གཡོན་དུ་འཁོར་ཞིང་དགྲ་བགེགས་ཀྱི་ཚེ་བསོད་ནམས་ཐམས་ཅད་བསྡུས་ནས་བདག་ཉིད་ལ་ཐིམ་པས་བཀྲག་མདངས་དང་ལྡན་པར་བསམ། དགྲ་བགེགས་

[Full Size]

ཀྱི་ལྷ་སྲུང་ཐམས་ཅད་ལྷ་དབང་ཕྱུག་ཆེན་མོ་དུག་གི་མཆུ་ཅན་གཅིག་གིས་ནི་མིག་གཙགས་ཤིང་ནི་སྲོག་བཅད་པར་བསམ། དེ་ནས་གནམ་ལྕགས་ཀྱི་ཕུར་པ་ཟུར་གསུམ་རྣོ་ངར་དང་ལྡན་པ་དབལ་སོ་ལ་མེ་འབར་བ་གཅིག་གི་འབྱུང་བ་རིམ་བརྩེགས་རི་རབ་དང་བཅས་པ་འཛེར་ནས་དགྲ་བགེགས་ཀྱི་སྙིང་དཀར་ནག་མཚམས་ནས་འོག་དབང་ཆེན་གསེར་གྱི་ས་གཞི་ནས་རླུང་རྡོ་རྗེ་རྒྱ་གྲམ་གྱི་བར་དུ་ཐལ་གྱིས་འཛེར་ནས་མཐར་བྱང་ཆུབ་མ་ཐོབ་ཀྱི་བར་དུ་ཐར་ས་མེད་པར་བསམ་མོ། །མཐར་སྟོང་ཉིད་ཀྱི་ངང་དུ་ཡུན་རིང་གནས་པར་བྱའོ། །འདི་ལྟ་བུའི་དམིགས་པ་ནི་སྤུ་གྲི་རེག་གཅོད་དང་འདྲ་བས་གར་ཐོད་ཐོད་བྱས་ན་རང་ཉིད་ངན་སོང་དུ་འགྲོ་བ་ལ་ཐེ་ཚོམ་མེད་པས་གསང་ངོ་། །ཞེས་པ་འདི་ལ་འཁོར་ལོ་གསུམ་ཆིངས་གསུམ། དབབ་གསུམ་དང་དགུ་ཆིངས་བཀྲག་སྡུད་ལྷ་གནད་དགྲ་ལ་དབབ་པའི་མན་ངག་སྟེ་སྡིག་པའི་སྦྲུལ་ཆིངས་ཟ་མ་ཏོག་མ་ནོར་མ་སྦས་གསལ་བར་བསྟན། །ཞེས་གསུངས། ཨུ་པ་དྷེ་ཤའོ།། ༧ ཀརྨ་ཨ་རཱ་གས་སོ། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྡིག་པའི་སྒོས་སྒྲུབ་ཀྱི་ཟིན་བྲིས།

[Full Size]

སྡིག་པའི་སྒོས་སྒྲུབ་ཀྱི་ཟིན་བྲིས་བཞུགས་སོ༔ ན་མོ་གུ་རུ་ཀྲོ་དྷ་ཡེ༔ སྡིག་པའི་སྒོས་སྒྲུབ་ཀྱི་ཟིན་བྲིས་ནི༔ གཞུང་གི་ཕུགས་གཏོར་སྤྱི་ལྟར་བཤམས༔ སྤུ་གྲི་དང་སྨྱོ་ཁའི་གཏོར་མ་གལ་ཆེ༔ དེ་ནས་དྲག་པོའི་ལས་བྱང་ཚར་གཅིག་འདོན༔ བསྙེན་པ་ཅུང་ཟད་བྱ༔ དེ་ནས་གཞི་བདག་ལ་དཀར་གཏོར་ཕུལ༔ ངས་གནམ་ལྕགས་ཀྱི་སྡིག་པ་སྒྲུབ་པ་ལ་མ་འཇིགས་མ་བསྔངས་མ་སྐག་བར་སྡོང་གྲོགས་གྱིས་ཤིག༔ ཅེས་བརྗོད་དོ༔ དེ་ནས་གཏེར་སྲུང་སྤུ་གྲི་དང་སྨྱོ་ཁ་གཉིས་ལ་གཏོར་མ་ཕུལ་ལ༔ བདག་གི་ཕྲིན་ལས་སྒྲུབས་ཤིག༔ ཅེས་ཕྲིན་ལས་བཅོལ་ལོ༔ དེ་ནས་རང་གུ་དྲག་སྟོང་པར་བསྡུས༔ དེ་ནས་གཞུང་ལྟར་བདག་བསྐྱེད་དང་༔ མདུན་བསྐྱེད་གཉིས་སོ་སོར་སྡིག་པར་བསྐྱེད༔ ཡེ་ཤེས་པ་སྤྱན་འདྲེན་མི་དགོས་ཏེ༔ གོང་དུ་ཧཱུྃ་གི་སྤྲོ་བསྡུ་བྱས་པས་འཐུས༔ དེ་ནས་གཞུང་གི་དམིགས་པ་བྱེད་ཅིང་སྔགས་ཁོ་ན་བཟླ༔ ཐུན་མཚམས་སུ་ལིང་ཆུང་གཏོར་ཆུང་ལ་བཀུག་གཞུག་བྱས་ལ་དེ་ནས་གཞུང་གི་བསྟོད་བསྐུལ་དེ་འདོན༔ དེ་ནས་རྩ་སྔགས་ལ༔ གནོད་བྱེད་གདོན་བགེགས་ཤ་ཁྲག་ལ་ཁཱ་ཧི༔ བཏགས་ལ་སྒྲུབ་རྟེན་དམར་གཏོར་ལ་འབུལ༔ དེས་ཐུན་གཅིག་དེ་འདྲ་བ་ཐུན་དྲུག་གམ་བཞིའམ་གསུམ་བྱ༔ དེ་ལྟར་ཞག་གསུམ་མམ་ལྔའམ་བདུན༔ དེ་བས་མང་བ་དགོས་མི་སྲིད༔ ཐུབ་རྟགས་འོང་ཐུབ་རྟགས་ལན་གསུམ་

[Full Size]

བྱུང་ན་དེ་བས་མང་མི་རུང་༔ དེ་ནས་ནད་པ་ལྟ་བུ་ཡིན་ན་གཏོར་རྒྱབ་སྤྱི་དང་མཐུན་པར་སྒྲུབ་རྟེན་གཏོར་མས་གཏོར་རྒྱབ་བྱ༔ གཏོར་མ་དེ་གཏོར་བདུག་རུང་༔ སྔོན་བསྙེན་པ་ཚེ་ནས་ནས་ནག་དང་སྔགས་མར་སྲུང་སྐུད་སོགས་བྱ༔ སྔགས་ཆུ་བླུད་ན་ཤིན་ཏུ་ཕན་ཆེ༔ མཇུག་ཏུ་སྤྲུལ་པའི་སྡིག་རྒོད་རྣམས་རང་ལ་བསྡུ༔ རང་ཉིད་ཧཱུཾ་ལ་བསྡུ༔ ཧཱུྃ་གྱེན་རྫོགས་སུ་ཡལ་ནས་ངོ་བོ་སེམས་ངོའི་སྟེང་དུ་ཡུན་རིང་དུ་བཞག༔ གདོན་ལ་སྙིང་རྗེ་དྲག་པོ་བྷེ༔ བསྔོ་བ་སྨོན་ལམ་བྱ༔ ཞེས་རཱ་ག་ཨ་སྱས་བྲིས་པ་འགྲོ་ལ་རྒྱལ་འགོང་དམ་སྲིའི་གནོད་འཚེ་དང་བྲལ་བར་གྱུར་ཅིག༔ སརྦ་མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏེར་གསར་རྙིང་ལྔ་ཙམ་གྱི་དོན་བསྡུས་པའི་སྡིག་བསྐུལ་དམ་སྲི་རྒྱུན་གཅོད།

[Full Size]

གཏེར་གསར་རྙིང་ལྔ་ཙམ་གྱི་དོན་བསྡུས་པའི་སྡིག་བསྐུལ་དམ་སྲི་རྒྱུན་གཅོད་ཅེས་བྱ་བ་བཞུགས་སོ༔

[Full Size]

གནམ་ཆོས་སོགས་གསར་རྙིང་ཀུན་ལ་སྦྱར་རུང་བའི་ཡེ་ཤེས་སྡིག་པའི་བསྐུལ་པ་གཏོར་འབུལ་ལོ༔ མདུན་དུ་གནམ་ལྕགས་སྡིག་པ་ནི༔ མགོ་དགུ་རྭ་ནི་བཅོ་བརྒྱད་པ༔ ལུས་པོ་གཉེར་མས་གང་བ་ལ༔ གཉེར་མ་རེ་ལ་ཞལ་སྤྱན་རེ༔ ལུས་ལ་མེ་ཡི་ཚྭ་ཚྭ་འཕྲོ༔ ཐུགས་སྲོག་ཧཱུཾ་ལས་འོད་འཕྲོས་པས༔ ཡེ་ཤེས་ཁྲོ་བོ་ཐམས་ཅད་ཀྱི༔ མཐུ་སྟོབས་བསྡུས་ནས་དབྱེར་མེད་ཐིམ༔ སྤྲུལ་པའི་ལྕགས་སྡིག་གྲངས་མེད་འཕྲོས༔ གནོད་བྱེད་གཟུགས་ནས་ཧབ་ཧབ་གསོལ༔ ཧཱུྃ༔ ཆོས་ཉིད་མི་འགྱུར་སྐྱེ་མེད་ངང་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ ང་ནི་དཔལ་ཆེན་ཁྲག་

[Full Size]

འཐུང་ཧེ་རུ་ཀ༔ ཁྱོད་ནི་ལས་རུངས་ལས་ངན་སྡིག་ཆེན་ཏེ༔ དམ་ཉམས་ཁྱོད་ཀྱི་གཤེད་མ་ང་ཉིད་ཡིན༔ ཧཱུྃ༔ ང་ཡི་ཐུགས་ལས་སྤྲུལ་པའི་འཇིགས་བྱེད་ནི༔ ཡི་གེ་ཧཱུྃ་ལས་བྱུང་བའི་སྡིག་པ་བྱུང་༔ ལྕགས་ཀྱི་སྡིག་པ་ཁ་དགུ་མགོ་དགུ་པ༔ ལུས་ནི་རི་རབ་མཉམ་ཞིང་གཉེར་མས་གང་༔ མགོ་ལུས་མེད་པར་འཇིགས་པའི་མིག་གིས་གང་༔ ཁ་ཡི་ནང་ནས་མཆེ་བ་ཟངས་ཡག་གཏམས༔ ཡན་ལག་གཟིང་ཞིང་གདོན་བགེགས་རྩ་རྒྱུད་གཅོད༔ མ་རུངས་གདུག་པ་ཁྱོད་ཀྱི་གཤེད་པོ་ཡིན༔ དམ་ཉམས་འབྱུང་པོའི་ཤ་ཟོ་ཁྲག་ལ་འཐུང་༔ ཧཱུྃ་ལས་བྱུང་བའི་

[Full Size]

གནམ་ལྕགས་སྡིག་པ་ནི༔ མཐུ་སྟོབས་ནུས་པ་དཔག་མེད་འཕྲོས་ཙམ་ན༔ སྡིག་པ་ནག་པོས་འཇིག་རྟེན་ཐམས་ཅད་གང་༔ ཁ་དགུ་དག་ནས་མཆེ་བ་ཟངས་སེ་ཟང་༔ མིག་དགུ་ནས་ནི་མེ་ཡི་ཚྭ་ཚྭ་འཕྲོས༔ ལྕེ་དགུ་ནས་ནི་གློག་དམར་ལྗིབས་སེ་ལྗིབ་རྐང་ལག་སྡེར་མོས་ས་གཞི་ཐམས་ཅད་འབྲད༔ སྣ་ཡིས་སྣོམ་ཞིང་དབྱུག་ཏོས་རྩད་ནས་གཅོད་མིག་བསྒྲད་བལྟ་ཞིང་འབྱུང་པོ་བརྒྱལ་དུ་བཅུག༔ རྔམ་ཞིང་རྔམ་ཞིང་རྒྱལ་བསེན་གཟུགས་ཕུང་ཤིག༔ ལག་པས་བསྙབ་ཅིང་འབྱུང་པོ་ཧབ་ཤ་བྱེད༔ དེ་འདྲའི་ཁྲོ་བོ་སྡིག་ནག་མགོ་དགུ་པ༔ གནོད་བྱེད་འབྱུང་པོའི་ཤ་ཟོ་ཁྲག་ལ་འཐུང་༔ ཀླད་པ་གཞོམ་ལ་སྙིང་ཁྲག་ཧུབ་ཀྱིས་འཐུང་༔ གནོད་བྱེད་འབྱུང་པོ་ཐལ་བ་རྡུལ་དུ་རློགས༔ གུ་རུ་དྲག་པོའི་ལས་བྱེད་སྡིག་པའི་གཟུགས༔ རྟོགས་ཀྱི་རྣོ་དབལ་འཇིགས་བྱེད་འབར་བའི་སྐུ༔ མགོ་དགུའི་ཁ་ལ་ཁམས་གསུམ་ཟས་སུ་ཟ༔ རྭ་ནི་བཅོ་བརྒྱད་སྲིད་གསུམ་ཟིལ་གྱིས་གནོན༔ རྐང་ལག་བརྒྱད་ཀྱིས་སྟོང་གསུམ་དབང་དུ་སྡུད༔ མེ་ཡི་ཚྭ་ཚྭ་དྲག་པོ་སྐར་ལྟར་འཁྲུགས༔ དྲི་མ་མི་ཞིམ་ཤིན་ཏུ་དཔག་ཚད་ཁྱབ༔ ཁ་གདངས་མཆེ་གཙིགས་རྐན་སྒྲ་རྡེབ་པ་ཡིས༔

[Full Size]

གནོད་བྱེད་རྒྱལ་འགོང་སྲོག་བདག་ཟས་སུ་ཟ༔ ཁ་དགུ་མིག་དགུ་དྲག་པོས་གདུག་པ་འདུལ༔ བདུད་འདུལ་ལྕགས་སྡིག་སྐུ་ལ་ཕྱག་འཚལ་བསྟོད༔ ཕོ་རིགས་ཀླུ་ལ་ལྕགས་སྡིག་ནག་པོ་བྷྱོ༔ མོ་རིགས་ཀླུ་ལ་ལྕགས་སྡིག་ནག་པོ་བྷྱོ༔ དྲག་པོ་གཟའ་ལ་ལྕགས་སྡིག་ནག་པོ་བྱོ༔ གནོད་བྱེད་གདོན་ལ་ལྕགས་སྡིག་ནག་པོ་བྷྱོ༔ སྲོག་བདག་ཐེའུ་རང་ཀུན་ལ་ལྕགས་སྡིག་ནག་པོ་བྷྱོ༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ མི་མཐུན་ཕྱོགས་རྣམས་ཐལ་བ་རྡུལ་དུ་རློགས༔ ཨོཾ་བཛྲ་རཀྵ་ཧཱུྃ༔ གནོད་བྱེད་དམ་སྲི་རྒྱལ་འགོང་གི་ཚྭ་ས་ལ་ཁཱ་ཧི༔ རཀྟ་ལ་ཁཱ་ཧི༔ ཙིཏྟ་ལ་ཁཱ་ཧི༔ ཀོ་ནི་རི་ཏི་ལ་ཁཱ་ཧི༔ བ་ལིཾ་ཏ་ལ་ཁཱ་ཧི༔ ཨོཾ་བཛྲ་ཛྷཱ་ན་རཱ་ཙ་ཙིཏྟ་སྲོག་ལ་དུང་དུང་རུ་རུ་བྷ་ཤ་ཧཱུྃ༔ མ་མ་སྲོག་དུང་དུང་༔ སྙིང་ལམ་ལམ་མ་བྷྱོ༔ ཏྲིག་ཤོ་ཏྲིག་ཤོ་རཱ་ཙ་ཐུ་ལིང་༔ གནོད་བྱེད་ཧུར་ཐུ་ལིང་༔ གནོད་བྱེད་ཁུག་ཐུ་ལིང་༔ གནོད་བྱེད་ཁུག་རཱ་ཙ་ལིང་༔ ཏྲི་རཱ་ཙ་པ་ལ་ཨ་ཤུག་མེ་ཐཾ་ལཾ༔ ཤན་ཏཱི་ཛ་ཡེ་དུན་དུན་ཛ་ཧཱུྃ་ཕཊ༔ ཅེས་གཏེར་ཁ་གསར་རྙིང་ལྔ་ཙམ་གྱི་དོན་བསྡུས་འདོན་འགྲིགས་འདི༔ སྒྲུབ་ཆེན་དུས་རྒྱལ་འགོང་གི་བར་ཆད་བརྩམས་དུས་སྔགས་འཆང་༧ རཱ་ག་ཨ་སྱས་མི་

[Full Size]

བསྒྲིགས་ཀ་མེད་བྱུང་བའོ༔ འདིས་ཀྱང་དམ་སྲི་འབྱུང་པོའི་གནོད་པ་ཞི་ནས་བྱང་ཆུབ་སེམས་དང་ལྡན་པར་གྱུར་ཅིག༔ བཀྲ་ཤིས།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྕགས་སྡིག་གི་བསྐུལ།

[Full Size]

ལྕགས་སྡིག་གི་བསྐུལ༔ ཧཱུྃ༔ གཤིན་རྗེའི་གཤེད་དང་རྟ་མཆོག་གསང་བའི་བདག༔ མེ་དབལ་ཁྲོ་ལོད་ལ་སོགས་ཁྲོ་རྒྱལ་གྱི༔ ཐུགས་ལས་སྤྲུལ་ཞིང་ལས་ལ་བསྔགས་པ་ཡི༔ ལས་བྱེད་གནམ་ལྕགས་སྡིག་རྒོད་འབར་བ་ཁྱོད༔ བདག་གི་ཡང་ཡང་ཁྱོད་སྒྲུབ་ཁྱོད་རྦད་ན༔ མཐུ་རྩལ་མ་ཆུང་ཕྲིན་ལས་དུས་ལ་བབ༔ ཁྱོད་ནི་ཁྲོ་བོའི་དབང་པོ་ཐམས་ཅད་ཀྱི༔ རྒྱལ་བསེན་དམ་སྲིའི་གཉེན་པོར་བྱིན་བརླབས་ཤིང་༔ མཐུ་སྟོབས་རྩལ་གྱི་དབང་བསྐུར་དྲན་པར་གྱིས༔ མི་མངོན་དབྱིངས་ནས་འདིར་གཤེགས་གཏོར་མ་བཞེས༔ བདག་ཅག་དཔོན་སློབ་བསྲུང་བྱ་འདི་རྣམས་ལ༔ གནོད་ཅིང་འཚེ་བའི་རྒྱལ་འགོང་དམ་སྲིའི་ཚོགས༔ གང་ཡིན་ཁྱོད་ཀྱི་མངོན་ཤེས་སྤྱན་གྱིས་གཟིགས༔ སྙིང་ཁྲག་འཇིབས་ལ་ལུས་སྲོག་རྡུལ་དུ་རློགས༔ མཐུ་སྟོབས་ནུས་པ་ཐམས་ཅད་ཞལ་དུ་སྟོབ༔ ཕྱིན་ཆད་གནོད་པའི་ནུས་པ་ཟད་པར་གྱིས༔ དུས་ངན་སྙིགས་མ་ལྔ་ཡི་ཡང་ཐོ་འདིར༔ རྒྱལ་བསེན་དམ་སྲིའི་གཉེན་པོར་ཁྱོད་བསྐོས་ན༔ བདག་ཅག་རྣམས་ལ་རེ་ས་གཞན་མེད་པས༔ སྡིག་རྒོད་འབར་བ་ཁྱོད་ལ་སྐྱབས་གསོལ་གྱི༔ ཐུགས་རྗེ་མ་ཆུང་སྔོན་གྱི་དམ་བཅའ་

[Full Size]

དགོངས༔ གནོད་བྱེད་རྒྱལ་བསེན་དམ་སྲི་འགོང་པོ་རྣམས༔ སྤྲུལ་པའི་སྡིག་རྒོད་བྱེ་བ་དུང་ཕྱུར་གྱིས༔ མྱུར་དུ་ཁུག་ལ་ཤ་ཁྲག་ཧབ་ཐོབ་ཟོ༔ ཁྱོད་ཀྱི་ཟ་སྐལ་དམ་སྲིའི་རྒྱལ་འགོང་ཤ༔ གཏི་མུག་ཤ་ལ་ཆེམ་ཆེམ་དགྱེས་པར་རོལ༔ ཁྱོད་ཀྱི་འཐུང་སྐལ་རྒྱལ་འགོང་དམ་སྲིའི་ཁྲག༔ འདོད་ཆགས་ཁྲོག་ལ་ཧུབ་ཧུབ་དགྱེས་པར་རོལ༔ ཁྱོད་ཀྱི་འཆའ་སྐལ་རྒྱལ་འགོང་དམ་སྲིའི་རུས༔ ཞེ་སྡང་རུས་ལ་ཁྲུམ་ཁྲུམ་དགྱེས་པར་རོལ༔ དོན་སྙིང་དབང་པོ་ནང་གྲོལ་བླ་སྲོག་བཅས༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ རྣམ་ཤེས་དམིགས་མེད་ཆོས་ཀྱི་དབྱིངས་སུ་དྲོངས༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཅེས་སྒྲུབ་པ་དུས་ཨ་རཱ་གས་སོ༔ མངྒ་ལཾ། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དྲང་སྲོང་དྲི་མེད་ཀྱི་སྔགས་རྒོད་ལོག་ཏྲི་པཱ་ལའི་ལོ་རྒྱུས།

[Full Size]

དྲང་སྲོང་དྲི་མེད་ཀྱི་སྔགས་རྒོད་ལོག་ཏྲི་པཱ་ལའི་ལོ་རྒྱུས་བཞུགས་སོ། །

[Full Size]

ན་མོ་གུ་རུ་པདྨ་ཀྲོ་ཏཱ་ཡ། སྔགས་རྒོད་ལོག་ཏྲི་པཱ་ལའི་ལོ་རྒྱུས་ནི། སྔོན་རྒྱ་གར་ལྷོ་ཕྱོགས་ཨིནྡྲའི་ཡུལ་ན་རྒྱལ་པོ་དྷ་ན་ཨ་ཤཱའི་རྒྱལ་ཁྲིམས་རྣམེས་མི་ངན་རྣམས་ཀྱིས་བཤིགས་པས། རྒྱལ་པོས་སྡེ་བརྒྱད་ཀླུའི་གཏད་ཁྲམ་མང་དུ་བྱས་ནས་མི་ངན་རྣམས་ཕུང་ངོ་། །དེ་ནས་སྡེ་བརྒྱད་ཀྱི་འཁུ་ལྡོག་བྱུང་ནས་རྒྱལ་པོ་ཁྲག་ཏུ་སྐྱུགས་ལུས་མཛེ་ནད་ཀྱིས་ཐེབས་ནས། གློ་སྙིང་མེ་ལྟར་འབར་ཏེ། སྡུག་བསྔལ་བ་ལས། མོ་དཔྱད་མཁན་རྣམས་ན་རེ། ནགས་ཚལ་དྲྭ་བ་ཅན་གྱི་ཕུག་ཅེས་བྱ་བ་སྟག་གཟིག་དུག་སྤྲུལ་གྱི་ཚལ་མི་མི་ཐར་བ་ན། དྲང་སྲོང་དྲི་མེད་ཅེས་བྱ་བ་བདེན་ཚིག་གྲུབ་པར་ཡོད་དེ། ཟླ་བ་ཉ་ཡི་ཉིན་རི་ཀུན་འདུས་ཀྱི་རྩེ་ལ་བྱོན་ནས། དྲང་སྲོང་འབུམ་ཕྲག་ལ་ཆོས་བཏོན་པས་དེ་སྤྱན་དྲངས་ན་ནད་ལ་ཕན་ཟེར་བས། དེ་བཀུག་པས་དྲང་སྲོང་

[Full Size]

རྒན་པོ་ཨག་ཚོམ་ཅན་རས་དཀར་པོའི་སྨད་དཀྲིས་ཅན་ཞིག་འདུག་པ། སྤྱན་དྲངས་བསྙེན་བཀུར་ལོ་རྒྱུས་ཞུས་པས། དེར་འབྲུ་དང་ཆང་ཟན་གྱི་གཏོར་མ་རྒྱ་ཆེན་པོ་ཤོམ་གསུངས་ནས། དྲང་སྲོང་འབུམ་ཕྲག་ལ་གཏོར་མ་བཏང་ཞིང་སྨོན་ལམ་དམོད་སྔགས་འདི་ལན་བདུན་བརྗོད་པས་རྒྱལ་པོའི་ནད་སོས་པར་གྱུར་ཏེ། དྲང་སྲོང་རང་གནས་སུ་བཞུད་དོ། །རྒྱལ་པོ་དེ་ལ་བྲམ་ཟེ་ལེགས་སྒྲུབ་ཀྱིས་ཞུས། དེ་ལ་བྲམ་ཟེ་པྲ་ཆེན་ཧསྟིས་ཞུས། དེ་ལ་ཤཱནྟ་རཀྵི་ཏས་ཞུས། དེ་ལ་སློབ་དཔོན་པདྨས་ཞུས། ཨོ་རྒྱན་རིན་པོ་ཆེས་གཏེར་ཁ་མང་པོ་ལ་རྒྱས་བསྡུས་མང་དུ་སྦས་པ། རྒྱས་པ་ནི་ལྷོ་བྲག་མཁོ་མཐིང་ནས་གུ་རུ་ཆོས་དབང་གིས་གཏེར་ནས་བཏོན་པས། ཀཿཐོག་གི་བླ་མ་བྱང་ཆུབ་རིན་ཆེན་གྱིས་གསེར་ཞོ་བཅུ་གསུམ་ཕུལ་ནས་ཞུས་ཏེ་དར་སྲོལ་ཆེ།

[Full Size]

གཞན་ཡང་རཏྣ་ལུགས་ཀྱི་གུར་དྲག་གི་སྔགས་ཀྱི༔ རྣོ་སོ་ལའང་སྔགས་འདི་དང་དམིགས་པ་ཡོད་དོ། །འདི་ནི་བྲམ་ཟེའི་སྔགས་རྒོད་སྡེ་བརྒྱད་ལོག་ཏྲི་པཱ་ལའི་སྔགས་ཀྱི་རྒྱུད་ཧེ་རུ་བརྒྱད་པ་ལུང་གི་རྒྱུད་རིན་པོ་ཆེའི་ཕྲེང་བ་རྒྱན་གྱི་རྒྱུད་གསུམ་ཡོད་དོ། །འདི་ནི་རཏྣ་ལུགས་ཀྱི་གུར་དྲག་ལས་ཚོགས་རྣོ་སོ་ལ་སྦྱར་རྒྱུའི་སྔགས་དང་དམིགས་རིམ་ཉུང་ངུར་བསྡུས་པ་འདི་ལྟ་སྟེ། ཨེཿ རང་ཉིད་སྐད་ཅིག་ཁྲོ་བོ་ནག་པོ་ནི༔ ཞལ་གཅིག་ཕྱག་བཞི་ཞབས་གཉིས་པད་ཟླར་བགྲད༔ གཡས་གཡོན་དང་པོས་ཐོ་བ་རལ་གྲི་ཕྱར༔ ཐ་མ་གཉིས་ཀྱིས་ཉི་ཟླ་ཐལ་མོ་རྡེབ༔ སྤྱི་བོར་བླ་མ་པདྨ་འབྱུང་གནས་སྐུ༔ ཕྲག་གོང་གཡས་སུ་དྲང་སྲོང་དྲི་མེད་ནི༔ ཕྱག་གཉིས་རིལ་བ་ལོང་ཐང་ཕྲེང་བ་འཛིན༔ སྐྲ་དང་ཨག་ཚོམ་དཀར་པོ་ཕྱེད་སྐྱིལ་བཞུགས༔ རང་གི་ཐུགས་ཀར་གུ་རུ་དྲག་པོ་ཡི༔ ཐུགས་དབུས་ཧཱུྃ་ནང་བསྲུང་བྱ་ཐམས་ཅད་གསལ༔ དམ་ཡེ་དབྱེར་མེད་ལྕེ་རྩེ་ཟླ་བའི་སྟེང་༔ ལྕེ་ནི་གནམ་ལྕགས་རྡོ་རྗེ་རྩེ་དགུ་པའི༔ ལྟེ་བར་ཧཱུྃ་དམར་སྔགས་ཕྲེང་གཡས་སུ་འཁོར༔ རྩེ་དགུའི་ཕཊ་ལས་མེ་འཕྲོས་གནོད་བྱེད་བསྲེགས༔ ཕྱི་རོལ་འཁོར་ལོ་འབྱུང་བཞི་སྤུ་གྲིའི་གུར༔ དེ་ལྟར་བསྒོམ་ཞིང་ཉེ་བར་བསྙེན་པ་ནི། ཨོཾ་ཏྲེ་དུ་ཏྲི་ན་ཊཾ་དུ་ཛཿཛཿ ཁྲིའམ་འབུམ་མམ་ཡང་ན་ཞག་བདུན་བཟླ། །དེ་ནས་

[Full Size]

དགུ་ཡི་དུས་སམ་རྒྱུན་དུ་ནི།། ཐུགས་ཀའི་འོད་ཟེར་ལྕགས་ཀྱུས་གནོད་བྱེད་བཀུག༔ དགྲ་བགེགས་སྤྱི་བོར་རྡོ་རྗེ་རྒྱ་གྲམ་མནན༔ འགུལ་དབང་མེད་ཅིང་ཁས་བླངས་ཐལ་སྦྱོར་ཕུལ༔ ཨོ་ལོག་ཏྲི་པཱ་ལ་ནན༔ ས་ག་པཱ་ཤ་ནན༔ ནཱ་ག་དུ་དུ་ནན༔ མ་མོ་མ་མཾ༔ ཙི་ཙ་ར་ཙི་ཙ་ར༔ རྦད་རུ་ལུ་རྦད་རུ་ལུ༔ རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ༔ ཧོ་ར་ཧོ་ར༔ ཅི་དུ་སོད་ཙི་དུ་སོད༔ ཤིག་ལྷ་རུ་གཏུབས༔ ཧ་ལ་པ་ཏི་ནན༔ འཁོར་བ་ཐུལ་བདག་ལ་གནོད་བྱེད་ཀ་ཝཱ་ཙི་རླག་རླག༔ བདུན་ནམ་གསུམ་སོགས་བརྗོད་པ་རྒྱུན་དུ་བྱ༔ ལག་གཉིས་རྡོ་རྗེའི་བྲག་རི་ཉི་ཟླ་བཅས༔ བརྡབ་པས་དགྲ་བགེགས་ཁྲག་སྐྱོ་ལྟར་གྱུར་པ༔ སོར་མོ་ལྕགས་སྡིག་མགོ་དགུས་ལྡིབ་ལྡིབ་ཟོས༔ ཞེས་པས་ཐལ་མོ་བརྡབ་ཅིང་། དྲང་སྲོང་གི་དམོད་མོ་འདི་ཚར་གཅིག་བརྗོད་པར་བྱ། གནོད་བྱེད་འབྱུང་པོ་བཀའ་ལྟར་མི་བྱེད་ཅིང་དམ་ལ་མི་གནས་པ་རྣམས་འདིར་མ་གནས་པར་གཞན་དུ་དེངས་ཤིག༔ སྲིད་པ་སྤྱི་ནས་ཤིགས་ཤིག༔ སྲིད་གསུམ་རྨིང་ནས་བསྐྱེལ་ཅིག༔ འཁོར་བ་སྟེང་ནས་ཕྱུང་ཞིག༔ བསྐལ་པའི་མེ་ལ་སྲེགས་ཤིག༔ དམ་ཚིག་གི་དམོད་པས་སྡིགས་ཤིག༔ བཀའ་ཡི་ཆད་པ་ཆོད་ཅིག༔ གནམ་

[Full Size]

ལྕགས་ཐོག་གི་རལ་གྲིས་སྤྱི་བོ་ནས་ཁོས་ཤིག༔ སྲིད་གསུམ་གར་གནས་ཀྱང་ལུས་ལ་མཚོན་ཆའི་ཆར་ཕོབ་ཅིག༔ དམ་ཉམས་འབྱུང་པོ་ལས་ངན་མནའ་ཟན་འདིའི་མགོ་བོ་ཚལ་པ་སྟོང་དུ་ཁོས་ཤིག༔ ལུས་དུམ་བུ་སྟོང་དུ་ཐོངས་ཤིག༔ སྙིང་དུམ་བུ་བརྒྱད་དུ་གཏུབས་ཤིག༔ མིག་འབྲས་ཐང་དུ་ལྷུང་ཞིག༔ སྙིང་ཁྲག་ལས་མཁན་རྣམས་ཀྱི་དཔའ་ཟས་གྱིས་ཤིག༔ དམ་ཉམས་རུ་དྲ་འདི་མཐའི་རྒྱ་མཚོའི་ཕ་རོལ་དུ་སྒྲོལ་ཅིག༔ གནོད་བྱེད་འབྱུང་པོ་ཨུ་ཙ་ཏ་ཡ་ཕཊ་སོད་ཅིག༔ དྲང་སྲོང་དམོད་པ་སུས་ཀྱང་བཟློག་ཏུ་མེད། །རྒྱུན་དུ་གཏོར་མ་ལ་སོགས་མི་དགོས་ཏེ། །དུས་བཟང་ཉ་མཚམས་ལ་སོགས་གཏོར་མ་ནི། །རིན་ཆེན་སྣོད་དུ་གཏོར་མ་དཀར་གསུམ་དང་། །འབྲུ་སྣ་བླུགས་ལ་འབྲུ་གསུམ་བྱིན་བརླབས་ཏེ། ཧཱུྃ༔ རྒྱ་གར་ལྷོ་ཕྱོགས་ཨིནྡའི་ཡུལ་དབུས་ན༔ རི་བོ་ཀུན་འདུས་ནགས་ཚལ་དྲྭ་བ་ཅན༔ འབྱུང་ལྔའི་གུར་ནས་དྲང་སྲོང་དྲི་མ་མེད༔ དྲང་སྲོང་འབུམ་དང་འཁོར་བཅས་གཤེགས་སུ་གསོལ༔ རིན་ཆེན་ཁྲི་དང་པད་ཟླའི་གདན་ལ་བཞུགས༔ ཨོཾ་ཏྲེ་དུ་ཏྲི་ན་ཏྲེ་དུ་ཛ༔ ཛཿཧཱུྃ་བཾ་ཧོཿ དངོས་འབྱོར་ཡིད་སྤྲུལ་མཆོད་པ་སྣ་བདུན་དང་༔ འདོད་ཡོན་ལྔ་དང་དཀར་གསུམ་གཏོར་མ་འདི༔ དྲང་སྲོང་དྲི་མེད་དྲང་

[Full Size]

སྲོང་འབུམ་བཅས་ལ༔ འབུལ་ལོ་དགྱེས་པ་ཆེན་པོ་བཞེས་ནས་ཀྱང་༔ དམོད་པ་དྲག་པོས་དགྲ་བགེགས་ཚར་གཅོད་མཛོད༔ ཨོཾ་ཏྲེ་དུ་ཏྲི་ན་ཊཾ་དུ་ཛཛ༔ ཁཱ་ཧི་དུ་ན་སྭཱ་ཧཱ༔ དྲང་སྲོང་རྣམས་ཀྱི་ཞལ་དུ་ཁཱ་ཧི་ཁཱ་ཧི༔ ཨབྷཾ་པཱཏྱཾ་སོགས་ཤབྡ་པྲ་ཏཱིཙྪ་ཡེ་སྭཱ་ཧཱ༔ ཧཱུྃ༔ རྒྱལ་བའི་རྣམ་འཕྲུལ་དྲང་སྲོང་དྲི་མེད་ནི༔ བྲམ་ཟེའི་གཟུགས་ཅན་རིལ་བ་ཕྲེང་བ་འཛིན་ཐོར་ཚུགས་ཨག་ཚོམ་དཀར་ཞིང་འཁོར་ཚོགས་བཅས༔ ཁྲོས་ཚེ་ཁྲོ་བོ་ནག་པོ་ཕྱག་བཞི་པ༔ ཐོ་བ་རལ་གྲི་ཐལ་མོས་གནོད་བྱེད་འདུལ༔ ཞི་རྒྱས་དབང་དྲག་སྐུ་མདོག་ཅིར་ཡང་བསྒྱུར༔ སྲིད་གསུམ་འདི་ན་ཆེ་བཙན་འགྲན་བྲལ་བར༔ དམ་རྫས་བརྒྱན་པའི་མཆོད་གཏོར་འདི་བཞེས་ལ༔ བདག་ལ་གནོད་བྱེད་ཐལ་བ་རྡུལ་དུ་རློགས། རྒྱལ་འགོང་དམ་སྲི་འདུལ་བའི་ཕྲིན་ལས་མཛོད༔ ཅེས་བརྗོད་གཏོར་མ་གཙང་སར་ཕུལ། །ལྷ་འདྲེ་ལ་སོགས་ཇི་ལྟར་སྟོབས་ཆེ་ཡང་། །འདི་ཡིས་བརླག་འགྱུར་ཐེ་ཚོམ་མེད་པར་གསུངས། །འདི་ཡི་ལུང་སོགས་མན་ངག་སྤྱིན་པའི་དུས། །དྲང་སྲོང་ལ་ཡང་གཏོར་མ་ཕུལ་བྱས་ལ། །སློབ་མས་གོས་ཀྱང་མགོ་མཇུག་བསྒྱུར་ནས་གྱོན། །གུར་དྲག་ལས་ཚོགས་ཡིན་ཕྱིར་འདི་ཉིད་ཀྱི། །བཀའ་གཏད་ལོགས་སུ་མ་ཐོབ་ན་ཡང་རུང་། །གུ་རུ་དྲག་པོའི་ལྷན་

[Full Size]

ཐབས་གསལ་བའི་ཕྱིར། །རྣལ་འབྱོར་རཱ་ག་ཨ་སྱས་ཞེས་བྱ་བས། །རྒྱུད་གཞུང་རྒྱས་པའི་དོན་བསྡུས་ཟབ་པར་བྱས། །མངྒ་ལཾ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུ་དྲག་པོའི་ལས་མཐའ་སྡེ་བརྒྱད་རྒྱལ་བསེན་འབྱུང་པོ་ལ་སྤྲིངས་ཡིག་ཕྱག་རྟགས་རྡོ་རྗེ།

[Full Size]

གུ་རུ་དྲག་པོའི་ལས་མཐའ་སྡེ་བརྒྱད་རྒྱལ་བསེན་འབྱུང་པོ་ལ་སྤྲིངས་ཡིག་ཕྱག་རྟགས་རྡོ་རྗེ་བཞུགས་སོ༔

[Full Size]

ཧཱུྃ་བཛྲ་ཕཊ༔ བདག་ཉིད་པདྨ་འབྱུང་གནས་ཀྱི་བཀའ༔ དམར་ནག་མེ་ཕྲེང་ཅན་དང་རྟ་མགྲིན་རྒྱལ་པོའི་ལུང་༔ སྔགས་འཆང་རྣལ་འབྱོར་དྲག་པོ་དྲེགས་འཇོམས་རྩལ་གྱིས༔ ཁྱོད་གདོན་བགེགས་ཀྱི་རྒྱལ་པོ་ཕྱོགས་སྐྱོང་བར༔ སྟེང་གི་ལྷ༔ བར་སྣང་གི་གཟ༢༔ འོག་གི་ཀླུ༔ ལྷ་མ་སྲིན་སྡེ་བརྒྱད༔ རྒྱལ་ཆེན་བེར་དཀར་ནག་སེར་གསུམ་ལ་སོགས་པ༔ མཁའ་ལ་རྒྱུ་བའི་འབྱུང་པོ་ཡིད་གཟུགས་ཅན༔ རྒྱལ་བསེན་དམ་སྲི་ཕོ་མོ་འདྲེ་གདོན་གྱི་རིགས་སུ་གྱུར་པ༔ འཆང་བ་པོ་མི་ནོར་གྱི་ཚེ་སྲོག་ལ་བར་དུ་གཅོད་པ་རྣམས་ལ་སྤྲིང་

[Full Size]

བ༔ དེང་ཕྱིན་ཆད་མི་ནོར་གང་ལ་ཡང་གནོད་པ་མ་བྱེད༔ ཁྱིམ་སྒོ་ལམ་སྲང་དུ་མ་འགྲིམ༔ གཞན་དུ་དེངས་ཤིག༔ གལ་ཏེ་ཡི་གེ་འདི་མཐོང་བཞིན་དུ་གནོད་པ་བྱེད་ན༔ བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་༔ དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་༔ བདག་ཉིད་གུ་རུ་དྲག་པོ་པདྨ་ཐོད་ཕྲེང་རྩལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྐུ་མཆོག་འཇམ་དབྱངས་ཀྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ གསུང་

[Full Size]

མཆོག་རྟ་མགྲིན་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཐུགས་མཆོག་ཕྱག་ན་རྡོ་རྗེའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཡོན་ཏན་མཁའ་འགྲོ་སྡེ་ལྔའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཡཀྵ་མེ་དབལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྤྲུལ་པ་ཁྱུང་ཆེན་འབར་བའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྟོབས་ལྡན་སྡིག་པ་ནག་པོ་ཕོ་ཉ་ཟ་བྱེད་གསོད་བྱེད་བསྟན་སྲུང་དམ་ཅན་རྒྱ་མཚོའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྔགས་འཆང་རྣལ་འབྱོར་པ་རཱ་ག་ཨ་སྱ་བདག་གིས་སྔགས་དང་ཕྱག་རྒྱ་ཏིང་འཛིན་གྱི་བྱིན་བརླབས་ལ་བརྟེན་ནས༔ གནོད་བྱེད་འབྱུང་པོ་བཀའ་ལྟར་མི་བྱེད་ཅིང་དམ་ལ་མི་གནས་པ་རྣམས༔ འདི་ན་མ་གནས་པར་གཞན་དུ་དེངས་ཤིག༔ སྲིད་པ་སྤྱི་ནས་ཤིག་ཅིག༔ སྲིད་གསུམ་གླིང་ནས་སྐྱེལ་ཅིག༔ འཁོར་བ་གཏིང་ནས་ཕྱུངས་ཤིག༔ བསྐལ་པའི་མེས་སྲེགས་ཤིག༔ དམ་ཚིག་གི་དམོད་པས་སྡིགས་ཤིག༔ བཀའ་ཡི་ཆད་པ་ཆོད་ཅིག༔ གནམ་ལྕགས་ཐོག་གི་རལ་གྲིས་སྤྱི་བོ་ནས་ཁོས་ཤིག༔ སྲིད་གསུམ་གར་གནས་ཀྱང་ལུས་ལ་མཚོན་ཆའི་ཆར་ཕོབ་ཅིག༔ དམ་ཉམས་

[Full Size]

འབྱུང་པོ་ལས་ངན་མནའ་ཟན་འདིའི༔ མགོ་བོ་ཚལ་པ་སྟོང་དུ་ཁོས་ཤིག༔ ལུས་དུམ་བུ་སྟོང་དུ་ཁོས་ཤིག༔ སྙིང་དུམ་བུ་བརྒྱད་དུ་གཏུབས་ཤིག༔ མིག་འབྲས་གཉིས་ཐང་ལ་ལྷུང་ཞིག༔ སྙིང་ཁྲག་ལས་མཁན་རྣམས་ཀྱི་དཔའ་ཟས་གྱིས་ཤིག༔ དམ་ཉམས་རུ་ཏྲ་འདི་མཐའི་རྒྱ་མཚོའི་ཕ་རོལ་དུ་སྒྲོལ་ཅིག༔ གནོད་བྱེད་ཨུ་ཙ་ཏ་ཡ་མཱ་ར་ཡ་ཕཊ༔ སོད་ཅིག༔ ཤམ།ཤམ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུ་དྲག་པོའི་རྒྱུན་བསྙེན་བྱེད་པ་ལ་ཉེ་བར་མཁོ་བའི་ཟིན་བྲིས་ཕྱག་རྒྱ་ཆེན་པོ་ལྔ་ལྡན་གྱི་དོན་རྩ།

[Full Size]

གུ་རུ་དྲག་པོའི་རྒྱུན་བསྙེན་བྱེད་པ་ལ་ཉེ་བར་མཁོ་བའི་ཟིན་བྲིས་ཕྱག་རྒྱ་ཆེན་པོ་ལྔ་ལྡན་གྱི་དོན་རྩ་བཞུགས་པའི་དབུ་ཕྱོགས་ལགས་སོ།།

[Full Size]

ན་མོ་པྲ་ཝཱ་ཀ་ར་ཀྲོ་དྷ་ཡེ། དལ་འབྱོར་མི་ལུས་ཐོབ་པར་དཀའ། །ཨེ་བདེན་འབུ་སྲིན་གྲངས་ལ་ལྟོས། །ནམ་འཆི་ཆ་མེད་ངེས་པར་འཆི། །ཨེ་བདེན་གཞོན་ཤི་ཚོ་ལ་ལྟོས། །རྒྱུ་འབྲས་བསླུ་མེད་ངེས་པར་སྨིན། །ཨེ་བདེན་འདྲ་ཡི་མི་ཀུན་ལ། །སྐྱིད་སྡུག་ཚེ་ཡི་རིང་ཐུང་ལྟོས་། །འཁོར་བའི་སྡུག་བསྔལ་བཟོད་བླག་མེད། །ཨེ་བདེན་བཤས་ལུག་ཚོ་ལ་ལྟོས། །རང་ཐོག་བྱུང་ན་ཅི་ཁམས་སམ། །དེ་ཚོ་མིག་གིས་མཐོང་ཚད་ཙམ། །ངན་སོང་སྡུག་བསྔལ་ཤི་ལོག་ལྟོས། །དེ་ལས་ཐར་ཐབས་དམ་པའི་ཆོས། །ཆོས་ཕུང་བརྒྱད་ཁྲི་བཞི་སྟོང་གི །སྙིང་པོ་གསང་

[Full Size]

སྔགས་ཐེག་པ་ཡིན། །དེ་ལ་རྒྱ་ཆེ་གྲངས་མང་ཡང་། །དེང་སང་སྙིགས་མ་ལྔ་བརྒྱའི་དུས། །ཆོས་གཞན་བྱིན་རླབས་ཡལ་བའི་དུས། །ལྷ་གཞན་ཐུགས་རྗེ་རྡུགས་པའི་དུས། །པདྨ་འབྱུང་གནས་ཐུགས་རྗེ་མྱུར། །དེང་སང་སྣང་སྲིད་ལྷ་འདྲེའི་ཚོགས། །ཁ་འཕྱུར་ཞི་བས་མི་ཐུལ་དུས། །གུ་རུ་དྲག་པོར་བཞེངས་པ་ཟབ། །དབང་ལུང་ཟབ་མོའི་རྒྱུད་སྨིན་ཅིང་། །ཞི་བསྙེན་རབ་གཅིག་སོང་འདུག་པས། །ད་ནི་དྲག་པོའི་རྒྱུན་བསྙེན་མཛོད། །མདོ་སྔགས་གསར་རྙིང་ཐམས་ཅད་ཀུན། །གཅིག་ཏུ་དྲིལ་བའི་ཉམས་ལེན་གནད། །སྟན་ཐོག་གཅིག་ཏུ་ཉམས་ལེན་པ། །

[Full Size]

ཕྱག་རྒྱ་ཆེན་པོ་ལྔ་ལྡན་ཡིན། །འདི་ཡི་ཁོག་ནས་ཉམས་ལེན་མཛོད། །དེ་ཡི་ཞལ་གདམས་གོ་བདེ་བ། །ལུང་འདྲེན་བཤད་པ་ན་ཡམ་བསྐྱུར། །ཉམས་ལེན་རྒན་མོའི་མཛུབ་ཚུགས་འདི། །ཉམས་སུ་ལོངས་དང་འདི་ཕྱིར་བདེ། །དང་པོ་ད་ནངས་བསམ་པ་ལ། །ཕ་མ་སེམས་ཅན་ཐམས་ཅད་ཀུན། །འཁོར་བའི་སྡུག་བསྔལ་ལས་གྲོལ་ནས། །རྫོགས་པའི་སངས་རྒྱས་འཐོབ་པའི་ཕྱིར། །བདག་གི་གུ་རུ་དྲག་པོ་ཡི། །བསྐྱེད་རྫོགས་སྒོམ་བཟླས་བྱའོ་ཞེས། །ཁ་ཞེ་མེད་པའི་སེམས་བསྐྱེད་བྱ། །སེམས་བསྐྱེད་འདི་དག་མི་ལྡན་ན། །བྱང་ཆུབ་ལམ་དུ་མི་འགྲོ་ཞིང་། །གསང་སྔགས་དོན་དང་མི་ལྡན་ནོ། །རང་ཉིད་ཕྱི་མ་བདེ་ཐབས་དང་། །ཚེ་འདིར་ནད་གདོན་ཞི་ཐབས་སུ། །བསྙེན་སྒྲུབ་དཔག་མེད་བྱས་ན་ཡང་། །གསང་སྔགས་འགྲུབ་པར་མི་འགྱུར་ཏེ། །སྔགས་ནག་ཅེས་བྱ་ཐ་མལ་པ། །ངག་ནུས་ཆེན་པོ་བྱུང་ན་ཡང་། །ཕྱི་མ་བདུད་དང་སྲིན་པོར་སྐྱེ། །སེམས་བསྐྱེད་བཟང་པོ་དེ་ཡོད་ན། །སངས་རྒྱས་ཐོབ་པའི་ལམ་ཟབ་མོ། །གལ་ཏེ་སེམས་བསྐྱེད་དེ་ལྡན་ན། །འདྲེ་བརྡུང་མཐུ་གཏད་ལ་སོགས་པ། །བྱས་ཀྱང་མི་གནོད་བྱང་ཆུབ་སེམས། །གང་འདུལ་ཕྲིན་ལས་རྣམ་

[Full Size]

བཞི་ཡི། །ངག་ནུས་ལ་སོགས་མ་བསམ་ཡང་། །རང་བཞིན་ཤུགས་ལས་འབྱུང་བ་ཡིན། །ལོ་ནི་གཏིང་ནས་ཡག་ཐུབ་ན། །སོག་ཕུབ་ཞོར་ལ་འབྱུང་དང་འདྲ། །བྱང་ཆུབ་སེམས་ཀྱི་རྟ་ཕོ་ལ། །གཞན་ཕན་གྱི་དཀྱུས་ཐག་མ་བཅད་ན། །ཁྲོམ་ལྷ་མིའི་བདེ་སྐྱིད་མི་འབྱུང་བས། །ལར་སེམས་བསྐྱེད་འདི་ལ་ནན་ཏན་མཛོད། །དེ་ལྟར་གསུངས་ལྟར་ལྔ་ལྡན་དང་པོའོ།། ༈ །།མདོ་ལུགས་སངས་རྒྱས་གྲངས་མེད་གསུམ་ལས་འཐོབ། །གསང་སྔགས་བླ་མེད་ཚེ་འདིར་སངས་རྒྱས་པའི། །ལམ་གྱི་ཉེ་རིང་ཟབ་དང་མི་ཟབ་ཁྱད། །ལུས་ཀྱི་དེ་ཉིད་རྟོགས་དང་མ་རྟོགས་ཁྱད། །མདོ་ལུགས་ལུས་འདི་མི་གཙང་ཤ་ཁྲག་ལུས། །དེ་ལས་ལྷག་པའི་ལྷ་གཅིག་བཞུགས་པར་འདོད། །བླ་མེད་གསང་སྔགས་རང་ལུས་སངས་རྒྱས་དངོས། །ཡིན་པར་ངོ་སྤྲོད་ལྷ་ཡི་སྐུར་བསྒོམས་པས། །དངོས་སུ་གྱུར་ནས་མྱུར་དུ་སངས་རྒྱས་གསུངས། །དེ་ནི་གསང་སྔགས་གསར་རྙིང་དགོངས་པ་མཐུན། །གཟུགས་ཀྱི་ཕུང་པོ་བུདྡྷ་དྲག་པོ་རྩལ། །རྣམ་ཤེས་ཕུང་པོ་རྡོ་རྗེ་དྲག་པོ་རྩལ། །ཚོར་བའི་ཕུང་པོ་རཏྣ་དྲག་པོ་རྩལ། །འདུ་ཤེས་ཕུང་པོ་པདྨ་དྲག་པོ་རྩལ། །འདུ་བྱེད་ཕུང་པོ་ཀརྨ་དྲག་པོ་རྩལ། །

[Full Size]

རང་གི་ཕུང་པོ་ལྔ་པོ་དེ་རྣམས་ནི། །ཡེ་ནས་དྲག་པོ་རིགས་ལྔའི་ངེས་ཤེས་བསྐྱེད། །རང་གི་ཁྲག་ནི་རྡོ་རྗེ་མཁའ་འགྲོ་མ། །རང་གི་ཤ་ནི་རིན་ཆེན་མཁའ་འགྲོ་མ། །རང་གི་དྲོད་ནི་པདྨ་མཁའ་འགྲོ་མ། །རང་གི་དབུགས་ནི་ཀརྨ་མཁའ་འགྲོ་མ། །ལུས་ནང་སྟོང་པའི་སྒྲུབ་ནི་གང་ཡོད་རྣམས། །སངས་རྒྱས་མཁའ་འགྲོའི་ངོ་བོར་ངེས་ཤེས་བསྐྱེད། །སྤྱི་བོའི་རྩ་མདུད་འཇམ་དཔལ་སྐུ་ཡི་ལྷ། །མགྲིན་པའི་རྩ་མདུད་རྟ་མགྲིན་གསུང་གི་ལྷ། །སྙིང་ཁའི་རྩ་མདུད་ཕྱག་རྡོར་ཐུགས་ཀྱི་ལྷ། །ལྟེ་བའི་རྩ་མདུད་ཌཱཀི་ཡོན་ཏན་ལྷ། །གསང་གནས་རྩ་མདུད་མེ་དབལ་ཕྲིན་ལས་ལྷ། །རང་ལུས་སྤྱིར་ནི་གུ་རུ་དྲག་པོ་སྟེ། །དབུ་མའི་རྩ་ནི་ཡུམ་མཆོག་ཁྲོས་མ་ཡིན། །རྐང་ལག་ལྷུ་བརྒྱད་སྤྱི་གཙུག་རྐང་མཐིལ་བཅུ། །ཡེ་ནས་ཁྲོ་བོ་བཅུ་ཡི་རང་བཞིན་ཉིད། །རང་ལུས་འདོམ་གང་གྲུ་བཞི་དཀྱིལ་འཁོར་དངོས། །ཁ་སྣ་གསང་བ་བཞི་ནི་སྒོ་བཞི་འོ། །དེ་དག་ཡིན་ལ་ཡིན་བཞིན་ངེས་ཤེས་བསྐྱེད། །དེ་མ་ཤེས་ན་ལྷ་གཟུགས་གསལ་ན་ཡང་། །གྱ་ནོམ་ལྷར་སྣང་ཞེས་བྱ་གོལ་ས་སྟེ། །གསང་སྔགས་བསྐྱེད་རིམ་གོ་ཆོད་འོང་བ་མིན། །དེ་ནས་རྒྱས་པར་དཀྱིལ་འཁོར་ཡོངས་རྫོགས་ལྟར། །ལས་བྱང་

[Full Size]

འདོན་ཞིང་སྤྱན་འདྲེན་བྱས་པ་སྟེ། །མངོན་རྟོགས་གཅིག་གིས་བདག་མདུན་དུས་གཅིག་བསྐྱེད། །སྤྱན་འདྲེན་ཚེ་ན་ལྷ་ཚོགས་དཔག་མེད་པ། །ཁ་བ་བུ་ཡུག་ལྟར་དུ་སྤྱན་དྲངས་ཏེ། །བདག་མདུན་སོ་སོར་ཐིམ་པར་བསྒོམ་པ་སྟེ། །བདག་གི་ཐུགས་ལས་མཆོད་པའི་ལྷ་མོ་ནི། །གྲངས་མེད་སྤྲུལ་ཏེ་བདག་བདུན་སོ་སོ་ལ། །མཆོད་བསྟོད་ལ་སོགས་སོ་སོར་བྱེད་པར་བསྒོམ། །གལ་ཏེ་གཏོར་མ་མེད་ན་ཡང་། །ལས་བྱང་འདོན་ཡང་མ་ལྕོགས་ན། །རང་ཉིད་སྐད་ཅིག་དྲན་རྫོགས་སུ། །རང་ཉིད་གུ་དྲག་གཙོ་རྐྱང་ནི། །གོ་ཆའི་ལྷ་དང་བཅས་པ་གསལ་བར་བསྒོམ། །སྤྱན་འདྲེན་མཆོད་བསྟོད་ལ་སོགས་མི་དགོས་སོ། །རང་ལུས་ཡེ་ནས་ཡེ་ཤེས་སེམས་དཔའ་སྟེ། །ཡི་དམ་ལྷ་ཡི་ངོ་བོར་གྱུར་པ་ལ། །དེ་ཉིད་སེམས་ཀྱི་ལྷ་རུ་གསལ་འདེབས་པས། །དེ་ནི་ཡེ་ཤེས་སེམས་དཔའ་ཉིད་ཡིན་པས། །སྤྱན་འདྲེན་མི་དགོས་བླ་མེད་ཨ་ཏིའི་ལུགས། །དེ་ནས་གུར་དྲག་རྒྱན་དང་ཆ་ལུགས་དང་། །གོ་ཆའི་ལྷ་ཚོགས་མངོན་རྟོགས་ནང་ལྟར་དུ། །འདོན་ནི་མི་དགོས་ཡིད་ལ་གསལ་བར་བསྒོམ། །དོན་ལ་བསྒོམ་པ་གསལ་བ་རེས་འགའ་འཐུས། །དམིགས་པ་མ་ཟིན་མངོན་རྟོགས་བཏོན་

[Full Size]

ན་ཡང་། །འདོན་རྒྱུ་ཚང་ཡང་དོན་ལ་ཚང་བ་མིན། །དེ་ཡང་ཆ་ལུགས་གསལ་བོར་མ་ཟིན་ན། །ཐང་སྐུ་ལེགས་པར་ཡང་ཡང་ལྟ་ཞིང་བསྒོམ། །རྒྱན་དང་ཆ་ལུགས་མ་འཆུགས་གསལ་བ་ནི། །ཐང་སྐུ་ལེགས་པོ་ལྟར་དུ་གསལ་བ་ན། །དེ་ལ་བསྐྱེད་རིམ་རྣམ་པ་གསལ་བ་ཟེར། །རྒྱན་ཆ་གསལ་ན་ལོངས་སྤྱོད་ཆེ་བ་ཡིན།་།མེ་རི་གསལ་ན་བར་ཆད་ཉུང་བ་ཡིན། །ཞབས་དང་པད་གདན་གསལ་ན་སྡོད་ཚུགས་སོ། །སྤྱན་རྣམས་གསལ་ན་མིག་གསལ་མངོན་ཤེས་འཆར། །ཞལ་དང་མཆེ་བ་གསལ་ན་བཀའ་བསྒོ་ལ། །ལྷ་འདྲེའི་ཉན་པ་ལ་སོགས་ཡོན་ཏན་ཡོད། །མ་གསལ་བ་ལ་དེ་ཡི་སྐྱོན་འབྱུང་ངོ་། །དེ་ལྟར་གསལ་ཡང་གདོས་བཅས་འདག་སྐུ་ལྟར། །སྒོམ་ན་ཨ་འཐས་ཐེར་གཟུགས་གོལ་ས་སྟེ། །ནུས་པ་བྱུང་ཡང་ཕྱི་མ་ལྷ་འདྲེའི་རིགས། །ཁྲོ་བོས་སྐུ་གཟུགས་འདྲ་བར་སྐྱེ་བ་ཡིན། །དེ་ཕྱིར་རྣམ་དག་དྲན་པར་བྱ་བ་ལ། །སྣང་སྟོང་འཇའ་ཚོན་ལྟ་བུར་བསྒོམ་པ་དང་། །ཆ་ལུགས་དེ་ནི་དག་པ་ཞེས་བྱ་སྟེ། །ཆོས་ཉིད་དོན་དམ་སྟོང་ཉིད་ཆོས་ཀྱི་སྐུ། །དེ་ནི་གུ་རུ་དྲག་པོ་ལ་སོགས་པ། །སངས་རྒྱས་ཀུན་གྱི་ངོ་བོ་ཡིན་མོད་ཀྱི། །དེ་ལ་གཟུགས་དང་ཁ་དོག་ཆ་ལུགས་མེད། །

[Full Size]

ལོངས་སྤྱོད་རྫོགས་པའི་ཞིང་ཁམས་སངས་རྒྱས་རྣམས། །རྒྱན་དང་ཆ་ལུགས་བརྡ་རིས་བསྟན་པ་ནི། །འཁོར་རྣམས་ཆོས་ཀྱི་དོན་རྣམས་ཁོང་དུ་ཆུད། །ཚིག་གི་སྒོ་ནས་ཆོས་ནི་གསུང་མི་དགོས་། །དེ་ཕྱིར་གུ་དྲག་ལོངས་སྤྱོད་རྫོགས་སྐུ་ཡིན། །རྒྱན་དང་ཆ་ལུགས་རྣམས་ནི་ཆོས་ཀྱི་བརྡ། །ཡིན་གྱི་མི་ཡི་ཤ་ཚུགས་ལྟ་བུ་མིན། །ཞལ་གསུམ་ཆོས་སྐུ་ལོངས་སྐུ་སྤྲུལ་སྐུ་གསུམ། །ཕྱག་དྲུག་ཕ་རོལ་ཕྱིན་པ་དྲུག་ཡིན་ཏེ། །གཤོག་པ་གཉིས་ནི་ཐབས་ཤེས་ཟུང་དུ་འཇུག །ཞབས་བཞི་ཚད་མེད་བཞི་ཡིས་འགྲོ་བ་འདུལ། །ཡབ་ཡུམ་སྦྱོར་བས་སྣང་སྟོང་ཟུང་དུ་འཇུག །ཡེ་ཤེས་མེ་རིས་གཟུང་འཛིན་སྒྲིབ་པ་བསྲེགས། །ཕྱོགས་དུས་རྒྱལ་བའི་སྐུ་གསུང་ཐུགས་ཡོན་ཏན། །ཕྲིན་ལས་ཐམས་ཅད་འདུས་རྟགས་གོ་ཆའི་ལྷ། །དེ་ལྟར་ཤེས་པར་བྱས་པས་གོལ་ས་ཆོད། །དེ་ལ་རྣམ་དག་དྲན་པའི་བསྐྱེད་རིམ་ཟེར། །བདག་ནི་ཐ་མལ་སེམས་ཅན་ཡིན་པ་ལ། །གུ་དྲག་དངོས་མིན་མོས་པ་ཙམ་ཡིན་ནོ། །ཉམས་ན་ནུས་པ་བྱིན་རླབས་རྟགས་མི་ཐོན། །མིན་པ་ཡིན་པར་བསྒོམས་པས་མི་འོང་སྟེ། །ཕལ་པའི་རྡོ་ལ་དངུལ་གྱི་ཞད་མེད་ཕྱིར། །བསྐལ་པར་བསྲེག་ཀྱང་དངུལ་ནི་འབྱུང་མི་འགྱུར། །

[Full Size]

དངུལ་རྡོ་ལ་ནི་དངུལ་གྱི་རྒྱུ་ཡོད་ཕྱིར། །ལེགས་པར་བསྲེགས་ན་དངུལ་ནི་འབྱུང་བ་ལྟར། །རང་ལུས་ཡི་དམ་ལྷ་ཡི་ངོ་བོ་རུ། །གསར་རྙིང་རྒྱུད་སྡེ་ཀུན་ནས་གསུངས་པའི་ཕྱིར། །ཡིན་ལ་ཡིན་བཞིན་སྒོམ་པ་དངོས་སུ་གྲུབ། །གཞི་ཡི་གུ་དྲག་སེམས་ཅན་ཐམས་ཅད་ཡིན། །ཡིན་ལ་ཡིན་པར་མ་ཤེས་འཁོར་བར་འཁྱམས། །ལམ་གྱི་གུ་དྲག་དབང་གི་རྒྱུད་སྨིན་ཅིང་། །གུ་དྲག་བསྐྱེད་རྫོགས་ཉམས་ལེན་བྱེད་རྣམས་ཡིན། །ཡིན་རྟགས་ལྷ་འདྲེའི་བཀའ་ཉན་ཕྲིན་ལས་སྒྲུབས། །འབྲས་བུའི་གུ་དྲག་རྔ་ཡབ་གླིང་བཞུགས་པའི། །སྲིན་པོས་ཁ་གནོན་ཨོ་རྒྱན་ཉིད་ཡིན་པས། །ལམ་དུ་གུ་དྲག་བསྐྱེད་རྫོགས་ཉམས་བླངས་པས། །འབྲས་བུ་གུ་དྲག་རབ་ནི་ཚེ་འདི་དང་། །འབྲིང་ནི་བར་དོ་ཐ་མ་སྐྱེ་བ་ནི། །བདུན་གྱི་ས་ནས་དབྱེར་མེད་གཅིག་ཏུ་འགྲུབ། །དེ་དོན་གནད་ཤེས་རང་ཉིད་གུ་དྲག་ནི། །དངོས་མིན་སྙམ་པའི་ངེས་ཤེས་ཐེ་ཚོམ་སྤང་། །དེ་བྱས་ལྷ་འདྲེ་བགེགས་རིགས་རྨི་ལམ་དུ། །མི་རུ་མི་མཐོང་གུ་དྲག་དངོས་སུ་མཐོང་། །གནོད་པར་མི་ནུས་ཅི་བསྒོས་བཀའ་ལ་ཉན། །དེ་ལ་བསྐྱེད་རིམ་ང་རྒྱལ་བརྟན་པ་ཟེར། །རང་ལུས་ཡི་དམ་གྱི་རྒྱལ་པོ་ལ། །གཞི་འགྱུར་མེད་ཀྱི་

[Full Size]

བཙན་ས་མ་ཟིན་ན། །མ་མཁའ་འགྲོའི་འཁོར་ཚོགས་མི་འདུ་བས། །ལུས་ཡི་དམ་ལྷ་ལ་ནན་ཏན་མཛོད། །ཅེས་གསུངས་ལྔ་ལྡན་གཉིས་པའི་དོན།། ༈ །།རང་ཉིད་གུ་དྲག་གསལ་བའི་དབུ་སྐྲའི་གསེབ། །པདྨ་ཉི་ཟླ་བརྩེགས་པའི་གདན་སྟེང་དུ། །དཀོན་མཆོག་ཀུན་འདུས་རྩ་གསུམ་གཅིག་འདུས་ལྷ། །པདྨ་འབྱུང་གནས་མཐིང་ནག་སྤྱན་གསུམ་པ། །ཁྲོ་འཛུམ་སྟག་ཤམ་རུས་པའི་རྒྱན་ཆ་ཅན། །ཕྱག་གཡས་ཁ་ཊཾ་གཡོན་པས་ཐོད་ཁྲག་འཛིན། །ཞབས་གཉིས་བཞེངས་ཐབས་སྤྱན་ནི་ནམ་མཁར་གཟིགས། །ཧཱུཾ་ཕཊ་བྷྱོ་དང་ཨཱ་ར་ལི་གསུངས་པས། །ཐུགས་སྲོག་ཧཱུྃ་ལས་འོད་ཟེར་ཕྱོགས་བཅུར་འཕྲོས། །གྲུབ་ཆེན་བརྒྱད་ཅུ་རྗེ་འབངས་ཉེར་ལྔ་དང་། །བཀའ་བརྒྱུད་བླ་མ་མཁའ་སྤྱོད་ནམ་མཁའི་མཚན། །གཡུ་ཐོག་མགོན་པོ་ཟུར་མཁར་ཆོས་རྗེ་སོགས། །རིག་འཛིན་གྲུབ་ཐོབ་ཐམས་ཅད་ཁ་བ་དང་། །བུ་ཡུག་ལྟར་བྱོན་པད་འབྱུང་སྐུ་ལ་ཐིམ། །སངས་རྒྱས་ཐམས་ཅད་འོད་དཔག་མེད་ལ་ཐིམ། །གུ་དྲག་ལ་སོགས་ཡི་དམ་ཐམས་ཅད་ནི། །ཆར་བཞིན་བབས་ནས་རང་ཉིད་སྐུ་ལ་ཐིམ། དེ་ལྟར་ཐིམ་པས་ཡེ་ཤེས་ཐིམ་པ་དང་། །ཕག་ཁྲོས་སེང་གསུམ་ལ་སོགས་མཁའ་

[Full Size]

འགྲོའི་ཚོགས། །ཆར་ལྟར་བྱོན་ནས་རང་ཡུམ་ཁྲོས་མར་ཐིམ། །དེ་ལྟར་ཐིམ་པས་ཡེ་ཤེས་ཐིམ་པ་དང་། །དབང་བསྐུར་བྱིན་རླབས་ཐམས་ཅད་དུས་གཅིག་ཐོབ། །སྤྱི་བོར་པད་འབྱུང་བླ་མ་ཀུན་འདུས་ལ། །དད་གུས་གདུང་ཤུགས་བསྐྱེད་ཅིང་གསོལ་འདེབས་ཀྱི། །ཚུལ་དུ་སྔགས་འདི་ཅི་ནུས་བཟླ་བར་བྱ། །ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛསིདྡྷི་ཕ་ལ་ཧཱུྃ་ཨཱ༔ ཞི་བར་བསྙེན་ཅིང་དྲག་པོར་སྒྲུབ་པ་གཅེས། །གུ་རུ་དྲག་པོ་སྒྲུབ་པའི་གོང་གནོན་ཡིན། །སྔོན་དུས་ཞི་བའི་བསྙེན་པ་ཉུང་བ་དང་། །ཀུན་དྲིལ་ཡིད་བཞིན་བསྙེན་པ་མ་ཐོན་ན། །སྔགས་དང་དམིགས་པ་འདི་ཉིད་མང་ན་ལེགས། །རྒྱུན་དུ་བརྒྱའམ་སྟོང་སོགས་སྐབས་དང་སྦྱར། །ཨ་ཙིག་ཅི་ཙམ་འདོན་པའི་ཕྱེད་ཙམ་བྱ། །འདི་ནི་བླ་སྒྲུབ་ཐམས་ཅད་གཅིག་ཏུ་འདུས། །ལེའུ་བདུན་སོགས་གསོལ་འདེབས་གང་ཤེས་ཀྱང་། །དམིགས་པ་འདི་ཉིད་བསྒོམ་ཞིང་བཏོན་ན་ལེགས། །བླ་མ་སྐུ་བཞིའི་གངས་རི་ལ། །མོས་གུས་ཀྱི་ཉི་མ་མ་ཤར་ན། །བྱིན་རླབས་ཀྱི་ཆུ་རྒྱུན་མི་འབྱུང་བས། །སེམས་མོས་གུས་འདི་ལ་ནན་ཏན་མཛོད། །ཅེས་ལྔ་ལྡན་གསུམ་པའི་དོན་ཡིན་ནོ།། ༈ །།དེ་ནས་རང་ཉིད་གུ་

[Full Size]

དྲག་གསལ་བ་ཡི། །ཐུགས་ཀར་གསེར་གྱི་མཆོད་རྟེན་བུམ་པའི་ནང་། །ཕྱག་རྡོར་གསལ་བའི་ཐུགས་ཀར་ཉི་མའི་སྟེང་། །ཡེ་ཤེས་སེམས་དཔའ་བཛྲ་ཧེ་རུ་ཀ །བདེ་མཆོག་གསང་འདུས་ཀྱེ་རྡོར་མཱ་ཡཱ་དང་། །ཆེ་མཆོག་རྡོར་འཆང་རྡོ་རྗེ་སེམས་དཔའ་རྣམས། །ཐམས་ཅད་དོན་གཅིག་མིང་གི་རྣམ་གྲངས་ཡིན། །མཐིང་ནག་ཁྲོ་འཛུམ་རྡོ་རྗེ་དྲིལ་བུ་འཛིན། །ཞབས་གཉིས་རྡོར་སྐྱིལ་ལམ་ནི་ཕྱེད་སྐྱིལ་བཞུགས། །དེ་ཡི་ཐུགས་ཀར་གསེར་གྱི་རྡོ་རྗེ་ནི། །འགྲེང་ཐབས་གནས་པའི་རྡོ་རྗེའི་ལྟེ་བའི་ནང་། །ཟླ་བ་སྟེང་དང་ཉི་མ་འོག་གནས་པའི། །ཉི་ཟླ་གའུ་ནང་དབུས་ཧཱུྃ་དམར་པོ། །དེ་མཐར་ཨ་ཙིག་ཡིག་འབྲུ་ཉི་ཤུས་བསྐོར། །ཧཱུཾ་དེ་གཡོ་འགུལ་མེད་པ་མཆོད་རྟེན་བཞིན། །ཡིག་མགོ་ངོས་ནི་རང་གི་མདུན་དུ་སྟོན་།་།དེ་མཐར་ཡིག་འབྲུ་ཉི་ཤུ་ལངས་བ་སྟེ། །ཡི་གེ་མདུན་ངོས་ཕྱི་ལ་བསྟན་ཏེ་བསྐོར། །དང་པོ་ཀློག་པའི་ཚུལ་དུ་ཅུང་ཟད་བཟླ། །དེ་ནི་བསྙེན་པ་ཞེས་བྱའི་བཟླས་པའོ། །དེ་ནས་ཡིག་འབྲུ་རྣམས་ལས་འོད་བྱུང་སྟེ། །ཕྲེང་བ་མི་འཁོར་ཕྲེང་ཐག་འཁོར་བ་ལྟར། །འོད་ཟེར་ཁ་དོག་ལྔ་ལྡན་གཡས་སུ་འཁོར། །དེ་ནི་ཉེ་བར་བསྙེན་པ་ཞེས་བྱའོ། །དེ་ནས་ཡིག་

[Full Size]

འབྲུ་དལ་བུས་གཡས་སུ་འཁོར། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །ཟླ་སྐར་ཕྲེང་བ་ལྟ་བུའི་བཟླས་པའོ། །དེ་ནས་དེ་ལས་འོད་ཟེར་སྣ་ཚོགས་འཕྲོས། །སངས་རྒྱས་བྱང་སེམས་བླ་མ་ཡི་དམ་ཚོགས། །འོད་ཟེར་དེ་ཕོག་ཟག་མེད་མཆོད་པར་གྱུར། །སྐུ་གསུང་ཐུགས་མཉེས་བྱིན་རླབས་དངོས་གྲུབ་ཀུན། །འོད་ཟེར་ཚུལ་དུ་འདུས་ནས་རིང་ལ་ཐིམ་། །སླར་ཡང་འོད་འཕྲོས་འགྲོ་དྲུག་སེམས་ཅན་ལ། །ཕོག་པས་སོ་སོའི་སྡིག་སྒྲིབ་སྡུག་བསྔལ་དག །སྣང་སྲིད་ལྷ་སྲིན་སྡེ་བརྒྱད་ཀུན་ལ་ཕོག །སྔོན་གྱི་དམ་ཚིག་དྲན་ནས་བཀའ་ལ་ཉན། །གནོད་བྱེད་གདོན་བགེགས་བར་ཆད་བྱེད་ལ་ཕོག །གནོད་སེམས་སྡུག་བསྔལ་ཐམས་ཅད་ཞི་བར་བྱས། །དེ་ཀུན་མཐུ་སྟོབས་ནུས་པ་ཐམས་ཅད་བསྡུས། །འོད་ཟེར་ཚུལ་དུ་རང་ལ་ཐིམ་པ་ཡིས། །ཚེ་དང་བསོད་ནམས་ཡེ་ཤེས་ནུས་པ་འཕེལ། །དེ་ལྟར་བསྒོམ་ཞིང་རྩ་སྔགས་ཉི་ཤུ་པ། །རྒྱུན་དུ་ཆུ་བོའི་གཞུང་ལྟར་བཟླ་བར་བྱ། །ཨོ་ཨཱཧཱུྃ་ཨ་ཅིག་ནིར་ཙིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ་ཕཊ། ཨཱཧཱུཾ་ཧཱུཾ་ཕཊ། བརྒྱ་ཙམ་བཟླས་པས་ལས་ངན་སྡིག་སྒྲིབ་འདག །སྟོང་ཙམ་བཟླས་པས་ཕྱི་ནང་བར་ཆད་ཞི། །ཁྲི་ཙམ་བཟླས་པས་

[Full Size]

ལྷ་སྲིན་བྲན་དུ་ཁོལ། །འབུམ་ཙམ་བཟླས་པས་མཆོག་གི་དངོས་གྲུབ་ཐོབ། །འབུམ་ཕྲག་ཉི་ཤུ་ཐམ་པ་བཟླས་པ་ནི། །ལྷ་འདྲེ་རྣམས་ལ་བཀའ་ཤོག་བསྐུར་ནས་ཀྱང་། །དེ་ལ་ཉན་ཅིང་གང་བཅོལ་ཕྲིན་ལས་སྒྲུབས། །བར་དོའི་སྐབས་སུ་ཨོ་རྒྱན་ཡབ་ཡུམ་གྱིས། །ལམ་སྣ་ང་འདོད་ཞིང་ཁམས་བགྲོད། །འཇའ་འོད་རིང་བསྲེལ་སྐུ་གདུང་འབྱོན་པར་གསུངས། །དེ་ནི་སྒྲུབ་པ་ཞེས་བྱའི་བཟླས་པ་ཡིན། །དེ་ནས་བདག་མདུན་སོ་སོར་བསྒོམ་ཡོད་ན། །རང་གི་ཐུགས་ཀའི་སྔགས་ཕྲེང་འཁོར་བ་བཞིན། །ཐུགས་སྲོག་ཧཱུྃ་དམར་རྩེ་ནས་སྔགས་ཕྲེང་འཕྲོས། །རང་གི་ཞལ་ནས་ཐོན་ཏེ་མདུན་བསྐྱེད་ཀྱི།་།ཞལ་དུ་མཆོད་པའི་ཚུལ་དུ་ཞུགས་གྱུར་ནས། །ཐུགས་སྲོག་ཧཱུྃ་དམར་རྩེར་ཐིམ་ཐུགས་རྒྱུད་བསྐུལ། །ཐུགས་རྗེས་བརྩེ་བ་ཆེན་པོའི་བདག་ལ་དགོངས། །དེ་ཡི་ཐུགས་སྲོག་ཧཱུྃ་གི་ཞབས་ཀྱུ་ནས། །སྔགས་ཕྲེང་ཕྱུང་སྟེ་མདུན་བསྐྱེད་གསང་གནས་ནས། །ཡབ་ཡུམ་སྦྱོར་མཚམས་ནས་བྱུང་རང་ཉིད་ཀྱི། །གསང་གནས་ནས་ཞུགས་ཐུགས་ཀའི་ཧཱུྃ་ལ་ཐིམ། །དེ་ལྟར་མགལ་མེ་འཁོར་བ་ཇི་བཞིན་དུ། །རྒྱུན་ཆད་མེད་པར་འཁོར་བར་གྱུར་པ་ཡིན། །ཕར་

[Full Size]

ལ་མཆོད་པ་ཚུར་ལ་དངོས་གྲུབ་ཚུལ། །བདག་མདུན་བར་དུ་འཁོར་ཚེ་སྔགས་ཕྲེང་ལས། །འོད་ཟེར་མེ་ཡི་ཚྭ་ཚྭ་ལྟ་བུ་ཡིས། །གནོད་བྱེད་གདོན་བགེགས་བསྲེག་ཅིང་ཚར་བཅད་བསྒོམ། །གལ་ཏེ་བདག་བསྐྱེད་ཁོ་ན་ཡིན་ན་ནི། །བདག་ཉིད་ཡབ་ཀྱི་ཞལ་ནས་ཡུམ་གྱི་ཞལ། །ཡུམ་གྱི་བྷ་ག་ནས་ནི་རང་ཉིད་ཀྱི། །རྡོ་རྗེའི་ལམ་ནས་རང་གི་ཐུགས་ཀར་ཐིམ། །དྲག་པོའི་ཡུམ་ནི་ཁྲོས་མ་ནག་མོ་སྟེ། །ཐུགས་ཀའི་ལྟེ་བར་ཐུགས་སྲོག་ཨ་འམ་ཧྲི། །མཐིང་ནག་མཐའ་མར་སྔགས་འདི་གཡོན་བསྐོར་བསམ། །ཨོཾ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་ཧཱུྃ་ཕཊ། དེ་ནི་བསྒོམས་པས་ཆོག་གི་འདོན་མི་དགོས། །དེ་ནི་སྒྲུབ་པ་ཆེན་པོའི་བཟླས་པ་ཡིན། །དེ་ལྟར་རྒྱུན་ཁྱེར་ཉམས་ལེན་བྱས་པ་ཡིས། །གུ་དྲག་སངས་རྒྱས་ཀུན་གྱི་ཡེ་ཤེས་ལ། །གདུག་རྩུབ་ཕྲག་དོག་སློང་སོགས་མ་མཆིས་ཏེ། །དྲག་པོ་བསྒྲུབས་པའི་གཟི་བརྗིད་ལྷ་འདྲེ་ལ། །རྒྱལ་འགོང་དམ་སྲིའི་ཚོགས་ཀྱིས་མ་བཟོད་ནས། །རྨི་ལམ་ངན་ཅིང་རྟགས་མཚན་རྩུབ་མོ་སྟོན། །བནྡེ་བུད་མེད་གཅན་གཟན་ཁྱི་སོགས་ཀྱིས། །འཛིངས་འཐབ་མུན་རུབ་ཉི་ཟླ་ཐང་ལ་ལྷུང་། །ཁ་ཆར་སེར་བ་ཆབ་ཀྱིས་དེད་སོགས་རྨི། །དེ་རྣམས་རྣམ་རྟོག་

[Full Size]

བྱས་ན་བར་ཆད་འབྱུང་། །ཡ་ཀི་ཀུན་བཟང་ཆེ་མཆོག་མན་ཆོད་ནས། །མ་ཀི་འདྲེ་མོ་ཐེའུ་རང་ཡན་ཆོད་ནི། །ཐམས་ཅད་རང་གི་སེམས་ལས་གཞན་དུ་མེད། །སེམས་ནི་ཡེ་ནས་ཆོས་སྐུ་སྟོང་པ་ཉིད། །ཡིན་པར་ཤེས་པས་རང་སེམས་ངོ་བོར་ལྟོས། །དུས་གསུམ་རྒྱལ་བའི་དགོངས་པ་ཡེ་ནས་གནས། །ལྷ་ཡིན་བསམས་ནས་ཕན་འོང་བསམ་པ་དང་། །འདྲེ་ཡིན་བསམས་ནས་གནོད་འོང་བསམ་པ་གཉིས། །ངོ་བོ་སེམས་ལ་བལྟས་པས་ཁྱད་མི་འདུག །གཉིས་ཀ་དངོས་པོ་མེད་པ་སྟོང་པ་ཉིད། །།ཡིན་པར་ཤེས་པས་རང་སེམས་ངོ་བོར་བལྟ། །དེ་ལ་ལྟ་བ་གྱད་ཀྱི་ལྷ་ཞེས་བྱ། །བདུད་རིགས་བྱེ་བ་དུང་ཕྱུར་ཟིལ་གྱིས་གནོན། །དེ་ཕྱིར་དང་པོ་ཐུན་མཚམས་སེམས་ངོ་སྐྱོང་། །བསྐྱེད་རིམ་བསྒོམ་པ་དོན་ལ་ཞི་གནས་ཡིན། །སེམས་ངོ་ལྟ་བ་ལྷག་མཐོང་བསྒོམ་པ་ཡིན། །བསྒོམས་ནས་སེམས་ངོ་ལྟ་བའི་ངང་ཉིད་ལས། །ནམ་མཁའ་སྟོང་པའི་ངང་ལས་འཇའ་ཤར་ལྟར། །བསྐྱེད་རིམ་སྐད་ཅིག་དྲན་རྫོགས་ཀློང་གིས་བྷེ། །བསྐྱེད་རིམ་བསྒོམ་མཁན་དེ་ནི་འགྱུ་བ་སྟེ། །འགྱུ་བ་ཁོ་རང་ཡེ་ནས་སྟོང་པ་ཉིད། །གནས་པའི་དུས་དང་བཟང་ངན་ཁྱད་པར་མེད། །དེ་སྟེང་

[Full Size]

བསྐྱེད་རིམ་སེམས་ངོ་ཟུང་དུ་འཇུག །དེ་ནི་བསྐྱེད་རྫོགས་ཟུང་འཇུག་ཉམས་ལེན་ཡིན། །དང་པོ་ལྷ་བསྒོམ་དེ་ནས་སེམས་ངོ་ལྟ། །དེས་ཀྱང་བསྐྱེད་རིམ་མི་བཤོལ་ཟུང་འཇུག་སྟེ། །དཔེར་ན་ནམ་མཁའ་སྟོང་པ་ཉིད་ལ་ཡང་། །འཇའ་ཡིས་མི་གནོད་གཉིས་ཀ་ཟུང་འཇུག་འདྲ། །དེ་ལྟར་རྟོགས་ནས་གོམས་པར་གྱུར་ན་ཡང་། །ས་རྡོ་རི་བྲག་ཕྱི་ནང་སྣོད་བཅུད་ཀུན། །སོ་སོར་གསལ་ཡང་ངོ་བོ་སྟོང་པར་མཐོང་། །དཔེར་ན་ཆུ་ནང་ཤར་བའི་ཟླ་བ་བཞིན། །དེ་ལ་ཕྱག་ཆེན་ཉམས་ཀྱི་རོ་གཅིག་ཟེར། །རང་སེམས་ངོ་བོ་སྟོང་པ་ཆོས་ཀྱི་སྐུ། །རིགས་བདག་སྣང་བ་མཐའ་ཡས་དེ་ག་རང་། །སེམས་ཀྱི་རང་བཞིན་གསལ་བ་ལོངས་སྤྱོད་རྫོགས། །ཡི་དམ་གུ་རུ་དྲག་པོ་དེ་ཉིད་དངོས། །སེམས་ཉིད་འཕྲོ་འདུ་འགགས་མེད་སྤྲུལ་པའི་སྐུ། །འཁོར་ཚོགས་དཔའ་བོ་མཁའ་འགྲོ་དེ་ཉིད་རང་། །ཡིན་པར་ངོ་བོ་གོ་བ་ཙམ་ཞིག་དང་། །ཕྱིས་ནས་དངོས་སུ་རྟོགས་པའི་གདེང་ཐོབ་ནས། །རྩ་བ་གསུམ་དང་ནམ་ཡང་འབྲལ་བ་མེད། །དེ་ལ་བརྟན་པ་ཐོབ་ཅིང་རྩལ་རྫོགས་ནས། །ཚེ་གཅིག་སངས་རྒྱས་དེ་ལ་བསག་པ་ཙམ། །སེམས་ཉིད་ཀྱི་ནམ་མཁའ་ཡངས་པ་ལ། །རྣམ་རྟོག་གི་སྤྲིན་ཚོགས་མ་

[Full Size]

དྭངས་ན། །མཁྱེན་གཉིས་ཀྱི་གཟའ་སྐར་མི་བཀྲ་བས། །ལམ་ཕྱག་ཆེན་འདི་ལ་ཉམས་ལེན་མཛོད། །ཅེས་གསུངས་ལྔ་ལྡན་དོན་རྩ་བཞི་པ་ཡིན།། ༈ །།དེ་ལྟར་འགྲོ་འདུག་སྤྱོད་ལམ་ཐམས་ཅད་དུ། །བསྐྱེད་རྫོགས་ཉམས་ལེན་འབྲལ་མེད་ཅི་ལྕོགས་བྱ། །ཕོར་སྡེར་ཡེ་ཤེས་ཀ་པཱ་ལ་ཡི་ནང་། །བཟའ་བཏུང་གང་ཡིན་ཡེ་ཤེས་བདུད་རྩིར་བསམ། །ཨོཾ་ཨཱཿཧཱུྃ་ཞེས་ངག་ཏུ་བརྗོད་པ་ཡིས། །སྐུ་གསུང་ཐུགས་ཀྱི་བདུད་རྩིར་བྱིན་གྱིས་བརླབས། །ལག་པ་སྒང་གཟར་ཁ་ནི་སྦྱིན་སྲེག་ཐབ། །ལྟོ་བའི་མེ་དྲོད་རང་བྱུང་ཡེ་ཤེས་མེ། །ལྕེ་ནི་མེ་ལྕེ་བཟའ་བཏུང་སྦྱིན་སྲེག་སྟེ། །རང་ལུས་གོ་ཆའི་ལྷ་ལ་མཆོད་པ་བྱེད། །དེ་ཡིས་ནང་གི་སྦྱིན་སྲེག་ཚོགས་རྫོགས་ཤིང་། །ནོར་ལྷ་ཀུན་གྱི་མཆོག་ཏུ་གྱུར་པར་གསུངས། །གནས་ཁང་དཀྱིལ་འཁོར་དྲག་པོའི་དཀྱིལ་འཁོར་ལྷ། །གདན་ནི་པད་ཟླ་ཡིན་པའི་མོས་པ་བྱེད། །དམ་ཚིག་རྩ་བ་སྡིག་ལ་འཛེམ་པ་དང་། །དགེ་རྩ་གང་འགྲུབ་མི་སྤང་འབད་པ་དང་། །བླ་མའི་དམ་ཚིག་བླ་མ་རིགས་ཀྱི་བདག །སྣང་བ་མཐའ་ཡས་དབྱེར་མེད་མོས་པ་བྱ། །ཡི་དམ་དམ་ཚིག་བསྐྱེད་རིམ་བསྙེན་སྒྲུབ་འབད། །མཁའ་འགྲོའི་དམ་ཚིག་

[Full Size]

རྒྱུན་ཏུ་གཏོར་བསྔོས་དང་། །ཚེས་བཅུ་དགུ་གཏོར་མ་ཆག་རབ་ཡིན་ནོ། །ཐ་མ་ལོ་རེ་བཞིན་དུ་དུས་བཟང་དུ། །ཚོགས་འཁོར་རེ་རེ་ཙམ་ཡང་ཅི་འབྱོར་བྱ། །དེ་ནས་ཐུན་མཚམས་སམ་ནི་ནམ་དགའ་རུང་། །གོ་ཆའི་ལྷ་ལ་བསྙེན་པ་ཅུང་ཟད་བྱ། །སྤྱི་བོར་བྱ་ཁྱུང་རྭ་བར་ནོར་བུའི་སྟེང་། །པདྨ་འདབ་མ་སྟོང་ལ་སངས་རྒྱས་སྟོང་། །ལྟེ་བར་མགོན་པོ་ཚེ་དཔག་མེད་པ་ཡིན། །ཐུགས་ཀའི་ཧཱུྃ་ལས་འོད་ཟེར་འཕྲོས་པ་ཡིས། །རྒྱལ་བ་ཀུན་གྱི་བྱིན་རླབས་ཚེ་ཡི་བཅུད། །ས་ཆུ་མེ་རླུང་ནམ་མཁའ་འབྱུང་བའི་བཅུད། །ལྷ་ཀླུ་མི་ཡི་ཚེ་དང་བསོད་ནམས་ཀུན། །འོད་ཟེར་རྣམ་པར་ཕྱག་གི་བུམ་པར་བསྡུས། །བུམ་པ་ཁོལ་ཞིང་ལུད་པའི་བདུད་རྩི་ཡིས། །ཚངས་བུག་ནས་ཞུགས་ལུས་ཀུན་བདུད་རྩིས་གང་། །ནད་གདོན་ཚེ་ཡི་བར་ཆད་སྡིག་སྒྲིབ་ཀུན། །སོལ་ཁུ་ལྟ་བུར་རྐང་མཐིལ་འོག་སྒོར་བུད། །རང་ལུས་ཚེ་ཡི་བདུད་རྩིས་གང་བར་བསམ། །ཨོཾ་ཨ་མི་དྷེ་ཝ་ཨཱ་ཡུ་སིདྡྷི་ཧཱུཾ་ཧྲཱིཿ འདི་ནི་ཐོ་རངས་སྔ་དྲོ་བྱས་ན་ལེགས། །སྤྱི་བོར་བྱ་ཁྱུང་ཐུགས་ཀར་ཉི་ཟླའི་སྟེང་། །ཁྲོ་ཡིག་སྔགས་ཀྱིས་བསྐོར་བར་དམིགས་ཤིང་བཟླ། །བྱ་ཁྱུང་སྤྲུལ་པས་ནམ་མཁའ་བར་སྣང་གང་། །གནོད་བྱེད་ཀླུ་གཉན་ས་བདག་

[Full Size]

ཐམས་ཅད་རྣམས། །སྦལ་སྦྲུལ་རྣམ་པར་ཞལ་དུ་གསོལ་བ་དང་། །གཤོག་པའི་གསེབ་ནས་བྱེ་ཚན་ཆར་བབས་པས། །གནོད་ཅིང་འཚེ་བའི་ཀླུ་རིགས་ཤ་རུས་ཕྱེས། །གཏད་སོགས་མནན་པ་སྡེར་མོས་བྲུས་ཤིང་བཏོན། །གཤོག་པ་བརྡབས་པས་བསྐལ་པའི་རླུང་འཚུབ་ཅིང་། །ལྟས་ངན་རྐྱེན་ཁ་མི་ཁ་བྲ་མཆུ་ཀུན། །ཐམས་ཅད་རྒྱ་མཚོ་ཆེན་པོའི་ཕར་འགྲམ་གཏོར། །དེ་ལྟར་བསྒོམ་ཞིང་ཁྱུང་སྔགས་ཅི་ནུས་བཟླ། །ཨོ་ཁྲོ་གྷ་རུ་ཊ་ཙ་ལེ་ཙ་ལེ་ཧཱུཾ་ཕཊ། མཐར་ནི་ཁྱུང་རྣམས་སྤྱི་བོའི་ཁྱུང་ལ་ཐིམ། །དེ་ནས་དཔྲལ་བའི་འཇམ་དཔལ་མགྲིན་པ་ཡི། །རྟ་མགྲིན་ཐུགས་ཀའི་ཕྱག་རྡོར་ལྟ་བ་ནི། །མཁའ་འགྲོ་སྡེ་ལྔ་གསང་གནས་མེ་དབལ་རྣམས། །སོ་སོའི་ཐུགས་ཀའི་ས་བོན་སྔགས་འཁོར་དམིགས། །འོད་ཟེར་འཕྲོས་པས་ཕྱོགས་བཅུའི་རྒྱལ་བ་ཡི། །སྐུ་དང་གསུང་དང་ཐུགས་དང་ཡོན་ཏན་དང་། །ཕྲིན་ལས་རྣམས་ལ་མཉེས་པའི་མཆོད་པ་ཕུལ། །སོ་སོའི་སྐུ་གསུང་ཐུགས་ཡོན་ཕྲིན་ལས་ཀྱི། །བྱིན་རླབས་དངོས་གྲུབ་ཐམས་ཅད་འོད་ཟེར་གྱིས། །རྣམ་པར་བསྡུས་ནས་སོ་སོའི་ལྷར་ཐིམ་བྷེ། །ལས་བྱང་ནང་ལྟར་སོ་སོའི་སྔགས་རྣམས་བསྙེན། །དེ་ལྟར་བསྙེན་སྒྲུབ་རྒྱུན་ཁྱེར་

[Full Size]

བྱས་པ་ཡི། །བནྡེ་བུད་མེད་སྐྱེས་ཤར་མི་དཔོན་སོགས། །ཕྱག་འཚལ་བཀའ་ཉན་འབུལ་བ་གུས་འདུད་བྱེད། །ཉི་ཟླ་ཤར་དང་གོ་གྱོན་མཚོན་ཆ་ཐོགས། །རྫོང་བརྩེགས་དར་ཕྱར་དུང་འབུད་ནམ་མཁར་འགྲོ། །བག་དྲོ་བྱིན་ཆགས་བསྐྱེད་རིམ་ཏིང་འཛིན་གསལ། །བཟང་རྟགས་བྱུང་ཡང་ཧ་ཅང་དགའ་བྲོད་སྤང་། །དམ་ཚིག་མི་གཅིག་པ་ལ་བཤད་མི་བྱ། །ལས་སྦྱོར་སྡེ་བརྒྱུད་སྔགས་ཤམ་དམིགས་པ་སོགས། །ད་རུང་བསྙེན་པ་དྲོད་རྟགས་མ་ཐོན་པར། །སྦྱར་དུ་མི་རུང་ཕྱིར་ན་འདིར་མ་བྲིས། །དུས་བབ་བྱུང་ན་རྗེས་སོར་བྲི་བར་བྱ།། ༧ དེ་ལྟར་རྒྱུན་ཁྱེར་ཉམས་སུ་ལེན་པའི་ཚེ། །ནུབ་མོ་ཉལ་ཁ་དེ་རིང་བསྙེན་སྒྲུབ་སོགས། །དགེ་སྦྱོར་གང་བྱུང་འཕྲལ་དུ་བསྔོ་བ་ཡིན། །རྒྱས་འདེབས་བྱས་ན་དགེ་བ་ཆུད་མི་བྱ། འཕེལ་རྒྱས་སངས་རྒྱས་ཐོབ་པའི་ཐབས་ཟབ་པ། །བདག་གིས་བསྐྱེད་རྫོགས་ཉམས་ལེན་བྱས་པ་སོགས། །དུས་གསུམ་དགེ་བའི་རྩ་བ་གང་བསགས་དེས། །ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །ནམ་ཞིག་ཚེ་འཕོས་བདེ་ཆེན་ཞིང་སྐྱེས་ནས། །འགྲོ་བའི་དོན་དུ་སངས་རྒྱས་འགྲུབ་པར་ཤོག །ཅེས་སོགས་བསྔོ་བ་གང་ཤེས་བྱེད་ཚེ་ཡང་། །སེམས་ངོ་

[Full Size]

མ་ཡེངས་འཁོར་གསུམ་ཡོངས་དག་ཡིན། །སེམས་ངོ་ཡེངས་ན་བསྔོ་བ་དུག་བཅས་ཏེ། །བྱང་ཆུབ་ཐོབ་པའི་ལམ་དུ་མི་འགྲོ་བས། །བསྔོ་བ་དུས་སུ་སེམས་ངོ་མ་ཡེངས་བྱ། །སྔོན་བསོད་ནམས་མ་བསགས་པ་ཞིག་མ་ལགས་ཏེ། །ཡུན་རིང་པོ་ཞིག་ནས་འཁོར་བར་འཁྱམས། །གནད་བསྔོ་བ་མ་ཤེས་གཅིག་པུས་ལེན། །རྗེས་བསྔོ་བ་འདི་ལ་ནན་ཏན་མཛོད། །ཅེས་གསུངས་ལྔ་ལྡན་དོན་རྩ་དེ་ཡིས་ཚང་། །ཕྱག་རྒྱ་ཆེན་པོ་སེང་གེ་ལ། །ལྔ་ལྡན་མེད་ན་མིག་མེད་ཡིན། །ཞེས་གསུངས་ལྟར་དུ་མན་ངག་དོན་འདུས་སོ། །དྲག་ལུས་ཤོག་བུ་མང་ཞིག་གཏད་བྱུང་བས། །དྲག་ལུས་དྲག་པོ་བསྙེན་པའི་ཟིན་བྲིས་འདི། །དྲག་པོའི་རྣལ་འབྱོར་༧རཱ་ག་ཨ་སྱས་བྲིས། །དྲག་པོ་བསྙེན་འདོད་འགའ་ལ་ཕན་པར་ཤོག །ཤུ་བྷཾ། དགེའོ།། །། ༔ བླ་མ་དྲག་པོའི་སྒོ་ནས་འཕོ་བ་སྦྱངས་ཐབས་ཡོད་ཀུན་ལ་སྤེལ་ཅིག །ན་མོ་མ་ཧཱ་མུ་དྲ་ཡེ། །དགེ་སློང་ཀརྨ་ལེགས་བྱས་ཁྱེད། །ཆུང་ནས་རབ་བྱུང་ཚུལ་ཁྲིམས་ལྡན། །བླ་མ་སངས་རྒྱས་མང་དུ་བསྟེན། །བསྐྱེད་རྫོགས་རྩེ་གཅིག་ཉམས་བླངས་པས། །ཆོས་བཤད་བྱེད་དགོས་མི་འདུག་ཀྱང་། །ད་ནི་འཆི་བ་ཆོས་ཀྱི་སྐུ། །

[Full Size]

འཚང་རྒྱ་བ་ཡིས་གདམས་ངག་གི །གསོལ་འདེབས་ཚིག་གསུམ་སྙན་དུ་གསོལ། །རང་ཉིད་གུ་རུ་དྲག་པོའི་སྐུ། །གཞུང་ལྟར་བསྐྱེད་རིམ་གསལ་བར་བསྒོམ། །རྩ་གསུམ་འཁོར་ལོ་ལྔར་གསལ་བའི། །རྩ་མདུད་ལྔ་རུ་གོ་ཆའི་ལྷ། །སྤྱི་གཙུག་རིགས་བདག་འོད་དཔག་མེད། །རྩ་བའི་བླ་མ་དབྱེར་མེད་བསྒོམ། །མ་དག་འཁོར་བའི་སྒོ་བརྒྱད་དེ། །ཡི་གེ་ཧཱུཾ་དམར་རེ་རེས་དགག །ལྟེ་འོག་རང་སེམས་ཐིག་ལེ་ནི། །དཀར་དམར་སྲན་མ་ཆེ་ཤོས་ཙམ། །གོ་ཆའི་ལྷ་ལ་བསྐོར་བ་སྟེ། །བྱས་ནས་འོད་དཔག་མེད་ལ་ཐིམ། །སླར་ཡང་མར་བྱུང་ལྟེ་བར་གནས། །དེ་འདྲའི་དམིགས་པ་འགའ་རེ་བྷེ། །དེ་ནས་འཆི་བར་ངེས་པའི་ཚེ། །ལུས་དང་ལོངས་སྤྱོད་གཉེན་འདུན་བཅས། །མཎྜལ་གཅིག་ཏུ་བསྡུས་བྱས་ནས། །སྤྱི་བོར་འོད་དཔག་མེད་ལ་འབུལ། །ཆགས་ཞེན་འཁྲི་བ་རྩད་ནས་སྤང་། །འོད་གསལ་ཟིན་པར་གསོལ་བ་འདེབས། །བདག་ནི་སེམས་ཅན་ཀུན་དོན་དུ། །འཆི་བ་ཆོས་སྐུར་སངས་རྒྱས་ནས། །བར་དོ་ལོངས་སྤྱོད་རྫོགས་སྐུར་བཞེངས། །སྐྱེ་བ་སྤྲུལ་པའི་སྐུ་དེ་ནི། །བདེ་བ་ཅན་གྱི་ཞིང་ཁམས་སུ། །པདྨའི་སྦུབ་ལ་བརྫུས་སྐྱེས་ནས། །སྤྲུལ་པ་བྱེ་བ་ཕྲག་བརྒྱ་

[Full Size]

ཡིས། །འགྲོ་བ་སེམས་ཅན་མ་ལུས་པ། །སངས་རྒྱས་ས་ལ་བཀོད་པར་བྱ། །བསམ་པའི་སེམས་བསྐྱེད་འདུན་པ་བྱ། །དེ་ནས་ལྟེ་བའི་ཐིག་ལེ་དེ། །ཡར་འཕྲོས་སྣང་བ་མཐའ་ཡས་ལ། །ཐིམ་པའི་དམིགས་པ་ལན་བདུན་བྱ། །དེ་ནས་གུ་རུ་དྲག་པོ་ཡི། །ཐུགས་སྲོག་ཧཱུྃ་ལ་རིག་པ་གཏད། །དེ་ནས་ཅི་ཡང་མི་བསྒོམ་པར། །ཉམས་ལེན་ཕྱག་ཆེན་ངང་ལ་བཞག །ཐིམ་རིམ་དཀར་ལམ་དམར་ལམ་སོགས། །འཁྲུལ་པའི་སྣང་བ་ཅི་ཤར་ཡང་། །སེམས་ཉིད་ཁོ་རང་མ་ཡིན་པའི། །གཞན་ནས་འཆར་རྒྱུ་ཅི་ཡང་མེད། །གང་ཤར་དེ་ཡི་ངོ་བོར་ལྟ། །ཞག་གྲངས་དུ་ཙམ་འདུག་པ་ནི། །འཆི་བའི་ཕན་ལ་དམ་བཅའ་བྱ། །ཕྱི་དབུགས་ཆད་པའི་དུས་དེ་རུ། །འོད་གསལ་སྟོང་རྗེན་ལྷང་ངེ་འཆར། །དེ་ཡི་ངང་ལ་གནས་པར་བྱ། །ལུས་སེམས་བྲལ་ནས་བག་ཆགས་ཀྱིས། །གུ་དྲག་བསྐྱེད་རིམ་ཟིན་མ་ཐག །ལྷ་སྐུ་ཕྱག་རྒྱ་ཆེན་པོ་སྟེ། །ཡིད་ཡུལ་དྲག་པོ་དངོས་སུ་འགྱུར་། །བར་དོ་ཡིན་པར་ངོས་ཟིན་ནས། །བདེ་བ་ཅན་དུ་འཕུར་ཏེ་བྱོན། །དེ་མ་ཐག་ཏུ་སྐྱེ་བར་ངེས། །ཨོ་རྒྱན་རྗེ་དང་དྭགས་པོ་ཡི། །གདམས་ངག་གཅིག་དྲིལ་གོ་བདེ་

[Full Size]

འདི། །ཐུགས་དམ་བརྟན་ཅིང་འགྲོགས་ན་ཡང་། །ཉེས་སྐྱོན་མེད་ཅིང་ཚིག་དོན་ཡིད་ལ་འཆང་། །ཞེས་པ་༧རཱ་ག་ཨ་སྱས་སྦྱར་བའོ།། དགེའོ། ། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུ་དྲག་པོའི་རྒྱུན་བསྙེན་གྱི་དམིགས་རིམ་ཟབ་མོ།

[Full Size]

གུ་རུ་དྲག་པོའི་རྒྱུན་བསྙེན་གྱི་དམིགས་རིམ་ཟབ་མོ་བཞུགས་པའི་དབུ་ཕྱོགས་ལགས་སོ༔

[Full Size]

དམར་ནག་མེ་ཕྲེང་ཅན་ལ་ཕྱག་འཚལ་ལོ། །གང་དག་གུ་དྲག་ཡི་དམ་དུ་བྱེད་པར་འདོད་ཀྱང་། མཚམས་དང་སྒྲུབ་པ་མི་ཁོམས་ལ༔ ལས་བྱང་ཆག་མེད་ཀྱི་མཆོད་གཏོར་ཡང་འཛོམས་དཀའ་བའི་གང་ཟག་གི་རྒྱུན་བསྙེན་འདོད་ནི། སྐྱབས་སེམས་སྤྱི་ལྟར་གང་རུང་སྔོན་དུ་སོང་བས། ཏིང་འཛིན་རྣམ་གསུམ་ཡིད་ཀྱིས་བསྒོམ་སྟེ། སྟོང་ཉིད་ལྟ་བ་དྲན་པ་དང་། སེམས་ཅན་ཐམས་ཅད་ལ་སྙིང་རྗེ་དུང་ངེ་བསྒོམས་ནས། ཁྲོ་རྒྱལ་སྟོབས་འདུས་མངོན་རྟོགས་ངག་འདོན་དུ་བྱས་ཏེ། གོ་ཆའི་སྔགས་རྣམས་བརྗོད་པ་ཙམ་གྱིས་གོ་ཆའི་ལྷ་རྣམས་གནས་སོ་སོར་ལམ་ལམ་སྐད་ཅིག་

[Full Size]

ལ་བསྐྱེད་དེ། གདོད་ནས་དབྱེར་མེད་དུ་བསྒོམ་པའི་སྤྱན་འདྲེན་མི་དགོས་མོད་ཀྱི། འཛབ་དགོངས་དམིགས་པའི་འཕྲོ་འདུ་ཉིད། །ཡེ་ཤེས་བཞུགས་པ་དང་དབང་བསྐུར་བ་ཡང་ཡིན་ནོ། །དེ་ཡང་ཞི་བསྙེན་གོང་དུ་མ་སོང་བའི་གསར་བུ་ཡིན་ན་ཞི་བར་བསྙེན་ཅིང་ཁྲོ་བོར་སྒྲུབ་པའི་བཀྲ་ཤིས་འཁུ་ལྡོག་ཉུང་བའི་ཕྱིར། རང་དྲག་པོའི་སྤྱི་བོའི་ཐོད་ཕྲེང་རྩལ་དེ་བླ་མ་དང་དབྱེར་མེད་འཁོར་རྒྱ་བོད་ཀྱི་རིག་འཛིན་གྲུབ་ཐོབ་ཐམས་ཅད་ཀྱིས་བསྐོར་བར་བསམས་ལ་ཞལ་ནས་ཧཱུྃ་སྒྲ་དང་ཕཊ་ཨཱ་ར་ལི་ཡི་སྒྲ་སྒྲོག་པ་དང་། ཕྱག་གི་ཐོད་པའི་རྔ་ལས་ཧཱུྃ་སྒྲ་སྒྲོག་པ་ཙམ་ཏི་རི་རི་བྱུང་བས། སངས་

[Full Size]

རྒྱས་ཀྱི་ཞིང་ཐམས་ཅད་རབ་ཏུ་གཡོས་པ་ལ་བསྟེན་ནས་ཞིང་རབ་འབྱམས་ན་བཞུགས་པའི་རིག་འཛིན་གྲུབ་ཐོབ་རྩ་བརྒྱུད་ཀྱི་བླ་མ་རྒྱལ་བ་སྲས་བཅས་ཐམས་ཅད་ཤོག་སྐྱ་རླུང་གིས་བསྐྱོད་པ་ལྟར་རང་དབང་མེད་པར་ཁ་བ་བུ་ཡུག་ལྟར་བྱོན་ནས་ཐོད་ཕྲེང་རྩལ་ལ་ཐིམ། དེ་ཡི་གནས་ལྔ་ནས་འོད་ཟེར་ཁ་དོག་ལྔ་འཕྲོས་ནས། རང་གི་གནས་ལྔར་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ལྔའི་དབང་དང་བྱིན་རླབས་ཐོབ་པར་བསྒོམས་ལ། ཐོད་ཕྲེང་རྩལ་གྱི་བསྙེན་པ་བྱེ་བའམ། བདུན་འབུམ་སུམ་འབུམ་ལས་མི་ཉུང་བ་གལ་ཆེ། གོང་དུ་ཞི་བསྙེན་མང་དུ་སོང་བ་རྣམས་ཀྱིས་འདི་མི་དགོས་ཤིང་ཐུན་མགོར་བརྒྱ་རེ་ཙམ་བྱས་ན་བླ་མའི་རྣལ་འབྱོར་དང་བདག་འཇུག་ཀྱང་ཡིན་པས་བྱིན་རླབས་ཆེའོ། །རང་དྲག་པོའི་ཐུགས་ཀར་གསེར་གྱི་མཆོད་རྟེན་། དེའི་ནང་དུ་ཧཱུྃ་དམར་སྤྱས་བྲིས་པ་ཙམ་ལ་སྔགས་གཡོན་དུ་བཀོད་ནས་གཡས་སུ་འཁོར་བ། དེ་ལས་འོད་ཟེར་ཁ་དོག་སྣ་ཚོགས་པ་ཕྱོགས་བཅུའི་ཞིང་ཁམས་ཐམས་ཅད་ཁྱབ་པས། སངས་རྒྱས་དང་བྱང་ཆུབ་སེམས་དཔའ་མཆོད་ནས་ཟག་མེད་བདེ་བས་ཐུགས་བདེ་བར་བསྐྱེད་དེ། འོད་ཟེར་དེས་སྐུ་གསུང་ཐུགས་ཀྱི་བྱིན་རླབས་བསྡུས་པའི་འོད་ཟེར་དེ་དག་བཀྲག་

[Full Size]

མདངས་སླར་ཆེ་བར་གྱུར་ནས་ཚུར་འདུས་རང་ལ་ཐིམ་པས། སངས་རྒྱས་བྱང་སེམས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་དངོས་གྲུབ་ཐོབ་པར་བྷེ། དེ་བཞིན་དུ་རིག་འཛིན་བཀའ་བརྒྱུད་རྒྱལ་བ་རྒྱ་མཚོ་ཞེས་གསུངས་པའི་རྒྱ་གར་གྱི་རིག་འཛིན་བརྒྱད་སོགས་གྲུབ་ཆེན་བརྒྱད་ཅུ་རྗེ་འབངས་ཉེར་ལྔ་བཀའ་བབ་ཀྱི་རིག་འཛིན་བརྒྱད་དང་། །གཏེར་སྟོན་བརྒྱ་རྩ་བརྒྱད་ལ་སོགས་པ་རང་གང་མོས་པའི་བླ་མ་དང་། དཔའ་བོ་མཁའ་འགྲོ་ཞེས་པ། བཀའ་དགོངས་ཕུར་གསུམ་བདེ་མཆོག་སྔོ་དམར་ཕག་ཁྲོས་སེང་གསུམ་སོགས་འོད་ཟེར་སྤྲོ་ལུགས་གོང་ལྟར་ལས། ཚུར་བསྡུ་བའི་ཚེ་སྐུ་གསུང་ཐུགས་ཀྱི་དངོས་གྲུབ་ཨོ་དཀར་པོ་ཨཱཿདམར་པོ་ཧཱུྃ་སྔོན་པོའི་རྣམ་པར་བསྡུའོ། །ཡང་མ་མགོན་ཡེ་ཤེས་ཀྱི་ཆོས་སྐྱོང་ཐམས་ཅད་ལ་འོད་ཟེར་སྤྲོ་ལུགས་གོང་ལྟར་ལས། ཚུར་བསྡུ་དུས་འཁོར་ལོ་རྡོ་རྗེ་པདྨ་རིན་པོ་ཆེ་རྒྱ་གྲམ་གྱི་རྣམ་པར་བསྡུས་ནས་བསྟིམས་པས་མཐུ་དང་ནུས་པ་བྱིན་རླབས་དཔག་མེད་ཐོབ་པར་བསྒོམ། དེ་ལྟར་བསྒོམ་ལུགས་གཞུང་དུ་གསལ་བ་ལྟར་ཏེ། ཁྱད་པར་ཟངས་མདོག་དཔལ་རིར་འོད་ཟེར་འཕྲོས་པས་མཆོད། ཐུགས་དམ་གྱི་རྒྱུད་བསྐུལ་ནས་ཨོ་རྒྱན་ཆེན་པོའི་སྐུ་

[Full Size]

གསུང་ཐུགས་ལས་དྲག་པོའི་སྐུ་དང་སྔགས་ཕྲེང་དང་རྡོ་རྗེ་རྩེ་དགུ་པའི་རྣམ་པ་དཔག་ཏུ་མེད་པ་དང་ཨོ་དཀར་ཨཱདམར་ཧཱུྃ་མཐིང་དཔག་ཏུ་མེད་པ་ཆར་དང་ན་བུན་ལྟར་ཀྱི་ལི་ལི་བྱོན་ནས་རང་ལ་ཐིམ་པར་རྩེ་གཅིག་ཏུ་དམིགས་ལ་ཨ་ཙིག་ཡིག་འབྲུ་ཉི་ཤུ་པ་རྐྱང་པ་ལ་བརྒྱ་སྟོང་ཅི་འགྲུབ་བཟླས་པ་ནི་དངོས་གཞིའོ། །དེ་ནས་སྤྱི་གཙུག་སྣང་བ་མཐའ་ཡས་ཀྱི་ཐུགས་ཀའི་ཧི༔ སྔགས་ཀྱིས་བསྐོར་བ་ལས་འོད་ཟེར་འཕྲོས་པས། སྣང་སྲིད་སྣོད་བཅུད་ཐམས་ཅད་ཀྱི་ཚེ་བཅུད་དང་རྒྱལ་བ་སྲས་བཅས་ཀྱི་བྱིན་རླབས་དངོས་གྲུབ་ཐམས་ཅད་བུམ་པར་བསྡུས། བུམ་པའི་ནང་ནས་བདུད་རྩིའི་རྒྱུན་བབས་པས་བདག་ལུས་བདུད་རྩིས་གང་བས་ཚེ་ཡི་དངོས་གྲུབ་ཐོབ་པར་བསྒོམ་ཞིང་པདྨ་དྷ་རི་སོགས་ཅི་ལྕོགས་བཟླ། དེ་ནས་སྤྱི་བོའི་བྱ་ཁྱུང་ལས་འོད་ཟེར་འཕྲོས་པས་སྤྲུལ་པའི་ཁྱུང་གིས་ནམ་མཁའ་བར་སྣང་གང་སྟེ་གནོད་པར་བྱེད་པའི་ས་བདག་ཀླུ་གཉན་ཐམས་ཅད་ལ་ལས་ཟོས་ལ་ལས་གཏུབ། མེའི་གཤོག་པ་བརྡབ་པ་ལས་བྱེ་ཚན་གྱི་ཆར་གྱིས་ཤ་རུས་ཕྱེ་བས་གཟིར་ཏེ། ཕྱིན་ཆད་མི་གནོད་ཅིང་གང་བཅོལ་ཕྲིན་ལས་བསྒྲུབ་པར་ཁས་བླངས་དམ་བཅས་པར་བསྒོམ་ཞིང་། བཛྲ་ཁྲོ་སོགས་ཁྱུང་སྔགས་བཟླ། དེ་ནས་དཔྲལ་བར་

[Full Size]

འཇམ་དཔལ་གྱི་ཐུགས་ཀར་ཨོ་ལ་སྔགས་ཀྱིས་བསྐོར་བ་ལས་འོད་ཟེར་འཕྲོས་པས་སྐུ་ཡི་རིགས་ཀྱི་བདེ་བར་གཤེགས་པ་ཐམས་ཅད་མཆོད། འོད་ཟེར་དེས་སེམས་ཅན་ཐམས་ཅད་ཀྱི་ལུས་ཀྱི་སྒྲིབ་པ་སྦྱངས། སྐུ་རྡོ་རྗེ་འཇམ་དབྱངས་ཀྱི་གོ་འཕང་ལ་བཀོད། སྐུ་མཚན་དང་དཔེ་བྱད་སོགས་སྐུའི་བྱིན་རླབས་དངོས་གྲུབ་ཡོན་ཏན་ཐམས་ཅད་འོད་ཟེར་དཀར་ལ་སེར་མདངས་ཅན་དུ་ཚུར་འདུས། འཇམ་དབྱངས་ལ་ཐིམ་པས་རང་གི་མཚན་ལུས་ཀྱི་ངོ་བོ་འཇམ་དབྱངས་དང་དབྱེར་མེད་ཅིང་སྐུའི་ནུས་པ་བྱིན་རླབས་ཐམས་ཅད་དབྱེར་མེད་པར་བསྒོམ་ཞིང་། མཉྫ་ཤྲཱི་སོགས་འཇམ་དབྱངས་ཀྱི་སྔགས་བཟླ། དེ་བཞིན་དུ་རྟ་མགྲིན་གསུང་། ཕྱག་རྡོར་ཐུགས་དང་མེ་དབལ་ཕྲིན་ལས་རྣམས་རིགས་འགྲེས་པར་བྱས་ལ་སོ་སོའི་སྔགས་བརྗོད། ཡང་ཐུགས་ཀའི་ཡེ་ཤེས་སེམས་དཔའ་ལས་འོད་ཟེར་འཕྲོས་ནས་རྡོར་སེམས་ཞི་བ་དང་ཁྲོ་བོ་ཡང་དག་བདེ་དགྱེས་ཆེ་མཆོག་གི་བྱིན་རླབས་བསྡུས་ཤིང་ཛྷཱ་ན་སཏཱ་སོགས་བཟླའོ། །ལྟེ་བའི་ཌཱཀི་ལྔ་ལས་འོད་ཟེར་ལྔ་འཕྲོས་ཡོན་ཏན་རིགས་ཀྱི་སངས་རྒྱས་དང་དཔའ་བོ་ཌཱཀྐི་ཐམས་ཅད་ལ་གོང་ལྟར་སྤྲོ་བསྡུ་བྱས་ལ་ཧྲིམ་སོགས་བཟླས། དེ་ནས་མེ་དབལ་

[Full Size]

ཐུགས་ཀ་ནས་སྤྲུལ་པ་ལྕགས་སྡིག་རང་གི་མདུན་དུ་ཡོད་པ་དེ་ལ་སྤྲུལ་པའི་ལྕགས་སྡིག་གྲངས་མེད་པ་འཕྲོས་ཏེ། གནོད་བྱེད་དམ་སྲི་རྒྱལ་འགོང་ཐམས་ཅད་བཟུང་ཞིང་ཟ་བར་བརྩམས་པས་བཀའ་ཉན་གསུང་སྡོད་པའི་དམ་ལས་བརྡའ་སྟེ། ཞེས་སྲོག་སྙིང་ཕུལ་བར་བསམས་ལ་ཙིཏྟ་དུང་དུང་སོགས་བཟླ། སྤྲུལ་པའི་ལྕགས་སྡིག་ཐམས་ཅད་གཅིག་ལ་གཅིག་ཐིམ་ཧཱུྃ་དུ་གྱུར་ཏེ་སྤྲུལ་གཞི་ལ་བསྟིམ། དཔུང་པའི་ཕྱག་རྡོར་རྟ་མགྲིན་དང་འཁོར་ཊཱཀྐི་རཱ་ཙ་སྟོབས་པོ་ཆེ་ཁྲོས་མ་སྤུ་གྲི་རྣམས་བསྙེན་ནི་མི་དགོས། ཕྱག་རྡོར་རྟ་མགྲིན་གོང་དུ་སོང་། ཁྲོས་ནག་ཌཀྐི་སྡེ་ལྔར་འདུས། འདོད་རྒྱལ་སྟོབས་པོ་གཉིས་བཛྲ་ཧཱུྃ་ལ་འདུས། སྤུ་གྲི་ཨ་ཡ་མ་དུ་རུའི་ནང་དུ་སོང་ཡོད་པའོ། །དེ་ལྟར་མཚམས་སོགས་བྱེད་ན་དང་པོ་ཐོད་ཕྲེང་རྩལ་ལ་འབུམ་ཕྲག་གཅིག་ཡན་ཆོད་ཅི་འགྲུབ། ཨ་ཙིག་ཉི་ཤུ་པ་སུམ་འབུམ་ཡན་གང་འགྲུབ། འཁོར་རྣམས་ཁྲི་རེ་ཙམ་བཟླའོ། །རྒྱུན་བསྙེན་ནར་མ་ལ་ནི་ཐོད་ཕྲེང་རྩལ་བརྒྱ། ཨ་ཙིག་བརྒྱ་ཙམ་། གོ་ཆ་རྣམས་ལན་བདུན་ནམ་བཅུ་རེ་ཙམ་བརྗོད་དེ། དམིགས་པ་ཐེབས་རེ་ཟིན་པར་བྱའོ། །དེ་ནས་སྡེ་བརྒྱད་དྲེགས་པ་གཅུན་པའམ། བསྙེན་པ་སོགས་དགོས་པ་ཡོད་ན་

[Full Size]

ལས་ལ་སྦྱར་བ་ནི། བསྙེན་པའི་དམིགས་པ་སྔགས་རྣམས་གོང་ལྟར་ཐུན་གཅིག་བསྒོམ་རྗེས། རང་གི་ཐུགས་ཀ་ནས་འོད་ཟེར་དམར་ནག་སྟེང་འོག་ཕྱོགས་བཅུར་འཕྲོས་པས། ཕྱོགས་བཅུའི་རྒྱལ་བ་ཐམས་ཅད་ཁྲོ་བོ་ཧེ་རུ་ཀའི་རྣམ་པར་བཞུགས་པ་མཆོད། དེ་དག་གི་སྐུ་གསུང་ཐུགས་ཀྱི་མཐུ་སྟོབས་ནུས་པ་ཐམས་ཅད་དམར་ནག་གི་རྣམ་པར་བསྡུས་ནས་བདག་ལ་ཐིམ་པས། མཐུ་སྟོབས་ཧེ་རུ་ཀ་ཀུན་དང་མཉམ་ཞིང་གཟི་བརྗིད་ཆེས་ཆེར་འབར་ནས་འོད་ཟེར་དམར་པོ་ཕྱིར་འཕྲོས་པ་ལས་བྱུང་བའི་ས་གཞི་མེ་ཡི་འཁོར་ལོ་རྩིབས་སྟོང་གཡོན་དུ་འཁོར་བ། གནམ་གསེར་གྱི་འཁོར་ལོ་རྩིབས་སྟོང་གཡས་སུ་འཁོར་བ། དེ་གཉིས་ཀྱི་རྩིབས་རལ་གྲི་སོ་གཉིས་པ་གཅིག་རྩེ་ལྟར་རྣོ་བ། གའུ་ཁ་ལྟར་འགྲིགས་ལ་ཁད་པའི་ནང་གི་ལྟེ་བར་བདག་དྲག་པོའི་ལས་བྱང་བསྐྱེད་ལ་སྔགས་བཟླས་པས་གནམ་གཡས་དང་ས་གཡོན་དུ་ཀྱི་ལི་ལི་འཁོར་བའི་རྩིབས་རྣམས་སོ་འཐབས་པའི་བར་དུ་གནོད་བྱེད་གང་ལ་དམིགས་པ་ཕྱེ་མར། དམར་ཉི་ལི་ལི་གཏུབས་པ་དེ་ལ་རྩིབས་བར་དང་ཕྱི་ནང་དུ་སྤྲུལ་པའི་ལྕགས་སྡིག་གྲངས་མེད་པས་ཧབ་ཐོབ་ཏུ་ཟ་བ་དང་། ཡང་བདག་གི་ཐུགས་ཀ་ནས་ཧཱུྃ་གྲངས་

[Full Size]

མེད་པ་ལས་མེ་དབལ་གྲངས་མེད་པས་འཇིག་རྟེན་གྱི་ཁམས་ཐམས་ཅད་གང་། སྐུ་ལ་མེ་དཔུང་འབར་བ་འཚུབ་ཅིང་འཁྱིལ་བ་དང་ཕྱག་མཚན་རྡོ་རྗེ་དང་ཐོ་བས་གདོན་ཐམས་ཅད་ཏིལ་ལྟར་བརྡུང་རྡོ་རྗེའི་སེར་བས་ཁ་བ་བུ་ཡུག་གནམ་ས་བར་སྣང་གང་བར་བསྒོམ་སྟེ། དེ་གཉིས་དུས་གཅིག་མི་གསལ་ན། བསྒོམ་རེས་བྱ་ཞིང་བཛྲ་ཧཱུྃ་ནས་མཱ་ར་ཡ་ཧཱུྃ་ཕཊ་ཡན་ཆད་རྩ་སྔགས་ལ་སྦྱར་ལ་བཟླ། ཁྱད་པར་རྒྱལ་པོ་འདུལ་ན་ནཱ་ག་རཱ་ཙ་གནོད་བྱེད་ཅེས་སོགས་དང་སྔགས་གསུམ་ཁ་སྦྲེལ་ལོ། །ཅི་ཙམ་དེས་ཆོག་གི །གདོན་གཞན་དངོས་ཡོད་ན་ས་མ་ཡ་དང་མཱ་ར་ཡའི་བར་མིང་བཅུག་གོ །ཡང་རྟགས་ཐོན་ན་བཟླ་མི་རུང་ཞིང་། སྤྲུལ་པ་ཡང་སྤྲུལ་འཁོར་སོགས་རང་ཉིད་ལ་བསྡུས་ཏེ་བྱམས་སྙིང་རྗེ་བསྒོམ། སྟོང་ཉིད་ཀྱི་རྒྱས་བཏབ་ལ་བསྔོ་བ་བྱས་པས་ལྷར་འཕར་ལྡང་མི་འབྱུང་བའི་གནད་ཆེ་བའོ། །འདི་ཡི་སྐབས་སུ་བསྒོམ་པ་ཡང་ཐུགས་དབུས་ཧཱུྃ་གི་ནང་སྦུ་གུ་ལྟ་བུའི་གཡས་སུ་ཕོ་རིགས། གཡོན་དུ་མོ་རིགས། རྒྱབ་ཏུ་ས་ཞིང་ཁང་མཁར། མདུན་དུ་ནོར་རྫས། ཧཱུྃ་གི་ཐིག་ལེའི་ནང་དུ་བླ་མ། ཟླ་ཚེས་ནང་དུ་ཡི་དམ། འ་ཆུང་ནང་དུ་ཆོས་སྐྱོང་སྒོམ་པ་ལྷ་དབྱེས་མི་ཚུགས་པ་དང་། ཞབས་ཀྱུའི་ནང་དུ་སྡེ་

[Full Size]

བརྒྱད་ས་བོན་དོད་ཙམ་མགོ་ཐུར་བསྟན་དུ་བསྒོམ་པ་སྡེ་བརྒྱད་ཀྱི་སྲོག་བཙོན་དུ་བཟུང་ནས་འཁུ་ལྡོག་མི་ནུས་པའི་ཟབ་གནད་སྙན་དུ་བརྒྱུད་པའོ། །ཐུན་མཐར་ལས་སྦྱོར་དུས་སྤྲུལ་པ་རང་ཉིད་ལ་བསྡུ་བ་སོགས་མ་བྱས་ན། ལྷ་འདྲེ་ལ་གནོད་པ་དང་ཆར་དཀོན་པ་སོགས་འབྱུང་བའི་ལྟས་གལ་ཆེ་ལ་བསྙེན་པའི་དུས་ནི་བློས་བྱས་ཀྱི་རྫོགས་རིམ་མི་དགོས་ཏེ། རྒྱུད་ལས་ཉམས་ལེན་སེམས་ཀྱི་ངོ་བོའི་སྟེང་དུ་བཞག་པ་མཆོག་ཡིན་ནོ། །དེ་ལྟར་མངོན་རྟོགས་ངག་ཏུ་བརྗོད་ཅིང་ཐུན་དང་གྲངས་སུ་གཅོད་པ་ནི། ༈ འབྲིང་ལྷ་བསྐྱེད་བཟླས་པ་བྱེད། ཅེས་པའི་དོན་ཡིན་པས་རབ་ཀྱིས་གསལ་སྟོང་ཏིང་འཛིན་བསྒོམ། ཞེས་པའི་རྟོགས་ལྡན་རྣལ་འབྱོར་པས་ནི། མངོན་རྟོགས་ངག་ཏུ་བརྗོད་མི་དགོས་ཏེ། སྟོང་ཉིད་ལྟ་བའི་སོ་མ་ཉམ་པའི་ངང་ནས། རྣམ་པ་ངག་ཏུ་བཤད་པའི་དམིགས་པ་དེ་དག་བྱ་ཞིང་། ངག་སྔགས་བཟླས་པ་ཁོ་ནས་ཆོག་གོ །ཐ་མ་གདུང་བའི་གསོལ་བ་འདེབས་ཞེས་པའི་རང་ཉིད་ལྷ་དང་དབྱེར་མེད་མ་རྟོགས་པས་ཡེ་ཤེས་ཀྱི་ལྷ་དང་ཟངས་མདོག་དཔལ་རི་སོགས་སུ་བཞུགས་པ་ལ་དད་གུས་གདུང་བ་དྲག་པོས་གསོལ་བ་འདེབས་པ་དང་། ལས་བྱང་སྤྱན་འདྲེན་མཆོད་བསྟོད་

[Full Size]

བསྐང་གསོ་སོགས་བརྩོན་འགྲུས་བྱ་བ་ཁོ་ནའོ། །དེ་ལྟར་སྒྲུབ་ལུགས་གང་བྱེད་ཀྱང་རྟགས་ནི་རྟགས་ཡིག་ལྟར་རོ། །ཞེས་པ་བླ་མ་བརྩོན་འགྲུས་ཀྱིས་བསྐུལ་བ་ལ་བརྟེན་ནས་བྲིས་པས་ནོངས་པ་གང་མཆིས་མཁས་གྲུབ་རྣམས་ལ་བཤགས་ཤིང་དགེ་བས་ཨོ་རྒྱན་ཆོས་སྐུ་སྣང་བ་མཐའ་ཡས་ཀྱི་ཞབས་དྲུང་དུ་པདྨོ་ལ་སྐྱེ་ཕྱིར་ཡོངས་སུ་བསྔོའོ། །རིག་སྔགས་འཆང་བ་རཱ་ག་ཨ་སྱས་བྲིས་པའོ།། མངྒ་ལཾ།། །། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསོལ་འདེབས་ཟློག་པ།

[Full Size]

ན་མོ་གུ་རུ་པྲ་ཝ་ཀ་ར་ཡེ། པད་འབྱུང་རྗེ་ལ་གསོལ་བ་འདེབས། །དེ་ནས་འགའ་རེ་འདོད་གསུངས་པ། །འདི་ལ་ཉམས་མཚར་ཚིག་འགའ་ཞུ། །བདག་ཏུ་འཛིན་པའི་རྩ་བ་དེ། །ཤེས་རབ་མཚོན་ཆས་བཅད་པ་ན། །འཁོར་བའི་འཁོར་ལོ་རྒྱུན་ཆད་ནས། །སྤང་བྱའི་སྒྲིབ་པ་མཐའ་དག་གཏོར། །འཁོར་བ་མྱ་ངན་གནས་སུ་ཟློག ། མཚོན་ཆ་འཁོར་ལོའི་གཏོར་ཟློག་ཡིན། །རང་ཉིད་དྲག་པོའི་སྐུར་གསལ་ནས། །ཐ་མལ་གཟུགས་ཀྱི་ཕུང་པོ་འདི། །སྣང་སྟོང་ལྷ་ཡི་སྐུ་རུ་ཟློག །གུ་རུ་དྲག་པོའི་ཟློག་པ་ཡིན། །སྣང་བ་སྐུ་ཡི་ཁྱེར་སོ་ལ། །མཐོང་ཚད་ལྷ་ཡི་སྐུར་གསལ་ནས། །ཐ་མལ་གཟུགས་ཀྱི་སྣང་བ་ཟློག །འཇམ་དཔལ་སྐུ་ཡི་ཟློག་པ་ཡིན། །གྲག་པ་གསུང་གི་ཁྱེར་སོ་ཡི། །སྒྲ་གྲག་སྔགས་ཀྱི་སྒྲ་གསལ་བས། །སྟོད་སྨད་ཆགས་སྡང་སྣང་བ་ཟློག །རྟ་མགྲིན་གསུང་གི་ཟློག་པ་ཡིན། །དྲན་རྟོག་ཐུགས་ཀྱི་ཁྱེར་སོ་ཡི།་།གང་ཤར་བཟོ་མེད་རང་ངོ་ལྟ། །དྲན་ཚད་ཕྱག་རྒྱ་ཆེན་པོར་ཟློག །ཕྱག་རྡོར་ཐུགས་ཀྱི་ཟློག་པ་ཡིན། །གཏུམ་མོ་འབར་འཛགས་གདམས་པ་ཡི། །ཁམས་ལྔ་ཌཱ་ཀི་ལྔ་རུ་བསྒྱུར། །ཡོན་ཏན་ཌཱ་

[Full Size]

ཀིའི་ཟློག་པ་ཡིན། །ལྷ་སྔགས་འབྲེལ་པའི་ཏིང་འཛིན་གྱི། །ལས་ཚོགས་གང་འདོད་ཐམས་ཅད་འགྲུབ། །བདུད་དང་བར་ཆད་ཐམས་ཅད་ཟློག །ཡཀྵ་མེ་དབལ་ཟློག་པ་ཡིན། །རང་ངོ་ཤེས་པར་མཁའ་ལྡིང་གི །མ་རིག་དུག་སྦྲུལ་ཞལ་དུ་གསོལ། །རྣམ་རྟོག་ཐམས་ཅད་ཆོས་སྐུར་ཟློག །བྱ་ཁྱུང་རྒྱལ་པོའི་ཟློག་པ་ཡིན། །འདོད་ཆགས་མ་མོ་སྲིན་མོ་ལ། །ཡེ་རིག་ཡེ་ཤེས་རཀྟ་མཆོད། །འདོད་ཆགས་བདེ་སྟོང་ངང་དུ་ཟློག །སྲིན་མོ་ཟ་ལམ་ཟློག་པ་ཡིན། །དྲག་པོའི་གཏོར་ཟློག་དེ་ལྟར་མཛོད། །འདྲེ་ངན་བརྡུང་བའི་གཏོར་ཟློག་དེ། །སེམས་བསྐྱེད་སྙིང་རྗེས་མ་ཟིན་ན། །ཕ་མ་བརྡུང་དང་ཁྱད་པར་མེད། །དེ་ཕྱིར་སྙིང་རྗེའི་སེམས་བསྐྱེད་གཟོབ། །ཁྲོ་བོའི་བཞུགས་གནས་དུང་ཁང་ནས། །བྱང་ཆུབ་སེམས་ཀྱི་ཆུ་རྒྱུན་བབ། །གནས་སྐབས་བཞི་ཡི་སྒྲིབ་པ་སྟོང་། །འབྲས་བུ་སྐུ་བཞིའི་ངང་དུ་ཟློག །ཁྲོ་ཆུའི་གཏོར་ཟློག་དེ་ལ་ཟེར། །ཁྲོ་དང་འདོད་ཆགས་གཏི་མུག་གསུམ། །བྱང་ཆུབ་སེམས་ཀྱི་ཆུ་རྒྱུན་གྱིས། །དུག་ལྔ་འཁོར་བའི་སྡོང་པོ་ལྔ། །སྐུ་ལྔ་ཡེ་ཤེས་ལྔ་རུ་ཟློག །ཁྲོ་ཆུ་དུག་གདོང་ཟློག་པ་ཡིན། །ཚོགས་གཉིས་ཟུང་དུ་

[Full Size]

འཇུག་པ་ཡིས། །ཚེ་བསོད་འཕེལ་ཞིང་བདག་འཛིན་ཞི། །ནག་པོ་བདུད་ཀྱི་གཡུལ་ངོ་ཟློག །ཚེ་བདག་ནག་པོའི་ཟློག་པ་ཡིན། །སྐྱེ་འཆི་མེད་པའི་དོན་རྟོགས་ནས། །ཤི་ཡང་བདག་ཉིད་སྐྲག་པ་མེད། །ངན་སོང་ནག་པོའི་ལུས་ངན་ཟློག །འཆི་བདག་ནག་པོའི་ཟློག་པ་ཡིན། །སྲོག་དང་རྩོལ་བའི་རླུང་ལ་སྦྱངས། །རྡོར་བཟླས་དག་པའི་ངག་ནུས་འབར། །ནག་པོ་བདུད་ཀྱི་བར་ཆད་ཟློག །སྲོག་བདག་ནག་པོའི་ཟློག་པ་ཡིན། །བེ་བྷ་སྭ་ཏ་ཡོན་ཏན་ཏེ། །མདོ་རྒྱུད་མན་ངག་གནད་ཤེས་པས། །བླུན་སྒོམ་གོལ་ས་དེ་ཡིས་ཟློག །བེ་བྷ་སྭ་ཏ་ཟློག་པ་ཡིན། །ཤུགས་འབྱུང་དཀོར་ཟས་ཅི་ཟ་བ། །རང་བྱུང་ལྗང་དམར་མེ་ལ་བསྲེགས། །ཕུང་པོས་ལྷ་མཆོད་དཀོར་སྒྲིབ་ཟློག །ཟ་བ་ལྗང་དམར་མེ་ལ་བསྲེགས། །ཟློག་པ་འདོན་ན་དེ་ལ་མཛོད། །ཡ་མཚན་དག་པའི་ཞིང་ཁམས་སུ། །མ་འགྱུར་འགྲོ་རྣམས་འདྲེན་པའི་ཕྱིར། །ནུབ་ཤེས་ར་ལྟར་འབྲལ་མེད་ཅིན། །རྩ་དང་རླུང་སྒོམ་འཁྲུལ་པ་ཟློག །ཡ་མ་རཱ་ཙའི་ཟློག་པ་ཡིན། །གྱེར་སྒོམ་རྔ་སྒྲོག་ཅི་བརྡུང་ཡང་། །གོང་མའི་ཕ་རབས་མི་ཟིན་པས། །གཏོར་ཟློག་

[Full Size]

དེ་ལྟར་བྱེད་སྙིང་འདོད། །ཚེ་ལུང་ཁྲུས་ལུང་མི་ཤེས་པས། །དམིགས་ངན་སྒོམ་ཞིང་དགུག་གཞུག་བྱེད། །ཞེ་སྡང་བསྐྱེད་ཅིང་ཕུར་པ་འདེབས། །དམིགས་ངན་དེ་འདྲ་དམྱལ་བར་སྐྱེ། །དེ་འདྲའི་ལས་འགྲིགས་དགོས་པ་མེད། །སྐུ་གསུམ་རང་ཤར་ཧོམ་ཁུང་དུ། །དུག་ལྔ་དུག་གསུམ་དགྲ་དང་བགེགས། །བདག་མེད་རྟོགས་པའི་ཕུར་པས་བསྒྲལ། །བསྒྲལ་ལས་དེ་འདྲ་བྱེད་སྙིང་འདོད། །རྣམ་ཤེས་ཆོས་ཉིད་བསྟིམ་མི་ཤེས། །ལིངྒ་ཤ་དུམ་ཁྲག་ཐིགས་རྣམས། །ང་རྒྱལ་བསྐྱེད་ཅིང་བསྟབ་པ་བྱེད། །དགྲ་བགེགས་ཟོས་བསམ་གཏོར་མར་བླུག །ཕྱི་མར་རང་ཉིད་གཤིན་རྗེས་ཟ། །དེ་འདྲའི་བསྟབ་པ་ངས་མི་འདོད། །ཆོས་ཉིད་སྐྱེ་མེད་ཞལ་ནང་དུ། །གང་སྐྱེས་སྣ་ཚོགས་རང་ཞིར་བསྟབ། །ལྷན་སྐྱེས་ཡེ་ཤེས་རང་ཞལ་མཐོང་། །དེ་འདྲའི་བསྟབ་པ་བྱེད་སྙིང་འདོད། །བརྡའ་དོན་རྟེན་འབྲེལ་མི་ཤེས་པའི། །དུག་གི་ཤིང་སྐྱེར་རྩང་ཁྲིས་དེས། །བཟོ་ན་ཕྱག་ཚ་ཁུར་བ་དཀའ། །འཁོར་ལོ་བཞི་ཡི་རྩ་འདབ་རྣམས། །དྲྭ་བ་དྲྭ་ཕྱེད་འཚུབས་མ་རིས། །རང་བྱུང་རྡུང་སླས་ངོ་མཚར་ཆེ། །སྟོང་རའི་རྩང་ར་བསྐོར་སྙིང་འདོད། །ཨ་

[Full Size]

མྱེས་གསོལ་ལྷག་མ་སྐྱུར་ཏེ། ཡོན་བདག་ནས་ལ་ཟན་པའི་རྒྱུ། །འཐུང་ན་འདུལ་བའི་ཁྲིམས་དང་འགལ། །མ་བསྒྱུར་བདུད་རྩིའི་ཅི་ལ་ཕན། །སྤྱི་བོར་ཚངས་པའི་ཡུལ་ས་ནས། །ཧཾ་ཡིག་ཀུནྡའི་བདུད་རྩིའི་ཨས། །ཧེ་རུ་ཀ་རྣམས་དེ་ལ་དགྱེས། །དེ་འདྲའི་ཆང་བཟང་བཙག་ན་བསམ། །འཁྱག་ཁྲག་གཏར་བའི་སྐྱེ་ཁྲག་དེ། །རྣམ་སྨིན་ཆེ་བའི་མིང་གྱེད་མཉེས། །ལྟེ་བ་སྤྲུལ་པའི་འཁོར་ལོ་ལ། །རཀྟ་ཀུན་གྱི་དྭངས་མ་ནི། །ཨ་ཐུང་པདྨ་རཱ་གའི་མདོག །མ་རྒྱུད་མཁའ་འགྲོ་དེ་ལ་འཁོར། །དེ་འདྲའི་རཀྟ་སྤེལ་ན་བསམ། །ཟས་སུ་ཁ་རའི་གཏོར་འདུག་དེ། །ཁྱེར་ན་ཡོན་བདག་སེར་སྣ་སྐྱེ། །དབུ་མ་ལུས་ཀྱི་སྲོག་ཤིང་དེ།་།བདེ་ཆེན་འཁོར་ལོའི་རྩ་འདབ་རྣམས། །རང་བྱུང་གདུགས་ཀྱི་རྩ་འདབ་རྣམས། །གཙུག་ཏོར་རྩ་བཞི་ཏོག་གི་ཚུལ། །དེ་འདྲའི་གཏོར་གདུགས་ཕུབ་སྙིང་འདོད། །གཟའ་དང་དབང་ཕྱུག་མཁའ་འགྲོ་སོགས། །ཐེབས་ལྡོག་བསྒྱུར་དུས་མི་ཤེས་པའི། །གཏོར་འཕེན་ཕན་པའི་གནོད་པ་ལ། །གང་ཤར་རྒྱུ་བའི་གཏོར་མ་དེ། །རང་གྲོལ་དབྱིངས་སུ་འཕེན་ཤེས་ན། །ཉོན་མོངས་བདུད་བགེགས་ཐམས་

[Full Size]

ཅད་ཐུལ། །དེ་འདྲའི་གཏོར་མ་འཕེན་སྙིང་འདོད། །ལྔ་སེར་ལྟོ་འཕྱེ་ལ་སོགས་པ། །མི་ཤེས་མི་མཆོད་གནོད་པ་ཆེ། །ཟང་ཟིང་རྫས་རྣམས་སྣང་བ་སྤུན། །ཀུན་རྟོག་བསྲེག་རྫས་སྣ་ཚོགས་པ། །མི་རྟོག་ངང་དུ་བསྲེག་ཤེས་ན། །ཡེ་ཤེས་མེ་ཆེན་རབ་ཏུ་འབར། །དེ་འདྲའི་མེ་མཆོད་བླུག་སྙིང་འདོད། །ཨ་ནུ་ཨ་ཏི་ཡོ་གའི་ལུགས། །གཏོར་ཟློག་སྦྱིན་སྲེག་བྱ་ཚུལ་ནི། །འཕྲལ་དུ་ཉམས་ལ་ཤར་ནས་བྲིས། །མ་གྱུར་འགྲོ་བ་ཐམས་ཅད་ཀྱི། །གཏོར་ཟློག་དེ་འདྲ་བཅའ་བར་ཤོག །ཨ་རཱ་གས་སྦྱར་བའོ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་དྲག་མཚོན་ཆ་འཁོར་ལོའི་བཅའ་ཚོགས་རྒྱས་འབྲིང་བསྡུས་གསུམ་གྱི་ཟིན་བྲིས།

[Full Size]

གུ་དྲག་མཚོན་ཆ་འཁོར་ལོའི་བཅའ་ཚོགས་རྒྱས་འབྲིང་བསྡུས་གསུམ་གྱི་ཟིན་བྲིས་བཞུགས་སོ༔

[Full Size]

དབང་དྲག་པདྨའི་ཞབས་ལ་འདུད༔ མཚོན་ཆ་འཁོར་ལོའི་བཅའ་ཚོགས་ནི༔ གཞུང་ལྟར་བྱེད་ན་ས་སྟེགས་སྟེང་༔ རྡུལ་ཚོན་མ་ཏྲ་གཡང་གཞི་བྲི༔ དབུས་སུ་འཁོར་ལོ་རྩིབས་དགུ་བྲི༔ དེ་སྟེང་གྲུ་གསུམ་ཧོ་ཁུང་ནང་༔ དགྲ་བགེགས་ལིངྒ་མིང་བཅས་བཙུག༔ ཐ་མ་རྩང་སྐོར་ཐུན་ལམ་ནས༔ ཕུར་པས་བཅད་དེ་བཞག་པའི་སྟེང་༔ ཁྲི་སྟེང་ཐོད་སྐྱེད་ལྕགས་སྣོད་དུ༔ གཞུང་ལྟར་གཏོར་ཟློག་བཅས་པ་ཡི༔ རྩེ་ལ་སོ་སོའི་སྐུ་དང་ནི༔ ཁྱུང་གི་ཙཀླུ་སྔགས་བཅས་པ༔ དེ་སྟེང་དར་གདུགས་ནག་པོ་ཕུབ༔ གཏོར་མ་གཙོ་བོར་རྩང་ཉེར་གཅིག༔ འཁོར་ལ་བདུན་རེ་

[Full Size]

བཙུགས་བྱས་ལོ༔ ལྕགས་སྣོད་མཐའ་ལ་རྩང་མི་འཛུགས༔ ས་སྟེགས་མཐའ་ལ་རྩང་ཉེར་བརྒྱད༔ ཡང་ན་དྲུག་ཅུ་རྩ་བཞི་འཛུགས༔ དེ་ནི་རྒྱ་གྲམ་སྲིན་མོའི་འགྲོས༔ ཕྱོགས་བཞི་སྒོ་རྩང་བཞི་པོ་ནི༔ ཟླུམ་པོ་སྟོད་སྨད་གཉིས་ཀ་ནི༔ ཧྲིལ་པོ་འཕང་དང་འདྲ་བ་དཀར༔ སེར་པོ་སྟོད་སྨད་གྲུ་བཞི་ཅན༔ ཟླ་གམ་སྟོད་སྨད་གཉིས་ཀ་ནི༔ ཟླུམ་པོའི་ཕྱེད་ཙམ་ཅུང་གཞོགས་པ༔ བྱང་དུ་དྲག་པོའི་རྩང་ཟུར་གསུམ༔ བཞི་ཁའི་སྐེད་པ་རྒྱ་མདུད་དེ༔ སྟོད་སྨད་བཞི་ཁ་ཕྱོགས་མདོག་བྱ༔ ཤར་དཀར་ལྷོ་སེར་ནུབ་དམར་དང་༔ བྱང་ལྗང་སྒོ་མ་བཞི་ཡི་རྩང་༔ དེ་མན་རྩང་

[Full Size]

རྣམས་སྟོད་དམར་པོ༔ བཙན་དམག་དང་ནི་མེ་རིས་མཚོན༔ སྨད་རྣམས་ནག་པོ་བདུད་དམག་དང་༔ མུ་རན་ལྕགས་རི་ནག་པོ་མཚོན༔ རྩང་རྒྱན་ཤོག་གུའམ་རས་ལ་ནི༔ དར་པན་འདྲ་བའི་ནར་མོ་བརྒྱད༔ རྩང་གྱེར་ནང་ལྟར་གཅན་གཟན་སོགས༔ སྟོད་སྨད་བར་གསུམ་བྲི་བྱ་ཞིང་༔ རྒྱབ་ཏུ་ལོཀྟི་པཱ་ལ་དང་༔ རྡོ་བཟློག་སྔགས་སོགས་ཟློག་སྔགས་བྲི༔ ཕྱོགས་བཞི་མཚམས་བརྒྱད་རྩང་ལ་བཏགས༔ རྩང་རྩེ་རེ་ལ་ལིངྒ་རེ༔ སྙིང་ཁར་རྩང་རྩེ་ཟུག་པར་བྱ༔ དེ་ལ་ཁྲག་བྱུག་ཤ་དུམ་སྦྱར་ཁྱད་པར་གློ་བའི་དུམ་བུ་འམ༔ རྒྱུ་མ་སྤྱར་བ་སྤྲུལ་འདྲ་བ༔ རྩང་གི་རྒྱབ་ནས་ལན་གསུམ་བཅུད༔ མདུད་པ་སེ་ཆིངས་མདུད་དུ་བྱ༔ དེ་མདུན་མཆོད་པ་རྣམ་པ་བདུན༔ ཁྲག་གི་མཆོད་ཡོན་ཞབས་བསིལ་དང་༔ དབང་པོ་ལྔ་ཡི་གཟུགས་ལ་ནི༔ འབྲི་མོག་བྱུག་པའི་མེ་ཏོག་གམ༔ ཤ་དུམ་ཚིལ་དུམ་སྤོས་ཡིན་ལ༔ རྐང་དང་ཚིལ་གྱི་མར་མེ་དང་༔ ཁྲག་ཞག་འདྲེས་པའི་དྲི་ཆབ་དང་༔ ལྷ་བཤོས་དམར་པོ་ཟུར་གསུམ་པ༔ རྐང་དུང་ཐོད་རྔ་ཀླུ་རུ་བཤམས༔ ཁྲོ་ཕུར་རལ་གྲི་དབྱུག་པ་དང་༔ རྡོ་རྗེ་གྲི་ཁུག་ཐོ་བ་དང་༔ ཁྲོ་ཞལ་མེད་པའི་ཐུན་ཕུར་དང་༔ ཡུངས་དཀར་རཀྟ་དུག་རྡོ་

[Full Size]

ཐུན༔ མཚེ་དང་མདའ་མདུང་ཐུན་རྫས་རྣམས༔ འདོན་ཆོག་ནང་ན་ཡོད་ལྟར་བཤམས༔ ཟློག་པའི་རྒྱབ་ངོས་མཐོ་བའི་སར༔ འགུར་དྲག་ཞལ་ཐང་ཡོད་ན་བཤམས༔ ཡར་ལ་མཆོད་གཞིའི་ཐོག་ཏུ་ནི༔ ཕུགས་གཏོར་ལྷ་གྲངས་གང་ཡོད་དང་ཚོགས་དང་གཏོར་འབུལ་མཐེབ་སྐྱ་དང་༔ ཞི་བའི་མཆོད་པ་ལྔ་དང་ནི༔ ཁྱད་པར་བསྐང་གཏོར་སྤྱི་ལྟར་ནི༔ འབྲུ་ཡིས་བཀང་བའི་སྣོད་དུ་ནི༔ རི་རབ་བང་རིམ་བཞི་པའི་སྟེང་༔ ཞི་བའི་ལས་ལ་ཟླུམ་པོ་དང་༔ རྒྱས་པའི་ལས་ལ་ཟུར་བཞི་པོ༔ དབང་གི་ལས་ལ་ཟུར་གཉིས་དང་དྲག་པོ་ལ་ནི་ཟུར་གསུམ་སྟེ༔ ཅི་མཛེས་མར་རྒྱན་ཡིན་ན་ཡང་༔ ཞི་བའི་མར་རྒྱན་མེ་ཏོག་གཟུགས༔ རྒྱས་པ་ལ་ནི་ནོར་བུ་དང་༔ དབང་ལ་ཉི་ཟླ་ནོར་བུའོ༔ དྲག་པོ་མེ་རི་བྱས་པའི་སྟེང་༔ བསྐང་འབྲས་པར་བཏབ་ཐུར་མར་བཙུགས༔ རྩེ་ལ་བཀྲ་ཤིས་རྟགས་བརྒྱད་དང་༔ དེ་འོག་རྒྱལ་སྲིད་སྣ་བདུན་དང་༔ དེ་འོག་བྱ་རིགས་སྣ་ཚོགས་ཏེ། ཁྱུང་དང་རྨ་བྱ་བྱ་ནག་བཙུགས༔ དེ་འོག་རི་དྭགས་སྣ་ཚོགས་ཏེ༔ ཤ་དགོ་རྣ་གསུམ་གཙོ་བོ་ཡིན༔ དེ་འོག་གཡུང་དྭགས་སྣ་ཚོགས་ཏེ༔ གཡག་ནག་ལུག་ནག་རྟ་ནག་དང་༔ ཁྱི་

[Full Size]

ནག་གཅན་གཟན་པར་བཏབ་བོ༔ དེ་འོག་ཕྱག་མཚན་སྣ་ཚོགས་སོགས༔ དེ་འོག་ཆུ་གནས་སྣ་ཚོགས་བཙུགས༔ གཟུགས་བརྙན་མེད་ཐབས་མེད་པ་ནི༔ ཞེ་སྡང་སྦྲུལ་ནི་ནག་པོ་དང་༔ འདོད་ཆགས་བྱ་ནི་དམར་པོ་དང་༔ གཏི་མུག་ཕག་ནག་ཕྲག་དོག་ཁྱི༔ ང་རྒྱལ་མི་དང་དུག་ལྔ་སྟེ༔ དུག་ལྔའི་སྒྲིབ་པ་སྦྱང་བའི་ཕྱིར༔ དུག་ལྔ་ཀུན་བསླངས་ཉམས་ཆག་བསྐང་༔ ཤ་རྒྱན་མར་ཐུད་རིལ་བུས་བརྒྱན༔ དེ་ནི་བླ་མ་ཡི་དམ་དང་༔ ཆོས་སྐྱོང་སྤྱི་ཡི་བསྐང་གཏོར་ཏེ༔ གཟུགས་རྣམས་ནང་དུ་གཏོར་མ་ལ༔ ཁ་བསྟན་བཅའ་བ་སྲུང་བའི་ལུགས༔ ཕྱི་རུ་ཕྱོགས་བཞིར་ཁ་བསྟན་དམག་ཐབས་ཏེ༔ ཟློག་པའི་ལས་ལ་བྱ་བ་ཡིན༔ ཕྱོགས་གཅིག་མདུན་དུ་ཁ་བསྟན་པ༔ ཇག་ཐབས་བསད་པ་འགྲུབ་པའོ༔ ཟློག་པ་མཐོ་ན་རང་ལ་ལྡོག༔ དེ་ཕྱིར་རང་གི་སྙིང་ཁ་ལས་མི་མཐོ་བ་རུ་བཤམས་ན་ལེགས༔ དེ་ཕྱིར་མལ་ས་མཐོ་ན་བཟང་༔ དེ་ནི་རྒྱས་པའི་བཅའ་ལུགས་ཏེ༔ གཞུང་ནས་བཤད་དང་མཐུན་ན་ལེགས༔ སྤྱི་རྒྱ༔ འོན་ཀྱང་དེ་འདྲ་བཅའ་དཀའ་བས༔ རང་མདུན་བྲུབ་ཁུང་ལིངྒ་བཞག༔ དེ་སྟེང་ཨོ་ཆུང་བཅིངས་བའི་སྟེང་༔ ཕུབ་བམ་ལྕགས་འགུ་སླ་ངའི་ནང་༔

[Full Size]

འཇིམ་ཞལ་སྟེང་དུ་འཁོར་ལོ་ནི༔ རྩིབས་དགུ་ནག་པོ་བྲིས་པ་ཡི༔ དབུས་དང་རྩིབས་ལ་བྲུབ་ཁུང་དགུ༔ དེ་ནང་ཟན་ལིང་པར་མ་རེ༔ རེ་རེའི་སྟེང་དུ་གཏོར་མ་རེ༔ ཟུར་ལ་རྩང་ཐུང་འཛུགས་པ་དང་༔ གཙོ་བོའི་རྩེ་ལ་ཁྱུང་དར་གདུགས༔ ཤ་ཁྲག་ལིང་ཆུང་བརྒྱན་པར་བྱ༔ མཚམས་སུ་མཐེབ་སྐྱུ་ཁ་ཕྱིར་བསྟན༔ མཐའ་ལ་རྩང་རིང་ཉེར་བརྒྱད་དང་༔ སྒོ་རྩང་བཞི་ནི་ཐད་ཀར་བཙུགས༔ སྔོ་དམར་ཐག་པས་ལན་གསུམ་དཀྲི༔ དེ་ནི་བཅའ་སླ་རྒྱས་བསྡུས་མཚམས༔ ལེགས་ཤིང་ཀུན་ཕན་སྤྱི་རྒྱ༔ དེ་ནས་བསྡུས་པའི་བཅའ་ལུགས་ནི༔ ཀ་ཊོ་རའམ་ཟངས་ལྕགས་སྣོད༔ དམར་གཏོར་གཙོ་བོ་ཆེ་བ་ལ༔ འཁོར་ནི་དགུ་ཡིས་བསྐོར་བ་ལ༔ རེ་རེའང་ཤ་དང་ལིངྒ་ནི༔ མགོ་མཇུག་ལྡོག་སྟེ་ཟན་ལིང་བཙུགས༔ རྩེ་ལ་བྱ་ཁྱུང་ཙཀ་ལི་སྟེ༔ ནང་རུང་ཕྱི་རྩང་མི་དགོས་པོས༔ རྩང་གྱེར་འདོན་ནི་མི་དགོས་སོ༔ འོག་ཏུ་གོད་ལྤགས་བཏིང་བ་ནི༔ རུ་ཏྲའི་གཟུགས་བརྙན་གོ་ཆོད་དེ༔ མདོས་གདན་བཞག་ན་ཡོན་བདག་ལ༔ ངན་པས་མདོས་མཁན་ཉིད་ཀྱིས་ཁྱེར༔ ནོར་མི་ཉན་ན་རོང་ལ་དོར་མི་བཞག་པ་ནི་དམ་ཚིག་གོ༔ བསྡུས་པའི་བཅའ་ལུགས་སྤྱི་རྒྱུ༔ དེ་

[Full Size]

ནས་ཤིན་ཏུ་བསྡུས་པ་ནི༔ ཚེས་བཅུ་དགུ་གཏོར་ལ་སོགས་ནི༔ ཉིན་རྫོགས་བཅས་ནས་ཕུལ་རུང་སྟེ་ཟངས་ལྕགས་སྡེར་རམ་ཐོད་པའི་ནང་༔ དམར་གཏོར་གཅིག་ལ་དགུ་ཡིས་བསྐོར༔ རྩེ་ལ་པར་བཏབ་ཁྱུང་གཟུགས་བཙུགས༔ ཐ་མ་མཐེབ་སྐྱ་བརྒྱད་ཀྱིས་བསྐོར༔ བཞི་ཡི་སྟེང་དུ་བཤམས་པས་འཐུས༔ བསྒྲལ་ལས་བྱ་རྒྱུ་ཟན་ལིང་གཅིག༔ བསྟོད་བསྐུལ་འདོན་པའི་གཏོར་ཆུང་གཅིག༔ དེ་ལ་གཞུང་ལྟར་ཚར་གཅིག་འདོན༔ དོ་ནུབ་གཏོར་འབུལ་ཞོར་ལ་ནི༔ ཕུལ་ཏེ་ཅུང་ཟད་ཐག་རིང་བསྐྱལ༔ དེ་ནི་བསམ་གཏན་ཆོ་ག་སྟེ༔ འབྱོར་པ་ཆུང་ངམ་མི་ཁོམ་པའམ༔ རྟོགས་པ་ལྡན་པའི་རྣལ་འབྱོར་པས༔ བཅའ་ཚོགས་རྒྱས་བསྡུས་མི་ལྟོས་ཏེ༔ དམིགས་རིམ་གསལ་བས་ནུས་ཐོན་ཕྱིར༔ བསམ་གཏན་ཆོ་ག་ཞེས་གྲགས་སོ་ཤིན་ཏུ་བསྡུས་པའི་བཅའ་ཐབས་ལེགས༔ དེང་སང་སྔགས་པ་རྔ་རྡུང་ལ༔ ཁམས་ཀྱི་ཕྱོགས་འདིར་ཨ་མྱེ་ཟེར༔ ལ་ལས་སྒོམ་པ་སྒོམ་པ་ཟེར༔ དབུས་ཀྱི་ཕྱོགས་སུ་ཨ་ཁུ་ཟེར༔ དེ་དག་རྣམས་ཀྱི་བྱ་རྒྱུ་ལ༔ གཤེད་འདུལ་རྒྱ་ནག་ལུགས་ལ་ནི༔ གཅོད་ལུགས་དུར་གཅོད་བྱེད་པའམ༔ དྲག་པོ་ལྕགས་འདུལ་བཅའ་བ་དང་༔ ཆུང་རྡུང་

[Full Size]

ཁྲོ་བོ་རྫ་འཛབ་དང་༔ ཐན་ཟློག་ཀོང་ཙེའི་གཏོ་སྒྱུར་དང་༔ ནག་པོ་མགོ་གསུམ་བཅའ་བ་དང་༔ བདེ་རིམ་ལོ་དུས་རིམ་གྲོ་དང་༔ མགོ་གསུམ་བཅའ་དང་གཏོ་ཕྲན་དང་༔ རྒྱལ་པོའི་གནོད་ལ་རྒྱལ་མགྱོགས་རྒྱལ་མདོས་དང་༔ འདྲེ་མོའི་གནོད་ལ་རྫ་མདོས་དང་༔ གཤེད་ལ་གཤེད་ཟློག་ལ་སོགས་པ༔ ཀུན་རྫོབ་རྟེན་འབྲེལ་ཆོས་ཉིད་ཙམ༔ རྣམ་རྟོག་ཡོད་ཕྱིར་རྐྱེན་འགྱུར་བ༔ གསུངས་ཕྱིར་ཅི་བཞིན་ཤེས་ན་ནི༔ རང་རང་བདེན་པ་ཡོད་པ་ནི༔ རྟེན་འབྲེལ་བསླུ་བ་མེད་པ་ཡིན༔ འོན་ཀྱང་ཇི་བཞིན་ཤེས་པ་དཀོན༔ ཤེས་ཀྱང་གཞུང་བཞིན་བཅའ་མི་འཁྱོངས༔ རྫས་དང་ཡས་སྟགས་འཛོམ་མི་ཐུབ༔ དེ་བས་བསྐང་ཟློག་གཉིས་པོ་ལེགས༔ ༈ གཤིན་རྗེ་ལ་སོགས་ཟློག་པ་ཡོང་༔ རྒྱུན་དུ་བཅས་ན་རང་ལ་ངན༔ དེང་སང་བྱད་ཁ་མེད་པ་མེད༔ དེ་ཕྱིར་དགོན་སྡེ་མང་པོ་བཤིགས༔ ཕལ་ཆེར་བསྟན་ལ་གནོད་བྱེད་མང་༔ དེ་ཕྱིར་གནོད་མཁན་དེ་རྣམས་ཀྱང་༔ ལྷ་ཡིན་འདྲེ་ཡིན་འབྱེད་མི་ཐུབ༔ ཆོས་སྐྱོང་བརྡུང་བཏགས་བཏང་བ་ཡིས༔ མི་ལ་ཅུང་ཞིག་ཕན་ན་ཡང་༔ རང་ཉིད་ཚེ་ཐུང་ལྟུང་བ་ཕོག༔ ༈ མགོན་པོ་ལྷ་མོའི་གཏོར་ཟློག་རིགས༔ ཧཱུྃ་ཧཱུྃ་ཕཊ་

[Full Size]

ཕཊ་བྱས་ན་ཡང་༔ ཡོན་བདག་སྡིག་ཅན་དམ་ཉམས་མང་༔ སྲུང་བ་མཐུ་རུ་འགྲོ་དོགས་ཡོད༔ ༈ མཁའ་འགྲོའི་གཏོར་ཟློག་ལ་སོགས་པ༔ གཞན་དོན་མི་རུང་བཀའ་རྒྱ་ཅན༔ མང་དུ་བཅས་ན་རང་སྲོག་ཆད༔ དེ་བས་མཚོན་ཆ་འཁོར་ལོ་འདི༔ ཟབ་ཅིང་རྣོ་ལ་བྱིན་རླབས་ཆེ༔ རང་དོན་གཞན་དོན་ཀུན་ལ་རུང་༔ ལོ་རེ་བརྒྱ་ཕྲག་མང་བཅས་ཀྱང་༔ བྱིན་རླབས་ངག་ནུས་ཇེ་ཆེ་ལས༔ འདི་ཕྱི་གང་ཡང་མི་གནོད་དེ༔ ལྷ་འདྲེ་ཀུན་གྱི་སྐྱབས་གནས་ནི༔ ཨོ་རྒྱན་ཆེན་པོ་ཡིན་པ་དང་༔ མཚོན་ཆ་འཁོར་ལོ་འདི་ཡང་ནི༔ དོན་ལ་ཨོ་རྒྱན་མཆོད་པ་ཡིན༔ བནྡེས་འདྲེ་བརྡུངས་བྱས་ན་ཡང་༔ ཕྱི་མ་ཕྱག་རྒྱ་ཆེན་པོ་བརྙེས༔ དེ་སྐད་དུ་དྲག་གཞུང་ལས་གསུངས༔ དེ་ཕྱིར་ཕྱི་རབས་སྔགས་འཆང་དང་༔ ཡོན་བདག་ཆེ་ཕྲ་ཐམས་ཅད་ཀྱིས༔ འདི་ཕྱི་ཀུན་ལ་དགེ་འདོད་ན༔ སྐུ་རིམ་མཚོན་ཆ་འཁོར་ལོ་གསུངས༔ སྟོབས་ཆེ་སྐུ་རིམ་ཆེ་འདོད་ན༔ ཚར་གྲངས་བརྒྱ་རྩ་བསོགས་པར་གྱིས༔ མཚོན་ཆ་འཁོར་ལོ་ཚར་གཅིག་ལ༔ གུ་དྲག་འཇམ་དཔལ་རྟ་མགྲིན་གསུམ༔ ཕྱག་རྡོར་མཁའ་འགྲོ་མེ་དབལ་དྲུག༔ ཁྱུང་དང་ཟློག་པ་ཚར་བདུན་ཡོད༔ དེ་ཕྱིར་གཏོར་ཟློག་ཚར་གཅིག་ལ༔

[Full Size]

ཟློག་པ་ཚར་བདུན་ཡོད་པའི་ཕྱིར༔ ཚར་གྲངས་བཅོ་ལྔ་ཐོན་ན་ནི༔ ཟློག་པ་བརྒྱ་དང་ལྔ་ཡིན་ནོ༔ གུ་དྲག་བསྐང་བ་ཚར་གཅིག་ལ༔ སྐུ་གསུམ་གོ་ཆ་ལྷ་ལྔ་དང་༔ ཁྲོ་བཅུ་བཀའ་སྲུང་དང་བཅས་པས༔ བསྐང་བ་རིགས་བཅུ་ཚང་བའི་ཕྱིར༔ ཚར་བཅུ་ཐོན་ན་བསྐང་བ་བརྒྱ༔ བསྐང་བ་ཟློག་པ་བརྒྱ་རྩ་ལས༔ ལྷག་པར་རིམ་གྲོ་མེད་པའོ༔ གཙོ་བོའི་ཟློག་པ་དེ་ཡིས་ནི༔ རིག་འཛིན་དྲག་པོ་སྙིགས་མའི་དུས༔ ཐུགས་རྗེ་བྱིན་རླབས་གློག་བས་མྱུར༔ འཇམ་དཔལ་ཟློག་པ་ཡོད་པ་ལ༔ གཤིན་རྗེའི་ཟློག་པ་ཐམས་ཅད་ཚང་༔། རྟ་མགྲིན་ཟློག་པར་རྟ་མགྲིན་གྱི༔ ཟློག་པ་ཐམས་ཅད་ཚང་བ་ཡིན༔ ཕྱག་རྡོར་ཟློག་པ་ཐུགས་ཀྱི་རིགས༔ མཁའ་འགྲོའི་གཏོར་ཟློག་ཐམས་ཅད་ཚང་༔ མེ་དབལ་ཁྲོ་བཅུའི་ཟློག་པ་ཡི༔ ཕུར་པའི་ཟློག་པ་ཚང་བ་ཡིན་༔ ཁྱུང་གི་ཐན་ཟློག་ཐམས་ཅད་ཚང་༔ ལྷ་གྲངས་བཀའ་བརྒྱད་ལྷ་གྲངས་ཡིན༔ ཁྲོ་བོ་རོལ་པའི་གཏོར་ཟློག་ཚང་༔ རྣོ་སོ་ལྷ་འདྲེ་ཐམས་ཅད་ཀྱིས༔ རྣོ་སོ་བཙན་བདུད་ཀླུ་གསུམ་ནི༔ ཡིན་པར་སྲིད་པ་གཏེར་ཁྱིམ་གསལ༔ དེ་ཕྱིར་འདི་ལས་རྣོ་བ་མེད༔ བསྐང་བ་ཡང་ནི་དེ་བཞིན་དུ༔ དྲག་པོའི་བསྐང་བ་ཐམས་ཅད་

[Full Size]

ཚང་༔ མི་རྒན་རྟ་ཕྱུགས་རྒས་ཤི་བའི༔ མགོ་རྡུང་གཤེད་འདུལ་ཆེར་མི་བྱ༔ རྒན་སྲི་བརྡུངས་ན་གཞོན་སྲི་ལངས༔ མི་དང་རྟ་ནོར་གཞོན་ཤི་ལ༔ མགོ་རྡུང་གཤེད་འདུལ་གཟབ་པ་བཅས༔ གཤེད་དང་གྲི་བོ་ཆུང་སྲི་དང་༔ གོད་འདྲེ་ཟ་འདྲེ་གང་འདུལ་ཡང་༔ དེ་ཡི་ལིངྒ་མིང་བཅས་པ༔ ཧོམ་ཁུང་བཅུག་ལ་བསྒྲལ་ལས་བྱ༔ ཟན་ལིང་བསྒྲལ་ལ་གཏོར་ཟློག་བསྟབ༔ ཐུན་མཚམས་ཨ་ཙིག་སྡེ་བརྒྱད་ཤམ༔ ཟ་འདྲེ་ཤི་གཤེད་ཆུང་སྲི་དང་༔ གོད་འདྲེ་ལ་སོགས་གང་གནོད་པ༔ མ་རཱ་ཡ་ཧཱུྃ་ཕཊི༔སྦྱར་བའི༔ བསྙེན་པ་མང་བཟླས་བསྒྲལ་ལས་དུས༔ གང་ཡིན་མིང་བརྗོད་བཀུག་གཞུག་དང་༔ བསྒྲལ་བསྟབ་དམིགས་པས་དྲག་ཏུ་གཟིར༔ ཉབ་ཉོབ་འདོན་པ་གཞན་སྐྱུར་ལ༔ གུ་དྲག་ལས་བྱང་བསྐང་བ་དང་༔ ཟློག་པ་ཚར་གྲངས་ཅི་མང་སོགས༔ ཐུན་མཚམས་མ་གཏོགས་ངག་བཅད་ལ༔ ཕྱི་ན་མི་ཡན་མཚམས་ལྟར་བྱ༔ དེ་ལྟར་བྱས་ན་རྨི་ལྟས་བྱུང་༔ དེ་བྱུང་གདོན་དེ་ངེས་པར་ཐུལ༔ ༈ ཧ་ཅང་གདོན་ནི་ཆེ་དྲག་གམ༔ རྐྱེན་ཆག་ཤིན་ཏུ་ཆེ་བ་ན༔ ཤི་རྒྱུ་ཡིན་ཡང་ན་བས་ཐུབ༔ ཐུ་མོ་ན་རྒྱུ་གོད་ཚག་གིས༔ ཐུབ་པར་འོང་བས་བསམ་མེད་འགས༔ གཏོར་སྒབ་མི་དྲོ་ཟེར་

[Full Size]

སྲིད་དོ༔ རྐྱེན་འགྱུར་ཐུབ་རྟགས་ལེགས་པ་དེ༔ འཕྲལ་དེར་རྩུབ་ཞད་བཟང་བ་ཡིན༔ སྨྱོན་པ་ལ་སོགས་གདོན་ཆེན་ལ༔ གཏོར་ཟློག་བརྒྱབ་ན་ཆོད་ཆེ་ཡང་༔ རང་ལ་རྩུབ་པས་མི་ལེགས་སོ༔ ལིངྒ་གཏོར་ཟློག་རྒྱབ་ལུགས་ཀྱང་༔ མཐོང་བ་བརྒྱུད་པ་མེད་པ་དག༔ ལག་ཏུ་ལོན་པ་དཀའ་བ་ཡིན༔ ཕྱི་རོལ་ཟོར་དུ་འཕེན་པ་ཡང་རྩིས་ལ་ཤིན་ཏུ་མཁས་དགོས་ཀྱིས༔ དེ་མིན་ཡག་ཉེས་ཤིན་ཏུ་ཆེ༔ དེ་ནས་གཏོར་སྐྱོང་ལུགས་ཞེས་པ༔ ཕྱོགས་ནི་གཙང་སར་འབུལ་བས་ལེགས༔ ཉེ་སར་ཕུལ་བས་འཁོར་ལ་གནོད༔ མདའ་རྒྱང་ཕན་ལ་བསྐྱལ་བར་བྱ༔ ཡུལ་དེའི་རི་གཉན་མཚོ་གཉན་དང་༔ སྲས་མཁར་སོགས་ལ་གཏད་མི་རུང་༔ རང་གི་མི་ནོར་རྟ་སོགས་ནི༔ ཡོད་པའི་ཕྱོགས་དེར་འཛེམ་པ་དང་༔ དེ་བཞིན་དྲག་རིམ་ལོ་ཐོག་འཛེམ༔ གཏོར་ཟློག་སྣོད་སྒྲུབ་རྟ་བྲོ་དང་༔ ཕུལ་ཚར་ཕྱི་བལྟས་མི་རུང་ཞིང་༔ ཁྱུང་གི་ཕྱིར་གཟིགས་སྲུང་བར་བསྒོམ༔ ཁྱིམ་དུ་ཕྱིན་ནས་ཚོགས་པ་ཡི༔ ཐུགས་སྒྲུབ་གཞུང་གི་ཚེ་འགུགས་དང་༔ བཀྲ་ཤིས་རྒྱས་པ་དབྱངས་བཅས་བྱ༔ བསྔོ་བ་སྨོན་ལམ་གང་ཤེས་དང་༔ ཉམས་ལེན་ཡོད་ན་སྟོང་ཉིད་བསྒོམ༔ ཟ་ཡོན་འབུལ་བ་བཟང་

[Full Size]

བ་ན༔ རྐྱེན་འགྱུར་ཡོན་བདག་ཉིད་ལ་བཟང་༔ རང་ལ་གྲིབ་དང་སྒྲིབ་པ་འབྱུང་༔ དེ་ཕྱིར་དཀོར་གྱི་ཕུད་དེ་ནས༔ བཞག་ལ་ཚེས་བཅུ་དགུ་གཏོར་གྱིས༔ ཚོགས་འཁོར་མཆོད་གཏོར་རྒྱ་ཆེར་འབུལ༔ དེ་ཡིས་རང་ལ་མི་གནོད་ཅིང་༔ སླར་ཡང་གདུལ་བྱ་ཇེ་ཆེར་འགྲོ༔ ཟ་ཡོན་འབུལ་གསུམ་ངན་པ་ནི༔ དཀོར་སྒྲིབ་ཆུང་བའི་དགའ་བ་བསྒོམ༔ ཅི་ཡང་སྦྱིན་པར་མ་བྱེད་ནའང་༔ ཁྲོ་དང་འཁང་སོགས་མི་བྱ་སྟེ༔ དེ་ཚེ་བྱམས་དང་སྙིང་རྗེ་བསྒོམ༔ དེ་ཚེ་ལས་བྱང་བསྐང་གསོ་རྣམས༔ བདག་གཞན་དགེ་བ་ཐུན་མོང་ཡིན༔ སྐུ་རིམ་ཟློག་པ་ཐུན་མོང་སྟེ༔ རང་གཞན་གཉིས་ཀའི་སྐུ་རིམ་ཡིན༔ སྙམ་དུ་དགའ་བ་བྷེ་པར་བྱ༔ བསྔོས་ཤ་སོགས་ནི་ཡེ་ཤེས་ཀྱི༔ ལྷ་རྣམས་མི་མཉེས་མཆོད་པ་ཡང་༔ བུ་ཤ་མ་ལ་བྱིན་པ་འདྲ༔ མི་བཞེས་ཕྱིར་ན་ལས་མི་འགྲུབ༔ ཕྱི་མ་ཡོན་མཆོད་དམྱལ་བར་ལྟུང་༔ དུད་འགྲོ་དེ་ཡི་ཚོགས་རྫོགས་སོ༔ དེ་སྐད་རཱ་ག་ཨ་སྱ་ཡི༔ སྤར་ངེ་སྔགས་འཆང་དོན་དུ་ནི༔ ཐུན་གཅིག་མར་མེའི་ངོགས་ལ་བྲིས༔ མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

རིག་འཛིན་རཏྣ་གླིང་པའི་གཏེར་བྱོན་བླ་མ་དྲག་པོ་དམར་ནག་མེ་ཕྲེང་གི་ཟློག་པའི་ལག་ལེན་ཟིན་བྲིས་གསལ་བ།

[Full Size]

རིག་འཛིན་རཏྣ་གླིང་པའི་གཏེར་བྱོན་བླ་མ་དྲག་པོ་དམར་ནག་མེ་ཕྲེང་གི་ཟློག་པའི་ལག་ལེན་ཟིན་བྲིས་གསལ་བ་བཞུགས།

[Full Size]

ན་མོ་གུ་རུ་པདྨ་ཀྲོ་དྷ་ཡེ༔ འདིར་གཏེར་སྟོན་ཆོས་ཀྱི་རྒྱལ་པོ་རཏྣ་གླིང་པས་མཁར་ཆུ་ནས་གདན་དྲངས་པའི་བླ་མ་དྲག་པོ་དམར་ནག་མེ་ཕྲེང་གི་གཏོར་ཟློག་ལག་ལེན་ཟིན་བྲིས་ཅུང་ཟད་བཀོད་ན། ཐོག་མར་འདི་ཡི་དབང་བཞི་རྣམ་པར་དག་པ་ཐོབ་ཅིང་དམ་ཚིག་ལ་གནས་པའི་སྔགས་པས་བསྙེན་སྒྲུབ་སྔོན་དུ་འགྲོ་དགོས་པ་ནི་ལམ་གྱི་སྲོག་དང་། དེ་ལྟ་བུའི་སྔགས་པ་རང་གཞན་དོན་དུ་རྦོད་གཏོང་སོགས་མི་མཐུན་པའི་ཕྱོགས་རྣམས་ཟློག་པར་འདོད་པས། ལས་དཀྱིལ་ཞལ་འབྱེད་པ་ལ། ས་རྒོད་ཡིན་ན་ལྟོ་འཕྱེ་བརྟག །ས་ལ་སོགས་ཚད་ལྡན་དགོས་ཤིང་། དེ་མིན་ཡང་བསླང་བ་

[Full Size]

དང་སྦྱངས་བ་བཙལ་བ་སྔོན་དུ་འགྲོ་བས། རཏྣ་རང་གིས་ལས་ཁྲིག་ལྟར་ཕུར་པའི་སྟེགས་བུ་བྲུབ་ཁུང་སོགས་སྒྲུབ་པའམ། ལས་སྨིན་སྒྲུབ་མིན་པའི་རིམ་གྲོ་དཀྱུས་མར་ཇི་ལྟར་རིགས་པའི་རྡུལ་ཚོན་གྱིས་མ་ཏྲཾ་རུ་ཊ་སྔོན་པོ་མགོ་བོ་མདུན་བསྟན་གྱི་ལྟོ་བར། ཕྱི་ནས་རིམ་པ་ལྟར་མེ་རི་རྡོ་ར་འཁོར་ལོ་རྩིབས་དགུ་སྔོན་པོ་གང་རུང་ལྟེ་བར་ཆོས་འབྱུང་ལོགས་མདུན་བསྟན། ཕྱི་ཐོད་ཕྲེང་ཟླ་གམ་གསུམ་ཁྲག་མཚོ་ཅན་བྲི་བའམ། རས་བྲིས་ཀྱང་རུང་། ལྷ་གཏོར་འཕྲོད་ན་རྩིབས་ལྟོར་སོ་སོའི་ས་བོན་ཚོན་སྤྱང་། མ་འབྱོར་ཚེ་ཞིང་ལྤགས་ཀྱི་སྟེང་དུ་ཁྲག་གིས་བྱུག་པའི་འབྲུ་ཚོམ་ལྷ་གྲངས་བཀོད་

[Full Size]

པས་ཀྱང་རུང་། དེ་སྟེང་ཁྲིའུའམ་མཉྫིའི་ཁར་ལྕགས་སྣོད་དུ་འབྲུ་ནག་གི་ངར་ཕྱེ་དུག་ཁྲག་གིས་སྦྲུས་པའི་དཔལ་གཏོར་གྲུ་གསུམ་པ་འཁོར་དགུ་ཡིས་བསྐོར་བ། མཚེ་ཉུངས་ཁྲམ་བྱང་རྩང་དམར་ཀྱུ་གུ་ཁྲག་ཀོང་སོགས་དྲག་རྒྱུན་རྔམ་བརྗིད་ཅན། རྩེར་གཙོ་འཁོར་སོ་སོའི་ཙཀྐི་སྐུ་མདོག་དང་མཐུན་པའི་གཏོར་གདུགས་སམ། གཙོ་བོའི་ལྷ་ཙཀ་བྱ་ཁྱུང་ཅན་དར་དམར་གྱི་ལྡིང་གུར་ཕུབ་པ། དེ་འོག་ཏུ་སྲུང་བ་དང་། ཟློག་པ་རྒྱབ་རྟེན་གྱི་འཁོར་ལོ་གཉིས་རྒྱབ་སྤྱོད་ལ་བཙུགས། ཡང་ན་སྲུང་འཁོར་གདུགས་ལྟར་སྟེང་ནས་ཕུབ། བསད་འཁོར་རྒྱབ་སྨད་གྲུ་གསུམ་བྲུས་པར་བཅུག་པའམ། གདན་དུ་བཏིང་རྩང་རྣམས་ཕྱི་ནས་བསྐོར་ཞིང་དེ་ལ་རྒྱུ་མའི་དྲ་ཕྱེད་ཀྱིས་བསྐོར་བ་ལས་ནང་རྩང་དབུ་ཕྱག་གི་གྲངས་ངེས་མཛད། རྡོ་རྭ་ཁར་ས་ཀོང་གྲུ་གསུམ་སྟེང་། མཚེ། གཏོར་མ། ཁྲག །ཉུངས་དཀར། ཟོར་རྣམས་ཕྱོགས་བཞིར་བཤམས། ཁྲག་ཀོང་ཁ་དམར་གཏོར་གྱིས་བཅད། དེ་ཡི་མདུན་ནས་བརྩམ་དྲག་པོའི་ཆུ་གཉིས་ཉེར་སྤྱོད་དང་བྱང་ཤར་དུ་མཚམས་འཛིན་མེ་ཏོག་བཀོད། ཟློག་དཀྱིལ་རྒྱབ་ཏུ་རྩ་གསུམ་གྱི་སྐུ་དང་། གང་འོས་སུ་བསྐང་རྫས་གང་ཡོད་བཀྲམ། ཟློག་དཀྱིལ་མདུན་རྒྱབ་གང་

[Full Size]

འོས་སུ་རྩ་གསུམ་གཏོར་མ། བསྐང་གཏོར་ཚོགས་ཆད་ཐོ་བརྟན་སྐྱོང་མཆོད་པ་བཅས། མདུན་ངོས་བྲུབ་ཁུང་ལིངྒ་ཁེབས་ལྡན། བསྒྲལ་ཆས་གང་འོས་སོགས་ཞིབ་པར་མཐོང་བརྒྱུད་ལྟར་འདུ་བྱ། བསྒྲལ་ཆས། ཕུར་པ། རལ་གྲི། ཐོད་དབྱུག །རྡོ་རྗེ། རལ་གྲི། གྲི་གུག །ཐོ་བ་རྣམས་སོ། །ཐུན་རྫས་ནི། རྡོ་རྗེ་ཕུར་པ། ཡུངས་དཀར། ཁྲག །མཚེ། དུག །གྲི། མདའ། རྡོ་ཐུན། རྡོ་རྗེ་ཐོ་བ་རྣམས་སོ། །ཞི་བ་འདོན་མོས་ན་བཀྲ་ཤིས་ཚང་བར་བྱེད། ༈་དངོས་གཞི་དྲག་པོའི་སྐྱབས་སེམས་མེད་པས་ཆོ་ག་རིགས་མཐུན་འདོན། བགེགས་གཏོར་བཏང་། དེ་ནས་ལས་བྱང་བསྟོད་པའི་བར་གཏོང་། དེ་ཡི་དམིགས་གཏད་ལ། བདག་མདུན་གཉིས་གྱེར་གཅིག་གིས་གསལ་འདེབས་པ་ཡིན་པས། བདག་བསྐྱེད་མདུན་བསྐྱེད་གཉིས་མེ་ལོང་གཟུགས་བརྙན་བཞིན་དུ་ཅིག་ཆར་དུ་གསལ་འདེབས་པ་ཡིན་པས། སྤྱན་འདྲེན་ནས་ཡེ་ཤེས་སེམས་དཔའང་སོ་སོར་ཆ་རེ་བསྟིམ། ཡང་ན་བདག་མདུན་གཉིས་སོ་སོར་རིམ་པ་ལྟར་ལས་བྱང་གི་ཏིང་འཛིན་རྣམ་གསུམ་ནས་ཁྲོ་རྒྱལ་སྟོབས་འདུས་དང་ཕྱི་ནང་གི་སྒྲུབ་ཐབས་རྣམས་ལ་ཚིག་ཕྲད་བསྒྱུར་ཤེས་པར་བྱས་ནས་བཏང་བས་ཆོག་ལ་དེ་ལྟ་བུ་བྱེད་དར།

[Full Size]

བསྙེན་པར་བདག་མདུན་གཉིས་ཀའི་འོད་ཟེར་འཕྲོ་འདུ་ཕྲུག་ཅི་ལྕོགས་ན་དེ་ལྟར་དམིགས་ནས་བཟླ། མི་ནུས་ན་དང་པོ་བདག་བསྐྱེད་རང་གི་གཙོ་འཁོར་གྱི་འོད་ཟེར་འཕྲོ་འདུ་བཅས་སུམ་བརྒྱ་ཙམ་བཟླ། དེ་བཞིན་མདུན་བསྐྱེད་ལ་དམིགས་ནས་སུམ་བརྒྱ་ལྷག་ཙམ་འདོན། འཁོར་རྣམས་གཙོ་སྔགས་ཇི་ཙམ་འདོན་པའི་བཅུ་ཆ་འདོན། ༈ སྲུང་ཟློག་གི་ཤམ་བུ་འདོན་ལུགས་ནི། རེ་རེ་ལ་ཁག་བཅད་བྱེད་དམ། ཐུན་བཞི་ལྟ་བུའི་ཐོར་ཐུན་ལ་ལས་བྱང་བསྙེན་པའི་བར། སྔ་ཐུན་བསྲུང་བ། དགོང་མོ་ཟློག་པ། སྲོད་ལ་བསད་པའི་དམིགས་རིམ་གཙོ་བོར་སྦྱར་བའམ། ཐུན་རེ་ལ་དེ་ཐམས་ཅད་ཚང་བར་བྱེད་ཀྱང་འདྲ་སྟེ། བསྲུང་བ་ནི་ཐུན་མོང་མཚམས་གཅོད་སྐབས་ཀྱི་སྲུང་འཁོར་དང་ཐུན་མོང་དུ་དམིགས་ཤིང་། བསྲུང་བྱ་རྣམས་ཏིང་ངེ་འཛིན་སེམས་དཔའ་ནང་དང་མཐའ་སྐོར་དུ་དམིགས་ནས། རྩ་སྔགས་ཤམ་དུ་མ་མ་ཀཱ་ཝཱ་ཙི་རཀྵ་ཀུ་རུ་བྷྱོ༔ བཏགས་ལ་བཟླ། །བཟློག་པར་རང་དང་སྲུང་འཁོར་ལས་ཁྲོ་ཚོགས་མེ་སྡིག་ལྟུང་སོགས་སྤྲོས་ནས་བྱད་མ་ལྷ་སྲུང་རྣམས་ཟློག་བསད་དམིགས་ནས་གཞུང་གི་ཟློག་སྔགས་སྦྱར་བའི་ཏྲིག་ཁྲོ་ལ་སྦྱར་ལ་བཟླ། བསད་པ་གང་གནོད་བཀུག་གཞུག་བྱས་ནས་

[Full Size]

བྲུབ་ཁུང་གི་ལིངྒ་འམ། གཏོར་མའི་སྨད་ཆའི་ལིངྒ་ལ་བསྟིམ། ཕྱག་མཚན་མཚོན་ཆའི་ཆར་གྱིས་བརླགས་པར་བསམ་པའམ། འཁོར་ལོ་ཁ་འཐབ་ཀྱི་དམིགས་གནད་སྦྱར་ལ་ཨེ་ཧུར་ཐུམ་བར་བསད་སྔགས་བཏགས་པ་བཟླ། ཡང་ན་སྲུང་ཟློག་གཉིས་བྱ་ཞིང་། བསད་པ་གདབ་ལས་ཀྱི་གོ་གཅོད་མཛད་ལ་སྔགས་བརྒྱ་རེ་ཙམ་བཏགས། ཁྱོན་འདུས་སྟོང་ཕྲག་རེ་མ་སོང་ཡང་ལྔ་བརྒྱ་ལས་ཉུང་ཐབས་མེད། མཐར་སྟོང་ཚིག་གི་མཆོད་བསྟོད་ཆ་རེ་བྱ། དེ་ནས་རང་གི་ཆོས་སྐྱོང་གང་ཡོད་ཀྱི་མཆོད་གཏོར་བྱིན་བརླབས་ནས་བསྐྱེད་རིམ་མཆོད་བསྟོད་བཟླས་པའི་བར་བྱ། དེ་མེད་ཀྱང་ཞིང་སྐྱོང་སྤུ་གྲི་བསྣོ་ཁ་རྣམས་བཏང་། དེ་ནས་ཚོགས་བྱིན་བརླབས་ནས་བསྟབ་པ་ཡན་བྱ། བསྐང་རྫས་བྱིན་བརླབས་ནས་བཟུང་དྲག་པོའི་བསྐང་བ་ཡོད་ན་འདིར་སྦྲེལ། བསྐང་བ་ཚོགས་བར་པ་དང་སྦྲེལ་ཡང་ཆོག །ཡང་ན་བསྒྲལ་བའམ་བསྐངས་རྟེན་བྱས་ཀྱང་ཆོག །དེ་ནས་བསྒྲལ་ཆས་རྣམས་མདུན་དུ་བསགས།། རྣམ་རྒྱལ་འབར་མས་བསྐུལ་གསེར་སྐྱེམས་བཏང་། དེ་ནས་གཟུ་དཔང་ནས་བཟུང་བསྒྲལ་ལས་བསྟབ་པའི་བར་ལས་ཁྲིག་ལྟར་རོ། །བསྡུ་ན་དམར་གཏོར་རྣམས་བཞག་གསུངས་པས་

[Full Size]

གབ་སྤྱད་མི་མཛད། དེ་ནས་ཚོགས་ལ་རོལ་ལྷག་མ་བཏང་། དེ་ནས་ལིང་རོ་ཁྲག་སྐྱེམས་སྦྱར་བ་རིམ་པ་ལྟར་གཏོར་ཆེན་ལ་བསྒྲོན་ཞིང་། དུར་ཁྲོད་འཇིགས་རུང་མའི་ཕྲིན་ལས་བསྐུལ་ཏེ་ཟློག་གཞུང་མཚོན་ཆ་འཁོར་ལོའི་སྒོ་དབྱེ་བར་བཏང་ཞིང་ཟློག་སྔགས་ལ་ནན་ཏན་བྱེད། དེ་ནས་དམར་གཏོར་གཅིག་ལ་དམིགས་བྱ་བཀུག་བསྟིམ་བྱིན་བརླབས་བྱས་ལ་རྩྭ་སྔགས་བཏགས་པས་འབུལ། དེ་ཉིད་ཟོར་དུ་ཤེས་པས་ཟློག་སྔགས་བཅས་ཕྱིར་འཕང་། དེ་ཡན་དངོས་གཞི་སྒྲུབ་ཞག་གི་རིམ་པ་དང་། དེ་ནས་ཆོས་སྐྱོང་རྣམས་ཀྱི་ཐུན་གཏོར་དང་གཞུང་གི་ཆད་ཐོ་ཕུལ། བཤལ་ཆུས་བརྟན་མའི་གཏོར་མ་བྲན་ལ་བརྟན་མ་བསྐྱང་། ཆོས་སྐྱོང་རྣམས་ཀྱི་གཏང་རག །མཆོད་བསྟོད། ནོངས་བཤགས། གཤེགས་གསོལ། བཀྲ་ཤིས་བར་བྱའོ། །དེ་ནས་གཞུང་གི་གཏང་རག །མཆོད་བསྟོད་བཟོད་གསོལ་བྱ། བདག་མདུན་ཉེར་བསྡུ་བསྔོ་སྨོན་ཤིས་བརྗོད་བྱ། དེ་ནས་སྒྲུབ་ཞག་རྫོ་གས་ནས། འབུལ་ཉིན་ཟློག་གཞུང་རྫོགས་པ་ཡན་འདྲ་ལ། དེ་ནས་གཏོར་མའི་ལྷ་ཚོགས་ལ་ཕྱི་ནང་གི་མཆོད་བསྟོད་བཟོད་གསོལ་བྱ། ཡེ་ཤེས་པ་ནམ་མཁར་བཏེག །དམ་ཚིག་པ་བདག་ལ་བསྡུ། གཏོར་

[Full Size]

ཆེན་ཟོར་དང་བཅས་པ་སླར་ཡང་པདྨ་དྲག་པོ་རྩལ་སྡེ་བརྒྱད་དྲེགས་པས་བསྐོར་བ་གསལ་བཏབ་ནས་རྩྭ་སྔགས་ལ་ཟོར་སྔགས་བཏགས་པ་མང་དུ་བཟླ། དམག་ལྟོའི་ཐུན་གཏོར་གོང་ལྟར་འགུགས་བསྟིམ་བསྔོས་པས་གཏོར་ཆེན་དུ་ཕུལ་ལ་ཟློག་པའི་ཕྲིན་ལས་བཅོལ། ཟོར་ལམ་གྱི་ལྷ་འདྲེ་ལ་གསེར་སྐྱེམས་འབུལ། ཕྱི་སྒོ་དབྱེ། སླར་ནང་སྒོ་དབྱེ། དེ་ནས་གཏོར་ཆེན་ཟོར་བཅས་ཕྱིར་དཔག་ལ། ཆོས་སྐྱོང་གི་བསྐུལ་དང་ལས་བྱང་ཆད་ཐོ་བསྒྲགས། དེ་ནས་སྤོས་རོལ་དར་བཅས་གཟའི་རྒྱུ་ལྡོག་དང་བསྟུན་ནས་གང་དུ་འཕང་བའི་སར་སྟེགས་ལ་བཀོད། གསེར་སྐྱེམས་ཕུལ། དཀར་གཏོར་དང་སྲིད་པ་ཧུ་ཡི་རྒྱབ་ཡིག་བསྒྲག །བསད་ལིང་རྣམས་དཀྲི་ན་འགུགས་གཞུག་བྱས་ལ། གཏོར་ཟོར། ཁྲག་ཟོར། ཡུངས་ཟོར། མཚེ་ཟོར་རྣམས་བརྡེག་སྲིན་མོ་ཟ་ལམ་གཏོང་ལ་གཏོར་ཆེན་མེ་ཧོ་དུ་འབུལ། ཟློག་བསད་ཀྱི་འཁོར་ལོ་མེ་ཧོ་དྲག་པོའི་ཞལ་དུ་ཕུལ་བར་བསམས་ལ་བཟློག་སྔགས་བཟླ། ཐལ་རྡེབ་དང་དམོད་བཅོལ་བྱ། ཧཱུཾ། བདག་ནི་འབར་བ་དབང་གི་སོགས་ཀྱི་སྲུང་འཁོར་ར་བས་མཚམས་བཅད། ཕྱི་མིག་མི་ལྟ་བར་སློབ་དཔོན་གཏིང་མནན་ཏེ་ཡོང་ཞིང་

[Full Size]

བསྲུང་སྔགས་བཟླ། སྒོ་དྲུང་དུ་གཏོར་ཆེན་བཤལ་ཆུས་བརྟན་མ་སྐྱོང་། གཏོར་བྲོ་བརྡུང་། བཀྲ་ཤིས་བརྗོད། སྲུང་འཁོར་སྒོ་ལ་སྦྱར་བའམ་མགུལ་དུ་བཏགས། ནང་དུ་ལོག་ལ་མཆོད་གཏོར་གསར་པས་ཁ་གསོ། དངོས་གྲུབ་ལེན། ཚེ་འགུགས། གཏང་རག་སོགས་སྒྲུབ་ཞག་ལྟར་ལ་མི་འདྲ་བའི་ཁྱད་ནི་ཆོས་སྐྱོང་གཏོར་སྐྱོང་ལོང་ཡོད་ན་ཕྱིར་ནངས་བདག་བསྐྱེད་ཆོ་ག་བསྐང་གསོ་བཅས་བཏང་། མེད་ན་གཏང་རག་མཆོད་ལ། གཏོར་མ་སྟོབ། མདུན་བསྐྱེད་ཡེ་ཤེས་པ་རྟེན་ཡོད་ན་བརྟེན་བཞུགས་དང་མེད་ན་གཤེགས་གསོལ་བྱ། དམ་ཚིག་པ་བདག་ལ་བསྡུ། བདག་ཉིད་ས་བོན་ལ་བསྡུ། རྒྱུན་གྱི་རྣལ་འབྱོར་ལ་སོགས་པ་བྱའོ། །འདི་དག་ལ་གོ་རིམ་དང་མི་འདྲ་བ་ཅུང་འདུག་ཀྱང་།་རང་གི་བླ་མའི་ཕྱག་ལེན་གཙོ་བོར་བྱས་པའོ། །མདུན་བསྐྱེད་མངོན་རྟོགས་དང་སྲུང་ཟློག་གི་འཁོར་ལོ་སྔགས་བཅས་ད་ལམ་མ་རྙེད་པས་གསལ་ཀ་རང་མ་བྱུང་ལགས། འདི་ལ་གོལ་ས་མཆིས་ན་བཤགས་ཤིང་དགེ་བས་བདུད་བཞིའི་དགྲ་ལས་རྣམ་པར་རྒྱལ་ནས་རིག་འཛིན་བླ་མའི་གོ་འཕང་བརྙེས་པར་གྱུར་ཅིག༔ ༈ འདི་ཉིད་ཀྱི་ཟུར་གསལ་ལ། མདུན་བསྐྱེད་ནི། གཏེར་ཆེན་པདྨ་དྲག་པོ་རྩལ་

[Full Size]

གོ་ཆའི་ལུས་ལྷ་བཅས་ཕྱོགས་བཞིའི་གཏོར་མ་དྲག་པོ་ལྷ་བཞི། མཚམས་བཞིའི་གཏོར་མ་ཕྲིན་ལས་ལྷ་བཞི། རྒྱབ་ཀྱི་གཏོར་མ་ཁྱུང་། གཏོར་ཆེན་གྱི་མདུན་དུ་དམར་གཏོར་ཕྲའུ་སྦྱར་བ་ཡུམ་གཏོར། ཁྲམ་བྱང་གི་ངོས་གཅིག་ཏུ་ཁྲམ་རིས་དང་གཅིག་ཏུ་ཟློག་སྔགས་བྲིའོ། ༈ །འཁོར་ལོ་ནི་བསྲུང་བ་ཀུན་ཐུབ་ཆེན་མོ་དང་། ཟློག་པ་གནད་ཀྱི་ཙཀྲ་ཐུབ་ཆོད་ཆེན་མོ། བསད་པ་ལས་ཀྱི་སྤུ་གྲི་དང་གསུམ་ཡིན་ལ། སྲུང་ཟློག་གི་འཁོར་ལོ་གཉིས་རྒྱབ་སྤྲོད་དུ་བཙུགས་ལ། བསད་འཁོར་ཕུང་སའི་བྲུབ་ཁུང་དུ་གཞུག་ལ། ལས་དཀྱིལ་དབུས་སུ་བཞག །དགོས་གལ་ཆེ་ན། ལིངྒའི་མིང་ཡིག་དང་སྐྱེ་མཆེད་ལ་ཟག་རྫས་བྱུག །བསད་སྔགས་ལ་དུག་ཁྲག་དང་སྦྱར་བའི་ཐུན་རྫས་བྱུག །སྲོག་ཡིག་ལ་ཐུན་བཏགས་པ་ཐུན་ལམ་ནས་དྲངས་ཏེ་གཙོ་བོའི་གཏོར་ཆེན་གྱི་ཁྲི་བྱང་ལ་བཏགས། ཐུན་ལམ་ཕུར་པས་བཅད། ཕྱི་ཆུང་གྲུ་ཚད་སྒོ་ཆུང་ལས་བཞིའི་དབྱིབས་ཅན་ནི་ལས་དཀྱིལ་གྱི་མཐར་བཙུགས། ནང་རྩང་མཛུབ་གང་ལས་མི་རིང་བར་གཏོར་ཆེན་གྱི་མཐར་བཙུགས། ར་ལུག་གི་རྒྱུ་མ་བཤང་ལ་ཟློག་སྔགས་བཟླས་པས་སྤུར་ལ་ཕྱི་ནས་དཀྲི་བ་དང་དྲ་ཕྱེད་ཀྱི་རྣམ་པར་བྲི། ལས་

[Full Size]

གཞུང་གི་སྒྲུབ་བསྙེན་ནི། རང་ཉིད་དྲག་པོའི་ཐུགས་ཀར་ཧཱུྃ་ཡིག་དམར་པོ་ལ་རྩ་སྔགས་ཀྱིས་བསྐོར་བ་ལས་འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས་པས་ཕྱོགས་བཅུའི་རྒྱལ་བ་སྲས་བཅས་ཐམས་ཅད་མཆོད། དེ་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་དྲག་པོའི་སྐུ་དང་སྔགས་ཕྲེང་ཕྱག་མཚན་རྣམ་པར་སྤྱན་དྲངས། བདག་ལ་ཐིམ་པས་མཆོག་ཐུན་མོང་གི་དངོས་གྲུབ་ཐོབ་པར་བསམས་ལ་རྩ་སྔགས་བཟླ་བ་བདག་བསྙེན་དང་། བདག་ཐུགས་ཀའི་སྔགས་ཕྲེང་ཞལ་ནས་ཐོན། མདུན་བསྐྱེད་ཀྱི་ཞལ་དུ་ཞུགས་པས་དགྱེས་པའི་མཆོད་པར་གྱུར། མདུན་བསྐྱེད་ཀྱི་ཐུགས་ཀ་ནས་སྔགས་ཕྲེང་འཕྲོས་རང་གི་སྙིང་གའི་སྔགས་ཕྲེང་ལ་ཐིམ་པས་དངོས་གྲུབ་རྣམ་གཉིས་ཐོབ་པར་བསམས་ལ་བཟླ་བ་མདུན་བསྙེན་ནོ། །དེ་ལྟར་གཙོ་བོའི་བསྙེན་པ་སྟོང་ཕྲག་གྲུབ་ནས་འཁོར་རྣམས་ཀྱི་བསྙེན་པ་བརྒྱ་རེ་བཟླ། དེ་ནས་སྟོང་ཚིག་གི་མཆོད་པ་ནི། ཧཱུྃ། གུ་རུ་དྲག་པོའི་ལྷ་ཚོགས་གནས་འདིར་གཤེགས། །ཕྱི་ནང་གསང་མཆོད་སྨན་རཀ་གཏོར་མ་འབུལ། །སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད། །རྩ་བ་ཡན་ལག་དམ་ཚིག་ཉམས་ཆག་བཤགས། །འཛབ་དགོངས་གྲངས་ཐེམ་བཀའ་བཞིན་སྒྲུབ་ལགས་

[Full Size]

ན། །སྐུ་གསུང་ཐུགས་ཡོན་དངོས་གྲུབ་མ་ལུས་སྩོལ། །ཨོཾ་ཨཱཿཧཱུྃ་མ་ཧཱ་པཉྩ་ཨ་མྲྀ་ཏ་བྷ་ལིངྐཱ་རཀྟ་ཁཱ་ཧི༔ འབྱོར་ན་འདི་ན་གཏོར་ཆུང་འབུལ། དེ་ནས་ཨཱ་ལི་ཀཱ་ལི་རྟེན་སྙིང་བཟླ། དེས་བསྙེན་སྒྲུབ་གཞུང་བཞིན་ཚང་། ༈ སྔ་དྲོ་བསྲུང་བའི་སྔགས་དམིགས་ནི། རང་ཉིད་ཆེ་བཙན་པདྨ་དྲག་པོ་རྩལ། །ཁྲོ་ཆས་ཡོངས་རྫོགས་བསྐལ་མེ་འབར་ཀློང་གསལ། །ཐུགས་ཀར་གསེར་གྱི་མཆོད་རྟེན་བུམ་པ་རུ། །ཕྱག་རྡོར་ཐུགས་ཀར་ཡེ་ཤེས་སེམས་དཔའ་ནི། །མཐིང་ནག་རྡོར་དྲིལ་འཛིན་ཅིང་ཁྲོ་ཆས་རྫོགས། །དེ་ཡི་ཐུགས་ཀར་རྡོ་རྗེ་རྩེ་ལྔའི་ལྟེར། །ཉི་མ་ཟླ་བའི་གའུ་ཁ་སྦྱོར་དབུས། །།ཏིང་འཛིན་སེམས་དཔའ་ཧཱུྃ་ཡིག་དམར་པོ་ཡི། །ཐིག་ལེའི་ནང་དུ་རྩ་བརྒྱུད་བླ་མ་བཞུགས། །ཟླ་ཚེས་ནང་དུ་ཡི་དམ་ལྷ་ཚོགས་གསལ། །མགོ་རྐེད་ནང་དུ་མཁའ་འགྲོ་རྒྱ་མཚོ་སྟེ། །ཧ་ཁོག་ནང་དུ་བསྲུང་བྱ་ཐམས་ཅད་གནས། །འ་ཆུང་ནང་དུ་ཆོས་སྐྱོང་སྲུང་མ་རྦད། །ཞབས་ཀྱུ་ནང་དུ་སྡེ་བརྒྱད་སྲོག་ཡིག་འཚེར། །ཕྱི་རོལ་རྡོ་རྗེ་འཁོར་ལོ་རལ་གྲི་དང་། །རྒྱ་གྲམ་ཕུར་པ་མེ་དཔུང་གཡས་སུ་འཁོར། །ཁྲོ་ཆུང་ཚོགས་རྣམས་ནང་དུ་ཞལ་གཟིགས་ནས། །སྐྱབས་སྦྱིན་ཕྱག་རྒྱས་བསྲུང་བྱ་སྐྱབས་མཛད་ཅིང་། །ལྷ་ཚོགས་

[Full Size]

སྐུ་ལས་འོད་ཟེར་དཀར་པོ་འཕྲོས། །བདག་དང་བསྲུང་བྱ་ལ་ཕོག་ནད་གདོན་བགེགས། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །བ་མོར་ཉི་ཟེར་ཕོག་ལྟར་ཞི་བར་གྱུར་། །ཨོཾ་ཨཱཿཧཱུྃ་ཨ་ཙིག་ནིརྩིག་ན་མོ་བྷ་ག་ཝ་ཏེ་ཧཱུཾ་ཧཱུཾ་ཕཊ་ཨཱ་ཧཱུྃ་ཧཱུྃ་ཕཊ༔ མ་མ་ཀཱ་ཡ་ཝཱཀ་ཙིཏྟ་རཀྵ་རཀྟ་ཧཱུྃ༔ ཅེས་སུམ་བརྒྱ་ཙམ་བཟླ་བ་བསྲུང་བའོ། །༈ །ཕྱི་ཐུན་མོང་ཟློག་པའི་སྔགས་དམིགས་ནི། ཕྱི་རོལ་བསྲུང་བའི་འཁོརལོ་གཡོན་དུ་འཁོར། །འཁོར་ལོའི་རྩིབས་ཀྱིས་དགྲ་བགེགས་བྱད་མ་གཏུབས། །རང་གི་སྐུ་ལས་མེ་དཔུང་ཁྲོ་ཆུང་དང་། །གནམ་ལྕགས་སྡིག་པ་མེ་ཡི་བྱ་ཁྱུང་སོགས། །སེར་རྒོད་ལྟར་འཕྲོས་གནོད་བྱེད་དགྲ་བགེགས་རྣམས། །བྱ་སྤུ་རླུང་གིས་གཏོར་བ་ཇི་བཞིན་དུ། །སྲུང་འཁོར་ཕྱི་རོལ་ནམ་མཁའི་ཕ་མཐར་བསྐྱེད། །གང་དག་འགྲོ་བར་མི་བྱེད་འབྱུང་པོ་ཀུན། །རྣམ་ཤེས་སྤར་ནས་ཤ་ཁྲག་དོན་སྙིང་རྣམས། །ལྷ་ཚོགས་རྣམས་ཀྱི་ཞལ་དུ་ཆེམས་ཆེམས་རོལ། །ཧཱུྃ་ཧཱུྃ་སྒྲ་སྒྲོག་མཚོན་ཆ་སྣ་ཚོགས་གདེངས། །དགྲ་བགེགས་བྱད་མའི་གཡུལ་ངོ་བཟློག་པར་བསམ། །རྩ་སྔགས་ཤམ་བུ་རྡོ་ཟློག་སྔགས། བདུད་པྲ་མཱ་ར་ཡ་ཆད་ནན༔ ཁ་ལ་ཛ་མ་ལི་རྦད་ནན༔ སོགས་ཉིས་བརྒྱ་ཙམ་དང་། རྩ་སྔགས། ཨོཾ་ཧཱུྃ་ཏྲིག་

[Full Size]

ཁྲོ་བྷྱོ། མ་ནི་མ་ར་ནི་བྷྱོ༔ སོགས་བརྒྱ་ཙམ་བཟླ་བ་ནི་ཟློག་པའོ། ༈ །བསད་པ་ནི་བཅའ་གཞི་སྔར་བཤད་པ་བཞིན་ལས། བདེན་སྟོབས་འགུགས་གཞུག་སྔགས་བཅས་ནན་ཏན་དུ་བྱས་མཐར། རང་གི་ཐུགས་ཀ་ནས་ཛཡིག་དམར་ནག་འཕྲོས། བསྒྲུབ་བྱའི་སྣ་བུག་བཤང་ལམ་གཉིས་ནས་ཞུགས། །སྙིང་གར་ཕྱིན་པས་ཟངས་ལྕགས་འཁོརལོ་གཉིས། །གཡས་གཡོན་འཁོར་བས་ཤ་ཁྲག་དོན་སྙིང་གཏུབས། །རྣམ་ཤེས་ཡི་དམ་ལྷ་ཡི་ཐུགས་ཀར་འཕོས། །དེ་ལྟའི་ཏིང་ངེ་འཛིན་གསལ་བའི་ངང་ནས། རྩ་སྔགས་ཤམ་བུ། གནོད་བྱེད་དགྲ་བགེགས་ཀྱི་སྲོག་ལ་ནི་ཏྲི་ཀྲིག་ནན་ཨེ་ཧུར་ཐུ་ཛ་མཱ་ར་ཡ་རྦད་ཕཊ། ཅེས་པ་བརྒྱ་ཙམ་དང་ཐུན་རྫས་ཐོགས་ལ། བདག་བསྐྱེད་སྐུ་ལས་འཕྲོས་པའི་ཐུན་གྱི་རྫས། །དུག་ཁྲག་ནད་རླངས་སྣ་ཚོགས་མཚོན་ཆར་འཕྲོས། །དགྲ་བགེགས་བྱད་མའི་གཟུགས་ཕུང་ནང་གྲོལ་བཅས། །དུམ་བུ་ཚལ་པར་བཏང་བས་མྱོས་ཤིང་བརྒྱལ། །འདི་ལ་རྩ་སྔགས་བཏགས་མི་དགོས། ཨོཾ་ཨཱཿཧཱུྃ་བཛྲ་གུ་རུ་པདྨ་ཀྲོ་ཏ་ཡ་མ་ཐ་རུ་ཡཀཱ་རཀཱ་ཏྲི་ཕུ༔ ཎི་ཏྲི་ཨ་བྷྱོ་ཛ་ཛ༔ གནོད་བྱེད་དགྲ་བགེགས་ཀྱི་སྲོག་རྩ་དམར་པོ་མཱ་ར་ཡ་རྦད༔ ཅེས་བདུན་གསུམ་ཙམ་བརྗོད་ལ་ཐུན་གདབ། དེ་ནས་ལིངྒར་ཟོར་བརྡེག་ཅིང་སྦྱིན་སྲེག་བྱས་ལ་ཐལ་བ་མནན་པ་སོགས་

[Full Size]

ལས་མཇུག་བསྡུས་གང་འོས་བྱ་བས་བསད་པའོ། །གཏོར་ཟློག་འབུལ་དུས། གཏོར་སྣོད་གཞལ་ཡས་ཁང་དང་བཅས་པ་འོད་དུ་ཞུ་ནས་ལྷ་ཚོགས་ལ་ཐིམ། དཀྱིལ་འཁོར་ལྷ་ཡི་ཚོགས་རྣམས་བྱ་ཁྱུ་འགྲོགས་པ་ལྟར་ནམ་མཁར་གཤེགས་ལ་ཕུལ་བའི་ཕྱོགས་སུ་ཞལ་གྲུ་ནས་བཞུགས་པའི་སྐུ་ལས་ཁྲོ་ཆུང་མེ་དཔུང་མཚོན་ཆར་དུག་རླངས་འཕྲོ་བས་སྲིད་པ་གསུམ་ཡམ་ཡམ་ཤིག་ཤིག་བྱེད་པར་གྱུར། གཏོར་མ་ཟོར་རྫས་དང་བཅས་པ་སླར་ཡང་པདྨ་དྲག་པོ་རྩལ་སྡེ་བརྒྱད་དྲེགས་པའི་དམག་ཚོགས་ཀྱིས་བསྐོར་བའི་ཕྱག་ན་ཟོར་རྫས་སྣ་ཚོགས་ཐོགས་པས་སྐུ་ལ་བསྐལ་པའི་མེ་དཔུང་འབར་བའི་སྐུར་གྱུར་པར་བསམས་ལ། ཨོཾ་བཛྲ་ཙཎྜ་སརྦ་དུཎྞཾ་ཨེ་ཛ་བྷྱོ་ཧཱུྃ་ཕཊ༔ ཟོར་ཆེན་དུས་འདི་བཏགས། ཕྱེ་མ་ཕྱེ་མ་རྡུལ་ཕྲན་རྡུལ་ཕྲན་ཕྱེ་མ་ཕུར་ཛ༔ ཡ་ཤི་ཏྲིག་ཨ་ན་མཱ་ར་ཡ་ཕཊ༔ ཅེས་བཏགས། ཟོར་སྒྲུབ་ཀྱི་སྔགས་འདི་ཡང་བརྒྱ་ཙམ་བཟླའོ། །དེ་དག་ནི་གནད་ཀྱི་ཞལ་ཤེས་ཡི་གེར་བཀོད་པ་ལ། ཉེས་འགལ་མཆིས་ན་སྲུང་མའི་ཚོགས་ལ་བཟོད་པར་གསོལ་ལོ། །ཨ་རཱ་གས་སོ།། ༈ །།ཟོར་བཞི་ཕྱོགས་བཞིར་འཕེན་པའི་ཕྱག་ལེན་ཡང་མཛད། ༈ གཏོར་མདའ་ནི་སྨྱུག་ལྗང་ལ་བྱས་པའི་མཐོ་དོ་ཙམ་སྒྲོ་གསུམ། སྒྲོ་འཕངས་དམའ་བ་བྱ། གཏོར་མའི་གྲངས་ཀྱི་གདའ་ལ་སྐུ་དང་གཏོར་གདུགས་ཀྱིས་བརྒྱན། གཏོར་མ་མཚན་མོ་འབུལ་ན་སྒྲོན་

[Full Size]

མེ་བཙུགས། ཉིན་མོའི་གཏོར་མར་སྒྲོན་མེ་མི་དགོས། ཁྲག་སྐྱེམས་ནི་ཁྲག་དང་ཆང་སྦྱར་བ་ཕུད་སྐྱོགས་ཀྱིས་མཆོད། འབུལ་གཏོར་རྣམས་ལ་སྨན་རཀྟ་གིས་བྲན།། གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ཨ་རཱ་གས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་ཟློག་མཚོན་ཆ་འཁོར་ལོའི་ཟིན་བྲིས་མཐོང་བ་ཀུན་གསལ།

[Full Size]

གཏོར་ཟློག་མཚོན་ཆ་འཁོར་ལོའི་ཟིན་བྲིས་མཐོང་བ་ཀུན་གསལ་ཞེས་བྱ་བ་བཞུགས་སོ༔

[Full Size]

གལ། །དྷམ༔ སྣང་སྲིད་དྲེགས་པ་འདུལ་མཛད་པ༔ རྡོ་རྗེ་དྲག་པོ་རྩལ་ལ་འདུད༔ དེ་ཡི་ཕྲིན་ལས་འཇུག་པའི་སྒོ༔ གཏོར་ཟློག་ཕྲིན་ལས་འགྲིགས་རིམ་བྲི༔ གཏེར་སྲུང་མཁའ་འགྲོས་ཕྲག་མ་དོག༔ འགྲོ་ལ་ཕན་ཕྱིར་བཀའ་གནང་སྩོལ༔ དེ་ལ་མཚོན་ཆ་འཁོར་ལོའི་བཅའ་གཞི་ལ༔ རབ་ས་ནག་གི་དལ་ལ་གྲུ་བཞི་མདའ་གང་ངམ་འདོམ་གང་ལ་རྡུལ་ཚོན་གྱིས་མ་ཏྲ་བྲིས་པའི་དབུས་སུ་བྲུབ་ཁུང་ཆེན་པོ་ལས་འགྲིགས་ནས་གསུངས་ལྟར་བྱས་པའི་སྟེང་དུ༔ ཁྲིའུ་ཁར་གཏོར་མདོས་བཞག་གོ༔ འབྲིང་ནི་ལྕགས་འགུའི་ནང་དུ་གཙང་ཞིང་ཡངས་བའི་ཕུབ་མ་ལྟ་

[Full Size]

བུས་བཀང་བའི་སྟེང་དུ་འདག་ས་ལ༔ འཁོར་ལོ་རྩིབས་དགུའམ་བཅུ་བྲིའོ༔ དེའི་དབུས་དང་རྩིབས་རེ་རེ་བཞིན་བྲུབ་ཁུང་གི་རྣམ་པ་བྲུས་ལ་ལིང་ག་རབ་ཇི་ལྟ་བ༔ འབྲིང་ཤོག་ལིང་རྐྱང་པ༔ ཐ་མ་ཡང་ཟན་ལིང་བཅུག༔ དེ་ལྟར་བྱས་པས་འོག་གི་བྲུབ་ཁུང་མེད་ཀྱང་ཆོག༔ ཡང་གལ་ཆེ་ན་བྲུབ་ཁུང་གཅིག་ཏུ་ཤོག་ལིང་བྱས་ལ་གཏོར་མདོས་འོག་ཏུ་བཞག་གོ༔ ཤིན་ཏུ་བསྡུ་ན་ལྕགས་སྡེར་ནང་དུ་བྱས་པས་ཆོག་གོ༔ དེའི་ནང་དབུས་སུ་གཏོར་མ་ཆེ་བ་གཅིག༔ འཁོར་བཅུའམ་བཅུ་གཅིག་བྱའོ༔ གཏོར་མ་གཙོ་བོ་ལ་ཅུང་ཉེར་གཅིག་གམ༔ ཡང་ན་དབུ་ཕྱག་གི་གྲངས་ཀྱིས་

[Full Size]

དགུ་བཙུགས༔ འཁོར་རྣམས་ལ་རྩང་བདུན་ནམ་དབུ་ཕྱག་གི་གྲངས་ཀྱིས་གསུམ་རེས་ཀྱང་ཆོག་གོ༔ དེ་ནས་འདོན་ལུགས་ལ༔ ཞི་དྲག་སོགས་ལས་བྱང་གཞུང་བསྲང་ཚང་བར་བྱ་བའམ༔ དྲག་པོའི་རང་གཞུང་ཁོ་ནས་ཀྱང་ཆོག༔ དེ་ནས་ཚོགས་ལས་བྱས་ལ་ཚོགས་ཕུད་ཕུལ༔ དེ་ནས་བཤགས་པའི་ཚོགས་དུམ་དེས་བསྐང་བ་གསོ་བའམ༔ བསྐང་བ་ཟུར་དུ་བཅས་ནི་མེད་ན་ཡང་ཕུགས་གཏོར་གསོས་ལ་དྲག་པོའི་བསྐང་བ་འདོན༔ དེ་ནས་བསྒྲལ་ཆོག་གིས་ཚོགས་ཟན་དུམ་བུ་དགུའམ་བཅུ་གོང་དུ་གཏོར་མ་དུ་བཅས་ཀྱི་གྲངས་དང་ལིངྒ་ཤ་དུམ་རེ་ཁྲག་གིས་སྦག་ལ་བཞག༔ གཏོར་ཆུང་ཤ་དུམ་ཁྲག་ཐིགས་སྦག་ལ་དེའི་དྲུང་དུ་བཞག༔ གཏོར་མདོས་འོག་ཏུ་ལིངྒ་བྲུབ་ཁུང་ཡོད་ན་ཁ་ཕྱེས༔ རང་མདུན་དུ་ཧོ་གཟར་རམ་མེད་ན་ལྕགས་སྡེར་རམ་ཟངས་སྡེར་དུ་ལིངྒ་ཟན་ལིང་རེ་བཞག༔ རང་མདུན་དུ་ཐུན་རྫས་སུ་གོ་ཆ་ལྷ་ལྔའི་ཕྱག་མཚན་ཕུར་པ་སོགས་ལས་འགྲིགས་ནས་གསུངས་པ་རྣམས་བཀོད༔ ༈ ཡང་ལྷ་བསྐྱེད་ལུགས་མན་ངག་ནི༔ གཏོར་མ་ཆེ་བ་གཙོ་བོ༔ ཤར་རྩིབས་སུ་ཕྱག་རྡོར་ལ་ཡང་དག་ཐུགས་ཀྱི་ལྷ་ཚོགས་ཀྱིས་བསྐོར་བ་ལྷོ་རྩིབས་སུ་འཇམ་དཔལ་ལ་སྐུའི་ལྷ་ཚོགས་ཀྱིས་

[Full Size]

བསྐོར་བ༔ ནུབ་རྩིབས་སུ་རྟ་མགྲིན་ལ་གསུང་གི་ལྷ་ཚོགས་ཀྱིས་བསྐོར་པ༔ བྱང་རྩིབས་སུ་ཡཀྵ་མེ་དབལ་ལ་ཕྲིན་ལས་ཕུར་པའི་ལྷ་ཚོགས་ཀྱིས་བསྐོར་བ༔ ཤར་ལྷོའི་རྩིབས་ལ་རྡོ་རྗེ་ཕག་མོ་ལ་མ་མོ་རྦོད་གཏོང་གི་ལྷ་ཚོགས་ཀྱིས་བསྐོར་བ༔ གཡས་ཟུར་ལྷོ་ནུབ་ཀྱི་རྩིབས་ལ་བདུད་མི་ནག་རྟ་ནག་ཅན་ནོ༔ དེའི་མཆན་དུ་རྩིབས་ལྷག་མ་གཅིག་ལ་ཁྱུང་གི་གཏོར་མ་བཞག་སྟེ༔ ཁྱུང་ནི་སྤྱི་གཙུག་ན་ཡོད་པ་དེའོ༔ གཡོན་ཟུར་བྱང་ཤར་གྱི་རྩིབས་ལ་བཙན་མི་དམར་རྟ་དམར་ཅན་ནོ༔ རྒྱབ་ཟུར་ནུབ་བྱང་དུ་ཀླུ་མི་སྔོན་རྟ་སྔོན་ཅན་བསྐྱེད༔ ཡང་བཅུ་གཅིག་བྱེད་ན༔ མདུན་དུ་ཡང་རྩིབས་ལྷག་མ་གཅིག་ལ་བཀའ་སྲུང་བདུད་མགོན་སེང་གདོང་ཡབ་ཡུམ་བསྐྱེད་དོ༔ དེ་ལྟར་བསྐྱེད་ལུགས་སྤྲོས་པ་ལ་དགའ་ན༔ བདག་བསྐྱེད་ལས་བྱང་ཚར་ནས་སླར་མདུན་བསྐྱེད་ཁྲོ་རྒྱལ་སྟོབས་འདུས་ཀྱི་ཁོག་ཕུབ༔ གོ་ཆའི་ལྷ་སོ་སོའི་སྒྲུབ་ཐབས་ལྟར་རམ་ཡང་ན་གསང་སྒྲུབ་ནས་གབ་སྤྱད༔ སྤུ་གྲི་དང་ཞིང་སྐྱོང་ཡང་སོ་སོའི་མངོན་རྟོགས་ནས་འཐེན་ནོ༔ ཡང་ཞིང་སྐྱོང་མི་བྱེད་པར་སྨྱོ་ཁ་བཙུད་པ་ཡང་སྣང་སྟེ༔ ཧ་ཅང་རྩུབ་དྲག་པས་མི་དགའ་བར་སེམས་སོ༔ ལར་གཙོ་འཁོར་བཅུ་པ་རང་དགའོ༔ དེ་ནས་

[Full Size]

ལས་བྱང་གི་སྤྱན་འདྲེན་བཞུགས་གསོལ་མཆོད་པ་རྣམས་བྱས་ནས༔ སླར་ཚོགས་ལ་འཇུག་པ་ནི་རྒྱས་པའི་ལུགས་སོ༔ དེ་ཙམ་གབ་ཇི་བཞིན་འཕྲོད་དཀའ་བས་མི་དགའ་ན༔ ལས་བྱང་འདོན་དུས་ནས་མདུན་བསྐྱེད་གཏོར་མ་ཡང་མཉམ་དུ་ལྷ་དེ་དང་དེར་གསལ་བཏབ་ནས༔ དམིགས་པ་གསལ་བར་བྱས་ཏེ༔ སྤྱན་འདྲེན་མཆོད་བསྟོད་ལས་བྱང་ལྟར་ཚར་གཅིག་གིས་བདག་མདུན་གཉིས་ཀའི་གོ་ཆོད་པ་འདི་ནི་རྙིང་མའི་ལུགས་ཐུན་མོང་མ་ཡིན་པ་ཡིན་པས་དེ་གས་ཆོག་ཅིང་སྟབས་བདེའོ༔ ༈ དེ་ནས་ལས་འགྲིགས་འདོན་ལུགས་ནི༔ གཞུང་དེ་ལ་མཚལ་སེར་ཡོད་པ་ལྟར༔ གཙོ་བོ་ལ་སྐག༔ འཇམ་དཔལ་སེར་པོ༔ རྟ་མགྲིན་དམར་པོ༔ ཕྱག་རྡོར་སྔོན་པོ༔ མཁའ་འགྲོ་ཁྲ་བོ༔ མེ་དབལ་སྨུག་པོ་སོགས་བྱས་ཡོད་པ་ལྟརི༔ སྔར་གཏེར་སྟོན་གྱིས་མཛད་ནས་ཡོད་པར་འདུག་པ་ལ་དུས་ཕྱིས་དཔེ་ཆོད་ལ་མཚལ་སེར་མ་ཕོག་པ་རང་འཕེལ་ནས་འདུག་པས༔ བདག་གིས་མཚལ་སེར་བྱས་པ་ཡོད་དོ༔ ༈ དེ་ཡང་དང་པོ་དྲག་པོའི་བསྒྲལ་ལས་གཞུང་ལྟར་བྱས་ཏེ༔ ཕུར་པ་ལ་སོགས་ཐུན་ཐམས་ཅད་བརྡེག༔ ལིང་རོ་སོགས་གཙོ་བོའི་ཞལ་དུ་བསྟབས་པ་བྱས༔ གཙོ་བོའི་ཟློག་པ་འདོན་

[Full Size]

གཏོར་ཆུང་བྲན་ལ་རྣམ་རྒྱལ་འབར་མའི་གཙོ་བོའི་བསྟོད་བསྐུལ་འདོན་ལ་ཕུལ༔ དེ་བཞིན་དུ་འཇམ་དཔལ་གྱི་བསྒྲལ་ལས་བྱས་ཏེ༔ ཉ་བོ་རལ་གྲིས་བསྒྲལ་ཐུན་ཐམས་ཅད་རྡེག་སྟེ་གཞུང་ཚིག་དང་ཐུན་སྤྱད༔ འཇམ་དཔལ་གྱི་སྔགས་ལ་ཆེ་གེ་མཱ་ར་ཡ་ཟད་སྦྱར༔ ལིང་རོ་འཇམ་དཔལ་ལྷ་ཚོགས་ཞལ་དུ་བསྟབས་པ་བྱས༔ འཇམ་དཔལ་གྱི་ཟློག་པ་འདོན༔ རྣམ་རྒྱལ་འབར་མའི་འཇམ་དཔལ་གྱི་བསྟོད་བསྐུལ་འདོན་ནས་གཏོར་ཆུང་འབུལ༔ དེ་བཞིན་དུ་རྟ་མགྲིན༔ ཕྱག་རྡོར༔ ཁྲོས་མ༔ མེ་དབལ༔ ཁྱུང་རྣམས་འགྲེས་སོ༔ དེ་ནས་བཀའ་སྲུང་ལ་འབུལ་རྒྱུའི་ལིངྒ་གསུམ་མམ་བཞི་དེ་ལ༔ བཀའ་སྲུང་དམ་ཅན་རྒྱ་མཚོའི་ཚོགས་ཞེས་བསྒྲལ་ལས་ལས་འགྲིགས་ལྟར་བྱའོ༔ བཀའ་སྲུང་སྤུ་གྲི་དང་ཞིང་སྐྱོང་བསྟབས་པ་བྱས༔ གཏོར་ཆུང་བདུད་ལ་བསྐུལ་པས་གཅིག་འབུལ༔ བཙན་ལ་གཅིག༔ ཀླུ་ལ་གཅིག་འབུལ༔ སྨྱོ་ཁའམ་ཞིང་སྐྱོང་སྦྱར་ཡོད་ནའང་གཅིག་འབུལ༔ ལར་སྨྱོ་ཁ་ལ་གཏོར་མ་གཅིག་ཟུར་དུ་བཅས་ནས་འབུལ་དགོས་པ་གལ་ཆེའོ༔ ཟློག་པའི་ནང་དུ་སྤུ་གྲི་ཁ་རྐྱང་བྱ་བ་ལེགས་སོ༔ དེ་ནས་བཀའ་བརྒྱད་ཀྱི་རྩང་གྱེར་འདོན་

[Full Size]

རྩང་མེད་ན་མ་བཏོན་ཀྱང་ཆོག་གོ༔ དེ་ནས་ཚོགས་རོལ་ལ༔ ལྷག་མ་དེ་གཏོར་མདོས་ཀྱི་ཟུར་དུ་ནང་ཙམ་དུ་ཐེང་ཙམ་དུ་འབུལ་ཏེ༔ འཁོར་གྱི་ལྷག་སྡུད་རྣམས་དེར་བསྐྱེད་ནས་ཡོད་པས་ཕྱི་རོལ་དུ་འབུལ་བ་མི་འཐད་དོ༔ དེ་ནས་འགྲུབ་ན་ཐུན་དྲུག་གམ༔ བཞིའམ༔ ཐ་ན་གསུམ་དུ་ཡང་༔ དམ་རྫས་གཏོར་ཆེན་འབར་བ་འདི༔ ཞེས་སམ༔ རྣམ་རྒྱལ་འབར་མའི་ཚིག་མཇུག་མ་དེ་རྣམས་ལྟ་བུས་ཐུན་གཏོར་འབུལ་དུས་དང་༔ གོང་དུ་རྣམ་རྒྱལ་འབར་མའི་ཐུན་གཏོར་འབུལ་བའི་སྐབས་སུ་རོལ་མོ་དང་བཅས་པས༔ བྱད་ཁ་བཟློག་ན་ཟློག་པ་སྤུ་གྲི་རང་གཤེད་སྔགས༔ ལྟས་ངན་བཟློག་ན་ལོཀྟི་པ་ལ༔ རྒྱལ་བསེན་ངེས་པར་གསོད་ན་སྤུ་གྲི་སྲོག་གཅོད་ཀྱི་སྔགས་བཟླའོ༔ དེ་ལྟ་བུས་རྨིས་རྟགས་མ་ཐོན་བར་རམ༔ ཞག་གྲངས་ཅི་རིགས་པར་བྱ༔ ཞག་གཅིག་ལས་མ་བྱས་ཀྱང་མི་རུང་བ་མེད་དོ༔ དེ་ནི་འདོན་ལུགས་རྒྱས་པ་ཡིན་ལ༔ ༈ འབྲིང་དུ་བྱེད་ན༔ གབ་སྤྱོད་དུས་གཙོ་བོ་ལ་གཅིག༔ སྐུ་གསུང་ཐུགས་ལ་གཅིག༔ ཡོན་ཏན་ཕྲིན་ལས་ཁྱུང་རྣམས་ལ་གཅིག༔ བཀའ་སྲུང་དང་བཞི་བྱས་ཀྱང་ཆོག༔ ནུབ་ཀྱི་རིགས་ལ་ཆོས་སྐྱོང་སྤྱིའི་གཏོར་འབུལ་དང་༔ གུ་དྲག་གི་བརྟན་སྐྱོང་

[Full Size]

ཆད་མདོ་སྨྱོ་ཁ་ཞིང་སྐྱོང་སོགས་ལ་གཏོར་འབུལ་བྱ་སྟེ༔ དམར་གཏོར་གཅིག་ལ་ཐམས་ཅད་བསྔོའོ༔ དཀར་གཏོར་གཅིག་ཀྱང་གཞི་བདག་ལ་འབུལ༔ ༈ ཡང་གབ་མ་སྤྱད་ན་ཚོགས་བྱ༔ ཚོགས་ཕུད་འབུལ༔ བཤགས་བསྐང་བྱ༔ བསྒྲལ་ལས་ཚོགས་དུམ་དང་ཟན་ལིང་ཆེ་བ་གཅིག་ལ༔ ལས་འགྲིགས་གཞུང་ལྟར་གབ་མི་སྤྲད་པར་ཚར་གཅིག་བཏང་ལ་བསྟབས་པ་བྱས་ལིང་རོ་འབུལ༔ དེ་ནས་གཏོར་ཟློག་ཚར་གཅིག་འདོན༔ དེ་ནས་གཏོར་ཆུང་བདུན་ཕྲན་ལ་རྣམ་རྒྱལ་འབར་མ་ཚར་གཅིག་འདོན་ལ་གོ་ཆ་རང་རང་གི་སྔགས་རེ་དང་ཁཱ་ཧི་སྤྱད་ལ་མདོས་ནང་དུ་འབུལ༔ དེ་ནས་སྤུ་གྲི་ལ་གསུམ་འབུལ༔ རྩང་གྱེར་འདོན་ནོ༔ དེ་ནི་འབྲིང་པོའོ༔ ༈ ཤིན་ཏུ་བསྡུ་ན་ཚོགས་བསྐང་བ་ཚར་ནས་ཚོགས་ཀྱི་བསྒྲལ་ལས་ཁོ་ནས་ལས་འགྲིགས་ཀྱི་གོ་བཅད་ནས་ལིང་རོ་བསྟབ༔ ཟློག་གཞུང་འདོན་ནོ༔ རྣམ་རྒྱལ་འབར་མ་མ་བཏོན་ཀྱང་ཆོག༔ སྤུ་གྲི་འདོན༔ ལར་རྣམ་རྒྱལ་འབར་མ་འདི་ཤིན་ཏུ་གཉན་པས་མི་འདོན་པར་དེའི་ཚབ་ལ་རྔམ་བརྗིད་སྟོབས་ལྡན་འདོན་པ་ལེགས་ཞེས་སློབ་དཔོན་འགའ་ཞིག་གིས་གསུངས་སོ༔ ༈ འབུལ་ཁ་གཞུང་གི་སྒོ་དབྱེ་ལ་ཚིག་བསྒྱུར་ནས་གསེར་

[Full Size]

སྐྱེམས་དང་གཉིས་ཀ་བྱེད༔ སྒོ་དབྱེ་ནང་མ་དུས་ཕྱོགས་བཞི་ནས་རྩང་རེ་ཤབ་པས་སྒོ་ཕྱེ་བར་བསམ༔ ལྷ་རྣམས་ནམ་མཁའ་ལ་བཏེག༔ གོམ་པ་བདུན་གྱི་སར་དཔག་ལ་ཁྲག་གིས་བྲན་ནས་ཟ་ལམ་འདོན༔ ༈ དེ་ནས་འབུལ་ལུགས་ནི༔ བདེ་རིམ་ལ་ད་ལྟ་སྔགས་པ་ཚོས་བྱེད་པ་ལྟར་ཕྱི་རོལ་དུ་ཕུལ་བ་ལ་སོགས་བྱས་ཀྱང་རུང་ངོ་༔ ཁྱིམ་དུ་གདོན་ཆེན་པོ་ཡོད་པའམ་ཤིན་ཏུ་གལ་ཆེ་ན་ཁྱིམ་དུ་འབུལ་ཏེ་རྒྱུ་ལྡོག་ཐེབས་ལྡོག་ལེགས་པར་བརྩིས་ནས་གདོང་མ་ཐུག་པ༔ རང་དང་ཡོན་བདག་གི་ལོ་ལྷའི་ཕྱོགས་མ་ཡིན་པར་ཁ་གྱུས་ལ༔ མདུན་ཕ་ཟད་དེར་མེ་ཧོ་གཅིག་བརྩིག༔ དེ་ནས་ཚུར་གཏོར་གདན་ནག་པོ་གཅིག་གཏོར་ལམ་གྱི་རྣམ་པར་བཏིང་ནས༔ གསེར་སྐྱེམས༔ དཀར་གཏོར༔ ཚད་མདོ༔ བསྟན་སྐྱོང་ནས་བཟུང་སྟེ་སྨྱོ་ཁ་དམ་ཅན་སོགས་ཆོས་སྐྱོང་འཇིག་རྟེན་པ་རྣམས་ཀྱི་དམར་གཏོར་རྣམས་སྔོན་དང་ཞིང་སྐྱོང་མ་ནིང་སོགས་ཡེ་ཤེས་པ་དང་༔ སེང་གདོང་མ་དྲག་པོ་གཏོར་མ་སོགས་རྒྱབ་ནས་བཤམས་ལ༔ རང་སྔགས་ཆས་གང་ཡོད་གྱོན་ལ༔ དར་ནག་སོགས་ཀྱང་ཕྱིར་ལ༔ ཐོག་མར་གསེར་སྐྱེམས་དཀར་གཏོར་ཆད་མདོ་བརྟན་སྐྱོང་༔ ཆོས་སྐྱོང་སོ་སོའི་གཏོར་འབུལ་

[Full Size]

བྱ༔ དེ་ནས་བྲུབ་ཁུང་ནང་གི་ལིངྒ་བཏོན་ལ་སླ་ང་ནང་དུ་ཁྲག་གིས་ཆོས་འབྱུང་བྲིས་པར་བཞག༔ གཞན་ཡང་གཏོར་མདོས་ནང་དུ་ལིངྒ་གང་ཡོད་དེར་བཞག༔ བྲན་ལ་བཀུག་གཞུག་བྱ༔ ཡོན་བདག་ཐམས་ཅད་གྲལ་མགོ་མཇུག་ལྡོག་ལ་རང་གྲལ་མགོར་ཡོད་པ་གྲལ་མཇུག་ཏུ་གཏོར་མདོས་བཞག་ལ༔ མཆོད་གཡོག་པས་རིམ་པ་ལྟར་འཁོར་རྣམས་ཀྱི་གཏོར་མ་ཐེབ་ཙེའི་ནང་དུ་བཤམས༔ ཆང་ཕུད་ཀྱིས་བྲན་ལ་ཡོན་བདག་གཅིག་གིས་གཅིག་ལ་གཏད་ནས༔ བདུད༔ བཙན༔ ཀླུ༔ མེ་དབལ༔ ཁྱུང་༔ མཁའ་འགྲོ༔ ཕྱག་རྡོར༔ རྟ་མགྲིན༔ འཇམ་དཔལ་སོགས་བསྐུལ་པ་རེ་རེ་དང་སྤྲད་པ་ལ་རང་གི་ལག་ཏུ་བྱུང་བ་དང་༔ གཏོར་མ་དེ་ལྷ་སོ་སོའི་ཕྱག་མཚན་ལ་མེ་དཔུང་འབར་བ་ལིངྒ་དགྲ་བགེགས་གསལ་བའི་སྟེང་དུ་རྒྱབ་པས༔ ཐོག་ཕོག་པ་ལྟར་གཞོབ་བུན་གྱིས་སོང་བར་བསམ༔ དེ་ནི་ལེགས་སོ༔ རང་དྲག་པོར་གསལ་བས་གཏོར་མ་ལྷ་དེ་དང་དེའི་སྐུ་མེ་དཔུང་དང་བཅས་པར་བསམས་ནས་འཕངས་བས་དགྲ་བགེགས་དེ་བསད་བཅད་ཟོས་ནས་རྡུལ་དུ་སོང་བར་བསམ་པ་ནི་ཤིན་ཏུ་གཉན་པས་རང་ནུས་པ་ཆེ་ན་མ་གཏོགས་རང་ལ་ལྡོག་གསུངས་སོ༔ དེས་ན་དེ་

[Full Size]

གལ་ཆེ་ན་རེ་རེ་མ་གཏོགས་མི་བྱའོ༔ དེ་ནས་འཁོར་ཐམས་ཅད་རྫོགས་ནས༔ གཙོ་བོའི་གཏོར་མ་དེ་སྣོད་གཅིག་ཏུ་བཤམས་ལ་རང་དྲག་པོའི་ང་རྒྱལ་བསྐྱེད་ཅིང་གཏོར་མ་ལག་ཏུ་ཐོགས་ལ་ཕྱག་རྟགས་རྡོ་རྗེ་ཚར་གཅིག་འདོན༔ དེ་ནས་གཏོར་མ་དྲག་པོའི་སྐུ་མེ་འབར་བ་དེ་ཡོན་བདག་སོ་སོའི་སྤྱི་བོར་བཞག་པས་དེ་ལས་མེ་འབར་ཏེ་དེའི་ནད་གདོན་ཐམས་ཅད་གཞོབ་ཐུལ་གྱིས་བསྲེགས་པར་བསམས་ལ་མགོ་ཐོག་ཏུ་བཞག་ནས་དྲག་སྔགས་བརྗོད་པའམ༔ ཡང་ན་སློབ་དཔོན་ནམ་དཔོན་རིགས་ལྟ་བུ་རང་ལ་དབང་འབྲེལ་མེད་ཅིང་ང་རྒྱལ་ཆེ་བ་སོགས་ལ་དཔུང་པའི་ཁར་བཟུང་ལ་སྔགས་བརྗོད༔ དེ་ནས་གཏོར་མ་མཆོད་གཡོག་པས་བཏེགས་ལ་རྣམ་རྒྱལ་འབར་མའི་བསྐུལ་པའི་མཇུག་གི་ཚིག་དེ་རྣམས་ལྟ་བུས་བསྐུལ་ཐུང་འདོན་ལ༔ གཏོར་མའི་ལྷ་དེ་སྐད་ཅིག་གིས་མེ་ཧོ་མེ་འབར་ཀློང་དུ་བཞུགས་པར་དམིགས་ལ༔ གཏོར་མ་དགྲ་བགེགས་ཀྱི་ཤ་ཁྲག་བདུད་རྩིར་བསམས་ལ་གཙོ་བོའི་ཞལ་དུ་བསྟབ་པར་བསམ་ཞིང་མེ་ནང་དུ་འབུལ་ལོ༔ གཏོར་མ་ཚིགས་ནས་ལྷ་དེ་ཆོས་ཀྱི་དབྱིངས་སུ་དབྱེར་མེད་པར་གཤེགས་པར་བསམས༔ དེར་མ་ཟད་ལིང་རོ་དང་གཏོར་མ་རྩང་ཐུར་ལིངྒ་ཐམས་ཅད་བསྲེགས་ལ༔ ཐལ་བ་མ་

[Full Size]

ཎིའི་འོག་གམ་ལམ་རྒྱ་གྲམ་དུ་བླུགས་ཏེ་དེ་ཡང་མཁའ་འགྲོ་དང་གདོང་མ་ཐུག་པར་བྱ༔ གཏོར་སྣོད་འོག་གི་ཐལ་བ་སྒྲུབ་ཁང་ཕྱི་རོལ་དུ་དོར༔ གཏོར་སྣོད་ཐེམ་པར་སྦུབ་ལ་རྟ་བྲོ་བྱའོ༔ དེས་མནན་བསྲེགས་འཕང་གསུམ་ཚང་བས་ཟབ་བོ༔ ཨོཾ༔ ཡང་རི་བོ་ཆེའི་ལུགས་ལ་ཉང་ལུགས་ལ་བདག་བསྐྱེད་ཁྲོ་རྒྱལ་སྟོབས་འདུས་མདུན་བསྐྱེད་ནས་ལས་བྱང་སྤྱན་འདྲེན་མན་བྱེད་ནས༔ གཏོར་བསྐྱེད་བསྟོད་བསྐུལ་སོགས་ཕལ་ཆེར་གཏེར་གོང་མ་ནས་སབ་པའི་ལུགས་དང་༔ གོ་བོ་ཕུག་པའི་ལུགས་ལ་མ་ཏྲ་དང་གསེར་སྐྱེམས་རྟ་བྲོ་སྲུང་བཙུགས་པ་སོགས་ཁྲོ་བོ་རོལ་པའི་ཆ་ལག་ཕལ་ཆེར་སབ་ནས༔ པོ་ཏི་ལོང་བ་ཙམ་བྱེད་པ་དང་༔ ཡང་ཀཿཐོག་གི་གྲྭ་རིས་བརྒྱུད་པ་འགའ་རེས་མཚོན་ཆ་འཁོར་ལོའི་གཞུང་གི་མཚམས་མཚམས་སུ་དམར་གཏོར་རེ་རེ་འབུལ་བ་དང་༔ དེང་སང་སྔགས་པ་འགའ་རེས་གཏོར་ཆུང་གྲངས་མེད་བྱས་ནས་ཟློག་པའི་མཇུག་ཏུ་སྔགས་རེ་དང་རོལ་མོ་རེ་སྤྲད་ནས་འབུལ་བ་སོགས་དང་༔ ཡང་ལས་འགྲིགས་བུ་འབོར་སངས་རྒྱས་རྒྱལ་མཚན་པས་མཛད་པ་དང་༔ ཀཐོག་པའི་བླ་མ་གཅིག་གིས་མཛད་པ་དང་༔ ཞིག་པོ་གླིང་པས་མཛད་པའི་ལས་འགྲིགས་ཁ་སབ་

[Full Size]

པ་སོགས༔ མདོར་ན་གཏོར་ཟློག་འདི་དར་སྲོལ་ཆེ་བའི་སྟབས་ཀྱིས་ཕྱག་ལེན་སྣ་ཚོགས་པ་འདུག་སྟེ༔ དེ་དག་སྨོད་ནི་མི་ཕོད་པས་ཆོས་སྤང་གི་ལས་ལ་འཇུག༔ ཅིའི་ཕྱིར་ན༔ ཕྱག་ལེན་ལ་འབྲེལ་མེད་ཀྱང་༔ བསྐྱེད་རྫོགས་གོམས་པའི་རྣལ་འབྱོར་པས་གང་བྱས་རུང་བ་སྟེ་མངའ་རིས་རིག་འཛིན་ཆེན་པོ་ཁོང་རང་གིས་གསང་ཆེན་ནུབ་གཅིག་བཀའ་བརྒྱད་ཁྲོ་བོ་རོལ་པ་བཅས་ནས་འཕངས་བས༔ རྟགས་དང་ཆོ་འཕྲུལ་ཆེན་པོ་བྱུང་བ་ལྟ་བུ་ལ་ངེས་པ་མེད་མོད༔ འོན་ཀྱང་ཕྱག་ལེན་དེ་དག་ལེགས་པར་བརྟག་ན་འབྲེལ་ཆགས་དཀའ་བར་མཐོང་ངོ་༔ འགའ་ཞིག་གཏེར་གོང་འོག་བསྲེ་བ་དང་༔ ལྷ་ཇི་ལྟར་བསྐྱེད་མི་ཤེས་པ་དང་༔ བཀའ་བརྒྱད་ཀྱི་ལྷ་ཚོགས་ཕལ་ཆེར་གཏོར་ཟློག་འདིར་བྱུང་བ་གང་དུ་བསྐྱེད༔ གོ་ཆའི་ལྷའི་རྩ་གནས་སུ་བསྐྱེད་དམ༔ ཐ་ན་གཏོར་མ་བཅུ་ཁྲོ་བོ་བཅུ་ཡིན་ཟེར་བ་སོགས་ལྷ་གང་དང་གང་གི་གཏོར་མ་ཡིན་པ་ཙམ་ཡང་ཤེས་དཀའ་བར་སྣང་༔ འགའ་ཞིག་གིས་ལས་འགྲིགས་ལ་གཏེར་སྟོན་ཉིད་ཀྱིས་མཚལ་སེར་ཚོན་ཁྲ་མཛད་ཡོད་པ་རྣ་བས་མ་ཚོར་བར༔ གབ་སྤྱད་པ་བཀའ་བརྒྱད་ལུགས་ཡིན༔ མཚོན་ཆ་འཁོར་ལོ་ལ་མེད་ཟེར་བ་དང་༔ ཐ་ན་ལས་འགྲིགས་

[Full Size]

གཏེར་སྟོན་གྱིས་མཛད་པ་ལ༔ གཏེར་སྟོན་ལ་རིན་ཆེན་དཔལ་བཟང་མཚན་ཙམ་ཡང་མི་ཤེས་པར༔ འདི་རིན་ཆེན་དཔལ་བཟང་ཟེར་བའི་བླ་མ་གཅིག་གིས་མཛད་ཆོས་རེད༔ གཏེར་གཞུང་མ་ཡིན་པས་སྙིང་པོ་མེད་ཟེར་བ་སོགས་རྡོར་གཅོད་ཞུ་དག་གི་ལོ་རྒྱུས་ལྟར་མཁས་པས་བཞད་གད་ཀྱི་ཚིག་འགའ་རེ་སྨྲས་པར་མཐོང་ངོ་༔ ༈་འདི་ཡི་མན་ངག་ལ་ཐན་ཟློག་ན་ལྟས་ངན་གང་བྱུང་གི་གཟུགས་བྱ་བ་ལ་སོགས་ཁྱུང་དམར་གྱི་མཇུག་ནས་བྱུང་བའི་ལས་སྦྱོར་ལ༔ གཏོར་ཟློག་དང་སྦྲགས་ལ་འཕང་སྟེ་གཏོར་ཟློག་གི་སྔོན་དུ་ལིངྒ་དང་མཉམ་དུ་བཞག་སྟེ་གཏོར་མ་རྣམས་བརྡེག༔ དེ་ནས་ལྟས་ངན་དེ་གང་དུ་བྱུང་བའི་ས་དེར་འཕངས༔ ཐག་རིང་ན་ཕྱོགས་སུ་འཕངས༔ བྱ་ཐན་ཡིན་ན་འུར་ལྟེབས་བཞག་ལ་མི་ལོ་རུས་དྲག་པོ་ཅན་ལ་འཕེན་འཇུག་ཅིང་ཐམས་ཅད་ཀྱིས་ཕེ་བརྗོད༔ ༈ ལྟས་ངན་རི་རྡོ་ཞིང་དུ་བབ་པ་སོགས་ལ་རྦབ་ཀྱི་མཆུ་ཐམས་ཅད་ལ་སོལ་བས་རྒྱ་གྲམ་བྲི༔ མགོ་ལ་རེ་དུམ་བཀོན༔ རྡོ་དུམ་བུ་གཏོར་ཟློག་ནང་དུ་བཞག་གོ༔ གོད་བྱུང་ན་གོད་ལྤགས་གཡང་གཞི་གཅིག་ལ་མ་ཏཱཾ་གི་གཟུགས་བྲིས་ལ༔ མདོས་ཞབས་སུ་བཞག་པ་མདོས་མཁན་གྱིས་ཁྱེར་རོ༔ ཡོན་བདག་

[Full Size]

ལ་བཞག་ན་གཏོར་སྒྲུབ་མི་དྲོའོ༔ གོད་ཤས་ཟློག་པ་གཏོར་འབུལ་ལ་བརྒྱན༔ ཕུགས་གཏོར་ལ་མི་བརྒྱན༔ གོད་འདྲེའི་ལིངྒ་ལ་ལས་འགྲིགས་ལྟར་བསྒྲལ་ལས་བྱ་སྟེ༔ གོད་མགོ་མེ་ཆུ་མ་ཕོག་པ་ལ་ལིངྒ་བྲིས་ལ་མདོས་ཞབས་སུ་བཞག་བཀུག་གཞུག་བྱའོ༔ ལིངྒ་གོད་མགོར་བཅུག་ལ་ས་དཔལ་བཟང་བའི་གཞི་བདག་དཀར་ཕྱོགས་གནས་ས་ལ་གཏད་ན་གོད་ཆད་དོ༔ དེ་མ་བྱས་ན་ཟློག་པ་རང་གི་ཡང་ཐུབ་བོ༔ མི་ལ་ན་ཚ་དྲག་པོ་བྱུང་བའི་ཤི་སྒབ་གཅོད་ན་ཡང་མི་གང་ཤི་དེའི་ཟ་འདྲེའི་ལིངྒ་བྲིས་ལ་བཀུག་གཞུག་བསྒྲལ་ལས་གོང་ལྟར་རོ༔ ནད་པ་གདོན་ཅན་ལ་ཡང་ནད་འདྲེའི་ལིངྒ་སོགས་དེ་དང་འདྲའོ༔ ཆུང་སྲི་ལ་ཡང་ཆུང་སྲི་ལིངྒ་གོང་ལྟར་བྱས་ནས༔ བསྒྲལ་མཆོད་བྱས་པས་འཐུས་ལ༔ ཤིན་ཏུ་གལ་ཆེ་ན་ལིངྒ་སྦྱིན་སྲེག་བྱེད་པའམ༔ རིལ་ཚེའམ་བྱི་ལ་ཁྱི་གུའི་ཐོད་པར་ཐེམ་འོག་ཏུ་མནན་ལ་རྟ་བྲོ་བྱའོ༔ ཤིན་ཏུ་གལ་ཆེ་ན་ཐུན་མཚམས་ཐམས་ཅད་དུ་ཡང་ཁྲོ་རྒྱལ་སྟོབས་འདུས་ནས་བཤད་པའི་འཁོར་ལོ་ཁ་འཐབ་ཀྱི་དམིགས་པ་དང་དྲག་སྔགས་ཀྱིས་གནོད་བྱེད་དྲག་ཏུ་གཅུན་ནོ༔ དེ་ནས་ཐུལ་རྟོགས་བྱུང་ནས་གཏོར་ཟློག་འབུལ་ལོ༔ འདི་དྲག་པོའི་ལས་སྦྱོར་ཆེན་པོ་ཡིན་པས༔ ཐོག་མར་

[Full Size]

བརྔན་བསང་དང་དཀར་གཏོར་གྱིས་ཡུལ་ལྷ་བཅོས༔ ཆ་གསུམ་མམ་གླུད་གཏོར་བགེགས་གཏོར་རམ་ཆངས་བུ་བརྒྱ་སོགས་བྱས་ལ་ལན་ཆགས་ལ་བསྔོའོ༔ ཆོས་བཤད་བདེན་པ་བརྡར༔ རྒྱབ་རྟེན་དུ་ཤེར་ཕྱིན་ཀློག་པ་དང་ཚ་ཚ་ཆུ་གཏོར་བཏང་བས་ཚོགས་བསགས༔ དེ་དག་གང་ལ་ཡང་མི་རྩི་བའི་གདོན་བགེགས་ལ་བཀུག་གཞུག་དང་བསྒྲལ་ལས་ཀྱིས་ཚར་བཅད་དོ༔ རྒྱུ་ལྡོག་ཐེབས་ལྡོག་ལ་ཞིབ་ཏུ་བརྩི་བ་རྣམས་ནི་རང་ལ་མི་ལྡོག་པ་དང་ཡོན་མཆོད་བཀྲ་ཤིས་པའི་མན་ངག་ཐུན་མོང་མ་ཡིན་པའོ༔ དེ་དག་ནི་གོ་དཀའ་བའི་གནད་གསང་བའི་མན་ངག་ཞལ་ཤེས་རྣམས་ཡིན་ལ་ཤིན་ཏུ་ཞིབ་ཆ་ནི་བྲི་བར་མི་ལོང་སྟེ། མཐོང་བ་བརྒྱུད་པ་ལྟར་དང་རང་ཤེས་རབ་ཀྱིས་ཕྱེའོ༔ ཞེས་པ་འདི་ནི་སྔགས་འཆང་ཀརྨ་ཡང་དག་གིས་ལན་དུ་མར་ནན་གྱིས་བསྐུལ་བ་ལ་བརྟེན་ནས༔ ༧ སྔགས་འཆང་རྣལ་འབྱོར་པ་ཀརྨ་ཨ་རཱ་གས་བརྗེད་ཐོ་ཙམ་དུ་བཀོད་ཀྱིས་གང་དྲན་རིམ་ནས་མྱུར་དུ་བཀོད་པས་ཚིག་གོང་འོག་འོང་བ་ལྟར་འགའ་རེ་བྱུང་སོང་བ་དང་༔ གཞན་ཡང་གསང་བ་བསྒྲགས་པའི་ཉེས་པ་གང་མཆིས་པ༔ ཡེ་ཤེས་མཁའ་འགྲོ་སྡེ་ལྔ་དང་༔ བཀའ་སྲུང་བདུད་མགོན་ལྕམ་དྲལ་དང་༔ མྱུར་

[Full Size]

མགྱོགས་སྤུ་གྲི་མཆེད་གསུམ་དང་༔ སྲུང་མ་ཀླུ་བདུད་ནག་པོ་སོགས༔ ཆོས་བདག་ཚོགས་ལ་བཟོད་པར་གསོལ༔ འགལ་འཁྲུལ་ཨོ་རྒྱན་རྗེ་ལ་བཤགས༔ དགེ་བས་འགྲོ་བ་མ་ལུས་པ༔ བར་ཆད་རྐྱེན་ལས་གྲོལ་གྱུར་ནས་༔ དུས་ཀུན་བདེ་ལ་གནས་གྱུར་ཅིག༔ འདིའི་ནང་ན་ཞལ་ཤེས་མང་ཞིག་བྲིས་ཡོད་པས་མང་དུ་སྤེལ་མི་རུང་སྔོན་ཆད་ཡི་གེར་བྲིས་པ་མེད༔ ཟབ་སྤྱི༔ རྒྱ་རྒྱ་རྒྱ། །ཐམ༔ དཔེ་འདིས་ཀྱང་གུ་རུ་དྲག་པོ་ལ་ཡི་དམ་བྱེད་པ་རྣམས་ཀྱིས་བརྒྱུད་པ་དང་བཅས་པའི་དོན་འགྲུབ་པར་གྱུར་ཅིག༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་ཟློག་མཚོན་ཆ་འཁོར་ལོའི་འདོན་འགྲིགས།

[Full Size]

གཏོར་ཟློག་མཚོན་ཆ་འཁོར་ལོའི་འདོན་འགྲིགས་བཞུགས་སོ།།

[Full Size]

ན་མོ་གུ་རུ་ཀྲོ་དྷ་ཡེ། གཏོར་ཟློག་མཚོན་ཆ་འཁོར་ལོའི་འདོན་འགྲིགས་ནི། དང་པོ་གུ་དྲག་སོགས་ལྷ་གཞུང་ཐམས་ཅད་འདོན། དེ་ནས་ཚོགས་བྱེད་ལ་ཚོགས་ཕུད་ཕུལ། བར་དུ་བཤགས་པའི་ཚོགས་ཟན་དེས་བསྐང་བ་གསོ་ལ། དྲག་པོའི་བསྐང་བཤགས་དེ་འདོན། དེ་ནས་བསྒྲལ་ཆོག་གི་ཚོགས་ཟན་དེ་དུམ་བུ་བཅུ་བྱས། ཟན་ལིང་ཆུང་ངུ་བཅུ་དང་ཤ་དུམ་རེ་སྦྲགས་ལ་རཀྟས་བྲན་ལ་བཞག །གཏོར་ཆུང་རཀྟ་བྱུག་པ་ཤ་དུམ་ཅན་བཅུ་ཡང་བཤམས། ༈ དང་པོ་ལས་འགྲིགས་ནང་གི་ཡི་གེ་སྣག་མ་དང་དམར་པོ་བྱུག་པ་དྲག་པོའི་བསྒྲལ་ཆོག་འདོན། ཐིག་ལེ་དམར་པོའི་ས་

[Full Size]

དེར་དྲག་སྔགས་ཨ་ཙིག་བཙུད། ཐུན་ཐམས་ཅད་བརྒྱབ། དྲག་པོའི་བསྟབས་པ་བྱས། མཚོན་ཆ་འཁོར་ལོའི་དྲག་པོའི་ཟློག་པ་དེ་འདོན། གཏོར་ཆུང་བྲན་ལ་བསྟོད་བསྐུལ་རྣམ་རྒྱལ་འབར་མའི་གཙོ་བོའི་བསྟོད་པ་འདོན། གཏོར་ཆུང་མདོས་སུ་འབུལ། དེ་བཞིན་སྣག་མ་རྣམས་ནི་ཐམས་ཅད་ལ་སྦྱར་དགོས། འཇམ་དཔལ་ལ་སེར་པོ་ཐམས་ཅད་འདོན། ཐིག་ལེ་སེར་པོ་འཇམ་དཔལ་གྱི་མཚན་སྔགས་སྐབས་སུ་གང་བབ་སྦྱར། ལིངྒ་འབུལ། འཇམ་དཔལ་གྱི་ཟློག་པ་འདོན། འཇམ་དཔལ་གྱི་བསྟོད་བསྐུལ་འདོན་ནས་གཏོར་ཆུང་འབུལ། དེ་བཞིན་དུ་དམར་པོ་རྟ་

[Full Size]

མགྲིན། སྔོན་པོ་ཕྱག་རྡོར། ཁ་དོག་སྣ་ཚོགས་མཁའ་འགྲོ། ལྗང་གུ་མེ་དབལ། ལྗང་སྐྱ་བྱ་ཁྱུང་། ཁམ་ནག་བཀའ་སྲུང་དམ་ཅན། བཀའ་སྲུང་དུས་ཟློག་པ་མེད་པས་གཏོར་ཆུང་གསུམ་རེ་དུས་གཅིག་ལ་ཕུལ་སྤྱི་ལ་བཀའ་སྲུང་གི་བསྟོད་བསྐུལ་བྱ། དྲག་པོ་རིགས་བཞི་དང་ཚེ་བདག་སོགས་ཀྱི་ཕུར་འདེབས་དེ་གཙོ་བོ་ལ་སྦྱར། ཁྲོ་བཅུའི་ཕུར་འདེབས་དེ་གཙོ་བོ་མེ་དབལ་གང་རུང་ལ་སྦྱར། ༈ ཐུན་བརྡེག་དུས་ལྷ་སོ་སོའི་རྩ་སྔགས་ལ་མཱ་ར་ཡ་སྦྱར། ཆེ་མཆོག་དྲག་པོ་ཐོད་ཕྲེང་རྩལ། ཟེར་བའི་ཕུར་འདེབས་བསྡུས་པ་དེ་བཀའ་སྲུང་ལ་སྦྱར། ཞག་རེ་ནངས་ནུབ་ཉིན་མཚན་དུས་བཞིར་ཐུན་གཏོར། གཏོར་ཆུང་རེ་ལ་བཀུག་གཞུག་བྱས་ལ། རྔམ་བརྗིད་སྟོབས་ལྡན་མཇུག་གི་བསྐུལ་ཉུང་ངུའམ། ལས་བྱང་གཞུང་གི་དམ་རྫས་གཏོར་ཆེན་འབར་བ་འདི། །ཞེས་སོགས་ཀྱིས་འབུལ་ཞིང་གཏོར་ཆུང་མདོས་ནང་དུ་ཕུལ་ལ་བཟློག་སྔགས་ཅུང་ཟད་རེ་བརྗོད། སྲོད་དང་སྔ་དྲོ་རང་གཞན་སྲུང་འཁོར་བསྒོམ། ཕྱི་དྲོ་དང་དགོང་མོ་བཟློག་བསད་ཀྱི་དམིགས་པ་བྱ། དེ་ལྟར་ཞག་དུ་བྱེད་པ་རྒྱས་པའི་འདོན་འགྲིགས་སོ། ༈ །འབྲིང་པོ་ནི། ལས་བྱང་གི་ཚོགས། ཚོགས་ཕུད་ཕུལ། བསྐང་བའི་

[Full Size]

ཚོགས་ཟན་བསྐང་བ་གསོ། དྲག་པོའི་བསྐང་བཤགས་འདོན། བསྒྲལ་ལས་ཀྱི་ཚོགས་ཟན་ལིངྒ་ཆེ་བ་བསྒྲལ་ལ། ལས་འགྲིགས་དེ་ཉིད་དཔེ་ལ་ཇི་ལྟར་འདུག་པ་དེ་འདོན། གབ་མི་སྤྲད། ལིང་རོ་མདོས་སུ་འབུལ། མཚོན་ཆ་འཁོར་ལོ་ཚར་གཅིག་འདོན། གཏོར་ཆུང་གཅིག་གམ་བདུན་བྲན་ལ། རྣམ་རྒྱལ་འབར་མ་ཚར་གཅིག་འདོན། མཚམས་མཚམས་སུའོ། །དུས་གཅིག་མདོས་སུ་འབུལ། ཡང་གཏོར་ཆུང་གསུམ་བཤམས། འདོན་པའི་མཚམས་སུའམ། དུས་གཅིག་མདོས་སུ་འབུལ། ཟློག་སྔགས་འདོད་གསོལ་བྱ། དམོད་བཅོལ་བྱ། དེ་ལྟར་ཚར་དུ་མ་དུ་བྱེད་པ་འབྲིང་པོའོ།། ༈ ལས་འགྲིགས་བསྡུས་པ་གཅིག་བྱེད་ལུགས་ཡོད་དེ། གོ་དཀའ་བས་འདིར་མ་བྲིས་སོ།། ༈ ཤིན་ཏུ་བསྡུ་ན་ལས་འགྲིགས་མི་དགོས་ཏེ། བསྒྲལ་ལས་ཚོགས་ནང་གི་དེ་བྱེད་པས་ཆོག །ཟློག་སྔགས་ནི་ཨ་ཙིག་མཇུག་ཏུ། ཨ་ཡ་མ་དུ་རུ་ཙ་ཤ་ན་གནོད་བྱེད་དང་ལྟས་ངན་ནམ༔ ཆོ་འཕྲུལ་ལམ༔ བྱད་ཁ་ཆོད་འདྲེ༔ མཱ་ར་ཡ་བྷྱོ་བྷྱོ་ཟློག་ཟློག །ཅེས་པའམ། གཙོ་ཆེར་བྱད་ཟློག་ལ་ཟློག་པ་སྤུ་གྲི་རང་གཤེད་ཀྱི་སྔགས་དེ་འདོན། ཐན་ཟློག་ལ་ལོཀྟི་པ་ལའི་

[Full Size]

སྔགས་དེ་འདོན་པ་མན་ངག་གོ ༈ །དེ་ནས་མདོས་འབུལ་ཉིན། ཕྱོགས་དང་རྒྱུ་ལྡོག་ཐམས་ཅད་ཞིབ་ཏུ་རྩིས། སྒོ་དབྱེའི་མཚམས་སུ་གསེར་སྐྱེམས་མཆོད་པ་འདི་བཞེས་ལ། །སྦྱར་བ་སྒོ་དབྱེ་དང་གསེར་སྐྱེམས་གཉིས་ཀ་བྱེད་ཅིང་། སྒོ་རྩང་བཞི་རིམ་པར་ཤབ། གསེར་སྐྱེམས་གཞན་བྱས་ཀྱང་ཆོག །རྩང་མ་བཙུགས་ཀྱང་ཆོག་པས་མི་འགལ། རྩང་གྱེར་འདོན་མི་དགོས། དེ་ནས་གོམ་པ་བདུན་ཕྱི་རུ་དཔག་ལ་རཀྟས་བྲན། བསྟོད་བསྐུལ་བྱ། སྲིན་མོ་ཟ་ལམ་འདོན། དེ་ནས་གདོན་ཆེན་སྟེང་དུ་རྫོགས་པའམ། ཁྱིམ་གདོན་ཆེ་ན་ཁྱིམ་དུ་འབུལ་སྲོལ་ཡོད་དེ། དེ་ཤིན་ཏུ་རྩུབ་པར་སྣང་བས། གཞུང་ལྟར་རི་ལ་འབུལ་ན་ལེགས། དེ་ཡང་རི་ལ་ཕུལ་ན། ཟོར་གཞན་གང་རུང་ནས་ཁ་སབ། ཟོར་མ་བྱས་ཀྱང་ཆོག །ཞིབ་ཆ་མཐོང་བ་བརྒྱུད་པ་ལྟར་རོ། །ཞེས་བློ་ཆུང་གསར་པ་རྣམས་ལ་ཕན་ཕྱིར་༧ ཨ་རཱ་གས་སྦྱར་བས་སེམས་ཅན་ཐམས་ཅད་བཀྲ་ཤིས་པའི་རྒྱུར་གྱུར་ཅིག། །།མངྒ་ལཾ། །

བླ་མ་དྲག་པོའི་མཚོན་ཆ་འཁོར་ལོའི་ལས་འགྲིགས་སྤུ་གྲི་རེག་གཅོད་བསྡུས་པ།

[Full Size]

བླ་མ་དྲག་པོའི་མཚོན་ཆ་འཁོར་ལོའི་ལས་འགྲིགས་སྤུ་གྲི་རེག་གཅོད་བསྡུས་པ་བཞུགས༔

[Full Size]

མནཏྲམདྷ༔ ན་མོ་པདྨ་ཀྲོ་ཏ་ཡེ༔ བླ་མ་དྲག་པོའི་ལྷ་ལ་ཕྱག་འཚལ་ནས༔ མཚོན་ཆ་འཁོར་ལོའི་ལྷ་བསྐྱེད་ལས་འགྲིགས་བྲི༔ རྩ་གསུམ་བཀའ་སྲུང་རྣམས་ཀྱིས་གནང་བ་སྩོལ༔ མཐོང་བ་བརྒྱུད་པ་ལྟར་དུ་བཙས་དང་ནི༔ ལྷ་གཞུང་ཚར་ནས་འདི་ལྟར་གྱེར་བསྒོམ་བྱ༔ ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ༔ སྟོང་པའི་ངང་ལས་མདོས་གཞི་བདུད་དང་དམ་སྲི་ཕོ་མོ་ཐམས་ཅད་འདུས་པའི་ངོ་བོ་མ་ཏྲཾ་རུ་ཏྲར་གསལ་བ་ལ༔ ཁམས་གསུམ་སེམས་ཅན་ཐམས་ཅད་ཀྱི་དུག་ལྔ་བསྡུས་ནས་མ་ཏཱཾ་ལ་ཐིམ་པ་ལ༔ བདག་དྲག་པོའི་ཐུགས་ཀ་ནས་མཚོན་ཆའི་ཆར་བབས་པས་བསྒྲལ་ནས༔ ཕུང་པོ་ཁྲོལ་གྱིས་ཞིག་པ་

[Full Size]

ལས་པགས་པ་མེའི་ཕྲེང་བ་དང་རྡོ་རྗེའི་རྭ་བས་བསྐོར་བའི་དུར་ཁྲོད་ཆེན་པོ་བརྒྱད༔ དེའི་དབུས་ཀྱི་འོག་གཞི་རུ་ཏྲའི་བྲང་རུས་གྲུ་གསུམ་ཧོམ་ཁུང་འབར་བ་དགུར་གྱུར་པའི་ནང་དུ༔ ནྲིཿདང་ཁྲི་ལས་དགྲ་བགེགས་ཐམས་ཅད་མངོན་སུམ་ལྟར་གསལ་བའི་སྟེང་དུ༔ རྩིབ་ཁོག་ཕྱི་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས་སོགས་མཚན་ཉིད་ཐམས་ཅད་ཡོངས་སུ་རྫོགས་པ་ལ༔ ནང་ཐོད་མཁར་འཇིགས་སུ་རུང་བའི་དབུས་འཁོར་ལོ་རྩིབས་བརྒྱད་པའི་ལྟེ་བར་པད་ཉི་དང་བདུད་བཞི་དམ་སྲི་ཕོ་མོ་བསྣོལ་བའི་སྟེང་དུ་ཧཱུཾ་ལས་རྡོ་རྗེ་རྩེ་དགུ་

[Full Size]

པ་ལྟེ་བ་ཧཱུྃ་གིས་མཚན་པ་ལས་འོད་ཟེར་འཕྲོས༔ དོན་གཉིས་བྱས༔ ཚུར་འདུས་ཡོངས་སུ་གྱུར་པ་ལས༔ སྐད་ཅིག་གིས་མདུན་བསྐྱེད་གུ་རུ་དྲག་པོ་སྐུ་མདོག་དམར་པོ་མེའི་མདོག་ཅན་ཐོད་སྐམ་དང་རིགས་ལྔས་དབུ་ལ་རྒྱན་པ༔ ཞལ་གསུམ་ཕྱག་དྲུག་ཞབས་བཞི་གྱད་ཀྱི་འདོར་ཐབས་སུ་བགྲད་པ༔ རྡོ་རྗེ་དང་རིན་པོ་ཆེའི་གཤོག་པ་གཡས་གཡོན་དུ་བརྐྱང་བ་ཞལ་གཡས་དཀར་གཡོན་སྔོ་དབུས་དམར་ནག་ཏུ་འབར་བ༔ སྤྱན་དགུ་གདངས་མིག་བགེགས་ལ་གཟིར་བ༔ ཞལ་གདངས་ལྗགས་འདྲིལ་རྣོ་དབལ་གྱི་མཆེ་བ་གཙིགས་པ༔ ཤངས་ནས་རླུང་བྱུང་ཞིང་སྨིན་མ་གློག་ལྟར་འཁྱུགས་པ༔ ཨག་ཙོམ་ལས་མེ་འབར་བ༔ རྐན་སྒྲ་བརྡབས་པས་ནམ་མཁའི་འབྲུག་དང་མཉམ་པ༔ ཕྱག་དྲུག་གཡས་ཀྱི་དང་པོས་གནམ་ལྕགས་ཀྱི་རྡོ་རྗེ་རྩེ་དགུ་པ་ཁ་གདེངས་པ་ནམ་མཁའ་ལ་འཕྱར་བ༔ བར་པ་ན་གྲི་ཁུག་ཐུར་དུ་འཕྱང་བ༔ ཐ་མ་ན་རལ་གྲི་མེ་འབར་བ་འཛིན་པ༔ གཡོན་གྱི་དང་པོས་ཁ་དང་སྡིགས་མཛུབ་ཀྱི་རྩེ་ལ་མེ་འབར་བས་ཐོད་ཁྲག་ཐུགས་ཀར་ཡུམ་ལ་འཁྱུད་པ༔ ཐ་མ་ན་ལྕགས་ཀྱི་སྡིག་པ་མགོ་དགུ་པའི་རྐེ་ནས་བཟུང་བ༔ དབུ་སྐྲ་ཁམ་ནག་

[Full Size]

སྤྱི་བོར་བཅིངས་ཤིང་ཟར་བུའི་སྐུ་རྒྱབ་ཁེབས་པར་གཏིབས་པ༔ སྐུ་སྟོད་ལ་གླང་ཆེན་གྱི་ཀོ་རློན་དང་ཞིང་ལྤགས་ཀྱི་གཡང་གཞི་གསོལ་བ༔ སྐུ་སྨད་ལ་སྟག་གི་པགས་པའི་ཤམ་ཐབས་དཀྲིས་པ༔ སྦྲུལ་རིགས་ལྔས་སྐུ་ལ་བརྒྱན་པ༔ གདོལ་བ་ནག་པོས་དོ་ཤལ་བྱས་པ༔ མི་མགོ་ཁྲག་འཛག་པ་ལྔ་བཅུ་དང་ཐོད་སྐམ་སྤེལ་མར་བརྒྱུད་པ་རྡོ་རྗེའི་གོ་ཁྲབ་གསོལ་བའི་བར་མཚམས་ན་ལྕགས་ཀྱི་སྡིག་པ་ནག་པོ་ཕྲ་མོས་གཏམས་པ༔ དེའི་མདུན་ན་ཡུམ་རྡོ་རྗེ་ཕག་མོ་སྐུ་མདོག་མཐིང་ནག་འབར་བ༔ ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ ཕྱག་གཡས་གྲི་ཁུག་ཡབ་ཀྱི་མགུལ་ནས་འཁྱུད་ཅིང་༔ གཡོན་པས་ཐོད་ཁྲག་ཡབ་ལ་སྟོབ་པ༔ སྤྱི་གཙུག་ན་ཕག་ཞལ་གྱེན་དུ་ངུར་བ༔ དབུ་སྐྲ་ཁམ་སེར་ཐུར་དུ་འཕྱངས་པ༔ ཞབས་གཡས་བརྐྱང་གཡོན་བསྐུམ་གར་ཐབས་སུ་ཡབ་དང་ཞལ་སྦྱོར་བ༔ གཟིག་གི་ཤམ་ཐབས་གསོལ་བ༔ ཐོད་སྐམ་ལྔའི་དབུ་ལ་བརྒྱན་ཅིང་རུས་པའི་རྒྱན་དྲུག་གསོལ་བ༔ དེའི་སྤྱི་གཙུག་ཏུ་ཨཱ་ཨཱཧཱུྃ༔ ཁྲོ་ག་རུ་ཎ་ཙ་ལེ་ཙ་ལེ་ཧཱུཾ་ཕཊ༔ ཡེ་ཤེས་ཀྱི་བྱ་ཁྱུང་དཀར་པོ་གནམ་ལྕགས་ཀྱི་མཆུ་སྡེར་ཅན་ཁྲོ་ཆུའི་རྭ་

[Full Size]

རྩེ་ལ་མེ་འབར་བ༔ མེའི་གཤོག་པ་རབ་ཏུ་རྡེབ་པ༔ ཀྲང་ཀྲིང་གི་སྒྲ་སྒྲོག་པ༔ ཤར་གྱི་རྩིབས་སྟེང་དུ་ཨོཾ་ཨཱཿཧཱུྃ་བཛྲ་པཱ་ཎི་མ་ཧཱ་ཀྲོ་ཏ་ཧཱུྃ༔ ཐུགས་ཀྱི་ལྷ་གསང་བདག་རྡོ་རྗེ་གཏུམ་པོ་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ གཡས་རྡོ་རྗེ་རྩེ་ལྔ་ནམ་མཁར་འཕྱར་ཞིང་གཡོན་སྡིགས་མཛུབ་ཐུགས་ཀར་མཛད་པ༔ སྐུ་ལ་སྦྲུལ་རིགས་ལྔ་དང་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་གཡོན་བརྐྱང་འདོར་ཐབས་སུ་བགྲད་པ་ལ༔ ཡང་དག་ཐུགས་ཀྱི་ལྷ་ཚོགས་ཀྱིས་བསྐོར་བ༔ ལྷོ་ཡི་རྩིབས་སྟེང་དུ་ཨོཾ་ཨཱཧཱུྃ་མཉྫ་ཤི་ཡ་མཱནྟ་ཀ་ཧཱུྃ༔ སྐུའི་ལྷ་འཇམ་དཔལ་གཤིན་རྗེའི་གཤེད་སེར་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ གཡས་པས་ཤེས་རབ་ཀྱི་རལ་གྲི་ནམ་མཁར་འཕྱར་བ༔ གཡོན་སྡིགས་མཛུབ་པོ་ཏི་ཐུགས་ཀར་འཛིན་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་གཡོན་བརྐྱང་འདོར་ཐབས་སུ་བསྒྲད་པ་ལ་འཇམ་དཔལ་སྐུའི་ལྷ་ཚོགས་ཀྱིས་བསྐོར་བ༔ ནུབ་ཀྱི་རྩིབས་སྟེང་ལ་ཨཱ་ཨཱཧཱུཾ་པདྨནྟ་ཀྲྀཏ་བྱ་གྲི་ཝ་ཧཱུྃ་ཕཊ༔ གསུང་གི་ལྷ་དབང་ཆེན་རྟ་མགྲིན་དམར་པོ་ཞལ་

[Full Size]

གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ ཕྱག་གཡས་དབྱུག་ཏོ་ནམ་མཁའ་ལ་འཕྱར་ཞིང་༔ གཡོན་སྦྲུལ་ཞགས་ཐུགས་ཀར་འཛིན་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་གཡོན་བརྐྱང་འདོར་ཐབས་སུ་བགྲད་པ་ལ་པདྨ་གསུང་གི་ལྷ་ཚོགས་ཀྱིས་བསྐོར་བ༔ བྱང་གི་རྩིབས་ལ་ཨོཾ་ཨཱཿཧཱུྃ༔ བཛྲ་ཧཱུྃ༔ ཡཀྵ་ཧཱུྃ༔ རཀྟ་ཧཱུྃ༔ ཕྲིན་ལས་ཀྱི་ལྷ་ཡཀྵ་མེ་དབལ་སྐུ་མདོག་སྨུག་ནག་ཁྲོས་པ༔ ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ གཡས་རྡོ་རྗེ་ཕུར་པ་ཕྱར་ཞིང་༔ གཡོན་ལྕགས་ཀྱུ་ཞགས་པ་འཛིན་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་གཡོན་བརྐྱང་འདོར་ཐབས་སུ་བགྲད་པ་ལ་ཕྲིན་ལས་ཕུར་པའི་ལྷ་ཚོགས་ཀྱིས་བསྐོར་བ༔ ཤར་ལྷོའི་རྩིབས་སྟེང་དུ་པདྨ་འདབ་བཞི་ཆོས་འབྱུང་གི་དབུས་སུ་ཨོཾ་ཨཱཿཧཱུྃ༔ བུདྡྷ་དྷཀི་ནཱི་ཧ་རི་ནི་ས་ཧཱུྃ༔ དབུས་སུ་སངས་རྒྱས་མཁའ་འགྲོ་མཐིང་ག༔ ཤར་དུ་རྡོ་རྗེ་མཁའ་འགྲོ་དཀར་མོ༔ ལྷོར་རིན་ཆེན་མཁའ་འགྲོ་སེར་མོ༔ ནུབ་ཏུ་པདྨ་མཁའ་འགྲོ་དམར་མོ༔ བྱང་དུ་ལས་ཀྱི་མཁའ་འགྲོ་ལྗང་མོ༔ ཐམས་ཅད་ཀྱང་

[Full Size]

ཞལ་གཅིག་སྤྱན་གསུམ་མཆེ་བ་བཞི་གཙིགས་པ༔ གཡས་གྲི་ཁུག་ནམ་མཁའ་ལ་འཕྱར་ཞིང་༔ གཡོན་ཐོད་ཁྲག་ཐུགས་ཀར་འཛིན་པ༔ ཞབས་གཡས་བསྐུམ་གཡོན་བརྐྱང་པདྨ་དང་རོ་ཡི་གདན་ལ་གར་ཐབས་སུ་བཞུགས་པ༔ ཐོད་པ་སྐམ་རློན་དང་རུས་པའི་རྒྱུན་དྲུག་གིས་སྤྲས་པ༔ ཁཊཾ་མཆན་དུ་བཅུག་པ༔ ཐུགས་ཀར་མ་ཧ་རི་ནི་སས་མཚན་པ་ལ་མ་མོ་རྦོད་གཏོང་གི་ལྷ་ཚོགས་ཀྱིས་བསྐོར་བ༔ གཡས་ཟུར་ལྷོ་ནུབ་ཀྱི་རྩིབས་ལ་བདུད་མི་ནག་རྟ་ནག་ཅན་ལ་ལས་མཁན་མི་ནག་མདུང་དང་ཞགས་པ་ཐོགས་པ་བརྒྱད་དང་བདུད་དམག་གིས་བསྐོར་བ༔ རྒྱབ་ཟུར་ནུབ་བྱང་གི་རྩིབས་ལ་ཀླུ་མི་སྔོན་རྟ་སྔོན་ཅན་ལ་མི་སྔོན་སྦྲུལ་ཞགས་ནད་རྐྱལ་ཐོགས་པ་བརྒྱད་སོགས་ཀླུ་དམག་གིས་བསྐོར་བ༔ མདུན་གཡོན་ཟུར་བྱང་ཤར་གྱི་རྩིབས་ལ་བཙན་མི་དམར་རྟ་དམར་ཅན་ལ༔ མི་དམར་མདའ་གཞུ་དང་མདུང་དམར་ཅན་ལས་མཁན་བརྒྱད་སོགས་བཙན་དམག་གིས་བསྐོར་བ༔ དེའི་ཕྱི་རོལ་དུ་ཐོད་མཁར་ནང་གི་སྒོ་བཞི་ལ་ཤར་སྒོར་རྟ་གདོང་མ་དཀར་མོ་ལྕགས་ཀྱུ་འཛིན་པ༔ ལྷོ་སྒོར་ཕག་གདོང་མ་སེར་མོས་ཞགས་པ་བསྡོམ་པ༔ ནུབ་སྒོར་སྤྲེལ་གདོང་མ་དམར་མོས་ལྕགས་

[Full Size]

སྒྲོག་བསྡོམ་པ༔ བྱང་སྒོར་སྤྱང་གདོང་མ་ལྗང་གུས་དྲིལ་བུ་འཛིན་པ༔ གཡོན་རྣམས་ཐོད་ཁྲག་འཛིན་པ༔ ཕྱི་གཞལ་ཡས་ཁང་གི་སྒོ་བཞི་ལ་རྒྱལ་པོ་ཆེན་པོ་སྡེ་བཞི་རང་རང་གི་དཔུང་དང་བཅས་པ༔ ཕྱིའི་ཁྱམས་ལ་རྩང་རྣམས་དབང་ཕྱུག་མ་ཉི་ཤུ་རྩ་བརྒྱད༔ ལྷ་ཚོགས་དེ་དག་རང་རང་གི་སྤྱི་བོར་ༀ་དཀར་པོ༔ མགྲིན་པར་ཨཱཿདམར་པོ༔ ཐུགས་ཀར་ཧཱུྃ་མཐིང་ག་ལས་འོད་ཟེར་དཔག་ཏུ་མེད་པ་འཕྲོས༔ བདེ་ཆེན་དབང་དྲག་རོལ་པའི་དཀྱིལ་འཁོར་ནས་ཡེ་ཤེས་སེམས་དཔའ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ༔ ཛཿཧཱུྃ་བཾ་ཧོཿ ཧཱུྃ༔ དུར་ཁྲོད་རཏྣ་འབར་བའི་ཕོ་བྲང་ནས༔ འཇིགས་བྱེད་ཆེ་མཆོག་བཛྲ་ཧེ་རུ་ཀ༔ དབང་དྲག་པདྨ་བཀའ་ཡི་འཁོར་དང་བཅས༔ དབང་དྲག་ལས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ༔ ཧཱུྃ༔ དུར་ཁྲོད་འཇིགས་སུ་རུང་བའི་ཕོ་བྲང་དང་༔ དྲེགས་པ་པདྨ་ཉི་ཟླའི་གདན་སྟེང་དུ༔ དབང་དྲག་པདྨ་བཀའ་ཡི་འཁོར་དང་བཅས༔ རྔམས་བརྗིད་དགྱེས་པའི་ཚུལ་གྱིས་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ ཧཱུྃ༔ རང་བྱུང་ལྷུན་གྲུབ་པདྨ་འབྱུང་གནས་སྐུ༔ དུས་གསུམ་སངས་

[Full Size]

རྒྱས་སྐུ་གསུང་ཐུགས་ལས་སྤྲུལ༔ མཐུ་རྩལ་རྨད་བྱུང་པདྨ་ཧེ་རུ་ཀ༔ ལྷ་སྲིན་དྲག་པོ་འདུལ་བའི་མཐུ་མངའ་བ༔ དབང་དྲག་པདྨའི་སྐུ་ལ་ཕྱག་འཚལ་བསྟོད༔ ཧཱུྃ༔ དྲག་པོ་པདྨའི་ལྷ་ཚོགས་ལ༔ མཆོད་པའི་བྱེ་བྲག་འབུལ་བ་ནི༔ ཕྱི་མཆོད་འདོད་ཡོན་རྣམ་ལྔ་དང་༔ ནང་མཆོད་ཤ་ལྔ་བདུད་རྩི་ལྔ༔ གསང་མཆོད་བྱང་སེམས་བདེ་སྟོང་རྒྱུན༔ ཐབས་མཆོག་མཐར་ཕྱིན་བདུད་རྩི་དང་༔ ཤེས་རབ་མཐར་ཕྱིན་རཀྟ་དང་༔ ཐབས་ཤེས་དབྱེར་མེད་གཏོར་མ་སོགས༔ སྐུ་གསུམ་ཀློང་དུ་བཞེས་ནས་ཀྱང་༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་གུ་རུ་ཀྲོ་ཏ་དྷེ་ཝ་དྷཀྐི་ནཱི་ས་པ་རི་ཝཱ་ར་ཨགྷོ་པཱདྱ་པུངྒེ་དྷཧྥེ་ཨཱ་ལོ་ཀེ་གནྡྷེ་ནེ་ཝིདྱ་ཤབྡ༔ མ་ཧཱ་པཉྩ་རཀྟ་བ་ལིཾ་ཏ་ཁཱ་ཧི༔ དེ་ནས་ཚོགས་དང་བསྲེ་ན་སྐབས་འདིར་ཚོགས་བྱས་ལ་ཚོགས་ཕུད་འབུལ༔ བར་པས་བསྐང་བ་གསོས་ལ་དྲག་པོའི་བསྐང་བ་འདོན༔ དེ་ནས་ཚོགས་ཐ་མ་བསྒྲལ་རྒྱུའི་ཚོགས་དུམ་ལིངྒ་དང་སྦྲགས་ལ་བསྒྲལ་ལས་རྒྱས་པ་འདི་བྱའོ༔ ཡང་ཟློག་པ་ཁ་རྐྱང་ལ་ཚོགས་མ་བྱས་ཀྱང་འདི་ལྟར་འདོན་རུང་ངོ་༔ མདུན་དུ་ལྕགས་ཁང་ཟན་ལིང་བཤམས་ལ༔ ཕཊ༔ ཨེ་ཡཾ་རཾ་ཁཾ༔ རང་གི་མདུན་དུ་ཨེ་ལས་དུག་གསུམ་ལས་གྲུབ་པའི་བཙོན་ཁང་༔ དུས་མཐའི་ཆར་སྤྲིན་ལྟར་ནག་པའི་ཕྱི་

[Full Size]

ལ་ཞེ་སྡང་བསྐལ་པའི་མེ་འབར་བ༔ ཁ་དོག་ཅིང་མཐིལ་ཡངས་བ༔ ཟིན་ནས་ཐར་བ་མེད་པའི་ནང་དུ༔ འདོད་ཆགས་ཁྲག་གི་རྒྱ་མཚོ་ཁོལ་བ༔ གཏི་མུག་གི་མུན་པ་འཐིབས་པ༔ ཕྲག་དོག་གི་རླུང་དམར་འཚུབ་པ༔ སྟེང་དུ་ཐོག་དང་མཚོན་ཆའི་ཆར་འབེབས་པའི་ཕྱི་རོལ་དུ་ལས་བྱེད་ཀྱི་ཕོ་ཉ་མི་སྡུག་པའི་ཚུལ་ཅན་གྱིས༔ ལག་ན་འགུགས་སྒྲོལ་གྱི་མཚོན་ཆ་འཛིན་པ་དཔག་ཏུ་མེད་པས་དགྲ་བགེགས་ཀྱི་བླ་འཁྱམས་རང་དབང་མེད་པར་འགུགས་པར་བརྩོན་པས་ས་གཞི་གང་བའི་ནང་དུ༔ ཧྲི་དང་ཁྲི་ལས་སྐྱེས་པའི་དགྲ་བགེགས་ཁ་ངུ་བ༔ མིག་ཤི་མིག་ལག་པ་གཡས་པས་བྲང་བརྡུང་ཞིང་གཡོན་སྐུ་འབལ་བ༔ རྐང་ལག་ལྕགས་སུ་བཅུགས་པ༔ བུ་ག་དགུ་ནས་ཁྲག་འཛག་པ༔ ཉམ་ཐག་དབུགས་དང་ཕྲལ་ལ་ཁད་པ་འདར་ཕྲི་ལི་ལི་བྱེད་པ་ཞིག་ཏུ་གྱུར༔ དེ་ནས་བདེན་སྟོབས་ནི༔ ན་མོ༔ བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་༔ བདག་ཉིད་གུ་རུ་དྲག་པོ་ཐོད་ཕྲེང་རྩལ་

[Full Size]

གྱི་བཀའ་བདེན་པ་དང་༔ སྐུ་མཆོག་འཇམ་དཔལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་གསུང་མཆོག་རྟ་མགྲིན་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཐུགས་མཆོག་ཕྱག་ན་རྡོ་རྗེའི་ལྷ་ཚོགས་རྣམས་ཀྱི་བཀའ་བདེན་པ་དང་ཡོན་ཏན་མཁའ་འགྲོ་སྡེ་ལྔའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཡཀྵ་མེ་དབལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྤྲུལ་པ་ཁྱུང་ཆེན་འབར་བའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྟོབས་ལྡན་སྡིག་པ་ནག་པོ་ཕོ་ཉ་ཟ་བྱེད་གསོད་བྱེད་བསྟན་སྲུང་དམ་ཅན་རྒྱ་མཚོའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བྱིན་རླབས་ལ་བརྟེན་ནས༔ སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ༔ དོ་བསྔོ་ཞིང་འགྲས་ཚོལ་བ༔ རྣལ་འབྱོར་པ་བདག་གི་སྒོས་དགྲ༔ བསམ་ངན་འཆང་བའི་བྱད་མ༔ ཁྱད་པར་དུ་རྣལ་འབྱོར་པ་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པ་ལ༔ གནོད་ཅིང་འཚེ་བའི་གདོན་བགེགས༔ བཀའ་དང་དམ་ལ་མི་གནས༔ འགྱུ་ལོག་འཕར་ལྡང་མགོ་གཡོགས་མགོ་སྐོར་བྱེད་པ་ཐམས་

[Full Size]

ཅད་ཀྱི༔ བླ་སྲོག་རྣམ་པར་ཤེས་པ་ས་འོག་ས་སྟེང་ས་བླ་སྲིད་པ་གསུམ་གར་གནས་ཀྱང་གཟུགས་ལིངྒ་འདི་ལ་ཁུག་ཅིག་དགྲ་བགེགས་ནི་ཏྲ་ཨཾ་ཀུ་ཤ་ཛ་ཛ། བཛྲ་པཱ་ཤ་ཧཱུྃ༔ བཛྲ་སྤོ་ཊ་ཐཾ༔ བཛྲ་གྷནྡྷེ་ཧོ༔ ནི་ཏྲ་ཛ་ཛ༔ ཨཱ་ཝེ་ཤ་ཡ་ཨ་ཨཱ༔ ཞེས་འགུགས་གཞུག་ལན་གསུམ་བྱའོ༔ ན་མོ་དཀོན་མཆོག་གསུམ་དང་རྩ་བ་གསུམ༔ དྲག་པོ་བདེར་འདུས་དཀྱིལ་འཁོར་ལྷ་ཡི་ཚོགས༔ མཁའ་འགྲོ་ཆོས་སྐྱོང་སྲུང་མ་དམ་ཅན་ཚོགས༔ ཡུལ་ལྷ་གཞི་བདག་ལྷ་སྲུང་དགོངས་སུ་གསོལ༔ དམ་ཉམས་དགྲ་བགེགས་གནོད་བྱེད་གདུག་པ་ཅན༔ བསྒྲལ་བའི་ཞིང་བཅུ་ཚང་བ་འདི་ཡིན་པས༔ འདི་ལ་ཡེ་ཤེས་འཇིག་རྟེན་གང་གིས་ཀྱང་༔ ཁ་འཛིན་རྒྱབ་རྟེན་མགོན་སྐྱབས་མ་མཛད་ཅིག༔ གལ་ཏེ་མ་ཉན་མགོན་ཞིང་སྐྱབས་གྱུར་ན༔ ཡེ་ཤེས་ལྷ་ཡང་ཐུགས་དམ་ཉམས་པར་འགྱུར༔ འཇིག་རྟེན་ལྷ་རྣམས་རྡུལ་དུ་རླག་པར་བྱེད༔ དེ་བས་ཐམས་ཅད་རང་རང་གནས་སུ་དེངས༔ ཨཱ་ཡུ་ཛྷཱ་ན་ཤེ་དགྲ་བོའི་ལྷ་བསྲུང་ཐམས་ཅད་ཨུ་ཙ་ཏ་ཡ་ཕཊ༔ མཱ་ར་ཡ་ཕྱེས་ཕྱེས་ཧཱུྃ་ཧཱུྃ་ཕཊ་ཕཊ༔ ཕུར་པ་ཐོགས་ལ༔ ཧཱུྃ༔ ང་ནི་པདྨ་ཐོད་ཕྲེང་རྩ་ལ༔ སྲས་དང་སྤྲུལ་པ་བྱེ་བ་འབུམ།

[Full Size]

བཀའ་སྡོད་རབ་འཇིགས་ཕོ་ཉར་བཅས༔ དྲག་པོ་ཐོད་ཕྲེང་དུས་ལ་བབ༔ གཡས་ཀྱི་ཕྱག་ན་རྡོ་རྗེ་བསྣམས༔ གཡོན་གྱི་ཕྱག་ན་ཁ་ཊཾ་བསྣམས༔ རྩ་ཕྱག་ཕུར་པ་ལྕགས་ཀྱུ་འདེབས༔ མཐའ་གཉིས་རལ་གྲི་ལྕགས་སྡིག་འདེབས༔ དགྲ་བགེགས་ལྔ་ཕུང་རླག་པར་བྱེད༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ༀ་ཨཱཙྪཱཧཱུྃ་ཨ་ཙིག་ནིར་ཙིག་ན་མོ་བྷ་ག་ཝ་ཏེ་ཧཱུཾ་ཧཱུཾ་ཕཊ༔ ཨ་ཧཱུྃ་ཧཱུྃ་ཕཊ༔ བཛྲ་ཧཱུྃ༔ ཡཀྵ་ཧཱུྃ༔ རཀྟ་ཧཱུྃ༔ ཨ་ཡ་མ་དུ་རུ་ཙ་ཤ་ན་གནོད་བྱེད་དགྲ་བགེགས་ཀྱི་ལུས་ངག་ཡིད་གསུམ་ནི་ཏྲི་ཤ་ཧཱུཾ་མཱ་ར་ཡ་རྦད༔ ཧཱུྃ་སྤ་ར་ཎ་ཕཊ༔ ཕུར་པ་བཏབ་ལ༔ དེ་ནས་རལ་གྲི་ཐོགས༔ ཧཱུཾ་ང་ནི་འཇམ་དཔལ་གཤིན་རྗེའི་གཤེད༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་འགྱེད༔ གཡས་ཀྱི་ཕྱག་ན་རལ་གྲི་བསྣམས༔ གཡོན་གྱི་ཕྱག་ན་ལྕགས་ཀྱུ་འདེབས་ལྕགས་ཀྱུས་ཟུངས་ལ་རལ་གྲིས་གཏུབ༔ དགྲ་བགེགས་ལྔ་ཕུང་རླག་པར་བྱེད༔ རྣམ་ཤེས་ཆོས་ཀྱི་དབྱིངས་སུ་སྒོལ༔ ཨོཾ་ཨཱཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ དགྲ་བགེགས་ལུས་ངག་ཡིད་གསུམ་མཱ་ར་ཡ་རྦད༔ རལ་གྲི་བཏབ༔ དེ་ནས་དབྱུག་ཐོ་ཐོགས་ལ༔ ཧཱུྃ༔ ང་ནི་

[Full Size]

དབང་ཆེན་རྟ་མགྲིན་རྒྱལ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ གཡས་ཀྱི་ཕྱག་ན་དབྱུག་ཐོ་བསྣམས༔ གཡོན་གྱི་ཕྱག་ན་ལྕགས་སྒྲོག་བསྣམས༔ ལྕགས་སྒྲོག་སྡོམ་ལ་དབྱུག་ཐོས་འཇོམས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཨོཾ་བཛྲ་པདྨ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་ཟད༔ རྡོ་རྗེ་ཐོགས་ལ༔ ཧཱུྃ༔ ང་ནི་གསང་བདག་རྡོ་རྗེ་འཛིན༔ སྲས་དང་སྤྲུལ་པ་བྱེ་བ་འབུམ་༔ བཀའ་སྡོད་རབ་འཇིགས་ཕོ་ཉར་བཅས༔ གཡས་ཀྱི་ཕྱག་ན་རྡོ་རྗེ་བསྣམས༔ གཡོན་གྱི་ཕྱག་ན་སྦྲུལ་ཞགས་བསྣམས༔ རྡོ་རྗེས་བརྡུངས་ལ་སྦྲུལ་ཞགས་ཆིངས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ དགྲ་བགེགས་ལུས་ངག་ཡིད་གསུམ་མཱ་ར་ཡ་རྦད༔ གྲི་གུག་ཐོགས་ལ༔ ཧཱུྃ༔ ང་ནི་ཡེ་ཤེས་མཁའ་འགྲོ་སྟེ༔ སྲས་དང་སྤྲུལ་པ་མཁའ་འགྲོའི་ཚོགས༔ མ་སྲིང་མཁའ་འགྲོ་ཤུགས་འགྲོར་བཅས༔ གཡས་ཀྱི་ཕྱག་ན་གྲི་གུག་བསྣམས༔ གཡོན་གྱི་ཕྱག་ན་ཐོད་

[Full Size]

ཁྲག་བསྣམས༔ གྲི་གུག་གཏུབས་ལ་ཐོད་ཁྲག་མྱོས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཧྲཱིཿ མ་ཧ་རི་ནི་ས༔ དགྲ་བགེགས་ལུས་ངག་ཡིད་གསུམ་མཱ་ར་ཡ་རྦད༔ ཕུར་པའམ་ཐོ་བ་ཐོགས་ལ༔ ཧཱུྃ༔ ཡཀཱ་མེ་དབལ་ཁྲོ་བོའི་སྐུ༔ ཁྲོ་རྒྱལ་སྟོབས་འདུས་ངོ་བོ་ཉིད༔ མཐུ་སྟོབས་རྫུ་འཕྲུལ་ཐོགས་པ་མེད༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉ་འགྱེད༔ ཞིང་བཅུ་རུ་ཏྲ་ཐལ་བར་རློགས༔ ཨོཾ་བཛྲ་ཀྲོ་ཏ་ཡཀཱ་ཧཱུཾ་རཀྵ་ཧཱུྃ༔ དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་རྦད༔ ཧཱུྃ༔ ང་ནི་ཁྲོ་རྒྱལ་སྤྲུལ་པའི་སྐུ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ གནམ་ལྕགས་མཆུ་སྡེར་ཁྲོ་ཆུའི་རྭ༔ དམ་ཅན་ཕྱག་མཚན་མཚོན་ཆ་ཡིས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒོལ༔ ཨོ་ཁྲོ་ག་རུ་ཊ་ས་མ་ཡ་ཧཱུྃ་ཕཊ༔ དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་རྦད༔ ཧཱུྃ༔ ཆེ་མཆོག་དྲག་པོ་ཐོད་ཕྲེང་རྩལ༔ རྔམ་བྱེད་འབར་བའི་ཁྲོ་ཚོགས་བཅས༔ རྡོ་རྗེ་ཕུར་པ་ལྕགས་ཀྱུ་དང་༔ ཞགས་པ་ཐོ་ཆེན་འབར་བ་ཐོགས༔

[Full Size]

དགྲ་བགེགས་གདུག་པའི་ལྔ་ཕུང་འདི༔ ལྕགས་ཀྱུས་ཟུངས་ལ་ཕུར་པས་ཐོབ༔ རྡུལ་ཕྲན་བཞིན་དུ་བརླག་པར་མཛོད༔ རྣམ་ཤེས་ཆོསཀྱི་དབྱིངས་སུ་སྤོར༔ གུ་རུ་བཛྲ་ཀྲོ་ཏ་ཀྲྀ་ཏྲི་ཤ་ཧཱུཾ་མཱ་ར་ཡ་རྦད༔ དེ་ནས་ཐུན་སོ་སོར་བརྡེག་སྟེ༔ ཧཱུྃ༔ རྡོ་རྗེ་ཕུར་པ་ཀཱི་ལ་ཡ༔ སངས་རྒྱས་ཡོངས་རྫོགས་ཕྲིན་ལས་སྐུ༔ སྲས་དང་སྤྲུལ་པ་བྱེ་བ་འབུམ་བཀའ་སྡོད་རབ་འཇིགས་ཕོ་ཉར་བཅས༔ དྲག་སྔགས་ཐོག་སེར་དྲག་པོ་ཡིས༔ དགྲ་བགེགས་ལྔ་ཕུང་རྡུལ་དུ་རློགས༔ ༈ ཡུངས་དཀར་རྒྱལ་པོ་ཤ་རི་རམ༔ ཁྲོ་རྒྱལ་ཡོངས་རྫོགས་ཕྲིན་ལས་སྐུ༔ དྲག་སྔགས་ཐོག་སེར་དྲག་པོ་ཡིས༔ དགྲ་བགེགས་ལྔ་ཕུང་རྡུལ་དུ་རློགས༔ ༈ རཀྟའི་རྒྱ་མཚོ་རྦ་ཀློང་འཁྲུགས༔ མ་མོ་ཡོངས་རྫོགས་གྱད་ཀྱི་སྐུ༔ ནད་ཡམས་དལ་ཁ་ཆར་བཞིན་ཕོབ༔ དགྲ་བགེགས་ལྔ་ཕུང་རྡུལ་དུ་རློགས༔ ༈ མཚེ་མདའ་དྲག་པོ་སྐར་ལྟར་འཁྲུགས༔ དྲེགས་པ་འཇོམས་མཛད་རྩལ་གྱི་སྐུ༔ མཚེ་ཡི་མདའ་འཕེན་སེར་ལྟར་འདྲིལ༔ དགྲ་བགེགས་ལྔ་ཕུང་རྡུལ་དུ་རློགས༔ ༈ འབྱུང་བ་དུག་ཐུན་རླུང་ལྟར་འཚུབ༔ གདུག་པའི་དུག་སྣ་ཡོངས་རྫོགས་པ༔ ལྔ་ཕུང་འཇིགས་

[Full Size]

བྱེད་དུག་རླང་གིས༔ དགྲ་བགེགས་ལྔ་ཕུང་རྡུལ་དུ་རློགས༔ ༈ ཐོགས་མེད་དྲག་པོ་ལས་ཀྱི་ཐུན༔ ཕྱག་མཚན་ཡོངས་རྫོགས་མཚོན་གྱི་ཆར༔ རལ་གྲི་ལོ་མ་ཆར་ལྟར་འབེབས༔ དགྲ་བགེགས་ལྔ་ཕུང་རྡུལ་དུ་རློགས༔ ༈ སྟོབས་ཆེན་འདུལ་བ་མདའ་ཡི་ཐུན༔ དྲེགས་འཇོམས་ཡོངས་རྫོགས་གྱད་ཀྱི་སྐུ༔ མི་བཟད་ཐོག་ཆེན་ལྟར་འབེབས་ཀྱིས༔ དགྲ་བགེགས་ལྔ་ཕུང་རྡུལ་དུ་རློགས༔ ༈ སྟོབས་ཆེན་བརྡུང་བ་རྡོ་ཡི་ཐུན༔ དྲེགས་པ་འཇོམས་མཛད་གཏུམ་པའི་སྐུ༔ དྲག་པོ་གནམ་ལྕགས་ཐོག་སེར་གྱིས་དགྲ་བགེགས་ལྔ་ཕུང་རྡུལ་དུ་རློགས༔ ༈ རྡུངས་ཤིག་རྡོ་རྗེ་འབར་བའི་གཏུན༔ བཀའ་ལས་འདའ་བྱེད་སྡིག་ཅན་འདི༔ རྡོ་རྗེ་མེ་འབར་སྙིང་བསྲེགས་ནས༔ ལུས་ངག་རྡུལ་ཕྲན་བཞིན་དུ་རློགས༔ ཁྲོ་མོ་འབར་བའི་གཏུན་ཁུང་དུ༔ རྡོ་རྗེ་ཐོ་བས་བརྡུངས་བྱས་ནས༔ ལྷའམ་འོན་ཏེ་བརླག་པར་འགྱུར༔ རྡུལ་ཕྲན་བཞིན་དུ་རླག་པར་བྱེད༔ མངོན་སྤྱོད་དྲག་པོའི་ལས་མཛོད་ཅིག༔ ཨོཾ་ཨཱཧཱུྃ་བཛྲ་གུ་རུ་པདྨ་ཀྲོ་ཏ༔ ཡ་མ་ཐ་ཏུ༔ རཀཱ་ས་ཡ་ཏྲི༔ ཕུ་ཏྲི་ཤ་ཏྲི་ག་ནིཨ་བྷྱོ་ཛ་ཛ༔ གནོད་བྱེད་དགྲ་བགེགས་ཀྱི་སྲོག་རྩ་དམར་པོ་ལ་མཱ་

[Full Size]

ར་ཡ་རྦད་རྦད༔ དེ་ནས་ལིང་རོ་གཏོར་མར་བསྟབས་བྱས་ཏེ༔ ཧཱུྃ༔ བླ་མ་ཡི་དམ་མཁའ་འགྲོ་ཞལ་ཕྱེས་ཤིག༔ ཁམས་གསུམ་ཡོངས་སྒྲོལ་དགྲ་བགེགས་ཞལ་དུ་བསྟབ༔ རྔམ་བྱེད་ཧོ་ཁུང་ཡངས་པའི་མགུལ་དུ་བསྟིམ༔ འཁོར་འདས་མཉམ་ཉིད་ངང་དུ་མཆོད་པར་བཞེས༔ རྣལ་འབྱོར་བདག་ཅག་འཁོར་དང་བཅས་པ་ཡི༔ བྱང་ཆུབ་བསྒྲུབ་ལ་བར་ཆད་བྱེད་པ་ཡི༔ གཟུགས་ཅན་དགྲ་དང་གཟུགས་མེད་བགེགས་ལ་སོགས༔ དགྲ་བགེགས་བསྒྲལ་བའི་ཤ་ཁྲག་རུས་པའི་ཚོགས༔ དབང་དྲག་པདྨའི་ལྷ་ཚོགས་རྣམས་ལ་འབུལ༔ ཐུགས་རྗེའི་དབང་གིས་བཞེས་ནས་དངོས་གྲུབ་སྩོལ༔ གུ་རུ་དྷེ་ཝ་དྷཱ་ཀི་ནཱི་དགྲ་བགེགས་ཀྱི་ཤ་ཁྲག་རུས་པ་ལ་ཁ་ཁ་ཁཱ་ཧི་ཁཱ་ཧི༔ དགྲ་བགེགས་ཀྱི་མཾ་ས་ལ་ཁཱ་ཧི༔ རཀྟ་ལ་ཁཱ་ཧི༔ ཙིཏྟ་ལ་ཁཱ་ཧི༔ བཱ་སུ་ཏ་ལ་ཁཱ་ཧི༔ ཀེ་ནི་རི་ཏ་ལ་ཁཱ་ཧི༔ ཅེས་ལིང་རོ་མདོས་ནང་དུ་ཕུལ༔ དེ་ནས་སླར་ཡང་གཏོར་མདོས་ནང་དུ་གཏོར་ཆུང་འབུལ་རྒྱུ་རྣམས་བདུད་རྩིས་བྲན་ལ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷ་ཝ་ཤུདྡྷོཉཧཾ༔ གཏོར་ཆེན་གྱི་མདུན་གྱི་གཏོར་མ༔ དགྲ་བགེགས་བསྒྲལ་བའི་ལིང་རོ་གཏོར་ཆུང་དང་བཅས་པ་མི་དམིགས་པ་

[Full Size]

སྟོང་པའི་ངང་ལས༔ བདག་གི་ཐུགས་ཀ་ནས་ཡཾ་འཕྲོས་པ་ལས་རླུང་གི་དཀྱིལ་འཁོར་ལྗང་གུ་ཟླ་གམ་ཡཾ་གིས་མཚན་པ་དེའི་སྟེང་དུ་རཾ་འཕྲོས་པ་ལས་མེ་ཡི་དཀྱིལ་འཁོར་གྲུ་གསུམ་དམར་པོ་རཾ་གྱིས་མཚན་པ༔ ཟུར་གསུམ་དུ་ཀཾ་སྐྱ་བོ་གསུམ་འཕྲོས་པ་ལས༔ ཐོད་པའི་སྒྱེད་པུ་གསུམ་གྱི་ནང་དུ༔ ཨ་དཀར་པོ་ཅིག་འཕྲོས་པ་ལ༔ ཀ་པཱ་ལ་ཕྱི་དཀར་ལ་ནང་དམར་བ་དཔྲལ་བ་རང་ལ་བསྟན་པ༔ ཡངས་ཤིང་རྒྱ་ཆེ་བའི་ནང་དུ་དགྲ་བགེགས་བྱད་མ་བསྒྲལ་བའི་ཤ་ཁྲག་དམར་ལྟེམ་གྱིས་གང་བ༔ དེའི་སྟེང་དུ་ཨ་འཕྲོས་པ་ལས་ཟླ་བའི་དཀྱིལ་འཁོར༔ དེའི་སྟེང་དུ་ཨོཾ་ཨཱཧཱུྃ་སུམ་བརྩེགས་ཐུགས་ཀའི་ཧཱུཾ་ལས་འོད་ཟེར་འཕྲོས་པས༔ ཡཾ་ལས་རླུང་གཡོས་རཾ་ལས་མེ་སྦར་མེ་ཡིས་ཐོད་པ་དྲོས་ནས༔ ནང་གི་ཤ་ཁྲག་ཐམས་ཅད་ཞུ་ཞིང་ཁོལ༔ མི་གཙང་བའི་དྲི་མ་ཐམས་ཅད་ལྷུ་བའི་ཚུལ་དུ་ཕྱིར་ཐོན་ནས༔ བཅུད་ཡེ་ཤེས་ཀྱི་བདུད་རྩིར་གྱུར༔ ཨོཾ་མ་ཧཱ་བྷ་ལིང་ཏ་གུ་རྒྱ་ན་མ་ཡེ་སྭཱ་ཧཱ༔ ལན་བདུན་བརྗོད༔ སྟེང་གི་ཡི་གེ་གསུམ་ཟླ་བ་དང་བཅས་པ༔ འོད་དུ་ཞུ་ནས་ཐོད་པའི་བདུད་རྩི་ལ་ཐིམ་པས་རོ་བརྒྱ་ནུས་པ་སྟོང་དང་ལྡན་པར་གྱུར༔ ཧཱུྃ༔ དྲག་པོ་པདྨའི་ལྷ་ཚོགས་

[Full Size]

འཁོར་བཅས་ཀྱིས༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ བྱང་ཆུབ་བསྒྲུབ་ལ་བར་དུ་གཅོད་པ་ཡི༔ དགྲ་བགེགས་ཐམས་ཅད་ཐལ་བར་བརླག་པ་དང་༔ རྣལ་འབྱོར་བདག་ཅག་འཁོར་དང་བཅས་པ་ཡི༔ ཚེ་འདིར་གནོད་པ་ཐམས་ཅད་ཞི་བ་དང་༔ ཕྱི་མ་བྱང་ཆུབ་གོ་འཕང་ཐོབ་པར་མཛོད༔ བསྡུ་ན་སྐབས་འདིར་གཏོར་ཆུང་ཐམས་ཅད་སྔགས་ཀྱིས་འབུལ༔ རྒྱས་ན་སོ་སོའི་བསྟོད་བསྐུལ་རེ་དང་སྤྲད་ལ་ཕུལ༔ དེ་ནས་ཟློག་གཞུང་འདོན་ནོ༔ ཞེས་པ་དོན་འགྲུབ་ལ་ཕན་ཕྱིར་ཨ་རཱ་གས་བསྡུས་ཏེ་བྲིས་པ་ལ་ཉེས་པ་ཐམས་ཅད་དྲག་པོའི་ལྷ་ཚོགས་བཀའ་སྲུང་བཅས་ལ་བཤགས༔ དགེ་བས་སེམས་ཅན་ཐམས་ཅད་བདུད་བཞིའི་གཡུལ་ལས་རྒྱལ་བར་གྱུར་ཅིག༔ མངྒ་ལཾ། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་དྲག་པོ་ལས༔ གཏོར་ཟློག་མཚོན་ཆ་འཁོར་ལོའི་མདུན་བསྐྱེད་སྤུ་གྲི་རེག་གཅོད་ཁྲོ་རྒྱལ་སྟོབས་འདུས་གནམ་ལྕགས་མེ་ཡི་འཁོར་ལོ་འགོང་པོ་ཨར་གཏད།

[Full Size]

ཐུགས་སྒྲུབ་དྲག་པོ་ལས༔ གཏོར་ཟློག་མཚོན་ཆ་འཁོར་ལོའི་མདུན་བསྐྱེད་སྤུ་གྲི་རེག་གཅོད་ཁྲོ་རྒྱལ་སྟོབས་འདུས་གནམ་ལྕགས་མེ་ཡི་འཁོར་ལོ་འགོང་པོ་ཨར་གཏད་ཅེས་བྱ་བ་བཞུགས་སོ༔

[Full Size]

མནཏྲངྒ༔ ན་མོ་པདྨ་ཀྲོ་ཏ་ཡེ༔ བླ་མ་དྲག་པོའི་ལྷ་ལ་ཕྱག་འཚལ་ནས༔ མཚོན་ཆ་འཁོར་ལོའི་ལྷ་བསྐྱེད་ལས་འགྲིགས་བྲི༔ རྩ་གསུམ་བཀའ་སྲུང་རྣམས་ཀྱིས་གནང་བ་སྩོལ༔ མཐོང་བ་བརྒྱུད་པ་ལྟར་དུ་བཅོས་དང་ནི༔ ལྷ་གཞུང་ཚར་ནས་འདི་ལྟར་གྱེར་བསྒོམ་བྱ༔ ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་རང་གི་སྙིང་གར་སེམས་ཉིད་ཀྱི་ངོ་བོ་ཧཱུྃ་དམར་ནག་མེའི་མདོག་ཅན་གཅིག་ཏུ་བསམ༔ དེ་ནས་ཐུགས་ཀའི་ཧཱུྃ་ལས་ཨེ་ནག་པོ་ཞིག་ཆད་དེ༔ ནམ་མཁས་གར་ཁྱབ་ཨེའི་རང་བཞིན་ཟུར་གསུམ་པ་ཕྲ་བ༔ ཟུར་གཅིག་འོག་ཕྱོགས་སུ་ཟུག་པ་དེའི་ཁ་གདེངས་པའི་ཨེའི་ཀློང་དུ༔

[Full Size]

ཡཾ་ལས་བསྐལ་པའི་རླུང་ནག་འཚུབ་ཅིང་འཁྱིལ་བ༔ དེའི་སྟེང་དུ་ཧཱུྃལས་རཾཆད་པ་ལས་བསྐལ་པའི་མེ་དཔུང་དམར་ནག་ཏུ་འབར་བ༔ རཆད་པ་ལས་རཀྟའི་རྒྱ་མཚོ་རྦ་ཀློང་འཁྲུགས་པ༔ ཁྲག་གིས་ལྦུ་བ་རི་རབ་ཙམ་དུ་འཕྱོ་བའི་ཀློང་ནས༔ ཞིང་ཆེན་ཞིང་ཆུང་རི་གད་ཉིལ་བ་ལྟ་བུའི་རྦ་ཀློང་དུ་ཡོད་པ༔ སུཾ་ཆད་པ་ལས་སུམ་ཆེན་གྱི་ས་གཞི་རོ་རུལ་བ་དང་མ་རུལ་བ༔ བམ་པ༔ ཐོད་སྐམ་ལ་མེ་འབར་བ༔ དྲི་མ་སྣོམ་པ༔ བྱ་ཆེན་མང་པོ་ལྡིང་བ༔ གཅན་གཟན་མང་པོ་རྒྱུག་འདྲལ་བྱེད་པ༔ ལྷ་སྲིན་དང་ཞིང་སྐྱོང་མང་པོས་ཀུ་སྒྲ་དང་ཧ་ཧའི་སྒྲ་འདེབས་པ༔

[Full Size]

དེའི་སྟེང་དུ་ཀཾཿཆད་པ་ལས་ཀེང་རུས་ཀྱི་རི་རབ་གྲུ་བཞི་བང་རིམ་དང་བཅས་པ༔ དེའི་སྟེང་དུ་མདོས་གཞི་བདུད་དང་དམ་སྲི་ཐམས་ཅད་འདུས་པའི་ངོ་བོ་མ་ཏྲཾ་རུ་ཏྲར་གསལ་བ་ལ༔ ཁམས་གསུམ་སེམས་ཅན་ཐམས་ཅད་ཀྱི་དུག་ལྔ་བསྡུས་ནས་ཐིམ་པ་ལ༔ བདག་དྲག་པོའི་ཐུགས་ཀ་ནས་མཚོན་ཆའི་ཆར་བབས་པས་བསྒྲལ་ནས༔ ཕུང་པོ་ཁྲོལ་གྱིས་ཞིག་པ་ལས་པགས་པ་མེའི་ཕྲེང་བ་དང་རྡོ་རྗེའི་རྭ་བས་བསྐོར་བའི་དུར་ཁྲོད་ཆེན་པོ་བརྒྱད༔ དེའི་དབུས་ཀྱི་འོག་གཞི་བྲང་རུས་གྲུ་གསུམ་ཧོམ་ཁུང་འབར་བ་དགུར་གྱུར་པའི་ནང་དུ༔ ཀྲྀདང་ཏྲི་ལས་དགྲ་བགེགས་ཐམས་ཅད་མངོན་སུམ་ལྟར་གསལ་བའི་སྟེང་དུ་ཧཱུཾ་ཆད༔ རྩིབ་ཁོག་ཕྱི་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་༔ ཐོད་པ་སྐམ་རློན་རྙིང་གསུམ་གྱི་རྩིག་པ་ལ་གནམ་ལྕགས་ཀྱི་འཛེར་གྱིས་གདམས་པ༔ ཀླུ་བརྒྱ་ཀྱི་ཀཾ་གདན༔ ལྷ་བརྒྱད་ཀྱི་ཀ་བ༔ གཟའ་བརྒྱད་ཀྱི་གདུང་མ༔ ཉི་ཟླའི་ཀ་ཞུ༔ གཟའ་སྐར་དྲལ་ཕྱམ་དུ་བྱས་པ༔ ཞིང་ལྤགས་ཀྱི་བླ་རེ༔ ཞིང་ཆུང་གི་ཁ་བད་བྱས་པ༔ ཞིང་དང་ཐོད་པའི་རྒྱལ་མཚན༔ འཁོར་ལོ་དང་གདུགས་ཏོག་ཙིཏྟ་དང་ཐོད་སྐམ་གྱི་ཏོག་ཡོད་པ༔ ནང་

[Full Size]

གི་གྲུ་བཞི་སྒོ་བཞི་རྟ་བབས་བཞི༔ སྒོ་ཁང་ལ་ཁྱུང་གི་ཡ་ཕིབས༔ སྦྲུལ་ནག་གི་སྐྱེས་བུ༔ ཞིང་ཆེན་གྱི་སྒོ་གཡོགས༔ ཆུ་སྲིན་དང་འབྲུག་གི་སྐྱེས་བུ༔ རྒྱུ་ཕྲེང་གི་བླ་རེ་དང་དྲ་ཕྱེད༔ རུས་ཆེན་གྱི་སོ་བད༔ གསུར་ཆེན་གྱི་དུད་པ་འཁྲིགས་པ༔ དེའི་ཕྱི་རོལ་དུ་འཁོར་ལོ་རྩིབས་སྟོང་གི་གུར༔ དེའི་ཕྱི་རིམ་རྡོ་རྗེའི་དྲ་མིག་ཁྲོ་ཆུང་གིས་གཏམས་པ༔ དེའི་ཕྱི་རོལ་དུ་དུར་ཁྲོད་བརྒྱད་ཀྱིས་བསྐོར་བ༔ དེའི་ཕྱི་རོལ་དུ་པད་སྡོང་དང་མེ་རི་སྨུག་གི་ཚྭ་ཚྭ་འཕྲོ་བ༔ བར་ཐམས་ཅད་ན་མཚོན་ཆ་ལྔ་དང་ཁྲོ་ཆུང་དང་སྡིག་པས་གཏམས་ཤིང་འཁྲིགས་པར་བསྒོམ༔ ཕོ་བྲང་དེའི་དབུས་མཐིང་ནག་གྲུ་གསུམ་འབར་བ༔ ཟླ་གམ་དམར་པོ༔ དེའི་ཕྱིར་གསེར་གྱི་འཁོར་ལོ་རྩིབས་བཞི་པའི་ལྟེ་བར་བདུད་བཞི་དང་དམ་སྲི་དང་སྲིན་པོ་ཕོ་མོ་བསྣོལ་བའི་སྟེང་དུ༔ ཉི་ཟླ་པདྨའི་གདན་སྟེང་དུ༔ ཧཱུཾ་ཆད་དེ་རྡོ་རྗེ་རྩེ་དགུ་པ་ཞིག་བསྒོམ༔ ཧཱུྃ་རྡོ་རྗེ་དང་བཅས་པ་ལས་འོད་ཟེར་དཔག་ཏུ་མེད་པ་འཕྲོས་ཏེ༔ རྒྱལ་བ་ཐམས་ཅད་ལ་མཉེས་པའི་མཆོད་པ་འབུལ༔ སེམས་ཅན་ཐམས་ཅད་ཀྱི་ལས་སྒྲིབ་སྦྱངས༔ གདུག་པ་ཅན་རྒྱལ་བསེན་དམ་སྲི་སྡེ་བརྒྱད་དྲེགས་པ་ཅན་

[Full Size]

ཐམས་ཅད་ཚར་བཅད་ཚུར་འདུས་ཧཱུྃ་ལ་ཐིམ༔ འོད་དུ་ཞུ༔ སླར་རྡོ་རྗེ་རྩེ་དགུ་པར་གྱུར༔ དེ་ཡོངས་སུ་གྱུར་པ་ལས༔ སྐད་ཅིག་གིས་མདུན་བསྐྱེད་གུ་རུ་དྲག་པོ་སྐུ་མདོག་དམར་པོ་མེའི་མདོག་ཅན་ཐོད་སྐམ་དང་རིགས་ལྔས་དབུ་ལ་རྒྱན་པ༔ ཞལ་གསུམ་ཕྱག་དྲུག་ཞབས་བཞི་གྱད་ཀྱི་འདོར་ཐབས་སུ་བགྲད་པ༔ ཞལ་གཡས་དཀར་གཡོན་སྔོ་དབུས་དམར་ནག་ཏུ་འབར་བ༔ སྤྱན་དགུ་གདངས་མིག་བགེགས་ལ་གཟིར་བ༔ ཞལ་གདངས་ལྗགས་འདྲིལ་རྣོ་དབལ་གྱི་མཆེ་བ་ཟངས་ཡག་ཏུ་གཙིགས་པ༔ ཤངས་ནས་རླུང་བྱུང་ཞིང་སྨིན་མ་གློག་ལྟར་འཁྱུགས་པ༔ ཨག་ཚོམ་ལས་མེ་འབར་བ༔ རྐན་སྒྲ་རྡེབ་པས་ནམ་མཁའི་འབྲུག་དང་མཉམ་པ༔ ཕྱག་དྲུག་གཡས་ཀྱི་དང་པོས་གནམ་ལྕགས་ཀྱི་རྡོ་རྗེ་རྩེ་དགུ་པ་ཁ་གདེངས་པ་ནམ་མཁའ་ལ་འཕྱར་བ༔ བར་པ་ན་གྲི་ཁུག་ཐུར་དུ་འཕྱང་བ༔ ཐ་མ་ན་རལ་གྲི་མེ་འབར་བ་འཛིན་པ༔ གཡོན་གྱི་དང་པོས་ཁཊཾ་དང་སྡིགས་མཛུབ་ཀྱི་རྩེ་ལ་མེ་འབར་བ༔ བར་པས་ཐོད་ཁྲག་ཐུགས་ཀར་ཡུམ་ལ་འཁྱུད་པ༔ ཐ་མས་གནམ་ལྕགས་ཀྱི་སྡིག་པ་མགོ་དགུ་པའི་སྐེ་ནས་བཟུང་བ༔ རྡོ་རྗེ་དང་རིན་པོ་ཆེའི་གཤོག་པ་མེ་འབར་བ་

[Full Size]

གཡས་གཡོན་དུ་བརྐྱང་བ༔ དབུ་སྐྲ་ཁམ་ནག་སྤྱི་བོར་བཅིངས་ཤིང་ཟར་བུའི་སྐུ་རྒྱབ་ཁེབས་པར་གཏིབས་པ༔ སྐུ་སྟོད་ལ་གླང་ཆེན་གྱི་ཀོ་རློན་དང་ཞིང་ལྤགས་ཀྱི་གཡང་གཞི་གསོལ་བ༔ སྐུ་སྨད་ལ་སྟག་གི་པགས་པའི་ཤམ་ཐབས་དཀྲིས་པ༔ སྦྲུལ་རིགས་ལྔས་སྐུ་ལ་བརྒྱན་པ༔ གདོལ་བ་ནག་པོས་དོ་ཤལ་བྱས་པ༔ མི་མགོ་ཁྲག་འཛག་པ་ལྔ་བཅུ་དང་ཐོད་སྐམ་སྤེལ་མར་བརྒྱུས་པ༔ རྡོ་རྗེའི་གོ་ཁྲབ་གསོལ་བའི་བར་མཚམས་ན་ལྕགས་ཀྱི་སྡིག་པ་ནག་པོ་ཕྲ་མོས་གཏམས་པའོ༔ དེའི་མདུན་ན་ཡུམ་རྡོ་རྗེ་ཕག་མོ་སྐུ་མདོག་མཐིང་ནག་འབར་བ༔ ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་ཤིང་༔ ཕྱག་གཡས་པས་གྲི་ཁུག་ཡབ་ཀྱི་མགུལ་ནས་འཁྱུད་ཅིང་༔ གཡོན་པས་ཐོད་ཁྲག་ཡབ་ལ་སྟོབ་པ༔ སྤྱི་གཙུག་ན་ཕག་ཞལ་གྱེན་དུ་ངུར་བ༔ དབུ་སྐྲ་ཁམ་སེར་ཐུར་དུ་འཕྱངས་པ༔ ཞབས་གཡས་བརྐྱང་གཡོན་བསྐུམ་གར་ཐབས་སུ་ཡབ་དང་ཞལ་སྦྱོར་བ། གཟིག་གི་ཤམ་ཐབས་དཀྲིས་བ༔ ཐོད་སྐམ་ལྔའི་དབུ་ལ་བརྒྱན་ཅིང་རུས་པའི་རྒྱན་དྲུག་གིས་སྤྲས་པར་བསྐྱེད་དོ༔ ཡབ་ཀྱི་ཐུགས་ཀར་ཙིཏྟ་རིན་པོ་ཆེ་གསེར་གྱི་མཆོད་རྟེན་སེར་

[Full Size]

ལམ་མེ་བ་ཞིག་བསྒོམ༔ དེའི་བུམ་པའི་ནང་དུ་པད་ཟླ་ཉི་མའི་སྟེང་དུ་ཧཱུྃ་གཅིག་བསྒོམ༔ དེ་ལ་དམིགས་ཏེ། ཨོཾ་བཛྲ་ཛྷཱ་ན་སཏཱ་ཀྲོ་ཏ་ཧཱུྃ༔ ཞེས་པས། ཡེ་ཤེས་སེམས་དཔའ་བཛྲ་ཧེ་རུ་ཀ་ཚོན་གང་བ༔ ཞལ་གཅིག་ཕྱག་གཉིས་པ་ཕྱག་གཡས་གསེར་གྱི་རྡོ་རྗེ་ཐུགས་ཀར་འཛིན་པ༔ གཡོན་དྲིལ་བུ་དཀུ་ལ་བརྟེན་པ༔ དུར་ཁྲོད་ཀྱི་ཆས་བརྒྱད་ཀྱིས་བརྒྱན་ཅིང་༔ སྐུ་འགྱིང་བག་དང་ལྡན་པ༔ དེའི་ཐུགས་ཀར་རྡོ་རྗེ་ནས་འབྲས་ཙམ་ཞིག་བསྒོམ༔ དེའི་ཐུགས་ཀར་ཉི་ཟླའི་དཀྱིལ་འཁོར་ཡུངས་འབྲུ་ཙམ་གྱི་དབུས་སུ་ཧཱུྃ་སྤུས་བྲིས་པ་ཙམ་གྱི་མཐར་སྔགས་ཀྱིས་བསྐོར་བར་བསྒོམ༔ དེའི་དབུ་གཙུག་གི་སྟེང་ནས་ཡར་ལ་པདྨ་འདབ་བཞི་གསེར་གྱི་འཁོར་ལོ་འོད་འབར་བའི་སྟེང་ཉི་ཟླའི་གདན་ལ༔ པདྨ་ཐོད་ཕྲེང་རྩལ་སྐུ་མདོག་མཐིང་ནག་འོད་དུ་འབར་བ༔ གཡས་ཁཊཾ་དང་གཡོན་ཐོད་ཁྲག་ཐུགས་ཀར་འཛིན་པ༔ གཡས་ཀྱི་གྲུ་མོ་ན་ཐོད་པ་ལྟག་སྤྲོད་ཀྱི་རྔ་བཀལ་བ༔ དེའི་སྒྲ་རང་ཁྲོལ་དུ་འཁྲོལ་བ་ལ༔ སྟོང་གསུམ་ཀུན་ཀྱང་ཧཱུྃ་གི་སྒྲ་དི་རི་རི་སྒྲོག་པར་བསྒོམ༔ དབུ་སྐྲ་ཐོར་ཚུགས་གྱེན་དུ་འཁྱིལ་བ༔ སྐུ་ལ་རུས་པའི་རྒྱན་དྲུག་གིས་སྤྲས་པ༔ ཞབས་རྡོ་རྗེའི་སྐྱིལ་ཀྲུང་དུ་བཞུགས་

[Full Size]

ཤིང་༔ འཁོར་དཔའ་བོ་དཔའ་མོ་འབུམ་གྱིས་བསྐོར་བར་བསྒོམ༔ དེའི་སྤྱི་གཙུག་ཏུ་ཨོཾ་ཨཱ༔ཧཱུྃ་བཛྲ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཁྲོ་རྒྱལ་ཀུན་གྱི་སྤྲུལ་པ་ཡེ་ཤེས་ཀྱི་བྱ་ཁྱུང་དཀར་པོ་གནམ་ལྕགས་ཀྱི་མཆུ་སྡེར་ཅན༔ ཁྲོ་ཆུའི་རྭ་རྩེ་ལ་མེ་འབར་བ༔ མེའི་གཤོག་པ་རབ་ཏུ་རྡེབ་པ༔ ཀྲང་ཀྲིང་གི་སྒྲ་སྒྲོག་པའོ༔ དེའི་སྤྱི་གཙུག་རྭ་བར་ནོར་བུའི་སྟེང་དུ་པདྨ་གེ་སར་གྱི་གདན་ལ༔ ཨོཾ་ཨཱཧཱུཾ་པདྨ་དྷ་རི་ནི་ཧཱུྃ༔ རིགས་ཀྱི་བདག་པོ་སྣང་བ་མཐའ་ཡས་སྐུ་མདོག་དམར་པོ་མཉམ་བཞག་ཅན་སྤྲུལ་སྐུའི་ཆ་ལུགས་སུ་བཞུགས་པའོ༔ དེའི་ཕྱི་རིམ་འཁོར་ལོ་རྩིབས་བཞིའི་ཤར་དུ་རྡོ་རྗེ་དྲག་པོ་རྩལ༔ སྐུ་མདོག་དཀར་པོ་ཞལ་གཅིག་ཕྱག་གཉིས༔ གཡས་རྡོ་རྗེ་དང་གཡོན་ལྕགས་ཀྱི་སྡིག་པ་མགུལ་ནས་བཟུང་སྟེ་གདེངས་པ༔ ལྷོར་རཏྣ་དྲག་པོ་རྩལ་སྐུ་མདོག་སེར་ནག་གཡས་པས་བེ་ཅོན་དང་༔ གཡོན་པས་སྡིག་པ་འཛིན་པ༔ ནུབ་ཏུ་པདྨ་དྲག་པོ་རྩལ་སྐུ་མདོག་དམར་ནག་གཡས་གྲི་གུག་གཡོན་སྡིག་པ་འཛིན་པ༔ བྱང་དུ་ཀརྨ་དྲག་པོ་རྩལ་སྐུ་མདོག་ལྗང་གུ་གཡས་རྒྱ་གྲམ་དང་གཡོན་སྡིག་པ་འཛིན་པ༔ ཀུན་ཀྱང་ཞིང་ལྤགས་ཀྱི་གཡང་གཞི་དང་སྟག་

[Full Size]

ལྤགས་ཀྱི་ཤམ་ཐབས༔ སྦྲུལ་ཆུན་དང་མགོ་ཕྲེང་རྒྱན་དྲུག་ལ་སོགས་པ་རབ་ཏུ་འཇིགས་པའི་ཆས་དང་ལྡན་པར་བསྐྱེད་དོ༔ དེའི་ཕྱི་རིམ་འཁོར་ལོ་རྩིབས་བརྒྱད་ཀྱི་ཤར་དུ་རྡོ་རྗེ་མཁའ་འགྲོ་ཡབ་ཡུམ་དཀར་པོ་ཞལ་གཅིག་ཕྱག་གཉིས་པ༔ གཡས་གྲི་གུག་རྡོ་རྗེས་མཚན་པ་གཡོན་པས་ཐོད་ཁྲག་བསྣམས་པ༔ ལྷོར་རིན་ཆེན་མཁའ་འགྲོ་ཡབ་ཡུམ་སེར་པོ་གྲི་གུག་རིན་པོ་ཆེའི་མཚན་པ་དང་ཐོད་ཁྲག་འཛིན་པ༔ ནུབ་ཏུ་པདྨ་མཁའ་འགྲོ་ཡབ་ཡུམ་དམར་པོ་གྲི་གུག་པདྨས་མཚན་པ་དང་ཐོད་ཁྲག་འཛིན་པ༔ བྱང་དུ་ཀརྨ་མཁའ་འགྲོ་ཡབ་ཡུམ་ལྗང་གུ་གྲི་གུག་རྒྱ་གྲམ་གྱིས་མཚན་པ་དང་ཐོད་ཁྲག་འཛིན་པ༔ ཡུམ་རྣམས་སྐུ་མདོག་ཡབ་དང་མཚུངས་པ༔ གཡས་གྲི་གུག་ཡབ་ལ་འཁྱུད་པ༔ གཡོན་རྣམས་ཐོད་ཁྲག་ཡབ་ལ་སྟོབ་པ༔ གཡས་བརྐྱང་གཡོན་བསྐུམ་གར་སྟབས་སུ་སྦྱོར་བ༔ ཞིང་ལྤགས་དང་སྟག་ཤམ་རྒྱན་དྲུག་གིས་སྤྲས་པ༔ དབུ་སྐྲ་ཐོར་ཚུགས་ལ་རྡོ་རྗེ་ལ་སོགས་རང་རྟགས་ཀྱིས་མཚན་པར་བརྒྱན་པའོ༔ ཤར་ལྷོར་གཤིན་རྗེ་ཚེ་བདག་སེར་ནག་གཡས་འཁོར་ལོ་དང་གཡོན་ལྕགས་ཀྱུ་ཞགས་པ་འཛིན་པ༔ ལྷོ་ནུབ་ཏུ་ཁྲོས་མ་ནག་མོ་གྲི་ཐོད་བསྣམས་

[Full Size]

པ༔ ཁཊོ་མཆན་ཁུང་གཡོན་དུ་བཅུག་པ༔ གཡས་བསྐུམ་གཡོན་བརྐྱང་བ༔ མི་མགོའི་ཕྲེང་བའི་དོ་ཤལ་ཅན་དུ་བསྒོམ༔ ནུབ་བྱང་དུ་བཛྲ་ཀཱི་ལ་ཡ་མཐིང་ནག་ཕུར་པ་འདྲིལ་བ༔ དུར་ཁྲོད་ཆས་བརྒྱད་སྐུ་ལ་རྫོགས་པ༔ བྱང་ཤར་དུ་མཁའ་འགྲོ་སེང་གདོང་མ་མཐིང་ནག་གྲི་གུག་དང་ཐོད་ཁྲག་བསྣམས་ཤིང་༔ ཐོད་ཕྲེང་ཞིང་ལྤགས་སྟག་ཤམ་ཡོད་པའོ༔ དེའི་ཕྱི་རིམ་འཁོར་ལོའི་རྩིབས་བཅུའི་སྟེང་དུ་རིམ་པར་ཤར་སྟོད་དུ་ཧཱུྃ་ཀཱ་ར་སྔོན་པོ་ཞལ་གཅིག་ཕྱག་གཉིས་མདའ་གཞུ་འཛིན་པ༔ ཤར་སྨད་དུ་རྣམ་པར་རྒྱལ་བ་དཀར་པོ་གཡས་འཁོར་ལོ་དང་གཡོན་ཁཊཾ་འཛིན་པ༔ ཤར་ལྷོར་དབྱུག་པ་སྔོན་པོ་གཡས་དབྱུག་ཏོ་དང་གཡོན་མེ་དཔུང་འཛིན་པ༔ ལྷོར་གཤིན་རྗེའི་གཤེད་སེར་པོ་གཡས་བེ་ཅོན་དང་གཡོན་སྟ་མོ་འཛིན་པ༔ ལྷོ་ནུབ་ཏུ་མི་གཡོ་མགོན་པོ་སྨུག་ནག་རལ་གྲི་དང་སྦྲུལ་ཞགས་འཛིན་པ༔ ནུབ་ཏུ་རྟ་མགྲིན་དམར་པོ་དབྱུག་ཏོ་དང་ལྕགས་སྒྲོག་འཛིན་པ༔ ནུབ་བྱང་དུ་འདོད་རྒྱལ་དམར་སྐྱ་རྡོ་རྗེ་དང་ནེའུ་ལེ་འཛིན་པ༔ བྱང་དུ་བདུད་རྩི་འཁྱིལ་པ་ལྗང་ནག་རྒྱ་གྲམ་དང་དྲིལ་བུ་འཛིན་པ༔ བྱང་ཤར་དུ་ཁམས་གསུམ་རྣམ་རྒྱལ་སྔོ་སྐྱ་འཁོར་ལོ་

[Full Size]

དང་ཞགས་པ་འཛིན་པ༔ བྱང་སྨད་དུ་སྟོབས་པོ་ཆེ་ལྗང་ནག་གཡས་སྟ་རེ་དང་གཡོན་ཐོད་དབྱུག་འཛིན་པ༔ ཀུན་ཀྱང་ཁྲོ་བོའི་ཆས་བཅུ་དང་ལྡན་པ༔ གཡས་བསྐུམ་གཡོན་བརྐྱང་ཕྱོགས་སྐྱོང་བཅུ་ཡི་གདན་ལ་བཞུགས་པའོ༔ དེའི་ཕྱི་རིམ་འཁོར་ལོ་རྩིབས་བརྒྱད་ལ༔ ཤར་གྱི་རྩིབས་སྟེང་དུ་ཨོཾ་ཨཱཏྟཱཧཱུྃ༔ བཛྲ་པཱ་ཎི་མ་ཧཱ་ཀྲོ་ཏ་ཧཱུྃ་ཕཊ༔ ཐུགས་ཀྱི་ལྷ་གསང་བདག་རྡོ་རྗེ་གཏུམ་པོ་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ གཡས་རྡོ་རྗེ་རྩེ་ལྔ་ནམ་མཁར་འཕྱར་ཞིང་གཡོན་སྡིགས་མཛུབ་ཐུགས་ཀར་མཛད་པ༔ སྐུ་ལ་སྦྲུལ་རིགས་ལྔ་དང་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་གཡོན་བརྐྱང་འདོར་ཐབས་སུ་བགྲད་པ་ལ༔ ཡང་དག་ཐུགས་ཀྱི་ལྷ་ཚོགས་ཀྱིས་བསྐོར་བ༔ ལྷོ་ཡི་རྩིབས་སྟེང་དུ་ཨོཾ་ཨཱཧཱུྃ་མཉྫ་ཤི་ཡ་མཱནྟ་ཀ་ཧཱུྃ༔ སྐུའི་ལྷ་འཇམ་དཔལ་གཤིན་རྗེའི་གཤེད་སེར་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ ཕྱག་གཡས་པས་ཤེས་རབ་ཀྱི་རལ་གྲི་ནམ་མཁར་འཕྱར་བ༔ གཡོན་སྡིགས་མཛུབ་པོ་ཏི་ཐུགས་ཀར་འཛིན་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་

[Full Size]

གཡོན་བརྐྱང་འདོར་ཐབས་སུ་བསྒྲད་པ་ལ་འཇམ་དཔལ་སྐུའི་ལྷ་ཚོགས་ཀྱིས་བསྐོར་པ༔ ནུབ་ཀྱི་རྩིབས་སྟེང་དུ་ཨོཾ་ཨཱཧཱུཾ་པདྨནྟ་ཀྲྀཏ་མ་ཧཱ་ཀྲོ་དྷ་ཧྱ་གྲི་ཝ་ཧཱུྃ་ཕཊ༔ གསུང་གི་ལྷ་དབང་ཆེན་རྟ་མགྲིན་དམར་པོ་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ ཕྱག་གཡས་དབྱུག་ཏོ་ནམ་མཁའ་ལ་འཕྱར་ཞིང་༔ གཡོན་སྦྲུལ་ཞགས་ཐུགས་ཀར་འཛིན་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་གཡོན་བརྐྱང་འདོར་ཐབས་སུ་བགྲད་པ་ལ་པདྨ་གསུང་གི་ལྷ་ཚོགས་ཀྱིས་བསྐོར་བ༔ བྱང་གི་རྩིབས་ལ་ཨོ་ཨཱཧཱུྃ༔ བཛྲ་ཧཱུྃ༔ ཡཀྵ་ཧཱུྃ༔ རཀྟ་ཧཱུྃ༔ ཕྲིན་ལས་ཀྱི་ལྷ་ཡཀཱ་མེ་དབལ་སྐུ་མདོག་སྨུག་ནག་ཁྲོས་པ༔ ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཅིགས་པ༔ གཡས་རྡོ་རྗེ་དང་ཕུར་པ་ཕྱར་ཞིང་༔ གཡོན་ལྕགས་ཀྱུ་ཞགས་པ་འཛིན་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བ༔ ཞབས་གཡས་བསྐུམ་གཡོན་བརྐྱང་འདོར་ཐབས་སུ་བགྲད་པ་ལ་ཕྲིན་ལས་ཕུར་པའི་ལྷ་ཚོགས་ཀྱིས་བསྐོར་བའོ༔ ཡཀཱ་མེ་དབལ་གྱི་མདུན་དུ༔ ཨོ་བཛྲ་ཛྷཱ་ན་རཱ་ཙ་ཙིཏྟ་སྲོག་དུང་དུང་རུ་རུ་བྷ་ཤ་ཧཱུཾ་མ་མ་སྲོག་དུང་དུང་

[Full Size]

སྙིང་ལ་མ་མ་བྱོ༔ གནམ་ལྕགས་ཀྱི་སྡིག་པ་མགོ་དགུ་ཁ་གདངས་པ༔ ལུས་པོ་དམར་ནག་གཉེར་མས་གང་བ༔ སྤྱན་དགུ་བགྲད་པ༔ རྭ་གཡས་པས་སྲིད་པའི་རྩེ་མོ་བསྙིལ་བ༔ རྭ་གཡོན་པས་ས་འོག་གཏིང་ནས་གཡེངས་བ༔ ཡན་ལག་བགྲད་པས་ས་གཞི་ཁེངས་པ༔ ལུས་ལས་རྡོ་རྗེ་དང་མེའི་ཚྭ་ཚྭ་འཕྲོ་བ༔ འཇིགས་སུ་རུང་བ༔ གནོད་བྱེད་འགོང་པོ་དམ་སྲི་ཐམས་ཅད་རྭས་བཟུང་ཞིང་ཁ་གདངས་པའི་ནང་དུ་ཧབ་ཧབ་ཟ་བར་བསྒོམས༔ ཤར་ལྷོའི་རྩིབས་སྟེང་དུ་པདྨ་འདབ་བཞི་ཆོས་འབྱུང་གི་དབུས་སུ་ཨོཾ་ཨཱཿཧཱུྃ༔ བུདྡྷཱ་དྷཱཀྐི་ནཱི་ཧ་རི་ནི་ས་ཧཱུྃ༔ དབུས་སུ་སངས་རྒྱས་མཁའ་འགྲོ་མཐིང་ག༔ ཤར་དུ་རྡོ་རྗེ་མཁའ་འགྲོ་དཀར་མོ༔ ལྷོ་རུ་རིན་ཆེན་མཁའ་འགྲོ་སེར་མོ༔ ནུབ་ཏུ་པདྨ་མཁའ་འགྲོ་དམར་མོ༔ བྱང་དུ་ལས་ཀྱི་མཁའ་འགྲོ་ལྗང་མོ༔ ཐམས་ཅད་ཀྱང་ཞལ་གཅིག་སྤྱན་གསུམ་མཆེ་བ་བཞི་གཙིགས་པ༔ གཡས་གྲི་ཁུག་ནམ་མཁའ་ལ་འཕྱར་ཞིང་༔ གཡོན་ཐོད་ཁྲག་ཐུགས་ཀར་འཛིན་པ༔ ཞབས་གཡས་བསྐུམ་གཡོན་བརྐྱང་པདྨ་དང་རོ་ཡི་གདན་ལ་གར་སྟབས་སུ་བཞུགས་པ༔ ཐོད་པ་སྐམ་རློན་དང་རུས་པའི་རྒྱན་དྲུག་གིས་སྤྲས་པ༔ ཁཊཾ་

[Full Size]

མཆན་དུ་བཅུག་པ༔ ཐུགས་ཀར་མ་ཧ་རི་ནི་སས་མཚན་པ་ལ་མ་མོ་རྦོད་གཏོང་གི་ལྷ་ཚོགས་ཀྱིས་བསྐོར་བར་བསྐྱེད་དོ༔ གཡས་ཟུར་ལྷོ་ནུབ་ཀྱི་རྩིབས་སུ་ལས་བདུད་མི་ནག་རྟ་ནག་ཅན༔ སྐུ་ལ་བསྲེ་ཁྲབ་དང་དབུ་ལ་ལྕགས་ཞུ་ཅན༔ རྒོད་ཀྱི་དང་རུ་བཙུགས་པ༔ ཕྱག་གཡས་རྩེ་གསུམ་དང་གཡོན་པས་ལྕགས་ཀྱུ་དང་བདུད་ཞགས་ཐོགས་པ༔ སྟག་རལ་གཡས་ལ་གཟིག་ཤུབས༔ གཡོན་བསྲེ་ཕུབ་ལིང་ཆེན་རྒྱབ་ཏུ་ཁུར་བ༔ མི་ནག་སྔོན་ན་འབྲང་བ༔ བྱ་ནག་ཀླད་ན་ལྡིང་བ༔ ཁྱི་ནག་ཕྱི་ན་འབྲང་བ༔ ལས་མཁན་མི་ནག་མདུང་དང་ཞགས་པ་ཐོགས་པ་བརྒྱད་སོགས་བདུད་དམག་གིས་བསྐོར་བ༔ རྒྱབ་ཟུར་ནུབ་བྱང་གི་རྩིབས་སུ་ནཱལས་ཀླུ་མི་སྔོན་རྟ་སྔོན་ཅན༔ གཡུ་ཁྲབ་ཅན་དང་གཡུ་རྨོག་ཅན༔ རྨོག་ལ་མཐིང་གི་བྱ་རུ་བཙུགས་པ༔ གཡས་ན་ནོར་བུ་དང་མདུང་སྔོན་ཕྱར་བ༔ གཡོན་པས་སྦྲུལ་ཞགས་དང་ནད་རྐྱལ་བསྣམས་པ༔ མི་སྔོན་སྤུན་ནས་འབྲང་བ༔ བྱ་སྔོན་ཀླད་ན་ལྡིང་བ༔ ཁྱི་སྔོན་རོལ་དུ་ཁྲིད་པ༔ སྦྲུལ་ནག་རེ་ཕྱི་ན་འཁྱུག་པ༔ མི་སྔོན་སྦྲུལ་ཞགས་དང་ནད་རྐྱལ་ཐོགས་པ་བརྒྱད་སོགས་ཀླུ་དམག་གིས་བསྐོར་

[Full Size]

བ༔ མདུན་གཡོན་ཟུར་བྱང་ཤར་གྱི་རྩིབས་སུ་ལས་བཙན་མི་དམར་རྟ་དམར་ཅན༔ དབུ་ལ་བསྲེ་རྨོག་དང་སྐུ་ལ་བསྲེ་ཁྲབ་གསོལ་བ༔ རྨོག་ཕོར་ལ་དར་དཀར་དང་དར་དམར་འཕུར་བ༔ བསྲེ་ཡི་སྐ་རགས་དང་བསྲེ་ཕུབ་རྒྱབ་ཏུ་ཁུར་བ༔ སྟག་རལ་དང་གཟིག་ཤུབས་བཀྲ་བ༔ ཕྱག་གཡས་བསྲེ་མདུང་དམར་པོ་དར་དམར་ཅན་དང་གཡོན་པས་བསྲེ་ཡི་མདའ་གཞུ་འཛིན་པ༔ མི་དམར་སྔོན་ན་འབྲང་བ༔ བྱ་དམར་ཀླད་ན་ལྡིང་བ༔ ཁྱི་དམར་ཕྱི་ན་འབྲང་བ༔ མི་དམར་མདའ་གཞུ་འཛིན་པ༔ མདུང་དམར་ཅན་ལས་མཁན་བརྒྱད་སོགས་བཙན་དམག་གིས་བསྐོར་བའོ༔ དེའི་ཕྱི་རོལ་དུ་ཐོད་མཁར་ནང་གི་སྒོ་བཞི་ལ་ཤར་སྒོར་རྟ་གདོང་མ་དཀར་མོ་ལྕགས་ཀྱུ་འཛིན་པ༔ ལྷོ་སྒོར་ཕག་གདོང་མ་སེར་མོས་ཞགས་པ་བསྡོམ་པ༔ ནུབ་སྒོར་སྤྲེལ་གདོང་མ་དམར་མོས་ལྕགས་སྒྲོག་བསྡོམ་པ༔ བྱང་སྒོར་སྤྱང་གདོང་མ་ལྗང་གུ་དྲིལ་བུ་འཛིན་པ༔ གཡོན་རྣམས་ཐོད་ཁྲག་འཛིན་པ༔ ཕྲིན་ལས་བཞི་ལ་མངའ་བརྙེས་པའི་ཚུལ་དུ་བསྐྱེད་དོ༔ ཕྱིའི་གཞལ་ཡས་ཁང་གི་སྒོ་བཞི་ལ་རྒྱལ་པོ་ཆེན་པོ་སྡེ་བཞི་རང་རང་གི་དཔུང་དང་བཅས་པ༔ ཕྱིའི་ཁྱམས་ཀྱི་རྩང་

[Full Size]

རྣམས་དབང་ཕྱུག་མ་ཉི་ཤུ་རྩ་བརྒྱད༔ རྡོ་རྗེ་རྩེ་ལྔའི་ཕྱག་རྒྱ་དང་བཅས་ཏེ༔ ལྷ་ཚོགས་དེ་དག་རང་རང་གི་སྤྱི་བོར་ཨོཾ་དཀར་པོ༔ མགྲིན་པར་ཨཱཿདམར་པོ༔ ཐུགས་ཀར་ཧཱུྃ་མཐིང་ག་གཙོ་བོའི་ཐུགས་ཀར་ཧཱུྃ་དམར་ནག་བྱུ་རུའི་མདོག་ཅན་ལས་འོད་ཟེར་དཔག་ཏུ་མེད་པ་འཕྲོས༔ བདེ་ཆེན་དབང་དྲག་རོལ་པའི་དཀྱིལ་འཁོར་ནས་ཡེ་ཤེས་སེམས་དཔའི་ཐུགས་དམ་གྱི་རྒྱུད་བསྐུལ༔ ཛཿཧཱུྃ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར་པར་བསམ། རྫོམས་པའི་དབྱངས་དང་བཅས་ཏེ། ཧཱུྃ༔ དུར་ཁྲོད་རཏྣ་འབར་བའི་ཕོ་བྲང་ནས༔ འཇིགས་བྱེད་ཆེ་མཆོག་བཛྲ་ཧེ་རུ་ཀ༔ དབང་དྲག་པདྨ་བཀའ་ཡི་འཁོར་དང་བཅས༔ དབང་དྲག་ལས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ༔ ཧཱུྃ༔ དུར་ཁྲོད་འཇིགས་སུ་རུང་བའི་ཕོ་བྲང་དང་༔ དྲེགས་པ་པདྨ་ཉི་ཟླའི་གདན་སྟེང་དུ་དབང་དྲག་པདྨ་བཀའ་ཡི་འཁོར་དང་བཅས༔ རྔམས་བརྗིད་དགྱེས་པའི་ཚུལ་གྱིས་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ ཧཱུྃ༔ དྲག་པོ་ཐོད་ཕྲེང་བདེ་གཤེགས་འདུས་པའི་སྐུ༔ ཧཱུྃ་སྒྲ་སྒྲོག་ཅིང་བགེགས་རྣམས་འཇོམས་མཛད་ལྷ༔ འབར་བའི་ཁྲོ་རྒྱལ་འཁོར་དང་

[Full Size]

བཅས་པ་ལ༔ བརྐྱང་བསྐུམ་སྲིན་པོའི་གར་གྱིས་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏིཙྪ་ཧོ༔ ཧཱུྃ༔ དྲག་པོ་པདྨའི་ལྷ་ཚོགས་ལ༔ མཆོད་པའི་བྱེ་བྲག་འབུལ་བ་ནི༔ ཕྱི་མཆོད་འདོད་ཡོན་རྣམ་ལྔ་དང་༔ ནང་མཆོད་ཤ་ལྔ་བདུད་རྩི་ལྔ༔ གསང་མཆོད་བྱང་སེམས་བདེ་སྟོང་རྒྱུན༔ ཐབས་མཆོག་མཐར་ཕྱིན་བདུད་རྩི་དང་༔ ཤེས་རབ་མཐར་ཕྱིན་རཀྟ་དང་༔ ཐབས་ཤེས་དབྱེར་མེད་གཏོར་མ་སོགས༔ སྐུ་གསུམ་ཀློང་དུ་བཞེས་ནས་ཀྱང་༔ མཆོག་དང་ཐུན་མོང་དངོས་གྲུབ་སྩོལ༔ ཨོ་གུ་རུ་བཛྲ་ཀྲོ་ཏ་དྷེ་ཝ་དྷཀྐི་ནཱི་ས་པ་རི་ཝཱ་ར་ཨརྒུ་པཱདཾ་པུཎྜེ་དྷུ་པེ་ཨཱ་ལོ་ཀེ་གནྡྷེ་ནེ་ཝིདྱ་ཤབྡ༔ མ་ཧཱ་པཉྩརཀྟ་བ་ལིཾ་ཏ་མ་ཏྲཾ་རུ་ཏྲ་པྲ་བྷན་ཙཀྲ་པྲ་བེ་ཤ་ཡ་ཁཱ་ཧི༔ བསྟོད་པ་ནི། ཧཱུྃ༔ དམར་ནག་འབར་བ་མེ་ཡི་ཀློང་དཀྱིལ་ནས༔ སྤྱན་རས་གཟིགས་དབང་འགྲོ་དོན་སྐུ་སྤྲུལ་པ༔ དྲེགས་པ་འདུལ་མཛད་དྲག་པོ་ཐོད་ཕྲེང་རྩལ༔ བསྐལ་པའི་མེ་དཔུང་དམར་ནག་འཚུབ་པའི་དབུས༔ བདུད་དང་དྲེགས་པ་རུ་ཏྲ་བསྣོལ་བའི་སྟེང་༔ རབ་ཏུ་འཇིགས་པའི་སྐུ་མཆོག་ཁྱད་པར་ཅན༔ མེ་ཡི་མདོག་ཅན་སྐུ་ཆེ་ཡན་ལག་རགས༔ ཞལ་གདངས་མཆེ་གཙིགས་རྐན་སྒྲ་འབྲུག་ལྟར་

[Full Size]

སྒྲོག༔ ཨག་ཚོམ་མེ་འབར་སྨིན་མ་གློག་ལྟར་འཁྱུགས༔ རལ་པ་དམར་སེར་སྲིད་གསུམ་རྩེ་མོར་འབར༔ ཕྱག་གཡས་རྡོ་རྗེ་གསོར་ཞིང་བགེགས་རྣམས་འཇོམས༔ གཡོན་པས་སྡིག་པ་མགོ་དགུའི་སྙིང་ཁྲག་འཇིབ༔ ཐོད་ཕྲེང་སྐམ་རློན་སྦྲུལ་རིགས་ལྔ་ཡིས་བརྒྱན༔ གླང་ཆེན་ཀོ་རློན་ཞིང་ཆེན་གཡང་གཞི་གསོལ༔ དཔའ་བོའི་སྐུ་ལ་སྟག་གི་ཤམ་ཐབས་གསོལ༔ རྡོ་རྗེའི་གོ་ཁྲབ་རྒྱན་དྲུག་དག་གིས་སྤྲས༔ དབང་དྲག་སྐུ་ལ་གོ་ཆའི་ལྷ་རྣམས་རྫོགས༔ དབུ་གཙུག་རིགས་བདག་སྤྲུལ་པའི་བྱ་ཁྱུང་དཀར༔ དཔྲལ་བར་འཇམ་དཔལ་མགྲིན་པར་རྟ་མགྲིན་དབང་༔ ཐུགས་ཀར་གསང་བདག་ལྟེ་བར་དྷ་ཀི་ལྔ༔ གསང་བའི་གནས་སུ་ཡཀྵ་མེ་དབལ་ཏེ༔ ཀུན་ཀྱང་རང་རྟགས་ཕྱག་མཚན་རྒྱན་དང་ལྡན༔ ཁྱོད་ཀྱི་སྐུ་ལ་མཚོན་ཆ་འབར་བའི་ཚོགས༔ སྟེང་འོག་ཕྱོགས་བཞི་མཚམས་བརྒྱད་ཀུན་ཏུ་ཁྱབ༔ ཉིད་ཀྱི་སྤྲུལ་པ་ཡཀཱ་མེ་དབལ་ཚོགས༔ སྐར་ལྟར་འཁྲུགས་ཤིང་རླུང་ལྟར་འཚུབ་པ་ལ༔ མཚོན་ཆའི་འཁོར་ལོ་གཡས་གཡོན་འཁོར་བྱེད་ཅིང་༔ འཁོར་ལོའི་བར་ན་རྒྱལ་བསེན་སྡེ་བརྒྱད་རྣམས༔ ཕྱེ་མར་གཏུབ་ཅིང་རྡུལ་ཕྲན་བཞིན་ཏུ་

[Full Size]

བརླག༔ གདུག་པ་ཅན་རྣམས་སྔངས་ཤིང་བརྒྱལ་བར་བྱེད༔ གདུག་ཅིང་སྡང་སེམས་ལྡན་པའི་བར་ཆད་རྣམས༔ ཐལ་བ་བཞིན་དུ་མ་ལུས་རླག་པར་བྱེད༔ ལྷ་ཡི་ནང་ནས་ལྷག་པའི་མཐུ་བོ་ཆེ༔ རྒྱལ་བ་ཀུན་གྱི་མཐུ་རྩལ་ལྷག་པའི་ལྷ༔ དངོས་གྲུབ་གློག་ལྟར་མྱུར་བའི་ཐུགས་རྗེ་ཅན༔ ཕྱི་ནང་གསང་བའི་བར་ཆད་ཞི་བར་མཛོད༔ སྔོན་གྱི་ལས་དང་འཕྲལ་རྐྱེན་བཟློག་ཏུ་གསོལ༔ བྱིན་གྱིས་རློབས་ཤིག་གུ་རུ་དྲག་པོ་རྩལ༔ མཆོག་དང་ཐུན་མོང་དངོས་གྲུབ་བསྩལ་དུ་གསོལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཅེས་དང་། ཛབ་བཟླས་ནི་གོང་ལྟར་གསལ་བཏབ་ཅིང་ཐུགས་ཀར་སྔགས་ཕྲེང་གཡས་སུ་བཀོད་དེ། ཨོ་ཨཱཧཱུྃ་ཨ་ཙིག་ནེར་ཅིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཱཧཱུྃ་ཧཱུྃ་ཕཊ༔ རྩ་བསྙེན་འབྲུ་ཉི་ཤུ་པ་ཅུང་ཟད་བཟླ། དེ་ནས། ཐུགས་ཀའི་ཧཱུཾ་སྔགས་ཕྲེང་དང་བཅས་པ་ལས་འོད་ཟེར་ཕྱོགས་བཅུར་འཕྲོས་པས༔ ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་བཀའ་བརྒྱུད་བླ་མ་རིག་འཛིན་དཔའ་བོ་མཁའ་འགྲོ་རྒྱལ་བ་སྲས་དང་བཅས་པ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་ཨོཾ་ཨཱཿཧཱུྃ་དང་འོད་ཟེར་དཔག་ཏུ་མེད་པ་ཚུར་འདུས་

[Full Size]

མཐུ་དང་ནུས་པ་བྱིན་རླབས་ཐམས་ཅད་ཐིམ་པས་གཟི་བྱིན་མཆོག་ཏུ་འབར༔ ཁྱད་པར་དུ་གོ་ཆའི་ལྷ་རང་རང་གི་ཐུགས་རྗེ་བྱིན་རླབས་མཐུ་དང་ནུས་སྟོབས་དང་གཟི་བརྗིད་ཐམས་ཅད་ཐིམ་པས་ཆེ་བཙན་འགྲན་ཟླ་དང་བྲལ་བའི་འཇིགས་བྱེད་ཆེན་པོ་གྱུར་པར་བསྒོམས་ལ་རྩ་སྔགས་འབྲུ་ཉི་ཤུ་པ་གོང་ལྟར་དང་༔ ཨོ་ཨ་ཡུ་ཤེ་ག་རུ་ཎ་ཡ་མཱནྟ་ཀ་རྒྱ་གྲྭ་ཝ་བཛྲ་པཱ་ཎི་ཧ་རི་ནི་ས་བཛྲ་རཀྵ་ཧཱུྃ་ཧཱུྃ་ཕཊ་ཕཊ༔ ཅེས་གོ་ཆ་སྤྱི་འདུས་ཀྱི་བསྙེན་པ་ཡིག་འབྲུ་ཉེར་བརྒྱད་པ་བཟླ། ཡང་། སྔགས་ཕྲེང་ལས་འོད་ཟེར་ཕྱིར་འཕྲོས་པས༔ གསེར་གྱི་འཁོར་ལོ་རྩིབས་སྟོང་དང་ལྡན་པ༔ རྩིབས་རྩེ་རྡོ་རྗེས་མཚན་པ་རྣོ་བའི་ངར་དང་ལྡན་པ་གཡས་སུ་འཁོར་བ༔ འོག་ཏུ་གནམ་ལྕགས་ཀྱི་འཁོར་ལོ་རྩིབས་སྟོང་དང་ལྡན་པ༔ རྩིབས་རྩེ་ངར་དང་ལྡན་པ་གཡོན་དུ་འཁོར་བར་བསྒོམ༔ འཁོར་ལོ་གཉིས་བསྐོར་བའི་བར་དུ་བརྒྱལ་བསེན་འབྱུང་པོ་དམ་སྲི་ཕོ་མོ་ཐམས་ཅད་ཕྱེ་མར་གཏུབ་ཅིང་ཤ་ཁྲག་རུས་གསུམ་སྡིག་པའི་ཞལ་དུ་རྔུབ་པར་བསམས་ལ། ཨོཾ་ཨཱ༔ཧཱུྃ་ཨ་ཅིག་ནེརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཱཧཱུྃ་ཧཱུྃ་ཕཊ༔ བཛྲ་ཧཱུཾ་ཡཀྵ་ཧཱུཾ་རཀྵ་ཧཱུྃ༔ ཨཡཐམདུརཿཙeཤནགནོད་བྱེད་དགྲ་བགེགས་འབྱུང་པོ་མཱ་ར་ཡ་

[Full Size]

ཧཱུྃ་ཕཊ༔ ཅེས་གྲངས་མང་བཟླ། བདག་མདུན་གཉིས་ཀྱི་ཐུགས་ཀའི་ཧཱུྃ་ལས་ཧཱུྃ་གྲངས་མེད་པ་ཕྱིར་འཕྲོས་པས༔ འཇིག་རྟེན་གྱི་ཁམས་ཐམས་ཅད་གང་ནས་ཡཀཱ་མེ་དབལ་གྲངས་མེད་པ་གཡས་རྡོ་རྗེ༔ གཡོན་བརྡུང་བའི་ཐོ་བ་མེའི་ཕྲེང་བས་འཁོར་བ༔ སྐུ་ལ་བསྐལ་པའི་མེ་འབར་བ༔ གདོན་བགེགས་འབྱུང་པོ་རྣམས་མྱག་སྒྲ་ཙིར་ཙིར་བརྡུང་གསོད་འཇིགས་༡པའི་གད་རྒྱངས་དང་བཅས་ཏེ༔ ཁ་བ་བུ་ཡུག་འཚུབ་པ་ལྟ་བུའི་གང་བར་བསྒོམ་ཞིང་གོང་བཞིན་ཤམ་བུ་ཅན་བཟླ། བདག་དང་མེ་དབལ་གྱི་ཐུགས་ཀ་ནས་འོད་ཟེར་འཁོར་ལོ་མེའི་ཚྭ་ཚྭ་དབལ་ངར་དང་ལྡན་པ་འཁོར་བའི་བར་དུ་གནོད་བྱེད་ཐམས་ཅད་ཀྱི་སྐེ་རྒྱུད་ཆུད་བཅད་ཅིང་རྡུལ་ཕྲན་ཕྱེ་མར་བཏང་བར་བསམས་ལ། ཨོཾ་ཨཱཧཱུྃ་ཨ་ཙིག་ནིརྩིག་ན་མོ་བྷ་ག་ཝ་ཏེ་ཧཱུཾ་ཧཱུཾ་ཕཊ༔ ཨཱཧཱུྃ་ཧཱུྃ་ཕཊ༔ བཛྲ་ཧཱུཾ་ཡཀྵ་ཧཱུཾ་རཀྵ་ཧཱུྃ༔ ཨཡམདུརཿཙནོགནོད་བྱེད་དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་རྦད༔ ཅེས་དང་། ཨོ་བཛྲ་ཙཀྲ་ཨེ༔ སྙིང་ཁ་རཀ་དུནྟེ་རྦད༔ ཕུང་བྱེད་སྲོག་ལ་རྦད༔ འགོང་པོའི་དབུགས་ལ་རྔུབས༔ བདུད་མོའི་ཤ་ལ་ཆོམས༔ ཕུང་བྱེད་འགོང་པོའི་ཤ་རུས་ཁྲག་རྩ་ལ་ནུར་ནུར༔ མ་ཙ་དུ་ཨ་ཡ་ཤ་

[Full Size]

ཨ་ན་ཧབ་ཤཾ་བཛྲ་ཏྲི་ཏྲིག་མཱ་ར་ཡ་ཆད༔ བཛྲ་ནི་ལཾ་དྷ་ར་ཡཀ་བཛྲ་ཨ་རི༔ ཨི་རི་ནི༔ ནཱ་ག་ཙ་ཏྲིག་རྦད༔ ཏྲི་ཧ་རི་ཧ་རི༔ ཏྲི་ཏཱཾ༔ ཕུང་བྱེད་འགོང་པོའི་སྲོག་རྩ་ལ་གཏུབས་གཏུབས༔ གནོད་བྱེད་ཤ་ཏུན་མཱ་ར་ཡ་ཧཱུྃ་ཕཊ༔ གྲངས་མང་བཟླ། མེ་འཁོར་ནི། བདག་གི་ཐུགས་ཀ་ནས་སྔགས་ཕྲེང་མེའི་མདོག་ཅན་བྱུང་༔ ཞལ་ནས་ཐོན་མདུན་བསྐྱེད་གཙོ་བོའི་ཞལ་དུ་ཞུགས༔ ཐུགས་རྒྱུད་བསྐུལ༔ གསང་གནས་ནས་རང་གི་གསང་གནས་སུ་ཞུགས་ཤིང་ཐུགས་ཀར་ཐིམ་པར་བསྒོམ༔ མགལ་མེའི་འཁོར་ལོ་ལྟར་དམར་སྒ་ར་ར་འཁོར་བའོ༔ དེ་དག་བདག་མདུན་བར་དུ་འཁོར་ཚེ་མེའི་ཚྭ་ཚྭ་འཕྲོས་པས་གནོད་བྱེད་ཐམས་ཅད་བསྲེགས་པར་བསྒོམས་ལ་ཁྲོ་འདུས་མེ་ཡི་འཁོར་ལོ་གནམ་ལྕགས་ཐོག་ལྟ་བུ་འདི་བཟླ་ཞིང་ནུས་པའི་སྟོབས་བསྐྱེད་དོ།། ཨོ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་བཛྲ་ཀཱི་ལ་ཀཱི་ལ་ཡ་མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ཅེས་གྲངས་མང་བཟླས་པས་རྟགས་དང་ཆོ་འཕྲུལ་ཡོན་ཏན་བསམ་གྱིས་མི་ཁྱབ་པ་འབྱུང་གསུངས། ཐུན་རྫས་དང་ཟོར་རྫས་རྣམས་ལའང་བྱིན་རླབས་དམིགས་པས་ཁྱབ་པར་བྱས་ཤིང་། ཐུན་མཐར་ངག་འདོན་ཅུང་ཟད་ཞལ་རྒྱུན་ལྟར་སྤྲོ་ན། ཧཱུྃ༔ འཛབ་བཟླས་སྔགས་པའི་ཐུན་

[Full Size]

རྫས་རྣམ་པ་ལྔ། །ཕུར་པ་ལ་སོགས་མཚོན་ཆ་སྣ་ཚོགས་པ། །རྣོ་བའི་ངར་དང་དུག་གི་ནུས་པ་ལྡན། །གནམ་ལྕགས་རབ་ཏུ་འབར་བའི་ཐོག་ལྟར་གྱུར། །རྩ་སྔགས་དང་དྲག་སྔགས༔ སོ་ལྔའི་མཇུག་ཏུ། གནོད་བྱེད་དགྲ་བགེགས་བྱད་མའི་ལུས་ངག་ཡིད་གསུམ་མཱ་ར་ཡ་རྦད༔ རྟེན་སྙིང་བརྗོད་ཅིང་མེ་ཏོག་འཐོར། ཕུས་གདབ་པར་བྱའོ། །དེ་ཡན་གྱིས་ཟློག་དཀྱིལ་ཨ་རཱ་གའི་ཞལ་ཤེས་ལྟར་གྲུབ་བོ།། ༈ སྐབས་འདིར་བཀའ་སྲུང་སྡེ་བདུན། ཞིང་སྐྱོང་། སྤུ་གྲི་མཆེད་གསུམ། སྨྱོ་ཁ། མཁའ་རི་བཅས་དང་། ཚོགས་བྱས་ལ་ཚོགས་ཕུད་འབུལ། བར་པས་བསྐང་བ་གསོས་ལ་དྲག་པོའི་བསྐང་བ་འདོན། བཀའ་སྲུང་ཚན་བཞི་པའི་བསྐང་འགྲིགས་རྣམས་དང་བར་བཤགས་པ་ཡང་མཐར་ཆགས་སུ་གྲུབ་པར་བྱ། དེ་ནས་ཚོགས་ཐ་མ་ལ་བསྒྲལ་རྒྱུའི་ཚོགས་དུམ་ལིངྒ་དང་སྦྲགས་ལ་བསྒྲལ་ལས་རྒྱས་པ་འདི་བྱའོ། །ཡང་ཟློག་པ་ཁ་རྐྱང་ལ་ཚོགས་མ་བྱས་ཀྱང་འདི་ལྟར་འདོན་རུང་ངོ་༔ མདུན་དུ་ལྕགས་ཁང་ཟན་ལིང་བཤམས་ལ། སློབ་དཔོན་དྲག་པོའི་ཆས་སུ་ཞུགས། ཐོག་མར་གསེར་སྐྱེམས་བཏང་ནས། རཾ་ཡཾ་ཁཾ༔ འདོད་ཡོན་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར༔ ཨོཾ་ཨཱཿཧཱུྃ་ཧ་ཧོདྭིས་བྱིན་གྱིས་བརླབས་ནས༔ ཧཱུྃ། རིག་འཛིན་རྩ་བརྒྱུད་བླ་མ་དམ་པ་དང་། །བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། །ཁྱད་པར་དབང་དྲག་

[Full Size]

པདྨའི་ལྷ་ཚོགས་རྣམས། །གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། །མ་མགོན་ལྕམ་དྲལ་ཞིང་སྐྱོང་ཆེན་པོ་དང་། །དྲེགས་པའི་སྡེ་དཔོན་སུམ་ཅུ་ཡབ་ཡུམ་བཅས། །བཀའ་ཉན་བྲན་གཡོག་མངག་གཞུག་བཅས་པ་རྣམས། །གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། །སྔགས་འཆང་བདག་གི་རིགས་ཀྱི་སྲུང་མ་དང་། །ས་ཕྱོགས་འདི་ཡི་ཡུལ་གཞི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། །གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། །ཅེས་བརྗོད་ཅིང་ཕུད་མཆོད། ཨེ་ཁང་བསྐྱེད་པ་ནི། ཕཊ༔ ཨེ་ཡཾ་རཾ་ཁཾ༔ རང་གི་མདུན་དུ་ཨེ་ལས་དུག་གསུམ་ལས་གྲུབ་པའི་བཙོན་ཁང་༔ དུས་མཐའི་ཆར་སྤྲིན་ལྟར་ནག་པའི་ཕྱི་ལ་ཞེ་སྡང་གི་བསྐལ་པའི་མེ་འབར་བ༔ ཁ་དོག་ཅིང་མཐིལ་ཡངས་བ༔ ཟིན་ནས་ཐར་ས་མེད་པའི་ནང་དུ༔ འདོད་ཆགས་ཁྲག་གི་རྒྱ་མཚོ་ཁོལ་བ༔ གཏི་མུག་གི་མུན་པ་འཐིབས་པ་ཕྲག་དོག་གི་རླུང་དམར་འཚུབ་པ༔ སྟེང་དུ་ཐོག་དང་མཚོན་ཆའི་ཆར་འབེབས་པའི་ཕྱི་རོལ་དུ་ལས་བྱེད་ཀྱི་ཕོ་ཉ་མི་སྡུག་པའི་ཚུལ་ཅན་གྱིས༔ ལག་ན་འགུགས་སྒྲོལ་གྱི་མཚོན་ཆ་འཛིན་པ་

[Full Size]

དཔག་ཏུ་མེད་པས་དགྲ་བགེགས་ཀྱི་བླ་འཁྱམས་རང་དབང་མེད་པར་འགུགས་པར་བརྩོན་པས་ས་གཞི་གང་བའི་ནང་དུ༔ ཧཱུྃ༔དང་ཏྲིལས་སྐྱེས་པའི་དགྲ་བགེགས་ཁ་དུ་བ༔ མིག་ཤི་མིག་ལག་པ་གཡས་པས་བྲང་བརྡུང་ཞིང་གཡོན་པས་སྐྲ་འབལ་བ༔ རྐང་ལག་ལྕགས་སུ་བཅུག་པ༔ བུ་ག་དགུ་ནས་ཁྲག་འཛག་པ༔ ཉམ་ཐག་དབུགས་དང་ཕྲལ་ལ་ཁད་པ་འདར་ལྡི་ལི་ལི་བྱེད་པ་ཞིག་ཏུ་གྱུར༔ ན་མོ༔ བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་༔ དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་༔ བདག་ཉིད་གུ་རུ་དྲག་པོ་པདྨ་ཐོད་ཕྲེང་རྩལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྐུ་མཆོག་འཇམ་དཔལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ གསུང་མཆོག་རྟ་མགྲིན་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཐུགས་མཆོག་ཕྱག་ན་རྡོ་རྗེའི་ལྷ་ཚོགས་རྣམས་ཀྱི་བཀའ་བདེན་པ་དང་ཡོན་ཏན་མཁའ་འགྲོ་སྡེ་ལྔའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཡཀྵ་མེ་དབལ་གྱི་ལྷ་ཚོགས་རྣམས་ཀྱི་བཀའ་བདེན་པ་

[Full Size]

དང་༔ སྤྲུལ་པ་ཁྱུང་ཆེན་འབར་བའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྟོབས་ལྡན་སྡིག་པ་ནག་པོ་ཕོ་ཉ་ཟ་བྱེད་གསོད་བྱེད་བསྟན་སྲུང་དམ་ཅན་རྒྱ་མཚོའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བྱིན་བརླབས་ལ་བརྟེན་ནས༔ སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ༔ དོ་བསྔོ་ཞིང་འགྲས་ཚོལ་བ་རྣལ་འབྱོར་པ་བདག་གི་སྒོས་དགྲ༔ བསམ་ངན་འཆང་བའི་བྱད་མ༔ ཁྱད་པར་དུ་རྣལ་འབྱོར་པ་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པ་ལ༔ གནོད་ཅིང་འཚེ་བའི་གདོན་བགེགས༔ བཀའ་དང་དམ་ལ་མི་གནས༔ འགྱུ་ལོག་འཕར་ལྡང་མགོ་གཡོག་མགོ་སྐོར་བྱེད་པ་ཐམས་ཅད་ཀྱི༔ བླ་སྲོག་རྣམ་པར་ཤེས་པ་ས་འོག་ས་སྟེང་ས་བླ་སྲིད་པ་གསུམ་གར་གནས་ཀྱང་གཟུགས་ལིང་འདི་ལ་ཁུག་ཅིག༔ དགྲ་བགེགས་ནི་ཏྲ་ཨཾ་ཀུ་ཤ་ཛ་ཛ༔ བཛྲ་པཱ་ཤ་ཧཱུྃ༔ བཛྲ་སྤོ་ཊ་ཐཾ༔ བཛྲ་གྷནྡྷེ་ཧོ༔ ནི་ཏྲི་ཛ་ཛཿ ཨཱ་ཝེ་ཤ་ཡ་ཨ་ཨཱ༔ ཞེས་བཀུག་གཞུག་ལན་གསུམ། ཧཱུྃ༔ དྲག་པོའི་ལྷ་ཚོགས་བདེན་པའི་མཐུས༔ སྡང་བའི་དགྲ་དང་གནོད་པའི་བགེགས༔

[Full Size]

བར་ཆད་བྱེད་པའི་དམ་སྲི་རྣམས༔ ཚོགས་སུ་བསྒྲལ་ཕྱིར་ཚོགས་ལ་ཁུག༔ ཛལས་རྟ་གདོང་ལྕགས་ཀྱུ་མ༔ གཅིག་ལས་བརྒྱ་སྟོང་བྱེ་བ་འབུམ༔ ལྕགས་ཀྱུ་འབར་བས་ཁུག་ལ་ཤོག༔ ཁུག་ཅིག་བཛྲ་ཨཾ་ཀུ་ཤ་ཛཿ ཧཱུཾ་ལས་ཕག་གདོང་ཞགས་པ་གཅིག་ལས་བརྒྱ་སྟོང་བྱེ་བ་འབུམ༔ ཞགས་པ་འབར་བས་ཆིངས་ལ་ཤོག༔ ཆིངས་ཤིག་བཛྲ་པཱ་ཤ་ཧཱུྃ༔ བཾ་ལས་སྤྲེལ་གདོང་ལྕགས་སྒྲོག་མ༔ གཅིག་ལས་བརྒྱ་སྟོང་བྱེ་བ་འབུམ༔ ལྕགས་སྒྲོག་འབར་བས་སྡོམས་ལ་ཤོག༔ སྡོམས་ཤིག་བཛྲ་སྤོ་ཊ་ཐཾ༔ ཧོ༔ལས་སྤྱང་གདོང་དྲིལ་བུ་མ༔ གཅིག་ལས་བརྒྱ་སྟོང་བྱེ་བ་འབུམ༔ དྲིལ་བུ་འབར་བས་གཟུགས་ལ་ཕོབ༔ མྱོས་པར་གྱིས་ཤིག་གཋེ་ཧོ༔ ན་མོ༔ དཀོན་མཆོག་གསུམ་དང་རྩ་བ་གསུམ༔ དྲག་པོ་བདེར་འདུས་དཀྱིལ་འཁོར་ལྷ་ཡི་ཚོགས༔ མཁའ་འགྲོ་ཆོས་སྐྱོང་སྲུང་མ་དམ་ཅན་ཚོགས༔ ཡུལ་ལྷ་གཞི་བདག་ལྷ་སྲུང་དགོངས་སུ་གསོལ༔ དམ་ཉམས་དགྲ་བགེགས་གནོད་བྱེད་གདུག་པ་ཅན༔ བསྒྲལ་བའི་ཞིང་བཅུ་ཚང་བ་འདི་ཡིན་པས༔ འདི་ལ་ཡེ་ཤེས་འཇིག་རྟེན་གང་གིས་ཀྱང་༔ ཁ་འཛིན་རྒྱབ་རྟེན་མགོན་སྐྱབས་མ་མཛད་

[Full Size]

ཅིག༔ གལ་ཏེ་མ་ཉན་མགོན་ཞིང་སྐྱབས་གྱུར་ན༔ ཡེ་ཤེས་ལྷ་ཡང་ཐུགས་དམ་ཉམས་པར་འགྱུར༔ འཇིག་རྟེན་ལྷ་རྣམས་རྡུལ་དུ་རླག་པར་བྱེད༔ དེ་བས་ཐམས་ཅད་རང་རང་གནས་སུ་དེངས༔ ཨཱ་ཡུ་ཛྷཱ་ན་ཤེ་དགྲ་བོའི་ལྷ་སྲུང་ཐམས་ཅད་ཨུ་ཙ་ཏ་ཡ་ཕཊ༔ མཱ་ར་ཡ་ཕྱེས་ཕྱེས་ཧཱུྃ་ཧཱུྃ་ཕཊ་ཕཊ༔ ཅེས་ལྷ་དང་དབྱེ། བྱད་གཞུག་ནི། ཚོན་སྐུད་སྣ་ལྔའི་བྱད་ཐག་ཐོགས་ལ། དམ་ཉམས་དགྲ་བོ་སྡིག་ཅན་འདི༔ ཕོ་ཉ་བཀའ་སྡོད་སྲུང་མ་དང་༔ ཀེའུ་སེང་ཕྲ་མེན་དབང་ཕྱུག་མ༔ དམ་ཅན་ལྷ་སྲིན་ཐམས་ཅད་ཀྱི༔ བྱད་ཐག་ཞུགས་པ་སྣ་ལྔ་ཡིས༔ ལུས་ཀྱི་ཡན་ལག་ཀུན་ཆིངས་སྡོམས༔ བཛྲ་པ་ཤ་ཧཱུྃ༔ དུག་ཐུན་གྱིས་སྨོར་གཞུག་པ་ནི། དམ་ཉམས་དགྲ་བགེགས་ལས་ངན་འདི༔ དུག་ཁྲག་ཐུན་གྱི་སེར་བ་ཕོབ༔ ཁྲག་རིམས་ནད་ཀྱིས་མྱོས་སུ་ཆུགས༔ སྨྱོ་འབོག་བརྒྱལ་རིམས་ཉེས་སུ་ཆུགས༔ བཛྲ་ཧ་ལ་ཧ་ལ་ཧཱུྃ་ཕཊ༔ རྡུལ་དུ་བརླགས་ནས། ཕུར་པ་ཐོགས་ལ༔ ཧཱུྃ༔ ང་ནི་པདྨ་ཐོད་ཕྲེང་རྩལ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ དྲག་པོ་ཐོད་ཕྲེང་དུས་ལ་བབ༔ གཡས་ཀྱི་ཕྱག་ན་རྡོ་རྗེ་བསྣམས༔ གཡོན་གྱི་ཕྱག་ན་ཁ་

[Full Size]

ཊཾ་བསྣམས༔ རྩ་ཕྱག་ཕུར་པ་ལྕགས་ཀྱུ་འདེབས༔ མཐའ་གཉིས་རལ་གྲི་ལྕགས་སྡིག་བརྡེག༔ དགྲ་བགེགས་ལྔ་ཕུང་རླག་པར་བྱེད༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཨོཾ་ཨཱཏྟཱཧཱུྃ་ཨ་ཙིག་ནིར་ཙིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ བཛྲ་ཧཱུྃ༔ ཡཀཱ་ཧཱུྃ༔ རཀྟ་ཧཱུྃ༔ ཨཡམདུ་རུཙཤན༔ གནོད་བྱེད་དགྲ་བགེགས་ཀྱི་ལུས་ངག་ཡིད་གསུམ་ནི་ཏྲི་ཤ་ཧཱུཾ་མཱ་ར་ཡ་རྦད༔ ཧཱུྃ་སྤ་ར་ཎ་ཕཊ༔ ཕུར་པ་བཏབ་ལ༔ དེ་ནས་རལ་གྲི་ཐོགས་ལ༔ ཧཱུྃ༔ ང་ནི་འཇམ་དཔལ་གཤིན་རྗེའི་གཤེད༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་འགྱེད༔ གཡས་ཀྱི་ཕྱག་ན་རལ་གྲི་བསྣམས༔ གཡོན་གྱི་ཕྱག་ན་ལྕགས་ཀྱུ་འདེབས༔ ལྕགས་ཀྱུས་ཟུངས་ལ་རལ་གྲིས་གཏུབ༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཨོཾ་ཨཱཙྪཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ དགྲ་བགེགས་ལུས་ངག་ཡིད་གསུམ་མཱ་ར་ཡ་ཆད༔ རལ་གྲིས་བཏབ༔ དེ་ནས་དབྱུག་ཐོ་ཐོགས་ལ༔ ཧཱུྃ༔ ང་ནི་དབང་ཆེན་རྟ་མགྲིན་རྒྱལ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ གཡས་ཀྱི་ཕྱག་ན་

[Full Size]

དབྱུག་ཐོ་བསྣམས༔ གཡོན་གྱི་ཕྱག་ན་ལྕགས་སྒྲོག་བསྣམས༔ ལྕགས་སྒྲོག་སྡོམས་ཏེ་དབྱུག་ཐོས་འཇོམས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཨོཾ་བཛྲ་པདྨ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ དགྲ་བགེགས་ལུས་ངག་ཡིད་གསུམ་མཱ་ར་ཡ་ཆད༔ རྡོ་རྗེ་ཐོགས་ལ༔ ཧཱུྃ༔ ང་ནི་གསང་བདག་རྡོ་རྗེ་འཛིན༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ གཡས་ཀྱི་ཕྱག་ན་རྡོ་རྗེ་བསྣམས༔ གཡོན་གྱི་ཕྱག་ན་སྦྲུལ་ཞགས་བསྣམས༔ རྡོ་རྗེས་བརྡུངས་ལ་སྦྲུལ་ཞགས་ཆིངས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ དགྲ་བགེགས་ལུས་ངག་ཡིད་གསུམ་མཱ་ར་ཡ་རྦད༔ གྲི་གུག་ཐོགས་ལ༔ ཧཱུྃ་ང་ནི་ཡེ་ཤེས་མཁའ་འགྲོ་སྟེ༔ སྲས་དང་སྤྲུལ་པ་མཁའ་འགྲོའི་ཚོགས༔ མ་སྲིང་མཁའ་འགྲོ་ཤུགས་འགྲོར་བཅས༔ གཡས་ཀྱི་ཕྱག་ན་གྲི་གུག་བསྣམས༔ གཡོན་གྱི་ཕྱག་ན་ཐོད་ཁྲག་བསྣམས༔ གྲི་གུག་གཏུབས་ལ་ཐོད་ཁྲག་མྱོས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་

[Full Size]

སྒོལ༔ ཧྲིམ་ཧ་རི་ནི་ས༔ དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་རྦད༔ ཕུར་པའམ་ཐོ་བ་ཐོགས་ལ༔ ཧཱུྃ༔ ཡཀྵ་མེ་དབལ་ཁྲོ་བོའི་སྐུ༔ ཁྲོ་རྒྱལ་སྟོབས་འདུས་ངོ་བོ་ཉིད༔ མཐུ་སྟོབས་རྫུ་འཕྲུལ་ཐོགས་པ་མེད་༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་འགྱེད༔ ཞིང་བཅུ་རུ་ཏྲ་ཐལ་བར་རློགས༔ ཨོཾ་བཛྲ་ཀྲོ་ཏ་ཡཀྵ་ཧཱུཾ་རཀྵ་ཧཱུྃ༔ དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་རྦད༔ དེ་ནས་རལ་གྲི་ཐོགས་ལ༔ ཧཱུྃ༔ ང་ནི་ཁྲོ་རྒྱལ་སྤྲུལ་པའི་སྐུ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ གནམ་ལྕགས་མཆུ་སྡེར་ཁྲོ་ཆུའི་ར༔ དམ་ཅན་ཕྱག་མཚན་མཚོན་ཆ་ཡིས༔ དགྲ་བགེགས་ལྔ་ཕུང་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཨོ་ཁྲོ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ༔ དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་རྦད༔ དེ་ནས་ཐུན་སོ་སོར་བརྡེག་སྟེ༔ ཧཱུྃ༔ རྡོ་རྗེ་ཕུར་པ་ཀཱི་ལ་ཡ༔ སངས་རྒྱས་ཡོངས་རྫོགས་ཕྲིན་ལས་སྐུ༔ ཕུར་ཐུན་དྲག་པོ་ཐོག་ལྟར་ཕོབ༔ དགྲ་བགེགས་ལྔ་ཕུང་རྡུལ་དུ་རློགས༔ ཡུངས་དཀར་རྒྱལ་པོ་ཤ་རི་རམ༔ ཁྲོ་རྒྱལ་ཡོངས་རྫོགས་གྱད་ཀྱི་

[Full Size]

སྐུ༔ དྲག་སྔགས་ཐོག་སེར་དྲག་པོ་ཡིས༔ དགྲ་བགེགས་ལྔ་ཕུང་རྡུལ་དུ་རློགས༔ རཀྟའི་རྒྱ་མཚོ་རྦ་ཀློང་འཁྲུགས༔ མ་མོ་ཡོངས་རྫོགས་གྱད་ཀྱི་སྐུ༔ ནད་ཡམས་དལ་ཁ་ཆར་བཞིན་ཕོབ༔ དགྲ་བགེགས་ལྔ་ཕུང་རྡུལ་དུ་རློགས༔ མཚེ་མདའ་དྲག་པོ་སྐར་ལྟར་འཁྲུགས༔ དྲེགས་པ་འཇོམས་མཛད་རྩལ་གྱི་སྐུ༔ མཚེ་ཡི་མདའ་འཕེན་སེར་ལྟར་འདྲིལ༔ དགྲ་བགེགས་ལྔ་ཕུང་རྡུལ་དུ་རློགས༔ འབྱུང་བ་དུག་ཐུན་རླུང་ལྟར་འཚུབ༔ གདུག་པའི་དུག་སྣ་ཡོངས་རྫོགས་པ༔ ལྔ་ཕུང་འཇིགས་བྱེད་དུག་རླངས་ཀྱིས༔ དགྲ་བགེགས་ལྔ་ཕུང་རྡུལ་དུ་རློགས༔ ཐོགས་མེད་དྲག་པོ་ལས་ཀྱི་ཐུན༔ ཕྱག་མཚན་ཡོངས་རྫོགས་མཚོན་གྱི་ཆར༔ རལ་གྲི་ལོ་མ་ཆར་ལྟར་འབེབས༔ དགྲ་བགེགས་ལྔ་ཕུང་རྡུལ་དུ་རློགས༔ སྟོབས་ཆེན་འདུལ་བ་མདའ་ཡི་ཐུན༔ དྲེགས་འཇོམས་ཡོངས་རྫོགས་གྱད་ཀྱི་སྐུ༔ མི་བཟད་ཐོག་ཆེན་ཆར་འབེབས་ཀྱིས༔ དགྲ་བགེགས་ལྔ་ཕུང་རྡུལ་དུ་རློགས༔ སྟོབས་ཆེན་བརྡུང་བ་རྡོ་ཡི་ཐུན༔ དྲེགས་པ་འཇོམས་མཛད་གཏུམ་པའི་སྐུ༔ དྲག་པོ་གནམ་ལྕགས་ཐོག་སེར་གྱིས༔ དགྲ་བགེགས་ལྔ་ཕུང་རྡུལ་དུ་རློགས༔

[Full Size]

ཧཱུྃ་ཆེ་མཆོག་པདྨ་ཐོད་ཕྲེང་རྩལ༔ རྔམ་བྱེད་འབར་བའི་ཁྲོ་ཚོགས་བཅས༔ རྡོ་རྗེ་ཕུར་པ་ལྕགས་ཀྱུ་དང་༔ ཞགས་པ་ཐོ་ཆེན་འབར་བ་ཐོགས༔ དགྲ་བགེགས་གདུག་པའི་ལྔ་ཕུང་འདི༔ ལྕགས་ཀྱུས་ཟུངས་ལ་ཕུར་པས་ཐོབ༔ རྡུལ་ཕྲན་བཞིན་དུ་བརླག་པར་མཛོད༔ རྣམ་ཤེས་ཆོསཀྱི་དབྱིངས་སུ་སྤོར༔ གུ་རུ་བཛྲ་ཀྲོ་ཏ་ནཾ་ཏྲི་དགྲ་བགེགས་ཤ་ཏུཾ་མཱ་ར་ཡ་རྦད༔ ཅེས་བསྒྲལ་ཞིང་སྤར། སྦྱོར་བའི་དམ་ཚིག་ནི། རྡུངས་ཤིག་རྡོ་རྗེ་འབར་བའི་གཏུན༔ བཀའ་ལས་འདའ་བྱེད་སྡིག་ཅན་རྣམས༔ རྡོ་རྗེ་མེ་འབར་སྙིང་བསྲེགས་ནས༔ ལུས་ངག་རྡུལ་ཕྲན་བཞིན་དུ་རློགས༔ ཁྲོ་མོ་འབར་བའི་གཏུན་ཁུང་དུ༔ རྡོ་རྗེ་ཐོ་བས་བརྡུངས་བྱས་ན༔ ལྷའམ་འོན་ཏེ་བརླག་པར་འགྱུར༔ རྡུལ་ཕྲན་བཞིན་དུ་རླག་པར་བྱེད༔ མངོན་སྤྱོད་དྲག་པོའི་ལས་མཛོད་ཅིག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཀྲོ་ཏ་ཡ་མ་ཐ་ཏུ༔ རཀཱ་ཡ་ས་ཏཱི༔ ཕུ་ནི་ཏྲི་ག་ནི༔ ཨ་བྷྱོ་ཛ་ཛ༔ གནོད་བྱེད་དགྲ་བགེགས་ཀྱི་སྲོག་རྩ་དམར་པོ་ལ་མཱ་ར་ཡ་རྦད་རྦད༔ དེ་ནས་ལིང་རོ་གཏོར་མར་བསྟབ་སྟེ༔ ཧཱུྃ༔ བླ་མ་ཡི་དམ་མཁའ་འགྲོ་ཞལ་ཕྱེས་ཤིག༔ ཁམས་གསུམ་ཡོངས་སྒྲོལ་དགྲ་བགེགས་ཞལ་དུ་བསྟབ༔

[Full Size]

རྔམ་བྱེད་ཧོ་ཁུང་ཡངས་པའི་མགུལ་དུ་བསྟིམ༔ འཁོར་འདས་མཉམ་ཉིད་ངང་དུ་མཆོད་པར་བཞེས༔ རྣལ་འབྱོར་བདག་ཅག་འཁོར་དང་བཅས་པ་ཡི༔ བྱང་ཆུབ་བསྒྲུབ་ལ་བར་ཆད་བྱེད་པ་ཡི༔ གཟུགས་ཅན་དགྲ་དང་གཟུགས་མེད་བགེགས་ལ་སོགས༔ དྲག་པོས་བསྒྲལ་བའི་ཤ་ཁྲག་རུས་པའི་ཚོགས༔ དབང་དྲག་པདྨའི་ལྷ་ཚོགས་རྣམས་ལ་འབུལ༔ ཐུགས་རྗེའི་དབང་གིས་བཞེས་ནས་དངོས་གྲུབ་སྩོལ༔ གུ་རུ་དྷེ་ཝ་དྷཱ་ཀི་ནི་དགྲ་བགེགས་ཀྱི་ཤ་ཁྲག་རུས་པ་ལ་ཁ་ཁ་ཁཱ་ཧི་ཁཱ་ཧི༔ དགྲ་བགེགས་ཀྱི་ཚྭ་ས་ལ་ཁཱ་ཧི༔ རཀྟ་ལ་ཁཱ་ཧི༔ ཙིཏྟ་ལ་ཁཱ་ཧི༔ བཱ་སུ་ཏ་ལ་ཁཱ་ཧི༔ གོ་རོ་ཙ་ན་ཁཱ་ཧི༔ ཀཾ་ནི་རི་ཏི་ལ་ཁཱ་ཧི༔ ཞེས་མདོས་ནང་ཕུལ༔ དེ་ནས་སླར་ཡང་གཏོར་མདོས་ནང་དུ་གཏོར་ཆུང་འབུལ་རྒྱུ་རྣམས་བདུད་རྩིས་བྲན་ལ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷརྨ་སྭ་བྷ་ཤུདྡྷོཉཧཾ༔ གཏོར་ཆེན་གྱི་མདུན་གྱི་གཏོར་མ༔ དགྲ་བགེགས་བསྒྲལ་བའི་ལིང་རོ་གཏོར་ཆུང་དང་བཅས་པ་མི་དམིགས་པ་སྟོང་པའི་ངང་ལས༔ བདག་གི་ཐུགས་ཀ་ནས་ཡཾ་འཕྲོས་པ་ལས་རླུང་གི་དཀྱིལ་འཁོར་ཟླ་གམ་ལྗང་གུ་ཡཾ་ཡིག་གིས་མཚན་པ༔ དེའི་སྟེང་དུ་རཾ་

[Full Size]

འཕྲོས་པ་ལས་མེ་ཡི་དཀྱིལ་འཁོར་གྲུ་གསུམ་དམར་པོ་རཾ་གྱིས་མཚན་པ༔ ཟུར་གསུམ་དུ་ཀཾ་སྐྱ་བོ་གསུམ་འཕྲོས་པ་ལས༔ ཐོད་པའི་སྒྱེད་པུ་གསུམ་གྱི་ནང་དུ༔ ཨ་དཀར་པོ་གཅིག་འཕྲོས་པ་ལས༔ ཀ་པཱ་ལ་ཕྱི་དཀར་ལ་ནང་དམར་བ་དཔྲལ་བ་རང་ལ་བསྟན་པ༔ ཡངས་ཤིང་རྒྱ་ཆེ་བའི་ནང་དུ་དགྲ་བགེགས་བྱད་མ་བསྒྲལ་བའི་ཤ་ཁྲག་དམར་ལྟེམ་གྱིས་གང་བ༔ དེའི་སྟེང་དུ་ཨ་འཕྲོས་པ་ལས་ཟླ་བའི་དཀྱིལ་འཁོར༔ དེའི་སྟེང་དུ་ཨོཾ་ཨཱཧཱུྃ་སུམ་བརྩེགས་ཐུགས་ཀའི་ཧཱུཾ་ལས་འོད་ཟེར་འཕྲོས་པ་ལས༔ ཡཾ་ལས་རླུང་གཡོས་རཾ་ལས་མེ་སྦྱར་མེ་ཡིས་ཐོད་པ་དྲོས་ནས༔ ནང་གི་ཤ་ཁྲག་ཐམས་ཅད་ཞུ་ཞིང་ཁོལ༔ མི་གཙང་བའི་དྲི་མ་ཐམས་ཅད་ལྷུ་བའི་ཚུལ་དུ་ཕྱིར་ཐོན་ནས༔ བཅུད་ཡེ་ཤེས་ཀྱི་བདུད་རྩིར་གྱུར༔ ཨོཾ་མ་ཧཱ་བ་ལིང་ཏ་གུ་རྒྱ་ན་མ་ཡེ་སྭཱ་ཧཱ༔ ཞེས་བདུན་བརྗོད༔ སྟེང་གི་ཡི་གེ་གསུམ་ཟླ་བ་བཅས་པ༔ འོད་དུ་ཞུ་ནས་ཐོད་པའི་བདུད་རྩི་ལ་ཐིམ་པས་རོ་བརྒྱ་ནུས་པ་སྟོང་དང་ལྡན་པར་གྱུར༔ ཨོཾ་ཨཱཿཧཱུྃ་ཧ་ཧོཧི༔ ལན་གསུམ་གྱིས་བརླབས། ཨོཾ་ཨཱཧཱུྃ་ཨ་ཙིག་ནེརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཱཧཱུྃ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཡ་མ་རཱ་

[Full Size]

ཛ༔ བཛྲ་བྷ་ར་ཧི༔ བཛྲ་ཀཱི་ལི་ཀཱི་ལ་ཡ༔ བཛྲ་སེང་ཧ་མུ་ཁ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཨཱཿཧཱུྃ་མཉྫ་ཤི་ཡ་མཱནྟ་ཀ་ཧཱུྃ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཨཱཧཱུྃ་པདྨནྟ་ཀྲྀཏ་མ་ཧཱ་ཀྲོ་ཏ་ཧྱ་གྲི་ཝ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཨཱཧཱུྃ་བཛྲ་པཱ་ཎི་མ་ཧཱ་ཀྲོ་ཏ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཨཱཧཱུྃ་བཛྲ་ག་རུ་ཎ་ཙ་ལེ་ཙ་ལེ་ཧཱུཾ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཨཱཿཧཱུྃ་བུདྡྷ་ཌཱཀི་ནཱི་ཧ་རི་ནི་ས་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཨཱ༔ཧཱུྃ་བཛྲ་ཧཱུཾ་ཡཀྵ་ཧཱུཾ་རཀྵ་ཧཱུྃ༔ ཨཡཐམཛདུརཿཙཤན༔ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོ་ཨཱཧཱུྃ་བཛྲ་རཱ་ཛ་ཙིཏྟ་རུ་རུ་བྷ་ཤ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཤྲཱི་བཛྲ་དྷརྨ་པཱ་ལ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་མ་ཧཱ་ཀཱ་ལ་སེང་ཧ་མུ་ཁ་སི་ན་ར་མ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་ཨཱཿཧཱུྃ་དུ་བཻ་ཏྲི་ཤུ་ལ་ནཱ་ག་རཱ་ཛ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ནཱ་ག་

[Full Size]

རཀྴ་ཀྲོ་ཏ་པ་ཙ་ལ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཞེས་ལན་གཅིག་གམ་གསུམ་རེས་འབུལ། སྐབས་འདིར་བསྟོད་བསྐུལ་རྣམ་རྒྱལ་འབར་བ། ཕྱག་མཚན་རྡོར་སྡིག །དཔལ་མགོན་ལས་ཆས་སོགས་སྡེ་བདུན་ཞིང་སྐྱོང་དམག་བསྐུལ་ཁྲག་མཚོ་ཁོལ་མ། སྤུ་གྲི་མཆེད་གསུམ། སྨྱོ་ཁ་གནས་བརྒྱད་བཅས་བསྐུལ་ཞིང་། དེ་དག་གི་མཐར། ཧཱུྃ༔ དྲག་པོ་པདྨའི་ལྷ་ཚོགས་འཁོར་བཅས་ཀྱིས༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ བྱང་ཆུབ་བསྒྲུབ་ལ་བར་དུ་གཅོད་པ་ཡི༔ དགྲ་བགེགས་ཐམས་ཅད་ཐལ་བར་བརླག་པ་དང་༔ རྣལ་འབྱོར་བདག་ཅག་འཁོར་དང་བཅས་པ་ཡི༔ ཚེ་འདིར་གནོད་པ་ཐམས་ཅད་ཞི་བ་དང་༔ ཕྱི་མ་བྱང་ཆུབ་གོ་འཕང་ཐོབ་པར་མཛོད༔ བསྡུ་ན་སྐབས་འདིར་གཏོར་ཆུང་ཐམས་ཅད་སྔགས་ཀྱིས་འབུལ༔ རྒྱས་པར་སོ་སོའི་བསྟོད་བསྐུལ་རེ་དང་སྤྲད་ལ་ཕུལ༔ དེ་ནས་བཟློག་གཞུང་འདོན་ནོ༔ ཞེས་པ་དོན་གྲུབ་ལ་ཕན་ཕྱིར་ཨ་རཱ་གས་བསྡུས་ཏེ་བྲིས་པ་ལ་ཉེས་འགལ་ཐམས་ཅད་དྲག་པོའི་ལྷ་ཚོགས་བཀའ་སྲུང་བཅས་ལ་བཤགས༔ དགེ་བས་སེམས་ཅན་ཐམས་ཅད་བདུད་བཞིའི་གཡུལ་ལས་རྒྱལ་བར་གྱུར་ཅིག༔ མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དྲག་སྒྲུབ་ཨ་ཙིག་བསྙེན་དམིགས།

[Full Size]

དྲག་སྒྲུབ་ཨ་ཙིག་བཟླ་དུས། རང་ཉིད་དམ་ཚིག་སེམས་དཔའ་གུ་རུ་དྲག་པོར་གསལ་བའི་ཐུགས་ཀར་ཐུགས་རིན་པོ་ཆེ་ཟུར་བརྒྱད་པ་འབར་བའི་དབུས་སུ།་་གཞུང་ལས། རིན་ཆེན་འབར་བའི་དབུས་ཉིད་དུ༔ ཞེས་གསུངས་པ་དང་། གོ་ཆ་དང་། འབྲུ་འགྲེལ་ནང་ནས་གསུངས་པ་ལྟར་ཞལ་མཐུན་ནོ། །གསེར་གྱི་བྱང་ཆུབ་མཆོད་རྟེན་གྱི་བུམ་ལྟོར་ཕྱག་རྡོར་གྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ༔ ཡེ་ཤེས་སེམས་དཔའ་བཛྲ་ཧེ་རུ་ཀ་སྐུ་མདོག་མཐིང་ག་ཁྲོ་གཏུམ་སྤྱན་གསུམ་མཆེ་བ་ཅུང་ཟད་གཙིགས་པ་ཞལ་གཅིག་ཕྱག་གཉིས་གཡས་རྡོ་རྗེ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། དུར་ཁྲོད་ཆས་བརྒྱད་གསོལ་བ། ཞབས་རྡོ་རྗེའི་སྐྱིལ་ཀྲུང་མཛད་པའི་ཐུགས་ཀར། ཏིང་ངེ་འཛིན་སེམས་དཔའ་རྡོ་རྗེ་རྩེ་ལྔའི་ལྟེ་བར་ཐབས་ཤེས་ཉི་ཟླའི་གའུ་ཁ་སྦྱོར་བའི་ནང་དུ། ཧཱུྃ་དམར་པོ་འགྲེང་སྟབས་གནས་པའི་མཐར། ཨ་ཙིག་ཡིག་འབྲུ་ཉི་ཤུའི་བསྐོར་བར་གྱུར་པར་བསམས་ལ་ཀློག་པའི་ཚུལ་དུ་ཅུང་ཟད་བཟླ། ཨོཾ་ཨཱཿཧཱུྃ་ཨ་ཙིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ འདི་དག་ཡིན་ནོ། བསྙེན་པ་ཕྲེང་སྐོར་གཅིག་བཟླའོ།། ༈ དེ་ནས་སྔགས་ཕྲེང་མི་འཁོར་བར་སྔགས་ལས་འོད་ལྔ་ལྡན་གཡས་སུ་ཀྱི་ལི་ལི་

[Full Size]

འཁོར་བར་གྱུར་པར་དམིགས་ཏེ་བཟླ་བ་ཕྲེང་སྐོར་ཉིས་བརྒྱ་རེ་ཉེ་བར་བསྙེན་པའོ།། ༈ དེ་ནས་སྔགས་ཕྲེང་དལ་བུར་གཡས་སུ་འཁོར་ཞིང་། དེ་ཇེ་མགྱོགས་མཐར་ཤིན་ཏུ་མགྱོགས་པར་འཁོར་བ་དེ་ལས་འོད་ཟེར་སྣ་ཚོགས་འཕྲོས་པས། སངས་རྒྱས་བྱང་སེམས་བླ་མ་ཡི་དམ་མཁའ་འགྲོའི་ལྷ་ཚོགས་མ་ལུས་པ་ཐམས་ཅད་འོད་ཟེར་དེ་ཕོག་པས་ཟག་མེད་ཀྱི་མཆོད་པར་གྱུར་ནས་སྐུ་གསུང་ཐུགས་རབ་ཏུ་མཉེས། བྱིན་རླབས་དངོས་གྲུབ་ཐམས་ཅད་འོད་ཟེར་གྱི་ཚུལ་དུ་བསྡུས་པ་རང་ལ་ཐིམ་པས་མཆོག་ཐུན་མོང་གི་དངོས་གྲུབ་ཐམས་ཅད་ཐོབ། སླར་ཡང་འོད་ཟེར་མར་འཕྲོས་འགྲོ་དྲུག་སེམས་ཅན་ཐམས་ཅད་ལ་ཕོག་པས་སོ་སོའི་སྡུག་བསྔལ་སྡིག་སྒྲིབ་ལས་ཉོན་བག་ཆགས་རྟོགས་སྒྲིབ་ཐམས་ཅད་ཞི་བར་བྱས། སྣང་སྲིད་ལྷ་སྲིན་སྡེ་བརྒྱད་ཀུན་ལ་ཕོག་པས་སྔོན་གྱི་དམ་ཚིག་དྲན་ཅིང་བཀའ་རྗེས་སུ་སྒྲུབ། གནོད་བྱེད་དགྲ་བགེགས་བར་ཆད་འདྲེ་འཁྱམས་ཀུན་ལ་ཕོག་པས་གནོད་སེམས་དུག་ལྔའི་གདུག་རྩུབ་ཐམས་ཅད་ཞི་བར་བྱས། ཕྲིན་ལས་ཐམས་ཅད་སྒྲུབས། ཕྱི་སྣོད་གཞལ་ཡས་ཁང་ནང་བཅུད་ཐམས་ཅད་གུ་རུ་དྲག་པོའི་སྐུར་གྱུར་སྐུ་ཟེར་རེ་རེས་ཀྱང་། དེ་དག་ཀུན་གྱི་མཐུ་སྟོབས་ནུས་པ་ཐམས་ཅད་

[Full Size]

བསྡུས་ཤིང་འོད་ཟེར་སྣ་ཚོགས་པའི་རྣམ་པར་འདུས་ནས་རང་ལ་ཐིམ་པས། ཚེ་ཡི་བཅུད་དང་ནུས་མཐུ་བསོད་ནམས་ཡེ་ཤེས་ཡོན་ཏན་གཟི་བརྗིད་ཐམས་ཅད་འཕེལ་བར་གྱུར་པར་བསམས་ལ་སྔགས་ཕྲེང་སྐོར་གསུམ་བཟླ་སྟེ་སྒྲུབ་པའོ།། ༈ དེ་ནས་རང་གི་ཐུགས་ཀའི་སྔགས་ཕྲེང་འཁོར་བཞིན་པ་ལས། ཐུགས་སྲོག་ཧཱུྃ་དམར་པོའི་རྩེ་ནས་སྔགས་ཕྲེང་འཕྲོས་ཏེ་རང་གི་ཞལ་ནས་ཐོན། ཡུམ་གྱི་ཞལ་དུ་མཆོད་པའི་ཚུལ་དུ་ཞུགས་སྐུའི་དབྱིབས་བརྒྱུད། མཁའ་གསང་ནས་ཐོན། མདུན་བསྐྱེད་སྐབས། གོ་ཆའི་ལྷ་དང་བཅས་པའི་སྐུ་གསུང་ཐུགས་ཀྱི་རྒྱུད་བསྐུལ། གསང་གནས་ནས་སྔགས་ཕྲེང་ཚུར་བྱོན། རང་གི་རྡོ་རྗེའི་སྦུབས་ནས་དྲང་། དངོས་གྲུབ་ཀྱི་ཚུལ་དུ་རང་ཉིད་ཀྱི་ཐུགས་སྲོག་ལ་ཐིམ་པས། མགལ་མེ་གཡུག་པ་ལྟར་ཀྱི་ལི་ལི་རྒྱུན་མ་ཆད་པར་འཁོར་བ་ལས་འོད་ཟེར་མེ་ཡི་ཚྭ་ཚྭ་ལྟ་བུར་འཕྲོས་པས་དམ་ལ་མི་གནས་ཤིང་བཀའ་ལ་མི་ཉན་པའི་གནོད་བྱེད་གདོན་བགེགས་དམ་སྲི་འབྱུང་པོ་ཐམས་ཅད་བསྐྲད་ཅིང་སྲུང་། ནག་པོའི་ཕྱོགས་གདུག་པ་ཅན་ཐམས་ཅད་ཚར་བཅད་བསྲེག་ཅིང་བཙོས་པར་གྱུར་པར་བསམས་ལ། མི་དམིགས་པའི་རྒྱས་གདབ་སྙིང་རྗེ་རེ་བསྐྱེད་དེ་

[Full Size]

བཟླས་པ་ཕྲེང་སྐོར་བཞི་རེ་བྱ་བ་སྒྲུབ་པ་ཆེན་པོའོ། །དེ་ལས་སྟོང་དང་ཁྲི་འབུམ་སོགས་ཀྱང་མང་ཉུང་དེ་ཡི་འགྲེས། ལས་ཚོགས་དང་འཁོར་ལྷ་སོགས་ཟིན་བྲིས་རྒྱས་པར་ཤེས། དྲག་སྒྲུབ་བསྙེན་ཡིག་རྡོ་རྗེ་ཐོག་ཕྲེང་ཞེས་བྱ་བ། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུ་དྲག་པོའི་མདོས་ཟློག་གཏོར་མའི་ཞལ་ཁྲིད།

[Full Size]

གུ་རུ་དྲག་པོའི་མདོས་ཟློག་གཏོར་མའི་ཞལ་ཁྲིད་བཞུགས་སོ༔

[Full Size]

ན་མོ་པདྨ་ཀྲོ་དྷ་ཡ༔ དབང་དྲག་པདྨའི་སྐུ་ལ་ཕྱག་འཚལ་སྐྱབས་སུ་མཆི༔ ཆོས་བདག་སྲུང་མས་བཀའ་ཡི་གནང་བ་སྩོལ༔ ནད་པའམ་ནི་གདོན་ཆེན་ལ་སོགས་ལ༔ གཏོར་ཁ་སྟོན་པའི་ཞལ་གདམས་བྲི་བར་བྱ༔ ཚད་པའི་ནད་དང་གཉན་ནད་ཀླུ་ཡི་གདོན༔ རིམས་ཀྱི་རིགས་ལ་གཏོར་ཁ་བསྟན་ན་ཐུ༔ དེ་བཞིན་གཟའ་ལ་གཏད་ན་རང་ལ་ལྡོག༔ རྒྱལ་འགོང་སྲིན་མོའི་གདོན་དང་ཆུང་སྲི་དང་༔ ཤི་ཁ་བྱེ་དང་སྨྱོ་འབོག་སྙིང་གཟེར་དང་༔ དམ་སྲིའི་གདོན་ལ་ཤིན་ཏུ་ཕན་པར་ངེས༔ གཏོར་ཟློག་ཡིན་ནམ་ཡང་ན་ལྷ་གྲངས་ཀྱི༔ དམར་གཏོར་ཆུང་བཙུགས་གྲལ་དུ་བཤམས་

[Full Size]

པར་བྱ༔ གཞི་བདག་དཀར་གཏོར་སྔོན་བཏང་སྡོང་གྲོགས་བཅོལ༔ འདི་ལ་མ་གནོད་གཞན་དུ་སོང་ཞིག་བརྗོད༔ བགེགས་གཏོར་བཏང་ལ་ཆོས་བཤད་བདེན་པ་བདར༔ མ་གནོད་སོང་ཞིག་གལ་ཏེ་མི་འགྲོ་ན༔ དྲག་པོའི་གཏོར་མ་ཟོར་གྱིས་ཚར་གཅོད་སྨྱ༔ གསེར་སྐྱེམས་བཏང་ལ་གཟའ་དང་མཁའ་འགྲོ་སོགས༔ གདོང་མ་ཐུག་ཅིང་ལྡོང་དང་མ་ཐུག་བརྩི༔ གླུད་དང་གཏོར་མས་བརྔན་ཡང་མི་འགྲོ་ཞིང་༔ ཆོས་བཤད་བདེན་པ་བདར་ཡང་མི་བརྩི་ན༔ ངས་ནི་དྲག་པོའི་ལས་སྦྱོར་བྱེད་པ་ལ༔ ང་ནི་མ་ཉེས་ཁྱོད་རང་ལེན་ནོ་བརྗོད༔ ནད་པའི་རྣམ་ཤེས་སྤར་ནས་ནམ་མཁའ་

[Full Size]

ལ༔ ཨོ་རྒྱན་བཞུགས་པའི་ཐུགས་ཀར་བསྟིམ་པར་བྱ༔ ཕུང་པོ་བྲུབ་ཁུང་དབུས་སུ་གནོད་བྱེད་ནི༔ ལིངྒ་བསྐྱེད་ཆོག་ལྟར་དུ་གསལ་བར་བསྒོམ༔ བཀའ་ལ་མི་ཉན་དམ་ལ་མི་གནས་པའི༔ གདོན་བགེགས་བཀུག་གཞུག་ལན་གསུམ་བར་དུ་བྱ༔ ཆད་མདོ་བརྟན་སྐྱོང་སྨྱོ་ཁ་སྤུ་གྲི་དང་༔ མ་ནིང་ལྷ་མོ་མགོན་པོ་སེང་གདོང་མ༔ རྟ་མགྲིན་གཤིན་རྗེ་གུར་དྲག་ལ་སོགས་པ༔ མཇུག་ནས་ཡར་ལ་འདོན་ཏེ་རིམ་བཞིན་དུ༔ དྲག་པོའི་གཏོར་ཟློག་རྒྱག་པར་བྱེད་ན་ཡང་༔ སྤུ་གྲི་གསུམ་དང་མེ་དབལ་ཁྱུང་མཁའ་འགྲོ༔ གསང་བདག་རྟ་མགྲིན་འཇམ་དཔལ་རིམ་པ་བཞིན༔ རང་ཉིད་ཡི་དམ་གུར་དྲག་གསལ་བ་ནི༔ གཏོར་མའི་ལྷ་དེ་ཕྱག་གཡས་དང་པོ་ཡིས༔ ཕྱག་མཚན་བསྐལ་པའི་མེ་དཔུང་འབར་བ་དེ༔ བྲུབ་ཁུང་ནང་གི་གདོན་ལ་བརྒྱབས་པ་ཡིས༔ རྩྭ་སྐྱ་ལ་ནི་མེ་དཔུང་བརྒྱབ་ལྟར་དམིགས༔ དེ་ནི་འཇམ་ཞིང་འཁུ་ལྡོག་ཆུང་བ་ཡིན༔ གཏོར་མ་དེ་ཉིད་གང་ཡིན་ལྷ་དེ་ཉིད༔ མེ་དཔུང་དང་བཅས་རང་ཉིད་ཡི་དམ་གྱི༔ ཕྱག་གིས་བླངས་ནས་འཕངས་པས་གདོན་བགེགས་སྟེང་༔ ཐོག་ལྟར་བབས་ནས་རྡུལ་དུ་བརླག་དམིགས་ན༔ ཤིན་ཏུ་གཉན་ཅིང་རང་ལ་ལྡོག་ཉེན་ཆེ༔ དེ་

[Full Size]

ནས་ཟློག་པའི་གཏོར་མ་གཙོ་བོ་ལ༔ རྣམ་རྒྱལ་འབར་མའི་གཙོ་བོའི་བསྟོད་པ་དང་༔ མཇུག་གི་སྤུ་གྲིའི་བསྐུལ་པ་འདོན་པར་བྱ༔ རྗེས་སུ་མེ་རུ་བཙུགས་ནས་བཞག་བྱས་ཏེ༔ ལག་ཏུ་བཟུང་ནས་ཕྱག་རྟགས་རྡོ་རྗེ་འདོན༔ ཟད་བརྒྱད་སྤུ་གྲི་སྲོག་གཅོད་སྔགས་དམིགས་ཀུན༔ བརྗོད་ཅིང་ཡོན་བདག་རྣམས་ཀྱི་མགོ་བོ་འམ༔ དཔུང་པ་གཡས་ཀྱི་ཐོག་ཏུ་བཞག་ཅིང་འགྲིམ༔ གཏོར་མ་དྲག་པོའི་སྐུ་ཡི་མེ་དཔུང་གིས༔ དེ་ཡི་ལུས་གདོན་ཐམས་ཅད་བསྲེགས་པར་དམིགས༔ མ་ཀི་མེ་ཧོ་སྦྱར་བའི་ནང་དུ་ནི༔ གཏོར་ཆེན་འབུལ་ཞིང་གཏོར་མ་རྩང་བཅས་བསྲེགས༔ རྒྱབ་པའི་གཏོར་མ་ཟ་རུ་མི་རུང་སྟེ༔ མེ་དང་མཚོན་ཆར་བསྒོམ་པས་ག་ལ་རུང་༔ སྨྱོན་པ་ལ་སོགས་གཏོར་མ་རྒྱབ་པའི་རྗེས༔ མེ་ལྕགས་ལྷམ་དང་ཆོས་གོས་དར་ནག་དང་༔ ཐུན་རྫ་ས་བྲབ་ཅིང་རྫས་དང་གུ་གུལ་བདུག༔ དམིགས་པ་ཟིན་ངེས་ཡི་དམ་ང་རྒྱལ་བསྐྱེད༔ དེ་ནས་སྟོང་ཉིད་ངང་ལ་ཡུད་ཙམ་བཞག༔ དེ་ནས་ནམ་མཁའི་ཨོ་རྒྱན་ཐུགས་ཀ་ནས༔ རྣམ་ཤེས་ཐིག་ལེ་ཚེ་བསོད་མར་ལ་བསྟིམ༔ སྲུང་མདུད་ཡོད་ན་བཏགས་ཤིང་སྲུང་འཁོར་བསྒོམ༔ ཕྱིར་ཉིན་ནམ་ནི་དེ་ནུབ་ཚེ་འགུགས་དང་༔ ཚེ་

[Full Size]

དབང་བསྐུར་ལ་བཀྲ་ཤིས་བརྗོད་པར་བྱ༔ བདེ་རིམ་ནད་གདོན་མེད་ན་རྒྱག་མི་རུང་༔ གལ་ཏེ་མི་རྒྱག་ཁ་མེད་བྱུང་ན་ཡང་༔ ཡོན་བདག་དགའ་ཕྱིར་རྩང་སོགས་མི་འཛུགས་པར༔ གཏོར་འབུལ་ལྷ་གྲངས་མགོ་ནས་རིམ་བཞིན་དུ༔ དེ་ལ་རྒྱབ་པའི་དམིགས་པ་འདི་ལྟར་བྱ༔ ནམ་མཁའི་ཐད་དུ་ལྷ་ཡི་ཞལ་གདངས་བསམ༔ དེ་ཡི་ནང་དུ་གཏོར་མ་འབུལ་བར་བསྒོམ༔ དེ་ལ་ཡ་ཉེས་ཅི་ཡང་མེད་པའི་ཕྱིར༔ རྒྱུ་ལྡོག་ལ་སོགས་བརྩི་ཡང་མི་དགོས་སོ༔ སྨྱོན་པ་སྨྱོ་རྒོད་འདུལ་བར་བྱེད་པ་ལ༔ རྣམ་ཤེས་སྤར་ན་མཉམ་དུ་གདོན་ཡང་འགྲོ༔ ཁོང་གཉིས་དབྱེར་མེད་གཅིག་ཏུ་ཡོད་པའི་ཕྱིར༔ རྣམ་ཤེས་མ་སྤར་བཀུག་གཞུག་བྱ་མི་རུང་༔ དེ་ལྟར་མཚོན་ཆ་བཞིན་ཏུ་རྒྱབ་པས་ཐུལ༔ མན་ངག་ཡིན་ནོ་འཕང་རྗེས་ཚེ་འགུགས་བྱ༔ ལྷ་གྲངས་མགོ་ནས་མར་འདོན་མགྲོན་ཐབས་ཟེར༔ མཇུག་ནས་ཡར་འདོན་ཡེ་ཤེས་ལྷ་རྣམས་ནི༔ རྗེས་ནས་འདོན་པ་དམག་ཐབས་དྲག་པོ་ཡིན༔ ཨཱི༔ ཟབ་རྒྱ༔ གཞན་ཡང་གུར་དྲག་གཏོར་ཟློག་འདོན་ཐབས་ནི༔ གཏོར་མ་ལྷ་བསྐྱེད་མངོན་རྟོགས་ལྟར་བསྒོམས་ནས༔ ལིང་གཏོར་ཆུང་ཞལ་དུ་བསྟབས་པ་ཡིས༔ དགྲ་བགེགས་ཐམས་ཅད་ཆེམ་ཆེམ་

[Full Size]

གསོལ་བར་དམིགས༔ གཙོ་བོའི་ཟློག་པ་འདོན་ཚེ་ཁྲོ་ཆུང་དང་༔ གནམ་ལྕགས་སྡིག་པ་མེ་རླུང་འཚུབ་མ་ཡིས༔ འཇིག་རྟེན་ཁྱབ་སྤྲོས་གདོན་བགེགས་གནོད་བྱེད་ས༔ བྱ་སྤུ་རླུང་གིས་གཏོར་ལྟར་ནམ་མཁའི་མཐར༔ བསྐད་པར་དམིགས་ཤིང་དེ་བཞིན་འཇམ་དཔལ་དང་༔ རྟ་མགྲིན་ཕྱག་རྡོར་མཁའ་འགྲོ་མེ་དབལ་སོགས༔ ཟློག་པ་འདོན་ཚེ་རང་འདྲའི་ཁྲོ་བོའི་ཚོགས༔ འཁོར་ཚོགས་འཇིག་རྟེན་ཁམས་གང་གནོད་བྱེད་བསྐྱེད༔ ཁྱད་པར་ཁྱུང་ཟློག་འདོན་ཆེ་སྤྱི་བོའི་ཁྱུང་༔ སྤྲུལ་པའི་བྱ་ཁྱུང་དཔག་མེད་ནམ་མཁའ་གང་༔། བར་སྣང་འཕུར་འཇུམ་ལྡིང་ཞིང་ཁྱུང་སྐད་སྒྲོག༔ གཤོག་པའི་གསེབ་ནས་གནམ་ལྕགས་རྡོ་རྗེ་དང་༔ མེ་དཔུང་བྱེ་ཚན་སེར་བ་འབེབས་བྱེད་པ༔ གནོད་བྱེད་ཀླུ་དང་ས་བདག་གཞོབ་ཐུལ་བསྲེགས༔ གཏད་དང་མནན་པ་མཆུ་དང་སྡེར་མོས་བྲད༔ གདེང་ཆེན་གདོན་རྣམས་རྡོ་རྗེའི་རྭ་ཡིས་བརྡུང་༔ གཤོག་པ་གཡབ་པས་རླུང་གི་ལྟས་ངན་རྣམས༔ རྒྱ་མཚོའི་ཕ་རོལ་རང་དབང་མེད་པར་བསྐྱེད༔ སྤུ་གྲི་བསྐུལ་ཚེ་བཙན་བདུད་ཀླུ་དམག་གིས༔ དགྲ་བགེགས་ཐམས་ཅད་བརླགས་ཤིང་ཕྲིན་ལས་སྒྲུབས༔ ལྷག་མ་རྩང་གི་འདབས་སུ་ཕུལ་བ་ཡིས༔

[Full Size]

དགྲ་བགེགས་བསྒྲལ་བའི་ཤ་ཁྲག་ལྷག་མ་རྣམས༔ དབང་ཕྱུག་ཉི་ཤུ་བརྒྱད་ཀྱིས་ལྷག་མེད་ཟོས༔ ཐུན་མཚམས་ཟློག་སྔགས་སམ་ནི་ལོཀྟིའི་སྔགས༔ རྡོ་ཟློག་སྔགས་རྣམས་གང་འོས་ཐུན་དུ་འབད༔ འབུལ་ཁ་སྒོ་དབྱེ་འདོན་ཅིང་གསེར་སྐྱེམས་དང་༔ ཕྱོགས་བཞིའི་སྒོ་རྩངེ་ཤབ་པ་དུས་མཉམ་སྟེ༔ སྒོ་མ་བཞི་དང་རྒྱལ་ཆེན་སྡེ་བཞི་ཡིས༔ ཕྱི་དང་ནང་གི་སྒོ་བཞི་ཕྱེས་པར་བསམ༔ དེ་ནས་ལྷ་ཚོགས་ཡིད་ཀྱིས་ནམ་མཁར་བཏེག༔ གཏོར་མདོས་བྲན་ལ་རྩ་སྔགས་ཁཱ་ཧིས་བསྔོ༔ མདོས་ཞལ་ཕར་བསྒྱུར་རྔམ་བརྗིད་སྟོབས་ལྡན་གྱི༔ གཏོར་ཆུང་ལྷ་གྲངས་རྫོངས་འདེབས་ཚུལ་དུ་འབུལ༔ དེ་ནས་གོམ་པ་བདུན་ཅུའི་ས་རུ་དཔག༔ རཀྟས་བྲན་ཅིང་སྲིན་མོ་ཟ་ལམ་འདོན༔ དེ་ནས་གཏོར་ཁ་བཏོན་ནམ་ལིང་གར་བརྒྱབ༔ ཕྱི་རོལ་འབུལ་སོགས་སྐབས་སུ་གང་བབ་བྱ༔ ཕྱི་རུ་འབུལ་ན་ཅུང་ཞིག་ཐག་བསྲིང་བྱ༔ དེ་ནུབ་དགའ་སྟོན་ཚོགས་འཁོར་བཟང་བར་བྱེད༔ ཚེ་འགུགས་བཀྲ་ཤིས་ཤིན་ཏུ་རྒྱས་པར་བྱ། ཕྱིར་ནངས་ཚར་གཅིག་བསྡུ་རིམ་གཤེགས་གསོལ་དང་༔ བསྔོ་བ་སྨོན་ལམ་སྟོང་ཉིད་རྒྱས་གདབ་བྱ༔ དེ་དག་གལ་ཆེན་རྩ་ཚིག་ཐོ་རིམ་ཡིན༔ ཞིབ་ཆ་ཕལ་ཆེར་ཀུན་གྱིས་ཤེས་ལྟར་

[Full Size]

ཏེ༔ རྟ་བྲོ་ལ་སོགས་སྨོན་ལམ་དགོས་པའོ༔ ཨོ་རྒྱན་གསུངས་ལ་གུར་དྲག་སྒོ་ནས་ནི༔ འདྲེ་བརྡུངས་བྱས་ཀྱང་ཕྱི་མ་མཆོག་འགྲུབ་གསུངས༔ དེ་ཕྱིར་རང་གཞན་རིམ་གྲོ་རྒྱུན་དུ་ཡང་༔ མཚོན་ཆ་འཁོར་ལོ་ཤིན་ཏུ་ཟབ་པ་ཡིན༔ རྣམ་རྒྱལ་འབར་མ་མི་སྦྱར་དེ་ཡི་ཚབ༔ རྔམ་བརྗིད་སྟོབས་ལྡན་སྦྱར་བ་བཀའ་རྒྱ་ཡོད༔ བན་མ་བོན་གྱིས་བསྐུལ་ཕྱིར་ཤཱཀྱ་ཡི༔ དགེ་སློང་སྔགས་འཆང་རཱ་ག་ཨ་སྱ་ཡིས༔ ནུབ་མོ་མར་མེའི་ངོགས་ནས་རྫོགས་པར་བྲིས༔ གྲོང་ཆོག་བྱེད་པའི་སྔགས་པ་མང་པོ་ལ༔ རིན་ཆེན་གསེར་སྲང་གང་ལས་མི་དགའ་རེ༔ སྙན་བརྒྱུད་ཡིན་ཀྱང་འགྲོ་ལ་ཕན་དོན་དུ༔ མ་གསང་སྔགས་པ་ཀུན་ལ་སྤེལ་དུ་ཆུག༔ སརྦ་མངྒ་ལཾ༔ མཚོན་ཆ་འཁོར་ལོའི་ཞལ་ཤེས་བཞུགས་སོ༔ ཤམཐ2ག༔ བླ་མ་དྲག་པོ་རྩལ་ལ་ཕྱག་འཚལ་ལོ༔ མཚོན་ཆ་འཁོར་ལོའི་ཞལ་ཤེས་ཅུང་ཟད་བཀོད༔ དེ་ལ་བཅས་ནི་གཞུང་ལྟར་ལས༔ ལྕགས་འགུའི་ཁ་འཇིམ་པས་བཅད་ལ༔ དེར་འཁོར་ལོ་རྩིབས་དགུའམ་བཅུ་པ་བྲི༔ དེའི་ལྟེ་བ་དང་རྩིབས་རྣམས་སུ༔ བྲུབ་ཁུང་རེ་བྱས་ལ་ལིངྒ་རེ་བཞག༔ འཁོར་ལོ་ནག་པོ་བྲུབ་ཁུང་དམར་པོ་བྱ༔ དེའི་སྟེང་དུ་

[Full Size]

གཞུང་ལྟར་གཏོར་མ་རེ་བཞག༔ དབུས་དྲག་པོ༔ ཤར་ཕྱག་རྡོར༔ ལྷོར་འཇམ་དཔལ༔ ནུབ་རྟ་མགྲིན༔ བྱང་མེ་དབལ༔ ཤར་ལྷོ་མཁའ་འགྲོ༔ ལྷོ་ནུབ་ཁྱུང་གི་གཏོར་མ་ཁྱུང་དབུ་ལ་བསམ༔ ནུབ་བྱང་བཙན༔ བྱང་ཤར་ཀླུ༔ མདུན་བདུད༔ རྩིབས་བཅུ་བྱེད་ན་རྒྱབ་ཏུ་སྨྱོ་ཁའམ་ཞིང་སྐྱོང་གང་རེད་བསྒོམ༔ གཏོར་མ་རྣམས་འདོན་ཚེ་ལྷར་བསམ༔ འབུལ་ཁ་ལྷ་ནམ་མཁར་བཏེག་ལ་ཤ་ཁྲག་བསམ་ལ་འབུལ༔ འཕེན་པའི་དུས་མེ་དང་མཚོན་ཆར་བསམ༔ འདོན་ལུགས་ནི་ལས་བྱང་གཞུང་བསྲངས་ནས་དྲག་པོའི་ཚོགས་བྱེད༔ བར་པས་བཤགས་པའི་ཚོགས་ཟན་གྱིས་བསྐང་བ་གསོ་ལ༔ བསྐང་བ་འདོན༔ དེ་ནས་བསྒྲལ་ཚོགས་ཟན་དུམ་དེ་ལ་དུམ་རེ་དང་༔ ལིངྒ་རེ་སྦྲགས་ལ་ལས་འགྲིགས་འདོན་ཏེ༔ དང་པོ་དྲག་པོ་ཉིད་ཀྱིས་བསྒྲལ་ལས་བྱ༔ ཐུན་རྣམས་བརྡེག་ལ་དྲག་པོའི་ཞལ་བསྟབ་བྱ༔ ལིང་རོ་ཕུལ༔ དེ་ནས་དྲག་པོའི་ཟློག་པ་འདོན༔ གཏོར་ཆུང་རྣམས་བྲན་ལ་རྣམ་རྒྱལ་འབར་མའི་གཙོ་བོའི་བསྟོད་བསྐུལ་གྱིས་ཕུལ༔ དེ་བཞིན་ཏུ་འཇམ་དཔལ་ནས༔ རྟ་མགྲིན༔ ཕྱག་རྡོར༔ མཁའ་འགྲོ༔ ཁྱུང་༔ མེ་དབལ་རྣམས་རིམ་བཞིན་དེ་ལྟར་བྱ༔

[Full Size]

དེ་ནས་བཀའ་སྲུང་གི་བསྒྲལ་ལས་བྱས་ནས་བསྟབ་པ་ལིང་རོ་ཕུལ༔ བཀའ་བརྒྱད་རྩང་གྱེར་སབ༔ དེ་ནས་གཏོར་ཆུང་བཤམས་ལ་སྤུ་གྲི་སྨྱོ་ཁ་ཕུལ༔ དེ་ནི་རྒྱས་པ་ཡིན་ཀྱང་གབ་འཕྲོད་དཀའ་ནི༔ ཡང་གཞན་གོང་དང་འདྲ༔ བསྒྲལ་ལས་དུས་ལིངྒ་ཆེ་བ་གཅིག་དང་ཚོགས་དུམ་ལ་ལས་འགྲིགས་ཀྱི་བསྒྲལ་ལས་ཐམས་ཅད་དུས་གཅིག་བྱས་ཏེ་ལིང་རོ་ཕྱེད་ཙམ་ཕུལ༔ ཕྱེད་དེའི་དུམ་རེ་དང་གཏོར་ཆུང་རེ་རྣམས་སྦྲགས་ལ་བཞག༔ གཏོར་ཟློག་སྐབས་རྣམ་རྒྱལ་འབར་མ་དང་༔ སྤུ་གྲི་སོགས་ཀྱིས་བསྐུལ་པས་གཏོར་ཆུང་འབུལ༔ དེ་རྣམས་ཕྱག་ལེན་བསྡུས་པའོ༔ ༈ ཚོགས་དང་བསྐང་བ་ཟློག་པ་གསུམ་བསྲེ་ནས་གསུངས་པ་འདི་རྙིང་མའི་ལུགས་ཚད་ལྡན་ཡིན༔ དེ་ལྟར་མ་ཡིན་པའི་ད་ལྟ་ཅི་དྲན་བྱེད་པ་རྣམས་ལ་ངེས་པ་ཅི་མ་མཆིས༔ གཏོར་མ་ལ་ནང་ཆུང་བཙུགས༔ ཕྱི་རྩང་མེད་ཀྱང་ཆོག༔ ནང་རུང་ནི་ངེས་པར་དགོས་སོ༔ ཞག་རེ་དུས་གསུམ་མམ་བཞིའམ་དྲུག་གམ༔ བསྐུལ་ཆུང་རེའི་གཏོར་ཆུང་རེ་འབུལ་བ་ཐུན་གཏོར་ཡིན༔ ཞག་གྲངས་ཚང་ནས༔ གཞུང་གི་སྒོ་དབྱེ་གསེར་སྐྱེམས་གཉིས་ཀ་བྱེད༔ མང་དུ་བཞག་ནས་ཞལ་བསྒྱུར་ལ་རྣམ་རྒྱལ་འབར་མའམ༔ རྔམ་

[Full Size]

བརྗིད་སྟོབས་ལྡན་གྱི་གཏོར་རྫོངས་མང་དུ་བྱེད༔ དེ་ནས་གོམ་པ་བདུན་ཅུའམ་བདུན་གྱི་སར་བཞག་ནས་ཁྲག་བླུགས་ལ་ཟ་ལམ་འདོན༔ དེ་ནས་རི་ལ་འབུལ་ན་ཟོར་སོགས་གཞན་ནས་ཁ་སབ་པར་ནད་པའི་སྟེང་ངམ༔ ཡང་ན་རེ་ནག་དང་སླ་ངའི་ནང་དུ་ལིངྒ་བཞག་ལ་རེ་རེ་ནས་ཡོན་བདག་གིས་ལག་འགྲིམས་བྱེད་ནས་བསྐུལ་རེ་དང་བཅས་ཏེ་ལིངྒ་ལ་བརྡེག་ལ༔ མཐར་ལིང་རོ་དང་གཏོར་མ་ཐམས་ཅད་མེ་ཧོ་བརྩེགས་པར་བསྲེགས༔ གཏོར་སྣོད་སྦུབ་ལ་རྟ་བྲོ་བརྡུང་༔ དེ་ནུབ་ཚོགས་ཚེ་འགུགས་བཀྲ་ཤིས་རྒྱས་པར་བྱའོ༔ རི་བོ་ཆེའི་ལུགས་ལ་འདི་ལྟར་བྱེད༔ གཏོར་ཟློག་མཚོན་ཆ་འཁོར་ལོ་བཅའ༔ དེའི་ཟུར་ལ་རྔམ་བཟློག་བཅའ་ནས་འཕེན༔ མདུན་བསྐྱེད་ཁྲོ་རྒྱལ་སྟོབས་འདུས་འདོན་ནས་རཏྣའི་ལུགས་ཀྱི་ལས་བྱང་སྤྱན་འདྲེན་མན་ཆད་བྱེད་པར་སྣང་སྟེ་གཏེར་ཁ་གོང་འོག་དཀྲུག་ཅིང་བསྲེ་ན་མི་རུང་ཞེས་ཨོ་རྒྱན་ཆེན་པོའི་གསུངས་འདུག་པས་ཅི་འགྱུར་མི་ཤེས༔ གོ་བོ་ཕུག་གི་ལུགས་ལ་བཀའ་བརྒྱད་ནས་མ་ཀྲྀ་བསྐོས་འདེབས་སོགས་ཆ་ལག་ཕལ་ཆེ་བ་སབ་ནས་པོད་ཆུང་གཅིག་བྱེད་པར་གདའ་སྟེ༔ དེ་ཙམ་སབ་དགོས་གསུངས་པ་མི་སྣང་ཞིང་དཔེ་མང་བར་འདུག་པ་སྣང་བས་སྙིང་པོ་ཆེར་མེད་

[Full Size]

དོ་སྙམ༔ དེང་སང་ཁ་ཅིག་གཏོར་མ་བཅུའམ་བཅུ་གཅིག་ཡོད་དེ༔ ལྷ་གང་གི་གཏོར་མ་ཡིན་བསྐྱེད་ལུགས་གང་ཡིན་ཆ་མེད་པར༔ གཏོར་མ་ཁྲོ་བཅུ་ཡིན་སོགས་སྨྲ་ཞིང་༔ ཚོགས་དང་བསྐང་བ་བསྒྲལ་ཆོག་སོགས་ས་མཚམས་མི་ཤེས་རང་ནམ་སྐབས་གཏོར་ཟློག་འདོན་པ་དང་༔ གཏོར་ཟློག་མཚམས་སུ་གཏོར་ཆུང་འབུལ་བ་དང་༔ བརྒྱ་རྩའམ་གཏོར་ཆུང་འདྲ་བ་མང་པོ་སྔགས་ཀྱིས་ཕུལ་བ་སོགས་བྱེད་པ་འདི་རྣམས་ཕྱག་ལེན་རྣམ་པར་དག་པ་མ་ཡིན་ཏེ༔ ཁོང་རྣམས་ཀྱི་ཉམས་ལ་གང་ཤར་མཛད་པ་འདྲ༔ ཞེས་པ་འདིའང་ཡུན་རིང་སོང་ཡང་མ་སྐབས༔ ར་ལམ་དགེ་བཤེས་རྣམ་དཀར་གྱིས་གསུང་བསྐུལ་མཛད་པའི་ངོར་ཨ་རཱ་གས་བྲིས་པའོ༔ སརྦ་མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྤུ་གྲི་སྲོག་གཅོད་ཀྱི་འདོན་འགྲིགས།

[Full Size]

སྤུ་གྲི་སྲོག་གཅོད་ཀྱི་འདོན་འགྲིགས་བཞུགས་སོ།།

[Full Size]

སྤུ་གྲི་སྲོག་གཅོད་ཀྱི་འདོན་འགྲིགས་ནི༔ ལས་བྱང་ཏིང་འཛིན་རྣམ་གསུམ་ཡན་ཆད་འདོན༔ ༈ རང་གི་སྙིང་གར་ཧཱུྃ་དམར་མེའི་མདོག་ཅན་གཅིག་བསམ༔ ཐུགས་ཀའི་ཧཱུཾ་ལས་ཨེ་ནག་པོ་གཅིག་ཆད༔ ནམ་མཁས་གར་ཁྱབ་ཨེའི་རང་བཞིན་ཟུར་གསུམ་ཕྲ་བ༔ ཟུར་གཅིག་འོག་ཕྱོགས་སུ་ཟུག་པ༔ ཁ་གདེངས་པ་དེའི་སྟེང་ཨེའི་ཀློང་དུ༔ ཡཾ་ལས་བསྐལ་པའི་རླུང་ནག་འཚུབ་ཅིང་འཁྱིལ་བ༔ དེའི་སྟེང་དུ་ཧཱུྃ་ལས་རཾ་ཆད་བསྐལ་པའི་མེ་དཔུང་དམར་ནག་རབ་ཏུ་འབར་བར་ཆད་པས་རཀྟའི་རྦ་ཀློང་འཁྲུགས་པ༔ ཁྲག་གི་ལྦུ་བ་རི་རབ་ཙམ་འཕྱོ་བའི་ཀློང་ན་ཞིང་ཆེན་ཞིང་ཆུང་རི་གད་ཉིལ་བ་ལྟ་

[Full Size]

བུའི་རྦ་ཀློང་ཡོད་པ༔ སུཾ་ཆད་པ་ལས་སུ་ལས་ཤ་ཆེན་ས་གཞི༔ རོ་རུལ་བ་མ་རུལ་བ་བམ་པ་ཐོད་སྐམ་ལས་མེ་འབར་བ་དྲི་མནམ་པ༔ བྱ་གཅན་མང་པོ་ནམ་མཁའ་ལ་ལྡིང་བ༔ གཅན་གཟན་མང་པོ་རྒྱུག་འདྲལ་བྱེད་པ༔ ལྷ་སྲིན་དང་ཞིང་སྐྱོང་མང་པོའི་ཀུ་སྒྲ་དང་ཧ་ཧའི་སྒྲས་འདེབས་པ༔ སྟེང་དུ་ཀེ་ཆད་པ་ལས་ཀེ་ལས་རུས་པའི་རི་རབ་གྲུ་བཞི་བང་རིམ་དང་བཅས༔ དེའི་སྟེང་དུ་ཧཱུཾ་ཆད་པ་ལས་གཞལ་ཡས་ཁང་༔ ཐོད་པ་སྐམ་རློན་རད་རིད་ཀྱི་རྩིག་པ་གནམ་ལྕགས་ཀྱི་གཟེར་གྱིས་བསྡམས་པ༔ ཀླུ་བརྒྱད་ཀྱི་ཀ་གདན༔ ལྷ་བརྒྱད་ཀྱི་ཀ་བ༔

[Full Size]

གཟའ་བརྒྱད་ཀྱི་གདུང་མ༔ ཉི་ཟླའི་སྐར་ཁུང་༔ གཟའ་སྐར་དྲལ་ལྕམ་དུ་བྱས་པ༔ ཞིང་ལྤགས་ཀྱི་བླ་རེ་ཞིང་ཆུང་གི་ཁ་བད༔ ཞིང་དང་ཐོད་པའི་རྒྱལ་མཚན༔ འཁོར་ལོ་གདུགས་ཏོག་ཐོད་སྐམ་གྱི་ཏོག་ཡོད་པ༔ ནང་གི་སྒོ་བཞི་གྲུ་བཞི་རྟ་བབས་དང་བཅས་པ༔ སྒོ་ཁང་ལ་ཁྱུང་གི་ཡ་ཕིབས༔ སྦྲུལ་ནག་གི་སྐྱེས་བུ༔ ཞིང་ཆེན་གྱི་སྒོ་གཡོགས། ཆུ་སྲིན་དང་འབྲུག་གི་སྐྱེས་བུ་རྒྱུ་ཕྲེང་གི་བླ་རེ་དང་དྲ་ཕྱེད༔ རུས་ཆེན་གྱི་སོ་བད༔ གསུར་ཆེན་གྱི་དུད་པ་འཁྲིགས་པ༔ དེའི་ཕྱི་རིམ་འཁོར་ལོ་རྩིབས་བརྒྱད་ཀྱི་གུར༔ དེའི་ཕྱི་རིམ་རྡོ་རྗེའི་དྲ་མིག་ཁྲོ་ཆུང་གིས་གཏམས་པ༔ དེའི་ཕྱི་རོལ་དུ་དུར་ཁྲོད་ཆེན་པོ་བརྒྱད་ཀྱིས་བསྐོར་བ༔ དེའི་ཕྱི་རོལ་དུ་པད་སྡོང་དང་མེ་རི་སྨུག་ནག་ཚྭ་ཚྭ་འཕྲོ་བ༔ བར་ཐམས་ཅད་མཚོན་ཆ་ལྔ་དང་ཁྲོ་ཆུང་དང་སྡིག་པས་གཏམས་ཤིང་འཁྲུགས་པར་གྱུར༔ ཕོ་བྲང་དེའི་དབུས་མཐིང་ནག་གྲུ་གསུམ་འབར་བ༔ ཟླ་གམ་དམར་པོ་དེའི་ཕྱི་རིམ་གསེར་གྱི་འཁོར་ལོ་རྩིབས་བཞི་པ༔ བདུད་བཞི་དང་དམ་སྲི་ཕོ་མོའི་རོ་བསྣོལ་བའི་སྟེང་དུ་ཉི་ཟླ་པདྨའི་གདན་ལ་ཧཱུྃ་ཆད་པ་ལས་རྡོ་རྗེ་རྩེ་དགུ་པ་ཞིག་ཏུ་བསྒོམ༔ ཧཱུྃ་རྡོ་རྗེ་དང་བཅས་པ་ལས་འོད་

[Full Size]

ཟེར་དཔག་ཏུ་མེད་པ་འཕྲོས༔ རྒྱལ་བ་ཐམས་ཅད་ལ་མཉེས་པའི་མཆོད་པ་ཕུལ༔ སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས༔ གདུག་པ་ཅན་རྒྱལ་བསེན་དམ་སྲི་སྡེ་བརྒྱད་དྲེགས་པ་ཅན་ཐམས་ཅད་ཚར་བཅད་ཚུར་འདུས་ཧཱུྃ་ལ་ཐིམ་འོད་དུ་འབར༔ སླར་རྡོ་རྗེ་རྩེ་དགུ་པར་གྱུར་དེ་ཡོངས་སུ་གྱུར་པ་ལས༔ བདག་ཉིད་དྲག་པོ་ཐོད་ཕྲེང་རྩལ་ཞལ་གསུམ་ཕྱག་དྲུག་ཞབས་བཞི་བསྒྲད་པ༔ ཞལ་གཡས་དཀར་གཡོན་མཐིང་དབུས་དམར་ནག་ཏུ་འབར་བ༔ སྤྱན་དགུ་བསྒད་པ༔ ཞལ་གདངས་པ༔ མཆེ་བ་བཞི་གཙིགས་ཤིང་ཁྲོ་གཉེར་བསྡུས་པ༔ སྨིན་མ་དང་ཨག་ཙམ་ལས་མེ་འབར་བ༔ སྐུ་ཆེ་ལ་ཡན་ལག་རགས་པ༔ ཕྱག་གཡས་དང་པོས་གྲི་གུག་འཛིན་པ༔ བར་པ་ན་གནམ་ལྕགས་ཀྱི་རྡོ་རྗེ་རྩེ་དགུ་རོ་དགུས་མཚན་པ་གསོར་ཞིང་ནམ་མཁར་ཕྱར་བ༔ ཐ་མ་ན་རལ་གྲི་མེ་འབར་བའོ༔ གཡོན་དང་པོས་ཐོད་ཁྲག༔ བར་པས་ཁཊཾ༔ ཐ་མ་ན་སྡིག་པ་མགོ་དགུ་རྭ་བཅོ་བརྒྱད་པ་མིག་དགུ་བསྐྲད་ཅིང་བརྒྱངས་ནས་འཛིན་པའོ༔ རྡོ་རྗེ་དང་རིན་པོ་ཆེའི་གཤོག་པ་ལས་མེ་འབར་བརྒྱང་བ༔ དུར་ཁྲོད་ཀྱི་ཆོས་བརྒྱུད་རྫོགས་པར་

[Full Size]

གསལ༔ སྐུ་ལ་རྡོ་རྗེའི་གོ་ཁྲབ་གསོལ་བའི་བར་ཐམས་ཅད་ན་སྡིག་པ་ཕྲ་མོས་གཏམས་པར་གྱུར༔ དབུ་སྐྲ་ཁམ་སེར་གྱེན་དུ་བརྗེས་པ༔ འཇིགས་སུ་རུང་བ་ཞིག་ཏུ་གྱུར༔ ཐུགས་ཀར་ཙིཏྟ་རིན་པོ་ཆེ་གསེར་གྱི་མཆོད་རྟེན་ལངས་པ༔ དེའི་ལྟོ་བར་བུམ་པའི་ནང་དུ་ཨོཾ་ཨཱཿཧཱུྃ་བཛྲ་པཱ་ཎི་མ་ཧཱ་ཀྲོ་དྷ་ཧཱུྃ་ཕཊ༔ གསང་བདག་རྡོ་རྗེ་གཏུམ་པོ་གཡས་རྡོ་རྗེ་དང་གཡོན་སྡིགས་མཛུབ་སྦྲུལ་རིགས་ལྔས་བརྒྱན་པའོ༔ དེའི་ཐུགས་ཀར་པདྨ་དང་ཉི་ཟླའི་གདན་ལ་ཧཱུྃ༔ དེ་ལ། ཨོཾ་བཛྲ་ཛྷཱ་ན་མ་ཧཱ་ཀྲོ་དྷ་ཧཱུྃ༔ ཡེ་ཤེས་སེམས་དཔའ་བཛྲ་ཧེ་རུ་ཀ་ཚོན་གང་བ་ཞལ་གཅིག་ཕྱག་གཉིས་གཡས་རྡོ་རྗེ་ཐུགས་ཀར་འཛིན་པ། གཡོན་དྲིལ་བུ་དཀུ་ལ་བརྟེན་པ༔ དུར་ཁྲོད་ཀྱི་ཆས་བརྒྱད་ཀྱིས་བརྒྱན་ཅིང་སྐུ་འགྱིངས་བག་དང་ལྡན་པ༔ དེའི་ཐུགས་ཀར་རྡོ་རྗེ་ནས་ཙམ་ཞིག༔ དེའི་ལྟེ་བར་ཉི་ཟླའི་དཀྱིལ་འཁོར་གའུ་ཁ་སྦྱོར་ཡུངས་འབྲུ་ཙམ་གྱི་ལྟེ་བར་ཧཱུྃ་སྤུས་བྲིས་པ་ཙམ་གྱི་མཐར་སྔགས་ཕྲེང་གིས་བསྐོར་བར་གྱུར༔ བདག་ཉིད་དྲག་པོའི་སྤྱི་གཙུག་ཏུ༔ ནམ་མཁའ་པདྨ་རཱ་ག་ལས་གྲུབ་པའི་པད་སྡོང་གེ་སར་ཉི་ཟླའི་གདན་ལ༔ གུ་རུ་པདྨ་ཨ་ཙ་ར་བཅུ་དྲུག་ལོན་པའི་ཚུལ་ཅན་སྐུ་མདོག་སྨུག་ནག་གཟི་

[Full Size]

བརྗིད་དང་ལྡན་པ༔ གཡས་ཁཊཾ་གཡོན་ཐོད་ཁྲག་འཛིན་པ༔ དབུ་སྐྲ་ཐོར་ཚུགས་ཅན་སྐུ་ལ་རུས་པའི་རྒྱན་དྲུག་གིས་དཀར་ཁྲོ་ལེར་བརྒྱན་པ༔ ཌཱ་མ་རུ་གྲུ་མོ་ལ་བཀལ་བ༔ དེའི་སྤྱི་གཙུག་ཏུ་ཨོཾ་ཨཱཿཧཱུྃ་བཛྲ་ཁྲོ་གྷ་རུ་ཎ་ཙ་ལེ་ཙ་ལེ་ཧཱུྃ༔ ཡེ་ཤེས་ཀྱི་བྱ་ཁྱུང་དཀར་པོ་གནམ་ལྕགས་ཀྱི་མཆུ་སྡེར་ཅན༔ ཁྲོ་ཆུའི་རྭ་རྩེ་ལས་མེ་འབར་བ༔ མེའི་གཤོག་པ་རབ་ཏུ་རྡེབ་པ༔ ཀྲང་ཀྲིང་གི་སྒྲ་སྒྲོག་པ༔ དེའི་དབུ་གཙུག་ན་ཨོཾ་ཨཱཧཱུཾ་པདྨ་དྷ་རི་ནི་ཧཱུྃ༔ རིགས་བདག་སྣང་བ་མཐའ་ཡས༔ གཞན་ཡང་རིགས་ལྔའི་སངས་རྒྱས་བཞུགས་པ༔ གཞན་ཡང་མདུན་གྱི་ནམ་མཁའ་ལ་དགའ་རབ་རྡོ་རྗེ༔ འཇམ་དཔལ་བཤེས་གཉེན༔ ཤྲཱི་སེང་ཧ༔ བི་མ་ལ་མི་ཏྲ༔ ཁྲི་སྲོང་ལྡེའུ་བཙན༔ ཕྱག་ན་རྡོ་རྗེ༔ ཡཀྵ་མེ་དབལ༔ རྟ་མགྲིན༔ སྟོབས་པོ་ཆེ༔ རྡོ་རྗེ་ཕག་མོ༔ ཏ་ཀི་རཱ་ཙ༔ གཞན་ཡང་བླ་མ་བརྒྱུད་པ་ཐམས་ཅད་དང་༔ ཕྱོགས་བཅུའི་རྒྱལ་བ་ཐམས་ཅད་ཀྱིས་ཁྲིག་གེར་གང་བར་གྱུར༔ དཔྲལ་བར་ཨོཾ་ཨཱཿཧཱུྃ་མཉྫ་ཤི་ཡ་མཱནྟ་ཀ་ཧཱུྃ་ཕཊ༔ སྐུའི་ལྷ་འཇམ་དཔལ་གཤིན་རྗེ་སེར་ནག་རལ་གྲི་དང་སྡིགས་མཛུབ་མཛད་པ༔ མགྲིན་པར་ཨོཾ་ཨཱཿཧཱུྃ་པདྨནྟ་ཀྲྀཏ་

[Full Size]

ཧྱ་གྷྲི་ཝ་ཧཱུྃ་ཕཊ༔ གསུང་གི་ལྷ་དབང་ཆེན་དམར་པོ་ཞལ་གཅིག་ཕྱག་གཉིས་གཡས་དབྱུག་ཐོ་དང་གཡོན་ཐོད་ཁྲག་འཛིན་པར་གྱུར༔ ལྟེ་བར་འདབ་བཞི་ཆོས་འབྱུང་གི་དབུས་སུ་ཨོཾ་ཨཱཧཱུྃ་ཧྲིམ་ཧ་རི་ནི་ས་ཧཱུྃ༔ སངས་རྒྱས་མཁའ་འགྲོ་མཐིང་ནག་གྲི་ཐོད་བསྣམས་པ༔ དེའི་ཤར་དུ་རྡོ་རྗེ་མཁའ་འགྲོ༔ ལྷོར་རིན་ཆེན་མཁའ་འགྲོ༔ ནུབ་ཏུ་པདྨ་མཁའ་འགྲོ༔ བྱང་དུ་ལས་ཀྱི་མཁའ་འགྲོ་གྲི་ཐོད་བསྣམས་པ༔ གཡས་བསྐུམ་གཡོན་བརྐྱང་པདྨ་དང་རོའི་གདན་ལ་གར་སྟབས་སུ་བཞུགས་པ༔ གསང་གནས་སུ་ཨོ་ཨཱཧཱུྃ་བཛྲ་ཧཱུཾ་ཡཀྵ་ཧཱུཾ་རཀྵ་ཧཱུྃ༔ ཕྲིན་ལས་ཀྱི་ལྷ་ཡཀྵ་མེ་དབལ་སྐུ་མདོག་སྨུག་ནག་ཁྲོས་པ༔ གཡས་དབྱུག་ཐོ་དང་གཡོན་སྡིགས་མཛུབ་དང་ཞགས་པ་འཛིན་པར་གྱུར༔ འོད་ཟེར་གྱིས་ཕྱོགས་བཅུའི་རྒྱལ་བ༔ སྟེང་གི་བླ་མ་རྣམས་ཀྱི་ཐུགས་རྒྱུད་བསྐུལ་ནས་འོད་ཟེར་ཐམས་ཅད་བདག་ལ་ཐིམ༔ བདག་གི་ལུས་ལ་རྡོ་རྗེའི་གོ་ཁྲབ་ཞུ་ལུབས་སུ་གྱོན་པ༔ མཚམས་ཐམསས་ཅད་ལྕགས་ཀྱི་སྡིག་པས་གཏམས་པར་གྱུར༔ ཨོཾ་ཨཱཧཱུྃ་བཛྲ་ར་ཙ་ཙིཏྟ་དུང་དུང་རུ་རུ་བྷ་ཤ་ཧཱུྃ༔ ཡཀཱ་མེ་དབལ་གྱི་ཐུགས་ཀ་ནས་མདུན་དུ་སྡིག་པ་མགོ་དགུ་པ་ཞིག་བསྐྱེད་དོ༔ རང་གི་དཔུང་

[Full Size]

པ་གཡས་སུ་ཕྱག་ན་རྡོ་རྗེ༔ གཡོན་དུ་རྟ་མགྲིན༔ མདུན་དུ་འཁོར་ལོ་རྩིབས་བཞིའི་མདུན་ཕྱོགས་སུ་རྡོ་རྗེ་རྣོན་པོ༔ གཡས་སུ་ཌཱ་ཀི་ར་ཙ༔ གཡོན་དུ་མཁའ་འགྲོ་ཁྲོས་ནག༔ རྒྱབ་ཏུ་སྟོབས་པོ་ཆེ༔ མདུན་དུ་བཀའ་ཉན་དང་ལས་བྱེད་ཀྱི་ཚུལ་དུ༔ མདུན་གཡས་ཕྱོགས་སུ་བདུད་མི་ནག་རྟ་ནག་ཅན༔ སྐུ་ལ་བསེ་ཁྲབ་དང་དབུ་ལ་ལྕགས་ཞུ་ཅན༔ རྒོད་ཀྱི་དང་རུ་བཙུགས་པ༔ ཕྱག་གཡས་རྩེ་གསུམ་གཡོན་པས་ལྕགས་ཀྱུ་བདུད་ཞགས་ཐོགས་པ༔ སྟག་རལ་གཡས་ལ་གཟིག་ཤུབས་གཡོན༔ བསེ་ཕུབ་ལིང་ཆེན་རྒྱབ་ན་ཁུར་བ༔ མི་ནག་སླད་ནས་འབྲང་བ༔ བྱ་ནག་ཀླད་ལ་ལྡིང་བ༔ ཁྱི་ནག་ཕྱི་ན་འབྲང་བ༔ ལས་མཁན་མི་ནག་མདུང་དང་ཞགས་པ་ཐོགས་པ་བརྒྱད་ཀྱིས་བསྐོར་བ༔ མདུན་གཡོན་ཕྱོགས་སུ་བཙན་མི་དམར་རྟ་དམར་ཅན་དབུ་ལ་བསེ་རྨོག་སྐུ་ལ་བསེ་ཁྲབ་གསོལ་བ༔ རྨོག་ཕོད་ཐང་དཀར་ལ་དར་དམར་འཕུར་བ༔ བསེའི་སྐུ་རིགས་དང་བསེའི་ཕུབ་རྒྱབ་ཏུ་ཁུར་བ༔ སྟག་རལ་གཟིག་ཤུབས་བཀྲ་བ༔ ཕྱག་གཡས་མདུང་དར་དམར་པོ་དར་དམར་ཅན༔ གཡོན་པ་ན་བསེའི་མདའ་གཞུ་འཛིན་པ༔ མི་དམར་

[Full Size]

སླད་ན་འབྲང་བ༔ བྱ་དམར་ཀླད་ན་ལྡིང་བ༔ ཁྱི་དམར་ཕྱི་ན་འབྲང་བ༔ མི་དམར་མདའ་གཞུ་དང་མདུང་དམར་ཅན་ལས་མཁན་བརྒྱད་ཀྱིས་བསྐོར་བ༔ རྒྱབ་ཏུ་ཀླུ་མི་སྔོན་རྟ་སྔོན་ཅན་དབུ་ལ་གཡུ་རྨོག་དང་གཡུ་ཁྲབ་གསོལ་བ་རྨོག་ལ་མཐིང་གི་བྱ་རུ་བཙུགས་པ༔ གཡས་པ་ན་ནོར་བུ་དང་མདུང་སྔོན་ཕྱར་བ༔ གཡོན་པ་ན་ནད་རྐྱལ་དང་སྦྲུལ་ཞགས་བསྣམས་པ༔ མི་སྔོན་སླད་ན་འབྲང་བ༔ བྱ་སྔོན་ཀླད་ན་ལྡིང་བ༔ ཁྱི་སྔོན་རོལ་དུ་ཁྲིད་པ༔ སྤྲུལ་སྔོན་ཕྱི་ན་འཁྱུགས་པ༔ མི་སྔོན་སྦྲུལ་ཞགས་ནད་རྐྱལ་ཐོགས་པ་བརྒྱད་ཀྱིས་བསྐོར་བ༔ རང་གི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས་ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་རིག་འཛིན་དཔའ་བོ་མཁའ་འགྲོ་བཀའ་བརྒྱུད་རྒྱལ་བ་རྒྱ་མཚོ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་བསྡུས་ནས་བདག་ལ་ཐིམ་པར་གྱུར༔ ཨོཾ་ཨཱཧཱུྃ་འོད་ཟེར་དཔག་ཏུ་མེད་པ་ཚུར་འདུས་མཐུ་དང་ནུས་པ་བྱིན་རླབས་དཔག་ཏུ་མེད་པ་བྱུང་བར་གྱུར༔ བདག་གི་ཐུགས་ཀའི་ཧཱུཾ་ལས་འོད་ཟེར་སྟེང་འོག་ཕྱོགས་བཅུར་འཕྲོས༔ ཕྱོགས་བཅུའི་རྒྱལ་བ་ཐམས་ཅད་ཀྱི་ཐུགས་རྗེ་དང་ནུས་པ་ཐམས་ཅད་

[Full Size]

བསྡུས་ནས་བདག་ལ་ཐིམ༔ དེ་ནས༔ ༈ ཧཱུྃ༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་སོགས་ནས་འཛབ་དགོངས་ལ་མ་ཐུག་བར་རོ༔ ཐུགས་ཀའི་ཧཱུྃ་ལས་འོད་ཟེར་ཕྱིར་འཕྲོས་པས་གསེར་གྱི་འཁོར་ལོ་རྩིབས་སྟོང་རྣོ་བའི་ངར་དང་ལྡན་པ་རབ་ཏུ་འཁོར་བར་གྱུར༔ དེའི་ཕྱི་རིམ་ལ་མེའི་འཁོར་ལོ་རྩིབས་སྟོང་འབར་བའི་རྩེ་ལ་སྡིག་པ་ང་རྒྱལ་དང་ལྡན་པས་མཚན་པ་འཁོར་ཞིང་འཁོར་ལོ་སྟེང་འོག་ཕྱི་རིམ་གྱི་བར་དུ་གནོད་བྱེད་དམིགས་བྱ་གང་ཡིན་པ་ཐམས་ཅད་དུམ་བུར་གཏུབས་ཤིང་༔ གསོད་གཅོད་ཕྱེ་མར་དུམ་བུར་དམྱལ་ཐག་གཅོད་པར་གྱུར༔ ཏིང་ངེ་འཛིན་དང་མ་བྲལ་བར་དུས་དྲུག་ལ་སོགས་པར་སྤུ་གྲི་མེའི་ཐོག་ལྟ་བུའི་སྔགས་གོང་འོག་གཉིས་གང་འདོད་བཟླ་བར་བྱ༔ འདི་ནི་གུར་དྲག་གི་བསྙེན་སྒྲུབ་ཚད་དུ་ཕྱིན་པ་མ་གཏོགས་པས་མི་རུང་ངོ་༔ ཞེས་པ་འདི་ནི་ཟུར་མང་ནང་སོས་བསྐུལ་ནས༔ ༧ སྔགས་འཆང་ཨ་རཱ་གས་བསྒྲིགས་པའོ༔ མངྒ་ལཾ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་ཁ་སྟོན་པའི་ཞལ་གདམས་དང་ཆང་རིལ་གཏོར་མ།

[Full Size]

གཏོར་ཁ་སྟོན་པའི་ཞལ་གདམས་དང་ཆང་རིལ་གཏོར་མ་བཞུགས་སོ།།

[Full Size]

ན་མོ་པདྨ་ཀྲོ་དྷ་ཡེ། གུ་རུ་དྲག་བསྒྲུབ་སྐུ་ལ་ཕྱག་འཚལ་ལོ། །འདིར་ནད་པ་ལ་གཏོར་ཁ་སྟོན་པའི་གདམས་ངག་ལ། རུང་མི་རུང་ནི། ནད་ཚིད་པ་དང་། གཉན་ལྷོག་པ་རིམས་དང་ནད་ངན། གདོན་ལ་མ་མོ་དང་གཟའ་དང་བྱད་ཁ་རྣམས་ལ་མི་རུང་ངོ་། །གཟའ་དང་བྱད་ཁ་ཡིན་ན་ནད་པ་ལ་ཅུང་ཟད་ཕན་ཏེ། རང་གི་ཚེ་སྲོག་ལ་གནོད་པ་དང་གོད་ཁ་འབྱུང་ངོ་། །ཚད་པ་དང་གཉན་རྣམས་ལ་ནད་བདག་མ་མོ་སྟེ་ཤིན་ཏུ་ཐུ་བའམ་ནད་པ་འཆི་སྟེ། རྟོགས་ལས་བདག་པོ་ནི་མ་མོ་བདུད་ཡིན་པས་ནད་ངན་ལ་མ་མོའི་ནད་ཡིན་པས་སོ། །བྱད་ཁ་ལ་བརྒྱབ་ན། ཆོས་སྐྱོང་ལ་རྒྱབ་པ་ཡིན་པས་རང་ལ་ལྟུང་བ་ཆེའོ། །ཀླུ་ལ་རྒྱབ་ན་རང་དང་ནད་པ་ཚང་ལ་གོད་ཁའམ་རྐྱེན་ཁ་གཞན་ཐུ་མོ་ཞིག་འབྱུང་ངོ་། །ནད་པ་ལ་ཅུང་ཟད་ཕན་ནོ། ༈ །

[Full Size]

ནད་རླུང་ནད་སྲོག་རླུང་སྨྱོ་འབོག །གདོན་རྒྱལ་པོ་འགོང་པོ་དམ་སྲིའི་གནོད་པ། ཤི་སྒབ་གཅོད་པ། སྲིའུ་མང་པོ་མ་སོས་པའི་ཕ་མ་རྣམས་ལ་རྒྱབ་ན་ཤིན་ཏུ་ཕན་ནོ། །ཁྱད་པར་སྨྱོན་པ་ལ་ཕན་ནོ། །དེ་ལ་རྒྱས་པར་ན་རྒྱལ་མགྱོགས་ཀླུ་ཆོག་མཆོད་པ། དཀར་གཏོར་ཆ་གསུམ་རྣམས་སྔོན་དུ་ཚར་ན་རབ། མ་གྲུབ་ཀྱང་དམ་རྫས་ཆང་རིལ་གཏོར་མ་འདི་བཅས་ལ་འདོན་། གལ་ཏེ་མ་ཐོན་ན་དཀར་གཏོར་གཅིག་དང་དམར་གཏོར་གཅིག་ལ་བསྔོས་ཀྱང་རུང་། ཡང་ན་དཀར་གཏོར་ཆེ་བ་གཅིག་ལ་ཆངས་བུ་བརྒྱད་ཀྱིས་བསྐོར་ཀྱང་ཆོག །རང་ཉིད་ཡི་དམ་སྤྱི་བོར་གུ་རུ་པདྨ་འཁོར་མཁའ་འགྲོ་སྡེ་བཞི་དང་བཅས་བསྒོམ་པའམ། ཡང་ན་དབང་དྲག་པདྨའི་ང་རྒྱལ་དུ་གྱུར་ལ། གཏོར་མ་བྲན་ལ། རང་གི་ཐུགས་ཀ་ནས་འོད་ཟེར་དམར་པོ་

[Full Size]

ལྕགས་ཀྱུ་ལྟ་བུ་འཕྲོས། ལྷ་འདྲེ་ཐམས་ཅད་དང་ཁྱད་པར་ནད་པ་དེ་ལ་གནོད་པ་དང་བདག་ཅག་འཁོར་དང་བཅས་པ་ལ་གནོད་པའི་ལྷ་འདྲེ་གདོན་ཐམས་ཅད་རང་གི་མདུན་དུ་བཀུག་ཅིང་ཟིལ་གྱིས་མནན་པས་བཀའ་ཉན་གསུང་སྡོད་འདར་ཕྲི་ལི་ལི་འདུག་པར་བྷེ་ཞིང་། ཡོད་ན་རྔ་དང་རོལ་མོ་མེད་ན་རྡོར་དྲིལ་འཛིན་པས། ཧཱུྃ། བླ་མ་རྣམས་ཀྱི་བྱིན་རླབས་དང་། །ཡི་དམ་ལྷ་ཡི་ཏིང་འཛིན་དང་། །མཁའ་འགྲོ་རྣམས་ཀྱི་མཐུ་རྩལ་གྱིས། །བདག་ཅག་འཁོར་དང་བཅས་པ་ལ། །གནོད་བྱེད་ཐམས་ཅད་འདིར་ཁུག་ཅིག །བཛྲ་ཨངྐུ་ཤ་ཛཿ ཞེས་ལན་གསུམ། དེ་ནསགནམ་ཆོས་ལས་བྱུང་བའི་དཀར་གཏོར་སྤྱིར། ཨ་ཀཱ་རོས་བྱིན་གྱིས་བརླབས་ནས། ཧཱུྃ༔ སློབ་དཔོན་ཆེན་པོ་པདྨ་འབྱུང་གནས་ཀྱི༔ བཀའ་དང་དམ་ཚིག་ལ་ནི་བཞག་པ་ཡི༔ དཔལ་ཆེན་མགོན་པོ་བདུན་ཅུ་རྩ་གཉིས་དང་ཕྱི་ནང་གསང་བའི་ལྷ་སྲིན་སྡེ་བརྒྱད་དང་དགེ་བསྙེན་དྲེགས་པའི་སྡེ་དཔོན་སུམ་ཅུ་དང་༔ སྔགས་བདག་དྲེགས་ཆེན་བཅོ་བརྒྱད་འཁོར་བཅས་དང་༔ ཡུལ་ཆེན་ཉི་ཤུ་བཞིའི་ཞིང་སྐྱོང་དང་༔ གནས་ཀྱི་མཁའ་འགྲོ་སུམ་ཅུ་རྩ་གཉིས་དང་༔ གངས་ཆེན་བོད་ཀྱི་བརྟན་མ་བཅུ་གཉིས་དང་༔ སྐྱོང་མ་དང་

[Full Size]

ནི་ཡ་མ་བཅུ་གཉིས་དང་༔ དགེ་བསྙེན་ཆེན་པོ་ཉི་ཤུ་རྩ་གཅིག་དང་ཆོས་རྒྱལ་རྗེ་ཡི་མགུར་ལྷ་བཅུ་གསུམ་དང་༔ སྲིད་པ་འདི་ཉིད་ཆགས་པའི་ལྷ་དགུ་དང༔ སྐྱོབ་པར་བྱེད་པའི་ལྷ་ལྔ་བརྟན་པའི་ལྷ༔ ཁྱད་པར་ཡུལ་ཕྱོགས་འདི་རུ་གནས་པ་ཡི༔ ཕ་རི་ཚུ་རི་གཡས་རི་གཡོན་རི་དང་༔ མདུན་རི་རྒྱབ་རི་མཚེར་ས་བྲང་ཁང་འདིར༔ གནས་པའི་ས་བདག་ཀླུ་གཉན་གཞི་བདག་རྣམས་འདིར་གཤེགས་བརྒྱན་གྱི་གཏོར་མ་འདི་བཞེས་ལ༔ བདག་ཅག་སློབ་དཔོན་འཁོར་དང་བཅས་པ་ཡི༔ ཁ་འཛིན་སྡོང་གྲོགས་མེལ་ཚེ་སྐྱེལ་བསུ་དང་མཐུན་ཆེན་རོགས་དན་སྒྲུབས་ལ་འགལ་རྐྱེན་སོལ༔ བཅོལ་བའི་ཕྲིན་ལས་མྱུར་དུ་འགྲུབ་པར་མཛོད༔ །དཀར་གཏོར་ལག་ཏུ་བཟུང་ལ། ཡུལ་དེའི་གཞི་བདག་དྲག་རྩལ་ཅན་ལ་ཡང་ཁ་བསྔོས་བྱས་ལ། ཡུལ་ལྷ་གཞི་བདག་ཁྱེད་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། ནད་པ་འདིའི་ནད་དང་གདོན་ལས་མྱུར་དུ་ཐར་བའི་སྡོང་གྲོགས་མཛོད་ཅིག །དྲག་པོའི་གཏོར་མའི་ལས་བྱེད་པ་ལ་ཀོ་ལོང་རུ་ང་ཕྲག་དོག་མ་བྱེད་ཅིག །ཅེས་པས་གཏོར་མ་ནད་པའི་གཡས་གཡོན་དུ་བསྐོར་ལ་ཕྱིར་གདོང་ཕྱོགས་ས་ངོས་ལ་ཕུལ། རང་གི་ཁ་རྒྱུ་ས་

[Full Size]

ཡང་རྒྱུ་ལྡོག་འགྲིགས་པ་གལ་ཆེ། དེ་ནས་བགེགས་གཏོར་ཆངས་བུ་ཏིང་ལོ་ཅན་བྲན་ལ། ཧཱུྃ༔ ཕྱོགས་བཞི་མཚམས་བརྒྱད་སྟེང་འོག་ཐམས་ཅད་དང་༔ ས་འོག་ས་སྟེང་ས་བླར་རྒྱུ་བ་ཡི༔ བགེགས་དང་ལོག་འདྲེན་ལན་ཆགས་འབྱུང་པོའི་ཚོགས༔ བགེགས་འདུལ་ཁྲོ་རྒྱལ་འབར་བའི་བཀའ་བྱུང་གི༔ སྐད་ཅིག་ཡུད་ཙམ་གྱིས་ནི་འདིར་འདུས་ཤིག༔ བདག་གིས་བསྒོ་བའི་བཀའ་ལ་ཉན་པར་བྱོས༔ ཨོཾ་བཛྲ་ཌཱཀྐི་ཧཱུཾ་ཛ༔ ཛཿཧཱུྃ་བཾ་ཧོཿ ཨོཾ་བཛྲ་ཨཾ་ཀུ་ཤ་ཛ༔ ཨོཾ་སརྦ་བིག་ནཱན་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨནྣཾ༔ ཤརྡ་པྲ་ཏཱིཙྪ་སྭཱ་ཧཱ༔ ཧཱུྃ༔ ཉོན་ཅིག་བགེགས་དང་ལན་ཆགས་འབྱུང་པོའི་ཚོགས༔ ཚེ་རབས་ལས་ཀྱིས་མནར་བའི་ལན་ཆགས་རྣམས༔ འདོད་ཡོན་གླུད་དང་གཏོར་མས་ཚིམ་པར་སྤྱོད༔ གནས་སྐབས་རྐྱེན་གྱིས་བསྒྱུར་བའི་གདོན་བགེགས་རྣམས༔ གཏོར་སྐྱུ་ཆངས་བུ་མར་མེ་ཞལ་ཟས་དང་༔ འབྲས་ཆེན་འབྲས་བུ་ཤ་ཆང་ལ་སོགས་པས༔ ཚིམ་པར་གྱིས་ལ་རང་རང་གནས་སུ་དེངས༔ གལ་ཏེ་མི་འགྲོ་འདི་རུ་འཚེ་བྱེད་ན༔ ཡེ་ཤེས་རོལ་པའི་ཁྲོ་རྒྱལ་རབ་ཁྲོས་ནས༔ རྡུལ་ཕྲན་ཕྲ་མོ་བཞིན་དུ་རླག་པར་བྱེད༔ སརྦ་བིགྷཱན་གཙྪ༔ ལན་ཆགས་

[Full Size]

བགེགས་རིགས་སྟོང་ཕྲག་བརྒྱད་ཅུ་ཐམས་ཅད་ཀྱང་གླུད་ཀྱི་གཏོར་མ་འདིའི་ཚིམ་པར་གྱིས་ལ་རང་རང་སོ་སོའི་གནས་སུ་དེངས་ཤིག །ཅེས་སྔར་ལྟར་བསྐོར་ལ་ཕྱིར་ཕུལ་ལོ། །དེ་ནས་ཆང་རིལ་གཏོར་མ་བྲན་ལ། ཨོཾ་ཨ་མྲྀ་ཏེ་ཧཱུྃ་ཕཊ༔ སྭ་བྷ་ཝས་སྦྱངས། སྟོང་པའི་ངང་ལས་ཧཱུཾ་ལས་རིན་པོ་ཆེའི་སྣོད་དུ། གཏོར་མ་འདོད་པའི་ཡོན་ཏན་ལྔ་དང་ལྡན་པ། ཟག་མེད་ཀྱི་བདེ་བ་བསྐྱེད་ཅིང་ཟད་མི་ཤེས་པར་གྱུར། ཨོཾ་ཨཱཿཧཱུྃ་ཧ་ཧོཎཱཧྲཱིཿསཱ་ཧཱ། ཨོཾ་བཛྲ་ཨ་མྲྀ་ཏ་ཀུཎྜི་ལཱི་ཧ་ན་ཧ་ན་ཧཱུྃ་ཕཊ༔ ལན་གསུམ་གྱིས་བྱིན་གྱིས་བརླབས་ནས། ཨ་ཡ་མ་དུ་རུ་ཙ་ཤ་ན། ཨི་དཾ་བྷ་ལི་ཏ་ཁཱ་ཧི་ཁཱ་ཧི། ཞེས་ལན་གསུམ་མམ་བདུན་གྱིས་སྡེ་བརྒྱད་ཐམས་ཅད་ལ་བསྔོས་ལ། ཧཱུྃ། སྔོན་གྱི་བསྐལ་པ་དང་པོ་ལ། །སློབ་དཔོན་པདྨ་འབྱུང་གནས་ཀྱིས། །དམ་ལ་བཏགས་པའི་ལྷ་འདྲེ་ཀུན། །ཆོས་ཉིད་བདེན་པའི་བཀའ་ལ་ཉོན། །བཀའ་དང་དམ་ལ་མ་འདའ་ཞིག །སློབ་དཔོན་པདྨ་འབྱུང་གནས་ཀྱིས། །འོ་ཡུག་དབུས་སུ་བྱོན་པའི་ཚེ། །མང་ཡུལ་བྱེ་མ་རབ་ཁ་རུ། །ལྷ་སྲིན་སྡེ་བརྒྱད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱོད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་

[Full Size]

བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལས་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །གཙང་གི་ལ་ཁ་བང་མིག་ཏུ། །དགེ་བསྙེན་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །གནམ་གྱི་རུ་ཐོག་བྲག་དམར་དུ། །དྲི་ཟ་ཕོ་མོ་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅིག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་

[Full Size]

དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །གནམ་མཚོ་ཕྱུག་མོའི་ནང་ཤེད་དུ། །ཕོ་རྒྱུད་མོ་རྒྱུད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅིག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡི་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །ཡར་འབྲོག་ན་མར་རྒོད་གང་དུ། །ལྷ་བཙན་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་

[Full Size]

ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །མ་གྲོ་གཟི་ཆེན་མཚོ་འགྲམ་དུ། །ཀླུ་དང་ས་བདག་དམ་ལ་བཏགས། ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །རུ་དམ་ལུང་པ་ནག་པོ་རུ། །གནོད་སྦྱིན་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་ཡི་དེ་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅིག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་

[Full Size]

གནས་ཀྱིས། །རོ་ཧམ་ལུང་པ་ཁྲ་མོ་རུ། །མ་ཡམས་ཐམས་ཅད་དམ་ལ་བཏགས།་།ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་ཡི་དེ་རིགས་རྒྱུད་ཡིན། སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །བསིལ་བ་གཙང་གི་གངས་དཀར་དུ། །ལྷ་སྨན་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །ཁ་རག་གངས་ཀྱི་ལྷོ་བྲག་ཏུ། །བརྟན་མ་བཅུ་གཉིས་དམ་ལ་

[Full Size]

བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། གཙང་གི་ལ་ཁ་གཡག་མིག་རུ། །འབྲོག་མོ་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །ཤམ་པོ་གངས་ཀྱི་རྩེ་མོ་རུ། །ས་བདག་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་

[Full Size]

ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །སྤ་གྲོ་ལྕམ་གྱི་བྲག་དམར་དུ། །གཟའ་དང་རྒྱུ་སྐར་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདིས་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །བྲག་དམར་དཔལ་གྱི་བསམ་ཡས་སུ། །རྒྱལ་འགོང་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་

[Full Size]

དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །ནམ་མཁའ་མཛོད་ཀྱི་བྲག་ཕུག་ཏུ། །ཐེའུ་རང་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅིག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ༔ སློབ་དཔོན་པདྨ་འབྱུང་གནས་ཀྱིས། །བྲག་གི་ཡངས་རྫོང་ཤེལ་ཕུག་ཏུ། །གཤིན་རྗེ་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅིག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་

[Full Size]

ཞིག །བཀའ་དང་དཱམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །ཧཱུྃ། སློབ་དཔོན་པདྨ་འབྱུང་གནས་ཀྱིས། །བསམ་ཡས་དཔལ་གྱི་མཆིམས་ཕུ་རུ། །ལྷ་འདྲེ་ཐམས་ཅད་དམ་ལ་བཏགས། །ང་སློབ་དཔོན་དེ་ཡི་བཀའ་བརྒྱུད་ཡིན། །ཁྱེད་ལྷ་འདྲེ་དེ་ཡི་རིགས་རྒྱུད་ཡིན། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །བརྒྱན་པའི་གཏོར་མ་འདི་བཞེས་ལ། །བཀའ་དང་དམ་ལ་མ་འདའ་ཞིག །བཀའ་དང་དམ་ལ་འདས་གྱུར་ན། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་འགྱུར། །གཏོར་མ་ལག་ཏུ་ཐོགས་ལ། དམ་རྫས་བརྒྱན་པའི་གཏོར་མ་ཆེན་པོ་འདི། བཀའ་སྣང་ཞིང་སྲིད་པའི་ལྷ་མ་སྲིན་སྡེ་བརྒྱད་རིགས་དང་སྡེ་ཚན་འཁོར་དང་སྤྲུལ་པར་བཅས་པ་ཐམས་ཅད་ལ་འབུལ་ལོ། །ཡོངས་སུ་བཞེས་ལ་ནད་པ་འདི་བཟུང་བ་ཐོངས། བཅིངས་པ་ཁྲོལ། བསྡམ་པ་ཀློད། མནན་པ་ཁྱོག །རང་ནད་རང་གིས་ཁྱེར། རང་དུག་རང་གིས་ཕྱུངས། གདུག་པའི་སྤུ་མདའ་ཐོན། བསམ་སྦྱོར་ངན་པ་ཤིག །ལག་

[Full Size]

རྒྱང་ངན་པ་ཁྲོལ། དེང་ཕྱིན་ཆད་གནོད་ཅིང་འཚེ་བར་མ་བྱེད། བཀའ་དང་དམ་ལ་མ་འདའ། ཨ་ཡ་མ་དུ་རུ་ཙ་ཤ་ན། ས་མ་ཡ་ཤིག་ཤིག །ཕྱུང་ཕྱུང་། ཁྲོལ་ཁྲོལ་སྲ་ཧ། ཞེས་གཡས་གཡོན་དུ་བསྐོར་ཞིང་ཕྱིར་ཕུལ་བཅུག་གོ །དེ་ལྟར་དཀར་གཏོར་ཕུལ་བས་གཞི་བདག་ལ་ཕོག་ཐུག་ཤོར་ན་ཕན་ནོ། །བགེགས་གཏོར་གྱིས་ཚེ་སྔོན་གྱི་ལན་ཆགས་བུ་ལོན་བྱང་། སྡེ་བརྒྱད་ལ་གཏོར་མ་བསྔོས་པས་སྡེ་བརྒྱད་ཀྱི་ཀུ་རེ་དང་རེ་འདོད་ཀྱིས་གནོད་པ་ཐམས་ཅད་ལ་ཕན་ནོ། ༈ །དེ་ནས་ཆོས་བཤད་པས་སྟོན་པ་ཞལ་མཐོང་བས། ལྷ་འདྲེ་ཐམས་ཅད་ཀྱི་གནོད་པ་ཐམས་ཅད་ཞིའོ། །བདེན་པ་བརྡར་བས་བདེན་སྟོབས་ཐམས་ཅད་རྩིའོ། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་བསྐྱེད། །རང་གི་སེམས་ནི་ཡོངས་སུ་འདུལ། །གཞན་གྱི་སེམས་ནི་དཀྲུག་མི་བྱ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་ན། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་ན། །ཐམས་ཅད་དུ་ནི་སྡོམ་པ་ལེགས། །ཐམས་ཅད་བསྲུང་བའི་དགེ་སློང་དག །སྡིག་

[Full Size]

པ་ཀུན་ལས་རྣམ་པར་གྲོལ། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ཨོ་ཆེན་པོའམ་ཆུང་ངུ་གང་དག་གིས། །ལུས་ལ་མངོན་པ་གནོད་གྱུར་པའི། །ནད་དེ་རབ་ཏུ་ཕྱུང་ནས་སུ། །གདོན་ཁྱོད་རང་གི་གནས་སུ་དེངས། །ཞེས་པ་དང་། ན་མོ་ཕྱོགས་བཅུ་ན་བཞུགས་པའི་སངས་རྒྱས་ལ་ཕྱག་འཚལ་ལོ། །སངས་རྒྱས་ཀྱི་བཀའ་བདེན་པ་དང་། ཕྱོགས་བཅུ་ན་བཞུགས་པའི་དམ་པའི་ཆོས་ལ་ཕྱག་འཚལ་ལོ། །ཆོས་ཀྱི་བཀའ་བདེན་པ་དང་། ཕྱོགས་བཅུ་ན་བཞུགས་པའི་འཕགས་པ་ཕྱིར་མི་ལྡོག་པའི་དགེ་འདུན་རྣམས་ལ་ཕྱག་འཚལ་ལོ། །དགེ་འདུན་གྱི་བཀའ་བདེན་པ་དང་། ཆོས་ཉིད་དེ་བཞིན་ཉིད་ཀྱི་བདེན་པ་དང་། རྒྱུ་འབྲས་བསླུ་བ་མེད་པའི་བདེན་པ་དང་། བདེན་པ་ཆེན་པོའི་མཐུས་ནད་པ་འདི་ལ་གནོད་ཅིང་འཚེ་བར་བྱེད་པའི་རིགས་གང་དང་གང་ཡིན་པ་ཐམས་ཅད། གནོད་ཅིང་འཚེ་བའི་བསམ་པ་སྤོང་ནས། གཞན་དུ་དེངས་ཤིག །ཅེས་བདེན་སྟོབས་བརྗོད་ནས། ཧཱུྃ་བཛྲ་ཕཊ༔ བདག་ཉིད་པདྨ་འབྱུང་གནས་ཀྱི་བཀའ༔ དམར་ནག་མེའི་ཕྲེང་བ་ཅན་དང་༔ རྟ་མཆོག་རྒྱལ་པོའི་ལུང་༔ སྔགས་

[Full Size]

འཆང་རྣལ་འབྱོར་རྡོ་རྗེ་དྲག་པོ་དྲེགས་འཇོམས་རྩལ་གྱིས༔ གདོན་གྱི་རྒྱལ་པོ་ཕྱོགས་སྐྱོང་བརུ༔ སྟེང་གི་ལྷ༔ བར་སྣང་གི་གཟའ༔ འོག་གི་ཀླུ་ལྷ་མ་སྲིན་སྡེ་བརྒྱད༔ རྒྱལ་བསེན་བེ་དཀར་ནག་ཐེལ་གསུམ་ལ་སོགས་མཁའ་ལ་རྒྱུ་བའི་འབྱུང་པོ་ཡིད་ཀྱི་གཟུགས་ཅན༔ རྒྱལ་བསེན་དམ་སྲི་ཕོ་མོ༔ ཤར་གྱི་དཀར་པོ་སྤྱན་གཅིག༔ ལྷོའི་བྱེ་བ་གུང་རིང་༔ ནུབ་ཀྱི་ཡམ་ཤུད་དམར་པོ༔ བྱང་གི་ཁུ་ལེ་ལག་དགུ༔ གནམ་ཐིལ་ས་ཐིལ༔ གཟའ་ཐིལ༔ གྱེད་གྱི་སྐུ་མཆོག་དམར་པོ༔ བྱ་རྒན༔ རྒྱ་འདྲེ་ནག་པོ་ཧ་ལ༔ ཤར་གྱི་གཅོད་པ་ཟླ་བ༔ ལྷོ་ཡི་སྤུ་འདྲེ་དོམ་ར་ཅན༔ ས་ག་རྒྱལ་པོ༔ ཞང་གི་བེར་འདབ༔ གནོད་སྦྱིན་བྱ་ཀྲི་མིག་གཅིག༔ ཀླུ་བདུད་ཀླུ་བཙན༔ ཀླུ་ཐིལ༔ མཚོ་སྨན༔ གཉན་དང་ས་སྲིན༔ དཀོར་བདག་དམ་སྲི་ལ་སོགས་ནད་པ་འདིའི་ཚེ་སྲོག་ལ་བར་དུ་གཅོད་པ་རྣམས་ལ་བསྒོ་བ༔ དེང་ཕྱིན་ཆད་འདིའི་ལུས་ངག་ཡིད་གསུམ་ལ་གནོད་ཅིང་འཚེ་བར་མ་བྱེད་ཅིག༔ ཁྱིམ་སྒོ་ལམ་བསྲང་དུ་མ་འགྲིམས་པར་གཞན་དུ་སོངས་ཤིག༔ གལ་ཏེ་འགྲོ་བར་མི་བྱེད་ན༔ བྱིན་རླབས་ཀྱི་རྩ་བ་བླ་མ་རྣམས་ཀྱི་བཀའ་བདེན་པ་དང་༔

[Full Size]

དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་༔ བདག་ཉིད་གུ་རུ་དྲག་པོ་ཐོད་ཕྲེང་རྩལ་གྱི་བཀའ་བདེན་པ་དང་༔ སྐུ་མཆོག་འཇམ་དཔལ་གྱི་བཀའ་བདེན་པ་དང་༔ གསུང་མཆོག་རྟ་མགྲིན་གྱི་བཀའ་བདེན་པ་དང་༔ ཐུགས་མཆོག་རྡོ་རྗེ་གཞོན་ནུའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྟོབས་ལྡན་སྡིག་པ་ནག་པོ་ཕོ་ཉ་ཟ་གསོད་བསྟན་སྲུང་རྒྱ་མཚོའི་ཚོགས་ཀྱི་བདེན་པ་དང་༔ སྔགས་འཆང་རྣལ་འབྱོར་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བྱིན་རླབས་འདི་ལ་བརྟེན་ནས༔ གནོད་བྱེད་འབྱུང་པོ་དམ་ཉམས་བཀའ་ལྟར་མི་བྱེད་ཅིང་༔ དམ་ལ་མི་གནས་པ་རྣམས་འདིར་མ་གནས་པར་གཞན་དུ་དེངས་ཤིག༔ སྲིད་པ་སྤྱི་ནས་ཤིག་ཅིག༔ སྲིད་གསུམ་རྨང་ནས་སྐྱེལ་ཞིག༔ འཁོར་བ་གཏིང་ནས་ཕྱུངས་ཤིག༔ བསྐལ་བའི་མེས་སྲེགས་ཤིག༔ དམ་ཚིག་གི་དམོད་པས་སྡིགས་ཤིག༔ བཀའི་ཆད་པ་ཆོད་ཅིག༔ གནམ་ལྕགས་ཐོག་གི་རལ་གྲིས་སྤྱི་བོ་ནས་ཁོས་ཤིག༔ སྲིད་གསུམ་གར་གནས་ཀྱང་ལུས་ལ་མཚོན་ཆ་རྡོ་རྗེའི་ཆར་ཕོབ་

[Full Size]

ཅིག༔ དམ་ཉམས་འབྱུང་པོ་མནའ་ཟན་འདི༔ མགོ་བོ་ཚལ་པ་སྟོང་དུ་ཁོས་ཤིག༔ ལུས་དུམ་བུ་སྟོང་དུ་ཐོངས་ཤིག༔ སྙིང་དུམ་བུ་བརྒྱད་དུ་གཏུབ་ཅིག༔ མིག་འབྲས་ཐང་ལ་ཐོངས་ཤིག༔ སྙིང་ཁྲག་ལས་མཁན་རྣམས་ཀྱི་དཔའ་ཟས་གྱིས་ཤིག༔ དམ་ཉམས་རུ་ཏྲ་འདི་མཐའི་རྒྱ་མཚོའི་ཕ་རོལ་དུ་སྒྲོལ་ཅིག༔ གནོད་བྱེད་འབྱུང་པོ་འདི་ཨུ་ཙ་ཏ་ཡ་ཕཊ༔ སྟག་ལོ་ཟླ་བ་དང་པོའི་ཚེས་བརྒྱད་ཀྱི་སྤྲིང་ཡིག་འདི༔ བསམ་ཡས་ཆོས་འཁོར་གླིང་དུ་བྲིས་པས་འབྱུང་པོའི་རྒྱུན་ལམ་ཆད་པར་གྱུར་ཅིག༔ ཨོཾ་སྭ་སྟི། དཔལ་ཕྱག་ན་རྡོ་རྗེའི་བཀའ། ལས་བྱེད་ཀྱི་རྡོ་རྗེ་བདེ་ལྡན་གྱི་ལུང་། སྣང་སྲིད་ཀྱི་ལྷ་འདྲེ་རྣམས་ལ་སྤྲིངས་བ། ནད་པ་འདི་གསང་བའི་བདག་པོ་ལ་སྐྱབས་སུ་སོང་བ་ཡིན་པས། འགལ་རྐྱེན་དུ་འགྲོ་བར་མ་བྱེད་ཅིག །དེ་ལྟར་གླུད་དང་གཏོར་མས་བརྔན་ཅིང་བྲིད་ཀྱང་མི་ཉན། བདེན་པའི་སྟོབས་ཀྱང་མི་རྩི། དམ་པའི་ཆོས་བཤད་ཀྱང་མི་ཉན་ན། བདག་གིས་དྲག་པོ་གཏོར་མའི་སྒོ་ནས་ཚར་གཅོད་པ་ཡིན་པས། ང་མ་ལེན་ནོ། ང་མ་ལེན་ནོ། །དེ་ནས་གསེར་སྐྱེམས་སྤྱི་ལྟར་འབུལ་ན་ལེགས། པད་ཞྭའམ་ཞྭ་ནག་བེར་ནག་གྱོན། ཆོས་གོས་ཕྲག་ཏུ་གཟར། སྨྱོན་པ་ཡིན་

[Full Size]

ན། རང་གི་ལྷམ་གཡོན་པ་དང་། རྫས་རྒོད་ཐུན་རྫས་སྣ་ཚོགས་མེད་ན་ནས་སྡེར་བཞག༔ ཆོས་སྐྱོང་གི་དར་ནག་ཀྱང་རྟེན་དྲུང་དུ་བཞག༔ ཆོས་སྐྱོང་ཡི་དམ་གཏོར་མ་ཐམས་ཅད་ཤ་ཁྲག་དང་རྩང་གིས་བརྒྱན་ལ་རིལ་བུ་བཞག་ལ་བྲན་ནས༔ ན་མོ༔ རྩ་བརྒྱུད་བླ་མ་རྒྱལ་བ་ཞི་ཁྲོའི་ཚོགས༔ དཔའ་བོ་མཁའ་འགྲོ་དམ་ཅན་སྲུང་མར་བཅས༔ སྔགས་འཆང་བདག༔ གས་དང་ཏིང་ངེ་འཛིན༔ དཀོན་མཆོག་གསུམ་སོགས་བཀའ་ཡི་བདེན་པའི་མཐུས༔ བླ་མའི་སྐུ་དགྲ་བསྟན་དང་བསྟན་འཛིན་དམོད༔ ཁྱད་པར་བདག་ཅག་སློབ་དཔོན་འཁོར་བཅས་ལ༔ སྔ་དགྲ་ལག་དར་ཕྱི་དགྲ་ཡིད་ལ་བསམ༔ ད་དགྲ་གནོད་ཅིང་འཚེ་བའི་དགྲ་དང་བགེགས༔ ཁ་འཇམ་སྙིང་རྩུབ་ཞེ་ནས་དམོད་པ་དང་༔ དོ་བསྡོ་ཕོད་བཙུགས་བསམ་ངན་སྦྱོར་རྩུབ་བྱེད༔ མཐུ་དང་ནུས་པ་བུ་ལོན་བཞིན་དུ་བསྙག༔ དམག་སྣ་ཇག་སྣ་རྐུན་སྣ་སྟོན་པ་དང་གནོད་པར་བྱེད་པའི་བདུད་དང་དམ་སྲི་སོགས༔ ཡིད་ལ་དམིགས་པའི་དགྲ་བགེགས་འདི་ཉིད་ཀྱི༔ བླ་ཚེ་རྣམ་ཤེས་སྲོག་དང་བཅས་པ་རྣམས༔ གནམ་ས་གླིང་བཞི་གླིང་ཕྲན་རི་རབ་གསེང་༔ ཉི་ཟླའི་གོ་བར་ཆོས་བོན་སྲུང་མའི་སྐྱབས༔ གང་ན་གནས་ཀྱང་གཏོར་མ་འདི་

[Full Size]

ཉིད་ལ༔ ཁུག་ཅིག་བཛྲ་ཨཾ་ཀུ་ཡ་ཛ༔ སྐེ་ནས་ཆིངས་ཤིག་བཛྲ་པ་ཤ་ཧཱུཾ༔ ། ཡན་ལག་སྡོམས་ཤིག་བཛྲ་སྤོ་ཊ་ཐཾ༔ མྱོས་པར་གྱིས་ཤིག་བཛྲ་གནྡྷེ་ཧོ༔ ལྷ་དང་ཕྱེས་ཤིག་པྲ་ཝེ་ཤ་ཡ་ཕཊ༔ དབྱེར་མེད་སྙིམས་ཤིག་ཨཱ་ཝེ་ཤ་ཡ་ཨཱ༔ བདག་མདུན་ཐུགས་ལས་ཛཡིག་དམར་ནག་འཕྲོས༔ བསྒྲུབ་བྱའི་སྣ་བུག་བཤང་ལམ་གཉིས་ནས་ཞུགས༔ སྙིང་ཁར་ཕྱིན་པས་ཟངས་ལྕགས་འཁོར་ལོ་གཉིས༔ གཡས་གཡོན་འཁོར་བས་ཤ་ཁྲག་བླ་ཚེ་གཏུབས༔ རྣམ་ཤེས་ཨ་ཡིག་རྒྱལ་བའི་ཐུགས་ཀར་འཕོས༔ ཚེ་བསོད་ནཾ་ཡིག་ལྗང་གུ་བདག་ལ་ཐིམ༔ ཤ་ཁྲག་བདུད་རྩིར་གྱུར་པ་སྲུང་མས་གསོལ༔ ཨོཾ་སརྦ་དྷརྨ་པཱ་ལ་གནོད་བྱེད་དགྲ་བགེགས་ཀྱི་མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ཁཱ་ཧི༔ མ་ཧཱ་ཀཾ་ནི་རི་ཏི་ཁཱ་ཧི༔ དེ་ནས་ལྷ་སོ་སོའི་སྔགས་བསྔོས་ཀྱང་བྱས་ལ༔ གཏོར་མ་དགྲ་བགེགས་ཀྱི་ཤ་ཁྲག་ཡི་དམ་ཆོས་སྐྱོང་རྣམས་ཀྱིས་གསོལ་བར་དམིགས༔ ནད་པ་མདུན་དུ་སྔས་མགོ་མཐོ་བར་སྲུང་བ་རྣམས་བཀྲོལ་ལ་གོས་འཐུག་པོ་གྱོན་ལ་ཉལ་བཅུག་ནས་ཕཊ༔ ནད་པའི་རྐང་མཐིལ་གཡས་སུ་ཕ་ལས་ཐོབ་པའི་ཐིག་ལེ་དཀར་པོ་སྲན་མ་ཙམ༔ གཡོན་དུ་མ་ལས་ཐོབ་པའི་རཀྟ་དམར་པོ་སྲན་མ་ཙམ༔ ཕཊ༔ དེ་གཉིས་ཡར་བྱུང་

[Full Size]

གསང་གནས་སུ་འདྲེས་པས་བྱ་མ་སེར་གྱི་སྒོ་ང་ཙམ༔ ཕཊ༔ གསང་གནས་ནས་སྤྱི་བོའི་བར་དུ་རྩ་དབུ་མ་ཁང་སྟོང་དུ་ཀ་བ་བཙུགས་པ་ལྟ་བུ༔ ནང་སྟོང་པ་འོད་ཀྱི་སྤུ་བུ་སྤྱི་བོ་རག་དུང་གི་ཁ་ལྟར་ཧད་པོར་ཡོད་པ༔ སྟེང་ནམ་མཁའི་དབྱིངས་སུ་ཨོ་རྒྱན་ཚེ་དཔག་ཏུ་མེད་པ༔ གཟི་བརྗིད་འོད་དུ་འབར་བའི་སྐུ་མངོན་སུམ་དུ་བཞུགས་པར་གྱུར༔ ཕཊ༔ གསང་གནས་ཀྱི་ཐིག་ལེ་ནད་པའི་ཚེ་བསོད་ནམས་ཁ་རྗེ་དབང་ཐང་བླ་དང་སྲོག་གི་ངོ་བོ༔ བཀྲག་མདངས་འོད་དུ་འཚེར་བ་དེ་རིམ་པར་ཡར་འཕར༔ ཕཊ༔ ལྟེ་བ་ཕཊ༔ སྙིང་ཁ་ཕཊ༔ མགྲིན་པ་ཕཊ༔ སྤྱི་བོར་ཕཊ༔ སྤྱི་བོ་ཚངས་པའི་བུ་ག་ནས་རྒྱངས་སེ་ཐོན་ཏེ༔ ནམ་མཁའི་གནས་སུ་བཞུགས་པའི་ཨོ་རྒྱན་ཚེ་དཔག་ཏུ་མེད་པའི་ཐུགས་ཀར་ཐིམ་པར་གྱུར༔ ཕཊ་ཕཊ་ཕཊ༔ དམིགས་པ་མ་གསལ་བར་དུ་བསྒོམ༔ ཕཊ༔ ནད་པའི་ལུས་ཨེ་ལས་དུག་གསུམ་ལས་ལ་གྲུབ་པའི་བཙོན་ཁང་༔ ཞེ་སྡང་གི་མེ་འབར་བ༔ འདོད་ཆགས་ཀྱི་ཆུ་འཁྲུག་པ༔ ང་རྒྱལ་གྱི་བྲག་རི་ཉིལ་བ༔ ཕྲག་དོག་གི་རླུང་འཚུབ་པ༔ གཏི་མུག་གི་མུན་པ་འཁྲིགས་པ༔ ཕྱི་རོལ་དུ་ལས་བྱེད་ཀྱི་ཕོ་ཉ་འགུགས་སྒོལ་གྱི་མཚོན་ཆ་

[Full Size]

སྣ་ཚོགས་ཐོགས་པས་བསྐོར་བ༔ སྟེང་ན་ཐོག་དང་སེར་བ་མཚོན་ཆ་སྣ་ཚོགས་ཀྱིས་ཆར་འབེབས་པའི་ནང་དུ༔ རྦདང་ཏྲིལས་སྐྱེས་པའི་གནོད་བྱེད་གདོན་བགེགས་ཁ་ངུ་བ་མིག་ཤི་མིག །ལག་པ་གཡས་ཀྱིས་བྲང་བརྡུངས་ཤིང་གཡོན་པས་སྐུ་འབལ་བ་རྐང་ལག་ལྕགས་སུ་བཅུག་པ༔ བུ་ག་དགུ་ནས་ཁྲག་འཛགས་པ་མགོན་སྐྱོབ་ཀྱི་ལྷ་དང་བྲལ་བ༔ གཅེར་བུ་འདར་ཕྲི་ལི་ལི་བྱེད་པ་གཅིག་ཏུ་གྱུར༔ ན་མོ༔ དྲིན་ཆེན་རྩ་བ་དང་བརྒྱུད་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ དཀོན་མཆོག་གསུམ་གྱི་བདེན་པ་དང་༔ ཡི་དམ་རྒྱུད་སྡེ་དྲུག་གི་ལྷ་ཚོགས་རྣམས་ཀྱི་བདེན་པ་དང་༔ མཁའ་འགྲོ་ཆོས་སྐྱོང་སྲུང་མ་དམ་ཅན་རྒྱ་མཚོའི་བདེན་པ་དང་བདེན་པ་ཆེན་པོའི་མཐུས༔ ནད་པ་འདི་ལ་དང་པོ་ནད་ཀྱི་སྣ་འདྲེན་པ༔ བར་དུ་ནད་ཀྱི་ཚང་བཅའ་བ༔ ཐ་མ་ནད་ཀྱིས་སྲོག་འཕྲོག་པ༔ ཚེ་ལ་བརྐུ་བ༔ སྲོག་ལ་འཇབ་པ༔ བླ་ལ་ཁྱེར་བ༔ ཡིད་ལ་རློམ་པ༔ བདེན་པའི་སྟོབས་བརྗོད་ཀྱང་མི་བརྩི༔ དམ་པའི་ཆོས་བཤད་ཀྱང་མི་ཉན༔ གླུད་དང་གཏོར་མ་བྱིན་ཀྱང་མི་ཐུབ༔ བཀའ་དང་དམ་ལ་མི་གནས་འགྱུར་ལོག་འཕར་

[Full Size]

ལྡང་༔ མགོ་གཡོག་མགོ་སྐོར་བྱེད་པའི་གནོད་བྱེད་གདོན་བགེགས༔ ནད་འདྲེ་གཅོང་སྲི༔ ལུས་གདོན་གང་ཡིན་པ་ཐམས་ཅད་བེམ་པོ་ལིང་ག་འདི་ལ་ཁུག་ཅིག༔ ཧཱུྃ་ཧཱུྃ་ཧཱུྃ༔ ཛཿཧཱུྃ་བཾ་ཧོཿ ཨང་ཀུ་ཤ་ཛ༔ ལན་གསུམ། དེ་ལྟར་བསྐུལ་པ་རྣམས་དམག་ཐབས་ཏེ་མཇུག་ནས་ཡར་འདོན་ཏེ། འདོན་ཚེ་གཏོར་མ་དགྲ་བགེགས་ཀྱི་ཤ་ཁྲག་བདུད་རྩིའི་རྒྱ་མཚོ་ལྷ་དེའི་གསོལ་བས་མཉེས་པར་བསམ། བསྐུལ་རྫོགས་ནས་ལྷས་གསོལ་བའི་ལྷག་མའི་གཏོར་མ་དེ་སྐད་ཅིག་ལ་ལྷ་དེའི་ཕྱག་མཚན་ལས་མེའི་ཕུང་པོ་ཆེན་པོ་འབར་བས། ཡི་དམ་གྱི་ང་རྒྱལ་གྱིས་གནོད་བྱེད་དེ་ལ་རྒྱབ་པས། དཔེར་ན་རྩྭ་སྐྱའི་ཕུང་པོ་ལ་མེའི་ཐོག་ཕོག་པ་ལྟར་རོ། །ཞེས་ཡི་དམ་མགོན་པོའམ་ཆོས་སྐྱོང་གི་དྲག་སྔགས་ཤེས་ན་རབ། མེད་ནི་རྩ་སྔགས་ལ། གནོད་བྱེད་གདོན་བགེགས་འབྱུང་པོ་ནད་འདྲེ་གཅོང་སྲི་མཱ་ར་ཡ་ཧཱུྃ་ཕཊ། ཅེས་རྒྱབ་བོ། །དང་པོ། ཧཱུྃ༔ སྔོན་གྱི་བསྐལ་པ་དང་པོ་ལ༔ བཙད་པོ་ཁྲི་སྲོང་ལྡེའུ་བཙན་གྱི༔ སློབ་དཔོན་པདྨ་སྤྱན་དྲངས་ཚེ༔ ཡང་ལེ་ཤོད་ནས་བོད་ཡུལ་ཕྱོགས༔ མང་ཡུལ་ལ་ནས་མར་བྱོན་ཚེ༔ ལྷ་སྲིན་དམ་ལ་བཏགས་ཤིང་བྱོན༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་

[Full Size]

རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ གཙང་གི་ཆུ་མིག་གནས་པ་ན༔ དགེ་བསྙེན་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ནུབ་ཀྱི་རུ་ཐོག་བྲག་དམར་ནས༔ དྲི་ཟ་ཕོ་མོ་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ གཡུ་མཚོ་འབྲུག་མོའི་ནང་ཤེད་ནས༔ ཕོ་རྒྱུད་མོ་

[Full Size]

རྒྱུད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ འབྲོག་གི་ན་དམར་རྒོད་གང་དེར༔ ལྷ་བཙན་ཐམས་ཅད་དམ་ལ་བཏག༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ མལ་གྲོ་ཀུན་གྱི་རྒྱ་མཚོ་དེར༔ ཀླུ་རིགས་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་། སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་

[Full Size]

མཆོད་གཏོར་འདི་བཞེས་ལ༔ བཀའ་དང་དམ་ལས་མི་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ རུ་དམ་ལུང་པ་ནག་པོ་དེར༔ མ་ཡམས་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དོམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ སིལ་མ་གཙང་གི་གངས་སྐོར་དེར༔ སྨན་དང་ལྷ་སྨན་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ཁོ་རག་གངས་ཀྱི་ལྷོ་ཕྱོགས་དེར༔ བརྟན་མ་བཅུ་གཉིས་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་

[Full Size]

མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ གཙང་གི་ཁ་རིག་སྤྲུལ་གོང་དེར༔ འབྲོག་གནས་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅིག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ བསམ་ཡས་དབུ་རྩེ་རིགས་གསུམ་དེར༔ རྒྱལ་འགོང་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ སྡེ་བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག༔ བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་

[Full Size]

མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ འོག་གི་གླུ་བ་རྐང་གཅིག་དེར༔ ཐེའུ་རང་སྤུན་དགུ་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ བརྒྱད་དབང་དུ་མི་བཏང་འཚལ༔ གདུག་པའི་སྡེ་བརྒྱད་ཐུལ་བར་མཛོད༔ ཁྱེད་རྣམས་ལྷ་འདྲེ་དེ་ཡི་རིགས་ཡིན་པས༔ སློབ་དཔོན་ཆེན་པོའི་བཀའ་མ་བཅག་བརྒྱན་གྱི་མཆོད་གཏོར་འདི་བཞེས་ལ༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ཆད་མདོ་དང་༔ བྷྱོ༔ བརྟན་མ་སྐྱོང་མཛད་མ་དང་སྲིང་༔ དཔལ་གནས་མ་དང་ཡང་དག་ཤེས༔ ཁྱུང་བཙུན་ཀོང་ལྷ་གཡུ་བུན་མ༔ མེ་ཏོག་ཟླ་འོད་བྱང་རྒྱལ་མ༔ གསེར་ཐང་ཀུན་བཟང་ཤན་ཏིང་དཔལ༔ ཀླུ་མོ་གཟི་འབར་མ་སོགས་ཏ༔ བརྟན་མ་བཅུ་གཉིས་གཏོར་མ་ལོངས༔ མི་མཐུན་གནོད་པའི་ཕྱོགས་རྣམས་ཟློག༔ ཨོཾ་ཨཱཿཧཱུྃ༔ བཛྲ་ཨ་མྲྀ་ཏ་ཁཱ་ཧི་ཁཱ་ཧི༔ མ་མ་ཧྲི༔ མ་མ་ཧྲི༔ ཁཱ་ཧི་ཁཱ་ཧི༔ ཞེས་ཆད་མདོ་དང་བརྟན་སྐྱོང་གཉིས་གཏོར་མ་གཅིག་ལ་འདོན་ནས༔ ཨ་ཡ་མ་དུ་རུ་ཙ་ཤ་ན་གནོད་བྱེད་གདོན་བགེགས་ནད་འདྲེ་གཅོང་སྲི་ཐམས་ཅད་མཱ་ར་ཡ་ཧཱུྃ་ཕཊ༔ ཅེས་པས་རྒྱབ་བོ། །སྡེ་བརྒྱད་དང་བརྟན་

[Full Size]

མ་ནི། ཨོ་རྒྱན་གྱི་ལས་མཁན་ཡིན་པས་གལ་ཆེའོ། །གཟའ་ནི་མི་རྒྱབ་ནད་དྲག་དུས་ཚེ་ལ་གནོད་དོགས་ཡོད་པས། ཤན་པ་ཡང་དེ་དང་འདྲའོ། །བཙན་དམ་ཅན་ཁ་མོ་ཆེ་སོགས་བཀའ་སྲུང་རྣམས་གདོན་ལ་རྒྱབ་ན་བཀའ་སྲུང་རང་གི་ནུས་པ་ཉམས་ནས་མི་རྣོ་རུ་འགྲོ་བ་དེའི་གནད་ཤེས་པར་བྱའོ། །མ་མོའི་རིགས་རྒྱབ་པས་རང་ལ་གྲིབ་འོང་བས་ཁམས་མི་བདེའོ། །དེ་ནས་སྨྱོ་ཁ་འདི་རྒྱལ་འགོང་དམ་སྲི་འདུལ་བའི་མཆོག་ཡིན་པས། གནས་བརྒྱད་བསྟོད་བསྐུལ་དང་། ཧཱུྃ༔ རྒྱ་མཚོ་ཆེན་པོའི་ཀློང་དཀྱིལ་ནས༔ བསྟན་པ་བསྲུང་བའི་མཐུ་བོ་ཆེ༔ གཏེར་སྲུང་ཆེན་པོ་སྐུ་བཞེངས་ཤིག༔ རོལ་མཚོ་བདུན་གྱི་ཕོ་བྲང་དང་༔ བླ་མཚོ་ནག་པོའི་ཕོ་བྲང་ནི༔ འཇིགས་བྱེད་ཆེན་པོ་དྲག་ཤུལ་ཅན༔ ཀླུ་བདུད་ཆེན་པོ་གཤེགས་སུ་གསོལ༔ ནཱ་ག་རཀྵ་ས་མ་ཡ་ཛ་ཛ༔ ཧཱུྃ༔ གཞི་བདག་ནག་པོ་མི་བསྲུན་པ། གཏེར་བདག་ཆེན་པོའི་ཆོ་འབྲང་འཚལ༔ ཕ་ནི་བདུད་ལ་མ་ནི་ཀླུ༔ དེ་གཉིས་འདོད་ཆགས་འཁྲུགས་པ་ལ༔ ཀླུ་བདུད་འཚོགས་པའི་མཐུ་བོ་ཆེ༔ སྐྱེ་འགྲོའི་སྲོག་གི་བདག་པོ་སྟེ༔ ལྟས་ངན་དལ་ཡམས་ནད་ཀྱི་བདག༔ སྐུ་མདོག་མཐིང་ནག་འཇིགས་པ་ལ༔ དུག་དང་ནད་ཀྱི་རླངས་པ་འཐུལ༔ སྣ་ཚོགས་བསྒྱུར་བའི་རྫུ་འཕྲུལ་ཅན༔ རེས་འགའ་

[Full Size]

མུན་ནག་དུད་ཁའི་མདོག༔ རེས་འགའ་དམར་ནག་སྲིན་པོའི་མདོག༔ ཞལ་གཅིག་ཕྱག་གཉིས་ཁྲོས་པའི་ཚུལ༔ རོ་སྟོད་མི་ལ་རོ་སྨད་སྦྲུལ༔ མགོ་ལུས་མེད་པར་མིག་གིས་གང་༔ ཕྱག་གཡས་གསེར་གྱི་འཁོར་ལོ་བསྣམས༔ དམ་ཉམས་དགྲ་བོ་གཅོད་ཅིང་གཏུབས༔ གཡོན་ན་སྦྲུལ་ནག་ཞགས་པ་འཛིན༔ ཉམས་པའི་སྐེ་ནས་འཆིངས་ཤིང་བསྡམས༔ འཇིགས་བྱེད་ཆེན་པོ་མི་བསྲུན་པ༔ རྒྱ་མཚོའི་སྟེང་ནས་རྒྱུག་ཙམ་ན༔ སྐྱ་རེངས་དཀར་པོའི་རྟ་ལ་ཞོན༔ ནམ་མཁའི་ཁམས་སུ་རྒྱུག་ཙམ་ན༔ དམར་ཐག་ཉི་མའི་ཟེར་ལ་རྒྱུག༔ སྐྱེ་འགྲོའི་སྲོག་ལ་རྒྱུག་ཙམ་ན༔ ཟླ་ཟེར་མུན་པའི་སྨག་ལ་རྒྱུག༔ ནག་པོ་ཁྲོས་མདོག་དགྲ་གཤེད་བདུད༔ ཆིབས་སུ་བྲ་ནག་རྟིང་དཀར་ཆིབས༔ གོང་ཐག་གློ་རྨེད་སྦྲུལ་ལས་བྱས༔ རྔ་རྔོག་གསེབ་ནས་སྦལ་སྦྲུལ་འཕྲོ༔ རྒྱུག་ནི་རི་རབ་གླིང་བཞིར་རྒྱུག༔ ཕོ་བྲང་སྨྱོ་ཁའི་མཚོ་ལ་གནས༔ སྔོན་ཚེ་བསྐལ་པ་དང་པོ་ལ༔ བཅོམ་ལྡན་ཕྱག་ན་རྡོ་རྗེ་ཡིས༔ བསྟན་སྲུང་ཆེན་པོ་དམ་ལ་བཏགས༔ དེ་ནས་བར་གྱི་བསྐལ་པ་ལ༔ སློབ་དཔོན་པདྨ་འབྱུང་གནས་ཀྱིས་དཔལ་གྱི་ཕུག་རིང་དཀྱིལ་འཁོར་སྟེང་༔

[Full Size]

བཀའ་དང་དམ་ལ་བཏགས་པའི་ཚེ༔ རང་རྟགས་སྲོག་སྙིང་དངོས་སུ་ཕུལ༔ ངག་ཏུ་དམ་རྫས་བདུད་རྩི་བྱིན༔ སྤྱི་བོར་རྡོ་རྗེ་བཞག་ནས་ཀྱང་༔ གཏེར་སྲུང་ཆེན་པོར་དབང་ཡང་བསྐུར༔ དགེ་བསྙེན་སྨྱོ་ཁར་མཚན་ཡང་གསོལ༔ འཇིག་རྟེན་ཁམས་ཀྱི་དྲག་རྩལ་ཅན༔ དམུ་བདུད་ཁྱོད་ལས་ཆེ་བ་མེད༔ དམ་ཉམས་དགྲ་བོའི་སྙིང་འབྱིན་ཅིང་༔ དམ་ཚིག་ཅན་གྱི་སྡོང་གྲོགས་བྱེད༔ སྐུ་ལས་འོད་ཟེར་དཔག་མེད་འཕྲོ༔ འོད་ཀྱིས་འཇིག་རྟེན་ཁྱབ་པར་ཁེངས༔ རྒྱུག་རྒྱུག་སྡང་བའི་དགྲ་ལ་རྒྱུགས༔ ཆོས་ཆོས་གནོད་པའི་བགེགས་ལ་ཆོས༔ སྔགས་འཆང་བདག་གིས་བོས་པའི་ཚེ༔ མངོན་སྤྱོད་རྟགས་དང་ཆོས་ལ་བྱོན༔ མཐུན་པའི་དམ་རྫས་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པ་ཙམ་མམ། རྒྱས་པར་ན་གནས་བརྒྱད་བསྐུལ་འདིས་རྒྱབ་སྟེ༔ ཧཱུྃ༔ ཡང་ཅིག་བཞེངས་ཤིག་ནག་པོ་ཏི་པ་ར་ཙ་ཁྱོད༔ བྱང་ཕྱོགས་རྒྱུད་དུ་ཆེ་བའི་སྐུར་སྟོན་པ༔ གཉན་ཆེན་ཐང་ལྷ་ཞེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་

[Full Size]

སོལ་མཐུན་རྐྱེན་བསམ་པ་སྒྲུབས༔ སྐྱི་ཤོད་ཀླུང་དུ་ཆེ་བའི་སྐུར་སྟོན་པ༔ གཉན་ཆེན་མཁར་ནག་ཅེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ། བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས༔ ཕོ་མོ་རྫོང་རིགས་ཕྱོགས་སུ་ཆེ་བའི་སྐུར་སྟོན་པ༔ ཀླུ་བདུད་མགོ་དགུ་ཞེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས༔ ལྷོ་སྟོད་དབུ་རིའི་ཕྱོགས་སུ་ཆེ་བའི་སྐུར་སྟོན་པ༔ སྐུ་ལྷ་མཁར་རི་ཞེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས༔ སྒོ་ཆུ་ལྷ་རྒྱབ་ཕྱོགས་སུ་ཆེ་བའི་སྐུར་སྟོན་པ༔ བདུད་པོ་ཟླ་བ་བའི་མདོག་ཅན་ཞེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས།

[Full Size]

མོན་ཁ་རིང་མོའི་ཕྱོགས་སུ་ཆེ་བའི་སྐུར་སྟོན་པ༔ བདུད་པོ་བཀྲག་མེད་ཅེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས༔ སེང་གེ་རྫོང་གསུམ་ཕྱོགས་སུ་ཆེ་བའི་སྐུར་སྟོན་པ༔ ཟུ་ར་ར་སྐྱེས་ཞེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས༔ ལྷོ་བྲག་མཁར་ཆུའི་ཕྱོགས་སུ་ཆེ་བའི་སྐུར་སྟོན་པ༔ དགེ་བསྙེན་སྨྱོ་ཁ་ཞེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས༔ ནཱ་ག་རཀྟ་ནག་པོ་ཏི་པ་ཙ་ཡ་གནོད་བྱེད་རྒྱལ་འགོང་དམ་སྲི་མཱ་ར་ཡ་ཧཱུྃ་ཕཊ༔ ཅེས་བརྒྱབ་བོ༔ ཧཱུྃ༔ བདུད་ཡུལ་ཁ་རག་མགོ་དགུ་ནས༔ བདུད་མཚོ་ཁོལ་མའི་ནང་ཤེད་ནས༔ བདུད་མཁར་ནག་པོ་རྩེ་དགུ་ནས༔ བདུད་ནི་མི་ནག་རྟ་རུ་ནག༔ སྐུ་མདོག་མཐིང་ནག་འཇིགས་པ་

[Full Size]

ལ༔ སྐུ་ལ་བསེ་ཁྲབ་སེར་པོ་གསོལ༔ དབུ་ལ་བསེ་རྨོག་སྔོན་པོ་གསོལ༔ ཕྱག་གཡས་རྩེ་གསུམ་ཀླད་ལ་བསྐོར༔ གཡོན་པས་བེ་ཅོན་ཞགས་པ་བསྣམས༔ སྟག་རལ་གཡས་ལ་གཟིག་ཤུབས་གཡོན༔ བསེ་ཕུབ་དམར་པོ་ཀྱི་ལི་ལི༔ འཇའ་ཚོན་སྣ་ལྔ་ཀྱི་ལི་ལི༔ ཀླད་ན་བྱ་ནག་ཆུམས་སེ་ཆུམ༔ སྔོན་ན་མི་ནག་ཤ་ར་ར༔ ཕྱི་ན་ཁྱི་ནག་ཁེངས་སེ་ཁེང་༔ འོད་ནག་འཚུབ་མ་ཀྱི་ལི་ལི༔ བདུད་ཞགས་ནག་པོ་ཁྱུགས་སེ་ཁྱུག༔ ཞལ་ནས་ཀུ་འདེབས་ལྷངས་སེ་ལྷང་༔ དམ་ཉམས་དགྲ་བོ་སྡིག་ཅན་འདི༔ བདུད་ཞགས་ནག་པོས་ད་ཆིངས་ལ༔ བདུད་ཀྱི་ཁྲམ་ལ་ད་ཐོབས་ཤིག༔ ནམ་གྱི་ཕར་མ་ཚུར་ཕྱེད་ལ༔ དགྲ་བོའི་བླ་འཁྱམ་ཁུག་ལ་ཤོག༔ དགྲ་སྲོག་དམར་པོ་རྩད་ནས་ཆོད༔ བདུད་དམག་མང་པོ་ལས་ལ་ཆོས༔ སྡིག་ཅན་དགྲ་བོ་ལས་ངན་འདི༔ བུ་དང་ཆུང་མ་འོག་རྟར་བཅས༔ ཆོས་སྐྱོང་ཁྱོད་ལ་གཉེར་དུ་གཏད༔ ད་ལྟ་ཉིད་དུ་ཕྲིན་ལས་མཛོད༔ ཧཱུྃ༔ བཙན་ཡུལ་ཟངས་ཐང་དམར་པོ་ནས༔ བཙན་བྲག་དམར་པོ་ཁྲ་ཚ་ནས༔ བཙན་མཁར་དམར་པོ་ཟངས་ཡག་ནས༔ བཙན་རྗེ་མི་དམར་རྟ་རུ་དམར༔ སྐུ་མདོག་དམར་པོ་འོད་

[Full Size]

དང་བཅས༔ སྐུ་ལ་བསེ་ཁྲབ་དམར་པོ་གསོལ༔ དབུ་ལ་བསེ་རྨོག་དང་རུ་གསོལ༔ ཐང་དཀར་རྒོད་སྒྲོ་ལྡེམས་སེ་ལྡེམ༔ ཕྱག་གཡས་བསེ་མདུང་དམར་པོ་ལ༔ ཁྲག་གི་བ་དན་དམར་པོ་ཕྱར༔ གཡོན་པས་བསེ་ཡི་མདའ་གཞུ་བསྣམས༔ སྤྲུལ་པའི་མི་དམར་སླད་ན་རྒྱུག༔ ཀླད་ན་བྱ་དམར་ལིངས་སེ་ལིང་༔ ཕྱི་ན་ཁྱི་དམར་བྲིངས་སེ་བྲིང་༔ འོད་དམར་འཚུབ་མ་ཀྱི་ལི་ལི༔ བཙན་ཞགས་དམར་པོ་ཁྱུགས་སེ་ཁྱུག༔ དགྲ་སྲོག་དམར་པོ་ཆོད་ལ་ཤོག༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཀླུ་ཡུལ་མུན་པའི་གླིང་དགུ་ནས༔ ཁྱད་པར་ནེ་ཏྲ་སེར་སྔོན་ནས༔ ཀླུ་མཁར་སྔོན་པོ་ལྡེམ་པ་ནས༔ ཀླུ་རྗེ་མྱོས་བྱེད་དབུགས་སྡུད་ནི༔ སྐུ་མདོག་སྔོན་པོ་བཻཌཱུརྱ༔ ཆིབས་སུ་ཀླུ་རྟ་སྔོན་པོ་ཆིབས༔ ཕྱག་གཡས་ནོར་བུ་སྔོན་པོ་བསྣམས༔ ཕྱག་གཡོན་ནད་རྐྱལ་སྦྲུལ་ཞགས་འཛིན༔ སྐུ་ལ་གཡུ་ཁྲབ་སྔོན་པོ་གསོལ༔ དབུ་ལ་མཐིང་རྨོག་སྔོན་པོ་གསོལ༔ དང་རུ་ཕོད་སྔོན་རླུང་ལྟར་འཚུབ༔ བྱ་སྔོན་ཀླད་ནས་ཀྱི་ལི་ལི༔ ཁྱི་སྔོན་ཕྱི་ན་ཁངས་སེ་ཁང་༔ མི་སྔོན་བརྒྱད་ནི་ཤ་ར་ར༔ རླུང་སྔོན་འཚུབ་མ་ཀྱི་ལི་ལི༔ ཀླུ་

[Full Size]

རྒྱལ་མྱོས་པོ་དབུགས་སྡུད་ཁྱོད༔ དགྲ་བོའི་དབུགས་ཐག་མྱུར་དུ་ཆོད༔ མཛེ་ནད་མེ་ལྟར་འབར་དུ་ཆུག༔ མཛེ་སྐྱ་རླུང་ལྟར་འཚུབ་ཏུ་ཆུག༔ གག་ལྷོག་གཟེར་གསུམ་འཁྲུག་ཏུ་ཆུག༔ དགྲ་སྲོག་ཆོད་ལ་དགྲ་དབུགས་སྡུས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་སྤུ་གྲི་མཆེད་གསུམ་ཁ་ལ་གཏོར་མ་གཅིག་ལ་བསྔོ་ནས། ཨོཾ་བདུད་ཏྲི་ས་མ་ཡ་བྷྱོ་བྷྱོ། །བདུད་ཁ་ལ་རཀྵ་རྦད༔ གདོན་བགེགས་ཀྱི་སྲོག་ལ་མཱ་ར་ཡ་རྦད༔ ཤུ་ལ་ར་ཙ་ཏྲི་ཡཾ་དགྲ་བགེགས་ཀྱི་དབུགས་ལ་ཛ་ཛ༔ གདོན་བགེགས་ཀྱི་སྲོག་ལ་རྦད༔ ནཱ་ག་ར་ཙ་གདོན་བགེགས་ཀྱི་སྲོག་ལ་རྦད༔ སྤུ་གྲི་ཙིཏྟ་ཆད་སོད༔ ཅེས་བརྒྱབ་སྟེ༔ ཅེས་རྒྱབ་བོ། །ནད་པ་གསོ་བ་སྨྱོན་པ་དང་བགེགས་འདུལ་བ་ལ་གུ་དྲག་གི་ཕྲིན་ལས་ཐམས་ཅད་སྤུ་གྲིའི་བསྒྲུབ་དགོས་པར་གསུངས་སོ།། ༈ ཧཱུྃ༔ དུར་ཁྲོད་ཆེན་པོ་ཙཱ་རིའི་ཕོ་བྲང་ནས༔ བདུད་མགོན་དཔལ་ལྡན་སེང་གེའི་གདོང་པ་ཅན༔ སྐུ་མདོག་མཐིང་ནག་འོད་དུ་རྩེ་རེ་རེ༔ སྐུ་ལ་དར་ནག་བེར་ཆེན་ལྷུབས་སེ་ལྷུབ༔ སེང་གེའི་ང་རོ་འབྲུག་སྒྲ་དི་རི་རི༔ གཡུ་རལ་སེང་ཆུང་སྐར་ལྟར་ཁྱུགས་སེ་ཁྱུག༔ ཕྱག་གཡས་དར་ནག་བ་དན་ཕྱ་ར་ར༔ གཡོན་པས་ཁྲག་ཟོར་དམར་པོ་ཟངས་སེ་

[Full Size]

ཟང་༔ ཆིབས་རྟ་ནག་པོ་རྒྱུག་འདྲལ་ཁྲ་ལ་ལ༔ བམ་རོ་ཕོ་མོས་གཏོར་ཁྱེར་ཤ་ར་ར༔ ལྷ་སྲིན་སྡེ་བརྒྱད་དམག་དཔུང་འུ་རུ་རུ༔ བདུད་དམག་འབུམ་སྡེས་བཤས་ཁྱེད་ཁྱུགས་སེ་ཁྱུག༔ ཞུབ་ཅན་ལས་བྱེད་སྟོང་དང་སི་ལི་ལི༔ དམ་རྫས་དམར་གྱི་གཏོར་མ་འདི་བཞེས་ལ་བཀའ་བཞིན་ལས་སྒྲུབས་བཅོལ་བའི་ཕྲིན་ལས་མཛོད༔ བྷྱོ༔ དུར་ཁྲོད་ཁྲག་མཚོ་དམར་ནག་ཁོལ་མའི་དབུས༔ བདུད་སྤྲིན་ནག་མོ་དཔལ་ལྡན་སེང་གདོང་མ༔ སྐུ་མདོག་དམར་ནག་འོད་དུ་ཀྱི་ལི་ལི༔ སྐུ་ལ་དར་དམར་བེར་ཆེན་ལྷུབས་སེ་ལྷུབ༔ ཞལ་ནས་སེང་གེའི་སྒྲ་སྐད་འུ་རུ་རུ༔ ཁྲག་རལ་སེང་ཆུང་སྤྲུལ་པ་ཤ་ར་ར༔ རིན་ཆེན་རུས་པའི་རྒྱན་ཆ་སི་ལི་ལི༔ གཡས་པས་ཁ་ཊཾ་དགྲ་སྟ་ཕྱ་ར་ར༔ གཡོན་པས་དགྲ་སྙིང་དམར་པོ་ཁྱུགས་སེ་ཁྱུག༔ ཆིབས་རྟ་དམར་ནག་ལས་ལ་འདུར་རུ་རུ༔ སྡེ་བརྒྱད་དམག་ཚོགས་དགྲ་ལ་ཤ་ར་ར༔ གཤིན་རྗེའི་དམག་ཚོགས་ཁྲོམ་ཐོག་ཉི་ལི་ལི༔ མ་མོ་མཁའ་འགྲོའི་དམག་ཚོགས་སྤུངས་སེ་སྤུང་༔ ལྷ་ཡི་དམག་ཚོགས་བླ་འགུགས་ཏི་རི་རི༔ བཙན་གྱི་དམག་ཚོགས་ཇག་པ་ཤ་ར་ར༔ བདུད་ཀྱི་དམག་ཚོགས་སྒོ་བྲོ་ཁྲིགས་སེ་

[Full Size]

ཁྲིག༔ སྲིན་པོའི་དམག་ཚོགས་སྲོག་ལེན་བྲོ་ལོ་ལོ༔ ཀླུ་ཡི་དམག་ཚོགས་ཚེ་ལེན་ཞུངས་སེ་ཞུང་༔ དམ་ཅན་དམག་ཚོགས་བསོ་སྒྲ་ཏི་རི་རི༔ དྲི་ཟའི་དམག་ཚོགས་དབུགས་ལེན་ཉི་ལི་ལི༔ གནོད་སྦྱིན་དམག་ཚོགས་སྙིང་འབྱིན་འུ་རུ་རུ༔ གཟའ་རྒོད་དམག་ཚོགས་ཐོག་སེར་ཤ་ར་ར༔ འཆི་བདག་དམག་ཚོགས་ཞགས་ཐོགས་ཁྲབས་སེ་ཁྲབ༔ མི་ནག་མང་པོས་འོ་དོད་ལྷངས་སེ་ལྷང་༔ ཨ་ཙ་ར་ཡིས་བྲོ་བརྡུང་ཆེམས་སེ་ཆེམ༔ ཤན་པ་མང་པོས་གྲི་སྐོར་ལིངས་སེ་ལིང་༔ སྔགས་པ་མང་པོས་ཕུར་ཐོགས་ལྷུབས་སེ་ལྷུབ༔ ཕོ་བརྒྱའི་དམག་ཚོགས་མདའ་སྒྲ་ཤ་ར་ར༔ མོ་བརྒྱ་མང་པོས་གཡབ་རྡེབ་ཁྱུགས་སེ་ཁྱུག༔ ཕྲ་མེན་ཉེ་འབྱེད་སེར་ལྟར་ཁྱུགས་སེ་ཁྱུག༔ ཕོ་ཉ་བྲན་གཡོག་སྒོ་ཉལ་ཁུངས་སེ་ཁུང་༔ ཇ་ཐུག་གཡབ་དར་སྣ་ཚོགས་པུ་རུ་རུ༔ ཡམས་ནད་སྣ་ཚོགས་དུད་པ་ཆི་ལི་ལི༔ བྱ་ནག་མང་པོས་གཤོག་སྒྲ་འུ་རུ་རུ༔ ཁྱི་ནག་མང་པོས་འདུར་ཟུག་ཆེམས་སེ་ཆེམ༔ ཀེང་རུས་མང་པོས་གར་བྱེད་ཤིགས་སེ་ཤིག༔ རོ་ལངས་མང་པོས་གར་ཐབས་ལིངས་སེ་ལིང་༔ སྟག་གཟིག་སེང་གེའི་མཆོངས་ཚོགས་མ་གཡེལ་ཅིག༔ ཐུན་ཁྲག་དམར་ཆེན་གཏོར་མ་

[Full Size]

འདི་བཞེས་ལ༔ དམ་ཉམས་དགྲ་བགེགས་མྱུར་དུ་ཁུག་ལ་སོད༔ སྤྲུལ་པ་ཡང་སྤྲུལ་དམག་ཚོགས་ལས་ལ་ཁྱེར༔ ལས་ངན་བྱ་ཆེན་སྣ་ཚོགས་དགྲ་ལ་ཐོངས། བཀའ་བཞིན་ལས་གྱིས་དམ་ཉམས་སྒྲོལ་ལ་ཤོག༔ ཅེས་ཞིང་སྐྱོང་བསྐུལ་པ་ཁྲག་མཚོ་ཁོལ་མ་འདི་ཡིས་རྒྱབ་བོ། །འདི་ནི་ཤིན་ཏུ་དཔའ་གཏུམ་ཆེ་བའི་རྣོ་ནུས་ལ་ཁམས་ཆེན་ཏེ་རྒྱུག་པས་ལྷ་སྲིན་སྡུད་ལ་འཕེན་གསུངས་སོ།་།ཨོ་རྒྱན་གྱིས་ཕུང་རྟ་འུར་བ་མི་ཟན་བཏུལ་དུས་ཀྱང་། ཞིང་སྐྱོང་བསྐུལ་བས་ཐུལ་ལོ། །རཀཱ་སཱ་ཕྲིས་སྟོབས་ལས་བྱུང་བ་ཡི། །ཞེས་སོགས་སྲིན་མགོན་ཡབ་ཡུམ་བརྒྱབ་སྟེ། འདིའི་ངོ་བོ་བདེ་མཆོག་ཡིན་པས་དཔུང་ཆེ་རྣམ་པ་དབང་ཕྱུག་གི་སྤྲུལ་ཡིན་པས་གདོན་ཐུལ་ལོ། །དེ་ནས་ཤིན་ཏུ་གལ་ཆེ་ན། ༈ ཧཱུཾ་བྷྱོ༔ ལྷ་ཆེན་དཔའ་འབར་གཤེགས་སུ་གསོལ༔ ལེགས་ལྡན་ནག་པོ་གཤེགས་སུ་གསོལ༔ ཚོགས་བདག་ཆེན་པོ་གཤེགས་སུ་གསོལ༔ འཛམ་ལྷ་ནག་པོ་གཤེགས་སུ་གསོལ༔ བདུད་རྒྱལ་ཐོད་ཕྲེང་གཤེགས་སུ་གསོལ༔ གནམ་ལྕགས་སྤུ་གྲི་གཤེགས་སུ་གསོལ༔ ནག་པོ་ཐོད་ཕྲེང་གཤེགས་སུ་གསོལ༔ ཆོས་སྐྱོང་ཆེན་པོ་གཤེགས་སུ་གསོལ༔ དགྲ་བོའི་གཤེད་མ་གཤེགས་སུ་གསོལ༔ བགེགས་ཀྱི་གཉེན་པོ་གཤེགས་སུ་གསོལ༔ བདག་གི་

[Full Size]

གྲོགས་པོ་གཤེགས་སུ་གསོལ༔ དམ་ཅན་ཆེན་པོ་གཤེགས་སུ་གསོལ༔ ནག་པོ་བརྗིད་མདངས་ཡ་ལ་ལ༔ སྲིན་མོ་མ་ཚོགས་ཐིབས་སེ་ཐིབ༔ བདུད་པོ་ཁྲམ་ཐོགས་ཉེ་རེ་རེ༔ ཤན་པ་གྲི་ཐོགས་ཟིངས་སེ་ཟིང་༔ ནག་པོ་ཟོར་ཐོགས་ཆེམས་སེ་ཆེམ༔ དར་ནག་རུ་མཚོན་དྲོངས་སེ་དྲོང་༔ གཡབ་དར་ནག་པོ་ལྷབས་སེ་ལྷབ༔ ཉི་མ་ཟླ་བ་ཏ་ལ་ལ༔ མེ་སྟག་འཚུབ་མ་འུ་རུ་རུ༔ དུག་མཚོ་ཁོལ་མ་ཆི་ལི་ལི༔ སྦྲུལ་ནག་མང་པོ་ཁྱུགས་སེ་ཁྱུག༔ དོམ་ནག་ཁྱི་ནག་ང་ར་ར༔ ལྕགས་སྤྱང་ལྕེ་སྤྱང་འདུར་རུ་རུ༔ བྱ་ནག་མང་པོ་ཐིབས་སེ་ཐིབ༔ གཡག་རོག་མང་པོ་ངུ་རུ་རུ༔ རྟ་ནག་མང་པོ་རྩེ་རེ་རེ༔ མོན་པ་གར་བྱེད་ཁྱུགས་སེ་ཁྱུག༔ ལིང་པ་མདའ་འཕེན་སྤྲེངས་སེ་སྤྲེང་༔ བྱ་རོག་ཤ་འཐེན་ལིངས་སེ་ལིང་༔ འུག་པ་རྐན་སྒྲ་ཆེམས་སེ་ཆེམ༔ ཐུན་གྱི་སེར་བ་ཤ་ར་ར༔ རླུང་ནག་འཚུབ་མ་ཀྱི་ལི་ལི༔ མི་ལྤགས་གཡབ་དོར་ལིངས་སེ་ལིང་༔ འགོང་པོ་ངུ་སྐད་ལྷངས་སེ་ལྷང་འདྲེ་ངན་སྐད་ངན་ཅེ་རེ་རེ༔ རྒྱལ་བསེན་མྱ་སྦ་ཏགས་སེ་ཏག༔ ཆོས་སྐྱོང་འཁོར་བཅས་ཐིབས་སེ་ཐིབ༔ ཚུར་བྱོན་ནག་པོ་དམ་ལ་འདུས༔ བརྒྱན་གྱི་མཆོད་གཏོར་

[Full Size]

འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ མ་ནིང་ནག་པོའི་དུས་ལ་བབ༔ དགྲ་གཤེད་ཆེན་པོའི་དུས་ལ་བབ༔ མགོན་པོ་ནག་པོའི་དུས་ལ་བབ༔ ཡབ་རྗེ་ནག་པོའི་དུས་ལ་བབ༔ འཛམ་ལྷ་ནག་པོའི་དུས་ལ་བབ༔ ཏ་ཀི་ནག་པོའི་དུས་ལ་བབ༔ མོན་པ་ནག་པོའི་དུས་ལ་བབ༔ ཤར་གིང་ནག་པོའི་དུས་ལ་བབ༔ ཚོགས་བདག་ཆེན་པོའི་དུས་ལ་བབ༔ ནག་པོ་ཚེ་བདུད་དུས་ལ་བབ༔ སྲིང་གཅིག་ཆེན་མོའི་དུས་ལ་བབ༔ འགྲོ་བ་ཀུན་བཟང་དུས་ལ་བབ༔ མཁའ་འགྲོའི་གཙོ་མོའི་དུས་ལ་བབ༔ ལས་ཀྱི་དབང་ཆེན་དུས་ལ་བབ༔ དཔལ་འབར་རེ་ཏིའི་དུས་ལ་བབ༔ མོན་མོ་ནག་མོའི་དུས་ལ་བབ༔ ཡང་ཁོལ་སྡེ་བརྒྱད་དུས་ལ་བབ༔ འཁོར་གྱི་དམག་ཚོགས་དུས་ལ་བབ༔ དོ་ནུབ་ནམ་གྱི་གུང་ཐུན་ལ༔ བླ་རྐུན་ཇག་པ་ལས་ལ་ཆོས༔ དམ་ཉམས་དགྲ་བོ་གཉིད་སོང་དུས༔ དགྲ་བོའི་བླ་འཁྱམ་ཁྲིད་ལ་ཤོག༔ བསད་རྟགས་དོན་སྙིང་ཁྱེར་ལ་ཤོག༔ དཀོར་རྐུན་སྙིང་རྩ་ཆོད་ལ་ཤོག༔ ཅི་བཅོལ་ལས་རྣམས་ཐམས་ཅད་སྒྲུབས༔ ཟས་སུ་དགྲ་བོའི་ཤ་ལ་ཟོ༔ སྐོམ་དུ་དགྲ་བོའི་ཁྲག་ལ་འཐུང་༔

[Full Size]

ལས་སུ་གནོད་བྱེད་དགྲ་བགེགས་སྒྲོལ༔ དེ་ནས་འོ་དོད་གནད་ནས་བསྐུལ༔ རྔ་བོན་ཐབས་སུ་བརྡུང་ཞིང་༔ ཧཱུཾ་བྷྱོ༔ མ་ཧཱ་ཀཱ་ལ་དམ་ལ་དགོངས༔ ལུས་སྲོག་རྡུལ་དུ་བརླགས་ནས་ཁྱོད་བསྒྲུབ་བོ༔ ཤ་ཁྲག་གཟན་དུ་བོར་ནས་ཁྱོད་བསྒྲུབ་བོ༔ མཐུན་རྫས་དུ་མར་བཅས་ནས་ཁྱོད་བསྒྲུབ་བོ༔ མ་གཡེལ་ལས་མཛད་རྡོ་རྗེའི་དམ་ཚིག་ཅན༔ སྔོན་ཚེ་དཔག་ཏུ་མེད་པའི་སྔོན་རོལ་ནས༔ ལས་སུ་དེ་ནི་དམ་པའི་ཆོས་བྱས་སོ༔ དོན་དུ་དེ་ནི་ཡེ་ཤེས་ལྷ་བསྒྲུབ་བོ༔ སེ་དཀར་ཙམ་ནས་བསྒྲུབ་པའི་གཞུང་བཙུགས་ནས༔ ད་ལྟ་སྐྲ་དཀར་ཙམ་དུ་ཁྱོད་བསྒྲུབ་བོ༔ བྲག་ཕུག་ཞྭ་ལྟར་གྱོན་ནས་ཁྱོད་བསྒྲུབ་བོ༔ ཕུད་དང་ལྷག་མར་བསགས་ནས་ཁྱོད་བསྒྲུབ་བོ༔ སྨན་གཏོར་རཀྟས་མཆོད་ཅིང་ཁྱོད་བསྒྲུབ་བོ༔ ཐུགས་དམ་དུས་ལ་བབ་བོ་ས་མ་ཡ༔ ཧཱུྃ་ལས་བསྐྱེད་པའི་གཞལ་ཡས་རྒྱ་མ་ཆུང་༔ རུ་ཏྲ་ཕོ་མོའི་གདན་བཤམ་དཔངས་མ་འདའ༔ ཉི་ཟླ་པད་གདན་བཤམས་སོ་བརྗིད་མ་བུལ༔ ཡེ་ཤེས་མགོན་པོ་བསྒྲུབས་སོ་རྒྱང་མ་རིང་༔ དམ་ཅན་སྲུང་མ་བསྒྲུབས་སོ་མཐུ་མ་ཆུང་༔ ཕོ་ཉ་མགྱོགས་བྱེད་མངགས་ཤིང་བང་མ་བུལ༔ དུར་ཁྲོད་ཐོད་མཁར་མེ་དཔུང་འཚུབ་

[Full Size]

དཀྱིལ་ནས༔ སྔོན་གྱི་དམ་བཅའ་བཞིན་དུ་ལས་ལ་བྱོན༔ མ་གཡེལ་མ་གཡེལ་ནག་པོ་མཐུ་རྩལ་ཅན༔ བྱ་རྒྱལ་ཁྱུང་ལ་ལྟས་ངན་སྲིན་བྱས་བསྡོས༔ སྒོ་གཤོག་རྭ་ཅོ་རྒྱས་པའི་དོན་རེ་ཆུང་༔ སེང་གེ་དཀར་མོར་ཀུ་ཀུ་ཁྱི་ཡིས་རྩོད༔ རྩལ་གསུམ་ལུས་ལ་རྫོགས་པའི་དོན་རེ་ཆུང་༔ ཡིད་བཞིན་ནོར་བུ་གོར་མོ་རྡོ་དང་འཐབ༔ འདོད་དགུའི་རེ་བ་བསྐང་བ་དོན་རེ་ཆུང་༔ རྣལ་འབྱོར་བདག་ལ་དམ་ཉམས་དགྲ་བོས་བརྙས༔ རྟག་ཏུ་ཆོས་སྐྱོང་མཆོད་པ་དོན་རེ་ཆུང་༔ རྒྱ་མཚོ་དྭངས་བའི་ཆུ་ལ་སྐྱོགས་ཤིག་བཙུས༔ འབྱུང་བ་ནམ་མཁའི་རླུང་ལ་ཞགས་པས་བཟུང་༔ ཏིང་འཛིན་དང་པོར་བསྒོམས་པའི་ཐུགས་རྒྱུད་དཀྲུག༔ དམ་ཅན་ནུས་པ་ཡོད་ན་ར་མདའ་ཟློག༔ སེང་གེ་གངས་སྟོད་འགྲིམ་ཚེ་བུ་ཡུག་བྱུང་༔ རྒོད་པོ་ནམ་འཕང་བཅད་པ་རྙི་ཡིས་བཟུང་༔ ཉ་མོ་རྒྱ་མཚོ་ཉལ་བ་ལྕགས་ཀྱུས་བཟུང་༔ རྣལ་འབྱོར་དམ་ཆོས་སྒྲུབ་པ་དགྲ་ཡིས་འཚེ༔ སངས་རྒྱས་བསྟན་པའི་རྨང་རྡོ་འདི་ཡིས་བཤིག༔ རྒྱལ་ཁམས་སེམས་ཅན་ཡོངས་ལ་འདི་ཡིས་བརྙས༔ སངས་རྒྱས་བསྟན་པ་སྐྱོང་བའི་བདེན་གནས་འཕྲོག༔ དམ་ཆོས་དགེ་བ་བཅུ་ཡི་

[Full Size]

སོ་ནམ་བཅིག༔ ཚེ་གཅིག་སྒྲུབ་པ་བྱེད་པའི་འབྲས་བུ་བཅོམ༔ ཐར་ལམ་བྱང་ཆུབ་བསྒྲོད་པའི་ཟམ་པ་བཅག༔ བདེན་དང་རྫུན་གྱི་ཚིག་མཐའ་བཏབ་རྒྱུ་མེད༔ དམ་ཅན་རྒྱ་མཚོ་མ་གཡེ་ལ་ར་མདའ་ཟློག༔ དམ་ལ་མི་དགོངས་ཕྲིན་ལས་མི་མཛད་ན༔ བདེ་གཤེགས་བཀའ་དང་འགལ་བར་མི་འགྱུར་རམ༔ རྣལ་འབྱོར་བདག་ཅག་ཡི་ཡང་མི་ཆད་དམ༔ ཁྱེད་ཀྱང་ཐུགས་དམ་ཉམས་པར་མི་འགྱུར་རམ༔ དེ་བས་དམ་ལ་མ་འདའ་དགྲ་བགེགས་སྒྲོལ༔ ལོ་དང་ཟླ་བར་བཞག་པའི་ལོང་མེད་ཀྱི༔ ཁྱེད་ཀྱང་ཐུགས་དམ་ཉམས་པར་མི་འགྱུར་རམ༔ སྲོག་རྩ་ཆོད་ལ་སྙིང་ཁྲག་ཐང་ལ་ཕོས༔ ཕུང་བརླག་ཐལ་བ་རླུང་ལ་སྐུར་ལ་ཞོག༔ མ་ཧཱ་ཀཱ་ལ་གདོན་བགེགས་འབྱུང་པོ་ནད༔ འདྲེ་གཅོང་སྲིའི་སྲོག་ལ་རྦད་རྦད་རྒུད་ཆུད༔ ཨེ་ཡཾ་རཾ་སིད་དྷི༔ ཏི་ཏྲ་ལཾ་རུ་ཊ་ཧཱུྃ་བྷྱོ༔ ཞེས་བསྐུལ་བྱང་དམ་བདར་བྱ༔ དེ་ཙམ་གལ་མི་ཆེ་ན་ནི༔ ཧཱུཾ་བྷྱོ༔ ལས་ལ་ཆས་ཚེ་སྲོག་བདུད་ཆ་ལུགས་འཛིན༔ སྐུ་མདོག་མཐིང་ནག་ཞལ་གཅིག་ཕྱག་གཉིས་པ༔ སྲིད་གསུམ་གཟིགས་ཕྱིར་སྤྱན་གསུམ་བྲང་ལ་ཤར༔ དམག་དཔོན་བཞི་འགྱེད་སྤྱན་བཞིས་ལྷུ་ཚིགས་བརྒྱན༔ སྟག་རལ་

[Full Size]

གཟིག་ཤུབས་བཏགས་ནས་རྟ་ནག་ཞོན༔ བདུད་མདའ་དགྲ་སྙིང་གཟེར་འདེབས་གླིང་བཞིར་རྒྱུག༔ སྤྱན་ནས་ཁྲག་འཛག་མེ་ཡི་ཁ་རླངས་འཕྲོ༔ ཁ་ཊཾ་གྲི་གུག་ལྕགས་པར་ཐོགས་ནས་སུ༔ སྣང་སྲིད་ཕོ་རྒྱུད་ཐམས་ཅད་བྲན་དུ་བཀོལ༔ ཅི་བཅོལ་ལས་རྣམས་སྐད་ཅིག་ཉིད་ལ་སྒྲུབས༔ རྟག་ཏུ་གྲོགས་མཛད་མགོན་པོ་ནག་པོ་ཆེ༔ མ་བསྐུལ་བར་ཡང་མནག་པའི་དགྲ་བགེགས་སྒྲོལ༔ གར་བསྐུལ་ས་རུ་མི་རོས་ཚང་མར་བརྩེགས༔ བཟློག་པས་མི་བཟློག་སྔགས་ཟློག་མཁན་གྱི་གཤེད༔ ལྟག་ན་སྤྱན་གཅིག་མ་ཚོགས་དབང་དུ་སྡུད༔ སྡེ་བརྒྱད་བྲན་བཀོལ་སྟག་ཤམ་མིག་བརྒྱས་བརྒྱན༔ གཙུག་ལག་ཁང་སྲུང་དཀོར་རྐུན་རྩད་ནས་ཆོད༔ དྲེགས་པ་ཀུན་འདུལ་ཁྱོད་ལ་ཕྱག་འཚལ་བསྟོད༔ གཏེར་བདག་ཆེན་པོའི་སྐུ་ལ་ཕྱག་འཚལ་བསྟོད༔ ལྷ་ཆེན་དཔལ་འབར་ཁྱོད་ལ་ཕྱག་འཚལ་བསྟོད༔ དམག་དཔོན་ཆེན་པོའི་སྐུ་ལ་ཕྱག་འཚལ་བསྟོད༔ ཤ་ཁྲག་དམར་གྱི་གཏོར་མ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ལས་ཆས་རྒྱབ་སྟེ་ནད་པ་སྲིའུ་གསོ་བའི་མཆོག་ནི་མ་ནིང་ཡིན་ནོ།། ༈ ལྷ་ཆེན་བདུད་པོ་མ་རུངས་པ། །ཞེས་

[Full Size]

སོགས། ཏཱཀྐད་རྒྱབ་དེ་དམ་སྲི་འདུལ་བའི་མཆོག་མཐུ་ཆེའོ། །ཞེས་གསུངས་སོ།། ཧཱུྃ། བླ་མར་དམོད་དང་བསྟན་ལ་སྡང་། །བདག་ལ་གནོད་པའི་དགྲ་དང་བགེགས། །སྤྲུལ་པའི་ཁྲོ་བོས་མྱུར་དུ་ཁུག །ཊཱཀི་རཱ་ཛས་གཡས་ནས་ཆུམ། །བྷི་ན་ཡ་ཀས་གཡོན་ནས་ཆུམ། །གཏོར་མ་འདི་ལ་མྱུར་དུ་ཁུག །རྡོ་རྗེ་ཞགས་པས་དམ་དུ་ཆིངས། །ཌ་མ་རུ་ཡི་མྱོས་པར་གྱིས། །རྩེ་གསུམ་འབར་བས་གནས་གསུམ་ཕུག །གྲི་གུག་འབར་བས་སྲོག་རྩ་ཆོད། །ཕྲེང་བ་ཅན་གྱིས་དོན་སྙིང་ཕྱུང་། །ཐོད་ཁྲག་འབར་བས་སྙིང་ཁྲག་འཐུང་། །འཁོར་གྱི་གནོད་སྦྱིན་བཞི་པོ་དང་། །ལྷ་མོ་དཔལ་མགོན་དམ་ཅན་ཚོགས། །དགྲ་བོའི་ཤ་རུས་ཁྲག་ལ་རོལ། །རྣམ་ཤེས་པདྨ་ཅན་དུ་སྤོར། །ལོ་ཟླ་ཞག་དུས་མ་འགོར་བར། །བཅོལ་བའི་ཕྲིན་ལས་མྱུར་འགྲུབ་མཛོད། །ཁྱད་པར་མྱུར་མགྱོགས་ཕོ་ཉ་ནི། །མོན་པ་ནག་པོ་མི་སྲུན་པ། །གཡས་པས་གྲི་གུག་དགྲ་སྲོག་གཅོད། །གཡོན་པས་ཐན་སྤྲེལ་དམར་པོ་ཁྲིད།། །དགྲ་ལ་ལྟས་ངན་སྣ་ཚོགས་ཕོབ། །དུས་མཚན་ནག་མོ་བྱ་རོག་གདོང་། །ལྕགས་ཀྱི་ལུས་ལ་ཟངས་སྡེར་ཅན། །གཡས་པས་ནད་རྐྱལ་དགྲ་ལ་གཏོར། །

[Full Size]

གཡོན་པས་དར་ནག་གཡབ་མོ་རྡེབ། །སྡང་བའི་དགྲ་ལ་ཆོ་ངེས་ཐོབ། །དམར་གྱི་གཏོར་མ་འདི་བཞེས་ལ། །བཅོལ་བའི་ཕྲིན་ལས་མྱུར་འགྲུབ་མཛོད། །ཅེས་ཕྱག་དྲུག་པ་ཤཱ་ས་ནས་བརྒྱབ་སྟེ༔ བར་ཆད་ཀུན་སེལ་བ་ཡིན་ནོ༔ ཧཱུྃ༔ བྱང་ཤར་ནགས་ཚལ་དུར་ཁྲོད་ཆེན་པོ་ནས༔ ཞེས་སོགས་ཕྱག་བཞི་པ་བརྒྱབ་སྟེ་སྔགས་གཞི་སྙིང་ལ། གདོན་བགེགས་ཀྱི་ཙིཏྟ་སོགས་བསྒྱུར༔ འདི་ལྷ་དམག་དཔུང་ཆེ་བ་དང་སེམས་ཅན་ཀུན་ལ་མགོན་སྐྱབས་མཛད་གསུངས་སོ༔ ཧཱུྃ། བྱང་ཕྱོགས་དུར་ཁྲོད་ཆེན་པོ་ཡི། །གྲོང་ཁྱེར་སུམ་བརྩེགས་ཕོ་བྲང་ནས། །ཡབ་གཅིག་ལེགས་ལྡན་ནག་པོ་ནི། །ཕྱག་ན་ཙན་དན་བེང་ཆེན་བསྣམས། །ལྷ་དམག་བྱེ་བ་འབུམ་གྱི་དབུས། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། མི་འགྱུར་རྡོ་རྗེ་བྲག་གི་ཐེམ་སྟེང་ནས། །གྲུ་གསུམ་མཐིང་ནག་འབར་བའི་གཞལ་ཡས་ན། །སྲས་མཆོག་ནག་པོ་འཇིགས་པའི་གཟུགས། །ལས་ཀྱི་མགོན་པོ་འབུམ་གྱི་དབུས། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །

[Full Size]

ཤར་ཕྱོགས་སྐྱོང་བའི་མགོན་པོ་ནི། །དཔལ་འབར་འཇིགས་པའི་ཆ་བྱད་ཅན། །ཕྱག་ན་ནོར་བུའི་ཞགས་པ་འཛིན། །མགོ་བརྙན་བྱེ་བ་འབུམ་གྱི་དབུས། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །ལྷོ་ཕྱོགས་སྐྱོང་བའི་ནག་པོ་ཆེ། །སེར་ཆེན་འབེབས་ཤིང་བེང་ཆེན་བསྣམས། །གཤིན་རྗེ་འབུམ་གྱི་འཁོར་གྱིས་བསྐོར། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ༔ ཡབ་གཅིག་མགོན་པོའི་བཀའ་ཉན་པ། །ནུབ་ཕྱོགས་སྐྱོང་བའི་གཟི་བརྗིད་ཅན། །འཚལ་བུ་རྟིང་དཀར་ཆིབས་ཤིང་གྲུ་ཚལ་བསྣམས། །ཀླུ་བདུད་མང་པོའི་ཚོགས་ཀྱིས་བསྐོར། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །བྱང་ཕྱོགས་སྐྱོང་བའི་རྣམ་ཐོས་སྲས། །སེང་གེ་ཆིབས་ཤིང་བེང་ཆེན་བསྣམས། །གནོད་སྦྱིན་སྨུག་ནག་འཁོར་གྱིས་བསྐོར། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་

[Full Size]

འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །ཤར་ལྷོ་སྐྱོང་བའི་ཛམ་བྷ་ལ། །སྔོན་པོ་ཆུ་རིས་ཆིབས་པའི་ལྷ་དམག་འབུམ། །སྔོ་ཁྲ་རོལ་དུ་ཁྲིད་པའི་དམ་ཅན་རྣམས། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །ལྷོ་ནུབ་སྐྱོང་བའི་མཛེས་ལྡན་སྲས། །སྟོབས་ཆེན་མགོན་པོ་ནག་པོ་ལ། །རཀྲ་སྲིན་པོའི་འཁོར་གྱིས་བསྐོར། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །ནུབ་བྱང་སྐྱོང་བའི་དམ་ཅན་ནི། །བྲག་ལྷ་མགོན་པོ་ཐིག་ལེ་རྩལ། །རླུང་ལ་ཆིབས་ནས་ཕྱོགས་བཅུར་རྒྱུག །དམ་ཅན་སྐྱེས་བུ་གིང་ཆེན་རྣམས། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །བྱང་ཤར་སྐྱོང་བའི་རྣམ་སྣང་ཅན། །གཙུག་ཏོར་ལྗང་གུ་འཁོར་བཅས་ཀྱང་། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་

[Full Size]

ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །སྟེང་ཕྱོགས་སྐྱོང་བའི་གཙུག་ཕུད་ཅན། །དམག་དཔོན་ཆེན་པོ་ཡ་བདུད་འཇོམས། །གཟའ་ཆེན་བརྒྱད་ཀྱི་འཁོར་གྱིས་བསྐོར། །ལྷ་སྲིན་སྡེ་བརྒྱད་ཕོ་ཉར་འགྱེད། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །འོག་ཕྱོགས་སྐྱོང་བའི་བརྟན་མ་ནི། །ཀླུ་ཆེན་ས་བདག་འཁོར་བཅས་ཀྱིས། །གདུག་པ་ཐམས་ཅད་འདུལ་མཛད་པ། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །བདུད་དམག་བྱེ་བ་འབུམ་གྱི་དབུས། །གདུག་པ་འདུལ་མཛད་ཐོད་ཕྲེང་ཅན། །རྟ་ནག་ཆིབས་པའི་མགོན་པོ་ཡང་། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། །ཡབ་གཅིག་མགོན་པོའི་བཀའ་ཉན་པ། །ཁྲག་འཐུང་མ་མོ་རྫུ་འཕྲུལ་ཅན། །སྲིད་གསུམ་མ་མོའི་ཚོགས་ཀྱིས་བསྐོར། །དྲེལ་རྟ་ཆིབས་ཤིང་བསྟན་པ་སྲུངས། །འདིར་གཤེགས་

[Full Size]

བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཡབ་གཅིག་མགོན་པོའི་བཀའ་ཉན་པ། །སྤྲུལ་པ་ཡང་སྤྲུལ་བསམ་མི་ཁྱབ། །བྱ་ནག་ཚོགས་དང་ཁྱི་ནག་ཚོགས། །ཅེ་སྤྱང་ཚོགས་དང་གདུག་པའི་ཚོགས། །ཐོགས་མེད་རྫུ་འཕྲུལ་སྟོབས་དང་ལྡན། །ཤ་ལ་དགའ་ཞིང་ཁྲག་ལ་མོས། །དུར་ཁྲོད་འགྲིམ་ཞིང་བཤུག་གླུ་ལེན། །དཔལ་གྱི་འཁོར་ཚོགས་མ་ལུས་པ། །འདིར་གཤེགས་བརྒྱན་པའི་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཧཱུཾ། སྔོན་ཚེ་དཔལ་ཆེན་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །རིག་འཛིན་རྣམས་ཀྱི་བསྟན་པ་སྲུངས་། །གཏུམ་ཞིང་གདུག་པའི་དགྲ་བགེགས་རྣམས། །མྱུར་དུ་བསྒྲལ་བའི་ཕྲིན་ལས་མཛོད༔ ཅེས་བེར་ནག་ཅན་ཡབ་རྐྱང་ཕྱོགས་བཅུའི་མགོན་པོའི་བསྐུལ་འདིས་ཕྲིན་ལས་རྣམ་བཞི་བསྒྲུབ་མི་དགོས་པས་འགྲུབ་པར་གསུངས་སོ༔ ༈ ཧཱུཾ་བྷྱོ༔ མ་སྐྱེས་རྫོགས་པ་ཆོས་ཀྱི་དབྱིངས་ཉིད་ལས༔ སྐྱེ་བའི་ཆོ་འཕྲུལ་བར་བའི་སྐུར་སྟོན་པ༔ འགྲོ་བའི་དོན་མཛད་ཡེ་ཤེས་མཁའ་འགྲོ་མ༔ ནམ་མཁའི་མདོག་ཅན་དབུ་ནི་སེང་གེའི་གདོང་༔ གཅེར་བུ་

[Full Size]

ལོངས་སྤྱོད་རྫོགས་པའི་སྐུ་མངའ་བ༔ ཕྱག་གཡས་གྲི་གུག་གཡོན་པས་ཐོད་ཁྲག་འཛིན༔ དུག་ལྔ་གཅོད་ཅིང་སྐྱེ་མེད་དབྱིངས་སུ་རོལ༔ རྩེ་གསུམ་མཆན་དུ་བཟུང་ནས་དུག་གསུམ་སྒྲོལ༔ རུས་རྒྱན་མེ་ལོང་རྒྱན་གྱིས་ཌཱཀི་དབང་དུ་སྡུད༔ ཡེ་ཤེས་མེ་རིས་མ་རིག་མུན་པ་འཇོམས༔ གཡས་བསྐུམ་གཡོན་བརྐྱང་ཐབས་ཤེས་དབྱེར་མེད་ངང་༔ པདྨ་ཉི་ཟླ་བམ་རོའི་གདན་ལ་བཞུགས༔ རང་བཞིན་གནས་ནས་སྤྱན་འདྲེན་གཤེགས་སུ་གསོལ༔ བྷྱོ༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ ཀུན་ཀྱང་ཡང་སྤྲུལ་བསམ་མི་ཁྱབ༔ གུས་པས་ཡིད་ཀྱི་ཕྱག་འཚལ་ལོ༔ ན་མོ་ལྕང་ལོར་བཅས་པའི་བྷནྡྷ་རུ༔ དམར་གཏོར་ཁྲག་དང་ཞག་གིས་བརྒྱན༔ ཤ་སྣ་སྙིང་སྣའི་རྒྱལ་མཚན་བཙུགས༔ མཁའ་འགྲོ་འཁོར་བཅས་ཐུགས་དམ་བསྐང་༔ རཀྟའི་རྦ་ཀློང་ཕྱ་ར་ར༔ འོ་མཚོ་དཀར་དྭངས་ཀྱི་ལི་ལི༔ ཞག་གི་རྒྱ་མཚོ་མེ་རེ་རེ་ཞུ་ཆེན་གསུར་དུད་ཀྱི་ལི་ལི༔ རྔ་དུང་རོལ་མོ་ཏི་རི་རི༔ རྐང་གླིང་ཐོད་རྔ་ཁྲོ་ལོ་ལོ༔ དགྲ་བོའི་ཤ་ཁྲག་དམར་ཉི་ལི༔ མཁའ་འགྲོ་འཁོར་བཅས་ཐུགས་དམ་བསྐང་༔ དམ་ཉམས་

[Full Size]

དགྲ་བགེགས་མྱུར་དུ་སྒྲོལ༔ ཌཱ་ཀི་སིང་ཧ་མུ་ཁ་ཨགྷཾ་སོགས། མ་ཧཱ་མཱི་ས༔ ཙིཏྟ༔ རཀྟ༔ གོ་རོ་ཙ་ན༔ བ་སུ་ཏ༔ བ་ལིཾ་ཏ་ཁཱ་ཧི༔ ཧཱུྃ༔ ང་ནི་དབང་དྲག་ཆེ་མཆོག་བདག༔ བྷྱོ༔ བཞེངས་ཤིག་བཞེངས་ཤིག་དབྱིངས་ནས་བཞེངས༔ ཁྲག་མཚོ་ཁོལ་མའི་དབུས་ནས་བཞེངས༔ སྲུང་མ་འཁོར་དུ་རོལ་ཞིང་བཞེངས༔ བདག་ལ་བརྣག་པའི་དགྲ་བོ་འདིས༔ བླ་མ་དམ་པའི་སྐུ་ལ་བསྡོས༔ སངས་རྒྱས་བསྟན་པའི་རྨང་རྡོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ ཆོས་མཛད་ཡོངས་ལ་བརྙས་སུ་བྱས༔ དགེ་བ་བཅུ་ཡི་བསོད་ནམས་བཅག༔ མི་དགེ་བཅུ་ནི་དང་དུ་བླངས༔ རྣལ་འབྱོར་བདག་དང་བསྡོས་སུ་བཙུགས༔ སྔགས་སྲུང་ཁྱེད་ལ་མཐུ་མེད་ཟེར༔ བསྐུལ་ལོ་མཁའ་འགྲོ་ལས་ལ་བསྐུལ༔ འདི་ལ་ཁྱེད་ཀྱི་མཐུ་མེད་པ༔ ཁྲག་འཐུང་ཆེན་པོའི་བཀའ་ཡང་བཅག༔ ཁྱོད་ཀྱང་དམ་ཚིག་ཉམས་པ་སྟེ༔ རྣལ་འབྱོར་ཡི་ཡང་མི་ཆད་དམ༔ རྒྱུ་འབྲས་བདེན་པས་མི་བསླུ་འམ༔ དགྲ་བོ་ཚེ་ཟད་དུས་ཐེམ་ན༔ ཁྱེད་ཀྱི་མཐུ་རྩལ་ཅི་ཞིག་བྱ༔ གློ་བུར་ཧུར་ཐུམ་དུས་ལ་བབ༔ སྲོག་རྩ་ཆོད་ལ་སྙིང་ཁྲག་འཐུང་༔ ལོ་དང་ཟླ་

[Full Size]

བར་བཞག་ཐབས་མེད༔ བསད་རྟགས་དོན་སྙིང་ད་ལྟ་ལོངས༔ དུས་ལ་བབ་བོ་ས་མ་ཡ༔ ཨ་ཀ་ས་མ་ར་ཙ་ཤ་ད་ར་ས་མཱ་ར་ཡ་ཕཊ༔ ཞེས་སེང་གདོང་མ་རྒྱབ། གདོན་དང་བྱད་ཁ་ཐམས་ཅད་འཇོམས་པའོ།། ༈ ཧཱུྃ། འཇིག་རྟེན་འདས་དང་མ་འདས་མཚམས་ཤེད་ནས། །རྒྱ་མཚོ་ཀློང་ཡངས་འཁྲུགས་པའི་ནད་ཤེད་ན། །བསྐལ་པའི་སྦྲུལ་དང་མུན་ནག་གཏིབས་པ་ནས། །དུག་གསུམ་རང་གཟུགས་འཆི་བདག་མགོ་དགུ་པ། །བདུད་ཀྱི་བདུད་གཤེད་གདུག་པ་ཀླུ་ཡི་གཤེད། །དེ་དང་གཉིས་མེད་གདུག་པའི་བུད་མེད་ཆེ། །སྦལ་མགོ་ཁྲག་གི་མིག་དགུ་སྦྲུལ་མཇུག་ཅན། །དགྲ་བོ་གསོད་ལ་ཁྱོད་ལས་ལྷག་པ་མེད། །སྐུ་ནི་དཔའ་བརྗིད་ནམ་མཁའི་ཁམས་དང་མཉམ། །སྟེང་གི་ས་བདག་ཐམས་ཅད་ཁ་ལོ་སྒྱུར། །སྤྱན་གྱིས་ཧུར་ཧུར་ས་དང་བར་སྣང་གཟིར། །གདུག་པ་ཅན་གྱི་གཉན་རིགས་ཐམས་ཅད་ཁོལ། །སྐུ་ནི་རི་རབ་ཆེན་པོའི་ངོས་ལ་བརྟེན། །ནང་གི་ལྷ་སྲིན་སྡེ་བརྒྱད་དམག་ཏུ་ཁོལ། །མཇུག་མ་རྒྱ་མཚོ་ཆེན་པོའི་ཀློང་ན་འཁྱིལ། །གདུག་པའི་ཀླུ་ཚོགས་ཐམས་ཅད་ཕོ་ཉར་འགྱེད།། །ཕུང་བྱེད་འཆི་བདག་འཁོར་དང་བཅས་པ་རྣམས། །དུས་

[Full Size]

བཞིར་སངས་རྒྱས་བསྟན་པའི་མེལ་ཚེ་མཛོད། །དམ་རྫས་བརྒྱན་པའི་གཏོར་མ་འདི་བཞེས་ལ། །ཀླུ་ནད་གཉན་ནད་ས་བདག་ནད་རྣམས་ཟློག །གག་ལྷོག་གཟེར་གསུམ་རིམས་དང་འབྲུམ་ནད་དང་། །མཛེ་དང་ཤུ་བ་གཡན་པའི་ནད་རྣམས་ཟློག །གཏད་མནན་ངག་གནོན་སེམས་ཀྱི་ངན་སྦྱོར་དང་། །ཀླུ་ཆེན་རྣམས་ཀྱིས་ཞགས་པས་བཅིངས་པ་ཟློག །མཐོང་དུག་རེག་དུག་མཆེ་དུག་ཁ་རླངས་དུག །བསམ་པ་ངན་དང་ཞེ་སྡང་དུག་རྣམས་ཟློག །ཀླུ་བདུད་ཀླུ་བཙན་ཀླུ་སྨན་གནོད་པ་ཟློག །གཉན་དང་ས་བདག་ས་སྲིའི་གནོད་པ་ཟློག །ས་འདྲེ་ས་སྲིན་ཕུང་འདྲེའི་གནོད་པ་ཟློག །ཀླུ་སྲིན་འཆི་བདག་མགོ་དགུའི་དུས་ལ་བབ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད་། །ཅེས་ནཱག་རཀ་བརྒྱབ་ནས་ཀླུ་ས་བདག་གི་གནོད་པ་ཚར་གཅོད་པ་ལ་ཟབ་བོ།། ཧཱུྃ༔ བདེ་ཆེན་དབང་དྲག་རོལ་པའི་དཀྱིལ་འཁོར་ནས༔ བྱ་གྷི་བ་མཐིང་ནག་འབར་བའི་སྐུ༔ ཞལ་གཅིག་ཕྱག་གཉིས་ཞབས་གཉིས་འདོར་ཐབས་བསྒྲད༔ ཞལ་གདངས་ལྗགས་འདྲིལ་རྣོ་དབལ་མཆེ་བ་གཙིགས༔ དགྲ་བགེགས་ཤ་ཁྲག་རུས་པ་ཁྲུམ་ཁྲུམ་རོལ༔ རྟ་མགོ་ལྗང་

[Full Size]

ཞུར་རྟ་སྐད་ཕྱོགས་བཅུར་སྒྲོག༔ ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན༔ སྙན་ནས་འབྲུག་སྒྲོག་དྲེགས་པ་བརྒྱལ་ཞིང་འབོགས༔ ལྕགས་ཀྱི་རལ་པས་ས་གཞི་ཁྱབ་པར་སྤྲུགས༔ ཁྲོ་ཆུང་མང་པོས་དགྲ་བགེགས་ཐལ་བར་བརླག༔ སྤྱན་མིག་དམར་ཟླུམ་སྡང་མིག་ཕྱོགས་བཅུར་བསྒྲད༔ དྲེགས་པ་ཕོ་མོ་འདར་ཞིང་སྔངས་བར་བྱེད༔ ཤངས་ནས་རླུང་འཚུབ་དགྲ་བགེགས་ཐལ་བར་གཏོར༔ འབར་བའི་ཞལ་བསྒྲད་གདངས་སྐད་བཏོན་པ་ཡིས༔ སྲིད་པ་གསུམ་ཡང་ཞལ་དུ་གསོལ་ཞིང་རོལ༔ ཕྱག་གཡས་རལ་གྲི་འབར་བས་དགྲ་བགེགས་གཏུབས༔ ཕྱག་གཡོན་ལྕགས་ཀྱུས་འཛིན་ཅིང་ཞགས་པས་སྡོམས༔ ཀླུ་རྣམས་འདུལ་ཕྱིར་སྦྲུལ་རིགས་ལྔ་ཡིས་བརྒྱན༔ འཁོར་བ་སྟོང་མཛད་མགོ་ཕྲེང་ལྔ་བཅུས་བརྒྱནུ༔ གླང་ཆེན་ཀོ་རློན་སྟོབས་བཅུ་ལྷུན་གྱིས་རྫོགས༔ ཞིང་གི་གཡང་གཞིས་དྲེགས་པ་རུ་ཏྲ་སྒྲོལ༔ སྟག་ཤམ་ང་རྒྱལ་དྲེགས་པ་དབང་དུ་སྡུད༔ དར་ནག་བེར་ཆེན་སྣང་སྲིད་ཟིལ་གྱིས་གནོན༔ བ་སྤུའི་རྩེ་ནས་མེ་ཡི་ཚྭ་ཚྭ་འཕྲོ༔ ཁྲོ་ཚོགས་མང་པོ་ནམ་མཁའི་རླུང་ལྟར་འཚུབ༔ ཞབས་གཉིས་འདོར་ཐབས་ཀླུ་དང་དགྲ་བགེགས་མནན༔

[Full Size]

རྟ་ནག་འབར་བའི་ཐུགས་དམ་དུས་ལ་བབ༔ བདག་ནི་དབང་ཆེན་བསྒྲུབ་པའི་དམ་ཚིག་ཅན༔ ཁྱོད་ཀྱི་ཐུགས་དམ་གནད་ནས་བསྐུལ་བའི་ཚེ༔ གདུག་པའི་དགྲ་བགེགས་འདུལ་བའི་དུས་ལ་བབ༔ ནག་པོ་ཀླུ་གཉན་འདུལ་བའི་དུས་ལ་བབ༔ ནཱ་ག་རཀཱ་འདུལ་བའི་དུས་ལ་བབ༔ གཉན་ཆེན་སྡེ་བརྒྱད་འདུལ་བའི་དུས་ལ་བབ༔ རྒྱལ་རིགས་དཀར་པོ་འདུལ་བའི་དུས་ལ་བབ༔ བྲམ་ཟེ་དམར་པོ་འདུལ་བའི་དུས་ལ་བབ༔ རྗེ་རིགས་སེར་པོ་འདུལ་བའི་དུས་ལ་བབ༔ དམངས་རིགས་ལྗང་གུ་འདུལ་བའི་དུས་ལ་བབ༔ གདོལ་པ་ནག་པོ་འདུལ་བའི་དུས་ལ་བབ༔ རྒྱལ་བསེན་ཕོ་མོ་འདུལ་བའི་དུས་ལ་བབ༔ པེ་ཧར་སྲོག་བདག་འདུལ་བའི་དུས་ལ་བབ༔ དམ་སྲི་དཀར་ནག་འདུལ་བའི་དུས་ལ་བབ༔ ལྷ་སྲིན་སྡེ་བརྒྱད་འདུལ་བའི་དུས་ལ་བབ༔ རང་བཞིན་ཆོས་ཀྱི་དབྱིངས་ལས་མ་གཡོས་ཀྱང༔ དྲེགས་པ་འདུལ་ཕྱིར་རྟ་ནག་ཁྲོས་པའི་སྐུ༔ གནོད་སྦྱིན་ནག་པོ་ཀླུ་དང་རྒྱལ་བསེན་གཤེད༔ བཀའ་ཡི་གཏོར་མ་ཤ་ཁྲག་དམར་གྱིས་བརྒྱན༔ རྔམ་ཞིང་རྔམ་ཞིང་ཞལ་དུ་ཁ་རཾ་ཁཱ་ཧི༔ ནག་པོ་ཀུན་རྒྱུག་ཞལ་དུ་ཁ་རཾ་ཁཱ་ཧི༔ སྤྲུལ་པ་ནག་པོའི་

[Full Size]

ཞལ་དུ་ཁ་རཾ་ཁཱ་ཧི༔ ཆེ་བཙན་ཡོན་ཏན་མ་ལུས་རྫོགས་པའི་སྐུ༔ མཐུ་སྟོབས་རྩལ་ལྡན་ཁྱོད་ལ་ཕྱག་འཚལ་བསྟོད༔ དམ་ཚིག་ཆེན་པོའི་ཐུགས་དམ་གནད་ནས་བསྐུལ༔ བདག་གིས་བཅོལ་བའི་ཕྲིན་ལས་འགྲུབ་པར་མཛོད༔ ཅེས་རྟ་མགྲིན་ནག་པོ་འདི་བརྒྱབ་སྟེ༔ རྒྱལ་བསེན་དང་ཀླུ་དང་ས་བདག་གི་གནོད་པ་ཚར་གཅོད་དོ༔ ཧཱུྃ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ལྷོ་ཕྱོགས་ཕ་ཀི་ན༔ ལས་ཀྱི་གཤིན་རྗེའི་ཞིང་ཁམས་ནས༔ ཚ་བའི་མེ་དང་གྲང་བའི་ཆུ༔ ཚ་གྲང་འཁྲུགས་པའི་དཀྱིལ་འཁོར་ནས༔ ཤིན་ཏུ་འཇིགས་པའི་ཕོ་བྲང་ནས༔ སྟེང་ནི་རལ་གྲིའི་ལྡིང་ཁང་ཞབས༔ འོག་ནི་སྤུ་གྲིའི་ས་གཞི་ལ༔ བར་སྣང་སྤུ་གྲི་ཆུ་གྲི་དང་༔ མཚོན་ཆའི་འཆོལ་བའི་མཚོ་སྟེང་དུ༔ སྤུ་གྲི་རལ་གྲི་ཆུ་གྲི་དང་༔ དུག་ཕུར་གཏམས་པའི་ཁྲི་སྟེང་དུ༔ པདྨ་ཉི་མའི་གདན་སྟེང་ལ༔ དྲེགས་ཆེན་བཅོ་བརྒྱད་ཁྲི་རུ་བརྩིགས༔ བདུད་དང་མུ་སྟེགས་ལྷ་སྲིན་དང་༔ ཉམས་པའི་དགྲ་བོ་བམ་གྱི་ཚོགས༔ མ་རུངས་རུ་ཏྲའི་ཁྲི་སྟེང་དུ༔ སངས་རྒྱས་ཀུན་གྱི་སྐུ་གསུང་ཐུགས༔ བདེ་གཤེགས་ཀུན་གྱི་སྤྲུལ་པ་སྟེ༔ ལས་ཀྱི་གཤིན་རྗེ་བཞུགས་པ་ནི༔ སྐུ་མདོག་དམར་ནག་མེ་ལྟར་

[Full Size]

འབར༔ ཞལ་གསུམ་ཕྱག་དྲུག་འཇིགས་པའི་གཟུགས༔ གཡས་ལྗང་གཡོན་དམར་དབུས་མཐིང་ཞལ༔ གཡས་ཞལ་ལྗང་ཞིང་གཏུམ་པ་ཡི༔ དབུས་ཞལ་དམར་ནག་ཁྲོས་པ་ཡིས༔ གནོད་བྱེད་བྱེད་མ་ཞལ་དུ་གསོལ༔ དབུ་གསུམ་སྟེང་དེར་མཆོད་རྟེན་གསུམ༔ གཡས་པ་ལྕགས་ལ་གཡོན་པ་དུག༔ དབུས་ནི་ཁྲོ་ཆུའི་མཆོད་རྟེན་ཏེ༔ འདས་དང་མ་འོངས་དུས་གསུམ་གྱི༔ ཕྱོགས་བཅུའི་སངས་རྒྱས་དབུ་ལ་བཞུགས༔ སྲུང་སྐྱོབ་ཚེ་དབང་ཆོས་ཀྱི་སྐུ༔ ཕྱག་དྲུག་གཡས་གསུམ་དགྲ་སྟ་ཡིས༔ བྱད་མ་དམ་ཉམས་མགོ་ལུས་ཕྲལ༔ གཡོན་སྙིང་སྲོག་རྩར་བཅས་པ་ཡི༔ དྲེགས་ཆེན་བཅོ་བརྒྱད་ཞལ་དུ་གསོལ༔ སྐུ་ལ་དུག་སྦྲུལ་ཆུན་པོས་བརྒྱན༔ གདུག་པའི་ཚིགས་རྣམས་དབང་དུ་སྡུད༔ སྤྱན་གསུམ་སྡང་མིག་ཕྱོགས་བཅུར་གཟིགས༔ སངས་རྒྱས་བསྟན་པའི་བྱ་ར་མཛད༔ ཞལ་གསུམ་གདངས་ཤིང་རབ་ཏུ་བསྒྲད༔ མཆེ་བ་བཅུ་གཉིས་གཙིགས་པ་ཡིས༔ བྱད་མའི་དོན་སྙིང་ཞལ་དུ་གསོལ༔ ལྗགས་གསུམ་འགྲིལ་ཞིང་རྐན་སྒྲ་རྡེབ༔ སྟོང་གསུམ་ལྷ་འདྲེ་ཞལ་དུ་གསོལ༔ རལ་གྲིའི་གཤོག་པ་གཡས་པ་ཡིས༔ དགྲ་བོ་ཕོ་

[Full Size]

རྒྱུད་རླག་པར་བྱེད༔ ཆུ་གྲིའི་གཤོག་པ་གཡོན་པ་ཡིས༔ དགྲ་བོ་མོ་རྒྱུད་དམྱལ་ཐག་གཅོད༔ སྐུ་སྐྱེད་ཆུ་སྲིན་རྔམ་ཞལ་ཅན༔ སྟོང་གསུམ་འཇིག་རྟེན་ཞལ་དུ་གསོལ༔ སྐུ་སྨད་ཁྲོ་ཆུའི་ཕུར་པ་སྟེ༔ ཟུར་གསུམ་དབལ་དང་ལྡན་པ་ཡིས༔ དགྲ་བོ་བྱད་མའི་སྲོག་སྙིང་གཟིར་སྐུ་ལ་བསྐལ་པའི་མེ་དཔུང་འབར༔ དམིགས་པའི་དགྲ་བགེགས་གཞོབ་ཏུ་བསྲེག༔ པ་སྤུའི་གསེབ་ནས་ཁྲོ་ཆུང་འགྱེད༔ དགྲ་བགེགས་བྱད་མ་རྡུལ་དུ་རློགས༔ ལས་ཀྱི་གཤིན་རྗེ་མཐུ་རྩལ་ཅན༔ འཁོར་དུ་གཤིན་རྗེ་འབུམ་གྱིས་བསྐོར༔ སྟོང་གསུམ་འཇིག་རྟེན་ཁྱབ་པར་ཉུལ༔ ཁྱོད་ཀྱི་ཐུགས་དམ་དུས་ལ་བབ༔ གང་ལ་དམིགས་པ་རྡུལ་དུ་རློགས༔ འཆི་བདག་ནག་པོའི་དུས་ལ་བབ༔ གནོད་བྱེད་ཕོ་རྒྱུད་ཚོགས་རྣམས་རྡུལ་དུ་རློགས༔ ཚེ་བདག་ནག་པོའི་དུས་ལ་བབ༔ དགྲ་བགེགས་མོ་རྒྱུད་རྡུལ་དུ་རློགས༔ སྲོག་བདག་ནག་པོའི་དུས་ལ་བབ༔ གནོད་བྱེད་ལྷ་འདྲེ་རྡུལ་དུ་རློགས༔ བེ་བྷ་པྲ་ཏིའི་དུས་ལ་བབ༔ གནོད་བྱེད་ལྷ་སྲིན་སྡེ་བརྒྱད་རྡུལ་དུ་རློགས༔ ཟ་བ་ལྗང་ནག་དུས་ལ་བབ༔ བདུད་དང་མུ་སྟེགས་རྡུལ་དུ་རློགས༔ ཡ་མ་རཱ་ཙའི་དུས་ལ་བབ༔ དགྲ་

[Full Size]

བགེགས་ཐལ་བ་རྡུལ་དུ་རློགས༔ ཁྲོ་ཆུ་དུག་གདོང་དུས་ལ་བབ༔ གནོད་བྱེད་ཐམས་ཅད་རྡུལ་དུ་རློགས༔ སྤྱི་གཤེད་དུག་གདོང་དུས་ལ་བབ༔ གནོད་བྱེད་ཕྱི་ནང་རྡུལ་དུ་རློགས༔ དགྲ་བགེགས་ཤ་ཁྲག་འདི་གསོལ་ལ༔ གནོད་བྱེད་བྱད་མ་ལྷ་སྲིན་སྡེ་བརྒྱུད་དང་༔ བན་བོན་ཤན་པ་མུ་སྟེགས་ཚོགས༔ དྲེགས་ཆེན་བཅོ་བརྒྱད་ལྷ་འདྲེ་སྟོང་༔ བྱད་མ་འབུམ་དང་བཅས་པ་རྣམས༔ སྐད་ཅིག་ཉིད་ལ་བརླག་པར་མཛོད༔ བརྒྱན་གྱི་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ཁྲོ་ཆུའི་བསྐུལ་འདིས་བརྒྱབ་སྟེ༔ གཤིན་རྗེ་སྤྱི་འཇོམས་ནག་པོ་ཡིན་པས་འདི་ཡིས་མི་ཐུབ་པ་གཅིག་ཀྱང་མེད་དོ༔ ཧཱུྃ༔ ཆོས་སྐུ་ཞི་བའི་ངང་ལས་མ་གཡོས་ཀྱང་༔ གཟུགས་སྐུ་པདྨ་འོད་འབར་སྐད་ཅིག་ལ༔ རྔམ་བརྗིད་ཁྲོས་པའི་ངར་སྐད་ཕྱོགས་བཅུར་སྒྲོག༔ སྤྲུལ་པ་ཡང་སྤྲུལ་དཔག་ཡས་འཇིགས་ཚུལ་སྟོན༔ ཆེ་མཆོག་དམར་ནག་མེ་ཡི་ཕྲེང་བ་ཅན༔ དེང་འདིར་རྣལ་འབྱོར་བདག་གི་གྲོགས་ལ་བྱོན༔ ཛཿ ཆོས་ཀྱི་དབྱིངས་ནས་སྒྱུ་མར་སྐུ་བཞེངས་ལ༔ དུག་གསུམ་འབར་བའི་ཁྲོ་གཏུམ་འཇིགས་གཟུགས་ཅན༔ དྲེགས་པ་སྡེ་བརྒྱད་འདུལ་ཕྱིར་

[Full Size]

གཤེགས་སུ་གསོལ༔ རྒྱལ་བསེན་དམ་སྲི་འདུལ་ཕྱིར་གཤེགས་སུ་གསོལ༔ གཉན་ལྷོག་སྨྱོ་འབོག་འདུལ་ཕྱིར་གཤེགས་སུ་གསོལ༔ མཐའ་ཡི་དམག་དཔུང་བཟློག་ཕྱིར་གཤེགས་སུ་གསོལ༔ སྣང་སྲིད་བྲན་དུ་བཀོལ་ཕྱིར་གཤེགས་སུ་གསོལ༔ དབང་དང་དངོས་གྲུབ་སྩོལ་ཕྱིར་གཤེགས་སུ་གསོལ༔ མཆོད་པ་ནི༔ ཧཱུྃ༔ སྲིད་གསུམ་ཡེ་ནས་གཏོར་གཞོང་དུ༔ སྣང་སྲིད་ཐམས་ཅད་གཏོར་མར་སྦྱང་༔ འཁོར་འདས་ཡོངས་སྒྲོལ་ཆེན་པོའི་ཚོགས༔ དབང་དྲག་འབར་བ་ཁྱེད་ལ་འབུལ༔ སྟོང་གསུམ་སྟོང་གི་གཏོར་གཞོང་དུ༔ རི་རབ་འབར་བའི་དཔལ་བཤོས་བཙུགས༔ སྐྱེ་འགྲོ་སེམས་ཅན་གྲངས་ལས་འདས༔ དབང་དྲག་འབར་བ་ཁྱེད་ལ་འབུལ༔ བྷནྡྷ་འབར་བའི་གཏོར་གཞོང་དུ༔ དགྲ་བགེགས་ཤ་ཁྲག་ཐོད་ཚིལ་སྤུངས༔ ཞག་དང་རླངས་པ་ཆི་ལི་ལི༔ དབང་དྲག་འབར་བའི་ཐུགས་དམ་བསྐང་༔ བདུད་རྩི་གཏོར་ཆེན་རཀྟའི་ཚོགས༔ སྦྱོར་སྒྲོལ་ཏིང་འཛིན་ཚོགས་མཆོད་དང་ཕྱི་ནང་གསང་བའི་མཆོད་སྤྲིན་གཏིབས༔ དབང་དྲག་འབར་བའི་ཐུགས་དམ་བསྐང་༔ ཧཱུྃ༔ བདེ་ཆེན་རང་བཞིན་ཁྲོས་པའི་དཀྱིལ་འཁོར་ནས༔ དཀོན་

[Full Size]

མཆོག་སྤྱི་འདུས་དམར་ནག་འབར་བའི་སྐུ༔ ཟུར་ཞལ་གཡོན་གཟིགས་ཞབས་གཉིས་འདོར་ཐབས་བསྒྲད༔ ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས༔ དགྲ་བགེགས་ཤ་ཁྲག་རུས་པ་ཀྲུམ་ཀྲུམ་གསོལ༔ སྤྱན་གསུམ་དམར་ཟླུམ་སྡང་མིག་ཕྱོགས་བཅུར་བསྒྲད༔ དྲེགས་པ་ཕོ་མོ་འདར་ཞིང་བསྔངས་བར་བྱེད༔ ཤངས་ནས་རླུང་འཚུབ་འབྲུག་སྒྲ་ལྡིར་བ་ཡིས༔ ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན༔ དབུ་སྐྲ་ཁམ་ནག་ནམ་མཁའི་དབྱིངས་ལ་བསྒྲེངས༔ ཁྲོ་ཆུང་མང་པོས་དགྲ་བགེགས་ཐལ་བར་རློགས༔ ཕྱག་གཡས་གསེར་གྱི་རྡོ་རྗེས་མཐའ་དམག་ཟློག༔ གཡོན་པས་ལྕགས་སྡིག་ནག་པོའི་སྤྲུལ་པ་འགྱེད༔ ཀླུ་རྣམས་འདུལ་ཕྱིར་སྤྲུལ་རིགས་ལྔ་ཡིས་བརྒྱན༔ འཁོར་བ་སྟོང་མཛད་མགོ་ཕྲེང་ལྔ་བཅུས་བརྒྱན༔ གླང་ཆེན་ཀོ་རློན་སྟོབས་བཅུ་ལྷུན་གྱིས་རྫོགས༔ སྟག་ཤམ་ང་རྒྱལ་དྲེགས་པ་དབང་དུ་སྡུད༔ རིན་ཆེན་རུས་རྒྱན་མཁའ་འགྲོ་རོལ་དུ་ཁྲིད༔ བ་སྤུའི་རྩེ་ནས་ཁྲོ་ཆུང་ཚྭ་ཚྭ་འཕྲོ༔ མེ་དུད་ཟེར་གྱིས་སྲིད་གསུམ་སྐར་ལྟར་འཁྲུགས༔ གུ་རུ་དྲག་པོའི་སྐུ་ལ་ཕྱག་འཚལ་བསྟོད༔ དབང་དྲག་འབར་

[Full Size]

བའི་ཐུགས་དམ་དུས་ལ་བབ༔ རྣལ་འབྱོར་བདག་གི་སྔོན་གྱི་དམ་ཚིག་གིས༔ ལྷ་མཆོག་ཁྱེད་ལ་གདུང་བས་འབོད་ལགས་ན༔ ཁྱེད་ཀྱི་ཐུགས་དམ་གནད་ནས་ད་སྐུལ་ཞིག་གདུག་པའི་དགྲ་བགེགས་འདུལ་བའི་དུས་ལ་བབ༔ ནག་པོ་ཀླུ་གཉན་འདུལ་བའི་དུས་ལ་བབ༔ དྲེགས་པ་གཟའ་རྒོད་འདུལ་བའི་དུས་ལ་བབ༔ པེ་ཧར་སྲོག་བདག་འདུལ་བའི་དུས་ལ་བབ་མཐའ་ཡི་དམག་དཔུང་བཟློག་པའི་དུས་ལ་བབ༔ མི་ནད་ཕྱུགས་ནད་བཟློག་པའི་དུས་ལ་བབ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དམར་ནག་ཟུར་གསུམ་འབར་བའི་དཀྱིལ་འཁོར་ནས༔ ལས་ཀྱི་དབང་དྲག་སྲིན་པོའི་གཟུགས་ཅན་གྱི༔ སྐུ་ལས་མེ་འོད་མཚོན་ཆ་ཡ་ལ་ལ༔ ཁྲོ་ཚོགས་རབ་འཇིགས་གཡས་ནས་ཧཱུྃ་སྒྲ་ལྡིར༔ མཁའ་འགྲོ་རབ་འཇིགས་གཡོན་ནས་ཕཊ་སྒྲ་སྒྲོག༔ ཕྱོགས་དང་ཕྱོགས་མཚམས་ལྕགས་སྡིག་ཤིག་ཤིག་གཟིང་༔ ལྷ་སྲིན་སྡེ་བརྒྱད་བྲན་བཞིན་རོལ་དུ་ཁྲིད༔ གནོད་བྱེད་མ་ལུས་ཧབ་ཧབ་ཟས་སུ་ཟ༔ ཧོར་སོགས་འཇིགས་པའི་དམག་དཔུང་མྱུར་དུ་ཟློག༔ རང་རང་གནས་སུ་བྱང་ཆུབ་བསྒྲུབ་པ་ཡི༔ ཕྲིན་ལས་དུས་ལ་བབ་པོ་ས་མ་ཡ༔

[Full Size]

ཨོཾ་ཨཱཧཱུྃ་ཨརྩིག་ནེར་རྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཡ་མ་དུ་རུ་ཙ་ཤ་ན་ས་མ་ཡ་བྷྱོ་བྷྱོ་ཟློག་ཟློག་བྷྱོ་ཟློག་ཅིག༔ ཅེས་འཇའ་ཚོན་ལུགས་ཀྱི་དྲག་པོ་འདིས་བརྒྱབ། ཤིན་ཏུ་གལ་ཆེ་ན་རྣམ་རྒྱལ་འབར་མ་རྒྱབ་བོ། །རྫས་རྒོད་བདུག་གོ །སུམྦྷ་ནི་དང་། རྟ་མགྲིན་རྦད་བརྒྱད་གོང་འོག་གཉིས། གུ་དྲག་སྤུ་གྲི་སྲོག་གཅོད་དྲག་སྔགས་ཤེས་ཚད་དྲག་ཏུ་བརྗོད་ཅིང་། རང་རྟ་མགྲིན་ནམ་དྲག་པོའི་ཕྱག་གཡས་རལ་གྲི་མེ་འབར་བ་དེས་བརྒྱབས་པས། གཞོབ་ཐུལ་རྗེས་མེད་དུ་སོང་བར་ཡང་ཡང་དུ་དམིགས་ཤིང་། བསྐྱེད་རིམ་ང་རྒྱལ་དྲག་པོས་ཐུན་དང་ནས་ལྕག་བྲབ། སྨྱོན་པ་ཡིན་ན་ལྷམ་གཡོན་གྱིས་བྲབ་བོ། །སྐེའམ་མགོ་ལ་རྐང་པ་བཞག་ལ། ནས་ལྕག་བྲབ། དར་ནག་བརྒྱབ། ཆོས་གོས་བྲབ་ཅིང་ཞེ་སྡང་བསྐྱེད་པར་བྱའོ། །དེ་ནས་ཅི་ཡང་མི་དམིགས་པར་སེམས་ངོའི་ངང་ལ་ཐུན་གཅིག་བཞག །དེ་ནས་ནད་པ་དང་གདོན་ལ་སྙིང་རྗེ་དྲག་པོ་ཐུན་གཅིག་ལ་བྷྱོ། དེས་རང་ལ་འཁུ་ལྡོག་མི་འབྱུང་ངོ་། །དེ་ནས།་ཕཊ༔ ནམ་མཁའི་ཚེ་དཔག་མེད་འོད་དུ་ཞུ་བ། དབྱེར་མེད་པས་བླ་སྲོག་གི་ངོ་བོ་ཐིག་ལེ་དཀར་དམར་མདངས་ལྡན་བཀྲག་མདངས་འོད་དུ་འཚེར་བ་དེ་མར་བྱོན་ནས། ནད་པའི་སྤྱི་བོ་ཚངས་པའི་བུ་ག་ནས་མར་ཞུགས་སྙིང་དབུས་སུ་ཐིམ་པར་གྱུར། གུ་རུ་ཨཱ་ཡུ་ཛྷཱ་ན་ཛ༔ཧཱུྃ་བཾ་ཧོ༔ཕཊ་ཕཊ་ཕཊ༔ དེ་ནས་ཕྲེང་བ་སྤྱི་བོར་བཞག་

[Full Size]

ལ་བྱིན་བརླབས་བྱས་སོ། །ཚེ་དབང་དུ་གྱུར་ཅིག །དབང་དངོས་གྲུབ་ཏུ་གྱུར་ཅིག །ཚེ་མི་ཤིགས་པ་རྡོ་རྗེ་ལྟ་བུར་གྱུར་ཅིག །མི་འགྱུར་བ་གཡུང་དྲུང་ལྟ་བུར་གྱུར་ཅིག །ཚེ་མི་ནུབ་པ་རྒྱལ་མཚན་ལྟ་བུར་གྱུར་ཅིག །འཆི་བ་མེད་པ་ཚེའི་དངོས་གྲུབ་ཐོབ་པར་གྱུར་ཅིག །ལུས་རྡོ་རྗེའི་གོ་ཁྲབ་ཞུ་ལུབས་སུ་བཀོན་པར་གྱུར་ཅིག །རྒྱལ་བ་སྲས་བཅས་བདེན་པའི་བྱིན་རླབས་དང་། །བླ་མ་ཡི་དམ་མཁའ་འགྲོའི་བདེན་པའི་མཐུས། །འགྲོ་བ་འདི་ལ་བདག་གིས་བསྲུང་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཨོཾ་བཛྲ་རཀྵ་རཀྵ་ཧཱུྃ། ཅེས་བརྗོད། འཕྲལ་དུའམ་རྗེས་སུ་ཚེ་འགུགས་ཚེ་དབང་བསྐུར་བ་རབ། མ་རེད་ཀྱང་ཚེ་འགུགས་བྱ་སྲུང་འཁོར་སོགས་བཏགས་སོ། །དེ་ནས་སྨོན་པ་སྨྱོ་རྒོད་ལ་ནི་ཅིས་ཀྱང་ཐུབ་དཀའ་ན། རྣམ་ཤེས་མ་སྤར་བར་རྒྱབ་ན་ཐུལ་ལྷ་རེ་སྤར་ན་གདོན་དང་ནད་པའི་རྣམ་ཤེས་གཅིག་ཏུ་ཆུ་དང་འོ་མ་འདྲེས་པ་ལྟར་གདོན་ཡར་མཉམ་དུ་འགྲོ་བས་ཐུལ་དཀའོ། །དེ་ལ་ཡང་ནད་པ་དེ་ལྷ་ཁང་སྒོག་པོ་གཅིག་ཏུ་བྷེ་ལ། གཏོར་མ་མེའི་ཕུང་པོ་བརྒྱབ་པས་ནག་ལམ་གྱིས་ཚིག་པ་ཡང་ཡང་བྷེ་བས། ནད་པ་ལ་ཕན་ཆེ་ཚེ་འགུགས་ཚེ་དབང་མང་དུ་བསོགས་ལ་གལ་ཆེའོ། དེ་ལྟ་ཆོས་སྐྱོང་བརྒྱབ་རུང་མི་རུང་ཡོད་པས་འདིར་བཀོད་པ་རྣམས་ལེགས། གང་ཡིན་མི་བརྒྱབ། ཡང་ཆོས་སྐྱོང་གཅིག་ཀྱང་མི་

[Full Size]

བརྒྱབ་པར་གཏོར་ཟློག་བརྒྱབ་ན། གོང་གི་བརྒྱབ་ལུགས་འདྲ་བ་ལས། མཚོན་ཆ་འཁོར་ལོ་ཡང་དང་པོ་སྤུ་གྲི་མཆེད་གསུམ། དེ་ནས་མེ་དབལ་ནས་གྱེན་དུ་བརྒྱབ། གཙོ་བོ་མི་བརྒྱབ་པར་བརྒྱབ་བརྡེག་མང་དུ་བྱས་ལ་སྟེང་དུ་ཕུལ་བར་བྱའོ། ༈ །ཁྲོ་ཆུ་ལ་ཡང་། ཡ་མ་རཱ་ཙ་ནས་གྱེན་དུ་བརྒྱབ། གཙོ་བོ་སྟེང་དུ་ཕུལ་ལོ། །ནད་གདོན་མེད་པའི་རིགས་ལ་གཏོར་བརྒྱབ་མི་རུང་། དགོས་ཟེར་ནས་རྣམ་རྟོག་དགག་ཕྱིར་ཁོ་རང་གི་རྒྱབ་ཕྱོགས་སུ་ཆོས་སྐྱོང་ཞལ་གདངས་པའི་ནང་དུ་གཏོར་མ་དགྲ་བགེགས་ཀྱི་ཤ་ཁྲག་བདུད་རྩིའི་རང་བཞིན་དེ་ཕུལ་བས་མཉེས་ནས། རང་དང་ཡོན་བདག་གི་བར་ཆད་སེལ་བར་ཞལ་གྱིས་བཞེས་པར་བསམས་ལ་སྟེང་དུ་ཕུལ་ལམ་བརྒྱབ་ཀྱང་རུང་སྐྱོན་མེད་དོ། །དེ་ལ་ནི་ཆང་རིལ་གཏོར་མ་སོགས་སྔོན་འགྲོ་མི་དགོས་དཀར་གཏོར་སྤྱི་ལྟར་ཕྱི་རུ་ཕུལ་བཅུག་པས་ཆོག་གོ །ནད་པ་ཤིན་ཏུ་གདོན་ཆེ་བ་ལ། རང་ཉིད་ནུས་པ་ཆེ་ཞིང་བསྐྱེད་རིམ་གསལ། རྟོགས་པའི་གདེང་དང་ལྡན་པ་ཡིན་ན། རང་ཉིད་ཡི་དམ་གྱི་ང་རྒྱལ་བརྟན་པོས། གཏོར་མ་དེ་ཆོས་སྐྱོང་སོགས་གང་ཡིན་དེ་དངོས་སུ་གསལ་བས་བརྒྱབ་གདོན་དེ་བསད་བཅད་ཟོས་འཐུང་རྗེས་མེད་པར་བསྒོམ། ཆོད་ཆེ་སྟེ་རང་ནུས་པའི་གདེང་མེད་ན་རང་ལ་ལྡོག་པར་འགྱུར་བས། གལ་ཐུག་ན་མིན་པ་མི་བྱའོ། །ཞེས་པ་འདི་ནི་སྔགས་ཆང་གསར་པ་རྣམས་དང་གདོན་ཆེན་རྣམས་ལ་ཕན་པར་སེམས་བསྐྱེད་བཟང་པོས་སྔགས་འཆང་༧རཱ་ག་ཨ་སྱས་གསར་རྙིང་གི་གཞུང་དང་བླ་མ་རྣམས་ཀྱི་མན་ངག་དང་རང་གི་ཉམས་མྱོང་དང་

[Full Size]

བསྟུན་ནས་བྲིས་པ་ལ་མཁའ་འགྲོ་ཆོས་སྐྱོང་རྣམས་ཀྱི་དགོངས་པ་བཀྲོལ་ནས་འཁུ་ལྡོག་མི་བྱེད་པར་བྱིན་གྱིས་བརླབ་པར་མཛད་དུ་གསོལ། །དགེའོ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་དྲག་པོའི་སྦྱིན་སྲེག་གི་འདོན་འགྲིགས།

[Full Size]

ཐུགས་སྒྲུབ་དྲག་པོའི་སྦྱིན་སྲེག་གི་འདོན་འགྲིགས་བཞུགས་སོ༔

[Full Size]

ཁྱད་པར་བདག་ཉིད་ཡི་དམ་ལྷར་གསལ་བའི༔ སྤྱི་བོར་གུ་རུ་ཡབ་ཡུམ་གསལ་བར་གྱུར༔ མདུན་དུ་དམིགས་མེད་ངང་ལས་ཐབ་ཀྱི་ནང་༔ མེ་ལྷའི་ལྟོ་བ་ཡངས་ཤིང་རྒྱ་ཆེ་བ༔ རིན་ཆེན་གཞལ་ཡས་པདྨ་འདབ་བརྒྱད་དབུས༔ པདྨ་ཉི་ཟླ་བདུད་བཞིའི་སྟེང་དུ་ཧྲཱིཿ དམར་པོའི་འཕྲོ་འདུས་རྒྱལ་བ་རྣམས་ལ་མཆོད་པ་ཕུལ༔ སེམས་ཅན་གྱི་ལས་སྒྲིབ་སྦྱངས༔ སངས་རྒྱས་ཐམས་ཅད་ཀྱི་བྱིན་རླབས་དངོས་གྲུབ་ཚུར་འདུས༔ བྷིལ་ཐིམ་པ་ལས་རྟ་མགྲིན་ཞལ་གཅིག་ཕྱག་གཉིས་གྲི་གུག་དང་ཐོད་ཁྲག་འཛིན་པ༔ སྤྱི་བོར་རྟ་སྐད་འཚེར་བ༔ དུར་ཁྲོད་ཀྱི་ཆས་བརྒྱད་གསོལ་བ༔

[Full Size]

ཕག་མོ་མཐིང་ནག་ཞལ་གཅིག་ཕྱག་གཉིས་གྲི་ཐོད་འཁྱུད་ཅིང་སྟོབ་པ་ཡབ་དང་འཁྲིལ་བ༔ སྤྱི་གཙུག་ན་ཕག་ཞལ་ངུར་སྒྲ་སྒྲོག་པ། རྒྱན་དྲུག་གིས་སྤྲས་པ་མེ་དཔུང་འབར་བའི་ཀློང་ན་བཞུགས་པ༔ དེའི་སྤྱི་བོར་པདྨ་དང་ཉི་ཟླའི་སྟེང་དུ༔ ཧཱུྃ་མཐིང་ནག་ལས་འོད་ཟེར་འཕྲོས༔ རྒྱལ་བ་ཐམས་ཅད་ལ་མཉེས་པའི་མཆོད་པ་ཕུལ༔ སེམས་ཅན་གྱི་སྒྲིབ་པ་སྦྱངས༔ གནོད་བྱེད་འབྱུང་པོ་ཐམས་ཅད་ཚར་བཅད་ཚུར་འདུས་པ་ལས༔ དྲག་པོ་ཐོད་ཕྲེང་རྩལ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ༔ ཞལ་ཞི་མ་ཁྲོ་ཅུང་ཟད་ཁྲོ་བ༔ ཕྱག་གཡས་པས་རྡོ་རྗེ་ཐུགས་ཀར་འཛིན་པ༔

[Full Size]

གཡོན་དྲིལ་བུ་ཡུམ་ལ་བརྟེན་པ༔ ཞབས་རྡོ་རྗེའི་སྐྱིལ་ཀྲུང་དུ་བཞུགས་པ༔ དབུ་རྒྱན་ལ་སོགས་རིན་པོ་ཆེའི་རྒྱན་དུ་མས་སྤྲས་པ༔ དེའི་མདུན་དུ་ཡུམ་ཡེ་ཤེས་ཀྱི་མཁའ་འགྲོ་མ་མཚོ་རྒྱལ་སྐུ་མདོག་དམར་མོ་བཅུ་དྲུག་ལོན་པའི་གཞོན་ཚུལ་ཅན༔ གྲི་གུག་འཁྱུད་ཅིང་ཐོད་ཁྲག་སྟོབ་པ་ཞབས་གཉིས་ཡབ་ཀྱི་རྐེད་ལ་འཁྲིལ་བ༔ རིན་པོ་ཆེ་དང་རུས་རྒྱན་གྱིས་སྤྲས་པ༔ གཅེར་བུ་སྐྲ་གྲོལ་བ་གཉིས་མེད་དུ་སྦྱོར་བའི་ཚུལ་དུ་གྱུར་པ༔ ཡབ་ཀྱི་ཐུགས་ཀར་ཉི་མའི་དཀྱིལ་འཁོར་གྱི་ལྟེ་བ་ལ་ཧཱུཾ་མཐིང་༔ དེའི་མཐའ་མ་ལ་རྩ་བའི་སྔགས་ཀྱིས་བསྐོར་བར་གྱུར། དེའི་ཕྱི་རིམ་ཤར་གྱི་རྩིབས་སྟེང་དུ༔ རྡོ་རྗེ་མཁའ་འགྲོ་དཀར་མོ་གྲི་ཐོད་བསྣམས་ཤིང་གཡས་བསྐུམ་གཡོན་བརྐྱང་གིས་སྦྱོར་བ༔ གཅེར་བུ་རུས་པའི་རྒྱན་གྱིས་བརྒྱན་པར་གྱུར༔ ལྷོར་རིན་ཆེན་མཁའ་འགྲོ་ཡབ་ཡུམ་སེར་མོ་གྲི་ཐོད་བསྣམས་ཤིང་གཡས་བསྐུམ་གཡོན་བརྐྱང་གིས་སྦྱོར་བ༔ གཅེར་བུ་རུས་པའི་རྒྱན་གྱིས་བརྒྱན་པར་གྱུར༔ ནུབ་ཏུ་པདྨ་མཁའ་འགྲོ་ཡབ་ཡུམ་དམར་མོ་གྲི་ཐོད་བསྣམས་ཤིང་གཡས་བསྐུམ་གཡོན་བརྐྱང་གིས་སྦྱོར་བ༔ གཅེར་བུ་རུས་པའི་རྒྱན་གྱིས་བརྒྱན་པར་གྱུར༔ བྱང་དུ་ལས་ཀྱི་མཁའ་འགྲོ་ཡབ་ཡུམ་ལྗང་གུ་གྲི་ཐོད་

[Full Size]

བསྣམས་ཤིང་གཡས་བསྐུམ་གཡོན་བརྐྱང་གིས་སྦྱོར་བ༔ གཅེར་བུ་རུས་པའི་རྒྱན་གྱིས་བརྒྱན་པར་གྱུར༔ ལྷ་ཚོགས་དེ་དག་རང་རང་གི་སྤྱི་བོར་ཨོཾ༔ མགྲིན་པར་ཨཱཿ ཐུགས་ཀར་ཧཱུཾ་གསལ་བ་ལས༔ ཨོཾ་ཨཱཿཧཱུྃ༔ བདེ་ཆེན་དབང་གི་དཀྱིལ་འཁོར་དུ་འོད་འཕྲོས་པས༔ ཡེ་ཤེས་པ་སྤྱན་དྲངས་ལ༔ བསྐྱེད་པ་ལ་མངོན་སུམ་དུ་ཐིམ་མོ༔ སྤྱན་འདྲེན་མཆོད་པ༔ རྩ་གསུམ་མཆོད་འཕྲེང་༔ བསྟོད་པ་ཡང་རྩ་གསུམ་མཆོད་ཕྲེང་ལྟར་བྱའོ༔ གཏོར་མ་དང་མེ་ལྷ་སོགས་སྤྱི་ལྟར་བྱའོ༔ ཐུགས་སྒྲུབ་དྲག་པོའི་སྦྱིན་སྲེག་ཕོ་ཉ་མྱུར་མགྱོགས་ཀྱི་འདོན་འགྲིགས་འདི་རཱ་ག་ཨ་སྱས་བསྒྲིགས་པའོ༔ ༈ ཨོཾ་ཨཱཿཧཱུྃ་བཛྲ་པདྨ་ཐོད་ཕྲེང་རྩལ་དྷ་མ་གྷ་ཡེ་ན་མ་ཧྲིམ་ཧ་རི་ནི་ས༔ ར་ཙ་ཧཱུྃཡ༔ བ་སུ་ན་ན་ཁ་དྷེ་པུཎྚི་ཀུ་རུ་སྭཱ་ཧཱ༔ སརྦ་མངྒ་ལཾ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུ་དྲག་པོའི་བྱབ་ཆོག་གདོན་བཀྲོལ་ཆེན་མོའི་འདོན་འགྲིགས་བལྟས་ཆོག་ཏུ་བཀོད་པ་བཞུགས་པའི་དབུ་ཕྱོགས།

[Full Size]

གུ་རུ་དྲག་པོའི་བྱབ་ཆོག་གདོན་བཀྲོལ་ཆེན་མོའི་འདོན་འགྲིགས་བལྟས་ཆོག་ཏུ་བཀོད་པ་བཞུགས་པའི་དབུ་ཕྱོགས་ལགས་སོ།།

[Full Size]

སྙིགས་དུས་འགྲོ་བའི་གཉེན་གཅིག་པོ༔ དྲག་པོ་རྩལ་ལ་གུས་བཏུད་ནས༔ བྱབ་ཆོག་ལག་ལེན་བཀོད་པར་བྱ༔ ཆོས་བདག་སྲུང་མས་བཀའ་གནང་སྩོལ༔ དེ་ལ་རབ་རྫ་དམར་པོ་གྲུ་གསུམ༔ འབྲིང་ཟངས་སྣོད༔ ཐ་མ་རྫ་མ་གསར་པའི་ནང་དུ་སོལ་བས་གྲུ་གསུམ་བྲི༔ དེའི་ནང་དུ་བག་ཟན་ནམ་མ་རྙེད་ན་ཟན་གཙང་མ་ལ༔ སྡིག་པ་ཁ་དགུ་མགོ་དགུ་མིག་དགུ་པ་བྱས་ལ་བཞག༔ ནད་པའི་ལུས་ལ་དྲིལ་བའི་ཟན་ལ་ངར་ཆུང་བརྒྱ་རྩ་བརྒྱད་དང་ཆངས་བུ་བརྒྱ་རྩ་བརྒྱད་བྱ༔ གཞན་གོང་གཏོར་ཚོགས་གཏོར་འབུལ་སོགས་གཞུང་ལྟར་ལས༔ དྲག་པོའི་ལས་བྱང་ཚར་གཅིག་བཏང་བསྙེན་པ་ཅུང་ཞིག་བྱས་ནས༔ ནད་པའི་མདུན་དུ་གཏོར་ཁྲིའམ་ཤིང་ལེབ་སྟེང་དུ་ཐེབ་ཙེ་ལྔ་ཚར་རམ་དྲུག་སོགས་གང་འཛོམ་བསྒྲིགས་པའི་ནང་དུ༔ ཆངས་བུ་རེ་དང་

[Full Size]

ངར་མི་རེ་བཀོད༔ གཏོར་འགུ་རུ་ཆུ་གཙང་དང་ཀུ་ཤ་རྨ་བྱའི་མདངས་གཅིག་ཀྱང་འཚག་བྱས་ལ༔ རང་དང་ནད་པའི་འོག་དྲུང་གར་བདེར་སྡིག་པའི་གཟུགས་དེ་བཞག་ལ༔ འོ་ན་ད་ལམ་འདིར་བཅོམ་ལྡན་འདས་གུ་རུ་དྲག་པོའི་སྒོ་ནས་བྱབ་ཆོག་འདོན་བཀྲོལ་ཆེན་མོ་ཞེས་བྱ་བ་དེ་བྱེད་པ་ཡིན་ཏེ༔ དེ་ཡང་སྔོན་གདོང་དམར་བོད་ཀྱི་རྒྱལ་ཁམས་འདིར༔ ས་གཞི་སྲིན་མོ་གན་རྐྱལ་དུ་ཉལ་བ་འདྲ༔ གངས་རི་གཅན་གཟན་གྱི་མཆེ་བ་གཙིགས་པ་འདྲ་བ༔ བྲག་རི་ཐམས་ཅད་སྲིན་པོ་ཁྲོས་པ་འདྲ་བ༔ ནགས་རི་ཐམས་ཅད་སྲིན་མོས་རལ་བ་གསིགས་པ་འདྲ་བ༔ སྟོན་པ་སངས་རྒྱས་ཀྱིས་ཞབས་ཀྱིས་མ་བཅགས་

[Full Size]

པས༔ ཤིན་ཏུ་རྩུབ་ཅིང་ལྷ་སྲིན་མ་མོ་བྱེ་བའི་ཡུལ་འདིར༔ རྒྱལ་པོ་ཁྲི་སྲོང་ལྡེའུ་བཙན་དེས་དཔལ་བསམ་ཡས་ལྷུན་གྱིས་གྲུབ་པའི་གཙུག་ལག་ཁང་བཞེངས་ནས༔ དམ་པའི་ཆོས་དར་བར་མཛད་དགོངས་ནས་པཎྜི་ཏ་བྱང་ཆུབ་སེམས་དཔའ་ཞི་བ་འཚོ་རྒྱ་གར་ནས་གདན་དྲངས་ཀྱང་༔ བོད་ཀྱི་ས་བདག་ཀླུ་གཉན་མ་ཐུལ་ནས༔ ཉིན་མོ་མིས་བརྩིགས་པ་ཐམས་ཅད་མཚན་མོ་ལྷ་འདྲེས་བཤིགས་ནས༔ ས་ས་མལ་རྡོ་རྡོ་མལ་དུ་བསྐྱལ༔ ཡར་ལུང་ཆུས་ཕྱགས༔ ལྷ་ས་དམར་པོ་རིའི་ཕོ་བྲང་ལ་ཐོག་བརྒྱབ༔ མི་ནད་དང་ཕྱུགས་ནད་ཆེན་པོ་བྱུང་བས༔ བོད་ཐམས་ཅད་ཀྱིས་རྒྱལ་པོའི་གཙུག་ལག་ཁང་བཞེངས་པས་ལེན་ཟེར༔ དེར་མཁན་པོའི་ཞལ་ནས་བོད་ཀྱི་ལྷ་འདྲེ་འདི་རྣམས་ཞི་བས་མི་ཐུལ་བར་འདུག་པས༔ རྒྱ་གར་གྱི་ཡུལ་ན་སློབ་དཔོན་པདྨ་འབྱུང་གནས་ཞེས་བྱ་བ་ལྷ་སྲིན་སྡེ་བརྒྱད་རྡུལ་དུ་རླག་པར་བྱེད་པའི་མཐུ་སྟོབས་ཅན་གཅིག་བཞུགས་པས༔ དེ་གདན་དྲོངས་ཤིག་གསུངས་ནས་ལུང་བསྟན་པ་ལྟར༔ སློབ་དཔོན་པདྨ་འབྱུང་གནས་གདན་དྲངས་ནས༔ མགུར་ལྷ་བཅུ་གསུམ་དང་བརྟན་མ་བཅུ་གཉིས་ཡ་མ་བཅུ་གཉིས་སྐྱོང་མ་བཅུ་གཉིས༔ དགེ་

[Full Size]

བསྙེན་ཉི་ཤུ་རྩ་གཅིག་གཉན་ཆེན་སྡེ་བཞི༔ གཉན་ཕྲན་བཞི་བཅུ་རྩ་གཉིས་ཐམས་ཅད་དམ་ལ་བཏགས་ཏེ༔ བཀའི་སྲུང་མར་བསྐོས༔ བསམ་ཡས་ཀྱང་ཉིན་མོ་མིས་བརྩིགས་པ་བས་མཚན་མོ་ལྷ་འདྲེས་བརྩིགས་པ་མཐོ་བར་བྱུང་༔ དེར་གསེར་གྱིས་ཅུང་མ་འདངས་པ་ལ་སློབ་དཔོན་གྱིས་རྒྱལ་པོ་ཁྲི་སྲོང་ལྡེའུ་བཙན་དང་ཀླུའི་རྒྱལ་པོ་མ་དྲོས་གཉིས་ཤག་པོ་བྱེད་བཅུག་ནས༔ ཀླུའི་སྦྲུལ་ཆེན་པོར་སྤྲུལ་ནས་བྱེ་མ་ཐམས་ཅད་གསེར་དུ་བསྒྱུར་ནས་ཕུལ༔ ཀླུས་རྒྱལ་པོ་ལ་རྒྱུན་དུ་གསེར་དཀར་ཡོལ་རེ་ནང་རེ་བཞིན་དུ་ཕུལ་ལོ༔ དེར་སློབ་དཔོན་གྱིས་མངོན་པར་ཤེས་པས་གཟིགས་ནས་ད་དུང་ལྷ་འདྲེ་གང་དེ་གདུག་པ་ཆེ་དགོངས་པས༔ ཀླུའི་ལུས་དམ་ལ་ཐོག་ནས་བསམ་ཡས་བརྩིགས་རོགས་བྱེད་ཅིང་འདུག་ངག་དམ་ལ་ཐོག་ནས་སློབ་དཔོན་གྱི་ཅི་གསུང་བཀའ་ཉན་ཟེར་རོ༔ ཀླུའི་སེམས་དམ་ལ་མ་ཐོག་ནས་སེམས་ཅན་ལ་གང་གནོད་བྱེད་ཅིང་འདུག་པས༔ ཀླུ་དམ་ལ་བཏགས་དགོངས་པས་བསམ་ཡས་མཆིམས་ཕུའི་ཕུག་པར་སློབ་དཔོན་ཞག་བདུན་དགོངས་པ་ལ་བཞུགས་པའི་དུས༔ རྒྱལ་པོ་ཁྲི་སྲོང་གི་ཐུགས་དགོངས་ལ་གཙུག་ལག་བཞེངས་པའི་

[Full Size]

ཤིང་ཆ་དཀོན་པས་ཅི་དྲག་དགོངས་ཙ་ན༔ ཀླུའི་མི་དཀར་རྟ་དཀར་ཅན་བཅུ་གསུམ་དུ་སྤྲུལ་ནས་བྱུང་སྟེ༔ རྒྱལ་པོ་ལགས་ཁྱེད་ཀྱིས་སློབ་དཔོན་པདྨ་མཆིམས་ཕུར་བཞུགས་པ་ལ་ཐུགས་དགོངས་ཀློད་ཞུ་རོགས་གྱིས་དང་༔ ཤིང་གང་དགོས་ངས་འབུལ་ཟེར་རོ༔ དེ་ནས་རྒྱལ་པོ་སློབ་དཔོན་གྱི་དྲུང་དུ་བྱོན་ཙ་ན་སློབ་དཔོན་མི་བཞུགས་པར་ཁྱུང་དམར་པོ་གཅིག་གིས་སྦྲུལ་གཉིས་བཟུང་ནས༔ སྦར་ཤེད་བྱེད་སྤྲུལ་གྱིས་སྐད་ངན་ཙེར་ཙེར་འདོན་ཅིང་འདུག༔ སློབ་དཔོན་ལགས་ཐུགས་དགོངས་པ་ཀློད་པར་ཞུ་དང་དངོས་གྲུབ་ཅིག་གདའ་ཞུས་པས༔ སྦྲུལ་དེ་བཏང་ཁྱུང་དེ་སློབ་དཔོན་དུ་གྱུར་ནས༔ དངོས་གྲུབ་ཅི་གདའ་གསུངས་ཤིང་གི་དངོས་གྲུབ་གདའ་ཞུས་པས༔ ད་རྟེན་འབྲེལ་འཆུག་ཀླུའི་སེམས་དམ་ལ་ཐོག་ཡག་ལོང་མ་བྱུང་༔ ཀླུ་དམ་ལ་ཐོག་ན་དངོས་གྲུབ་དེ་བས་ཆེ་འོང་བ་ཡིན་ཏེ༔ ད་མ་འོངས་པ་ན་དུས་སྙིགས་མའི་དུས་ལ་བབ་པ་ན༔ བོད་ཡུལ་འདི་ཀླུ་ས་བདག་གིས་དབང་བསྒྱུར་ནས་མི་ཕྱེད་མཛེ་ཡིས་འཛིན་པའི་དུས་ཤིག་འོང་གསུངས་སོ༔ དུས་སྙིགས་མའི་ཚེ་ཀླུ་ས་བདག་གི་ནད་ཀྱིས་ཟིན་པ་རྣམས་ལ་ཕན་པའི་ཕྱིར་དུ༔ གུ་རུ་དྲག་པོའི་བྱབ་ཆོག་གདོན་

[Full Size]

བཀྲོལ་འདི་གཏེར་ཁ་རེ་ལ་ཕལ་ཆེར་རེ་རེ་སྦས་སོ༔ དེ་ཡང་ཇི་སྐད་དུ་གཞུང་ལས༔ བདག་འདྲ་བུད་མེད་ཕན་སེམས་ཅན༔ སྐྱོ་ངལ་མེད་པའི་མཚོ་རྒྱལ་གྱིས༔ ཤོག་སེར་པོད་ལོང་ལྔ་བརྒྱ་བྲིས་སྙིགས་མའི་འགྲོ་ལ་ཕན་འགྱུར་ཨང་༔ འགྲོ་བ་མི་རྣམས་ལ་སྟེང་འོག་གི་གདོན་གང་དང་གང་གནོད་པ༔ ཁྱད་པར་མཛེ་ལ་སོགས་པའི་ཀླུ་གདོན་རྣམས་ལ་བྱབ་ཆོག་གདོན་བཀྲོལ་བྱ་བ་ནི༔ ཞེས་དང་༔ བྱབ་ཅིང་ཕྱིས་པས་ལྷ་ཆེན་ཚངས་པའི་ནད་ཡིན་ཡང་གདོན་ལས་གྲོལ་ཏེ་སོས་པར་འགྱུར་རོ༔ གདོན་གཞན་ལ་སྨོས་ཅི་དགོས་ཏེ༔ བྱ་སླ་ལ་ཕན་ཡོན་ཆེའོ་ཟབ་བོ༔ ཞེས་དང་༔ མངའ་བདག་ཉང་གི་གཏེར་ཁ་ལས༔ བླ་མ་དྲག་པོའི་ཐུགས་སྒྲུབ་ཀྱི༔ བྱབ་གཏོར་ནད་པ་གསོ་འདོད་ན༔ ཀླུ་གདོན་ཅན་ནམ་ནད་པ་ལ༔ ཞེས་དང་༔ དེ་ལྟ་བུ་ཡི་སྦྱོར་བ་ཡིས༔ ལྷ་ཆེན་ཚངས་པའི་གདོན་ཡིན་ཀྱང་༔ བུད་པར་འགྱུར་བ་ཐེ་ཚོམ་མེད༔ ཀླུ་དང་ས་བདག་སྨོས་ཅི་དགོས༔ ཞེས་དང་༔ རིན་ཆེན་གླིང་པའི་གཏེར་མ་ལས༔ གུ་རུ་ཐུགས་ཀྱི་དྲག་སྒྲུབ་ལས༔ བྱབ་གཏོར་ནད་པ་གསོ་བ་བཤད༔ ཀླུ་བདུད་ཅན་ནམ་གཅོང་ནད་

[Full Size]

ཅན༔ སྨོན་པའི་ལུས་ལ་ཟན་བསྒྲེས་ལ༔ ཞེས་དང་༔ ངར་གླུད་གང་གནོད་ཕྱོགས་སུ་བསྐྱལ༔ དེ་ལྟ་བུ་ཡི་སྦྱོར་བ་ཡིས༔ ལྷ་ཆེན་ཚངས་པ་རང་ཡིན་ཡང་༔ འབུད་པར་འགྱུར་བ་ཐེ་ཚོམ་མེད༔ ཀླུ་དང་ས་བདག་སྨོས་ཅི་དགོས༔ བྱབ་གཏོར་མཛེ་གསོའི་གདམས་པ་འདི༔ སྐལ་ལྡན་གཅིག་དང་འཕྲད་པར་ཤོག༔ ཅེས་གསུངས་སོ༔ དེ་ལྟ་བུའི་བྱབ་ཆོག་ཟབ་ཁྱད་ཅན་བྱེད་པ་ལ༔ གང་ཞིག་སངས་རྒྱས་ཡིད་བྱེད་པ༔ དེ་ཡི་མདུན་ན་ཐུབ་པ་བཞུགས༔ ཞེས་གསུངས་སོ༔ ངེད་ཐ་མལ་པའི་ལུས་མ་ཡིན་པར༔ སྐད་ཅིག་གིས་བདག་ཉིད་རྡོ་རྗེ་དྲག་པོ་ཐོད་ཕྲེང་རྩལ༔ ཞལ་གསུམ་ཕྱག་དྲུག་ཞབས་བཞི་བསྒྲད་པ༔ ཞལ་གཡས་དཀར་གཡོན་མཐིང་དབུས་དམར་ནག་ཏུ་འབར་བ༔ སྤྱན་དགུ་བསྒད་པོ་ཞལ་གདངས་པ༔ མཆེ་བ་བཞི་གཙིགས་ཤིང་ཁྲོ་གཉེར་བསྡུས་པ༔ སྨིན་མ་དང་ཨག་ཚོམ་ལས་མེ་འབར་བ༔ སྐུ་ཆེ་ལ་ཡན་ལག་རིགས་པ༔ ཕྱག་གཡས་དང་པོས་གྲི་གུག་འཛིན་པ༔ བར་པ་ན་གནམ་ལྕགས་ཀྱི་རྡོ་རྗེ་རྩེ་དགུ་པ་རཾ་དགུའི་མཚན་པ་གསོར་ཞིང་ནམ་མཁར་ཕྱར་བ༔ ཐ་མ་ན་རལ་གྲི་མེ་འབར་བའོ༔ གཡོན་དང་པོས་ཐོད་ཁྲག་

[Full Size]

བར་པས་ཁཊཾ་ཐ་མས་ལྕགས་ཀྱི་སྡིག་པ་མགོ་དགུ་རྭ་བཅོ་བརྒྱད་མིག་དགུ་བསྒྲད་ཅིང་བརྒྱངས་ནས་འཛིན་པའོ༔ རྡོ་རྗེ་དང་རིན་པོ་ཆེའི་གཤོག་པ་མེ་འབར་བ་བརྒྱངས་ནས༔ དུར་ཁྲོད་ཀྱི་ཆས་བརྒྱད་རྫོགས་པར་གསོལ་བ༔ སྐུ་ལ་རྡོ་རྗེའི་གོ་ཁྲབ་གསོལ་བའི་བར་ཐམས་ཅད་ན་སྡིག་པ་ཕྲ་མོས་གཏམས་པར་གྱུར༔ དབུ་སྐྲ་ཁམ་སེར་གྱེན་དུ་བརྗེས་པ༔ འཇིགས་སུ་རུང་བ་དེ་ལྟ་བུ་གཅིག་གིས་ཁྱེད་རང་ལ་ནད་བྱབ་པ་དང་༔ གདོན་བཀྲོལ་བའི་ཆོ་ག་མངོན་སུམ་དུ་མཛད་ཅིང་ཡོད་སྙམ་པའི་མོས་པ་མཛོད༔ རང་ཉིད་གུ་རུ་དྲག་པོ་ཐོད་ཕྲེང་རྩལ་དུ་གསལ་བའི་ཐུགས་ཀ་ནས་སྤྲུལ་པའི་ཁྲོ་བོ་ཡཀྵ་མེ་དབལ་གྲངས་མེད་པ་ནམ་མཁའ་ཁྱབ་པར་འཕྲོས་པས༔ ནད་པ་འདི་ལ་གནོད་ཅིང་འཚེ་བའི་གདོན་གང་ཡིན་པ་དེའི་སྐེ་ནས་ཞགས་པས་བཟུང་སྟེ༔ རང་དབང་མེད་པར་བཀུག་ནས་སྡིག་པའི་གཟུགས་དང་དབྱེར་མེད་པར་གྱུར༔ ལྕགས་ཀྱུའི་ཕྱག་རྒྱས༔ བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་༔ དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་བཀའ་

[Full Size]

བདེན་པ་དང་༔ བདག་ཉིད་གུ་རུ་དྲག་པོ་པདྨ་ཐོད་ཕྲེང་རྩལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ འཇམ་དབྱངས་སྐུའི་ལྷ་ཚོགས་རྣམས་ཀྱི་བཀའ་བདེན་པ་དང་༔ རྟ་མགྲིན་གསུང་གི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྱག་རྡོར་ཐུགས་ཀྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ དྷཱཀྐི་ཡོན་ཏན་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ མེ་དབལ་ཕྲིན་ལས་ཀྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྟོབས་ལྡན་སྡིག་པ་ནག་པོའི་བདེན་པ་དང་༔ ཕོ་ཉ་ཟ་བྱེད་གསོད་བྱེད་བསྟན་སྲུང་དམ་ཅན་རྒྱ་མཚོའི་བདེན་པ་དང་༔ བདེན་པ་ཆེན་པོའི་མཐུས༔ བསྲུང་བྱ་ནད་པ་རྨི་ཞེས་བགྱི་བ་འདིའི་དང་པོ་ནད་ཀྱི་སྣ་འདྲེན་པ༔ བར་དུ་ནད་ཀྱི་ཚང་བཅའ་བ༔ ཐ་མ་ནད་ལ་མི་ཕན་པར་བྱེད་པའི་གནོད་བྱེད་གདོན་བགེགས་ས་བདག་ཀླུ་གཉན༔ གང་ཡིན་པ་ཐམས་ཅད་སྐད་ཅིག་རང་དབང་མེད་པར་འདིར་ཁུག་ཅིག༔ ཨོཾ་ཨཱཧཱུྃ་ཨ་ཙིག་ནེར་ཙིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ བཛྲ་ཧཱུཾ་ཡཀྵ་ཧཱུྃ་རཀྟ་ཧཱུྃ༔ ཨ་ཡ་མ་དུ་རུ་ཙ་ཤ་ན་གནོད་བྱེད་ཨངྐུ་ཤ་ཛ་ཛ༔ ཏྲི་ཁུག་ཛ་ཛ༔ བཀུག་གཞུག་ལན་གསུམ་བྱའོ༔ ནད་འདྲེ་གང་ཡིན་བཀུགས་ལ་བསྟིམ་

[Full Size]

ཞེས་རིན་ཆེན་གླིང་པ་ནས་གསུངས་སོ༔ འོ་དེ་ལྟར་བཀུག་པས་རང་གི་མདུན་དུ་དངོས་སུ་ཁུག་ནས་གནོད་བྱེད་གདུག་པ་ཞི་ནས་གུས་ཤིང་འདུད་པ་དང་བཅས་པས་བཀའ་ཉན་གསུང་སྡོད་པ་ལ༔ ངར་གླུད་བདུད་རྩི་འདོད་པའི་ཡོན་ཏན་སྣ་ཚོགས་སུ་གྱུར་པ་ལན་ཆགས་འཇལ་བའི་ཕྱིར་དུ་བྱིན་པས༔ ལན་ཆགས་བྱང་བུ་ལོན་སོད་ནས་དགའ་མགུ་ཡི་རང་དང་ལྡན་པར་གྱུར༔ ཐེབ་ཙེའི་གླུད་རྣམས་ཆུ་གཙང་གིས་བྲན་ལ༔ ཨོཾ་སརྦ་པྲ་བྷཾ་ཤོ་དྷ་ནི་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར༔ སྟོང་པའི་ངང་ལས་ཧཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ༔ ཨོཾ་ཨཱཿཧཱུྃ༔ འོད་དུ་ཞུ་བ་ལས་བྱུང་བའི་གླུད་ཀྱི་ཆངས་བུ་འདོད་པའི་ཡོན་ཏན་ལྔ་དང་ལྡན་པའི་བདུད་རྩིའི་རྒྱ་མཚོ༔ ངར་མི་ཕུང་ཁམས་སྐྱེ་མཆེད་ཡོངས་སུ་རྫོགས་པའི་མི་ཕོ་དང་མི་མོ་རྣམས་སུ་གྱུར༔ ཨོཾ་ཨ་ཀཱ་རོ་མུ་ཁཾ་སོགས་ཀྱིས་བྱིན་གྱིས་བརླབས་ནས༔ གཡོན་དྲིལ་བུ་འཁྲོལ་གཡས་ཐེབ་ཙེའི་ནང་དུ་གླུད་ཆངས་བུ་ངར་མི་ཅན་རེ་བཟུང་ལ༔ ནད་པའི་ལུས་ལ་གཡས་བསྐོར་གསུམ་མམ་གཅིག༔ གཡོན་བསྐོར་གསུམ་མམ་གཅིག་རེ་བྱ་ཞིང་༔ ན་མཿསརྦ་ཏ་ཐཱ་ག་ཏེ་བྷྱོབི་ཤྭ་སོགས་ཚར་གསུམ་མམ་རེ་རེ་བརྗོད་ལ་གདོན་དེའི་ཟོས་འཐུང་ཚིམ་པར་བསམས་ལ་སྡིག་པའི་རྫ་མ་ནང་

[Full Size]

དེར་བླུགས༔ དེ་ནས་ཀུ་ཤུ་རྨ་བྱའི་མདོངས་ལག་གཡས་རྡོ་རྗེའི་ཕྱག་རྒྱ་དང་བཅས་པས་ཐོགས་ལ༔ ཀུ་ཤ་དང་རྨ་བྱའི་མདོངས་ལ་ཟླ་བའི་དཀྱིལ་འཁོར་ལ་ཧཱུྃ་དཀར་པོ་མཚན་པས་ནད་པའི་ལུས་ལ་བྱབ་པས༔ ནད་སྔོ་དམར་དུ་ཁྲ་ཁྲུག་ཁྲུག་ནད་པའི་ལུས་ལས་ཐོན་ནས་གླུད་ཁྲོད་དུ་སོང་བར་གྱུར་ཅེས་སྡིག་གཟུགས་དང་དེར་དོར་བའི་ངར་གླུད་དེའི་སྟེང་དུ་ལན་བདུན་རེ་བྱབ་ཚུལ་བྱ་ཞིང་སྔགས་འདི་ཚར་རེ་བཟླའོ༔ འདིར་ཨ་ཙིག་སྦྱར་ཡང་རུང་ངོ་༔ འདོན་ཀྱང་འདི་བདེའོ༔ ཨོཾ་ཨཱཧཱུྃ་བཛྲ་ཙིཏྟ་དུང་དུང་རུ་རུ་བྷ་ཤ་ཧཱུྃ་ཕཊ༔ ཨོཾ་ཕུ་ལེ་ཕུ་ལེ་ཕུད་ཕུད༔ ཧ་ལ་ཧ་ལ་ཕུད་ཕུད༔ ནད་གདོན་སྡིག་སྒྲིབ་ཐམས་ཅད་ཤཱནྟཾ་ཀུ་རུ་ཡེ་ཕུད་ཕུད་སྭཱ་ཧཱ༔ པུཊྚི་ཀུ་རུ་ཡེ་ཕུད་ཕུད་སྭ་ཧཱ༔ པ་ཤཾ་ཀུ་རུ་ཡེ་ཕུད་ཕུད་སྭཱ་ཧཱ༔ མཱ་ར་ཡ་ཀུ་རུ་ཡེ་ཕུད་ཕུད་སྭཱ་ཧཱ༔ དེ་ལྟར་ཐེབ་ཙེ་རེ་རེ་བཞིན་བྱེད༔ ཐེབ་ཙེ་ལྔ་རྫོགས་ནས་སླར་སྔར་ལྟར་བཤམས་ལ་གླུད་གཏོར་བྱིན་རླབས་མན་ཆད་སྔར་བཞིན་བྱེད༔ རང་དང་ནད་པ་གཞུག་ཕུད་ན་ལྔ་བཅུ་ང་བཞིའི་བར་ལ་མཚམས་གཅིག་བྱེད་ཆོག༔ བརྒྱ་རྩ་བརྒྱད་རྫོགས་ནས་ངར་གླུད་གང་གནོད་ཕྱོགས་སུ་བསྐྱལ༔ ཞེས་གསུངས་པས་དེ་ལྟར་རོ༔ ད་འདི་ཟུངས་ལ་སྡོད་བདག་གིས་ནས་གཏོར་ནས་བྱུང་བ་དང་ཁྱེར་ནི་སོང་ལ་ཆུ་ཆེན་ནང་དུ་འཕང་ལ་ཕྱི་ལྟས་མ་བྱེད་པར་ཤོག༔ ཅེས་བརྗོད༔ ཟངས་ཡིན་ན་ཁྲུས་ལ་ཁྲུས་ཆུ་ཆུར་ལུགས་ལ་ཟངས་ཡར་ཁྱེར་

[Full Size]

ཤོག༔ བྱའོ༔ ཧཱུྃ༔ ང་ནི་ཁྲོ་རྒྱལ་འཇིགས་པའི་སྐུ༔ ཞེས་སོགས་བརྗོད་ལ༔ ཨོཾ་སུམྦྷ་ནི་སོགས་བརྗོད་ཅིང་ནས་གཏོར་ནད་པ་ལ་ནས་ཐུན་བརྡེག་གོ༔ ཧཱུྃ༔ བདག་ནི་འབར་བ་དབང་གི་བདག་ཉིད་དེ༔ ཞེས་སོགས་སྲུང་བའི་འཁོར་ལོ་བསྒོམས་ནས༔ རྒྱལ་བ་སྲས་བཅས་བདེན་པའི་བྱིན་རླབས་དང་༔ བཅོམ་ལྡན་དབང་དྲག་པདྨའི་བདེན་པའི་མཐུས༔ འགྲོ་བ་འདི་ལ་བདག་གིས་བསྲུང་ལགས་ཀྱིས༔ འདི་ལ་སུས་ཀྱང་གནོད་པ་མ་བྱེད་ཅིག༔ ཨ་ཙིག་མཇུག་ཏུ༔ མ་མ་རཀྵ་རཀྵ་ཧཱུྃ་ཧཱུྃ༔ དེ་བཞིན་གོ་ཆའི་སྔགས་ལ་ཡང་བཏགས་ཤིང་བརྗོད༔ བགེགས་རིགས་སྟོང་ཕྲག་བརྒྱད་ཅུ་ཞི་བ་དང་༔ ཞེས་སོགས་བཀྲ་ཤིས་བརྗོད་ནས་གཏོར༔ སེམས་ཅན་ནད་པ་ཇི་སྙེད་པ༔ མྱུར་དུ་ནད་ལོས་ཐར་བར་ཤོག༔ འགྲོ་བའི་ནད་རྣམས་མ་ལུས་པ༔ རྟག་ཏུ་འབྱུང་བ་མེད་པར་ཤོག༔ ཅེས་སྨོན་ལམ་བྱའོ༔ དེ་ནི་ཕན་ཡོན་ཆེ་ཞིང་ཕྲག་ཡངས་བའི་ཕྱིར་ཕན་སེམས་དང་ལྡན་པས་བྱའོ༔ སྤྱི༔ ས་མ་ཡ༔ པདྨ་ཐོད་ཕྲེང་རྩལ་ལ་ན་མོ༔ བཀའ་གནང་བ་དང་བྱིན་གྱིས་བརླབ་ཏུ་གསོལ༔ གལ་ཏེ་ཞི་ཆོག་དེས་མ་ཕན་ན༔ རབ་རྫ་དམར་པོ་གྲུ་གསུམ་སོ་བཏང་བ་ཡོད་ན་རིབ༔ ཟངས་སྣོད་དམ་རྫ་དམར་པོའི་ནང་དུ་སོལ་བས་གྲུ་གསུམ་བྲིས་པའི་ནང་དུ༔ རབ་རྫ་ལ་སོ་བཏང་པའི་ནང་དུ་སྡིག་པའི་

[Full Size]

གཟུགས་ལ་ཚོན་བྱ༔ ཡང་ན་སའམ་བག་ཟན་ནམ་ཟན་ལ་བཅོས་ཀྱང་ཆོག་པར་གསུངས་ཏེ༔ སྡིག་པ་ནག་པོ་མགོ་དགུ་ཁ་དགུ་མིག་དགུ་རྭ་བཅོ་བརྒྱད་པ་འཇིགས་སུ་ཡ་ང་བ་ཞིག་བྱས་ལ་སྣོད་དེར་བཞག༔ ནད་པའི་ལུས་ལ་དྲིལ་བའི་ནད་པའི་ཆངས་བུ་བརྒྱ་རྩ་བརྒྱད༔ ངར་མི་ལུས་ལ་དྲིལ་བའི་བརྒྱ་རྩ་བརྒྱད་དམ་ལིང་ག་བྱས་ཀྱང་རུང་༔ དེ་སྣོད་གཅིག་ཏུ་བཞག༔ དྲག་པོའི་ལས་བྱང་གཞུང་བསྲང་བསྙེན་པ་བྱ༔ དེ་ནས་ནད་པ་དང་རང་གི་བར་དེར་ཐེབ་ཙེ་བསྒྲིགས་ལ་ངར་མི་རེ་དང་ཆངས་བུ་རེ་བཀྲམ༔ རྫས་རྒོད་དང་གུ་གུལ་ཡོད་ན་ཐུན་རྫས་མེད་ན་རྡོ་ཐུན་ཡང་འཚག་བྱ༔ འོག་མདུན་དེར་སྡིག་པའི་གཟུགས་བཞག༔ གཉའ་དེར་རྣམ་རྒྱལ་འབར་བ་འདོན་པའི་དམར་གཏོར་ཆེ་བ་གཅིག་སྡིག་པ་ལ་འབུལ་རྒྱུའི་ཆུང་བ་གཅིག་དང་གཉིས་དཀར་གཏོར་དང་བཅས་པ་བཤམས་འོ་ན་ཁར་སང་ཞི་བའི་བྱབ་ཆོག་བྱས་ཀྱང་ཁྱེད་རང་ནད་སྟོབས་ཆེ་བ་དང་གདོན་བྱིན་ཆེ་དྲགས་པས་དྲག་སྐྱེད་མ་བྱུང་འདུག་པས༔ ད་ནི་དྲག་པོའི་བྱབ་ཆོག་དོན་བཀྲོལ་ཞེས་བྱ་བ་དེ་བྱེད་པ་ཡིན་ཏེ༔ གཞུང་ལས༔ གང་གིས་བྱབ་བཀྲོལ་གདོན་དང་ནད༔ གལ་ཏེ་ཅུང་ཟད་མ་གྲོལ་ན༔ དྲག་པོའི་གདོན་བཀྲོལ་འདི་ལྟར་བྱ༔ ཞེས་དང་༔ འདི་ལྟ་བུའི་སྦྱོར་བས་ཡེ་ཤེས་པའི་གདོན་ཡང་གྲོལ་བར་གྱུར་ན༔ སྡེ་བརྒྱད་ལ་སོགས་གནོད་བྱེད་གཞན་རྣམས་སྨོས་ཅི་དགོས་ཏེ༔

[Full Size]

སྐད་ཅིག་ལ་ཞི་བར་འགྱུར་རོ༔ ཤིན་ཏུ་གཉན་པས་བསྙེན་སྒྲུབ་ཐེམ་ཞིང་བསྐྱེད་རིམ་བརྟན་པོས་བྱའོ༔ ཤིན་ཏུ་ཟབ་ཕྱིར་གཏེར་དུ་སྦས༔ ལས་ཅན་སྐྱེས་བུའི་རྙེད་ནས་ཀྱང་༔ སྙིགས་མའི་འགྲོ་ལ་ཕན་ཐོགས་ཤོག༔ ཅེས་དང་༔ བདེར་འདུས་ལས༔ བདག་འདྲ་མཁར་ཆེན་མཚོ་རྒྱལ་གྱིས༔ དྲག་སྔགས་དངོས་གྲུབ་རྩ་བ་ལས༔ གོང་མའི་ཟབ་གཏེར་མཐའ་དག་གིས༔ ནད་པ་སོས་པར་མ་གྱུར་ན༔ དྲག་པོའི་མཐའ་འདུལ་འདི་ལྟར་བྱ༔ ཞེས་དང་༔ དེ་ལྟར་བྱས་པའི་སྦྱོར་བ་ཡིས༔ ཡེ་ཤེས་པ་ཡི་གནོད་པ་ཡང་༔ སྐད་ཅིག་ཉིད་ཀྱིས་ཞི་འགྱུར་ན༔ ལྷ་སྲིན་སྡེ་བརྒྱད་སྨོས་ཅི་དགོས༔ ཞེས་དང་༔ ཆོས་རྒྱལ་རིན་ཆེན་གླིང་པའི་གཏེར་མ་ལས་ཀྱང་༔ གང་གི་བྱབ་ཆོག་མ་ཕན་ན༔ དྲག་པོའི་མཐའ་འདུལ་འདི་ལྟར་བྱ༔ དེ་ལྟར་བྱས་པའི་གཏོར་མ་ཡིས༔ ཡེ་ཤེས་པ་ཡི་གནོད་པ་ཡང་༔ སྐད་ཅིག་ཉིད་ལ་ཞི་བར་འགྱུར༔ ལྷ་སྲིན་ལ་སོགས་སྨོས་ཅི་དགོས༔ ཞེས་གསུངས་པ་དང་༔ ཁྱད་པར་པདྨ་གླིང་པའི་གཏེར་མ་ལས༔ དེ་ཡང་མཛེ་ནད་གསོ་ཐབས་ཀྱིས༔ ནད་པ་སོས་པར་མ་གྱུར་ན༔ དྲག་པོའི་མཐའ་འདུལ་

[Full Size]

འདི་ལྟར་བྱ༔ ཞེས་དང་༔ དེ་ལྟར་བྱས་པའི་སྦྱོར་བ་ཡིས༔ ཡེ་ཤེས་པ་ཡི་གནོད་པ་ཡང་༔ སྐད་ཅིག་ཉིད་ལ་ཞི་བར་འགྱུར༔ ལྷ་སྲིན་སྡེ་བརྒྱད་སྨོས་ཅི་དགོས༔ གཞན་ལ་མི་སྤེལ་གཏེར་དུ་སྦོས་ལས་ཅན་གཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ དྲག་པོ་མཐའ་འདུལ་གྱི་ལས་རིམ་མོ༔ ཞེས་གསུངས་པ་ལ་ལས་ཀྱི་རྣམ་པར་སྨིན་པ་མཐོང་ཆོས་མྱོང་འགྱུར་གྱི་ལས་དབང་དྲག་པོ་ནི་བཅོས་སུ་མེད་ལ༔ དེ་མ་ཡིན་པའི་ལྷ་སྲིན་སྡེ་བརྒྱད་ཀྱིས་གནོད་པའི་ནད་གདོན་ཅི་ལྟ་བུ་ཡང་འདིས་མི་ཕན་མི་སྲིད་པ་ཡིན༔ དེ་ལ་ཆོས་རྣམས་ཐམས་ཅད་རྐྱེན་བཞིན་དུ༔ འདུན་པའི་རྩེ་ལ་རབ་ཏུ་བསྟེན༔ ཞེས་གསུངས་པས༔ ངེད་ཐ་མལ་པའི་ལུས་མ་ཡིན་པར༔ བདག་ཉིད་དྲག་པོ་ཐོད་ཕྲེང་རྩལ༔ དམར་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་སྔོ་དབུས་དམར་ཞལ༔ གཡས་གསུམ་རྡོ་རྗེ་གྲི་གུག་གྲི༔ གཡོན་གསུམ་ཁ་ཊཾ་བྷནྡྷ་སྡིག༔ ཞབས་བཞི་བརྐྱང་བསྐུམ་དོར་ཐབས་བསྒྲད༔ རྡོ་རྗེ་རིན་ཆེན་གཤོག་པ་གདེངས༔ དུར་ཁྲོད་ཆས་བརྒྱད་རྫོགས་པར་གསོལ༔ ཡུམ་ཆེན་ཕག་མོ་མཐིང་ནག་འཁྲིལ་གྲི་ཐོད་འཁྱུད་སྟོབ་བརྐྱང་

[Full Size]

བསྐུམ་སྦྱོར༔ དེ་ལྟར་གསལ་བས་དྲག་པོའི་གདོན་བཀྲོལ་དངོས་སུ་མཛད་ཅིང་ཡོད་སྙམ་པའི་མོས་འདུན་མཛོད༔ སྡིག་པ་བྲན་ལ༔ ཨོཾ་སརྦ་དྲ་བྱི་ཤ་དྷ་ན་ཧཱུྃ་ཕཊ༔ ཨོཾ་སྭ་བྷཱ་ཝ་སོགས། སྟོང་པ་ཉིད་དུ་གྱུར༔ སྟོང་པའི་ངང་ལས་སྣོད་མི་དམིགས་པ་ཨེ་ལས་ལྕགས་སྲེག་འབར་བའི་ཁང་སྒྲོམ་གྲུ་གསུམ་བསྐལ་པའི་མེ་འབར་བ༔ སྟོང་གསུམ་དང་མཉམ་པའི་ནང་དུ༔ སྡིག་པའི་གཟུགས་མི་དམིགས་པ་ལས༔ ཧཱུྃ་མཐིང་ནག་དེ་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད༔ ཐུགས་དམ་གྱི་རྒྱུད་བསྐུལ་གནོད་བྱེད་ཐམས་ཅད་ཚར་བཅད་ཚུར་འདུས༔ ལྕགས་ཀྱི་རྡོ་རྗེ་རྩེ་དགུ་པ་དེ་ལ་ཧཱུྃ་གིས་མཚན་པ་གཅིག་ཏུ་གྱུར༔ དེ་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད༔ ཐུགས་དམ་གྱི་རྒྱུད་བསྐུལ༔ གནོད་བྱེད་ཐམས་ཅད་ཚར་བཅད་ཚུར་འདུས་ཡོངས་སུ་གྱུར་པ་ལས༔ ལྕགས་ཀྱི་སྡིག་པ་མགོ་དགུ་པ༔ ཁ་གདངས་བ་ལུས་པོ་དམར་ནག་གཉེར་མས་གང་བ༔ སྤྱན་དགུ་བསྒྲད་པ༔ རྭ་གཡས་པས་སྲིད་པའི་རྩེ་མོ་བསྙིལ་བ༔ རྭ་གཡོན་པས་ས་འོག་གཏིང་ནས་གཡེང་བ༔ ཡན་

[Full Size]

ལག་བསྒྲད་པས་ས་གཞི་ཁེངས་པ༔ ལུས་ལ་རྡོ་རྗེ་མེའི་ཚྭ་ཚྭ་འཕྲོ་བ༔ འཇིགས་སུ་རུང་བ་རྭས་བཟུང་ནས་ཁ་གདངས་ཤིང་གནོད་བྱེད་ཐམས་ཅད་ཧབ་ཧབ་ཟ་བ༔ ལུས་རི་རབ་ཙམ་ཁ་དགུ་ཤིན་ཏུ་གདངས་ཤིང་མེ་དཔུང་འབར་བའི་ནང་ན་གནས་པའི་སྙིང་ཁར་ཧཱུྃ་མཐིང་ནག་གིས་མཚན་པ་དང་༔ བདག་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས༔ འོག་མིན་དང་ལྕང་ལོ་ཅན་ནས་ཁྲོ་བོ་ཡཀཱ་མེ་དབལ་གྱི་ཐུགས་ཀ་ནས་བྷེ་པ་དང་འདྲ་བའི་སྤྲུལ་པའི་སྡིག་པ་གཅིག་སྤྱན་དྲངས༔ ཨོཾ་ཨཱཿཧཱུྃ་བཛྲ་ཙིཏྟ་དུང་དུང་རུ་རུ་བྷ་ཤ་ཧཱུྃ་ཕཊ༔ ཨེ་ཧྱ་ཧི་བཛྲ་ས་མཱ་ཛ༔ ཛཿཧཱུྃ་བཾ་ཧོ༔ ཞེས་སྔགས་དང་དམིགས་པས་ལན་བདུན་སྤྱན་དྲངས་ལ་བསྟིམ་མོ༔ ཐེབ་ཙེའི་ངར་གླུད་ཆུའི་བྲན་ནས་ལྕགས་ཀྱུའི་ཕྱག་རྒྱས༔ བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་༔ ཞེས་སོགས་བདེན་པ་སྔར་ལྟར་བདར་ལ༔ བདེན་པ་དང་བདེན་པ་ཆེན་པོའི་མཐུས་བསྲུང་བྱ་ནད་པ་ཚེ་ཞེས་བགྱི་བ་ལ༔ དང་པོ་ནད་ཀྱི་སྣ་འདྲེན་པ༔ བར་དུ་ནད་ཀྱི་ཚང་བཅའ་བ༔ ཐ་མ་ནད་ལ་མི་ཕན་པར་བྱེད་པའི་གདོན་བགེགས༔ ས་བདག་ཀླུ་གཉན་རྒྱལ་བསེན་ཐམས་ཅད་གཟུགས་ལིང་ག་ངར་མི་འདི་ལ་ཁུག་ཅིག་ཨོ་ཨཱཧཱུྃ་ཨ་

[Full Size]

ཅིག་ནིར་ཙིག་ན་མོ་སོགས། གནོད་བྱེད་ཨངྐུ་ཤ་ཛ་ཛ༔ ཏྲི་ཁུག་ཛ་ཛ༔ ཛཿཧཱུྃ་བཾ་ཧོཿ ཞེས་བཀུག༔ ད་ངེད་ཀྱི་ལག་གི་ཀུ་ཤ་དང་རྨ་བྱའི་མདོངས་ལ་ཟླ་བའི་དཀྱིལ་འཁོར་ལ་ཧཱུྃ་དཀར་པོས་མཚན་པ་འདིས་བྱབས་པས༔ ནད་གདོན་སྔོ་དམར་དུ་ཁྲ་ཁྲུག་ཁྲུག་ཁྱེད་རང་གི་ལུས་ལས་ཐོན་ནས་གླུད་ཁྲོད་དུ་སོང་བའི་མོས་པ་མཛོད་ཅིག༔ ཨོཾ་ཨཱཧཱུྃ་བཛྲ་ཛྷཱ་ན་ར་ཙ་ཙིཏྟ་སྲོག་དུང་དུང་རུ་རུ་བྷ་ཤ་ཧཱུྃ་ཕཊ༔ ཨོཾ་ཕུ་ལེ་ཕུ་ལེ་ཕུད་ཕུད༔ ཧ་ལ་ཕུད་ཕུད༔ ནད་གདོན་སྡིག་སྒྲིབ་ཐམས་ཅད་ཤཱནྟཾ་ཀུ་རུ་ཡེ་ཕུད་ཕུད༔ པུཎྚི་ཀུ་རུ་ཡེ་ཕུད་ཕུད༔ པ་ཤཾ་ཀུ་རུ་ཡེ་ཕུད་ཕུད༔ མཱ་ར་ཡ་ཀུ་རུ་ཡེ་ཕུད་ཕུད་སྭཱ་ཧཱ༔ ཞེས་ལན་བདུན་བྱབ་ཚུལ་བྱ༔ ནད་པའི་ལུས་ལ་བྱབ་ནས་ནད་འདྲེར་བསམ༔ ཞེས་པའི་དོན་ནོ༔ ཨོཾ་སརྦ་དྲ་བྱི་ཤོ་དྷ་ན་ཧཱུཾ་ཕཊ༔ ཨོཾ་སྭ་བྷཱ་ཝ་སོགས། སྟོང་པ་ཉིད་དུ་གྱུར༔ སྟོང་པའི་ངང་ལས་ཧཱུཾ་ལས་རིན་པོ་ཆེའི་སྣོད་དུ་ངོ་བོ་ནད་པའི་ནད་གདོན་ལ༔ རྣམ་པ་བདུད་རྩི་འདོད་པའི་ཡོན་ཏན་ལྔ་དང་ལྡན་པར་གྱུར༔ ཨོཾ་ཨཱཧཱུྃ༔ ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ ཞེས་བཀུག་གཞུག་བྱབ་པ་དང་བདུད་རྩི་བྱིན་རླབས་རྣམས་ཐེབ་ཙེ་ལྔ་ཚར་རམ་དྲུག་གམ་བདུན་ཚར་རེ་དུས་གཅིག་ཏུ་བྱས་

[Full Size]

ལ༔ ༈ མདུན་དུ་སྤྲུལ་པའི་སྡིག་རྒོད་ཡཀཱ་མེ་དབལ་དང་དབྱེར་མེད་པ་རི་རབ་ཙམ་དུ་ཆེ་བ༔ སྡིག་པ་ཁ་ཤིན་ཏུ་གདངས་པ་དེས་ནད་གདོན་ཐམས་ཅད་ཧབ་ཧབ་ཟ་བར་གྱུར༔ ཅེས་སླར་ཡང་གསལ་བཏབ་ནས་བསྟོད་ཅིང་ལས་ལ་བསྐུལ་ཏེ༔ ཧཱུྃ༔ ཆོས་ཉིད་མི་འགྱུར་སྐྱེ་འགགས་མེད་པ་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ ང་ནི་དཔལ་ཆེན་ཁྲག་འཐུང་ཧེ་རུ་ཀ༔ ཁྱོད་ནི་ལས་ངན་མ་རུངས་སྡིག་ཅན་ཏེ༔ དམ་ཉམས་ཁྱོད་ཀྱི་གཤེད་པོ་ང་ཉིད་ཡིན༔ ང་ཡི་ཐུགས་ཀྱི་སྤྲུལ་པའི་འཇིགས་བྱེད་ནི༔ ཡི་གེ་ཧཱུཾ་ལས་གྱུར་པའི་སྡིག་པ་བྱུང་༔ ལྕགས་ཀྱི་སྡིག་པ་ཁ་དགུ་མགོ་དགུ་པ༔ ལུས་ནི་རི་རབ་མཉམ་ཞིང་གཉེར་མས་གང་༔ མགོ་ལུས་མེད་པར་འཇིགས་པའི་མིག་གིས་གང་༔ ཁ་ཡི་ནང་ནས་མཆེ་བ་ཟངས་ཡག་གཏམས༔ ཡན་ལག་གཟེངས་ཤིང་གདོན་བགེགས་རྩ་རྒྱུད་གཅོད༔ མ་རུངས་གདུག་པ་ཁྱོད་ཀྱི་གཤེད་མ་ཡིན༔ དམ་ཉམས་འབྱུང་པོའི་ཤ་ཟོ་ཁྲག་ལ་འཐུང་༔ ཧཱུྃ་ལས་བྱུང་བའི་ལྕགས་ཀྱི་སྡིག་པ་ནི༔ མཐུ་སྟོབས་རྫུ་འཕྲུལ་དཔག་མེད་འཕྲོས་ཙམ་ནས༔ སྡིག་པ་ནག་པོས་འཇིག་རྟེན་ས་གཞི་ཁེངས༔ ཁ་དགུ་དག་ནས་མཆེ་བ་

[Full Size]

ཟངས་སེ་ཟང་༔ མིག་དགུ་དག་ནས་མེ་ཡི་ཚྭ་ཚྭ་འཕྲོ༔ ལྕེ་དགུ་དག་ནས་གློག་དམར་ལྗིབས་སེ་ལྗིབ༔ རྐང་ལག་སྡེར་མོས་ས་གཞི་ཐམས་ཅད་འབྲས༔ སྣ་ཡིས་སྣོམ་ཞིང་འབྱུང་པོ་རྩད་རྗེས་གཅོད༔ མིག་བསྒད་བལྟས་པས་འབྱུང་པོ་བརྒྱལ་དུ་འཇུག༔ རྔམས་ཤིང་རྔམས་ཤིང་རྒྱལ་བསེན་གཟུགས་ཕུང་བཤིགས༔ ལག་པས་བསྙབ་ཅིང་འབྱུང་པོ་ཧབ་ཤ་བྱེད༔ དེ་འདྲའི་ཁྲོ་རྒྱལ་སྡིག་ནག་མགོ་དགུ་པས༔ གནོད་བྱེད་འབྱུང་པོའི་ཤ་ཟོ་ཁྲག་ལ་འཐུང་༔ ཀླད་པ་གཞོམ་ལ་སྙིང་ཁྲག་ཧུབ་ཀྱིས་འཐུང་༔ གནོད་བྱེད་འབྱུང་པོ་ཐལ་བ་རྡུལ་དུ་རློགས༔ དེ་ནས་ཐེབ་ཙེ་རྣམས་སུ་སླར་ཆུ་གཙང་ཐིགས་རེ་བླུགས་ནས༔ གཡོན་དྲིལ་བུ་ཁྲོལ༔ གཡས་ཐེབ་ཙེ་རེ་རེ་ནད་པའི་ལུས་གཡས་གཡོན་དུ་བསྐོར་ཞིང་༔ ནད་པའི་ནད་གདོན་ཐམས་ཅད་སྔོ་དམར་དུ་ལོང་ལོང་༔ འདར་ཧད་ཧད་ནད་པའི་ལུས་ལས་ཐོན་པ་དེ༔ སྡིག་པའི་རྭས་བཟུང་སྟེ་ཁ་དགུས་ལྡིབ་ལྗིབ་ཟོས་པར་གྱུར༔ ཨོཾ་བཛྲ་ཛྷཱ་ན་ར་ཙ་ཙིཏྟ་སྲོག་དུང་དུང་རུ་རུ་བྷ་ཤ་ཧཱུྃ༔ མ་མ་སྲོག་དུང་དུང་༔ སྙིང་ལཾ་ལཾ་མ་མ་བྷྱོ༔ ཨ་ཝ་ལོ་ཀི་ཏེ་སམྦྷ་ར་བྷ་སམྦྷ་ར་བྷ་ར་ཡན༔ བྷ་གྷ་བྷན་དྷ༔ ཕུ་ར་ཧོ་ཕུ་ར་ཧོ༔ དྲག་པོ་སྡིག་པའི་

[Full Size]

གཟུགས་ཅན་གྱིས་གནོད་བྱེད་འབྱུང་པོའི་ཤ་ཁྲག་ལ་ཁ་ཁ་ཁཱ་ཧི་ཁཱ་ཧི༔ ཞེས་བརྗོད་ནས་སྡིག་པའི་སྣོད་དུ་དོར་རོ༔ དེ་ལྟར་ཐེབ་ཙེ་རྫོགས་ནས་སླར་ལྟར་བཤམས་ལ་བྲན་ནས་བཀུག་གཞུག་མན་གོང་ལྟར་བྱའོ༔ གླུད་བརྒྱ་རྩ་བརྒྱད་རྫོགས་ནས་གསེར་སྐྱེམས་ནི་གཞན་གང་རུང་ངམ༔ མཚོན་ཆ་འཁོར་ལོའི་མཇུག་ནས་སྒོ་དབྱེ་དེས་གསེར་སྐྱེམས་བྱ་སྟེ༔ གསེར་སྐྱེམས་མཆོད་པ་འདི་བཞེས་ལ༔ ཞེས་སྦྱར་རོ༔ དཀར་གཏོར་སྤྱི་ལྟར་བསྔོས་ཏེ་ཁྱད་པར་ཆུར་གཤེགས་ན་ཆུ་དེས་ཀླུ་དང་༔ མནན་པ་བྱེད་ན་མནན་པའི་གཞི་བདག་ལ་སྔོས་ལ༔ ཀོ་ལོང་ཕྲག་དོག་མ་བྱེད་པར་བདག་གི་སྡོང་གྲོགས་མཛོད་ཅིག༔ ཅེས་བཀའ་བསྒོ༔ དེ་ནས་དཀར་གཏོར་དེ་དང་དམར་གཏོར་གཞན་ཞིག་དང་གཉིས་བྲན་པ་ལ་རང་གཞུང་གི་ཆད་མདོ་བརྟན་སྐྱོང་གཉིས་ཀ་འདོན་ནོ༔ དེ་ནས་སྡིག་པའི་གཏོར་མ་ལ་བཀུག་གཞུག་བྱས་ལ་གནོད་བྱེད་ཀྱི་ཤ་ཁྲག་ཏུ་བསམས་ལ༔ རོལ་མོ་དང་བཅས་གོང་གི་བསྟོད་བསྐུལ་དེ་འདིར་སླར་ཡང་ཚར་གཅིག་བྱ་ཞིང་༔ སྤྲོ་ན་མེ་ལྕེ་ཕྲེང་བ་ནས་བྱུང་བའི་བསྐུལ་པ་འདི་བྱས་ཀྱང་རུང་ངོ་༔ གུ་རུ་དྲག་པོའི་ལས་བྱེད་སྡིག་པའི་གཟུགས༔ རྟགས་ཀྱི་རྣོ་དབལ་འཇིགས་བྱེད་འབར་བའི་སཿ་མགོ་དགུ་པ་ལ་ཁམས་གསུམ་ཟས་སུ་ཟ༔ རྭ་ནི་བཅོ་བརྒྱད་སྲིད་གསུམ་ཟིལ་གྱིས་གནོནུ༔ རྐང་ལག་བརྒྱད་ཀྱིས་སྟོང་གསུམ་དབང་དུ་སྡུད༔ མེ་ཡི་ཚྭ་ཚྭ་དྲག་པོ་སྐར་

[Full Size]

ལྟར་འཁྲུགས༔ དྲི་མ་མི་ཞིམ་ཤིན་ཏུ་དཔག་ཚད་ཁྱབ༔ ཁ་གདངས་མཆེ་གཙིགས་རྐན་སྒྲ་རྡེབ་པ་ཡིས༔ གནོད་བྱེད་རྒྱལ་འགོང་སྲོག་བདག་ཟས་སུ་ཟ༔ ཁ་དགུ་མིག་དགུ་དྲག་པོས་གདུག་པ་འདུལ༔ བདུད་འདུལ་ལྕགས་སྡིག་སྐུ་ལ་ཕྱག་འཚལ་བསྟོད༔ ཕོ་རིགས་ཀླུ་ལ་ལྕགས་སྡིག་ནག་པོ་བྷྱོ༔ མོ་རིགས་ཀླུ་ལ་ལྕགས་སྡིག་ནག་པོ་བྷྱོ༔ དྲག་པོའི་གཟའ་ལ་ལྕགས་སྡིག་ནག་པོ་སྦྱོ༔ གནོད་བྱེད་གདོན་ལ་ལྕགས་སྡིག་ནག་པོ་བྱོ༔ སྲོག་བདག་ཐེའུ་རང་ལ་ལྕགས་སྡིག་ནག་པོ་སྦྱོ༔ མི་མཐུན་ཕྱོགས་རྣམས་ཐལ་བ་རྡུལ་དུ་རློགས༔ ཞེས་ཆད་ཅིང་བསྐུལ་ནས༔ ༀ་བཛྲ་ཛྷཱ་ན་ར་ཙ་ཙིཏྟ་སྲོག་དུང་དུང་རུ་རུ་བྷ་ཤ་ཧཱུྃ༔ མ་མ་སྲོག་དུང་དུང་༔ སྙིང་ལཾ་ལཾ་མ་མ་བྷྱོ༔ དྲག་པོ་སྡིག་པའི་གཟུགས་ཅན་གྱིས༔ གནོད་བྱེད་འབྱུང་པོ་ནད་འདྲེ་གཅོང་སྲི་ནད་ནད་བདག་དང་བཅས་པ༔ གདོན་རྒྱབ་རྟེན་དང་བཅས་པའི་ཤ་ཁྲག་ལ་ཁ་ཁ་ཁཱ་ཧི་ཁཱ་ཧི༔ མ་ཧཱ་མཱ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཀི་ནི་རི་ཏི་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་བྷ་ལིཾ་ཏ་ཁཱ་ཧི༔ མ་ཧཱ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཞེས་བརྗོད་ལ་སྡིག་པའི་གཏོར་མ་སྡིག་པའི་ནང་གླུད་རྣམས་ཀྱི་སྟེང་

[Full Size]

དུ་ཕུལ་ལོ༔ སྡིག་པའི་ཞལ་རབ་ཏུ་གདངས་བས་གཏོར་མ་གནོད་བྱེད་ཀྱི་ཤ་ཁྲག་ལྷག་མེད་དུ་གསོལ་བར་དམིགས་སོ༔ དེ་ནས་དམར་གཏོར་ཆེ་བ་དེ་བྲན་ནས་བཀུག་གཞུག་བྱས་ལཿ་རྔ་རོལ་མོ་དབྱངས་དང་བཅས་ང་རྒྱལ་དྲག་པོས་བསྟོད་བསྐུལ་རྣམ་རྒྱལ་འབར་བ་ཚར་གཅིག་འདོན་ནོ༔ དེ་ནས་ཁྱེར་བའི་གྲབ་བྱས་ཏེ༔ གནོན་ན་གསེར་སྐྱེམས་དང་༔ སྔོན་དུ་གཅིག་གིས་དཀར་གཏོར་དང་ཆད་མདོའི་གཏོར་མ་གཉིས་བཟུང་༔ དེའི་རྒྱབ་ཏུ་སྡིག་པ་གླུད་དང་བཅས་པ༔ དེའི་རྒྱབ་ཏུ་རྣམ་རྒྱལ་འབར་བའི་གཏོར་མ༔ ཡོད་ན་དེ་རྒྱབ་དར་ནག་རྣམས་བཟུང་སྟེ་ཁ་ཕྱིར་རྒྱུ་བས་འཁོད་ལ༔ ཡོད་ན་རྫས་རྒོད་མེད་ན་གུ་གུལ་གྱིས་ནད་པ་ལ་བདུག་ཅིང་༔ ཧཱུྃ་བཛྲ་ཕཊ༔ བདག་ཉིད་པདྨ་འབྱུང་གནས་ཀྱི་བཀའ༔ ཞེས་སོགས་ཕྱག་རྟགས་རྡོ་རྗེ་ཚར་གཅིག་འདོན༔ གལ་ཏེ་ཡི་གེ་འདི་ཐོས་པ་བཞིན་དུ་གནོད་པ་བྱེད་མ་ཅིག༔ ཅེས་ཚིག་ཁ་བསྒྱུར༔ དེ་ནས་ཨ་ཙིག་ཤམ་བུ་དང་བཅས་པ་དང་༔ སུམྦྷ་ནི་དང་༔ ཁྱུང་སྔགས་དང་༔ སྔགས་རིང་འདི་དྲག་ཏུ་བཟླ་ཞིང་ནད་པ་ལ་ཐུན་བྲབ་བོ༔ ཨོཾ་བཛྲ་ཛྷཱ་ན་ར་ཙ་ཙིཏྟ་སྲོག་དུང་དུང་རུ་རུ་བྷ་ཤ་ཧཱུྃ༔ མ་མ་སྲོག་དུང་དུང་སྙིང་ལཾ་ལཾ་མ་མ་བྷྱོ༔ ཏྲིག་ཤོ་ཏྲིག་ཤོ་ར་ཙ་ཤྲཱི་ལིང་༔ གནོད་བྱེད་ཧུར་ཐུ་ལིང་༔ གནོད་བྱེད་ཁུག་ཐུ་ལིང་༔ གནོད་བྱེད་ཁུག་ར་ཙ་ལིང་༔ ཏྲི་ར་ཙ་པ་ལ་ཨ་ཤུག་མེ་བི་ལཾ༔ ཤན་ཏཱི་ཛ་ཡེ་དུན་དུན་ཛཧཱུྃ་ཕཊ༔ ཅེས་

[Full Size]

ཚར་གསུམ་ཡན་གང་འགྲུབ་བརྗོད༔ དེ་ནས༔ སྡིག་པ་ཡེ་ཤེས་པ་རང་བཞིན་གྱི་གནས་ཆོས་ཀྱི་དབྱིངས་སུ་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་ཙིཏྟ་དུང་དུང་རུ་རུ་བྷ་ཤ་ཧཱུཾ་ཕཊ༔ བཛྲ་མུཿ ད་འདི་རྣམས་ཁྱེར་ལ་སོང་ནས་ལམ་འགགས་མཚོ་མཐོང་ས་ན་དམར་གཏོར་ཆེ་བ་དང་དར་ནག་འདི་ཟུངས་ལ་སྡོད༔ གཞན་ཚོ་སོང་ནི་དཀར་གཏོར་དེ་དང་པོ་མཚོ་ནང་དུ་འཕོང་༔ བརྟན་སྐྱོང་དམར་གཏོར་དེ་མཚོའི་འགྲམ་ཞིག་ཏུ་ཕུལ་ལ་ཞོག༔ སྡིག་གཟུགས་གླུད་དང་བཅས་པ་འདི་ཆུའི་རྦ་ཀློང་ཆེ་ས་གཅིག་ལ་གཏོད་ནི་ཆུ་ནང་དུ་འཕོང་༔ དེ་ནས་ཟངས་སྣོད་ཁྲུས་ལ་ཕྱི་མིག་མ་ལྟ་བར་ཤོག༔ ཁོང་རྣམས་ཡར་དྲུང་དུ་ཕྱིན་ནས་ཁྱོད་ཀྱིས་དམར་གཏོར་དེ་ཕྱིར་རྩེ་བཏོན་ལ་ཕུལ་ཞོག༔ དར་ནག་རྡེབ་ལ་དེ་ནས་ཕྱི་མིག་མ་ལྟ་བར་ཤོག༔ ཅེས་བརྗོད༔ ཡང་ནད་གདོན་གྱི་རྗེས་གཅོད་བྱེད་ན་ནི༔ རྣལ་འབྱོར་པ་རང་ཉིད་སོང་ལ་ལམ་རྒྱ་གྲམ་གཅིག་ཏུ་གསེར་སྐྱེམས་གཏོར་དཀར་གཏོར་སྔོས༔ ལྟོ་འཕྱེ་བརྩིས་ནས་ས་བརྐོ་སྟེ༔ དོང་གྲུ་གསུམ་ཁྲུ་གང་བྲུས་པར་དང་པོ་གླུད་ཐམས་ཅད་དང་གཏོར་མ་བླུགས༔ གནོད་བྱེད་བཀུག་གཞུག་ལན་གསུམ་བྱ༔ དེ་སྟེང་སྡིག་གཟུགས་ཀྱིས་མནན༔ ས་རིམ་པ་དགུ་རྒྱ་གྲམ་རེ་རེ་བྲིས༔ ལེགས་པར་བརྡུང་ལ་མི་མངོན་པར་བྱས་ལ༔ ཧཱུྃ༔ གསང་འདུས་བླ་མའི་དཀྱིལ་འཁོར་དུ༔ ཞེས་སོགས་རྟ་བྲོ་བརྡུངས༔ ཨོཾ་ལཾ་ཧཱུཾ་ལཾ་སུཾ་བྷ་ཡ་ནན༔ ཞེས་བརྗོད༔ དེའི་སྟེང་དུ་ཆད་མདོའི་དམར་

[Full Size]

གཏོར་དེ་ཕུལ༔ དེ་དང་མཉམ་དུ་རྣམ་རྒྱལ་འབར་བའི་གཏོར་མ་དེ་མི་བསྐྱེལ་བར་སྟེང་དུ་མནན་ནས་བཞག་གོ༔ ཡར་ཕྱིན་ནས་གུར་དྲག་གི་ཕུགས་གཏོར་བདུད་རྩིས་བྲན་ལ་མཆོད་བསྟོད་བསྡུས་པ་སོགས་བྱའོ༔ ༈ ཨེ་མ་བྱབ་ཆོག་གདོན་བཀྲོལ་ཟིན་བྲིས་འདི༔ པྲ་ཝའི་མིང་ཅན་ལ་སོགས་མང་པོས་བསྐུལ༔ གཏེར་ཆོས་གཉན་ཕྱིར་བྲི་བར་འཚེར་ན་ཡང་༔ འགྲོ་ལ་ཕན་པའི་བསམས་པས་ཀུན་བསླངས་ནས༔ ཅུང་ཟད་གོ་བར་དཀའ་བའི་གནད་རྣམས་ལ༔ གཏེར་ཁ་གཞན་དང་བསྟུན་ཅིང་ལེགས་པར་བརྟགས༔ ཁྱེར་བདེ་ཁ་གསལ་འདོན་འགྲིགས་བལྟས་ཆོག་བཀོད༔ འདི་བྲིས་ཉེས་པ་ཆོས་བདག་རྣམས་ལ་བཤགས༔ དགེ་བས་འགྲོ་ཀུན་ནད་གདོན་ལས་གྲོལ་ཤོག༔ ཅེས་དྲག་པོའི་རྣལ་འབྱོར་པ་རཱ་ག་ཨ་སྱས་བཀོད་པ་བྷ་ཝནྟུ༔ སརྦ་མངྒ་ལཾ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་དྲག་པོའི་ལས་ཚོགས་གྲིབ་སེལ་ཤེལ་གྱི་མེ་ལོང་གི་ཕྱག་ལེན་གྱི་ཟིན་བྲིས་ཤེལ་གྱི་མེ་ལོང་གི་བུ་ཡིག་གབ་པ་མངོན་ཕྱུང་།

[Full Size]

བླ་མ་དྲག་པོའི་ལས་ཚོགས་གྲིབ་སེལ་ཤེལ་གྱི་མེ་ལོང་གི་ཕྱག་ལེན་གྱི་ཟིན་བྲིས་ཤེལ་གྱི་མེ་ལོང་གི་བུ་ཡིག་གབ་པ་མངོན་ཕྱུང་བཞུགས་སོ།།

[Full Size]

རྡོ་རྗེ་དྲག་རྩལ་ལ་བཏུད་ནས༔ གྲིབ་སེལ་ཟིན་བྲིས་བྲི་བར་བྱ༔ བཅས་རྣམས་གཞུང་ལྟར་བྱས་ལ༔ ལས་བྱང་གཞུང་བསྲང་ཚོགས་བྱ༔ འགྲུབ་ན་བསྐང་བ་ཡང་བྱས་ལ༔ བསྐང་བའམ་བཤགས་པའི་བར་མཚམས་དེར་རམ་བཤགས་པ་ཚར་མ་ཐག་ཏུ་གྲིབ་སེལ་ལ་འཇུག་སྟེ༔ བདག་དྲག་པོའི་ཐུགས་ཀ་ནས་བདག་བསྐྱེད་སྨེ་བརྩེགས་སྤྲོའམ༔ དྲག་པོ་གནས་འགྱུར་ནས་སྐད་ཅིག་ལ་སྨེ་བརྩེགས་བསྐྱེད༔ ཨོཾ་སྭ་བྷ་ཝ་སོགས། སྟོང་པའི་ངང་ལས་པཾ་ལས་པདྨ་རཾ་ལས་ཉི་མའི་དཀྱིལ་འཁོར་སྟེང་དུ་རང་གི་སེམས་ཉིད་ཡི་གེ་ཧཱུྃ་དུད་ཁ༔ དེ་ལས་འོད་འཕྲོས་སེམས་ཅད་ཐམས་ཅད་ཀྱི་ཉམས་ཆག་སྡིག་སྒྲིབ་བསལ་ནས་དག་པའི་ས་ལ་བཀོད༔ བླ་མ་ཡི་

[Full Size]

དམ་མཁའ་འགྲོ་ཆོས་སྐྱོང་སྲུང་མ་རྣམས་མཆོད་ནས་ཐུགས་དམ་གྱི་རྒྱུད་བསྐུལ༔ འོད་ཟེར་ཚུར་འདུས་ཡོངས་སུ་གྱུར་པ་ལས༔ རང་ཉིད་ཁྲོ་བོའི་རྒྱལ་པོ་སྨེ་བ་བརྩེགས་པ་སྐུ་མདོག་དུད་ཁ་སྤྱན་གསུམ་བསྒྲད་པ༔ མཆེ་བ་གཙིགས་ཤིང་དབུ་སྐྲ་ཁམ་ནག་གྱེན་དུ་བརྗེས་པ་ལ་སྤྲུལ་སྔོན་པོ་ལྟོ་བ་དམར་སེར་གྱིས་དཀྲིས་པ་སྨ་ར་དང་སྨིན་མ་དམར་སེར་མེ་ལྟར་དུ་འབར་བ༔ ཕྱག་གཡས་རྡོ་རྗེ་རྩེ་དགུ་མེ་འབར་བ་ནམ་མཁའ་ལ་ཕྱར་ཞིང་གཡོན་བྷནྡྷ་ཁྲག་གིས་གང་བ་ཐུགས་ཀར་བསྣམས་པ༔ ཐོད་པ་སྐམ་པོའི་ཕྲེང་བས་སེ་རལ་ཁར་བྱས་པ༔ ཡན་ལག་ཐམས་ཅད་སྦྲུལ་

[Full Size]

གྱིས་དཀྲིས་ཤིང་སྟག་གི་པགས་པའི་ཤམ་ཐབས་ཅན༔ ཞབས་གཉིས་བསྒྲད་པའི་སྟབས་ཀྱིས་ཉི་མའི་གདན་ལ་བཞུགས་ཤིང་སྐུ་ལས་ཡེ་ཤེས་ཀྱི་མེ་འབར་བས་ནད་དང་གྲིབ་བསྲེགས་ནས་སེལ་ཞིང་༔ སྐུ་ལས་ཡེ་ཤེས་ཀྱི་ཆུ་བྱུང་བས༔ གྲིབ་དག་པར་འཁྲུད་པ་ཞིག་ཏུ་གྱུར་པའི་དཔྲལ་བར་ཨོཾ་དཀར་པོ་མགྲིན་པར་ཨཱདམར་པོ་ཐུགས་ཀར་ཧཱུྃ་མཐིང་ནག༔ ཧཱུྃ་ལས་འོད་འཕྲོས་ཡེ་ཤེས་པ་རང་འདྲ་བ་སྤྱན་དྲངས༔ ཛཿཧཱུྃ་བཾ་ཧོཿ དམ་ཚིག་པ་དང་དབྱེར་མེད་པར་གྱུར༔ ཡེ་ཤེས་ལྔའི་རང་བཞིན་གྱིས་དབང་བསྐུར་བར་གྱུར༔ ཨོཾ་ཧཱུྃ་ཏྲ་བྷི༔ རང་གི་ཐུགས་ཀར་ཧཱུྃ་དུད་ཁའི་མཐར་སྔགས་ཀྱི་གཡས་སུ་འཁོར་བར་གྱུར༔ ཨོཾ་གྷར་ཁཾ་ཙིར་ཁཾ་མཱ་ན་སེ་ཨུ་ཙུཥྛ་ཀྲོ་ཏ་ཧཱུྃ་ཕཊ༔ སྔགས་བརྒྱ་རྩ་བརྒྱད་ཙམ་བཟླ༔ དེ་ནས་བུམ་པ་སྤྱི་ལྟར་བཤམས་ལ་བུམ་བསྐྱེད་ནི༔ ཨོཾ་སྭ་བྷ་ཝ་སོགས། །སྟོང་པའི་ངང་ལས་ཧཱུཾ་ལས་རིན་པོ་ཆེའི་བུམ་པ་མཚན་ཉིད་དང་ལྡན་པའི་ནང་དུ༔ སྣ་ཚོགས་པདྨ་འདབ་མ་ལྔ་པའི་དབུས་སུ་རཾ་ལས་ཉི་མའི་སྟེང་དུ་ཡི་གེ་ཧཱུྃ་དུད་ཁ༔ སོགས་ནས་བདག་བསྐྱེད་ལྟར་ཚིག་བསྒྱུར་ལ་བསྐྱེད༔ གྲིབ་དག་པར་འཁྲུད་པ༔ འདབ་མ་ལྔ་ལ་ནམ་མཁའི་ལྷ་མོ་ཀུན་ཏུ་བཟང་མོ་སྐུ་མདོག་མཐིང་ག་ཕྱག་ན་ཤེལ་གྱི་

[Full Size]

བུམ་པ་བསྣམས་པ༔ རླུང་གི་ལྷ་མོ་དམ་ཚིག་སྒྲོལ་མ་ལྗང་གུ་ཨིནྡྲ་ནཱི་ལའི་བུམ་པ་བསྣམས་པ༔ མེའི་ལྷ་མོ་གོས་དཀར་མོ་དམར་མོ་བྱི་རུའི་བུམ་པ་བསྣམས་པ༔ ཆུའི་ལྷ་མོ་མཱ་མ་ཀཱི་དཀར་མོ་ཤེལ་གྱི་བུམ་པ་བསྣམས་པ༔ སའི་ལྷ་མོ་སངས་རྒྱས་སྤྱན་མ་སེར་མོ་གསེར་གྱི་བུམ་པ་བསྣམས་པ༔ རང་རང་གི་ཁ་དོག་དང་མཐུན་པའི་དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པ༔ དེ་རྣམས་ཀྱི་དཔྲལ་བར་ཨོ་མགྲིན་པར་ཨཱཿ ཐུགས་ཀར་ཧཱུྃ་དང་ལྷ་མོ་ལྔའི་ཐུགས་ཀར་རང་རང་གི་ས་བོན་འབྱུང་བའི་ཡི་གེས་མཚན་པ་ལས་འོད་འཕྲོས༔ རང་བཞིན་གྱི་གནས་ནས་སྨེ་བརྩེགས་འབྱུང་བ་ལྔའི་ལྷ་མོ་དང་བཅས་སྤྱན་དྲངས༔ ཨོ་བྷར་ཁུང་དྷིས༔ ཨེ་ཡཾ་རཾ་ཁཾ་ལཾ་དྷཱ་ཀི་ནཱི་བཛྲ་ས་མཱ་ཛ༔ ཛཿཧཱུྃ་བཾ་ཧོཿ དམ་ཚིག་པ་དང་དབྱེར་མེད་པར་གྱུར༔ ཡེ་ཤེས་རྣམ་པ་ལྔ་ཡི་དབང་རྫོགས་ཤོག༔ ཨོཾ་ཧཱུྃ་ཏྲཾ་ཧྲི་ཨཱ༔ རང་གི་ཐུགས་ཀའི་འོད་ཟེར་བུམ་པའི་ལྷ་དང་ལྷ་མོ་རྣམས་ལ་ཕོག་པས་ཐུགས་དམ་གྱི་རྒྱུད་བསྐུལ༔ བུམ་པའི་ལྷ་དང་ལྷ་མོ་དེའི་འོད་ཟེར་ནད་པ་ལ་ཕོག་པས་ཉམས་གྲིབ་ཐམས་ཅད་འཕྲལ་དུ་དག་པར་གྱུར༔ ཨོཾ་གྷར་ཁཾ་སོགས་སྨེ་བརྩེགས་སྔགས་བརྒྱ་ཡན་ཆད་ཅི་འགྲུབ་

[Full Size]

དང་༔ ཡང་འབྱུང་བའི་ལྷ་མོ་ལྔས་ཉམས་གྲིབ་དག་པའི་སྔགས་དི་རི་རི་བཟླས་པས་ཉམས་གྲིབ་ཐམས་ཅད་དག་པར་གྱུར༔ ཨོཾ་ཨེ་ཧོ་ཤུདྡྷེ་ཤུདྡྷེ༔ སོགས་བརྒྱ་རྩ་བརྒྱད་ཅི་འགྲུབ་བཟླ༔ སྨེ་བརྩེགས་ལྷ་མོར་བཅས་རྣམས་ལ་མེ་ཏོག་དང་ནི་བདུག་སྤོས་དང་༔ མར་མེ་དྲི་དང་ཞལ་ཟས་དང་༔ སིལ་སྙན་ཡིད་འོང་མཆོད་པའི་སྤྲིན༔ ཀུན་བཟང་བླ་མེད་མཆོད་སྤྲིན་འདི༔ སྐུ་གསུང་ཐུགས་ལ་མཆོད་པ་འབུལ༔ ཨོ་བྷར་ཁུང་དྷིས༔ ཨེ་ཡཾ་རཾ་བཾ་ལཾ་དྷ་ཀི་ནཱི་ཨནྡྷཾ་སོགས། སྨེ་བ་བརྩེགས་པའི་དཀྱིལ་འཁོར་ལྷ་ཚོགས་རྣམས༔ ཧཱུྃ་སྒྲ་སྒྲོག་ཅིང་བགེགས་རྣམས་འཇོམས་མཛད་ལྷ༔ འབར་བའི་ཁྲོ་རྒྱལ་འཁོར་དང་བཅས་པ་ལ༔ བརྐྱང་བསྐུམ་སྲིན་པོའི་གར་གྱིས་ཕྱག་འཚལ་བསྟོད༔ ཅེས་བསྟོད་ནས༔ ལྷ་རྣམས་འོད་དུ་ཞུ་བས་བདུད་རྩིའི་ཆུར་གྱུར༔ ཞེས་པའམ༔ བུམ་ལྷ་རྣམས་ཀྱི་སྐུ་ལས་ཡེ་ཤེས་ལྷའི་སྐུའི་བདུད་རྩིའི་ཆུ་རྒྱུན་བབས་པས་བུམ་པ་ཁེངས་པར་གྱུར༔ དེ་ནས་ནད་པའི་དྲུང་དུ་འགྲོ་ལ༔ གོང་དུ་འབྲང་རྒྱས་བུམ་པ་བཤམས༔ འོག་ཏུ་མདོས་བཤམས་པ་བྲན༔ བུ་མོ་མདའ་དར་ཁྱེའུ་མདའ་སོགས་གྲབ་བྱས་ལ༔ དེ་ནས་མདུན་བསྐྱེད་ནི༔ ཨོཾ་སྭ་བྷ་ཝ་སོགས། སྟོང་པའི་ངང་ལས་མདུན་གྱི་ནམ་མཁར་འབྲང་

[Full Size]

རྒྱས་ཀྱི་དཔྲལ་བར་ཨོཾ་དཀར་པོ་ལྔ་དང་དབྱེར་མེད་པའི་ཡེ་ཤེས་ཀྱི་མཁའ་འགྲོའི་དཀྱིལ་འཁོར་རྟེན་བརྟེན་པ་དང་བཅས་པ༔ དབུས་སུ་བཅོམ་ལྡན་འདས་རྡོ་རྗེ་ཕག་མོ་ཤར་དུ་རྡོ་རྗེ་མཁའ་འགྲོ་ལྷོར་རིན་ཆེན་མཁའ་འགྲོ་ནུབ་ཏུ་པདྨ་མཁའ་འགྲོ་བྱང་དུ་ལས་ཀྱི་མཁའ་འགྲོ་དེའི་ཕྱི་རོལ་དུ་ཙ་དཱི་ཀ་སོགས་འབྱུང་བ་ལྔའི་བདག་མོ་དང་ཤ་ཟ་མཁའ་འགྲོ་ཆོས་སྐྱོང་དམ་ཅན་ལྷ་དང་སྲུང་མ་བརྟན་མ་སྐྱོང་མའི་ཚོགས་དང་བཅས་པ༔ དེའི་སྟེང་གི་ནམ་མཁར་རྩ་བརྒྱུད་བླ་མ་ཡི་དམ་ལྷ་ཚོགས༔ སངས་རྒྱས་བྱང་སེམས་རིག་འཛིན་གྲུབ་ཐོབ་རྒྱ་མཚོ་ཐམས་ཅད་ཀྱང་མཐོལ་བཤགས་དང་དུ་བཞེས་པའི་ཕྱིར་ཞལ་འཛུམ་ཞིང་ཐུགས་བརྩེ་བ་ཆེན་པོས་སྤྱན་ནད་པ་ལ་གཟིགས་ནས་བཞུགས་པར་གྱུར༔ ཅེས་བཤགས་ཡུལ་ཡེ་ཤེས་པ་གསལ་བཏབ་ནས་མདོས་བསྐྱེད་པ་ནི༔ མདོས་བྲན་ལ༔ ཨོཾ་སྭ་བྷ་ཝ༴ སྟོང་པའི་ངང་ལས་མདོས་གཞི་ཡཾ་ལས་རླུང་གི་དཀྱིལ་འཁོར༔ དེའི་སྟེང་དུ་རཾ་ལས་མེའི་དཀྱིལ་འཁོར༔ དེའི་སྟེང་བཾ་ལས་ཆུའི་དཀྱིལ་འཁོར༔ དེའི་སྟེང་དུ་དབང་ཆེན་གསེར་གྱི་ས་གཞི༔ དེའི་སྟེང་དུ་གྲིབ་མཚོ་དམར་ནག་ན་བུན་འཐིབ་པ་ལྔའི་འགྲམ་དུ་རེ་སྦྲ་ནག་པོ་ལ༔ དབུས་མའི་

[Full Size]

ནང་དུ་ནད་དང་གྲིབ་ཀྱི་བདག་མོ་སངས་རྒྱས་མཁའ་འགྲོའི་ཕྱག་བརྙན་མ༔ ཤར་དུ་རྡོ་རྗེ་མཁའ་འགྲོའི་ཕྱག་བརྙན་མ༔ ལྷོར་རིན་ཆེན་མཁའ་འགྲོའི་ཕྱག་བརྙན་མ༔ ནུབ་ཏུ་པདྨ་མཁའ་འགྲོའི་ཕྱག་བརྙན་མ༔ བྱང་དུ་ལས་ཀྱི་མཁའ་འགྲོའི་ཕྱག་བརྙན་མ་སྟེ་ལྔ་ཁ་ཡང་བུད་མེད་ནག་མོ་རྟ་ནག་ལ་ཞོན་པ༔ གཡས་མདུང་དང་གཡོན་ཕྱགས་ཤིང་འཛིན་པ༔ དར་ནག་གི་རལ་ག་གསོལ་བའོ༔ དེ་རྣམས་ཀྱི་གཡོན་དུ་གྲིབ་བདག་ལྔ་ནི༔ དབུས་སུ་བདུད་ཀྱི་གྲིབ་བདག་མོ༔ ཤར་དུ་རྒྱལ་པོའི་གྲིབ་བདག་མོ༔ ལྷོར་གཤིན་རྗེའི་གྲིབ་བདག་མོ༔ ནུབ་ཏུ་ཀླུ་དང་བཙན་གྱི་གྲིབ་བདག་མོ༔ བྱང་དུ་གནོད་སྦྱིན་གྱི་གྲིབ་བདག་མོ་སྟེ་ལྔ་ཀ་ཡང་མི་མོ་ནག་མོའི་གཟུགས་ཅན༔ ལུས་ལ་ནད་རླངས་དང་གྲིབ་རླངས་འཕྱོ་ཞིང་འོ་དོད་ལྷང་ལྷང་འབོད་པ༔ གཞན་ཡང་བགེགས་རིགས་ནད་བདག་ཡམས་བདག་གྲིབ་བདག་ཐམས་ཅད་ཀྱིས་བསྐོར་ནས་བཀའ་ཉན་གསུང་སྡོད་པར་གྱུར༔ དེ་ལྟར་ཡེ་ཤེས་པ་དང་འཇིག་རྟེན་པ་སོ་སོའི་ཐུགས་ཀ་ནས་འོད་ཟེར་འཕྲོས་པས༔ ཡེ་ཤེས་པ་དང་གྲིབ་བདག་རང་རྒྱུད་པ་སྤྱན་དྲངས་པར་གྱུར༔ ཧཱུྃ༔ ཕྱི་ནི་འབྱུང་བ་ལྔ་ཡི་ཀློང་༔ ཞེས་

[Full Size]

པ་ནས༔ བདག་དད་གུས་པས་ཕྱག་བགྱིའོ༔ ཞེས་པའི་བར་དང་༔ ཧཱུྃ༔ བླ་མ་ཡི་དམ་མཁའ་འགྲོ་ལ༔ མེ་ཏོག་དང་ནི་བདུག་སྤོས་དང་༔ སོགས་ཡེ་ཤེས་ལྷ་ལ་ཕྱི་མཆོད་དྲག་པོའི་ལས་བྱང་ལྟར་འབུལ༔ དེ་ནས་བུ་མོ་རབ་མཚན་ལྡན༔ འབྲིང་གྲོང་པའི་ཁྱོས་ཀྱིས་མ་གོས་པ༔ ཐ་མ་བཙུན་མའམ་བུ་ཚ་མགོ་གཙང་གཅིག་ཁྲུས་བྱས་ཕྲག་པ་གཡས་པར་མདའ་དར་བཀལ༔ ལག་གཡོན་དུ་མེ་ལོང་རྒྱབ་ཏུ་དར་དཀར་པོ་བཀོན་ལ་མ་རལ་དང་རིགས་ལྔ་ཅོད་པན་སོགས་རྒྱན་ཅི་འཛོམ་གྱིས་བརྒྱན་ལ༔ ཨོཾ་ཨ་མྲྀ་ཏས་བསང་༔ ཨོཾ་སྭ་བྷ་ཝས་སྦྱང་༔ སྟོང་པའི་ངང་ལས་ཁྱོད་རང་ཡེ་ཤེས་ཀྱི་མཁའ་འགྲོ་སྨེ་བརྩེགས་མ་སྐུ་མདོག་སྔོན་མོ་ཞལ་གཅིག་ཕྱག་གཉིས་རྒྱན་ཆ་ལུགས་དང་ལྡན་ཞིང་གྲིབ་དང་མི་གཙང་བ་ཐམས་ཅད་སེལ་ནུས་པ་ཞིག་ཏུ་བྷེ༔ ཅེས་རང་དང་ནད་པ་བུ་མོ་གསུམ་ཀས་བྷཻཾ༔ ཁྱོད་རང་གི་དཔྲལ་བ་མགྲིན་པ་སྙིང་ག་རྣམས་སུ་ཨོཾ་དཀར་པོ་ཨཱདམར་པོ་ཧཱུྃ་སྔོན་པོ་དེ་ལས་འོད་འཕྲོས་པས༔ ཡེ་ཤེས་པ་སྤྱན་དྲངས་ཛཿཧཱུྃ་བཾ་ཧོཿགཉིས་མེད་དུ་ཐིམ་པས་ཡེ་ཤེས་ཀྱི་མཁའ་འགྲོ་དངོས་སུ་གྱུར༔ དེ་ནས་ནང་མཆོད་ནས་བུ་མོ་དེ་ལ་ཅུང་ཟད་བླུད་ནས༔ མཁའ་འགྲོ་མ་སྨེ་བརྩེགས་ཁྱོད་ཀྱིས་ནད་པ་རྗེའི་ཉམས་གྲིབ་དང་མི་གཙང་བ་ཐམས་ཅད་བསལ་བའི་ཕྲིན་ལས་མཛོད་ཅིག༔ ཅེས་

[Full Size]

བརྗོད༔ བུ་མོས་རང་ཉིད་མཁའ་འགྲོ་མ་ཡིན་སྙམ་པའི་ང་རྒྱལ་བྷྱོ་དུ་གཞུག༔ དེ་ནས་ནད་པའི་སྤྱི་བོར་འབྲང་རྒྱས་མར་མེ་སྦར་བ་དེ་བུ་མོ་དེས་བཟུང་བཅུག་ལ༔ ད་མདུན་གྱི་ནམ་མཁར་མཁའ་འགྲོའི་དཀྱིལ་འཁོར་བཀྲ་ལམ་མེ་བ་མར་མེ་འདི་དང་ཐ་མི་དད་པ་ཅིག་གསལ་ཐོབ་ལ༔ དེའི་དྲུང་དུ་ཁྱེད་རང་གི་དུག་ལྔའི་དབང་གིས་དམ་ཚིག་ཉམས་ཆག་ཅི་བགྱིས་པ་ཐམས་ཅད་དང་༔ གཞན་དམ་ཚིགས་ཉམས་པ་དང་འགྲོགས་པ་དང་༔ ཟས་ཟོས་པ་སོགས་ཀྱིས་གྲིབ་མཁའ་འགྲོ་ཆོས་སྐྱོང་ལ་ཕོག་ནས་འཁྲུགས༔ དེའི་མྱ་ངན་ཤ་ཟ་མཁའ་འགྲོས་བྱེད་ཅིང་༔ དེའི་ཁ་རླངས་རང་ལ་ཕོག་ནས་ན་ཚ་དྲག་པོ་འབྱུང་བ་ཡིན་པས༔ དམ་ཚིག་ཆག་ཉམས་གྲིབ་བྱུང་བའི་རྒྱུར་གྱུར་པ་ཐམས་ཅད་བཤགས་སྙམ་པས་བཤགས་པ་འདིའི་རྗེས་ཟློས་ཤེས་འདུག་ན་གྱིས༔ མི་ཤེས་ན་ཡང་བཤགས་པ་མཉམ་དུ་བྱས་ཡོད་སྙམ་པའི་མོས་པ་མཛོད༔ དབྱངས་སྙན་པོས༔ ཧཱུྃ༔ རང་བཞིན་ཆོས་དབྱིངས་དག་པའི་ཕོ་བྲང་ཞེས་པ་ནས༔ ཤུདྡྷེ་ཨ་ཨཱའི་བར་བརྗོད༔ རྒྱས་པར་ན་རུ་ཏྲའི་སྨྲེ་བཤགས་བསྐང་བཤགས་ནང་གི་བཤགས་པ་འདིར་བྱ༔ འབྲང་རྒྱས་དཀར་ནག་གཉིས་སོ་སོར་མ་འདྲེས་པར་གྲིས་གཏུབ་ལ་དཀར་པོ་ཡར་མཆོད་འགྲམ་དུ་བཞག༔ ནག་པོ་མདོས་ནང་དུ་བཞག༔ གཏུབ་

[Full Size]

དུས་དཀར་ནག་མ་འདྲེས་པར་ཁྲིགས་སེ་སོང་ན་རྟེན་འབྲེལ་བཟང་༔ དཀར་པོ་ལ་ནག་པོ་འབྱར་ན་ད་དུང་གྲིབ་ངོ་ཚེ༔ ནག་པོ་ལ་དཀར་པོ་འགོས་ན་ཅུང་ཟད་ངན༔ དེ་ནས་བུ་མོ་དེས་མདའ་དར་ཕྲག་པ་གཡོན་དུ་བཀལ༔ ལག་གཡོན་མེ་ལོང་ཐོགས་ལ་ནད་པའི་གཟུགས་འཆར་དུ་བཅུག༔ གཡས་སུ་བུམ་པ་ཐོགས་ནས༔ ཚིག་གིས་མཚམས་རེ་དྲིལ་བུའི་སྒྲ་རེ་དང་མཉམ་དུ་མེ་ལོང་ལ་བུམ་ཆུ་རེ་བླུགས་བཅུག་སྟེ༔ ཁྱོད་རང་གི་མཁའ་འགྲོ་ཆོས་སྐྱོང་འགོ་བའི་ལྷ་ལྔ་དང་བཅས་པ་ལ་གྲིབ་ཕོག་པས༔ ནག་ཐིབས་སེ་ཡོད་པ་ལ༔ གྲིབ་དེ་བཀྲུ་བའི་དོན་དུ་མདུན་གྱི་ནམ་མཁར་འབྱུང་བའི་ལྷ་མོ་ལྔས༔ རང་རང་གི་ཁ་དོག་དང་མཐུན་པའི་བུམ་པ་རེ་ཐོགས་ནས་ཁྲུས་གསོལ་བས་འཕྲལ་དུ་དག་པར་བྷེ་ཤིག༔ དབྱངས་དང་བཅས་པས༔ ཆོས་དབྱིངས་ཡེ་ཤེས་དག་པ་ནས༔ ཉམས་གྲིབ་ཐམས་ཅད་དག་གྱུར་ཅིག༔ ༀ་ཨེ་ཧོ་ཤུདྡྷེ་སོགས། དེ་བཞིན་ཚིག་མཚམས་རྣམས་སུ་སྔགས་དང་དྲིལ་བུ་དཀྲོལ་བ་དང་མཉམ་དུ་བུ་མོས་མེ་ལོང་ལ་ཁྲུས་བྱའོ༔ དེ་ལ་ཁྲུས་ཁང་དྲུག་ཡོད་དོ༔ དེ་ནས་འདིར་ནད་པ་ལ་ཕྱི་ཁྲུས་ཡན་ལག་ལྔ་ཁྲུས༔ ནང་ཁྲུས་ཁ་བཤལ་ལ་བླུག་གོ༔ ཁྲུས་སྣོད་སྡེར་མ་སོགས་བྱའོ༔ ཁྲུས་ཆུ་མདོས་ཀྱི་འགྲམ་དུ་བླུག་གོ༔ དེ་ནས་བུམ་པ་དེ་གཞན་གྱིས་འཛིན་རོགས་བྱས་ལ༔ བུ་མོ་དེས་ལག་པ་གཡས་པས་མདའ་དར་དཀར་པོ་ཕྱགས་མ་ལྟར་བཟུང་༔ གཡོན་པས་

[Full Size]

མེ་ལོང་བསྟན་ལ༔ འདོན་པའི་མཚམས་རེར་སྔགས་དང་དྲིལ་བུ་དཀྲོལ་བ་དང་མཉམ་དུ་མདའ་དར་དེས་ནད་པའི་མགོ་ལུས་ལ་ཕྱིས་ལ་མདོས་ནང་དུ་ཕྱོགས་པའི་ཚུལ་རེ་བྱས་ཏེ༔ ད་མཁའ་འགྲོ་སྨེ་བརྩེགས་མའི་ཕྱག་གཡས་ན་དར་དཀར་པོ་དང་༔ རས་དཀར་པོ་བཟུང་ནས་གྲིབ་ཐམས་ཅད་ཕྱིས་པས༔ ཉོན་མོངས་དུག་ལྔ་ལས་གྱུར་པའི་གྲིབ་ཐམས་ཅད་དག་ནས་ཡེ་ཤེས་ལྔ་མངོན་དུ་གྱུར་པར་བྷེ་ཞཤག༔ ཧཱུྃ༔ ཆོས་དབྱིངས་ཡེ་ཤེས་རྣམས་པར་དག༔ སོགས་ནས༔ རྣམ་དག་ཡེ་ཤེས་ངང་དུ་ཕྱིས༔ ཨོཾ་སྭ་བྷ་ཝ་ནས༔ ཨ་པ་ན་ཡེ་སྭ་ཧཱ༔ དེ་བཞིན་ཏུ་ཕྱིས་ནམ་ཟེར་དུས་སྔགས་དང་དྲིལ་བུ་དཀྲོལ་བ་དང་མདའ་དར་གྱིས་ཕྱི་ཚུལ་རྣམས་བྱའོ༔ ཕྱི་ཁྲུས་དུང་བས་དཀར་གྱུར་ཅིག༔ ཨོ་གྷར་ཁཾ༔ སོགས་སྨེ་བརྩེགས་སྔགས་དང་དྲིལ་བུ་དཀྲོལ་བ་དང་མེ་ལོང་ལ་ཁྲུས་བྱེད་དུ་བཅུག་གོ༔ ནང་ཁྲུས༔ གསང་ཁྲུས་གསུམ་པོ༔ གོང་དུ་ནས་མདའ་དར་དེ་ལ་རས་དཀར་པོ་ཆེན་པོ་ཞིག་དང་༔ རས་ནག་པོའམ་མ་རྙེད་ན་ལྤགས་རས་སམ་སྣམ་རས་སམ་བལ་ནག་ཅུང་ཟད་བཏགས་པ་སྐབས་འདིར་དཀྲོལ་ལ་མར་མདོས་ནང་དུ་དོར་གྲབ་བྱས་ལ༔ ད་གྲིབ་ཕྱགས་པ་ནི་མཁའ་འགྲོ་སྨེ་བརྩེགས་མས་ཁྱེད་རང་གི་གྲིབ་ཐམས་ཅད་ལྤགས་བུའམ་རེ་ནག་བཤུས་པའི་རྫ་མའི་དྲེག་པ་བཀོག་པ་ལྟར་བཤུས་ནས་གྲིབ་བདག་ཤ་ཟའི་མཁའ་འགྲོ་

[Full Size]

མ་རྣམས་ལ་བདག་པོ་ལ་ནོར་གཏད་པའི་ཚུལ་དུ་གཏད་པས༔ གྲིབ་ཐམས་ཅད་གྲིབ་བདག་ཕོ་མོ་རྣམས་ལ་སིབ་སིབ་ཐིམ་བར་བྷེ་ཤིག༔ ཨོ་གྷར་ཁཾ༔ སོགས་སྨེ་བརྩེགས་སྔགས་ཉེར་གཅིག་བརྗོད་པ་དང་མཉམ་དུ་སྣམ་རས་ནག་པོ་མདོས་ནང་དུ་བུ་མོ་ལ་འཕེན་བཅུག་གོ༔ སྐབས་འདིར་རྒྱས་པར་བྱེད་ན་སྔགས་དྲུག་ཕྱག་རྒྱ་དྲུག་གིས་མདོས་བྱིན་གྱིས་བརླབས༔ བསྡུ་ན༔ ཨོཾ་སྭ་བྷ་ཝ་སོགས༔ སྟོང་པའི་ངང་ལས་མདོས་གླུད་ཁ་དོག་དྲི་རོ་ནུས་པ་ཕུན་སུམ་ཚོགས་པ༔ ནད་བདག་གྲིབ་བདག་ཐམས་ཅད་མགུ་ཞིང་ཚིམ་པ་བསྐྱེད་པར་བྱེད་པ་བདུད་རྩིའི་རྒྱ་མཚོ་འདོད་པའི་ཡོན་ཏན་ལྔ་དང་ལྡན་པར་གྱུར༔ ཨོཾ་ཧཱུྃ་ཧཱུྃ་ཧྲཱིཿ ཨཱཿ ཞེས་བྱིན་གྱིས་བརླབས༔ ཨོཾ་ཨ་ཀཱ་རོ་སོགས་ལན་གསུམ་གྱིས་བསྔོས་ལ༔ ནད་གདོན་གྲིབ་ཀྱི་བདག་པོ་བདག་མོ་ཁྱེད་རྣམས༔ མདོས་གླུད་གྲིབ་ཀྱི་བཤོས་བུ་འདིས་ཚིམ་པར་གྱིས་ལ༔ དེངས་ཕྱིན་ཚད་ནད་པ་འདི་ལ་མ་གནོད་མ་འཚེ་བར་གནས་གཞན་དུ་དེངས་ཤིག༔ དེ་ནས་ཁྱེའུ་གཅིག་གིས་མདོས་ལ་ཁ་རྒྱུ་ནས་མདའ་གསིར་བཅུག༔ འདོན་པའི་མཚམས་སུ་གྲིབ་བརྡའོ་ཟེར་བཅུག་ཅིང་དབྱངས་དང་བཅས་པས༔ ཧཱུྃ༔ ད་ནི་གྲིབ་ཀྱི་བྱུང་ཁུངས་ཏི༔ སོགས་ནས༔ ཆག་ཆེན་ཉམས་ང་བཟློག་ཏུ་གསོལ༔ བར་བརྗོད༔ དེ་ནས་མདོས་ཁ་མར་

[Full Size]

བསྒྱུར་ལ༔ བུ་མོ་དེས་མདའ་དར་དཀར་པོ་དེ་ཕྲག་པ་གཡོན་དུ་བཀལ༔ རས་ནག་པོའམ༔ སྣམ་རས་ནག་པོ་གཅིག་ལག་གཡས་སུ་ཐོགས་ནས༔ ཁ་མར་གྱུ་ནས་མདོས་ལ་གཡབ་ཅིང་བརྡ་བའི་ཚུལ་བྱ༔ ཁྱེའུ་ཁ་མར་གྲུ་ནས་མདའ་གསིར་ཞིང་༔ འདོན་པའི་ནང་དུ་གྲིབ་བརྡའོ་ནམ་བྱུང་སྔར་ལྟར་ཀུན་གྱིས་གྲིབ་བརྡའོ་ཞེས་འུར་དིར་དིར་བྱའོ༔ དེ་དང་མཉམ་དུ་གཅིག་གིས་སྲན་མ་རམ་པ་སོགས་འབྲུ་ནག་ཐོགས་ལ་རྫོངས་འདེབས་མཉམ་དུ་བྱ་སྟེ༔ རྫོངས་སུ་འདེབས་ཟེར་དུས་ཐམས་ཅད་བཏབ་རྫོངས་འདེབས་ཅིག་རང་ཡིན་ནོ༔ ཧཱུྃ༔ ཆོས་ཉིད་བདེན་པའི་བྱིན་རླབས་དང་༔ ནས༔ ཕྱོགས་བཞི་མཚམས་བརྒྱད་གཤེགས༔ ཞེས་པའི་བར་བྱ༔ འོ་དེ་ལྟར་དང་པོ་གྲིབ་བཤགས་པ་དང་༔ གཉིས་པ་གྲིབ་བཀྲུ་བ་དང་༔ གསུམ་པ་གྲིབ་ཕྱི་བ༔ བཞི་པ་གྲིབ་ཕྱགས་པ༔ ལྔ་པ་གྲིབ་མདོས་བསྔོ་བ༔ དྲུག་པ་གྲིབ་བརྡ་བ༔ བདུན་པ་གྲིབ་རྫོངས་བཏབ་ཅིང་གྲིབ་བརྫངས་བ་རྣམས་བྱས་པས༔ ནད་པ་ནད་གདོན་ལས་གྲོལ་ཏེ་ཤེལ་སྒོང་ལྟར་གྱུརཿ་མཁའ་འགྲོ་ལྷ་སྲུང་ཐམས་ཅད་གྲིབ་ལས་གྲོལ་ཏེ༔ མདངས་དང་ལྡན་པར་གྱུར་ནས༔ བདག་གི་མཐུ་དཔུང་དང་སྡོང་གྲོགས་ལ་བཞེངས་ནས༔ གནོད་བྱེད་ཐམས་ཅད་བཟློག་ཅིང་དགྲ་བགེགས་ཀྱི་སྟེང་དུ་དམག་ཆས་པར་སྒོམས་ཤིག༔ ཅེས་ནད་

[Full Size]

པ་ལ་བརྡའ་སྤྱད༔ ཧཱུྃ༔ ཁྲོ་བོ་རྨེ་བརྩེགས་ཆེན་པོ་སྟེ༔ ནས༔ ཟ་བ་དེ་ནི་འདྲེ་ལ་སྐྱོལ་གྱིས་བར་བརྗོད༔ དེ་ནས་མདོས་ནང་གི་ཁྲག་ཟོར་ཀོང་བུ་ལྔ་རྡོ་ནག་སྦྱོ་བྲིས་པ་ལྔ་མཚེ་དང་ཡུངས་དཀར་རྣམས་པགས་པ་ནག་པོའམ་གདན་ནག་པོའི་སྟེང་དུ་བཞག་ལ་མི་གཉིས་ཀྱིས་བཏེག་ལ༔ ཧཱུྃ༔ ད་ནི་མདོས་གླུད་གཏོང་རེ་རན༔ ཞེས་པ་ནས༔ ཟོར་ཡ་བྷྱོའི་བར་དབྱངས་དང་བཅས་པས་བརྗོད་ལ༔ ཟོར་རྣམས་དལ་བུས་མདོས་ཀྱི་འགྲམ་དུ་བཞག༔ བུ་མོས་སྣམ་རས་ཕྱར་ནས་བརྡབ་ཅིང་ཡས་ཐོག་ཏུ་གཡབ༔ མཁའ་འགྲོ་རྒྱུ་ལྡོག་རྩིས་ལ་ལྷོ་ནུབ་ནུབ་ནུབ་བྱང་གསུམ་གང་རུང་དུ་བསྐྱལ་ན་ལེགས༔ འདི་སུན་ཟློག་དང་དབྱིབས་འདྲ་བས་ཤར་ཕྱོགས་སུ་བསྐྱལ་མི་རུང་ཞེས་འགའ་ཞིག་གིས་གསུངས་སོ༔ ཧཱུྃ༔ ང་ནི་ཁྲོ་རྒྱལ་འཇིགས་པའི་སྐུ་སོགས་མཚམས་བཅད་བྱས་ལ་མདོས་ལ་ནས་ཐུན་བརྡེག་དེ་ནས་བུ་མོ་དེས་སྣམ་རས་དང་མདའ་དར་གཡབ་ཅིང་༔ ཁྱེའུས་མདའ་གསིར་ཞིང་བསྐྱལ་བཅུག་གོ༔ ༈ འདིའི་ཡོན་ཏན་ནི༔ རྩ་བའི་དམ་ཚིག་ལ་སོགས་ཏེ་ཆག་ཉམས་ཆེན་པོ་གསོ་བ་དང་༔ མཚམས་མེད་ལྔའི་གྲིབ་དང་༔ མཁའ་འགྲོའི་བཀའ་ཆད་ལ་སོགས་འདིས་སྦྱངས༔ ཆག་ཆེ་བ་དང་ཉམས་ང་བ་འཆི་བ་བཟློག་པར་འགྱུར་རོ༔ མཁའ་འགྲོ་མ་སྤྲིན་བཞིན་དུ་འདུ་བར་འགྱུར་རོ༔ ཟས་ནོར་ལོངས་སྤྱོད་མི་ནོར་ཐམས་ཅད་འདུ་ཞིང་༔ ཡམས་ནད་ཆད་པ་དང་༔ མཆོག་ཐུན་མོང་གི་དངོས་གྲུབ་ལ་སོགས་པ་ཅི་འདོད་པ་

[Full Size]

ཐམས་ཅད་འབྱུང་ངོ་༔ ལྷ་འདྲེ་གང་བསྒྲུབ་པའི་སྔོན་དུ་བླ་མ་བསྒྲུབས་ནས་མདོས་འདི་བྱས་ན་འགྲུབ་ཐག་ཉེའོ༔ ཁྱད་པར་དུ་དགྲ་བགེགས་གང་ལ་བྱེད་ཀྱང་གདོན་མི་ཟའོ༔ ཕ་རོལ་གྱི་ཕུར་ཁ་ཐམས་ཅད་འདིས་བཟློག་པར་འགྱུར་རོ༔ དེའི་ཕྱིར་རྣལ་འབྱོར་པས་འདི་ལ་བརྩོན་པར་བྱའོ༔ ཞེས་ཨོ་རྒྱན་ཆེན་པོ་ཉིད་ཀྱིས་གསུངས་སོ༔ ༈ ཨེ་མ་མཁའ་འགྲོའི་གྲིབ་སེལ་ཤེལ་གྱི་མེ་ལོང་འདི༔ ཨོ་རྒྱན་བཀའ་ཉིད་རྒྱུད་ཀྱི་ཚིག་ཡིན་ཕྱིར༔ ཚིག་ཉུང་དོན་མང་ལག་ལེན་ཐེབ་པར་དཀའ༔ འགའ་ཞིག་གཟུ་ལུམ་ཡིག་ནག་ཕྲེང་དད་ཀྱང་༔ སྤྱོད་ལྡན་དག་གིས་མཐོང་ན་བཞད་བགད་ཤོར༔ དེ་ཕྱིར་གཏེར་ཁ་གཞན་ནས་བྱུང་བ་ཡི༔ གྲིབ་སེལ་རྒྱས་པ་རྣམས་དང་ཟིན་བྲིས་དང་༔ ཁྱད་པར་འདི་ཡི་ཕྱག་ལེན་འཁྲུལ་མེད་རྣམས༔ ལེགས་པར་མཐོང་ཞིང་ཁོང་དུ་ཆུད་བྱས་ནས༔ གྲིབ་སེལ་ཤེལ་གྱི་མེ་ལོང་བུ་ཡིག་བྲིས༔ འདི་ལ་འགལ་འཁྲུལ་ནོངས་པ་ཅི་མཆིས་པ༔ མ་ཚོགས་མཁའ་འགྲོ་རྣམས་ཀྱི་སྤྱན་སྔར་བཤགས༔ དགེ་བས་འགྲོ་ཀུན་ཉམས་ཆག་དག་གྱུར་ནས༔ སྒྲིབ་མེད་བདེ་ཆེན་ཞིང་དེར་སྐྱེ་ཕྱིར་བསྔོ༔ ཞེས་པ་འདི་ནི་རིག་སྔགས་འཆང་བའི་རྣལ་འབྱོར་པ་པྲ་ཝའི་མིང་ཅན་གྱིས་བསྐུལ་བ་ལ་བརྟེན་ནས༔ དགེ་སློང་ཀརྨ་ཨ་རཱ་གས་མགྱོགས་པར་བྲིས་པའོ༔ སརྦ་མངྒ་ལཾ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

འགྲེས་བྱང་འདི་གཏེར་མཛོད་འཇའ་ཚོན་མ་ནིང་ཞི་བའི་ལས་ཚོགས་མཁའ་འགྲོའི་གྲིབ་སེལ་ཤེལ་དཀར་བུམ་པའི་ཆུ་རྒྱུན་ནས་ཁོལ་དུ་ཕྱུང་བ།

[Full Size]

འགྲེས་བྱང་འདི་གཏེར་མཛོད་འཇའ་ཚོན་མ་ནིང་ཞི་བའི་ལས་ཚོགས་མཁའ་འགྲོའི་གྲིབ་སེལ་ཤེལ་དཀར་བུམ་པའི་ཆུ་རྒྱུན་ནས་ཁོལ་དུ་ཕྱུང་བའོ།། ཧཱུྃ༔ ཕྱི་ནི་འབྱུང་བ་ལྔ་ཡི་ཀློང་༔ ནང་ནི་ཡེ་ཤེས་ལྔ་ཡི་འོད༔ གསང་བ་དབྱིངས་ཀྱི་རང་བཞིན་ལ༔ རྡོ་རྗེ་ཕག་མོ་གཙོ་དང་འཁོར༔ སངས་རྒྱས་རིན་ཆེན་པདྨ་ལས༔ ས་ཆུ་མེ་རླུང་འབྱུང་བའི་ལྷ༔ ཡེ་ནས་ཆོས་ཉིད་དག་པའི་ངང་༔ སྣོད་བཅུད་ཐམས་ཅད་སྦྱང་བའི་ཕྱིར༔ ཆོས་ཀྱི་དབྱིངས་ནས་གཤེགས་སུ་གསོལ༔ ནད་དང་ཡམས་ཀྱི་བདག་མོ་དང་༔ དལ་ཡམས་གྲིབ་ཀྱི་བདག་མོ་རྣམས༔ ཉམས་ཆག་སྦྱང་ཕྱིར་གཤེགས་སུ་གསོལ༔ རང་བཞིན་སྲིད་པའི་ལྷ་སྲིན་དང་༔ ལན་ཆགས་འབྱུང་པོའི་ཚོགས་རྣམས་ཀྱང་༔ འཕྲལ་རྐྱེན་བཟློག་ཕྱིར་གཤེགས་སུ་གསོལ༔ ཐབ་གཞོབ་འཁོན་དང་བཙོག་གྲིབ་དག༔ རྒྱུ་དང་རྐྱེན་ལས་གནས་གྱུར་པའི༔ གནོད་ཅིང་འཚེ་བ་གང་ཡང་རུང་༔ མ་ལུས་ཐམས་ཅད་གཤེགས་སུ་གསོལ༔ ཌཱ་ཀི་ནཱི་ཡེ་ཨེ་ཡཾ་རཾ་བཾ་ལཾ་ཛ༔ཧཱུྃ་བཾ་ཧོ༔ ཧཱུྃ༔ དམ་ཚིག་གཉན་པའི་དཀྱིལ་འཁོར་འདིར༔ ཉམས་ཆག་སྦྱོང་ཞིང་ཆག་ཆེན་ཟློག༔ ཕྲིན་ལས་བསྒྲུབ་ཕྱིར་བཞུགས་སུ་གསོལ༔ འབར་བའི་གདན་

[Full Size]

ལ་བཞུགས་པ་ལ༔ བདག་ཅག་གུས་པས་ཕྱག་བགྱིའོ༔ ༈ ཧཱུྃ༔ རང་བཞིན་ཆོས་དབྱིངས་དག་པའི་ཕོ་བྲང་ནས༔ རྡོ་རྗེ་ཕག་མོ་གསན་ཅིང་དགོངས་སུ་གསོལ༔ ཁྱེད་ནི་ཆོས་དབྱིངས་རྣམ་པར་དག་པ་ལ༔ བདག་ཅག་མ་རིག་གཏི་མུག་རྟག་ཏུ་འཁྲུལ་རྡོ་རྗེ་ཕག་མོའི་སྐུ་ལ་བཟོད་པར་གསོལ༔ ཧཱུྃ༔ རྡོ་རྗེ་མཁའ་འགྲོ་གསན་ཅིང་དགོངས་སུ་གསོལ༔ ཆོས་རྣམས་མེ་ལོང་ཡེ་ཤེས་དག་པ་ལ༔ བདག་རྟོགས་དབང་གིས་ཞེ་སྡང་རང་སར་བཟུང་༔ རྡོ་རྗེ་མཁའ་འགྲོའི་སྐུ་ལ་བཟོད་པར་གསོལ༔ ཧཱུྃ༔ རིན་ཆེན་མཁའ་འགྲོ་གསན་ཅིང་དགོངས་སུ་གསོལ༔ གཟུང་འཛིན་མཐའ་བྲལ་མཉམ་ཉིད་ངོ་བོ་ལ༔ གཉིས་རྟོག་དབང་གིས་ང་རྒྱལ་རང་སར་བཟུང་༔ རིནཆེན་མཁའ་འགྲོའི་སྐུ་ལ་བཟོད་པར་གསོལ༔ ཧཱུྃ༔ པདྨ་མཁའ་འགྲོ་གསན་ཅིང་དགོངས་སུ་གསོལ༔ མ་འདྲེས་རང་གསལ་སོར་རྟོག་ངོ་བོ་ལ༔ གཉིས་རྟོག་དབང་གིས་ང་རྒྱལ་རང་སར་བཟུང་༔ རིན་ཆེན་མཁའ་འགྲོའི་སྐུ་ལ་བཟོད་པར་གསོལ༔ ཧཱུྃ༔ ལས་ཀྱི་མཁའ་འགྲོ་གསན་ཅིང་དགོངས་སུ་གསོལ༔ ཕྲིན་ལས་རྣམ་དག་བྱ་གྲུབ་ངོ་བོ་ལ༔ ལོག་རྟོག་དབང་གིས་ཕྲག་དོག་རང་

[Full Size]

སར་བཟུང་༔ ལས་ཀྱི་མཁའ་འགྲོའི་སྐུ་ལ་བཟོད་པར་གསོལ༔ ཧཱུྃ༔ འབྱུང་བ་ལྔ་ཡི་བདག་ཉིད་དགོངས་སུ་གསོལ༔ ཡེ་ནས་རྣམ་དག་སངས་རྒྱས་ངོ་བོ་ལ༔ གཟུང་འཛིན་དབང་གིས་ཨ་འཐས་དངོས་པོར་བཟུང་༔ འབྱུང་ལྔ་བདག་མོའི་སྐུ་ལ་བཟོད་པར་གསོལ༔ ཧཱུྃ༔ ཤ་ཟ་མཁའ་འགྲོ་ལས་ཀྱི་མཁའ་འགྲོ་དང་༔ དཀྱིལ་འཁོར་སྐྱོང་མཛད་མ་ཡམས་བརྟན་མའི་ཚོགས༔ མ་རིག་དབང་གིས་ཉེས་པའི་སྐྱོང་བྱུང་བ༔ རིགས་འདུས་མཁའ་འགྲོའི་སྐུ་ལ་བཟོད་པར་གསོལ༔ ཧཱུྃ༔ བླ་མ་ཡི་དམ་མཁའ་འགྲོའི་ཚོགས་རྣམས་དང་༔ སངས་རྒྱས་བྱང་སེམས་རིག་འཛིན་གྲུབ་པའི་ཚོགས༔ ཆོས་སྐྱོང་དམ་ཅན་སྲུང་མ་རྒྱ་མཚོའི་ཚོགས༔ འགོ་བའི་ལྷ་སྲུང་སྡོང་གྲོགས་བྱེད་པའི་ཚོགས༔ ཐམས་ཅད་ཀུན་ནས་བདག་ལ་དགོངས་སུ་གསོལ༔ བདག་ཅིག་མ་རིག་རྨོངས་པའི་ལས་དབང་དང་༔ ཚེ་འདིའི་རྐྱེན་དང་ཡུན་གྱི་སྒྲིབ་གྱུར་རྣམས༔ རབ་གནོང་འགྱོད་པའི་སེམས་ཀྱིས་མཐོལ་ལོ་བཤགས༔ ཁྱེད་ཀྱི་ཐུགས་དགོངས་ནམ་མཁའ་ལྟ་བུ་ལ༔ ཐུགས་ལ་བདག་རྟོག་གཉིས་འཛིན་མི་མངའ་ཡང་༔ རབ་གནོང་འགྱོད་པའི་སེམས་

[Full Size]

ཀྱིས་མཐོལ་བཤགས་ན༔ མི་དམིགས་བཏང་སྙོམས་ངང་དུ་བཞེས་ནས་ཀྱང་༔ མི་སྒྲིབ་ཚངས་པའི་དངོས་གྲུབ་བསྩལ་དུ་གསོལ༔ རྣལ་འབྱོར་གང་ཞིག་དམ་ཚིག་ཉམས་པ་དང་༔ སྐད་ཅིག་ཙམ་ཡང་འཕྲད་པར་མི་བྱ་ཞེས༔ བཀའ་གསང་གཉན་པོའི་རྒྱུད་ནས་དེ་སྐད་གསུངས༔ མ་རིག་བདག་ཅག་ལུས་དང་ངག་སེམས་ཀྱིས༔ བག་མེད་ཚུལ་གྱིས་དམ་ལས་འགལ་གྱུར་ཏེ༔ ཕྲག་དོག་བག་ཆགས་སྐྱོན་གྱི་གྲིབ་མ་དེས༔ བདག་ལུས་སྒྱུ་མ་འདི་ལ་གོས་གྱུར་ན༔ ཡེ་ཤེས་ལྷ་ཚོགས་སྤྱན་སྔར་མཐོལ་ལོ་བཤགས༔ ཉམས་དང་གྲིབ་མའི་སྐྱོན་རྣམས་བྱང་བར་མཛོད༔ ཉམས་དང་ཚོགས་འདྲེས་ཉམས་པ་བསྐངས་བ་དང་༔ ཉམས་དང་སྣོད་མིན་རྣམས་ལ་ཆོས་བཤད་དང་༔ ཉམས་པའི་ཟས་ཟོས་ཉམས་པའི་ཆུ་འཐུང་དང་༔ ཉམས་དང་གཏམ་བརྗོད་ཁ་རླངས་ཕོག་པ་ཀུན༔ ཡེ་ཤེས་ལྷ་ཚོགས་རྣམས་ལ་མཐོལ་ལོ་བཤགས༔ ཉམས་དང་གྲིབ་མའི་སྐྱོན་རྣམས་བྱང་བར་མཛོད༔ ས་མ་ཡ་ཤུདྡྷེ་ཨ་ཨ་ཨཱཿ ༈ ཧཱུྃ༔ ཆོས་དབྱིངས་ཡེ་ཤེས་དག་པ་ལ༔ རང་བྱུང་ལྷ་མོ་ཀུན་ཏུ་བཟང་༔ སྐུ་མདོག་མཐིང་ནག་འབར་བ་ལ༔ ཕྱག་ན་མཐིང་གི་བུམ་པ་

[Full Size]

བསྣམས༔ གཏི་མུག་སེལ་མཛད་བསམ་གཏན་ཆུས༔ ཉམས་གྲིབ་ཐམས་ཅད་དག་གྱུར་ཅིག༔ ཨོཾ་བཛྲ་བེ་རོ་ཙ་ནི་སོགས་དང་༔ ༀ་ཨེ་ཧོ་ཤུདྡྷེ་སོགས་ཀྱི་སྔགས་བརྗོད་པ་ཕྱིན་ཆད་ཚིག་མཚམས་རྣམས་སུ་འགྲེ། ཧཱུྃ༔ མེ་ལོང་ཡེ་ཤེས་དག་པ་ལ༔ རྡོ་རྗེའི་ལྷ་མོ་སངས་རྒྱས་སྤྱན༔ སྐུ་མདོག་དཀར་གསལ་འོད་དུ་འབར༔ ཕྱག་ན་ཤེལ་གྱི་བུམ་པ་བསྣམས༔ ཞེ་སྡང་དག་མཛད་ཚུལ་ཁྲིམས་ཆུས༔ ཉམས་གྲིབ་ཐམས་ཅད་དག༔ ཧཱུྃ༔ མཉམ་ཉིད་ཡེ་ཤེས་དག་པ་ལ༔ རིན་ཆེན་ལྷ་མོ་མཱ་མ་ཀཱི༔ སྐུ་མདོག་སེར་གསལ་འོད་ཟེར་འབར༔ ཕྱག་ན་གསེར་གྱི་བུམ་པ་འཛིན༔ ང་རྒྱལ་དག་མཛད་བཟོད་པའི་ཆུས༔ ཉམས་གྲིབ་ཐམས་ཅད་དག༔ ཧཱུྃ༔ སོར་རྟོག་ཡེ་ཤེས་དག་པ་ལ༔ པདྨའི་མཁའ་འགྲོ་གོས་དཀར་མོ༔ སྐུ་མདོག་དམར་གསལ་འོད་ཟེར་འབར༔ ཕྱག་ན་བྱི་རུའི་བུམ་པ་འཛིན༔ འདོད་ཆགས་དག་མཛད་བསམ་གཏན་ཆུས༔ ཉམས་གྲིབ་ཐམས་ཅད་དགཌ༔ ཧཱུྃ༔ བྱ་གྲུབ་ཡེ་ཤེས་དག་པ་ལ༔ ལས་ཀྱི་ལྷ་མོ་དམ་ཚིག་སྒྲོལ༔ སྐུ་མདོག་ལྗང་ལ་འོད་ཟེར་འབར༔ ཨིནྡྲ་ནཱི་ལའི་བུམ་པ་འཛིན༔ ཕྲག་དོག་དག་མཛད་ཤེས་

[Full Size]

རབ་ཆུས༔ ཉམས་གྲིབ་ཐམས་ཅད་དག༔ ཧཱུྃ༔ དུག་ལྔའི་གྲིབ་ཀུན་རང་བཞིན་དག༔ ཡེ་ཤེས་ལྔ་ནི་རབ་རྒྱས་དཔལ༔ ཕ་རོལ་ཕྱིན་དྲུག་ཁྲུས་ཀྱི་ཆུས༔ ཉམས་གྲིབ་མི་གཙང་དག་གྱུར་ཅིག༔ སྔགས་བརྗོད་ལ་ཁྲུས་བྱ་ཞིང་མེ་ལོང་ཕྱིར། ༈ ཧཱུྃ༔ ཆོས་དབྱིངས་ཡེ་ཤེས་རྣམ་པར་དག༔ མ་རྟོགས་འཁྲུལ་པའི་སེམས་ཅན་རྣམས༔ མ་རིག་གཟུང་འཛིན་དབང་གིས་བཅིངས༔ རྣམ་དག་ཡེ་ཤེས་ངང་དུ་ཕྱིའོ༔ སངས་རྒྱས་རིན་ཆེན་རྡོ་རྗེ་དང་༔ པདྨ་ལས་ཀྱི་མཁའ་འགྲོ་དང་༔ ཆོས་དབྱིངས་ཡེ་ཤེས་མཉམ་ཉིད་དང་༔ སོར་རྟོག་བྱ་གྲུབ་ཡེ་ཤེས་ལྔའི༔ རང་བཞིན་དག་པའི་དབྱིངས་སུ་ཕྱིའོ༔ གཏི་མུག་ཞེ་སྡང་ང་རྒྱལ་དང་༔ འདོད་ཆགས་ཕྲག་དོག་མ་རིག་སོགས༔ རྣམ་དག་ཆོས་དབྱིངས་ཆེན་པོ་ལ༔ མ་རིག་རྟོག་པའི་གཉིས་འཛིན་གྱིས༔ ང་བདག་གཟུང་འཛིན་འཁྲུལ་པ་ཡིས༔ མ་རིག་འཁྲུལ་པས་དོན་མ་རྟོགས༔ ངར་འཛིན་དབང་གིས་རྟོག་སྒྲིབ་བྱུང་༔ མཁའ་འགྲོ་ཆོས་སྐྱོང་ལྷ་སྲུང་ལ༔ ཉམས་གྲིབ་ཕོག་པས་ནོངས་གྱུར་པ༔ མཐོལ་ལོ་ཡི་དམ་ལྷ་ལ་མཐོལ༔ བཤགས་སོ་མཁའ་འགྲོ་ཆོས་སྐྱོང་དང་༔ འགོ་ཞིང་སྡོང་གྲོགས་བྱེད་རྣམས་ལ་

[Full Size]

ཉེས་པ་ཐམས་ཅད་བྱང་གྱུར་ཅིག༔ ན་ཚ་སྡུག་བསྔལ་ཞི་གྱུར་ཅིག༔ ཕྱི་ཁྲུས་དུང་བས་དཀར་གྱུར་ཅིག༔ ནང་ཁྲུས་མཆོང་བས་དམར་གྱུར་ཅིག༔ གསང་ཁྲུས་ཤེལ་བས་གསལ་གྱུར་ཅིག༔ ལུས་ཀྱི་ན་ཚ་ཉམས་ཆག་ཕྱིའོ༔ སེམས་ཀྱི་སྡུག་བསྔལ་རྣམ་རྟོག་ཕྱིའོ༔ མཛེ་ཡུགས་འཁོན་དང་མནོལ་གྲིབ་ཕྱིའོ༔ ཐབ་གཞོབ་དམེ་དང་ཉམས་གྲིབ་ཕྱིའོ༔ ཨོཾ་སྭ་བྷཱ་ཤུདྡྷསརྦ་མཿསྭ་བྷཱ་ཤུདྡྷོཉཧཾ༔ ཤུདྡྷེ་ཤུདྡྷེ་ཉམས་གྲིབ་ཐམས་ཅད་སརྦ་ཨ་པཱ་ན་ཡེ་སྭཱ་ཧཱ༔ ༈ ཧཱུྃ༔ ད་ནི་གྲིབ་ཀྱི་བྱུང་ཁུངས་ནི༔ གྲིབ་བསྐྱལ་མ་རིག་ཡུལ་དུ་བསྐྱལ༔ ལྷ་ནད་སྨྱོ་དང་བཙོག་གྲིབ་དང་༔ བདུད་ནད་ལྕི་ཞིང་འཐིབས་པ་དང་༔ ཆག་ཆེ་ཉམ་ང་སྲོག་གི་བདུད༔ ལས་ལས་གྲུབ་པའི་ཤུགས་འགྲོ་དང་༔ མཐུ་རྩལ་ལྡན་པའི་གིང་ཆེན་རྣམས༔ གྲིབ་སྐྱོལ་ཉམས་པའི་ཡུལ་དུ་བདའ་འོ༔ ཧཱུྃ༔ རྒྱལ་གྲིབ་སྨྱོ་འབོག་ནག་པོ་དང་༔ བཙན་གྲིབ་གཟེར་ཐབས་དམར་པོ་ཡང་༔ རྣལ་འབྱོར་ལུས་སྲོག་ཉམས་པའི་བདུད༔ ལས་ལས་གྲུབ་པའི་ཤུགས་འགྲོ་དང་༔ མཐུ་རྩལ་ལྡན་པའི་གིང་ཆེན་རྣམས༔ གྲིབ་སྐྱོལ་ཉམས་པའི་ཡུལ་དུ་བདའ་འོ༔ ཧཱུྃ༔ གཟའ་གྲིབ་ལྐུགས་

[Full Size]

རེངས་སྨྱོ་བ་དང་༔ མ་མོའི་གྲིབ་ནག་འཐིབས་རྨོངས་ཀྱང་༔ རྣལ་འབྱོར་ཚེ་སྲོག་ཉམས་པའི་བདུད༔ ལས་ལས་གྲུབ་པའི་ཤུགས་འགྲོ་དང་༔ མཐུ་རྩལ་ལྡན་པའི་གིང་ཆེན་རྣམས༔ གྲིབ་སྐྱོལ་ཉམས་པའི་ཡུལ་དུ་བདའ་འོ༔ ཧཱུྃ༔ བླ་མ་ཡི་དམ་མཁའ་འགྲོ་དང་༔ སྐྱབས་གནས་དཀོན་མཆོག་གསུམ་པོའི་ཚོགས༔ ལྷ་སྲུང་སྡོང་གྲོགས་བྱེད་པ་རྣམས༔ བདེན་པའི་མཐུ་དང་རྫུ་འཕྲུལ་གྱིས༔ ཉམས་གྲིབ་མ་ལུས་དག་པར་མཛོད༔ ཆག་ཆེ་ཉམ་ང་བཟློག་ཏུ་གསོལ༔ ༈ ཧཱུྃ༔ ཆོས་ཉིད་བདེན་པའི་བྱིན་རླབས་དང་༔ མདོས་རྫ་ས་སྔགས་ཀྱི་ནུས་མཐུ་ཡིས༔ ད་ནི་གྲིབ་བདག་གནས་བདའ་འོ༔ ཤར་ལྷོ་ནུབ་བྱང་དབུས་དག་ན༔ ནད་དང་གྲིབ་ཀྱི་བདག་མོ་ལྔ༔ རེ་བའི་སྦྲ་ནག་ལྡིང་བའི་ནང་༔ གྲིབ་རྟ་ནག་པོ་ཆིབས་སུ་ཆིབས༔ དར་ནག་རལ་ག་ཞམས་སེ་ཞམ༔ གྲིབ་མདུང་གྲིབ་ཕྱགས་ཡུགས་སེ་ཡུག༔ གྲིབ་ཀྱི་ན་བུན་ཐུ་ལུ་ལུ༔ ནད་རླངས་གྲིབ་རླངས་ཆི་ལི་ལི༔ བུད་མེད་ནག་མོའི་འཁོར་གྱིས་བསྐོར༔ ཀུན་ཀྱང་ནད་དང་གྲིབ་ཀྱི་བདག༔ འོ་དོད་གནམ་དུ་ལྷངས་སེ་ལྷང་༔ གྲིབ་རྟ་མཐུང་རུ་འདུ་རུ་རུ༔ གྲིབ་མདུང་

[Full Size]

གྲིབ་ཕྱགས་ཡུགས་སེ་ཡུག༔ དེ་འདྲའི་གྲིབ་བདག་འཁོར་བཅས་ལ༔ གྲིབ་བཤོས་ནག་པོ་རྒྱན་ཅན་དང་༔ གྲིབ་ཁྲག་ནག་པོ་ཞགས་ཅན་དང་༔ གྲིབ་ཟན་ཨུ་ཀྱུ་སྲན་ནག་དང་༔ འབྲང་རྒྱས་ནག་པོ་གྲིབ་རྫ་ས་བཅས༔ གྲིབ་བདག་ཁྱོད་ལ་རྫོངས་སུ་འདེབས༔ ཉམས་གྲིབ་མཐའ་དབུས་ཕྱོགས་མཚམས་ནས༔ གྲིབ་སྐྱོལ་ནག་པོ་གནས་སུ་སྐྱོལ༔ ཉམས་གྲིབ་ནག་པོ་གནས་སུ་བདའ་འོ༔ མི་ལས་བཤུས་ཏེ་བདའ་འོ༔ གླུད་ལས་དཀྲིས་ཏེ་བདའ་འོ༔ ཉམས་གྲིབ་བཙོག་གྲིབ་དང་༔ ཐབ་གྲིབ་གཞོབ་གྲིབ་དང་༔ དམེ་གྲིབ་ཡུགས་གྲིབ་དང་༔ མཛེ་གྲིབ་མནོལ་གྲིབ་དང་༔ སྔོན་ལས་འཕྲལ་རྐྱེན་དང་༔ ལུས་དང་སྲོག་གི་བདུད༔ ཆག་ཆེ་ཉམ་ང་དང་༔ ཐམས་ཅད་གནས་སུ་བདའ་འོ༔ མདོས་བདག་མདོས་ལོངས་ལ༔ རང་རང་གནས་སུ་གཤེགས༔ གླུད་བདག་གླུད་ལོངས་ལ༔ ཕྱོགས་བཞི་མཚམས་བརྒྱད་གཤེགས༔ ༈ ཧཱུྃ༔ ཁྲོ་བོ་སྦེ་བརྩེགས་ཆེན་པོ་ས༔ མཐུ་དང་ནུས་པ་བསམ་མི་ཁྱབ༔ རྐྱེན་བཟློག་མཁའ་འགྲོའི་ཚོགས་བཅས་རྣམས༔ དར་དཀར་གཡབ་མོ་ལིངས་སེ་ལིང་༔ ར་ནག་དུལ་མོ་ཐིབས་སེ་

[Full Size]

ཐིབ༔ སྐུ་ལས་ཡེ་ཤེས་མེ་དཔུང་འབར༔ དུག་ལྔའི་རྣམ་རྟོག་ཐམས་ཅད་སྲེག༔ བག་ཆགས་གཞོབ་ཏུ་ཐུ་ལུ་ལུ༔ ཞལ་ནས་སྔགས་ཟོར་ལྡི་རི་རི༔ ཆག་ཆེ་ཉམ་ང་རྡུལ་དུ་རློགས༔ ཧཱུྃ༔ ཤར་ཕྱོགས་རྡོ་རྗེ་མཁའ་འགྲོ་མ༔ ཡུལ་འཁོར་སྲུང་གི་བཀའ་སྒྱུར་ལ༔ དྲི་ཟའི་དམག་ཚོགས་དགྲ་ལ་སྒྱུར༔ ནད་གདོན་གྲིབ་ཚོགས་ཤར་དུ་སྐྱོལ༔ ཧཱུྃ༔ རིན་ཆེན་རིགས་ཀྱི་མཁའ་འགྲོ་མ༔ འཕགས་སྐྱེས་པོ་ཡི་བཀའ་སྒྱུར་ལ༔ གཤིན་རྗེའི་དམག་ཚོགས་དགྲ་ལ་སྒྱུར༔ ནད་གདོན་གྲིབ་ཚོགས་ལྷོ་རུ་སྐྱོལ༔ ཧཱུྃ༔ པདྨ་རིགས་ཀྱི་མཁའ་འགྲོ་མ༔ སྤྱན་མི་བཟང་གི་བཀའ་སྒྱུར་ལ༔ ཀླུ་གདོན་དམག་ཚོགས་དགྲ་ལ་སྒྱུར༔ ནད་གདོན་གྲིབ་ཚོགས་ནུབ་ཏུ་སྒྱུར༔ ཧཱུྃ༔ ལས་ཀྱི་རིགས་ཀྱི་མཁའ་འགྲོ་མ། རྣམ་ཐོས་སྲས་ཀྱི་བཀའ་སྒྱུར་ལ༔ གནོད་སྦྱིན་དམག་ཚོགས་དགྲ་ལ་སྒྱུར༔ ནད་གདོན་གྲིབ་ཚོགས་བྱང་དུ་སྒྱུར༔ ཧཱུྃ༔ དབུས་ན་སངས་རྒྱས་མཁའ་འགྲོ་མ༔ ཚངས་པ་བརྒྱ་བྱིན་བཀའ་སྒྱུར་ལ༔ སྡེ་བརྒྱད་དམག་ཚོགས་དགྲ་ལ་སྒྱུར༔ ནད་གདོན་གྲིབ་ཚོགས་དབུས་སུ་སྐྱོལ༔ སྣང་བ་དེ་ནི་དགྲ་ལ་སྒྱུར༔ གནོད་པ་དེ་ནི་བགེགས་ལ་སྐྱོལ༔ ཟ་

[Full Size]

བ་དེ་ནི་འདྲེ་ལ་སྐྱོལ༔ ༈ ཧཱུྃ༔ ད་ནི་མདོས་གླུད་གཏོང་རེ་རན༔ ད་ནི་ཁྲག་ཟོར་འཕེན་རེ་རན༔ མཁའ་འགྲོ་སྡེ་ལྔའི་ཕྱག་བརྙན་མ༔ ཤུགས་འགྲོ་ལྔ་ཡི་ཕོ་ཉ་མོ༔ མ་བདུད་ཆེན་མོའི་ལས་མཁན་མོ༔ མ་མོ་འབུམ་གྱི་ཚོགས་དང་བཅས༔ ནད་བདག་ཆེན་མོ་ལས་ལ་ཆོས༔ ཟོར་བདག་ཆེན་མོ་ཟོར་ལ་བཞེངས༔ སྐུ་མདོག་མཐིང་ནག་ལྷགས་སེ་ལྷག༔ སྤྱན་གསུམ་སྡང་མིག་ཧྲིགས་སེ་ཧྲིག༔ ཁྲག་གི་རལ་པ་ཤ་ར་ར༔ ཐུན་དང་དུག་རླངས་ཆི་ལི་ལི༔ ཞལ་ནས་བློ་ཟློག་དི་རི་རི༔ རུ་ལུའི་སྒྲ་སྐད་འུ་རུ་རུ༔ དུལ་བརྡབ་གཡབ་མོ་ལིངས་སེ་ལིང་༔ ཧཱུཾ་དང་ཕཊ་སྒྲ་དི་རི་རི༔ མདའ་ཟོར་སྐྱ་བོ་ཤ་ར་ར༔ ཉུངས་ཟོར་ཟབ་ཏུ་ཧྲི་ལི་ལི༔ མཚེ་ཟོར་མདའ་ལྟར་ཏ་ལ་ལ༔ གཏོར་ཟོར་སྐྱོགས་འདེབས་ཆེམས་སེ་ཆེམ༔ ཁྲག་ཟོར་དུག་རླངས་ཆི་ལི་ལི༔ རྡོ་ཟོར་ཐོག་ལྟར་ཤ་ར་ར༔ རྩང་ཟོར་ངར་སྐད་འུ་རུ་རུ༔ གྲིབ་ཟོར་མེ་འབར་ལྷབས་སེ་ལྷབ༔ ཐམས་ཅད་རུ་མཚོན་རོངས་སེ་རོང་༔ མ་མོའི་དཔུང་ཚོགས་ཉི་ལི་ལི༔ བདག་དང་རྒྱུ་སྦྱོར་འཁོར་བཅས་ཀྱི༔ ནད་གདོན་རྐྱེན་ངན་བཟློག་ཏུ་གསོལ༔ ཆག་ཆེ་ཉམ་ང་བཟློག་ཏུ་

[Full Size]

གསོལ༔ བར་ཆད་རྐྱེན་ངན་བཟློག་ཏུ་གསོལ༔ ནད་ཁ་དལ་ཡམས་བཟློག་ཏུ་གསོལ༔ རྦོད་གཏོང་རྦད་འདྲེ་བཟློག་ཏུ་གསོལ༔ བྱད་ཁ་ཟོར་ཁ་བཟློག་ཏུ་གསོལ༔ གཏད་ཁ་ཕུང་སེལ་བཟློག་ཏུ་གསོལ༔ ཕྲ་མེན་རླུང་འཁོར་བཟློག་ཏུ་གསོལ༔ རྨིས་ལྟས་མཚན་ངན་བཟློག་ཏུ་གསོལ༔ ཧཱུྃ༔ ད་ནི་འཇིག་རྟེན་གཡོ་ཞིང་འགུལ༔ ད་ནི་སྲིད་གསུམ་༧ འཁྱམ་ཞིང་ལྡེག༔ སྣང་སྲིད་ཐམས་ཅད་གཡོ་ཞིང་འགུལ༔ མ་བདུད་ཆེན་མོ་སྐུ་བཞེངས་ཤིག༔ ཟོར་བདག་ཆེན་མོ་བསྐྱོད་པའི་ཚེ༔ འཁོར་གྱི་མ་མོ་ཅི་ལ་སྡོད༔ སྦྱིན་བདག་འཁོར་བཅས་ཆག་ཆེ་དང་༔ གདོན་གྲིབ་རྐྱེན་ངན་ཐམས་ཅད་ཀྱང་༔ མ་མོ་ཁྱོད་ཀྱིས་ད་བཤུས་ལ༔ དྲག་པོའི་ཟོར་དང་བཅས་ནས་ནི༔ སྡང་བའི་དགྲ་དང་གནོད་པའི་བགེགས༔ ཟ་བའི་འདྲེ་དང་སྲི་ལ་འཕངས༔ བརྣག་པའི་དགྲ་བགེགས་སྟེང་དུ་འཕངས༔ ཟློག་ཟློག༔ བྷྱོ་བྷྱོ༔ ཟོར་ཡ་ཟོར་ཡ་བྷྱོ༔

གུ་རུ་དྲག་པོའི་སྤྱི་དོན་མུན་སེལ་ཉི་མའི་འོད་ཟེར་ཞེས་བྱ་བ་སངས་རྒྱས་ཕུན་ཚོགས་ལ་གདམས་པ།

[Full Size]

གུ་རུ་དྲག་པོའི་སྤྱི་དོན་མུན་སེལ་ཉི་མའི་འོད་ཟེར་ཞེས་བྱ་བ་སངས་རྒྱས་ཕུན་ཚོགས་ལ་གདམས་པ་བཞུགས་སོ།།

[Full Size]

ན་མོ་པདྨ་ཀྲོ་དྷ་ཡེ༔ པདྨ་ཧེ་རུ་ཀ་ལ་འདུད༔ དྲག་པོའི་ཟིན་བྲིས་བྲི་བ་ལ༔ ཆོས་བདག་སྲུང་མས་བཀའ་གནང་སྩོལ༔ འདི་ལ་སྤྱི་དོན་རྣམ་པ་གཉིས༔ གཞན་ལུགས་དགག་དང་རང་ལུགས་བཞག༔ དང་པོ་གཞན་དག་རྙིང་མ་ལ༔ ཐོས་བསམ་གྱིས་དབེན་འགའ་ཞིག་གིས༔ ལོག་རྟོག་འཁྲུལ་པ་འདི་ལྟར་རོ༔ ཨོ་རྒྱན་པད་འབྱུང་བོད་དུ་ཕེབས༔ པད་འབྱུང་ཆེ་བ་མ་ཕེབས་ཟེར༔ པད་འབྱུང་ཆུང་བ་ཞེས་བྱ་བ། རྒྱལ་པོའི་སྲས་མོ་ཁྲོམ་པ་རྒྱན༔ ཡེ་ཤེས་མཁའ་འགྲོ་རྩོད་མེད་དེ༔ ཨོ་རྒྱན་རྗེ་ལ་ཕྱག་རྒྱུར་ཕུལ༔ དེ་ལ་ཀླུ་བདུད་སེ་འཕང་གིས༔ བུ་ནི་བདུད་

[Full Size]

ཀྱི་སྤྲུལ་པ་འབྱུང་༔ ཨོ་རྒྱན་སྲས་སུ་བརྫུས་ནས་ཀྱང་༔ ལོག་པའི་ལམ་ལ་འགལ་གྱུར་པ༔ ཐུགས་རྗེའི་ཐབས་ཀྱིས་བསྒྲལ་བྱས་པས༔ བསྟན་དང་འགྲོ་ལ་གནོད་མ་ནུས༔ ལོ་རྒྱུས་བཙུན་མོ་བཀའ་ཐང་གསལ༔ ལ་ལས་བོད་དུ་ཕེབས་པ་དེ༔ བལ་པོ་མགོ་འདིར་བྱ་བ་ཡིན༔ ཨོ་རྒྱན་པདྨ་མིན་ཞེས་ཟེར༔ བལ་པོ་མགོ་འདིར་བྱ་བ་ནི༔ བལ་པོ་བཱ་སུ་དྷ་ར་སྟེ༔ ཨོ་རྒྱན་རྗེ་ཡི་སློབ་མ་ཡིན༔ གཤིན་རྗེ་གཤེད་ཀྱི་གྲུབ་ཐོབ་སྟེ༔ བོད་དུ་ཨོ་རྒྱན་རྗེས་ལ་ཕེབས༔ བོད་དུ་ཨོ་རྒྱན་དངོས་ཕེབས་ལ༔ དམ་པ་རྒྱ་གར་སྐུ་ཚེ་ཡང་༔ ལྔ་བརྒྱ་བཅོ་ལྔ་ཐུབ་པ་སྟེ༔ ཨོ་རྒྱན་རྗེ་

[Full Size]

ཡི་མཆོད་གཡོག་བྱས༔ པཎ་ཆེན་ཀ་མ་ཤི་ལར་གྲགས༔ གསུང་ཞིང་ཇོ་བོ་ཨ་ཏི་ཤས༔ བོད་དུ་ལྷ་འདྲེ་འདུལ་བའི་ཕྱིར༔ ཕེབས་ཚུལ་བཀའ་གདམས་གླེགས་བམ་གསལ༔ དེ་བཞིན་གྲུབ་ཐོབ་སྐྱེར་སྒང་པས༔ རྨི་ལམ་བཟུང་སྟེ་ཨོ་རྒྱན་མཇལ༔ དེ་ཚེ་ལྷ་འདྲེ་འདུལ་བའི་ཕྱིར༔ བྱོན་ཚུལ་གསུང་ཚུལ་ལོ་རྒྱུས་གསལ༔ དེ་བཞིན་བོད་ཀྱི་ཆོས་རྒྱལ་གྱིས། ཡིག་ཚང་རྣམས་ལ་གསལ་བ་ཡིན༔ གྲུབ་ཆེན་མི་ཏྲའི་རྣམ་ཐར་ལས༔ ལྷ་འདྲེ་འདུལ་ཕྱིར་ཕེབས་པའི་དུས༔ སྦས་པའི་གསེར་གྱི་པ་ཏྲ་བཏོན༔ དེ་ཕྱིར་ཨོ་རྒྱན་ཆེན་པོ་ནི༔ བོད་དུ་ཕེབས་ལ་ཐེ་ཚོམ་བྲལ༔ ལ་ལས་ཨོ་རྒྱན་ཕེབས་ངེས་ཀྱང་༔ རྙིང་མའི་བཀའ་གཏེར་ཕལ་ཆེར་ནི༔ བོད་ཀྱི་སྔགས་པས་རང་བཟོ་བྱས༔ ཨོ་རྒྱན་གསུང་ནི་མ་ཡིན་ཟེར༔ དེ་ལྟར་རྙིང་མའི་སྔགས་རྣམས་ལས༔ བོད་སྐད་བོད་ཡིག་དྲུག་འདྲེས་ཟེར༔ རྙིང་མའི་གསང་སྔགས་རྒྱུད་འབུམ་ལ༔ གླེགས་བམ་བཞི་བཅུ་ལྷག་ཙམ་ཡོད༔ དེ་ཙམ་སྔགས་པས་བརྩམ་པ་མཚར༔ སྔགས་པ་ཡང་ནི་སུ་ཡིན་དང་༔ གང་ཡིན་གང་དུ་བརྩམ་པ་སོགས༔ དཔེ་རྒྱུད་གཏམ་རྒྱུད་གང་ན་ཡང་༔ མེད་པའི་གཏམ་དེ་མཚར་པོ་ཆེ༔ བོད་ཡིག་བོད་སྐད་འདྲེས་

[Full Size]

པ་རྣམས༔ རྒྱུད་གཞུང་ཚད་ལྡན་མིན་བཞེད་ན༔ ལྷ་མོ་ཙུན་དྷའི་ལས་སྔགས་ལ༔ ཞི་ཞི་ལ་སོགས་བོད་ཡིག་འདུག༔ ཕྱག་བཞི་པ་ཡི་ཡིག་རྙིང་ལ་ཆོད་ཆོད་ཟེར་བའི་བོད་ཡིག་འདུག༔ ཁྱད་པར་ཁྲི་སྲོང་རྒྱལ་པོའི་དུས༔ མཁས་པ་བརྒྱ་དང་རྩ་བརྒྱད་འཚོགས༔ སྐད་རིགས་དུ་མའི་སྐད་དུ་བསྒྱུར༔ ཕྱིས་སུ་ཆོས་རྒྱལ་སྐུ་རིང་ལ༔ ཕལ་ཆེར་ལེགས་སྦྱར་སྐད་དུ་བསྒྱུར༔ གཏེར་ནས་བྱུང་བའི་སྔགས་རྣམས་ལ༔ སྔགས་ཀྱི་བཀླག་ཐབས་མི་དཔང་སྟེ༔ ཕལ་ཆེར་ལེགས་སྦྱར་སྐད་མིན་ཞིང་༔ མཁའ་འགྲོ་སྲིན་པོ་ལྷ་སྲིན་སོགས༔ སྣ་ཚོགས་སྐད་དུ་སྔགས་རྣམས་ཡོད༔ ཕལ་ཆེར་རྒྱ་སྐད་བོད་སྐད་དང་༔ ཌཱ་ཀིའི་བརྡ་སྐད་འདྲེས་པ་ཡིན༔ ཨོ་རྒྱན་པདྨ་རྒྱ་གར་གྱི༔ གྲུབ་ཐོབ་པཎྜི་ཏ་ཡིན་པར༔ འདོད་པ་མ་རྟོགས་འཁྲུལ་པའི་བློ༔ དང་པོའི་སངས་རྒྱས་ཀུན་ཏུ་བཟང་༔ གཟུགས་ཀྱི་སྐུ་རུ་སྤྲུལ་པ་ཡིན༔ ཀུན་ཏུ་བཟང་དང་རྡོ་རྗེ་འཆང་༔ པདྨ་འབྱུང་གནས་ཉིད་ཡིན་པས༔ ཨོ་རྒྱན་རྣམ་ཤེས་ཚོགས་བརྒྱད་ཀྱི༔ སྤྲུལ་པ་བཀའ་བརྒྱད་གཙོ་བོ་བརྒྱད༔ ཡིན་ཚུལ་དྲག་མཐིང་ལོ་རྒྱུས་གསལ༔ ཐུབ་པའི་རྒྱལ་ཚབ་ཡིན་ཟེར་བ༔ དྲང་དོན་ཡིན་གྱིས་ངེས་དོན་མིན༔

[Full Size]

སངས་རྒྱས་སྟོང་ལ་དབང་བསྐུར་མཁན༔ ཨོ་རྒྱན་ཡིན་ཚུལ་བཀའ་ཐང་གསལ༔ མདོ་ཡི་སྟོན་པ་ཤཱཀྱ་ཐུབ༔ སྔགས་ཀྱི་སྟོན་པ་པདྨ་འབྱུང་༔ བསྟན་པ་སྟོན་པ་སོ་སོ་ཡིན༔ གསར་མའི་རྒྱུད་ལས་མ་གསུངས་ན༔ སྒྲོལ་མ་རལ་པ་གྱེན་བརྫེས་རྒྱུད༔ གླེགས་བམ་ཤིན་ཏུ་ཆེ་བ་དེ༔ ཇོ་བོ་རྗེ་ཡི་རྒྱ་དཔེ་ལ༔ བུ་སྟོན་ཆེན་པོས་བསྒྱུར་བ་ལས༔ རིག་འཛིན་པདྨ་དཀར་པོ་ཞེས༔ འཁོར་ནི་རིག་འཛིན་བཅོ་བརྒྱད་དང་༔ རིག་འཛིན་སྟོང་ཕྲག་དཔག་མེད་པ༔ བུད་མེད་རྣམས་དང་ཐུན་གཅིག་ལ༔ མཐུ་སྟོབས་རྫུ་འཕྲུལ་ཆེན་པོ་ཅན༔ སྔགས་ནི་ཨོ་པདྨ་བཛྲ་ཧཱུྃ༔ ཞེས་སོགས་གསུངས་པ་ཨོ་རྒྱན་ཉིད༔ སངས་རྒྱས་ཐོད་པ་ཐོད་པ་རྩལ༔ པདྨ་ཐོད་ཕྲེང་ཐོད་ཕྲེང་རྩལ༔ ཐམས་ཅད་ཨོ་རྒྱན་ཡིན་ངེས་པས༔ གསར་མའི་སངས་རྒྱས་ཐོད་པའི་རྒྱུད༔ བཀའ་བརྒྱད་རིག་འཛིན་འདུས་པའི་རྒྱུད༔ ཐམས་ཅད་ཨོ་རྒྱན་རྒྱུད་ཡིན་ནོ༔ དེས་ན་ཨོ་རྒྱན་རིག་འཛིན་ཆེ༔ གསང་སྔགས་ཕྱག་ན་རྡོ་རྗེ་ལྟར༔ གསང་སྔགས་བདེ་མཆོག་ཧེ་རུ་ཀཿ ཡིན་གྱིས་པཎ་གྲུབ་འདོད་པ་འཁྲུལ༔ བདེ་བ་ཅན་གྱི་ཞིང་ཁམས་སུ༔ གུ་རུ་ཞི་བའི་རྒྱུད་སུམ་བརྒྱ༔ དགོངས་འདུས་རྒྱུད་ནི་བཅུ་ཡི་ནང་༔ གུ་རུ་ཞི་

[Full Size]

དྲག་ལྷ་དང་སྔགས༔ ཐམས་ཅད་རྒྱས་པར་ཡོད་པའོ༔ ཁྱད་པར་གུ་དྲག་ཕྲིན་ལས་རྒྱུད༔ དྲག་མཐིང་རྒྱུད་སོགས་གསང་རྒྱུད་མང་༔ གུ་དྲག་རྒྱུད་མིན་ཟེར་བ་འཁྲུལ༔ གཏེར་ཆོས་ཨོ་རྒྱན་གསུང་རྣམས་ནི༔ རྒྱ་གཞུང་བོད་གཞུང་ཐམས་ཅད་ཚང་༔ ཁྱད་པར་ལོཙྪའི་ཚིག་སླད་དང་༔ བཅོས་བསླད་མ་ཞུགས་རྡོ་རྗེའི་གསུང་༔ གསར་མའི་ལོ་ཙྪ་རྣམས་ཀྱང་ནི༔ འོག་མིན་དུར་ཁྲོད་ལ་སོགས་དང་༔ ཨོ་རྒྱན་མཁའ་འགྲོའི་ཡུལ་རྣམས་སུ༔ མ་རྡོལ་ཕྱིར་ན་རྙིང་མའི་རྒྱུད༔ མ་མཐོང་དེ་ཡི་གཏན་ཚིག་ཡིན༔ དཔལ་ལྡན་ཇོ་བོ་ཨ་ཏི་ཤས༔ ཨོ་རྒྱན་ཆེན་པོའི་རྫུ་འཕྲུལ་གྱིས༔ བླངས་བའི་རྒྱུད་འགའ་བསམ་ཡས་འདུག༔ དཔེ་བྲིས་རྒྱ་གར་བསྐུར་རོ་སྐད༔ དྷ་ན་ཀོ་ཤར་འཁྲུངས་མ་ཐག༔ དྲག་མཐིང་སྐུར་བཞེངས་གཟའ་རྣམས་བཏུལ༔ དབུས་གཙང་མ་ཕེབས་པ་ཡི་གོང་༔ རྫུ་འཕྲུལ་སྟོབས་ཀྱིས་ཁམས་སུ་ཕེབས༔ ཁམས་ཕྱོགས་ལྷ་འདྲེ་འདུལ་བའི་ཕྱིར༔ གུ་དྲག་རིགས་ལྔར་བཞེངས་པའི་ཚུལ༔ བཀའ་ཐང་ནང་དུ་གསལ་བ་ཡིན༔ མཆིམས་ཕུ་ཡར་ལུང་ཤེལ་བྲག་དང་༔ ཏི་གྲོར་ལྷ་འདྲེ་འདུལ་བའི་ཕྱིར༔ གུ་དྲག་སྐུ་རུ་ལན་མང་པོར༔ བཞེངས་ཚུལ་

[Full Size]

གཏེར་ཁ་མང་པོར་གསལ༔ བསམ་ཡས་བེ་གར་འདུལ་ཕྱིར་བཞེངས༔ དེ་ཕྱིར་བེ་གར་འདུལ་བའི་ཕྱིར༔ ཁོ་ནར་གུ་དྲག་སྤྲུལ་པ་མིན༔ བེ་གར་སྤྲུལ་པའི་ལྕགས་སྡིག་དེ༔ རང་གཤེད་འབེབས་ཕྱིར་ཕྱག་མཚན་མཛད༔ རྣམ་ཤེས་ཐོན་པའི་ལྕགས་སྡིག་ལུསཿ༔ ཁྲོ་རྒྱལ་ཀུན་གྱི་ནུས་པ་བསྡུས༔ ཡེ་ཤེས་སྡིག་པའི་སྒྲུབ་ཐབས་མཛད༔ གུར་དྲག་ལྕགས་སྡིག་ནོར་བའི་གཏམ༔ གཤེ་སྐུར་མཚམས་མེད་ལྔ་ལས་ལྡི༔ མཁའ་འགྲོ་ལྷ་སྲིན་བཀའ་ཆད་འོང་༔ གལ་ཏེ་ལྕགས་སྡིག་བེ་དཀར་ལུས༔ ཡིན་ཕྱིར་སྒོམ་སྒྲུབ་མི་རུང་ན༔ རྟ་ཕག་རུ་དྲ་ཕོ་མོའི་ལུས༔ ཡིན་ཕྱིར་སྒྲུབ་པར་མི་རུང་ངོ་༔ དུར་ཁྲོད་ཆས་བརྒྱད་དཔལ་ཆས་བཅུ༔ ཞལ་གསུམ་ཕྱག་དྲུག་ལ་སོགས་པ༔ བདུད་ཀྱི་ཆས་དང་ལུས་ཡིན་པས༔ གང་ཡང་སྒྲུབ་པར་མི་རུང་ངོ་༔ འདི་འདྲ་སྨྲ་བའི་ལྕེ་དེ་ལ༔ དགའ་རབ་དབང་ཕྱུག་མ་ཞུགས་སམ༔ སྤྲུལ་སྐུ་ཨོ་རྒྱན་རིན་པོ་ཆེ༔ འཛམ་གླིང་འདི་རུ་མ་བྱོན་པའི༔ དེ་སྔོན་བསྐལ་པ་མང་པོ་ནས༔ གུ་རུ་དྲག་པོ་ཡོད་པར་ངེས༔ སྔོན་འདས་བསྐལ་པ་གྲངས་མེད་གོང་༔ བསྐལ་པ་གཟི་བརྗིད་སྣང་རྒྱན་ལ༔ སངས་རྒྱས་རྔ་སྒྲའི་རྒྱལ་པོ་ཡི༔ བསྟན་ལ་དགེ་བསྙེན་ཟླ་བ་

[Full Size]

ཞེས༔ བཀའ་དོན་ལོག་སྤྱད་ངན་སོང་སྐྱེས༔ དེ་ནས་སྤྲུལ་པ་ཞེས་པ་ཡི༔ དྲེགས་བྱེད་དུ་སྐྱེས་ལྷ་ཡུལ་ཕུང་༔ དེ་ཉིད་འདུལ་ཕྱིར་སངས་རྒྱས་ཀུནཾ༔ བྱིན་རླབས་ཡོན་ཏན་གཅིག་བསྡུས་ཏེ༔ རྟ་མཆོག་རོལ་པའི་དཀྱིལ་འཁོར་སྤྲུལ༔ རྟ་མཆོག་རོལ་པའི་རྒྱུད་ལས་གསུངས༔ རྟ་མགྲིན་རིགས་ལ་རྟ་སྤྱིའི་གྲངས༔ གུར་དྲག་ཅེས་པ་རྟ་མགྲིན་རིགས༔ གུ་དྲག་རྟ་དབུ་ཡོད་པ་ལགས༔ དེ་ནས་གུ་རུ་ཞི་དྲག་གཉིས༔ གང་སྔ་ཚོད་འཛིན་དཀའ་བར་སྣང་༔ མཁས་གྲུབ་ཁྱུང་པོས་བསྒྱུར་བ་ཡི༔ གསར་མའི་ཕྱག་དྲུག་ཆོས་སྐོར་གྱི༔ བཀའ་བསྒོ་བདེན་ཚིག་འཁོར་ལོ་ཞེས་རྒྱ་གཞུང་སྔགས་ལ་ཨ་ཙིག་ཡོད༔ རྒྱ་གར་གུ་དྲག་མེད་པ་མིན༔ སྔོན་བྱོན་གཏེར་སྟོན་བརྒྱ་རྩ་ལ༔ གཏེར་སྟོན་རེ་ལ་གུ་དྲག་རེ༔ ལ་ལར་གཉིས་གསུམ་རེ་ཡང་ཡོད༔ གཏེར་རྙིང་ཕལ་ཆེར་བྱིན་རླབས་ཡལ༔ བསྟན་པའི་གནས་ཚད་རྫོགས་པ་མང་ལ་ལར་རྫོགས་ལ་ཁད་དུ་ཡོད༔ རཏྣ་གླིང་དང་སངས་རྒྱས་གླིང་༔ ཀརྨ་གླིང་པ་ལ་སོགས་པ༔ བསྟན་པ་ཡུན་རིང་བཀྲ་ཤིས་དགེ༔ གཏེར་སྟོན་ཕལ་ཆེར་རྟེན་འབྲེལ་ཡང་༔ བར་ཆད་དབང་དུ་ཤོར་བ་མང་༔ བར་ཆད་ཅི་ཡང་མ་བྱུང་

[Full Size]

བ༔ གཏེར་སྟོན་རཏྣ་གླིང་པ་ཡིན༔ དེ་ཕྱིར་རཏྣ་བྱིན་རླབས་ཚེ༔ འདི་ཡི་སྒྲུབ་སྐོར་ཐམས་ཅད་ལ༔ གཞུང་ནས་གསུང་ལྟར་བཅས་ནས་ཀྱང་༔ དང་པོ་ལས་བྱང་ཚར་གཅིག་འདོན༔ དེ་ནས་སྒྲུབ་ཐབས་གང་ཡིན་གྱི༔ མངོན་རྟོགས་སླར་ཡང་འདོན་ཝིག་བྱེད༔ དེ་ནས་སོ་སོའི་བསྙེན་པ་བྱེད༔ དེ་ལུགས་ཐབས་དང་ཐུན་དུ་བྱ༔ ཞལ་ཤེས་མེད་པའི་ལག་ལེན་ཡིན༔ འོན་ཀྱང་བཅོས་བསླད་མེད་པའི་ལུགས༔ ཟབ་ཟེར་ང་རྒྱལ་ཁེངས་པ་སྨྲ༔ དཔྱོད་ལྡན་མཐོང་ན་དགོད་རེ་བྲོ༔ གོང་བསྙེན་ཞི་བ་མ་བསྒྲུབས་པའི༔ དྲག་པོར་འཇུག་པ་ཡ་ང་༔ གནད་ཀྱི་སྒྲུབ་ལུགས་མ་ཤེས་ན༔ མ་འཕྲོད་ཟེར་ཞིང་ལྷ་ལ་གཤེ༔ ཕྱག་ལེན་མེད་པའི་སྒྲུབ་པ་བརྩམ༔ བར་ཆད་གཡབ་མོས་གཡབ་པ་ཡིན༔ དབང་ལུང་ཚད་ལྡན་མ་ཐོབ་པས༔ སྔགས་བསྙེན་མཚམས་དང་བསྐང་ཟློག་སོགས༔ སྔགས་ལོག་རྡོ་རྗེ་དམྱལ་བའི་རྒྱུ༔ དབང་ལུང་བསྙེན་སྒྲུབ་ཐེམ་ན་ཡང་༔ དམ་ཚིག་མི་སྲུང་དམ་སྲིར་སྐྱེ༔ གཞན་ལུགས་བཀག་པའི་ལེའུ་དང་པོའོ༔ པད་འབྱུང་བཀའ་དང་བླ་མའི་ལུང་༔ རང་གི་ཉམས་མྱོང་བསྟན་པའི་ལུགས༔ དམ་ཚིག་གཙང་བའི་རྒྱུད་པ་སོམས༔ མན་ངག་མཁས་པའི་

[Full Size]

སློབ་དཔོན་བསྟེན༔ རྒྱུན་བསྙེན་བསྐང་བ་བྱེད་ཙམ་ལ༔ དབང་ནི་འབྲིང་དང་བསྡུས་པས་ཆོག༔ གང་མཁོ་ཁོལ་བུའི་ལུང་ལྡེབ་དང་པོ་ཏི་མགོར་བཞག་ཙམ་གྱིས་ཆོག༔ ཕྱི་ནང་གསང་བ་ཡང་གསང་སོགས༔ སྒྲུབ་པ་ཐམས་ཅད་བྱེད་པ་ལ༔ དབང་ནི་རྒྱས་པ་གལ་ཆེ་ཞིང་༔ སྨྱོ་ཁ་སྤུ་གྲི་མཁའ་རི་སོགས༔ སྒྲུབ་ན་སོ་སོའི་བཀའ་གཏད་ནི༔ ཕྱག་ལེན་བཞིན་དུ་ཐོབ་གལ་ཚེ༔ དྲེགས་པ་ཉི་ཤུ་རླུང་དམར་སོགས༔ དྲག་སྔགས་རྒྱ་ཆེན་བྱེད་པ་ལ༔ དྲེགས་པའི་སྲོག་དབང་གལ་ཆེ་སྟེ༔ འཁུ་ལྡོག་ཆེ་ཕྱིར་བཀའ་རྒྱ་གདམས༔ སློབ་མར་ནུས་པ་མི་ལྡན་ན༔ སློབ་མ་ཉིད་ལ་བར་ཆད་འབྱུང་༔ དྲག་པོའི་རྫོགས་རིམ་ཉམས་ལེན་ན༔ མཆོག་དབང་གསུམ་པོ་ཐོབ་པར་བྱ༔ པོད་ལུང་ཡོངས་རྫོགས་ཐོབ་ན་མཆོག༔ མིན་ཀྱང་སྒྲུབ་པ་ཐམས་ཅད་ཞུ༔ དམ་ཚིག་རྣམ་གྲངས་མཐའ་ཡས་ཀྱང་༔ བླ་མ་པད་འབྱུང་དབྱེར་མེད་བལྟ༔ ལུས་ལྷ་ངག་སྔགས་སེམས་ཏིང་འཛིན༔ གཏོར་བསྔོས་ཆག་མེད་ཚེས་བཅུ་གཟབ༔ ངག་ནུས་ཆེ་བས་རྒྱལ་བསེན་འདུལ༔ དགྲ་བོ་ཆམ་ལ་ཕབ་འདོད་ན༔ གུ་རུ་དྲག་པོ་སྒྲུབ་པ་ནི༔ ཙན་དན་སོལ་བ་བྱས་དང་མཚུངས༔ ཚེ་གཅིག་རྡོ་

[Full Size]

རྗེ་འཆང་འགྲུབ་ཕྱིར༔ དྲག་པོ་བསྒྲུབས་པས་མཆོག་གི་ཞོར༔ ཐུན་མོང་གང་འདོད་ཤུགས་ལ་འགྲུབ༔ དང་པོ་ཀུན་དྲིལ་ཡིད་བཞིན་ནོར༔ མ་བསྒྲུབས་དྲག་པོ་བསྒྲུབ་ན་ནི༔ རྒྱལ་བསེན་སྡེ་བརྒྱད་བར་ཆད་བརྩམ༔ སློང་དང་ཆོ་འཕྲུལ་ནོན་པར་དཀའ༔ དེ་ཕྱིར་སྔོན་ལ་བསྒྲུབ་པར་བྱ༔ སྤྱིར་ནི་སྒྲུབ་པ་ཐམས་ཅད་ལ༔ རྡུལ་ཚོན་རས་བྲིས་ཚོམ་བུ་གསུམ༔ དེ་གསུམ་གང་འབྱོར་དབུས་སུ་ནི༔ བུམ་པ་རྫས་ལྡན་སྤྱི་ལྟར་བཤམས༔ དེ་སྟེང་མཉྫི་ཨོམ་བཅས་སྟེང་༔ སྒྲུབ་གཏོར་རིན་ཆེན་འབར་བ་བཤམས༔ གཡས་སུ་བདུད་རྩི་གཡོན་རཀྟ༔ མཐའ་བསྐོར་ཤར་དུ་ཡོན་ཆབ་དང་༔ ཤར་ལྷོར་ཞབས་བསིལ་ལྷོར་མེ་ཏོག༔ ལྷོ་ནུབ་བདུག་སྤོས་ནུབ་མར་མེ༔ ནུབ་བྱང་དྲི་ཆབ་བྱང་ཞལ་ཟས༔ བྱང་ཤར་ཏིང་ཤག་དྲིལ་བུའམ༔ མེད་ན་མཚམས་འཛིན་མེ་ཏོག་བཤམས༔ དེ་ནི་བརྗེ་བར་མི་བྱ་སྟེ༔ ཅུང་ཟད་སྐབས་སུ་ཁ་གསོའོ༔ རིན་ཆེན་འབར་བ་ལ་སོགས་རྣམས༔ དང་པོ་ལན་གཅིག་བྲན་པ་དེ༔ ལྷ་བསྐྱེད་རྟེན་ཡིན་གསོ་མི་དགོས༔ གེལ་དུ་གཏོར་སྒམ་ལ་སོགས་སུ༔ རྒྱུན་དུ་གསོ་རྒྱུའི་ཕུགས་གཏོར་དང་༔ རྗེ་རྒྱུའི་མཆོད་པ་རྣམ་ལྔ་དང་༔ བྲན་པའི་བདུད་རྩི་ལ་སོགས་

[Full Size]

བཤམས༔ སྒོར་རྩར་ཐོ་བརྩིགས་གཞི་བདག་ལ༔ བཀའ་བསྒོ་དཀར་གཏོར་དེ་རུ་ཕུལ༔ བར་ཆད་མ་བཏང་གྲོགས་གྱིས་བརྗོད༔ བགེགས་གཏོར་རྒྱས་པར་བཏང་ནས་ཀྱང་༔ བགེགས་བསྐྲད་རྫ་ས་སམ་གུ་གུལ་བདུག༔ ཁྲུས་བྱས་ཁ་བཤལ་ཉལ་མལ་གོས༔ གཟུངས་ཆུ་གཏོར་ཞིང་སྤོས་ཀྱིས་བདུག༔ དེ་ནས་ཁ་ནི་མི་བཤལ་ཞིང་༔ གདན་གོས་མི་སྤྲུག་ཕྱགས་མ་སྤང་༔ ཉལ་གདན་མི་བསྐུལ་མེ་ཉི་སྤང་༔ གཏན་དྲོད་མ་ཡལ་ཉལ་ས་མནན༔ དང་པོ་ནུབ་པར་ཚོགས་དང་ནི༔ བསྐང་གསོ་གཏོར་འབུལ་རྒྱས་པར་བྱ༔ ཚེས་བཅུ་དགུ་གཏོར་མ་གཏོགས་པར༔ ཚོགས་དང་གཏོར་འབུལ་མི་དགོས་སོ༔ རྒྱུན་དུ་ངག་བཅད་དམ་པར་བྱ༔ ཚོགས་རྫས་མིན་པའི་ཤ་ཆང་སྤང་༔ རང་རང་གཞུང་ནས་བྱུང་བ་ཡི༔ ཕུར་པ་གཏོར་མ་ཐོད་རྔ་སོགས༔ བྱེ་བྲག་སྒྲུབ་རྫས་གཞུང་ལྟར་རོ༔ དང་པོ་སྐྱབས་སེམས་མཆོད་བྱིན་བརླབས༔ རྒྱུན་ཏུ་དཀར་བགེགས་མི་དགོས་སོ༔ མཚམས་གཅོད་ནས་བཟུང་ཏིང་འཛིན་གསུམ༔ བར་དུ་ལས་བྱང་གཞུང་ལྟར་ཏེ༔ དེ་ནི་ཞི་དྲག་གཉིས་ཀ་མཚུངས༔ དེ་ནས་ཀུན་དྲིལ་བསྒྲུབ་པ་ལ༔ གཞལ་ཡས་ཁང་བསྐྱེད་ཡན་ལ་ནི༔ ཐུགས་

[Full Size]

སྒྲུབ་ལས་བྱང་གཞུང་ལྟར་ལ༔ སྒྲུབ་གཞུང་ཉིད་ནས་གསལ་བ་ལྟར༔ རང་ཉིད་རྟ་མགྲིན་བསྒོམ་པ་སྟེ༔ མདུན་བསྐྱེད་ཨོ་རྒྱན་སྤྲུལ་སྐུ་ལ༔ གུ་རུ་མཚན་བརྒྱད་གིང་ཚོགས་བསྐྱེད༔ བུམ་ནང་ཐོད་ཕྲེང་སྡེ་ལྔ་རྣམས༔ མངོན་རྟོགས་ཐུགས་སྒྲུབ་ནང་ནས་བྱ༔ གཏོར་མ་བླ་མ་གསང་འདུས་ནི༔ མངོན་རྟོགས་སྒྲུབ་གཞུང་བཞིན་དུ་བྱ༔ དེ་ནས་སྤྱན་འདྲེན་མཆོད་བསྟོད་སོགས༔ ཐུགས་སྒྲུབ་འཛབ་དགོངས་བསྐུལ་བྱས་ལ༔ བསྙེན་སྒྲུབ་ལས་སྦྱོར་དམིགས་རིམ་ནི༔ སྒྲུབ་གཞུང་ཉིད་ལས་གསལ་བཞིན་ནོ༔ སྔ་དྲོ་ཉིན་ཕྱེད་དགོང་མོ་དང་༔ མཚན་མོ་དང་བཅས་ཐུན་བཞི་རུ༔ ལས་བྱང་འདོན་ལུགས་དེ་བཞིན་ཏེ༔ བར་སྐབས་སྔགས་དང་དམིགས་པ་གཟིར༔ ཐུན་འཇུག་གསོལ་འདེབས་ཚར་གསུམ་མཐར༔ སྔགས་དེ་ཉེར་གཅིག་བར་དུ་བརྗོད༔ བསྙེན་པ་ཞག་བདུན་སྒྲུབ་བདུན་གཉིས༔ ལས་སྦྱོར་སྔགས་ལ་ཞག་གཅིག་སྟེ༔ དེ་ནས་ཚོགས་དང་ཆད་མདོ་སོགས༔ ཐུགས་སྒྲུབ་མཇུག་རྣམས་རྫོགས་པ་སྟེ༔ གཏོར་དབང་བུམ་དབང་དངོས་གྲུབ་ལེན༔ མཆོད་བསྟོད་དཀྱིལ་འཁོར་བསྡུས་ནས་ནི༔ ཞག་གཅིག་མཚམས་ལྷོད་གནས་དེར་འདུག༔ དེ་ལྟར་ཞག་གྲངས་

[Full Size]

ཉེར་གཅིག་རྫོགས༔ དེ་ནས་གསང་སྒྲུབ་ཡང་གསང་དང་༔ ནང་སྒྲུབ་ཕྱི་སྒྲུབ་ཟིལ་གནོན་རྣམས༔ གོ་རིམ་བྱེད་པ་འཇམ་པའི་གནད༔ ཧཱུྃ་སྒྲུབ་ནམ་དགར་བྱ་རུང་ངོ་༔ དེ་བཞིན་གོ་ཆ་ཁྱུང་ལ་སོགས༔ གོ་རིམ་མེད་དེ་ནམ་འདོད་རུང་༔ ཀུན་ལ་དྲག་པོའི་ལས་བྱང་ནི༔ ཏིང་འཛིན་རྣམ་གསུམ་བར་དུ་འདོན༔ གཞལ་ཡས་ཁང་བསྐྱེད་རྒྱས་པ་ནི༔ ཁྲོ་རྒྱལ་སྟོབས་འདུས་ནང་ནས་སབ༔ ལྷ་བསྐྱེད་རང་རང་གཞུང་ལྟར་རོ༔ གོ་ཆ་མངོན་རྟོགས་གསང་སྒྲུབ་ནས༔ གོ་ཆའི་སྔགས་ནི་སྟོབས་འདུས་ནས༔ སབ་ལུགས་ཀུན་གྱི་ཤེས་ལྟར་ལགས༔ ཕྱི་ནང་གསང་གསུམ་གང་ལ་ཡང་༔ རྩ་སྔགས་སྔགས་འབྲུ་ཉི་ཤུ་པ༔ ཁོ་ན་བསྙེན་པར་བྱ་བ་ལས༔ ལས་སྔགས་སྡེ་བརྒྱད་གཟིར་སྔགས་ནི༔ ཉུང་ན་སྟོང་ལ་མང་ན་ཁྲི༔ དེ་ལས་མང་བར་མི་རུང་ངོ་༔ འཇམ་དཔལ་རྟ་མགྲིན་ཕྱག་རྡོར་དང་༔ མེ་དབལ་འདོན་ལུགས་གོང་དང་མཚུངས༔ ཧཱུྃ་སྒྲུབ་ལ་ནི་ལས་བྱང་དང་༔ སྤྲོས་བཅས་མི་དགོས་གཞུང་དུ་གསལ༔ ཁྱད་པར་གོང་དང་མི་འདྲ་བའི༔ ཚེ་དཔག་གུར་དྲག་ལས་བྱང་ལྟར༔ བདག་བསྐྱེད་བྱས་ལ་ཚེ་གཏོར་ལ༔ སྤྱན་འདྲེན་གོང་དུ་ཚེ་དཔག་བསྐྱེད༔ སྤྱན་

[Full Size]

འདྲེན་མཆོད་པ་ཐུན་མོང་ཡིན༔ མཁའ་འགྲོ་ཡོན་ཏན་བསྒྲུབ་པ་ལ༔ ལས་བྱང་ཚར་གཅིག་ཐོན་པ་དང་༔ སྟོང་པར་བསྡུས་ལ་མཁའ་འགྲོ་བསྐྱེད༔ ཁྱུང་ནག་ལ་ཡང་དེ་ལྟར་རོ༔ དེ་མིན་གོ་ཆ་ཕལ་ཆེར་དུས༔ སྤྱན་འདྲེན་ནང་ནས་སོ་སོ་ཐུ༔ མཆོད་པའི་ཚིག་དང་སྔགས་རྣམས་བསྒྱུར༔ བསྟོད་པ་རྣམ་རྒྱལ་འབར་མ་ནས༔ སོ་སོའི་བསྟོད་པ་སབ་པར་བྱ༔ སྡིག་པའང་ལས་བྱང་གཏོར་བསྔོས་དང་༔ སྤུ་གྲི་སྨོ་ཁ་ཚར་རྗེས་སུ༔ བདག་བསྐྱེད་བསྡུས་ལ་ལྕགས་སྡིག་བསྒོམ༔ ཁྱུང་དམར་ལས་བྱང་མི་དགོས་ཤིང་༔ མཆོད་བསྟོད་སྤྱན་འདྲེན་བྱ་མི་དགོས༔ དྲན་རྫོགས་བསྒོམས་ལ་སྔགས་བཟླས་ཆོག༔ རྡོ་ཟློག་ལིང་ག་བསྒྲལ་བསྟབ་བྱ༔ འདོན་བྱ་རྣམ་རྒྱལ་འབར་མ་སྟེ༔ ལྷ་ཚོགས་མདུན་བསྐྱེད་ནམ་མཁར་ཏེ༔ རྡོ་ནི་ཀེང་རུས་མཚོན་མེ་དཔུང་༔ སྔགས་རྒྱུན་འདོན་སྐབས་དང་བསྟུན་ནས༔ སྒྲུབ་པ་ངག་བཅད་བྱ་བ་ཡི༔ ཨ་ཙིག་འབུམ་ཚོ་ཉི་ཤུ་འམ༔ ཡང་ན་བསྒྲུབ་པའི་རྟགས་ཐོན་པས༔ ཕྱག་རྟགས་རྡོ་རྗེ་བསྐུལ་རུང་གིས༔ སུ་ཡིན་དག་གིས་བྱ་རྒྱུ་མིན༔ བྱས་ཀྱང་མི་ཕན་རང་ལ་གནོད༔ སྤུ་གྲི་སྲོག་གཅོད་ལ་སོགས་པ༔ ནུས་པ་གདེང་དང་ལྡན་པས་བྱ༔ སྔགས་ཆུང་

[Full Size]

བྱས་ན་རང་ལ་ཟློག༔ བསྐང་བ་གྲིབ་སེལ་གཏོར་ཟློག་དང་༔ ཐུགས་སྒྲུབ་སུན་ཟློག་གླིང་བཞིའི་མདོས༔ དབང་ལུང་ཐོབ་པས་བྱ་རུང་ངོ་༔ མཁའ་འགྲོ་གཏོར་ཟློག་རང་དོན་ལས༔ གཞན་གྱི་དོན་དུ་མི་རུང་ངོ་༔ རྣམ་རྒྱལ་འབར་བ་གག་ཐུག་ན༔ འདོན་གྱིས་ནམ་ཡིན་འདོན་མི་རུང་༔ སྤུ་གྲི་སྨྱོ་ཁ་མཁའ་རི་སོགས༔ རྒྱུན་དུ་བཏོན་ན་བཀྲ་ཤིས་དགེ༔ ཁྱད་པར་སྒྲུབ་དུས་གལ་ཆེ་སྟེ༔ བར་ཆད་མ་ཤོར་སྲུངས་ཞེས་བསྒོ༔ ངེས་པར་སྲུང་ཕྱིར་བར་ཆད་དཀོན༔ ཐུགས་ཁྲིད་འཆད་དང་བསྒོམ་འདོད་ན༔ ལོ་རྒྱུས་རཏྣའི་རྣམ་ཐར་བརྗོད༔ ཐུན་མོང་ཐུན་མོང་མིན་པ་ཡི༔ སྔོན་འགྲོ་ཆོས་སྤྱོད་ལམ་རིམ་ལྟར༔ དངོས་གཞི་ཐུགས་ཁྲིད་གཞུང་ལྟར་ལས༔ དམིགས་རིམ་གསལ་འདེབས་ལ་སོགས་པ༔ སྐུ་གསུམ་སྒྲུབ་པའི་གཞུང་ནས་ས༔ རྒྱབ་ཆོས་ལང་གྲོའི་ཞུས་ལེན་དང་༔ རྣམ་ཐར་གསེར་ཕྲེང་བཤད་པར་བྱ༔ ཕལ་ཆེར་རང་ཉམས་ཐོག་ནས་བཤད༔ དེ་ཡི་གུ་དྲག་བསྐྱེད་རྫོ་གས་ཀྱི༔ ངག་ཁྲིད་རྩ་ཚིག་བརྗོད་པ་ཚང་༔ རྒྱས་པར་བྲིས་ན་པོ་ཏི་ཙམ༔ བྲི་མི་ནུས་ཤིང་བཀའ་རྒྱ་འཇིགས༔ ཤེས་རབ་ཅན་ལ་དེ་ཡིས་འཐུས༔ རྨོངས་པ་རྣམས་ལ་ཅི་ཆ་ཡོད༔

[Full Size]

བསྐྱེད་རྫོགས་གདེང་དང་ལྡན་པ་ཡིས༔ བྱམས་དང་སྙིང་རྗེས་ཀུན་བསླང་སྟེ༔ བསྒྲལ་བའི་ཞིང་གྱུར་སྡིག་རྒྱུན་གཅོད་རྣམ་ཤེས་བདེ་ཆེན་ཞིང་དུ་སྤྱིར༔ བསྟན་འཛིན་དབུ་འཕང་མཐོ་བའི་ཕྱིར༔ སྤུ་གྲི་རང་གཤེད་ངག་མནན་དང་༔ སྤུ་གྲི་སྨྱོ་ཁ་ལ་སོགས་པའི༔ དྲག་སྔགས་ཐོག་འདྲ་འགའ་མཆིས་ཀྱང་༔ བསྟན་པའི་སྤྱི་དོན་བསྒྲུབ་མི་དཀོན༔ རང་འདོད་ཞེ་སྡང་ཕྲག་དོག་གིས་རང་གཞན་གཉིས་ཕུང་རྒྱུད་འགྱུར་གྱིས༔ ཟིན་བྲིས་མི་སྨྲ་ཁ་ལྤགས་བསྡམ༔ དུས་མཐའི་སྔགས་འཆང་ཨ་རཱ་གས༔ ལོ་དགུ་ལོན་ནས་ང་བཞིའི་བར༔ ཡི་དམ་གཙོ་བོ་གུ་དྲག་བྱས༔ དབང་ལུང་མང་ཐོབ་བསྙེན་ཅིང་བསྒྲུབ༔ སློབ་དཔོན་ཞལ་ཁྲིད་མང་པོ་དང་༔ སྒྲུབ་པའི་ཉམས་མྱོང་དམ་དུམ་མཆིས༔ དབང་ལུང་ཕྱག་ཁྲིད་མང་སྤེལ་བས༔ ཉམས་སུ་སུས་བླངས་རྟགས་ཐོན་ཞིང་༔ གཞན་དོན་གྲོང་ཆོག་དབང་ཁྲིད་སོགས༔ ཕན་ཐོགས་ཆེ་ཞིང་གར་ཡང་འགྲིམ༔ ནད་ཞི་གདོན་ཞི་བྱིན་རླབས་ལྡན༔ རང་གཞན་ཀུན་ལ་ངེས་ཤེས་ཡོད༔ རིང་རྒྱུད་གསུམ་མམ་ཉེ་རྒྱུད་ཀྱི༔ དག་སྣང་བཀའ་བབ་བརྒྱུད་པར་ལྡན༔ དེ་ཕྱིར་ཕོ་ཚོད་རང་བཟོ་མིན༔ བདག་ལས་བརྒྱུད་པའི་ཕྱི་རབས་རྣམས༔

[Full Size]

བདེན་རྫུན་ཉམས་སུ་ལོངས་ལ་ལྟོས༔ དགེ་སློང་ཕུན་ཚོགས་ཀྱིས་བསྐུལ་ནས༔ སྲམ་གཞུང་ཆོས་རའི་དབུ་འཛུགས་ནུབ༔ སྔགས་འཆང་རཱ་ག་ཨ་སྱ་ཡིས༔ དགོང་ཐུན་གཅིག་ལ་རྫོགས་པར་བྲིས༔ ཉེས་འགལ་རྩ་གསུམ་ལྷ་ལ་བཤགས༔ དགེ་བས་མ་རྒན་སེམས་ཅན་ཀུན༔ རྡོ་རྗེ་དྲག་པོ་ཉིད་འགྲུབ་ཤོག༔ སྤུ་གྲི་སྨྱོ་ཁ་བརྟན་མའི་ཚོགས༔ ཆོས་འདི་དར་ཞིང་རྒྱས་པ་དང་༔ འགྲོ་དོན་འགྲུབ་པའི་སྟོང་གྲོགས་མཛོད༔ སརྦ་མངྒ་ལཾ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལོ་གླུད་སེར་ལམ་བཅད་ཐབས་དང་བཅས་པའི་འདོན་འགྲིགས་སེར་སྲུང་མེའི་བྱ་ཁྱུང་འབར་བ།

[Full Size]

ལོ་གླུད་སེར་ལམ་བཅད་ཐབས་དང་བཅས་པའི་འདོན་འགྲིགས་སེར་སྲུང་མེའི་བྱ་ཁྱུང་འབར་བ་བཞུགས་སོ།

[Full Size]

ན་མོ་གུ་རུ་ཀྲོ་དྷ་ཡེ༔ བཅོམ་ལྡན་བླ་མ་དྲག་པོར་ཕྱག་འཚལ་ནས༔ སྙིགས་མའི་དུས་འདིར་འགྲོ་ལ་ཕན་པའི་ཕྱིར༔ ལོ་གླུད་བཏང་དང་སེར་ལམ་བཅད་པའི་ཐབས༔ ལག་ཏུ་བླང་བདེར་གྱེར་བསྒོམ་བྱ་ཚུལ་བྲི༔ པད་འབྱུང་བཀའ་སྲུང་བཅས་པས་བཀའ་གནང་སྩོལ༔ བསང་གི་ཞོར་རམ་ཡང་ན་ནམ་ཡང་རུང་༔ རྡོ་ལེབ་གཙང་མའི་སྟེང་དུ་ཕྱེ་གཙང་ལ༔ གཟའ་བཤོས་ཟུར་གསུམ་གཡས་སུ་གཅུས་པ་གཅིག༔ གཡས་སུ་དཀར་ཕྱོགས་རྣམས་ལ་དཀར་གཏོར་གཅིག༔ གཡོན་དུ་ནག་ཕྱོགས་རྣམས་ལ་དམར་གཏོར་གཅིག༔ རྒྱབ་ཏུ་ཀླུ་ལ་སྦྲུལ་གྱིས་དཀྲིས་པ་གཅིག༔ མདུན་དུ་སྨན་རིགས་རྣམས་ལ་སྨན་ཏིང་གཅིག༔ དེ་མཐར་སྡེ་བརྒྱད་རྣམས་ལ་མཐེབ་སྒྱུ་

[Full Size]

བརྒྱད༔ བགེགས་དང་འབྱུང་པོར་ཆངས་བུ་ཏིང་ལོ་བཞག༔ འབྲུ་སྣ་བླུག་ཅིང་སྙེ་མའི་ཕུད་ཀྱིས་བརྒྱན༔ འོ་ཞོ་ཇ་ཆང་ལ་སོགས་ཕུད་ཀྱིས་བྲན༔ ན་མོ༔ པདྨ་འབྱུང་གནས་ཁྲོ་བཅུའི་ལྷ་ཚོགས་ལ༔ བདག་དང་གྲོང་ཁྱེར་འདི་རྣམས་སྐྱབས་སུ་མཆི༔ སེམས་ཅན་མུ་གེའི་འཇིགས་ལས་ཐར་བའི་ཕྱིར༔ བདག་གིས་ལོ་ཐོག་འདི་རྣམས་བསྲུང་བར་བྱ༔ ཧཱུྃ༔ སྐད་ཅིག་ཉིད་ལ་བདག་ནི་པདྨ་འབྱུང་༔ སྨུག་ནག་གཅེར་བུ་སྟག་ཤམ་དུར་ཁྲོད་ཆེས༔ རབ་ཁྲོས་སྤྱན་གསུམ་རྣོ་དབལ་མཆེ་བ་གཙིགས༔ ཕྱག་གཡས་གནམ་ལྕགས་རྡོ་རྗེ་ནམ་མཁར་ཕྱར༔ སྡིགས་མཛུབ་རྩེ་ལ་གསེར་གྱི་འཁོར་ལོ་ནི༔

[Full Size]

རྩིབས་སྟོང་འཁོར་བས་སེར་བ་སེར་བྱེད་གཏོར༔ གཡོན་པས་ལྕགས་ཀྱི་སྡིག་པ་ཁྲ་ཐབས་འགྱེད༔ སྡིགས་མཛུབ་རྩེ་ལས་མེ་འབར་སེར་བ་བཞུ༔ དབུ་གཙུག་མེ་ཡི་བྱ་ཁྱུང་ནམ་མཁའ་གང་༔ ཞལ་ནས་ཧཱུཾ་ཕཊ་སྒྲ་ཡིས་སྟོང་གསུམ་གཡོ༔ ཡེ་ཤེས་མེ་དཔུང་ཀློང་ན་འདོར་ཐབས་བསྒྲད༔ གདོད་ནས་དམ་ཡེ་དབྱེར་མེད་ངོ་བོར་གསལ༔ ཧཱུྃ༔ སྔོན་ཚེ་བར་དང་ཐ་མའི་བསྐལ་པ་ལ༔ ཆེ་མཆོག་རྟ་མགྲིན་གསང་བདག་པད་འབྱུང་གི༔ བཀའ་དང་དམ་ལ་བཏགས་པའི་དམ་ཚིག་ཅན༔ བསྟན་སྲུང་སད་སེར་བདག་པོ་རཱ་ཧུ་ལ༔ གཟའ་བརྒྱད་གདོང་མོ་གཟའ་སྲིན་བྱེ་བ་འབུམ༔ སྡོང་ཟླ་ལྷ་སྲིན་སྡེ་བརྒྱད་ཡུལ་ལྷའི་ཚོགས༔ སད་སེར་བདག་པོ་མ་ལུས་འཁོར་བཅས་རྣམས༔ འབྲས་བུ་ལོ་ཐོག་གླུད་འདི་བཞེས་སླད་དུ༔ གློག་ལྟར་མྱུར་བའི་ཤུགས་ཀྱིས་འདིར་གཤེགས་ལ༔ གཙོ་དང་འཁོར་དུ་འཚམས་པའི་གདན་ཁྲི་ལ༔ ཇི་སྲིད་མཆོད་པའི་བར་དུ་དགྱེས་པར་བཞུགས༔ རཱ་ཧུ་ལ་ཨ་ཡ་མ་དུ་རུ་ཙ་ཤ་ན་བཛྲ་ས་མ་ཡ་ཛ་ཛ༔ ཛཿཧཱུྃ་བཾ་ཧོཿ ཏིཥྛ་ལྷན༔ ཧཱུྃ༔ རྣམ་སྣང་ཐུགས་སྤྲུལ་སེམས་དཔའ་ཁྱབ་འཇུག་ཆེ༔ གསང་བདག་བཀའ་ཉན་རྫོགས་ཆེན་བསྟན་

[Full Size]

སྲུང་མཆོག༔ སྡེ་བརྒྱད་དམག་དཔོན་ནག་པོ་རཱ་ཧུ་ལ༔ ཡེ་ཤེས་གཟའ་མཆོག་འཁོར་དང་བཅས་རྣམས་ལ༔ ཡོན་བདག་དད་པས་ཕྱག་མཆོད་འབུལ་ལགས་ན། བདག་ཅག་དད་པ་ལོག་ཏུ་མ་བཅུག་ལ༔ སད་སེར་མ་བཏང་དྲང་སྲོང་སེམས་དཔའ་ཆེ༔ ཨོ་བཛྲ་རཱ་ཧུ་ལ་ཨ་ཏི་པཱུ་ཧོ༔ པྲ་ཏི་ཛ་ཧོ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཤུདྡྷོཉཧཾ་ཧཱུཾ་ལས་རིན་པོ་ཆེའི་སྣོད་སྟོང་གསུམ་དང་མཉམ་པའི་ནང་དུ༔ ལོ་གླུད་གཏོར་མ་ཁ་དོག་དྲི་རོ་རེག་བྱ་ནུས་པ་ཕུན་སུམ་ཚོགས་པ་འདོད་པའི་ཡོན་ཏན་ལྔ་དང་ལྡན་པ་ཟད་མི་ཤེས་པར་གྱུར༔ ཨོཾ་ཨ་ཀཱ་རོ་སོགས༔ ཨོ་ཀེ་ཏ་ཀེ་ཏ་རཱ་ཧུ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨ་ཡ་མ་དུ་རུ་ཙ་ཤ་ན་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨབྷཾ་པཱཏྱཾ་པུཥྛ་དྷུ་པེ་ཨཱ་ལོ་ཀེ་གནྡྷེ་ནེ་ཝི༔ དུ་ཤབྡ་ཨཱཿཧཱུྃ༔ ཧཱུྃ༔ ཁྱབ་འཇུག་ཆེན་པོ་ཀུན་ཏུ་རྒྱུག༔ འཇིགས་བྱེད་ཆེན་པོ་སྤྲུལ་པའི་སྐུ༔ གཟའ་བདུད་ཆེན་པོ་དྲག་རྩལ་ཅན༔ ཉི་མ་འབུམ་བས་གཟི་བརྗིད་ཚེ༔ ཟླ་བ་འབུམ་བས་འོད་ཟེར་ཆེ༔ སྐར་ཚོགས་འབུམ་ལས་སྤྲུལ་པ་མང་༔ མེ་བས་ཚ་ལ་གློག་བས་མྱུར༔ ཐོག་བས་དྲག་ལ་དུག་བས་གཟེར༔

[Full Size]

ལུས་པོ་གཅིག་ལ་མགོ་བོ་དགུ༔ མི་མགོ་བརྒྱད་ནི་སྡེ་བརྒྱད་ཡིན༔ བྱ་རོག་མགོས་ནི་བསྟན་པ་སྲུང་༔ ལག་པ་བཞི་ནི་གདོང་མོ་བཞི༔ ཁོག་སྟོད་སྲིན་པོ་ཕ་ཡི་ལུས༔ ཁོག་སྨད་དུག་སྦྲུལ་མ་ཡི་ལུས༔ སྤྱན་སྟོང་འགྲོ་དྲུག་ལེགས་ཉེས་ལ༔ ལྷོ་ནུབ་སྲིན་པོའི་ཡུལ་ནས་བཞེངས༔ ཟླ་བའི་རྗེས་གཅོད་ཤར་དུ་རྒྱུགས༔ ཉི་མའི་རྗེས་གཅོད་ནུབ་ཏུ་རྒྱུགས༔ འབྱུང་བ་ལྔ་ཡི་བདུད་པོ་སྟེ༔ མིང་བརྒྱ་པོ་ལ་མཚན་སྟོང་པོ༔ དུས་ཚོད་ཚེས་གྲངས་ཀུན་གྱི་བདག༔ ཉིན་མོ་རྒྱུགས་པས་ཕྱོགས་བཞི་འཇོམས༔ མཚན་མོ་རྒྱུགས་པས་མཚམས་བཞི་འདུལ༔ ནམ་མཁའི་དབྱིངས་སུ་བསྐྱོད་ཙ་ན༔ སྟེང་གི་ལྷ་རྣམས་སྐྲག་ཅིང་སྔངས༔ ཐོག་དང་སད་སེར་གནམ་རྡོ་བཏང་༔ རྒྱ་མཚོའི་སྟེང་དུ་རྒྱུགས་ཙ་ན༔ འོག་གི་ཀླུ་རྣམས་ཆོ་ངེས་འདེབས༔ ས་གཡོས་འཁྱུག་དང་ཡམས་ནད་བཏང་༔ བར་སྣང་ཁམས་སུ་རྒྱུགས་ཙ་ན༔ མེ་འབར་སྐར་མདའ་དུ་འཁྱུག་བཏང་༔ ཕ་ནི་སྲིན་པོ་མ་ནི་ཀླུ༔ ཀླུ་སྲིན་བུ་ཕོ་རཱ་ཧུ་ལ༔ འབྲུ་སྣ་སྙེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ སེར་བ་དཀར་པོའི་གདོང་མ་འདྲེན༔ སད་དང་སེར་བ་མ་བཏང་ཞིག༔ ཚེ་

[Full Size]

མཆོག་གསང་བདག་གཤིན་རྗེའི་གཤེད༔ རྟ་མགྲིན་པདྨ་འབྱུང་གནས་ཀྱི༔ བཀའ་དང་དམ་ལ་མ་འདའ་བར༔ ལོ་ལ་གནོད་པ་མ་བྱེད་ཅིག༔ ཧཱུྃ༔ བསྟན་སྲུང་ཆེན་པོ་རཱ་ཧུ་ལ༔ ལྷོ་ནུབ་མཚམས་ནས་བསྐྱོད་པའི་ཚེ༔ སྲིན་པོ་རཀྟ་བྱི་དེ་བྱེ༔ སྲིན་པོ་འབུམ་གྱི་དམག་དང་བཅས༔ འབྲུ་སྣ་སྟེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ སྲིན་པོའི་ཀིང་ཀང་འབེབས་པ་དང་༔ སེར་བ་དཀར་པོའི་གདོང་མ་འདྲེན༔ སད་དང་སེར་བ་མ་བཏང་ཞིག༔ ཤར་ལྷོ་མཚམས་ནས་བསྐྱོད་ཙ་ན༔ འཇིགས་བྱེད་དྲང་སྲོང་རཱ་ཧུ་ལ༔ ཡུམ་ནི་ཐོག་གི་བུ་ཡུག་མ༔ དགྲ་ལྷའི་རྒྱལ་མོའི་དམག་དང་བཅས༔ འབྲུ་སྣ་སྟེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ སེར་བ་དཀར་པོའི་སྣ་མ་འདྲེན༔ བཙའ་སད་སེར་གསུམ་མ་བཏང་ཞིག༔ ནུབ་བྱང་མཚམས་ན་བསྐྱོད་ཙ་ན༔ དུ་བ་མཇུག་རིང་ཆེན་པོ་སྟེ༔ མཐུ་ཆེན་འཇིག་རྟེན་གཡོ་མགུལ་བྱེད༔ གཤིན་རྗེ་འབུམ་གྱི་དམག་དང་བཅས༔ འབྲུ་སྣ་སྟེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ སེར་བ་དཀར་པོའི་གདོང་མ་འདྲེན༔ བཙའ་སད་སེར་

[Full Size]

གསུམ་མ་བཏང་ཞིག༔ བྱང་ཤར་མཚམས་ནས་བསྐྱོད་ཙ་ན༔ འཇིགས་བྱེད་ཆེན་པོ་སྒྲ་གཅན་འཛིན༔ བྱི་ན་ཡ་ཀ་ཕོ་ཉར་འགྱེད༔ རྒྱལ་འགོང་འབུམ་གྱི་དམག་དང་བཅས༔ འབྲུ་སྣ་སྙེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ སེར་བ་དཀར་པོའི་སྣ་མ་འདྲེན༔ བཙའ་སད་སེར་བ་མ་བཏང་ཞིག༔ ལོ་ལ་གནོད་པ་མ་བྱེད་ཅིག༔ ཤར་གྱི་ཕྱོགས་ནས་སྐུ་བཞེངས་ལོ༔ བྱི་ནུ་རཱ་ཙ་ཁྲོས་པའི་སྐུ༔ དམུ་བདུད་འབུམ་གྱི་དམག་དང་བཅས༔ འབྲུ་སྣ་སྟེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ དམུ་བདུད་སེར་བ་མ་འབེབས་ཤིག༔ སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ལ་གནོད་པ་མ་བྱེད་ཅིག༔ ལྷོ་ཡི་ཕྱོགས་ནས་སྐུ་ཕྱུང་བ༔ ཁྱབ་འཇུག་ཆེན་པོས་སྲིད་གསུམ་འཇོམས༔ ཀླུ་བཙན་འབུམ་གྱི་དམག་དང་བཅས༔ འབྲུ་སྣ་སྙེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ ཀླུ་བཙན་སེར་བ་མ་འབེབས་ཤིག༔ སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ལ་གནོད་པ་མ་བྱེད་ཅིག༔ ནུབ་ཀྱི་ཕྱོགས་ནས་བྱོན་ཙ་ན༔ ལྗང་སྔོན་ཆེན་པོ་

[Full Size]

ཞེས་སུ་གྲགས༔ མ་མོ་འབུམ་གྱི་དམག་དང་བཅས༔ འབྲུ་སྣ་སྙེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ མ་མོའི་སེར་བ་མ་འབེབས་ཤིག །སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ལ་གནོད་པ་མ་བྱེད་ཅིག༔ བྱང་གི་ཕྱོགས་ནས་བཞེངས་ཙ་ན༔ ཙ་ར་ཀེ་ཞེས་བྱ་བ་སྟེ༔ བདུད་ཀྱི་དམག་ཚོགས་འབུམ་དང་བཅས༔ འབྲུ་སྣ་སྣེ་ཕུད་གཏོར་མ་དང་༔ ལོ་གླུད་མཆོད་པ་འདི་བཞེས་ལ༔ བདུད་ཀྱི་སེར་བ་མ་འབེབས་ཤིག༔ སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ཐོག་འདི་ལ་མ་གནོད་ཅིག༔ ཧཱུྃ༔ ཤར་ཕྱོགས་ནམ་མཁའི་དཀྱིལ་ཡངས་ནས༔ སྲིང་གཅིག་སྟག་སྲིན་ཟོར་བ་གདོང་གསེར་གྱི་ཟོར་བས་ལོ་ཐོག་ལེན༔ ཁྱོད་ལ་ལོ་གླུད་སྟེ་ཕུད་གཏོར་མ་འབུལ༔ སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ཐོག་འདི་ལ་མ་གནོད་ཅིག༔ ལྷོ་ཕྱོགས་ནམ་མཁའི་དཀྱིལ་ཡངས་ནས༔ སྲིང་གཅིག་བམ་སྲིན་དྲེད་མོང་གདོང་༔ ལག་ན་གསེར་གྱི་ཟོར་བ་ཐོགས༔ ཁྱོད་ལ་ལོ་གླུད་སྙེ་ཕུད་གཏོར་མ་

[Full Size]

འབུལ༔ སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ཐོག་འདི་ལ་མ་གནོད་ཅིག༔ ནུབ་ཕྱོགས་ནམ་མཁའི་དཀྱིལ་ཤད་ནས༔ སྲིང་གཅིག་ཀོང་སྲིན་བ་གླང་གདོང་༔ ཕྱག་ན་གསེར་གྱི་ཟོར་བ་ཐོགས༔ ཁྱོད་ལ་ལོ་གླུད་སྙེ་ཕུད་གཏོར་མ་འབུལ༔ སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ཐོག་འདི་ལ་མ་གནོད་ཅིག༔ བྱང་ཕྱོགས་ནམ་མཁའི་དཀྱིལ་ཡངས་ནས༔ སྲིང་གཅིག་འབྲོག་སྲིན་ཆུ་སྲིན་གདོང་༔ ལག་ན་གསེར་གྱི་ཟོར་བ་བསྣམས༔ ཁྱོད་ལ་ལོ་གླུད་སྙེ་ཕུད་གཏོར་མ་འབུལ༔ སེར་བ་དཀར་པོའི་གདོང་མ་སྟོན༔ བཙའ་སད་སེར་བའི་སྣ་མ་འདྲེན༔ ལོ་ཐོག་འདི་ལ་མ་གནོད་ཅིག༔ ཧཱུྃ༔ སྔོན་ཚེ་སྲིད་པའི་ཐོག་མ་ལ༔ བཅོམ་ལྡན་ཆེ་མཆོག་ཧེ་རུ་ཀས༔ མ་སྲིང་མཁའ་འགྲོ་དམ་ལ་བཏགས༔ ང་ནི་ཆེ་མཆོག་རིག་པ་འཛིན༔ སྲིད་པའི་མ་མོ་བྱེ་བ་འབུམ༔ ལོ་གླད་མཆོད་པ་འདི་བཞེས་ལ༔ བཙའ་སད་སེར་བ་མ་གཏོང་ཞིག༔ སྔོན་ཚེ་དཔལ་ཆེན་བཀའ་མ་བཅག༔ ཕྱི་རབས་རྣལ་འབྱོར་སུན་མ་ཕྱུངས༔ དེ་རྗེས་གསང་བདག་ཁྲོ་བོ་བཅུས༔ བདུད་དང་ལོག་

[Full Size]

འདྲེན་དམ་ལ་བཏགས༔ ང་ནི་གསང་བདག་རྣལ་འབྱོར་པ༔ ཁྱེད་རྣམས་འཇིག་རྟེན་མཐུ་བོ་ཆེ༔ ལོ་གླུད་མཆོད་གཏོར་འདི་བཞེས་ལ༔ བཙའ་སད་སེར་བ་མ་གཏོང་ཞིག༔ སྔོན་ཚེ་གསང་བདག་བཀའ་མ་བཅག༔ ཕྱི་རབས་རྣལ་འབྱོར་སུན་མ་ཕྱུངས༔ དེ་རྗེས་འོད་སྲུང་བསྟན་པའི་མཇུག༔ རྟ་མགྲིན་པདྨ་དབང་ཆེན་གྱིས༔ རུ་ཏྲ་ཐམས་ཅད་དམ་ལ་བཏགས༔ ང་ནི་རྟ་མགྲིན་རྣལ་འབྱོར་པ༔ ཁྱེད་རྣམས་མ་ཧཱ་ཀཱ་ལའི་རིགས༔ ལོ་གླུད་བཤོས་བུ་འདི་བཞེས་ལ༔ བཙའ་སད་སེར་བ་མ་གཏོང་ཞིག༔ སྔོན་ཚེ་རྟ་མཆོག་བཀའ་མ་བཅག༔ ཕྱི་རབས་རྣལ་འབྱོར་སུན་མ་ཕྱུངས༔ དེ་རྗེས་བཅོམ་ལྡན་ཤཱཀ་ཐུབ་ཀྱིས༔ ལྷ་སྲིན་ཕྱོགས་སྐྱོང་དམ་ལ་བཏགས༔ ང་ནི་ཤཱཀྱའི་བསྟན་ལ་གནས༔ ཁྱེད་རྣམས་ཐུབ་པའི་དགེ་བསྙེན་རིགས༔ ལོ་གླད་མཆོད་གཏོར་འདི་བཞེས་ལ༔ ལོ་ཐོག་རྣམས་ལ་མ་གནོད་ཅིག༔ བཙའ་སད་སེར་གསུམ་མ་གཏོང་ཞིག༔ དེ་རྗེས་པདྨ་འབྱུང་གནས་ཀྱིས༔ འཛམ་གླིང་ཐམས་ཅད་ཞབས་ཀྱིས་བཅགས༔ ལྷ་སྲིན་ཐམས་ཅད་དམ་ལ་བཏགས༔ ང་སློབ་དཔོན་དེ་ཡི་བཀའ་བརྒྱུད་ཡིན༔ ཁྱོད་ལྷ་འདྲེ་དེ་

[Full Size]

ཡི་རིགས་རྒྱུད་ཡིན༔ བཤོས་བུ་ལོ་གླུད་སྙེ་ཕུད་བཞེས༔ སློབ་དཔོན་ཆེན་པོའི་བཀའ་མ་བཅག༔ བཙའ་སད་སེར་གསུམ་མ་གཏོང་ཞིག༔ དྲེགས་པའི་སྡེ་དཔོན་སུམ་ཅུ་དང་༔ སྔགས་བདག་དྲེགས་ཆེན་བཅོ་བརྒྱད་དང་༔ བོད་ཁམས་བརྟན་མ་བཅུ་གཉིས་དང་༔ དགེ་བསྙེན་ཉི་ཤུ་རྩ་གཅིག་དང་༔ རྗེ་ཡི་མགུར་ལྷ་བཅུ་གསུམ་རྣམས༔ ལོ་གླུད་བཤོས་བུ་སྙེ་ཕུད་བཞེས༔ བཙའ་སད་སེར་གསུམ་མ་གཏོང་ཞིག༔ བོད་ཀྱི་ཐང་ལྷ་ཡར་བཞུད་ནི༔ སེར་བདག་བཅོ་བརྒྱད་འཁོར་དང་བཅས༔ ལོ་གླུད་སྙེ་ཕུད་གཏོར་མ་ལོངས༔ སད་སེར་ལོ་དགྲ་མ་གཏོང་ཞིག༔ སྤོམ་ར་ཤེ་ནེ་སྨོན་སྐྱེས་དང་༔ ངོམ་རྒྱལ་ཛོ་རྒྱལ་ཀླུ་རྒྱལ་སོགས༔ ངོམ་གྱི་རྒྱལ་ཆེན་བཅོ་བརྒྱད་དང་༔ ཁྱད་པར་ཡུལ་འདིས་གཞི་བདག་རྣམས༔ ལོ་གླུད་བཤོས་བུ་སྙེ་ཕུད་བཞེས༔ བཙའ་སད་སེར་བའི་སྣ་མ་འདྲེན༔ ལོ་ལེགས་འབྲུ་རྣམས་འཕེལ་བར་མཛོད༔ རིག་འཛིན་ཞལ་ཡང་མ་མཐོང་བའི༔ དམ་ལ་མ་ཐོག་ནག་པོའི་རིགས༔ བདུད་བགེགས་འབྱུང་པོ་ལོག་འདྲེན་རྣམས༔ ལོ་བླུད་ཚངས་བུ་ཏིང་ལོ་དང་༔ སྙེ་ཕུད་ལྷག་རོལ་གླད་ལོངས་ལ༔ ལོ་ཐོག་རྣམས་ལ་མ་

[Full Size]

གནོད་ཅིག༔ རང་གི་ལུས་ལ་དཔེ་ལོངས་ལ༔ གཞན་ལ་གནོད་པ་མ་བྱེད་ཅིག༔ ཚེ་ཡི་འཕེན་པ་ཟད་པའི་ཚེ༔ དམྱལ་བའི་སྡུག་བསྔལ་ཡ་རེ་ང་༔ རང་གི་ལས་བྱས་རང་ལ་སྨིན༔ དེ་ཕྱིར་ཕན་སེམས་ལྡན་པར་མཛོད༔ འདི་ལྟར་ལོ་གླུད་མཆོད་པ་འདི༔ སྣང་སྲིད་ལྷ་འདྲེ་ཐམས་ཅད་ལ༔ ཀུན་ཏུ་བཟང་པོའི་མཆོད་སྤྲིན་བཞིན༔ ཟད་མེད་ལོངས་སྤྱོད་འབྱུང་གྱུར་ཅིག༔ ཐམས་ཅད་མཉེས་ཤིང་ཚིམས་གྱུར་ཏེ༔ བུ་ལོན་ལན་ཆགས་བྱང་གྱུར་ནས༔ ཐམས་ཅད་བྱང་ཆུབ་ཐོབ་པར་ཤོག༔ ལོ་གླུད་གསེར་སྐྱེམས། །ཧཱུྃ་ཉི་མ་ཤར་གྱི་ཞེས་པ་འདིར་འདོན༔ ཧཱུྃ༔ བསྟན་སྲུང་ཆེན་པོ་རཱ་ཧུ་ལ༔ ལྷ་སྲིན་སྡེ་བརྒྱད་འཁོར་ཚོགས་བཅས༔ ད་ནི་རང་རང་གནས་སུ་གཤེགས༔ ནམ་མཁའ་ཆེན་པོའི་མཐོང་ལ་གཤེགས༔ ཆོས་ཀྱི་དབྱིངས་སུ་ལམ་བསྟན་ནོ༔ རཱ་ཧུ་ལ་ཨ་ཡ་མ་དུ་རུ་ཙ་ཤ་ན་ས་པ་རི་ཝཱ་ར་ཨ་གཙྩ་གཙྩ༔ ལོ་གླུད་གཏོར་མ་འབུལ༔ ༔ དེ་ནས་གཏོར་མས་ཞིང་ལ་བསྐོར་བ་བྱ༔ མ་ལྕོགས་གཏོར་མ་ལག་ཏུ་བཟུང་བྱས་ནས༔ ཞིང་རྣམས་ཀུན་ལ་བསྐོར་བ་བྱེད་པའི་ཚུལ༔ ལག་པས་བྱས་ལ་དེ་ནས་གཏོར་མ་དེ༔ སེར་ལམ་མམ་ནི་ཡང་ན་མཐོ་སར་བཞག༔ དེ་ནས་ཡུལ་དེའི་ཕྱོགས་མཚམས་ཐོ་བརྒྱད་རེ༔

[Full Size]

དབུས་སུ་གཉིས་དང་བཅུ་ནི་བརྩེགས་བྱས་ལ༔ ཕུར་པའམ་ནི་རལ་གྲི་སྔགས་བྲིས་བཀོད༔ ཡང་ན་ཚ་ཚའི་ནང་དུ་ཤོག་དྲིལ་བཅུག༔ དེ་མ་འཕྲོད་ཀྱང་གང་དུ་བཀྲམ་བྱས་ལ༔ དམིགས་པས་ཕྱོགས་བཅུ་ཁྲོ་བཅས་སེར་ལམ་བཅད༔ ཁྲོ་བོ་བཅུ་བསྐྱེད་པ་ནི༔ ཧཱུྃ༔ འོག་མིན་གནས་མཆོག་ལྕང་ལོ་ཅན་གྱི་ཞིང་༔ རང་བཞིན་ལྷུན་གྱིས་གྲུབ་པའི་དུར་ཁྲོད་ནས༔ ཕ་རོལ་ཕྱིན་བཅུའི་ངོ་བོ་སྟོབས་བཅུའི་བདག༔ ཡེ་ཤེས་ཁྲོ་བོ་བཅུ་པོ་ཡུམ་སྲས་བཅས༔ ལོ་ཏོག་བསྲུང་ཕྱིར་གནས་འདིར་གཤེགས་སུ་གསོལ༔ ཕྱོགས་བཅུའི་གདོན་ཚོགས་བསྣོལ་སྟེང་དགྱེས་པར་བཞུགས༔ དངོས་འབྱོར་ཡིད་སྤྲུལ་མཆོད་པ་འདི་བཞེས་ལ༔ ཕྱོགས་བཅུའི་སད་སེར་བཟློག་པའི་ཕྲིན་ལས་མཛོད༔ ཧཱུྃ༔ ཤར་གྱི་ཕྱོགས་ནས་ཁྲོ་ཆེན་རྣམ་པར་རྒྱལ༔ དཀར་གསལ་རབ་འཕྲོས་འཁོར་ལོ་ཁ་ཊོ་འཛིན༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ འབྲུ་སྣ་སྙེ་ཕུད་ཤར་དུ་མཆོད༔ འོག་མ་ཀུན་ལ་དེ་བཞིན་བྱ༔ ཤར་ཕྱོགས་དྲི་ཟའི་སེར་ལམ་བཅད་དུ་གསོལ༔ ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ༔ ཤར་ཕྱོགས་ཀྱི་སེར་བ་སེར་བྱེད་ཧ་ན་ཧ་ན་ཧཱུྃ་ཕཊ༔ ཤ་ཤ་ཤུ་ཤུ་རི་ཡི་རྩེ་ནོན༔ རཾ་རཾ་འུར་འུར་འབྲུག་གི་སྐད་རི་ལི་ལི་ཧཱུཾ་ཧཱུྃ་ཕཊ་ཕཊ༔ ཤིག་ཤིག་སྭཱ་ཧཱ༔ ཧཱུྃ༔ ཤར་

[Full Size]

ལྷོའི་མཚམས་ནས་ཁྲོ་ཆེན་དབྱུག་སྔོན་ཅན༔ སྔོན་པོ་རབ་ཁྲོས་དབྱུག་ཐོ་མེ་དཔུང་འཛིན༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ ཤར་ལྷོ་དྲང་སྲོང་སེར་བའི་ལམ་བཅད་དུ་གསོལ༔ ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ༔ ཤར་ལྷོའི་སེར་བ་སེར་བྱེད་ད་ཧ་ད་ཧ་ཧཱུྃ་ཕཊ༔ དུ་རུ་དུ་རུ་ས་ག་རཾ༔ དུ་རུ་དུ་རུ་ན་བྱེར༔ རྩ་བྱེར་ལིང་ཏི་ནན༔ གཉན་དང་བཙན་དང་གཟའི་སེར་བ་འདི་ཟློག་ཅིག༔ ཧཱུྃ༔ ལྷོ་ཕྱོགས་ཁྲོ་བོ་གཤིན་རྗེའི་གཤེད་པོ་སྔོ༔ རབ་ཁྲོས་བེ་ཅོན་སྟ་མོ་ཕྱག་ན་བསྣམས༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ ལྷོ་ཕྱོགས་གཤིན་རྗེའི་སེར་ལམ་བཅད་དུ་གསོལ༔ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ༔ ལྷོ་ཕྱོགས་ཀྱི་སེར་བ་སེར་བྱེད་པ་ཙ་པ་ཙ་ཧཱུྃ་ཕཊ༔ ཏདྱ་ཐཱ༔ ཀུ་མུ་ཀུ་མུ༔ ཀུ་རུ་བྱེར་ཧཱུྃ་ཧཱུྃ་ཕཊ༔ ཧཱུྃ༔ ལྷོ་ནུབ་ཁྲོ་རྒྱལ་མི་གཡོ་མགོན་པོ་སྨུག༔ ཁྲོ་ཆས་རབ་རྫོགས་རལ་གྲི་ཞགས་པ་བསྣམས༔ འབྲུ་སྣ་སྟེ་ཕུད་མཆོད་པ་འདི་བཞེས་ལ༔ ལྷོ་ནུབ་སྲིན་པོའི་སེར་ལམ་བཅད་དུ་གསོལ༔ ཨོཾ་བཛྲ་ཀྲོ་དྷ་ཨཱརྱ་ཨཱ་ཙ་ལེ་ཧཱུྃ༔ ལྷོ་ནུབ་ཀྱི་སེར་བ་སེར་བྱེད་བྷནྡྷ་བྷནྡྷ་ཧཱུྃ་ཕཊ༔ བྱ་རང་ཕྲ་མ་ཆིལ་ཆིལ་ཕཊ་ཕཊ༔ ཧཱུྃ༔ ནུབ་ཀྱི་ཕྱོགས་ཀྱི་

[Full Size]

ཁྲོ་རྒྱལ་རྟ་མགྲིན་དམར༔ རབ་ཁྲོས་རྒྱན་རྫོགས་དབྱུག་ཐོ་ལྕགས་སྒྲོག་བསྣམས༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ ནུབ་ཕྱོགས་ཀླུ་ཡི་སེར་ལམ་བཅད་དུ་གསོལ༔ ཨོ་བཛྲ་ཀྲོ་དྷ་ཧྱ་གྲི་ཝ་ཧཱུྃ༔ ནུབ་ཕྱོགས་ཀྱི་སེར་བ་སེར་བྱེད་ཧུ་ལུ་ཧུ་ལུ་ཧཱུྃ་ཕཊ༔ ཏདྱ་ཐཱ༔ ག་ཏོ་ཙ་ཏོ་ཕཊ་ཕཊ་ཚལ་ཚལ༔ ཧཱུྃ༔ ནུབ་བྱང་མཚམས་ནས་ཁྲོ་ཆེན་འདོད་པའི་རྒྱལ༔ དམར་སྐྱ་རབ་འཇིགས་རྡོ་རྗེ་ནེའུ་ལེ་འཛིན༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ ནུབ་བྱང་རླུང་ལྷའི་སེར་ལམ་བཅད་དུ་གསོལ༔ ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ༔ ནུབ་བྱང་གི་སེར་བ་སེར་བྱེད་ཐམས་ཅད་ཏིཥྛ་ཏིཥྛ་ཧཱུྃ་ཕཊ༔ དུ་རུ་དུ་རུ་ཤིག་ཤིག་ཕཊ་ཕཊ༔ ཧཱུྃ༔ བྱང་གི་ཕྱོགས་ནས་ཁྲོ་ཆེན་བདུད་རྩི་འཁྱིལ༔ རབ་ཁྲོས་རྒྱན་རྫོགས་རྒྱ་གྲམ་དྲིལ་བུ་འཛིན༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ བྱང་ཕྱོགས་གནོད་སྦྱིན་སེར་ལམ་བཅད་དུ་གསོལ༔ ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ༔ བྱང་ཕྱོགས་ཀྱི་སེར་བ་སེར་བྱེད་ཐམས་ཅད་ཚིནྡྷ་ཚིནྡྷ་ཧཱུྃ་ཕཊ༔ ཤཀྱ་ཛ་དུར་ཞིལ་ཞིལ་ཧཱུྃ་ཧཱུྃ་ཕཊ་ཕཊ༔ ཧཱུྃ༔ བྱང་ཤར་ཕྱོགས་ནས་ཁྲོ་ཆེན་ཁམས་གསུམ་རྒྱལ༔ སྔོ་སྐྱ་རབ་ཁྲོས་འཁོར་ལོ་ཞགས་པ་

[Full Size]

བསྣམས༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ བྱང་ཤར་དབང་ལྡན་སེར་ལམ་བཅད་དུ་གསོལ༔ ཨོཾ་བཛྲ་ཀྲོ་དྷ་ཏྲེ་ལོཀྱ་བི་ཛ་ཡ་ཧཱུྃ༔ བྱང་ཤར་གྱི་སེར་བ་སེར་བྱེད་ཐམས་ཅད་བྷནྡྷ་བྷནྡྷ་ཧཱུྃ་ཕཊ༔ དུ་རུ་དུ་རུ་རཾ་རཾ་ཕཊ་ཕཊ༔ ཧཱུྃ༔ སྟེང་གི་ཕྱོགས་ནས་ཁྲོ་རྒྱལ་ཧཱུྃ་ཀཱ་རཿ༔ མཐིང་གསལ་རབ་ཁྲོས་ཕྱག་གཉིས་མདའ་གཞུ་འགེངས༔ འབྲུ་སྣ་སྟེ་ཕུད་མཆོད་པ་འདི་བཞེས་ལ༔ སྟེང་ཕྱོགས་ལྷ་གདོན་གཟའ་སྐར་སེར་ལམ་ཆོད༔ ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ༔ སྟེང་ཕྱོགས་ཀྱི་སེར་བ་སེར་བྱེད་ཐམས་ཅད་གརྫ་གརྫ་ཧཱུཾ་ཕཊ༔ ཨོ་ཁྲོ་གྷ་རུ་ཊ་ཙ་ལེ་ཙ་ལེ་ཧཱུཾ་ཕཊ༔ ཧུ་ཡ་ཧུ་ཡ༔ ཧུ་ལུ་ཧུ་ལུ་ཧཱུྃ་ཕཊ༔ ཨོ་སི་ཏྲི་པ་ཏྲ༔ དུ་རུ་ཁ༔ ནཱ་ག་རཱ་ཙ་ཛ་ཛ༔ ཡཾ་རྗེ་བླ་མེད་ཛ༔ ཤ་ལེ་རུ་རྩི་འབར་བ་ནག་པོ་བཀྲག་མེད་ཛ༔ ཧཱུྃ༔ འོག་གི་ཕྱོགས་ནས་ཁྲོ་བོ་སྟོབས་པོ་ཆེ༔ རབ་འཇིགས་ལྗང་ནག་སྟ་རེ་ཐོད་དབྱུག་འཛིན༔ འབྲུ་སྣ་སྙེ་ཕུད་མཆོད་པ་འདི་བཞེས་ལ༔ སེར་བའི་སྣ་འདྲེན་འོག་འཁྱུག་ལམ་ཆོད་ཅིག༔ ཨོཾ་བཛྲ་ཀྲོ་དྷ་མ་ཧ་བཱ་ལ་ཧཱུྃ༔ འོག་ཕྱོགས་ཀྱི་སེར་བ་སེར་བྱེད་སྣ་འདྲེན་ཐམས་ཅད་སྤོ་ཊ་སྤོ་ཊ་ཧཱུྃ་ཕཊ༔ དུ་རུ་དུ་རུ༔ ས་ག་རཾ༔ དུ་རུ་དུ་

[Full Size]

རུ༔ ཧཱུྃ༔ བཀའ་ཉན་རླུང་ལྷའི་རྒྱལ་པོ་ཤ་བ་ཞོན༔ ཕྱག་གཡས་རཾ་དགུ་མེ་འབར་སེར་བ་བཞུས༔ ཕྱག་གཡོན་ཡཾ་དགུ་བ་དན་རླུང་ནག་འཚུབ༔ མེ་རླུང་འཚུབ་པས་སེར་སྤྲིན་ཐམས་ཅད་གཏོར༔ རླུང་ལྷར་བདག་པོ་སྟེ་ཕུད་འབྲུ་སྣས་མཆོད༔ སེར་སྤྲིན་བྱུང་ཚད་གཏོར་བའི་ཕྲིན་ལས་མཛོད༔ ཨོཾ་བཛྲ་པཱ་ཎི་ཧཱུྃ༔ རླུང་ལྷ་ཁྱོད་ཀྱིས་མེ་ཡི་བ་དན་ཕྱོར༔ རླུང་ནག་དཀྱིལ་འཁོར་སྤུར་གྱིས་བདྷར༔ མཱ་ར་ཡ་བྱེར་བྱེར༔ གཏོར་གཏོར་ཟློག་ཟློག༔ ཆུམ་ཆུམ༔ དྲིལ་དྲིལ༔ ཙཀྲ་ཝནྟི་ཀྱི་མདངས་རྦད་རྦད༔ སེར་བ་ཆོད་ཆོད༔ སྤྲིན་ཁྲོལ་ཁྲོལ༔ སཱུརྱ་ཙཀྲ་ཛ་ཡེ་བི་ཛ་ཡེ་སྭཱ་ཧཱ༔ ཧཱུྃ༔ ཁྲོ་བཅུའི་སྐུ་ལས་འཕྲོས་པའི་འོད་ཟེར་ལས༔ རྡོ་རྗེ་འཁོར་ལོ་རལ་གྲི་རྒྱ་གྲམ་དང་༔ ཕུར་བུ་མེ་དཔུང་འབར་བའི་གུར་ཁང་ཕུབ༔ གནམ་ས་གསེར་དང་གནམ་ལྕགས་འཁོར་ལོ་ནི༔ རྩིབས་སྟོང་གཡས་གཡོན་འཁོར་བས་སེར་བྱེད་གཏུབས༔ ནམ་མཁའ་ཐམས་ཅད་པད་འབྱུང་སྐུ་ཡིས་གང་༔ བར་སྣང་ཐམས་ཅད་གུ་རུ་དྲག་པོས་གང་༔ ས་གཞི་ཐམས་ཅད་ཡཀཱ་མེ་དབལ་གང་༔ སྙེ་མ་ཐམས་ཅད་ཡཀཱ་མེ་

[Full Size]

དབལ་རེ༔ ནས་འབྲུ་ཐམས་ཅད་ཧཱུྃ་ཡིག་རེ་རེར་གྱུར༔ དེ་ལྟར་དྲག་པོ་ཁྲོ་བཅུའི་ལྷ་ཚོགས་རྣམས༔ སྟོན་ཐོག་འདི་རྣམས་ཐམས་ཅད་མ་བསྡུས་བར༔ བརྟན་པར་བཞུགས་ལ་ལོ་ཐོག་སྲུང་སྐྱོབ་མཛོད༔ ནམ་ཞིག་སྟོན་ཐོག་ཐམས་ཅད་བསྡུས་ཚར་ནས༔ ཐམས་ཅད་རང་བཞིན་ཆོས་ཀྱི་དབྱིངས་སུ་གཤེགས༔ ཧཱུྃ༔ བཅོམ་ལྡན་གུ་རུ་དྲག་པོ་ཁྲོ་བཅུ་ལྷའི་ཚོགས༔ སེར་བ་བཟློག་ཅིང་བསྲུང་བའི་ཕྲིན་ལས་མཛོད༔ ཨོཾ་ཨཱཧཱུྃཨ་ཙིག་ནིར་ཙིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ བཛྲ་ཧཱུྃ༔ ཡཀྵ་ཧཱུྃ་རཀྟ་ཧཱུྃ༔ ཨ་ཡ་མ་དུ་རུ་ཙ་ཤ་ན༔ གནོད་བྱེད་སེར་བ་སེར་བྱེད་སྣ་འདྲེན་དང་བཅས་པ་མཱ་ར་ཡ༔ ནྟཾ་བྷ་ཡ༔ ན་ཤ་ཡ༔ ཧཱུྃ་རཾ༔ ཕཊ་རཾ༔ བྷྱོ་རཾ༔ ཏྲག་རཾ༔ སེར་བ་རོ་ཆོད༔ སྤྲིན་གཏོར༔ ཏྲག་དུ་རཾ་རཾ་ཛྭ་ལ་རཾ་ཧཱུྃ་ཕཊ༔ རང་ཉིད་གུ་དྲག་ཞལ་ནས་མེ་རླུང་གིས༔ འཚུབ་མ་བྱུང་བས་སེར་བ་བཟློག་པར་བསམ༔ གདོང་བཟློག་སྔགས་དང་དམིགས་པ་འདི་ཡིས་ཆོག༔ ཕུ་བཏབ་སྡིགས་མཛུབ་གཏད་ཅིང་སེར་ལམ་བསྟན༔ ཡུལ་གཞན་ཐག་རིང་རྒྱང་བསྲུང་སོགས་དགོས་ན༔ ཡུལ་དེར་མེ་ཡི་བྱ་ཁྱུང་ཆེན་པོ་ཡི༔ ལྟོ་བའི་ནང་དུ་ཚུད་ནས་ཡོད་པར་བསྒོམ༔ དེ་ནས་སྨོན་ལམ་བཀྲ་ཤིས་ཚིགས་བཅད་བྱ༔

[Full Size]

འཇིག་རྟེན་བདེ་ཞིང་ལོ་ལེགས་དང་༔ འབྲུ་རྣམས་འཕེལ་ཞིང་ཆོས་འཕེལ་བ༔ བདེ་ལེགས་ཕུན་སུམ་ཚོགས་པ་ཡིས༔ ཡིད་ལ་འདོད་པ་ཀུན་འགྲུབ་མཛོད༔ འབྱུང་པོ་གང་དག་འདིར་གནས་ལྷགས་གྱུར་ཏེ༔ སའམ་འོན་ཏེ་བར་སྣང་འཁོད་ཀྱང་རུང་༔ སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང་༔ ཉིན་དང་མཚན་མོར་ཆོས་ལ་སྤྱོད་པར་ཤོག༔ དེ་ནས་སེར་བསང་ཡིན་ན་ཁུ་ཡེ་བྱ༔ དོ་གལ་ཆེ་ན་ལོ་གླུད་གྲངས་མང་བཏང་༔ སྐྱ་རྒྱལ་ཚར་ནས་སྲུང་འཁོར་བསྒོམ་པ་བསྡུ༔ ཁྲོ་བཅུ་འཁོར་བཅས་རང་གནས་གཤེགས་པར་བསམ༔ ཐོ་བསྒྱེལ་ཕུར་པ་ཚ་ཚ་བསྡུས་ན་ལེགས༔ སྙིགས་དུས་མུ་གེའི་བསྐལ་པ་དར་བའི་དུས༔ འགྲོ་ལ་ཕན་ཕྱིར་༧ རཱ་ག་ཨ་སྱ་ཞེས༔ རིག་སྔགས་འཆང་བའི་རྣལ་འབྱོར་པ་དེས་བྲིས༔ འདི་བྲིས་ཉེས་པའི་ཚོགས་རྣམས་གང་མཆིས་པ༔ དབང་དྲག་པདྨའི་བཀའ་སྲུང་རྣམས་ལ་བཤགས། །དགེ་བས་མི་དང་སེར་བདག་འབུ་སྲིན་སོགས༔ ཐམས་ཅད་བདེ་ཆེན་ཞིང་དུ་སྐྱེ་གྱུར་ཅིག༔ དགེའོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལོ་གླུད་གསེར་སྐྱེམས།

[Full Size]

ལོ་གླུད་གསེར་སྐྱེམས་ནི༔ ཧཱུྃ༔ ཉི་མ་ཤར་གྱི་ཕྱོགས་རོལ་ནས༔ འཇིག་རྟེན་སྲུང་ཞིང་སྐྱོང་མཛད་པ༔ ལྷ་ཡི་རྒྱལ་པོ་ཨིནྡྲ་ཡ༔ མདོག་དཀར་དུང་གི་རི་བོ་འདྲ། ཕྱག་ན་གསེར་གྱི་རྡོ་རྗེ་བསྣམས༔ ཆིབས་སུ་གླང་པོ་མགོ་ལྔ་ཆིབས༔ ཤར་ཕྱོགས་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ཤར་ཕྱོགས་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གཏོར་ཆུང་ཤར་དུ་འབུལ༔ ཕྱོགས་ཐམས་ཅད་ལ་དེས་འགྲེས་སོ༔ ཧཱུྃ༔ ཉི་མ་ཤར་ལྷོའི་མཚམས་ཤེད་ནས༔

[Full Size]

འཇིག་རྟེན་སྲུང་ཞིང་སྐྱོང་མཛད་པ༔ དྲང་སྲོང་རྒྱལ་པོ་ཨག་ཡེ༔ དམར་སེར་ལི་ཁྲིའི་རི་བོ་འདྲ༔ ཕྱག་མཚན་བགྲང་ཕྲེང་རིལ་བ་བསྣམས༔ ཆིབས་སུ་འཕྲུལ་གྱི་ར་སྐྱེས་ཆིབས༔ ཤར་ལྷོ་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ཤར་ལྷོའི་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཉི་མ་ལྷོ་ཡི་ཕྱོགས་རོལ་ནས༔ འཇིག་རྟེན་སྲུང་ཞིང་སྐྱོང་མཛད་པ༔ གཤིན་རྗེའི་རྒྱལ་པོ་ཡ་མ་ཡེ༔ མདོག་སྔོན་མཐིང་གི་རི་བོ་འདྲ༔ ཕྱག་མཚན་ཕྱག་ན་ཐོད་དབྱུག་

[Full Size]

འཛིན༔ ཆིབས་སུ་མ་ཧེ་ཁྲོས་པ་ཆིབས༔ ལྷོ་ཕྱོགས་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ། གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ལྷོ་ཕྱོགས་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ རྩྭ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཉི་མ་ལྷོ་ནུབ་མཚམས་ཤེད་ནས༔ འཇིག་རྟེན་སྲུང་ཞིང་སྐྱོང་མཛད་པ༔ སྲིན་པོའི་རྒྱལ་པོ་ནི་རི་ཏི༔ དམར་ནག་ཟངས་ཀྱི་རི་བོ་འདྲ༔ ཕྱག་མཚན་ཕྱག་ན་རལ་གྲི་འཛིན༔ ཆིབས་སུ་རོ་ལངས་འཇིགས་པ་ཆིབས༔ ལྷོ་ནུབ་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་

[Full Size]

འབར་བའི་སྣོད་མཆོག་ཏ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས་ཆང་དུ་མཚོ་རོགཡུ་བརྡར་ཏེ་གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ལྷོ་ནུབ་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ འོག་ཕྱོགས་གསེར་གྱི་ས་གཞི་ནས་འཇིག་རྟེན་སྲུང་ཞིང་སྐྱོང་མཛད་པ༔ ས་བདག་རྒྱལ་པོ་བརྟན་མ་ནི༔ གསེར་མདོག་གསེར་གྱི་རི་བོ་འདྲ༔ ཕྱག་མཚན་མཆེ་བ་བུམ་པ་འཛིན༔ འོག་ཕྱོགས་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་

[Full Size]

སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ འོག་ཕྱོགས་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཉི་མ་ནུབ་ཀྱི་ཕྱོགས་རོལ་ནས༔ འཇིག་རྟེན་སྲུང་ཞིང་སྐྱོང་མཛད་པ༔ ཆུ་ལྷའི་རྒྱལ་པོ་ཝ་རུ་ཎ༔ མདོག་དཀར་དུང་གི་རི་བོ་འདྲ༔ ཕྱག་མཚན་ཕྱག་ན་སྦྲུལ་ཞགས་བསྣམས༔ ཆིབས་སུ་ཆུ་སྲིན་དམར་པོ་ཆིབས༔ ནུབ་ཕྱོགས་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་

[Full Size]

ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཉི་མ་ནུབ་བྱང་མཚམས་ཤེད་ནས༔ འཇིག་རྟེན་སྲུང་ཞིང་སྐྱོང་མཛད་པ༔ རིག་འཛིན་རྒྱལ་པོ་ཝ་ཡ་ཝེ༔ མདོག་ལྗང་གཡུ་ཡི་རི་བོ་འདྲ༔ ཕྱག་མཚན་ཕྱག་ན་བ་དན་འཛིན༔ ཆིབས་སུ་རླུང་གི་ཤ་བ་ཆིབས༔ ནུབ་བྱང་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ནུབ་བྱང་ལྷ་འདྲེ་ཐམས་ཅད་ལ༔ ལོ་ཡི་གླུད་དང་

[Full Size]

སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སྟེང་ཕྱོགས་ནམ་མཁའི་དབྱིངས་རུམ་ནས༔ འཇིག་རྟེན་སྲུང་ཞིང་སྐྱོང་མཛད་པ༔ ཚངས་པའི་རྒྱལ་པོ་གདོང་བཞི་པ༔ གསེར་མདོག་གསེར་གྱི་ལྷུན་པོ་འདྲ༔ ཕྱག་ན་གསེར་གྱི་འཁོར་ལོ་བསྣམས༔ ཆིབས་སུ་ངང་པའི་རྒྱལ་པོ་ཆིབས༔ སྟེང་ཕྱོགས་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རེ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔

[Full Size]

ཧཱུྃ༔ ཉི་མ་བྱང་གི་ཕྱོགས་རོལ་ནས༔ འཇིག་རྟེན་སྲུང་ཞིང་སྐྱོང་མཛད་པ༔ གནོད་སྦྱིན་རྒྱལ་པོ་ཀུ་བེ་ར༔ ཨིནྡྲ་ནཱི་ལའི་རི་བོ་འདྲ༔ ཕྱག་མཚན་དབྱུག་ཐོ་ནེའུ་ལེ་བསྣམས༔ ཆིབས་སུ་རྫུ་འཕྲུལ་རྟ་མཆོག་ཆིབས༔ བྱང་ཕྱོགས་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ བྱང་ཕྱོགས་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་བ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཉི་མ་བྱང་ཤར་མཚམས་ཤེད་ནས༔ འཇིག་རྟེན་སྲུང་ཞིང་སྐྱོང་མཛད་པ༔ འབྱུང་པོའི་རྒྱལ་པོ་དབང་ལྡན་ནི༔ སྔོ་སྐྱ་མཐིང་ཤུན་རི་

[Full Size]

བོ་འདྲ༔ ཕྱག་མཚན་ཕྱག་ན་ཁ་ཊཾ་བསྣམས༔ ཆིབས་སུ་བ་གླང་ཁྱུ་མཆོག་ཆིབས༔ བྱང་ཤར་ལྷ་འདྲེའི་ཚོགས་བཅས་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ བྱང་ཤར་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ གངས་ཅན་བོད་ཁམས་སྐྱོང་མཛད་པ༔ བརྟན་མ་བཅུ་གཉིས་དཔོན་དང་གཡོག༔ དགེ་བསྙེན་ཉི་ཤུ་རྩ་གཅིག་དང་༔ རྗེ་ཡི་མགུར་ལྷ་བཅུ་གསུམ་དང་༔ ཕྱོགས་བཞིའི་གཉན་ཆེན་སྡེ་བཞི་དང་༔ གཉན་ཕྲན་བཞི་བཅུ་རྩ་གཉིས་ལ༔ མཆོད་པ་དམ་

[Full Size]

པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ བོད་ཁམས་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཡུལ་ཕྱོགས་འདི་དག་སྐྱོང་བའི་ལྷ༔ སྐུ་རྒྱལ་དབྱི་རྒྱལ་གཟེ་རྒྱལ་དང་༔ ངོམ་རྒྱལ་གོ་རྒྱལ་ཛོ་རྒྱལ་དང་༔ ཀླུ་རྒྱལ་གཏམ་རྒྱལ་ལ་སོགས་པ༔ ངོམ་གྱི་རྒྱལ་ཆེན་བཅོ་བརྒྱད་དང་༔ དབྱི་དོ་དགེ་བསྙེན་ལ་སོགས་པ༔ ངོམ་གྱི་མཚོ་ནག་སྤྱན་གསུམ་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་

[Full Size]

འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཆང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ཡུལ་འདིའི་ལྷ་འདྲེ་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཁྱད་པར་ཡུལ་དང་གྲོང་གི་ལྷ༔ ཡུལ་རྗེ་གནས་བདག་མཐུ་ཆེན་སོགས༔ མདུན་རི་རྒྱབ་རི་གཡས་རི་དང་༔ གཡོན་རི་ཉིན་སྲིབ་ཕུ་མདའ་ལ༔ གནས་པའི་གཞི་བདག་ཐམས་ཅད་ལ༔ མཆོད་པ་དམ་པ་འབུལ་བ་ནི༔ རིན་ཆེན་འབར་བའི་སྣོད་མཆོག་ཏུ༔ སྔོན་མོ་ནས་ཀྱི་སྙིང་ཁུ་ལ༔ རིན་ཆེན་འབར་བའི་གསེར་བརྡར་ཏེ༔ གསེར་འོད་སེར་པོ་ལམས་སེ་ལམ༔ མིང་ནི་བདུད་རྩི་གསེར་གྱི་སྐྱེམས༔ ཚང་དུ་མཚོ་རོ་གཡུ་བརྡར་ཏེ༔ གཡུ་འོད་སྔོན་མོ་ལམས་སེ་ལམ༔ མིང་ནི་བདུད་རྩི་གཡུ་ཡི་མངོན༔ ལྷ་ནས་སྔོན་མོ་འབྲུ་

[Full Size]

བདུན་བླུགས༔ དཀར་གསུམ་བརྒྱན་པའི་གཏོར་མ་བཤམས༔ གསེར་སྐྱེམས་གཡུ་མངོན་བཤོས་བུ་བཅས༔ ཡུལ་བདག་གྲོང་བདག་ཐམས་ཅད་ལ༔ ལོ་ཡི་གླུད་དང་སྐྱིན་དུ་འབུལ༔ བཙའ་སད་སེར་གསུམ་མ་བཏང་ཞིག༔ ལོ་ལེགས་སྐྱ་རྒྱལ་དངོས་གྲུབ་སྩོལ༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ལྟར་བཅུ་གསུམ་ཚར་རྗེས་རོལ་མོ་དང་བཅས་ཏེ་ཧཱུྃ༔ ཕྱོགས་བཅུའི་འཇིག་རྟེན་སྲུང་མ་དང་༔ བརྟན་མ་མགུར་ལྷ་དགེ་བསྙེན་སོགས༔ སྣང་སྲིད་ལྷ་འདྲེ་གཉེན་པོ་ཀུན༔ རྣལ་འབྱོར་བདག་ལ་སྙན་གསོན་དང་༔ ཆང་བས་དེ་ནི་ངོ་ཆེ་མེད༔ མེད་པ་དེ་ནི་མི་ལས་བཙལ༔ ཆང་གིས་མཆོད་པ་ཡ་མ་ང་༔ གསེར་བས་དེ་ནི་རིན་ཆེ་མེད༔ སྲ་བ་དེ་ནི་བྲག་ལས་བརྐོས་གསེར་གྱིས་མཆོད་ན་ཕྲག་མ་དོག༔ འཚོ་བའི་ཟས་ལ་ཀུན་ཀྱང་འདུ༔ གཏོར་མས་མཆོད་ན་མགུ་མ་དཀར༔ གཡུ་བས་དེ་ནི་བཀྲག་ཆེ་མེད༔ གཡུ་མངོན་མཆོད་ན་ངོ་མ་དམའ༔ ནས་བས་དེ་ནི་འཕེལ་ཆེ་མེད༔ འབྲུ་ཡིས་མཆོད་ན་ཐུགས་མ་ལོག༔ མཆོད་ཅིང་བསྐུལ་ན་ཕྲག་མ་དོག༔ བཅོམ་ལྡན་ཤཱཀྱ་ཐུབ་པ་དང་༔ ཆེ་མཆོག་གསང་བདག་རྟ་མགྲིན་དང་༔ པདྨ་འབྱུང་

[Full Size]

གནས་པཀི་སོགས༔ རྒྱལ་བའི་བཀའ་ལ་མ་འདའ་བར༔ འཇིག་རྟེན་བདེ་ཞིང་ལོ་ལེགས་མཛོད༔ ཟས་ཀྱི་ངོ་ཞིག་ཁྱོད་ཀྱིས་མཛོད༔ མཐུ་རྩལ་ཅི་འདུག་བདག་གིས་བལྟ༔ ལེ་ལོ་བཏང་སྙོམས་མ་མཛད་པར༔ ལོ་ཐོགས་རྣམས་ལ་སྲུང་སྐྱོབ་མཛོད༔ བཀའ་དང་དམ་ལ་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ འཇིག་རྟེན་བདེ་ཞིང་ལོ་ལེགས་དང་༔ འབྲུ་རྣམས་འཕེལ་ཞིང་ཆོས་འཕེལ་བ༔ བདེ་ལེགས་ཕུན་སུམ་ཚོགས་པ་ཡི༔ ཡིད་ལ་འདོད་པ་ཀུན་འགྲུབ་མཛོད༔ ཅེས་ལོ་གླུད་གསེར་སྐྱེམས༔ ཨ་རཱ་གས་སྦྱར་བས་འཇིག་རྟེན་བདེ་བར་གྱུར་ཅིག༔ དཀར་ཆུང་བརྒྱན་པའི་གཏོར་ཆུང་བཅུ་གསུམ་བཅའ་འོ། བྷ་ཝནྟུ། ། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་རུ་དྲག་པོ་ལས༔ བྱིས་པའི་གླུད་བཏང་བའི་ཟིན་བྲིས་འདོན་འགྲིགས།

[Full Size]

གུ་རུ་དྲག་པོ་ལས༔ བྱིས་པའི་གླུད་བཏང་བའི་ཟིན་བྲིས་འདོན་འགྲིགས་བཞུགས་སོ༔

[Full Size]

ཡང་བདག་འདྲ་པདྨ་འབྱུང་གནས་ཀྱིས༔ བུ་ཡི་ཤོག་དྲིལ་ཕྲའུ་གསོ་ཐབས་བསྟན༔ ཞེས་གསུངས་དོན་ནི་ལག་ཏུ་བླངས་པའི་ཐབས༔ བསེ་ལྕགས་མིན་པའི་སྣོད་ནང་གང་རུང་དུ༔ བཤོས་བུ་རྩེ་རྒྱལ་གཅིག་གི་གཡས་གཡོན་དུ༔ རི་བོང་རྣ་བ་འདྲ་བ་སྦྱར་བ་གཅིག༔ དེ་ལ་དེ་འདྲ་བཅུ་བཞིའི་བསྐོར་བར་བྱ༔ བསྡུ་ན་དེ་འདྲ་གཅིག་གིས་ཆོག་པ་ཡིན༔ དེ་ནས་བྱི་སྦའི་ལུས་ལ་དྲུད་པའི་ཟན༔ གཟུགས་བརྙན་འདི་རྣམས་བྱས་ཏེ་དེ་མཐར་བསྐོར་རྟ་དམར་ཁྱི་སེར་ཁུ་བྱུག་སྔོན་མོ་བྱ༔ གཞན་རྣམས་ཚོན་ནི་ཐོན་ལེགས་མ་ཐོན་ཀྱང་༔ ཤཱ་ཝ་ངར་མི་ཝ་དང་ཕོ་རོག་གཟུགས༔ བུད་མེད་རྡོ་རྗེ་ཕག་དང་བྱ་ཡི་གཟུགས༔ ནེ་ཙོ་ཕ་ཝང་འུག་པ་ཕག་གླིང་གཟུགས༔ བྱིསྦའི་གཟུགས་རྣམས་

[Full Size]

བསྐོར་བ་དེ་ཡི་རྒྱབ༔ བྱིསླ་ལ་དྲུད་མ་ཡིས་བཅང་བ་ཡི༔ ཆངས་བུ་བཅོ་ལྔ་ཏིང་ལོ་ཤ་དུམ་དང་༔ འབྲུ་སྣ་ཅི་འཛོམ་ཅུང་ཟད་བཏབ་ལ་བྲན༔ དྲག་པོ་ལ་སོགས་ཡི་དམ་སྔོན་སོང་ནས༔ རང་ཉིད་སྐད་ཅིག་ཡི་དམ་གནས་འགྱུར་ནས༔ སྟོང་ཆེན་རབ་འཇོམས་དཀར་མོ་ཞལ་གཅིག་པ༔ ཕྱག་དྲུག་གཡས་གསུམ་རལ་གྲི་མདའ་མཆོག་སྦྱིན༔ གཡོན་གསུམ་ཞགས་པ་གཞུ་དང་དགྲ་སྟ་བསྣམས༔ གཞོན་མཛེས་དར་དང་རིན་ཆེན་དུ་མས་བརྒྱན༔ ཞབས་གཉིས་རོལ་པའི་སྟབས་ཀྱིས་པད་ཟླར་བཞུགས༔ ཐུགས་ཀར་ཟླ་སྟེང་ཧཱུཾ་ནང་བསྲུང་བྱ་ཚུད༔ ཧཱུཾ་མཐར་སྔགས་ཕྲེང་གཡོན་དུ་འཁོར་བ་ལས༔ འོད་

[Full Size]

འཕྲོས་ཕྱོགས་བཅུའི་རྒྱལ་བ་སྲས་བཅས་མཆོད༔ ཐམས་ཅད་སྟོང་ཆེན་རབ་འཇོམས་སྐུར་གྱུར་ནས༔ ཆར་བཞིན་བབས་ནས་བདག་དང་བསྲུང་བྱ་ལ༔ ཐིམ་པས་ནད་གདོན་བགེགས་ཀྱིས་མི་ཚུགས་གྱུར༔ ཨོཾ་ཨ་མྲྀ་ཏ་ཝ་རེ་ཝ་ར་ཝ་ར་པྲ་ཝ་ར་བི་ཤུདྡྷེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཞེས་པ་ཅི་མང་བཟླས་ཤིང་བསྲུང་སྐུད་སྔགས༔ ཨརྒྱུ་སོགས༔ སྟོང་ཆེན་རབ་འཇོམས་རིག་སྔགས་རྒྱལ༔ ཕྱག་འཚལ་སྐྱེས་བུ་དཔའ་ཁྱོད་ལ༔ ཕྱག་འཚལ་སྐྱེས་བུ་མཆོག་ཁྱོད་ལ༔ ཐལ་མོ་སྦྱར་ཏེ་ཕྱག་འཚལ་བསྟོད༔ དེ་ནས་གླུད་མདོས་ཆབ་ཀྱིས་བྲན༔ རཾ་ཡཾ་ཁཾ་གིས་མི་གཙང་དྲི་མ་སྦྱངས༔ རིན་ཆེན་སྣོད་མཆོག་སྟོང་གསུམ་ཙམ་གྱི་ནང་༔ གླུད་གཏོར་རང་རང་ཡིད་མཐུན་འདོད་ཡོན་ལྔ༔ ཟད་མེད་ལོངས་སྤྱོད་ཕུན་སུམ་ཚོགས་པར་གྱུར༔ ཨོཾ་ཨ་ཀཱ་རོ་སོགས་གསུམ་བརྗོད། ཧཱུྃ༔ བྱིསྱའི་གདོན་ཆེན་བཅོ་ལྔ་པོ༔ རྟག་ཏུ་ཁྲག་ལ་འཐུང་རྣམས་ཀྱིས༔ གང་ལ་བུ་ནི་མི་ཆགས་དང་༔ གང་གི་མངལ་དུ་མི་གནས་དང་༔ སྐྱེས་པ་བུད་མེད་འདུ་བ་དང་༔ དབང་པོ་རྣམས་ཀྱང་མྱོས་པར་བགྱི༔ མེར་མེར་པོ་དང་ནུར་ནུར་པོ༔ བུ་ཡིས་ས་བོན་མ་རུངས་བགྱིད༔ གང་ཡང་མངལ་ནི་མཐུར་དུ་གྲུབ༔ ཤ་

[Full Size]

མ་མི་འབྱུང་གདོན་བགྱིད་པ༔ འདི་དག་བྱིས་པ་སྐག་པར་བགྱི༔ འདི་དག་བུ་འཕྲོག་མ་རུངས་བ༔ བྱིས་པ་རྣམས་ལ་འཇིགས་བགྱིད་པ༔ མདོ་སྡེའི་ཞགས་པས་དྲངས་ནས་ནི༔ འདི་དག་ཤིན་ཏུ་འགུགས་པར་བགྱི༔ གནོད་སྦྱིན་སྡེ་དཔོན་ཆེན་པོ་ནི༔ དྲི་ཟ་ཙནྡྲ་ཞེས་བགྱི་བ༔ ཡི་གེ་ཕྱག་རྒྱ་དེ་བཙལ་ཏེ༔ སོང་ནི་གདོན་ནི་དྲག་པོ་པ༔ འཇམ་པ་པོ་དང་རི་དྭགས་རྒྱལ༔ སྐེམ་བྱེད་བརྗེད་བྱེད་ཁུ་ཚུར་ཅན༔ མ་མོ་དང་ནི་ཛ་མི་ཀ༔ འདོད་པ་ཅན་དང་ནམ་གྲུ་དང་༔ སྲུལ་པོ་དང་ནི་མ་དགའ་བྱེད༔ བྱ་དང་གཉའ་བའི་ལག་ཅན་དང་༔ བཞིན་རྒྱན་དང་ནི་མིག་འཕྱང་བ༔ བཅོ་ལྔ་དེ་དག་འདིར་ཁུག་ཅིག༔ ཨོཾ་བཛྲ་ཡཀྵ་སརྦ་བིགྷཱན་བཛྲ་ཨཾ་ཀུ་ཤ་ཛ༔ མདུན་འདིར་གདོན་ཆེན་བཅོ་ལྔ་པོ༔ བཅིངས་བ་ལྔ་ཡིས་བཅིངས་བཞིན་དུ་བཀའ་ཉན་གསུང་སྡོད་བྱེད་པར་གྱུར༔ སརྦ་བིགྷཱན༔ ཛཿཧཱུྃ་བཾ་ཧོཿ ཁྱེད་ཅག་སྔོན་ཚེ་རྒྱལ་བའི་དྲུང་༔ ཐལ་མོ་སྦྱར་ནས་འདི་སྐད་གསོལ༔ གྲོང་ངམ་ཁྱི་མམ་གྲོང་ཁྱེར་རམ༔ གང་ན་ལེགས་པར་གསུངས་པ་ཡི༔ མདོ་སྡེ་འདི་ནི་བཞུགས་པ་དེར༔ བྱིས་པ་རྣམས་ནི་འགུམ་མི་འགྱུར༔ ཐུབ་

[Full Size]

ཆེན་ཁྱོད་ནི་ཇི་བཞིན་དུ༔ རྗེས་སུ་མཐུན་པར་འཇུག་པར་བགྱི༔ ཁྱེད་ཅག་དེ་ལྟར་ཁས་བླངས་པའི༔ སྔོན་གྱི་དམ་ཚིག་དྲན་པར་གྱིས༔ ཨོཾ་བཛྲ་ས་མ་ཡ་ཧ་ན་ཧ་ན་ཧཱུྃ་ཕཊ༔ རིན་ཆེན་མང་དང་གཟུགས་མཛེས་དང་༔ འབྱམས་ཀླས་འཇིགས་ཀུན་བྲལ་བ་ཡི༔ དེ་བཞིན་གཤེགས་ལ་ཕྱག་འཚལ་ལོ༔ གླུད་གཏོར་འདོད་ཡོན་ལྔ་ལྡན་འདི༔ བྱིསྶའི་གདོན་ཆེན་བཅོ་ལྔ་ནི༔ འཁོར་དང་བཅས་པ་ཀུན་ལ་བསྔོ༔ ཐམས་ཅད་ངོམ་ཞིང་ཚིམས་གྱུར་ནས༔ བུ་ལོན་ལན་ཆགས་བྱང་གྱུར་ཅིག༔ ན་མ་སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ༔ སྔགས་བདུན་དང་སེ་གོལ་གཏོགས། འཇམ་པ་པོ་ནི་བ་གླང་གཟུགས༔ གླུད་དང་གཏོར་མ་འདི་བཞེས་ཤིག༔ རི་དྭགས་རྒྱལ་པོ་རི་དྭགས་འདྲ༔ གླུད་དང་གཏོར་མ་འདི་བཞེས་ཤིག༔ སྐེམ་བྱེད་པ་ནི་གཞོན་ནུའི་གཟུགས༔ གླུད་དང་གཏོར་མ་འདི་བཞེས་ཤིག༔ བརྗེད་བྱེད་པ་ནི་ཝ་འདྲ་འོ༔ གླུད་དང་གཏོར་མ་འདི་བཞེས་ཤིག༔ ཁུ་ཚུར་ཅན་ནི་བྱ་རོག་གཟུགས༔ གླུད་དང་གཏོར་མ་འདི་བཞེས་ཤིག༔ མ་མོ་དེ་ནི་མི་ཡི་གཟུགས༔ གླུད་དང་གཏོར་མ་འདི་བཞེས་ཤིག༔ ཛ་མི་ཀ་ནི་རྟ་ཡི་གཟུགས༔ གླུད་

[Full Size]

དང་གཏོར་མ་འདི་བཞེས་ཤིག༔ འདོད་པ་ཅན་ནི་རྡོ་རྗེའི་གཟུགས༔ གླུད་དང་གཏོར་མ་འདི་བཞེས་ཤིག༔ ནམ་གྲུ་ཁྱི་ཡི་གཟུགས་ཅན་ཏེ༔ གླུད་དང་གཏོར་མ་འདི་བཞེས་ཤིག༔ སྲུལ་པོ་དེ་ནི་ཕག་གི་གཟུགས༔ གླུད་དང་གཏོར་མ་འདི་བཞེས་ཤིག༔ མ་དགའ་བྱེད་པ་བྱི་ལའི་གཟུགས༔ གླུད་དང་གཏོར་མ་འདི་བཞེས་ཤིག༔ བྱ་ནི་འདབ་ཆགས་གཟུགས་ཀྱི་ཡང་༔ གླུད་དང་གཏོར་མ་འདི་བཞེས་ཤིག༔ གཉའ་ལག་ཅན་ནི་བྱ་གག་གཟུགས༔ གླུད་དང་གཏོར་མ་འདི་བཞེས་ཤིག༔ བཞིན་བརྒྱན་འུག་པའི་གཟུགས་ཀྱི་སྟེ༔ གླུད་དང་གཏོར་མ་འདི་བཞེས་ཤིག༔ མི་འཕྱང་བ་ནི་ཕ་ཝང་གཟུགས༔ གླུད་དང་གཏོར་མ་འདི་བཞེས་ཤིག༔ འཇམ་པ་པོས་ནི་ཟིན་གྱུར་ན༔ མིག་ནི་རབ་ཏུ་འགྱུར་བར་བགྱིད༔ ཕྱིན་ཆད་དེ་ལྟར་མ་བྱེད་ཅིག༔ རི་དྭགས་རྒྱལ་གྱིས་ཟིན་གྱུར་ན༔ སྐྱུགས་པ་མི་བཟད་སྐྱུགས་པར་བགྱིས༔ ཕྱིན་ཆད་དེ་ལྟར་མ་བྱེད་ཅིག༔ སྐེམ་བྱེད་ཀྱིས་ནི་ཟིན་གྱུར་ན༔ སྐེམ་བྱེད་པས་ནི་བྱིས་པ་འགུམ༔ ཕྱིན་ཆད་དེ་ལྟར་མ་བྱེད་ཅིག༔ བརྗེད་བྱེད་ཀྱིས་ནི་ཟིན་གྱུར་ན༔ འགྲེ་ཞིང་དེ་ལྟར་སྒྲ་ཡང་འབྱིན༔ ལྷུ་བ་

[Full Size]

དང་ནི་ཁ་ཆུ་འཛག༔ ཕྱིན་ཆད་དེ་ལྟར་མ་བྱེད་ཅིག༔ ཁུ་ཚུར་ཅན་གྱིས་རབ་ཟིན་ན༔ ཁུ་ཚུར་འཆང་ཞིང་འབྱེད་པར་བགྱི༔ ཕྱིན་ཆད་དེ་ལྟར་མ་བྱེད་ཅིག༔ མ་མོ་ཡིས་ནི་ཟིན་གྱུར་ན༔ དགོད་ཅིང་དེ་བཞིན་སྒྲ་ཡང་འབྱིན༔ ཕྱིན་ཆད་དེ་ལྟར་མ་བྱེད་ཅིག༔ ཛ་མི་ཀིས་ནི་རབ་ཟིན་ན༔ ནུ་ཞོ་ནུ་བར་མངོན་མི་དགའ༔ ཕྱིན་ཆད་དེ་ལྟར་མ་བྱེད་ཅིག༔ འདོད་པ་ཅན་གྱིས་ཟིན་པ་ན༔ མལ་ན་གཉིད་ལོག་ངུ་བར་འགྱུར༔ ཕྱིན་ཆད་དེ་ལྟར་མ་བྱེད་ཅིག༔ ནམ་གྲུས་རབ་ཏུ་ཟིན་གྱུར་ན༔ ལྕེ་ལ་སོས་ནི་འཆའ་བར་བགྱི༔ ཕྱིན་ཆད་དེ་ལྟར་མ་བྱེད་ཅིག༔ སྲུལ་པོས་རབ་ཏུ་ཟིན་གྱུར་ན༔ ཀུ་ཅོ་འདོན་ཅིང་སྒྲ་ཡང་འབྱིན༔ ཕྱིན་ཆད་དེ་ལྟར་མ་བྱེད་ཅིག༔ མ་དགའ་བྱེད་པས་ཟིན་པ་ན༔ རྣམ་པ་སྣ་ཚོགས་གཟུགས་སུ་འགྱུར༔ ཕྱིན་ཆད་དེ་ལྟར་མ་བྱེད་ཅིག༔ བྱ་ཡིས་རབ་ཏུ་ཟིན་གྱུར་ན༔ མནལ་བའི་དྲི་ནི་འབྱུང་བར་འགྱུར༔ ཕྱིན་ཆད་དེ་ལྟར་མ་བྱེད་ཅིག༔ གཉའ་ལག་ཅན་གྱིས་ཟིན་གྱུར་ན༔ མགུལ་པར་རབ་ཏུ་འགགས་པར་འགྱུར༔ ཕྱིན་ཆད་དེ་ལྟར་མ་བྱེད་ཅིག༔ བཞིན་རྒྱན་གྱིས་ནི་ཟིན་གྱུར་ན༔ རིམས་ཀྱིས་བཏབ་ཅིང་འཁྲུ་

[Full Size]

བར་འགྱུར༔ ཕྱིན་ཆད་དེ་ལྟར་མ་བྱེད་ཅིག༔ མིག་འཕྱང་པས་ནི་ཟིན་གྱུར་ན༔ རྐེག་བུ་དང་ནི་རྣམ་པ་འབྱུང་༔ ཕྱིན་ཆད་དེ་ལྟར་མ་བྱེད་ཅིག༔ ལོ་ནི་བཅུ་གཉིས་ཚུན་ཆོད་དུ༔ གནོད་ཅིང་འཚེ་བར་མ་བྱེད་ཅིག༔ སྔོན་གྱི་ལན་ཆགས་ཡོད་ན་ཡང་༔ མཆོད་སྦྱིན་འདི་ཡིས་བྱང་བར་གྱིས༔ འཕྲལ་གྱི་རྐྱེན་ངན་ཡོད་ན་ཡང་༔ མཆོད་སྦྱིན་འདི་ཡིས་བྲལ་བར་གྱིས༔ དོན་མེད་གནོད་པ་ཡོད་ན་ཡང་༔ མཆོད་སྦྱིན་འདི་ཡིས་མགུ་བར་གྱིས༔ ཟ་རེ་འཐུང་སྐོམ་ཡོད་ན་ཡང་༔ མཆོད་སྦྱིན་འདི་ཡིས་ཚིམ་པར་གྱིས༔ སྡིག་པ་ཅི་ཡང་མི་བྱ་ཞིང་༔ དགེ་བ་ཕུན་སུམ་ཚོགས་པར་སྤྱད༔ རང་གི་སེམས་ནི་ཡོངས་སུ་འདུལ༔ འདི་ནི་སངས་རྒྱས་བསྟན་པ་ཡིན༔ རང་གི་ལུས་ལ་དཔེ་ལོངས་ལ༔ གཞན་ལ་གནོད་པ་མ་བྱེད་ཅིག༔ ལེགས་པར་གསུང་པ་འདི་ཐོས་ནས༔ གལ་ཏེ་མྱུར་དུ་མི་གཏོང་ན༔ ཐམས་ཅད་འབར་བར་གྱུར་པ་ནི༔ མར་དང་ཡུངས་ཀར་མེར་བླུག་ཡིན༔ གནོད་སྦྱིན་ཆད་པས་བསྡིགས་ནས་སུ༔ དེ་དག་བདེ་བ་མི་རྙེད་དེ༔ དེ་ཡི་རྩིབ་ལོགས་གཡས་པར་ནི༔ འབྲས་ཆེན་ནད་ཀྱང་འབྱུང་བར་འགྱུར༔

[Full Size]

གནོད་སྦྱིན་ནད་ཀྱིས་བཏབ་པ་ནི༔ ཤ་བཀྲའི་ནད་ཀྱིས་བཏབ་པར་འགྱུར༔ ལྕང་ལོ་ཅན་གྱི་ཕོ་བྲང་དུ༔ གཞིར་ཡང་འགྲོ་བར་མི་འགྱུར་རོ༔ ལུས་ངན་གྲགས་དང་ལྡན་པ་ཡི༔ ཁྱིམ་ཡང་མཐོང་བར་མི་འགྱུར་ཏེ༔ འབྱུང་པོ་མང་པོ་འཚོགས་པ་ན༔ སྙན་ཡང་ཐོབ་པར་མི་འགྱུར་རོ༔ གནོད་སྦྱིན་དག་གི་དཀྱིལ་འཁོར་དུ༔ ཟས་སྐོམ་དང་ཡང་འབྲལ་བར་འགྱུར༔ དེ་བས་བཀའ་ལ་མ་འདའ་བར༔ ཆེན་པོའམ་ཆུང་ངུ་གང་དག་གིས༔ ནད་དེ་རབ་ཏུ་ཕྱུངས་ནས་སུ༔ གདོན་ཁྱོད་རང་གི་གནས་སུ་དེངས༔ ཞེས་བརྗོད་ཁ་ཕྱིར་བསྒྱུར་ལ༔ ཧཱུྃ༔ བྱིསྦའི་གདོན་ཆེན་བཅོ་ལྔ་པོ༔ གླུད་ཆེན་ཁྱེར་ལ་གཞན་དུ་དེངས༔ སྟོང་ཆེན་རབ་འཇོམས་མདོ་སྡེ་ལགས༔ གནོད་སྦྱིན་གང་དག་མི་ཕྱོགས་པ༔ དེ་ལ་རྡོ་རྗེ་འཆང་ཁྲོས་ཏེ༔ སྤྱི་བོ་དག་ཀྱང་འགེམ་པར་འགྱུར་༔ སྤུ་གྲིའི་སོ་ནི་རྩུབ་མོ་ཡིས༔ དེ་ཡི་ལྕེ་ནི་གཅོད་པར་འགྱུར༔ མཚོན་ཆ་ཤིན་ཏུ་རྣོན་པོ་ཡིས༔ དེ་ཡི་སྣ་དང་རྣ་བ་གཅོད༔ འཁོར་ལོ་སྤུ་གྲིའི་སོ་འདྲ་བས༔ ཀླད་པ་རབ་ཏུ་གཤག་པར་བྱེད༔ ཐོ་བ་ལྕགས་ཀྱིས་དཀྲིས་པ་ཡང་༔ དེ་ཡི་སྙིང་ཡང་འཇོམས་པར་བྱེད༔ རྣག་དང་ཁྲག་ནི་དྲོན་མོ་

[Full Size]

དག༔ དེ་ཡི་ཁ་ནས་འཛག་པར་འགྱུར༔ རིག་སྔགས་ཞགས་པས་ཆད་པ་ཡི༔ རྟག་ཏུ་འཁོར་བར་འགྲོ་བ་ན༔ འཁོར་བ་གནོད་སྦྱིན་དཀྱིལ་འཁོར་དུ༔ འདི་ཉིད་ཀྱིས་ནི་འཁོར་བར་འགྱུར༔ དེ་བས་མ་འཚེ་མྱུར་དུ་དེངས༔ སརྦ་བྷ་ཏ་གཙྩ༔ ཅེས་བརྗོད་དེ་ནས་རྒྱས་པ་ན༔ གཏོར་མ་རེ་དང་གཟུགས་བརྙན་རེ༔ ཆངས་བུ་རེ་བཅས་ཐེབ་ཙེར་བཞག༔ ༈ བྱིས་པ་ན་ལུགས་བརྟགས་བྱས་ལ༔ སོ་སོའི་ཕྱོགས་སུ་ཕུལ་བར་གསུངས༔ ན་ལུགས་ནད་པ་མེད་ན་ཡོང་༔ སོ་སོའི་ཕྱོགས་སུ་གཏོང་བ་ལེགས༔ ཉེར་བྱ་ཞེས་བྱས་བཙད་པའི་མིང་༔ བྱིསྦའི་ལུས་ལ་བསྒྲེས་ཞེས་པ༔ དང་པོ་བཅའ་ཁ་ལུས་ལ་དྲུད༔ གླུད་བསྣན་ཞེས་པ་ཆངས་བུའོ༔ བྱིས་པ་སྐྱུག་ཅིང་ཉེར་ན་ཤྭ་བའི་གཟུགས༔ བྱིས་པ་ལ་བསྒྲེས་བྱང་ཤར་མཚམས་སུ་བཏང་༔ འཁྲུ་ཞིང་ཉེར་ན་གླུད་ཅིག་ཤར་དུ་བཏང་༔ འདར་ཞིང་ལྕི་བ་ཁ་ཆུ་འཛག་པ་ལ༔ ཝ་མོའི་གཟུགས་བྱས་ལྷོ་ཕྱོགས་བཏང་བར་བྱས༔ ཁུ་ཚུར་བཅང་ཞིང་ཉེ་བར་བྱེད་པ་ན༔ ཕོ་རོག་གཟུགས་བྱས་ནུབ་ཏུ་བཏང་༔ ངུ་དགོད་བྱེད་ཅིང་ཉེ་བ་ན༔ བསེན་མོའི་གཟུགས་བྱས་བུད་མེད་འཕང་རར་བསྐྱལ༔ ནུ་ཞོ་མི་འདོད་ཉེ་བ་ན༔ རྟ་གཟུགས་དམར་པོ་བྱས་ཏེ་ལྷོ་རུ་བཏང་བར་བྱ༔ གཉིད་མི་ཉོལ་བར་ཉེ་བར་མ༔ རྡོ་རྗེའི་གཟུགས་དཀར་པོ་གཅིག་ཤོས་ཤར་དུ་བཏང་༔ ལྕེ་ལ་སོ་ཡིས་འཆའ་ཞིང་ཉེ་བ་ན༔ ཁྱི་གཟུགས་སེར་པོ་གཅིག་ཤོས་ནུབ་ཏུ་བཏང་༔ སྐད་ངན་

[Full Size]

ཀུ་ཅོ་འདོན་ཞིང་ཉེ་བ་ན༔ ཕག་པའི་གཟུགས་བྱས་བྱང་དུ་བཏང་༔ བྱིས་པ་ན་ཞིང་ཕ་ལོ་ཆོ་འཕྲུལ་ཆེ༔ བྱ་ཡི་གཟུགས་བྱས་བྱང་དུ་བཏང་༔ བྱིས་པ་གཤིན་དྲི་བསྣམས་ཤིང་ཉེ་བ་ན༔ ཁུ་བྱུག་གཟུགས་བྱས་སྔོན་པོ་ནུབ་ཏུ་བཏང་༔ དྲི་ཆུ་འགག་ཅིང་ཉེ་བ་ན༔ ནི་ཚོའི་གཟུགས་བྱས་ནུབ་ཏུ་བཏང་༔ བྱིང་ཞིང་ཉེ་ན་འུག་གཟུགས་ཐོག་ཏུ་བསྐྱལ༔ ཨིག་བུ་བསྒྲང་ཞིང་ཉེ་བ་ན༔ ཕ་ཝང་གཟུགས་བྱས་ལྷོ་ནུབ་མཚམས་སུ་བཏང་བར་བྱ༔ ཐམས་ཅད་ཟན་གྱིས་ལུས་བསྒྲེས་གླུད་ལ་བསྣམ༔ ཞེས་གསུངས་བཞིན་དུ་སོ་སོར་ཕུལ་བར་བྱ༔ བསྡུ་ན་བྱིསྦའི་ལོ་བདུད་སྟེང་དུ་ནི༔ ཕྱོགས་ཆེན་ནམ་ནི་ཡས་ལམ་ཕྱོགས་ཉིད་དུ༔ མི་བགོ་དུས་གཅིག་ཉིད་དུ་བསྐུལ་ལ་དོར༔ སུམྦྷ་ནི་བརྗོད་ནས་ལྕགས་བྲབ་བྱས་ཏེ༔ བདག་བསྐྱེད་སྲུང་འཁོར་བསྒོམ་ཞིང་སྔགས་བརྗོད་དེ༔ དེ་ཡིས་བྱི་སྦའི་གླུད་གཏོར་ཚང་བ་ཡིན༔ བྱིསྩའི་སྲིའུ་ཆུང་སྲི་ལྷང་དོགས་ཀྱི༔ བྱིས་པ་ངུ་ཞིང་ནུ་ཞོ་མི་འདོད་ན༔ རེ་ཏུལ་འདྲེ་ཅན་ས་བླངས་གླུད་ཁྲུ་གང་༔ རེ་ཏུལ་ཞེས་པ་ཁང་མལ་འདྲེ་ཅན་ཁྲུ་ནི་བྱིས་པ་ཉིད་ཀྱི་ཁྲུ་གང་ཚད༔ བཅས་ཏེ་རྒྱབ་ཏུ་ཚེར་མའི་ཁྲེས་པོ་བསྐུར༔ དྲེལ་རྟ་རྐང་གསུམ་གཟུགས་ལ་གླུད་དེ་བསྐྱོན༔ ལུས་ལ་བལ་ཚོན་སྣ་ལྔའི་གོས་བཀོན་ཏེ༔ མདུན་བཞག་བྲན་ནས་བདག་བསྐྱེད་གསལ་བཏབ་སྟེ༔ དེ་ནས་བཀུག་གཞུག་ནི༔ གང་དག་སངས་རྒྱས་རང་སངས་རྒྱས༔ སངས་རྒྱས་རྣམས་ཀྱི་ཉན་ཐོས་དང་༔ ཚངས་དབང་དང་ནི་འཇིག་རྟེན་སྐྱོང་༔ གནོད་སྦྱིན་སྡེ་

[Full Size]

དཔོན་དབང་ཕྱུག་དང་དེ་བཞིན་གནོད་སྦྱིན་སྟོབས་ཆེན་དང་༔ འཕྲོག་མ་བུ་དང་བཅས་པ་ཡང་༔ དེ་དག་མཐུ་དང་གཟི་བརྗིད་ཀྱིས༔ བྱིས་པ་འདི་ལ་གནོད་བྱེད་པའི༔ ཆུང་སྲི་གཟུགས་བརྙན་འདི་ལ་ཁུག༔ ཨོཾ་བཛྲ་ཡཀཱ་ཧཱུྃ༔ སརྦ་ཛཏྲི་ཛ༔ ག་ཏྲི་སུ་ཏྲི་ནི་ཧཱུྃ་ཛ༔ ཕ་ཏྲི་ག་ཏཱི་ནི་ཧཱུྃ་ཛ༔ ཀཾ་ཏྲི་སུ་ཏྲི་ནི་ཧཱུྃ་ཛ༔ ཀར་ཏྲི་ན་ཏྲི་གྲུམ་གྲུམ་ཧཱུྃ་ཛ༔ སརྦ་ནི་ཏྲི་ནི་ཧཱུྃ་ཛ༔ ཤན་ཏཱི་ནི་ཧཱུྃ་ཛ༔ སུ་ཏྲི་ནི་ཧཱུྃ་ཛ༔ ཆུང་སྲི་ཕོ་མོ་གནོད་བྱེད་ཐམས་ཅད་ཀྱི་སྙིང་ལ་མ་རཱ་ཡ་རྦད་ནན༔ དེ་ལྟར་གོང་གི་འགུགས་གཞུག་ལན་གསུམ་དང་༔ འོག་གི་སྔགས་རིང་བདུན་ནམ་ཉེར་གཅིག་བརྗོད༔ སྒོ་དྲུང་ལམ་གྱི་དཀྱིལ་དུ་དོང་བྲུས་ལ༔ ཁ་སྦུབ་མནན་སྟེང་ས་ལ་རི་རབ་གཟུགས་བྲིས་པའི་སྟེང་༔ རྐང་པ་གཡོན་པ་རྒྱ་གྲམ་དུ་བཞག་ལ་མནན༔ རང་གི་ཁྱིམ་ནས་འདི་བརྗོད་དམིགས་པ་བྱ༔ ཧཱུྃ༔ གནོད་སྦྱིན་ཆུང་སྲི་ལས་ངན་ཁྱོད༔ རིམ་དགུ་ས་ཡི་འོག་ཏུ་སོང་༔ ཆུ་སྲིན་གདུག་པའི་གྲེ་བར་བརྫ་ངས༔ རི་རབ་ཆེན་པོས་སྟེང་ནས་མནན། བྱམས་མགོན་བསྟན་པ་མ་བྱུང་བར༔ ནམ་ཡང་ལྡང་བར་མ་བྱེད་ཅིག༔ ཨོ་ལཾ་ཧཱུཾ་ལཾ་སྟེ་བྷ་ཡ་ནན༔ དེ་ཡིས་ངུ་འཕྲོ་ཆོད་པར་ཐེ་ཚོམ་མེད༔ ཅེས་གསུངས་དེ་བཞིན་འཆི་འཕྲོ་འང་ཆད་པར་ནུས༔ བྱིསྦ་

[Full Size]

མི་སོས་དོགས་པ་ཆེ་བའམ༔ བྱིས་པ་གཉིད་མེད་ན་ཚ་ངུ་བ་ལ༔ བྱ་ལོ་པ་ལས་ནས་དཀར་བྲེ་གང་བསླང་༔ བསླང་ས་མེད་ན་བྱ་ལོ་པ་གཅིག་གིས༔ བྲེ་ཡི་ནང་དུ་ནས་བླུག་བྲེ་ཁ་བཅད༔ སྔགས་པའི་མདུན་དུ་བཞག་པས་ཆོག་པ་ཡིན༔ ནས་ཀྱི་ཁ་ལ་བག་ཕྱེས་གཡུང་དྲུང་བྲི༔ མེད་ན་གཡུང་དྲུང་གཡས་འཁྱིལ་རྩམ་པས་བྲི༔ མདའ་ལ་རས་དཀར་བཏགས་ཏེ་དེ་དབུས་གཟུགས་པར་བྱ༔ ཆུ་ཟངས་ཁ་ལ་དར་དཀར་སྣམ་དཀར་བཏིང་༔ དེ་ཉིད་མི་རྡེབ་པ་ཡི་ཐབས་བྱས་ལ༔ དེ་ཡི་སྟེང་དུ་མདའ་དང་ནས་བཞག་སྟེ༔ མ་ཡིས་བུ་ཁྱེར་བསྐོར་བ་གསུམ་བདུན་བྱ༔ དེ་ཚེ་རང་ཉིད་བདག་བསྐྱེད་གསལ་བའི་ངང་༔ མེ་ཏོག་འཐོར་ཞིང་འདི་སྐད་བརྗོད་པར་བྱ༔ སྟོང་ཆེན་རབ་ཏུ་འཇོམས་བྱེད་པ༔ ལེགས་པར་གསུངས་པའི་རིག་སྔགས་འདི༔ བྱིས་པ་རྣམས་ལ་ཕན་བགྱིད་པ༔ གང་གི་དང་པོར་འཛམ་གླིང་དུ༔ རིག་སྔགས་རབ་ཏུ་སྟོན་མཛད་པ༔ ཆོས་ཀྱི་རྒྱལ་པོ་སྣང་མཛད་པ༔ སངས་རྒྱས་དཔལ་ལ་ཕྱག་འཚལ་ལོ༔ ཁྱད་པར་འཕགས་པའི་ཆོས་རྣམས་དང་༔ ཚོགས་ཀྱི་དམ་པ་དགེ་འདུན་དང་༔ སངས་རྒྱས་ཞབས་ལ་ཕྱག་འཚལ་ལོ༔ གང་དག་སངས་རྒྱས་རང་སངས་རྒྱས༔ སངས་རྒྱས་ཀྱིས་ནི་ཉན་ཐོས་དང་༔ དྲང་སྲོང་དང་ནི་འཇིག་རྟེན་སྐྱོང་༔ ལྷ་རྣམས་ཇི་སྙེད་མཆིས་པ་དང་༔ དེ་ཀུན་མི་ཡི་

[Full Size]

འཇིག་རྟེན་དག༔ བྱིས་པ་འདི་ལ་སྲུང་བར་ཤོག༔ བྱིས་པ་འདི་ནི་འཚོ་བར་ཤོག༔ བྱིས་པ་འདི་ནི་བདེ་གྱུར་ཅིག༔ ཨོཾ་ཨ་མྲྀ་ཏ་ཝ་རེ་ཝ་རེ་ཝ་ར་ཝ་ར་པྲ་ཝརྟ་བི་ཤུདྡྷེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཨོཾ་བཛྲ་རཀྵ་རཀྟ༔ ཞེས་བརྗོད་སྲུང་སྐུད་དེ་ཉིད་བཏགས་པར་བྱ༔ མདའ་དར་ཆུ་ནས་ལ་སོགས་ཅི་བདེར་ཆོག༔ དེ་ཡིས་བུ་ཚ་སོས་པར་གདོན་མི་ཟ༔ ཤིན་ཏུ་ཟབ་ཕྱིར་ཡང་དག་ཆེས་གུད་དུ་སྦས༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ ས་མ་ཡ༔ ཁ་ཐཾ༔ རྒྱ་རྒྱ་རྒྱ༔ ཨཱི༔ གཞུང་འདི་རཏྣའི་གཏེར་མ་བསླད་མེད་པ༔ འདོན་བྱ་མེད་ཕྱིར་ལག་ལེན་བྱེད་མཁན་མེད༔ ཀྱེ་མ་ཐོབ་དཀའི་མི་ལུས་ཐོབ་མ་ཐག༔ འཆི་བ་རྣམས་ལ་སྙིང་རྗེས་མ་བཟོད་ནས༔ སྟོན་པའི་བཀའ་དང་ཨོ་རྒྱན་མན་ངག་བསྡེབས༔ སྙིགས་དུས་སྔགས་འཆང་རཱ་ག་ཨ་སྱས་ཡིས༔ སྐྱབས་མེད་བྱིས་པ་རྣམས་ཀྱི་སྐྱབས་སུ་བཞག༔ ཡི་གེ་པ་ནི་དགེ་སློང་སྦྱིན་པས་བྲིས༔ ཉེས་པ་བཤགས་ཤིང་དགེ་བས་འགྲོ་ཕན་ཤོག༔ སརྦ་མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཡི་དམ་གུ་རུ་དྲག་པོའི་ལས་མཐའ་རོ་བྲབ་ཤན།།

[Full Size]

ཡི་དམ་གུ་རུ་དྲག་པོའི་ལས་མཐའ་རོ་བྲབ་ཤན་བཞུགས་སོ།།

[Full Size]

གུ་རུ་དྲག་པོའི་སྒོ་ནས། རོ་བྲབ་ཤན་བྱེད་ཐབས་འདི་ལ། མཐོང་བ་བརྒྱུད་པ་འདི་ལྟར། དང་པོ་སྐྱབས་འགྲོ་ནི། ན་མོ། དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ལན་གསུམ་རྫོགས་རྗེས་སྙིང་རྗེ་དྲག་པོ་བསྒོམ། །རོ་ཡི་གྲིབ་དང་མི་གཙང་བ། །ནད་གདོན་ཐམས་ཅད་རང་ལ་བསྟིམ། །སྟོང་ཉིད་ངང་ལ་ཡུད་ཙམ་བཞག །ན་མོ། བདེ་གཤེགས་རྒྱལ་བ་ཀུན་འདུས་སྐུ། །གུ་རུ་དྲག་པོ་ཐོད་ཕྲེང་རྩལ། །བདག་ནི་བྱང་ཆུབ་མ་ཐོབ་བར། །སྒོ་གསུམ་གུས་པས་སྐྱབས་སུ་མཆི། །བདག་ནི་རྣལ་

[Full Size]

འབྱོར་དབང་ཕྱུག་གིས། །རྡོ་རྗེ་དྲག་རྩལ་བསྒྲུབས་ནས་ནི། །དྲེགས་པ་མ་ལུས་ཚར་གཅོད་པས། །གཞན་དོན་སྐྱོང་བར་སེམས་བསྐྱེད་དོ། །ཧཱུྃ། དྲག་པོའི་ཐོད་ཕྲེང་ལྷ་ཚོགས་གཤེགས། །དྲེགས་པ་སྡེ་བརྒྱད་གདན་ལ་བཞུགས། །ལུས་ངག་ཡིད་གསུམ་གུས་ཕྱག་འཚལ། །ཕྱི་ནང་གསང་གསུམ་མཆོད་པ་འབུལ། །།ཉམས་ཆག་སྡིག་སྒྲིབ་མཐོལ་ལོ་བཤགས། །གསང་སྔགས་བསྒྲུབ་ལ་རྗེས་ཡི་རང་། །དྲག་བསྒྲུབ་ཆོས་འཁོར་བསྐོར་དུ་གསོལ། །མྱ་ངན་མི་འདའ་གཞན་དོན་བཞུགས། །ཡང་དག་རྡོ་རྗེའི་དོན་རྟོགས་ཤོག །དྲག་པོའི་

[Full Size]

ཕྲིན་ལས་འགྲུབ་པར་མཛོད། །དེ་ནས། ཧཱུྃ། ཆོས་དབྱིངས་དག་པའི་མཁའ་ཀློང་ནས། །སྤྲོ་བསྡུ་སྦྱོར་བས་ཁྲོ་རྒྱལ་སྐུ། །བདག་ཉིད་རིག་པའི་ངོ་བོ་ལས།་།འཇིགས་བྱེད་རྡོ་རྗེ་ཐོད་ཕྲེང་རྩལ། །དམར་ནག་ཞལ་གསུམ་ཕྱག་དྲུག་པ། །གཡས་དཀར་གཡོན་སྔོ་དབུས་དམར་ཞལ། །གཡས་གསུམ་རྡོ་རྗེ་གྲི་གུག་གྲི། །གཡོན་གསུམ་བྷནྡྷ་ཁཊཾ་སྡིག། ཞབས་བཞི་བརྐྱང་བསྐུམ་འདོར་ཐབས་བསྒྲད། །རྡོ་རྗེ་རིན་ཆེན་གཤོག་པ་གདེངས། །དུར་ཁྲོད་ཆས་བརྒྱད་རྫོགས་པར་གསལ། །ཡུམ་ཆེན་ཕག་མོ་མཐིང་ནག་འཁྲིལ། །གྲི་ཐོད་འཁྱུད་ཅིང་བརྐྱང་བསྐུམ་སྦྱོར། །དམ་ཡེ་དབྱེར་མེད་དྲན་རྫོགས་གསལ། །ཞེས་བཟླ། ཞེས་བདག་བསྐྱེད་གསལ་བཏབ་ལ་ཨ་ཙིག་ཅུང་ཟད་བཟླ། ༈ དེ་ནས་ཨུར་གདོན་བྱེད་ན། དྲོད་པ་དེ་ཉིད་གཟའ་བདུད་དངོས་སུ་བསྐྱེད་ལ། བདག་གི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་དང་། རང་རང་ལས་བྱེད་ཀྱི་ཁྲོ་བོ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོགས་པ་གྲངས་མེད་པ་འཕྲོས་པས་ཟ་འདྲེ་ཤི་གཤེད་རང་དབང་མེད་པ་བཀུག་ནས། ཁྱབ་མཇུག་གི་ཞལ་རབ་ཏུ་གདངས་བའི་ནང་དུ་བཅུག་པར་བསམས་ལ། གཏོར་ཟློག་དུས་ལྟར་བཀུག་ག༔ ཞུག་ཁ་བསྒྱུར་བྱ། དེ་ནས་བཤད། འི་མོ་ཡི་བདུན་ཟུར་སྟེང་དུ་མནན། དེ་ནས་རོ་བསྐུལ་བ་ནི། ཧཱུྃ།

[Full Size]

ང་ནི་ཁྲོ་རྒྱལ་འཇིགས་པའི་སྐུ། །ཉོན་ཅིག་ཟ་འདྲེ་ཤི་གཤེད་ཚོགས། །ང་ཡི་བཀའ་ལས་འདའ་མ་བྱེད། །ཁྲོ་རྒྱལ་འབར་བའི་བཀའ་ལས་ནི། །འབྱུང་པོ་གང་ཞིག་འདའ་བྱེད་པ། །དྲག་པོ་ཆེན་པོ་དྲག་ཤུལ་ཆེ། །དམར་ནག་མེ་ཕྲེང་ཁྲོས་ནས་ནི། །ཁྲོ་བོའི་ཚོགས་ཀྱིས་ནམ་མཁའ་གང་། །ཁྲོ་མོའི་ཚོགས་ཀྱིས་ས་གཞི་གང་། །བགེགས་ཚོགས་ཐལ་བ་རྡུལ་དུ་རློགས། །མིང་ཡང་གྲགས་པར་མི་འགྱུར་ཏེ། །དེ་བས་ད་ལྟ་ཕྱིར་དེངས་ཤིག །ཨོཾ་སུམྦྷ་ནི་བརྗོད། ཨོཾ་བཛྲ་ཕཊ༔ བདག་ཉིད་པདྨ་འབྱུང་གནས་ཀྱི་བཀའ། དམར་ནག་མེ་ཡི་ཕྲེང་བ་ཅན་དང་རྟ་མཆོག་རྒྱལ་པོའི་ལུང་། སྔགས་འཆང་རྣལ་འབྱོར་རྡོ་རྗེ་དྲེགས་འཇོམས་རྩལ་གྱི། ཁྱོད་གདོན་གྱི་རྒྱལ་པོ་ཕྱོགས་སྐྱོང་བཅུ། སྟེང་གི་ལྷ། འོག་གི་ཀླུ། བར་སྣང་གི་གཟའ། ལྷ་མ་སྲིན་སྡེ་བརྒྱད། རྒྱལ་བསེན་བེ་དཀར་ནག་ཁྲ་གསུམ། མཁའ་ལ་རྒྱུ་བའི་འབྱུང་པོ། གཟུགས་ཅན་གཤིན་ཕ་རོལ་དུ་ཚེ་དུས་ལས་འདས་པའི་སྲོག་གཅོད་དབུགས་ལེན་བྱེད་མི་ཟ་འདྲེ་ཤི་གཤེད་རྣམས་ལ་སྤྲིངས་བ། གནོད་བྱེད་འབྱུང་པོ་ཟ་འདྲེ་ཤི་གཤེད་སྲོག་གཅོད་དབུགས་ལེན་མདངས་

[Full Size]

འཕྲོག་གསོན་བདུད་གཤིན་ལྕགས་ཤི་འདྲེ་ཤི་སྲི་ནད་འདྲེ་གཅོང་སྲི་རྣམས་དང་། དྲི་ཟ་འཆི་ཁའི་སེམས་ལ་འཇུག་པ་དང་། དྲི་ཟ་ཁྱབ་བྱེད་དང་། དྲི་ཟ་པི་ཤ་ཙ་ན་དང་། གནོད་བྱེད་སྨྲ་འདོད་དང་། གནོད་བྱེད་ཝ་ར་ཧ་ཏི་དང་། ཀུན་ཏུ་གཏོགས་འདོད་དང་ཡི་དྭགས་གཤིན་རྗེས་ཆད་པ་ལ་སོགས་པས་ཚེ་ལས་འདས་པ་ལ་མཐོ་རིས་ཐར་པའི་གེགས་བྱེད་ཅིང་། ངན་སོང་འཁོར་བའི་སྣ་འདྲེན་པ་ཐམས་ཅད་འདིར་མ་གནས་པ་གཞན་དུ་སོང་། དེང་ཕྱིན་ཆད་ནས། ངེད་མི་ནོར་གང་ལ་ཡང་གནོད་པ་མ་བྱེད་ཅིག །ཁྱིམ་སྒོ་ལམ་སྲང་ལ་མ་འགྲིམ་པར་གཞན་དུ་སོང་། གལ་ཏེ་ཡི་གེ་མཐོང་བ་བཞིན་དུ་གནོད་པ་བྱེད་ན། བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་། ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་། གཞན་ཡང་ཁྱད་པར་དུ་གུ་རུ་ཐོད་ཕྲེང་རྩལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་། སྐུ་མཆོག་འཇམ་དཔལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་། གསུང་མཆོག་རྟ་མགྲིན་གྱི་ལྷ་ཚོགས་རྣམས་ཀྱི་

[Full Size]

བཀའ་བདེན་པ་དང་། ཐུགས་མཆོག་ཕྱག་ན་རྡོ་རྗེའི་ལྷ་ཚོགས་རྣམས་ཀྱི་བཀའ་བདེན་པ་དང་། རྡོ་རྗེ་གཞོན་ནུའི་ལྷ་ཚོགས་རྣམས་ཀྱི་བཀའ་བདེན་པ་དང་། ཕྲིན་ལས་སྟོབས་ལྡན་སྡིག་པ་ནག་པོ་ལྷ་ཚོགས་རྣམས་ཀྱི་བཀའ་བདེན་པ་དང་། ཕོ་ཉ་ཟ་གསོད་བསྟན་སྲུང་དམ་ཅན་རྒྱ་མཚོའི་ལྷ་ཚོགས་རྣམས་ཀྱི་བཀའ་བདེན་པ་དང་། །རིག་འཛིན་སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བྱིན་རླབས་འདི་ལ་བརྟེན་ནས།་གནོད་བྱེད་འབྱུང་པོ། དམ་ཉམས་བཀའ་ལྟར་མི་བྱེད་ཅིང་དམ་ལ་མི་གནས་པ་དམ་ཉམས་འབྱུང་པོ་ཟ་འདྲེ་ཤི་གཤེད་སྲོག་གཅོད་དབུགས་ལེན་ཚེ་ལེན་མདངས་འཕྲོག་གསོན་བདུད་གཤིན་ལྕགས་ཤི་འདྲེ་ཤི་སྲི་ནད་འདྲེ་གཅོང་སྲི་མནའ་ཟན་འདི་རྣམས་འདི་ན་མ་གནས་པར་གཞན་དུ་དེངས་ཤིག །སྲིད་པ་སྤྱི་ནས་ཤིག་ཅིག །སྲིད་གསུམ་རྨིང་ནས་བསྐྱེལ་ཅིག །འཁོར་བ་སྟེང་ནས་ཕྱུང་ཅིག །བསྐལ་པའི་མེ་ཡིས་སྲེགས་ཤིག །དམ་ཚིག་དམོད་པས་སྡིགས་ཤིག །བཀའ་ཡི་ཆད་པས་ཆོད་ཅིག །གནམ་ལྕགས་ཐོག་གི་རལ་གྲིས་སྤྱི་བོ་ནས་ཁོས་ཤིག །སྲིད་གསུམ་གར་གནས་ཀྱང་ལུས་ལ་རྡོ་

[Full Size]

རྗེའི་ཆར་ཕོབ་ཅིག །དམ་ཉམས་འབྱུང་པོ་ཟ་འདྲེ་ཤི་གཤེད་སྲོག་གཅོད་དབུགས་ལེན་ཚེ་ལེན་མདངས་འཕྲོག་གསོན་བདུད་གཤིན་ལྕགས་ཤི་འདྲེ་ཤི་སྲི་ནད་འདྲེ་གཅོང་སྲི་མནའ་ཟན་འདིའི་མགོ་བོ་ཚལ་པ་སྟོང་དུ་ཁོས་ཤིག །ལུས་དུམ་བུ་སྟོང་དུ་ཐོངས་ཤིག །སྙིང་དུམ་བུ་བརྒྱད་དུ་གཏུབས་ཤིག །མིག་འབྲས་ཐང་ལ་ལྷུངས་ཤིག །སྙིང་ཁྲག་ལས་མཁན་རྣམས་ཀྱི་དཔའ་ཟས་གྱིས་ཤིག །དམ་ཉམས་རུ་ཊ་འདི་མཐའ་ཡི་རྒྱ་མཚོའི་ཕ་རོལ་དུ་སྒྲོལ་ཅིག །གནོད་བྱེད་ཨུ་ཙ་ཏ་ཡ་ཕཊ་སོད་ཅིག །ཅེས་པའི་བར་བརྗོད། ཐུགས་ཀའི་ཁྲོ་ཚོགས་དང་མཚོན་ཆ་མེ་དཔུང་གི་ཚོགས་སྤྲོས་པས་ཟ་འདྲེ་ཤི་གཤེད་ཐམས་ཅད་རྒྱ་མཚོའི་པར་འགྲམ་བསྐྲད་པར་བསམ། གང་དག་མི་འགྲོ་བ་ཐམས་ཅད་ཁྲོ་ཆུང་རྣམས་ཀྱིས་བསད་བཅད་ཟོས་ཏེ་མིང་ཡང་མི་གྲགས་པར་བསམ། ཐུན་བརྒྱབ་འབྱུང་བ་གནོན་པའི་ཐུན་དཔེར་ན་སྤར་ཁ་དྲ་ལྟ་བུ་ཡིན་ན་མེ་ཐུན་བརྒྱག་སྟེ། བདག་གུ་རུ་དྲག་པོའི་ཕྱག་གཡས་རྡོ་རྗེའི་ཁ་ནས་མེ་འབར་ཏེ་ཟ་འདྲེ་ཤི་གཤེད་ཐམས་ཅད་བྱ་སྒྲོ་མེ་ལ་བསྲེགས་པ་ལྟར་གྱུར་ཅིང་སྟོང་གསུམ་ཐམས་ཅད་མེ་དཔུང་གིས་གང་བར་བསམ། གཞན་རྣམས་དེ་ཡིས་རིགས་འགྲེ། སྔགས་ནི་ཨོ་སུམ་བྷ་ནི་བརྗོད། གུར་དྲག་གི་སྔགས་རིང་ཡོངས་རྫོགས་དང་། ལོཀྟི་པ་ལ་དང་། སྤུ་གྲི་སྲོག་གཅོད་དང་། སྤུ་གྲི་རང་གཤེད་དང་། རྟ་མགྲིན་གྱི་རྦད་སྔགས་

[Full Size]

དང་། དྲག་པོ་ལྕགས་འདུལ་གྱི་གཞུང་གི་ཟད་སྔགས་རྣམས་བཟླས་ལ། དེ་ནས་ཕུང་པོ་བཟའ་བཏུང་འཁྲི་བ་མེད་པར་བསམ། བདག་གི་ཐུགས་ཀ་ནས་ཧཱུྃ་དཀར་པོ་འཕྲོས། རྒྱལ་བ་ཐམས་ཅད་ཀྱི་ཐུགས་རྗེ་ནུས་མཐུའི་རང་བཞིན་འཕྲོས། བེམ་པོ་ལ་ཐིམ་པས། བདུད་རྩིའི་རྐྱལ་པར་བསམས་ལ་ཁྱེར་རོ། །དེ་ནས་ཁྲོ་ཚོགས་རྣམས་ཚུར་འདུས་པ་ལས། སྲུང་བའི་གུར་ཁང་དུ་གྱུར་པར་བསམ། ཧཱུཾ། བདག་ནི་འབར་བ་དབང་གི་བདག་ཉིད་དེ། །ཁྲོས་པའི་ངང་ལས་ཁྲོ་ཚོགས་མཚོན་ཆའི་ཆར། །རྡོ་རྗེ་འཁོར་ལོ་རལ་གྲི་འབར་བ་དང་། །རྒྱ་གྲམ་མེ་དཔུང་ཁྲོ་ཚོགས་རླུང་ལྟར་འཚུབ། །སྟེང་འོག་ཕྱོགས་མཚམས་ཀུན་ཏུ་ཁྱབ་པར་བསྲུང་། །བདུད་སྡེ་དཔུང་བཅས་མ་རུངས་གདུག་པའི་ཚོགས། །བསྲུང་བའི་མཚམས་འདིར་འདུག་པའི་གནས་མེད་ཀྱི། །སྲུང་བའི་དཀྱིལ་འཁོར་འདི་ལ་མ་འདའ་ཞིག །ཨོཾ་བཛྲ་ཙཀྲ་ཏིག་ཀརྨ་ཀཱི་ལ་ཡ་ཛྭ་ལ་རཾ་རཾ་བཛྲ་བི་ཤྭ་ཀྲོ་དྷ་ཛྭ་ལ་མཎྜ་ལ་ཧཱུྃ་ཧཱུྃ། ལས་རྣམས་གྲུབ་ནས། དགེ་བ་འདི་ཡིས་མྱུར་དུ་བདག་སོགས། བདག་གཞན་དུས་གསུམ་དགེ་བ་ཅི་བསགས་པ། །སོགས་བསྔོ་སྨོན་བྱའོ། །ཞེས་པ་འདི་སྔགས་ཆུང་གསར་བུ་རྣམས་ལ་ཕན་པའི་ཕྱིར། ཕྱག་ལེན་མཐོང་བ་བརྒྱུད་པ་ལྟར། ༧ རཱ་ག་ཨ་སྱས་སྦྱར་བའོ།།

གུ་རུ་དྲག་པོའི་སྒོ་ནས་རོ་ལ་བྲབ་ཤན་བྱེད་ཐབས་མཐོང་བ་བརྒྱུད་པ།

[Full Size]

གུ་རུ་དྲག་པོའི་སྒོ་ནས་རོ་ལ་བྲབ་ཤན་བྱེད་ཐབས་མཐོང་བ་བརྒྱུད་པ་བཞུགས་སོ།།

[Full Size]

གུ་རུ་དྲག་པོའི་སྒོ་ནས་རོ་ལ་བྲབ་ཤན་བྱེད་ཐབས་མཐོང་བ་བརྒྱུད་པ་འདི་ལྟར། དང་པོ་སྐྱབས་འགྲོ་ནི། ན་མོ། དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ཞེས་བྱས་ལ་སྙིང་རྗེ་དྲག་པོ་བྱའོ༔ རོ་ཡི་གྲིབ་དང་མི་གཙང་བ་ནད་གདོན་ཐམས་ཅད་རང་ལ་བསྟིམ། སྟོང་པ་ཉིད་ཀྱི་ངང་ལ་ཡུད་ཙམ་བཞག །དེ་ནས། ན་མོ༔ བདེ་གཤེགས་རྒྱལ་བ་འདུས་པའི་སྐུ༔ གུ་རུ་དྲག་པོ་ཐོད་ཕྲེང་རྩལ༔ བདག་ནི་བྱང་ཆུབ་མ་ཐོབ་བར༔ སྒོ་གསུམ་གུས་པས་སྐྱབས་སུ་མཆི༔ བདག་ཉིད་རྣལ་འབྱོར་དབང་

[Full Size]

ཕྱུག་གིས༔ རྡོ་རྗེ་དྲག་རྩལ་བསྒྲུབས་ནས་ནི༔ དྲེགས་པ་མ་ལུས་ཚར་བཅད་ནས༔ གཞན་དོན་སྐྱོང་བར་སེམས་བསྐྱེད་དོ༔ ཧཱུྃ༔ དྲག་པོ་ཐོད་ཕྲེང་ལྷ་ཚོགས་གཤེགས༔ དྲེགས་པ་སྡེ་བརྒྱད་གེགས་བྱེད་ཅིང་༔ ངན་སོང་འཁོར་བའི་སྣ་འདྲེན་པ་ཐམས་ཅད་འདིར་མ་གནས་པར་གཞན་དུ་དེངས་ཤིག༔ དེ་རིང་ཕྱིན་ཆད་ནས་ངེད་མི་ནོར་གང་ལ་ཡང་གནོད་པ་མ་བྱེད་ཅིག༔ ཁྱིམ་སྒོ་ལམ་སྲང་ལ་མ་འགྲིམ་པར་གཞན་དུ་སོང་༔ གལ་ཏེ་ཡི་གེ་མཐོང་བ་བཞིན་དུ་གནོད་པ་བྱེད་ན༔ བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་༔

[Full Size]

དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་༔ གཞན་ཡང་ཁྱད་པར་དུ་གུ་རུ་ཐོད་ཕྲེང་རྩལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྐུ་མཆོག་འཇམ་དཔལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ གསུང་མཆོག་རྟ་མགྲིན་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཐུགས་མཆོག་ཕྱག་ན་རྡོ་རྗེའི་ལྷ་ཚོགས་རྣམས་ཀྱི་བཀའ་བདེན་པ་དང་༔ རྡོ་རྗེ་གཞོན་ནུའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་སྟོབས་ལྡན་སྡིག་པ་ནག་པོའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕོ་ཉ་ཟ་གསོད་བསྟན་སྲུང་དམ་ཅན་རྒྱ་མཚོའི་ལྷ་ཚོགས་རྣམས་ཀྱི་བཀའ་བདེན་པ་དང་༔ རིག་འཛིན་སྔགས་འཆང་རྣལ་འབྱོར་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བྱིན་རླབས་འདི་ལ་བརྟེན་ནས༔ གནོད་བྱེད་འབྱུང་པོ༔ དམ་ཉམས་བཀའ་ལྟར་མི་བྱེད་ཅིང་དམ་ལ་མི་གནས་པ་དམ་ཉམས་འབྱུང་པོ་ཟ་འདྲེ་ཤི་གཤེད་སྲོག་གཅོད་དབུགས་ལེན་ཆེ་ལེན་མདངས་འཕྲོག་གསོན་བདུད་གཤིན་ལྕགས་ཤི་འདྲེ་ཤི་སྲི་ནད་འདྲེ་གཅོང་སྲི་མནའ་ཟན་འདི་རྣམས་

[Full Size]

འདི་ན་མ་གནས་པར་གཞན་དུ་དེངས་ཤིག༔ སྲིད་པ་སྤྱི་ནས་ཤིག་ཅིག༔ སྲིད་གསུམ་རྨིང་ནས་བསྐྱེལ་ཅིག༔ འཁོར་བ་སྟེང་ནས་ཕྱུངས་ཤིག༔ བསྐལ་པའི་མེ་ཡིས་སྲེགས་ཤིག༔ དམ་ཚིག་དམོད་པས་སྡིགས་ཤིག༔ བཀའ་ཡི་ཆད་པས་ཆོད་ཅིག༔ གནམ་ལྕགས་ཐོག་གི་རལ་གྲིས་སྤྱི་བོ་ནས་ཁོས་ཤིག༔ སྲིད་གསུམ་གར་གནས་ཀྱང་ལུས་ལ་རྡོ་རྗེའི་ཆར་ཕོབ་ཅིག༔ དམ་ཉམས་འབྱུང་པོ་ཟ་འདྲེ་ཤི་གཤེད་སྲོག་གཅོད་དབུགས་ལེན་ཚེ་ལེན་མདངས་འཕྲོག་གསོན་བདུད་གཤིན་ལྕགས་ཤི་འདྲེ་ཤི་སྲི་ནད་འདྲེ་གཅོང་སྲི་མནའ་ཟན་འདིའི་མགོ་བོ་ཚལ་པ་སྟོང་དུ་ཁོས་ཤིག༔ ལུས་དུམ་བུ་སྟོང་དུ་ཐོངས་ཤིག༔ སྙིང་དུམ་བུ་བརྒྱད་དུ་གཏུབས་ཤིག༔ མིག་འབྲས་ཐང་ལ་ལྷུངས་ཤིག༔ སྙིང་ཁྲག་ལས་མཁན་རྣམས་ཀྱི་དཔའ་ཟས་གྱིས་ཤིག༔ དམ་ཉམས་རུ་ཊ་འདི་མཐའ་ཡི་རྒྱ་མཚོའི་ཕ་རོལ་དུ་སྒྲོལ་ཅིག༔ གནོད་བྱེད་ཨུ་ཙ་ཏ་ཡ་ཕཊ་སོད་ཅིག༔ ཅེས་བརྗོད་དོ། །བདག་གི་ཐུགས་ཀ་ནས་ཁྲོ་ཚོགས་དང་བཅས་མཚོན་ཆ་མེ་དཔུང་གི་ཚོགས་སྤྲོས་པས་ཟ་འདྲེ་ཤི་གཤེད་ཐམས་ཅད་རྒྱ་མཚོའི་ཕར་འགྲམ་དུ་བསྐྱོད་པར་གྱུར༔ གང་དག་མི་འགྲོ་བ་དེ་དག་ཁྲོ་ཆུང་རྣམས་

[Full Size]

ཀྱིས་བསད་བཅད་ཟོས་ཏེ་མིང་ཡང་མི་གྲགས་པར་བསམ་ལ་ཐུན་བརྒྱབ༔ འབྱུང་བ་ཁ་གནོན་པའི་ཐུན་ནམ། དཔེར་ན་སྤཎ་དྭ་ལྟ་བུ་ཡིན་ན། མེ་ཐུན་བརྒྱབ་སྟེ། བདག་ཉིད་དྲག་པོའི་ཕྱག་གཡས་རྡོ་རྗེའི་ཁ་ནས་མེ་འབར་ཏེ༔ ཟ་འདྲེ་ཤི་གཤེད་ཐམས་ཅད་བྱ་སྒྲོ་མེས་བསྲེགས་པ་ལྟར་གྱུར་ཅིག༔ སྟོང་གསུམ་ཐམས་ཅད་མེ་དཔུང་གིས་གང་བར་གྱུར་པར་བསམ་མོ༔ གཞན་ཐམས་ཅད་དེས་འགྲེས་སོ༔ སྔགས་ནི་སུམྦྷ་ནི་དང་༔ གུ་དྲག་གི་སྔགས་རིང་ཡོངས་རྫོགས་དང་༔ ལོའི་པ་ལ་དང་། སྤུ་གྲི་སྲོག་གཅོད། སྤུ་གྲི་རང་གཤེད། རྟ་མགྲིན་གྱི་རྦད་བརྒྱད་དང་། དྲག་པོ་ལྕགས་འདུལ་གཞུང་གི་བསད་སྔགས་རྣམས་བཟླ༔ དེ་ནས་ཕུང་པོ་དེ་གཟི་བ་སྟོང་འཁྲི་ས་མེད་པར་བསམས་ལ། བདག་གི་ཐུགས་ཀ་ནས་འོད་ཟེར་དཀར་པོ་འཕྲོས་རྒྱལ་བ་ཐམས་ཅད་ཀྱི་ཐུགས་རྗེ་ནུས་མཐུའི་རང་བཞིན་འཕྲོས་ནས་བེམ་པོ་ལ་ཐིམ་པས་བེམ་རོ་བདུད་རྩིའི་རྒྱལ་བ་གང་དུ་གྱུར་པར་བསམས་ལ་ཁྱེར་རོ༔ དེ་ནས། ཁྲོ་ཚོགས་རྣམས་ཚུར་འདུས་པ་ལས་བསྲུང་བའི་གུར་དུ་གྱུར་པར་བསམས་ལ༔ ཧཱུཾ། བདག་ནི་འབར་བ་དབང་གི་བདག་ཉིད་དེ། །ཁྲོས་པའི་ངང་ལས་ཁྲོ་ཚོགས་མཚོན་ཆའི་ཆར། །རྡོ་རྗེ་འཁོར་ལོ་རལ་གྲི་འབར་བ་དང་། །རྒྱ་གྲམ་མེ་དཔུང་ཁྲོ་ཚོགས་རླུང་ལྟར་འཚུབ། །

[Full Size]

སྟེང་འོག་ཕྱོགས་མཚམས་ཀུན་ཏུ་ཁྱབ་པར་བསྲུང་། །བདུད་སྡེ་དཔུང་བཅས་མ་རུངས་གདུག་པའི་ཚོགས། །བསྲུང་བའི་མཚམས་འདིར་འདུག་པའི་གནས་མེད་ཀྱི། །སྲུང་བའི་དཀྱིལ་འཁོར་འདི་ལ་མ་འདའ་ཞིག །ཨོཾ་བཛྲ་ཙཀྲ་ཏིག་ཀརྨ་ཀཱི་ལ་ཡ་ཛྭ་ལ་རཾ་རཾ་བཛྲ་བི་ཤཱ་ཀྲོ་དྷ་ཛྭ་ལ་མཎྜ་ལ་ཧཱུཾ་ཧཱུཾ། ལས་རྣམས་གྲུབ་ནས། དགེ་བ་འདི་ཡིས་མྱུར་དུ་བདག །གུ་རུ་དྲག་པོ་འགྲུབ་གྱུར་ནས། །སོགས་དང་། བདག་གཞན་དུས་གསུམ་དགེ་བ་ཅི་བསགས་སོགས་བསྔོ་སྨོན་བྱ། ཞེས་པ་འདི་ནི་སྔགས་ཆུང་གསར་པ་རྣམས་ལ་ཕན་པའི་ཕྱིར། ཕྱག་ལེན་མཐོང་བ་བརྒྱུད་པ་ལྟར། ༧ རཱ་ག་ཨ་སྱས་བྲིས་པ་མངྒ་ལཾ། བྷ་ཝནྟུ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་དྲག་པོའི་ལས་ཚོགས་སྟོབས་ཆེན་མ་ཧཱ་བ་ལའི་སྒོ་ནས་དགྲ་འདྲེ་དམ་སྲི་སྒབ་འདྲེ་མནན་པའི་མན་ངག་གསང་རྒྱ་ཅན་སྟོབས་ཆེན་འདྲེ་འདུལ་གཤེད་མ།།

[Full Size]

བླ་མ་དྲག་པོའི་ལས་ཚོགས་སྟོབས་ཆེན་མ་ཧཱ་བ་ལའི་སྒོ་ནས་དགྲ་འདྲེ་དམ་སྲི་སྒབ་འདྲེ་མནན་པའི་མན་ངག་གསང་རྒྱ་ཅན་སྟོབས་ཆེན་འདྲེ་འདུལ་གཤེད་མ་བྱ་བ་བཞུགས་སོ༔ ཁ་ཐམ

[Full Size]

ཤམཐཐམ༔ གོག །རྒ་། འཇིགས་བྱེད་སྟོབས་ལྡན་མ་ཧཱ་བ་ལར་འདུད༔ འདི་ཡི་སྒོ་ནས་དགྲ་འདྲེ་གདོན་གསུམ་གང་མནན་ཡང་༔ དང་པོ་མ་ཧཱ་བ་ལ་དངོས་ལ༔ སྐུ་སྟོད་མི་ལ་གླང་གི་མགོ་ཅན་ཁ་གདངས་མཆེ་གཙིགས་ལྗགས་འདྲིལ་ནས༔ རྭ་ཅོ་ཟང་ངེ་ཡོད་པ༔ སྦྲུལ་མགོ་བདུན་གྱི་གདེངས་ཀ་ཅན༔ དེ་སྟེང་ཁྲོ་ཞལ་དམར་པོས་སྤྲུལ་ཟ་བ༔ དེ་སྟེང་མེ་མགོ་སྔོན་པོ་མིག་གཅིག་པ༔ སྐུ་སྨད་སྤྲུལ་དུ་འཁྱིལ་བ༔ ཕྱག་གཉིས་ཐུགས་ཀར་ཕུར་བུ་འདྲིལ་བ་ལྟོ་བ་ཟུར་གསུམ་ཧོ་ཁུང་ནང་ན་ནི་ཏྲི་ལ་ཕུར་སོ་ཚད་པ༔ རལ་པ་དམར་སེར་གཟེངས་ནས་སྤྲུག་པའི་འཇིགས་པ་གཅིག་བྲིས་ལ༔ དེ་ཡི་རྒྱབ་ཏུ་སྔགས་འདི་བརྩེགས་མར་བྲི༔ ཨོ་ཤག་རྦད་མཱ་ར་ན་པྲ་མ་ཤ་ཧཱུྃ་ཧཱུྃ་ཧཱུྃ་ནན་ནན་དུལ་དུལ་ཤག་ཆད་སོད་སྙིང་ལ་མཱ་ར་

[Full Size]

རྦད་སོད་སོད༔ ཅེས་བྲི། དེ་ནས་སྒབ་འདྲེ་མནན་པའི་ལིངྒ་ནི་རྒྱས་པར་དཔེའུ་རིས་ལྟར་ལ༔ འབྲིང་པོ་ལིངྒ་སྐྱེ་མཆེད་ཚང་བར་བྲིས་ཤིང་གནས་ཡིག་རྣམས་ཚང་བར་སྙིང་གར་ཀྲྀ་ཏཱི༔ ཐ་མར་སརྦ་ཛ་ནི་ཏྲི་ནི་ཧཱུྃ་ཛ༔ ག་ཏྲི་སུ་ཏྲི་ནི་ཧཱུྃ་ཛ༔ ཕ་ཏྲི་ག་ཏྲི་ནི་ཧཱུྃ་ཛ༔ ཤད་ཏྲི་སུ་ཏྲི་ནི་ཧཱུྃ་ཛ༔ ཀཏྲི་ནག་ཏྲི་གྲུམ་གྲུམ་ཧཱུྃ་ཛ༔ སརྦ་ནི་ཏྲི་ཧཱུྃ་ཛ༔ ཤན་ཏཱི་ནི་ཧཱུྃ་ཛ༔ སུ་ཏྲི་ནི་ཧཱུྃ་ཛ༔ དམ་སྲི་གནོད་བྱེད་སྒབ་འདྲེ༔ ཆུང་སྲི་དམ། སྒྲུབ་པ་ལ་བར་དུ་གཅོད་པའི་སྙིང་ལ་མཱ་ར་ཡ་རྦད་ནན༔ བྲི་ཛ་ཁྲམ་བསྐོར༔ ཡི་དམ་སྔགས་ཤམ་དུ་བཏགས་ལ་བཟླ༔ ཐུན་བྲབ་ཚོན་སྐུད་དང་རེ་བས་དྲིལ༔ ཕྱི་སྒོའི་ཐེམ་འོག་ཏུ་མནན༔ འདྲེ་གདོན་ཐུབ་པར་ཐེ་ཚོམ་མེད༔ ཨྠྀི༔ གོད་གཅོད་ལ་ཡང་གོད་གང་ཤི་བའི་ཐོད་པ་ལེགས་པར་གང་རེ་བྱས་ལ༔ ལྟག་པར་རྡོ་རྗེ་རྒྱ་གྲམ༔

[Full Size]

དཔྲལ་བར་གཡུང་དྲུང་༔ རྣ་ལྟག་ལ་ཁྲམ་རིས༔ འགྲམ་གཡས་གོད་སྲི་ཁ་ཐཾ༔ འགྲམ་གཡོན་གོད་ཁ་ཆོད་ཅིག༔ མཚུར་པར་རཾ༔ ཁ་ནང་གྲོ་ཤོག་ལ༔ གོད་འདྲེ་ཟ་འདྲེ་བྲུབ་བོ་ནན༔ བྲིས་པ་བཅུག༔ འཁོར་ལོ་ལིངྒ་ཐུན་དང་བཅས་པ་ཐོད་པར་བཙུག་གོ༔ ཁ་དམ་པར་བཅད་ཚོན་སྐུད་རེ་བས་དྲིལ་ལ་མནན་པ་ཞལ་ཤེས་ལྟར་མནན་པས་གོད་ཁ་ཤི་ཁ་ཆོད་པར་ཐེ་ཚོམ་མེད་དོ༔ ས་མ་ཡ་ཁ་ཐཾ༔ དགྲ་མནན་བྱེད་ན་ལིངྐ་དཔེའུ་རིས་ལྟར་ལ་མན་ངག་ཞལ་ལས་ཤེས༔ རྒྱལ་བསེན་སྒབ་འདྲེ་གནོན་ན༔ ལིངྒ་མགོ་སྤྲད་ལ་ཡན་ལག་ལྕགས་སྒྲོག་གིས་བསྡམས་པ༔ དཔྲལ་བར་ནན༔ རྣ་བར་འོན༔ ཡན་ལག་བཞི་ལ་ཛཿཧཱུྃ་བཾ་ཧོཿ དཔུང་གཉིས་ཆག་ཆག༔ བརླ་གཉིས་ཞྭ་ཞྭ༔ རྐང་ཞབས་གཉིས་ཡོ་ཡཾ༔ སྙིང་ཁར་ནི་ཏཱི་རཾ་ཏྲི་ཛ༔ གསང་བར་ཕཊ༔ མཐའ་མར་སྔགས་དང་གནོད་བྱེད་རྒྱལ་འགོང་འདོད་གསོལ་བྲིས༔ གནོད་བྱེད་འདྲེ་མོ་སོགས་རང་གཟུགས་སྙིང་གར་བྲི༔ སྔགས་ཐུན་བཅིངས་བསྡམས་བྱས་ལ་ཁ་སྦྱོར་ནས༔ མཆོད་རྟེན་ཐེམ་འོག་མནན་པར་བྱའོ༔ ༈ གོང་གི་ཚོན་ལ་འཇིགས་བྱེད་རང་དུད་ཁ༔ སྦྲུལ་ཚོན་བཀྲ༔ ཁྲོ་ཞལ་དམར༔ མི་མགོ་སྔོ༔ ཕུར་བུ་སྔོ༔ གྲུ་གསུམ་དམར༔ སྦྲུལ་མཇུག་ལྗང་ཁྲའོ༔ རྒྱལ་པོ་དཀར༔ སྲིན་མོ་དམར༔ དེ་ནི་ཚོན་གྱི་ཞལ་ཤེས་སོ༔ ད་ནི་གོང་གི་མནན་པ་གང་བྱས་ཀྱང་མནན་ཆས་རྣམས་རང་གཞུང་ལྟར་གྲུབ་ཟིན་ནས༔ མ་ཧཱ་བ་ལའི་སྐུ་རྟེན་བསྟིམ་པ་ནི༔ གཏོར་མ་གཅིག་ཀྱང་བཤམས་ལ༔ གཉིས་ཀ་བྲན་ནས༔ ཨོཾ་སྭ་

[Full Size]

བྷ་ཝས་སྦྱངས། སྟོང་པའི་ངང་ལས་སྐད་ཅིག་གིས་སྐུ་གཟུགས་མི་དམིགས་པ་ལས༔ ཁྲོ་བོ་སྟོབས་པོ་ཆེ་ཁྲོས་པའི་ངོ་བོ་འཇིགས་བྱེད་མ་ཧཱ་བ་ལ་སྐུ་མདོག་དུད་ཁ་ཞལ་གསུམ་པ༔ རྩ་ཞལ་གླང་གི་ཞལ་དམར་པོ་ཁ་གདངས་ཤིང་མཆེ་བ་བཞི་གཙིགས་པ༔ ལྗགས་བརྐྱངས་བའི་རྩེ་མོ་བསྒྲིལ་བ༔ སྤྱན་གསུམ་སྡང་མིག་གིས་དགྲ་འདྲེ་ལ་གཟིར་བ་འཇིགས་སུ་རུང་བ༔ རྭ་ཅོ་དམར་ཟང་ངེ་ལྡིང་བ་སྦྲུལ་མགོ་དགུ་ཡི་གདེངས་ཀ་འཕྱོ་བ༔ བར་མ་ཁྲོ་ཞལ་དམར་པོ་སྤྱན་གསུམ་པས་སྦྲུལ་ཟ་བ༔ སྟེང་མ་མི་མགོ་སྔོན་པོ་མིག་གཅིག་པ༔ མགོ་བོ་དར་སྔོན་པོའི་ཅོད་པན་བཅིངས་བ༔ རལ་པ་དམར་སེར་གཟེངས་ནས་ཡོད་པ༔ སྐུ་སྨད་སྦྲུལ་དུ་འཁྱིལ་བ༔ ལྟེ་བ་གྲུ་གསུམ་ཧོམ་ཁུང་འབར་བའི་ནང་དགྲ་བགེགས་ཐམས་ཅད་རང་དབང་མེད་པར་བཀུག་ནས༔ ཕྱག་གཉིས་ཐུགས་ཀར་གནམ་ལྕགས་ཀྱི་ཕུར་པ་འདྲིལ་ཞིང་ནི་ཏྲི་ལ་འདེབས་ནས་གསོད་པར་བྱེད་པའི་གནས་གསུམ་འབྲུ་གསུམ་དང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་བ་གླང་སྤྱོད་ནས་ཡེ་ཤེས་པ་སྤྱན་དྲངས༔ བཛྲ་ས་མཱ་ཡ་ཛ༔ ཧཱུྃ༔ འདི་ནས་ཉི་མ་ནུབ་ཀྱི་ཕྱོགས༔ རི་རབ་ལྷུན་པོའི་

[Full Size]

ནུབ་ངོས་ནས༔ ཉི་མ་ཟླ་བའི་གཤེགས་ལམ་ནས༔ ནམ་མཁའ་དམར་ལ་ས་གཞི་དམར༔ རྒྱ་མཚོ་དག་ཀྱང་དམར་པོ་སྟེ༔ དེ་ལ་མིང་དང་མཚན་བཏགས་པ༔ བ་གླང་སྤྱོད་ཀྱི་གླིང་ཞེས་བྱ༔ དེ་ན་བཞུགས་པའི་སྟོབས་པོ་ཆེ༔ འདྲེ་སྲིན་འདུལ་བའི་མཐུ་སྟོབས་ཅན༔ མ་ཧཱ་བ་ལ་བདུད་ཀྱི་བུ༔ གནོད་བྱེད་འདུལ་ཕྱིར་སྤྱན་འདྲེན་ན༔ སྐད་ཅིག་ཡུད་ཀྱིས་འདིར་བྱོན་ལ༔ སྐུ་གཟུགས་འདི་དང་དབྱེར་མེད་དུ༔ དགྲ་བགེགས་འདུལ་ཕྱིར་བཞུགས་སུ་གསོལ༔ ཨོཾ་མ་ཧཱ་བ་ལ་ཨེ་ཧྱ་ཧི་ཛཿཧཱུྃ་བཾ་ཧོཿ ས་མ་ཡ་ཏིཥྛ་ལྷན༔ ཨོཾ་མ་ཧཱ་བ་ལ་ཧཱུྃ་ཕཊ༔ བསྙེན་པ་བརྒྱ་རྩ་བརྒྱད་བཟླ་ཞལ་ཤེས་མཆན། ཨོཾ་ཡེ་དྷརྨ་ཚར་གསུམ་དང་གཏོར་མ་བྲན་ལ༔ ཨོཾ་སྭ་བྷ་ཝ་སོགས༔ སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར༔ ཨོཾ་ཨ་ཀཱ་རོ་སོགས༔ ཨོཾ་མ་ཧཱ་བ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ལན་བདུན། ཨཧཱུྃ་སོགས་ཀྱིས་མཆོད༔ དེ་ནས་དོང་བྲུ་བ་ནི༔ ཧཱུྃ་འཇིག་རྟེན་ལྷ་འདྲེ་ཀུན་གྱི་གཤེད་པོ་སྟེ༔ ལས་ཀྱི་མཐུ་ལས་གྲུབ་པ་བདུད་ཀྱི་བུ༔ བ་གླང་སྤྱོད་ཀྱི་གླིང་ལ་དབང་བསྒྱུར་བ༔ སྟོབས་ཆེན་མ་ཧཱ་བ་ལ་ཁྱོད་ལ་བསྟོད༔ དམ་རྫས་

[Full Size]

བརྒྱན་པའི་གཏོར་མ་འདི་བཞེས་ལ༔ སྐུ་གཟུགས་འདི་དང་དབྱེར་མེད་བརྟན་བཞུགས་ལ༔ བདག་ལ་གནོད་པའི་ཆེ་བྱད་མ་འདི༔ ཁྱོད་ཀྱི་འདུལ་སྐལ་ཡིན་པས་འདྲེ་འདི་ནོན༔ སྟོབས་ཆེན་ཁྱོད་ཀྱི་དམ་ཚིག་དུས་ལ་བབ༔ ཅི་བཅོལ་ལས་རྣམས་མྱུར་སྒྲུབས་ཕྲིན་ལས་མཛོད༔ ཅེས་མཆོད་ཅིང་བསྟོད་ནས་སྐུ་གཟུགས་ལ་ངེས་པར་བསྟིམ་མོ༔ ༈ དེ་ནས་མནན་པའི་གནས་དགུ་གང་དགོས་སུ་ཕྱིན་ནས་དགྲ་འདྲེ་གཉིས་མ་གཏོགས་སྔོན་ལ་བསང་དང་དཀར་གཏོར་སོགས་གནས་བདག་ལ་བསྔོ༔ ས་ཆོག་ཕབ་བརྡར་སོགས་མཐོང་བ་བརྒྱུད་པ་ལྟར་བྱས་ལ། དོང་གྲུ་གསུམ་གྲུ་གང་པ་གཏིང་ཟབ་པ་ཁ་དོག་པ་གཅིག་བྲུས་ལ༔ དོང་ནང་དུ་ཐོད་པ་ལིངྒ་གོང་ལྟར་གན་རྐྱལ་མགོ་ཕྱིར་བསྟན་ལ་བྲན་ནས་བཀུག་གཞུག་ཡི་དམ་རྨི་མོའི་སྒོ་ནས་རྒྱས་པ་ལན་གསུམ་མམ་བདུན་དགུ་སོགས་དང་བཅས་ཤིང་༔ ན་མོ་བཛྲ་པཱ་ཎི་ཡེ༔ དཀོན་མཆོག་གསུམ་དང་རྩ་བ་གསུམ༔ མ་ཧཱ་བ་ལའི་བདེན་པའི་མཐུས༔ ཡོན་མཆོད་མི་ནོར་རྟ་ཕྱུགས་ལ༔ གནོད་པའི་ཆེ་སྒབ་འདྲེའམ། གོད་འདྲེའམ། ཆུང་སྲིའམ། དམ་སྲིའམ། སྨྱོ་འདྲེའམ། ཐན་ལྟས་སམ། དགྲ་བོའམ། བྱད་མ་ཡི༔ བླ་སྲོག་རྣམ་པར་ཤེས་པ་ནི༔ གཟུགས་བྱང་ལིངྒ་འདི་ལ་ཁུག༔ ཨོཾ་མ་ཧཱ་བ་ལ་ཧྥེ་ཨངྐུ་ཤ་ཛ༔ ཛཿཧཱུྃ་བཾ་ཧོཿ ཞེས་བརྒྱ་རྩ་བརྒྱད་

[Full Size]

བཟླས་པ་དང་ཡང་ན་ཁུག་རྟགས་མ་བྱུང་བར་དུ་བྱ༔ ཁུག་རྟགས་རབ་འབྲིང་ཐ་གསུམ་སློབ་དཔོན་ཞལ་ལས་ཤེས༔ ལིངྒ་དགྲ་བགེགས་དངོས་སུ་བསམས་ལ༔ དེ་ནས་སྐུ་གཟུགས་ལག་ཏུ་ཐོགས་ནས༔ མ་ཧཱ་བ་ལ་དངོས་སུ་ཡིན་པར་གསལ་བཏབ་ཅིང་༔ ཧཱུྃ༔ འདྲེ་སྲིན་གདུག་པ་འདུལ་བའི་ཕྱིར༔ སྟོབས་ཆེན་ཁྲོ་བོའི་སྤྲུལ་པ་སྟེ༔ བ་གླང་སྤྱོད་ལ་དབང་བསྒྱུར་བའི༔ མ་ཧཱ་བ་ལ་བདུད་ཀྱི་བུ༔ སྐུ་ནི་དུད་ཁ་རི་རབ་ཙམ༔ རྩ་ཞལ་དམར་པོ་གླང་གི་གདོང་༔ གནམ་ལྕགས་མེ་ཡི་རྭ་ཅོ་གཟེངས༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་གསུམ་སྡང་མིག་གློག་ལྟར་འཁྱུག༔ རལ་པ་དམར་སེར་སྲིད་རྩེར་གཡོ༔ བར་པ་ཁྲོ་ཞལ་ཀླུ་གདོན་ཟ༔ སྟེང་ཞལ་སྔོན་པོ་མིག་གཅིག་པ༔ དར་སྔོན་འབར་བའི་ཅོད་པན་འཕུར༔ མཇུག་མ་ཞེ་སྡང་སྦྲུལ་དུ་འཁྱིལ༔ ལྟེ་བར་ཟུར་གསུམ་ཧོམ་ཁུང་ནང་༔ དགྲ་བགེགས་བཀུག་ནས་བྲུབ་པར་བྱེད༔ ཕྱག་གཉིས་གནམ་ལྕགས་ཕུར་བུ་ནི༔ འདྲིལ་ཞིང་གནོད་བྱེད་གསོད་པར་བྱེད༔ ལས་ལ་གྲུབ་པའི་མཐུ་བོ་ཆེ༔ ཁྱོད་ཀྱི་ཕྲིན་ལས་དུས་ལ་བབ༔ མཐུ་རྩལ་གདུག་རྩུབ་མྱུར་བྱུང་ལ༔ མིང་དང་གཟུགས་སུ་བྲིས་པ་ཡི༔ གནོད་བྱེད་དམ་སྲི་ཆྒཻ་སོགས་

[Full Size]

གོང་ལྟར་བྱེད་མ་འདི༔ ཁྱོད་ལ་གཏད་དོ་མ་ཤོར་ཅིག༔ ཤུགས་ཆེན་མི་ཡིས་བྱིས་པ་ནི༔ མནན་པས་འགུལ་ཙམ་མེད་པ་བཞིན༔ མྱུར་དུ་ཟུངས་ལ་དམ་དུ་ནོན། སྡང་དགྲ་གནོད་བྱེད་རྒེ་འདི༔ མནན་པ་ཡིན་པས་མ་ལྡང་ཞིག༔ མ་ཧཱ་བ་ལའི་ཞབས་སུ་མནན༔ སྟོབས་པོ་ཆེ་ཡི་ཞབས་སུ་མནན༔ བྱམས་པ་མགོན་པོ་མ་བྱོན་བར༔ ནམ་ཡང་སྟེང་དུ་མ་ལྡང་ཞིག༔ དེ་དུས་བྱང་ཆུབ་སེམས་ཞུས་ལོངས༔ དེ་བར་མ་ཧཱ་བ་ལས་ནོན༔ མ་ཧཱ་བ་ལ་ཧྥེ་ཨོཾ་ལཾ་ཨཱལཾ་ཧཱུཾ་ལཾ་ཧཱུཾ་བྷ་ཡ་ནན༔ ཞེས་དམིགས་པ་གསལ་བས་བརྗོད་ཅིང་མ་ཧཱ་བ་ལའི་སྐུ་ལིངྒ་གི་སྟེང་དུ་ཁ་སྦུབ་ཕྱིར་བསྟན་ལ་མནན༔ དེའི་སྟེང་དུ་རོ་གཡམ་ལ་རོ་སོལ་གྱི་ཞབས་སུ་རྒྱ་གྲམ་དང་སྟེང་དུ་གླིང་བཞི་བྲིས་ལ་མནན༔ དེ་སྟེང་ས་བླུག༔ དེ་ནས་མེ༔ ཆུ༔ ས༔ ཤིང་རྣམས་བླུགས་ལ་རྡོ་རྗེ་རྒྱ་གྲམ་དགུ་བྲི༔ དེ་སྟེང་བ་ལའི་གཏོར་མས་རྩེ་ཐུར་མནན༔ དེ་ནས་བཅགས་བརྡུང་ལེགས་པར་བྱས་ནས༔ སྟབས་བྲོ་རྒྱུས་པར་བརྡུང་༔ དགྲ་མིན་ན་ཁུ་ཡེ་དང་རྗེས་ཆོག་བཀྲ་ཤིས་རྣམས་བྱའོ༔ མན་ངག་ཞལ་ཤེས་ལ་སྒབ་འདྲེ་གནོན་ན་ལོ་རྒྱུས་དང་ལིངྒ་སྔགས་བཟླས་པ་སོགས་གཞན་དུ་གསལ་ལྟར་ལ་མནན་པ་དུས་འདིར་བྱ༔ གོད་གཅོད་དང་གཟའ་བསྒོ་སོགས་ལ་བཅས་དང་ལིངྒ་མནན༔ གནས་རང་གཞུང་ལྟར་བྱ་ཞིང་འདིའི་མནན༔ དགྲ་མནན་སོགས་ལ་དེ་ལྟར་ཆས་དང་ལིངྒ་

[Full Size]

སོགས་གཞུང་ལྟར་དམིགས་རྟགས་བྱུང་ན་མནན་པ་འདི་བྱ༔ དེ་ལྟར་གང་ལ་གང་དགོས་ཅི་ལྟར་དུ་གང་མནན་ཀྱང་༔ ཅུང་ཟད་སྔགས་བཟླས་ཙམ་ལས་མི་དགོས་པའི༔ དགྲ་འདྲེ་བཙན་ཐབས་སུ་མནན་པའི་ཐབས་ཟབ་མོ་མན་ངག་ལག་ཁྲིད་འདི༔ འཇིག་རྟེན་ཁམས་ལ་གསེར་བས་མི་དཀོན་ནམ༔ ཕལ་གྱིས་ཡིག་ཆ་མཐོང་ཡང་ཕྱག་ལེན་བྲལ༔ དེ་ཕྱིར་ཟབ་པའི་མཐར་ཐུག་མན་ངག་འདི༔ གཞན་ལ་གསང་ཞིག་སྦོས་ཤིག་གུ་རྒྱ་རྒྱ༔ མཚམས་སྒྲུབ་བྱེད་པས་སྒབ་འདྲེ་མནན་པ་གལ་ཆེའོ༔ སྒབ་འདྲེ་མ་ནོན་པར་མཚམས་སྒྲུབ་བྱས་ན༔ ལུས་ལ་ན་ཚ་དང་གོད་ཁ་འབྱུང་འདུག་པས་དེ་ལུགས་མཛོད༔ ཅེས་པ་འདི་བླ་མ་དྲག་པོའི་ལས་ཚོགས་རཏྣའི་གཏེར་མར་དྲག་པོ་མ་ཧཱ་བ་ལའི་དགྲ་སྲི་མནན་ཐབས་ཞེས་།རྙིང་མ་ལུགས་དང་༔ གཞན་ཞལ་བཞི་པའི་ལས་ཚོགས་མ་ཧཱ་བ་ལ་ལ་བརྟེན་ནས་དགྲ་འདྲེ་མནན་ཐབས་སོགས༔ གསར་རྙིང་གཉིས་ཀའི་དོན་དང་ཁྱད་པར་རྙིང་ལུགས་ལ་མན་ངག་ཕྱག་ལེན་གྱིས་བརྒྱན་ནས་དོན་བསྡུས་འདོན་འགྲིགས་བལྟས་ཆོག་ཏུ་གསང་རྒྱ་ཅན་འདི་ནི་རང་གིས་དབོན་པོའི་ཡང་ཡང་ནན་གྱིས་བསྐུལ་བ་ལ་བརྟེན་ནས་སྔགས་ནག་རཱ་ག་ཨ་སྱས་ཁྱེར་བདེ་བར་བྲིས་པའོ༔ ས་མ་ཡ་རྒྱ་རྒྱ་རྒྱ༔ གཞན་ཕལ་ཆེར་ལ་དམ་རྒྱ༔ སྤྱི༔ གུ་ཧྱ༔ མངྒ་ལཾ༔ ཧཱུྃ༔ བསྟན་པའི་དགྲ་བགེགས་དམ་ཉམས་འདི༔ མནན་ནམ་དེ་ནི་མ་མནན་ན༔ རི་རབ་ཆེན་པོའི་ཞབས་སུ་མནན༔ མནན་ནོ་དེ་ནི་མ་ལྡང་ཞིག༔ བསྟན་པའི་དགྲ་

[Full Size]

བགེགས་དམ་ཉམས་འདི༔ བསྒྱུར་རོ་དེ་ནི་མ་བསྐྱུར་ན༔ རྒྱ་མཚོ་ཆེན་པོའི་གཏིང་དུ་སྒྱུར༔ བསྒྱུར་རོ་དེ་ནི་མ་ལྡང་ཞིག༔ བསྟན་པའི་དགྲ་བགེགས་དམ་ཉམས་འདི༔ བརྗོང་ངོ་དེ་ནི་མ་བརྫངས་ན༔ ཆུ་སྲིན་གདུག་པའི་གྲེ་བར་བརྫང་༔ བཛྲ་ང་ངོ་དེ་ནི་མ་ལྡང་ཞིག༔ བསྟན་པའི་དགྲ་བགེགས་དམ་ཉམས་འདི༔ བསྐྱོན་ནོ་དེ་ནི་མ་བསྐྱོན་ན༔ འཁོར་ལོ་ཆེན་པོའི་རྩེ་ལ་བསྐྱོན༔ བསྐྱོན་ནོ་དེ་ནི་མ་ལྡང་ཞིག༔ ཧཱུྃ༔ འཁོར་འདས་དབང་བསྒྱུར་འཇམ་དཔལ་དཔལ་ཆེན་སྐུ༔ ཆོས་ཀྱི་དབྱིངས་ལས་ལོངས་སྐུར་སྐུ་བཞེངས་ལ༔ སྟོང་གསུམ་སྲིད་གསུམ་འདུལ་བ་རྡོ་རྗེའི་བྲོ༔ བརྡུངས་བས་དགྲ་བགེགས་དམ་སྲི་ཐལ་བར་རློགས༔ དགྲ་བགེགས་དམ་སྲི་ཨོ་ལཾ་ཨཱལཾ་ཧཱུཾ་ལཾ་སུཾ་བྷ་ཡ་ནན༔ མཱ་ར་ཡ་ནན༔ ༈ དམུ་ཐག་འཐེན་པའི་དབུ་ཡིག་གཟིགས་ཕྱོགས་ལགས་སོ༔ དམུ་ཐག་འཐེན་པ་ནི༔ ཀྱེ༔ དམུ་ཐག་འདི་གྱེན་དུ་འཐེན་པས་བདག་ཅག་ཡོན་མཆོད་འདི་ལོ་བཅུ་གསུམ་གྱི་བར་དུ་ཚེ་ཡི་དམུ་ཐག་ཟུང་༔ ས་ཡི་རྟེན་ཕུར་ཚུགས༔ དབང་ཐང་དྲག་པོའི་གཡང་ང་བསྐྱེལ༔ སྐྱེད་པའི་དབུ་ཚུགས༔ སྡུག་པའི་འཕྲོ་ཆོད༔ ཤི་སྒབ་ཆོད༔ གསོན་

[Full Size]

སྒབ་སྤེལ༔ མི་ནོར་ལ་འཕེལ་སྐྱེད་ཐོན༔ དམུ་ཐག་འདི་ཤར་དུ་འཐེན་པས༔ རྒས་པའི་ཚེ་བསྲིང་བ་དང་༔ གཞོན་པའི་དཔལ་བསྐྱེད་པ་དང་ཁ་རྗེ་བསོད་ནམས་ལྗོན་ཤིང་ལྟར་དུ་ལོ་འདབ་རྒྱས་པར་གྱུར་ཅིག༔ སྐྱིད་པའི་མི་ཆད་པ་དང་༔ རབས་ཆད་ཀྱི་འདྲེ་མི་ལྡང་བར་གྱུར་ཅིག༔ དམུ་ཐག་འདི་ལྷོ་རུ་འཐེན་པ་ཡིས༔ བུ་དང་ཚ་བོ་མ་སྨད་འདབ་ལགས་རྒྱས་ཤིང་བཙན་དར་བཙུན་གསུམ་མེ་ལྕེ་འབར་བ་ལྟར་མཛོད་ཅིག༔ མེ་འདྲེ་དང་གྲི་བོ་མ་ལྡང་ཞིག༔ དམུ་ཐག་འདི་ནུབ་ཏུ་འཐེན་པས་ཁ་རྗེ་དབང་ཐང་དར་བ་དང་༔ ར་བ་ནོར་གྱིས་གང་ནས་འགྲོགས་པའི་གཡང་ར་མི་སྟོང་བར་ཤོག་ཅིག༔ ཐེའུ་རང་དང་འགོང་འདྲེ་མི་ལྡང་བར་གྱུར་ཅིག༔ དམུ་ཐག་འདི་བྱང་དུ་འཐེན་པས༔ ཁ་རྗེ་དང་བསོད་ནམས་དབང་ཐང་སྐྱིད་མཐའ་ཆུ་བས་རིང་བར་གྱུར་ཅིག༔ བསྒྲེན་འདྲེ་ངན་པས་མི་ལྡང་བར་གྱུར་ཅིག༔ དམུ་ཐག་འདི་གནམ་དུ་འཐེན་པས་ཁ་རྗེ་དགུང་བས་མཐོ་བར་གྱུར་ཅིག༔ དམུ་ཐག་འདི་ས་ལ་འཐེན་པས་རྟེན་ཕུར་ས་ལ་ཚུགས་པར་གྱུར་ཅིག །

གུ་རུ་དྲག་པོའི་ལས་ཚོགས་ལས་མ་ཧཱ་བྷ་ལའི་སྒོ་ནས་དགྲ་སྲི་མནན་ལུགས།

[Full Size]

གུ་རུ་དྲག་པོའི་ལས་ཚོགས་ལས་མ་ཧཱ་བྷ་ལའི་སྒོ་ནས་དགྲ་སྲི་མནན་ལུགས་བཞུགས༔

[Full Size]

ཨོཾ་སྭ་བྷཱ་ཝས་སྦྱངས། སྟོང་པའི་ངང་ལས་སྐད་ཅིག་གིས་སྐུ་གཟུགས་མི་དམིགས་པ་ལས། མ་ཧཱ་བྷ་ལ་སྐུ་མདོག་དུད་ཁ་ཞལ་གསུམ་རྩ་ཞལ་གླང་མགོ་རྭ་ཅོ་དམར་ཧྲེང་ངེ་ལྡིང་བ༔ བར་པ་མི་མགོ་དམར་པོས་སྦྲུལ་ཟ་བ༔ སྟེང་གི་མི་མགོ་སྔོན་པོ་མིག་གཅིག་པ༔ མགོ་ལ་དར་སྔོན་པོའི་ཅོད་པན་བཅིངས་བ༔ སྦྲུལ་མགོ་བདུན་གྱི་གདེངས་ཀ་ཅན༔ སྐུ་སྨད་སྦྲུལ་དུ་འཁྱིལ་བ༔ ལྟེ་བ་གྲུ་གསུམ་ཧོམ་ཁུང་འབར་བའི་ནང་དུ་དགྲ་བགེགས་ཐམས་ཅད་རང་དབང་མེད་པ་འགུགས་པ༔ ཕྱག་གཉིས་གནམ་ལྕགས་ཀྱི་ཕུར་པ་འདྲིལ་ཞིང་འདེབས་ནས་གསོད་པར་བྱེད་

[Full Size]

པའི་གནས་གསུམ་ཐུགས་ཀའི་ཧཱུཾ་ལས་འོད་ཟེར་འཕྲོས་པས་སྤྱན་དྲངས༔ བཛྲ་ས་མ་ཡ་ཛ༔ ཧཱུྃ། འདི་ནས་ནུབ་ཀྱི་ཕྱོགས་རོལ་ན༔ རི་རབ་ལྷུན་པོའི་ནུབ་ངོས་ནས༔ ཉི་མ་ཟླ་བ་གཤེགས་ལམ་ན༔ ནམ་མཁའ་དམར་ལ་ས་གཞི་དམར༔ རྒྱ་མཚོ་དག་ཀྱང་དམར་པོ་སྟེ༔ དེ་ལ་མིང་དང་མཚན་བཏགས་པ༔ བ་གླང་སྤྱོད་ཀྱི་གླིང་ཞེས་བྱ༔ དེ་ན་བཞུགས་པའི་སྟོབས་པོ་ཆེ༔ འདྲེ་སྲིན་འདུལ་བའི་མཐུ་བོ་ཆེ༔ མ་ཧཱ་བྷ་ལ་བདུད་ཀྱི་བུ༔ གནོད་བྱེད་འདུལ་ཕྱིར་སྤྱན་འདྲེན་ནོ༔ སྐད་ཅིག་ཡུད་ཀྱིས་འདིར་བྱོན་ལ༔ སྐུ་གཟུགས་འདི་དང་དབྱེར་མེད་

[Full Size]

དུ༔ དགྲ་བགེགས་འདུལ་ཕྱིར་བཞུགས་སུ་གསོལ༔ ཨོཾ་མ་ཧཱ་བྷ་ལ་ཨེ་ཧྱ་ཧི༔ ཛཿཧཱུྃ་བཾ་ཧོཿ ས་མ་ཡ་ཏིཥྛ་ལྷན༔ ཨོཾ་མ་ཧཱ་བྷ་ལ་ཡ་ཧཱུྃ་ཕཊ༔ བརྒྱ་རྩ་བཟླ། ཨོཾ་ཡེ་དྷརྨ་སོགས་གཏོར་མ་ཆབ་ཀྱིས་བྲན་ལ༔ ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར༔ ཨོཾ་ཨཱཿཧཱུྃ༔ ལན་གསུམ་བརྗོད། ཨོཾ་ཨ་ཀཱ་རོ་སོགས། ཨོཾ་མ་ཧཱ་བ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ གསུམ། ཨརྒྱུ་སོགས། དེ་ནས་བསྟོད་པ་བྱ་བ་ནི༔ ཧཱུྃ༔ འཇིག་རྟེན་ལྷ་འདྲེ་ཀུན་གྱི་གཤེད་པོ་སྟེ༔ ལས་ཀྱི་མཐུ་ལས་གྲུབ་པ་བདུད་ཀྱི་བུ༔ བ་གླང་སྤྱོད་སོགས་གླིང་ལ་དབང་བསྒྱུར་བའི་སྟོབས་ཆེན་མ་ཧཱ་བྷ་ལ་ཁྱོད་ལ་བསྟོད༔ སྐུ་གཟུགས་འདི་དང་དབྱེར་མེད་བརྟན་བཞུགས་ལ༔ ཁྱོད་ཀྱི་འདུལ་སྐལ་ཡིན་པས་འདྲེ་འདི་ནོན༔ སྟོབས་ཆེན་ཁྱོད་ཀྱི་དམ་ཚིག་དུས་ལ་བབ༔ དེ་ནས་དོང་གྲུ་གསུམ་བྲུས་པའི་ནང་དུ༔ ལིངྒ་གན་རྐྱལ་མགོ་ཕྱིར་བསྙལ་བཅུག༔ འགུགས་གཞུག་རྒྱས་པར་བྱ་ཞིང་༔ རང་ཉིད་ཡི་དམ་ཁྲོ་བོའི་ཐུགས་ཀ་ཡི༔ འོད་ཟེར་ལྕགས་ཀྱུས་ཡང་ཡང་བཀུག་ལ་བསྟིམ༔ ན་མོ་བཛྲ་པཱ་ཎི་ཡེ༔ དཀོན་མཆོག་གསུམ་དང་མ་ཧཱ་བྷ་ལའི་

[Full Size]

བདེན་པའི་མཐུས༔ བདག་གི་སྦྱིན་བདག་རྨེའི་རྟ་ནོར་ལུག་གསུམ་ལ་གནོད་པའི་གོད་འདྲེ་སོགས་དམ་སྲི་སྨྱོ་འདྲེའམ། གནོད་བྱེད་རྒེའི་གང་དགོས་མིང་བསྒྱུར་ལ༔ གཟུགས་ལིངྒ་འདི་ལ་ཁུག་ཅིག༔ ཨོཾ་མ་ཧཱ་བྷ་ལ་ཡ་གནོད་བྱེད་ཆེ་ཨོ་བཛྲ་ཨཾ་ཀུ་ཤ་ཛ༔ ཛཿཧཱུྃ་བཾ་ཧོཿ ཞེས་བརྒྱ་རྩ་བརྒྱད་བཟླ༔ ལིང་ག་དགྲ་བགེགས་དངོས་སུ་བསམ༔ དེ་ནས་སྐུ་གཟུགས་ལག་ཏུ་བླངས་ལ༔ མ་ཧཱ་བྷ་ལ་དངོས་སུ་བསྐྱེད༔ ཤུགས་ཆེན་མི་ཡིས་བྱིསྦ་མནན་པ་ལྟར༔ མ་ཧཱ་བྷ་ལས་ནམ་ཡང་མི་བཏང་བསམ༔ ཧཱུྃ༔ འདྲེ་སྲིན་གདུག་པ་འདུལ་བའི་ཕྱིར༔ སྟོབས་ཆེན་ཁྲོ་བོའི་སྤྲུལ་པ་སྟེ༔ བ་གླང་སྤྱོད་ལ་དབང་བསྒྱུར་བའི༔ མ་ཧཱ་བ་ལ་བདུད་ཀྱི་བུ༔ སྐུ་མདོག་དུད་ཁ་རི་རབ་ཙམ༔ རྩ་ཞལ་དམར་པོ་གླང་གི་ཞལ༔ གནམ་ལྕགས་མེ་ཡི་རྭ་ཅོ་གཟེངས༔ བར་པ་ཁྲོ་ཞལ་ཀླུ་གདོན་ཟ༔ སྟེང་ཞལ་སྔོན་པོ་སྤྱན་གཅིག་པ༔ དར་སྔོན་འབར་བའི་ཅོད་པན་བཅིངས༔ སྦྲུལ་མགོ་དགུ་ཡི་གདེངས་ཀ་ཅན༔ མཇུག་མ་ཞེ་སྡང་སྦྲུལ་ལྟར་འཁྱུགས༔ ལྟེ་བ་ཟུར་གསུམ་ཧོ་ཁུང་དུ༔ དགྲ་བགེགས་བཀུག་ནས་བྲུབ་པར་བྱེད༔ ཕྱག་གཉིས་གནམ་ལྕགས་ཕུར་པ་ནི༔ འདྲིལ་ཞིང་གནོད་བྱེད་གསོད་པར་བྱེད༔ ལས་ལ་གྲུབ་པའི་མཐུ་བོ་

[Full Size]

ཆེ༔ མིང་དང་གཟུགས་སུ་བྲིས་པ་ཡི༔ གནོད་བྱེད་སྒོ་ཞེས་པ་འདི༔ ཁྱོད་ལ་གཏད་དོ་མ་ཤོར་ཅིག༔ མནན་པ་ཡིན་ནོ་མ་ལྡང་ཞིག༔ མ་ཧཱ་བྷ་ལའི་ཞབས་སུ་མནན༔ སྟོབས་པོ་ཆེ་ཡི་འོག་ཏུ་མནན༔ བྱམས་པ་མ་བྱོན་བར་དུ་མ་ལྡང་ཞིག༔ དེ་ནས་ལོངས་ལ་བྱང་ཆུབ་སེམས་བསྐྱེད་ཞུས༔ དེ་བར་མ་ཧཱ་བྷ་ལས་མ་བཏང་ཞིག༔ ཨོ་ལཾ་ཧཱུཾ་ལཾ་སྟེ་བྷ་ཡ་ནན༔ ཞེས་མ་ཧཱ་བྷ་ལའི་ཞལ་ལིང་གའི་སྟེང་དུ་ཁ་སྦུབ་ལ་མགོ་ཕྱིར་བསྟན་ལ་བཞག་ནས་མནན༔ འདིའི་སྟེང་དུ་རོ་གཡམ་ལ་རོ་སོལ་གྱིས་རྒྱ་གྲམ་བྲིས་པས་མནན༔ མེ་བླུག་མེ་ཆུ་རླུང་གིས་མནན་ཟེར་ཆུ་བླུགས་ས་རིམ་དགུ་བླུགས་ལ། རྒྱ་གྲམ་དགུ་བྲི་རྟ་བྲོ་བརྡུང་བར་བྱའོ༔ འདི་ནི་གུ་དྲག་ལས་ཚོགས་སུ་གྲགས་པ། མ་ཧཱ་བྷ་ལའི་སྒོ་ནས་དགྲ་སྲི་མནན་ཐབས་ཞེས་བྱ་བ་རྙིང་མའི་ལུགས་དང་། ཞལ་བཞི་པའི་ལས་ཚོགས་མ་ཧཱ་བྷ་ལ་བརྟེན་ནས། འདྲེ་མནན་ཐབས་ཞེས་གསར་མའི་ལུགས་གཉིས་དོན་བསྡུས་ཏེ༔ འདོན་ཆ་ཁྱེར་བདེ་བར་ཨ་རཱ་གས་བྲིས་སོ། །མཚམས་དང་སྒྲུབ་པ་ལ་སོགས་ལྟ་ཅི་སྨོས། །ཅུང་ཟད་སྔགས་བཟླས་ཙམ་ཡང་མི་དགོས་པར། །དགྲ་འདྲེ་ཐམས་ཅད་བཙན་ཐབས་མནན་པའི་ཐབས། །འདི་འདྲ་རིན་ཆེན་གསེར་བས་མི་དཀོན་རེ། །ཕལ་གྱི་ཡིག་ཆ་མཐོང་ཡང་ཕྱག་ལེན་བྲལ། །དེ་ཕྱིར་ཕྱག་ལེན་འདི་འདྲ་གསང་བར་བྱ། །འདྲེ་མནན་གཅིག་ཆོག་ཟབ་མོ་ཨི་ཐི་རྒྱ༔ ༈ ཤོག་བུ་གཙང་མར་

[Full Size]

སྙིང་སྤྱི་མཚམས་བྲི། །ཡན་ལག་འབྲུ་དགུ་ཕྱི་རོལ་ཛཁྲོ་བསྐོར། །སྙིང་ཁར་ཛ་ཡིག་ཁ་སྤྲོད་གཉིས་ཀྱི་བར། །ཀྲྀ་ཏྲི་ཁུག་གསུམ་བརྩེགས་མར་བྲི་བར་བྱ། །ལྟོ་བའི་ནང་དུ་བསྒྲུབ་ལ་བར་གཅོད་པའི། །དམ་སྲི་སྒབ་འདྲེ་ཤི་གཤེད་གོད་འདྲེ་སོགས། །གདོན་རིགས་གང་གནོད་མིང་མཇུག་ཁུག་ནན་བྲི། །རང་མིང་ལྷ་མིང་དེ་རུ་བྲི་མི་རུང་། །དྲི་མ་སོང་དོགས་མེ་དང་རླུང་ལ་གཡུག །མདུན་དུ་བཞག་ལ་བཀུག་གཞུག་སྤྱི་ལྟར་ལས། །ཆོས་སྐྱོང་འདི་དང་འདི་ཞེས་བསྒྲུབ་པ་ལ། །བར་དུ་གཅོད་པའི་སྒབ་འདྲེ་གང་ཡིན་པ། །ཁུག་ཅིག་ཛ༔ཧཱུྃ་བཾ་ཧོ༔ཞེས་པ་དེ། །བརྒྱའམ་ཉེར་གཅིག་བདུན་སོགས་ནན་ཏན་བྱ།། ༈ དེ་ནས་དམ་སྲི་མནན་ཐབས་ནི། དང་པོ་ལྷ་དེ་ལ་སྒབ་འདྲེ་ཡོད་མེད་ནི། དེ་ལ་སྤྱན་རས་གཟིགས་ཀྱི་རིགས་དང་། གུ་རུ་ཞི་དྲག་དང་རྟ་མགྲིན་རིགས་དང་། སྒྲོལ་མ་དང་། ཕྱག་དྲུག་པ་དང་། བེར་ནག་ཅན་དང་། བཀའ་དགོངས་ཕུར་གསུམ་དང་། བདེ་དགྱེས་གསང་གསུམ་དང་། ཞི་ཁྲོ་ཡང་དག་དེ་རྣམས་ལ་གེལ་དུ་སྒབ་འདྲེ་མེད་དོ། །སྒྲུབ་ཆེན་སྐབས་སུ་སྒབ་འདྲེ་མནན་པ་སྤྱིའི་ཡིན་ལ། ལྷ་དེ་ལ་སྒབ་འདྲེ་ཡོད་པ་མ་ཡིན་ནོ། །ཡང་འཇམ་དབྱངས་དང་གཤིན་རྗེའི་རིགས་དང་དབྱངས་ཅན་མ་དང་དཔལ་ལྡན་ལྷ་མོ་དཔོན་གཡོག་དང་། རྣམ་སྲས་དམ་ཅན་ཕྱག་བཞི་པ་མ་ནིང་ཀད་ཞིང་སྐྱོང་ཕྱག་རྡོར་སོགས། ཕལ་ཆེར་ལ་སྒབ་འདྲེ་ཡོད་པས་སོ། །མནན་ཐབས་སོ་སོའི་གཞུང་ལྟར་བྱའོ། །དེ་ལ་བླ་མ་ཡི་དམ་མན་ཆད་དང་། ཐེའུ་རང་ཡན་ཆད་ཀྱི་ལྷ་གང་བསྒྲུབ་

[Full Size]

ཀྱང་སྒབ་འདྲེ་འདི་ནི་མནན་དགོས་པར་གསུངས། འདི་དག་ལ་ལ་ནས་སེང་གདོང་དང་དབང་ཕྱུག་ཆེན་པོ་གཉིས་ཀྱི་སྒབ་འདྲེ་ཡིན་པར་བཤད་ཀྱང་། འདི་ནི་ལྷ་ཐམས་ཅད་གང་བསྒྲུབ་ཀྱང་། སྤྱིའི་སྒབ་འདྲེ་ཡིན་པ་ཨོ་རྒྱན་གྱིས་གསུངས་སོ། །བདག་གིས་སློབ་དཔོན་བརྒྱུད་པའི་ཕྱག་ལེན་ཡང་འདི་མ་མནན་ན་མཚམས་སྒྲུབ་མི་སྲིད་པས། བདག་གིས་བཅུ་གཅིག་དུས་འདི་ཞག་གསུམ་བསྒྲུབས་ནས་མནན་པ་ཡིན་པས་ཕྱག་ལེན་ཅན་ནོ།། ༈ འདི་ལ་རྒྱས་བསྡུས་གཉིས་ཡོད་དེ། རྒྱས་པ་ལ་འཁོར་ལོ་དཔེའུ་བྲིས། བསྡུས་པ་ལ་ལིངྒ་བཞི་མགོ་སྤྲོད་བྲི་སྟེ། བྱིསྦྲ་དང་བུད་མེད་དང་། རི་བོང་མགོ་ཅན་དང་། དོམ་མགོ་ཅན་དང་བཞིའི་སྙིང་ཁར་ཏྲི་དང་ཛ་དང་སོ་སོའི་ལིངྒ་ལ་ཁུག་ཛས་བསྐོར། དེའི་རྒྱབ་ཏུ་སྔགས། ཊ་ཡ་མ་དམ་སྲི་མཱ་ར་ཡ་ཛ་ནན། སོགས་ཀྱིས་བསྐོར། དེ་རྒྱབ་ལིང་གའི་མཐའ་སྐོར་དུ་ཛ་ཁྲམ་གྱིས་བསྐོར་རོ། །བྲུབ་ཁུང་ངམ་ཐོད་པའམ་ཟངས་ལྕགས་ཀྱི་སྣོད་དུ་བཞག །བདེན་བདར་དང་བཀུག་གཞུག་བྱས་ཏེ། ༈ མཚམས་དང་སྒྲུབ་པ་ལ་བར་ཆད་བྱེད་པའི་མི་བླ་རྐུན་བྱིསྔའི་གཟུགས་ཕུང་འདྲེ་བསེ་རག་རི་བོང་མགོ །ཟ་ཁ་ལ་གནོད་བསེན་མོའི་གཟུགས། གོད་འདྲེ་གནོད་བྱེད་དོམ་མགོ་ཅན་ལ་སོགས། སྒབ་འདྲེ་གནོད་བྱེད་གང་ཡིན་པ་ཐམས་ཅད་ལིང་ག་འདི་ལ་ཁུག་ཅིག་ཛ༔ཧཱུྃ་བཾ་ཧོ༔ ཞེས་ལན་བདུན་ནམ་དགུ་སོགས་ཀྱིས་བཀུག །རང་ཡི་དམ་གང་རུང་སྒྲུབ་པ་དེ་བསྒོམ་

[Full Size]

པའམ་ཡང་ན་ཁྲོ་བོ་སྟོབས་པོ་ཆེའམ་ཕྱག་རྡོར་བསྒོམས་ལ་ཡི་དམ་གང་སྒྲུབ་དེའི་སྔགས་སམ་ཕྱག་རྡོར་རམ། སྟོབས་པོ་ཆེའི་སྔགས་ཤམ་དུ། ཨོ་མི་ལ་ཀུ་རུ། བསེ་རག་ཤན་ཏཱི། གོད་འདྲེ་ཙཀྲ། །བསེན་མོ་རུ་ཏྲི། ཀ་ཡ་ཤན་ཏྲི། གནོད་བྱེད་ནན་ནན། བྷ་སུ་དྷ་ར་དུང་དུང་། འདུས་འདུས། བསྡུས་བསྡུས་བསྡུས་སྭཱ་ཧཱ། ཞེས་བཟླས་ཐུན་གྱིས་བྲབ། ཞག་གསུམ་བསྒྲུབས་ནས་སྒོ་ཐེམ་ཞབས་སུ་མནན། ལིང་ག་བཅུག་སྣོད་ར་རུ་ཡོད་ན་ལེགས། འདི་སྔར་ལན་གཅིག་མནན་ཡང་ལོ་འགའ་སོང་ནས་གོས་ཁ་སོགས་མི་ཤིས་པ་རྣམས་ནམ་བྱུང་མནན་ཝིག་བྱས་ཏེ། ལམ་རྒྱ་གྲམ་མམ་ཟམ་ཞབས་སུ་མནན། རཏྣའི་གཏེར་ཁ་སོགས་མང་པོའི་དོན་བསྡུས་པའོ། །འདིབསེ་རག་འདྲེ་ངན་ཁ་བཅིངས་ན་སྡིག་པ་ཆེ་བར་གསུངས་པས། རྗེས་སུ་ཁོ་ལ་སྙིང་རྗེ་བསྒོམ་ཞིང་སྡིག་སྦྱངས་ཡིག་བརྒྱ་ལྟུང་བཤགས་བརྒྱ་ཕྱག་བྱའོ། །གལ་ཏེ་དེ་ལྟར་བསྒྲུབས་ནས་མནན་པ་མ་འཕྲོད་ན། ལྷ་སྤྱིའི་སྒབ་འདྲེ་རའི་སོག་པའམ་མ་རྙེད་ན་གྲོ་གའམ་ཐོག་གུ་ལ་ལིང་ག་བྱའི་མགོ་ཅན་བྲིས་པའི་སྙིང་ཁར། ཎི་ཛ་ཏྲི་ཛ་ཁུག་ཛ༔ དེའི་མཐར་ཡིག་མགོ་ཕྱི་ལ་བསྟན་ནས། ཡ་མ་དམ་སྲི་མཱ་ར་ཡ་ཛ་ནན་ཡ་མ་དམ་སྲི་ཡཾ་པ་རི་ཁུག་ཛ༔ རྦད་ནན། ཏྲིའུ་ཏྲིའུ་ཤོ་ན་ཛ་ཡཾ་པ་རི་ཁུག་ཛ་ནན། ཞེས་བྲིས་ལ། དེ་རྒྱབ་ལིང་གའི་མཐའ་བསྐོར་དུ་ཛ་ཁྲམ་གྱིས་བསྐོར་རོ། །དེ་ཐོད་པའམ་ལྕགས་སྣོད་

[Full Size]

དུ་བཞག །ཤོག་གུའམ་གྲོ་བ་ལ་སྟོབས་ཆེན་མ་ཧཱ་པཱ་ལ་སྐུ་མདོག་དུད་ཁ་གླང་གི་མགོ་རྭ་ཅོ་དམར་པོ་སྦྲུལ་མགོ་དགུའི་ལྡེང་ཀ་ཅན། བར་མ་མི་མགོ་སྔོན་པོ་སྦྲུལ་ཟ་བ། དེ་སྟེང་ཁྲོ་རྒྱལ་ཞལ་སྔོན་པོ་སྤྱན་གཅིག་པ། དབུ་སྐྲ་དར་སྔོན་པོས་བཅིང་བ། ཕྱག་གཉིས་ཀྱིས་ཐུགས་ཀར་ཕུར་པ་འདྲིལ་བ། ལྟེ་བ་ནང་ཟུར་གསུམ་ཧོམ་ཁུང་ནང་དུ་ནི་ཏྲི་ཛ་མགོ་ཐུར་བསྟན་ལ་ཚད་པ། སྐུ་སྨད་སྦྲུལ་དུ་འཁྱིལ་བ་བྲིས། དེའི་རྒྱབ་ཏུ་སྔགས་འདི་ཐུར་དུ་ཐོ་བརྩེགས་སུ་བྲིས། ཨོ་ཤ་མ་ར་ན་པྲ་མ་ཤག་དུན་ཧཱུཾ་ཧཱུཾ། ནན་དུལ་དུལ་ནན་ཆད་སོད། སྙིང་ལ་མཱ་ར་ཡ་སོད། ཅེས་བྲིས་མདུན་དུ་བཞག་།གཏོར་ཆུང་གཅིག་བཤམས་ལ། ནུབ་བ་ལང་སྤྱོད་ནས་བྲིས་པ་དེ་འདྲ་མང་པོ་ཡིད་ཀྱིས་སྤྱན་དྲངས་ལ་བསྟིམ། ཨོཾ་མ་ཧཱ་བཱ་ལ་བཛྲ་ས་མཱ་ཛ༔ ཛཿཧཱུྃ་བཾ་ཧོཿ མ་ཧཱ་བཱ་ལ་ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། དེ་ནས་བསྟོད་པ་ནི། ཧཱུྃ༔ འཇིག་རྟེན་ལྷ་འདྲེ་ཀུན་གྱི་གཤེད་པོ་སྟེ། ལས་ཀྱི་མཐུ་ལས་གྲུབ་པ་བདུད་ཀྱི་བུ༔ བ་གླང་སྤྱོད་སོགས་གླིང་ལ་དབང་བསྒྱུར་བའི༔ སྟོབས་ཆེན་མ་ཧཱ་བྷ་ལ་ཁྱོད་ལ་བསྟོད༔ སྐུ་གཟུགས་འདི་དང་དབྱེར་མེད་བརྟན་བཞུགས་ལ༔ ཁྱོད་ཀྱི་འདུལ་སྐལ་ཡིན་པས་འདྲེ་འདི་ནོན༔ སྟོབས་ཆེན་ཁྱོད་ཀྱི་དམ་ཚིག་དུས་ལ་བབ༔ ཡེ་དྷརྨཱས་རབ་གནས་བྱའོ། །དེ་ནས་དམ་སྲིའི་ལིང་ག་མདུན་དུ་བཞག་ལ་རང་ཡི་དམ་གང་རུང་

[Full Size]

བསྒོམས་ལ། བདེན་བདར་བྱས་རྗེས་རང་གི་བླ་མ་ཡི་དམ་མཁའ་འགྲོ་ཆོས་སྐྱོང་བཀའ་སྲུང་གཏོར་ཁ་བསྟན་ཚད་ཀྱི་མཚན་བརྗོད་ལ། འདི་རྣམས་བསྒྲུབ་པ་ལ་བར་དུ་གཅོད་པར་བྱེད་པའི་དམ་སྲི་སྒབ་འདྲེ་གང་ཡོད་པ་ཐམས་ཅད་གཟུགས་ལིང་ག་འདི་ལ་ཁུག་ཅིག །ཛཿཧཱུྃ་བཾ་ཧོཿ ཞེས་ལན་གསུམ་མམ་བདུན། ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དམ་སྲི་སྒབ་འདྲེ་ཐམས་ཅད་ལིང་ག་འདི་ལ་ཁུག་ཅིག་ཛཿཧཱུྃ་བཾ་ཧོཿ ཞེས་བརྒྱ་རྩ་བརྒྱད་བརྗོད་ནས་སྒྲུབ་ཁང་ཐེམ་པའི་འོག་གམ། སྦྲ་དང་གུར་ཡང་སྒོ་རྩ་ན་གོམ་པ་བདུན་གྱི་སོར་དོང་གྲུ་གསུམ་བྲུས་པར་བཅུག ། དེའི་སྟེང་དུ་མ་ཧཱ་བཱ་ལའི་སྐུ་མགོ་ཕྱིར་བསྟན་ཁ་སྦུབ་པས་བཀབ་བོ། །གོང་འོག་གི་མནན་པ་གཉིས་གང་བྱེད་ཀྱང་ཁྲག་གམ་སྣ་ཚ་ལ་དུག་ཁྲག་བཏབ་པས་བྲི་ཞིང་རང་གི་དྲི་མ་ཁ་རླངས་མ་ཤོར་བ་དང་། བཀུག་གཞུག་ཚར་ནས་ཚོན་སྐུད་སྣ་ལྔའམ་ར་སྤུ་ཁྱི་སྤུའི་སྐུད་པས་རྒྱ་གྲམ་དུ་བཅིང་དོང་ནང་བཙུག་ཚར་ནས་བཀུག་གཞུག་ལན་གསུམ་བྱ། དེ་སྟེང་རོ་རྡོའམ་མ་རྙེད་ཀྱང་རྡོ་ལེབ་འོག་ཏུ་རྒྱ་གྲམ་དང་སྟེང་དུ་རི་རབ་གླིང་བཞི་བྲིས་པས་མནན། ས་རིམ་པ་དགུ་ལ་རྒྱ་གྲམ་རེ་བྲི་ཞིང་བཀབ། དེ་སྟེང་མེ་ཁྲོལ་བླུག་ཆུ་བླུག །དམ་སྲི་སྒབ་འདྲེ་ཁྱོད་ཀྱི་ཕྱི་རབ་ཀྱི་སྟོན་པ་བྱམས་པ་མགོན་པོ་མ་བྱོན་གྱི་བར་དུ་མ་ལྡང་ཞིག་བྲུབ་ཅིག་ནོན་ཞིག །ཨོཾ་ལཾ་ཧཱུཾ་ལཾ་སྟ་བྷ་ཡ་ནན།

[Full Size]

བྱམས་པ་བྱོན་དུས་ལོང་ལ་ཆོས་ཉོན་ཅིག །བརྗོད་རྟ་བྲོ་ཤེས་ན་རང་རང་ལྟར་བརྡུང་། མ་ཤེས་ན་རྐང་པས་རྒྱ་གྲམ་བཅག་གོ་།དེ་བཞིན་རྙིང་མའི་སྒྲུབ་པ་སྤྱིའི་དམ་སྲི་མནན་པ་དང་། གསར་མའི་གཉན་ལོཙྪབའི་གདམས་པ་མ་ཧཱ་བཱ་ལའི་གདམས་པ་སྔགས་བཟླ་མི་དགོས་པར་འདྲེ་བཙན་ཐབས་སུ་མནན་པའི་གདམས་ངག་གཉིས་ཁོ་བོས་གབ་སྤྲད། ལག་ཏུ་བླང་བདེར་བྱས་པས་ཁུངས་བཙུན་ལས་སླ་ཞིང་ཟབ་པའི་གདམས་པ་ལགས་སོ། །༧ རཱ་ག་ཨ་མྱས་སྦྱར་བའོ། །མངྒ་ལཾ།། །། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འགུགས་གཞུག

[Full Size]

དཀོན་མཆོག་གསུམ་དང་མ་ཧཱ་བྷ་ལའི་བདེན་པའི་མཐུས། གནོད་བྱེད་དམ་སྲི་གཟུགས་ཅན་གྱི་དགྲ་གཟུགས་མེད་ཀྱི་བགེགས་དགྲ་སྲི་གྱོད་སྲི་སྒབ་འདྲེ་འགོང་པོ་ཐམས་ཅད་གཟུགས་ལིངྒ་འདི་ལ་ཁུག་ཅིག །ཨོཾ་མ་ཧཱ་བྷ་ལ་གནོད་བྱེད་ཨ་ཀུ་ཤ་ཛཿཧཱུྃ་བཾ་ཧོཿ ༈ དཀོན་མཆོག་གསུམ་དྭང་མ་ཧཱ་བྷ་ལིས་བདེན་པའི་མཐུས། གནོད་བྱེད་གདོན་བགེགས་ཟ་འདྲེ་ཤི་སྲི་བསེ་རག་ལྟོག་འགོང་ཚེ་ལེན་སྲོག་གཅོད་སྒབ་འདྲེ་ཕུང་སྲི་དམ་སྲི་འབྱུང་པོ་ཐམས་ཅད་གཟུགས་ལིངྒ་འདི་ལ་ཁུག་ཅིག །མ་ཧཱ་བ་ལ་གནོད་བྱེད་ཨཾ་ཀུ་ཤ་ཛཿཧཱུྃ་བཾ་ཧོཿ

[Full Size]

རི་མོ་ཡོད། འདི་མངོན་རྟོགས་ལྟར་བྲི། ཨོཾ་ས་ར་ས་ར་སུ་རུ་སུ་རུ་ཧཱུྃཿ

དྲག་པོའི་བསྔོ་བ།

[Full Size]

དྲག་པོའི་བསྔོ་བ་ནི། ན་མོ་ཤི་ཧེ་རུ་ཀ་ཡ། གདོན་བགེགས་འདུལ་བའི་ཁྱད་དུ་དྲག་ལས་རྟགས་ཐོན་པ་བྱས་ནས་མནན་བསྲེགས་འཕང་གསུམ་མཐའ་སྡུད་དང་། ལྷ་ལ་གཏང་རག་གི་མཆོད་པ་ཕུལ་ནས། སེམས་སྟོང་ཉིད་ཀྱི་ལྟ་བ་གཤིས་ལ་མ་ཤོར་བའི་ངང་ནས་མདུན་གྱི་ཕྱོགས་ནམ་མཁར་བླ་མ་ཡི་དམ་གཏོར་མགྲོན་མང་པོ་བཞུགས་ནས་མཐུན་གྱུར་བྱེད་པར་བསྒོམས་ལ། ཐལ་མོ་སྦྱར་ནས་སེམས་རྩེ་གཅིག་པས། ཕྱོགས་བཅུ་དུས་གསུམ་ན་བཞུགས་པའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་དང་། ཁྲོ་བོ་ཁྲོ་མོའི་ལྷ་ཚོགས་ཐམས་ཅད་བདག་ལ་དགོངས་སུ་གསོལ། བདག་གིས་ནང་དུ་བྱམས་སྙིང་རྗེ་ཆེན་པོའི་ཀུན་ནས་བསླང་སྟེ། བསྐྱེད་རིམ་གྱི་ང་རྒྱལ་དང་ཞེ་སྡང་དྲག་པོས་ཕྱི་རོལ་རྩུབ་འགྱུར་གྱི་དམིགས་སྔགས་དང་བཅས་པས་གཟིར་ཞིང་། དྲག་པོའི་ཐུན་དང་མཚོན་དང་ཕུར་བུ་འདེབས་པ་ལ་སོགས་པའི་སྒོ་ནས་གདུག་པ་ཅན་ཚར་བཅད་པའི་དགེ་བའི་རྩ་བ་འདི་ཉིད་འཁོར་གསུམ་ཡོངས་སུ་དག་པའི་བསྔོ་བས་ཡོངས་སུ་བསྔོ་བར་མཛད་དུ་གསོལ། །བདག་གིས་སྦྱོར་དངོས་རྗེས་གསུམ་དྲག་པོའི་ལས་བགྱིས་པ་འདི་ཉིད་བཅོམ་ལྡན་འདས་དབང་དྲག་པདྨའི་དཀྱིལ་འཁོར་གྱི་ལྷ་ཚོགས་ཡི་དམ་ཁྲོ་བོ་བཅུ་སོགས་ཧེ་རུ་ཀ་ཡི་དཀྱིལ་འཁོར་

[Full Size]

གྱི་སྤྱན་སྔར་འབུལ་བར་བགྱིའོ། །དེ་ལྟར་ཕུལ་བས་ཁམས་གསུམ་ཡོངས་སྒྲོལ་གྱི་མཆོད་པ་རྒྱ་ཆེན་པོར་གྱུར་ནས་སྐུ་གསུང་ཐུགས་ཡོངས་སུ་བསྐང་བར་གྱུར་ཅིག །དེ་ལྟ་བུའི་དགེ་བའི་རྩ་བ་དེས་བདག་ཅག་དཔོན་སློབ་བརྒྱུད་པ་བཅུ་བདུན་ཚུན་ཆད་ཅེས་སོ། །ཡོན་མཆོད་བསྲུང་བྱ། ཞེས་སོགས་སྐབས་སུ་གང་བབ་སྦྱར་ལ། ཐམས་ཅད་ལ་གནོད་བྱེད་དགྲ་བགེགས། རྒེ་མོའི་ནད་དང་གནོད་པ་རྗེས་འབྲང་མགོ་གཡོག་བསླུ་བྲིད་འགྱུ་ལོག་འཕར་ལྡང་མི་འབྱུང་བར་གྱུར་ཅིག །གདོན་རིགས་ཐམས་ཅད་ཀྱི་དོ་བསྡོ་བ་དང་གནོད་པ་ཐམས་ཅད་ནམ་ཡང་མི་ཚུགས་པར་གྱུར་ཅིག །གདོན་བགེགས་ལྷ་སྲིན་སྡེ་བརྒྱད་ཐམས་ཅད་ཟིལ་གྱིས་གནོན་ཅིང་བྲན་དུ་ཁོལ་བ་པདྨ་འབྱུང་གནས་ལྟ་བུར་གྱུར་ཅིག །ཕོ་གདོན་རྒྱལ་འགོང་དམ་སྲི་གང་གིས་ཀྱང་མི་ཚུགས་ཤིང་མི་གནོད་པ་དྲག་པོ་རྡོ་རྗེ་ཐོད་ཕྲེང་རྩལ་ལྟ་བུར་གྱུར་ཅིག །མོ་གདོན་མ་མོ་དང་བསེན་མོ་གང་གིས་ཀྱང་མི་ཚུགས་པ་དཔལ་རྟ་མགྲིན་ལྟ་བུར་གྱུར་ཅིག ། ཀླུ་གདོན་དང་ས་བདག་གང་གིས་ཀྱང་མི་ཚུགས་ཤིང་ཟིལ་གྱིས་གནོན་པའི་ཁྱུང་ཆེན་འབར་བ་ལྟ་བུར་གྱུར་ཅིག །གཟའ་དང་རྒྱུ་སྐར་གང་གིས་ཀྱང་མི་ཚུགས་ཤིང་ཟིལ་གྱིས་གནོན་པ་

[Full Size]

དཔལ་ཕྱག་ན་རྡོ་རྗེ་ལྟ་བུར་གྱུར་ཅིག །གཤིན་རྗེའི་ཕོ་ཉ་དང་དུས་མ་ཡིན་པའི་འཆི་བ་གང་གིས་ཀྱང་མི་ཚུགས་ཤིང་ཟིལ་གྱིས་གནོན་པ་ཁྲོ་བོ་ཡ་མཱནྟ་ཀ་ལྟ་བུར་གྱུར་ཅིག །གྲིབ་དང་མི་གཙང་བ་གང་གིས་ཀྱང་མི་ཚུགས་པ་ཁྲོ་བོ་སྨེ་བ་བརྩེགས་པ་ལྟ་བུར་གྱུར་ཅིག །བྱད་ཁ་རྒོད་གཏོང་གང་གིས་ཀྱང་མི་ཚུགས་པ་ཌཀྐི་སེང་ཧ་མུ་ཁ་ལྟ་བུར་གྱུར་ཅིག །བན་བོན་མུ་སྟེགས་ཀྱི་བསམ་སྦྱོར་ངན་པ་གང་གིས་ཀྱང་མི་ཚུགས་པ་ཁྲོ་ཆུ་དུག་གདོང་ལྟ་བུར་གྱུར་ཅིག །དགྲ་ཇག་མི་ཁ་གང་གིས་ཀྱང་མི་ཚུགས་པ་འཇམ་དཔལ་གཤིན་རྗེ་ཀིང་ཀང་ལྟ་བུར་གྱུར་ཅིག །རིམས་ནད་དལ་ཡམས་གང་གིས་ཀྱང་མི་ཚུགས་པ་རི་ཁྲོད་ལོ་མ་ཅན་ལྟ་བུར་གྱུར་ཅིག །ཕྱོགས་བཅུའི་གདོན་རིགས་གང་གིས་ཀྱང་མི་ཚུགས་པ་ཡེ་ཤེས་ཀྱི་ཁྲོ་བོ་བཅུ་ལྟ་བུར་གྱུར་ཅིག །བསྟན་དགྲ་ལོག་འདྲེན་གང་གིས་ཀྱང་མི་ཚུགས་ཤིང་ཚར་གཅོད་པའི་མཐུ་དང་ལྡན་པ་མ་མགོན་ལྕམ་དྲལ་ལྟ་བུར་གྱུར་ཅིག །ལྷ་སྲིན་སྡེ་བརྒྱད་དམ་སྲི་གང་གིས་ཀྱང་འགྱུ་ལོག་འཕར་ལྡང་མི་འབྱུང་བ་དྲང་སྲོང་ལོག་ཏྲི་པ་ལྟ་བུར་གྱུར་ཅིག །བདག་དང་སློབ་མ་བརྒྱུད་པར་བཅས་པ་ཐམས་ཅད་བདེ་བ་ཅན་གྱི་ཞིང་ཁམས་

[Full Size]

སུ་མ་སྐྱེས་བར་དུ་བདུད་དང་དམ་སྲི་གང་གིས་ཀྱང་གནོད་པས་མི་ཚུགས་པར་གྱུར་ཅིག །ཞིང་དེར་སྐྱེས་ནས་བར་ཆད་མེད་པར་ས་བཅུ་ཐོབ་པར་གྱུར་ཅིག །ས་བཅུ་ཐོབ་པའི་ཚེ་བདག་གིས་གང་འདུལ་སྤྲུལ་པ་སྣ་ཚོགས་སྤྲུལ་ཏེ། ད་ལྟ་དྲག་པོའི་ལས་ཀྱི་འབྲེལ་བ་བཞག་པའི་གདོན་བགེགས་ཐམས་ཅད་ཐབས་སྣ་ཚོགས་ཀྱིས་བདེ་བ་ཅན་གྱི་ཞིང་ཁམས་སུ་འདྲེན་པར་གྱུར་ཅིག །དེར་སྐྱེས་ནས་ཀྱང་རིམ་གྱིས་བྱང་ཆུབ་ལམ་ལ་འགོད་པར་གྱུར་ཅིག །མདོར་ན་བདག་གིས་སྐྱེ་བ་དང་ཚེ་རབས་ཐམས་ཅད་དུ་བདག་ཉིད་མཐོང་བ་དང་མོས་པ་དང་རེག་པ་དང་། བདག་གིས་མིང་བརྗོད་པའི་སྒྲ་དང་། དྲི་ཆུ་གོས་དུམ་དང་མིང་ཙམ་ཡང་འཆང་བ་ཐམས་ཅད་ཀྱང་གདོན་གྱི་རིགས་ཀྱིས་མི་ཚུགས་པར་གྱུར་ཅིག༔ གདོན་གྱིས་བཏབ་པའི་ནད་ཐམས་ཅད་ཀྱང་མྱུར་བ་ཉིད་དུ་ཞི་བར་གྱུར་ཅིག །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་།། མཐུན་པ་གྲུབ་ཅིང་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །དཀོན་མཆོག་གསུམ་གྱིས་དེང་འདིར་བདེ་ལེགས་ཤོག །དཀོན་མཆོག་

[Full Size]

གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་ཤིང་ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་ཆོས་ཀྱི་དབྱིངས་རང་བཞིན་རྣམ་པར་དག་པ་བསམ་གྱིས་མི་ཁྱབ་པའི་སྟོབས་ཀྱིས་དེ་དེ་བཞིན་དུ་འགྲུབ་པར་གྱུར་ཅིག །ཅེས་པ་འདི་ནི་སློབ་བུ་པདྨ་རིག་འཛིན་གྱིས་གདོན་བགེགས་ཐུལ་བའི་རྟགས་ཐོན་པའི་དུས་འདོན་རྒྱུར་བྲིས་པ་སྟེ། དྲག་ལས་བྱེད་མཁན་ཀུན་ལ་གལ་ཆེ་བར་ཡོད་དོ། །ཞེས་པ་འདི་༧རཱ་ག་ཨ་སྱས་འཕྲལ་དུ་བྲིས་པ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བདེ་བ་ཅན་དུ་སྐྱེ་བར་གྱུར་ཅིག །ཞལ་དྲོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དམ་ཆོས་དགོངས་པ་ཡང་ཟབ་ལས༔ བླ་མའི་གསང་སྒྲུབ་ཡང་གསང་ཧཱུྃ་གཅིག་ལས༔ ལྷ་གཅིག་བསྒྲུབས་པས༔ ཆར་འབེབས་ཀྱི་བྱིན་རླབས་དབང་གི་རིམ་པ།

[Full Size]

དམ་ཆོས་དགོངས་པ་ཡང་ཟབ་ལས༔ བླ་མའི་གསང་སྒྲུབ་ཡང་གསང་ཧཱུྃ་གཅིག་ལས༔ ལྷ་གཅིག་བསྒྲུབས་པས༔ ཆར་འབེབས་ཀྱི་བྱིན་རླབས་དབང་གི་རིམ་པའོ། །སརྦ་མངྒ་ལཾ། །

[Full Size]

ཚོམ་བུ་བཀོད། གཏོར་མ་རྡོ་རྗེའི་དབྱིབས་ཙཀློའི་བརྒྱན་པ་དང་། རྡོ་རྗེ་ཕུར་བུ་མཆོད་པས་བསྐོར། སྐྱབས་སེམས་ད་ནངས་སོང་བས་འཐུས། དབང་བསྒྲུབ་ནི། དང་པོར་ཆོས་རྣམས་དམིགས་སུ་མེད༔ དེ་ལས་འགྲོ་བ་སྙིང་རྗེར་གསལ༔ མཁའ་ལ་ཉི་ཤར་ཇི་བཞིན་དུ༔ བདག་ནི་པདྨ་ཐོད་ཕྲེང་རྩལ༔ ཞལ་གཅིག་ཕྱག་གཉིས་སྐུ་མདོག་དམར༔ སྤྱན་གསུམ་རབ་བསྒད་ཨཾ་གཙིགས་གཉེར༔ དབུ་སྐྲ་སྨིན་མ་ཨག་ཚོམ་་དམར་སེར་མཆན། འབར༔ ཕྱག་གཡས་རྡོ་རྗེ་་གསེར་གྱི་རྡོ་རྗེ་འབར་བ་མཆན། རྩེ་ལྔ་གདེངས༔ ཕྱག་གཡོན་ཕུར་བུའི་གནམ་ལྕགས་ལས་གྲུབ་པའི། དགྲ་སྙིང་གཟིར༔ རུས་པའི་རྒྱན་དང་ཐོད་

[Full Size]

ཕྲེང་གསོལ༔ ཞབས་གཡས་བསྐུམ་ཞིང་གཡོན་བརྐྱང་ཚུལ༔ དཔའ་གཏུམ་སྟག་སེང་དགྲ་བགེགས་ཀྱི༔ གདན་ལ་ལོག་འདྲེན་ཚོགས་ཀུན་གཟིར༔ སྐུ་ལ་ཁྲོ་ཆུང་དཔག་མེད་འཕྲོ༔ རྡོ་རྗེའི་མེ་འབར་གུར་ནང་བཞུགས༔ ཐུགས་ཀར་ཉི་དབུས་ཧཱུཾ་མེ་འབར༔ བདག་གཞན་ལོག་རྟོག་བག་ཆགས་བསྲེགས༔ རིག་པའི་ངར་ལྡན་ཧཱུཾ་སྒྲ་སྒྲོག༔ འཁོར་དུ་དཔའ་བོ་མཁའ་འགྲོ་ཡིས༔ ས་དང་ནམ་མཁའ་བར་སྣང་ཁེངས༔ དེ་རྣམས་ཞལ་ནས་ཧཱུྃ་སྒྲ་སྒྲོག༔ ཧཱུྃ་ཧཱུྃ་ཧཱུྃ་ཞེས་ངར་ལྡན་བརྗོད༔ འཇིག་རྟེན་ཁམས་ཀུན་ཤིག་ཤིག་ལྡིག༔ སྟོང་གསུམ་ཀུན་

[Full Size]

ཀྱང་ཧཱུཾ་སྒྲས་གང་༔ སྣང་སྲིད་མ་ལུས་རླུང་འཚུབ་ཀྱིས་རྩྭ་སྦུར་ཇི་བཞིན་དབང་བསྡུས་ཤིང་༔ སྲིད་གསུམ་འཁོར་བ་དོང་སྤྲུགས་བསམ༔ ཧཱུྃ་ཧཱུྃ་ཧཱུྃ༔ ཞེས་བསྙེན་པ་བྱ། སྤྱན་དྲངས་མཆོད་པ་བསྐུལ་པའང་ཡོད༔ རང་ཉིད་གུ་རུ་པདྨ་བདག༔ ཡིན་པའི་འདུ་ཤེས་དུས་ཀུན་ཏུ༔ འབྲལ་བ་མེད་པ་མཆོག་ཏུ་གཅེས༔ ཞེས་གསུངས་སོ༔ དེ་ནས་སློབ་མ་ཁྲུས་བྱས་བགེགས་བསྐྲདི༔ རྡོ་རྗེ་མེ་རིའི་སྲུང་འཁོར་བསྒོམ༔ མཎྜལ་ཕུལ༔ འོ་ན་ད་ལམ་གུ་རུ་རྡོ་རྗེ་གྲོ་ལོད་ཀྱི་དབང་བསྐུར་བ་ལ༔ ལོ་རྒྱུས་ཟུར་ཙམ་ནི་གཞུང་ལས༔ ཨེ་མ༔ ལས་དང་སྐལ་པར་ལྡན་པ་ཡི༔ སྨོན་ལམ་དག་པའི་འདིར་འཚོགས་ཉོན༔ ཁོ་བོ་པདྨ་འབྱུང་གནས་ནི༔ འདས་པའི་སངས་རྒྱས་ཐུགས་ཀྱི་དགོངས༔ མ་འོངས་སངས་རྒྱས་བཀའ་གྲོས་ནས༔ ད་ལྟའི་སངས་རྒྱས་རྒྱལ་ཚབ་ཏུ༔ རིན་ཆེན་མཚོ་གླིང་པད་སྡོང་ལས༔ མཁའ་ལ་ཉི་ཤར་ལྟ་བུར་འོང་༔ རྒྱལ་སྲིད་སྐྱོང་དང་རབ་ཏུ་བྱུང་༔ ཐེག་ཆེན་གསང་བའི་སྔགས་ཀྱི་སྤྱོད་ཡོངས་སུ་རྫོགས་ཏེ་སངས་རྒྱས་ཀྱིས༔ བསྟན་པ་རྒྱས་ཕྱིར་ཕྲིན་ལས་བཞི༔ རྒྱ་གར་ཡུལ་དུ་སུམ་སྟོང་སྐྱོངས༔ སླར་ཡང་བོད་ཡུལ་གངས་རི་འདིར༔ སྨོན་ལམ་དབང་གིས་

[Full Size]

ལན་གཉིས་མཆིས༔ རྒྱལ་པོའི་བཀའ་བསྒྲུབ་བསམ་ཡས་ཀྱི༔ ས་བཏུལ་རབ་གནས་ལེགས་པར་བསྒྲུབས༔ ད་ལྟ་ཕན་ཆད་རྗེ་འབངས་ལ༔ བསྐལ་པ་དང་མཚུངས་ཆོས་འཁོར་བསྐོར༔ བོད་ཀྱི་མི་རྣམས་དུག་ལྔ་ཧྲག༔ ཁོ་བོ་པདྨ་འབྱུང་གནས་ལ༔ ཟོབ་ཏུ་ལྟ་དང་ཐེ་ཚོམ་ཅན༔ ཡང་དག་མི་ལྟ་མགོ་རྟོག་གིས༔ ཀུན་ཏུ་ལྟ་བའི་གོ་སྐབས་མང་༔ བོད་ཡུལ་དངོས་ཀྱི་གདུལ་བྱ་མང་༔ ལོ་ནི་བརྒྱ་དང་བཅུ་གཅིག་སྟེ༔ ད་ནི་གྲངས་ཀྱང་ཐེམ་ལ་ཉེ༔ དེ་འདས་ཁོ་བོ་ཨཱ་ཙརྱ༔ ལྷོ་ནུབ་སྲིན་པོ་འདུལ་དུ་མཆི༔ འོ་འོན་དད་ལྡན་གང་ཟག་ལ༔ ཁོ་བོ་སྐྱེ་ཤི་འདས་གྲོང་དང་༔ གནས་ཀྱི་ངེས་པ་མ་མཆིས་ཏེ༔ དངོས་སུ་ལུང་བསྟན་ཆོས་འཆད་དང་༔ དབང་སྐུར་རྒྱུད་སྨིན་གྲོལ་བར་བྱེད༔ ཅེས་གསུངས་པ་ལྟ་བུའི་སྐབས་དེར༔ རྒྱལ་པོ་ཁྲི་སྲོང་གི་སྲས་འཇིང་ཡོན་པ་སད་ན་ལེགས་ཀྱིས༔ དངུལ་གྱི་མཎྜལ་སོགས་མཆོད་པ་རྒྱ་ཆེན་པོ་ཕུལ་བས༔ དམ་ཆོས་དགོངས་པ་ཡང་ཟབ་ཀྱི་སྐོར་དང་ཁྱད་པར་བླ་མའི་གསང་སྒྲུབ་ཡང་གསང་ཧཱུྃ་གཅིག་མ་འདི་གནང་བས༔ ཏི་གྲོ་བྲག་གི་མཁའ་འགྲོའི་ཚོགས་ཁང་དུ་སྦས༔ མ་འོངས་ལྷ་སྲས་

[Full Size]

ཉིད་ཀྱི་སྐྱེ་བས་འདོན་པར་ལུང་བསྟན་པ་ལྟར༔ གཏེར་སྟོན་སྣ་ཚོགས་རང་གྲོལ་ཞེས་ཀྱང་བྱ༔ གནམ་ལྕགས་མེ་འབར་ཞེས་ཀྱང་བྱ༔ མཚན་དངོས་ཞབས་དྲུང་རིན་ཆེན་ཕུན་ཚོགས་ཞེས་བྱ་བས་གཏེར་ནས་བཏོན་ཏེ༔ དག་པའི་སྣང་བས་རྔ་ཡབ་གླིང་དུ་བྱོན་ནས་དབང་ལུང་ཕྱག་ཁྲིད་ཞུས་པས༔ གཞུང་ལས༔ དེ་ལས་འདུད་པའི་རྒྱལ་སྲས་བསྟན་འཛིན་ལྔས༔ ཆོས་ཀྱིས་སྲིད་སྐྱོང་འགྲོ་ཀུན་འདྲེན་པར་བྱེད༔ འགྲོ་དོན་ཁམས་ཀྱི་ཕྱོགས་སུ་འབྱུང་༔ སྨིན་ཅིང་གྲོལ་བའང་འགའ་ཡིན་ཏེ༔ སྨིན་པ་ལྷོ་བོ་མོན་དུ་སྨིན་གཞན་དོན་སྤྱོད་པའང་འགའ་ཞིག་འབྱུང་༔ ཞེས་གསུངས་པ་ལྟར༔ དེང་སང་བོད་ཡུལ་ཕལ་ཆེར་དུ་དུག་ལྟར་སྤྱོད་པ་ཡིན་ལ༔ དེ་ཡང་གཞུང་ལས༔ ལྔ་བརྒྱ་ཐ་མ་དུག་ལྔ་སྤྱོད་པའི་དུས༔ རྗེས་འཛིན་སྤྲུལ་པ་ལྷ་སྲས་སྐྱེ་བ་ཡིས༔ ཐུགས་དམ་གཙོ་བོ་ཡི་དམ་ལྷ་སྐལ་དུ༔ ཡང་ཏིག་གསང་བ་གསེར་གྱི་འབྲུ་གཅིག་ཡིན༔ གཏད་དོ་འཆང་ལ་ཉམས་ལེན་མཐར་ཐོན་ཞིག༔ སྙིང་གི་བུ་གཅིག་གསང་བ་སེམས་ཀྱི་གཏེར༔ བཀའ་དང་དགོངས་སྤྱོད་རྒྱ་མཚོ་བསམ་ཡས་ལ༔ དཔག་གིས་མི་ལོངས་དེ་དོན་ཤེས་པར་གྱིས༔ དུས་

[Full Size]

གསུམ་རིག་འཛིན་ཐུགས་དམ་འདི་ཉིད་ཡིན༔ འདི་ལས་གུད་དུ་ཉམས་ལེན་གཞན་མེད་དོ༔ སེམས་ཀྱི་བུ་གཅིག་ཉམས་ལེན་འདི་ལ་མཛོད༔ ཚེ་གཅིག་འདི་ལ་མཆོག་གི་དངོས་གྲུབ་ཐོབ༔ རྣམ་སྨིན་སྒྱུ་ལུས་རྡོ་རྗེ་ལྟ་བུར་འགྱུར༔ རྒྱལ་བ་རྒྱ་མཚོ་ཞི་ཁྲོ་བདེ་གཤེགས་དང་༔ རྡོ་རྗེ་སློབ་དཔོན་རིག་འཛིན་མ་ལུས་དང་༔ བདེ་གཤེགས་གང་མོས་མངོན་དུ་འགྲུབ་པའི་གནད༔ ཉིན་ཞག་རེ་ལ་ཐུགས་ཀྱི་སྙིང་པོ་འདི༔ ཉི་ཁྲི་ཆིག་སྟོང་སྔོན་དུ་བསྙེན་པའི་གནད༔ གསང་སྔགས་ལྟོ་ཚིལ་ཡང་ཏིག་ཀུན་གྱི་སྲོག་དུས་གསུམ་བདེ་གཤེགས་མ་ལུས་ཀུན་གྱི་ཐུགས༔ སྐྱེ་འགྲོ་ཚེ་ཐུང་ལོངས་སྤྱོད་དབུལ་བའི་ཚེ༔ བསྒྲུབ་པའི་ལོངས་མེད་ཚེ་ཡི་དུས་བྱེད་འགྱུར༔ ཚེ་གཅིག་བྱང་ཆུབ་སྙིང་པོ་སྒྲུབ་པ་ལ༔ མདོ་རྒྱུད་བསྟན་བཅོས་ཉན་བཤད་ཁྲི་བ་ཆོད༔ དུས་གསུམ་རྒྱལ་བའི་ཐུགས་ཀྱི་སྙིང་པོ་འདི༔ བཟླས་པ་ཙམ་གྱིས་ཆོས་ཉིད་རང་བྱུང་རྟོགས༔ འཆི་མེད་ཚེ་ཡི་དངོས་གྲུབ་ཐོབ་པར་འགྱུར༔ དུས་གསུམ་བདེ་གཤེགས་རྒྱལ་བ་ཐམས་ཅད་ཀྱིས༔ ཐུགས་དགོངས་རྒྱ་མཚོ་མུ་མཐའ་མེད་པ་ལས༔ བཀའ་གསང་རབ་འབྱམས་ཇི་སྙེད་ཆོས་གསུངས་

[Full Size]

ཀྱང་༔ སྙིང་པོར་དྲིལ་ལ་ལྷ་གཅིག་གསལ་བ་སྟེ༔ སྔགས་གཅིག་བཟླས་དང་བསམ་གཏན་རྩེ་གཅིག་བསྒོམས༔ ཀུན་གྱི་སྙིང་པོ་འདི་ཉིད་གསུམ་ལ་འདུས༔ ལྷ་ཡི་རང་བཞིན་བྱེ་བྲག་བསམ་འདས་ཀྱང་༔ སྐུ་ཡི་ངོ་བོ་རྡོ་རྗེ་སློབ་དཔོན་ཡིན༔ འདི་ལ་ལྷ་ཚོགས་མ་འདུས་གང་ཡང་མེད༔ སྔགས་ཀྱི་རིམ་པ་བྱེ་བྲག་བསམ་ཡས་ཀྱང་༔ གསུང་གི་སྙིང་པོ་ཡི་གེ་ཧཱུཾ་འདི་ཡིན༔ འདི་ལ་སྙིང་པོ་མ་འདུས་གང་ཡང་མེད༔ ཐུགས་ཀྱི་དགོངས་པ་བརྗོད་བྲལ་བསམ་ཡས་ཀྱང་༔ ཀུན་བཟང་དགོངས་པ་སྟོང་གསལ་འཛིན་མེད་ཡིན༔ བློ་འདས་དོན་ལ་མི་འདུ་གང་ཡང་མེད༔ སྐུ་ཡི་ངོ་བོ་རྡོ་རྗེ་སློབ་དཔོན་ནི༔ དུས་གསུམ་བདེ་གཤེགས་རིག་འཛིན་མ་ལུས་ཀྱི༔ དབང་བསྐུར་རྗེས་གནང་པདྨ་དྲག་པོ་རྩལ༔ པདྨ་འབྱུང་གནས་བདག་ཉིད་བསྒོམ་པ་ཡི༔ ཞི་ཁྲོ་རབ་འབྱམས་མ་ལུས་བདག་ལ་རྫོགས༔ ཏིང་འཛིན་རྩེ་གཅིག་དེ་ཉིད་རྒྱུད་ལ་འཆར༔ དུས་གསུམ་རིག་འཛིན་མ་ལུས་བདག་ལ་རྫོགས༔ དབྱིངས་རིག་རྣམ་པར་དག་པ་རྒྱུད་ལ་འཆར༔ བྱམས་སེམས་འཕགས་པའི་སྤྲུལ་སྐུ་བདག་ལ་རྫོགས༔ བྱང་སེམས་སྙིང་རྗེ་འགྲོ་དོན་ལྷུན་གྱིས་གྲུབ༔ གསུང་གི་

[Full Size]

སྙིང་པོ་ཡི་གེ་ཧཱུྃ་བརྗོད་པས༔ གསང་སྔགས་ཕྱི་ནང་མ་ལུས་སྙིང་པོ་རྫོགས༔ ངག་གིས་བདེན་པའི་མཐུ་རྩལ་འགྲུབ་པ་དང་༔ ཆོས་ཉིད་རང་བྱུང་མངོན་སུམ་རྗེན་པར་རྟོགས༔ དུས་གསུམ་རྒྱལ་བའི་ཐུགས་ཀྱི་སྙིང་པོ་འདི༔ རིག་འཛིན་མ་ལུས་ཀུན་གྱི་ཡང་སྙིང་ཡིན༔ རྣམ་སྨིན་རྒྱུ་ལུས་འཇིགས་པའི་ནད་དང་བྲལ༔ ཚེ་ཡི་སྒྲུབ་པ་ཐུགས་ཀྱི་སྙིང་པོ་འདི༔ བཟླས་པ་ཙམ་གྱིས་ཕྱི་ནང་བར་ཆད་འཇོམས༔ ཁམས་གསུམ་སེམས་ཅན་མ་ལུས་ཀུན་གྱི་སེམས༔ དེ་ཉིང་བཟླས་པས་འགྲོ་ཀུན་དབང་དུ་འདུ༔ རྒྱལ་པོ་བཞིན་དུ་སྟོང་ཁམས་ཟིལ་གྱིས་གནོན༔ ལྷ་སྲིན་སྡེ་བརྒྱད་དྲེགས་པ་ཀུན་གྱི་སྲོག༔ འདི་ཉིད་བཟླས་པས་འགྲོ་ཀུན་དབང་དུ་འདུ༔ གཡུ་འབྲུག་བཞིན་དུ་སྙན་པས་ཀུན་ཏུ་ཁྱབ༔ ཐུགས་ཀྱི་དགོངས་པ་སྟོང་གསལ་འཛིན་མེད་ལ༔ ཡེངས་མེད་དྲན་པའི་འཕྲང་སེམས་མན་ངག་གཅེས༔ དུས་གསུམ་རྒྱལ་བའི་དགོངས་པ་འདི་ཁོ་ན༔ ཁམས་གསུམ་སྐྱེ་འགྲོའི་སེམས་ཉིད་འདི་ཡིན་ཏེ༔ སྣང་སྲིད་ལྷ་འདྲེའི་སྲོག་རྩ་འདི་ཉིད་དུ༔ རྣལ་འབྱོར་ཉམས་ལེན་འདི་ལས་གཞན་མེད་དེ༔ དེ་ལྟར་གནས་ལུགས་མ་བཙལ་རང་ཤེས་

[Full Size]

འདི༔ དྲན་པ་རང་གྲོལ་ཤེས་ན་ལྟ་བ་ཡིན༔ དེ་ཡི་ངང་ལ་གནས་ན་བསྒོམ་པ་ཡིན༔ ཅི་བྱེད་དེ་དང་འབྲེལ་ན་སྤྱོད་པ་ཡིན༔ དེ་ལྟར་རྟོགས་ན་སྐུ་གསུམ་ལྷུན་གྱིས་གྲུབ༔ ས་ལམ་དྲོད་ལྔ་མ་ལུས་དེ་ལ་རྫོགས༔ རྒྱལ་བའི་ཡོན་ཏན་མ་ལུས་ཤུགས་ལ་འཆར༔ རིག་འཛིན་གྲུབ་རྟགས་མ་ལུས་མངོན་དུ་འཆར༔ བྱང་སེམས་འཕགས་པའི་ནོར་གྱིས་དེ་ལ་ཕྱུག༔ ཨུ་དུམ་ཝ་ར་ལྟ་བུ་ཀུན་གྱིས་བསྟོད༔ ནོར་བུ་དབང་བཞིན་དགོས་འདོད་ཐམས་ཅད་འབྱུང་༔ ༈ བདག་ཉིད་པདྨ་འབྱུང་གནས་ཀྱིས༔ ཕྱི་ནང་གསང་བའི་སྒྲུབ་ཐབས་ཀུན༔ ཁ་ཚང་དོན་དྲིལ་མང་སྦས་ཀྱང་༔ ཡང་གསང་སྙིང་པོ་ཧཱུྃ་སྒྲུབ་འདི༔ ཀུན་གྱིས་སྙིང་པོ་ཡིན་ནོ་བུ༔ འགྲུབ་རྟགས་བདག་ཉིད་ཞལ་མཐོང་དང་༔ བདག་དང་དབྱེར་མེད་རྟོགས་པ་འཆར༔ གསང་སྒྲུབ་ལས་ཀུན་ཐོགས་མེད་འགྲུབ༔ བདེ་གཤེགས་ཀུན་འདུས་བླ་མ་ཡི༔ སྒྲུབ་ཐབས་གསང་སྙིང་ཧཱུཾ་སྒྲུབ་འདི༔ མཚན་བདུན་ཀུན་འདུས་གྲོ་ལོད་དོ༔ མ་འོངས་སྙིགས་མའི་དུས་དེ་རུ༔ པདྨ་ཁྲོ་བོའི་སྐུར་བསྟན་ལ༔ ཡེ་ཤེས་པ་དང་འཇིག་རྟེན་ཞེས་ཁྱད་པར་བྱེད་པའི་དུས་འབྱུང་གི༔ དོན་དུ་རང་སྣང་པདྨ་སྟེ༔

[Full Size]

ཡེ་ཤེས་ལྟར་བལྟས་ཡེ་ཤེས་པ༔ འཇིག་རྟེན་ལྟར་བལྟས་འཇིག་རྟེན་པ༔ ང་ལ་འདི་ཞེས་རྩིས་ཁྲིགས་མེད༔ རྣམ་པ་སྒྲ་ཡི་དོན་ཚོལ་བ༔ ཀྲོ་ཏ་ལོ་ཀོརྟ་ར་སྟ་ར༔ ཟུར་ཆགས་འབྲུ་བསྡུས་གྲོ་ལོད་ཅེས༔ ཁྲོ་བོ་འཇིག་རྟེན་འདས་པར་འགྱུར༔ ཞེས་དང་༔ ཧཱུྃ་གི་སྒྲ་སྒྲོག་ཅིང་མང་བར་བརྗོད༔ ལུས་ཀྱི་གར་བསྒྱུར་བས་སློབ་མ་རྣམས་ལ་བྱིན་མངོན་སུམ་དུ་བབ་པའི་རྟགས་མ་བྱུང་ན༔ པདྨ་བདག་གིས་དམ་བཅའ་ཉམས་པར་འགྱུར་རོ༔ ཐུགས་དམ་བསྐུལ་བ་འདི་ལ་ཡིད་གཉིས་ཐེ་ཚོམ་མེད་པར་ཡི་དམ་དུ་བྱས་ཏེ་གསོལ་བ་བཏབ་ན༔ ཟངས་མདོག་དཔལ་རིར་པདྨ་འོད་འབར་གྱི་ཀློང་ན་བདག་གི་དད་པ་དེས་ལམ་སྣ་འདྲེན་པར་ཐེ་ཚོམ་མེད་དོ༔ ན་ར་ཀན༔ ཁ་ཙམ་ཚིག་ཙམ་གྱིས་མ་ཡིན་ནོ༔ ཞེས་གསུངས་པས༔ སློབ་མ་དད་པ་རྩེ་གཅིག་དང་ལྡན་པ་ལ༔ དབང་འདི་བསྐུར་ཞིང་བྱིན་འབེབས་འདི་བྱས་པས༔ ཨོ་རྒྱན་ཉིད་འབྱོན་ཅིང་བྱིན་གྱིས་བརླབ་པ་དང་ལམ་སྣ་འདྲེན་པར་མི་མཛད་རེ་དབུ་བསྙུངས་བཞེས་པ་ཡིན་པས༔ སེམས་ཐེ་ཚོམ་མེད་པའི་དད་གུས་བསྐྱེད་པ་འདིའི་རྗེས་ཟློས་མཛོད༔ ཨེ་མ་བླ་མ་རྡོ་རྗེ་འཛིན༔ སངས་རྒྱས་

[Full Size]

ཀུན་གྱི་ཐུགས་གསང་བ༔ བདེ་གཤེགས་ཐུགས་སྲས་དམ་པ་ཡི༔ བྱིན་རླབས་བདག་ལ་བསྩལ་དུ་གསོལ༔ ཞེས་ལན་གསུམ་གསོལ་བ་བཏབ། དེ་སྐྱབས་སུ་འགྲོ་བ་དང་སེམས་བསྐྱེད་པའི་ཕྱིར་རྗེས་ཟློས་མཛོད༔ ཧཱུྃ༔ བདེ་གཤེགས་འདུས་པ་སྐུ་གསུམ་བསྒྲུབ་པའི་ལྷ༔ དོན་གཉིས་མཐར་ཕྱིན་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་བྱང་ཆུབ་ཐོབ་པའི་ཕྱིར༔ བྱམས་དང་སྙིང་རྗེའི་བྱང་ཆུབ་སེམས་བསྐྱེད་དོ༔ ཞེས་ལན་གསུམ། བླ་མས། ཀྱེ༔ སྐལ་ལྡན་རིགས་ཀྱི་བུ་ཁྱོད་བདག་ལ་གསོན༔ གསང་བ་མཆོག་འདིར་རབ་ཏུ་གཉན་པས་ན༔ མི་འདའ་རྡོ་རྗེའི་དམ་ཚིག་བསྲུང་ནུས་སམ༔ དེ་ལྟར་ཁས་ལེན་བདག་གིས་དབང་མཆོག་སྦྱིན༔ ཞེས་དམ་ཆུ་སྦྱིན་ལ། འདིའི་རྗེས་ཟློས་མཛོད༔ ས་མ་ཡ་ཨི་དན་ན་ར་ཀན༔ ཀུ་ཤའི་ཡུ་བས་སློབ་མ་བྲན་ཚུལ་བྱས་ལ། ད་ཁྱེད་རང་སློབ་མ་རྣམས་པདྨ་ཐོད་ཕྲེང་རྩལ་དུ་བསྐྱེད་པ་འདི་ལྟར་སྒོམས་ཤིག༔ དང་པོ་ཆོས་རྣམས་དམིགས་སུ་མེད༔ དེ་ལས་འགྲོ་བ་སྙིང་རྗེར་གསལ༔ མཁའ་ལ་ཉི་ཤར་ཇི་བཞིན་དུ༔ བདག་ནི་པདྨ་ཐོད་ཕྲེང་རྩལ༔ ཞལ་གཅིག་ཕྱག་གཉིས་སྐུ་མདོག་དམར༔ སྤྱན་གསུམ་རབ་བསྒྲད་ཨོཾ་

[Full Size]

གཙིགས་གཉེར༔ དབུ་སྐྲ་སྨིན་མ་ཨག་ཚོམ་འབར༔ ཕྱག་གཡས་རྡོ་རྗེ་རྩེ་ལྔ་གདེངས༔ ཕྱག་གཡོན་ཕུར་བུའི་དགྲ་སྙིང་གཟེར༔ རུས་པའི་རྒྱན་དང་ཐོད་ཕྲེང་གསོལ༔ ཞབས་གཡས་བསྐུམ་ཞིང་གཡོན་བརྐྱང་ཚུལ༔ དཔའ་གཏུམ་སྟག་སེང་དགྲ་བགེགས་ཀྱི༔ གདན་ལ་ལོག་འདྲེན་ཚོགས་ཀུན་གཟིར༔ སྐུ་ལ་ཁྲོ་ཆུང་དཔག་མེད་འཕྲོ༔ རྡོ་རྗེའི་མེ་འབར་གུར་ནང་བཞུགས༔ ཐུགས་ཀར་ཉི་དབུས་ཧཱུཾ་མེ་འབར༔ བདག་གཞན་ལོག་རྟོགས་བག་ཆགས་བསྲེགས༔ རིག་པའི་ངར་ལྡན་ཧཱུཾ་སྒྲ་སྒྲོག༔ འཁོར་དུ་དཔའ་བོ་མཁའ་འགྲོ་ཡིས༔ ས་དང་ནམ་མཁའ་བར་སྣང་ཁེངས༔ དེ་རྣམས་ཞལ་ནས་ཧཱུྃ་སྒྲ་སྒྲོག༔ ཧཱུྃ་ཧཱུྃ་ཧཱུྃ་ཞེས་ངར་ལྡན་བརྗོད༔ འཇིག་རྟེན་ཁམས་ཀུན་ཤིག་ཤིག་ལྡིག༔ སྟོང་གསུམ་ཀུན་ཀྱང་ཧཱུཾ་སྒྲས་གང་༔ སྣང་སྲིད་མ་ལུས་རླུང་འཚུབ་ཀྱིས་རྩྭ་སྦྱར་ཇི་བཞིན་དབང་བསྡུས་ཤིང་༔ སྲིད་གསུམ་འཁོར་བ་དོང་སྤྲུགས་བསམ༔ དེ་ལྟར་སློབ་མ་པདྨ་ཐོད་ཕྲེང་རྩལ་དུ་བསྐྱེད་པའི་སྙིང་ཁར་ཟླ་བའི་སྟེང་དུ་ཡི་གེ་ཡ་སྔོ་སྐྱ་རླུང་གི་རང་བཞིན༔ དེའི་སྟེང་དུ་གཡུང་དྲུང་དམར་པོ་ཡན་ལག་བཞི་ལ་ཧ་རི་ནི་སས་མཚན་པ་གཡུང་དྲུང་གི་

[Full Size]

ལྟེ་བར་ཧཱུྃ་དམར་པོ༔ ཡཾ་ལས་རླུང་བྱུང་གཡུང་དྲུང་གཡས་སུ་འཁོར་ཞིང་ཡི་གེ་ལྔ་ལས་འོད་ཟེར་འཕྲོས༔ རྔ་ཡབ་ནས་ཡེ་ཤེས་པ་དཔག་ཏུ་མེད་པ་སྤྱན་དྲངས་ནས་ཁྱེད་རང་རྣམས་ལ་སིབ་སིབ་ཐིམ་པར་བསྒོམ༔ སྙིང་ཁར་གཡུང་དྲུང་དང་ཧ་རི་ནི་ས་ཧཱུཾ་གི་སྦྱོར་བས་བདག་ཉིད་བྱིན་ཕབ་ཅིང་༔ བླ་མས་འདི་སྐད་ཅེས་བསྐུལ་ལ། ཧཱུཾ་ཧཱུཾ་ཧཱུཾ༔ རྗེ་བཙུན་ཆེན་པོ་པདྨ་ཐོད་ཕྲེང་རྩལ༔ འགྲོ་བ་ཡོངས་ཀྱི་སྐྱབས་གནས་རིན་པོ་ཆེ༔ ཁྱད་པར་ཐུགས་རྗེས་བོད་ཀྱི་སེམས་ཅན་གཟིགས༔ ལས་ངན་སྤྱད་པའི་རྣམ་སྨིན་གྱིས་མནར་བའི༔ བདག་ཅག་རྗེས་འཇུག་རྗེས་འབྲང་སློབ་མ་རྣམས༔ ཐུགས་ཀྱི་འོད་ཟེར་མ་ཧཱ་གུ་རུ་རྗེ༔ ཐུགས་རྗེས་ཡལ་ཡོལ་བཏང་སྙོམས་མངའ་བ་ན༔ ཡང་སངས་རྒྱས་པའི་དགོས་པ་ཅི་ཞིག་མཆིས་བདག་ཅག་ལུས་ནི་གང་བས་མཆི་མ་འཁྲུགས་གསོལ་འདེབས་ང་རོའི་འབོད་པ་ཅང་གསན་ནམ༔ ཡིད་བཞིན་རྩེ་གཅིག་ཁྱོད་ཀྱི་ཡོན་ཏན་དྲན༔ ཕ་ཡི་ཐུགས་རྗེས་གཟིགས་ཤིག་རིན་པོ་ཆེ༔ བུ་ལ་བྱིན་གྱིས་རློབས་ཤིག་སྤྲུལ་པའི་སྐུ༔ ལུས་ལ་བདེ་བ་སྤོར་ཞིག་མཁའ་འགྲོའི་ཚོགས༔ ངག་ལ་ནུས་པ་བསྐྱེད་ཅིག་ཡི་དམ་ལྷ༔ སེམས་ལ་རྟོགས་པ་

[Full Size]

སྤོར་ཞིག་གུ་རུ་རྗེ༔ འདིར་འཚོགས་མོས་པའི་བུ་ལ་བྱིན་ཕོབ་ཅིག༔ ལུས་ལ་འགྱུར་མེད་སྐུ་ཡི་བྱིན་ཕོབ་ཅིག༔ ངག་ལ་ཚངས་དབྱངས་གསུང་གི་བྱིན་ཕོབ་ཅིག༔ ཡིད་ལ་རང་བྱུང་ཐུགས་ཀྱི་བྱིན་ཕོབ་ཅིག༔ ཡོན་ཏན་འགྲན་ཟླ་བྲལ་བའི་བྱིན་ཕོབ་ཅིག༔ ཕྲིན་ལས་འགྲོ་འདུལ་རྣམ་བཞིའི་བྱིན་ཕོབ་ཅིག༔ མཆོག་དང་ཐུན་མོང་དངོས་གྲུབ་བྱིན་ཕོབ་ཅིག༔ ཅེས་ཧཱུྃ་གིས་སྒྲ་བསྒྲག་ཅིང་མང་བར་བརྗོད༔ ཧཱུྃ་ཧཱུྃ་ཧཱུྃ༔ ལུས་ཀྱི་གར་སྟབས་བསྒྱུར༔ དེ་ལྟར་བྱིན་ཕབ་པའི་ཡེ་ཤེས་ངོ་སྤྲད་པ་ནི༔ འོ་རིགས་ཀྱི་བུ་འདི་རྣམས་ལ་གདོད་མ་ནས༔ རང་རིག་པདྨ་ཐོད་ཕྲེང་རྩལ་འདི་ལྟ་བུ་ཡོད་ཀྱང་རང་ངོ་མ་ཤེས་ཏེ༔ ད་རེས་གུ་རུ་པདྨའི་ཐུགས་འདི་ལྟར་དུ་རྟེན་འབྲེལ་འཛོམས་པས༔ སྔོན་ཆད་ངོ་མ་ཤེས་པ་དེ་ནི་ཤེས་ཏེ༔ ཡེ་རེ༔ ས་ལེ༔ ཝ་ལེ༔ ལམ་མེ་ངོ་བོ་ཅི་ཡང་མ་ཡིན་ལ༔ རྣམ་པ་ཀྱང་མི་འགགས་པ༔ འདིའི་བྱིན་ཕབ་པའི་བྱིན་རླབས་ཡིན་པས་ངོ་ཤེས་པར་གྱིས་ཤིག༔ དེ་ལས་གཞན་དུ་མ་སྤྲོ༔ མ་བསྡུ༔ རང་སར་ཞོག་ཅིག༔ འདི་ནི་མ་བཅོས་རང་བྱུང་གི་ཡེ་ཤེས་ཡིན་ཏེ༔ འདི་ལས་མ་གཡོས་ན་འཁོར་བའི་སྐྱོན་གྱིས་

[Full Size]

མ་གོས་པ་པདྨ་འབྱུང་གནས་སོ༔ ཡོན་ཏན་ཀུན་གྱི་ངོ་བོར་བཞུགས་པས་པདྨ་སཾ་བྷའོ༔ ཤེས་བྱ་ཐམས་ཅད་གསལ་བས་བློ་ལྡན་མཆོག་སྲེད་དོ༔ ཁམས་གསུམ་མ་ལུས་ཀྱི་བདག་པོ་ཡིན་པས་པདྨ་རྒྱལ་པོའོ༔ མི་ཤེས་པའི་མུན་པ་ཀུན་སངས་བས་ཉི་མ་འོད་ཟེར་རོ༔ བདུད་བཞི་ཀུན་གྱིས་མི་རྗེ་བས་ཤཱཀྱ་སེངྒེའོ༔ ༔ བཟང་ངན་གྱིས་ཕྱོགས་སུ་མ་རུངས་བས་སེངྒེ་སྒྲ་སྒྲོག་གོ༔ བགེགས་དང་ལོག་འདྲེན་ཀུན་འདུལ་བས་རྡོ་རྗེ་གྲོ་ལོད་དོ༔ རིགས་ཀྱི་བུ་དེ་ལྟར་སྤྲུལ་པའི་གུ་རུ་མཚན་བརྒྱད་ཀྱང་རང་རིག་པའི་ཡེ་ཤེས་པདྨ་ཐོད་ཕྲེང་རྩལ་འདི་ཡིན་ནོ༔ ད་ངོ་སྤྲད་པོ་དེ་བརྟན་པར་བྱ་བའི་ཕྱིར་གཏོར་མ་སྐུ་འབགས་ཀྱིས་དབང་བསྐུར༔ གཏོར་མ་ཐོགས་ལ། ཧཱུྃ༔ སྣང་སྟོང་མ་འགགས་རིག་པའི་དབང་༔ རང་རིག་པདྨ་ཐོད་ཕྲེང་རྩལ༔ སྐུ་གཟུགས་རྫས་ཀྱི་དབང་བསྐུར་རོ༔ ཧཱུྃ་ཧཱུྃ་ཧཱུྃ༔ ཞེས་སྤྱི་བོར་གཏད། ཧཱུྃ༔ གྲག་སྟོང་སྐྱེ་མེད་རྡོ་རྗེའི་ཚིག༔ སྙིང་པོ་ཧཱུྃ་གི་དོན་སྟོན་པ༔ འགགས་མེད་སྔགས་སྒྲ་གྲག་སྟོང་དབང་༔ སྐལ་ལྡན་བུ་ལ་དབང་བསྐུར་རོ༔ ཧཱུྃ་ཧཱུྃ་ཧཱུྃ༔ ཞེས་རྗེས་ཟློས་བྱ་ཞིང་རྡོ་རྗེ་ཧཱུྃ་བཅས་མགྲིན་པར་བསྐུར་རོ༔ ཧཱུྃ༔ སངས་རྒྱས་ཕྲིན་ལས་གཅིག་བསྡུས་པ༔

[Full Size]

ཐུགས་མཆོག་འདུས་པའི་ཀཱི་ལ་ཡ༔ དུག་ལྔ་བསྒྲལ་བའི་དབང་བསྐུར་བས༔ ཕྲིན་ལས་ཡོངས་རྫོགས་འགྲུབ་གྱུར་ཅིག༔ ཧཱུྃ་ཧཱུྃ་ཧཱུྃ༔ ཞེས་སྙིང་ཁར་ཕུར་བུ་བསྐུར་རོ། གཞུང་ནས་བཀའ་བསྒོ་བ་བཤད་ཀྱང་། རྗེས་གནང་ཀུན་ལ་ཕྱག་སྲོལ་ཡོད་པ་ལྟར་གཏོར་མ་བཟུང་ལ། ཆོས་སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ལྷ་སྲས་སད་ན་ལེགས༔ གཏེར་སྟོན་གནམ་ལྕགས་མེ་འབར༔ རྒྱལ་བའི་ཡབ་གཅིག་ཆོས་རྒྱལ་ཕུན་ཚོགས༔ རྒྱལ་དབང་ཆོས་ཀྱི་གྲགས་པ༔ རིག་འཛིན་སྤྲུལ་པའི་སྐུ་མཆོག་དཀོན་མཆོག་ཕྲིན་ལས་རྣམ་རྒྱལ་དཔལ་བཟང་པོ་ལ་སོགས་པ༔ བཀའ་བབས་རིག་འཛིན་བརྒྱུད་པའི་བླ་མ་དམ་པ་ཐམས་ཅད་དང་༔ ཡི་དམ་མཚན་བདུན་འདུས་པ་རྡོ་རྗེ་གྲོ་ལོད༔ འཁོར་དཔའ་བོ་ཌཱཀི་བྱེ་བ་འབུམ་དང་བཅས་པ་ཐམས་ཅད་ཀྱིས༔ རྡོ་རྗེ་སློབ་མ་འདི་རྣམས་བྱིན་གྱིས་རློབས་ཤིག༔ ལྷ་སྲིན་སྡེ་བརྒྱད་བདུད་དང་དམ་སྲིའི་གནོད་པས་མི་ཚུགས་པར་སྲུངས་ཤིག༔ ནད་གདོན་དུས་མིན་འཆི་བའི་འཇིགས་པ་ལས་སྐྱོབས་ཤིག༔ ཚེ་དང་བསོད་ནམས་ཉམས་དང་རྟོགས་པའི་ཡོན་ཏན་ཐམས་ཅད་

[Full Size]

སྤེལ་ཞིག༔ འཆི་བ་མེད་པའི་ཚེ་དང་མཆོག་ཐུན་མོང་གི་དངོས་གྲུབ་སྩོལ་ཞིག༔ སྐྱེ་བ་ཚེ་རབས་ཐམས་ཅད་དུ་རྗེས་སུ་འཛིན་པར་མཛད་དུ་གསོལ༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཤིས་པ་བརྗོད་ཅིང་མེ་ཏོག་འཐོར་ཞིང་། ན་མོ༔ བྱིན་རླབས་མཁའ་ལ་ཐུགས་རྗེའི་སྤྲིན་འཁྲིགས་ཤིང་༔ ཕྱོགས་དུས་མ་ལུས་ཀུན་ཏུ་མཐའ་ཡས་ཤིང་༔ བདེ་ལེགས་ཆར་རྒྱས་ཡོངས་སུ་གང་གྱུར་པའི༔ རིག་འཛིན་རྩ་བརྒྱུད་བླ་མའི་བཀྲ་ཤིས་ཤོག༔ ཡེ་ཤེས་ལྔ་ལྡན་འོད་ལྔའི་ཕོ་བྲང་དུ༔ དུས་གསུམ་མི་འགྱུར་ལྷུན་གྲུབ་བཀོད་པས་བརྒྱན༔ རྒྱལ་བའི་དཀྱིལ་འཁོར་རབ་འབྱམས་ཀུན་ནས་བཀྲ༔ ཡི་དམ་ཞི་ཁྲོ་རབ་འབྱམས་བཀྲ་ཤིས་ཤོག༔ གནས་ཡུལ་མཁའ་སྤྱོད་སྤྲུལ་པའི་ཞིང་ཁམས་སུ༔ གང་འདུལ་ཐབས་ཀྱིས་འདུལ་བའི་གདུལ་བྱ་ལ༔ དཔའ་བོ་མཁའ་འགྲོ་སྲུང་མར་སྐུ་སྤྲུལ་པའི༔ བཀའ་སྲུང་དམ་ཅན་རྒྱ་མཚོའི་བཀྲ་ཤིས་ཤོག༔ དེ་ནས་གུ་རུ་རྡོ་རྗེ་གྲོ་ལོད་ཀྱི་དབང་ལེགས་པར་ཐོབ་པས་རང་ལུས་རྡོ་རྗེ་གྲོ་ལོད་ཀྱི་སྐུར་བསྒོམ༔ ངག་ཡང་གསེར་གྱི་འབྲུ་གཅིག་ཧཱུྃ་བསྙེན༔ སེམས་གསལ་སྟོང་རྫོགས་པ་ཆེན་པོའི་སྐུར་བསྒོམས༔ ཚེས་བཅུ་མཆོད་པ་ཅི་འབྱོར་བྱ་སྙམ་པས་འདིའི་

[Full Size]

རྗེས་ཟློས་མཛོད༔ གཙོ་བོས་ཇི་ལྟར་བཀའ་བསྩལ་པ་སོགས། མཎྜལ་ཕུལ། སློབ་མ་རྣམས་གྱེས་སོ། །འདི་ནི་གཏེར་གཞུང་རྒྱུད་ཚིག་ནི་ཅུང་ཟད་ཁ་མི་གསལ་བས། ཡང་ཟབ་ལས་བྱང་ནས་སྐྱབས་སེམས་ཁ་བཀང་བར་འོས་ན་ཡང་གཏེར་གཞུང་འདི་ཉིད་བྱིན་རླབས་ཆེ་བར་བསམས་ནས། སྐྱབས་སེམས་དམ་བཞག་གསུམ་སྙིང་བྱང་ནས་བྱིན་འབེབས་དམིགས་པ་ཟུར་ཙམ་གསུམ་གཏོར་དབང་ནས་དང་། ལོ་རྒྱུས་པོད་གཞུང་ནས་བཏུས། བཀྲ་ཤིས་ཡང་ཟབ་ནས་སབ་སྟེ་ཆ་ཚང་མར་བསྒྲིགས་པ་ནི། དབོན་པོ་བླ་མཚན་གྱིས་བསྐུལ་ནས། ༧ རཱ་ག་ཨ་སྱས་བསྒྲིགས་པ་ལ། ཉེས་འགལ་ཆ་མཆིས་ན་ཐམས་ཅད་བཀའ་སྲུང་མ་གཟའ་དམ་གསུམ་ཧ་ར་ནག་པོ་ལ་སོགས་པའི་དྲུང་དུ་བཤགས་ཤིང་། ཚེ་འདིའི་རྐྱེན་དང་ཕྱི་མའི་སྒྲིབ་པར་མ་གྱུར་ཅིག །འདི་བྲིས་དགེ་བས་ཡང་ཟབ་གསང་བ་ཧཱུྃ་གཅིག་མ་འདིས་འགྲོ་བ་དཔག་ཏུ་མེད་པ་སྨིན་ཅིང་གྲོལ་བ་དང་། འབྲེལ་པ་ཐོགས་ཚད་ཨོ་རྒྱན་ཆེན་པོའི་རྗེས་སུ་བཟུང་བ་དང་། ཚེ་འདིའི་བར་ཆད་རྐྱེན་ཐམས་ཅད་བསལ་ནས། ཕྱི་མ་བདེ་བ་ཅན་དུ་སྐྱེ་བར་གྱུར་ཅིག །འདི་ནི་རྗེ་ལྷོ་པ་སྤྲུལ་པའི་སྐུ་ལས་བརྒྱུད་དེ་ཁོང་ལ་དང་པོར་རྗེ་ཞབས་དྲུང་དཀོན་མཆོག་རཏྣས་གནང་ཞིང་ཐུགས་དམ་གྱི་གཙོ་བོ་ལ་ཕྱིས་ཞབས་དྲུང་ཆོས་ཀྱི་གྲགས་པ་ལའང་གསན་སྣང་ངོ་། །དང་པོར་ཀུན་ལ་གསང་ཡང་ཕྱིས་ནས་བཀའ་རྒྱ་ཤིན་ཏུ་དོགས་པར་མཛད་འདུག་གོ །འདི་སྒྲགས་ཀྱི་ཡང་རྫོངས་སུ་རྗེ་ཆོས་དབྱིངས་རྡོ་རྗེས་ཞྭ་དམར་དྲུག་པ་ལ་ཡང་

[Full Size]

གསན་འདུག་ཀཾ་ཚང་ཀུན་གྱིས་གྲམ་ཆུ་ལྡང་བ་ལྟར་བྱུང་བར་སྣང་ངོ་། །མངྒ་ལཾ། བྷ་ཝནྟུ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གུ་དྲག་ཕུར་མཇུག་གི་དབང་རྒྱལ་འགོང་འདུལ་བྱེད་ཤིན་ཏུ་བཀའ་གཉན་པས་བཀའ་རྒྱ་དོག་པར།

[Full Size]

གུ་དྲག་ཕུར་མཇུག་གི་དབང་རྒྱལ་འགོང་འདུལ་བྱེད་ཤིན་ཏུ་བཀའ་གཉན་པས་བཀའ་རྒྱ་དོག་པར་བྱའོ༔ ༔

[Full Size]

།ཧ།ཛདེབ། ཉྩ༔ ན་མོ་གུ་རུ༔ གུར་དྲག་ཕུར་མཇུག་སྒྲུབ་པ་ནི༔ དཀྱིལ་འཁོར་གཏོར་མ་དཔེའུ་རིས་ལྟར༔ ཐིག་བཅས་བྲིས་ལ་རྟེན་དུ་བཞག༔ རྒྱུན་བསྙེན་ལ་ནི་མེད་ཀྱང་ཆོག༔ དབང་ལ་འདབ་བརྒྱད་ཚོམ་བུའི་སྟེང་༔ བུམ་པ་མཆོད་གཏོར་སྤྱི་ལྟར་བཤམ༔ མངོན་རྟོགས་གཅིག་གིས་བདག་མདུན་དང་༔ བུམ་གཏོར་སྐད་ཅིག་དྲན་རྫོགས་བསྐྱེད༔ དེ་ནས་དམིགས་པ་འདི་ལྟར་བྱ༔ རྩ་བ་གསུམ་གྱི་ལྷ་ལ་སྐྱབས་སུ་མཆི༔ སེམས་ཅན་ཀུན་གྱི་སྨྱོ་འབོག་འདུལ་བའི་ཕྱིར༔ བདག་གིས་གུར་དྲག་ཕུར་མཇུག་ཅན་བསྒྲུབ་བྱ༔ སྟོང་པའི་ངང་ལས་གུར་དྲག་ཕུར་མཇུག་ཅན༔ ཞལ་བཞི་ཕྱོགས་བཞིར་བལྟས་ནས་རྒྱལ་འགོང་འདུལ༔ ཕྱག་བཞི་

[Full Size]

དང་པོ་གཉིས་ཀྱིས་རྡོ་རྗེ་དང་༔ སྡིག་པ་འཛིན་ཏེ་འོག་གཉིས་གྲི་ཁ་ཊཾ༔ སྐུ་སྨད་ཕུར་པ་དབལ་དང་ལྡན་པ་ནི༔ རྒྱལ་བསེན་སྙིང་ཁར་དབལ་མི་ཐུབ་པར་ཟུག༔ ཨོཾ་ཨཱཿཧཱུྃ་གིས་ཡེ་ཤེས་པ་སྤྱན་དྲངས༔ དབང་ལྷ་རྣམས་ཀྱིས་དབང་བསྐུར་རིགས་བདག་མཚན༔ དེ་ཡི་ཐུགས་ཀར་ཧཱུྃ་ལས་སྔགས་གཡས་བསྐོར༔ སྔགས་དེ་དྲག་ཏུ་འཁོར་བས་འགྲུབ་པར་འགྱུར༔ འོད་འཕྲོས་ཟངས་མདོག་དཔལ་གྱི་རི་བོ་ནས༔ གུར་དྲག་དཔག་མེད་སྤྱན་དྲངས་སིབ་སིབ་ཐིམ༔ ཨོཾ་ཨརྩིག་ནི་རྩིག་ན་མོ་བྷ་ག་ཝ་ཏེ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ དེ་ཡིས་གུར་དྲག་ཕུར་མཇུག་འགྲུབ༔

[Full Size]

ས་མ་ཡ༔ རྒྱ་རྒྱ་རྒྱ༔ ཁཐཾ༔ གུཧྱ༔ ཏབ་ཚེ༔ ལས་སྦྱོར་སྔགས་དམིགས་འདི་ལྟ་སྟེ༔ རང་ཉིད་གུ་རུ་དྲག་པོར་བསམ༔ རང་གི་མེ་ཡི་ཚྭ་ཚྭ་ལས༔ རང་འདྲའི་གུ་རུ་དྲག་པོ་རེ༔ གདོན་བགེགས་རྒྱལ་བསེན་མི་ཚུགས་བསམ༔ གཟུགས་རྣམས་ཐམས་ཅད་གུར་དྲག་བསམ༔ སྒྲ་རྣམས་ཐམས་ཅད་དྲག་སྔགས་བསམ༔ གནོད་བྱེད་རྒྱལ་བསེན་མི་ཚུགས་བསམ༔ རྩ་སྔགས་ཀྱི་མཇུག་ཏུ༔ བཛྲ་མྲྀ་ཏ༔ བཛྲ་ཨ་མྲྀ་ཏ༔ བཛྲ་སུ་མྲྀ་ཏ༔ བཛྲ་ཧོ་ར་མྲྀ་ཏ༔ བཛྲ་ཧཱུྃ་མྲྀ་ཏ༔ བཛྲ་རཀྵ་མྲྀ་ཏ༔ བཛྲ་མ་མྲྀ་ཏ༔ བཛྲ་ཀྵ་མྲྀ་ཏ༔ བཛྲ་ཡཾ་མྲྀ་ཏ༔ བཛྲ་དྷི་མྲྀ་ཏ༔ བཛྲ་མྲྀ་ཏ་མྲྀ་ཏ་ཡེ་སྭཱ་ཧཱ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཀློམཐུན། དབང་སྒྲུབ་དུས་བསྙེན་པ་ཅི་འགྲུབ་རྗེས། ཨནྡྷཾ་སོགས། ཧཱུྃ༔ རང་བྱུང་ལྷུན་གྲུབ་པདྨ་འབྱུང་གནས་སྐུ༔ དུས་གསུམ་སངས་རྒྱས་སྐུ་གསུང་ཐུགས་ལས་སྤྲུལ༔ མཐུ་རྩལ་རྨད་བྱུང་པདྨ་ཧེ་རུ་ཀ༔ ལྷ་སྲིན་དྲག་པོ་འདུལ་བའི་སྟོབས་མངའ་བ༔ དབང་དྲག་པདྨའི་སྐུ་ལ་ཕྱག་འཚལ་བསྟོད༔ དེ་ནས་སློབ་མ་འདུས་ཁྲུས་དང་མཎྜལ་ཕུལ། ༈ འོ་ན་ཨོ་རྒྱན་རིན་པོ་ཆེའི་ཞལ་ནས༔ བདག་འདྲ་ཨོ་རྒྱན་པདྨ་ཡིས༔ རྒྱ་གར་ཤར་ནུབ་ཡུལ་ཁམས་

[Full Size]

སུ༔ ཐེག་པ་དགུ་ཡི་རྣམ་འཕྲུལ་བསྟན༔ ཉན་བཤད་སྒོམ་པའི་བསྟན་པ་སྤེལ༔ གངས་ཅན་བོད་ཀྱི་ཡུལ་ཁམས་སུ་ཆོས་རྒྱལ་ཡབ་སྲས་དགོངས་པ་བསྒྲུབས༔ རྗེ་འབངས་དད་ལྡན་ལམ་ལ་བཀོད༔ མཐུ་སྟོབས་རྫུ་འཕྲུལ་དཔག་མེད་བསྟན༔ ལྷ་སྲིན་སྡེ་བརྒྱད་དམ་ལ་བཏགས༔ ང་ནི་ཆོས་སྐུ་ཀུན་ཏུ་བཟང་༔ སྙིང་པོ་ཐིག་ལེའི་ཀློང་དུ་གནས༔ ང་ནི་ལོངས་སྐུ་ཞི་ཁྲོའི་ལྷ༔ རྟོག་ཚོགས་ལྷ་དང་ཡེ་ཤེས་ཤར༔ ང་ནི་སྤྲུལ་སྐུ་གསང་བའི་བདག༔ མཐའ་ཡས་རྒྱུད་དང་ལུང་གི་མཛོད༔ དགའ་རབ་རྡོ་རྗེ་འཇམ་དཔལ་དང་༔ ཀླུ་སྒྲུབ་ཧཱུྃ་མཛད་པྲ་བྷ་ཝ༔ བི་མ་མི་ཏྲ་དྷ་ན་དང་༔ རོམྱུ་གུ་བྱ་ཤཱནྟི་པ༔ སངས་རྒྱས་གསང་བ་གོ་མ་དྷེ༔ ཨིནྡྲ་བྷ་ཏི་ཏེ་ལོ་པ༔ ནཱ་རོ་བིརླ་ཤཱནྟི་པ༔ ཀུ་ཀུ་རི་པ་ཨན་པ༔ ཟླ་བ་གྲགས་པ་འཕགས་པ་ལྷ༔ མ་ཏི་ཙི་ཏྲ་ཟླ་བ་བཟང་༔ གུལྟ་ལ་སོགས་ཐམས་ཅད་དེ༔ གཅིག་ཡིན་ཐ་དད་ཡོད་མ་ཡིན༔ པདྨ་འབྱུང་གནས་བདག་ཉིད་ཀྱང་༔ དེ་རྣམས་དང་ནི་སོ་སོ་མིན༔ ང་ཡིན་ང་ནི་ཀུན་ཏུ་བཟང་༔ ཀུན་བཟང་ཀུན་ཏུ་ཁྱབ་ཅིང་ཁྱབ༔ ཀུན་བྱེད་ཀུན་རིག་ཀུན་ཏུ་གསལ༔ ང་ཡི་སྐུ་ཉིད་

[Full Size]

ཞི་བའམ༔ འོན་ཏེ་ཁྲོ་བོར་བསྒོམ་ཡང་རུང་༔ ཕྱག་རྒྱ་རྒྱན་རྣམས་གཅིག་གམ་གཉིས༔ ཞལ་ཕྱག་མང་ཉུང་ཇི་ལྟ་བུ༔ བསྒོམ་ཡང་འཁྲུལ་པ་ཡོང་ཡེ་མེད༔ ཅི་ཕྱིར་ང་ནི་ཀུན་ཏུ་སྣང་༔ རང་ཉིད་གཙོ་དང་འཁོར་དང་བཅས་མང་ཉུང་བློ་ཡི་བྱེ་བྲག་གིས་ཇི་ལྟར་གསལ་བ་བསྒོམ་ཡང་རུང་༔ ང་ཡི་དངོས་གྲུབ་ང་དང་མཉམ༔ པད་འབྱུང་ང་ཡི་སྤྲུལ་པ་བརྗོད་ལས་འདས༔ སེམས་ཅན་རེ་རེའི་རྩ་ན་ངོ་རེ་ཡོད༔ འཁྲུལ་ཚབས་ཆེ་བའི་སྟོབས་ཀྱིས་མི་མཐོང་ངོ་༔ ང་ཡིས་བརྩེ་བའི་སྟོབས་ཀྱིས་བཟོད་གླགས་མེད༔ ཁྱད་པར་བོད་ཡུལ་གདུལ་བྱར་གྱུར་པ་ལ༔ ང་ནི་ལྷོ་ནུབ་ཞིང་ཁམས་གར་ཡོད་ཀྱང་ཐུགས་རྗེའི་ཕྲིན་ལས་བོད་ལ་རྒྱུན་ཆད་མེད༔ སྨོན་ལམ་མོས་གུས་ཅན་ལ་ཞལ་ཡང་སྟོན༔ ང་ཡི་སྤྲུལ་པ་བོད་ལ་རྒྱུན་ཆད་མེད༔ ཐུགས་རྗེ་ཕྲིན་ལས་མྱུར་བ་ང་ལས་མེད༔ ཞི་བས་མི་འདུལ་དྲག་པོའི་ཐབས་ཀྱིས་འདུལ༔ ཞི་དང་ཁྲོ་ཚུལ་ཁྲོ་ཐབས་འགྲོ་དོན་མཛད༔ སྐུ་གསུང་ཐུགས་དང་ཡོན་ཏན་ཕྲིན་ལས་ལྔ༔ སྤྲུལ་པ་ཡང་སྤྲུལ་ཞིང་ཁམས་བྱེ་བ་འགྱེད༔ སེམས་ཅན་བསོད་ནམས་དམན་པས་འཁྲུལ་ཚབས་ཆེ་ན་ཡང་༔ ང་ལ་གསོལ་བ་སྙིང་

[Full Size]

ནས་མི་བཏབ་ཨང་༔ ནད་ཀྱིས་གཟིར་ན་སྨན་གསོ་ང་ལས་འབྱུང་༔ བཟའ་བ་མེད་ན་བཟའ་བཏུང་ང་ལས་འབྱུང་༔ ཉོན་མོངས་སྐོམ་གྱིས་གདུང་བ་ང་ཡིས་སེལ༔ མགོན་སྐྱོབས་མེད་ན་མགོན་སྐྱབས་ང་ཡིས་བྱེད༔ རྟེན་གནས་མེད་ན་རྟེན་གནས་ང་ཡིས་འབྱུང་༔ འཇིགས་ཤིང་སྐྲག་ན་འཇིགས་སྐྱོབ་ང་ཡིས་བྱེད༔ ལོངས་སྤྱོད་དབུལ་ན་ལོངས་སྤྱོད་ང་ལས་འབྱུང་༔ ངན་སོང་འཇིགས་ན་སྐྱེ་སྒོ་ང་ཡིས་བཀག༔ བདེ་ཆེན་ཐར་ལམ་འདོད་ན་ང་ཡིས་བསྐྱེལ༔ གནས་སྐབས་བདེ་བ་འདོད་ན་ང་ལས་འབྱུང་༔ མཐར་ཐུག་བདེ་བ་འདོད་ན་ང་ལས་འབྱུང་༔ འཇིགས་པ་བརྒྱད་ཀྱིས་འཚེ་ན་ང་ཡིས་སྐྱོབ༔ དགོས་འདོད་ཆར་ལྟར་ཐམས་ཅད་ང་ལས་འབྱུང་༔ ཐུན་མོང་དངོས་གྲུབ་ཐམས་ཅད་ང་ལས་འབྱུང་༔ མཆོག་གི་དངོས་གྲུབ་ཐམས་ཅད་ང་ལས་འབྱུང་༔ ཕྱིར་མི་ལྡོག་པའི་ཞིང་ཁམས་འདོད་ན་ང་ལས་འབྱུང་༔ འགྲོ་བའི་དོན་ལ་སེམས་ཅན་ང་ལས་འབྱུང་༔ ཚེ་དང་བསོད་ནམས་འདོད་ན་ང་ལས་འབྱུང་༔ ནད་གདོན་སྡིག་སྒྲིབ་སྦྱོང་ན་ང་ཡིས་སྲེག༔ དབང་སྡུད་འདོད་ན་དབང་སྡུད་ང་ལས་འབྱུང་༔ དྲེགས་པ་ཚར་གཅོད་

[Full Size]

འདོད་ན་ང་ལས་འབྱུང་༔ ཕྲིན་ལས་རྣམ་བཞི་འདོད་ན་ང་ལས་འབྱུང་༔ དགོས་འབྱུང་བསམ་འགྲུབ་པདྨ་ང་ལས་འབྱུང་༔ ཅི་དང་ཅི་བསམ་ཐོགས་མེད་ང་ལས་འབྱུང་༔ ཚ་གདུང་ཉོན་མོངས་ནད་རྣམས་ང་ཡིས་སེལ༔ བར་དོའི་འཕྲང་གི་སྔངས་སྐྲག་ང་ཡིས་སེལ༔ སངས་རྒྱས་ཞིང་ཁམས་སྙིང་པོར་ང་ཡིས་བསྐྱེལ༔ པདྨ་བདག་ནི་ཡི་དམ་ལྷ་ཡི་གཙོ༔ འོད་གསལ་ཆོས་སྐུ་སྙིང་པོའི་དོན་ཡང་སྟོན༔ དགོས་འདོད་ཀུན་འབྱུང་པདྨ་འབྱུང་གནས་ཡིན༔ ཞེས་དང་༔ ཛྷཱ་ན་ཌཱ་ཀི་སཱ་ག་ར༔ གང་གི་མིང་ཙམ་ཐོས་ན་ཡང་༔ བ་སྤུ་འཁྲུགས་ཤིང་མཆི་མ་བླགས༔ དེ་ཡི་ཆོས་དང་རིགས་ལ་དད༔ དེ་ཡང་པདྨ་རྒྱལ་པོ་སྟེ༔ དེ་དང་ཕྲིན་ལས་ཕུར་པ་ཡི༔ རབ་འབྱམས་དངོས་གྲུབ་དེ་ཡིས་སྟེར༔ ཞེས་གསུངས་པས་ཨོ་རྒྱན་ཡབ་ཡུམ་དང་ཕུར་པ་ཡང་གཅིག་པ་ཡིན་ཏེ༔ ད་རེས་ལྷ་འདི་ནི་ཨོ་རྒྱན་ཡབ་ཡུམ་དང་ལྷ་རྡོ་རྗེ་གཞོན་ནུ་དབྱེར་མེད་པ་དྲག་པོ་ཕུར་མཇུག་ཅན་ཞེས་བྱ་བ་ཡིན་ཏེ༔ ཨོ་རྒྱན་རིན་པོ་ཆེས་མ་འོངས་ལུང་བསྟན་རྣམས་ལས༔ དུས་ངན་སྙིགས་མ་ལུང་བསྟན་པའི་སྐབས་སུ༔ དེ་འདྲའི་དུས་སུ་གཟའ་བདུད་ཁ་ལངས་པས་བེ་ཧར་རྒྱལ་པོའི་

[Full Size]

བསྟན་པ་དར་བར་འགྱུར༔ ཞེས་པ་དང་༔ དེའི་དུས་སུ་བེ་ཧར་རྒྱལ་པོ་མངའ་ཐང་དར་བས༔ མི་རྣམས་ལ་སྨྱོ་འབོག་དང་གློ་བུར་དུ་འཆི་བ་མང་བ་གསུངས་ཤིང་༔ རྒྱ་གར་གྱི་པཎྜི་ཏ་གསེར་ལ་ཆགས་པ་གཅིག་རྡོ་རྗེ་འཇིགས་བྱེད་ཀྱི་གྲུབ་པ་ཐོབ་ཀར་གཤིན་རྗེ་ནག་པོ་ཧབ་ཤས་སྲོག་གཅོད་བྱས་ནས༔ རྒྱ་འདྲེ་ནག་པོ་ཧ་ལ་ཞེས་བྱ་བར་སྐྱེས་ཏེ༔ དེ་བོད་དུ་ཕྱིན་ནས་ནད་ངན་པས་མི་ཕྱེད་ཕྱགས་མས་འདེབས་པ་དང་༔ མ་གཅིག་ལབ་སྒྲོན་གྱི་སྐྱེ་བ་སྔོན་མ་པཎྜི་ཏ་རིན་ཆེན་གྲུབ་ཀྱིས་མུ་སྟེགས་པ་མང་པོ་བཏུལ་དུས༔ མུ་སྟེགས་ཀྱི་པཎྜི་ཏ་གཉིས་སྨོན་ལམ་ལོག་པར་བཏབ་སྟེ་འཕུར་ནས་རི་རབ་ཀྱི་ཁོང་གསེང་དུ་སོང་ནས་ཤི༔ དེ་གཉིས་ཀྱི་སྐྱེ་བ་སྨོན་ལམ་གྱི་སྟོབས་ཀྱིས༔ དམ་སྲི་གཅོད་པའི་ཆ་ལུགས་འཛིན་པ༔ ཤར་ནུབ་གཉིས་སུ་འབྱུང་སྟེ༔ སྨྱོ་འབོག་དང་ན་ཚ་དྲག་པོ་གཏོང་བར་བྱེད་པ་དང་༔ གཞན་ཡང་དམ་ཚིག་ཉམས་པ་ཐམས་ཅད་བེ་ཧར་རྒྱལ་པོས་དབུགས་བསྡུས་ཏེ༔ འཁོར་དུ་སྐྱེས་ནས་རྒྱལ་ཕྲན་ནམ་མཁའ་ལ་སྦྱར་མ་ལངས་པ་ཙམ་འབྱུང་བར་ལུང་བསྟན༔ མི་ཕྱེད་སྨྱོན་པར་འགྲོ་ཞིང་ཕལ་ཆེར་རང་སྲོག་རང་གིས་གཅོད་

[Full Size]

པའི་དུས༔ རྒྱ་ནག་ཡུལ་ནས་ནོར་ཕྱིར་འགོང་པོ་སྤུན་དགུ་འབྲངས་ནས་བོད་ཁམས་ཐམས་ཅད་སིལ་བུར་འཁྲུག་པའི་དུས༔ གངས་ཅན་བོད་ཀྱི་ཁྲོད་འདིར་བླ་མ་སློབ་དཔོན་དགེ་བཤེས་རྗེ་བློན༔ ཆོས་མཐུན་རྣམས་ཀྱིས་སྲོག་དབུགས་ལེན་པའི་དུས༔ དགེ་བའི་བཤེས་གཉེན་ཆེ་བཙུན་གྱི་ཐུགས་དམ་རྒྱ་འདྲེ་འགོང་པོའི་ཚོགས་ཀྱིས་བར་དུ་གཅོད་ནས་བདེ་སྡུག་གི་བྱ་བ་ལ་སྤྱོད་པའི་དུས༔ དེའི་དུས་སུ་ཕན་ཐོགས་པར་དགོངས་ནས༔ སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་པ་བྱ་ལོ་ཆོ་འཕྲུལ་ཆེན་པོའི་ཚེས་ལྔ་ནུབ་གུར་དྲག་ཕུར་མཇུག་ཅན་ཞལ་བཞི་ཀ་དམར་པོ་ཅན་གཅིག་གིས་དངོས་སུ་གསུངས༔ དེ་ལྟར་བརྒྱུད་པ་ཉེ་ཞིང་བྱིན་རླབས་ཀྱི་སོ་མ་ཉམས་པ་ཡིན་པས༔ འདིའི་དབང་བསྐུར་ཞིང་བསྙེན་པ་བྱེད་བཅུག་པས་སྲོག་རླུང་དང་བརྒྱལ་གཟེར་གྱི་ནད་ལ་ཕན་པ་ལན་མང་དུ་མྱོང་བས་འགྲུབ༔ དེ་ལྟ་བུའི་དབང་ཞུ་བའི་ཕྱིར་ཐོག་མར་གསོལ་བ་འདེབས་པ་འདིའི་རྗེས་ཟློས་གྱིས༔ རྩ་བ་གསུམ་གྱི་ལྷ་ཚོགས་དང་༔ བླ་མ་དྲག་པོ་འཁོར་བཅས་ལ༔ བདག་གིས་རྩེ་གཅིག་གསོལ་བ་འདེབས༔ བདག་ལ་དབང་བསྐུར་བསྩལ་དུ་གསོལ༔ ད་སྐྱབས་འགྲོ་སེམས་

[Full Size]

བསྐྱེད་འདིའི་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོད་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་བསྐྱེད་ནས༔ སེམས་ཅན་ཐམས་ཅད་མགྲོན་དུ་གཉེར༔ བྱང་ཆུབ་སྤྱོད་པ་མཆོག་སྤྱད་ནས༔ འགྲོ་ཕན་སངས་རྒྱས་མྱུར་ཐོབ་ཤོག ། གསུམ་མམ་ཚིག་རྗེས་མ་གསུམ༔ ཁྱོད་ནི་རྣལ་འབྱོར་རིགས་སུ་སྐྱེས༔ ང་ཡིས་ཡེ་ཤེས་རྡོ་རྗེ་སྦྱིན༔ བྱིན་པས་དངོས་གྲུབ་ཐོབ་པར་འགྱུར༔ ཏེ་བྱོ་ཛ་ཧུ་ཧཱུྃ་ཕྱོ༔ བཙན་དུག་སྡོང་པོས་བདུད་རྩི་བསྒྲེས་པའི་དམ་ཆུ་སྦྱིན་པར་བསམས་ལ༔ འདི་ནི་ཁྱོད་ཀྱི་དམྱལ་བའི་ཆུ༔ དམ་ཚིག་འདས་ན་སྲེག་པར་བྱེད༔ དམ་ཚིག་བསྲུང་ན་དངོས་གྲུབ་ནི༔ རྡོ་རྗེ་བདུད་རྩིའི་ཆུ་འདིས་འགྲུབ༔ ས་མ་ཡ་ཀ་ཧི་ཧ་ས་ཧཱུྃ༔ སླར་ཡང་གསོལ་འདེབས་འདིའི་རྗེས་ཟློས་མཛོད༔ སངས་རྒྱས་ཀུན་གྱི་རང་བཞིན་སྐུ༔ སློབ་དཔོན་ཁྱེད་ལ་བདག་སྐྱབས་མཆི༔

[Full Size]

མི་བཟད་འཁོར་བའི་རྒྱ་མཚོ་ལས༔ གཙོ་བོ་ཁྱེད་ཀྱིས་བསྒྲལ་དུ་གསོལ༔ ཧ་ཧ་ཧ་ཧ་ཧ་ཧ་ཧ༔ ཧཱུྃ་ཧཱུྃ་ཧཱུྃ་ཧཱུྃ༔ ད་སློབ་མ་ཁྱེད་རང་རྣམས༔ སྟོང་པའི་ངང་ལས་གུར་དྲག་ཕུར་མཇུག་ཅན༔ ཞལ་བཞི་ཕྱོགས་བཞིར་བལྟས་ནས་རྒྱལ་འགོང་འདུལ༔ ཕྱག་བཞི་དང་པོ་གཉིས་ཀྱིས་རྡོ་རྗེ་དང་༔ སྡིག་པ་འཛིན་ཏེ་འོག་གཉིས་གྲི་ཁ་ཊཾ༔ སྐུ་སྨད་ཕུར་པ་དབལ་དང་ལྡན་པ་ནི༔ རྒྱལ་བསེན་སྙིང་ཁར་དབལ་མི་ཐུབ་པར་ཟུག༔ ཨོཾ་ཨཱཿཧཱུྃ༔ གནས་གསུམ་ཡི་གེ་གསུམ་གྱིས་མཚན་པ་ལས་འོད་ཟེར་འཕྲོས་པས་ལྷོ་ནུབ་རྔ་ཡབ་གླིང་ཟངས་མདོག་དཔལ་རི་པདྨ་འོད་ཀྱི་གཞལ་ཡས་སུ་ཨོ་རྒྱན་རིན་པོ་ཆེའི་ཐུགས་ཀར་ཕོག་པས༔ སྐད་ཅིག་གིས་གུ་རུ་དྲག་པོ་ཕུར་མཇུག་ཅན་གྱི་སྐུ་གསུང་ཐུགས་སུ་ཁྲོས་ནས་འུར་སྒྲ་ཆེམ་སྒྲ་དང་བཅས་ཏེ་བྱོན་ནས་ཁྱེད་རང་རྣམས་ལ་ཐིམ་པར་སྒོམས་ཤིག༔ དབྱངས་རོལ་མོ་སྤོས་དང་བཅས༔ ཧཱུྃ༔ གུར་དྲག་ཕུར་མཇུག་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་སྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ རྩ་སྔགས་དང་༔ བཛྲ་ཨཱ་ཝེ་ཤ་ཡ་ཨ་ཨཱ༔ ཞེས་

[Full Size]

མང་དུ་བརྗོད༔ རྡོ་རྗེ་མགོར་བཞག་ལ༔ ཏིཥྛ་བཛྲ༔ དེ་ནས་བུམ་པ་ཐོགས་ལ༔ ཧཱུྃ༔ འདི་ནི་གནམ་ལྕགས་གཞལ་ཡས་ཁང་༔ དེ་ནང་བླ་མ་དྲག་པོ་ནི༔ གསལ་བ་ཁྱེད་ཀྱི་མགོར་བཞག་པས༔ བླ་མ་དྲག་པོའི་དབང་ཐོབ་ཤོག༔ ཀུམ་བྷ་ས་ནི་ཨ་ཡེ༔ འབའ་འབུ་ཨ་ཡི་ཀ་ཀི་ཀ་ཀོ༔ རྩ་སྔགས་བརྗོད་ཅིང་བུམ་པ་མགོར་བཞག་བུམ་ཆུ་བླུད༔ སྐུ་གཟུགས་ཐོགས་ལ༔ ཧཱུྃ༔ འདི་ནི་བླ་མ་དྲག་པོའི་སྐུ༔ སྐྱེས་བུ་སློབ་མ་ཁྱོད་ཀྱི་ནི༔ སྤྱི་བོར་བདག་གིས་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ལྷབ་ལྷབ་པ་ལྡི་མ་པ་སྐུ་་ཧ་སྱ་ཡེ༔ ཧཱ་ཏྲ་ཀ་ལེ་ཀི་ལེ་ཀ་ས་ལེ་སི་ལེ་པ་ཏཾ༔ བ་ལེ་བི་ལེ་བ་ཏཾ༔ ཧ་ཧཱུྃ་ས་ཏིམ་ས་ཏིམ་རྩ་སྔགས༔ ཀཱ་ཡ་ཨ་བྷི་ཊིཉྩ་ཧཱུྃ༔ དེ་ནས་རྡོ་རྗེ་ལག་ཏུ་ཐོགས་ལ༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་གནམ་ལྕགས་རྡོ་རྗེ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ རྩ་སྔགས༔ བཛྲ་ཨ་བྷི་ཥིཉྩ་ཧཱུྃ༔ དེ་ནས་རལ་གྲི་ལག་ཏུ་ཐོགས་ལ༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་རལ་གྲི་འབར་བ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཏིཀ་ན་ཨ་བྷི་ཥིཉྩ་ཧཱུྃ༔ དེ་

[Full Size]

ནས་སྡིག་པ་ལག་ཏུ་ཐོགས་ལ༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་ལྕགས་སྡིག་མགོ་དགུ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ རྩ་སྔགས༔ རཀྟ་ཨ་བྷི་ཥིཉྩ་ཧཱུྃ༔ དེ་ནས་ཁ་ཊཾ་ལག་ཏུ་ཐོགས་ལ༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་ཁ་ཊཾ་འབར་བ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ རྩ་སྔགས༔ ཏྲི་ཤུ་ལ་ཨ་བྷི་ཥིཉྩ་ཧཱུྃ༔ མར་མེ་ཕུལ་ནས་ཕྱག་འཚལ་བའི་མོས་པས་རྗེས་ཟློས་མཛོད༔ མ་ཧཱ་གུ་རུ་ཙིཏྟ་མ་མ་ཏ་རི་ཀླུ་ཥ་བྱ་ན་ཧྱ༔ འབྲས་སྙེ་ཐོགས་ལ༔ ཧཱུྃ༔ འདི་ནི་རིན་ཆེན་འབྲས་སྙེ་སྟེ༔ ཁྱོད་ཀྱི་མགྲིན་པར་བཞག་པ་ཡིས༔ དྲག་པོ་ཕུར་མཇུག་གསུང་དབང་ཀུན༔ མ་ལུས་ཁྱོད་ཀྱིས་ཐོབ་པར་ཤོག༔ ཨ་ཀྵི་ཧ་ཀྱི་པ༔ ཀྱི་ཀྱི་ཀླུ་བེ་གེ་ན་ཧ་ཡ་སྭཱ་ཧཱ༔ ཀྱེ་ཀྱེ་་ཧེ་ཧི་ཧེ་བྱེ་ཀ་ཏི་ཀ་ཀ་ཏི༔ དུང་དཀར་ཐོགས་ལ༔ ཧཱུྃ༔ དུས་གསུམ་རྒྱལ་བ་མ་ལུས་ཐམས་ཅད་ཀྱི༔ གཡས་འཁྱིལ་རྩ་རྗེས་ཡོངས་རྫོགས་དོད་པ་འདི༔ བུ་ཁྱོད་སྙིང་ཁར་བཞག་པའི་བྱིན་རླབས་ཀྱིས༔ དྲག་པོ་ཕུར་མཇུག་ཐུགས་དབང་ཐོབ་བར་ཤོག༔ ཨ་ཨ་ཨ་ཨ་ཨ༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཧ་ཧ་ཧ་ཧ་ཧ་ཧ་

[Full Size]

ཧ༔ ཀ་ཏིམ་ཡ་ན༔ ག་ཀོ་བང་བ་ཏི༔ ཞིང་དབྱུག་གམ་ཐོད་ཕྲེང་ཐོགས་ལ༔ ཧཱུྃ༔ སློབ་མ་རིགས་ཀྱི་བུ་ཁྱོད་ལ༔ ཞིང་དབྱུག་ཐོད་ཕྲེང་དབང་བསྐུར་བས༔ དྲག་པོ་ཕུར་མཇུག་ལྷ་ཚོགས་ཀྱི༔ སྐུ་གསུང་ཐུགས་ཡོན་དབང་ཐོབ་ཤོག༔ གྷི་ཧུ་ར་ཧ་གྱ༔ ཧེ་ཨ༔ ཧཱུྃ་ཧཱུྃ༔ ད་གཏོར་མ་འདི་ཉིད་གུར་དྲག་ཕུར་མཇུག་ཅན་མངོན་སུམ་དུ་གསལ་བ་ཁྱེད་རང་གི་སྤྱི་བོར་བྱོན་འོད་དུ་ཞུ་ཁྱེད་རང་ལ་ཐིམ་པར་སྒོམས་ཤིག༔ ཧཱུྃ༔ གཏོར་མ་འདི་ནི་གུར་དྲག་ཕུར་མཇུག་ཅན༔ མ་ལུས་འཁོར་བཅས་ལྷམ་མེར་བཞུགས༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་རྫོགས་ཐོབ་པར་ཤོག༔ བཅོམ་ལྡན་རིགས་བདག་སྣང་བ་མཐའ་ཡས༔ གུ་རུ་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ལྷ་མཆོག་རྡོ་རྗེ་གཞོན་ནུ༔ ལྷ་བཞི་གཅིག་བསྡུས་གུ་རུ་དྲག་པོ་ཕུར་མཇུག་ཅན་གྱིས་སློབ་མ་འདི་ལ་བྱིན་གྱིས་བརླབ་པ་དང་དབང་བསྐུར་བར་མཛད་དུ་གསོལ༔ བརྒྱལ་ནད་སྨྱོ་འབོག་སྲོག་རླུང་སྟོད་འཚངས་ལྕི་ཞིང་འཐིབས་པ་དང་བརྒྱལ་ཞིང་འབོགས་པའི་ནད་ཐམས་ཅད་ད་ལྟ་ཉིད་དུ་ཞི་བར་མཛད་དུ་གསོལ༔ ཕོ་གདོན་རྒྱལ་པོ་འགོང་པོ་སྤུན་

[Full Size]

དགུ༔ དམ་སྲི་དམར་ནག་རྒྱ་འདྲེ་གསར་རྙིང་༔ གདུག་འདྲེ་དམ་སྲི་རིགས་ཐམས་ཅད་ཀྱི་གནོད་པས་མི་ཚུགས་པར་སྲུངས་ཤིག༔ དུས་ད་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ་རྗེས་སུ་འཛིན་པར་མཛད་དུ་གསོལ༔ མ་ཉི་ཏ་ཡ་ཀ་ཏི་ཧུ༔ ཧ་སྱ་ལ་མྱ་སེ་ལེ་ཡེ༔ ལྕེ་ལྕེ་མྱ་ཏྱ་རྒྱ་ཧཱུཾ་ཧཿ ཨོཾ་ཨཱཿཧཱུཾ་ཨརྩིག་ནིརྩིག་ན་མོ་བྷ་ག་ཝ་ཏེ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ བཛྲ་པཱ་པ་ནན༔ བཛྲ་རཀཱ་ནན༔ ཧེ་ལ་མ་ནན༔ བྷ་ལ་དྷཱ་ན་ནན༔ གུ་ཧུ་ཏི་ལ་ནན༔ བཛྲ་དྷ་དྷི་ནན༔ ཏི་ལ་ཏི་ལ་ནན༔ བཛྲ་བཛྲ་ཧ་ཕྱུང་རཀྵ་རཀྵ༔ སི་ཏ་འུ་སུ་ནན༔ རྭ་ཙ་ཨ་མུ་ཀ༔ ཙིཏྟ་རྦད༔ ཚྭ་ས་རྦད༔ རཀྟ་རྦད་རྦད༔ ཀཾ་ནི་རི་ཏི་རྦད་རྦད༔ གོ་རོ་ཙ་ན་ཆད་ཆད༔ བ་སུ་ཏ་རྦད་རྦད༔ ཙིཏྟ་ཕྱུང་༔ ཙིཏྟ་གཏུབས༔ ཨ་ཏྲི་ལ་ཕི་དྷི་ཡེ་སྭཱ་ཧཱ༔ འོ་དེས་དྲག་པོ་ཕུར་མཇུག་གི་དབང་ལེགས་པར་ཐོབ་པ་ཡིན་པས་ད་ནས་བཟུང་སྟེ༔ རང་ཉིད་གུ་རུ་དྲག་པོར་བསྒོམ༔ རང་གི་མེ་ཡི་ཚྭ་ཚྭ་ལས༔ རང་འདྲའི་གུ་རུ་དྲག་པོ་རེ༔ གདོན་བགེགས་རྒྱལ་བསེན་མི་ཚུགས་བསྒོམ༔ གཟུགས་རྣམས་ཐམས་ཅད་གུར་དྲག་བསྒོམ༔ སྒྲ་རྣམས་ཐམས་ཅད་དྲག་སྔགས་

[Full Size]

བསྒོམ༔ གནོད་བྱེད་རྒྱལ་བསེན་མི་ཚུགས་བསྒོམ༔ དེ་ལྟར་ཉམས་སུ་ལེན་སྙམ་པས་རྗེས་ཟློས་མཛོད༔ ཀ་ཏི་ཀ་པ་མ་ཡ༔ ཨ་མྲྀ་ཏ་ལའི༔ ཧ་ལ་ཧ་ལ་པ་གྷ་ས་མ་ཡ༔ ཨ་དྷེ་ཝ་ཨ་ས་མ་ཡ༔ ན་ར་ཀ་ག་ཛཱ་སྭཱ་ཧྭ༔ མཎྜལ་ཕུལ༔ ས་གཞི་སྤོས་སོགས། འདི་བཀའ་རྒྱ་དགོས་ཤིང་ཤིན་ཏུ་གཉན་པས་མང་དབང་མི་རུང་༔ ཡོན་ཏན་ཅན་ནམ་སྔོན་བསྙེན་སྒྲུབ་འགའ་རེ་ཐོན་ཀྱང་༔ སྲོག་རླུང་རྒྱལ་གཟེར་ནད་བྱུང་བས་ཅིས་ཀྱང་མ་ཕན་པ་ལ་འདིའི་གེལ་དབང་མང་དུ་བསྐུར་ཏེ༔ འདིའི་མངོན་རྟོགས་བྱིན་ནས་བསྙེན་པ་བྱེད་བཅུག་ན་ངེས་པར་ཕན༔ སྔོན་དུ་བསྙེན་སྒྲུབ་ཅི་མང་མ་ཐོན་པའི་གསར་བུས་ནི་རྒྱུན་བསྙེན་ཕྲེང་བསྐོར་ཡ་ཟུང་ཙམ་རུང་གི༔ དུས་གཅིག་ཚན་ཆེན་བཟླས་ན་མི་ནོན༔ རེ་ཞིག་ཐུ་འོང་བས་གོང་བསྙེན་གཞན་སོང་མ་སོང་དང་བསྟུན༔ འདིའི་བསྙེན་པ་འབུམ་ཕྲག་ལྷག་སོང་ཡང་བདེ་ཁ་མ་བྱུང་ན༔ ལས་སྦྱོར་གྱི་དམིགས་པ་དང་སྔགས་རིང་སྦྱར་ལ་བཟླས་པས་ངེས་པར་ཕན༔ རང་ལ་བརྒྱལ་ནད་སོགས་མེད་ཀྱང་༔ དུས་ཀྱི་དབང་གིས་རྒྱལ་འགོང་གི་གནོད་པ་ཆེ་བར་འདུག་པ་ལ༔ དྲན་རྫོགས་སུ་བསྒོམས་ནས་བསྙེན་པ་ཅུང་ཟད་རྒྱུན་བསྙེན་བྱས་ན་རང་སྲུང་གི་མཆོག་ཡིན་ཏེ༔ རྒྱལ་འགོང་གི་རིགས་བྱེ་བ་དུང་ཕྱུར་སོགས་ཡོད་པས༔ རང་ལ་གནོད་པའི་རྒྱལ་འགོང་གང་ཡིན་པ་དེའི་སྙིང་དཀར་ནག་མཚམས་སུ་སྐུ་སྨད་ཕུར་པའི་རྩེ་དམ་དུ་ཟུག་པར་བསྒོམ་པ་གནད་ཡིན་ནོ༔ ཞེས་པ་

[Full Size]

གནམ་ཆོས་ལས་བྱུང་བའི་སྒྲུབ་ཐབས་དང་ལས་ཚོགས༔ གཟུངས་དབང་རྣམས་དབང་བཤད་ཀྱིས་བརྒྱན་ཏེ་ཁྱེར་བདེ་བར་རཱ་ག་ཨ་སྱས་བསྒྲིགས་པའི་ཡི་གེ་པ་ནི་དགེ་སློང་བརྩོན་འགྲུས་ཏེ༔ འདི་ལ་སྦ་འོས་གསལ་བར་བཀོད་པའི་ཉེས་པ་གང་མཆིས་གིང་གི་མགོན་པོ་འཁོར་དང་བཅས་པ་ལ་བཤགས་སོ༔ བཟོད་པར་བཞེས་ཤིག༔ འདི་བྲིས་པའི་དགེ་བས་འདི་དང་འབྲེལ་པ་ཐོགས་ཚད་གདུག་འདྲེའི་གནོད་པ་ཞི་ནས་ལུས་སེམས་བདེ་བ་དང་ལྡན་ནས༔ སྡུག་བསྔལ་དང་བྲལ་བར་གྱུར་ཅིག༔ མངྒ་ལཾ༔ བྷ་ཝནྟ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ གུར་དྲག་ཕྱི་ནང་གསང་བ་ཡང་གསང་བཞིའི་དབང་གཅིག་ཏུ་བསྡོམས་པ།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ གུར་དྲག་ཕྱི་ནང་གསང་བ་ཡང་གསང་བཞིའི་དབང་གཅིག་ཏུ་བསྡོམས་པ་ཡོད༔

[Full Size]

གུ་རུ་དེ་བ་ཌཱཀི་ནི་ཧཱུྃ༔ བླ་མ་དྲག་པོའི་དབང་བསྐུར་ནི༔ གང་བྱེད་སྒྲུབ་ཐབས་ལྟར་དུ་བསྒྲུབ༔ གཅིག་ཏུ་བསྡུ་ན་གསུམ་ཀ་བསྒྲུབ༔ རང་ཉིད་གུ་རུ་དྲག་པོ་ནི༔ དམར་པོ་ཞལ་གཅིག་ཕྱག་གཉིས་པ༔ གཡས་པས་རྡོ་རྗེ་གཡོན་སྡིག་པ༔ གནས་ལྔར་གོ་ཆ་ལྷ་ལྔ་དང་༔ སྤྱི་བོར་ཁྱུང་དང་རིགས་ཀྱི་བདག༔ གཡོན་ནས་ཡུམ་ཆེན་དམར་མོ་འཁྱུད༔ པད་ཉི་དགྲ་བགེགས་གདན་ལ་བཞུགས༔ ཡབ་ཡུམ་གནས་གསུམ་འབྲུ་གསུམ་ལས༔ འོད་ཟེར་དཔག་མེད་འཕྲོས་ནས་ནི༔ དོན་གཉིས་བྱས་ཏེ་ཡེ་ཤེས་པ༔ སྤྱན་དྲངས་ཐིམ་ཞིང་དབང་བསྐུར་

[Full Size]

གྱུར༔ ཨོཾ་ཨརྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཨཱཧཱུྃ་ཕཊ༔ མདུན་བསྐྱེད་གུ་རུ་དྲག་པོ་ནི༔ ཞལ་གཅིག་ཕྱག་གཉིས་སྐུ་མདོག་དམརཿ༔ གཡས་པས་རྡོ་རྗེ་གཡོན་སྡིག་པ༔ ཁྲོ་བོའི་ཆས་རྣམས་མ་ལུས་རྫོགས༔ གནས་ལྔར་ཐོད་ཕྲེང་སྡེ་ལྔ་ཡི༔ ཐུགས་ཀར་གོ་ཆ་ལྷ་ལྔ་གསལ༔ སྤྱི་གཙུག་རིགས་བདག་གཤོག་རྩེར་ཁྱུང་༔ གཡོན་ནས་ཡུམ་མཆོག་དམར་སེར་འཁྱུད༔ ཕྱོགས་བཞི་རིགས་བཞི་དྲག་པོ་རྩལ་ཕྱོགས་མཚམས་སྟེང་འོག་ཁྲོ་བོ་བཅུ༔ ཕྱོགས་བཞིར་རྒྱལ་པོ་ཆེན་པོ་བཞི༔ ཕྱག་ན་རྡོ་རྗེའི་ཐུགས་ཀ་རུ༔ གནམ་ལྕགས་འཁོར་ལོ་རྩིབས་དང་

[Full Size]

ལྡན༔ དེ་ཡི་དབུས་སུ་ཧཱུྃ་དམར་ལ༔ རྩ་སྔགས་ཀྱིས་ནི་གཡས་སུ་བསྐོར༔ གཞན་ཡང་འཁོར་གྱི་ས་བོན་དང་༔ ཧཱུྃ་དམར་ལས་ནི་འོད་ཟེར་འཕྲོས༔ བསྐྱེད་པ་དེ་ལྟར་རང་གནས་ནས༔ སྤྱན་དྲངས་ཐིམ་ནས་དབང་བསྐུར་གྱུར༔ མཆོད་འབུལ་ཕྱག་འཚལ་བསྟོད་པར་བགྱི༔ ཨོཾ་ཨརྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཨ་ཕཊ༔ བཛྲ་ཧཱུྃ༔ ཡཀཱ་ཧཱུྃ༔ རཀྵ་ཧཱུྃ༔ བུམ་ལྷ་གུ་རུ་དྲག་པོ་ནི༔ སྐུ་མདོག་དམར་པོ་ཞལ་གཅིག་པ༔ ཕྱག་བཞི་གྲི་ཐོད་རྡོར་སྡིག་འཛིན༔ ཁྲོ་བོའི་ཆས་ཀུན་ཡོངས་སུ་རྫོགས༔ ཞབས་བཞི་པད་ཉིར་བགྲད་དེ་བཞུགས༔ སྤྱི་བོར་ཨུ་རྒྱན་པདྨ་བསམ༔ གནས་ལྔར་གོ་ཆ་ལྷ་ལྔ་བསྐྱེད༔ འོད་འཕྲོས་རྒྱལ་བའི་བྱིན་རླབས་ཀུན༔ བསྡུས་ནས་བུམ་པའི་ཆུ་ལ་ཐིམ༔ ཨོཾ་ཨཱཧཱུྃ་ཨརྩིག་ནེ༔ རྩིག་ན་མོ་བྷ་ག་ཝ་ཏེ་ཧཱུྃ་ཕཊ༔ ཨ་ཧཱུྃ་ཕཊ༔ གཏོར་མ་སྐད་ཅིག་གུ་རུ་དྲག་པོའི་སྐུ༔ ཞལ་གསུམ་ཕྱག་དྲུག་གཡས་ཞལ་དཀར་པོ་སྟེ༔ གཡོན་ཞལ་སྔོན་པོ་དང་པོ་གཉིས༔ གྲི་གུག་ཐོད་ཁྲག་དེ་ཡི་འོག༔ རྡོ་རྗེ་སྡིག་པ་དེ་འོག་གཉིས༔ རལ་གྲི་ཁ་ཊཾ་འཛིན་པ་སྟེ༔ སྐུ་མདོག་དམར་པོ་མེ་དཔུང་འབར༔ དུར་ཁྲོད་ཆས་ཀྱིས་སྐུ་ལ་

[Full Size]

བརྒྱན༔ ཞབས་གཉིས་བརྐྱང་བསྐུམ་འདོར་ཐབས་བགྲང༔ གནས་ལྔར་པད་འབྱུང་རིགས་ལྔ་བཞུགས༔ གཡོན་ན་ཡུམ་མཆོག་སྔོན་མོ་འཁྱུད༔ དེ་ཡི་ཐུགས་ཀའི་ས་བོན་ལས༔ འོད་ཟེར་འཕྲོས་ནས་སྤྱན་དྲངས་གྱུར༔ ཨོཾ་ཨཱཿཧཱུྃ་ཧི༔ ཨརྩིག་ནེརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཱ་ཧཱུྃ་ཧཱུྃ་ཕཊ༔ བཛྲ་ཧཱུྃ༔ ཡཀྵ་ཧཱུྃ༔ རཀྵ་ཧཱུྃ༔ བདག་མདུན་བུམ་པ་གཏོར་མ་ལ༔ དེ་ལྟར་དབང་བསྙེན་ཅི་འགྲུབ་བརྗོད༔ ཨོཾ་ཨཱཧཱུྃ་གུ་རུ་ཀྲོ་དྷ་ས་པ་རི་ཝཱ་ར་ཨ་མྲྀ་ཏ་བ་ལི་ཏ་རཀྟ་ཁཱ་ཧི༔ ཨགྷཾ་སོགས། ཧཱུྃ༔ སྲིད་གསུམ་ཟིལ་གནོན་རྡོ་རྗེས་རྒྱལ་བསེན་འཇོམས༔ དམར་ནག་མེ་ཕྲེང་སྤྱན་གསུམ་སྡང་མིག་བགྲད༔ རྒྱལ་བསེན་སྟེང་དུ་ཞབས་གཉིས་གྱད་ལྟར་བགྲད༔ གུར་དྲག་སྡིག་པ་འཛིན་ལ་ཕྱག་འཚལ་བསྟོད༔ དེ་ནས་སློབ་མ་འཚོགས་ནས་ཁྲུས་བྱས་མཎྜལ་ཕུལ་ནས༔ འོ་ན་ད་ལམ་དབང་འདིའི་ལོ་རྒྱུས་ཟུར་ཙམ་ཞུ་ན༔ འོག་མིན་གྱི་གནས་སུ་བཅོམ་ལྡན་འདས་ཀུན་ཏུ་བཟང་པོ་ལ་རིགས་ལྔའི་སངས་རྒྱས་བྱང་སེམས་དཔག་ཏུ་མེད་པས་བསྐོར་ནས་བཞུགས་པའི་ཚེ༔ སྤྱན་རས་གཟིགས་ཀྱིས་ཞུས་པའི་ངོར༔ ཀུན་ཏུ་བཟང་པོས་འོད་དཔག་མེད་ལ་བཀས་བསྐུལ་ཏེ་གུ་རུ་དྲག་པོའི་

[Full Size]

རྒྱུད་འོད་ཟེར་འབྱུང་གནས་དང་༔ དྲེགས་པའི་སྙིང་འབྱིན་ལ་སོགས་པ་གསུངས་སོ༔ དེའི་ཚེ་ན་ལྷ་མ་སྲིན༔ མི་མ་ཡིན་པ་ཐམས་ཅད་འཁྲུགས༔ སྡེ་བརྒྱད་རླུང་ལྟར་འཚུབ༔ མི་མ་ཡིན་གློག་ལྟར་འཁྲུགས་པའི་ཚེ་ན་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སློབ་དཔོན་པདྨའི་དྲུང་དུ་བྱུང་ནས༔ དུས་མཐའི་སྡེ་བརྒྱད་གདུག་རྩུབ་འདུལ་བྱེད་པ༔ པདྨ་དྲག་པོའི་རྫུ་འཕྲུལ་བསྟན་དུ་གསོལ༔ ཞེས་ཞུས་པ་དང་༔ གུ་རུ་པདྨ་ཁྲོས་པའི་སྐུར་བསྟན་ཏེ༔ ཧཱུྃ༔ དབང་ཆེན་གྱི་ང་རོས་བཀའ་བསྩལ་པས་སྡེ་བརྒྱད་བརྒྱལ་ལོ༔ བརྒྱལ་སངས་ཏེ༔ ས་མ་ཡ་ཧཱུྃ་ཕཊ་ཅེས་དམ་ལ་བཏགས་ནས༔ སངས་རྒྱས་འདུས་པའི་ཁྲོ་བོ་ལས༔ ནུས་པ་ཆེ་བ་གཞན་གར་ཡོད༔ བདེ་གཤེགས་ཀུན་གྱི་རྩལ་བསྡུས་པས༔ མཐུ་སྟོབས་མི་ཆེ་ཀ་མེད་ཡིན༔ སྡེ་བརྒྱད་ཀྱི་སྙིང་འདོད༔ ཤ་ཁྲག་འདོད༔ ཙིག་གཏུམ་ཞེས་པས་སྡེ་བརྒྱད་ཐམས་ཅད་ཀྱི་ཙིཏྟ་ཐང་ལ་བྲུལ་ནས་སླར་བརྒྱལ་ལོ༔ ཡང་སོས་ནས་གདུག་པའི་སྡེ་བརྒྱད་མི་མ་ཡིན༔ ངས་ཟས་སུ་ཕོ་འདྲེའི་ཤ་ལ་བྲཱ༔ སྐོམ་དུ་མོ་འདྲེའི་ཁྲག་ལ་འཐུང་༔ ལས་སུ་མ་ནིང་རུ་ཏྲ་བསྒྲལ༔ ཙིག་ཧཱུཾ་ཞེས་

[Full Size]

པས་སྡེ་བརྒྱད་འགལ་བྱེད་ཀྱི་ཙིཏྟ་གསོལ་ཏེ་ཤ་རུས་ཀྱི་ཕུང་པོ་སྡིག་པའི་ཟས་སུ་བསྟབས་ནས༔ ཉིན་མཚན་དུ་སྡེ་བརྒྱད་གྲངས་མེད་པ་བསྒྲལ་ནས་གསོལ་བས༔ སླར་སྡེ་བརྒྱད་སྐྱབས་སུ་གསོལ་ནས་ཉིན་མཚན་རེ་ལ་སྡེ་བརྒྱད་གསུམ་གསུམ་གྱི་ཤ་ཁྲག་ཚོགས་སུ་ཕུལ་ནས་གཞན་མི་བསད་པར་ཞུས་སོ༔ སྡེ་བརྒྱད་ཀྱི་ཤ་ཁྲག་སྤྱོད་དུས་སྡེ་བརྒྱད་འཚོགས་ཤོ་བརྒྱན་བྱས་ཏེ༔ སྡེ་བརྒྱད་གཞན་གྱིས་མི་གསོད་པའི་དབང་མེད་པར་བསད་ཅིང་ཁྲག་འཐུང་གཙོ་འཁོར་གྱི་ཟས་སུ་སྤྲད་དོ༔ སྡེ་བརྒྱད་དམ་ལ་སུ་འགལ་དེ་གྲངས་མེད་སྡིག་པས་གསོན་ཟས་བྱེད་པས་སྡེ་བརྒྱུད་འཚོགས་ཤིང་ཤོ་རྒྱབ་བྱེད་པ་དང་༔ ཉེས་པ་ཡོད་པའི་སྡེ་བརྒྱུད་བཀའ་ལས་འགལ་བ་དེ་ཟས་སུ་སྤྱོད་དུས་སུ་སྐྱབས་མགོན་མ་རྙེད་ནས་མྱོས་ནས་ཀུ་ཅོ་ལྷང་ལྷང་འདོན་ཏེ༔ དབང་མེད་དུ་སྡེ་བརྒྱད་ཟླ་འོས་ཁྲིད་ནས་ཡཀཱ་མེ་དབལ་ལ་སྤྱད་ཅིང་ཊཀི་རཱ་ཛས་བཟུང་སྟེ་ཁྲག་འཐུང་གཙོ་འཁོར་གྱི་ཚོགས་འཁོར་བྱེད་དོ༔ དུས་གཉན་བཞི་ལ་སྡེ་བརྒྱད་འཚོགས་ཏེ་དབང་དྲག་གིས་སྡེ་བརྒྱད་རྣམས་ལ་ཉེས་པ་སུ་ལ་འདུག༔ སེམས་ཅན་ལ་གནོད་པ་སུས་བྱས༔ རྣལ་འབྱོར་པ་ལ་བར་ཆད་སུས་བྱས༔ དམ་

[Full Size]

ལས་སུ་འགལ༔ བཀའ་ལས་སུ་འདའ་རྣམས་ལྟ་ཞིང་༔ རྩིས་མགོ་ལ་མཁས་པ་འཇམ་དཔལ་གྱི་རྡེའུ་འགྲ༔ སྨྲ་བརྗོད་ལ་གཙོ་བོ་རྟ་མགྲིན་གྱིས་ཤགས་འདེབས༔ མཐུ་སྟོབས་ལ་གཙོ་བོ་ཕྱག་ན་རྡོ་རྗེས་ཆད་པ་གཅོད་དེ༔ བསྟན་པ་ལ་གནོད་པ་ཐམས་ཅད་གསོན་སྲེག་བྱེད་དེ༔ ཆོས་ལ་བར་དུ་གཅོད་པ་སྡིག་པས་གསོན་ཟས་བྱེད༔ རྣལ་འབྱོར་པ་ལ་བར་དུ་གཅོད་པ་ཐམས་ཅད་འཁོར་ལོས་གཏུབས༔ མཚོན་ཆས་གསོད༔ སྡིག་པས་ཟ་ཞིང་སེམས་ཅན་ལ་གནོད་པ་ཐམས་ཅད་སྡིག་པས་བཟུང་གསོད་བྱེད་པ་ལ་དེ་ནས་སྡེ་བརྒྱུད་ཐམས་ཅད་འདུས་ཏེ་བཀའ་ལས་མི་འདའ་བའི་དམ་བཅའ་བྱས༔ དམ་ལས་མི་འགལ་བའི་བྲོ་བོར༔ ཆོས་སྒྲུབ་པ་ལ་བར་ཆད་མི་བྱེད་པར་ཁས་བླངས༔ རྣལ་འབྱོར་གྱི་བྲན་དུ་བྱས༔ སེམས་ཅན་ལ་མི་གནོད་པའི་ཁྲིམས་བྱས་ནས་ཚེས་བཅུ་ལ་གུ་རུ་དྲག་པོའི་དྲུང་དུ་ཆོས་ཞུ་ཞིང་ཆོས་ཀྱི་འཁོར་ལོ་བསྐོར་བ་ལས༔ སེམས་ཅན་དོན་དུ་ལྷ་སྲིན་བཅོམ༔ སྡེ་བརྒྱད་ཁྱེད་རྣམས་སྙིང་རེ་རྗེ༔ རྗེས་སུ་བཟུང་བས་འདྲེ་ཡིན་ཡང་༔ མཐར་ཐུག་བདེ་བ་ཆེན་པོའི་སྐུ༔ གཉིས་མེད་ངང་དུ་སངས་རྒྱའོ༔ ཞེས་དྲག་པོ་ཁྲག་འཐུང་

[Full Size]

རོལ་པའི་རྒྱུད་ལས་གསུངས༔ གུར་དྲག་འདིའི་རིགས་ལ་གཏེར་ཁ་མང་དུ་ཡོད་ཀྱང་༔ ད་རེས་འདི་ནི་གནམ་ཆོས་སྙན་བརྒྱུད་ཡིན་ཏེ༔ ཆོས་ཡང་དག་པར་སྡུད་པའི་མདོ་ལས༔ བྱང་ཆུབ་སེམས་དཔའ་བསམ་པ་ཕུན་སུམ་ཚོགས་པ་ལ་ལ་ནི་སངས་རྒྱས་མི་བཞུགས་ན་ཡང་ནམ་མཁའི་དཀྱིལ་དང་༔ རྩིག་པ་དང་ཤིང་རྣམས་ལས་ཆོས་འབྱུང་ངོ་༔ ཞེས་གསུངས་པ་ལྟར་སྤྲུལ་སྐུ་མི་འགྱུར་རྡོ་རྗེ་བདུད་འདུལ་རོལ་པ་རྩལ་ཞེས་གཏེར་ཁ་དུ་མ་ནས་ལུང་བསྟན་པ་དེ་ཉིད་དགུང་ལོ་བཅུ་གསུམ་བྱ་ལོ་ནག་པ་ཟླ་བའི་ནང་དུ་ནམ་མཁའི་དཀྱིལ་ནས་གུ་རུ་དྲག་པོ་ཡང་ཡང་ཞལ་གཟིགས་ནས༔ འདིའི་རྒྱུད་སྒྲུབ་ཐབས་ལས་ཚོགས་དང་བཅས་པ་དངོས་སུ་གནང་ནས་བརྒྱུད་པ་ཉེ་ཞིང་བྱིན་རླབས་ཀྱི་སོ་མ་ཉམས་པའོ༔ སྤྱིར་གུར་དྲག་འདི་ལྷ་གཞན་ལས་བྱིན་རླབས་ཆེ་ཞིང་འགྲུབ་ཐག་ཉེ་བ་སྟེ༔ དྲག་པོ་ཕྲིན་ལས་ཀྱི་རྒྱུད་ལས༔ དངོས་གྲུབ་གཞན་ལས་འདི་དག་ཆེ༔ འགྲུབ་ཐག་གཞན་ལས་མྱུར་བ་སྟེ༔ མཆོག་དང་ཐུན་མོང་དངོས་གྲུབ་རྣམས༔ ཞག་བདུན་འགྲུབ་འགྱུར་ཐེ་ཚོམ་མེད༔ ཅེས་དང་༔ རྩ་རྒྱུད་མན་ངག་གི་ཏན་ལས༔ ཁྲི་ཕྲག་གཅིག་གིས་སྡེ་

[Full Size]

བརྒྱད་ཐུལ༔ སྟོང་ཕྲག་གཅིག་གིས་དམ་སྲི་ཆོམ༔ བརྒྱ་ཕྲག་གཅིག་གིས་རྒྱལ་བསེན་ཆུན༔ མཆོག་ལ་འབུམ་ལས་མི་དགོས་སོ༔ འབུམ་ཕྲག་ཉི་ཤུ་སོང་བའི་མི་རྟོགས་ལྡན་རྣལ་འབྱོར་དབང་ཕྱུག་ཡིན༔ ལྷ་སྲིན་སྡེ་བརྒྱད་དེ་ལ་སྐྱོབ༔ སྲ་བའི་གོ་གྱོན་བཙན་མཁར་ཟིན༔ དད་ཅན་རྒྱུན་ཁྱེར་ཉམས་ལེན་སྲིད༔ དེ་ལས་བསྒྲུབ་པར་མ་གསུངས་སོ༔ འོན་ཀྱང་དངོས་གྲུབ་དེ་ནས་ཀྱང་༔ མཆོག་དང་ཐུན་མོང་སྦག་མ་ཡིན༔ ཉིད་ལས་མི་ཞན་རྣལ་འབྱོར་ཐོབ༔ ཅེས་གསུངས་པ་དང་༔ གུ་རུ་དྲག་པོའི་པྲ་ཁྲིད་ཨུ་རྒྱན་ཉིད་ཀྱིས་གསུངས་པ་ལས༔ རྒྱུན་དུ་བཟླས་པས་སྒྲིབ་བྱང་ནས༔ བླ་མ་ཉིད་དང་འདུ་འབྲལ་མེད༔ དུས་གསུམ་རྒྱལ་བ་སྤྲིན་ལྟར་འདུ༔ མ་ཚོགས་མཁའ་འགྲོས་བསྒོ་བ་ཉན༔ འབྱུང་པོ་དྲེགས་པ་བརྒྱལ་ཞིང་འབྲོས་ལྷ་སྲིན་སྡེ་བརྒྱད་བྲན་གཡོག་བྱེད༔ དེ་བས་དམ་ཅན་རྒྱ་མཚོའི་ཚོགས༔ ལུང་སྟོན་ཆོས་འཆད་ལེགས་ཉེས་ས༔ འདྲེ་གདོན་ཀུན་ལ་སྤྲིང་ཡིག་ཐེངས༔ དགྲ་བགེགས་གཉིས་ལ་ཁྲོས་པས་སྒྲོལ༔ ལོག་པར་ལྟ་བ་དྲན་པས་འདུལ༔ འདི་ལས་དངོས་གྲུབ་བརྗོད་མི་ལང་༔ ཕྱི་མ་ཨུ་རྒྱན་ཡུལ་དུ་སྐྱེ༔ གུ་

[Full Size]

རུ་ཡབ་ཡུམ་བུ་བཞིན་སྐྱོབ༔ དེ་སོགས་ཡོན་ཏན་བསམ་མི་ཁྱབ༔ དངོས་གྲུབ་སྤྲིན་དུ་འཐོབ་པར་འགྱུར༔ འདི་ལས་ཟབ་པ་ཡོད་རེ་ཀན༔ དགྲ་ལ་རྣོ་ཞིང་བགེགས་ལ་མྱུར༔ སྒྲུབ་ཐག་ཉེ་ཞིང་དམ་ཚིག་སླ༔ རྫས་ཉུང་མཐུ་ཆེ་ཡོན་ཏན་མང་༔ འདི་དང་ལྡན་པའི་རྣལ་འབྱོར་ལ༔ ལྷ་སྲིན་རྣམས་ཀྱིས་སྲོག་སྙིང་ཕུལ༔ འགྲོ་བ་མི་རྣམས་དབང་དུ་གྱུར༔ བསོད་ནམས་ཆེ་ཞིང་བཀྲ་ཤིས་ཕྱུག༔ བསམ་པ་ཀུན་འགྲུབ་ཐེ་ཚོམ་མེད༔ གཞན་ཡང་ཐུགས་སྒྲུབ་འདི་དག་ནི༔ འགྲུབ་རྟགས་ཐེའུ་རང་ལས་མྱུར་སྟོབས་ནི་ཧེ་རུ་ཀ་ལས་ཆེ༔ སྒྲུབ་ཐག་ཉེ་ཕྱིར་སྔགས་ཁྲིས་འགྲུབ༔ སྟོབས་ཆེ་ཕྱིར་ན་ཡ་ཀི་ཡི༔ ཀུན་བཟང་ཡབ་ཡུམ་མན་ཆད་ཐུལ༔ རྣོ་ཚད་ཕྱིར་ན་མ་ཀི་ཡི༔ གྲོང་རྒྱུན་ཐེའུ་རང་གཅིག་ལའང་ཕེབས༔ ཟབ་དང་མི་ཟབ་འགྲན་ཟླ་མེད༔ འདི་ཡི་ཐུན་མོང་དངོས་གྲུབ་ནི༔ བན་དེས་འདྲེ་རྡུང་བྱས་གྱུར་ཀྱང་༔ ཕྱི་མ་ཕྱག་རྒྱ་ཆེན་པོ་བརྙེས༔ འདི་འདྲའི་སྒྲུབ་པ་གཞན་ན་མེད༔ ཡོད་པ་ཨེ་འདུག་ལྟོས་ལ་གྱིས༔ འགྲུབ་མྱུར་སྟོབས་ཆེ་འདི་འདྲ་དཀོན༔ ལས་སླ་དོན་ཆེ་འདི་འདྲ་དཀོ༔ རུ་ང་ཁུང་མེད་འདི་འདྲ་དཀོན༔

[Full Size]

མཆོག་འགྲུབ་མཐུ་ཡོད་འདི་འདྲ་དཀོན༔ ཐུན་མོང་ལས་མེད་མཆོག་འགྲུབ་པའི༔ མཆོག་ཐུན་སྦྲག་མའི་སྒྲུབ་སྡེ་ནི༔ རྣལ་འབྱོར་སྐྱིད་འདོད་ཅན་གྱིས་ཉམས་སུ་ལོངས༔ སྔགས་འཆང་འདོད་ཁ་ཅན་གྱིས་ཉམས་སུ་ལོངས༔ བྱང་སེམས་འགྲོ་དོན་ཅན་གྱིས་ཉམས་སུ་ལོངས༔ མཐུ་དགོས་ཆོས་འདོད་ཅན་གྱིས་ཉམས་སུ་ལོངས༔ བནྡེ་དྲག་འདོད་ཅན་གྱིས་ཉམས་སུ་ལོངས༔ དད་ཅན་མོས་གུས་ཅན་གྱིས་ཉམས་སུ་ལོངས༔ འཚོགས་འདུལ་འཚོགས་པ་ཅན་གྱིས་ཉམས་སུ་ལོངས༔ བསྲན་མེད་སྐྱིད་འདོད་ཅན་གྱིས་ཉམས་སུ་ལོངས༔ ཁས་ཉེན་དགྲ་བརྙས་ཅན་གྱིས་ཉམས་སུ་ལོངས༔ དེ་དག་རྣམས་ལ་གཏེར་སྲུང་སྤྱན་གསུམ་གྱིས༔ བཀའ་འདི་ཀློད་ལ་སྤེལ་ཅིག་ས་མ་ཡ༔ དམ་མེད་སྡིག་སྤྱོད་ཅན་ལ་ཤོར་ར་རེ༔ བློ་མང་དཀྲུགས་ཤིང་མཁན་ལ་ཤོར་ར་རེ༔ ལོག་ལྟ་སྐུར་འདེབས་མཁན་ལ་ཤོར་ར་རེ༔ རྣམ་རྟོག་ཐེ་ཚོམ་ཅན་ལ་ཤོར་ར་རེ་ངན་པ་ལྡོག་སྨྲས་མཁན་ལ་ཤོར་ར་རེ༔ དམ་མེད་དཔེ་རྐུན་མཁན་ལ་ཤོར་ར་རེ༔ ཆོས་དྲེད་སྡིག་སྤྱོད་མཁན་ལ་ཤོར་ར་རེ༔ སློབ་མ་དམ་མེད་རྣམས་ལ་ཤོར་ར་རེ༔ དེ་རྣམས་ཀུན་ལ་མ་བསྟན་བཀའ་

[Full Size]

འདི་སྲུངས༔ སྐྱེས་བུ་ལེགས་རྩལ་སྤུན་གསུམ་མ་གཡེལ་ཅིག༔ ཅེས་གསུངས་སོ༔ དེ་ལྟར་ཟབ་ཅིང་བཀའ་གཉན་པའི་དབང་ཞུ་བའི་ཕྱིར་རྗེས་ཟློས་མཛོད༔ རྩ་བ་གསུམ་གྱི་ལྷ་ཚོགས་དང་༔ བླ་མ་དྲག་པོ་འཁོར་བཅས་ལ༔ བདག་གིས་རྩེ་གཅིག་གསོལ་བ་འདེབས༔ བདག་ལ་དབང་བསྐུར་བསྩལ་དུ་གསོལ༔ ཞེས་ལན་གསུམ༔ ད་བླ་མ་དང་གུ་རུ་དྲག་པོའི་ལྷ་ཚོགས་ཀྱི་དྲུང་དུ་སྐྱབས་འགྲོ་སེམས་བསྐྱེད་འདིའི་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་གཉིས་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱི་ནས༔ སེམས་ཅན་ཐམས་ཅད་བདག་གི་མགྲོན་དུ་གཉེར༔ བྱང་ཆུབ་སྤྱོད་མཆོག་ཡིད་འོང་བསྐྱེད་པར་བགྱི༔ འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔ གཅིག་གམ་ཚིག་རྗེས་མ་གསུམ༔ དེ་ནས་ལས་བུམ་གྱི་ཀུ་ཤས་སློབ་མ་བྲན་ཚུལ་བྱས་ལ༔ ད་ཡེ་ཤེས་

[Full Size]

པ་འབེབས་པའི་དོན་དུ་སློབ་མ་ལྷར་བསྐྱེད་པ་ནི་དམིགས་པ་འདི་བཞིན་དུ་མཛོད༔ སློབ་མ་སྐད་ཅིག་གུ་རུ་དྲག་པོའི་སྐུ༔ ཞལ་གསུམ་ཕྱག་དྲུག་གཡས་ཞལ་དཀར་པོ་སྟེ་གཡོན་ཞལ་སྔོན་པོ་དང་པོ་གཉིས༔ གྲི་གུག་ཐོད་ཁྲག་དེ་ཡི་འོག༔ རྡོ་རྗེ་སྡིག་པ་དེ་འོག་གཉིས༔ རལ་གྲི་ཁ་ཊཾ་འཛིན་པ་སྟེ༔ སྐུ་མདོག་དམར་པོ་མེ་དཔུང་འབར༔ དུར་ཁྲོད་ཆས་ཀྱིས་སྐུ་ལ་བརྒྱན༔ ཞབས་གཉིས་བརྐྱང་བསྐུམ་འདོར་ཐབས་བགྲ༔ ཀླད་པ་དུང་ཁང་གཞལ་ཡས་སུ༔ ཨུ་རྒྱན་པདྨ་སྐུ་མདོག་དཀར༔ ཞལ་གཅིག་ཕྱག་གཉིས་ལྕགས་ཀྱུ་བྷན༔ དར་དཀར་གསོལ་ཞིང་སྐྱིལ་ཀྲུང་བཞུགས༔ མགྲིན་པར་གསེར་གྱི་འཁོར་ལོའི་ནང་༔ ཨུ་རྒྱན་པདྨ་སྐུ་མདོག་དམར༔ ཞལ་གཅིག་ཕྱག་གཉིས་ལྕགས་སྒྲོག་བྷན༔ དར་དམར་གསོལ་ཞིང་སྐྱིལ་ཀྲུང་བཞུགས༔ ཐུགས་ཀར་མཚོན་ཆ་འཁོར་ལོའི་ནང་༔ ཨུ་རྒྱན་པདྨ་སྐུ་མདོག་སྨུག༔ ཞལ་གཅིག་ཕྱག་གཉིས་འཁོར་ལོ་བྷན---དར་སྨུག་གསོལ་ཞིང་སྐྱིལ་ཀྲུང་བཞུགས༔ ལྟེ་བར་ཆོས་འབྱུང་ཟུར་དྲུག་ནང་༔ ཨུ་རྒྱན་པདྨ་སྐུ་མདོག་སེར༔ ཞལ་གཅིག་ཕྱག་གཉིས་ཞགས་པ་བྷན༔ དར་སེར་གསོལ་ཞིང་སྐྱིལ་

[Full Size]

ཀྲུང་བཞུགས༔ གསང་བར་གྲུ་གསུམ་ནག་པོའི་ནང་༔ ཨུ་རྒྱན་པདྨ་སྐུ་མདོག་ལྗང་༔ ཞལ་གཅིག་ཕྱག་གཉིས་རྒྱ་གྲམ་བྷན༔ དར་ལྗང་གསོལ་ཏེ་སྐྱིལ་ཀྲུང་བཞུགས༔ གཡོན་ནས་ཡུམ་མཆོག་སྔོན་མོ་འཁྱུད༔ ཞལ་གཅིག་ཕྱག་གཉིས་གྲི་གུག་ཁྲག༔ ཁྲོ་མོའི་ཆས་རྫོགས་འདོར་ཐབས་བགྲད༔ དེའི་ཐུགས་ཀའི་ས་བོན་ལས་འོད་ཟེར་འཕྲོས་པས་ལྷོ་ནུབ་རྔ་ཡབ་གླིང་དུ་ཨུ་རྒྱན་རིན་པོ་ཆེའི་ཐུགས་ཀར་ཕོག༔ སྐད་ཅིག་གིས་གུ་རུ་དྲག་པོའི་སྐུར་ཁྲོས་ནས་དྲག་པོ་ཕྱི་ནང་གསང་བ་ཡང་གསང་གི་ལྷ་ཚོགས་དཔག་ཏུ་མེད་པར་སྤྲུལ་ནས་འུར་སྒྲ་ཆེམ་སྒྲ་དང་བཅས་ཏེ་བྱོན་ནས་བྱིན་ཐིབ་ཐིབ་ཁྱེད་རང་རྣམས་ལ་ཐིམ་པར་སྒོམས་ཤིག༔ སྤོས་རོལ་མོ་དབྱངས་དང་བཅས་པས༔ ཧཱུྃ༔ གུར་དྲག་ཕྱི་ནང་གསང་བ་ཡང་གསང་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ་ཨོཾ་ཨཱཿཧཱུྃ་གུ་རུ་ཀྲོ་དྷ་སརྦ་ས་མ་ཡ་ཨོ་བཛྲ་ཨཱ་ཝེ་ཤ་ཡ་ཨ་ཨཱ༔ ཞེས་ལན་མང་དུ་བརྗོད༔ དེ་ནས་རྡོ་རྗེ་མགོར་བཞག་ལ༔ ཏིཥྛ་བཛ྄༔ དེ་ལྟར་དབང་གི་གཞི་བཀོད་པ་སོང་ནས་ལྷ་དབང་ཞུ་བའི་

[Full Size]

ཕྱིར་གསོལ་བ་འདེབས་པའི་རྗེས་ཟློས་མཛོད༔ རྩ་བ་གསུམ་གྱི་ལྷ་ཚོགས་དང་༔ བླ་མ་དྲག་པོ་འཁོར་བཅས་ལ༔ བདག་གིས་རྩེ་གཅིག་གསོལ་བ་འདེབས༔ ཕྱི་ནང་གསང་བ་ཡང་གསང་གི༔ ལྷ་དབང་བདག་ལ་བསྩལ་དུ་གསོལ༔ འོ་དེ་ལྟར་གསོལ་བ་བཏབ་པས་མདུན་གྱི་ལྷ་ཚོགས་ཐམས་ཅད་ཀྱི་སྐུ་ལས་གུ་རུ་དྲག་པོ་ཕྱི་ནང་གསང་བ་ཡང་གསང་གི་ལྷ་ཚོགས་ཀྱི་སྐུ་ཆེ་ཕྲ་སྣ་ཚོགས་འཕྲོས་ནས་ཁྱེད་རང་རྣམས་ལ་ཐིམ་པར་སྒོམས་ཤིག༔ ཧཱུྃ༔ འདི་ནི་བླ་མ་དྲག་པོའི་སྐུ༔ ཕྱི་སྒྲུབ་ཞལ་གསུམ་ཕྱག་དྲུག་པ༔ སྐྱེས་བུ་སློབ་མ་ཁྱོད་ཀྱི་ནི༔ སྤྱི་བོར་བདག་གིས་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱཿགུ་རུ་ཀྲོ་དྷ་ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ འདི་ནི་བླ་མ་དྲག་པོའི་སྐུ༔ ནང་སྒྲུབ་ཞལ་གཅིག་ཕྱག་བཞི་པ༔ སྐྱེས་བུ་སློབ་མ་ཁྱོད་ཀྱི་ནི༔ སྤྱི་བོར་བདག་གིས་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱགུ་རུ་ཀྲོ་དྷ་ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ འདི་ནི་བླ་མ་དྲག་པོའི་སྐུ༔ གསང་སྒྲུབ་ཕྱག་གཉིས་ཡུམ་དང་འཁྲིལ༔ སྐྱེས་བུ་སློབ་མ་ཁྱོད་ཀྱི་ནི༔ སྤྱི་བོར་བདག་གིས་བཞག་པ་ཡིས་བླ་མ་དྲག་པོའི་དབང་ཐོབ་ཤོག༔

[Full Size]

ཨོཾ་ཨཱགུ་རུ་ཀྲོ་དྷ་ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ འདི་ནི་བླ་མ་དྲག་པོའི་སྐུ༔ ཡང་གསང་ཕྱག་གཉིས་ཡུམ་དམར་འཁྲིལ༔ སྐྱེས་བུ་སློབ་མ་ཁྱོད་ཀྱི་ནི༔ སྤྱི་བོར་བདག་གིས་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱགུ་རུ་ཀྲོ་དྷ་ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་མེ་ཏོག་གཏོར་ཞིང་༔ ཧཱུྃ༔ སྲིད་གསུམ་ཟིལ་གནོན་རྡོ་རྗེས་རྒྱལ་བསེན་འཇོམས༔ དམར་ནག་མེ་ཕྲེང་སྤྱན་གསུམ་སྡང་མིག་བགྲད༔ རྒྱལ་བསེན་སྟེང་དུ་ཞབས་གཉིས་སྤྱོད་ལྟར་བགྲད༔ གུར་དྲག་ལྷ་ཚོགས་རྣམས་ཀྱི་བཀྲ་ཤིས་ཤོག༔ དེས་ཕྱི་ནང་གསང་བ་ཡང་གསང་གི་ལྷ་དབང་ཐོབ་ནས༔ བུམ་དབང་ཞུ་བའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད༔ རྩ་བ་གསུམ་གྱི་ལྷ་ཚོགས་དང་༔ བླ་མ་དྲག་པོ་འཁོར་བཅས་ལ༔ བདག་གིས་རྩེ་གཅིག་གསོལ་བ་འདེབས༔ བདག་ལ་བུམ་དབང་བསྩལ་དུ་གསོལ༔ དེ་ནས་བུམ་པ་ལག་ཏུ་ཐོགས༔ འོ་དེ་ལྟར་གསོལ་བ་བཏབ་པས༔ བུམ་པ་འདི་ཉིད་ཕྱི་རིན་པོ་ཆེའི་བུམ་པ་མཚན་ཉིད་དང་ལྡན་པ༔ ནང་གནམ་ལྕགས་ལས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་དྲག་པོ་ཕྱི་ནང་གསང་བ་ཡང་གསང་གི་ལྷ་

[Full Size]

ཚོགས་ཐམས་ཅད་བཀྲ་ལམ་མེར་བཞུགས་པའི་སྐུ་ལས་བདུད་རྩིའི་རྒྱུན་བབ༔ ཁྱེད་རང་རྣམས་ཀྱི་སྤྱི་བོ་ཚངས་པའི་བུ་ག་ནས་ཞུགས༔ སྤྱི་བོ་བདེ་ཆེན་གྱི་འཁོར་ལོ༔ མགྲིན་པ་ལོངས་སྤྱོད་ཀྱི་འཁོར་ལོ༔ སྙིང་ག་ཆོས་ཀྱི་འཁོར་ལོ༔ ལྟེ་བ་སྤྲུལ་པའི་འཁོར་ལོ༔ སྤྱི་གཙུག་མན་ཆད༔ རྐང་མཐིལ་ཡན་ཆད་བདུད་རྩིས་ལྟེམ་གྱིས་གང་བར་སྒོམས་ཤིག༔ ཧཱུྃ༔ འདི་ནི་གནམ་ལྕགས་གཞལ་ཡས་ཁང་༔ དེ་ནང་བླ་མ་དྲག་པོ་ནི༔ གསལ་བ་ཁྱོད་ཀྱི་མགོར་བཞག་པས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱ་གུ་རུ་ཀྲོ་དྷ་ཧཱུྃ་བྷ་ཨ་བྷི་ཥིཉྩ་ཧཱུྃ༔ འོ་དེས་སྒྲིབ་པ་བཞི་དག༔ དབང་བཞི་ཐོབ༔ ལམ་བཞི་བསྒོམ་པར་དབང་༔ འབྲས་བུ་སྐུ་བཞི་འགྲུབ་པའི་སྐལ་བ་དང་ལྡན་པའོ༔ ཆུའི་ལྷག་མ་ཡར་ལུད་པས་རིགས་བདག་འོད་དཔག་མེད་ཀྱིས་དབུ་བརྒྱན་པར་གྱུར༔ ཅེས་བུམ་ཆུ་བླུད་ཅིང་སྤྱི་བོར་ཀུ་ཤས་བཏབ༔ མེ་ཏོག་འཐོར་ཞིང་༔ ཧཱུྃ༔ སྲིད་གསུམ་ཟིལ་གནོན་རྡོ་རྗེས་རྒྱལ་བསེན་འཇོམས་དམར་ནག་མེ་ཕྲེང་སྤྱན་གསུམ་སྡང་མིག་བགྲད༔ རྒྱལ་བསེན་སྟེང་དུ་ཞབས་གཉིས་གྱོད་ལྟར་བགྲད༔ གུར་དྲག་དབང་བཞི་རྫོགས་པའི་བཀྲ་ཤིས་ཤོག༔ ད་ཕྱག་མཚན་བརྡའི་

[Full Size]

དབང་ཞུ་བའི་ཕྱིར་རྗེས་ཟློས་མཛོད༔ རྩ་བ་གསུམ་གྱི་ལྷ་ཚོགས་དང་༔ བླ་མ་དྲག་པོ་འཁོར་བཅས་ལ༔ བདག་གིས་རྩེ་གཅིག་གསོལ་བ་འདེབས༔ བདག་ལ་ཕྱག་མཚན་དབང་བསྐུར་བསྩལ་དུ་གསོལ༔ དེ་ནས་རྡོ་རྗེ་ལག་ཏུ་ཐོགས༔ གུ་རུ་དྲག་པོའི་ཕྱག་མཚན་གནམ་ལྕགས་ཀྱི་རྡོ་རྗེ་རྩེ་དགུ་ལྷ་ཚངས་པའི་ཁྲུ་གང་པ༔ ཧཱུྃ་དགུ་རོ་དགུ་ཕཊ་དགུས་མཚན་ཅིང་ཡེ་ཤེས་ཀྱི་མེ་འབར་བ་འདིའི་དབང་བསྐུར་བ་ཙམ་གྱིས་སྤང་བྱ་ཉོན་མོངས་པ་བརྒྱད་ཁྲི་བཞི་སྟོང་ཐམས་ཅད་ཕར་འཇོམས་ཤིང་ཚུར་གང་གིས་ཀྱང་མི་ཚུགས་པ༔ སྲ་བ༔ བརྟན་པ༔ སྟོང་ཉིད་ཡེ་ཤེས་ཀྱི་རྡོ་རྗེའི་དོན་རྟོགས་པར་སྒོམས་ཤིག༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་གནམ་ལྕགས་རྡོ་རྗེ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱགུ་རུ་ཀྲོ་དྷ་བཛྲ་ཨ་བྷི་ཥིཉྩ་ཧཱུྃ༔ དེ་ནས་རལ་གྲི་ལག་ཏུ་ཐོགས༔ ད་གུ་རུ་དྲག་པོའི་ཕྱག་མཚན་ཡེ་ཤེས་ཀྱི་རལ་གྲི་འབར་བ་འདིའི་དབང་བསྐུར་བ་ཙམ་གྱིས༔ ཤེས་རབ་ཡེ་ཤེས་ཀྱི་རལ་གྲིས་ནང་གི་བདག་འཛིན་གཅོད་པ་དང་༔ ཐུགས་རྗེའི་རལ་གྲིས་རིགས་དྲུག་གི་སྐྱེ་སྒོ་གཅོད་པའི་དབང་ཐོབ་པར་སྒོམས་ཤིག༔

[Full Size]

ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་རལ་གྲི་འབར་བ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱགུ་རུ་ཀྲོ་དྷ་ཏིཀྟ་ཨ་བྷི་ཥིཉྩ་ཧཱུྃ༔ དེ་ནས་གྲི་ཁུག་ལག་ཏུ་ཐོགས༔ ད་གུ་རུ་དྲག་པོའི་ཕྱག་མཚན་གནམ་ལྕགས་ཐོག་རྒོད་འབར་བའི་གྲི་གུག་འདི་ཡེ་ཤེས་ལྔས་མཚོན་པའི་ཕྱིར་ཡར་རྩེ་རྡོ་རྗེ་རྩེ་ལྔ༔ ཆོས་ཉིད་སྤྲོས་པ་དང་བྲལ་བའི་ཕྱིར་ལྟེ་བ་ཟླུམ་པོ༔ ཉག་གཅིག་རྩད་ནས་གཅོད་པའི་ཕྱིར་མར་སྣེ་མཚོན་སོ་གཅིག་པ༔ འདིའི་དབང་བསྐུར་བ་ཙམ་གྱིས་ཆོས་ཉིད་སྤྲོས་པ་དང་བྲལ་བའི་དོན་རྟོགས་ནས་ཡེ་ཤེས་ལྔ་ལྷུན་གྱིས་གྲུབ༔ ཉོན་མོངས་པ་བརྒྱད་ཁྲི་བཞི་སྟོང་གི་རྩ་བ་དུས་གཅིག་ལ་ཆོད་པར་སྒོམས་ཤིག༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་ཐོག་གི་གྲི་གུག་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱགུ་རུ་ཀྲོ་དྷ་ཀརྟི་ཨ་བྷི་ཥིཉྩ་ཧཱུྃ༔ དེ་ནས་ལྕགས་སྡིག་ལག་ཏུ་ཐོགས༔ ད་གུ་རུ་དྲག་པོའི་ཕྱག་མཚན་སྤྲུལ་པ་གནམ་ལྕགས་ཀྱི་སྡིག་པ་མགོ་དགུ༔ ཁ་དགུ་མིག་དགུ་རྭ་བཅོ་བརྒྱད་པ་རྭ་གཡས་ཀྱིས་སྲིད་པའི་རྩེ་ནས་བསྙིལ་བ༔ གཡོན་པས་ས་འོག་གཏིང་ནས་གཡེང་བ༔ ལུས་ལ་རྡོ་རྗེ་

[Full Size]

མེའི་ཚྭ་ཚྭ་འཕྲོ་བ༔ དེ་ལྟ་བུ་ཞིག་ཁྱེད་རང་རྣམས་ཀྱི་སྤྱི་བོར་བཞག་པ་ཙམ་གྱིས་ཁྱེད་རང་རྣམས་ཀྱི་ལུས་ངག་ཡིད་གསུམ་ལ་གནོད་པའི་གདོན་ཐམས་ཅད་སྡིག་པས་ཧབ་ཧབ་ཟོས༔ དེང་ཕྱིན་ཆད་རྒྱལ་བསེན་དམ་སྲི་ཐམས་ཅད་རང་གཤེད་རང་ལ་དབབ་ནས་འདུལ་ནུས་པའི་དབང་ཐོབ་པར་སྒོམས་ཤིག༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་ལྕགས་སྡིག་མགོ་དགུ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱགུ་རུ་ཀྲོ་དྷ་རཀྟ་ཨ་བྷི་ཥིཉྩ་ཧཱུྃ༔ དེ་ནས་བྷནྡྷ་ལག་ཏུ་ཐོགས། ད་གུ་རུ་དྲག་པོའི་ཕྱག་མཚན་ཡེ་ཤེས་ཀྱི་ཀ་པཱ་ལ་ལྕང་ལོ་དང་བཅས་པ་བདུད་བཞི་བསྒྲལ་བའི་སྙིང་ཁྲག་གིས་དམར་ལྟེམ་མེ་གང་བ་འདིའི་དབང་བསྐུར་བ་ཙམ་གྱིས་སྐྱེ་མེད་ཡེ་ཤེས་ཀྱི་དོན་རྟོགས་ནས༔ དུག་ལྔ་དབྱིངས་སུ་བསྒྲལ་ཏེ་འཁོར་བ་ཁྲག་གི་རྒྱ་མཚོ་སྐེམ་ནུས་པའི་དབང་ཐོབ་པར་སྒོམས་ཤིག༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་བྷནྡྷ་ཁྲག་བཀང་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱགུ་རུ་ཀྲོ་དྷ་ཀ་པཱ་ལ་ཨ་བྷི་ཥིཉྩ་ཧཱུྃ༔ དེ་ནས་ཁ་ཊཾ་ལག་ཏུ་ཐོགས༔ ད་གུ་རུ་དྲག་པོའི་ཕྱག་མཚན་ཁ་ཊཾ་

[Full Size]

འབར་བ་འདི་ཡུམ་དོ་རྗེ་ཕག་མོ་ཁྲོས་མ་ནག་མོའི་ངོ་བོ་ཡིན་པ་ལ་རྣམ་པ་མཚོན་ཆའི་ཚུལ༔ དུག་གསུམ་རྩད་ནས་གཅོད་ཕྱིར་རྩེ་གསུམ༔ སྐུ་གསུམ་ལྷུན་གྱིས་གྲུབ་པའི་ཐོད་པ་སྐམ་རློན་རྙིང་གསུམ༔ འཆི་མེད་ཚེའི་བུམ་པ༔ ཕྲིན་ལས་སྣ་ཚོགས་གྲུབ་པའི་རྡོ་རྗེ༔ སྙན་པ་སྒྲོགས་པའི་ཌ་མ་རུ་ཡེ་ཤེས་ལྔ་མཚོན་དར་སྣའི་ཅོད་པན༔ སྙན་བརྒྱུད་འཛིན་པའི་དྲིལ་བུ༔ བྱང་ཆུབ་ཀྱི་ལམ་མཚོན་པའི་ཡུ་བ་དྲང་ཞིང་ལྡེམ་པ༔ ངན་སོང་གི་སྒོ་གཅོད་པའི་མར་སྣེ་རྡོ་རྗེ་ཕྱེད་པ་ཅན༔ འདིའི་དབང་བསྐུར་བ་ཙམ་གྱིས་ཐབས་ཤེས་བདེ་སྟོང་ཟུང་དུ་འཇུག་པའི་དབང་ཐོབ་པར་སྒོམས་ཤིག༔ ཧཱུྃ༔ འདི་ནི་བླ་མ་དྲག་པོ་ཡི༔ ཕྱག་མཚན་ཁ་ཊཾ་འབར་བ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ ཨོཾ་ཨཱཆ་གུ་རུ་ཀྲོ་དྷ་ཏྲི་ཤུ་ལ་ཨ་བྷི་ཥིཉྩ་ཧཱུྃ༔ མེ་ཏོག་འཐོར་ཞིང་། ཧཱུྃ༔ སྲིད་གསུམ་ཟིལ་གནོན་རྡོ་རྗེས་རྒྱལ་བསེན་འཇོམས༔ དམར་ནག་མེ་ཕྲེང་སྤྱན་གསུམ་སྡང་མིག་བགྲད༔ རྒྱལ་བསེན་སྟེང་དུ་ཞབས་གཉིས་གྱད་ལྟར་བགྲདཿ༔ གུར་དྲག་བརྡ་དོན་རྟོགས་པའི་བཀྲ་ཤིས་ཤོག༔ ད་ནང་དང་གསང་བའི་དབང་ཞུ་བའི་ཕྱིར་རྗེས་ཟློས་

[Full Size]

མཛོད༔ རྩ་བ་གསུམ་གྱི་ལྷ་ཚོགས་དང་༔ བླ་མ་དྲག་པོ་འཁོར་བཅས་ལ༔ བདག་གིས་རྩེ་གཅིག་གསོལ་བ་འདེབས༔ བདག་ལ་ནང་དབང་བསྩལ་དུ་གསོལ༔ འོ་དེ་ལྟར་གསོལ་བ་བཏབ་པས་གུ་རུ་དྲག་པོ་ཡབ་ཡུམ་སྙོམས་འཇུག་གི་སྒྲས༔ རྩ་བ་གསུམ་གྱི་ལྷ་ཚོགས་ཐམས་ཅད་སྤྱན་དྲངས༔ ཞལ་དུ་ཞུགས༔ བདུད་རྩི་བྱང་ཆུབ་སེམས་ཀྱི་ངོ་བོར་ཞུ༔ བྷནྡྷར་འཁྱིལ་བ་འདི་སྤྱི་བོར་བཞག་པ་ཙམ་གྱིས་བདུད་རྩི་མྱུར་ཏེ་ཚངས་བུག་དང་མགྲིན་པ་ནས་ཞུགས༔ ལུས་ཀྱི་རྩ་གནས་ཐམས་ཅད་གང་བས་གསང་བའི་དབང་ཐོབ༔ དེས་ལུས་ལ་བདེ་དྲོད་འབར་ཏེ་ཤེས་རབ་ཡེ་ཤེས་ཀྱི་དབང་ཐོབ༔ དེའི་དོན་ལ་མཉམ་པར་བཞག་པས་ཚིག་དབང་རིན་པོ་ཆེ་ཐོབ་པར་སྒོམས་ཤིག༔ དེ་ནས་བདུད་རྩི་ལག་ཏུ་ཐོགས༔ ཧཱུྃ༔ འདི་ནི་ཟག་མེད་བདུད་རྩི་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ བླ་མ་དྲག་པོའི་དབང་ཐོབ་ཤོག༔ སྐུ་གསུམ་ལྷུན་གྱིས་གྲུབ་པར་ཤོག༔ ཨོ་ཨཱནྟགུ་རུ་ཀྲོ་དྷ་ཨ་མྲྀ་ཏ་ཀཱ་ཡ་ཝཱཀ་ཙིཏྟ་སརྦ་ཨ་བྷི་ཥིཉྩ་ཧཱུྃ༔ མེ་ཏོག་འཐོར་ཞིང་༔ ཧཱུྃ༔ སྲིད་གསུམ་ཟིལ་གནོན་རྡོ་རྗེས་རྒྱལ་བསེན་འཇོམས༔ དམར་ནག་མེ་ཕྲེང་སྤྱན་གསུམ་སྡང་

[Full Size]

མིག་བགྲད་རྒྱལ་བསེན་སྟེང་དུ་ཞབས་གཉིས་གྱད་ལྟར་བགྲད༔ གུར་དྲག་དབང་མཆོག་ཡོངས་རྫོགས་བཀྲ་ཤིས་ཤོག༔ འོ་དེས་དབང་དངོས་གཞི་རྫོགས་པ་ཡིན་ཀྱང་གཏོར་མའི་དབང་མ་བསྐུར་ན་ཐུན་མོང་གི་དངོས་གྲུབ་ཕྱིར་འགྱང་བར་བཤད་པས་གཏོར་དབང་གིས་རྗེས་སྐྱོང་བ་ནི༔ གཏོར་མ་འདི་དང་དབྱེར་མེད་པའི་གུ་རུ་དྲག་པོ་ཕྱི་ནང་གསང་བ་ཡང་གསང་གི་ལྷ་ཚོགས་རྣམས་སྤྲིན་འཁྲིགས་པ་ལྟར་སྔགས་སྒྲ་འབྲུག་སྟོང་དུ་ལྡིར་ཞིང་ཁྱེད་རང་རྣམས་ཀྱི་སྤྱི་བོར་བྱོན་ནས་ངེད་ཀྱི་གསོལ་བ་ཇི་ལྟར་བཏབ་པའི་བྱིན་རླབས་དང་དངོས་གྲུབ་ཐམས་ཅད་བསྩལ་ནས་ཐམས་ཅད་འོད་དུ་ཞུ་ནས་ཁྱེད་རང་རྣམས་ལ་ཐིམ་པས༔ དྲག་པོའི་སྐུ་དང་ཁྱེད་རང་རྣམས་ཀྱི་ལུས་ངག་ཡིད་གསུམ་དབྱེར་མེད་དུ་འདྲེས་པའི་ངང་ལ་སེམས་མ་བཅོས་པར་ཞོག༔ ཆོས་སྐུ་སྣང་བ་མཐའ་ཡས༔ ལོངས་སྐུ་ཐོད་ཕྲེང་རྩལ་སྡེ་ལྔ༔ སྤྲུལ་སྐུ་པདྨ་འབྱུང་གནས་རིགས་ལ༔ བཅོམ་ལྡན་འདས་གུ་རུ་དྲག་པོ་ཕྱི་ནང་གསང་བ་ཡང་གསང་གི་ལྷ་ཚོགས༔ ཡུམ་མཆོག་ཕག་མོ་རིགས་གསུམ༔ སྐུ་འཇམ་དཔལ་ཁྲོས་པའི་གཤིན་རྗེའི་གཤེད༔ གསུང་འཇིག་རྟེན་དབང་ཕྱུག་ཁྲོས་པའི་རྟ་མགྲིན༔ ཐུགས་མཐུ་

[Full Size]

ཆེན་ཐོབ་ཁྲོས་པའི་ཕྱག་རྡོར༔ ཡོན་ཏན་དབྱངས་ཅན་ཁྲོས་པའི་ཁྲོས་མ་ནག་མོ༔ ཕྲིན་ལས་སྒྲིབ་སེལ་ཁྲོས་པའི་གནོད་སྦྱིན་མེ་དབལ༔ ཀླུ་འདུལ་ཁྱུང་ཆེན་དཀར་ནག༔ རྡོ་རྗེ་དྲག་པོ་རྩལ༔ རཏཱ་དྲག་པོ་རྩལ༔ པདྨ་དྲག་པོ་རྩལ༔ ཀརྨ་དྲག་པོ་རྩལ༔ སྟེང་ཕྱོགས་ཀྱི་ཁྲོ་བོ་ཧཱུཾ་ཀུ་ར༔ ཤར་ཤར་ལྷོའི་ཁྲོ་བོ་དབྱུག་པ་སྔོན་པོ༔ ལྷོའི་ཁྲོ་བོ་གཤིན་རྗེའི་གཤེད་པོ༔ ལྷོ་ནུབ་ཁྲོ་བོ་མི་གཡོ་མགོན་པོ༔ ནུབ་ཀྱི་ཁྲོ་བོ་རྟ་མགྲིན་རྒྱལ་པོ༔ ནུབ་བྱང་གི་ཁྲོ་བོ་གཞན་གྱིས་མི་ཐུབ་པ༔ བྱང་གི་ཁྲོ་བོ་བདུད་རྩི་འཁྱིལ་པ༔ བྱང་ཤར་གྱི་ཁྲོ་བོ་ཁམས་གསུམ་རྣམ་རྒྱལ༔ འོག་གི་ཁྲོ་བོ་སྟོབས་པོ་ཆེ༔ སྒོ་སྲུང་ཆེན་པོ་བཞི་ལ་སོགས་པ་བླ་མ་རིག་འཛིན་ཁྲོས་པ་གུ་རུ་དྲག་པོའི་ལྷ་ཚོགས་ཐམས་ཅད་ཀྱིས༔ རྡོ་རྗེའི་སློབ་མ་འདི་རྣམས་ལ་དབང་བསྐུར་བ་དང་༔ བྱིན་གྱིས་བརླབ་ཏུ་གསོལ༔ རྒྱལ་བསེན་དམ་སྲི་སྡེ་བརྒྱད་ཀྱི་གནོད་པས་མི་ཚུགས་པར་སྲུངས་ཤིག༔ གག་ལྷོག་གཟེར་གསུམ་སྨྱོ་འབོག་བརྒྱལ་ནད་ལ་སོགས་པ་ནད་ཐམས་ཅད་ཞི་ཞིང་མི་འབྱུང་བར་བྱིན་གྱིས་བརླབ་ཏུ་གསོལ༔ བདུད་བགེགས་ལོག་

[Full Size]

འདྲེན་གྱི་གནོད་པ་ཐམས་ཅད་བཟློག་པར་མཛོད་ཅིག༔ ལུས་ངག་ཡིད་གསུམ་བསྲུང་བ་དང་༔ བསྐྱབ་པ་དང་༔ སྦ་བར་མཛད་དུ་གསོལ༔ ཨོཾ་ཨཱཧཱུྃ་ཧྲཱིཿ ཨ་རྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཱཧཱུྃ་ཧཱུྃ་ཕཊ༔ བཛྲ་ཧཱུྃ༔ ཡཀྵ་ཧཱུྃ༔ རཀྟ་ཧཱུྃ༔ ཨོཾ་ཨཱཊཿཧཱུྃ་ཨ་ཅིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཕཊ༔ ཨཱཧཱུྃ་ཕཊ༔ ཨོཾ་ཨ་ཅིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཨ་ཕཊ༔ བཛྲ་ཧཱུྃ༔ ཡཀཾ་ཕཊ༔ རཀྵ་ཧཱུྃ༔ ཨོ་ཨ་ཅིག་ནིརྩིག་ན་མོ་བྷ་ག་ཝ་ཏེ་ཧཱུྃ༔ ཨཱཧཱུྃ་ཕཊ༔ ཀཱ་ཡ་ཝཱཀ་ཙིཏྟ་བཛྲ་རཀྵ་རཀྵ༔ མེ་ཏོག་འཐོར་ཞིང་༔ ཧཱུྃ༔ དུས་གསུམ་སངས་རྒྱས་ཀུན་གྱི་སྐུ་གསུང་ཐུགས༔ དཔལ་ལྡན་བླ་མ་དམ་པའི་བཀྲ་ཤིས་ཤོག༔ དངོས་གྲུབ་མ་ལུས་གཏན་ལ་འབེབས་མཛད་པའི༔ ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག༔ བསམ་པ་ཐམས་ཅད་ཡིད་བཞིན་འགྲུབ་མཛད་པའི༔ མ་མོ་མཁའ་འགྲོ་རྣམས་ཀྱི་བཀྲ་ཤིས་ཤོག༔ གནོད་བྱེད་དགྲ་བགེགས་ཐམས་ཅད་སྒྲོལ་མཛད་པའི༔ ཆོས་སྐྱོང་དམ་ཅན་རྒྱ་མཚོའི་བཀྲ་ཤིས་ཤོག༔ འདིར་དྲག་པོ་ཕྱི་ནང་གསང་བ་ཡང་གསང་གི་དབང་སོ་སོར་བསྐུར་བ་དང་གཅིག་ཏུ་བསྡུས་པ་གཉིས་གསུངས་པ་ལས༔ འདི་གཅིག་ཏུ་

[Full Size]

བསྡུས་པའི་ལུགས་ཡིན༔ འདི་ནི་ཟབ་མོ་བརྡའི་དབང་ཡིན་པས་དབང་བཞིའི་གོ་རིམ་མ་ངེས་ན་ཡང་དོན་ལ་དབང་བཞི་ཡོངས་རྫོགས་ཐོབ་པ་ཡིན༔ གུ་རུ་དྲག་པོའི་སྒྲུབ་པ་གཞན་རྣམས་ནི་སྔོན་དུ་ཞི་བའི་བསྙེན་པ་ཚན་ཆེར་མ་སོང་ན་སློང་དང་ཆོ་འཕྲུལ་རྩུབ་མོ་འབྱུང་བར་བཤད་ནའང་༔ འདིའི་ཕྱི་སྒྲུབ་དང་གསང་སྒྲུབ་གཉིས་ནི་ཞི་དྲག་སྦྲག་མ་ཡིན་པས་འཇམ་ཞིང་ནོན་ཆེ་བ་ཡིན་པས༔ གསར་བུས་ཀྱང་བསྙེན་རུང་༔ བསྙེན་པའི་ཕན་ཡོན་ནི༔ ཨུ་རྒྱན་ཉིད་ཀྱི་ཞལ་ནས༔ ཁྱད་པར་བྱིན་རླབས་དངོས་གྲུབ་མྱུར་འདོད་ན༔ རྡོ་རྗེ་དྲག་རྩལ་པདྨ་ང་ཉིད་བསྒོམ༔ དུས་གསུམ་སངས་རྒྱས་ཡོན་ཏན་བདག་ལ་རྫོགས༔ རྒྱལ་བ་ཞི་ཁྲོ་གསང་སྔགས་ཕྱི་ནང་དང་༔ དཔའ་བོ་མཁའ་འགྲོའི་བྱིན་རླབས་དངོས་གྲུབ་རྣམས༔ ནོར་བུ་རིན་ཆེན་ཡོན་ཏན་ཀུན་ལྡན་ལྟར༔ དེ་དག་ཐམས་ཅད་མ་ལུས་བདག་ལ་རྫོགས༔ ང་ཉིད་བསྒོམ་དང་དྲན་པ་ཙམ་གྱིས་ཀྱང་༔ རྒྱལ་བ་སྲས་བཅས་ཐུགས་རྗེས་དེ་ལ་གཟིགས༔ གསང་སྔགས་ཕྱི་ནང་ལྷ་ཚོགས་ཐམས་ཅད་ཀྱི་དབང་བསྐུར་བྱིན་རླབས་དངོས་གྲུབ་སྟེར་བར་བྱེད༔ མ་མོ་མཁའ་འགྲོའི་ཚོགས་

[Full Size]

རྣམས་སྤྲིན་ལྟར་འདུ༔ བཀའ་སྲུང་ཆོས་སྐྱོང་ཐམས་ཅད་བྲན་ལྟར་ཉན༔ སྣང་སྲིད་ལྷ་འདྲེ་ཐམས་ཅད་བཀའ་བཞིན་སྒྲུབ༔ ཡོན་ཏན་ཐམས་ཅད་ང་ཉིད་བསྒོམས་པས་འབྱུང་། དངོས་གྲུབ་ཐམས་ཅད་ང་ཉིད་བསྐྱེད་པས་འགྲུབ༔ ཕྲིན་ལས་ཐམས་ཅད་ང་ཉིད་བསྒོམས་པས་འགྲུབ༔ དྲག་པོ་བླ་མའི་ཐུགས་སྒྲུབ་སྙིང་པོ་འདི༔ དུས་གསུམ་སངས་རྒྱས་ཀུན་གྱི་བྱིན་རླབས་ཤིང་༔ དཀྱིལ་འཁོར་ཕྱི་ནང་ལྷ་ཚོགས་ཐམས་ཅད་ཀྱི༔ མཐུ་དང་ནུས་པ་བསྡུས་པའི་སྙིང་པོ་ཡིན༔ བརྒྱ་ཙམ་བཟླས་ན་ལས་ངན་སྒྲིབ་པ་འབྱོང་༔ སྟོང་ཙམ་བཟླས་ན་ཕྱི་ནང་བར་ཆད་སེལ༔ ཁྲི་ཙམ་བཟླས་པས་སྡེ་བརྒྱད་བྲན་དུ་འགྱུར༔ འབུམ་ཙམ་བཟླས་ན་མཆོག་གི་དངོས་གྲུབ་ཐོབ༔ ཐོས་དང་དྲན་དང་བརྗོད་པ་ཙམ་གྱིས་ཀྱང་༔ སྣང་སྲིད་ལྷ་འདྲེ་ལས་ལ་ཁོལ་བར་འགྱུར༔ ཞེས་གསུངས་པས་ལྷ་འདི་བསྒོམ་ཞིང་སྔགས་འདི་བཟླ་བསམ་པ་གྱིས་ལ་འདིའི་རྗེས་ཟློས་མཛོད༔ གཙོ་བོས་ཇི་ལྟར་བཀའ་སྩལ་པ༔ དེ་དག་ཐམས་ཅད་བདག་གིས་བགྱི༔ དེང་ནས་བརྩམས་ཏེ་བདག་བྲན་དུ༔ ཁྱེད་ལ་བདག་ནི་འབུལ་ལགས་ན༔ ཁྱེད་ཀྱིས་སློབ་མར་བཟུང་བ་དང་༔ ཆ་ཡིས་ཀྱང་

[Full Size]

ནི་སྤྱད་དུ་གསོལ༔ འོ་དེ་ལྟར་དབང་ཐོབ་ནས་བླ་མ་དང་དཀྱིལ་འཁོར་གྱི་ལྷ་ལ་མཎྜལ་ཕུལ༔ ས་གཞི་སྤོས་སོགས། ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ རྒྱམ་རྒྱ༔ ཞེས་པ་འདི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ནག་པ་ཟླ་བའི་ཚེས་བཅོ་བརྒྱད་ཉིན་ལ་བཅོམ་ལྡན་འདས་གུ་རུ་དྲག་པོ་ཨུ་རྒྱན་རིན་པོ་ཆེ་སྤྲུལ་སྐུའི་ཆ་ལུགས་ཅན་གྱིས་དངོས་སུ་གནང་བའོ༔ འདིའི་ཕྱི་ནང་གསང་བ་ཡང་གསང་གི་སྒྲུབ་ཐབས་བཞི་ལས་དབང་སྒྲུབ་སོ་སོར་བྱེད་ཅིང་དབང་ཡང་སོ་སོར་ལན་བཞི་བསྐྱར་ནས་བསྐུར་དགོས་ནའང་༔ ཕྱོགས་གཅིག་ནས་བསྐུར་རུང་བར་བཤད་པ་ལྟར་ཕྱོགས་གཅིག་ཏུ་བསྡུས་ཏེ་མཚམས་སྦྱར་སོགས་ཀྱིས་ཁ་བསྐངས་ནས་གཏེར་བློན་རཱ་ག་ཨ་སྱས་བསྒྲིགས་པ་ལ་ཉེས་འགལ་མཆིས་ན་ཆོས་བདག་སྲུང་མའི་ཚོགས་ལ་བཤགས་ཤིང་༔ དགེ་བས་གཏེར་སྟོན་གྱི་སྤྲུལ་སྐུ་ལ་བར་ཆད་མེད་པ་དང་༔ འགྲོ་བ་དཔག་ཏུ་མེད་པ་ལ་ཕན་ཐོགས་རྒྱ་ཆེན་པོ་འབྱུང་བར་གྱུར་ཅིག༔ མངྒ་ལཾ༔ ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དྲག་ཁྲོས་ཉམས་ལེན་ཤིན་ཏུ་བསྡུས་པ།

[Full Size]

དྲག་ཁྲོས་ཉམས་ལེན་ཤིན་ཏུ་བསྡུས་པ་བཞུགས་སོ། རང་ཉིད་གུ་རུ་དྲག་ཏུ་ཁྲོས་པའི་སྐུ། །མཐིང་ནག་ཞལ་གཅིག་ཕྱག་གཉིས་གཡས་རྡོ་རྗེ། །གཡོན་པས་ཐོད་ཁྲག་འཛིན་ཅིང་ཕག་རྒོད་ཆིབས། །ཁམ་ནག་ཞལ་ནས་དྲག་སྔགས་མེ་ལྟར་འཕྲོས། །རང་ལས་སྤྲུལ་པའི་ཕག་རྒོད་དཔག་མེད་དང་། །གནམ་ལྕགས་སྡིག་པ་བྱ་ཁྱུང་སྣ་ཚོགས་འཕྲོས། །ནད་གདོན་ཐམས་ཅད་ཧུར་ཐུམ་ཟོས་པར་གྱུར། །ཨོཾ་ཨཱཧཱུྃ་ཨརྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཧཱུྃ་བཛྲ་ཕཊ༔ ཨོཾ་བཛྲ་ཡ་མཱནྟ་ཀ་ཀཱ་ལ་རཱུ་པ་ཧཱུྃ་ཕཊ༔ ཧྲིབཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཁྲོ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ཅེས་པ་འདི་གཉན་ལྷོག་ཀླུ་གསུམ་འདུལ་བའི་སྔགས། གློ་བུར་གདུག་པའི་ནད་བྱུང་ན་ནད་བརྒྱ་སྔགས་གཅིག་ནི། ཨོཾ་བྷི་རུ་ན་ཁེ༔ ཙནྡྷ་ཧེ་ཏུ༔ བྷེ་ཤ་མོ་ཧེ་ར༔ བྷི་ཤ་ཧ་རྟ༔ བྷི་ན་ཡེ་སྭཱ་ཧཱ༔ གང་ལ་སྔགས་ན་ཤམ་བུ་འདི་བཏགས་སོ།། ཨོཾ་ཁ་ལ་དུ་ཏྲི་སོད༔ འགོ་བའི་ནད་ལ་ཡིད་ཐུམ༔ ནག་པོ་དུ་ཏྲི་དམར་ནག་བཟློག༔ ཨི་ཐེ་མི་ཐི་ལྷོག་ཐི་སོད༔ ཅེས་བཟླའོ། །འགོ་རིམས་བསྲུང་ཐབས་ནི། སྔགས་ཞོགས་སུ་མ་ཆག་གོ །སྔགས་བཟླས་པས་ཆོག །ཨོ་དཀར་ཁྲོམ་སོད༔ དམར་ཁྲོམ་སོད༔ མྱུར་ཁྲོམ་སོད༔ ཁྲག་

[Full Size]

ནད་རམ་སོད༔ ལྕགས་ཀྱི་ཕག་ནག་མགོ་དགུ་བརྒྱལ་ནད་རྒྱུ་གཟེར་ལ་རཀྵ་རཀྟ༔ ཨོ་ནག་པོ་ཙན་ཙན་རཀྟ༔ འགོ་བའི་ནད་ཧུར་ཐུམ༔ སྲོག་ལ་དུན་དུན་དམར་ནད་སོད༔ ཡམས་ཀྱི་ཁ་ཆིངས་ཤིག༔ ཁྲག་ནད་རྒྱུ་གཟེར་སོད༔ ཨོ་དམར་ཁྱུང་དུ་ཏྲི་སོད༔ ནག་པོ་ཐུན་བྷྱོ་རྦད་སྭཱ་ཧཱ༔ ཞེས་རྫས་རྒོད་ལ་སྔགས་ནས་ཟའོ། །གཞན་ལ་མ་སྤེལ་ས་མ་ཡ༔ རཱ་ག་ཨ་སྱས་སྦྱར་བའོ། །སརྦ་མངྒ་ལཾ། །༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།