མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

པོད་དང་པོ། ད༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

བཀའ་བརྒྱད་བརྒྱུད་རིམ་གསོལ་འདེབས་ཁྱད་པར་ཅན་བཞུགས་པའི་དབུ་ཕྱོགས།

[Full Size]

བཀའ་བརྒྱད་བརྒྱུད་རིམ་གསོལ་འདེབས་ཁྱད་པར་ཅན་བཞུགས་པའི་དབུ་ཕྱོགས་ལགས་སོ།།

[Full Size]

གུ་རུ་པདྨ་སིདྷི་ཧཱུྃ། རིག་འཛིན་ཐོད་རྩལ་རིག་འཛིན་ཚོགས། །བདེ་གཤེགས་ཞི་བ་བཞི་བཅུ་གཉིས། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །འཇམ་དཔལ་བཤེས་གཉེན་གནུབས་སྟོན་དང་། །གཤིན་རྗེའི་གཤེད་པོའི་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །ཀླུ་སྒྲུབ་རྒྱལ་བ་མཆོག་དབྱངས་དང་། །པདྨ་དབང་ཆེན་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །ཧཱུཾ་ཆེན་ཀཱ་ར་ནམ་སྙིང་དང་། །

[Full Size]

བཛྲ་ཧེ་རུ་ཀའི་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །བི་མ་གཉགས་ཆེན་ཛྷཱ་ན་དང་། །དཔལ་ཆེན་ཆེ་མཆོག་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །པྲ་ཆེན་ཧསྟི་མཚོ་རྒྱལ་དང་། །རྡོ་རྗེ་གཞོན་ནུ་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །དྷ་ན་སཾ་སྐྲྀ་དཔལ་ཡེ་ཤེས། །བླ་མེད་ཁྲག་འཐུང་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་

[Full Size]

དངོས་གྲུབ་སྩོལ། །དྷེ་ཝ་ཙནྡྲ་གླང་དཔལ་སེང་། །དྲེགས་པ་ཀུན་འདུལ་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། ། ཤིནྟཾ་གནྡྷ་བེ་རོ་ཙཱ། །སྟོབས་ལྡན་ནག་པོའི་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །ཁྲི་སྲོང་ཉང་རལ་གུ་རུ་ཆོས་དབང་ཕྱུག༔ རིག་འཛིན་བརྒྱུད་པའི་བླ་མ་ལ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །ཅེ་སྤྱང་མ་བརྒྱད་དབང་ཕྱུག་ཚོགས། །གྲི་ཤོ་ཤན་ཁྲམ་བཅུ་དྲུག་པོ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །ཁྱི་སྤྱང་འབྲུག་ལོང་ཕོ་ཉ་དང་། །ཕུར་སྲུང་བཅུ་དྲུག་མ་མོའི་ཚོགས། ། གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །སྡེ་དཔོན་སུམ་ཅུ་སྡེ་འཁོར་བཅས། །སྔགས་བདག་དྲེགས་ཆེན་བཅོ་བརྒྱད་པོ། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །མ་ནིང་སྡེ་ལྔ་གཏེར་སྲུང་དང་། །གིང་ལང་དཔའ་བོ་ཌཱཀི་མ། །བརྟན་མ་མགུར་ལྷ་དགེ་བསྙེན་

[Full Size]

ཚོགས། །གསོལ་བ་འདེབས་སོ་བྱིན་གྱིས་རློབས། །བར་ཆད་སོལ་ལ་དངོས་གྲུབ་སྩོལ། །རྟགས་དང་མཚན་བཟང་བསྟན་པ་དང་། །དངོས་གྲུབ་མ་ལུས་འདིར་སྩོལ་ཅིག །ཅེས་བཀའ་བརྒྱད་དབང་མོ་ཆེ་བཙུགས་དུས་ཚུབ་སློང་ཆེན་པོ་བྱུང་དུས་ཚེས་བཅུ་ལ་ཀརྨ་ཨ་རཱ་གས་སོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཞི་ཁྲོ་བཀའ་བརྒྱད་གསང་བ་ཡོངས་རྫོགས་ཀྱི་ཕྲིན་ལས་གཞུང་བསྲང་ལས་བྱང་རིགས་ལྔའི་ཕྱག་མཚན་གྱི་རྒྱ་ཅན།

[Full Size]

ཞི་ཁྲོ་བཀའ་བརྒྱད་གསང་བ་ཡོངས་རྫོགས་ཀྱི་ཕྲིན་ལས་གཞུང་བསྲང་ལས་བྱང་རིགས་ལྔའི་ཕྱག་མཚན་གྱི་རྒྱ་ཅན་བཞུགས་སོ། །རྒྱས་བསྡུས་གང་ལ་ཡང་གཞུང་འདི་ཡིན་ནོ།།

[Full Size]

།ཧོ།མཐཾ༔ བཅོམ་ལྡན་འདས་ཞི་ཁྲོ་བཀའ་བརྒྱད་ལྷ་ལ་ཕྱག་འཚལ་ལོ༔ ཞི་ཁྲོ་གསང་བ་ཡོངས་རྫོགས་སྒྲུབ་ཆེན་གྱི་གཞུང་བསྲང་བ་ལ༔ སྔོན་འགྲོ་དངོས་གཞི་རྗེས་དང་གསུམ་མོ༔ སྔོན་འགྲོ་ཐུན་མོང་ལས་བདུན་ཏེ༔ མཚམས་གཅོད་སྒོ་དབྱེ་བརྡའ་ཕྱག་འཚལ༔ དམ་བཅའ་བྱིན་དབབ་མཆོད་བཤགས་བྱ༔ དངོས་གཞི་ལས་རིམ་ཉེར་ལྔ་སྟེ༔ ཏིང་འཛིན་རྣམ་གསུམ་འབྱུང་རིམ་བརྩེགས༔ གཞལ་ཡས་ལྷ་བསྐྱེད་བྱིན་དབང་བསྐུར༔ རང་བཞིན་སྤྱན་དྲངས་བརྟན་པར་བཞུགས༔ ཕྱག་དང་ཕྱག་རྒྱ་གླུས་མཆོད་ཅིང་༔ ཕྱི་དང་ནང་དང་གསང་མཆོད་བྱ༔ དུག་གསུམ་སྨན་གཏོར་རཀྟ་དང་༔ བདུད་རྩི་གསང་མནན་སྦྱོར་སྒྲོལ་མཆོད༔ བསྟོད་བཤགས་འཛབ་བཟླས་དངོས་གྲུབ་བླངས༔ རྗེས་ཀྱི་ལས་འགྲིགས་བཅུ་

[Full Size]

གཅིག་སྟེ༔ ཆེ་བ་བསྐྱེད་ཅིང་ཕྲིན་ལས་བསྐུལ༔ ཚོགས་དང་ལྷག་ཆོག་གཏོར་སྐྱོང་བྱ༔ གཏོར་ཟོར་བརྟན་མ་རྣམ་བཞི་བྲོ༔ དཀྱིལ་འཁོར་བསྡུ་དང་རྒྱུན་སྤྱོད་བྱ༔ དེ་དག་ལས་གཞུང་རྩ་ཐོར་སྡེབས༔ བསྐལ་པ་ཅན་དང་འདི་འཕྲད་ཤོག༔ ཨྠྀི༔ ས་མ་ཡ༔ རྒྱ་རྒྱ་རྒྱ༔ ཤརྒྱ།མུཤ༔ ཧཱུྃམཎྜ༔ ཐུགས་དམ་ཡོངས་རྫོགས་ལྷ་ལ་ཕྱག་འཚལ་ལོ༔ གསང་བ་སྒྲུབ་ཆེན་གྱི་གཞུང་བསྲང་ལ༔ སྔོན་འགྲོ་དངོས་གཞི་རྗེས་ཀྱི་རིམ་པ་དང་གསུམ་མོ༔ སྔོན་འགྲོ་ཐུན་མོང་ལ་བདུན་ཏེ༔ དང་པོ་ཕྱི་ནང་གསང་བའི་མཚམས་བཅད་པ་ནི༔ དེ་ལ་དང་པོ་རང་ཉིད་ཏིང་ངེ་འཛིན་ལྟ་བའི་མཚམས་ཀྱིས་བསྐྱེད་དོ༔ ཧཱུྃ༔ རྒྱལ་བ་ཡོངས་རྫོགས་ཞི་ཁྲོའི་དཀྱིལ་འཁོར་དུ༔ སྣང་སྲིད་རྣམ་དག་ཡེ་ཤེས་ལྷ་

[Full Size]

ཡི་ཚོགས༔ ཀུན་བཟང་ཆོས་ཀྱི་དབྱིངས་ལས་མ་གཡོས་བཞིན༔ རིག་རྩལ་རྣམ་དག་ཐབས་ཤེས་གཡུང་དྲུང་ལྷ༔ འདི་ལ་ལོག་པར་ལྟ་བའི་དགྲ་དང་བགེགས༔ བདུད་སྡེ་དཔུང་བཅས་ཐམས་ཅད་ཕྱིར་དེངས་ཤིག༔ ཨོཾ་སུམྦྷ་ནི་སུམྦྷ་ཧཱུྃ༔ གྲཅུ་གྲིཉྩ་ཧཱུྃ༔ གྲིབྟ་པ་ཡ་གྲིདྡྷཱ་པ་ཡ་ཧཱུྃ༔ ཨཱ་ན་ཡ་ཧོ༔ བྷ་ག་ཝན༔ བིད་རཱ་ཙ་ཧཱུྃ་ཕཊ༔ གཉིས་པ་མཚོན་ཆའི་མཚམས་ཀྱིས་བསྲུང་བ་ནི། ཧཱུྃ༔ བདག་ཉིད་དཔལ་ཆེན་ཁྲག་འཐུང་ཐུགས་ཀ་ནས༔ དྲག་པོ་བྱིན་རླབས་མཚོན་ཆའི་འོད་ཟེར་འཕྲོ༔ མཚོན་ཆའི་གུར་ཆེན་ཡེ་ཤེས་མེ་དཔུང་འབར༔ ཕྱོགས་བཞི་མཚམས་བརྒྱད་ཀུན་ཏུ་ཁྱབ་པར་བསྲུངས༔ ཨོཾ་བཛྲ་ཙཀྲ་ཏིག་ཀརྨ་ཀཱི་ལ་ཡ་ཛྭ་ལ་རཾ༔ ཁྲོ་བོ་རོལ་པའི་མཚམས་བཅད་པ་ནི། ཧཱུྃ༔ དྲེགས་པ་ལྷ་ཆེན་ཕྱོགས་སྐྱོང་བསྣོལ་བའི་སྟེང་༔ ཆེ་མཆོག་ལ་སོགས་དཔལ་ཆེན་ཁྲོ་རྒྱལ་སོགས༔ གར་དགུའི་ཚུལ་གྱིས་ཧཱུྃ་སྒྲ་སྒྲོག་ཅིང་བཞུགས༔ བར་ཆད་འབྱུང་པོ་ཐམས་ཅད་རྡུལ་དུ་རློགས༔ ཨོཾ་བཛྲ་ཀྲོ་དྷ་སྭ་བྷ་ཝ་ས་མ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཧཱུྃ་ཧཱུྃ་བྷི་ཤ་ཙཀྲ་ཛྭ་ལ་མནྜ་ལ་ཧ་ལ་ཧ་ལ་ཧཱུྃ་ཕཊ༔ དེ་ནས་བརྡ་སྒོ་དབྱེ་བ་ནི༔ ཧཱུྃ༔ སྣང་སྲིད་ཐམས་ཅད་བདེ་ཆེན་གཞལ་ཡས་

[Full Size]

ཁང་༔ གཟུགས་སྣང་ཐམས་ཅད་རང་རིག་ཡེ་ཤེས་ལྷ༔ དེ་ཉིད་མ་རྟོགས་མ་རིག་སྒོ་བཅད་པའི༔ རང་གསལ་ཡེ་ཤེས་འཆར་སྒོ་ད་ཕྱེས་ཤིག༔ བྷཾ་པྲ་ཝེ་ཤ་ཡ་ཕཊ༔ བརྡ་ཕྱག་འཚལ་བ་ནི། ཧཱུྃ༔ རང་བྱུང་ཡེ་ཤེས་སྙིང་པོ་སེམས་ཀྱི་ལྷ༔ མ་རྟོགས་རང་ངོ་རང་གིས་མ་ཤེས་པས༔ ཡེ་ནས་རང་དང་འགྲོགས་ཀྱང་ཞལ་མ་མཐོང་༔ རང་རིག་བརྡ་ཡི་དོན་དང་མཇལ་ཕྱག་འཚལ༔ ཧཱུྃ་ཧེ་རུ་ཀ་ཨ་ཏི་པཱུ་ཧོ༔ པྲ་ཏི་ཛཧོ༔ དེ་ནས་དམ་བཅའ་ཡོངས་སུ་བཟུང་བ་ནི། ཧཱུྃ༔ དུས་གསུམ་བདེ་གཤེགས་རྒྱལ་བ་ཞི་ཁྲོའི་ཚོགས༔ བསྐལ་པ་སྔོན་འདས་དུས་ན་ཡི་དམ་ལྷ༔ ད་ལྟ་གཉིས་མེད་དོན་དམ་རང་ངོ་ཤེས༔ སྲོག་གི་ཕྱིར་ཡང་མི་བཏང་བསྒྲུབ་ལགས་སོ༔ ཨོཾ་བཛྲ་ཙིཏྟ་ས་མ་ཡ་ཧཱུྃ༔ དེ་ནས་བྱིན་དབབ་པ་ནི༔ ཧཱུྃ༔ ཆོས་དབྱིངས་ཡེ་ཤེས་ལྔ་ཡི་ཕོ་བྲང་ནས༔ ཆོས་སྐུ་སྐྱེ་མེད་ངང་ལས་མ་གཡོས་ཀྱང་༔ ལོངས་སྐུ་རིགས་ལྔའི་ཞི་ཁྲོ་འཁོར་དང་བཅས༔ སྤྲུལ་སྐུ་ཡི་དམ་དཀྱིལ་འཁོར་ལྷ་ཚོགས་རྣམས༔ ཐུགས་དམ་དབང་གིས་གནས་འདིར་གཤེགས་སུ་གསོལ་༔ སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ༔ ཡེ་ཤེས་ལྔ་ཡི་དབང་མཆོག་བསྐུར་དུ་

[Full Size]

གསོལ༔ གསང་བའི་དཀྱིལ་འཁོར་འདི་ལ་བྱིན་ཅིག་ཕོབ༔ དམ་རྫས་མཆོད་གཏོར་འདི་ལ་བཅུད་ཅིག་ཕོབ༔ བསྒྲུབ་མཆོག་རྣལ་འབྱོར་བདག་ལ་དབང་ཞིག་བསྐུར༔ བྱིན་རླབས་མཐུ་རྩལ་འབྱུང་བའི་དུས་ལ་བབ༔ ཁྱེད་ཀྱི་ཐུགས་རྗེ་མཆོག་གིས་བཟུང་དུ་གསོལ༔ ཨོཾ་ཤྲཱི་བཛྲ་ཀྲོ་ཏ་དྷེ་ཝ་སརྦ་དུཥཱན་དྷཱ་ཀི་ནཱི་ས་མ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཨཱ་བེ་ཤ་ཡ་ཨ་ཨཱ༔ དེ་ནས་མཆོད་པ་བྱིན་གྱིས་བརླབས་ཏེ་འབུལ་བ་ནི༔ ཧཱུྃ༔ རང་དང་གཉིས་མེད་ལྷ་ཚོགས་ལ༔ མར་མེ་སྨན་གཏོར་རཀྟ་དང་༔ ཕྱི་ནང་གསང་བའི་མཆོད་སྤྲིན་རྣམས༔ ཐུགས་དམ་བསྐང་ཕྱིར་འབུལ་གྱིས་བཞེས༔ ཨོཾ་ཨཱཿཧཱུྃ༔ ཨོཾ་བཛྲ་དྷུ་པེ་ཧཱུྃ༔ ཨོཾ་བཛྲ་པུཥྛ་ཧཱུྃ༔ ཨོཾ་བཛྲ་གྷནྡྷེ་ཧཱུྃ༔ ཨོཾ་བཛྲ་ཨཱ་ལོ་ཀེ་ཧཱུྃ༔ ཨོཾ་བཛྲ་ནེ་ཝིདྱ་ཧཱུྃ༔ ཨོཾ་བཛྲ་ཤབྡ་ཧཱུྃ༔ བཛྲ་སརྦ་པཱ་ཙ་མེ་གྷ་ཧཱུྃ་སྭཱ་ཧཱ། ཞེས་དགུའམ་ཉེར་གཅིག་བརྗོད༔ དྲིའི་ལྷ་མོ་སྔོན་མོས་སྤོས་མེ་ཐོགས་པ༔ མེ་ཏོག་ལྷ་མོ་དཀར་མོས་མེ་ཏོག་ཐོགས་པ༔ མར་མེའི་ལྷ་མོ་དམར་མོས་མར་མེ་ཐོགས་པ༔ དྲི་ཆབ་ལྷ་མོ་དཀར་མོས་དྲི་ཆབ་ཐོགས་པ༔ ཞལ་ཟས་ལྷ་མོ་དཀར་མོས་ཞལ་ཟས་ཐོགས་པ༔ རོལ་མོའི་ལྷ་མོ་ལྗང་ཁུས་སིལ་སྙན་ཐོགས་པ་རྣམས་ཀྱིས་ས་དང་བར་སྣང་ནམ་མཁའི་ཁམས་ཐམས་ཅད་གང་ཞིང་ཁྱབ་པར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་

[Full Size]

ཏ་ཧཱུྃ་ཧི་ཁཱ་ཧཱུྃ༔ ཨོྃ་ཨཱ༔ཧཱུྃ་མ་ཧཱ་བ་ལིཾ་ཏ་ཏེ་ཛཱ་བ་ལིཾ་ཏ་བ་ལ་བ་ཏེ་གྲུ་ཡ་ས་མ་ཡེ་སྭཱ་ཧཱ༔ ཨོཾ་ཨཱཿཧཱུྃ་མ་ཧཱ་རཀྟ་ས་མནྟ་མ་དྷ་ལ་ཧཱུྃ་ཧཱིཊ་ཕཊ༔ ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཙ་མ་ཧཱ་པཉྩ་མ་ཧཱ་བྷ་ལིཏྟ་མ་ཧཱ་རཀྟ་ཨ་ཧོ་སུ་ཁ་ས་མ་ཡ་སྭཱ་ཧཱ༔ དེ་ནས་བཤགས་པ་བྱ་བ་ནི། ཧཱུྃ༔ བླ་མ་ཡི་དམ་མཁའ་འགྲོའི་ཚོགས་རྣམས་དགོངས༔ བསྐལ་པ་སྔོན་ནས་ད་ལྟའི་དུས་ཡན་ཆད༔ རྩ་བ་ཡན་ལག་དམ་ཚིག་ཚིག་ཉམས་སོགས༔ རང་གནོང་འགྱོད་སེམས་དྲག་པོས་མཐོལ་ཞིང་བཤགས༔ ཨོཾ་ཨཱཿཧཱུྃ་སྭཱ་ཧཱ༔ ཨོཾ་བཛྲ་ས་མ་ཡ་ཛ༔ ན་ར་ཀ༔ ཕྲེ་ཏ་ཀ༔ ཏིརྱ་ཀ༔ ནི་ཝི་ཤན༔ མ་ནུ་ཤརྗེ་ཝ་ཏཱི༔ དྷེ་ཝ་ཨ་མི་དྷེ་བི་ཤུདྡྷེ་བི་ཤུདྡྷེ་དག་ཤ་ཀ་བི་ཤུདྡྷེ་སྭཱ་ཧཱ༔ དེ་ཡན་ཆད་སྔོན་དུ་འགྲོ་བའོ༔ གསང་བ་སྒྲུབ་ཆེན་གྱི་གཞུང་བསྲང་བའོ༔ དངོས་གཞི་ཁྱད་པར་བསྐྱེད་རྫོགས་ཀྱི་ལས་ཉེར་ལྔས་སྟོན་པ་ལ་དང་པོ་ནི༔ ཧཱུྃ༔ སྤྲོས་མེད་ཡང་དག་དེ་བཞིན་ཉིད༔ མཉམ་ཡང་ཕྱོགས་བྲལ་ཀུན་ཏུ་བརྡལ༔ མ་ནོར་མ་བཅོས་ཆོས་ཀྱི་སྐུ༔ རང་བཞིན་ལྷུན་གྲུབ་ངང་གིས་གསལ༔ ཨོཾ་མ་ཧཱ་ཤུ་ནྱ་ཏ་ཛྷཱ་ན་སྭ་བྷཱ་ཝ་ཨཏྨ་ཀོཉཧཾ༔ ཧཱུྃ༔ དེ་བཞིན་ཀུན་ཁྱབ་ཀུན་ཏུ་སྣང་༔ མ་རིག་འཁྲུལ་སྣང་འཁོར་བའི་ཀློང་༔ གཟུང་འཛིན་

[Full Size]

བག་ཆགས་རབ་ཏུ་འཐས༔ མ་རྟོགས་སེམས་ཅན་སྙིང་རེ་རྗེ༔ ཨོཾ་དྷརྨ་དྷརྟ་པྲ་བྷ་ཝ་བི་ཤུདྡྷེ་མ་དྷ་ལ་ཧཱུྃ༔ ཧཱུྃ༔ ཆོས་རྣམས་རང་བྱུང་རྟེན་འབྲེལ་ཏེ༔ རྒྱུ་ལས་མ་བྱུང་གང་ཡང་མེད༔ ཧཱུྃ་ནི་ཐམས་ཅད་བསྐྱེད་པའི་རྒྱུ༔ དགོས་འདོད་འབྱུང་བའི་ཡི་གེ་བསྒོམ༔ ཡེ་ཤེས་སེམས་དཔའི་རང་བཞིན་ནོ༔ ཙིཏྟ་བཛྲ་ཧཱུྃ༔ རཾ་ཡཾ་ཁཾ༔ དེ་ནས་འབྱུང་བ་རིམ་བརྩེགས་བསྒོམ་པ་ནི། ཧཱུྃ༔ བསྐལ་པ་གསུམ་གྱི་འཇིག་རྟེན་སྟོང་༔ ཡེ་ནས་དག་པའི་ངང་ཉིད་ལས༔ སྣོད་བཅུད་སྦྱང་ཕྱིར་འབྱུང་རིམ་བརྩེགས༔ རྣམ་དག་ཡུམ་ལྔའི་མཁའ་ཀློང་གསལ༔ ཧཱུྃ་ཨེ་ཡཾ་ར་སུཾ་ཀེ་རཾ་ཧཱུྃ༔ ཧཱུྃ༔ ཨེ་ལས་ནམ་མཁའ་མཐའ་དབུས་མེད༔ ཡཾ་ལས་རླུང་གི་དཀྱིལ་འཁོར་སྟེང་༔ ར་ལས་རཀྟའི་རྒྱ་མཚོ་འཁྱིལ༔ སུཾ་ལས་ཞིང་ཆེན་ས་གཞི་བརྡལ༔ ཀཾ་ལས་རུས་པའི་རི་རབ་སྟེང་༔ རཾ་ལས་བསྐལ་པའི་མེ་དཔུང་འབར༔ དེ་ནས་གཞལ་ཡས་ཁང་རྟེན་བརྟེན་བཅས་བསྐྱེད་པ་ནི། ཧཱུྃ༔ ཧཱུྃ་ལས་ཡེ་ཤེས་གཞལ་ཡས་ཁང་༔ དུར་ཁྲོད་རབ་འཇིགས་དཀྱིལ་འཁོར་བསྐྱེད༔ ཟླ་གམ་ཡེ་ཤེས་འཆར་སྒོའི་དབུས༔ ཆོས་སྐུ་འགྱུར་མེད་ཨེ་རུ་གསལ༔ བྷནྡྷ་སྐམ་རློན་ཕོ་བྲང་བརྩེགས༔ རིན་ཆེན་

[Full Size]

མཛེས་པའི་དཀྱིལ་འཁོར་དགུ༔ འཁོར་ལོ་རྩིབས་བཞི་མུ་ཁྱུད་བཅས༔ གྲུ་ཆད་བར་ཁྱམས་སྒོ་ཁྱུད་རྫོགས༔ ཕྱི་ནང་མེད་པར་ཀུན་ཏུ་གསལ་རང་བཞིན་ལྷུན་གྲུབ་ངོ་མཚར་ཆེ༔ དྲེགས་པ་པདྨ་ཉི་ཟླའི་གདན༔ གཙོ་དང་འཁོར་ལ་འཚམས་པར་གསལ༔ ཧཱུཾ་བི་ཤྭ་བི་ཤུདྡྷེ་བྷནྡྷ་ཛྙཱ་ན་ཨེ་ཙཀྲ་མཎྜལ་ཧཱུྃ་བྷྱོ༔ རུ་ཏྲ་ཀྲོ་ཏི་ཏི་ར་བཾ༔ མ་སུརྱ་མཎྜ་ལ་ཧཱུྃ༔ ཨ་ཙནྡྲ་མཎྜ་ལ༔ པཾ་པདྨ་མཎྜ་ལ༔ དེ་ནས་ལྷ་གཙོ་འཁོར་ཡོངས་རྫོགས་སུ་བསྒོམ་པ་ནི༔ ཧཱུྃ༔ རྒྱུ་ཡི་ཡི་གེ་གཏན་ལ་དབབ༔ སྤྲོ་བསྡུ་སྦྱོར་བ་དཔལ་ཆེན་སྐུ༔ བདག་ཉིད་ཆེ་མཆོག་ཧེ་རུ་ཀ༔ མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་ཐབས་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུ་རྒྱན་ཐུགས་སྲོག་ཧཱུྃ༔ སྤྱན་དགུ་ཞལ་བསྒྲད་མཆེ་བ་གཙིགས༔ གཡས་ཀྱི་ཕྱག་གསུམ་རྡོ་རྗེ་གསོར༔ གཡོན་གྱི་ཕྱག་གསུམ་བྷནྡྷ་འཛིན༔ དུར་ཁྲོད་འཇིགས་པའི་ཆས་ཀྱིས་བརྒྱན༔ གནམ་ཞལ་ཡུམ་ཆེན་ཀུན་བཟང་སྦྱོར༔ ཞལ་གཅིག་ཕྱག་གཉིས་སྐུ་མདོག་མཐིང་༔ གཡས་པས་གཙོ་འཁྱུད་ཁཊཾ་འཛིན༔ གཡོན་པས་དུང་དམར་གཙོ་ལ་

[Full Size]

སྟོབ༔ ཡབ་ཡུམ་སྦྱོར་བའི་བྱིན་རླབས་ལས༔ རིགས་བཞི་ལ་སོགས་འཁོར་བཅས་གསལ༔ བསྐལ་པའི་མེ་དཔུང་ཀློང་ན་བཞུགས༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ མ་ཧཱ་ཀྲོ་ཏཱི་ཤྭ་རི་སྟོ༔ ཧཱུྃ༔ དཔལ་ཆེན་ཡབ་ཡུམ་ཐུགས་ཀ་ནས༔ ཕྱོགས་བཞི་མཚམས་བཞིའི་དཀྱིལ་འཁོར་དུ༔ མཐིང་ནག་ཧཱུྃ་ཆེན་ཡིག་འབྲུ་སྤྲོས༔ ཁྲག་འཐུང་ཡབ་ཡུམ་སྲས་བཅས་བསྐྱེད༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ རྒྱུ་ལས་བསྐྱེད་པའི་སྔགས་བརྗོད་པས༔ ཁྲོ་རྒྱལ་དཀྱིལ་འཁོར་ལྷུན་གྱིས་གྲུབ༔ བསྐལ་པའི་མེ་དཔུང་ཀློང་དཀྱིལ་ནས། རང་བྱུང་ཡེ་ཤེས་ཁྲོ་ཚོགས་ཤར༔ བཀའ་བརྒྱད་གསལ་གདབ་པ་ནི༔ དང་པོ་ཤར་དུ་ཡང་དག་ཡབ་ཡུམ་བསྐྱེད་པ་ནི༔ ཧཱུྃ༔ ཤར་དུ་བཛྲ་ཧེ་རུ་ཀ༔ བཛྲ་ཀྲོ་ཏཱི་ཤྭ་རཱི་ཡུམ༔ རིགས་བཞི་ལ་སོགས་འཁོར་བཅས་གསལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཧཱུྃ༔ ལྷོ་རུ་འཇམ་དཔལ་གཤིན་རྗེའི་གཤེད༔ ཟ་བྱེད་བྷེ་ཏ་ནག་མོ་ཡུམ༔ རིགས་བཞི་ལ་སོགས་འཁོར་བཅས་གསལ༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ ཧཱུྃ༔ ནུབ་ཏུ་དབང་ཆེན་རྟ་མཆོག་རྒྱལ༔ པདྨ་གཟི་ལྡན་ཁྲོ་མོ་ཡུམ༔ རིགས་བཞི་ལ་སོགས་འཁོར་བཅས་

[Full Size]

གསལ༔ ཨོཾ་པདྨནྟ་ཀྲྀཏ་མ་ཧཱ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཧཱུྃ༔ བྱང་དུ་རྡོ་རྗེ་གཞོན་ནུ་ཆེ༔ འཁོར་ལོ་རྒྱས་འདེབས་དཔལ་གྱི་ཡུམ༔ རིགས་བཞི་ལ་སོགས་འཁོར་བཅས་གསལེ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་བཾ་ཧཱུྃ་ཕཊ༔ ཧཱུྃ༔ ཤར་ལྷོར་བླ་མེད་ཧེ་རུ་ཀ༔ ཉིད་བཞི་བདེ་མཆོག་ཡུམ་ཆེན་མོ༔ མ་ལྔ་ལ་སོགས་འཁོར་བཅས་གསལ༔ ཨོཾ་གུ་ཧྱ་ཛྙཱ་ན་ཤཱི་ཧེ་རུ་ཀ་ཀྲོ་ཏཱི་ཤྭ་རི་ཧཱུྃ་ཕཊ༔ ཧཱུྃ༔ ལྷོ་ནུབ་རིག་འཛིན་ཐོད་པ་རྩལ༔ རྡོ་རྗེ་རྣལ་འབྱོར་གསང་བའི་ཡུམ༔ རིགས་བཞི་ལ་སོགས་འཁོར་བཅས་གསལ༔ ༀ་བཛྲ་མ་ཧཱ་གུ་རུ་སརྦ་ཧཱུྃ་ཕཊ༔ ཧཱུྃ༔ ནུབ་བྱང་དྲེགས་པ་ཀུན་འདུལ་རྗེ༔ ཁམས་གསུམ་སྲིད་པ་སྤྱི་འདུལ་ཡུམ༔ རིགས་བཞི་ལ་སོགས་འཁོར་བཅས་གསལ༔ ཨོཾ་བཛྲ་ཙཎྚ་སརྦ་དུཥཱན་ཧཱུྃ་ཕཊ༔ ཧཱུྃ༔ བྱང་ཤར་སྟོབས་ལྡན་ནག་པོ་ཆེ༔ འབྱུང་བ་ལྔ་ཡི་བདག་མོ་ཡུམ༔ རིགས་བཞི་ལ་སོགས་འཁོར་བཅས་གསལ༔ ཨོཾ་བཛྲ་སརྦ་དུཎྞཾ་ཨེ་ཛ་བྷྱོ་ཧཱུྃ་ཕཊ༔ ཛཧཱུྃ་བཾ་ཧོ༔ ཧཱུྃ༔ ཉི་མ་དང་ནི་འོད་ཟེར་བཞིན༔ དཔལ་ཆེན་སོ་སོའི་སྤྲུལ་འཁོར་བཅས༔ ཕྱི་རོལ་སྒོ་བ་རིགས་བཞི་ནི༔ ཡ་མཱན་པྲཛྙཱ་

[Full Size]

པདྨ་བིག༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ ཚོམ་བུ་དགུ་ཡི་ལྷ་ཚོགས་རྣམས༔ སྐུ་མདོག་ཕྱག་མཚན་རྒྱན་ཆ་ལུགས༔ མ་འདྲེས་ཡོངས་སུ་རྫོགས་པར་གསལ༔ ཛཧཱུྃ་བཾ་ཧོ༔ ཧཱུྃ༔ ཕྱི་རིམ་ལྕགས་རིའི་འཁོར་ཡུག་ལ༔ མཁའ་འགྲོ་དབང་ཕྱུག་གིང་ལང་ཀ༔ འབར་མ་མ་སྲིང་བཀའ་སྡོད་ཚོགས༔ བསམ་གྱིས་མི་ཁྱབ་ཡོངས་རྫོགས་གཏིབས༔ མ་ཧཱ་མུ་ཏྲ་ས་མ་ཧོ༔ ཞེས་ལྷ་བསྐྱེད་པར་བྱའོ༔ ཤམགྱིgཐ། སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ ཁྲོ་བོ་རོལ་པའི་གཏོར་ཟློག་འདི་ལ༔ རྒྱལ་པོའམ་བསོད་ནམས་ཅན་གྱི་ཟློག་པ་བྱེད་ན༔ དབུ་ཉི་ཤུ་རྩ་གཅིག་པ་ལ་ཁོག་ཕུབ༔ བཙུན་མོ་དང་བློན་པོ་ལྟ་བུའི་ཟློག་པ་བྱེད་ན༔ དབུ་དགུ་ཕྱག་བཅོ་བརྒྱད་པ༔ དམངས་ལྟ་བུའི་ཟློག་པ་བྱེད་ན༔ ཞལ་གསུམ་ཕྱག་དྲུག་པ་ལ་ཁོག་ཕུབ་ལ་མན་ངག་གི་ཡི་གེ་ལས་འབྱུང་བ་དང་༔ གཏེར་གཞུང་བསད་ལས་བཏུའི་ཡིག་ཆུང་ལས༔ གཏོར་མ་མདུན་བསྐྱེད་ནི་རྒྱས་པར་དཀྱིལ་འཁོར་དགུ་ཡོངས་རྫོགས་དང་༔ བསྡུ་ན་དུར་ཁྲོད་གཞལ་ཡས་ཁང་དུ་འཁོར་ལོ་རྩིབས་བརྒྱད་ལ་ལྟེ་བར་ཆེ་མཆོག༔ རྩིབས་བརྒྱད་ལ་དཔལ་དགུ་བསྐྱེད་པར་བཤད་ཅིང་༔ དེ་དག་གང་ལའང་ལས་བྱང་གཞུང་བསྲང་བའི་དུས་ནས་སྐུ་གསུང་ཐུགས་ཀྱི་བྱིན་གྱིས་རླབས་པ་དང་༔ དབང་བསྐུར་བ་དང་༔ ཡེ་ཤེས་གཞུག་པ་དང་༔ མཆོད་བསྟོད་ཟུང་འཇུག་ཏུ་བྱའོ༔ ཞེས་གསུངས་པ་བདག་

[Full Size]

བསྐྱེད་ཚར་ནས༔ མདུན་གྱི་དཀྱིལ་འཁོར་མ་ཀྲྀ་བསྒྲལ་བའི་ཕུང་པོ་ལས༔ རང་བཞིན་ལྷུན་གྱིས་གྲུབ་པའི་གཞལ་ཡས་ཁང་༔ ཡངས་ཤིང་རྒྱ་ཆེ་བ་གྲུ་བཞི་སྒོ་བཞི་པ༔ ཕྱི་རིན་པོ་ཆེ་ལ་ནང་དུར་ཁྲོད་འབར་བའི་གཞལ་ཡས་ཁང་ཆེན་པོ་ཕྱི་གཅིག་ལ་ནང་ཕོ་བྲང་གླིང་དགུའི་དབུས་དམར༔ ཆེ་མཆོག་ཧེ་རུ་ཀ་སྐུ་མདོག་སྨུག་ནག་ཞལ་ཉི་ཤུ་རྩ་གཅིག༔ ཕྱག་བཞི་བཅུ་རྩ་གཉིས་ལ་ཞི་བ་བཞི་བཅུ་རྩ་གཉིས་བསྣམས་པ༔ ཞབས་བརྒྱད་པ་དྲེགས་པ་ཕོ་མོ་གནོན་པ༔ ཡུམ་ཁྲོ་མོ་གནམ་ཞལ་དབྱིངས་ཕྱུག་མ་དབུ་དགུ་ཕྱག་བཅོ་བརྒྱད་པ་དང་ཞལ་སྦྱོར་བ༔ དེ་ལ་ཆེ་མཆོག་ཡོན་ཏན་གྱི་ལྷ་ཚོགས་ཀྱིས་བསྐོར་བ༔ ཤར་དུ་བཛྲ་ཧེ་རུ་ཀ་ལ་ཡང་དག་ཐུགས་ཀྱི་ལྷ་ཚོགས་ཀྱིས་བསྐོར་བ༔ ལྷོར་འཛམ་དཔལ་གཤིན་རྗེའི་གཤེད་ལ་འཇམ་དཔལ་སྐུའི་ལྷ་ཚོགས་ཀྱིས་བསྐོར་བ༔ ནུབ་ཏུ་པདྨ་དབང་ཆེན་ལ་པདྨ་གསུང་གི་ལྷ་ཚོགས་ཀྱིས་བསྐོར་བ༔ བྱང་དུ་རྡོ་རྗེ་གཞོན་ནུ་ལ་ཕྲིན་ལས་ཕུར་པའི་ལྷ་ཚོགས་ཀྱིས་བསྐོར་བ༔ ཤར་ལྷོར་བླ་མེད་ཧེ་རུ་ཀ་ལ་མ་མོ་རྦོད་གཏོང་གི་ལྷ་ཚོགས་ཀྱིས་བསྐོར་བ༔ ལྷོ་ནུབ་ཏུ་རྡོ་རྗེ་ཐོད་པ་རྩལ་ལ་རིག་འཛིན་གྱི་ལྷ་ཚོགས་ཀྱིས་

[Full Size]

བསྐོར་བ༔ ནུབ་བྱང་དུ་དྲེགས་པ་ཀུན་འདུལ་ལ་འཇིག་རྟེན་མཆོད་བསྟོད་ཀྱི་ལྷ་ཚོགས་ཀྱིས་བསྐོར་བ༔ བྱང་ཤར་དུ་སྟོབས་ལྡན་ནག་པོ་ལ་དམོད་པ་དྲག་སྔགས་ཀྱི་ལྷ་ཚོགས་ཀྱིས་བསྐོར་བ༔ དེ་རྒྱབ་སྒོ་བཞི་ལ་སྒོ་མ་བཞི༔ དེའི་ཕྱི་ཡི་ཁྱམས་ལ་དཔལ་གྱི་ཅི་བགྱིས་ཀྱི་ལྷ་ཚོགས་དཔལ་མགོན་བདུན་ཅུ་ལྷ་སྲིན་སྡེ་བརྒྱད་དང་བཅས་པ༔ དེ་ཐམས་ཅད་སྐུ་མདོག་ཕྱག་མཚན་རྒྱན་ཆ་ལུགས་ཐམས་ཅད་ཡོངས་སུ་རྫོགས་པ༔ ནམ་མཁའི་འཇའ་ཚོན་མེ་ལོང་གི་གཟུགས་བརྙན་ལྟར་སྣང་ལ་རང་བཞིན་མེད་པར་གྱུར༔ དེ་ནས་ལས་བྱང་ལྟར་སྐུ་གསུང་ཐུགས་བྱིན་གྱིས་བརླབས་པ་ནས་ཛབ་ཡན་ཆད་བདག་མདུན་ཟུང་འཇུག་ཏུ་བྱ་སྟེ༔ མདུན་བསྐྱེད་ཀྱི་སྤྱན་འདྲེན་བཞུགས་གསོལ་ཕྱག་འཚལ༔ མཆོད་པ་བསྟོད་པ་རྣམས་ནི་ལས་བྱང་གིས་ཚང་ལ༔ མཆོད་པ་ཕུད་བསྐང་ཡང་བདུད་རྩི་སྨན་མཆོད་ལ་ཚང་༔ དགོངས་གསོལ་ཟེར་བ་ནི་ཕྲིན་ལས་སྒྲུབ་པའི་སྙན་གསན་དབབ་པ་སྟེ༔ ཆོ་ག་བསྡུས་པའི་སྐབས་སུ་མི་དགོས༔ ཁྱུང་བསྐང་ཡང་བསྐང་བའི་ནང་དུ་དོན་གྱིས་ཚང་ལ༔ ཆེ་བ་བསྐྱེད་པ་ནི་ལས་བྱང་ནང་དུ་འཐུས་ཡོད༔ སྤྱི་བསྐུལ་ཡང་ལས་བྱང་ནང་དུ་འཐུས་ཡོད༔ མཆོད་བྱང་ནི་ཕྱི་མཆོད་ནང་དུ་འདུས༔ བསྟོད་བྱང་ནི་བསྟོད་པ་ལ་འདུས༔ བཤགས་སྦྱང་ནི་བཤགས་པ་ལ་འདུས་ཡོད༔ རྒོད་བསྐུལ་རྒྱས་འབྲིང་གཉིས་ཀྱང་བསྡུས་པ་ལ་

[Full Size]

འདུས༔ གབ་པ་དོན་བདུན་རྒྱས་འབྲིང་གཉིས་ཀྱང་བསྡུས་པ་ལ་འདུས༔ བསད་པ་ལས་བཅུ་དང་ཕུར་ཐུན་ཚོམ་བསྐུལ་གཉིས་དོན་ལ་བསྒྲལ་ལས་སུ་གཅིག་པ་དང་དེ་གབ་པ་ཆུང་བ་དང་གབ་སྤྱད༔ ཁྱུང་ཟློག་དང་ཁྱུང་གི་ཐན་ཟློག་གཞུང་གི་ཁྱུང་ལ་འདུས༔ དངོས་གྲུབ་ལེན་ཆོག་དང་ཆེ་བ་བསྐྱེད་པ་གཉིས་ལས་བྱང་ལ་འདུས༔ བཞེངས་ཞུས་བསྡུས་པའི་སྐབས་སུ་མི་དགོས་ཏེ་ལམ་བསྟན་ལ་འདུས༔ དཀར་གཏོར་མི་དགོས་སྤྱི་མཚམས་པས་ཆོག༔ རྡོ་བྲོ་ལས་བྱང་གི་དེས་ཆོག༔ ཆད་མདོ་རྒྱས་པ་ཡང་ལས་བྱང་གི་དེས་ཆོག༔ བཤལ་ཆུ་ལས་བྱང་གི་བརྟན་སྐྱོང་ལ་འདུས༔ བཤགས་པ་དལ་བསྡུ་སྨོན་ལམ་རྒྱུན་སྤྱོད་རྣམས་ལས་བྱང་ལ་འདུས༔ ཞེས་པའང་༧རཱ་ག་ཨ་སྱས་བྲིས་པའོ༔ ༈ དེ་ནས་སྐུ་གསུང་ཐུགས་ཀྱི་བྱིན་གྱིས་བརླབས། ཡེ་ཤེས་ལྔས་དབང་བསྐུར་བ་ནི༔ ཧཱུྃ༔ རང་བྱུང་དཀྱིལ་འཁོར་དཔལ་ཆེན་ཚོགས༔ མཐུ་རྩལ་ཡོངས་སུ་རྫོགས་བྱའི་ཕྱིར༔ སྐུ་གསུང་ཐུགས་སུ་བྱིན་རློབས་ལ༔ ཡེ་ཤེས་རྣམ་ལྔས་དབང་བསྐུར་ཅིག༔ ཨོཾ་ཨཱཿཧཱུྃ༔ ཨོཾ་ཧཱུྃ་སྭཱ་ཧཱིཧཱ༔ ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བཛྲ་ཛྙཱ་ན་པཉྩ་སྭ་བྷ་ཝ་ཨཏྨ་ཀོཉཧཾ༔ ཨ་བྷི་ཥིཉྩ་ཧཱུྃ༔ དེ་ནས་རང་བཞིན་གྱི་དཀྱིལ་འཁོར་སྤྱན་དྲངས་པ་ནི། བདག་དམ་ཚིག་སེམས་དཔའི་ཐུགས་ཀའི་འོད་ཟེར་ལས་ལྷ་མོ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་མ་བཞི་སྤྲོས་ཏེ༔ འོག་མིན་ཆོས་ཀྱི་

[Full Size]

དབྱིངས་ཀྱི་ཕོ་བྲང་༔ ཆོས་སྐུ་སྐྱེ་བ་མེད་པའི་ངང་ནས༔ ལོངས་སྤྱོད་རྫོགས་པའི་སྐུ་ཞི་ཁྲོ་ཡོངས་རྫོགས་ཚོམ་བུ་དགུ་ཡི་ལྷ་ཚོགས་སྔོན་གྱི་ཐུགས་དམ་དང་ཐུགས་རྗེའི་དབང་གིས་དམ་ཚིག་གི་དཀྱིལ་འཁོར་འདིར་འགྲོ་བ་སེམས་ཅན་གྱི་དོན་ལ་བཛྲ་ས་མ་ཡ་ཛ༔ཛ༔ ཧཱུྃ༔ རྣམ་དག་ཆོས་དབྱིངས་ངང་ཉིད་ལས༔ ཞི་ཁྲོ་ཡོངས་རྫོགས་སྐུར་བཞེངས་ལ༔ སྲིད་གསུམ་གདུག་པའི་ཚོགས་བསྒྲལ་ཕྱིར༔ གནས་འདིར་སྤྱན་འདྲེན་གཤེགས་སུ་གསོལ༔ ཨེ་ཧྱ་ཧི་ས་མ་ཡ་ཛ༔ཧཱུྃ་བཾ་ཧོ༔ ཧྲིང་ཧྲིང་ཛ༔ དེ་ནས་བཞུགས་སུ་གསོལ་བ་ནི། ཧཱུྃ༔ བདེ་གཤེགས་ཀུན་འདུས་དཀྱིལ་འཁོར་འདིར༔ དམ་ཚིག་ཡེ་ཤེས་དབྱེར་མེད་པར༔ ཆུ་ལ་ཆུ་བཞག་ཅི་བཞིན་དུ༔ དུ་མ་རོ་གཅིག་བརྟན་པར་བཞུགས༔ ས་མ་ཡ་ཨཱ་བེ་ཤ་ཡ་ཏིཥྛ་ལྷན༔ ཧཱུྃ༔ ཆོས་རྣམས་རང་བཞིན་ཡེ་ནས་དག༔ རྟོག་འཁྲུལ་འཇིག་རྟེན་སེམས་ཅན་ལ༔ སྐུ་གསུང་ཐུགས་ཡོན་ཕྲིན་ལས་རྫོགས༔ དཀྱིལ་འཁོར་ལྷ་ལ་ཕྱག་འཚལ་བསྟོད༔ ཨ་ཏི་པཱུ་ཧོ༔ པྲ་ཏི་ཛ་ཧོ༔ ན་མ་ཧྲིང་༔ དེ་ནས་ཕྱི་ཡི་མཆོད་པས་ལྷ་གསལ་གདབ་པ་ནི༔ ཧཱུྃ༔ གདུལ་བྱའི་མོས་བློ་ཐ་དད་པས༔ ཞི་དང་ཁྲོ་དང་འདྲེས་པའི་ཚུལ༔ སྐུ་མདོག་ཞལ་ཕྱག་བསམ་འདས་

[Full Size]

ཀྱང་༔ ལྷ་རྣམས་གསལ་འདེབས་གར་མཆོད་འབུལ༔ ཧཱུྃ༔ དབུས་ཕྱོགས་ཆོས་དབྱིངས་གཞལ་ཡས་ཁང་༔ སེང་ཆེན་ཉི་ཟླ་པདྨའི་སྟེང་༔ བཅོམ་ལྡན་དཔལ་ཆེན་རྡོ་རྗེ་སེམས་དཔའ་ནི༔ ཆོས་སྐུ་མི་འགྱུར་སྐུ་མདོག་མཐིང་༔ ཕྱག་གཡས་རྡོ་རྗེ་རྩེ་ལྔ་འཛིན༔ གཡོན་པས་དྲིལ་བུ་དཀུ་ལ་བརྟེན༔ ཡུམ་ཆེན་ཀུན་བཟང་དབྱིངས་ཕྱུག་འཁྲིལ༔ རྒྱན་རྫོགས་སྐུ་གསུང་ཐུགས་སྲོག་ལ༔ རིགས་ལྔ་ལ་སོགས་འཁོར་བཅས་གསལ༔ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཧཱུྃ༔ དབུས་ནས་ཆེ་མཆོག་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔའི་དབུ་བརྒྱན་ཐུགས་སྲོག་གསལ༔ གཡས་ཀྱི་ཕྱག་གསུམ་རྡོ་རྗེ་གསོར༔ གཡོན་གྱི་ཕྱག་གསུམ་བྷར་འཛིན༔ ཡུམ་ཆེན་གནམ་ཞལ་དབྱིངས་ཕྱུག་འཁྲིལ༔ གཡས་པས་གཙོ་འཁྱུད་ཁཊཾ་ག༔ གཡོན་པས་ཆགས་པའི་དུང་དམར་སྟོབ༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ དཔལ་ཆེན་བཛྲ་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་

[Full Size]

དབུས་མཐིང་ཞལ༔ རིགས་ལྔའི་དབུ་རྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁ་ཊཾ་རྗེལ༔ གཡོན་གསུམ་དྲིལ་བྷན་རྒྱུ་ཞགས་བསྣམས༔ ཡུམ་ཆེན་ཀྲོ་ཏཱི་ཤྭ་རཱི་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ དཔལ་ཆེན་འཇམ་དཔལ་གཤིན་རྗེའི་གཤེད༔ དབུ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔའི་དབུ་བརྒྱན་ཐུགས་སྲོག་གསལ༔ གཡས་གསུམ་བེ་ཅོན་རལ་གྲི་སྟ༔ གཡོན་གསུམ་སྡིགས་མཛུབ་མདུང་བྷན་དམར༔ ཡུམ་ཆེན་བཛྲ་བེ་ཏ་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེསཾ༔ ཧཱུྃ༔ དཔལ་ཆེན་པདྨ་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བསྒྲལ༔ གཡས་དཀར་གཡོན་སྔོ་དབུས་དམར་ཞལ༔ རིགས་ལྔའི་དབུ་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁ་ཊཾ་ཞགས༔ གཡོན་གསུམ་དྲིལ་བུ་བྷན་དམར་

[Full Size]

སྒྲོགས༔ ཡུམ་ཆེན་ཨེ་ཀ་ཙ་ཏི་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཆེ༔ དབུ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་ནག །རིགས་ལྔའི་དབུ་བརྒྱན་ཐུགས་སྲོག་གསལ༔ གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁ་ཊཾ་ག༔ མཐའ་གཉིས་རི་རབ་ཕུར་བུ་འདྲིལ༔ ཡུམ་ཆེན་འཁོར་ལོ་རྒྱས་འདེབས་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ དཔལ་ཆེན་བླ་མེད་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔའི་དབུ་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁྱུང་སྦྲུལ་ཞགས༔ གཡོན་གསུམ་བྷན་ཞིང་ག་འུ་བསྣམས༔ ཡུམ་ཆེན་ཉིད་བཞི་མུ་ཁ་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་

[Full Size]

ཆགས་པའི་དུང་དམར་སྟོབ༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ བདེ་གཤེགས་རིག་འཛིན་ཐོད་པ་རྩལ༔ ཞལ་གཅིག་ཕྱག་གཉིས་ཞབས་གཉིས་བསྒྲད༔ སྐུ་མདོག་དཀར་དམར་རུས་རྒྱན་མཛེས༔ རིགས་ལྔའི་དབུ་བརྒྱན་ཐུགས་སྲོག་གསལ༔ རྡོ་རྗེ་དྲིལ་བུ་ཕྱག་རྒྱ་བསྒྱུར༔ ཡུམ་ཆེན་ཆོས་དབྱིངས་རྣལ་འབྱོར་འཁྲིལ༔ གཉིས་མེད་འཁྲིལ་སྦྱོར་བདེ་ཆེན་བསྐྱེད༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ དཔལ་ཆེན་དྲེགས་པ་ཀུན་འདུལ་རྗེ༔ དབུ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔའི་དབུ་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ལྷ་བརྒྱད་མགོ༔ གཡོན་གསུམ་བྷནྡྷ་ཀླུ་བརྒྱད་མགོ༔ ཡུམ་ཆེན་སྲིད་པ་སྤྱི་འདུལ་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ དཔལ་ཆེན་སྟོབས་ལྡན་ནག་པོ་ཚེ༔ དབུ་གསུམ་ཕྱག་དྲུག་ཞབས་བཞི་བསྒྲད༔ དབུ་གསུམ་

[Full Size]

མཐིང་ནག་འཇིགས་པ་ལ༔ རིགས་ལྔའི་དབུ་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ལྷ་བརྒྱད་སྙིང་༔ གཡོན་གསུམ་བྷནྡྷ་ཀླུབརྒྱད་སྙིང་༔ ཡུམ་ཆེན་འབྱུང་ལྔའི་བདག་མོ་འཁྲིལ༔ གཡས་པས་གཟུགས་ཁམས་མཁའ་ལ་འདེག༔ གཡོན་པས་འདོད་ཁམས་ས་ལ་གནོན༔ ཡབ་ཡུམ་ཐབས་ཤེས་ཟུང་འཇུག་རྒྱ༔ ཕྱག་རྒྱ་གར་གྱི་མཆོད་པ་བཞེས༔ ཧཱུྃ༔ སོ་སོའི་རིགས་བཞི་འཁོར་ཚོགས་རྣམས༔ ཞལ་དང་ཕྱག་མཚན་ཅི་བསྒྱུར་ཡང་༔ བདེ་གཤེགས་ཐམས་ཅད་གར་གྱི་བདག༔ ཕྱག་རྒྱ་གར་གྱི་མཆོད་འབུལ་བཞེས༔ མ་ཧཱ་མུ་དྲ་པཱུ་ཙ་ཧོ༔ དེ་ནས་རྡོ་རྗེ་གླུ་ཡི་མཆོད་པ་ནི༔ ཧཱུྃ༔ སྟོང་པའི་རང་བཞིན་ཅིར་ཡང་སྣང་༔ སྣང་བའི་མཚན་ཉིད་སྐྱེ་བ་མེད༔ གླ་ནི་འདུ་འབྲལ་མེད་པའི་གླུ༔ བྲོ་ནི་བར་ཆད་མེད་པར་འབུལ༔ ཨོཾ་མ་ཧཱ་ཛྷཱ་ན་ཏེ་ཏེ་ཧཱུཾ༔ ཏེ་ན་ཧཱུྃ་ཏེ་ཏེ་ཧཱུྃ་ཧཱུྃ༔ དེ་ནས་ཕྱིའི་མཆོད་པ་རྣམ་ལྔས་མཆོད་པ་ནི། རང་གི་ཐུགས་ཀ་ནས་མཆོད་པའི་ལྷ་མོ་རྣམས་སྤྲོས་ཏེ་རང་ལ་མཆོད་པར་བསམས་ལ༔ རྡོ་རྗེ་དྲིལ་བུ་སྟོབ་ཚུལ་ལམ། ཕྱག་རྒྱ་བྱས་ལ། ཧཱུྃ༔ རྒྱལ་བ་རྒྱ་མཚོའི་དཀྱིལ་འཁོར་དུ༔ བདུག་སྤོས་མེ་ཏོག་མར་མེ་དྲི༔ ཞལ་ཟས་སིལ་སྙན་

[Full Size]

མཆོད་པའི་སྤྲིན༔ དབྱིངས་ནས་བཏོན་ཏེ་དབྱིངས་སུ་འབུལ༔ ཨོཾ་པ་ན་པེ༔ པེ་ནུ་སུ་ར་ཏོ༔ ཏེ་པུ་པ་ར་མུ༔ སརྦ་ཏ་ཐཱ་ག་ཏ་སི་ཏི་ས་མ་ཡ་ཧོ༔ འདི་ཀུན་ལ་འགྲེས་སུ་བྱ་གསུངས། ཨོཾ་ཤྲཱི་བཛྲ་རཱ་ག་དྷུ་པེ་དྷུ༔ པུཊྚེ་པུ༔ ཨཱ་ལོ་ཀེ་ཧི༔ གནེ་ཧོ༔ ནེ་ཝི་དྱ་ཨཱ༔ ཤབྡ་ཧཱུྃ༔ དེ་ནས་ནང་གི་མཆོད་པ་ནི། ནང་འདོད་ཡོན་གྱི་མཆོད་པ་ནི། འདོད་ཡོན་ལྔ་ཡི་ལྷ་མོ་གཟུགས་རྡོ་རྗེ་མ༔ སྒྲ་རྡོ་རྗེ་མ༔ དྲི་རྡོ་རྗེ་མ༔ རོ་རྡོ་རྗེ་མ༔ རེག་བྱ་རྡོ་རྗེ་མ༔ ཆོས་ཁམས་རྡོ་རྗེ་མ་རྣམས་སོ་སོའི་མཆོད་རྫས་ཐོགས་པ་སྤྲུལ་ནས། རང་ཉིད་ཀྱི་དབང་པོ་ལྔ་ལ་མཆོད་པ་བྱེད་པར་བསམས་ལོ༔ ཧཱུྃ༔ མཆོད་པའི་ཕྱག་རྒྱ་ཆེན་པོ་ནི༔ སེམས་ཀྱི་རང་བཞིན་སྤྲིན་ཚོགས་གཏིབས༔ གཟུགས་སྒྲ་དྲི་རོ་རེག་བྱ་ཆོས༔ འདོད་ཡོན་ལྔ་ལྡན་མཆོད་པར་བཞེས༔ ཨོཾ་ཨཱཿཧཱུྃ་སརྦ་པཱུ་ཙ་ས་མ་ཡ་ཧོ༔ གསང་བ་སྦྱོར་སྒྲོལ་དུག་ལྔའི་མཆོད་པ་ནི༔ ཧཱུྃ༔ འདོད་ཆགས་ཞེ་སྡང་གཏི་མུག་ཆེ༔ ང་རྒྱལ་ཕྲག་དོག་ཉོན་མོངས་ལྔ༔ ཡེ་ནས་རིགས་ལྔའི་མཛད་སྤྱོད་དེ༔ སྦྱོར་སྒྲོལ་ཏིང་འཛིན་མཆོད་པར་བཞེས༔ ཧ་ལ་པཉྩ་པཱུ་ཙ་ཧོ༔ དེ་ནས་དུག་གསུམ་གྱི་མཆོད་པ་ནི༔ ཧཱུྃ༔ ཤ་ཁྲག་རུས་པ་རྣམ་པ་གསུམ༔ དུག་གསུམ་མཆོད་

[Full Size]

པ་བླ་ན་མེད༔ ཡེ་ནས་སྐུ་གསུམ་རང་བཞིན་ཡིན༔ རང་གྲོལ་ཉིད་དུ་མཆོད་པར་བཞེས༔ མ་ཧཱ་ཀཾ་ནི་རི་ཏི༔ མ་ཧཱ་རཀྟ༔ མ་ཧཱ་མྲ་ཤ་ཁཱ་ཧི༔ དེ་ནས་བདུད་རྩི་སྨན་གྱི་མཆོད་པ་ནི། ཧཱུྃ༔ རང་བྱུང་གདོད་ནས་རྣམ་པར་དག༔ རྩ་བརྒྱད་སྟོང་ལ་སྦྱར་བའི་སྨན༔ རིགས་ལྔ་དམ་ཚིག་ལྔ་ཡི་དངོས༔ ཡེ་ཤེས་ལྔ་རྫོགས་བསྒྲུབ་པའི་རྫས༔ རྒྱུད་ལྔ་སེམས་ཅན་ཀུན་བསྒྲལ་ཕྱིར༔ དུག་ལྔ་སེལ་བའི་བདུད་རྩི་ཆེ༔ ཨོཾ་སརྦ་པཉྩ་ཨ་མྲྀ་ཏ་ཧཱུྃ་ཧི་ཋཱ༔ ཧཱུྃ༔ རྩ་བརྒྱད་སྟོང་ལ་སྦྱར་བ་ཡི༔ ཐུན་མོང་མཆོག་དང་ཁྱད་འཕགས་འདི༔ དུས་གསུམ་བླ་མ་ཡི་དམ་ལྷ༔ རྒྱལ་བ་ཞི་ཁྲོ་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེའི་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཞེས་མཚན་བསྟོད་བྱེ་བྲག་ཏུ་འབུལ་ལ༔ ཕོ་བྲང་དགུ་ལ་མཚན་སོ་སོར་སྦྱར་ལ༔ དབུས་ནས་ཆེ་མཆོག་ཡབ་ཡུམ་དང་༔ རིགས་བཞི་ལ་སོགས་འཁོར་བཅས་ལ༔ རྣམ་དག་ཐུགས་རྗེས་འགྲེས་སུ་བྱ༔ དེ་ནས་དངོས་གྲུབ་བླངས་བ་ནི༔ ཧཱུྃ༔ ལྕེ་ཡི་རྡོ་རྗེའི་དམ་ཚིག་ལ༔ དམ་ཚིག་ཅན་གྱི་ཧཱུྃ་བསྒོམ་སྟེ༔ མཐེབ་སྲིན་ཐབས་ཤེས་ཕྱག་རྒྱ་ཡི༔

[Full Size]

མྱོང་ནས་དངོས་གྲུབ་མཆོག་ཐོབ་འགྱུར་ཀཱ་ཡ་སིདྡྷི་ཨོ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧཱུྃ༔ དེ་ནས་གཏོར་མའི་མཆོད་པ་ནི། ཧཱུྃ༔ དམ་རྫས་རྨད་བྱུང་གཏོར་ཆེན་འདི༔ འདོད་ཡོན་ལྔ་ཡི་ཕུང་པོར་གསལ༔ ཐམས་ཅད་ཚིམ་བྱེད་མཆོད་སྦྱིན་ཆེ༔ རྒྱལ་བ་ཡོངས་རྫོགས་ཞི་ཁྲོའི་ཐུགས་དམ་བསྐང་༔ མ་ཧཱ་བ་ལིཾ་ཏ་ལ་ཁ་རཾ་ཁཱ་ཧི༔ དེ་ནས་རཀྟའི་མཆོད་པ་ནི། ཧཱུྃ༔ རུ་ཏྲ་བསྒྲལ་བའི་ཁྲག་ཆེན་པོ༔ ལྕང་ལོར་བཅས་པའི་བྷནྡྲར་བསྐྱིལ༔ འཁོར་བ་དབྱིངས་སུ་དག་བྱའི་ཕྱིར༔ དཔལ་ཆེན་ཚོགས་ཀྱི་ཞལ་དུ་འབུལ༔ མ་ཧཱ་རཀྟ་ལ་ཁ་རཾ་ཁཱ་ཧི༔ དེ་ནས་བདུད་རྩི་ཆང་གི་གསང་བའི་མཆོད་པ་ནི། ཧཱུྃ༔ རྒྱུ་གཉིས་རྐྱེན་སྦྱར་འབྲུ་བཅུད་འདི༔ དུག་ལྔ་སྨན་བསྒྱུར་དམ་པའི་རྫས༔ ཛ་གད་དཔའ་བོའི་བདུད་རྩི་འདི༔ རྒྱལ་བ་ཡོངས་རྫོགས་ཞི་ཁྲོའི་ཐུགས་དམ་བསྐང་༔ མ་ཧཱ་པཉྩ་ཨ་མྲྀ་ཏ་ཛ་གད་ལ་ཁཱ་ཧི༔ དེ་ནས་སྦྱོར་བའི་མཆོད་པ་ནི༔ ཧཱུྃ༔ དབྱིངས་རིག་དབྱེར་མེད་སྦྱོར་བ་ཡི༔ འཁོར་འདས་གཉིས་སུ་མེད་པར་སྦྱོར༔ གཉིས་མེད་རྟོགས་པའི་སྦྱོར་མཆོད་འདིས༔ རྒྱལ་བ་ཡབ་ཡུམ་མཉེས་གྱུར་ཅིག༔ ཛཧཱུྃ་བཾ་ཧོ༔ པདྨ་ཡོ་གི་ནི་ས་མ་ཡ་ཨཱ་བེ་ཤ་ཡ་

[Full Size]

ཕཊ༔ དེ་ནས་བསྒྲལ་བའི་མཆོད་པ་ནི། ཧཱུྃ༔ ཡང་དག་དོན་རྟོགས་བློ་ཡིས་ནི༔ མ་རྟོགས་སེམས་ཅན་གནས་སུ་བསྒྲལ༔ དུས་གསུམ་བདེ་གཤེགས་དེ་ལ་མཉེས༔ མཆོག་གི་མཆོད་པ་ཆེན་པོ་བཞེས༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་མ་ཏྲཾ་རུ་ཏྲ་པྲ་བྷན་ཙཀྲ་ཧཱུྃ་ཕཊ༔ པྲ་ཝེ་ཤ་ཡ་ཕཊ༔ ཏི་ཧཱུྃ་ཨ་སྤ་ར་ཎ་ཕཊ༔ དེ་ནས་སྐུ་གསུང་ཐུགས་ཡོན་ཏན་ཕྲིན་ལས་ལྔའི་སྒོ་ནས་བསྟོད་པ་ནི། ཨོཾ༔ མཉམ་ཉིད་ཆོས་སྐུའི་རང་བཞིན་ནི༔ ཀུན་བཟང་ཟག་པ་མེད་པར་བདེ༔ སེམས་ཅན་དོན་ལ་དེ་བཞིན་གཤེགས༔ ཐུགས་རྗེའི་སྐུ་ལ་ཕྱག་འཚལ་བསྟོད༔ ཨཱཿ རྩོལ་མེད་རང་བྱུང་ཆོས་སྐུའི་སྒྲ༔ མ་འགགས་རང་གསལ་འཛིན་པ་མེད༔ ཆགས་མེད་སྐྱོན་བྲལ་པདྨའི་གསུང་༔ ཡང་དག་གསུང་ལ་ཕྱག་འཚལ་བསྟོད༔ ཧཱུྃ༔ སྤྲོས་པ་མེད་པ་དབྱིངས་ཀྱི་ངང་༔ མ་སྐྱེས་འཇིགས་མེད་རྡོ་རྗེའི་ཐུགས༔ བླང་དོར་མེད་པ་ཆོས་ཀྱི་དབྱིངས༔ འགྱུར་མེད་ཐུགས་ལ་ཕྱག་འཚལ་བསྟོད༔ སྭ༔ ཆོས་དབྱིངས་རོལ་པ་ཆེན་པོ་ལ༔ རྩལ་དང་རོལ་པ་མི་དམིགས་ཀྱང་༔ ནམ་མཁའ་མཛོད་ཀྱི་ཆོ་འཕྲུལ་གྱི༔ ཡོན་ཏན་རེ་བསྐང་ཕྱག་འཚལ་བསྟོད༔ ཧཱ༔ རང་བཞིན་ཅིར་

[Full Size]

ཡང་མ་ངེས་ཀྱང་༔ དཀྱིལ་འཁོར་ཆེན་པོའི་ཆས་བཟུང་ནས༔ རྟོགས་མེད་དྲེགས་པ་ངང་གིས་འདུལ༔ ཕྲིན་ལས་མཛད་ལ་ཕྱག་འཚལ་བསྟོད༔ ཨོཾ་ཨཱཎཱཧཱུྃ་སྭཱ་ཧཱ༔ ན་མཧིདྷ་ཡ༔ ཨོཾ་ན་མོ༔ དེ་ནས་བཤགས་པ་ཁ་གསོ་ནི། ཧཱུྃ༔ བདེ་གཤེགས་ཞི་ཁྲོ་ཡོངས་རྫོགས་དགོངས༔ སྔོན་ནས་རང་དང་མཉམ་ཉིད་དོན༔ མ་རྟོགས་རིགས་མཚན་སོ་སོར་བཟུང་༔ དབྱེར་མེད་རྣམ་དག་ཀློང་དུ་བཤགས༔ ས་མ་ཡ་ཨེ་ཧོ་ཤུདྡྷེ་ཨཱཿ ཨོཾ་ཤྲཱི་བཛྲ་ཧེ་རུ་ཀ་ས་མ་ཡ༔ མ་ནུ་པཱ་ལ་ཡ༔ བཛྲ་ཧེ་རུ་ཀ་ཏེ་ནོ་པ༔ ཏིཥྛ་ཌིབྷྱོ་མེ་བྷ་ཝ༔ སུ་ཏོཊོ་མེ་བྷ་ཝ༔ སུ་པོཁྱོ་མེ་བྷ་ཝ༔ ཨ་ནུ་རཀྟ་མེ་བྷ་ཝ༔ སརྦ་སིདྡྷི་མྨེ་པྲ་ཡཙྪ༔ སརྦ་ཀརྨ་སུ་ཙ་མེ༔ ཙིཏྟཾ་ཤྲི་ཡཿཀུ་རུ་ཧཱུྃ༔ ཧ་ཧ་ཧ་ཧ་ཧོ༔ བྷ་ག་ཝཱན༔ སརྦ་ཏ་ཐཱ་ག་ཏཱ༔ བཛྲ་ཧེ་རུ་ཀ་མཱ་མེ་མུཉྩ༔ བཛྲ་བྷ་ཝ༔ མ་ཧཱ་ས་མ་ཡ༔ བཛྲ་ཧེ་རུ་ཀ་སཏྭ་ཨཱ༔ འདིར་གསོལ་འདེབས་བྱ༔ འོག་གི་ཛབ་དགོངས་འདི་ལ། རྒྱས་པར་འགྲེས་བཤང་ལ་ཞི་བའི་བསྙེན་པ་བརྒྱའམ་སྟོང་བྱའོ༔ སྟོང་ཚིག་མཆོད་པ་འདོན། དེ་ནས་དཔལ་དགུ་རེ་རེ་ལའང་བརྒྱའམ་སྟོང་རེ༔ ཁྱུང་བཀའ་སྡོད་ལ་བརྒྱ་རེ༔ མཚམས་མཚམས་སོ་སོར་སྟོང་ཚིག་མཆོད་པ་རེ༔ ཡེ་ཤེས་ལྷ་ཚོགས་ཞེས་པ༔ ཆེ་མཆོག་ལྷ་ཚོགས་ཞེས་སོགས་

[Full Size]

མཚན་བསྒྱུར་བར་བྱའོ༔ ཞལ་གདམས་སོ།།

[Full Size]

ཤོག་སྟོང་

ཞི་བསྙེན་འཛབ་བསྐུལ།

[Full Size]

རྒྱས་པར་གབ་སྤྱད་ཤིན་ཏུ་བསྡུ་ན་གབ་མི་སྤྲོད་གཞུང་ལྟར་རོ། །རྒྱུད་ལས་ཞི་བ་བསྙེན་ཅིང་ཁྲོ་བོ་སྒྲུབས། ཞེས་འབྱུང་བས། ཞི་བསྙེན་འཛབ་བསྐུལ་བ་ནི། དེ་ནས་འཛབ་ལ་འཇུག་པ་ནི། ཧཱུྃ༔ གསང་བ་ཡོངས་རྫོགས་དཀྱིལ་འཁོར་དུ༔ ཆེ་མཆོག་དཔལ་དགུ་དབུ་རྒྱན་ནས༔ ཐབས་ཤེས་ཉི་ཟླ་པདྨའི་སྟེང་༔ མི་བསྐྱོད་རྣམ་པར་སྣང་མཛད་དང་༔ རིན་འབྱུང་མཐའ་ཡས་དོན་ཡོད་གྲུབ༔ ཡུམ་ཆེན་ཀུན་བཟང་སངས་རྒྱས་སྤྱན༔ མ་མཱ་གོས་དཀར་དམ་ཚིག་སྒྲོལ༔ རྒྱལ་བ་ཡབ་ཡུམ་ཕྱག་མཚན་ཅན༔ ཀུན་བཟང་ཡབ་ཡུམ་དགྱེས་པར་སྦྱོར༔ སྲས་མཆོག་སེམས་དཔའ་སེམས་མར་བཅས༔ སྤྲུལ་སྐུ་ཐུབ་དྲུག་མཐར་བྱེད་བརྒྱད༔ མཉེན་ལྕུག་འཁྲིལ་ལྡེམ་གཞོན་ཚུལ་ཅན༔ གསལ་འཚེར་ལྷུན་སྡུག་གཟི་བརྗིད་འབར༔ དབུ་རྒྱན་ཅོད་པན་ཕྲེང་བ་དང་༔ དོ་ཤལ་དཔུང་རྒྱན་སེ་མོ་དོ༔ རིན་ཆེན་དར་དཔྱངས་ཆས་རྣམས་རྫོགས༔ སྐུ་ནི་ཞི་བའི་ཉམས་དང་ལྡན༔ གསུང་ནི་ཡང་སྙིང་སྔགས་སྒྲ་སྒྲོག༔ ཐུགས་ནི་རང་བྱུང་ཡེ་ཤེས་གསལ༔ འཛབ་ཀྱིས་སྐུ་གསུང་ཐུགས་རྒྱུད་བསྐུལ༔ སྤྲོས་པས་སྟོང་་་་ལྷ་རྣམས་ཡབ་ཡུམ་དུ་མར་སྤྲོ་ཞིང་༔ བཟླས་པ་ཞི་བ་བཞི་བཅུ་ཞེ་གཉིས་པ༔

[Full Size]

གསུམ་སྐུ་ཡིས་གང་༔ སྐུ་ལས་གསུང་བྱོན་སྔགས་འབྲུ་ནི༔ བསྡུས་པས་ཆོས་དབྱིངས་མཁའ་་་་་་གསལ་གདབ་པ་ནི་རིགས་ལྔར་བསྡུ་བའོ༔ ལ་ཐིམ༔ མ་གསལ་བར་དུ་བསྐྱེད་ཅིང་བསྒོམས༔ མ་འགྲུབ་བར་དུ་མི་བཏང་ངོ་༔ ཨོཾ་ཨཱཿཧཱུྃ་སྭཱ་ཧཱ༔ ཨོཾ་ཨཱ་ལི་ཀཱ་ལི་ཛྙཱ་ན་པཉྩ་སཏཱ་ཀྲོ་ཏ་མུ་ནེ་སྭཱ་ཧཱ༔ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷ་ཏུ་ཞི་བ་རིགས་འདུས་ཀྱི་སྙིང་པོ་བསྙེན་པའོ༔ སྙིང་པོ་བརྒྱ་སྟོང་བཟླས་རྗེས་སུ༔ རྗེས་སྟོང་ཚིག་གི་མཆོད་པ་བྱ༔ དེ་ནས་ཁྲོ་བོ་སྒྲུབ་པའི་འཛབ་བཟླ་བ་ནི། གབ་སྤྱད་ན་སྐོལ་བ་འདི་བསྒྱུར། ཧཱུྃ༔ དབུས་ཕྱོགས་འཁོར་ལོའི་གཞལ་ཡས་ནས༔ ཟླ་གམ་དབང་ཆེན་ཨེ་ཡི་དཀྱིལ་འཁོར་དུ༔ བྱོལ་སོང་གཙོ་བརྒྱད་དྲེགས་པའི་སྟེང་༔ ཤར༴ དྲེགས་པ་རུ་ཏྲ་ཕོ་མོ་བསྣོལ༔ ལྷོ༴ ཆུ་གླང་ཟུང་བཞི༴ ནུབ༴ ཀླུ་རྒྱལ་ཕོ་མོ༴ བྱང་༴ མ་ཧཱ་དྷེ་ཝ་ཕོ་མོ༴ ཤར་ལྷོར༴ སྲིད་པའི་མ་མོ་འབུམ་བསྣོལ་སྟེང་༔ ལྷོ་ནུབ༴ དར་ཆེན་གདན་ཁྲི་བརྩེགས་པའི་སྟེང་༔ ནུབ་བྱང་༴ དྲེགས་པ་ཕོ་མོ༴ བྱང་ཤར༴ དགྲ་བགེགས་ཕོ་མོ༴ ཅེས་བསྒྱུར་ཁ་བྱའོ། ཐབས་ཤེས་ཉི་ཟླ་འོད་ཀྱི་དཀྱིལ༔ མ་ཆགས་པདྨའི་གེ་སར་ལ༔ བཅོམ་ལྡན་ཆེ་མཆོག་གཙོ་བོ་དགུ༔ དབྱིངས་ཕྱུག་ཁྲོ་མོ་

[Full Size]

དགུ་དང་སྦྱོར༔ གཉིས་མེད་འཁྲིལ་སྦྱོར་ཆ་ལུགས་ནི༔ སྒེག་པ་དཔའ་བ་འཇིགས་སུ་རུང་༔ རྒོད་དང་གཤེ་དང་སྙིང་རྗེ་རྔམས༔ འབར་ཁྲོ་ཞི་སོགས་གར་དགུ་ལྡན༔ སྐུ་ནི་དུར་ཁྲོད་ཆས་རྣམས་རྫོགས༔ གསུང་ནི་དྲག་པོའི་སྔགས་སྒྲ་སྒྲོག༔ ཐུགས་ནི་སྒྲོལ་མཛད་སྲོག་དང་བཅས་འཛབ་ཀྱི་སྐུ་གསུང་ཐུགས་རྒྱུད་བསྐུལ༔ ཕཊཀྱི་སྤྲོས་པས་སྟོང་གསུམ་གང་༔ བསྡུས་པས་ཡུམ་གྱི་མཁའ་ལ་འཁྱིལ༔ གསང་བའི་སྦུབས་ནས་ཐུགས་ཀར་ཐིམ༔ མ་གསལ་བར་དུ་བསྐྱེད་ཅིང་བསྒོམ༔ མ་གྲུབ་བར་དུ་མི་བཏང་ངོ་༔ དེ་ནས་ཕོ་བྲང་དགུའི་དཔལ་ལ་འགྲེས་སུ་སྦྱར་ཞིང་འཛབ་བཟླ་བ་ནི། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཨོཾ་ཧཱིཀྐི་ཝི་ཊི་ཏ་ན་ན་ཧཱུྃ་ཕཊ༔ ཨོཾ་རྒྱ་གཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བི་ཧཱུྃ་ཕཊ༔ ཨོཾ་གུ་བྱ་ཛྙཱ་ན་ཤཱི་ཧེ་རུ་ཀ་ཀྲོ་ཏཱི་ཤྭ་རཱི་ཧཱུྃ་ཕཊ༔ ཨོཾ་བཛྲ་མ་ཧཱ་གུ་རུ་སརྦ་ཧཱུྃ་ཕཊ༔ ཨོཾ་བཛྲ་ཙཎྜ་སརྦ་དུཏྟཱན་ཧཱུྃ་ཕཊ༔ ཨོཾ་བཛྲ་སརྦ་དུཥྛན་ཨེ་ཛ་བྷྱོ་ཧཱུྃ་ཕཊ༔ ༈ ཧཱུྃ༔ ཡང་སྤྲུལ་ཁྱུང་ཆེན་བཀའ་སྡོད་རྣམས༔ བཟླས་བརྗོད་བསྙེན་པའི་མཆོད་པ་འབུལ༔ ཨོ་ཁྲོ་ག་རུ་ཊ་ཧཱུྃ་

[Full Size]

ཕཊ༔ སརྦ་དྷ་ཀི་ནི་ས་མ་ཡ་ཧཱུྃ་ཧཱུྃ་ཕཊ༔ ཅེས་ཟུར་མ་ཉམས་པར་བཟླ༔ དེ་ནས་བཟླས་བརྗོད་མཆོད་པ་ནི། ཡང་དག༴ འཇམ་དཔལ་༴ པདྨ་གསུང་༴ ཕུར་པ༔ མ་མོ༔ རིག་འཛིན་༴ མཆོད་བསྟོད༔ དྲག་སྔགས༔ བཀའ་སྲུང་ཁྱུང་གི་ལྷ་ཚོགས༔ ཧཱུྃ༔ ཡེ་ཤེས་ལྷ་ཚོགས་སྤྱན་འདྲེན་གཤེགས༔ སོ་ལྔ་པའི་རྗེས་ནས་བཀའ་བརྒྱད་ལྷ་ཚོགས་ཞེས་སྦྱར་རོ༔ ཕྱི་ནང་གསང་བའི་ཚོགས་མཆོད་འབུལ༔ སྐུ་གསུང་ཐུགས་ཡོན་ཕྲིན་ལས་བསྟོད༔ ཉམས་ཆག་འགལ་འཁྲུལ་ཅི་མཆིས་བཤགས༔ ཨོཾ་ཨཱཿཧཱུྃམ་ཧཱ་པཉྩ་ཨ་མྲྀ་ཏ་བ་ལི་ཏ་རཀྟ་ཁཱ་ཧི༔ ཞེས་སྟོང་ཚིག་གི་མཆོད་པ་བྱ་ཞིང་། རྟགས་སམ་གྲངས་བསྙེན་བདུན་འབུམ་ཉི་ཁྲི་ལས་ལ་སྦྱར་ཞིང་བཟླ།

[Full Size]

དེ་ནས་ཚོགས་འཁོར་བྱ་བ་ནི། ཚོགས་ཀྱི་ཡོ་བྱད་བདུད་རྩིར་བསང་ཞིང་སྦྱངས་ཏེ༔ ཨོ་ཨུ་ཙུཥྛ་པེ་ཏ་ལི་ཀྲོ་ཏ་སརྦ་དྲ་ཕྱི་ཤཱ་དྷ་ན་ཧཱུྃ་ཕཊ༔ ཧཱུྃ༔ རྡོ་རྗེ་ལྟ་བུའི་ཡེ་ཤེས་ཀྱི༔ ཆོས་རྣམས་ཐམས་ཅད་སྒྱུ་མར་རིག༔ རིག་པའི་ཡེ་ཤེས་རཾ་ཡཾ་ཁཾ༔ ཚོགས་ཀྱི་དངོས་པོ་བསྲེགས་སྦྱངས་བཀྲུས༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ འདིར་རྣམ་དག་ཅེས་པས་སྤྱན་དྲངས། ཧཱུྃ་རྣམ་དག་ཆོས་དབྱིངས་ངང་ཉིད་ལས༔ ཞི་ཁྲོ་ཡོངས་རྫོགས་སྐུ་བཞེངས་ལ༔ སྲིད་གསུམ་གདུག་པའི་ཚོགས་བསྒྲལ་ཕྱིར༔ གནས་འདིར་སྤྱན་འདྲེན་གཤེགས་སུ་གསོལ༔ ཨེ་རྒྱ་ཧི༔ ས་མ་ཡ༔ ཛཧཱུྃ་བཾ་ཧོ༔ ཧྲིང་ཧྲིང་ཛ༔ དེ་ནས་ཚོགས་མཆོད་བྱ་བ་ནི། ཧཱུྃ༔ རྒྱལ་བ་ཞི་ཁྲོའི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ དྲིན་ཅན་རྩ་བརྒྱུད་བླ་མ་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔

[Full Size]

བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ བདེ་གཤེགས་ཞི་བའི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ ཆེ་མཆོག་ཁྲོ་བོའི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ ཡང་དག་ཐུགས་ཀྱི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་

[Full Size]

ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ འཇམ་དཔལ་སྐུ་ཡི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ་འདོད་ཡོན་ལྔ་ལྡན་མཆོད་པར་བཞེས༔ པདྨ་གསུང་གི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ ཕྲིན་ལས་ཕུར་པའི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ་འདོད་ཡོན་ལྔ་ལྡན་མཆོད་པར་

[Full Size]

བཞེས༔ མ་མོ་རྦོད་གཏོང་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ བླ་མ་རིག་འཛིན་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ འཇིག་རྟེན་མཆོད་བསྟོད་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ དམོད་པ་དྲག་སྔགས་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔

[Full Size]

དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ སྤྲུལ་པ་ཁྱུང་གི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ བཀའ་སྲུང་དམ་ཅན་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་དད་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པར་བཞེས༔ བར་དེར་ལྷ་ཚོགས་མཚན་བཏོན་ནས། ཐུགས་དམ་བསྐང་ཞིང་ཚོགས་ཕུད་རིམ་པ་གསུམ་དུ་བཀྲོལ་ཏེ། དང་པོ་མཆོད་པ་ནི། ཧཱུྃ༔ བླ་མེད་མཆོག་གི་མཆོག་སྦྱོར་པ༔ ཡེ་ཤེས་ལྔ་ཡི་འོད་ཟེར་

[Full Size]

འཕྲོ༔ འདོད་ཡོན་ལྷ་མོས་རབ་བརྒྱན་འབུལ༔ དམ་བསྐང་དབང་དང་དངོས་གྲུབ་སྩོལ་ༀ་ན་མསརྦ་ཏ་ཐཱ་ག་ཏ་བྷྱོ་བྷི་ཤྭ་མུ་ཁེ་བྷྱཱ་སརྦ་ཐཱ་ཁཾ་ཨུཏྤ་ཏེ་སྤ་ར་ཎ༔ ཨི་མཾ་ག་ག་ན་ཁཾ་སྭཱ་ཧཱ༔ ཞེས་དང་། བླ་མ་ཡི་དམ་མཁའ་འགྲོ་ཆོས་སྐྱོང་རྣམས་ཀྱི་མཚན་ནས་སྨོས་ཏེ་མཇུག་ཏུ། ༈ དྲིན་ཅན་རྩ་བརྒྱུད་ཀྱི་བླ་མའི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ བདེ་གཤེགས་ཞི་བའི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ ཆེ་མཆོག་ཡོན་ཏན་གྱི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ ཡང་དག་ཐུགས་ཀྱི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ འཇམ་དཔལ་སྐུ་ཡི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ པདྨ་གསུང་གི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ ཕྲིན་ལས་ཕུར་པའི་ལྷ་ཚོགས་ཀྱི་ཞལ་དུ་གྲྭ་ན་ཙཀྲ་ལ་ཁ་རཾ་ཁཱ་ཧི༔ མ་མོ་རྦོད་གཏོང་གི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ བླ་མ་རིག་འཛིན་གྱི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ འཇིག་རྟེན་མཆོད་བསྟོད་ཀྱི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ དམོད་པ་དྲག་སྔགས་ཀྱི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ སྤྲུལ་པ་ཁྱུང་གི་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་

[Full Size]

ཁ་རཾ་ཁཱ་ཧི༔ བཀའ་སྲུང་དམ་ཅན་ལྷ་ཚོགས་ཀྱི་ཞལ་དུ་གྷ་ན་ཙཀྲ་ལ་ཁ་རཾ་ཁཱ་ཧི༔ ཞེས་འབུལ་ལོ། །བར་དུ་བཤགས་པ་ནི། ཧཱུྃ༔ མ་རིག་བདག་ཅག་ལུས་ངག་ཡིད༔ བག་མེད་དམ་འགལ་འབྱོར་ཚོགས་ཆུང་༔ བླ་མ་ཡི་དམ་མཁའ་འགྲོ་ཡི༔ དམ་ལས་འགལ་གྱུར་བཟོད་པར་གསོལ༔ ཨ་ཧོ་མ་ཧཱ་པུ་ཙ་ཀ་ས་མ་ཡཱ་ཧོ༔ བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མ་རྣམས་ཀྱི་སྐུ་གསུང་ཐུགས་དང་འགལ་བའི་ཉེས་པ་ཐམས་ཅད་ཞལ་ཟས་ཚོགས་ཀྱི་མཆོད་པ་ལ་བརྟེན་ནས་མཐོལ་ལོ་བཤགས་སོ་བྱང་ཞིང་དག་པར་མཛད་དུ་གསོལ༔ ཐ་མ་དགྲ་བགེགས་ཀྱི་གཟུགས་ལ་ཕུར་སྐོར་བྱ་ཞིང་བཏབ་པ་ནི། ཧཱུྃ༔ དཔལ་ཆེན་ཁྲག་འཐུང་ལྷ་ཚོགས་ཞལ་ཕྱེས་ཤིག༔ བག་ཆགས་ཀུན་སྤང་འཁོར་བའི་ལམ་དགག་ཕྱིར༔ གནོད་བྱེད་བསྒྲལ་བའི་དུག་གསུམ་ཤ་ཁྲག་རུས༔ ཟ་བྱེད་མི་འགྱུར་ཆོས་དབྱིངས་ཀློང་དུ་རོལ༔ བཛྲ་ཡཀཱ་ཀྲོ་ཏ་བི་ཛ་ཡ་ཁ་རཾ་ཁཱ་ཧི༔ ཚོགས་བར་པས་བསྐང་བ་གསོས་ལ༔ མདངས་བསྐང་ཉང་ལུགས་རྒྱས་པར་རབ༔ མ་ཐོན་ན་གུ་རུའི་ལུགས་བསྐང་བ་ཉུང་བ་འདོན༔ འདོན་རེས་ཡིན་ནོ༔ མདོས་ཐབས་ལ་བསྐང་བའི་རྗེས་ནས་མདོས་འདོན་ཏེ༔ སྡེ་དཔོན་སུམ་ཅུའི་གསོལ་ཁ་འདོན༔ དེ་ནས་ཁ་བཀང་གིས་འཕྱང་མང་མ་

[Full Size]

ཤོག་སྟོང་།

སྒྲུབ་པ་བཀའ་བརྒྱད་ཀྱི་བསྐང་བ་བསྡུས་པའི་རིམ་པ།

[Full Size]

སྒྲུབ་པ་བཀའ་བརྒྱད་ཀྱི་བསྐང་བ་བསྡུས་པའི་རིམ་པ་བཞུགས་སོ༔ སྒྲུབ་པ་བཀའ་བརྒྱད་ཀྱི་ལྷ་ཚོགས་འཁོར་དང་བཅས་པ་ལ་ཕྱག་འཚལ་ལོ༔ སློབ་དཔོན་པདྨ་འབྱུང་གནས་ཀྱིས༔ དམ་ཚིག་ཉམས་ཆག་བསྐང་བ་དང་༔ དཀྱིལ་འཁོར་ལྷ་ཚོགས་མཉེས་པའི་ཕྱིར༔ སྒྲུབ་པ་བཀའ་བརྒྱད་ཀྱི་བསྐང་བ་ནི་འདི་སྐད་དོ༔ ཧཱུྃ༔ འཁོར་འདས་རྒྱལ་བའི་དཀྱིལ་འཁོར་ལ༔ བསྐང་བ་མེད་དེ་ཁམས་གསུམ་ཡོངས་ཀྱིས་བསྐང་༔ སྒྲོལ་བ་མེད་དེ་ཁམས་གསུམ་ཡོངས་ཀྱིས་སྒྲོལ༔ སྦྱོར་བ་མེད་དེ་ཁམས་གསུམ་ཡོངས་ཀྱིས་སྦྱོར༔ ཡེ་སྦྱོར་ཡེ་སྒྲོལ་ཆེན་པོའི་ཐུགས་དམ་བསྐང་༔ ཐུགས་དམ་བསྐང་བའི་དམ་རྫས་ནི༔ རྒྱུ་མཆོག་ཆེན་པོ་རྣམ་ལྔ་དང་༔ མཆོག་ཆེན་མཆོག་ཕྲན་མཚན་ལྡན་དང་༔ རང་བྱུང་དམ་རྫས་བདུད་རྩི་དང་༔ རྨད་དུ་བྱུང་བའི་གཏོར་མ་དང་༔ རཀྟ་དམར་གྱི་ཨནྡྷཾ་དང་༔ ཤ་ཆེན་སྤོས་ཀྱི་དམ་རྫས་དང་༔ རྣལ་འབྱོར་ཚོགས་ཀྱི་ལོངས་སྤྱོད་དང་༔ སྣང་གསལ་འོད་ཀྱི་ཞུན་མར་དང་༔ མཁའ་ལྡིང་ཤེལ་སྒོང་ཙ་ར་དང་༔ འདི་དག་མདངས་ཀྱིས་ཐུགས་དམ་བསྐང་༔ ཚོམ་བུ་བརྒྱད་ཀྱི་དཀྱིལ་འཁོར་དུ༔ རིག་འཛིན་བརྒྱད་ལ་སོགས་པ་ཡི༔ སྐུ་གསུང་ཐུགས་དང་ཡོན་ཏན་དང་༔ ཕྲིན་ལས་རྦོད་གཏོང་

[Full Size]

མཆོད་བསྟོད་དང་༔ དམོད་པ་རིག་འཛིན་འཁོར་བཅས་དང་༔ བསྐང་ངོ་བསྐལ་པར་ཐུགས་དམ་བསྐང་༔ དང་པོ་ཐུགས་དམ་བསྐང་བ་ཡང་༔ རྣམ་དག་མཉམ་པའི་ངང་ཉིད་ལས༔ དབྱིངས་ལ་སྐྱེ་བ་མེད་མོད་ཀྱང་༔ སྐྱེ་བའི་ཆོ་འཕྲུལ་བཞི་བཅུ་གཉིས༔ ཞི་བ་འཁོར་བཅས་ཐུགས་དམ་བསྐང་༔ ཆེ་མཆོག་ཡོན་ཏན་ཐུགས་དམ་བསྐང་བ་ནི༔ སྐྱེ་མེད་དབྱིངས་ལས་ཆེ་མཆོག་སྐུ༔ ཁྲོ་བོ་དཀྱིལ་འཁོར་ཀུན་གྱི་གཙོ༔ ཆེ་མཆོག་ལྷ་ཚོགས་ཐུགས་དམ་བསྐང་༔ སྐུ་ཡི་རིག་འཛིན་ཐུགས་དམ་བསྐང་བ་ཡང་༔ འཇམ་དཔལ་རྔམ་བྱེད་གཤིན་རྗེའི་སྐུ༔ གཏུམ་རྔམ་ལས་ཀྱི་ཚོགས་དང་བཅས༔ སྲོག་དབུགས་མདངས་དང་བདུད་རྩི་ཡི༔ མཉེས་པར་བྱ་ཕྱིར་ཐུགས་དམ་བསྐང་༔ གསུང་གི་ཐུགས་དམ་བསྐང་བ་ཡང་༔ ཁམས་གསུམ་ཡོངས་སྒྲོལ་ཤ་ཁྲག་དང་༔ གཏུམ་ཆེན་འབར་བར་སྐུ་སྤྲུལ་ཞིང་༔ གཏུམ་པོའི་ཚོགས་དང་སྲིན་པོའི་ཚོགས༔ གཅན་གཟན་དོམ་དྲེད་ཝ་སྤྱང་དང་༔ ཟ་བྱེད་མཆེ་བ་བརྡར་བ་ཡི༔ དཀར་དམར་ལ་སོགས་ནང་ཆ་ཡི༔ དོན་སྙིང་དབང་པོ་ཤ་ཁྲག་དང་༔ མཆོད་པའི་ཚོགས་ཀྱིས་ཐུགས་དམ་བསྐང་༔ ཐུགས་ཀྱི་ཐུགས་

[Full Size]

དམ་བསྐང་བ་ཡང་༔ ཐུགས་ཉིད་དོན་གྱི་རང་བཞིན་ལ༔ ཁྲག་འཐུང་འཁོར་བཅས་ཐུགས་དམ་བསྐང་༔ ཕྲིན་ལས་ཐུགས་དམ་བསྐང་བ་ཡང་༔ སྣང་སྲིད་གྲུ་གསུམ་གཞལ་ཡས་སུ༔ དཀྱིལ་འཁོར་གསུམ་ལ་ལས་བྱེད་པ༔ བསེ་ལྕགས་དུང་གསུམ་ཕྲིན་ལས་བདག༔ དམ་རྫས་ཚོགས་ཀྱིས་ཐུགས་དམ་བསྐང་༔ མ་མོའི་ཐུགས་དམ་བསྐང་བ་ཡང་༔ ཡེ་ཤེས་ལས་ཀྱི་མ་མོ་རྣམས་ཀྱི་ཐུགས་དམ་བསྐང་༔ རྩ་སོགས་དབུགས་ལ་གནས་པ་ཡི༔ སྐྱེ་འཆི་རྩ་སོགས་བདག་པོ་ཀུན༔ སྲོག་དང་མདངས་ཀྱིས་ཐུགས་དམ་བསྐང་༔ རིག་འཛིན་ལྷ་ཚོགས་ཐུགས་དམ་བསྐང་བ་ཡང་༔ སྐུ་གསུང་ཐུགས་དང་ཡོན་ཏན་དང་༔ ཕྲིན་ལས་རྦོད་གཏོང་མཆོད་བསྟོད་སྔགས༔ ཕྱག་རྒྱ་ལྷུན་གྲུབ་ཚེ་ལ་སོགས༔ དམ་རྫས་མཆོད་པའི་ཐུགས་དམ་བསྐང་༔ མཆོད་བསྟོད་ཐུགས་དམ་བསྐང་བ་ཡང་༔ འཇིག་རྟེན་དྲེགས་པ་སུམ་ཅུ་ཡང་སྔོན་གྱི་རྣམ་སྨིན་ལས་གྲུབ་པའི༔ འབྲས་བུ་རང་རྒྱུད་དྲེགས་པར་སྨིན༔ འདི་རྣམས་གོང་བཞིན་བསྟན་པའི་ཕྱིར༔ དམ་རྫ་ས་གཟུགས་མཆོག་ཚང་བས་བསྐང་༔ དྲག་སྔགས་ཐུགས་དམ་བསྐང་བ་ཡང་༔ གཤིན་

[Full Size]

རྗེ་མ་མོ་ལ་སོགས་པའི༔ དྲེགས་པ་དམོད་པའི་མཚོན་ཆ་ཅན༔ སྡེ་དཔོན་བཅོ་བརྒྱད་ངོ་བོར་སྨིན༔ སྲོག་མདངས་དམ་རྫས་ཚང་བ་ཡང་༔ ཇི་ལྟར་མོས་བཞིན་ཐུགས་དམ་བསྐང་༔ དཔལ་གྱི་བཀའ་སྡོད་ཐུགས་དམ་བསྐང་བ་ཡང་༔ དབང་ཕྱུག་ལང་ཀ་མཁའ་འགྲོ་གིང་༔ འབར་མ་ས་བདག་མ་བདུན་སྲིང་༔ འབུམ་ཕྲག་མཁའ་འགྲོའི་ཐུགས་དམ་བསྐང་༔ སྲོག་དབུགས་མདངས་ཀྱིས་ཐུགས་དམ་བསྐང་༔ ཐུགས་དམ་གཉན་པོ་བསྐང་བའི་ལྷ་ཚོགས་ནི༔ སྒྲུབ་པ་བཀའ་བརྒྱད་ལྷ་ཚོགས་ཐུགས་དམ་བསྐང་༔ བཀའ་བརྒྱད་རིག་འཛིན་རྣམས་ཀྱི་ཐུགས་དམ་བསྐང་༔ ཐུགས་དམ་བསྐངས་བའི་བྱིན་རླབས་ཀྱིས༔ རྣལ་འབྱོར་དམ་ཚིག་ཚིག་ཉམས་བསྐང་གྱུར་ཅིག༔ མཆོག་དང་ཐུན་མོང་དངོས་གྲུབ་སྩོལ༔ ཡིད་ལ་བརྣག་པའི་དགྲ་བགེགས་སྒྲོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཐུགས་དམ་གཉན་པོ་བསྐང་བའི་དམ་རྫས་འདི༔ རྒྱུ་མཆོག་ཆེན་པོ་རྣམ་ལྔ་དང་༔ མཆོག་ཆེན་མཆོག་ཕྲན་མཚན་ལྡན་དང་༔ རང་བྱུང་དམ་རྫས་བདུད་རྩི་དང་༔ རྨད་དུ་བྱུང་བའི་གཏོར་མ་དང་༔ རཀྟ་དམར་གྱི་དགྱེས་མཆོད་དང་༔ སྣང་གསལ་

[Full Size]

འོད་ཀྱི་ཞུན་མར་དང་༔ ཤ་ཆེན་སྤོས་ཀྱི་དམ་རྫས་དང་༔ རྣལ་འབྱོར་ཚོགས་ཀྱི་ལོངས་སྤྱོད་དང་༔ མཁའ་ལྡིང་མདངས་དང་ཤེལ་སྒོང་མདངས༔ ཙ་ར་འདི་ཡི་མདངས་ཀྱིས་བསྐང་༔ འདི་ལྟར་བསྐངས་བསྐངས་གསོལ་གསོལ་ནས་༔ ཐུགས་དམ་གཉན་པོ་བསྐང་གྱུར་ཅིག༔ ཆོ་ག་ལྷག་ཆད་རྫོགས་གྱུར་ཅིག༔ གཡར་དམ་བསྐང་ལ་རྐྱེན་རྣམས་བཟློག༔ དམིགས་པའི་དགྲ་བོ་མྱུར་དུ་སྒྲོལ༔ བཅོལ་བའི་ཕྲིན་ལས་འགྲུབ་པར་མཛོད༔ རྣལ་འབྱོར་ཉམས་ཆག་བསྐང་བར་མཛོད༔ སྒྲུབ་པ་བཀའ་བརྒྱད་ཀྱི་བསྐང་བ་བསྡུས་པའི་རིམ་པ༔ ཨོ་རྒྱན་ཆེན་པོ་པདྨ་སཾ་བྷ་ཝས་མཛད་པ་རྫོགས་སོ༔

[Full Size]

ཤོག་སྟོང་།

བཀའ་བརྒྱད་ཁྲོ་བོ་རོལ་པའི་ལས་འགྲིགས་ཤིན་ཏུ་བསྡུས་པ།

[Full Size]

བཀའ་བརྒྱད་ཁྲོ་བོ་རོལ་པའི་ལས་འགྲིགས་ཤིན་ཏུ་བསྡུས་པ་ཡིན༔ འདི་ལ་ཡང་རྒྱས་པར་ན་ལྷ་དཔལ་དགུ་དང་༔ བཀའ་སྲུང་ཕོ་ཉ་ཡོངས་རྫོགས་སོ་སོའི་མིང་བསྒྱུར་ལ་གབ་སྤྲད་པར་བྱའོ༔ བསྡུ་ན་འདི་ཡོད་ཚུགས་ཚར་གཅིག་བྱས་ལ་བཟློག་གཞུང་གཉིས་འདོན་རེས་དང་༔ མདོས་ཐབས་ལ་ཁྲམ་བཟློག་སྟེ་གབ་མི་སྤྱད་ཀྱང་རུང་ངོ་༔ ཉང་ལུགས་བསྡུས་པའོ། །སྤྱི་བསྐུལ་བསྡུས་པ་བཞུགས་སོ༔ བདེ་གཤེགས་སྤྱི་བསྐུལ་བསྡུས་པའོ། །བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ༔ བདེ་གཤེགས་སྒྲུབ་པ་བཀའ་བརྒྱད་ཀྱི་ལྷ་ཚོགས་ལ་བསྟོད་ཅིང་ཕྲིན་ལས་བཅོལ་བ་ནི་འདི་སྐད་དོ༔ ཧཱུྃ༔ མི་མངོན་དབྱིངས་ན་བཞུགས་པའི་རྒྱལ་བ་ཞི་ཁྲོའི་ཚོགས༔ བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔ ཆོས་སྐུ་ཞི་བའི་ངང་ལས་མ་གཡོས་ཀྱང་༔ གཟུགས་སྐུ་འཇིགས་པའི་ཆ་ལུགས་རྫོགས་མཛད་པ༔ དྲག་པོའི་ཕྲིན་ལས་མཛད་པའི་དུས་ལ་བབ༔ ཕྱོགས་བཅུ་དུས་བཞིའི་བདེ་གཤེགས་བཅོམ་ལྡན་འདས༔ སྒྲུབ་པ་བཀའ་བརྒྱད་ལྷཚོགས་ཐུགས་དམ་ཅན༔ མི་མངོན་དབྱིངས་ནས་གནས་འདིར་གཤེགས་སུ་གསོལ༔ དམ་ཚིག་དཀྱིལ་འཁོར་འདི་ལ་བཞུགས་སུ་གསོལ༔ གཉིས་སུ་མེད་པར་ཕྱག་བགྱི་བཞུགས་སུ་གསོལ༔ དམ་རྫས་བདུད་རྩིའི་མཆོད་པ་འདི་

[Full Size]

བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་འགྲུབ་པར་མཛོད༔ དབང་དང་དངོས་གྲུབ་མ་ལུས་བསྩལ་དུ་གསོལ༔ ཉང་གཏེར་རོ༔ ༈ ཤམ། ན༔ དཔལ་ཆེ་མཆོག་ཧེ་རུ་ཀ་ལ་ཕྱག་འཚལ་ལོ༔ དཔལ་དགུའི་བཀའ་སྲུང་གི་ཕོ་ཉ་སྒོས་བསྐུལ་བསྡུས་པ་ཐུགས་དམ་གནད་ནས་བསྐུལ་བ་ནི༔ དཔལ་གཏོར་གསོལ་ཁ་ལ༔ རཀྟ་སྦྲེངས་ཤིང་༔ རྫ་དྲག་ཏུ་བརྡུང་ཞིང་དཔལ་གྱི་རྔམ་སྐད་ཀྱིས་འདི་སྐད་དོ༔ ཧཱུྃ༔ རབ་འཇིགས་དུར་ཁྲོད་རྔམ་པའི་ཀློང་དཀྱིལ་ནས༔ དཔལ་གྱི་བཀའ་སྲུང་དམ་ཅན་སྐུ་བཞེངས་ཤིག༔ དམ་རྫས་བརྒྱན་པའི་གཏོར་མ་འདི་བཞེས་ལ༔ ཐུགས་དམ་གནད་ནས་བསྐུལ་ལོ་ཕྲིན་ལས་མཛོད༔ ཅེ་སྤྱང་མི་བརྒྱད་དབང་ཕྱུག་ཉི་ཤུ་བརྒྱད༔ གྲི་ཐོགས་གིང་བཞི་ཁྲམ་ཐོགས་བདུད་པོ་བཞི༔ ཤོ་ཐོགས་རྩིས་བཞི་སྲོག་གཅོད་ཤན་པ་བཞི༔ ཁམས་བརྒྱ་མ་དྲུག་དམུས་ལོང་སུམ་ཅུ་གཉིས༔ ཁྱི་བརྒྱུད་སྤྱང་བརྒྱད་མེ་འབྲུག་རླུང་འབྲུག་དང་༔ དཀར་སེར་དམར་སྔོ་དྲྭ་བ་གློག་འགྱུ་མ༔ དབང་ཕྱུག་གསེར་གྱི་སེང་གེ་ཉི་ཤུ་བརྒྱད༔ དམ་ཅན་བཅུ་དྲུག་དྲེགས་པ་ཉི་ཤུ་གཅིག༔ དབང་ཕྱུག་ཉེར་བརྒྱད་མཁའ་འགྲོ་སུམ་ཅུ་གཉིས༔ ལས་བྱེད་མ་བརྒྱད་རྩིས་ཀྱི་མ་མོ་གསུམ་གསང་བའི་མ་

[Full Size]

གསུམ་ཐུགས་ཀྱི་དགྱེས་སྡེ་བཞི༔ མཁའ་འགྲོ་བཞི་པོ་དཔའ་བོ་ཆེན་པོ་བཞི༔ སྡེ་དཔོན་སུམ་ཅུ་དྲེགས་པ་བཅོ་བརྒྱད་དང་༔ གིང་ཆེན་བཅོ་བརྒྱད་ལང་ཀ་བཅུ་དྲུག་དང་༔ འབར་མ་བརྒྱད་དང་དུར་ཁྲོད་མ་མོ་བདུན༔ སྲིན་མོ་བཞི་དང་རྟོག་བྱེད་མ་མོ་བཞི༔ གདབ་ཕུར་བརྒྱ་དང་རྩ་བརྒྱད་སྒོ་མ་བཞི༔ ཕོ་ཉ་ཆེན་པོ་དྲུག་ཅུ་རྩ་བཞི་དང་༔ ས་བདག་ཆེན་མོ་སུམ་ཅུ་རྩ་གཉིས་དང་༔ མ་ཡམས་བརྟན་མ་བཅུ་གཉིས་ལ་སོགས་ཏེ༔ ཕོ་ཉ་བཀའ་སྲུང་དགྲ་འདུལ་ཐུགས་དམ་ཅན༔ དམ་རྫ་ས་བདུད་རྩིས་མཆོད་པ་འདི་བཞེས་ལ༔ དགྲ་བགེགས་གནོད་བྱེད་ཐལ་བ་རྡུལ་དུ་རློགས༔ ཐུགས་དམ་གནད་ནས་བསྐུལ་ལོ་ཕྲིན་ལས་མཛོད༔ དེ་ནས་ཏིང་ངེ་འཛིན་དང་ལྡན་པས་བསྐུལ་ཕྲིན་ལས་བཅོལ་ལོ༔ དཔལ་དགུའི་བཀའ་སྲུང་ཤིན་ཏུ་བསྡུས་པའི་ཚུལ་བསྡུས༔ ཉང་གཏེར་རོ། །བསྡུས་པའོ།

[Full Size]

ཤོག་སྟོང་།

བཀའ་བརྒྱད་ཁྲོ་བོ་རོལ་པའི་ལས་འགྲིགས་མདོར་བསྡུས་ཏེ་བཀོད་པ།

[Full Size]

བཀའ་བརྒྱད་ཁྲོ་བོ་རོལ་པའི་ལས་འགྲིགས་མདོར་བསྡུས་ཏེ་བཀོད་པ་བཞུགས་སོ༔ ཤམཐ༔ ཧོ༔ དགོངས་སུ་གསོལ་ལོ༔ ཞི་བ་བཞི་བཅུ་རྩ་གཉིས་དགོངས་སུ་གསོལ་ལོ༔ ཁྲག་འཐུང་ཆེ་མཆོག་གཙོ་དགུ་ཡབ་ཡུམ་དགོངས་སུ་གསོལ་ལོ༔ སྲས་དང་སྤྲུལ་པའི་འཁོར་ཚོགས་དགོངས་སུ་གསོལ་ལོ༔ བཀའ་སྡོད་ཕོ་ཉ་དམ་ཅན་ཐམས་ཅད་དགོངས་སུ་གསོལ་ལོ༔ བདག་ཅག་ཡོན་མཆོད་བསྲུང་བྱ་འདི་རྣམས་ལ༔ གནོད་ཅིང་འཚེ་བའི་དགྲ་བགེགས་བྱད་མ་རྣམས༔ བཀུག་ཅིང་བཅིང་བའི་ལས་ལ་དགོངས་སུ་གསོལ༔ བཟློག་ཅིང་བསད་པའི་ལས་ལ་དགོངས་སུ་གསོལ༔ སངས་རྒྱས་ཀྱི་བསྟན་པ་བསྲུང་བའི་ལས་ལ་དགོངས་སུ་གསོལ༔ དམ་ཚིག་དུས་ལ་བབ་བོ༔ སྒྲུབ་པའི་རྟགས་ཕྱུང་ཞིག༔ སྙན་པའི་གྲགས་པ་སྒྲོག་ཅིག༔ སུ་ལ་མི་རེ་ཁྱོད་ལ་རེའོ༔ སུ་ལ་མི་ལྟོས་ཁྱོད་ལ་ལྟོས་སོ༔ རྒྱལ་མཚན་དུ་ཁྱོད་འཛུགས་སོ༔ དཔའ་དར་དུ་ཁྱོད་ཕྱིར་རོ༔ སྡང་བའི་དགྲ་ཐུལ་ཅིག༔ གནོད་པའི་བགེགས་ཆོམས་ཤིག༔ རྣལ་འབྱོར་པ་བདག་གི་ཡུལ་འཁོར་སྲུངས་ཤིག༔ བྱེས་སུ་རྐྱེན་ཟློག་ཅིག༔ བསམ་པ་སྒྲུབ་ལ་རེ་བ་སྐོངས་ཤིག༔ སྤོ་ལ་དར་ཕྱོར་ཞིག༔

[Full Size]

ཁྲོམ་དུ་དུང་བུས་ཤིག༔ མི་ནོར་ཕྱུགས་གསུམ་སྲུངས་ཤིག༔ ཆག་ཆེ་ཉམ་ང་ཟློག་ཅིག༔ རྦོད་གཏོང་རྦད་འདྲེ་ཟློག་ཅིག༔ རྨི་ལམ་རྟགས་དང་མཚན་མ་ངན་པ་ཟློག་ཅིག། རྣལ་འབྱོར་པ་བདག་གི་འདོད་དོན་རེ་བ་ཡིད་བཞིན་དུ་སྒྲུབས་ཤིག༔ གཞན་ཡང་སངས་རྒྱས་ཀྱི་བསྟན་པ་བཤིགས་པ་དང་༔ དཀོན་མཆོག་གི་དབུ་འཕང་སྨད་པ་དང་༔ རྣལ་འབྱོར་པ་བདག་གི་སྒོས་དགྲ༔ གཟུགས་ཅན་གྱི་དགྲ༔ གཟུགས་མེད་ཀྱི་བགེགས༔ བསྟན་པ་བཤིགས་པའི་དགྲ་བགེགས་ཐམས་ཅད་ཐལ་བ་རྡུལ་དུ་རློགས་ཤིག༔ ཅེས་པ་འདི་དགོངས་བཤགས་དང་དམོད་བྱང་གཉིས་ཀྱི་དོན་བསྡུས་པ་ཨ་རཱ་གས་སྦྱར་བའོ༔ བསྡུས་པ་དུས་ཀྱང་འདི་ཡན་ཆད་ཚན་གསུམ་པོ་དང་པོ་ཚར་གཅིག་ཡིན་གབ་སྤྲད་རྒྱུ་མེད། ༈ འདི་མན་གབ་སྤྱད་དགོས་ཤིན་ཏུ་བསྡུ་ན་གཞུང་ལྟར་རོ།། ཤམ། མདུན་དུ་ཉ་བོའི་སྣོད་གྲུ་གསུམ་འབར་བའི་ནང་དུ་ནི་ཏྲི་ལས་དགྲ་བགེགས་གང་ལ་བྱ་བ་དེ་དངོས་སུ་གསལ་བར་གྱུར༔ མཁྱེན་སྤང་ནི། ཧོ༔ མ་ཉེས་མ་ལེན་བདེ་གཤེགས་དཀོན་མཆོག་གསུམ༔ བཀའ་བརྒྱད༴ ཆེ་མཆོག༴ ཡང་དག༴ འཇམ་དཔལ་སྐུའི༴ པདྨ་གསུང་གི༴ ཕུར་པ་ཕྲིན་ལས༴ མ་མོ་རྦོད་གཏོང༴ རིག་འཛིན་སློབ་དཔོན༴ འཇིག་

[Full Size]

རྟེན་མཆོད་བསྟོད༴ དམོད་པ་དྲག་སྔགས༴ བཀའ་སྲུང་ཕོ་ཉ༴ སྤྲུལ་པ་ཁྱུང་གི༴ ལྷ་ཚོགས་མཁྱེན་དགོངས་གཟུ་དང་དཔང་༔ ཞལ་ལྕེ་སྣང་སྲིད་ལྷ་འདྲེ་ཡོངས་ཀྱིས་ཆོད༔ སྣང་ཞིང་སྲིད་པའི་ལྷ་འདྲེ་ཐམས་ཅད་ཀུན༔ བདག་ནི་མ་ལེན་ཆད་པ་དགྲ་ལ་ཆོད༔ བསྟན་པའི་སྤྱི་དགྲ་བླ་མའི་སྐུ་དགྲ་དང་༔ བདག་དང་སྐྱེ་འགྲོ་ཡོངས་ལ་གནོད་ཅིང་འཚེ༔ བསྒྲལ་ཞིང་ཚང་བ་ལོ་ཟླར་བཞག་ཏུ་མེད༔ དེ་བས་མྱུར་དུ་བཀའ་ཡི་ཆད་པ་ཆོད༔ བདེན་བརྡར་ནི། ན་མོ༔ དཀོན་མཆོག་གསུམ་གྱི་བདེན་པ་དང་༔ རྒྱལ་བ་ཞི་ཁྲོའི༔ ཆེ་མཆོག༴ ཡང་དག༴ འཇམ་དཔལ་སྐུའི༴ པདྨ་གསུང་གི༴ ཕུར་པ་ཕྲིན་ལས༴ མ་མོ་རྦོད་གཏོང༴ རིག་འཛིན་སློབ་དཔོན༴ འཇིག་རྟེན་མཆོད་བསྟོད༴ དམོད་པ་དྲག་སྔགས༴ བཀའ་སྲུང་ཕོ་ཉ༴ སྤྲུལ་པ་ཁྱུང་གི༴ ལྷ་ཚོགས་རྣམས་ཀྱི་བཀའ་བདེན་པ་དང་༔ བདེན་པ་ཆེན་པོའི་མཐུ་དང་སྟོབས་ཀྱིས༔ བདག་ཅག་སློབ་དཔོན་ཡོན་མཆོད་འཁོར་དང་བཅས་པ་ལ༔ གནོད་ཅིང་འཚེ་བར་བྱེད་པའི་གཟུགས་ཅན་གྱི་དགྲ༔ གཟུགས་མེད་ཀྱི་བགེགས༔ བར་ཆད་ཀྱི་རྐྱེན༔ ཚེ་ལེན་གྱི་བདུད༔ བྱད་མ་ལྷ་སྲུང་དང་བཅས་པ་ཐམས་ཅད་ད་ལྟ་ཉིད་དུ་

[Full Size]

ལིངྒ་འདི་ལ་ཁུག་ཅིག༔ དེ་ནས་ཐུགས་དམ་བསྐུལ་ཏེ༔ ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ཁྲོ་བོ༴ ཡང་དག༴ གཤིན་རྗེ༴ པདྨ༴ ཕུར་པ༴ མ་མོ་རྦོད་གཏོང༴ རིག་འཛིན་སློབ་དཔོན༴ འཇིག་རྟེན་མཆོད་བསྟོད༴ དམོད་པ་དྲག་སྔགས༴ བཀའ་སྲུང་ཕོ་ཉ༴ སྤྲུལ་པ་ཁྱུང་ཆེན༴ རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ དཔལ་ཡང་དག༴ གཤིན་རྗེ༴ པདྨ༴ ཕུར་པ༴ མ་མོ་རྦོད་གཏོང༴ རིག་འཛིན་སློབ་དཔོན༴ འཇིག་རྟེན་མཆོད་བསྟོད༴ དམོད་པ་དྲག་སྔགས༴ བཀའ་སྲུང་ཕོ་ཉ༴ སྤྲུལ་པ་ཁྱུང་ཆེན༴ ཆེན་ཡོངས་རྫོགས་དྲགས་པོའི་ཕྲིན་ལས་མཛོད༔ ཕོ་ཉས་འགུགས༔ ཧཱུྃ༔ སངས་རྒྱས་བསྟན་པ་བཤིགས་པ་དང་༔ བླ་མའི་སྐུ་ལ་བསྡོ་བ་དང་༔ དཀོན་མཆོག་དབུ་འཕང་སྨད་པ་དང་༔ བདག་དང་མཆེད་ལ་འཚེ་བྱེད་པ༔ སྔ་དགྲ་ལག་བརྡར་ཕྱི་དགྲ་སེམས༔ ད་དགྲ་དངོས་སུ་བསྡོ་བ་ཡི༔ གཟུགས་ཅན་དགྲ་དང་གཟུགས་མེད་བགེགས༔ ཐམས་ཅད་མྱུར་དུ་འདིར་ཁུག་ཅིག༔ དགྲ་བགེགས་ནི་ཏྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ༔ བཛྲ་སྤོ་ཊ་ཐཾ༔ བཛྲ་གནྡྷེ་ཧོ༔ དེ་ནས་ལྷ་དང་ཕྲལ་བ་སྟེ། ཧཱུྃ༔ ཉམས་པའི་དགྲ་བགེགས་གནོད་བྱེད་གདུག་པ་ཅན༔ བསྒྲལ་

[Full Size]

བའི་ཞིང་བཅུ་ཚང་བ་འདི་ཡིན་པས༔ འདི་ལ་ཡེ་ཤེས་འཇིག་རྟེན་གང་གིས་ཀྱང་༔ ཁ་འཛིན་རྒྱབ་རྟེན་མགོན་སྐྱབས་མ་བྱེད་ཅིག༔ གལ་ཏེ་མ་ཉན་མགོན་ཞིང་སྐྱབས་གྱུར་ན༔ ཡེ་ཤེས་ལྷ་ཡང་ཐུགས་དམ་ཉམས་པར་འགྱུར༔ འཇིག་རྟེན་ལྷ་ཡང་རྡུལ་དུ་རླག་པར་བྱེད༔ དེ་བས་ཐམས་ཅད་རང་རང་གནས་སུ་དེངས༔ ཧཱུྃ་ཧཱུྃ་བྷི་ཤ་བཛྲ་ཀྲོ་དྷ་ཛྭ་ལ་མ་དྷ་ལ་ཧཱུྃ་ཕཊ༔ དགྲ་བགེགས་སྐྱོབ་བྱེད་ཀྱི་ལྷ་ཐམས་ཅད་དང་ཤག་ཕྱེས་ཤག་ཕྱེས༔ ཨོཾ༔ དོན་བདུན་བསྡུས་པའི་ཕུར་ལས༔ ཧཱུྃ༔ ང་ནི་ཆེ་མཆོག་ཧེ་རུ་ཀ༔ བཛྲ་ཧེ་རུ་ཀ༔ འཇམ་དཔལ༴ པདྨ་དབང་ཆེན༴ རྡོ་རྗེ་གཞོན་ནུ༔ བླ་མེད་ཧེ་རུ་ཀ༔ རིག་འཛིན་ཐོད་པ་རྩལ༔ དྲེགས་པ་ཀུན་འདུལཟ༔ སྟོབས་ལྡན་ནག་པོ༔ སྤྲུལ་པ་བཀའ་སྡོད་ཕོ་ཉའི་ཟླ༔ ཁྱུང་ཆེན་འབར་བའི་སྐུ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་འགྱེད༔ ཆེ་མཆོག༴ ཡང་དག༴ འཇམ་དཔལ༴ རྟ་མགྲིན༴ ཕུར་པ༴ མ་མོ༴ རིག་འཛིན༴ མཆོད་བསྟོད༴ དྲག་སྔགས༴ བཀའ་སྡོད༴ སྤྲུལ་པ་ཁྱུང་ཆེན༴ ལྷ་ཚོགས་དུས་ལ་བབ༔ གཡས་ཀྱི་ཕྱག་ན་ཕུར་པ་འདྲིལ༔ གཡོན་གྱི་ཕྱག་ན་ལྕགས་ཀྱུ་བསྣམས༔ ལྕགས་ཀྱུས་ཟུངས་ལ་ཕུར་པས་ཐོབ༔ གནོད་བྱེད་

[Full Size]

དགྲ་བགེགས་རྡུལ་དུ་རློགས༔ རྩ་སྔགས་ལ་སོ་ལྔ་པས་ཀྱང་རུང་༔ དགྲ་བགེགས་གནོད་བྱེད་ཤ་ཏུཾ་ཧུར་ཐུ་ཛ༔ ཚྭ་དྲི་མཱ་ར་ཡ་ཧཱུྃ་ཕཊ༔ ༈ ཧཱུྃ༔ རྡོ་རྗེ་ཕུར་པ་ཀཱི་ལ་ཡ༔ སངས་རྒྱས་ཡོངས་རྫོགས་ཕྲིན་ལས་སྐུ༔ དགྲ་བགེགས་ལྔ་ཕུང་རྡུལ་དུ་རློགས༔ ཨོ་བཛྲ་མ་ཧཱ་ཀྲོ་ཏ་པདྨ་ཀྲོ་ཏི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ དགྲ་བགེགས་གནོད་བྱེད་ཤ་ཏྲ་ཧུར་ཤྲཱི་ཛ༔ ནི་ཏྲི་མཱ་ར་ཡ་ཧཱུྃ་ཕཊ༔ ཧཱུྃ༔ ཡུངས་ཀར་རྒྱལ་པོ་ཤ་རི་རཾ༔ ཁྲོ་རྒྱལ་ཡོངས་རྫོགས་གྱད་ཀྱི་སྐུ༔ དགྲ་བགེགས་ལྔ་ཕུང་རྡུལ་དུ་རློགས༔ ཧཱུྃ༔ རཀྟའི་རྒྱ་མཚོ་རྦ་ཀློང་འཁྲུགས༔ མ་མོ་ཡོངས་རྫོགས་གྱད་ཀྱི་སྐུ༔ དགྲ་བགེགས་ལྔ་ཕུང་རྡུལ་དུ་རློགས༔ ཧཱུྃ༔ མཚེ་མདའ་དྲག་པོ་སྐར་ལྟར་འཁྲུགས༔ དྲེགས་པ་ཡོངས་རྫོགས་རྩལ་གྱི་ས༔ དགྲ་བགེགས་ལྔ་ཕུང་རྡུལ་དུ་རློགས༔ མཚེ་ཐུན་གྱིས་བྲབ་བོ།། ཧཱུྃ༔ འབྱུང་བ་དུག་ཐུན་རླུང་ལྟར་འཚུབ༔ གདུག་པའི་དུག་སྣ་ཡོངས་རྫོགས་སྐུ༔ དགྲ་བགེགས་ལྔ་ཕུང་རྡུལ་དུ་རློགས༔ ཧཱུྃ༔ ཐོགས་མེད་དྲག་པོ་ལས་ཀྱི་མཚོན༔ ཕྱག་མཚན་ཡོངས་རྫོགས་མཚོན་ཆའི་ཆར༔ དགྲ་བགེགས་ལྔ་ཕུང་རྡུལ་དུ་

[Full Size]

རློགས༔ ལྕགས་ཕྱེས་བྲབ༔ ཧཱུྃ༔ སྟོབས་ཆེན་འདུས་པ་མདའ་རྡོའི་ཐུན༔ བདུད་འཇོམས་ཡོངས་རྫོགས་དྲག་པོའི་མཚོན༔ དགྲ་བགེགས་ལྔ་ཕུང་རྡུལ་དུ་རློགས༔ མདའ་རྡོའི་ཐུན་བྲབ་བོ༔ བསྐུལ་བྱང་ཆུང་ངུ་༔ ༈ དེ་ནས་ཉ་བོ་བསྒྲལ་བ་ནི། ཧཱུྃ༔ ཆེ་མཆོག༴ ཡང་དག༴ འཇམ་དཔལ༴ རྟ་མགྲིན༴ ཕུར་པ༴ མ་མོ༴ རིག་འཛིན༴ འཇིག་རྟེན༴ དྲག་སྔགས༴ བཀའ་སྡོད༴ སྤྲུལ་པ་ཁྱུང་ཆེན༴ སྤྲུལ་པའི་ཤན་པ་འབུམ༔ སྤུ་གྲི་རླུང་གི་དཀྱིལ་འཁོར་ནས༔ སྒོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆག་བསྐང་བ་དང་༔ བསད་དང་མནན་དང་ཟློག་པ་དང་༔ དྲེགས་བྱེད་འབུམ་གྱི་ཕྲིན་ལས་མཛོད༔ དེ་ནས་དམར་སྦྲེང་བ་ནི། ཧཱུྃ༔ རུ་ཏྲ་བསྒྲལ་བའི་ཁྲག་ཆེན་པོ༔ ལྕང་ལོ་བཅས་པའི་བྷནྡྲར་བསྐྱིལ༔ འཁོར་བ་དབྱིངས་སུ་དག་པའི་ཕྱིར༔ ཆེ་མཆོག༴ ཡང་དག༴ འཇམ་དཔལ༴ པདྨ༴ ཕྲིན་ལས༴ མ་མོ༴ རིག་འཛིན༴ འཇིག་རྟེན༴ དྲག་སྔགས༴ བཀའ་སྡོད༔ སྤྲུལ་པ་ཁྱུང་ཆེན་ཚོགས་ལ་མཆོད་པར་འབུལ༔ མ་ཧཱ་རཀྟ་ལ་ཁཱ་ཧི༔ མུ་ལ་རཀྟ་ལ་ཁཱ་ཧི༔ ཨཝཱ་རཀྟ་ལ་ཁཱ་

[Full Size]

ཧི༔ དེ་ནས་བསྟབ་པ་བྱ་བ་ནི། ཧཱུྃ༔ ཕྱེས་ཤིག་ཕྱེས་ཤིག་ཞལ་ཕྱེས་ཤིག༔ ཆེ་མཆོག་ཡོན་ཏན་༴ ཡང་དག་ཐུགས་ཀྱི༴ འཇམ་དཔལ་སྐུའི༴ པདྨ་གསུང་གི༴ ཕྲིན་ལས་ཕུར་པ༴ མ་མོ་རྒོད་གཏོང༴ རིག་འཛིན་སློབ་དཔོན༴ འཇིག་རྟེན་མཆོད་བསྟོད༴ དམོད་པ་དྲག་སྔགས༴ བཀའ་སྡོད་ཕོ་ཉ༴ སྤྲུལ་པ་ཁྱུང་གི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་འབྱུང་པོ་དང་༔ གནོད་བྱེད་བྱད་མ་ཞལ་དུ་བསྟབ༔ ཞལ་དུ་བསྟབ་བོ་ཁ་རཾ་ཁཱ་ཧི༔ མགུལ་དུ་བསྟིམ་མོ་ཨཱ་ར་ལི༔ དབྱིངས་སུ་བསྟིམ་མོ་ས་མ་ཡ༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་བཱ་ཧི་མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི༔ དེ་ནས་གཏོར་མ་འབུལ་བ་ནི༔ ཧཱུྃ༔ དམ་རྫས་གཏོར་མ་ཆེན་པོ་འདི༔ འདོད་ཡོན་ལྔ་ཡི་ཕུང་པོར་གསལ༔ ཐམས་ཅད་ཚིམ་བྱེད་མཆོད་སྦྱིན་འདི༔ ཆེ་མཆོག༴ ཡང་དག༴ འཇམ་དཔལ༴ རྟ་མགྲིན༴ ཕུར་པ༴ མ་མོ༴ འཇིག་རྟེན༴ དྲག་སྔགས༴ བཀའ་སྡོད༴ སྤྲུལ་པ་ཁྱུང་ཆེན༴ ལྷ་ཚོགས་ཐུགས་དམ་བསྐང་༔ མ་ཧཱ་བྷ་ལི་ཏ་ལ་ཁཱ་ཧི༔ པཉྩ་ཨ་མྲྀ་ཏ་ལ་ཁཱ་ཧི༔ མ་ཧཱ་པུ་ཙ་ཁཱ་ཧི༔ དེ་ནས་བཅོལ་གཏད་པ་ནི། ཧཱུྃ༔ ཆེ་མཆོག༴ ཡང་དག༴ འཇམ་དཔལ༴ རྟ་མགྲིན༴ ཕུར་པ༴ མ་མོ༴

[Full Size]

རིག་འཛིན༴ འཇིག་རྟེན༴ དྲག་སྔགས༴ བཀའ་སྡོད༴ སྤྲུལ་པ་ཁྱུང་ཆེན༴ ལྷ་ཚོགས་འཁོར་བཅས་ལ༔ དམ་ཉམས་དགྲ་བགེགས་བྱད་མ་འདི༔ བསད་ཅིང་བསྒྲལ་བར་བྱ་བའི་ཕྱིར༔ མགོ་ལུས་རྒྱན་དང་བཅས་པ་འབུལ༔ བཅོལ་ལོ་གཏད་དོ་གཉེར་དུ་ལོངས༔ དེ་ནས་བྱོས་གདབ་ནི། ཧཱུྃ༔ ང་ནི་སྔགས་འཆང་རྒྱལ་པོ་ཡིན༔ བྷྱོ༔ སྟོང་གསུམ་ལྷ་འདྲེའི་བྱད་སྣ་ཡང་༔ ཉམས་པའི་དགྲ་བོའི་སྟེང་དུ་བྷྱོ༔ ནམ་མཁའ་ལྷ་ཡི་བྱད་སྣ་ཡང་ཉམས་པའི་དགྲ་བོའི་སྟེང་དུ་བྷྱོ༔ བར་སྣང་གཉན་གྱི་བྱད་སྣ་ཡང་ཉམས་པའི་དགྲ་བོའི་སྟེང་དུ་བྷྱོ༔ ས་གཞི་ཀླུ་ཡི་བྱད་སྣ་ཡང་༔ ཉམས་པའི་དགྲ་བོའི་སྟེང་དུ་བྱོ༔ སྣང་སྲིད་ལྷ་འདྲེའི་བྱེད་སྣ་ཡང་༔ ཉམས་པའི་དགྲ་བོའི་སྟེང་དུ་བྷྱོ༔ གླིང་བཞིའི་བན་བོན་བྱད་སྣ་ཡང་༔ ཉམས་པའི་དགྲ་བོའི་སྟེང་དུ་བྱོ༔ མོ་ངན་འཚེར་རྩུབ་ངན་པ་ཡང་ཉམས་པའི་དགྲ་བོའི་སྟེང་དུ་བྷྱོ༔ ལྟས་ངན་ཆོ་འཕྲུལ་ངན་པ་ཡང་༔ ཉམས་པའི་དགྲ་བོའི་སྟེང་དུ་བྷྱོ༔ བྷྱོ་བྷྱོ་བསྟན་པ་བཤིག་པའི་དགྲ་ལ་བྷྱོ༔ བྷྱོ་བྷྱོ་གནོད་པར་བྱེད་པའི་བགེགས་ལ་བྷྱོ༔ བྷྱོ་ཕྱོགས་བར་ཆད་བདུད་ལ་བྱོ༔ བྷྱོ་བྷྱོ་བྱད་མའི་སྟེང་དུ་བྷྱོ༔

[Full Size]

ཟློག་ཟློག༔ དེ་ནས་བཟློག་གཞུང་འདོན་ནོ། བཟློག་གཞུང་གཉིས་འདོན་རེས་བྱས་ཀྱང་རུང་ངོ་༔ གཙོ་བོ་དགུ་བཀའ་སྡོད་དང་བཅུ་ཁྱུང་དང་བཅུ་གཅིག་ལ་གབ་སྤྲད་དོ༔ ང་ནི་ཆེ་མཆོག་ཧེ་རུ་ཀ་ཞེས་པ་ལ༔ ང་ནི་ཁྱུང་ཆེན་འབར་བའི་སྐུ༔ ང་ནི་བཀའ་སྡོད་ཕོ་ཉའི་ཚོགས༔ ཞེས་པ་དང་༔ བཀའ་སྡོད་ཕོ་ཉ་ཞལ་ཕྱེས་ཤིག༔ ཞེས་པ་སོགས་ཚིག་བསྒྱུར་ཤེས་པར་བྱའོ༔ བཀའ་བརྒྱད་བསད་པ་ལས་བཅུ་ནི༔ མཁྱེན་དཔང་བདེན་བརྡར་ཐུགས་དམ་སྐུལ༔ ཕོ་ཉ་བཏང་བ་ལྷ་དང་ཕྲལ་བར་འགུགས་པ་ཉེས་པ་བསྒྲགས་པ༔ བསྒྲལ་བ་མཚོན་ལས་བསྟབ་པ་དང་བཅུ་ཡིན་པ་ལ༔ འདིར་མཁྱེན་དཔང་གཟུ་དཔང་ཉེས་པ་བསྒྲགས་པ་གསུམ་གཅིག་ཏུ་བསྡུས༔ ཕོ་ཉ་བཏང་བ་འགུགས་པ་གཉིས་གཅིག་ཏུ་བསྡུས༔ ཕུར་ཐུན་ཚོམ་བསྐུལ་བསྐུལ་བྱང་ཆུང་ངུ་ཐུན་ལས་དང་གབ་པ་དོན་བདུན་བསྡུས་པ་རྣམས་གབ་སྤྲད་ནས་གཅིག་ཏུ་བསྒྲིགས་པ་ཡིན་པས༔ མདོར་ན་བཀའ་བརྒྱད་ཀྱི་བསྒྲལ་ལས་རིགས་མང་དུ་སྣང་ཡང་དོན་ཐམས་ཅད་འདི་ལ་འདུས་པ་ཡིན་ནོ༔ འདི་བྲིས་ཉེས་པ་བཀའ་བརྒྱད་ལྷ་ལ་བཤགས༔ དགེ་བས་བར་ཆད་བདུད་བཞི་ཚར་བཅད་ནས༔ གསང་སྔགས་བསྟན་པའི་རྒྱལ་མཚན་བསྒྲེང་བར་ཤོག༔ ཅེས་ཀརྨ་ཨ་རཱ་གས་བྲིས་པའོ༔ བསྡུས་པ་འདི་ནས་ཟློག་གཞུང་གཅིག་འདོན་ནོ༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྒྲུབ་ཆེན་བཀའ་བརྒྱད་རྒྱུན་ཁྱེར་ཉུང་ངུ་།

[Full Size]

ན་མོ་ཤྲཱི་ཧེ་རུ་ཀ་ཡེ༔ སྒྲུབ་ཆེན་བཀའ་བརྒྱད་རྒྱུན་ཁྱེར་ཉུང་ངུ་བྲི། །སྐྱབས་འགྲོ་སེམས་བསྐྱེད་ད་ནངས་སོང་བས་འཐུས། བདག་དང་གཏོར་མ་སོ་སོར་ལྷར་གསལ་གདབ། བདག་མདུན་སོ་སོར་སྐད་ཅིག་ལ། ཀུན་བཟང་ཞི་བ་འོད་དུ་ཞུ་བ་ལས་བྱུང་བའི་ཆེ་མཆོག་ཧེ་རུ་ཀ་སྨུག་ནག་དབུ་ཉི་ཤུ་རྩ་གཅིག་ཕྱག་བཞི་བཅུ་ཞེ་གཉིས། དེ་ཡི་ཐུགས་ཀར་ཆེ་མཆོག་དབུ་དགུ་ཕྱག་བཅོ་བརྒྱད་པ། དེ་ཡི་ཐུགས་ཀར་ཡང་དག་པར་རྫོགས་པའི་སངས་རྒྱས་དཔའ་བོ་ཞལ་གཅིག་ཕྱག་གཉིས་པ། རྒྱུ་དང་འབྲས་བུའི་ཏིང་ངེ་འཛིན་གྱི་ཚུལ་དུ་དམ་ཚིག་ཡེ་ཤེས་གསེར་དང་འོད་ཀྱི་རྣམ་པར་གསལ་བར་གྱུར། དེ་ཡི་ཕྱི་རོལ་གྱི་ཕྱོགས་མཚམས་བརྒྱད་ལ། ཤར་དུ་ཡང་དག་ཐུགས། ལྷོར་འཇམ་དཔལ་སྐུ། ནུབ་ཏུ་པདྨ་གསུང་། བྱང་དུ་ཕུར་པ་ཕྲིན་ལས་མཚམས་བཞིར་མ་མོ་རྦོད་གཏོང་། དམོད་པ་དྲག་སྔགས། འཇིག་རྟེན་མཆོད་བསྟོད། རིག་འཛིན་སློབ་དཔོན་ཐམས་ཅད་མེ་དཔུང་འབར་བའི་དབུས་ན་གསལ་བར་གྱུར། ཧཱུྃ། དེ་ལྟར་ཚོམ་བུ་དགུ་ཡི་ལྷ་ཚོགས་རྣམས། །ཡབ་ཡུམ་སྲས་དང་སྤྲུལ་པ་འཁོར་དང་བཅས། །བཀའ་བརྒྱད་ལྷ་ཚོགས་བདུན་བརྒྱ་ཉེར་ལྔ་རྣམས། །ཕྱོགས་

[Full Size]

མཚམས་མེད་པར་འོད་ཟེར་མཐའ་ཡས་ཁེངས། །རང་རང་གནས་གསུམ་འོད་ཀྱིས་སྤྱན་དྲངས་བསྟིམ། །ཧཱུཾ། ཆོས་དབྱིངས་རྣམ་དག་རིག་པའི་ཡེ་ཤེས་དང་། །བདེ་གཤེགས་སྒྲུབ་པ་བཀའ་བརྒྱད་ལྷ་ཚོགས་རྣམས། །མ་བཅོས་ལྷུན་གྲུབ་ཛཧཱུཾ་བཾ་ཧོ་ཨཱ༔ ས་མ་ཡ་ཨཱ་ཝེ་ཤ་ཡ་ཏིཥྛ་ལྷན། རང་རིག་ཡེ་ཤེས་ལྷ་ལ་ཕྱག་འཚལ་ལོ། །ཧཱུྃ། རང་བྱུང་དབྱེར་མེད་ཐབས་ཤེས་སྨན་གྱི་མཆོག །རྒྱུ་རྐྱེན་རྣམ་དག་བདུད་རྩིས་གཏོར་མ་མཆོད། །ཆགས་བྲལ་རཀྟ་དམར་ཆེན་རྫས་ཀྱིས་མཆོད། །ཕྱི་ནང་གསང་བ་དེ་བཞིན་ཉིད་ཀྱིས་མཆོད། ། ཆོས་ཉིད་བླང་དོར་མེད་པའི་ངང་དུ་མཆོད། །སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། མ་ཧཱ་སུ་ཁ་མ་ཧཱ་བ་ལི་ཏ་ལ་ཁཱ་ཧི༔ མ་ཧཱ་མཾ་ས་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཧཱུྃ༔ ཀུན་བཟང་ཐུགས་ཀྱི་འོད་ཟེར་འཕྲོ་འདུ་ལས། །ལྷ་ཚོགས་བདུན་བརྒྱ་ཉེར་ལྔའི་དཀྱིལ་འཁོར་ཤར། །མཐའ་ཡས་དཔག་མེད་ཡེ་ཤེས་མེ་འོད་འབར། །བར་ཆད་སྡིག་སྒྲིབ་བསྲེགས་ལ་ཕྱག་འཚལ་བསྟོད། །ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཅེས་སོ་སོའི་སྔགས་བཟླས་ཀྱང་ལེགས་ལ། སྤྱི་དྲིལ་དྲག་སྔགས་སོ་ལྔ་པ་འདི་

[Full Size]

བཟླས་ཀྱང་ལེགས་ལ། ཨོ་བཛྲ་མ་ཧཱ་ཀྲོ་ཏ་པདྨ་ཀྲོ་ཏི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ བཀའ་བརྒྱད་འབྲེལ་བ་འཇོག་ཙམ་མོ། །རཱ་ག་ཨ་སྱས་སྨྲས་པའོ། །སརྦ་མངྒ་ལཾ། དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བཀའ་བརྒྱད་གསང་བ་ཡོངས་རྫོགས་ཀྱི་ལས་བྱང་སྨན་མཆོད།

[Full Size]

བཀའ་བརྒྱད་གསང་བ་ཡོངས་རྫོགས་ཀྱི་ལས་བྱང་སྨན་མཆོད་བཞུགས། །དབུས་ནས་ཆེ་མཆོག་ཡབ་ཡུམ་དང་༔ རིགས་བཞི་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཤར་ནས་བཛྲ་ཧེ་རུ་ཀ༔ རིགས་བཞི་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ལྷོ་ནས་འཇམ་དཔལ་གཤིན་རྗེའི་གཤེད༔ རིགས་བཞི་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ནུབ་ནས་པདྨ་དབང་ཆེན་རྟ་མཆོག་རྒྱལ༔ རིགས་བཞི་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ བྱང་ནས་རྡོ་རྗེ་གཞོན་ནུ་ཆེ༔ རིགས་བཞི་ལ་སོགས་

[Full Size]

འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཤར་ལྷོར་བླ་མེད་ཧེ་རུ་ཀ༔ མ་ལྔ་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ལྷོ་ནུབ་རིག་འཛིན་ཐོད་པ་རྩལ༔ རིགས་བཞི་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ནུབ་བྱང་དྲེགས་པ་ཀུན་འདུལ་རྗེ༔ རིགས་བཞི་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ བྱང་ཤར་སྟོབས་ལྡན་ནག་པོ་ཆེ༔ རིགས་བཞི་ལ་སོགས་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་སརྦ་པཉྩ་ཨ་

[Full Size]

ཚྭ་ཏ་ལ་ཁ་རཾ་ཁཱ་ཧི༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

འཛབ་དགོངས་གབ་སྤྲད།

[Full Size]

འཛབ་དགོངས་རྒྱས་པར་གབ་སྤྲད་ཤིན་ཏུ་བསྡུ་ན་གབ་མི་སྤྲད་པ་གཞུང་ལྟར་རོ༔ ཧཱུྃ༔ དབུས་ཕྱོགས་འཁོར་ལོའི་གཞལ་ཡས་ཁང་༔ ཟླ་གམ་དབང་ཆེན་ཨེ་ཡི་དཀྱིལ༔ བྱོལ་སོང་གཙོ་བརྒྱད་ལྷ་ཆེན་སྟེང་༔ ཐབས་ཤེས་ཉི་ཟླ་འོད་ཀྱི་དཀྱིལ༔ མ་ཆགས་པདྨ་གེ་སར་ལ༔ བཅོམ་ལྡན་ཆེ་མཆོག་ཧེ་རུ་ཀ༔ ཡུམ་ཆེན་གནམ་ཞལ་དབྱིངས་ཕྱུག་མ༔ གཉིས་མེད་འཁྲིལ་སྦྱོར་ཆ་ལུགས་ནི༔ སྒེག་པ་དཔའ་བ་འཇིགས་སུ་རུང་༔ རྒོད་དང་གཤེ་དང་སྙིང་རྗེ་རྔམས༔ འབར་ཁྲོ་ཞི་སོགས་གར་དགུ་ལྡན༔ སྐུ་ནི་དུར་ཁྲོད་ཆས་རྣམས་རྫོགས༔ གསུང་ནི་དྲག་པོའི་སྔགས་སྒྲ་སྒྲོག༔ ཐུགས་ནི་སྒྲོལ་མཛད་སྲོག་དང་བཅས༔ འཛབ་ཀྱི་སྐུ་གསུང་ཐུགས་རྒྱུད་བསྐུལ༔ ཕཊཀྱི་སྤྲོས་པས་སྟོང་གསུམ་གང་༔ བསྡུས་པས་ཡུམ་གྱི་མཁའ་ལ་འཁྱིལ༔ གསང་བའི་སྦུབས་ནས་ཐུགས་ཀར་ཐིམ༔ མ་གསལ་བར་དུ་བསྐྱེད་ཅིང་བསྒོམ༔ མ་གྲུབ་བར་དུ་མི་བཏང་ངོ་༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཅེས་སྟོང་ངམ་བརྒྱ་སོགས་བཟླས་ནས། ཧཱུྃ། ཆེ་མཆོག་ལྷ་ཚོགས་སྤྱན་འདྲེན་གཤེགས༔ ཕྱི་ནང་གསང་བའི་མཆོད་པ་འབུལ༔ སྐུ་གསུང་ཐུགས་ཡོན་ཕྲིན་ལས་

[Full Size]

བསྟོད༔ ཉམས་ཆག་འགལ་འཁྲུལ་ཅི་བགྱིས་བཤགས༔ ཨོཾ་ཨཱཿཧཱུྃ་མ་ཧཱ་པཉྩ་ཨ་མྲྀ་ཏ་བ་ལི་ཏ་རཀྟ་ཁཱ་ཧི༔ སྟོང་ཚིག་གི་མཆོད་པ་དང་རོལ་མོ་བྱའོ།། ཧཱུྃ། ཤར་ཕྱོགས་འཁོར་ལོའི་གཞལ་ཡས་ཁང་༔ རུ་ཊ་ཕོ་མོ་བསྣོལ་བའི་སྟེང་༔ བཅོམ་ལྡན་བཛྲ་ཧེ་རུ་ཀ༔ ཡུམ་ཆེན་ཀྲོ་ཏི་ཤྭ་རི་མ༔ གཉིས་མེད་འཁྲིལ་སྦྱོར་ཆ་ལུགས་ནི༔ སྒེག་པ་དཔའ་བ་འཇིགས་སུ་རུང་རྒོད་དང་གཤེ་དང་སྙིང་རྗེ་རྔམས༔ འབར་ཁྲོ་ཞི་སོགས་གར་དགུ་ལྡན༔ སྐུ་ནི་དུར་ཁྲོད་ཆས་རྣམས་རྫོགས༔ གསུང་ནི་དྲག་པོའི་སྔགས་སྒྲ་སྒྲོག༔ ཐུགས་ནི་སྒྲོལ་མཛད་སྲོག་དང་བཅས༔ འཛབ་ཀྱི་སྐུ་གསུང་ཐུགས་རྒྱུད་བསྐུལ༔ ཕཊཀྱི་སྤྲོས་པས་སྟོང་གསུམ་གང་༔ བསྡུས་པས་ཡུམ་གྱི་མཁའ་ལ་འཁྱིལ༔ གསང་བའི་སྦུབས་ནས་ཐུགས་ཀར་ཐིམ༔ མ་གསལ་བར་དུ་བསྐྱེད་ཅིང་བསྒོམ༔ མ་གྲུབ་བར་དུ་མི་བཏང་ངོ་༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཅེས་བརྒྱ་སྟོང་དང་། ཧཱུྃ། ཡང་དག་ཐུགས་ཀྱི་ལྷ་ཚོགས་སྤྱན་འདྲེན་གཤེགས། །ཞེས་སྟོང་ཚིག་གི་མཆོད་པ་བྱའོ། ཧཱུྃ། ལྷོ་ཕྱོགས་འཁོར་ལོའི་གཞལ་ཡས་སུ༔ ཆུ་གླང་ཕོ་མོ་བསྣོལ་བའི་སྟེང་༔ བཅོམ་ལྡན་འཇམ་དཔལ་གཤིན་རྗེའི་

[Full Size]

གཤེད། །ཡུམ་ཆེན་བཛྲ་བེ་ཏ་ལཱི། གཉིས་མེད་འཁྲིལ་སྦྱོར་ཆ་ལུགས་ནི༔ སྒེག་པ་དཔའ་བ་འཇིགས་སུ་རུང་རྒོད་དང་གཤེ་དང་སྙིང་རྗེ་རྔམས་འབར་ཁྲོ་ཞི་སོགས་གར་དགུ་ལྡན༔ སྐུ་ནི་དུར་ཁྲོད་ཆས་རྣམས་རྫོགས༔ གསུང་ནི་དྲག་པོའི་སྔགས་སྒྲ་སྒྲོག༔ ཐུགས་ནི་སྒྲོལ་མཛད་སྲོག་དང་བཅས༔ འཛབ་ཀྱི་སྐུ་གསུང་ཐུགས་རྒྱུད་བསྐུལ༔ ཕཊ༔ཀྱི་སྤྲོས་པས་སྟོང་གསུམ་གང་༔ བསྡུས་པས་ཡུམ་གྱི་མཁའ་ལ་འཁྱིལ༔ གསང་བའི་སྦུབས་ནས་ཐུགས་ཀར་ཐིམ༔ མ་གསལ་བར་དུ་བསྐྱེད་ཅིང་བསྒོམ༔ མ་གྲུབ་བར་དུ་མི་བཏང་ངོ་༔ ཨོ་ཧིཏྠི་ཝི་ཀྲི་ཏཱ་ན་ན་ཧཱུཾ་ཕཊ། ཅེས་བརྒྱ་སྟོང་བཟླ། ཧཱུྃ། འཇམ་དཔལ་སྐུ་ཡི་ལྷ་ཚོགས་སྤྱན་འདྲེན་གཤེགས། །ཞེས་སོགས་སྟོང་ཚིག་མཆོད་པ་བྱའོ། །ཧཱུཾ། ནུབ་ཕྱོགས་འཁོར་ལོའི་གཞལ་ཡས་སུ༔ ཀླུ་རྒྱལ་ཕོ་མོ་བསྣོལ་བའི་སྟེང་༔ བཅོམ་ལྡན་རྟ་མགྲིན་པདྨ་དབང་༔ ཡུམ་ཆེན་ཨེ་ཀ་ཙ་ཏི་མ༔ གཉིས་མེད་འཁྲིལ་སྦྱོར་ཆ་ལུགས་ནི༔ སྒེག་པ་དཔའ་བ་འཇིགས་སུ་རུང་རྒོད་དང་གཤེ་དང་སྙིང་རྗེ་རྔམས༔ འབར་ཁྲོ་ཞི་སོགས་གར་དགུ་ལྡན༔ སྐུ་ནི་དུར་ཁྲོད་ཆས་རྣམས་རྫོགས༔ གསུང་

[Full Size]

ནི་དྲག་པོའི་སྔགས་སྒྲ་སྒྲོག༔ ཐུགས་ནི་སྒྲོལ་མཛད་སྲོག་དང་བཅས༔ འཛབ་ཀྱི་སྐུ་གསུང་ཐུགས་རྒྱུད་བསྐུལ༔ ཕཊཀྱི་སྤྲོས་པས་སྟོང་གསུམ་གང་༔ བསྡུས་པས་ཡུམ་གྱི་མཁའ་ལ་འཁྱིལ༔ གསང་བའི་སྦུབས་ནས་ཐུགས་ཀར་ཐིམ༔ མ་གསལ་བར་དུ་བསྐྱེད་ཅིང་བསྒོམ༔ མ་གྲུབ་བར་དུ་མི་བཏང་ངོ་༔ ༀ་བྱཱ་གཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཅེས་བཟླས་ནས། ཧཱུྃ༔ པདྨ་གསུང་གི་ལྷ་ཚོགས་སྤྱན་འདྲེན་གཤེགས། །སོགས་སྟོང་ཚིག་གི་མཆོད་པ་བྱའོ། ཧཱུྃ། བྱང་ཕྱོགས་འཁོར་ལོའི་གཞལ་ཡས་ནས། །ལྷ་ཆེན་ཕོ་མོ་བསྣོལ་བའི་སྟེང་། །བཅོམ་ལྡན་རྡོ་རྗེ་གཞོན་ནུ་ཆེ། །ཡུམ་ཆེན་འཁོར་ལོ་རྒྱས་འདེབས་མ། །ཞེས་སོགས་བསྒྱུར་ལ་འཛབ་བསྐུལ་གྱེར། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་ཁཾ་ཧཱུྃ་ཕཊ། ཅེས་བཟླའོ། །ཧཱུཾ། ཕྲིན་ལས་ཕུར་པའི་ལྷ་ཚོགས་སྤྱན་འདྲེན་གཤེགས། །ཞེས་སོགས་སྟོང་ཚིག་གི་མཆོད་པ་བྱའོ།། ཧཱུྃ། ཤར་ལྷོ་འཁོར་ལོའི་གཞལ་ཡས་ནས། །མ་མོ་བསྣོལ་བའི་གདན་སྟེང་དུ། །བཅོམ་ལྡན་བླ་མེད་ཧེ་རུ་ཀ །ཡུམ་ཆེན་ཉིད་བཞི་མུ་ཁ་འཁྲིལ། །ཞེས་སོགས། འཛབ་བསྐུལ་གྱེར་ནས། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་ཧཱུྃ་ཕཊ། ཅེས་བཟླས་ནས། །

[Full Size]

ཧཱུཾ། མ་མོ་རྦོད་གཏོང་ལྷ་ཚོགས་སྤྱན་འདྲེན་གཤེགས། །སོགས་སྟོང་ཚིག་གི་མཆོད་པ་བྱའོ། །ཧཱུཾ། ལྷོ་ནུབ་འཁོར་ལོའི་གཞལ་ཡས་ནས། །དར་གྱི་འདབ་ཁྲི་བརྩེགས་པའི་སྟེང་། །བཅོམ་ལྡན་རིག་འཛིན་རྡོ་རྗེ་ཆོས། །ཡུམ་ཆེན་རྡོ་རྗེ་རྣལ་འབྱོར་མ། །སོགས་བརྗོད། ཨོཾ་བཛྲ་གུ་རུ་སརྦ་ཧཱུྃ་ཕཊ། ཅེས་བཟླས་ནས། ཧཱུྃ། རིག་འཛིན་སློབ་དཔོན་ལྷ་ཚོགས་སྤྱན་འདྲེན་གཤེགས། །སོགས་སྟོང་ཚིག་གི་མཆོད་པ་བྱའོ།། ཧཱུྃ། ནུབ་བྱང་འཁོར་ལོའི་གཞལ་ཡས་ཁང་། །ལྷ་ཆེན་ཕོ་མོ་བསྣོལ་བའི་སྟེང་། །བཅོམ་ལྡན་དྲེགགས་པ་ཀུན་འདུལ་དཔལ། །ཡུམ་ཆེན་སྲིད་པ་སྤྱི་འདུལ་འཁྲིལ། །ཞེས་སོགས་ཛབ་བསྐུལ་གྱེར་ནས། ཨོཾ་བཛྲ་སརྦ་དུན་ཧཱུཾ་ཕཊ། བཟླས་ནས། ཧཱུྃ། འཇིག་རྟེན་མཆོད་བསྟོད་ལྷ་ཚོགས་སྤྱན་འདྲེན་གཤེགས། །སོགས་སྟོང་ཚིག་གི་མཆོད་པའོ།། ཧཱུྃ། བྱང་ཤར་འཁོར་ལོའི་གཞལ་ཡས་ནས། །དྲེགས་པ་ཕོ་མོ་བསྣོལ་བའི་སྟེང་། །བཅོམ་ལྡན་སྟོབས་ལྡན་ནག་པོ་ཆེ། །ཡུམ་ཆེན་འབྱུང་ལྔའི་བདག་མོ་འཁྲིལ། སྒེག་པ་དཔའ་བ་འཇིགས་སུ་རུང་༔ རྒོད་དང་གཤེ་དང་སྙིང་རྗེ་རྔམས༔ འབར་ཁྲོ་ཞི་སོགས་གར་དགུ་ལྡན༔ སྐུ་ནི་

[Full Size]

དུར་ཁྲོད་ཆས་རྣམས་རྫོགས༔ གསུང་ནི་དྲག་པོའི་སྔགས་སྒྲ་སྒྲོག༔ ཐུགས་ནི་སྒྲོལ་མཛད་སྲོག་དང་བཅས༔ འཛབ་ཀྱི་སྐུ་གསུང་ཐུགས་རྒྱུད་བསྐུལ༔ ཕཊ༔ཀྱི་སྤྲོས་པས་སྟོང་གསུམ་གང་༔ བསྡུས་པས་ཡུམ་གྱི་མཁའ་ལ་འཁྱིལ༔ གསང་བའི་སྦུབས་ནས་ཐུགས་ཀར་ཐིམ༔ མ་གསལ་བར་དུ་བསྐྱེད་ཅིང་བསྒོམ༔ མ་གྲུབ་བར་དུ་མི་བཏང་ངོ་༔ ཨོ་བཛྲ་སརྦ་དུཥྛན་ཨེ་ཛ་བྱོ་ཧཱུྃ་ཕཊ༔ ཅེས་བཟླས་ནས། ཧཱུྃ། དམོད་པ་དྲགས་སྔགས་ལྷ་ཚོགས་སྤྱན་འདྲེན་གཤེགས། །སོགས་མཆོད་པ་བྱའོ། ཧཱུྃ། ཡང་སྤྲུལ་ཁྱུང་ཆེན་བཀའ་སྡོད་རྣམས། །བཟླས་བརྗོད་བསྙེན་པའི་མཆོད་པ་འབུལ། །ཨོཾ་ཁྲོ་ག་རུ་ཊ་ཧཱུཾ་ཕཊ། སརྦ་དྷ་ཀི་ནཱི་ས་མ་ཡ་ཧཱུྃ་ཧཱུྃ་ཧཱུྃ་ཕཊ། ཅེས་པ་བརྒྱ་ཙམ་བཟླས་ནས། ཧཱུྃ། ཁྱུང་ཆེན་བཀའ་སྡོད་ལྷ་ཚོགས་སྤྱན་འདྲེན་གཤེགས༔ ཕྱི་ནང་གསང་བའི་མཆོད་པ་འབུལ༔ སྐུ་གསུང་ཐུགས་ཡོན་ཕྲིན་ལས་བསྟོད༔ ཉམས་ཆག་འགལ་འཁྲུལ་ཅི་བགྱིས་བཤགས༔ ཨོཾ་ཨཱཿཧཱུྃ་མ་ཧཱ་པཉྩ་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ དྲག་སྔགས་སོ་ལྔ་པ་འདིའི་རྗེས་ནའང་བཀའ་བརྒྱད་ལྷ་

[Full Size]

ཚོགས་སྤྱན་འདྲེན་གཤེགས༔ སྟོང་ཚིག་མཆོད་པ་བྱ་བར་ཀློང་ཆེན་པས་གསུངས༔ མ་བྱས་ཀྱང་རུང་སྟེ་གཞུང་ན་མེད༔ འདི་དག་པར་ངག་ནས་བྱང་བར་བྱས་ལ་རྒྱུན་དུ་བསྙེན་པ་དང་། ཐམས་ཅད་ལ་འདི་ཤིན་ཏུ་སྦྱར་དགོས་པས་གལ་ཆེ། ༧ རཱ་གས་མཛད་པའི་བཀའ་བརྒྱད་ལས་བྱང་འཛབ་དགོངས་རྒྱས་པ་ནས་འདོན་བྱ་འདི་སྟབས་སྡེའི་ཕྱིར་ཁོལ་ཕྱུང་བྱས་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བསྐང་རྫས་བྱིན་རླབས།

[Full Size]

བསྐང་རྫས་བྱིན་རླབས་བཞུགས་སོ།། ཨོཾ་ཧཱིཔདྨནྟ་ཀྲྀཏ་བཛྲ་སོགས་ཀྱིས་བགེགས་དང་མ་དག་པ་བསང་། ཨོཾ་སྭ་བྷ་ཝས་དངོས་འཛིན་སྦྱང་། སྟོང་པའི་ངང་ལས་འབྱུང་བ་རིམ་བརྩེགས་རི་རབ་གླིང་བཞི་ལྕགས་རི་མུ་ཁྱུད་དང་བཅས་པ༔ རི་རབ་ཀྱི་སྟེང་དུ་རླུང་མེ་ཐོད་སྐྱེད་དེའི་སྟེང་དུ་ཀ་པཱ་ལ་རྒྱ་ཁྱོན་དཔག་ཏུ་མེད་པའི་ནང་དུ་ཤ་ལྔ་བདུད་རྩི་ལྔ་ཞུ་བའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་ལྦུ་བ་ལ་གཟུགས་མཛེས་པ་སྣ་ཚོགས་འཕྱུར་བ༔ རྦ་རླབས་ལ་སྒྲ་སྙན་པ་སྣ་ཚོགས་གྲག་པ༔ ངད་པ་ལ་དྲི་ཞིམ་པ་སྣ་ཚོགས་ཀྱི་ངད་ལྡང་བ། ལྗགས་ལ་བརྡར་བས་རོ་བརྒྱ་དང་ལྡན་པ༔ ལུས་ལ་རེག་བྱ་འཇམ་ཞིང་གསོལ་བས་ཟག་མེད་ཀྱི་བདེ་བ་བསྐྱེད་པ༔ དེའི་ཕུད་རླངས་ལ་འདོད་ཡོན་གྱི་ལྷ་མོས་ནམ་མཁའ་གང་བ་རྒྱུན་མི་འཆད་པར་འཕྲོ་ཞིང་༔ སོ་སོ་རང་རང་གི་མཆོད་རྫས་དུ་མ་ཐོགས་ཏེ༔ ལྷ་སོ་སོའི་དབང་པོ་དྲུག་ལ་མཆོད་ཅིང་ཐིམ་པས་མཉེས་ཤིང་ཐུགས་དམ་གྱི་རྒྱུད་བསྐང་བར་བྱེད་པ༔ བཀྲ་ཤིས་པའི་ལྷ་མོ་བརྒྱད་དང་མཆོད་པའི་ལྷ་མོ་བཅུ་དྲུག་གིས་རང་རང་གི་མཆོད་རྫས་དུ་མ་ཐོགས་ནས༔ བདེ་བ་ཆེན་པོས་ལྷ་སོ་སོའི་དགྱེས་པ་བསྐང་བར་བྱེད་པ༔ རྒྱལ་

[Full Size]

སྲིད་སྣ་བདུན༔ ངོ་མཚར་བའི་མཆོད་པ་བཅོ་བརྒྱད་དང་༔ ཉེ་བར་སྤྱོད་པའི་མཆོད་པ་བདུན་ལ་སོགས་པ༔ ལྷ་དང་མིའི་ལོངས་སྤྱོད་སྤྲིན་ལྟར་གཏིབ་ཅིང་ཆར་ལྟར་འབེབས་པ༔ སོ་སོའི་རྟེན་རྫས་དང་༔ སྒྲུབ་རྫས་དང་༔ མཆོད་རྫས་དང་༔ བསྐང་རྫ་ས་ཐམས་ཅད་མ་ཚང་བ་མེད་ཅིང་ཕུན་སུམ་ཚོགས་པ༔ བྱ་གཅན་རི་དྭགས་ཆུ་གནས་ཐམས་ཅད་ཀྱང་ཆེ་བ་ཚོ་བ་སྟོབས་དང་ལྡན་པ་ཕུང་པོ་ཁམས་དང་སྐྱེ་མཆེད་ཡོངས་སུ་རྫོགས་པ༔ རེ་རེ་ལའང་གྲངས་མེད་པ་འཕྲོ་ཞིང་འབྱུང་བ་དེ་ལྟ་བུའི་གླིང་བཞི་གླིང་ཕྲན་རི་རབ་དང་བཅས་པ་དེ་ལྷ་དང་སྲུང་མ་ཐམས་ཅད་ཀྱི་སྤྱན་སྔར་ཡོངས་སུ་རྫོགས་པ་རེ་རེ་འབྱུང་ཞིང་༔ གྲངས་མེད་པ་འཕྲོ་བས་ནམ་མཁའི་མཐར་ཁྱབ་ཅིང་༔ འཁོར་བ་མ་སྟོངས་ཀྱི་བར་དུ་རྒྱུན་མི་འཆད་པར་འབྱུང་བའི་རང་བཞིན་ཅན་དུ་གྱུར༔ ཨོཾ་སརྦ་དྷརྨ་པུ་ཙ་པཉྩརཏྣ་ཀ་ཡ་ཀོ་ཏི་བྷི་བྷ་ཝཀ་སྭ་བྷ་ཤུདྡྷོཉཧཾ༔ ཨོཾ་སརྦ་དྷརྨ་ཨ་བཱི་བརྟ་ཧི་ཀོ་ཧ་ཡ་ན་གྷ་ནི་སྭ་བྷཱ་ཝ་ཤུདྡྷོཉཧཾ༔ དཔག་ཏུ་མེད་ཅིང་བྱིན་གྱིས་རླབས་པའི་སྔགས་སོ༔ སརྦ་དུཏྟཾ་གིཙྪ་གྲིཧཱ་གརྫ་གརྫ་ཧཱུྃ་ཕཊ༔ དེ་ནི་ནུས་པ་བསམ་གྱིས་མི་ཁྱབ་པའི་སྤེལ་བའི་སྔགས་སོ༔ བསྐང་རྫས་བྱིན་རླབས་སྔགས་འདི་གསུམ་ཕྲིན་

[Full Size]

ལས་རྒྱ་མཚོའི་རྒྱུད་ནས་གསུངས་སོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བཀའ་བརྒྱད་ཀྱི་ལས་བྱང་ཙམ་ལ་བརྟེན་ནས་བསྙེན་སྒྲུབ་དང་གཏོར་ཟློག་དུས་དང་རྒྱུན་ཁྱེར་དུས་ཀྱི་འཛབ་དགོངས་དམིགས་རིམ།

[Full Size]

བཀའ་བརྒྱད་ཀྱི་ལས་བྱང་ཙམ་ལ་བརྟེན་ནས་བསྙེན་སྒྲུབ་དང་གཏོར་ཟློག་དུས་དང་རྒྱུན་ཁྱེར་དུས་ཀྱི་འཛབ་དགོངས་དམིགས་རིམ་ཡོད། ཟབ་བོ། །ཨྠྀི༔

[Full Size]

སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ འདི་སྒྲུབ་པ་ཆེ་བ་རྣམས་ཀྱི་ཡོ་བྱད་མི་འཛོམས་པས༔ ལས་བྱང་ཙམ་ལ་བརྟེན་ནས་བསྙེན་སྒྲུབ་བྱེད་ན༔ རབ་རས་བྲིས་དཀྱིལ་འཁོར་འབྲིང་འབྲུའི་ཚོམ་བུ་ལྷ་གྲངས༔ ཐ་མ་འབྲུའི་ཚོམ་བུ་ལྔ་ཚོམ་བརྒྱད་དྲུག་ཙམ་ཞིག་དང་དགུ་བཀོད༔ དབུས་སུ་བུམ་པ་སྤྱི་ལྟར། དེའི་སྟེང་དུ་སྒྲུབ་གཏོར་རིན་ཆེན་འབར་བ་བཞག །བུམ་པ་མེད་ཀྱང་གཏོར་མས་ཆོག་དེ་མདུན་བསྐྱེད་དམིགས་རྟེན་ནོ། །དེའི་གཡས་སུ་བདུད་རྩི། གཡོན་དུ་རཀྟ། མཐར་མཆོད་པ་བསྐོར་བཤམས་བྱའོ། །ཡང་གཏོར་ཟློག་དུས་ཡིན་ན་དེ་རྣམས་མི་དགོས་ཏེ། གཏོར་ཟློག་གི་སྟོད་ཆ་མདུན་བསྐྱེད་དམིགས་རྟེན་བར་མཆོད་པ་སྨད་དགྲ་བགེགས་ཤ་ཁྲག་གོ །རྒྱུན་ཁྱེར་ལ་ཡི་དམ་གཏོར་མའི་སྟོད་ཆེར་མདུན་བསྐྱེད་

[Full Size]

རྟེན་ནོ། །ཡང་ན་བཀའ་བརྒྱད་ཀྱི་ཞལ་ཐང་ངམ་། ཨོ་རྒྱན་གྱི་ཞལ་ཐང་ལ་མདུན་བསྐྱེད་རྟེན་རུང་སྟེ། བཀའ་བརྒྱད་ནི་ཨོ་རྒྱན་ཉིད་ཀྱི་རྣམ་ཤེས་ཚོགས་བརྒྱད་ཡིན་པར་གསུངས་པའི་ཕྱིར་རོ། སྔོན་འགྲོ་དཀར་བགེགས་དང་པོ་ཉིན་པར་བྱ། རྒྱུན་དུ་མི་དགོས། ཚོགས་ཆད་མདོ་དང་པོ་དང་། ཚེས་བཅུ་དགུ་གཏོར་དུས་དང་། གྲོལ་ཁ་དུས་བྱ་རྒྱུན་དུ་མི་དགོས། ལས་བྱང་སྔ་དྲོ་ཉིན་ཕྱེད་དགོང་ཀ་སྲོད་དང་ཐུན་བཞི་བྱ། ཡང་ན་སྔ་དྲོ་དགོང་ཀ་སྲོད་དང་གསུམ་བྱ། ཐ་ན་ཡང་ཉིན་ཚར་གཅིག་མཚན་ཚར་གཅིག་སྟེ། དེ་བས་ཉུང་ཐབས་མེད་དོ། །དེ་ནས་མཚམས་གཅོད་ནས་འཛབ་དགོངས་ཡིན་ཚར་རེའོ། །དེ་ལ་བདག་བསྐྱེད་རྗེས་ནས་མདུན་བསྐྱེད་དབུ་ཉེར་གཅིག་ཅན་དེ་གཏོར་ཟློག་དུས་མ་གཏོགས་མི་དགོས། །མངོན་རྟོགས་

[Full Size]

ཚར་གཅིག་གིས་ཆོག་སྟེ། དབང་བསྐུར་ན་བདག་དཀྱིལ་འཁོར་ཆ་གཅིག །བུམ་པའི་ནང་དུ་དཀྱིལ་འཁོར་ཆ་གཅིག །དབང་གཏོར་དཀྱིལ་འཁོར་ཆ་གཅིག །མདུན་བསྐྱེད་དཀྱིལ་འཁོར་ལ་ཆ་གཅིག་དང་བཞི་དུས་གཅིག་ལ་བསྒོམ་པ་ཡིན་ཀྱང་། སྒྲུབ་པའི་དུས་དཀྱིལ་འཁོར་དང་བུམ་པ་དང་སྒྲུབ་གཏོར་གསུམ་ཁ་དབྱེར་མེད་དུ། མདུན་བསྐྱེད་དཀྱིལ་འཁོར་ཆ་གཅིག་བསྒོམ་པ་ཡིན་ནོ། །བདག་མདུན་མངོན་རྟོགས་ལྟར་ཆ་ལུགས་འདྲ་བས་བསྐྱེད་ནས། ཡེ་ཤེས་པ་མང་པོ་སྤྱན་དྲངས་བདག་མདུན་སོ་སོར་བསྟིམ། རང་གི་ཐུགས་ཀ་ནས་མཆོད་པའི་ལྷ་མོ་དཔག་མེད་སྤྲུལ་ནས། བདག་མདུན་སོ་སོ་ལ་མཆོད་བསྟོད་སོ་སོར་བྱེད་པར་བསྒོམ་ཞིང་། ངག་ནས་ལས་བྱུང་ཚར་གཅིག་གིས་ཆོག་པ་རྙིང་མའི་ཁྱད་ཚོས་སོ། །དེ་ནས་འཛབ་དགོངས་ཀྱི་དམིགས་པ་འདི་ལ་རྒྱུས་པར་མཐའ་ཡས་པ་གཅིག་ཡོད་ཀྱང་དམིགས་པ་ཟིན་དཀའ་བས་འདིར་གཞུང་ཚིག་དང་མཐུན་པར་མདོར་བསྡུས་འདི་ཙམ་གྱིས་འཐུས་སོ། །དེ་ལ་ཐོག་མར་ཞི་བར་བསྙེན་ཅིང་ཁྲོ་བོ་སྒྲུབ་པ་འདི། སྔགས་པ་གསར་བུ་ཡིན་ན་གོང་ནོན་ཅིང་འཇམ་པ་དང་། སྔགས་རྒན་རིང་གི་སྒྲིབ་སྦྱང་འདོན་ན་འདི་ཡང་བཅུག་སྟེ། ཧཱུཾ། གསང་བ་ཡོངས་རྫོགས་དཀྱིལ་འཁོར་དུ། །ཆེ་མཆོག་དཔལ་དགུའི་དབུ་རྒྱུན་ནས། །ཞེས་པ་ནས། མ་གྲུབ་བར་དུ་མི་བཏང་ངོ་། །ཞེས་པའི་བར་གྱིས་འཛབ་བསྐུལ་བཏོན་ནས། དམིགས་པ་ནི། བདག་བསྐྱེད་དཔལ་དགུ་ཁ་བདག་ཁོ་ན་ཡིན་པར་བསྒོམ། དང་པོ་རང་ཆེ་

[Full Size]

མཆོག་ཏུ་གསལ་བའི་དབུ་གཙུག་ཏུ། དབུ་རྒྱན་གྱི་ཚུལ་དུ་ཀུན་ཏུ་བཟང་པོ། རིགས་ལྔ་ཡབ་ཡུམ་བཅུ། སེམས་དཔའ་ཡབ་ཡུམ་བཅུ་དྲུག །ཐུབ་པ་དྲུག །སྒོ་བ་ཡབ་ཡུམ་བརྒྱད། ཐམས་ཅད་གངས་རི་ལ་སྤྲིན་འཁྲིགས་པ་ལྟར་བསྒོམ། ཆེ་མཆོག་དཔལ་དགུ་དང་ལྷ་ཐམས་ཅད་ཀྱི་དཔྲལ་བར་ཟླ་བའིསྟེང་དུ་ཨོཾ་དཀར་པོ། མགྲིན་པ་ལྕགས་སྟེང་དུ་པདྨའི་གདན་ལ་ཨཱདམར་པོ། ཐུགས་ཀར་ཉི་མའི་གདན་ལ་ཧཱུཾ་མཐིང་ཀ །ཧཱུཾ་དེ་ལས་འོད་ཟེར་རང་རང་གི་སྙིང་པོས་བསྐོར་བར་བསྒོམས་ལ། དེ་ནས་སྤྱི་བོའི་ཞི་བའི་ལྷ་ཚོགས་ལ་དམིགས་པ་གཏད་དེ་གསལ་བཏབ་ཅིང་སྔགས་བཟླས་པས། ཐུགས་དམ་གྱི་རྒྱུད་བསྐུལ་ཏེ། ཞི་བའི་ལྷ་ཚོགས་ཐམས་ཅད་ཀྱི་སྐུ་གསུང་ཐུགས་ལས་འོད་ཟེར་ཁ་དོག་སྣ་ཚོགས་འཕྲོས་པས། སངས་རྒྱས་ཐམས་ཅད་མཆོད་སེམས་ཅན་གྱི་སྒྲིབ་པ་སྦྱངས། སྣང་སྲིད་སྣོད་བཅུད་ཐམས་ཅད་ལ་ཕོག་པས་ཐམས་ཅད་ཞི་བ་བཞི་བཅུ་རྩ་གཉིས་ཀྱི་སྐུ་ཤ་སྟག་ཏུ་གྱུར། དེ་ཐམས་ཅད་ཀྱིས་སྔགས་སྒྲ་འུར་དི་རི་རི་བཟླས་པས། ནམ་མཁའི་མཐར་ཐུག་སངས་རྒྱས་ཀྱི་ཞིང་ཐམས་ཅད་ན་བཞུགས་པའི་སངས་རྒྱས་བྱང་སེམས་ཐམས་ཅད་ཀྱི་ཐུགས་རྒྱུད་བསྐུལ་བས། དེ་ཐམས་ཅད་ཀྱི་སྐུ་གསུང་ཐུགས་ལས་འོད་ཟེར་ཆར་རྒྱུན་ལྟར་བབས་ནས། མ་གྱུར་སེམས་ཅན་ཐམས་ཅད་ལ་ཐིམ་པས། སེམས་ཅན་ཐམས་ཅད་ཀྱི་རྒྱུད་ཡེ་ཤེས་ལྔར་བྱིན་གྱིས་བརླབས། དེ་ལྟར་བསྒོམ་ཞིང་། ༀ་ཨ་ལི་ཀ་ལི་ཛྙཱ་ན་པཉྩ་སཏ་ཀྲོ་ཏ་མུ་ན་ཡེ་སྭཱ་ཧཱ། ཞེས་ཞི་བ་རིགས་བརྒྱའི་སྙིང་

[Full Size]

པོའམ། ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷ་ཏུ་ཨཱ༔ ཞེས་ཞི་བ་བཞི་བཅུ་རྩ་གཉིས་ཀྱི་སྙིང་པོ། གཉིས་ཀ་བསྡོམས་པ་བརྒྱའམ་སྟོང་སོགས་སྐབས་དང་བསྟུན་ནོ། །དེ་ནས་སྣང་སྲིད་ལྷར་གསལ་བ་ཐམས་ཅད་སྤྱི་བོའི་རིགས་ལྔ་ཡབ་ཡུམ་ལ་ཐིམ། རིགས་ལྔ་ཡབ་ཡུམ་གྱི་སྐུ་མདོག་ལས་ཨོཾ་དཀར་པོ་། ཨཱཿ དམར་པོ། ཧཱུྃ་མཐིང་ཀ་གསུམ་ཆར་ལྟར་བབས་ནས་རང་གི་ལུས་ངག་ཡིད་གསུམ་ལ་ཐིམ་པས་དབང་དང་བྱིན་རླབས་ཐོབ། རང་སེམས་སྐྱེ་བ་མེད་པ་ཀུན་ཏུ་བཟང་པོའི་དགོངས་པ་མངོན་སུམ་རྟོགས་པར་བསྒོམས་ལ། སེམས་ངོ་ཡུད་ཙམ་སྐྱོང་། ཨོཾ་ཨཱཿཧཱུྃ་སྭཱ་ཧཱ། ཨཾ་ལཱི་མཱི་པུ་ཏ༔ ཞེས་ཅུང་ཟད་ཙམ་ཞིག་བཟླས་སོ། །དེ་ནས་དབྱངས་རོལ་མོ་དང་བཅས་པས་ཀྱང་། ཧཱུྃ། ། ཡེ་ཤེས་ཞི་བའི་ལྷ་ཚོགས་སྤྱན་འདྲེན་གཤེགས། །ཞེས་པ་ནས། རཀྟ་ཁཱ་ཧི་བར་གྱི་སྟོང་ཚིག་མཆོད་པ་བྱའོ། །སྟོང་ཚིག་ཟེར་བ་སྒྲུབ་པ་པོ་མང་པོ་ཡོད་ན་སྒྲུབ་ཆེན་དུས་སྔགས་འཛབ་དབྱངས་སུ་འདོན། སྟོང་ཚོའི་སོ་ལ་མཆོད་པ་བྱེད་པ་ཡིན་ཏེ། མི་གཅིག་གི་སྟོང་ཚོ་འགྲོ་མི་ཐུབ་པས་བརྒྱ་ཡན་རིགས་པས་དཔག་སྟེ་བྱའོ། །དེའང་སྒྲུབ་ཆེན་དུས་ཡིན་ན་དཔལ་དགུ་ཞི་བ་དང་བཅུ། བཀའ་སྲུང་དང་བཅུ་གཅིག་ལ་འཛབ་དབྱངས་སུ་མི་གཅིག་པ་རེ་རེ་ཡོད་པ་སྟེ། མི་གཅིག་གིས་འཛབ་དབྱངས་སུ་མི་དགོས་སྔགས་སྒྲ་ཧ་ཅང་ཆེ་བ་དང་། ཆུང་དྲག་འབྲུ་མི་གསལ་བ་མ་ཡིན་ཏེ། ལྕེ་ཐོག་ཏུ་ལོན་ངེས་སི་ལི་ལི་བཟླའོ། །དེ་ནས་ཁྲོ་བོ་སྒྲུབ་པའི་འཛབ་བསྐུལ་འདི་དབྱངས་དང་བཅས་ཏེ།

[Full Size]

ཧཱུྃ། དབུས་ཕྱོགས་འཁོར་ལོའི་དཀྱིལ་འཁོར་གཞལ་ཡས་ཁང་། །ཟླ་གམ་དབང་ཆེན་ཨེ་ཡི་དཀྱིལ། །བྱོལ་སོང་གཙོ་བརྒྱད་ལྷ་ཆེན་སྟེང་། །ཐབས་ཤེས་ཉི་ཟླ་འོད་ཀྱི་དཀྱིལ། །མ་ཆགས་པདྨ་གེ་སར་ལ། །བཅོམ་ལྡན་ཆེ་མཆོག་ཧེ་རུ་ཀ །ཡུམ་ཆེན་གནམ་ཞལ་དབྱིངས་ཕྱུག་མ། །གཉིས་མེད་སོགས་ནས། མ་འགྲུབ་བར་དུ་མི་བཏང་ངོ་། །ཞེས་བརྗོད་ནས་དམིགས་པ་ནི། དང་པོ་རང་ཉིད་ཆེ་མཆོག་ཧེ་རུ་ཀར་གསལ་བའི་ཐུགས་ཀར་ཡེ་ཤེས་སེམས་དཔའི་ངོ་བོ་ཧཱུྃ་མཐིང་ནག་ཉི་མའི་སྟེང་ན་ལངས་ཏེ་གནས་པའི་མཐར་སྔགས་ཕྲེང་གཡས་སུ་ཀྱི་ལི་ལི་འཁོར་བར་བསྒོམ། དེ་ལས་འོད་ཟེར་དཔག་ཏུ་མེད་པ་ནམ་མཁའ་ཁྱབ་པར་འཕྲོས་པས་འོད་ཟེར་དེ་ཐམས་ཅད་ཆེ་མཆོག་གི་སྐུ་ཤ་སྟག་ཏུ་གྱུར་ནས་འཇིག་རྟེན་ཐམས་ཅད་གང་། དེ་ཐམས་ཅད་ཀྱིས་སྔགས་སྒྲ་དི་རི་རི་འབྲུག་ལྟར་བསྒྲོགས་པས། བདེ་བར་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ་ཏེ་བྱིན་རླབས་དངོས་གྲུབ་ཐམས་ཅད་སོ་སོའི་སྐུ་རྣམས་ལ་ཐིམ། སྔགས་སྒྲས་བཀའ་སྲུང་དམ་ཅན་ཐམས་ཅད་ལས་ལ་བསྐུལ་བས། ཕོ་ཉ་ལྕེ་སྤྱང་མ་བརྒྱད། སྐར་ལྟར་འཁྲུགས་ནས། དགྲ་བགེགས་གནོད་བྱེད་ཐམས་ཅད་བྱ་སྒྲོ་མེ་ལ་བསྲེགས་པ་ལྟར། རྡུལ་དུ་བརླག་པར་བསྒོམ་ཞིང་། ། ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཅེས་སྟོང་ངམ་བརྒྱ་སོགས་བཟླས་ནས། ཆེ་མཆོག་གིས་འཇིག་རྟེན་གང་བ་

[Full Size]

ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླང་བའམ། སྤོས་ཤེལ་དྭངས་མས་རྡུལ་བླང་བ་ལྟར། ཐམས་ཅད་རང་གི་ཡུམ་གནམ་ཞལ་མའི་ཐུགས་ཀར་འུར་གྱིས་འདུས། འོད་དུ་དཀར་མེར་གྱིས་ཞུ་ནས་བྷ་གར་འཁྱིལ་བ་དེ། རང་ཉིད་ཆེ་མཆོག་རྡོ་རྗེ་སྤུ་གུས་རྔུབ་སྟེ་ཡར་དྲང་ནས། རང་ལུས་དངོས་གྲུབ་ཀྱི་བདུད་རྩིས་མེར་གྱིས་གང་། བདུད་རྩི་དྭངས་མ་ཐུགས་ཀའི་ཧཱུྃ་དང་མགྲིན་པའི་ཨཱདང་སྤྱི་བོའི་ཧཱུཾ་ལ་ཐིམ་པས་སྐུ་གསུང་ཐུགས་ཀྱི་དངོས་གྲུབ་མཆོག་ཐུན་མོང་ཐམས་ཅད་ཐོབ། བདག་ཆེ་མཆོག་བཀྲག་མདངས་ཉི་ཟླ་འབུམ་ལས་ལྷག་པར་གྱུར་པར་བསྒོམ་མོ། །དེ་ནས་མཆོད་པ་ཁ་གསོ་གྲུབ་ན་ལེགས། མ་ཐོན་ན་ཡང་རུང་སྟེ། ཧཱུྃ། ཆེ་མཆོག་ལྷ་ཚོགས་སྤྱན་འདྲེན་གཤེགས། །ཞེས་པ་ནས། རཀྟ་ཁཱ་ཧི་བར། སྟོང་ཚིག་གི་མཆོད་པ་དང་རོལ་མོ་བྱའོ། །དེ་སྤྱིར་དཔལ་དགུ་ཁ་རང་ཉིད་ཡིན་མོད་ཀྱིས། རང་ཉིད་ཤར་གྱི་དཀྱིལ་འཁོར་གྱི་དབུས་ཀྱི་བཛྲ་ཧེ་རུ་ཀའི་ང་རྒྱལ་བཟུང་། དེའི་ཐུགས་ཀར་ཉི་མ་ལ་ཧཱུཾ་སྔགས་ཀྱིས་བསྐོར་བར་བསྒོམ་པ་ནས། དམིགས་པ་ཐམས་ཅད་གོང་དང་འདྲ་བ་ལས། ཁྱར་པར་འཇིག་རྟེན་ཐམས་ཅད་ཡང་དག་ཧེ་རུ་ཀས་གང་བར་བསྒོམས་ལ། ཧཱུྃ། ཤར་ཕྱོགས་འཁོར་ལོའི་གཞལ་ཡས་ཁང་། ། གཞན་འདྲ་བ་ལ། རུ་ཊ་ཕོ་མོ་བསྣོལ་བའི་སྟེང་། །ཞེས་དང་། བཅོམ་ལྡན་བཛྲ་ཧེ་རུ་ཀ །ཡུམ་ཆེན་ཀྲོ་ཏཱི་ཤྭ་རི་མ། །ཞེས་བསྒྱུར་བ་གཞན་དང་འདྲ་བ་ལས། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔

[Full Size]

ཅེས་བརྒྱའམ་སྟོང་དང་། ཡུམ་གྱི་མཁའ་ནས་དངོས་གྲུབ་བསྡུས། ནས། ཧཱུྃ། ཡང་དག་ཐུགས་ཀྱི་ལྷ་ཚོགས་སྤྱན་འདྲེན་གཤེགས། །ཞེས་སོགས་སྟོང་ཚིག་གི་མཆོད་པ་བྱའོ། །དེ་ནས་རང་ཉིད་ལྷོའི་གཙོ་བོ་གཤིན་རྗེའི་གཤེད་ཀྱི་ང་རྒྱལ་འཕོས་ལ། ཧཱུྃ། ལྷོ་ཕྱོགས་འཁོར་ལོའི་གཞལ་ཡས་ཁང་། ནས། །ཆུ་གླང་ཕོ་མོ་བསྣོལ་བའི་སྟེང་། ནས། །བཅོམ་ལྡན་འཇམ་དཔལ་གཤིན་རྗེའི་གཤེད། །ཡུམ་ཆེན་བཛྲ་བེ་ཏ་ལི། །སོགས་གཞན་གཞུང་ལྟར་བརྗོད་ནས། རང་ཉིད་གཤིན་རྗེའི་གཤེད་ཀྱི་ཐུགས་ཀར་ཧཱུྃ་ལ་སྔགས་ཀྱིས་བསྐོར་བ་སོགས་ཐམས་ཅད་འདྲ་ལ། གཤིན་རྗེའི་གཤེད་ཀྱི་སྐུའི་འཇིག་རྟེན་གང་ནས་སྔགས་སྒྲ་སྒྲོགས་པར་བསྒོམ་ཞིང་། ཨོཾ་ཧཱིཏྠི་ཝི་ཀྲི་ཏཱ་ན་ན་ཧཱུཾ་ཕཊ། ཅེས་བརྒྱ་སྟོང་བཟླས་ནས་ཡུམ་གྱི་མཁའ་སོགས་གོང་ལྟར། ཧཱུྃ། འཇམ་དཔལ་སྐུ་ཡི་ལྷ་ཚོགས་སྤྱན་འདྲེན་གཤེགས། །ཞེས་སོགས་སྟོང་ཚིག་མཆོད་པ་བྱའོ། །དེ་ནས་རང་ཉིད་ནུབ་དབུས་རྟ་མགྲིན་པདྨ་དབང་ཆེན་གྱི་ང་རྒྱལ་དུ་འཕོས་ལ། ཧཱུྃ། ནུབ་ཕྱོགས་འཁོར་ལོའི་གཞལ་ཡས་ཁང་། སོགས། །ཀླུ་རྒྱལ་ཕོ་མོ་བསྣོལ་བའི་སྟེང་། །སོགས། བཅོམ་ལྡན་རྟ་མགྲིན་པདྨ་དབང་། །ཡུམ་ཆེན་ཨེ་ཀ་ཙཱ་ཏི་མ། །སོགས་བསྒྱུར་ལ་འཛབ་བསྐུལ་གྱུར་ནས། །རྟ་མགྲིན་གྱི་ཐུགས་ཀར་ཧཱུྃ་ལ་སྔགས་ཕྲེང་བཀོད་པ་སོགས་

[Full Size]

དང་། རྟ་མགྲིན་གྱིས་འཇིག་རྟེན་གང་བ་དང་། མཐར་ཡུམ་ལ་བསྡུ་བ་རྣམས་འདྲ་བ་ལས། ཨོ་རྒྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཅེས་བཟླས་ནས། ཧཱུྃ། པདྨ་གསུང་གི་ལྷ་ཚོགས་སྤྱན་འདྲེན་གཤེགས་། །སོགས་སྟོང་ཚིག་གི་མཆོད་པ་བྱའོ། །དེ་ནས་རང་ཉིད་བྱང་ཕྱོགས་དཀྱིལ་འཁོར་གྱི་གཙོ་བོ་རྡོ་རྗེ་གཞོན་ནུའི་ང་རྒྱལ་བཟུང་ལ། ཧཱུྃ། བྱང་ཕྱོགས་འཁོར་ལོའི་གཞལ་ཡས་ཁང་། ནས། །ལྷ་ཆེན་ཕོ་མོ་བསྣོལ་བའི་སྟེང་། །སོགས་ནས། །བཅོམ་ལྡན་རྡོ་རྗེ་གཞོན་ནུ་ཆེ། །ཡུམ་ཆེན་འཁོར་ལོ་རྒྱས་འདེབས་མ། །ཞེས་སོགས་བསྒྱུར་ལ་ཛབ་བསྐུལ་གྱེར། དེ་ནས་རང་རྡོ་རྗེ་གཞོན་ནུའི་ཐུགས་ཀར་སྔགས་སོགས་དང་། ཕུར་པས་འཇིག་རྟེན་གང་བ་དང་། མཐར་ཡུམ་ལ་བསྡུ་བ་གོང་ལྟར་ལས། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་ཁཾ་ཧཱུྃ་ཕཊ། ཅེས་བཟླས་ནས། ཧཱུྃ། ཕྲིན་ལས་ཕུར་པའི་ལྷ་ཚོགས་སྤྱན་འདྲེན་གཤེགས། །ཞེས་སོགས་སྟོང་ཚིག་གི་མཆོད་པ་བྱའོ། །དེ་ནས་རང་ཉིད་ཤར་ལྷོའི་གཙོ་བོ་བླ་མེད་ཧེ་རུ་ཀའི་ང་རྒྱལ་བཟུང་ལ། ཧཱུྃ། ཤར་ལྷོ་འཁོར་ལོའི་གཞལ་ཡས་ཁང་། ནས། ། མ་མོ་བསྣོལ་བའི་གདན་སྟེང་དུ། །ཞེས་པ་ནས། བཅོམ་ལྡན་བླ་མེད་ཧེ་རུ་ཀ་།ཡུམ་ཆེན་ཉིད་བཞི་མུ་ཁ་འཁྲིལ། །ཞེས་སོགས་འཛབ་བསྐུལ་གྱེར་ནས། བླ་མེད་ཧེ་རུ་ཀའི་ཐུགས་ཀར་སྔགས་ཕྲེང་

[Full Size]

སོགས་དང་། འཇིག་རྟེན་བླ་མེད་ཧེ་རུ་ཀས་གང་བ་དང་། བསྡུ་ཚུལ་གོང་ལྟར་ལས། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་ཧཱུྃ་ཕཊ། ཅེས་བཟླས་ནས། ཧཱུྃ། མ་མོ་རྦོད་གཏོང་ལྷ་ཚོགས་སྤྱན་འདྲེན་གཤེགས། །སོགས་སྟོང་ཚིག་གི་མཆོད་པ་བྱའོ། །དེ་ནས་རང་ཉིད་ལྷོ་ནུབ་གཙོ་བོ་རིག་འཛིན་ཐོད་པ་རྩལ་ཆེན་གྱི་ང་རྒྱལ་བཟུང་ལ། ཧཱུྃ། ལྷོ་ནུབ་འཁོར་ལོའི་གཞལ་ཡས་ཁང་། ནས། །དར་ཟབ་གདན་ཁྲི་བརྩེགས་པའི་སྟེང་། ནས། །བཅོམ་ལྡན་རིག་འཛིན་རྡོ་རྗེ་ཆོས། །ཡུམ་ཆེན་རྡོ་རྗེ་རྣལ་འབྱོར་མ། །སོགས་བརྗོད་ལ། ཐུགས་ཀར་ཧཱུྃ་ལ་སྔགས་བསྐོར་བ་དང་། རིག་འཛིན་གྱི་འཇིག་རྟེན་གང་བ་སོགས་སྤྲོ་བསྡུ་གོང་ལྟར་ལས། ཨོཾ་བཛྲ་གུ་རུ་སརྦ་ཧཱུྃ་ཕཊ། ཅེས་བཟླས་ནས། ཧཱུྃ། རིག་འཛིན་སློབ་དཔོན་ལྷ་ཚོགས་སྤྱན་འདྲེན་གཤེགས། །སོགས་སྟོང་ཚིག་གི་མཆོད་པ་བྱའོ། །དེ་ནས་རང་ཉིད་ནུབ་བྱང་གི་གཙོ་བོའི་ང་རྒྱལ་བྱས་ལ། ཧཱུྃ། ནུབ་བྱང་འཁོར་ལོའི་གཞལ་ཡས་ཁང་། ནས། །ལྷ་ཆེན་ཕོ་མོ་བསྣོལ་བའི་སྟེང་། ནས། །བཅོམ་ལྡན་དྲེགགས་པ་ཀུན་འདུལ་དཔལ། །ཡུམ་ཆེན་སྲིད་པ་སྤྱི་འདུལ་འཁྲིལ། །ཞེས་སོགས་ཛབ་བསྐུལ་གྱུར་ནས། ཐུགས་ཀར་ཧཱུྃ་ལ་སྔགས་སོགས་ཐམས་ཅད་འདྲ་བ་ལས། དྲེགས་པ་ཀུན་འདུལ་གྱི་འཇིག་རྟེན་གང་བ་དང་ཡུམ་ལ་བསྡུ་བ་སོགས་གོང་

[Full Size]

ལྟར་ལས། ཨོཾ་བཛྲ་སརྦ་དུཥཱན་ཧཱུཾ་ཕཊ། བཟླས་ནས། ཧཱུྃ། འཇིག་རྟེན་མཆོད་བསྟོད་ལྷ་ཚོགས་སྤྱན་འདྲེན་གཤེགས། །སོགས་སྟོང་ཚིག་གི་མཆོད་པའོ། །དེ་ནས་རང་ཉིད་བྱང་ཤར་གྱི་གཙོ་བོའི་ང་རྒྱལ་བྱས་ལ། ཧཱུྃ། བྱང་ཤར་འཁོར་ལོའི་གཞལ་ཡས་ཁང་། ནས། །དྲེགས་པ་ཕོ་མོ་བསྣོལ་བའི་སྟེང་། །བཅོམ་ལྡན་སྟོབས་ལྡན་ནག་པོ་ཆེ། །ཡུམ་ཆེན་འབྱུང་ལྔའི་བདག་མོ་འཁྲིལ། །ཞེས་སོགས་གྱེར་ནས། ཐུགས་ཀའི་ཧཱུཾ་ལ་སྔགས་དང་སྟོབས་ལྡན་ནག་པོས་འཇིག་རྟེན་གང་བ་དང་། ཡུམ་ལ་བསྡུ་བའི་བར་བྱས་ཏེ། ཨོཾ་བཛྲ་སརྦ་དུཥྛན་ཨེ་ཛ་བྷྱོ་ཧཱུྃ་ཕཊ༔ ཅེས་བཟླས་ནས། ཧཱུྃ༔ དམོད་པ་དྲགས་སྔགས་ལྷ་ཚོགས་སྤྱན་འདྲེན་གཤེགས། །སོགས་མཆོད་བསྟོད་དང་། དེ་ནས་དཔལ་དགུ་ཁ་རང་ཉིད་ཡིན་པར་མོས་པ་ཙམ་བྱས་ལ། དཔལ་དགུའི་ཐུགས་ཀ་ནས་འོད་ཟེར་འཕྲོས་པས་དཔལ་དགུ་ཁའི་ཕོ་ཉ་བྲན་གཡོག་ཐམས་ཅད་ལ་ཕོག་པས། ཅི་བགྱིས་བཀའ་ཉན་གསུང་སྡོད་འདར་ལྡི་ལི་ལི། སྔོན་གྱི་དམ་ཚིག་དྲན་ནས་དགྲ་བགེགས་གནོད་བྱེད་ཐམས་ཅད་བསད་གཏུབ་ཟོས། དཔལ་དགུའི་གཤོག་པ་གཡས་གཡོན་གྱི་རྩེ་ན་ཁྱུང་དཀར་ནག་གཉིས་རེ་ཡོད་པ་ལས། སྤྲུལ་པའི་ཁྱུང་གིས་ནམ་མཁའ་བར་སྣང་གང་བས་གནོད་བྱེད་ས་བདག་ཀླུ་གཉན་གཏད་ཁ་ལྟས་ངན་རྐྱེན་ཆག་ངན་པ་ཐམས་ཅད། གཤོག་པ་གཡབ་པའི་རླུང་ཤུགས་ཀྱིས་རྒྱ་མཚོའི་ཕར་ཁར་

[Full Size]

གཏོར། མཆུས་ཟོས་སྡེར་མོས་བྲད། རྭ་ཅོས་བརྡུང་ནས་རྡུལ་དུ་བརླགས་པར་བསྒོམས་ལ། ཧཱུྃ། ཡང་སྤྲུལ་ཁྱུང་ཆེན་བཀའ་སྡོད་རྣམས། །སྐུ་གསུང་ཐུགས་ཀྱི་རོལ་པ་ལས། །བཀའ་བཞིན་ཕྲིན་ལས་སྒྲུབ་པའི་དཔལ། །བཟླས་བརྗོད་བསྙེན་པའི་མཆོད་པ་འབུལ། །ༀ་ཁྲོ་ག་རུ་ཊ་ཧཱུྃ་ཕཊ། སརྦ་དྷཱ་ཀི་ནཱི་ས་མ་ཡ་ཧཱུྃ་ཧཱུྃ་ཧཱུྃ་ཕཊ༔ ཅེས་པ་བརྒྱ་ཙམ་བཟླས་ནས། ཧཱུྃ༔ ཁྱུང་ཆེན་བཀའ་སྡོད་ལྷ་ཚོགས་སྤྱན་འདྲེན་གཤེགས། །སོགས་མཆོད་པ་བྱ་སྟེ། ཁྱུང་རྣམས་སྤྲུལ་གཞིའི་གཤོག་རྩེའི་ཁྱུང་ལ་ཐིམ་པར་བསྒོམ། དེ་ལྟར་སོ་སོར་བསྙེན་ནས་སྤྱི་དྲིལ་འདི་ཐུན་མཚམས་སུ་བཟླས་ཏེ། རྒྱུན་ཁྱེར་ལ་གོང་གི་སོ་སོར་མ་ལྕོགས་ན། འདི་ཁོ་ནས་ཀྱང་ཆོག་པ་ཡིན་ཏེ། བདག་བསྐྱེད་དཔལ་དགུ་ཁ་ཡིན་པ་ལས་འོད་ཟེར་འཕྲོས། མདུན་བསྐྱེད་ལྷ་ཚོགས་ཐམས་ཅད་ལ་ཕོག །དེས་ཐུགས་རྒྱུད་བསྐུལ་ཏེ་སངས་རྒྱས་ཐམས་ཅད་ལ་འོད་ཟེར་ཆེན་པོས་མཆོད་ནས་བྱིན་རླབས་བསྡུས། མདུན་བསྐྱེད་ལ་ཐིམ། མདུན་བསྐྱེད་ལས་འོད་ཟེར་དམར་པོ་མེའི་རང་བཞིན་འཕྲོས། ཁམས་གསུམ་གྱི་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་ཐམས་ཅད་བསྲེགས། འོད་ཟེར་ཚུར་འདུས་རང་ལ་ཐིམ་པས། བདག་གི་སྡིག་པ་སྒྲིབ་པ་ནད་གདོན་ཐམས་ཅད་གཞོབ་ཐུལ་གྱིས་བསྲེག་པར་བསྒོམ་ཞིང་། དེ་ནས་དྲག་སྔགས་སོ་ལྔ་པ་བཟླས་ཏེ། ཨོཾ་ནི་རིགས་ལྔ་ཡེ་ཤེས་ལྔ། བཛྲ་

[Full Size]

ནི་ཞི་བ་རྡོ་རྗེ་དབྱིངས་ཀྱི་ལྷ་ཚོགས། མ་ཧཱ་ཀྲོ་ཏ་ནི་ཆེ་མཆོག་ཁྲག་འཐུང་གི་ལྷ་ཚོགས། པདྨ་ནི་རྟ་མགྲིན་པདྨ་དབང་ཆེན་གྱི་ལྷ་ཚོགས། ཀྲོ་ཏཱི་ཤྭ་རཱི་ནི་མ་མོ་རྦོད་གཏོང་དང་ཡུམ་གྱི་ལྷ་ཚོགས། བཛྲ་ནི་ཡང་དག་ཐུགས་ཀྱི་ལྷ་ཚོགས། ཀཱི་ལི་ཀཱི་ལ་ཡ་ནི་རྡོ་རྗེ་གཞོན་ནུའི་ལྷ་ཚོགས། མ་ཧཱ་ཡཀྵ་ནི་གཤིན་རྗེའི་གཤེད་ཀྱི་ལྷ་ཚོགས། ཀཱ་ལ་རཱུ་པ་ནི་འཇིག་རྟེན་མཆོད་བསྟོད་ཀྱི་ལྷ་ཚོགས། ཀརྨ་ནི་ལས་ཀྱི་རིགས་དང་དམོད་པ་དྲག་སྔགས་ཀྱི་ལྷ་ཚོགས། རཾ་རཾ་ནི་མེ་སྟེ་ཡེ་ཤེས་ཀྱི་མེས། ཛྭ་ལ་རཾ་གྱིས་བསྲེགས་ཤིག །ཧཱུྃ་སྡུག་བསྔལ་འཛོམས་པ། ཕཊ་ཀྱིས་ཚར་བཅད་ཅིང་གཏོར་བ་སྟེ། །བདེ་གཤེགས་འདུས་པའི་ནུས་པ་དྲིལ་བ་དེ། །གསང་སྔགས་ཀུན་གྱི་བཅུད་ཡིན་པས། །ནུས་པ་ལྕེ་ཡི་བརྗོད་མི་ལོངས། །ལས་མཐའ་བརྒྱ་དང་རྩ་བརྒྱད་འགྲུབ། །ཐུན་མོང་དངོས་གྲུབ་བརྒྱ་ཡང་ཐོབ། །མཆོག་གི་དངོས་གྲུབ་བརྒྱ་ཡང་ཐོབ། །ཅེས་གསུངས་སོ། །དེས་ན། ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་བཛྲ་ཀཱི་ལི་ཀཱི་ལ་ཡ། མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ། ཅེས་ཅི་ནུས་བཟླས་སོ། དེ་ནས་ཐུན་མཚམས་དེར་ངག་བཏང་དགོས་བྱུང་ན་རུང་།

[Full Size]

གཞན་ངག་འཁོར་ཡུག་ཏུ་བཅད་ན་མཆོག་ཡིན་ནོ། །ཡང་ལས་བྱུང་ཚར་གཅིག་བཏང་སྟེ་བསྙེན་སྒྲུབ་སྔར་ལྟར་བྱའོ། །དེ་ལྟར་ཐུན་བཞིའམ་གསུམ་དུ་འབད་དེ། ། གྲངས་ནི་སོ་སོར་མི་རྩི་བར། སྔགས་ཐམས་ཅད་སྤོམ་སྟེ་གྲངས་བཟུང་ཆོག །དེའི་དོན་ནི་ལྷ་དང་སྔགས་རྣམ་གྲངས་མང་ན་ཡང་། ལྷ་ཐམས་ཅད་སྤྱིར་གྱིས་ཆོས་སྐུ་གཅིག་ཡིན་པ་དང་། ཁྱད་པར་དུ་འདི་ཐམས་ཅད་ཀུན་ཏུ་བཟང་པོ་ཉིད་ཀྱི་ཐུགས་རྗེ་ཞི་བ་ཞི་བ་བཞི་བཅུ་རྩ་གཉིས། དེས་མི་འདུལ་བ་ལ་ཁྲག་འཐུང་ཁྲོ་བོའི་ལྷ་ཚོགས། སྐུ་ལ་གཤིན་རྗེ་གཤེད། གསུང་ལ་རྟ་མགྲིན། ཐུགས་ལ་བཛྲ་ཧེ་རུ་ཀ །ཡོན་ཏན་ལ་ཆེ་མཆོག །ཕྲིན་ལས་ལ་ཕུར་པ། གཟི་བརྗིད་ལ་མ་མོ། རིག་ལ་རིག་འཛིན། དྲེགས་པ་ལ་དྲེགས་འདུལ། སྟོབས་ལ་སྟོབས་ལྡན་ནག་པོ་སྟེ། དེ་ཐམས་ཅད་ཀུན་ཏུ་བཟང་པོ་དང་ཆེ་མཆོག་ཉིད་ལས་བྱུང་བ་གཞན་མ་ཡིན་ནོ། །འོ་ན་ཆེ་མཆོག་དེ་ཅི་ཞེ་ན། བཀའ་བརྒྱད་རྒྱུད་གསང་བ་འདུས་པ་ལས། དེ་ལ་ཡབ་ཀྱི་མིང་འདོགས་ནི། །དགྱེས་པ་རྡོ་རྗེ་ཞེས་ཀྱང་བྱ། །བླ་མེད་ཧེ་རུ་ཀ་ཞེས་ཀྱང་བྱ། བདེ་མཆོག་འཁོར་ལོ་ཞེས་ཀྱང་བྱ། ཆེ་

[Full Size]

མཆོག་ཧེ་རུ་ཀ་ཞེས་ཀྱང་བྱ། བདེ་གཤེགས་འདུས་པའི་སྐུ་མཆོག་ཉིད། །ཅེས་གསུངས་སོ། །དེས་ན་སྔགས་ཐམས་ཅད་སྤོམ་པ་བདུན་འབུམ་ཉི་ཁྲི་ནི་གྲངས་ཀྱི་བསྙེན་པ་དང་། དུས་ནི་རྒྱུད་དེ་ཉིད་ལས། དེ་ལྟར་བསྙེན་སྒྲུབ་རིམ་པ་དག །རབ་ཏུ་ལོ་སྒྲུབ་རྟགས་ལ་སྦྱར། །འབྲིང་དུ་ཟླ་སྒྲུབ་གྲངས་ལ་སྦྱར། །ཐ་མ་ཞག་བདུན་ཞག་ལྔ་རུ། ། དད་བརྩོན་དྲག་པོས་འདི་བསྒྲུབས་པས། །བདག་སྲུང་རྩ་བའི་བསྙེན་པའོ། །རྟགས་ནི་རྒྱུད་ལས། མ་འགྲུབ་རང་ལ་ངན་སྲིད་ན། །ཉམ་དམའ་དཔའ་ཞུམ་སྟོབས་ཞན་དང་། །མདོག་ལོག་སྐད་འགགས་མིས་མི་ཉན། །རྨི་ལམ་དུ་ཡང་གྲོགས་མེད་འཁྱམས། །གོས་མེད་མཚོ་དང་ཆུ་སྐྱོགས་འབྱུང་། །གཏོར་མ་དུས་ཡོལ་ཆག་ཡོད་ན། །ཁྲལ་འདོད་ཉེ་དྲུང་འབྲེལ་པ་འཁང་། །སྒོ་ནོན་རང་ཡང་ལྟོགས་སྙོམ་བྱེད། །ཉམས་གྲིབ་མི་གཙང་གོས་སྲིད་ན། །ཡུགས་ས་མཛེ་ཅན་གཉེན་ཁྲོས་དང་། །གནམ་ངན་ཁ་བ་བུ་ཡུག་འཚུབ་། །འདམ་རྫབ་དུ་བ་བུ་ཡུག་འཚུབ། །བསྐང་བ་བཤགས་པ་རྒྱུན་དུ་བྱ། །ཞེས་གསུངས་པ་ལྟར་རྟགས་ངན་པར་བྱུང་ན་ཉམས་ཆག་དང་རྐྱེན་ཁ་ཡོད་པས། དེ་ལ་བསྐང་

[Full Size]

དང་བཤགས་པ་རྒྱུན་དུ་བྱའོ། །ཐུན་མཚམས་སུ་མདངས་བསྐང་ཆེ་ཆུང་རྣམས་འདོན། ཚོགས་དང་གཏོར་མ་བཟང་དུ་བྱའོ། །ཟན་ལིང་ལ་གནོད་བྱེད་འགུགས་གཞུག་བྱས་ལ་དམར་གཏོར་དུ་བཅུག་ནས། ཕོ་ཉ་སྒོས་བསྐུལ་ཡང་འདོན་ནོ། གེགས་སེལ་ལོ། །ཡང་རྒྱུད་ལས། །དེ་ལྟར་སྒྲུབ་པའི་འགྲུབ་རྟགས་བཤད། །བསྙེན་པ་རྫོགས་པའི་རྟགས་སུ་ནི། །དཔལ་ཆེན་ལ་སོགས་བདེ་གཤེགས་ཚོགས། །ཡང་ན་རང་གིས་ཞལ་མཐོང་ཞིང་། །ངག་གི་བདེན་པ་འགྲུབ་པ་དང་། །ཉམས་སྣང་རི་ལ་འཛེགས་པ་དང་། །རི་བོའི་རྩེ་ན་འདུག་པ་དང་། །དར་གདུགས་རྒྱལ་མཚན་ཕྱར་བ་དང་། །བུད་མེད་ཚོགས་འདུས་བསྐོར་བ་བྱེད། །སྡིག་སྒྲིབ་དག་པའི་རྟགས་ལ། ལུས་ལ་རྣག་ཁྲག་འཛག་པ་དང་། །ལུས་ལ་ཁྲག་འཛག་སེམས་ཅན་ཐོན། །བྷནྡྷ་ཕུར་པ་བརྡེག་ཅིང་འབར། །སྐུ་དང་འོད་སྒྲ་ལྷ་མོར་སྟོན། །དམ་རྫ་ས་ཁོལ་ལམ་དུ་བ་འབྱུང་། ། ལས་སྦྱོར་འགྲུབ་པའི་རྟགས་སུ་ནི། །ཞི་བས་འཇིགས་བརྒྱད་སྐྱོབ་པར་ནུས། །རྒྱས་པས་འབྱོར་དྲུག་སྤེལ་བར་ནུས། །དབང་གིས་སྡུད་ཅིང་དབང་དུ་ནུས། །དྲག་པོས་དགྲ་

[Full Size]

བགེགས་སྒྲོལ་བར་ནུས། །ཉམས་སུ་བླ་འགུགས་དམིགས་པས་གསོད། །བསམ་པའི་དོན་འགྲུབ་ཞག་དུས་ཐོན། །རྨི་ལམ་དུ་ཡང་དུང་འབུད་དང་། །རྔ་སོགས་རོལ་མོ་འབུད་དཀྲོལ་དང་། །སྐྱོགས་འཕང་ཧོ་དང་རྫིང་རྡོལ་དང་། །མཆོད་རྟེན་ལྷ་ཁང་དཔལ་བེ་བརྩེགས། །གསོལ་བཏབ་མི་རྣམས་བྲན་དུ་ཁོལ། །མཚན་རྟགས་དེ་རྣམས་ཐམས་ཅད་ཀྱང་། །རབ་དངོས་ཡང་ཡང་རྟགས་ཐོན་ཞིང་། །འབྲིང་དུ་ཐུན་ཁོལ་བདུད་རྩི་ཁོལ། །འདི་སོགས་ཉམས་ལ་སྣང་བ་ཡིན། །ཐ་མ་རྨི་ལམ་བརྟེན་པོ་འབྱུང་། །ཞེས་པ་དང་དེའི་གནད་རྒྱུད་ལས། དེ་ལྟར་མཚན་མ་བཟང་དང་ངན། །གང་ལྟར་སྣང་ཡང་གཏང་སྙམ་འདུག །རློམས་སེམས་རྟོགས་པ་མི་བསྐྱེད་པར། །དངོས་གྲུབ་བླང་ཞིང་ངན་པ་བཟློག༔ ཅེས་གསུངས་པ་ལྟར། བཟང་བ་ལ་ཧ་ཅང་དགའ་བྲོད་མི་བྱ་སྟེ། དངོས་གྲུབ་ལེན་ཆོག་བྱ། ངན་པ་ལ་རྣམ་རྟོག་མི་བྱ། ཉམས་ལེན་གསལ་འདེབས་བྱ་ཞིང་། ། བསྐང་བ་དང་ཕོ་ཉ་སྒོས་བསྐུལ་གྱིས་བགེགས་བསལ་ལོ། །འདི་ལ་རྒྱས་པར་བསམ་གྱིས་མི་ཁྱབ་པ་ཡོད་དེ། འདིར་གོ་བདེ་བར་ཉུང་ངུར་བསྡུས་སོ། །དེ་ཡང་ཐུགས་ཀར་ཧཱུྃ་ལ་

[Full Size]

སྙིང་པོས་བསྐོར་བ་བསྙེན་པ། དེ་གཡས་སུ་དྲག་ཏུ་འཁོར་བ་ཉེ་བར་བསྙེན་པ། དེ་ལས་འོད་ཟེར་འཕྲོས་པས་སྣང་སྲིད་ཐམས་ཅད་ལྷའི་སྐུས་བཀང་སྔགས་སྒྲ་བསྒྲོགས་པས། སངས་རྒྱས་ཀྱི་བྱིན་རླབས་བསྡུས་ཕོ་ཉ་ལས་ལ་བསྐུལ་བ་སྒྲུབ་པ། དེ་ཐམས་ཅད་ཡུམ་ལ་བསྡུས་ནས་དངོས་གྲུབ་རང་ལ་བསྟིམ་པ་སྒྲུབ་པ་ཆེན་པོའོ། །དེ་ནས་ལས་ལ་སྦྱོར་བ་ནི། ལོ་སྒྲུབ་ལ་ཟླ་གཅིག །ཟླ་སྒྲུབ་ལ་ཞག་བཞི་ཙམ། ཞག་བདུན་ཡིན་ན་ཞག་གཅིག །གཏོར་ཟློག་དུས་ཡིན་ན་ཡུད་ཙམ་ཕྲེང་བསྐོར་རེ་རེ་སྟེ། རང་ཉིད་ལས་འོད་ཟེར་དཀར་པོ་འཕྲོས་པས། མདུན་བསྐྱེད་ལྷ་ཚོགས་ཐམས་ཅད་ལ་ཕོག་པས། དེ་ཐམས་ཅད་ལས་འོད་ཟེར་དཀར་པོ་ཟླ་བ་ཤར་བ་ལྟ་བུ་བསིལ་ཞིང་བདེ་བའི་རང་བཞིན་ཅན་འཕྲོས་ནས། སེམས་ཅན་ཐམས་ཅད་ལ་ཕོག་པས་སྡིག་སྒྲིབ་ཐམས་ཅད་བ་མོ་ལ་ཉི་ཟེར་ཕོག་པ་ལྟར་སངས་ཀྱིས་དག །རང་དང་བསྲུང་བྱ་ཐམས་ཅད་ལ་ཕོག་པས། སྡིག་སྒྲིབ་ནད་གདོན་བར་ཆད་ཐམས་ཅད་ཞི་བར་བསྒོམས་ལ། ནམ་ལངས་ནས་ཉི་ཤར་ཚུན་གྱི་ཐུན་ལ། སྔགས་ཐམས་ཅད་སོ་སོའི་ཤམ་དུའམ། བསྡུ་ན་དྲག་སྔགས་སོ་ལྔ་པའི་

[Full Size]

ཤམ་དུ། འཇིགས་པ་བརྒྱད་སོགས་སྡིག་སྒྲིབ་ནད་གདོན་ཐམས་ཅད་ཤཱནྟི་ཀུ་རུ་ཡེ་ཕཊ་སྭཱ་ཧཱ། ཞེས་སྦྱར་ཏེ་དེ་ཡང་སྔགས་མཇུག་ཕཊ་ཀྱིས་གོང་ཧཱུྃ་གི་འོག་ཏུའོ། །ཉི་དྲོས་ནས་ཕྱེད་བར་དུ། རང་ཉིད་ལས་འོད་ཟེར་སེར་པོ་འཕྲོས། མདུན་བསྐྱེད་ལ་ཕོག་པས་ལྷ་ཐམས་ཅད་ཀྱི་ཐུགས་ཀ་ནས་འོད་ཟེར་གསེར་བཙོ་མ་ལྟ་བུར་འཕྲོས། རང་དང་བསྲུང་བྱ་ཐམས་ཅད་ལ་ཕོག་ཅིང་ཐིམ་པས། ཚེ་དང་བསོད་ནམས་ཡེ་ཤེས་ཐམས་ཅད་འཕེལ་ཞིང་རྒྱས་པར་བསྒོམས་ལ། སྔགས་ཐམས་ཅད་ཀྱི་ཕཊ་སྤང་བ་ལ། ཧཱུཾ་གིས་མཆན་ནས། ། འབྱོར་བ་དྲུག་སོགས་ཚེ་དང་བསོད་ནམས་ཐམས་ཅད་པུཊྚི་ཀུ་རུ་ཡེ་ཧཱུཾ། ཞེས་སྦྱར་ལ་བཟླའོ། །ཉིན་ཕྱེད་ཡོལ་ནས་ཉི་མ་ཐལ་ཁའི་བར་དུ། རང་ཉིད་ལས་འོད་ཟེར་དམར་པོ་གློག་ལྟ་བུ་འཕྲོས། མདུན་བསྐྱེད་ལ་ཕོག་པས་མདུན་བསྐྱེད་ལྷ་ཚོགས་ལས། འོད་ཟེར་དམར་པོ་ལྕགས་ཀྱུའི་དབྱིབས་ཅན་ཕྱོགས་བཅུར་འཕྲོས་པས། སྲིད་པ་གསུམ་གྱི་ཡོན་ཏན་དངོས་གྲུབ་ཐམས་ཅད་བསྡུས་ནས་བདག་ལ་ཐིམ་པར་བསྒོམ་ཞིང་། སྔགས་ཐམས་ཅད་ཀྱི་ཕཊ་སྤང་། ཧཱུྃ་གི་གོང་དེར། ཁམས་གསུམ་སྲིད་གསུམ་གྱི་ཡོན་ཏན་ཐམས་ཅད་

[Full Size]

ཝ་ཤཾ་ཀུ་རུ་ཡེ་ཧཱུྃ། ཞེས་བཟླས་སོ། །ཉི་མ་ནུབ་ནས་སྲོད་འཁོར་བར་ལ། རང་ཉིད་ལས་འོད་ཟེར་མཐིང་ནག་འཕྲོས་ནས་མདུན་བསྐྱེད་ལ་ཐིམ། ལྷ་ཚོགས་རྣམས་ལས་འོད་ཟེར་མཐིང་ནག་ཚ་ཞིང་རྩུབ་པའི་རང་བཞིན་ཅན་ཕྱོགས་བཅུར་འཕྲོས་པས་ཕྱིའི་དགྲ་བགེགས་ཐམས་ཅད་བྱ་སྒྲོ་མེ་ལ་བསྲེགས་པ་ལྟར་ཚར་བཅད། འོད་ཟེར་རང་ལ་ཐིམ་པས། དུག་ལྔ་དུག་གསུམ་སྡིག་སྒྲིབ་ཐམས་ཅད་ཚར་བཅད་དེ་མེད་པར་བྱས་པར་བསྒོམས་ནས། སྔགས་ཐམས་ཅད་ཧཱུྃ་གི་མཆེན་ནས། དགྲ་བགེགས་དུག་ལྔ་དུག་གསུམ་ཐམས་ཅད་མཱ་ར་ཡ་ཀུ་རུ་ཡེ་ཕཊསྭཱ་ཧཱ། ཞེས་བཟླས་ཏེ་དེ་ནི་ལས་སྦྱོར་རོ། །དེ་ལྟར་བསྙེན་སྒྲུབ་ལས་གསུམ་ཚང་ནས་སམ། སྒྲུབ་པའི་དུས་སུ་རྟགས་བཟང་པོ་ནམ་བྱུང་དུས་དངོས་གྲུབ་ལེན་པ་ནི། ༈ རང་གི་ཐུགས་ཀ་ནས་འོད་ཟེར་མདུན་བསྐྱེད་ལྷ་ཚོགས་ལ་ཕོག་པས། དངོས་གྲུབ་སྩོལ་བའི་དུས་ལ་བབ་པར་མཁྱེན་ནས། ལྷ་ཐམས་ཅད་ཀྱི་དཔྲལ་བ་ནས་འོད་ཀྱི་ཐིག་ལེ་དཀར་པོ་ཨོཾ་གྱིས་མཚན་པ། མགྲིན་པ་ནས་འོད་ཀྱི་ཐིག་ལེ་དམར་པོ་ཨཱཉྩས་མཚན་པ། ཐུགས་ཀ་ནས་འོད་ཀྱི་ཐིག་ལེ་མཐིང་ག་ཧཱུྃ་གིས་མཚན་པ་གསུམ་

[Full Size]

རྒྱངས་ཀྱིས་ཆད་དེ། འོད་ཟེར་བཀྲག་མདངས་བསམ་གྱིས་མི་ཁྱབ་པ་སྤྲིན་མེད་པའི་ནམ་མཁའ་ལ་ཉི་མ་ཤར་བ་ལྟར་བྱོན་ནས། བདག་གི་ལུས་ངག་ཡིད་གསུམ་ལ་ཐིམ་པས་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །སྐུ་གསུང་ཐུགས་ཀྱི་དབང་དང་བྱིན་རླབས་དངོས་གྲུབ་ཐམས་ཅད་དུས་གཅིག་ལ་ཐོབ་པར་བསྒོམས་ཤིང་། ཧཱུྃ། ལྷ་དང་རིག་འཛིན་མཁའ་འགྲོ་དགོངས། །ཞེས་སོགས་ནས། སྐུ་གསུང་ཐུགས་ཀྱི་དངོས་གྲུབ་སྩོལ། །ཅེས་པའི་བར་ལན་གསུམ་དང་། ཨོཾ་ཨཱཿཧཱུྃ་ཀཱ་ཡ་ཝཱཀྐ་ཙིཏྟ་སིདྡྷི་ཧཱུྃ་ཨཱཿ ཞེས་བརྒྱ་ཙམ་བཟླས་ལ་ནང་མཆོད་སྲིན་ལག་གིས་ལྕེ་ལ་བཞག །གནས་གསུམ་དུ་ཐིག་ལེ་བྱའོ། །གཏོར་ཟློག་དུས་ཡིན་ན་མདའ་དར་དང་ཁྱུང་སྐུ་དངོས་གྲུབ་ཏུ་བླངས་ལ་རང་གི་གནས་གསུམ་དུ་གཏུགས། མར་རྒྱན་བླངས་ལ་ཅུང་ཟད་ལྕེ་ལ་བཞག །གནས་གསུམ་དུ་བྱུག་གོ །དེ་ནས་སྒྲུབ་པ་ཡིན་ན་ཚོགས་དང་ཚད་མདོ་སོགས་ལས་བྱང་གི་བསྡུ་རིམ་ཡན་ཆད་ལས་བྱང་ལྟར་ཚང་བར་བྱའོ། །གཏོར་ཟློག་ཡིན་ན་འདོན་འགྲིགས་ལྟར་མདོས་ཕུལ་བ་སོགས་ཐམས་ཅད་བྱའོ། །གོང་གི་བསྙེན་སྔགས་དེ་རྣམས་ལ་འདྲ་མིན་མང་དུ་འོང་བ་ནི། ཡི་གེ་མ་དག་པ་མིན། གཏེར་གོང་འོག་དང་གནས་སྐབས་སོ་སོར་ཡིན་པས། ཆོས་དབང་ལུགས་ཀྱི་ལས་བྱང་ལ་གཙོ་བོར་བྱེད་ཚེ་སྔགས་འདིར་བཀོད་པ་རྣམས་དག་པས་ཐེ་ཚོམ་མི་བྱའོ། །དེ་ལྟར་

[Full Size]

བཀའ་བརྒྱད་གསང་བ་ཡོངས་རྫོགས་ལ་ཡི་དམ་བྱས་ཤིང་བསྙེན་ན་བདེ་བར་གཤེགས་པ་ཞི་དང་ཁྲོ་བོ་གསང་སྔགས་ཀྱི་ལྷ་ཐམས་ཅད་འགྲུབ་སྟེ། མཚན་ཞི་ཁྲོ་གསང་བ་ཡོངས་རྫོགས་ཟེར་བའི་དོན་དེ་ལྟར་རོ། །ཕན་ཡོན་ཨོ་རྒྱན་རིན་པོ་ཆེའི་གསུངས་པ་ནི་འདི་ལྟར་ཏེ། སྙིང་པོ་བཟླས་པ་ལ་བརྩོན་ནས། བསྐུལ་ཞིང་གསོལ་བ་བཏབ་པ་ཙམ་གྱིས་ཐུགས་རྗེ་སྐྱེ་སྟེ། ཆོས་སྐུ་དང་གཟུགས་སྐུ་གཉིས་རང་དབང་མེད་པར་ཤར་ཏེ། རང་གི་ལས་དང་མོས་པ་མཐུན་པར་ཞལ་ངེས་པར་སྟོན། འདི་ཉིད་སྐུའི་དངོས་གྲུབ་ཀྱང་སྣང་སྟེ། བདེ་གཤེགས་གཅིག་སྒྲུབ་རྒྱལ་བ་ཀུན་དང་མཇལ། །ཞེས་བྱའོ། །གསུང་འགྲུབ་པའི་རྟགས་སུ་སྒྲ་སྙན་ཐོས་ཤིང་གསུང་དངོས་སུ་འབྱོན་པ་དང་། ངག་ནུས་པ་ཐོན་པ་དང་། ངག་བདེན་པ་ཐོབ་པ་དང་། ལུང་སྟོན་ཆོས་འཆད་ནུས་པ་འབྱུང་ངོ་། །ཐུགས་ཀྱི་དངོས་གྲུབ་ཐོབ་རྟགས་སུ། །སེམས་ཕྱིན་ཅི་མ་ལོག་པའི་དོན་མཐོང་བ་དང་། ཆོས་ཉིད་སྐྱེ་མེད་དོན་རྟོགས་ཏེ། མ་བསླབ་པའི་རིགས་པ་རང་བྱུང་ཁོང་ནས་འཆར་བ་དོན་ཤེས་རྣམ་མཁྱེན་ཕྱོགས་མེད་དུ་འཆར་རོ། །ཐུན་མོང་གི་དངོས་གྲུབ་ལ་སོགས་འབྱུང་བ་ནི། སྐྱེ་ཤི་མེད་པ་ཚེའི་དངོས་གྲུབ། བྱིན་

[Full Size]

རླབས་དབང་གི་དངོས་གྲུབ། འཚོ་བ་ཟས། དྲག་རྩལ་མཐུ། བཙན་ཕྱུག་ནོར། རྒྱུད་འཛིན་སྲས། ཀུན་གྱིས་གཙུག་ཏུ་ཁུར་བ། ནད་གདོན་བར་ཆད་ཞི་བ་ལ་སོགས་དངོས་གྲུབ་ཐམས་ཅད་འབྱུང་ངོ་། །ཁྱད་པར་དུ་རྣལ་འབྱོར་པ་ལུས་བདེ། སྐྲ་དཀར་གཉེར་མ་མེད་ཅིང་ལུས་ལ་གློ་བུར་དུ་ནད་ཀྱིས་མི་ཚུགས། གསུང་བཟང་ཀུན་ཉན། སེམས་ཅན་སྡུག་བསྔལ་ལས་གྲོལ་བ་དག་འབྱུང་ངོ་། །དངོས་སུ་སྣང་བ་ཕུར་པ་ལས་འོད་འཕྲོས། སྒྲ་འབྱུང་དྲི་ཞིམ་པོ་དང་འཕར་བ་དང་། བཞད་པ་དང་། མེ་འབར་བ་ལ་སོགས་འབྱུང་ངེས་སོ། །དམ་ཅན་རྦད་ཅིང་འགུགས་གཞུག་བྱས་པས་བརླ་རྟགས་སུ། ར་སྐད་འབྲི་སྐད་དངོས་སུ་འོང་བ་དང་། བླའི་སེམས་ཅན་དང་རྭ་དང་རི་དྭགས་བསད་པ་དང་། སྙིང་སྟོན་པ་མགོ་བཅད་པ་ལ་སོགས་འབྱུང་ངོ་། །རྣལ་འབྱོར་པ་མྱ་ངན་ལས་འདས་པའི་ཚེ་ནའང་། ལུས་ཀྱི་སྐུ་འགྲུབ་རྟགས་སུ་སྐུ་གདུང་ཆེན་པོ་འབྱུང་། ངག་གསུང་འགྲུབ་རྟགས་སྒྲ་དང་། ལྗགས་མེའི་མི་ཚིག་པ་འབྱུང་ངོ་། ཡིད་ཐུགས་འགྲུབ་རྟགས་སུ་རིང་བསྲེལ་འཇའ་ཚོན་འབྱུང་ངོ་། །ཞེས་གསུངས་སོ། །དེས་ན་ཚེ་འདིར་ངག་ནུས་ཆེ་

[Full Size]

བ་དང་། འདྲེ་གདོན་ཐུལ་བ་ཙམ་ཁོ་ན་ལ་མི་བསམ་པར། སེམས་ཅན་ཐམས་ཅད་ཀྱི་དོན་དུ་རང་ཉིད་དཔལ་ཀུན་ཏུ་བཟང་པོའི་གོ་འཕང་ཐོབ་ནས། འབད་མེད་ལྷུན་གྲུབ་ཀྱི་འགྲོ་བ་སེམས་ཅན་གྱི་དོན་བྱའོ་སྙམ་པའི་སེམས་བསྐྱེད་ཀྱིས་ཟིན་པར་བྱ་སྟེ། བསྙེན་སྒྲུབ་བྱ་བ་དང་། གཞན་དུ་ཁྲོ་རོལ་བཅའ་ཚེ་ཡང་བསྙེན་པ་དང་དམིགས་པ་གཏོར་སྒྲུབ་ཏུ་དམིགས་ནས་བྱས་པས། རང་གཞན་གྱི་བར་ཆད་སེལ་བ་དང་། ཐུན་མོང་གི་དངོས་གྲུབ་ཞོར་ལ་འབྱུང་ཞིང་། ཕྱི་མ་མཆོག་གི་དངོས་གྲུབ་ཐོབ་པར་ཤེས་པར་བྱོས་ཤིག །ཅེས་པ་བཀའ་བརྒྱད་ཀྱི་དབང་མོ་ཆེ་བསྐུར་སྐབས་དང་། ཕྱག་ལེན་ཅུང་ཙམ་འཆད་པའི་དུས་ལ། གུ་རུ་སྔགས་འཆང་གིས་སྒྲུབ་པ་གཅིག་བྱེད་པའི་ཁས་ལེན་བྱས་པ་ལ་བརྟེན་ནས། ༧ སྔགས་འཆང་རཱ་ག་ཨ་སྱས་བྲིས་པ་སྟེ། སྔགས་པ་གསར་བུ་མང་པོ་ལ་ཕན་པར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ལས་འགྲིགས་དངོས་གྲུབ་བླང་བ།

[Full Size]

དེ་ནས་དངོས་གྲུབ་བླང་བ་ནི༔ ཧཱུྃ༔ ཞལ་ཟས་ཚོགས་ཀྱི་མཆོད་པ་འདི༔ འདོད་ཡོན་མ་སྤངས་ལོངས་སྤྱོད་རྒྱས༔ དངོས་གྲུབ་སྣ་ཚོགས་འདི་ལས་བྱུང་༔ རྣལ་འབྱོར་དགྱེས་པར་ཚོགས་ལ་རོལ༔ སིདྡྷི་ཕ་ལ་ཨ་ལ་ལ་ཧོ༔ དེ་ནས་སྨོན་ལམ་གདབ་པ་ནི༔ ཧཱུྃ༔ སྔོན་ནས་ད་ལྟ་ཡན་ཆད་དུ༔ རྣལ་འབྱོར་བདག་ཅག་འཁོར་བཅས་དམས་དགེ་བའི་ཚོགས་འཁོར་གྱིས༔ ཚེ་དབང་ལོངས་སྤྱོད་བརྟན་རྒྱས་ཤོག༔ ༈ དེ་ནས་ལྷག་མའི་ཆོ་ག་བྱ་བ་ནི༔ རཾ་ཡཾ་ཁཾ༔ ལྷག་མའི་ཉེས་སྐྱོན་བསྲེགས་གཏོར་སྦྱངས་ནས་ཤ་ལྔ་བདུད་རྩི་ལྔའི་རང་བཞིན་དུ་གྱུར༔ ཨོཾ་ཨཱཿཧཱུྃ་ཧ་ཧོ༔ཧི༔ ཧཱུྃ༔ ཆོས་དབྱིངས་རྣམ་དག་གཞལ་ཡས་ནས༔ སྐྱེ་བའི་ཆོ་འཕྲུལ་ཞི་ཁྲོའི་ཚོགས༔ འདིར་བྱོན་རྒྱན་གྱིས་མཆོད་གཏོར་བཞེས༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཧཱུྃ༔ དང་པོ་ཕུད་ཀྱིས་མི་མཆོད་རྒྱུ༔ བཀའ་བརྒྱད་ཡོངས་རྫོགས་ལྷ་རྣམས་མཉེས༔ བར་དུ་ལྷག་མས་མི་མཆོད་རྒྱུ༔ མ་མོ་མཁའ་འགྲོ་ལྷག་ལ་དགྱེས༔ ཐ་མ་གཅིག་ཏུ་མི་བསྲེ་རྒྱུ༔ ཆོས་ཉིད་ཡེ་ནས་རྒྱུ་འབྲས་གཅིག༔ ལྷག་མ་ཁ་ཆུས་མི་བྲན་རྒྱུ༔ ཁྱོད་དང་ང་གཉིས་དམ་ཚིག་གཅིག༔ ཧཱུྃ༔ དཔལ་གྱི་

[Full Size]

བཀའ་ཉན་ལྷག་སྡུད་མ༔ རིགས་བཞི་མཁའ་འགྲོ་ཤུགས་འགྲོ་བཅས༔ དབང་ཕྱུག་ཆེན་མོ་ཉེར་བརྒྱད་དང་༔ མཁའ་འགྲོ་སུམ་ཅུ་རྩ་གཉིས་རྣམས༔ གནས་བཟང་དུ་ནི་དུར་ཁྲོད་འཛིན༔ གོས་བཟང་དུ་ནི་ཞིང་ཆེན་གྱོན༔ སྐྱོགས་བཟང་དུ་ནི་བྷན་ཐོགས༔ ཟས་བཟང་དུ་ནི་ཚྭ་ས་ཟ༔ སྐྱེམས་བཟང་དུ་ནི་རཀྟ་གསོལ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས༔ ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དཔལ་གྱི་བཀའ་ཉན་ལྷག་སྡུད་མ༔ སྐྱེས་མཆོག་གིང་ཆེན་བཅོ་བརྒྱད་པོ༔ དབུ་ལ་རལ་ཕུར་ཤ་ར་ར༔ ཕྱག་ན་གྲི་ཐོད་ཟངས་སེ་ཟང་༔ གིང་ཕོ་དགུ་ནི་ཤ་ར་ར༔ གིང་མོ་དགུ་ནི་སི་ལི་ལི༔ ཐམས་ཅད་རུ་མཚོན་ཆེམས་སེ་ཆེམ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས་ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དཔལ་

[Full Size]

གྱི་བཀའ་ཉན་ལྷག་སྡུད་མ༔ མ་མོ་བདུན་དང་སྲིང་མོ་བཞི༔ འབར་མ་ཆེན་མོ་བརྒྱད་རྣམས་དང་༔ ཕོ་ཉ་དྲུག་ཅུ་རྩ་བཞི་རྣམས༔ མཛེས་པའི་སྐུ་ལ་སྒེག་ཚུལ་ཅན༔ དུར་ཁྲོད་རྒྱན་ཆ་སྤུངས་སེ་སྤུང་༔ རྣལ་འབྱོར་ཀུན་གྱི་དྲོད་ཉུལ་ཞིང་༔ སྒྲུབ་པ་པོ་ཡི་གྲོགས་མཛད་མ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས༔ ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དཔལ་གྱི་བཀའ་ཉན་ལྷག་སྡུད་མ༔ ལང་ཀ་དུར་ཁྲོད་བདག་མོ་དང་༔ འབུམ་ཕྲག་ཡངས་པའི་མཁའ་འགྲོ་མ༔ ལྷ་སྲིན་སྡེ་བརྒྱད་ཐམས་ཅད་ཀྱང་༔ དུར་ཁྲོད་རྫས་ལ་ལོངས་སྤྱོད་ཅིང་༔ བསྟན་པའི་དགྲ་བགེགས་གཉན་པོ་ཆེ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས༔ ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་མ་ཧཱ་ཤྲཱི་ཧེ་རུ་ཀ༔ ས་མ་ཡ༔ དེ་ཝི་ཀྲོ་དྷ་སརྦ་བ་

[Full Size]

ལིཾ་ཏ་ཁཱ་ཧི་ཁཱ་ཧི༔ ཨོཾ་ཨཱ༔ཧཱུྃ་ཨུཙྪིཥྛ་བཛྲ་ཨ་ཏིཥྛ་མུ་ཤ་ཏྲ་མ་ས་མ་ཡ༔ ཧཱུྃ་ཕཊ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ བློ་སྦྱོ་བྷྱོ༔ ཨཱ་ར་ལི་ཛ་ས་མ་ཡ་བྷྱོ༔ ལྷག་མ་མདུན་གྱི་ལྕགས་རིའི་ནང་དུ་བླུག༔ ༈ དེ་ནས་རྩང་བསྟོད་ནི༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ སྤྲུལ་པའི་ཕོ་ཉ་ལས་ལ་མངག་པ་དང་༔ ཉོན་མོངས་གདུག་པ་མ་ལུས་བསྒྲལ་བའི་ཕྱིར༔ སྤྲུལ་པའི་ཕྱག་རྒྱ་རྟགས་ཀྱི་ཕྱག་མཚན་གསལ༔ གདུག་པའི་རྩང་ཕུར་ཕྱག་རྟགས་ཉིད་དང་ལྡན༔ ཡར་གྱི་རྩེ་མོ་ཆོས་ཉིད་དབྱིངས་སུ་སླེབས༔ མར་གྱི་རྩེ་མོས་ངན་སོང་གསུམ་ལ་གཟིར༔ སྐེད་པ་རྒྱ་མདུད་ཆོས་ཉིད་འབྱུང་བའི་གནས༔ ཡར་གྱི་རྩེ་མོ་ལྷག་མཐོང་ཡུལ་དུ་འཛུགས༔ མར་གྱི་རྩེ་མོས་རྒྱུ་དྲུག་སྙིང་པོ་སྒྲོལ༔ སྐེད་པ་རྒྱ་མདུད་ཁམས་གསུམ་གཏོས་དང་མཉམས༔ ཡར་གྱི་རྩེ་ལ་གདུག་རྩུབ་མེ་ལྟར་འབར༔ མར་གྱི་རྩེ་ལ་གདུག་པའི་འོད་ཟེར་འཕྲོ༔ སྐེད་པ་རྒྱ་མདུད་མཚོན་ཆའི་གུར་དུ་ཕུབ་ཡར་གྱི་རྩེ་ལ་རཾ་གྱི་ཁུ་འཕང་འཕྲོ༔ མར་གྱི་རྩེ་ལ་ཛཡི་བུ་ཡུག་འཚུབ༔ སྐེད་པ་རྒྱ་མདུད་དམུ་ཡི་ཕོ་བྲང་བཅས༔ ཡར་གྱི་རྩེ་ལ་ཁྲག་གི་བྱ་རྒོད་ལྡིང་༔ མར་གྱི་རྩེ་ལ་ལྕགས་ཀྱི་

[Full Size]

འུག་པ་གྲིག༔ སྐེད་པའི་དཀྱིལ་དུ་ཟངས་ཀྱི་ཕོ་རོག་འགྱེད༔ ཡར་གྱི་རྩེ་ལ་ཁྲག་གི་སྦྲང་བུ་གྲག༔ མར་གྱི་རྩེ་ལ་ལྕགས་ཀྱི་བུང་བ་གྲག༔ སྐེད་པའི་དཀྱིལ་ན་གཡུ་ཡི་ཁུ་བྱུག་གྲག༔ ཡར་གྱི་རྩེ་ལ་ལྷ་སྲིན་དམར་ནག་འཁྲུགས༔ མར་གྱི་རྩེ་ལ་རྒྱ་གྲོག་དམར་ནག་རྒྱུག༔ སྐེད་པའི་དཀྱིལ་དུ་གསེར་གྱི་སྦལ་པ་འཁུན༔ ཡར་གྱི་རྩེ་ལ་ཁྲག་གི་ཐིགས་པ་འཛག༔ མར་གྱི་རྩེ་ལ་དུག་གི་ཆུ་བོ་ཁོལ༔ སྐེད་པའི་དཀྱིལ་ན་ཟངས་ཀྱི་ཝ་མོ་བརྒྱལ༔ ཡར་གྱི་རྩེ་ལ་ཟངས་ཀྱི་འཕར་བ་རྒྱུག༔ མར་གྱི་རྩེ་ལ་ལྕགས་ཀྱི་སྤྱང་མོ་རྒྱུག༔ སྐེད་པའི་དཀྱིལ་ན་ཟངས་ཀྱི་ཁྱི་མོ་ཟུག༔ ཡར་གྱི་རྩེ་ལ་བདུད་བྱ་ཀང་ཀ་རྒྱུག༔ མར་གྱི་རྩེ་ལ་དོམ་དང་དྲེད་མོང་འཐབས༔ སྐེད་པའི་དཀྱིལ་དུ་སྟག་དང་སེང་གེ་འཐབས༔ སྤྲུལ་པའི་ཕོ་ཉ་དེ་རྣམས་ཀྱང་༔ ཆེ་ཆུང་རྒྱ་གྲོག་དམར་ནག་ཙམ༔ གདུག་པའི་བརྟུལ་ཞུགས་སྣ་ཚོགས་ཀྱིས༔ རི་རབ་ཀུན་ཀྱང་ཚོགས་པོར་འཕེན༔ འཇིགས་པའི་སྒྲ་སྐད་སྣ་ཚོགས་ཀྱིས༔ ཁམས་གསུམ་ཐམས་ཅད་ཟིལ་གྱིས་གནོན༔ མྱུར་མགྱོགས་དྲག་པོས་ཁམས་གསུམ་དབང་དུ་སྡུད༔ ཡང་སྤྲུལ་མངག་གཞུག་དཀྱིལ་འཁོར་

[Full Size]

གང་༔ འབར་བའི་ཡང་སྤྲུལ་མཐའ་དང་མཉམ༔ དཀྱིལ་འཁོར་ནམ་མཁའི་མཐའ་དང་མཉམ༔ སྤྲུལ་པ་ཀུན་འབྱུང་གདུག་པའི་རྩང་ཕུར་རྣམས༔ གྲུ་གསུམ་གླིང་བཞི་དྲག་པོར་བཅས༔ ཆོས་ཉིད་ཡེ་ཤེས་དྲྭ་བ་མིག་མང་རིས༔ འཁོར་བའི་དྲྭ་བ་སྐྱ་ཤད་འཛིང་པ་འདྲ༔ ཉོན་མོངས་དྲྭ་བ་སེམས་ཅན་འཆིང་བའི་རྒྱུ༔ ཤེས་རབ་དྲ་བ་མ་རིག་འབྱེད་པའི་སྒོ༔ སྤྲུལ་པའི་དྲ་བ་ཅིར་ཡང་བསྒྱུར་བའི་འཐབས༔ གདུག་པའི་དྲྭ་བ་སེམས་ཅན་ཆུད་པའི་སྣོད༔ སྤྲུལ་པའི་ཕོ་ཉ་མྱུར་མགྱོགས་རྒྱུག་པའི་སྲང་༔ དམ་ཉམས་དགྲ་བགེགས་ཤོར་བའི་མུ་མཐའ་མེད༔ གདུག་རྩུབ་སྤྲུལ་པའི་དྲྭ་བ་མིག་རེ་ལ༔ གདུག་པའི་དགྲ་བགེགས་སྲོག་རྩ་གཅོད་པར་བྱེད༔ དམ་ཉམས་དགྲ་བོའི་སྲོག་ལ་རྟོད་ཅིང་འཐབས༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་འདིར༔ གདུག་རྩུབ་དབལ་དྲག་ལྡན་པའི་རྩང་ཕུར་བཞུགས༔ དམ་ཉམས་དགྲ་བོའི་སྙིང་ལ་ཀཱི་ལ་ཡ༔ ཡ་ཡི་ཕྲིན་ལས་མཛོད༔ བྷྱོ་བྷྱོ༔ ཛ་ཛ༔ དམ་ཉམས་དགྲ་བོ་འདུལ་བའི་ཕྱིར༔ སྒྲུབ་པ་བཀའ་བརྒྱད་ལྷ་ཚོགས་རྣམས༔ དྲག་པོའི་སྟོབས་ཀྱིས་རྩང་ཕུར་བཞེངས། ཧཱུཾ༔

[Full Size]

དབང་དྲག་ཕུར་པའི་ལྷ་ཚོགས་རྣམས༔ དྲག་པོའི་སྟོབས་ཀྱིས་རྩང་ཕུར་བཞེངས༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་འདིར༔ དམ་ཉམས་དགྲ་བོ་འདུལ་བའི་ཕྱིར༔ མཐིང་ནག་དབལ་གྱི་གདན་སྟེང་དུ༔ དབལ་དྲག་འབར་བའི་རྩང་ཕུར་བཞེངས༔ ཡེ་ཤེས་ཕུར་པ་ཀཱི་ལ་ཡ༔ རྫས་ཀྱི་ཕུར་པ་ཀཱི་ལ་ཡ༔ མགོ་བོ་རྒྱ་མདུད་མངའ་གསོལ་ལོ༔ ཡེ་ཤེས་ཐིག་ལེས་མངའ་གསོལ་ལོ༔ ཟུར་བརྒྱད་འབར་བས་མངའ་གསོལ་ལོ༔ ཕྱག་རྒྱ་སྦྱོར་བས་མངའ་གསོལ་ལོ༔ སྐེད་པ་རྒྱ་མདུད་མངའ་གསོལ་ལོ༔ རིགས་བཞི་ཕྱག་རྒྱས་མངའ་གསོལ་ལོ༔ གྲུ་གསུམ་འབར་བས་མངའ་གསོལ་ལོ༔ ཛ་གསུམ་འབར་བས་མངའ་གསོལ་ལོ༔ ངོས་གསུམ་འབར་བས་མངའ་གསོལ་ལོ༔ པདྨ་རཀྟས་མངའ་གསོལ་ལོ༔ ཟུར་གསུམ་འབར་བས་མངའ་གསོལ་ལོ༔ སྣ་ཚོགས་ཛ་ཡིས་མངའ་གསོལ་ལོ༔ རཀྟ་ཁྲག་གིས་ངར་བླད་ནས༔ སྲིན་པོའི་ཐོད་པ་འདི་ལ་བརྡར༔ ཕུར་པའི་མདའ་ལ་ཉེ་རིང་མེད༔ དམིགས་པའི་འབེན་ལ་ཆེ་ཆུང་མེད༔ མ་མོའི་ཐུན་ལ་ཉེ་རིང་མེད༔ ཡུངས་དཀར་རྦབ་ལ་གྱེན་ཐུར་མེད༔ ཕོ་ཉའི་ལས་

[Full Size]

ལ་དཀའ་སླ་མེད༔ ས་མ་ཡ་ཛ་ཛ༔ རྩང་གྱེར་རྫོགས་སོ༔ ཨོཾ༔ འདི་ཕྱིན་འབུལ་ཁ་བར་དུ་མི་འདོན། ཉམཀཎཝཾ༔ ཁྲོ་བོ་རོལ་པའི་གཏོར་ཟློག་འབུལ་བའི་འདོན་འགྲིགས་ནི༔ ཐུན་མཚམས་དངོས་གྲུབ་བླང་བ་ནི༔ ཧཱུྃ༔ ལྷ་དང་རིག་འཛིན་མཁའ་འགྲོ་དགོངས༔ འདིར་བཞུགས་རིག་འཛིན་བདག་ཅག་རྣམས༔ སྨིན་གྲོལ་གཉིས་ཀྱིས་རྒྱུད་སྦྱངས་ཤིང་༔ བསྐྱེད་རྫོགས་གཉིས་ཀྱིས་ལས་གཞུང་བསྲང་༔ བསྙེན་སྒྲུབ་ལས་གསུམ་མཐའ་རུ་ཕྱིན༔ ལས་དང་ཐུགས་རྗེ་མཐུན་པ་ཡིས༔ ཞི་རྒྱས་དབང་དྲག་ཡིད་བཞིན་གཏེར༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཨོཾ་ཨཱཿཧཱུྃ་ཀཱ་ཡ་ཝཱཀ་ཙིཏྟ་སརྦ་སིདྡྷི་ཧཱུྃ་ཨཱཿ ཞེས་ལས་བྱང་ལྟར་དངོས་གྲུབ་བླངས་ཏེ༔ མདའ་དར་ཁྱུང་སྐུ་མར་རྒྱན་དངོས་གྲུབ་བླང་ངོ་༔ དེ་ནས་གསང་བ་སྒྲུབ་ཆེན་གཞུང་བསྲང་ལ༔ རྗེས་ཀྱི་ལས་འགྲིགས་བཅུ་བཞི་བསྟན་པ་ནི༔ དང་པོ་ཆེ་བ་བསྐྱེད་པ་ནི༔ ཧཱུྃ༔ སྣང་སྲིད་ཐམས་ཅད་གཞལ་ཡས་ཁང་༔ གཟུགས་སྣང་ཐམས་ཅད་ཧེ་རུ་ཀ༔ ཐམས་ཅད་ཐམས་ཅད་བྲན་དུ་ཁོལ༔ ང་ལས་ཆེ་བཙན་སུ་ཡང་མེད༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ དེ་ནས་ཐུགས་དམ་བསྐུལ་པ་རྒྱས་པ་ནི་བཀོལ་བར་ཤེས༔ བསྡུ་ན་འདི་སྐད་དོ༔ ཧཱུྃ༔ ཆོས་སྐུ་སྐྱེ་མེད་ངང་ཉིད་ལས༔

[Full Size]

གཟུགས་སྐུ་འཇིགས་པའི་ཆ་ལུགས་བཞེངས༔ ཞི་རྒྱས་དབང་དྲག་མངོན་སྤྱོད་ལས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ་ཧཱུྃ་སརྦ་དུཏྟཾ༔ ཨོཾ་ཤཱནྟི༔ སྲ་པུཏྟིཾ༔ ཨོཾ་པཱ་ཤཾ༔ ཧཱ་མཱ་ར་ཡ་རྦད༔ ཨོཾ་སརྦ་སིདྡྷི་ཀུ་རུ་དྲོད་ཟོར་སརྦ་ཟློག་བྷྱོ༔ དེ་ནས་ནང་གི་སྒོ་འབྱེད་པ་ནི༔ ཧཱུྃ༔ ཕྱོགས་བཞིའི་སྒོ་མ་ཆེན་མོ་བཞི༔ ཕྱག་མཚན་བཞི་ཡི་ཕྱག་རྒྱ་ཡིས༔ དཀྱིལ་འཁོར་ཕྱོགས་བཞིའི་སྒོ་རྣམས་ཕྱེས༔ གསེར་སྐྱེམས་གཉན་པོ་འདི་གསོལ་ལ༔ གཏོར་མའི་ཟོར་ལམ་དགྲ་ལ་སྟོན༔ བཛྲ་རཏྣ་པདྨ་ཀརྨ་པྲ་ཝེ་ཤ་ཡ་ཕཊ༔ ཅེས་གསེར་སྐྱེམས་གཏོར་མ་ལ་གཏོར༔ དེ་ནས་བཞེངས་ཞུས་ནི༔ ཧཱུྃ༔ ཞི་ཁྲོ་ཚོགས་འདུས་ཡེ་ཤེས་དཔལ་གྱི་འཁོར༔ དཔལ་ཆེན་གཙོ་དགུ་ཡབ་ཡུམ་དབྱིངས་ནས་བཞེངས་གཞན་ཡང་སྟེང་འོག་ཕྱོགས་མཚམས་སོ་སོ་ནས༔ དཔལ་གྱི་བཀའ་སྡོད་ཅི་བགྱིས་བཀའ་ཉན་ཚོགས༔ ཐུགས་དམ་བདག་ལ་དགོངས་ནས་བཞེངས་སུ་གསོལ༔ ཏ་ཀི་རཱ་ཙ་ཧཱུྃ་ཕཊ༔ ཏ་ཀི་རཱ་ཛ་ཧཱུྃ་ཛ༔ ཏ་ཀི་རཱ་ཛ་ཨ་ཀད་ཏ་ཡ༔ ཏ་ཀི་རཱ་ཛ་ཨ་ཀད་ཏ་ཡ༔ པྲ་ཝེ་ཤ་ཡ་པྲ་ཝེ་ཤ་ཡ༔ ཨཱ་ཝེ་ཤ་ཡ༔ ཨཱ་ཝེ་ཤ་ཡ༔ བྷན་ཡ་བྷན་ཡ༔ དོ་ཤ་ཡ་

[Full Size]

དོ་ཤ་ཡ༔ མོ་ཧ་ཡ་མོ་ཧ་ཡ༔ སརྦ་ནན༔ བཛྲ་དྷཱཀྐི་ནི་ཧཱིད་ཡ་ཧཱུྃ་ཧཱུྃ་ཕཊ་ཕཊ༔ ཅེས་གཏོར་མ་བཏེག་ལ་བཞག་གོ༔ དེ་ནས་ཁང་ཐོག་ག་མ་མདུན་དེར་དང་པོ་དཀར་གཏོར་ཟུང་གཅིག་དམར་གཏོར་གཅིག་བཤམས་མདོས་ཀྱང་ཞལ་བསྒྱུར་ཏེ༔ ཧཱུྃ༔ ང་ནི་དཔལ་ཆེན་ཧེ་རུ་ཀ༔ སྣང་སྲིད་ཡོངས་རྫོགས་གཏོར་མ་གཏོང་༔ སྡེ་བརྒྱད་དྲེགས་པ་ཅན་རྣམས་ཞལ་བསྒྱུར་རོ༔ ལྷ་དང་དམ་ཅན་མ་ལུས་ཀུན༔ ཞལ་ཁ་ཁྲམ་ཁ་དགྲ་ལ་སྒྱུར༔ སྒྱུར་ཅིག་ཟློག་ཅིག་བློ་བྷྱོ༔ མཱ་ར་ཡ་བྷྱོ་ཟློག་ཅིག༔ དེ་ནས་དཀར་གཏོར་ཆུ་གཙང་གིས་བྲན་ཞིང་༔ ཨོཾ་སྭ་བྷཱ་ཝ་སོགས༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཐོད་པའི་སྣོད་དུ་གནས་པའི་གཏོར་མ་བདུད་རྩིའི་རང་བཞིན་སོ་སོའི་ཡིད་དང་མཐུན་པའི་ལོངས་སྤྱོད་དུ་གྱུར༔ ཨོཾ་ད་ཤཱ་དིཀ་ལོཀ་པཱ་ལ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ བཛྲ་དྷ་ར་ཨ་ཛྷཱ་པ་ཡ་ཏི་སྭཱ་ཧཱ༔ ཧཱུྃ༔ ཤར་ལ་སོགས་པའི་ཕྱོགས་བཅུ་ན༔ གནས་པའི་ལྷ་ཀླུ་མི་མ་ཡིན༔ ཐམས་ཅད་བཀའ་ཡི་གཏོར་མ་ལོངས༔ རིག་འཛིན་བདག་གི་ངག་འདི་ཉོན༔ བདེ་གཤེགས་བསྟན་ལ་སྤྱི་དགྲ་བྱུང་༔ འདི་ལ་ཁྲག་འཐུང་ཆེན་པོའི་བཀས༔ དྲེགས་པ་ཐམས་ཅད་དབང་དུ་སྡུས༔ ལམ་དུ་

[Full Size]

གནས་པའི་མཐུ་ཆེན་དེངས༔ མ་རུངས་ལྷ་སྲིན་འཁོར་དང་བཅས༔ ཐམས་ཅད་དེ་རིང་དམག་ལ་དྲོངས༔ དྲང་སྲོང་རྒྱལ་པོ་རཱ་ཧུ་ལ༔ འཁོར་བཅས་དམག་གི་སྡོང་གྲོགས་མཛོད༔ ལྟོ་འཕྱེ་ཧལ་ཁྱི་ཟིན་ཕུང་དང་༔ ས་གསུམ་མཐུ་ཆེན་མ་ལུས་པ༔ འཁོར་བཅས་དམག་གི་སྡོང་གྲོགས་མཛོད༔ ཅེས་གཏོར་མ་འབུལ་བའི་ཕྱོགས་སུ་འབུལ་བར་བྱའོ༔ ཧཱུྃ༔ ང་ནི་དཔལ་ཆེན་ཧེ་རུ་ཀ༔ སྣང་སྲིད་ཡོངས་རྫོགས་གཏོར་མ་གཏོང་༔ མདོས་བདག་ཀུན་གྱིས་མདོས་འདི་ལོངས༔ གླུད་བདག་ཀུན་གྱིས་གླུད་འདི་ལོངས༔ ཟོར་བདག་ཀུན་གྱིས་ཟོར་འདི་རྒྱོབས༔ བདེ་གཤེགས་ཡོངས་རྫོགས་མཐུ་དཔུང་ཕྱུངས༔ དམ་ཅན་ཀུན་གྱིས་ཕྲིན་ལས་མཛོད༔ ཕོ་ཉ་ཡོངས་ཀྱིས་ཤན་པ་མཛོད༔ སྣང་སྲིད་ལྷ་འདྲེ་ཐམས་ཅད་ཀྱིས༔ དགྲ་བོའི་ཡུལ་དུ་ཕོ་བྲང་ཐོབ༔ དགྲ་དང་བགེགས་ཀྱི་སྲོག་དབུགས་ལོངས༔ ནད་མཚོན་ཆོ་འཕྲུལ་དགྲ་ལ་ཕོབ༔ ད་ལྟ་ཉིད་དུ་ཕྲིན་ལས་མཛོད་མཱ་ར་ཡ་བྷྱོ་བྷྱོ༔ དེ་ནས་གཏོར་མདོས་གོམ་པ་བདུན་ཅུའམ༔ ཡང་ན་བདུན་ནམ་བཞི་ལ་དཔགས༔ དེ་ནས་ཕྱིར་བ་ནག་པོའི་གཏོར་ལམ་བཏིང་སྟེ༔ ཕྱོགས་ཡོད་སར་གདོང་ཕྱོགས་ཏེ་ངར་མདོས་དང་ཆད་མདོའི་གཏོར་མ༔ སྔར་

[Full Size]

བཏོན་པའི་དྲེགས་པའི་གཏོར་མ་གཏོར་ཟློག་ཐམས་ཅད་རིམ་པར་བཤམས་ལ་དེ་ནས་གཏོར་མ་སྐྱོང་བ་ནི༔ ཧཱུྃ༔ སྔོན་ཚེ་འདས་དུས་བསྐལ་པའི་དང་པོ་ལ༔ འོག་མིན་དགའ་ལྡན་ཞེས་བྱའི་གནས་མཆོག་ནས༔ བཅོམ་ལྡན་དཔལ་ཆེན་ཁྲག་འཐུང་ཆེན་པོ་ཡི༔ སྣང་སྲིད་མ་མོ་དམ་ལ་བཏགས་པའི་ཚེ༔ ཀོའུ་རི་ལ་སོགས་གནས་ཀྱི་མ་མོ་བརྒྱད༔ སེང་ཧ་ལ་སོགས་ཡུལ་གྱི་ཕྲ་མེན་བརྒྱད༔ སྟག་གདོང་ལ་སོགས་ཡུལ་གྱི་སྒོ་མ་བཞིས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་བར་གྱི་བསྐལ་པའི་དབུས་མ་ལ༔ བལ་ཡུལ་ཡང་ལེ་ཤོད་ཀྱི་དབེན་གནས་སུ༔ སློབ་དཔོན་ཆེན་པོ་པདྨ་འབྱུང་གནས་དང་༔ སློབ་མ་མཁས་པ་བི་མ་མི་ཏྲ་ཡིས༔ རྡོ་རྗེ་དབྱིངས་ཀྱི་དཀྱིལ་འཁོར་ཞལ་ཕྱེས་ཚེ༔ རྡོ་རྗེ་རིགས་ཀྱི་སྲུང་མ་ཐམས་ཅད་ཀྱིས༔ སོ་སོའི་གཟུགས་མཆོག་དམ་པ་བསྟན་

[Full Size]

ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཚད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་བར་གྱི་བསྐལ་པའི་ཐ་མ་ལ༔ བསམ་ཡས་ལྷུན་གྱིས་གྲུབ་པའི་གཙུག་ལག་ཏུ༔ སློབ་དཔོན་ཆེན་པོ་པདྨ་འབྱུང་གནས་དང་༔ སློབ་མའི་དྭངས་མ་རྗེ་འབངས་གྲོགས་གསུམ་གྱིས༔ ཞི་ཁྲོ་ཡོངས་རྫོགས་དཀྱིལ་འཁོར་ཞལ་ཕྱེས་ཚེ༔ སྒྲུབ་པ་བཀའ་བརྒྱུད་དམ་ཅན་ཡོངས་འདུས་ནས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་ལྔ་བརྒྱ་དུས་ཀྱི་ཐ་མ་ལ༔ དཔལ་རི་པདྨ་འོད་ཀྱི་གཞལ་ཡས་སུ༔ སློབ་དཔོན་ཆེན་པོ་པདྨ་

[Full Size]

ཐོད་ཕྲེང་དང་༔ ཐུགས་རྗེ་ཆེན་པོའི་རྣལ་འབྱོར་ཆོས་དབང་གིས༔ གསང་བ་སྒྲུབ་ཆེན་དཀྱིལ་འཁོར་ཞལ་ཕྱེས་ཚེ༔ དྲེགས་པའི་སྡེ་དཔོན་སུམ་ཅུ་ཐམ་པ་ཡིས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་རྩོད་ལྡན་དུས་ཀྱི་སྙིགས་མ་ལ༔ ལྷོ་བྲག་ལྷ་བྲོ་རྣལ་རྒྱལ་ཁང་བཟང་དུ༔ སློབ་དཔོན་ཆེན་པོ་ཆོས་ཀྱི་དབང་ཕྱུག་དང་སློབ་མ་མར་སྟོན་གྲགས་པ་སེང་གེ་ཡིས༔ བཀའ་བརྒྱད་ཡོངས་རྫོགས་དཀྱིལ་འཁོར་ཞལ་ཕྱེས་ཚེ༔ འཇིག་རྟེན་དྲེགས་པ་ལྷ་སྲིན་སྡེ་བརྒྱད་ཀྱིས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་

[Full Size]

མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཆད་མདོ་འདི་དང་འོག་གི་བརྟན་སྐྱོང་གཉིས་ཡར་འཐེན་ལ་རྒྱུན་དུ་གཏོར་འབུལ་ལ་འདོན་པར་བྱའོ༔ འདི་འབུལ་ཁའི་འགྲིགས་རིམ་ཀཿཐོག་གི་ཕྱག་ལེན་རྙིང་པ་མ་འཆུགས་པར་བྲིས་པའོ།། ༈ ར་དགེ་འབུལ་ཐབས་ནི། ཧཱུྃ༔ ཉི་མ་ནུབ་ཕྱོགས་ཕ་ཀི་ན༔ ལྕགས་རི་ནག་པོའི་ནང་རོལ་ནས༔ ཕ་ཝང་ལོང་བུའི་སྐུ་མཁར་ནས༔ འཇའ་ཚོན་སྣ་ལྔའི་འོད་ཟེར་འཕྲོ༔ སྟེང་ན་དུག་གི་སྤྲིན་འཁྲིགས་ཤིང་༔ ཕྱི་རོལ་ཁྲག་གི་རྒྱ་མཚོ་ཁོལ༔ ཞེ་སྡང་གདུག་པའི་རླུང་ནག་འཚུབ༔ འབྱུང་བ་ཆ་གྲང་འཐབ་པའི་སྒྲ༔ གནམ་ལྕགས་ཐོག་གི་བུ་ཡུག་འཚུབ༔ དེ་ལྟ་བུ་ཡི་སྐུ་མཁར་ན༔ ཆོས་སྐྱོང་རྒྱལ་པོ་བཞུགས་པ་ནི༔ སྐྱེས་བུ་བཛྲ་སཱ་དྷུ་སྟེ༔ རྒྱལ་བ་ཀུན་གྱི་བསྟན་སྲུང་ཞིང་༔ དཀྱིལ་འཁོར་ཀུན་གྱི་ཤུལ་མ་སྟེ༔ རྣལ་འབྱོར་ཀུན་གྱི་ཆོས་སྐྱོང་ཁྱེད༔ འདིར་བྱོན་དམ་བསྐང་ཕྲིན་ལས་མཛོད༔ ཅེས་སོགས་དམ་ཅན་དགེ་བསྙེན་ལ་འབུལ། ༈ ར་དགེ་ཞེས་པ་ནི་ཀློང་ཆེན་རབ་འབྱམས་ལུགས་དང་། སྲས་རྒྱུད་ལ་མེད་དོ༔ གཞུང་ནས་མ་གསུངས་ཀྱང་ཀཿཐོག་ལུགས་ལ་ཟན་གཙང་མ་ལ་རའི་གཟུགས་གཅིག་བྱས་ལ་སྔོན་ལ་དཀར་གཏོར་དང་མཉམ་དུ་ཁྱེར་ནས་ཟོར་གྱི་སྔོན་ལ་དམ་ཅན་གྱི་བསྐུལ་ཐུང་དེ་

[Full Size]

འདོན་ནས་རའི་གཟུགས་དེ་འབུལ་ཕྱོགས་སུ་རྒྱང་རིང་དུ་འཕེན། དེ་ནས་ཡས་མདའ་འཕེན་སྲོལ་ཡོད་པར་སྣང་སྟེ། ཀ༔ཐོག་གི་གནས་བདག་དགེ་བསྙེན་རྡོ་རྗེ་ལེགས་པ་ཡིན་པའི་ལོ་རྒྱུས་དང་། རྣོ་སོ་ཡིན་འདུག་པས་དགེ་བསྙེན་རྡོ་རྗེ་ལེགས་པ་ལ་རའི་གཟུགས་ཕུལ་ན་རྦད་པའི་ཕྱིར་ར་དགེ་ཞེས་གྲགས་པར་འདུག་སྟེ༔ འདི་ཕྱག་ལེན་མི་འཆུག་ཙམ་དུ་བྲིས་པ་ཡིན་གྱིས༔ རང་རེས་དེ་མ་བྱས་ཀྱང་ཆོག་གི །རང་གི་ཕོ་ལྷ་ཡིན་པས་དེ་དོན་ར་འབུལ་བར་བྱས་ཀྱང་། རྒྱང་རིང་དུ་ཟོར་དུ་འགྲིམ་ན་ཧ་ཅང་རྩུབ་པས་མི་ལེགས༔ འཕེན་དགོས་མི་དགོས་གནས་སྐབས་ལ་དཔྱད་དེ་བྱའོ། ངག་ཁྲིད་ཞིབ་ཆ་ཡིན་ནོ།། ༈ དེ་ནས་དམར་གཏོར་བཀའ་བརྒྱད་ཀྱི་དྲེགས་པ་ལ་འབུལ༔ མི་ཕུལ་བར་བཞག་ན་ཟོར་མ་གྲུ་ན་འཕེན་རྒྱུ་བྱེད་དོ༔ བྷྱོ༔ སྣང་སྲིད་དྲེགས་པ་སྡེ་དཔོན་བཞེངས༔ དབང་ཕྱུག་མ་ཧཱ་དེ་ཝ་དང་༔ བཙུན་མོ་ཨུ་མ་དེ་ཝ་བཅས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ འཆི་བདག་ཡ་མ་རཱ་ཙ་དང་༔ སྐྱེ་འགྲོ་སྲོག་གི་བདག་མོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུངམཛོད༔ བྷྱོ༔ མ་མོ་སྲིད་པའི་རྒྱལ་མོ་དང་༔ སྔགས་བདག་ཨེ་ཀ་ཙ་ཏི་གཉིས༔ ཕྱག་ན་

[Full Size]

ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ བདུད་པོ་སྐོས་རྗེ་བྲང་དཀར་དང་༔ བདུད་མོ་ནག་མོ་རེ་ཏེ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུངམཛོད༔ བྷྱོ༔ རྒྱལ་པོ་བེ་དཀར་དགྲ་བླ་དང་༔ སྲོག་བདག་ཚངས་པ་དཀར་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ་སྐྱེས་བུ་རྡོ་རྗེ་ལེགས་པ་དང་༔ གཟའ་བདུད་ཆེན་པོ་རཱ་ཧུ་ལ༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ སྲིན་པོ་ནག་པོ་གློག་ཕྲེང་དང་༔ སྲིན་མོ་སྦལ་མགོ་ཁྲག་མིག་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ གནོད་སྦྱིན་ཡཀཱ་མེ་དབལ་དང་༔ གནོད་སྦྱིན་མོན་མོ་ནག་མོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་

[Full Size]

བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ མགོན་པོ་མ་ཧཱ་ཀཱ་ལ་དང་༔ བེང་ཆེན་རྡོ་རྗེ་བདུད་འདུལ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ ཀླུ་བདུད་ནག་པོ་བཀྲག་མེད་དང་༔ མུ་སྟེགས་གུ་ལང་ནག་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྱོ༔ སྲིད་པའི་ལྷ་རབ་ཤམ་པོ་དང་༔ གནམ་སྨན་ཐོག་གི་བུ་ཡུག་གཉིས་ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ མ་སང་གཡའ་སྤང་སྐྱེས་གཅིག་དང་༔ བྲག་བཙན་སྲོག་གཟན་དམར་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ སྲོག་བདག་གནམ་ཐེའུ་དཀར་པོ་དང་༔ བཙན་འགོང་ཡམ་ཤུད་དམར་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་

[Full Size]

མཛོད༔ བྷྱོ༔ བགེགས་རྒྱལ་བི་ན་ཡ་ཀ་དང་དཔལ་ལྡན་ནག་མོ་མགྱོགས་མ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ ཀླུ་བདུད་ནག་པོ་མགོ་དགུ་དང་༔ ཀླུ་མོ་ནག་མོ་མགྱོགས་བྱེད་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ སྣང་སྲིད་ལྷ་འདྲེ་འཁོར་བཅས་རྣམས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ ཨོཾ་བཛྲ་ཙཎྜ་སརྦ་དུཥྛན་ཨེ་ཛ་བྷྱོ༔ དགྲ་བགེགས་འབྱུང་པོ་མཱ་ར་ཡ་ཧཱུྃ་ཕཊ༔ ཐུམ་རི་ལི་ལི་བྷྱོ་བྷྱོ༔ ཞེས་འཕང་ངོ་༔ འདི་ལ་དགྲ་བགེགས་གང་ཡིན་པ་རྣམས་ཡང་ཡང་བཀུག་ཅིང་༔ བསྟིམས་ལ་དྲེགས་པའི་ལྷ་ཚོགས་རྣམས་ལ་འབུལ་བར་བྱའོ། །ཟོར་འཕང་བས་མ་རྒྱུ་ན་རྗེས་སུ་གཏོར་མ་ཟོར་དུ་འཕང་བར་བྱའོ། བློ་གདབ༔ གོང་དུ་དམར་སྦེང་༔ འདི་གྱེར་བར་བཤད་དེ༔ དེ་ནས་བློགདབ་པར་བྱའོ༔ ཨྠྀི༔ ༈ དེ་ནས་ཕྱི་སྒོ་ཕྱེ་བ་ནི༔ བྷྱོ༔ ཉི་མ་ཕྱོགས་བཞི་ཕ་ཀི་ན༔ རིན་ཆེན་ཐང་ཆེན་སྐད་དེ་སྐད༔ རིན་ཆེན་སྐུ་

[Full Size]

མཁར་ལྡེམས་སེ་ལྡེམ་རིན་ཆེན་རི་རབ་ཟོམས་སེ་ཟོམ༔ རིན་ཆེན་མཚོ་མོ་ཀྱི་ལི་ལི༔ མཚོ་མོ་དེ་ཡི་ནང་ཤེད་ན༔ རིན་ཆེན་བུད་མེད་ཆེན་པོ་ལ༔ རིན་ཆེན་ཐོད་ལྡིང་ཐོར་ཙུགས་ཅན༔ གཡས་པས་རྒྱ་སྡེ་ཁྲ་ལ་ལ༔ གཡོན་པས་གཟེ་མ་སི་ལི་ལི༔ འཁོར་དུ་ས་བདག་རྒྱལ་པོ་སྟོང་༔ བཙུན་མོ་སྲས་དང་བློན་པོར་བཅས༔ ཕོ་ཉ་མངག་གཞུག་ར་མདའ་བ༔ གསེར་སྐྱེམས་གཉན་པོ་འདི་གསོལ་ལ༔ སྒོ་མ་ལ་སོགས་སྒོ་ཕྱེས་ལ༔ འཕྲང་མ་ལ་སོགས་འཕྲང་སོལ་ཅིག༔ གཏོར་སྒོ་ཟོར་སྒོ་སོ་སོར་ཕྱེས༔ ཡས་སྒོ་གླད་སྒོ་ཤགས་ཀྱིས་ཕྱེས༔ ནད་སྒོ་རིམས་སྒོ་ཐམ་གྱིས་ཆོད༔ སྒོ་མ་ཆེན་མོའི་དུས་ལ་བབ༔ ཅེས་རང་བཞིན་ལྷུན་གྱིས་གྲུབ་པའི་དཀྱིལ་འཁོར་སྒོ་ཕྱེས་ནས་ས་ཡི་ལྷ་མོའི་སྤྲུལ་པ་བཞིས་ནམ་མཁར་བཏེག་ནས་བཞུགས་པར་བསམས་ལ༔ གསེར་སྐྱེམས་ཕྱོགས་བཞིར་གཏོར༔ དེ་ནས་གསེར་སྐྱེམས་བྱ་སྟེ༔ ཧཱུྃ༔ ང་ནི་ཁྲོ་རྒྱལ་བདུད་རྩི་འཁྱིལ༔ ཐམས་ཅད་ང་ཡི་བཀའ་ལ་ཉོན༔ སྔོན་མོ་འབྲུ་ཡི་སྙིང་ཁུ་དེ་རིན་ཆེན་དམ་པའི་གསེར་བརྡར་ནས༔ བླ་མ་དཀོན་མཆོག་ཡི་དམ་ལྷ༔ མཁའ་འགྲོ་ཆོས་སྐྱོང་རྣམས་ལ་འབུལ༔ དེ་རིང་གཟུ་དང་དཔང་པོ་མཛོད༔ མ་ཧཱ་ཀཱ་ལ་ལྕམ་

[Full Size]

དྲལ་དང་༔ དཔལ་མགོན་བདུན་ཅུ་འཁོར་དང་བཅས༔ མ་ཐོགས་ཚུར་མཆིས་སྐྱེམས་ལ་བྱོན༔ རིན་ཆེན་གསེར་སྐྱེམས་འདི་བཞེས་ལ༔ བར་ཆད་རྐྱེན་རྣམས་བཟློག་ཏུ་གསོལ༔ གཟའ་བརྒྱད་གདོང་མོ་རྒྱུ་སྐར་ཚོགས༔ དབྱུག་གུ་དྲུག་ཅུ་མཁའ་འགྲོ་བདུན༔ ས་བདག་རྗེ་བློན་བཅུ་གཉིས་སོགས༔ དུས་ཚོད་ཚེས་གྲངས་བདག་པོ་རྣམས༔ མ་ཐོགས་ཚུར་མཆིས་སྐྱེམས་ལ་བྱོན༔ རིན་ཆེན་གསེར་སྐྱེམས་འདི་བཞེས་ལ༔ ཀོ་ལོང་ཕྲག་དོག་མ་མཛད་ཅིག༔ སྡེ་བརྒྱད་ཡུལ་ལྷ་གཞི་བདག་དང་༔ ཡུལ་དང་ས་སྐོར་ཁང་ཁྱིམ་འདིར༔ གཉུག་མར་གནས་པ་མ་ལུས་ཀུན༔ མ་ཐོགས་ཚུར་མཆིས་སྐྱེམས་ལ་བྱོན༔ རིན་ཆེན་གསེར་སྐྱེམས་འདི་བཞེས་ལ༔ རུ་ང་ཕྲག་དོག་མ་བྱེད་ཅིག༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཐུམ་ཞིག༔ ཐད་དུ་འདུག་པ་སྐུ་བཟུར་ཅིག༔ རིན་ཆེན་གསེར་སྐྱེམས་འདི་བཞེས་ལ༔ མདོས་དང་ཟོར་གྱི་ལམ་ཕྱེས་ཤིག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ཕྱོགས་ཐམས་ཅད་དང་། ཁྱད་པར་དུ་འབུལ་བའི་ཕྱོགས་སུ་གསེར་སྐྱེམས་གཏོར་བར་བྱའོ།། ༈ དེ་ནས་བཀའ་བརྒྱད་ཀྱི་ཟོར་གཞུང་བསྡུས་པ་

[Full Size]

དེ་འཕེན་པའི་སྐབས་སུ་འདོན། ༈ བཀའ་བརྒྱད་ཟོར་ལས་བསྡུས་པ་ནི༔ སྣོད་གཅིག་གི་ནང་དུ་གཡང་གཞི་བཀྲམ་ལ་ཁྲག་གིས་འཁོར་ལོ་རྩིབས་བརྒྱད་བྲིས་པའི་དབུས་སུ་ཐོད་ངན་དུ་འཁོར་ལོ་རྩིབས་བརྒྱད་ལ་སྡེ་བརྒྱད་དབུས་སུ་ཧཱུྃ་བྲིས་པའི་ནང་དུ་ཟོར་ལིང་བཞག༔ རྩིབས་བརྒྱད་ལ༔ ཕུར་པ༔ ཐོ་བ༔ ཐོད་ཁྲག༔ མདའ་ཟོར༔ ཀོང་ཟོར༔ གཏོར་མ༔ རྡོ༔ མར་མེ༔ ཐོད་པར་དུག་ཆུ་རྣམས་བཀོད༔ སྟོང་པའི་ངང་ལས་ཐོད་པ་ཧཱུཾ་ལས་སྟོབས་པོ་ཆེ་རི་རབ་ཐོགས་པ༔ སྡེ་བརྒྱད་ཀྱིས་བསྐོར་བ༔ ཐོད་པ་ལྕགས་ཀྱི་བཙོན་ཁང་དུ་དགྲ་བགེགས་དངོས་སུ་གསལ་བ༔ ཕུར་པ་སྲས་མཆོག་ཀཱི་ལ་ཡ༔ ཐོ་བ་ཡཀཱ་མེ་དབལ༔ ཐོད་ཕོར་ལེགས་ལྡན་ནག་པོ༔ མདའ་ཡ་མ་རཱ་ཙ༔ ཀོང་ཟོར་མོན་པ་ནག་པོ༔ གཏོར་མ་བདུད་ཡབ་རྗེ༔ རྡོ་ཟོར་ངོམ་རྗེ་ནག་པོ༔ མེ་ཟོར་མེ་ལྷ་དྲང་སྲོང་༔ དུག་ཟོར་ལྷ་མོ་ནག་མོ༔ གཞན་ཡང་མ་མོ་མཁའ་འགྲོ་ལྷ་སྲིན་སྡེ་བརྒྱད་ཀྱི་དམག་ཚོགས་སུ་གྱུར༔ ཧཱུཾ་བྷྱོ༔ ཕྱོགས་བཞི་དབུས་ལྔའི་དཀྱིལ་འཁོར་ནས༔ རིགས་ཀྱི་གར་གྱི་དབང་མོ་ལྔ༔ རང་རང་འཁོར་ཚོགས་འབུམ་གྱིས་བསྐོར༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱད་ཁ་ཟློག་པའི་དུས་ལ་

[Full Size]

བབ༔ བྷྱོ༔ སྟེང་གི་ཕྱོགས་དང་བར་སྣང་ནས༔ ནམ་མཁའ་གར་གྱི་དབང་མོ་དང་༔ མ་མོ་ཆེན་མོ་ཐོད་ཕྲེང་རྩལ༔ འཁོར་ནི་མཁའ་འགྲོ་འབུམ་གྱིས་བསྐོར༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱད་ཁ་ཟློག་པའི་དུས་ལ་བབ༔ བྷྱོ༔ མཚམས་བཞི་དག་ནས་སྤྱན་འདྲེན་པ༔ དབང་ཕྱུག་ཕྲ་མེན་རྒྱ་མཚོ་མ༔ ཨེ་ཀ་ཙ་ཏི་སྦལ་མགོ་མ༔ ཨེ་ཀ་ཙ་ཏི་རལ་གཅིག་མ༔ མ་མོ་གསེར་ཟ་སྨན་གཅིག་མ༔ རང་རང་འཁོར་ཚོགས་འབུམ་དང་བཅས༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱེད་ཁ་ཟློག་པའི་དུས་ལ་བབ༔ བྷྱོ༔ དྲག་པོ་ཟློག་བྱེད་ཟེར་ཆེན་ལ༔ རྫུ་འཕྲུལ་མཐུ་ཡིས་དབང་བསྐུར་རོ༔ དྲག་པོ་སྔགས་ཀྱིས་དབང་བསྐུར་རོ༔ སྔོན་མོ་ནས་ཀྱིས་དབང་བསྐུར་རོ༔ ཡུངས་ཀར་རྒྱལ་པོས་དབང་བསྐུར་རོ༔ ཟོར་སྣ་ཚུར་ལ་མི་འགྱུ་བའི༔ ཤ་ཟ་ཁྲག་འཐུང་དབུགས་འཕྲོག་མ༔ སྙིང་འབྱིན་མ་ཡིས་དབང་བསྐུར་རོ༔ ཁྲོ་མོ་གྱོད་མོ་དེ་མོ་དང་༔ ཨེ་ཀ་ཙ་ཏི་གསེར་ཟ་སྨན༔ བྱང་མཚམས་ཉི་ཟླ་ཐོད་ཕྲེང་མ༔

[Full Size]

བདུད་མོ་ཧལ་ཁྱི་ཏིང་ཏིང་མ༔ སྲིང་མོ་བཞི་ཡིས་དབང་བསྐུར་རོ༔ ཨེ་ཀ་ཙ་ཏི་རེ་མ་ཏི༔ སྲིད་པའི་མ་མོ་མཁའ་འགྲོ་མ༔ དབང་ཆེན་ཀུན་གྱིས་ཟོར་འདི་འཕོངས༔ ཁྲི་སྨན་སི་ལེ་ཕུང་བྱེད་མ༔ ལས་ཀྱི་མ་མོས་ཟོར་སྣ་ཁྲིད༔ ཟོར་སྣ་ཚུར་ལ་མ་གྱུ་ཅིག༔ ཐུན་སྣ་ཚུར་ལ་མ་ལྡོག་ཅིག༔ བྱད་སྣ་ཚུར་ལ་མ་འབེབས་ཤིག༔ དགྲ་སྣ་ཚུར་ལ་མ་ལྡོག་ཅིག༔ ནད་སྣ་ཚུར་ལ་མ་འོངས་ཤིག༔ བན་བྱད་བོན་བྱད་མུ་སྟེགས་བྱད༔ སྣང་སྲིད་ལྷ་འདྲེའི་གདུག་རྩུབ་རྣམས༔ དྲག་པོས་ཟོར་གྱིས་བཟློག་ཏུ་གསོལ༔ བྷྱོ་བྷྱོ་ཟློག་ཟློག༔ ཅེས་ཟོར་གཞུང་ཡིན་ནོ༔ ཧཱུྃ༔ མ་ཉེས་དཔང་དུ་དཀོན་མཆོག་བཞུགས༔ དགྲ་བགེགས་མ་གཏོགས་སྐུ་བཟུར་ཅིག༔ བཀའ་བརྒྱད་ཡོངས་རྫོགས་དམག་དཔུང་བསྐྱེད་དགྲ་བགེགས་སྙིང་ལ་ཕུར་ཟོར༔ ཐོད་ཟོར༴ མདའ་ཟོར༴ རྡོ་ཟོར༴ མེ་ཟོར༴ ཆུ་ཟོར༴ གཏོར་ཟོར༴ ཁྲག་ཟོར༴ ཀོང་ཟོར༴ རྒྱོབ༔ བཛྲ་སརྦ་དུཥཱན་ཏྲིག་ནན༔ ཨེ་ཧུར་ཐུམ་ཛ༔ དགྲ་བགེགས་ནི་ཏྲི་ཤ་ཏུཾ་མཱ་ར་ཡ་རྦད༔ ཅེས་འཕང་བཀའ་བརྒྱད་ཀྱི་ཟོར་གཞུང་ནས་ཟོར་གྱི་སྤྱན་འདྲེན་དབང་བསྐུར་བཀའ་བསྒོ་བྱ་བ་དང་༔ ཟོར་ལས་ཆ་དགུ་མའི་བཅའ་ཚོགས་དམིགས་

[Full Size]

རིམ་འདོན་གཞུང་ཐམས་ཅད་ཀྱི་དོན་བསྡུས་ནས་སྦྱར་བ་སྟེ༔ འདིའི་གཞུང་ཁྱིམ་ན་འདོན་ནས༔ འཕེན་པའི་ཚིག་ལས་བྱང་གི་གཞུང་ཚིག་ཁ་བསྒྱུར་ནས་འཕེན་པས་འཐུས་སོ༔ ཞེས་ཟོར་ལས་ཉུང་ངུར༔ ཨ་རཱ་གས་བསྡུས་པ་ཉེས་འགལབཤགས་ཤིང་དགེ་བས་བར་ཆད་ཀྱི་བདུད་ཐམས་ཅད་ཚར་ཆོད་པར་གྱུར་ཅིག༔ ས་མསཡ་༔ རྒྱ་རྒྱ་རྒྱ༔ སརྦ་མངྒ་ལཾ།། །། ༈ དེ་ནས་དམག་འགྱེད་ནི༔ ལྷ་ཚོགས་ཐམས་ཅད་དམག་ལ་ཆས་པར་བསམས་ལ༔ ཧཱུྃ༔ དབུས་དང་ཕྱོགས་བཞི་མཚམས་བརྒྱད་དཀྱིལ་འཁོར་ནས༔ ལྷ་ཚོགས་བདུན་བརྒྱ་ཉེར་ལྔ་དམག་ལ་ཆོས༔ ཕོ་བྲང་དགུ་ཡི་བར་ཁྱམས་འཁོར་ཡུག་ནས༔ དཔལ་གྱི་བཀའ་སྲུང་དམ་ཅན་དམག་ལ་ཆོས༔ དཀྱིལ་འཁོར་ཆེན་པོའི་བར་ཁྱམས་འཁོར་ཡུག་ནས༔ འབུམ་ཕྲག་ཡངས་པའི་ཌཀི་དམག་ལ་ཆོས༔ བདེ་གཤེགས་ཁྲག་འཐུང་དགུ་ཡིས་དམག་དཔོན་མཛོད༔ དྲེགས་པའི་སྡེ་དཔོན་སུམ་ཅུས་དམག་སྣ་དྲོངས༔ བསྟན་དགྲ་བདུད་བགེགས་ཐལ་བའི་རྡུལ་དུ་རློགས༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ས་མ་ཡ་བྷྱོ་བྷྱོ༔ དེ་ནས་ད་ནངས་ཚོགས་བྱས་ལ་ལྷག་མ་འདིར་འདོན་ནས་མདོས་ཟུར་དུ་ཕུལ་ཏེ། ༈ དེ་ནས་ལམ་བསྟན་ནི༔ ཧཱུྃ༔ སྲིད་པའི་མདོས་ལ་ལམ་བསྟན་པ༔ མདོས་

[Full Size]

ཀྱི་ལམ་བསྟན་དགུང་དུ་བསྟན༔ དགུ་ཚིགས་སྐྱ་མོ་དགུང་གི་ལམ༔ ལམ་དེར་ཞུགས་ལ་མ་ལྡོག་ཅིག༔ མདོས་ཀྱི་ལམ་བསྟན་དོག་ལ་བསྟན༔ རྒྱ་མཚོ་ཆེན་པོ་དོག་གི་ལམ༔ ལམ་དེར་ཞུགས་ལ་མ་ལྡོག་ཅིག༔ མདོས་ཀྱི་ལམ་བསྟན་ཕྱོགས་བཅུར་བསྟན༔ ལྷ་ཀླུ་ཡི་དྭགས་ཀུན་གྱི་ལམ༔ ལམ་དེར་ཞུགས་ལ་མ་ལྡོག་ཅིག༔ མདོས་ཀྱི་ལམ་བསྟན་དབྱིངས་སུ་བསྟན༔ ཆོས་ཀྱི་དབྱིངས་སུ་ལམ་བསྟན་ནོ༔ ཆོས་ཀྱི་དབྱིངས་ནས་སླར་མ་ལྡོག༔ མཆོད་ཀྱང་ཆོས་ཀྱི་དབྱིངས་སུ་མཆོད༔ གཤེགས་ཀྱང་ཆོས་ཀྱི་དབྱིངས་སུ་གཤེགས༔ དེ་ནས་གཏོར་རྫོང་ནི༔ གཏོར་ཆུང་ཉེར་གཅིག་ཕྱོགས་བཞི་མཚམས་བརྒྱད་དུ་གཉིས་རེ༔ མདུན་དུ་གཉིས༔ རྒྱབ་ཏུ་གསུམ་རྣམས་བཤམས༔ ཡོད་ན་ཡུངས་ཀར་མེད་ན་ནས་འབྲུ་བླུགས་ལ་བྲན་ནས་བཟུང་༔ དང་པོ་རྒྱབ་ཀྱི་གསུམ་དེ་རེ་རེ་བཞིན་དབུས་སུ་འབུལ༔ ཕྱོགས་མཚམས་སོ་སོར་གཉིས་རེ༔ མདུན་དུ་གཉིས་རྣམས་རེ་རེ་ནས་འབུལ༔ གཏོར་མ་ཕུལ་བ་དང་མཉམ་དུ་གཅིག་གིས་ཁ་ཕྱིར་གྲུ་ལ༔ དར་ནག་གཡབ་པ་དང་༔ རོལ་མོ་འུར་རྡུང་དུང་འབུད་པ་དང་བློ་བཟློག་གི་སྔགས་རྣམས་མཉམ་དུ་བརྗོད་པ་རིགས་འགྲེས༔ ཧཱུྃ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ ཀུན་བཟང་ཡབ་ཡུམ་རིགས་ལྔ་ཡབ་ཡུམ་བཅུ༔ སེམས་

[Full Size]

དཔའ་ལྕམ་དྲལ་བཅུ་དྲུག་ཐུབ་པ་དྲུག༔ ཏ་ཀྲི་སྒོ་བ་ཁྲོ་རྒྱལ་ཡབ་ཡུམ་བཞི༔ ཞི་བ་བུདྡྷ་ལྷ་ཚོགས་བཞི་བཅུ་གཉིས༔ དམ་རྫས་བདུད་རྩིའི་མཆོད་པ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ལ༔ མི་མངོན་དབྱིངས་ནས་ཐུགས་རྗེས་སྤྱན་གྱིས་གཟིགས༔ སྲུང་སྐྱོབ་ཚེ་དབང་མཆོག་གི་དངོས་གྲུབ་སྩོལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཨོཾ་ཨཱཙཱཧཱུྃ་སརྦ་པཉྩ་པཱུ་ཙ་ཧོ༔ གཅིག་ཕུལ༔ ཧཱུྃ་དབུས་ཕྱོགས་སྨུག་ནག་འབར་བའི་དཀྱིལ་འཁོར་ནས༔ ཆེ་མཆོག་ཡབ་ཡུམ་སྲས་མཆོག་རིགས་བཞི་སོགས༔ བདུད་རྩི་ཡོན་ཏན་ལྷ་ཚོགས་སུམ་ཅུ་གཉིས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཡོན་ཏན་རིགས་ཀྱིས་བྱད་མ་ཆོད་གཏོང་ཟློག༔ དབུས་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ གཉིས་ཕུལ༔ ཧཱུྃ༔ དབུས་ཕྱོགས་དཀྱིལ་འཁོར་ཕྱི་ཡི་བར་

[Full Size]

ཁྱམས་ལ་དཔལ་གྱི་བཀའ་ཉན་སྤྲུལ་པའི་ཕོ་ཉ་ནི༔ ལྕེ་སྤྱང་མ་བརྒྱད་མཐུ་དང་རྫུ་འཕྲུལ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཡོན་ཏན་རིགས་ཀྱིས་ཕོ་ཉའི་བྱད་ཁ་ཟློག༔ དབུས་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག་གསུམ་ཕུལ༔ ཧཱུྃ༔ ཤར་ཕྱོགས་མཐིང་ནག་འབར་བའི་དཀྱིལ་འཁོར་ནས་ཁྲག་འཐུང་རིགས་ལྔ་ཡབ་ཡུམ་ཀེ་སེང་སོགས༔ ཁྱུང་ནག་འབར་བའི་ལྷ་ཚོགས་ལྔ་བཅུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཐུགས་ཀྱི་རིགས་ཀྱི་རིག་སྔགས་བྱད་མ་ཟློག༔ ཤར་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་

[Full Size]

ཟློག༔ བཞི་ཕུལ་ལོ༔ ཧཱུྃ༔ ཤཱར་གྱི་དཀྱིལ་འཁོར་ཕྱི་ཡི་བར་ཁྱམས་ན༔ མ་བདུན་སྲིང་བདུན་མཛའ་བདུན་བྲན་མོ་བདུན༔ དཔལ་གྱི་བཀའ་ཉན་དབང་ཕྱུག་ཉི་ཤུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ རྡོ་རྗེ་རིགས་ཀྱིས་ཕོ་ཉའི་བྱད་ཁ་ཟློག༔ ཤར་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ ལྔ་ཕུལ༔ ཧཱུྃ༔ ལྷོ་ཕྱོགས་སེར་ནག་འབར་བའི་དཀྱིལ་འཁོར་ནས༔ ཡ་མཱནྟ་ཀ་ཡབ་ཡུམ་སྲས་བཞི་སོགས༔ འཇམ་དཔལ་སྐུ་ཡི་ལྷ་ཚོགས་བདུན་ཅུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྐུ་ཡི་རིགས་ཀྱིས་རིག་སྔགས་བྱད་ཁ་ཟློག༔ ལྷོ་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔

[Full Size]

ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ དྲུག་ཕུལ༔ ཧཱུྃ༔ ལྷོ་ཕྱོགས་དཀྱིལ་འཁོར་ཕྱི་རིམ་བར་ཁྱམས་ནས༔ ཁྲམ་ཐོགས་ཤྭ་ཐོགས་སྲོག་གཅོད་ཤན་པའི་ཚོགས༔ འཇམ་དཔལ་སྐུ་ཡི་བཀའ་སྲུང་མཐུ་རྩལ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྐུ་ཡི་རིགས་ཀྱིས་ཕོ་ཉའི་བྱད་ཁ་ཟློག༔ ལྷོ་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བདུན་ཕུལ༔ ཧཱུྃ༔ ནུབ་ཕྱོགས་དམར་ནག་འབར་བའི་དཀྱིལ་འཁོར་ནས། དབང་ཆེན་རིགས་བཞི་ཡབ་ཡུམ་ཟིལ་གནོན་སོགས༔ པདྨ་གསུང་གི་ལྷ་ཚོགས་དྲུག་ཅུ་དྲུག༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ པདྨ་རིགས་ཀྱིས་བྱད་མ་ཆོད་གཏོང་ཟློག༔ ནུབ་ཕྱོགས་གནོད་

[Full Size]

བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བརྒྱད་ཕུལ༔ ཧཱུྃ༔ ནུབ་ཕྱོགས་དཀྱིལ་འཁོར་འཁོར་ཡུག་ལ་གནས་པའི༔ ཁམས་བརྒྱད་དམུས་ལོང་མཆེ་གཤོག་འབྲུག་མོ་སོགས༔ པདྨ་གསུང་གི་ལྷ་ཚོགས་ཕོ་ཉ་དྲག་རྩལ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ པདྨ་རིགས་ཀྱིས་བྱེད་མ་ཆོད་གཏོང་ཟློག༔ ནུབ་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ དགུ་ཕུལ༔ ཧཱུྃ༔ བྱང་ཕྱོགས་ལྗང་ནག་འབར་བའི་དཀྱིལ་འཁོར་ནས༔ རྡོ་རྗེ་གཞོན་ནུ་ཡབ་ཡུམ་སྲས་མཆོག་བཞི༔ ཁྲོ་བཅུ་ཡབ་ཡུམ་ཁྲ་ཐབས་ཉི་ཤུ་ཚོགས༔ བདུད་འདུལ་ཕུར་པའི་ལྷ་ཚོགས་བདུན་ཅུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་

[Full Size]

ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཕྲིན་ལས་རིགས་ཀྱིས་བྱད་མ་རྦོད་གཏོང་ཟློག༔ བྱང་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་ཕུལ༔ ཧཱུྃ༔ བྱང་ཕྱོགས་དཀྱིལ་འཁོར་བར་ཁྱམས་ལ་གནས་པའི༔ བདག་ཉིད་ཤྭ་ན་བསེ་མོ་གིང་ལ་སོགས༔ ཕྲིན་ལས་ཕུར་པའི་བཀའ་སྲུང་བཅུ་དྲུག་པོ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཚིག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཕྲིན་ལས་རིགས་ཀྱིས་བྱེད་མ་ཆོད་གཏོང་ཟློག༔ བྱང་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་བཟློག༔ བཅུ་གཅིག་ཕུལ༔ ཧཱུྃ༔ ཤར་ལྷོ་རཀྟའི་རྦ་ཀློང་དཀྱིལ་འཁོར་ནས༔ ཁྲག་འཐུང་ཡུམ་གྱི་དབྱིངས་ཀྱི་མ་མོ་ལ༔ དབང་མོ་ཆེ་དང་ཐུགས་སྲས་ལ་སོགས་པ༔ དམ་རྫ་ས་བརྒྱན་པའི་གཏོར་མ་འདི་བཞེས་ལ༔ བྷྱོ༔

[Full Size]

བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆོག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ མ་མོ་རིགས་ཀྱིས་རིག་སྔགས་བྱད་ཁ་ཟློག༔ ཤར་ལྷོ་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་གཉིས་ཕུལ༔ ཧཱུྃ༔ ཤར་ལྷོའི་དཀྱིལ་འཁོར་བར་ཁྱམས་ལ་གནས་པའི༔ དམག་རྒྱལ་རོ་ཁ་ཕུང་བྱེད་ལ་སོགས་པ༔ མ་མོ་རྦོད་གཏོང་བཀའ་སྲུང་ཐུགས་དམ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ འཇིག་རྟེན་མ་མོའི་རིག་སྔགས་བྱད་ཁ་ཟློག༔ ཤར་ལྷོའི་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་གསུམ་ཕུལ༔ ཧཱུྃ༔ ལྷོ་ནུབ་རྒྱལ་བའི་གདུང་འཚོབ་དཀྱིལ་འཁོར་ནས༔ རིག་འཛིན་རྣམ་ལྔ་ཡབ་ཡུམ་སྲས་དང་བཅས༔ ཉི་ཤུ་རྩ་དྲུ་

[Full Size]

སློབ་དཔོན་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ རིག་འཛིན་རྣམས་ཀྱིས་བྱད་ཁ་རྒོད་གཏོང་ཟློག༔ ལྷོ་ནུབ་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་བཞི་ཕུལ༔ ཧཱུྃ༔ ཐུགས་རྗེས་གདུང་འཚོབ་དཀྱིལ་འཁོར་བར་ཁྱམས་ནས༔ དཔའ་བོ་མཁའ་འགྲོ་སྡེ་བཞི་ཤུགས་འགྲོར་བཅས༔ རིག་འཛིན་གཉན་གྱི་སྲུང་མ་ཐུགས་དམ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ གིང་ཆེན་ཀིས་བྱད་ཁ་དྲོད་གཏོང་ཟློག༔ ལྷོ་ནུབ་གནོད་བྱེད་ཟློག་པའི་དུས་ལ་བབ་ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅོ་ལྔ་ཕུལ༔ ཧཱུྃ༔ ནུབ་བྱང་དམ་རྫས་འཚོགས་པའི་དཀྱིལ་འཁོར་

[Full Size]

ནས༔ དྲེགས་འདུལ་ཡབ་ཡུམ་མ་ཧཱ་དེ་ཝ་སོགས༔ འཇིག་རྟེན་དྲེགས་པའི་སྡེ་དཔོན་སུམ་ཅུ་གཉིས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆོག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ འཇིག་རྟེན་ལྷ་འདྲེས་བྱེད་ཁ་དྲོད་གཏོང་ཟློག༔ ནུབ་བྱང་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་དྲུག་ཕུལ༔ ཧཱུྃ༔ འཇིག་རྟེན་སྟོང་གསུམ་ཡངས་པའི་དཀྱིལ་འཁོར་ནས༔ སྡེ་དཔོན་སུམ་ཅུ་བཀའ་འཁོར་དྲེགས་པའི་ཚོགས༔ འཁོར་གཡོག་སྡེ་ཚོགས་དཔུང་དང་བཅས་པ་རྣམས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཚིག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྣང་སྲིད་འབྱུང་པོས་བྱད་ཁ་ཆོད་གཏོང་ཟློག༔ ནུབ་བྱང་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔

[Full Size]

སྣང་སྲིད་སྲིད་ཀྱི་གཡོས་པ་ཟློག༔ བཅུ་བདུན་ཕུལ༔ ཧཱུྃ༔ བྱང་ཤར་ཙིཏྟ་སྤྱང་པའི་དཀྱིལ་འཁོར་ནས༔ ལྷ་མཆོག་སྟོབས་ལྡན་ཡབ་ཡུམ་བཀའ་ཡི་འཁོར༔ དྲག་སྔགས་བདག་པོ་དྲེགས་པ་བཅོ་བརྒྱད་པོ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུརསྒྱུར་དུས་མིན་འཆི་བའི་ལྟས་ངན་སྒྱུར༔ དྲག་སྔགས་བྱད་ཁ་རྦོད་གཏོང་ཐམས་ཅད་ཟློག༔ བྱང་ཤར་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅོ་བརྒྱད་ཕུལ༔ ཧཱུྃ༔ བྱང་ཤར་དཀྱིལ་འཁོར་བར་ཁྱམས་ཁོར་ཡུག་ན༔ ཕྱི་ནང་གསང་བའི་ལྷ་སྲིན་སྡེ་བརྒྱད་ཚོགས༔ རང་རང་བཙུན་མོ་སྲས་དང་བློན་པོར་བཅས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྣང་སྲིད་དྲེགས་པའི་བྱད་ཁ་ཆོད་གཏོང་ཟློག༔ བྱང་ཤར་གནོད་བྱེད་ཟློག་པའི་དུས་ལ་བབ༔

[Full Size]

ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་བཟློག༔ བཅུ་དགུ་ཕུལ༔ ཧཱུྃ༔ དཔལ་ཆེན་གཙོ་བོ་དགུ་ཡི་གཙུག་རོལ་དང་༔ གཤོག་ཟུར་གཡས་གཡོན་ལ་གནས་ག་རུ་ཊ༔ སྤྲུལ་པ་ཡང་སྤྲུལ་ཉིང་སྤྲུལ་ཁྱུང་གི་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ མི་རུང་ལྟས་ངན་བརྒྱ་ཅུ་རྩ་གཅིག་ཟློག༔ སྟེང་གི་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ ཉི་ཤུ་ཕུལ༔ ཧཱུྃ༔ དཀྱིལ་འཁོར་ཕྱི་རིམ་འཁོར་ཡུག་ཆེན་པོ་ནས༔ ཕོ་ཉ་རིགས་བཞི་དྷཀི་སུམ་ཅུ་གཉིས༔ འབུམ་ཕྲག་ཉི་ཤུ་མཁའ་འགྲོ་བརྟན་མའི་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྲིད་པའི་མ་མོའི་རིམས་ཁ་

[Full Size]

དལ་ཡམས་ཟློག༔ གློ་བུར་ཡེ་འདྲོག་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ ཉེར་གཅིག་ཕུལ༔ ༈ ཅེས་པ་འདི་ནི་གཞུང་གི་ཡིག་ཆུང་ལས་གཏོར་རྫོང་བྱ་གསུངས་ཀྱང་༔ ཀཿཐོག་ལུགས་ཀྱི་ཕྱག་ལེན་ལ་མི་འདུག་ནའང་༔ བཀའ་བརྒྱུད་ཉང་ལུགས་ཀྱི་གཏེར་གཞུང་མན་ངག་ཡི་གེ་ལ༔ གཏོར་རྫོངས་བྱ་བ་ནི། རྔ་རྡུང་ཞིང་དུང་དང་གླིང་བུ་འབུད༔ དར་ནག་དང་ཧསྟ་གཡབ༔ ནས་འབྲུ་ཡུངས་ཀར་གང་འཛོམ་བཟུང་བས་མཆེད་ལྕམ་གྱིས་ཕྱོགས་གདབ༔ ལྟས་ངན་ཟློག༔ ཕུར་ཁ་ཟློག༔ སྣང་སྲིད་ཀྱི་གཡོས་པ་ཟློག༔ དེ་སྐད་བྱའོ་གསུངས་པའི་དོན་ཡིན་ཞིང་༔ འདོན་ཆ་གཞུང་དུ་མི་གསལ་བས་སྔགས་འཆང་༧རཱ་ག་ཨ་སྱས་སྦྱར་བའོ༔ ༈ མདོས་ཐབས་ཡིན་ན་རྫོངས་འདེབས་སོགས་འདི་རྣམས་སྦྱར༔ ཟློག་པ་ཁ་རྐྱང་ལ་མི་བྱའོ༔ ཧཱུྃ༔ ད་ནི་མདོས་ལ་རྫོངས་ཤིག་འདེབས༔ གླིང་བཞི་རི་རབ་གསེར་རི་བདུན༔ ཉི་ཟླ་སྲོག་ཆགས་སྣ་ཚོགས་བཀོད༔ འདོད་ཡོན་སྣ་ཚོགས་ཡིད་ཀྱིས་སྤྲུལ༔ སྲིད་པའི་མདོས་ལ་རྫོངས་སུ་འདེབས༔ འདབ་ཆགས་གཅན་གཟན་རི་དྭགས་སོགས༔ གཟུགས་འགྲོས་སྣ་ཚོགས་རྫོངས་སུ་འདེབས༔ གསེར་དངུལ་ཟངས་ལྕགས་འཁར་བ་སོགས༔ རིན་ཆེན་སྣ་ཚོགས་

[Full Size]

རྫོངས་སུ་འདེབས༔ དར་ཚོན་སྣམ་རས་ལ་སོགས་པའི༔ གོས་དར་སྣ་ཚོགས་རྫོངས་སུ་འདེབས༔ སྟག་གཟིག་དོམ་དྲེད་གཡི་སྤྱང་སོགས༔ སྤུ་ཤུན་སྣ་ཚོགས་རྫོངས་སུ་འདེབས༔ ཀ་ར་བུ་རམ་སྦྲང་རྩི་སོགས༔ དཀར་གསུམ་མངར་གསུམ་རྫོངས་སུ་འདེབས༔ ཙནྡན་ག་པུར་སི་ལ་སོགས༔ དྲི་ཞིམ་སྣ་ཚོགས་རྫོངས་སུ་འདེབས༔ བཟང་དྲུག་པཉྩ་ཨ་མྲྀ་ཏ༔ རྩི་སྨན་སྣ་ཚོགས་རྫོངས་སུ་འདེབས༔ ཧཱ་ལོ་ཨུཏྤལ་ཁུག་ཆོས་སོགས༔ མེ་ཏོག་སྣ་ཚོགས་རྫོངས་སུ་འདེབས༔ ཁམ་བུ་སྟར་ག་རྒྱུན་འབྲུམ་སོགས༔ ཤིང་ཐོག་སྣ་ཚོགས་རྫོངས་སུ་འདེབས༔ ནས་འབྲས་གྲོ་སྲན་སོ་བ་སོགས༔ འབྲུ་སྣ་སྣ་ཚོགས་རྫོངས་སུ་འདེབས༔ བཙོད་ལྕམ་རམ་སྐག་ལ་སོགས་པའི་ཚོས་ཀྱི་བྱེ་བྲག་རྫོངས་སུ་འདེབས༔ ལན་ཚྭ་སྒ་སྐྱ་སྒོག་གཡེར་སོགས༔ རྫས་སྣ་མང་པོ་རྫོངས་སུ་འདེབས༔ ཤ་སྣ་ཁྲག་སྣ་རུས་སྣ་ཚིལ༔ སྐམ་རློན་བཙོས་སྲེག་རྫོངས་སུ་འདེབས༔ མདའ་འཕང་ནམ་ལྗང་ཤིང་རིས་དང་༔ ཁྲམ་ཤིང་སྣ་ཚོགས་རྫོངས་སུ་འདེབས༔ སྦ་སྨྱུག་བལ་ཚོན་རྔ་ཚོན་སོགས༔ མཐུན་རྫས་སྣ་ཚོགས་རྫོ་ངས་སུ་འདེབས༔

[Full Size]

བདེ་གཤེགས་ཞི་བའི་ལྷ་ཚོགས་རྣམས༔ ལྟ་བ་ཡངས་པས་རྫོངས་འདེབས་སོ༔ ཁྲག་འཐུང་དཔལ་དགུའི་ལྷ་ཚོགས་རྣམས༔ ཏིང་འཛིན་གསལ་བས་ལྗོངས་འདེབས་སོ༔ མ་མོ་མཁའ་འགྲོ་ཤུགས་འགྲོ་རྣམས༔ བདུད་རྩི་སྨན་གྱི་རྫོངས་འདེབས་སོ༔ འཇིག་རྟེན་ལྷ་སྲིན་དྲེགས་པའི་ཚོགས༔ དགྲ་བགེགས་ཤ་ཁྲག་རྫོངས་སུ་འདེབས༔ བཀའ་སྲུང་བསྟན་སྲུང་དམ་ཅན་ཚོགས༔ དམ་རྫས་གཏོར་མ་རྫོངས་སུ་འདེབས༔ འཇིག་རྟེན་སྐྱོང་བའི་དགེ་བསྙེན་རྣམས༔ ཟས་ཕུད་གཙང་མ་རྫོངས་སུ་འདེབས༔ རྫོངས་འདེབས་དྲག་པོ་འདི་བཞེས་ལ༔ ཐམས་ཅད་མཉེས་ཤིང་ཚིམ་པར་མཛོད༔ བདག་ཅག་ཡོན་མཆོད་འཁོར་བཅས་ཀྱི༔ རྐྱེན་ངན་བར་ཆད་ཐམས་ཅད་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ༈ ཀྱེ༔ ད་ནི་མདོས་ལ་ཁལ་འགེལ་བ༔ ཏིང་འཛིན་རྩལ་ལས་སྤྲུལ་པའི་ཁལ༔ གླང་ཆེན་རྔ་མོང་མཛོ་དང་གཡག༔ དྲེལ་ནག་རྟ་ནག་བོང་ནག་དང་༔ གླང་ནག་མ་ཧེ་ལུག་ནག་ར༔ དབང་པོ་ཁམས་དང་སྐྱེ་མཆེད་རྫོགས༔ རྫུ་འཕྲུལ་རྐང་པ་མྱུར་མགྱོགས་ཤུགས༔ རླུང་གི་གཤོག་པས་ཐོགས་མེད་རྒྱུག༔ བརྒྱ་སྟོང་བྱེ་བ་ཁྲི་

[Full Size]

འབུམ་ནི༔ ཡིད་ཀྱིས་སྤྲུལ་ཏེ་ཁལ་དུ་འབུལ༔ དེ་ལ་ཁལ་དུ་འགེལ་བ་ནི༔ བན་བྱད་བོན་བྱད་ལྷ་འདྲེའི་བྱད༔ གཏད་སེལ་ངག་མནན་རླུང་འཁོར་སོགས༔ བསམ་ངན་དུག་སྦྱོར་ཁལ་དུ་འགེལ༔ ཆག་ཆེན་ཉམ་ང་ལྟས་ངན་དང་༔ མོ་ངན་རྨིས་ངན་མཚན་ལྟས་ངན༔ ཐམས་ཅད་མདོས་ལ་ཁལ་དུ་འགེལ༔ སྐག་དང་སྲི་ངན་འབྱུང་པོའི་གདོན༔ གློ་བུར་ཡེ་འདྲོག་དུས་མིན་འཆི༔ སྲིད་པའི་མདོས་ལ་ཁལ་དུ་འགེལ༔ ཆེ་སྲི་ཆུང་སྲི་དར་སྲི་དང་༔ ཕུང་སྲི་མི་ཁ་བྲ་མཆུ་རྣམས༔ སྲིད་པའི་མདོས་ལ་ཁལ་དུ་འགེལ༔ རིམས་ནད་གག་ལྷོག་གཟེར་གསུམ་དང་༔ དལ་ཡམས་ཕྱི་ནང་འཁྲུག་རྩོད་རྣམས༔ སྲིད་པའི་མདོས་ལ་ཁལ་དུ་འགེལ༔ མི་ནད་ཕྱུགས་ནད་རྟ་ནད་དང་༔ ལྟོགས་འགོང་དབུལ་སྲི་བཙའ་སད་སེར༔ སྲིད་པའི་མདོས་ལ་ཁལ་དུ་འགེལ༔ རྐྱེན་ངན་ཉི་ཁྲི་གཅིག་སྟོང་དང་༔ ཡེ་འདྲོགས་སུམ་བརྒྱ་དྲུག་ཅུ་དང་༔ ནད་རིགས་བཞི་བརྒྱ་རྩ་བཞི་དང་༔ སྐག་ཆེན་བདུན་བརྒྱ་ཉི་ཤུ་དང་༔ བགེགས་རིགས་སྟོང་ཕྲག་བརྒྱད་ཅུ་དང་༔ ལྟས་ངན་བརྒྱད་ཅུ་རྩ་གཅིག་བཅས༔ སྲིད་པའི་མདོས་ལ་ཁལ་དུ་འགེལ༔ ཁལ་དུ་

[Full Size]

འགེལ་ལོ་ཁུར་དུ་བསྐུར༔ ཁལ་འདི་དྲང་ལ་ཁུར་འདི་ཁུར༔ སྲིད་པའི་མ་མོ་མཁའ་འགྲོ་དང་༔ དྲེགས་ཆེན་བཅོ་བརྒྱད་འཁོར་དང་བཅས༔ སྡེ་དཔོན་སུམ་ཅུ་དཔུང་དང་བཅས༔ ཁལ་དང་ཁུར་འདི་མ་སྒྱུར་བར༔ བསྟན་དགྲ་དམ་ཉམས་ཡུལ་དུ་སོང་༔ དེ་རུ་ཁལ་དང་ཁུར་ཕོགས་ལ༔ བཞུགས་ཡུལ་ཕོ་བྲང་དེ་རུ་ཐོབ༔ ཤྭ་རྩིས་མདུན་སྟོང་དེ་རུ་ཆོད༔ དཔལ་ཆེན་བཀའ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ བཀའ་བརྒྱད་མདོས་ཐབས་ཀྱི་ཁ་བཀང་ཆེན་མོ་ནས་བསྡུས་ཏེ་རཱ་ག་ཨ་སྱས་བསྒྲིགས་པས་དགེ་བས་བསྟན་དགྲ་ཕྱེ་མར་བརླག་པའི་རྒྱུར་གྱུར་ཅིག༔

[Full Size]

༈ ཧཱུྃ༔ ང་ནི་དཔལ་ཆེན་ཧེ་རུ་ཀ༔ སྣང་སྲིད་ཡོངས་རྫོགས་གཏོར་མ་གཏོང་༔ མདོས་བདག་ཀུན་གྱིས་མདོས་འདི་ལོངས༔ གླུད་བདག་རྣམས་ཀྱིས་གླད་འདི་ལོངས༔ ཟོར་བདག་རྣམས་ཀྱིས་ཟོར་འདི་རྒྱོབས༔ བདེ་གཤེགས་ཡོངས་རྫོགས་མཐུ་དཔུང་ཕྱུངས༔ དམ་ཅན་ཀུན་གྱིས་ཕྲིན་ལས་མཛོད༔ ཕོ་ཉ་ཡོངས་ཀྱིས་ཤན་པ་མཛོད༔ སྣང་སྲིད་ལྷ་སྲིན་ཐམས་ཅད་ཀྱིས༔ དགྲ་བོའི་ཡུལ་དུ་ཕོ་བྲང་ཐོབ༔ དགྲ་དང་བགེགས་ཀྱི་སྲོག་དབུགས་ལོངས༔ ནད་མཚོན་ཆོ་འཕྲུལ་དགྲ་ལ་ཕོབ༔ ད་ལྟ་ཉིད་དུ་ཕྲིན་ལས་མཛོད༔ མཱ་ར་ཡ་བྷྱོ་བྷྱོ༔ དེ་ནས་གཏོར་མདོས་གོམ་པ་བདུན་ཅུའམ༔ ཕྱག་ལེན་ནི༔ གོམ་པ་བདུན་ཡན་དཔག་ལ༔ དེར་ཕྱར་བ་ནག་པོའི་གཏོར་ལམ་བཏིང་སྟེ་ཕྱོགས་ཡོད་སར་གདོང་ཕྱོགས་ཏེ༔ ངར་གླུད་དང་ཆད་མདོའི་གཏོར་མ་སྔར་འདོན་པའི་དྲེགས་པའི་གཏོར་མ༔ གཏོར་ཟློག་ཐམས་ཅད་རིམ་པར་བཤམས་ལ༔ དེ་ནས་གཏོར་སྐྱོང་སོགས། ཞེས་ཆད་མདོ་བྱས༔ གཏོར་མ་མདོས་ལ་ཁྲག་གམ་བདུད་རྩིས་བྲན་ལ༔ ༈ ཞི་ཁྲོ་ཡོངས་རྫོགས་ཀྱི་བློ་ཟློག་སྲིན་མོ་ཟ་ལམ་བཞུགས་པའི་དབུ་ཕྱོགས་ལགས་སོ༔ དེ་ནས་གཏོར་མ་བཀྱག་ལ༔ གོམ་པ་བདུན་ཅུའི་སར་ཕྱིན་ལ༔ རྔ་རྡུང་༔ དུང་འབུད༔ རོལ་མོ་བཀྲོལ༔ ཞིང་ལྤགས་བརྡབ༔ དར་

[Full Size]

ཕྱར་ལ་འདི་སྐད་དོ༔ ༈ སྒྲུབ་པ་བཀའ་བརྒྱད་ཀྱི་སྲིན་མོ་ཟ་ལམ་བསྐྱེད་ཆོག་ནི། ཨོཾ་སྭ་བྷ་ཝ་སོགས༔ སྟོང་པའི་ངང་ལས་ཆེ་མཆོག་ཧེ་རུ་ཀར་གསལ་བའི་མདུན་དུ༔ ཡི་གེ་བློ་ཡོངས་སུ་གྱུར་པ་ལས༔ སྲིན་མོ་ཟ་ལམ་སྐུ་མདོག་དམར་ནག་མེ་ལྟར་འབར་བ༔ ཞལ་རབ་ཏུ་གདངས་བ་ལས་མཆེ་བ་གཙིགས་ཤིང་ལྗགས་གློག་ལྟར་གཡོ་བ༔ ཞལ་ནས་ཁྲག་གི་ཆར་ཆེན་འབེབས་པ་དབུ་སྐྲ་དམར་ནག་གི་རལ་པས་ས་གཞི་ཁེངས་པ༔ གསུས་པ་ཤིན་ཏུ་ཆེ་ཞིང་ནུ་མ་གཅིག་པུར་འཕྱངས་པ་ལ་རཀྟའི་རྒྱུན་ཟག་པ༔ ཕྱག་གཡས་དམར་གྱི་གཏོར་མ་གདེངས་ཐབས་སུ་འཛིན་ཅིང་གཡོན་པས་ཀོང་ཟོར་དགྲ་ལ་འཕེན་པ༔ སྐུ་སྟོད་ལ་ཞིང་ཆེན་གྱི་གཡང་གཞི་དང་སྐུ་སྨད་ལ་རེ་ལྡེའི་ཤམ་ཐབས་གསོལ་བ༔ ཞབས་གཉིས་བརྐྱང་བསྐུམ་འགྱིང་བའི་ཚུལ་གྱིས་བཞུགས་པ་ལས་རང་འདྲ་བཅུ་གསུམ་གྱིས་བསྐོར་བ༔ གཞན་ཡང་དེ་ཡི་འཁོར་དུ་དབང་ཕྱུག་ཆེན་མོ་ཉི་ཤུ་རྩ་བརྒྱད༔ བོད་སྐྱོང་བརྟན་མ་བཅུ་གཉིས་ལྷ་སྲིན་དྲེགས་པའི་ཚོགས་ཀྱིས་བསྐོར་བའོ༔ དེ་རྣམས་ཀྱི་དཔྲལ་བར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ་དང་གཙོ་མོའི་ཐུགས་ཀའི་བྷྱོ་ལས་འོད་ཟེར་འཕྲོས་པས་རང་བཞིན་གྱི་

[Full Size]

གནས་ནས་སྤྱན་དྲངས༔ སྐུ་གཟུགས་དང་གཉིས་སུ་མེད་པར་གྱུར༔ བློ་སྦྱོ་བྷྱོ༔ ནད་ཀྱི་བདག་མོ་སྤྱན་འདྲེན་ནོ༔ ཡམས་ཀྱི་བདག་མོ་སྤྱན་འདྲེན་ནོ་ཟློག་བྱེད་མ་གཅིག་སྤྱན་འདྲེན་ནོ༔ སྒྱུར་བྱེད་མ་གཅིག་སྤྱན་འདྲེན་ནོ༔ སྲིན་མོ་ཆེན་མོ་སྤྱན་འདྲེན་ནོ༔ ཧཱུྃ་ཧཱུྃ་ཧཱུྃ༔ ཧཱུཾ་བྷྱོ་བྷྱོ༔ སྲིན་མོ་ཟ་ལམ་གོམ་པ་བདུན་ཅུ་འདས་པའི་ཕ་རོལ་ན༔ འཇིག་རྟེན་འདས་ཀྱང་འཁོར་བའི་ཆ་ལུགས་འཛིན༔ ཡེ་ཤེས་གྲུབ་ཀྱང་ལས་ཀྱི་མཁའ་འགྲོའི་ཚུལ༔ རྡོ་རྗེ་མ་མོ་ལྟས་ངན་བློ་ཟློག་ཅིག༔ སོ་སོའི་རིགས་དང་མིང་སྲིང་ལྕམ་དྲལ་ཚུལ༔ བྷྱོ༔ དཀར་མོ་སྤྱན་གཅིག་རྡོ་རྗེ་རིགས་ཀྱི་ལྕམ༔ ཉིད་ཀྱི་མིང་པོ་དྲི་ཟའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ དྲི་ཟའི་གློ་བུར་ཡེ་འདྲོགས་ཤོར་ར་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་རྒྱལ་པོའི་ཆོ་འཕྲུལ་དགྲ་ལ་སྒྱུར༔ བྷྱོ༔ སྲིན་མོ་ཤུགས་འཆང་རིན་ཆེན་རིགས་ཀྱི་ལྕམ༔ ཉིད་ཀྱི་མིང་པོ་གཤིན་རྗེའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ འཆི་བདག་གཤིན་རྗེའི་ཁྲམ་ལ་བཏབ་བམ་རེ༔ བཟློག་གོ་དམར་ཆེན་

[Full Size]

གཏོར་མ་འདི་ཡིས་ཟློག༔ བསྒྱུར་རོ་གཤིན་རྗེའི་ཁྲམ་ཁ་དགྲ་ལ་སྒྱུར༔ དམར་མོ་མཆུ་འཇིབ་པདྨ་རིགས་ཀྱི་ལྕམ༔ ཉིད་ཀྱི་མིང་པོ་ཀླུ་བདུད་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ས་བདག་ཀླུ་ཡི་ནད་རྣམས་བཅུག་ལ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཀླུ་ཡི་གཏད་ཁྲམ་དགྲ་ལ་སྒྱུར༔ བྱོ༔ གར་གྱི་དབང་ཕྱུག་ལས་ཀྱི་རིགས་ཀྱི་ལྕམ༔ ཉིད་ཀྱི་མིང་པོ་གནོད་སྦྱིན་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ གནོད་སྦྱིན་གདུག་པའི་གདོན་གྱིས་ཟིན་ཏ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་གནོད་སྦྱིན་ཆད་པ་དག་ལ་སྒྱུར༔ བྷྱོ༔ དབྱིངས་ཕྱུག་དཔལ་ལྡན་རྡོ་རྗེ་མཁའ་འགྲོ་མ༔ ཉིད་ཀྱི་མིང་པོ་ཕྱ་ཡི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཕྱུ་ཡི་དྲ་སྙིང་ཐམས་ཅད་ཕབས་སམ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་མི་སྙིང་བློ་འཕྲོག་ཐམས་ཅད་དགྲ་ལ་སྒྱུར༔ བྷྱོ༔ སྔགས་སྲུང་ཨེ་ཀ་ཙ་ཏི་རལ་གཅིག་ཉིད་ཀྱི་མིང་པོ་རྐོས་རྗེ་དྲང་དཀར་ནག༔ རྣལ་འབྱོར་བདག་གི་འཁོར་དུ་

[Full Size]

གཏོགས་པ་ལ༔ བདུད་ཀྱི་རྒྱལ་པོའི་ཁྲམ་ལ་བཏབ་བམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་བདུད་ཀྱི་ཆད་པ་དགྲ་ལ་སྒྱུར༔ བྷྱོ༔ སྔགས་སྲུང་ཨེ་ཀ་ཙ་ཏི་གློག་མ་སྤྲིན༔ ཉིད་ཀྱི་མིང་པོ་བདུད་པོ་རེ་ལྡེ་མགོ་ཉག་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ནག་པོ་བདུད་ཀྱི་ནད་རྣམས་བསྐུས་སམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་བདུད་ཀྱི་ཆད་པ་དགྲ་ལ་སྒྱུར༔ བྷྱོ༔ དཀར་མོ་ཆེན་མོ་ཉི་མའི་སྤྱན་གཅིག་མ༔ ཉིད་ཀྱི་མིང་པོ་གནམ་ལྷའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ རྒྱལ་པོ་དཀར་པོ་ཡུལ་དུ་ཕབས་སམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་རྒྱལ་པོའི་ཆད་པ་དགྲ་ལ་སྒྱུར༔ བྷྱོ༔ མ་མོ་ཨེ་ཀ་ཙ་ཏི་ཐལ་མདོག་མ༔ ཉིད་ཀྱི་མིང་པོ་བར་ཐེལ་ཁྲ་བོའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཐེའུ་རང་རྣམས་ཀྱི་ཆོ་འཕྲུལ་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཐེའུ་རང་ཆོ་འཕྲུལ་དགྲ་ལ་སྒྱུར༔ བྷྱོ༔ ས་བདག་ཆེན་མོ་ནག་

[Full Size]

མོ་རལ་གཅིག་མ༔ ཉིད་ཀྱི་མིང་པོ་ས་ཐེལ་ནག་པོའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ འབྱུང་པོ་ཐེའུ་རང་ཁང་ཁྱིམ་བཏབ་བམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཐེའུ་རང་ཆོ་འཕྲུལ་དགྲ་ལ་སྒྱུར༔ བློ༔ མ་མོ་གནམ་གྱི་ཡེ་དྷརྨཱ༔ ཉིད་ཀྱི་མིང་པོ་གཟའ་བདུད་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ གཟའ་ཡི་ནད་གདོན་བར་ཆད་ཕེབས་སམ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་གཟའ་ཡི་ནད་གདོན་དགྲ་ལ་སྒྱུར༔ བྷྱོ༔ གནམ་གྱི་ཤེ་ཟ་སྨན་གཅིག་མ༔ ཉིད་ཀྱི་མིང་པོ་བཙན་གྱི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ བཙན་གྱི་རྒྱལ་པོའི་སྐྱ་བབ་ཤོར་ར་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་བཙན་གྱི་གྲི་ཐབས་དགྲ་ལ་སྒྱུར༔ བྷྱོ༔ ཉ་ཆེན་འཇིགས་པ་ཁྲག་གི་རལ་པ་ཅན༔ ཉིད་ཀྱི་མིང་པོ་ཀླུ་སྲིན་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཀླུ་སྲིན་རྣམས་ཀྱི་ཆོ་འཕྲུལ་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཀླུ་

[Full Size]

སྲིན་ཆོ་འཕྲུལ་དགྲ་ལ་སྒྱུར༔ བྷྱོ༔ ལྷ་མོ་ནག་མོ་ལས་ཀྱི་དབང་མོ་ཆེ༔ སྣང་སྲིད་མ་མོའི་སྐག་བསྒྱུར་དགྲ་ལ་སྒྱུར༔ རྣལ་འབྱོར་བདག་གི་འཁོར་དུ་གཏོགས་པ་ལ༔ སྣང་སྲིད་མ་མོའི་ཡམས་ནད་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་མ་མོའི་ཆོ་འཕྲུལ་དགྲ་ལ་སྒྱུར༔ བྷྱོ༔ གཞན་ཡང་བཟློག་ཅིང་བསྒྱུར་བ་ནི༔ ལྷ་ཆེན་ཡོངས་ཀྱི་གདུག་རྩུབ་ཟློག༔ ལྷ་མ་ཡིན་གྱི་རྒྱུ་ཐབས་ཟློག༔ སྐེམ་བྱེད་ལྕགས་ཀྱུས་ཟིན་པ་ཟློག༔ དྲང་སྲོང་རྣམས་ཀྱི་དམོད་པ་ཟློག༔ མ་མོ་རྣམས་ཀྱི་ཐུན་སྔགས་ཟློག༔ ཕྲ་མེན་མ་ཡི་ཉེ་འབྱེད་ཟློག༔ ས་བདག་ཀླུ་ཡི་གདུག་བྱེད་ཟློག༔ ཕོ་ཉའི་འོད་སྟོང་བྱུང་བ་ཟློག༔ ཕུར་བུའི་དབལ་ཁ་འཕེན་པ་ཟློག༔ ཡུངས་ཀར་ཟོར་མདའ་འཕེན་པ་ཟློག༔ མུ་སྟེགས་བོན་པོའི་བྱད་ཟོར་ཟློག༔ བནྡེའི་ཧོམ་སྤར་ངན་པ་ཟློག༔ ཞང་ཞུང་བོན་པོའི་ཙོ་ཡང་ཟློག༔ སུམ་པའི་གླང་དང་ལིང་ཀྱང་ཟློག༔ མེ་ཉག་སྟག་པའི་འབོ་ལོ་ཟློག༔ ཁྱུང་པོའི་བཙན་དང་ཞ་ཐབས་ཟློག༔ གླང་ལ་ཐོང་ཤ་འགྱེད་པ་ཟློག༔ ཡས་ཀྱི་བདུད་དུ་གཡོས་པ་ཟློག༔ མོས་ཀྱི་སྲི་རུ་ལང་པ་ཟློག༔ ལྟག་པའི་

[Full Size]

བདུད་དུ་ལྡང་བ་ཟློག༔ དཔྲལ་བའི་གཤེད་དུ་འཁོར་བ་ཟློག༔ ཕོ་སྲི་མོ་སྲི་ཆེ་སྲི་ཆུང་སྲི་ཟློག༔ དམ་སྲི་དབུལ་སྲི་གོད་སྲི་ཕུང་སྲི་ཟློག༔ ཕ་མེས་དུར་སྲི་བཙན་སྲི་ཟློག་བདུད་ཀྱི་ཐན་ངན་ཕྱག་བརྙན་ཟློག༔ ལོ་སྐག་ཟླ་སྐག་གཤེད་བཞི་ཟློག༔ ས་ལ་ཞག་རྩིས་འདེབས་པ་ཟློག༔ གནམ་ལ་ཟླ་གྲངས་འདེབས་པ་ཟློག༔ གཟའ་སྐར་ལོ་སྐག་ཟླ་སྐག་ཟ་སྐག་ཟློག༔ དུས་ཚོད་བརྩིས་ཏེ་བརྡེགས་པ་ཟློག༔ གནམ་གྱི་དལ་ཁ་ས་ཡི་ཡམས་ཁ་ཟློག༔ ཐོག་དབབ་དལ་ཀ་ཐམས་ཅད་ཟློག༔ བྱ་ཉེས་ལེན་ཉེས་ཐམས་ཅད་ཟློག༔ ཡུལ་མི་ཁྱིམ་མཚེས་དམོད་མོ་ཐམས་ཅད་ཟློག༔ གཡས་ནས་ཕོ་བརྒྱས་མདའ་བརྡར་ཟློག༔ གཡོན་ནས་མོ་བརྒྱས་དུག་གཡོས་ཟློག༔ མདུན་ན་རྩང་བཞིན་སྡོད་པ་ཟློག༔ རྒྱབ་ནས་ཁྱི་བཞིན་འབྲང་བ་ཟློག༔ མོ་ངན་སོག་སྡིག་ཐམས་ཅད་ཟློག༔ རྨིས་ངན་མཚན་ལྟས་ངན་པ་བཟློག༔ འུག་པ་ཉིན་ལ་རྒོད་པ་ཟློག༔ སྲོད་ལ་རྟ་ཕོ་འཚེར་བ་ཟློག༔ སྲིན་བྱས་ཁང་ཁྱིམ་ཀུས་འདེབས་ལྟས་ངན་བརྒྱད་ཅུ་རྩ་གཅིག་ཟློག༔ ཕ་ཚན་ནང་གི་རྒྱབ་འདྲེ་ཟློག༔ དར་ཚན་ནང་གི་སྟོང་འདྲེ་ཟློག༔ ཕུ་ནུ་ནང་གི་སྒོས་འདྲེ་

[Full Size]

ཟློག༔ ཕོ་བདུད་དལ་ཁ་གཡས་སུ་ཟློག༔ མོ་བདུད་དལ་ཁ་གཡོན་དུ་ཟློག༔ སྤྱི་བདུད་དལ་ཁ་མཁའ་ལ་ཟློག༔ གཤིན་རྗེའི་ཁྲམ་ལ་འདེབས་པ་ཟློག༔ མ་མོའི་ཡམས་ནད་གཏོང་བ་ཟློག༔ བདུད་ཀྱི་ཚེ་ལ་རྐུ་བ་ཟློག༔ རྒྱལ་པོའི་སྨྱོ་འབོག་གཏོང་བ་ཟློག༔ བཙན་གྱི་གྲི་འཐབ་གཏོང་བ་ཟློག༔ དམུ་ཡི་དིག་ལྐུགས་གཏོང་བ་ཟློག༔ གཟའ་ཡི་ཀིང་ཀང་གཏོང་བ་ཟློག༔ ཀླུ་ནད་ཞ་གྲུམ་གཏོང་བ་ཟློག༔ ཐེའུ་རང་སྲི་ལ་རྐུ་བ་ཟློག༔ དུར་སྲི་ཝ་མོ་བརྒྱལ་བ་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོགས་སུམ་བརྒྱ་དྲུག་ཅུ་ཟློག༔ ལུས་ལ་ན་ཚ་གཏོང་བ་ཟློག༔ ཚེ་ལ་བར་ཆད་བྱེད་པ་ཟློག༔ ངོ་ནག་སྡིགས་མཛུབ་བྱེད་པ་ཟློག༔ ལུས་ལ་སྦྲུལ་ལྟར་འཁྲིལ་བ་ཟློག༔ ལྐོག་ན་འབུ་བཞིན་གཡེང་བ་ཟློག༔ ལུས་ལ་སྤེལ་ལྟར་འཛེགས་པ་ཟློག༔ རྒྱབ་ན་ཁྱི་བཞིན་ཟུག་པ་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེ་ཉམ་ང་ཐམས་ཅད་ཟློག༔ ལོ་སྐག་ཟླ་སྐག་ཐམས་ཅད་ཟློག༔ ལྟོག་འགོང་དབུལ་སྲི་ཐམས་ཅད་ཟློག༔ ལོ་ནད་བཙའ་ནད་སེར་གསུམ་ཟློག༔ ལྟས་ངན་མཚན་ལྟས་ངན་པ་ཟློག༔ རྦོད་གཏོང་རྦད་འདྲེ་

[Full Size]

ཐམས་ཅད་ཟློག༔ ལྷ་འདྲེ་མི་གསུམ་བྱད་ཁ་ཟློག༔ བྷྱོ་བྷྱོ་ཕོ་བློ་གཡས་སུ་བྱོ༔ བྷྱོ་བྷྱོ་མོ་བྷྱོ་གཡོན་དུ་བྷྱོ༔ སྡང་བྱེད་དགྲ་ཡི་སྟེང་དུ་བྷྱོ༔ གནོད་པར་བྱེད་པའི་བགེགས་ལ་བྷྱོ༔ བསམ་ངན་འཆང་བའི་དགྲ་ལ་བྱོ༔ ཟ་བར་བྱེད་པའི་འདྲེ་ལ་སྦྱོ༔ སྔ་དགྲ་ལག་གི་བདར་བའི་སྟེང་དུ་བྱོ༔ ཕྱི་དགྲ་ཡིད་ལ་བསམ་པའི་སྟེང་དུ་བྷྱོ༔ སློབ་མ་དམ་ལོག་བྱེད་པའི་སྟེང་དུ་བྷྱོ༔ བསམ་ངན་སྦྱོར་བ་རྩུབ་པའི་སྟེང་དུ་བྷྱོ༔ དགྲ་བགེགས་མ་ལུས་ཐམས་ཅད་ཀུན༔ དཔལ་ཆེན་འཁོར་དང་བཅས་པ་ཡིས༔ ཐམས་ཅད་གཅིག་ཏུ་བསྡུས་ནས་ནི༔ རྡུལ་ཕྲན་བཞིན་དུ་བརླག་པར་མཛོད༔ ཚལ་པ་ཚལ་པ༔ དུམ་བུར་དུམ་བུར༔ རྡུལ་ཕྲན་རྡུལ་ཕྲན༔ ཟློག་ཟློག༔ བྷྱོ་བྷྱོ༔ ཞེས་གཏོར་མ་དགྲ་ཕྱོགས་སམ༔ གང་གནོད་པའི་ཕྱོགས་སམ༔ དགྲ་ཡི་ཡུལ་མཐོང་སར་འཕང་༔ ཞིང་ལྤགས་བརྡབ༔ དུང་འབུད༔ གཏོར་གཞོང་མནན་པ་བྱ༔ བྲོ་བརྡུང་ངོ་༔ ༈ དེ་ནས་ངར་གླུད་མཐོ་གང་དེ་བྲན་སཾ་བྷ་རིས་བྱིན་གྱིས་བརླབས་ལ༔ ཀྱེ་སྣང་སྲིད་ལྷ་འདྲེ་ཡོངས་རྫོགས་ལ༔ བདག་ཅག་ཡོན་བདག་འཁོར་བཅས་ཀྱི༔ ཚེ་སྲོག་གླུད་དུ་ངོར་མི་འབུལ༔ ཕ་ནི་གནམ་ལ་མ་ནི་ས༔ རྒྱུ་ནི་རིན་ཆེན་འབྲུ་སྣ་ལྔ༔ རྐྱེན་

[Full Size]

ནི་སྔགས་དང་ཕྱག་རྒྱས་སྤྲུལ༔ འབྲས་བུ་སྐུ་གསུང་ཐུགས་དང་ལྡན༔ ངོ་མཚར་གླུད་མཆོག་འདི་ཁྱེར་ལ༔ བཟུང་བ་ཐོངས་ལ་བཅིངས་པ་ཁྲོལ༔ ཕྱིན་ཆད་གནོད་པ་མ་བྱེད་ཅིག༔ ཅེས་ངར་མདོས་བསྔོ༔ ཧཱུྃ༔ ཚོམ་བུ་དགུ་ཡི་རིག་འཛིན་དཀྱིལ་འཁོར་ནས༔ ཁྲག་འཐུང་ཆེ་མཆོག་དཔལ་དགུ་བཞེངས་སུ་གསོལ༔ སྲས་སྤྲུལ་བཀའ་སྡོད་དམག་ཚོགས་དགྲ་ལ་བྷྱོ༔ ཕོ་ཉ་ལས་བྱེད་མང་པོ་དགྲ་ལ་ཡ༔ གཤིན་རྗེ་མ་མོའི་དམག་ཚོགས་དགྲ་ལ་བྷྱོ༔ ནད་དང་རིམས་ཀྱི་བདག་མོ་དགྲ་ལ་བྱོ༔ ལྷ་སྲིན་སྡེ་བརྒྱད་དམག་ཚོགས་དགྲ་ལ་བྷྱོ༔ སྡང་བར་བྱེད་པའི་དགྲ་ལ་བྷྱོ༔ གནོད་པར་བྱེད་པའི་བགེགས་ལ་བྷྱོ༔ ཞེས་མདོས་གྱེར་ཚར་ནས་རི་ལ་འབུལ་ན་འདི་ནས་རི་ལ་ཁྱེར༔ རི་ལ་འབུལ་ན་ཕྱོགས་དེར་ལིང་ག་བཙུགས༔ དཀར་གཏོར་དང་གཏོར་འབུལ་དམར་གཏོར་ལྷ་གྲངས་དེ་ནས་བཀའ་སྲུང་ཡོད་ན༔ གཏོར་ཟློག་རྣམས་གྲལ་དུ་རིམ་པར་བཤམས་ལ༔ དང་པོ་གསེར་སྐྱེམས་དང་དཀར་གཏོར་འབུལ༔ དེ་ནས་ཡས་མདའ་འཕང་༔ དེ་ནས་བཀུག་གཞུག་བྱས་ལ་ཟོར་དགུ་པོ་དང་ཟོར་ཆེན་འཕང་༔ ཟོར་ཆེན་མ་གྱུ་ན་དྲེགས་པའི་གཏོར་ཟློག་འཕང་༔ དར་ནག་བརྡབ༔ དེ་ནས་ལིངྒ་བསྲེགས་པའི་ཐལ་བ་དམར་གཏོར་ལ་བྲན་ནས་གཏོར་འབུལ་རྣམས་བྱ༔ དེ་ནས་གཏོར་ཟློག་

[Full Size]

བཀྱག་ལ་བློ་ནས་ཟློག་ཐུང་གཅིག་འདོན་ནས༔ སར་བཞག་ལ་རྩང་ཤབ༔ ཕར་རྩེ་སྟོན་ལ་བསྒྱེལ་ལོ༔ ཁྱིམ་ན་ཡང་འབུལ་རུང་གི་འབུལ་ལུགས་རྒྱས་པ་རི་དང་འདྲ༔ བསྡུ་ན་དཀར་གཏོར་གསེར་སྐྱེམས་གཏོར་འབུལ་མི་དགོས༔ སླ་ང་ནང་དུ་ལིངྒ་བཞག་ལ་ཟོར་བརྒྱབ༔ ཟོར་ཆུང་ལིངྒ་གྲུ་གསུམ་མེ་ཧོམ་ནང་དུ་བསྲེགས༔ དེ་ནས་གཏོར་ཟློག་ཕུལ་བ་རི་དང་འདྲ༔ གལ་ཏེ་གཏོར་ཁ་བཏོན་ན་དཔལ་དགུའི་བསྐུལ་ཐུང་གང་རུང་རེ་འདོན་ཞིང་བརྒྱབ་པར་བྱའོ༔ རྒྱབ་ལུགས་ཞིབ་པར་ལོགས་སུ་བཀོད་དོ༔ གང་ལྟར་ཡང་སྐབས་འདིར་ཟོར་འཕེན་ཏེ༔ ༈ ཧོ༔ དགོངས་སུ་གསོལ༔ རྒྱལ་བ་དགོངས་པའི་བརྒྱུད་པ༔ རིག་འཛིན་བརྡའི་བརྒྱུད་པ༔ གང་ཟག་སྙན་ཁུང་བརྒྱུད་པ༔ ཐུགས་རྗེ་བྱིན་རླབས་བརྒྱུད་པ༔ བཀའ་བབས་དོན་གྱི་བརྒྱུད་པ༔ མཁའ་འགྲོ་གཏད་རྒྱ་བརྒྱུད་པའི་བླ་མ། ཡི་དམ་སྒྲུབ་ཆེན་བཀའ་བརྒྱུད་ཀྱི་ལྷ་ཚོགས་བདུན་བརྒྱ་ཉི་ཤུ༔ བཀའ་སྲུང་དམ་ཅན་རྒྱ་མཚོའི་བདེན་པའི་མཐུས༔ གནོད་བྱེད་དགྲ་བགེགས་བྱད་མ་དམ་སྲི་ཡིད་ལ་མནག་ཅིང་མིང་དུ་བྲིས་པ་འདི་གཟུགས་ལིངྒ་འདི་ལ་ཁུག་ཅིག༔ ཛཧཱུྃ་བོ་ཧོ༔ ལན་གསུམ༔ དེ་ནས་ཟོར་དགུ་རིམ་བཞིན་ཐོགས་ལ། ༈ ཧཱུྃ༔ མ་ཉེས་དཔང་དུ་དཀོན་མཆོག་བཞུགས༔ དགྲ་བགེགས་མ་གཏོགས་སྐུ་བཟུར་ཅིག༔

[Full Size]

བཀའ་བརྒྱད་ཡོངས་རྫོགས་དམག་དཔུང་བསྐྱེད༔ དགྲ་བགེགས་སྙིང་ལ་ཕུར་ཟོར་རྒྱབ༔ རིམ་བཞིན་འགྲེས༔ ཐོད་ཟོར༴ མདའ་ཟོར༴ རྡོ་ཟོར༴ མེ་ཟོར་༴ གཏོར་ཟོར་༴ ཁྲག་ཟོར༴ ཀོང་ཟོར༴ བཛྲ་སརྦ་དུཎྞཾ་ཏྲིག་ནན་ཨེ་ཧུར་ཐུམ་ཛ༔ དགྲ་བགེགས་ནི་ཏྲི་ཤ་ཧཱུཾ་མཱ་ར་ཡ་རྦད༔ ཅེས་རེ་རེ་བཞིན་འཕང་ལ༔ དེ་ནས་ཟོར་ཆེན་ཐོགས་ལ་འདི་སྐད་དོ༔ ཧོ༔ དགོངས་སུ་གསོལ་ལོ༔ རང་བཞིན་ལྷུན་གྱིས་གྲུབ་པའི་ཕོ་བྲང་ལིང་དགུ་ནས༔ དཔལ་ཁྲག་འཐུང་གི་རྒྱལ་པོ་ཆེ་མཆོག་གཙོ་དགུ་ཡབ་ཡུམ་འཁོར་དང་བཅས་པ༔ ལྕེ་སྤྱང་མ་བརྒྱད༔ དབང་ཕྱུག་མ་ཉི་ཤུ་རྩ་བརྒྱད༔ གྲི་ཐོགས་ཀྱི་གིང་བཞི༔ ཁྲམ་ཐོགས་ཀྱི་བདུད་ཕོ་བཞི༔ ཤཱ་ཐོགས་ཀྱི་རྩིས་པ་བཞི༔ སྲོག་གཅོད་ཀྱི་ཤན་པ་བཞི༔ སྤྲུལ་པའི་ཁམས་བརྒྱ་མ་དྲུག༔ ཕྱོགས་བཞིའི་ལོང་བ་རྒྱབ་འདྲེལ༔ ཕོ་ཉ་ཁྱི་བརྒྱུད་སྤྱང་བརྒྱད༔ འཇིགས་པའི་འདབ་བཞི༔ རྔམས་པའི་འབྲུག་བཞི༔ རེ་ཏི་མཆེད་བཞི༔ བསེ་མོ་མཆེད་བཞི༔ སྐྱེས་བུ་གིང་བཞི༔ དམག་དཔོན་མཆེད་བཞི༔ ལས་བྱེད་མ་བརྒྱད༔ གཙུག་གི་མ་གསུམ༔ གསང་བའི་མ་གསུམ༔ རོ་ཁ་མཆེད་

[Full Size]

གསུམ༔ གདོང་མོ་མཆེད་བཞི༔ རིགས་བཞི་དཔའ་བོ་མཁའ་འགྲོ༔ དྲེགས་པའི་སྡེ་དཔོན་སུམ་ཅུ༔ སྔགས་བདག་དྲེགས་ཆེན་བཅོ་བརྒྱད༔ མཁའ་འགྲོ་སུམ་ཅུ་རྩ་གཉིས༔ སྐྱེས་བུ་གིང་ཆེན་བཅོ་བརྒྱད༔ ལང་ཀ་བཅུ་གཉིས༔ འབར་མ་བརྒྱད༔ སྲིད་པའི་མ་མོ་བྱེ་བ་འབུམ་སྡེ༔ ཕོ་ཉ་ལས་མཁན་དང་བཅས་པ༔ སྣང་ཞིང་སྲིད་པའི་ལྷ་འདྲེ༔ འཇིགས་པའི་ཆ་ལུགས་དང་ལྡན་པ༔ དྲག་པོའི་ང་རོ་དང་ལྡན་པ༔ གདུག་པའི་ཞེ་སྡང་དང་ལྡན་པ༔ སྲིད་པ་གསུམ་ལ་དབང་བསྒྱུར་བ་ཁྱེད་རྣམས་ཀྱིས༔ ཉི་ཟླ་ཙམ་གྱིས་སྤྱན་བསྒྲད༔ གངས་རི་ཙམ་གྱིས་མཆེ་བ་གཙིགས༔ གློག་དམར་ཙམ་གྱིས་ལྗགས་བརྐྱངས༔ སྤྱིར་ཞིང་བཅུ་ཚང་བའི་བསྟན་པའི་སྤྱི་དགྲ༔ གནོད་ཅིང་འཚེ་བའི་གདོན་བགེགས་བསམ་ངན་འཆང་བའི་བྱད་མ༔ དོ་བསྡོ་བ༔ ཡ་བོ་བཟུང་བ༔ མཐུ་བུ་ལོན་བཞིན་དུ་སྙག་པ༔ དགྲ་ཡ་དང་གྱོད་ཡ་བྱེད་པ༔ འཛིང་ཡ་དང་འཁོན་ཡ་བྱེད་པ། འགྲས་ཡ་དང་རྩོད་ཡ་བྱེད་པ༔ དམག་སྣ་དང་དགྲ་སྣ་སྟོན་པ༔ ཇག་སྣ་དང་རྐུན་སྣ་སྟོན་པ༔ བྱད་ཁ་དང་ཕུར་ཁ་སྟོན་པ༔ བསམ་ངན་དང་སྦྱོར་རྩུབ་འཆང་བ༔ དེ་དགྲ་

[Full Size]

དངོས་སུ་བསྡོ་བ༔ ཕྱི་དགྲ་ཡིད་ལ་བསམ་པ༔ ཁ་འོ་མ་བས་འཇམ་པ༔ སྙིང་ཚེར་མ་བས་རྩུབ་པ༔ སྲུང་བའི་ལེ་གུ་ལྷ་ལོག༔ བསླབས་པའི་སློབ་བུ་དམ་ལོག༔ བཞག་པའི་བྲན་གཡོག་སྙིང་རིང་༔ རུས་ཀྱི་ཕ་ཚན་རྒྱབ་ལོག༔ བཅོས་པའི་ནད་པ་སོས་ལོག༔ གཏམ་པའི་ཤག་རོགས་མནའ་ཟན༔ བཀའ་ལ་འདའ་བ༔ དམ་ལ་ལོག་པ༔ ཁྱད་པར་དུ་བསྲུང་བྱར་གྱུར་པའི་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བའི་གདོན་བགེགས༔ ཟ་འདྲེ་ཤི་གཤེད༔ གོད་འདྲེ་གོད་སྲི༔ ནད་འདྲེ་གཅོང་སྲི༔ དར་སྲི་ཤི་སྲི༔ དགྲ་སྲི་གྱོད་སྲི༔ གཟུགས་ལིངྒ་ལ་བྲིས་པ༔ བརླ་འཁོར་ལོ་ལ་བསྐོར་བ༔ མིང་བྱང་བུ་ལ་བཏབ་པ་འདི་ཡི་བླ་ཚེ་སྲོག་དབུགས་ཁ་རྗེ་དབང་ཐང་དང་བཅས་པ་ལོ་དང་ཟླ་བར་མ་བཞག༔ ཞག་དང་ཟ་མར་མ་འགོར་བར༔ དྲག་པོ་ཐུན་གྱི་གཏོར་མ་འདི་དང་མཉམ་དུ་བཞེས་ཤིག༔ ཅེས་ཟོར་ཆེན་འཕང་༔ དར་ནག་བརྡབས༔ ཟོར་ལིང་བསྲེགས་ཐལ་བ་གཏོར་མར་བླུགས་ལ་བྲན༔ ཆོས་སྐྱོང་རྣམས་ཀྱི་གཏོར་འབུལ་རྒྱུས་བསྡུས་གང་འོས་དང་ཆད་མདོ་བྱ༔ ཆོས་སྐྱོང་དམག་ཐབས་ལ་དེ་ཚོ་མ་བྱས་ཀྱང་རུང་སྟེ་ཕྱག་ལེན་ལ་མེད་དོ༔ ༈ དེ་ནས་བཤལ་ཆུའི་བརྟན་མ་

[Full Size]

སྐྱོང་བ་ནི༔ ཧཱུྃ༔ བརྟན་མ་སྐྱོང་མཛད་མ་དང་སྲིང་༔ དཔལ་གནས་མ་དང་ཡང་དག་ཤེས༔ ཁྱུང་བཙུན་རྐོང་ལྷ་གཡུ་བུན་མ༔ མེ་ཏོག་ཟླ་འོད་བྱང་རྒྱལ་མ༔ གསེར་ཐང་ཀུན་བཟང་ཤན་ཏིང་དཔལ༔ ཀླུ་མོ་གཟི་འབར་ལ་སོགས་ཏེ༔ བརྟན་མ་བཅུ་གཉིས་གཏོར་མ་ལོངས༔ མི་མཐུན་གནོད་པའི་ཕྱོགས་རྣམས་ཟློག༔ ཨོཾ་ཨ་ཧཱུཾ་བཛྲ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི༔ མ་མ་ཧྲི༔ མ་མ་ཧྲི༔ ཁཱ་ཧི་ཁཱ་ཧི༔ དེ་ནས་གཏོར་གཞུང་ཁ་སྦུབ་ལ༔ རྒྱས་པར་ལས་བྱང་ལྟར་རམ༔ ན་མོ༔ དཀོན་མཆོག་གསུམ་དང་སྒྲུབ་པ་བཀའ་བརྒྱད་ཀྱི་ལྷ་ཚོགས་འཁོར་དང་བཅས་པའི་བདེན་པས་གནོད་བྱེད་དམ་སྲི་སྒབ་འདྲེ་ཐམས་ཅད་ས་རིམ་པ་དགུའི་མར་ཞབས༔ ལས་ཀྱི་གཤིན་རྗེའི་ལྟོ་བར༔ ཀླུ་བདུད་ནག་པོའི་ལག་པ༔ ཆུ་སྲིན་གདུག་པའི་གྲེ་བ༔ གཏོར་གཞོང་རི་རབ་འབར་བའི་འོག་ཏུ་ཁུག་ཅིག༔ ཛཧཱུྃ་བཾ་ཧོ༔ དེ་ནས་གཏོར་བྲོ་བྱ་བ་ནི་ལག་པ་ལུ་གུ་རྒྱུད་དུ་སྦྲེལ་ལ༔ ལས་བཞིའི་བྲོ་ར་སོ་སོར་བཅས་ལ༔ ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ གཏི་མུག་བུདྡྷ་རྡོ་རྗེ་ལ༔ ཞི་བའི་ལྷ་དང་ལྷ་མོས་བསྐོར༔ དངུལ་ལམ་དཀར་པོའི་ཤིང་རྣམས་ལ༔

[Full Size]

མགོ་བོ་རྒྱ་མདུད་རྩེ་ཟླུམ་པོ༔ སྐེད་པ་རྒྱ་མདུད་གཞལ་ཡས་ཁང་༔ ངོས་ལ་ཞི་བའི་ལྷ་བསྒོམས་ཏེ༔ བཏབ་པས་འཇིགས་བརྒྱད་ཞི་བར་འགྱུར༔ ཞི་མཛད་ལྷ་ལ་ཕྱག་འཚལ་བསྟོད༔ ཨོ་ཨོ་ཨཱ་མི་མཐུན་ཕྱོགས་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ ང་རྒྱལ་རིན་ཆེན་རྡོ་རྗེ་ལ༔ རྒྱས་པའི་ལྷ་དང་ལྷ་མོས་བསྐོར༔ གསེར་རམ་སེར་པོའི་ཤིང་རྣམས་ལ༔ མགོ་བོ་རྒྱ་མདུད་རྩེ་གྲུ་བཞི༔ ངོས་ལ་རྒྱས་པའི་ལྷ་བཀོད་དེ༔ བསྟབས་པས་འབྱོར་དྲུག་རྒྱས་པར་བྱེད༔ རྒྱས་མཛད་ལྷ་ལ་ཕྱག་འཚལ་བསྟོད༔ སྲ་སྭ་སྭ་ཚེ་དང་བསོད་ནམས་ཐམས་ཅད་པུཊྚི་ཀུ་རུ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ འདོད་ཆགས་པདྨ་རྡོ་རྗེ་ལ༔ དབང་གི་ལྷ་དང་ལྷ་མོས་བསྐོར༔ ཟངས་སམ་དམར་པོའི་ཤིང་རྣམས་ལ༔ མགོ་བོ་རྒྱ་མདུད་རྩེ་ཟླ་གམ༔ ངོས་ལ་དབང་གི་ལྷ་བཀོད་དེ༔ བཏབ་པས་སྣང་སྲིད་དབང་དུ་སྡུད༔ དབང་མཛད་ལྷ་ལ་ཕྱག་འཚལ་བསྟོད༔ ཧཱིཧིཧཱི༔ལྷ་འདྲེ་མི་གསུམ་དབང་དུ་འདུས་ཤིག་ཝ་

[Full Size]

ཤཾ་ཀུ་རུ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱིས་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ ཕྲག་དོག་ཀརྨ་རྡོ་རྗེ་ལ༔ དྲག་པོའི་ལྷ་དང་ལྷ་མོས་བསྐོར༔ ལྕགས་སམ་དྲག་པོའི་ཤིང་རྣམས་ལ༔ མགོ་བོ་རྒྱ་མདུད་རྩེ་ཟུར་གསུམ༔ ངོས་ལ་དྲག་པོའི་ལྷ་བཀོད་དེ༔ བཏབ་པས་དགྲ་བགེགས་རྡུལ་དུ་རློགས༔ དྲག་པོས་མ་བསྒྲལ་གང་ཡང་མེད༔ བརླག་མཛད་ལྷ་ལ་ཕྱག་འཚལ་བསྟོད༔ ཧཱ་ཧཱ་ཧཱ་དགྲ་བྱེད་གནོད་བྱེད་མཱ་ར་ཡ་ཧཱུྃ་ཕཊ༔ དེ་ནས་ཧཱུྃ་བཞིའི་སྔགས་ཀྱིས་མནན་ཏེ༔ ཨོཾ་སུམྦྷ་ནི་སུམྦྷ་ཧཱུྃ༔ གྲིབྷ་གྲིཉྩ་ཧཱུྃ༔ གྲཉྫཱ་པ་ཡ་གྲཉྫཱ་པ་ཡ་ཧཱུྃ༔ ཨཱ་ན་ཡ་ཧོ༔ བྷ་ག་ཝཱན་བིརྱ་རཱ་ཙ་ཡ་ཧཱུྃ་ཕཊ༔ བསྡུ་ན། ཧཱུྃ༔ ཆེ་མཆོག་དཔལ་དགུ་རོལ་པའི་བྲོ༔ དགྲ་བགེགས་དམ་སྲིའི་སྟེང་དུ་བརྡུང་༔ ཞི་ཁྲོ་བཀའ་བརྒྱད་རོལ་པའི་བྲོ༔ དགྲ་ནི་དུམ་བུར་གཏུབ་པའི་བྲོ༔ བགེགས་རྣམས་ཕྱེ་མར་བཏང་བའི་བྲོ༔ རུ་ཏྲ་དམ་སྲི་རྡུལ་དུ་རློགས༔ ཧཱུཾ་ཧཱུཾ་བྷ་ཡ་ནན༔ དེ་ནས་རྐང་པ་གཡས་གཡོན་གྱི་དཀྱིལ་དུ་གདབ་ཅིང་༔ ཧཱུྃ༔ དང་པོ་ཆོས་ཀྱི་དབྱིངས་ཀྱི་རྒྱ༔ གཉིས་པ་ཐབས་དང་ཤེས་རབ་རྒྱ༔ གསུམ་པ་སྐུ་གསུང་ཐུགས་ཀྱི་རྒྱ༔ དོན་དམ་བརྡའ་སྦྱར་རྟགས་ཀྱི་ཚུལ༔

[Full Size]

གཉིས་སུ་མེད་པར་རྒྱས་གདབ་བོ༔ དཔལ་དགུའི་སྔགས་ཤམ་དུ༔ ཨོ་ལཾ་ཧཱུཾ་ལཾ་་དགྲ་བགེགས་དམ་སྲི་སྟེ་བྷ་ཡ་ནན༔ ཞེས་ཐོ་བཙུགས་ཁྱུང་གིས་སྒབ་འདྲེ་བཅད་པ་ནི༔ རང་ཕྱོགས་ཀྱི་དབུ་ལ་ཁྱུང་གསལ་བར་བསྒོམས་ལ་སྒབ་འདྲེ་བཅད་པར་བསམས་ལ༔ ཨོཾ་བཛྲ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ཧཱུྃ༔ ཆེ་མཆོག་སྤྲུལ་པའི་བྱ་ཁྱུང་རྒྱལ༔ མཐུ་རྩལ་སྟོབས་ཀྱིས་སྡེ་བརྒྱད་འདུལ༔ བགེགས་དང་འབྱུང་པོའི་ཕྱིར་ལམ་ཆོད༔ བཛྲ་ག་རུ་ཊ་ཡ་ཧཱུྃ་ཕཊ༔ སརྦ་བྷུ་ཏ་ནན༔ ཤིང་བྱང་ལ་ཁྲོ་དང་གཡུང་དྲུང་བྲིས་ལ་བཙུགས༔ ལམ་དུ་ཕྱི་མིག་མི་ལྟ་བར་རྣམ་འཇོམས་དང་ཁྱུང་སྔགས་བཟླ་ཞིང་འོང་སྲོལ་ཡོད༔ ༈ དེ་ནས་གཏོར་མ་བསྐྱལ་ཚར་ནས་ཡང་ཁྱིམ་དུ་དཀྱིལ་འཁོར་གྱི་དྲུང་དུ་ཕྱིན་མ་ཐག་ལ་སྔགས་ཆས་རྣམས་མ་ཕུད་པར་བྲོ་བརྡུང་ཞིང་༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ ཆེ་མཆོག་དཔལ་དགུའི་ལྷ་ཚོགས་སྐུར་བསྒོམ་སྟེ༔ བདུད་དང་ཉོན་མོངས་གཡུལ་ངོ་ཆེན་པོ་ལས༔ ད་ནི་སྔགས་འཆང་རྣལ་འབྱོར་གཡས་སུ་རྒྱལ༔ བར་ཆད་རྐྱེན་ངན་གཡུལ་ངོ་ཆེན་པོ་ལས༔ ད་ནི་སྔགས་འཆང་རྣལ་འབྱོར་གཡས་སུ་རྒྱལ༔ ནད་གདོན་བགེགས་ཀྱི་གཡུལ་ངོ་ཆེན་པོ་ལས༔ ད་ནི་སྔགས་འཆང་རྣལ་འབྱོར་གཡས་སུ་རྒྱལ༔ རོལ་མོ་དཀྱིལ་

[Full Size]

འཁོར་ལ་ཕྱག་གསུམ་འཚལ། དེ་ནས་ཚེའི་འབྲང་རྒྱས་ཡོད་ན་ཡོན་བདག་གི་སྤྱི་བོར་བཞག་ལ། ཧཱུྃ༔ རྒྱལ་བ་ཞི་ཁྲོ་ཚེ་ཡི་བདག༔ ཅེས་ཀྱང་མི་འགྱུར་མི་ཤིགས་པ༔ ཚེ་སྲོག་བླ་ཁུག་རྒྱས་ཐོབ་ཅིག༔ ཨོཾ་བཛྲ་ཨ་ཡུ་ཥ་ཧཱུཾ་ཧཱུཾ་ནི་ཛ༔ ཚེ་དབང་དུ་གྱུར་ཅིག༔ སོགས་བརྗོད། དེ་ནས་བཤགས་པ་བྱ་བ་ནི། ཚེ་འཆང་དང་བཅས་པ་ཚེའི་འབྲང་རྒྱས་མཚོན་མི་བཏང་བར་བསྒོམ་སྟེ་རོལ་ལོ༔ ཧཱུྃ༔ བདེ་གཤེགས་ཞི་ཁྲོ་ཡོངས་རྫོགས་དགོངས༔ སྔོན་ནས་རང་དང་མཉམ་ཉིད་དོན༔ མ་རྟོགས་རང་མཚན་སོ་སོར་བཟུང་༔ དབྱེར་མེད་རྣམ་དག་ཀློང་དུ་བཤགས༔ ས་མ་ཡ་ཨི་ཧོ་ཤུདྡྷེ་ཨཱ༔ ཨོཾ་བཛྲ་ཧེ་རུ་ཀ་ས་མ་ཡ་སོགས་ཡིག་བརྒྱ་བརྗོད༔ དེ་ནས་མཆེད་ལྕམ་རྣམས་མདའ་དར་གཡོན་མར་འཆང་ཞལ་བུ་རེ་ཐོགས༔ སློབ་དཔོན་གྱིས་མེ་ཏོག་གཏོར་ཞིང་༔ ཧཱུྃ༔ རྣམ་སྣང་བཀྲ་ཤིས་ཆོས་དབྱིངས་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ རྡོར་སེམས་བཀྲ་ཤིས་མེ་ལོང་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ རིན་འབྱུང་བཀྲ་ཤིས་མཉམ་ཉིད་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ སྣང་མཐའི་བཀྲ་ཤིས་སོར་རྟོག་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་

[Full Size]

ལེགས་ཤོག༔ དོན་གྲུབ་བཀྲ་ཤིས་ནན་ཏན་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ སརྦ་སིདྡྷི་ཧཱུཾ༔ ཞེས་བཀྲ་ཤིས་ཀྱི་རྫས་དངོས་གྲུབ་ཏུ་རོལ༔ ཧོ༔ བསོད་ནམས་ཡེ་ཤེས་ཚོགས་གཉིས་དགེ་སྤྱད་མཐུ་བྱིན་གྱིས༔ བདག་གཞན་འགྲོ་བ་མ་ལུས་ཐམས་ཅད་ཀུན༔ ཞི་རྒྱས་དབང་དྲག་བཞི་ལ་མངའ་བརྙེས་ཏེ༔ སྐུ་གསུམ་ལྷུན་གྲུབ་འགྲོ་དོན་མཐར་ཕྱིན་ཤོག༔ སྨོན་ལམ་བཏབ་པ་ནི༔ ཧཱུྃ༔ དང་པོ་ཆོས་སྐུ་སྐྱེ་མེད་ངང་ཉིད་ལས༔ འགྲོ་དོན་སྐྱེ་བའི་ཆོ་འཕྲུལ་ཚོམ་བུ་དགུ༔ ཞི་ཁྲོ་ཡོངས་རྫོགས་འགྲོ་བ་ཀུན་བཏུལ་ནས༔ སླར་ཡང་རྣམ་དག་ཆོས་དབྱིངས་ཀློང་དུ་བསྡུ༔ ཨོཾ་ཨཱཿཧཱུྃ༔བཛྲ་མུཿ མཎྜལ་མཐའ་ནས་དབུས་སུ་བསྡུའོ༔ བདག་བསྐྱེད་སྣོད་བཅུད་ཐམས་ཅད་རང་ལ་བསྡུའོ༔ དེ་ནས་ཧཱུྃ་ཡིག་གྱེན་དུ་ཐིག་ལེར་བསྡུས་ནས་སྤྲོས་བྲལ་མྱང་འདས་ངང་ལ་ས་ལེར་བཞག༔ དེ་ནས་ཆད་ལྷག་ཁ་བཀང་བ་ནི༔ ཨཱ་ཨཱ་སོགས་དབྱངས་གསལ༔ ཨོཾ་བཛྲ་ཧེ་རུ་ཀ་ས་མ་ཡ༔ སོགས་ཡིག་བརྒྱ་དང་༔ དེ་ནས་རྒྱུན་སྤྱོད་གོ་བགོ་བ་ནི༔ ཧཱུྃ༔ ངར་འཛིན་རྣམ་དག་སྒྱུ་ལུས་མཁའ་འདྲ་འདི༔ དཔལ་ཆེན་སྐུ་གསུང་ཐུགས་ཀྱིས་རྒྱས་བཏབ་སྟེ༔ བདེན་པ་དབྱེར་མེད་ལྟ་སྤྱོད་ཟུང་འབྲེལ་ནས༔ རྒྱུན་དུ་

[Full Size]

འགྲོ་བ་འདྲེན་པའི་སྤྱོད་ལམ་བྱ༔ ཨོཾ་ཨཱཿཧཱུྃ་ཧྲིཧོ༔ ལས་བྱང་ལྟར་ལུས་སྲུང་གོ་བགོས་རྒྱུན་གྱི་སྤྱོད་ལམ་ལ་འཇུག་གོ༔ ཨེ་མ་ཧོ༔ བཀའ་བརྒྱད་ཁྲོ་བོ་རོལ་པའི་གཏོར་ཟློག་ཅེས༔ གངས་རིའི་ཁྲོད་འདིར་ཉི་ཟླ་ལྟར་གྲགས་ཀྱང་༔ ཕྱོགས་འདིར་ཅི་བཞིན་རྟོགས་པ་ཤིན་ཏུ་དཀོན༔ རྒྱས་བསྡུས་འབྲིང་དང་ཤིན་ཏུ་བསྡུས་པའི་ཚུལ༔ བཅས་དང་འདོན་འགྲིགས་སོ་སོར་མི་འགྱེད་པ༔ ཅི་བྱ་བརྟོལ་མེད་གང་བྱུང་དཔེ་རྣམས་འདོན༔ དེ་ལ་མ་བཟོད་བདག་གིས་འགྲིགས་འདི་བཀོད༔ ཕྱི་རབས་འདི་ལ་མོས་པའི་སྔགས་འཆང་རྣམས༔ རྒྱས་པར་འདོད་ན་ཉང་ལུགས་རྒྱས་པ་ལོངས༔ འབྲིང་པོར་འདོད་ན་ཆོས་དབང་ལུགས་ལྟར་གྱིས༔ བསྡུས་པར་འདོད་ན་འདི་ཉིད་ཉམས་སུ་ལོངས༔ ལས་བྱང་ཟློག་གཞུང་གཏེར་གཞུང་སླད་མེད་ཡིན༔ གོང་འོག་ཆ་ལག་ཧ་ཅང་ཉོབ་པ་རྣམས༔ གཏེར་གཞུང་དོན་བསྡུས་བདག་གིས་ཉུང་ངུར་བཀོད༔ འདི་ལ་འགལ་འཁྲུལ་བཅོས་སླད་ཉེས་པ་རྣམས༔ ཨོ་རྒྱན་རྗེ་དང་བཀའ་བརྒྱད་ལྷ་ལ་བཤགས༔ འདི་བྲིས་བདག་དང་འདི་ཉིད་ཉམས་ལེན་དང་འབྲེལ་པ་ཐོབ་པའི་ཡོན་བདག་ཐམས་ཅད་ཀྱང་༔ གནས་སྐབས་ཚེ་རིང་ནད་མེད་དཔལ་འབྱོར་རྒྱས༔ མཐར་ཐུག་ཀུན་བཟང་གོ་འཕང་ཐོབ་པར་ཤོག༔ ཅེས་པ་སྔགས་འཆང་ཀརྨ་ཨ་རཱ་གས་སྦྱར་བའོ༔ སརྦ་མངྒ་ལཾ༔ ཤུ་བྷཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་ཕར་བསྐྲུན་ཞུས།

འགྲེས་བྱང་།

[Full Size]

ཚེ་དབང་དུ་གྱུར་ཅིག༔ དབང་དངོས་གྲུབ་ཏུ་གྱུར་ཅིག༔ དངོས་གྲུབ་སྐྱེ་མེད་དུ་གྱུར་ཅིག༔ སྐྱེ་མེད་ཡེ་ཤེས་སུ་གྱུར་ཅིག༔ འཆི་མེད་ཡེ་ཤེས་ཀྱི་བདུད་རྩིར་གྱུར་ཅིག༔ མི་འགྱུར་བའི་གཡུང་དྲུང་དུ་གྱུར་ཅིག༔ མི་ཤིགས་པའི་རྡོ་རྗེར་གྱུར་ཅིག༔ མི་ནུབ་པའི་རྒྱལ་མཚན་དུ་གྱུར་ཅིག༔ འཁོར་ལོ་བསྐོར་བ་ལྟ་བུ་སྐུའི་ཚེ་དང་ལྡན་པར་གྱུར་ཅིག༔ པདྨ་བརྩེགས་པ་ལྟ་བུ་གསུང་གི་ཚེ་དང་ལྡན་པར་གྱུར་ཅིག༔ རིན་ཆེན་སྤུངས་པ་ལྟ་བུ་ཡོན་ཏན་གྱི་ཚེ་དང་ལྡན་པར་གྱུར་ཅིག༔ རལ་གྲི་དཀྲོལ་བ་ལྟ་བུ་ཕྲིན་ལས་ཀྱི་ཚེ་དང་ལྡན་པར་གྱུར་ཅིག༔ སྲ་བརྟན་རྡོ་རྗེ་ལྟ་བུ་ཐུགས་ཀྱི་ཚེ་དང་ལྡན་པར་གྱུར་ཅིག༔ ཚེ་དབང་རིན་པོ་ཆེ་ཕུན་ཚོགས་པའི་སྐལ་པ་དང་ལྡན་པར་གྱུར་ཅིག༔ སྐྱེ་མེད་ཚེ་འདི་བརྟན་པར་མཛོད༔ འགག་མེད་ཚེ་འདི་བརྟན་པར་མཛོད༔ འཁྲུལ་མེད་ཚེ་འདི་བརྟན་པར་མཛོད༔ ཚེ་ཆད་པ་ཡོད་ན་མཐུད༔ གས་པ་ཡོད་ན་སྲུབས༔ ཡར་བ་ཡོད་ན་བསྡུས༔ ཡོ་བ་ཡོད་ན་སྲུངས༔ ཉམས་པ་ཡོད་ན་བསྐང་༔ འཆི་མེད་རྡོ་རྗེ་ལྟ་བུའི་ཚེ་དང་ལྡན་པར་གྱུར་ཅིག༔ སྒས་མེད་ཉི་ཟླ་ལྟ་བུའི་ལུས་དང་ལྡན་པར་གྱུར་ཅིག༔ ཆད་

[Full Size]

མེད་རྡོ་རྗེ་ལྟ་བུའི་སྲོག་དང་ལྡན་པར་གྱུར་ཅིག༔ ཚེ་ལོ་ལྷུན་གྱིས་གྲུབ་པ་སྐྱེ་འཆི་བསྒྲེས་རྒུད་དང་བྲལ་བ་རིག་པ་འཛིན་པ་ཚེ་ལ་དབང་བ་མཆོག་གི་དངོས་གྲུབ་ཐོབ་པ་གུ་རུ་མཚོ་སྐྱེས་རྡོ་རྗེ་དང་མཉམ་པར་གྱུར་ཅིག༔ ཚེ་ཡི་བདག་པོ་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་དང་མཉམ་པར་གྱུར་ཅིག་ཅེས་དང་། གཞན་ཡང་ཚེ་གཟུངས་མང་དུ་བཟླའོ། །སངས་རྒྱས་གླིང་པའི་གཏེར་ཁ་ནས་བྱུང་བའི་ཚེ་བྱང་ངོ་།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་བརྒྱད་ཁྲོ་བོ་རོལ་པའི་མདོས་ཐབས་བཟློག་ཐབས་རྒྱས་འབྲིང་བསྡུས་གསུམ་བསམ་གཏན་ཆོ་ག་དང་བཅས་པའི་བཅའ་ཐབས་ཟིན་བྲིས་གསལ་བར་བཀོད་པ།

[Full Size]

བཀའ་བརྒྱད་ཁྲོ་བོ་རོལ་པའི་མདོས་ཐབས་བཟློག་ཐབས་རྒྱས་འབྲིང་བསྡུས་གསུམ་བསམ་གཏན་ཆོ་ག་དང་བཅས་པའི་བཅའ་ཐབས་ཟིན་བྲིས་གསལ་བར་བཀོད་པ་བཞུགས་སོ༔

[Full Size]

བཀའ་བརྒྱད་ཡོངས་རྫོགས་ལྷ་ལ་ཕྱག་འཚལ་ལོ༔ དགོངས་པ་གྲོལ་ཞིང་བྱིན་གྱིས་བརླབ་ཏུ་གསོལ༔ དེ་ཡང་རྒྱུད་གསང་བ་འདུས་པ་ལས༔ མདོས་ཀྱི་ལེའུ་གཏོར་ཟློག་གཉིས་པོ་སོ་སོར་གསུངས་སོ༔ མདོས་ལ་མ་མོ་གླིང་བཞི་སྲིད་པའི་སྤྱི་མདོས་ཆེན་པོ་བཀའ་མ་དང་༔ རཀྵ་གཏེར་སྟོན་གྱི་གཏེར་མ་དང་༔ མདོས་ཆེན་གཅིག་ལ་མདོས་ཕྲན་མང་པོས་བསྐོར་བ་ཡོད་དོ༔ ནམ་མཁའ་ཤིང་རིས་དར་དཔྱངས་རུ་མཚོན་གཟུགས་འགྲོས་རེ་རེ་ལའང་སྟོང་དང་ལྔ་བརྒྱ་རེ་དགོས་པ་དེ༔ སྔར་རྒྱལ་བ་གཡུང་སྟོན་པས༔ རྒྱ་ནག་རྒྱལ་པོའི་སྐུ་རིམ་ལ་བཅས་པས་ལྟས་དང་ཆོ་འཕྲུལ་ཆེན་

[Full Size]

པོ་བྱུང་སྐད༔ དེ་མིན་སུས་བཅས་པའི་ལོ་རྒྱུས་མི་སྣང་ལ་བཀའ་བརྒྱད་གླིང་བཞི་སྲིད་པའི་སྤྱི་མདོས་ནི༔ ཉང་གི་གཏེར་ཁ་ནས་བསྐང་ཆེན་བཞི་ཞེས་པ༔ མཆོད་པ་ཕུད་ཀྱིས་བསྐང་བ༔ དམ་རྫས་མདོས་ཀྱིས་བསྐང་བ༔ སྲོག་ཆགས་རྒྱུས་བསྐང་བ༔ གླིང་བཞི་མདོས་ཀྱིས་བསྐང་བ་དང་བཞི་ལས༔ གླིང་བཞི་སྤྱི་མདོས་གཅིག་དང་༔ ཆོས་དབང་གཏེར་ཁ་ནས༔ ཡོངས་རྫོགས་གླིང་བཞི་སྲིད་པའི་སྤྱི་མདོས་གཅིག་བྱུང་ནའང་༔ ཧ་ཅང་མདོས་ཆས་སོགས་དཀའ་བས་བཅའ་བའི་ཕྱག་ལེན་རྒྱུན་ཁམས་ཕྱོགས་འདིར་འབྱུང་བར་མི་སྣང་ངོ་༔ དེས་ན་སྤུ་ཀོང་རྣམས་སུ་ཁྲོ་བོ་

[Full Size]

རོལ་པ་བཅའ་ཟེར་བའི་སྲོལ་ཆེན་པོ་དར་བ་དང་༔ ཀཿཐོག་པའི་ཕྱག་ལེན་གྲུ་རིས་དང་བཅས་པ༔ མར་ཐང་དུ་མཁའ་དྲུང་གི་ཕྱག་སྲོལ་དར་བ་དང་༔ སྔགས་པ་ཕལ་ཆེར་གྱི་བཅའ་བ་ཐམས་ཅད་ནི༔ ཁྲོ་བོ་རོལ་པའི་སྨུག་ནག་མའི་གཏོར་ཟློག་འདི་ཁོ་ན་ལགས་སོ༔ འདི་ལ་མདོས་ཐབས་དང་ཟློག་ཐབས་གཉིས་ལས༔ མདོས་ཐབས་ལ་རྒྱས་འབྲིང་བསྡུས་གསུམ༔ ཟློག་ཐབས་སྒྲུབ་ཆེན་དང་འབྲེལ་བ་ཕོ་བྲང་ཉི་མ་དགུ་ཤར༔ ཟློག་པ་ཁ་རྐྱང་ལ་རྒྱས་འབྲིང་བསྡུས་གསུམ༔ ཤིན་ཏུ་བསྡུས་པ་རབ་ཏུ་བསྡུས་པ་དང་རྣམ་གྲངས་དགུའོ༔ དེ་རྣམས་ཀྱི་ཟིན་བྲིས་གཏེར་གཞུང་དང་མཛད་ཆོས་མཐའ་ཡས་པ་བྱུང་བ་རྣམས་ཀྱི་དོན་བསྡུས་གོ་བསྟུན་ནས་གང་དང་ཡང་མི་འགལ་ཞིང་༔ ལག་བླང་ཁྱེར་བདེ་བར་བཀོད་པ་ནི་འདི་ལྟར་རོ༔ དང་པོ་སྟ་གོན་དང་དངོས་གཞི་བཅའ་ལུགས་འདོན་ལུགས་སོ༔ ༈ དང་པོ་ནི་ཁྱུང་སོགས་ཙཀ་ལི་ཐམས་ཅད་དང་ནམ་གདུགས་སོགས་ནམ་མཁའ་རྣམས༔ འཁོར་ལོ་ཐམས་ཅད་དང་ཤིང་བྲིས་རྣམས་དང་༔ རི་རབ་ཀྱང་རབ་ཤིང་བྲེ་ལྟ་བུ་སྟེང་མ་རྒྱ་ཆེ་བ༔ དེ་འོག་ཅུང་ཡངས་བ༔ དེ་རྒྱབ་གཉིས་རྒྱ་དོག་ཞད་ཅན་གཙག་རྣམས་མཐོ་བ་ལ༔ ཤར་དཀར༔ ལྷོ་

[Full Size]

སྔོ༔ ནུབ་དམར༔ བྱང་ལྗང་བྱ༔ དེ་ལ་མདོས་གཞི་ཕྱི་ནང་གཉིས་གསུངས་པའི་ནང་མ་བང་རིམ་ཐ་མ་དེ་ཡིན་ནོ༔ མདོས་གཞི་སྒོ་ཁྲི་ཁྱེར་བདེ་བ་ལ་དབུས་སུ་སྲོག་ཤིང་ཟུར་བཞི་ཟུར་ཤིང་འཛུགས་པའི་བུག་པ་དང་༔ ཁྱེར་དུས་བཟུང་བདེ་བའི་ཡུ་བ་བཞི་བྱའོ༔ འདི་བཟློག་མདོས་ཡིན་ཕྱིར་ཕྱི་ལ་ཕུལ་དགོས་པས༔ དུད་ཆེ་འབྲིང་གི་སྒོ་ལས་ཐར་བའི་ཚད་གལ་ཆེའོ༔ གཞན་ཡང་རྩང་ཐུང་མཐོ་རེའམ་མཛུབ་རེ་ཙམ་ལ་ལྷག་རྒྱུ་དང་བཅས་པའི་བཞི་བརྒྱ༔ རྩང་རིང་བརྒྱ་དང་ལྷག་རྒྱུ་བཅས་བཞི་བཅུ་ཙམ༔ སྒོ་རྩང་བཞི་དར་གདུགས་རྒྱལ་མཚན་ཆུང་ངུ་བཞི༔ བྲུབ་ཁུང་ཕུར་པ་བཅུ་སོགས་ཐམས་ཅད་སྔར་ནས་འཛོམས་པར་བྱ་དགོས་སོ༔ ༈ དེ་ནས་ཟློག་ཐབས་ཤིན་ཏུ་རྒྱས་པ་ཕོ་བྲང་ཉི་མ་དགུ་ཤར་ནི་སྒྲུབ་ཆེན་གཏོར་ཟློག་དང་འབྲེལ་པ་ཡིན་ཏེ༔ སྒྲུབ་ཆེན་ནས་གསུངས་པ་ལྟར་ས་ཐིག་ཆོག་བྱས་མ་ཀྲྀ་བསྒྲལ་ལ༔ རྒྱལ་ཐོ་སྒོ་བྱང་དམ་སྲི་མནན་ཞིང་༔ སྔོན་འགྲོ་ཚ་ཚ་བཀའ་བཀླག་སོགས་དང་༔ རྡུལ་ཚོན་གྱི་ཕོ་བྲང་གླིང་དགུ་སྒོ་བཞི་བཅུ་པ་བྲིས་པའི་དབུས་དགུར་ལིང་ག་དགུ་སྟེང་ཕུར་པ་རེ༔ དེ་སྟེང་དཔལ་དགུའི་གཏོར་མ་ཆུང་དང་ཁྱུང་དང་འཁོར་ལོ་ཅན༔

[Full Size]

དབུས་སུ་སྨན་རཀ་མཆོད་པ་བསྐོར་བ་བཤམས༔ ལས་བཞིའི་གཏོར་མ་དང་༔ ལྷོ་ནུབ་མཚམས་སུ་རུ་ཏྲའི་མགོར་ཕོ་ཉའི་གསོལ་ཁ་སོགས་ནས་མཐར་སྡེ་དཔོན་གསོལ་ཁ་ཁྱུང་ཟློག་ཟོར་བཅས༔ དེ་རྒྱབ་ཕྱོགས་མཚམས་བརྒྱད་དུ་མར་མེ་དང་མཆོད་པ་སྣ་བདུན་ཆ་བརྒྱད༔ དེ་རྒྱབ་མདའ་བཞི༔ གྲི་བཞི༔ ཚོན་སྐུད་དྲྭ་བ་རྒྱལ་མཚན་མདའ་དར་མེ་ལོང་དར་འཕན་རྣམས་བཞི་རེ༔ སྟག་གི་སྒྲུབ་སྐོར་རྒྱབ་ནས་རྩང་ར་བསྐོར༔ དེ་རྒྱབ་གང་བདེར་ངར་མདོས་རྔ་མོང་ཟ་ལམ་རྣམས་བཅའ་འོ༔ དེ་ནས་ཐུན་པ་མང་མས་སྔགས་རྒྱུན་འཛབདབྱངས་སུ་གྱེར་བའི་སྟོང་རེའི་སོར༔ རྣལ་འབྱོར་པ་ཚན་གཅིག་གིས་སྟོང་ཚིག་གི་མཆོད་པ་བྱ༔ དེ་དུས་མཆོད་པ་གསོའོ༔ ཚན་གཅིག་གིས་དུས་དྲུག་ཏུ་ལས་བྱང་གཞུང་བསྲངས༔ ཚན་གཅིག་གིས་གསོལ་ཁ་ཐམས་ཅད་དང་ཕུད་བསྐང་སོགས་བྱ༔ ཚན་གཅིག་གིས་བསྐང་བ་བྱ༔ ཚན་གཅིག་གིས་ཉུ་ལེ་བསྐྲད༔ ནུས་པ་ཅན་ཚན་པ་དགུའི་སོ་སོར་དཔལ་དགུ་སོ་སོའི་བསྒྲལ་ལས་བསྟབ་པ་ཟློག་གཞུང་འདོན༔ ཚན་གཅིག་གིས་ཁྱུང་དང་རྔ་མོང་རྒྱལ་མཚན་དགུ་སོགས་འདོན༔ ཞག་བདུན་ནམ་དགུའི་བར་དུ་སྔགས་རྒྱུན་མ་ཆད་པར་བྱས་ལ༔ འབུལ་ཁ་ཉིན་

[Full Size]

སྒྲུབ་ཆེན་གཞུང་གི་ཕུར་འདེབས་རྒྱས་པར་བྱས་ལ༔ ཕུར་པ་ཐུན་པས་སྐྱེད་ལ་བསྐོར་བ་སོགས་འགྲིམས་ནས་མཆོད་གཡོག་པས་རྒྱབ༔ དེ་ནས་སྒོ་དབྱེ་གསེར་སྐྱེམས་སོགས་གཞུང་ལྟར་ལས་དཀྱིལ་འཁོར་གྱི་གཏོར་མ་རྣམས་སྒོ་ཁྲིར་ཕྱོགས་ཕྱོགས་སུ་བཀོད་དམ༔ ཕྲེང་དུ་ཁྱེར་ཡང་རུང་༔ ཕྱིར་ཁྱེར་ལ་ཟ་ལམ་ཟོར་རྟ་བྲོ༔ ནང་དུ་ཚེ་ཆོག་དང་རྒྱལ་ཐོ་བསྡུ་བ་སོགས་དང་དབང་དང་དངོས་གྲུབ་ལེན་པ་མར་མེ་སྨོན་ལམ་བཀྲ་ཤིས་བསྡུ་ཆོག་ཐམས་ཅད་སྒྲུབ་ཆེན་ཇི་ལྟ་བ་བཞིན་ནོ༔ འདི་ལ་རབ་རྣལ་འབྱོར་པ་བརྒྱ་རྩ༔ འབྲིང་ལྔ་བཅུ་ཐ་ན་ཡང་སུམ་ཅུ་ཙམ་མེད་ཐབས་མེད་ཅིང་སྔགས་རྒྱུན་དཀའ་བས་སུས་མི་འཁྱོངས་ཕྱིར་ཞིབ་པར་མ་སྨྲས་སོ༔ ༈ སྟབས་བདེ་བ་ལ་མདོས་ཐབས་ཟློག་ཐབས་གང་ལ་ཡང་སྔོན་འགྲོའི་ཚ་ཚ་ས་སྟེགས་སོགས་མི་དགོས་ཏེ༔ འོག་ཏུ་སེམས་ཅན་གང་རུང་གི་གཡང་གཞི་དེ་ཡང་གོད་ལྤགས་ཡིན་ན་གོད་གཅོད་འགྲོ་བས་ལེགས་ཏེ་ངེས་པར་བཤའ་མི་དགོས་སོ༔ དེའི་སྟེང་དུ་ཐིག་དགུ་ལིང་བཏབ་པའི་ལིང་ཚེ་རེ་ལ་ཁྲག་གམ་བཙག་གིས་ཆོས་འབྱུང་ཕྱི་ནག་ནང་དམར་དགུ་བྲི་བ་ཧོམ་ཁུང་དགུ་མཚོན༔ དབུས་མའི་སྟེང་དུ་བྲུབ་ཁུང་དུ་བསད་འཁོར་ལིང་ག་

[Full Size]

བཏུམ་པ་བཅུག་ལ་བཞག༔ སྟེང་དུ་རི་རབ་གཟུགས་ཀྱིས་ཁ་བཅད་དོ༔ གཞན་བརྒྱད་དུ་ཟན་ལིང་ཁྲག་གིས་སྦག་པ་བརྒྱད་བཞག་པ་ནི༔ དཔལ་དགུའི་གཏོར་མའི་ཞབས་སུ་ལིང་ག་བཅུག་གསུངས་པའི་དོན༔ དེའི་སྟེང་དུ་ལྡེང་ཁྲིའམ་ཅོག་ཅེ་བཞག་པའི་སྟེང་དུ་ལྷ་སྐུ་མེད་པའི་རས་བྲིས་ཀྱི་དཀྱིལ་ཐང་ངམ་ཤོག་གུའི་དཀྱིལ་འཁོར༔ མེད་ན་རུ་ཏྲའི་ལྟོ་བར་བྲིས་པའི་འཁོར་ལོ་རྩིབས་དགུ་ཅན་བཏིང་བ་དཀྱིལ་འཁོར༔ དེ་མེད་ན་དེར་གཞི་བཏིང་བ་ལ་ཚོམ་བུ་དགུ་བཀོད་པ་གཞན་གཙོ་འཁོར་བཞི་རེ་འདྲ་བ་ལ༔ ཤར་ལྷོ་འཁོར་ལྔ་བཀོད༔ དེ་རྒྱབ་མུ་ཁྱུད་གཉིས་རིམ་ནང་མ་ལ་ཕོ་ཉ་དང་༔ རྒྱབ་མ་ཕྱི་ཁྱམས་ལ་ལྷ་གྲངས་ཏེ་བསྡུ་ན་གྲངས་མེད་བྱའོ༔ དེ་སྟེང་ཁྲིའམ་ཨོ་བཅིང་སྟེང་མདོས་སམ་གཏོར་ཟློག་བཤམས་པ་ཡིན་ཏེ༔ གཏོར་ཟློག་རང་གི་སྙིང་ཁ་ལས་མི་མཐོ་བ་གལ་ཆེ་བས༔ ཀཿཐོག་སྔགས་པ་རྣམས་ཀྱིས་ཁྲི་མཐོན་པོ་བྱེད་སྐད་དོ༔ ༈ དེ་ནས་མདོས་ཐབས་ལ་ངེས་པར་མདོས་གཞི་གྲུ་བཞི་བྱ༔ དེ་སྟེང་སྲོག་ཤིང་བཙུགས་ལ་རི་རབ་ཤིང་ཡིན་ན་འབྲུ་ཡིས་བཀང་༔ འཇིམ་པ་ལ་བྱེད་ན་ནང་དུ་ཕུབ་རྒོད་ཐང་ལུད་རིལ་མ་སོགས་ཀྱིས་བཀང་ནས་ནང་དུ་རིན་པོ་ཆེ་དང་འབྲུ་བླུག༔ ཡང་ན་

[Full Size]

འབྲུ་སྣ་དང་གསེར་སྐྱེམས་བདར་རོ༔ རི་རབ་སྟེང་དུ་ཆེ་མཆོག་གཏོར་མ་གྲུ་གང་༔ མ་འབྱོར་ན་མར་རྒྱན་དང་བཅས་པ་གྲུ་གང་ཡོད་པ་བྱ༔ དེ་རྒྱབ་དམར་གཏོར་འཁྱུད་གང་བ་བཞི་ནི་སྲས་བཞི༔ དེ་རྒྱབ་ཀོང་ཟོར་དམར་གཏོར་གྱི་སྙིང་ཅན་དགུས་བསྐོར༔ དེ་རྒྱབ་ཅེ་སྤྱང་མ་བརྒྱད་ལ་སྙིང་གི་གཟུགས་བརྒྱད་དོ༔ དེ་འོག་བང་རིམ་ལ་ཕྱོགས་མཚམས་བརྒྱད་དུ་དམར་གཏོར་ཆེ་བ་བརྒྱད༔ རེ་རེ་ལའང་གཏོར་ཆུང་བཞི་རེས་བསྐོར་ཏེ༔ ཤར་ལྷོ་ན་འཁོར་ལྔ་ཡིན་ནོ༔ དེ་འོག་བང་རིམ་ན་དཔལ་བརྒྱད་རེ་རེའི་ཐད་དུ་ཀོང་ཟོར་དགུ་རེ་བཞག་པས༔ སྤྱིར་ཀོང་ཟོར་བརྒྱད་ཅུ་གྱ་གཅིག་གོ༔ དེ་འོག་བང་རིམ་ཐ་མ་ལ་དཔལ་བརྒྱད་ཀྱི་བཀའ་སྲུང་རྣམས་བཀོད་དེ༔ ཤར་དུ་སྡོམ་ཆང་དུ་བཅང་བའི་ཟན་ཉེར་བརྒྱད་ཁྲག་གིས་བྱུགས་པ་དབང་ཕྱུག་ཉེར་བརྒྱད་དོ༔ ༈ ལྷོ་ཕྱོགས་སུ་གྲི་ཐོགས་གིང་བཞི་ལ་བཤོས་བུ་གྲུ་བཞི་བཞི༔ ཁྲམ་ཐོགས་བདུད་ཕོ་བཞི་ལ་བདུད་བཤོས་གྲུ་གསུམ་བཞི༔ ཤོ་ཐོགས་རྩིས་པ་བཞི་ལ་བཙན་བཤོས་རྩེ་བྲན་བཞི༔ སྲོག་གཅོད་ཤན་པ་བཞི་ལ་བཤོས་བུ་ཟུར་གསུམ་རྩེ་དཀྱུས་བཞི༔ ༈ ནུབ་ཏུ་ཁམས་བརྒྱད་མ་དྲུག་ལ་འབྲང་རྒྱས་སྟེང་དུ་མི་

[Full Size]

མགོས་བརྒྱན་པ་དྲུག༔ སྨན་ལེབ་གྲུ་གསུམ་སྙིང་གིས་རྒྱན་པ་ཟུང་བཞི་ཞེས་པས་བརྒྱད་བྱས་ལ་གཉིས་རེ་ཐུ་རུས་སྦྲེལ་ལ་ལོང་བ་བརྒྱད་སྦྲེལ༔ ཁྱི་བརྒྱད་ལ་སྡོམ་ཆངས་བརྒྱད༔ སྤྱང་བརྒྱད་ལ་མི་རོ་བརྒྱད༔ ཕོ་ཉ་མཆེ་གཤོག་བཞི་ལ་བཤོས་དམར་བཞི༔ འབྲུག་མོ་བཞི་ལ་བཤོས་གཅུས་བཞི་བྱའོ༔ ༈ བྱང་དུ་ཤྭ་ན་མ་བཞི་ལ་མི་རོ་བཞི༔ བདག་ཉིད་མ་བཞི་ལ་སྙིང་བཞི། བསེ་མོ་བཞི་ལ་ཞག་དང་འོ་མ་དང་ཁྲག་དང་མར་ཁུའི་མཚོ་ཆུང་བཞི༔ གིང་བཞི་ལ་བཤོས་བུ་མཁར་ཐབས་བཞི༔ བདུད་བཞི་ལ་བདུད་བཤོས་བཞི༔ བསེའི་གིང་བཞི་ལ་བཤོས་བུ་རྩེ་རིང་བཞི་བཞག་གོ༔ ༔ ༈་ཤར་ལྷོར་ལས་བྱེད་མ་བཞིའམ་བརྒྱད༔ རྩིས་ཀྱི་མ་གསུམ་གསང་བའི་མ་གསུམ་རོ་ལངས་མ་གསུམ༔ ཕྱོགས་ཀྱི་མ་གསུམ༔ གདོང་མོ་བཞི་རྣམས་ལ་སྙིང་བཤོས་ཉེར་བརྒྱད་དམ་ཉེར་བཞི༔ ༈ ལྷོ་ནུབ་གིང་བཞི་ལ་སྙིང་བཞི༔ མཁའ་འགྲོ་མ་བཞི་ལ་ཐོད་ཁྲག་བཞི༔ ཤུགས་འགྲོ་བཞི་ལ་གཏོར་སྐྱུ་བཞི་བཞག༔ ༈ ནུབ་བྱང་དུ་སྡེ་དཔོན་སུམ་ཅུ་ལ་དམར་གཏོར་སུམ་ཅུ་བཞག་གོ༔ ༈ བྱང་ཤར་དུ་དྲེགས་པ་བཅོ་བརྒྱད་ལ་བཤོས་ནག་སྙིང་བཀལ་བ་བཅོ་བརྒྱད་བཞག༔ ༈ དེ་

[Full Size]

རྣམས་ཀྱི་བར་མཐེབ་སྐྱུས་བསྐོར་བ་འཁོར་ཐམས་ཅད་ཡིན་ནོ༔ དེ་ནས་མདོས་གཞི་འོག་མ་ལྕགས་རིའི་ནང་དུ་རྡུལ་མཚོན་ནམ༔ རས་ལ་བྲིས་པ་ཕྱོགས་བཞིར་བཀྲམ་པར་བདེ༔ མེད་ན་འཇིམ་པ་ལ་བྱས་ཀྱང་རུང་སྟེ༔ གླིང་བཞི་གླིང་ཕྲན་བརྒྱད་ཀྱི་གཟུགས་གདན་ཐབས་སུ་བྱ༔ དེ་ནས་སྡེ་བརྒྱད་གང་གནོད་པའི་ཡས་སྟགས་བཞི་རེ༔ མཚམས་བཞིར་བཀོད་པར་བཤད་ན་ཡང་༔ འདི་སྤྱི་བཟློག་ཡིན་པས་ཤར་དུ་མཁར་གྱི་སྟེང་དུ་རྒྱལ་པོའི་བཤོས་བུ་ལ༔ བནྡེ་ཀ་ལི་ཁུར་བ་བཞིའམ་གཅིག་ལ་བྱ་རྟ་ཁྱི་སྤྲེལ་དཀར་པོས་བསྐོར་ཏེ༔ གཟུགས་འདི་དག་ཙཀ་ལི་ཡོད་ན་ལེགས་ཀྱིས་མེད་ན་བསྐང་པར་བཏབ་ལ་འཛུགས་སོ༔ ལྷོར་བདུད་བཤོས་ལ་བདུད་ཕོ་རྟ་ནག་ཅན་ཁྲ་ཤིང་ཐོགས་པ་དང་བདུད་མོ་དྲེལ་ནག་ཞོན་པ་ཁྲམ་ཤིང་ཐོད་ཁྲག་ཅན་ནོ༔ ནུབ་ཏུ་ཀླུ་བཤོས་ལ་ཀླུའི་རྒྱལ་པོ་གཅིག་གམ་བཞི་ལ་སྦལ་སྤྲུལ་སོགས་ཀླུ་གཟུགས་བསྐོར་བ༔ བྱང་དུ་བཙན་བཤོས་མཁར་ཐབས་ལ་མི་དམར་རྟ་དམར་ལ་ར་དང་རའི་རྒྱལ་མཚན་བུ་ཆུང་ར་སླག་ཅན་རྩྭ་སྐྱའི་འཕྲུ་ཅན་མང་པོས་བསྐོར་བ༔ ཤར་ལྷོར་ཐན་གང་བྱུང་གཟུགས་སམ་སྙིང་བཙུགས་ལ་ལྟས་ངན་རྒྱལ་མོ་བོང་ཞོན༔ ཁྲམ་ཤིང་དང་

[Full Size]

མཚོན་དུ་ཐོགས་པ༔ ནད་རྐྱལ་མཆན་དུ་སྦས་པ༔ སྤྱི་བོར་འུག་པ་སྔོན་དུ་སྤྱང་ཀི་རྒྱབ་ཏུ་ཝ་མོ་བརྒྱལ་ཚུལ༔ ལྷོ་ནུབ་ཏུ་སྨན་ལེབ་ལ་བག་མ་བརྒྱན་ཅན་གཅིག་གམ་བཞི་ལ་བུད་མེད་ཐུལ་པ་ཅན་དགུའམ་བཞི་ཙམ་གྱིས་བསྐོར་བར་བྱའོ༔ ནུབ་བྱང་ཕོ་བཤོས་འབྲང་རྒྱས་ཕྱེད་དཀར༔ བྱང་ཤར་ཟུར་གསུམ་ཁྲོམ་རིས༔ ཟུར་བཞི་ལ་མར་མེ་བཞིའོ༔ ༈ དེ་ཡང་གཙོ་བོ་ཆེ་མཆོག་གཏོར་མ་ལ་ལོགས་གཅིག་ཁྲག་གིས་དམར་པོ༔ ལོགས་གཅིག་ཞག་གིས་སྨུག་པོ༔ ལོགས་གཅིག་ནག་པོ་བྱ༔ དེ་མན་ཐམས་ཅད་ཁྲག་བྱུག་གཙོ་བོ་ལ་མར་རྒྱན་མེ་རི་དང་༔ དཔལ་བརྒྱད་ལ་མེ་ལྕེ་རེའོ༔ གཞན་ལ་རྩེ་ཁྲ་ཚག་ཙམ་བྱ༔ ཀོང་ཟོར་གྱ་གཅིག་ལ་མར་རྒྱན་མི་བྱ༔ དེ་ནས་མདོས་ཐབས་འདི་བསྐང་བའི་གོ་ཆོད་ཡིན་པས༔ བང་རིམ་དང་པོ་ལ་བཀྲ་ཤིས་རྟགས་བརྒྱད་རྒྱལ་སྲིད་སྣ་བདུན༔ ཟུར་བཞིར་བྱ་ནག་སོགས་བྱ་རིགས་དེ་འོག་གཅན་གཟན་རི་དྭགས༔ དེ་འོག་གཡག་ནག་ལུག་ནག་སོགས་གཡུང་དྭགས༔ དེ་འོག་ཆུ་གནས༔ བར་བར་དུ་ཕྱག་མཚན་སོགས་བསྐང་འབྲས་ཆ་ཚང་བཙུགས་སོ༔ ནང་རྩང་ནི་དབུ་ཕྱག་གྲངས་ཡིན་པས༔ གཙོ་བོ་ལ་དབུ་ཉེར་གཅིག་ཕྱག་ཞེ་གཉིས༔ དཔལ་

[Full Size]

བརྒྱད་ལ་དབུ་གསུམ་ཕྱག་དྲུག༔ འཁོར་གཏོར་ཆུང་ཞལ་བ་གཅིག་ཕྱག་གཉིས༔ ཀོང་ཟོར་གྱི་གཅིག་ལ་རྩང་གསུམ་རེ་རྩང་ཐུང་༔ ནང་སོགས་ནི་དཔལ་དགུ་ལ་ཁྲམ་ཤིང་རེ་དང་ནམ་མཁའ་རེ་རེ་སྟེ་རང་མདོག༔ དེ་བཞིན་དུ་མདའ་དར་རང་མདོག༔ ཁྲོ་དབུ་དང་འཁོར་ལོ་ཕུར་པ་སོགས་སོ་སོར་བརྒྱན༔ སྤྱིར་ནམ་མཁའ་ཤིང་རིས་ཁྲམ་རིས་མདའ་འཕང་རྣམས་ལྷ་གྲངས་ཡིན་ཀྱང་རི་རབ་ཀྱི་ཕྱོགས་མཚམས་བརྒྱད་དུ་ཆ་རེ་རེ་ཙམ་གྱིས་འཐུས༔ དེ་ནས་ལྕགས་རི་ལ་ཟུར་ཤིང་བཞི་བེང་འདྲ་བ་གྲུ་བཞི་བཞི་ལ་སྟག་སོ་རིས་སམ་སེན་ཐབས་རིས༔ འབྱོར་ན་རྩེ་ལ་རྒྱལ་མཚན་བཞི༔ ཕྲེད་ཤིང་ཕྱི་ལ་ཐོད་པ་སྐམ་རློན་རྙིང་གསུམ་གྱིས་དྲ་བ་དྲ་ཕྱེད་དང་ར་བ༔ དེའི་ནང་ངོས་ལ་པ་ཏྲ་རིས་ཤིང་རིས་རྒྱས་པར་ན་སུམ་ཅུ། ཕོ་ཉ་ཡོངས་རྫོགས་གྲངས་ཀྱི་ཁྲམ་ཤིང་༔ མདའ་འཕང་ཕོ་ཐོང་མོ་ཐོང་དེ་ཙམ་མ་འཛོམས་ན་དཔལ་བརྒྱད་ཕོ་ཉ་ལ་ཁྲམ་ཤིང་བརྒྱད་དང་མདའ་འཕང་ཕྱི་སོར་ཕོ་མོ་བུ་གསུམ་ཐོང་༔ སྡེ་དཔོན་ཕྱི་ནང་དུ་བྲིས་པའི་ཁྲམ་ཤིང་སུམ་ཅུ༔ སྡེ་བརྒྱད་ལ་ཁྲམ་ཤིང་བརྒྱད་རྩང་བརྒྱ་རྩའོ༔ དེ་ལ་གདུགས་ནམ་སྟེང་དུ་ཆེ་མཆོག་ནམ་མཁའི་ངོས་སུ་ཁྱུང་ཆེན༔ དེ་སྟེང་ཉི་ཟླ་ནོར་

[Full Size]

བུའོ༔ ༈ སྣོད་བཙོ་གཞོང་གཙང་མི་དགོས་པ་གཉིས་ཀྱི་ནང་དུ༔ གཅིག་ནང་ངར་མི་རང་ངམ་ཡོན་བདག་གི་གཟུགས་ཆེ་བ་གཅིག་ལ་ལོ་གྲངས་ཀྱི་ཁྲམ་ཤིང་ཕྲག་པ་ལ་བཙུགས༔ གླུད་གོས་དང་ལུས་ལ་དྲུད་པའི་ཆངས་བུ་བཙོག་གླུད་དང་༔ མི་མང་ན་བན་སྐྱ་བུད་མེད་བྱིས་པའི་གཟུགས་དང་བཅས་པ་གཡས་གཡོན་དུ་བཞག༔ སྣོད་གཅིག་ཏུ་དུར་ས་ལ་དུག་སྣ་ཁྲག་སྣ་བསྲེས་ཏེ་རྔ་མོང་གི་གཟུགས་བྱས་པའི་དཔྲལ་བར་སྐྱེས་པ་སྟག་ཚས་དགུ༔ དཔུང་པ་གཡས་ལ་སྔགས་པ་ཐལ་རྡེབ་དགུ༔ དཔུང་པ་གཡོན་ལ་དགེ་སློང་འཁར་གསིལ་ལྷུང་བཟེད་ཅན་དགུ༔ དཔྱི་གཡས་ལ་ཁྱེའུ་འུར་རྡོ་ཐོགས་པ་དགུ༔ དཔྱི་གཡོན་ལ་བུད་མེད་ཐལ་རྡེབ་དགུ༔ རྩིབ་མ་གཡས་ལ་བོན་པོ་རྡོ་ཟོར་ཐོགས་པ་དགུ༔ རྩིབ་མ་གཡོན་ལ་ངར་གླུད་རྐང་དམར་ཐོགས་པ་དགུ༔ དེ་རྣམས་པར་བཏབ་ནས་བསྐང་འབྲས་ལྟར་ཡིན་ཀྱང་༔ ངར་གླུད་མ་གཏོགས་ཙཀ་ལི་བྱས་ན་བདེའོ༔ སྒལ་པའི་སྟེང་དུ་ཕྱེ་ཕུལ་གང་ལ་ཁྱུང་བཅའ་བར་གསུངས་ན་ཡང་༔ ཙཀ་ལི་མེད་ན་བཅའ་དཀའ་སྟེ༔ ཁྱུང་རལ་པ་བཅུ་གསུམ་གཡས་གཡོན་གཤོག་སྒྲོ་ལྔ་རེ༔ མཇུག་སྒྲོ་བརྒྱད་པ་བྱས་ལ་རལ་པ་ལ་དྲེད་མོང་རལ་འཛིང་

[Full Size]

བཅུ་གསུམ་བཀོད༔ གཤོག་ཟུར་གཡས་དང་པོར་སེངྒེ་དང་འབྲུག་སྔོན་གཉིས་འཐབས་པ༔ གཉིས་པ་ལ་སྟག་སེང་འཛིང་བ༔ གསུམ་པ་ལ་བུད་མེད་རལ་འཛིངས་གསུམ༔ བཞི་པ་ལ་དབྱིག་གི་ནོར་བུའི་གཟུགས་གསུམ༔ ལྔ་པ་ལ་རི་རབ་མེ་མཆེད་གཟུགས་གཉིས༔ གཡོན་གྱི་གཤོག་ཟུར་དང་པོ་ལ་རྒྱ་མཚོར་དུག་སྦྲུལ་འཁྱིལ་བ་གཅིག༔ གཉིས་པ་མཁའ་ལ་སྟག་མོ་འཕྱོ་བ་དང་༔ གསུམ་པ་མཁའ་ལ་བྱ་རྒོད་སྡེར་འཛིང་༔ བཞི་པ་ལ་གཡུ་ཤ་སྔོན་པོ་རུ་འཛིང་༔ སེངྒེ་ངུ་འབོད་དང་གཉིས༔ ལྔ་པ་ལ་གཡུ་སྒོང་ཡར་བ༔ ལྕགས་ཀྱི་སེར་བ༔ ཤེལ་སྣོད་དུ་དུག་གཡོས༔ ཟངས་སྒོང་འགྲིལ་བ༔ རལ་གྲི་མེ་འབར་ཀླད་ལ་བསྐོར་བ༔ ཉི་མ་སྤྲིན་གྱིས་སྒྲིབ་པ༔ འཚུབ་མ་རླུང་ནག་དང་སེངྒེ་གངས་སྟོད་ལྷུང་དང་ཤེལ་སྒོང་ཡལ༔ སྤྲིན་ཆེན་དམར་དང་བོང་བུ་བཅུད་ཆེན་ཟག༔ དེ་རྣམས་གཟུགས་མ་ནོར་བར་བཀོད་དོ༔ མཇུག་སྒྲོ་བརྒྱད་ལ་གསེར་སྦྲང་ཁྲ་བོ་དང་༔ ལྕུག་ཕྲན་ཟོར་གྱིས་བཅད་པ་དང་གླུད་སྤུ་རྣམས་བཀོད༔ རྔ་མོང་གི་མཐར་ཟོར་ཀོང་ས་ལ་བྱས་པ་བརྡའ་ཙམ་བཅུ་གསུམ་དུག་སྣ་ཁྲག་སྣ་ཐུན་སྣ་རྣམས་བླུག༔ མདུན་དུ་དམར་གཏོར་གཅིག་བཞག་

[Full Size]

གོ༔ རྔ་མོང་དེ་མདོས་ཆེན་གྱི་གཡས་སུ་བཤམས༔ རྒྱབ་ཏུ་ཟོར་སྣོད་གཅིག་ལ་ཟོར་གཞུང་ལྟར་བཅས་ལ་བཀོད༔ མདོས་ཀྱི་མདུན་དེར་ཟངས་སམ་སླ་ངའམ་རྫ་གསར་པ་གཙང་མའི་ནང་དུ༔ འབྲུ་ནག་གི་ཟན་མི་མགོ་ཙམ་གྱི་ཕྱེད་ལ་གཙོ་མོ་དང་ཕྱེད་ལ་འཁོར་བཅའ་བར་བཤད་ཀྱང་༔ གཙོ་མོ་ལ་མཛུབ་གང་ལས་མི་ཆུང་བ༔ འཁོར་པར་བཏབ་ནས་ཁྲག་བྱུག་ཀྱང་རུང་ལ་འཁོར་ཙཀ་ལི་གཅིག་ལ་བྲིས་ཏེ་རྒྱབ་ངོས་སུ་བཙུགས་ཀྱང་སྟབས་བདེ་བ་ཡིན་ཏེ༔ བུད་མེད་ཁྲག་གི་རལ་པ་ཅན་གཅིག་ལ་དེ་འདྲ་བ་བཅུ་གསུམ་གྱིས་བསྐོར་བའི་མདུན་དེར༔ གཏོར་ཆུང་ཤ་ཁྲག་གིས་བརྒྱན་པ་གཅིག་དང་༔ སྙིང་སྣ་དུམ་བུ་དང་༔ མེད་ན་སྙིང་གཟུགས་དང་༔ རིན་ཆེན་དང་སྨན་ཕུད་བླུག༔ ཉའི་མཁྲིས་པ་མེད་ན་ཉའི་གཟུགས་བཞག༔ གཙོ་བོའི་ཕྱག་གཡས་གཏོར་མ་དང་གཡོན་ཀོང་ཟོར་བཞག༔ མདོས་ཀྱི་མདུན་དེར་རེ་ནག་གམ་ཕྱར་ནག་བཏིང་དུ་ཁ་ཕྱིར་བསྒྱུར་ལ་བཞག་པ་ནི་སྲིན་མོ་ཟ་ལམ་གྱི་བཅས་སོ༔ ཞི་བའི་གཏོར་མ་ཆེ་མཆོག་གི་སྟེང་དུ་བཞག་ཅེས་པ་ནི༔ ཕུགས་གཏོར་མཐོ་བཅུག་པ་བླ་མའི་གཏོར་མས་འཐུས་ལ༔ གལ་ཏེ་སྤྲོས་པ་ལ་དགའ་ན་སྡེར་ཆུང་ནང་དེར་ཞི་བའི་གཏོར་མ་ཟླུམ་པོ་

[Full Size]

པད་འདབ་ཅན་མེ་ཏོག་གིས་བརྒྱན་པ་ཞིག་ནམ་གདུགས་ཀྱི་སྟེང་དུ་བཞག་གོ༔ ཤ་དཔུང་པའི་ལྷུ་ཚིགས་ལ་ཁ་མིག་མིའི་ངོ་བྲིས་ལ༔ དེ་དང་མཉམ་དུ་བསྒྲལ་རྒྱུའི་ཟན་ལིང་གཏོར་ཆུང་མང་པོ་དང་༔ སྣོད་གཅིག་ཏུ་ཐུན་ཕུར་པ་སོགས་དང་ཐོ་ལུ་གཅིག་རྣམས་བཞག་གོ༔ གཞན་ཕུགས་གཏོར་ཆ་ཚང་ཚོགས་གཏོར་འབུལ༔ ཡར་མཆོད་གཞི་དང་ཕྱིར་མདོས་མདུན་དུ་མཆོད་པ་སྣ་བདུན་ལེགས་པར་བཤམས༔ དེས་མདོས་རྒྱས་པའི་བཅའ་ཚོགས་ཧ་ལམ་ཆ་ཚང་བའོ༔ ༈ མདོས་འབྲིང་པོ་བྱེད་ན་གཞན་ཐམས་ཅད་སྔོན་གྱི་དེ་ལྟ་བུ་ལ༔ དཔལ་དགུའི་གཏོར་མ་སྔར་ལྟར་ལ་གཙོ་བོ་ལ་རྩང་དབུ་དགུ་ཕྱག་བཅོ་བརྒྱད་གྲངས་ཀྱིས་ཆོག༔ དཔལ་དགུའི་འཁོར་གྱི་གཏོར་ཆུང་བཞི་པོ་མི་དགོས༔ ཀོང་ཟོར་བཞི་རེས་བསྐོར༔ གཙོ་བོ་ལ་སྙིང་བཞི་རེས་བསྐོར༔ གཞན་ཕོ་ཉའི་གཏོར་མ་སྣ་ཁ་རེ་རེ་ཚང་བ་དང་༔ དབང་ཕྱུག་མ་ལ་ཡང་མདུན་དུ་བསྡུ༔ སྡེ་དཔོན་སུམ་ཅུ་གཙོ་ཆེ་བས་མི་བསྡུ་བར་རི་རབ་ཀྱི་ཕྱོགས་ཀུན་ནས་བཀྲམ་ལ་བཀོད༔ ལྕགས་རི་ནང་གི་བཤོས་བུ་སོགས་གལ་ཆེ་བ་གཅིག་གམ་བཞི་བྱས་ཐམས་ཅད་མི་དགོས་སོ༔ དཔལ་དགུའི་ཁྲམ་ཤིང་ནམ་མཁའ་དགུ་

[Full Size]

དང་༔ རི་རབ་ཕྱོགས་མཚམས་སུ་མདའ་འཕང་བརྒྱད་དང་༔ གཡས་ཕོ་ཐོང་གཡོན་མོ་ཐོང་མདུན་བུ་ཐོང་རྒྱབ་རྒྱང་བུ་རེ་རེ་བྱ༔ བསྐང་འབྲས་ནི་བཙུགས་ལྕགས་རི་ལ་སྡེ་དཔོན་ཁྲམ་ཤིང་ཕྱི་ནང་གཉིས་ཀ་ལ་བྲིས་ཏེ་བཅོ་བརྒྱད་བསྡུས༔ ཤིང་རིས་མདའ་འཕང་གང་འཛོམ་ཙམ༔ ཟུར་ཤིང་འཕྲེད་ཤིང་འཛོམ་ན་ལེགས༔ མེད་ཀྱང་རུང་རྩང་རེ་བཞི་ཙམ་བྱ༔ རྔ་མོང་ཟ་ལམ་མེད་ཀྱང་རུང་༔ བཅས་ཀྱང་ཆོག་གོ༔ ༈ མདོས་བསྡུས་པ་ལ་སྤྱིར་གོང་ལྟར་རི་རབ་སོགས་བྱས་ལ་ཀོང་ཟོར་གཉིས་རེས་ཆོག༔ སྙིང་གཉིས་དང་གཙོ་བོ་ལ་ལྔ༔ དཔལ་བརྒྱུད་ལ་དམར་གཏོར་རེ་རེ༔ དེ་འོག་ཀོང་ཟོར་བཅོ་བརྒྱད༔ དེ་འོག་ཕོ་ཉའི་བཤོས་བུ་སྣ་རེ་ལ་རེ་རེ༔ སྡེ་དཔོན་སུམ་ཅུ་དམར་གཏོར་གསུམ་ལ་བསྡུ༔ ལྕགས་རི་ལ་སྡེ་བརྒྱད་ཡས་དེ་བཤོས་བུ་ཁ་རྐྱང་ལས་གཟུགས་མི་དགོས༔ རྔ་མོང་ཟ་ལམ་མེད༔ ཟོར་དང་ངར་མི་གཉིས་ནི་བྱའོ༔ ཟོར་མི་འཕེན་ན་མི་བཅའོ༔ དེ་ནས་ཟློག་པ་རྒྱས་བསྡུས་འབྲིང་གསུམ་གང་བཅའ་ཡང་༔ མདོས་གཞི་གྲུ་བཞི་མི་དགོས༔ ནམ་མཁའ་ཤིང་རིས་མདའ་འཕང་སོགས་མི་དགོས་སོ༔ ཟློག་ཐབས་རྒྱས་འབྲིང་གཉིས་ལ་མཆོད་གཞི་

[Full Size]

དཀྱིལ་འཁོར་ནི་གོང་དང་འདྲ་ལ༔ རྒྱས་པ་ལ་དེའི་སྟེང་ཅུང་ཟད་མཐོ་བར་ཕུབ་ཆེན་ཕུབ་རྒོད་སོགས་ཀྱིས་བཀང་༔ འཇིམ་ཞལ་དང་རྩང་བཙུགས་པའི་འཇིམ་ར་བྱས་པའི་དབུས་སུ་ཆེ་མཆོག་གཏོར་མ་འཁོར་བཞི་དང་ཀོང་ཟོར་དགུས་བསྐོར༔ དེ་རྒྱབ་སྙིང་དགུའོ༔ ཕྱོགས་མཚམས་དཔལ་བརྒྱད་ལ་འཁོར་བཞི་རེ༔ ཤར་ལྷོར་འཁོར་ལྔ༔ བརྒྱད་ཀ་ལ་ཀོང་ཟོར་དགུ་རེས་བསྐོར༔ དེ་རྒྱབ་དཔལ་དགུའི་ཕོ་ཉའི་བཤོས་བུ་རྣམས་གོང་ལྟར་སོ་སོར་རྒྱས་པར་བསྐོར༔ ཕྱི་རྩང་ནང་རྩང་གོང་ལྟར་བཙུགས༔ མདའ་དར་དགུ་ཁྱུང་དགུའི་འཁོར་ལོ་ཕུར་པ་སོགས་གོང་ལྟར་ལས་དར་གདུགས་ཕུབ་སོགས་བསྐང་བ་སྤྱི་ལྟར་ལོགས་སུ་བཅའ་ལ་རྒྱབ་ཏུ་བཞག༔ རྔ་མོང་ཟ་ལམ་ངར་མི་གོང་ལྟར་བཅའོ༔ ༈ གཏོར་ཟློག་འབྲིང་ནི་ལྕགས་འགུ་ཆེན་པོར་འཇིམ་ཞལ་བྱས་པར༔ དཔལ་དགུའི་གཏོར་མ་ལ་འཁོར་མེད་པར་ཀོང་ཟོར་དགུ་རེས་བསྐོར༔ ཕྱི་རྩང་ནང་རྩང་མདའ་དར་ཁྱུང་སོགས་གོང་དང་འདྲ་བ་ལ༔ བཙོ་ཆུང་ངམ་ཀ་ཏོ་ར་ལྟ་བུར་དམར་གཏོར་རྩེ་དགུ་པ་གཅིག་ལ་ཕོ་ཉའི་བཤོས་བུ་ཐམས་ཅད་ཀྱིས་སྤུངས་པ་ལྟར་བསྐོར་ཏེ་གཡས་སུ་བཞག༔ བསྐང་གཏོར་སྡེར་ཆེན་གང་གཡོན་དུ་

[Full Size]

བཞག༔ ཟོར་བཅས་པ་རྒྱབ་ཏུ༔ ངར་མདོས་མདུན་དུ་བཞག༔ ཟ་ལམ་རྔ་མོང་མི་དགོས་སོ༔ ༈ གཏོར་ཟློག་བསྡུས་པ་ནི་ལྕགས་ཆུང་འཇིམ་ཞལ་བྱས་པར་དཔལ་ད་གཏོར་མ་ལ་རྩང་རེ་རེ་བཙུགས་པས་ཀོང་ཟོར་འདུས༔ གཙོ་བོ་ལ་ཟན་སྦར་ཆང་བཞི༔ ཤར་དུ་སྙིང་གཟུགས་བཞི༔ ཤར་ལྷོར་བཞི༔ གཞན་བཀའ་སྲུང་གི་བཤོས་བུ་ཐམས་ཅད་སྣ་རེ་མཐེབ་སྐྱུ་ཙམ་པ་བརྡ་མཚོན་རེ་མཐེབ་སྐྱུ་ལྟར་སོ་སོའི་འགྲམ་དུ་བླུག༔ རྩོང་རེ་དང་ཁྱུང་གི་ཙཀ་ལི་དར་གདུགས་བྱ༔ ཁྲོ་དབུ་འཁོར་ལོ་སོགས་མེད་ཀྱང་ཆོག༔ འོག་ཏུ་གཡང་གཞི་ལིང་ཚེ་དགུ་ལ་ཟན་ལིང་༔ དེ་སྟེང་གཞི་ལ་ནས་ཚོམ་དགུ་བྱས་པའི་སྟེང་དུ་བཤམས༔ བསྐང་བ་གཅིག་ཕུགས་གཏོར་གྲལ་བཅའ་བ་སྟེ༔ སྔར་ནས་ཕྱག་ལེན་རྒྱུན་ཡོད་པའི་སྔགས་རྒན་ཀུན་གྱིས་དེ་ཙམ་མོ༔ ༈ གཏོར་ཟློག་ཤིན་ཏུ་བསྡུས་པ་ནི༔ ཟངས་ལྕགས་ཀྱི་སྡེར་རམ་ཐོད་པར་དམར་གཏོར་གཙོ་འཁོར་དགུ་ལ་མཐེབ་སྐྱུས་བསྐོར་བ་དཔལ་དགུ་བཀའ་སྲུང་དང་བཅས་པ༔ རྩེ་ལ་ཁྱུང་གཅིག་པར་བཏབ་ལ་བཙུགས༔ ཟན་ལིང་གཅིག་བསྒྲལ་རྒྱུ་བྱ༔ ཚར་གཅིག་འདོན་ནས་ཕུལ་ལམ་འཕེན་པ་སྟེ༔ མངའ་རི་རིག་འཛིན་ཆེན་པོ་

[Full Size]

བསམ་ཡས་སྡེ་པས་བཙོན་དུ་བཟུང་༔ ལྕགས་བླུགས་བང་བར་བཅུག་ནས་གཟེ་ལྕགས་སྤྲད་པ་ན༔ ནམ་ཕྱེད་མགོན་པོ་མ་ནིང་བྱོན་ནས་བང་བ་དང་ལྕགས་ཕྱེས་ཏེ་ཁོང་ཁྱེར་ཏེ་བསམ་ཡས་མཆོད་རྟེན་དཀར་པོའི་རྩེ་ལ་བཞག་པས་ཁོང་བྲོས་ནས་ལུང་པའི་ཕུ་བྲག་ཕུག་སྟོང་པ་གཅིག་ཏུ་ཐར་བ་དང་༔ ཁོ་རང་གིས་གསང་ཆེན་ལ་གཏོར་མ་གཙོ་བོ་དགུ་བརྡ་ཙམ་རྡོ་ལེབ་སྟེང་དུ་བཅས་གསང་ཆབ་ཀྱིས་བྲན་ནས་ཁྲོ་བོ་རོལ་པ་ཐུགས་ཐོགས་ནས་ཚར་གཅིག་བཏོན་ནས་འཕངས་བས་གཏོར་མ་མེ་དཔུང་ཆེན་པོར་གྱུར་ཏེ་སོང་བས༔ བསམ་ཡས་སྡེ་པ་ཧུར་ཐུམ་དུ་ཤི་ནས་རབས་ཆད་སྐད༔ དེའི་ཕྱག་ལེན་ཡིན་ཟེར་བའི་ངག་རྒྱུན་འདུག་གོ༔ འདི་ཚེས་བཅུ་དགུ་གཏོར་ཞོར་ལ་བྱས་ན་རང་གི་རྐྱེན་སེལ་ལོ༔ ༈ གཏོར་ཟློག་རབ་ཏུ་རྒྱས་པ་བསམ་གཏན་ཆོ་ག་ནི༔ རབ་རྣལ་འབྱོར་པ་བསྐྱེད་རྫོགས་ལྟ་དགོངས་ལྡན་པས་བཅའ་ཚོགས་རྒྱས་པ་མ་ལྕོགས་ན་བྱ་སྟེ༔ བཀའ་བརྒྱད་བདེ་གཤེགས་མདོས་ཆེན་གཏོར་ཟློག་གི་རྩ་ཚིག་གཏེར་གཞུང་ལྷད་མེད་ལས༔ བྷན་ལྕང་ལོ་འབྲུ་བཅུད་གཏོར་མར་བཅས༔ མི་མཐུན་དགྲ་བགེགས་གདུག་པའི་བསམ་སྦྱོར་ཟློག༔ བམ་ཆེན་ཤ་འམ་མེད་ན་སྲོག་ཆགས

[Full Size]

ཤ༔ དེ་ཡང་མེད་ན་ཟན་གྱི་ཉ་བོ་ལ༔ དགྲ་བགེགས་གང་གནོད་དེ་དམིགས་བསྒྲལ་བར་བྱ༔ གཏོར་མ་བཅུ་འམ་ཡང་ན་བཟང་པོ་གཅིག༔ ཤ་སྣ་ཁྲག་སྣ་ཡང་ན་མེ་ཏོག་ཚོགས༔ བརྒྱན་རྣམས་ཀུན་དང་ལྡན་པའི་དམར་གཏོར་བཤམས༔ ཞེས་གསུངས་པའི་དོན་ཏེ༔ བྷིནྡའམ་ཟངས་ལྕགས་ཀྱི་སྡེར་མར་དམར་གཏོར་བཟང་བ་གཅིག་གི་རྩེ་ལ་མེ་རི་དང་ཁྱུང་ནི་དཔལ་དགུ༔ མེ་ཏོག་འདབ་བརྒྱད་ནི་དཀྱིལ་འཁོར༔ མཐེབ་སྐྱུ་དགུ་ཁ་ཕྱིར་བསྟན་པ་ཕོ་ཉ༔ ཤ་ཁྲག་རྩང་གིས་བརྒྱན༔ ཟན་ལིང་ངམ་ཤོག་ལིང་མགོ་ཐུར་དུ་བཙུགས་སོ༔ དེ་ནི་ཕུགས་གཏོར་དང་བསྐང་ཟློག་ཐམས་ཅད་དེས་ཆོག་པ་སྟེ༔ མེ་ཏོག་དཀྱིལ་འཁོར་གཏོར་མའི་སྟོད་མཆོད་པ༔ བར་བསྐང་རྫས༔ སྨད་གྲ་བགེགས་ཤ་ཁྲག་ཟློག་གཏོར་དུ་དམིགས་ནས་ཕྲིན་ལས་རྒྱས་བསྡུས་གང་འདོད་བྱས་ཏེ་རྒྱུན་ཁྱེར་ཞག་མང་བྱེད་པའམ༔ འཕྲལ་དུ་ཚར་གཅིག་གིས་ཕུལ་ཡང་རུང་སྟེ༔ དེས་ནི་བཅའ་ཚོགས་རྒྱས་བསྡུས་ཐམས་ཅད་རྫོགས༔ ༈ དེ་ནས་འདོན་ལུགས་འགྲིགས་ནི༔ བཀའ་བརྒྱད་བཀའ་མའམ་ཉང་ལུགས་ལས་བྱང་རྒྱས་པ་ཀློང་ཆེན་རབ་འབྱམས་པས་བསྒྲིགས་པ་དང་༔ ཞིག་པོ་གླིང་པས་བསྒྲིགས་པ༔ འབྲིང་པོ་

[Full Size]

ཞིག་པོ་གླིང་པའི་སློབ་མ་ཞིག་གིས་བསྒྲིགས་པ༔ བསྡུས་པ་ཉང་ལུགས་ནག་ཐུས༔ གྲུ་རུ་ལུགས་རྒྱས་པ་ཀློང་ཆེན་པས་བསྒྲིགས་པ༔ འབྲིང་པོ་ཆོས་དབང་གི་གདུང་རྒྱུད་ཅིག་གིས་བསྒྲིགས་པའི་པར་མ༔ བསྡུས་པ་ནག་ཐུས་ཏེ༔ དེ་རྣམས་གཙོ་བོ་གང་བྱེད་གཅིག་གིས་འཛབ་དགོངས་ཡན་ཆད་གཞུང་བསྲངས་ནས༔ དེ་ནས་གཏོར་ཟློག་གཞུང་དང་དེའི་ཆ་ལག་ཤིན་ཏུ་མང་བ་རྣམས་ནི་ཉང་ལུགས་ལ་རྒྱས་བསྡུས་གཉིས་རེ༔ ཆོས་དབང་ལུགས་ལ་འབྲིང་པོ་རེ་ཡོད་པས་གང་འདོད་འདོན་རེས་བྱེད་དེ༔ ཉང་གུར་ལུགས་གཉིས་བསྲེ་འདོན་གྱི་སྲོལ་ཆེན་པོ་སྣང་ངོ་༔ དེ་ལ་ཚོ་ཆེན་དྲུག་སྤྱད་པ་གལ་ཆེ་ཞེས༔ བཞི་སྟོད་དང་གཅིག༔ རྒྱལ་བ་སྤྱི་བསྐུལ་དང་གཉིས༔ ཕུར་ཐུན་དང་གསུམ༔ ཐུན་དྲུག་དང་བཞི༔ དྲུག་བསྟོད་དང་ལྔ༔ དོན་བདུན་དང་དྲུག་ཡིན་སྐད་དོ༔ དེ་ནི་ཀཐོག་ལུགས་སོ༔ སྔོན་འགྲོ་སྐྱབས་སེམས་དཀར་བགེགས་དང་མཚམས་བཅད་ལྷ་དབུ་ཉེར་གཅིག་ཅན་བསྐྱེད་ནས་མཚམས་བཅད་དོ༔ གུ་རུ་ལུགས་ཀྱི་ནག་ཐུས་གཞུང་བསྲང་༔ འཛབ་བསྙེན་བསྐང་གསོ་དང་ཕོ་ཉ༔ གབ་པ་དོན་བདུན་དང་དྲུག་བསྟོད་སོགས་བྱཱ༔ གཏོར་ཟློག་འདོན་ཞིང་ཚར་ཁ་

[Full Size]

ཉིན་པར་གབ་མི་སྤྱད་པ་མར་ཐང་ལུགས་ཡིན་ཟེར་བ་ཐོས༔ སྔོན་འགྲོ་མཚམས་ལྷ་གོང་ལྟར་ལ་ཐུགས་སྒྲུབ་དང་ནག་ཐུས་འདོན༔ བསྐང་བ་བྱ༔ ཕོ་ཉ་བསྐུལ་ཞིང་གཏོར་ཆུང་འབུལ༔ དོན་བདུན་དང་ཕུར་ཐུན་ཚོམ་བསྐུལ༔ དེ་ནས་གཏོར་ཟློག་གཞུང་འདོན༔ དེ་གོང་ཚོགས་དང་ཆད་མདོ་བྱེད༔ གབ་མི་སྤྱད་པ་སྤུ་བོ་ལུགས་ཡིན་ཟེར་ནས་བྱེད་པའི་རྒྱུན་འཇགས་པ་མཐོང་སྟེ༔ ཁུང་ཐུབ་པ་མིན་ནམ་སེམས༔ དེ་ལ་གཞུང་ལས་ཆ་ལག་གཅིག་ཀྱང་མི་སྣང་བས་སོ༔ གཞན་སྔོན་གྱི་ཟིན་བྲིས་མི་འདྲ་བ་བདུན་ཙམ་མཐོང་སྟེ༔ ལ་ལ་ཁུངས་ཐུབ་ཀྱང་སྟབས་མི་བདེ༔ ལ་ལ་རྨོངས་པས་མཐོང་བའི་རྒྱུན་ལྟར་སོང་བས་མང་བར་སྣང་ངོ་༔ སྒྲུབ་ཆེན་དང་འབྲེལ་བའི་ལུགས་ནི་བྲིར་མི་ལོང་ཞིང་དགོས་པ་ཆུང་༔ རྒྱས་པ་ཀཿཐོག་ལུགས་དེ་ཡང་ཧ་ཀྱང་མང་དྲགས་པས་འདོན་ཚོད་ཟིན་དཀའོ༔ ༈ འདིར་བསྡུས་པ་ལ་མདོས་ཐབས་དང་ཟློག་ཐབས་གང་བྱེད་ཀྱང་༔ སྐྱབས་སེམས་དཀར་བགེགས་སོགས་ཐུགས་སྒྲུབ་བམ་རང་གི་ཡི་དམ་གཙོ་བོ་གང་ཡིན་དེས་འཐུས་ལ༔ འདི་རང་ལ་རྙིང་མ་སྤྱི་ཡི་སྔོན་འགྲོ་བསྡུས་པ་དེ་བྱས་ན་ལེགས༔ དེ་ནས་ནག་ཐུས་ལས་བྱང་གཞུང་བསྲང་ངོ་༔ འཛབ་

[Full Size]

དགོངས་རེ་རེ་ལ་བརྒྱ་རེ་དང་༔ སྟོང་ཚིག་གི་མཆོད་པ་བྱ༔ བསྡུ་ན་འཛབ་དགོངས་ཐམས་ཅད་དུས་གཅིག་བསྙེན་ནས་སྟོང་ཚིག་མཆོད་པ་གཅིག་ཏུ་བསྡུ༔ དེ་ཡན་ནི་ཁྱད་མེད་ལ༔ དེ་ནས་རང་གི་ཡི་དམ་ཆོས་སྐྱོང་གི་ལྷ་གཞུང་ཆག་མི་རུང་བ་གང་ཡོད་འདོན༔ དེ་ནས་ཚོགས་བྱས་ལ་ཚོགས་ཕུད་ཀྱིས་ཕུགས་གཏོར་གསོས་ལ༔ གཏོར་བསྔོས་ཆག་མེད་གང་ཡོད་ཁཱ་ཧི་བྱ༔ ཚོགས་བར་པས་བསྐང་གཏོར་གསོ་ལ་ཉང་ལུགས་ཀྱི་མདངས་བསྐང་རྒྱས་པའམ༔ ཆོས་དབང་ལུགས་ཀྱི་བསྡུས་པ་གཉིས་དལ་ཁོམ་དང་བསྟུན་ལ་འདོན༔ སྐབས་དེར་ཡི་དམ་ཆོས་སྐྱོང་གི་བསྐང་བ་ཆག་མི་རུང་བ་གང་ཡོད་འདོན༔ དེ་ཡང་མདོས་དུས་བསྐང་བ་ལོགས་ན་མེད་པས་མདོས་བྲན་ལ་བསྐང་བ་བྱིན་བརླབས་བྱས་ལ་བསྐང་བ་རྣམས་འདོན༔ ཟློག་པ་རྐྱང་པ་ལ་བསྐང་བ་གསོ་བའི་ཁྱད་པར་ཡོད༔ བསྐང་བའི་མཇུག་ནས་མདོས་འདོན་ཏེ༔ ཆོས་དབང་ལུགས་ཀྱིས་མི་མངོན་དབྱིངས་བསྐུལ་ལ༔ དབྱིངས་ནས་སྐུ་བསྐྱོད་དམ་རྫས་འདི་བཞེས་ལ༔ ཞེས་ཚིག་ཁ་བསྒྱུར་བ་དང་༔ དེ་ནས་ཕོ་ཉ་སྒོས་བསྐུལ་རྒྱས་པ་འདོན་ཏེ༔ འདོན་ཡོན་རྒྱན་པའི་མདོས་གཏོར་བཞེས་ཞེས་ཚིག་ཁ་བསྒྱུར༔ དེ་ནས་

[Full Size]

སྡེ་དཔོན་སུམ་ཅུའི་གསོལ་ཁ་འདོན་ཏེ་མཚམས་མཚམས་སུ་མཐུན་པའི་དམ་རྫས་མདོས་བཞེས་ལ་ཞེས་ཚིག་བསྒྱུར༔ དེ་ནས་ཁ་བཀང་བའི་འཕྱོངས་རྣམས་འདོན༔ དེ་ནས་ཚོགས་ཐ་མའི་ཟན་དུམ་རེ་དང་ཤ་དུམ་རེ་དང་༔ གཏོར་ཆུང་རེ་དང་ལིང་ཆུང་རེ་རེ་ནས་བཤམས་པའམ༔ མདུན་དུ་གཞི་ནག་པོ་ལ་དུས་གཅིག་བཤམས༔ ཕུར་པ་ཐུན་རྫས་དང་བཅས་པ་མདུན་དུ་བཤམས་ནས༔ གཞུང་གི་ཆེ་མཆོག་གི་བསྒྲལ་ལས་བྱ་སྟེ༔ ཡོན་བདག་ལ་དམིགས་པ་སྤྱོད་ལ་ཤ་དཔུང་ལྷུ་ལ་ཁ་མིག་བྲིས་པ༔ གནོད་བྱེད་དངོས་སུ་དམིགས་ལ་བསྒྲལ་ལས་དུས་དགྲ་དཔུང་ཆོག༔ བགེགས་དཔུང་ཤིག་བརྗོད་ཅིང་ཐོ་ལུམ་གྱིས་དཔུང་པ་བཅག་བཅུག་པའི་ཤ་དུམ་རེ་དང་འབྲུ་ནག་སྐབས་སུ་མདོས་སུ་འབུལ་བཅུག༔ ཆེ་མཆོག་གི་ཟློག་གཞུང་འདོན༔ ཁྲམ་མདོས་ཀྱི་ཆེ་མཆོག་ལེའུ་འདོན༔ དེ་བཞིན་དུ་བསྒྲལ་ལས་དང་ཟློག་གཞུང་ཁྲམ་མདོས་གསུམ་གབ་སྤྱད་ལ་འདོན༔ དེ་ཡང་མཆོད་གཡོག་འཛོམ་ན་དམར་སྦེང་དུས་རཀྟས་བྲན་པ་དང་༔ བསྟབ་པ་དུས་ལིང་རོ་ཤ་དུམ་གཏོར་སྐྱོགས་སམ་ཐོད་ཏིང་གིས་འབུལ་བ་དང་༔ གཏོར་མ་འབུལ་བའི་ཚིག་གིས་གཏོར་ཆུང་འབུལ་བ་དང་༔ བཅོལ་གཏད་དུས་

[Full Size]

འོག་གི་ལིངྒ་ཆེ་བ་ཡར་གཏད་ཚུལ་དང་༔ བློ་གདབ་དུས་ཁ་ཕྱིར་གྲུ་ནས་ཡོད་ན་ལག་དར་ཆུང་བ་གཅིག་རྡེབ་ཚུལ་དང་༔ མེད་ན་ཐལ་མོ་རྡེབ་བཅུག༔ ཟློག་གཞུང་མཇུག་ན་མཾ་ས་ཁཱ་ཧི་སོགས་བྱུང་དུས༔ ཤ་དཔུང་པའི་དུམ་བུ་དང་འབྲུ་སྣ་མཆོད་ལ་བདུད་རྩིས་བྲན༔ དེ་ནས་བདེན་སྟོབས་དང་ཐན་བཟློག་རྒྱལ་མཚན་ཟློག་པ་སོགས་འདོན༔ ཚོགས་ལ་རོལ༔ ལྷག་མ་མདོས་ཟུར་དུ་ལྕགས་རིའི་ནང་དུ་བླུགས་ལ་རྩང་བསྟོད་འདོན༔ དེ་ནས་གལ་ཆེ་ན་སྔགས་བྱང་འདོན༔ བསྡུ་ན་དྲག་སྔགས་སོ་ལྔ་པ་ཤམ་བུ་ཅན་བརྒྱ་རྩ་བརྒྱད་བསྙེན་ནོ༔ དེ་ཡན་ཉིན་ཐུན་ཡིན་ནོ༔ སླར་ཡང་མུན་རུབ་ནས་ལས་བྱང་ནས་འཛབ་དགོངས་ཡན་ཚར་གཅིག་བྱ༔ ཚོགས་གཅིག་བྱས་ལ་ཕུད་ཕུལ་ནས་གཏོར་བསྔོས་བསྡུས་པ་གཅིག་བྱ༔ བར་པས་བསྐང་བ་གསོ་ལ་བཀའ་བརྒྱད་བསྐང་བ་བསྡུས་པ་བྱ༔ མི་མངོན་དབྱིངས་བསྐུལ་མདོས་ལ་བསྒྱུར་བ་དེ་དང་ཕོ་ཉ་རྒོས་བསྐུལ་བསྡུས་པ་ལ༔ དམ་རྫས་མདོས་ཀྱི་མཆོད་པ་འདི་བཞེས་ལ༔ ཞེས་བསྒྱུར་བ་གཅིག་འདོན༔ བཤགས་བྱང་དམོད་བྱུང་བསྡུས་པ་དེ་འདོན༔ ཚོགས་ཐ་མའི་བསྒྲལ་ལས་ལས་བྱང་ལྟར་ཉུང་ངུ་བྱས་ལ་མདོས་སུ་ཕུལ་ནས༔

[Full Size]

བདག་གིས་བསྡུས་པའི་ཁྲོ་རོལ་ཟློག་པའི་རྩ་ཚིག་དེའི་གཞུང་འདོན༔ གོང་འོག་སྐྱུར༔ དེ་ནས་ཚོགས་རོལ་ལྷག་མ་ཕུལ༔ གཞི་བདག་ལ་དཀར་གཏོར་བསྔོ༔ དམར་གཏོར་གཅིག་ལ་ན་མོ་རྩ་བརྒྱུད་སོགས་འགུགས་གཞུག་བྱས་ལ་རང་རང་གི་ཆོས་སྐྱོང་གི་གཏོར་འབུལ་གང་དགོས་འདོན་པའི་མཇུག་ཏུ་བཀའ་བརྒྱུད་ཆད་མདོ་བརྟན་སྐྱོང་འདོན༔ མེ་རུ་བཙུགས་ནས་མདོས་ཟོར་ཤ་ཁྲག་སོགས་ཟློག་ཐུང་འདོན་ནས་ཕྱིར་ཕུལ༔ སེང་གདོང་གཤིན་རྗེ་སོགས་ཟློག་པ་དང་ཡང་ཟློག་སྔགས་ཕྲེང་སྐོར་ཙམ་འདོན༔ ཐལ་མོ་རྡེབ༔ གཏོར་སྣོད་སྦུབ༔ རྟ་བྲོ་ཉུང་ངུ་འདོན༔ ཕྱིར་ནངས་ཐུགས་སྒྲུབ་ཐུགས་རྗེ་ཆེན་པོ་སོགས་ནས་གོང་དུ་བཤད་པ་ལྟར་བྱའོ༔ དེ་ལྟར་མདོས་དང་ཟློག་པ་འདྲ་བ་ལ༔ མི་འདྲ་བའི་ཁྱད་ནི༔ ཟློག་པ་ཁ་རྐྱང་ལ༔ ཕོ་ཉ་སྒོས་བསྐུལ་རྒྱས་པ་ལ་ཚིག་བསྒྱུར་བ་དང་༔ སྡེ་དཔོན་གསོལ་ཁ་དང་ཁྲམ་ཟློག་དང་འཕྱངས་ཁ་སྐོང་རྣམས་མི་བྱ་གཞན་འདྲའོ༔ འབུལ་ལུགས་ཀྱང་ཟློག་པ་རི་ནའམ་གཏོར་སྒྲུབ་བྱེད་ན་ཁྱིམ་ན་ཡང་རུང་གི༔ མདོས་འདི་ཁྱིམ་ན་འབུལ་མི་རུང་ངོ་༔ གཞན་འབུལ་ལུགས་འདྲ༔ མདོས་ལ་རྫོང་འདེབས་དང་གཡང་ལེན་རྣམས་བྱའོ༔ ར་དགེ་ཞེས་ཟན་རའི་

[Full Size]

གཟུགས་ཤིག་སྔོན་དུ་ཁྱེར་ཏེ་དམར་གཏོར་གཅིག་ལ་མགར་ནག་གི་བསྐུལ་བ་དང་མཉམ་དུ་སྔོན་ལ་ཟོར་ལྟར་འཕེན་པ་ནི༔ ཀཿཐོག་པའི་བཀའ་སྲུང་རྣོ་སོ་རེད་པའི་དོན་ཡིན་གྱི༔ རང་རེས་དགོས་རྒྱུ་མི་སྣང་ངོ་༔ གཞན་གོང་འོག་གི་འགྲིགས་བསྡུས་པ་འདིའི་ལུགས་བསྒྲིགས་ཚུགས་བྱས་པས་འཐུས་སོ༔ ཞེས་པ་གཞན་ལུགས་ཕྱོགས་ཙམ་གོ་བར་བྱ་བ་དང་༔ རང་ལུགས་བསྡུས་པ་ལག་ཏུ་བླངས་ཚུལ་འདི་ནི་རཱ་ག་ཨ་སྱས་བཀོད་པའོ༔ སརྦ་མངྒ་ལཾ༔ ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་ ༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཞི་ཁྲོ་བཀའ་བརྒྱད་གསང་བ་ཡོངས་རྫོགས་ཀྱི་ཆ་རྐྱེན་ཁྲོ་བོ་རོལ་པའི་གཏོར་ཟློག་ཟབ་གཉན་བཀའ་རྒྱ་ཅན་གུ་རུ་ཆོས་དབང་གི་གཏེར་མ་ལ་འདོན་འགྲིགས་བལྟས་ཆོག་ཏུ་བཀོད་པ།

[Full Size]

ཞི་ཁྲོ་བཀའ་བརྒྱད་གསང་བ་ཡོངས་རྫོགས་ཀྱི་ཆ་རྐྱེན་ཁྲོ་བོ་རོལ་པའི་གཏོར་ཟློག་ཟབ་གཉན་བཀའ་རྒྱ་ཅན་གུ་རུ་ཆོས་དབང་གི་གཏེར་མ་ལ་འདོན་འགྲིགས་བལྟས་ཆོག་ཏུ་བཀོད་པ་བཞུགས་སོ༔

[Full Size]

ཞི་ཁྲོ་བཀའ་བརྒྱད་ལྷ་ལ་ཕྱག་འཚལ་ལོ༔ བདག་འདྲ་པདྨ་འབྱུང་གནས་ཀྱིས༔ ཞི་ཁྲོ་བཀའ་བརྒྱད་ཡོངས་རྫོགས་ཀྱི༔ དྲག་པོའི་གཏོར་མས་ཟློག་པའི་ཐབས༔ རྒྱུད་ལས་བཏུས་ཏེ་བཤད་པར་བྱ༔ མཎྜལ་མདའ་གང་གྲུ་བཞི་ལ༔ ཞིང་ཆེན་ཁྲག་གིས་ཆག་ཆག་གདབ༔ ཨེ་ཁྲམ་དགུ་ཡི་དཀྱིལ་འཁོར་བྲིས༔ དེ་སྟེང་བྷནྡྷ་དགུ་ནང་དུ༔ འབྲུ་ཟན་དཔལ་བཤོས་ཟུར་གསུམ་དགུ༔ གཏོར་སྐྱུའི་མཐའ་ལ་བསྐོར་བྱ་སྟེ༔ ཤ་སྣ་ཁྲག་སྣ་སྙིང་སྣས་བརྒྱན༔ རྔམ་དང་མཚེ་དང་ཡུངས་ཀར་སོག་གས༔ བྱ་ཁྱུང་དགུ་ཡང་རྩེ་ལ་གཟུགས༔ དར་འཕན་ཞིང་སོགས་རུ་མཚོན་བརྒྱན༔ ཞིང་ལྤགས་གདུགས་ཕུབ་ཡོལ་ནག་བྲིས༔ ཨེ་ཁྲམ་དགུ་ཡི་ནང་དུ་ནི༔ དགྲ་གཟུགས་ཁྲག་གིས་བྱུག་

[Full Size]

པ་ལ༔ མིང་རུས་བྲིས་ལ་འགུགས་གཞུག་བྱ༔ ཟོར་རྐང་རྩང་བཅས་དགུ་དགུས་སྐོར༔ ཕུར་པ་ཉུང་དཀར་མདའ་རྡོ་ཁྲག༔ ཐུན་རྫས་དྲག་པོའི་རྫས་རྣམས་བཤམས༔ སྔོན་འགྲོ་ཆ་གསུམ་བཏང་བྱས་ལ༔ ལས་བྱང་གཞུང་སྲོང་འཛབ་བཟླས་བསྟོད༔ དྲག་པོ་སྔགས་ཀྱི་ཤམ་བུ་རུ༔ དུས་མིན་འཆི་དང་རྦོད་གཏོང་རྣམས༔ བཟློག་བྷྱོ་ཅེས་པའི་ཤམ་བུ་བཏགས༔ ཚོགས་འཁོར་བྱ་ཞིང་བསྐང་གསོལ་བྱ༔ སྤྱི་བསྐུལ་སྒོས་བསྐུལ་ཚོམ་བུར་བསྐུལ༔ དགྲ་བགེགས་འགུགས་བསྒྲལ་བསྟབ་པ་བྱ༔ ལྷ་རྣམས་མཚན་དོན་ཟློག་ཅེས་སྦྱར༔ བྱོས་གདབ་འདོད་དོན་ཕྲིན་ལས་བཅོལ༔ ཁྱུང་ཟློག་གཏོར་ཟློག་སྒོ་དབྱེ་བྱ༔ ཟོར་འཕངས་རྗེས་སུ་ཚེ་འགུགས་བསྟིམས༔ ཕན་ཡོན་གཞུང་བཞིན་འབྱུང་བར་ངེས༔ གཏོར་མས་ཟློག་པའི་མདོར་

[Full Size]

བསྟན་སྡོམས༔ སྐལ་ལྡན་བུ་དང་འཕྲད་པར་ཤོག༔ རྒྱ་རྒྱ་རྒྱ༔ སཱ་མཱ་ཡཱ༔ མནྡྷ་གུ་ཧྱ༔ ༈ ཞི་ཟློག་བསྡུས་པ་ནི༔ ཧཱུྃ༔ བདེ་གཤེགས་ཞི་བའི་ལྷ་ཚོགས་བཞི་བཅུ་གཉིས༔ ཕུང་ཁམས་སྐྱེ་མཆེད་ཉོན་མོངས་དག་པའི་སྐུ༔ བླ་མེད་མཆོག་གི་མཆོད་པ་འདི་བཞེས་ལ༔ འཁྲུལ་པས་འཁོར་བར་འཁྱམས་པའི་སེམས་ཅན་རྣམས༔ དག་པ་སྐུ་དང་ཡེ་ཤེས་ངང་དུ་ཟློག༔ ཅེས་ཞི་ཟློག་རྒྱས་པའི་དོན་བསྡུས་པ་ཨ་རཱ་གས་སོ།། ༈ དང་པོ་ཆེ་མཆོག་ཡོན་ཏན་གྱི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི། ཧཱུྃ༔ བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ་བསྒྲད༔ གཡས་དཀར་གཡོན་དམར་དབུས་མཐིང་རྔམས་པའི་ཞལ༔ གཡས་གསུམ་རྡོ་རྗེ་གཡོན་གསུམ་ཐོད་ཁྲག་བསྣམས༔ དུར་ཁྲོད་ཆས་བརྒྱད་སྐུ་ལ་རྫོགས་པར་བརྒྱན༔ ཞབས་བཞི་བསྒད་པས་བདུད་བཞི་ཟིལ་གྱིས་གནོན༔ གཡས་ཞལ་དཀར་ལ་འཚེར་བར་སྟོན་པ་ཡིས༔ གཞན་སྤྲུལ་ཁྲོ་བོའི་ཚོགས་རྣམས་བཟློག་ཏུ་གསོལ༔ གཡོན་ཞལ་དམར་ལ་གདངས་བར་བསྟན་པ་ཡིས༔ མ་མོ་མཁའ་འགྲོའི་ཐུན་སྔགས་བཟློག་ཏུ་གསོལ༔ དབུས་ཞལ་མཐིང་ལ་རྔམས་པར་བསྟན་པ་ཡིས༔

[Full Size]

བདུད་དང་སྲིན་པོའི་དམག་ཚོགས་བཟློག་ཏུ་གསོལ༔ ཞལ་ནས་མཆེ་བ་རྣོ་དཀར་གཙིགས་པ་ཡིས༔ སྲིན་པོ་ཕོ་མོའི་དམག་ཚོགས་བཟློག་ཏུ་གསོལ༔ སྤྱན་རྩ་དམར་པོ་སྡང་མིག་བསྒྲད་པ་ཡིས༔ ཡེ་ཤེས་མ་མོའི་དམག་ཚོགས་བཟློག་ཏུ་གསོལ༔ དབུ་སྐྲ་ཁམ་ནག་གྱེན་དུ་བརྗེས་པ་ཡིས༔ སྲིད་གསུམ་གདུག་པའི་ཚོགས་རྣམས་བཟློག་ཏུ་གསོལ༔ རིགས་ལྔའི་སངས་རྒྱས་དབུ་ལ་བཞུགས་པ་ཡིས༔ ཁྲག་འཐུང་ཕོ་ཉའི་ཚོགས་རྣམས་བཟློག་ཏུ་གསོལ༔ བྷན་ལྕང་ལོའི་དབུ་བརྒྱན་བྱས་པ་ཡིས༔ ལྷ་ཡི་ཕོ་ཉའི་ཚོགས་རྣམས་བཟློག་ཏུ་གསོལ༔ གཡས་ཀྱི་དབུ་ལ་ལྷ་ཆེན་བརྒྱད་ཀྱིས་བརྒྱན༔ ལྷ་ཆེན་ཕོ་ཉའི་ཚོགས་རྣམས་བཟློག་ཏུ་གསོལ༔ གཡོན་གྱི་དབུ་ལ་ཀླུ་ཆེན་བརྒྱད་ཀྱིས་བརྒྱན། ས་བདག་ཀླུ་སྲིན་ཕོ་ཉའི་ཚོགས་རྣམས་བཟློག་ཏུ་གསོལ༔ དབུས་ཀྱི་དབུ་ལ་བདུད་ཀྱིས་མགུལ་ཆུ་བྱས༔ ཡ་བདུད་ཕོ་ཉའི་ཚོགས་རྣམས་བཟློག་ཏུ་གསོལ༔ མ་མོ་བདུན་གྱིས་མགུལ་ཆུར་བྱས་པ་ཡིས༔ མ་བདུད་ཕོ་ཉའི་ཚོགས་རྣམས་བཟློག་ཏུ་གསོལ༔ གཡོན་གྱི་དབུ་ལ་གཟའ་བརྒྱད་མགུལ་ཆུ་བྱིས་པ་ཡིས༔ གཟའ་སྐར་ཕོ་ཉའི་ཚོགས་རྣམས་བཟློག་

[Full Size]

ཏུ་གསོལ༔ དུར་ཁྲོད་ཆས་བརྒྱད་སྐུ་ལ་རྫོགས་པ་ཡིས༔ ལྷ་སྲིན་སྡེ་བརྒྱད་དམག་ཚོགས་བཟློག་ཏུ་གསོལ༔ གཡས་ཀྱི་ཕྱག་གསུམ་རྡོ་རྗེ་བསྣམས་པ་ཡིས༔ ཁམས་གསུམ་སྲིད་གསུམ་གདུག་པའི་ཚོགས་རྣམས་བཟློག་ཏུ་གསོལ༔ གཡོན་གྱི་ཕྱག་གསུམ་བྷནྡྷ་བསྣམས་པ་ཡིས༔ ཉོན་མོངས་དུག་གསུམ་མ་རིག་འཁོར་ཚོགས་བཟློག་ཏུ་གསོལ༔ ཞབས་བཞི་ཐུར་དུ་སྟབས་ཀྱིས་བསྒྲད་པ་ནི༔ ཉོན་མོངས་བདུད་བཞིའི་གནོད་པ་བཟློག་ཏུ་གསོལ༔ བསྐལ་པའི་མེ་དཔུང་ཀློང་ན་བཞུགས་པ་ནི༔ ཉོན་མོངས་དུག་ལྔའི་དགྲ་བགེགས་བཟློག་ཏུ་གསོལ༔ བྷྱོ༔ ཡུམ་ཆེན་ཁྲོ་མོ་གནམ་ཞལ་དབྱིངས་ཕྱུག་མ༔ ཞལ་གཅིག་ཕྱག་གཉིས་སྐུ་མདོག་མཐིང་ནག་རྔམས༔ ཞལ་གདངས་མཆེ་གཙིགས་འཇིགས་ལ་རྔམས་པ་ཡིས༔ ཁྲོ་མོ་སྤྲུལ་པའི་ཚོགས་རྣམས་བཟློག་ཏུ་གསོལ༔ སྤྱན་གསུམ་སྡང་མིག་གློག་ལྟར་འཁྱུག་པ་ཡིས༔ ཡེ་ཤེས་མ་མོའི་ཚོགས་རྣམས་བཟློག་ཏུ་གསོལ༔ གཡས་པས་ཁ་ཊཾ་གཡོན་པས་དུང་ཁྲག་སྟོབ༔ ཁྲོ་མོའི་ཚོགས་ཀྱི་གནོད་པ་བཟློག་ཏུ་གསོལ༔ གཟིག་ཤམ་རུས་པའི་རྒྱན་གྱིས་སྤྲས་པ་ཡིས༔ གནོད་བྱེད་གདུག་པའི་ཚོགས་རྣམས་བཟློག་ཏུ་

[Full Size]

གསོལ༔ ཞབས་གཉིས་བསྒྲད་པས་རྟག་ཆད་མཐའ་གཉིས་གནོན༔ ལྷ་སྲིན་སྡེ་བརྒྱད་འཁོར་བཅས་བཟློག་ཏུ་གསོལ༔ ཕྱག་མཚན་མཚོན་ཆས་མ་བདུད་ཕོ་ཉར་འགྱེད༔ དགྲ་བགེགས་ཤ་རུས་པགས་པ་གཏུབ་ཅིང་རོལ༔ གནོད་བྱེད་གདུག་པའི་ཕོ་ཉ་བཟློག་ཏུ་གསོལ༔ ཧཱུྃ༔ ཤར་གྱི་ཕྱོགས་ནས་རཀཱ་ཧེ་རུ་ཀས༔ རྡོ་རྗེ་རིགས་ཀྱི་ཕོ་ཉའི་ཚོགས་རྣམས་བཟློག་ཏུ་གསོལ༔ ལྷོ་ཡི་ཕྱོགས་ནས་གུ་ཧྱ་ཧེ་རུ་ཀས༔ རིན་ཆེན་རིགས་ཀྱི་ཕོ་ཉའི་ཚོགས་རྣམས་བཟློག་ཏུ་གསོལ༔ ནུབ་ཀྱི་ཕྱོགས་ནས་བི་ཤུ་ཧེ་རུ་ཀས༔ པདྨ་རིགས་ཀྱི་ཕོ་ཉའི་ཚོགས་རྣམས་བཟློག་ཏུ་གསོལ༔ བྱང་གི་ཕྱོགས་ནས་ཡཀྵ་ཧེ་རུ་ཀས༔ ལས་ཀྱི་རིགས་ཀྱི་ཕོ་ཉའི་ཚོགས་རྣམས་བཟློག་ཏུ་གསོལ༔ རཀྵ་ཀྲོ་ཏིས་ས་ལ་གནས་པའི་ལྷ་འདྲེ་བཟློག་ཏུ་གསོལ༔ གུ་རྒྱ་ཀྲོ་ཏིས་མེ་ལ་གནས་པའི་ལྷ་འདྲེ་བཟློག་ཏུ་གསོལ༔ བི་ཤྭ་ཀྲོ་ཏིས་ཆུ་ལ་གནས་པའི་ལྷ་འདྲེ་བཟློག་ཏུ་གསོལ༔ ཡཀྲ་ཀྲོ་ཏིས་རླུང་ལ་གནས་པའི་ལྷ་འདྲེ་བཟློག་ཏུགསོལ༔ ཧཱུྃ༔ སྟེང་ཕྱོགས་ལྷ་གདོན་འདུལ་མཛད་ཁྲོ་བོ་ཡིས༔ ལྷ་ཡི་དམག་ཚོགས་ཐམས་ཅད་བཟློག་ཏུ་གསོལ༔ ཤར་ཕྱོགས་དྲི་ཟ་འདུལ་མཛད་

[Full Size]

ཁྲོ་བོ་ཡིས༔ དྲི་ཟའི་དམག་ཚོགས་ཐམས་ཅད་བཟློག་ཏུ་གསོལ༔ ཤར་ལྷོ་མེ་ལྷ་འདུལ་མཛད་ཁྲོ་བོ་ཡིས༔ མེ་ལྷའི་དམག་ཚོགས་ཐམས་ཅད་བཟློག་ཏུ་གསོལ༔ ལྷོ་ཕྱོགས་གཤིན་རྗེ་འདུལ་མཛད་ཁྲོ་བོ་ཡིས༔ གཤིན་རྗེའི་དམག་ཚོགས་ཐམས་ཅད་བཟློག་ཏུ་གསོལ༔ ལྷོ་ནུབ་སྲིན་པོ་འདུལ་མཛད་ཁྲོ་བོ་ཡིས༔ སྲིན་པོའི་དམག་ཚོགས་ཐམས་ཅད་བཟློག་ཏུ་གསོལ༔ ནུབ་ཕྱོགས་ཆུ་ལྷ་འདུལ་མཛད་ཁྲོ་བོ་ཡིས༔ ཆུ་ལྷའི་དམག་ཚོགས་ཐམས་ཅད་བཟློག་ཏུ་གསོལ༔ ནུབ་བྱང་རླུང་ལྷ་འདུལ་མཛད་ཁྲོ་བོ་ཡིས༔ རླུང་ལྷའི་དམག་ཚོགས་ཐམས་ཅད་བཟློག་ཏུ་གསོལ༔ བྱང་ཕྱོགས་གནོད་སྦྱིན་འདུལ་མཛད་ཁྲོ་བོ་ཡིས༔ གནོད་སྦྱིན་དམག་ཚོགས་ཐམས་ཅད་བཟློག་ཏུ་གསོལ༔ བྱང་ཤར་དབང་ལྡན་འདུལ་མཛད་ཁྲོ་བོ་ཡིས༔ དབང་ལྡན་དམག་ཚོགས་ཐམས་ཅད་བཟློག་ཏུ་གསོལ༔ ཧཱུྃ༔ འོག་ཕྱོགས་ས་བདག་འདུལ་མཛད་ཁྲོ་བོ་ཡིས༔ ས་བདག་དམག་ཚོགས་ཐམས་ཅད་བཟློག་ཏུ་གསོལ༔ ཡ་མཱནྟ་ཀྲིས་ལྕགས་ཀྱུས་དམག་ཚོགས་ཟློག༔ པྲད་ཛྷཱ་ཏ་ཀྲིས་ཞགས་པས་དམག་ཚོགས་ཟློག༔ པདྨ་ཏ་ཀྲིས་ལྕགས་སྒྲོག་དམག་ཚོགས་བཟློག༔ བིགྷན་ཏ་

[Full Size]

ཀྲིས་དྲིལ་བུའི་དམག་ཚོགས་བཟློག༔ བཀའ་ཡི་བསྟན་སྲུང་ལྕེ་སྤྱང་མ་བརྒྱད་ཀྱིས༔ ཕྱོགས་བཞི་མཚམས་བརྒྱད་དགྲ་བགེགས་དམག་ཚོགས་ཟློག༔ ཧཱུྃ། སྨུག་ནག་གྲུ་གསུམ་འབར་བའི་དཀྱིལ་འཁོར་ནས༔ ཆེ་མཆོག་ཡོན་ཏན་ལྷ་ཚོགས་འཁོར་བཅས་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ མ་ཧཱ་ཚྭ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཀི་ནི་རི་ཏི་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཞེས་བསྟབ་བོ། འདོད་གསོལ་བྱ། དམ་བདར་བཅོལ་བསྐུལ་པ་བྱའོ། །དེས་དཀྱིལ་འཁོར་དགུ་ལ་འགྲེས་སུ་སྦྱར། ༈ དེ་ནས་ཡང་དག་ཐུགས་ཀྱི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི། ཧཱུྃ༔ བཅོམ་ལྡན་དཔལ་ཆེན་བཛྲ་ཧེ་རུ་ཀ༔ རྡོ་རྗེ་ཁྲག་འཐུང་དབང་དུ་སྡུད་པ་དང་༔ དམ་ཉམས་དགྲ་བགེགས་རྣམ་ཤེས་འདི་རོལ་ལ༔ རྡོ་རྗེ་ཁྲག་འཐུང་ཕོ་ཉའི་ཚོགས་རྣམས་བཟློག་ཏུ་གསོལ༔ ཡུམ་ཆེན་བཛྲ་ཀྲོ་ཏི་ཤྭ་རཱི་མ༔ རྡོ་རྗེ་རིགས་ཀྱི་སྤྲུལ་པའི་ཚོགས་རྣམས་བཟློག་ཏུ་གསོལ༔ བུདྡྷ་ཧེ་རུས་གཏི་མུག་ཕོ་ཉའི་

[Full Size]

ཚོགས་རྣམས་བཟློག་ཏུ་གསོལ༔ རཏྣ་ཧེ་རུས་ང་རྒྱལ་ཕོ་ཉའི་ཚོགས་རྣམས་བཟློག་ཏུ་གསོལ༔ པདྨ་ཧེ་རུས་འདོད་ཆགས་ཕོ་ཉའི་ཚོགས་རྣམས་བཟློག་ཏུ་གསོལ༔ ཀརྨ་ཧེ་རུས་ཕྲག་དོག་ཕོ་ཉའི་ཚོགས་རྣམས་བཟློག་ཏུ་གསོལ༔ བུདྡྷ་ཀྲོ་ཏིས་དེ་བཞིན་སྤྲུལ་པའི་ཚོགས་རྣམས་བཟློག་ཏུ་གསོལ༔ བཛྲ་ཀྲོ་ཏིས་རྡོ་རྗེའི་སྤྲུལ་པའི་ཚོགས་རྣམས་བཟློག་ཏུ་གསོལ༔ རཏྣ་ཀྲོ་ཏིས་རིན་ཆེན་སྤྲུལ་པའི་ཚོགས་རྣམས་བཟློག་ཏུ་གསོལ༔ པདྨ་ཀྲོ་ཏིས་པདྨ་སྤྲུལ་པའི་ཚོགས་རྣམས་བཟློག་ཏུ་གསོལ༔ ཀརྨ་ཀྲོ་ཏིས་ལས་ཀྱི་སྤྲུལ་པའི་ཚོགས་རྣམས་བཟློག་ཏུ་གསོལ༔ ཀོའུ་རི་མ་མོས་ཞིང་དབྱུག་ཐོགས་པ་ཟློག༔ ཙོ་རི་མ་མོས་མདའ་གཞུ་ཐོགས་པ་ཟློག༔ པྲ་མོ་དམར་མོས་རྒྱལ་མཚན་ཐོགས་པ་ཟློག༔ བེ་ཏ་ནག་མོས་རྡོ་རྗེ་ཐོགས་པ་ཟློག༔ པུས་ཀཱ་སི་ཡིས་གློ་སྙིང་འདྲེན་པ་ཟློག༔ གྷསྨཱ་རི་ཡིས་ཐོད་ཁྲག་ཐོགས་པ་ཟློག༔ སྨེ་ཤ་ནི་ཡིས་བྱིས་སྙིང་འཛིན་པ་ཟློག༔ ཙནྡྲ་ལི་ཡིས་མགོ་ལུས་ཕྲལ་བ་ཟློག༔ ཕྲ་མེན་སིདྷས་སེང་གེའི་མགོ་ཅན་ཟློག༔ ཕྲ་མེན་བྷེ་ཀྲིས་སྟག་གི་མགོ་ཅན་ཟློག༔ ཕྲ་མེན་སྲི་ལས་ཝ་ཡི་མགོ་ཅན་ཟློག༔ ཕྲ་མེན་ཤོ་ནས་སྤྱང་ཀིའི་མགོ་ཅན་

[Full Size]

ཟློག༔ ཕྲ་མེན་ཀྲི་ཏས་བྱ་རྒོད་མགོ་ཅན་ཟློག༔ ཕྲ་མེན་ཀཾ་ཀས་ཀཾ་ཀའི་མགོ་ཅན་ཟློག༔ ཕྲ་མེན་ཁ་ཁས་ཁ་ཁའི་མགོ་ཅན་ཟློག༔ ཕྲ་མེན་ཧུ་ལུས་འུག་པའི་མགོ་ཅན་ཟློག༔ རྟ་གདོང་དཀར་མོས་ལྕགས་ཀྱུ་ཐོགས་པ་ཟློག༔ ཕག་གདོང་སེར་མོས་ཞགས་པ་ཐོགས་པ་ཟློག༔ སྤྲེལ་གདོང་དམར་མོས་ལྕགས་སྒྲོག་ཐོགས་པ་ཟློག༔ སྤྱང་གདོང་ལྗང་གུས་དྲིལ་བུ་ཐོགས་པ་ཟློག༔ བཀའ་ཡི་བསྟན་པ་བསྲུང་བའི་ལས་བྱེད་ཚོགས༔ བཀའ་སྲུང་སྲིན་མོ་ཉི་ཤུ་རྩ་བརྒྱད་ཀྱིས༔ ཕྱོགས་མཚམས་དགྲ་བགེགས་མ་ལུས་ཐམས་ཅད་ཟློག༔ ཧཱུྃ༔ མཐིང་ནག་གྲུ་གསུམ་འབར་བའི་དཀྱིལ་འཁོར་ནས༔ ཡང་དག་ཐུགས་ཀྱི་ལྷ་ཚོགས་ཐམས་ཅད་ཀྱི༔ དགྲ་བགེགས་ཤ་ཁྲག་རུས་པ་འདི་བཞེས་ལ། ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི༔ མ་ཧཱ་གོ་རོ་ཙ་ན་ལ་་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཅེས་བསྟབ་བོ༔ འདོད་གསོལ་བྱ༔ དམ་བདར་བཅོལ་བསྐུལ་བྱའོ༔ ༈ དེ་ནས་འཇམ་དཔལ་སྐུ་ཡི་ལྷ་ཚོགས་རྣམས་ལ་ཟློག་པའི་ཕྲིན་ལས་

[Full Size]

བཅོལ་བ་ནི། ཧཱུྃ༔ བཅོམ་ལྡན་དཔལ་ཆེན་འཇམ་དཔལ་གཤིན་རྗེའི་གཤེད༔ ཐམས་ཅད་དབང་དུ་སྡུད་མཛད་ཁྲོ་བོའི་རྗེ༔ དགྲ་བགེགས་འདི་ཡི་ཤ་ཁྲག་སྲོག་ལ་རོལ༔ ལས་ཀྱི་ཁྲོ་བོས་གཤིན་རྗེའི་ཕོ་ཉ་ཟློག༔ སྦྱོར་ཡུམ་བྷེ་ཏས་མ་བདུད་ཕོ་ཉ་ཟློག༔ སྒོལ་ཡུམ་ཙ་ཏིས་སྔགས་ཀྱི་ཕོ་ཉ་ཟློག༔ ཡ་མ་རཱ་ཙས་གཤིན་རྗེའི་དམག་ཚོགས་ཟློག༔ སྦྱོར་ཡུམ་བདུད་ལྕམ་བདུད་མོའི་གནོད་པ་ཟློག༔ སྒྲོལ་ཡུམ་བཀའ་ཉན་དཔལ་གྱི་ཕོ་ཉ་ཟློག༔ མྱོས་བྱེད་འབར་བས་གཤིན་རྗེ་སྲིན་པོ་ཟློག༔ སྦྱོར་ཡུམ་དུག་ཧྲུལ་མ་མོའི་གནོད་པ་ཟློག༔ སྒྲོལ་ཡུམ་ཆག་བཞིས་མ་བདུད་གནོད་པ་ཟློག༔ ཨརྱ་མེ་རུས་བདུད་ཀྱི་ཕོ་ཉ་ཟློག༔ སྦྱོར་ཡུམ་འོད་ཟེར་ཁྲོ་མོའི་གནོད་པ་ཟློག༔ སྒྲོལ་ཡུམ་གཙུག་འབྱམས་གླིང་བཞིའི་གནོད་པ་ཟློག༔ རལ་པ་ཚར་དགུས་གནོད་སྦྱིན་གནོད་པ་ཟློག༔ སྦྱོར་ཡུམ་རེ་ཏིས་ལྷ་མོའི་གནོད་པ་ཟློག༔ སྒྲོལ་ཡུམ་མགོས་འཕྱངས་སྲིན་པོའི་གནོད་པ་ཟློག༔ གཤིན་རྗེ་ནག་འཇོམས་སྟེང་ཕྱོགས་ལྷ་གདོན་ཟློག༔ གཤིན་རྗེ་ཕྱ་སངས་སྟེང་ཕྱོགས་ལྷ་ཡི་གདོན་ཚོགས་ཟློག༔ གཤིན་རྗེ་སྲོག་འཇོམས་ཤར་གྱི་གདོན་ཚོགས་ཟློག༔ ཨ་ཝ་གླང་མགོས་

[Full Size]

ཤར་ལྷོའི་གདོན་ཚོགས་ཟློག༔ གཤིན་རྗེ་ཡ་ཏིས་ལྷོ་ཡི་གདོན་ཚོགས་ཟློག༔ གཤིན་རྗེ་མིག་དམར་ལྷོ་ནུབ་གདོན་ཚོགས་ཟློག༔ གཤིན་རྗེ་སྒྲིག་པས་ནུབ་ཀྱི་གདོན་ཚོགས་ཟློག༔ གཤིན་རྗེ་ཏིལ་པས་ནུབ་བྱང་གདོན་ཚོགས་ཟློག༔ གཤིན་རྗེ་བདུད་འཇོམས་བྱང་གི་གདོན་ཚོགས་ཟློག༔ གཤིན་རྗེ་ཆོས་རྒྱལ་བྱང་ཤར་གདོན་ཚོགས་ཟློག༔ གཤིན་རྗེ་དམར་པོས་འོག་གི་གདོན་ཚོགས་ཟློག༔ གཤིན་རྗེ་ཐོད་དབྱུག་འོག་གི་ཀླུ་གདོན་ཟློག༔ ནག་མོ་རལ་གཅིག་སྟེང་གི་ལྷ་གདོན་ཟློག༔ ཤེལ་གྱི་གདོང་དགུས་ཚངས་པའི་དམག་དཔུང་ཟློག༔ ཤེལ་མིག་རལ་གཅིག་དྲི་ཟ་ཕོ་མོ་ཟློག༔ དཀར་སྐྱ་མཆེ་གཙིགས་དྲང་སྲོང་ཕོ་མོ་ཟློག༔ དྲེད་ཀྱིས་རྔམས་སྟབས་གྲུལ་བུམ་ཕོ་མོ་ཟློག༔ ཁྲག་གིས་རལ་གཅིག་སྲིན་པོ་ཕོ་མོ་ཟློག༔ ཀླུ་མོ་སྤུས་འགྲོས་ཆུ་ལྷ་ཕོ་མོ་ཟློག༔ རླུང་ལྷ་སྤྱན་གསུམ་རླུང་ལྷ་ཕོ་མོ་ཟློག༔ སྨུག་ནག་རལ་གཅིག་གནོད་སྦྱིན་ཕོ་མོ་ཟློག༔ རྡོ་རྗེ་སྤྱན་གཅིག་དབང་ལྡན་ཕོ་མོ་ཟློག༔ ཐོད་དབྱུག་དམར་མོས་ཀླུ་རྒྱལ་ཕོ་མོ་ཟློག༔ ནག་མོ་ཕག་མགོས་ས་བདག་ཕོ་མོ་ཟློག༔ དཀར་མོ་རྒོད་མགོས་ལྕགས་ཀྱུའི་ཕོ་ཉ་ཟློག༔ ནག་

[Full Size]

མོ་སྟག་མགོས་ཞགས་པའི་ཕོ་ཉ་ཟློག༔ དམར་མོ་ཀཾ་ཀས་ལྕགས་སྒྲོག་ཕོ་ཉ་ཟློག༔ སྔོན་མོ་སྤྱང་ཀུས་དྲིལ་བུའི་ཕོ་ཉ་ཟློག༔ བཀའ་ཡི་བསྟན་སྲུང་གིང་བདུད་རྩིས་ཤན་གྱིས་དགྲ་བགེགས་རུ་ཏྲ་གནོད་བྱེད་ཐམས་ཅད་ཟློག༔ ཧཱུྃ༔ སེར་ནག་གྲུ་གསུམ་འབར་བའི་དཀྱིལ་འཁོར་ནས༔ འཇམ་དཔལ་སྐུའི་ལྷ་ཚོགས་ཐམས་ཅད་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་ཧྲིཏྟི་ཝི་ཀྲི་ཏཱ་ན་ན་ཧཱུྃ་ཕཊ༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ལཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཅེས་བསྟབ་བོ༔ འདོད་གསོལ་བྱ༔ དམ་བརྡར་བཅོལ་བསྐུལ་བྱའོ༔ ༈ དེ་ནས་པདྨ་གསུང་གི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི༔ ཧཱུྃ་ཧཱུྃ༔ བཅོམ་ལྡན་དཔལ་ཆེན་རྟ་མགྲིན་པདྨ་དབང་༔ ཁམས་གསུམ་མ་ལུས་དབང་དུ་སྡུད་པ་དང་༔ དགྲ་བགེགས་བྱད་མ་ཆགས་པའི་ཁྲག་ལ་རོལ༔ དབང་ཆེན་ཕོ་གདོན་བགེགས་ཀྱི་ཚོགས་རྣམས་ཟློག༔ ཡུམ་ཆེན་ཁྲོ་མོ་པདྨ་གཟི་ལྡན་མས་དབང་ཆེན་མོ་གདོན་བགེགས་ཀྱི་ཚོགས་རྣམས་ཟློག༔ བྱི་

[Full Size]

ལའི་མགོ་ཅན་གདུག་པའི་བསམ་སྦྱོར་ཟློག༔ ཕུག་ཤུད་མགོ་ཅན་གདུག་པའི་སྡང་སེམས་ཟློག༔ རྡོ་རྗེ་དབང་ཆེན་ཞེ་སྡང་གདོན་ཚོགས་ཟློག༔ རིན་ཆེན་དབང་ཆེན་ང་རྒྱལ་གདོན་ཚོགས་ཟློག༔ པདྨ་དབང་ཆེན་འདོད་ཆགས་གདོན་ཚོགས་ཟློག༔ ཀརྨ་དབང་ཆེན་ཕྲག་དོག་གདོན་ཚོགས་ཟློག༔ རྡོ་རྗེ་དབང་ཕྱུག་ཤར་ཕྱོགས་དྲི་ཟ་ཟློག༔ རིན་ཆེན་དབང་ཕྱུག་ལྷོ་ཕྱོགས་གཤིན་རྗེ་ཟློག༔ པདྨ་དབང་ཕྱུག་ནུབ་ཕྱོགས་ཀླུ་གདོན་ཟློག༔ ལས་ཀྱི་དབང་ཕྱུག་བྱང་ཕྱོགས་གནོད་སྦྱིན་ཟློག༔ ཡེ་ཤེས་ཟིལ་གནོན་ཡེ་ཤེས་བཀའ་ཆད་ཟློག༔ ཁྲོ་རྒྱལ་ཟིལ་གནོན་ཁྲོ་བོའི་བཀའ་ཆད་ཟློག༔ མ་མོ་ཟིལ་གནོན་མ་མོའི་བཀའ་ཆད་ཟློག༔ ཁྱུང་ཆེན་ཟིལ་གནོན་ཁྱུང་ཆེན་གནོད་པ་ཟློག༔ ཕོ་རྒྱུད་ཟིལ་གནོན་ཕོ་རྒྱུད་གནོད་པ་ཟློག,མོ་རྒྱུད་ཟིལ་གནོན་མོ་རྒྱུད་གནོད་པ་ཟློག༔ གཟའ་སྐར་ཟིལ་གནོན་གཟའ་སྐར་གནོད་པ་ཟློག༔ ཀླུ་རྣམས་ཟིལ་གནོན་ཀླུ་བདུད་གནོད་པ་ཟློག༔ མི་ཕམ་ཁྲོ་མོས་ལྷ་མོའི་བཀའ་ཆད་ཟློག༔ ཁྲོ་གཉེར་ཁྲོ་མོས་ཁྲོ་མོའི་བཀའ་ཆད་ཟློག༔ རོ་ལངས་ཁྲོ་མོས་རོ་ལངས་བཀའ་ཆད་ཟློག༔ སྤྱན་གཅིག་ཁྲོ་མོས་ཁྱུང་གི་

[Full Size]

བཀའ་ཆད་ཟློག༔ ཁྲོ་མོ་ལས་བྱེད་ཕོ་ཉའི་བཀའ་ཆད་ཟློག༔ ཁྲོ་མོ་གཤིན་རྗེས་གཤིན་རྗེའི་བཀའ་ཆད་ཟློག༔ ཁྲོ་མོ་གཟའ་འདུལ་གཟའ་ཡི་བཀའ་ཆད་ཟློག༔ ཁྲོ་མོ་ཀླུ་འདུལ་ཀླུ་ཡི་བཀའ་ཆད་ཟློག༔ གཟའ་ཀླུ་ཟིལ་གནོན་གཟའ་ཀླུའི་བཀའ་ཆད་ཟློག༔ ཁྲོ་མོ་གནོད་སྦྱིན་གནོད་སྦྱིན་བཀའ་ཆད་ཟློག༔ ཤར་གྱི་སྒོ་བས་ཤར་གྱི་གནོད་བྱེད་ཟློག༔ ལྷོ་ཡི་སྒོ་བས་ལྷོ་ཡི་གནོད་བྱེད་ཟློག༔ ནུབ་ཀྱི་སྒོ་བས་ནུབ་ཀྱི་གནོད་བྱེད་ཟློག༔ བྱང་གི་སྒོ་བས་བྱང་གི་གནོད་བྱེད་ཟློག༔ བཀའ་ཡི་བསྟན་སྲུང་ཁམ་བརྒྱད་དམུས་ལོང་དང་༔ དཔལ་གྱི་ཁྱི་སྤྱང་མེ་འབྲུག་རླུང་འབྲུག་ཚོགས༔ གདུག་པའི་དགྲ་བགེགས་གནོད་བྱེད་འབྱུང་པོ་ཟློག༔ ཧཱུྃ༔ དམར་ནག་གྲུ་གསུམ་འབར་བའི་དཀྱིལ་འཁོར་ནས༔ པདྨ་གསུང་གི་ལྷ་ཚོགས་འཁོར་བཅས་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་ཧཱུྃཔདྨནྟ་ཀྲིཏྟ་མ་ཧཱ་ཀྲོ་དྷ་ཧྱ་གཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ མ་ཧཱ་མཱི་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི༔ མ་ཧཱ་ཀོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཞེས་བསྟབ་

[Full Size]

བོ། །འདོད་གསོལ་བྱ། དམ་བདར་བཅོལ་བསྐུལ་བྱའོ།། ༈ དེ་ནས་ཕུར་པ་ཕྲིན་ལས་ཀྱི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི། ཧཱུྃ༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་ཆེ༔ རིགས་ཀྱི་ཁྲོ་རྒྱལ་ཐམས་ཅད་དབང་བསྡུས་ལ་དགྲ་བགེགས་བྱད་མའི་གཟུགས་ཕུང་རྣམ་ཤེས་རོལ༔ སྟེང་འོག་ཕྱོགས་བཅུ་ཀུན་གྱི་གནོད་པ་ཟློག༔ ཡུམ་མཆོག་ཁྲོ་མོ་འཁོར་ལོ་རྒྱས་འདེབས་མས༔ བཟློག་ཅིང་བསྒྱུར་བའི་ཕྲིན་ལས་དམ་པ་མཛོད༔ བཛྲ་ཀཱི་ལས་དགྲ་བགེགས་ཞི་བས་ཟློག༔ རཏྣ་ཀཱི་ལས་དགྲ་བགེགས་རྒྱས་པས་ཟློག༔ པདྨ་ཀཱི་ལས་དགྲ་བགེགས་དབང་གིས་ཟློག༔ ཀརྨ་ཀཱི་ལས་དགྲ་བགེགས་དྲག་པོས་ཟློག༔ བུདྡྷ་ཀཱི་ལས་དགྲ་བགེགས་ལས་བཞིས་ཟློག༔ སངས་རྒྱས་ཡུམ་ཆེན་ས་གདོན་མ་ལུས་ཟློག༔ རིན་ཆེན་ཡུམ་ཆེན་ཆུ་གདོན་མ་ལུས་ཟློག༔ པདྨའི་ཡུམ་ཆེན་མེ་གདོན་མ་ལུས་ཟློག༔ ཀརྨའི་ཡུམ་ཆེན་རླུང་གདོན་མ་ལུས་ཟློག༔ ཧཱུྃ་དཀར་རྒྱལ་པོས་ཚངས་པའི་དམག་ཚོགས་ཟློག༔ རྣམ་པར་རྒྱལ་བས་དྲི་ཟའི་དམག་ཚོགས་ཟློག༔ དབྱུག་པ་སྔོན་པོས་མེ་ལྷའི་དམག་ཚོགས་ཟློག༔ གཤིན་རྗེའི་གཤེད་པོས་གཤིན་རྗེའི་དམག་ཚོགས་

[Full Size]

ཟློག༔ མི་གཡོ་མགོན་པོས་སྲིན་པོའི་དམག་ཚོགས་ཟློག༔ རྟ་མགྲིན་རྒྱལ་པོས་ཆུ་ལྷའི་དམག་ཚོགས་ཟློག༔ གཞན་གྱིས་མི་ཐུབ་རླུང་ལྷའི་དམག་ཚོགས་ཟློག༔ བདུད་རྩི་འཁྱིལ་པས་གནོད་སྦྱིན་དམག་ཚོགས་ཟློག༔ ཁམས་གསུམ་རྣམ་རྒྱལ་བགེགས་ཀྱི་དམག་ཚོགས་ཟློག༔ སྟོབས་ཆེན་རྒྱལ་པོས་ས་བདག་དམག་ཚོགས་ཟློག༔ ཧཱུྃ༔ རྡོ་རྗེ་སྒྲ་འབྱིན་སྟེང་གི་དགྲ་བགེགས་ཟློག༔ རྡོ་རྗེ་བསྙེམས་མས་ཤར་གྱི་དགྲ་བགེགས་ཟློག༔ རྡོ་རྗེ་སྡེར་མོས་ཤར་ལྷོའི་དགྲ་བགེགས་ཟློག༔ དུར་ཁྲོད་བདག་མོས་ལྷོ་ཡི་དགྲ་བགེགས་ཟློག༔ རྡོ་རྗེ་གཏུན་ཁུང་ལྷོ་ནུབ་དགྲ་བགེགས་ཟློག༔ རྡོ་རྗེ་གཏུམ་མོས་ནུབ་ཀྱི་དགྲ་བགེགས་ཟློག༔ རྡོ་རྗེ་མདའ་བསྙེམས་ནུབ་བྱང་དགྲ་བགེགས་ཟློག༔ རྡོ་རྗེ་རླུང་འབྱིན་བྱང་གི་དགྲ་བགེགས་ཟློག༔ རྡོ་རྗེ་གསོད་མས་བྱང་ཤར་དགྲ་བགེགས་ཟློག༔ རྡོ་རྗེ་སྤྱོད་མས་འོག་གི་དགྲ་བགེགས་ཟློག༔ ཕག་མགོ་ཅན་གྱིས་སྟེང་གི་དགྲ་བགེགས་ཟློག༔ སྟག་མགོ་ཅན་གྱིས་ཤར་གྱི་དགྲ་བགེགས་ཟློག༔ གཡག་མགོ་ཅན་གྱིས་ཤར་ལྷོའི་དགྲ་བགེགས་ཟློག༔ ཤ་བའི་མགོ་ཅན་ལྷོ་ཡི་དགྲ་བགེགས་ཟློག༔ གཟིག་མགོ་ཅན་གྱིས་ལྷོ་

[Full Size]

ནུབ་དགྲ་བགེགས་ཟློག༔ བྱི་ལའི་མགོ་ཅན་ནུབ་ཀྱི་དགྲ་བགེགས་ཟློག༔ སྤྱང་ཀུའི་མགོ་ཅན་ནུབ་བྱང་དགྲ་བགེགས་ཟློག༔ སེང་གེའི་མགོ་ཅན་བྱང་གི་དགྲ་བགེགས་ཟློག༔ དོམ་གྱི་མགོ་ཅན་བྱང་ཤར་དགྲ་བགེགས་ཟློག༔ དྲེད་ཀྱི་མགོ་ཅན་འོག་གི་དགྲ་བགེགས་ཟློག༔ སྨིག་བུའི་མགོ་ཅན་སྟེང་གི་ལྷ་གདོན་ཟློག༔ བྱ་རྒོད་མགོ་ཅན་ཤར་ཕྱོགས་དྲི་ཟ་ཟློག༔ བྱ་རོག་མགོ་ཅན་ཤར་ལྷོའི་མེ་ལྷ་ཟློག༔ འག་པའི་མགོ་ཅན་ལྷོ་ཕྱོགས་གཤིན་རྗེ་ཟློག༔ ཁྭ་ཏའི་མགོ་ཅན་ལྷོ་ནུབ་སྲིན་པོ་ཟློག༔ པུ་ཤུད་མགོ་ཅན་ནུབ་ཕྱོགས་ཆུ་ལྷ་ཟློག༔ ཁྲ་ཡི་མགོ་ཅན་ནུབ་བྱང་རླུང་ལྷ་ཟློག༔ ཕ་ཝང་མགོ་ཅན་བྱང་ཕྱོགས་གནོད་སྦྱིན་ཟློག༔ སྲེ་མོང་མགོ་ཅན་བྱང་ཤར་དབང་ལྡན་ཟློག༔ བྱི་བའི་མགོ་ཅན་འོག་ཕྱོགས་ས་བདག་ཟློག༔ པུ་ཤུད་མགོ་ཅན་འཛིན་བྱེད་ཕོ་ཉ་ཟློག༔ སྐྱ་ཀའི་མགོ་ཅན་འཆིང་བྱེད་ཕོ་ཉ་ཟློག༔ སྲིན་བྱའི་མགོ་ཅན་སྡོམ་བྱེད་ཕོ་ཉ་ཟློག༔ ཁྲ་ཡི་མགོ་ཅན་འབེབས་བྱེད་ཕོ་ཉ་ཟློག༔ བཀའ་ཡི་བསྟན་སྲུང་མ་མོ་བཅུ་གཉིས་དང་༔ དམ་ཅན་ཕུར་སྐྱོང་ཕོ་བདུད་བཅུ་གཉིས་ཀྱིས༔ དགྲ་བགེགས་གནོད་བྱེད་འབྱུང་པོ་བཟློག་ཏུ་

[Full Size]

གསོལ༔ ཧཱུྃ༔ ལྗང་ནག་གྲུ་གསུམ་འབར་བའི་དཀྱིལ་འཁོར་ནས༔ ཕུར་པ་ཕྲིན་ལས་ལྷ་ཚོགས་ཐམས་ཅད་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བི་ཧཱུྃ་ཕཊ༔ མ་ཧཱ་མཾ་ས་ལ་ཁཱ་ཧི༔ མཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཅེས་བསྟབ་བོ། །འདོད་གསོལ་བྱ། དམ་བདར་བཅོལ་བསྐུལ་བྱའོ།། ༈ དེ་ནས་མ་མོ་རྦོད་གཏོང་གི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི། ཧཱུྃ༔ བཅོམ་ལྡན་དཔལ་ཆེན་བླ་མེད་ཧེ་རུ་ཀ༔ སྲིད་པའི་མ་མོ་ཐམས་ཅད་ཟིལ་གྱིས་གནོན༔ དམ་ཉམས་བྱེད་མའི་རྣམ་ཤེས་འདི་ལ་རོལ༔ མ་མོའི་དམག་དཔུང་དམ་ཉམས་དགྲ་ལ་ཟློག༔ ཡུམ་ཆེན་ཀུན་བཟང་ཉིད་བཞི་མུ་ཁ་ལེ༔ སྲིད་པའི་མ་མོས་གདུག་རྩུབ་དགྲ་ལ་ཟློག༔ སྣང་གསལ་མ་མོས་རྡོ་རྗེ་མཁའ་འགྲོ་ཟློག༔ འོད་གསལ་མ་མོས་རིན་ཆེན་མཁའ་གྲོ་ཟློག༔ གཉེན་གསལ་མ་མོས་པདྨ་མཁའ་འགྲོ་ཟློག༔ ཡང་གསང་མ་མོས་ལས་ཀྱི་མཁའ་འགྲོ་ཟློག༔ བཀྲག་གསལ་མ་མོས་སངས་རྒྱས་

[Full Size]

མཁའ་འགྲོ་ཟློག༔ རྗེ་མོ་བཅུ་བཞིའོ། སྲིད་པ་བདེ་འགྲོས་ལྷ་འདྲེའི་དམག་དཔུང་ཟློག༔ ཉི་ཟླ་ཐོད་ཕྲེང་གཟའ་སྐར་དམག་དཔུང་ཟློག༔ ཉི་མ་ཁྲོས་མས་རྡོ་རྗེའི་ཕོ་ཉ་ཟློག༔ ཁམས་གསུམ་ཁྲོས་མས་རིན་ཆེན་ཕོ་ཉ་ཟློག༔ ཁྲག་འཐུང་ཁྲོས་མས་པདྨའི་ཕོ་ཉ་ཟློག༔ སྲིད་གསུམ་ཁྲོས་མས་ལས་ཀྱི་ཕོ་ཉ་ཟློག༔ རྒྱན་གྱི་རྒྱལ་མོས་ཁྲམ་ཁ་ཤོ་རྡེའུ་ཟློག༔ གཅིག་པུ་ཡུམ་མཆོག་ཟློག་སྒྱུར་དགྲ་ལ་ཟློག༔ དབྱིངས་ཕྱུག་རྒྱལ་མོས་དབྱིངས་ནས་དགྲ་བགེགས་ཟློག༔ བདག་ཉིད་ཆེན་མོས་དགྲ་བགེགས་གནོད་པ་ཟློག༔ ། དཀར་མོ་སྤྱན་གཅིག་ཤར་གྱི་དགྲ་བགེགས་ཟློག༔ ནག་མོ་རལ་གཅིག་ལྷོ་ཡི་གདོན་ཚོགས་ཟློག༔ དམར་མོ་དབང་སྡུད་ནུབ་ཀྱི་གདོན་ཚོགས་ཟློག༔ སེར་མོ་ལས་མཁན་བྱང་གི་གདོན་རྣམས་ཟློག༔ སྲིད་པ་ཆགས་བྱེད་སྲིད་གསུམ་དམག་དཔུང་ཟློག༔ སྲིད་པ་ཆགས་སྙམ་སྲིད་གསུམ་གདུག་པ་ཟློག༔ ཙིཏྟ་རལ་གཅིག་ལས་ཀྱི་དགྲ་བགེགས་ཟློག༔ ཨེ་ཀ་ཙ་ཏིས་བསྟན་པའི་རུ་ཏྲ་ཟློག༔ འདོད་ཁམས་གཙོ་མོས་བདུད་དང་གཤིན་རྗེ་ཟློག༔ མདོག་བཟང་ནག་མོས་ནག་མོའི་དམག་དཔུང་ཟློག༔ མདོག་བཟང་དཀར་མོས་དཀར་

[Full Size]

མོའི་དམག་དཔུང་ཟློག༔ མདོག་བཟང་སེར་མོས་སེར་མོའི་དམག་དཔུང་ཟློག༔ མདོག་བཟང་དམར་མོས་དམར་མོའི་དམག་དཔུང་ཟློག༔ མདོག་བཟང་སྔོན་མོས་སྔོན་མོའི་དམག་དཔུང་ཟློག༔ དབུ་བརྒྱ་སྤྱན་སྟོང་སྟོང་ཕྲག་བརྒྱད་ཅུ་ཟློག༔ པདྨ་གར་དབང་ས་བདག་ཀླུ་གཉན་ཟློག༔ དཀར་མོ་མཆེ་གཙིགས་དྲི་ཟའི་དམག་ཚོགས་ཟློག༔ ནག་མོ་ཁ་འབྱམས་གྲུལ་བུམ་གནོད་པ་ཟློག༔ དམར་མོ་མཆུ་འཇིབ་ཀླུ་ཡི་གནོད་པ་ཟློག༔ སེར་མོ་རྐང་ལྡག་གནོད་སྦྱིན་གནོད་པ་ཟློག༔ ཧར་ཏིང་དཀར་མོས་ཤར་ལྷོའི་གདོན་ཚོགས་ཟློག༔ དུན་ཏིང་ནག་མོས་ལྷོ་ནུབ་གདོན་ཚོགས་ཟློག༔ ཤིནྟཾ་དམར་མོས་ནུབ་བྱང་གནོད་པ་ཟློག༔ གྲུབ་ཏིང་སེར་མོས་བྱང་ཤར་གདོན་ཚོགས་ཟློག༔ དཔལ་ལྡན་ཤུགས་འགྲོ་དྲུག་ཅུས་དགྲ་བགེགས་ཟློག༔ མཛེས་ཚུལ་ཁྲོ་བྱེད་མ་མོས་དགྲ་བགེགས་ཟློག༔ བདུད་དྲེགས་ཀུན་འདུལ་མ་མོས་དགྲ་བགེགས་ཟློག༔ ཕོ་ཉ་དྲུག་ཅུའི་མ་མོས་དགྲ་བགེགས་ཟློག༔ གཏུམ་ཆེན་ཟ་བྱེད་མ་མོས་དགྲ་བགེགས་ཟློག༔ འབྱུང་པོ་འཆིང་བྱེད་མ་མོས་དགྲ་བགེགས་ཟློག༔ གླིང་བཞི་མགྱོགས་མ་ལྷ་ཡི་སྲིང་༔ ལྷ་ཡི་ཆད་པ་དགྲ་ལ་ཟློག༔

[Full Size]

མཁའ་ལ་ཁྱུང་ལྡིང་གཤིན་རྗེའི་སྲིང་༔ གཤིན་རྗེའི་ཆད་པ་དགྲ་ལ་ཟློག༔ དཀར་མོ་གཡག་ཐོད་ཀླུ་ཡི་སྲིང་༔ ཀླུ་ཡི་ཆད་པ་དགྲ་ལ་ཟློག༔ ནག་མོ་སྡེར་ཆེན་གནོད་སྦྱིན་སྲིང་༔ གནོད་སྦྱིན་ཆད་པ་དགྲ་ལ་ཟློག༔ དཀར་མོ་དབུ་དགུས་བརྒྱལ་ནད་སྨྱོ་འབོག་ཟློག༔ མཚོ་སྨན་རྒྱལ་མོས་མཛེ་ནད་སྣ་དགུ་ཟློག༔ སྲིད་པའི་མ་མོས་རིམས་ནད་ཡམས་ནད་ཟློག༔ ཙ་མུན་ཏི་ཡིས་བཙན་རྒོད་རྦོད་གཏོང་ཟློག༔ བཀའ་སྲུང་ལས་མཁན་སྲིད་པའི་མ་མོའི་ཚོགས༔ སྣང་སྲིད་མ་མོའི་གདོན་ཚོགས་དགྲ་ལ་ཟློག༔ ཧཱུྃ༔ ཤ་ཁྲག་རྒྱ་མཚོ་འཁྱིལ་བའི་ཕོ་བྲང་ནས༔ མ་མོ་རྦོད་གཏོང་ལྷ་ཚོགས་ཐམས་ཅད་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་གུ་ཧྱ་ཛྙཱ་ན་ཤཱི་ཧེ་རུ་ཀ་ཧཱུྃཕཊ༔ མ་མོ་ཀྲོ་ཏཱི་ཤྭ་རཱི་སིཾ༔ མ་མ་ཡོ་ཀི་ནི༔ རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀི་ནི་རི་ཏི་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཞེས་བསྟབ་བོ། །འདོད་གསོལ་བྱ། དམ་བདར་བཅོལ་བསྐུལ་བྱའོ།། ༈ དེ་ནས་རིག་འཛིན་

[Full Size]

སློབ་དཔོན་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི། ཧཱུྃ༔ བཅོམ་ལྡན་དཔལ་ཆེན་རིག་འཛིན་ཐོད་པ་རྩལ༔ རིག་འཛིན་དཔའ་བོ་རྣལ་འབྱོར་བྱེ་བའི་ཚོགས༔ དགྲ་བགེགས་བཟློག་ཅིང་བསྒྱུར་བའི་ཕྲིན་ལས་མཛོད༔ མི་དམིགས་ཡུམ་ཆེན་རྡོ་རྗེ་རྣལ་འབྱོར་མས༔ དགྲ་བགེགས་བཟློག་ཅིང་བསྒྱུར་བའི་ཕྲིན་ལས་མཛོད༔ ལྷུན་གྲུབ་རིག་འཛིན་ལྷ་བུའི་བདུད་ཚོགས་ཟློག༔ ཕྱག་རྒྱའི་རིག་འཛིན་ཉོན་མོངས་བདུད་ཚོགས་ཟློག༔ ས་གནས་རིག་འཛིན་ས་ལམ་བར་ཆད་ཟློག༔ ཚེ་དབང་རིག་འཛིན་འཆི་བདག་བདུད་ཚོགས་ཟློག༔ རྣམ་སྨིན་རིག་འཛིན་ཕུང་པོའི་བདུད་ཚོགས་ཟློག༔ ཡང་དག་རིག་འཛིན་ཤར་གྱི་དགྲ་བགེགས་ཟློག༔ འཇམ་དཔལ་རིག་འཛིན་ལྷོ་ཡི་དགྲ་བགེགས་ཟློག༔ རྟ་མགྲིན་རིག་འཛིན་ནུབ་ཀྱི་དགྲ་བགེགས་ཟློག༔ ཕུར་པའི་རིག་འཛིན་བྱང་གི་དགྲ་བགེགས་ཟློག༔ ཡོན་ཏན་རིག་འཛིན་ལྷོ་ནུབ་དགྲ་བགེགས་ཟློག༔ ཆོད་གཏོང་རིག་འཛིན་ཤར་ལྷོའི་དགྲ་བགེགས་ཟློག༔ མཆོད་བསྟོད་རིག་འཛིན་ནུབ་བྱང་དགྲ་བགེགས་ཟློག༔ དྲག་སྔགས་རིག་འཛིན་བྱང་ཤར་དགྲ་བགེགས་ཟློག༔ དབང་གི་རིག་འཛིན་བར་ཆད་ཞི་བས་

[Full Size]

ཟློག༔ རྒྱུད་ཀྱི་རིག་འཛིན་བར་ཆད་རྒྱས་པས་ཟློག༔ ལུང་གི་རིག་འཛིན་བར་ཆད་དབང་གིས་ཟློག༔ ཉམས་ཀྱི་རིག་འཛིན་བར་ཆད་དྲག་པོས་ཟློག༔ བཀའ་ཡི་བསྟན་སྲུང་མཁའ་འགྲོ་གིང་གི་ཚོགས༔ ཐུགས་རྗེ་ནུས་པའི་བྱིན་རླབས་རྩལ་ཕྱུངས་ལ༔ བར་ཆད་དགྲ་བགེགས་སྐྲོད་གཏོང་ཐམས་ཅད་ཟློག༔ ཧཱུྃ༔ གདུང་འཚོབས་ལྷུན་གྱིས་གྲུབ་པའི་དཀྱིལ་འཁོར་ནས༔ རིག་འཛིན་སློབ་དཔོན་ལྷ་ཚོགས་ཐམས་ཅད་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་བཛྲ་མ་ཧཱ་གུ་རུ་སརྦ་ཧཱུྃ་ཕཊ༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཞེས་བསྟབ་བོ། །འདོད་གསོལ་བྱ། དམ་བདར་བཅོལ་བསྐུལ་བྱའོ།། ༈ དེ་ནས་འཇིག་རྟེན་མཆོད་བསྟོད་ཀྱི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི༔ ཧཱུྃ༔ བཅོམ་ལྡན་དཔལ་ཆེན་དྲེགས་པ་ཀུན་འདུལ་རྗེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ དྲེགས་པ་ཟིལ་གྱིས་གནོན་ཅིང་སྡེ་བརྒྱད་ཟློག༔ ཡུམ་ཆེན་ཁམས་གསུམ་སྲིད་པ་སྤྱི་

[Full Size]

འདུལ་མས༔ སྣང་སྲིད་མོ་རྒྱུད་དབང་སྡུད་ཕོ་ཉ་ཟློག༔ མ་ཧཱ་དེ་ཝས་ཕོ་རྒྱུད་གདོན་རྣམས་ཟློག༔ ཨུ་མ་དེ་ཝས་མོ་རྒྱུད་གདོན་རྣམས་ཟློག༔ ཡ་མ་རཱ་ཙས་གཤིན་རྗེའི་གདོན་རྣམས་ཟློག༔ གསོད་བྱེད་ནག་མོས་གཤིན་རྗེའི་གདོན་རྣམས་ཟློག༔ སྲིད་པའི་རྒྱལ་མོས་མ་མོའི་གདོན་རྣམས་ཟློག༔ ཨེ་ཀ་ཙ་ཏིས་སྔགས་སྲུང་གདོན་རྣམས་ཟློག༔ སྐོས་རྗེ་ཏྲང་དཀར་བདུད་ཀྱི་གདོན་རྣམས་ཟློག༔ བདུད་མོ་རེ་ཏིས་བདུད་མོའི་གདོན་རྣམས་ཟློག༔ པེ་ཀར་རྒྱལ་པོས་རྒྱལ་པོས་གདོན་རྣམས་ཟློག༔ སྲོག་བདག་ཚངས་པས་གིང་གི་གདོན་རྣམས་ཟློག༔ སྐུ་ལྷ་གསང་བས་དགྲ་བླའི་གདོན་རྣམས་ཟློག༔ ཁྱབ་འཇུག་ཆེན་པོས་གཟའ་ཡི་གདོན་རྣམས་ཟློག༔ ནག་པོ་གློག་འཕྲེང་སྲིན་པོའི་གདོན་རྣམས་ཟློག༔ སྦལ་མགོ་ཁྲག་མིག་སྲིན་མོའི་གདོན་རྣམས་ཟློག༔ ཡཀྵ་མེ་དབལ་གནོད་སྦྱིན་ཕོ་གདོན་ཟློག༔ མོན་མོ་ནག་མོས་གནོད་སྦྱིན་མོ་གདོན་ཟློག༔ མ་ཧཱ་ཀཱ་ལས་མགོན་པོའི་གདོན་རྣམས་ཟློག༔ བན་ཆེན་བདུད་འདུལ་རུ་ཏྲའི་གདོན་རྣམས་ཟློག༔ དམུ་བདུད་བཀྲག་མེད་དམུ་བདུད་གདོན་རྣམས་ཟློག༔ གུ་ལང་ནག་པོས་མུ་སྟེགས་གདོན་རྣམས་ཟློག༔ ལྷ་

[Full Size]

རབ་ཤམ་པོས་ཡུལ་ལྷའི་གདོན་རྣམས་ཟློག༔ ཐོག་གི་བུ་ཡུག་རྣམ་སྨིན་གདོན་རྣམས་ཟློག༔ གཡའ་སྤང་སྐྱེས་ཅིག་མ་སངས་གདོན་རྣམས་ཟློག༔ སྲོག་ཟན་དམར་པོས་བཙན་གྱི་གདོན་རྣམས་ཟློག༔ གནམ་ཐེལ་དཀར་པོས་ཐེའུ་རང་གདོན་རྣམས་ཟློག༔ ཡམ་ཤུད་དམར་པོས་འགོང་པོའི་གདོན་རྣམས་ཟློག༔ བྱི་ན་ཡ་ཀས་བགེགས་ཀྱི་གདོན་རྣམས་ཟློག༔ མཁའ་འགྲོ་མགྱོགས་བྱེད་མཁའ་འགྲོའི་གདོན་རྣམས་ཟློག༔ ཀླུ་བདུད་མགོ་དགུས་ཀླུ་གདོན་མ་ལུས་ཟློག༔ ཀླུ་མོ་ནག་མོས་ཀླུ་མོའི་གདོན་རྣམས་ཟློག༔ བཀའ་ཡི་བསྟན་སྲུང་ལྷ་སྲིན་སྡེ་བརྒྱད་ཀྱིས༔ བར་ཆད་དགྲ་བགེགས་ཐམས་ཅད་བཟློག་ཏུ་གསོལ༔ ཧཱུྃ༔ དམ་རྫས་རྫ་ལྟར་ལྷག་པའི་དཀྱིལ་འཁོར་ནས༔ འཇིག་རྟེན་མཆོད་བསྟོད་ལྷ་ཚོགས་ཐམས་ཅད་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་བཛྲ་ཙཎྜ་སརྦ་དུཥྛན་ཧཱུྃ་ཕཊ༔ མ་ཧཱ་ཚྭ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀི་ནི་རི་ཏི་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཞེས་བསྟབ་བོ། །འདོད་གསོལ་བྱ།

[Full Size]

དམ་བདར་བཅོལ་བསྐུལ་བྱའོ།། ༈ དེ་ནས་དམོད་པ་དྲག་སྔགས་ཀྱི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི། ཧཱུྃ༔ བཅོམ་ལྡན་དཔལ་ཆེན་སྟོབས་ལྡན་ནག་པོ་ཆེ༔ དམ་ཉམས་དགྲ་བགེགས་རྣམ་ཤེས་འདི་ལ་རོལ༔ སྔགས་ཀྱི་བདག་པོས་དྲེགས་པ་ཕོ་རྒྱུད་ཟློག༔ ཡུམ་ཆེན་འབྱུང་བ་ལྔ་ཡི་བདག་མོ་ཡིས༔ སྔགས་ཀྱི་བདག་མོས་དྲེགས་པ་མོ་རྒྱུད་ཟློག༔ འཆི་བདག་ནག་པོས་གཤིན་རྗེའི་དམོད་པ་ཟློག༔ སྲོག་གི་བདག་མོས་མ་མོའི་དམོད་པ་ཟློག༔ ཀ་ལ་ཡཀྵས་མུ་སྟེགས་དམོད་པ་ཟློག༔ མེ་ཡི་ཁ་རླངས་བདུད་པོའི་དམོད་པ་ཟློག༔ ནག་མོ་ཁྲག་འཛག་བདུད་མོའི་དམོད་པ་ཟློག༔ ཐར་པ་ནག་པོས་རུ་ཏྲའི་དམོད་པ་ཟློག༔ སྲིན་པོ་གསོད་བྱེད་སྲིན་པོའི་དམོད་པ་ཟློག༔ སྲིན་མོ་ནག་མོས་སྲིན་མོའི་དམོད་པ་ཟློག༔ རཱ་ཧུ་ལ་ཡིས་གཟའ་ཡི་དམོད་པ་ཟློག༔ གང་བ་བཟང་པོས་གནོད་སྦྱིན་དམོད་པ་ཟློག༔ ཤ་ཟ་རལ་གཅིག་གནོད་སྦྱིན་མོ་གདོན་ཟློག༔ མ་ཧཱ་དེ་ཝས་ལྷ་ཡི་དམོད་པ་ཟློག༔ ལི་བྱིན་ཧ་རས་རྒྱལ་འགོང་དམོད་པ་ཟློག༔ ཡམ་ཤུད་དམར་པོས་བཙན་གྱི་དམོད་པ་ཟློག༔ དམུ་རྗེ་བཙན་པོས་དམུ་ཡི་དམོད་པ་ཟློག༔ ཁུ་ལེ་

[Full Size]

ལག་དགུས་འགོང་པོའི་དམོད་པ་ཟློག༔ རྡོ་རྗེ་ལེགས་པས་ཐེའུ་རང་དམོད་པ་ཟློག༔ གཞོན་ནུ་གཏུམ་པོས་ཀླུ་ཡི་དམོད་པ་ཟློག༔ བཀའ་ཡི་བསྟན་སྲུང་ཤན་པ་སྡེ་བརྒྱད་ཀྱིས༔ སྡེ་བརྒྱད་དམོད་པའི་མཚོན་ཆ་དགྲ་ལ་ཟློག༔ ཧཱུྃ༔ གཏུམ་དྲག་གྲུ་གསུམ་འབར་བའི་དཀྱིལ་འཁོར་ནས༔ དམོད་པ་དྲག་སྔགས་ལྷ་ཚོགས་ཐམས་ཅད་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ ཨོཾ་བཛྲ་ཙཎྜ་སརྦ་དུཥྛན་ཨེ་ཛབྷྱོ་ཧཱུྃ་ཕཊ༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀི་ནི་རི་ཏི་ལ་ཁཱ་ཧི་མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཞེས་བསྟབ་བོ། །འདོད་གསོལ་བྱ། དམ་བདར་བཅོལ་བསྐུལ་བྱའོ།། ༈ དེ་ནས་དཔལ་གྱི་བཀའ་སྡོད་ཀྱི་ལྷ་ཚོགས་རྣམས་ལ་ཟློག་པའི་ཕྲིན་ལས་བཅོལ་བ་ནི། ཧཱུྃ༔ དཀྱིལ་འཁོར་དགུ་ཡི་བར་ཁྱམས་འཁོར་ཡུག་ནས༔ དཔལ་གྱི་བཀའ་སྲུང་དམ་ཅན་དགྲ་བགེགས་ཟློག༔ རྡོ་རྗེ་མཁའ་འགྲོ་མ་བརྒྱད་དབང་ཕྱུག་བདུན༔ དྲི་ཟ་ལ་སོགས་ཤར་གྱི་གནོད་བྱེད་ཟློག༔ རིན་ཆེན་མཁའ་འགྲོ་མ་བརྒྱད་དབང་ཕྱུག་བདུན༔ གྲུ་བུམ་ལ་

[Full Size]

སོགས་ལྷོ་ཡི་གནོད་བྱེད་ཟློག༔ པདྨ་མཁའ་འགྲོ་མ་བརྒྱད་དབང་ཕྱུག་བདུན༔ ཀླུ་གདོན་ལ་སོགས་ནུབ་ཀྱི་གནོད་བྱེད་ཟློག༔ ལས་ཀྱི་མཁའ་འགྲོ་མ་བརྒྱད་དབང་ཕྱུག་བདུན༔ གནོད་སྦྱིན་ལ་སོགས་བྱང་གི་གནོད་བྱེད་ཟློག༔ གིང་དང་ལང་ཀ་ཆུང་མར་བཅས་པ་ཡིས༔ ཟ་འདྲེ་ཕུང་སྲི་གོད་འདྲེའི་ཚོགས་རྣམས་ཟློག༔ མ་མོ་ཆེན་མོ་བདུན་དང་སྲིང་མོ་བཞིས༔ ས་སྲིན་ཀླུ་སྲིན་གྲོང་རྒྱུག་བསེན་མོ་ཟློག༔ གནོད་སྦྱིན་ཆེན་མོ་འབར་མ་བརྒྱད་རྣམས་ཀྱིས༔ ལྷ་སྲིན་སྡེ་བརྒྱད་གནོད་པ་ཐམས་ཅད་ཟློག༔ ས་བདག་བདུད་འདུལ་ཆེན་མོ་བརྒྱད་རྣམས་ཀྱིས༔ བདུད་དང་གནོད་སྦྱིན་རྣམས་ཀྱི་གནོད་པ་ཟློག༔ ས་བདག་གཟའ་འདུལ་ཆེན་མོ་བརྒྱད་རྣམས་ཀྱིས༔ མིག་དམར་ལ་སོགས་གཟའ་ཡི་གནོད་པ་ཟློག༔ ས་བདག་བཙན་བདུད་ཆེན་མོ་བརྒྱད་རྣམས་ཀྱིས༔ ཟླ་བ་ཐོད་དཀར་ལ་སོགས་བཙན་གྱི་གནོད་པ་ཟློག༔ ས་བདག་ཀླུ་འདུལ་ཆེན་མོ་བརྒྱད་རྣམས་ཀྱིས༔ ཀླུ་དང་གཉན་དང་ས་བདག་གནོད་པ་ཟློག༔ རིགས་བཞིའི་ཕོ་ཉ་དྲུག་ཅུ་རྩ་བཞི་ཡི༔ ཏྲང་རྗེ་དཀར་ནག་ལ་སོགས་དམ་སྲི་ཟློག༔ འབུམ་ཕྲག་ཡངས་པའི་མཁའ་འགྲོའི་ཚོགས་རྣམས་

[Full Size]

ཀྱིས༔ མཁའ་འགྲོའི་ཆད་པ་རིམས་ནད་ཡམས་ནད་ཟློག༔ བོད་ཁམས་སྐྱོང་བའི་བརྟན་མ་བཅུ་གཉིས་ཀྱིས༔ མ་ཡམས་ནག་མོ་རྣམས་ཀྱི་གནོད་པ་ཟློག༔ ཧཱུྃ༔ ཚོམ་བུ་དགུ་ཡི་བཀའ་སྡོད་འཁོར་བཅས་ཀྱིས༔ དགྲ་བགེགས་ཤ་ཁྲག་རུས་པ་འདི་བཞེས་ལ༔ ལོག་འདྲེན་དགྲ་བགེགས་འབྱུང་པོ་ཚར་ཆོད་ཅིག༔ བཅོལ་བའི་ཕྲིན་ལས་མྱུར་དུ་འགྲུབ་པར་མཛོད༔ སརྦ་ཌཱཀྐི་ནཱི་ས་མ་ཡ་ཧྲིང་ཧྲིང་ཧཱུྃ་ཧཱུྃ་ཕཊ་ཕཊ༔ མ་ཧཱ་མཱ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཞེས་བསྟབ་བོ། །འདོད་གསོལ་བྱ། དམ་བདར་བཅོལ་བསྐུལ་བྱའོ། །ལྷ་འདྲེའི་དམག་དཔུང་བསྐུལ་ལོ།། ༈ བདེན་སྟོབས་ཟློག་པ། ཧཱུྃ༔ བདེར་གཤེགས་བཀའ་བརྒྱད་ལྷ་ཚོགས་བདེན་པའི་སྟོབས༔ བདེན་པའི་སྟོབས་ཀྱིས་མི་བཟློག་གང་ཡང་མེད༔ བདེན་པའི་མཐུ་དང་སྟོབས་ཀྱིས་བཟློག་ཏུ་གསོལ༔ དུས་མིན་”འཆི་བ་བརྒྱད་རྣམས་བཟློག་ཏུ་གསོལ༔ ཡེ་འདྲོགས་སུམ་བརྒྱ་དྲུག་ཅུ་བཟློག་ཏུ་གསོལ༔ ལྟས་ངན་བརྒྱད་ཅུ་རྩ་གཅིག་བཟློག་ཏུ་གསོལ༔ བགེགས་རིགས་སྟོང་ཕྲག་བརྒྱད་ཅུ་

[Full Size]

བཟློག་ཏུ་གསོལ༔ བྱིས་པའི་གདོན་ཆེན་བཅོ་ལྔ་བཟློག་ཏུ་གསོལ༔ ནད་རིགས་བཞི་བརྒྱ་རྩ་བཞི་བཟློག་ཏུ་གསོལ༔ འདུ་བ་རྣམ་བཞིའི་ནད་རྣམས་བཟློག་ཏུ་གསོལ༔ བད་ཀན་དཀར་སྨུག་ནད་རྣམས་བཟློག་ཏུ་གསོལ༔ རླུང་ནད་འཕྱོ་བའི་ནད་རྣམས་བཟློག་ཏུ་གསོལ༔ ཁྲག་ནད་མཁྲིས་པའི་ནད་རྣམས་བཟློག་ཏུ་གསོལ༔ བརྒྱལ་ནད་སྨྱོ་འབོག་ནད་རྣམས་བཟློག་ཏུ་གསོལ༔ བད་ཀན་མ་ཞུའི་ནད་རྣམས་བཟློག་ཏུ་གསོལ༔ རླུང་སྨོན་གཞུང་རྒྱུད་ནད་རྣམས་བཟློག་ཏུ་གསོལ༔ མཛེ་རིགས་བཅོ་བརྒྱད་ནད་རྣམས་བཟློག་ཏུ་གསོལ༔ སིབ་དང་བས་ལྡག་ནད་རྣམས་བཟློག་ཏུ་གསོལ༔ དྲེག་དང་ཞི་གྲུམ་ནད་རྣམས་བཟློག་ཏུ་གསོལ༔ ལྷོག་པ་སྐྲང་ལྷོག་ནད་རྣམས་བཟློག་ཏུ་གསོལ༔ རྐུན་བུ་གཞོན་པའི་ནད་རྣམས་བཟློག་ཏུ་གསོལ༔ ཤུ་བ་རྒྱ་ཐོར་ནད་རྣམས་བཟློག་ཏུ་གསོལ༔ རླུང་ཁམས་འབྲས་ཆེན་ནད་རྣམས་བཟློག་ཏུ་གསོལ༔ ཕོལ་མིག་འབྲུམ་བུའི་ནད་རྣམས་བཟློག་ཏུ་གསོལ༔ རིམས་ནད་སེམས་ཀྱི་ནད་རྣམས་བཟློག་ཏུ་གསོལ༔ གློ་གཟེར་ཚ་རིམས་ནད་རྣམས་བཟློག་ཏུ་གསོལ༔ ལུས་ལ་ན་ཚ་གཏོང་བ་བཟློག་ཏུ་གསོལ༔ སྲོག་ལ་ཧུར་

[Full Size]

ཐུམ་བྱེད་པ་བཟློག་ཏུ་གསོལ༔ ཚེ་ཡི་བར་ཆད་བྱེད་པ་བཟློག་ཏུ་གསོལ༔ སྡེ་བརྒྱད་ནད་ཡམས་བྱེད་པ་བཟློག་ཏུ་གསོལ༔ དགྲ་སྣ་དམག་སྣ་ཇག་སྣ་བཟློག་ཏུ་གསོལ༔ ནད་སྣ་རིམས་སྣ་ཡམས་སྣ་བཟློག་ཏུ་གསོལ༔ མ་ཉེས་ཁ་ཡོག་གྱོད་སྣ་བཟློག་ཏུ་གསོལ༔ བྱུར་གྱི་སྣ་འདྲེན་བྱེད་པ་བཟློག་ཏུ་གསོལ༔ བསྒྱུར་ཞིང་ཟློག་པའི་ཕྲིན་ལས་མཛད་དུ་གསོལ༔ བདེན་སྟོབས་ཟློག་པ་འདི་དཔལ་དགུ། བཀའ་སྡོད་དང་བཅུ་ལ་སྦྱར་རོ། །སྤྲོ་ན་དང་པོ་ཞི་བཟློག་ལ་ཡང་སྦྱར་རོ། །བདེན་སྟོབས་ཟློག་པ་འི་འགྲེས་རྩ་ཟུར་དུ་བསྐོལ་བ་འདིས་འཐུས་ཏེ༔ ཟློག་གཞུང་གི་མ་ཧཱ་མཾ་ས་ལ་ཁཱ་ཧི༔ ཞེས་སོགས་ཀྱི་མཇུག་ཏུ་སོ་སོར་སྦྱར་ན་ལེགས་སོ། །ཤིན་ཏུ་བསྡུ་ན་རྗེས་ནས་འདི་བཏོན་པས་ཀྱང་དོན་ལྡན་པ་ཡིན་ནོ།། ༈ བཀའ་བརྒྱད་ཐན་ཟློག་བསྡུས་པ༔ ཧཱུྃ༔ བཀའ་བརྒྱད་ལྷ་ཚོགས་འཁོར་བཅས་ཀྱིས༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ ཐན་དང་ལྟས་ངན་ཟློག་པའི་ཕྲིན་ལས་མཛོད༔ སྲོད་ལ་བྱ་གྲགས་དམུ་ཡི་ཐན༔ ནམ་ཕྱེད་མཛོ་ངུར་འགོང་པོའི་ཐན༔ འུག་པ་དགོད་པ་སྲིན་པོའི་ཐན༔ སྦྲུལ་ནག་བྱི་ཟན་ཀླུ་བཙན་ཐན༔ དེ་ཡི་ལྟས་ངན་དགྲ་ལ་སྒྱུར༔ ཁང་པ་འཚག་པ་རྒྱལ་འགོང་ཐན༔ ཤ་ཕོ་རུ་

[Full Size]

འཛིང་དྲི་ཟའི་ཐན༔ ཡུ་མོ་སྐྱིད་ལྷས་སྨན་གྱི་ཐན༔ ཁང་ཁྱིམ་འོད་བྱུང་གནམ་ཐིལ་ཐན༔ དེ་ཡི་ལྟས་ངན་དགྲ་ལ་སྒྱུར༔ སྐར་མ་ཁྱིམ་བབ་གཟའ་ཡི་ཐན༔ སྦྲ་ལ་སྐྱ་ཐིག་གཉན་གྱི་ཐན༔ སྦལ་པ་ཁྱིམ་འོང་ཕོ་ལྷའི་ཐན༔ སྦྲུལ་གྱིས་ཁྱིམ་བསྐོར་ཡུལ་འབུད་ཐན༔ དེ་ཡི་ལྟས་ངན་དགྲ་ལ་སྒྱུར༔ བྱ་ཐན་ཁྱིམ་བྱུང་གཟའ་བྱེའི་ཐན༔ སྒོ་ཁྱི་རྔོ་འབྲས་ནོར་བརླག་ཐན༔ སྤྲེལ་རོ་རྙེད་པ་དམེ་འདྲེའི་ཐན༔ ངར་ངུར་རོ་རྙེད་གླུ་གཉན་ཐན༔ དེ་ཡི་ལྟས་ངན་དགྲ་ལ་སྒྱུར༔ གླ་བ་དམར་པོ་བཙན་གྱི་ཐན༔ རང་འཐག་སྟོང་འཁོར་རྩོད་དབྱེའི་ཐན༔ གཅན་གཟན་ཁྱིམ་དུ་འཛུལ་བ་ནི༔ མནའ་བྱེད་སྡིག་པའི་ལྟས་ངན་ཡིན༔ དེ་ཡི་ལྟས་ངན་དགྲ་ལ་སྒྱུར༔ སློབ་བུ་དམ་ལོག་སྟེང་དུ་སྒྱུར༔ ལེ་གུ་ལྷ་ལོག་སྟེང་དུ་སྒྱུར༔ ཉེ་བ་ཁྲེལ་མེད་སྟེང་དུ་སྒྱུར༔ ཤག་རོགས་མནའ་ཟན་སྟེང་དུ་སྒྱུར༔ ཕ་ཆེན་རྒྱབ་ལོག་སྟེང་དུ་སྒྱུར༔ ནད་པ་སོས་ལོག་སྟེང་དུ་སྒྱུར༔ བྲན་འཁོར་སྙིང་རིང་སྟེང་དུ་སྒྱུར༔ ཐན་རིགས་བརྒྱད་ཅུ་རྩ་གཅིག་སྒྱུར༔ ཡེ་འདྲོགས་སུམ་བརྒྱ་དྲུག་ཅུ་སྒྱུར༔ ནད་རིགས་བཞི་བརྒྱ་རྩ་བཞི་སྒྱུར༔ རྐྱེན་ངན་ཉི་ཁྲི་ཆིག་སྟོང་སྒྱུར༔ བགེགས་

[Full Size]

རིགས་སྟོང་ཕྲག་བརྒྱད་ཅུ་སྒྱུར༔ ཟློག་ཅིག་སྒྱུར་ཅིག་ས་མ་ཡ༔ བྷྱོ་བྷྱོ༔ ཟློག་བཟློག༔ ཅེས་བཀའ་བརྒྱད་ཐན་ཟློག་ཆེན་མོའི་དོན་བསྡུས། ཨ་རཱ་གས་སོ།། ཨྠྀི༔ དེ་ནས་བྱ་ཁྱུང་གི་ཟློག་པ་ནི། སྐད་ཅིག་གིས་བྱ་ཁྱུང་རྣམས་ཁྲོ་དམར་ནག་འོད་དུ་ཞུ་བ་ལས༔ གྷ་རུ་ཊ་གནམ་ལྕགས་ཀྱི་རྭ་དང་མཆུ་སྡེར༔ རལ་གྲིའི་གཤོག་པ་དང་སྤུ་གྲིའི་ཐེལ་ཕྲན༔ ཆུ་གྲིའི་མཇུག་སྒྲོ་ཅན༔ སྤྲུལ་པའི་ཁྱུང་གིས་ནམ་མཁའ་གང་ཞིང་རྡོ་རྗེའི་མེའི་སེར་བ་དང་༔ བྱེ་ཚན་གྱི་ཆར་གྱིས་གནོད་བྱེད་ཀླུ་གཉན་བསྲེག་པའི་རང་བཞིན་ཅན་དུ་གྱུར༔ ག་རུ་ཊ་དངོས་སུ་བསྐྱེད་ལ། ཁྲོ་ག་རུ་ཊ་ཛ༔ཧཱུྃ་བཾ་ཧོ༔ ས་མ་ཡ་སྟི༔ སྐབས་འདིར་དམ་བདར་བཅོལ་བསྐུལ་སྡེ་བརྒྱད་ལྷ་འདྲེའི་དམག་དཔུང་བསྐུལ་ལོ། །རྒྱས་པར་བྱེད་ན་བྱ་ཁྱུང་གི་སྤྱན་འདྲེན་གུད་ན་ཡོད་པས་སྐབས་འདིར་བྱའོ། །སྦྱོ་བཟློག་རྒྱས་པར་བསྐྱེད་ཆོག་ཆེན་མོ་ལྟར་བྱའོ། །ཞེས་པས་སྤྱན་དྲངས་ལ་བསྟིམ། མཆོད་པ་གཏོར་མ་སྨན་དང་རཀྟ་འབུལ། ཁྲོ་ག་རུ་ཊ་ཧཱུྃ་ཕཊ༔ ཅེས་པའི་ཁྱུང་སྔགས་དྲུག་པ་བཟླ་ཞིང་། དེ་ནས་བྱ་ཁྱུང་སྤྱན་འདྲེན་ནི། འདི་སྐད་དོ། །ཧཱུཾ་རི་རབ་ཆེན་པོ་རི་ཡི་རྩེ་མོ་ནས༔ དཔག་བསམ་རྒྱས་པ་ཤིང་གི་སྡོང་པོ་ནས༔ སྲིད་པའི་བྱ་ཁྱུང་རྒྱལ་པོ་ཁྲོ་བོའི་རྒྱལ༔ བདག་གི་དད་པ་དང་ནི་དམ་

[Full Size]

ཚིག་གིས༔ ཚུར་གཤེགས་ཚུར་གཤེགས་བྱ་ཁྱུང་ག་རུ་ཊ༔ ལྟས་ངན་བཟློག་ཅིང་ཕྲིན་ལས་སྒྲུབ་པའི་ཕྱིར༔ བྱ་ཁྱུང་རྒྱལ་པོ་འབོད་དོ་སྙན་མ་སྲ༔ བྱ་ཁྱུང་རྒྱལ་པོ་གཡབ་བོ་སྤྱན་མ་རྟུལ༔ བྱ་ཁྱུང་རྒྱལ་པོ་བརྟེན་ནོ་རྒྱང་མ་རིང་༔ བསྟན་པ་བསྲུང་ཕྱིར་གནས་འདིར་གཤེགས་སུ་གསོལ༔ ཛཧཱུྃ་བཾ་ཧོ༔ མ་ཧཱ་ག་རུ་ཊ་རཱ་ཙ་ས་མ་ཡ་ཛ༔ཛ༔ ཧཱུྃ༔ སྣང་སྲིད་འདོད་ཡོན་ཚོགས་ཀྱི་མཆོད་པ་དང་༔ རྨད་དུ་བྱུང་བའི་གཏོར་མའི་མཆོད་པ་དང་༔ དམ་རྫས་བདུད་རྩི་འབར་བའི་མཆོད་པ་དང་༔ སྦྱོར་སྒྲོལ་རཀྟའི་མཆོད་པས་ཐུགས་དམ་བསྐང་༔ མ་ཧཱ་ག་རུ་ཊ་རཱ་ཙ་བ་ལིཾ་ཏ་ལ་ཁ་རཾ་ཁཱ་ཧི༔ ག་རུ་ཎ་པུ་ཛ་མེ་གྷ་ཧཱུྃ༔ རྒྱས་པའི་དུས་བྱ་ཁྱུང་ལ་བསྒྲལ་ལས་མེད་པས། འདིར་ཁྱུང་ལ་གཏོར་ཆུང་ལིང་ག་འབུལ་ལོ༔ བསྡུས་པའི་དུས་སུ་ཁྱུང་ལ་བསྒྲལ་ལས་ཡོད་པས་འདི་མི་འབུལ་ལོ།། ཧཱུྃ༔ དཔལ་ཆེན་སྐུ་སྤྲུལ་བྱ་ཁྱུང་ག་རུ་ཊ༔ ལྕགས་སྡེར་བསྒྲད་པས་ཚངས་པའི་ཡུལ་ས་གནོན༔ གཤོག་པ་བརྡབས་པས་གཟའ་ཀླུ་དབང་དུ་སྡུད༔ ཁྱུང་སྐད་སྟོང་སྟོང་ཀླུ་རྣམས་སྲོག་རྩ་གཅོད༔ དགྲ་བགེགས་གཤེད་མ་བྱ་ཁྱུང་རྒྱལ་ལ་བསྟོད༔ ལྟས་ངན་བཟློག་ཅིང་བསྒྱུར་བའི་ཕྲིན་ལས་མཛོད༔ དེ་ནས་ཟློག་གཞུང་གི་

[Full Size]

ཁྱུང་ཟློག་ལ། ཧཱུྃ་ཁྲོ་བྷྱོ༔ ཁྲོ་རྒྱལ་ཀུན་བཟང་ཆེ་མཆོག་ཧེ་རུ་ཀ༔ དབུ་གསུམ་ཕྱག་དྲུག་འཇིགས་པའི་སྐུ༔ དུར་ཁྲོད་ཆས་བརྒྱད་སྐུ་ལ་བརྒྱན༔ ཕྱག་ན་གདུག་པའི་མཚོན་ཆ་བསྣམས༔ ཁྲོ་ཆུང་ཉེར་གཅིག་སྐུ་ལས་སྤྲུལ༔ སངས་རྒྱས་ཐམས་ཅད་འདུས་པའི་སྐུ༔ སྤྲུལ་པའི་ཁྱུང་ཆེན་སྟོབས་པོ་ཆེ༔ དབུ་ཡི་སྟེང་ན་བརྗིད་པར་བརྒྱན༔ ལྕགས་ཀྱི་རྭ་དང་མཆུ་སྡེར་ཅན༔ གཡུའི་གཤོག་ཅན་དམར་ཟླུམ་མིག༔ ཁྲོ་བོའི་སྤྱན་གྱི་སྡང་མིག་གིས༔ དྲེད་མོང་རལ་འཛིངས་ལྟས་ངན་ཟློག༔ གཡས་གཤོག་དང་པོ་བརྡབས་པ་ཡིས༔ འབྲུག་སེང་འཐབས་པའི་ལྟས་ངན་ཟློག༔ གཡས་གཤོག་གཉིས་པ་བརྡབས་པ་ཡིས༔ སྟག་སེང་འཛིངས་པའི་ལྟས་ངན་ཟློག༔ གཡས་གཤོག་གསུམ་པ་བརྡབས་པ་ཡིས༔ བུད་མེད་རལ་འཛིངས་ལྟས་ངན་ཟློག༔ གཡས་གཤོག་བཞི་པ་བརྡབས་པ་ཡིས༔ དབྱིག་གི་ནོར་བུའི་ལྟས་ངན་ཟློག༔ གཡས་གཤོག་ལྔ་པ་བརྡབས་པ་ཡིས༔ ལྕི་བ་ཟས་ཀྱི་ལྟས་ངན་ཟློག༔ གཡོན་གཤོག་དང་པོ་བརྡབས་པ་ཡིས༔ མེ་ཏོག་བཅུད་ཉམས་ལྟས་ངན་ཟློག༔ གཡོན་གཤོག་གཉིས་པ་བརྡབས་པ་ཡིས༔ ལྗི་ཡམས་

[Full Size]

སྐྱོད་པའི་ལྟས་ངན་ཟློག༔ གཡོན་གཤོག་གསུམ་པ་བརྡབས་པ་ཡིས༔ གཏེར་གྱི་བཅུད་ཉམས་ལྟས་ངན་ཟློག༔ གཡོན་གཤོག་བཞི་པ་བརྡབས་པ་ཡིས༔ སེང་གེ་ངུ་འབོད་ལྟས་ངན་ཟློག༔ གཡོན་གཤོག་ལྔ་པ་བརྡབས་པ་ཡིས༔ རྣོ་དབལ་མཚོན་གྱི་ལྟས་ངན་ཟློག༔ རྨ་བྱ་གཡེང་བའི་ལྟས་ངན་ཟློག༔ གཡུ་སྒོང་སྔོན་པོ་ཡར་བ་ཟློག༔ ལྕགས་ཀྱི་སེར་བ་འབེབས་པ་ཟློག༔ ཤེལ་སྒོང་ནང་དུ་དུག་གཡོས་ཟློག༔ ཟངས་སྒོང་དམར་པོ་འདྲིལ་བ་ཟློག༔ ཉི་མ་སྤྲིན་གྱིས་སྒྲིབ་པ་ཟློག༔ འཚུབ་མ་མང་པོའི་སྙིང་བཏགས་ཟློག༔ སེང་གེ་གངས་ནས་ལྷུང་བ་ཟློག༔ ཤེལ་གྱི་སྒོ་ང་ཡར་བ་ཟློག༔ སྤྲིན་ཆེན་ཡར་བའི་ལྟས་ངན་ཟློག༔ བོང་བུའི་བཅུད་ཆེན་ཟག་པ་ཟློག༔ ཅེས་བསྡུ་ན། དབང་མོ་ཉི་ཤུ་རྩ་བརྒྱད་ཀྱིས༔ ལྟས་ངན་བཅུ་གསུམ་སླར་ལ་ཟློག༔ ཁྱུང་གི་མཇུག་སྒོ་འབར་བ་ཡིས༔ སྤུ་སྡུག་ཉམས་པའི་ལྟས་ངན་ཟློག༔ རྒྱལ་མོ་བཞི་དང་བློན་མོ་བཞིས༔ སྤྲུལ་པའི་འོད་ཕྲེང་ལྟས་ངན་ཟློག༔ ཧཱུྃ༔ ཁྲོ་རྒྱལ་ཁམས་གསུམ་ཧཱུཾ་སྒྲ་སྒྲོག༔ ཟངས་ཁྲབ་གསོལ་ཞིང་མདུང་དམར་ཐོགས༔ བ་དན་རྩེ་གསུམ་གཡབ་པ་ཡིས༔ ལྷ་སྲིན་དབང་སྡུད་

[Full Size]

དགྲ་བགེགས་གསོལ༔ བདུད་དཔུང་འཇོམས་ཤིང་སྲོག་དབུགས་དབང་༔ མདུང་དམར་དབལ་གྱི་ལོག་འདྲེན་སྒྲོལ༔ ལྟས་ངན་ཐམས་ཅད་བཟློག་ཏུ་གསོལ༔ བྷྱོ་བྷྱོ་སྡང་བའི་དགྲ་ལ་བྷྱོ༔ ཟློག་ཟློག་གནོད་པའི་བགེགས་ལ་ཟློག༔ ཅེས་པ་ཆག་ཆེན་ཉམ་ང་མོ་ངན༔ སྤུ་ངན་སོག་སྡིག་བྱེད་ཁ་དང་༔ ཕུར་ཁ་རྦོད་གཏོང་གཏོང་བ་དང་༔ བྱད་མ་ལྷ་དང་བཅས་པ་ཐམས་ཅད་ཀུན༔ བྱ་ཁྱུང་གིས་སྡེར་མོས་བྱེད༔ གཤོག་པས་གཡབ༔ རྭས་རྡུང་༔ མཆུས་ཟོས་ཏེ༔ ཐམས་ཅད་རྡུལ་ཕྲན་བཞིན་དུ་བརླགས་པར་བསམ་མོ།། ༈ དེ་ནས་ཟློག་གཞུང་གི་ཁྱུང་ཟློག་ལ༔ དེའི་མཇུག་ཏུ་ཁྱུང་གི་ཐན་ཟློག་བསྡུས་པ་འདི་སྦྱར་རོ༔ ཀྱེེ༔ གནམ་གྱི་བྱ་ནག་སྡེར་འཛིང་དེ༔ ཡེ་འདྲོག་ཐོག་ཤོར་ལྟས་ངན་ཡིན༔ སྲེག་པ་ཁྱིམ་དུ་འོང་བ་དེ༔ འདྲེ་སྲིན་ཀུན་གྱི་ལྟས་ངན་ཡིན༔ བྲག་བྱ་འུག་པ་དགོད་པ་དེ༔ ཐན་སྲིན་ནག་མོའི་ལྟས་ངན་ཡིན༔ ལྕོང་ཁྲས་ཕུགས་སུ་ཚང་བཅས་དེ༔ གཉན་བདུད་འདྲིལ་བའི་ལྟས་ངན་ཡིན༔ བྱ་རོག་ཤ་འཐབ་བྱེད་པ་དེ༔ གློ་བུར་གོད་པའི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ སྟོན་གྱི་ཤ་ཕོ་རུ་འཛིང་དེ༔ གནམ་ལྷ་དཀར་པོའི་ལྟས་ངན་ཡིན༔ བྲག་ནག་གླ་རོ་རྙེད་པ་དེ༔ བྲག་སྲིན་

[Full Size]

མོ་ཡི་ལྟས་ངན་ཡིན༔ སྤང་ལས་དགོ་རོ་རྙེད་པ་དེ༔ གངས་གསུམ་བཙན་གྱི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ སྲོད་ལ་ཝ་མོ་བརྒྱལ་བ་དེ༔ དུར་སྲི་ནག་མོའི་ལྟས་ངན་ཡིན༔ བྲག་ལས་གནའ་རོ་རྙེད་པ་དེ༔ བྲག་སྲིན་མོ་ཡི་ལྟས་ངན་ཡིན༔ སྲེ་མོང་བྱི་རོ་ཁྱེར་བ་དེ༔ ཆུང་སྲི་འདྲེ་མོའི་ལྟས་ངན་ཡིན༔ སྲེ་མོང་རང་སྐད་ཙེ་རེ་ར༔ འདྲེ་སྲིན་རྣམས་ཀྱི་ལྟས་ངན་ཡིན་༔ བརྡའ་ཐན་སྒྱུར་རོ་ལྟས་ངན་ཟློག༔ ཁང་ཁྱིམ་ཁུ་ལོང་བབས་པ་དེ༔ ཤི་ཆད་འོང་བའི་ལྟས་ངན་ཡིན༔ ཆབ་ཀྱི་ཉ་མོ་རྔ་འཛིང་དེ༔ ཀླུ་བདུད་ནག་པོའི་ལྟས་ངན་ཡིན༔ སྦལ་ནག་སྡེར་འཛིང་མཐོང་བ་དེ༔ ས་བདག་གཉན་གྱི་ལྟས་ངན་ཡིན༔ ཐན་སྦྲུལ་གྱི་རོ་ཟ་བ་དེ༔ ཀླུ་སྲིན་གདུག་པའི་ལྟས་ངན་ཡིན་བརྡའ་ཐན་སྒྱུར་རོ་ལྟས་ངན་ཟློག༔ སྟག་དོང་ནང་ན་སྦྲང་ཚང་བཅའ༔ མི་བརླ་འཁྱམས་པའི་ལྟས་ངན་ཡིན༔ སྲོད་ལ་རྟ་ཕོ་འཚེར་བ་དེ༔ གཉན་ལ་དགའ་བའི་ལྟས་ངན་ཡིན༔ ཐོ་རངས་སྒོ་ཁྱི་དུ་བ་དེ༔ གྲོང་རྐུན་འདྲེ་མོའི་ལྟས་ངན་ཡིན༔ དུད་འགྲོ་ཟོ་ལག་བྲང་བརྡུང་དེ༔ མ་མོ་རྣམས་ཀྱི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་

[Full Size]

ཟློག༔ དུད་འགྲོ་མགོ་གཉིས་ལུས་གཅིག་དེ༔ མ་བདུད་སྲིན་གྱི་ལྟས་ངན་ཡིན༔ དུད་འགྲོ་གཅིག་ལ་གཉིས་ཁྲིད་དེ༔ མོ་འདྲེ་མ་ཡི་ལྟས་ངན་ཡིན༔ དུད་འགྲོས་རྒྱུ་མ་བཤལ་བ་དེ༔ བཙན་འགོང་དམར་པོའི་ལྟས་ངན་ཡིན༔ དུད་འགྲོ་ལུས་གཅིག་མགོ་དགུ་དེ༔ བདུད་པོ་སྡེ་དགུའི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ དུད་འགྲོ་ལུས་གཅིག་རྐང་གཉིས་དེ༔ མགྱོགས་པ་རྐང་བརྒྱད་ལྟས་ངན་ཡིན༔ དུད་འགྲོ་ཁ་བཞི་དོད་པ་དེ༔ བཙན་པོ་ཁ་བཞིའི་ལྟས་ངན་ཡིན༔ དུད་འགྲོ་ལྷག་ཆད་ཐན་དགུ་དེ༔ གསེར་ཐིང་རྒྱལ་མོའི་ལྟས་ངན་ཡིན༔ དུད་འགྲོ་ཐན་དགུ་གཟུགས་བཅུ་དེ༔ བྲ་མ་སྟོན་རོ་མ་ཡི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ བྱི་བས་གོས་ནོར་བཏོགས་པ་དེ༔ ནད་ཡུན་རིང་བའི་ལྟས་ངན་ཡིན༔ ཀྱེ༔ ཐན་ཕྲན་སུམ་བརྒྱ་དྲུག་ཅུ་དེ༔ གནམ་གྱི་བྱ་དཀར་མཆེ་བ་ཅན༔ ས་ཡི་ཁྱི་ནག་འདབ་མ་ཅན༔ དེ་གཉིས་འཚོགས་པའི་ལྟས་ངན་ཡིན༔ ཁང་པ་ཚག་ཅིང་ཐུག་ཆོམ་བྱུང་༔ བེ་གར་རྒྱལ་པོའི་ལྟས་ངན་ཡིན༔ སྒོ་ཁྱིས་སྒོ་ཐེམ་འདྲེད་པ་དེ༔ ཐེའུ་རང་ནག་པོའི་ལྟས་ངན་ཡིན༔

[Full Size]

སྦྲ་ཡི་གུང་ཤིང་ཆག་པ་དེ༔ ཐིལ་བྱིན་ནག་པོའི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ སྦྲ་གུར་ཆོན་ཐག་འགུལ་བ་དེ༔ བཙན་ཤ་རྒྱུག་པའི་ལྟས་ངན་ཡིན། ཁྱིམ་ནང་འོད་དུ་འབྱུང་བ་དེ༔ རྒྱལ་པོ་ཆེན་པོའི་ལྟས་ངན་ཡིན༔ སྤྲེལ་གྱིས་གླ་བ་ཞོན་པ་དེ༔ དགེ་བསྙེན་ཆེན་པོའི་ལྟས་ངན་ཡིན༔ དྲེལ་རྟས་རྔ་རྔོག་འཆའ་བ་དེ༔ མཚོན་ཆ་འཁྲུག་པའི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ གནམ་ནས་རྡོ་ནག་བབས་པ་དེ༔ ལྷ་འདྲེ་ཡོངས་ཀྱི་ལྟས་ངན་ཡིན༔ བུད་མེད་ངུ་བ་རྨིས་པ་དེ༔ མ་མོ་འཁྲུག་པའི་ལྟས་ངན་ཡིན༔ བུད་མེད་རྒྱན་མེད་མང་དུ་རྨིས་པ་དེ༔ འདྲེ་སྲིན་མོ་ཡི་ལྟས་ངན་ཡིན༔ འོ་བཤིགས་མར་མེད་སྤུ་ལུད་མང་༔ སྨན་ཕྲན་མང་པོའི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ ལྷ་ཁང་མཆོད་རྟེན་རྨིས་པ་དེ༔ འབྱུང་པོ་བེ་ནག་ལྟས་ངན་ཡིན༔ ཟན་ལ་ཁྲག་ཏུ་ཁོལ་བ་དང་༔ ཡོས་བཏགས་རམ་ཕྱེ་འབྱུང་བ་དེ༔ སྡེ་བརྒྱད་ཡོངས་ཀྱི་ལྟས་ངན་ཡིན༔ འོད་འཁྱིལ་སྒོ་རུ་འོང་བ་དང་༔ མེ་འབུད་རང་འཐག་འཁོར་བ་དེ༔ མགར་བ་ནག་པོའི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔

[Full Size]

སྦྲ་ལ་སྐྱ་རིས་གཟུགས་བརྙན་འཆར༔ ཁང་པར་བུང་པས་མཁར་བུ་བརྩིགས༔ སྒོ་བཞི་སྟོང་བའི་ལྟས་ངན་ཡིན༔ རི་བྲག་འགྱེལ་ཞིང་ཉིལ་བ་དེ༔ ཡུལ་ལྷ་འཁྱམས་པའི་ལྟས་ངན་ཡིན༔ རི་རྡོ་ཞིང་དུ་འདྲིལ་བ་དེ༔ ཞིང་བདག་འཆི་བའི་ལྟས་ངན་ཡིན༔ ཞིང་ལས་ས་གཡོས་ཆད་པ་དེ༔ ཞིང་ལྷ་འཁྱམས་པའི་ལྟས་ངན་ཡིན༔ བརྡའ་ཐན་སྒྱུར་རོ་ལྟས་ངན་ཟློག༔ ཁང་སྐམ་ཆུ་འཛག་ལྟས་ངན་དང་༔ ཐིགས་པ་ཁྲག་ཏུ་རེད་པ་དང་༔ འོ་མ་ཁྲག་ཏུ་བྱུང་བ་དང་༔ འོ་བཤིགས་འོ་མར་མར་མི་བྱུང་༔ བཙུགས་པའི་ཁྲི་ངར་འགྱེལ་བ་དང་༔ ཁྱིམ་ཕུག་ཤ་མོང་སྐྱེས་པ་དང་༔ རི་བྱ་ཁྱིམ་དུ་འོང་བ་དང་༔ བྱ་ཆེན་སྟེང་དུ་བབས་པ་དང་༔ སྔར་མེད་བྱ་ཐན་བྱུང་བ་དང་༔ བྱ་རོག་དཀར་པོ་མཐོང་བ་དང་༔ འདྲེ་གཟུགས་སྣ་ཚོགས་མཐོང་བ་དང་༔ ལྟས་ངན་བརྒྱད་ཅུ་རྩ་གཅིག་དང་༔ ཐན་ཕྲན་སུམ་བརྒྱ་དྲུག་ཅུ་རྣམས་༔ ཟློག་གོ་བྱ་ཁྱུང་རྒྱལ་པོས་ཟློག༔ སྒྱུར་རོ་ལྟས་ངན་དགྲ་ལ་སྒྱུར༔ བཟློག་ཅིང་བསྒྱུར་བའི་དུས་ལ་བབ༔ དུས་ལ་བབ་བོ་ས་མ་ཡཱ༔ ཨོཾ་བཛྲ་པ་ཏི༔ ག་རུ་ཊ་ཨུ་ཙ་ཏ་ཡ་ཧཱུྃ་ཕཊ༔ བྷྱོ་བྷྱོ་ཟློག་ཟློག༔ སྤྱིར་ཁྱུང་ཟློག་གི་

[Full Size]

བཅས་སོ་སོར་སྣང་ན་ཡང་༔ ཁྱུང་སྐུ་ཁྲོ་རོལ་གྱི་རྩེར་བཙུགས་ནས་འདོན་བྱ་ཟློག་གཞུང་གི་ཁྱུང་ཟློག་དེས་འཐུས་ལ༔ ཅུང་ཟད་རྒྱས་པར་འདོད་ན་འདི་ཁྱུང་ཟློག་གི་སྐབས་སུ་སྦྱར་བས་ཆོག་སྟེ༔ འདི་ནི་ཁྱུང་གི་བསྐང་བ་དང་ཁྱུང་གི་སྤྱན་འདྲེན་མཆོད་བསྟོད། ཁྱུང་ཟློག་གི་གཞུང་དང་བཅས་པ་དང་། ཁྱུང་གི་ཐན་ཟློག་དང་གསུམ་ཀའི་དོན་བསྡུས་ནས༔ ཨ་རཱ་གས་སྦྱར་བ་ལ་འགལ་འཁྲུལ་གང་མཆིས་བཤགས་ཤིང་དགེ་བས་འགྲོ་བའི་རྣམ་རྟོག་དྲུངས་ཕྱུངས་ནས། མི་རྟོགས་ཡེ་ཤེས་ཚོགས་ལ་རོལ་བར་ཤོག། མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྒྲལ་ལས།

[Full Size]

༄༅། ཚོགས་ཐ་མའི་སྐབས་སུ་བབ་དུས་བྱ་རྒྱུ་ཡིན་ནོ༔ བཀའ་བརྒྱད་ཁྲོ་བོ་རོལ་པ་རྒྱས་པའི་སྐབས་སུ་བསྒྲལ་ལས་དང་ཟློག་གཞུང་དོན་བདུན་སྒོས་བསྐུལ་ཐམས་ཅད་གབ་སྤྲད་ལུགས་ལ་ཕྱག་ལེན་འདྲ་མིན་མང་བར་འདུག་ནའང་རྒྱས་བསྡུས་རན་ཞིང་འཚམས་པར་བསྒྲིག་པ་འདི་ཙམ་འཐད་པར་སྣང་སྟེ༔ ཧ་ཅང་རྒྱས་པ་དང་བསྒྲལ་ལས་དོན་བརྒྱད་སོགས་རྒྱས་བསྡུས་མང་དུ་གསུངས་པ་ནི་སྔགས་པ་མང་པོས་སོ་སོར་འདོན་རྩིས་ཡིན་ལ་འདིར་ཕྱོགས་གཅིག་ཏུ་བསྒྲིགས་འདོན་བྱ་བའི་ཕྱིར་ཐམས་ཅད་དོན་ཚང་ལ་རན་པ་ཡིན་ནོ༔

[Full Size]

ཚོགས་ཐ་མའི་སྐབས་སུ་དཔོན་སློབ་མང་ན་མཆོད་གཡོག་གི་མདུན་དུ༔ ཉུང་ན་རྣལ་འབྱོར་པ་རང་གི་མདུན་དུ་གཞི་ནག་པོ་བཏིང་ལ་ནས་ཚོམ་དགུ་བཀོད་པའི་སྟེང་དུ་ཉ་བོ་བཅུའམ་བཅུ་གཅིག་ཁྲག་གིས་སྦག་པ༔ ཚོགས་ཐ་མའི་དུམ་བུ་དེ་དང་མཉམ་པ༔ ཤ་དུམ་གཏོར་ཆུང་ཉི་ཤུ༔ ནས་གཙང་མ་སྡེར་གང་༔ ཆང་ཕུད་གཙང་མ༔ སྣོད་གཙང་ནང་དུ་ཁྲག་མང་བ༔ ཆང་དང་ཁྲག་གིས་ཕུད་སྐྱོགས་དང་བཅས་པ༔ ཡོད་ན་ལིང་རོ་འབུལ་བའི་གཏོར་སྐྱོགས༔ མེད་ན་ཟངས་ལྕགས་སམ་ཐོད་ཏིང་༔ ཐུན་རྫས་ཡུངས་ཀར༔ ཁྲག༔ མཚེ༔ དུག༔ ཐང་ཤོ་ལྟ་བུའི་ལོ་མ༔ ལྕགས་ཕྱེའམ༔ རལ་གྲི༔ མདའ་དང་རྡོ་ཐུན༔ གྲི་གུག་གམ་རལ་གྲི༔ ཐོ་བ་རྣམས་བཀོད༔ ཀ་ཊོ་རའམ་བཙོ་ཆུང་ཕུར་གདན་ནས་ཀྱིས་བཀང་བ༔ དེ་རྣམས་མདུན་དུ་

[Full Size]

བཀོད༔ མདོས་འོག་གི་བྲུབ་ཁུང་ཡང་ཁ་ཕྱེས་ལ༔ དེའི་ལིང་ག་རྣམས་ཀྱང་ཁྲག་གམ་ཆུ་གཙང་གིས་བྲན༔ མདུན་གྱི་ལིང་ག་ཐམས་ཅད་དུས་གཅིག་ཏུ་བྲན་ལ༔ དེ་ནས་མཆོད་གཡོག་པས་ཕུད་ཕོར་དུ༔ ཆང་རྒོད་གཙང་མ་ལ་གསེར་སྐྱེམས་བརྡར་ནས་འབྲུ་བླུགས་པ་བཀྱགས་ལ་གསེར་སྐྱེམས་འདི་འདོན་ནོ༔ ཀྱེ༔ སྟེང་གི་ལྷ་དང་འོག་གི་ཀླུ། བར་གྱི་བཙན་དང་ཆོས་སྐྱོང་དང་༔ བོན་གྱི་ལྷ་སྲུང་ཕོ་ལྷ་དང་༔ དགྲ་བླ་འགོ་བའི་ལྷ་ལྔ་དང་༔ སྲོག་ལྷ་ཡུལ་ལྷ་མ་ལྷ་དང་༔ ཞང་ལྷ་རྩེ་ལྷ་རྩེ་སྨན་སོགས༔ ལྷ་འདྲེ་ཐམས་ཅད་མི་འགུགས་ཀྱིས༔ གསེར་སྐྱེམས་མཆོད་པ་འདི་བཞེས་ལ༔ དོ་ནུབ་ང་ཡི་ལས་མཛོད་ཅིག༔ དུས་

[Full Size]

གསུམ་རྒྱལ་བའི་བཀའ་བྱུང་གིས༔ ལུས་སེམས་འདི་རུ་མ་ཆགས་པར༔ བག་ཟོན་རང་རང་གནས་སུ་དེངས༔ བདག་གིས་མ་ཉེས་མ་གཡོས་སོ༔ གཟུ་དང་དཔང་དུ་དཀོན་མཆོག་བཞུགས༔ མ་ཉེས་མ་ཡོ་ཡེ་ཤེས་ལྷ༔ སྲིད་པའི་མ་མོ་ར་མདར་ལོགས༔ ལྷ་སྲིན་སྡེ་བརྒྱད་དམ་ལ་འདུས༔ མ་ཉེས་ཞལ་ལྕེ་ལྷ་འདྲེ་ཡོངས་ཀྱིས་ཆོད༔ དམ་ཉམས་དགྲ་བགེགས་ལས་ངན་འདི༔ བསྒྲལ་བའི་ཞིང་བཅུ་ཚང་བ་འདི་ཡིན་ཏེ༔ ཉམས་པ་བདུན་ལ་གཏོགས་པ་དང་༔ སྐུ་དགྲོ་རྣམ་ལྔར་གྱུར་པ་ལ༔ རྟགས་དང་མཚན་མ་མྱུར་དུ་སྟོན༔ དྲིན་ལེན་གཏང་རག་ཁྱེད་ལ་གཏོང་༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གསེར་སྐྱེམས་ཕྱི་རོལ་ནམ་མཁར་གཏོར༔ ཕཊ༔ སྐད་ཅིག་གིས་མདོས་གཞིའི་འོག་ཏུ་རུ་ཏྲའི་བྲང་རུས་ལས་གྲུབ་པའི་ལྕགས་ཁང་ནག་པོ་དགུའི་ནང་དང་༔ མདུན་དུ་བྷན་གྲུ་གསུམ་འབར་བ་བཅུའི་ནང་དུ༔ ཧྲི་དང་ཏྲི་ལས་གནོད་བྱེད་དགྲ་བགེགས་རྣམས་མངོན་སུམ་དུ་གསལ་བར་གྱུར༔ ན་མོ༔ དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བདེན་པ་དང་༔ ཆོས་ཀྱི་

[Full Size]

བདེན་པ་དང་༔ དགེ་འདུན་གྱི་བདེན་པ་དང་༔ ཡི་དམ་རྒྱལ་བ་ཞི་ཁྲོ་བཀའ་བརྒྱད་ཀྱི་ལྷ་ཚོགས་རྣམས་ཀྱི་བདེན་པ་དང་༔ བཀའ་སྲུང་ཕོ་ཉ་ཐམས་ཅད་ཀྱི་བདེན་པ་དང་གཞན་ཡང་གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པའི་སྟོབས་ཀྱིས༔ སྤྱིར་ཞིང་བཅུ་ཚང་བ་སངས་རྒྱས་བསྟན་པའི་སྤྱི་དགྲ༔ བླ་མ་དང་དཀོན་མཆོག་གི་སྐུ་དགྲ༔ དོ་བསྡོ་ཕོད་བཙུགས་འགྲས་ཚོལ༔ དགྲ་སྣ་རྐུན་སྣ་ཇག་སྣ་སྟོན་པ་རྣལ་འབྱོར་པ་བདག་གི་སྒོས་དགྲ༔ ཁྱད་པར་དུ་ཡང་བདག་ཅག་དཔོན་སློབ་ཡོན་མཆོད་བསྲུང་བྱ་མི་ནོར་འཁོར་དང་བཅས་པ་ལ༔ གནོད་ཅིང་འཚེ་བར་བྱེད་པའི་གདོན༔ ཚེ་སྲོག་བསོད་ནམས་ལ་བར་དུ་གཅོད་པའི་བདུད༔ ནད་འདྲེ་གཅོང་སྲི༔ ཟ་འདྲེ་ཤི་སྲི༔ གོད་འདྲེ་གོད་སྲི༔ ཆུང་སྲི་དར་སྲི༔ དམ་སྲི་ཕུང་སྲི༔ སྒབ་འདྲེ་བྱུར་འདྲེ༔ བྱད་མ་རྦོད་གཏོང་༔ ད་ལྟ་གནོད་ཅིང་འཚེ་བར་བྱེད་པ༔ ཕྱིན་ཆད་གནོད་ཅིང་འཚེ་བར་གྱུར་པ་གང་ཡིན་པ་ཐམས་ཅད༔ མགོན་བྱེད་ཀྱི་ལྷ་དང་ཚེ་དང་དབང་ཐང་བསོད་ནམས་དང་དུས་ཀྱི་དབང་དུ་མ་བཏང་བར༔ ད་ལྟ་

[Full Size]

ཉིད་དུ་ལིང་ག་འདི་ལ་ཁུག་ཅིག༔ དྲག་སྔགས་སོ་ལྔ་པའི་མཇུག་ཏུ༔ དགྲ་བགེགས་ནི་ཏྲ་ཛཧཱུྃ་བཾ་ཧོ༔ ཨཱ་ཝེ་ཤ་ཡ་ཨ་ཨཱ༔ ཞེས་ལན་གསུམ་བྱའོ༔ ཧཱུྃ༔ ཨེ་ཡི་ལྷ་ཚོགས་དཀྱིལ་འཁོར་དུ༔ འབར་བ་གཏུམ་ཆེན་རྔམས་པ་ལ༔ ཁྲོས་པའི་ཡིད་ཀྱིས་བསྐུལ་བྱས་ན༔ སངས་རྒྱས་བསོད་ནམས་སྐུ་ཡང་འཇིགས༔ བདུད་རྩི་ལྔའམ་རྫ་ས་ལྔ་ལ༔ གཟུགས་དང་མིང་རུས་བཅས་པ་བྱས༔ ཕོ་ཉས་བཀུག་སྟེ་ཕུར་པས་བཏབ༔ རྡུལ་དུ་བརླགས་ཏེ་ཚོགས་སུ་འབུལ༔ ཁྲག་འཐུང་རྡོ་རྗེ་འཁོར་བཅས་ཀྱིས༔ ཁམས་གསུམ་སྲིད་གསུམ་འཁོར་འདས་ཀུན༔ རྡུལ་དུ་བརླགས་ཤིང་ཚོགས་སུ་འབུལ༔ ཁྲག་འཐུང་རྡོ་རྗེ་འཁོར་བཅས་ཀྱིས༔ ཁམས་གསུམ་སྲིད་གསུམ་འཁོར་འདས་ཀུན༔ རྡུལ་ཕྲན་བཞིན་དུ་བརླགས་ནས་ཀྱང་༔ དྲག་པོའི་ཕྲིན་ལས་འགྲུབ་པར་མཛོད༔ ལྕགས་ཀྱུ་ཅན་གྱིས་སྙིང་ནས་ཟུངས༔ ཞགས་པ་ཅན་གྱིས་མགུལ་ནས་ཆིངས༔ ལྕགས་སྒྲོག་ཅན་གྱིས་ཡན་ལག་སྡོམས༔ དྲིལ་བུ་ཅན་གྱིས་སྤྱི་ནས་ཆོམས༔ ཐུན་ཟོར་ཅན་གྱིས་བརྒྱལ་དུ་ཆུགས༔ མཆེ་བ་ཅན་གྱིས་བསྡིག་པར་གྱིས༔ གཤོག་པ་ཅན་གྱིས་འཇུམ་པར་གྱིས༔ སྡེར་མོ་ཅན་གྱིས་འབྲད་

[Full Size]

པར་གྱིས༔ ཕུར་བུ་ཅན་གྱིས་སྙིང་ལ་ཐོབ༔ དུག་ཟོར་ཅན་གྱིས་མྱོས་སུ་ཚུགས༔ རལ་གྲི་ཅན་གྱིས་ལྷུ་དུམ་ཕྲོལ༔ མདའ་མདུང་ཅན་གྱིས་ཟངས་ཐལ་གྱིས༔ འཁོར་ལོ་ཅན་གྱིས་དུམ་བུར་གཏུབས༔ དུག་ཟོར་ཅན་གྱིས་མྱོས་སུ་ཆུགས༔ ཐོ་བ་དགྲ་སྟས་རྡུལ་དུ་རློགས༔ མེ་དཔུང་ཅན་གྱིས་སྲེགས་པར་གྱིས༔ རླུང་གཡབ་ཅན་གྱིས་རྗེས་མེད་གྱིས༔ རིངས་པར་ཁུག་ལ་བྱེད་དུ་ཆུགས༔ ལྷ་དང་ཕྲོལ་ལ་སྨྱོ་རུ་ཆུགས༔ མྱུར་དུ་ཁུག་ལ་ཞལ་དུ་སྟོབ༔ བཅོལ་བའི་ཕྲིན་ལས་མྱུར་འགྲུབ་མཛོདི༔ ཅེས་བཀུག་གཞུག་བྱས་ནས་ལྷ་དང་ཕྲལ་ཏེ༔ ཧཱུྃ༔ ལྷ་མོ་བློ་ལྡན་ཚོགས་ཀྱི་བདག༔ ཧེ་རུ་ཀ་ལ་ཕྱག་འཚལ་ལོ༔ སངས་རྒྱས་བསྟན་པ་བཤིག་པ་དང་༔ དཀོན་མཆོག་དབུ་འཕང་སྨད་པ་དང་༔ སློབ་དཔོན་སྐུ་ལ་བསྡོ་བ་དང་༔ རྡོ་རྗེ་སྤུན་ལ་འཁུ་བ་དང་༔ བདག་ལ་བར་དུ་གཅོད་པ་ཡི༔ གཟུགས་ཅན་དགྲ་དང་གཟུགས་མེད་བགེགས༔ ཁྲག་འཐུང་ལྷ་ཚོགས་འཁོར་བཅས་ཀྱིས༔ དབང་དུ་བསྡུས་ལ་རྡུལ་དུ་རློགས༔ ཧཱུྃ༔ དམ་ཉམས་དགྲ་བགེགས་སྡིག་ཅན་ལ༔ མགོན་པར་བྱེད་པའི་ལྷ་ཁྱོད་ཉོན༔ དམ་ཉམས་དགྲ་བགེགས་སྡིག་

[Full Size]

ཅན་འདིས༔ དང་པོ་སངས་རྒྱས་བསྟན་པ་བཤིགས༔ བར་དུ་དཀོན་མཆོག་དབུ་འཕང་སྨད༔ ཐ་མར་གསང་སྔགས་གཉེན་པོ་བཀྲལ༔ ལས་དགེ་བ་བཅུ་ནི་ཁྱད་དུ་བསད༔ མི་དགེ་བཅུ་ནི་དང་དུ་བླངས༔ མཚམས་མེད་ལྔ་ནི་འབྲས་བུར་སྨིན༔ འདི་ནི་བསྒྲལ་བའི་ཞིང་ཡིན་པས༔ འདི་ཡི་མགོན་སྐྱབས་མ་བྱེད་པར༔ ཡེ་ཤེས་ལྷ་ནི་རང་བཞིན་གནས་སུ་གཤེགས༔ འཇིག་རྟེན་ལྷ་ནི་རང་གི་གནས་སུ་སོང་གལ་ཏེ་མི་འགྲོ་འདི་ཡི་སྐྱབས་བྱེད་ན༔ ཡེ་ཤེས་ལྷ་ནི་ཐུགས་དམ་ཉམས་པར་འགྱུར༔ འཇིག་རྟེན་ལྷ་ནི་རྡུལ་དུ་བརླག་པར་འགྱུར༔ དེ་ཕྱིར་འདི་ཡི་མགོན་སྐྱབས་མ་བྱེད་ཅིག༔ ཧཱུྃ་ཧཱུྃ་བྷི་ཤྭ་བཛྲ་ཀྲོ་ཏ་ཛཱ་ལ་མ་དྷ་ལ་ཧཱུྃ་ཕཊ༔ ཅེས་ཁོ་ཡི་ལྷ་ཐམས་ཅད་བྲོས་པར་བསམ། ཧཱུྃ༔ ངན་སོང་གསུམ་དུ་འཁྱམས་པའི་སེམས་ཅན་ཁྱོད༔ ཐར་པའི་ལམ་སྣ་འདྲེན་པའི་དེད་དཔོན་ང་ཡིན་པས༔ དགའ་དང་སྤྲོ་བའི་སེམས་ཀྱིས་མོས་གྱིས་ལ༔ མཚན་མའི་ལིང་ག་འདི་ལ་གནས་པར་གྱིས༔ བཛྲ་ཨང་ཀུ་ཤ་ཛ་ཛ༔ ཁོ་ལིང་ག་ལ་བསྟིམ། ཧཱུྃ༔ ཉོན་མོངས་འཁོར་བའི་སེམས་ཅན་ཁྱོད༔ མ་བསད་པ་ན་སྙིང་རེ་རྗེ༔ བསྒྲལ་བ་ཐུགས་རྗེ་ཆེན་པོ་ཡིན༔ ལུས་ཀྱི་

[Full Size]

འབྱུང་བ་ལྔ་པོ་འདི༔ སྲས་མཆོག་རིགས་ལྔའི་ཞལ་དུ་བསྟབ༔ སེམས་ཀྱི་མི་དགེ་བཅུ་པོ་འདི༔ སྒྲུབ་པ་བཀའ་བརྒྱད་ལྷ་ཚོགས་དང་བརྒྱུད་པའི་སྲུང་མ་རྣམས་ཀྱི་ཞལ་དུ་བསྟབ༔ དེ་ལ་སོགས་པའི་རྫས་རྣམས་ཀུན༔ དུར་ཁྲོད་མ་མོའི་ཚོགས་ཀྱི་ཞལ་དུ་བསྟབ༔ བསྟབ་བོ་བསྟབ་བོ་སླར་ལ་མ་ཟློག་ཅིག༔ ནམ་ཡང་གཏོང་བར་མི་བྱའོ༔ ཞེས་ལིང་ག་ལ་བསྟིམས་ནས་དབྱེར་མེད་དུ་བསམ་མོ༔ ཞལ་གདམས་ནི་རྒྱས་པའི་བསྒྲལ་ལས་དང་ཐམས་ཅད་གབ་སྤྲད་པ་རྒྱས་པའི་ལུགས༔ རྒྱས་པ་དེ་ལ་འགྲེས་མི་བཤངས་གབ་མི་སྤྲད་པ་འབྲིང་པོ༔ བསྡུས་པ་དེ་ལ་གབ་སྤྲད་པ་བསྡུས་པའོ༔ བསྡུས་པ་ལ་གབ་མི་སྤྲད་དུས་གཅིག་ཏུ་བསྒྲལ་ལ༔ གཞུང་ཚར་རེ་འདོན་པ་ཤིན་ཏུ་བསྡུས་པའོ༔ དེ་རྣམས་གང་བྱེད་ཀྱང་༔ ལས་བྱང་ཉིན་རེ་དང་མཚན་རེར་ཚར་རེ་གལ་ཆེའོ༔ ཧ་ཅང་གལ་མི་ཆེ་ན་ཟློག་པའི་སྔགས་བྱང་སྒྱུར་བར་བྱའོ༔ བསད་སྔགས་རྒྱས་པ་དཔལ་དགུའི་དྲག་སྔགས་རིང་མོ་ནི་སྒྲུབ་ཆེན་དང་འབྲེལ་བའི་ཕུར་འདེབས་ལ་ཡིན་གྱིས༔ འདིར་ནི་བསད་སྔགས་ཐམས་ཅད་དྲག་སྔགས་སོ་ལྔ་པས་ཆོག་པར་གསུངས་སོ༔ དྲག་སྔགས་རིང་མོ་ཇི་ལྟ་བར་བྱེད་ན་ཕུར་པ་ཡང་ལྷ་གྲངས་དགོས་པས་འདིར་མི་འབྱར་རོ༔ མཚན་ཐུན་ལ་ཟློག་གཞུང་ཤིན་ཏུ་བསྡུས་པ་དེ་སྦྱར་ན་ལེགས་སོ༔ ནུབ་རྒྱུན་དུ་ཆད་མདོ་བརྟན་སྐྱོང་རང་གཞུང་ལྟར་བྱའོ༔ ཟློག་གཞུང་ཉུང་ངུའི་བདག་

[Full Size]

བསྐྱེད་དང་སྒོ་དབྱེ་སོགས་མི་འདོན་ནོ༔ ཤིན་ཏུ་བསྡུས་པ་དེ་གཏོར་འབུལ་འདྲ་ལ་སྦྱར་བའི་རྒྱུན་ཁྱེར་བྱ་རྩིས་ལགས་སོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྒྲུབ་པ་བཀའ་བརྒྱད་བདེར་གཤེགས་མདོས་ཆེན་གྱི༔ མི་མངོན་དབྱིངས་བསྐུལ།

[Full Size]

སྒྲུབ་པ་བཀའ་བརྒྱད་བདེར་གཤེགས་མདོས་ཆེན་གྱི༔ མི་མངོན་དབྱིངས་བསྐུལ་བཞུགས་སོ༔

[Full Size]

ཐུཊྛཐུམ༔ ཧཱུྃ༔ མི་མངོན་དབྱིངས་ན་བཞུགས་པ་རྒྱལ་བ་ཞི་ཁྲོའི་ཚོགས༔ ཨཱཿ བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔ ཨོཾ༔ བསྐུལ་ལོ་བསྐུལ་ལོ་སེམས་ཅན་དོན་ལ་བསྐུལ༔ ཧྲཱིཿ མཛོད་ཅིག་མཛོད་ཅིག་བཅོལ་བའི་ཕྲིན་ལས་མཛོད༔ ཨཱཿ ཆོས་སྐུ་སྐྱེ་བ་མེད་པའི་ངང་ཉིད་ལས༔ ཨོཾ༔ སྐྱེ་བའི་ཆོ་འཕྲུལ་ལོངས་སྤྱོད་རྫོགས་པའི་སྐུ༔ ཧཱུྃ༔ སྤྲུལ་སྐུའི་འགྲོ་བའི་སེམས་ཅན་དོན་མཛད་ཕྱིར༔ ཧཱི༔ ཞི་ཁྲོ་བཀའ་བརྒྱད་ལྷ་ཚོགས་ཐུགས་དམ་ཅན༔ དབྱིངས་ནས་སྐུ་བསྐྱོད་དམ་རྫས་འདི་བཞེས་ལ༔ ཐུགས་

[Full Size]

དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཨོ༔ གཟུགས་སྣང་ཐམས་ཅད་སྐུ་ཡི་རང་བཞིན་ལ༔ ཨཱཿ སྒྲ་གྲག་ཐམས་ཅད་གསུང་གི་ངོ་བོར་སྣང་༔ ཧཱུྃ༔ དྲན་རྟོག་ཐམས་ཅད་ཐུགས་རྗེས་དགོངས་པར་འདུས༔ ཧཱུྃ༔ ཕྱོགས་བཅུ་དུས་གསུམ་བདེ་གཤེགས་བཅོམ་ལྡན་འདས༔ དབྱིངས་ནས་སྐུ་བསྐྱོད་དམ་རྫས་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཧཱུྃ༔ ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས༔ སེང་ཆེན་ལ་སོགས་ཉི་ཟླ་པདྨའི་སྟེང་༔ དཔལ་འབར་ཞི་བ་ཡོངས་རྫོགས་ལྷ་ཚོགས་ནི༔ རྡོ་རྗེ་སེམས་

[Full Size]

དཔའ་སངས་རྒྱས་ཀུན་གྱི་གཙོ༔ གཉིས་མེད་ཡུམ་ཆེན་ཀུན་ཏུ་བཟང་མོ་འཁྲིལ༔ རིགས་བཞི་ཡབ་ཡུམ་སེམས་དཔའ་ལྕམ་དྲལ་དང་༔ ཡིད་ཆོས་ཐུབ་དྲུག་མཐར་བྱེད་ལ་སོགས་ཏེ༔ བཞི་བཅུ་རྩ་གཉིས་རྒྱལ་བའི་ཐུགས་དམ་ཅན༔ དབྱིངས་ནས་སྐུ་བསྐྱོད་དམ་རྫས་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ མཆོད་གཡོག་པས་མཐེབ་སྐྱུ་དང་འབྲུ་སྣ་ཞི་བའི་གཏོར་མའམ་མེད་ན་བླ་མ་གཏོར་མར་བླུག༔ བདུད་རྩི་འཐོར་ཞིང་༔ ཧོ༔ བདེར་གཤེགས་ཞི་བའི་ལྷ་ཚོགས་ཐུགས་དམ་ཅན༔ ཁྱེད་ལ་མཆོད་པ་འབུལ་བ་ནི༔ ཕྱི་ནང་གསང་བའི་དམ་རྫས་དང་༔ སྨན་རཀ་གཏོར་མའི་མཆོད་པ་འདི་བཞེས་ཤིག༔ མ་ཧཱ་པཉྩ་བ་ལི་ཏ་རཀྟ་སརྦ་པཱུཙྪ་ཁཱ་ཧི༔ སྤྱི་དང་ཁྱད་པར་རྩ་བ་ཡན་ལག་གི་དམ་ཚིག་ཉམས་ཆག་འགལ་འཁྲུལ་དུ་གྱུར་པ་ཐམས་ཅད་མཐོལ་ཞིང་བཤགས་སོ༔ ས་མ་ཡ་ཨཱ༔ ཞི་རྒྱས་དབང་དྲག་གི་ཕྲིན་ལས་རྣམ་པ་བཞི་བདག་གི་ཡིད་བཞིན་དུ་སྒྲུབས་ལ༔ ལོག་ལྟ་ཐམས་ཅད་མྱུར་དུ་ཚར་ཆོད་ཅིག༔ ཤཱནྟཾ་པུཊྚི་པ་ཤང་མཱ་ར་ཡ་ཀུ་རུ་ཡེ་སྭཱ་ཧཱ༔ བདེར་གཤེགས་སྤྱི་བསྐུལ་འབྲིང་པོ་ལས་ཞི་བའི་བསྐུལ་པ་ལགས་སོ།། ༈ ཞི་བ་བཞི་བསྟོད་ནི། ཧཱུྃ༔ ཆོས་སྐུ་སྟོང་པ་

[Full Size]

ཉིད་ལ་རང་བཞིན་མེད༔ ཆོས་སྐུ་ཁྱབ་བརྡལ་ཆེན་པོའི་ངང་དུ་གཅིག༔ ཆོས་ཉིད་མཉམ་པའི་ངང་དུ་འདུ་འབྲལ་མེད༔ ཀུན་བཟང་ཡབ་ཡུམ་གཉིས་ལ་ཕྱག་འཚལ་བསྟོད༔ རྣམ་ཤེས་རྣམ་དག་བཅོམ་ལྡན་རྡོ་རྗེ་སེམས༔ ཞེ་སྡང་རྣམ་དག་མེ་ལོང་ཡེ་ཤེས་ངང་༔ སྟོབས་ལྡན་ཁྲི་ལ་མཐིང་ཀ་རྡོ་རྗེ་བསྣམས༔ ཐུགས་མཆོག་རྡོ་རྗེ་སེམས་ལ་ཕྱག་འཚལ་བསྟོད༔ གཟུགས་ཕུང་རྣམ་དག་བཅོམ་ལྡན་རྣམ་སྣང་མཛད༔ གཏི་མུག་རྣམ་དག་ཆོས་དབྱིངས་ཡེ་ཤེས་ངང་༔ སེང་ཆེན་ཁྲི་ལ་དུང་མདོག་འཁོར་ལོ་བསྣམས༔ སྐུ་མཆོག་རྣམ་སྣང་མཛད་ལ་ཕྱག་འཚལ་བསྟོད༔ ཚོར་བ་རྣམ་དག་བཅོམ་ལྡན་རིན་ཆེན་འབྱུང་༔ ང་རྒྱལ་རྣམ་དག་མཉམ་ཉིད་ཡེ་ཤེས་ངང་༔ ཤུགས་འཆང་ཁྲི་ལ་གསེར་མདོག་རིན་ཆེན་བསྣམས༔ ཡོན་ཏན་རིན་ཆེན་འབྱུང་ལ་ཕྱག་འཚལ་བསྟོད༔ འདུ་ཤེས་རྣམ་དག་བཅོམ་ལྡན་སྣང་མཐའ་ཡས༔ འདོད་ཆགས་རྣམ་དག་ཀུན་རྟོགས་ཡེ་ཤེས་ངང་༔ མཛེས་ལྡན་ཁྲི་ལ་ལེ་བརྒན་པདྨ་བསྣམས༔ གསུང་མཆོག་སྣང་མཐའ་ཡས་ལ་ཕྱག་འཚལ་བསྟོད༔ འདུ་བྱེད་རྣམ་དག་བཅོམ་ལྡན་དོན་ཡོད་གྲུབ༔ ཕྲག་དོག་རྣམ་དག་ནན་ཏན་

[Full Size]

ཡེ་ཤེས་ངང་༔ མཁའ་ལྡིང་ཁྲི་ལ་ལྗང་གུ་རྒྱ་གྲམ་བསྣམས༔ ཕྲིན་ལས་དོན་ཡོད་གྲུབ་ལ་ཕྱག་འཚལ་བསྟོད༔ འབྱུང་བ་རྣམ་དག་རིགས་ཀྱི་ཡུམ་ཆེན་ལྔ༔ ཀུན་བཟང་སངས་རྒྱས་སྤྱན་དང་མཱ་མ་གོས་དཀར་སྒྲོན༔ ཐབས་ཀྱི་སྐུ་ལ་ཤེས་རབ་དགྱེས་པར་འཁྲིལ༔ རིགས་ཀྱི་ཡུམ་ཆེན་ལྔ་ལ་ཕྱག་འཚལ་བསྟོད༔ སྐལ་བཟང་བྱང་ཆུབ་སེམས་དཔའ་བརྒྱད་རྣམས་ནི༔ དུས་གསུམ་སངས་རྒྱས་རྣམས་ཀྱི་སྤྲུལ་པ་སྟེ༔ ཡོན་ཏན་མི་བཟད་བསྐལ་པ་མཐའ་ཡས་པ༔ སེམས་དཔའ་ཆེན་པོ་བརྒྱད་ལ་ཕྱག་འཚལ་བསྟོད༔ སྒེག་མོ་ཕྲེང་བ་དབྱངས་དང་གར་ལ་སོགས༔ བདུག་སྤོས་མེ་ཏོག་མར་མེ་དྲི་ཆབ་མ༔ རྒྱལ་བ་རྒྱ་མཚོའི་ཚོགས་ལ་མཆོད་འབུལ་མ༔ མཆོད་པའི་ལྷ་མོ་རྣམས་ལ་ཕྱག་འཚལ་བསྟོད༔ ཡེ་ཤེས་ལྔ་ལ་རིགས་ལྔའི་སངས་རྒྱས་ཀྱི༔ སྤྲུལ་པས་ཞིང་ཁམས་བྱེ་བ་ཕྲག་བརྒྱ་འདུལ༔ སྤྲུལ་པ་བྱེ་བ་ཕྲག་བརྒྱས་འགྲོ་དྲུག་གི༔ དོན་མཛད་ཐུབ་པ་དྲུག་ལ་ཕྱག་འཚལ་བསྟོད༔ ཡེ་ཤེས་ཆེན་པོ་སྒོ་བ་ཡབ་ཡུམ་ནི༔ གཤིན་རྗེ་རྟ་མགྲིན་སྟོབས་ཆེན་བདུད་རྩི་འཁྱིལ༔ ལྕགས་ཀྱུ་ཞགས་པ་ལྕགས་སྒྲོག་དྲིལ་ཁྲོལ་མ༔ སྒོ་བ་ཡབ་ཡུམ་བརྒྱད་ལ་ཕྱག་འཚལ་

[Full Size]

བསྟོད༔ ཆོས་སྐུ་ཀུན་ཁྱབ་ཆེན་པོའི་ཡེ་ཤེས་ཀྱི༔ ཆེ་བའི་ཡོན་ཏན་བརྗོད་ཀྱིས་མི་ལང་ཡང་༔ རིག་འཛིན་རྣལ་འབྱོར་བདག་ཅག་འཁོར་བཅས་ཀྱི་ལས་དང་ཉོན་མོངས་སྒྲིབ་པ་ཀུན་བྱུང་ནས༔ འབྲས་བུ་སངས་རྒྱས་སྐུ་གསུམ་འགྲུབ་པར་ཤོག༔ རྫོགས་སོ༔ བདེར་གཤེགས་ཁྲོ་བོ་དྲུག་བསྟོད་ནི། བཅོམ་ལྡན་བདེར་གཤེགས་ཀུན་བཟང་རིགས་ལྔ་ཡབ༔ གདུག་པ་འདུལ་མཛད་ཁྲག་འཐུང་སྐུ་ལྔར་སྟོན༔ བཟང་མོ་ལ་སོགས་ཀྲོ་ཏི་ཡུམ་དང་སྦྱོར༔ སེམས་དཔའ་ལྕམ་དྲལ་མཐར་བྱེད་ཐུབ་པ་དྲུག༔ དྲེགས་པ་འཛོམས་མཛད་གཏུམ་རྔམས་ཚོགས་དང་བཅས༔ ཞི་ཁྲོ་ཡོངས་རྫོགས་ལྷ་ལ་ཕྱག་འཚལ་བསྟོད༔ འདི་ནས་དཔལ་དགུ་བཀའ་སྲུང་རྣམས་འོག་ཏུ་གབ་སྤྲད་པ་ཕྱག་ལེན་ལྟར་བྲིས་ཡོད་དོ༔ རྣམ་དག་ཡེ་ཤེས་ཐུགས་ཀྱི་དཀྱིལ་འཁོར་ནས༔ འགྲོ་དོན་འདོད་དགུ་བསྒྱུར་བའི་གཙོ་དང་འཁོར༔ ཅིར་ཡང་སྤྲུལ་པ་ཡེ་ཤེས་རིག་པའི་རྩལ༔ རང་ཤར་རང་གྲོལ་བདེ་ཆེན་གཡུང་དྲུང་ལྷ༔ རྣམ་དག་ཆོས་ཀྱི་དབྱིངས་ལ་གཡོ་བ་མེད༔ ཐམས་ཅད་ཆོས་སྐུ་ཡོངས་རྫོགས་བདེ་ཆེན་ལྷ༔ རང་བཞིན་དཀྱིལ་འཁོར་གནས་འདིར་གཤེགས་སུ་གསོལ༔ དམ་ཚིག་

[Full Size]

དཀྱིལ་འཁོར་འདི་ལ་བཞུགས་སུ་གསོལ༔ གཉིས་མེད་ངང་དུ་ཕྱག་འཚལ་མཆོད་པ་འབུལ༔ སྨན་གཏོར་རཀྟའི་མཆོད་པ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ སྐུ་གསུང་ཐུགས་ཀྱི་དངོས་གྲུབ་བསྩལ་དུ་གསོལ༔ བསྟོད་བྱང་བསྐུལ་བའོ།། ཧཱུྃ༔ བདེར་གཤེགས་ཞི་བའི་ལྷ་ཚོགས་བཞི་བཅུ་གཉིས༔ ཕུང་ཁམས་སྐྱེ་མཆེད་ཉོན་མོངས་དག་པའི་སྐུ༔ བླ་མེད་མཆོག་གི་མཆོད་པ་འདི་བཞེས་ལ༔ འཁྲུལ་པས་འཁོར་བར་འཁྱམས་པའི་སེམས་ཅན་རྣམས༔ དག་པ་སྐུ་དང་ཡེ་ཤེས་ངང་དུ་ཟློག༔ བྷྱོ། མ་ཏྲཾ་རུ་ཏྲ་ཚོགས་སུ་བསྒྲལ་བའི་དུར་ཁྲོད་ནས༔ བདུད་བཞིའི་མགོ་བོ་བཅད་པའི་གཞལ་ཡས་ནས༔ དུག་ལྔ་སྨན་དུ་བསྒྱུར་བའི་དུར་ཁྲོད་ནས༔ ཉི་ཟླ་འོད་ཟེར་འབར་བའི་ཕོ་བྲང་ནས༔ སྐྱེ་འགྲོ་གདན་དུ་བཏིང་བའི་ཁྲི་སྟེང་ནས༔ བཅོམ་ལྡན་དཔལ་ཆེན་བདེར་གཤེགས་ཞི་བའི་ལྷ༔ སྐུ་མདོག་དཀར་པོ་གངས་ལ་ཉི་ཤར་འདྲ༔ སྐུ་ལས་འོད་ཟེར་དཀར་པོ་འཕྲོ་བ་ཡིས༔ ཤར་ཕྱོགས་དྲི་ཟའི་དམག་དཔུང་དགྲ་ལ་ཟློག༔ གསུང་ལས་འོད་ཟེར་དམར་པོ་འཕྲོ་བ་ཡིས༔ ནུབ་ཕྱོགས་ཀླུ་དབང་དམག་ཚོགས་དགྲ་ལ་ཟློག༔

[Full Size]

ཐུགས་ལས་འོད་ཟེར་སྔོན་པོ་འཕྲོ་བ་ཡིས༔ བྱང་ཕྱོགས་གནོད་སྦྱིན་དམག་ཚོགས་དགྲ་ལ་ཟློག༔ ཡོན་ཏན་སྤྲུལ་པའི་འོད་ཟེར་སེར་པོ་ཡིས༔ ལྷོ་ཕྱོགས་གཤིན་རྗེའི་དམག་ཚོགས་དགྲ་ལ་ཟློག༔ ཕྲིན་ལས་སྤྲུལ་པའི་འོད་ཟེར་ལྗང་གུ་ཡིས༔ མཚམས་བཞིའི་དམག་ཚོགས་དགྲ་ལ་བཟློག་ཏུ་གསོལ༔ ཤར་ཕྱོགས་གསང་བའི་དུར་ཁྲོད་ནས༔ མཁའ་འགྲོ་དཀར་མོ་ཞི་བའི་སྐུ༔ མཁའ་འགྲོ་དཀར་མོའི་དམོད་པ་དགྲ་ལ་བཟློག་ཏུ་གསོལ༔ ལྷོ་ཕྱོགས་གསང་བའི་དུར་ཁྲོད་ནས༔ མཁའ་འགྲོ་སེར་མོ་རྒྱས་པའི་སྐུ༔ མ་མོ་སེར་མོའི་དམོད་པ་དགྲ་ལ་བཟློག་ཏུ་གསོལ༔ ནུབ་ཕྱོགས་གསང་བའི་དུར་ཁྲོད་ནས༔ མཁའ་འགྲོ་དམར་མོ་དབང་གི་སྐུ༔ མ་མོ་དམར་མོའི་དམོད་པ་དགྲ་ལ་བཟློག་ཏུ་གསོལ༔ བྱང་ཕྱོགས་གསང་བའི་དུར་ཁྲོད་ནས༔ མཁའ་འགྲོ་སྔོན་མོ་དྲག་མོའི་སྐུ༔ མ་མོ་སྔོན་མོའི་དམོད་པ་དགྲ་ལ་བཟློག་ཏུ་གསོལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཨོ་བོ་དྷི་ཙིཏྟ་མ་ཧཱ་སུ་ཀ་ཛྙཱ་ན་དྷརྟ་ཨཱ༔ ཞེས་ཞི་ཟློག་བསྡུས་པ་ཡིན་ལ། དེ་ནས་མཁྱེན་པར་གསོལ་ཞིང་གནད་ནས་བསྐུལ་བ་ནི། ཆང་ཕུད་གཏོར་ཞིང་། ཧཱུཾ་བྷྱོ༔ གདོད་ནས་མ་སྐྱེས་བྱང་ཆུབ་སེམས་ཉིད་

[Full Size]

འདི༔ མ་དག་སྐྱེ་བོ་རྣམས་ཀྱིས་མ་རྟོགས་པས༔ སྐྱེས་མཆོག་བདག་གིས་དྲངས་ཤིང་དོན་བགྱི་རུ༔ བདུད་དང་སྲིན་པོས་ཚེ་ལ་བར་གཅོད་ཅིང་༔ བགེགས་དང་འབྱུང་པོས་འདི་ལ་གླག་ལྟ་ན༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་དཔང་གསོལ༔ ངེས་པའི་དོན་རྟོགས་འབྲས་བུ་ཆུད་མ་གསན༔ དམ་ཅན་སྲུང་མ་མེད་དམ་ར་མདའ་ཟློག༔ ཧཱུྃ་བྷྱོ༔ ཐོས་བསམ་སྒོམ་དང་ཤེས་རབ་རྣམ་པ་གསུམ༔ ཞི་གནས་ལྷག་མཐོང་སྙོམས་ཤིང་འབྲེལ་པའི་ཚེ༔ ཏིང་འཛིན་གྲོགས་མཆོག་སྐྱེ་བའི་རྒྱུ་ཡིན་ཡང་༔ གནོད་བྱེད་བགེགས་ཀྱིས་བསྒོམ་དུ་མ་སྟེར་རོ༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་དཔང་གསོལ་ངེས་པའི་དོན་རྟོགས་འབྲས་བུ་ཆུད་མ་གསན༔ དམ་ཅན་སྲུང་མ་མེད་དམ་ར་མདའ་ཟློག༔ ཧཱུཾ་བྷྱོ༔ འཇིག་རྟེན་ཁམས་འདིར་འདུས་བྱས་ཟས་དང་ནོར༔ འཕགས་པ་མཆོད་དང་འགྲོ་དོན་བགྱིད་དགོངས་ཀྱང་༔ དམ་ཉམས་དགྲ་བོས་བགྱིད་དུ་མ་སྟེར་རོ༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་དཔང་

[Full Size]

གསོལ༔ ངེས་པའི་དོན་རྟོགས་འབྲས་བུ་ཆུད་མ་གསན༔ དམ་ཅན་སྲུང་མ་མེད་དམ་ར་མདའ་ཟློག༔ ཧཱུཾ་བྷྱོ༔ བདག་ནི་ཟོར་མེད་ངེས་པའི་རྣལ་འབྱོར་པ༔ བླ་མེད་བྱང་ཆུབ་འགྲོ་བའི་དོན་བགྱིད་པར༔ སེམས་ཀྱིས་ཐག་བཅད་སྐྱེས་བུ་བདག་ལྟ་བུས༔ བཤགས་ཀྱང་མི་ཚང་སྨྲས་ཀྱང་མི་དགོངས་ན༔ བྱམས་མགོན་ཐུགས་རྗེ་ཆུང་བར་མི་འགྱུར་རམ༔ བཅོལ་ཡང་མི་མཛད་བསྐུལ་ཡང་མི་གསན་ན༔ སྔོན་གྱི་དམ་བཅའ་འགལ་བར་མི་འགྱུར་རོ༔ ཐུགས་དམ་གནད་ནས་བསྐུལ་ལོ་ཕྲིན་ལས་མཛོད༔ ཐུགས་ཉིད་ཞི་བའི་ངང་ལས་མ་གཡོས་ཀྱང་༔ གཟུགས་སྐུ་འཇིགས་པའི་ཆ་ལུགས་རྫོགས་མཛད་ནས༔ བསྟན་པའི་རུ་ཏྲ་དགྲ་བགེགས་རྣམ་གཉིས་པོ༔ མངོན་སྤྱོད་ཚུལ་གྱིས་མྱུར་བསྒྲལ་ཕྲིན་ལས་མཛོད༔ ཅེས་ཕུད་གཏོར་རོ། །འདི་ཡན་ལ་གབ་སྤྲད་རྒྱུ་མེད་དོ། ༈ འདི་ཡན་ཚར་གཅིག་ཡིན། འདི་མན་ཆད་གབ་སྤྲོད་དོ༔ མི་མངོན་དབྱིངས་བསྐུལ་དང་གཅིག༔ ཕོ་ཉ་སྒོས་བསྐུལ་དང་གཉིས༔ འགུགས་ལས་དང་གསུམ༔ ཕུར་སྐོར་དང་བཞི༔ ཉེས་པ་སྒོ་བསྒྲགས་དང་ལྔ༔ ཉ་བོ་བསྒྲལ་བ་དང་དྲུག༔ ཕུར་ཐུན་ཚོམ་བསྐུལ་དང་བདུན༔ ཐུན་དྲུག་དང་བརྒྱད༔ དམར་སྒྲེང་བ་དང་དགུ༔ བསྟབ་པ་དང་བཅུ༔

[Full Size]

དེ་ནས་ཟློག་གཞུང་གཉིས་གང་འདོད་དང་བཅུ་གཅིག༔ ཁྲམ་ཟློག་དང་བཅུ་གཉིས༔ གཏོར་ཆུང་འབུལ་བ་དང་བཅུ་གསུམ༔ དྲུག་བསྟོད་དང་བཅུ་བཞི༔ བྷྱོས་གདབ་པ་དང་བཅོ་ལྔ༔ བཅོལ་གཏད་དང་བཅུ་དྲུག༔ བདེན་སྟོབས་ཐན་ཟློག་དང་བཅུ་བདུན༔ དེ་ལྟར་སྣ་ཁ་བཅུ་བདུན་པོ་གབ་སྤྲད་དཔལ་དགུ་བཀའ་སྲུང་དང་བཅུ་ལ་འགྲེས་བཤང་ངོ་༔ དེ་ནས་ཁྱུང་བསྐྱེད་སྤྱན་འདྲེན༔ ཁཱ་ཧི་དུས་ཉ་བོ་གཏོར་ཆུང་འབུལ༔ དེ་ནས་གཏེར་གོང་འོག་གི་ཁྱུང་ཟློག་གཉིས་གང་རེད་འདོན༔ དེ་ལ་ཐན་ཟློག་བསྡུས་པ་སྦྱར༔ དེ་ནས་ཟློག་བྱུང་སོགས་ཁ་བཀང་དེ་འདོན༔ དེ་ནས་ཟློག་པའི་སྔགས་བྱང་ཆེན་མོ༔ ཚོགས་ལ་རོལ༔ ལྷག་མ་འབུལ༔ རྩང་གྱེར་འདོན༔ དེ་ལྟར་ཉིན་རེ་ཚར་རེ་འདོན༔ ནུབ་ལས་བྱང་ཚར་གཅིག་བཏང་༔ ཚོགས་ཐོན་ན་ལེགས༔ བསྐང་བ་ཉུང་བ༔ ཟློག་གཞུང་ཤིན་ཏུ་བསྡུས་པ་བདག་གིས་བྱས་པ་དེའི་མདུན་བསྐྱེད་ནས་འབུལ་བའི་མཚམས་བར་འདོན༔ ལྷག་མ་དང་། དཀར་གཏོར། བཀའ་བརྒྱད་ཆད་མདོ་རྣམས་བྱའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཁྲོ་བོ་རོལ་པའི་ཟློག་པའི་འཕྱང་།

[Full Size]

ཁྲོ་བོ་རོལ་པའི་ཟློག་པའི་འཕྱང་བཞུགས་པའི་དབུ་གཟིགས་ལགས་སོ།།

[Full Size]

ཁྲོ་བོ་རོལ་པའི་ཁྲོ་བོའི་དབུ་དགུ་ཁྱུང་དགུ་རྒྱལ་མཚན་དགུའི་འདོན་ཆ་བསྡུས་པ་སྟེ༔ དེ་རྣམས་མ་འཛོམ་ན་མི་འདོན་ནོ༔ དང་པོ་ཟོར་ཀོང་བརྒྱད་ཅུ་རྩ་གཅིག་ཡོད་ན་འདི་འདོན་ནོ༔ ཧཱུྃ༔ སྔོན་ཚེ་ཟློག་པ་གང་ནས་བྱུང་༔ རྒྱ་གར་རྒྱལ་པོ་སང་དྲི་དང་༔ རྒྱལ་པོ་སང་ཀྲི་དར་མ་དང་༔ ཁ་ཆེ་རྒྱལ་པོ་ཧོར་ནག་དང་༔ ཐོ་གར་རྒྱལ་པོ་ཧ་ས་དང་༔ བལ་པོའི་རྒྱལ་པོ་མགྲིན་བཟང་དང་༔ ཨོ་རྒྱན་རྒྱལ་པོ་པདྨ་དང་༔ ལི་ཡི་རྒྱལ་པོ་ཧ་པ་དང་༔ ཟ་ཧོར་རྒྱལ་པོ་ཧསྟི་དང་༔ རྒྱལ་པོ་ཁྲི་སྲོང་ལྡེའུ་བཙན་སོགས༔ ཆོས་སྐྱོང་རྒྱལ་པོ་དེ་རྣམས་ལ༔ བན་བོན་མུ་སྟེགས་སྔགས་བྲུབ་བྱུང་༔ མ་མོ་འབུམ་གྱི་དལ་ཁ་

[Full Size]

བྱུང་༔ བེ་གར་རྒྱལ་པོའི་ཆད་པ་བྱུང་༔ སློབ་དཔོན་བུདྡྷཱ་རོ་ལངས་དང་༔ སློབ་དཔོན་གྷ་ཡ་རམ་བུ་དང་༔ སློབ་དཔོན་པྲ་བྷ་ཤཱཀྱ་དང་༔ སློབ་དཔོན་ཤྲཱི་ལ་ཚད་མེད་དང་༔ སློབ་དཔོན་བལ་པོ་པྲ་ཏི་པྲ༔ སློབ་དཔོན་རྡོ་རྗེ་ཐོགས་མེད་དང་༔ སློབ་དཔོན་ཤཱཀྱ་པྲ་བྷ་དང་སློབ་དཔོན་དྷརྨ་ཀོ་ཤ་དང་སློབ་དཔོན་པདྨ་འབྱུང་གནས་རྣམས༔ སོ་སོར་རིམ་བཞིན་སྤྱན་དྲངས་ནས་༔ ཁྲག་གི་ཀོང་བུ་ལོ་ཚད་བཤམས༔ མ་མོའི་དལ་ཁ་དེ་ཡིས་ཟློག༔ བན་བོན་སྔགས་ཟོར་དེ་ཡིས་ཟློག༔ བེ་གར་ཆད་པ་དེ་ཡིས་ཟློག༔ རྒྱལ་པོ་དེ་རྣམས་སྐག་ལས་

[Full Size]

ཐར༔ སྔོན་ཚེ་ཟློག་པ་དེ་ལྟར་བྱུང་༔ སྔོན་ཟློག་བཀྲ་ཤིས་བྱིན་འབེབས་ལྟར༔ ཁྲག་གི་ཀོང་ཟོར་ལོ་ཚད་འདིས༔ བདག་ཅག་དཔོན་སློབ་ཡོན་བདག་ལ༔ བན་བོན་སྔགས་ཟོར་འདུས་པ་དང་༔ མ་མོའི་ཆད་པ་དལ་ཡམས་དང་༔ བེ་གར་གདུག་པ་ཟློག་སྒྱུར་བྱོ༔ མ་མོའི་ཁྲམ་ཁ་ཟློག་སྒྱུར་བྱོ༔ བྱད་ཁ་ཟོད་གཏོང་ཟློག་སྒྱུར་བྷྱོ༔ དགྲ་བགེགས་ཐོག་ཏུ་ཟློག་སྒྱུར་བྷྱོ༔ ཅེས་ཟློག་བྱུང་དང་༔ ཧཱུྃ༔ ཉི་མ་ཕྱོགས་བཞི་ཕ་གི་ན༔ ཟླ་ཚེས་ཁ་སྦྱོར་ནང་ཤེད་ནས༔ བལ་མོ་ནག་མོ་མཆེད་སྡེ་བཞི༔ ཤར་ན་ཉི་མའི་ག་ཤ་ཅན༔ ལྷོ་ན་ཁྲག་གི་སྲིད་བུ་ཅན༔ ནུབ་ན་འཕྲུལ་གྱི་མེ་ལོང་ཅན༔ བྱང་ན་གཅེར་བུ་རལ་པ་ཅན༔ ཀུན་ཀྱང་ཁྲག་གི་ཀོང་ཟོར་ཐོགས༔ སྔོན་ཚེ་སྔགས་ཟོར་ཟློག་པའི་ལྷ༔ དུས་འདིར་ཟློག་པའི་དཔུང་ལ་གཤེགས༔ ཤ་ཁྲག་ཀོང་བུས་མཆོད་དེ་རོལ༔ ཏི་ཕུར་མ་མ་ཤཱ་ཏེ་བྷྱོ༔ ཏི་ཕུར་ཡ་མ་ཙཀྲ་བྷེ༔ ཏི་ཕུར་ཡ་མ་རུ་ཏི་བྷྱོ༔ ཏི་ཕུར་ཡ་ཝ་ར་ཏི་བྷྱོ༔ ཟོར་ཀོང་གི་ལྷ་བཞིའོ།། ཧཱུྃ༔ དབུས་ཕྱོགས་བྷནྡྷ་སྒོ་མེད་མཁར༔ ཕྱོགས་བཞི་དུང་གསེར་ཟངས་ལྕགས་མཁར༔ དབུས་ནས་མཆོང་གི་མི་མོ་བདུན༔ ཕྱོགས་བཞི་དུང་གསེར་

[Full Size]

ཟངས་དང་གཡུའི༔ མི་མོ་བདུན་ཚོ་རེ་རེ་ཡིས༔ ཕྱག་ནས་ཁྲག་གི་ཀོང་ཟོར་འཕེན༔ སྔོན་ཚེ་ཟློག་པའི་དབང་མོ་ཆེ༔ ཤ་ཁྲག་ཀོང་ཟོར་གཏོར་མ་བཞེས༔ བན་བོན་སྔགས་ཟོར་ཕུར་ཟོར་དང་༔ སྔགས་ཀྱི་ཟོར་ཁ་བབ་པ་དང་༔ ཕྱོགས་བཞི་དབུས་དང་ལྔ་པོ་ཡི༔ མ་མོ་འབུམ་གྱི་ཆད་པ་ཟློག༔ བཟློག་གོ་ཀོང་ཟོར་གཏོར་མས་ཟློག༔ བསྒྱུར་རོ་ཆོ་འཕྲུལ་དགྲ་ལ་སྒྱུར༔ ཀོང་ཟོར་བརྒྱད་ཅུ་གྱ་གཅིག་གི་འཕྱང་ངོ་༔ ཧཱུྃ༔ དཔལ་དགུའི་དབུ་ལ་ཁྱུང་ཆེན་དགུ༔ སྐུ་གསུང་ཐུགས་ཡོན་ཕྲིན་ལས་དང་༔ གཟི་བརྗིད་སྟོབས་དྲེགས་རིགས་ལས་སྤྲུལ༔ མཐིང་དཀར་སེར་དམར་ལྗང་གུ་སྟེ༔ སྤྲུལ་པ་ཡང་སྤྲུལ་ཉིང་སྤྲུལ་ཁྱུང་༔ ཁྱུང་གི་གཤོག་སྒྲ་འུ་རུ་རུ༔ ཁྱུང་གི་གཤོག་སྒྲ་ཆེམས་སེ་ཆེམ༔ ཁྱུང་གི་བྲོ་རྡུང་ཁྲིགས་སེ་ཁྲིག༔ ཁྱུང་གི་ཆར་པ་སི་ལི་ལི༔ ནམ་མཁའ་ས་གཞི་བར་སྣང་གང་༔ ཆེ་མཆོག་དབུ་ཡི་ཁྱུང་ཆེན་ནི༔ ཁྱུང་གི་རྡོ་རྗེའི་རྭ་གཉིས་ལ༔ ཕྱག་རྡོར་ཁྲོ་བོ་བཅོ་བརྒྱད་ཤར༔ རི་ལས་ཆུ་ཆེན་འབྲུབ་པའི་བྱད༔ རྡོ་རྗེ་འཇིགས་བྱེད་ལྟས་ངན་ཟློག༔ སྤྱི་གཙུག་ནོར་བུ་འབར་བ་ཡིས༔ ནོར་ལྷ་ཕོ་མོ་བཅུ་དྲུག་སྤྲུལ༔ ནམ་

[Full Size]

མཁའ་སྤྲིན་ཆེན་དྭངས་བའི་བྱད༔ ཆུ་རྒྱུན་ཆད་པའི་ལྟས་ངན་ཟློག༔ སྤྱན་མིག་དམར་ཟླུམ་བསྒྲད་པ་ལ༔ ཁྲག་འཐུང་ལྔ་བཅུ་རྩ་བརྒྱད་སྤྲུལ༔ འོད་ཟེར་གནམ་ལྕགས་འཕྲོ་བའི་བྱད༔ ཕྱོགས་རྣམས་འཕོ་བའི་ལྟས་ངན་ཟློག༔ ལྕགས་ཀྱི་སྡེར་མོ་རྡོ་རྗེའི་མཆུ༔ དབང་ཆེན་ཁྲོ་བོ་ལྔ་བཅུ་བརྒྱད༔ ས་རྣམས་སྟེང་དུ་འཕྱོ་བའི་བྱད༔ སྣ་ཚོགས་སྤྲུལ་པའི་ལྟས་ངན་ཟློག༔ སྦྲུལ་ཟ་སྦྲུལ་གྱིས་སྐུ་ལ་བརྒྱན༔ མཁའ་ལྡིང་རྒྱལ་པོ་ལྔ་རུ་ཤར༔ རི་རབ་ཤིང་གི་ཏོལ་བའི་བྱད༔ བཅུད་ཆེན་འགྱུར་བའི་ལྟས་ངན་ཟློག༔ ཧཱུྃ༔ བྱ་ཁྱུང་རྒྱལ་པོ་ཁྱེད་རྣམས་ཀྱི་ང་པས་གདོང་ཅན་ལྟས་ངན་ཟློག༔ གཤོག་པས་འདབ་ཆགས་ལྟས་ངན་ཟློག༔ སྡེར་མོས་སྡེར་ཆགས་ལྟས་ངན་ཟློག༔ མཆུ་ཡིས་ལྟོ་འགྲོའི་ལྟས་ངན་ཟློག༔ རྭ་ཡིས་རྭ་ཅན་ལྟས་ངན་ཟློག༔ སྦྲུལ་གྱིས་ཀླུ་ཡི་ལྟས་ངན་ཟློག༔ སྟོང་པའི་ཏིང་འཛིན་ཕོ་ཉས་ཟློག༔ ཆུ་དར་ཐོགས་པའི་བྱ་ཁྱུང་གིས༔ བནྡེ་བརྒྱ་ཡིས་མཐུ་བྱད་དང་༔ གཤིན་རྗེའི་ཁྲམ་ཁ་རླུང་འཁོར་ཟློག༔ གླང་མའི་བྱང་བུ་ཐོགས་པའི་ཁྱུང་༔ མ་མོའི་དམག་ཚོགས་ཐུན་ཁ་ལྟས་ངན་ཟློག༔ ཟངས་བྱང་ཐོགས་པའི་བྱ་ཁྱུང་

[Full Size]

གིས༔ རྒྱལ་པོའི་བཀའ་ཆད་ནད་བབས་དང་༔ བན་བོན་ཡོངས་ཀྱི་མཐུ་བྱད་ཟློག༔ ཆུ་ཤིང་བྱང་བུ་ཐོགས་པའི་ཁྱུང་༔ ཀླུ་ཡི་བྱད་དང་གནོད་པ་ཟློག༔ སྐྱེར་པའི་ཡམ་ཤིང་ཐོགས་པའི་ཁྱུང་༔ ཐེའུ་རང་སྟོང་གི་གནོད་པ་ཟློག༔ གླང་མའི་བྱང་བུ་ཐོགས་པའི་ཁྱུང་༔ བཙན་གྱི་གནོད་པ་ཤོ་ཁ་ཟློག༔ སེང་ལྡེང་བྱང་བུ་ཐོགས་པའི་ཁྱུང་༔ གཤེད་ཁ་གཟའ་ཆེན་གནོད་པ་དང་༔ བནྡེའི་ལྷ་ཡི་གནོད་པ་ཟློག༔ སེ་རྒོད་བྱང་བུ་ཐོགས་པའི་ཁྱུང་༔ ཡམ་རྗེ་བདུད་ཀྱི་གནོད་པ་ཟློག༔ ཙན་བྱང་བུ་ཐོགས་པའི་ཁྱུང་༔ རཀྵ་སྲིན་པོའི་གནོད་པ་ཟློག༔ དེ་ལྟར་ཁྱུང་དགུ་བྱང་བུ་དགུས༔ རྔ་བརྡུང་སྟོང་གི་བྱད་ཁ་ཟློག༔ ཧཱུྃ༔ ཁྲོ་རྒྱལ་ཁམས་གསུམ་ཧཱུཾ་སྒྲ་ཅན༔ སྐུ་ལ་ཟངས་ཁྲབ་འོད་ཀྱིས་མཛེས༔ ཕྱག་ན་མདུང་དམར་ཆེམས་སེ་ཆེམ༔ བ་དན་རྩེ་གསུམ་གཡབ་མོ་རྡེབ༔ གཡས་ན་བསྐོར་བས་ལྷ་སྲིན་སྡུད༔ གཡོན་ན་བསྐོར་བས་ཀླུ་སྲིན་སྡུད༔ ཀླད་ལ་བསྐོར་བས་བདུད་དཔུང་འཇོམས༔ སྲོག་དབུགས་དབང་བྱེད་ལས་ལ་ཁྱབ༔ ལྟས་ངན་དམིགས་ཀྱིས་བསྒྲལ་དུ་གསོལ༔ ཅེས་ཁྱུང་དགུའི་འཕྱང་ངོ་༔ ཧཱུྃ༔ དཔལ་དགུའི་བཀའ་

[Full Size]

སྲུང་གཏོར་མའི་སྟེང་༔ རྒྱལ་མཚན་དགུའམ་བཅུ་བཀོད་པ༔ དབུས་ཀྱི་ཁྱུང་ནག་མེ་གཤོག་ཅན༔ དགྲ་བགེགས་ལིང་ག་ཁྱེར་བ་ཡིས༔ སྡེ་བརྒྱད་ཆོ་འཕྲུལ་སྣ་ཚོགས་སྒྱུར་ལྟས་ངན་བརྒྱད་ཅུ་རྩ་གཅིག་ཟློག༔ དུས་མིན་འཆི་བ་རྣམ་བརྒྱད་ཟློག༔ གཤིས་ངན་གུམ་པ་བཅོ་བརྒྱད་ཟློག༔ ཡེ་འདྲོག་སུམ་བརྒྱ་དྲུག་ཅུ་ཟློག༔ སྤྱི་ཆགས་སྒོས་ཆགས་ལྟས་ངན་ཟློག༔ མོ་ངན་པྲ་ལྟས་ངན་པ་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཤར་གྱི་རྨ་བྱ་རོ་ཟན་འདིས༔ རྨ་བྱ་གཡེང་བའི་ལྟས་ངན་ཟློག༔ མི་ཡི་དུག་སྦྱོར་གཡོས་པ་དང་༔ ལྷ་འདྲེ་འཁྲུག་པའི་ལྟས་ངན་ཟློག༔ གང་ཟོས་དུག་ཏུ་སོང་བ་རྣམས༔ བཟློག་གོ་བསྒྱུར་རོ་གཏོར་མས་ཟློག༔ ཤར་ལྷོའི་ཤ་ཕོ་ངུ་འབོད་འདིས༔ ནད་ཁ་རིམས་ཁ་གཡོས་པ་ཟློག༔ ཤ་ཕོ་རུ་འཛིང་ལྟས་ངན་དང་༔ ཉ་མོ་རྔ་འཛིང་ལྟས་ངན་དང་༔ ནག་མོ་སྦར་འཛིང་ལྟས་ངན་དང་༔ དུར་ཁྲོད་ཝ་བརྒྱལ་ལྟས་ངན་ཟློག༔ ལྷོ་ཡི་སྟག་མོ་རོ་ཟན་འདིས༔ དགྲ་བགེགས་སྟག་ལྟར་འཕྱོ་བ་ཟློག༔ སྲེ་མོང་བྱི་རོ་ཁྱེར་བ་དང་༔ འདྲེ་མོའི་ཁ་ནས་སྡོམ་ཁྱེར་དང་སྔ་དགྲ་དར་དང་ཕྱི་དགྲ་སེམས༔ མདུན་ནས་སྒུག་དང་

[Full Size]

རྒྱབ་ནས་དེར༔ མི་མཐུན་སྦྱོར་རྩུབ་ལྟས་ངན་ཟློག༔ ལྷོ་ནུབ་བུད་མེད་འཐབ་འཛིང་དེ༔ ནག་མོའི་སྐྱོ་འཛིང་ལྟས་ངན་ཟློག༔ ངན་དགུ་དུག་བཅུ་ཤོམས་པ་དང་༔ རྒྱ་འདྲེ་སྟོང་འདྲེ་ལང་བ་དང་༔ གཡོས་ཚད་དུག་ཏུ་སོང་བ་དང་༔ ཁྱོ་ལ་བུད་མེད་འཁུན་རྣམས་ཟློག༔ ནུབ་ཕྱོགས་མི་དམར་སྦལ་གདེང་གིས༔ ཤི་མིག་གསོན་ལ་ལྟ་བ་དང་༔ དུར་ནས་འོ་དོད་འབོད་པ་དང་༔ ཕ་ཁུའི་རྒན་སྲི་ལང་བ་དང་༔ མ་བུའི་བྱུར་སྲི་ཐམས་ཅད་དང་༔ བྱིསྦའི་ཆུང་སྲི་ལ་སོགས་པ༔ རྐྱེན་ངན་གནོད་འཚེ་ལྟས་ངན་ཟློག༔ ནུབ་བྱང་སེང་གེ་དགྲ་སྙིང་བྲ༔ མི་ཆེན་དམང་བབ་ལྟས་ངན་ཟློག༔ སེང་གེ་ལྷུང་བབ་ལྟས་ངན་ཟློག༔ ཆེ་བཙུན་ནང་འཁྲུག་ལྟས་ངན་ཟློག༔ རྗེ་བློན་བཀའ་ཆད་ལྟས་ངན་ཟློག༔ བྱང་ཕྱོགས་ལྕགས་ཀྱི་སྤྱང་མོ་ཡིས༔ ཕུར་པའི་དབལ་བོར་འཕེན་པ་ཟློག༔ ཁྲག་ཟོར་རྦོད་གཏོང་ངན་པ་ཟློག༔ ཡུངས་ཀར་ཟོར་མདའ་འཕེན་པ་ཟློག༔ །སྔགས་པས་སྔགས་ཟོར་འཕེན་པ་ཟློག༔ མུ་སྟེགས་པར་བུའི་ངན་སྔགས་དང་༔ ཕྲ་མེན་མ་ཡིས་ཉེས་བྱེད་ཟློག༔ བྱང་ཤར་མི་ནག་སྤྱང་གདོང་གིས༔ མི་ནག་འོ་དོད་འབོད་པ་

[Full Size]

ཟློག༔ གཅན་སྤྱང་མི་རོ་ཁྱེར་བ་དང་༔ སྤྱང་ཀིས་འོ་དོད་འབོད་པ་དང་༔ བདུད་ཀྱིས་ཁྲམ་ལ་བཏབ་པ་དང་༔ བཙན་འགོང་ཟ་འདྲེ་ལངས་བ་ཟློག༔ དཔལ་གྱི་བཀའ་སྡོད་གཏོར་མའི་སྟེང་༔ བྱ་རོག་འུག་པ་ཞོན་པ་ཡིས༔ བྱ་རྒོད་སྡེར་འཛིང་ལྟས་ངན་ཟློག༔ འུག་པ་སྲོད་ལ་དགོད་པ་དང་༔ བྱ་རོག་བྲང་འདྲེད་སྐྱུར་བ་དང་༔ འདབ་ཆགས་གཅིག་ལ་གཅིག་ཞོན་དང་༔ ལྟས་ངན་བརྒྱད་ཅུ་རྩ་གཅིག་རྣམས༔ བཟློག་གོ་བསྒྱུར་རོ་ལྟས་ངན་ཟློག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཅེས་རྒྱལ་མཚན་དགུའི་འཕྱང་ངོ་༔ རྔ་མོང་ཁྱུང་ཞོན་གྱི་ཟློག་པ་བདག་གིས་བསྡུས་པའི་གཞུང་དང་མན་ངག་བཞིན་ཆས་རྣམས་འཛོམས་པར་བྱས་ལ་འདི་སྐད་དོ༔ ༈ གཉིས་པ་རྔ་མོང་གི་ཟློག་པ་ནི༔ ཧཱུྃ༔ ང་ནི་ཆེ་མཆོག་ཧེ་རུ་ཀའི༔ ལྟས་ངན་ཟློག་པའི་མཐུ་བོ་ཆེ༔ དགྲ་བགེགས་བསྒྲལ་བའི་དྲག་རྩལ་ཅན༔ ལྟས་ངན་ཟློག་པའི་དུས་ལ་བབ༔ བྷྱོ་བྷྱོ་ལྟས་ངན་དགྲ་ལ་བྷྱོ༔ བསྐྱར་བསྒྱུར་ལྟས་ངན་དགྲ་ལ་སྒྱུར༔ ཟོར་ཟོར་ལྟས་ངན་དགྲ་ལ་ཟོར༔ བཟློག་བཟློག་ལྟས་ངན་དགྲ་ལ་ཟློག༔ ཧཱུྃ༔ བཅོམ་ལྡན་དཔལ་ཆེན་ཧེ་རུ་ཀའི༔ ལྟས་ངན་ཟློག་པའི་ཕོ་ཉ་

[Full Size]

ནི༔ བསྒྱུར་བྱེད་རྔ་མོང་སྟོབས་པོ་ཆེ༔ ཟློག་བྱེད་རྔ་མོང་དཔྲལ་བ་ན༔ སྐྱེས་པ་དམག་ལ་ཆས་པ་དགུ༔ སྐྱེས་པས་མདའ་ཟོར་འཕེན་པ་ཡི༔ ལྟས་ངན་ཆོ་འཕྲུལ་དགྲ་ལ་བྷྱོ༔ རྔ་མོང་དཔུང་པ་གཡས་པ་ན༔ སྔགས་ནག་དགྲ་བོ་བསྒྲལ་བ་དགུ༔ སྔགས་པས་ཕུར་ཟོར་འཕེན་པ་ཡི༔ ལྟས་ངན་ཆོ་འཕྲུལ་དགྲ་ལ་བྷྱོ༔ རྔ་མོང་དཔུང་པ་གཡོན་པ་ན༔ བནྡེ་ཐལ་མོ་རྡེབ་པ་དགུ༔ དགྲ་བཅོམ་བཙུན་པའི་དམོད་པ་ཡི༔ ལྟས་ངན་ཆོ་འཕྲུལ་དགྲ་ལ་བྷྱོ༔ ཟློག་བྱེད་རྔ་མོང་དཔྱི་གཡས་ན༔ ཁྱེའུ་འུར་རྡོ་ཐོགས་པ་དགུ༔ ཁྱེའུ་རྡོ་ཟོར་འཕེན་པ་ཡི༔ ལྟས་ངན་ཆོ་འཕྲུལ་དགྲ་ལ་བྷྱོ༔ སྒྱུར་བྱེད་རྔ་མོང་དཔྱི་གཡོན་ན༔ བུད་མེད་དུལ་མོ་ཐོགས་པ་དགུ༔ ཡུགས་སའི་དུལ་ཟོར་འཕེན་པ་ཡི༔ ལྟས་ངན་ཆོ་འཕྲུལ་དགྲ་ལ་བྷྱོ༔ རྔ་མོང་རྩིབ་ལོགས་གཡས་པ་ན༔ བོན་པོ་ངན་སྔགས་འདོན་པ་དགུ༔ བོན་པོའི་སྔགས་ཟོར་འཕེན་པ་ཡི༔ ལྟས་ངན་ཆོ་འཕྲུལ་དགྲ་ལ་བྷྱོ༔ རྔ་མོང་རྩིབ་ལོགས་གཡོན་པ་ན༔ ངར་གླུད་རྐང་དམར་དགུ་པོ་འདི༔ ཞང་ཞུང་གླུད་ཟོར་འཕེན་པ་ཡི༔ ལྟས་ངན་ཆོ་འཕྲུལ་དགྲ་ལ་བྷྱོ༔ སྟེང་གི་མཁའ་

[Full Size]

ལ་ཁྱུང་ཆེན་ལྡིང་༔ ཁྱུང་རལ་མ་མོ་བཅུ་གསུམ་མཆོད༔ ནམ་མཁའ་སྨུག་ནག་འཐིབས་པའི་བྱད༔ དྲེད་མོང་རལ་འཛིངས་ལྟས་ངན་ཟློག༔ གཡས་གཤོག་ཟུར་ལ་ཁྲོ་བཅུ་འབར༔ སེང་གེ་འབྲུག་སྔོན་འཐབ་པའི་བྱད༔ གནམ་ལྕགས་འབར་བའི་ལྟས་ངན་ཟློག༔ གཉིས་པར་གསང་བའི་ཁྲོ་ཆེན་བཅུ༔ གླང་ཆེན་སྣ་ལ་འཕྱོ་བའི་བྱད༔ སྟག་སེང་འཛིང་བའི་ལྟས་ངན་ཟློག༔ གསུམ་པར་སྤྱི་དཔལ་ཁྲོ་བཅུ་འབར༔ གནམ་ལ་སྤྲིན་དམར་མཆེད་པའི་བྱད༔ བུད་མེད་རལ་འཛིངས་ལྟས་ངན་ཟློག༔ བཞི་པར་རྫོགས་ཆེན་ཁྲོ་བཅུ་འབར༔ སྐར་མདའ་ཐང་ལ་ལྷུང་བའི་བྱད༔ དབྱིག་གི་ནོར་བུ་ལྟས་ངན་ཟློག༔ ལྔ་པར་ཏ་ཀྲིད་བཅུ་དྲུག་སྤྲུལ༔ རི་རབ་མེ་ཆེན་མཆེད་པའི་བྱད༔ ལྕི་བ་ཟས་ཀྱི་ལྟས་ངན་ཟློག༔ གཡོན་གྱི་གཤོག་ཟུར་དང་པོ་ལ༔ སྲོག་རྩ་མ་མོ་བདུན་ཤར་བས༔ རྒྱ་མཚོ་དུག་སྦྲུལ་འཁྱིལ་བའི་བྱེད༔ མེ་ཏོག་བཅུད་ཉམས་ལྟས་ངན་ཟློག༔ གཉིས་པར་ཨེ་ཀ་དྲག་མོ་དྲུག༔ མཁའ་ལ་སྟག་མོ་འཕྱོ་བའི་བྱད༔ ལྕི་བ་བསྐྱོད་པའི་ལྟས་ངན་ཟློག༔ གསུམ་པར་སྲིན་མོ་འབར་མ་བདུན༔ མཁའ་ལ་བྱ་རྒོད་སྡེར་འཛིང་བྱད༔ གཏེར་གྱི་

[Full Size]

བཅུད་ཉམས་ལྟས་ངན་ཟློག༔ བཞི་པར་སྲིན་མོ་རྒྱལ་མོ་དགུ༔ གཡུ་ཤ་སྔོན་མོ་རུ་འཛིངས་བྱད༔ སེང་གེ་ངུ་འབོད་ལྟས་ངན་ཟློག༔ ལྔ་པར་ཉི་ཤུ་རྩ་བརྒྱད་སྤྲུལ༔ རྣོ་དབལ་ངར་དང་རྨ་བྱ་གཡེང་༔ གཡུ་སྒོང་ཡར་དང་ལྕགས་སེར་འབེབས༔ ཤེལ་དཀར་དུག་གཡོས་ཟངས་སྒོང་འདྲིལ༔ མི་བཟད་འབར་བ་ཀླད་ན་བསྐོར༔ ཉི་མ་སྤྲིན་སྒྲིབ་འཚུབ་རླུང་དང་༔ སེང་གེ་གངས་ལྷུང་ཤེལ་སྒོང་ཡར༔ སྤྲིན་ཆེན་ཡར་དང་བཅུད་ཟག་སོགས༔ ལྟས་ངན་སུམ་ཅུ་སླར་ལ་ཟློག༔ མཇུག་སྒོ་བརྒྱད་ལ་གདོང་མོ་བཞི༔ རྒྱལ་མོ་སྤྲུལ་བཞིའི་ཕྲེང་བ་ཤར༔ གསེར་སྒོང་ཁྲོ་བོའི་ཟུར་བསྟན་དང་༔ ལྕུག་ཕྲན་ཟོར་གྱིས་འདེབས་པ་དང་༔ གཟའ་སྐར་འཁྲུག་པའི་ཁྱད་བྱུང་བ༔ ཟོར་རྒྱལ་རྩེ་ལ་སྦྱད་པ་ཆགས༔ དེ་ཡི་ལྟས་ངན་དགྲ་ལ་ཟློག༔ ཁྲ་གསུམ་སྦྲུལ་ཁྱེར་ཀླུ་གཉན་ཐན༔ བྱ་གསུམ་སྡེར་འཛིང་ཕུང་སྲིའི་ཐན༔ རྒོད་བཞི་གཤོག་འཛིང་གནམ་ལྷའི་ཐན༔ བྱ་གཉིས་ས་རྐོ་མ་བདུད་ཐན༔ འདབ་ཆགས་བྱ་ཞོན་སྲི་ལངས་ཐན༔ འདབ་ཆགས་ལྟས་ངན་ཉི་ཤུ་པོ༔ བཟློག་གོ་ཟོར་དང་གཏོར་མས་ཟློག༔ བསྒྱུར་རོ་རྔ་མོང་འདི་ཡིས་

[Full Size]

སྒྱུར༔ དོམ་གསུམ་རོ་ཁྱེར་མ་མོའི་ཐན༔ སྦྲུལ་ནག་ཐུར་རྒྱུག་ཀླུ་དམུའི་ཐན༔ དུར་ཁྲོད་ཝ་བརྒྱལ་ཕུང་སྲིའི་ཐན༔ ནེ་ཚོ་སྦྲུལ་ཁྱེར་ཆུང་སྲིའི་ཐན༔ སྤྱང་གསུམ་ངུ་འབོད་བཙན་རྒྱལ་ཐན༔ བཤའ་བུད་ནག་ཁྱེར་ལྷ་བདུད་ཐན༔ ཐོ་རས་ཁྱི་ངུ་ཡ་བདུད་ཐན༔ སྡེར་ཆགས་ལྟས་ངན་ཉི་ཤུ་པོ༔ བཟློག་གོ་ཀོང་ཟོར་གཏོར་མས་ཟློག༔ བསྒྱུར་རོ་རྔ་མོང་ཁྱོད་ཀྱིས་སྒྱུར༔ སྡེ་འཁྲུག་གླང་མགོ་ཀླུ་བཙན་ཐན༔ སྟེལ་གྲུམ་ཤེལ་མིག་ཡ་བདུད་ཐན༔ རྔ་མོང་རོ་བཀལ་ཕུང་གསུམ་ཐན༔ ཕྲུ་གུ་མགོ་བརྙན་དགྲ་སྲིའི་ཐན༔ རྟིལ་སྟེང་བྱ་བབ་དམ་སྲིའི་ཐན༔ མིང་སྲིང་བུ་བྱུང་སྲིད་ལོག་ཐན༔ བོང་བུ་སྦྲུལ་ཐུར་མ་བདུད་ཐན༔ བོང་ཐེལ་མགོ་གསུམ་མ་ཡམས་ཐན༔ རྨིག་ཟླུམ་ལྟས་ངན་ཉི་ཤུ་པོ༔ བཟློག་གོ་ཀོང་ཟོར་གཏོར་མས་ཟློག༔ བསྒྱུར་རོ་རྔ་མོང་ཁྱོད་ཀྱིས་སྒྱུར༔ སྤྲེའུ་རྟ་ཞོན་ཕུང་སྲིའི་ཐན༔ འདབ་ཆགས་དྲེལ་ཞོན་རྒྱལ་བློན་ཐན༔ ཕྲུ་གུས་མ་ཟོས་མ་ཡམས་ཐན༔ སྦལ་པས་སྦྲུལ་བཟུང་ཀླུ་གཉན་ཐན༔ བུད་མེད་འཐོབ་འཛིང་དམ་སྲིའི་ཐན༔ དྲེད་མོང་བྲང་བརྡུང་མ་བདུད་ཐན༔ ཕོ་མོས་ལྷ་མནོལ་ལྷ་ཀླུའི་ཐན༔ གདོང་ཅན་ལྟས་ངན་ཉི་ཤུ་

[Full Size]

པོ༔ བཟློག་གོ་གཏོར་མ་ཟོར་གྱིས་ཟློག༔ བསྒྱུར་རོ་རྔ་མོང་ཁྱོད་ཀྱིས་སྒྱུར༔ ངུར་པས་མཛོ་ཞོན་མ་མོའི་ཐན༔ སྲོད་ལ་བྱ་ཕོ་གཟིར་བ་དང་༔ ནམ་གུང་འོག་རྟ་འཚེར་བ་དང་༔ ཐོ་རངས་སྒོ་ཁྱི་ངུ་བ་དང་༔ ཐད་ནས་ཤིང་ཆེན་ཆག་པ་དང་༔ ལྟག་ལྐོག་བྲག་ཆེན་རལ་བ་དང་༔ སྡེ་བརྒྱད་འཁྲུག་པའི་ལྟས་ངན་ཡིན༔ རྔ་མོང་ཟོར་དང་གཏོར་མས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཅེས་རྔ་མོང་གི་འཕྱང་ངོ་། །ཞེས་རཱ་ག་ཨ་སྱས་བསྡུས་ཏེ་བྲིས་པ་ལ་ཉེས་འགལ་མཆིས་ན་བཀའ་བརྒྱད་ལྷ་ཚོགས་རིག་འཛིན་བཀའ་སྲུང་ཡོངས་རྫོགས་དྲུང་དུ་བཤགས་སོ༔ འདི་ཕྱིའི་སྒྲིབ་པར་མ་གྱུར་པར་བྱིན་གྱིས་བརླབ་ཏུ་གསོལ༔ དགེ་བ་མཆིས་ན་དེང་འདིར་འབད༔ ངལ་བའི་དགེ་བ་གང་ཐོབ་དེས༔ ཨོ་རྒྱན་རིན་པོ་ཆེའི་ཐུགས་དགོངས་རྫོགས་པ་དང་༔ ཕྱི་རབས་ཀྱི་སྔགས་འཆང་འདི་ལ་མོས་པ་ཐམས་ཅད་ལ་འཕེལ་ནས༔ ཡོན་མཆོད་འབྲེལ་ཐོགས་ཐམས་ཅད་ལ་ཕན་པ་དང་བཀྲ་ཤིས་བདེ་ལེགས་རྒྱ་ཆེན་པོ་འབྱུང་བ་དང་༔ ཕྱི་མ་ཡང་བདེ་གཤེགས་བཀའ་བརྒྱད་ཀྱི་ལྷ་ཚོགས་དང་རིག་འཛིན་པདྨ་འབྱུང་གནས་ཀྱི་རྗེས་སུ་བཟུང་སྟེ་ཡོན་མཆོད་འབྲེལ་བ་ཐོབ་ཚད་ཐམས་ཅད་བདེ་བ་ཅན་གྱི་ཞིང་ཁམས་སུ་སྐྱེ་བར་གྱུར་ཅིག༔ མངྒ་ལཾ།། །། ༧ འབང་སྒང་གནས་མདོའི་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བཀའ་བརྒྱད་ཁྲོ་བོ་རོལ་པའི་ཁྱུང་བཅས་ཁྲོ་བོ་དགུ་རྒྱལ་མཚན་དགུའི་འདེབས་ཁ་དགུ་རྣམས་ཀྱི་ཟིན་བྲིས།

[Full Size]

བཀའ་བརྒྱད་ཁྲོ་བོ་རོལ་པའི་ཁྱུང་བཅས་ཁྲོ་བོ་དགུ་རྒྱལ་མཚན་དགུའི་འདེབས་ཁ་དགུ་རྣམས་ཀྱི་ཟིན་བྲིས་སྔགས་བྱང་འདི་ཁྱུང་ཟློག་རྗེས་སུ་ཚར་རེ་བཏོན་ན་ཤིན་ཏུ་ཟབ་པར་གསུངས་ཏེ༔ གཉན་དྲག་པས་མང་མི་བྱ་ཐན་ཟློག་ལ་འདི་མེད་ཐབས་མེད༔ ཉང་དང་ཆོས་དབང་གཉིས་ཀའོ།

[Full Size]

སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ་ཁྱུང་དགུ་དང་ཁྲོ་བོ་དབུ་དགུ་དང་རྨ་བྱ་སོགས་རྒྱལ་མཚན་དགུ་རྣམས་ཟན་ལ་བྱས་ཏེ་ནང་རྫོངས་ཤོག་དྲིལ་སོ་སོར་བཞག་པར་བཤད་ནའང་༔ འབྱོར་ན་ཟངས་གསེར་རམ་ཤི་ང་ངམ་རས་བསྲེས་ལ་དར་འདག་བྱས་ཏེ༔ ནང་དུ་འབྲུ་སྣ་དང་འཁོར་ལོ་དང་ཤོག་དྲིལ་བཞག་ནས་ནམ་བཅས་དུས་ཀྱང་ཡེ་ཤེས་པ་དེ་ལ་བསྟིམས་ན་བྱིན་རླབས་དང་ལྡན་པས་ལེགས་སོ༔ དེ་ལྟར་མ་འབྱོར་ན་ཁྱུང་སྐུ་བྲིས་པ་ལ་རབ་གནས་གསུངས་པ་ལྟར༔ བདག་གི་སློབ་དཔོན་གྱིས་ཁྱུང་སྐུའི་ནང་དུ་སྔགས་རྣམས་བྲི་བར་མཛད་པའི་མཐོང་བ་བརྒྱུད་པ་ལྟར་དང་༔ ལག་བླངས་བདེ་བ་ནི་འདི་ལྟ་སྟེ༔ ཁྱུང་དབུས་མ་ཐང་ཀའམ་ཤོག་བུའི་ལོགས་སུ་བྲི༔ གཞན་ཤོག་ལྡེབ་དགུ་ལ༔ དབུས་མར་ཁྲོ་དབུ་ཞལ་ཉེར་གཅིག་

[Full Size]

པ༔ དེ་འོག་ཏུ་ཁྱུང་གི་རྒྱལ་མཚན་ནོ༔ གཞན་བརྒྱད་ལ་སྟེང་དུ་གདུགས༔ དེ་འོག་ཁྱུང་ནི༔ ཤར་དང་ཤར་ལྷོ་དཀར༔ ལྷོ་དང་ལྷོ་ནུབ་སེར༔ ནུབ་དང་ནུབ་བྱང་དམར༔ བྱང་དང་བྱང་ཤར་ལྗང་༔ ཁྱུང་ཆེན་ནི་མཐིང་ནག་གཤོག་པ་དམར་པོ༔ ཁྱུང་སོ་སོའི་འོག་ཏུ་དཔལ་བརྒྱད་སོ་སོའི་དབུ་རེ་བྲིའོ༔ དེ་འོག་ཁྱུང་སོགས་རྒྱལ་མཚན་དགུ་སོ་སོར་བྲིས་ལ༔ ཁྱུང་ཆེ་བའི་ལྟོ་བའི་རྒྱབ་ཐད་དུ་འཁོར་ལོ༔ རྭ་དང་ནོར་བུ་སྒྲོ་གཤོག་སོ་སོའི་རྒྱབ་ཏུ་སྔགས༔ ཁྱུང་ཕྲུག་བརྒྱད་ཀྱི་མཆུའི་ཐད་དུ་བྱང་བུའི་སྔགས་བྱང་བུའི་གཟུགས་སུ་བྲིས་པ་ལ༔ ཆུ་དར་སྐུད་པ་སོགས་རྫས་སོ་སོར་བྱུག་པའམ་གླན༔ ཁོག་པར་སོ་སོའི་སྔགས་འབྲི༔ འདེབས་ཁ་དགུའི་དོན་འཐུས་སོ༔ རྒྱལ་མཚན་དགུ་སོ་སོའི་རྒྱབ་ཏུ་སོ་སོའི་སྔགས་འབྲིའོ༔ དབུས་ཁྱུང་

[Full Size]

ཆེན་གཙུག་ཏུ༔ དེ་འོག་མདོས་ཐབས་ལ་རྣམ་གདུགས་སོ༔ ཟློག་ཐབས་ཡིན་ན་དར་གདུགས་དེ་འོག་མདའ་དགུ་ལ་དཔལ་དགུ་སོ་སོའི་ཁ་དོག་གི་དར་བཏགས་པ་ལ་ཁྲོ་བོ་དགུའི་ཙཀ་ལི་གདགས་སོ༔ སྐེད་པར་སོ་སོའི་འཁོར་ལོ་བཏགས༔ སྨད་དུ་ལྕགས་སམ་དྲག་པོའི་ཤིང་གི་ཕུར་པ་རེ་བཏགས་ཏེ༔ ཕུར་པ་ཁྲོ་ཞལ་མེད་ཀྱང་ཁྲོ་དབུས་འཐུས་སོ༔ གལ་ཏེ་གཏོར་མས་མདའ་མི་ཐེག་ན་དྲུང་དུ་གཟུགས་པར་བྱའོ༔ སྤྱིར་འདོན་ཆ་ནི་བསྒྲིགས་ཆོག་ལྟར་གྱིས་འཐུས་སོ༔ འདི་དག་གི་འདོན་ཆ་རྒྱས་པ་ནི་སྒྲུབ་ཆེན་ལྟར་སྔགས་པ་མང་པོས་བགོས་ནས་འདོན་པ་ཡིན་གྱིས༔ ཉུང་ངུ་ནི་ཁྱུང་ཟློག་གི་རྗེས་སུ་སྔགས་བྱང་འདི་ཚར་རེ་འདོན་པས་ཆོག་གོ༔ འདིར་བྲི་ཐབས་འདོན་ཆ་གཉིས་གཅིག་ཏུ་དྲིལ་བའོ༔ ༈ དབུས་ཆེ་མཆོག་གི་དབུའི་ནང་དུ་བྲི་བ་ནི་འདི་ལྟར་རོ༔ ཨོཾ་ཨཱཿཧཱུྃ་སྭཱ་ཧཱ༔ ཨོཾ་ཨ་ལི་ཀ་ལི་ཛྙཱ་ན་པཉྩ་སཏཱ་ཀྲོ་ཏ་མུ་ན་ཡེ་སྭཱ་ཧཱ༔ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷ་ཏུ་ཨ༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལི་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་དགྲ་བགེགས་མཱ་ར་ཡ་ཧཱུྃ་ཕཊ༔ ཤར་གྱི་ཁྲོ་བོའི་དབུའི་ནང་དུ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ དགྲ་བགེགས་མཱ་ར་ཡ་ཕཊ༔ ལྷོའི་ནང་དུ༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫདགྲ་བགེགས་མཱ་ར་ཡ་ཧཱུྃ་ཕཊ༔ ནུབ་ཏུ༔ ཨོཾ་པདྨནྟ་ཀྲྀཏྟ་མ་ཧཱ་ཀྲོ་ཏ་ཧྱ་གྲི་

[Full Size]

ཝ་ཧུ་ལུ་ཧུ་ལུ་དགྲ་བགེགས་མཱ་ར་ཡ་ཧཱུྃ་ཕཊ༔ བྱང་དུ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བི་དགྲ་བགེགས་མཱ་ར་ཡ་ཧཱུྃ་ཕཊ༔ ཤར་ལྷོར། ཨོཾ་གུ་ཧྱ་ཛྙཱ་ན་ཤཱི་ཧེ་རུ་ཀ་ཀྲོ་ཏཱི་ཤྭ་རྭི་སྟཾ་མ་མ་ཡོ་གི་ནི་རུ་ལུ་རུ་ལུ་ཧཱུྃ་བྷྱོ་ཧཱུྃ་བྷྱོ༔ དགྲ་བགེགས་མཱ་ར་ཡ་ཧཱུྃ་ཕཊ༔ ལྷོ་ནུབ་ཏུ། ༀ་བཛྲ་མ་ཧཱ་གུ་རུ་སརྦ་ཧཱུྃ་དགྲ་བགེགས་མཱ་ར་ཡ་ཧཱུྃ་ཕཊ༔ ནུབ་བྱང་དུ། ཨོཾ་བཛྲ་ཙཎྜ་སརྦ་དུཥྛན་དགྲ་བགེགས་མཱ་ར་ཡ་ཧཱུྃ་ཕཊ༔ བྱང་ཤར། ཨོཾ་བཛྲ་སརྦ་དུཥྚན་དགྲ་བགེགས་མཱ་ར་ཡ་ཧཱུྃ་ཕཊ༔ ཁྲོ་བོ་དབུ་དགུའི་ནང་གཞུག་རྫོགས་སོ༔ ༈ དེ་ནས་དབུས་ཀྱི་ཁྱུང་ཆེན་གྱི་སྔགས་མགོ་ཁྱུང་ལ་བསྟན༔ སྔགས་མཇུག་ཕྱི་ལ་བསྟན་ཏེ་ཁྱུང་གི་རལ་པ་ལ༔ ཨོཾ་བཛྲ་སེང་ཧ་མུ་ཁས་ལྟས་ངན་ཟློག༔ ཨོཾ་བཛྲ་བྱ་ཏྲི་མུ་ཁས་ལྟས་ངན་ཟློག༔ ཨོཾ་བཛྲ་སྲི་ལ་མུ་ཁས་ལྟས་ངན་ཟློག༔ ཨོབཛྲ་ཤྭ་ན་མུ་ཁས་ལྟས་ངན་ཟློག༔ ཨོཾ་བཛྲ་ཀྲྀ་ཏ་མུ་ཁས་ལྟས་ངན་ཟློག༔ ཨོཾ་བཛྲ་ཀཾ་ཀ་མུ་ཁས་ལྟས་ངན་ཟློག༔ ཨོཾ་བཛྲ་ཁུ་ཁ་མུ་ཁས་ལྟས་ངན་ཟློག༔ ཨོཾ་བཛྲ་ཧུ་ལུ་མུ་ཁས་ལྟས་ངན་ཟློག༔ ཨོཾ་བཛྲ་ཨཱརྱ་དྷོ་ཛས་ལྟས་ངན་ཟློག༔ ཨོཾ་བཛྲ་ཨ་མུ་ཀས་ལྟས་ངན་ཟློག༔ ཨོབཛྲ་ཀཱ་ལ་བི་ལྟས་ངན་ཟློག༔ ཨོཾ་བཛྲ་ཡརྨི་པ་ལ་ཡ་ཏིས་ལྟས་ངན་

[Full Size]

ཟློག༔ ཨོཾ་བཛྲ་པ་ལ་ཡ་ཏིས་ལྟས་ངན་ཟློག༔ གཡས་ཀྱི་སྒྲོ་གཤོག་དང་རུ་ལ༔ ཨོཾ་བཛྲ་ཀྲོ་ཏིས་ལྟས་ངན་ཟློག༔ ཨོཾ་བུདྡྷ་ཀྲོ་ཏིས་ལྟས་ངན་ཟློག༔ ཨོཾ་རཏྣ་ཀྲོ་ཏིས་ལྟས་ངན་ཟློག༔ ཨོཾ་པདྨ་ཀྲོ་ཏིས་ལྟས་ངན་ཟློག༔ ཨོཾ་ཀརྨ་ཀྲོ་ཏིས་ལྟས་ངན་ཟློག༔ ཨོཾ་བཛྲ་ཀོའུ་རུ་མས་ལྟས་ངན་ཟློག༔ ཨོཾ་བཛྲ་ཙོའུ་རུ་མས་ལྟས་ངན་ཟློག༔ ཨོཾ་བཛྲ་པྲ་མོ་ཧས་ལྟས་ངན་ཟློག༔ ཨོཾ་བཛྲ་བྷེ་ཏ་ལིས་ལྟས་ངན་ཟློག༔ ཨོཾ་བཛྲ་པུཀྐ་སིས་ལྟས་ངན་ཟློག༔ ཨོཾ་བཛྲ་གསྨྲ་རིས་ལྟས་ངན་ཟློག༔ ཨོཾ་བཛྲ་སྨེ་ཤ་ནིས་ལྟས་ངན་ཟློག༔ ཨོཾ་བཛྲ་ཙཎྜ་ལིས་ལྟས་ངན་ཟློག༔ གཡས་ཀྱི་སྒྲོ་གཤོག་གཉིས་པ་ལ༔ ཨོཾ་བཛྲ་ཀྲོ་ཏ་ཧཱུྃ་ཀ་རས་ལྟས་ངན་ཟློག༔ ཨོཾ་བཛྲ་ཀྲོ་ཏ་བི་ཛ་ཡས་ལྟས་ངན་ཟློག༔ ཨོཾ་བཛྲ་ཀྲོ་ཏ་ནི་ལ་དཎྜས་ལྟས་ངན་ཟློག༔ ཨོཾ་བཛྲ་ཀྲོ་ཏ་ཡ་མཱན་ཀས་ལྟས་ངན་ཟློག༔ ཨོཾ་བཛྲ་ཀྲོ་དྷ་ཨརྱ་ཨ་ཙ་ལེས་ལྟས་ངནཟློག༔ ཨོཾ་བཛྲ་ཀྲོ་ཏ་ཧྱ་གྲི་ཝས་ལྟས་ངན་ཟློག༔ ཨོཾ་བཛྲ་ཀྲོ་དྷ་ཨ་པ་ར་ཛི་ཏས་ལྟས་ངན་ཟློག༔ ཨོ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱིས་ལྟས་ངན་ཟློག༔ ཨོཾ་བཛྲ་ཀྲོ་དྷ་ཏྲེ་ལོཀྱ་བི་ཛ་ཡས་ལྟས་ངན་ཟློག༔ ཨོཾ་བཛྲ་ཀྲོ་དྷ་མ་ཧཱ་བ་ལས་ལྟས་ངན་ཟློག༔ གཡས་ཀྱི་སྒྲོ་གཤོག་གསུམ་པ་ལ༔ ཨོཾ་བུདྡྷཱ་

[Full Size]

ཧེ་རུ་ཀས་ལྟས་ངན་ཟློག༔ ཨོཾ་བཛྲ་ཧེ་རུ་ཀས་ལྟས་ངན་ཟློག༔ ཨོ་རཏྣ་ཧེ་རུ་ཀས་ལྟས་ངན་ཟློག༔ ཨོཾ་པདྨ་ཧེ་རུ་ཀས་ལྟས་ངན་ཟློག༔ ཨོཾ་ཀརྨ་ཧེ་རུ་ཀས་ལྟས་ངན་ཟློག༔ ཨོཾ་བི་ཤྭ་ཧེ་རུ་ཀས་ལྟས་ངན་ཟློག༔ ཨོཾ་གུ་རྒྱ་ཧེ་རུ་ཀས་ལྟས་ངན་ཟློག༔ ཨོཾ་རཀྵ་ཧེ་རུ་ཀས་ལྟས་ངན་ཟློག༔ ཨོཾ་ཡཀྵ་ཧེ་རུ་ཀས་ལྟས་ངན་ཟློག༔ ཨོཾ་མ་ཧཱ་ཤྲཱི་ཧེ་རུ་ཀས་ལྟས་ངན་ཟློག༔ ཨོ་དྷརྨ་ཤྲཱི་ཧེ་རུ་ཀས་ལྟས་ངན་ཟློག༔ ཨོཾ་ས་ནུ་ཧེ་རུ་ཀས་ལྟས་ངན་ཟློག༔ གཡས་གཤོག་བཞི་པ་ལ༔ མ་མོ་ཨེ་ཀ་ཙ་ཏི་མ་བྱོ༔ ས་མ་ཡ་ལྟས་ངན་ཟློག༔ བཙན་བཛྲ་ཏྲི་དུ་ས་མ་ཡ་བྷྱོ་ལྟས་ངན་ཟློག༔ བདུད་ཕྲ་མ་དུན་ཏི་ས་མ་ཡ་བྷྱོ་ལྟས་ངན་ཟློག༔ ལྷ་དེ་ཝ་ལོ་ཀ་ས་མ་ཡ་བྷྱོ་ལྟས་ངན་ཟློག༔ གཤིན་རྗེ་ཡ་མ་རཱ་ཙ་ས་མ་ཡ་བྷྱོ་ལྟས་ངན་ཟློག༔ གནོད་སྦྱིན་ཡཀཱ་གྷི་ཝ་ས་མ་ཡ་བྷྱོ་ལྟས་ངན་ཟློག༔ གཟའ་བིཥྛ་རུ་ཏི་ས་མ་ཡ་བྷྱོ་ལྟས་ངན་ཟློག༔ རྒྱལ་པོ་གིང་ཀ་ར་ས་མ་ཡ་བྷྱོ་ལྟས་ངན་ཟློག༔ སྲིན་པོ་དྷ་ཤ་སུ་ར་ས་མ་ཡ་བྷྱོ་ལྟས་ངན་ཟློག༔ མུ་སྟེགས་ཁྲི་ལ་མུ་ཀ་ས་མ་ཡ་བྷྱོ་ལྟས་ངན་ཟློག༔ ཨ་ཡ་མ་དུ་རུ་ཙ་ཤ་ནས་ལྟས་ངན་ཟློག༔ ལྷ་སྲིན་སྡེ་བརྒྱད་ཀྱི་ལྟས་ངན་ཟློག༔ གཡས་གཤོག་ལྔ་

[Full Size]

པ་ལ༔ ཨོཾ་བཛྲ་མ་ཧཱ་ཤྲཱི་ཧེ་རུ་ཀས་ལྟས་ངན་ཟློག༔ ཨོཾ་བུདྡྷཱ་མ་ཧཱ་ཤྲཱི་ཧེ་རུ་ཀས་ལྟས་ངན་ཟློག༔ ཨོཾ་རཏྣ་མ་ཧཱ་ཤྲཱི་ཧེ་རུ་ཀས་ལྟས་ངན་ཟློག༔ ཨོཾ་པདྨ་མ་ཧཱ་ཤྲཱི་ཧེ་རུ་ཀས་ལྟས་ངན་ཟློག༔ ༀ་ཀརྨ་མ་ཧཱ་ཤྲཱི་ཧེ་རུ་ཀས་ལྟས་ངན་ཟློག༔ ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ༔ སྟེང་ཚངས་པ་ལྷ་ཡི་ལྟས་ངན་ཟློག༔ ཨོཾ་བཛྲ་ཀྲོ་དྷ་བི་ཛཱ་ཡ་ཧཱུྃ༔ ཤར་དྲི་ཟའི་ལྟས་ངན་ཟློག་ཨོཾ་བཛྲ་ཀྲོ་དྷ་ནཱི་ལཾ་དཎྜ་ཧཱུྃ༔ ཤར་ལྷོ་མེ་ལྷའི་ལྟས་ངན་ཟློག༔ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ༔ ལྷོ་གཤིན་རྗེའི་ལྟས་ངན་ཟློག༔ ཨོཾ་བཛྲ་ཀྲོ་དྷ་ཨརྱ་ཨ་ཙ་ལེ་ཧཱུྃ༔ ལྷོ་ནུབ་སྲིན་པོའི་ལྟས་ངན་ཟློག༔ ཨོཾ་བཛྲ་ཀྲོ་དྷ་ཧྱ་གྲི་ཝ་ཧཱུྃ༔ ནུབ་ཀླུའི་ལྟས་ངན་ཟློག༔ ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ༔ ནུབ་བྱང་རླུང་ལྷའི་ལྟས་ངན་ཟློག༔ ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ༔ བྱང་གནོད་སྦྱིན་གྱི་ལྟས་ངན་ཟློག༔ ཨོཾ་བཛྲ་ཀྲོ་དྷ་ཏྲེ་ལོཀྱ་བི་ཛ་ཡ་ཧཱུྃ༔ བྱང་ཤར་དབང་ལྡན་གྱི་ལྟས་ངན་ཟློག༔ ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ༔ འོག་ས་བདག་གི་ལྟས་ངན་ཟློག༔ གཡོན་གྱི་སྒྲོ་གཤོག་དང་པོ་ལ༔ ཨོ་ཀ་མ་ལ་ཀྲོ་ཏི་ཤྭ་རི་དྷིཀ་ཧཾ༔ ཁམས་གསུམ་གདར་གཅོད་མས་ལྟས་ངན་ཟློག༔ ཁམས་གསུམ་རྒྱས་འདེབས་མས་ལྟས་ངན་ཟློག༔

[Full Size]

ཁམས་གསུམ་བྱ་བྱེད་མས་ལྟས་ངན་ཟློག༔ ཁམས་གསུམ་རྨོངས་བྱེད་མས་ལྟས་ངན་ཟློག༔ ཁམས་གསུམ་ཚེ་འཕེལ་མས་ལྟས་ངན་ཟློག༔ སྐྱེ་ཤི་རྩད་གཅོད་མས་ལྟས་ངན་ཟློག༔ ཁམས་གསུམ་དབང་སྡུད་མས་ལྟས་ངན་ཟློག༔ གཡོན་གཤོག་གཉིས་པ་ལ༔ ཏྲག་རཀྵ་ཨེ་ཀ་ཙ་ཏི་སྤྱན་དྲུག་སྙིང་ལ་ཏེ་ཀཾ་མ་མ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཁོང་དབུགས་ཁྲོལ་ཅིག༔ སྙིང་ཁྲག་མཱ་ར་ཡ་རཾ་རཾ་ཛ༔ དོ་ཡ་ཛ་ཛསྙིང་རྩ་ཆུམས་ཤིག༔ མ་མ་ཙིཏྟ་མ་དུན་ཧྲིང་༔ སྙིང་ཁྲག་ལ་མ་མ་ཐུན༔ མ་མ་ས་མ་ཡ་དགྲ་བགེགས་མཱ་ར་ཡ་སོད་སོད༔ ཤ་ཏི་ནྟཾ་བྷ་ཡ་སྙིང་ལ་བྷྱོ༔ མ་མ་ཤ་ཤ་མ་མ་ཧྲིང་ཧྲིང་༔ ས་མ་ཡ་དགྲ་བགེགས་ནི་ཏྲི་མཱ་ར་ཡ་སོད་སོད༔ དགྲ་བགེགས་སྙིང་ལ་ཙིཏྟ་ཛྭ་ལ་རཾ༔ མ་མ་སྙིང་རྩ་ལ་རོལ་རོལ༔ ཆུ་ཆུ་རིལ་རིལ་ཟློག་བྷྱོ༔ མ་མོ་སྤུན་དྲུག་གི་ལྟས་ངན་ཟློག༔ གཡོན་གྱི་སྒྲོ་གཤོག་གསུམ་པ་ལ༔ མ་མ་རགློ་ཧྲིང་ཧྲིང་ལྟས་ངན་ཟློག༔ རཀཱ་རུ་ཙ་མུཎཱི༔ ཏྲག་རཀྵ་ཙ་མུན་ཏི༔ སྙིང་ཀུ་རུ་རྦད་རྦད༔ ནི་ཛ་ཛ་ལྟས་ངན་ཟློག༔ བཻ་རི་ལི་ལི་ཆད་ལྟས་ངན་ཟློག༔ མ་མ་སྙིང་ཁ་རག་དགྲ་བགེགས་ནི་ཛ་ཛ༔ བྷ་ལ་ནི་པ་ཏི་ཆོམས་མུག་མུག་ལྟས་

[Full Size]

ངན་ཟློག༔ རཀོ་ནི་ཧི་མ་མོ་ནི་ཧི་མོ་ཛ་ཛ་ལྟས་ངན་ཟློག༔ ཐུམ་རི་ལི་ལི་རྦད་རྦད་ནི་ཏྲ་ཛ༔ སྲིན་མོ་འབར་མ་བདུན་གྱི་ལྟས་ངན་ཟློག༔ གཡོན་གཤོག་བཞི་པ་ལ༔ གྷི་ས་མུ་ཧེ་གྲུག་རྣམ་སྣང་གསལ་བའི་ལྟས་ངན་ཟློག༔ བྱི་བྱི་ཡིང་ཡིང་ཧ་ཧྲུག་ཡང་གསལ་གཡོས་ཀྱི་ལྟས་ངན་ཟློག༔ མ་ཧཱ་མི་ཏེ་ཧ་གྷིག་བཀྲག་གསལ་མས་ལྟས་ངན་ཟློག༔ བྷ་ཤ་ན་སེན་ཏྲེ་ཧ་གྲུག་གཉན་གསལ་མས་ལྟས་ངན་ཟློག༔ ཛ་རཾ་བྷ་རཾ་ཧ་སྒྲིག་འོད་གསལ་མས་ལྟས་ངན་ཟློག༔ རཀོ་རགློ་སྙིང་རྩ་ལ་ཤ་མ་ལ་བྷྱོ་ཛ༔ སྟག་སྲིན་ཟོར་བའི་གདོང་གིས་ལྟས་ངན་ཟློག༔ རགློ་རགོ་རུ་རུ་ཙ་པ་ལ་སྙིང་ཁ་རགློ་བྷྱོ་ཛ༔ ཐཾ་སྲིན་དྲེད་མོང་གདོང་གིས་ལྟས་ངན་ཟློག༔ རགློ་རྩབ་རྩབ་རགོ་ཁྲག་ལ་བྲུ་ཤ་མ་བྷྱོ་ཛ༔ ཀོང་སྲིན་བ་ལང་གདོང་གིས་ལྟས་ངན་ཟློག༔ རགློ་རགློ་ཤིག་ཤིག་སྙིང་ལ་རགློ་བྷྱོ་ཛ༔ འབྲོག་སྲིན་ཆུ་སྲིན་གདོང་གིས་ལྟས་ངན་ཟློག༔ གཡོན་གྱི་གཤོག་སྒྲོ་ལྔ་པ་ལ༔ ཨོ་མ་ནུ་རཀཱ་སཱི་བྷྱོ༔ པྲ་མ་ནི་བྱོ༔ རོའུ་ཏྲི་མ་བྱོ༔ བྷ་སྣ་བྷེ་བྷྱོ༔ ཀུ་རི་མ་བྱོ༔ ཨིནྡྲ་མ་བྷྱོ༔ སིངྒ་ལ་བྷྱོ༔ མ་མོ་དབང་ཕྱུག་བདུན་གྱིས་ལྟས་ངན་ཟློག༔ ཨོཾ་བཛྲ་ཨ་མྲྀ་ཏ་བྷྱོ༔ སིད་ནི་མ་བྱོ༔ དན་ཏ་ཧ་བྷྱོ༔

[Full Size]

རཀྵ་སི་བྷྱོ༔ བག་ཤ་སི་བྷྱོ༔ ར་ཏྲི་མ་བྱོ༔ རུ་ཏྲི་རེ་མ་ཏི་བྱོ༔ རྣལ་འབྱོར་དབང་ཕྱུག་མ་བདུན་གྱིས་ལྟས་ངན་ཟློག༔ ཨོཾ་བཛྲ་ཨེ་ཀ་ཙ་ར་མ་བྷྱོ༔ མ་ནུ་ཧ་་ར་བྷྱོ༔ བ་ཡ་བྷེ་བྷྱོ༔ སི་ཏི་ཀ་ར་ཡ་བྷྱོ༔ ཨག་ནེ་བྷེ༔ མ་ཧཱ་མ་ར་ན༔ བཛྲ་ཧི་བློ༔ སྲིན་མོ་དབང་ཕྱུག་བདུན་གྱིས་ལྟས་ངན་ཟློག༔ ཨོཾ་བཛྲ་ཙ་མུན་བྷྱོ༔ སུ་ཏ་ནི་བྷྱོ༔ བ་རུ་ཎ་བྷྱོ༔ མ་ཧཱ་ཀཱ་ལ་ནི་བྷྱོ༔ ཙ་ཀ་ལ་མ་བྷྱོ༔ སྤཎྜ་ཀ་ན་བྷྱོ༔ ལ་པོ་ད་རཱཎ་བྷྱོ༔ དབང་ཕྱུག་ཉི་ཤུ་རྩ་བརྒྱད་ཀྱིས་ལྟས་ངན་ཟློག༔ ཁྱུང་གི་མཇུག་སྒྲོ་བརྒྱད་ལ༔ ཨོཾ་བཛྲ་ཀ་མ་ལ་ཀྲོ་ཏཱི་ཤྭ་རི་ཧེ་ཟ་བྱེད་མས་ལྟས་ངན་ཟློག༔ ཀ་མ་ལ་ཀྲོ་ཏཱི་ཤྭ་རི་ཛཿ རྨོངས་བྱེད་མས་ལྟས་ངན་ཟློག༔ ཀ་མ་ལ་ཀྲོ་ཏཱི་ཤྭ་རི་ཧཱུཾ༔ ཚེ་འཕེལ་མས་ལྟས་ངན་ཟློག༔ ཀ་མ་ལ་ཀྲོ་ཏཱི་ཤྭ་རི་ཆད༔ སྐྱེ་འཆི་རྩད་གཅོད་མས་ལྟས་ངན་ཟློག༔ ཀ་མ་ལ་ཀྲོ་ཏཱི་ཤྭ་རི་ཧྲིང་༔ ཁམས་གསུམ་དབང་སྡུད་མས་ལྟས་ངནཾ་ཟློག༔ ཀྲོ་ཏཱི་ཤྭ་རི་བྷྱོ༔ བདེ་འགྲོ་མས་ལྟས་ངན་ཟློག༔ ཤནྟི་བྷྱོ༔ ཉི་ཟླ་ཐོད་ཕྲེང་མས་ལྟས་ངན་ཟློག༔ རུ་ཏྲི་བྷྱོ༔ དབྱིངས་ཕྱུག་མས་ལྟས་ངན་ཟློག༔ ཤནྟཾ་བྷྱོ༔ རྒྱན་གྱི་རྒྱལ་མོས་ལྟས་ངན་ཟློག༔ དུསྙིང་བྷྱོ༔

[Full Size]

བདག་ཉིད་མས་ལྟས་ངན་ཟློག༔ ན་ཏྲི་བྷྱོ༔ ཕུང་བྱེད་མས་ལྟས་ངན་ཟློག༔ སཱུརྱ་ཀྲོ་ཏི་བྷྱོ༔ ཉི་མ་ཁྲོས་མས་ལྟས་ངན་ཟློག༔ ཨུ་ཏི་ན་བྷྱོ༔ པདྨ་ཁྲོས་མས་ལྟས་ངན་ཟློག༔ བཛྲ་ཀང་བུ་བྷྱོ༔ ཁམས་གསུམ་འཚོ་བྱེད་མས་ལྟས་ངན་ཟློག༔ ནི་ལ་མ་བྷྱོ༔ སྲིད་པ་བདེ་སྦྱོར་མས་ལྟས་ངན་ཟློག༔ དནྟི་མ་སྦྱོ༔ རྒྱལ་མོ་དྲུག་གིས་ལྟས་ངན་ཟློག༔ དུ་ཏྲི་མ་སྦྱོ༔ བློན་མོ་བཞིས་ལྟས་ངན་ཟློག༔ མ་དུ་རི་ཛ༔ འབངས་མོ་འབུམ་གྱིས་ལྟས་ངན་ཟློག༔ དེ་རྣམས་ཡིག་མགོ་འཕྲད་བསྟན་ནོ༔ ༈ གཙུག་གི་ནོར་བུའི་ནང་དུ༔ ཨོ་བཛྲ་ཡཀྵ་བྷྱོ་ཛ༔ ཙ་པ་ལ་རཀཱ་ཡ༔ ཏ་པ་ལ་ཡཀཱ་ཡ༔ སྙིང་ལ་དེ་ཀ་མ་མ་རུ་ལུ་བྷྱོ༔ ལྟས་ངན་ཟློག༔ གནོད་བྱེད་ཁོང་དབུགས་ནས་ཁྲོལ༔ སྙིང་ཁྲག་ལ་ས་མ་ཡ་དཾ་ཛ༔ སྙིང་རྩ་ཕྱུང་མཱ་ར་ཡ་ཙིཏྟ་ཐུན༔ སྙིང་ཁྲག་ཐུན༔ སྙིང་ཐཾ་ཐུན༔ ཤི་ཏི་སྟེ་སྙིང་ལ་ས་མ་ཡ་བྷྱོ༔ མ་མ་ཤ་ཤ་མ་མ༔ མ་མ་ཧྲིང་ཧྲིང་༔ མ་མ་ས་མ་ཡ༔ དགྲ་བགེགས་ནི་མཱ་ར་ཡ་སོད་སོད༔ དགྲ་བགེགས་ཀྱི་སྙིང་ས་མ་ཡ་ཙིཏྟ་ཛྭ་ལ་རཾ༔ མ་མ་སྙིང་རྩ་ལ་རོལ་ཐུ་རི་ལི་ལི་ས་མ་ཡ༔ ལྟས་ངན་ཟློག༔ དེ་འཕྲད་དུ་ཕྲེང་བ་ལྟར་བྲི༔ ༈ ཁྱུང་གི་ལྟོ་འཁོར་དུ་ལྟེ་

[Full Size]

བར་ཁྲོ་བྲི༔ ཨོཾ་བུདྡྷཱ་ག་རུ་ཎ་ཙ་ལེ་ཙ་ལེ་ཨོཾ་ཧཱུྃ་ཕཊ༔ སངས་རྒྱས་ཁྱུང་གིས་ལྟས་ངན་ཟློག༔ དེ་རྒྱབ་རྩིབས་བཞིར༔ ཨོཾ་བཛྲ་ག་རུ་ཎ་ཙ་ལེ་ཙ་ལེ་ཧཱུཾ་ཧཱུཾ་ཕཊ༔ ཨོཾ་རཏྣ་ག་རུ་ཎ་ཙ་ལེ་ཙ་ལེ་ཧཱུྃ་ཧཱུྃ་ཕཊ༔ ཨོཾ་པདྨ་ག་རུ་ཎ་ཙ་ལེ་ཙ་ལེ་ཧཱུྃཧཱུྃ་ཕཊ༔ ཨོཾ་ཀརྨ་ག་རུ་ཎ་ཙ་ལེ་ཙ་ལེ་ཨཱ༔ཧཱུྃ་ཕཊ༔ ༈ རྩིབས་མཆན་བཞི་ལ༔ རྡོ་རྗེ་ཁྱུང་གིས་ལྟས་ངན་ཟློག༔ རིན་ཆེན་ཁྱུང་གིས་ལྟས་ངན་ཟློག༔ པདྨ་ཁྱུང་གིས་ལྟས་ངན་ཟློག༔ ལས་ཀྱི་ཁྱུང་གིས་ལྟས་ངན་ཟློག་༈ དེ་རྒྱབ་མུ་ཁྱུད་ལ༔ ཨོ་ལོ་ཀ་ག་རུ་ཎ་ཙ་ལེ་ཙ་ལེ་ཧཱུཾ་ཕཊ༔ འཇིག་རྟེན་ཁྱུང་གིས་ལྟས་ངན་ཟློག༔ དེ་རྒྱབ་མུ་ཁྱུད་དང་བྱུང་གི་ལུས་ཀྱི་རྭ་ཅོ་སོགས་སོ་སོ་ལ་ཡང་བྲི་སྟེ༔ གདོང་པས་གདོང་པ་ཅན་གྱི་ལྟས་ངན་ཟློག༔ ཅེས་གདོང་པ་ལ་བྲི༔ སྡེར་མོ་སོགས་སོ་སོ་ལ་བྲི༔ སྡེར་མོས་སྡེར་མོ་ཅན་གྱི་ལྟས་ངན་ཟློག༔ གཤོག་པས་གཤོག་པ་ཅན་གྱི་ལྟས་ངན་ཟློག༔ རྭ་ཅོས་རྭ་ཅོ་ཅན་གྱི་ལྟས་ངན་ཟློག༔ མཆུ་ཡིས་ལྟོ་འགྲོའི་ལྟས་ངན་ཟློག༔ མུ་ཁྱུད་དེ་ཡི་མཇུག་ཏུ༔ ལྟས་ངན་བརྒྱད་ཅུ་རྩ་གཅིག་དགྲ་ལ་ཟློག༔ ཡེ་འདྲོག་སུམ་བརྒྱ་དྲུག་ཅུ་དགྲ་ལ་ཟློག༔ དེ་རྒྱབ་མུ་ཁྱུད་ལ་ནང་པ་སངས་རྒྱས་པའི་བདེན་པ་ཐམས་ཅད་དགྲ་ལ་ཟློག༔

[Full Size]

ཕྱི་པ་མུ་སྟེགས་པའི་ངན་སྔགས་ཐམས་ཅད་དགྲ་ལ་ཟློག་དྲང་སྲོང་དང་བྲམ་ཟེའི་དམོད་པ་ཐམས་ཅད་དགྲ་ལ་ཟློག༔ བན་བྱད་ཐམས་ཅད་དགྲ་ལ་ཟློག༔ བོན་བྱད་ཐམས་ཅད་དགྲ་ལ་ཟློག༔ རིག་སྔགས་ཆོད་གཏོང་ཐམས་ཅད་དགྲ་ལ་ཟློག༔ ཐུན་ཁ་ཕུར་ཁ་ཟོར་ཁ་ཐམས་ཅད་དགྲ་ལ་ཟློག༔ བགེགས་དང་ལོག་འདྲེན་ཐམས་ཅད་དགྲ་ལ་ཟློག༔ ནད་ཁ་རིམས་ཁ་ཐམས་ཅད་དགྲ་ལ་ཟློག༔ གློ་བུར་དང་ཡེ་འདྲོག་ཐམས་ཅད་དགྲ་ལ་ཟློག༔ དུག་དང་མཚོན་གྱིས་འཇིགས་པ་ཐམས་ཅད་དགྲ་ལ་ཟློག༔ མེ་དང་ཆུས་འཇིགས་པ་ཐམས་ཅད་དགྲ་ལ་ཟློག༔ རྒྱལ་པོའི་བཀའ་ཆད་དང་ཕ་རོལ་གྱི་དམག་ཚོགས་ཀྱིས་འཇིགས་པ་ཐམས་ཅད་དགྲ་ལ་ཟློག༔ དེས་ཁྱུང་གི་ནང་རྫོངས་རྫོགས་སོ༔ ༈ འདེབས་ཁ་དགུ་ཕྱོགས་གཅིག་ཏུ་དྲིལ་བ་ནི༔ ཁྱུང་ཆེན་ལྟོ་བའི་སྨད་དུ༔ རཱ་ཙ་དུ་ཧ་ན་ཕཊ༔ ཟངས་ཀྱི་བྱང་བུ་ལ་བྲིས་ཏེ་མཆུ་ལ་གདག༔ རྭ་ཙ་པྲ་དུ་ཧ་ན་ཕཊ༔ རྭ་ཙ་ཡེ་དུ་རྦད་ན་ཆོད་བུ་ཟློག༔ རྒྱལ་པོའི་བཀའ་ནད་ཐམས་ཅད་དགྲ་ལ་ཟློག་ཅིག༔ བརྒྱལ་ནད་ཟློག་གོ༔ ཤར་གྱི་ཁྱུང་ནང་དུ༔ ཨ་ཡཱ་མ་པྲ་དུ་ཀ༔ མཆུ་ལ་སེང་ལྡེང་གི་བྱང་བུར་བྲི༔ གཟའ་ཁ་ཏྲ་རུ་ཏྲ་ཡེ་ཟློག་ཟློག༔ གཟའི་གནོད་པ་ཟློག་

[Full Size]

ཅིག༔ དེས་གཟའ་ནད་དང་གཟའི་བྱད་ཁ་ཟློག༔ ཤར་ལྷོའི་ཁྱུང་གི་ནང་ལྟོ་བར༔ མ་མ་དུ་ན་དོ་དུ་བྷྱོ༔ མཆུ་ལ་གླང་མའི་བྱང་བུར་བྲིས་ལ་བཏགས༔ མ་སེན་དུ་ར་ཧྲི་ཧཱུྃ་ཟློག༔ མ་མོའི་ཐུན་ཁ་ཡམས་ནད་ཟློག་ཅིག༔ མོ་གདོན་དང་ཡམས་ཟློག་གོ༔ ལྷོའི་ཁྱུང་ནང་དུ༔ ཡ་མེ་དུ་རཀྵ་བྷྱོ༔ ཆུ་དར་སྔོན་པོ་སོར་བཞིར་བྲིས་ལ་མཆུ་ལ་བཏགས་སོ༔ ནཱ་ག་ཕྲེ་དུ་མ་ཟློག་ཅིག༔ དུས་མིན་འཆི་བ་གཤིན་རྗེའི་ཁྲམ་ཁ་ཟློག་ཅིག༔ ལྷོ་ནུབ་ཁྱུང་གི་ནང་དུ༔ དྷེ་བ་ཤག་དུ་བྱ་ཏྲི་སུཾ་ག་ཡ་ར་དུ་མུ༔ ཙནྡན་བྱང་བུ་སོར་བཞིར་བྲིས་ལ་མཆུ་ལའོ༔ ཏེ་པ་བཟང་སྐྱོང་ར་ར་ར་ཤ་རིགས་ཟློག༔ སྲིན་པོའི་གནོད་པ་ཟློག་ཅིག༔ ནུབ་ཀྱི་ཁྱུང་ནང་དུ༔ ནཱ་ག་ཤི་ན་ས་དུ་རཾ༔ ཆུ་ཤིང་བྱང་བུ་སོར་བཞིར་བྲིས་མཆུ་ལའོ༔ ནཱ་ག་མར་རི་ཏྲེ་སུ་ཏཱ་རཾ་དུ་ཤ་ན་ཟློག༔ ཀླུའི་བྱད་དང་གནོད་པ་ཟློག་ཅིག༔ ནུབ་བྱང་ཁྱུང་ནང་དུ༔ ཧྲི་དུ་ཨ་པ་ར་ཤ་ན་ས་སུ་ཁྲག༔ སྐྱེར་པ་སོར་བཞིར་བྲིས་ལ་མཆུ་ལའོ༔ ཏྲེ་དུ་ས་དུ་ར་ཏྲི་མ་ད་ཀ་ཟློག༔ ཐེའུ་རང་གི་གནོད་པ་ཟློག་ཅིག༔ བྱང་གི་ཁྱུང་ནང་དུ༔ དུ་རུ་ཀེ་ཏུ་མ་མ་མ་ཤུ་ར༔ སེ་རྒོད་ནག་པོའི་བྱང་བུ་ལ༔ ས་ར་ཏྲི་ཤུ་མ་གྲུ་ག་ཡུ་ནི་ཟློག༔ ཡམས་རྗེ་ལ་སོགས་བདུད་ཀྱི་གནོད་པ་ཐམས་ཅད་ཟློག་ཅིག༔ བྱང་ཤར་གྱི་ཁྱུང་གི་ནང་

[Full Size]

དུ༔ ཀྟ་ར་ས་དུ་ཡུ་ཏ་ཤེ་སརྦ་རི་བྲི་ནི༔ གླང་མའི་བྱང་བུ་སོར་བཞིར་བྲིས་མཆུ་ལའོ༔ ར་ར་སེ་ཡུ་ཏ་ཀེ་ཀེ་བྲེ་དུ༔ བཙན་གྱི་གནོད་པ་དང་ཤོད་ཁ་ཐམས་ཅད་ཟློག་ཅིག༔ དེ་ལྟར་ཁྱུང་ཕྲུག་དགུ་སོང་༔ ༈ རྒྱལ་མཚན་དགུ་ནི་དབུས་སུ་ཆེ་མཆོག་གཏོར་མའི་སྟེང་ཁྱུང་ཆེན་ལིངྒ་མཆུར་ཐོགས་པའི་ལྟོ་བར་བྲི༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཡ་ཡ་སེ་དུ་རཀྵ་བྷྱོ༔ ས་མ་ཡ་ཁ་ཐུན་བྷྱོ། ཤར་གྱི་ཡང་དག་གཏོར་མའི་སྟེང་རྨ་བྱས་མི་རོ་ཟ་བའི་ནང་དུ༔ ཨོཾ་བཛྲ་ཤྲཱི་ཧེ་རུ་ཀ་ཧཱུྃ་ཕཊ༔ མ་མ་རོ་ཏུན་དེ་དུན་བྷྱོ༔ བཛྲ་ཁ་ཐུན་བྷྱོ་བྷྱོ་ཟློག༔ ལྷོར་གཤིན་རྗེའི་གཏོར་མའི་སྟེང་སྟག་མོས་མི་རོ་ཟ་བའི་ནང་དུ༔ ཨོཾ་ཨ་ཀྲོ་ཏེ་ཀ་ཧཱུྃ་ཕཊ༔ རཱ་ཙ་པྲ་དུ་ཧ་ན་ཧཱུྃ་ཕཊ༔ ས་མ་ཡ་དུར་ཆམ་བློ་སྦྱོ་ཟློག་ཟློག༔ ནུབ་རྟ་མགྲིན་གཏོར་མའི་སྟེང་མི་རོ་ཁ་སྦུབས་སྦར་མོ་གདེངས་པའི་ལྟོ་བར༔ ཨོ་རྒྱ་གཱི་ཝ་ཧཱུྃ་ཕཊ༔ ནཱ་ག་ཤི་ན་ས་དུ་རཾ༔ ནཱ་ག་ཧུ་ཡ་བྷྱོ་བྷྱོ་ཟློག༔ བྱང་ཕུར་པའི་གཏོར་སྟེང་ལྕགས་ཀྱི་སྤྱང་མོ་མགོ་གསུམ་གྱི་ལྟོ་བར༔ ཨོཾ་ཤྲཱི་བཛྲ་ཀུ་མ་ར་ཧཱུྃ་ཕཊ༔ ཏྲི་དུ་ཨ་པ་ན་ཤ་ན་ས་དུ་ཏྲག༔ མ་ར་ཀུ་མ་ར་ཡ་བྷྱོ་བྷྱོ་ཟློག་ཟློག༔ ཤར་ལྷོའི་གཏོར་སྟེང་ཤ་ཕོ་རུ་འཛིང་ནང་དུ༔ ཨོཾ་ཧཱུྃ་བཛྲ་ཧེ་རུ་ཀ་ཨེ་ཨ་ལ་ཧཱུྃ་ཕཊ༔ ཤུ་ཀ་ར་ལ་དུ་སུ་ཧཱུྃ༔ ཤེ་སརྦ་ཏྲི་པྲ་ཎི་ཧ་ལ་ཧ་ལ་ཧཱུྃ་བྷྱོ་བྷྱོ་ཟློག༔ ལྷོ་ནུབ་གཏོར་

[Full Size]

སྟེང་བུད་མེད་རོལ་འཛིངས་ལྟོ་བར༔ ༀ་བཛྲ་མ་ཧཱ་གུ་རུ་པདྨ་ཐོད་ཕྲེང་རྩལ་ཧཱུྃ་ཕཊ༔ ཨ་ཡ་མ་བྲེ་དུ་དུ་རིཀཱ་རུ་རུ་ཙ་ལེ་བྷྱོ་བྷྱོ་ཟློག༔ ནུབ་བྱང་གཏོར་སྟེང་སེངྒེ་དགྲ་སྙིང་ཟ་བའི་ལྟོ་བར༔ ཨོཾ་བཛྲ་ཙཎྜ་སརྦ་དུཥཱན་ཧཱུྃ་ཕཊ༔ དུ་ར་ཀེ་དུ་ཡ་མ་ཤུ་ར་ཏྲི་པ་ཏྲི་པ་ཧཱུཾ་ཧཱུཾ་ཕཊ་ཕཊ་བྷྱོ་བྷྱོ་ཟློག་ཟློག༔ བྱང་ཤར་གཏོར་མའི་སྟེང་མི་ནག་སྤྱང་གདོང་གི་ལྟོ་བར༔ ཨོཾ་བཛྲ་ཀྲོ་ཏ་མ་ཧཱ་ཁ་ལ་ཀཱ་ལ་ཧཱུྃ་ཕཊ༔ རཀཱ་དེ་ཝ་ཤག་དུ་བྱ་ཏྲི་མ་མ་དུདྡྷེ་སརྦ་ཤ་ཏུན་མ་མ་བྷྱོ་བྷྱོ་ཟློག༔ ༈ བཀའ་སྡོད་གཏོར་མའི་སྟེང་བྱ་རོག་གིས་འུག་པ་ཞོན་པའི་ལྟོ་བར། ཨོཾ་བཛྲ་སརྦ་ཡཀྵ་ས་མ་ཡ་ཧཱུྃ་ཕཊ༔ རྦད་འདྲེ་དྲོད་གཏོང་ཐམས་ཅད་བློ་ཟློག་འདི་མཆན་ཡིན་པ་འདྲ། ༈ འདི་མན་ཆད་བྲི་མི་དགོས་སོ༔ ཨོ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛ་ལ་རཾ་ཧཱུྃ་ཕཊ༔ ཨོ་ཨ་ཀྲོ་ཏེ་ཀ་ཤི་མཉྫ་ཟློག༔ ཡ་མ་རཱ་ཙ་ཟློག༔ ཨེ་ཀ་དུ་ན་ཟློག༔ མ་ཧཱ་དུ་ན་ཟློག༔ ནཱ་ག་དུ་ན་ཟློག༔ ས་ག་དུ་ན་ཟློག༔ ཙ་དུར་སྙིང་ན་ཟློག་མ་མ་རཱ་ཙ་ཡཾ་ཟློག༔ ས་མ་ཡ་དུ་ན་ཟློག༔ སུ་ཏྲི་ན་ཟློག༔ ཏྲི་བོར་དུ་ན་ཟློག༔ མ་མོ་སུམ་ཏྲི་དུ་ན་ཟློག༔ རཱ་ཧུ་ལ་ཟློག༔ པྲ་མ་རྭ་ཙ་ཟློག༔ ཏྲིག་གར་ཤ་ར་ཟློག༔ ཐོད་

[Full Size]

བསྒྱུར་ཟློག༔ ཐོད་ཁྲོལ་ཟློག༔ བ་ལ་དཾ་ལིང་ཟློག༔ པར་ཙཀྲ་ཧི་ཏི་ཡ་པ་ན་ཡཱ༔ བྱད་མ་གནོད་བྱེད་ཀྱི་ཐོད་ཟོར་སརྦ་ཟློག་ཟློག༔ ཅེས་ཁྱུང་བཅས་རྒྱས་བསྡུས་རིགས་གཉིས༔ གཏོར་མའི་འདེབས་ཁ་དགུའི་ལས་ཚོགས༔ རྒྱལ་མཚན་དགུ་ཡི་མ་ཡིག་བུ་ཡིག་སྦྱོ་ཟློག་རྒྱ་མཚོ་ལྟ་བུ་ཞེས་བྱ་བའི་འདོན་བྱའི་སྔགས་བྱང་དེ་རྣམས་ཕྱོགས་གཅིག་ཏུ་གབ་བསྒྲིག་གབ་སྐུང་གསལ༔ ཕྱི་རབས་རྣམས་ཀྱི་དཔེ་གཅོད་སླ་བ་སྟེ༔ གོ་བདེ་བ་དང་ལག་བླངས་བདེ་བར་བྱས་ཏེ་མཎྜལ་དང་མཆོད་པ་ཕུལ་ནས་གསོལ་བ་བཏབ་པས་བསྒྲིག་རུང་ཞིང་གནང་བའི་རྨི་ལྟས་ལེགས་པར་བྱུང་བ་ལ་བརྟེན་ནས། དཔེ་རིགས་མི་གཅིག་པ་བརྒྱད་ཙམ་དང་བསྟུན་ནས་དག་ཐེར་བྱས་ཏེ༔ སྔགས་འཆང་ཨ་རཱ་གས་བསྒྲིགས་པ་ལ་ཉེས་འགལ་མཆིས་ན་ཡོངས་རྫོགས་ལྷ་ལ་བཤགས་ཤིང་། དགེ་བས་ཨོ་རྒྱན་རིན་པོ་ཆེའི་ཐུགས་དགོངས་རྫོགས་ཤིང་མ་འོངས་སྔགས་འཆང་ཡོན་བདག་རྣམས་ལ་ཕན་ཐོགས་རྒྱ་ཆེན་པོ་འབྱུང་བར་གྱུར་ཅིག༔ བཀྲ་ཤིས་ཤོག༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དྲག་པོ་བདེ་གཤེགས་འདུས་པའི་དྲེགས་པའི་སྲོག་དབང་།

[Full Size]

དྲག་པོ་བདེ་གཤེགས་འདུས་པའི་དྲེགས་པའི་སྲོག་དབང་ཡོད། བཛྲ་གུ་རུ་ཀྲོ་དྷ་ཡ་ན་མཿ བདེ་གཤེགས་འདུས་པའི་དྲེགས་པའི་སྲོག་དབང་བསྐུར་བའི་ཕྱག་ལེན་ནི༔ རབ་སོ་སོའི་བླ་རྡོ་སྲིད་པའི་གཏེར་ཁྱིམ་ནས་བྱུང་བ་ལྟར་བྱ༔ འབྲིང་སོ་སོའི་ཙཀ་ལི་སོ་སོའི་ས་བོན་ཅན་དང་༔ སྤྱིའི་བླ་རྡོ་ཕ་ཝཾ་ལོང་བུ༔ ཐ་མ་སོ་སོའི་ས་བོན་ཤོག་བུ་ལ་བྲིས་པ༔ དེ་གསུམ་གང་རུང་ཚོན་སྐུད་སྣ་ལྔས་བཅིངས་ལ༔ བྷན་མཚན་ངན་ནང་དུ་བཅུག་ལ་པད་གཏོར་གུ་རུའི་ཙཀི་ཅན་གྱི་ཞབས་སུ་བཅུག༔ མ་མགོན་སྡེ་བརྒྱད་སྤུ་གྲིའི་གཏོར་མ་རྒྱས་པར་བཤམས་ནས༔ དྲག་པོའི་དབང་སྒྲུབ་ཚར་རྗེས༔ མ་མགོན་སྡེ་བརྒྱད་སྤུ་གྲི་དང་བཅས་པའི་བསྐྱེད་ཆོག་སྤྱན་འདྲེན་མཆོད་བསྟོད་རྒྱས་པར་བྱ༔ གོང་དུ་ཡང་སཱཙྪ་ཆུ་གཏོར་དང་༔ དཀོན་མཆོག་མཆོད་པ་སྦྱིན་གཏོང་བྱ༔ སྐབས་འདིར་དྲག་པོའི་སྐོང་བཤགས་ཅི་མང་དང་༔ བཀའ་སྲུང་དང་སྤུ་གྲིའི་བསྐང་གསོ་རྒྱས་པར་བཏང་༔ ཚོགས་འཁོར་རྒྱས་པར་བྱ༔ དེ་ནས་སློབ་མ་རྣམས་ལ་དྲག་པོའི་དབང་རྒྱས་པར་བསྐུར་ནས༔ སྐབས་འདིར་ཡང་སྡེ་བརྒྱད་རྣམས་བླ་རྡོ་འགུགས་གཞུང་ག་དྲག་ཏུ་བྱས་ནས་བསྟིམས་ཏེ༔ དེ་ནས་དམ་བདར་ཆངས་རིལ་གྱི་གཏོར་མ་གཞུང་ལྟར་བསྔོ༔ དེ་ནས་དབང་བསྐུར་བར་བྱ་སྟེ༔ ད་ནི་དམ་ཚིག་དང་ལྡན་པའི་རྡོ་རྗེའི་སློབ་མ་སྔགས་འཆང་བའི་རྣལ་འབྱོར་པ་ཁྱེད་ལ༔ དབང་དྲག་པདྨའི་སྒོ་ནས་སྣང་སྲིད་ལྷ་འདྲེའི་སྲོག་དབང་གཉན་པོ་བསྐུར་བ་ལ་

[Full Size]

གསུམ་སྟེ༔ སྐུར་བྱེད་བླ་མའི་མཚན་ཉིད་དང་༔ བསྐུར་གནས་སློབ་མའི་མཚན་ཉིད་དང་༔ བསྐུར་བྱ་ཆོ་གའི་མཚན་ཉིད་དོ༔ དང་པོ་སྐུར་བྱེད་བླ་མའི་མཚན་ཉིད་ནི༔ བྱང་ཆུབ་ཀྱི་སེམས་དང་ལྡན་ཞིང་ཐུགས་རྗེ་ཆེ་བ༔ སྨོན་ལམ་གྱི་དབང་རྫོགས་ཤིང་༔ གྲོལ་ལམ་གྱི་གདམས་ངག་དང་ལྡན་པ༔ ཁྱད་པར་དུ་དབང་དྲག་པདྨའི་སྒྲུབ་པ་ལ་དུས་རྟག་གྲངས་གསུམ་གྱི་བསྙེན་པ་རྫོགས་པ༔ ལྟ་སྒོམ་གྱི་གདེངས་དང་ལྡན་ཞིང་ཞུམ་པ་མེད་པའི་བརྟུལ་ཞུགས་དང་ལྡན་པ་དེ་ནི་སྐུར་བྱེད་བླ་མའི་མཚན་ཉིད་ཡིན༔ བསྐུར་གནས་སློབ་མའི་མཚན་ཉིད་ནི༔ དད་པ་ཆེ་ཞིང་གཏོང་ཕོད་དང་ལྡན་པ༔ བརྩོན་འགྲུས་ཆེ་ཞིང་སྙིང་རུས་དང་ལྡན་པ༔ དམ་ཚིག་གཙང་ཞིང་མོས་གུས་དང་ལྡན་པ༔ དེ་ལྟ་བུ་ནི་བསྐུར་གནས་སློབ་མའི་མཚན་ཉིད་དོ༔ དེ་ལྟ་བུའི་མཚན་ཉིད་དང་མི་ལྡན་པའི་དཔོན་སློབ་དབང་བསྐུར་ལོ་དང་༔ ཐོབ་ལོ་ཙམ་གྱིས་ཆོག་པར་འདོད་པ་ལ་ནི་སླར་བར་ཆད་འོང་བས་ཤིན་ཏུ་ཉེན་ཆེའོ༔ དེ་ལྟར་དཔོན་སློབ་ཚད་ལྡན་ཡིན་ཀྱང་དབང་འདི་གཉན་ཆེ་བས༔ སྔོན་འགྲོ་སཱཙྪ་གདབ་པ་དང་༔ དཀོན་མཆོག་མཆོད་ཅིང་འགྲོ་ལ་སྦྱིན་པ་གཏོང་བ་དང་༔

[Full Size]

སྐོང་བཤགས་བྱ་ཞིང་གསོལ་བ་གདབ་པ་རྣམས་བྱ་དགོས་པར་གསུངས༔ ལར་འདི་ནི་ཤིན་ཏུ་གཉན་པས་དཔོན་སློབ་ནུས་པ་ཆེ་ན་ཆེ་ཚུགས་ཀྱི་སློང་དང་ཆོ་འཕྲུལ་འབྱུང་༔ ནུས་པ་མེད་ན་ཡང་ཉམ་ཆུང་གིས་རྗེ་རྒྱལ་པོ་ལ་དོ་བསྔོ་བ་ལྟར་སྡེ་བརྒྱད་ཀྱི་བར་ཆད་འོང་སྟེ༔ སྣང་སྲིད་ལྷ་འདྲེའི་སྲོག་དབང་གུ་རུ་པདྨས་ཇོ་མོ་མཚོ་རྒྱལ་ལ་གདམས་པའོ༔ དབང་འདི་ཤིན་ཏུ་གཉན་པས་གར་ཐོད་ཐོད་དུ་བསྐུར་ན་བར་ཆད་འོང་བས་ཤིན་ཏུ་ཉེན་ཆེའོ༔ སྣོད་ལྡན་གཅིག་བརྒྱུད་མིན་པ་ལ་མ་སྤེལ་ཅིག༔ སྤེལ་ན་བཀའ་སྲུང་མ་མགོན་སྡེ་བརྒྱད་ཀྱིས་བཀའ་ཡི་བྱ་ར་གྱིས་ཤིག༔ ཅེས་གསུངས་པ་དང་༔ དྲག་པོའི་ལོ་རྒྱུས་ལས་ཀྱང་༔ གུ་རུའི་ཞལ་ནས་༔ ཕྱི་མའི་དུས་སུ་མངའ་བདག་གི་སྐྱེ་བ་ཐ་མ༔ བདག་གིས་བྱིན་གྱིས་བརླབས་པའི་སྲས་གཅིག་གིས༔ ཐུགས་གཏེར་འདིའི་ཞལ་ཕྱེ་ནས༔ སེམས་ཅན་ནམ་མཁའ་དང་མཉམ་པ་ལ་ཕན་ཐོགས་པར་འདུག་སྟེ༔ དེའི་དུས་སུ་ཆོས་འདི་བསྡམ་ཞིང་མ་སྤེལ་བར་གཅིག་བརྒྱུད་དུ་ཉམས་སུ་བླང་བ་གལ་ཆེ༔ སྤེལ་དྲགས་ན་སྣང་སྲིད་ཀྱི་ལྷ་མ་སྲིན་སྡེ་བརྒྱད་འཁྲུགས་ནས༔ འཁུ་ཞིང་ལྡོག་ནས་བར་ཆད་སྣ་

[Full Size]

ཚོགས་འོང་བའི་ཉེན་ཡོད་པས༔ ཤིན་ཏུ་གདམས་པ་གལ་ཆེ་གསུངས་ཏེ༔ བཀའི་རྒྱ་བསྡམས་སོ༔ ཞེས་གསུངས་པ་ཡང་སྲོག་དབང་འདི་གཉན་དྲགས་པ་ལ་དགོངས་པ་ཡིན་ནོ༔ ཁྱད་པར་དུ་འདི་སྡེ་བརྒྱད་དང་བཀའ་སྲུང་གཏེར་སྲུང་མཐའ་དག་གི་དབང་ཡིན་པས༔ མཐུ་ཆེ་བའི་རྟེན་འབྲེལ་དུ་བླ་མ་ལ་དབང་ཡོན་མཚོན་ཆ་འབུལ་བ་དང་༔ མ་མགོན་སྡེ་བརྒྱད་ཀྱི་ནོར་བསྒྲུབ་ན་དངོས་གྲུབ་འབྱུང་བའི་རྟེན་འབྲེལ་རིན་པོ་ཆེ་འབུལ་བ་རྟེན་འབྲེལ་གྱི་གནད་ཆེ་བ་ཡིན༔ དེས་ན་མཎྜལ་ཕུལ༔ ས་གཞི་སྤོས་སོགས༔ ད་ངེད་ཀྱིས་སྡེ་བརྒྱད་ཀྱི་བླ་རྡོ་དེ་དག་རིམ་པ་བཞིན་དུ་ཁྱེད་རང་ལ་གཏད་པའི་ཚེ༔ ཁྱེད་རང་དབང་དྲག་པདྨའི་ང་རྒྱལ་གྱིས་ལངས་ལ་རང་གི་རྐང་ཞབས་གཡོན་པར་ཞོག་ཅིག༔ ཧཱུྃ༔ དཀར་པོ་ལྷ་ཡི་བླ་རྡོ་འདི༔ སྔོན་གྱི་བསྐལ་པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ ལྷ་རྣམས་དམ་ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་སྐལ་ལྡན་ཁྱོད་ལ་གཏད༔ དཀར་པོ་ལྷ་ཡི་སྲོག་ལ་དབང་ཐོབ་ཤོག༔ ཨོཾ་ཨཱཿཧཱུྃ་སརྦ་བྷཱུ་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ འཆི་བདག་གཤིན་རྗེའི་བླ་རྡོ་འདི༔ སྔོན་གྱི་བསྐལ་

[Full Size]

པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ གཤིན་རྗེ་དམ་ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་སྐལ་ལྡན་ཁྱོད་ལ་གཏད༔ ཁྲམ་ཐོགས་གཤིན་རྗེའི་སྲོག་ལ་དབང་ཐོབ་ཤོག༔ ཨོཾ་ཨཱཿཧཱུྃ་སརྦ་བྷཱུ་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ སྣང་སྲིད་མ་མོའི་བླ་རྡོ་འདི༔ སྔོན་གྱི་བསྐལ་པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ མ་མོ་དམ་ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་སྐལ་ལྡན་ཁྱོད་ལ་གཏད༔ སྣང་སྲིད་མ་མོའི་སྲོག་ལ་དབང་ཐོབ་ཤོག༔ ཨོཾ་ཨཱཙྪཱཧཱུྃ་སརྦ་བྷཱུ་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ ནག་པོ་བདུད་ཀྱི་བླ་རྡོ་འདི༔ སྔོན་གྱི་བསྐལ་པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ བདུད་རྣམས་དམ་ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་སྐལ་ལྡན་ཁྱོད་ལ་གཏད༔ ནག་པོ་བདུད་ཀྱི་སྲོག་ལ་དབང་ཐོབ་ཤོག༔ ཨོཾ་ཨཱཿཧཱུྃ་སརྦ་བྷ་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ དམར་པོ་བཙན་གྱི་བླ་རྡོ་འདི༔ སྔོན་གྱི་བསྐལ་པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ བཙན་རྣམས་དམ་

[Full Size]

ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་སྐལ་ལྡན་ཁྱོད་ལ་གཏད༔ དམར་པོ་བཙན་གྱི་སྲོག་ལ་དབང་ཐོབ་ཤོག༔ ཨོཾ་ཨཱཿཧཱུྃ་སརྦ་བྷུ་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ སྲོག་བདག་རྒྱལ་པོའི་བླ་རྡོ་འདི༔ སྔོན་གྱི་བསྐལ་པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ རྒྱལ་པོ་དམ་ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་སྐལ་ལྡན་ཁྱོད་ལ་གཏད༔ སྲོག་བདག་རྒྱལ་པོའི་སྲོག་ལ་དབང་ཐོབ་ཤོག༔ ཨོཾ་ཨཱཿཧཱུྃ་སརྦ་བྷཱུ་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ གཏེར་བདག་གནོད་སྦྱིན་བླ་རྡོ་འདི༔ སྔོན་གྱི་བསྐལ་པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས་གནོད་སྦྱིན་དམ་ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་སྐལ་ལྡན་ཁྱོད་ལ་གཏད༔ གཏེར་སྲུང་གནོད་སྦྱིན་སྲོག་ལ་དབང་ཐོབ་ཤོག༔ ཨོཾ་ཨཱཿཧཱུྃ་སརྦ་བྷུ་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ ས་བདག་ཀླུ་གཉན་བླ་རྡོ་འདི༔ སྔོན་གྱི་བསྐལ་པ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ ཀླུ་རྣམས་དམ་ལ་བཏགས་པའི་བླ་རྡོ་ཡིན༔ བར་དུ་སྔགས་འཆང་བདག་གིས་བླངས༔ ད་ལྟ་

[Full Size]

སྐལ་ལྡན་ཁྱོད་ལ་གཏད༔ ས་བདག་ཀླུ་ཡི་སྲོག་ལ་དབང་ཐོབ་ཤོག༔ ཨོཾ་ཨཱཿཧཱུྃ་སརྦ་བྷཱུ་ཏ་ཙིཏྟ་ཨ་བྷི་ཥིཉྩ་ཧཱུྃ༔ དེ་ལྟར་ལྷ་མ་སྲིན་སྡེ་བརྒྱད་བླ་རྡོ་འདི༔ སྔོན་སློབ་དཔོན་པདྨས་དྲེགས་པ་ཅན་ཐམས་ཅད་དམ་ལ་བཏགས་པའི་བླ་རྡོ་ཡིན་པས་གྲུབ་ཐོབ་བརྒྱུད་པའི་བླ་མ་དམ་པ་རྣམས་ལ་རིམ་པར་གཏད༔ ད་ལྟ་བདག་གིས་ཁྱོད་ལ་གཏད་པ་ཡིན་པས༔ སྣང་སྲིད་ཀྱི་ལྷ་མ་སྲིན་སྡེ་བརྒྱད་ཐམས་ཅད་དབང་དུ་བསྡུ་བ༔ ཟིལ་གྱིས་གནོན་པ༔ ཚར་བཅད་པ་དང་༔ དགུག་པ་དང་༔ བསྐྱེད་པ་དང་༔ དབྱེ་བ་དང་༔ བསད་པ་དང་༔ མནན་པ་དང་༔ རྡུལ་དུ་རླག་པར་བྱེད་པའི་དབང་ཐོབ་པར་གྱུར་ཅིག༔ ཅེས་གནང་བ་བྱིན་ནས༔ དེ་ནས་བླ་རྡོ་དེ་དག་ཐོད་པ་མཚན་ངན་ནང་དུ་བཅུག་ལ༔ ཚོན་སྐུད་སྣ་ལྔས་རྒྱ་གྲམ་དུ་བཅིངས་ཏེ༔ སླར་གཏོར་མའི་ཞབས་སུ་གཞུག་གོ་༔ རྗེས་ཆོག་ཚར་ནས་བླ་རྡོའི་ཐོད་པ་དེ་མཆོད་རྟེན་ནམ༔ གཙུག་ལག་ཁང་ཞབས་སུ་མནན་པར་བྱའོ༔ ཞེས་གསུངས་ཏེ་དཔོན་སློབ་ནུས་པ་ཅན་གྱིས་མནན་པ་སྤྱི་ལྟར་རྟ་བྲོ་སོགས་བྱས་ཏེ་མནན་ན༔ སྔར་སློབ་དཔོན་གྱིས་མནན་པའི་ཁ་གསོ་བའི་རྟེན་འབྲེལ་དུ་གྱུར་པས་བོད་ཁམས་སྤྱི་ལ་ཡང་རྟེན་འབྲེལ་ལེགས་ཏེ༔ ནུས་ལྡན་མིན་པས་ནི་ཕན་མི་ནུས་སྟེང་དུ་རང་ལ་འཁུ་ལྡོག་འོང་བས། རཏྣ་ལུགས་ལྟར་

[Full Size]

སླར་གཏོར་མ་བསྔོ། བདུད་རྩིས་མཆོད་བསྟོད་བསྐུལ་པ་བྱས་ལ། བླ་རྡོ་བཀའ་སྲུང་གཏོར་མ་གཙང་སར་བསྐྱལ་ནས་སོ་སོར་གཤེགས་གསོལ་དང་། འབྱུང་པོ་གང་དག་འདིར་ནི་ལྷགས་གྱུར་ཏེ། །ཞེས་སོགས་བརྗོད་ན་ལེགས་སམ་སྙམ་མོ། །ཞེས་པའང་ཨ་རཱ་གས་བཀོད་པ་ལ་ཉེས་འགལ་མཆིས་ན་སྡེ་བརྒྱད་བཀའ་སྲུང་ལ་བཤགས་ཤིང་། དགེ་བས་བསྟན་སྲུང་གི་ཕྲིན་ལས་ཐམས་ཅད་འགྲུབ་པར་གྱུར་ཅིག །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་བརྒྱད་དྲེགས་པའི་གསོལ་ཁ།

[Full Size]

བཀའ་བརྒྱད་དྲེགས་པའི་གསོལ་ཁ་བཞུགས་སོ༔ འདི་ཆོས་དབང་ལུགས་ཡིན༔ མདོས་གཞུང་གཙོ་བོ་ཡིན་ནོ༔ གཞུང་འདི་འདྲ་བ་ལ༔ གོང་དུ་དྲེགས་པ་ཀུན་འདུལ་མཆོད་བསྟོད་སོགས་ཧ་ཅང་རྒྱས་པ་གཅིག་ཡོད་དོ༔

[Full Size]

གཏོར་སྣོད་གྲུ་གསུམ་གྱི་ནང་དུ་གཏོར་མ་དགྲ་བགེགས་གནོད་བྱེད་དངོས་སུ་གསལ་བར་གྱུར༔ ན་མོ༔ དཀོན་གཆོག་གསུམ་དང་རྩ་བ་གསུམ་གྱི་བདེན་པ་དང་༔ སྒྲུབ་པ་བཀའ་བརྒྱད་ཀྱི་ལྷ་ཚོགས་རྣམས་ཀྱི་བདེན་པ་དང་༔ བདེན་པའི་མཐུས༔ སྤྱིར་སངས་རྒྱས་བསྟན་པའི་སྤྱི་དགྲ༔ བདག་ཅག་དཔོན་སློབ་མི་ནོར་འཁོར་དང་བཅས་པ་ལ་གནོད་ཅིང་འཚེ་བའི་དགྲ་བགེགས་བྱད་མ༔ ཁྱད་པར་དུ་བསྲུང་བྱ་མི་ནོར་རྣམས་ལ་གནོད་ཅིང་འཚེ་བའི་གདོན་བགེགས་ཐམས་ཅད་དྲག་པོ་ཐུན་གྱི་གཏོར་མ་འདི་ལ་ཁུག་ཅིག༔ བཛྲ་ཨངྐུ་ཤ་ཛ༔ ཛཧཱུྃ་བཾ་ཧོ༔

[Full Size]

གནོད་བྱེད་དགྲ་བགེགས་ཀྱི་ཤ་ཁྲག་བླ་སྲོག་འོད་དུ་ཞུ་བ་ལས་བྱུང་བའི༔ གཏོར་མ་སོ་སོའི་འདོད་པའི་ཡོན་ཏན་སྣ་ཚོགས་པ་ནམ་མཁའ་དང་མཉམ་པར་གྱུར༔ ཨོཾ་ཨ་ཀཱ་རོ་སོགས། རང་ཉིད་ཡི་དམ་གྱི་ཐུགས་ཀའི་འོད་ཟེར་གྱིས་དྲེགས་པའི་སྡེ་དཔོན་སུམ་ཅུ་འཁོར་དང་བཅས་པ་སྐད་ཅིག་ལ་སྤྱན་དྲངསཾ༔ ཏྲི་བཛྲ་ས་མཱ་ཛ༔ ཧཱུྃ༔ སྟོང་གསུམ་སྲིད་པའི་གཞལ་ཡས་ནས༔ དྲེགས་པའི་སྡེ་དཔོན་སུམ་ཅུ་ནི༔ བཙུན་མོ་སྲས་དང་དམག་དཔུང་བཅས༔ བདག་གིས་མཆོད་ཅིང་བསྟེན་པའི་ཕྱིར༔ གནས་འདིར་སྤྱན་འདྲེན་གཤེགས་སུ་གསོལ༔ ཡིད་སྤྲུལ་དགྱེས་

[Full Size]

པའི་གདན་ལ་བཞུགས༔ བཅོམ་ལྡན་དྲེགས་པ་ཀུན་འདུལ་དང་༔ པདྨ་འབྱུང་གནས་བཀའ་བཞིན་དུ༔ རྣལ་འབྱོར་བདག་གི་ཕྲིན་ལས་སྒྲུབས༔ དངོས་འབྱོར་ཡིད་ཀྱིས་སྤྲུལ་པ་ཡི༔ རང་རང་མཐུན་པའི་དམ་རྫས་དང་༔ བདུད་རྩི་སྨན་རཀ་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ འཁོར་བཅས་དགྱེས་ཤིང་ཚིམ་གྱུར་ཅིག༔ མ་ཧཱ་དྷེ་ཝ་ཨེ༔ ཨ་མི་ཏ་རཀྟ་བ་ལིཾ་ཏ་ཁཱ་ཧི༔ ཨུ་མ་དེ་ཝ་ཨུ༔ ཨ་མྲ་སོགས། ཡ་མ་ཀེ་ཏ་ཡ༔ ཡ་མ་དུན་ཏིང་ཡ༔ མ་མ་རུ་ལུ་མ༔ ཨེ་ཀ་ཙ་ཏི་ཏྲག༔ དུ་ཕྲག་དུ༔ དུན་ཏིང་དུ༔ རཱ་ཙ་རཱ་ཙ༔ གིང་ཀ་ར་ཏྲི༔ བཛྲ་སཱ་དུ་ཏྲི༔ རཱ་ཧུ་ལ་ས༔ རཀཱ་རཿ༔ རགློ་ར༔ ཡཀྵ་ཀླ༔ ཡཀྵ་མོ་ཀྵ༔ མ་ཧཱ་ཀཱ་ལ་ཀྵ༔ རུ་ཏྲ་རྨི༔ མུན་མུན་པ༔ ཏིར་ཏིར་ཀ་ཐ༔ དྷེ་ཝ་ཨ༔ ཨ་སེ་ལ་ཨ༔ ཏིག་སྣ་འདྲེ་རུ་ཙ༔ ཨ་བི་ཀཱ་ཛ༔ ཏྲི་པ་ཤ་ལི་ཏཱི༔ ཧཾ་ཤཾ་ཏྲི༔ བྱི་ན་ཡ་ཀ་ཨུ༔ ཌཀི་ནཱི་མཾ༔ ནཱ་ག་ཕུ༔ ནཱ་ག་ཀྲོ་ཏི་ཤོ་རི་ཕུ༔ ཨ་མྲི་ཏ་རཀྟ་བ་ལིང་ཏ་ཁཱ་ཧི༔ ཨགྷཾ་སོགས། ཞེས་ཨ་རཱ་གས་སོ། །འདི་མན་གཏེར་གཞུང་ངོ་༔ ༈ སྔགས་བདག་ལྷ་སྲིན་སྡེ་བརྒྱད་ཀྱི་བསྐུལ་གྱི་རིམ་པ་བསྟན་པ་ནི། ཧཱུྃ༔ དབང་ཕྱུག་མ་ཧཱ་

[Full Size]

དྷེ་ཝ་དང་བཙུན་མོ་ཨུ་མ་དྷེ་ཝི་ནི༔ ལྷ་སྲིན་སྡེ་བརྒྱད་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཨེ་ལས་སྐུ་བཞེངས་པ༔ སྲིད་གསུམ་སྒྲོལ་བྱེད་རཀཱ་མཐུ་བོ་ཆེ༔ ཆོས་ཉིད་མི་འགྱུར་སྐུ་མདོག་མཐིང་ནག་བསྟན༔ གདུག་པ་འདུལ་མཛད་སྦྲུལ་ཆུན་སྐུ་ལ་བརྒྱན༔ དགྲ་བགེགས་སྲེག་མཛད་ཨག་ཚོམ་མེ་ལྟར་འབར༔ སྒྲོལ་གིང་ཆེན་པོའི་དབུ་སྐྲ་གྱེན་དུ་བརྗེས༔ བསྟན་པའི་མངའ་བདག་མཐིང་ནག་བེར་ཆེན་གསོལ༔ppསྟོང་གསུམ་སྒྲོལ་མཛད་ཕྱག་གཡས་གྲི་གུག་བསྣམས༔ ཕྱག་གཡོན་འགྲོ་དྲུག་སྒྲོལ་ཕྱིར་ཙིཏྟ་བསྣམས༔ འགྲོ་དྲུག་ཟིལ་གནོན་སེང་གེ་དཀར་མོ་ཆིབས༔ བཙུན་མོ་ཨུ་མ་དྷེ་ཝི་ནི༔ ་ཆོས་ཉིད་མི་གཡོ་སྐུ་མདོག་མཐིང་ནག་བསྟན༔ བསྟན་པ་བསྲུང་ཕྱིར་ལྗང་ནག་བེར་ཆེན་གསོལ༔ ཕྱག་གཡས་སྲིད་གསུམ་སྒྲོལ་ཕྱིར་ཁཊཾ་རྩེ་གསུམ་བསྣམས༔ གཡོན་པས་འཁོར་བ་རྩད་གཅོད་ཐོད་ཁྲག་བསྣམས༔ ཁམས་གསུམ་ཟིལ་གནོན་འདེགས་པའི་གླང་ཆེན་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་ཕོ་རྒྱུད་མང་པོ་ཕོ་ཉར་འགྱེད༔ གཡོན་ནས་མོ་རྒྱུད་མང་པོ་ཕོ་ཉར་འགྱེད༔ འཁོར་དུ་

[Full Size]

ལྷ་སྲིན་སྡེ་བརྒྱད་རྣམས་ཀྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཨེ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཨེ་ལ་བསྡུས༔ མ་ཧཱ་དྷེ་ཝ་ཨེ༔ ཨུ་མ་དྷེ་ཝི་ཨུ༔ དབང་ཕྱུག་ཡབ་ཡུམ་སྲོག་སྔགས་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ གཤིན་རྗེ་ཡ་མ་རཱ་ཙ་ནི༔ གཤིན་རྗེ་ཡོངས་ཀྱི་སྡེ་དཔོན་ཡིན། སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཡ་ལས་སྐུ་བསྐྱེད་པ༔ ཡ་མ་རཱ་ཙ་གཤིན་རྗེ་ཡོངས་ཀྱི་གཙོ༔ སྐུ་མདོག་ནག་པོ་རལ་པ་ཅན༔ ཐོད་སྦྲུལ་གདུག་པའི་གཡང་གཞི་གསོལ༔ གཅན་གཟན་གདུག་པའི་པགས་པ་མནབས༔ ཤ་ཟའི་མགོ་བཅང་ཐོད་དུ་བཅིངས༔ ཞལ་བསྒད་འབར་བའི་མཆེ་བ་གཙིགས༔ ཐོད་དབྱུག་འབར་བ་ཕྱག་ན་བསྣམས༔ ཆིབས་སུ་མ་ཧེ་སྔོ་ནག་ཆིབས༔ སྐྱེ་འགྲོ་སྲོག་གི་བདག་མོ་ནི༔ འཆི་བདག་ནག་པོའི་བཙུན་མོ་ཡིན༔ གསོད་པ་མོན་མོའི་ཚུལ་འཛིན་ཞིང་༔ ཟ་བྱེད་དུར་ཁྲོད་རྒྱན་ཆ་ཅན༔ འཁོར་ལོ་འབར་བས་གསོད་ཅིང་གཏུབ༔ ཆིབས་སུ་ཆུ་གླང་སྔོན་པོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་གཤིན་རྗེ་ཕོ་བཅུ་ཕོ་ཉར་འགྱེད༔

[Full Size]

གཡོན་ནས་གཤིན་རྗེ་མོ་བཅུ་ལས་ལ་འཛུད༔ འཁོར་དུ་སྣང་སྲིད་གཤིན་རྗེས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཡ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཡ་ལ་བསྡུས༔ ཡ་མ་ཡེ་ཏ་ཀྵེ་ཡ༔ ཡ་མ་དུན་ཏིང་ཡ་ཞེས་བྱ་བ་ནི༔ གཤིན་རྗེ་ཡོངས་ཀྱི་སྲོག་སྔགས་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ མ་མོ་སྲིད་པའི་རྒྱལ་མོ་ནི༔ སྣང་སྲིད་མ་མོའི་སྡེ་དཔོན་ཡིན༔ སྡེ་དཔོན་ཆེན་མོ་སྐུ་བཞེངས་ཤིག༔ ཡི་གེ་མ་ལས་སྐུ་བསྐྱེད་པ༔ སྐུ་མདོག་དཀར་གསལ་འབར་བ་ལ༔ ན་བཟའ་དར་དཀར་གོ་ཟུ་གྱོན༔ གཡས་ན་སྲིད་གསུམ་འཁོར་ལོ་བསྐོར༔ གཡོན་ན་འཕྲུལ་གྱི་མེ་ལོང་བསྣམས༔ ཆིབས་སུ་འབྲུག་མོ་ལྡིར་མགྱོགས་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་རྗེ་མོ་བཅུ་གཉིས་ཕོ་ཉར་འགྱེད༔ གཡོན་ནས་སྨན་མོ་ལྔ་ཅུ་རྩ་ལྔ་ལས་ལ་འཛུད༔ འཁོར་དུ་སྣང་སྲིད་མ་མོས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་མ་ལས་བསྐྱེད༔ ཐ་མ་བསྡུས་ཀྱང་ཡི་གེ་མ་ལ་བསྡུས༔ མ་མ་རུ་ལུ་མ་ཞེས་པ༔ མ་མོ་ཡོངས་ཀྱི་སྲོག་སྔགས་ཡིན༔

[Full Size]

སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ སྔགས་སྲུང་ཨེ་ཀ་ཙཱ་ཏཱི་ནི༔ གསང་སྔགས་ཡོངས་ཀྱི་སྲུང་མ་ཡིན༔ སྔགས་སྲུང་ཆེན་མོ་སྐུ་བཞེངས་ཤིག༔ ཡི་གེ་ཏྲག་ལས་སྐུ་བསྐྱེད་པ༔ སྐུ་མདོག་མཐིང་ནག་འབར་བ་ལ༔ གཡུ་ཡི་སྨིན་མ་ཁྱུགས་སེ་ཁྱུག༔ སྐུ་ལ་མཐིང་ནག་བེར་ཆེན་གསོལ༔ གཡས་ན་ཞེ་སྡང་ཙིཏྟ་བསྣམས༔ གཡོན་པས་གཡུ་ཡི་སྤྱང་མོ་འགྱེད༔ ཆིབས་སུ་དྲེལ་རྟ་ནག་པོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་བལ་མོ་འབུམ་སྡེ་ཕོ་ཉར་འགྱེད༔ གཡོན་ནས་མ་མོ་ནག་མོ་ལས་ལ་འཛུད༔ འཁོར་དུ་ནག་སྨུག་འབུམ་གྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཏྲག་ལས་བསྐྱེད༔ ཐ་མ་བསྡུས་ཀྱང་ཡི་གེ་ཏྲག་ལ་བསྡུས༔ ཨེ་ཀ་ཙཱ་ཏི་ཏྲག་ཅེས་པ༔ སྔགས་ཀྱི་སྲུང་མའི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ བདུད་པོ་སྐོས་རྗེ་དྲང་དཀར་ནི༔ བདུད་རྣམས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་དུ་ལས་སྐུ་བསྐྱེད་པ༔ སྐུ་མདོག་དུག་གདོང་ཧ་ལ་འབར༔ ན་བཟའ་མཐིང་ནག་བེར་ཆེན་གསོལ༔ རལ་པ་ནག་

[Full Size]

པོ་མུན་རུབ་འདྲ༔ སྤྱན་གཉིས་ཉི་ཟླ་འཁྱིལ་བ་འདྲ༔ མཆེ་བ་ཟུར་གསུམ་རབ་ཏུ་གཙིགས༔ སྨ་ར་ཁམ་ནག་སྲིད་རྩེར་འབར༔ ཁྲམ་ཤིང་གཡས་ན་དགྲ་ལྟ་།གཡོན༔ ཆིབས་སུ་བདུད་རྟ་ནག་པོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་འཆིང་བྱེད་ཞགས་ཐོགས་མང་པོ་ཕོ་ཉར་འགྱེད༔ གཡོན་ནས་ཤན་པ་གྲི་ཐོགས་མང་པོ་ལས་ལ་འཛུད༔ འཁོར་དུ་སྣང་སྲིད་བདུད་ཀྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་དུ་ལས་བསྐྱེད༔ ཐ་མ་བསྡུས་ཀྱང་ཡི་གེ་དུ་ལ་བསྡུས༔ དུ་ཕྲག་དུ་ཞེས་བྱ་བ་ནི༔ བདུད་རྣམས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ བདུད་མོ་ནག་མོ་རེ་མ་ཏི༔ བདུད་མོ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་དུ་ལས་སྐུ་བསྐྱེད་པ༔ ལྷ་མོ་ནག་མོ་འཇིགས་པའི་གཟུགས༔ བཀའ་བཟློག་བདུད་ནག་ཡུམ་གཅིག་མ༔ སྐུ་ལ་མཐིང་ནག་གོ་ཟུ་གསོལ༔ ཁྲམ་བམ་གཡས་ལ་ནད་རྐྱལ་གཡོན༔ ཆིབས་སུ་ཅང་ཤེས་བོང་བུ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་བ་ལམ་དྲེལ་

[Full Size]

སྣ་ཕོ་ཉར་འགྱེད༔ གཡོན་ནས་ཁྲི་སྨན་ལྡེམ་དྲུག་ལས་ལ་འཛུད༔ འཁོར་དུ་སྣང་སྲིད་བདུད་མོས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་དུ་ལས་བསྐྱེད༔ ཐ་མ་བསྡུས་ཀྱང་ཡི་གེ་དུ་ལ་བསྡུསཿ༔ དུན་ཏིང་དུ་ཞེས་བྱ་བ་ནི༔ བདུད་མོ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈་རྒྱལ་པོ་ཆེན་པོ་བེ་དཀར་ནི༔ རྒྱལ་པོ་ཡོངས་ཀྱི་སྡེ་དཔོན་ཡིན་སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཙ་ལས་སྐུ་བསྐྱེད་པ༔ སྐུ་མདོག་དཀར་གསལ་འབར་བ་ལ༔ སྐུ་ལ་དོམ་གྱི་པགས་པ་གསོལ༔ ཕྱག་ན་བདུད་ཞགས་སྤུ་གྲི་བསྣམས༔ དབུ་ལ་རྨོག་ཞུ་གདུགས་ཐབས་གསོལ༔ ཆིབས་སུ་བ་གླང་སྣ་རིང་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་དཔའ་བོ་སྟག་ཆས་བརྒྱ་ཡང་ཕོ་ཉར་འགྱེད༔ གཡོན་ནས་དགྲ་བཅོམ་གཞོན་ནུ་བརྒྱ་ཡང་ལས་ལ་འཛུལ༔ སྔོན་ན་བུད་མེད་ནག་མོ་བརྒྱ་ཡང་འོ་དོད་འབོད༔ ཀླད་ན་བནྡེ་ནག་པོ་བརྒྱ་ཡང་ཁ་ནས་ངན་སྔགས་བཟློག༔ སྐྱོ་བསངས་གར་འབག་སེང་གེ་བརྒྱ་ཡང་སྔོན་ནས་འཁྲོལ༔ འཁོར་དུ་སྣང་སྲིད་རྒྱལ་པོས་བསྐོར༔ ཁྱེད་ཀྱི་སྲོག་སྙིང་ང་ལ་

[Full Size]

ཡོད༔ དང་པོ་བསྐྱེད་ཀྱང་ཡི་གེ་ཙ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཙ་ལ་བསྡུས༔ རྭ་ཙ་ཙ་ཞེས་བྱ་བ་ནི༔ རྒྱལ་པོ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ སྲོག་བདག་ཚངས་པ་དཀར་པོ་ནི༔ གིང་རྣམས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཏྲི་ལས་སྐུ་བསྐྱེད་པ༔ ཚངས་པ་སྲིད་གསུམ་མྱུར་མགྱོགས་ཅན༔ སྲོག་བདག་སྒྲོལ་གིང་ཐུགས་དམ་ཅན༔ སྐུ་མདོག་དཀར་པོ་ཤེལ་ལྟར་དཀར༔ ཤེལ་གྱི་རལ་པ་ཤ་ར་ར༔ སྐུ་ལ་བྱ་རྒོད་ཐུལ་པ་གསོལ༔ གཡས་ན་ཤེལ་གྱི་སྤུ་གྲི་བསྣམས༔ གཡོན་ན་ཉི་ཟེར་ཞགས་པ་བསྣམས༔ ཆིབས་སུ་སེངྒེ་དཀར་མོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ འོད་ཟེར་དཀར་པོ་ཀྱི་ལི་ལི༔ རྟ་དཀར་རྒྱུག་དང་ཕྲེངས་སེ་བྲེང་༔ བྱ་དཀར་ཟེ་དམར་ཅངས་སེ་ཅང་༔ ལུག་དཀར་འབའ་སྒྲ་དི་རི་རི༔ ར་དཀར་སྦྲིད་པ་ཤ་ར་ར༔ གཡས་ན་དུང་གི་སེང་ཆེན་འབྲང་༔ ཕྱི་ན་གཡུ་ཡི་བྱ་ཡང་ལྡིང་༔ གཡས་ནས་གིང་ཆེན་བཅོ་བརྒྱད་ཕོ་ཉར་འགྱེད༔ གཡོན་ནས་གིང་བདུད་འབུམ་ཕྲག་ལས་ལ་འཛུད༔ འཁོར་དུ་སྣང་སྲིད་

[Full Size]

གིང་གིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཏྲི་ལས་བསྐྱེད༔ ཐ་མ་བསྡུས་ཀྱང་ཡི་གེ་ཏྲི་ལ་བསྡུས༔ གིང་ཀ་ར་ཏྲི་ཞེས་པ་ནི༔ གིང་རྣམས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ སྐྱེས་བུ་རྡོ་རྗེ་ལེགས་པ་ནི༔ དགྲ་བླ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཏྲི་ལས་སྐུ་བསྐྱེད་པ༔ སྐུ་མདོག་དཀར་གསལ་འབར་བ་ལ༔ སྐུ་ལ་ཤེལ་གྱི་སྤྱང་ཐུལ་གསོལ༔ མ་ཏྲང་གཡུ་ཡི་གོང་བ་འོད་རེ་གསལ༔ ཞུར་གཤམ་གསེར་གྱི་གོང་བ་འོད་རེ་གསལ༔ ཞུར་གཤམ་གསེར་གྱི་གོང་བ་གློག་ལྟར་འཁྱུག༔ ཆིབས་སུ་ར་སྐྱེས་གནམ་རུ་ཆིབས༔ གཡས་ན་ལྕགས་ཀྱི་རྡོ་རྗེ་བསྣམས༔ གཡོན་ན་ཙིཏྟ་རུ་མཚོན་བསྣམས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་འཛིན་གིང་བཞི་བཅུ་ཕོ་ཉར་འགྱེད༔ གཡོན་ནས་དགྲ་བླ་སུམ་བརྒྱ་དྲུག་ཅུ་ལས་ལ་འཛུད༔ མདུན་ན་སྤྲུལ་པ་སྤྱང་རྒོད་མང་པོ་ངུ་༔ ཀླད་ན་ཁྲ་དང་བྱ་ནག་ཆུམས་སེ་ཆུམ༔ འཁོར་དུ་སྣང་སྲིད་དགྲ་བླས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཏྲི་ལས་བསྐྱེད་

[Full Size]

ཐ་མ་བསྡུས་ཀྱང་ཡི་གེ་ཏྲི་ལ་བསྡུས༔ བཛྲ་སཱ་དྷ་ཏྲི་ཅེས་པ༔ རྡོ་རྗེ་ལེགས་པའི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ ཁྱབ་འཇུག་ཆེན་པོ་རཱ་ཧུ་ལ་གཟའ་རྣམས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་རྭ་ལས་སྐུ་བསྐྱེད་པ༔ རོ་ཏི་ཁྱབ་འཇུག་མི་ཟད་པ༔ ལུས་པོ་གཅིག་ལ་མགོ་བོ་དགུ་མགོ་ལུས་མེད་པར་མིག་གིས་ཁེངས༔ རོ་སྟོད་མི་ལ་རོ་སྨད་སྦྲུལ༔ ལུས་ནི་འཇིགས་པའི་དུད་ཁ་ལ༔ གཡས་ན་ར་ཡི་མདའ་གཞུ་བསྣམས༔ གཡོན་ན་ཆུ་སྲིན་ཞགས་པ་ཐོགས༔ ཆིབས་སུ་འབྲུག་ཆེན་ཁ་གདངས་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཟི་མདངས་གློག་གིས་འོད་དུ་འབྱིན༔ ང་རོ་འབྲུག་གིས་སྒྲ་རུ་སྒྲོག༔ ཁ་རླངས་སྤྲིན་དུ་འབྱུང་བར་བྱེད༔ སྤྲུལ་པ་ཐོག་དང་སེར་ཆེན་འབེབས༔ གཡས་ནས་སྡེ་བརྒྱད་ཕོ་ཉར་འགྱེད༔ གཡོན་ནས་གཟའ་བདུད་ལས་ལ་འཛུད༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ས་ལས་བསྐྱེད༔ ཐ་མ་བསྡུས་ཀྱང་ཡི་གེ་ས་ལ་བསྡུས༔ རཱ་ཧུ་ལ་པ་ཞེས་བྱ་ནི༔ གཟའ་རྣམས་ཡོངས་ཀྱི་སྲོག་སྙིང་ཡིན༔ སྲོག་

[Full Size]

གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ སྲིན་པོ་ནག་པོ་གློག་གི་ཕྲེང་བ་ཅན༔ སྲིན་པོ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་རྭ་ལས་སྐུ་བསྐྱེད་པ༔ སྐུ་མདོག་ནག་པོ་འབར་བ་ལ༔ ལུས་ལ་གློག་གི་ཕྲེང་བས་བརྒྱན༔ ཕྱག་ནས་ཐོག་སེར་མདའ་ལྟར་འཕེན༔ ཆིབས་སུ་འབྲུག་དང་གློག་ལ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་སྲིན་པོ་འབུམ་ཕྲག་ཕོ་ཉར་འགྱེད༔ གཡོན་ནས་གསོད་བྱེད་ཤན་པ་དམར་པོ་ལས་ལ་འཛུད༔ སྤྲུལ་པ་གཅན་གཟན་མང་པོ་ཞ་ལ་ལ༔ འཁོར་དུ་སྣང་སྲིད་སྲིན་པོས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ར་ལས་བསྐྱེད༔ ཐ་མ་བསྡུས་ཀྱང་ཡི་གེ་རྭ་ལ་བསྡུས༔ རག་ཤ་ར་ཅེས་བྱ་བ་ནི། སྲིན་པོ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ སྲིན་མོ་སྦལ་མགོ་ཁྲག་མིག་མ༔ སྲིན་མོ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ར་ལས་སྐུ་བསྐྱེད་པ༔ སྐུ་མདོག་དམར་ནག་འབར་བ་ལ༔ ལུས་ལ་ཁྲག་གི་བལ་ནག་གསོལ༔ རུས་སྦལ་དཀར་པོའི་ཐོར་ཚུགས་ཅན༔ ཕྱག་ན་

[Full Size]

ཁྲག་གི་ཕུར་པ་བསྣམས༔ གཡོན་ན་ནད་ཀྱི་སེར་བ་འབེབས༔ ཆིབས་སུ་ཀེ་ལ་གདོང་དྲུག་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་གདོང་མོ་བཞི་ཡང་ཕོ་ཉར་འགྱེད༔ གཡོན་ནས་སྲིན་མོ་འབུམ་ཕྲག་ལས་ལ་འཛུད༔ འཁོར་དུ་སྣང་སྲིད་སྲིན་མོས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ར་ལས་བསྐྱེད༔ ཐ་མ་བསྡུས་ཀྱང་ཡི་གེ་ར་ལ་བསྡུས༔ རག་མོ་ར་ཞེས་བྱ་བ་ནི༔ སྲིན་མོ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ གནོད་སྦྱིན་ཡཀཱ་མེ་དབལ་ནི༔ གནོད་སྦྱིན་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཀྵ་ལས་སྐུ་བསྐྱེད་པ༔ ཡཀཱ་མེ་དབལ་གནོད་སྦྱིན་གཙོ༔ སྐུ་མདོག་མཐིང་ནག་འབར་བ་ལ༔ བསྐལ་པའི་མེ་དཔུང་གོས་སུ་གྱོན༔ ཕྱག་ན་མཚོན་ཆ་འབར་བ་བསྣམས༔ གཡོན་ན་རིན་ཆེན་འབར་བ་བསྣམས༔ ཆིབས་སུ་སྟག་སེང་རྔམས་པ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ན་མེ་འབར་ལམས་སེ་ལམ༔ གཡོན་ན་བུ་ཡུག་ཕྱུ་རུ་རུ༔ གཡས་ནས་གནོད་སྦྱིན་འབུམ་ཕྲག་ཕོ་ཉར་འགྱེད།

[Full Size]

གཡོན་ནས་ཞུབ་ཅན་འབུམ་ཕྲག་ལས་ལ་འཛུད༔ འཁོར་དུ་སྣང་སྲིད་གནོད་སྦྱིན་བརྒྱད་ཀྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཀཱ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཀྵ་ལ་བསྡུས༔ ཡཀྵ་ཀླུ་ཞེས་བྱ་བ་ནི༔ གནོད་སྦྱིན་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ གནོད་སྦྱིན་མོན་མོ་ནག་མོ་ནི༔ གནོད་སྦྱིན་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཀྵ་ལས་སྐུ་བསྐྱེད་པ༔ གནོད་སྦྱིན་བུ་མོ་འགུགས་བྱེད་མ༔ མོན་མོ་ནག་མོ་ལྕགས་མཆུ་ཅན༔ སྤྱན་གཉིས་གསེར་གྱི་ཁྲོ་གཉེར་ཅན༔ སྙན་ལ་གསེར་གྱི་རྣ་ཆས་མཚན༔ སྐུ་ལ་ཏེ་ལ་ནག་པོ་གསོལ༔ གཡས་ན་སྤུ་གྲི་རྣོན་པོ་བསྣམས༔ གཡོན་ན་གཡུ་ཡི་སྦྱང་མོ་བསྣམས༔ ཆིབས་སུ་ལྕགས་ཀྱི་སྤྱང་མོ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་གནོད་སྦྱིན་འབུམ་ཕྲག་ཕོ་ཉར་འགྱེད༔ གཡོན་ནས་མོན་མོ་སྤུན་བདུན་ལས་ལ་འཛུད༔ འཁོར་དུ་སྣང་སྲིད་གནོད་སྦྱིན་མོ་ཡིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཀླུ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཀྵ་ལ་

[Full Size]

བསྡུས༔ ཡཀྵ་མོ་ཀླུ་ཞེས་བྱ་བ་ནི༔ གནོད་སྦྱིན་མོ་ཡི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ མགོན་པོ་མ་ཧཱ་ཀཱ་ལ་ནི༔ མགོན་པོ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཀྱི་ལས་སྐུ་བསྐྱེད་པ༔ སྐུ་མདོག་མཐིང་ནག་འབར་བ་ལ༔ རལ་པ་ཁམ་ནག་མུན་རུབ་འདྲ༔ སྨ་ར་ཨག་ཚོམ་མེ་ལྟར་འབར༔ བགྲང་ཕྲེང་ནག་པོ་སེ་རལ་ཁ༔ སྐུ་ལ་ལྗང་ནག་བེར་ཆེན་གསོལ༔ གསེར་སྐྱེད་རིན་ཆེན་འབར་བ་བསྣམས༔ ཕྱག་ན་ཙནྡན་བེང་ཆེན་བསྣམས༔ གཡོན་ན་གྲི་གུག་འབར་བ་བསྣམས༔ ཆིབས་སུ་བདུད་རྟ་ནག་པོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་མགོན་པོ་འབུམ་ཕྲག་ཕོ་ཉར་འགྱེད༔ གཡོན་ནས་ཆོས་སྐྱོང་མང་པོ་ལས་ལ་འཛུད༔ སྤྲུལ་པ་རྒྱ་གར་ཡུལ་ན་འགྱེད༔ སྲོག་བདུད་བོད་ཡུལ་དབུས་སུ་གཅོད༔ འཁོར་དུ་སྣང་སྲིད་མགོན་པོས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཀྱི་ལས་བསྐྱེད༔ ཐ་མ་བསྡུས་ཀྱང་ཡི་གེ་ཀྱི་ལ་བསྡུས༔ མ་ཧཱ་ཀཱ་ལ་ཤཱི་ཞེས་བྱ་བ་ནི༔ མགོན་པོ་ཡོངས་ཀྱི་སྲོག་སྙིང་ཡིན༔ སྲོག་

[Full Size]

གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ བན་ཆེན་རྡོ་རྗེ་བདུད་འདུལ་ནི༔ རུ་ཏྲ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཧཱུྃ་ལས་སྐུ་བསྐྱེད་པ༔ སྔགས་པ་ལྟ་བ་ལོག་པ་ཅན༔ རུ་ཏྲ་ཅེས་བྱའི་རིགས་སུ་སྐྱེས༔ སྐུ་མདོག་དམར་ནག་འབར་བ་ལ༔ ན་བཟའ་མཐིང་ནག་བེར་ཆེན་གསོལ༔ རལ་པ་ནག་པོ་མུན་ལྟར་གཏིབས༔ ཕྱག་ན་ཁྲག་དང་ཡུངས་ཀར་བུ་ཡུག་ཚུབས་སེ་ཚུབ༔ ཆིབས་སུ་དྲེལ་ནག་ཁམ་སྐྱ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་རལ་ནག་གྱོན་པ་མང་པོ་ཕོ་ཉར་འགྱེད༔ གཡོན་ནས་ཞིང་ལྤགས་རྡེབ་པ་མང་པོ་ལས་ལ་འཛུད༔ འཁོར་དུ་སྣང་སྲིད་རུ་ཏྲེས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ནི་ལས་བསྐྱེད༔ ཐ་མ་བསྡུས་ཀྱང་ཡི་གེ་ནི་ལ་བསྡུས༔ རུ་ཏྲ་ཀྲྀ་ཞེས་བྱ་བ་ནི༔ རུ་ཏྲ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ དམུ་བདུད་ནག་པོ་བཀྲག་མེད་ནི༔ དམུ་བདུད་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་པ་ལས་སྐུ་བསྐྱེད་པ༔ སྐུ་མདོག་ནག་པོ་མུན་པའི་མདོག༔ སྐུ་ལ་དར་

[Full Size]

དམར་བེར་ཆེན་གསོལ༔ ཤང་ལང་གཡས་ལ་མདའ་གཞུ་གཡོན༔ ཆིབས་སུ་དམུ་རྟ་མཆོངས་རྒོད་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་དམུ་བདུད་འབུམ་ཕྲག་ཕོ་ཉར་འགྱེད༔ གཡོན་ནས་དམུ་བྲན་མང་པོ་ལས་ལ་འཛུད༔ ཀླད་ན་མུན་པ་ནག་པོ་ཐིབས་སེ་ཐིབ༔ ཕོ་རོག་མང་པོ་གཤོག་སྒྲ་འུ་རུ་རུ༔ འཁོར་དུ་སྣང་སྲིད་དམུ་བདུད་ཀུན་གྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་པ་ལས་བསྐྱེད༔ ཐ་མ་བསྡུས་ཀྱང་ཡི་གེ་པ་ལ་བསྡུས༔ མུན་པ་མུན་ཞེས་བྱ་བ་ནི༔ དམུ་རྣམས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ མུ་སྟེགས་གུ་ལང་ནག་པོ་ནི༔ མུ་སྟེགས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཐ་ལས་སྐུ་བསྐྱེད་པ༔ སྐུ་མདོག་ནག་པོ་འབར་བ་ལ༔ སྐུ་ལ་དར་ནག་བེར་ཆེན་གསོལ༔ དབུ་ལ་དར་ནག་གླིང་ཞུ་གསོལ༔ གཡས་ན་ཏྲི་ཤུ་རྩེ་གསུམ་བསྣམས༔ གཡོན་ན་བྷནྡྷ་ཁྲག་བཀང་བསྣམས༔ ཆིབས་སུ་སྟག་དང་མ་ཧེ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ ས་གཞི་དམག་གིས་བཀང་ནས་

[Full Size]

སུ༔ བར་སྣང་དར་གྱིས་ཁེངས་པར་བྱ༔ སྔོན་ནས་གཅན་གཟན་མང་པོ་འབྲང་༔ དོམ་དྲེད་སྟག་གཟིག་ལ་སོགས་པ༔ སྤྱང་ཀུ་སྔོན་པོ་འདུར་མི་གཅོད༔ གཡག་རྒོད་མང་པོ་རུ་འཁྲོལ་ཞིང་༔ ཀླད་ན་འདབ་ཆགས་མང་པོ་ལྡིང་༔ བྱ་རོག་འུག་པ་ཀང་ཀའི་ཚོགས༔ བྱ་རྒོད་མང་པོ་གཤོག་སྒྲ་འབྱིན༔ གཡས་ནས་མུ་སྟེགས་འབུམ་ཕྲག་ཕོ་ཉར་འགྱེད༔ གཡོན་ནས་ནག་པོ་སྡེ་བདུན་ལས་ལ་འཛུད༔ འཁོར་དུ་སྣང་སྲིད་མུ་སྟེགས་ཡོངས་ཀྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཐ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཐ་ལ་བསྡུས༔ ཏིར་ཏི་ཀ་ཐ་ཞེས་བྱ་ནི༔ མུ་སྟེགས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ ལྷ་རབས་ཡར་ལྷ་ཤམ་པོ་ནི༔ འཇིག་རྟེན་ལྷ་ཡི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཨ་ལས་སྐུ་བསྐྱེད་པ༔ སྐུ་མདོག་གངས་རི་དཀར་པོ་འདྲ༔ ན་བཟའ་དར་དཀར་རལ་ག་གསོལ༔ གཡས་ན་དར་མདུང་དཀར་པོ་བསྣམས༔ གཡོན་ན་ཤེལ་གྲི་དཀར་པོ་བསྣམས༔ ཆིབས་སུ་ལྷ་གཡག་དཀར་པོ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ སྔོན་ན་

[Full Size]

དར་ཐོགས་མང་པོ་འུ་རུ་རུ༔ ཕྱི་ན་མདུང་ཐོགས་མང་པོ་ཤིགས་སེ་ཤིག༔ གཡས་ན་གོ་གྱོན་སུམ་བརྒྱ་དྲུག་ཅུ་ཕོ་ཉར་འགྱེད༔ གཡོན་ན་ལྷ་བྲན་སུམ་བརྒྱ་དྲུག་ཅུ་ལས་ལ་འཛུད༔ འཁོར་དུ་སྣང་སྲིད་ལྷ་ཡིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཨ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཨ་ལ་བསྡུས༔ དྷེ་ཝ་ཨ་ཞེས་བྱ་བ་ནི༔ ལྷ་རྣམས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ གནམ་སྨིན་ཐོག་གི་བུ་ཡུག་ནི༔ གནམ་སྨིན་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཨ་ལས་སྐུ་བསྐྱེད་པ༔ སྐུ་མདོག་དམར་སྐྱ་འབར་བ་ལ༔ ན་བཟའ་གསེར་གྱི་གོ་ཟུ་གསོལ༔ གཡས་པས་གནམ་ལྕགས་ཐོག་ཆེན་འབེབས༔ གཡོན་པས་ཁྲག་གི་སེར་ཆེན་འབེབས༔ ཆིབས་སུ་གློག་དང་འབྲུག་ལ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཞན་དུ་གློག་དང་མེ་འོད་འཁྲིགས༔ གཟའ་ཆེན་བརྒྱད་པོ་ཀླད་ལ་བསྐོར༔ རྒྱུ་སྐར་ཉེར་བརྒྱད་ཞབས་ལ་འཆར༔ གཡས་ནས་ལྷ་སྨན་འབུམ་སྡེ་ཕོ་ཉར་འགྱེད༔ གཡོན་ནས་དམུ་སྨན་འབུམ་ཕྲག་ལས་

[Full Size]

ལ་འཛུད༔ འཁོར་དུ་སྣང་སྲིད་སྨན་གྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཨ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཨ་ལ་བསྡུས༔ ཡི་གེ་ཨ་ཞེས་བྱ་བ་ནི༔ གནམ་སྨན་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ སྐྱེས་བུ་གཡའ་སྤང་སྐྱེས་གཅིག་ནི༔ མ་སང་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཙ་ལས་སྐུ་བསྐྱེད་པ༔ སྐུ་མདོག་དཀར་གསལ་འབར་བ་ལ༔ རྒ་བྱེད་སྟོད་ཀྱི་སླག་པ་ཅན༔ འབུ་བྱེད་སྨད་ཀྱི་ཤམ་ཐབས་ཅན༔ དབུ་ལ་ཤེལ་རྨོག་དཀར་པོ་གསོལ༔ གཡས་ན་བཙན་མདུང་སྲིན་རྐང་བསྣམས༔ གཡོན་ན་ཤེལ་གྲི་དཀར་པོ་བསྣམས༔ ཆིབས་སུ་རྡོ་རྟ་གྲོ་བོ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ ཀླད་ན་ལྕགས་ཀྱི་བྱ་ཁྱུང་ལྡིང་༔ ཕྱི་ན་གསེར་ཁྱི་སེར་པོ་འབྲང་༔ སྟག་སྨད་ཚང་མ་རོལ་དུ་ཁྲིད༔ གཡོས་ནས་སྟོང་དཔོན་མཆེད་ལྔ་ཕོ་ཉར་འགྱེད༔ གཡོན་ནས་མ་སང་སྤུན་བདུན་ལས་ལ་འཛུད༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཙོ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཙི་ལ་བསྡུས༔ ཏིག་སྣ་འདྲེ་རུཾ་

[Full Size]

ཙཾ་ཞེས་པ༔ མ་སང་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ བྲག་བཙན་སྲོག་ཟན་དམར་པོ་ནི༔ བཙན་རྣམས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཀཱ་ལས་སྐུ་བསྐྱེད་པ༔ སྐུ་མདོག་དམར་པོ་མེ་རི་འདྲ༔ སྐུ་ལ་དར་དམར་བེར་ཆེན་གསོལ༔ དབུ་ལ་བསེ་རྨོག་དམར་པོ་གསོལ༔ སྟག་རལ་གཡས་ལ་གཟིག་ཤུབས་གཡོན༔ བསེ་ཕུབ་དམར་པོ་ཀྱི་ལི་ལི༔ གཡས་ན་སྲིན་མདུང་རྩེ་རྐང་བསྣམས༔ གཡོན་ན་མདའ་གཞུ་སྙིང་ལ་གཟིར༔ ཆིབས་སུ་བཙན་རྟ་དམར་པོ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ བཙན་གྱི་ཞགས་པ་རྒྱུངས་སེ་རྒྱང་༔ བཙན་གྱི་བྲོ་བརྡུང་ཀྱི་ལི་ལི༔ བཙན་གྱི་བཤུད་པ་ཀྱུ་རུ་རུ༔ བ་གཡས་ནས་བཙན་ཆེན་ཁ་བཞི་ཕོ་ཉར་འགྱེད༔ གཡོན་ནས་མགྱོགས་པ་སྡེ་བརྒྱད་ལས་ལ་འཛུད༔ འཁོར་དུ་སྣང་སྲིད་བཙན་གྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཀླུ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཀླུ་ལ་བསྡུས༔ ཨ་བི་ཤུ་ཀླུ་ཞེས་པ་ནི༔ བཙན་རྣམས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་

[Full Size]

རྒྱུད་བསྐུལ་ལོ༔ ༈ སྲོག་བདག་གནམ་ཐེལ་དཀར་པོ་ནི༔ ཐེའུ་རང་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཏྲི་ལས་སྐུ་བསྐྱེད་པ༔ སྐུ་མདོག་དཀར་གསལ་འབར་བ་ལ༔ ཟ་འོག་སྔོ་བཀྲའི་བེར་ཆེན་གསོལ༔ གཡས་ན་རལ་གྲི་སྐུ་འབྱམས་བསྣམས༔ གཡོན་ན་བསེ་སྟན་དཀར་པོ་བསྣམས༔ ཆིབས་སུ་རྟ་དཀར་འཕྲུལ་དམར་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་ཐེའུ་རང་སྟོང་སྡེ་ཕོ་ཉར་འགྱེད༔ གཡོན་ནས་ཐེའུ་རང་སྤུན་དགུ་ལས་ལ་འཛུད༔ འཁོར་དུ་སྣང་སྲིད་ཐེའུ་རང་ཡོངས་ཀྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཏྲི་ལས་བསྐྱེད༔ ཐ་མ་བསྡུས་ཀྱང་ཡི་གེ་ཏྲི་ལ་བསྡུས༔ ཏྲི་པ་ཤ་ལི་ཏྲི་ཞེས་པ༔ ཐེའུ་རང་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ བཙན་འགོང་ཡམ་ཤུད་དམར་པོ་ནི༔ བཙན་རྣམས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཏྲི་ལས་སྐུ་བསྐྱེད་པ༔ བཙན་འགོང་དམར་པོ་སྲོག་གི་བདུད༔ སྐུ་ལ་ལྗང་དམར་ཟབ་སླག་གསོལ༔ དབུ་ལ་ཟངས་རྨོག་དམར་པོ་

[Full Size]

གསོལ༔ ཟངས་ཞགས་གཡས་ལ་ཤང་ལང་གཡོན༔ ཆིབས་སུ་ཟངས་རྟ་དམར་པོ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་འགོང་པོ་སྤུན་དགུ་ཕོ་ཉར་འགྱེད༔ གཡོན་ནས་བཙན་འགོང་སྤུན་དགུ་ལས་ལ་འཛུད༔ འཁོར་དུ་སྣང་སྲིད་འགོང་པོས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཏྲི་ལས་བསྐྱེད༔ ཐ་མ་བསྡུས་ཀྱང་ཡི་གེ་ཏྲི་ལ་བསྡུས༔ ཧཾ་ཤཾ་ཏྲི་ཞེས་བྱ་བ་ནི༔ འགོང་པོ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ བགེགས་རྒྱལ་བྱི་ནཱ་ཡ་ཀ་ནི༔ བགེགས་རྣམས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཨུ་ལས་སྐུ་བསྐྱེད་པ༔ སྐུ་མདོག་མཐིང་ནག་འབར་བ་ལ༔ ན་བཟའ་མཐིང་ནག་བེར་ཆེན་གསོལ༔ ཕྱག་གཡས་རྩེ་གསུམ་འབར་བ་བསྣམས༔ གཡོན་པས་ཐོད་ཁྲག་དགྲ་ལ་འཕེན༔ ཆིབས་སུ་བདུད་རྟ་ནག་པོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་རྒྱལ་པོ་སྡེ་བཞི་ཕོ་ཉར་འགྱེད༔ གཡོན་ནས་ཕྱོགས་སྐྱོང་བཅུ་པོ་ལས་ལ་འཛུད༔ འཁོར་དུ་སྣང་སྲིད་བགེགས་ཀྱིས་བསྐོར༔ ཁྱེད་ཀྱི་སྲོག་སྙིང་

[Full Size]

ང་ལ་ཡོད༔ དང་པོ་བསྐྱེད་ཀྱང་ཡི་གེ་ཨུ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཨུ་ལ་བསྡུས༔ བྱི་ནཱ་ཡ་ཀ་ཨུ་ཞེས་པ༔ བགེགས་རྣམས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ དཔལ་ལྡན་ནག་མོ་མགྱོགས་བྱེད་ནི༔ མཁའ་འགྲོ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་མཾ་ལས་སྐུ་བསྐྱེད་པ༔ སྐུ་མདོག་ནག་མོ་འབར་བ་ལ༔ ན་བཟའ་མཐིང་ནག་གོ་ཟུ་གསོལ་ཕྱག་ན་མི་ཡི་རྒྱུ་ཞགས་བསྣམས༔ གཡོན་ན་མཚོན་གྱི་གྲུ་གུ་འཐུལ༔ ཆིབས་སུ་སོ་བྱ་རོག་པོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་མཁའ་འགྲོ་སྡེ་བཞི་ཕོ་ཉར་འགྱེད༔ གཡོན་ནས་མཁའ་འགྲོ་འབུམ་ཕྲག་ལས་ལ་འཛུད༔ འཁོར་དུ་སྣང་སྲིད་ཕོ་ཉས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་མཾ་ལས་བསྐྱེད༔ ཐ་མ་བསྡུས་ཀྱང་ཡི་གེ་མཾ་ལ་བསྡུས༔ ཌཱཀྐི་ནི་མཾ་ཞེས་བྱ་ནི༔ མཁའ་འགྲོ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ ཀླུ་བདུད་ནག་པོ་མགོ་དགུ་ནི༔ ཀླུ་རྣམས་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་

[Full Size]

ཤིག༔ ཡི་གེ་ཕུ་ལས་སྐུ་བསྐྱེད་པ༔ གདུག་པ་ཀླུ་ཡི་རྒྱལ་པོ་ནི༔ སྐུ་སྟོད་མི་ལ་སྐུ་སྨད་སྦྲུལ༔ སྐུ་མདོག་དུད་ཁ་ནག་པོ་ལ༔ ཚ་བའི་འབུ་སྲིན་ཉི་ལི་ལི༔ གཡས་ན་འབུ་སྲིན་ཞ་ལ་ལ༔ གཡོན་པས་ནད་ཀྱི་རྐྱལ་པ་འཕེན༔ ཆིབས་སུ་ཆུ་སྲིན་ནག་པོ་ཆིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་ཀླུ་ཆེན་བརྒྱད་པོ་ཕོ་ཉར་འགྱེད༔ གཡོན་ནས་ཀླུ་རིགས་མང་པོ་ལས་ལ་འཛུད༔ ཀླུ་སྦྲུལ་ནག་པོ་རྒྱངས་སེ་རྒྱང་༔ སྦལ་ལྕང་མང་པོ་ཉོ་རེ་རེ༔ མཐོང་དང་རེག་པ་བསམ་པ་དང་༔ ཁ་རླངས་དུག་གིས་དགྲ་བོ་བསྒྲལ༔ རྒྱལ་རིགས་རྗེ་རིགས་བྲམ་ཟེ་དང་༔ དམངས་རིགས་གདོལ་པ་ཧ་ལ་པ༔ གདུག་པ་ཀླུ་ཡི་འཁོར་གྱིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཕུ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཕུ་ལ་བསྡུས༔ ནཱ་ག་ཕུ་ཞེས་བྱ་བ་ནི༔ ཀླུ་རྣམས་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ ཀླུ་ཡི་མ་ཆེན་ནག་མོ་ནི༔ ཀླུ་མོ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཕུ་ལས་སྐུ་བསྐྱེད་པ༔ སྐུ་མདོག་དུད་ཁ་ནག་མོ་

[Full Size]

ལ༔ སྐུ་ལ་སྦྲུལ་གྱི་ཐུལ་པ་གསོལ༔ སྦྲུལ་གྱི་རལ་པའི་སྐྲ་གསེབ་ནས༔ མཛེ་དང་ཤུ་བའི་ཚྭ་ཚྭ་འཕྲོ༔ སྦལ་ལྕོང་ཉ་ལྕོང་ཐ་ར་ར༔ གཡས་ན་སྦྲུལ་གྱི་ཞགས་པ་བསྣམས༔ གཡོན་ན་ནད་ཀྱི་རྐྱལ་པ་བསྣམས༔ ཆིབས་སུ་རུས་སྦལ་ནག་པོ་བཅིབས༔ ཁྱོད་ཀྱིས་ཆོ་འཕྲུལ་སྟོན་པ་ནི༔ གཡས་ནས་ཀླུ་མོ་མང་པོ་ཕོ་ཉར་འགྱེད༔ གཡོན་ནས་ཀླུ་ལྕམ་མང་པོ་ལས་ལ་འཛུད༔ འཁོར་དུ་སྣང་སྲིད་ཀླུ་ཡིས་བསྐོར༔ ཁྱེད་ཀྱི་སྲོག་སྙིང་ང་ལ་ཡོད༔ དང་པོ་བསྐྱེད་ཀྱང་ཡི་གེ་ཕུ་ལས་བསྐྱེད༔ ཐ་མ་བསྡུས་ཀྱང་ཡི་གེ་ཕུ་ལ་བསྡུས། ནཱ་ག་ཀྲོ་ཏི་ཤྭ་རི་ཕུ་ཞེས་པ༔ ཀླུ་མོ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོས་ཐུགས་དམ་རྒྱུད་བསྐུལ་ལོ༔ ༈ འཁོར་དང་བཅས་པ་འདིར་སྤྱོན་ཅིག༔ མཐུན་པའི་དམ་རྫས་འདི་བཞེས་ལ༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་དུ་གསོལ༔ རྣལ་འབྱོར་སྐུ་དགྲ་འདུལ་དུ་གསོལ༔ འགྲས་པའི་དགྲ་བོ་བསྒྲལ་དུ་གསོལ༔ མདོས་ཀྱི་དུས་སུ༔ སྲིད་པའི་མདོས་ཀྱིས་ཐུགས་དམ་བསྐང་༔ མདོས་དང་གླུད་འབུལ་དལ་ཁ་ཆིངས༔ མདོས་དང་གླུད་འབུལ་རིམས་ཁ་ཆོད༔ ཕོ་བདུད་དལ་ཁ་

[Full Size]

གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུ་སྤྱི་བདུད་དལ་ཁ་མཁའ་ལ་སྒྱུར༔ ཅེས་སྦྱར་བར་བྱའོ༔ ལས་གང་འདོད་ཤམ་བུར་བཏགས་སོ༔ དམ་ཉམས་དགྲ་ལ་སེར་བ་ཕོབ༔ དམ་ཉམས་དགྲ་ལ་ཐོག་ཆེན་ཕོབ༔ དམ་ཉམས་དགྲ་ལ་ལྟས་ངན་ཕོབ༔ མཐུན་པའི་དམ་རྫས་ཐུགས་དམ་བསྐང་༔ ཁྱེད་ཀྱིས་ཐུགས་དམ་གཉན་བསྐང་བས༔ བདག་གི་གཡར་དམ་སོར་སྩོལ་ཅིག༔ ཅེས་སྦྱར༔ སྔགས་བདག་ལྷ་སྲིན་སྡེ་བརྒྱད་ཀྱི་བསྐུལ་པ་རྫོགས་སོ༔ རྒྱ་རྒྱ་རྒྱ༔ ས་མ་ཡ༔ གུ་ཧྱ༔ བརྡ་ཡིག༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

འགྲེས་བྱང་།

[Full Size]

འཁོར་དང་བཅས་པ་འདིར་བྱོན་ཅིག༔ མཐུན་པའི་དམ་རྫས་འདི་བཞེས་ལ༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་དུ་གསོལ༔ རྣལ་འབྱོར་སྐུ་དགྲ་འདུལ་དུ་གསོལ༔ འགྲས་པའི་དགྲ་བོ་བསྒྲལ་དུ་གསོལ༔ སྨན་རཀ་གཏོར་མས་སྣང་སྲིད་མདོས་ཀྱིས་ཐུགས་དམ་བསྐང་༔ སྨན་རཀ་གཏོར་་་མདོས་དང་གླུད། འབུལ་དལ་ཁ་ཆིངས༔ སྨན་རཀ་གཏོར་མདོས་དང་གླུད། འབུལ་རིམས་ཁ་ཆོད༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུརཿ༔ དམ་ཉམས་དགྲ་ལ་ནང་འཁྲུག་ཐོངས༔ དམ་ཉམས་དགྲ་ལ་ཐོག་ཆེན་ཕོབ༔ དམ་ཉམས་དགྲ་ལ་ལྟས་ངན་ཕོབ༔ མཐུན་པའི་དམ་རྫས་སྣང་སྲིད་མདོས་ཀྱིས་ཐུགས་དམ་བསྐང་༔ ཁྱེད་ཀྱི་ཐུགས་དམ་གཉན་བསྐངས་ནས༔ བདག་གིས་གཡར་དམ་སོར་སྩོལ་ཅིག༔ ༈ འཁོར་དང་བཅས་པ་འདིར་བྱོན་ཅིག༔ མཐུན་པའི་དམ་རྫས་འདི་བཞེས་ལ༔ ད་ལྟ་ཉིད་དུ་དགྲ་ལ་ཆོས༔ བཙན་པོའི་གོ་གྱོན་རྣོ་མཚོན་རྡོར༔ མགྱོགས་པའི་རྟ་ཞོན་མྱུར་བར་རྒྱུགས༔ གྲོས་ངན་བློ་ངན་མགོ་བསྐོར་དང་༔ དགྲ་དང་

[Full Size]

དམག་ཇག་ཤོམས་པ་རྣམས༔ ཁྱོད་ཀྱིས་ཤོལ་ཐོབ་བསམ་ངན་བསྒྱུར༔ དགྲ་སྣ་དམག་སྣ་ཇག་སྣ་ཟློག༔ ཁ་ཡོག་གྱུར་དང་མི་ཁ་ཟློག༔ རྒྱལ་པོའི་བཀའ་ཆད་བཙོན་སྣ་བཟློག༔ དུག་མཚོན་ངན་པའི་སྦྱོར་བ་ཟློག༔ ད་དགྲ་ཐད་དུ་ལངས་བ་དང་༔ ཕྱིན་ཆད་གནོད་པར་འགྱུར་པའི་དགྲ་གང་ཡིན་ཐམས་ཅད་ཁྱོད་ཀྱིས་ཤེས་དྲེགས་ཆེན་ཁྱོད་ཀྱིས་ཟས་སྐལ་གྱིས༔ གཏད་དོ་ལས་བཅོལ་མཐུ་མ་ཆུང་༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་དགོས་པའི་ཆེད་དུ་རཱ་ག་ཨ་སྱས་སྦྱར་བའོ༔ ༔ ༧ ཁམས་སྟོདནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དྲེགས་པའི་སྡེ་དཔོན་སུམ་ཅུའི་གསོལ་མཆོད།

[Full Size]

དྲེགས་པའི་སྡེ་དཔོན་སུམ་ཅུའི་གསོལ་མཆོད་བཞུགས་སོ༔ ན་མོ་བཛྲ་ཀྲོ་དྷ་ཡ༔ འདིར་སྒྲུབ་པ་བཀའ་བརྒྱད་ཀྱི་བཀའ་སྲུང་དྲེགས་པའི་སྡེ་དཔོན་སུམ་ཅུའི་གསོལ་མཆོད་བྱ་བར་འདོད་ན་སྣོད་གཙང་མར་དཔལ་བཤོས་འཁོར་སུམ་ཅུ་ལ་མཐེབ་སྐྱུས་བསྐོར་བ༔ ཤ་ཁྲག་སོགས་བཟའ་བཅའ་སྣ་ཚོགས་པས་བརྒྱན་པར་བཤམས་ལ༔ རང་ཉིད་དཔལ་ཆེན་པོར་བསྒོམས་པས་གཏོར་མ་བསང་སྦྱང་བྱིན་བརླབས་ལ༔ རང་ཉིད་དཔལ་ཆེན་པོར་གསལ་བའི་ཐུགས་ཀའི་ཧཱུཾ་གི་འོད་ཟེར་གྱིས་དྲེགས་པའི་སྡེ་དཔོན་སུམ་ཅུ་འཁོར་དང་བཅས་པ་སྤྱན་དྲངས་པར་བསམ་ལ་གསུར་ཆེན་གྱི་དུད་པ་དང་མི་རྐང་གི་གླིང་བུའི་སྒྲས་མཚོན་པས་སྤྱན་དྲངས་པ་ནི༔ ཧཱུྃ༔ སྔོན་ཚེ་དཔལ་ཆེན་ཧེ་རུ་ཀའི༔ སྤྱན་སྔར་ཁས་བླངས་དམ་བཅས་པའི༔ དྲེགས་པའི་སྡེ་དཔོན་སུམ་ཅུ་པོ༔ སོ་སོའི་བཀའ་ཉན་ཕོ་ཉར་བཅས༔ དམ་ཚིག་གནས་འདིར་སྤྱན་འདྲེན་གྱིས༔ མ་ཐོག་རེངས་པའི་ཚུལ་གྱིས་ནི༔ ཕྲིན་ལས་མཛད་ཕྱིར་གཤེགས་སུ་གསོལ༔ ཨོཾ་བཛྲ་སརྦ་དུཥཱན་ཨེ་ཛ་བྷྱོ༔ ས་པ་རི་ཝཱ་ར་ཨེ་ཧྱ་ཧི༔ ཞེས་པའི་སྤྱན་འདྲེན་དང་སྔགས་ཀྱི་མཐར་ཨནྡྷཾ་སོགས་ཀྱི་མཐར་མཆོད་སྤྲིན་སྨན་རཀ་གཏོར་གསུམ་བསྟབ་བོ༔ རྩ་སྔགས་ལ་གཏོར་སྔགས་བཏགས་པ་གསུམ་གྱིས་གཏོར་མ་འབུལ། མ་ཧཱ་དེ་ཝཱ་ཨེ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་

[Full Size]

ཧི༔ ཨུ་མ་དེ་ཝ་ཨུ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཡ་མ་ཀེ་ཏ་ཡ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཡ་མ་དུནྟི་ཡ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ མ་མ་རུ་ལུ་མ༔ ཨ་མྲྀཏ་རཀྟ་བ་ལིཾ་ཏ་ཁཱ་ཧི༔ ཨེ་ཀ་ཙ་ཏི་ཏྲག༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ དུ་ཁྲག་དུ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ དུན་ཏིང་དུ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ རཱ་ཙ་རཱ་ཙ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ གིང་ཀ་ར་ཏྲི༔ ཨ་མི་ཏ་རཀྟ་བ་ལིཾ་ཏ་ཁཱ་ཧི༔ བཛྲ་སཱ་དྷུ་ཏཱི༔ ཨ་མི་ཏ་རཀྟ་བ་ལིཾ་ཏ་ཁཱ་ཧི༔ རཱ་ཧུ་ལ་ས༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ རཀཱ་ར༔ ཨ་མི་ཏ་རཀྟ་བ་ལིཾ་ཏ་ཁཱ་ཧི༔ རཀྟ་མོ་ར༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཡཀྵ་མོ་ཀྵ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ མ་ཧཱ་ཀཱ་ལ་ཏྲི༔ ཨ་མྲྀ་ཏ་རཀྟ་བ་ལྀ་ཏ་ཁཱ་ཧི༔ རུ་ཏྲ་ནི༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ མུན་པ་མུན༔ ཨ་མི་ཏ་རཀྟ་བ་ལིཾ་ཏ་ཁཱ་ཧི༔ ཏིར་ཏི་ཀ་ཐ༔ ཨ་མྲི་ཏ་རཀྟ་བ་ལིཾ་ཏ་ཁཱ་ཧི༔ དྷེ་ཝ་ཨ༔ ཨ་མི་ཏ་རཀྟ་བ་ལིཾ་ཏ་ཁཱ་ཧི༔ ཨ་ས་ལེ་ཨ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཏིག་སྣ་འདྲེ་རུམ་ཙམ༔ ཨ་མྲྀ་ཏ་རཀྟ་བ་ལི་ཏ་ཁཱ་ཧི༔ ཨ་བྷི་ཀཱ་ཛ༔ ཨ་མྲྀ་ཏ་རཀྟ་བ་ལི་ཏ་ཁཱ་ཧི༔ ཏྲི་པ་

[Full Size]

ཤི་ལིང་ཏཱི༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཧཾ་ཤམ་ཏྲི༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ བི་ན་ཡ་ཀ་ཨུ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཌཱཀི་ནི་མཾ༔ ཨ་མི་ཏ་རཀྟ་བ་ལི་ཏ་ཁཱ་ཧི༔ ན་ག་ཕུ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ནཱ་ག་ཀྲོ་ཏི་ཤ་རི་ཕུ༔ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཅེས་ཨ་རཱ་གས་སོ།། །།འདི་མན་གཏེར་གཞུང་ངོ་། མཐུ་སྟོབས་ཀྱི་དབང་ཕྱུག་དྲེགས་པའི་སྡེ་དཔོན་སུམ་ཅུ་འཁོར་དང་བཅས་པ་རྣམས་ཀྱི་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ༔ སངས་རྒྱས་ཀྱི་བསྟན་པ་སྲུངས༔ དཀོན་མཆོག་གི་དབུ་འཕང་བསྟོད༔ དགེ་འདུན་དང་ཆོས་ཀྱི་རྒྱལ་སྲིད་སྐྱོངས༔ འཇིག་རྟེན་གྱི་རྒུད་པ་སོལ༔ སེམས་ཅན་གྱི་ཕན་བདེ་སྤེལ༔ རྣལ་འབྱོར་པ་རྣམས་ཀྱི་སྡོང་གྲོགས་མཛོད༔ སྔགས་འཆང་པ་རྣམས་ཀྱི་ཕྲིན་ལས་སྒྲུབས༔ སྡང་བའི་དགྲ་ཐུལ༔ གནོད་པའི་བགེགས་ཆོམས༔ ཁྱད་པར་དམ་ཚིག་འདིར་འདུས་པ་རྣམས་ཀྱི་ཕྱི་ནང་གསང་བའི་འགལ་རྐྱེན་ཞི་བ་དང་༔ མཐུན་རྐྱེན་མོས་པའི་ལེགས་ཚོགས་ཐམས་ཅད་འཕེལ་ཞིང་རྒྱས་པ་དང་༔ མཆོག་དང་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་ཕྲིན་ལས་

[Full Size]

མཛོད་ཅིག༔ བསྟོད་པ་ནི༔ ཧཱུྃ༔ བདེ་གཤེགས་བཀའ་ཡི་བསྟན་པ་བསྲུང་བའི་ཕྱིར༔ ངང་ཉིད་ཆོས་ཀྱི་དབྱིངས་ལས་མ་གཡོས་ཀྱང་༔ གཟུགས་སྐུ་དྲེགས་པའི་ཚུལ་དུ་སྐུར་སྟོན་པ༔ མཐུ་ཆེན་སྡེ་དཔོན་སུམ་ཅུའི་ཚོགས་ལ་བསྟོད༔ དབང་ཕྱུག་ཨུ་མ་གཤིན་རྗེ་གསོད་བྱེད་ནག༔ སྲིད་རྒྱལ་རལ་གཅིག་སྐོས་རྗེ་རེ་མ་ཏི༔ པེ་ཧར་ཚངས་པ་ལྷ་དང་རཱ་ཧུ་ལ༔ གློག་ཕྲེང་ཁྲག་མིག་མེ་དབལ་མགོན་པོ་ནག༔ མ་ཧཱ་ཀཱ་ལ་རྡོ་རྗེ་བདུད་འདུལ་ཆེ༔ ནག་པོ་བཀྲག་མེད་ཀ་ལ་ཡཀྟ་དང་༔ ཤམ་པོ་ཐོག་གི་བུ་ཡུག་གུ་རུམ་རྩེ༔ བྲག་བཙན་གནམ་ཐིལ་ཡམ་ཤུད་བི་ན་ཡ༔ ནག་མོ་མགྱོགས་བྱེད་ཀླུ་བདུད་ཡཀྵ་ནག༔ སྡེ་དཔོན་སུམ་ཅུ་རང་རང་ཕོ་ཉར་བཅས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ འདོད་པའི་འབྲས་བུ་མྱུར་དུ་མཆིས་པར་མཛོད༔ ཅེས་གཏོར་ཞིང་ཕྲིན་བཅོལ༔ གཙྪ༔ གཏོར་མགྲོན་རང་གནས་སུ་གཤེགས༔ གཏོར་མ་གཙང་སར་འབུལ༔ ཞེས་པའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མདོས་ཐབས་སུ་བཅའ་བའི་ཁ་བཀང་གི་འཕྱང་ཤིན་ཏུ་བསྡུས་པ།

[Full Size]

མདོས་གཞུང་ཁ་བཀང་ངོ་༔ བཀའ་བརྒྱད་ཁྲོ་བོ་རོལ་པ་མདོས་ཐབས་སུ་བཅའ་བའི་ཁ་བཀང་གི་འཕྱང་ཤིན་ཏུ་བསྡུས་པ་སྟེ་མདོས་སྤྱིའི་འཕྱངས་ཆེན་པོ་ནས་བསྡུས་པའོ༔ མདོས་ཐབས་འདིའི་གཞུང་ནི་ཕོ་ཉ་སྒོས་བསྐུལ་རྒྱས་པ་ལ་ཚིག་ཅུང་ཟད་བསྒྱུར་བ་དང་སྡེ་དཔོན་སུམ་ཅུའི་གསོལ་ཁ་ཆེན་པོ་དང་༔ ཁྲམ་མདོས་ཀྱི་གཞུང་ཆེན་གསུམ་ཡིན་ལ༔ དེ་ལ་ཟློག་གཞུང་སྨུག་ནག་མ་དང་༔ ཁྲོ་བོ་རོལ་པ་གཉིས་རེས་མོས་སུ་བྱ་ཞིང་༔ གཞན་འགྲིག་ཆོག་ལྟར་བསྡུས་པ་དེས་འཐུས་སོ༔

[Full Size]

དཔལ་ཆེན་ཧེ་རུ་ཀ་ལ་ཕྱག་འཚལ་ལོ༔ དཔལ་གསང་བ་འདུས་པའི་རྒྱུད་ཀྱི་རྒྱལ་པོ་ལས༔ སྟོན་པ་ཆེན་པོས་བཀའ་སྩལ་པ༔ འགྲོ་ཕན་བྱང་སེམས་ཅན་རྣམས་ཉོན༔ རྣལ་འབྱོར་དམ་ཉམས་མཁའ་འགྲོ་འཁྲུགས༔ དེ་དག་མདོས་ཀྱི་བསྐང་ཕྱིར་དང་༔ ཉམས་ཆག་གསོ་དང་མཚོན་འཁྲུག་གཅོད༔ ནད་གདོན་གནོད་པ་ཞི་བྱེད་ཅིང་༔ ཚེ་དང་ལོངས་སྤྱོད་བསོད་ནམས་སྤེལ༔ སྣང་བ་དབང་སྡུད་དགྲ་བགེགས་སྒྲོལ༔ དམ་ཅན་ཀུན་འགྲུབ་ཕུར་ཁ་ཟློག༔ རྟོགས་ཚོགས་ལྷ་རུ་ངོ་སྤྲོད་ཅིང་༔ བླ་མེད་འབྲས་བུ་འཐོབ་བྱའི་ཕྱིར༔ ཡོངས་རྫོགས་གླིང་བཞི་སྤྱི་མདོས་བཤད༔ ཅེས་གསུངས་པའི་དོན༔ ཉང་གི་གཏེར་ཁ་ནས་གླིང་བཞི་མདོས་ཀྱི་བསྐང་བ་རྩ་བ་དང་འགྲེལ་པ༔ ཆོས་དབང་གཏེར་ཁ་ནས་ཡོངས་རྫོགས་གླིང་བཞི་སྲིད་

[Full Size]

པའི་སྤྱི་མདོས་འབྱུང་བ་ནི་ལོགས་སུ་ཤེས་ལ༔ འདིར་ཁྲོ་བོ་རོལ་པའི་གཏོར་ཟློག་ཆེན་པོ་ཉིད་མདོས་ཐབས་སུ་བཅའ་ན༔ འཕྱངས་འགའ་ཞིག་གཞན་ནས་ཁ་བཀང་དགོས་པ་ལས༔ མདངས་བསྐང་རྒྱས་པའམ་བསྐང་བའི་རྗེས་ནས་འདི་འདོན་པས་འཐུས་སོ༔ དེ་ཡང་འདི་གཙོ་བོ་ཡེ་ཤེས་པ་ཆེ་མཆོག་དཔལ་དགུ་ཡིན་པས་འཕར་ནོན་སོགས་ཀྱི་འཕྱངས་ཕལ་ཆེར་ནི་མི་དགོས་ལ༔ འདི་ཟློག་མདོས་གཙོ་བོ་ཡིན་པས་བསྐང་བའི་འཕྱངས་རྒྱུན་འབུལ་སོགས་ཀྱང་མི་དགོས་སོ༔ འོན་ཀྱང་ཟློག་མདོས་ལ་བསྐང་མདོས་ཀྱི་ཁ་སབ་པ་ཡིན་པར་འདུག་པས་བཅའ་ཚོགས་ལ་ཡོད་པའི་རི་རབ་ནམ་མཁའ་ཤིང་རིས་རྒྱང་བུ་ཕོ་ཐོང་མོ་ཐོང་སོགས་འདི་ཙམ་མེད་ཐབས་མེད་པས་སོ༔ ནད་སྤྲིན་གདོན་ཐག་སོགས་ཀྱང་འདི་ལ་མི་དགོས་སོ་ཧཱུྃ་ཁྲོ་བོ་རོལ་པའི་

[Full Size]

རྔ་བརྡུངས་པས༔ སྲུང་མ་བསྐུལ་བའི་རྔ་བརྡུང་ངོ་༔ མ་མོ་འབོད་པའི་རྔ་བརྡུང་ངོ་༔ དགྲ་བགེགས་འདུལ་བའི་རྔ་བརྡུང་ངོ་༔ དཔལ་ཆེན་དབྱིངས་ནས་བསྐུལ་བ་ཡིས༔ རྔ་ནི་བསྲིང་ཞིང་བསྲིང་ཞིང་རྡུང་༔ མ་མོ་མཁའ་འགྲོ་འབོད་པའི་རྔ་ནི་འདུར་ཞིང་འདུར་ཞིང་རྡུང་༔ སྲུང་མ་དམ་ཅན་བསྐུལ་བ་ཡིས༔ རྔ་ནི་འཆམས་ཤིང་འཚམས་ཤིང་རྡུང་༔ འདུས་ཤིག་དཔལ་ཆེན་དམ་ལ་འདུས་ཆོས་སྐྱོང་སྲུང་མ་མ་གཡེལ་ཅིག༔ རྒྱབ་རྟེན་རྣམས་ཀྱང་མ་གཡེལ་ཅིག༔ འགྲོ་བའི་དོན་ལ་གཤེགས་སུ་གསོལ༔ ཧཱུྃ༔ ཡོངས་རྫོགས་སྲུང་མ་གཉན་པོ་ཀུན༔ གངས་ཀྱི་སེང་ལྕམ་དཀར་མོ་བཞིན༔ མཆོངས་ཤིང་མཆོངས་ཤིང་མདོས་ལ་བྱོན༔ ནགས་ཀྱི་སྟག་མོ་གྲུས་མ་བཞིན༔ ངར་ཞིང་ངར་ཞིང་མདོས་ལ་བྱོན༔ བྱང་ཐང་འབྲོང་བུ་དར་མ་བཞིན༔ རྒྱུག་ཅིང་རྒྱུག་ཅིང་མདོས་ལ་བྱོན༔ དགུང་སྔོན་གཡུ་འབྲུག་སྔོན་མོ་བཞིན་ལྡིར་ཞིང་ལྡིར་ཞིང་མདོས་ལ་བྱོན༔ བར་སྣང་གློག་ལྕམ་འཕར་མ་བཞིན༔ འཁྱུག་ཅིང་འཁྱུག་ཅིང་མདོས་ལ་བྱོན༔ བྱ་རྒྱལ་ཐང་དཀར་རྒོད་པོ་བཞིན༔ འཕུར་ཞིང་འཕུར་ཞིང་མདོས་ལ་བྱོན༔ ནགས་གསེབ་དོམ་

[Full Size]

བུ་ཐུགས་དཀར་བཞིན༔ རྒྱུག་ཅིང་འདྲལ་ཞིང་མདོས་ལ་བྱོན༔ དགྲ་བགེགས་རྩད་ནས་གཅོད་ཕྱིར་བྱོན༔ བར་ཆད་འབྱུང་པོ་འདུལ་ཕྱིར་བྱོན༔ སྔགས་འཆང་བདག་གི་རྒྱབ་རྟེན་མཛོད༔ དངོས་གྲུབ་རྣམ་གཉིས་བསྩལ་དུ་གསོལ༔ ཙན་དན་དཀར་དམར་ཨ་ག་རུ༔ ག་པུར་གུར་གུམ་དུ་རུ་ཀ༔ ཛཱ་ཏི་སྤང་སྤོས་གླ་རྩི་དང་༔ ལྷོ་སྤོས་རྒྱ་སྤོས་དྲི་ཞིམ་ཚོགས༔ བལྟམས་ནས་མདོས་བདག་སྤྱན་འདྲེན་ནོ༔ སྒྲུབ་པ་བཀའ་བརྒྱད་ལྷ་ཡི་ཚོགས༔ བཀའ་སྲུང་ཕོ་ཉ་ཡོངས་རྫོགས་དང་༔ སྡེ་དཔོན་སུམ་ཅུ་སྡེ་འཁོར་བཅས༔ སྔགས་བདག་དྲེགས་ཆེན་བཅོ་བརྒྱད་སོགས༔ སྣང་སྲིད་ལྷ་འདྲེ་མ་ལུས་པ༔ གཉེན་པོའི་མདོས་ལ་གཤེགས་སུ་གསོལ༔ ཨེ་ཧྱ་ཧི་ཛཧཱུྃ་བཾ་ཧོ༔ ས་མ་ཡ་ཛ༔ ཧཱུྃ༔ དང་པོ་མདོས་བྱུང་གང་ནས་བྱུང་༔ ལྷ་བུ་ནོར་བུ་དྲི་མེད་བསྙུངས༔ ལྷ་སྲས་ཚངས་པ་གཙུག་ཕུད་བཀུག༔ མཐུན་རྫས་མདོས་ཀྱིས་བསྐངས་པས་སོས༔ དེ་ནས་མདོས་བྱུང་གང་ནས་བྱུང་༔ རྒྱལ་པོ་འཁོར་ལོ་དྲུག་པ་བསྙུངས༔ སློབ་དཔོན་དགའ་རབ་རྡོ་རྗེ་བཀུག༔ མཐུན་རྫས་མདོས་ཀྱིས་བསྐངས་པས་སོས༔ དེ་ནས་མདོས་བྱུང་གང་

[Full Size]

ནས་བྱུང་༔ རྒྱལ་པོ་གྲགས་པ་མཐའ་ཡས་བསྙུངས༔ སློབ་དཔོན་ཀླུ་སྒྲུབ་སྙིང་པོ་བཀུག༔ མཐུན་རྫས་མདོས་ཀྱིས་བསྐངས་པས་སོས༔ དེ་ནས་མདོས་བྱུང་གང་ནས་བྱུང་༔ རྒྱལ་པོ་ཁྲི་སྲོང་ལྡེའུ་བཙན་བསྙུངས༔ སློབ་དཔོན་པདྨ་འབྱུང་གནས་བཀུག་མཐུན་རྫས་མདོས་ཀྱིས་བསྐངས་པས་སོས༔ སྔོན་བྱུང་སྲིད་པ་དེ་བཞིན་དུ༔ ད་ལྟ་རྒྱུ་སྦྱོར་ཡོན་བདག་གིས༔ སྔགས་འཆང་རྣལ་འབྱོར་བདག་ཅག་བཀུག་མཐུན་རྫས་མདོས་ཆེན་འདི་བཤམས་པས༔ བཀའ་བརྒྱད་ལྷ་ཚོགས་ཐུགས་དམ་བསྐང་༔ ཕོ་ཉ་ཡོངས་རྫོགས་ཐམས་ཅད་མཆོད༔ སྣང་སྲིད་ལྷ་འདྲེ་མཉེས་གྱུར་ཅིག༔ ནད་གདོན་བར་ཆད་ཞི་བ་དང་༔ ཚེ་དང་ལོངས་སྤྱོད་འཕེལ་བ་དང་༔ བསམ་པ་ཡིད་བཞིན་འགྲུབ་གྱུར་ཅིག༔ ཨོ་ཧཱུྃ་ཧཱུྃ་ཧིཨཱ༔ ཨོཾ་ལས་འདོད་པའི་ཡོན་ཏན་ལྔ༔ ཧཱུྃ་ལས་ངོ་མཚར་གཞལ་ཡས་ཁང་༔ ཧཱུྃ་ལས་སྣ་ཚོགས་རིན་པོ་ཆེ༔ ཧཱུྃལས་གསུང་དབྱངས་དྲུག་ཅུ་སྟེ༔ ཨཱལས་ཅི་འདོད་ཕུན་སུམ་ཚོགས༔ བཅོམ་ལྡན་ཆེ་མཆོག་གཙོ་བོ་དགུ༔ ལྷ་ཚོགས་བདུན་བརྒྱ་ཉི་ཤུ་དང་༔ བཀའ་སྲུང་ཕོ་ཉ་ཡོངས་རྫོགས་བཅས༔ ཁྱད་པར་དྲེགས་ཆེན་བཅོ་བརྒྱད་དང་༔ སྡེ་

[Full Size]

དཔོན་སུམ་ཅུ་འཁོར་དང་བཅས༔ སྣང་སྲིད་ལྷ་འདྲེ་ཐམས་ཅད་ཀྱིས༔ སོ་སོར་འདོད་པ་ཚིམས་གྱུར་ཅིག༔ ཐུགས་དམ་གཉན་པོ་བསྐང་བ་དང་༔ རྐྱེན་ངན་བར་ཆད་བཟློག་ཏུ་གསོལ༔ ཧཱུཾ་རཾ་ཡཾ་ཁཾ་ཨཱ་ཧཱུཾ་གྱིས༔ འཕྲོ་འདུས་འདོད་དགུར་བྱིན་གྱིས་རློབས༔ རི་རབ་གླིང་བཞི་བཟང་པོར་བཤམས༔ རིན་ཆེན་སྣ་ལྔའི་རྒྱུ་ལས་ནི༔ རི་རབ་གྲུ་བཞི་བང་རིམ་བརྩེགས༔ ལྷུན་སྡུག་གི་ཟི་བརྗིད་ཡིད་འོང་ལྡན༔ ལྕོག་བརྒྱད་ཚལ་བཞི་དཔག་བསམ་ཤིང་༔ གསེར་གྱི་རི་བདུན་རོལ་མཚོས་བསྐོར༔ ཉི་ཟླ་གཟའ་སྐར་ཚོགས་ཀྱིས་བཀྲ༔ གླིང་ཆེན་བཞི་དང་གླིང་ཕྲན་བརྒྱད༔ ཐ་མ་ལྕགས་རི་མུ་ཁྱུད་བསྐོར༔ འདོད་ཡོན་སྣ་ཚོགས་འབྱུང་བའི་གནས༔ བདེ་ཞིང་ཉམས་དགའ་རྒྱས་པའི་ས༔ བཀོད་ལེགས་བདེ་བ་ཅན་ལྟ་བུ༔ འདུས་པ་ཐམས་ཅད་བརྟེན་པའི་གཞི༔ རིན་ཆེན་རི་རབ་རྒྱན་ལྡན་འདི༔ གཅིག་ལ་བྱེ་བ་བརྒྱ་སྟོང་འཕྲོ༔ སྣང་སྲིད་མདོས་སུ་བྱིན་གྱིས་རློབས༔ མདོས་ཀྱི་མཚན་མ་ལ་བརྟེན་ནས༔ ཡེ་ཤེས་ལྷ་རྣམས་དོན་གྱིས་བསྐང་༔ གཉིས་སུ་མེད་པར་ཐུགས་དམ་བསྐང་༔ ལས་ཀྱི་ལྷ་རྣམས་རྫས་ཀྱིས་བསྐང་༔

[Full Size]

བཀའ་བརྒྱད་ཕོ་ཉ་ཡོངས་རྫོགས་དང་༔ སྡེ་དཔོན་སུམ་ཅུ་ལ་སོགས་པའི༔ སྣང་སྲིད་ལྷ་འདྲེ་ཡོངས་རྫོགས་ཀྱི༔ ཐུགས་དམ་གཉན་པོ་བསྐང་གྱུར་ཅིག༔ རྐྱེན་ངན་བར་ཆད་བཟློག་ཏུ་གསོལ༔ ཧཱུྃ༔ ནམ་མཁའ་དེ་ནི་ཡུལ་གྱི་དབྱིབས༔ སྨྱུག་ལྡེམ་གཤགས་པའི་ཚལ་པ་ལ༔ ཚོན་རྩི་རྣམ་ལྔས་བསྒྱུར་བ་ཡི༔ རས་བལ་སྲིན་བལ་དོག་པས་བྲིས༔ ཁོག་པ་སྟོང་པར་བཞག་པ་ནི༔ ཆོས་ཉིད་སྐྱེ་འགག་མེད་པའི་རྟགས༔ ཁ་དོག་སྣ་ལྔར་འདུག་པ་ནི༔ ཀུན་རྫོབ་འབྱུང་ལྔ་ཡེ་ཤེས་ལྔ༔ འཇའ་ཚོན་སྣ་ལྔ་འོད་དུ་འབར༔ ནོར་བུ་དགོས་འདོད་ཆར་དུ་འབེབས༔ ཉི་ཟླས་མ་རིག་མུན་པ་སེལ༔ ཟིལ་གནོན་དཔལ་ཆེན་ནམ་མཁའ་ཡིས༔ དྲེགས་པ་དབང་སྡུད་ཟིལ་གྱིས་གནོན༔ རྩིབས་བརྒྱད་གུར་ནམ་དཀྱིལ་འཁོར་རིས༔ འགྲོ་བ་ཡོངས་ཀྱི་ཁང་མོ་ཆེ༔ འདོད་ཡོན་ཚར་དུ་འབེབས་པར་བྱེད༔ དཔལ་ཆེན་ཞལ་ཕུད་ནམ་མཁའ་དགུ༔ གཙོ་དགུ་འཁོར་བཅས་ཐུགས་དམ་བསྐང་༔ ཐུགས་དམ་ཉམས་ཆག་བསྐང་གྱུར་ཅིག༔ སྡེ་བརྒྱད་མདོག་མཚུངས་ནམ་མཁའ་བརྒྱད༔ བདག་དང་ཡོན་བདག་སེམས་ཀྱི་གླུད༔ ཁ་དོག་ལྔ་ཡིས་མུ་རིན་ནི༔

[Full Size]

འདོད་ཡོན་ལྔ་ཡིས་ཚིམ་པར་བྱེད༔ ཆོས་ཉིད་ནམ་མཁའ་སྐྱེ་འགག་མེད༔ དབྱིངས་ཀྱི་ནམ་མཁའ་བསམ་ལས་འདས༔ ཡངས་པའི་ནམ་མཁའ་ཀུན་ཀྱང་ཤོང་༔ དོན་དམ་ནམ་མཁའ་བརྗོད་དང་བྲལ༔ ཀུན་རྫོབ་ནམ་མཁའ་གསལ་ལ་དྭངས༔ ནམ་ནི་ཕྱི་ཡི་ཡུལ་ཡིན་ཏེ༔ མཁའ་ནི་ནང་གི་སེམས་ཡིན་ནོ༔ ཡུལ་སེམས་གཉིས་མེད་ནམ་མཁའ་འདིས༔ བཀའ་བརྒྱད་ལྷ་ཚོགས་ཐུགས་དམ་བསྐང་༔ ནམ་ནི་གཟུགས་དང་འཛིན་པ་སྟེ༔ མཁའ་ནི་གཉིས་སུ་མེད་པ་ཡིན༔ རྟོགས་པ་དོན་གྱི་ནམ་མཁའ་འདིས་ཡོངས་རྫོགས་ལྷ་ཚོགས་ཐུགས་དམ་བསྐང་༔ ཀུན་རྫོབ་རྫས་ཀྱི་ནམ་མཁའ་འདི༔ སྔགས་དང་ཕྱག་རྒྱས་བྱིན་བརླབས་ནས༔ བཀའ་སྲུང་ཕོ་ཉ་ཡོངས་རྫོགས་དང་༔ སྡེ་དཔོན་སྣང་སྲིད་ལྷ་འདྲེ་ལ༔ བཞུགས་པའི་ཚེ་ན་གནས་དང་གདུགས༔ གཤེགས་པའི་ཚེ་ན་ཤུལ་དང་ལམ༔ ལོངས་སྤྱོད་རྒྱུན་དུ་འབུལ་གྱིས་བཞེས༔ ཐུགས་དམ་གཉན་བསྐང་དངོས་གྲུབ་སྩོལ༔ ཧཱུྃ༔ ཁྱད་པར་འཕགས་པའི་ཤིང་དག་ལ༔ མཛེས་པའི་རི་མོ་སྣ་ཚོགས་བྲིས༔ སྣ་ཚོགས་ཚོན་གྱི་རིན་པོ་ཆེ༔ ཉི་མ་ཟླ་བ་སྐར་མ་དང་༔ དར་སྣའི་རྒྱན་

[Full Size]

དང་ཕྱག་མཚན་དང་༔ ཐོད་པ་སྐམ་རློན་སྟག་གཟིག་རིས༔ འབབ་ཆུ་རིས་དང་སེན་ཐབས་རིས༔ ཧ་ལོ་རིས་དང་ཉ་མིག་རིས༔ ཆུ་མིག་རིས་དང་ལྗོན་ཤིང་རིས༔ འཇའ་ཚོན་རིས་དང་ཟླ་ཚེས་རིས༔ ཆར་སྤྲིན་རིས་དང་རླུང་འཚུབ་རིས༔ བྲག་རི་རིས་དང་གཡའ་སྤང་རིས༔ སྣ་ཚོགས་རི་མོ་བྲིས་པ་འདི༔ ལྷ་ཡི་རིན་ཆེན་དཀོར་གྱི་མཆོག༔ ཡིད་བཞིན་ངོ་མཚར་བསམ་མི་ཁྱབ༔ འདོད་པའི་ཡོན་ཏན་ལྔ་དང་ལྡན༔ ཡེ་ཤེས་ལྔ་ཡི་འོད་ཟེར་འཕྲོ༔ དགོས་འདོད་སྣ་ཚོགས་ཆར་དུ་འབེབས་༔ དབང་པོའི་ཡུལ་རྣམས་ཚིམ་པར་བྱེད༔ བདེར་གཤེགས་ཞི་ཁྲོ་ཡོངས་རྫོགས་ཀྱི༔ ཐུགས་དམ་གཉན་པོ་བསྐང་ཕྱིར་འབུལ༔ བཀའ་སྲུང་ཕོ་ཉ་ཡོངས་རྫོགས་དང་༔ སྣང་སྲིད་ལྷ་འདྲེ་ཡོངས་རྫོགས་ཀྱི༔ ཐུགས་དམ་གཉན་པོ་བསྐང་གྱུར་ཅིག༔ ཆག་ཆེན་ཉམ་ང་བཟློག་ཏུ་གསོལ༔ ཧཱུྃ༔ མདའ་བཀྲ་དེ་ནི་འཕྲུལ་གྱི་རྫ་ས༔ མཛེས་པའི་སྨྱུག་ལྡེམ་ཚད་ལྡན་ལ༔ ཐང་དཀར་སྒོ་ཡི་སྤུད་བཞི་བསྒྲོན༔ གསེར་ལྟོང་སེར་པོ་རྒྱན་དང་ལྡན༔ སྣ་ཚོགས་རིན་ཆེན་མཚལ་གྱིས་བྱུགས༔ དར་དང་ཟ་འོག་མགུལ་དུ་བཏགས༔ གནམ་ལྕགས་ངར་མའི་མདེལ་གྱིས་

[Full Size]

མཐུད༔ མཛེས་པའི་རི་མོ་སྣ་ཚོགས་བྲིས༔ ཡ་མཚན་རྨད་དུ་བྱུང་བའི་ནོར༔ ངོ་མཚར་ཆེ་བ་ཕོ་ཡིས་སྐོར༔ སྐྱེས་པ་དར་མར་བྱིན་བརླབས་ནས༔ སྒྲུབ་ཆེན་བཀའ་བརྒྱད་ལྷ་ཚོགས་ལ༔ མདའ་འདི་ཐུགས་རྗེ་རྟེན་དུ་འབུལ༔ སྐུ་ཡི་རྒྱན་དུ་བཞེས་སུ་གསོལ༔ གསུང་གི་མདངས་སུ་བཞེས་སུ་གསོལ༔ ཐུགས་ཀྱི་རྟེན་དུ་བཞེས་སུ་གསོལ༔ བཀའ་སྲུང་ཕོ་ཉ་ཡོངས་རྫོགས་དང་༔ སྣང་སྲིད་ལྷ་འདྲེ་ཡོངས་རྫོགས་ལ༔ མདའ་བཀྲ་མཐུན་པའི་ཡས་སུ་འབུལ༔ སྐྱེས་པ་ཕོ་ཡི་གླུད་དུ་བཞེས༔ ཕོ་བདུད་དལ་ཁ་གཡས་སུ་སྒྱུར༔ འཕང་བཀྲ་མཛེས་པ་འཕྲུལ་གྱི་རྫ་ས༔ ཁྱད་པར་འཕགས་པའི་ཤིང་དག་ལ༔ མཛེས་པའི་ཡིད་འོང་འཕང་དུ་བཞོག༔ རིན་ཆེན་མཛེས་པའི་འཕང་ལོ་ལ༔ སྣ་ཚོགས་ཚོན་གྱིས་ལེགས་པར་བྲིས༔ ངོ་མཚར་རིན་ཆེན་རྒྱན་གྱིས་སྤྲས༔ དར་ཟབ་མཛེས་པའི་སྣལ་མ་བཏགས༔ ཡ་མཚན་རྨད་དུ་བྱུང་བའི་ནོར༔ ཁྱད་པར་ཟ་མ་མོ་ཡིས་བསྐོར༔ མོ་བཙུན་དར་མར་བྱིན་གྱིས་བརླབས༔ བདེ་གཤེགས་ཞི་ཁྲོ་ཡོངས་རྫོགས་དང་༔ མ་མོ་རྦོད་གཏོང་ལྷ་ཚོགས་ལ༔ ཕྱག་ཏུ་མཐུན་པའི་རྫས་འདི་འབུལ༔

[Full Size]

བཀའ་སྲུང་ཕོ་ཉ་ཡོངས་རྫོགས་དང་༔ དྲེགས་པ་བཅོ་བརྒྱད་འཁོར་དང་བཅས༔ དྲེགས་པའི་སྡེ་དཔོན་སུམ་ཅུ་ཡི༔ ཐུགས་དམ་གཉན་པོ་བསྐང་གྱུར་ཅིག༔ སྐུ་ཡི་རྒྱན་དང་གསུང་གི་མདངས༔ ཐུགས་ཀྱི་རྟེན་དུ་འཕང་བཀྲ་བཞེས༔ མོ་བདུད་དལ་ཁ་བསྒྱུར་དུ་གསོལ༔ ཧཱུྃ༔ མཛེས་པའི་ལྗོན་ཤིང་སྣ་ཚོགས་ལ༔ བདག་ཅག་དཔོན་སློབ་འཁོར་བཅས་དང་༔ ཡོན་བདག་ཕོ་མོའི་གླུད་དུ་ནི༔ ཕོ་ཏང་མོ་ཏང་རྒྱན་ཅན་བྱས༔ ཕོ་ཤིང་མོ་ཤིང་སོ་སོ་ལ༔ གཟུགས་བྲིས་ཁ་མིག་རྐང་ལག་བཏོད༔ མིག་གཏོད་ལྟ་དང་སྡིགས་སེ་ཧྲིག༔ ཁ་གཏོད་སྨྲ་དང་ས་ལ་ལ༔ ལག་གཏོད་གར་བྱེད་ཁྱུགས་སེ་ཁྱུག༔ རྐང་གཏོད་བྲོ་རྡུང་ཁྲིགས་སེ་ཁྲིག༔ ཐབས་མཆོག་སྟག་པའི་ཕོ་ཐོང་དང་༔ ཤེས་རབ་གླང་མའི་མོ་ཐོང་དང་༔ གཉིས་མེད་ཚར་བུའི་བུ་ཐོང་འདིས༔ ཞི་ཁྲོ་ཡོངས་རྫོགས་ཐུགས་དམ་བསྐང་༔ བཀའ་སྲུང་ཕོ་ཉ་ཡོངས་རྫོགས་དང་༔ སྡེ་དཔོན་སུམ་ཅུ་སྡེ་འཁོར་བཅས༔ དྲེགས་ཆེན་བཅོ་བརྒྱད་དཔུང་དང་བཅས༔ སྣང་སྲིད་ལྷ་འདྲེ་ཡོངས་རྫོགས་ལ༔ ཕོ་ཐོང་ཕོ་ཡི་གླུད་དུ་འབུལ༔ མོ་ཐོང་མོ་ཡི་གླུད་དུ་འབུལ༔ བུ་ཐོང་ཆུང་གི་གླུད་དུ་

[Full Size]

འབུལ༔ ཆག་ཆེན་ཉམ་ང་ཞི་བར་མཛོད༔ ཧཱུྃ༔ དང་པོ་ཁྲམ་བྱུང་གང་ནས་བྱུང་༔ ལྟས་ངན་གཤིན་རྗེ་སྲོག་གི་བདག༔ ཁྲམ་གྱིས་ཡི་གེ་དཀར་ནག་འདི༔ སེམས་ཅན་ཀུན་ལ་འདེབས་པར་བྱེད༔ བདུད་རྗེ་ངམ་ནག་ཚེ་ལ་རྐུ༔ གཤིན་རྗེ་བདུན་འབུམ་ཚེ་ལེན་རྗེ༔ དེ་ཡི་ལོ་ཡི་ཁྲམ་ཁ་བརྩི༔ གཤིན་རྗེ་སྒྲིག་པ་བློན་པོ་བདུན༔ དེ་སི་ཟླ་བའི་ཁྲམ་ཁ་བརྩི༔ གཤིན་རྗེ་བ་སྐྱ་གླང་རྒྱུག་གིས༔ དེས་ནི་ཞག་གི་ཁྲམ་རྩིས་བྱེད༔ གཤིན་རྗེ་མགོ་སྐྱ་ཞེས་བྱ་བས༔ དུས་ཚོད་ཁྲམ་རྩིས་བདག་པོ་བྱེད༔ གཤིན་རྗེ་སྲོག་གཅོད་ཚེ་ལེན་གྱིས༔ ཁྲམ་ཤིང་དམར་ནག་ཚེ་ལེན་བྱེད༔ ཁྲམ་ཤིང་མ་མོ་མཁའ་འགྲོས་བཟུང་༔ སང་ཕོད་དུས་ཙམ་སུ་འཆི་བ༔ དོ་གཅིག་ཁྲམ་ལ་འདེབས་པར་བྱེད༔ སྔོན་ཚེ་སློབ་དཔོན་པདྨ་ཡིས༔ ཁྲམ་ཤིང་དམར་ནག་བམ་པོར་སྦམ༔ ཁྲམ་ཤིང་དཀར་ནག་ཡན་མན་ཕྱེས༔ གླུད་དུ་བསྔོས་ཤིང་ཡས་སུ་ཕུལ༔ མདོས་སུ་བསྔོས་ཤིང་གཏོར་མར་ཕུལ༔ དེ་བཞིན་བདག་དང་ཡོན་བདག་གིས༔ ཤིང་ཆེན་ནག་པོ་རལ་གྲི་རྩེ༔ སྟག་པ་ལ་སོགས་ཤིང་ལ་བྱས༔ རྩེ་མོ་སྦལ་མགོ་བཅད་པ་ལ༔ འཇའ་ཚོན་ལྔ་བྲིས་ནམ་

[Full Size]

མཁའི་དཔེ༔ དེ་འོག་རམ་མཚལ་ཁ་མིག་བྲིས༔ བདུད་ལ་ཤགས་ནི་འདེབས་པ་ཡིན༔ དེ་འོག་སྒོ་ང་དཀར་ནག་བྲིས༔ སྐྱེ་འགྲོ་སྒོ་ང་གཉིས་ལས་སྲིད༔ དེ་འོག་བདུད་ཕོ་བདུད་མོའི་ཞལ༔ བདུད་ཀྱི་ཁྲམ་ཁ་བསྒྱུར་མཚལ་ལོ༔ དེ་འོག་ཁྲག་གི་མཚོ་མོ་བྲིས༔ མ་མོ་གནས་ཀྱང་དེ་ན་གནས༔ དེ་འོག་ཁ་དོག་རྣམ་བཞི་བྲིས༔ རྣམ་བཞིའི་ཕྲིན་ལས་འགྲུབ་པའི་རྟགས༔ དེ་འོག་བདུད་ཀྱི་ཁྲམ་ཕྱེས་དང་༔ བཙན་གྱི་ཤོ་གཏོར་བྲིས་པ་འདིས༔ སྔོ་དམར་ལ་སོགས་སོ་སོའི་མདོག༔ སྣ་ཚོགས་ཁྲམ་གྱི་རི་མོ་ཅན༔ བཀའ་བརྒྱད་ཡོངས་རྫོགས་ཐུགས་དམ་བསྐང་༔ བཀའ་སྲུང་ཕོ་ཉ་ཡོངས་རྫོགས་དང་༔ སྲིད་པའི་མ་མོ་གཤིན་རྗེའི་ཚོགས༔ སྡེ་དཔོན་དྲེགས་ཆེན་ལ་སོགས་པ༔ ལྷ་འདྲེ་ཡོངས་རྫོགས་ཐམས་ཅད་ལ༔ མཐུན་པའི་དམ་རྫ་ས་ཁྲམ་ཤིང་འབུལ༔ མཐུན་རྫས་ཁྲམ་ཤིང་འདི་བཞེས་ལ༔ མི་ཡི་བདུད་གཅོད་དུས་ཚོད་བཞི༔ དཔྱིད་ཀྱི་རོལ་པོ་ཁ་ནག་དང་༔ དབྱར་གྱི་ཤིང་ལོ་ལྷབ་ལྷུབ་དང་༔ སྟོན་གྱི་སྤང་པོ་ཁ་སེར་དང་༔ དགུན་གྱི་འཁྱག་པ་ཆལ་ཆོལ་དུས༔ སང་ཕོད་ད་ཙམ་སུ་འཆི་བ༔ ད་ལོ་ཁྲམ་ལ་འདེབས་པར་བྱེད༔ བདག་

[Full Size]

ཅག་དཔོན་སློབ་ཡོན་མཆོད་རྣམས༔ ཁྲམ་ལ་བཏབ་པ་མི་སྲིད་དེ༔ གལ་ཏེ་ཁྲམ་ལ་བཏབ་པ་ན༔ གཏོར་མ་ཁྲམ་ཤིང་གླུད་འདི་བཞེས༔ ཁྲམ་ཁ་ཕྱེས་ལ་བདུད་ཁ་སྒྱུར༔ ལོ་ཟླ་ཞག་དང་དུས་ཚོད་ཀྱི༔ ཁྲམ་ཁ་ཐམས་ཅད་ད་ཕྱེས་ཤིག༔ ཁྲམ་ཕྱེས་ཤོ་གཏོར་འཚེར་རྩུབ་ཟློག༔ ཧཱུྃ༔ ཞི་ཁྲོ་ཡོངས་རྫོགས་ལྷ་ཚོགས་དང་༔ བཀའ་སྲུང་ཕོ་ཉ་ཡོངས་རྫོགས་དང་༔ སྔགས་བདག་དྲེགས་པ་བཅོ་བརྒྱད་དང་༔ དྲེགས་པའི་སྡེ་དཔོན་སུམ་ཅུ་དང་༔ སྲིད་པའི་མ་མོ་མཁའ་འགྲོ་དང་༔ སྣང་སྲིད་ལྷ་འདྲེ་ཡོངས་རྫོགས་ལ༔ ཐུགས་དམ་གཉན་པོ་བསྐང་བའི་ཕྱིར༔ སྣ་ཚོགས་འབྲུ་ཡི་ངར་ཕྱེ་ལ༔ སྣང་སྲིད་སྐྱེ་འགྲོའི་གཟུགས་སུ་བྱས༔ སེམས་ཅན་རྒྱལ་པོ་ཡ་མཚན་ཅན༔ ལུས་ལ་མཛེས་པའི་རྒྱན་དང་ལྡན༔ གསུང་དབྱངས་ཡན་ལག་དྲུག་ཅུར་ལྡན༔ སེམས་ནི་ཡེ་ཤེས་འོད་གསལ་བ༔ ཤེས་རབ་ཆེན་པོའི་ཉི་མ་ཤར༔ གང་འདོད་ཡིད་བཞིན་ནོར་བུ་འདྲ༔ འདོད་པའི་ཡོན་ཏན་བསམ་མི་ཁྱབ༔ རིན་ཆེན་གསེར་དངུལ་གཡུ་དང་ཟངས༔ མུ་ཏིག་དུང་དང་བཻཌཱུརྱ༔ རིན་ཆེན་སྣ་ཚོགས་འབྲུ་སྣའི་ཚོགས༔ སྨན་སྣ་བདུད་རྩི་

[Full Size]

ཞིམ་མངར་རོ༔ རྒྱང་བུ་བྱ་ཕོད་བརྒྱན་པ་ཡང་༔ རྨ་བྱ་རྒྱ་བྱ་ནེ་ཙོ་དང་༔ ཁྲུང་ཁྲུང་རི་སྐེགས་ཀ་ལན་ཏ༔ ཤང་ཤང་ངར་ངུར་ངུར་པའི་ཚོགས༔ སྙན་པའི་སྒྲ་འབྱིན་འཕུར་འཇུམ་ལྡིང་༔ རི་སྐག་བཙོད་དང་ཞུན་མཁན་དང་༔ དར་ཟབ་གཡི་སྤྱང་སྤུ་ཤུན་དང་༔ པགས་བུ་ཁ་དོག་སྣ་ཚོགས་དང་༔ ཀ་ར་བུ་རམ་མར་ཆུར་ཐུད༔ ཟས་སྣ་རོ་མཆོག་བརྒྱ་དང་ལྡན༔ རྒྱང་བུ་སྨྱུག་རྒོད་མདའ་དར་བཅས༔ བྱ་རིགས་གཅན་གཟན་རི་དྭགས་གཟུགས༔ གཡུང་དྭགས་ཆུ་གནས་སྣ་ཚོགས་གཟུགས༔ སྣ་ཚོགས་མ་ཚང་མེད་པ་འདི༔ སྔགས་དང་ཕྱག་རྒྱས་བྱིན་བརླབས་ནས༔ སྲིད་པའི་མདོས་ཆེན་འདི་འབུལ་ལོ༔ བཀའ་བརྒྱད་ལྷ་ཚོགས་ཐུགས་དམ་བསྐང་༔ ཕོ་ཉ་ཡོངས་རྫོགས་ཐུགས་དམ་བསྐང་༔ དྲེགས་པ་བཅོ་བརྒྱད་ཐུགས་དམ་བསྐང་༔ སྡེ་དཔོན་སུམ་ཅུའི་ཐུགས་དམ་བསྐང་༔ མ་མོ་མཁའ་འགྲོའི་ཐུགས་དམ་བསྐང་༔ སྣང་སྲིད་ལྷ་འདྲེ་ཡོངས་རྫོགས་དང་༔ བགེགས་རིགས་ལན་ཆགས་ཡོངས་རྫོགས་ལ༔ གླུད་དང་ཡས་སུ་འདི་འབུལ་ལོ༔ ལན་ཆགས་བུ་ལོན་བྱང་གྱུར་ཅིག༔ བདག་ཅག་དཔོན་སློབ་ཡོན་མཆོད་ཀྱི༔ སྐག་

[Full Size]

ཆེན་འཆེར་རྩུབ་བཟློག་ཏུ་གསོལ༔ བཞི་བརྒྱ་རྩ་བཞིའི་ནད་རྣམས་ཟློག༔ སྟོང་ཕྲག་བརྒྱད་ཅུའི་གདོན་རྣམས་ཟློག༔ དུས་མིན་འཆི་བ་བཅོ་བརྒྱད་ཟློག༔ ལྟས་ངན་མཚན་མ་ངན་པ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པ་ཁྲོ་རོལ་མདོས་ཐབས་ཀྱི་ཁ་བཀང་མདོས་བསྡུས་པ་ལའང་དགོས་རྒྱུའོ༔ དེ་ནས་རྒྱས་པར་ལྕགས་རི་ནང་གི་བཅས་རྣམས་ཀྱང་ཡོད་ན༔ འདི་སྦྱར་ཏེ་ནད་པའི་རྐྱེན་ཁ་ཆེ་བའི་མི་ཡོད་ན་གདོན་ཐག་སོགས་འོག་ནས་འབྱུང་ལྟར་བྱ༔ གཞི་སྟེང་འབྲང་རྒྱས་ཕྱེད་དཀར་བཞག༔ རང་ག་འདོན་ཡང་རུང་༔ ཧཱུྃ༔ རིན་ཆེན་འཕྲུལ་གྱི་བྱིན་རླབས་ལས༔ སྲིད་པའི་ཕོ་བཤོས་ཁྲ་བོ་འདི༔ དབྱིབས་ལེགས་དེ་ནི་ལྡེམས་སེ་ལྡེམ༔ ཞབས་བརྟེན་དེ་ནི་ས་ལ་བརྟེན༔ དམྱལ་བ་ཚ་གྲངས་སྡུག་བསྔལ་སེལ༔ སྐེད་པ་མཛེས་ལྡན་གྲུ་བཞི་ཡིས༔ ཡི་དྭགས་བཀྲེས་སྐོམ་སྡུག་བསྔལ་སེལ༔ ཟུར་བཞི་ཚད་མེད་གྱེན་ལ་བསྟོད༔ ནམ་མཁའ་དག་པའི་མཛོད་བཅས་ནས༔ ལྷ་དང་མི་ཡི་སྐོར་དུ་ར༔ ལྗང་བུ་མདའ་བཀྲ་བ་དན་སོགས༔ སྲིད་པ་ཕོ་རྒྱུད་ཚིམ་བྱེད་འདིས༔ དབང་ཕྱུག་མ་ཧཱ་དེ་ཝ་དང་༔ གཟའ་བདུད་ཆེན་པོ་རཱ་ཧུ་ལ༔ རཀྵ་ནག་པོ་གློག་ཕྲེང་ཅན༔ དམུ་རྗེ་བཙན་པོ་ལ་

[Full Size]

སོགས་པ༔ སྲིད་པ་ཕོ་རིགས་ཐམས་ཅད་ཀྱིས༔ ནོར་གྱི་དབྱིབས་སུ་བཤོས་བུ་བཞེས༔ ལྷ་ཐང་ལྷ་མཁར་དཀར་པོའི་རྩེར༔ ལྷ་གཅིག་བཞུགས་པ་ལྷན་སྐྱེས་ལྷ༔ ལྷ་བྲན་མང་པོའི་འཁོར་དང་བཅས༔ འབྲང་རྒྱས་ཞལ་དཀར་འདི་བཞེས་ལ༔ ལྷ་ཡི་ཁ་འཛིན་མ་ཆུང་ཞིག༔ འདྲེ་ཐང་འདྲེ་མཁར་ནག་པོའི་རྩེར༔ འདྲེ་གཅིག་ཡོད་པ་ལྷན་སྐྱེས་འདྲེ༔ འདྲེ་བྲན་མང་པོའི་འཁོར་དང་བཅས༔ འབྲང་རྒྱས་ཕྱེད་ནག་འདི་བཞེས་ལ༔ འདྲེ་ཡི་གདུག་པ་མ་སྟོན་ཅིག༔ གླང་མའི་དུང་གི་རྣ་ཚར་ཅན༔ སྐོས་རྗེ་དྲང་དཀར་སེང་མགོ་ཅན༔ ཧ་ལ་ནག་པོ་བྱ་མགོ་ཅན༔ གནོད་སྦྱིན་ཟངས་ཀྱི་བྱ་ཁྲ་ཅན༔ ཞང་བློན་རྡོ་རྗེ་བདུད་འདུལ་སོགས༔ ཞང་བློན་ཆེན་པོ་སྟོང་དང་བཅས༔ ལྷ་སྲིན་གཙོ་བོ་བཅོ་བརྒྱད་སོགས༔ སྲིད་པའི་ཕོ་བཤོས་མཆོད་པར་བཞེས༔ ལྷ་ལ་འབྲོང་རྒྱས་ཞལ་དཀར་མཆོད༔ འདྲེ་ལ་འབྲང་རྒྱས་ཕྱེད་ནག་སྦྱིན་ལྷ་སྲིན་རྣམས་ཀྱི་འདུན་པ་ཤིག༔ འདུན་པ་དགྲ་བོའི་ཡུལ་དུ་སྤོས༔ འདུན་སྟེང་དགྲ་བོའི་ཡུལ་དུ་ཆོད༔ བཞུགས་ཐབས་དགྲ་བོའི་ཡུལ་དུ་གྱིས༔ ཞེས་བརྗོད་འབྲང་རྒྱས་བགོས་ལ་དཀར་པོ་ཡར་གཞི་ཐོག་ཏུ་བཞག༔ ནག་པོ་ངར་མི་ནང་དུ་

[Full Size]

བཞག༔ གཞི་དེ་དཀྲུག་ཅིང་བཀྲུག་ཚུལ་བྱ༔ ལྷ་འདྲེའི་འདུན་མ་བཤིག་པའོ༔ ༈ མདོས་ཀྱི་བདུད་བཤོས་བདུད་ཟློག་ཡོད་པའི་ཐད་ཀྱི་ཁྲམ་ཤིང་གཅིག་ལ་སྐུད་པ་ནག་པོ་བཏགས༔ ནད་པའི་སྲིན་ལག་ལ་སྐུད་པ་དཀར་པོ་དང་དེ་གཉིས་སྦྲེལ་ལ༔ ཧཱུྃ༔ བདུད་པོ་སྐོས་རྗེ་དྲང་དཀར་དང་༔ བདུད་པོ་མེ་ཡི་ཁ་རླངས་ཅན༔ བདུད་ཕོ་རེ་ལྡེ་མགོ་ཉག་དང་༔ བདུད་མོ་དྲན་པ་དབང་མེད་མ༔ བདུད་ཀྱི་རིགས་རྣམས་ཐམས་ཅད་ཀྱིས༔ སྟེང་འོག་ཕྱོགས་མཚམས་ཐམས་ཅད་ནས༔ འགྲོ་བ་མི་ཡི་བདུད་དུ་འབེབས༔ དེ་ལ་མཐུན་པའི་རྫས་འབུལ་ལོ༔ དབྱིབས་ལེགས་བདུད་བཤོས་ཟུར་གསུམ་པ༔ ཟུར་གསུམ་སྐུ་གསུང་ཐུགས་ཀྱི་དངོས༔ བདག་ཅག་ལུས་ངག་ཡིད་གསུམ་གླུད༔ དབལ་སྟོད་ནག་པོ་རམ་གྱིས་བྱུག༔ ཕོ་བདུད་རྣམས་ཀྱིས་རྟེན་དུ་བཞེས༔ དབལ་བཤོས་སྨད་དམར་མཚལ་གྱིས་བྱུག༔ མོ་བདུད་རྣམས་ཀྱིས་རྟེན་དུ་བཞེས༔ བར་དུ་བདུད་ཀྱི་ཁྲམ་རིས་བྲིས༔ ཕོ་བདུད་མོ་བདུད་འདུ་འདུ་ནས༔ འགྲོ་དྲུག་སེམས་ཅན་ཁྲམ་ལ་འདེབས༔ ད་ལྟ་བདག་དང་ཡོན་བདག་རྣམས༔ ཁྲམ་ལ་བཏབ་ན་ཁྲམ་ཕྱེས་ལ༔ རྩིས་ལ་བཏབ་ན་རྩིས་ནས་ཕྱུངས༔ བདུད་ཀྱི་དམག་སྣ་བཟློག་ཏུ་

[Full Size]

གསོལ༔ དར་ནག་རྒྱང་བུ་ལ་སོགས་པ༔ མཐུན་རྫས་འབུལ་གྱིས་མཉེས་པར་མཛོད༔ བདུད་ཡུལ་བདུད་མཚོ་བདུད་ཤིང་དྲུང་༔ བདུད་མཁར་བདུད་ཚང་ནག་པོ་ན༔ ཕོ་བདུད་ཡ་བདུད་རྒྱལ་པོ་དང་༔ མོ་བདུད་མ་བདུད་རྒྱལ་མོ་ཡི༔ ཕྱག་ན་བདུད་ཀྱི་ཞགས་པ་བསྣམས༔ བདུད་བཤོས་མདོས་གླུད་འདི་བཞེས་ལ༔ བདག་ཅག་དཔོན་སློབ་ཡོན་མཆོད་ལ༔ ཞགས་པས་བཏབ་པ་མི་སྲིད་ཀྱིས༔ གལ་ཏེ་ཞགས་པས་བཏབ་ནཱ་ཡང་༔ བདུད་ཞགས་ནག་པོ་ད་ཆོད་ཅིག༔ སྒོས་བདུད་སྐོས་རྗེ་དྲང་དཀར་དང་༔ ཕྱ་བདུད་ཁྱབ་པ་ལག་རིང་དང་༔ ལྷ་བདུད་དགའ་རབ་དབང་ཕྱུག་དང་༔ ཤི་བདུད་གཤིན་རྗེ་ཆོས་རྒྱལ་དང་༔ སྤྱི་བདུད་ཁྱབ་འཇུག་ཆེན་པོ་དང་༔ སྲོག་བདག་དཀར་པོ་སྤྱན་གཅིག་དང་༔ འདྲེ་བདུད་འགོང་པོ་སྤུན་དགུ་དང་༔ ཡ་བདུད་དམུ་བདུད་བཙན་བདུད་རྣམས༔ བདུད་བཤོས་མདོས་གླུད་འདི་བཞེས་ལ༔ བདག་ཅག་དཔོན་སློབ་ཡོན་མཆོད་རྣམས༔ བདུད་ཞགས་ནག་པོས་མ་ཟིན་ནམ༔ གལ་ཏེ་ཞགས་པས་ཐེབས་ན་ཡང་༔ ཞགས་པ་ནག་པོ་ད་ཆོད་ཅིག༔ བསྡམས་པ་གློད་ལ་བཅིངས་པོ་ཁྲོལ༔ མནན་པ་ཁྱོག་

[Full Size]

ལ་བཟུང་བ་ཐོངས༔ ཆེ་མཆོག་དཔལ་དགུའི་བཀའ་མ་གཅོག༔ དེ་ནས་རལ་གྲི་ཚད་ལ༔ ཧཱུྃ༔ ཡེ་ཤེས་རལ་གྲི་རྣོན་པོ་ལ༔ ཡི་གེ་ཚུ་གྱི་རྒྱན་བཀོད་དེ༔ འཇམ་དཔལ་དབྱངས་ཀྱི་བྱིན་རླབས་དང་༔ གཤིན་རྗེའི་གཤེད་པོའི་མཐུ་སྟོབས་ཀྱིས༔ ནད་དང་མཚོན་དང་བྱད་དང་དུག༔ ཡམས་ཀྱི་ཐག་པ་བཅད་པར་བྱ༔ བདུད་ཀྱི་ཞགས་པ་ད་ཆོད་ཅིག༔ ཨོཾ་ཤྲཱི་ཨ་ཀྲོ་ཏེ་ཀ་ཡ་མཱནྟ་ཀ་མ་ཐ་བྷཉྫ་ཧཱུྃ་ཕཊ༔ ཨོཾ་བཛྲ་ཤནྟ་ཀྲ་ཏིག་མུ༔ རུ་ཏྲ་པ་ཤ་མཱ་ར་ཡ་རྦད་རྦད༔ ཅེས་མེ་རུས་མཚམས་ནས་གཅོད༔ དཀར་པོ་སྲུང་སྐུད་སྔགས་ལ་བཏགས༔ ནག་པོ་བདུད་གཟུགས་ཀྱི་མདུན་དུ་སྐྱེལ་ལ་འཕང་ངམ་ངར་མི་ལ་བཏགས༔ ༈ དེ་ནས་ལྭ་དུམ་དམར་པོའི་སྟེང་དུ་རྡེའུ་དཀར་ནག་བསྲེས་ལ་དཀར་པོ་བཅུ་གསུམ་ནག་པོ་དགུ་བཀོད༔ ཧཱུྃ༔ བྲག་བཙན་སྲོག་གཟན་དམར་པོ་དང་༔ བཙན་འགོང་ཡམ་ཤུད་དམར་པོ་དང་༔ རོལ་པ་སྐྱ་བདུན་བཙན་ཁ་བཞི༔ གཙང་བཙན་རྡོ་རྗེ་ལེགས་པ་དང་༔ གནམ་ཐེལ་བར་ཐེལ་ས་ཐེལ་སོགས༔ བཙན་དང་ཐེའུ་རང་ཐམས་ཅད་ལ༔ ཕྱག་ཏུ་མཐུན་པའི་ཡས་འབུལ་ལོ༔ རྒྱུ་ནི་རིན་ཆེན་འབྲུ་ལས་གྲུབ༔ མིང་ནི་བཙན་བཤོས་ལྡེམ་པ་ལ༔ དཔེ་ནི་འགྲོ་བའི་མཁར་ལ་

[Full Size]

བླངས༔ འཕངས་ནི་སྲིད་པའི་རྩེ་དང་མཉམ༔ ཆེ་བའི་ཡོན་ཏན་བསམ་མི་ཁྱབ༔ ཞབས་ནི་འབྱུང་བ་ས་ལ་བརྟེན༔ ལོགས་ལ་མཛེས་པའི་རྒྱན་ཚོགས་འཕྲོ༔ འདི་ནི་བསམ་གཏན་ལྷ་ཡི་དཀོར༔ གཞན་ཡང་བཙན་རྒྱང་མདའ་ཁྲ་མདུང་༔ མི་དམར་རྟ་དམར་ར་སྐྱེས་དང་༔ བུ་ཆུང་ར་ཡི་རྒྱལ་མཚན་གཟུགས༔ བཙན་དང་ཐེའུ་རང་ཐམས་ཅད་ཀྱིས༔ མཐུན་རྫས་བཅས་པའི་བཙན་བཤོས་བཞེས༔ སྐུ་གསུང་ཐུགས་རྣམས་མཉེས་གྱུར་ཅིག༔ ཤར་བཙན་མི་དཀར་རྟ་དཀར་ཚོགས༔ ལྷོ་བཙན་མི་སྔོན་རྟ་སྔོན་ཚོགས་ནུབ་བཙན་མི་དམར་རྟ་དམར་ཚོགས༔ བྱང་བཙན་མི་ལྗང་རྟ་ལྗང་ཚོགས༔ དབུས་བཙན་མི་སེར་རྟ་སེར་ཚོགས༔ ཞྭ་གོས་ཕྱག་ལྕག་རང་མདོག་ལ༔ རང་མདོག་བྱ་ལྡིང་ཁྱི་ཡང་འབྲང་༔ མདུན་ན་ཤཱ་རྡེལ་དཀར་ནག་བཀྲམ༔ ཕྱོགས་བཞི་སྟེང་འོག་གར་ཡང་འགྲོ༔ འགྲོ་བ་མི་ལ་ཤོ་རྩིས་འདེབས༔ བདག་ཅག་དཔོན་སློབ་ཡོན་མཆོད་རྣམས༔ ཤོ་ལ་བཏབ་པ་མི་སྲིད་ན༔ གལ་ཏེ་ཤོ་ལ་བཏབ་པ་ན༔ བཙན་གྱི་ཤོ་བཞི་ད་སྡུས་ཤིག༔ དེ་ནས་རྡེལ་ནག་ངར་མི་ནང་དུ་བླུག༔ དཀར་པོ་ཁང་ཐོག་ཏུ་བཏབ་ཡང་ན་ཡར་རྒྱབ་རི་ངོས་ལ་འདེབས༔ གདན་དེ་

[Full Size]

སྤྲུག་གོ༔ ༈ དེ་ནས་ནད་པའི་མགོ་ལ་བལ་ཚོན་སྣ་ལྔ་དང་༔ སྲིན་ལག་ལ་སྐུད་པ་དམར་ནག་བསྒྲིལ་བ་གཅིག་བཏགས་ལ༔ ཧཱུྃ༔ མ་མོ་སྲིད་པའི་རྒྱལ་མོ་དང་༔ གནམ་སྨན་ཐོག་གི་བུ་ཡུག་དང་༔ དཔལ་ལྡན་ནག་མོ་མགྱོགས་བྱེད་དང་༔ སྲིན་མོ་སྦལ་མགོ་ཁྲག་མིག་མ༔ བདུད་མོ་སྨན་མོ་གནོད་སྦྱིན་མོ༔ མོ་གདོན་འདྲེ་མོ་ཐམས་ཅད་ལ༔ མཉེས་པའི་མཐུན་རྫས་སྨན་ལེབ་འབུལ༔ རྒྱུ་ནི་རིན་ཆེན་འབྲུ་ལས་བྱས༔ སྨན་ལེབ་ཟླུམ་པོར་གྱུར་པ་ནི༔ ཆོས་ཉིད་སྤྲོས་དང་བྲལ་བའི་རྟགས༔ སྨན་ལེབ་བརྩེགས་མར་བྱས་པ་ནི༔ ཐབས་ཤེས་གཉིས་སུ་མེད་པའི་རྟགས༔ དབུས་སུ་འབུར་ཞིང་འཕངས་མཐོ་བ༔ ཆེ་བའི་ཡོན་ཏན་བསམ་མི་ཁྱབ༔ རྩེ་མོ་ཟུར་གསུམ་བྱས་པ་ནི༔ སྐུ་གསུང་ཐུགས་དང་ལྡན་པའི་རྟགས༔ ཧ་ཐབས་བྲིས་པས་འཇའ་འོད་འབར༔ མཚལ་ཐིག་མགྲོན་རྣམས་དབང་དུ་སྡུད༔ གཞན་ཡང་མདའ་འཕང་བལ་ཤུག་དང་༔ ངར་མི་བལ་ཚོན་ལ་སོགས་པ༔ མདོས་དང་མཐུན་རྫས་འདི་འབུལ་ལོ༔ སྲིད་པའི་མོ་རིགས་མཉེས་གྱུར་ཅིག༔ ནད་སྤྲིན་སྡུས་ལ་མཚོན་གྲུག་ཟློག༔ ནད་ཀྱི་མཚོན་སྤྲིན་སྔོ་དམར་དང་༔ མཚོན་གྱི་གྲུ་གུ་སྔོ་

[Full Size]

དམར་འདི༔ དང་པོ་བྱུང་བ་གང་ནས་བྱུང་༔ ཡེ་ཤེས་ལས་དང་འཇིག་རྟེན་གྱི༔ མ་མོ་མཁའ་འགྲོ་ཐམས་ཅད་ཀྱི༔ ཐུགས་ཀ་དབང་པོའི་སྒོ་རྣམས་དང་༔ བྷ་ག་ཡངས་པའི་ཀློང་ནས་བྱུང་༔ བསྟིམ་ཡང་མ་མོ་རྣམས་ལ་བསྟིམས༔ མདོས་གླུད་སྨན་ལེབ་འདི་བཞེས་ལ༔ ནད་ཀྱི་མཚོན་སྤྲིན་ད་སྡུས་ཤིག༔ མཚོན་གྱི་གྲུ་གུ་ད་རྟུལ་ཅིག༔ བཅོམ་ལྡན་བླ་མེད་ཧེ་རུ་ཀ༔ དེ་ཡི་བཀའ་ལས་མ་འདའ་བར༔ དལ་ཡམས་རྐྱེན་ཁ་བཟློག་ཏུ་གསོལ༔ ཅེས་དོག་པ་སྔོན་དམར་གྲུ་གུ་ལྟར་བྱས་ལ་ངར་མི་ནང་དུ་བཞག༔ མདའ་ཡི་ལྟོང་གིས་བལ་ཚོན་བཤུས་ལ་ངར་མིའི་སྟེང་དུ་འཕང་ངོ་༔ ༈ དེ་ནས་ཤིང་ནག་ལ་ཁྲམ་ཤིང་ཆུང་ཆུང་གཅིག་དང་༔ བྱང་བུ་དམར་པོ་གཅིག་རྡུལ་བྱང་བྱས་ལ༔ ཁྲམ་ཤིང་ཁྲམ་རིས༔ འོག་ཏུ་བདག་དང་ཡོན་བདག་མིང་བྲིས་ལ་བཞག་ནས༔ ཧཱུྃ༔ ལྷོ་ཕྱོགས་ལྕགས་མཁར་སྒོ་སྟེང་ནས༔ ཐོད་རུས་བརྩེགས་པའི་སྐུ་མཁར་ན༔ དེ་ན་འཆི་བདག་གཤིན་རྗེ་བཞུགས༔ གཤིན་རྗེ་ཡ་མ་རཱ་ཙ་དང་༔ སྐྱེ་འགྲོ་སྲོག་དབུགས་བདག་མོ་དང་༔ གཤིན་རྗེ་བྱེ་བ་དགུ་འབུམ་བཅས༔ སྲིད་གསུམ་སྐྱེ་འགྲོ་ཁྲམ་ལ་འདེབས༔ བདག་ཅག་དཔོན་སློབ་ཡོན་མཆོད་རྣམས༔ ཁྲམ་ལ་བཏབ་པ་མི་སྲིད་ན༔ གལ་ཏེ་ཁྲམ་

[Full Size]

ལ་བཏབ་པ་ན༔ མདོས་དང་གཏོར་མ་འདི་བཞེས་ལ༔ ཁྲམ་ལ་བཏབ་པའི་ཁྲམ་ཁ་ཕྱེས༔ རྩིས་ལ་བབ་ན་རྩིས་ནས་ཕྱུངས༔ ཁྲམ་གྱི་བམ་པོ་དགྲ་ལ་སྒྱུར༔ ཤིང་ནག་ཞེ་སྡང་ཁྲམ་ཤིང་དང་༔ ཤིང་དམར་འདོད་ཆགས་བྱང་དམར་ལ༔ གཏི་མུག་དཀྱུས་སུ་མིང་རུས་བསྡེབས༔ གཤིན་རྗེ་མ་མོ་ཐམས་ཅད་ཀྱིས༔ སང་ཕོད་དེང་སང་སུ་འཁྱེར་བ༔ དོ་གཅིག་བྱང་དམར་དཀྱུས་ལ་བཀོད༔ བདག་ཅག་དཔོན་སློབ་ཡོན་མཆོད་རྣམས༔ བྱང་དམར་དཀྱུས་ལ་མ་བཏབ་བམ༔ གལ་ཏེ་བྱང་དམར་ལ་བཏབ་ན༔ མདོས་དང་གཏོར་མ་བྱང་དམར་འབུལ༔ སྲིད་པའི་བྱུང་དམར་ད་ཕྱེས་ཤིག༔ སྲིད་པའི་བྱོལ་པོ་བཟློག་ཏུ་གསོལ༔ ཁྲམ་ཁ་སྡང་བའི་དགྲ་ལ་སྤོས༔ བྱང་དམར་སྡང་བའི་དགྲ་ལ་སྤོས༔ མཉམ་གཉིས་རྗེས་ལ་མཚུངས་གཉིས་བཟོར༔ འཇམ་དཔལ་གཤིན་རྗེའི་གཤེད་པོ་ཡི༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་བསྣོགས་པ་དགྲ་བགེགས་ཀྱི་མིང་བྲིས་ཏེ་ངར་མིའི་ནང་དུ་བཞག་པར་བྱའོ༔ ༈ ནད་པའི་མདུན་སྡེར་ནང་དུ་སྦྲུལ་གཟུགས་གཅིག་བཞག་བུམ་ཆུ་དང་རྨ་བྱའི་མདོངས་ཐོགས་ལ༔ ཧཱུྃ༔ གཞོན་ནུ་གཏུམ་

[Full Size]

པོ་ཀླུ་ཆེན་བརྒྱད༔ ཀླུ་བདུད་ནག་པོ་མགོ་དགུ་དང་༔ ཀླུ་མོ་ནག་མོ་གདུག་བྱེད་མ༔ རིགས་ལྔ་ཀླུ་རིགས་ཐམས་ཅད་དང་༔ གཉན་དང་ས་སྲིན་མཚོ་སྨན་ལ༔ མཐུན་པའི་དམ་རྫས་ཀླུ་བཤོས་འབུལ༔ དཀར་གཏོར་རྩེ་རྒྱལ་སྤྲུལ་གྱིས་དཀྲིས༔ ཀླུ་གཟུགས་ཆུ་གནས་སྣ་ཚོགས་དང་༔ ཀླུ་སྨན་དཀར་མངར་འབྲུ་སྣ་དང་༔ མདའ་འཕང་ནམ་རྒྱང་ལ་སོགས་པ༔ སྲིད་པའི་མདོས་ཆེན་འདི་བཞེས་ལ༔ བདག་ཅག་དཔོན་སློབ་ཡོན་མཆོད་རྣམས༔ ཀླུ་ཡི་བྱད་དུ་མ་བཅུག་གམ༔ གལ་ཏེ་བཅུག་ན་བྱད་ལས་ཁྲོལ༔ བསམ་དང་མཐོང་དང་རེག་པ་དང་༔ ཁ་རླངས་མཆེ་བའི་དུག་ལ་སོགས༔ གཏོང་བ་ཡོད་ན་སོ་སོར་ཕྱུངས༔ མཛེ་དང་དྲེག་དང་གྲུམ་བུ་དང་༔ ཞ་གྲུམ་དམུ་ཆུ་སྐྲན་ལ་སོགས༔ རང་ནད་ཐམས་ཅད་རང་གིས་ཁྱེར༔ བཟུང་བ་ཐོངས་ལ་བཅིངས་པ་ཁྲོལ༔ མནན་པ་ཁྱོགས་ལ་ཡོ་བ་སྲོང་༔ དུག་དང་ཀླུ་ཡི་ནད་གདོན་རྣམས༔ སྦལ་སྦྲུལ་ཚུལ་དུ་ཕྱིར་ལ་ཕྱུངས༔ བསམ་སྦྱོར་ངན་པ་ཡོད་ན་སོལ༔ ལག་རྒྱུ་ངན་པ་ཡོད་ན་ཁྲོལ་ཕྱིན་ཆད་གནོད་པ་མ་བྱེད་ཅིག༔ བཅོམ་ལྡན་དྲེགས་པ་ཀུན་འདུལ་གྱི༔ བཀའ་དང་དམ་ལས་མ་

[Full Size]

འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་རྨ་བྱས་བྱབ་ཚུལ་བྱས་ལ་ངར་མིར་བླུག་གོ༔ ༈ དེ་ནས་ཕུད་སྣོད་དུ་འབྲུ་སྣ་དང་གསེར་སྐྱེམས་བདར་ལ་བཟུང་བཅུག་ནས༔ ཧཱུྃ༔ སྲོག་བདག་རྒྱལ་པོ་ལི་བྱིན་ཧར༔ རྒྱལ་པོ་ཆེ་པོ་པེ་ཧ་ར༔ སྲོག་བདག་ཚངས་པ་དཀར་པོ་དང་༔ འགོང་པོ་སྤུན་དགུ་ལ་སོགས་པ༔ སྣང་སྲིད་རྒྱལ་འགོང་ཐམས་ཅད་ལ༔ མཐུན་རྫས་སྲིད་པའི་རྒྱལ་བཤོས་འབུལ༔ འབྲུ་མཆོག་དེ་ནི་ནས་ལས་བྱུང་༔ མིང་བཏགས་དེ་ནི་རྒྱལ་གྱི་བཤོས༔ ཞབས་ནི་སར་བརྟེན་ལྷུན་རེ་ཆགས༔ སྐེད་པ་ཚད་མེད་གྲུ་བཞིར་འདུས༔ ཟུར་བཞི་མཛེས་པ་བརྗིད་དང་ལྡན༔ བཙག་རམ་ཐིག་ཕྲན་འཇའ་འོད་འབར༔ ཟུར་བཞི་ལྕོག་བཞི་རྒྱལ་པོའི་སྐོར༔ ཧ་ཞལ་གསང་ཕྱི་ལ་སོགས་པ༔ རྒྱལ་པོ་དགྱེས་པའི་བཤོས་བུ་བཞེས༔ ས་མཁར་གྲུ་བཞི་ལྷ་ཁང་དབྱིབས༔ གཙུག་ལག་ཁང་ཆེན་དམིགས་པས་བསྐྱེད༔ འདོད་པའི་གཙུག་ལག་དཀོར་ཁང་འབུལ༔ བཙུན་གཟུགས་བྱ་ཁྱི་སྤྲེའུ་དང་༔ མདའ་འཕང་སྙུག་རྒོད་རྔ་ཁྲ་སོགས༔ སྲིད་པའི་མདོས་གླུད་རྒྱུན་ཅན་འབུལ༔ གསེར་བས་དེ་ནི་རིན་ཆེ་མེད༔ ཆང་བས་དེ་ནི་ངོ་ཆེ་མེད༔

[Full Size]

འབྲས་ཀྱི་ཆང་དང་འབྲུ་ཡི་ཆང་༔ རྒུན་ཆང་བུར་ཆང་སྦྲང་གི་ཆང་༔ ཁ་མངར་བསིལ་དང་སྐྱུར་སྣུམ་ལྡན༔ མགྲིན་བདེའི་ཡིད་ཚིམ་རོ་མཆོག་ལྡན༔ ཆང་དང་གསེར་དུ་སྦྱར་བ་འདི༔ སྲིད་པ་རྒྱལ་པོའི་ཚོགས་ལ་མཆོད༔ མདོས་གླུད་གསེར་སྐྱེམས་དམ་པ་འདི༔ དད་པའི་སེམས་ཀྱིས་འབུལ་ལགས་ན༔ དད་པ་ལོག་ཏུ་མ་བཅུག་ཅིག༔ བདག་ཅག་དཔོན་སློབ་ཡོན་མཆོད་ལ༔ གནོད་ཅིང་འཚེ་བ་མ་བྱེད་པར༔ བཅིངས་བ་ཁྲོལ་ལ་བསྡམས་པ་གློད༔ ར་ཚང་ནང་དུ་མཛོ་མ་བཏགས༔ ཁང་ཆུང་ནང་འདིར་རྒྱལ་མ་བཞུགས༔ ཁྱི་ཡི་ཤ་ལ་ཁྱུང་མ་ལྡིང་༔ ཡུར་ཆེན་ཡུར་ཆུང་ནང་མ་འདྲེན༔ རྒྱལ་པོ་བུ་ཆུང་གོ་མ་ལོག༔ རྒྱལ་ཆེན་པེ་གར་འཁོར་དང་བཅས་མཐའ་དབུས་གཙུག་ལག་བདག་པོར་གཤེགས༔ གནམ་ལྷ་དཀར་པོ་གནམ་དུ་གཤེགས༔ དགུང་ལྷ་བྱང་ཆུབ་དགུང་ལ་གཤེགས༔ བཅོམ་ལྡན་དྲེགས་པ་ཀུན་འདུལ་དང་༔ སློབ་དཔོན་པདྨ་འབྱུང་གནས་ཀྱིས༔ བཀའ་དང་དམ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་བརྗོད་ལ་གསེར་སྐྱེམས་ནམ་མཁའ་ལ་གཏོར་རོ༔ ཧཱུྃ༔ བགེགས་རྒྱལ་བྱི་ནཱ་ཡ་ཀ་

[Full Size]

ནི༔ བགེགས་རིགས་ཀུན་གྱི་སྡེ་དཔོན་ཡིན༔ སྟོང་གསུམ་བདག་པོ་སྤྲིན་གྱི་སྒྲོན༔ རྡོ་རྗེ་མཆུ་ལ་སོགས་པ་ཡི༔ གཙོ་བོ་གདོན་ཆེན་བཅོ་བརྒྱད་དང་༔ བྱིས་པའི་གདོན་ཆེན་བཅོ་ལྔ་དང་༔ བགེགས་རིགས་སྟོང་ཕྲག་བརྒྱད་ཅུ་སོགས༔ ལན་ཆགས་བདག་པོ་ཐམས་ཅད་ལ༔ བདག་ཅག་དཔོན་སློབ་ཡོན་མཆོད་ཀྱི༔ ཚེ་སྐྱིན་སྲོག་གླུད་ངར་མི་འབུལ༔ ཆང་རྗེས་དྲི་གླུད་ཤ་དུམ་དང་༔ འབྲུ་ནག་ཤེལ་ཚིགས་ཚ་སྒོག་སྦྱིན༔ འབྲུ་མཆོག་ངར་གྱི་མི་ཕོ་ཆེ༔ ཞོ་ཤའི་སྙིང་ལ་ལུང་ཐང་མིག༔ མགྲོན་བུའི་སོ་ལ་མུ་ཏིག་ཀླད༔ དུང་གི་རུས་ལ་བསེ་ཡི་ཤ༔ རླུང་གི་དབུགས་ལ་ནམ་མཁའི་སེམས༔ མེ་ཡི་དྲོད་ལ་དར་ཟབ་གོས༔ ཚོན་རྩིའི་བཀྲག་ལ་ཟེར་མང་ཀེེ༔ ལག་གཡས་གསེར་ལ་གཡོན་པ་གཡུ༔ རྐང་གཡས་ལྕགས་ལ་གཡོན་པ་ཟངས༔ རྒྱུ་ནི་འབྲུ་སྣ་རྟེན་འབྲེལ་རྫས༔ རྐྱེན་ནི་རིགས་བྱེད་མཁན་པོས་བྱས༔ ཕ་ནི་གནམ་ལ་མ་ནི་ས༔ ཕུང་ཁམས་སྐྱེ་མཆེད་ཐམས་ཅད་ཚང་༔ རིན་ཆེན་མང་དང་གཟུགས་མཛེས་དང་༔ འབྱམས་ཀླས་འཇིགས་ཀུན་བྲལ་བ་ཡི༔ དེ་བཞིན་གཤེགས་པའི་བདེན་པ་དང་༔ ན་མཿསརྦ་ཏ་ཐཱ་

[Full Size]

དང་༔ ག་ཏ་ཨ་ཝ་ལོ་ཀི་ཏེ༔ ཨོ་དང་སམྦྷ་ར་དང་ནི༔ སམྦྷ་ར་ཧཱུྃ་བྱིན་རླབས་ཀྱིས༔ མི་བས་གླུད་བཟང་ལྷ་ཕྲུག་འདྲ༔ ཕོ་གླུད་སྐྱེས་ཕྲན་སྟག་ཆས་ཅན༔ མོ་གླུད་མོ་བཙུན་གཡུ་འབལ་ཅན༔ བཙུན་གླུད་དགེ་སློང་སྣམ་སྦྱར་ཅན༔ མཛེས་སྡུག་བཀྲག་མདངས་ཡིད་འཕྲོག་པ་གཅིག་ལས་བྱེ་བ་བརྒྱ་སྟོང་འཕྲོ༔ ལན་ཆགས་བདག་པོ་བདག་མོ་ཡི༔ སྤྱན་སྔར་བརྒྱ་བརྒྱ་སྟོང་སྟོང་རེ༔ གླུ་ལེན་བྲོ་བརྡུང་དགྱེས་པ་བསྐང་༔ བདག་ཅག་དཔོན་སློབ་ཡོན་མཆོད་ཀྱི༔ ཚེ་སྲོག་ཉམས་པ་གླུད་ཀྱིས་བསླུ༔ བྱི་ནཱ་ཡ་ཀ་ལ་སོགས་པའི༔ དྲེགས་པའི་སྡེ་དཔོན་སུམ་ཅུ་དང་༔ སྔགས་བདག་དྲེགས་ཆེན་བཅོ་བརྒྱད་དང་༔ མ་མོ་མཁའ་འགྲོ་ཐམས་ཅད་ནི༔ ཁྱེད་རྣམས་ལྷ་ཡི་སྤྲུལ་པ་སྟེ༔ ཁྱོད་ལ་བྱང་ཆུབ་སེམས་ཡོད་པས༔ གཞན་ལ་གནོད་པ་ག་ལ་བྱེད༔ ཁྱེད་རྣམས་འཁོར་དང་སྡེ་རིགས་སུ༔ གཏོགས་པའི་འདྲེ་ངན་གདོན་གྱི་རིགས༔ ལན་ཆགས་བདག་པོ་བདག་མོ་ནི༔ བྱེ་བ་དུང་ཕྱུར་གྲངས་མེད་ལ༔ ངར་མི་ཆངས་སྤྲད་གླུད་འདི་བསྔོ༔ རེ་ལྡེ་མགོ་ཉག་བྱི་བའི་བདུད༔ ཕོ་བདུད་གཤེད་རྒྱལ་གླང་ལོའི་བདུད༔ ཁ་སྟ་གྲེ་ཡུག་སྟག་ལོའི་

[Full Size]

བདུད༔ ཆེ་ཤང་རྒྱལ་པོ་ཡོས་ལོའི་བདུད༔ ཕོ་ཁྲམ་རྒྱལ་པོ་འབྲུག་ལོའི་བདུད༔ ངུར་མོ་ཆེན་མོ་སྦྲུལ་ལོའི་བདུད༔ གཏུམ་པོ་ལག་རིང་རྟ་ལོའི་བདུད༔ བདུད་རྒྱལ་རུ་རིང་ལུག་ལོའི་བདུད༔ རེ་ལྡེ་མགོ་ཉག་སྤྲེལ་ལོའི་བདུད༔ གཟུགས་མེད་སྒྲ་ཅན་བྱ་ལོའི་བདུད༔ ཡོར་མོ་ནག་མོ་ཁྱི་ལོའི་བདུད༔ དུར་མོ་འགྲམ་རིང་ཕག་ལོའི་བདུད༔ ལོ་བདུད་ལོ་གཤེད་བཅུ་གཉིས་ལ༔ ངར་མི་གླུད་མདོས་འདི་འབུལ་ལོ༔ ལོ་བདུད་ཟླ་བདུད་ཞག་བདུད་དང་༔ དུས་ཚོད་བདུད་དུ་མ་འབེབས་ཤིག༔ ཡུལ་འདྲེ་ནག་མོ་ཁྱི་ཞོན་སོགས༔ སྲིད་པའི་འཁྲུག་འདྲེ་བཅོ་བརྒྱད་དང་༔ བྲག་ཐེལ་ནག་པོ་འུག་ཞོན་སོགས༔ ཐན་སྐྱ་ཉི་ཤུ་རྩ་གཅིག་ལ༔ ངར་མི་ཆངས་སྤྱད་དྲི་གླུད་བསྔོ༔ ཁྱི་འབྲུག་གླང་ལུག་གཤེད་ཀྱི་ཕ༔ གློག་འགྱུ་མ་ནི་གཤེད་ཀྱི་མ༔ གཤེད་ཀྱི་ཕྱོགས་བཞིའི་སྐྱ་པ་བཞི༔ མི་ནག་ཁྲམ་ཐོགས་བཅུ་གསུམ་སོགས༔ ཟ་བའི་འདྲེ་དང་ཤི་བའི་གཤེད༔ ཐམས་ཅད་གླུད་འདིས་ཚིམས་གྱུར་ཅིག༔ བསེ་རག་རྒྱལ་པོ་གཞོན་ནུ་པ༔ མི་རྒན་ཤོ་ཁོག་གྱོན་པ་སོགས༔ བསེ་རག་ལྟོགས་འགོང་དབུལ་སྲི་རྣམས༔ གླུད་འདི་

[Full Size]

ཁྱེར་ལ་མྱུར་དུ་དེངས༔ ལྟེ་ཕུར་ནག་མོ་བྱ་མཆུ་མ༔ ཕོ་གྱོང་བཟའ་ནི་དཔོན་གཡོག་གསུམ༔ འདྲེ་བསེན་དགུ་པོ་འཁོར་དང་བཅས༔ ངར་མི་ཆངས་སྤྱད་ཁྱེར་ལ་སོང་གཞན་ཡང་བདག་ཅག་ཡོན་མཆོད་ལ༔ ཚེ་རབས་ཐོག་མ་མེད་པ་ནས༔ ཟས་ནོར་སྲོག་གི་ལན་ཆགས་པའི༔ ཟ་རེ་འཐུང་སྐོམ་བྱེད་པ་ཡི༔ འདྲེ་ངན་གདོན་རིགས་མ་ལུས་པ༔ ངར་མི་ཤ་དུམ་ཆངས་བུ་དང་༔ འབྲུ་ནག་རམ་རུག་སྦྲང་མ་སོགས༔ ཡས་སྟགས་འདི་ཡིས་ཚིམས་གྱུར་ནས༔ བུ་ལོན་ལན་ཆགས་བྱང་གྱུར་ཅིག༔ རང་གི་ལུས་ལ་དཔེ་ལོངས་ལ༔ གཞན་ལ་གནོད་པ་མ་བྱེད་ཅིག༔ ཁྱེད་ཅག་མི་རྟག་ཚེ་འཕོས་ཏེ༔ རང་བྱས་རང་ལ་སྨིན་གྱུར་ནས༔ མནར་མེད་སྡུག་བསྔལ་ཡ་རེ་ང་༔ དེ་ནས་མ་གནོད་གཞན་དུ་དེངས༔ བྱང་ཆུབ་སེམས་དང་ལྡན་གྱུར་ཅིག༔ ཅེས་ངར་འཕྱོང་ངོ་༔ ཟ་ལམ་བཅས་པ་དེ་ར་ནག་པོའི་གཡང་གཞིའམ༔ རེ་བའམ་ཕྱར་བ་ནག་པོ་ལ་བཞག་ལ་བྲན་ནས༔ བྷྱོ་བྷྱོ་བྷྱོ༔ ནད་ཀྱི་བདག་མོ་གནས་ནས་སྤྱོན༔ ཟློག་བྱེད་མ་གཅིག་སྤྱན་འདྲེན་ནོ༔ སྒྱུར་བྱེད་མ་གཅིག་སྤྱན་འདྲེན་ནོ༔ དོ་ནུབ་བཟློག་བསྒྱུར་དུས་ལ་བབ༔ གླུད་བདག་ཆེན་མོ་གླུད་ལ་གཤེགས༔ ཁྲོ་

[Full Size]

རྒྱལ་ཀུན་གྱི་ཡུམ་གཅིག་མ༔ མ་མོ་ཀུན་གྱི་ཚོགས་བདག་མོ༔ བརྟན་མ་ཀུན་གྱི་ཡང་རྗེ་མོ༔ སྐྱེ་འགྲོ་ཀུན་གྱི་སྲོག་བདག་མོ༔ བྱང་ཤར་མཚམས་ན་གནས་བཅས་ཤིང་༔ མི་རོ་རྟ་རོའི་ཁྲི་སྟེང་ནས༔ མ་ཡི་ནང་ནས་མ་གཅིག་མ༔ སྲིང་གི་ནང་ནས་སྲིང་གཅིག་མ༔ གཤིན་རྗེའི་ལྕམ་གཅིག་དེ་ན་བཞུགས༔ བདུད་ཀྱི་ཡུམ་གཅིག་དེ་ན་བཞུགས༔ སྐུ་མདོག་མཐིང་ནག་འཇིགས་པ་ལ༔ རལ་པ་ནག་པོས་སྟོང་ཁམས་ཁྱབ༔ ཁ་ན་མི་ཁྲག་རྟ་ཁྲག་འཇོང་༔ ཆིབས་སུ་དྲེལ་རྟ་རྐང་གསུམ་ཆིབས༔ ཉིན་བཞིན་རྒྱལ་ཁམས་ཀུན་ཏུ་རྒྱུགས༔ མཚན་བཞིན་དུར་ཁྲོད་གནས་ཉུལ་མ༔ ལེགས་ཉེས་གཉིས་ཀྱི་སྟངས་འཛིན་མ༔ དམ་ཚིག་ཉམས་པའི་རྗེས་གཅོད་མ༔ དམ་ལ་གནས་པའི་ཚེ་འཛིན་མ༔ མ་ཐོགས་མྱུར་དུ་ད་ཚུར་བྱོན༔ ཟ་ལམ་གླུད་གཏོར་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་རྣམས༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་གློད་ལ་མནན་པ་ཁྱོག༔ སྡེ་བརྒྱད་སུན་མ་བཟློག་ཏུ་གསོལ༔ མ་མོ་མཁའ་འགྲོའི་སུན་མ་ཟློག༔ བརྟན་མའི་དལ་ཁྲམ་བསྒྱུར་དུ་གསོལ༔ མ་མོ་ཚུར་བྱོན་གླད་ལ་

[Full Size]

བྱོན༔ འཁོར་ལོས་སྒྱུར་བའི་ལྷ་ཆེན་དང་༔ གནམ་ལྷ་དཀར་པོ་བཅུ་གཉིས་དང་༔ གནམ་ཁྱི་དཀར་པོ་མགོ་དགུ་དང་༔ གནམ་ཁྱི་བྱ་དཀར་མཆེ་ཅན་དང་༔ ཆེ་ཞེས་གནམ་གྱི་གུང་རྒྱལ་དང་༔ ཉི་མ་མེ་ཁྱེར་གློག་ཕྲེང་དང་༔ མ་ཧཱ་དེ་ཝ་ཡབ་ཡུམ་དང་༔ ཀླུ་རྒྱལ་ནག་པོ་སྦྲུལ་མགོ་དང་༔ མ་བདུད་བཙན་གྱི་བདག་པོ་དང་༔ གཡའ་སྤང་མཚམས་ཀྱི་སྐྱེས་གཅིག་དང་དབང་ཕྱུག་ཉི་ཤུ་རྩ་བརྒྱད་དང་༔ བོད་ཁམས་བརྟན་མ་བཅུ་གཉིས་དང་༔ ས་སྐོར་འདི་ལ་གནས་པ་ཡི༔ ལ་ཡི་བདུད་དང་ལུང་ཁུང་བདུད༔ ལ་ཡི་བཙན་དང་ལུང་གི་བཙན༔ སྲོག་དབུགས་ལེན་པའི་ལྷ་འདྲེ་ལ༔ ཟ་ལམ་གླུད་གཏོར་རྒྱ་ཆེན་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་གློད་ལ་མནན་པ་ཁྱོག༔ སྲིད་པའི་དལ་ཁ་བསྒྱུར་དུ་གསོལ༔ མི་བས་གླུད་བཟང་འདི་བཞེས་ལ༔ ད་ནི་མ་མོའི་གནས་སྤོ་འཚལ༔ དགྲ་བོའི་ཡུལ་དུ་བྲང་སྤོས་ལ༔ སྲིད་པའི་དལ་ཁ་བཟློག་ཏུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གིང་དཀར་ནག་གི་འཆམ་ཡོད་ན་རབ༔ མེད་ན་མཆོད་གཡོག་གིང་དཀར་ནག་ཏུ་བསྒོམས་པས་དེ་བསྐོར་ཞིང་གནོད་བྱེད་ཕྱོགས་སུ་ཁ་བསྒྱུར་ཏེ་ཡུངས་ཀར་

[Full Size]

རམ་ནས་ལྕག་བྲབ་ཅིང་༔ ཨེ་ཨཻ་ཨཽ༔ ཨ་ཀྲོ་ཏེ་ཀ༔ ཡ་མཱནྟ་ཀ༔ ཡ་མ་ཡེ༔ ཀཱ་ལ་རཱུ་པ་ཀ་པ་ཡེ༔ ཧྲིལླི་ཨ་པ་ཡེ༔ ཨ་ཨ་ནེ་ཨ་ནེ༔ ཨུ་ཨུ་ནེ་ཨུ་ནེ༔ དུ་དུ་ནེ་དུ་ནི༔ ཨ་ཨི་ས་མ་ཡ་བྷྱོ༔ ཧཱུྃ་སྟམྦྷ་ཡ༔ ལོ་ཀ་སྟམྦྷ་ཡ༔ ཧ་ཧོ་ཟློག་ཟློག༔ ས་ག་དུ་ན་ཟློག༔ ཀ་རུ་ན་ཙ་ལེ་ཙ་ལེ་ཧཱུཾ་ཕཊ༔ ཨོ་ཙ་དུར་སྙིང་ན་ཟློག༔ མ་མོ་རྭ་ཙ་ཡམ་ཟློག༔ ཤན་ཏྲག་རཀཱ་ཡམ་ཟློག༔ རཀྟ་རེ་མ་ཏི་རུ་ལུ་རུ་ལུ་ས་མ་ཡ་བྷྱོ༔ ཨོཾ་ཨ་ཀྲོ་ཏེ་ཀ་ཤྲཱི་མཉྫ་ཡ་མ་རཱ་ཙ་ཡམ་ཟློག༔ རིག་སྔགས་ཀྱི་དབལ་ཟོར༔ གདུག་པའི་བྱད་སྟེམས་ཐམས་ཅད་ཟློག༔ བྱད་ཁ་ནག་པོའི་སྟེང་དུ་བྷྱོ༔ རང་སྔགས་རིང་ལ་ཟློག༔ རང་བྱད་རང་ལ་ཟློག༔ རང་གཤེད་རང་ལ་ཟློག༔ རང་བདུད་རང་ལ་ཟློག༔ ཕར་ལ་གྷོ་བྷྱོ༔ ཕར་ལ་ཟློག་ཟློག༔ ཕར་ལ་སྒྱུར་སྒྱུར༔ བྱད་མ་ལྷ་དང་བཅས་པའི་སྟེང་དུ་བྷྱོ་བྷྱོ༔ ཟློག་ཟློག༔ སྒྱུར་སྒྱུར༔ སྡང་བར་བྱེད་པའི་དགྲ་ལ་བྷྱོ༔ གནོད་པར་བྱེད་པའི་བགེགས་ལ་བྷྱོ༔ ཕུང་བར་བྱེད་པའི་སྲི་ལ་བྷྱོ༔ ཟ་བར་བྱེད་པའི་འདྲེ་ལ་བྷྱོ༔ བདག་ཅག་དཔོན་སློབ་ཡོན་མཆོད་ལ༔ མཐུ་སྒྲུབ་བྱེད་པའི་སྟེང་དུ་བྷྱོ༔ ཕུར་སོ་སྟོན་པའི་

[Full Size]

ཏེང་དུ་བྷྱོ༔ ཟོར་ཁ་སྟོན་པའི་སྟོན་པའི་སྟེང་དུ་བྷྱོ༔ བདུད་ཀྱི་ཕོ་ཉ་ཐམས་ཅད་ཟློག༔ ལྷ་བྱད་ཀླུ་བྱད་ཐམས་ཅད་ཟློག༔ བན་བྱད་བོན་བྱད་ཐམས་ཅད་ཟློག༔ སྔགས་བྱད་དུག་བྱད་ཐམས་ཅད་ཟློག༔ ཁྲམ་ཁ་དལ་ཁ་ཐམས་ཅད་ཟློག༔ ཕྱོགས་བཞི་མཚམས་བརྒྱད་སྟེང་འོག་བཅུའི༔ བྱད་སྟེམས་ཐམས་ཅད་ཟློག་ཟློག་སྒྱུར་སྒྱུར་བྷྱོ་བྷྱོ༔ ཞེས་ཟ་ལམ་འཕྱངས་འདི་རྒྱུན་དུ་འདོན་ཅིང་ཟ་ལམ་དངོས་ནི་འབུལ་ཁ་བར་མི་འདོན་ནོ། །གཏེར་གཞུང་ནས་ཟ་ལམ་དང་ངར་མདོས་ཕྱོགས་གཅིག་ཏུ་གསུང་པ་སྟེ། ཟ་ལམ་འདི་ཤིན་ཏུ་གཙང་སྦྲ་གལ་ཆེ་བ་ལ། བཙོག་གླུད་ལ་བསྔོས་ན་ཤིན་ཏུ་མི་རུང་ངོ་། །བདག་གིས་ལེགས་པར་ཕྱེས་ཡོད་དོ། །གོ་བར་མཛོད་ཅིག་སྔགས་པ་ཚོ། གླུད་ཟེར་བའི་གོ་བ་ནི་ཉོ་བའི་རིན་ལྟ་བུ་གཅིག་ཡིན་གྱིས། དྲི་གླུད་མི་གཙང་བ་གཅིག་ཁོ་ན་ཡིན་པར་མ་སེམས་ཤིག །ཅེས་པ་སྔགས་འཆང་རཱ་ག་ཨ་སྱས་བསྡུས་ཏེ་བྲིས་པ་ལ་ཉེས་འགལ་བཤགས་ཤིང་དགེ་བས་འདི་དང་འབྲེལ་བའི་ཡོན་མཆོད་ཐམས་ཅད་བཀྲ་ཤིས་པར་གྱུར་ཅིག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་བརྒྱུད་ཁྲོ་བོ་རོལ་པའི་དགོས་ཆེད་ཕན་ཡོན་དང་དམིགས་རིམ་མདོར་བསྡུས།

[Full Size]

བཀའ་བརྒྱུད་ཁྲོ་བོ་རོལ་པའི་དགོས་ཆེད་ཕན་ཡོན་དང་དམིགས་རིམ་མདོར་བསྡུས་ཡོད་དོ༔ ༈་འདི་ཞག་ལྔའམ་བདུན་བྱས་ན་མདོས་སྒྲུབ་བམ་གཏོར་སྒྲུབ་ཏུ་འགྲོ་བས་སྔགས་པ་རང་བཀའ་བརྒྱད་ལ་བསྙེན་སྒྲུབ་བྱས་པའི་འབྲེལ་པ་ཐོབ་པས་ཕྱི་མའི་ས་ལམ་ལ་ཕན་ཅིང་ད་གང་རྐྱེན་བཟློག་པའི་ལུང་འདི་རྣམས་ལགས་སོ།།

[Full Size]

སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ བཅོམ་ལྡན་འདས་དཔལ་ཀུན་ཏུ་བཟང་པོའི་བཀའ༔ སྒྲུབ་པ་བཀའ་བརྒྱད་རྩ་བའི་རྒྱུད་ཆེན་པོ་གསང་བ་འདུས་པའི་ལེའུ་བཞི་བཅུ་ཞེ་གསུམ་ཡོད་པ་ལས༔ རབ་ཏུ་ལོ་སྒྲུབ་རྟགས་དང་སྦྱརཿ༔ འབྲིང་དུ་ཟླ་སྒྲུབ་གྲངས་ལ་སྦྱརཿ༔ ཐ་མས་ཟླ་བདུན་ཞག་ལྔ་རུ༔ དད་བརྩོན་དྲག་པོས་བསྒྲུབས་གྱུར་ན༔ མཚམས་མེད་ལྔ་སྤྱོད་ཟིན་མིས་ཀྱང་༔ དངོས་གྲུབ་ཐོབ་པ་གསང་སྔགས་ཁྱད༔ དམ་ལྡན་རྣམས་ལ་སྨོས་ཅི་དགོས༔ ཞེས་གསུངས་སོ༔ ཨོ་རྒྱན་ཆེན་པོས༔ གསང་སྔགས་དོན་གྱི་ཡང་སྙིང་འདི་ཁོ་ནའོ༔ སྒྲུབ་ཆེན་འདི་ཡི་མིང་ཙམ་

[Full Size]

སུས་གང་འཛིན༔ དེ་དང་ཨོ་རྒྱན་ང་ཉིད་སྙིང་ཁྲག་གཅིག་ཏུ་འདྲེས༔ གསང་བའི་རྒྱུད་ཆེན་སྒྲུབ་ཡིག་གང་སུས་འཛིན༔ དེ་ཕྱོགས་བདེ་གཤེགས་དམ་ཅན་ཀུན་འདུས་ནས༔ ཤ་རུལ་སྦྲང་མ་ཅི་བཞིན་ནོ༔ འདི་ཕྱོགས་ཐེ་ཚོམ་ཟ་བའི་མི་གང་སུ༔ ཚེ་འདིར་ཡིད་དུ་མི་འོང་ཀུན་འདུས་ནས༔ མནར་མེད་རྡོ་རྗེ་དམྱལ་སྟེང་དེར་འགྲོ་བས༔ ཀུན་གྱིས་ཐུན་མོང་མ་ཡིན་གསང་དམ་གསུངས༔ ཞེས་དང་གཏེར་བཅུད་ཡོངས་རྫོགས་ངོ་མཚར་རྨད་དུ་བྱུང་༔ གཅེས་འཕང་ཅན་ཅིག་མིང་བརྗོད་མིག་འབྲུལ་སེམས༔ པདྨ་ང་ཡི་སྲོག་གི་དྭངས་མ་སྟེ༔ དུས་གསུམ་རྒྱལ་བའི་

[Full Size]

སྲོག་སྙིང་འདི་ཁོ་ནའོ༔ ཞེས་དང་༔ ཡི་དམ་རྩ་བར་གསང་བ་ཡོངས་རྫོགས་བསྒྲུབ༔ དུས་གསུམ་རྒྱལ་བའི་སྤྱི་སྒྲུབ་འདི་ཀ་ཟབ༔ འདི་འཆང་ཨོ་རྒྱན་ང་དང་འབྲལ་བ་མེད༔ རིག་འཛིན་བརྒྱད་འདུས་དམ་ཅན་བྲན་དུ་ཁོལ༔ ཉམས་སུ་མི་ལེན་རྒྱུད་རྐང་མི་འཛིན་པའི༔ མི་ལ་བྱིན་ན་ཨོ་རྒྱན་ང་ཉིད་བསླུས༔ དམ་ཅན་ཚོགས་ཀྱིས་འདི་ལ་བྱ་ར་མཛོད༔ ཅེས་དང་༔ བཀའ་བརྒྱུད་གཞུང་སྣ་གཅིག་ལ་མི་བརྟེན་པའི༔ སྔགས་པ་མཐུ་རྩལ་ཆེ་ཡང་མཐར་བརླག་འགྲོ༔ གཉན་པོ་མེད་པའི་བཙན་དུག་ཟ་བ་འདྲ༔ དེ་ཕྱིར་བཀའ་བརྒྱད་སྒྲུབ་གཞུང་སྣ་གཅིག་བསྒྲུབས༔ རིག་འཛིན་གོ་འཕང་མྱུར་བགྲོད་སྨོས་ཅི་དགོས༔ མཐར་ཐུག་ཡིན་ནོ་སྙིང་གི་དཀྱིལ་དུ་འཆོངས༔ ཞེས་གསུངས་པའི་ཕྱིར༔ སྔགས་པ་རྣམས་ཀྱིས་ཡི་དམ་འདི་ལ་བྱེད་པ་གལ་ཆེ་བར་སྣང་ཞིང་༔ བདག་འདྲ་པདྨ་འབྱུང་གནས་ཀྱིས༔ ཕྱི་རབས་སྔགས་འཆང་དོན་སླད་དུ༔ བྱད་དང་རྦོད་གཏོང་ལྟས་ངན་ཡེ་འདྲོག་དང་༔ དུས་འཁྲུག་ནད་རིམས་སྔགས་པ་ནང་འགྲས་དང་༔ རྒྱལ་པོས་ཆད་པ་ཕ་རོལ་དམག་ལ་སོགས༔ མི་མཐུན་བཟློག་ཕྱིར་ཁྲོ་རོལ་གཏོར་ཟློག་གི༔ ཉམས་ལེན་མན་ངག་གནད་ཀྱི་གདམས་པ་

[Full Size]

བཤད༔ ཅེས་སོགས་ནས༔ གློ་བུར་བརྒྱད་ཅུ་རྩ་གཅིག་དང་༔ ནད་རིགས་བཞི་བརྒྱ་རྩ་བཞི༔ ཡེ་འདྲོག་སུམ་བརྒྱ་དྲུག་པ༔ མོ་ངན་རྨི་ལམ་ངན་པ༔ ཕྱོགས་ངན་རྦོད་གཏོང་༔ ཆོས་ཟོར་བོན་ཟོར་ངན་པ་ཐམས་ཅད་ཟློག་པར་བྱེད་པའོ༔ ཡོངས་རྫོགས་གཏོར་ཟློག་དྲག་པོ་ཞེས་བྱ་བ་འདི་ནི་གར་ཐོད་ཐོད་དུ་མི་བྱའོ༔ གསང་འདུས་རྒྱུད་ལས༔ ཨོ་རྒྱན་པདྨས་བསྡུས་ཞེས་དང་༔ རྡོ་རྗེ་སློབ་དཔོན་མཆེད་དང་ལྕམ་དྲལ་ལ༔ བསམ་སྦྱོར་ངན་པ་གཏོང་བ་བཟློག་པ་དང་༔ སྔགས་པ་ནང་རྒྱས་ཆོད་གཏོང་ལྟས་ངན་དང་༔ ཆོ་འཕྲུལ་བཟློག་ཕྱིར་ཁྲོ་རོལ་གཏོར་ཟློག་བཤད༔ ཅེས་དང་འདི་ལྟར་བྱས་ན༔ བསམ་སྦྱོར་ངན་པ་གདུག་རྩུབ་ཆོད་གཏོང་དང་༔ ལས་ངན་ཆག་ཆེན་ལྷ་འདྲེའི་གཡོས་ལ་སོགས༔ མི་མཐུན་ཐམས་ཅད་ཟློག་པར་ཐེ་ཚོམ་མེད༔ འདི་ལྟ་བུའི་ཟློག་པ་ནི༔ འཛམ་གླིང་བོད་ཡུལ་མ་གྲགས་ཏེ༔ ཨོ་རྒྱན་པདྨ་འབྱུང་གནས་ངས༔ རྒྱུད་ལས་བཏུས་ཏེ་བཙས་སུ་བཞག༔ ཅེས་དང་༔ གསང་བ་ཡོངས་རྫོགས་རྒྱུད་དག་ལས༔ བར་ཆད་ཀུན་སེལ་གཏོར་ཟློག་ནི༔ ཞེས་པ་ནས༔ གློ་བུར་བརྒྱད་ཅུ་རྩ་བཞི༔ ཡེ་འདྲོགས་སུམ་བརྒྱ་

[Full Size]

དྲུག་ཏུ༔ མོ་ངན་རྨིས་ངན་ཕྱོགས་ངན༔ དམག་སྣ་རྦོད་གཏོང་བོན་ཟོར་ཆོས་ཟོར༔ ངན་པ་ཐམས་ཅད་ཟློག་པར་བྱེད་དོ༔ ཡོངས་རྫོགས་གཏོར་ཟློག་དྲག་པོ་ཞེས་བྱ་བ་འདི་རབ་ཏུ་གཉན་པས་གར་ཐོད་ཐོད་དུ་མི་བྱ༔ གསང་འདུས་རྒྱུད་ལས་ཨོ་རྒྱན་བདག་གིས་བཏུས༔ ཞེས་དང་༔ གཏོར་མས་ཟློག་པའི་གཟེར་ཁ་ལས༔ བནྡེ་བརྒྱ་ཡིས་འཁོར་ལོ་བསྐོར་བ་ཡང་༔ ལས་འདི་ཡིས་ནི་ཟློག་པར་འགྱུར༔ གལ་ཏེ་བཟློག་པར་མ་གྱུར་ན༔ པདྨ་བདག་གིས་མ་ཤེས་ཀྱི༔ མ་མོའི་དམག་དཔུང་བྱུང་ཡང་ཟློག༔ མ་མོའི་ཐུན་ཁ་ཟློག་པ་འདི་ཟབ་བོ༔ རྒྱལ་པོའི་བཀའ་ནད་ཐམས་ཅད་ཟློག༔ ཀླུ་ཡི་བྱད་དང་གནོད་པ་ཟློག༔ ཐེའུ་རང་སྟོང་གི་གནོད་པ་ཟློག༔ བཙན་གྱི་ཤོད་ཁ་ཐམས་ཅད་ཟློག༔ གཤེད་ཆེན་གཟའ་ཡི་གནོད་པ་ཟློག༔ བནྡེ་ལྷ་ཡི་གནོད་པ་ཟློག༔ ཡམས་རྗེ་བདུད་ཀྱི་གནོད་པ་ཟློག༔ རཀྵ་སྲིན་པོའི་གནོད་པ་ཟློག༔ གཏོར་མ་དགུ་ལ་བྱ་ཁྱུང་དང་༔ བྱང་བུ་དགུ་ཡི་ཟློག་པ་བྱ༔ རྔ་བརྡུང་སྟོང་དང་འགྲས་ཀྱང་ཟློག༔ དྲག་སྔགས་སོ་ལྔས་རྒྱབ་བརྟེན་བྱ༔ ཞེས་གསུངས་སོ༔ ཞི་ཁྲོ་གསང་བ་ཡོངས་རྫོགས་ཀྱི༔ ཕྱི་རབས་རྣལ་འབྱོར་དོན་ཆེད་དུ༔ ལྟས་ངན་

[Full Size]

གཏོར་མས་ཟློག་པ་ནི༔ ཞེས་ཁྱུང་བཅས་གསུངས་ཤིང་༔ ལྔ་བརྒྱ་དུས་ཀྱི་སྙིགས་མ་དང་པོ་ལ༔ ཕྲེང་ཐོགས་རྣམས་ཀྱིས་ཆོས་བཞིན་མི་བྱེད་དེ༔ སྔགས་པ་རྣམས་ཀྱིས་དམ་དམེ་ནང་རྒྱས་བྱེད༔ བཙུན་པ་འདུལ་ཁྲིམས་མི་བསྲུང་ཡི་དམ་མེད༔ ཀུན་ཀྱང་སྐྱེ་བ་ལས་ཀྱི་སྲིན་པོར་གྱུར་ནག་པོས་བདུད་དང་མུ་སྟེགས་བསྟན་པ་དར༔ མཐུ་བྱེད་སྨོད་གསུམ་དལ་ཡམས་ཆར་ལྟར་འབེབས༔ དེ་དུས་འཕྲལ་གྱི་ཆོ་གས་མི་ཟློག་སྟེ༔ ཆེ་མཆོག་ཀུན་འདུས་དྲེགས་པ་ཀུན་སྒྲོལ་འདི་གུ་རུ་བདག་གིས་ཐུགས་ཀྱི་དཀྱིལ་དུ་སྦས༔ ལས་ཅན་གཅིག་གིས་བསྟན་པ་སྲུང་བར་ཤོག༔ ཅེས་གསུངས་སོ༔ ཕྱི་རབས་བསྐལ་པ་སྙིགས་ནས་ནད་དང་གདོན་རྣམས་དར༔ བྲུབ་དང་རྦད་འདྲེ་གཏད་སོལ་ངག་གནོན་དུ་མ་བྱེད༔ རིམས་སོགས་གནོད་པ་བརྒྱ་དང་བཅུ་གཉིས་འབྱུང་༔ དེ་རྣམས་ཟློག་བྱེད་ཁྲོ་རོལ་འདི་ཡིན་ཏེ༔ མ་ཟློག་གང་ཡང་མེད་པས་ལྟས་ངན་སྟོང་བཟློག་བསྟན༔ སཱ་མཱ་ཡཱ༔ རྒྱ་རྒྱ་རྒྱ༔ ཡུལ་ཁམས་ཐམས་ཅད་ནད་རིམས་སྣ་ཚོགས་ཀྱིས༔ ཟས་ནོར་ལོངས་སྤྱོད་ཐམས་ཅད་ཕྱགས་མས་འདེབས༔ མི་ཕྱུགས་འགྲོ་བ་ཐམས་ཅད་དམྱལ་ཐག་གཅོད༔ དེ་དག་ཞི་

[Full Size]

བའི་ཐབས་རྣམས་བདག་གིས་སྟོན༔ ཆག་ཆེན་ཉམ་ང་གཞན་གྱིས་མི་བཟློག་གསོན་བྲལ་འབྱུང་༔ དེ་རྣམས་ཟློག་བྱེད་ཁྲོ་བོ་རོལ་པའི་ལས་ཆེན་འདི་ཡིན་ཏེ༔ དེ་ཟློག་ཞི་བར་བྱེད་པ་འདི་ལྟར་ཟུངས༔ གཏོར་ཟློག་གཞུང་ལྟར་བྱས་ནས་ནི༔ ཞེས་ཁ་སྒྱུར་ལས་ཚོགས་རྣམས་གསུངས་སོ༔ དེ་ཡང་ཆེ་མཆོག་སྤྱི་ཟློག་འདི༔ ཏན་ཏྲ་གང་ལས་གྲོལ་ན༔ རྫོགས་པ་ཆེན་པོ་ཨ་ཏི་ཡོ་ག་ལས་གྲོལ༔ རྒྱུད་གང་ལ་གཏོགས་ན་ཕྲིན་ལས་ཀྱི་རྒྱུད་ཀརྨ་མ་ལོ་ལ་གཏོགས༔ དགོས་པ་ཅིའི་ཕྱིར་ན༔ ལྷ་མ་ཡིན་ཐམས་ཅད་ཀྱི་གཡུལ་ཟློག་པའི་ཕྱིར་ན་དགོས༔ ཆེ་མཆོག་མཉམ་ཉིད་ལས༔ ཆེ་མཆོག་ལ་དད་པ་བྱས་ལ༔ སྣང་སྲིད་དྲེགས་པ་ལས་ལ་བཅོལ་བའོ༔ དེ་ཡང་ཆེ་མཆོག་ཧེ་རུ་ཀའི་ཟློག་པ་འདི་ལ་གསུམ་སྟེ༔ དྲེགས་པ་སྤྱི་ཟློག་མདོས་སུ་བཏང་བ་དང་གཅིག༔ ཁྱུང་ལ་བརྟེན་ནས་ལྟས་ངན་ཟློག་པ་དང་གཉིས༔ ཡུམ་ལ་བརྟེན་ནས་སྐག་སྒྱུར་ངར་ཟློག་ཏུ་བཏང་བ་དང་གསུམ་མོ༔ དེ་རྣམས་རྣལ་འབྱོར་པ་བདག་གམ༔ ཡོན་བདག་ཚང་པོ་ཆེའམ༔ རང་གི་སྡེ་གང་ཡང་རུང་བ་ལ༔ དལ་ཡམས་ཆེན་པོ་བབ་པའམ༔ རྡོ་རྗེ་སློབ་དཔོན་ཡུན་རིང་བསྙུངས་ཀྱིས་ཟིན་པའམ༔ བྱད་ཁ་

[Full Size]

ཆེན་པོ་ཟུག་པའམ༔ མུ་སྟེགས་ཀྱི་སྡེ་ལངས་ན༔ དྲེགས་པ་སྤྱི་ཟློག་གི་མདོས་སུ་བཏང་སྟེ༔ ཞེས་དང་༔ རྣལ་འབྱོར་པ་བདག་དང་ཡོན་བདག་གང་ཡང་རུང་བ་ལ༔ རྨི་ལམ་ངན་པའམ༔ མོ་ལྟས་ངན་པའམ༔ ཐན་ལྟས་ངན་པ་བྱུང་བ་ན༔ བྱ་ཁྱུང་གི་ཟློག་པ་བྱ་བ་ནི༔ ཞེས་དང་༔ ཆེ་མཆོག་ཕྲིན་ལས་ཀྱི་མངའ་བདག༔ དབང་ཕྱུག་ནག་མོའི་བཀའ་སྒྱུར་ནི༔ འཚེར་རྩུབ་ཆེ་བའམ༔ མཚེར་ཀ་དྲག་པོ་ཟུག་པའམ༔ ནད་པ་ཡུན་རིང་པའམ༔ ཟློག་པ་གཞན་གྱིས་མ་འགྲུབ་ན༔ གཏོར་མདོས་ངར་ཟློག་ཏུ་བྱ་བ་ནི༔ ཞེས་བཅའ་ཚོགས་འདྲ་མིན་མང་དུ་གསུངས་ཀྱང་༔ ཐམས་ཅད་སྤྱི་ཟློག་འདི་ལ་ཚང་བའོ༔ ཡང་རྩ་རྒྱུད་གསང་བ་འདུས་པ་ལས་རྣལ་འབྱོར་དམ་ཉམ་མཁའ་འགྲོ་འཁྲུགས༔ དེ་དག་མདོས་ཀྱིས་བསྐང་ཕྱིར་དང་༔ ཉམས་ཆག་གསོ་དང་མཚོན་འཁྲུག་གཅོད༔ ནད་གདོན་གནོད་པ་ཞི་བྱེད་ཅིང་༔ ཚེ་དང་བསོད་ནམས་ལོངས་སྤྱོད་སྤེལ༔ སྣང་སྲིད་དབང་སྡུད་དགྲ་བགེགས་སྒྲོལ༔ དམ་ཅན་ལས་འགྲུབ་ཕུར་ཁ་ཟློག༔ རྟོགས་ཚོགས་ལྷ་རུ་ངོ་སྤྲད་ཅིང་༔ བླ་མེད་འབྲས་བུ་ཐོབ་བྱའི་ཕྱིར༔ ཡོངས་རྫོགས་གླིང་བཞི་སྤྱི་མདོས་

[Full Size]

བཤད༔ རྣམ་དག་སྤྲོས་བྲལ་ཆོས་སྐུ་ལ༔ བྱིན་རླབས་ལོངས་སྐུ་མཚན་དཔེ་ལྡན༔ ཐུགས་རྗེས་སྤྲུལ་སྐུ་བསམ་ཡས་ཀྱང་༔ བསྡུ་ན་བཀའ་བརྒྱད་ཡོངས་རྫོགས་ཡིན༔ ལས་དང་ཡེ་ཤེས་ཚུལ་དུ་སྣང་༔ ལྟ་སྤྱོད་ཟུང་འཇུག་མདོས་ཀྱིས་བསྐངས༔ ཞེས་པ་དང་༔ དབྱིངས་ནས་མདོས་ཕྱུང་འགྲོ་དོན་བྱ༔ སླར་ཡང་ཆོས་ཀྱི་དབྱིངས་སུ་བསྟིམ༔ དངོས་གྲུབ་ཐམས་ཅད་མདོས་ལས་འབྱུང་༔ ཞེས་སོགས་རྒྱ་ཆེར་བཀའ་སྩལ་པའི་དོན་ཡང་༔ ཁྲོ་རོལ་མདོས་ཐབས་འདི་ལ་དོན་འཐུས་པ་ཡིན་ནོ༔ དེ་ཡན་ནི་ཕན་ཡོན་དང་དགོས་ཆེད་ཀྱི་ལུང་བྱང་ངོ་༔ ༈ དམིགས་རིམ་ཞིབ་པར་བརྗོད་མི་དགོས་ཏེ༔ རྙིང་མ་གྱེར་སྒོམ་ཡིན་པས་འདོན་ཆའི་ཚིག་རིས་ལྟར་བཤད་སྒོམ་ཡིན་ནོ༔ དེ་ལ་ཉང་ལུགས་རྒྱས་པར་བྱེད་ན། ལས་བྱང་གི་བདག་བསྐྱེད་ཚར་བར་བྱས་ནས༔ དེ་ནས་མདུན་བསྐྱེད་གཏོར་ཟློག་སླར་བསྐྱེད་ཅིང་མཆོད་བྱང་ཕུད་བསྐང་སོགས་བྱེད་པ་ཡིན་ནའང་༔ འདིར་འབྲིང་དང་བསྡུས་པའི་ལུགས་ལ༔ ལས་བྱང་གི་བདག་ལྷར་བསྐྱེད་ནས༔ མདུན་བསྐྱེད་སབ་ནས་འདོན་པས་སྤྱན་འདྲེན་མཆོད་བསྟོད་གཅིག་གིས་བདག་མདུན་གཉིས་ཀའི་གོ་སྤྱད་པའོ༔ དེ་ལ་རྒྱལ་པོ་

[Full Size]

བསོད་ནམས་ཅན་གྱི་དོན་དུ་དབུ་ཉེར་གཅིག༔ བློན་པོའི་སྐུ་རིམ་ལ་དབུ་དགུ༔ ཕལ་པ་ལ་དབུ་གསུམ་བསྐྱེད་པའམ༔ ཞག་མང་ཉུང་གི་ཁྱད་ལ༔ དབུ་མང་ཉུང་བྱེད་པར་བཤད་ཀྱང་༔ དབུ་མང་བ་སྟོབས་ཆེ་ཕྱིར་ཕལ་པ་དང་ཞག་ཉུང་ཡང་དབུ་ཉེར་གཅིག་བསྐྱེད་པ་ལེགས་ལ་མི་རུང་བ་མེད་དོ༔ སྤྱིར་བདག་བསྐྱེད་ལུང་ཨ་ནུ་ཡོ་ག་གཙོ་ཆེ་བས༔ བདག་གི་ལུས་དཀྱིལ་འཁོར་ཚང་བར་ཡོད་པས་གཞལ་ཡས་ཁང་དུ་བསྐྱེད་པའོ༔ ནང་རྩ་རླུང་ཐིག་ལེ་ལ་བཀའ་བརྒྱད་ལྷ་ཚང་བར་གནས་པས་ལྷར་བསྐྱེད༔ སེམས་ཡེ་ནས་ཀུན་ཏུ་བཟང་པོས་ངོ་བོར་གནས་པས་ཡེ་ཤེས་སེམས་དཔར་བསྐྱེད་དོ༔ ལས་བྱང་གི་ལྷ་བསྐྱེད་ཡན་ཐུན་མཚམས་སུ༔ མདུན་གྱི་གཡང་གཞི་དང་དེ་སྟེང་དཀྱིལ་འཁོར། དེ་སྟེང་མདོས་བཤམས་པའི་རྟེན་དེ་རྣམས༔ ཚྭ་ཏྲི་ལ་གནོད་བྱེད་རུ་ཏྲ་དེར་བསྐྱེད་ལ་བདག་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས༔ ཁམས་གསུམ་སེམས་ཅན་ཐམས་ཅད་ཀྱི་དུག་གསུམ་དང་ལས་ཀྱི་རྣམ་སྨིན་ངན་པ་ཐམས་ཅད་སྦྱར་མ་རླུང་གིས་བསྡུས་པ་ལྟར་བཀུག་ནས་དེ་ལ་བསྟིམས་པས༔ བསྒྲལ་བའི་ཞིང་བཅུ་ཚང་བར་གྱུར་པ་ལ༔ ཁོས་རྒྱུ་ཁམས་གསུམ་

[Full Size]

སེམས་ཅན་གྱི་ལས་ངན་མ་ཁྱབ་པའི་སྟོབས་ཀྱིས༔ རྐྱེན་བདག་དཔལ་ཆེན་གྱི་ཐུགས་ཀ་ནས་མཚོན་ཆའི་ཆར་བབ་པས༔ རུ་ཏྲའི་ཕུང་པོ་དེ་ཉིད་བརྩིགས་མཁར་ལ་སྒྲོགས་ཕོག་པ་ལྟར་ཁྲོལ་གྱིས་ཞིག་པས༔ འོག་གི་གཡང་གཞི་དང་སྟེང་དུ་བྲིས་པ་དབྱེར་མེད་པར་རུ་ཏྲའི་གཡང་གཞིར་གྱུར༔ འོག་གི་ཧོ་ཁུང་དང་གྲུ་གསུམ་བྲིས་པ་བརྒྱད་དབྱེར་མེད་པ༔ རུ་ཏྲའི་བྲང་རུས་ལས་གྲུབ་པའི་ཧོ་ཁུང་དགུར་གྱུར་པའི་ནང་དུ་གནོད་བྱེད་དགྲ་བགེགས་ཐམས་ཅད་ཚུད༔ སྟེང་དུ་བྲིས་པའི་དཀྱིལ་འཁོར་རྒྱས་བསྡུས་གང་ཡིན་པ་མདོས་གཞི་དང་བཅས་པ་རུ་ཏྲའི་ཁོག་པ་ལས་གྲུབ་པའི་དུར་ཁྲོད་ཀྱི་གཞལ་ཡས་ཁང་བསྐྱེད་དེ༔ སྒྲུབ་ཆེན་དང་སྦྲེལ་ན་མ་ཏྲ་བསྒྲལ་བ་དང་དགོས་འདེབས་འདིར་བྱ་སྟེ༔ སྒྲུབ་ཆེན་མིན་ན་དམིགས་པ་ཙམ་གྱིས་འཐུས༔ རྒྱས་པར་དཀྱིལ་འཁོར་ཕོ་བྲང་གླིང་དགུ༔ དེ་རྒྱབ་དཀྱིལ་འཁོར་ཆེན་པོ་གཅིག་དང་བཅས་གྲུ་བཞི་སྒོ་བཞི་སྒོ་བཞི་བཅུ་ཕོ་བྲང་ཉི་མ་དགུ་ཤར་བསྐྱེད༔ བསྡུ་ན༔ གཞལ་ཡས་ཁང་གཅིག་གིས་ནང་དུ་འཁོར་ལོ་རྩིབས་བརྒྱད་དབུས་དང་དགུར་དཔལ་དགུ་འཁོར་བཅས་ཚོམ་བུར་བསྒོམ་པའོ༔ དེ་ཡང་དཔལ་གཏོར་དགུའི་རྩེར་ཁྲོ་དབུ་ཁྱུང་དང་བཅས་པ་དཔལ་དགུའི་ལྷ་

[Full Size]

ཚོགས་འཁོར་བཅས་བསྒོམ་མོ༔ དེ་ནས་གཏོར་མ་དགུ་པོ་ནི༔ དཀྱིལ་འཁོར་དགུ་སོ་སོའི་མདུན་དུ་རླུང་མེ་ཐོད་སྐྱེད་སྟེང་དུ་བྷནྡྷ་རྒྱ་ཁྱོན་སྟོང་གསུམ་ཙམ་དུ་གཏོར་མ་ཤ་ལྔ་བདུད་རྩི་ལྔ་ཡེ་ཤེས་ལྔའི་རྒྱ་མཚོ་ལ༔ མཆོད་པའི་ལྷ་མོ་དཔག་ཏུ་མེད་པ་འཕྲོ་ཞིང་འདོད་ཡོན་སྣ་ཚོགས་ཀྱིས་མཆོད་པ་རྒྱུན་མི་འཆད་པར་བསྒོམ༔ མདོས་ཐབས་སུ་བཅས་ཡོད་ན་ཡང་མདོས་དེ་དཀྱིལ་འཁོར་གྱི་ཕྱི་དུར་ཁྲོད་དང་རྡོ་རའི་ནང་དེར༔ མདོས་གླིང་བཞི་རི་རབ་ལྷ་མིའི་ལོངས་སྤྱོད་མ་ཚང་བ་མེད་པར་བསྒོམ་སྟེ༔ མཎྜལ་དུས་གཅིག་ལ་བྱེ་བ་དུང་ཕྱུར་འཕྲོས་པའམ༔ ལྷ་བདུན་བརྒྱ་ཉེར་ལྔ་རེ་རེའི་སྤྱན་ལམ་དུ་ཡང་མདོས་ཆ་ཚང་རེ་རེ་འབྱུང་ཞིང་འཕྲོ་བར་བསྒོམ་སྟེ། མདོས་དང་བསྐང་བ་དང་མཎྜལ་གསུམ་དོན་ལ་གཅིག་པའི་ཕྱིར༔ དེ་དག་བྱིན་རླབས་སོ་སོར་མི་དགོས་ཏེ༔ ལས་བྱང་མཆོད་པ་བྱིན་བརླབས་དུས་ནས་བསྒོམས་པ་ཡིན་ཏེ༔ གཞུང་ལས༔ དེ་དག་གང་དུ་ལས་བྱང་གཞུང་བསྲང་དུས་ནས་སྐུ་གསུང་ཐུགས་བྱིན་གྱིས་བརླབས་པ་དང་༔ དབང་བསྐུར་བ་དང་༔ ཡེ་ཤེས་པ་གཞུག་པ་དང་མཆོད་བསྟོད་ཐམས་ཅད་ཟུང་འཇུག་ཏུ་བྱའོ༔ ཞེས་གསུངས་སོ༔ དེ་ཡང་མདོས་དང་གཏོར་མ་

[Full Size]

དངོས་སུ་ཅི་འབྱོར་བཤམས་པ་དེ༔ དམིགས་པའི་རྟེན་ཙམ་ཡིན་ལ༔ དམིགས་པ་རྒྱ་ཆེ་བ་ནི༔ འཇིག་རྟེན་གཏོར་སྣོད་བཅུད་རྣམས་གཏོར་མར་བཅས༔ སྣང་སྲིད་ཐམས་ཅད་བདེ་བ་ཆེན་པོར་ཟློག༔ ཅེས་གསུངས་པས༔ ཕྱི་སྣོད་ཀྱི་འཇིག་རྟེན་ཐམས་ཅད་གཏོར་གཞུང་དང་མདོས་སྣོད་ནང་བཅུད་ཀྱི་སེམས་ཅན་ཐམས་ཅད་གཏོར་མ་དང་མདོས་སུ་དམིགས་ནས༔ ལྷ་ཚོགས་ཐམས་ཅད་ལ་ཕུལ་བས་མཉེས་ཤིང་ཚིམས་པར་བསྒོམ་སྟེ༔ བདག་དང་ལྷ་དང་གཏོར་མདོས་ཐམས་ཅད་ཀྱང་ངོ་བོ་སྟོང་ཉིད་སྤྲོས་བྲལ་གྱི་ངང་ལ་བཞག་གོ༔ ཁྱད་པར་བཅས་ཡོད་པའི་གཏོར་མ་དེ་ནི༔ བྷནྡྷའི་ནང་དུ་འབྲུ་ཡི་གཏོར་མ་བཅས༔ མི་མཐུན་གདུག་པའི་དགྲ་བགེགས་བསམ་སྦྱོར་ཟློག༔ ཅེས་གསུངས་པའི་དོན་ནི༔ གཏོར་སྣོད་གང་ཡིན་ཡང་རུང་རིན་པོ་ཆེ་ལས་གྲུབ་པའི་ཐོད་པ་ཕྱི་དཀར་ལ་ནང་དམར་བ་དུམ་བུ་གཅིག་པ་མཚན་ཉིད་དང་ལྡན་པ༔ སྟོང་གསུམ་འཇིག་རྟེན་ཙམ་གྱི་ནང་དུ་ཤ་ལྔ་བདུད་རྩི་ལྔ་ཡེ་ཤེས་ལྔ་ཡི་རང་བཞིན་གྱི་གཏོར་མ་རི་རབ་ཙམ༔ ལམ་ལམ་བསྐྱེད་ལ་ནམ་མཁའ་གང་བ༔ དེ་ཡང་ངོ་བོ་དགྲ་བགེགས་ཀྱི་ཤ་ཁྲག་ལ་རྣམ་པ་ཡེ་ཤེས་ཀྱི་བདུད་རྩིར་བསྒོམས་ལ༔ བཀའ་བརྒྱད་ཀྱི་ལྷ་

[Full Size]

ཚོགས་ཐམས་ཅད་ལ་ཕུལ་བས་དགྱེས༔ ལྷག་རོལ་ནས་བྱད་མ་དང་གང་གནོད་ཀྱི་ཤ་ཁྲག་གིས་ངོ་བོ་བྱད་མའི་ལྷ་སྲུང་དང་༔ གཟའ་སོགས་སྡེ་བརྒྱད་དང་མ་མོ་མཁའ་འགྲོ་བགེགས་རིགས་ཐམས་ཅད་ལ་བྱིན་པས་ཚིམས་པར་བསྒོམ༔ དེ་དག་དགའ་མགུ་ཡི་རང་ནས་གནོད་པ་མི་བྱེད་པར་ཁས་བླངས་དམ་བཅས་པར་བྷི༔ དེས་ཀྱང་མི་ཉན་གནོད་པ་བྱེད་པ་རྣམས་བསྒྲལ་བར་བྱ་སྟེ༔ རྒྱས་པ་ན་དཔལ་དགུའི་བསྒྲལ་ལས་སོ་སོར་བྱ་ཞིང་གབ་སྤྲད་དེ་ཡང་བསྒྲལ་ལས་ཚང་མ་རེ་རེ་བྱ་ཞིང་༔ བསྒྲལ་བའི་མཚོན་ཆ་གཙོ་བོར་དམིགས་པ་གཏད་པ་སོ་སོ་སྟེ༔ དབུས་ཆེ་མཆོག་དུས་བསྒྲལ་བའི་ཕྱག་རྒྱས་བསྒྲལ་བར་བསྒོམ༔ ཡང་དག་གི་མཚོན་ཆ་གྲི་གུག༔ གཤིན་རྗེས་འཁོར་ལོས་གཏུབས༔ ནུབ་རྟ་མགྲིན་གྱི་ཐོད་ཁྲག་གིས་བརྒྱབ༔ ཕུར་པས་དབལ་གྱིས༔ མ་མོས་དབང་གིས༔ རིག་འཛིན་ཐུགས་རྗེས༔ དྲེགས་པའི་ཁ་རླངས་སོགས་དུག་གིས༔ དམོད་པ་དྲག་སྔགས་ཀྱི་སྔགས་ཀྱི་ནུས་པས་བསད་པར་བསྒོམ་མོ༔ བསྡུ་ན་བསྒྲལ་ལས་གཅིག་གིས་ཆོག༔ གབ་མི་སྤྲད་དོ༔ རཀྟ་སྦྲེང་དུས་དེའི་ཁྲག་ཞལ་དུ་གསོལ་བ་དང་༔ ལིང་རོ་དུས་ཤ་ཁྲག་ལྡིབས་ལྗིབས་ལྷ་ཚོགས་

[Full Size]

ཀྱིས་གསོལ་བར་བསྒོམ༔ ལིངྒ་བསྒྲལ་དུས་བདག་གི་ཐུགས་ཀ་ནས༔ ཧཱུྃ་མཐིང་ནག་གཅིག་ཕར་འཕྲོས་པས༔ ཁོའི་མགོ་སྟེང་དུ་སོང་བའི་འོད་ཀྱིས༔ ཁོའི་རྣམ་པར་ཤེས་པའི་སེམས་བདེ་གཤེགས་སྙིང་པོའི་ངོ་བོ་དཀར་ལ་དམར་མདངས་ཅན༔ མོ་ཁབ་ཙམ་གཅིག་ཁོ་ཡི་སྤྱི་བོ་ཚངས་པའི་བུ་ག་ནས་ཡར་ནུར་གྱིས་ཐོན་ཏེ༔ མདུན་བསྐྱེད་དཔལ་གྱི་དབུ་སྟེང་རྩ་བའི་བླ་མ་དང་དབྱེར་མེད་པའི་ཀུན་ཏུ་བཟང་པོའི་ཐུགས་ཀར་ཐིམ་ནས་སངས་རྒྱས་པར་བསྒོམ་མོ༔ ཟློག་གཞུང་འདོན་ཚེ་ལྷ་ཚོགས་ཐམས་ཅད་ཀྱི་སྐུ་ལས་ཁྲོ་ཆུང་དཔག་ཏུ་མེད་པ་དང་མེ་རི་དང་རླུང་འཚུབ་སེར་བ་དང་རླུང་ཐོག་འདྲེས་པ་ལྟར་འཕྲོས་པས༔ གནོད་བྱེད་ཐམས་ཅད་བྱ་སྤུ་རླུང་གིས་བདས་པ་ལྟར་ནམ་མཁའི་ཕ་མཐར་བསྐྲད༔ ལྟས་ངན་ཆོ་འཕྲུལ་ཐམས་ཅད་ཀྱང་འུག་ཤག་དང་བཅས་སྟེ་བྱ་ཁྱུ་འགྲོགས་པ་ལྟར་དགྲ་བོའི་ཁྱིམ་དུ་ཟློག་པར་བསྒོམ་མོ༔ ཁྱད་པར་དུ་ཁྱུང་ཟློག་དུས་ཁྱུང་གི་སྤྲུལ་པས་འཇིག་རྟེན་གང་ནས༔ ལྟས་ངན་ཐམས་ཅད་རྭ་ཅོས་བརྡུངས་མཆུས་ཟོས་གཤོག་པ་བརྡབས་པས་རླུང་གིས་ཕྱགས༔ སྡེར་མོས་བྲུས་ནས་རྒྱ་མཚོའི་ཕར་འགྲམ་དུ་བདེས་པར་བསྒོམ་མོ༔ དེ་རྣམས་ནི་ཕྱི་བཅའ་ཚོགས་དང་འབྲེལ་བའི་

[Full Size]

དམིགས་རིམ་ཡིན་ཏེ༔ བསྐྱེད་པ་མ་ཧཱ་ཡོ་གའི་ལུགས་སོ༔ ཨོཾ༔ ལུང་ཨ་ནུ་ཡོ་གའི་ལུགས་ནང་གི་གཏོར་ཟློག་ནི༔ ཕུང་པོའི་སྣོད་དུ་དབང་པོའི་གཏོར་མ་བཅའ་ལུས་དང་དབང་པོ་ལྷག་མ་མེད་པར་ཟློག༔ ཅེས་གསུངས་པའི་དོན་ནི༔ ཐུན་མཚམས་སུ་བསྒོམ་པའམ༔ དུས་ནམ་ཡང་རུང་སྟེ། བདག་མདུན་གྱི་ལྷ་ཚོགས་བྷེ་པ་དེ་གར་བཞག་ལ༔ བདག་བསྐྱེད་ཀྱི་ཐུགས་ཀ་ནས༔ རང་ཐ་མལ་པའི་ལུས་གཅིག་ཕྱིར་ཐོན་ནས༔ བདག་དང་ཡོན་བདག་དང་ནད་པ་སོགས་ཀྱི་རྣམ་ཤེས་ཚེ་བསོད་ནམས་ཡེ་ཤེས་ཐམས་ཅད་འདུས་པའི་ངོ་བོ་དེ་སྙིང་ཁར་ཐིག་ལེ་དཀར་པོ་བཀྲག་མདངས་ཅན་དེ་དབུ་མའི་ལམ་ནས་ཚངས་བུག་ཏུ་སྤར་ཏེ་བདག་བསྐྱེད་ཆེ་མཆོག་བཞུགས་པའི་ཐུགས་ཀར་བསྟིམས་ནས༔ རང་དང་ཡོན་བདག་དང་ནད་པའི་ཕུང་པོ་དེའི་པགས་པ་གཏོར་གཞོང་དུ་གྱུར༔ ཤ་ཁྲག་དོན་སྙིང་ནང་གྲོལ་ཐམས་ཅད་གཏོར་མར་གྱུར་ཏེ་ཡེ་ཤེས་ཀྱི་བདུད་རྩི་རོ་བརྒྱ་ནུས་པ་སྟོང་ལྡན་དུ་གྱུར་པ་ལ༔ མཆོད་པའི་ལྷ་མོ་དཔག་ཏུ་མེད་པ་རང་བཞིན་དུ་བྱུང་ནས༔ ལྷ་ཚོགས་ཐམས་ཅད་མཆོད༔ གནོད་བྱེད་དང་རིགས་དྲུག་གི་སེམས་ཅན་ཐམས་ཅད་ལ་བྱིན་པས་ཚིམས་པར་

[Full Size]

བསྒོམ་པ༔ ཀུ་སུ་ལུ་པའི་ཚོགས་བསགས་དང་༔ ལུས་ཚོགས་འཁོར་དུ་འབུལ་བ་དང་དོན་གཅིག༔ ཡང་དེའི་ལྷག་མ་ཤ་རི་ཁྲག་མཚོ་བསྒྲེ་སྣུམ་རོ་བཅུད་དང་ལྡན་པ་སྟོང་གསུམ་གང་བར་གྱུར་ཏེ༔ ཕུད་ཀྱིས་ཁྲག་འཐུང་གི་ལྷ་ཚོགས་མཆོད༔ གཞན་ལྷ་འདྲེ་བགེགས་རིགས་ཐམས་ཅད་ཀྱི་ཤ་ཁྲག་ཚིལ་བུ་རྐང་རུས་གང་འདོད་ཐོབ་པས་དགའ་ཞིང་ཚིམ་ལན་ཆགས་བུ་ལོན་བྱང་བར་བསྒོམས་ལ༔ མི་དམིགས་པ་ཉམས་ལེན་སྟོང་ཉིད་ངང་ལ་ཡུད་ཙམ་བཞག་གོ༔ དེ་ནས་བདག་བསྐྱེད་ཐུགས་ཀར་ཡར་ཞུགས་ལ་ཡང་འཕྲོ་རྣམས་གྱེར་རོ༔ འདིས་ནི་དམ་ཚིག་ཉམས་ཆག་བསྐང་བ་དང་༔ ཡང་ཟློག་ཏུ་སོང་བས་ལྷ་དང་བཀའ་སྲུང་གི་འཁུ་ལྡོག་དང་༔ ཕ་རོལ་བྱད་མ་ནུས་པ་ཆེ་ན་ཡང་འདིའི་ཟློག་ལ༔ ཁྲོ་རོལ་བཅའ་གྲངས་མང་ཡང་རང་ལ་མི་གནོད་པ་ལ་སོགས་གནད་ཆེའོ༔ ༈ དེ་ནས་རྫོགས་པ་ཆེན་པོ་ཨ་ཏི་ཡོ་ག་ལུགས་ཀྱི་གཏོར་ཟློག་དམིགས་རིམ་ནི༔ ཙིཏྟའི་སྣོད་དུ་རྣམ་ཤེས་གཏོར་མ་བཅ༢༔ ཐམས་ཅད་སེམས་ཉིད་སྟོང་པའི་ངང་དུ་ཟློག༔ ཅེས་གསུངས་པ་ཞི་ཟློག་འདོན་དུས་དམིགས་པ་ཡིན་ནའང་༔ ནམ་ཡང་རུང་སྟེ༔ རང་དང་ཚེ་འདས་སམ་ཡོན་བདག་གི་རྣམ་ཤེས་སྤར་བ་

[Full Size]

སོགས་མི་དགོས་པར༔ སྙིང་དེ་གཏོར་གཞུང་དུ་བསམ་ལ་དུག་ལྔ་དང་ཉོན་མོངས་པའི་རྣམ་པར་རྟོག་པ་ཐམས་ཅད་གཏོར་མར་གྱུར་པར་བསྒོམ་ལ༔ དེ་སེམས་ཉིད་སྟོང་པ་ཉིད་ཀྱི་ངང་དུ་བྱིན་གྱིས་བརླབས་ནས༔ ཞི་བ་བཞི་བཅུ་རྩ་གཉིས་ལ་སོགས་པ༔ བཀའ་བརྒྱད་ཀྱི་ལྷ་ཚོགས་རྣམས་ལ་ཕུལ་བར་བསྒོམ༔ དེ་ཕུལ་བས་དུག་ལྔ་རྣམ་པར་དག་པ་ཡེ་ཤེས་ལྔའི་མཆོད་པར་གྱུར་ནས༔ དེའི་ཡོན་ཏན་གྱི་ཕུང་པོ་ལྔ་རིགས་ལྔ༔ ཁམས་ལྔ་ཡུམ་ལྔ༔ ཚོགས་བརྒྱད་སེམས་དཔའ་བརྒྱད༔ ཡུལ་བརྒྱད་སེམས་མ་བརྒྱད༔ མི་དགེ་བཅུ་ཁྲོ་བོ་བཅུ༔ ཕུང་ཁམས་སྐྱེ་མཆེད་མ་དག་པ་ཐམས་ཅད༔ དག་པ་ཞི་བའི་སངས་རྒྱས་བཞི་བཅུ་རྩ་གཉིས་སུ་བཟློག་ནས༔ འཁོར་བའི་སྡུག་བསྔལ་ངན་སོང་ཐམས་ཅད་ཟློག་པར་བསྒོམས་ལ་སེམས་མ་བཅོས་པ་སྟོང་ཉིད་འོད་གསལ་ཆེན་པོས་ངང་དུ་བཞག་གོ༔ འདི་ཉིད་ཐུན་སྐབས་སུ་ཁམས་སེང་དུས་དང་ནུབ་ཉལ་སྐབསབྷེ་པས་རང་བཞིན་གྱི་སྒྲིབ་སྦྱོང་དང་༔ ཟློག་པའི་རྒྱབ་ཚོན་ལྟ་བ་ཡངས་པ་ཡིན་པས༔ དྲག་ལས་ཟོར་སོགས་བྱས་པས་རང་ལ་མི་ལྡོག་པ་ཡིན་པས་ཟབ་ཅིང་གལ་ཆེའོ༔ དེ་ཡན་ཆད་ཟློག་པ་དངོས་གཞིའི་དམིགས་རིམ་མདོར་

[Full Size]

བསྡུས་པ་སོང་ལ༔ ༈ རྗེས་ནས་གཏོར་ཟློག་འབུལ་དུས་དམིགས་རིམ་ནི༔ ཟ་ལམ་དགྲ་ལ་བསྟན་ཅིང་ཟློག་པ་བྱ་བ་ནི༔ གསེར་སྐྱེམས་སྒོ་དབྱེ་གཏོར་རྫོང་སོགས་གཞུང་ལྟར་ལས༔ བཞེངས་ཞུས་ཚེ་གཏོར་མ་དང་དཀྱིལ་འཁོར་མདོས་གཞིའི་ལྷ་ཚོགས་ཐམས་ཅད་དཀྱིལ་འཁོར་འོད་དུ་ཞུ་ནས་ལྷ་ལ་ཐིམ༔ ལྷ་ཚོགས་ནམ་མཁའ་ལ་འཕག་ནས་སྤྲིན་ནག་འཁྲིགས་པ་ལྟར་དགྲ་ཕྱོགས་སུ་ཞལ་གྲུ་ནས༔ ནམ་མཁའ་བར་སྣང་གང་བར་སྲིད་གསུམ་གཡོ་འགུལ་བྱེད་པ་འུར་འུར་ཆེམ་ཆེམ་དུ་གྱུར་པར་བསྒོམ༔ དེ་ནས་ཟོར་འཕེན་ནམ་མི་འཕེན་ཕུལ་ནའང་རུང་སྟེ༔ ནམ་མཁའ་བར་སྣང་གི་ལྷ་ཚོགས་རྣམས་ཀྱི་ཞལ་ནས་ནད་རིམས་ཀྱིས་ན་བུན་འཐུལ༔ སྐུ་ལ་ཐུན་དང་མཚོན་ཆའི་ཆར་འབེབས༔ ཕྱག་ན་མཚོན་ཆ་དང་ཐུན་ཟོར་སྣ་ཚོགས་ཐོགས་ནས་ལིང་ག་དང་དབྱེར་མེད་པའི་དགྲ་བགེགས་དེ་ཉིད་གང་དུ་གནས་པ་དེར་ཐུན་ཟོར་དང་མཚོན་ཆའི་ཆར་ཕབ་ནས༔ སྲུང་བའི་གུར་བཀྲལ༔ མགོན་པའི་ལྷ་རྣམས་བྱ་ཁྱུ་ལ་འུར་རྡོ་བརྒྱབས་པ་ལྟར་བསྐྱེད༔ ཁོ་ཡི་ལུས་ངག་ཡིད་གསུམ་རྡུལ་དུ་བརླགས༔ ཁྲག་འཐུང་གི་ལྷ་ཚོགས་འཁོར་དྲེགས་པ་ཅན་ཐམས་ཅད་ཀྱིས་ལྕེ་སྤྱང་ཤ་ལ་རུབ་པའམ༔ དུར་

[Full Size]

བྱ་རོ་ལ་གཏོད་པ་ལྟར༔ དགྲ་བགེགས་གནོད་བྱེད་ཐམས་ཅད་ཀྱི་ཤ་ཁྲག་ཆེམ་ཆེམ་ཁྲོལ་ཁྲོལ་ཧབ་དི་རི་རི་གསོལ་ནས༔ ཏིལ་འབྲུ་ཙམ་ཡང་མ་ལུས་པར་བྷེ༔ མདོས་གཏོར་གྱི་རྩེ་ཕར་བསྟན་ལ་དགྱེལ་ནས༔ དྲེགས་པ་བཅོ་བརྒྱད༔ སྡེ་དཔོན་སུམ་ཅུ༔ མ་མོ་ཤ་ཟ་ཐམས་ཅད་དགྲ་བོའི་ཡུལ་དུ་དམག་ཆས་པ་ལྟར་གཤར་ནས་སོང་བར་བསྒོམ༔ ལྷ་ཡེ་ཤེས་པ་རྣམས་ནམ་མཁའ་ནས་ཚུར་འདུས་ཕུགས་གཏོར་གྱི་རྩེ་ལ་བཞུགས་པས་རྗེས་ཆོག་བྱ་བའི་ཕྱིར༔ རྟ་བྲོ་རྡུང་འཁོར་དགའ་སྟོན་ཚོགས་འཁོར་ཚེ་འགུགས་བཀྲ་ཤིས་སོགས་དམིགས་པ་ཡང་རང་གཞུང་ལྟར་གསལ་བས་བྲི་མ་དགོས་ལ༔ གཞུང་གི་དམིགས་རིམ་སྣ་མང་ཁ་སྦོམ་པས་གོ་དཀའ་བ་རྣམས་འདིར་གོ་བདེ་བར་བཀྲོལ་བ་ཡིན་ལ་མི་འདྲ་བ་རེ་རེ་ནི་དགོས་སམ་སོ་སོའི་སྐབས་ཡིན་པས༔ སྤྱི་ཟློག་ལ་དེ་རྣམས་ཀྱིས་འཐུས་སོ༔ དེ་ཡང་མ་གཅིག་མཚོ་རྒྱལ་གྱི་ཞལ་ནས༔ བདེ་གཤེགས་སྒྲུབ་པ་བཀའ་བརྒྱད་ཀྱི་ཆོས་བསྐོར་རྣམས་ནི༔ གཞན་ལས་ཁྱད་པར་དུ་འཕགས་པའོ༔ ཅིའི་ཕྱིར་ན༔ སློབ་དཔོན་པདྨའི་ཐུགས་དམ་གྱི་ལྷ་རྩོད་མེད་དུ་གྲགས་པ་ཡིན་ཞིང་༔ མ་འོངས་རྗེས་འཇུག་ཐམས་ཅད་འདི་ལ་གྲུབ་པ་

[Full Size]

ཐོབ་པ་མང་བར་གསུངས་སོ༔ དེས་ན་ཐེ་ཚོམ་དང་ཡིད་གཉིས་མ་བྱེད་པར་སྒྲུབས་ཤིག༔ ཤོད་ཅིག་སྟོན་ཅིག་སྒོམས་ཤིག༔ ཅེས་གསུངས་པའི་ཕྱིར༔ ཕྱི་རབས་སྔགས་པ་རྣམས་འདི་ལ་ཐུགས་དམ་དང་༔ གཞན་དོན་དུ་ཡང་ཁྲོ་བོ་རོལ་པ་འདི་ལ་འབད་ཅིག་འོ་ན་གར་ཐོད་ཐོད་དུ་མི་བཅའ་གསུངས་པ་ཅི་ཞེ་ན༔ བསྟན་དགྲ་སྡིག་ཅན་སྟོན་པ་དང་༔ སེམས་ཅན་ལ་གནོད་པ་ཆེན་པོ་ཅན་གྱིས་སྲུང་ཟློག་མི་བྱ་བར་གསུངས་སོ༔ དམ་ཉམས་ལག་ཏུ་ཤོར་ན་སྙིང་ཁྲག་ཐང་ལ་ཕོས་ཞེས་དང་༔ ཉམས་སུ་མི་འཛིན་རྒྱུད་རྐང་མི་འཛིན་པའི༔ མི་ལ་བྱིན་ན་ཨོ་རྒྱན་ང་ཉིད་བསླུས༔ དམ་ཅན་ཚོགས་ཀྱིས་འདི་ལ་བྱ་ར་མཛོད༔ ཅེས་དང་༔ བདེ་གཤེགས་འདུས་པའི་དྲག་སྔགས་འདི༔ གསང་སྔགས་ཀུན་གྱི་བཅུད་ཡིན་པས༔ ནུས་པས་ཡོན་ཏན་བརྗོད་མི་ལོངས༔ ལས་མཐའ་བརྒྱ་དང་རྩ་ལྔ་འགྲུབ༔ ཐུན་མོང་དངོས་གྲུབ་བརྒྱུད་ཀྱང་ཐོབ༔ མཆོག་གི་དངོས་གྲུབ་བརྒྱུད་ཀྱང་ཐོབ༔ འདི་ལྟ་བུ་ཡི་དྲག་སྔགས་ནི༔ གསང་སྔགས་ཀུན་གྱི་ཡང་སྙིང་ཡིན༔ སློབ་དཔོན་པདྨའི་ཐུགས་ཀྱི་བཅུད༔ ཀུན་ལ་བསྟན་པར་མ་གསུངས་ཏེ༔ སློབ་དཔོན་གསང་ཞིང་རང་ཆེ་འབྱིན༔ བཀའ་དྲིན་ཁྱད་

[Full Size]

གསོད་དྲིན་ལན་མེད༔ ངོམ་མེད་གཡོ་སྒྱུ་རྫུན་པོ་ཆེ༔ ཐབས་དང་གཡོ་སྒྱུས་སློབ་དཔོན་བསླས༔ བཀའ་བརྒྱུད་མི་འཛིན་སྐུར་པ་འདེབས༔ དེ་ལ་ནམ་ཡང་མ་སྟོན་ནོ༔ གསང་སྔགས་ཟབ་མོ་གཞོམ་པའི་ཕྱིར༔ མཁའ་འགྲོའི་བཀའ་ཆད་འོང་ཉན་ཡོད༔ དེ་བས་ཆོར་བུར་མ་གཏང་ཞིག༔ སྙིང་ནས་དད་ཅིང་མོས་གུས་འཛོམས༔ སློབ་དཔོན་ལྷ་རུ་མཐོང་བ་དང་༔ གདམས་ངག་བདུད་རྩིར་མཐོང་ནས་ནི༔ ལུས་སྲོག་ཟས་ནོར་གཏོང་ཕོད་ཅིང་༔ དམ་ཚིག་མིག་བཞིན་བསྲུང་བ་དང་༔ སྒྲུབ་པ་ཚུལ་བཞིན་བྱེད་པ་དང་༔ ཁྲོ་བོ་རོལ་འཛིན་པའི་གང་ཟག་གིས༔ དེ་ནི་རིགས་ཀྱི་བུ་ཡིན་པས༔ ལྷག་ཆད་མ་དོར་སྙིང་ནས་སྟོན༔ ངོས་དགའ་ཁ་བསགས་གཡེམ་འདྲིས་བྱེད༔ གསང་སྔགས་ཟབ་མོ་མ་གཏོང་ཞིག་ཅེས་གསུངས་པས་གསང་སྔགས་རྙིང་མ་ལ་མི་དད་པ་དང་༔ རང་ལ་སློབ་དཔོན་དུ་མི་འཛིན་པ་བཅས་ལ་སྤེལ་ན་བཀའ་ཆད་འོང་བར་གསུངས་པས༔ གཞན་སྟོན་དགོས་བྱུང་རུང་སྔགས་བྱང་ཁྱུང་བཅས་དང་༔ འཁོར་ལོའི་བཅོས་དང་དམིགས་རིམ་འདི་གསུམ་བཀའ་རྒྱ་དམ་པར་བྱའོ༔ བཀའ་བརྒྱུད་ཉམས་སུ་ལེན་པ་དང་རང་ལ་སློབ་དཔོན་དུ་འཛིན་པ་ལ་མ་

[Full Size]

སྤེལ་ན་ཆོས་རྒྱུད་འཆད་པས༔ དེ་ལྟ་བུ་ལ་གང་འཕེལ་བྱའོ༔ ཞེས་པ་སྔགས་འཆང་རཱ་ག་ཨ་སྱས་ཟིན་བྲིས་སུ་བཀོད་པ་བཀའ་བརྒྱད་ཀྱི་བསྟན་པ༔ ཡིན་པ་ལ༔ ཞུན་མར་ཆུང་ངུ་གཅིག་ནི་བལྟམས་པ་ཙམ་དུ་སྔགས་འཆང་དང་ཡོན་བདག་རྣམས་ལ་ཕན་པར་གྱུར་ཅིག༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཟོར་ལས་བསྡུས་པ།

[Full Size]

ཟོར་ལས་བསྡུས་པ་ནི༔ གཡང་གཞི་ལ་འཁོར་ལོ་རྩིབས་བརྒྱད་བྲིས་པའི་དབུས་སུ༔ དྲག་པོའི་ཐུན་སྣོད་དུ་ཟོར་རྫས་གང་འཛོམ་བསགས་ལ༔ སྟོང་པའི་ངང་ལས་དྲག་པོའི་གཞལ་ཡས་སུ༔ ཟོར་རྣམས་སོ་སོར་མ་གཤིན་དྲེགས་པ་སྡེ་བརྒྱད་ཀྱི་སྐུར་གྱུར༔ ཧཱུྃ་བྷྱོ༔ ཕྱོགས་བཞི་དབུས་ལྔའི་དཀྱིལ་འཁོར་ནས༔ རིགས་བཞི་གར་གྱི་དབང་མོ་ལྔ༔ རང་རང་འཁོར་ཚོགས་འབུམ་དང་བཅས༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱད་ཁ་ཟློག་པའི་དུས་ལ་བབ༔ བྷྱོ༔ སྟེང་གི་ཕྱོགས་དང་བར་སྣང་ནས༔ ནམ་མཁའ་གར་བྱེད་དབང་མོ་དང་༔ མ་མོ་ཆེན་མོ་ཐོད་ཕྲེང་རྩལ༔ འཁོར་ནི་མཁའ་འགྲོ་འབུམ་གྱིས་བསྐོར༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱད་ཁ་ཟློག་པའི་དུས་ལ་བབ༔ བྷྱོ༔ མཚམས་བཞི་གནས་ནས་སྤྱན་འདྲེན་པ༔ དབང་ཕྱུག་ཕྲ་མེན་རྒྱ་མཚོ་མ༔ ཨེ་ཀ་ཙ་ཏི་སྦལ་མགོ་མ༔ ཨེ་ཀ་ཙ་ཏི་རལ་གཅིག་མ༔ མ་མོ་གསེར་ཟ་སྤྱན་གཅིག་མ༔ རང་རང་འཁོར་ཚོགས་འབུམ་དང་བཅས༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་

[Full Size]

སྐྱེམས་དམ་པ་འདི་བཞེས་ལ༔ བྱད་ཁ་ཟློག་པའི་དུས་ལ་བབ༔ ཧཱུྃ༔ དྲག་པོའི་ཟློག་བྱེད་ཟོར་ཆེན་ལ༔ རྫུ་འཕྲུལ་མཐུ་ཡིས་དབང་བསྐུར་རོ༔ དྲག་པོ་སྔགས་ཀྱིས་དབང་བསྐུར་རོ༔ སྔོན་མོ་ནས་ཀྱིས་དབང་བསྐུར་རོ༔ ཡུངས་ཀར་རྒྱལ་པོས་དབང་བསྐུར་རོ༔ ཟོར་སྣ་ཚུལ་ལ་མི་གྱུ་བར༔ ཤ་ཟ་ཁྲག་འཐུང་དབུགས་འཕྲོག་མ༔ སྙིང་འབྱིན་མ་མོའི་དབང་བསྐུར་རོ༔ ཁྲོ་མོ་གྱོད་མོ་དེ་མོ་དང་༔ ཨེ་ཀ་ཙ་ཏི་གསེར་ཟ་སྨིན༔ བྱང་མཚམས་ཉི་ཟླ་ཐོད་ཕྲེང་མ༔ བདུད་མོ་ཧལ་གྱི་ཏིང་ཏིང་མ༔ སྲིང་མོ་བཞི་ཡིས་དབང་བསྐུར་རོ༔ ཨེ་ཀ་ཙ་ཏི་རེ་མ་ཏི༔ སྲིད་པའི་མ་མོ་མཁའ་འགྲོ་མ༔ དབང་ཆེན་ཀུན་གྱི་ཟོར་འདི་འཕོང་༔ ཁྲི་སྨན་སི་ལེ་ཕུང་བྱེད་མ༔ ལས་ཀྱི་མ་མོས་ཟོར་སྣ་ཁྲིད༔ ཟོར་སྣ་ཚུར་ལ་མ་གྲུ་ཅིག༔ ཐན་སྣ་ཚུར་ལ་མ་ལྡོག་ཅིག །བྱད་སྣ་ཚུར་ལ་མ་ལྡེབ་ཅིག༔ དགྲ་སྣ་ཚུར་ལ་མ་ལྡང་ཞིག༔ ནད་སྣ་ཚུར་ལ་མ་ལྡང་ཞིག༔ བན་བྱད་བོན་བྱེད་མུ་སྟེགས་བྱད༔ ལྷ་སྲིན་སྡེ་བརྒྱད་བྱད་ཁ་རྣམས༔ དྲག་པོའི་ཟོར་གྱིས་བཟློག་ཏུ་གསོལ༔ མཱ་ར་ཡ་བློ་བློ་ཟློག་ཟློག༔ བཀའ་བརྒྱད་ཀྱི་ཟོར་གཞུང་ནས་བསྡུས་ཏེ་ཨ་རཱ་གས་བསྒྲིགས་པའོ༔ ཧོ༔

[Full Size]

དགོངས་སུ་གསོལ་ལོ༔ རྒྱལ་བ་དགོངས་པ་བརྒྱུད་པ༔ རིག་འཛིན་བརྡ་ཡི་བརྒྱུད་པ༔ གང་ཟག་སྙན་ཁུང་བརྒྱུད་པ༔ ཐུགས་རྗེས་བྱིན་རླབས་བརྒྱུད་པ༔ བཀའ་བབས་དོན་གྱི་བརྒྱུད་པ༔ མཁའ་འགྲོ་གཏད་རྒྱ་བརྒྱུད་པའི་དཔལ་ལྡན་བླ་མ༔ ཡི་དམ་སྒྲུབ་ཆེན་བཀའ་བརྒྱུདཀྱི་ལྷ་ཚོགས་བདུན་བརྒྱ་ཉི་ཤུ༔ བཀའ་སྲུང་དམ་ཅན་རྒྱ་མཚོའི་བདེན་པའི་མཐུས༔ གནོད་བྱེད་དགྲ་བགེགས་བྱད་མ་དམ་སྲི་ཡིད་ལ་མནག་པ་མིང་དུ་བྲིས་པ་འདི་གཟུགས་ལིང་ག་འདི་ལ་ཁུག་ཅིག༔ ཛཧཱུྃ་བཾ་ཧོ༔ ཞེས་ལན་གསུམ། དེ་ནས་ཟོར་དགུ་རེ་རེ་བཞིན་དུ་ཐོགས་ལ༔ ཧཱུྃ༔ མ་ཉེས་དཔང་དུ་དཀོན་མཆོག་བཞུགས༔ དགྲ་བགེགས་མ་གཏོགས་སྐུ་བཟུར་ཅིག༔ བཀའ་བརྒྱད་ལྷ་ཚོགས་དམག་དཔུང་བསྐྱེད། དགྲ་བགེགས་སྙིང་ལ་ཕུར་ཟོར་རྒྱོབ༔ ཐོད་ཟོར༴ མདའ་ཟོར་༴ རྡོ་ཟོར་༴ མེ་ཟོར་༴ ཆུ་ཟོར༔ གཏོར་ཟོར་༴ ཁྲག་ཟོར་༴ ཀོང་ཟོར་༴ བཛྲ་སརྦ་དུཏྟཾ་ཏྲིག་ནན་ཨེ་ཧུར་ཐུམ་ཛ༔ དགྲ་བགེགས་ནཾ་ཤ་ཏཱཾ་མཱ་ར་ཡ་རྦད་རྦད༔ ཅེས་སོ༔

[Full Size]

ཤོག་སྟོང་།

སྒྲུབ་པ་བཀའ་བརྒྱད་ཀྱི་གཏོར་ཟློག་ཁྲོ་བོ་རོལ་པ་ཤིན་ཏུ་བསྡུས་པ།

[Full Size]

སྒྲུབ་པ་བཀའ་བརྒྱད་ཀྱི་གཏོར་ཟློག་ཁྲོ་བོ་རོལ་པ་ཤིན་ཏུ་བསྡུས་པ་བཞུགས་པའི་དབུ་ཕྱོགས་ལེགས་སོ།།

[Full Size]

ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །ཁྲོ་བོ་རོལ་པ་ཤིན་ཏུ་བསྡུས་པ་ནི། །ཐོད་པའམ་ནི་ཟངས་ལྕགས་སྣོད་ནང་དུ། །དམར་གཏོར་དགུ་བཤམས་ཤ་ཁྲག་ལིང་གས་བརྒྱན། །སྟེང་དུ་ཁྱུང་བཙུགས་སྨན་རཀ་གཏོར་མཆོད་བཤམ། ན་མོ། དཀོན་མཆོག་གསུམ་དང་རྩ་བ་གསུམ། །སྒྲུབ་ཆེན་བཀའ་བརྒྱད་ལྷ་ཚོགས་ལ། །གུས་པས་ཕྱག་འཚལ་སྐྱབས་སུ་མཆི། །འགྲོ་བ་སེམས་ཅན་ཀུན་དོན་དུ། །བྱང་ཆུབ་མཆོག་ཏུ་སེམས་བསྐྱེད་དོ། །ཆོས་ཀུན་སྟོང་པའི་ངང་ཉིད་ལས། །པདྨ་ཉི་ཟླ་དྲེགས་པའི་སྟེང་། །ཧཱུྃ་ཡིག་མཐིང་ནག་ཡོངས་གྱུར་ལས། །བདག་ཉིད་ཆེ་མཆོག་ཧེ་རུ་ཀ །མཐིང་

[Full Size]

ནག་ཞལ་གསུམ་ཕྱག་དྲུག་པ། །གཡས་དཀར་གཡོན་དམར་དབུས་མཐིང་ཞལ། །ཕྱག་དྲུག་རྡོ་རྗེ་བྷནྡྷ་བསྣམས། །དཔལ་དང་དུར་ཁྲོད་ཆས་རྣམས་རྫོགས། །གར་དགུའི་ཉམས་ལྡན་ཡུམ་དང་འཁྲིལ། །སྤྱི་མགྲིན་འཇམ་དབྱངས་སྤྱན་རས་གཟིགས། །ཐུགས་ཀར་རྡོར་སེམས་ཐུགས་ཀ་རུ། །རྡོ་རྗེ་ཧཱུྃ་དམར་སྔགས་ཀྱིས་བསྐོར། །དཔྲལ་བར་འཇམ་དཔལ་གཤིན་རྗེའི་གཤེད། །མགྲིན་པར་རྟ་མགྲིན་པདྨ་དབང་། །ཐུགས་ཀར་བཛྲ་ཧེ་རུ་ཀ །ལྟེ་བར་རྡོ་རྗེ་གཞོན་ནུ་ཆེ། །གསང་བར་བླ་མེད་ཧེ་རུ་ཀ །བརླ་གཡས་དྲེགས་པ་ཀུན་འདུལ་རྗེ། །

[Full Size]

གཡོན་དུ་སྟོབས་ལྡན་ནག་པོ་ལ། །སྤྱི་བོར་བླ་མ་རིག་འཛིན་གསལ། །ལྷ་ཚོགས་ཀུན་གྱི་གནས་གསུམ་དང་། །ཐུགས་ཀའི་ཧཱུྃ་ལས་འོད་འཕྲོས་པས། །ཡེ་ཤེས་སྤྱན་དྲངས་གཉིས་མེད་གྱུར། །ཛཧཱུྃ་བཾ་ཧོ༔ ཨོ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ཅེས་བཟླས་སོ། །མདུན་དུ་མ་ཏྲ་བསྒྲལ་བའི་ཕུང་པོ་ལས་བྱུང་བའི་གཞལ་ཡས་ཁང་། ཕྱི་རིན་པོ་ཆེ་ལ་ནང་ཐོད་པ་སྐམ་རློན་བརྩེགས་པའི་དབུས་སུ་ཉི་ཟླ་པདྨ་དྲེགས་པའི་གདན་ལ། ཆེ་མཆོག་ཧེ་རུ་ཀ་སྨུག་ནག་ཞལ་ཉི་ཤུ་རྩ་གཅིག་ཕྱག་བཞི་བཅུ་རྩ་གཉིས་ན། ཞི་བ་བཞི་བཅུ་རྩ་གཉིས་བསྣམས་པས་སྲིད་པའི་བྱ་ཁྱུང་གིས་དབུ་བརྒྱན་པ། ཡུམ་ཁྲོ་མོ་གནམ་ཞལ་དབྱིངས་ཕྱུག་མ་དབུ་དགུ་ཕྱག་བཅོ་བརྒྱད་པ་དང་ཞལ་སྦྱོར་བ་ལ། ཆེ་མཆོག་ཡོན་ཏན་གྱི་ལྷ་ཚོགས་ཀྱིས་བསྐོར་བ། དེའི་ཤར་དུ་བཛྲ་ཧེ་རུ་ཀ་ལ་ཡང་དག་ཐུགས་ཀྱི་ལྷ་ཚོགས་ཀྱིས་བསྐོར་བ། ལྷོར་གཤིན་རྗེའི་གཤེད་ལ་འཇམ་དཔལ་སྐུའི་ལྷ་ཚོགས་ཀྱིས་བསྐོར་བ། ནུབ་ཏུ་པདྨ་དབང་ཆེན་ལ་པདྨ་གསུང་གི་ལྷ་ཚོགས་ཀྱིས་བསྐོར་བ། བྱང་དུ་རྡོ་རྗེ་གཞོན་ནུ་ལ་ཕུར་པ་ཕྲིན་ལས་ཀྱི་ལྷ་

[Full Size]

ཚོགས་ཀྱིས་བསྐོར་བ། ཤར་ལྷོར་བླ་མེད་ཧེ་རུ་ཀ་ལ་མ་མོ་རྦོད་གཏོང་གི་ལྷ་ཚོགས་ཀྱིས་བསྐོར་བ། ལྷོ་ནུབ་ཏུ་རིག་འཛིན་ཐོད་པ་རྩལ་ལ་བླ་མ་རིག་འཛིན་གྱི་ལྷ་ཚོགས་ཀྱིས་བསྐོར་བ། ནུབ་བྱང་དུ་དྲེགས་པ་ཀུན་འདུལ་ལ་འཇིག་རྟེན་མཆོད་བསྟོད་ཀྱི་ལྷ་ཚོགས་ཀྱིས་བསྐོར་བ། བྱང་ཤར་དུ་སྟོབས་ལྡན་ནག་པོ་ལ་དམོད་པ་དྲག་སྔགས་ཀྱི་ལྷ་ཚོགས་ཀྱིས་བསྐོར་བ། སྒོ་བཞི་ལ་སྒོ་མ་བཞི་ཕྱིའི་ལྕགས་རི་ལ་དཔལ་གྱི་བཀའ་ཉན་དཔལ་མགོན་བདུན་ཅུའི་ཚོགས་དང་བཅས་པ་གསལ་བའི་གནས་གསུམ་དུ་འབྲུ་གསུམ་གྱིས་མཚན་ཅིང་ཡེ་ཤེས་ལྔ་ཡི་དབང་བསྐུར་བར་གྱུར། ཨོཾ་ཧཱུྃ་ཧཱུྃ་ཧཱུྃཨཱ༔ ཧཱུྃ། རྣམ་དག་ཆོས་དབྱིངས་མཉམ་ཉིད་ལས། །ཞི་ཁྲོ་ཡོངས་རྫོགས་སྐུར་བཞེངས་ལ། །སྲིད་གསུམ་གདུག་པའི་ཚོགས་བསྒྲལ་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། །ཨེ་ཧེ་ཧི་ས་མ་ཡ་ཛ༔ཧཱུྃ་བཾ་ཧོ༔ ཧཱིང་ཧྲིང་ཛ་ཛ༔ ས་མ་ཡ་ཨཱ་ཝེ་ཤ་ཡ་ཏིཥྛ་ལྷན། ཨ་ཏི་པུ་ཧོ༔ པྲ་ཏི་ཛ་ཧོ༔ ཨནྡྷཾ་སོགས། ཧཱུྃ། དྲེགས་པ་ལྷ་ཆེན་ཕྱོགས་སྐྱོང་བསྣོལ་བའི་སྟེང་། །ཆེ་མཆོག་ལ་སོགས་དཔལ་ཆེན་ཁྲོ་རྒྱལ་ཚོགས། །གར་དགུའི་ཚོགས་ཀྱིས་ཧཱུྃ་སྒྲ་སྒྲོག་

[Full Size]

ལ་བསྟོད། །ཧཱུྃ། ཐུགས་དམ་གཉན་པོ་བསྐང་བའི་ལྷ་ཚོགས་ནི། །ཞི་ཁྲོ་བཀའ་བརྒྱད་ལྷ་ཚོགས་ཐུགས་དམ་བསྐང་། །བསྐང་ངོ་བསྐལ་པར་ཐུགས་དམ་བསྐངས་གྱུར་ཅིག །ཉམས་ཆག་འགལ་འཁྲུལ་ཐམས་ཅད་མཐོལ་ལོ་བཤགས། །ཧཱུཾ། རྒྱལ་བ་ཞི་ཁྲོའི་ལྷ་ཚོགས་སྐུར་བཞེངས་ཤིག །མཆོད་གཏོར་བཞེས་ལ་ཕྲིན་ལས་འགྲུབ་པར་མཛོད། །བཀའ་བརྒྱད་བཀའ་ཡི་སྲུང་མ་ཐུགས་དམ་ཅན། །མཆོད་གཏོར་འདི་བཞེས་དགྲ་བགེགས་རྡུལ་དུ་རློགས། །དཀོན་མཆོག་བདེན་པས་གནོད་བྱེད་དགྲ་དང་བགེགས། །བླ་སྲོག་ལིང་ག་འདི་ལ་མྱུར་དུ་ཁུག །བཀའ་བརྒྱད་ལྷ་ཚོགས་སྲས་སྤྲུལ་བཀའ་སྡོད་བཅས། །ལྕགས་ཀྱུས་ཟུངས་ལ་ཕུར་བུས་དགྲ་བགེགས་སྒྲོལ། །ཤན་པ་འབུམ་གྱི་ཤ་རུས་དུམ་བུར་གཏུབ། །དམར་ཆེན་ཁྲག་གི་རྒྱ་མཚོར་བཞེས་སུ་གསོལ། །དགྲ་བགེགས་ཤ་ཁྲག་དཔལ་ཆེན་ཞལ་དུ་བསྟབས། །དམ་རྫས་བརྒྱན་པའི་གཏོར་མས་ཐུགས་དམ་བསྐང་། ། དགྲ་བགེགས་བྱད་མ་གཏད་དོ་མ་ཤོར་ཅིག །བྱེད་ཁ་དྲོད་གཏོང་སྡང་བའི་དགྲ་ལ་བྷྱོ། །ཧཱུྃ། སྨུག་ནག་གྲུ་གསུམ་འབར་བའི་དཀྱིལ་འཁོར་ནས། །ཆེ་མཆོག་ཡོན་ཏན་ལྷ་

[Full Size]

ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ། མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །ཡང་དག་ཐུགས་ཀྱི་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ། སེར་ནག་གྲུ་གསུམ་འབར་བའི་དཀྱིལ་འཁོར་ནས། །འཇམ་དཔལ་སྐུ་ཡི་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ། དམར་ནག་གྲུ་གསུམ་འབར་བའི་དཀྱིལ་འཁོར་ནས། །པདྨ་གསུང་གི་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུཾ། ལྗང་ནག་གྲུ་གསུམ་འབར་བའི་དཀྱིལ་འཁོར་ནས། །ཕུར་པ་ཕྲིན་ལས་ལྷ་ཚོགས་འཁོར་བཅས་ཀྱིས་། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུཾ། ཤ་ཁྲག་རྒྱ་མཚོ་འཁྱིལ་བའི་དཀྱིལ་འཁོར་ནས། །མ་མོ་རྦོད་

[Full Size]

གཏོང་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ། གདུང་སོབ་ལྷུན་གྱིས་གྲུབ་པའི་དཀྱིལ་འཁོར་ནས། །རིག་འཛིན་སློབ་དཔོན་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ༔ དམ་རྫས་རྫ་ལྟར་ལྷག་པའི་དཀྱིལ་འཁོར་ནས། །འཇིག་རྟེན་མཆོད་བསྟོད་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ། གཏུམ་དྲག་གྲུ་གསུམ་འབར་བའི་དཀྱིལ་འཁོར་ནས། །དམོད་པ་དྲག་སྔགས་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ། དུར་ཁྲོད་གསང་བ་མཆོག་གི་དཀྱིལ་འཁོར་ནས། །ཚོམ་བུ་དགུ་ཡི་བཀའ་སྡོད་འཁོར་བཅས་ཀྱིས་།དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག༔ །ཧཱུྃ་ཁྲོ་བྷྱོ། ཁྲོ་རྒྱལ་ཀུན་བཟང་ཆེ་མཆོག་ཧེ་རུ་ཀ །དབུ་ལ་སྤྲུལ་

[Full Size]

པའི་ཁྱུང་ཆེན་འབར་བས་བརྒྱན། །དགྲ་བགེགས་གཤེད་མ་བྱ་ཁྱུང་རྒྱལ་པོ་ཡིས། །ལྟས་ངན་བཟློག་ཅིང་བསྒྱུར་བའི་ཕྲིན་ལས་མཛོད། །ཧཱུྃ། སྒྲུབ་ཆེན་བཀའ་བརྒྱད་ལྷ་ཚོགས་འཁོར་བཅས་ཀྱིས། །སྨན་རཀ་གཏོར་མའི་མཆོད་པ་འདི་བཞེས་ལ། །བདེ་གཤེགས་བཀའ་བརྒྱད་ལྷ་ཚོགས་བདེན་པའི་སྟོབས། །བདེན་པའི་སྟོབས་ཀྱིས་མི་བཟློག་གང་ཡང་མེད། །ནད་གདོན་དགྲ་བགེགས་ལྟས་ངན་བཟློག་ཏུ་གསོལ། །ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་ཀཾ་ནི་རི་ཏི་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། ཧཱུྃ། སྲིད་པའི་མདོས་ཆེན་ད་བཏང་ན། །སྟེང་དང་ཕྱོགས་མཚམས་སྒོ་ཕྱེས་ལ། །སྒྲུབ་པ་བཀའ་བརྒྱད་ལྷ་ཚོགས་གཤེགས། །ཆོས་ཀྱི་དབྱིངས་སུ་ལམ་བསྟན་ནོ། །ཧཱུྃ་ཧཱུྃ་ཧཱུྃ། བྷྱོ་བྷྱོ་བྷྱོ། བྷྱོ། རེ་མ་ཏི་སོགས་སྲིད་པའི་ལྕམ་མོའི་ཚོགས། །རང་རང་མིང་པོའི་བཀའ་སྒྱུར་ཁྲམ་ཁ་ཟློག༔ །ཁྲོ་རྒྱལ་མདུང་དམར་ཅན་གྱིས་དགྲ་བགེགས་སྒྲོལ། །དཔལ་ཆེན་

[Full Size]

འཁོར་བཅས་དགྲ་བགེགས་རྡུལ་དུ་རློགས། བྷྱོ་བྷྱོ་བྷྱོ། ཟློག་ཟློག་ཟློག༔ ས་མ་ཡ་བྷྱོ། ཧཱུྃ། འཇིག་རྟེན་སྐྱོང་བ་ཐམས་ཅད་ཀུན། །བདུད་རྩི་གསེར་སྐྱེམས་འདི་བཞེས་ལ། །མདོས་དང་ཟོར་གྱི་ལམ་ཕྱེས་ཤིག །ཧཱུྃ། དམར་གྱི་གཏོར་མ་ཆེན་པོ་འདི། །མེ་རླུང་མཚོན་ཆའི་ཆར་པ་འབེབས། །དགྲ་བགེགས་ཐལ་བ་རྡུལ་དུ་རློགས། །ཨོ་པ་རི་ཤུ་བ་ནི་མཱ་ར་ཡ་ཧཱུྃ་ཕཊ། ཞི་ཁྲོ་བཀའ་བརྒྱད་རོལ་པའི་བྲོས། །རུ་དྲ་དམ་སྲི་རྡུལ་དུ་རློགས། །ཧཱུཾ་སུཾ་བྷ་ཡ་ནན། ཁྲོ་རོལ་ཤིན་ཏུ་བསྡུས་པའི་འདོན་བྱ་འདི། །རང་གི་རྐྱེན་ཟློག་ཐུགས་དམ་བྱ་ཕྱིར་བྲིས། །ཉེས་པ་གང་མཆིས་བཀའ་བརྒྱད་ལྷ་ལ་བཤགས། །དགེ་བས་བྱང་ཆུབ་སྒྲུབ་ལ་དགེ་ལེགས་ཤོག །རཱ་ག་ཨ་སྱས་སྦྱར་བའོ། སརྦ་མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་བརྒྱད་ཟློག་པ་ལྟར་གབ་སྤྲད་ལུགས།

[Full Size]

བཀའ་བརྒྱད་ཟློག་པ་ལྟར་གབ་སྤྲད་ལུགས། ལས་བྱང་འཛབ་ཚོགས་བསྐང་བ་ཡན་ཚར་ནས། གསེར་སྐྱེམས་དགོངས་གསོལ་ལིངྒ་བསྐྱེད་བསྟིམ་སོགས་བྱས་ལ། །བདེ་གཤེགས་སྤྱི་བསྐུལ་གྱིས། ཧཱུྃ། མི་མངོན་དབྱིངས་ན་བཞུགས་པ་ནས། །ཤཱནྟཾ། པུཏྟཾ། པ་ཤཾ། མཱ་ར་ཡ་ཀུ་རུ་ཡེ་སྭཱ་ཧཱའི་བར་དང་། ཞི་བ་བཞི་བསྟོད་སོགས་ཀྱི་ལེས་ཁ། ཧཱུཾ་བྷྱོ་གདོད་ནས་མ་སྐྱེས་ནས། མྱུར་དུ་བསྒྲལ་བའི་ཕྲིན་ལས་མཛོད། །སྤྱི་བསྐུལ་ནང་གི་དེའོ།ཕུད་གཏོར། འདི་མན་གབ་སྤྱད་དགོས་སྤྱི་བསྐུལ་ནང་ནས་ཆེ་མཆོག་སྐུལ་པ། ཁྲོ་བོ་རོལ་པའི་དུར་ཁྲོད་ཆེན་པོ་ནས། །ཞེས་པ་ནས། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །བདེ་གཤེགས་སོགས་འདོད་གསོལ་སྦྱར་མི་དགོས། དང་པོ་ཕོ་ཉ་སྒོས་བསྐུལ་གྱི་ཆེ་མཆོག་ཡོན་ཏན་ལྷ་ཚོགས་ཀྱི་བཀའ་སྲུང་འདོན་ཏེ། ཧཱུྃ། ཤར་ཕྱོགས་ཁྱབ་པར་རྒྱུག་པ་ནས། རུ་ལུ་རུ་ལུ་ཧཱུྃཡི་བར་འདོན། དེ་ནས་བསྒྲལ་ལས་ནང་གི་སྤྱི་མཚམས་ཐམས་ཅད་ལྷ་ཚོགས་ཐམས་ཅད་ལ་སྦྱར། གོང་དུ་དང་པོ་ཆེ་མཆོག་གི་སྒོ་ནས་ལིངྒ་ཆེ་བ་བསྒྲལ་ཏེ། དེ་ཡི་འདོན་ཆ་བསལ་ནས་འདོན་པ་དང་། ཉ་བོ་བསྒྲལ་ཚར་ནས་

[Full Size]

དམར་སྦྲེང་གིས་ཆེ་མཆོག་བསལ་ལ་འདོན། ཆེ་མཆོག་གི་བསྟབ་པ་བྱ། རྒྱས་པ་འདི་ནས་ཟློག་གཞུང་འདོན་ཏེ། ཆེ་མཆོག་གི་ཟློག་གཞུང་འདོན། ཆེ་མཆོག་ལྷ་ཚོགས་ལ་གཏོར་མ་འབུལ་བ་འདོན། བྷྱོ་གདབ་བྱས། བཅོལ་གཏད་བྱ། བདེན་སྟོབས་ཟློག་པ་འདོན། དེ་ནས་སླར་ཡང་བདེ་གཤེགས་སྤྱི་བསྐུལ་ནང་ནས་ཐུགས་མཆོག་ཡང་དག་བསྐུལ་པ་སོགས་ནས་ཡང་དག་གི་སྒོ་ནས་བསྒྲལ་ལས། ཡང་དག་གི་དམར་སྦྲེང་ལ། ཡང་དག་གི་ཞལ་བསྟབ། ཕོ་ཉའི་ཡང་དག་བཀའ་སྲུང་བསྐུལ། ཡང་དག་གི་ཟློག་གཞུང་། ཡང་དག་གཏོར་མ་འབུལ་བ། བྷྱོ་གདབ། ཡང་དག་ལ་བཅོལ་གཏད། བདེན་སྟོབས་ཟློག་པ་འདོན་ཏེ། དཔལ་དགུ་བཀའ་སྲུང་དང་། དེ་ནས་ལས་བྱང་ལྟར་སྐུ་གསུང་ཐུགས་བྱིན་གྱིས་བརླབས་ནས། འཛབ་ཡན་ཆད་བདག་མདུན་ཟུང་འཇུག་ཏུ་བྱ་སྟེ། མདུན་བསྐྱེད་ཀྱི་སྤྱན་འདྲེན་བཞུགས་སུ་གསོལ། ཕྱག་འཚལ། མཆོད་པ་བསྟོད་པ་རྣམས་ནི་ལས་བྱང་གིས་ཚང་ལ། མཆོད་པ་ཕུད་བསྐང་ཡང་བདུད་རྩི་སྨན་མཆོད་ལ་ཚང་བ། དགོངས་གསོལ་ཟེར་བ་ནི་ཕྲིན་ལས་སྒྲུབ་པའི་སྙན་གསན་དབབ་པ་སྟེ། ཆོ་ག་བསྡུས་པའི་སྐབས་སུ་མི་དགོས། །

[Full Size]

ཁྱུང་བསྐང་ཡང་བསྐང་བའི་ནང་དུ་དོན་གྱིས་ཚང་ལ། ཆེ་བ་བསྐྱེད་པ་ནི་ལས་བྱང་ནང་དུ་འཐུས་ཡོད། སྤྱི་བསྐུལ་ནི་ལས་བྱང་ནང་དུ་ཡོད། མཆོད་བྱང་ནི་ཕྱི་མཆོད་ལ་འདུས། བསྟོད་བྱང་ནི་བསྟོད་པ་ལ་འདུས། བཤགས་བྱང་ནི་བཤགས་པ་འདུས་ཡོད། སྒོས་བསྐུལ་རྒྱས་འབྲིང་གཉིས་ཀྱང་བསྡུས་པ་ལ་འདུས། གབ་པ་དོན་བདུན་རྒྱས་འབྲིང་ཡང་བསྡུས་པ་ལ་འདུས། བསད་པ་ལས་བཅུ་དང་ཕུར་ཐུན་ཚོམ་བསྐུལ་གཉིས་དོན་ལ་བསྒྲལ་ལས་སུ་གཅིག་པ་དང་། དེ་གབ་པ་ཆུང་བ་གབ་གམ་སྤྲད། ཁྱུང་ཟློག་དང་ཁྱུང་གི་ཐན་ཟློག་གཞུང་གི་ཁྱུང་ལ་འདུས། དངོས་གྲུབ་ལེན་ཆོག་དང་། ཆེ་བ་བསྐྱེད་པ་གཉིས་ལས་བྱང་ལ་འདུས། བཞེངས་ཞུས་བསྡུས་པའི་སྐབས་སུ་མི་དགོས་ཏེ། ལམ་བསྟན་ལ་འདུས། དཀར་གཏོར་མི་དགོས་སྤྱི་འཚམས་པས་ཆོག །རྟ་བྲོ་ལས་བྱང་གི་དེས་ཆོག །ཆད་མདོ་རྒྱས་པ་ཡང་ལས་བྱང་གི་བསྡུས་པ་དེས་ཆོག །བཤལ་ཆུ་ལས་བྱང་གི་བརྟན་སྐྱོང་ལ་འདུས། བཤགས་པ་དང་དལ་བསྡུ་སྨོན་ལམ་རྒྱུན་སྤྱོད་རྣམས་ལས་བྱང་གིས་འཐུས་སོ། །ཞེས་པ་ཡང་། ཨ་རྭགས་བྲིས་སོ།། །།

[Full Size]

ཤོག་སྟོང་།

བཀའ་བརྒྱད་ཁྲོ་བོ་རོལ་པའི་སྟེང་ནས་ཕུབ་པ་སྤྲིན་ཆེན་འཁོར་ལོ།

[Full Size]

བཀའ་བརྒྱད་ཁྲོ་བོ་རོལ་པའི་སྟེང་ནས་ཕུབ་པ་སྤྲིན་ཆེན་འཁོར་ལོ༔ བར་གྱི་ནང་རྫོང་ཟློག་འཁོར་ཆེན་པོ་འཁོར་གྱི་འཁོར་ལོ་ཆུང་བ་བརྒྱད༔ འོག་ཏུ་བཏིང་བའི་བསད་པའི་འཁོར་ལོ་ཆེན་མོ་རྣམས་ཀྱི་ཁྲིད་ཡིག་གབ་སྦས་བསལ་ནས་བལྟས་ཆོག་ཏུ་བཀོད་པའི་ཟིན་བྲིས་ཁ་གསལ་བཞུགས་སོ༔ ཨྠྀི༔ ཟབ་བོ༔

[Full Size]

དཔལ་ཧེ་རུ་ཀ་ལ་ཕྱག་འཚལ་ལོ༔ དཔལ་གྱི་གཏོར་མ་སྤྲིན་ཆེན་གྱིས་ཁ་བཅད་ཅེས་པ༔ བྲི་གཞི་ཞིང་ཆེན་པགས་པར་གསུངས་ནའང་༔ ལག་ལེན་ཤོག་བུ་འཐུག་པོ་ལ་མི་ལྤགས་བརྡར་ཕྱེ་བྱུགས་ལ་མུ་ཁྱུད་བཞི༔ ལྟེ་བར་ཨོ་དཀར་ཨཱཿདམར་ཧཱུྃ་མཐིང་གསུམ་བརྩེགས་མ་བྲི༔ དེ་རྒྱབ་གྲུ་གསུམ་མཐིང་ནག༔ ཟླ་གམ་གསུམ་དམར་པོའོ༔ དེ་རྒྱབ་རྩིབས་བརྒྱད་མཐིང་ཀ་ལ་ཕཊཿབརྒྱད་དམར་པོ༔ དེ་རྒྱབ་རྩིབས་བཅུ་དྲུག་སེར་པོ་ལ༔ ཧཱུཾ་མཐིང་ཀ་དང་ཧྲིདམར་པོ་སྤེལ་བ་རེ༔ དེ་རྒྱབ་མེ་རི་གཡས་སྐོར་ནག་པོ་བྱའོ༔ དེ་རྒྱབ་མུ་ཁྱུད་ཚོན་གང་ལ་མཛེས་ཚོན་ཏེ༔ སྒྲུབ་པ་པོ་

[Full Size]

ལ་གནོད་པར་བྱེད་པའི་འབྱུང་པོ་ཐམས་ཅད༔ ཏྲག་རཀྵ་ཁ་མུན་ཏྲ༔ ལུས་དུམ་བུར་གཏུབ༔ སྙིང་ལ་བྷྱོ་བྷྱོ༔ ཕོ་བྷྱོ་གཡས་སུ་བྷྱོ༔ མོ་བྷྱོ་གཡོན་དུ་བྷྱོ༔ སྤྱི་བདུད་དལ་ཁ་མཁའ་ལ་བྱོ༔ སྡང་བའི་དགྲ་ལ་བྷྱོ༔ གནོད་པའི་བགེགས་ལ་བྷྱོ༔ ཟ་བའི་འདྲེ་ལ་བྷྱོ༔ ཕུང་བའི་སྲི་ལ་བྷྱོ༔ ཆག་ཆེ་བ་དང་༔ ཉམ་ང་བ་ཐམས་ཅད་སྡང་བའི་དགྲ་ལ་བྷྱོ༔ ཟློག་ཟློག༔ ཡི་གེ་ཐམས་ཅད་མགོ་ནང་བསྟན་ནོ༔ འདི་ཟློག་ཐབས་ལ་དར་གདུགས་འོག་དང་༔ མདོས་ཐབས་ལ་ནམ་གདུགས་འོག་ནས་ཁ་སྦུབས་ནས་ཕུབ་རྒྱུ་ཡིན་ཡང་༔ སྟབས་མི་བདེ་ན་ལྟེབ་ལ་ཕྱི་ཐུམ་ནག་

[Full Size]

པོ་བྱས་ཏེ༔ དར་གདུགས་ནང་དུ་ལྟེ་བ་ཁ་སྦུབས་སུ་བཏགས་པས་འཐུས་སོ༔ ༈ དེ་ནས་ཟློག་འཁོར་དགུ་བསད་འཁོར་དང་༔ སྤྱི་དགོས་སྔགས་བྱང་ཕྱོགས་གཅིག་ཏུ་དེས་ཉུང་ཕྱིར་བཀོད་པ༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཛ་ཧཱུྃ་ཕཊ༔ ཨོཾ་པདྨནྟ་ཀྲྀཏ་མ་ཧཱ་ཀྲོ་ཏ་ཧྱ་གྲི་ཝ་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཕཊ༔ ཨོཾ་གུ་ཧྱ་ཛྙཱ་ན་ཤཱི་ཧེ་རུ་ཀ་ཀྲོ་ཏི་ཤྭ་རི་ཧཱུཾ༔ མ་མ་ཡོ་ཀི་ནི་རུ་ལུ་རུ་ལུ་ཧཱུྃ་ཕཊ༔ ཨོཾ་བཛྲ་ཙཎྜ་སརྦ་དུཏྟཾ་ཧཱུྃ་ཕཊ༔ ཨོཾ་བཛྲ་ཡཀྵ་ཀྲོ་ཏ་སརྦ་དུཏྟཾ་ཧཱུྃ་ཕཊ༔ ༈ བྱད་ཁ་དགྲ་ལ་ཟློག༔ ཟོར་ཁ་དགྲ་ལ་ཟློག༔ ཐུན་ཁ་དགྲ་ལ་ཟློག༔ ཕུར་ཁ་དགྲ་ལ་ཟློག༔ བྱོལ་ཁ་དགྲ་ལ་ཟློག༔ རིག་སྔགས་དམོད་བྱད་དགྲ་ལ་ཟློག༔ དྲོད་གཏོང་དགྲ་ལ་ཟློག༔ མི་དང་མི་མ་ཡིན་པའི་བསམ་སྦྱོར་ངན་པ་ཐམས་ཅད་དགྲ་ལ་ཟློག༔ ནང་པ་སངས་རྒྱས་པའི་བདེན་པ་ཐམས་ཅད་དགྲ་ལ་ཟློག༔ ཕྱི་པ་མུ་སྟེགས་པའི་ངན་སྔགས་ཐམས་ཅད་དགྲ་ལ་ཟློག༔ དྲང་སྲོང་དང་བྲམ་ཟེའི་དམོད་པ་ཐམས་ཅད་དགྲ་ལ་ཟློག༔ བན་བྱད་དང་བོན་བྱད་ཐམས་ཅད་དགྲ་ལ་ཟློག༔ རིག་སྔགས་དང་རྦོད་གཏོང་

[Full Size]

ཐམས་ཅད་དགྲ་ལ་ཟློག༔ ཐུན་ཁ་དང་ཟོར་ཁ་ཐམས་ཅད་དགྲ་ལ་ཟློག༔ བགེགས་དང་ལོག་འདྲེན་ཐམས་ཅད་དགྲ་ལ་ཟློག༔ ནད་ཁ་དང་རིམས་ཁ་ཐམས་ཅད་དགྲ་ལ་ཟློག༔ གློ་བུར་དང་ཡེ་འདྲོགས་ཐམས་ཅད་དགྲ་ལ་ཟློག༔ དུག་དང་མཚོན་གྱི་འཇིགས་པ་ཐམས་ཅད་དགྲ་ལ་ཟློག༔ མེ་དང་ཆུའི་འཇིགས་པ་ཐམས་ཅད་དགྲ་ལ་ཟློག༔ རྒྱལ་པོའི་ཆད་པ་དང་ཕ་རོལ་པོའི་དམག་ཚོགས་ཀྱི་འཇིགས་པ་ཐམས་ཅད་དགྲ་ལ་ཟློག༔ ། ༈ ཨོཾ་བཛྲ་ཀྲོ་ཏ་སརྦ་ཧཱུྃ༔ ཨོཾ་སརྦ་དུ་ཏྲི་ཧྲཱིཿཛཿ སརྦ་དུཥཱན་ཨེ་ཛཿཛཿསརྦ་དྷཱ་ཀི་ནཱི༔ སརྦ་ཡོ་ཀི་ནཱི༔ དྷ་ལ་མུ་ཁཾ༔ ཨ་ཁ་རོ་མུ་ཁཾ༔ སརྦ་བུདྡྷ༔ ཀ་ཧོ་ས་ཡ༔ ས་རོ་ཝ་ར༔ སརྦ་དྷརྨཱ༔ ཨ་ཏ་ཨ་ནུ༔ བནྡྷ་ནུ༔ པ་རི་ཝཱ་ར༔ ཨི་དཾ་བྷ་ལཾ་གཱི་ཧ་ན་བྷ་ལི་ཁཱ་ཧི༔ སི་ཏི་པ་ཏི་ས་ལ་ཡ༔ མ་ཏི་ཀྲ་མ་ཏི༔ མ་ཧཱ་ཤྲཱི་ཧེ་རུ་ཀ༔ སརྦ་དུཥཱན་དུ་ན་དུ་ན༔ མཱ་ར་ཡ་མཱ་ར་ཡ༔ ཁ་དྷ་ཁ་དྷ༔ སརྦ་ཤཱ་ཏུཾ༔ སརྦ་དུཎྞཾ༔ ན་ཤ་ཡ་ན་ཤ་ཡ༔ སྟམྦྷ་ཡ་སྟམྦྷ་ཡ༔ མཱ་ར་ཡ་མཱ་ར་ཡ༔ སྤོ་ཏ་ཡ་སྤོ་ཏ་ཡ༔ སརྦ་དུ་སྟན་སྭཱ་ཧཱ༔ བག་ཤ་ཡ༔ བག་ཤ་ཡ༔ སརྦ་ཀརྨ་དུ་རུ་དུ་རུ༔ ལ་ཧུ་ལ་ཧུ༔ ཀུ་རུ་ཀུ་རུ༔ ཀི་རི་ཀི་རི༔ ཧཱུྃ་

[Full Size]

ཧཱུྃ་ཕཊ་ཕཊ༔ སརྦ་ཤ་རི་དུ་ཀ་ར་ཀི་ཙ་ར་པྲ་ས་ར་ས་ལ་ཡ་བྷཾ་ཀྲྀ་དྷི་ཡ༔ བུ་ག་ར་ཡ༔ མ་ན་ཡ་འདུས༔ ཨེ་ར་མ་ནི་ཧཱུཾ་ཧཱུཾ་ཕཊ་ཕཊ༔ ཕྱག་མཚན་ནི༔ ཡང་དག་ལ་རྡོ་རྗེས་མཚན་པའི་གྲི་གུག༔ གཤིན་རྗེ་ལ་རིན་པོ་ཆེས་མཚན་པའི་བེ་ཅོན་ཏི་ཐོ་བ་འདྲའོ༔ རྟ་མགྲིན་ལ་རལ་གྲི༔ རྡོ་རྗེ་གཞོན་ནུ་ལ་ཕུར་པ༔ མ་མོ་ལ་ཐོད་པས་མཚན་པའི་ཁཊཾ༔ རིག་འཛིན་ལ་རྡོ་རྗེས་མཚན་པའི་ཐོད་དབྱུག༔ འཇིག་རྟེན་མཆོད་བསྟོད་ལ་རྡོ་རྗེས་མཚན་པའི་དགྲ་ས༔ དྲག་སྔགས་ལ་རྡོ་རྗེས་མཚན་པའི་ལྕགས་ཀྱུའོ༔ དེ་ནས་དབུས་ཟློག་འཁོར་ཆེན་པོའི་ལྟེ་བ་མཐིང་ཁའམ༔ དབུས་སུ་ཧཱུཾ་ལ༔ ཆེ་མཆོག་གི་སྔགས་མགོ་ནང་བསྟན་སྔགས་མཇུག་ཕྱི་ལ་ཕུད་དེ༔ བྱད་ཁ་དགྲ་ལ་ཟློག་ཅེས་སོགས་ཟློག་བརྒྱད་ཤམ་བུ་དེ་ཚང་བར་བྲིའོ༔ དེ་རྒྱབ་རྩིབས་བརྒྱད་ལྷ་སོ་སོའི་མདོག་ལ༔ སྔགས་མགོ་ནང་བསྟན་དཔལ་བརྒྱད་ཀྱི་སྔགས་སོ་སོའི་གནས་སུ་བཀོད་པ་ལའང་གོང་ལྟར་ཤམ་བུ་ཚང་བ་རེ་རེ་བྲིའོ༔ རྩིབས་མཆན་བརྒྱད་དམར་པོ་ལ་ཕྱག་མཚན་བརྒྱད་རྩེ་ཕྱིར་བསྟན་བྲི༔ དེ་རྒྱབ་མུ་ཁྱུད་ལྗང་ཀུ་ལ༔ ནང་པ་སངས་རྒྱས་པའི་བདེན་པ་ཟློག་སོགས་ཚང་བར་བྲི༔ མུ་ཁྱུད་ཕྱི་མ་སེར་པོ་ལ༔ ཨོཾ་བཛྲ་ཀྲོ་ཏ་

[Full Size]

སརྦ་སོགས་ཚང་བར་བྲི༔ དེ་རྒྱབ་མེ་རི་དམར་པོ་ལ་གཡས་བསྐོར་དུ་བྲིའོ༔ ༈ དེ་ནས་དཔལ་བརྒྱད་པོའི་ཟློག་འཁོར་ཆུང་བ་བརྒྱད་ནི༔ ཐམས་ཅད་འདྲ་བར་ལྟེ་བར་ཧཱུྃ་མཐིང་ནག་རེའི་མཐར་སྔགས་མགོ་ནང་དུ་བསྟན་སྔགས་མཇུག་ཕྱིར་ཕུད་དོ༔ བྱད་ཁ་དགྲ་ལ་ཟློག་སོགས་ཚང་བ༔ དེ་རྒྱབ་རྩིབས་བཞི་ལ་ལྷ་སོ་སོའི་ཁ་དོག་ལ༔ དཔལ་བརྒྱུད་སོ་སོའི་སྙིང་པོ་བགོས་ནས་རྩིབས་བཞི་ཁ་ལ་ཚར་གཅིག་འོང་བ་བྲི༔ རྩིབས་མཆན་བཞི་དམར་པོ་ལ་སོ་སོའི་ཕྱག་མཚན་གྲི་གུག་སོ་ཕྱིར་བསྟན༔ གཞན་རྣམས་འཕྲད་དུ་བྲི༔ དེ་རྒྱབ་མུ་ཁྱུད་ལྗང་ཁུ་ལ༔ ནང་པ་སངས་རྒྱས་པའི་བདེན་པ་ཟློག་སོགས་ཚང་བར་བྲི༔ དེ་རྒྱབ་མུ་ཁྱུད་སེར་པོ་ལ༔ ཨོཾ་བཛྲ་ཀྲོ་ཏ་སརྦ་སོགས་ཚང་བར་བྲི༔ དེ་རྒྱབ་མེ་རི་དམར་པོ། ཐམས་ཅད་གཡས་སྐོར༔ མ་མོ་ལ་གཡོན་སྐོར་བྲི༔ ༈ དེ་ནས་འཁོར་ལོ་དགུ་པོ་མེ་རླུང་ལ་ཕྱར༔ མེ་ལོང་ངོས་ནས་ཁྲུས་གསོལ༔ ཡེ་དྷརྨས་རབ་གནས་བྱས༔ ལྟེ་བའི་ཧཱུྃ་མགོ་མཇུག་མ་ལོག་པར་ཅི་བདེར་བལྟེབ་གྲོ་ག་སོགས་ཆུ་ཐུབ་པས་གཏུམ༔ དེ་རྒྱབ་རས་དཀར་པོ་སོགས་ཀྱིས་གཏུམ༔ མགོ་མཇུག་ཤེས་ཕྱིར་རྒྱབ་ཏུ་ཧཱུྃ་ཆེན་པོ་རེ་དང་ཕྱོགས་ཡིག་

[Full Size]

བྲིས་ཏེ༔ དཔལ་དགུའི་གཏོར་མའི་ནང་དུ་བཅུག་པར་བཤད་ནའང་༔ བཏང་ནའང་ཆོག་པར་བཤད་པས་ཕུར་པ་དང་མཉམ་དུ་མདའ་དར་སོགས་ལ་བཏགས་ཏེ་རྒྱུན་དུ་འཆང་བ་ལེགས་སོ༔ ༈ བསད་འཁོར་ནི་ཤོག་བུ་གཙང་མ་འཇམ་པོ་ལ་བོང་ང་བྱུག༔ སྣག་ཚ་ལ་ཡང་དུག་སྣ་དང་གྲི་ཁྲག་སོགས་རྙེད་ན་བསྲེས་ཏེ་དྲི་མ་དང་ཁ་རླངས་མ་སོང་བར་བྲིས་ཏེ་བར་ལིང་ག་བྲི་བར་བཤད་ཀྱང་མི་བྲི་བར་སྟོང་པ་ཆེ་བར་བཞག༔ དེ་རྒྱབ་མུ་ཁྱུད་ཆེ་བ་བྱས་ལ་རྩིབས་བརྒྱད་རྩེ་མོ་ནང་དུ་ལྟ་བ་བྲིས་པར༔ སྔགས་མགོ་ཕྱིར་བསྟན་ཏེ་ཤར་དུ༔ ཨོ་བཛྲ་ཤྲཱི་ཧེ་རུ་ཀ་ཧཱུྃ་ཕཊ༔ དེ་ནས་གཡས་སྐོར་དུ་རྩིབས་རེ་ལ་སྔགས་རེ་རེ་སྟེ༔ ཨོ་གུ་ཧྱ་ཛྙཱ་ན་ཧཱུྃ་ཕཊ༔ ཨོཾ་ཡ་མཱནྟ་ཀ་ཧཱུྃ་ཕཊ༔ ཨོཾ་མ་ཧཱ་གུ་རུ་ཧཱུྃ་ཕཊ༔ ཨོཾ་ཧུ་ཤྲཱི་ཝ་ཧཱུྃ་ཕཊ༔ ཨོཾ་བཛྲ་ཚན་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཨོཾ་ཡཀཱ་ཀྲོ་དྷ་ཧཱུྃ་ཕཊ༔ དེ་བརྒྱད་ཀ་ལ་ཤམ་བུ་འདི་ཚང་བ་རེ་བྲི༔ གནོད་བྱེད་དགྲ་བགེགས་ཀཱ་ཡ་ཝཱཀ་ཙིཏྟ་མཱ་ར་ཡ་ཛ་ཛ༔ རྩིབས་མཆན་བརྒྱད་ལ་ཕྱག་མཚན་བརྒྱད་རྩེ་ནང་དུ་བསྟན་པ་བྲི༔ དེ་བརྒྱུད་དཔེའུ་རིས་འགའ་རེ་ལ་མུ་ཁྱུད་ནང་མ་ལ་སྔགས་དང་ཕྱི་ན་དམོད་པ་བྲིས་གདའ་ནའང་༔ འདིར་གཞུང་ན་མུ་

[Full Size]

ཁྱུད་གཅིག་བས་མ་གསུངས་པས༔ མུ་ཁྱུད་གཅིག་བྱས་ལ༔ ༈ ཨོ་བྷན་དྷེ་ཤ་ཡ་བྷན་དྷེ་ཤ་ཡ༔ ཧ་ཙཱ་བྷ་ཡ་ནན༔ ཨོ་གནོད་བྱེད་དགྲ་བགེགས་བྱད་མའི་ལུས་མཱ་ར་ཡ་ན་ཤ་ཡ་ཙཱ་བྷ་ཡ་ནན༔ ཨཱཿ གནོད་བྱེད་དགྲ་བགེགས་བྱད་མའི་ངག་མཱ་ར་ཡ་ན་ཤ་ཡ་ཙཱ་བྷ་ཡ་ནན༔ ཧཱུྃ་གནོད་བྱེད་དགྲ་བགེགས་བྱད་མའི་ཡིད་མཱ་ར་ཡ་ན་ཤ་ཡ་སྟཾ་བྷ་ཡ་ནན༔ གནོད་བྱེད་དགྲ་བགེགས་བྱད་མ་ལྷ་དང་བཅས་པའི་སྲུང་བའི་གུར་བཀྲལ༔ དཀྱིལ་འཁོར་གྱི་དབུས་ཤིག༔ ལྷ་ཆའི་སྒྲ་ཆོག༔ རང་གཤེད་རང་ལ་ཕོབ༔ རང་བྱད་རང་ལ་ཟློག༔ རང་མཐུ་རང་ལ་སྨིན་དུ་ཆུག༔ རང་སྲོག་རང་གིས་གཅོད་དུ་ཆུག༔ རང་ཤ་རང་གིས་ཟས་རུ་ཆུག༔ རང་ཁྲག་རང་གིས་འཐུང་དུ་ཆུག༔ ཅེས་བྲི༔ ལྟེ་བ་ནག་པོ༔ རྩིབས་བརྒྱད་སྔོན་པོ༔ རྩིབས་མཆན་དམར༔ མཚོན་ཆ་རང་མདོག༔ དེ་རྒྱབ་མུ་ཁྱུད་སེར་པོ༔ མེ་རི་མེད་དོ༔ མེ་རླུང་གི་ཁ་ལ་ཕྱར༔ མེ་ལོང་ངོས་ནས་ཁྲུས་བྱའོ༔ འདི་ཆེ་མཆོག་གཏོར་མའི་ཞབས་སུ་བཞག་ཅིང་མཐར་གཏོར་ཆེན་སྟེང་དུ་བསྲེགས་པར་བཤད་ནའང་༔ ལྟེ་བ་སྟོང་པར་བཞག་ན་བསྲེགས་མི་དགོས་ཏེ༔ ཤོག་ལིང་སྤྱི་འཚམས་མིང་དང་

[Full Size]

བཅས་པ་བྲིས་ལ༔ འགུགས་གཞུག་བྱས་ལ་བལྟེབས་ནས༔ འཁོར་ལོ་འདིའི་ལྟེ་བར་བཏུམ་ནས་ལྟེབ་སྟེ་བྲུབ་ཁུང་དུ་བཅུག་ལ༔ མདོས་ཞབས་སུ་བསྒྲལ་དམིགས་རྣམས་དེ་ལ་གཙོ་བོར་བྱས༔ མཐར་ལིངྒ་ཕྱུང་ནས་ཟོར་བརྡེགས་པ་དང་སྦྱིན་སྲེག་གམ༔ ཡང་ན་གཏོར་ཟློག་ལ་མེ་རུ་བཙུགས་ལ་བསྲེགས་པ་སོགས་བྱ་ཞིང་༔ འཁོར་ལོ་ནི་དྲི་མ་མ་སོང་བར་དར་ནག་པོས་གཏུམ་ལ་ཚག་བྱས་པས༔ ནམ་བཅའ་བྲི་མི་ཐུབ་པ་དང་རབ་གནས་སུ་སོང་བས་ནུས་པ་ཆེ་བའི་གནད་དོ༔ ཕྱི་རབས་སྔགས་པ་རྣམས་དང་ཡོན་བདག་ལ༔ ཕན་ཕྱིར་ཟིན་བྲིས་འདི་ཡིས་བཞག་པ་བྱས༔ སྦ་འོས་གསལ་བཀོད་བཀའ་སྲུང་རྣམས་ལ་བཤགས༔ དགེ་བས་འགྲོ་ལ་ཕན་པོ་རྒྱ་ཆེན་ཤོག༔ དེ་སྐད་སྔགས་འཆང་རཱ་ག་ཨ་སྱས་སྨྲས༔ མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

བཀའ་བརྒྱད་ཁྲོ་བོ་རོལ་པའི་ཉེར་མཁོ་ཕན་བྱའི་ལས་ཚོགས་འགའ་རེ་གོ་བདེ་བར་ལག་ལེན་དུ་ཕབ་པའི་ཟིན་བྲིས།

[Full Size]

གནོད་བྱ་འགའ་སྣང་བ་ནི་གནོད་དོགས་པས་གཞུང་ཚིག་གསལ་བར་མ་བཀོད་པའོ། བཀའ་བརྒྱད་ཁྲོ་བོ་རོལ་པའི་ཉེར་མཁོ་ཕན་བྱའི་ལས་ཚོགས་འགའ་རེ་གོ་བདེ་བར་ལག་ལེན་དུ་ཕབ་པའི་ཟིན་བྲིས་དུམ་གཅིག་བཞུགས་ལགས་སོ། །གཞུང་ནས་གསུངས་པ་རྣམས་རྒྱུད་ཚིག་ཕལ་པས་ལག་ཏུ་མི་ལོན་པར་སྣང་བས་བསལ་བར་བྱས། རྫས་མི་འཛོམ་པ་འགའ་རེ་དང་དཀའ་ཚེགས་ཆེ་བས་མ་བྲིས། ཉང་དང་ཆོས་དབང་གཉིས་ཀ་ནས་བསྡུས།

[Full Size]

སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ ཟན་ལ་ཁོག་སྣུམ་ལེགས་པར་བཏང་ལ་ཁྱུང་གི་གཤོག་པའི་དང་རུ་གཉིས་པ་ལོགས་སུ་ཡོད་པ༔ ལག་གཉིས་སྦྲུལ་བཟུང་བ་བཟོའོ། །དེ་བཟོ་དུས་ཐོན་དཀའ་ན་ཆག་སྒོ་ཡོད་རྟགས་སོ། །ལར་མཆོད་པ་བཅའ་བ་དང་བཤམ་པ་དཀའ་ན་གོད་འོང་། སླ་ཞིང་མགྱོགས་ན་བཟང་། དེ་ནས་ལས་བྱང་ཚར་ནས། གཏོར་ཟློག་འདོན་ཁ་སྔགས་འདི་ཚར་བདུན་ནམ་ཉེར་གཅིག་གིས་ནས་ལ་སྔགས་ལ་ཁྱུང་ལ་བྲབ། ཨོཾ་བཛྲ་ཀྲོ་ཏ་ཤྲཱི་ཧེ་རུ་ཀ་མ་ཧ་ཀྲོ་ཏ་ག་རུ་ཊ་ཙ་ལེ་ཙ་ལེ༔ པཱ་ཤ་པཱ་ཤ་པྲག་ཤ་ཕྲག་ཤ༔ དེ་ནས་གཏོར་ཟློག་ཕུལ་ཁ་ཟ་ལམ་འདོན་ཚར་བ་དང་། སྔགས་འདི་བདུན་ནམ་ཉེར་གཅིག་ནས་ལ་སྔགས་ཏེ་ཁྱུང་དེ་ལ་བྲབ་བོ༔ ཨོཾ་བཛྲ་ཀྲོ་ཏ་ཤྲཱི་ཧེ་རུ་

[Full Size]

ཀ་མ་ཧཱ་ཀྲོ་ཏ་ག་རུ་ཊ་པྲ་ཙ་ལེ་ཙ་ལེ༔ པྲ་ཙ་ལེ་པྲ་ཙ་ལེ་པྲ་ཤག་ཕྲ་ཤག༔ དེ་ནས་བཟང་ངན་སྤྲ་བརྟག་པ་སྟེ༔ ཁྱུང་གི་མགོ་ཆག་ན་སྔགས་པ་རང་ལ་ངན༔ རྭ་གཡས་ཆག་ན་སྔགས་པ་རང་ངམ་སྤུན་ལ་ངན༔ གཡོན་ཆག་ན་ཕ་སྤུན་ནམ་ཡོན་བདག་ལ་ངན། གཤོག་པ་གཡས་ཆག་ན་ཕ་སྤུན་ནམ་ཁྱིམ་མཚེས་ལ་ངནོ། གཤོག་པ་གཡོན་ཆག་ན་བུ་སྲིང་ངམ་ཁྱིམ་མཚེས་ལ་ངན། ཁ་ནས་སྤྲུལ་ཤོར་ན་ནོར་ལ་ངན། མཆུ་ཆག་ན་དགྲ་ངོ་ཡོད། ལུས་པོ་གས་སམ་གྲུམ་ཞིང་ཆག་ན་ཁ་མཆུ་འོང་། ལྟོ་བ་གས་ན་རྐྱེན་དྲག་པོ་འོང་། སྡེར་མོ་ཆག་གྲུམ་རེད་ན་ཀླུ་ནད་འོང་། མིག་གྲུམ་མམ་བྲུལ་ན་མྱ་ངན་འོང་། མཇུག་མ་ཆག་ན་མག་པ་ཚ་ཡུག་ལ་ངན། རལ་པ་གས་དང་ཆག་ན་རྐང་ཕྲན་སྤྱི་ལ་ངན། ཆག་གྲུག་

[Full Size]

མེད་ན་བཟང་སྟེ། རང་གར་རྟེན་འབྲེལ་བརྟག་པ་གྱིས་གཏོར་ཟློག་གི་དོན་གྱིས་དེ་རྣམས་འབྱུང་ཟེར་བ་མིན། ལ་ཆེན་རྐྱེན་ཆེ་ཆུང་ཡོད་མེད། རྐྱེན་འགྱུར་མ་འགྱུར་གྱི་མོ་འདེབས་པ་ལྟ་བུ་ཡིན། མ་བྱས་ཀྱང་དགོས་རྒྱུ་མེད་པས། མི་བྱེད་ན་ཁྱུང་བྲིས་སྐུ་ཡོད་ཕྱིར་ཟན་ལ་བཅའ་མི་དགོས་སོ།། ༈ གཏོར་མའི་གཟེར་ཁ་ལས་མཐའ་བཅུ་གཉིས་དང་། ཁ་བསྒྱུར་བཅུ་གསུམ་ལ་སོགས་མང་དུ་ཡོད་ཀྱང་། འདིར་ཕན་བྱའི་སྐོར་ལག་ཏུ་བླང་བདེ་འགའ་ཟུང་བསྡུས་ཏེ་བརྗོད་ན། གཏོར་ཟློག་གཞུང་ལྟར་བཅའ། རབ་ཏུ་བཀའ་བརྒྱུད་བཀའ་ཡི་འཁོར་ལོ་ཆེ་འབྲིང་གང་རུང་བྲི། མ་འཛོམ་ན་དར་ཁ་དོག་སྣ་ཚོགས་སམ། བལ་ཚོན་གསུངས་པས། སྨན་འཛུ་རབ། མ་རྙེད་ན་ཕྱག་མདུད་གང་རུང་། སྲུང་སྐུད་བྱེད་ན་ཁ་དོག་ལྔ་སྒྲིལ་རབ། མ་རེད་ན་ཁྲ་བོ་རིང་པོ་བྱས་ལ་མདུད་པ་ཉེར་གཅིག་བྱ། ཤུ་དག་ནག་པོ། གུ་གུལ། ཤིང་ཀུན། སྡོང་རོས། བཙན་དུག །རྟ་བོན། གླ་རྩི། རེ་ལྕག །མུ་ཟི་དང་དགུ་ཞིབ་པར་བཏུལ་ལ། འཁོར་ལོ་ཡིན་ན་མཚོན་ལ་སྦྱར་རམ་བྱུག་གོ །སྲུང་མདུད་དམ་སྲུང་སྐུད་ལ་ཐུམ་པོ་མདུད་པའི་བར་དུ་མདུད། ཁྲོ་བོའི་རྩ་སྔགས་རྣམས་ལ་ལྷ་རེ་རེའི་རྩ་སྔགས་ཤམ་བུ་ལ། རཀྵ་ཀུ་རུ་ཡེ་ཧཱུཾ་ཧཱུཾ། ཞེས་བཏགས་ལ་བརྒྱ་རྩ་བརྒྱད་ལ་སོགས་ཀྱིས་འཁོར་ལོའམ་སྲུང་མདུད་སྔགས། འཛབ་ཀྱི་སྐབས་སུ་ཕུ་འགྲིམ་བྱ། མཐར་རྗེས་ཆོག་དུས་མདུན་བསྐྱེད་དེ་ལ་བསྟིམ། ཡེ་དྷམ་བརྗོད། བསྲུང་བྱའི་ལུས་སམ་མགུལ་དུ་བཏགས་ན་བགེགས་རིགས་སྟོང་

[Full Size]

ཕྲག་བརྒྱད་ཅུ་དང་། ཡེ་འདྲོགས་སུམ་བརྒྱ་དྲུག་ཅུ། གློ་བུར་དགུ་བཅུ་རྩ་གཅིག །ནད་རིགས་བཞི་བརྒྱ་རྩ་བཞི། །དུས་མིན་འཆི་བ་བཅོ་བརྒྱད་ལ་སོགས་པ་དང་། ཀླུ་གདོན་ས་བདག་ཐམས་ཅད་ཐུབ། གདོན་དང་རྐྱེན་ངན་བར་ཆད་ཐམས་ཅད་ཟློག་པར་ནུས་སོ།། –༈ སྲིའུ་མ་སོས་ན་མཆིག་དགུའི་ལྟེ་བརྒྱག་བསྡུས་ལ། གཏོར་ཟློག་ཕུལ་ཁ། མས་བུ་པང་བ་ལ་ལྟེ་བརྒྱུག་དེས་ལན་དགུ་བསྐོར་བ་གཡས་གཡོན་དུ་དགུ་བྱས་ཤིང་། གཞུང་གི་བྷྱོ་གདབ་དང་ཟློག་ཐུང་ལྟས་ངན་ཟློག་པ་འདོན་ནས། ངར་མིར་བླུགས་པསོ་སོས་སོ།། ༈་རྐུན་མའི་རྒྱུན་དུ་སྲི་ཞུགས་ན། ནོར་གང་ཤོར་གཟུགས་དང་མིང་བྲིས་པའི་མཐར་བཙག་གིས་གཡུང་དྲུང་དང་། རྡོ་རྗེ་རྒྱ་གྲམ་བྲིས་པས་བསྐོར་ལ། ཟློག་པ་ལ་བཙུགས། གཏོར་ཟློག་ཕུལ་ཁ་འོ་དོད་ཆེན་པོས། བོར་བ་ཚོ་བསྒྲུང་ལ་རྩད་ཆོད་རྩད་ཆོད་ཅིག་རྐུན་སྲི་ཟློག་ཅིག་བརྗོད་ལ། མེ་དང་ཆུ་ཕྱོགས་བཅུར་གཏོར་རོ། །དེས་རྩད་ཆོད་ཅིང་ཕྱིས་མི་འབྱུང་ངོ་།། ༈ ། ནོར་དང་དཀོར་མཛོད་མི་འཕེལ་ལྟོགས་འགོང་བསེ་རག་ཞུགས་ན། ཕྱུགས་གཡང་ཆེན་གྱི་སྤུ་དང་ཕྱུག་པོའི་འབྲུ་སྣ་ཟས་སྣ་མང་དུ་བསགས་ལ་མཆོད་ཅིང་གཡང་འགུགས་གཡང་སྐྱབས་གང་རུང་སྤྱི་ལྟར་བཅའ་ལ་ནུབ་རེ་འདོན། ཟློག་པ་དུས་རྒྱུན་ནམ་འབུལ་ཁ་མདུན་དུ་ཐག་དུམ་ནག་པོའི་དྲྭ་མིག་དགུ་བྲིས་ལ། མར་མེ་ཀར་ཆུང་དགུ་བཤམ། བྱོས་གདབ་པའི་སྐབས་སུ། མར་མེ་དགུ་སྦར་ལ་དྲྭ་བ་དེ་དུམ་བུར་བཅད་ལ་ངར་མིའམ་རྔ་མོང་ནང་དུ་འཕེན། ཁྱུང་ཟློག་སྐབས་སུ་

[Full Size]

གཡབ་མོ་ལན་དགུ་རྡེབ་བཅོལ། གྲོལ་ཁ་གཡང་སྐྱབས་ཚར་གཅིག་འདོན། བཀྲ་ཤིས་བརྗོད་ལ་གཡང་རྫས་མཛོད་ཕུག་གམ། འབྲོག་པ་ཡིན་ན་རྐང་ཚེ་ནང་དུ་ཕུད་རྣམས་བླུགས་སོ།། ༈ ནད་པ་ཡུན་རིང་ཤི་སོས་མ་འབྱེད་ན། གཏོར་ཟློག་འབུལ་ཁ་ནད་པའི་སྔོན་དུ་ཞོ་ཕོར་གང་བཞག །བྷྱོས་གདབ་པའི་སྐབས་སུ་བྷྱོའི་འོ་དོད་དེར་ཡོད་ཚད་ཀྱིས་གྱེར་ལ། ཞོ་དེ་ནད་པའི་ངོ་ལ་བཏབ་པས་ཤི་སོས་འབྱེད་འོང་ངོ་།། ༈ ཆགག་ཆེ་བ་དང་ལྟས་ངན་མི་རུང་བ་བྱུང་ན། གནས་དེ་ནས་གོམ་པ་བདུན་གྱི་སར་ཤིང་སྟག་པའི་མེ་ཆེན་པོ་བུས་ལ། ཁྱིམ་དུ་གཏོར་མའི་མདུན་དུ་ཐེ་གུ་མཐོ་དགུ་པ་གཅིག་ཐུར་དུ་བརྐྱང་ལ། ཟློག་གཞུང་བྱོས་གདབ་པའི་སྐབས་སུ། སྔགས་པས་དྲག་སྔགས་སོ་ལྔ་པ་འདོན་ཞིང་མཐོ་རེ་གྲིས་གཏུབ་ལ། རིམ་ནས་མེ་ནང་དུ་འཕེན་འཇུག་ལ། དེ་འདྲ་རེའི་སོར་ཆུ་གཟར་རེ་སྒོ་རྒྱབ་ཏུ་གཏོར་ཞིང་ཐམས་ཅད་ཀྱིས་བྷྱོ་གྱེར། ལག་ཐལ་རྡེབ་གཞུག་གོ །རྐྱེན་ངན་ཐམས་ཅད་བཟློག་ཅིང་ཞིའོ།། ༈ ཡུལ་ཁམས་སུ་ནད་རིགས་སྣ་ཚོགས་བྱུང་ན། མི་ནོར་ཐམས་ཅད་ཕྱགས་མས་འདེབས་པ་བྱུང་ན། མདུན་དུ་ཐག་པའམ་སྐུད་པ་དྲྭ་མིག་ཉེར་གཅིག་ཡོད་པ་ན། ཐག་པ་བྲན་པ་ལྟར་བྲེ། ཁྱུང་ཟློག་ལ་ཟིན་ནས་སྔགས་པས་བེར་ནག་གྱོན། ཞྭ་ནག་གམ་དར་རས་ཀྱིས་ཐོད་བཅིང་བ་ལ་གསེར་དང་གཡུ་བཏགས། ཁ་ཁུག་གཉིས་སུ་བཙག་དང་རམ་གྱིས་མུར་ཤིང་བྷྱོ་ཕཊ་བརྒྱ་ཙམ་འདོན། ལག་གཡས་རལ་གྲི་རྣོན་པོ་གཅིག་བཟུང་། གཡོན་ལྕགས་ཕུར་འདྲིལ་ཞིང་བཟློག་སྔགས་སྔགས་བྱང་དེ་

[Full Size]

འདོན་ལ་གྲོད་པ་རློན་པ་གཅིག་སྔགས་ཀྱིས་རིམ་པར་སྤུར་ལ་ཁ་བཅིངས་ལ་བཞག །ཁྱུང་ཟློག་འདོན་ཚར་བ་དང་། དམོད་བྱང་ངམ་གནོད་པ་བཟློག་རྫས་དམོད་མོ་གང་དགོས་བྱ། ཀུན་གྱིས་བྷྱོ་རིང་གྱེར་ཞིང་དྲ་མིག་གྲིས་བཅད་ཅིང་གཏུབ་ལ་ངར་མིའམ་རྔ་མོང་ནང་དུ་བཞག །གྲོད་པ་ལན་མང་དུ་ས་ལ་བརྡབས། ཟ་ལམ་མམ་རྔ་མོང་ནང་དུ་བཞག་གོ། ༈ གྲོང་ཡུལ་དུ་ཆག་སྒོ་ཆེ་ན། ཁྱུང་ཟློག་སྐབས་སུ། སྐུད་པ་ཁྲུ་གང་པ་བཅུ་གཅིག་ཁབ་མིག་སྤྱད་ལ། ཁྱུང་གི་ལྟོ་བ་ནས་དྲང་སྟེ། ཁྱུང་ཟློག་འདོན་ཚེ་གཅིག་གིས་བྱུང་དེས་གྲོང་ལ་སྐོར་བ་གཡས་གཡོན་གསུམ་རེའམ་རེ་རེ་བྱས་ཤིང་བྷྱོ་བརྗོད་ཅིང་འགྲོ་ལ། འཁོར་ནས་སླར་གཏོར་མ་ལ་བཙུགས་སོ། །དེས་བཟློག་པར་ཐེ་ཚོམ་མེད་གསུངས་སོ།། ༈ མི་ལ་ན་ཚ་རྒོད་པ་དང་། ནོར་ཕྱུགས་ལུག་སོགས་མི་སོས་གོད་མང་བ་སོགས་མི་དགེ་བ་མང་པོ་བྱུང་ན། མདུན་མ་ཀིར་ས་ཕྱེའི་ཕུང་པོ་དགུ་སྤུངས། མེ་ཕུང་དགུ་འབུད། ཏིང་ཆེན་པོའམ་མེད་ན་ཕོར་པར་མཆོད་ཡོན་དགུ་རྣམས་དབུས་དང་ཕྱོགས་མཚམས་སུ་ཚོམ་བུར་སྤེལ་མར་བཀོད། གྲོད་པ་རློན་པ་གཅིག་ཟློག་པའི་སྔགས་བྱང་བཟླས་པའི་ཕུས་སྤུར་ལ་ཁ་བཅིངས་ནས་བཞག །དེ་ནས་གཏོར་ཟློག་གི་བྷྱོ་གདབ་པའི་སྐབས་སུ། སྔགས་པས་བེར་ནག་གྱོན་ཞྭ་ནག་གམ་ཟམ་པུའི་ཐོད་བཅིངས་བ། ཁྲོ་བོ་ཆེ་མཆོག་དགུའི་ཙཀ་ལིའམ་མེད་ན་ལས་བྱང་དཔེ་ཆ་རྒྱབ་ཏུ་ཁུར། འོ་དོད་ཆེན་པོས། མིའི་ན་ཚའི་ལྟས་ངན་ཟློག༔ །ནོར་གྱི་གོད་ཁའི་ལྟས་

[Full Size]

ངན་ཟློག༔ བཀྲ་མི་ཤིས་པའི་ལྟས་ངན་ཟློག༔ །ཐམས་ཅད་ཀྱིས་བྷྱོ་རིང་གྱེར་ཞིང་སྔགས་པ་དང་ཡོན་བདག་གཉིས་ཀས་མེ་ཆུ་ས་གསུམ་ལ་གཡས་སྐོར་དགུ་གཡོན་སྐོར་དགུ་བྱ། དྲག་སྔགས་བརྗོད་ཅིང་གྲོད་པ་ས་ལ་རྡེབ། མེ་ཆུ་ས་རྣམས་ཕྱིར་དོར་བཅུག་གོ། ༈ མི་ཁའི་ཁ་སྨྲས་སམ། ཁ་མཆུའི་སྲི་ཞུགས་སམ། མ་ཉེས་ཁ་ཡོག་གི་སྲི་ཞུགས་ནས་རྟག་ཏུ་རྒྱུན་མི་ཆད་ན། སྦྱང་ཕྱེ་སྡེར་གང་ལ་ཡུངས་ཀར་དང་སྐེ་ཚེ་ཤང་ཚེ་བསྲེས་ལ་བཞག །གཏོར་ཟློག་སྦྱོ་གདབ་སྐབས་སུ་ཡོན་བདག་སོགས་མི་ཁ་ཟུག་པ་དེ་མདུན་དེར་འདུག་ལ་སྦྱང་ཕྱེ་བཟུང་། མི་གཞན་འགའ་རེས་མི་དེ་ལ་སྔར་བྱུང་བའི་གཏམ་ངན་དང་ཁ་མཆུ་སོགས་གླེང་ལ་ཁྱོས་འདི་བྱས་རབ་ངན་ཁ་བརྗོད། མི་ཡོན་བདག་གམ་རང་ངམ་བསྲུང་བྱ་སུ་ཡིན་དེས་ང་མ་ལེན་གྱི་གཏམ་བཏང་ལ་ཁ་ཤག་བཀྱེ། དེ་ནས་མི་ཁ་བྲམ་མཆུ་ཁ་སྨྲས་གླེང་གཞི་བཟློག་ཅེས། ཐམས་ཅད་ཀྱིས་བྷྱོ་རིང་གྱེར་ལ་སྤང་ཕྱེ་ཐུལ་ཙམ་ངར་མི་དང་རྔ་མོང་ལ་བཏབ། ལྷག་མ་ཕྱིའི་ཕྱོགས་ཀུན་ཏུ་གཏོར་རོ། །དེས་ཐུབ་བོ། །ཞེས་ལས་ཚོགས་ཉེར་མཁོ་བཅུ་གཅིག་ལག་ལེན་དུ་ཕབ་པ་རཱ་ག་ཨ་སྱས་བྲིས་པས་སེམས་ཅན་ཐམས་ཅད་ལ་ཕན་ཐོགས་རྒྱ་ཆེན་པོར་གྱུར་ཅིག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་བརྒྱད་རཏྣ་ལུགས་ཀྱི་དྲིལ་སྒྲུབ་ཟབ་པ་རྒྱུན་དུ་ཁྱེར་བདེ།

[Full Size]

བཀའ་བརྒྱད་རཏྣ་ལུགས་ཀྱི་དྲིལ་སྒྲུབ་ཟབ་པ་རྒྱུན་དུ་ཁྱེར་བདེ་བཞུགས་སོ༔

[Full Size]

ན་མོ༔ དཀོན་མཆོག་གསུམ་དང་རྩ་བ་གསུམ༔ སྒྲུབ་ཆེན་བཀའ་བརྒྱད་ལྷ་ཚོགས་ལ༔ གུས་པས་ཕྱག་འཚལ་སྐྱབས་སུ་མཆི༔ འགྲོ་བ་སེམས་ཅན་ཀུན་དོན་དུ༔ སྒྲུབ་པ་བཀའ་བརྒྱད་བསྒྲུབས་ནས་ནི༔ བྱང་ཆུབ་མཆོག་ཏུ་སེམས་བསྐྱེད་དོ༔ ཆོས་ཀུན་སྟོང་པའི་ངང་ཉིད་ལས༔ པདྨ་ཉི་ཟླ་དྲེགས་པའི་སྟེང་༔ ཧཱུྃ་ཡིག་མཐིང་ནག་ཡོངས་གྱུར་ལས༔ བདག་ཉིད་ཆེ་མཆོག་ཧེ་རུ་ཀ༔ མཐིང་ནག་ཞལ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་རིགས་ལྔས་བརྒྱན༔ གཡས་གསུམ་རྡོ་རྗེ་གཡོན་གསུམ་བྷནྡྲ་

[Full Size]

འཛིན༔ རྡོ་རྗེ་རིན་ཆེན་གཤོག་ལྡིང་ཆས་བརྒྱད་གསོལ༔ གནམ་ཞལ་མཐིང་སྐྱ་ཞལ་གཅིག་ཕྱག་གཉིས་པ༔ ཁཊཾ་གཡས་འཁྱུད་དུང་དམར་གཡོན་ནས་འཁྱུད༔ དེ་ལྟར་ཡོངས་རྫོགས་བདག་ཉིད་དཔལ་ཆེན་ལ༔ ཀུན་གྱི་བདག་ཉིད་ཡེ་ཤེས་རྩ་བའི་ལྷ༔ སྤྱི་བོ་མགྲིན་པ་སྙིང་ག་ལྟེ་བ་རུ༔ འཇམ་དཔལ་སྤྱན་གཟིགས་རྡོར་སེམས་ཕྱག་རྡོར་བསྐྱེད༔ རལ་གྲི་ཨུཏྤལ་པད་ཕྲེང་དྲིལ་བུ་བསྣམས༔ སྐུ་མདོག་ཕྱག་མཚན་རང་རང་སོ་སོར་བསྐྱེད༔ དབུ་རྒྱན་ཐོད་སྐམ་ལྔ་ནང་རིགས་ལྔ་བསྐྱེད༔ དེ་ནས་སྲས་མཆོག་གོ་ཆའི་ལྷ་བསྐྱེད་པ༔ དཔྲལ་བར་འཇམ་དཔལ་

[Full Size]

མགྲིན་པར་པདྨ་དབང་༔ ཐུགས་ཀར་བཛྲ་ལྟེ་བར་རྡོ་རྗེ་གཞོན་ནུ་ཆེ༔ གསང་བར་བླ་མེད་སྤྱི་བོར་རིག་པ་འཛིན༔ བརླ་གཡས་དྲེགས་འདུལ་བརླ་གཡོན་སྟོབས་ལྡན་ཆེ༔ ཀུན་ཀྱང་གཡས་པས་རང་རྟགས་ཕྱག་མཚན་དང་༔ གཡོན་པས་བྷན་འཛིན་ཞལ་གཅིག་ཕྱག་གཉིས་པ༔ རིན་ཆེན་གཤོག་རྩེར་ཀླུ་འདུལ་ཡེ་ཤེས་ཁྱུང་༔ དཀར་ནག་ཕོ་མོ་ཁྲོ་བོ་ཁྲོ་༧མོའི་ཚོགས༔ ཡང་སྤྲུལ་འཁོར་ཚོགས་རྔམས་བརྗིད་རགས་པར་བསྐྱེད༔ ཀུན་གྱི་ཐུགས་ཀར་ཉི་སྟེང་ཧཱུྃ་ཆེན་བསྐྱེད༔ དབང་བསྐུར་བྱིན་རླབས་སྤྱན་དྲངས་གཉིས་མེད་བསྟིམས༔ ཧཱུྃ༔ རང་བྱུང་དཔལ་ཆེན་ཁྲོ་བོའི་ཚོགས༔ མཐུ་རྩལ་ཡོངས་སུ་རྫོགས་བྱའི་ཕྱིར༔ སྐུ་གསུང་ཐུགས་ཀྱིས་བྱིན་རློབས་ལ༔ ཡེ་ཤེས་ལྔ་ཡི་དབང་བསྐུར་ཅིག༔ ཨོཾ་ཨཱཿཧཱུྃ་སྭཱ་ཧཱ༔ ཧཱུྃ༔ རྣམ་དག་ཆོས་དབྱིངས་ངང་ཉིད་ལས༔ ཞི་ཁྲོ་ཡོངས་རྫོགས་སྐུ་བཞེངས་ལ༔ སྲིད་གསུམ་གདུག་པའི་ཚོགས་བསྒྲལ་ཕྱིར༔ གནས་འདིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ༔ ཛཧཱུྃ་བཾ་ཧོ༔ ཨ་ཏི་པཱུ་ཧོ༔ པྲ་ཏིཙྪ་ཧོ༔ ཧཱུྃ༔ སྣང་སྲིད་འདོད་ཡོན་ཚོགས་ཀྱིས་མཆོད༔ རྨད་དུ་བྱུང་བའི་གཏོར་མ་དང་༔ དམ་རྫས་

[Full Size]

བདུད་རྩིའི་མཆོད་པ་དང་༔ སྦྱོར་སྒྲོལ་རཀྟའི་མཆོད་པས་མཆོད༔ ཨོཾ་བཛྲ་པུངྒེ་སོགས༔ ཤབྡ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཧཱུྃ༔ དྲེགས་པ་ལྷ་ཆེན་ཕྱོགས་སྐྱོང་བསྣོལ་བའི་སྟེང་༔ ཆེ་མཆོག་ལ་སོགས་དཔལ་ཆེན་ཁྲོ་རྒྱལ་ཚོགས༔ གར་དགུའི་ཚུལ་གྱིས་ཧཱུྃ་སྒྲ་སྒྲོག་ལ་བསྟོད༔ ཀུན་གྱི་ཐུགས་སྲོག་ཧཱུྃ་ནི་བདུན་འབུམ་བསྙེར༔ ཧཱུྃ་ཧཱུྃ་ཧཱུྃ༔ རྒྱལ་བ་ཀུན་གྱི་དྲིལ་སྒྲུབ་ཧཱུྃ་རང་ཟབ༔ དེ་རྗེས་སྒྲུབ་པའི་ལས་སྦྱོར་གནད་དྲིལ་བ༔ བདེ་གཤེགས་ཡོངས་རྫོགས་དྲག་སྔགས་བརྒྱད་ཅུ་པ༔ དལ་ལ་གསལ་དག་འབྲུག་དབྱངས་ལྡིར་ལྟར་བཟླས༔ ཨོཾ་ཨཱཿཧཱུྃ་སྭཱ་ཧཱ་མཱ་དྷིཧཱུྃ་ཨཱཿ ཨོཾ་ཤྲཱི་མ་ཧཱ་ཀྲོ་དྷ་ཧཱུྃ་ཤྲཱི་ཧེ་རུ་ཀ༔ ཨེ་ཡ་མཱནྟ་ཀ༔ ཧྲཱིཿཔདྨནྟ་ཀྲྀཏ༔ ཧཱུྃ་བཛྲ་ཀཱི་ལི་ཀཱི་ལ་ཡ༔ མ་ཧཱ་ཡཀཱ༔ ཀཱ་ལ་རཱུ་པ༔ ཡཀྵ་ཀྲོ་དྷ༔ བཛྲ་སརྦ་དུཎྞཾ༔ ཁྲོ་ག་རུ་ཏ༔ མ་མ་ཀྲོ་ཏཱི་ཤྭ་རཱི༔ ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ གསང་བ་འདུས་པའི་དྲག་སྔགས་ཐོག་ལྟ་བུའོ༔ སྤྲོ་བསྡུ་དམིགས་པ་ངར་ལྡན་འཛབ་ལ་འབད༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ སོ་ལྔ་པའམ་བསྒྲུང་བ་ཟབ་བོ༔ བཀའ་བརྒྱད་རཏྣ་ལུགས་ཀྱི་རྒྱུན་ཁྱེར་བདེ་བར་བྱས་པ་རཱ་ག་ཨ་སྱས་སྦྱར་བའོ༔ ༔

[Full Size]

ཤོག་སྟོང་།

རཏྣ་གླིང་པའི་ལུགས་ཀྱི་བཀའ་བརྒྱད་ཀྱི་ཟིན་བྲིས་ཉམས་སུ་བླང་བདེ་བར་བཀོད་པ་བཀའ་བརྒྱད་བསམ་ཡས་ཀྱི་གསལ་བྱེད།

[Full Size]

རཏྣ་གླིང་པའི་ལུགས་ཀྱི་བཀའ་བརྒྱད་ཀྱི་ཟིན་བྲིས་ཉམས་སུ་བླང་བདེ་བར་བཀོད་པ་བཀའ་བརྒྱད་བསམ་ཡས་ཀྱི་གསལ་བྱེད་དོ།།

[Full Size]

དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །འདིར་སྒྲུབ་པ་བཀའ་བརྒྱད་དྲིལ་སྒྲུབ་ཀྱི་ཟིན་བྲིས་བྲི་ན། བཀའ་ཡིས་གནང་བ་སྩོལ་ཞིང་བྱིན་གྱིས་བརླབ་ཏུ་གསོལ། དེ་ལ་དཔལ་ཀུན་ཏུ་བཟང་པོ་དེ་ཉིད་ཞི་བ་དང་ཁྲོ་བོའི་སྐུ་སྣ་ཚོགས་སུ་བཞེངས་ནས། བཀའ་བརྒྱུད་བྱེ་བྲག་གི་རྒྱུད་མཐའ་ཡས་པ་དང་། བཀའ་བརྒྱད་ཡོངས་རྫོགས་ཀྱི་རྒྱུད་གསང་བ་འདུས་པ་ཆ་ལག་དང་བཅས་པ་གསུངས་ཏེ། རྒྱུད་མང་པོ་གཏེར་དུ་བཞུགས་ཤིང་ད་ལྟ་གསང་སྔགས་རྙིང་མའི་རྒྱུད་ཕྱོགས་གཅིག་ཏུ་བྲིས་པ་གཙང་ན་ཡོད་དེ། པོ་ཏི་སུམ་ཅུ་སྣང་བ་ཐམས་ཅད་ཕལ་ཆེར་བཀའ་

[Full Size]

བརྒྱད་ཀྱི་རྒྱུད་ཤ་སྟག་གོ །རྒྱུད་དེ་དག་གི་སྒྲུབ་ཐབས་ནི་ཕྱི་ནང་གསང་བ་ཡང་གསང་གི་སྒྲུབ་པ་མཐའ་ཡས་ཏེ། ཉང་གི་གཏེར་ཁ་བཀའ་བརྒྱད་ལ་ནི་པོ་ཏི་ཉི་ཤུ་རྩ་གཅིག །ཆོས་དབང་གི་གཏེར་ཁ་ལ་པོ་ཏི་བཞི་ཡོད་སྐད། ཀུན་འདུས་བཀའ་བརྒྱུད་འདི་གཏེར་ཁ་བརྒྱད་ནས་བྱོན་སྐད། རཏྣ་གླིང་པའི་གཏེར་ཁའི་བཀའ་བརྒྱད་ལ་ནི་ལེས་ཁ་གཅིག་བས་མེད་གསུངས། འདི་ནི་དྲིལ་སྒྲུབ་ཅེས་བྱ་སྟེ། ཕྱི་སྒྲུབ་ནང་སྒྲུབ་གསང་སྒྲུབ་ཐམས་ཅད་ཕྱོགས་གཅིག་ཏུ་དྲིལ་བ་ཡིན་ནོ། །དེ་ཡང་དྲིལ་སྒྲུབ་འདི་གསང་བ་འདུས་པ་ལས་གསལ་པོར་གསུངས། ཉང་དང་ཆོས་དབང་གི་

[Full Size]

གཏེར་ཁ་ནས་དྲིལ་སྒྲུབ་དྲིལ་བུའི་རྒྱ་ཆེན་ཞེས་བྱ་བ་རྒྱས་པར་ཡིག་ཆུང་མཚན་དང་བཅས་པ་འབྱུང་། རཏྣ་ལུགས་འདི་དང་རྒྱུད་རྒྱ་གཞུང་བཞི་ཁ་མཐུན་ཏེ། དོན་ལ་ཁྱད་མེད་ཅིང་ཚིག་ཀྱང་ཞུ་དག་མི་ཕེར་ཙམ་དུ་སྣང་ངོ་། །དེ་ཡང་གུ་རུ་ཆོས་དབང་གི་གཏེར་ཁའི་ཆོས་ཐམས་ཅད་ཀྱི་ཆོས་བདག་ནི་རྒྱལ་སྲས་པདྨ་དབང་ཆེན་ཡིན་ལ། པདྨ་དབང་ཆེན་གྱི་སྐྱེ་བ་རཏྣ་གླིང་པ་ཡིན་པའི་ཕྱིར་དང་། ཆོས་དབང་གི་གཏེར་ཁའི་བཀའ་བརྒྱུད་སྐོར་གྱི་དབང་ལུང་རྣམས་བསམ་འགྲུབ་བདེ་ཆེན་གྱི་གཙུག་ལག་ཁང་དུ་རཏྣ་གླིང་པས་གུ་རུ་ཆོས་དབང་ཉིད་ལས་རྨི་ལམ་དུ་ཐོབ་པ་དང་། ཡང་བྱ་ལོ་ཟླ་བ་བཅུ་གཉིས་པའི་ཉའི་ནུབ་མོར་བལ་ཡུལ་ཡང་ལེ་ཤོད་དུ་རྨང་ལམ་དུ་བྱོན་པས། ཨོ་རྒྱན་དངོས་ལས་དབང་ལུང་རྣམས་ཐོབ། རྒྱུ་མཚན་དེས་ན་བཀའ་བརྒྱད་ཆོས་དབང་ལུགས་ཀྱི་བཀའ་བབས་དང་ཆོས་བདག་རཏྣ་གླིང་པ་ཡིན་པའི་གནད་ཀྱིས། རཏྣ་གླིང་པའི་བཀའ་བརྒྱད་དྲིལ་སྒྲུབ་འདིའི་དབང་དང་། ལས་བྱང་གཏོར་ཟློག་སོགས་ཆོས་དབང་གི་ལུགས་ཀྱི་ཁ་སབ་དགོས་པ་ཡིན་ནོ། །དེ་ཅིའི་ཕྱིར་ཞེ་ན། མ་བུ་ཡིན་པའི་ཕྱིར་རོ། །དེས་ན་ཆོས་དབང་ལུགས་ཀྱི་དཀྱིལ་འཁོར་རྒྱས་པ་བྲི་ཐུབ་ན་རབ། འབྲིང་རས་

[Full Size]

བྲིས། ཐ་མ་དཀྱིལ་འཁོར་གཅིག་གི་དབུས་སུ་དཀྱིལ་འཁོར་སྒོ་རྐྱང་ཅན་དགུ་བྲིས་པའི་ཤོག་བཀྲ་བཀོད། བསྡུ་ན་དཀྱིལ་འཁོར་གཅིག་གིས་ཆོག །དེ་ཡང་མ་རྙེད་ན་དཀྱིལ་འཁོར་དུར་ཁྲོད་ཅན་སྒོ་རྫོགས་གཅིག་བཏིང་ལ། ལྷ་མལ་དེ་དར་རས་ཀྱིས་བཀབ་པའི་སྟེང་དུ། འབྲུའི་ཚོམ་བུ་ལྔ་ཚོམ་བརྒྱད། ཤར་ལྷོར་དྲུག་ཚོམ་བཀོད། ཚོམ་བུ་དབུས་མའི་སྟེང་དུ་མ་མཉྫིའམ། སྣོད་འབྲུས་བཀང་བའི་སྟེང་བུམ་པའི་ནང་དུ་བདུད་རྩི་རིལ་བུ་མང་པོ་ཨ་རུ་ར་རྣམ་རྒྱལ་ཅི་འཛོམ་དང་། བུམ་རྫས་བཅུག །ཁ་རྒྱན་གཟུངས་ཐག་རྡོ་རྗེ་བཞག །དེའི་མཉྫིའི་སྟེང་ངམ་ཡང་ན་མདུན་དུ་བཞག་སྟེ། བྷན་དུམ་བུ་གཅིག་ལ་དཔལ་ཆེན་སྐུ་བྲིས་པ་ཡོད་ན་རབ། མེད་ན་བྷན་འབྲུས་བཀང་བའི་ནང་དུ་ཙཀ་ལི་བཙུགས་ལ་བཤམས། ལྕགས་ཕུར་ལ་རལྟ་བྱུགས་གུ་གུལ་བདུག་ཡུངས་ཀར་བྲབ་དར་གྱི་ཅོད་པན་བརྒྱན་ལ། ཕུར་གདན་སའི་གྲུ་གསུམ་བྱས་ལ་དཀྱིལ་འཁོར་དབུས་གར་བདེར་བཞག །དཀྱིལ་འཁོར་གཡས་སུ་བདུད་རྩི། གཡོན་དུ་རཀྟ། མདུན་དུ་གཏོར་མ་རིན་ཆེན་འབར་བ། མཐར་ཤར་དུ་མཆོད་ཡོན། ཤར་ལྷོར་ཞབས་བསིལ། ལྷོར་མེ་ཏོག །ནུབ་ཏུ་མར་

[Full Size]

མེ། ནུབ་བྱང་དྲི་ཆབ། བྱང་དུ་ཞལ་ཟས། བྱང་ཤར་ཏིང་ཤག །མཚམས་འཛིན་མེ་ཏོག་སྟེ་ནས་བཤམས། སྣོད་གཙང་མར་དམར་གཏོར་རྩེ་དགུ་པ་བཀའ་སྲུང་སོ་སོའི་བཤོས་བུ་དཔེའུ་རིས་ལས་འབྱུང་བ་ལྟ་བུར་བཅས་ལ་ཤ་ཁྲག་གིས་བརྒྱན། བསྐང་གཏོར་དང་རྩ་བ་གསུམ་གྱི་ཕུགས་གཏོར་སྒོ་ལོགས་སུ་བྱས་ནས་གར་བདེར་བཤམ་ཡང་རུང་། དཀྱིལ་འཁོར་གྱི་ཕྱི་མཐའ་མར་བཤམས་ན་ནི། ཕུགས་གཏོར་རྣམས་ནུབ། གསོལ་ཁ་ལྷོ། བསྐང་བ་བྱང་། ཚོགས་གཏོར་འབུལ་བརྟན་སྐྱོང་རྣམས་ཤར་མདུན་ངོས་སུ་བཤམས་སོ། །དེ་ནས་གསང་སྔགས་སྤྱིའི་གཞུང་ལྟར་སྐྱབས་སེམས་དཀར་བགེགས་བྱ། མཚམས་བཅད། ནུབ་དང་པོ་མ་གཏོགས་དཀར་བགེགས་མི་དགོས། བཀའ་བརྒྱད་ལས་བྱང་གཞུང་བསྲང་སྟེ། ལྷ་བསྐྱེད་པའི་བར་གཞུང་ལྟར་འདོན། ཧཱུཾ་རྒྱུ་ཡི་ཡི་གེ་གདན་ལ་ཕབ། །ཅེས་པ་ནས། དཀྱིལ་འཁོར་དབུས་ལ་དྲན་རྫོགས་སུ། །ལྷ་བསྐྱེད་སྐབས་སུ་བདག་ཉིད་ཧེ་རུ་ཀ །ཞེས་པ་ནས། རང་རང་ཐུགས་ཀར་མཐིང་ནག་ཧཱུྃ་བསྐྱེད་དེ། །ཞེས་པའི་བར་སྒྲུབ་གཞུང་ལྟར་འདོན། དེ་ནས། ཡབ་ཡུམ་སྦྱོར་བའི་བྱིན་རླབས་ལས། །རིགས་བཞི་ལ་སོགས་འཁོར་

[Full Size]

བཅས་གསལ། །ཞེས་པ་ནས་ཡིག་བརྒྱའི་བར་ལས་བྱང་ནང་ལྟར་འདོན། ལས་བྱང་གི་གཙོ་བོ་ཆེ་མཆོག་ཡབ་ཡུམ་མངོན་རྟོགས་དང་། འཛབ་དགོངས་ཀྱི་སྔགས་རྣམས་དང་བཅས་པ་ནི་དྲིལ་སྒྲུབ་འདི་ལ་མི་མཁོའོ། །དེ་ནས་ལས་བྱང་དང་དྲིལ་སྒྲུབ་གབ་སྤྲད་རྒྱས་པའི་ལུགས་ཡིན་ལ། བསྡུ་ན་ལས་བྱང་གི །ཧཱུྃ་རྒྱུ་ཡི་ཡི་གེ་གདན་ལ་བབ། །ཅེས་པ་དང་། དཀྱིལ་འཁོར་དབུས་སུ་དྲན་རྫོགས་སུ། །ལྷ་བསྐྱེད་སྐབས་སུ་བདག་ཉིད་ཧེ་རུ་ཀ །ཞེས་པ་ནས། རང་རང་ཐུགས་ཀར་མཐིང་ནག་ཧཱུྃ་བསྐྱེད་དེ། །ཞེས་པ་ནས། ཧཱུྃ༔ ཉི་མ་དང་ནི་འོད་ཟེར་བཞིན། །ཞེས་པ་ནས་ཡིག་བརྒྱའི་བར་ལས་བྱང་ལྟར་བྱ་སྟེ། དཀྱིལ་འཁོར་དགུ་མི་བསྐྱེད་པར་དཀྱིལ་འཁོར་གཅིག་ཁོ་ན་བསྐྱེད་པ་འདི་དྲིལ་སྒྲུབ་དངོས་བསྟན་གྱི་དོན་ཡིན་པས། མངོན་རྟོགས་མང་ཉུང་འདི་གཉིས་འདོན་རེས་བྱའོ། །དེ་ལྟར་ལས་བྱང་གཞུང་དེ་རྣམས་ཞོགས་ཐུན་གཅིག །ཉི་དྲོས་ཐུན་གཅིག །དགོང་ཆེན་ཐུན་གཅིག །ཉི་ཐལ་ཐུན་གཅིག་མཚན་ཐུན་གོ་བཅད་པ་དང་བཞི་བྱ། ཉིཀ་གུང་ལས་བྱང་གཅིག་ལ་ཡེ་ཤེས་དབྱིངས་བསྐུལ་དང་ཕོ་ཉ་སྒོས་བསྐུལ་མང་ཉུང་གང་རེད་བཏགས། དགོང་

[Full Size]

ཆེན་ཐུན་ལ་ལས་བྱང་ལ་བསྐང་བ་མང་ཉུང་གང་རིགས་བཏགས་ཐུབ་ན་རབ། རབ་ཚོགས་དུས་བཞི། འབྲིང་ཉིན་རེ་རེ་རེ། ཐ་མ་དབུ་འཛུགས་དུས་གཅིག །སྒྲུབ་པའི་ཧཱུཾ་སྒྲུབ་ཚར་མཚམས་གཅིག །བསྒྲུབས་ཚར་ནུབ་གཅིག་དང་གསུམ་བྱའོ། །ཆད་མདོ་བརྟན་སྐྱོང་ཡང་དེ་དང་འདྲའོ། །དེ་ནས་དང་པོ་བསྙེན་པ་ནི། རང་ཉིད་ཆེ་མཆོག་གསལ་བའི་སྐུའི་གནས་རྣམས་སུ་ཆེ་མཆོག་དཔལ་དགུ་འཁོར་བཅས་གསལ་བཏབ། དེ་ཐམས་ཅད་ཀྱི་ཐུགས་ཀར་ཐུགས་སྲོག་ཧཱུྃ་མཐིང་ནག་གསལ་བཏབ། དེའི་ངང་ལས་རང་སེམས་ཀྱི་ངོ་བོ་ཅིར་ཡང་མ་གྲུབ་པ་དེ་མ་ཡེངས་ཙམ་དུ་ལྟ་ཞིང་། ཧཱུྃ་འབུམ་ཕྲག་བདུན་བསྙེན་ནོ། །དེ་ནི་བསྙེན་པའོ། །དེ་ནས་སྒྲུབ་པའི་ཐུན་བཟུང་ལུགས་སྔར་དང་འདྲ་ཞིང་། བདག་ཉིད་ཆེ་མཆོག་ཏུ་གསལ། མདུན་གྱི་ཕུར་པ་དཀྱིལ་འཁོར་དང་བཅས་པ་ཡང་ཆེ་མཆོག་དཔལ་དགུའི་ལྷ་ཚོགས་སུ་གསལ། ཆེ་མཆོག་དཔལ་དགུའི་དབུ་རྒྱུན་ནང་དུ་ཞི་བ་བཞི་བཅུ་རྩ་གཉིས་བཀྲ་ལམ་མེར་བཞུགས་པ་ལ། བདག་གི་ཐུགས་ཀའི་འོད་ཟེར་ཞི་བའི་ལྷ་ཚོགས་ལ་ཕོག་པས་འོད་དང་གཟི་མདངས་འབར། ཞི་བ་རྣམས་ལས་འོད་ཟེར་འཕྲོས་སྣོད་ཀྱི་འཇིག་རྟེན་གཞལ་ཡས་ཁང་། བཅུད་

[Full Size]

ཀྱི་སེམས་ཅན་ཐམས་ཅད་ལྷ་དང་ལྷ་མོའི་རང་བཞིན་དུ་གྱུར་ནས་སྔགས་ཀྱི་སྒྲས་ཆོས་ཀྱི་ཆར་བབས་པས། སེམས་ཅན་ཐམས་ཅད་ཀྱི་སེམས་ཐུགས་ཡེ་ཤེས་ལྔའི་ངོ་བོ་གནས་འགྱུར་ནས། སླར་ཡང་འོད་ཟེར་ཐམས་ཅད་བདག་དང་བུམ་པའི་རྫས་ལ་ཐིམ་པས། བདེ་གཤེགས་ཞི་བའི་དངོས་གྲུབ་ཐམས་ཅད་ཐོབ། ཡང་བདག་ཉིད་དཔལ་ཆེན་པོའི་ཐུགས་ཀར་ཧཱུཾ་ཁ་དོག་ལྔ་ལྡན་སྔགས་ཕྲེང་གིས་བསྐོར་བ་ལས་འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། ཕྱོགས་བཅུའི་ལྷ་ཞི་བ་ཁྲོ་བོ་ཐམས་ཅད་མཆོད། འོད་དེས་སེམས་ཅན་ཐམས་ཅད་ལ་ཕོག་པས། སྒྲིབ་པ་སྦྱངས་ནས་ཧེ་རུ་ཀའི་ལྷ་ཚོགས་སུ་གྱུར། ཐམས་ཅད་ཀྱང་སྔགས་སྒྲ་འུ་རུ་རུ་སྒྲོག་ཅིང་སྒྲ་ཐམས་ཅད་སྔགས་སུ་གྱུར། སླར་འོད་ཟེར་དེས་བདེ་བར་གཤེགས་པ་མཐའ་དག་གི་བྱིན་རླབས་དངོས་གྲུབ། འཁོར་འདས་སྣོད་བཅུད་ཐམས་ཅད་ཀྱི་བཅུད་དང་དངོས་གྲུབ་མཐུ་ནུས་བྱིན་རླབས་ཐམས་ཅད་བསྡུས་ནས་བདག་དང་བུམ་པའི་རྫས་ལ་ཐིམ་པར་བསྒོམ་ཞིང་། ཨོཾ་ཨཱ༔ཧཱུྃ་སྭཱ་ཧཱ། ཧཱུཾ་ཧཱི༔ཧཱུྃ་ཨཱ༔ ཨོཾ་བཛྲ་ཤྲཱི་མ་ཧཱ་ཀྲོ་ཏ༔ ཧཱུྃ་ཤྲཱི་ཧེ་རུ་ཀ༔ ཨེ་ཡ་མཱནྟ་ཀ༔ དྭིཔདྨནྟ་ཀྲིཏ༔ ཧཱུྃ་བཛྲ་ཀཱི་ལི་ཀཱི་ལ་ཡ༔ མ་ཧཱ་ཡཀྵ༔ ཀཱ་

[Full Size]

ལ་རཱུ་པ། ཡཀཱ་ཀྲོ་དྷ༔ བཛྲ་སརྦ་དུཎྞཾ༔ ཁྲོ་ག་རུ་ཊ༔ མ་ཧཱ་ཀྲོ་ཏཱི་ཤྭ་རཱི༔ ཀརྨ་རཾ་རཾ་ཛྭ་ལ་རཾ་ཁཾ༔ ཧཱུྃ་ཧཱུྃ་ཕཊ་ཕཊ༔ ཅེས་པའི་སྔགས་འདི་རབ་བདུན་འབུམ་བཟླ་བར་བྱེད་དེ། རཏྣའི་དྲིལ་སྒྲུབ་ཉིད་ལ་བདུན་འབུམ་གསུངས། ·རྒྱུད་ལས་གྲངས་འབུམ་བསྙེན་ཞིང་རྟགས་དང་སྦྱར། ཅེས་དང་། དྲིལ་སྒྲུབ་དྲིལ་བའི་རྒྱ་ཅན་ལས། །གྲངས་འབུམ་བསྙེན་ཞིང་རྟགས་དང་སྦྱར། །ཅེས་གསུངས་པས་འབུམ་ཕྲག་གཅིག་ཐོན་ན་ཡང་ཆོག་གོ །སྔགས་དོན་ནི། ཨོཾ་ཨཱཿཧཱུྃ་སྭཱ་ཧཱ་ནི་ཞི་བ་རིགས་འདུས་རིགས་ལྔའི་སྙིང་པོ། ཚྭ་འཇམ་དབྱངས། །ཐུགས་རྗེ་ཆེན་པོ། ཧཱུྃ་ཕྱག་ན་རྡོ་རྗེ། ཨཱརྡོ་རྗེ་སེམས་དཔའ། ཨོཾ་བཛྲ་ཤྲཱི་མ་ཧཱ་ཀྲོ་ཏ་ཆེ་མཆོག་འདུས་པ། ཧཱུྃ་ཤྲཱི་ཧེ་རུ་ཀ་ཡང་དག་འདུས་པའི་སྙིང་པོ། ཨེ་ཡ་མཱནྟ་ཀ་གཤིན་རྗེ་འདུས་པའི་སྙིང་པོ། དྭིཔདྷཱནྟ་ཀྲྀཏ་པདྨ་དབང་ཆེན་འདུས་པ། ཧཱུཾ་བཛྲ་ཀཱི་ལི་ཀཱི་ལ་ཡ་ཕུར་པ་འདུས་པའི་སྙིང་པོ། མ་ཧཱ་ཡཀླུ་གནོད་སྦྱིན་ཆེན་པོ་དྲེགས་པ་ཀུན་འདུལ། ཀཱ་ལ་རཱུ་པ་མཐིང་ནག་འཇིགས་པའི་གཟུགས་ཏེ་སྟོབས་ལྡན་ནག་པོ། ཡཀཱ་ཀྲོ་ཏ་གནོད་སྦྱིན་ཆེན་པོ་སྟེ་སྲུང་བྱེད་ཁྲོ་བོའོ། །བཛྲ་སརྦ་དུཊྚནི་སྡེ་བརྒྱད་མཆོད་བསྟོད་དང་དམོད་པ་དྲག་སྔགས་འདུས་

[Full Size]

པའི་སྙིང་པོ། ཁྲོ་བཛྲ་ག་རུ་ཊ་ནི་བྱ་ཁྱུང་རིགས་འདུས། མ་མ་ཀྲོ་ཏཱི་ཤྭ་རཱི་ནི་མ་མོ་ཡུམ་ཆེན་ཀུན་འདུས་སོ། །ཀརྨ་རཾ་རཾ་ནི་ལས་ཀྱི་དགྲ་བགེགས་ཚར་གཅོད་པ། ཛ་ལ་རཾ་ནི་ཡེ་ཤེས་འབར་བར་གྱིས་ཤིག །ཧཱུྃ་ཧཱུྃ་ནི་རྒྱུ་འབྲས་ཆོས་ཀྱི་དབྱིངས་སུ་བསྡུས་བསྡུས། ཕཊ་ཕཊ་ནི་ཁམས་གསུམ་ཡོངས་སྒྲོལ་སྤར་བའོ། །འདིའི་ཕན་ཡོན་རྒྱུད་གསང་བ་འདུས་པ་ཉིད་ལས། གྲངས་འབུམ་བསྙེན་ཞིང་རྟགས་དང་སྦྱར༔ ཞལ་མཐོང་ལུང་སྟོན་དངོས་གྲུབ་སྟེར༔ རྫས་ལ་འོད་དང་དུ་བ་འབྱུང་༔ རྨི་ལམ་མགོ་ལ་ཉི་ཤར་ཅིང་༔ མཆོད་རྟེན་རྩེ་ལ་སྡོད་པ་དང་༔ བུད་མེད་ཚོགས་འདུས་བསྙེན་བཀུར་བྱེད་ལུས་བདེ་ངག་ནུས་སེམས་རྟོགས་འཆར༔ ཅེས་དང་། བདེ་གཤེགས་གཅིག་སྒྲུབ་ཀུན་གྱི་ངང་༔ དེ་བཞིན་སྒྲུབ་ཆོག་ལས་སྦྱོར་སོགས༔ གསང་སྔགས་རྒྱུད་སྡེ་བསམ་ཡས་ཀྱི༔ ལས་སྦྱོར་ལ་སོགས་གང་ནས་གང་༔ གང་ལ་བརྩམས་ཀྱང་ཐེ་ཚོམ་མེད༔ ཅེས་གསུངས་པས་འདིའི་བསྙེན་སྒྲུབ་ཐོན་ན་གསང་སྔགས་ཀྱི་ལས་ཚོགས་ཐམས་ཅད་འགྲུབ་པར་གསུངས་སོ། །དུས་གསུམ་བདེ་གཤེགས་རྒྱལ་བ་མ་ལུས་རྣམས། །ཐམས་ཅད་མ་ལུས་འདིས་འགྲུབ་སྟེ། །ཞེས་

[Full Size]

སོགས་ཕན་ཡོན་གཞུང་དུ་གསལ་ལོ། །སྒྲུབ་པ་ཐོན་ནས་ཚོགས་བསྐང་སོགས། ཆད་མདོ་བརྟན་སྐྱོང་དང་མཉམ་དུ་ཕོ་ཉའི་བཤོས་བུ་ཡང་ཕུལ། བུམ་པ་ཕུར་པ་གནས་བཞིར་གཏུགས་ལ། མདུན་བསྐྱེད་ཀྱི་ལྷ་ཚོགས་ཀྱི་སྐུའི་ཆ་ཐམས་ཅད་ལས་འོད་ཟེར་ཁ་དོག་སྣ་ཚོགས་བྱུང་ནས་བདག་ལ་ཐིམ་པར་བསམས་ལ། ཧཱུྃ༔ ལྷ་དང་རིག་འཛིན་མཁའ་འགྲོ་དང་། །ཞེས་སོགས་དངོས་གྲུབ་བླང་ཆོག་འདོན་ལ་སྔགས་རིང་མཐར། ཀཱ་ཡ་ཨ་བྷི་ཥིཉྩ་ཨོཾ། ཝཱཀ་ཨ་བྷི་ཥིཉྩ་ཨཱཿ ཙིཏྟ་ཨ་བྷི་ཥིཉྩ་ཧཱུྃ༔ སརྦ་ཨ་བྷི་ཥིཉྩ་ཧཱུྃ༔ ཞེས་བརྗོད་རིལ་བུ་ཅུང་ཟད་དངོས་གྲུབ་ཏུ་རོལ༔ གཞན་རྣམས་ནང་མཆོད་རྫས་བྱ། ལས་བྱང་གི་རྗེས་ཆོག་ཐམས་ཅད་ཚང་བར་འདོན། དཀྱིལ་འཁོར་བསྡུའོ། །ཞེས་པ་འདི་མཐར་ཕྱིན་གྱི་སྒྲུབ་པ་བྱ་བའི་དོན་དུ་ཨ་རཱ་གས་ཟིན་བྲིས་བྱས་པ་ཉེས་པ་མཆིས་ན་བཤགས་ཤིང་དགེ་བས་སེམས་ཅན་ཐམས་ཅད་ཀུན་ཏུ་བཟང་པོའི་གོ་འཕང་ཐོབ་པར་གྱུར་ཅིག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དྲིལ་སྒྲུབ་ཀྱི་ཟིན་བྲིས།

[Full Size]

དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །འདིར་སྒྲུབ་པ་བཀའ་བརྒྱད་དྲིལ་སྒྲུབ་ཀྱི་ཟིན་བྲིས་ནི། །བཀའ་ཡི་གནང་ཞིང་བྱིན་གྱིས་བརླབ་ཏུ་།གསོལ་། བཀའ་བརྒྱད་ཡོངས་རྫོགས་ཀྱི་རྒྱུད་གསང་བ་འདུས་པའི་ཆ་ལག་དང་བཅས་པ་གསུངས་ཏེ། དེ་ལ་གསང་སྔགས་རྙིང་མའི་རྒྱུད་ཕྱོགས་སུ་བྲིས་པ་གཙང་ན་ཡོད་དེ་པོ་ཏི་གསུམ་སྣང་། ཉང་གི་གཏེར་ཁ་ལ་ནི་པོ་ཏི་ཉི་ཤུ་རྩ་གཅིག་ཡོད། ཆོས་དབང་གི་གཏེར་ཁ་ལ་པོ་ཏི་བཞི། རཏྣ་གླིང་པའི་གཏེར་ཁ་ལ་ནི་ལེས་ཁ་གཅིག་བྱུང་། འདི་ནི་དྲིལ་སྒྲུབ་ཅེས་བྱ་སྟེ། ཕྱི་ནང་གསང་གསུམ་ཐམས་ཅད་གཅིག་ཏུ་དྲིལ་བ་ཡིན་ཀྱང་གུ་རུ་ཆོས་དབང་གི་གཏེར་ཁའི་ཆོས་ཐམས་ཅད་ཀྱི་ཆོས་བདག་ནི་རྒྱལ་སྲས་པདྨ་དབང་ཆེན་ཡིན་ལ། པདྨ་དབང་ཆེན་གྱི་སྐྱེ་བ་རཏྣ་གླིང་པ་ཡིན་པའི་ཕྱིར་དང་། ཆོས་དབང་གི་གཏེར་ཁའི་བཀའ་བརྒྱད་སྐོར་གྱི་དབང་ལུང་རྣམས་བསམ་འགྲུབ་བདེ་ཆེན་གྱི་གཙུག་ལག་ཁང་དུ་གུ་རུ་ཆོས་དབང་གིས་གནང་བ་རྨི་ལམ་དུ་བྱུང་། ཡང་བྱ་ལོ་ཟླ་བ་བཅུ་གཉིས་པའི་ནུབ་མོ་བལ་ཡུལ་ཡང་ལེ་ཤོད་དུ་རྨི་ལམ་དུ་བྱོན་པས། ཨོ་རྒྱན་གྱི་མདུན་ནས་དབང་ལུང་ཐོབ། དེ་བས་གཏེར་མ་བུ་ཡིན་པས།

[Full Size]

ཆོས་དབང་ལུགས་ཀྱི་དཀྱིལ་འཁོར་རྒྱས་པ་བྲི་ཐུབ་ན་རབ། འབྲིང་རས་བྲིས། ཐ་མ་དཀྱིལ་འཁོར་གཅིག་གི་དབུས་སུ་དཀྱིལ་འཁོར་སྒོ་རྐྱང་ཅན་དགུ་བྲིས་པའི་ཤོག་བཀྲ་བཏིང་། །བསྡུ་ན་དཀྱིལ་འཁོར་གཅིག་གིས་ཆོག །དེ་ཡང་མ་རྙེད་ན་དཀྱིལ་འཁོར་དུར་ཁྲོད་ཆས་རྫོགས་གཅིག་བཏིང་ལ། ལྷ་མལ་དེ་དར་རས་ཀྱིས་བཀབ་པ་བཏིང་བའི་སྟེང་དུ། འབྲུའི་ཚོམ་བུ་ལྔ་ཚོམ་བྱས་ལ་བརྒྱད་བཀོད། ཤར་ལྷོར་དྲུག་ཚོམ་བཀོད། ཚོམ་བུ་དབུས་མའི་སྟེང་དུ། མཎྜལ་ལམ་སྣོད་འབྲུས་བཀང་བའི་སྟེང་དུ། བུམ་པའི་ནང་དུ་བདུད་རྩི་རིལ་བུ་མང་པོ་ལ་ཨ་རུ་ར་ཅི་འཛོམ་དང་། བུམ་རྫས་བཅུག །ཁ་རྒྱན་གཟུངས་ཐག་རྡོ་རྗེ་བཞག །དེའི་སྟེང་དུ་མཎྜལ་སྟེང་ངམ། ཡང་ན་མདུན་དུ་བཞག་སྟེ། བྷན་དུམ་བུ་གཅིག་ལ་དཔལ་ཆེན་པོའི་སྐུ་བྲིས་པ་ཡོད་ན་རབ། མེད་ན་བྷནྡྷ་འབྲུས་བཀང་བའི་ནང་དུ་ཙཀ་ལི་བཙུགས་པ་བཤམས། ལྕགས་ཕུར་ལ་རཀྟ་བྱུགས་གུ་གུལ་བདུག །ཡུངས་ཀར་བྲབ། དར་གྱི་ཅོད་པན་བརྒྱན་ལ། ཕུར་གདན་སའི་གྲུ་གསུམ་བྱས་ལ་དཀྱིལ་འཁོར་དབུས་སམ་གང་བདེར་བཞག །དཀྱིལ་འཁོར་གྱི་གཡས་སུ་བདུད་རྩི། གཡོན་དུ་རཀྟ། མདུན་དུ་གཏོར་མ་རིན་ཆེན་

[Full Size]

འབར་བ། མཐར་ཤར་དུ་མཆོད་ཡོན། ཤར་ལྷོར་ཞབས་བསིལ། ལྷོར་མེ་ཏོག །ལྷོ་ནུབ་ཏུ་བདུག་སྤོས། ནུབ་ཏུ་མར་མེ། ནུབ་བྱང་དྲི་ཆབ། བྱང་དུ་ཞལ་ཟས། བྱང་ཤར་ཏིང་ཤག་གམ། མཚམས་འཛིན་མེ་ཏོག་ནས་བཤམས། སྣོད་གཙང་མར་དམར་གཏོར་རྩེ་དགུ་པ། བཀའ་སྲུང་གཏོར་མ་ལ་བཀའ་སྲུང་སོ་སོའི་བཤོས་བུ་དཔེའུ་རིས་ལྟར་བཅས་ལ་ཤ་ཁྲག་གིས་བརྒྱན། བསྐང་གཏོར་དང་རྩ་བ་གསུམ་གྱི་ཕུགས་གཏོར་གང་བདེར་བཞག །དཀྱིལ་འཁོར་གྱི་མཐར་བཞག་ན། ཕུགས་གཏོར་རྣམས་ནུབ། གསོལ་ཁ་ལྷོ། བསྐང་བ་བྱུང་། ཚོགས་གཏོར་དང་བརྟན་སྐྱོང་ཤར་དུ་བཤམ། དེ་ནས་སྐྱབས་སེམས་དཀར་བགེགས་བྱ། མཚམས་བཅད་གཞུང་ལྟར་བྱ། དང་པོའི་ནུབ་མོ་མ་གཏོགས་དཀར་བགེགས་མི་དགོས། བཀའ་བརྒྱད་ལས་བྱང་དབུ་བཟུང་། ལྷ་བསྐྱེད་བར་དུ་འདོན། ཧཱུྃ་ཡིག་གཏན་ལ་ཕབ་ནས། དཀྱིལ་འཁོར་དབུས་སུ་དྲན་རྫོགས་སུ། ལྷ་བསྐྱེད་སྐབས་སུ་བདག་ཉིད་ཧེ་རུ་ཀར་གསལ་རང་གི་ཐུགས་ཀར་ཧཱུྃ་མཐིང་ནག་བསྐྱེད། ཅེས་པ་སྒྲུབ་གཞུང་ལྟར་འདོན། དེ་ནས་ཡབ་ཡུམ་སྦྱོར་བའི་བྱིན་རླབས་ལས། །རིགས་བཞི་

[Full Size]

ལ་སོགས་འཁོར་བཅས་བསམས་ནས་ཡིག་བརྒྱའི་བར་ལས་བྱང་འདོན། ཆེ་མཆོག་ཡབ་ཡུམ་མངོན་རྟོགས་ཛབྲ་དགོངས་དང་། སྔགས་ནི་དྲིལ་སྒྲུབ་འདི་ལ་མི་མཁོའོ། །ལས་བྱང་དང་དྲིལ་སྒྲུབ་གབ་སྤྲད་ནི་རྒྱས་པའི་ལུགས་ཡིན། བསྡུ་ན་རང་གི་ཐུགས་ཀར་ཧཱུྃ་ལས། ཉི་མ་དང་ནི་འོད་ཟེར་བཞིན། །དཀྱིལ་འཁོར་དགུ་མི་བསྐྱེད་པར་དཀྱིལ་འཁོར་གཅིག་བསྐྱེད་»པ་འདི་དྲིལ་སྒྲུབ་ཀྱི་དོན་ཡིན། མངོན་རྟོགས་མང་ཉུང་འདི་གཉིས་འདོན་རེས་བྱ། དེ་ལྟར་ལས་བྱང་གཞུང་དེ་རྣམས་ཞོགས་ཐུན་གཅིག །ཉི་དྲོས་ཐུན་གཅིག །དགོང་ཆེན་ཉི་ཐལ་ཐུན་གཅིག །ཉིན་གུང་ཡེ་ཤེས་དབྱིངས་བསྐུལ་དང་ཕོ་ཉ་སྒོས་བསྐུལ་མང་ཉུང་གང་རེད། དགོང་ཆེན་བསྐང་བ་མང་ཉུང་གང་རེད། རབ་ཚོགས་དུས་བཞི། འབྲིང་ཉིན་རེར་རེ་རེ༔ ཐ་མ་དབུ་འཛུགས་དུས་གཅིག །སྒྲུབ་པ་ཚར་ནུབ། ཚོགས་གཅིག་དང་གསུམ་བྱའོ། །ཆད་མདོ་བརྟན་སྐྱོང་ཡང་དེ་དང་འདྲའོ། །རང་ཉིད་ཆེ་མཆོག་གསལ་བའི་གནས་རྣམས་སུ་ཆེ་མཆོག་དཔལ་དགུ་འཁོར་བཅས་གསལ་བཏབ། དེ་ཐམས་ཅད་ཀྱི་ཐུགས་ཀར་ཧཱུཾ་གསལ། མ་ཡེངས་ངང་ལས་འབུམ་ཕྲག་བདུན་བསྙེན་ནོ། །དེ་ནི་ཐུན་གྲངས་དང་འདྲ་

[Full Size]

འོ། །བདག་ཆེ་མཆོག་ཏུ་གསལ། མདུན་གྱི་ཕུར་པ་དཀྱིལ་འཁོར་དང་བཅས་པ་ཡང་དཔལ་དགུའི་ལྷ་ཚོགས་དང་ཆེ་མཆོག་དཔལ་དགུའི་དབུ་རྒྱན་ནང་དུ་ཞི་བ་བཞི་བཅུ་རྩ་གཉིས་བཀྲ་ལམ་མེར་བཞུགས་པ་ལ། བདག་གི་ཐུགས་ཀའི་འོད་ཟེར་ཞི་བའི་ལྷ་ཚོགས་ལ་ཕོག་པས་གཟི་མདངས་འབར། ཞི་བ་རྣམས་ལས་འོད་ཟེར་འཕྲོས་སྣོད་ཀྱི་འཇིག་རྟེན་གང་། བཅུད་ཀྱི་སེམས་ཅན་ཐམས་ཅད་ལྷ་དང་ལྷ་མོའི་རང་བཞིན་དུ་གྱུར་ནས་སྔགས་ཀྱི་སྒྲས་ཆོས་ཀྱི་ཆར་ལྟར་བབ། སེམས་ཅན་ཐམས་ཅད་ཀྱིས་དུག་ལྔ་ཡེ་ཤེས་ལྔ་རུ་གྱུར་ནས། འོད་ཟེར་ཐམས་ཅད་བདག་དང་བུམ་པའི་རྫས་ལ་ཐིམ། བདེ་གཤེགས་ཞི་བའི་དངོས་གྲུབ་ཐམས་ཅད་ཐོབ། ཡང་བདག་ཉིད་དཔལ་ཆེན་པོའི་ཐུགས་ཀར་ཧཱུཾ་ཁ་དོག་ལྔ་ལྡན་སྔགས་ཕྲེང་གིས་བསྐོར་བ་ལས་འོད་ཟེར་སྣ་ཚོགས་ཕྱོགས་བཅུར་འཕྲོས། ཕྱོགས་བཅུའི་ལྷ་ཞི་བ་ཁྲོ་བོ་ཐམས་ཅད་མཆོད། འོད་ཟེར་སེམས་ཅན་ཐམས་ཅད་ལ་ཕོག་པས། སྒྲིབ་པ་བྱང་་ནས་ཧེ་རུ་ཀའི་ལྷ་ཚོགས་སུ་གྱུར། ཐམས་ཅད་ཀྱང་སྔགས་ཀྱི་སྒྲ་འུ་རུ་རུ་གསུངས་བར་གྱུར། ཡང་འོད་ཟེར་འཕྲོས། བདེ་བར་གཤེགས་པ་ཐམས་ཅད་ཀྱི་བྱིན་རླབས་དངོས་གྲུབ་ཐམས་ཅད་

[Full Size]

བསྡུས་ནས་བདག་དང་བུམ་པའི་རྫས་ལ་ཐིམ་པར་བསྒོམས་ལ། ཨོཾ་ཨཱཿཧཱུྃ་སྭཱ་ཧཱ། ཧཱུཾ་ཧཱུྃཨཱཧཱུཾ། ཨོཾ་བཛྲ་ཤྲཱི་མ་ཧཱ་ཀྲོ་ཏ༔ ཧཱུྃ་ཤྲཱི་ཧེ་རུ་ཀ༔ ཨེ་ཡ་མཱནྟ་ཀ༔ ཧཱིཔདྨནྟ་ཀྲྀཏ༔ ཧཱུྃ་བཛྲ་ཀཱི་ལི་ཀཱི་ལ་ཡ༔ མ་ཧཱ་ཡཀྵ༔ ཀཱ་ལ་རཱུ་པ། ཡཀཱ་ཀྲོ་དྷ་བཛྲ་སརྦ་དུཎྞཾ༔ ཁྲོ་ག་རུ་ཎ༔ མ་མ་ཀྲོ་ཏི་ཤྭ་རཱི༔ ཀརྨ་རཾ་རཾ་ཛྭ་ལ་རཾ་རཾ༔ ཧཱུྃ་ཕཊ་ཕཊ༔ འདི་བདུན་འབུམ་བྱ། ། འབུམ་ཕྲག་གཅིག་ཀྱང་རུང་། དོན་ནི། ཨོཾ་ཨཱཿཧཱུྃ་སྭཱ་ཧཱ་ནི་ཞི་བ་རིགས་འདུས་རིགས་ལྔའི་སྙིང་པོ། ཚུ་འཇམ་དཔལ། ཧཱིཐུགས་རྗེ་ཆེན་པོ། ཧཱུྃ་ཕྱག་ན་རྡོ་རྗེ། ཨཱཙྪརྡོ་རྗེ་སེམས་དཔའ་། ཨོཾ་བཛྲ་ཤྲཱི་མ་ཧཱ་ཀྲོ་ཏ་ཆེ་མཆོག་འདུས་པ། ཧཱུྃ་ཤྲཱི་ཧེ་རུ་ཀ་ཡང་དག་འདུས་པ། ཨེ་ཡ་མཱནྟ་ཀ་གཤིན་རྗེ་འདུས་པ། ཧཱིཔདྨན་ཀྲྀཏ་པདྨ་དབང་ཆེན་འདུས་པ། ཧཱུཾ་བཛྲ་ཀཱི་ལི་ཀཱི་ལ་ཡ་ཕུར་པ་འདུས་པ། མ་ཧཱ་ཡཀྵ་དྲེགས་པ་ཀུན་འདུལ་འདུས་པ། ཀཱ་ལ་རཱུ་པ་སྟོབས་ལྡན་ནག་པོ། ཡཀྵ་ཀྲོ་ཏ་སྲུང་བྱེད་ཁྲོ་བོའོ། །བཛྲ་སརྦ་དུཏྟཾ་ནི་འཇིག་རྟེན་མཆོད་བསྟོད་དང་དམོད་པ་དྲག་སྔགས་འདུས་པ། ཁྲོ་བཛྲ་ག་རུ་ཎ་ནི་བྱ་ཁྱུང་རིགས་འདུས། མ་མ་ཀྲོ་ཏཱི་ཤྭ་རཱི་ནི་མ་མོ་ཡུམ་ཆེན་ཀུན་འདུས། ཀརྨ་རཾ་རཾ་ནི་ལས་ཀྱི་དྲེགས་པ་ཚར་གཅོད། ཛྭ་ལ་རཾ་

[Full Size]

ནི་ཡེ་ཤེས་མེ་འབར། ཧཱུཾ་ཧཱུཾ་ནི་རྒྱུ་འབྲས་ཆོས་ཀྱི་དབྱིངས་སུ་འདུས། ཕཊ་ཕཊ་ནི་ཁམས་གསུམ་ཡོངས་སྒྲོལ་གནས་སྤར་བའོ། །གྲངས་འབུམ་བསྙེན་ཞིང་རྟགས་དང་སྦྱར༔ ཞལ་མཐོང་ལུང་བསྟན་དངོས་གྲུབ་འཐོབ༔ རྗེས་ལ་འོད་དང་དུ་བ་བྱུང་༔ རྨི་ལམ་དུ་མགོ་ལ་ཉི་མ་ཤར་བ༔ མཆོད་རྟེན་རྩེ་ལ་བསྡད༔ བུད་མེད་ཚོགས་འདུས་བསྙེན་བཀུར་བྱེད༔ ལུས་བདེ་ངག་ལ་ནུས་པ་འབྱུང་༔ སེམས་རྟོགས་འབར༔ བདེ་གཤེགས་གཅིག་སྒྲུབ་ཀུན་གྱི་ངང་༔ གང་ལ་བརྩམས་ཀྱང་ཐེ་ཚོམ་མེད༔ གསང་སྔགས་ཀྱི་ལས་ཚོགས་ཐམས་ཅད་འགྲུབ་པར་བྱའོ། །སྒྲུབ་པ་ཐོན་ནས་ཕུར་པ་དང་བུམ་རྫས་རྣམས་རང་གི་སྤྱི་བོར་བཞག་ནས། མདུན་བསྐྱེད་ཀྱི་ལྷ་ཚོགས་ཐམས་ཅད་ལས་འོད་ཟེར་ཁ་དོག་སྣ་ཚོགས་བྱུང་ནས་རང་ལ་ཐིམ་པར་བསྒོམས། ཧཱུྃ། ལྷ་དང་རིག་འཛིན་མཁའ་འགྲོ་དགོངས། །ཞེས་སོགས་བསྙེན་པ་བྱ། མཐར། ཀཱ་ཡ་ཨ་བྷི་ཥིཉྩ་ཨོཾ། ཝཱཀ་ཨ་བྷི་ཥིཉྩ་ཨཱཿ ཙིཏྟ་ཨ་བྷི་ཥིཉྩ་ཧཱུྃ༔ སརྦ་ཨ་བྷི་ཥིཉྩ་ཧཱུྃ༔ ཞེས་སོགས་དབང་བླངས་རྗེས་ཆོག་བྱའོ། ༧ ཀརྨ་ཨ་རཱ་གས་མཛད་པའོ།།

[Full Size]

ཤོག་སྟོང་།

དགོངས་གཏེར་ཐུགས་ཀྱི་ཀློང་གསལ་གྱི་བཀའ་བརྒྱད་ལུས་དཀྱིལ་འདོན་ཆ་བསྒྲིགས་པ།

[Full Size]

དགོངས་གཏེར་ཐུགས་ཀྱི་ཀློང་གསལ་གྱི་བཀའ་བརྒྱད་ལུས་དཀྱིལ་འདོན་ཆ་བསྒྲིགས་པ་ཡོད།

[Full Size]

གུ་རུ་རིན་པོ་ཆེ་ལ་ཕྱག་འཚལ་ནས། །དགོངས་གཏེར་བཀའ་བརྒྱད་ལུས་དཀྱིལ་འདོན་འགྲིགས་དགོད། །ཆོས་བདག་སྲུང་མས་བཀའ་གནང་བྱིན་གྱིས་རློབས། ཧཱུྃ། དབྱིངས་ལས་རང་བྱུང་གྲུབ་པའི་ལྷ༔ དྲན་རྫོགས་དམ་ཡེ་དབྱེར་མེད་པའི༔ བདག་ཉིད་ཆེ་མཆོག་ཧེ་རུ་ཀ༔ ཞལ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་པའི་ཕྱག་གསུམ་རྡོ་རྗེ་གསོར༔ གཡོན་པའི་ཕྱག་གསུམ་བྷདྨ་འཛིན༔ ཡུམ་ཆེན་གནམ་ཞལ་དབྱིངས་ཕྱུག་འཁྲིལ༔ གཡས་པས་གཙོ་འཁྱུད་གྲི་ཁུག་སྟེ༔ གཡོན་

[Full Size]

པས་ཆགས་པའི་དུང་དམར་སྟོབ༔ བྱོལ་སོང་གཙོ་བརྒྱད་དྲེགས་པའི་སྟེང་༔ བསྐལ་པའི་མེ་དཔུང་ཀློང་དུ་བཞུགས༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ མ་ཧཱ་ཀྲོ་དྷི་ཤྭ་རཱི་སིཾ༔ ཧཱུྃ༔ དཔྲལ་བར་འཇམ་དཔལ་གཤིན་རྗེའི་གཤེད༔ ཞལ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་སེར་ཞལ༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་གསུམ་བེ་ཅོན་རལ་གྲི་ས༔ གཡོན་གསུམ་སྡིགས་མཛུབ་མདུང་བྷན་དམར༔ ཡུམ་ཆེན་བཛྲ་བེ་ཏ་ལི༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་

[Full Size]

དུང་དམར་སྟོབ༔ རིགས་བཞི་ལ་སོགས་འཁོར་བཅས་གསལ༔ ཨོ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ ཧཱུྃ༔ མགྲིན་པར་དབང་ཆེན་རྟ་མཆོག་རྒྱལ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་སྔོ་དབུས་དམར་ཞལ༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁ་ཊཾ་ཞགས༔ གཡོན་གསུམ་དྲིལ་བུ་བྷན་དམར་སྒྲོག༔ ཡུམ་ཆེན་པདྨ་གཟི་ལྡན་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ རིགས་བཞི་ལ་སོགས་འཁོར་བཅས་གསལ༔ ཨོ་པདྨནྟ་ཀྲྀཏ་མ་ཧཱ་ཀྲོ་ཏ་ཧ་ཡ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཧཱུྃ༔ ཐུགས་ཀར་བཛྲ་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁ་ཊཾ་རྗ༔ གཡོན་གསུམ་དྲིལ་བྷན་རྒྱུ་ཞགས་བསྣམས༔ ཡུམ་ཆེན་ཀྲོ་དྷི་ཤྭ་རི་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ རིགས་བཞི་ལ་སོགས་འཁོར་བཅས་གསལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔

[Full Size]

ཧཱུྃ༔ ལྟེ་བར་བླ་མེད་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁྱུང་སྦྲུལ་ཞག་གས༔ གཡོན་གསུམ་བྷནྡྲ་ཞིང་གའུ༔ ཡུམ་ཆེན་ཉིད་བཞི་མུ་ཁ་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ མ་ལྔ་ལ་སོགས་འཁོར་བཅས་གསལ༔ ཨོ་གུ་ཧྱ་ཛྙཱ་ན་ཤི་ཧེ་རུ་ཀ་ཀྲོ་དྷི་ཤྭ་རཱི་ཧཱུྃ་ཕཊ༔ ཧཱུྃ༔ གསང་བར་རྡོ་རྗེ་གཞོན་ནུ་ཆེ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་ལྗང་ཞལ༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁ་ཊཾ་ག༔ ཐ་གཉིས་རི་རབ་ཕུར་བུ་འདྲིལ༔ ཡུམ་ཆེན་འཁོར་ལོ་རྒྱས་འདེབས་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ རིགས་བཞི་ལ་སོགས་འཁོར་བཅས་གསལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་བཾ་ཧཱུྃ་ཕཊ༔ ཧཱུྃ༔ བརླ་གཡས་སྟོབས་ལྡན་ནག་པོ་ཆེ༔ དབུ་གསུམ་ཕྱག་དྲུག་ཞབས་བཞི་

[Full Size]

བགྲད༔ དབུ་གསུམ་མཐིང་ནག་འཇིགས་པ་ལ༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ལྷ་བརྒྱད་སྙིང་༔ གཡོན་གསུམ་བྷནྡྷ་ཀླུ་བརྒྱད་སྙིང་༔ ཡུམ་ཆེན་འབྱུང་ལྔའི་བདག་མོ་འཁྲིལ༔ གཡས་པས་གཟུགས་ཁམས་མཁའ་ལ་འདེགས༔ གཡོན་པས་འདོད་ཁམས་ས་ལ་གནོན༔ རིགས་བཞི་ལ་སོགས་འཁོར་བཅས་གསལ༔ ཨོཾ་བཛྲ་སརྦ་དུཥཱན་ཧཱུྃ་ཕཊ༔ ཧཱུྃ༔ བརླ་གཡོན་དྲེགས་པ་ཀུན་འདུལ་རྗེ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུར་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ལྷ་བརྒྱད་མགོ༔ གཡོན་གསུམ་བྷ་ཀླུ་བརྒྱད་མགོ༔ ཡུམ་ཆེན་སྲིད་པ་སྤྱི་འདུལ་འཁྲིལ༔ གཡས་པས་གཙོ་འཁྱུད་ཁ་ཊཾ་ག༔ གཡོན་པས་ཆགས་པའི་དུང་དམར་སྟོབ༔ རིགས་བཞི་ལ་སོགས་འཁོར་བཅས་གསལ༔ ཨོཾ་བཛྲ་ཙཎྜ་སརྦ་དུཥཱན་ཧཱུྃ་ཕཊ༔ ཧཱུྃ༔ སྤྱི་གཙུག་རིག་འཛིན་རྡོ་རྗེ་ཆོས༔ ཞལ་གཅིག་ཕྱག་གཉིས་ཞབས་གཉིས་བགྲད༔ སྐུ་མདོག་དཀར་དམར་རུས་རྒྱུན་མཛེས༔ རིགས་ལྔས་དབུར་བརྒྱན་ཐུགས་སྲོག་གསལ༔ རྡོ་རྗེ་དྲིལ་བུའི་

[Full Size]

ཕྱག་རྒྱ་བསྒྱུར༔ ཡུམ་ཆེན་ཆོས་དབྱིངས་རྣལ་འབྱོར་འཁྲིལ༔ གཉིས་མེད་འཁྲིལ་སྦྱོར་བདེ་ཆེན་སྐྱེད༔ རིགས་བཞི་ལ་སོགས་འཁོར་བཅས་གསལ༔ ཨོ་བཛྲ་མ་ཧཱ་གུ་རུ་སརྦ་ཧཱུྃ་ཕཊ༔ ཧཱུྃ༔ ཡང་དག་ཐུགས་ཀར་ཡེ་ཤེས་སེམས༔ མཐིང་ནག་ཞི་བའི་ཆ་བྱད་ཅན༔ རྡོ་རྗེ་དང་ནི་དྲིལ་བུ་བསྣོལ༔ འདོར་སྟབས་བཞུགས་པ་ཚོན་གང་ཙམ༔ དེ་ཡི་ཐུགས་ཀར་ཧཱུྃ་མཐིང་ནག༔ ནས་འབྲུ་ཙམ་ལ་རྩ་སྔགས་བསྐོར༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུཾ་ཕཊ༔ སྤྲོ་བསྡུ་དང་བཅས་བསྙེན་པ་བྱ། །མདུན་བསྐྱེད་དཀྱིལ་འཁོར་སྐད་ཅིག་བསྐྱེད། ཧཱུྃ༔ མདུན་དུ་ཚོམ་བུ་དགུ་ཡི་ལྷ་ཚོགས་རྣམས༔ ཡབ་ཡུམ་སྲས་དང་སྤྲུལ་པ་འཁོར་དང་བཅས༔ བཀའ་བརྒྱད་ལྷ་ཚོགས་བདུན་བརྒྱ་ཉི་ཤུ་རྣམས༔ ཕྱོགས་མཚམས་མེད་པར་འོད་ཟེར་མཐའ་ཡས་ཁེངས༔ རང་རང་གནས་གསུམ་འོད་ཀྱིས་སྤྱན་དྲངས་བསྟིམ༔ ཧཱུྃ༔ ཆོས་དབྱིངས་མཉམ་ཉིད་རིག་པའི་ཡེ་ཤེས་ལྷ༔ བདེ་གཤེགས་སྒྲུབ་པ་བཀའ་བརྒྱད་ལྷ་ཚོགས་རྣམས༔ མ་བཅོས་ལྷུན་གྲུབ་ཛ༔ཧཱུྃ་བཾ་ཧོས༔ ས་མ་ཡ་ཨཱ་བེ་ཤ་ཡ་ཏིཥྛ་ལྷན༔ རང་

[Full Size]

རིག་ཡེ་ཤེས་ལྷ་ལ་ཕྱག་འཚལ་ལོ༔ ཧཱུྃ༔ རང་བྱུང་ཐབས་ཤེས་དབྱེར་མེད་སྨན་གྱིས་མཆོད༔ རྒྱུ་རྐྱེན་རྣམ་དག་བདུད་རྩི་གཏོར་མས་མཆོད༔ ཆགས་བྲལ་རཀྟ་དམར་ཆེན་རྫས་ཀྱིས་མཆོད༔ ཕྱི་ནང་གསང་བ་དེ་བཞིན་ཉིད་ཀྱིས་མཆོད༔ གཉིས་མེད་བླང་དོར་མེད་པའི་ངང་དུ་མཆོད༔ སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ མ་ཧཱ་སུ་ཁ་ཁཱ་ཧི༔ མ་ཧཱ་བ་ལིཾ་ཏ་ལ་ཁཱ་ཧི༔ མ་ཧཱ་མཾ་ས་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ ཧཱུྃ༔ འཇམ་དཔལ་སྐུ་ཡི་ལྷ་ལ་ཕྱག་འཚལ་བསྟོད༔ པདྨ་གསུང་གི་ལྷ་ལ་ཕྱག་འཚལ་བསྟོད༔ ཡང་དག་ཐུགས་ཀྱི་ལྷ་ལ་ཕྱག་འཚལ་བསྟོད༔ ཆེ་མཆོག་ཡོན་ཏན་ལྷ་ལ་ཕྱག་འཚལ་བསྟོད༔ ཕྲིན་ལས་ཕུར་པའི་ལྷ་ལ་ཕྱག་འཚལ་བསྟོད༔ མ་མོ་རྦོད་གཏོང་ལྷ་ལ་ཕྱག་འཚལ་བསྟོད༔ དམོད་པ་དྲག་སྔགས་ལྷ་ལ་ཕྱག་འཚལ་བསྟོད༔ འཇིག་རྟེན་མཆོད་བསྟོད་ལྷ་ལ་ཕྱག་འཚལ་བསྟོད༔ རིག་འཛིན་སློབ་དཔོན་ལྷ་ལ་ཕྱག་འཚལ་བསྟོད༔ དེ་ལྟར་བཀའ་བརྒྱད་བདག་མདུན་ཆ་ཚང་འདི། །སྔོན་གྱི་གཏེར་རྙིང་རྣམས་ནས་བསྡུས་ཏེ་བསྒྲིགས། །གནད་དང་མན་ངག་བརྒྱུད་པ་གསར་པ་

[Full Size]

སྟེ། །སྤྲུལ་སྐུ་མི་འགྱུར་རྡོ་རྗེའི་དགོངས་གཏེར་ཡིན། །དགོངས་གཏེར་གཞུང་དུ་དམིགས་པ་བསྙེན་སྔགས་དང་། །དབང་བསྐུར་རྩ་ཚིག་རྒྱུད་ཚིག་ལྟ་བུ་ལས། །ངག་ཏུ་འདོན་ཚེ་གསལ་བར་མ་བྱུང་བས། །སྤྲུལ་སྐུ་ཉིད་ཀྱི་དགོངས་པས་རྗེས་གནང་ཕྱིར། །འདོན་ཆ་རཱ་ག་ཨ་སྱས་བསྒྲིགས་པ་ལ། །ཉེས་འགལ་མཆིས་ན་ལྷ་དང་སྲུང་མར་བཤགས། །དགེ་བས་འགྲོ་ཀུན་པད་འབྱུང་ཉིད་འགྲུབ་ཤོག། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དགོངས་གཏེར་བཀའ་བརྒྱད་ལུས་དཀྱིལ་གྱི་དབང་།

[Full Size]

དགོངས་གཏེར་བཀའ་བརྒྱད་ལུས་དཀྱིལ་གྱི་དབང་བཞུགས་སོ།།

[Full Size]

ན་མོ་གུ་རུ་པདྨ་ཡ། བཀའ་བརྒྱད་དབང་ནི། བུམ་པ་མཆོད་གཏོར་སྤྱི་ལྟར་བཤམས་ལ། སྐྱབས་སེམས་ད་ནངས་སྔོན་དུ་སོང་བས་འཐུས། བདག་མདུན་བུམ་ལྷ་གཏོར་མ་རྣམས་མངོན་རྟོགས་གཅིག་གིས་བསྐྱེད་དེ། རང་ཉིད་ཆེ་མཆོག་སྐུ་མདོག་མཐིང་ནག་རབ་ཏུ་ཁྲོས་པའི་ཚུལ་ཅན་ཞལ་གསུམ་ཞལ་གཡས་དཀར་བ་གཡོན་ཞལ་དམར་བ་དབུས་ཞལ་མཐིང་ནག་ཏུ་འདུག་པ། ཕྱག་དྲུག་གཡས་གསུམ་རྡོ་རྗེ་གཡོན་གསུམ་བྷན་འཛིན་པ། དུར་ཁྲོད་ཀྱི་ཆས་བརྒྱད་དང་དཔལ་གྱི་ཆས་བཅུས་བརྒྱན་པ་མེ་དཔུང་གི་ཀློང་དུ་ཞབས་འདོར་སྟབས་སུ་བགྲད་པ། དེའི་གཡོན་ཕྱོགས་ནས་ཡུམ་མཆོག་སྐུ་

[Full Size]

མདོག་དུད་ཀ་ཞལ་གཅིག་ཕྱག་གཉིས་གྲི་གུག་ཐོད་ཁྲག་འཛིན་པས་འཁྱུད་པ། ཡབ་ཀྱི་དཔྲལ་བར་འཇམ་དཔལ། མགྲིན་པར་རྟ་མགྲིན། ཐུགས་ཀར་ཡང་དག །ལྟེ་བར་བླ་མེད་ཧེ་རུ་ཀ །གསང་བོར་ཕུར་པ། །བརླ་གཡས་སྟོབས་ལྡན་ནག་པོ། བརླ་གཡོན་དྲེགས་པ་ཀུན་འདུལ། སྤྱི་གཙུག་ཏུ་རྡོ་རྗེ་ཆོས་རྣམས་གསལ་བར་བསྐྱེད། ཡང་དག་ཐུགས་ཀར་ཡེ་ཤེས་སེམས་དཔའ་མཐིང་ག་ཞི་བའི་ཆ་བྱད་རྡོ་རྗེ་དང་དྲིལ་བུ་འཛིན་པ་འདོར་ཐབས་སུ་བགྲད་པ་ཚོན་གང་བ་ཙམ། དེའི་ཐུགས་ཀར་ཧཱུྃ་མཐིང་ནག་ནས་འབྲུ་ཙམ་ལ་རྩ་བའི་སྔགས་ཀྱིས་བསྐོར་

[Full Size]

བར་བསྐྱེད་ལ། དེ་ལས་འོད་ཟེར་འཕྲོས་པས་རང་བཞིན་གྱི་གནས་ནས་དཔལ་དགུའི་ལྷ་ཚོགས་སྤྱན་དྲངས། བདག་མདུན་བུམ་པ་རྣམས་ལ་ཐིམ་བུམ་པ་བདུད་རྩིས་གང་བར་གྱུར། ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་དྷི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ཅེས་ཅི་འགྲུབ་བཟླས་ནས་ཨགྷཾ་སོགས་དང་། ཨ་མི་ཏ་བ་ལིཾ་ཏ་རཀྟ་ཁཱ་ཧི། ཧཱུྃ༔ ཀུན་བཟང་ཐུགས་ཀྱི་འོད་ཟེར་ཆོ་འཕྲུལ་ལས། །ལྷ་ཚོགས་བདུན་བརྒྱ་ཉི་ཤུའི་དཀྱིལ་འཁོར་ཤར། །མཐའ་ཡས་དཔག་མེད་ཡེ་ཤེས་མེ་འོད་འབར། །བར་ཆད་སྡིག་སྒྲིབ་བསྲེགས་ལ་ཕྱག་འཚལ་བསྟོད། །དེ་ནས་སློབ་མ་འདུས་ཁྲུས་བྱས་མཎྜལ་ཕུལ་ནས། འོ་ན་འདིའི་ལོ་རྒྱུས་ནི་བཅོམ་ལྡན་འདས་དཔལ་ཀུན་ཏུ་བཟང་པོ་ཡུམ་ཀུན་ཏུ་བཟང་མོ་དང་སྙོམས་པར་ཞུགས་ནས་སྤྲུལ་པའི་ཁྲོ་བོ་རྣམས་སྤྲོས་ཏེ། གསང་བའི་བདག་པོ་རྡོ་རྗེ་ཆོས་ཀྱིས་བསྐུལ་བས། བདེ་གཤེགས་འདུས་པ་རྩ་བའི་རྒྱུད་ལ་སོགས་པ་ཞི་ཁྲོ་སྤྱིའི་རྒྱུད་ལྔ། གསང་བ་འདུས་པ་ལ་སོགས་འདུས་པ་བརྒྱུད་བཀའ་སྩལ་ཏོ། །དེ་རྣམས་ཕྱག་ན་རྡོ་རྗེས་གསེར་གྱི་གླེགས་བམ་ལ་བེཌཱུརྱ་ཞུན་མས་བྲིས་ཏེ། མཁའ་འགྲོ་མ་ལས་ཀྱི་དབང་མོ་ཆེ་ལ་གཏད་

[Full Size]

དོ། །དེས་དུར་ཁྲོད་བསིལ་བ་ཚལ་དུ་རང་བྱུང་གི་མཆོད་རྟེན་ལ་གཏེར་དུ་སྦས་སོ། །སླར་སློབ་དཔོན་པདྨ་བྱོན་ནས་ཞི་ཁྲོ་ཡོངས་རྫོགས་ཀྱི་རྒྱུད་མན་ངག་རྣམས་ཕྱུང་། ཀུན་ཏུ་བཟང་པོ་དང་རྡོ་རྗེ་སེམས་དཔའ་ལ་དབང་ལུང་མན་ངག་རྫོགས་པར་ཞུས། བལ་ཡུལ་ཡང་ལེ་ཤོད་སོགས་སུ་སྒྲུབ་པ་མཛད་པས་ཞི་ཁྲོའི་ལྷ་ཚོགས་ཞལ་གཟིགས་བོད་དུ་བྱོན་པས་རྒྱལ་པོས་དཀའ་བ་མེད་པར་མྱུར་དུ་འཚང་རྒྱ་བའི་གདམས་པ་ཞུས་པས། མཆིམས་ཕུར་རྗེ་འབངས་རྣམས་ལ་བཀའ་བརྒྱད་ཀྱི་དབང་མཛད་དེ། ཁྲོ་བོའི་ལྷ་ཚོགས་ཞལ་དངོས་སུ་བསྟན། ཉམས་སུ་བླངས་པས་གྲུབ་པ་ཐོབ་སྟེ། བེ་རོ་ཙ་ནས་སྡེ་བརྒྱད་དབང་དུ་འདུས་ཤིང་ཡེ་ཤེས་ཀྱི་སྤྱན་ཐོབ། བདེ་གཤེགས་ཡོངས་རྫོགས་འདུས་པའི་ལུང་བསྟན་ལས། རྣམ་པར་སྣང་མཛད་དྲག་པོའི་སྔགས། །ནང་གི་ལྷ་དང་སྔགས་ལ་དད། །ད་ལྟའི་པདྨ་རྒྱལ་པོ་ནི། །བེ་རོ་ཙ་ན་ཉིད་ཡིན་ཏེ། །ལས་སད་ཡེ་ཤེས་ལས་གྲུབ་པ། །དེ་བརྟེན་དེ་ཡི་དངོས་གྲུབ་ཐོབ། །ཅེས་གསུངས་པ་ལྟར། ཨོ་རྒྱན་ཉིད་དང་དབྱེར་མེད་པའི་ལོ་ཙཱ་བ་བཻ་རོ་ཙ་ནའི་སྤྲུལ་པའི་འོད་ཟེར་ལས་བྱུང་བ། རིག་

[Full Size]

འཛིན་མི་འགྱུར་རྡོ་རྗེ་དགུང་ལོ་བཅུ་བདུན་པ་ལ། སྔོན་བེ་རོ་ཙ་ནའི་དུས་ཀྱི་བག་ཆགས་དྲན་ཏེ་དགོངས་གཏེར་ལས་ཕབ་པའོ། །འདིའི་དབང་ལུང་ཐོབ་ན་ཕན་ཡོན་བསམ་གྱིས་མི་ཁྱབ་སྟེ། སྔོན་ལྷའི་བུ་དགེ་བའི་རྒྱལ་པོ་འཁོར་དང་བཅས་པས་ཆོས་འདི་སྤྱོད་པ་ལ། ལྷའི་བུ་རིན་ཆེན་འོད་ལྡན་དད་པ་སྐྱེས་ནས་ཡོ་བྱད་ཕུན་སུམ་ཚོགས་པ་དང་བཅས་ནས་མཇལ་ཏེ། དཀྱིལ་འཁོར་འདིར་ཞུགས་ཤིང་དཀྱིལ་འཁོར་མཐོང་བར་བྱས་པས་དེ་ཉིད་དུ་དངོས་གྲུབ་ཐམས་ཅད་ཡིད་བཞིན་དུ་ཐོབ་བོ། །དེས་ན་ཆོས་འཛིན་པའི་གང་ཟག་དེ་མཇལ་ཞིང་དབང་ཞུས་ན་ཕན་ཡོན་དེ་ལྟར་རོ། །སྔོན་བྲམ་ཟེའི་བུ་གསལ་སྦྱིན་གྱིས་འདིའི་བསྙེན་སྒྲུབ་བསླབ་པ་མཐར་ཕྱིན་ཏེ། བསྒོམས་པར་བྱས་པས། ལུང་བསྟན་ཐོབ་སྟེ་སངས་རྒྱས་སྨྲ་བའི་སེང་གེ་ཞེས་བྱ་བར་འགྱུར་བར་གསུངས། དེས་ན་འདི་ཞུས་ཤིང་ཉམས་སུ་བླངས་ན། ཐེག་པ་མཐའ་དག་གི་བསླབ་པ་མཐར་ཕྱིན་ནས། བྱང་ཆུབ་ཏུ་ལུང་བསྟན་པ་ཐོབ་ནས་མྱུར་དུ་འཚང་རྒྱའོ། །མདོར་ན་རྒྱུད་ཀྱི་རྒྱལ་པོ་ཡེ་ཤེས་རྔམས་གློག་ལས། གསང་བའི་ཐེག་པ་འདི་ཐོས་པའི་ཕན་ཡོན་ནི། མིང་ཙམ་ཐོས་པས་ཀྱང་ངན་འགྲོ་

[Full Size]

ལས་སྐྱོབ་པར་འགྱུར་རོ། །འདི་ལ་དགའ་ཞིང་མོས་པ་དང་འདུན་པ་བསྐྱེད་པའི་གང་ཟག་དམ་པ་དེ་ནི་རིག་འཛིན་རྒྱལ་བའི་སྲས་དམ་པར་གདོན་མི་ཟའོ། །ཞེས་དང་། ཨོ་རྒྱན་རིན་པོ་ཆེའི་ཞལ་ནས། སྒྲུབ་ཆེན་འདི་ཡི་མིང་ཙམ་སུས་གང་འཛིན། །པདྨ་བདག་དང་སྙིང་ཁྲག་གཅིག་ཏུ་འདྲེས། །ཞེས་དང་། མ་གཅིག་མཚོ་རྒྱལ་གྱི་ཞལ་ནས། བདེ་གཤེགས་སྒྲུབ་པ་བཀའ་བརྒྱད་ཀྱི་ཆོས་སྐོར་རྣམས་ནི་གཞན་ལས་ཁྱད་དུ་འཕགས་པའོ། །ཅིའི་ཕྱིར་ན། སློབ་དཔོན་ཆེན་པོ་པདྨའི་ཐུགས་དམ་གྱི་ལྷ་རྩོད་མེད་དུ་གྲགས་པ་ཡིན་ཞིང་། མ་འོངས་པ་ན་ཡང་རྗེས་འཇུག་ཐམས་ཅད་འདི་ལས་གྲུབ་པ་ཐོབ་པར་མང་བར་གསུངས་སོ། །དེས་ན་ཐེ་ཚོམ་ཡིད་གཉིས་མ་བྱེད་པར་སྒྲུབས་ཤིག །ཤོད་ཅིག་་སྟོན་ཅིག །སྒོམས་ཤིག །ཅེས་གསུངས་སོ། །དེ་ལྟ་བུའི་དབང་ཞུ་བའི་ཕྱིར་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །བཀའ་བརྒྱད་བླ་མ་དབྱེར་མེད་ལ། །གསོལ་བ་འདེབས་སོ་དབང་བསྐུར་སྩོལ། །གསུམ། བླ་མ་དཀོན་མཆོག་གསུམ་རྣམས་ལ། །བདག་ནི་རྟག་པར་སྐྱབས་སུ་མཆི། །མི་དགེ་བཅུ་དང་

[Full Size]

མཚམས་མེད་ལྔ་། །སྡིག་བྱས་ཐམས་ཅད་མཐོལ་ལོ་བཤགས། །འགྲོ་བ་སེམས་ཅན་ཐམས་ཅད་ཀྱིས། །དགེ་བྱས་ཀུན་ལ་རྗེས་ཡི་རང་། །ཕྱོགས་བཅུར་བཞུགས་པའི་སངས་རྒྱས་རྣམས། །ཆོས་སྟོན་མཛད་པར་བདག་གིས་བསྐུལ། །རྫོགས་པའི་སངས་རྒྱས་ཐམས་ཅད་ནི། །མྱ་ངན་མི་འདའ་བཞུགས་པར་འཚལ། །བདག་གིས་དེ་ལྟར་གསོལ་བཏབ་པའི། །དགེ་བ་སེམས་ཅན་ཀུན་ལ་བསྔོ། །གསུམ། དེ་ནས་སློབ་མ་ལྷར་བསྐྱེད་པ་ནི། ལས་བུམ་གྱི་ཆུས་བྲན། ཨོཾ་སྭ་བྷ་ཝ་སོགས། སྟོང་པའི་ངང་ལས་ཁྱེད་རང་རྣམས་ཆེ་མཆོག་སྐུ་མདོག་མཐིང་ནག་རབ་ཏུ་ཁྲོས་པའི་ཚུལ་ཅན། ཞལ་གསུམ་གཡས་ཞལ་དཀར་བ། གཡོན་ཞལ་དམར་བ། དབུས་ཞལ་མཐིང་ནག་ཏུ་འདུག་པ། ཕྱག་དྲུག་གཡས་གསུམ་རྡོ་རྗེ་གཡོན་གསུམ་བྷནྡྷ་འཛིན་པ། དུར་ཁྲོད་ཀྱི་ཆས་བརྒྱད་དང་དཔལ་གྱི་ཆས་བཅུས་བརྒྱན་པ་མེ་དཔུང་གི་ཀློང་དུ་ཞབས་འདོར་ཐབས་སུ་བགྲད་པ། དེའི་གཡོན་ཕྱོགས་ནས་ཡུམ་མཆོག་སྐུ་མདོག་དུད་ཁ་ཞལ་གཅིག་ཕྱག་གཉིས་ཐོད་ཁྲག་འཛིན་པས་འཁྱུད་པ། ཡབ་ཀྱི་དཔྲལ་བར་འཇམ་དཔལ། མགྲིན་པར་རྟ་མགྲིན། ཐུགས་ཀར་ཡང་དག །ལྟེ་བར་

[Full Size]

བླ་མེད་ཧེ་རུ་ཀ །གསང་བར་ཕུར་པ། བརླ་གཡས་སྟོབས་ལྡན་ནག་པོ། བརླ་གཡོན་དྲེགས་པ་ཀུན་འདུལ། སྤྱི་གཙུག་ཏུ་རྡོ་རྗེ་ཆོས་རྣམས་གསལ་བར་བསྐྱེད་། ཡང་དག་གི་ཐུགས་ཀར་ཡེ་ཤེས་སེམས་དཔའ་མཐིང་ག་ཞི་བའི་ཆ་བྱད་རྡོ་རྗེ་དང་དྲིལ་བུ་འཛིན་ནས་འདོར་ཐབས་སུ་བགྲད་པ་ཚོན་གང་ཙམ། དེའི་ཐུགས་ཀར་ཧཱུྃ་མཐིང་ནག་ནས་འབྲུ་ཙམ་ལ་རྩ་བའི་སྔགས་ཀྱིས་བསྐོར་བར་བསྒོམ། དེ་ལས་འོད་ཟེར་འཕྲོས་པས་བཀའ་བརྒྱད་ཆེ་མཆོག་དཔལ་དགུའི་ལྷ་ཚོགས་ཁ་བ་བུ་ཡུག་ལྟར་བྱོན་ནས་ཁྱེད་རང་རྣམས་ལ་ཐིམ་པར་སྒོམས། སྤོས་རོལ་མོ་དབྱངས་དང་བཅས། ཧཱུྃ། བཀའ་བརྒྱད་ཆེ་མཆོག་དཔལ་དགུའི་ལྷ་ཚོགས་རྣམས། །གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ། ། སྐལ་ལྡན་བདག་ལ་དབང་མཆོག་བསྐུར་དུ་གསོལ། །ལོག་འདྲེན་ཚེ་ཡི་བར་ཆད་བསལ་དུ་གསོལ། །རྩ་སྔགས་དང་། ཨོ་བཛྲ་ཨཱ་བེ་ཤ་ཡ་ཨ་ཨཱ༔ རྡོ་རྗེ་སྤྱི་བོར་བཞག་ལ། ཏིཥྛ་བཛྲ། ཞེས་བརྟན་པར་བྱས་གཏོར་མ་སྤྱི་བོར་བཞག་ལ། ཧཱུྃ། རིག་འཛིན་རྡོ་རྗེ་ཐོད་པ་རྩལ། །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །བླ་མ་

[Full Size]

རིག་འཛིན་དབང་ཐོབ་ཤོག །སརྦ་གུ་རུ་ཧཱུྃ་ཧཱུྃ། བུམ་པ་དཔྲལ་བར་བཞག །ཧཱུྃ། སྐུ་མཆོག་འཇམ་དཔལ་ཁྲོ་བོའི་སྐུ། །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །འཇམ་དཔལ་སྐུ་དབང་ཐོབ་པར་ཤོག །ཡ་མཱནྟ་ཀ་ཧཱུྃ་ཧཱུྃ། བདུད་རྩི་མགྲིན་པར་བཞག་ལ། ཧཱུྃ། གསུང་མཆོག་རྟ་མགྲིན་ཁྲོས་པའི་རྒྱལ། །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །པདྨ་གསུང་དབང་ཐོབ་པར་ཤོག །ཧ་ཡ་གཱི་བ་ཧཱུྃ་ཧཱུྃ། སྙིང་གར་བདུད་རྩིའི་ཐིག་ལེ་བྱ། ཧཱུྃ། ཐུགས་མཆོག་བཛྲ་ཧེ་རུ་ཀ །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །ཡང་དག་ཐུགས་དབང་ཐོབ་པར་ཤོག །བཛྲ་ཧེ་རུ་ཀ་ཧཱུྃ་ཧཱུྃ། གཏོར་མ་ལྟེ་བར་བཞག་ལ། ཧཱུྃ། མངོན་རྫོགས་བླ་མེད་ཧེ་རུ་ཀ །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །མ་མོ་རྦོད་གཏོང་དབང་ཐོབ་ཤོག །གུ་ཧྱ་ཛྷཱ་ན་ཧཱུྃ་ཧཱུྃ། ཕུར་པ་གསང་བར་བཞག་ལ། ཧཱུྃ། དཔལ་ཆེན་རྡོ་རྗེ་གཞོན་ནུ་ནི། །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །ཕུར་པ་ཕྲིན་ལས་

[Full Size]

དབང་ཐོབ་ཤོག །བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ། བརླ་གཡོས་སྡིགས་མཛུབ་གཏད་དེ། ཧཱུྃ། དཔལ་ཆེན་སྟོབས་ལྡན་ནག་པོ་ནི། །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །དམོད་པ་དྲག་སྔགས་དབང་ཐོབ་ཤོག །སརྦ་དུཥྚ་ཧཱུཾ་ཧཱུཾ། བརླ་གཡོན་སྡིགས་མཛུབ་གཏད་དེ། ཧཱུྃ། དཔལ་ཆེན་དྲེགས་པ་ཀུན་འདུལ་ནི། །སྐལ་ལྡན་ཁྱོད་དང་གཉིས་སུ་མེད། །ཚུལ་འདི་འཆང་དང་དབང་ཐོབ་འགྱུར། །འཇིག་རྟེན་མཆོད་བསྟོད་དབང་ཐོབ་ཤོག །བཛྲ་ཙཎྜ་ཧཱུཾ་ཧཱུཾ། དེ་ནས་གནས་གསུམ་དུ་གཏོར་མ་བཞག་ལ། ཧཱུྃ། ཆེ་མཆོག་ཡབ་ཡུམ་སྐུ་གསུང་ཐུགས། །སྐལ་ལྡན་འདི་ལ་བྱིན་གྱིས་རློབས། །རྡོ་རྗེ་ལྟ་བུའི་དབང་བསྐུར་གསོལ། །པདྨ་ལྟ་བུར་བྱིན་རླབས་སྩོལ། ། འཁོར་ལོ་ལྟ་བུར་རྒྱས་འདེབས་འཚལ། །ཐམས་ཅད་ལྷུན་གྲུབ་དབང་ཐོབ་ཤོག །བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་ས་མ་ཡ་ཧཱུཾ། དེ་ནས་ཆས་བཅུ་རིམ་པར། ཧཱུྃ། ང་རྒྱལ་མ་སྤངས་སྐུ་ལྔས་འགྲོ་དོན་མཛད། །ཡེ་ཤེས་ལྔ་ལྡན་ཐོད་ཕྲེང་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ། དྷརྨ་དྷ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། གཏི་མུག་མ་སྤངས་

[Full Size]

ཤེས་རབ་འགྲོ་དོན་མཛད། །སྤྲོས་བྲལ་གླང་ཆེན་ཀོ་རློན་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩས་མ་ཡ་ཤྲི་ཡེ་ཧཱུྃ། དྷརྨ་དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། ཞེ་སྡང་མ་སྤངས་རང་གྲོལ་ཐབས་ཀྱིས་འགྲོ་དོན་མཛད། །ཀུན་གྲོལ་སྦྲུལ་གྱི་ཆུན་པོས་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ། དྷརྨ་དྷ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། ཕྲག་དོག་མ་སྤངས་ཚད་མེད་འགྲོ་དོན་མཛད། །ཕྲིན་ལས་བཞི་ལྡན་ཞིང་ཀོས་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ། དྷརྨ་དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། འདོད་ཆགས་མ་སྤངས་དཔའ་བས་འགྲོ་དོན་མཛད། །ཁམས་གསུམ་སྒྲོལ་མཛད་སྟག་ཤམ་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ། དྷརྨ་དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུཾ། ཧཱུཾ། མཁའ་དབྱིངས་རྣམ་དག་རཀྟས་གདུག་པ་སྒྲོལ། །ཁམས་གསུམ་དབང་སྡུད་ཁྲག་ཆེན་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ། དྷརྨ་དྷ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། བསོད་ནམས་ཚོགས་ཆེན་རྒྱུ་དྲུག་འཁོར་བའི་བཅུད། །བྱང་ཆུབ་ཞག་གི་ཟོ་རིས་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ།

[Full Size]

དྷརྨ་དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། སྐྱེ་འཆི་རྩད་གཅོད་འཁོར་བ་སྒྲོལ་མཛད་པའི། །གདུག་པ་ཀུན་འདུལ་ཐལ་ཆེན་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩས་མ་ཡ་ཤྲཱི་ཡེ་ཧཱུྃ། དྷརྨ་དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། མི་འགྱུར་མི་ཤིགས་སྲིད་གསུམ་འཇོམས་མཛད་པའི། །ཅིས་ཀྱང་མི་ཚུགས་གོ་ཁྲབ་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཊིའུ་ས་མ་ཡ་ཤྲི་ཡེ་ཧཱུྃ། དྷརྨ་དྷ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། ཡེ་ཤེས་མེ་འབར་འཁོར་བའི་རྒྱ་མཚོ་སྐེམས་པར་མཛད། །མ་རིག་མུན་སེལ་མེ་དཔུང་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ། དྷརྨ་དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུྃ། ཧཱུྃ། ཕར་ཕྱིན་དྲུག་ལྡན་ཤེས་རབ་ཡུམ་དགུའི་རྒྱན། །རུས་པའི་རྒྱན་དྲུག་གཟིག་ཤམ་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུྃ། དྷརྨ་དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུཾ། ཞེས་ལུས་ལ་བཀོན། ད་གཏོར་མ་འདི་ཉིད་སྒྲུབ་པ་བཀའ་བརྒྱད་ཀྱི་ལྷ་ཚོགས། སྟེང་གི་ཆ་ལ་བརྒྱུད་པའི་བླ་མ་དང་བཅས་པ་ཁྱེད་རང་གི་སྤྱི་བོར་བྱོན་ནས་འོད་དུ་ཞུ་ཁྱེད་རང་རྣམས་ལ་ཐིམ་པར་སྒོམས་ཤིག །ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་

[Full Size]

སྐུ་རྡོ་རྗེ་སེམས་དཔའ། རིག་འཛིན་རྡོ་རྗེ་ཆོས། མཁའ་འགྲོ་མ་ལས་ཀྱི་དབང་མོ་ཆེ། རྒྱ་གར་གྱི་རིག་འཛིན་བརྒྱད། གུ་རུ་པདྨ་འབྱུང་གནས། བོད་ཀྱི་གྲུབ་ཐོབ་མི་དགུ། ཤུད་བུ་དཔལ་གྱི་སེང་གེ །མི་འགྱུར་རྡོ་རྗེ་བདུད་འདུལ་རོལ་པ་རྩལ་ལ་སོགས་པ་བརྒྱུད་པའི་བླ་མ་རྣམས་དང་། བདེ་གཤེགས་ཞི་བའི་ལྷ་ཚོགས། ཁྲག་འཐུང་ཁྲོ་བོའི་ལྷ་ཚོགས། འཇམ་དཔལ་སྐུ་ཡི་ལྷ་ཚོགས། པདྨ་གསུང་གི་ལྷ་ཚོགས། ཡང་དག་ཐུགས་ཀྱི་ལྷ་ཚོགས། ཆེ་མཆོག་ཡོན་ཏན་ལྷ་ཚོགས། ཕྲིན་ལས་ཕུར་པའི་ལྷ་ཚོགས། མ་མོ་ཆོད་གཏོང་ལྷ་ཚོགས། བླ་མ་རིག་འཛིན་ལྷ་ཚོགས། དམོད་པ་དྲག་སྔགས་ལྷ་ཚོགས། འཇིག་རྟེན་མཆོད་བསྟོད་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །ནད་གདོན་བར་ཆད་ཐམས་ཅད་ཞི་བར་བྱིན་གྱིས་རློབས་ཤིག །ཚེ་དང་བསོད་ནམས་ཐམས་ཅད་འཕེལ་ཞིང་རྒྱས་པར་བྱིན་གྱིས་རློབས་ཤིག །ལུས་ངག་ཡིད་གསུམ་སྨིན་ཅིང་གྲོལ་བར་བྱིན་གྱིས་རློབས་ཤིག །རྩ་སྔགས་དང་། ཀཱ་ཡ་ཝཱཀ་ཙིཏྟ་བ་ལི་ཏ་ཨ་བྷི་ཥིཉྩ་མཾ་རཀྵ་རཀྟ། འོ་དེས་དགོངས་གཏེར་བཀའ་བརྒྱད་ལུས་དཀྱིལ་གྱི་དབང་ལེགས་པར་ཐོབ་པ་ཡིན་པས་འདི་

[Full Size]

ཉིད་ཡི་དམ་དུ་འཛིན་པའི་མོས་པས། གཙོ་བོས་ཇི་ལྟར་སོགས། ས་གཞི་སྤོས་ཆུས་སོགས། ཞེས་པ་དགོངས་གཏེར་ལས་བྱུང་བའི་དབང་ཁ་གསལ་བར་ཡོད་ཀྱང་ལོ་རྒྱུས་དང་མཐའ་རྟེན་སོགས་ཀྱིས་བརྒྱན་ཏེ། རཱ་ག་ཨ་སྱས་བསྒྲིགས་པའི་ཡི་གེ་པ་ནི་བརྩོན་འགྲུས་ཏེ། འདི་ལ་ཉེས་འགལ་མཆིས་ན་བཤགས་ཤིང་དགེ་བས་ཨོ་རྒྱན་རིན་པོ་ཆེའི་ཐུགས་དགོངས་ཡོངས་སུ་རྫོགས་པར་གྱུར་ཅིག །སརྦ་མངྒ་ལཾ།། །། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གཏོར་དཔེ།

[Full Size]

བཀའ་བརྒྱུད་གྲྭ་བ་རོལ་ས་ཡོད་གནས་སུ་བཅའ་བའི་བཤོས་བུ་འདི་རྣམས་གཞུང་དང་དཔེའུ་རིས་བསྐྲུན་ས་ཡིན་གྱིས་གཞུང་དང་མེ་མཐུན་ས་ལ་དཔེ་རིས་དང་ཟིན་རིས་མང་པོ་བྱུང་ཀྱང་ཡིད་གཏོད་མེད། འདི་དཔེའུ་རེས་ཅི་ལྟ་བ་ཡིན་གྱི་སྙིང་ལ་མང་གཏོར་མའི་རྣམ་པ་ཡུ་བ་ཅན། མཚོན་ལ་ཡང་བཤོས་བུའི་རྣམས་རིག་པས་དཔག་ནས་གང་བདེ་བྱས་པས་ཆོག་གོ།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

གཏོར་མའི་དཔེའུ་རིས།

[Full Size]

བཅའ་ཆོག་དཔེའུ་རིས་འདི་རྣམས་ཕྱག་ལེན་དང་ཟིན་བྲིས་འགའ་དང་གཞུང་རྣམས་བསྡུར་ནས་བྲིས་པས་ཁུང་ཐུབ་ཨ་རཱ་གས་བཀོད་པ་མངྒ་ལཾ།

གནམ་ཆོས་ཐུགས་ཀྱི་གཏེར་ཁ་ལས༔ འཇམ་དཔལ་ཕྱག་རྟགས་སྤྲ་མའི་དབང་རྒྱས་པར་བཀོད་པ།

[Full Size]

གནམ་ཆོས་ཐུགས་ཀྱི་གཏེར་ཁ་ལས༔ འཇམ་དཔལ་ཕྱག་རྟགས་སྤྲ་མའི་དབང་རྒྱས་པར་བཀོད་པ་བཞུགས་སོ༔

[Full Size]

འཇམ་དཔལ་དབྱངས་ཀྱི་དབང་ནི༔ དབང་ཆས་རྣམས་བཤམས་ལ༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ དྲན་རྫོགས་དམ་ཡེ་དབྱེར་མེད་པར༔ བདག་མདུན་བུམ་ལྷ་གཏོར་མ་རྣམས༔ མུན་པ་སེལ་མཛད་འཇམ་པའི་དབྱངས༔ སྐུ་མདོག་དམར་པོ་ཞལ་གཅིག་པ༔ ཕྱག་བཞི་ཕྱག་མཚན་འདི་ལྟར་རོ༔ དང་པོ་གཉིས་ཀྱིས་རལ་གྲི་ཡིག༔ དེ་འོག་གཉིས་ཀྱིས་མཆོག་སྦྱིན་ཨུཏ༔ ཟླ་བ་དང་ནི་པད་གདན་བཞུགས༔ དར་དང་རིན་པོ་ཆེ་

[Full Size]

ཡིས་བརྒྱན༔ གནས་གསུམ་འབྲུ་གསུམ་ཐུགས་ཀ་རུ༔ ཟླ་སྟེང་དྷིཡིག་དམར་པོའི་མཐར༔ སྔགས་ཕྲེང་གཡས་སུ་འཁོར་བ་ལས༔ འོད་ཟེར་དཔག་མེད་འཕྲོས་པ་ཡིས༔ རི་བོ་རྩེ་ལྔའི་ཤེལ་ཁང་ནས༔ འཇམ་དཔལ་དཔག་མེད་སྤྱན་དྲངས་ནས༔ བདག་མདུན་བུམ་པའི་ལྷ་ལ་ཐིམ༔ ཨོཾ་མ་མ་ཝཱཀ་མཉྫའི་པུཊྛི་བྷ་ཝནྟ་སྭཱ་ཧཱ༔ ཞེས་པ་ཅི་མང་བཟླས་ནས༔ ཨགྷཾ་སོགས་ཀྱིས་མཆོད༔ གཞོན་ནུའི་སྐུ་ལུས་འཆང་བ་པོ༔ ཡེ་ཤེས་སྒྲོན་མེས་རབ་ཏུ་བརྒྱན༔ འཇིག་རྟེན་གསུམ་གྱི་མུན་སེལ་བ༔ འཇམ་པའི་དབྱངས་ལ་ཕྱག་འཚལ་བསྟོད༔ ཅེས་བསྟོད༔ དེ་ནས་སློབ་མ་

[Full Size]

འདུས་ཁྲུས་བྱས་མཎྜལ་ཕུལ་ལ༔ སྔོན་བསྐལ་པ་གྲངས་མེད་ཚད་མེད་པའི་ཡང་སྔོན་རོལ་དུ་སངས་རྒྱས་འབྲུག་སྒྲ་དབྱངས་ཀྱི་དྲུང་དུ༔ རྗེ་བཙུན་འཇམ་དཔལ་རྒྱལ་པོར་གྱུར་པ་བསྙེན་བཀུར་སྨོན་ལམ་བཏབ་ནས། བསྐལ་པ་གྲངས་མེད་དཔག་ཏུ་མེད་པར་སེམས་ཅན་རྣམས་སངས་རྒྱས་ཀྱི་ས་ལ་བཀོད་དེ་བསྐལ་པ་མང་པོའི་སྔོན་ནས་སངས་རྒྱས་ཀྱིས་མངོན་དུ་མཛད་ཀྱང་ཐུགས་རྗེའི་དབང་གིས་ད་རུང་བྱང་ཆུབ་སེམས་དཔའི་ཚུལ་དུ་བཞུགས་ནས་སེམས་ཅན་གྱི་དོན་དཔག་ཏུ་མེད་པ་མཛད་ནས༔ མ་འོངས་པ་ན་ཞིང་ཁམས་ཡོངས་སུ་དག་པ་རྡུལ་མེད་ཡང་དག་འཕགས་ཞེས་བྱ་བའི་ཞིང་དུ་སངས་རྒྱས་ཀུན་ཏུ་གཟིགས་པ་ཞེས་བྱ་བར་འགྱུར་ཏེ་སངས་རྒྱས་ཀྱི་སྤྱན་གྱིས་ཕྱོགས་བཅུར་གཟིགས་པ་ན༔ སངས་རྒྱས་གྲངས་མེད་ཚད་མེད་པ་དག་རང་གི་བྱང་ཆུབ་ལམ་ལ་བཀོད་པ་འགའ་ཡང་མེད་པར་འགྱུར་ཏེ༔ སངས་རྒྱས་དེའི་མཚན་ད་ལྟ་ཐོས་ན་མི་འགྱུར་བ་ལ་བཞུགས་པའི་མོས་པ་ཆུང་བ་མ་གཏོགས་མངོན་པར་རྫོགས་པར་འཚང་རྒྱ་བར་འགྱུར་བར་ལུང་བསྟན་ཏེ༔ འདིའི་ཞིང་བཀོད་ཐོས་སམ་མཐོང་ངམ་བཏོན་ནམ་བྲིས་སམ༔ འཇམ་དཔལ་གྱི་རྗེས་སུ་སློབ་པའི་བྷྱོ་སྐད་ཅིག་

[Full Size]

ལ་སྐྱེས་པའི་བསོད་ནམས་ཀྱི་ཞིང་ཐམས་ཅད་ནོར་བུས་བཀང་སྟེ་སངས་རྒྱས་ལ་ཕུལ་བ་བས་ཆེ་བར་གསུངས་སོ༔ ཞིང་དེ་ནི་ནོར་བུ་སྣ་ཚོགས་ལས་གྲུབ་ཅིང་རིན་པོ་ཆེ་སྣ་ཚོགས་ཀྱིས་བརྒྱན་པ༔ མི་དགེ་བ་དང་སྡུག་བསྔལ་བ་དང་༔ རྒས་པ་དང་ན་འཆི་མི་སྡུག་པའི་མིང་ཡང་མེད་དེ༔ ཅི་འདོད་པ་བསམ་མ་ཐག་ནས་ཆར་བཞིན་དུ་འབེབས་པའོ༔ ད་ལྟ་འཇམ་དཔལ་ལ་དད་ཅིང་ཡི་དམ་བྱས་ན་ཞིང་ཁམས་དེར་སྐྱེས་ནས་འབྲས་བུ་ཐོབ་པར་འཇམ་དཔལ་ཞིང་བཀོད་ཀྱི་མདོ་དང་པདྨ་དཀར་པོ་སོགས་ལས་རྒྱ་ཆེར་གསུངས་སོ༔ འཇམ་དཔལ་རྩ་རྒྱུད་ལས༔ དུས་ཀྱི་ཐ་མ་དག་ལ་ནི༔ སྔགས་རྣམས་འགྲུབ་པར་ངེས་པ་ཡིན༔ དེ་ཉིད་ཀྱིས་ནི་ཐུབ་དབང་གིས༔ གཞོན་ནུ་ཡོངས་སུ་བཏགས་པ་ཡིན༔ ཤེས་རབ་ཆེན་པོ་འཇམ་པའི་དབྱངས༔ བྱིས་པ་གཞོན་ནུའི་གཟུགས་དང་ལྡན༔ འཇིག་རྟེན་འདིར་ནི་ཀུན་ཏུ་རྒྱུ༔ སེམས་ཅན་རྗེས་སུ་བཟུང་བར་མཛད༔ དེ་ཡི་དུས་སུ་འགྲུབ་པ་ནི༔ འཇམ་པའི་དབྱངས་སུ་རབ་ཏུ་མཐོང་༔ ཞེས་གསུངས་སོ༔ མགོན་པོ་ཡོན་ཏན་གྱི་མགྲོན་ཞེས་པ་བསྟན་སྲུང་ཆོས་སྐྱོང་ཐམས་ཅད་ཀྱི་གཙོ་བོ་ཡང་འཇམ་དཔལ་

[Full Size]

འདི་ཡིན་ཏེ༔ འཇམ་དཔལ་རྩ་རྒྱུད་ལས༔ ཐུབ་དབང་ཡོངས་སུ་མྱ་ངན་འདས༔ དམ་པའི་ཆོས་ནི་བསྲུང་བའི་ཕྱིར༔ དེ་ཚེ་རྟག་ཏུ་སྲུང་བར་ནི༔ འཇམ་པའི་དབྱངས་སུ་འགྱུར་བ་ཡིན༔ ཞེས་གསུངས༔ འཇམ་དཔལ་ཞིང་གི་བཀོད་པའི་མདོ་ལས༔ སངས་རྒྱས་བྱེ་བ་ཁྲག་ཁྲིག་འབུམ་ཕྲག་གི་མཚན་བརྗོད་པ་བས་ནི་གང་གིས་འཇམ་དཔལ་གཞོན་ནུ་གྱུར་བའི་མིང་གཅིག་བརྗོད་ན་བསོད་ནམས་ཆེས་མང་དུ་བསྐྱེད་པར་གསུངས་ན༔ འདིའི་དབང་ཐོབ་ན་ཕན་ཡོན་བསམ་ལས་འདས་པ་ནི་སྨོས་ཅི་དགོས༔ དེ་ལ་སྤྱིར་འཇམ་དབྱངས་འདི་ལ་རིགས་དུ་མ་ཡོད་ཅིང་རྒྱུད་སྡེ་མཐའ་དག་ནས་གསུངས༔ འཇམ་དཔལ་རྩ་རྒྱུད་དང་དཔའ་བོ་གཅིག་སྒྲུབ་ནི་བྱ་རྒྱུད་ཡིན་ལ༔ སྒྱུ་འཕྲུལ་དྲྭ་བ་དང་མཚན་ཡང་དག་པར་བརྗོད་པ་ནི་རྣལ་འབྱོར་རྒྱུད་དུ་བཞེད་ཅིང་ལ་ལས་གཉིས་མེད་རྒྱུད་དུ་བཞེད་པ་ཡང་ཡོད༔ འཇམ་དཔལ་ཁྲི་དྲུག་སྟོང་པའི་རྒྱུད་ནི་བོད་དུ་མ་འགྱུར༔ འཇམ་དཔལ་སྐུའི་རྒྱུད་དཔག་ཏུ་མེད་པ་ཡོད་ཅིང་དེ་དག་གི་ནང་ནས་འཇམ་དཔལ་ཞི་བ་དང་ཁྲོ་བོའི་སྒྲུབ་ཐབས་མཐའ་ཡས་ཏེ༔ འདི་ནི་འཇམ་དཔལ་ཞི་བ་ཡིན༔ དེ་ཡང་སྔོན་ཨུ་རྒྱན་རིན་པོ་ཆེ་

[Full Size]

བོད་དུ་བྱོན་དུས༔ འཇམ་དབྱངས་ཀྱི་སྤྲུལ་པ་རྒྱལ་པོ་ཁྲི་སྲོང་ལྡེའུ་བཙན་གྱིས་བོད་མུན་པའི་སྨག་རུམ་དུ་དམ་པ་ཆོས་ཀྱི་སྒྲོན་མེ་སྦར་བར་དགོངས་ནས༔ མཐའ་དབུས་ཀྱི་མཁས་པ་བརྒྱ་རྩ་བརྒྱད་གདན་དྲངས༔ བོད་ཀྱི་བྱིས་པ་རྣམ་རིགས་བཀྲ་བ་ཐམས་ཅད་བསྡུས་ཏེ༔ སྒྲ་དང་ཡི་གེ་བསླབས་པས་ཚིག་གཅིག་ཀྱང་མ་ལོབ༔ ན་མོ་བུདྡྷ་ཡ་སོགས་ཚིག་རེ་རེ་བསླབས་ཀྱང་མ་ཤེས་པར་ལོག་པར་སྨྲས་པས་པཎྜི་ཏ་རྣམས་བཞད་ཏི་རེ་སོང་༔ རྒྱལ་པོས་བོད་ཀྱི་མི་རྣམས་ཤེས་རབ་ཆུང་ཏི་ཐུག་པས་སངས་རྒྱས་ཀྱི་བསྟན་པ་དར་མི་ཐུབ་པར་འདུག་དགོངས་ནས་བཤུམས་པས༔ ཨོ་རྒྱན་རིན་པོ་ཆེས་ལུང་བསྟན་ཏེ༔ ལྷོ་བྲག་ན་པ་གོར་ཧེ་འདོད་ཀྱི་བུ་དང་༔ འཕན་ཡུལ་ཀ་བ་ན་ཀ་བའི་བུ་དང་༔ ཅོག་རོའི་བུ་དང་གསུམ་ལ་ལོ་ཙཱ་མཁས་པར་ལུང་བསྟན་ནས་དེ་གསུམ་གདན་དྲངས༔ དེ་གསུམ་གྱིས་གཙོར་བྱས་པའི་ཁྱེའུ་བརྒྱ་རྩ་བརྒྱད་སློབ་དཔོན་ལ་ཕུལ་བས༔ སློབ་དཔོན་གྱིས་འཇམ་དབྱངས་ཀྱི་དབང་བསྐུར་བས་ལོ་ཙཱ་ཤེས་པ་བརྒྱ་དང་བརྒྱད་བྱུང་༔ མཆོག་ཏུ་གྱུར་པ་ནི་སྐ་ཅོག་ཞང་གསུམ་སྟེ༔ བཀའ་བསྟན་འགྱུར་ཐམས་ཅད་བོད་དུ་བསྒྱུར༔ དེའི་ནང་

[Full Size]

ནས་མཆོག་ཏུ་གྱུར་པ་ནི་བེ་རོ་ཙ་ན་སྟེ༔ སྐུ་ན་ཆུང་ངུའི་དུས་ནས་སྐད་རིགས་བརྒྱ་དང་རྩ་བརྒྱད་ཤེས༔ རྐང་མགྱོགས་གྲུབ་པས་རྒྱ་གར་ནས་ཞང་ཞུང་ཡུལ་སོགས་བར་ཆད་མེད་པར་བགྲོད༔ རྒྱལ་པོ་དགའ་ཕྱིར་ཆོས་བསྒྱུར༔ བོན་པོ་དགའ་ཕྱིར་བོན་བསྒྱུར༔ བོད་སྤྱི་ལ་ཕན་ཕྱིར་སྨན་དང་རྩིས་བསྒྱུར༔ དེ་ཡང་མཚན་སོ་སོར་གྲགས་ཏེ༔ མདོ་བསྒྱུར་དུ་ཡེ་ཤེས་སྡེ༔ སྔགས་བསྒྱུར་དུ་བེ་རོ་ཙ་ན༔ སྨན་བསྒྱུར་དུ་ཐང་ལྷ་འབར༔ བོན་བསྒྱུར་དུ་གནམ་ལྕགས་ཐོག་ས༔ སྐུ་ཆུང་ངུའི་མིང་གན་འཇག་ཐོག་ས༔ སྐུ་ཤིན་ཏུ་མཛེས་པས་བརྗེ་དྲི་མེད་ཟླ་ཤར་ཞེས་བྱ༔ འཇམ་དབྱངས་ཀྱིས་བྱིན་གྱིས་བརླབས་པས་མཁས་པའི་མཆོག་ཏུ་གྱུར་ཏེ་བི་མ་ལ་ལ་སོགས་པའི་རྒྱ་གར་གྱི་པཎྜི་ཏ་རྣམས་ཀྱིས་ཀྱང་འདི་ལ་ལོ་ཙཱའི་མིང་བཏགས་ཀྱང་དོན་ལ་པཎྜི་ཏ་རང་ཡིན་གསུངས༔ དེ་ཕྱིས་ལོ་ཆེན་རིན་ཆེན་བཟང་པོ་བས་མཁས་པའི་ལོ་ཙཱ་བ་ནི་བོད་ན་མ་བྱུང་སྟེ༔ གསར་མའི་ཆོས་ཐམས་ཅད་ཀྱི་ཆུ་མགོ་ལྟ་བུ་ཡིན༔ ཁོང་གིས་ཞལ་ནས༔ བཻ་རོ་ཙཱ་ན་ཉི་ཟླ་ཙམ་ཁོ་བོ་སྐར་ཆེན་ཙམ་ཡིན་གསུངས་སྐད༔ བེ་རོ་ཙ་ན་ནི་རྒྱ་ནག་རི་བོ་རྩེ་ལྔར་བྱོན་ནས་སྐུ་ལུས་མ་བཞག་པར་འཇམ་

[Full Size]

དབྱངས་ཀྱི་ཐུགས་ཀར་ཐིམ༔ སླར་ཡང་སྤྲུལ་པ་བྱེ་བ་ཕྲག་བརྒྱ་འབྱེད་ནས་བསྟན་པ་དང་སེམས་ཅན་གྱི་དོན་མཛད་པ་ལས༔ སྤྱིར་བོད་དུ་ཡང་སྤྲུལ་པ་མང་དུ་བྱུང་ཞིང་༔ སྤྲུལ་པ་ཆ་གཅིག་ནི་སྤྲུལ་སྐུ་མི་འགྱུར་རྡོ་རྗེ་ཡིན་པས༔ དགུང་ལོ་བཅུ་གཅིག་པ་མེ་སྤྲེའུ་ས་ག་ཟླ་བའི་ཉེར་དྲུག་གི་ཉིན་འཇམ་དབྱངས་དཀར་པོ་རྒྱན་ཆ་ལུགས་སྤྱི་ལྟར་གཅིག་ནམ་མཁའ་ལ་དངོས་སུ་བྱོན་ནས་སྒྲུབ་ཐབས་འདི་གསུངས༔ དགུང་ལོ་བཅུ་གཉིས་པ་མེ་སྤྲེའུ་སྣོན་ཟླ་བའི་ཚེས་གཉིས་ལ་ཨུ་རྒྱན་སྤྲུལ་སྐུའི་ཆ་ལུགས་ཅན་གྱིས་འདི་དངོས་སུ་གསུངས༔ གཞན་ཡང་འདིའི་ཆོས་སྐོར་པོད་ཆུང་གཅིག་བྱུང་སྟེ༔ གནམ་ཆོས་པུ་སྟ་ཀ་བཅུ་གསུམ་གྱི་ནང་ནས་གཅིག་ལ་བརྩི་བ་ཡིན༔ དེ་ལྟ་བུའི་བྱིན་རླབས་ཀྱི་སོ་མ་ཉམས་པའི་དབང་ཞུ་བའི་ཕྱིར་རྗེས་ཟློས་མཛོད༔ ན་མོ་མཉྫ་ཤཱི་ཡེ༔ འཇམ་དཔལ་ཕྱག་རྟགས་སྤྲ་མའི་ལྷ་ཚོགས་ལ༔ གསོལ་བ་འདེབས་སོ་དབང་དང་དངོས་གྲུབ་བདག་ལ་སྩོལ༔ ལན་གསུམ༔ དཀོན་མཆོག་གསུམ་ལ་སྐྱབས་སུ་འགྲོ་ཞིང་སྡིག་པ་ཐམས་ཅད་བཤགས་སོ་སྙམ་པ་གྱིས་ལ་འདིའི་རྗེས་ཟློས་གྱིས་ཤིག༔ དཀོན་མཆོག་གསུམ་ལ་བདག་སྐྱབས་མཆི༔

[Full Size]

འཇམ་དཔལ་ལ་ཡང་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་གཉིས་རབ་བསྒྲུབ་ཕྱིར༔ བྱང་ཆུབ་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱི་ནས༔ སེམས་ཅན་ཐམས་ཅད་བདག་གིས་མགྲོན་དུ་གཉེར༔ བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི༔ འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔ ལན་གསུམ༔ དེ་ནས་ཁྱེད་རང་འདི་ལྟར་སྒོམས་མུན་པ་སེལ་མཛད་འཇམ་པའི་དབྱངས༔ སྐུ་མདོག་དམར་པོ་ཞལ་གཅིག་པ༔ ཕྱག་བཞི་ཕྱག་མཚན་འདི་ལྟར་རོ༔ དང་པོ་གཉིས་ཀྱིས་རལ་གྲི་ཡིག༔ དེ་འོག་གཉིས་ཀྱིས་མཆོད་སྦྱིན་ཨུཏ༔ ཟླ་བ་དང་ནི་པད་གདན་བཞུགས༔ དར་དང་རིན་པོ་ཆེ་ཡིས་བརྒྱན༔ དེ་ལྟར་དུ་གསལ་བའི་སྤྱི་བོར་ཨོཾ་དཀར་པོ༔ མགྲིན་པར་ཨཱཿདམར་པོ༔ ཐུགས་ཀར་ཧཱུཾ་སྔོན་པོ༔ ཐུགས་ཀའི་དབུས་སུ་ཟླ་བའི་གདན་ལ་དྷིཡིག་དམར་པོ༔ དེ་ལས་འོད་ཟེར་འཕྲོས་པས་རྒྱ་ནག་རི་བོ་རྩེ་ལྔའི་

[Full Size]

ཤེལ་ཁང་ནས་འཇམ་དཔལ་གཞོན་ནུར་གྱུར་པའི་སྐུ་ཆེ་བ་ལ་རི་རབ་ཙམ༔ ཆུང་བ་ལ་ཡུངས་ཀར་གྱི་འབྲུ་ཙམ༔ གསུང་སྔགས་ཀྱི་ཕྲེང་བ༔ ཐུགས་དྷིཡིག་དམར་པོ་རྣམས་ཆར་བཞིན་བབས་ནས་ཁྱེད་རང་རྣམས་ལ་སིབ་སིབ་ཐིམ་པར་སྒོམས་ཤིག༔ ཧཱུྃ༔ འཇམ་དཔལ་གཞོན་ནུར་གྱུར་པའི་ལྷ་ཚོགས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ ཨོཾ་མ་མ་ཝཱཀ་མཉྫཤཱི་པུཊྛི་བྷ་ཝནྟ་སྭཱ་ཧཱ༔ ཨོཾ་བཛྲ་ཨཱ་ཝེ་ཤ་ཡ་ཨ་ཨཱ༔ རྡོ་རྗེ་སྤྱི་བོར་བཞག་ལ༔ ཏིཥྛ་བཛྲ༔ དེས་དབང་གི་གཞི་བཀོད་པ་སོང་ནས༔ སྐུའི་དབང་ཞུ་བའི་ཕྱིར་གསོལ་བ་འདེབས་པའི་རྗེས་ཟློས་མཛོད༔ ན་མོ་མཉྫའི་ཡེ༔ འཇམ་དཔལ་ཕྱག་རྟགས་སྤ་མའི་ལྷ་ཚོགས་ལ༔ གསོལ་བ་འདེབས་སོ་འཇམ་དཔལ་གྱི༔ སྐུ་ཡི་དབང་དང་དངོས་གྲུབ་སྩོལ༔ ད་བུམ་པ་འདི་ཉིད་ཕྱི་རིན་པོ་ཆེའི་བུམ་པ་ལྟོ་བ་ཡངས་པ༔ མགྲིན་པ་རིང་བ༔ མཆུ་འཕྱངས་པ༔ ལྷ་རྫས་གོས་ཀྱི་མགྲིན་པ་དཀྲིས་པ༔ དཔག་བསམ་ཤིང་གིས་ཁ་རྒྱན་པ༔ ནང་དུ་ཆུ་དང་བཅུད་ཀྱིས་

[Full Size]

གང་བའི་དབུས་སུ་འཇམ་དཔལ་གཞོན་ནུ་གྱུར་པ་བཞུགས་པའི་སྐུ་ལས་བདུད་རྩིའི་རྒྱུན་བབ༔ སྤྱི་བོ་ཚངས་པའི་བུ་ག་ནས་ཞུགས་ལུས་ཀྱི་གནས་བཞི་གང་༔ སྒྲིབ་བཞི་དག༔ དབང་བཞི་ཐོབ༔ སྐུ་བཞི་མངོན་དུ་བྱས་པའི་སྐལ་བ་དང་ལྡན་པར་སྒོམས༔ ཧཱུྃ༔ ཕྱག་རྟགས་སྤུ་མའི་ལྷ་ཚོགས་ཀྱིས༔ སློབ་མ་འདི་ལ་དབང་མཆོག་སྩོལ་ལུས་ཀྱི་སྒྲིབ་པ་དག་ནས་ཀྱང་༔ སྐུ་ཡི་དབང་མཆོག་ཐོབ་པར་ཤོག༔ རྩ་སྔགས་དང་༔ ཀཱ་ཡ་ཨ་བྷི་ཥིཉྩ་ཧཱུྃ༔ གཞོན་ནུའི་སྐུ་ལུས་འཆང་བ་པོ༔ ཡེ་ཤེས་སྒྲོན་མེས་རབ་རུ་གསལ༔ འཇིག་རྟེན་གསུམ་ན་མུན་སེལ་བ༔ འཇམ་པའི་དབྱངས་ཀྱི་སྐུ་ཡི་བཀྲ་ཤིས་ཤོག༔ དེས་སྐུའི་དབང་ཐོབ་པ་ཡིན༔ ད་གསུང་གི་དོན་དུ་རྗེས་ཟློས་མཛོད༔ ན་མོ་མཉྫ་ཤྲཱི་ཡེ༔ འཇམ་དཔལ་ཕྱག་རྟགས་སྤུ་མའི་ལྷ་ཚོགས་ལ༔ གསོལ་བ་འདེབས་སོ་འཇམ་དཔལ་གྱི༔ གསུང་གི་དབང་དང་དངོས་གྲུབ་སྩོལ༔ དེ་ལྟར་གསོལ་བ་བཏབ་པས་འཇམ་དཔལ་གྱི་གསུང་དབྱངས་ཡན་ལག་དྲུག་ཅུའི་ངོ་བོ༔ རྣམ་པ་གླེགས་བམ་གྱི་རྣམ་པ་དཔག་ཏུ་མེད་པ་བྱོན་ནས་ཁྱེད་རང་གི་མགྲིན་པར་ཐིམ་པས་ངག་གི་སྒྲིབ་པ་དག༔ གསུང་

[Full Size]

གི་དབང་ཐོབ༔ འཆད་རྩོད་རྩོམ་གསུམ་ལ་རང་དབང་ཐོབ་པར་སྒོམས་ཤིག༔ ཧཱུྃ༔ ཕྱག་རྟགས་སྤྲ་མའི་ལྷ་ཚོགས་ཀྱིས༔ སློབ་མ་རྣམས་ལ་དབང་མཆོག་སྩོལ༔ ངག་གི་སྒྲིབ་པ་དག་ནས་ཀྱང༔ ཡན་ལག་དྲུག་ཅུའི་དབང་ཐོབ་ཤོག༔ རྩ་སྔགས་ལ༔ ཝཱཀ་ཨབྷི་ཥིཉྩ་ཧཱུྃ༔ གཞོན་ནུའི་སོགས། འཇམ་པའི་དབྱངས་ཀྱི་གསུང་གི་བཀྲ་ཤིས་ཤོག༔ དེས་གསུང་གི་དབང་ཐོབ་པ་ཡིན༔ ད་ཐུགས་ཀྱི་དོན་དུ་རྗེས་ཟློས་མཛོད༔ ན་མོ་མཉྫ་ཤཱི་ཡེ༔ འཇམ་དཔལ་ཕྱག་རྟགས་སྤྲ་མའི་ལྷ་ཚོགས་ལ༔ གསོལ་བ་འདེབས་སོ་འཇམ་དཔལ་གྱི༔ ཐུགས་དབང་དངོས་གྲུབ་བདག་ལ་སྩོལ༔ དེ་ལྟར་གསོལ་བ་བཏབ་པས་མདུན་བསྐྱེད་ཀྱི་ཐུགས་ཀ་ནས་འོད་ཟེར་འཕྲོས༔ སངས་རྒྱས་ཀྱི་ཞིང་ཐམས་ཅད་ན་བཞུགས་པའི་འཇམ་དཔལ་གྱི་ཐུགས་ཀ་ནས་གསེར་གྱི་རྡོ་རྗེ་ཡི་གེ་དྷིས་མཚན་པ་དང་༔ ཤེས་རབ་ཀྱི་རལ་གྲི་མེ་འབར་ཞིང་ཡི་གེ་དྷིས་མཚན་པ་དང་༔ ཨུཏྤལ་སྔོན་པོ་ཡི་གེ་ཧཱུཾ་གྱིས་མཚན་པ་དཔག་ཏུ་མེད་པ་བྱོན༔ འོད་དུ་ཞུ་ནས་ཁྱེད་རང་གི་སྙིང་གར་ཐིམ་པས༔ སེམས་ཀྱི་སྒྲིབ་པ་དག༔ ཐུགས་ཀྱི་དབང་ཐོབ༔ མི་ཤེས་པའི་མུན་པ་

[Full Size]

སངས་ནས་ཤེས་རབ་ཕྱོགས་མེད་དུ་འབར་བར་སྒོམས་ཤིག༔ ཧཱུྃ༔ ཕྱག་རྟགས་སྤུ་མའི་ལྷ་ཚོགས་ཀྱིས༔ སློབ་མ་ཁྱོད་ལ་དབང་མཆོག་སྩོལ༔ མ་རིག་མུན་པ་སངས་ནས་ཀྱང་༔ བློ་གྲོས་སྐྱེད་པར་མཛད་དུ་གསོལ༔ རྩ་སྔགས་དང་༔ ཙིཏྟ་ཨ་བྷི་ཥིཉྩ་ཧཱུྃ༔ གཞོན་ནུའི་སོགས། འཇམ་པའི་དབྱངས་ཀྱི་ཐུགས་ཀྱི་བཀྲ་ཤིས་ཤོག༔ དེས་ཐུགས་ཀྱི་དབང་ཐོབ་པ་ཡིན༔ ད་ཡོན་ཏན་གྱི་དོན་དུ་རྗེས་ཟློས་མཛོད༔ ན་མོ་མཉྫ་ཤི་ཡེ༔ འཇམ་དཔལ་ཕྱག་རྟགས་སྤ་མའི་ལྷ་ཚོགས་ལ༔ གསོལ་བ་འདེབས་སོ་འཇམ་དཔལ་གྱི་ཡོན་ཏན་དབང་དང་དངོས་གྲུབ་སྩོལ༔ ད་ཁྱེད་རང་རྣམས་འཇམ་དཔལ་གཞོན་ནུར་གྱུར་པའི་སྐུ་སྔར་སྨོས་མ་ཐག་པར་གསལ་བ་ལ༔ འཇམ་དཔལ་གྱི་ཡོན་ཏན་གྱི་ངོ་བོ་ཞི་བའི་ཆས་བཅུ་གསོལ་བའི་མོས་པ་གྱིས༔ ཧཱུྃ༔ སངས་རྒྱས་བཞུགས་གནས་རིན་ཆེན་འདི༔ འཁོར་ལོ་རྡོ་རྗེ་རིན་ཆེན་མཛེས༔ པདྨ་རྒྱ་གྲམ་དམ་ཚིག་གནས༔ དབུ་རྒྱན་ཟེ་སྲོག་དབང་བསྐུར་རོ༔ ཨོཾ་མཉྫ་ཤྲཱི་བུདྡྷཱ་རཏྣ་པདྨ་ཀརྨ་མུ་གུ་ཧཱུྃ་ཨ་བྷི་ཥིཉྩ་ཨཱ༔ ཧཱུྃ༔ མི་བརྗེད་གཟུང་འཛིན་རིན་ཆེན་ཕྲེང་༔ སྐུ་གསུང་ཐུགས་རྟེན་ཕྲིན་དབང་བསྐུར་ཐོབ་ཤོག༔ ཨོཾ་

[Full Size]

མཉྫཤྲཱི་སརྦ་རིཏྟ་ཛྷཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ བདུད་དཔུང་ཟིལ་གནོན་གསུང་རབ་ཆོས་ཀུན་གསལ༔ མི་སྙན་སྐྱོན་བྲལ་སྙན་ཆའི་དབང་བསྐུར་རོ༔ ཨོཾ་མམྦྷའི་།སརྦ་རཏྟ་ཛྷཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ ཡེ་ཤེས་རབ་མཛེས་སྣ་ཚོགས་དབྱིངས་སུ་འཁོར༔ རཏྣ་གསེར་གྱི་མགུལ་ཆུའི་དབང་བསྐུར་རོ༔ ཨོཾ་མཉྫ་ཤི་སརྦ་རཏྣ་ཛྷཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ དབྱིངས་རིག་ཡོངས་འབྲེལ་སྤྲུལ་སྐུ་སྣ་ཚོགས་སྟོན༔ དོ་ཤལ་ཨུཏྤལ་བསྒྲིགས་པའི་དབང་བསྐུར་རོ༔ ཨཱ་མནྡྲ་ཤཱི་སརྦ་རཏྣ་ཛྙཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ ཐབས་ཤེས་དཔུང་རྒྱན་ཉོན་མོངས་ཟིལ་གནོན་དཔལ༔ རིན་ཆེན་དབུ་བརྒྱན་འབར་བའི་དབང་བསྐུར་རོ༔ ཨོཾ་མཉྫཤྲཱི་སརྦ་རཏྟ་ཛྷཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ གསང་སྔགས་རྨད་བྱུང་ཡེ་ནས་ཐུགས་ལ་གསལ༔ རེ་སྐོང་བྲེ་ཁེབས་སེ་མོ་དོ་ཡིས་དབང་བསྐུར་རོ༔ ཨོཾ་མཉྫ་ཤྲཱི་སརྦ་རཏྟ་ཛྷཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ ལྟ་སྤྱོད་རྣམ་དག་སྤྱི་དང་བྱེ་བྲག་ཁྱབ༔ ན་བཟའ་སྟོད་གཡོགས་སྨད་དཀྲིས་དབང་བསྐུར་རོ༔ ཨོཾ་མནྡྲ་ཤཱི་སརྦ་རཏྟ་ཛྷཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ རྟག་ཏུ་སྙིང་པོ་དོན་གྱི་ཆོས་འཁོར་བསྐོར༔ ཕྱག་གདུབ་ཞབས་གདུབ་རྣམ་བཞིའི་དབང་

[Full Size]

བསྐུར་རོ༔ ཨོཾ་མཉྫ་ཤྲཱི་སརྦ་རཏྣ་ཛྷཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ གཞོན་ནུའི་སོགས། འཇམ་པའི་དབྱངས་ཀྱི་ཡོན་ཏན་བཀྲ་ཤིས་ཤོག༔ དེས་བསགས་པ་ཆ་སྙོམས་ཀྱི་སྒྲིབ་པ་དག༔ ཡོན་ཏན་གྱི་དབང་ཐོབ༔ འཇམ་དཔལ་སྒྲུབ་པའི་ཡོན་ཏན་རྣམས་འབྱུང་བའོ༔ ད་ཕྲིན་ལས་ཀྱི་དོན་དུ་རྗེས་ཟློས་མཛོད༔ ན་མོ་མཉྫའི་ཡེ༔ འཇམ་དཔལ་ཕྱག་རྟགས་སྤྲ་མའི་ལྷ་ཚོགས་ལ༔ གསོལ་བ་འདེབས་སོ་འཇམ་དཔལ་གྱི༔ ཕྲིན་ལས་དབང་དང་དངོས་གྲུབ་སྩོལ༔ དབང་གཏོར་ཐོགས་ལ༔ གཏོར་མ་བུདྡྷ་འཇམ་དཔལ་ནི༔ གཡས་པས་འཁོར་ལོ་གཡོན་གླེགས་བམ༔ སྐུ་མདོག་སྨུག་པོ་ཟབ་བེར་གསོལ༔ དེ་ཡི་སྤྱི་བོར་འཇམ་དཔལ་ནི༔ བུ་ཆུང་གུར་གུམ་མདོག་ཅན་པ༔ བྱིས་པ་ལོ་བརྒྱད་ལོན་པ་ཙམ༔ གཡས་པས་རལ་གྲི་གཡོན་པོ་ཏི༔ དར་དང་རིན་ཆེན་རྒྱན་གྱིས་བརྒྱན༔ ཤར་དུ་རྡོ་རྗེ་འཇམ་དཔལ་དཀར༔ གཡས་པས་རྡོ་རྗེ་གཡོན་པདྨ༔ དར་དང་རིན་ཆེན་རྒྱན་གྱིས་བརྒྱན༔ ལྷོ་རུ་རིན་ཆེན་འཇམ་དཔལ་སེར༔ གཡས་པས་རིན་ཆེན་གཡོན་རལ་གྲི༔ དར་དང་རིན་ཆེན་རྒྱན་གྱིས་བརྒྱན༔ ནུབ་ཏུ་མཚོ་སྐྱེས་འཇམ་དཔལ་དམར༔ དེ་ཡི་ཕྱག་ནི་གཡས་པ་

[Full Size]

ཡིས༔ འཇམ་དཔལ་སྐུ་འཛིན་གཡོན་པས་ནི༔ པདྨ་འཛིན་པ་དར་རཏྟས༔ བརྒྱན་པ་བྱང་དུ་ཀརྨ་འཇམ་དཔལ༔ ལྗང་གུ་ཕྱག་གཡས་རྒྱ་གྲམ་གྱིས༔ ཡུ་བ་བྱས་པའི་རལ་གྲི་དང་༔ གཡོན་པས་གླེགས་བམ་འཛིན་པའོ༔ མ་ལུས་པ་ནི་ཐམས་ཅད་པ༔ པདྨ་ཉི་ཟླའི་གདན་ལ་བཞུགས༔ དེ་ལྟར་འཇམ་དཔལ་རིགས་དྲུག་སོ་སོའི་སྐུ་ལས་སྐུ་ཕྲ་མོ་དཔག་ཏུ་མེད་པ་འཕྲོས་ཁྱེད་རང་རྣམས་ལ་ཐིམ་པས་ཕྲིན་ལས་སྣ་ཚོགས་འགྲུབ་པར་སྒོམས་ཤིག༔ ཧཱུྃ༔ ཕྱག་རྟགས་སྤུ་མའི་ལྷ་ཚོགས་ཀྱིས༔ སློབ་མ་རྣམས་ལ་དབང་མཆོག་སྩོལ༔ ཕྲིན་ལས་རྣམ་བཞི་ཐོགས་མེད་པའི༔ ཕྲིན་ལས་དབང་བསྐུར་ཐོབ་པར་ཤོག༔ གཏོར་མ་ལག་ཏུ་བཞག་ལ༔ ཨོཾ་མཉྫ་ཤི་ན་མོ༔ བཛྲ་མཉྫཤཱི་ཧཱུྃ༔ རཏྣ་མཉྫ་ཤྲཱི་ཧཱུྃ༔ པདྨ་མཉྫཤཱི་ཧཱུྃ༔ ཀརྨ་མཉྫཤཱི་ཧཱུྃ༔ བུདྡྷཱ་མནྡྲ་ཤཱི་ཧཱུྃ༔ ཀརྨ་ཨ་བྷི་ཥིཉྩ་ཧཱུྃ༔ གཞོན་ནུའི་སོགས། འཇམ་པའི་དབྱངས་ཀྱི་ཕྲིན་ལས་བཀྲ་ཤིས་ཤོག༔ ད་གཏོར་མ་འདི་ཉིད་འཇམ་དཔལ་གཞོན་ནུར་གྱུར་པ་སྟེང་གི་ཆ་ལ་བརྒྱུད་པའི་བླ་མ་འཁོར་འཇམ་དཔལ་རིགས་དྲུག་བྱང་ཆུབ་སེམས་དཔའི་ཚོགས་དང་བཅས་པ་སྤྲིན་འཁྲིགས་པ་བཞིན་དུ་སྤྱི་བོར་

[Full Size]

བྱོན༔ འོད་དུ་ཞུ་ཁྱེད་རང་ལ་ཐིམ་པར་སྒོམས་ཤིག༔ ཧཱུྃ༔ ཕྱག་རྟགས་སྤུ་མའི་ལྷ་ཚོགས་ཀྱིས༔ སློབ་མ་རྣམས་ལ་དབང་མཆོག་སྩོལ༔ དངོས་གྲུབ་མ་ལུས་ཀུན་འབྱུང་བའི༔ གཏོར་མའི་དབང་བསྐུར་ཐོབ་པར་ཤོག༔ ཨོཾ་མ་མ་ཝཱཀ་མཉྫ་ཤི་པུཊྛི་བྷ་ཝནྟ་སྭཱ་ཧཱ༔ གཞོན་ནུའི་སོགས། འཇམ་པའི་དབྱངས་ཀྱི་བཀྲ་ཤིས་ཤོག༔ དེས་འཇམ་དཔལ་ཕྱག་རྟགས་སྤྲ་མ་ཞེས་བྱ་བའི་དབང་རྒྱས་པར་ཐོབ་པ་ཡིན་པས་འདི་ཡི་དམ་དུ་བཟུང་སྙམ་པ་གྱིས་ལ་དེ་ནས་འདིའི་རྗེས་ཟློས་མཛོད༔ སློབ་དཔོན་གྱིས་ནི་བཀའ་སྩལ་པ༔ དེ་དག་ཐམས་ཅད་བདག་གིས་བགྱི༔ སློབ་དཔོན་ཁྱེད་ཀྱིས་སློབ་མ་རྣམས༔ བྱང་ཆུབ་བར་དུ་བྲན་དུ་ཟུང་༔ ཞེས་བརྗོད་མཎྜལ་འབུལ་ལོ༔ ཞེས་པ་གནམ་ཆོས་རྩ་ཚིག་རྡོ་རྗེའི་གསུང་ལས་གཏེར་བློན་རཱ་ག་ཨ་སྱས་རྒྱས་པར་ཕྱག་ལེན་གཏན་ལ་ཕབ་པའི་ཡི་གེ་པ་ནི་དགེ་སློང་བརྩོན་འགྲུས་ཏེ༔ འདི་ལ་ཉེས་འགལ་གང་མཆིས་ཆོས་བདག་སྲུང་མའི་ཚོགས་ལ་བཤགས་ཤིང་༔ དགེ་བས་འདི་དང་འབྲེལ་བ་ཐོགས་ཚད་མ་རིག་པའི་མུན་པ་སངས་ནས་ཤེས་རབ་ཀྱི་སྣང་བ་ཕྱོགས་མེད་དུ་རྒྱས་པར་གྱུར་ཅིག༔ མངྒ་ལཾ།། ། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་

[Full Size]

འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག༔ བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་ནང་ཆེན་བཟོ་རིག་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།