མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

པོད་དང་པོ། ཕ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

འཇམ་དཔལ་ཡེ་ཤེས་སེམས་དཔའ་ནཱ་ག་རཀྴའི་སྒྲུབ་ཐབས་གཞུང་མན་ངག་གབ་འཁྲུགས་བསལ་ཏེ་འདོན་འགྲིགས་བལྟས་ཆོག

[Full Size]

འཇམ་དཔལ་ཡེ་ཤེས་སེམས་དཔའ་ནཱ་ག་རཀྴའི་སྒྲུབ་ཐབས་གཞུང་མན་ངག་གབ་འཁྲུགས་བསལ་ཏེ་འདོན་འགྲིགས་བལྟས་ཆོག་བཞུགས་སོ།།

[Full Size]

ན་མོ་མཉྫཤི་ཡེ༔ བཅོམ་ལྡན་འཇམ་པའི་དབྱངས་ལ་ཕྱག་འཚལ་ནས༔ དེ་ཡི་སྒྲུབ་ཐབས་གཞུང་དང་མན་ངག་དང་༔ ཞལ་ཤེས་གདམས་པ་ཐམས་ཅད་འཁྲུགས་བསྡེབས་ནས༔ བལྟས་ཆོག་གྱེར་སྒོམ་ལག་ཏུ་བླངས་བདེར་བྲི༔ ཆོས་བདག་སྲུང་མས་བཀའ་ཡི་གནང་བ་སྩོལ༔ དབང་ལུང་ཐོབ་ནས་དབེན་པའི་གནས་སུ་ནི༔ གཏོར་མ་དཀར་གཏོར་སྤྲུལ་ནག་མགོ་དགུའི་གཅུད༔ ཡང་ན་ཟུར་གསུམ་རྩེ་མོ་དགུ་པ་བཅའ༔ ཡོད་ན་སྦྲུལ་དང་ཉ་ཡི་ཤ་ཡིས་བརྒྱན༔ འཇིག་རྟེན་ཀླུ་ལ་དཀར་གཏོར་ཀླུ་སྨན་བཏབ༔ མཆོད་པ་རྣམ་ལྔ་ལ་སོགས་སྤྱི་ལྟར་བཤམས༔ མཚམས་བྱེད་ན་ནི་ཐོག་མར་སྔོན་འགྲོ་ཡི༔ དཀར་བགེགས་གཏོར་མ་སྤྱི་ལྟར་འབུལ་བྱས་ཏེ༔ རྒྱུན་དུ་སྔོན་འགྲོ་གཏོར་མ་མི་དགོས་སོ༔ ངག་གི་བརྗོད་པ་ཡིད་

[Full Size]

ཀྱིས་གྱེར་བསྒོམ་བྱ༔ བླ་མ་སངས་རྒྱས་ཆོས་དང་དགེ་འདུན་དང་༔ འཇམ་དཔལ་ཁྱབ་བདག་ནཱ་ག་རཀཱ་ལ༔ དེང་ནས་བཟུང་སྟེ་རྟག་ཏུ་སྐྱབས་སུ་མཆི༔ བདག་གིས་བླ་མེད་བྱང་ཆུབ་སེམས་བསྐྱེད་དེ༔ འགྲོ་བ་ཀུན་གྱི་ཀླུ་ནད་བསལ་བའི་ཕྱིར༔ བཅོམ་ལྡན་ནཱ་ག་རཀྵ་བསྒྲུབ་པར་བྱ༔ ཨ། ཆོས་ཀུན་དམིགས་མེད་སྟོང་པའི་ངང་ཉིད་ལ༔ འབྱུང་བ་བཞི་པོའི་དཀྱིལ་འཁོར་རིམ་བརྩེགས་སྟེང་༔ ཆོས་ཉིད་རང་མདངས་འཁྲུགས་པའི་རྒྱ་མཚོ་ཆེ༔ སྦྲུལ་རིགས་ལྔ་ཡི་གུར་ཁང་ཕུབ་པའི་ནང་༔ སྣ་ཚོགས་རིན་ཆེན་ལས་གྲུབ་གཞལ་ཡས་ཁང་༔ ཀླུ་བརྒྱད་

[Full Size]

ཀ་གདུང་སྦྲུལ་གྱི་དྲལ་གྲབ་བྱསཿ རིན་ཆེན་མེ་ཏོག་དུ་མས་རྣམ་པར་སྤྲསཿ ཀླུ་རིགས་ས་བདག་ཐམས་ཅད་གཅལ་དུ་བཀྲམ༔ གདུག་པའི་ཀླུ་རྣམས་གདན་དུ་བཏིང་བའི་སྟེང་༔ རང་གི་སེམས་ཉིད་ཕེ་ཡིག་ནག་པོ་ལས༔ འོད་འཕྲོས་རྒྱལ་བ་རྣམས་མཆོད་མཐུ་ནུས་བསྡུས༔ སེམས་ཅན་རྣམས་ཀྱི་ཀླུ་ཡི་ནད་གདོན་བསལ༔ ཚུར་འདུས་ཕེ་རཀཱ་ཀེ་ཏུ་ཧཱུྃ་བརྗོད་པསཿ རང་ཉིད་འཇམ་དབྱངས་ནཱ་ག་རཀཱའི་སྐུ༔ སྐུ་མདོག་ནག་པོ་དུག་ཆེན་ཧ་ལའི་མདོག༔ རྩ་ཞལ་སྤྱན་གསུམ་མཆེ་གཙིགས་སྲིན་པོའི་ཞལ༔ སྦྲུལ་མགོ་དགུ་ནི་བར་སྣང་ཁམས་སུ་འཕྱོ༔ ཕྱག་ནི་བཅུ་དྲུག་གཡས་བརྒྱད་གྲི་གུག་དང་༔ གཡོན་བརྒྱད་སྦྲུལ་ནག་རྩ་ཕྱག་ཐུགས་ཀར་བསྣོལ༔ སྦྲུལ་རིགས་ལྔ་ཡི་ཕྱག་གདུབ་དོ་ཤལ་བྱས། བ་སྤུའི་རྩེ་ནས་སྡོམ་སྡིག་ཚྭ་ཚྭ་འཕྲོ༔ ཨིཀའི་སྒྲ་སྒྲོག་ཀླུ་གཉན་སྣང་བར་བྱེད༔ སྐུ་ནི་ཆེ་བརྒྱད་རི་རབ་སྐུ་རྒྱབ་བརྟེན༔ སྐུ་སྨད་སྦྲུལ་མཇུག་རྒྱ་མཚོའི་ནང་དུ་འཁྱིལ༔ ཡེ་ཤེས་མེ་དཔུང་འབར་བའི་དབུས་ན་བཞུགས༔ དབུ་གཙུག་སྦྲུལ་མགོ་དབུས་མའི་སྤྱི་བོ་ན༔ སྣ་ཚོགས་པདྨ་ཉི་ཟླ་བརྩེགས་པའི་སྟེང་༔ ངོ་བོ་གུ་རུ་པདྨ་འབྱུང་གནས་ལ༔ རྣམ་པ་རྡོ་

[Full Size]

རྗེ་འཆང་གི་ཆ་ལུགས་ཅན༔ མཐིང་མདོག་སྐྱིལ་ཀྲུང་རྡོ་དྲིལ་ཐུགས་ཀར་བསྣོལ༔ མཚན་དཔེའི་རབ་རྫོགས་དར་དང་རིན་ཆེན་བརྒྱན༔ བདག་དང་རྡོ་རྗེ་འཆང་ཆེན་པ་གཉིས་ཀ་ཡི༔ དཔྲལ་བར་ཨོཾ་དཀ།ར་མགྲིན་པར་ཨཱཿདམར་པོ༔ ཐུགས་ཀར་ཧཱུཾ་མཐིང་དེ་ལས་འོད་འཕྲོས་པས༔ རྔ་ཡབ་ཟངས་མདོག་དཔལ་གྱི་རི་བོ་དང་༔ འཇིག་རྟེན་འདས་དང་མ་འདས་སོ་མཚམས་ཀྱི༔ ཆོས་ཉིད་རང་མདངས་འཁྲུགས་པའི་རྒྱ་མཚོ་ནས༔ པད་འབྱུང་ནཱ་ག་རཀའི་ལྷ་ཚོགས་རྣམས༔ ནམ་མཁར་སྤྱན་དྲངས་བཛྲ་ས་མཱ་ཛཿ ཛཧཱུྃ་བཾ་ཧོ་གཉིས་སུ་མེད་པར་གྱུར༔ སླར་ཡང་སྤྱི་བོའི་རྡོ་རྗེ་འཆང་ཆེན་ལས༔ འོད་འཕྲོས་ཕྱོགས་བཅུའི་སངས་རྒྱས་བྱང་ཆུབ་སེམས༔ བླ་མ་ཡི་དམ་ཐམས་ཅད་སྤྱན་དྲངས་ཏེ༔ ཐམས་ཅད་རྡོ་རྗེ་འཆང་ལ་དབྱེར་མེད་ཐིམ༔ སངས་རྒྱས་ཐམས་ཅད་འདུས་པའི་རིན་པོ་ཆེ༔ པད་འབྱུང་རྡོ་རྗེ་འཆང་ལ་གསོལ་བ་འདེབས༔ བདག་ལ་དབང་བསྐུར་བྱིན་གྱིས་བརླབ་ཏུ་གསོལ༔ དེ་ལྟར་དད་གུས་དྲག་པོས་གསོལ་བཏབ་པསཿ རྡོ་རྗེ་འཆང་གི་དཔྲལ་བའི་ཨོཾ་ཡིག་ལས༔ འོད་ཟེར་དཀར་པོ་དཔག་ཏུ་མེད་པ་འཕྲོས༔ སངས་རྒྱས་

[Full Size]

ཀུན་གྱི་སྐུ་ཡི་བྱིན་རླབས་བསྡུས༔ རང་གི་དཔྲལ་བའི་ཨོཾ་ཡིག་ལ་ཐིམ་པས༔ ལུས་ཀྱི་ནད་གདོན་སྡིག་སྒྲིབ་ཐམས་ཅད་དག༔ བུམ་པའི་དབང་ཐོབ་བདག་གི་ལུས་འདི་ཉིད༔ འཇམ་དཔལ་སྐུ་ཡི་རྡོ་རྗེའི་ངོ་བོ་གྱུར༔ རྡོ་རྗེ་འཆང་གི་མགྲིན་པའི་ཨཱཋཡིག་ལས༔ འོད་ཟེར་དམར་པོ་ཕྱོགས་བཅུའི་ཞིང་དུ་འཕྲོས༔ རྒྱལ་བ་ཀུན་གྱི་གསུང་གི་བྱིན་རླབས་བསྡུས༔ བདག་གི་མགྲིན་པའི་ཨཱཋཡིག་ལ་ཐིམ་པས༔ ངག་གི་དིག་ལྷུགས་སྡིག་སྒྲིབ་ཐམས་ཅད་དག༔ གསང་བའི་དབང་ཐོབ་བདག་གི་ངག་འདི་ཉིད༔ འཇམ་དབྱངས་གསུང་གི་རྡོ་རྗེའི་ངོ་བོར་གྱུརཿ རྡོ་རྗེ་འཆང་གི་ཐུགས་ཀའི་ཧཱུྃ་ཡིག་ལས༔ འོད་ཟེར་ཕྱོགས་བཅུའི་ཞིང་ཁམས་ཁྱབ་པར་འཕྲོས༔ བདེ་གཤེགས་ཀུན་གྱི་ཐུགས་ཀྱི་བྱིན་རླབས་བསྡུས༔ བདག་གི་ཐུགས་ཀའི་ཆ་སྨད་ཧཱུྃ་ལ་ཐིམ༔ ཡིད་སྒྲིབ་ཡིད་མི་བདེ་བའི་ནད་རྣམས་དག༔ ཤེས་རབ་ཡེ་ཤེས་དབང་ཐོབ་རང་གི་སེམས༔ འཇམ་དཔལ་ཐུགས་ཀྱི་རྡོ་གྱུར་རྡོ་རྗེ་འཆང་གི་གནས་གསུམ་འབྲུ་གསུམ་ལས༔ འོད་ཟེར་དཀར་དམར་མཐིང་གསུམ་ཕྱོགས་བཅུར་འཕྲོས༔ ཕྱོགས་བཅུའི་རྒྱལ་བ་སྲས་བཅས་ཐམས་ཅད་

[Full Size]

མཆོད༔ སྐུ་གསུང་ཐུགས་ཀྱི་རྡོ་རྗེའི་བྱིན་རླབས་ཀུན༔ འོད་ཟེར་དཀར་དམར་མཐིང་གསུམ་རྣམ་པར་བསྡུསཿ རང་གི་གནས་གསུམ་ཡིག་འབྲུ་གསུམ་ལ་ཐིམ༔ སྒོ་གསུམ་སྡིག་སྒྲིབ་བག་ཆགས་བཅས་པ་དག༔ བཞི་པའི་དབང་ཐོབ་རང་གི་ལུས་ངག་ཡིད༔ འཇམ་དཔལ་སྐུ་གསུང་དབྱེར་མེད་རྡོ་རྗེར་གྱུར༔ དེ་ནས་རང་གི་ཐུགས་ཀའི་དབུས་ཉིད་དུ༔ གསེར་གྱི་འཁོར་ལོ་རྩིབས་བཞི་མུ་ཁྱུད་བཅས༔ ལྟེ་བར་ཕེ་ཡིག་ནག་པོ་འགྲེང་ཐབས་གནས༔ རྩིབས་བཞིར་འབྲུ་བཞི་མུ་ཁྱུད་སྔགས་རིང་བསྐོར༔ དེ་ལས་འོད་ཟེར་ཁ་དོག་སྣ་ཚོགས་འཕྲོས༔ བདག་གི་ལུས་པོ་འོད་ཀྱིས་གང་བ་ཡི༔ ལུས་ལ་ཞེན་པའི་ཀླུ་ཡི་ནད་གདོན་ཀུན༔ རྩིག་གསེང་དུ་བ་རླུང་གིས་དེད་པ་ལྟརཿ བ་སྤུའི་བུ་ག་དབང་པོའི་སྒོ་རྣམས་ནསཿ ན་བུན་འཇའ་ཚོན་རྣག་ཁྲག་འབུ་སྲིན་གཟུགས༔ ཉིལ་ཉིལ་ཐོན་ནས་བར་སྣང་ཁམས་སུ་ཡལ༔ བདག་ལུས་དྲི་མེད་ཤེལ་ལྟར་དག་པར་གྱུར༔ དེ་ལྟར་བསྒོམ་ཞིང་ཡིག་འབྲུ་བཞི་པ་བཟླ༔ དེ་ནི་ཞི་བ་བསྙེན་པའི་དམིགས་རིམ་མོ༔ རང་གི་ཐུགས་ཀའི་ཕེ་ཡིག་ནག་པོ་ལས༔ འོད་ཟེར་དཔག་ཡས་ནམ་མཁའ་ཁྱབ་པར་འཕྲོས༔ ཕྱོགས་

[Full Size]

བཅུའི་བདེར་གཤེགས་སྲས་བཅས་ཐམས་ཅད་མཆོད༔ དེ་དག་ཐམས་ཅད་སྐད་ཅིག་དེ་ཉིད་ལ༔ འཇམ་དཔལ་ནཱ་ག་རཀཱའི་སྐུར་གྱུར་ཏེ༔ ཆར་བཞིན་བབས་ནས་བདག་ལ་སིབ་སིབ་ཐིམ༔ སླར་ཡང་འོད་འཕྲོས་སེམས་ཅན་ཐམས་ཅད་ཀྱི༔ སྡིག་སྒྲིབ་ཀླུ་དང་ས་བདག་ནད་རྣམས་བསལ༔ ཐམས་ཅད་འཇམ་དཔལ་གོ་འཕང་ལ་བཀོད་ནས༔ མཐུ་དང་ནུས་པ་ཚུར་བསྡུས་བདག་ལ་ཐིམ༔ བདག་ཉིད་མཐུ་སྟོབས་གཟི་བརྗིད་རབ་ཏུ་རྒྱས༔ ཀླུ་དང་སྣང་སྲིད་ལྷ་སྲིན་ཐམས་ཅད་ཀུན༔ བཀའ་ཉན་གསུང་སྡོད་སྲོག་སྙིང་བདག་ལ་ཕུལ༔ འདར་ཞིང་གང་བཅོལ་ཕྲིན་ལས་བསྒྲུབ་པར་གྱུརཿ དམིགས་པ་དེ་བསྒོམ་འབྲུ་བཞི་བཟླས་པ་ནི༔ བྱིན་རླབས་བསྡུ་བ་བསྒྲུབ་པའི་རིམ་པ་ཡིན༔ རང་གི་ཐུགས་ཀའི་ཕེ་ཡིག་མི་གཡོ་བརྟན༔ ཡིག་འབྲུ་བཞི་པོ་གཡས་སུ་དྲག་ཏུ་འཁོར༔ སྔགས་ཕྲེང་དེ་ལས་མེ་འབར་བདག་ལུས་གང་༔ ལུས་ཀྱི་ཀླུ་ནད་ཀླུ་གདོན་ཐམས་ཅད་བསྲེག༔ ལུས་ནང་མེ་ཡི་རང་བཞིན་ལྕགས་སྲེག་ལྟར༔ མེ་ལྕེ་བ་སྤུའི་སྒོ་ནས་ཕྱིར་འཕྲོས་པས༔ བདག་ལུས་མེ་དཔུང་རབ་འབར་ཚྭ་ཚྭ་འཕྲོས༔ གནོད་བྱེད་གདོན་བགེགས་ཀླུ་གདོན་ཐམས་ཅད་བསྲེག༔ དམིགས་པ་དེ་

[Full Size]

བསྒོམ་བཟླས་པ་ལས་སྦྱོར་ཡིན༔ ཐུན་རེ་ལ་ཡང་གསུམ་ཀ་ཚང་བར་བྱ༔ སྔགས་གྲངས་མང་ཉུང་རང་གི་ཅི་འདོད་ཡིན༔ བཟླ་བྱའི་སྔགས་ནི་ཡིག་འབྲུ་བཞི་པ་སྟེ༔ ཨོ་ཕེ་ལཾ་ཧཱུྃ༔ ཐུན་རེར་ལྔ་སྟོང་གཉིས་སྟོང་དང་༔ གཅིག་སྟོང་བརྒྱ་ཡན་མང་ཉུང་ཅི་འགྲུབ་བཟླས༔ ཐུན་མཚམས་གཏོར་མ་འབུལ་བའི་རིམ་པ་ནི༔ གཙོ་བོའི་གཏོར་མ་སྦལ་སྦྲུལ་ཤ་ཡིས་བརྒྱན༔ འཁོར་ལ་དཀར་གཏོར་གཙང་མར་ཀླུ་སྨན་བཏབ༔ གཉིས་ཀ་འོ་མ་ཆུ་གཙང་བྲན་བྱས་ལ༔ བླ་མ་གཏོར་མ་ལོགས་སུ་ཡོད་ཀྱང་བྲན༔ དེ་དག་གཏོར་བསྔོས་ནམ་བྱེད་གསོ་བྲན་བྱ༔ ཧཱུྃ༔ ལྷོ་ནུབ་ལྔ་ཡབ་གླིང་ཕྲན་སྲིན་པོའི་ཡུལ༔ དཔལ་རི་པདྨ་འོད་ཀྱི་གཞལ་ཡས་ནས༔ གུ་རུ་པདྨ་རིག་འཛིན་རྒྱ་མཚོའི་ཚོགས༔ ཁྱེད་ཀྱི་རྗེས་སུ་རྣལ་འབྱོར་བདག་བསྒྲུབ་ཀྱིས༔ སྐལ་ལྡན་བྱིན་གྱིས་བརླབ་ཕྱིར་གཤེགས་སུ་གསོལ༔ འཇིག་རྟེན་འདས་དང་མ་འདས་སོ་མཚམས་ཀྱི༔ ཆོས་ཉིད་རང་མདངས་འཁྲུགས་པའི་རྒྱ་མཚོ་ནསཿ ནཱ་ག་རཀཱའི་འཇམ་དཔལ་ཁྲོས་པའི་སྐུ་ཁྱེད་ཀྱི་གདུལ་བྱ་ཀླུ་གཉན་འདིར་མཆིས་ན༔ དམ་བཅས་ཐུགས་དམ་དབང་གིས་འདིར་གཤེགས་ཤིག༔ ནཱ་ག་རཀཱའི་བཀའ་ཉན་འཁོར་གྱི་ཚོགས༔ ཀླུ་ཆེན་བརྒྱད་དང་ཀླུ་རིགས་ལྔ་ཡི་ཚོགསཿ སྔོན་གྱི་ཁས་བླངས་དམ་ཚིག་དྲན་མཛོད་

[Full Size]

ལ༔ རང་ནད་རང་གིས་ལེན་ཕྱིར་འདིར་འདུས་ཤིག༔ རྒྱ་མཚོ་རིན་ཆེན་གཞལ་ཡས་པད་ཟླའི་གདན༔ རང་རང་གཙོ་འཁོར་འཚམས་པའི་གདན་ལ་བཞུགསཿ སྔོན་གྱི་ཐུགས་དམ་དམ་ཚིག་རྗེས་དགོངས་ལ༔ བདག་དང་བསྲུང་བྱའི་ཀླུ་ནད་ཞི་བ་དང་༔ གང་བཅོལ་ཕྲིན་ལས་ཐོགས་མེད་འགྲུབ་པར་མཛོད༔ གུ་རུ་ནཱ་ག་རཀྵ༔ ས་པ་རི་ཝཱ་ར་བཛྲ་ས་མ་ཛཿ ཛཧཱུྃ་བཾ་ཧོ༔ ཏིཥྛ་ལྷན༔ ས་མ་ཡ་སྟོ༔ ས་མ་ཡ་ཧོ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུཾ་ལས་རིན་ཆེན་སྣོད༔ ཡངས་ཤིང་རྒྱ་ཆེ་དཔག་ཏུ་མེད་པའི་ནང་༔ ཨོ་ལས་གཏོར་མ་ཟག་མེད་བདུད་རྩིའི་མཚོ༔ ཁ་དོག་དྲི་རོ་ནུས་པ་ཕུན་སུམ་ཚོགས༔ གཞན་ཡང་ཀུན་བཟང་བླ་མེད་མཆོད་པའི་སྤྲིན༔ ཨོཾ་ཨཱཿཧཱུྃ་གིས་ཟག་མེད་བདུད་རྩི་བསྒྱུརཿ རང་ལས་སྤྲུལ་པའི་ལྷ་མོ་དཔག་མེད་ཀྱིས༔ རིན་ཆེན་གཞོང་པའི་བདུད་རྩིའི་རྒྱུ་མཚོ་ནསཿ བཅུས་ཤིང་གཏོར་མགྲོན་རྣམས་ལ་སོ་སོར་མཆོད༔ མཆོད་པ་དུ་མས་མཆོད་ཅིང་བསྟོད་པར་གྱུརཿ ཉེར་སྤྱོད་བདུན་དང་འདོད་པའི་ཡོན་ཏན་ལཿ བཀྲ་ཤིས་རྫས་རྟགས་བརྒྱད་དང་རིན་ཆེན་བདུན༔ འབྲུ་སྨན་རྩི་

[Full Size]

བཅུད་དར་ཟབ་རིན་པོ་ཆེ༔ གཏོར་མ་ཀླུ་སྨན་སོ་སོའི་གང་འདོད་རྫས༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ༔ པདྨ་འབྱུང་གནས་བརྒྱུད་པར་བཅས་ལ་འབུལ༔ ཡི་དམ་ནཱ་ག་རཀཱའི་ཚོགས་ལ་འབུལ༔ ཀླུ་བརྒྱད་རིགས་ལྔའི་ཀླུ་རིགས་ཀུན་ལ་འབུལ༔ གཉན་དང་ཡུལ་ལྷ་གཞི་བདག་རྣམས་ལ་འབུལ༔ གནས་བདག་དཀོར་བདག་སྲུང་མ་རྣམས་ལ་འབུལ༔ དམ་རྫས་བརྒྱན་པའི་མཆོད་གཏོར་འདི་བཞེས་ལ༔ ཀླུ་ནད་གཉན་ནད་ས་བདག་ནད་རྣམས་དང་༔ རྐྱེན་ངན་བར་ཆད་ཐམས་ཅད་ཞི་བར་མཛོད༔ ཚེ་དང་བསོད་ནམས་བདེ་སྐྱིད་རྒྱས་པར་མཛོད༔ སྣང་སྲིད་ཀླུ་གཉན་བདག་གིས་དབང་སྡུད་ཅིང་༔ གནོད་བྱེད་གདོན་བགེགས་ཀླུ་གདོན་ཚར་ཆོད་ཅིག༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྷི་ཧཱུྃ༔ ཨི་དཾ་བྷ་ལིངྐ་ཁ་ཁ་ཁཱ་ཧི༔ གསུམ། ནག་པོ་ཏི་པ་ཙ་ཡ་ན་ག་རཀཱ་ཨོ་ཕེ་ལཾ་ཧཱུྃ༔ ཨི་དཾ་བྷ་ལིངྐ་ཁ་ཁ་ཁཱ་ཧི༔ ལན་གསུམ་མམ་བདུན་འབུལ། ཨོཾ་ནཱ་ག་ར་ཛ་ཨ༔ ནཱ་ག་སརྦ་ས་པ་རི་ཝཱ་ར་ཨི་དཾ་བྷ་ལིཏྟ་ཁ་ཁ་ཁཱ་ཧི༔ ཨརྒྷཾ། པཱ་ཏྱཾ། པུཥྤེ། དྷཱུ་པེ། ཨཱ་ལོ་ཀེཤ །གནྡྷེ།

[Full Size]

ནེ་ཝི་ཏྱ། ཤཔྟ་སརྦ་པཱུ་ཛ་པྲ་ཏིཙྪ་སྭཱ་ཧཱཿ ཧཱུྃ༔ མ་བཅོས་སྤྲོས་བྲལ་བླ་མ་ཆོས་ཀྱི་སྐུ༔ བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ༔ པད་སྡོང་ལས་བྱོན་བླ་མ་སྤྲུལ་པའི་སྐུ༔ སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད༔ ཧཱུྃ༔ འཁོར་འདས་གཉིས་ཀྱི་སོ་མཚམས་ན༔ རྒྱ་མཚོ་ཆེན་པོ་དྭངས་པའི་ནང་༔ སྦྲུལ་ནག་འཁྱིལ་པའི་ཀློང་དཀྱིལ་ནས༔ རིགས་རྒྱལ་ཀླུ་རྒྱལ་མགོ་དགུ་པཿ བདུད་ཀྱི་བདུད་གཅིག་ཀླུ་ཡི་བདུད༔ སྐུ་ནི་རི་རབ་ངོས་ལ་བརྟེན༔ མཇུག་མ་རྒྱ་མཚོའི་སྟེང་ན་བཞུགས༔ ཕྱག་ནི་བཅུ་དྲུག་གཡས་བརྒྱད་ན༔ གྲི་གུག་གཡོན་བརྒྱད་སྦྲུལ་ཞགས་བསྣམས༔ དབུ་ནི་བར་སྣང་ཁམས་སུ་འཕྱོ༔ ཞལ་ནས་གདུག་པའི་སྒྲ་སྐད་སྒྲོག༔ འཇིགས་བྱེད་ཨིཀཱའི་སྒྲ་སྒྲོག་པ༔ སྡོམ་དང་སྡིག་པའི་རྩྭ་ཚྭ་འཕྲོ༔ སྤྱན་ནི་དྲག་པོའི་ཧུར་ཐུམ་གཟིགས༔ མཆེ་བ་རྣོ་ཞལ་དམར་ནག་གདོང་༔ ཀླུ་གཉན་ས་བདག་གདུག་པ་ཅན༔ བ་སུ་རིགས་དྲུག་ཟས་སུ་ཟླ༔ རྒྱལ་རིགས་མགུལ་ཆུ་དོ་ཤལ་བྱས༔ བྲམ་ཟེ་རིགས་ཀྱི་ཕྱག་གདུབ་བྱསཿ དམངས་རིགས་ཚོགས་རྣམས་སྐེད་ལ་དཀྲིས༔ རིགས་ངན་གདོལ་པ་ཞབས་འོག་མནན༔ གདུག་པའི་ས་བདག་ཀླུ་

[Full Size]

གཉན་རྣམསཿ སྐད་ཅིག་ཙམ་གྱིས་འདུལ་མཛད་པ༔ འཇམ་དཔལ་ཐུགས་ལས་སྤྲུལ་པ་ཡི༔ ཀླུ་བདུད་ནག་པོ་ཁྱོད་ལ་བསྟོད༔ ཀླུ་རིགས་བཞི་ལ་སོགས་པ་ཡང་༔ སྐུ་སྟོད་སྐྱེས་བུའི་ཆ་བྱད་ལ༔ སྦྲུལ་མགོ་བདུན་གྱི་གདེངས་ཀ་ཅན༔ སྐུ་སྨད་གདུག་པ་སྦྲུལ་དུ་འཁྱིལ༔ ཀླུ་ཕྲན་མང་པོའི་འཁོར་གྱིས་བསྐོར༔ མཆོད་སྦྱིན་གཏོར་མ་འདི་བཞེས་ལ༔ མཉེས་ཤིང་དགྱེས་པའི་ལས་རྣམས་མཛོད༔ མཐོང་བའི་དུག་དང་རེག་པའི་དུག༔ ཁ་རླངས་དུག་ལ་སོགས་པ་ཡི༔ ཀླུ་ཡི་དུག་རྣམས་ཞི་བར་མཛོད༔ ཞི་དང་རྒྱས་ལ་སོགས་པ་ཡི༔ ལས་ཀྱི་དངོས་གྲུབ་བདག་ལ་སྩོལ༔ ཕ་མྱེས་སྔ་རབས་ཕྱིན་ཆད་དང་༔ བུ་ཚ་ཕྱི་རབས་ཡན་ཆད་དང་༔ སྐྱེ་བ་བདུན་བརྒྱུད་ཚུན་ཆོད་ནས༔ དམ་ཚིག་ཚིག་ཉམས་འགལ་འཁྲུལ་དང་༔ ཀླུ་ཡི་ཐུགས་དང་ཅི་འགལ་བ༔ ཐམས་ཅད་མཐོལ་བཤགས་བཟོད་པར་གསོལ༔ ཨོ་ས་མ་ཡ༔ ཨཱས་མ་ཡ༔ ཧཱུཾ་ས་མཱ་ཡ༔ ཨོ་ཕེ་ལཾ་ཧཾ༔ ནཱ་ག་རཱ་ཛཿ ཨོཾ་བཛྲ་སཏཱ་ས་མཱ་ཡ༔ ཞེས་པ་ནས༔ སཏཱ་ཨཱཿ ཞེས་ཡིག་བརྒྱ་གསུམ་མམ་གཅིག་བརྗོད༔ འཇིག་རྟེན་པ་ཡི་མགྲོན་རྣམས་ཀུན༔ སོ་སོ་རང་རང་གནས་སུ་

[Full Size]

དེངས༔ སརྦ་ན་ག་བཛྲ་མུ༔ ཡེ་ཤེས་པ་རྣམས་བདག་ལ་ཐིམ། དམ་ཚིག་སྣོད་བཅུད་ཐམས་ཅད་ཀུན༔ འོད་དུ་ཞུ་ནས་བདག་ལ་ཐིམ༔ བདག་ཉིད་ཐུགས་ཀའི་ཕེ་ལ་ཐིམ༔ དེ་ཡང་དངོས་མེད་འཇའ་ལྟར་ཡལ༔ ཚུར་ལྟོས་རང་གི་སེམས་ལ་ལྟོས༔ བལྟས་པས་མི་མཐོང་དངོས་པོ་མེད༔ མ་མཐོང་བ་དེ་མཐོང་བའི་མཆོག༔ སྟོང་པ་ཉིད་ཅེས་དེ་ལ་ཟེརཿ དུག་ལྔའི་ཚུབ་འཁྲུག་གས་ཅི་ཤར་ཡང་༔ རང་ངོར་བལྟས་པས་རང་སར་ཞི༔ ཡེ་ཤེས་ལྔ་ཡི་དཔལ་འཕེལ་བས༔ འཇམ་དཔལ་ཞེས་ཀྱང་དེ་ལ་ཟེརཿ སེམས་ལ་སྐྱེ་འཆི་བསྒྲེས་རྒུད་མེད༔ གཞོན་ནུར་གྱུར་པ་རང་གི་སེམས༔ རང་སེམས་ངོ་བོ་མཐོང་བ་ན༔ དོན་གྱི་འཇམ་དབྱངས་ཞལ་མཐོང་ཡིན༔ དེ་ཕྱིར་རང་གི་སེམས་ལ་ལྟོསཿ བཟོ་བཅོས་མ་བྱེད་ཀློད་དེ་ཞོག༔ ཀློད་དེ་ཞོག་ལ་ཧྲིག་གེ་ལྟོས༔ སྨྲ་བསམ་བརྗོད་ལས་འདས་པའི་དོན༔ རང་གི་རྒྱུད་ལ་མངོན་སུམ་འཆར༔ འདི་ལྟར་བསྐྱེད་རྫོགས་སྒོམ་བཟླས་སོགས༔ དུས་གསུམ་དགེ་བ་ཅི་བསགས་མཐུས༔ ཚེ་འདིར་ཚེ་རིང་ནད་མེད་ཅིང་༔ དཔལ་འབྱོར་ཉམས་རྟོགས་འཕེལ་ཞིང་རྒྱས༔ ནམ་ཞིག་མི་གནས་འཕོ་བའི་ཚེ༔ བདེ་

[Full Size]

བ་ཅན་གྱི་ཞིང་ཁམས་སུ༔ པདྨའི་མཆོག་ལ་རྫུས་སྐྱེས་ནསཿ ས་བཅུའི་སྤོ་ལ་རབ་གནས་ཤོག༔ སློབ་དཔོན་པདྨའི་བཀྲ་ཤིས་ཤོག༔ འཇམ་པའི་དབྱངས་ཀྱི་བཀྲ་ཤིས་ཤོག༔ མི་མགོན་དཀར་པོའི་བཀྲ་ཤིས་ཤོག༔ མངྒ་ལཾ་སརྦ་སིདྡྷི་ཧཱུྃ༔ དེ་ནས་ཐུན་མཚམས་འདི་རུ་ངག་ནི་བཏང་ཡང་རུང་༔ དེ་ལྟར་ཐུན་བཞིན་བསྙེན་སྒྲུབ་བྱ་བའམ༔ རྒྱུན་དུ་ཐུན་རེར་ཉམས་ལེན་མ་ཆག་བྱ༔ སྔགས་གྲངས་སུམ་འབུམ་བཟླས་ན་རྟགས་འབྱུང་གསུངས༔ ལྷ་ཡི་རྟགས་དང་གདོན་རྟགས་ནོར་དོགས་ཡོདཿ ཅི་ཕྱིར་ཞེ་ན་གདོན་ཡང་ཀླུ་ཡིན་ལ༔ ལྷ་འདི་ཉིད་ཀྱང་ཀླུ་རིགས་ཡིན་ཕྱིར་ནོར༔ ལུས་ལ་ཀླུ་ཡི་དུག་དང་ཁ་རླངས་དུག༔ རྩ་རྒྱུད་ནས་ཞུགས་འབུ་སྲིན་གཟུགས་སུ་ཡོད༔ དེ་རྣམས་སྔགས་ཀྱི་ནུས་པས་མ་བཟོད་ནས༔ འབྲོས་ལམ་ཚོལ་ཕྱིར་ལུས་པོ་མི་བདེ་སྟེ༔ བཤུལ་དང་རྒང་རྒྱུད་ན་ཞིང་ཟ་ཕྲུག་ལང་༔ ཤ་འགུལ་ཚ་ཚ་འབྱུང་ཞིང་ནད་ཀྱང་ཐུ༔ དེ་ཚེ་ཞག་བར་མི་འདོན་སྒྱུར་བྱ་ཞིང་༔ མངོན་རྟོགས་གཏོར་བསྔོས་མ་ཆག་ཙམ་རེ་བྱ༔ སྔགས་དེ་བསྒྱུར་ན་ལུས་པོ་བདེ་ཉམས་འབྱུང་༔ དེ་ནས་སྔར་ལྟར་སྔགས་དང་བསྙེན་བསྒྲུབ་བྱ༔ དེ་ལྟར་སྒྱུར་ཤོམ་མགོ་བསྐོར་ལན་གསུམ་བྱ༔ དེ་ནས་ལུས་ལས་ནད་གདོན་ཐོན་པའི་རྟགས༔ རབས་དངོས་འབྲིང་ཉམས་ཐ་མ་རྨི་ལམ་དུ༔ ལུས་ལས་སྦལ་སྦྲུལ་སྡོམ་སྡིག་འབུ་སྲིན་ཐོན༔ ཤིག་མདོག་དམར་པོ་སྔོན་པོ་སྔར་མེད་འབྱུང་༔ ཆུ་རྟགས་ནང་དུ་འབུ་སྲིན་རོ་

[Full Size]

འདྲ་དང་༔ འཇའ་ཚོན་བ་དག་འདྲ་བའི་ར་རོ་འབྱུང་༔ རྨི་ལམ་མཚོ་དང་རྫིང་བུ་ཆུ་མིག་སྐམ༔ ཉ་ལྕོང་སྦལ་སྦྲུལ་ཆུ་གནས་ཤི་དང་རུལ༔ ཆུ་གནས་སྣ་ཚོགས་རང་ངམ་གཞན་གྱིས་བསདི༔ མི་དང་གཡག་སོགས་དུད་འགྲོ་རང་གིས་བསད༔ རྫིང་བུ་ཐོས་དང་ནགས་ཚལ་མེ་ལ་བསྲེག༔ ལུས་ལ་མེ་འབར་ཚྭ་ཚྭ་འཐུལ་བ་སོགས༔ རྨི་རྟགས་བཟང་ཞིང་སེམས་དགའ་ཁམས་དྭངས་ཡང་༔ ད་རུང་ལུས་པོ་ཅུང་ཟད་མ་བདེ་ན༔ སྔགས་ཀྱི་ནུས་པས་ནད་ཀྱི་འབུ་སྲིན་རྣམས༔ རྩ་རྒྱུད་ནང་ནས་ཤི་བའི་རོ་མ་ཡོད༔ དེ་རྣམས་སྔགས་ཀྱིས་ཐོན་པར་མི་འགྱུར་བས་སྨན་པ་མཁས་པས་རྩ་སྦྱོང་གཏོང་བར་བྱ༔ དེ་ནས་ནད་ནི་ཐམས་ཅད་ཕན་འགྱུར་ཞིང་༔ རང་ཉིད་རྒྱ་མཚོའི་ནང་དུ་ཕྱིན་པ་དང་༔ རང་ཉིད་ནཱ་ག་རཀཱའི་ང་རྒྱལ་གྱིས་ཀླུ་ཡི་ཆོ་འཕྲུལ་ཆུ་གནས་བསད་ཅིང་ཟོས༔ ཁྱི་དང་གཅན་གཟན་ཆད་ཅིང་དུད་འགྲོ་བསད༔ རང་ཉིད་ཉམས་རྟོགས་འཕེལ་ཞིང་བསྐྱེད་རིམ་གསལ༔ དེ་དུས་རྐང་རྒྱུད་ན་ཞིང་ཁོལ་བ་དང་༔ ལུས་པོ་བརྩེ་ཞིང་སྦྲིད་ལ་བས་ལྡག་དང་༔ ཤུ་བ་ཐོར་པ་བྱུང་ན་ལྷ་རྟགས་ཡིན༔ དེ་ནི་གསང་བའི་རྒྱ་ཡིས་ཐེབ་པ་སྟེ༔ ཚེ་རབས་ཀུན་ཏུ་ཀླུ་ཡི་གནོད་མི་སྲིད༔ དེ་ནས་ཚོད་བཟུང་སྔགས་ནི་བཟླ་མི་རུང་༔ ད་རུང་བཟླས་ན་དབྱར་རེ་རྒྱུན་རེ་ཙམ༔ ལུས་པོ་ཤུ་བ་ཐོར་པས་གང་ཉེན་ཡོད༔ ད་རུང་བཟླས་ན་སྲོག་ལ་ཡ་ང་༔ ཅི་ཕྱིར་འདི་ནི་དྲག་སྔགས་ཤིན་ཏུ་རྩུབ༔ ནད་གདོན་ཞི་ནས་མང་པོ་བཟླ་མི་རུང༔ གཏོར་བསྔོས་སྔགས་གྲངས་བརྒྱ་སྟོང་ཅི་རིགས་པ༔ མ་སྒྱུར་ཙམ་

[Full Size]

རེ་རང་སྲུང་རྒྱུན་དུ་བྱ༔ དེ་བས་མང་བའི་བསྙེན་པ་མི་བྱའོ༔ གལ་ཏེ་ནད་གདོན་ཧ་ཅང་ཚན་ཆེ་བས༔ འབྲུ་བཞིའི་སྔགས་དེ་བྱེ་བ་གཅིག་གཉིས་ཙམ༔ བཟླས་ཀྱང་དངོས་ཉམས་རྟགས་མཚན་མ་བྱུང་ན༔ བསྙེན་སྒྲུབ་སྐབས་སུ་གཞན་རྣམས་སྔར་དང་འདྲ༔ ནག་པོ་ཏི་པ་ཙ་ཡ་ན་ག་རཀཱ་ཨོ་ཕེ་ལཾ་ཧཱུྃ༔ སྔགས་འབྲུ་བཅུ་བཞི་འདི་བཟླས་རྟགས་རྣམས་འབྱུང་༔ གལ་ཏེ་ཤིན་ཏུ་ནད་གདོན་ཚན་ཆེ་བས༔ རྨིས་རྟགས་བྱུང་ཡང་ནད་ནི་ཕན་དཀའ་ན༔ ཀླུ་ཡི་དུག་ཕྱུང་སྔགས་རིང་འདི་ཉིད་བཟླས༔ ཨོ་ནག་པོ་ཏི་པ་ཙ་ཡ༔ ན་ག་རཀྵ༔ རཾ་རཾ་རཾ་རཾ༔ ཁཾ་ཁཾ་ཁཾ་ཁཾ༔ ཡཾ་ཡཾ་ཡཾ་ཡཾ༔ ཨོཾ་མཾ་མཾ་མཾ༔ ཙ་མ་རི་ཕྱུང་༔ ནཱ་ག་ཕུ༔ མཱ་ར་ཡ༔ ཨོ་ཕེ་ལཾ་ཧཱུཾ༔ ཞེས་བཟླས་ཀླུ་ཡི་དུག་རིགས་ཐམས་ཅད་སེལ༔ འདི་ཡིས་ནད་རྣམས་སེལ་བར་ཐེ་ཚོམ་མེད༔ དགྲ་ནི་ཐེ་ཚོམ་ཡིན་པས་ཐེ་ཚོམ་སྤང་༔ གྲོགས་ནི་དད་པ་ཡིན་པས་དད་པ་བསྐྱེད༔ ཅི་མཛད་ཁྱེད་ཤེས་དད་པས་བྱིན་རླབས་འཇུག༔ དེ་ཕྱིར་ལྷ་དང་སྔགས་ལ་གློ་སྙིང་གཏད༔ དེ་བྱས་ཚེ་འདིར་བར་ཆད་སེལ་བ་དང་༔ ཕྱི་མ་ལམ་སྣ་འདྲེན་པར་ཐེ་ཚོམ་མེད༔ དེ་ལ་བསླུས་ན་འཇམ་དབྱངས་པད་འབྱུང་ཞན༔ ད་ནི་ཡིད་ཆེས་བསྐྱེད་པའི་ཕྱིརཿ ལོ་རྒྱུས་ཕན་ཡོན་ཟུར་ཙམ་བཤད༔ གདམས་པ་འདི་ཡི་ཁུངས་བཤད་པཿ མདོ་སྔགས་གཉིས་ལས་སྔགས་སུ་གཏོགས༔ གསར་རྙིང་གཉིས་ལས་རྙིང་མ་ཡིན༔ དེ་ལ་ཐེག་པ་དགུ་གསུངས་པའི༔ འདི་ནི་མ་ཧཱ་

[Full Size]

ཡོ་གར་གཏོགསཿ དེ་ལ་ཞི་དྲག་མང་ན་ཡང་༔ འདི་ནི་འཇམ་དཔལ་སྐུ་ཡི་རྒྱུད༔ འཇམ་དཔལ་ཞི་ཁྲོ་གཉིས་ཡོད་པའི༔ འདི་ལ་འཇམ་དཔལ་ཁྲོ་བོའི་རིགས༔ དེ་ལ་རིགས་ནི་གསུམ་ཡོད་དེ༔ ཚེ་བདག་འཆི་བདག་སྲོག་བདག་གསུམ༔ ཚེ་བདག་རྒྱུད་ལ་དབྱེ་བ་ནི༔ ཚེ་བདག་འཇིགས་བྱེད་ཀིང་ཀང་གསུམ༔ སྲོག་བདག་ལ་ཡང་འཇམ་ནག་དང་༔ ཁ་ཐུན་འཆར་ཁ་བཞི་རུ་བྱུང་༔ འདི་ནི་འཆི་བདག་མགོ་དགུ་ཞེསཿ འཇམ་དཔལ་ཁྲོ་བོ་གསུང་གི་རིགས༔ ནཱ་ག་རཀ་བྱ་བ་ཡིན༔ གཤིན་རྗེ་རིགས་གསུམ་གཅིག་འདུས་པ༔ ཁྲོ་ཆུ་དུག་གདོང་ཞེས་སུ་གྲགས༔ འདི་དག་རྙིང་མའི་གཤིན་རྗེའི་གཤེད༔ སྔོན་ཚེ་འཇིག་རྟེན་འདི་ཆགས་ནས༔ རིགས་དྲུག་ལྷ་ཀླུ་མི་རྣམས་སྲིད༔ སྐྱེ་འགྲོ་ཀུན་གྱི་གཤེད་མ་རུ༔ དབུ་ནག་མི་འདི་སྲིད་པར་གྱུར༔ དབུ་ནག་མི་ཡི་གཤེད་མ་རུ༔ ཀླུ་རིགས་ཉི་ཤུ་རྩ་ལྔ་སྲིད༔ དེ་ཚེ་ཀླུ་ཡིས་མི་ལ་འཚེ༔ ཀླུ་ནད་རྣམ་པ་སྣ་ཚོགས་བྱུང་༔ དེ་ཚེ་བཅོམ་ལྡན་འཇམ་དབྱངས་ཀྱིས༔ གདུག་པའི་ཀླུ་རྣམས་འདུལ་བའི་ཕྱིར༔ ཐུགས་ལས་ཡི་གེ་ཕེ་འཕྲོས་ཏེ༔ འཇིག་རྟེན་འདས་དང་མ་འདས་མཚམས༔ ཆོས་ཉིད་རང་མདངས་རྒྱ་མཚོའི་དབུས༔ ཀླུ་བདུད་འཆི་བདག་མགོ་དགུ་པ༔ ནཱ་ག་རཀཱ་ཞེས་བྱར་སྤྲུལ༔ ཀླུ་རྣམས་ཐམས་ཅད་དམ་ལ་བཏགས༔ སྲོག་གི་སྙིང་པོ་དངོས་སུ་ཕུལ༔ དེ་ཚེ་རྡོ་རྗེ་རྣོན་པོས་ཞུས༔ ཀླུ་རྒྱུད་འབུམ་གྱི་ཊིཀ་དང་༔ རྒྱ་མཚོ་དུག་གི་ཊིཀའི་རྒྱུད༔ ཀླུ་བདུད་འཁོར་ལོ་ནག་པོའི་རྒྱུད༔ དེ་སོགས་འདི་ཡི་རྒྱུད་རྣམས་གསུངས༔ མཁའ་འགྲོའི་

[Full Size]

བཀའ་ཡི་བསྡུ་བ་བྱས༔ རྒྱ་གར་རི་བོ་མགྲིན་བཟང་རྩེརཿ སངས་རྒྱས་འོད་སྲུང་ཉིད་ཀྱི་དུསཿ བཞེངས་པའི་མཆོད་རྟེན་ནང་དུ་སྦས༔ རྒྱལ་པོ་རཏྣ་དྷ་གཙུག་གིས༔ སྲས་པོ་མཐའ་ཡས་གྲགས་པ་ལ༔ ས་བདག་ཀླུ་ཡི་ནད་ཀྱིས་ཟིན༔ བླ་མཆོད་དགེ་སློང་རྣམ་དག་ལ༔ ལྷ་ཡིས་ལུང་བསྟན་གཏེར་ནས་བཏོན༔ རྒྱལ་བུའི་ནད་བསལ་ཆོས་འདི་དར༔ སློབ་དཔོན་འཇམ་དཔལ་བཤེས་གཉེན་དང་༔ ཤིནྟཾ་གནྡྷས་མཛད་པ་ཡང་ཡོད༔ བོད་དུ་བསམ་ཡས་བཞེངས་པའི་དུས༔ ཁྲིའུ་སྲོང་ལྡེའུ་བཙན་གསེར་འདོད་ནས༔ སློབ་དཔོན་པདྨས་དཔང་པོ་མཛད༔ ཀླུ་དང་རྒྱལ་པོ་ཤག་པོ་བྱས༔ ཀླུ་ནི་བུ་ཆུང་གཅིག་ཏུ་སྤྲུལ༔ གསེར་ནི་བྷནྡྷ་རེ་རེ་ནི༔ ནང་རེ་རྒྱུན་དུ་རྒྱལ་པོར་ཕུལ་རྒྱལ་པོ་དགའ་ནས་འདི་སྐད་སྨྲས༔ ལྷ་ཁང་ཞེང་པ་ཁྱོད་ཀྱི་དྲིན༔ དེ་ཕྱིར་རྒྱལ་པོ་ཆེན་པོ་ཉིད༔ ཁྱོད་་་་་འདི་ནས་ལྡེབ་གཅིག་ཚད་འདུག༔ འདི་ལས་ཟབ་པའི་མན་ངག་ནི༔ པདྨ་ང་ལ་ཡོད་རེ་ཀན༔ རྒྱལ་པོའི་ཐུགས་ཀྱི་དཀྱིལ་དུ་འཆོང་༔ རྟ་རྨིག་ལྕགས་ཀྱིས་བཏུམ་བྱས་ནས༔ འཛམ་གླིང་ཀུན་ཏུ་བཙལ་གྱུར་ཀྱང་༔ འདི་ལས་ཟབ་པ་རྙེད་མི་སྲིད༔ འཕགས་པ་རྣམས་

[Full Size]

ཀྱིས་གསུངས་པ་མེད༔ རྫུ་འཕྲུལ་སྣ་ཚོགས་ཐོབ་གྱུར་ནས༔ སྟོང་གསུམ་མི་མཇེད་བསྐོར་གྱུར་ཀྱང་༔ སྲུང་བ་འདི་ལས་ཟབ་པ་ནི༔ དུས་གསུམ་རྒྱལ་བས་གསུངས་པ་མེད༔ རྒྱལ་པོའི་སྐུ་ཚེ་བསྲིང་བ་དང་༔ རྒྱལ་བུའི་བཙས་སུ་བཞག་པ་ལས༔ གཞན་ལ་བསྟན་ན་དམ་ཚིག་ཉམས༔ ཞེས་གསུངས་མ་སྤེལ་གཏེར་དུ་སྦསཿ ལས་ཅན་གཅིག་དང་འཕྲད་པར་ཤོག༔ ཅེས་གསུངས་ཕྱི་རབས་སྨོན་ལམ་བཏབ༔ རྒྱལ་པོའི་སྐྱེས་མཐའ་ཉང་རལ་དང་༔ སངས་རྒྱས་ཡེ་ཤེས་སྐྱེས་མཐའ་ནི༔ ཞང་ཁྲོམ་སོགས་ཀྱིས་གཏེར་ནས་བཏོན༔ རིམ་པར་བརྒྱུད་ནས་བདག་ལ་བབ༔ བསྒྲུབས་པས་དངོས་ཉམས་རྨི་ལམ་གྱི༔ ཡ་མཚན་རྟགས་ནི་མང་དུ་ཐོན༔ དབང་ལུང་གདམས་པ་བྱིན་པ་ལས༔ མཛེ་ནད་ཡིན་ངེས་འགའ་རེ་སོས༔ ཀླུ་ནད་ཀླུ་གདོན་ཅན་འགའ་ལ༔ དབང་དང་ཁྲུས་ཆོག་བྱས་པས་ཕན༔ ལག་བླངས་མང་ཕྱིར་ཡིད་ཆེས་ཡོད༔ རང་པོ་སྡེ་པ་ཁུ་དབོན་གྱིས༔ བསྐུལ་ཕྱིར་༧རཱ་ག་ཨ་སྱས་བྲིས༔ ཉེས་འགལ་ལྷ་དང་སྲུང་མར་བཤགས༔ དགེ་བས་འགྲོ་ཀུན་ཀླུ་ནད་ཞི༔ གསུང་མཆོག་རྡོ་རྗེ་འཇམ་པའི་དབྱངས༔ འོད་དཔག་མེད་མགོན་འགྲུབ་ཕྱིར་བསྔོ༔ སརྦ་མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ནཱ་ག་རཀྴའི་རྒྱུན་ཁྱེར།

[Full Size]

ནཱ་ག་རཀྴའི་རྒྱུན་ཁྱེར་བཞུགས་སོ༔ བླ་མ་འཇམ་དཔལ་དབྱངས་ལ་སྐྱབས་སུ་མཆི༔ འགྲོ་ཀུན་ཀླུ་གཉན་ནད་ལས་ཐར་བར་བྱ༔ ཨེ། ཕྱོགས་མདོག་སྦྲུལ་གྱི་གུར་ནང་རྒྱ་མཚོའི་དབུསཿ གཞལ་ཡས་ཁང་དབུས་ཀླུ་འབུམ་གཉན་ཁྲིའི་སྟེང་༔ ཕེ་ཡིག་ཡོངས་གྱུར་ཀླུ་སྲིན་ཧ་ལའི་མདོག༔ རི་རབ་རྒྱབ་གཏད་རྒྱ་མཚོར་སྦྲུལ་མཇུག་འཁྱིལ༔ རྩ་ཞལ་སྲིན་པོ་ཞལ་བརྒྱད་སྦྲུལ་མགོ་གདེངས༔ སྦྲུལ་མགོ་དབུས་མར་རིན་ཆེན་པྲོག་ཞུ་གསོལ༔ རིན་ཆེན་བྲོག་ཞུའི་དབུས་སུ་རྩ་བའི་བླ་མ་རྡོ་རྗེ་འཆང་གི་རྣམ་པར་བསྒོམ་མོ༔ གཡས་བརྒྱད་གྲི་གུག་གཡོན་བརྒྱད་སྦྲུལ་ཞགས་བསྣམས༔ རྩ་ཕྱག་ཐལ་སྦྱར་བསྣོལ་ཞིང་ཡཀྵ་སྒྲོགས༔ སྡང་མིག་ཟ་བྱེད་ཀླུ་ཡི་གཤེད་མར་གྱུར༔ འབྲུ་གསུམ་འོད་ཀྱིས་ཡེ་བསྟིམ་དབང་རྫོགས་གྱུརཿ ཐུགས་ཀར་མེ་འཁོར་རྩིབས་བཞིའི་དབུས་སུ་ཕེ༔ རྩིབས་བཞིར་འབྲུ་བཞི་བསམ་ལ་བཟླས་པར་བྱ༔ རྩ་སྔགས། ཨོ་ཕེ་ལཾ་ཧཱུྃ༔ སྔགས་རིང་། ནག་པོ་ཏི་པ་ཙ་ཡ༔ ནཱ་ག་རཀྵ། ཨོ་ཕེ་ལཾ་ཧཱུཾ༔ ཞེས་པ་ཨ་རཱ་གས་སོ༔ རང་འཇམ་དཔལ་ཡེ་ཤེས་སེམས་དཔའ་འམ་ནཱ་ག་རཀཱའི་ཐུགས་ཀར་སྔགས་འཁོར་བསྒོམ་པའི་དཔེའུ་རིས་ལགས༔ མེ་ཡི་འཁོར་ལོ་རྩིབས་བཞིའི་སྟེང་འབྲུ་བཞི་ཡིག་འབྲུ་རྣམས་

[Full Size]

སྔོན་པོ་འགྲེང་སྟེ་གནས༔ མུ་ཁྱུད་སྔགས་རིང་འཁོར་རྒྱུ་མིན༔

བཅོམ་ལྡན་འདས་འཇམ་དཔལ་ནག་པོ་ཡེ་ཤེས་སེམས་དཔའི་གཏོར་ཆོག་བསྡུས་པ།

[Full Size]

བཅོམ་ལྡན་འདས་འཇམ་དཔལ་ནག་པོ་ཡེ་ཤེས་སེམས་དཔའི་གཏོར་ཆོག་བསྡུས་པ་གཏེར་གཞུང་༔ རྣམས་ནས་བསྒྲིགས་པ་ཁྱེར་བདེ་བ་བཞུགས་པའི་དབུ་ཕྱོགས་སོ༔

[Full Size]

ཧཱུྃ༔ འཁོར་འདས་གཉིས་ཀྱི་སོ་མཚམས་ན༔ རྒྱ་མཚོ་ཆེན་པོ་དྭངས་པའི་ནང་༔ སྦྲུལ་ནག་འཁྱིལ་པའི་ཀློང་དཀྱིལ་ནས༔ རིགས་རྒྱལ་ཀླུ་བདུད་མགོ་དགུ་པ༔ བདུད་ཀྱི་བདུད་གཅིག་ཀླུ་ཡི་བདུད༔ སྐུ་ནི་རི་རབ་ངོས་ལ་བརྟེན༔ འཇུག་མ་རྒྱ་མཚོའི་གཏིང་དུ་བཞུགས༔ ཕྱག་ནི་བཅུ་དྲུག་གཡས་བརྒྱད་ནཱ༔ གྲི་གུག་གཡོན་བརྒྱད་སྦྲུལ་ཞགས་བསྣམས༔ དབུ་ནི་བར་སྣང་ཁམས་ལ་འཕྱོ༔ ཞལ་ནས་གདུག་པའི་སྒྲ་སྐད་སྒྲོགས༔ འཇིགས་བྱེད་ཨིག་ཤའི་སྒྲ་སྒྲོག་པ༔ སྡོམ་དང་སྡིག་པའི་ཚྭ་ཚྭ་འཕྲོ༔ སྤྱན་ནི་དྲག་པོའི་ཧུར་ཐུམ་གཟིགས༔

[Full Size]

མཆེ་བ་རྣོ་ཞལ་དམར་ནག་གདངས༔ ཀླུ་གཉན་ས་བདག་གདུག་པ་ཅན༔ བ་སུ་རིགས་དྲུག་ཟས་སུ་ཟ༔ རྒྱལ་རིགས་མགུལ་ཆུ་དོ་ཤལ་བྱས༔ བྲམ་ཟེ་རིགས་ཀྱི་ཕྱག་གདུབ་བྱས༔ དམངས་རིགས་ཚོགས་རྣམས་སྐེད་ལ་དཀྲིས༔ རིགས་ངན་གདོལ་པ་ཞབས་འོག་མནན༔ གདུག་པ་ས་བདག་ཀླུ་གཉན་རྣམས༔ སྐད་ཅིག་ཙམ་གྱིས་བརླག་པར་མཛད༔ འཇམ་དཔལ་ཐུགས་ལས་སྤྲུལ་པ་ཡི༔ ཀླུ་བདུད་ནག་པོར་བདག་མདུན་གསལ༔ ཧཱུྃ༔ རྒྱ་མཚོ་ཤིན་ཏུ་དྭངས་པའི་ཀློང་དཀྱིལ་ན༔ བདུད་ཀྱི་བདུད་གཤེད་འཆི་བདག་གནས་འདིར་

[Full Size]

གཤེགས༔ སྡེ་བརྒྱད་ཀླུ་གཉན་འདུལ་ཕྱིར་གཤེགས་སུ་གསོལ༔ འཇམ་དབྱངས་སྤྲུལ་པ་ཀླུ་བདུད་ཁྱོད་ཉིད་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ དཀར་གསུམ་ལ་སོགས་མཆོད་པ་སྣ་ཚོགས་འབུལ༔ མི་དགེ་སྡིག་པའི་ཚོགས་རྣམས་སོ་སོར་བཤགས༔ དུས་གསུམ་དགེ་བའི་ཚོགས་ལ་བདག་ཡི་རང་༔ གང་འདུལ་ཐབས་ཀྱིས་ཆོས་༠འཁོར་བསྐོར་དུ་གསོལ༔ མྱ་ངན་མི་འདའ་བཞུགས་པར་གསོལ་བ་འདེབས༔ བསྟན་པ་བཤིགས་དང་བླ་མའི་སྐུ་དགྲ་དང་༔ བདག་ལ་སྡང་བའི་དགྲ་བོ་མ་ལུས་ཀུན༔ ཙི་ཙི་ཛཱ་ལའི་ནད་ཀྱིས་གཟིར་བ་དང་༔ རྩད་ནས་བརླག་པའི་ཕྲིན་ལས་ཁྱོད་ཀྱིས་མཛོད༔ གང་ལ་བྱ་བའི་ཕྲིན་ལས་ཁྱོད་ཀྱིས་ཤེསཿ དམིགས་པའི་དགྲ་བགེགས་གང་ཡིན་མྱུར་དུ་སྒྲོལ༔ རྣམ་ཤེས་དག་པའི་ཞིང་དུ་ཐུགས་རྗེས་དྲོངས༔ ཕྱིན་ཆད་འཁོར་བའི་རྩ་བ་སྟོངས་པར་མཛོད༔ བདག་གི་དུག་གསུམ་དུག་ལྔའི་ནད་གདོན་རྣམས༔ དཔའ་བོ་ཁྱེད་ཀྱིས་ཞལ་དུ་ད་གསོལ་ཅིག༔ ཚོགས་རྫོགས་སྒྲིབ་སྦྱང་འདི་ཕྱིའི་བར་ཆད་སོལ༔ མི་ནོར་ཟས་གསུམ་དངོས་གྲུབ་སྣ་ཚོགས་སྩོལ༔ མཐར་ཐུག་ཡེ་ཤེས་སྙིང་པོའི་དངོས་གྲུབ་

[Full Size]

སོགས༔ ཡིད་ལ་རེ་བའི་འབྲས་བུ་མཆིས་པར་མཛོད༔ ཧཱུྃ༔ སྲིན་པོ་ནག་པོ་ཁྲོས་པའི་སྐུ༔ ཐུགས་དམ་གཉན་པོ་བསྐང་བའི་ཕྱིརཿ གཏོར་མ་དཀར་གསུམ་མངར་གསུམ་དང་༔ སྨན་སྣ་དྲི་སྣ་སྦྱར་བ་ཡི༔ རིན་ཆེན་གསེར་དངུལ་འབྲུ་སྣའི་ཚོགས༔ དར་ཟབ་རྒྱལ་མཚན་འཕན་གྱིས་སྤྲས༔ མཆོད་བསྟོད་ཐུགས་དམ་བསྐང་གྱུར་ཅིག༔ བསྐང་གྱུར་ཀླུ་ནད་མ་ལུས་སོལ༔ བདག་གིས་སྒྲུབ་པའི་གྲོགས་མཛོད་ཅིག༔ དམ་ཚིག་མ་གཡེལ་ཕྲིན་ལས་མཛོད༔ ཨ་ཀཱ་རོ་སོགས། ཨོ་ཕེ་ལོ་ཧཱུྃ༔ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨནྡྷཾ་སོགས། ཧཱུྃ༔ ཀླུ་བདུད་ནག་པོ་ཏི་པ་ཙ༔ ནཱ་ག་རཀཱ་མཐུ་བོ་ཆེ༔ དབུ་ནི་བར་སྣང་ཁམས་སུ་སླེབས༔ རྒྱབ་ནི་རི་རབ་ཆེ་ལ་གཏད༔ མཇུག་མ་རྒྱ་མཚོའི་གཏིང་ན་འཁྱིལ༔ གདོང་གཅིག་སྲིན་པོ་ཁྲོས་པའི་ཞལ༔ ནག་པོར་དགའ་བའི་ཀླུ་རྣམས་ཟ༔ ཨིག་ཤ་ཨིག་ཤའི་སྒྲ་ཆེན་སྒྲོགས༔ མགོ་བརྒྱད་སྦྲུལ་ཏེ་སྟེང་དུ་གདེངས༔ དགྲ་བོ་ཁ་རླངས་མཛེ་ཡིས་འཛིན༔ གཡུ་རྣ་རིན་ཆེན་ཅོད་པན་འཕྱང་༔ སུས་བསྒྲུབ་པ་ལ་དགོས་དགུ་སྟེར༔ རལ་པ་བར་སྣང་ཁམས་སུ་གསིགས༔ སྡོམ་སྡིག་

[Full Size]

ཚ་ཟེར་ཆར་བཞིན་ཉིལ༔ ཕྱག་བརྒྱད་གྲི་གུག་འབར་བ་འཛིན༔ ་བརྒྱད་ནི་སྦྲུལ་ཆེན་ཞགས་པ་སྟེ༔ འཇམ་དཔལ་གཤིན་རྗེའི་སྤྲུལ་པར་གྲགས༔ དམ་ལྡན་ཀླུ་ནད་སེལ་བའི་སྨན༔ དངོས་ནི་རྒྱ་མཚོ་ཆེ་ལ་བཞུགས༔ སྤྲུལ་པ་དེ་ཝི་ཀོ་ཊིར་འཆར༔ སྨྱོ་ཁའི་རྗེ་བཙན་མཐུ་བོ་ཆེཀླུ་འབུམ་གཉན་ཁྲི་ས་བདག་སྟོང་༔ ལྟོ་འཕྱེ་ཐམས་ཅད་འཁོར་དུ་སྡུད༔ ཀླུ་མོ་ནག་མོ་སྦལ་མགོ་ཅན༔ གསང་བའི་གཟུང་མ་ཆེན་པོར་བསྟེན༔ སྲོག་བདག་ལྷ་འདྲེའི་འཁོར་གྱིས་བསྐོར༔ གཏད་ཁྲམ་ནག་པོའི་གཉེར་ཁ་འཛིན༔ ཀླུ་གཏད་མནན་པ་དཀྲོལ་དུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པ་གཏེར་གཞུང་གི་ཚིག་རྣམས་རཱ་ག་ཨ་སྱས་བསྒྲིགས་པ་ལ༔ ཉེས་འགལ་མཆིས་ན་ལྷ་ལ་འཆགས་ཤིང་དགེ་བས་འགྲོ་བའི་ཀླུ་ནད་རྒྱུན་ཆད་པར་གྱུར་ཅིག༔ ཡི་གེ་པ་ནི་ཧོར་དགེ་བཤེས་པདྨ་མཐར་ཕྱིན་ཞེས་བྱས་བགྱིས་མངྒ་ལཾ༔

བསྐུལ་བ།

[Full Size]

ཨོཾ་ཨཱཿཧཱུྃ༔ གནོད་བྱེད་ཀླུ་གདོན་གྱི་ཤ་ཁྲག་བདུད་རྩིའི་རང་བཞིན་དུ་གྱུར༔ ཨོ་གྲི་སྣ་ར་ཙ་བྷ་ལིང་ཏ་གྷི་རྣ་ཁ་ཁ་ཁཱ་ཧི༔ ཧཱུྃ༔ འཇིག་རྟེན་འདས་དང་མ་འདས་མཚམས་ཤེད་ན༔ རྒྱ་མཚོའི་ཀློང་ཡངས་འཁྲུགས་པའི་ནང་ཤེད་ན༔ བསྐལ་པ་སྦྲུལ་དང་མུན་ནག་གཏིབས་པ་ནས༔ དུག་གསུམ་རང་གཟུགས་འཆི་བདག་མགོ་དགུ་པ༔ བདུད་ཀྱི་བདུད་དེ་གདུག་པ་ཀླུ་ཡི་བདུདཿ དེ་དང་གཉིས་མེད་གདུག་པའི་བུད་མེད་ཆེ༔ སྦལ་མགོ་ཁྲག་གི་མིག་དགུ་སྦྲུལ་མཇུག་ཅན༔ དགྲ་བོ་གསོད་ལ་ཁྱེད་ལས་ལྷག་པ་མེད༔ སྐུ་ནི་དཔའ་བརྗིད་ནམ་མཁའི་ཁམས་དང་མཉམ༔ སྟེང་གི་ས་བདག་ཐམས་ཅད་ཁ་ལོ་སྒྱུརཿ སྤྱན་གྱིས་ཧུར་ཧུར་ས་དང་བར་སྣང་གཟིརཿ གདུག་པ་ཅན་གྱི་གཉན་རིགས་ཐམས་ཅད་ཁོལ༔ སྐུ་ནི་རི་རབ་ཆེན་པོའི་ངོགས་ལ་བརྟེན༔ ནང་གི་ལྷ་སྲིན་སྡེ་བརྒྱད་དམག་ཏུ་ཁོལ༔ མཇུག་མ་རྒྱ་མཚོ་ཆེན་པོའི་ཀློང་ན་འཁྱིལ༔ གདུག་པ་ཀླུ་ཚོགས་ཐམས་ཅད་ཕོ་ཉར་འགྱེད༔ དོ་ནུབ་བསྐུལ་ལོ་སྡང་བའི་དགྲ་སྟེང་དུ༔ ཕོ་རྒྱུད་སོད་ལ་མོ་རྒྱུད་མངལ་སྐེམ་ཞིང་༔ ཆུང་རྒྱུད་རྩད་ཆོད་འཁོར་འབངས་ཡུལ་མི་དཀྲུགས༔ ནོར་

[Full Size]

རྫས་རླུང་བསྐུར་ཁང་ཁྱིམ་འཇིག་ཏུ་ཆུག༔ ཕུང་བྱེད་ལས་ཀྱི་རིམ་པ་གཉེར་དུ་གཏད༔ ཕུང་བྱེད་འཆི་བདག་འཁོར་དང་བཅས་པ་རྣམས༔ དུས་བཞིར་སངས་རྒྱས་བསྟན་པའི་མེལ་རྩེ་མཛོད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ ཀླུ་ནད་གཉན་ནད་ས་བདག་ནད་རྣམས་ཟློག༔ གག་ལྷོག་གཟེར་གསུམ་རིམས་དང་འབྲུམ་ནད་ཟློག༔ མཛེ་དང་ཤུ་བ་གཡན་པའི་ནད་རྣམས་ཟློག༔ གཏད་མནན་ངག་ནན་སེལ་གྱིས་ངན་སྦྱོར་ཟློག༔ ཀླུ་ཆེན་རྣམས་ཀྱི་ཞགས་པས་བཅིངས་བ་ཟློག༔ མཐོང་དུག་རེག་དུག་མཆེ་དུག་ཁ་རླངས་དུག༔ བསམ་པ་ངན་པའི་ཞེ་སྡང་དུག་རྣམས་ཟློག༔ ཀླུ་བདུད་ཀླུ་བཙན་ཀླུ་སྨན་གནོད་པ་ཟློག༔ གཉན་དང་ས་བདག་ས་སྲིའི་གནོད་པ་ཟློག༔ ས་འདྲེ་ས་སྲིན་ཕུང་འདྲེའི་གནོད་པ་ཟློག༔ ཀླུ་སྲིན་འཆི་བདག་མགོ་དགུའི་དུས་ལ་བབཿ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཨོ་ནག་པོ་ཏི་པ་ཙ་ཡ༔ ནཱ་ག་རཀྵ༔ རཾ་རཾ་རཾ་རཾ༔ ཡཾ་ཡཾ་ཡཾ་ཡཾ༔ ཁཾ་ཁཾ་ཁཾ་ཁཾ༔ ལཾ་ལཾ་ལཾ་ལཾ༔ ཙ་མ་རི་ཕྱུང་༔ ནཱ་ག་ཕུ༔ མཱ་ར་ཡ༔ ཨོ་ཕེ་ལཾ་ཧཱུཾ༔ ཞེས་བཟླས་སྐབས་སུ་གཏོར་མ་ཕུལ་ལ༔ དུས་དྲུག་གམ་བཞིར་བསྐུལ་བར་བཤད་།

[Full Size]

དོ༔ དམིགས་རིམ་རྣམས་གུད་དུ་གསལ༔ ཞེས་རཱ་ག་ཨ་སྱས་གཞུང་ནས་ཁོལ་དུ་ཕྱུང་བའོ༔ མངྒ་ལཾ༔

[Full Size]

ཤོག་སྟོང་།

འཇམ་དཔལ་ནཱ་ག་རཀཱའི་དབང་།

[Full Size]

འཇམ་དཔལ་ནཱ་ག་རཀཱའི་དབང་ཞེས་བྱ་བ་བཞུགས་སོ༔

[Full Size]

ན་མོ་མཉྫ་ཤྲཱི་ཛྙཱ་ན་སཏཱ་ཡེ༔ འཇམ་དཔལ་ནཱ་ག་རཀཱའི་མགྱོགས་དབང་བྲི༔ རྩ་གསུམ་ལྷ་ཡིས་བཀའ་གནང་བྱིན་གྱིས་རློབས༔ ཚོམ་བུ་བཀོད་སྟེང་དབང་གཏོར་དཀར་གཏོར་ལ༔ སྦྲུལ་ནག་མགོ་དགུའི་གཟུགས་ཀྱིས་དཀྲིས་པ་བཤམ༔ དེ་ལ་མེ་ཏོག་ནོར་བུའི་དཀར་རྒྱན་བྱ༔ ཡང་ན་ཙཀླི་འཛུགས་ཀྱང་ཆོག་པ་ཡིན༔ བུམ་རྫ་ས་གླ་རྩི་མ་འདྲེས་བུམ་པ་བཤམ༔ བླ་མ་འཇམ་པའི་དབྱངས་ལ་སྐྱབས་སུ་མཆི༔ འགྲོ་ཀུན་ཀླུ་གཉན་ནད་ལས་ཐར་བར་བྱ༔ ཨེ༔ བདག་མདུན་གཏོར་མའི་རྩེ་དང་བུམ་པའི་ནང་༔ ཕྱོགས་མདོག་སྦྲུལ་གྱི་གུར་ནང་རྒྱ་མཚོའི་དབུས༔ གཞལ་ཡས་ཁང་དབུས་ཀླུ་འབུམ་གཉན་ཁྲིའི་སྟེང་༔ ཕེ་ཡིག་ཡོངས་གྱུར་ཀླུ་སྲིན་ཧ་ལའི་མདོག༔ རི་

[Full Size]

རབ་རྒྱབ་གཏད་རྒྱ་མཚོར་སྦྲུལ་མཇུག་འཁྱིལ༔ རྩ་ཞལ་སྲིན་པོའི་ཞལ་བརྒྱད་སྦྲུལ་མགོའི་གདེངས༔ སྦྲུལ་མགོ་དབུས་མར་སྲོག་ཞུ་རྡོར་འཆང་བརྒྱན༔ གཡས་བརྒྱད་གྲི་གུག་གཡོན་བརྒྱུད་སྦྲུལ་ཞགས་བསྣམསཿ རྩ་ཕྱག་ཐུགས་ཀར་བསྣོལ་ཞིང་ཨིག་ཤ་སྒྲོགས༔ གང་དམིགས་ཟ་བྱེད་ཀླུ་ཡི་གཤེད་མར་གྱུར༔ འབྲུ་གསུམ་འོད་ཀྱིས་ཡེ་བསྟིམ་དབང་རྫོགས་གྱུར༔ ཐུགས་ཀར་མེ་འཁོར་རྩིབས་བཞིའི་དབུས་སུ་ཕེ༔ རྩིབས་བཞིར་འབྲུ་བཞི་མུ་ཁྱུད་སྔགས་རིང་བསྐོར༔ འོད་འཕྲོས་རང་འདྲ་དཔག་མེད་སྤྱན་དྲངས་ནས༔ བདག་མདུན་བུམ་ལྷ་རྣམས་ལ་

[Full Size]

སིབ་སིབ་ཐིམ༔ བུམ་ལྷར་བདུད་རྩིའི་རྒྱུན་བབས་བུམ་པ་གང་༔ ཨོ་ཕེ་ལཾ་ཧཱུྃ༔ ཞེས་པ་དེ་ལ་ཅི་འགྲུབ་བཟླ་བར་བྱ༔ གཏོར་མའི་སྨད་ཆ་མཆོད་པར་བསྔོ་བ་ནི༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཧཱུྃ༔ བསྐལ་པ་མེ་ལྟར་འབར་བའི་དཀྱིལ་འཁོར་ནས༔ རིག་པའི་རྒྱལ་པོ་འཆི་བདག་མགོ་དགུ་པ༔ ནཱ་ག་རཀྵ་སྦྲུལ་ནག་འཇིགས་པའི་གཟུགས༔ དམ་རྫས་བདུད་རྩི་འབར་བ་འདི་གསོལ་ལ༔ བདག་གིས་བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་གྲོ་དྷཱ་ནཱ་ག་རཀྟ་བ་ལིཾ་ཏ་ཁ་ཁ་ཁཱ་ཧི༔ ཨརྒྷཾ་སོགས། ཧཱུྃ༔ གདུག་པའི་ས་བདག་ཀླུ་གཉན་རྣམས༔ སྐད་ཅིག་ཙམ་གྱིས་བརླག་མཛད་པ༔ འཇམ་དཔལ་ཐུགས་ལས་སྤྲུལ་པ་ཡི༔ ཀླུ་བདུད་ནག་པོ་ཁྱོད་ལ་བསྟོད༔ བུམ་ལྷ་འོད་ཞུ་བདུད་རྩི་གྱུར༔ སློབ་མ་འདུས་ལ་ཁྲུས་དང་མཎྜལ་དབུལ༔ འོ་ན་ད་ལམ་ཁྱེད་རྣམས་ལ་འཇམ་དཔལ་ཡེ་ཤེས་སེམས་དཔའ་ཁྱབ་བདག་ནཱ་ག་རཀྵའི་དབང་བསྐུར་བ་ཡིན་ཏེ༔ སྔོན་འཇིག་རྟེན་གྱི་ཁམས་འདི་དང་པོ་ཆགས་ནས་འགྲོ་བ་རིགས་དྲུག་ལྷ་ཀླུ་མི་རྣམས་སྲིད་དོ༔ སྐྱེ་འགྲོ་ཀུན་གྱི་གཤེད་མར་དབུ་ནག་གི་མི་འདི་སྲིད་པས་དེའི་ཚེ་མི་རྣམས་ཀྱིས་ཐབས་སྣ་ཚོགས་པས་སྲོག་ཆགས་རྣམས་བསད་

[Full Size]

དོ༔ དེའི་ཚེ་མིའི་གཤེད་དུ་ཀླུ་རིགས་ཉི་ཤུ་རྩ་ལྔ་སྲིད་པས་མི་རྣམས་ལ་ནད་སྣ་ཚོགས་བཏང་ངོ་༔ དེའི་ཚེ་བཅོམ་ལྡན་འདས་འཇམ་དཔལ་གྱི་ཐུགས་ཀ་ནས་ཡི་གེ་ཕེ་གཅིག་འཕྲོས༔ འཇིག་རྟེན་འདས་དང་མ་འདས་སོ་མཚམས༔ ཆོས་ཉིད་རང་མདངས་འཁྲུགས་པའི་རྒྱ་མཚོའི་དབུས་སུ༔ ཐུགས་ཀྱི་ངོ་བོ་འཇམ་དཔལ་ཡིན་པ་ལ༔ ཀླུ་བདུད་འཆི་བདག་མགོ་དགུ་པར་སྤྲུལ་ནས༔ འཇིག་རྟེན་པའི་ཀླུ་གཉན་ས་བདག་དང་ཀླུ་བཙན་དང་ཀླུ་བདུད་དྲེགས་པ་ཅན་ཐམས་ཅད་དབང་དུ་བསྡུས་ཤིང་ཟིལ་གྱིས་མནན་ནས་དམ་ལ་བཏགས་པས་ཀླུ་ཆེན་བརྒྱད་ཀྱིས་གཙོར་བྱས་ཐམས་ཅད་ཀྱིས་སྲོག་སྙིང་ཕུལ༔ དམ་ལས་འདའ་རེ་ན་ར་ཀན་ཞེས་ཐ་ཚིག་ཕུལ་ལོ༔ དེའི་ཚེ་བྱང་ཆུབ་སེམས་དཔའ་རྡོ་རྗེ་རྣོན་པོས་ཞུས་པའི་ངོར༔ ཀླུ་རྒྱུད་འབུམ་གྱི་ཊཱིཀ་དང་༔ རྒྱ་མཚོ་དུག་རི་ཀའི་རྒྱུད་དང་༔ ཀླུ་བདུད་ཁྲོ་བོ་ནག་པོའི་རྒྱུད་དང་༔ ཀླུ་བདུད་འཁོར་ལོ་ནག་པོའི་རྒྱུད་རྣམས་གསུངས་ཏེ༔ དེ་ནས་མཁའ་འགྲོ་རྣམས་ཀྱིས་བཀའི་བསྡུ་བ་བྱས་ནས་གཏེར་གནས་རྣམས་སུ་གཏེར་དུ་སྦས་སོ༔ དེ་ནས་སངས་རྒྱས་འོད་སྲུང་གི་བསྟན་པ་ལ་རྒྱ་གར་གྱི་ཡུལ་བྷ་ལ་

[Full Size]

ཡང་སོང་ཞེས་བྱ་བ་ན༔ རྒྱལ་པོ་རཏྣ་དྷ་གཙུག་གི་ནོར་བུ་ཞེས་བྱ་བ་ལ་རྒྱལ་བུ་མཐའ་ཡས་འོད་ཅེས་བྱ་བ་བཞུགས་སོ༔ རྒྱལ་བུ་དེ་ལོ་བཅུ་གཅིག་ལོན་པའི་དུས་སུ་ས་བདག་དམངས་རིགས་ནད་ཀྱིས་ཟིན་པར་གྱུར་ཏེ༔ རྐང་པ་གཡོན་སྦྲིད་ཅིང་ཤ་རོས་ཐེབཿ སྟན་ཁ་ནས་མགུལ་མ་ནུས་པར་གྱུར་ཏོ༔ དེའི་དུས་སུ་རཱ་ཛ་དེ་ལ་བླ་མཆོད་དགེ་སློང་ཚུལ་ཁྲིམས་རྣམ་པར་དག་པ་བཞུགས་སོ༔ དེའི་ཚེ་རྒྱལ་པོའི་ཞལ་ནས༔ དགེ་སློང་བདག་གིས་རྒྱལ་བུའི་བསྙུན་ནད་འདི་སོས་པར་མཛོད་ཅིག་ཅེས་གསུངས་སོ༔ དེ་ནས་དགེ་སློང་གིས་ལྷ་ལ་གསོལ་བ་བཏབ་པས༔ རྨི་ལམ་དུ་ཡི་དམ་ལྷའི་ཞལ་ནསཿ རི་བོ་ཆེན་པོ་མགྲིན་བཟུང་ཞེས་བྱ་བའི་རྩེ་ལ་སངས་རྒྱས་འོད་སྲུང་གིས་རབ་གནས་མཛད་པའི་མཆོད་རྟེན་བུམ་པའི་ནང་ན་ཀླུ་ཡི་རྒྱུད་འབུམ་ཊིཀ་ཞེས་བྱ་བ་བཞུགས་སོ༔ དེའི་ནང་ན་ཀླུའི་སྲུང་བ་ནཱ་ག་རཀཱ་ཞེས་བྱ་བ་བཞུགས་སོ༔ དེས་རྒྱལ་པོའི་སྙན་ནད་འཚོ་བར་བྱེད་དོ༔ ཞེས་གསུངས་སོ༔ དེ་ནས་བླ་མཆོད་དེས་མན་ངག་ཇི་ལྟར་གདན་དྲངས་ནས་རྒྱལ་པོའི་སྙན་ནད་ཞག་གསུམ་གྱིས་དྭངས་བར་བྱས་སོ༔ དེ་ནས་ཐུབ་པའི་བསྟན་པ་འདི་ལ་བོད་དུ་རྒྱལ་པོ་

[Full Size]

ཁྲི་སྲོང་ལྡེའུ་བཙན་གྱིས་ཨུ་རྒྱན་རིན་པོ་ཆེ་སྤྱན་དྲངས་ཏེ༔ དཔལ་བསམ་ཡས་ལྷུན་གྱིས་གྲུབ་པ་བཞེངས་ནས༔ འོག་ཁང་དུ་འདག་པའི་ལྡེར་པོ་བཞེངས༔ བར་ཁང་དུ་བརྐོས་པའི་ལྷ་བཞེངས༔ སྟེང་ཁང་དུ་ཤོག་འདག་རས་འདག་གིས་ལྷ་བཞེངས་པའི་དུསཿ འབྲུག་གི་ལོ་དཔྱིད་ར་བའི་ཚེས་བརྒྱད་ཀྱི་ཉིན་པར་ཉི་མ་རྩེ་ཤར་བའི་དུས་སུ༔ ཁྱེའུ་ཏོ་གཟུགས་མཛེས་པ་རིན་པོ་ཆེ་སྣ་ཚོགས་ཀྱིས་བརྒྱན་པ་མཇུག་མ་རྐེད་དུ་དཀྲིས་པ༔ ཕྱག་ན་ཀླུའི་ཐོད་པ་སྔོ་ཏིང་ངེ་བ་གསེར་གྱིས་བཀང་བ་ཞིག་གི་སྟེང་དུ་གསེར་གྱི་པ་ཏྲ་བཞག་པ༔ འོད་ཟེར་སྣ་ཚོགས་སུ་འཕྲོ་བ་ཞིག་རྒྱལ་པོའི་དྲུང་དུ་བྱུང་ནས་གསེར་ཕུལ་ནས་འདི་སྐད་གསུངས་སོ༔ ཀྱེ་རྒྱལ་པོ་ཆེན་པོ་ལགས༔ བདག་ནི་མ་དྲོས་ཀླུའི་དེད་དཔོན་ཏེ༔ ནག་པོ་ཀླུ་གདོལ་ཞེས་བྱའི་གནས་ནས་འོང་༔ བདག་དང་གྲོགས་བྱ་དེ་རིང་མནའ་ཐོ་བཅད༔ བསམ་ཡས་ལྷ་ཡི་གསེར་རྣམས་བདག་གིས་སྦྱིན༔ གསུངས་ནས་རྒྱལ་པོ་ཉིད་དང་མ་དྲོས་ཀླུ་གཉིས་ཀྱིས༔ སློབ་དཔོན་པདྨ་དཔང་དུ་བཞག་སྟེ་སྤྱན་དང་གྲོགས་པོ་བྱ་བར་དམ་བཅས༔ ཚད་དང་མནའ་ཐོ་བཅད་དེ་རྒྱལ་པོས་ཀླུ་ཁང་བཞེངས་པར་ཞལ་

[Full Size]

གྱིས་བཞེས༔ མ་དྲོས་ཀླུའི་བསམ་ཡས་ལྷ་ཁང་རྣམས་ཀྱིས་གསེར་དགོས་ཚད་དབུལ་བར་དམ་བཅས་སོ༔ སློབ་དཔོན་གྱིས་མ་དྲོས་ཀླུའི་སྤྱི་བོར་རྡོ་རྗེ་བཞག༔ ལྕེ་ལ་བདུད་རྩི་བཞག༔ གསང་བའི་དམ་ལ་བཏགས་སོ༔ དེ་ནས་དུས་རྟག་ཏུ་ཀླུ་བདུད་དེ་རྒྱལ་པོའི་དྲུང་དུ་ཁྱེའུ་ཏོ་ཞིག་ཏུ་སྤྲུལ་ཞིང་གསེར་འབུལ་དུ་འོང་ངོ༔ དེར་རཱ་ཛའི་ཐུགས་དགོངས་ལ༔ བདག་གི་གྲོགས་པོ་འདི་ལ་གསེར་མི་ཟད་པའི་ནོར་ཡོད་འདུག༔ མ་དྲོས་ཀླུའི་དེད་དཔོན་རང་ཡིན་ཟེར་བ་ལ༔ ཁྱེའུ་ཏོག་གི་གཟུགས་མ་ཡིན་པའི་གཟུགས་བཟང་པོ་སྦྲུལ་མགོ་དང་བཅས་པ༔ ལྷ་སའི་ཀླུ་ཁང་གི་ལྡེར་པོ་འདྲ་བ་ཞིག་ཡོད་ཐང་སྙམ་ནསཿ དེ་ནས་ནང་མ་གཅིག་གསེར་འབུལ་དུ་བྱུང་བའི་དུས་སུ་རྒྱལ་པོས་འདི་སྐད་སྨྲས་སོ༔ ཁྱེད་ཀྱི་གཟུགས་མཐར་ཐུག་པ་ཞིག་སྟོན་དང་ཀླུ་ཁང་བཞེངས་པའི་དུས་སུ་དགོས་པ་ཡོད༔ ཁྱེའུའི་གཟུགས་ལ་གཟི་བརྗིད་མེད༔ ལྡེར་པོ་དེ་ལ་དཔེ་མི་གཏུབ༔ ནངས་པར་འོང་བའི་དུས་སུ་ཁྱེའུ་ཏོ་གི་གཟུགས་སུ་མི་སྤྲུལ་བར་གཟུགས་ཇི་ལྟར་ཡོད་པ་སྟོན་གསུངས་སོ༔ ཀླུའི་ཞལ་ནས་ནངས་པར་འོང་བས་དུག་གིས་ཕོག་ཉན་ཡོད་པསཿ ལྕགས་འབག་ལ་གླ་རྩི་བྱུགས་ལ་

[Full Size]

གདོང་དུ་གྱོན༔ ཡཀྵ་ལྟ་འོག་ཏུ་བཞུགས་ལ་ཉི་མ་རྩེ་འཆར་ལ་དབུ་རྩེ་ལ་ལྟོས་གསུངསཿ དེ་ནས་དབུ་རྩེར་རཱ་ཛ་བྱོན་ཏེ༔ ཡཀྵ་ལྟ་འོག་གི་གླིང་དུ་བྱོན་ཏེ་ནུབ་མོ་དེར་གཟིམས་པའི་དུས་སུ་ས་བདག་གི་ཆོ་འཕྲུལ་མང་པོའང་རྨིས་སོ༔ སྙིང་ཡང་མ་དགའ་ཁམས་ཀྱང་མ་བདེ་སྙམ་བྱེད་ཅིང་༔ སྐྱི་གཡའ་ཞིང་བ་སྤུ་ལྡང་༔ འཇིགས་ཆུམ་ཆུམ་བྱེད་ཅིང་སྔོན་དང་མི་འདྲའོ༔ དེ་ནས་ཉི་མ་རྩེ་ཤར་བའི་དུས་སུ་འཇའ་འཁྱིལ་འཁྱིལ༔ སྙིང་རྩ་ཆུམ་ཆུམ་བྱེད༔ སྔངས་སུ་ཡེད་ཡེད་པའི་འཕྲོ་ལ་དབུ་རྩེ་ཆེན་པོ་ལ་སྦྲུལ་ནག་ཆེན་པོ་རབ་ཏུ་འབར་བ༔ འོད་ཟེར་ཀུན་ཏུ་འཕྲོ་བ༔ འཇིགས་ཤིང་སྐྱི་གཡའ་བ་ཞིག་དབུ་རྩེ་ལ་ལན་གསུམ་དཀྲིས་ཏེ༔ སྦོམ་ཕྲ་ནི་འདོམ་བཞིས་འཁྱུད་ཐང་ངོ་༔ རིང་ཐུང་ནི་དབུ་རྩེ་ལ་ལན་གསུམ་འཁོར་རོ༔ དུག་གི་རླངས་པ་ན་བུན་ཙམ་གྱིས་དབུ་རྩེ་དང་ཐང་ཁྱབ་པར་གྱུར་ཏོ༔ མི་ཐམས་ཅད་སྐག་ཅིང་སྔངས་བར་གྱུར་པ་དང་༔ དེར་རྭ་ཛ་ལ་ཀླུའི་དུག་ཕོག་པར་གྱུར་ཏོ༔ ཞག་གསུམ་ནས་ཤ་རོ་དང་བས་ལྡག་ལ་སོགས་པས་ལུས་ལ་ཁྱབ༔ དུག་དེ་ལུས་ཀྱི་རྩ་མིག་ཏུ་ཁྲག་དང་འདྲེས་ནས་གཟུགས་མེད་པའི་སྲོག་ཆགས་ཕྲ་མོ་མང་

[Full Size]

པོར་གྱུར་ཏོ༔ ས་བདག་གི་གཟུགས་མང་པོ་ལུས་ཀྱི་ནང་དུ་གྱུར་ཞིང་སྲོག་ཆགས་ཡིད་ཀྱི་གཟུགས་ཅན་དེ་རྣམས་གང་ན་གནས་པའི་ས་ན་རྩ་འཕྲིག་གོ༔ ཤ་འཕྲིག་གོ༔ ཚ་ཙག་ཙག༔ ན་ཙག་ཙག༔ གཡའ་ཙག་ཙག༔ ན་སྒེར་སྒེརཿ ཚ་སྒེར་སྒེརཿ ཚ་སྲིང་སྲིང་༔ གྲང་ལྷང་ལྷང་༔ ཚ་འབྲིར་འབྲིརཿ གཡའ་ཐིར་ཐིརཿ སྦྲིད་ཆིལ་ཆིལ༔ ཟ་ཁོལ་ཁོལ༔ རྩེ་ཞུམ་ཞུམ༔ ལུས་ཡོངས་སུ་མ་བདེའོ༔ ཀླུའི་གཟུགས་སྟོན་བྱས་པས་རབ་ཏུ་འགྱོད་དོ་དེ་ནི་མཛེ་རིགས་བཅོ་བརྒྱད་ཟླ་བ་གཅིག་ལ་རྫོགས་སོ༔ མི་ཁྱུ་ནས་མ་འཐོན་ཞིང་༔ སྔར་མེ་དཔོན་བྱས་ཏེ་ད་ནི་ངན་ལོང་གི་ཁྱུར་ཡང་མི་ཚུད་སྙམ་སྟེ༔ དུགཁ་ཆེན་པོས་ནོན་ཏེ་རང་གི་སྟན་ཡང་མི་ཆགས་ཤིང་སྙིང་རླུང་ལྡང་༔ མ་དྲོས་ཀླུས་རྒྱལ་པོ་ལ་དུག་ཕོག་པས་ངོ་གནོང་ཞིང་སྐྱེངས་ཏེ་སྤྱན་སྔར་གསེར་འབུལ་བའི་འཕྲོ་ཡང་ཆད་དོ༔ དེ་ནས་རྒྱལ་པོའི་ཐུགས་དགོངས་ལ༔ ང་ལ་ཞེ་ཐག་པ་ནས་མཛེ་འོང་བ་ཅང་སྲིད་དམ༔ དེ་ནས་སློབ་དཔོན་པདྨ་ལྟ་བུའི་འཇིག་རྟེན་གསུམ་གྱི་མགོན་དུ་གྱུར་པ༔ ཉེན་པ་རྣམས་ཀྱི་སྐྱབས་སུ་གྱུར་པ༔ ལྷ་མ་སྲིན་སྡེ་བརྒྱད་རྡུལ་དུ་བརླག་པ༔ དེ་ལྟ་བུ་ཡོད་པ་ལ་ཐབས་

[Full Size]

ཤིག་ཡོད་དོ་ཨོཾ་སྙམ་ནས༔ བློ་སོར་ཆུད་དེ་དགའ་ཡལ་ཡལ་བྱུང་ངོ་༔ དེར་སློབ་དཔོན་པདྨ་འབྱུང་གནས་བསམ་ཡས་བྲེ་གུ་སྣའི་ཡང་དབེན་ནས་སྤྱན་དྲངས༔ བསམ་ཡས་དབུ་རྩེ་རིམ་གསུམ་གྱི་སྟེང་ཁང་ན་བཞུགས་སུ་གསོལ་ནས༔ དེར་དར་ཟབ་ཀྱི་ཁྲི་སྟེང་དུ་བཞུགས་སོ༔ སྤྱན་གཟིགས་སྣ་ཚོགས་ཀྱིས་པཱུ་ཛ་ཕུལ་ཏེ༔ རྒྱལ་པོའི་ལུས་ལོངས་སྤྱོད་ཅི་ཡོད་སློབ་དཔོན་པདྨ་ལ་ཕུལ་ཏེ༔ རཱ་ཛས་ཞུས་པ༔ རྗེ་རིན་པོ་ཆེ་ལགས༔ གྲོགས་པོས་གཟུགས་བསྟན་པའི་དུག་གིས་ཕོག་ནས་ནད་ཀྱིས་ཟིན༔ སྡུག་བསྔལ་ཞིང་ཉམ་ཐག་པ་འདི་དང་བྲལ་བར་མཛད་དུ་གསོལ་ཞེས་གསོལ་བ་བཏབ་བོ༔ སློབ་དཔོན་གྱིས་གསུངས་པ༔ རྒྱལ་པོ་ནད་འདི་དང་བྲལ་བར་བྱའི༔ ཡིད་གཡོ་བར་མ་བྱེད་ཅིག༔ ཐུགས་བདེ་ལྷན་ནེ་བཞུགས་པར་མཆིས༔ ང་འདུག་ན་རཱ་ཛ་ནད་ཀྱིས་ཉེན་པ་ག་ལ་མཆིས༔ ཐབས་ཡོད་ཀྱིས་ཐུགས་མི་བདེ་མི་འཚལ་གསུངས་ནས་འཇམ་དཔལ་ནཱ་ག་རཀཱ་འདི་གནང་ནས༔ དེ་ལྟར་ཀླུ་གདོན་ཐམས་ཅད་འཇོམས་པའི་ཀླུའི་གཉན་པོ་ནཱ་ག་རཀཱ་ཞེས་བྱ་བ་འདི་ལྟ་བུ་ཡོད་པས་རྒྱལ་པོ་ཆེན་པོས་ཉམས་སུ་ལོངས་ཤིག༔ འདི་ནི་དྲག་པོ་

[Full Size]

ཀླུའི་རང་གནད་ཅེས་བྱ་སྟེ་མྱུར་དུ་འཇིགས་པའི་ནད་དང་བྲལ་བར་འགྱུར་རོ༔ ལྷ་གཞན་ཐམས་ཅད་ནི་འགྲུབ་ཐག་རིང་སྟེ་འགྱང་རིང་པོར་འོང་ཉེན་ཡོད་དོ༔ དེའི་ཕྱིར་ན་འདི་ལྟ་བུའི་གདམས་ངག་ཡོད་པས་རྒྱལ་པོ་ས་བདག་ཀླུ་གཉན་ལ་འཇིགས་པ་མི་འཚལ་ལོ༔ རྒྱལ་པོ༔ འདིའི་ཡོན་ཏན་བསམ་གྱིས་མི་ཁྱབ་སྟེ༔ ་་འདི་ལྟ་སྟེ༔ རིག་པའི་རྒྱལ་པོ་འདི་ཉིད་ནི༔ དྲན་པ་ཙམ་གྱིས་ཀླུ་རྣམས་འཇོམས༔ ས་བདག་ས་སྲིན་སྨོས་ཅི་དགོས༔ ས་བདག་ཀླུ་ཡི་གཤེད་མ་ནི༔ ནཱ་ག་རཀྟ་ཞེས་བྱ་འདི༔ ཀླུ་རྣམས་ཡོངས་ཀྱི་གཤེད་མར་འགྱུར༔ ཀླུ་རྣམས་སྲོག་གཅོད་སྲིན་པོ་ཡིན༔ འདི་ཉིད་བསྒྲུབས་པའི་རྣལ་འབྱོར་པ༔ ཀླུ་རིགས་ལྔ་དང་ས་བདག་གཉན༔ བ་སུ་རིགས་དྲུག་ཟས་སུ་བྲ༔ ཀླུ་གཉན་འཇིགས་པ་ཀུན་དང་བྲལ༔ ཀླུ་གཉན་ས་བདག་རིགས་ལྔ་ཡི༔ ཕོ་བྲང་གནས་ཁང་མེས་བསྲེག་ཀྱང་༔ རང་ལུས་ཕ་ལམ་རྡོ་རྗེར་འགྱུརཿ རིག་པའི་རྒྱལ་པོ་འདི་བསྒོམས་ནས༔ ཀླུ་ཡི་གནས་སུ་ཕྱིན་གྱུར་ན༔ ཀླུ་གཉན་ཐམས་ཅད་བརྒྱལ་ཞིང་སྔངས༔ དེ་ཕྱིར་རྒྱལ་པོ་ཆེན་པོ་ཉིད༔ འདི་བས་ཟབ་པའི་མན་ངག་ནི༔ པདྨ་བདག་ལ་ཡོད་རེ་ཀན༔ རྒྱལ་

[Full Size]

པོས་ཐུགས་ཀྱི་དཀྱིལ་དུ་ཆོངས༔ རྟ་རྨིག་ལྕགས་ཀྱིས་བཏུམས་བྱས་ནས༔ འཛམ་གླིང་ཀུན་ཀྱང་བཙལ་གྱུར་ཀྱང་༔ རྙེད་པར་མི་སྲིད་སྲུང་བ་འདི༔ འཕགས་པ་རྣམས་ཀྱིས་གསུངས་པ་མེད༔ རྫུ་འཕྲུལ་སྣ་ཚོགས་ཐོབ་གྱུར་ནས༔ སྟོང་གསུམ་མི་མཇེད་བསྐོར་གྱུར་ཀྱང་༔ སྲུང་བ་འདི་བས་ཟབ་པ་ནི༔ དུས་གསུམ་རྒྱལ་བས་གསུངས་པ་མེད༔ རྒྱལ་པོའི་སྐུ་ཚེ་བསྲིང་བ་དང་༔ རྒྱལ་བུའི་བཙས་སུ་བཞག་པ་ལས༔ གཞན་ལ་བསྟན་ན་དམ་ཚིག་ཉམས༔ དེ་ཕྱིར་རྒྱལ་པོ་ཉིད་ལ་ནི་བདག་འདྲ་ཨུ་རྒྱན་པདྨ་ཡིས༔ ཐུགས་ཀྱི་བཅུང་ཕྱུང་མན་ངག་སྙིང་པོ་འདི༔ བློ་དམན་ཐེག་ཆུང་རྣམས་ལ་གསང་༔ སྐལ་མེད་ཕྲག་དོག་ཅན་ལ་གསང་༔ ལོག་ལྟ་ཡིད་ཆེས་མེད་ལ་གསང་༔ ཤེས་རབ་སྙིང་རྗེ་ཆུང་ལ་གསང་༔ ཞེ་སྡང་ང་རྒྱལ་ཅན་ལ་གསང་༔ གཏི་མུག་ཞེ་གནག་ཅན་ལ་གསང་༔ མན་ངག་སྣོད་དུ་མི་རུང་བའི༔ གང་ཟག་ཆོས་སྐལ་མི་ལྡན་པའི༔ ཞེ་སྡང་མེ་ལྟར་འབར་བ་ཡི༔ ཕྲག་དོག་རླུང་ལྟར་འཚུབ་པ་ཡི༔ ང་རྒྱལ་རི་ལྟར་གཏམས་པ་ཡི༔ འདོད་ཆགས་ཆུ་ལྟར་ཁོལ་བ་ཡི༔ གཏི་མུག་མུན་ལྟར་འཐིབས་ལ་གསང་༔ དུག་

[Full Size]

ལྔའི་ས་བོན་རྒྱས་པ་ཡི༔ གདམས་ངག་སྐལ་བ་ཆད་པ་ཡི༔ མི་ལུས་དུད་འགྲོ་རྣམས་ལ་གསང་༔ བློ་དམན་ཐོས་ཆུང་རྣམས་ལ་གསང་༔ བླ་མ་མི་བསྟེན་ཐེ་ཚོམ་སྐྱོན་ལ་བལྟ༔ ཡོན་ཏན་མི་ཚོལ་སྐྱོན་སྣ་ཚོལ༔ ཆོས་དྲེད་རྣམས་ལ་གསང་བར་བྱའོ༔ བདག་འདྲ་ཨུ་རྒྱན་པདྨ་ཡིས༔ སྙིང་ཐིག་བཅུད་ཀྱི་མན་ངག་རྣམས༔ ཐེག་ཆེན་དོན་དུ་གཉེར་ལ་གཏད༔ ཤེས་རབ་སྙིང་རྗེ་ཆེ་ལ་གཏད༔ ཆོས་བརྒྱད་རིག་རྩོལ་ལྡན་ལ་གཏད༔ ཞེ་སྡང་སེར་སྣ་ཆུང་ལ་གཏད༔ ང་རྒྱལ་འདོད་པ་མེད་ལ་གཏད༔ ཕྲག་དོག་གཏི་མུག་སྤོང་ལ་གཏད༔ གསང་ཐུབ་བརྩོན་འགྲུས་ལྡན་ལ་གཏད༔ བྱང་སེམས་མོས་གུས་ཅན་ལ་གཏད༔ ཅེས་གསུངས་སོ༔ རྒྱལ་པོས་ཞག་གསུམ་བདུན་ཉམས་སུ་བླངས་པས་ནད་ལ་ཕན༔ དེར་རྒྱལ་པོ་ཉིད་ཀྱིས་མ་འོངས་ལྔ་བརྒྱ་དུས་ཀྱི་ཐ་མ་ལ༔ གདུག་པ་ཀླུ་ཡིས་མི་རྣམས་ཉེན་པའི་དུས༔ གདམས་པ་འདི་ཡིས་ཕན་གདགས་བྱ་ཕྱིར་དུ༔ ཤོག་སེར་ཡི་གེར་བྲིས་ཏེ་གཏེར་དུ་སྦས༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ དམ་ཆོས་ཚུལ་བཞིན་སྤྱོད་པའི་གང་ཟག་དེས༔ ཕོངས་པ་མེད་པར་ཟས་ནོར་གཏོང་ནུས་དང་༔

[Full Size]

གདུག་པ་ནད་ཀྱིས་གདུངས་པའི་གང་ཟག་ལ༔ གདམས་པ་ལྷག་ཆད་མེད་པར་སྦྱིན་པར་བྱ༔ གུས་མེད་ནོར་རྫས་མི་འབུལ་གདམས་པ་འདོད༔ སྙིང་རྗེ་ཕན་སེམས་མེད་ཅིང་རང་འདོད་ཆེ༔ དམ་མེད་ཁ་གསག་ཅན་ལ་མི་སྦྱིན་ནོ༔ བྱིན་ན་གཏེར་སྲུང་ཁྱོད་ཀྱིས་མགོ་བོ་ཁོས༔ ཞེས་གསུངས་ནས་གཏེར་ཀ་སོ་སོར་གཏེར་དུ་སྦས་པ༔ མངའ་བདག་ཡབ་སྲས༔ ཞང་ཁྲོམ༔ རིན་ཆེན་གླིང་པ༔ རཏྣ་གླིང་པ་སོགས་ཀྱིས་རིམ་པར་བཏོན་ཏེ༔ ཕྱག་གཉིས་བརྒྱ་པ་དང་༔ ཕྱག་བརྒྱ་པ་དང་༔ ཕྱག་བཅུ་དྲུག་པ་དང་༔ ཕྱག་བཞི་པ་དང་༔ ཕྱག་གཉིས་པ་དང་༔ ཁྲོ་ཞལ་དགུ་བརྩེགས་དང་༔ ཁྱུང་དབུ་ཅན་དང་དཀར་པོ་ཕྱག་གཉིས་ཞི་བ་སོགས་རིགས་མི་འདྲ་བ་དང་རྒྱས་བསྡུས་དུ་མ་བྱུང་ཞིང་༔ ཡི་དམ་ལྟར་བསྒྲུབ་པའི་ཐབས་དང་༔ དེའི་དབང་༔ ཆོས་སྐྱོང་ལྟར་སྒྲུབ་པའི་ཐབས་དང་སྲོག་དབང་བཀའ་གཏད་དང་༔ དེའི་བསྐུལ་ཐོབ་པ་ནི་རིང་བརྒྱུད་ཡིན་ལ༔ འཇམ་དཔལ་ཉིད་ཀྱིས་མི་འགྱུར་རྡོ་རྗེ་ལ་དངོས་སུ་གནང་བའི༔ འདིའི་སྒྲུབ་ཐབས་ལས་ཚོགས་དབང་དང་བཅས་པ་ཐོབ་པ་ནི་ཉེ་བརྒྱུད་ཡིན་ཏེ༔ ངོ་བོ་གཅིག་པའི་

[Full Size]

ཕྱིར་བྱིན་རླབས་ཀྱི་བརྒྱུད་པ་གཅིག་ཏུ་འདྲེས་པ་ཡིན་ཞིང་༔ རང་གིས་བསྙེན་སྒྲུབ་རྟགས་ཐོན་པ་བྱས་པས་འདིའི་དབང་དང་བྱབ་ཁྲུས་ཙམ་གྱིས་ཤུ་བ་རྨ་མཛེ་སོགས་ཕན་པ་དང་༔ གཞོན་ནུ་མཛེས་ཟིན་པ་འགའ་རེ་ལ་བསླབས་པས་ཕན་པ་མྱོང་བས་གྲུབ་བོ༔ དེ་ལྟ་བུའི་དབང་ཞུ་བའི་ཕྱིར་མཎྜལ་འབུལ༔ད་བླ་མ་དང་མདུན་བསྐྱེད་རྣམས་འཇམ་དཔལ་ཡེ་ཤེས་སེམས་དཔའ་དངོས་ཡིན་སྙམ་པས་འདིའི་རྗེས་ཟློས་མཛོད༔ བཅོམ་ལྡན་རྗེ་བཙུན་འཇམ་དཔལ་དབྱངས༔ རབ་ཁྲོས་གཤིན་རྗེའི་གཤེད་པོ་ནི༔ ཀླུ་བདུད་ནཱ་ག་རཀྭ་ཡིས༔ བདག་ཅག་རྗེས་བཟུང་གནང་བར་མཛོད༔ གསུམ། ད་སྐྱབས་འགྲོ་སེམས་བསྐྱེད་འདིའི་རྗེས་ཟློས་མཛོད༔ བླ་མ་ཡི་དམ་མཁའ་འགྲོའི་ཚོགསཿ མ་ལུས་སྲུང་མ་ཐམས་ཅད་དང་༔ ཀླུ་བདུད་ནཱ་ག་རཀཱ་ཡི༔ ལྷ་ཚོགས་རྣམས་ལ་སྐྱབས་སུ་མཆི༔ གསུམ། ད་སེམས་བསྐྱེད་པ་འདིའི་རྗེས་ཟློས་མཛོད༔ བྱང་ཆུབ་བདེ་གཤེགས་བླ་ན་མེད༔ ཁམས་གསུམ་འགྲོ་བ་མ་ལུས་ཀུན༔ ཐེག་མཆོག་ལམ་ལ་འགོད་པའི་ཕྱིརཿ དམ་པ་ཉེ་བར་སེམས་བསྐྱེད་དོ༔ གསུམ། ད་བླ་མ་དང་འཇམ་དབྱངས་དབྱེར་མེད་པའི་དྲུང་དུ་ཡན་ལག་

[Full Size]

བཅུ་པ་འབུལ་བའི་རྗེས་ཟློས་མཛོད༔ འཇམ་དབྱངས་ཁྲོ་རྒྱལ་འཁོར་བཅས་གཤེགས༔ ཉི་ཟླ་དྲེགས་པའི་གདན་ལ་བཞུགས༔ ལུས་ངག་ཡིད་གསུམ་གུས་ཕྱག་འཚལ༔ ཕྱི་ནང་གསང་གསུམ་མཆོད་པ་འབུལ༔ ཉམས་ཆག་སྡིག་སྒྲིབ་མཐོལ་ལོ་བཤགས༔ དུས་གསུམ་དགེ་ལ་རྗེས་ཡི་རང་༔ མྱ་ངན་མི་འདའ་བཞུགས་སུ་གསོལ༔ སྙིང་པོ་གསང་སྔགས་ཆོས་འཁོར་བསྐོར༔ དགེ་ཚོགས་བགྱིས་པའི་འགྲོ་བ་རྣམས༔ སྤྲོས་བྲལ་དབྱིངས་ལ་འགོད་པར་ཤོག༔ གསུམ། ཁྱོད་ནི་སྐལ་ལྡན་རིགས་ཀྱི་བུ༔ འཇམ་དཔལ་ནཱ་ག་རཀ་ཡི༔ དཀྱིལ་འཁོར་བལྟ་བར་འདོད་པ་ཅི༔ དམ་ཚིག་ལྡན་ཁྱོད་རྗེས་སུ་བཟུང་༔ ད་དམ་ཚིག་ཁས་ལེན་པ་འདིའི་རྗེས་ཟློས་མཛོད༔ བླ་མ་མཆོག་གི་སྤྱན་སྔ་རུ༔ གསང་སྔགས་ཕྱི་ནང་དམ་ཚིག་བསྲུང་༔ ཨེ་མ་ཡང་དག་རྣལ་འབྱོར་ཆེ༔ གཤིན་རྗེ་སྲིན་པོ་ཀླུ་བདུད་འདི༔ དྲོད་ཐོབ་དམ་ཚིག་ལྡན་པས་བསྒྲུབ༔ རྟོགས་ཀྱི་ཕྱག་རྒྱུ་འཇིག་མེད་བསྒོམ༔ བཟླས་པ་ནོར་བུའི་ཕྲེང་བ་བརྗོད༔ ལས་ཀྱི་འཆི་བདག་གཤིན་རྗེ་ཆད༔ དམེ་དང་ཡུགས་ས་མོ་ལ་འཛེམ༔ ཀླུ་ནད་ཅན་ལ་སྔགས་མི་དབོག༔ ས་

[Full Size]

གཉན་རྡོ་ཤིང་གཅོད་པ་མིན༔ ཀླུ་ཡི་དམ་ཚིག་མནའ་ལ་འཛེམ༔ ལུ་མ་མི་བཤོར་བུབ་ཆུ་མིན༔ དམ་ཆུ་བླུད་ལ༔ ཨོཾ་ཨ་མྲྀ་ཏེ་ད་ཀ་ཋ༔ དེའང་འདིའི་རྒྱུད་ལས༔ ངེས་པར་བུམ་པའི་དབང་ཐོབ་བྱ༔ ཞེས་གསུངས་པས༔ བུམ་དབང་སོགས་དབང་བཞི་ཞུ་བའི་ཕྱིར་རྗེས་ཟློས་མཛོད༔ ཧཱུྃ༔ དུས་གསུམ་བདེ་གཤེགས་བླ་མ་ཡིས༔ ་་གདུག་པ་ས་བདག་ཀླུ་གཉན་གྱི༔ ནད་གདོན་སྡུག་བསྔལ་ཞི་ཕྱིར་དུ༔ རིག་པའི་རྒྱལ་པོ་འཆི་བདག་མཆོག༔ ཁྱབ་བདག་ནཱ་ག་རཀཱ་ཡི༔ བྱིན་རླབས་དབང་བཞི་བསྐུར་དུ་གསོལ༔ ཚེ་དང་བསོད་ནམས་རབ་རྒྱས་ཏེ༔ རྡོ་རྗེ་གསུམ་དུ་བདག་སྒྲུབ་མཛོད༔ གསུམ༔ གཏོར་མ་དང་སློབ་མ་ཀུ་ཤས་བྲན་ལཿ ཨོཾ་སྭ་བྷ་ཝ་སོགས། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་ཕེརཀྵ་ཀེ་རུ་ཧཱུྃ༔ ཞེས་བརྗོད་པས་གནས་ཁང་འདིའང་རང་ངོ་མ་ཤེས་ཀྱི་འཁྲུལ་མཚམས་འཇིག་རྟེན་འདས་དང་མ་འདས་ཀྱི་སོ་མཚམསཿ ཆོས་ཉིད་རང་མདངས་འཁྲུགས་པ་ཞེས་བྱ་བའི་རྒྱ་མཚོ་ཆེན་པོ༔ ཤར་དུ་ཞེ་སྡང་གི་མེ་འབར་བ༔ ལྷོར་ང་རྒྱལ་གྱི་རི་ཉིལ་བ༔ ནུབ་ཏུ་འདོད་ཆགས་ཀྱི་ཆུ་

[Full Size]

འཁྲུགས་པ༔ བྱང་དུ་ཕྲག་དོག་གི་རླུང་འཚུབ་པ༔ འོག་ཏུ་གཏི་མུག་གི་མུན་པ་འཁྲིགས་པ༔ སྟེང་དུ་ཡེ་ཤེས་ཀྱི་ཉི་ཟླ་ཤར་བ༔ མཐའ་སྐོར་དུ་གཡུའི་ནེའུ་སིང་ལ་གསེར་གྱི་མེ་ཏོག་དང་རྫིང་བུ་དང་ལྗོན་ཤིང་གིས་བསྐོར་བ༔ སྟེང་ན་ན་བུན་དང་ལྷོ་སྤྲིན་འཁྲིགས་ཤིང་གློག་དང་འབྲུག་སྒྲ་འབྱིན་པཿ རིན་པོ་ཆེའི་ཆར་འབེབས་པ༔ གནམ་ས་ཐམས་ཅད་སྤྲུལ་གྱིས་གཅལ་དུ་བཀྲམ་ཞིང་ཐོག་ཕུབ་པ༔ ས་བདག་ཀླུ་གཉན་ཐམས་ཅད་ཟས་སུ་ཟ་ཞིང་བསྒྲལ་བའི་ཞིང་དུ་གྱུར་པའི་ཕོ་བྲང་ཆེན་པོའི་དབུས་ཀླུ་རྒྱལ་རིགས་རྗེའུ་རིགས་བྲམ་ཟེའི་རིགས་དམངས་རིགས་གདོལ་པའི་རིགས་ལ་སོགས་པ་ཀླུ་འབུམ་སྡེ་ས་བདག་སྟོང་སྡེ་གཉན་འབུམ་སྡེ་རྣམས་གཅལ་དུ་བཀྲམ་སྟེ་གདན་དུ་བཏིང་ནས་ཟས་སུ་ཟ་བའི་ཁྲི་སྟེང་དུ༔ ཁྱེད་རང་སློབ་མ་རྣམས་དང་གཏོར་མ་སོ་སོར་ཡི་གེ་ཕེདམར་ནག་གཅིག་ཏུ་གྱུརཿ དེ་ཡོངས་སུ་གྱུར་པ་ལས་བཅོམ་ལྡན་འདས་རིག་པའི་རྒྱལ་པོ་ནཱ་ག་རཀ་ནག་པོ་ཏི་པ་ཙ་ཡ་ཞེས་བྱ་བ་ཀླུ་བདུད་ནག་པོ་མགོ་དགུ་པ་སྐུ་སྟོད་སྲིད་པོའི་གཟུགས་ཅན་སྐུ་རྒྱབ་རི་རབ་ལ་གཏད་པ༔ སྐུ་སྨད་སྦྲུལ་མཇུག་རྒྱ་མཚོའི་སྟེང་དུ་འཁྱིལ་བ༔ སྦྲུལ་མགོ་དགུ་

[Full Size]

ནམ་མཁའ་ལ་འཕྱོ་བ༔ སྦྲུལ་མགོ་དབུས་མ་རིན་པོ་ཆེའི་པྲོག་ཞུ་ཅན༔ ཕྱག་བཅུ་དྲུག་གི་གཡས་པ་བརྒྱད་ཀྱིས་གྲི་གུག་དང་༔ གཡོན་པ་བརྒྱད་ཀྱིས་སྦྲུལ་ཞགས་བསྣམས་པ་སྐུ་མདོག་རྡོ་མདུང་རྩེའམ་དུག་ཧ་ལའི་མདོག་ཅན་སྔོ་ནག་ཤིན་ཏུ་འཚེར་ཞིང་འོད་འཕྲོ་བ༔ ཞལ་ནས་ཨིག་ཨིཀཱ་ཞེས་པའི་སྒྲ་དྲག་པོ་སྒྲོགས་པ༔ ས་བདག་ཀླུ་གཉན་ཐམས་ཅད་འཇོམས་པར་བྱེད་པ༔ མེ་ཕུང་རབ་ཏུ་འབར་བའི་དབུས་ན་བཞུགས་པར་སྒོམས༔ ཁྱེད་རང་རྣམས་ཀྱི་སྨིན་མཚམས་ཀྱི་ནམ་མཁའི་དབྱིངས་སུ་གཏོར་མ་འདི་ཉིད་སྨོས་མ་ཐག་པའི་འཇམ་དཔལ་ནཱ་ག་རཀཱའི་སྐུར་གསལ་བའི་སྦྲུལ་མགོ་དབུས་མའི་སྟེང་དུ་པདྨ་དང་ཟླ་བའི་གདན་ལ་རྩ་བའི་བླ་མ་ཨུ་རྒྱན་རིན་པོ་ཆེ་དང་དབྱེར་མེད་པ་རྣམ་པ་རྡོ་རྗེ་འཆང་ཆེན་པོ་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པ་རྡོ་རྗེའི་སྐྱིལ་ཀྲུང་གིས་བཞུགས་པ་ལ་ཞི་ཁྲོ་རབ་འབྱམས་ཀྱི་ལྷ་ཚོགས་ཐམས་ཅད་ཀྱིས་སྤྲིན་དཔུང་གཏིབས་པ་ལྟར་བསྐོར་ནས་བཞུགས་པར་སྒོམས༔ ཁྱེད་རང་སློབ་མ་རྣམས་དང་བླ་མ་རྡོ་རྗེ་འཆང་གི་དཔྲལ་བར་ཨོཾ་དཀར་པོ་མགྲིན་པར་ཨཱཿདམར་པོ༔ ཐུགས་ཀར་ཧཱུཾ་སྔོན་པོས་མཚན་

[Full Size]

པར་སྒོམསཿ ད་ཡེ་ཤེས་པ་འབེབས་པའི་དོན་དུ་རྗེས་ཟློས་མཛོད༔ དཔལ་ལྡན་དུག་གསུམ་འཇོམས་པའི་དཔལ་ཀླུ་ཡི་འཇིགས་པ་འཇོམས་མཛད་དཔལ༔ དེ་ཡི་གདོན་ལས་གྲོལ་མཛད་དཔལ༔ བླ་མ་མཆོག་ལ་གསོལ་བ་འདེབས༔ བླ་མས་བྱིན་གྱིས་བརླབ་ཏུ་གསོལ༔ འོ་དེ་ལྟར་གསོལ་བ་བཏབ་པས་བླ་མ་དང་མདུན་བསྐྱེད་ཀྱི་སྐུ་ལས་འོད་ཟེར་ཕྱོགས་བཅུར་འཕྲོས་པས༔ ཕྱོགས་བཅུའི་བླ་མ་ཡི་དམ་བྱང་ཆུབ་སེམས་དཔའ་ཐམས་ཅད་འཇམ་དཔལ་ནཱ་ག་རཀཱའི་སྐུར་གྱུར་པས༔ སྐུ་ཆེ་བ་ལ་རི་རབ་ཙམ༔ ཆུང་བ་ལ་ཏིལ་འབྲུ་ཙམ་སྟེང་ནས་ཆར་བབ་པ་ལྟ་བུ༔ འོག་ནས་ས་རླངས་འཐུལ་བ་ལྟ་བུ༔ བར་ནས་ཁ་བ་བུ་ཡུག་འཚུབ་པ་བཞིན་དུ་བྱོན་ནས་ཁྱེད་རང་རྣམས་ལ་སིབ་སིབ་ཐིམ་པས་ཀླུ་གཉན་ས་བདག་གི་གནོད་པ་ལས་གྲོལ་ནས་ལུས་སྣང་སྟོང་འདུས་མ་བྱས་འོད་གསལ་ལྷའི་སྐུར་གྱུར་པར་སྒོམས་ཤིག༔ ཙན་དན་དཀར་དམར་ཛཱ་ཏི་དང་༔ སྤོས་དཀར་མངར་གསུམ་རིལ་བུ་བསྲེག༔ མེད་ནའང་སྤོས་དང་རོལ་མོ་དང་༔ དམིགས་པ་གསལ་བས་དབྱངས་དང་བཅས༔ ཧྲཱིཿ སྔོན་གྱི་བསྐལ་པ་དང་པོ་ལ༔ སོགས། དངོས་གྲུབ་སྩོལ༔ ཧཱུྃ༔ རྒྱ་མཚོ་དྭངས་པའི་ཀློང་

[Full Size]

དཀྱིལ་ནས༔ བདུད་ཀྱི་བདུད་གཤེད་འཆི་བདག་གནས་འདིར་གཤེགས༔ སྡེ་བརྒྱད་ཀླུ་གཉན་འདུལ་ཕྱིར་གཤེགས་སུ་གསོལ༔ རྒྱལ་རིགས་དཀར་པོ་འདུལ་ཕྱིར་གཤེགས་སུ་གསོལ༔ རྗེའུ་རིགས་སེར་པོ་འདུལ་ཕྱིར་གཤེགས་སུ་གསོལ༔ བྲམ་ཟེ་དམར་པོ་འདུལ་ཕྱིར་གཤེགས་སུ་གསོལ༔ དམངས་རིགས་ལྗང་གུ་འདུལ་ཕྱིར་གཤེགས་སུ་གསོལ༔ གདོལ་པ་ནག་པོ་འདུལ་ཕྱིར་གཤེགས་སུ་གསོལ༔ ཀླུ་རིགས་འབུམ་སྡེ་འདུལ་ཕྱིར་གཤེགས་སུ་གསོལ༔ ས་བདག་སྟོང་སྡེ་འདུལ་ཕྱིར་གཤེགས་སུ་གསོལ༔ གཉན་རིགས་བྱེ་བ་འདུལ་ཕྱིར་གཤེགས་སུ་གསོལ༔ དམུ་རིགས་ས་ཡ་འདུལ་ཕྱིར་གཤེགས་སུ་གསོལ༔ མཛེ་ནད་གཉན་ལྷོག་འདུལ་ཕྱིར་གཤེགས་སུ་གསོལ༔ སློབ་མའི་དུག་གསུམ་དུག་ལྔའི་ནད་གདོན་རྣམས༔ དཔའ་བོ་ཁྱོད་ཀྱི་ཞལ་དུ་ད་གསོལ་ཅིག༔ ཚོགས་རྫོགས་སྒྲིབ་སྦྱང་འདི་ཕྱིའི་བར་ཆད་སོལ༔ བྱིན་བརླབས་དབང་དང་དངོས་གྲུབ་བསྩལ་དུ་གསོལ༔ ཨོ་ཕེ་ལཾ་ཧཱུྃ༔ བཛྲ་ཛྙཱ་ན་ཨཱ་ཝེ་ཤ་ཡ་ཨ་ཨཱ༔ ཞེས་མང་དུ་བརྗོད༔ ཡེ་ཤེས་པ་དེ་བརྟན་པར་གྱུར༔ ཏིཥྛ་བཛྲ༔ དེས་དབང་གི་གཞི་བཀོད་པ་སོང་ནས་བུམ་དབང་ཞུ་བའི་ཕྱིར་རྗེས་ཟློས་

[Full Size]

མཛོད༔ དཔལ་ལྡན་དུག་གསུམ་འཇོམས་པའི་དཔལ༔ ཀླུ་ཡི་འཇིགས་པ་འཇོམས་མཛད་དཔལ༔ དེ་ཡི་གདོན་ལས་གྲོལ་མཛད་དཔལ༔ བདག་ལ་དབང་བཞི་བསྐུར་དུ་གསོལ༔ སྐུ་ཡིས་བྱིན་གྱིས་བརླབ་པ་དང་༔ ལུས་སྒྲིབ་དག་པར་མཛད་དུ་གསོལ༔ དེ་ལྟར་གསོལ་བ་བཏབ་པས་སློབ་དཔོན་གྱི་དཔྲལ་བའི་ཨོ་ལས་འོད་ཟེར་དཀར་པོ་འཕྲོས༔ བུམ་ལྷའི་དཔྲལ་བར་ཕོག༔ དེ་ལས་འོད་འཕྲོས་རྒྱལ་བ་ཐམས་ཅད་ཀྱི་སྐུའི་བྱིན་རླབས་ཨོ་གྱི་རྣམ་པར་བསྡུས༔ རྡོ་རྗེ་འཆང་གི་དཔྲལ་བར་ཐིམ་པས་སྐུ་ལུས་གང་༔ དཔྲལ་བའི་ཨོཾ་ལས་འོད་ཟེར་དཀར་པོ་ག་པུར་གྱི་ཆུ་རྒྱུན་ལྟ་བུ་ངང་ནར་གྱིས་བྱུང་༔ ཁྱེད་རང་རྣམས་ཀྱི་དཔྲལ་བའི་ཨོཾ་ལ་ཐིམ༔ ལུས་ངང་ལྟེམ་གྱིས་གང་བས༔ ལུས་ཀྱི་ནད་གདོན་ཐམས་ཅད་སངས་ཀྱིས་དག་པར་སྒོམས་ཤིག༔ ཧཱུྃ༔ མི་འགྱུར་སྐུ་མཆོག་མཚན་དཔེའི་རྒྱན་གྱིས་སྤྲས༔ བཅོམ་ལྡན་འཇམ་དཔལ་ཡེ་ཤེས་སེམས་དཔའ་ཡི། སྐུ་ཡི་བྱིན་རླབས་ལུས་ལ་དབང་བསྐུར་བས༔ ལུས་ཀྱི་སྒྲིབ་པ་མ་ལུས་དག་གྱུར་ཅིག༔ ཨོ་ཕེ་ལཾ་ཧཱུྃ༔ ནག་པོ་ཏི་པ་ཙ་ཡ་ན་ག་རཀཱ་ཀཱ་ཡ་ཨ་བྷི་ཥིཉྩ་ཨོཾ༔ བུམ་པ་མགོར་བཞག་བུམ་ཆུ་

[Full Size]

བླུད༔ མེ་ཏོག་འཐོར་ཞིང་༔ མི་འགྱུར་སྐུ་མཆོག་མཚན་དཔེའི་རྒྱན་གྱིས་སྤྲས༔ ཡེ་ཤེས་སེམས་དཔའ་འཇམ་དཔལ་རྡོ་རྗེ་ཡི༔ བྱིན་རླབས་སྐུ་ཡི་བཀྲ་ཤིས་གང་ལགས་པ༔ སྐལ་ལྡན་རིགས་ཀྱི་བུ་ལ་དེང་འདིར་སྩོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧདེས་བུམ་དབང་ཐོབཿ ལྷ་བསྒོམ་པར་དབང་༔ འབྲས་བུ་སྐུ་རྡོ་རྗེའི་ས་བོན་བཞག་པའོ༔ ད་གསུང་དབང་གི་དོན་དུ་རྗེས་ཟློས་མཛོད༔ དཔལ་ལྡན་དུག་གསུམ་འཇོམས་པའི་དཔལ༔ ཀླུ་ཡི་འཇིགས་པ་འཇོམས་མཛད་དཔལ༔ དེ་ཡི་གདོན་ལས་གྲོལ་མཛད་དཔལ༔ བདག་ལ་དབང་བཞི་བསྐུར་དུ་གསོལ༔ གསུང་གི་བྱིན་གྱིས་བརླབ་པ་དང་༔ ངག་སྒྲིབ་དག་པར་མཛད་དུ་གསོལ༔ སློབ་དཔོན་གྱི་མགྲིན་པའི་ཨཡིག་ལས་འོད་ཟེར་དམར་པོ་འཕྲོས༔ བུམ་ལྷའི་མགྲིན་པར་ཕོག༔ དེ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་བྱང་སེམས་རྣམས་ཀྱི་གསུང་གི་བྱིན་རླབས་ཨཱཡིག་གི་རྣམ་པར་བསྡུསཿ རྡོ་རྗེ་འཆང་གི་མགྲིན་པར་ཐིམ་པས་སྐུ་ལུས་གང་༔ མགྲིན་པའི་ཨཱཡིག་ལས་འོད་ཟེར་རྒྱ་སྐྱེགས་ཀྱི་ཁུ་བ་ལྟར་བྱོན༔ ཁྱེད་རང་རྣམས་ཀྱི་མགྲིན་པའི་ཨཱལ་ཐིམ་པས་ལུས་དམར་ལྟེམ་

[Full Size]

གྱིས་གང་༔ ངག་ལ་གནོད་པའི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག་པར་བསམ༔ འགག་མེད་གསུང་མཆོག་ཚངས་དབྱངས་རྒྱན་གྱིས་སྤྲསཿ བཅོམ་ལྡན་འཇམ་དཔལ་ཡེ་ཤེས་སེམས་དཔའ་ཡི༔ གསུང་གི་བྱིན་རླབས་ངག་ལ་དབང་བསྐུར་བས༔ ངག་གི་སྒྲིབ་པ་མ་ལུས་དག་གྱུར་ཅིག༔ ཨོ་ཕེ་ལཾ་ཧཱུྃ་ནག་པོ་ཏི་པ་ཙ་ཡ་ནཱ་ག་རཀཱ་ཝཱཀ་ཨ་བྷི་ཥིཉྩ་ཨཱ༔ ཞེས་བུམ་པ་མགྲིན་པར་བཞག༔ བུམ་ཆུ་བླུད༔ འགག་མེད་གསུང་མཆོག་ཚངས་དབྱངས་རྒྱན་གྱིས་སྤྲས༔ ཡེ་ཤེས་སེམས་དཔའ་འཇམ་དཔལ་རྡོ་རྗེ་ཡི༔ བྱིན་རླབས་གསུང་གི་བཀྲ་ཤིས་གང་ལགས་པ༔ སྐལ་ལྡན་རིགས་ཀྱི་བུ་ལ་དེང་འདིར་སྩོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ དེས་གསུང་དབང་ཐོབ༔ ངག་སྔགས་བཟླ་བ་ལ་དབང་༔ འབྲས་བུ་གསུང་རྡོ་རྗེ་མངོན་དུ་འགྱུར་བའི་སྐལ་བ་དང་ལྡན་པའོ༔ ཡང་སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་སྔོན་པོ་འཕྲོས༔ བུམ་ལྷའི་ཐུགས་ཀར་ཕོག༔ དེ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་ཀྱི་ཐུགས་ཀྱི་བྱིན་རླབས་ཧཱུྃ་གི་རྣམ་པར་བསྡུས༔ རྡོ་རྗེ་འཆང་གི་ཐུགས་ཀར་ཐིམ་པས་སྐུ་གང་༔ ཐུགས་ཀའི་ཧཱུྃ་ལས་འོད་ཟེར་

[Full Size]

སྤྱི་བཞུར་གྱི་ཁུ་བ་ལྟར་བྱོན༔ ཁྱེད་རང་རྣམས་ཀྱི་ཐུགས་ཀའི་ཧཱུྃ་ལ་ཐིམ་པས་ལུས་སྔོ་བསྟིམ་གྱིས་གང་༔ སེམས་ལ་གནོད་པའི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག་པར་སྒོམས༔ འཁྲུལ་མེད་ཐུགས་མཆོག་མཁྱེན་བརྩེའི་རྒྱན་གྱིས་སྤྲས༔ བཅོམ་ལྡན་འཇམ་དཔལ་ཡེ་ཤེས་སེམས་དཔའ་ཡིཐུགས་ཀྱི་བྱིན་རླབས་སེམས་ལ་དབང་བསྐུར་བས༔ སེམས་ཀྱི་སྒྲིབ་པ་མ་ལུས་དག་གྱུར་ཅིག༔ ཨ་ཕེ་ལཾ་ཧོ༔ ནག་པོ་ཏི་པ་ཙ་ཡ་ནཱ་ག་རཀྵ་ཙིཏྟ་ཨ་བྷི་ཥིཉྩ་ཧཱུྃ༔ བུམ་པ་སྙིང་གར་བཞག༔ བུམ་ཆུ་བླུད༔ འཁྲུལ་མེད་ཐུགས་མཆོག་མཁྱེན་བརྩེའི་རྒྱན་གྱིས་སྤྲས༔ ཡེ་ཤེས་སེམས་དཔའ་འཇམ་དཔལ་རྡོ་རྗེ་ཡི༔ བྱིན་རླབས་ཐུགས་ཀྱི་བཀྲ་ཤིས་གང་ལགས་པ༔ སྐལ་ལྡན་རིགས་ཀྱི་བུ་ལ་དེང་འདིར་སྩོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ དེས་ཤེས་རབ་ཡེ་ཤེས་ཀྱི་དབང་ཐོབ༔ རྫོགས་རིམ་བསྒོམ་པར་དབང་༔ ་འབྲས་བུ་ཐུགས་རྡོ་རྗེ་མངོན་དུ་འགྲུབ་པའི་སྐལ་བ་དང་ལྡན་པའོ༔ ཡང་སློབ་དཔོན་གྱི་གནས་གསུམ་ནས་འོད་ཟེར་དཀར་དམར་མཐིང་གསུམ་འཕྲོས༔ བུམ་ལྷའི་གནས་གསུམ་དུ་ཕོག་པས༔ དེ་ལས་འོད་ཟེར་འཕྲོས༔ ཕྱོགས་བཅུའི་

[Full Size]

སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་འབྲུ་གསུམ་གྱི་རྣམ་པར་བསྡུསཿ རྡོ་རྗེ་འཆང་གི་གནས་གསུམ་དུ་ཐིམ༔ སྐུ་ལུས་ལྟེམ་གྱིས་གང་༔ སྐུ་གསུང་ཐུགས་ལས་འོད་ཟེར་བདུད་རྩི་ཁ་དོག་སྣ་ཚོགས་བྱུང་༔ ཁྱེད་རང་གི་སྒོ་གསུམ་ལ་ཐིམ༔ ལུས་ངག་ཡིད་ཀྱི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག་པར་སྒོམས་ཤིག༔ མི་འགྱུར་སྐུ་གསུམ་རྒྱན་གྱིས་རྣམ་པར་སྤྲས༔ བཅོམ་ལྡན་འཇམ་དཔལ་ཡེ་ཤེས་སེམས་དཔའ་ཡི༔ སྐུ་གསུམ་བྱིན་རླབས་ཡེ་ཤེས་དབང་བསྐུར་བས༔ སྒོ་གསུམ་སྒྲིབ་པ་མ་ལུས་དག་གྱུར་ཅིག༔ ཨོ་ཕེ་ལཾ་ཧཱུྃ༔ ནག་པོ་ཏི་པ་ཙ་ཡ་ནཱ་ག་རཀཱ་སརྦ་ཨ་བྷི་ཥིཉྩ་ཧཱུྃ༔ བུམ་པ་ལྟེ་བར་བཞག༔ ལུས་གང་དྲི་མ་དག༔ ཆུའི་ལྷག་མ་ཡར་ལུད་པ་ལས་རྡོ་རྗེ་འཆང་ཆེན་པོས་དབུ་བརྒྱན་པའོ༔ མི་འགྱུར་སྐུ་བཞི་ཡོན་ཏན་རྒྱན་གྱིས་སྤྲས༔ ཡེ་ཤེས་སེམས་དཔའ་འཇམ་དཔལ་རྡོ་རྗེ་ཡི༔ བྱིན་རླབས་སྐུ་བཞིའི་བཀྲ་ཤིས་གང་ལགས་པ༔ སྐལ་ལྡན་རིགས་ཀྱི་བུ་ལ་དེང་འདིར་སྩོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ དེས་དབང་བཞི་པ་ཐོབ༔ རྫོགས་ཆེན་བསྒོམ་པར་དབང་༔ འབྲས་བུ་ངོ་བོ་ཉིད་སྐུ་མངོན་དུ་གྱུར་བའི་

[Full Size]

སྐལ་བ་དང་ལྡན་པའོ༔ ད་སྐུ་གསུང་ཐུགས་ཀྱི་རྗེས་གནང་ཞུ་བའི་ཕྱིར་རྗེས་ཟློས་མཛོད༔ དཔལ་ལྡན་དུག་གསུམ་འཛོམས་པའི་དཔལ༔ ཀླུ་ཡི་འཇིགས་པ་འཇོམས་མཛད་དཔལ—དེ་ཡི་གདོན་ལས་གྲོལ་བའི་དཔལ༔ སྐུ་གསུང་ཐུགས་ཀྱི་རྗེས་གནང་བསྩལ་དུ་གསོལ༔ ཞེས་གསོལ་བ་བཏབ་པས་ཁྱེད་རང་རྣམས་ཀྱི་སྤྱི་བོའི་རིགས་བདག་རྡོ་རྗེ་འཆང་ལས་འོད་ཟེར་འཕྲོས༔ ཕྱོགས་བཅུའི་བདེ་གཤེགས་ཐམས་ཅད་འཇམ་དཔལ་ན་ག་རཀཱའི་རྣམ་པར་སྤྱན་དྲངས་ནས་གཏོར་མ་ལྷར་གསལ་བ་ལ་ཐིམ༔ དེའི་སྐུ་ལས་ནཱ་ག་རཀཱའི་སྐུ་ཆེ་ཕྲ་དཔག་ཏུ་མེད་པ་བྱོན་ནས་ཁྱེད་རང་རྣམས་ཀྱི་ལུས་ལ་སིབ་སིབ་ཐིམ་པས༔ ཁྱེད་རང་རྣམས་ནཱ་ག་རིཀཱའི་སྐུ་མེ་ལོང་ནང་གིས་གཟུགས་བརྙན་ལྟར་སྣང་ལ་རང་བཞིན་མེད་པར་སྒོམས༔ གཏོར་མ་མགོར་བཞག་ལ༔ ཆོས་སྐུ་རྡོ་རྗེ་འཆང་ཆེན༔ འཇམ་དཔལ་ཡེ་ཤེས་སེམས་དཔའ༔ སློབ་དཔོན་འཇམ་དཔལ་བཤེས་གཉེན༔ ཕུང་མཛད་ཤིན་གནྡྷ༔ གུ་རུ་པདྨ་འབྱུང་གནས་ཆོས་རྒྱལ་ཁྲི་སྲོང་ལྡེའུ་བཙན༔ གཏེར་སྟོན་མངའ་བདག་ཡབ་སྲས༔ རྒྱ་ཞང་ཁྲོམ༔ རིན་ཆེན་གླིང་པ༔ རཏྣ་གླིང་པ་ལ་སོགས་རིང་

[Full Size]

བརྒྱུད་ཀྱི་བླ་མ་རྣམས་དང་༔ འཇམ་དཔལ་ནཱ་ག་རཀྵ༔ རིག་འཛིན་མི་འགྱུར་རྡོ་རྗེ་ལ་སོགས་པ་བཀའ་བབས་བརྒྱུད་པའི་བླ་མ་རྣམས་ཀྱིས་དབང་བསྐུར་དང་བྱིན་གྱིས་བརླབ་པར་མཛད་དུ་གསོལ༔ སྐལ་ལྡན་གྱི་རྡོ་རྗེའི་སློབ་མ་འདི་རྣམས་ལ་འཇམ་དཔལ་ནཱ་ག་རཀཱའི་སྐུའི་རྗེས་སུ་གནང་བ་བསྩལ་ནས་ལྷ་སྐུ་མྱུར་དུ་འགྲུབ་པར་གྱུར་ཅིག༔ སྔགས་ཚར་གསུམ༔ འོ་དེས་ནི་སྐུའི་རྗེས་སུ་གནང་བའོ༔ དེ་ནས་སློབ་དཔོན་གྱི་ཐུགས་ཀར་ཉི་མའི་གདན་ལ་ཕེཡིག་གི་མཐར་སྔགས་ཕྲེང་གིས་འཁོར་བ་ལས་སྔགས་ཕྲེང་འཕྲོས༔ ཁྱེད་རང་རྣམས་ཀྱི་ཞལ་དུ་ཞུགས༔ ཐུགས་ཀར་ཉི་མའི་གདན་ལ་ཕེཡིག་དམར་ནག་གི་མཐར་གཡས་སུ་འཁོར་བར་བསྒོམས་ལ་རྗེས་ཟློས་མཛོད༔ ཨོ་ཕེ་ལཾ་ཧཱུྃ༔ གསུམ། ནག་པོ་ཏི་པ་ཙ་ཡ་ནཱ་ག་རཀྵ་ཨོ་ཕེ་ལཾ་ཧཱུྃ༔ སྔགས་དེའི་བསྙེན་པ་ཅུང་ཟད་རེ་བྱ་སྙམ་པས་རྗེས་ཟློས་མཛོད༔ བཅོམ་ལྡན་བདག་ལ་སྦྱིན་ལགས་ཀྱིས༔ བདག་ལ་འགོ་བར་མཛད་དུ་གསོལ༔ ལྷག་པའི་བསམ་པ་བརྟན་པོས་ནི༔ ནམ་དུ་ཡང་ནི་མི་གཏོང་ངོ་༔ རྡོ་རྗེ་མེ་ཏོག་མགོར་བཞག༔ བཅོམ་ལྡན་འདི་ལ་གནང་ལགས་ཀྱིསཿ འདི་ལ་འགོ་བར་མཛད་དུ་

[Full Size]

གསོལ༔ ལྷག་པའི་བསམ་པ་བརྟན་པོས་ནི༔ ནམ་དུ་ཡང་ནི་མ་གཏོང་ཞིག༔ དེས་ནི་གསུང་གི་རྗེས་སུ་གནང་བའོ༔ དེ་ནས་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་ཀར་ཕོག༔ དེའི་ཐུགས་ཀ་ནས་འོད་འཕྲོས༔ ཁྱེད་རང་ནཱ་ག་རཀྟར་གསལ་བའི་ཐུགས་ཀར་ཕོག་པས་སྙིང་པདྨ་འདབ་བརྒྱད་ཁ་གྱེན་དུ་ཕྱོགས་པའི་ནང་དུ་ཆོས་འབྱུང་ཁ་སྦྱོར་རྩེ་གཉིས་སྟེང་འོག་ཏུ་ཕྱོགས་པའི་དབུས་གྲི་གུག་གི་ལྟེ་བའི་ནང་དུ་ཁྱེད་རང་རྣམས་ཀྱི་ལུས་ངག་ཡིད་གསུམ་གྱི་ངོ་བོ་འཇམ་དཔལ་ནཱ་ག་རིཀཱ་ར་གསལ་བའི་ཐུགས་ཀར་ཉི་མའི་གདན་ལ་ཕེ༔ཡིག་དམར་ནག་ལ་སྔགས་ཀྱིས་བསྐོར་བ༔ སྙིང་གི་པདྨ་ཁ་ཟླུམ་པའི་ཕྱི་ནས་སྔགས་ཕྲེང་གཅིག་གིས་དཀྲིས་པར་སྒོམས༔ དེའང་ཀླུ་བདུད་འཁོར་ལོ་ནག་པོ་ཞེས་བྱ་བ་འདིའི་རྒྱུད་ལས༔ རྫོགས་པའི་ཡེ་ཤེས་སྟོང་པ་ཉིད༔ མུན་པ་ལྟ་བུ་དབྱེར་མི་ཕྱེད༔ རྣམ་རྟོག་རིག་པའི་ཆོས་ཉིད་ཀློང་༔ ཞེས་གསུངས་པ་ལྟར་སེམས་འོད་གསལ་རྫོགས་པ་ཆེན་པོའི་ངང་དུ་མཉམ་པར་ཞོག༔ ཨོ་ཕེ་ལཾ་ཧཱུྃ༔ ནག་པོ་ཏི་པ་ཙ་ཡ་ནཱ་ག་རཀྟ་ཛྷཱ་ན་ཨ་བྷི་ཥིཉྩ་ཧཱུྃ༔ རྡོ་རྗེ་སྙིང་གར་བཞག༔ དེས་ནི་ཐུགས་ཀྱི་རྗེས་སུ་གནང་བའོ༔ ད་

[Full Size]

བཀའ་གཏད་ཞུ་བའི་ཕྱིར་རྗེས་ཟློས་མཛོད༔ དཔལ་ལྡན་དུག་གསུམ་འཇོམས་པའི་དཔལ༔ ཀླུ་ཡི་འཇིགས་པ་འཇོམས་མཛད་དཔལ༔ དེ་ཡི་གདོན་ལས་གྲོལ་མཛད་དཔལ༔ བདག་ལ་བཀའ་གཏད་བསྩལ་དུ་གསོལ༔ ད་གཏོར་མ་འདི་ཉིད་ཀླུ་བདུད་ནཱ་ག་རཀ༔ སྟེང་དུ་རྡོ་རྗེ་འཆང་ལ་བརྒྱུད་པའི་བླ་མ༔ འཁོར་དུ་ཡེ་ཤེས་ཀྱི་ཀླུ་བརྒྱད་སོགས་འཁོར་དང་བཅས་པ་སྤྱི་བོར་མངོན་སུམ་དུ་བྱོན་པ་ལ༔ ངེད་ཀྱིས་བཀའ་བསྒོས་པས་དེ་ལྟར་བགྱིའོ་ཞེས་ཞལ་གྱིས་བཞེས་པར་སྒོམས་ཤིག༔ བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའི་ངོ་བོ་ཀླུ་བདུད་ནཱ་ག་རཀཱ་འཆི་བདག་མགོ་དགུ་རིག་པའི་རྒྱལ་པོ༔ ཁྱབ་བདག་ཡེ་ཤེས༔ ཡེ་ཤེས་ཀྱི་ཀླུ་བདུད་མགོ་དགུ་པ༔ ཀླུའི་སྲིན་པོ༔ སྨྱོ་ཁའི་རྗེ་བཙན༔ ཕེ་ལམ་འཆི་བདག་ནག་པོ༔ ནཱ་ག་རཱ་ཛ་རཀྵ་ཁྱོད་ལ་སྐལ་ལྡན་རྡོ་རྗེའི་སློབ་མ་འདི་གཏད་དོ༔ བཅོལ་ལོ༔ སྲུངས་ཤིག༔ སྐྱོབས་ཤིག༔ བུ་བཞིན་དུ་འཚོས་ཤིག༔ ཀླུ་རྒྱལ་རིགས་རྗེའུ་རིགས་དམངས་རིགས་བྲམ་ཟེ་གདོལ་པ༔ ཀླུ་རིགས་འབུམ་སྡེ༔ གཉན་རིགས་འབུམ་སྡེ༔ ས་བདག་སྟོང་སྡེ༔ དམུ་རིགས་བྱེ་བ་ལ་

[Full Size]

སོགས་པ་ས་འདྲེ་ས་སྲིན་གྱི་གནོད་པས་མི་ཚུགས་པར་སྲུངས་ཤིག༔ མཛེ་དང་གཉན་དང་ཤུ་བ་དང་ཕོལ་མིག་དང་འབྲས་དང་མེ་དབལ་དང་རྐང་བམ་དང་མཁལ་ནད་དང་དམུ་ཆུ་དང་གག་ལྷོག་གཟེར་གསུམ་ལ་སོགས་པ་ཀླུ་དང་ས་བདག་གི་ནད་ཐམས་ཅད་ཞི་བ་དང་གྲོལ་བ་དང་༔ བྱང་བ་དང་དག་པ་དང་མི་འབྱུང་བར་མཛོད་ཅིག༔ སྔོན་གྱི་ཐུགས་དམ་དང་དམ་ཚིག་ལས་མ་འདའ་ཞིག༔ ཨོ་ནག་པོ་ཏི་པ་ཡ་ཙ་ཡ་ནཱ་ག་རཀྵ༔ རཾ་རཾ་རཾ་རཾ༔ ཁཾ་ཁཾ་ཁཾ་ཁཾ༔ ཡཾ་ཡཾ་ཡཾ་ཡཾ༔ ལཾ་ལཾ་ལཾ་ལཾ༔ ཙ་མ་རི་ཕྱུང་༔ ནཱ་ག་ཕུམཱ་ར་ཡ༔ ཨོ་ཕེ་ལཾ་ཧཱུྃ་བཛྲ་རཀྵ་རཀྵ༔ གཏོར་ཟན་ཅུང་ཟད་སྦྱིན་ཞིང་༔ ཡེ་དྷརྨ་ཚར་གཅིག་བརྗོད༔ དེ་ལྟར་དབང་ཐོབ་ནས་དམ་ཚིག་རྣམས་ཀྱང་ཅི་ནུས་བསྲུང་ཞིང་འདི་ཡི་དམ་དུ་བཟུང་སྙམ་པས་རྗེས་ཟློས་མཛོད༔ གཙོ་བོས་ཇི་ལྟར། སོགས། གཏང་རག་གི་མཎྜལ་ཕུལ༔ རྗེས་ཆོག་ནི༔ ནཱ་ག་རཀྵ་ཨནྡྷཾ་སོགས། ཧཱུྃ་གདུག་པའི་ཀླུ་གཉན་ས་བདག་རྣམས༔ སྐད་ཅིག་ཙམ་གྱིས་བརླག་མཛད་པ༔ འཇམ་དཔལ་ཐུགས་ལས་སྤྲུལ་པ་ཡི༔ ཀླུ་བདུད་ནག་པོ་ཁྱོད་ལ་བསྟོད༔ མ་འབྱོར་པ་དང་ཉམས་པ་སོགས། ཡེ་ཤེས་པ་རང་བཞིན་གནས་སུ་བཛྲ་

[Full Size]

མཿ དམ་ཚིག་པ་རང་གི་སྙིང་གར་ཨོཾ་ཨཱཿཧཱུྃ༔ རང་ཉིད་ཀྱང་གནས་ནས་དབུས་སུ་ཡལ་ཏེ་སྟོང་པ་ཉིད་དོ༔ དགེ་བ་འདི་ཡིས་མྱུར་དུ་བདག༔ སོགས། དེ་ལྟར་ནཱ་ག་རཀཱའི་མགྱོགས་དབང་འདི༔ རྡོ་རྗེ་འཛིན་པ་བླ་མ་ཕྲིན་ལས་ཀྱིས༔ བསྐུལ་ཡང་འཕྲལ་དུ་མ་འགྲུབ་རྣམ་གཡེང་འགྱང་༔ ལྕགས་ཕོ་ཁྱི་ལོ་སྨིན་དྲུག་ཟླ་བ་ཡི༔ ཉི་ཤུ་གཅིག་དང་གཉི་ས་ཀྱི་ཐུན་སྐབས་སུ༔ རཱ་ག་ཨ་སྱས་ངག་ནས་སྨྲས་པ་ལྟརཿ དགེ་སློང་ནག་པོའི་མིང་ཅན་དེ་ཡིས་བྲིས༔ འགལ་འཁྲུལ་ཉེས་པ་གང་མཆིས་ལྷ་ལ་བཤགས༔ གོང་མ་རྣམས་ཀྱིས་མཛད་དང་གཏེར་གྱི་གཞུང་༔ མཐོང་བ་བརྒྱུད་དང་རང་གི་མྱོང་བ་བསྟུན༔ ལེགས་པར་བསྒྲིགས་འདི་རང་བཟོར་མི་དགོངས་འཚལ༔ སྙིགས་མའི་དུས་སུ་ཀླུ་གཉན་ཁ་ལངས་པསཿ ཀླུ་ནད་གཉན་ནད་ས་བདག་ནད་རྣམས་དར༔ ཚེ་མ་འཕོས་ཀྱང་དམྱལ་བའི་སྡུགས་བསྔལ་མྱོང་༔ ཕལ་ཆེར་དུས་མིན་འཆི་བར་གྱུར་པའི་ཚེ༔ སྐྱབས་མེད་མགོན་མེད་སྙིང་རྗེའི་ཡུལ་རྣམས་ལ༔ འདི་དར་སྐྱབས་མགོན་མཆོག་ཏུ་འགྱུར་བར་ཤོག༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཚེ་སྒྲུབ་ཉི་ཟླ་ཁ་སྦྱོར་ལས། ཚེ་དབང་དོན་གྱི་པྲ་ཁྲིད་ཀྱི་ཟིན་བྲིས།

[Full Size]

ཚེ་སྒྲུབ་ཉི་ཟླ་ཁ་སྦྱོར་ལས། ཚེ་དབང་དོན་གྱི་པྲ་ཁྲིད་ཀྱི་ཟིན་བྲིས་བཞུགས་སོ།

[Full Size]

ན་མོ་གུ་རུ་ཨཱ་ཡུཛྙཱ་ནཱ་ཡ། གུ་རུ་རིན་པོ་ཆེ་ལ་ཕྱག་འཚལ་ནས། །ཉི་ཟླ་ཁ་སྦྱོར་ཟིན་བྲིས་གསལ་བཀོད་བྱ། །ཆོས་བདག་སྲུང་མས་བཀའ་ཡི་གནང་བ་སྩོལ། །ས་སྟེགས་སམ་རས་བྲིས་ལ་པདྨ་འདབ་བཞིའི་ལྟེ་བར་ཆོས་འབྱུང་མུ་ཁྱུད་དང་བཅས་པ་བྲིས་པའམ། བསྡུ་ན་འབྲུའི་ཚོམ་བུ་བཀོད་པའི་སྟེང་དུ་བུམ་པ་རྫས་ལྡན་སྤྱི་ལྟར་བཤམ། དེའི་སྟེང་དུ་ཀ་པཱ་ལར་ཚེ་རིལ་བདུད་རྩི་རིལ་བུ་བསྲེས་པ། དེ་སྟེང་མེ་ལོང་སིནྡྷུ་རའི་དཀྱིལ་འཁོར་བཞག་ལ་དེ་དར་དམར་གྱིས་བཀབ། ཚེ་རྫས་རིན་ཆེན་ཟུར་བརྒྱད་དང་ཚེ་ཡི་པུ་ལུས་བསྐོར་བ། པད་གཏོར་རིན་པོ་ཆེའི་དབྱིབས་པདྨས་འཁོར་བ་ཟས་སྣས་བརྒྱན་པ། མདའ་རྒོད་སྒྲོ་མ་ལ་དར་དམར་མེ་ལོང་བཏགས་པ། ཚེ་ཆང་ཚེ་ཤ་མཆོད་པ་༔

[Full Size]

རྣམ་ལྔ་སོགས་བཤམ་མོ། །སྔོན་འགྲོ་བགེགས་གཏོར་མཚམས་གཅོད་སོགས་སྔོན་དུ་ཆོ་ག་གཞན་གྱི་སོང་ན་དེས་ཆོག །མ་སོང་ན་སྤྱི་ལྟར་བྱའོ། །དེ་ནས་འདོན་བསྒོམ་སྦྲགས་ཏེ། ན་མོ། དཀོན་མཆོག་ཀུན་འདུས་མཚོ་སྐྱེས་རྡོ་རྗེ་ཡི། །ལྷ་ཚོགས་རྣམས་ལ་ཕྱག་འཚལ་སྐྱབས་སུ་མཆི། །འགྲོ་བའི་དོན་དུ་འཆི་མེད་རིག་འཛིན་བསྒྲུབ། །ཨ། སྟོང་པའི་ངང་ལས་བདག་དང་མདུན་བསྐྱེད་རྟེན། །ཏཱཾ་ལས་རིན་ཆེན་ལས་གྲུབ་གཞལ་ཡས་ཁང་། །གྲུ་བཞི་སྒོ་བཞི་རྟ་བབས་ཆོས་འཁོར་བཅས། །རྡོ་རྗེའི་རྭ་གུར་མེ་རིས་བསྐོར་བའི་དབུས། །སྣ་ཚོགས་པདྨ་འཇའ་འོད་མུ་ཁྱུད་བཅས། །དེ་

[Full Size]

དབུས་འདབ་བཞི་ཟླ་བ་ཉི་མའི་སྟེང་། །ཧཱུྃལས་འོད་འཕྲོས་དོན་བྱས་ཡོངས་གྱུར་ལས། །བདག་མདུན་གཙོ་བོ་སྤྱན་རས་གཟིགས་དབང་དམར། །ཞལ་གཅིག་སྤྱན་གསུམ་ཞབས་གཉིས་སྐྱིལ་ཀྲུང་བཞུགས། །དང་པོའི་ཕྱག་གཉིས་ཤེལ་ཕྲེང་པདྨ་སྟེ། །འོག་གཉིས་མཉམ་བཞག་ཚེ་ཡི་བུམ་པ་འཛིན། །གསང་བ་ཡེ་ཤེས་དམར་མོ་ཕྱག་བཞི་མ། །དང་པོས་ཌཱ་དྲིལ་འོག་མའི་ཕྱག་གཉིས་ཀྱིས། །ཚེ་བུམ་བསྣམས་ནས་ཡབ་ཀྱི་མགུལ་ནས་འཁྱུད། །ཐུགས་ཀར་གུ་རུ་མཚོ་སྐྱེས་རྡོ་རྗེ་དམར། །ཞལ་གཅིག་སྤྱན་གསུམ་ཞབས་གཉིས་སྐྱིལ་ཀྲུང་བཞུགས། །ཕྱག་གཉིས་རྡོར་དྲིལ་ཚེ་བུམ་དང་བཅས་པར། །མན་ར་བ་ཚེ་བུམ་བསྣམས་དང་སྦྱོར། །བཞི་པོ་དར་དང་རིན་ཆེན་རུས་པས་བརྒྱན། །སྤྱི་གཙུག་ཚེ་དཔག་མེད་དང་མཱ་མ་ཀཱི། །གཉིས་ཀ་དམར་གསལ་འཁྲིལ་སྦྱོར་ཚེ་བུམ་འཛིན། །ལྟེ་བར་པཾ་ལས་བདུད་རྩིའི་མཚོ། །ཕྱོགས་བཞིར་རིགས་ཀྱི་ཡུམ་ཆེན་བཞི། །རང་རང་མདོག་མཚུངས་བུམ་པ་འཛིན། །མཚོ་དབུས་པད་སྡོང་སྐྱེས་པའི་སྟེང་། །ཐུགས་ཀར་མགོན་པོ་འོད་མི་འགྱུར། །ཡབ་ཡུམ་འཁྲིལ་སྦྱོར་ཐུགས་ཀ་རུ། །རྡོ་རྗེའི་ལྟེ་བར་བུམ་

[Full Size]

པའི་ནང་། །ཉི་ཟླའི་གའུའི་ནང་དུ་ནི། །ཨ་ནི་ཧཱུྃགསུམ་གསལ་བ་ཡི། །རྟ་མགྲིན་ཙིཏྟའི་སྒོ་སྲུང་མཛོད། །ཕྱི་རིམ་པདྨ་འདབ་བཞི་ལ། །སངས་རྒྱས་རིགས་བཞི་ཡབ་ཡུམ་རྣམས། །འཁྱིལ་སྦྱོར་ཚེ་ཡི་བུམ་པ་འཛིན། །གདན་གྱི་པདྨ་འདབ་བཞི་ལ། །རིགས་བཞི་མཁའ་འགྲོ་ཡབ་ཡུམ་རྣམས། །ཕྱག་ན་ཚེ་ཡི་བུམ་པ་འཛིན། །ཕྱི་ཡི་ལྕགས་རི་མུ་ཁྱུད་ལ། །ཚེ་ལ་དབང་བའི་རིག་འཛིན་ཚོགས། །རྒྱ་མཚོ་གླིང་གི་ཌཱ་ཀི་བཞི། །བདུད་འདུལ་ཞི་བ་འཚོ་ལ་སོགས། །ལྷ་དང་རིག་འཛིན་ཐམས་ཅད་རྣམས། །ཕྱག་ན་ཚེ་ཡི་བུམ་པ་འཛིན། །གཅེར་བུ་དར་དང་རིན་ཆེན་བརྒྱན། །སྐུ་མདོག་མ་ངེས་རུས་རྒྱན་ཅན། །བྷཾ་ལས་རྣམ་རྒྱལ་བུམ་པའི་ནང་། །རིན་ཆེན་གཞལ་ཡས་ཁང་གི་དབུས། །སྣ་ཚོགས་པད་ཉི་ཟླ་བའི་སྟེང་། །ཧཱུྃལས་མཚོ་སྐྱེས་རྡོ་རྗེ་དམར། །ཁྲོ་འཛུམ་སྤྱན་གསུམ་སྐྱིལ་ཀྲུང་བཻཞུགས། །རྡོར་དྲིལ་ཐུགས་ཀར་བསྣོལ་བ་ཡི། །བར་དུ་ཆེ་ཡི་བུམ་པ་འཛིན། །མནྡ་ར་བ་གཉིས་མེད་འཁྲིལ། །དར་དང་རིན་ཆེན་རུས་པས་བརྒྱན། །སྤྱི་བོར་ཚེ་དཔག་ཡབ་ཡུམ་དང་། །ལྟེ་བར་འབྱུང་བའི་ལྷ་མོ་བཞི། །

[Full Size]

ཐུགས་ཀར་རིགས་ལྔ་ཡབ་ཡུམ་གྱི། །དབུས་མ་མི་འཁྲུགས་པ་ཉིད་ཀྱི། །ཐུགས་ཀར་རྡོ་རྗེ་ཉི་ཟླའི་ནང་། །ཨ་ཏྲཾ་ཧྲིལ་སྔགས་ཀྱིས་སྐོར། །འདབ་བཞིར་རིགས་བཞི་ཡབ་ཡུམ་དང་། །མུ་ཁྱུད་ཚེ་ཡི་རིག་འཛིན་ཚོགས། །འདབ་བརྒྱད་རིགས་བཞི་མཁའ་འགྲོ་དང་། །བདུད་འདུལ་ལ་སོགས་ཌཱ་ཀི་བཞི། །སྒོ་བཞི་རྟ་མགྲིན་བཞི་ཡིས་སྲུང་། །ལས་བུམ་ནང་དུ་ཧཱུྃཡིག་ལས། །རྟ་མགྲིན་དམར་པོ་དབྱུག་ཏོ་ཕྱར། །བུམ་སྟེང་ཨ་ལས་བྷནྡྷའི་ནང་། །ཤ་ལྔ་བདུད་རྩི་ཡེ་ཤེས་ལྔ། །ཞུ་བ་བདུད་རྩིའི་མཚོ་དབུས་སུ། །ཁྲག་འཐུང་རིགས་ལྔ་ཡབ་ཡུམ་བཅུ། །རྒྱན་དང་ཆ་ལུགས་རྫོགས་པར་གསལ། །དེ་སྟེང་ཧཱུྃ་ལས་མེ་ལོང་ནི། །རིན་ཆེན་གཞལ་ཡས་ཁང་གི་ནང་། ཤ །ཆོས་འབྱུང་ཟུར་དྲུག་འདབ་བཞིའི་དབུས། །ཧཱིཿལས་བུདྡྷ་ཐོད་ཕྲེང་དཀར། །ཕྱོགས་བཞིར་ཐོད་ཕྲེང་རིགས་བཞི་རྣམས། །རྡོ་རྗེ་བྷནྡྷ་ཁ་ཊཾ་འཛིན། །སྙན་ཞུ་ཟབ་བེར་ཆོས་གོས་ཅན། །ཕྱག་གཡོན་བྷནྡྷའི་ནང་རྣམས་སུ། །སངས་རྒྱས་རིགས་ལྔ་ཡབ་ཡུམ་བཞུགས། །ཡུམ་རྣམས་གྲི་ཐོད་འཛིན་པས་འཁྱུད། ྋཤ །མདུན་དུ་གསེར་གྱི་དབང་བུམ་བཞག །ཐུགས་ཀར་

[Full Size]

ཤེལ་བུམ་བདུད་རྩིའི་ནང་། །འདབ་བཞི་རྡོ་རྗེ་ཉི་ཟླའི་ནང་། །བྷིལ་རང་རང་སྙིང་པོས་བསྐོར། །ཚེ་རྒྱུས་རིན་ཆེན་ཟུར་བརྒྱད་འཇའ་འོད་གུར། །གཞལ་ཡས་ཁང་དབུས་པད་ཟླ་ཉི་མའི་སྟེང་། །ཧཱུྃལས་ཚེ་དཔག་མེད་པ་ཡབ་ཡུམ་དམར། །ཚེ་བུམ་བསྣམས་པའི་བུམ་ནང་བདུད་རྩིའི་མཚོ། །དེ་དབུས་པད་སྡོང་སྟེང་དུ་གུ་རུ་ནི། །མཚོ་སྐྱེས་རྡོ་རྗེ་ཡབ་ཡུམ་གསལ་བ་ཡི། །ཕྱག་གི་བུམ་ནང་བདུད་རྩིའི་ནང་དུ་ནི། །ཕོ་རྣམས་ཐམས་ཅད་མཚོ་སྐྱེས་རྡོ་རྗེ་ལ། །མོ་རྣམས་ཐམས་ཅད་མན་ར་བར་གསལ། །སྙིང་གར་རྡོ་རྗེ་ཉི་ཟླའི་གའུའི་ནང་། །ཡི་གེ་གསུམ་ལ་མིང་དང་སྔགས་ཀྱིས་བསྐོར། །གཙོ་བོའི་འཁོར་དུ་སངས་རྒྱས་རིགས་ལྔ་དང་། །ཕྱོགས་བཅུ་དུས་གསུམ་རྒྱལ་བ་སྲས་དང་བཅས། །རྩ་བ་གསུམ་གྱི་ལྷ་ཚོགས་ཐམས་ཅད་ཀྱང་། །རྒྱན་དང་ཆ་ལུགས་གཙོ་བོ་འདྲ་བར་གྱུར། །པཾ་ལས་པད་གཏོར་པདྨའི་སྡོང་པོ་ན། །འདབ་མ་སྟོང་ལྡན་བདུན་རིམ་གྱེས་པ་ཡི། །ལྟེ་བར་བྷན་སྟོང་གསུམ་མཉམ་པའི་ནང་། །ཨོྃ་ཨཱ༔ཧཱུྃ་ལས་གཏོར་མ་རིན་པོ་ཆེ། །མཆོད་ལྷ་རྒྱལ་སྲིད་བཀྲ་ཤིས་རྫས་ལ་སོགས། །མཆོད་སྦྱིན་དབུས་སུ་པདྨའི་

[Full Size]

སྡོང་པོའི་རྩེར། །རིན་ཆེན་གཞལ་ཡས་མཚན་ཉིད་ཡོངས་རྫོགས་དབུས། །པད་ཟླ་ཉི་སྟེང་མཚོ་སྐྱེས་རྡོ་རྗེ་ནི། །ཕག་མོ་ཡུམ་འཁྱུད་མནྡ་ར་བ་གཡས། །གཡོན་དུ་མཚོ་རྒྱལ་ཕྱོགས་བཞིའི་འདབ་མ་ལ། །མཁའ་འགྲོ་སྡེ་བཞི་ཡབ་ཡུམ་ཚེ་བུམ་འཛིན། །དེ་འོག་འདབ་བརྒྱད་མཚན་བརྒྱད་ཡབ་ཡུམ་རྣམས། །སྐུ་མདོག་དམར་པོ་ཚེ་ཡི་བུམ་པ་འཛིན། །བྷནྡའི་ཕྱི་རོལ་འདབ་མ་བརྒྱད་པོ་ལ། །ཚེ་ཡི་རིག་འཛིན་བཀའ་བརྒྱུད་བླ་མའི་ཚོགས། །དེ་རྒྱབ་རིམ་བཞི་སངས་རྒྱས་བྱང་སེམས་དང་། །རྒྱུད་སྡེའི་ལྷ་ཚོགས་མཁའ་འགྲོ་ཆོས་སྐྱོང་དང་། །ནོར་ལྷ་གཏེར་བདག་རིགས་དྲུག་སེམས་ཅན་རྣམས། །ཡི་དམ་ལྷ་ཡི་སྐུ་རུ་གསལ་བར་བཞུགས། །དེ་དག་ཀུན་གྱི་གནས་གསུམ་འབྲུ་གསུམ་དང་། །ས་བོན་འོད་ཀྱི་འཁོར་བཅས་སྤྱན་དྲངས་གྱུར། །ནུབ་ཕྱོགས་བདེ་ཆེན་རི་བོ་ཏ་ལ་དང་། །ཟངས་མདོག་དཔལ་རི་ལ་སོགས་གནས་མཆོག་ནས། །ཚེ་དཔག་མེད་དང་འཕགས་མཆོག་སྤྱན་རིས་གཟིགས། །མཚོ་སྐྱེས་རྡོ་རྗེ་སྐུ་ལྔ་མཚན་བརྒྱད་སོགས། །ཡབ་ཡུམ་འཁོར་དང་བཅས་ཏེ་གཤེགས་སུ་གསོལ། །ཛཧཱུྃ་བཾ་ཧོ༔ པདྨ་ཀ་མ་ལཱ་ཡ་ཧཱུཾ། ཨོཾ་ཨཱཿཧཱུྃ་གུ་རུ་

[Full Size]

དྷེ་བ་དྷཱ་ཀི་ནཱི་ཨནྡྷཾ་སོགས་ཤརྡ་པཱུ་ཙ་ཧོ༔ ཨོཾ་ཨཱཿཧཱུྃ་གུ་རུ་དྷེ་བ་དྷཱ་ཀི་ནཱི་མ་ཧཱ་མཾ་ས་རཀྟ་ཀི་ནི་རི་ཏི། བ་སུ་ཏ་ཀྲྀ་སྣ་མ་ཧཱ་པཱུ་ཙ་ཧོ༔ བོ་དྷི་ཙིཏྟ་མ་ཧཱ་པཱུ་ཙ་ཧོ༔ ཛ་ན་དྷ་ཏུ་པཱུ་ཙ་ཧོ༔ པཉྩ་ཨ་མྲྀ་ཏ་པཱུ་ཙ་ཧོ༔ མ་ཧཱ་རཀྟ་པཱུ་ཙ་ཧོ༔ ཨོཾ་ཨཱ༔ཧཱུྃ་གུ་རུ་དྷེ་བ་དྷཱ་ཀི་ནཱི་མ་ཧཱ་བ་ལི་ཏ་པཱུ་ཙ་ཧོ༔ མ་ཆགས་སྐྱོན་བྲལ་པདྨ་རིགས་ཀྱི་ལྷ། །འཆི་མེད་ཚེ་དབང་མགོན་པོ་འོད་དཔག་མེད། །ཐུགས་རྗེའི་མངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་ཡི་ལྷ། །བདེ་གཤེགས་ཐུགས་རྗེའི་སྤྲུལ་པའི་ལྷ་ཚོགས་ལ། །ཕྱག་འཚལ་མཆོད་བསྟོད་ཚེ་ཡི་དངོས་གྲུབ་སྩོལ། །བདག་གི་ཐུགས་ཀའི་འོད་ཟེར་མདུན་བསྐྱེད་བསྐུལ། །མདུན་བསྐྱེད་འོད་ཟེར་དཔའ་བོ་དཔའ་མོའི་ཚོགས། །ལྕགས་ཀྱུ་ཞགས་པ་ཐོགས་པ་དཔག་མེད་འཕྲོས། །རྒྱལ་བ་སྲས་བཅས་ཀུན་གྱི་བྱིན་རླབས་དང་། །ལྷ་འདྲེ་མི་གསུམ་ཚེ་བསོད་དབང་ཐང་དང་། །བདུད་དང་གཤིན་རྗེའི་ལག་ནས་ཚེ་བཀུག་སྟེ། །ལྷ་ཚོགས་རྣམས་ཀྱི་ཕྱག་གི་བུམ་པར་ཐིམ། །བཅུད་དང་དྭངས་མ་སྙིང་དབུས་ཡིག་འབྲུར་བསྟིམ། །མེ་ལོང་གུ་རུ་ལྷ་ལྔ་ཡབ་ཡུམ་དང་། །ཕྱག་གཡོན་

[Full Size]

བྷནྡྷའི་རིགས་ལྔ་ཡབ་ཡུམ་དང་། །ཐོད་པའི་ནང་གི་ཁྲག་འཐུང་ཡབ་ཡུམ་དང་། །བུམ་ནང་མཚོ་སྐྱེས་རྡོ་རྗེའི་ལྷ་ཚོགས་རྣམས། །སྦྱོར་བ་མཛད་པས་བྱང་སེམས་བདུད་རྩི་བབ། །མེ་ལོང་ཐོད་པ་བུམ་པ་རིམ་གྱིས་གང་། །པད་གཏོར་ཚེ་རྒྱས་ནང་བཞུགས་ལྷ་རྣམས་ལས། །འོད་འཕྲོས་འཁོར་འདས་ཚེ་བསོད་དཔལ་ཀུན་བསྡུས། །དབང་རྫས་ལ་ཐིམ་བྱིན་རླབས་ནུས་ལྡན་གྱུར། །ཨོཾ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཞེས་བརྒྱའམ། ཨོཾ་ཨཱ༔ཧཱུྃ་ཧཱུྃ༔ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེན་མསྭཱ་ཧཱ། ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཧ་རི་ནི་ས་ར་ཙ་ཧྲི་ཡ། ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱི༔ ཨོཾ་ཧཱུྃ་ཧཱུྃ་ཧཱུྃཨཱ༔ ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཧ་ཡ་གྲྭ་ཝ་པདྨ་ཀྲོ་ཏཱི་ཤྭ་རཱི་ཚེ་ཧཱུཾ། བཛྲ་ཨཱ་ཡུ་ཤེ་ཧཱུཾ་ཕཊ། ཅེས་བརྒྱའམ་ཉེར་གཅིག་ཙམ། ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་བ་ཏེ། ཨ་པ་རི་མི་ཏ། ཨཱ་ཡུཛྙཱ་ན་སུ་བི་ནིཉྩི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་ཡ། ཨདྷ་ཏེ་སམྱཀཾ་བུདྡྷ་ཡ། ཏདྱ་ཐཱ། ཨོཾ་པུཎྱེ་པུཎེ་མ་ཧཱ་པུཎེ། ཨ་པ་རི་མི་ཏ་ཨ་ཡུཔུཎྱ། ཛྙཱ་ན་སཾ་བྷ་རོ་པ་ཙིཏྟེ། ཨ་པ་རི་མི་ཏ་ཨཱ་ཡུ་ཤེ། ཨོཾ་སརྦ་སཾ་སྭཱ་ར་པ་རི་ཤུདྡྷེ། དྷརྨ་ཏེ་ག་ག་ན། སོ་

[Full Size]

མུཏྒ་ཏེ་སྭ་བྷཱ་བ་བི་ཤུདྡྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཨོཾ་ཧཱུྃ་ཏྲཱྃ་ཧྲཱུཨིཿཨཱ༔ ཨཱ་ཡུཛྙཱ་ན་དྷ་ར་དྷ་ར། དྷི་ཧི་རི་དྷི་ཧི་རི་ཨཱ་ཡུ་ཤེ་སྭཱ་ཧཱ། ཞེས་བདུན་ནམ་གསུམ་སོགས་བཟླའོ། །དེ་ནས་སློབ་མ་རྣམས་འཚོགས་ལ། དེ་ཡང་གཞུང་ལས་ལས་ཀྱི་བུམ་པས་ཁྲུས་བྱས་ལ། ཞེས་གསུངས་པའི་དོན། ལས་བུམ་འདིའི་ནང་ན་རྟ་མགྲིན་དམར་པོ་དབྱུག་ཐོ་དང་སྡིགས་མཛུབ་ཅན་གྱི་སྐུ་ལས་བདུད་རྩིའི་རྒྱུན་བབ་པས་ནད་གདོན་སྡིག་སྒྲིབ་དག་པར་སྒོམས་ལ་ཁྲུས་དང་ཆབ་ལོངས། ཨོཾ་བཛྲ་ཀྲོ་ཏ་ཧ་ཡ་ཤྲཱི་བ་ཧུ་ལུ་ཧུ་ལུ་ཧཱུྃ་ཕཊ། ཅེས་སྤྱི་བོར་གཏོར་ཞིང་ཆབ་ལེན་འཇུག །དེ་མཆོད་གཡོག་གིས་ཆབ་བཏང་ཡང་ཆོག་གོ །དེ་ནས་གླུད་གཏོར་བྲན་ལ། བགེགས་ལ་གླུད་དང་གཏོར་མ་བཏང་། ཞེས་གསུངས་པས། ཧཱུྃ་ལས་རིན་པོ་ཆེའི་སྣོད་དུ་གླུད་ཀྱི་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱ༔ཧཱུྃ་སརྦ་བིགྷཱན་ཁ་ཁ་ཁཱ་ཧི་ཁཱ་ཧི། གང་དག་དབང་སྐུར་བར་བྱེད་པ་ལ་བར་དུ་གཅོད་པ་དང་། བདག་ཅག་དཔོན་སློབ་འདིར་འདུས་པ་རྣམས་ཀྱི་ཚེ་སྲོག་ལ་བར་དུ་གཅོད་པའི་བགེགས་ཐམས་ཅད་གཏོར་མ་འདིས་ཚིམ་པར་གྱིས་ལ་དཔག་ཚད་རྒྱང་གྲགས་ཙམ་དུ་ཡང་མི་གནས་པར་ཕྱིར་དེངས་ཤིག །སརྦ་བིགྷཱན་ཨུཙྪ་ཏ་ཡ་ཧཱུྃ་ཕཊ། ཅེས་ཕྱིར་

[Full Size]

འབུལ་བཅུག །དྲག་སྔགས་བརྗོད་ཅིང་རོལ་མོ་བརྡུང་། །སྲུང་བའི་འཁོར་ལོ་དྲག་ཏུ་བསྒོམ། །ཞེས་གསུངས་པའི་ཕྱིར། བདག་ཉིད་ཀྱི་སྐུ་ལས་སྤྲུལ་པའི་ཁྲོ་བོ་བདུད་རྩི་འཁྱིལ་པ་མཐིང་ནག །དཀར་མཐིང་དམར་བའི་ཞལ་གསུམ་ཕྱག་དྲུག་གི་གཡས་རལ་གྲི་འཁོར་ལོ་ལྕགས་ཀྱུ། གཡོན་ཐོད་ཁྲག་ཕུར་བུ་ཞགས་པ་ཐོགས་པ། ཁྲོ་བོའི་ཆ་ལུགས་ཐམས་ཅད་དང་ལྡན་ཞིང་སྐུ་སྨད་གནམ་ལྕགས་ཀྱི་ཕུར་པ་མེ་འབར་བ་ཅན་དཔག་ཏུ་མེད་པ་སེར་རྒོད་བབ་པ་ལྟར་བྱུང་ནས་བགེགས་དང་ཚེ་ལ་བར་དུ་གཅོད་པ་ཐམས་ཅད་གཟིར་ཞིང་ཚར་བཅད་ནས་བསྐྱེད་པར་སྒོམས་ཤིག །ཅེས་ནས་ལྕག་བྲབ་ཅིང་། ཨོ་བཛྲ་ཨ་མྲྀ་ཏ་ཀུཎྜ་ལཱི་ཧཱུཾ། རྡོ་རྗེའི་སློབ་མ་འདི་རྣམས་ཀྱི་ཚེ་ལ་བར་དུ་གཅོད་པའི་དགྲ་བགེགས་ཐམས་ཅད། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བྷནྡྷ་བྷནྡྷ། སྭ་བྷ་ཡ་ཙཱ་བྷ་ཡ། ནཱ་ཤ་ཡ་ནཱ་ཤ་ཡ། མཱ་ར་ཡ་མཱ་ར་ཡ་ཧཱུྃ་ཕཊ། སྟེང་འོག་ཐམས་ཅད་རྡོ་རྗེའི་ར་བ་དང་གུར་ས་གཞི། ཕྱི་རོལ་ཡེ་ཤེས་ཀྱི་མེ་ཁ་དོག་ལྔ་ལྡན་འུར་སྒྲ་དང་བཅས་ཏེ་འབར་བའི་སྲུང་འཁོར་སྲ་ཞིང་བརྟན་པར་གྱུར། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཕཊ་སྭཱ་ཧཱ། དེ་འང་རྒྱུད་ཉི་ཟླ་ཁ་སྦྱོར་ལས། ལོ་རྒྱུས་དོན་གྱིས་མ་

[Full Size]

བཤད་ན། །གསང་ཆེན་ངེས་པའི་བཀའ་འདི་ལ། །ཡིད་མི་ཆེས་པའི་སྐྱོན་དུ་འགྱུར། །ཞེས་གསུངས་པས། ལོ་རྒྱུས་ཅུང་ཟད་ཅིག་ཞུ་ན། གནས་ཕུན་སུམ་ཚོགས་པ་ནུབ་ཕྱོགས་བདེ་བ་ཅན་གྱི་ཞིང་ཁམས་ན། སྟོན་པ་ཕུན་སུམ་ཚོགས་པ་རིགས་བདག་འོད་དཔག་ཏུ་མེད་པ་ལོངས་སྤྱོད་རྫོགས་པའི་སྐུར་སྣང་བ་ལ། ་འཁོར་ཕུན་སུམ་ཚོགས་པ་ཚེ་བདག་རིགས་ལྔ་སེམས་དཔའ་སེམས་མའི་ཚོགས་དཔག་ཏུ་མེད་པས་བསྐོར་ནས་བཞུགས་པའི་ཚེ། འཕགས་པ་སྤྱན་རས་གཟིགས་ལ་སོགས་པས་ཞུས་པའི་ངོར། ཚེ་རྒྱུད་ཏན་བཅོ་བརྒྱད་ལ་སོགས་པ་གསུངས་པ་མཁའ་འགྲོ་མ་རྣམས་ཀྱིས་གསེར་གྱི་ཤོག་བུ་ལ་བཻཌཱུརྱ་ཞུན་མས་མཁའ་འགྲོའི་བརྡ་ཡིག་ཏུ་བྲིས་ཏེ། རིན་པོ་ཆེ་སྣ་ལྔའི་སྒྲོམ་བུར་བཅུག་སྟེ་རི་པོ་ཏ་ལའི་ཤར་ཕྱོགས་གསང་བའི་བྲག་ཕུག་ཏུ་སྦས་སོ། །དེ་ནས་ཤཱཀྱ་ཐུབ་པ་མྱ་ངན་ལས་འདས་རྗེས་ཨོ་རྒྱན་ཡུལ་དྷ་ན་ཀོ་ཥའི་མཚོ་དཀྱིལ་པདྨའི་སྡོང་པོ་ལ་སྤྲུལ་སྐུ་པདྨ་འབྱུང་གནས་སྐུ་འཁྲུངས་ཏེ། མཚན་ཡང་གུ་རུ་མཚོ་སྐྱེས་རྡོ་རྗེ་ཞེས་གྲགས་སོ། །དེ་ནས་གུ་རུ་རིན་པོ་ཆེ་བྲག་ཕུག་མཱ་ར་ཏི་ཀར་བྱོན་པས། སྤྱན་རས་གཟིགས་དང་མཁའ་འགྲོ་མ་

[Full Size]

གསང་བ་ཡེ་ཤེས་ཀྱིས་རྒྱུད་སྡེ་རྣམས་བཀའི་བབ་དང་བཅས་ཏེ་གནང་། །དེར་ཞག་བདུན་བསྒྲུབས་པས་ཚེ་དཔག་མེད་རིགས་ལྔ་དངོས་སུ་བྱོན་ཏེ་དབང་བསྐུར། སྐྱེ་འཆི་མེད་པ་རྡོ་རྗེའི་སྐུ་ཐོབ་བོ། །དེར་ཚེའི་སྒྲུབ་ཐབས་དཔག་ཏུ་མེད་པ་མཛད་དེ། ལྷ་ལྕམ་མནྡྷ་ར་བ་སོགས་ལ་གནང་བས་ཀྱང་སྐྱེ་འཆི་མེད་པ་ཚེའི་རིག་འཛིན་ཐོབ་བོ། །གཞན་ཡང་སློབ་དཔོན་ཧཱུཾ་ཆེན་ཀ་ར་དང་། བི་མ་མི་ཏྲ་སོགས་ཆེའི་རིག་འཛིན་ཐོབ་པ་མང་དུ་བྱུང་ངོ་། །དེ་ནས་བོད་དུ་རྒྱལ་པོ་ཁྲི་སྲོང་ལྡེ་བཙན་གྱིས་སྤྱན་དྲངས་ནས། བསམ་ཡས་སོགས་གཙུག་ལག་ཁང་ཆེན་བརྒྱ་དང་རྩ་བརྒྱད་ཕྲན་བུ་སྟོང་དང་རྩ་གཉིས་བཞེངས། བོད་ཀྱི་ལྷ་འདྲེ་བཏུལ་ནས་ས་གཞི་བྱིན་གྱིས་བརླབས། རྗེ་འབངས་ཉེར་ལྔ་སོགས་ལ་དབང་དང་གདམས་པ་ཅི་རིགས་སུ་གནང་བས། ཇོ་མོ་མཚོ་རྒྱལ་དང་དགེ་སློང་ནམ་མཁའི་སྙིང་པོ་ཉང་ཏིང་འཛིན་བཟང་པོ། གནུབས་སངས་རྒྱས་ཡེ་ཤེས། མཁས་པ་བེ་རོ་ཙ་ན་སོགས་ཚེའི་རིག་འཛིན་ཐོབ་པ་ཡང་མང་དུ་བྱུང་། དེར་རྗེ་འབངས་ཉེར་ལྔ་ལ་རྫོགས་པ་ཆེན་པོ་ནམ་མཁའ་ཀ་དག་གི་དབང་མོ་ཆེ་མཛད་དུས། རྒྱལ་པོ་ཁྲི་སྲོང་ལྡེའུ་བཙན་གྱིས་ཞུས་པ། ཨོ་རྒྱན་

[Full Size]

ཉིད་ཀྱི་ཚེ་ཡི་རིག་འཛིན་འདི་ཐབས་ཅི་ལ་བསྟེན་ནས་ཐོབ་པ་ལགས་ཞེས་ཞུས་པས། ཨོ་རྒྱན་རིན་པོ་ཆེའི་ཞལ་ནས། ཏིང་ངེ་འཛིན་བསྒོམ་པས་འཇའ་ལུས་ཐོབ་པ་དང་། རྩ་རླུང་བསྒོམ་པས་འཆི་མེད་ཐོབ་པ་དང་། ཡི་དམ་ལྷ་ཡིས་ཚེ་དབང་བསྐུར་བས་ཚེ་ཡི་རིག་འཛིན་ཐོབ་པ་དང་། རིག་འཛིན་ཚེ་སྒྲུབ་པའི་ཚེ་ཆུ་འཐུང་བས་ལོ་སྟོང་ཐུབ་པ་ཡོད་དོ་ཞེས་གསུངས་པས། རྒྱལ་པོས་བདག་ལ་ཚེ་ལོ་སྟོང་ཐུབ་པའི་ཚེ་དབང་བསྐུར་དུ་གསོལ་ཞུས་པས། རྒྱལ་པོ་ཆེན་པོས་རྒྱལ་སྲིད་བཙུན་མོ་དང་བཅས་པ་དབང་ཡོན་དུ་ཕུལ་ཞིག །རྒྱལ་པོ་ཆེན་པོ་མིའི་ཡུལ་དུ་ལོ་སྟོང་ཚོ་གསུམ་བཞུགས་པའི་ཚེ་དབང་བསྐུར་རོ་གསུངས་ནས། གཡའ་མ་ལུང་དུ་ཚེའི་དབང་སྒྲུབ་མཛད་པས་ཚེ་དཔག་མེད་དངོས་སུ་བྱོན་ནས་ཚེ་ཆུ་འདི་ཐུང་བའི་རྟེན་འབྲེལ་འགྲིགས་ན་ལོ་སྟོང་ཕྲག་བདུན་ཐུབ་པར་ལུང་བསྟན། དེ་དུས་བསམ་ཡས་ལུང་པ་དྲི་བཟང་གིས་གང་། རྒྱལ་པོའི་རྨི་ལམ་དུ་ཚེ་དཔག་མེད་ཀྱིས་བུམ་པ་གཏད་པ་རྨི་བ་དང་། གཉིད་སད་མ་ཐག་དབང་ཞུ་རན་པར་དགོངས་ནས་འབྱོན་པར་ཆས་པ་ན། བློན་པོ་ཀླུ་གང་དང་ཀླུ་དང་ལ་གཉིས་ཀྱིས་ཆིབས་ཁ་ནས་བཟུང་སྟེ་

[Full Size]

འབྱོན་མ་བཅུག །སློབ་དཔོན་རྒྱ་བལ་གྱི་མི་རིགས་འདི་འདོད་པ་ཆེ། ཚེ་ཆུ་ལ་དུག་བཏབ་ནས་རྒྱལ་པོ་བསད་ནས་རྒྱལ་སྲིད་འཕྲོག་ཉེན་ཡོད་ཟེར་བས། རྒྱལ་པོ་ཡང་ཐེ་ཚོམ་དུ་གྱུར་ཏེ་དབང་ཞུར་མ་བྱོན་ནོ། །དེ་ནས་རྒྱལ་པོ་མ་བྱོན་པས་རྟེན་འབྲེལ་འཆུགས་པར་དགོངས་ཏེ། རྒྱལ་པོའི་བློན་པོ་འགའ་ཞིག་གིས་མཐོང་སར། བུམ་པ་རྨོངས་པ་དང་བཅས་ཆིལ་ཆིལ་ཁོལ། བདུད་རྩི་ཅུང་ཟད་སློབ་དཔོན་ཉིད་ཀྱིས་གསོལ་བས་སྐུ་བཀྲག་མདངས་རྒྱས་ཏེ་བ་སྤུའི་རྩ་བ་རེར་གསེར་གྱི་རྡོ་རྗེ་རེ་ཕྲོམ་མེ་བྱུང་། ཅུང་ཟད་ས་ལ་གཏོར་བས་མེ་ཏོག་པདྨ་རེ་རེ་སྐྱེས། ལྷག་མ་རྣམས་ཚེའི་བུམ་པ་ཉི་ཤུ་རྩ་ལྔའི་ནང་དུ་བླུགས་ཏེ། །བྲག་དམར་ཛོ་བུ་ཟུར་མཁར་རྡོའི་མཆོད་རྟེན། དགྱེར་བྱེ་མ་དཀར་པོ་སོགས་ལ་ཚེ་སྒྲུབ་རེ་རེ་དང་མཉམ་དུ་གཏེར་དུ་སྦས་སོ། །དེ་ནས་རྒྱལ་པོ་འགྱོད་པ་སྐྱེས་ཏེ་བདག་བསོད་ནམས་ཆུང་བས་ཚེ་ཡི་རིག་འཛིན་ཐོབ་པའི་རྟེན་འབྲེལ་མ་འགྲིགས་ཀྱང་། ད་ལོ་གསུམ་ཚེ་སྲིང་ཐབས་ཤིག་ཞུ་ཞུས་པས་ལོ་བཅུ་གཉིས་ཚེ་བསྲིང་ངོ་། །དེ་ནས་ཨོ་རྒྱན་རིན་པོ་ཆེས་རྒྱལ་པོ་ཁྲི་སྲོང་འདས་རྗེས་ལྷ་སྲས་དམ་འཛིན་ལ་དབང་ལུང་གདམས་ངག་དཔག་ཏུ་མེད་པ་གནང་

[Full Size]

ཞིང་གཏེར་ཁ་དུ་མ་སྦས་ཏེ་མ་འོངས་པ་ན་ལྷ་སྲས་ཉིད་ཀྱི་སྐྱེ་མཐའ་གཅིག་གིས་གཏེར་དེ་དག་ཐོན་ཞིང་འགྲོ་དོན་འབྱུང་བར་ལུང་བསྟན་ཏོ། །དེ་ནས་གུ་རུ་རིན་པོ་ཆེ་ལྷོ་ནུབ་སྲིན་པོའི་ཁ་གནོན་ལ་བྱོན་ནས། མི་རབས་བཅུ་དགུ་ཙམ་སོང་རྗེས། ལྷ་སྲས་དམ་འཛིན་གྱི་སྐྱེ་མཐའ་སྤྲུལ་སྐུ་སངས་རྒྱས་གླིང་པས། མང་དཀར་དགྱེར་ཡུལ་བྱེ་མའི་གླིང་ཞེས་བྱ་བ། ཀླུ་ཡི་རྒྱལ་པོ་མགྲིན་བཟང་གནས་པའི་ཕོ་བྲང་ནས་ཚེ་སྒྲུབ་ཚེ་དབང་དང་བཅས་པའི་ཤོག་སེར་དང་། བ་མེན་གྱི་རྭ་ཅོ་ལས་གྲུབ་པའི་རྡོ་རྗེ་ཁྲུ་གང་པའི་ལྟེ་བའི་ནང་ན་ཚེ་ཡི་བུམ་པ་ཚེ་ཆུས་བཀང་བ་ཡོད་པ་རྣམས་གཏེར་ནས་བཏོན་པའི་ཚེ། འོད་དང་སྒྲ་དང་ཐུག་ཆོམ། སྦྲུལ་ཆེན་གདུང་མ་ཙམ་ཞིག་རྗེས་སུ་དངོས་སུ་རྒྱུག་པ་སོགས་གཏེར་སྲུང་གི་ཆོ་འཕྲུལ་ཆེན་པོ་ཡང་བྱུང་། དེ་ནས་ཨོ་རྒྱན་རིན་པོ་ཆེའི་ལུང་བསྟན་ལྟར་རྗེ་རོལ་པའི་རྡོ་རྗེ་དང་། འབྲི་གུང་ཞབས་དྲུང་སོགས་བྱང་ཆུབ་སེམས་དཔའ་མི་བརྒྱད་ལ་ཚེ་ཆུ་འདྲེན་པ་དང་། ཚེ་དབང་བསྐུར་བ་སོགས་མཛད། དེ་ནས་སྐུའི་སྲས་བླ་མ་ཡེ་ཤེས། ཆོས་བདག་གི་སློབ་མ་ལས་ཅན་ཉི་ཤུ་རྩ་གཅིག །པདྨ་མཆེད་དྲུག །རྡོ་རྗེའི་གདུང་

[Full Size]

བཞི་སོགས། གདུང་བརྒྱུད་དང་སློབ་བརྒྱུད་གཉིས་ལས་རིམ་པར་བརྒྱུད་པ་ཡིན་ནོ། །དེ་ཡང་འདིའི་ཕན་ཡོན་དང་དགོས་ཆེད་ནི། འདིའི་གཞུང་གུ་རུ་རིན་པོ་ཆེའི་གསུངས་ལས་། སྙིགས་མའི་དུས་ན་ཚེ་ཐུང་ནད་མང་ཞིང་། །དགེ་བ་མི་སྤྱོད་སྡིག་པ་ལྷུར་ལེན་པས། །ནག་པོའི་ཕྱོགས་དར་ཚེ་ཐུང་ལོངས་སྤྱོད་དམན། །དམ་ཆོས་སྒྲུབ་ལོང་མེད་པར་མྱུར་བར་འཆི། །དར་ཙམ་གནས་ཀྱང་ལྟོ་གོས་གཉིས་ཀྱིས་མནར། །འཆི་བ་དྲན་ཡང་སྒྲུབ་པ་ལོང་མེད་ལ། །འཆི་མེད་རིག་འཛིན་ཐོབ་པར་བྱ་བའི་ཕྱིར། །རིག་འཛིན་ཚེ་སྒྲུབ་ཉི་ཟླ་ཁ་སྦྱོར་བསྟན། །ཅེས་དང་། ཕྱི་རབས་ཚེ་ཡི་རིག་འཛིན་ཐོབ་འདོད་རྣམས། །མཚོ་སྐྱེས་རྡོ་རྗེ་པདྨ་ང་ཉིད་སྒྲུབས། །ཚེ་ཡི་རིག་འཛིན་ཐོབ་པར་གདོན་མི་ཟ། །དེ་ལྟར་རིག་འཛིན་ཚེ་བསྒྲུབས་པས། །ནད་ལ་སྨན་གྱིས་སོས་པའམ། །སྣུམ་ཟད་མར་མེ་མར་བསྣན་ལྟར། །རིན་ཆེན་ཚེ་སྲོག་སྲིང་བར་བྱེད། །ཚེ་ལ་བར་ཆད་བདུད་བཅོམ་ནས། །ཚེ་ཡི་དངོས་གྲུབ་ཐོབ་པར་འགྱུར། །ཅེས་དང་། རྒྱུན་དུ་ནར་མར་སྒྲུབ་པ་ན། །ཚེ་ཟད་ཉམས་པར་མི་འགྱུར་ཞིང་། །བཅུ་ཐུབ་བརྒྱ་འགྱུར་བརྒྱ་ཐུབ་

[Full Size]

སྟོང་དུ་འགྱུར། །ཅེས་དང་། ཨེ་མ། བདག་འདྲ་བློ་དམན་མཁར་ཆེན་མཚོ་རྒྱལ་གྱིས། །མ་ཧཱ་གུ་རུ་སྤྲུལ་པའི་སྐྱེས་མཆོག་ལ། །གདུང་ཤུགས་གུས་པས་གསོལ་བ་བཏབ་པའི་མཐུས། །རིག་འཛིན་ཚེ་སྒྲུབ་ཉི་ཟླ་ཁ་སྦྱོར་གནང་། །མཚོ་སྐྱེས་རྡོ་རྗེ་དོན་གྱི་པྲ་ཁྲིད་གཏད། །བདག་གིས་ཕྱི་རབས་འགྲོ་བའི་དོན་ཆེད་དུ། །གདམས་པ་ལེགས་བསྒྲིགས་གསལ་བཀོད་ཡི་གེར་བྲིས། །ད་ལྟ་སྤེལ་བའི་དུས་ལ་མ་བབས་ཀྱང་། །ལན་གཅིག་བསྐལ་པ་དུས་ཀྱི་ཐ་མ་ལ། །འགྲོ་བ་རྣམས་ཀྱི་སྲོག་ལ་ཉམ་གདུང་ཞིང་། །ཚེ་ལ་ལོང་མེད་ཧུར་ཐུམ་འབྱུང་བའི་ཚེ། །འགྲོ་དོན་འཕེལ་ཕྱིར་རིན་ཆེན་གཏེར་དུ་སྦས། །དེ་ཡང་འདྲ་མིན་དོན་གཅིག་གསུམ་དུ་བཀོད། །འདི་ནི་མཚོ་སྐྱེས་ཉི་ཟླ་ཁ་སྦྱོར་ལུགས། །མང་དཀར་དགྱེར་ཡུལ་བྱེ་མའི་གླིང་དུ་སྦས། །ཀླུ་རྒྱལ་མགྲིན་བཟང་འཁོར་དང་བཅས་ལ་གཏད། །ཀླུ་རྒྱལ་ཁྱོད་ཀྱིས་བཀའ་འདིའི་བྱ་ར་གྱིས། །ལན་གཅིག་དུས་ཀྱི་མཐའ་ལ་སླེབས་པའི་ཚེ། །ཨོ་རྒྱན་གསུང་གི་སྲས་མཆོག་གདུང་ཤུགས་ཅན། །སྙིང་སྨེ་དམར་མཚན་བུདྡྷའི་མིང་ཅན་འབྱུང་། །དེ་ལ་བཀའ་འདི་གཏོད་ལ་སྡོང་གྲོགས་

[Full Size]

གྱིས། །ཞེས་གསུངས་སོ། །དེ་ལྟར་ཟབ་ཅིང་བཀའ་གཉན་པའི་དབང་ཟབ་མོ། ཚེ་སྒྲུབ་ཉི་ཟླ་ཁ་སྦྱོར་གྱི་དབང་། ཚེ་དབང་དོན་གྱི་པྲ་ཁྲིད་ཅེས་བྱ་བ་ཞུ་བའི་ཕྱིར་དུ་མཎྜལ་ཕུལ་ས་གཞི་སྤོས་སོགས། ད་མདུན་གྱི་ནམ་མཁར་ཚེ་ཡི་ལྷ་ཚོགས་དཔག་ཏུ་མེད་པ་སྤྲིན་གྱི་ཕུང་པོ་ལྟར་བཞུགས་པའི་དྲུང་དུ་ལུས་ངག་ཡིད་གསུམ་གུས་པ་ཆེན་པོས་ཕྱག་འཚལ་བའི་མོས་པས་རྗེས་ཟློས་མཛོད། འཇིགས་པ་མེད་པ་རྡོ་རྗེའི་སྐུ། །འགགས་པ་མེད་པ་རྡོ་རྗེའི་གསུང་། །ཐམས་ཅད་མཁྱེན་པ་རྡོ་རྗེའི་ཐུགས། །རྡོ་རྗེའི་སྐུ་ལ་ཕྱག་འཚལ་བསྟོད། །ཚེའི་ལྷ་ཚོགས་ལ་དངོས་སུ་ཅི་འབྱོར་པ་དང་། ཡིད་ཀྱིས་དཔག་ཏུ་མེད་པ་སྤྲུལ་ཏེ་མཆོད་པ་འབུལ་སྙམ་པ་གྱིས་ལ་རྗེས་ཟློས་མཛོད། དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་འདི་དག་ནི། །བླ་མ་ཡི་དམ་ལྷ་ལ་འབུལ། །འགྲོ་བའི་དོན་དུ་བཞེས་སུ་གསོལ། །ད་འཁོར་བ་ཐོག་མེད་ནས་བསགས་པའི་སྡིག་པ་དང་སྒྲིབ་པ་ཐམས་ཅད་ད་ལྟ་དཀྱིལ་འཁོར་འདིའི་དྲུང་དུ་བཤགས་སྙམ་པས་རྗེས་ཟློས་མཛོད། འཁོར་བ་ཐོག་མ་མེད་པ་ནས། །མཚམས་མེད་ལྔ་དང་ཉེ་བ་ལྔ། །མི་དགེ་བཅུ་དང་ལྕི་བ་

[Full Size]

བརྒྱད། །འཕགས་པའི་སྤྱན་སྔར་སོ་སོར་བཤགས། །ད་འཕགས་པ་དང་སོ་སོ་སྐྱེ་བོའི་དགེ་བ་ཐམས་ཅད་ལ་རྗེས་སུ་ཡི་རང་བསྒོམ་པ་འདིའི་རྗེས་ཟློས་མཛོད། འཇིག་རྟེན་དགེ་བཅུ་ཇི་སྙེད་དང་། །ཉན་ཐོས་རང་རྒྱལ་དགེ་ཚོགས་བཅས། །སངས་རྒྱས་སྲས་བཅས་འགྲོ་དོན་མཛད། །དེ་དག་ལ་ནི་རྗེས་ཡི་རང་། །ད་ཕྱོགས་བཅུའི་སངས་རྒྱས་མངོན་པར་རྫོགས་པར་སངས་རྒྱས་ནས། ཆོས་མི་གསུང་བར་བཞུགས་པ་རྣམས་ལ་ཆོས་ཀྱི་འཁོར་ལོ་བསྐོར་བར་གསོལ་བ་འདེབས་སྙམ་པས་རྗེས་ཟློས་མཛོད། ཕྱོགས་བཅུ་མཐའ་ཡས་ཞིང་རྣམས་ན། །མངོན་པར་རྫོགས་པར་སངས་རྒྱས་ནས། །རིང་པོར་མ་ལོན་ཐམས་ཅད་ལ། །ཆོས་ཀྱི་འཁོར་ལོ་བསྐོར་མཛད་གསོལ། །ད་རྒྱལ་བ་གང་དག་མྱ་ངན་ལས་འདའ་བར་བཞེད་པ་དེ་དག་ཐམས་ཅད་མྱ་ངན་ལས་མི་འདའ་བར་གསོལ་བ་འདེབས་པ་འདིའི་རྗེས་ཟློས་མཛོད། རྒྱལ་བ་མྱ་ངན་འདའ་བཞེད་གང་། །སེམས་ཅན་ཀུན་གྱི་དོན་གྱི་ཕྱིར། །ཇི་སྲིད་འཁོར་བ་དེ་སྲིད་དུ། །མྱ་ངན་མི་འདའ་བཞུགས་སུ་གསོལ། །དེ་ལྟ་བུའི་དགེ་བའི་རྩ་བ་བྱང་ཆུབ་ཆེན་པོའི་ཕྱིར་བསྔོ་བ་འདིའི་རྗེས་ཟློས་མཛོད། དགེ་

[Full Size]

བཅུ་ཇི་སྙེད་ཡོད་པ་དང་། །བསྡུ་བའི་དངོས་པོ་བཞི་རྣམས་དང་། །ཕ་རོལ་ཕྱིན་པ་བཅུ་ལ་སོགས། །བྱང་ཆུབ་ཆེན་པོར་བསྔོ་བར་བགྱིའོ། །རང་གི་ལུས་འདི་དང་མ་འོངས་པར་ལེན་པའི་ལུས་ཐམས་ཅད་རྡོ་རྗེ་སློབ་དཔོན་དང་ཚེའི་ལྷ་ཚོགས་ལ་འབུལསྙམ་པས་འདིའི་རྗེས་ཟློས་མཛོད། བདག་གི་ལུས་འདི་ཇི་སྲིད་དུ། །ལེན་ཕར་རྡོ་རྗེ་སློབ་དཔོན་དང་། །ཡི་དམ་ལྷ་ཡི་ཚོགས་རྣམས་ལ། །ངག་ཡིད་དང་བས་འབུལ་བར་བགྱི། །དེས་བསོད་ནམས་ཀྱི་ཚོགས་བསགས་པས་རྒྱུད་ཡོངས་སུ་དག་པ་ཡིན། ད་སྔགས་སྡོམ་རྒྱུད་ལ་སྐྱེ་བའི་རྨིང་གཞི་སྐྱབས་སུ་འགྲོ་བ་གལ་ཆེ་བས། དུས་ད་ནས་བྱང་ཆུབ་མ་ཐོབ་ཀྱི་བར་དུ་དཀོན་མཆོག་གསུམ་ལ་སྐྱབས་སུ་ཞུ་སྙམ་པ་གྱིས་ལ་འདིའི་རྗེས་ཟློས་ལན་གསུམ་མཛད་པར་ཞུ། རྐང་གཉིས་གཙོ་བོ་སངས་རྒྱས་དང་། །ཞི་བ་ཆགས་བྲལ་དམ་པའི་ཆོས། ཤ །ཚོགས་ཀྱི་ཞིང་གྱུར་དགེ་འདུན་ལ། །བྱང་ཆུབ་བར་དུ་སྐྱབས་སུ་མཆི། །གསུམ། དོན་དམ་པར་བྱང་ཆུབ་ཀྱི་རང་གཞན་སེམས་ཅན་ཐམས་ཅད་ལ་ཡེ་ནས་ཁྱབ་པར་གནས་ཀྱང་། དེ་མ་རྟོགས་པའི་དབང་གིས་འཁོར་བ་མཐའ་མེད་དུ་འཁྱམས་པའི་སེམས་ཅན་ཐམས་

[Full Size]

ཅད། བདེ་བ་ཚད་མེད་པ་ལ་འགོད་པའི་ཕྱིར་དུ་སེམས་བསྐྱེད་སྙམ་པས་འདིའི་རྗེས་ཟློས་མཛོད། བྱང་ཆུབ་མཆོག་གི་རང་བཞིན་ཅན། །སེམས་ཅན་ཀུན་ལ་ཁྱབ་པར་གནས། །མ་རྟོགས་འཁོར་བར་འཁྱམས་པ་ཡི། །དེ་དག་དོན་དུ་སེམས་བསྐྱེད་བགྱི། །ལན་གསུམ། དེ་ལྟར་སྐྱབས་འགྲོ་དང་སེམས་བསྐྱེད་སོང་ནས། གསང་སྔགས་ཀྱི་སྡོམ་པ་བཟུང་བ་འདིའི་རྗེས་ཟློས་མཛོད། བླ་མ་རྡོ་རྗེ་སློབ་དཔོན་དང་། །མཚོ་སྐྱེས་རྡོ་རྗེའི་ལྷ་ཚོགས་དགོངས། །བསླབ་པ་གསུམ་དང་ཁྱད་པར་དུ། །རིགས་ལྔའི་ཕྱི་ནང་སྡོམ་པ་རྣམས། །མ་ལུས་དེང་ནས་བརྟན་པོར་བཟུང་། །གསུམ། ཁྱེད་རང་རྣམས་གདོང་གཡོགས་དམར་པོ་རེ་བཅིངས་པའི་མོས་པ་མཛོད། ཨོཾ་བཛྲ་ཙཀྵཧཱུྃ། ཞེས་མིག་དར་བཅིང་། འདི་ནི་ཡེ་ཤེས་བདུད་རྩི་སྟེ། །དམ་ཚིག་ཅན་རྣམས་སྲུང་བྱེད་ཅིང་། །དམ་མེད་རྣམས་ལ་ཉེས་བྱེད་པས། །ཁྱོད་ཀྱིས་དམ་ཚིག་གཉན་པོ་བསྲུང་། །ཨོ་པཉྩ་ཨ་མྲྀ་ཏ་ཧཱུྃ། ཅེས་དུང་ཆོས་ཆུའམ་ལས་བུམ་ཆུ་བླུད། ད་ཡེ་ཤེས་པ་འབེབས་ཤིང་ཚེ་འགུགས་པའི་དོན་དུ་དམིགས་པ་འདི་བཞིན་མཛོད། ཁྱེད་རང་རྣམས་མི་དམིགས་པ་སྟོང་པའི་ངང་ལས་པདྨ་

[Full Size]

དང་ཟླ་བའི་སྟེང་དུ་རྣམ་པར་ཤེས་པ་དྷཱི༔ཡིག་ཡོངས་སུ་གྱུར་པ་ལས། འཕགས་པ་སྤྱན་རས་གཟིགས་སྐུ་མདོག་ལི་ཁྲིའི་མདོག་ལྟར་དམར་བ། ཞལ་གཅིག་སྤྱན་གསུམ་ཁྲོ་འཛུམ། །ཕྱག་བཞི་དང་པོ་གཉིས་ཕྲེང་བ་དང་པདྨ། འོག་མ་གཉིས་མཉམ་བཞག་ཚེ་བུམ་འཛིན་ཅིང་ཡུམ་གསང་བ་ཡེ་ཤེས་ཚེ་བུམ་འཛིན་པ་དང་འཁྲིལ་བ། ཡབ་ཡུམ་དར་དང་རིན་པོ་ཆེ་དང་རུས་པས་བརྒྱན་ཅིང་འོད་དཔག་མེད་ཀྱི་དབུ་རྒྱན་ཅན། དེའི་ཐུགས་ཉི་ཟླ་གའུ་སྦྱོར་གྱི་ནང་དུ། གུ་རུ་མཚོ་སྐྱེས་རྡོ་རྗེ་དང་ཡུམ་མནྡཱ་ར་བ་ཡབ་ཡུམ་དམར་པོ་ཚེ་ཡི་བུམ་པ་འཛིན་ཅིང་རུས་པའི་རྒྱན་དྲུག་གིས་སྨྲས་པ། དེའི་ཐུགས་ཀར་ནཱི་ཡིག་དམར་པོའི་མཐར་སྔགས་ཀྱིས་བསྐོར་བ་ལས་འོད་ཟེར་ཕྱོགས་བཅུར་འཕྲོས། འཆི་མེད་ཚེ་ཡི་ལྷ་ཚོགས་ཆར་ལྟར་བབ་ཅིང་ཐིམ། གཞན་ཡང་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་བྱིན་རླབས། ལྷ་འདྲེ་མི་གསུམ་གྱི་ཚེ་བསོད་ནམས། །འབྱུང་བ་ལྔའི་བཅུད་དང་དྭངས་མ་ཐམས་ཅད་འུབ་འུབ་བསྡུས་ནས་ཁྱེད་རང་རྣམས་ཀྱི་ཐུགས་ཀའི་ཧཱུྃ་ལ་ཐིམ་པར་སྒོམས་ཤིག །ཧིཿ ཟླ་གམ་དབང་གི་ཕོ་བྲང་ནས། །པདྨ་དབང་ཕྱུག་ཧེ་རུ་ཀ །མཚོ་སྐྱེས་རྡོ་རྗེ་ཚེ་ཡི་

[Full Size]

ལྷ། །མན་ར་བ་ཡུམ་དང་བཅས། །རིན་ཆེན་ཚེ་ཡི་བུམ་པ་འཛིན། །འཆི་མེད་བདུད་རྩིས་བཀང་ནས་ནི། །ཚེ་དབང་བསྒྲུབ་པའི་ལས་མཛོད་ཅིག །སྤྱན་རས་གཟིགས་དབང་གསང་ཡེ་ཡུམ། །འོད་དཔག་མེད་མགོན་མཱ་མ་ཀཱི། །རིགས་བཞི་མཁའ་འགྲོ་ཡབ་ཡུམ་དང་། །བྱིན་རླབས་བདེ་སྟེར་མཁའ་འགྲོའི་ཚོགས། །དངོས་གྲུབ་སྣ་ཚོགས་ཆར་འབེབས་མ། །ཕྱག་ན་ཚེ་ཡི་བུམ་པ་བསྣམས། །འཆི་མེད་བདུད་རྩིས་བཀང་ནས་ནི། །རྡོ་རྗེ་ཚེ་ཡི་དངོས་གྲུབ་སྩོལ། །རྣལ་འབྱོར་བདག་ཅག་འཁོར་བཅས་ཀྱི། །ཚེ་དཔལ་ཉམས་ནི་མ་ཉམས་ཏེ། །གལ་ཏེ་ཉམས་པར་གྱུར་པ་ན། །བདུད་དང་གཤིན་རྗེའི་ལག་ནས་ཚེ་ཁུག་ལ། །རྡོ་རྗེ་ཚེ་ཡི་དངོས་གྲུབ་བསྩལ་དུ་གསོལ། །ཨོ་བཛྲ་ཨཱ་ཡུ་ཤེ་ཨཾ་ཀུ་ཤ་ཛཿ ཛཿཧཱུྃ་བཾ་ཧོ༔ ཅེས་དབྱངས་དང་བཅས་འགུགས་ཤིང་སྤོས་དང་རོལ་མོ་དྲག་ཏུ་བྱའོ། །དེ་ནས་ཚེ་འགུགས་ཁ་བཀང་ཤོག་དྲིལ་ནི། སློབ་དཔོན་གྱི་ཕྱག་གཡོན་དྲིལ་བུ་དང་བུམ་པ་བཟུང་། ཕྱག་གཡས་མདའ་དར་དཀར་སེར་དམར་ལྗང་བཞི་རིམ་པ་ལྟར་དང་རྡོ་རྗེ་བཟུང་ལ་དབྱངས་དང་བཅས་ཕྱོགས་བཞི་ནས་གཡབ་ཅིང་སློབ་མ་རྣམས་ཀྱི་ལུས་ལ་ཚེ་བསྟིམ་པའི་ཚུལ་བྱ་ཞིང་། དང་པོ་མདའ་དར་ཁ་དོག་བཞི་སོ་སོར་གཡབ། དེ་ནས་

[Full Size]

མདའ་དར་དབུས་མ་གཡབ་པ་ཡིན་ཏེ། དང་པོ་མདའ་དར་དཀར་པོ་ཤར་དུ་གཡབ་ཅིང་། ཧཱུྃ། སྲིད་པ་ཤར་གྱི་མ་གཅིག་དབྱིངས་ནས་རོལ། །དཀར་མོ་དུང་གི་ཐོར་ཚུགས་ཅན། །ན་བཟའ་དར་དཀར་གོ་ཟུ་ལ། །འཇའ་ཚོན་སྣ་ལྔའི་ཆ་ག་ཅན། །རྡོ་རྗེ་མཁའ་འགྲོ་འཁོར་དང་བཅས། །གཡས་ན་ཚེ་མདའ་རྒོད་སྒྲོ་འཛིན། །གཡོན་ན་ཚེ་ཡི་བུམ་པ་འཛིན། །ཞལ་ནས་ཚེ་ཡི་གཟུངས་སྔགས་བརྗོད། །ཐུགས་ཉིད་ཚེ་ཡི་ཏིང་འཛིན་བསྒོམ། །རྣལ་འབྱོར་ཡོངས་ཀྱི་ཚེ་འཛིན་མ། །བདག་དང་ཡོན་བདག་ཚེ་ཟུང་ལ། །ལྷ་འདྲེ་མི་གསུམ་ལག་ནས་ཚེ་ཁུག་ཅིག །འཆི་མེད་རྡོ་རྗེའི་སྐུ་ཐོབ་མཛོད། །ཨོཾ་བཛྲ་ཨཱ་ཡུ་ཤེ་ཨཾ་ཀུ་ཤ་ཛཿ ཛཧཱུྃ་བཾ་ཧོ༔ ཞེས་མདའ་དར་དང་བཅས་ཤར་དུ་གཡབ་ཅིང་སྤྱི་བོར་བཞག་གོ །ཧཱུྃ། སྲིད་པ་ལྷོ་ཡི་མ་གཅིག་དབྱིངས་ནས་རོལ། །སེར་མོ་གསེར་གྱི་ལན་ཕྲན་ཅན། །སྣ་ཚོགས་དར་གྱི་ན་བཟའ་ལ། །རིན་ཆེན་གསེར་གྱི་ཆ་ག་ཅན། །རིན་ཆེན་མཁའ་འགྲོ་འཁོར་དང་བཅས་། །གཡས་ན་ཚེ་ཡི་རིན་ཆེན་འཛིན། །གཡོན་ན་ཚེ་ཡི་བུམ་པ་བསྣམས། །ཞལ་ནས་ཚེ་ཡི་གཟུངས་སྔགས་བརྗོད། །ཐུགས་ཉིད་ཚེ་ཡི་ཏིང་འཛིན་བསྒོམས། །རྣལ་

[Full Size]

འབྱོར་ཡོངས་ཀྱི་ཚེ་འཛིན་མ། །བདག་དང་ཡོན་བདག་ཚེ་ཟུང་ལ། །ལྷ་འདྲེ་མི་གསུམ་ལག་ནས་ཚེ་ཁུག་ཅིག །འཆི་མེད་རྡོ་རྗེའི་སྐུ་ཐོབ་ཤོག །ཨོཾ་བཛྲ་ཨཱ་ཡུ་ཤེ་ཨཾ་ཀུ་ཤ་ཛཿ ཛཿཧཱུྃ་བཾ་ཧོ༔ ཞེས་ལྷོར་གཡབ་ཅིང་སྤྱི་བོར་བཞག །ཧཱུྃ། སྲིད་པ་ནུབ་ཀྱི་མ་གཅིག་དབྱིངས་ནས་རོལ། །དམར་མོ་བྱི་རུའི་སྐེད་ཆིངས་ཅན། །འཇའ་ཚོན་སྣ་ལྔའི་ན་བཟའ་ལ། །རིན་ཆེན་འབར་བའི་ཆ་ག་ཅན། །པདྨ་མཁའ་འགྲོ་འཁོར་དང་བཅས། །གཡས་ན་ཚེ་ཡི་པདྨ་འཛིན། །གཡོན་ན་ཚེ་ཡི་བུམ་པ་བསྣམས། །ཞལ་ནས་ཚེ་ཡི་གཟུངས་སྔགས་བརྗོད། །ཐུགས་ཉིད་ཚེ་ཡི་ཏིང་འཛིན་བསྒོམས། །རྣལ་འབྱོར་ཡོངས་ཀྱི་ཚེ་འཛིན་མ། །བདག་དང་ཡོན་བདག་ཚེ་ཟུང་ལ། །ལྷ་འདྲེ་མི་གསུམ་ལག་ནས་ཚེ་ཁུག་ཅིག །འཆི་མེད་རྡོ་རྗེའི་སྐུ་ཐོབ་མཛོད། །ཨོཾ་བཛྲ་ཨཱ་ཡུ་ཤེ་ཨཾ་ཀུ་ཤ་ཛཿ ཛཧཱུྃ་བཾ་ཧོ༔ ཞེས་ནུབ་ཏུ་གཡབ་ཅིང་སྤྱི་བོར་བཞག་ལ། ཧཱུྃ། སྲིད་པ་བྱང་གི་མ་གཅིག་དབྱིངས་ནས་རོལ། །ལྗང་མོ་གཡུ་ཡི་ཐོར་ཚུགས་ཅན། །མཐིང་ནག་དར་གྱི་ན་བཟའ་ལ། །མུ་མེན་མཛེས་པའི་ཆ་ག་ཅན། །ལས་ཀྱི་མཁའ་འགྲོ་འཁོར་དང་བཅས། །གཡས་ན་ཆེ་

[Full Size]

ཡི་རྒྱ་གྲམ་འཛིན། །གཡོན་ན་ཚེ་ཡི་བུམ་པ་བསྣམས། །ཞལ་ནས་ཚེ་ཡི་གཟུངས་སྔགས་བརྗོད། །ཐུགས་ཉིད་ཚེ་ཡི་ཏིང་འཛིན་བསྒོམ། །རྣལ་འབྱོར་ཡོངས་ཀྱི་ཚེ་འཛིན་མ་། །བདག་དང་ཡོན་བདག་ཚེ་ཟུང་ལ། །ལྷ་འདྲེ་མི་གསུམ་ལག་ནས་ཚེ་ཁུག་ཅིག།འཆི་མེད་རྡོ་རྗེའི་སྐུ་ཐོབ་མཛོད། །ཨོཾ་བཛྲ་ཨཱ་ཡུ་ཤེ་ཨཾ་ཀུ་ཤ་ཛཿ ཛཿཧཱུྃ་བཾ་ཧོ༔ ཞེས་བྱང་དུ་གཡབ་ལ་སྤྱི་བོར་བཞག །ཧཱུྃ། བཀྲ་ཤིས་ཚེ་ཡི་ལྷ་མོ་ཁྱེད་རྣམས་ཀྱིས། །བདག་དང་ཡོན་བདག་འཁོར་བཅས་ལ། །སྟེང་ཕྱོགས་ཚངས་པ་ཕོ་མོའི་ལག་ནས་ཚེ་ཁུག་ལ། །ཤར་ཕྱོགས་དྲི་ཟ་ཕོ་མོའི་ལག་ནས་ཚེ་ཁུག་ལ། །ཤར་ལྷོ་མེ་ལྷ་ཕོ་མོའི་ལག་ནས་ཚེ་ཁུག་ལ། །ལྷོ་ཕྱོགས་གཤིན་རྗེ་ཕོ་མོའི་ལག་ནས་ཚེ་ཁུག་ལ། །ལྷོ་ནུབ་སྲིན་པོ་ཕོ་མོའི་ལག་ནས་ཚེ་ཁུག་ལ། །ནུབ་ཕྱོགས་ཀླུ་གདོན་ཕོ་མོའི་ལག་ནས་ཚེ་ཁུག་ལ། །ནུབ་བྱང་རླུང་ལྷ་ཕོ་མོའི་ལག་ནས་ཚེ་ཁུག་ལ། །བྱང་ཕྱོགས་གནོད་སྦྱིན་ཕོ་མོའི་ལག་ནས་ཚེ་ཁུག་ལ། །བྱང་ཤར་དབང་ལྡན་ཕོ་མོའི་ལག་ནས་ཚེ་ཁུག་ལ། །འོག་ཕྱོགས་ས་བདག་ཕོ་མོའི་ལག་ནས་ཚེ་ཁུག་ལ། །གནས་འདིར་ཚེ་ཁུག་སྲོག་སྐྱོབ་མཛོད། །ཕྱོགས་བཅུར་གཡབ་

[Full Size]

བོ། །ཧཱུྃ། བཀྲ་ཤིས་ཚེ་ཡི་ལྷ་མོ་ཁྱེད་རྣམས་ཀྱིས། །བདག་དང་ཡོན་བདག་འཁོར་བཅས་ཀྱི། །ཚེ་ཡི་བླ་རི་མ་སྙིལ་ཅིག །ཚེ་ཡི་བླ་མཚོ་མ་སྐམ་ཞིག །ཚེ་ཡི་བླ་ཤིང་མ་སྐམ་ཞིག །ཚེ་ཡི་ཁང་པ་མ་ཡོ་ཞིག །ཚེ་ཡི་གདུང་མ་མ་ཆག་ཅིག །ཚེ་ཡི་བླ་གཡུ་མ་འབུད་ཅིག །ཚེ་དར་དཀྱིལ་ནས་མ་རལ་ཅིག །ཚེ་ཡི་དམུ་ཐག་མ་ཆད་ཅིག །ཚེ་ཡི་བརྟན་ཕུར་མ་བུད་ཅིག །ཚེ་ཡི་དཀྱིལ་འཁོར་མ་ཡལ་ཅིག །ཚེ་ཡི་བུམ་པ་མ་ཆག་ཅིག །ཚེ་ཡི་གའུ་མ་རལ་ཅིག །ཚེ་ཡི་ཉི་ཟླ་མ་འགྲིབ་ཅིག །ཚེ་ཡི་ས་བོན་མ་འཐོར་ཅིག །ཧཱུྃ། བཀྲ་ཤིས་ཚེ་ཡི་ལྷ་མོ་ཁྱེད་རྣམས་ཀྱིས། །བདག་དང་ཡོན་བདག་འཁོར་བཅས་ཀྱི། །ཚེ་རལ་བ་ཡོད་ན་དྲུབ་ཏུ་གསོལ། །ཚེ་ཕོས་པ་ཡོད་ན་བཅུ་རུ་གསོལ། །ཚེ་འཐོར་པ་ཡོད་ན་བཟླུམ་དུ་གསོལ། །ཚེ་གས་པ་ཡོད་ན་སྦྱར་དུ་གསོལ། །ཚེ་ཆད་པ་ཡོད་ན་མཐུད་དུ་གསོལ། །ཚེ་ཡོ་བ་ཡོད་ན་བསྲང་དུ་གསོལ། །ཚེ་ལོག་པ་ཡོད་ན་བརྟེན་དུ་གསོལ། །ཚེ་ཉམས་པ་ཡོད་ན་བཀང་དུ་གསོལ། །ཨོཾ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ བཛྲ་ཨཱ་བེ་ཤ་ཡ་ཨ་ཨཱ༔ ཅེས་རོལ་མོ་དྲག་ཏུ་

[Full Size]

བྱའོ། །དེ་ལྟར་ཚེ་འགུགས་ཤིང་ཡེ་ཤེས་པ་དབབ་པས། ལུས་བྱིན་ཐིབ་ཐིབ་པ་དང་། སེམས་ལ་བདེ་གསལ་མི་རྟོག་པའི་ཉམས་བཟང་པོ་དང་དད་པ་གློ་བུར་དུ་སྐྱེ་བ་འབྱུང་བར་གསུངས་སོ། །དེ་ལྟར་ཚེ་འགུགས་ཤིང་ཡེ་ཤེས་ཕ་ཕབ་པ་དེ་མི་ཉམས་བརྟན་ཕར་བྱས་པར་སྒྲོམས་ཤིག །རྡོ་རྗེ་མེ་ཏོག་མགོར་བཞག་གོ །ཏིཥྛ་བཛྲ། ཧི༔ མཚོ་སྐྱེས་རྡོ་རྗེ་ཧེ་རུ་ཀཿ བུ་ཁྱོད་མ་རིག་ལིང་ཐོག་རྣམས། །ད་ལྟ་ཉིད་དུ་རབ་བསལ་ཏེ། །རྒྱལ་བའི་དཀྱིལ་འཁོར་ལྟ་བར་རིགས། །ཛྙཱ་ན་ཙཀྵཔྲ་བེ་ཤ་ཡ་ཕཊ། ཅེས་མིག་དར་བསལ། འོ་རིགས་ཀྱི་བུ་རྣམས་མདུན་འདིར་ཐར་པ་ཆེན་པོའི་གཞལ་ཡས་ཁང་ཡངས་ཤིང་རྒྱ་ཆེ་བའི་དབུས་སུ་འཆི་མེད་ཚེའི་ལྷ་ཚོགས་གུ་རུ་མཚོ་སྐྱེས་རྡོ་རྗེའི་ལྷ་ཚོགས་ཐམས་ཅད་ཀྱི་ཞལ་མངོན་སུམ་དུ་མཐོང་བར་གྱུར་སྙམ་པའི་མོས་པ་མཛོད་ཅིག །ཨོཾ་བཛྲ་པ་ཤྱ་ཧོ༔ ད་ཁྱེད་རང་རྣམས་གུ་རུ་མཚོ་སྐྱེས་རྡོ་རྗེའི་ལྷ་ཚོགས་རྣམས་ཀྱི་དྲུང་དུ་ཚེའི་དབང་ཡོངས་སུ་རྫོགས་པར་ཞུ་སྙམ་པས་འདིའི་རྗེས་ཟློས་མཛོད། མཚོ་སྐྱེས་རྡོ་རྗེ་ཡབ་ཡུམ་དང་། །ཚེ་ལ་དབང་བའི་རིག་འཛིན་རྣམས། །འཆི་མེད་རྡོ་རྗེའི་དབང་ཐོབ་པས། །བུམ་དབང་བདག་ལ་

[Full Size]

བསྩལ་དུ་གསོལ། །ཞེས་ལན་གསུམ་གསོལ་བ་བཏབ་ནས། ད་བུམ་པ་འདིའི་ནང་ན་གུ་རུ་མཚོ་སྐྱེས་རྡོ་རྗེའི་ལྷ་ཚོགས་བཞུགས་པའི་སྐུ་ལས་འཆི་མེད་ཚེའི་བདུད་རྩི་བབས་ནས། བུམ་ཅོལ་ནས་བདུད་རྩི་ན་ར་ར་བབས་ཏེ། ཁྱེད་རང་རྣམས་ཀྱི་སྤྱི་བོ་ཚངས་པའི་བུ་ག་ནས་ཞུགས། ལུས་ཐམས་ཅད་འཆི་མེད་ཚེའི་བདུད་རྩིས་གང་ནས་ཚེའི་རིག་འཛིན་ཐོབ་པར་སྒོམས་ཤིག་།བུམ་པ་ལག་ཏུ་ཐོགས་ལ། ཧཱུྃ། བུམ་པ་ལྷ་ཡི་གཞལ་ཡས་ཁང་། །ཁ་རྒྱན་དབུ་སྐྲ་དཔག་བསམ་ཤིང་། །མགུལ་ཆིངས་དར་ཟབ་མཛེས་པའི་གོས། །ནང་དུ་བདུད་རྩིའི་རྒྱ་མཚོ་འཁྱིལ། །འབྲུ་ལྔ་བླུག་པ་ཕུང་པོ་ལྔ། །རིན་ཆེན་ལྔ་བླུག་ཡེ་ཤེས་ལྔ། །ཡིག་འབྲུ་ལྔ་བླུག་ལྷ་ཡི་ཐུགས། །ཐམས་ཅད་སྤྲོ་བསྡུ་གཅིག་གི་ངང་། །མི་བརྗེད་གཟུངས་ཀྱི་ཐག་པ་བཏགས། །བུམ་པ་ལྷ་ཡི་གཞལ་ཡས་སུ། །མཚོ་སྐྱེས་རྡོ་རྗེའི་ལྷ་ཚོགས་བཞུགས། །སྐལ་ལྡན་ཁྱོད་ལ་དབང་བསྐུར་བས། །འཆི་མེད་རྡོ་རྗེའི་སྐུ་ཐོབ་མཛོད། །འགྱུར་མེད་ཚེ་འདི་བརྟན་པར་མཛོད། །འགག་མེད་ཚེ་འདི་བརྟན་པར་མཛོད། །འཁྲུལ་མེད་ཚེ་འདི་བརྟན་པར་མཛོད། །ཚེ་མི་ནུབ་པའི་རྒྱལ་མཚན། མི་

[Full Size]

འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པར་གྱུར་ཅིག །ཚེ་ལ་ལྷུན་གྱིས་གྲུབ་པ་མཚོ་སྐྱེས་རྡོ་རྗེ་དང་མཉམ་པར་གྱུར་ཅིག །ཆེའི་བདག་པོ་བཅོམ་ལྡན་འདས། མགོན་པོ་ཚེ་དཔག་ཏུ་མེད་པ་དང་མཉམ་པར་གྱུར་ཅིག །ཨོཾ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཧ་རི་ནི་ས་ར་ཙ་ཧྲི་ཡ་ཨོཾ་ཧཱུྃ་ཧཱུྃ་ཧཱུྃཨཱཿ ཨོ་ཨ་བྷི་ཥིཉྩ་ཧཱུྃ་ཨཱ༔ ཞེས་བུམ་པ་སྤྱི་བོར་བཞག་བུམ་ཆུ་བླུད་དོ། །སླར་ཡང་མ་ཧཱ་གུ་རུ་མཚོ་སྐྱེས་རྡོ་རྗེ་ཡབ་ཡུམ། རིགས་བདག་མགོན་པོ་ཚེ་དཔག་མེད། ཚེ་ལྷ་འཕགས་པ་སྤྱན་རས་གཟིགས། ཚེ་བདག་རྒྱལ་བ་རིགས་ལྔ་ཡབ་ཡུམ། རིགས་བཞིའི་དཔའ་བོ་ཌཱ་ཀི་ཚེའི་རིག་འཛིན་གྱི་ཚོགས་དང་བཅས་པ་ཐམས་ཅད་ཀྱི་ཕྱག་ན་ཆེའི་བུམ་པ་རེ་རེ་བསྣམས་ནས་དབང་བསྐུར་བར་སྒོམས་ཤིག །ཧྲཱིཿ ་མཚོ་སྐྱེས་རྡོ་རྗེའི་ལྷ་ཚོགས་ཀྱི། །སྐུ་གསུང་ཐུགས་ཀྱིས་བྱིན་བརླབས་ཤིང་། །འཆི་བདག་གནས་སུ་འཇོམས་པ་ཡི། །བུམ་པ་འདི་ཡིས་དབང་བསྐུར་རོ། །ཨོཾ་ཨཱཿཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཀ་ལཱ་ཤ་ཨ་བྷི་ཥིཉྩ་མཱི། སྤྱི་བོར་བཞག་གོ །ཏིཿ མ་ཆགས་སྐྱོན་བྲལ་པདྨ་རིགས་ཀྱི་ལྷ། །འཆི་མེད་ཚེ་དབང་མགོན་པོ་འོད་དཔག་མེད། །ཐུགས་རྗེའི་

[Full Size]

མངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་ཡི་ལྷ། །བདེ་གཤེགས་སྤྲུལ་པའི་སྐུ་ཡི་བཀྲ་ཤིས་ཤོག །ཅེས་ནས་གཏོར། འོ་དེས་བུམ་པའི་དབང་ཐོབ། ལུས་ཀྱི་སྒོ་ནས་བསགས་པའི་སྡིག་སྒྲིབ་དག །ལམ་བསྐྱེད་རིམ་བསྒོམ་པར་དབང་། འབྲས་བུ་སྤྲུལ་པའི་སྐུ་འགྲུབ་པའི་སྐལ་པ་དང་ལྡན། སྐུ་འགྱུར་བ་མེད་པ་ཚེའི་དངོས་གྲུབ་ཐོབ་པར་འགྱུར་བ་བུམ་པའི་དབང་ཡིན་ནོ། །ད་འདིའི་རྗེས་ཟློས་མཛོད། མཚོ་སྐྱེས་རྡོ་རྗེ་ཡབ་ཡུམ་དང་། །ཚེ་ལ་དབང་བའི་རིག་འཛིན་རྣམས། །འཆི་མེད་རྡོ་རྗེའི་སྐུ་ཐོབ་པས། །གསང་དབང་བདག་ལ་གནང་དུ་གསོལ། །གཅིག་གམ་གསུམ། ད་བྷནྡ་འདིའི་ནང་ན་ཤ་ལྔ་བདུད་རྩི་ལྔ་ཡེ་ཤེས་ལྔ་རྣམས་ཞུ་བའི་བདུད་རྩི་རྒྱ་མཚོའི་དབུས་ན་དཔལ་ཧེ་རུ་ཀ་རིགས་ལྔ་ཡབ་ཡུམ་བཅུའི་སྦྱོར་མཚམས་བྱང་སེམས་དཀར་དམར་ཡེ་ཤེས་ཚེ་ཡི་བདུད་རྩིའི་རྒྱུན་བབ་པ། ཁྱེད་རང་རྣམས་ཀྱི་མགྲིན་པ་ནས་ཞུགས་རྩ་གནས་ཐམས་ཅད་གང་བར་སྒོམས་ཤིག །ཐོད་པ་ཐོགས་ལ། ཧཱུྃ༔ མཚོ་སྐྱེས་རྡོ་རྗེའི་ལྷ་ཚོགས་ཀྱི། །སྐུ་གསུང་ཐུགས་ཀྱི་བྱིན་རླབས་ལས། །འཆི་བདག་གནས་སུ་འཇོམས་པ་

[Full Size]

ཡི། །ཐོད་པ་བདུད་རྩིས་དབང་བསྐུར་རོ། །ཨོྃ་ཨཱ༔ཧཱུྃ་བཛྲ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨ་མྲྀ་ཏ་ཨ་བྷི་ཥིཉྩ་མཱ། ཞེས་མགྲིན་པར་གཏུགས་ཤིང་བླུད་དོ། །ཧིཿ མ་ཆགས་སྐྱོན་བྲལ་པདྨ་རིགས་ཀྱི་ལྷ། །འཆི་མེད་ཚེ་དབང་མགོན་པོ་འོད་དཔག་མེད། །ཐུགས་རྗེའི་མངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་ཡི་ལྷ། །བདེ་གཤེགས་སྤྲུལ་པའི་གསུང་གི་བཀྲ་ཤིས་ཤོག །འོ་དེས་ངག་གི་སྒོ་ནས་བསགས་པའི་སྡིག་སྒྲིབ་དག །གསང་བའི་དབང་ཐོབ། ལམ་རྩ་རླུང་བསྒོམ་པ་ལ་དབང་། །འབྲས་བུ་ལོངས་སྤྱོད་རྫོགས་པའི་སྐུ་ཐོབ་པའི་སྐལ་བ་ཅན་དུ་བྱས། གསུང་འགགས་མེད་ཚེའི་དངོས་གྲུབ་ཐོབ་པར་འགྱུར་བ་ཐོད་པ་བདུད་རྩིའི་དབང་ཡིན་ནོ། ་།ད་གསུམ་པ་ཞུ་བའི་ཕྱིར་རྗེས་ཟློས་མཛོད། ཧྲཱིཿ མཚོ་སྐྱེས་རྡོ་རྗེའི་ལྷ་ཚོགས་དང་། །ཚེ་ལ་དབང་བའི་རིག་འཛིན་རྣམས། །འཆི་མེད་རྡོ་རྗེའི་དབང་ཐོབ་པས། །ཤེར་ཡེའི་དབང་བསྐུར་གནང་དུ་གསོལ། །གཅིག་གམ་གསུམ། ད་མེ་ལོང་སིནྡྷ་རའི་དཀྱིལ་འཁོར་འདི་ནི། ཕྱི་པདྨ་འོད་ཀྱི་གཞལ་ཡས་ཁང་ལ། ནང་ཆོས་འབྱུང་གྲུ་གསུམ་བསྣོལ་མའི་དབུས་སུ། ཐོང་

[Full Size]

ཕྲེང་རྩལ་སྡེ་ལྔ་ཡབ་ཡུམ་བཞུགས་པའི་ཕྱག་གཡོན་ཀ་པཱ་ལའི་ནང་ན་བདེ་གཤེགས་རིགས་ལྔ་དང་བཅས་པ་གསལ་བ་དེ་ཁྱེད་རང་རྣམས་ཀྱི་སྙིང་གར་བཞག་པས་འོད་དུ་ཞུ་ནས་དབྱེར་མེད་དུ་ཐིམ་པར་སྒོམས་ཤིག །མཚོ་སྐྱེས་རྡོ་རྗེའི་ལྷ་ཚོགས་ཀྱི། །སྐུ་གསུང་ཐུགས་ཀྱི་བྱིན་རླབས་ལས། །འཆི་བདག་གནས་སུ་འཇོམས་པ་ཡི། །མེ་ལོང་ཡིག་འབྲུས་དབང་བསྐུར་རོ། །ཨོྃ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨཱ་དར་ཤ་ཨ་བྷི་ཌིཉྩནྟཾ། སིནྡྷ་ར་གནས་གསུམ་དུ་བྱུག །ཧཱིཿ མ་ཆགས་སྐྱོན་བྲལ་པདྨ་རིགས་ཀྱི་ལྷ། །འཆི་མེད་ཚེ་དབང་མགོན་པོ་འོད་དཔག་མེད། །ཐུགས་རྗེའི་མངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་ཡི་ལྷ། །བདེ་གཤེགས་སྤྲུལ་པའི་ཐུགས་ཀྱི་བཀྲ་ཤིས་ཤོག །འོ་དེས་ཤེས་རབ་ཡེ་ཤེས་ཀྱི་དབང་ཐོབ། སེམས་ཀྱི་སྒྲིབ་པ་དག །ལམ་རྩ་རླུང་ཐིག་ལེ་བསྒོམ་པ་ལ་དབང་། འབྲས་བུ་ཆོས་ཀྱི་སྐུ་འགྲུབ་པའི་སྐལ་པ་ཅན་དུ་བྱས། སེམས་འཁྲུལ་མེད་ཚེའི་དབང་ཐོབ་པ་ཡིན། ད་དབང་བཞི་པ་ཞུ་བའི་ཕྱིར་རྗེས་ཟློས་མཛོད། མཚོ་སྐྱེས་རྡོ་རྗེ་ཡབ་ཡུམ་དང་། །ཚེ་ལ་

[Full Size]

དབང་བའི་རིག་འཛིན་རྣམས། །འཆི་མེད་རྡོ་རྗེའི་དབང་ཐོབ་ནས། །བཞི་པའི་དབང་མཆོག་གནང་དུ་གསོལ། །གསུམ་མམ་གཅིག །ད་ཚེ་ཡི་འབྲང་རྒྱས་འདི་ཉིད། ཕྱི་རིན་པོ་ཆེ་ཟུར་བརྒྱད་པ། ནང་འཇའ་ཚོན་སྣ་ལྔའི་གཞལ་ཡས་ཁང་གི་དབུས་སུ་སངས་རྒྱས་ཚེ་དཔག་མེད་ཡབ་ཡུམ། དེའི་ཚེ་བུམ་ནང་ན་ཕད་སྡོང་གི་རྩེར་གུ་རུ་མཚོ་སྐྱེས་རྡོ་རྗེ་ཡབ་ཡུམ་དེ་ལ་སངས་རྒྱས་བྱང་སེམས་དཔག་ཏུ་མེད་པས་བསྐོར་བ། འདི་ལག་ཏུ་གཏད་པ་ཙམ་གྱིས་འཁོར་འདས་སྣང་སྲིད་ཐམས་ཅད་འོད་དུ་ཞུ་ནས་ཁྱེད་རང་ལ་ཐིམ་པས་སྐྱེ་འཆི་མེད་པའི་དོན་རྟོགས་པར་སྒོམས་ཤིག །ཧཱིཿ མཚོ་སྐྱེས་རྡོ་རྗེའི་ལྷ་ཚོགས་ཀྱི། །སྐུ་གསུང་ཐུགས་ཀྱི་བྱིན་རླབས་ལས། །འཆི་བདག་གནས་སུ་འཇོམས་པ་ཡི། །ཚེ་རྒྱས་འདི་ཡི་དབང་བསྐུར་རོ། །ཨོྃ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨཱ་ཡུཔུཊྛི་ཨ་བྷི་ཥིཉྩནྟཾ། །ལག་ཏུ་བཞག་གོ །ཧི༔ མ་ཆགས་སྐྱོན་བྲལ་པདྨ་རིགས་ཀྱི་ལྷ། །འཆི་མེད་ཚེ་དབང་མགོན་པོ་འོད་དཔག་མེད། །ཐུགས་རྗེའི་མཾངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་ཡི་ལྷ། །བདེ་གཤེགས་ཐུགས་རྗེའི་ཡེ་ཤེས་བཀྲ་ཤིས་

[Full Size]

ཤོག །འོ་དེས་བསགས་པ་ཆ་སྙོམས་ཀྱི་སྒྲིབ་པ་དག །དབང་བཞི་པ་ཐོབ། འབྲས་བུ་ངོ་བོ་ཉིད་སྐུ་འགྲུབ་པའི་སྐལ་པ་དང་ལྡན། ལྷུན་གྱིས་གྲུབ་པའི་དབང་ཐོབ་པ་ཡིན་ནོ། །ད་ཚེའི་དབང་ཡོངས་སུ་རྫོགས་པར་ཞུ་བའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། མཚོ་སྐྱེས་རྡོ་རྗེ་ཡབ་ཡུམ་དང་། །ཚེ་ལ་དབང་བའི་རིག་འཛིན་རྣམས། །འཆི་མེད་རྡོ་རྗེའི་དབང་ཐོབ་པས། །ཚེ་དབང་ཡོངས་རྫོགས་གནང་དུ་གསོལ། །གཅིག་གམ་གསུམ། དབང་གཏོར་འདི་ཉིད་པདྨའི་སྡོང་པོ་འདབ་མ་སྟོང་ལྡན་བདུན་རིམ་གྱི་ལྟེ་བར་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་གཏོར་མ་ཡིད་བཞིན་གྱི་ནོར་བུ་ལ་མཆོད་པའི་སྤྲིན་ཕུང་སྣ་ཚོགས་འཕྲོ་བའི་དབུས་སུ་པདྨའི་སྡོང་པོའི་རྩེར་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་པདྨ་དང་ཉི་ཟླའི་གདན་ལ་མ་ཧཱ་གུ་རུ་མཚོ་སྐྱེས་རྡོ་རྗེ་ཡུམ་ཕག་མོ་དང་གཉིས་སུ་མེད་པར་འཁྲིལ་བ། གཡས་སུ་མནྡཱ་ར་བ། གཡོན་དུ་ཡེ་ཤེས་མཚོ་རྒྱལ། འདབ་མ་བཞི་ལ་རིགས་བཞིའི་མཁའ་འགྲོ་ཡབ་ཡུམ། འོག་གི་པད་འདབ་བརྒྱད་ལ་གུ་རུ་མཚན་བརྒྱུད་ཡབ་ཡུམ་ཐམས་ཅད་སྐུ་མདོག་དམར་པོ་ཚེ་ཡི་བུམ་པ་འཛིན་

[Full Size]

པ། བྷནྡྷའི་ཕྱི་རོལ་པད་འདབ་རྣམས་ལ་རིམ་པ་ལྟར་ཚེ་ལ་དབང་བའི་རིག་འཛིན་བཀའ་བརྒྱུད་ཀྱི་བླ་མ། སངས་རྒྱས་བྱང་སེམས་རྒྱུད་སྡེའི་ལྷ་ཚོགས་དཔའ་བོ་མཁའ་འགྲོ་ཆོས་སྐྱོང་ནོར་ལྷའི་ཚོགས་ལྷ་སྲིན་སྡེ་བརྒྱད་རིགས་དྲུག་སེམས་ཅན་དང་བཅས་པ་ཐམས་ཅད་ཡི་དམ་ལྷ་ཡི་སྐུར་གྱུར་ནས་ཚེ་ཡི་བུམ་པ་འཛིན་པར་སྒོམས། །དེ་ནས་གཏོར་མ་འདི་སྤྱི་བོར་བཞག་པའི་དུས་སུ། ལྷ་ཚོགས་དེ་དག་ཐམས་ཅད་ཀྱི་སྐུ་ལས་འོད་ཟེར་སྣ་ཚོགས་འཕྲོས་པས་ཁྱེད་རང་རྣམས་ཀྱི་ལུས་ལ་ཐིམ། ཕྱག་གི་ཚེ་ཡི་བུམ་པ་ནས་བདུད་རྩིའི་རྒྱུན་བབ་པས་སྤྱི་བོ་ནས་ཞུགས་ཏེ་ལུས་གང་། གསུང་གི་བཀྲ་ཤིས་དང་ཚེ་ཡི་སྙིང་པོ་གསུང་། ཐུགས་ཀྱི་དགོངས་པས་འཆི་མེད་རྡོ་རྗེའི་སྐུར་བྱིན་གྱིས་བརླབས་པར་སྒོམས་ཤིག ། མཚོ་སྐྱེས་རྡོ་རྗེའི་ལྷ་ཚོགས་དང་། །མནྡཱ་ར་བ་ཡུམ་དང་བཅས། །སྤྱན་རས་གཟིགས་དབང་ཡབ་ཡུམ་དང་། །སྤྱི་གཙུག་མགོན་པོ་འོད་དཔག་མེད། །མཱ་མ་ཀཱི་དང་གཉིས་མེད་འཁྲིལ། །རིགས་ཀྱི་ཡབ་ལྔ་ཡུམ་ལྔ་དང་། །མཁའ་འགྲོ་བཞི་དང་གིང་ཆེན་བཞི། །བདུད་འདུལ་ལ་སོགས་མཁའ་འགྲོའི་ཚོགས། །སྐལ་ལྡན་འདི་ལ་དབང་བསྐུར་བས། །

[Full Size]

འཆི་མེད་རྡོ་རྗེའི་ལུས་ཐོབ་ནས། །ཉི་ཟླ་དང་མཉམ་ཚེ་འགྲུབ་ཤོག །ཆོས་སྐུ་སྣང་བ་མཐའ་ཡས་ཡབ་ཡུམ། ལོངས་སྐུ་ཐུགས་རྗེ་ཆེན་པོ་ཡབ་ཡུམ། སྤྲུལ་སྐུ་པདྨ་འབྱུང་གནས་ཡབ་ཡུམ། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་སངས་རྒྱས་གླིང་པ། ལས་ཅན་ཆོས་བདག་ཉེར་གཅིག །སྐལ་ལྡན་རྡོ་རྗེའི་གདུང་བཞི། །བསྟན་འཛིན་པདྨ་མཆེད་དྲུག །སྐྱེས་ཆེན་ཆོས་བདག་མཆེད་དྲུག་ལ་སོགས་པ་ཆོས་འདི་གང་ལས་བརྒྱུད་པའི་བླ་མ་དམ་པ་ཐམས་ཅད་དང་། ཁྱད་པར་དུ་དཀྱིལ་འཁོར་གྱི་གཙོ་བོ་འཕགས་པ་སྤྱན་རས་གཟིགས་ཡུམ་གསང་བ་ཡེ་ཤེས་ཀྱི་མཁའ་འགྲོ་མ། རིགས་བདག་འོད་དཔག་མེད། ཡུམ་མཱ་མ་ཀཱི། མ་ཧཱ་གུ་རུ་མཚོ་སྐྱེས་རྡོ་རྗེ། ཡུམ་མཆོག་མན་ར་བ། ཚེ་བདག་རིགས་ཀྱི་ཡུམ་བཞི། ཚེ་བདག་རྒྱལ་བ་རིགས་བཞི་ཡབ་ཡུམ། དཔའ་བོ་གིང་བཞི།། མཁའ་འགྲོ་སྡེ་བཞི་ལ་སོགས་པ་ཚེ་ལྷ་མཚོ་སྐྱེས་རྡོ་རྗེའི་ལྷ་ཚོགས་མ་ལུས་ཤིང་ལུས་པ་མེད་པ་ཐམས་ཅད་ཀྱིས་རྡོ་རྗེའི་སློབ་མ་འདི་རྣམས་ལ་སྐུ་གསུང་ཐུགས་ཡོན་ཏན་ཕྲིན་ལས་ཀྱི་སྒོ་ནས་བྱིན་གྱིས་བརླབ་པ་དང་དབང་བསྐུར་བར་མཛད་དུ་གསོལ། ཚེ་མི་

[Full Size]

ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པར་གྱུར་ཅིག །ཚེ་ལ་ལྷུན་གྱིས་གྲུབ་པ་གུ་རུ་མཚོ་སྐྱེས་རྡོ་རྗེ་དང་མཉམ་པར་གྱུར་ཅིག །ཚེ་ཡི་བདག་པོ་བཅོམ་ལྡན་འདས་ཚེ་དཔག་ཏུ་མེད་པ་དང་མཉམ་པར་གྱུར་ཅིག །ཨོཾ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མསྭཱ་ཧཱ། ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ་ཧ་རི་ནི་ས་ར་ཙ་ཧྲི་ཡ། ཚེ་དྷྭཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨོཾ་ཧཱུྃ་ཧཱུྃ་ཧཱིཝཨཱ༔ ཚེ་དྷྭཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཧ་ཡ་གྲི་བ་པདྨ་ཀྲོ་ཏཱི་ཤྭ་རཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཕཊ། ཨ་བྷི་ཥིཉྩ་མཱི། ཞེས་གཏོར་མ་སྤྱི་བོར་བཞག་གོ །དེ་ནས་ནས་གཏོར་ཞིང་། དངོས་གྲུབ་སྐྱེ་མེད་དུ་གྱུར་ཅིག །སྐྱེ་མེད་ཡེ་ཤེས་སུ་གྱུར་ཅིག །འཆི་མེད་བདུད་རྩི་རུ་གྱུར་ཅིག །མི་ནུབ་པའི་རྒྱལ་མཚན་དུ་གྱུར་ཅིག །མི་ཤིགས་པའི་རྟེན་དུ་གྱུར་ཅིག །འཁོར་ལོ་བསྐོར་བ་ལྟ་བུའི་སྐུའི་ཚེ་དང་ལྡན་པར་གྱུར་ཅིག །པདྨ་བརྩེགས་པ་ལྟ་བུ་གསུང་གི་ཚེ་དང་ལྡན་པར་གྱུར་ཅིག །སྲ་བརྟན་རྡོ་རྗེ་ལྟ་བུ་ཐུགས་ཀྱི་ཚེ་དང་ལྡན་པར་གྱུར་ཅིག །རིན་ཆེན་སྤུངས་པ་ལྟ་བུ་ཡོན་ཏན་གྱི་ཚེ་དང་ལྡན་པར་གྱུར་ཅིག །རལ་གྲི་

[Full Size]

བསྐོར་བ་ལྟ་བུ་ཕྲིན་ལས་ཀྱི་ཚེ་དང་ལྡན་པར་གྱུར་ཅིག །ཚེ་དབང་རིན་པོ་ཆེ་ཕུན་སུམ་ཚོགས་པའི་སྐལ་པ་དང་ལྡན་པར་གྱུར་ཅིག །འགྱུར་མེད་ཚེ་འདི་བརྟན་པར་མཛོད། །འགག་མེད་ཚེ་འདི་བརྟན་པར་མཛོད། འཁྲུལ་མེད་ཚེ་འདི་བརྟན་པར་མཛོད། ཚེ་མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པར་གྱུར་ཅིག་་་།ཚེ་ལ་ལྷུན་གྱིས་གྲུབ་པ་གུ་རུ་མཚོ་སྐྱེས་རྡོ་རྗེ་དང་མཉམ་པར་གྱུར་ཅིག །ཚེ་ཡི་བདག་པོ་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་དང་མཉམ་པར་གྱུར་ཅིག །དེ་ནས་ཚེ་རྒྱས་ཚེ་རིལ་གྱིས་བསྐོར་བ་དེ་ཐོགས་ལ། ད་ཚེ་རྒྱས་ཚེ་རིལ་གྱིས་བསྐོར་བ་འདི་ཉིད་ལ་ཚེ་ཡི་ལྷ་ཚོགས་དཔའ་བོ་ཌཱཀི་ཐམས་ཅད་ཀྱིས་འཁོར་འདས་ཀྱི་ཚེ་དང་བསོད་ནམས་ཐམས་ཅད་བསྡུས་ཏེ་བསྟིམས་ནས། ཁྱེད་རང་རྣམས་ལ་དངོས་གྲུབ་ཀྱི་ཚུལ་དུ་བྱིན་པས་ཚེ་དང་བསོད་ནམས་ཐམས་ཅད་ཟླ་བ་ཡར་གྱི་ངོ་ལྟར་འཕེལ་བར་སྒོམས་ཤིག །ཧཱུྃ། ཚེ་རྒྱས་འབར་བའི་ཞལ་ཟས་འདི། །རྒྱུ་ནི་འབྲས་དཀར་དག་ལས་བྱས། །དབྱིབས་ནི་རིན་ཆེན་ཟུར་བརྒྱད་ལ། །པདྨ་འདབ་བརྒྱད་འཇའ་ཚོན་རིས། །རྡོ་རྗེ་ཉི་ཟླ་ནོར་བུས་

[Full Size]

བརྒྱན། །རིན་ཆེན་ཚེ་ཡི་རིལ་བུས་བསྐོར། །བཀྲ་ཤིས་རྫས་བརྒྱད་རྒྱལ་སྲིད་བདུན། །དར་ཟབ་སྤྱན་གཟིགས་རིན་ཆེན་རྒྱན་གྱིས་སྤྲས། །ཟས་ཕུད་སྣ་ཚོགས་རི་ལྟར་སྤུངས། ཤ །རྣལ་འབྱོར་བདག་གི་ཚེ་གཡང་བླན། །བདག་དང་ཡོན་བདག་འཁོར་བཅས་ལ།།བཙན་ཕྱུག་འཕན་དར་རྒྱས་པ་དང་། །མི་ནོར་ཟས་གསུམ་ཆར་ལྟར་འབེབས་པར་ཤོག །ཉོན་མོངས་སྡིག་སྒྲིབ་མ་ལུས་ཀུན། །ཐོ་རངས་སྐར་ལྟར་སྲབ་པར་ཤོག །ཚེ་དང་བསོད་ནམས་ལོངས་སྤྱོད་ཀུན། །ཟླ་བ་ཡར་ལྟར་རྒྱས་པར་ཤོག །འགྱུར་མེད་ཚེ་འདི་བརྟན་པར་ཤོག །འགག་མེད་ཚེ་འདི་བརྟན་པར་ཤོག །འཁྲུལ་མེད་ཚེ་འདི་བརྟན་པར་ཤོག །ཚེ་མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པར་གྱུར་ཅིག །ཚེ་ལ་ལྷུན་གྱིས་གྲུབ་པ་གུ་རུ་མཚོ་སྐྱེས་རྡོ་རྗེ་དང་མཉམ་པར་གྱུར་ཅིག །ཆེའི་བདག་པོ་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་དང་མཉམ་པར་གྱུར་ཅིག །ཨོཾ་བཛྲ་ཨཱ་ཡུ་ཤེ་སརྦ་སིདྡྷི་ཕ་ལ་ཧཱུྃ་ཨཱ༔ ཞེས་ཚེ་རིལ་བྱིན། ད་ཡུམ་སངས་རྒྱས་སྤྱན་མས་ས་ཡི་ཁམས་ཀྱི་བཅུད་ཐམས་ཅད་བསྡུས་ནས་ཁྱེད་རང་རྣམས་ལ་བསྟིམ་པར་སྒོམས་

[Full Size]

ཤིག །ཧཱུྃ། ཚེ་ཤ་ལུག་ཐང་ལག་པ་འདི། །སྟེང་འོག་ཕྱོགས་མཚམས་ཀུན་ནས་གཡབ། །སྟེང་འོག་ཕྱོགས་མཚམས་ཀུན་ཏུ་ཡང་། །བདག་དང་ཡོན་བདག་འཁོར་བཅས་ཀྱི། །ས་ཡི་ཁམས་སུ་ཚེ་ཉམས་ན། །སངས་རྒྱས་སྤྱན་མའི་བྱིན་བྱིན་རླབས་ཀྱིས། །ས་ཡི་ཁམས་སུ་བཅུད་སྡུས་ལ། །ཤ་ལྔ་བྱིན་རླབས་ཚེ་ཡི་བཅུད། །སྐལ་ལྡན་ཚེ་དང་ལྡན་པ་རྣམས་ཀྱིས་བཟའ། །སྐལ་ལྡན་ཚེ་དཔལ་རྒྱས་པར་མཛོད། །འགྱུར་མེད་ཚེ་དཔལ་རྒྱས་པར་མཛོད། །འགག་མེད་ཚེ་དཔལ་རྒྱས་པར་མཛོད། །འཁྲུལ་མེད་ཚེ་དཔལ་རྒྱས་པར་མཛོད། །ཨོཾ་བཛྲ་ལཱ་སེ་ཧཱུཾ། ཞེས་ཚེ་ཤའམ་ཤ་ལྔའི་རིལ་བུ་བྱིན། མཱ་མ་ཀཱིས་ཆུའི་བཅུད་བསྡུས་ཏེ་ཚེ་ཆང་ལ་བསྟིམ་པར་སྒོམས་ཤིག །ཧཱུྃ། འབྲུ་སྣ་ལྔ་ལས་བཙོས་པའི་ཚེ་ཆང་འདི། །སྟེང་འོག་ཕྱོགས་མཚམས་ཀུན་ཏུ་ཡང་། །བདག་དང་ཡོན་བདག་འཁོར་བཅས་ཀྱི། །ཁྲག་གི་ཁམས་ནས་ཚེ་ཉམས་ན། །མཱ་མ་ཀཱི་ཡི་བྱིན་རླབས་ཀྱིས། །ཆུ་ཡི་ཁམས་སུ་བཅུད་སྡུས་ལ། །འབྲུ་ལྔ་བྱིན་རླབས་ཚེ་ཡི་བཅུད། །སྐལ་ལྡན་ཚེ་དང་ལྡན་པ་རྣམས་ཀྱིས་བཏུང་། །སྐལ་ལྡན་ཚེ་དཔལ་རྒྱས་པར་མཛོད།

[Full Size]

འགྱུར་མེད་ཚེ་དཔལ་རྒྱས་པར་མཛོད། །འགག་མེད་ཚེ་དཔལ་རྒྱས་པར་མཛོད། །འཁྲུལ་མེད་ཚེ་དཔལ་རྒྱས་པར་མཛོད། །བཛྲ་ཨཱ་ཡུཛྙཱ་ན་ཨ་མྲྀ་ཏ་ཧཱུྃ་ཧྲི་ཝཱ། ཅེས་ཚེ་ཆང་བླུད། །ད་ཚེ་མདའ་རྒོད་སྒྲོ་མེ་ལོང་བླ་གཡུ་རིན་པོ་ཆེ་སྣ་ཚོགས་བཏགས་པ་འདི་ཉིད་ངོ་བོ་རྟ་མགྲིན་གྱི་སྐུར་གསལ་བས་གཡབ་པ་ཙམ་གྱིས་ལྷ་འདྲེ་མི་གསུམ་ཚེ་དང་བསོད་ནམས་ཐམས་ཅད་ཤོག་སྐྱ་རླུང་གིས་ཁྱེར་བ་ལྟར་བཀུག་ནས་ཁྱེད་རང་རྣམས་ལ་ཐིམ། མདའ་འདི་ལག་ཏུ་གཏད་པ་ཙམ་གྱིས་ཚེ་ལ་གནོད་པར་བྱེད་པ་ཐམས་ཅད་ཁྲོ་བོ་རྟ་མགྲིན་གྱིས་ཚར་བཅད། མེ་ལོང་གཏད་པས་ཚེ་སྲོག་ལ་ཉེས་པའི་སྐྱོན་གང་གིས་ཀྱང་མི་གོས་པར་གྱུར་སྙམ་དུ་སྒོམས་ཤིག །ཧཱུྃ། བཀྲ་ཤིས་ཚེ་མདའ་རྒོད་སྒྲོ་འདི། །བཀྲ་ཤིས་ཚེ་རྟེན་མདའ་ལ་རྟེན། །ཚེ་རྟེན་མདའ་ལ་བརྟེན་ཙམ་ན། །མདའ་ཉིད་སྣང་བ་ཁྲོ་རྒྱལ་ཉིད་ཀྱི་སྐུ། །སྒོ་གསུམ་སྣང་བ་ཁྲོ་རྒྱལ་ཉིད་ཀྱི་དབུ། །སྟོང་ཉིད་སྣང་བ་ཁྲོ་རྒྱལ་ཉིད་ཀྱི་ཞལ། །ཟླུམ་སྐོར་སྣང་བ་ཁྲོ་རྒྱལ་ཉིད་ཀྱི་སྤྱན། །སྙུག་མ་ཚིགས་གསུམ་ཁྲོ་རྒྱལ་སྐུ་གསུང་ཐུགས། །རིན་ཆེན་སྣ་ལྔ་ཁྲོ་རྒྱལ་དབང་པོ་ལྔ། །མདེལ་ཉིད་སྣང་བ་ཁྲོ་རྒྱལ་ཉིད་ཀྱི་ཞབས། །བཅས་ཉིད་སྣང་བ་

[Full Size]

ཁྲོ་རྒྱལ་ཉིད་ཀྱི་ཆས། །དར་སྣ་ལྔ་སྣང་ཡེ་ཤེས་ལྔ་ཡི་དངོས། །མེ་ལོང་འོད་འབར་ཁྲོ་རྒྱལ་ཉིད་ཀྱི་མདངས། །བླ་གཡུ་བཏགས་པ་ཁྲོ་རྒྱལ་ཉིད་ཀྱི་སྲོག །དྲིལ་ཆུང་སྣང་བ་ཁྲོ་རྒྱལ་ཉིད་ཀྱི་གསུང་། །དྲང་པོར་མ་འགྱུར་ཁྲོ་རྒྱལ་ཉིད་ཀྱི་སྐུ། །ཁོང་གསེང་སྤྲོས་བྲལ་ཆོས་ཉིད་ཆོས་ཀྱི་དབྱིངས། །མི་འགྱུར་ཆོས་ཉིད་དབྱིངས་ལ་ཚེ་བརྟན་པའི། །བཀྲ་ཤིས་ཚེ་མདའ་རྒོད་སྒྲོ་འདིས། །སྟེང་འོག་ཕྱོགས་མཚམས་ཀུན་ནས་ཚེ་ཁུག་ལ། །སྐལ་ལྡན་ཚེ་དཔལ་རྒྱས་པར་མཛོད། །ཧྲཱིཿ བཀྲ་ཤིས་རིན་ཆེན་སྲོག་མདའ་མེ་ལོང་འདི། །འཕགས་པ་རྣམས་ཀྱིས་བྱིན་རླབས་ཚེ་རྟེན་མདའ། །སྐལ་ལྡན་ཁྱོད་ལ་དེང་འདིར་གཏད་པ་ཡིས། །ཕ་རོལ་ཚེ་ལ་བར་ཆད་རྡུལ་དུ་རློགས། །ཞེས་ལག་ཏུ་གཏད། ད་འཁོར་ལོ་འདི་ཉིད་ངོ་བོ་ཁྲོ་རྒྱལ་བདུད་རྩི་འཁྱིལ་པ་ཡིན་པ་ལ། རྣམ་པ་ཚེ་བདུད་ཟློག་པའི་ཙཀྲ་རྩིབས་ལྟེ་བ་མུ་ཁྱུད་དང་བཅས་པ་སྔགས་ཀྱི་ཡི་གེས་མཚན་པ་རེས་དབང་སྐུར་ནས། དར་གྱིས་དྲིལ་ནས་བཏགས་པར་སྒོམས་ཤིག །ཧྲཱིཿ མཚོ་སྐྱེས་རྡོ་རྗེའི་ལྷ་ཚོགས་ཀྱི། །སྐུ་གསུང་ཐུགས་ཀྱི་བྱིན་བརླབས་པས། །འཆི་བདག་གནས་སུ་འཇོམས་པ་

[Full Size]

ཡི། །འཁོར་ལོ་འདི་ཡིས་དབང་བསྐུར་རོ། །ཨོྃ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་བྷཾ་བཛྲ་ཨཱ་ཡུ་ཤེ་ཧཱུྃ་ཨཱ༔ འདིར་སྔགས་རྒྱས་པ་སྦྱར་ན་ལེགས། ཙཀྲ་ཨ་བྷི་ཥིཉྩམཾ། སྔོན་ཡང་དག་པར་རྫོགས་པའི་སངས་རྒྱས་ལ་ས་ཡི་ལྷ་མོ་བརྟན་མས་མེ་ལོང་གཡའ་དག་པ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་ཀྱི་རྫས་སུ་བྱིན་གྱིས་བརླབས་པ་དེ་བཞིན་དུ། རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་མེ་ལོང་གིས་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པ་དང་ལྡན་པར་གྱུར་ཅིག །མེ་ལོང་ཡེ་ཤེས་རྒྱ་མཚོ་ཆེན་པོ་སྟེ། །ཡེ་ཤེས་རྒྱ་མཚོ་མཆོག་ཏུ་དག་གྱུར་ནས། །ཡོན་ཏན་ཀུན་གྱི་དབྱིངས་སུ་གྱུར་པ་ཡི། །དབང་མཆོག་དེས་ཀྱང་ཚེ་ཡང་འཕེལ་བར་ཤོག །ཨཱ་དར་ཤ་ཨ་བྷི་ཥིཉྩ་མཱི། སྔོན་ཡང་དག་པར་རྫོགས་པའི་སངས་རྒྱས་ལ་རྩྭ་འཚོང་བཀྲ་ཤིས་ཀྱིས་རྩྭ་དཱར་བ་རྨ་བྱའི་མགྲིན་པ་ལྟར་སྔོ་བ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་གྱི་རྫས་སུ་བྱིན་གྱིས་བརླབས་པ་དེ་བཞིན་དུ། རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་དུར་བས་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་

[Full Size]

མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པར་གྱུར་ཅིག །དཱར་བས་ཚེ་ནི་འཕེལ་བར་བྱེད་པ་སྟེ། །རྡོ་རྗེ་སེམས་དཔའི་ཚེ་ནི་རབ་བསྒྲུབས་ནས། །ཉོན་མོངས་སྐྱེ་འཆི་རྒྱུན་གཅོད་གྱུར་པ་ཡི། །དབང་མཆོག་དེས་ཀྱང་ཚེ་ཡང་འཕེལ་བར་ཤོག །ཨ་པྲ་ཏི་ཧ་ཏ་ཨ་བྷི་ཥིཉྩ་མཱི། སྔོན་ཡང་དག་པར་རྫོགས་པའི་སངས་རྒྱས་ལ་ཁྱིམ་བདག་བདེ་བས་མཚལ་ལི་ཁྲི་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་གྱི་རྫས་སུ་བྱིན་གྱིས་བརླབས་པ་དེ་བཞིན་དུ། རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་ལི་ཁྲིའི་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པ་དང་ལྡན་པར་གྱུར་ཅིག །ལི་ཁྲི་དམར་པོ་དབང་གི་རང་བཞིན་ཏེ། །ཆོས་རྣམས་མ་ལུས་དབང་དུ་གྱུར་ནས་ཀྱང་། །ཆོས་ཀྱི་རྒྱལ་སྲིད་རབ་ཏུ་བརྟན་གྱུར་ཏེ། །དབང་མཆོག་དེས་ཀྱང་ཚེ་དབང་འཕེལ་བར་ཤོག །ཧཱིཔ་ཤཾ་ཨ་བྷི་ཥིཉྩ་མཱི། སྔོན་ཡང་དག་པར་རྫོགས་པའི་སངས་རྒྱས་ལ་གླང་པོ་ཆེ་ས་སྲུང་གི་བུས་གི་ཝཾ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་གྱི་རྫས་སུ་བྱིན་གྱིས་

[Full Size]

བརླབས་པ་དེ་བཞིན་དུ་རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་གི་ཝཾ་གིས་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པ་དང་ལྡན་པར་གྱུར་ནས། བཞི་བརྒྱ་རྩ་བཞིའི་ནད་ལས་གྲོལ་བར་གྱུར་ཅིག །གི་ཝཾ་དུག་གསུམ་འཇོམས་པ་ནད་ཀྱི་སྨན། །སྨན་མཆོག་རྣམ་དག་ཆོས་ཉིད་རབ་རྟོགས་ནས། །ཉོན་མོངས་ཟུག་རྔུ་མེད་པར་གྱུར་པ་ཡི། །དབང་མཆོག་དེས་ཀྱང་ཚེ་ཡང་འཕེལ་བར་ཤོག །ཧཱིཧ་ཧ་ཨ་བྷི་ཥིཉྩ་མཱི། སྔོན་ཡང་དག་པར་རྫོགས་པའི་སངས་རྒྱས་ལ་བྲམ་ཟེ་ཀར་ཏི་ཀས་ཤིང་ཐོག་བིལ་བ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་གྱི་རྫས་སུ་བྱིན་གྱིས་བརླབས་པ་དེ་བཞིན་དུ་རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་བིལ་བའི་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པ་དང་ལྡན་པར་གྱུར་ཅིག །བིལ་བ་རྒྱུ་རྐྱེན་འབྲས་བུ་བཅས་པའི་ཆོས། །འཇིག་རྟེན་འདས་པའི་སྤྱོད་པ་ཀུན་ལྡན་ཏེ། །བྱང་ཆུབ་སྙིང་པོ་མཆོག་ཏུ་དག་གྱུར་ཅིང་། །དབང་མཆོག་དེས་ཀྱང་ཚེ་ཡང་

[Full Size]

འཕེལ་བར་ཤོག །བྷི་ཀ་ལ་ཨ་བྷི་ཥིཉྩནྟཾ། སྔོན་ཡང་དག་པར་རྫོགས་པའི་སངས་རྒྱས་ལ་བསྙེན་བཀུར་དབུལ་བའི་བུ་མོས་འདོད་འཇོའི་བ་བཞོས་ཏེ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་གྱི་རྫས་སུ་བྱིན་གྱིས་བརླབས་པ་དེ་བཞིན་དུ་རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་ཞོའི་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པ་དང་ལྡན་པར་གྱུར་ཅིག །ཞོ་ནི་ཀུན་གྱི་སྙིང་པོར་གྱུར་པ་སྟེ། །སྙིང་པོ་རྣམ་དག་ཆོས་ཉིད་རབ་རྟོགས་ནས། །ཡོན་ཏན་ཀུན་གྱི་དབྱིངས་སུ་གྱུར་བ་ཡི། །དབང་མཆོག་དེས་ཀྱང་ཚེ་ཡང་འཕེལ་བར་ཤོག །དྷ་དྷི་ཨ་བྷི་ཥིཉྩཱམཱི། སྔོན་ཡང་དག་པར་རྫོགས་པའི་སངས་རྒྱས་ལ་ཆོས་རྒྱལ་མྱ་ངན་མེད་མཆོག་དཔལ་གྱིས་དུང་གཡས་སུ་འཁྱིལ་པ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་གྱི་རྫས་སུ་བྱིན་གྱིས་བརླབས་པ་དེ་བཞིན་དུ་རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་དུང་གི་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པ་དང་ལྡན་པར་གྱུར་

[Full Size]

ཅིག །དུང་ནི་ཆོས་ཀྱི་སྒྲ་སྟོང་སྒྲོག་པའི་ཚུལ། །ཡེ་ཤེས་རྒྱ་མཚོ་མཆོག་ཏུ་དག་གྱུར་ཏེ། །ཆོས་རྣམས་མ་ནོར་ཡོངས་སུ་སྟོན་པ་ཡི། །དབང་མཆོག་དེས་ཀྱང་ཚེ་ཡང་འཕེལ་བར་ཤོག–་མཾ་ག་ལཾ་ཤཾ་ཁ་ཨ་བྷི་ཥིཉྩནྟཾ། སྔོན་ཡང་དག་པར་རྫོགས་པའི་སངས་རྒྱས་ལ་གསང་བདག་ཕྱག་ན་རྡོ་རྗེས་ཡུངས་ཀར་རྒྱལ་པོ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་གྱི་རྫས་སུ་བྱིན་གྱིས་བརླབས་པ་དེ་བཞིན་དུ་རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་ཡུངས་ཀར་རྒྱལ་པོས་དབང་བསྐུར་བ་ལ་བརྟེན་ནས། །བགེགས་རིགས་སྟོང་ཕྲག་བརྒྱད་ཅུ་ལས་གྲོལ་ཐར་ཞིང་། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པར་གྱུར་ཅིག །ཡུངས་ཀར་རྡོ་རྗེའི་རིགས་ཏེ་ཐམས་ཅད་དུ། །བགེགས་རྣམས་མ་ལུས་འཇོམས་པར་བྱེད་པ་ཡི། །མཐུ་རྩལ་གོ་འཕང་མཆོག་ཏུ་བདག་གྱུར་ཏེ། །དབང་མཆོག་དེས་ཀྱང་ཚེ་ཡང་འཕེལ་བར་ཤོག །ཧཱིཔ་ཤ་ཨ་བྷི་ཥིཉྩ་ཚྭ། དེ་ལྟར་ཚེ་དབང་ཟབ་མོ་བསྐུར་བ་དེ་མི་ཉམས་པར་བྱ་བའི་ཕྱིར་རྒྱས་འདེབས་པ་ནི། སྐུ་དང་རྡོ་རྗེ་དྲིལ་བུ་གནས་གསུམ་དང་གནས་ལྔ་དང་གནས་ཉི་ཤུ་རྩ་བཞིར་རྒྱ་གྲམ་དུ་

[Full Size]

བཞག་པ་ལ་བརྟེན་ནས་ཁྱེད་རང་རྣམས་འཕགས་མཆོག་སྤྱན་རས་གཟིགས་ཡབ་ཡུམ་དུ་གསལ་བའི་སྙིང་པདྨ་དམར་པོ་ཁ་ཕྱེ་བའི་ནང་དུ་ཉི་ཟླའི་གའུ་ཅུང་ཟད་ཕྱེ་བའི་ནང་དུ་གུ་རུ་མཚོ་སྐྱེས་རྡོ་རྗེ་ཡབ་ཡུམ་བཞུགས་པའི་ཐུགས་ཀར་ཚེ་ཡི་ས་བོན་ཨཱཐདཀར་པོ་དང་ནི་ལྗང་གུ་དང་ཧྲིདམར་པོ་གསུམ་གནས་པ་ལ། འཁོར་འདས་སྣང་སྲིད་ཐམས་ཅད་འོད་དུ་ཞུ་ནས་ཐིམ་སྟེ། གའུ་ཁ་འགྲིགས། པདྨ་ཁ་ཟླུམ་པ་ལ་སྤྱི་བོའི་ཚེ་དཔག་ཏུ་མེད་པའི་ཐུགས་ཀའི་ཧཱིཿལས་ཨཱ་ལི་ཀཱ་ལི་དཀར་དམར་གྱི་ཐག་པ་བྱུང་བས་གཡས་བསྐོར་དང་གཡོན་བསྐོར་དུ་དཀྲིས། ཚེ་དཔག་མེད་ཚངས་བུག་ནས་མར་བྱོན་ནས་ཙིཏྟ་བུམ་སྐུའི་རྩེར་བཞུགས་པས་བྱིན་གྱིས་བརླབས་ཤིང་རྒྱས་བཏབ་པར་སྒོམས་ཤིག །ཧཱུྃ། བཀྲ་ཤིས་ཚེ་ལ་རྒྱས་ཤིག་འདེབས། །གཅིག་པ་ཐིག་ལེ་ཉག་གཅིག་རྒྱ། །གཉིས་པ་ཐབས་དང་ཤེས་རབ་རྒྱ། །གསུམ་པ་སྐུ་གསུང་ཐུགས་ཀྱི་རྒྱ། །བཞི་པ་ཚད་མེད་བཞི་ཡི་རྒྱ། །ལྔ་པ་རྒྱལ་བ་རིགས་ལྔའི་རྒྱ། །དྲུག་པ་ཐུབ་པ་དྲུག་གི་རྒྱུ། །བདུན་པ་སངས་རྒྱས་རབས་བདུན་རྒྱ། །བརྒྱད་པ་རྣམ་ཐར་བརྒྱད་ཀྱི་རྒྱུ། །དགུ་པ་ཐེག་པ་རིམ་དགུའི་རྒྱུ། །སྐུའི་

[Full Size]

རྒྱ། གསུང་གི་རྒྱ། ཐུགས་ཀྱི་རྒྱ། སྐུ་གསུང་ཐུགས་ཀྱི་རྒྱ་རིམ་པ་གསུམ་བཏབ་པ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ལུས་རྡོ་རྗེའི་བྲག་ལྟར་སྲ་ཞིང་ཚེ་ཉི་ཟླ་དང་མཉམ་པ་ལ་མངའ་བརྙེས་པའི་དབང་དམ་པ་དང་ལྡན་པར་གྱུར་ཅིག །ཅེས་རྡོ་རྗེ་དྲིལ་བུ་དང་བཅས་གནས་གསུམ་དུ་བཞག་གོ །དེ་ལྟར་ཚེ་དབང་ཟབ་ལ་རྒྱས་པ་ཐོབ་ནས་མཐའ་རྒྱས་ནི། སྔགས་བརྗོད་ཅིང་བཀྲ་ཤིས་མངའ་གསོལ་བྱ། བླ་མ་མཉེས་པའི་ཡོན་མཎྜལ་ཕུལ། ཞེས་སོགས་གསུངས་པས། དང་པོ་སྔགས་ཀྱི་བཟླས་ལུང་གི་ཚུལ་དུ་རྗེས་ཟློས་མཛོད། ཨོཾ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནི་ཚེ་བྷཾ། བཛྲ་ཨཱ་ཡུ་ཤེ་ཧཱུྃ་ཨཱ༔ ཨོཾ་ཨཱ༔ཧཱུྃ་ཧི༔ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་སྭཱ་ཧཱ། ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཧ་རི་ནི་ས་ར་ཙ་ཧྲི་ཡ། ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨོཾ་ཧཱུྃ་ཧཱུྃ་ཧཱུྃཨཱ༔ ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཧ་ཡ་གྲྭ་བ་པདྨ་ཀྲོ་ཏཱི་ཤྭ་རཱི། ཚེ་ཧཱུྃ། བཛྲ་ཨཱ་ཡུ་ཤེ་ཧཱུྃ་ཕཊ། ཅེས་བརྗོད། མེ་ཏོག་འཐོར་ཞིང་། ཧཱུྃ། མ་ཆགས་པདྨ་དབང་གི་དཀྱིལ་འཁོར་ནས། །དུས་གསུམ་སངས་རྒྱས་ཀུན་གྱིས་དབང་བསྐུར་ཞིང་། །འཆི་མེད་ཚེ་དབང་རིག་འཛིན་གྲུབ་པའི་སྐུ། །མཚོ་སྐྱེས་རྡོ་རྗེའི་སྐུ་གསུང་ཐུགས་ཀྱི་བཀྲ་

[Full Size]

ཤིས་ཤོག །དེ་ལྟར་དབང་ཐོབ་ནས། མ་ཧཱ་གུ་རུ་མཚོ་སྐྱེས་རྡོ་རྗེ་ཡི་དམ་གྱི་ལྷར་འཛིན་སྙམ་པ་དང་། རབ་སྲོག་བཅད་སྤང་ཐུབ་ན་རབ་ཡིན། འཆི་ངེས་པའི་སྲོག་བསླུ་བ་དང་། ཚེ་ཐར་གང་མང་གཏོང་ལ། དཔྲལ་བར་མར་གྱི་ཉི་ཟླ་བྲིས་ན་ཚེ་ཡི་བར་ཆད་ངེས་པར་ཞི་བར་གསུངས། །དེ་སོགས་དམ་ཚིག་རྣམས་ཚུལ་བཞིན་དུ་བསྲུང་སྙམ་པས་རྗེས་ཟློས་མཛོད། གཙོ་བོས་ཇི་ལྟར་སོགས། དེང་ནས་བརྩམས་ཏེ་སོགས། དེ་ལྟར་དབང་ཐོབ་པའི་གཏང་རག་ཏུ་མཎྜལ་ཕུལ། ས་གཞི་སྤོས་སོགས། དེ་ནས་སློབ་མ་རྣམས་གྱེས། དེ་ནས་རྗེས་ཆོག་ནི། དཔའ་བོ་ཌཱ་ཀི་ཚོགས་ཀྱིས་མཆོད། །དམ་ཅན་སྲུང་མ་གནད་ནས་བསྐུལ། །དཀྱིལ་འཁོར་བསྡུ་ཞིང་ཡེ་ཤེས་གཤེགས། །དམ་ཚིག་དཀྱིལ་འཁོར་རང་ལ་བསྡུ། །རང་ཡང་དམིགས་མེད་རྒྱ་ཡིས་བཏབ། །བསྔོ་བ་སྨོན་ལམ་ཤིས་པ་བརྗོད། །ཅེས་གསུངས་པས། འདིར་ཚོགས་འཁོར་སྤྱི་ལྟར་འགྲུབ་ན་རབ་ཡིན་ལ། དེ་ནས་དཀར་གཏོར་རམ་ལྕོག་རྡོག་གཅིག་དྲན་ལ། ཧཱུྃ་ལས་རིན་ཆེན་སྣོད་དུ་གཏོར་མ་ནི། །ཁཾ་ལས་དཀར་གསུམ་བདུད་རྩིའི་རྒྱ་མཚོར་གྱུར། །ཨོཾ་ཨཱཧཱུཾ། ཉི་ཟླ་ཁ་སྦྱོར་བཀའ་ཡི་བྱ་ར་བ། །ཀླུ་རྒྱལ་མགྲིན་བཟང་འཁོར་དང་བཅས་པ་རྣམས། །འདིར་

[Full Size]

གཤེགས་དམ་རྫས་བཀའ་ཡི་གཏོར་མ་བཞེས། །བདག་ཅག་དཔོན་སློབ་རྣམས་ཀྱི་སྡོང་གྲོགས་མཛོད། །གང་ཞིག་སངས་རྒྱས་བསྟན་ལ་རབ་འཚེ་ཞིང་། །ལོག་པར་ལྟ་བྱེད་དམ་ཉམས་སྡིག་ཅན་དང་། །བདག་ལ་སྡང་བའི་དགྲ་བགེགས་རྡུལ་དུ་རློགས། །ཟབ་གཏེར་བསྟན་པ་ཕྱོགས་བཅུར་རྒྱས་པར་མཛོད། །ཨོཾ་ནཱ་ག་རཱ་ཙ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དྷཱི༔ མ་ཆགས་སྐྱོན་བྲལ་པདྨ་རིགས་ཀྱི་ལྷ། །འཆི་མེད་ཚེ་དབང་མགོན་པོ་འོད་དཔག་མེད། །ཐུགས་རྗེའི་མངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་ཡི་ལྷ། །བདེ་གཤེགས་ཐུགས་རྗེ་སྤྲུལ་པའི་ལྷ་ཚོགས་ལ། །ཕྱག་འཚལ་མཆོད་བསྟོད་ཚེ་ཡི་དངོས་གྲུབ་སྩོལ། །ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །སྣོད་བཅུད་རང་ཐིམ་དེ་ཡང་མི་དམིགས་གྱུར། །དགེ་བས་འགྲོ་ཀུན་རྡོ་རྗེའི་སྐུ་འགྲུབ་ཤོག །ཅེས་པ་སྤྲུལ་སྐུ་མི་འགྱུར་རྡོ་རྗེས་ཕྱག་ལེན་བདེ་ཕྱིར་ཨ་རཱ་གས་བསྒྲིགས་པ་ལ། ཉེས་པ་གང་

[Full Size]

མཆིས་རྩ་བ་གསུམ་ལ་བཤགས་ཤིང་། །དགེ་བས་ཟབ་གཏེར་བསྟན་པ་དར་ཞིང་རྒྱས་པ་དང་། །ཆོས་མཛད་ཐམས་ཅད་སྐུ་ཚེ་བརྟན་པར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དགོངས་གཏེར་ཐུགས་ཀྱི་ཀློང་གསལ་ལས་ཚེ་དཔག་དཀར་པོའི་དབང་ནམ་མཁའི་ཐིག་ལེ།

[Full Size]

དགོངས་གཏེར་ཐུགས་ཀྱི་ཀློང་གསལ་ལས༔ ཚེ་དཔག་དཀར་པོའི་དབང་ནམ་མཁའི་ཐིག་ལེ་བཞུགས་སོ༔

[Full Size]

ན་མོ་ཨཱ་ཡུཛྙཱ་ན་ཡེ་ཚེ་དཔག་དཀར་པོའི་དབང་སྒྲུབ་བྲི༔ མཎྜལ་པདྨ་འདབ་བརྒྱད་དམ༔ ཡང་ན་འབྲུ་ཡི་ཚོམ་བུ་བཀོད༔ དེ་སྟེང་བུམ་པ་རྫས་ལྡན་བཞག༔ ཚེ་གཏོར་མཆོད་པ་མདའ་དར་བཤམ༔ རྒྱས་པར་གནམ་ཆོས་གཞུང་ལྟར་དུ༔ སྐྱབས་སེམས་སྔོན་འགྲོ་མཆོད་བྱིན་རླབས༔ རྩ་གསུམ་སྤྱི་ཡི་ལས་བྱང་ནང་༔ འདི་ཡི་མངོན་རྟོགས་བཙུད་ལ་འདོན༔ བསྡུ་ན་འདི་ཉིད་གཞུང་ལྟར་དུ༔ དྲན་རྫོགས་བསྒོམས་ལ་བསྙེན་པས་འཐུསཿ བསང་སྦྱང་སོགས་ཀྱང་མི་དགོས་ཏེ༔ མཁའ་ལ་འཇའ་ཤར་བཞིན་དུ་བསྒོམ༔ རང་དང་མདུན་གྱི་བུམ་པ་གཞལ་ཡས་ཁང་མཚན་ཉིད་རྫོགས་ཤིང་བསམ་གྱིས་མི་ཁྱབ་པའི་དབུས་སུ༔ བཅོམ་ལྡན་འདས་ཚེའི་བདག་པོ་སྐུ་མདོག་ཉ་རྒྱས་

[Full Size]

ཀྱི་ཟླ་བ་ལྟ་བུ་ལོངས་སྐུའི་རྒྱན་རྫོགས་པ་ཕྱག་མཉམ་བཞག་ན་ཚེའི་བུམ་པ་འཛིན་པ༔ ཞབས་སྐྱིལ་ཀྲུང་དུ་བཞུགས་པ་ཡུམ་མཆོག་དམར་མོ་མདའ་དར་དང་ཚེ་བུམ་འཛིན་པས་འཁྱུད་པར་བསྐྱེད་ལ༔ དེའི་གནས་གསུམ་དུ་ཡི་གེ་འབྲུ་གསུམ་དང་ཐུགས་དབུས་ཟླ་སྟེང་ཧཱུྃཡི་མཐར་སྔགས་ཕྲེང་གཡས་སུ་འཁོར་བའི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་བཅས་ཀྱི་བྱིན་རླབས༔ འཁོར་འདས་ཀྱི་ཚེ་བཅུད་ཐམས་ཅད་འོད་ཟེར་གྱི་རྣམ་པར་བསྡུསཿ བོདག་དང་བུམ་བསྐྱེད་ལ་ཐིམ༔ བུམ་ལྷའི་སྐུ་ལས་བདུད་རྩིའི་རྒྱུན་བབས་བུམ་པ་གང་བར་གྱུར༔ ཨོཾ་ཨཱཿཧཱུྃ་

[Full Size]

ཧྲཱིཿ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ ཞེས་ཅི་ནུས་བཟླ་བར་བྱའོ༔ ཨནྡྷཾ་སོགས། འཇིག་རྟེན་འདྲེན་པའི་གཙོ་བོ་ཚེ་དཔག་མེད༔ དུས་མིན་འཆི་བ་མ་ལུས་འཇོམས་པའི་དཔལ༔ མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས༔ སངས་རྒྱས་ཚེ་དཔག་མེད་ལ་ཕྱག་འཚལ་བསྟོད༔ དེ་ནས་སློབ་མ་རྣམས་འདུས༔ སྔོན་འགྲོ་བགེགས་བསྐྲད་གྲུབ་ན་ལེགས་ཁྲུས་བྱས་མཎྜལ་ཕུལ་ལ་འོ་ན་ད་ལམ་ཁྱེད་རྣམས་ལ་མགོན་པོ་ཚེ་དཔག་མེད་ཀྱི་དབང་བསྐུར་བའི་ཐོག་མར་ལོ་རྒྱུས་ཟུར་ཙམ་ཞིག་ཞུ་ན༔ མཆོག་ཐུན་མོང་གི་དངོས་གྲུབ་གང་བསྒྲུབས་ཀྱང་༔ དེ་སྒྲུབ་ལོང་ཡོད་པའི་ཕྱིར་ཚེ་བསྲིང་བའི་ཐབས་ཤིག་ལ་འབད་དགོས་ཏེ༔ གསང་བ་འདུས་པའི་རྒྱུད་ལས༔ ལས་ཚོགས་རིམ་པ་བསྟན་པ་ནི༔ ཐོག་མར་རིག་འཛིན་ཚེ་ཉིད་བསྒྲུབ༔ ཅེས་དང་༔ གསང་འདུས་ནང་སྒྲུབ་ལསཿ མདོར་ན་རང་དོན་གཞན་དོན་གདུལ་བྱ་ཕྲིན་ལས༔ འདོད་པའི་དོན་གང་བསྒྲུབས་ཀྱང་རྣལ་འབྱོར་པ་ཚེ་རིང་ན་ཅི་བསམ་འགྲུབ་པས༔ ཚེ་སྒྲུབ་ལ་ནན་ཏན་དུ་བྱའོ༔ ཞེས་པདྨ་རྒྱལ་པོ་ངའི་ཐ་ཚིག་གོ༔ ཞེས་དང་༔ རྒྱ་གར་གྱི་པཎྜི་ཏ་ངག་གི་དབང་ཕྱུག་གི་ཞལ་ནས༔ འཁོར་བར་སྲོག་

[Full Size]

ལས་གཅེས་པ་ནི༔ འགའ་ཡང་ཡོད་པར་མ་མཐོང་བས༔ དེས་ན་མྱུར་དུ་ཐབས་མང་པོས༔ འཆི་བ་བསླུ་བར་ཡང་དག་སྦྱོརཿ ཞེས་གསུངས་སོ༔ འོ་ན་ཆེ་བསྲིང་བའི་ཐབས་ཡོད་པ་ཡིན་ནམ་ཞེ་ན༔ གང་ཕྱིར་རིག་པར་ཐབས་སྦྱར་བས༔ དཀའ་བ་ཅུང་ཟད་ཡོད་མ་ཡིན༔ ཞེས་གསུངས་སོ༔ ཐབས་ལ་ཡང་ཕྱི་རོལ་པའི་ལུགས༔ ལྷ་དབང་ཕྱུག་ཆེན་པོར་གསོལ་བ་བཏབ་ནས་ཚེ་བསྲིང་ཐབས༔ གསེར་སླད་མེད་ཟོས་ནས་ཚེ་བསྲིང་ཐབས༔ དངུལ་ཆུའི་བཅུད་ལེན་ལ་བརྟེན་ནས་ཚེ་བསྲིང་ཐབས༔ སྨན་དང་རྫས་ཀྱི་བཅུད་ལེན་ལ་བརྟེན་ནས་ཚེ་བསྲིང་ཐབསཿ དེ་འདྲ་རེ་རེ་ཐུབ་ན་ཡང་ལོ་ལྔ་བརྒྱ་ཐུབ་པ་ཡོད་སྐད་དེ༔ ཐུན་མོང་གི་དངོས་གྲུབ་ཚེ་རིང་བ་ཙམ་ལས༔ མཆོག་གི་དངོས་གྲུབ་མི་འགྲུབ༔ ནང་པ་སངས་རྒྱས་པའི་ལུགས་མགོན་པོ་ཚེ་དཔག་ཏུ་མེད་པའི་སྒོ་ནས་ཚེ་བསྲིང་ན༔ མཆོག་གི་དངོས་གྲུབ་རིགས་དྲུག་གི་སྐྱེ་སྒོ་ཆོད་ནས་བདེ་བ་ཅན་དུ་སྐྱེ་སྟེ༔ མྱུར་དུ་འཚང་རྒྱ་བ་དང་༔ གནས་སྐབས་སུ་ཐུན་མོང་གི་དངོས་གྲུབ་ཚེ་རིང་བ་ཞོར་ལ་འགྲུབ་པ་ཡིན༔ དེ་ཡང་ནུབ་ཕྱོགས་བདེ་བ་ཅན་གྱི་ཞིང་ཁམས་ན༔ ཆོས་སྐུ་སྣང་བ་མཐའ་

[Full Size]

ཡས་བཞུགས་ཏེ༔ དེའི་སྐུ་ལས་བདེ་གཤེགས་རིགས་ཀྱི་ཚེ་དཔག་མེད་དཀར་པོར་སྤྲུལ༔ གསུང་ལས་པདྨ་རིགས་ཀྱི་ཚེ་དཔག་མེད་དམར་པོར་སྤྲུལ༔ ཐུགས་ལས་རྡོ་རྗེ་རིགས་ཀྱི་ཚེ་དཔག་མེད་མཐིང་གར་སྤྲུལ༔ ལྟེ་བ་ནས་རིན་ཆེན་རིགས་ཀྱི་ཚེ་དཔག་མེད་སེར་པོར་སྤྲུལ་གསང་བ་ནས་ལས་ཀྱི་རིགས་ཀྱི་ཚེ་དཔག་མེད་ལྗང་གུར་སྤྲུལ་ཏེ༔ ཚེ་དཔག་མེད་རིགས་ལྔ་ཞེས་ཡོངས་སུ་གྲགས་སོ༔ གཞན་ཡང་ཡེ་ཤེས་ཀྱི་ཆ་ལས་ཡེ་ཤེས་ཚེ་དཔག་མེད་སྤྲུལཿ ཡོན་ཏན་གྱི་ཆ་ལས་ཡོན་ཏན་ཚེ་དཔག་མེད་སྤྲུལ་ལྷུན་གྱིས་གྲུབ་ཅིང་གཡོ་བ་མེད་པའི་ཆ་ལས་མི་གཡོ་ཚེ་དཔག་མེད་སྤྲུལ༔ མཁྱེན་པའི་ཆ་ལས་ཀུན་གཟིགས་ཚེ་དཔག་མེད་སྤྲུལ༔ དེ་རྣམས་ལ་ཚེ་དཔག་མེད་ལྷ་དགུ་ཞེས་གྲགས་སོ༔ གཞན་ཡང་ཕུང་ཁམས་སྐྱེ་མཆེད་རྣམས་ལ་ལྷ་དང་ལྷ་མོ་དཔག་ཏུ་མེད་པར་སྤྲུལ་ནས་འཆི་མེད་ཚེའི་ལྷ་ཚོགས་ཞེས་གྲགས་སོ༔ རིགས་ལས་གུ་རུ་མཚོ་སྐྱེས་རྡོ་རྗེ་སྤྲུལ་པས༔ འཆི་མེད་ཚེའི་རིག་འཛིན་པདྨ་འབྱུང་གནས་ཞེས་གྲགས་སོ༔ དེ་ལྟར་ཚེ་དཔག་མེད་རིགས་མང་བའི་ནང་ནས༔ ད་རེས་སྐུའི་ཚེ་དཔག་མེད་དཀར་པོ་དེའི་དབང་བསྐུར་བ་ཡིན༔ འོ་ན་ཚེ་དཔག་

[Full Size]

དཀར་པོ་འདི་རྒྱུད་གང་ནས་བཤད་ཅེ་ན༔ ཚེ་རྒྱུད་བདུད་རྩི་འཁྱིལ་བ༔ རྡོ་རྗེ་ཕྲེང་བའི་རྒྱུད༔ གནམ་ལྕགས་རྡོ་རྗེའི་རྒྱུད་སོགས་ལས་དངོས་སུ་གསུངས་ཤིང་༔ རྟ་མཆོག་རོལ་པའི་རྒྱུད་སོགས་ལས་ཞོར་ལ་གསུངས་པ་ཡང་མང་དུ་ཡོད༔ རྒྱུད་དེ་དག་གསུངས་པའི་མན་ངག་གང་ལས་བརྒྱུད་ཅེ་ན༔ གྲུབ་པའི་རྒྱལ་མོས་མཛད་པའི་ཚེ་དཔག་དཀར་པོ༔ རས་ཆུང་བ་ནས་བརྒྱུད་པ་དང་༔ ཨུ་རྒྱན་གྱིས་མཛད་པའི་ཚེ་དཔག་དཀར་པོ༔ རཏྣ་གླིང་པ་དང་༔ པདྨ་གླིང་པ་དང་༔ ལས་འཕྲོ་གླིང་པ་དང་༔ གཏེར་བཞེད་སྙིང་པོ་རྣམས་ཀྱི་གཏེར་ནས་བྱོན་པ་ཡང་ཅི་རིགས་པ་ཐོབ་པས༔ བྱིན་རླབས་ཀྱི་བརྒྱུད་པ་གཅིག་ཏུ་འདུས་པ་ཡང་ཡིན་ལ༔ ཁྱད་པར་དུ་སྤྲུལ་སྐུ་མི་འགྱུར་རྡོ་རྗེའི་དགོངས་གཏེར་ལས་བྱུང་བ་ཡིན་ཏེ༔ ཆོས་ཡང་དག་པར་སྡུད་པའི་མདོ་ལས༔ བྱང་ཆུབ་སེམས་དཔའ་བསམ་པ་རྣམ་པར་དག་པ་ལ་ལ་ནི༔ རང་གི་ཡིད་ཀྱི་སྤྱོད་པ་ཉིད་ལ་གདམས་ངག་དང་རྗེས་སུ་བསྟན་པ་ཐམས་ཅད་འབྱུང་ངོ་༔ ཞེས་པ་དང་༔ ལུང་སྐོར་དགུ་པའི་ལེའུ་བརྒྱད་པ་ནས༔ ཆོས་ཀྱི་དབྱིངས་ཀྱི་གབ་གཏེར་ཕྱུང་༔ སྐུ་གསུམ་བསྟན་པ་དར་ཞིང་

[Full Size]

རྒྱསཿ བདེ་གཤེགས་རྒྱལ་བའི་དགོངས་གཏེར་ཕྱུང་༔ ཆོས་སྒོ་མཐའ་ཡས་བསྟན་པ་རྒྱས༔ རིག་འཛིན་བླ་མའི་ཐུགས་གཏེར་ཕྱུང་༔ མན་ངག་རྒྱ་མཚོའི་བསྟན་པ་རྒྱས༔ ཡིད་བཞིན་ནོར་བུའི་གཙུག་གཏེར་ཕྱུང་༔ དགོས་འདོད་ཡིད་བཞིན་བསྟན་པ་རྒྱས༔ ཞེས་གསུངས་པས༔ བརྒྱུད་པ་ཐག་རུལ་བྲིང་རུལ་དུ་མ་སོང་༔ བརྒྱུད་པ་ཉེ་བས་མཁའ་འགྲོའི་ཁ་རླངས་ཐུ་ལེ་བ༔ མན་ངག་སྣོད་དྲིས་མ་ཁྱེར༔ གདམས་ངག་ཚོང་འདུས་ཀྱི་འོ་མ་ལྟར་བསྲེ་བསླད་དུ་མ་སོང་བ༔ རྡོ་རྗེའི་གསུང་བསླད་མེད་བྱིན་རླབས་ཀྱི་སོ་མ་ཉམས་པ་ཡིན༔ འདིའི་ཕན་ཡོན་རྒྱུད་ལས༔ ཚེ་འདི་ཉིད་ལ་འོད་གོང་འཇའ་ལུས་རྡོ་རྗེའི་སྐུར་འགྱུར་རོ༔ སྐུ་གདུང་རིང་བསྲེལ་གྱི་ཕུང་པོར་འགྱུརཿ གལ་ཏེ་དུས་ལ་བབས་ཏེ་འཆི་བར་གྱུར་ན་ཡང་སངས་རྒྱས་སྟོང་ཕྲག་མང་པོས་ལུང་བསྟན་པ་དང་༔ བདེ་ཆེན་དག་པའི་ཞིང་ཁམས་སུ་སྐྱེ་བར་འགྱུར་རོ༔ ཞེས་གསུངས་པ་དང་༔ སྤྱིར་ཐེག་དམན་གྱི་ཆོས་ཐམས་ཅད་སྐྱབས་འགྲོ་ལ་འདུས༔ ཐེག་ཆེན་མདོའི་ཆོས་ཐམས་ཅད་སེམས་བསྐྱེད་ལ་འདུས༔ སྔགས་ཀྱི་ཆོས་ཐམས་ཅད་དབང་ལ་འདུས་པར་ས་པཎ་ལ་སོགས་མཁས་པ་ཀུན་

[Full Size]

གྱིས་བཞེད་དེ༔ དེའི་ཕྱིར་ཆོས་ཐམས་ཅད་དབང་འདི་ལ་མ་འདུས་པ་མེད་པ་ཡིན༔ དབང་ཐོབ་ནས་ཉམས་སུ་བླངས་ན༔ རབ་ཚེ་འདིར་འཚང་རྒྱ༔ འབྲིང་བར་དོར་འཚང་རྒྱ༔ ཐ་མ་ཚེ་འཕོས་ནས་དག་པའི་ཞིང་ཁམས་སུ་སྐྱེ་ནས་ལུས་རྟེན་དེ་ལ་འཚང་རྒྱ་བར་གསར་རྙིང་རྒྱུད་སྡེ་ཐམས་ཅད་ཞལ་མཐུན༔ དབང་ཐོབ་ནས་ཉམས་སུ་མ་བླངས་ན་ཡང་༔ དམ་ཚིག་མ་ཉམས་པ་ཁོ་ནས་སྐྱེ་བ་བདུན་ནས་འཚང་རྒྱ་བར་བཤད༔ དེ་ལྟར་གནས་སྐབས་ཚེའི་བར་ཆད་སེལ་ཞིང་༔ འབྲས་བུ་རྫོགས་པའི་སངས་རྒྱས་ཡུན་མི་འགོར་བར་ཐོབ་པའི་ཐབས༔ དབང་ཟབ་མོ་འདི་ཞུ་བའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད༔ བླ་མ་དུས་གསུམ་སངས་རྒྱས་དང་༔ ཚེ་དཔག་མེད་པ་ཡབ་ཡུམ་ལ༔ གསོལ་བ་འདེབས་སོ་ཚེ་དབང་ཞུ༔ བདག་ལ་ཚེ་དབང་བསྐུར་དུ་གསོལ༔ ལན་གསུམ་བླ་མ་དང་མདུན་བསྐྱེད་ཚེ་དཔག་མེད་པ་དབྱེར་མེད་པའི་དྲུང་དུ་སྐྱབས་འགྲོ་སེམས་བསྐྱེད་ཞུ་བའི་ཕྱིར༔ བདུན་རྣམ་དག་འདིའི་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་

[Full Size]

དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་གཉིས་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་བདག་གི་མགྲོན་དུ་གཉེར༔ བྱང་ཆུབ་སྤྱོད་མཆོག་སྤྱོད་མཆོད་ཡིད་འོང་སྤྱད་པར་བགྱི༔ འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔ ཅེས་ལན་གསུམ་མམ་རྗེས་མ་གསུམ༔ ཀུ་ཤས་སློབ་མ་བྲན་ཚུལ་བྱས་ལ༔ ཨོཾ་བྱ་གྲི་ཝ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་པདྨ་དང་ཟླ་བའི་སྟེང་དུ་ཁྱེད་རང་རྣམས་ཀྱི་རྣམ་པར་ཤེས་པའི་ངོ་བོ་ཡི་གེ་ཧཱིཿདཀར་པོ་ཡོངས་སུ་གྱུར་པ་ལས༔ བཅོམ་ལྡན་འདས་ཚེའི་བདག་པོ་སྐུ་མདོག་ཉ་རྒྱས་ཀྱི་ཟླ་བ་ལྟ་བུ༔ ལོངས་སྐུའི་རྒྱན་རྫོགས་པ་ཕྱག་མཉམ་བཞག་ན་ཚེའི་བུམ་པ་འཛིན་པ༔ ཞབས་སྐྱིལ་ཀྲུང་དུ་བཞུགས་པ་ཡུམ་མཆོག་དམར་མོ་མདའ་དར་དང་ཚེ་བུམ་འཛིན་པས་འཁྱུད་པར་བསྐྱེད༔ དེའི་དཔྲལ་བར་ཨོཾ་དཀར་པོ༔ མགྲིན་པ་ཨཱདམར་པོ༔ ཐུགས་ཀའི་ཆ་སྨད་དུ་ཧཱུྃ་སྔོན་པོ༔ ཐུགས་ཀའི་དབུས་སུ་ཧཱུྃ༔ཡིག་དཀར་པོས་

[Full Size]

མཚན་པར་སྒོམས་ཤིག༔ དེ་ནས་མདུན་བསྐྱེད་ཀྱི་ཐུགས་ཀ་ནས་ཆེའི་ལྷ་མོ་མདའ་དར་དང་བུམ་པ་ཐོགས་པ་དཔག་ཏུ་མེད་པ་འཕྲོས༔ ཁྱེད་རང་རྣམས་ཀྱི་ཚེ་ཡར་བ་དང་ཉམས་པ་ཕྱི་སྣོད་འབྱུང་བ་ལྔའི་བཅུད༔ ནང་བཅུད་ལྷ་ཀླུ་མི་གསུམ་གྱི་ཚེ་དང་བཅུད༔ རྒྱལ་བ་སྲས་བཅས་ཀྱི་ཐུགས་རྗེ་བྱིན་རླབས་ཐམས་ཅད་འོད་ཟེར་གྱི་ངོ་བོར་བསྡུས་ནས་ཁྱེད་རང་རྣམས་ལ་སིབ་སིབ་ཐིམ་པས༔ ཤ་ཁྲག་དྲོད་དབུགས་ཀྱི་ཚེ་ཉམས་པ་ཐམས་ཅད་སོར་ཆུད་པར་སྒོམས་ཤིག༔ སྤོས་རོལ་མོ་དབྱངས་དང་བཅས༔ མདའ་དར་གཡབ་ཅིང་༔ ཧཱི་དྲི་ཟའི་ལག་ནས་ལྕགས་ཀྱུ་ཡིས༔ དཀར་འཕྲོ་མ་ཡིས་ཚེ་ཁུག་ཅིག༔ གཤིན་རྗེའི་ལག་ནས་ཞགས་པ་ཡིས༔ གསེར་མདོག་མ་ཡིས་ཚེ་ཁུག་ཅིག༔ ཀླུ་བདུད་ལག་ནས་ལྕགས་སྒྲོག་གིས༔ དམར་འོད་མ་ཡིས་ཚེ་ཁུག་ཅིག༔ གནོད་སྦྱིན་ལག་ནས་དྲིལ་བུ་ཡིས༔ སྙི་ལེ་མ་ཡིས་ཚེ་ཁུགཅིག༔ ཚངས་པའི་ལག་ནས་སེར་མོས་ཁུག༔ བརྒྱ་བྱིན་ལག་ནས་དཀར་མོས་ཁུག༔ དགའ་བོའི་ལག་ནས་དམར་མོས་ཁུག༔ འཇོག་པོའི་ལག་ནས་ལྗང་མོས་ཁུག༔ སེར་མོས་ས་ཡི་ཚེ་ཁུག་ཅིག༔ བཅུད་བསྡུས་ཤ་ཉམས་སོར་ཆུད་མཛོད།

[Full Size]

དཀར་མོས་ཆུ་ཡི་ཚེ་ཁུག་ཅིག༔ བཅུད་བསྡུས་ཁྲག་ཉམས་སོར་ཆུད་མཛོད༔ དམར་མོས་མེ་ཡི་ཚེ་ཁུག་ཅིག༔ བཅུད་བསྡུས་དྲོད་ཉམས་སོར་ཆུད་མཛོད༔ ལྗང་མོས་རླུང་གི་ཚེ་ཁུག་ཅིག༔ བཅུད་བསྡུས་དབུགས་ཉམས་སོར་ཆུད་མཛོད༔ སྔོན་མོས་ནམ་མཁའི་ཚེ་ཁུག་ཅིག༔ བཅུད་བསྡུས་ཚེ་ཉམས་སོར་ཆུད་མཛོད༔ ཨོཾ་ཨཱཿཧཱུྃ་ཧི༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ ཨཱ་ཡུ་ཤེ་ཛ་ཛཿ རྡོ་རྗེ་མགོར་བཞག་པཿ ཏིཥྛ་བཛྲ༔ དེ་ནས་བུམ་པ་ལག་ཏུ་ཐོགས་ལ༔ བུམ་པ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་ཤིང་བསམ་གྱིས་མི་ཁྱབ་པའི་དབུས་སུ༔ བཅོམ་ལྡན་འདས་ཚེའི་བདག་པོ་སྐུ་མདོག་ཉ་རྒྱས་ཀྱི་ཟླ་བ་ལྟ་བུ༔ ལོངས་སྐུའི་རྒྱན་རྫོགས་པ་ཕྱག་མཉམ་བཞག་ན་ཚེའི་བུམ་པ་འཛིན་པ༔ ཞབས་སྐྱིལ་ཀྲུང་དུ་བཞུགས་པ་ཡུམ་མཆོག་དམར་མོས་མདའ་དར་དང་ཚེ་བུམ་འཛིན་པས་འཁྱུད་པ༔ དེའི་སྐུ་ལས་བདུད་རྩིའི་རྒྱུན་བབས་པས་བུམ་པ་གང་༔ ཕྱུར་ཞིང་ལུད་པས་ཁྱེད་རང་རྣམས་ཀྱི་ཚངས་བུག་ནས་ཞུགས་སྤྱི་བོ་བདེ་ཆེན་གྱི་འཁོར་ལོ་གང་༔ ལུས་ཀྱི་སྒྲིབ་པ་དག༔ སྐུ་བུམ་པའི་དབང་ཐོབ༔ ལམ་བསྐྱེད་རིམ་བསྒོམ་པར་དབང་༔ འབྲས་

[Full Size]

བུ་སྤྲུལ་པའི་སྐུ་འགྲུབ་པའི་སྐལ་པ་དང་ལྡན་པར་སྒོམས་ཤིག༔ ཧཱུྃ༔ ཚེ་བདག་ཟླ་དཀར་ཡོངས་སུ་རྒྱས༔ འདི་ནི་ལྷག་པའི་ལྷ་མཆོག་སྟེ༔ སློབ་མ་ཁྱོད་ཀྱིས་བསྟེན་ནུས་ན༔ ལྷ་ཡི་རྔ་ཆེན་ཇི་བཞིན་ནོ༔ ཨོཾ་ཨཱ༔ཧཱུྃ་ཧཱིཿ ཚེ་དཔག་འདི་ལ་བསྩལ་ལགས་ཀྱིསཿ འདི་ལ་འགོ་བར་མཛད་དུ་གསོལ༔ དངོས་གྲུབ་མ་ལུས་ཀུན་སྩོལ་ཅིག༔ སྐུ་ཡི་སྒོ་ནས་བྱིན་གྱིས་རློབས༔ ལུས་ཀྱི་མི་མཐུན་བཟློག་ཏུ་གསོལ༔ ཨོཾ་ཨཱ༔ཧཱུྃ་ཧཱུྃ༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱཧཱཿ ཀཱ་ཡ་ཨ་བྷི་ཥིཉྩ་ཨཱ༔ ཞེས་བུམ་པ་མགོར་བཞག༔ འཇིག་རྟེན་འདྲེན་པའི་གཙོ་བོ་ཚེ་དཔག་མེད༔ དུས་མིན་འཆི་བ་མ་ལུས་འཇོམས་པའི་དཔལ༔ མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས༔ ཚེ་དཔག་མེད་པའི་སྐུ་ཡི་བཀྲ་ཤིས་ཤོག༔ ཅེས་ནས་གཏོར༔ བུམ་པ་ནས་བདུད་རྩིའི་རྒྱུན་བབས༔ ཚངས་བུག་ནས་ཞུགས༔ མགྲིན་པ་ལོངས་སྤྱོད་ཀྱི་འཁོར་ལོ་གང་༔ ངག་གི་སྒྲིབ་པ་དག་གསང་བའི་དབང་ཐོབ༔ ལམ་རྩ་རླུང་བསྒོམ་པར་དབང་༔ འབྲས་བུ་ལོངས་སྐུ་འགྲུབ་པར་སྒོམས་ཤིག༔ ཧཱུྃ༔ ཚེ་བདག་ཟླ་དཀར་ཡོངས་སུ་རྒྱས༔ འདི་ནི་ལྷག་པའི་

[Full Size]

ལྷ་མཆོག་སཿ སློབ་མ་ཁྱོད་ཀྱིས་བསྟེན་ནུས་ན༔ ལྷ་ཡི་རྔ་ཆེན་ཇི་བཞིན་ནོ༔ ཨོྃ་ཨཱ༔ཧཱུྃ་ཧི༔ ཚེ་དཔག་འདི་ལ་བསྩལ་ལགས་ཀྱིས༔ འདི་ལ་འགོ་བར་མཛད་དུ་གསོལ༔ དངོས་གྲུབ་མ་ལུས་ཀུན་སྩོལ་ཅིག༔ གསུང་གི་སྒོ་ནས་བྱིན་གྱིས་རློབས༔ ངག་གི་མི་མཐུན་བཟློག་ཏུ་གསོལ༔ ཨོཾ་ཨཱཿཧཱུྃ་ཧིཿ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ ཝཀ་ཨ་བྷི་ཥིཉྩ་ཨཱ༔ བུམ་པ་མགྲིན་པར་བཞག༔ འཇིག་རྟེན་འདྲེན་པའི་གཙོ་བོ་ཚེ་དཔག་མེད༔ དུས་མིན་འཆི་བ་མ་ལུས་འཇོམས་པའི་དཔལ༔ མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས༔ ཚེ་དཔག་མེད་པའི་གསུང་གི་བཀྲ་ཤིས་ཤོག༔ ཅེས་ནས་གཏོར༔ ཡང་བུམ་པའི་བདུད་རྩི་ཆེར་ལུད་ཚངས་བུག་ནས་ཞུས་གས༔ སྙིང་ག་ཆོས་ཀྱི་འཁོར་ལོ་གང་༔ ཡིད་ཀྱི་སྒྲིབ་པ་དག༔ ཤེས་རབ་ཡེ་ཤེས་ཀྱི་དབང་ཐོབ༔ ལམ་རྩ་རླུང་ཐིག་ལེ་བསྒོམ་པ་ལ་དབང་༔ འབྲས་བུ་ཆོས་སྐུ་འགྲུབ་པར་སྒོམས་ཤིག༔ ཧཱུྃ༔ ཚེ་བདག་ཟླ་དཀར་ཡོངས་སུ་རྒྱས༔ འདི་ནི་ལྷག་པའི་ལྷ་མཆོག་སྟེ༔ སློབ་མ་ཁྱོད་ཀྱིས་བསྟེན་ནུས་ན༔ ལྷ་ཡི་རྔ་ཆེན་ཇི་བཞིན་ནོ༔ ཨོཾ་ཨཱཿཧཱུྃ་ཧཱིཿ ཚེ་དཔག་འདི་ལ་བསྩལ་ལགས་ཀྱིས༔ འདི་ལ་

[Full Size]

འགོ་བར་མཛད་དུ་གསོལ༔ དངོས་གྲུབ་མ་ལུས་ཀུན་སྩོལ་ཅིག༔ ཐུགས་ཀྱི་སྒོ་ནས་བྱིན་གྱིས་རློབས༔ ཡིད་ཀྱི་མི་མཐུན་བཟློག་ཏུ་གསོལ༔ ཨོཾ་ཨཱཿཧཱུྃ་ཧྲཱིཿ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ ཙིཏྟ་ཨ་བྷི་ཥིཉྩ་ཧཱུྃ༔ ཞེས་སྙིང་གར་བཞག༔ འཇིག་རྟེན་འདྲེན་པའི་གཙོ་བོ་ཚེ་དཔག་མེད༔ དུས་མིན་འཆི་བ་མ་ལུས་འཇོམས་པའི་དཔལ༔ མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས༔ ཚེ་དཔག་མེད་པའི་ཐུགས་ཀྱི་བཀྲ་ཤིས་ཤོག༔ ཅེས་ནས་གཏོརཿ ཡང་བུམ་པ་ནས་བདུད་རྩི་ལུད་པས༔ ཚངས་བུག་ནས་ཞུགས༔ ལྟེ་བ་སྤྲུལ་པའི་འཁོར་ལོ་སྤྱི་གཙུག་མན་ཆད་རྐང་མཐིལ་ཡན་ཆད་གང་༔ སྒོ་གསུམ་ཆ་སྙོམས་ཀྱི་སྒྲིབ་པ་དག༔ བཞི་པ་ཚིག་དབང་རིན་པོ་ཆེ་ཐོབ༔ ལམ་ཕྱག་རྒྱ་ཆེན་པོ་བསྒོམ་པར་དབང་༔ འབྲས་བུ་ངོ་བོ་ཉིད་སྐུ་འགྲུབ་པར་སྒོམས་ཤིག༔ ཧཱུྃ༔ ཚེ་བདག་ཟླ་དཀར་ཡོངས་སུ་རྒྱས༔ འདི་ནི་ལྷག་པའི་ལྷ་མཆོག་སྟེ༔ སློབ་མ་ཁྱོད་ཀྱིས་བསྟེན་ནུས་ན༔ ལྷ་ཡི་རྔ་ཆེན་ཇི་བཞིན་ནོ༔ ཨོཾ་ཨཱཿཧཱུྃ་ཧྲི་ཚེ་དཔག་འདི་ལ་བསྩལ་ལགས་ཀྱིས༔ འདི་ལ་འགོ་བར་མཛད་དུ་གསོལ༔ དངོས་གྲུབ་མ་ལུས་ཀུན་སྩོལ་ཅིག༔ ཡེ་

[Full Size]

ཤེས་ལྔ་ཡི་དབང་བསྐུར་ལ༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཨོཾ་ཨཱཿཧཱུྃ་ཧི༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱཧཱ༔ སརྦ་ཨ་བྷི་ཥིཉྩ་ཧི༔ ཞེས་ལྟེ་བར་བཞག་གོ༔ འཇིག་རྟེན་འདྲེན་པའི་གཙོ་བོ་ཚེ་དཔག་མེད༔ དུས་མིན་འཆི་བ་མ་ལུས་འཇོམས་པའི་དཔལ༔ མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས་ཚེ་དཔག་མེད་ཀྱི་སྐུ་བཞི་ཡོངས་རྫོགས་བཀྲ་ཤིས་ཤོག༔ ཅེས་ནས་གཏོར༔ དེ་ལྟར་བུམ་ཆུ་ལན་བཞི་བླུད་པའམ༔ མཇུག་འདིར་ལན་གཅིག་བླུད་ཀྱང་ཆོག༔ དེ་ལྟར་བུམ་པ་ལ་བརྟེན་ནས་དབང་བཞི་རྫོགས་པར་ཐོབ་ནས༔ རྡོ་རྗེ་སློབ་དཔོན་གྱི་དབང་གི་དོན་དུ༔ གཏོར་མ་འདི་ཉིད་མགོན་པོ་ཚེ་དཔག་མེད་ཡབ་ཡུམ་སྔར་སྨོས་མ་ཐག་པའི་མཚན་ཉིད་ཅན༔ རྩ་བརྒྱུད་བླ་མ་རྒྱལ་བ་སྲས་བཅས་ཀྱིས་བསྐོར་བ༔ ཁྱེད་རང་རྣམས་ཀྱི་སྤྱི་བོར་མངོན་སུམ་དུ་བྱོན་ནས༔ བྱིན་གྱིས་བརླབས་དབང་བསྐུར་ཏེ་འོད་དུ་ཞུ་ནས་ཁྱེད་རང་ལ་ཐིམ་པས༔ གསེར་འགྱུར་གྱི་རྩིས་ལྕགས་གསེར་དུ་བསྒྱུར་བ་ལྟར༔ ཁྱེད་རང་ཚེ་དཔག་མེད་དངོས་སུ་གྱུར་པར་སྒོམས་ཤིག༔ གཏོར་མ་ལག་ཏུ་བཟུང་ལཿ བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པ༔ ཚེ་བདག་རྒྱལ་བ་

[Full Size]

རིགས་ལྔ༔ ཡུམ་ལྔ༔ ལྷ་མོ་བཞི༔ མགྱོགས་མ་བཞི༔ སྒོ་མ་བཞི་ལ་སོགས་པ་འཆི་མེད་ཚེའི་ལྷ་ཚོགས་ཐམས་ཅད་ཀྱིས་བྱིན་གྱིས་རློབས་ཤིག༔ གུ་རུ་དགའ་རབ་རྡོ་རྗེ༔ ཤྲཱི་སེངྷ༔ ཧཱུཾ་ཆེན་ཀ་ར༔ བི་མ་ལ་མི་ཏྲ༔ པདྨ་འབྱུང་གནས༔ ནམ་མཁའི་སྙིང་པོ༔ བེ་རོ་ཙ་ན་ལ་སོགས་པ་འཆི་མེད་ཚེའི་རིག་འཛིན་ཆེན་པོ་རྣམས་ཀྱིས་བྱིན་གྱིས་རློབས་ཤིག༔ མཁའ་འགྲོ་བདེ་ཆེན་རྒྱལ་མོ༔ རིན་ཆེན་ཞིབ་འཚོ༔ བྲམ་ཟེའི་བུ་མོ་བདེ་ལྡན་མ༔ དབྱིངས་ཕྱུག་རྒྱལ་མོ༔ མནྡ་ར་བ༔ མཁར་ཆེན་བཟ༢༔ ཤེལ་དཀར་རྡོ་རྗེ་མཚོ་ལ་སོགས་པ་ཚེ་ལ་དབང་བའི་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་བྱིན་གྱིས་རློབས་ཤིག༔ སྐྱེ་ཤི་མེད་པའི་ཚེ་ཐོབ་པར་མཛོད་ཅིག༔ བསྒྲེས་རྒུད་མེད་པའི་ལུས་ཐོབ་པར་མཛོད་ཅིག༔ རྡོ་རྗེ་ལྟ་བུའི་སྲོག་ཐོབ་པར་མཛོད་ཅིག༔ ཨོྃ་ཨཱ༔ཧཱུྃ་ཧཱུྃ༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། ཨཱཡུརྫུ་ན་ཨ་བྷི་ཥིཉྩ་མཱ་སྭཱ་ཧཱཿ སྤྲོ་ན་ཚེ་གཟུངས་ཀྱང་བརྗོད༔ བསོད་ནམས་རི་བོ་བཞིན་ཏུ་བརྟན་པ་དང་༔ བརྒྱུད་འཛིན་ཉི་ཟླ་བཞིན་དུ་གསལ་བ་དང་༔ སྙན་པ་ནམ་མཁའ་བཞིན་དུ་ཁྱབ་གྱུར་པ༔ བཀྲ་ཤིས་དེས་

[Full Size]

ཀྱང་དེང་འདིར་བདེ་ལེགས་ཤོག༔ ཅེས་མེ་ཏོག་གཏོར༔ ཚེ་ཆང་དང་ཚེ་རིལ་སྦྱིན་ཅིང་༔ ཧཱུྃ༔ སྐྱེས་བུ་རིགས་ཀྱི་བུ་ཁྱོད་ལ༔ ཚེ་ཆང་བདུད་རྩི་འདི་བྱིན་པས༔ རྟག་ཏུ་ཚེ་རིང་ནུས་པ་ཡི༔ དབང་དང་ལྡན་ནས་ཚེ་འཕེལ་ཤོག༔ ཨོྃཨཱཧཱུྃ་ཧི༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ ཨ་བྷི་ཥིཉྩ་ཧཱུྃ༔ ཧཱུྃ༔ སྐྱེས་བུ་རིགས་ཀྱི་བུ་ཁྱོད་ལ༔ ཚེ་རིལ་འདི་ཉིད་བྱིན་པ་ཡིས་ཁྱོད་ཉིད་རྡོ་རྗེའི་སྐུ་འགྲུབ་པའི༔ དབང་དང་ལྡན་ནས་ཚེ་འཕེལ་ཤོག༔ ཨོཾ་ཨཱཿཧཱུྃ་ཧྲཱིཿ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ ཨ་བྷི་ཥིཉྩ་ཧཱུྃ༔ ད་སྔགས་ཀྱི་བཟླས་ལུང་གི་དོན་དུ་མེ་ཏོག་དཀར་པོའི་ཕྲེང་བ་ཞིག་ཕུལ་པའི་མོས་པས་རྗེས་ཟློས་མཛོད༔ ཚེ་དཔག་བདག་ལ་བསྩལ་ལགས་ཀྱིས༔ བདག་ལ་འགོ་བར་མཛད་དུ་གསོལ༔ དངོས་གྲུབ་མ་ལུས་ཀུན་སྩོལ་ཅིག༔ གཅིག་གམ་གསུམ༔ འོ་དེ་ལྟར་གསོལ་བ་བཏབ་པས་སློབ་དཔོན་གྱི་ཐུགས་ཀ་ནས་སྔགས་ཕྲེང་མུ་ཏིག་གི་ཕྲེང་བ་ལྟ་བུ་འཕྲོས༔ ཁྱེད་རང་རྣམས་ཀྱི་ཞལ་དུ་ཞུགས༔ ཐུགས་ཀར་ཧཱུྃཡི་མཐར་འཁོད་པར་བསྒོམས་ལཿ ཕྲེང་བ་འདི་བགྲངས་ཤིང་སྔ་གས་འདིའི་རྗེས་ཟློས་ལན་གསུམ་མཛོད༔ ཅེས་གོང་གི་རྩ་སྔགས་ཡིག་འབྲུ་བཅོ་ལྔ་པའི་རྗེས་ཟློས་

[Full Size]

བཅུག༔ སྔགས་ཀྱི་ཕྲེང་བ་འདི་ཉིད་མེ་ཏོག་པུཎྜ་རི་ཀའི་ཕྲེང་བར་གྱུར་ནས་སྤྱི་བོར་བཅིངས་པའི་མོས་པ་མཛོད༔ ་རྡོ་རྗེ་མེ་ཏོག་མགོར་བཞག་ལ༔ ཨོཾ་ཨཱཿཧཱུྃ་ཧྲཱིཿ ཚེ་དཔག་འདི་ལ་བསྩལ་ལགས་ཀྱིས༔ འདི་ལ་འགོ་བར་མཛད་དུ་གསོལ༔ དངོས་གྲུབ་མ་ལུས་ཀུན་སྩོལ་ཞིག༔ སྔགས་ཀྱི་སྒོ་ནས་བྱིན་གྱིས་རློབས༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ དེ་ནས་རྒྱས་པར་བྱེད་ན་ཡིག་འབྲུ་བཅོ་ལྔ་སོ་སོའི་ཙཀ་ལི༔ ཐིག་ལེ་ཐིག་ཕྲན་གྱི་དབུས་སུ་བྲིས་པ་གནས་སོ་སོར་བཞག༔ དབང་ཚིག་ཤཱ་ལོ་ཀ་ཀུན་ལ་སྦྱརཿ བསྡུ་ན་ཀུ་ཤ་སྒྲོ་མདངས་ཀྱི་རྩ་བས་གནས་སོ་སོར་བུམ་ཆུས་ཐིག་ལེ་བྱ་བའམ༔ མི་མང་ན་ཐིག་ལེ་བྱ་བའི་ཚུལ་ཙམ་གྱིས་ཆོག་སྟེ༔ དབང་ཚིག་འགྲེས་མི་བཤང་སྟེ༔ ཧཱུྃ༔ ཚེ་བདག་ཟླ་དཀར་ཡོངས་སུ་རྒྱས༔ འདི་ནི་ལྷག་པའི་ལྷ་མཆོག་སྟེ༔ སློབ་མ་ཁྱོད་ཀྱིས་བསྟེན་ནུས་ན༔ ལྷ་ཡི་རྔ་ཆེན་ཇི་བཞིན་ནོ༔ ཨོཾ་ཨཱཿཧཱུྃ་ཧཱུྃ༔ སྤྱི་བོར་ཨོཾ་གྱིས་རྒྱས་གདབ་བོ༔ ཨོཾ་ཨཱ་ཨོཾ༔ མགྲིན་པར་ཨཱཡིས་རྒྱས་གཏབ་བོ༔ ཨཱཨཱ༔ སྙིང་གར་ཧཱུྃ་གིས་རྒྱས་གདབ་བོ༔ ཧཱུྃ་ཧཱུྃ་ཧཱུྃ༔ ལྟེ་བར་ཧཱིཿཡིས་རྒྱས་གདབ་བོ༔ ཧཱིཿཧཱིཧྲཱིཿ དཔྲལ་བར་ཨོཾ་གྱིས་རྒྱས་གདབ་པོ༔ རྣ་ལྟག་གཡས་ལ་ཨས་རྒྱས་གདབ༔ རྣ་ལྟག་གཡོན་ལ་ཡི་གེ་

[Full Size]

མཱ༔ ཕྲག་གོང་གཡས་ལ་ཡི་གེ་རཿ ཕྲག་གོང་གཡོན་ལ་ཡི་གེ་ཎི༔ ལག་པ་གཡས་ལ་ཡི་གེ་ཛཱི༔ ལག་པ་གཡོན་ལ་ཡི་གེ་ཝན༔ འགྲམ་པ་གཡས་ལ་ཡི་གེ་ཏི༔ འགྲིམ་པ་གཡོན་ལ་ཡི་གེ་ཡེ༔ སྲིན་ལག་གཡོན་ལ་ཡི་གེ་སྭ༔ ལྟག་པའི་བདུད་སྒོར་ཡི་གེ་ཧཱུཾ༔ སྔགས་ཀྱི་གོ་ཆས་བྱིན་གྱིས་བརླབས༔ ལུས་ཀྱི་མི་མཐུན་བཟློག་ཏུ་གསོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ ཞེས་མེ་ཏོག་གཏོར༔ དེས་ཚེ་དཔག་དཀར་པོའི་དབང་ལེགས་པར་ཐོབ་པ་ཡིན་པས༔ འདི་ཡི་དམ་གྱི་ལྷར་བཟུང་བའི་མོས་པས་རྗེས་ཟློས་མཛོད༔ གཙོ་བོའི་ཇི་ལྟར་སོགས༔ ས་གཞི་སྤོས་སོགས་བྱའོ་ཞེས་དགོངས་གཏེར་གྱི་ཚེ་དབང་ཕྱག་ལེན་གྱིས་བརྒྱན་ནས༔ རཱ་ག་ཨ་སྱས་བཀོད་པ་ལཿ ཉེས་འགལ་མཆིས་ན་ལྷ་ལ་བཤགས་ཤིང་དགེ་བས་འགྲོ་དོན་རྒྱ་ཆེན་འབྱུང་བར་གྱུར་ཅིག༔ ཡི་གེ་པ་ནི་དབོན་པོ་མཐུ་སྟོབས་ཀྱིས་བགྱིས་པའོ༔ སརྦ་མངྒ་ལཾ༔ ༧ ཁམས་སྟོད་ནང་ཆེན་འབང་སྒོང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགོངས་གཏེར་ཐུགས་ཀྱི་ཀློང་གསལ་ལས་ཚེ་དབང་ནམ་མཁའི་ནོར་བུ།

[Full Size]

དགོངས་གཏེར་ཐུགས་ཀྱི་ཀློང་གསལ་ལས་ཚེ་དབང་ནམ་མཁའི་ནོར་བུ་ཞེས་བྱ་བ་བཞུགས་སོ༔

[Full Size]

ན་མོ་གུ་རུ་ཨཱ་ཡུ་སིདྡྷི་ཧཱུྃ༔ དགོངས་གཏེར་ཚེ་དབང་ནི༔ བུམ་པ་ཚེ་གཏོར་མཆོད་པ་ཅི་འབྱོར་བཤམས༔ སྐྱབས་སེམས་སྔོན་དུ་གཞན་སོང་ན་འཐུསཿ མ་སོང་ན་གནམ་ཆོས་ཀྱི་སྔོན་འགྲོ་སྐྱབས་སེམས་སོགས་བྱ༔ དེ་ལས་རྒྱས་པར་སྤྲོ་ན༔ གནམ་ཆོས་རྩ་གསུམ་སྤྱིའི་ལས་བྱང་གི་ནང་དུ་འདིའི་མངོན་རྟོགས་བཙུད་བསྡུ་ན་དྲན་རྫོགས་སུ་བསྒོམ༔ སྤྱན་འདྲེན་མི་དགོས་དམ་ཡེ་དབྱེར་མེད་ཡིན༔ རང་ཉིད་དང་བུམ་པའི་ནང་དང་མདུན་གྱི་ཚེ་གཏོར་མགོན་པོ་ཚེ་དཔག་མེད་སྐུ་མདོག་དམར་གསལ་ལོངས་སྐུའི་རྒྱན་རྫོགས་པ༔ ཕྱག་གཉིས་མཉམ་བཞག་ན་ཚེ་བུམ་འཛིན་པར་བསྐྱེད༔ ཞབས་སྐྱིལ་ཀྲུང་འོད་ཟེར་གྱི་ངོ་བོར་གནས་པར་བསྐྱེད་ལ༔ དེ་

[Full Size]

རྣམས་ཀྱི་ཐུགས་ཀར་ཟླ་བའི་སྟེང་ཧྲིཝཡིག་དམར་པོའི་མཐར་སྔགས་ཕྲེང་གཡས་སུ་འཁོར་བ་དེ་ལས་འོད་ཟེར་ཕྱོགས་བཅུར་འཕྲོས་པས་བདེ་བ་ཅན་གྱི་ཞིང་ཁམས་ནས་ཚེ་དཔག་ཏུ་མེད་པ་སྤྱན་དྲངས་ནས་བདག་མདུན་བུམ་ལྷར་ཐིམ༔ སླར་ཡང་འོད་ཟེར་འཕྲོས་པས་འཁོར་འདས་ཀྱི་ཚེ་བཅུད་ཐམས་ཅད་བསྡུས་ཏེ་བུམ་ལྷ་ལ་བསྟིམས་པས་བུམ་པ་འཆི་མེད་བདུད་རྩིས་གང་བར་སྒོམས་ཤིང་༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ འདི་བུམ་པ་ལ་བརྟེན་ནས་བསྒྲུབ༔ རང་དོན་ཡིན་ན་ཞག་བདུན་སོགས་ནས་བདག་འཇུག་བརྒྱ་རྩ་སོགས་བླངས་ནས་རྐྱེན་བཟློག་གི་མཆོག་ཏུ་འགྱུར༔ གཞན་ལ་སྦྱིན་ན་བདག་མདུན་བུམ་གསུམ་ལ་

[Full Size]

སྔགས་ཕྲེང་བསྐོར་རེ་རེ་བསྙེན༔ ཨནྡྷུ་སོགས་ཀྱིས་མཆོད༔ ཧཱུྃ༔ སྐུ་མདོག་པདྨ་རཱ་གའི་མདོག་ལྟར་དམར༔ འཆི་མེད་དབང་པོ་སྐུ་ཚེར་འགྲན་ཟླ་བྲལ༔ སྒྲུབ་མཆོག་ཚེ་ཡི་རིག་འཛིན་ངེས་པར་སྟེར༔ མཐའ་ཡས་ཚེ་དཔག་མེད་ལ་ཕྱག་འཚལ་བསྟོད༔ ཅེས་བསྟོད་ནས༔ དེ་ནས་སློབ་མ་ལ་དབང་བསྐུར་ཏེ༔ སྔོན་དབང་མ་བསྐུར་ན་བགེགས་གཏོར་བཏང་མཚམས་བཅད་ཁྲུས་བྱས་མཎྜལ་ཕུལ་ལ་འོ་ན་ད་ལམ་ཁྱེད་རྣམས་ལ་ཚེ་དབང་ཟབ་མོ་ཞིག་བསྐུར་བ་ཡིན་ཏེ༔ དེའི་ཐོག་མར་ལོ་རྒྱུས་དོན་གྱིས་མ་བཤད་ན༔ གསང་ཆེན་ངེས་པའི་བཀའ་འདི་ལ༔ ཡིད་མི་ཆེས་པའི་སྐྱོན་དུ་འགྱུར༔ ཞེས་གསུངས་པས༔ འདིའི་ལོ་རྒྱུས་ལ༔ ལྷ་དངོས་ཀྱི་ལོ་རྒྱུསཿ རྒྱུད་ཇི་ལྟར་གསུངས་ཚུལཿ མན་ངག་ཇི་ལྟར་བྱུང་ཚུལ༔ ཕན་ཡོན་དགོས་ཆེད་བསྟན་པ་དང་བཞི་ལས༔ དང་པོ་ལྷ་ཡི་ལོ་རྒྱུས་ནི༔ སྔོན་བསྐལ་པ་དཔག་ཏུ་མེད་གོང་རོལ་ན་རྒྱལ་པོ་རྩིབས་ཀྱི་མུ་ཁྱུད་ཅེས་བྱ་བ་ཞིག་བྱུང་སྟེ༔ དེས་སངས་རྒྱས་རིན་ཆེན་སྙིང་པོ་འཁོར་དང་བཅས་པ་སྤྱན་དྲངས་ནས་བསྙེན་བཀུར་རྒྱ་ཆེན་པོ་བྱས་ནས་བྱང་ཆུབ་ཏུ་སེམས་བསྐྱེད་ནས་མ་འོངས་པ་ན་བདག་མངོན་པ་འཚང་རྒྱ་བ་དེའི་ཚེ༔ བདག་གི་ཚེ་དཔག་

[Full Size]

ཏུ་མེད་པ་ཐུབ་ཅིང་བདག་གི་མཚན་ཐོས་པ་རྣམས་ཀྱིས་ཀྱང་ཚེ་བསྲིང་ནུས་པར་གྱུར་ཅིག༔ ཞིང་ཁམས་དེར་བདེ་སྐྱིད་ཕུན་སུམ་ཚོགས་ཤིང་ངན་སོང་གསུམ་དང་སྡུག་བསྔལ་གྱི་སྒྲ་མི་གྲག་པར་གྱུར་ཅིག༔ མཚམས་མེད་པ་ལྔ་དང་དམ་པའི་ཆོས་སྤངས་བ་མ་གཏོགས་ངའི་ཞིང་ཁམས་དེར་སྨོན་ལམ་བཏབ་ན་སྐྱེ་བ་གྱུར་ཅིག༔ དེར་སྐྱེས་ན་བསམ་བཞིན་དུ་སེམས་ཅན་གྱི་དོན་ལ་འབྱོན་ན་མ་གཏོགས་ཕྱིར་མི་ལྡོག་པར་གྱུར་ཅིག༔ དེར་སྐྱེས་ཚད་མཚན་དང་དཔེ་བྱད་ཀྱིས་བརྒྱན་པའི་ལུས་ཐོབ་ཅིང་༔ མངོན་ཤེས་རྫུ་འཕྲུལ་དཔག་ཏུ་མེད་པས་སངས་རྒྱས་ཀྱི་ཞིང་ཐམས་ཅད་བགྲོད་ཅིང་༔ ཚེ་ཚད་བསྐལ་པ་བྱེ་བ་ཁྲག་ཁྲིག་དཔག་ཏུ་མེད་པ་ཐུབ་ཅིང་དེ་ནས་ཚེ་འཕོས་མ་ཐག་སངས་རྒྱས་མི་ཐོབ་མི་སྲིད་པར་གྱུར་ཅིག༔ སྨོན་ལམ་དེ་རྣམས་མ་འགྲུབ་བར་དུ་བདག་འཚང་མི་རྒྱ་བར་གྱུར་ཅིག༔ ཅེས་སོགས་སྨོན་ལམ་རྒྱ་ཆེན་པོ་བཏབ་ནས༔ བསྐལ་པ་བྱེ་བ་ཁྲག་ཁྲིག་གྲངས་མེད་པར་ཕ་རོལ་ཏུ་ཕྱིན་པ་དྲུག་ལ་སྤྱོད་པས༔ ཁོང་དང་མཉམ་དུ་སེམས་བསྐྱེད་པའི་བྱང་ཆུབ་སེམས་དཔའ་གཞན་རྣམས་སྔར་ནས་སངས་རྒྱས་ཚར་ཡང་ཁོང་སངས་མི་རྒྱ་བར་བཞུགས་སོ༔ དེར་

[Full Size]

གཞན་རྣམས་ཀྱིས་ཞུས་པ༔ རང་རེ་རྣམས་དང་པོ་བྱང་ཆུབ་ཏུ་སེམས་བསྐྱེད་པ་མཉམ༔ བར་དུ་ཕར་ཕྱིན་དྲུག་སྤྱད་པའང་མཉམ༔ ངེད་རྣམས་སྔར་ནས་སངས་རྒྱས༔ ཁྱེད་ད་དུང་འཚང་མི་རྒྱ་བ་ཅི་ལགས་ཞུས་པས༔ ངའི་མཚན་ཐོས་པས་ཚེ་བསྲིང་ནུས་པ་དང་༔ མཚམས་མེད་པ་ལྔ་དང་ཆོས་སྤངས་པ་མ་གཏོགས་ངའི་ཞིང་ཁམས་སུ་སྨོན་ལམ་གདབ་ན་སྐྱེ་སླ་བ་དང་༔ དེར་སྐྱེས་ཚད་ཕྱིར་མི་ལྡོག་པ་དང་༔ སྨོན་ལམ་དེ་གསུམ་མ་འགྲུབ་པས་ད་དུང་འཚང་མི་རྒྱའོ་གསུངས་ནས༔ བསྐལ་པ་བྱེ་བ་གྲངས་མེད་པ་ཕ་རོལ་ཏུ་ཕྱིན་པ་དྲུག་སྤྱད་པས་མཐར་མངོན་པར་རྫོགས་པར་སངས་རྒྱས་ནས༔ ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སངས་རྒྱས་ཚེ་དཔག་མེད་ཅེས་བྱ་བར་སངས་རྒྱུས་ནས་བཞུགས་ཏེ༔ ཡབ་ནི་འཁོར་ལོས་སྒྱུར་བའི་རྒྱལ་པོ་བཟང་པོ་མཆོག༔ ཡུམ་གཟི་བརྗིད་ཅན༔ བཙུན་མོ་རྒྱལ་རིགས་བཟང་སྐྱོང་མ༔ སྲས་ཟླ་བའི་འོད༔ རིམ་གྲོ་པ་ནི་སྙན་པ་དྲི་མ་མེད་པ༔ ཤེས་རབ་ཅན་གྱི་མཆོག་ནི་བཟང་པོའི་ཏོག༔ རྫུ་འཕྲུལ་ཅན་གྱི་མཆོག་ནི་བཀོད་པ་ཆེན་པོ༔ ཉན་ཐོས་འདུས་པ་དང་པོ་ལ་ནི་དྲུག་ཁྲི་སྟེ༔ གཞན་ཉན་ཐོས་གྲངས་མེད་པར་བཤད་

[Full Size]

དོ༔ གཉིས་པ་རྒྱུད་གསུངས་ཚུལ་ནི༔ ཚེ་དཔག་མེད་ཀྱིས་གསུངས་པའི་ཚེ་རྒྱུད་ཏན་བཅོ་བརྒྱད་དང་༔ གཞན་ཡང་རྩ་རྒྱུད་འབུམ་པ༔ བཤད་རྒྱུད་འོད་ཟེར་དྲྭ་བ༔ སྤྲུལ་སྐུ་ཤཱཀྱ་ཐུབ་པས་གསུངས་པའི་ཚེའི་མདོ་དང་གཟུངས་རྣམས་སོ༔ གསུམ་པ་མན་ངག་གི་བྱུང་ཚུལ་ནི༔ རྒྱ་གར་མ་ར་ཏི་ཀའི་བྲག་ཕུག་ཏུ་གུ་རུ་པདྨ་འབྱུང་གནས་དང་༔ ལྷ་ལྕམ་མནྡཱ་ར་བ་གཉིས་ཀྱིས་སྒྲུབ་པ་མཛད་པས་ཚེ་དཔག་མེད་དངོས་སུ་བྱོན་ནས་ཚེ་དབང་བསྐུར༔ ཚེའི་རྒྱུད་མན་ངག་ཐམས་ཅད་གནང་བས་ནམ་མཁའ་ཇི་སྲིད་དུ་སྐྱེ་འཆི་མེད་པ་རྡོ་རྗེའི་སྐུ་འགྲུབ༔ ཡུམ་མནྡ་ར་བའང་བགྲེས་རྒུད་མེད་པ་ལོ་བཅུ་དྲུག་གི་ན་ཚོད་དུ༔ ཀེ་རི་མཁའ་འགྲོ་འདུ་བའི་བྲག་ཕུག་ཏུ་ད་ལྟའང་དངོས་སུ་བཞུགས་སྐད༔ དེ་ནས་ཨོ་རྒྱན་རིན་པོ་ཆེ་བོད་དུ་ཕེབས་ཏེ་རྒྱལ་པོ་ཁྲི་སྲོང་ལྡེའུ་བཙན་ལ་ཚེ་དབང་བསྐུར་ནས་རྒྱལ་པོ་ལོ་སྟོང་ཚོ་གསུམ་ཐུབ་པ་ཞིག་བྱེད་དགོངས་པ་ལ༔ བདུད་བློན་དབང་ཆེན་རྣམས་ཀྱིས་དབྱེན་བྱས་ནས་དབང་མ་ཞུས་པས་རྟེན་འབྲེལ་འཆུགས༔ ཚེ་ཆུ་དང་ཚེ་སྒྲུབ་རྣམས་གཏེར་དུ་སྦས༔ ཇོ་མོ་མཁར་ཆེན་མཚོ་རྒྱལ་དང་༔ གནུབས་ནམ་མཁའི་སྙིང་པོ༔ ཉང་

[Full Size]

ཏིང་འཛིན་བཟང་པོ༔ བེ་རོ་ཙ་ན་ལ་སོགས་ལ་ཚེ་དབང་གནང་བས་ཚེའི་རིག་འཛིན་ཐོབ་སྟེ༔ མཐར་སྐུ་ལུས་མ་བཞག་པར་འཇའ་ལུས་མཁའ་སྤྱོད་དུ་གཤེགས་སོ༔ དེ་ནས་དུས་སྙིགས་མ་ཚེ་ལོ་བཞི་བཅུ་ཁ་རལོ་སུམ་ཅུར་ཉེ་བའི་དུསཿ གཏེར་ཁ་གསར་རྙིང་མང་པོ་ནས་ལུང་བསྟན་པ་ལྟར༔ ཤུད་བུ་དཔལ་གྱི་སེང་གེའི་ངོ་བོ་བེ་རོ་ཙ་ནའི་རྣམ་འཕྲུལ་སྤྲུལ་སྐུ་མི་འགྱུར་རྡོ་རྗེ་དེ་ཉིད་ཀྱིས་དགུང་ལོ་བཅུ་བཞི་ནས་བཅུ་བདུན་གྱི་བར་དུ་དགོངས་གཏེར་ཐུགས་ཀྱི་ཀློང་གསལ་ཞེས་བྱ་བ་གཏེར་ཁ་ཕྱེས་ཏེ༔ ཚེ་དབང་འདིའང་དེའི་ནང་ནས་བྱོན་པའོ༔ དགོངས་གཏེར་དེ་ཇི་ལྟར་བུ་ཞེ་ན༔ སྔོན་ཨོ་རྒྱན་གྱི་རྗེ་འབངས་རྣམས་ལ་གསུངས་པའི་དབང་གདམས་ངག་འགའ་ཞིག་གསལ་པོར་དྲན་ནས་ཡི་གེར་བཀོད་པ་ཡིན་ཏེ༔ ཆུ་ཀླུང་རོལ་པའི་མདོ་ལས༔ ང་ཡིས་བསྟན་པའི་ཆོས་ཀྱི་གཞུང་༔ ཐུགས་ནས་ཐུགས་ཀྱི་གཏེར་དུ་སྦས༔ ཞེས་དང་༔ རིག་པའི་རྒྱལ་པོའི་རྒྱུད་ལས༔ དུས་གསུམ་རྒྱལ་བའི་ཐུགས་གཏེར་འདི༔ རྡོ་ཤིང་སྣོད་ལ་ཡང་མ་བསྟན༔ ཞེས་གསུངས་སོ༔ བཞི་པ་དགོས་ཆེད་ཕན་ཡོན་ནི༔ ཚེ་དཔག་མེད་ཀྱི་སྙིང་པོའི་གཟུངས་ལས༔ གང་ལ་ལ་

[Full Size]

ཚེ་དཔག་མེད་དེའི་མཚན་ཡང་དག་པར་འཛིན་པ་དེ་ལ་མེའི་འཇིགས་པ་མི་འབྱུང་༔ ཆུའི་འཇིགས་པ་མི་འབྱུང་༔ དུག་གི་འཇིགས་པ་མི་འབྱུང་༔ མཚོན་གྱི་འཇིགས་པ་མི་འབྱུང་༔ གནོད་སྦྱིན་གྱི་འཇིགས་པ་མི་འབྱུང་༔ སྲིན་པོའི་འཇིགས་པ་མི་འབྱུང་༔ སྔོན་གྱི་རྣམ་པར་སྨིན་པ་ནི་གང་ལ་ཡང་མ་གཏོགས་སོ༔ ཞེས་གསུངས་པའི་ཕྱིར་མཚན་ཐོས་པ་ལ་ཕན་ཡོན་དེ་ཙམ་ན༔ དབང་ཐོབ་ན་སྨོས་ཅི་དགོས་ཏེ་ཚེ་འདིའི་རྐྱེན་ཟློག་པ་ལ་འདི་ལས་ཟབ་པ་མེད༔ ཡང་འཆི་མེད་རྔ་སྒྲའི་གཟུངས་ལས༔ འདི་ནས་ནུབ་ཀྱི་ཕྱོགས་རོལ་ན༔ བདེ་བ་ཅན་གྱི་ཞིང་ཁམས་ན༔ དེ་ན་རྫོགས་པའི་སངས་རྒྱས་བཞུགས༔ དེ་བཞིན་གཤེགས་པ་ཚེ་དཔག་མེད༔ སུ་ཞིག་དེ་ཡི་མཚན་འཛིན་པ༔ དེ་ནི་དེ་རུ་སྐྱེ་བ་འགྱུར༔ ཞེས་གསུངས་པའི་ཕྱིར་འདིའི་དབང་མང་དུ་ཐོབ་ན་འཁོར་བ་དང་ངན་སོང་གི་སྐྱེ་སྒོ་ཆོད་ནས་བདེ་བ་ཅན་གྱི་ཞིང་ཁམས་སུ་སྐྱེས་ནས་གཏན་བདེའི་འདུན་མ་འགྲུབ་པ་ཡིན་ནོ༔ དེ་ལྟ་བུའི་དབང་ཟབ་མོ་ཞུ་བའི་དོན་དུ་འདིའི་རྗེས་ཟློས་མཛོད༔ བླ་མ་ཚེ་དཔག་མེད་པ་ལ༔ གསོལ་བ་འདེབས་སོ་འཆི་མེད་ཀྱི༔ ཚེ་ཡི་དབང་མཆོག་

[Full Size]

བསྐུར་དུ་གསོལ༔ བདག་ལ་ཚེ་ཡི་རིག་འཛིན་སྩོལ༔ ཞེས་ལན་གསུམ་མམ་ཚིག་འཇུག་གསུམ༔ བླ་མ་དང་མདུན་བསྐྱེད་ཚེ་དཔག་མེད་དུ་གསལ་བའི་དྲུང་དུ་སྐྱབས་འགྲོ་སེམས་བསྐྱེད་ཀྱི་སྡོམ་པ་ཞུ་སྙམ་པས་འདིའི་རྗེས་ཟློས་མཛོད༔ ཚེ་དཔག་མེད་ལ་སྐྱབས་སུ་མཆི༔ མི་དགེ་གང་བྱས་མཐོལ་ལོ་བཤགས༔ དགེ་བ་ཀུན་ལ་བདག་ཡི་རང་༔ ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་བཞུགས་གསོལ་འདེབས༔ བྱང་ཆུབ་མཆོག་ཏུ་སེམས་བསྐྱེད་དོ༔ འགྲོ་བ་བྱང་ཆུབ་ཐོབ་ཕྱིར་བསྔོ༔ ཞེས་པ་སྔོན་དབང་མ་ཐོབ་ན་ལན་གསུམ་གལ་ཆེ༔ སྔོན་ཐོབ་ན་རྗེས་མ་གསུམ་གྱིས་ཆོག༔ ཀུ་ཤས་སློབ་མ་བྲན་ཚུལ་བྱས་ལ༔ ཨོཾ་བྱ་གྷི་ཝ་ཧཱུྃ་ཕཊ༔ ཨོཾ་སྭ་བྷ་ཝ་སོགས༔ སྟོང་པའི་ངང་ལས་སློབ་མ་རང་ཉིད་མགོན་པོ་ཚེ་དཔག་མེད་སྐུ་མདོག་དམར་གསལ་ལོངས་སྐུའི་རྒྱན་རྫོགས་པ༔ ཕྱག་གཉིས་མཉམ་བཞག་ན་ཚེ་བུམ་འཛིན་པ༔ ཞབས་རྡོ་རྗེའི་སྐྱིལ་ཀྲུང་འོད་ཟེར་གྱི་ངོ་བོར་གནས་པ༔ པད་ཟླའི་གདན་ལ་བཞུགས་པའི་དཔྲལ་བར་ཨོཾ༔ མགྲིན་པར་ཨཱཿ ཐུགས་ཀའི་ཆ་སྨད་དུ་ཧཱུྃ༔ ཐུགས་ཀའི་དབུས་སུ་ཧྲཱིཿ དེ་ལས་འོད་ཟེར་འཕྲོས་པས་བདེ་བ་ཅན་གྱི་ཞིང་ཁམས་ནས་ཚེ་དཔག་

[Full Size]

མེད་ཀྱི་སྐུ་ཆེ་ཕྲ་ཅི་རིགས་པ་ཁ་བ་བུ་ཡུག་ལྟར་བྱོན་ནས་སློབ་མ་ལ་སིབ་སིབ་ཐིམ་པར་གྱུརཿ དབྱངས་རོལ་མོ་སྤོས་དུད་དང་བཅས༔ ཧཱུྃ༔ ཚེ་དཔག་མེད་ཀྱི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ རྩ་སྔགས་ལཿ ཨོཾ་བཛྲ་ཨཱ་ཝེ་ཤ་ཡ་ཨ་ཨཱ༔ ཞེས་གསུམ་མམ་མདུན་བརྗོད༔ རོལ་མོ་བྱ༔ ཡེ་ཤེས་པ་དེ་ཉིད་བརྟན་པར་གྱུར་པའི་མོས་པ་མཛོད༔ རྡོ་རྗེ་མགོར་བཞག་ལ༔ ཏིཥྛ་བཛྲ༔ བུམ་པ་ལག་ཏུ་ཐོགས་ལ༔ བུམ་པ་འདི་ཉིད་ཕྱི་བུམ་པ་ལ་ནང་རིན་པོ་ཆེའི་གཞལ་ཡས་ཁང་དུ་གྱུར་པའི་དབུས་སུ་སངས་རྒྱས་ཚེ་དཔག་མེད་དངོས་སུ་བཞུགས་པའི་སྐུ་ལས་འོད་ཟེར་ཕྱོགས་བཅུར་འཕྲོས་པས་འཁོར་འདས་ལམ་གསུམ་གྱི་ཚེའི་བཅུད་ཐམས་ཅད་བསྡུས་ཏེ་བུམ་པ་བདུདརྩིས་གང་༔ བདུད་རྩི་ཕྱུར་ཞིང་ལུད་པས་ཁྱེད་རང་རྣམས་ཀྱི་ཚངས་བུག་ནས་ཞུགས༔ སྤྱི་བོར་བདེ་ཆེན་གྱི་འཁོར་ལོའི་རྩ་འདབ་སུམ་ཅུ་སོ་གཉིས་གང་༔ ལུས་ཀྱི་སྒྲིབ་པ་དག༔ ཚེ་དཔག་མེད་ཀྱི་སྐུའི་དབང་དང་དངོས་གྲུབ་ཐམས་ཅད་ཐོབ་པར་སྒོམས་ཤིག༔ དྲིལ་བུ་

[Full Size]

ཁྲོལ་ཞིང་དབྱངས་དང་བཅས༔ ཧཱུྃ༔ དུས་མིན་འཆི་བ་ཀུན་ལས༔ རྟག་ཏུ་སྐྱོབ་པར་མཛད་པཿ ཚེ་དང་ཡེ་ཤེས་དཔག་མེད༔ འདི་ལ་བྱིན་གྱིས་རློབས་ཤིག༔ བུམ་པ་མགོར་བཞག་ལ་རྩ་སྔགས་མཇུག་ཏུ༔ ཀཱ་ཡ་སིདྡྷི་ཧཱུཾ༔ ཞེས་བརྗོད་བུམ་ཆུ་བླུད༔ ཧཱུྃ༔ སྐུ་མདོག་པདྨ་རཱ་གའི་མདོག་ལྟར་དམར༔ འཆི་མེད་དབང་པོ་སྐུ་ཚེར་འགྲན་ཟླ་བྲལ༔ སྒྲུབ་མཆོག་ཚེ་ཡི་རིག་འཛིན་ངེས་པར་སྟེརཿ ཚེ་དཔག་མེད་པའི་སྐུ་ཡི་བཀྲ་ཤིས་ཤོག༔ མེ་ཏོག་འཐོར་བུམ་པ་སྤྱི་བོར་བཞག་པས་བདུད་རྩིའི་རྒྱུན་བབསཿ ཚངས་བུག་ནས་ཞུགས༔ རྩ་ཨ་ཝ་དྷ་ཏི་བརྒྱུད༔ མགྲིན་པ་ལོངས་སྤྱོད་ཀྱི་འཁོར་ལོའི་རྩ་འདབ་བཅུ་དྲུག་གང་བས་ངག་གི་སྒྲིབ་པ་དག༔ ཚེ་དཔག་མེད་ཀྱི་གསུང་གི་དབང་དང་དངོས་གྲུབ་ཐོབ་པར་སྒོམས་ཤིག༔ ཧཱུྃ༔ དུས་མིན་འཆི་བ་ཀུན་ལས༔ རྟག་ཏུ་སྐྱོབ་པར་མཛད་པ༔ ཚེ་དང་ཡེ་ཤེས་དཔག་མེད༔ འདི་ལ་བྱིན་གྱིས་རློབས་ཤིག༔ རྩ་སྔགས་མཇུག་ཏུ་ཝཱཀ་སིདྡྷི་ཨཱ༔ ཞེས་བུམ་པ་མགྲིན་པར་བཞག་ལ༔ ཧཱུྃ༔ སྐུ་མདོག་པདྨ་རཱ་གའི་མདོག་ལྟར་དམར༔ འཆི་མེད་དབང་པོ་སྐུ་ཚེར་འགྲན་ཟླ་བྲལ༔ སྒྲུབ་མཆོག་ཚེ་ཡི་རིག་འཛིན་ངེས་པར་སྟེར༔ ཚེ་དཔག་

[Full Size]

མེད་པའི་གསུང་གི་བཀྲ་ཤིས་ཤོག༔ བུམ་པ་ནས་བདུད་རྩིའི་རྒྱུན་བབ༔ ཚངས་བུག་ནས་ཞུགས༔ རྩ་དབུ་མ་བརྒྱུད༔ སྙིང་ག་ཆོས་ཀྱི་འཁོར་ལོའི་རྩ་འདབ་བརྒྱད་གང་༔ ཡིད་ཀྱི་སྒྲིབ་པ་དག༔ ཚེ་དཔག་མེད་ཀྱི་ཐུགས་ཀྱི་དབང་དང་དངོས་གྲུབ་ཐོབ་པར་སྒོམས་ཤིག༔ ཧཱུྃ༔ དུས་མིན་འཆི་བ་ཀུན་ལས༔ རྟག་ཏུ་སྐྱོབ་པར་མཛད་པ༔ ཚེ་དང་ཡེ་ཤེས་དཔག་མེད༔ འདི་ལ་བྱིན་གྱིས་རློབས་ཤིག༔ རྩ་སྔགས་མཇུག་ཏུ་ཙིཏྟ་སིདྡྷི་ཧཱུྃ༔ ཞེས་བུམ་པ་སྙིང་གར་བཞག་ལ༔ ཧཱུྃ༔ སྐུ་མདོག་པདྨ་རཱ་གའི་མདོག་ལྟར་དམར༔ འཆི་མེད་དབང་པོ་སྐུ་ཚེར་འགྲན་ཟླ་བྲལ༔ སྒྲུབ་མཆོག་ཚེ་ཡི་རིག་འཛིན་ངེས་པར་སྟེར༔ ཚེ་དཔག་མེད་པའི་ཐུགས་ཀྱི་བཀྲ་ཤིས་ཤོག༔ བུམ་པ་ནས་འཆི་མེད་བདུད་རྩི་ཆེར་ལུད་པས་ཚངས་བུག་ནས་ཞུགས༔ རྩ་ཀུན་འདར་མ་ནས་བརྒྱུད༔ ལྟེ་བ་སྤྲུལ་པའི་འཁོར་ལོའི་རྩ་འདབ་དྲུག་ཅུ་རྩ་བཞི༔ སྤྱི་གཙུག་མན་ཆད༔ རྐང་མཐིལ་ཡན་ཆད་འཆི་མེད་བདུད་རྩིས་མེ་རེ་རེ་གང་༔ ལུས་ངག་ཡིད་གསུམ་ཆ་མཉམ་གྱི་སྒྲིབ་པ་དག༔ ཚེ་དཔག་མེད་ཀྱི་དབང་དང་དངོས་གྲུབ་ཡོངས་སུ་རྫོགས་པ་ཐོབ་པར་

[Full Size]

སྒོམས་ཤིག༔ ཧཱུྃ༔ དུས་མིན་འཆི་བ་ཀུན་ལས༔ རྟག་ཏུ་སྐྱོབ་པར་མཛད་པ༔ ཚེ་དང་ཡེ་ཤེས་དཔག་མེད༔ འདི་ལ་བྱིན་གྱིས་རློབས་ཤིག་རྩ་སྔགས་མཐར༔ སརྦ་སིདྡྷི་ཧི༔ ཞེས་བུམ་པ་ལྟེ་བར་བཞག༔ ཧཱུྃ༔ སྐུ་མདོག་པདྨ་རཱ་གའི་མདོག་ལྟར་དམར་་་འཆི་མེད་དབང་པོ་སྐུ་ཚེར་འགྲན་ཟླ་བྲལ་་སྒྲུབ་མཆོག་ཚེ་ཡི་རིག་འཛིན་ངེས་པར་སྟེར་ཚེ་དཔག་མེད་ཀྱི་སྐུ་གསུམ་བཀྲ་ཤིས་ཤོག༔ དེ་ནས་ཚེ་གཏོར་ལག་ཏུ་ཐོགས་ལ༔ གཏོར་མ་འདི་ཉིད་མགོན་པོ་ཚེ་དཔག་ཏུ་མེད་པར་གསལ་བའི་སྟེང་གི་ཆ་ལ་རིག་འཛིན་ཚེ་དབང་བརྒྱུད་པའི་བླ་མ༔ བར་གྱི་ཆ་ལ་ཡི་དམ་རྒྱུད་སྡེ་དྲུག་གི་ལྷ་ཚོགསཿ འོག་གི་ཆ་ལ་ཡེ་ཤེས་ཀྱི་མཁའ་འགྲོ་ཆོས་སྐྱོང་ཐམས་ཅད་སྤྲིན་འཁྲིགས་པ་ལྟར་བཞུགས་པ་ཁྱེད་རང་གི་སྤྱི་བོའི་གཙུག་ཏུ་བྱོན་ཏེ་ངེད་ཀྱི་གསོལ་བ་ཇི་ལྟར་བཏབ་པའི་བྱིན་རླབས་དངོས་གྲུབ་ཐམས་ཅད་གནང་ཞིང་ཐོབ་བྱུང་སྙམ་པའི་མོས་པ་རྩེ་གཅིག་ཏུ་མཛོད་ལ༔ མཐར་འཁོར་རྣམས་འོད་དུ་ཞུ་ནས་གཙོ་བོ་ལ་ཐིམ༔ གཙོ་བོ་འོད་དུ་ཞུ་ནས་ཁྱེད་རང་རྣམས་ལ་ཐིམ་པས་ཚེ་དཔག་མེད་ཀྱི་སྐུ་གསུང་ཐུགས་དང་ཁྱེད་རང་རྣམས་ཀྱི་ལུས་ངག་ཡིད་གསུམ་ཕྲུག་གིས་འདྲེས་པའི་

[Full Size]

ངང་ལ་སེམས་མ་བཅོས་པར་མཉམ་པར་ཞོག༔ ཧཱུྃ༔ དུས་མིན་འཆི་བ་ཀུན་ལས༔ རྟག་ཏུ་སྐྱོབ་པར་མཛད་པ༔ ཚེ་དང་ཡེ་ཤེས་དཔག་མེད༔ འདི་ལ་བྱིན་གྱིས་རློབས་ཤིག༔ ཆོས་སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས༔ ལྷ་ལྕམ་མན་ར་བ༔ མཁའ་འགྲོ་ཡེ་ཤེས་མཚོ་རྒྱལ༔ སྒྲ་བསྒྱུར་བེ་རོ་ཙ་ན༔ ཤུད་བུ་དཔལ་གྱི་སེང་གེ༔ མི་འགྱུར་རྡོ་རྗེ་བདུད་འདུལ་རོལ་བ་རྩལ་ལ་སོགས་པ་རིག་འཛིན་བརྒྱུད་པའི་དཔལ་ལྡན་བླ་མ་དམ་པ་རྣམས་དང་༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་ཚེ་དང་བསོད་ནམས་དང་གཟི་བརྗིད་དང་ཡེ་ཤེས་དང་༔ ཡོན་ཏན་ཚད་མེད་པའི་རྒྱལ་པོས་བྱིན་གྱིས་རློབས་ཤིག༔ འཆི་མེད་ཚེ་ཡི་དངོས་གྲུབ་བསྩལ་དུ་གསོལ༔ ནད་མེད་བདེ་བའི་དངོས་གྲུབ་བསྩལ་དུ་གསོལཿ བགྲེས་རྒུད་མེད་པའི་ལང་ཚོ་བསྩལ་དུ་གསོལ༔ དུས་ད་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ་རྗེས་སུ་འཛིན་པར་མཛད་དུ་གསོལ༔ དེ་ནས་གཏོར་མ་མགོར་བཞག་ལ་རྩ་སྔགས་ཚར་གསུམ་མམ་བདུན༔ སྤྲོ་ན་ཚེ་གཟུངས་ཀྱང་བརྗོད༔ ཧཱུྃ༔ སྐུ་མདོག་པདྨ་

[Full Size]

རཱ་གའི་མདོག་ལྟར་དམརཿ འཆི་མེད་དབང་པོ་སྐུ་ཚེར་འགྲན་ཟླ་བྲལ༔ སྒྲུབ་མཆོག་ཚེ་ཡི་རིག་འཛིན་ངེས་པ་སྟེར༔ མཐའ་ཡས་ཚེ་དཔག་མེད་པའི་བཀྲ་ཤིས་ཤོག༔ དེ་ནས་ཚེ་ཆང་བླུད་ཅིང་རྩ་ཧཱུྃ༔ དུས་མིན་འཆི་བ་ཀུན་ལས༔ རྟག་ཏུ་སྐྱོབ་པར་མཛད་པ༔ ཚེ་དང་ཡེ་ཤེས་དཔག་མེད༔ འདི་ལ་བྱིན་གྱིས་རློབས་ཤིག༔ རྩ་སྔགས༔ པཉྩ་ཨ་མྲྀ་ཏ་སིདྡྷི་སྭཱ༔ ཚེ་རིལ་སྦྱིན་ཅིང་༔ ཧཱུྃ༔ དུས་མིན་འཆི་བ་ཀུན་ལས༔ རྟག་ཏུ་སྐྱོབ་པར་མཛད་པ༔ ཚེ་དང་ཡེ་ཤེས་དཔག་མེད༔ འདི་ལ་བྱིན་གྱིས་རློབས་ཤིག༔ རྩ་སྔགས༔ ཨཱ་ཡུ་སིདྡྷི་ཧཱུཾ༔ ཁྱེད་རང་རྣམས་ཀྱིས་མེ་ཏོག་དམར་པོའི་ཕྲེང་བ་སློབ་དཔོན་ལ་ཕུལ་བའི་མོས་པས་རྗེས་ཟློས་མཛོད༔ བཅོམ་ལྡན་བདག་གིས་བཟུང་ལགས་ཀྱིས༔ བདག་ལ་འགོ་བར་མཛད་དུ་གསོལ༔ གསུམ་མམ་གཅིག༔ དེ་ལྟར་གསོལ་བ་བཏབ་པས་སློབ་དཔོན་གྱི་ཐུགས་ཀ་ནས་སྔགས་ཕྲེང་བྱི་རུའི་ཕྲེང་བ་ལྟར་འཕྲོས༔ སློབ་དཔོན་གྱི་ཞལ་ནས་ཐོན༔ ཁྱེད་རང་རྣམས་ཀྱི་ཞལ་དུ་ཞུགས༔ ཐུགས་ཀར་གཡས་སུ་འཁོད་པའི་མོས་པས་རྗེས་ཟློས་མཛོད༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱཿ གསུམ༔ སྔགས་ཀྱི་ཕྲེང་བ་དེ་མེ་

[Full Size]

ཏོག་དམར་པོའི་ཕྲེང་བར་གྱུར་ནས་སྤྱི་བོར་བཅིངས་པའི་མོས་པ་མཛོད༔ མེ་ཏོག་ཙམ་པ་ཀའམ་རྡོ་རྗེ་དང་བཅས་པས་ནས་འབྲུ་མགོར་བཞག༔ བཅོམ་ལྡན་འདི་ལ་བསྩལ་ལགས་ཀྱིསཿ འདི་ལ་འགོ་བར་མཛད་དུ་གསོལ༔ གསུམ་མམ་གཅིག༔ མེ་ཏོག་འཐོར་ཞིང་༔ མགོན་པོ་ཚེ་དཔག་ཏུ་མེད་པའི་གསང་སྔགས་རིག་སྔགས་གཟུངས་སྔགས་ཀྱི་བྱིན་རླབས་ནུས་པ་ཐམས་ཅད་རྡོ་རྗེའི་སློབ་མ་འདི་རྣམས་ལ་འཇུག་པར་གྱུར་ཅིག༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ དེས་དགོངས་གཏེར་ཐུགས་ཀྱི་ཀློང་གསལ་གྱི་ཚེ་དབང་ནམ་མཁའི་ནོར་བུ་ཞེས་བྱ་བ་ཐོབ་པ་ཡིན་པས༔ ཚེ་དཔག་མེད་ཡི་དམ་གྱི་ལྷར་འཛིན་པའི་མོས་པས་འདིའི་རྗེས་ཟློས་མཛོད༔ གཙོ་བོས་ཇི་ལྟར་བཀའ་སྩལ་པ་སོགས༔ དེ་ལྟར་དབང་ཐོབ་པའི་གཏང་རག་ཏུ་མཎྜལ་འབུལཿ ས་གཞི་སྤོས་ཆུ་སོགསཿ ཞེས་དགོངས་གཏེར་རྩ་ཚིག་རྡོ་རྗེའི་གསུང་གི་དོན་རྒྱས་པར་བཀྲོལ་བ་ལ༔ ཉེས་འགལ་མཆིས་ན་ལྷ་དང་སྲུང་མའི་ཚོགས་ལ་བཤགས་ཤིང་དགེ་བས་འགྲོ་བ་དཔག་ཏུ་མེད་པ་ལ་ཕན་པར་གྱུར་ཅིག༔ ཅེས་རཱ་ག་ཨ་སྱས་བསྒྲིགས་པའི་ཡི་གེ་པ་ནི་དབོན་པོ་མཐུ་སྟོབས་སོ༔ མངྒ་ལཾ༔

[Full Size]

ཤོག་སྟོང་།

ཐུགས་རྗེ་ཆེན་པོ་གསང་བ་འདུས་པའི་ཉམས་ལེན་ཐུན་ཆུང་ཉུང་བ།

[Full Size]

ཐུགས་རྗེ་ཆེན་པོ་གསང་བ་འདུས་པའི་ཉམས་ལེན་ཐུན་ཆུང་ཉུང་བ་བཞུགས་སོ།།

[Full Size]

སྤྱི་གཙུག་པད་སྡོང་ཉི་ཟླའི་སྟེང་རྩ་བ་གསུམ་གྱི་ལྷ་ཚོགས་དང་༔ སྐྱབས་གནས་དཀོན་མཆོག་ཐམས་ཅད་ལ༔ ཕ་མས་གཙོར་བྱས་འགྲོ་བ་རྣམསཿ སྒོ་གསུམ་གུས་པས་འདི་སྐད་བརྗོད༔ ན་མོ༔ བླ་མ་དཀོན་མཆོག་ཡི་དམ་ལྷ༔ རྒྱལ་བ་རྒྱ་མཚོའི་ཚོགས་བཅས་ལ༔ བདག་དང་འགྲོ་བ་སེམས་ཅན་རྣམས༔ སྒོ་གསུམ་གུས་པས་སྐྱབས་སུ་མཆི༔ རང་རིག་ལྷ་ལ་ཕྱག་འཚལ་ལོ༔ མ་འགགས་རང་གསལ་མཆོད་པར་འབུལ༔ མུ་བཞིར་ལྟུང་བ་མཐོལ་ལོ་བཤགས༔ དུས་གསུམ་མཉམ་ཉིད་རྗེ་ཡི་རང་༔ འཁོར་བ་དོང་ནས་སྤྲུགས་པར་

[Full Size]

བསྐུལ༔ ཀ་དག་ཟང་ཐལ་རྗེན་པར་བཞུགས༔ ཀུན་ཀྱང་རང་རིག་རྟོགས་པར་བསྔོ༔ སྐུ་གསུམ་ཡོངས་རྫོགས་ཐོབ་པར་ཤོག༔ ཀྱེ་མ༔ བདག་གིས་འགྲོ་ཀུན་བསྒྲལ་བའི་ཕྱིརཿ ཐུགས་རྗེ་ཆེན་པོའི་དཀྱིལ་འཁོར་དུ༔ འཁོར་བ་དོང་ནས་སྤྲུགས་པའི་ཕྱིར༔ ཚད་མེད་བཞི་རུ་སེམས་བསྐྱེད་དོ༔ རང་ཉིད་ཐུགས་རྗེ་ཆེན་པོར་བསྒོམ༔ ཞལ་གཅིག་ཕྱག་གཉིས་སྐུ་མདོག་དམར༔ ཕྱག་གཡས་པད་ཕྲེང་ཐུགས་ཀར་འཛིན༔ ཕྱག་གཡོན་པད་སྡོང་བདུད་རྩི་བུམ༔ རྡོ་རྗེ་སྐྱིལ་ཀྲུང་རང་འདྲའི་ཡུམ༔ གསང་བ་ཡེ་ཤེས་མདངས་ལྡན་མ༔ གཉེན་

[Full Size]

ལྕགས་འཁྲིལ་ཞིང་དབྱེར་མེད་བསྒོམ༔ རིལ་བུ་དམ་ཚིག་ཡེ་ཤེས་སུ༔ དབྱེར་མེད་ཐུགས་རྗེ་ཆེན་པོར་བསྒོམ༔ སྤྱི་གཙུག་རིགས་བདག་ཐུགས་ཀར་ནི༔ ཟླ་སྟེང་ཧྲུལ་ཡིག་དྲུག་བསྐོར༔ ཐུགས་ཀར་རྟ་མགྲིན་རྔམ་བརྗིད་འཇིགས༔ བདག་དང་མཐའ་ཡས་རྟ་མགྲིན་གསུམ༔ ཐུགས་ཀར་ཟླ་སྟེང་ཧཱུྃཡིག་མཐར༔ ཡིག་དྲུག་གཡས་སུ་བསྐོར་བར་བསམ༔ ཨོཾ་མ་ཎི་པདྨེ་ཧཱུྃ་ཧཱུྃ༔ སྔགས་ལས་འོད་ཟེར་དཀར་པོ་འཕྲོས༔ རྒྱལ་བའི་སྐུ་ལ་མཉེས་མཆོད་འབུལ༔ དངོས་གྲུབ་མ་ལུས་བདག་ལ་བསྡུས༔ ཁམས་གསུམ་སེམས་ཅན་ལས་སྒྲིབ་སྦྱངས༔ མ་ལུས་སྡུག་བསྔལ་ཞི་བར་བསམ༔ མཐའ་ཡས་ཐུགས་ཀར་སྔགས་ཕྲེང་ལས༔ འོད་ཟེར་དམར་པོ་དཔག་མེད་འཕྲོས༔ རྒྱལ་བའི་གསུང་ལ་མཉེས་མཆོད་འབུལ༔ གསུང་གི་དངོས་གྲུབ་བདག་ལ་བསྡུས༔ ཀུན་ཀྱང་ང་ག་གི་དབང་འདུས་བསམ༔ རྟ་མགྲིན་ཐུགས་ཀའི་སྔགས་ཕྲེང་ལས༔ འོད་ཟེར་མཐིང་ག་རབ་འཕྲོས་པས༔ རྒྱལ་བའི་ཐུགས་ལ་མཉེས་མཆོད་འབུལ༔ ཐུགས་ཀྱི་དངོས་གྲུབ་བདག་ལ་ཐིམ༔ སེམས་ཅན་ཀུན་གྱི་ཡིད་སྒྲིབ་སྦྱངས༔ སྣང་བ་ཐམས་ཅད་དབང་བསྡུས་བསམ༔

[Full Size]

དྲེགས་པ་ཚར་གཅོད་དྲག་པོ་ནི༔ ལྷ་གསུམ་ཐུགས་ཀའི་སྔགས་ཕྲེང་ལས༔ ཁྲོ་ཆུང་མཚོན་ཐོགས་དཔག་མེད་འཕྲོས༔ ཧཱུཾ་དང་ཕཊ་ཀྱི་སྒྲ་སྒྲོག་ཅིང་དེ་སྒྲས་སྟོང་གསུམ་ཡོངས་གང་ནས༔ བདུད་དང་དམ་སྲི་འབྱུང་པོའི་ཚོགས༔ གང་དག་ཞི་བས་མི་ཐུལ་བ༔ མ་ལུས་ཚར་བཅད་དག་ཏུ་གྱུརཿ ཆེ་བཙན་འགྲན་ཟླ་བྲལ་བར་བསམ༔ ཨོཾ་མ་ཎི་པདྨེ་ཧཱུྃ་ཧཱུྃཕཊ༔ གསང་བ་དུས་པའི་ཐུན་ཆུང་ཉུང་བ་ཨ་རཱ་གས་སྦྱར་བའོ། །མངྒ་ལཾ།། །། ༈ འབྲེལ་ཐོགས་ཀུན་ལ་ཕན་པའི་ཕྱིར། རང་ཉིད་རྒྱལ་བ་རྒྱ་མཚོའམ༔ གསང་འདུས་སྐུ་རུ་གསལ་བ་ཡི༔ ཐུགས་ཀའི་ཧྲིལས་འོད་འཕྲོས་པས༔ འབྲེལ་ཐོགས་གཤིན་པོ་གསོན་པོ་ཡི༔ གཙོར་བྱས་སེམས་ཅན་ཐམས་ཅད་ཀྱི༔ སྤྱི་བོར་སྤྱན་རས་གཟིགས་དམར་པོ༔ རྒྱན་མེད་བཞེངས་ཤིང་བཞུགས་པར་བསྒོམས༔ ཕྱག་གཡས་བགྲང་ཕྲེང་གཡོན་བུམ་པ༔ བུམ་ནང་བདུད་རྩི་རྒྱུན་བབས་པས༔ སེམས་ཅན་ཀུན་གྱི་སྡིག་སྒྲིབ་བཀྲུས༔ ཐུགས་ཀའི་ཧཱིཿལས་ཧཱི་གཅིག་འཕྲོས་སྤྱི་བོ་ནས་ཞུགས་སྙིང་ཁར་ཐིམ༔ དེ་ཡི་འོད་ཀྱིས་སེམས་ཅན་ཀུན༔ སྤྱན་རས་གཟིགས་ཀྱི་སྐུར་གྱུར་ཏེ༔ ཀུན་ཀྱང་རང་གི་རམ་བུ་བཏེག༔ ཡིག་བདུན་སྒྲ་

[Full Size]

ཡིས་འཇིག་རྟེན་གང་༔ ཡིག་བདུན་མཇུག་ཏུ་སྔགས་འདི་སྦྱར༔ ཨ་ར་པ་ཙ་མི་ཏ་ཧྲིད་ཡ་སྭཱ་ཧྭ༔ འདི་ནི་འགྲོ་དོན་ཆར་རྒྱུན་མ༔ སངས་གླིང་གཏེར་ཁ་ཨོ་རྒྱན་གསུངས༔ ཞེས་ཨ་རཱ་གས་སོ༔ ཨོཾ༔ ཐུགས་རྗེ་ཆེན་པོའི་སྒོ་ནས་བདུད་ཟློག་བཞུགས་སོ།། བླ་མ་སངས་རྒྱས་རྣམས་ཀྱིས་བྱིན་གྱིས་རློབས༔ བླ་མ་སངས་རྒྱས་རྣམས་ལ་སྐྱབས་སུ་མཆི༔ བླ་མ་སངས་རྒྱས་རྣམས་ཀྱི་ཐུགས་རྗེས་གཟིགས༔ ཨོ་རྒྱན་རིན་པོ་ཆེ་ཡི་ཞལ་ན་རེ༔ ཁྱད་པར་ནད་ཡམས་མུ་གེ་འཁྲུག་རྩོད་དང་༔ ཆག་ཆེ་ཉམ་ང་རྨི་ལམ་མཚན་མ་ངན༔ ལོ་ཀག་ཟླ་ཀག་མོ་རྩིས་ངན་པ་རྣམས༔ ཡིག་བདུན་འཛབ་ཀྱིས་ལུང་པ་ཆོས་སྒྲས་བཀང་༔ གཞན་ལ་མི་རེ་བློ་སེམས་གཅིག་ཏུ་དྲིལ༔ དེ་ཚེ་བར་ཆད་ཞི་ནས་ལྟས་བཟང་གྱུརཿ མཆོག་དང་ཐུན་མོང་སྨོན་ལམ་གང་བཏབ་འགྲུབ། །ཅེས་གསུངས་པས་ཇོ་རྒྱུན་ལ་བརྟེན་ནས་སྐུ་རིམ་བདུད་བཟློག་བྱ་བ་ནི། ཁྲོམ་ཐམས་ཅད་ཐལ་མོ་སྦྱར་ནས། ན་མོ་བླ་མ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འཕགས་པ་ཕྱག་སྟོང་འཁོར་ལོས་སྒྱུར་བའི་རྒྱལ་པོ་ལ་ཕྱག་འཚལ་ལོ། །སྤྱན་སྟོང་བསྐལ་པ་བཟང་པོ་སངས་

[Full Size]

རྒྱས་སྟོང་ལ་ཕྱག་འཚལ་ལོ། །ཕྱོགས་བཅུའི་སྤྱན་རས་གཟིགས་བཅུ་ལ་ཕྱག་འཚལ་ལོ། །ཡབ་ཐུགས་རྗེ་ཆེན་པོ་ལ་ཕྱག་འཚལ་ལོ། །ཡུམ་ཡི་གེ་དྲུག་མ་ལ་ཕྱག་འཚལ་ལོ། །སྲས་ནོར་བུ་འཛིན་པ་ལ་ཕྱག་འཚལ་ལོ། །སྲས་མོ་གསང་སྔགས་འཛིན་མ་ལ་ཕྱག་འཚལ་ལོ། །བདག་ཅག་ཡོན་མཆོད་འདིར་ནད་པ་སོགས་མིང་འདི་ཞེས་བགྱིའོ། །མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི། ནད་རིགས་བཞི་བརྒྱ་རྩ་བཞི། གདོན་རིགས་སྟོང་ཕྲག་བརྒྱད་ཅུ། དུས་མིན་འཆི་བ་བཅོ་བརྒྱད། བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་ཕྱིར་ཟློག་པར་གྱུར་ཅིག །མེད་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །ཐལ་མོ་བརྡབ་ལ། ཨོཾ་མ་ཎི་པདྨེ་ཧཱུྃ་ཕཊ༔ ཨོ་གྱིས་འདུས་པའི་ནད་གདོན་ཞི། །འདུས་པའི་ནད་གདོན་ཞི་བར་ཤོག །མས་ནི་ཚད་པའི་ནད་གདོན་ཞི། །ཚད་པའི་ནད་གདོན་ཞི་བར་ཤོག །ཎི་ཡིས་རླུང་གི་ནད་གདོན་ཞི། །རླུང་གི་ནད་གདོན་ཞི་བར་ཤོག །པད་ཀྱིས་བད་ཀན་ནད་གདོན་ཞི། །བད་ཀན་ནད་གདོན་ཞི་བར་ཤོག །མེས་ནི་གྲང་བའི་ནད་གདོན་ཞི། །གྲང་བའི་ནད་གདོན་ཞི་

[Full Size]

བར་ཤོག །ཧཱུྃ་གིས་མཁྲིས་པའི་ནད་གདོན་ཞི། །མཁྲིས་པའི་ནད་གདོན་ཞི་བར་ཤོག །ཕཊ༔ཀྱིས་བདུད་བཞི་འཇོམས་པར་བྱེད། །བདུད་དང་བར་ཆད་ཞི་བར་ཤོག །ཡི་གེ་དྲུག་པ་ཕཊསྦྱར་བ། །གསང་བ་འདུས་པའི་རྒྱུད་ནས་གསུངས། །བདུད་བཟློག་འདི་ལས་ཟབ་པ་མེད། །ཅེས་པའང་༧ ཨ་རཱ་གས་སྦྱར་བའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་བ་འདུས་པ་ལས་ཉམས་ལེན་རྒྱུན་ཁྱེར་སྙིང་པོ་བསྡུས་པ།

[Full Size]

ཐུགས་རྗེ་ཆེན་པོ་གསང་བ་འདུས་པ་ལས༔ ཉམས་ལེན་རྒྱུན་ཁྱེར་སྙིང་པོ་བསྡུས་པ་བཞུགས་སོ༔

[Full Size]

སྤྱི་གཙུག་པད་སྡོང་ཉི་ཟླའི་སྟེང་༔ རྩ་བ་གསུམ་གྱི་ལྷ་ཚོགས་དང་༔ སྐྱབས་གནས་དཀོན་མཆོག་ཐམས་ཅད་བསམ༔ ཕ་མས་གཙོར་བྱས་འགྲོ་བ་རྣམས༔ སྒོ་གསུམ་གུས་པས་འདི་སྐད་བརྗོད༔ ན་མོ༔ དཀོན་མཆོག་གསུམ་དང་ཡི་དམ་ལྷ༔ རྒྱལ་བ་རྒྱ་མཚོའི་ཚོགས་བཅས་ལ༔ བདག་དང་འགྲོ་བ་སེམས་ཅན་རྣམས༔ སྒོ་གསུམ་གུས་པས་སྐྱབས་སུ་མཆི༔ རང་རིག་ལྷ་ལ་ཕྱག་འཚལ་ལོ༔ མ་འགག་རང་གསལ་མཆོད་པ་འབུལཿ ་མུ་བཞིར་ལྟུང་བ་མཐོལ་ལོ་བཤགས༔ དུས་གསུམ་མཉམ་ཉིད་རྗེས་ཡི་རང་༔ འཁོར་བ་དོང་ནས་

[Full Size]

སྤྲུགས་པར་བསྐུལ༔ ཀ་དག་ཟང་ཐལ་རྗེན་པར་བཞུགས༔ ཀུན་ཀྱང་རང་རིག་རྟོགས་པར་བསྔོ༔ སྐུ་གསུམ་ཡོངས་རྫོགས་ཐོབ་པར་ཤོག༔ ཀྱེ་མ༔ བདག་གིས་འགྲོ་ཀུན་བསྒྲལ་བའི་ཕྱིར༔ ཐུགས་རྗེ་ཆེན་པོའི་དཀྱིལ་འཁོར་དུ༔ འཁོར་བ་དོང་ནས་སྤྲུག་པའི་ཕྱིར༔ ཚད་མེད་བཞི་རུ་སེམས་བསྐྱེད་དོ༔ དམིགས་མེད་སྟོང་པའི་ངང་ཉིད་ལས༔ ཕོ་བྲང་ལྟེ་དབུས་འོད་ལྔའི་ཀློང་༔ པདྨ་ཉི་ཟླའི་གདན་རང་རིག་ཡི་གེ་ཧཱིདམར་པོ༔ ཕར་འཕྲོས་རྒྱལ་བ་མཉེས་མཆོད་འབུལ༔ སེམས་ཅན་ཀུན་གྱི་སྡིག་སྒྲིབ་སྦྱངས༔ ཚུར་འདུས་

[Full Size]

དངོས་གྲུབ་བདག་ལ་ཐིམ༔ འཁོར་བ་དོང་ནས་སྤྲུགས་པའི་ཕྱིར༔ དེ་ཉིད་ཡོངས་སུ་གྱུར་པ་ལས༔ རང་ཉིད་གསང་བ་འདུས་པའི་སྐུ༔ དམར་པོ་ཞལ་གཅིག་ཕྱག་གཉིས་པ༔ ཕྱག་གཡས་པད་ཕྲེང་ཐུགས་ཀར་འཛིན༔ ཕྱག་གཡོན་ཚེ་བུམ་པད་སྡོང་བསྣམས༔ རིན་ཆེན་པད་ཕྲེང་རུས་རྒྱན་དང་༔–་དར་དཔྱངས་རྒྱུན་ཚོགས་དཔག་མེད་རྒྱན༔ —ཡུམ་མཆོག་གསང་བ་ཡེ་ཤེས་མ༔ ཕྱག་གཡས་ཨུཏྤལ་གཡོན་བདུད་རྩི་ཟུང་འཇུག་ཡབ་ཀྱི་མགུལ་ནས་འཁྱུད༔ གཅེར་བུ་རྒྱན་དྲུག་པད་ཕྲེང་བརྒྱན༔ ཞབས་གཉིས་ཡབ་ཀྱི་སྐེད་ལ་འཁྲིལ༔ གཉིས་མེད་ཟུང་འཇུག་དག་ཏུ་བསྒོམ༔ ཐུགས་ཀར་ཟླ་བའི་དཀྱིལ་འཁོར་སྟེང་༔ ཧྲཱིཿ ཡིག་དམར་པོ་འོད་ཟེར་ཅན་ཡིག་འབྲུའི་མཐའ་ལ་བསྐོར་བར་བསམ༔ དེ་ལས་འོད་འཕྲོས་རང་བཞིན་གྱི༔ ཡེ་ཤེས་སེམས་དཔའ་སྤྱན་དྲངས་བསྟིམསཿ ཨོཾ་མ་ཎི་པདྨེ་ཧཱུཾ་ཧཱིཿ ས་མཱ་ཡ་ཛཿ ཛཧཱུྃ་བཾ་ཧོ༔ བཛྲ་ས་མཱ་ཡ་ཏིཥྛ་ལྷན༔ ཨོ་ཨཱཧཱུྃ༔ ཨོཾ་ཧཱུྃ་ཧཱུྃ་ཧཱིཝཨཱ༔ སྐུ་གསུང་ཐུགས་ཀྱིས་བྱིན་བརླབས་ནས་ཡེ་ཤེས་ལྔ་ཡི་དབང་བསྐུར་བསམ༔ བདག་ཉིད་ཐུགས་སྲོག་ཧཱུྃ་ཡིག་ལས༔ འོད་ཟེར་ཕར་འཕྲོས་རྒྱལ་

[Full Size]

བ་མཆོད༔ སེམས་ཅན་ཀུན་གྱི་སྡིག་སྒྲིབ་སྦྱངས༔ ཀུན་ཀྱང་ཐུགས་རྗེ་ཆེན་པོར་གྱུརཿ ཚུར་འདུས་སྐུ་གསུང་ཐུགས་ཀྱི་བཅུད༔ བྱིན་རླབས་དངོས་གྲུབ་བདག་ལ་ཐིམ༔ ཏིང་འཛིན་ཐུགས་སྲོག་ཧྲཱིཿཡིག་མཐར༔ ཡིག་བདུན་གཡོན་དུ་བཀོད་པར་བསམ༔ ཨོཾ་མ་ཎི་པདྨེ་ཧཱུྃ་ཧཱུྃ༔ ཡིག་བདུན་ཆུ་བོའི་རྒྱུན་བཞིན་བཟླ༔ ལྷ་ནི་སྣང་ལ་རང་བཞིན་མེད༔ ནམ་མཁའི་འཇའ་ཚོན་ལྟ་བུར་བསྒོམ༔ སྔགས་ནི་ཆོས་ཉིད་སྟོང་པའི་སྒྲ༔ འཛིན་མེད་བྲག་ཆ་ལྟ་བུར་བཟླ༔ སེམས་ནི་མ་ཡེངས་མི་བསྒོམས་པ༔ སྣང་སྟོང་འཛིན་མེད་ངང་དུ་བཞག༔ མི་སྒོམ་བསྒོམ་པའི་གནད་ཤེས་བྱ༔ བྱར་མེད་བློ་འདས་ཆེན་པོར་བསྐྱལ། སྐབས་སུ་གསོལ་འདེབས་གནད་ནས་བསྐུལ༔ ཧྲཱིཿ མ་བཅོས་ཆོས་དབྱིངས་སྤྲོས་དང་བྲལ་བ་ལས༔ ཐུགས་རྗེའི་རྣམ་འཕྲུལ་ཡིད་བཞིན་ནོར་བུ་ལྟར། བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལ༔ བདག་ནི་ལས་ངན་མ་རིག་སྡིག་པོ་ཆེ༔ ཁམས་གསུམ་འཁོར་བའི་གནས་སུ་གཏན་འཁྱམས་ཤིང་༔ རིགས་དྲུག་འཁོར་བའི་གནས་ལས་ཐར་དུས་མེད༔ མཐའ་མེད་ཡུན་དུ་ཉམ་ཐག་འདི་འདྲ་མྱོང་༔ བྱམས་མགོན་ཐུགས་རྗེའི་སྤྱན་གྱིས་གཟིགས་ལགས་སམ༔ འདི་ལ་བྱམས་མགོན་ཐུགས་རྗེས་

[Full Size]

ཕྱག་སྐྱོངས་ལ༔ ཐར་པའི་ལམ་དུ་འདྲེན་པར་མཛད་དུ་གསོལ༔ རིང་གི་རྣམ་སྨིན་སྡུག་བསྔལ་རྒྱུན་སྤྱོད་ན༔ འཕགས་པའི་ཐུགས་རྗེས་བདག་ལ་ཅི་ཞིག་བྱ༔ ཐབས་མཁས་ཐུགས་རྗེའི་ཞགས་པ་མཆིས་ལགས་ན༔ ད་ལྟ་ཉིད་དུ་འདྲེན་པར་མཛད་དུ་གསོལ༔ མས་གདུང་བུ་ལ་བརྩེ་བ་ཇི་བཞིན་དུ༔ ཐུགས་དམ་མ་གཡེལ་ཐུགས་རྗེ་དབང་གིས་ལྷ༔ ལས་ངན་མཐའ་ཟད་འཁོར་བ་དོང་སྤྲུགས་ནས༔ མགོན་པོ་ཁྱོད་ཀྱི་ཞབས་དྲུང་འདྲེན་དུ་གསོལ༔ འདི་ལྟར་བསྐྱེད་རྫོགས་སྒོམ་བཟླས་བྱས་པ་ཡིས༔ བདག་དང་བདག་ལ་འབྲེལ་ཐོགས་འགྲོ་བ་ཀུན༔ མི་གཙང་ལུས་འདི་བོར་བ་གྱུར་མ་ཐག༔ བདེ་བ་ཅན་དུ་བརྫུས་ཏེ་སྐྱེ་བར་ཤོག༔ སྐྱེས་མ་ཐག་ཏུ་ས་བཅུ་རབ་བགྲོད་ནས༔ སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག༔ གསང་བ་འདུས་པའི་རྒྱུད་ལས༔ འོད་དཔག་མེད་པས་བཀའ་སྩལ་པ༔ འཇིག་རྟེན་སེམས་ཅན་སྲོག་བཏོན་པའི༔ བསོད་ནམས་འཕགས་པས་བགྲང་ནུས་ཀྱི༔ ཡིག་བདུན་ལན་གཅིག་བཟླས་པ་ཡིས༔ ཡོན་ཏན་བརྗོད་པར་ག་ལ་ནུས༔ ཁམས་གསུམ་སེམས་ཅན་མ་ལུས་པ༔ སངས་རྒྱས་སར་བཀོད་ཡོན་ཏན་ནི༔ བགྲང་བར་ནུས་ཀྱི་ཡི་གེ་བདུན༔ གཅིག་བརྗོད་ཕན་ཡོན་བརྗོད་མི་ནུས༔ རྒྱལ་བ་ནམ་མཁའ་གང་

[Full Size]

བ་ལ༔ མཆོད་པ་ཕུལ་བའི་བསོད་ནམས་ཚོགས༔ བགྲང་བར་ནུས་ཀྱི་ཡི་གེ་བདུན༔ གཅིག་བརྗོད་ཕན་ཡོན་བགྲང་མི་ནུསཿ ཞེས་དང་ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས༔ དུས་གསུམ་སངས་རྒྱསཐམས་ཅད་ཀྱི༔ སྐུ་ཡི་དཀྱིལ་འཁོར་གཅིག་བསྒོམས་པས༔ སངས་རྒྱས་ཐམས་ཅད་འདུས་པ་ནི༔ མགོན་པོ་སྤྱན་རས་གཟིགས་སྐུ་ཡིན༔ བསྒོམས་དང་ཡིད་ལ་དྲན་པས་ཀྱང་༔ མཚམས་མེད་སྒྲིབ་པ་དག་པར་འགྱུར༔ ཅེས་གསུངས་སོ༔ རྒྱུན་ཁྱེར་གཏེར་གཞུང་སླད་མེད་བསྒྲིགས་པ་རང་བཟོ་མ་འདྲེས་པར༔ རཱ་ག་ཨ་སྱས་བཀོད་པའོ།། །།བཀྲ་ཤིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཐུགས་རྗེ་ཆེན་པོའི་གསང་བ་འདུས་པའི་ལས་བྱང་རྩ་ཚིག

[Full Size]

ཐུགས་རྗེ་ཆེན་པོའི་གསང་བ་འདུས་པའི་ལས་བྱང་རྩ་ཚིག་བཞུགས་སོ༔

[Full Size]

ཨོཾ་མ་ཎི་པདྨེ་ཧཱུཾ་ཧཱིཿ འགྲོ་མགོན་ཐུགས་རྗེ་ཆེན་པོ་ལ་ཕྱག་འཚལ་ལོ། །འགྲོ་མགོན་ཐུགས་རྗེ་ཆེན་པོ་ཡི། །ལས་བྱང་རྩ་ཚིག་བསྡུས་པ་ནི། །མ་ཡེངས་སེམས་ཉིད་ངང་ལ་འདི་སྐད་དོ། །ས་མ་ཡ། རྒྱ་རྒྱ་རྒྱ། ན་མོ། དཀོན་མཆོག་གསུམ་དང་ཡི་དམ་ལྷ། །རྒྱལ་བ་རྒྱ་མཚོའི་ཚོགས་བཅས་ལ། །སྒོ་གསུམ་གུས་པས་སྐྱབས་སུ་མཆི། །ཚད་མེད་བཞི་རུ་སེམས་བསྐྱེད་དོ། །ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ཐམས་ཅད་རང་རང་གནས་སུ་དེངས། །སྲུང་དང་མཚམས་ཀྱི་ཕྲིན་ལས་འགྲུབ་པར་མཛོད། །རང་རིག་གསལ་སྟོང་དག་པའི་སྒོ་ཕྱེས་ཤིག །དོན་དམ་སྙིང་

[Full Size]

པོའི་རང་བཞིན་མཇལ་ཕྱག་འཚལ། །སྲོག་གི་ཕྱིར་ཡང་མི་གཏོང་ས་མ་ཡ། །གནས་འདིར་སྐུ་གསུང་ཐུགས་ཀྱི་བྱིན་ཕོབ་ལ། །ཡེ་ཤེས་ལྔ་ཡི་དབང་མཆོག་བསྐུར་དུ་གསོལ། །ཕྱི་ནང་གསང་བའི་མཆོད་སྤྲིན་རྣམས། །གུས་པས་འབུལ་གྱིས་བཞེས་སུ་གསོལ། །ཉམས་ཆག་འགལ་འཁྲུལ་མཐོལ་ལོ་བཤགས། །ཧཱུྃ། སྤྲོས་མེད་ཆོས་རྣམས་ཡེ་ནས་དག །དེ་ཉིད་མ་རྟོགས་སྙིང་རེ་རྗེ། །ཧཱུྃནི་ཡེ་ཤེས་སྙིང་པོ་སྲོག །ཧཱིཿལས་བྷཾ་འཕྲོས་གཞལ་ཡས་ཁང་། །ཕོ་བྲང་ཡོངས་རྫོགས་ཆེན་པོ་གསལ། །དལ་དབུས་ཧཱིཿཡིག་འཕྲོ་འདུ་ལས། །རང་

[Full Size]

ཉིད་ཐུགས་རྗེ་ཆེན་པོར་བསྒོམ། །གསང་འདུས་ཐུགས་རྗེ་སྤྱན་རས་གཟིགས། །ཚེ་བདག་རྟ་མགྲིན་གསང་ཡེ་ཡུམ། །ནོར་འཛིན་གསང་འཛིན་རིགས་ལྔ་ཡུམ། །སེམས་དཔའ་ཡབ་ཡུམ་ཐུབ་པ་དྲུག །སངས་རྒྱས་སྟོང་རྩ་སྒོ་བ་བཞི། །རིག་འཛིན་མཁའ་འགྲོ་དམ་ཅན་ཚོགས། ཤ །སྐུ་མདོག་ཕྱག་མཚན་རྒྱན་ཆ་ལུགས། །མ་འདྲེས་ནམ་མཁའི་འཇའ་ལྟར་གསལ། །ཧཱིཿ རྣམ་དག་བདེ་ཆེན་གཞལ་ཡས་ནས། །ཐུགས་རྗེ་ཆེན་པོའི་ལྷ་ཚོགས་རྣམས། །སྔོན་གྱི་ཐུགས་དམ་ཇི་བཞིན་དུ། །གནས་འདིར་སྤྱན་འདྲེན་གཤེགས་སུ་གསོལ། །དབྱེ་གསལ་མེད་པར་བཞུགས་སུ་གསོལ། །སྒོ་གསུམ་དད་པའི་ཕྱག་བགྱིའོ། །ཨོཾ་མ་ཎི་པདྨེ་ཧཱུཾ་ཧཱིཿ ཤུ་མ་ཧཱ་ཛ་ན་ཏེ་ཏེ་ཧཱུྃ་ཏེ་ན་ཧཱུྃ༔ ཡེ་མཆོད་ཆེན་པོར་བཞེས་སུ་གསོལ། སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ཁཱ་ཧི༔ ཧཱུྃ། བདེ་གཤེགས་ཀུན་འདུས་ཐུགས་རྗེའི་ལྷ། །རང་བྱུང་ཡེ་ཤེས་སྤྱན་རས་གཟིགས། །གསང་བ་འདུས་པ་གཙོ་འཁོར་དང་། །ཡོངས་རྫོགས་ལྷ་ལ་ཕྱག་འཚལ་བསྟོད། །རང་སྣང་དགོངས་རྒྱུད་དག་པས་ཐུགས་དམ་བསྐུལ། །བདག་གི་ཐུགས་སྲོག་ཧཱུྃ༔ཡིག་ལས། །

[Full Size]

འོད་ཟེར་ཕར་འཕྲོས་རྒྱལ་བ་མཆོད། །སེམས་ཅན་ཀུན་གྱི་སྡིག་སྒྲིབ་སྦྱངས། །ཀུན་ཀྱང་ཐུགས་རྗེ་ཆེན་པོར་བསྒོམ། །ཚུར་འདུས་སྐུ་གསུང་ཐུགས་ཀྱི་བཅུད། བྱིན་རླབས་དངོས་གྲུབ་བདག་ལ་ཐིམ། །ཏིང་འཛིན་ཐུགས་སྲོག་ཧཱུྃཡིག་མཐར། །ཡིག་དྲུག་གཡོན་དུ་འཁོར་བར་གྱུར། །ཨོཾ་མ་ཎི་པདྨེ་ཧཱུྃ་ཧྲཱིཿ ཡིག་བདུན་བསྙེན་པ་ཅི་ནུས་བཟླ། ཐུགས་རྗེ་ཆེན་པོའི་རྣལ་འབྱོར་པ་རཱ་ག་ཨ་སྱས་ཡིག་བདུན་བསྙེན་པ་དུང་ཕྱུར་གཅིག་ཐོན་པའི་དུས་ཀྱི་ཚེ་མ་འོངས་འགྲོ་ལ་ཕན་ཕྱིར་འདི་ཉིད་བྲིས་པས་དགེ་བས་འགྲོ་ཀུན་བདེ་ཆེན་ཞིང་དུ་སྐྱེ་བར་ཤོག །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གསང་འདུས་རྒྱུན་ཁྱེར་བུམ་སྒྲུབ་ཉམས་ལེན།

[Full Size]

རང་ཉིད་དྲན་རྫོགས་དམ་ཡེ་དབྱེར་མེད་ནི༔ ཐུགས་རྗེ་ཆེན་པོ་གསང་འདུས་སྐུ་མདོག་དམར༔ མཚན་དཔེའི་དར་དང་རིན་ཆེན་རྒྱན་རྣམས་རྫོགས༔ ཞལ་གཅིག་དབུ་གཙུག་སྣང་བ་མཐའ་ཡས་བཞུགས༔ ཕྱག་གཡས་ཐུགས་ཀར་པད་ཕྲེང་གཡོན་པ་ཡིས༔ ཚེ་བུམ་ལྟེ་བར་འཛིན་ཅིང་སྐྱིལ་ཀྲུང་བཞུགས༔ མཁའ་འགྲོ་གསང་ཡེ་དམར་མོའི་སྐུ་ལ་འཁྲིལ༔ ཕྱག་གཡས་ཨུཏྤལ་གཡོན་པས་ཚེ་བུམ་བསྣམས༔ ཐུགས་ཀར་འཁོར་ལོ་དཀར་པོ་རྩིབས་དྲུག་པའི༔ ལྟེ་བར་ཧྲིདང་རྩིབས་དྲུག་ཡི་གེ་དྲུག༔ དེ་ལས་འོད་འཕྲོས་རྒྱལ་བ་ཐམས་ཅད་མཆོད༔ སྐུ་གསུང་ཐུགས་ཀྱི་བྱིན་རླབས་བདག་ལ་བསྡུས༔ འགྲོ་བའི་སྒོ་གསུམ་སྡིག་སྒྲིབ་སྦྱངས་བར་གྱུར༔ ཨོཾ་མ་ཎི་པདྨེ་ཧཱུྃ་ཧཱུྃ༔ ཨ་ར་པ་ཙ་མི་ཏ་ཧྲིད་སྭཱ་ཧཱཿ མ་བསྒྲུབས་པར་སངས་རྒྱས་ཐོབ་པའི་སྔགས༔ དེ་ཡིས་བུམ་སྒྲུབ་ཉམས་ལེན་ཚང་༔ ཞེས་པ་རཱ་ག་ཨ་སྱས་སྦྱར༔ མངྒ་ལཾ༔

[Full Size]

ཤོག་སྟོང་།

ཐུགས་རྗེ་ཆེན་པོ་གསང་བ་འདུས་པའི་སྐོང་བ།

[Full Size]

ཐུགས་རྗེ་ཆེན་པོ་གསང་བ་འདུས་པའི་སྐོང་བ་བཞུགས་སོ།། རཾ་ཡཾ་ཁཾ༔ ཨོཾ་ཨཱཿཧཱུྃ༔ ལན་གསུམ། ཧྲཱིཿ རིགས་ཀྱི་བདག་པོ་ཡིན་པའི་ཕྱིར༔ སྣང་བ་མཐའ་ཡས་ཐུགས་དམ་བསྐང་༔ སངས་རྒྱས་ཐམས་ཅད་འདུས་པའི་ཕྱིར༔ གསང་བ་འདུས་པའི་ཐུགས་དམ་བསྐང་༔ འགྲོ་དྲུག་ཐུགས་རྗེས་འདྲེན་པའི་ཕྱིར༔ ཐུགས་རྗེ་ཆེན་པོའི་ཐུགས་དམ་བསྐང་༔ ཡེ་ཤེས་ཕྱོགས་མེད་རྒྱས་པའི་ཕྱིར༔ སྤྱན་རས་གཟིགས་དབང་ཐུགས་དམ་བསྐང་༔ འཁོར་འདས་ཆོས་ལ་དབང་བསྒྱུར་ཕྱིར༔ འཇིག་རྟེན་དབང་ཕྱུག་ཐུགས་དམ་བསྐང་༔ གསུང་གི་རིགས་ལས་སྤྲུལ་པའི་ཕྱིར༔ གསུང་གི་དབང་ཕྱུག་ཐུགས་དམ་བསྐང་༔ གང་ལ་གང་འདུལ་སྟོན་པའི་ཕྱིར༔ གར་གྱི་དབང་ཕྱུག་ཐུགས་དམ་བསྐང་༔ ཁྱད་པར་དབང་གི་ལས་མཛད་ཕྱིརཿ༔ ཧ་ཡ་གྲི་ཝའི་ཐུགས་དམ་བསྐང་༔ ཐབས་དང་ཤེས་རབ་ངོ་བོའི་ཕྱིར༔ ནོར་འཛིན་གསང་འཛིན་ཐུགས་དམ་བསྐང་༔ སྲིད་གསུམ་དབང་དུ་སྡུད་པའི་ཕྱིར༔ གསང་བ་ཡེ་ཤེས་ཐུགས་དམ་བསྐང་༔ ཕུང་པོ་ལྔ་པོ་གནས་དག་ཕྱིརཿ རྒྱལ་བ་རིགས་ལྔའི་ཐུགས་དམ་བསྐང་༔ འབྱུང་བ་ཁམས་ལྔ་གནས་དག་ཕྱིར༔

[Full Size]

དབྱིངས་ཕྱུག་ཡུམ་ལྔའི་ཐུགས་དམ་བསྐང་༔ ཚོགས་བརྒྱད་གནས་སུ་དག་པའི་ཕྱིར༔ སེམས་དཔའ་བརྒྱད་ཀྱི་ཐུགས་དམ་བསྐང་༔ ཡུལ་བརྒྱད་གནས་སུ་དག་པའི་ཕྱིརཿ སེམས་མ་བརྒྱད་ཀྱི་ཐུགས་དམ་བསྐང་༔ འགྲོ་དྲུག་འཁོར་བ་དོང་སྤྲུགས་ཕྱིར༔ ཐུབ་པ་དྲུག་གི་ཐུགས་དམ་བསྐང་༔ བསྐལ་བཟང་མཛད་པ་མཐར་ཕྱིན་ཕྱིར༔ སངས་རྒྱས་སྟོང་རྩའི་ཐུགས་དམ་བསྐང་༔ བདུད་བཞིའི་བར་ཆད་ཟློག་པའི་ཕྱིར༔ ཁྲོ་རྒྱལ་བཞི་ཡི་ཐུགས་དམ་བསྐང་༔ སྐྱེ་གནས་བཞི་པོ་གནས་དག་ཕྱིརཿ སྒོ་མ་བཞི་ཡི་ཐུགས་དམ་བསྐང་༔ བཀའ་དང་བསྟན་པ་སྲུང་བའི་ཕྱིར༔ བཀའ་སྲུང་གཏེར་སྲུང་ཐུགས་དམ་བསྐང་༔ སྤྱན་གྱི་དབང་པོ་ཚིམ་པའི་ཕྱིར༔ སྣ་ཚོགས་གཟུགས་ཀྱིས་ཐུགས་དམ་བསྐང་༔ སྙན་གྱི་དབང་པོ་ཚིམ་པའི་ཕྱིར༔ སྣ་ཚོགས་སྒྲ་ཡིས་ཐུགས་དམ་བསྐང་༔ ཤངས་ཀྱི་དབང་པོ་ཚིམ་པའི་ཕྱིར༔ སྣ་ཚོགས་དྲི་ཡིས་ཐུགས་དམ་བསྐང་༔ ལྗགས་ཀྱི་དབང་པོ་ཚིམ་པའི་ཕྱིར༔ སྣ་ཚོགས་རོ་ཡིས་ཐུགས་དམ་བསྐང་༔ སྐུ་ཡི་དབང་པོ་ཚིམ་པའི་ཕྱིརཿ སྣ་ཚོགས་རེག་བྱས་ཐུགས་དམ་བསྐང་༔ ཐུགས་ཀྱི་དབང་པོ་ཚིམ་པའི་ཕྱིརཿ སྣ་ཚོགས་ཆོས་

[Full Size]

ཀྱིས་ཐུགས་དམ་བསྐང་༔ ཕྱི་ཡི་བར་ཆད་ཞི་བའི་ཕྱིར༔ ཕྱི་ཡི་མཆོད་པས་ཐུགས་དམ་བསྐང་༔ ཚེ་དབང་ལོངས་སྤྱོད་རྒྱས་པའི་ཕྱིར༔ ནང་གི་མཆོད་པས་ཐུགས་དམ་བསྐང་༔ སྣང་བ་དབང་དུ་སྡུད་པའི་ཕྱིར༔ གསང་བའི་མཆོད་པས་ཐུགས་དམ་བསྐང་༔ སྒྲུབ་ལ་དངོས་གྲུབ་སྟེར་བའི་ཕྱིརཿ བདུད་རྩི་སྨན་གྱིས་ཐུགས་དམ་བསྐང་༔ དབང་དང་བྱིན་རླབས་འབེབས་པའི་ཕྱིར༔ དམར་ཆེན་རཀྟས་ཐུགས་དམ་བསྐང་༔ སྣ་ཚོགས་ཕྲིན་ལས་མཛད་པའི་ཕྱིར༔ དམ་རྫས་གཏོར་མས་ཐུགས་དམ་བསྐང་༔ བསོད་ནམས་ཕུན་ཚོགས་ཐོབ་པའི་ཕྱིར༔ ལོངས་སྤྱོད་ཚོགས་ཀྱིས་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནསཿ བདག་ཅག་དཔོན་སློབ་འཁོར་བཅས་ཀྱི༔ དམ་ཚིག་ཉམས་ཆག་བསྐང་བ་དང་༔ ཚེག་ཆེན་ཉམ་ང་མེད་པར་མཛོད༔ སྔོན་གྱི་ལས་དང་འཕྲལ་གྱི་རྐྱེན༔ མི་མཐུན་རྐྱེན་རྣམས་ཞི་བར་མཛོད༔ ཚེ་དང་ལོངས་སྤྱོད་འཕེལ་བ་དང་༔ འཁོར་དང་བསྟན་པ་རྒྱས་པར་མཛོད༔ སྣང་བ་དབང་དུ་སྡུད་པ་དང་༔ བསམ་པ་ཡིད་བཞིན་འགྲུབ་པར་མཛོད༔ ལུས་ངག་ཡིད་གསུམ་སྲུང་བ་

[Full Size]

དང་༔ ཕྱི་ནང་བར་ཆད་བཟློག་ཏུ་གསོལཿ བྱིན་རླབས་མཐུ་རྩལ་ཆེན་པོ་དང་༔ དབང་དྲག་ཕྲིན་ལས་ཐོག་ལྟར་ཕོབ༔ དགྲ་ལ་ཕོག་ན་དགྲ་དཔུང་ཆོམས༔ བགེགས་ལ་ཐཐ་ན་བགེགས་དཔུང་ཐུལ༔ གདོན་ལ་བབ་ན་གདོན་ཆུང་ཕུད༔ ལུས་གདོན་ནད་གདོན་རྩད་ནས་ཆོད༔ གོད་འདྲེ་ཕུང་སྲི་ཡུལ་ནས་ཕྱུང་༔ དམ་སྲི་འདྲེ་མོ་ཚང་ནས་ཐོན༔ ས་བདག་ཀླུ་གཉན་སྙིང་ནས་དྲོངས༔ རྒྱལ་བསེན་འབྱུང་པོ་སྤྱི་ནས་ཆོམས༔ གཟའ་གདོན་ཐལ་བ་རྡུལ་དུ་རློགས༔ བྱད་མ་རང་གཤེད་རང་ལ་ཕོབ༔ ནད་པ་ཡོད་ན་ཡོ་ནས་སློངས༔ སྲིའུ་ཡོད་ན་ཚང་ནས་འཚོསཿ ཤི་ཁ་ཆོད་ལ་གོད་ཁ་ཟློག༔ མི་ཁ་སྒྱུར་ལ་ཡམས་ཁ་ཟློག༔ དུས་ལ་བབ་བོ་ས་མ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པའང་སྔགས་འཆང་ཨ་རཱ་གས་བྲིས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་འདུས་ཀྱི་གཏོར་དབང་གི་དབང་སྒྲུབ་བསྡུས་པ།

[Full Size]

ཐུགས་རྗེ་ཆེན་པོ་གསང་འདུས་ཀྱི་གཏོར་དབང་གི་དབང་སྒྲུབ་བསྡུས་པ་བཞུགས་སོ།།

[Full Size]

གསང་འདུས་ཐུགས་རྗེ་ཅན་ལ་ཕྱག་འཚལ་ལོ། །དེ་ཡི་གཏོར་དབང་རྒྱས་བསྡུས་དབང་སྒྲུབ་ནི། །པད་འདབ་མ་ནི་འབྲུ་ཡི་ཚོམ་བུ་ལྔ། །ཐོད་ཕ་བདུད་རྩི་མེ་ལོང་ཤེལ་རྣམས་བཤམས། །བསྡུས་པ་བྱས་ན་གཏོར་དབང་གཅིག་པུས་ཆོག །བདག་དང་མདུན་བསྐྱེད་གཏོར་རྩེར་དཀྱིལ་འཁོར་བསྐྱེད། །སྦྱོར་འཚམས་བྱང་སེམས་བྷནྡྷའི་བདུད་རྩི་བསྟིམས། །དྲན་རྫོགས་ལྟ་སྒོམ་ལས་བྱང་རྩ་ཚིག་འདིས། །གསོལ་འདེབས་ཚུལ་དུ་བརྗོད་པས་ལས་བྱང་ཚང་།། ༈ ན་མོ། དཀོན་མཆོག་གསུམ་དང་ཡི་དམ་ལྷ་། །རྒྱལ་བ་རྒྱ་མཚོའི་ཚོགས་བཅས་ལ། །སྒོ་གསུམ་གུས་པས་སྐྱབས་སུ་མཆི། །ཚད་མེད་བཞི་རུ་སེམས་བསྐྱེད་དོ། །ཉོན་ཅིག་ལོག་

[Full Size]

འདྲེན་བགེགས་ཀྱི་ཚོགས། །ཐམས་ཅད་རང་གི་གནས་སུ་དེངས། །བསྲུང་དང་མཚམས་ཀྱི་ཕྲིན་ལས་འགྲུབ་པར་མཛོད། །རང་རིག་གསལ་སྟོང་དག་པའི་སྒོ་ཕྱེས་ཤིག །དོན་དམ་སྙིང་པོའི་རང་བཞིན་མཇལ་ཕྱག་འཚལ། །སྲོག་གི་ཕྱིར་ཡང་མི་གཏོང་ས་མ་ཡ། །གནས་འདིར་སྐུ་གསུང་ཐུགས་ཀྱི་བྱིན་ཕོབ་ལ། །ཡེ་ཤེས་ལྔ་ཡི་དབང་མཆོག་བསྐུར་དུ་གསོལ། །ཕྱི་ནང་གསང་བའི་མཆོད་ཚོགས་རྣམས། གུས་པས་འབུལ་གྱིས་བཞེས་སུ་གསོལ། །ཉམས་ཆག་འགལ་འཁྲུལ་མཐོལ་ལོ་བཤགས། །ཧཱུྃ། སྤྲོས་མེད་ཆོས་རྣམས་ཡེ་ནས་དག །དེ་

[Full Size]

ཉིད་མ་རྟོགས་སྙིང་རེ་རྗེ། །ཧིནི་ཡེ་ཤེས་སྙིང་པོའི་སྲོག །ཧཱིཝལས་ཧཱུྃ་འཕྲོས་གཞལ་ཡས་ཁང་། །གཞལ་ཡས་ཡོངས་རྫོགས་ཆེན་པོར་གསལ། །དལ་དབུས་གྷིཡི་འཕྲོ་འདུས་ལས་—།རང་ཉིད་ཐུགས་རྗེ་ཆེན་པོར་བསྒོམ། །གསང་འདུས་ཐུགས་རྗེ་སྤྱན་རས་གཟིགས། །ཚེ་བདག་རྟ་མགྲིན་གསང་ཡེ་ཡུམ། །ནོར་འཛིན་གསང་འཛིན་རིགས་ལྔར་བཅས་། སེམས་དཔའ་ཡབ་ཡུམ་ཐུབ་པ་དྲུག །སངས་རྒྱས་སྟོང་རྩ་སྒོ་བ་བཞི། །རིག་འཛིན་མཁའ་འགྲོ་དམ་ཅན་ཚོགས། །སྐུ་མདོག་ཕྱག་མཚན་རྒྱན་ཆ་ལུགས། །མ་འདྲེས་ནམ་མཁའི་འཇའ་ལྟར་གསལ། །ཧཱུྃ། རྣམ་དག་བདེ་ཆེན་གཞལ་ཡས་ནས། །ཐུགས་རྗེ་ཆེན་པོའི་ལྷ་ཚོགས་རྣམས། །སྔོན་གྱི་ཐུགས་དམ་ཇི་བཞིན་དུ། །གནས་འདིར་སྤྱན་འདྲེན་གཤེགས་སུ་གསོལ། །དབྱེ་བསལ་མེད་པར་བཞུགས་སུ་གསོལ། །སྒོ་གསུམ་དད་པས་ཕྱག་བགྱིའོ། །ཏེ་ཏེ་ཧཱུྃ་ཏེ་ན་ཧཱུཾ། ཡེ་མཆོད་ཆེན་པོར་བཞེས་སུ་གསོལ། །ཨ་མྲྀ་ཏ་བ་ལིང་ཏ་རཀྟ་ཁཱ་ཧི། སརྦ་པུཉྩ་ཧོ༔ དྷཱི༔ བདེ་གཤེགས་ཀུན་འདུས་ཐུགས་རྗེའི་ལྷ། །རང་བྱུང་ཡེ་ཤེས་སྤྱན་རས་གཟིགས། །ཡོངས་རྫོགས་ལྷ་ལ་ཕྱག་

[Full Size]

འཚལ་བསྟོད། །རང་སྣང་དགོངས་རྒྱུད་དག་པས་ཐུགས་དམ་བསྐུལ། །ཨོཾ་མ་ཎི་པདྨེ་ཧཱུྃ་ཧཱུྃ༔ ཨོཾ་ཨཱཿཧཱུྃ་སྭཱ་ཧཱཿ ཨཾ་ལཾ་ཏཱཾ་པཱི་ཏཾ༔ སརྦ་ཏ་ཐཱ་ག་ཏ་མ་ཧཱ་པཉྩ༔ ཨོ་ཨཱ་ཡུ་ཛྙཱ་ན་མ་ཧཱ་པུཎྱ་ཏིཥྛ་ཨཱ༔ ཡིག་བདུན་ཅི་ནུས་བསྙེན། གྲྭ་སློབ་དང་ཁྲོམ་ཡོད་ན་འུར་འདོན་བྱ། ལས་བུམ་དུ་སྐད་ཅིག་གིས་བདུད་རྩི་འཁྱིལ་པ་ལྗང་ནག །རྒྱ་གྲམ་སྡིགས་མཛུབ་ཅན་བསྐྱེད་ནས། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཅེས་ཉེར་གཅིག་ལས་མི་ཉུང་བར་བཟླ། གྲྭ་སློབ་ཡོད་ན་འཛབ་དབྱངས་ཀྱང་བྱ། དེ་ནས་དབང་བསྐུར་ཏེ། བརྡའི་བསྡུ་ཆོག་སོགས་ཉམས་ལེན་ངོ་བོ་སྐྱོངས་བས་ཀྱང་ཆོག་ཆེད་དུ་མི་དགོས། ཞེས་ཚེས་བཅུའི་ཉིན། རཱ་ག་ཨ་སྱས་བསྡུས་པ་ལ། འགལ་འཁྲུལ་གང་མཆིས་ཆོས་བདག་སྲུང་མའི་ཚོགས་ལ་བཤགས་ཤིང་། དགེ་བས་འགྲོ་བ་མཐའ་ཡས་པ་ལ། གསང་བ་འདུས་པའི་ཐུགས་རྗེ་འཇུག་པའི་རྒྱུར་གྱུར་ཅིག །ཡི་གེ་པ་ནི་འབྲོང་པ་དགེ་བཤེས་པདྨ་ཐབས་མཁས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཐུགས་རྗེ་ཆེན་པོ་གསང་བ་འདུས་པའི་དབང་གི་སྤྱི་བཤད་ལོ་རྒྱུས་ནོར་བུའི་ཕྲེང་བ།

[Full Size]

ཐུགས་རྗེ་ཆེན་པོ་གསང་བ་འདུས་པའི་དབང་གི་སྤྱི་བཤད་ལོ་རྒྱུས་ནོར་བུའི་ཕྲེང་བ་བཞུགས་སོ།།

[Full Size]

ཐམ༔ ཐཾ༔ འོ་ན་ད་ལམ་ཁྱེད་རྣམས་ལ་ཐུགས་རྗེ་ཆེན་པོ་གསང་བ་འདུས་པའི་དབང་ཆེན་མོ། སངས་རྒྱས་སྟོང་རྩ་གཉིས་ཀྱི་དབང་དང་བཅས་པ་བསྐུར་བའི་ཐོག་མར། ལོ་རྒྱུས་ཅུང་ཟད་ཅིག་ཞུ་ན། དེ་ལ་བཅོམ་ལྡན་འདས་ཐུགས་རྗེ་ཆེན་པོ་ཉིད་ཀྱི་ལོ་རྒྱུས་དང་། དེའི་རྒྱུད་ཇི་ལྟར་གསུངས་ཚུལ། མན་ངག་གི་བཀའ་གང་ལ་བབས་ཚུལ། །དེ་ཉམས་སུ་ལེན་པའི་དགོས་ཆེད། ཆོས་གཞན་ལས་བྱིན་རླབས་མྱུར་ཚུལ་དང་ལྔ་ལས། དང་པོ་ནི་འཕགས་པ་ཐུགས་རྗེ་ཆེན་པོ་འདི་ནི་བསྐལ་པ་གྲངས་མེད་པ་ལས་ཡང་ཆེས་གྲངས་མེད་པའི་སྔ་རོལ་ནས་མངོན་

[Full Size]

པོར་རྫོགས་པར་སངས་རྒྱས་ནའང་། སྔོན་གྱི་ཐུགས་བསྐྱེད་སྨོན་ལམ་གྱི་དབང་གིས་གང་ལ་གང་འདུལ་སྤྲུལ་ནས་འགྲོ་བའི་དོན་མཛད་པ་ཡིན་ཏེ། ཐུགས་ཆོས་ཀྱི་སྐུས་འཁོར་འདས་ཐམས་ཅད་ཁྱབ་ཅིང་། དེ་ལས་མ་གཡོས་བཞིན་དུ། ལོངས་སྐུ་རྣམ་པར་སྣང་མཛད་གངས་ཅན་མཚོ་རིགས་ལྔར་སྤྲུལ་ནས་ཕྱག་མཐིལ་དང་བ་སྤུའི་བུ་ག་རེ་རེ་ནས་འཇིག་རྟེན་གྱི་ཁམས་དཔག་ཏུ་མེད་པར་སྤྲུལ། དེ་དག་ཏུ་སྤྲུལ་པའི་སྐུ་བཀྱེ་ནས་འགྲོ་བའི་དོན་མཛད་པ་དང་། སྟོང་གསུམ་གང་གཱའི་བྱེ་མ་དང་མཉམ་པའི་འཇིག་རྟེན་གྱི་ཁམས་སུ་སངས་རྒྱས་སྟོང་རྩ་གཉིས་སུ་སྤྲུལ་

[Full Size]

ནས་སེམས་ཅན་གྱི་དོན་མཛད་པ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བཀོད་པ་བར་མའི་འཇིག་རྟེན་གྱི་ཁམས་ཀྱི་འབྱུང་བ་ཆེན་པོ་བཞིའི་རྡུལ་ཕྲ་རབ་དང་མཉམ་པའི་མཛད་པ་བཅུ་གཉིས་སུ་སྤྲུལ་ནས་འགྲོ་བའི་དོན་མཛད་པ་དང་། འཛམ་གླིང་བྱེ་བ་ཕྲག་བརྒྱར་རྡོ་རྗེ་གདན་དང་ཤཱཀྱ་ཐུབ་པ་སྤྱན་རས་གཟིགས་དང་། ཨོ་རྒྱན་རིན་པོ་ཆེ་དང་། སྲོང་བཙན་སྒམ་པོ་དང་། ལྷ་སའི་གཙུག་ལག་ཁང་བྱེ་བ་ཕྲག་བརྒྱ་རེ་རེ་སྤྲུལ་ནས་སེམས་ཅན་གྱི་དོན་མཛད་པ་དང་། བསྐལ་བཟང་གི་སངས་རྒྱས་སྟོང་རྩ་གཉིས་ཡང་ཐུགས་རྗེ་ཆེན་པོ་སྤྱན་རས་གཟིགས་རེ་རེའི་སྤྲུལ་པ་ཡིན་པར་གསུངས་སོ། །རྒྱུ་མཚན་དེས་ན། གསར་རྙིང་གི་རྒྱུད་སྡེ་ཐམས་ཅད་ནས་བཤད་པའི་དཀྱིལ་འཁོར་ཐམས་ཅད་ཀྱང་ཐུགས་རྗེ་ཆེན་པོའི་སྤྲུལ་པ་ཆ་ཤས་རེ་རེ་ཡིན་པར་སྣང་ངོ་། །དེས་ན་ཐུགས་རྗེ་ཆེན་པོ་འདི་ཕྱོགས་བཅུའི་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་དམ་འདུས་པས་ན། གསང་བ་འདུས་པ་ཞེས་བྱའོ། །གཉིས་པ་ནི། གནས་སོ་སོར་སྟོན་པ་ཤཱཀྱ་ཐུབ་པ་པདྨ་རབ་དགྱེས་དང་པདྨ་རྣམ་པར་འབྱེད་པ་ལ་སོགས་པའི་སྐུར་བཞེངས་ནས་དོན་ཡོད་ཞགས་

[Full Size]

པའི་རྒྱུད་ལ་སོགས་པའི་གཟུངས་དང་རྟོགས་པའི་སྐོར། པདྨ་ཅོད་པན་སོགས་སྦྱོང་རྒྱུད་དང་། ཕ་རྒྱུད་པདྨ་རྒྱལ་པོའི་རྒྱུད། མ་རྒྱུད་པདྨ་ཟབ་པའི་རྒྱུད་དང་། །ཡེ་ཤེས་འོད་མཆོག་དོན་རིགས། ཡང་སྙིང་འདུས་པ་དང་། པདྨ་སྙིང་གུར་ལ་སོགས་པ་གསར་སྙིང་གི་རྒྱུད་སྡེ་མཐའ་ཡས་པར་གསུངས་ཤིང་། ཁྱད་པར་དུ་ཡང་གསང་བ་འདུས་པའི་རྒྱུད་འདི་ནི། གནས་ཕུན་སུམ་ཚོགས་པ་བདེ་ཅན་གྱི་ཞིང་ཁམས་སུ། སྟོན་པ་འོད་དཔག་ཏུ་མེད་པས་སྤྲུལ་པའི་འཁོར་རྣམས་ལ། གསུངས་པ་མཁའ་འགྲོ་མ་རྣམས་ཀྱིས་གསེར་གྱི་ཤོག་བུ་ལ་བཻཌཱུརྱས་བྲིས་ཏེ་རི་བོ་ཏ་ལའི་དབང་ཕུག་ཏུ་གཏེར་དུ་སྦས་པས། ཕྱིས་ཐུགས་རྗེ་ཆེན་པོའི་ཉིད་ཀྱི་བཀའ་རྒྱ་བཀྲོལ་ཏེ་ཨོ་རྒྱན་རིན་པོ་ཆེ་ཉིད་ལ་གནང་ངོ་། །གསུམ་པ་ནི། ཨོ་རྒྱན་རིན་པོ་ཆེས་ལང་གྲོ་ལོཙྪ་སོགས་རྗེ་འབངས་རྣམས་ལ་གསང་འདུས་ཞི་ཁྲོའི་དབང་ལུང་རྫོགས་པར་གནང་བས་གུ་རུ་ཉིད་ཀྱི་དབུ་གཙུག་ནས་གསང་བ་འདུས་པའི་ལྷ་ཚོགས་དངོས་སུ་གསལ་བར་བསྟན་པའི་ཚེ། ལང་གྲོ་ལོཙྩར་བཀའ་བབས་ཀྱི་རྟེན་འབྲེལ་འགྲིགས་ཤིང་སྨོན་ལམ་རྣམ་པར་དག་པ་བཏབ་ནས་ཤོག་སེར་གནམ་སྐས་བྲག་ལ་

[Full Size]

སྦས་ནས་མ་འོངས་པ་ན་ལང་གྲོའི་སྐྱེ་བས་འདོན་པར་ལུང་བསྟན་ཏོ། །དེ་ནས་ལོ་བདུན་བརྒྱ་ལྷག་ཙམ་ན་ཐམས་ཅད་ཡིད་ཆེས་པའི་ཕྱིར་དུ། རཏྣ་གླིང་པས་ཁྲོམ་གཏེར་མཛད་དུས་དགེ་བསྙེན་མཁའ་རི་དཔོན་གཡོག་གསུམ་དངོས་སུ་བྱོན་ནས་ལྕག་ཚན་བྲག་ལ་བཙུགས་ཏེ། གཏེར་འདི་ན་ཡོད་གཏེར་དང་སྲུང་མ་ང་ཡིས་བྱས། ཕ་ནོར་བུ་ལ་འཕྲོད་དོ་ཞེས་ཟེར་ནས་མཁའ་རིའི་རྩེ་ནས་གནམ་སྐས་ཅན་དུ་འཇའ་དར་དཀར་ཡུག་དཔྱངས་པ་འདྲ་བ་ལྔ་ཟུག །ཕྱོགས་ཐམས་ཅད་འཇའ་ཡི་གུར་ཕུབ། ངོ་མཚར་བའི་ལྟས་དང་བཅས་ཏེ་གཏེར་བཏོན་པས་ཐམས་ཅད་ཡིད་ཆེས་པར་གྱུར། མ་མོ་སྔགས་ཀྱི་སྲུང་མས་ལུང་བསྟན་པ་ལྟར་འཕན་ཡུལ་དུ་བྱོན་ནས། སྐྱེ་བདུན་བསྒྲུབ་ཅིང་ཁྲོམ་ལ་རིལ་བུ་འགྱེད་པ་དང་ཁྲོམ་དབང་མཛད་དུས། མེ་ཏོག་ཆུང་ཤས་སེ་བའི་མེ་ཏོག་ལས་མི་ཆུང་བའི་ཆར་པ་དཔག་ཏུ་མེད་པ་ཉིན་མཚན་མེད་པར་བབས། གཞན་ཡང་བུམ་སྒྲུབ་མང་པོ་མཛད་དུས་ཐམས་ཅད་ལ།། རིལ་བུ་འཕེལ་བ་དང་དྲི་བཟང་གིས་ངད་ལྡང་བ། མེ་ཏོག་གིས་ཆར་པ་བབ་པ། འཇའ་ཡིས་གུར་ཕུབ་པ་ལ་སོགས་ངོ་མཚར་བའི་ལྟས་བསམ་གྱིས་མི་ཁྱབ་པ་བྱུང་ངོ་། །ཆོས་

[Full Size]

འདི་ལུང་བསྟན་གྱི་སློབ་མ་ཉི་ཤུ་རྩ་ལྔ་ལ་བཀའ་རྫོགས་པ་དང་། ལས་ལྡན་གཞན་རྣམས་ལའང་ཅི་རིགས་སུ་སྤེལ་ཞིང་། བཀའ་བབས་ཆོས་བདག་གི་གཙོ་བོ་ནི་རྗེ་ཆོས་གྲགས་རྒྱ་མཚོ་ཡིན་ཞིང་། དེའི་རྟེན་འབྲེལ་གྱིས་གསང་འདུས་ཞི་ཁྲོའི་སྐོར་འདི་དག་ཀཾ་ཚང་ལ་བཀའ་བབས་པ་ཡིན་པས། ཆོས་བདག་སློབ་མའི་ལུང་བྱང་བཀའ་རྒྱ་ཅན་ལས། དེ་འོག་ཕྱི་མའི་དུས་ཀྱི་ཚེ༔ ཁམས་ཀྱི་སར་རྟོགས་ལྷོ་ཡི་ཕྱོགསཿ རི་བོ་མཁའ་ལྡིང་འདྲ་བའི་ཞོལ༔ རྫོག་ཅེས་བྱ་བའི་ས་ཕྱོགས་སུ༔ པདྨ་ང་ཡི་རྣམ་འཕྲུལ་ཏེ༔ བྱའམ་ཁྱི་ལོ་པ་ཞིག་འབྱུང་༔ རང་བྱུང་མཚོ་སྐྱེས་རྡོ་རྗེ་ཞེས༔ ས་ལ་གནས་པའི་བྱང་ཆུབ་སེམས༔ ངན་ལམ་རྒྱལ་བ་མཆོག་དབྱངས་ཉིད༔ སྔོན་གྱི་བག་ཆགས་སད་དུ་འོང་ང་གི་མཚན་མ་དག་དང་ལྡན༔ སྙིང་ཐིག་འདུས་པ་སྐོར་བཞི་དང་༔ ཁྱད་པར་རྟ་མགྲིན་གསང་འདུས་བདག༔ ཡིན་ཕྱིར་ཚེ་རིལ་དང་བཅས་གཏད༔ མ་འོངས་ཕྱི་མའི་དུས་མཐའི་བར༔ གཏེར་འདི་སྦས་དགོས་དོན་ཡོད་འགྱུར༔ ཞེས་གསུངས། བཞི་པ་ནི་སྐུ་བསྒོམ་པའི་ཕན་ཡོན་ནི༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་ཡི་དཀྱིལ་

[Full Size]

འཁོར་གཅིག་བསྒོམས་པས༔ སངས་རྒྱས་ཐམས་ཅད་འདུས་པ་ནི༔ མགོན་པོ་སྤྱན་རས་གཟིགས་སྐུ་ཡིན༔ དྲན་པ་ཙམ་གྱིས་འཁོར་བ་ཡི༔ རྟོག་པ་ཐམས་ཅད་འགག་པར་འགྱུར༔ ཞེས་སོགས་དཔག་ཏུ་མེད་པར་གསུངས་ཤིང་། ཕྱི་ལྟར་ན་ཡི་གེ་དྲུག་མ། ནང་ལྟར་ན་ཡི་གེ་བཅུ་པ། གསང་བ་ལྟར་ན་ཡིག་བདུན་རྣམས་གང་ཐཟླས་ཀྱང་ཕན་ཡོན་བརྗོད་ཀྱིས་མི་ལངས་ཏེ་མདོར་བསྡུ་ན། པདྨ་རྒྱལ་པོའི་རྒྱུད་ལས། ཐེབ་གཅིག་མོས་པས་བརྗོད་པ་ན༔ སེམས་ཅན་དམྱལ་བའི་གནས་ནས་ཐར༔ ཐེབ་གཉིས་བརྗོད་པས་ཡི་དྭགས་སུ༔ འགྲོ་བའི་སྒོ་ཡང་དགག་པར་བྱེད༔ གསུམ་བརྗོད་དུད་འགྲོའི་སྐྱེ་སྒོ་འགགས༔ ཞེས་དང་། ཡང་སྙིང་འདུས་པའི་རྒྱུད་ལས། ཁམས་གསུམ་སེམས་ཅན་མ་ལུས་ཀུན༔ སངས་རྒྱས་སར་བཀོད་ཡོན་ཏན་ནི༔ བགྲང་བར་ནུས་ཀྱི་ཡིག་བདུན་པ༔ གཅིག་བརྗོད་ཡོན་ཏན་བགྲངས་མི་ནུས༔ ཞེས་དང་། མཚན་བརྒྱ་རྩ་བརྒྱད་པའི་མདོ་ལས། འཕགས་པ་སྤྱན་རས་གཟིགས་ཡིད་ལ་བྱས་ནས། ཨོཾ་མ་ཎི་པདྨེ་ཧཱུྃ༔ ཞེས་བཟླས་བརྗོད་བྱས་ན། ངན་སོང་དུ་མི་སྐྱེ་མནར་མེད་པར་མི་འགྲོ། འཆི་བའི་ཚེ་བདེ་

[Full Size]

བ་ཅན་དུ་སྐྱེ་བར་འགྱུར་རོ། །ཟ་མ་ཏོག་བཀོད་པའི་མདོ་ལས། གླིང་བཞིའི་འགྲོ་རྣམས་བྱང་ཆུབ་སེམས་དཔའ་ས་བདུན་པ་བཀོད་པའི་བསོད་ནམས་ལས། ཡི་གེ་དྲུག་མ་ལན་གཅིག་བཟླས་པའི་བསོད་ནམས་ཆེ་བར་གསུངས་སོ། །ལྔ་པ་ནི་དེང་སང་ལྔ་བརྒྱའི་ཐ་མ་ལ། ལྷ་གཞན་གྱི་ཐུགས་རྗེ་རྡུགས། ཆོས་གཞན་གྱི་བྱིན་རླབས་ཡལ་ཞིང་ནུབ་པའི་དུས་འདིར། ལྷ་ཐུགས་རྗེ་ཆེན་པོ་བྱིན་རླབས་མྱུར། ཆོས་ཡི་གེ་དྲུག་པ་དར་ཞིང་བྱིན་རླབས་ཆེ་བ་ཡིན་ཏེ། ཨོ་རྒྱན་རིན་པོ་ཆེའི་ལུང་བསྟན་ལས། ལྷ་ཚོགས་བྱིན་རླབས་ཐུགས་རྗེ་ཆེན་པོ་མཿ ཆོས་ཀྱི་མཇུག་མ་ཡི་གེ་དྲུག་མས་སྡུད༔ པདྨེ་གླུ་རུ་ལེན་ཅིང་བྲོ་རུ་འཁྲབ༔ པདྨེ་ཚོང་དུ་འགྲིམ་པའི་དུས་ཤིག་འོང་༔ ཞེས་གསུངས། གཞན་ཡང་ཡིག་དྲུག་བསྟན་པ་མདོ་ཁམས་ཕོ་མོས་བཟུང་། ཤར་དུ་མ་ཎིའི་ཆོས་སྒྲ་དར། །ཞེས་སོགས་ལུང་བསྟན་པས། སྤྱིར་མདོ་ཁམས་དང་། དགོས་རང་རེ་རྣམས་ལ་བཀའ་བབས་ཀྱི་ཆོས་སུ་སྣང་ངོ་། །དེ་ལྟར་སངས་རྒྱས་གཞན་ལས་ཀྱང་ཐུགས་རྗེ་ཆེ་ཞིང་བྱིན་རླབས་མྱུར་བས་ཐུགས་རྗེ་ཆེན་པོའི་དབང་བཞི་ཡོངས་སུ་རྫོགས་པ་ཞུ་བའི་ཆེད་དུ་མཎྜལ་

[Full Size]

ཕུལ། ཞེས་ཀརྨ་ཨ་རཱ་གས་མགྱོགས་པར་བཀོད་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་བ་འདུས་པའི་གཏོར་དབང་གུད་དུ་བཀོལ་ནས་གབ་འཁྲུགས་བསལ་ཏེ་ཁྱེར་བདེ་བར་བྱས་པ།

[Full Size]

ཐུགས་རྗེ་ཆེན་པོ་གསང་བ་འདུས་པའི་གཏོར་དབང་གུད་དུ་བཀོལ་ནས་གབ་འཁྲུགས་བསལ་ཏེ་ཁྱེར་བདེ་བར་བྱས་པ་གཅིག་བཞུགས་སོ། །ཁྲོམ་དབང་ལུགས་སོ། །

[Full Size]

ན་མོ་མ་ཧཱ་ཀ་རུ་ཎི་ཀ་ཡེ། དཀྱིལ་འཁོར་པདྨ་འདབ་བརྒྱད་ཚོམ་བུའི་སྟེང་དུ་དབང་གཏོར། བྷནྡྷ་བདུད་རྩིའི་སྟེང་དུ་ཤེལ་དང་མེ་ལོང་བཞག་པ་ཡང་བཤམས། རྒྱས་པར་ལས་བྱང་བཏང་། མ་ཁོམ་ན་འོག་གི་མངོན་རྟོགས་འདོན་ཏེ་བདག་མདུན་དུས་གཅིག་བསྐྱེད་ལ་ཡིག་བདུན་བརྒྱ་སྟོང་ཅི་འགྲུབ་བཟླ། སྟོང་པའི་ངང་ལས་ལས་བུམ་མཚན་ཉིད་དང་ལྡན་པའི་ནང་དུ། ཧཱུྃ་ལས་ཁྲོ་བོ་བདུད་རྩི་འཁྱིལ་པ་དང་དབྱེར་མེད་པའི་རྡོ་རྗེ་རྣམ་འཇོམས་ལྗང་སྔོན་ཞལ་གཅིག་ཕྱག་གཉིས་སྣ་ཚོགས་རྡོ་རྗེ་དང་དྲིལ་བུ་འཛིན་པ་རྒྱན་ཐམས་ཅད་དང་ལྡན་ཞིང་པད་ཟླ་ལ་སྐྱིལ་ཀྲུང་གིས་བཞུགས་པ་དམ་ཡེ་དབྱེར་མེད་པར་གྱུར། ན་མཤྩཎྜ་བཛྲ་སོགས།

[Full Size]

ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུཾ་ཕཊ་ཅི་འགྲུབ་བཟླ། བུམ་ལྷ་ཞུ་བས་བདུད་རྩི་ཆུར་གྱུར། དེ་ནས་ཁྲོམ་མང་ན་སློབ་མ་ཚོགས། བགེགས་གཏོར་བཏང་། བསྡུ་ན་སུམ་བྷ་ནིས་ཆོག །རྒྱས་པར་ན་རྔ་རོལ་དང་བཅས་ལས་བྱང་གི་མཚམས་གཅོད། ཧཱུྃ༔ ཉོན་ཅིག་སོགས་ནས་བཱིརྱ་རཱ་ཛ་ཡ་ཧཱུཾ་ཕཊ༔ ཧཱུྃ༔ ང་ནི་ནས་ཧ་ན་ཧཱུྃ་ཕཊ༔ ཅེས་རོལ་ཆེན་བྱའོ། །དེ་ནས་ལས་བུམ་ཐོགས་ལ་ཁྲོམ་མང་ན་མེ་ལོང་ངོས་དང་ཉུང་ན་ཆབ་བཏང་། ཧཱུྃ། དྲི་མེད་དག་པ་ཡེ་ཤེས་ཆུ་འདི་ནི། །ལས་དང་བག་ཆགས་སྒྲིབ་སོགས་ཀུན་སྦྱོང་ཞིང་། །བུ་རྣམས་ལུས་ངག་ཡིད་གསུམ་སྒྲིབ་དག་ནས། །དབང་བཞི་

[Full Size]

ཡོངས་རྫོགས་སྣོད་དུ་གྱུར་པར་ཤོག །ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ་ཤུདྡྷོཉཧཾ། ཞེས་ཁྲུས་བྱས་ནས་མཎྜལ་ཕུལ། འོ་ན་ད་ལམ་ཐུགས་རྗེ་ཆེན་པོ་གསང་བ་འདུས་པའི་གཏོར་དབང་ཡིད་བཞིན་ནོར་བུ་བསྐུར་བ་ལ། རྩ་རྒྱུད་ལུང་གི་ཐིག་ལེ་ལས། །ལོ་རྒྱུས་དོན་གྱིས་མ་བཤད་ན། །གསང་ཆེན་ངེས་པའི་བཀའ་འདི་ལ། །ཡིད་མི་ཆེས་པའི་སྐྱོན་དུ་འགྱུར། །ཞེས་གསུངས་པས་ཟུར་ཙམ་ཞུ་ན། ནུབ་ཕྱོགས་བདེ་བ་ཅན་གྱི་ཞིང་ཁམས་སུ་རིགས་བདག་འོད་དཔག་མེད་ལ། སྤྱན་རས་གཟིགས་ཀྱིས་ཞུས་ནས། །གསང་བ་འདུས་པའི་རྒྱུད་བཀའ་སྩལ་པ། མཁའ་འགྲོ་མ་རྣམས་ཀྱིས་གསེར་གྱི་ཤོག་བུ་ལ་བཻཌཱུརྱ་ཞུན་མས་བྲིས་ནས། རིན་པོ་ཆེ་སྣ་ལྔའི་སྒྲོམ་བུར་བཅུག་ནས་རི་བོ་ཏ་ལའི་དབང་ཕུག་ཏུ་སྦས་པ། སྤྱན་རས་གཟིགས་ཉིད་ཀྱིས་ཨོ་རྒྱན་ལ་གནང་ངོ་། །ཨོ་རྒྱན་རིན་པོ་ཆེས་མཁའ་འགྲོའི་བརྡ་ཡིག་དེ་དྷ་ན་ཀོ་ཤའི་གླིང་གི་ཡི་གེར་ཕབ་ཅིང་། དེ་བོད་སྐད་དུ་བསྒྱུར་རོ་ཨོ་རྒྱན་བོད་དུ་བྱོན་ནས་ལྷ་འདྲེ་ཐམས་ཅད་བཏུལ། གཙུག་ལག་ཁང་བརྒྱ་རྩ་སོགས་བཞེངས། གནས་ཆེན་རྣམས་ཞབས་ཀྱིས་བཅགས། །བཀའ་མདོ་རྒྱུད་ཐམས་ཅད་བོད་དུ་

[Full Size]

བསྒྱུར། ཁྱད་པར་ཐུགས་རྗེ་ཆེན་པོ་གསང་འདུས་སྐོར་བསམ་ཡས་ཨཱརྱ་པ་ལོའི་གླིང་དུ། ལོ་ཙཱ་བ་མཆོག་དབྱངས་སོགས་ཀྱིས་བསྒྱུར་ཞིང་། འགའ་ཞིག་གུ་རུའི་རང་འགྱུར་དུ་མཛད། དེ་ནས་དགེ་བསྙེན་མཁའ་རིས་གདན་དྲངས་དུས། ཤོག་སེར་ལ་བཀོད་ནས་གནམ་སྐས་ཅན་དུ་སྦས། དགེ་བསྙེན་ཤེའུ་མཁའ་རི་དང་། །ཀླུ་བདུད་ནག་པོ་མགོ་དགུ་དང་། །མ་མོ་སྔགས་ཀྱི་སྲུང་མ་དང་། །དམ་ཅན་རྡོ་རྗེ་ལེགས་པ་ལ། །བཀའ་འདི་གཏད་དོ་ས་མ་ཡཱ། །མ་འོངས་དུས་ཀྱི་ཐ་མ་ལ། །ལས་ཅན་ཐུགས་རྗེ་ཆེན་པོ་ཡི། །ལས་ཅན་གཅིག་དང་འཕྲད་པར་ཤོག །ཅེས་སྨོན་ལམ་བཏབ་བོ། །དེ་ནས་ཕྱིས་དུས་ལ་བབ་པ། ལང་གྲོ་ལོ་ཙཱའི་སྐྱེ་བ་རཏྣ་གླིང་པས་གཏེར་ནས་བཏོན་ཁྲོམ་གཏེར་བྱས་པས་ཡིད་ཆེས། དགེ་བསྙེན་མཁའ་རི་ཁྲོམ་གྱི་མཐོང་བར་དངོས་སུ་འོང་ནས་གཏེར་ངོ་སྤྲད། དྲི་བཟང་གིས་ལུང་པ་ཁྱབ། འཇའ་དར་ཡུག་འདྲ་བ་ལྔ་དེར་ཟུག །མཁའ་འགྲོ་མ་ཨེ་ཀ་ཙ་ཏིས་ལུང་བསྟན་ནས། འཕན་ཡུལ་དུ་བུམ་སྒྲུབ་དང་པོ་བཙུགས་དུས་བུམ་པའི་སྟེང་དུ་ཐུགས་རྗེ་ཆེན་པོ་ཞལ་གཟིགས། རིལ་བུ་རྣམས་

[Full Size]

འཕེལ་ཞིང་འཕུར། ཁྲོམ་ཁྲི་ཕྲག་དྲུག་བདུན་ཙམ་ལ་གཏོར་དབང་འདི་བསྐུར་ཞིང་རིལ་བུ་བཀྱེ་དུས། མེ་ཏོག་གི་ཆར་ཆུང་གྲྭ་ཡང་སེ་བའི་མེ་ཏོག་ཙམ་དཔག་ཏུ་མེད་པ་ཉི་མ་རྩེ་ཤར་ནས་ཉིན་ཕྱེད་བར་དུ་བབས། རྗེ་ཀརྨ་པ་ཆོས་གྲགས་རྒྱ་མཚོ་དང་།འབྲུག་པ་རྒྱལ་དབང་ཆོས་རྗེ་དང་། སྣེལ་སྡོང་གོང་མ་ཆེན་པོ་རྣམས་ཀྱིས་ཀྱང་འདིའི་དབང་ལུང་ཐམས་ཅད་ཞུས་པས་ཡིད་ཆེས་སོ། །རཏྣ་གླིང་པ་ཉིད་ཀྱིས་ནི། སྒྲུབ་ཆེན་བུམ་སྒྲུབ་སུམ་ཅུ་ལྷག་ཙམ་བཙུགས་པས་བར་ཆད་ཅུང་ཟད་མེད་པར་འཇའ་ཟུག་པ་དང་འོད་ཟེར་འཕྲོ་བ་དང་། དྲི་བཟང་ངད་པས་ས་ཕྱོགས་ཁྱབ་པ་དང་། ཏོག་གི་ཆར་འབེབས་པ་དང་། ཐུན་པ་རྣམས་ཀྱིས་ཐུགས་རྗེ་ཆེན་པོ་ཞལ་མཐོང་བ་སོགས་ངོ་མཚར་བ་ཁོ་ན་བྱུང་བར་གདའ། དེ་ནས་ཕྱོགས་ཐམས་ཅད་དུ་དར་ན་ཡང་། རཏྣ་གླིང་པ། ཚེ་དབང་གྲགས་པ། ཤཱཀྱ་བཀྲ་ཤིས། མཁའ་དྲུང་བསོད་ནམས་བཀྲ་ཤིས། ཚེ་ཆོག་བླ་མ་པདྨ་དབང་ཕྱུག །སྔགས་འཆང་དབང་ཕྱུག་རྒྱལ་པོ། རིག་འཛིན་ཀརྨ་དོན་ཡོད། རཱ་ག་ཨ་སྱ་ལ་བཀའ་རྫོགས་ལུང་རྫོགས་དང་། གཞན་གཏོར་དབང་ཁོ་ནའི་བརྒྱུད་པ་ནི། ཚེ་

[Full Size]

དབང་གྲགས་པ། ངག་དབང་གྲགས་པ། ཀུན་དགའ་གྲགས་པ། ཀུན་དགའ་བསྟན་འཛིན། ཨོ་རྒྱན་བསྟན་འཛིན། གཏེར་བཞེད་སྙིང་པོ། རྭ་ག་ཨ་སྱའོ། །བཀའ་བབས་དག་སྣང་གི་བརྒྱུད་པ་ནི། །རཏྣ་གླིང་པ། མི་འགྱུར་རྡོ་རྗེ། རཱ་ག་ཨ་སྱའོ། །དེ་ཡང་དབང་འདི་ཐོབ་པའི་ཕན་ཡོན་ནི། གསང་བ་འདུས་པའི་རྒྱུད་ལས། སངས་རྒྱས་འོད་དཔག་མེད་ཀྱིས་བཀའ་སྩལ་པ་དང་། ཨོ་རྒྱན་རིན་པོ་ཆེའི་གསུང་མཐུན་པར། ལེགས་འོང་སྐལ་ལྡན་བུ་མཆོག་རྣམས། །ཡིག་བདུན་འདྲེན་ལ་བརྩོན་པ་བསྐྱེད། །དུས་གསུམ་བདེ་བཤེགས་སྐུ་གསུང་ཐུགས། །ཡོན་ཏན་ཕྲིན་ལས་ཡོངས་རྫོགས་མ་ལུས་པ། །ཡིག་བདུན་དག་ལ་ཡང་དག་རྫོགས། །དབང་ཐོབ་ཡོན་ཏན་མཐའ་ཡས་ཏེ། །རྣམ་ཀུན་མཁྱེན་པའི་སངས་རྒྱས་ཀྱིས། །སྟོང་གསུམ་འཇིག་རྟེན་ཁམས་འདི་དག །ཏིལ་འབྲུར་བསིལ་ནས་བགྲངས་ལ་ཟད། །ཡིག་བདུན་ཡོན་ཏན་འཛད་མི་ཤེས། །འཇིག་རྟེན་སེམས་ཅན་སྲོག་བཏོན་པའི། །བསོད་ནམས་འཕགས་པས་བགྲངས་བར་ནུས། །ཡིག་བདུན་ལན་གཅིག་བཟླས་པ་ཡི། །ཡོན་

[Full Size]

ཏན་བརྗོད་པར་ག་ལ་ནུས། །ཁམས་གསུམ་སེམས་ཅན་མ་ལུས་པ། །སངས་རྒྱས་སོར་བཀོད་ཡོན་ཏན་ནི། །བགྲང་བར་ནུས་ཀྱི་ཡི་གེ་བདུན། །གཅིག་བརྗོད་ཡོན་ཏན་ཐགྲང་མི་ནུས། །རྒྱལ་བ་ནམ་མཁའ་གང་ཐ་ལ།—།མཆོད་པ་ཕུལ་བའི་བསོད་ནམས་ཚོགས། །བགྲང་བར་ནུས་ཀྱི་ཡིག་བདུན་པ། །གཅིག་བརྗོད་ཡོན་ཏན་བགྲང་མི་ནུས། །ཡིག་བདུན་དབང་དང་ལུང་ཐོབ་མིའི། །ལུས་དང་ལས་ཀྱི་རྣམ་སྨིན་རུང་། །མི་དགེ་བཅུ་དང་མཚམས་མེད་ལྔ། །དུས་འདི་ཉིད་ལ་སྦྱང་བར་བྱེད། །ཡང་སྙིང་ཡིད་ལ་སུས་བྱེད་ཚད། །ཐུགས་རྗེ་ཆེན་པོ་དེ་ཡིན་ཕྱིར། །བར་ཆད་སེལ་ཞིང་འགྲོ་བ་འདུལ། །ཡང་སྙིང་མཐོང་ཐོས་དྲན་རེག་རུང་། །སྒོམ་བཟླས་འབྲི་འཆང་བསྟན་པ་རྣམས། །ཡོན་ཏན་ལྡན་ཞིང་གར་སྐྱེས་ཀྱང་། །སྤྱན་རས་གཟིགས་དང་འབྲལ་མི་སྲིད། །ཅེས་གསུངས་སོ། །དེ་ལ་དབང་རྒྱས་པར་མ་གྲུབ་ན་ཡང་། གཏོར་དབང་དུ་འབྲིང་ངམ། བསྡུས་པ་ཙམ་གྱིས་ཀྱང་དབང་རྫོགས་པར་འགྱུར་བར་གསུངས་སོ། །དོན་ལ་དབང་བཞི་རྫོགས་བྱས་རུང་། ལུས་ངག་ཡིད་གསུམ་དག་པར་བྱ་བ་དང་། རྒྱུད་སྦྱང་བར་བྱ་བ་

[Full Size]

དང་། ཡེ་ཤེས་སེམས་དཔའ་འཇུག་པར་བྱ་བ་ཡིན་ནོ། །ཅི་སྐད་དུ། ཆུ་བོ་བཞི་འདུས་ཀྱི་རྒྱུད་ལས། །དབང་གི་ངོ་བོ་མདོར་བསྡུས་ན། །དབང་གིས་སྨིན་དང་རྒྱུད་སྦྱོང་དང་། །ཡེ་ཤེས་གཞུག་པར་བྱ་བ་དང་། །བཅུ་གསུམ་རྡོ་རྗེའི་ས་ཐོབ་པར། །འབྲས་བུ་བཞག་པར་བྱ་བ་སྟེ།། །སྨིན་པའི་ཚད་དུ་ཉམས་སུ་ལོང་། །ཞེས་གསུངས་སོ། །དེ་ལྟ་བུའི་ཟབ་ལ་ཕན་ཡོན་མཐའ་ཡས་སོ། །བོད་ཁ་བ་ཅན་གྱི་ལྷ་སྐལ། གསང་སྔགས་བླ་ན་མེད་པ། ཨོ་རྒྱན་རིན་པོ་ཆེའི་ཐུགས་བཅུད། མཁའ་འགྲོའི་གསང་གཏེར་ཉི་ཤུ་རྩ་ལྔའི་ནང་ནས་མཆོག་ཏུ་གྱུར་པ། བོད་ཡུལ་ས་འོག་ཀུན་གྱི་གཏེར་གཅིག་མ། ཐུགས་རྗེ་ཆེན་པོ་གསང་བ་འདུས་པའི་དབང་ཟབ་མོ་ཞུ་བའི་ཕྱིར་རྗེས་ཟློས་མཛོད། ཧཱུྃ། ཐུགས་རྗེ་ཆེ་དང་མཉམ་སྦྱོར་བ། །བླ་མ་གསང་སྔགས་ཆེ་བའི་མཆོག །གསང་ཆེན་དབང་གི་བདག་ཉིད་ཀྱིས། །བདག་ཅག་སྐལ་ལྡན་མཆེད་དང་ལྕམ། །ལུས་ངག་ཡིད་གསུམ་སྒྲིབ་དག་ནས། །དབང་བཞི་ཡེ་ཤེས་མཆོག་ཐོབ་པར། །མགོན་པོ་ཁྱོད་ཀྱིས་མཛད་དུ་གསོལ། །ཅེས་ལན་གསུམ་ཞུ་རྗེས་སུ། ད་སྐྱབས་འགྲོ་སེམས་བསྐྱེད་

[Full Size]

འདིའི་རྗེས་ཟློས་མཛོད། ན་མོ། རྩ་བ་གསུམ་དང་དཀོན་མཆོག་གསུམ། །སྐྱབས་ཀྱི་དམ་པ་ཐམས་ཅད་ལ། །འདི་ནས་བྱང་ཆུབ་མ་ཐོབ་པར། །སྒོ་གསུམ་དད་པས་སྐྱབས་སུ་མཆི། །མི་དགེ་སྡིག་སོགས་ཐམས་ཅད་བཤགས། །སྨོན་པ་བྱང་ཆུབ་སེམས་བསྐྱེད་ཅིང་། །ལུས་ངག་ཡིད་གསུམ་འགྲོ་བ་ལ། །ཕན་བདེའི་སྤྱོད་པས་འཇུག་ཕར་བགྱི། །ལན་གསུམ། བླ་མས། གསང་བ་གསུམ་གྱི་དམ་ཚིག་ནི། །།ཁྱེད་ཀྱིས་གལ་ཏེ་ཉམས་གྱུར་ན། །དེས་ནི་ཡང་དག་ཉེས་ཆེན་པོ། །དེ་བས་ཚུལ་བཞིན་བསྲུང་བ་དང་། །བཀའ་བཞིན་བསྒྲུབ་པར་ཁྱོད་སྤྲོའམ། །ཁྱེད་རྣམས་སྐལ་བར་མི་ལྡན་ན། །བདག་ཅག་ཐམས་ཅད་ཉེས་གྱུར་ཏེ། །དེ་བས་ཕྱིར་དུ་དེངས་པར་རིགས། །ལན་གསུམ། ་སློབ་མས་འདིའི་རྗེས་ཟློས་མཛོད། དགོངས་ཤིག་བླ་མ་མགོན་པོ་རྗེ། །རྡོ་རྗེ་རིགས་མཆོག་ལ་སོགས་པ། །བདག་ཅག་ཉེ་བར་གྱུར་པ་སྟེ། །བཀའ་དང་དམ་ལས་མི་འདའ་སྟེ། །ཚུལ་བཞིན་བསྒྲུབ་པར་བདག་ཅག་སྤྲོ། །སྐུ་དྲིན་ཆེན་པོས་བཟུང་དུ་གསོལ། །བླ་མས་རྡོ་རྗེ་གདེངས་ཤིང་། དེ་ལྟར་ཁ་ཙམ་མ་ཡིན་པར། །མི་འགལ་རྡོ་རྗེའི་དམ་

[Full Size]

བསྲུངས་ན། །དམ་ཚིག་གིས་ནི་རྡོ་རྗེ་ཟུང་། །མི་འདའ་རྡོ་རྗེའི་བྲོ་བོར་ཅིག །ཅེས་པས། སློབ་དཔོན་གྱི་ཕྱག་ཏུ་དམ་ཚིག་གི་རྡོ་རྗེ་བཟུང་བ་ལ། སློབ་མ་ཁྱེད་རང་རྣམས་རིམ་པས་དེ་ལ་བཟུང་བའི་མོས་པས། ཉུང་ན་རྡོ་རྗེ་ལ་འཇུ་བ་རེ་བཅུག་མང་ན་བསྟན་པས་ཆོག །འདིའི་རྗེས་ཟློས་མཛོད། ཐ་ཚིག་རྡོ་རྗེའི་རྟགས་བོར་འཚལ། །དམ་ལ་འདའ་བ་ན་ར་ཀན། །ཞེས་བྲོ་བོར་ལ་གྲལ་དུ་འདུག་གོ །དེ་ནས་བླ་མས་ལས་བུམ་ཆུ་དང་བདུད་རྩི་འདྲེས་པར་སྦྱིན་ཅིང་། མང་ན་མཆོད་གཡོག་པས་བཀྱེ་བཅུག་ཁྲོམ་ཆེན་འདུས་ན་ཀུ་ཤའི་ཡུ་བས་གཏོར་ཞིང་བདུད་རྩི་བྱིན་པར་བསྒོམས་པས་འཐུས་ཏེ། ཧཱུྃ། འདི་ནི་དམ་ཚིག་རྡོ་རྗེའི་ཆུ། །གལ་ཏེ་ཉམས་ན་ལུས་ངག་ཡིད། །རྡུལ་མྱག་ཚིག་སྟེ་དམྱལ་བར་འགྲོ། །བསྲུངས་ན་ཡེ་ཤེས་སེམས་དཔར་གྱུར། །ཐར་པའི་ས་བོན་མཆོག་ཏུ་འགྱུར། །དེ་བས་དམ་ལ་གནས་པར་མཛོད། །ས་མ་ཡ་བྷ་ཤ་སི་ཧཱུྃ། ཞེས་དམ་ལ་བཞག་གོ །ད་སློབ་བུ་ཁྱེད་རང་རྣམས་ཀྱི་དཔྲལ་བར་ཨོ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་མཐིང་ག །ལྟེ་བར་ཧྲིལྗང་གུ་རྣམས་ཀྱིས་མཚན་པར་སྒོམས་ཤིག །ཉུང་ན་རྡོ་རྗེ་དཔྲལ་མགྲིན་སྙིང་ལྟེ་བཞི་ལ་གཏུགས། མང་ན་རྡོ་རྗེ་

[Full Size]

ཕྱར་ཞིང་གཏུགས་ཚུལ་བྱས་ཏེ། ཨོཾ་ཨཱཿཧཱུྃ་ཧི༔ ཞེས་བཞག །སྐབས་འདིར་གསང་བ་འདུས་པའི་བསྐྱེད་རིམ་ཕོག །དམིགས་མེད་སྟོང་པའི་ངང་ཉིད་ལས། །ཕོ་བྲང་ལྟེ་དབུས་འོད་ལྔའི་ཀློང་། །པདྨ་ཉི་ཟླའི་གདན་སྟེང་དུ། །རང་རིག་ཡི་གེ་ཧིདམར་པོ། ཕར་འཕྲོས་རྒྱལ་བ་མཉེས་མཆོད་འབུལ། –སེམས་ཅན་ཀུན་གྱི་སྒྲིབ་པ་སྦྱངས། །ཚུར་འདུས་དངོས་གྲུབ་བདག་ལ་བསྡུས། །འཁོར་བ་དོང་ནས་སྤྲུགས་པར་བསམས། །དེ་ཉིད་ཡོངས་སུ་གྱུར་པ་ལས། །རང་ཉིད་་་་དབང་སྒྲུབ་དུས་བདག་མདུན། གསང་བ་འདུས་པའི་སྐུ། །དམར་གསལ་ཞལ་གཅིག་ཕྱག་གཉིས་པ། །ཕྱག་གཡས་པད་ཕྲེང་ཐུགས་ཀར་འཛིན། །ཕྱག་གཡོན་ཚེ་བུམ་པད་སྡོང་བསྣམས། །རིན་ཆེན་པད་ཕྲེང་རུས་རྒྱན་དང་། །དར་དཔྱངས་རྒྱན་རྫོགས་དཔག་མེད་བརྒྱན། །ཡུམ་མཆོག་གསང་བ་ཡེ་ཤེས་མ། །ཕྱག་གཡས་ཨུཏྤལ་གཡོན་བདུད་རྩི། །ཟུང་འཇུག་ཡབ་ཀྱི་མགུལ་ནས་འཁྱུད། །གཅེར་བུ་རྒྱན་དྲུག་པད་ཕྲེང་འཛིན་། །ཞབས་གཉིས་ཡབ་ཀྱི་རྐེད་ལ་འཁྲིལ། །གཉིས་མེད་ཟུང་འཇུག་དག་ཏུ་སྒོམས། །ཐུགས་ཀར་ཟླ་བའི་དཀྱིལ་འཁོར་སྟེང་།། །ཧཱིཿཡིག་དམར་པོ་འོད་ཟེར་ཅན། །

[Full Size]

ཡིག་དྲུག་མཐའ་ལ་བསྐོར་བར་བསྒོམས། །དེ་ལས་འོད་འཕྲོས་རང་བཞིན་གྱི། །ཡེ་ཤེས་སེམས་དཔའ་སྤྱན་དྲངས་བསྟིམ། །སྐུ་གསུང་ཐུགས་ཀྱི་བྱིན་བརླབས་ནས། །ཡེ་ཤེས་ལྔ་ཡི་དབང་བསྐུར་སྒོམས། །དབང་བསྒྲུབ་དེ་ཡན་གྱིས་ཆོག །དེ་ནས་གནས་པ་དང་བརྟན་པར་བྱ་བའི་ཕྱིར། རྡོ་རྗེ་མེ་ཏོག་དང་བཅས་པ་སྤྱི་བོར་བཞག་པར་བསྒོམ་ཉུང་ན་བཞག །མང་ན་མེ་ཏོག་གཏོར། རྡོ་རྗེ་བསྟན་ནོ། །ཨོཾ་ཧྲུསུ་པྲ་ཏིཥྛ་བཛྲ་ཡེ་སྭཱ་ཧཱ། སྤོས་དང་ཤ་ཆེན་བསྲེགས་པས་སྤོས་སྐོར་བྱེད་འཇུག །དེ་ནས་ཡེ་ཤེས་པ་དབབ་པ་ནི། གོང་དུ་གསང་འདུས་ཀྱི་བསྐྱེད་རིམ་ལེགས་པར་ཕོག་པ་གསལ་ཐོབ་ལ། སློབ་བུའི་སྙིང་གི་དབུས་སུ་གསེར་གྱི་འཁོར་ལོ་རྩིབས་དྲུག་པ། དེའི་འོག་ཏུ་གཡོ་བྱེད་རླུང་གི་ས་བོན་ཡཾ་ཡིག་གིས་མཚན་པ། དེའི་སྙིང་གི་དཀྱིལ་དུ་ཡེ་ཤེས་སེམས་དཔའ་བསྒོམས་པ་དང་འདྲ་བ་ཚོན་གང་བའི་ཐུགས་ཀར་པད་འདབ་དྲུག་ལ་ཡིག་འབྲུ་དྲུག །ལྟེ་བར་ཡི་གེ་ཧཱུྃགསལ་བ། བླ་མས་ཧཱིཧིཧཱིཧི༔ ཞེས་པའི་དབྱངས་དང་། ཡཾ་ཡཾ་ཡཾ་ཡཾ། ཞེས་རིམ་པར་བརྗོད་པས། བླ་མའི་ཐུགས་ཀ་ནས་ཧཱིཝདང་ཡཾ་འཕྲོས། སློབ་མའི་ཐུགས་ཀའི་ཡིག་འབྲུ་ལ་ཕོག་པས། ཡཾ་ལས་རླུང་རེ་རེ་གཡོས་པས་འཁོར་ལོ་རྩིབས་དྲུག །སྙིང་ཁར་ཡེ་

[Full Size]

ཤེས་སེམས་དཔའ་དང་བཅས་དྲག་ཏུ་འཁོར་བ་ལ། རིག་པ་རྩེ་གཅིག་ཏུ་གཏད་ཅིང་། ཡེ་ཤེས་དཔའི་ཧིལས་འོད་ཟེར་ཕྱོགས་བཅུར་ཁྱབ་ཅིང་། སྤྱིར་ཕྱོགས་བཅུའི་སངས་རྒྱས་བྱང་སེམས་ཐམས་ཅད་དང་། ཁྱད་པར་དུ་པོ་ཊ་ལ་ནས་ཡེ་ཤེས་པ་བྱང་ཆུབ་སེམས་དཔའི་འཁོར་དཔག་ཏུ་མེད་པ་དང་། འོག་མིན་ནས་རྒྱལ་བ་རིགས་ལྔའི་ཚོགས་ཐམས་ཅད་ཁ་བ་བུ་ཡུག་འཚུབ་པ་ལྟར་ཐིབ་ཐིབ་ནམ་མཁའ་ལ་བྱོན། སློབ་བུའི་སྤྱི་བོ་ནས་མར་ཐིམ་ཞིང་ཁྱད་པར་དུ་ཐུགས་ཡེ་ཤེས་སེམས་དཔའ་ལ་ཐིམ་པར་སྒོམས་ཤིག །རོལ་མོ་རྣམས་བསྒྲགས་དབྱངས་དང་བཅས་པས། ཧཱུྃ་ཧཱུྃ༔ རྣམ་དག་སྤྲོས་དང་བྲལ་བའི་ངང་ཉིད་ལས། །མ་འགགས་ཐུགས་རྗེའི་རང་བཞིན་གཙོ་དང་འཁོར། །གནས་འདིར་སྐུ་གསུང་ཐུགས་ཀྱི་བྱིན་ཕོབ་ལཤ །ཡེ་ཤེས་ལྔ་ཡི་དབང་མཆོག་བསྐུར་དུ་གསོལ། །ཨོཾ་མ་ཎི་པདྨེ་ཧཱུྃ་ཧཱུྃ༔ ཧྲིང་ཧྲིང་། བཛྲ་ས་མཱ་ཡ་ཛཿ ས་མ་ཡ་སྟེ། ས་མ་ཡ་ཧྲིང་། ཨཱ་ཝེ་ཤ་ཡ་ཨ་ཨཱ༔ ཞེས་མ་ཕེབས་བར་དུ་དབབ་བོ། །དབང་གི་དོན་འདི་རང་ལ་ཐུག་གོ །དེ་ནས་འདིའི་དམིགས་པ་ཤིན་ཏུ་ཟབ་བོ། །གསུངས་སོ། །དེ་ནས་དབང་བསྐུར་བ་ནི། གཏོར་མ་གསང་བ་འདུས་པའི་ལྷ་ཚོགས་དངོས་སུ་གསལ་

[Full Size]

བ། ཁྱེད་རང་སློབ་བུ་རྣམས་ཀྱི་སྤྱི་བོར་བཞག་པས། ཐུགས་རྗེ་ཆེན་པོའི་སྐུ་ལས་འོད་ཟེར་དཀར་པོ་འཕྲོས་ནས། ཁྱེད་རང་རྣམས་ཀྱི་ལུས་ལ་ཐིམ་པར་སྒོམས་ཤིག །ཧཱུྃ། རང་བཞིན་སྐྱེ་བ་མེད་པ་ལས། །ལོངས་སྐུ་རྒྱལ་བའི་སྤྲིན་ཚོགས་གཏིབས། །ཐུགས་རྗེ་སྤྲུལ་སྐུ་བླ་ན་མེད། །གཏོར་མ་སྐུ་གསུམ་ཡོངས་རྫོགས་དཔལ། །སྐལ་ལྡན་དབང་བཞི་ཡོངས་རྫོགས་ནས། །འབྲས་བུ་སྐུ་བཞི་ཐོབ་པར་ཤོག །ཧཱུྃ། བདེ་གཤེགས་མ་ལུས་འདུས་པའི་སྐུ། །སྐུ་དབང་ལུས་ལ་ཡོངས་རྫོགས་ཤོག །ཨོཾ་མ་ཎི་པདྨེ་ཧཱུྃ་ཧི༔ ཀཱ་ཡ་ཨ་བྷི་ཥིཉྩ་ཨོཾ། བུདྡྷ་ཨ་བྷི་ཥིཉྩ་ཨོཾ། ཞེས་སྤྱི་བོར་བཞག་སྟེ། ཁྲོམ་ཤིན་ཏུ་ཆེ་ན་བསྡོམས་ཏེ་འགྲིམ་རུང་བས་སྐབས་དང་བསྟུན་ནོ། །ཧི༔ དངོས་གྲུབ་ཀུན་གྱི་འབྱུང་གནས་གཏེར། །བླ་མ་དམ་པའི་བཀྲ་ཤིས་ཤོག །འགྲོ་བ་མ་ལུས་འདྲེན་མཛད་པ། །གསང་འདུས་ཐུགས་རྗེའི་བཀྲ་ཤིས་ཤོག །དེས་ལུས་ཀྱི་སྒྲིབ་པ་དག །སྐུའི་དབང་ཐོབ། །སྣང་བ་སྐུའི་ཁྱེར་སོ་བསྒོམ་པ་ལ་དབང་། འབྲས་བུ་སྤྲུལ་སྐུ་འགྲུབ་པ་སྐུ་ཡི་དབང་ངོ་། །ཡང་རིགས་མཆོག་སྣང་བ་མཐའ་ཡས་ཀྱི་ཐུགས་ཀ་ནས་འོད་ཟེར་དམར་པོ་དཔག་མེད་

[Full Size]

འཕྲོས་ནས། ཁྱེད་རང་རྣམས་ཀྱི་མགྲིན་པར་ཐིམ་པར་སྒོམས་ཤིག །ཧཱུྃ། རང་བཞིན་སྐྱེ་བ་མེད་པ་ལས། །ལོངས་སྐུ་ཐུགས་རྗེའི་སྤྲིན་ཚོགས་གཏིབས། །ཐུགས་རྗེ་སྤྲུལ་སྐུ་བླ་ན་མེད། གཏོར་མ་སྐུ་གསུམ་ཡོངས་རྫོགས་དཔལ། །སྐལ་ལྡན་དབང་བཞིར་ཡོངས་རྫོགས་ནས། །འབྲས་བུ་སྐུ་བཞི་མཆོག་ཐོབ་ཤོག །འགགས་མེད་རྣམ་གྲོལ་སྙིང་པོའི་གསུང་། །གསུང་དབང་ངག་ལ་ཡོངས་རྫོགས་ཤོག །ཨོཾ་མ་ཎི་པདྨེ་ཧཱུྃ་ཧྲཱིཿ ཝཱཀ་ཨ་བྷི་ཥིཉྩ་ཨཱ༔ བུདྡྷ་ཨ་བྷི་ཥིཉྩ་ཨཱ༔ མགྲིན་པར་རོ། །དུས་མིན་འཆི་བ་བཟློག་མཛད་པའི། །འོད་དཔག་མེད་པའི་བཀྲ་ཤིས་ཤོག །བར་ཆད་བདུད་དཔུང་འཇོམས་མཛད་པ། །རྟ་མགྲིན་དབང་གི་བཀྲ་ཤིས་ཤོག །མེ་ཏོག་གཏོར། དེས་གསུང་དབང་ཐོབ། གྲག་པ་གསུང་གི་ཁྱེར་སོ་རུང་། ངག་སྒྲིབ་དག །ལོངས་སྐུའི་འབྲས་བུ་ཐོབ་བོ། །ཡང་ཐུགས་སྲོག་རྟ་མགྲིན་གྱི་ཐུགས་ཀ་ནས་འོད་ཟེར་མཐིང་གི་རབ་ཏུ་འཕྲོས་ནས་ཁྱེད་རང་རྣམས་ཀྱི་སྙིང་གར་ཐིམ་པར་སྒོམས་ཤིག །ཧཱུྃ། རང་བཞིན་སྐྱེ་བ་མེད་པ་ལ། །ལོངས་སྐུ་རྒྱལ་བ་སྤྲིན་ཚོགས་གཏིབས། །ཐུགས་རྗེ་སྤྲུལ་སྐུ་བླ་ན་མེད། །གཏོར་མ་སྐུ་གསུམ་

[Full Size]

ཡོངས་རྫོགས་དཔལ། །སྐལ་ལྡན་དབང་བཞི་ཡོངས་རྫོགས་ནས། །འབྲས་བུ་སྐུ་བཞི་མཆོག་ཐོབ་ཤོག །སྤྲོས་མེད་མཐའ་བྲལ་ཡེ་ཤེས་ཐུགས། །ཐུགས་དབང་སེམས་ལ་ཡོངས་རྫོགས་ཤོག །ཨོཾ་མ་ཎི་པདྨེ་ཧཱུྃ་ཧཱུྃ༔ ཙིཏྟ་ཨ་བྷི་ཥིཉྩ་ཧཱུྃ། བུདྡྷ་ཨ་བྷི་ཥིཉྩ་ཧཱུྃ། ཞེས་སྙིང་གར་བཞག །སྐུ་ལྔ་ཡེ་ཤེས་མངོན་གྱུར་པ། །རྒྱལ་བ་རིགས་ལྔའི་བཀྲ་ཤིས་ཤོག །ཚོགས་བརྒྱད་གནས་སུ་དག་མཛད་པའི། །སེམས་དཔའ་བརྒྱད་ཀྱི་བཀྲ་ཤིས་ཤོག །དེས་ཡིད་སྒྲིབ་དག །ཐུགས་ཀྱི་དབང་ཐོབ། དྲན་རྟོགས་ཐུགས་ཀྱི་ཁྱེར་སོ་བསྒོམ་པར་དབང་། འབྲས་བུ་ཆོས་སྐུ་འགྲུབ་པའོ། །ཡང་ལྷ་ཚོགས་ཐམས་ཅད་ཀྱི་སྐུ་ལས་འོད་ཟེར་ཁ་དོག་སྣ་ཚོགས་འཕྲོས་ནས་ཁྱེད་རང་རྣམས་ལ་ཐིམ་པར་སྒོམས་ཤིག །ཧཱུྃ། རང་བཞིན་སྐྱེ་བ་མེད་པ་ལས། །ལོངས་སྐུ་རྒྱལ་བ་སྤྲིན་ཚོགས་གཏིབས། །ཐུགས་རྗེ་སྤྲུལ་སྐུ་བླ་ན་མེད། །གཏོར་མ་སྐུ་གསུམ་ཡོངས་རྫོགས་དཔལ། །སྐལ་ལྡན་དབང་བཞི་ཡོངས་རྫོགས་ནས། །འབྲས་བུ་སྐུ་བཞི་མཆོག་ཐོབ་ཤོག །མ་ལུས་སྐུ་གསུང་ཐུགས་ཡོན་ཕྲིན། །དབང་བཞི་ཡོངས་རྫོགས་ཐོབ་པར་ཤོག །ཨོཾ་མ་ཎི་

[Full Size]

པདྨེ་ཧཱུྃ་ཧཱུྃ༔ སརྦ་བྷི་ཥིཉྩ་ཧཱུྃ༔ ཞེས་ལྟེ་བར་གཏུགས་སོ། །ཡུལ་བརྒྱད་གནས་སུ་དག་མཛད་པའི། །སེམས་མ་བརྒྱད་ཀྱི་བཀྲ་ཤིས་ཤོག །རིགས་དྲུག་སྡུག་བསྔལ་སྐྱོབ་མཛད་པའི་། །ཐུབ་པ་དྲུག་གི་བཀྲ་ཤིས་ཤོག །མེ་ཏོག་འཐོར། དེས་ལུས་ངག་ཡིད་གསུམ་གྱི་སྒྲིབ་པ་དག །སྐུ་གསུང་ཐུགས་ཡོན་ཏན་ཕྲིན་ལས་བཞིའི་བྱིན་རླབས་ཐོབ། དབང་བཞི་ཡོངས་སུ་རྫོགས་པ་ཐོབ་པར་ངེས་ཤེས་བསྐྱེད་མཛོད། ཁྲོམ་ཆེན་ལ་བྷནྡྷ་མེ་ལོང་སོགས་མ་འཐུས་ཀྱང་རུང་ངོ་། །དེ་རང་གིས་ཀྱང་དབང་བཞི་རྫོགས་པར་ཐོབ་པ་ཡིན་ཅིང་། ད་རུང་ཁྱད་པར་བྷནྡྷ་འདིའི་ནང་ན་ཡེ་ཤེས་ཀྱི་བདུད་རྩི་བྱང་ཆུབ་སེམས་ཀྱི་རང་བཞིན་ཁྱེད་རང་རྣམས་ཀྱི་མགྲིན་པ་ནས་ཞུགས། རྩ་གནས་ཐམས་ཅད་གང་བས་བདེ་སྟོང་གི་ཏིང་འཛིན་རྒྱུད་ལ་སྐྱེ་བར་སྒོམས་ཤིག །ཧཱུྃ། གསང་བ་ཡེ་ཤེས་བདུད་རྩི་ཆེ། །བྱང་ཆུབ་སེམས་ཀྱི་འཕྲོ་འདུར་གསལ། །རྩ་ཁམས་གང་བའི་རང་བཞིན་ལ། །ཐབས་ཤེས་ཟུང་འཇུག་དབང་ཐོབ་ཤོག །ཨོཾ་མ་ཎི་པདྨེ་ཧཱུྃ་ཧཱུྃ༔ བོ་དྷི་ཙིཏྟ་ཨ་ཧོ་སུ་ཁ་ཨཱཿ ཉུང་ན་མགྲིན་པར་གཏུགས་ཤིང་བླུད། ཁྲོམ་ལ་བྷནྡྷ་ཕྱར་ཞིང་བསྟན་ནས་མཆོད་གཡོག་ལ་བདུད་རྩི་བཀྱེ་འཇུག་གོ །དེ་རེད་ན་མེ་ལོང་དང་མཉམ་དུ་

[Full Size]

འགྲོའོ། །དེ་ནས་ཤེལ་དང་མེ་ལོང་གསེར་གྱིས་བྲིས་པའི་ཡིག་བདུན་རྨ་བྱའི་མདངས་རྣམས་གཅིག་ལ་བྲིས་པ་ཐོགས་ལ་ཕྱར་ནས། མེ་ལོང་སྤྲོས་བྲལ་ཆོས་སྐུ་ཟླུམ། །ཤེལ་སྒོང་ལྟར་དག་དྲི་མེད་ཐུགས། །ཀ་དག་ཐུགས་ཀྱི་དབང་བསྐུར་རོ། །ཆོས་དབྱིངས་སྤྲོས་བྲལ་དབང་ཐོབ་ཤོག །ཨོཾ་མ་ཎི་པདྨེ་ཧཱུྃ་ཧཱུྃ༔ ཙིཏྟ་བཛྲ་ས་མ་ཏི་ཛྙཱ་ན་ཨ་བྷི་ཥིཉྩ་ཧཱུྃ། ཞེས་ཉུང་ན་མགྲིན་པ་སྙིང་ག་ལྟེ་བར་བཞག་མང་ན་སྤྱི་བོར་འགྲིམ། དེ་ཡང་མ་ལྕོགས་ན་འོག་གི་གཏོར་དབང་དང་མཉམ་དུ་མཆོད་གཡོག་པ་ལ་ལག་ཏུ་འགྲིམ་བཅུག་གོ །གང་འདུལ་འགྲོ་བ་འདྲེན་མཛད་པའི། །སངས་རྒྱས་སྟོང་གི་བཀྲ་ཤིས་ཤོག །ཕྲིན་ལས་རྣམ་བཞི་བསྒྲུབ་མཛད་པའི། །སྒོ་བ་བཞི་ཡི་བཀྲ་ཤིས་ཤོག །གང་ལ་བསམ་པའི་དོན་འགྲུབ་པའི། །དམ་ཅན་རྒྱ་མཚོའི་བཀྲ་ཤིས་ཤོག །ཅེས་མེ་ཏོག་གཏོར། ཁྱེད་རང་རྣམས་ལུས་རྣམ་སྣང་གི་ཆོས་བདུན་བཅས་ལ། སེམས་ཐུགས་ཀའི་ཡེ་ཤེས་སེམས་དཔའི་ཧྲུལ་རིག་པ་རྩེ་གཅིག་ཏུ་གཏད་དོ། །བླ་མས། ཧཱུྃ། སྟོང་གསལ་རིག་སྟོང་མ་འགགས་གསལ། །མི་བསྒོམ་མ་ཡེངས་ངང་ལ་ཞོག །རང་བྱུང་རྩལ་དབང་ཡོངས་རྫོགས་དཔལ། །བསྐུར་ཐོབ་མེད་པའི་དབང་ཐོབ་ཤོག །ཨོཾ་མ་ཎི་པདྨེ་

[Full Size]

ཧཱུྃ་ཧྲཱི༔ ཨོཾ་ཨཱཿཧཱུྃ་ཧྲཱིཿ སརྦ་ཙིཏྟ་བཾ་ཨ་བྷི་ཥིཉྩ་ཧཱུྃ༔ ཞེས་ལན་གསུམ་བསྐྱལ་ལ་ངོ་སྤྲད་པར་བྱའོ། །བསྡུ་ན་བྷནྡྷ་ནས་འདིའི་བར་བསྐུར་ཆོག་སྟེ། མི་བསྐུར་ན། དེ་ནི་ཐུགས་རྗེ་ཆེན་པོ་གསང་བ་འདུས་པའི་དབང་བཞི་འབྲིང་དུ་བསྐུར་བ་ཟབ་གཉན་བཀའ་རྒྱ་ཅན་ཡིན་ནོ། །གཏོར་མ་འདི་ཉིད་ཐུགས་རྗེ་ཆེན་པོ་གསང་བ་འདུས་པའི་ལྷ་ཚོགས་སྟེང་གི་ཆ་ལ་བཀའ་བརྒྱུད་རིག་འཛིན་གྲུབ་ཐོབ་བརྒྱུད་པའི་ཚོགས་དང་བཅས་པ་སྤྲིན་འཁྲིགས་པ་ལྟར་སྤྱི་བོར་བྱོན་ནས། འོད་དུ་ལྟེམ་གྱིས་ཞུ་ནས་ཐིམ་པས་ཐུགས་རྗེ་ཆེན་པོའི་སྐུ་གསུང་ཐུགས་དང་ཁྱེད་རང་རྣམས་ཀྱི་ལུས་ངག་ཡིད་གསུམ་དབྱེར་མེད་དུ་ཆུ་ལ་ཆུ་བཞག་པ་ལྟར་གྱུར་པར་བསྒོམས་ལ། སེམས་མ་བཅོས་པར་རང་བབས་སུ་ཀློད་ལ་ཞོག་ཅིག །ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ལོ་ཙཱ་བ་རྒྱལ་བ་མཆོག་དབྱངས། གཏེར་སྟོན་རཏྣ་གླིང་པ། རྒྱལ་སྲས་ཚེ་དབང་གྲགས་པ། རང་བྱུང་མཚོ་སྐྱེས་རྡོ་རྗེ་ལ་སོགས་པ་བཀའ་བབས་རིག་འཛིན་བརྒྱུད་པའི་བླ་མ་དམ་པ་རྣམས་དང་། ཐུགས་རྗེ་ཆེན་པོ་གསང་བ་འདུས་པ། ཡུམ་གསང་བ་ཡེ་ཤེས་ཀྱི་མཁའ་འགྲོ། རིགས་བདག་

[Full Size]

འོད་དཔག་མེད། ཐུགས་སྲོག་དབང་ཆེན་རྟ་མགྲིན། སྲས་ནོར་བུ་འཛིན་པ། སྲས་མོ་གསང་སྔགས་འཛིན་མ། རྒྱལ་བ་རིགས་ལྔ་ཡབ་ཡུམ་ལྔ། སེམས་དཔའ་བརྒྱད། སེམས་མ་བརྒྱད། སྤྲུལ་སྐུ་ཐུབ་པ་དྲུག །བསྐལ་བཟང་གི་སངས་རྒྱས་སྟོང་རྩ་གཉིས། སྒོ་བ་བཞི། སྒོ་མ་བཞི་རྣམས་ཀྱིས་རྡོ་རྗེའི་སློབ་མ་འདི་ལ་བྱིན་གྱིས་རློབས་ཤིག །དབང་བཞི་རྫོགས་པར་མཛད་དུ་གསོལ། སྨིན་ཅིང་གྲོལ་བར་མཛད་དུ་གསོལ། སྡིག་ལྟུང་གི་དྲི་མ་དག་པར་མཛད་དུ་གསོལ། ནད་གདོན་བར་ཆད་ཞི་བར་མཛད་དུ་གསོལ། འཇིགས་པ་ཆེན་པོ་བརྒྱད་དང་བཅུ་དྲུག་ལས་ཐར་བར་མཛད་དུ་གསོལ། ཚེ་བསོད་ཉམས་རྟོགས་འཕེལ་བར་མཛད་དུ་གསོལ། འཁོར་བ་དང་ངན་སོང་གི་སྐྱེ་སྒོ་ཆོད་པར་མཛད་དུ་གསོལ། ནམ་འཆི་བའི་ཚེ་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སྐྱེ་བར་བྱིན་གྱིས་རློབས་ཤིག །ཨོཾ་མ་ཎི་པདྨེ་ཧཱུྃ་ཧི༔ ཨོཾ་ཨ་མི་དྷེ་ཝ་ཨཱ་ཡུ་སིདྡྷི་ཧཱུྃ་ཧི༔ ཨོཾ་བཛྲ་ཀྲོ་ཏ་ཧྱ་གྲི་ཝ་ཧཱུྃ༔ ཨོཾ་ཧཱུཾ་སྭཱ་ཨོཾ་ཧཱ༔ མཱུ་ལཱ་མཱཡཱཾ་ཏཱཾ༔ ཨོཾ་ཀ་པ་ཙ་ཁ་ཕ་ཚ་ཡ༔ ག་པ་ཛ་རཿ ཕ་གྷ་ལ་ཛྷཱ་ན་སྭཱ་ཧཱཿ ཨོཾ་མུ་ནེ་ཀཾ་ཡེ་ཧཱུྃ་ཀྲི་ནི་ཏྲི་ཧཱུྃ༔ ཨཱོཾ་

[Full Size]

བཛྲ་རཏྣ་པདྨ་ཀརྨ་ཧེ་རུ་ཀ་ཧཱུྃ་ཕཊ༔ ཨོཾ་བུདྡྷ་ཛྙཱ་ན་སརྦ་སིདྡྷི་ཧཱུྃ༔ ཞེས་ཉུང་ན་སྤྱི་བོར་བཞག་ཅིང་སྔགས་བརྗོད། མང་ན་དེ་ནས་འཛབ་དབྱངས་གཅིག་བྱས་ལ་ཡིག་བདུན་འདོན་ཅིང་འགྲིམ་མོ། །དེ་ནས་བཟླས་ལུང་བྱིན་གསུངས་པས། མེ་ཏོག་དམར་པོའི་ཕྲེང་བ་རེ་ཕུལ་བའི་མོས་པས་རྗེས་ཟློས་མཛོད། ཐུགས་རྗེ་ཆེན་པོ་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་དུ་གསོལ། །ཉེ་བར་མཛད་དུ་གསོལ། བརྟན་པར་མཛད་དུ་གསོལ། དེ་ལྟར་གསོལ་བ་བཏབ་པས་ཐུགས་རྗེ་ཆེན་པོའི་ལྷ་ཚོགས་ཀྱི་ཐུགས་ཀ་ནས་སྔགས་ཕྲེང་བྱུ་རུའི་ཕྲེང་བ་ལྟར་བྱོན་ནས། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀར་བྷིཡིག་གི་མཐར་འཁོད་པའི་མོས་པས་རྗེས་ཟློས་མཛོད། ཨོཾ་མ་ཎི་པདྨེ་ཧཱུྃ་འོ་ན་ད་ལམ་ཁྱེད་རྣམས་ལ་ཐུགས་རྗེ་ཆེན་པོ་གསང་བ་ལན་གསུམ་འཛབ་དབྱངས་སུ་བྱ། ད་སྔགས་ཕྲེང་མེ་ཏོག་དམར་པོའི་ཕྲེང་བར་བྱས་ཏེ་སྤྱི་བོར་འཆིང་བར་སྒོམས་ཤིག་།ཉུང་ན་རྡོ་རྗེ་དང་ཙམ་པ་ཀའམ་ནས་འབྲུ་སྤྱི་བོར་བཞག །མང་ན་མེ་ཏོག་གཏོར་ཞིང་། ཐུགས་རྗེ་ཆེན་པོ་འདི་ལ་བསྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །རྡོ་རྗེའི་སློབ་མ་འདི་རྣམས་ལ་སྔགས་ཡི་གེ་བདུན་པའི་བྱིན་རླབས་འཇུག་པར་གྱུར་ཅིག །ཨོཾ་སུ་པྲ་ཏིཥྛ་བཛྲ་ཡེ་སྭཱ་

[Full Size]

ཧཱ། དེས་ནི་ཐུགས་རྗེ་ཆེན་པོ་གསང་བ་འདུས་པའི་དབང་འདི་འབྲིང་ངམ་བསྡུས་པ་ལེགས་པར་གྲུབ་པ་སྟེ། གཞུང་ལས། ཤིན་ཏུ་བསྡུས་པ་ལ་དགའ་ན། གོང་གི་གསོལ་བཏབ་རྣམས་བྱས་རྗེས་གཏོར་དབང་རང་བསྐུར་ཀྱང་འོང་ལ། ཁྲོམ་སོགས་ལ་གོང་གི་ཆོ་ག་མ་གྲུབ་ན་ཡང་། བསྐྱེད་རིམ་ཕོག་ལ་གཏོར་མ་ཡེ་ཤེས་པའི་ཚུལ་དུ་བཞུགས་ནས། བྱིན་རླབས་དབྱེར་མེད་དུ་ངོ་སྤྲད་ནས། བཟླས་ལུང་ཡིག་བདུན་བྱིན་ནས། ཕྱག་རྒྱ་ཆེན་པོར་ངོ་སྤྲད་པས་ཀྱང་རྫོགས་པར་གྱུར་རོ། །ཞེས་གསུངས་པ་ལྟར་དབང་རྫོགས་པར་ཐོབ་པ་ཡིན་པས། ཐུགས་རྗེ་ཆེན་པོ་གསང་བ་འདུས་པ་ཡི་དམ་དུ་འཛིན། སྔགས་ཡི་གེ་བདུན་པ་ལ་ཐུགས་དམ་བྱ་སྙམ་པ་གྱིས། དབང་འདི་མ་ཐོབ་ན་ཡིག་དྲུག་ལ་ཧི༔སྦྱར་མི་རུང་སྟེ། གཞུང་ལས། དེ་ནས་དབང་མ་ཐོབ་པའི་སྐྱོན་ནི། བསྙེན་སྒྲུབ་ཐོས་བསམ་སྒོམ་གསུམ་ཐམས་ཅད་འབྲས་བུ་མེད་ཅིང་བཀླག་པར་འགྱུར་ཏེ། མི་དབང་བའི་ས་བདག་བཞིན་ནོ། །དབང་ཐོབ་པའི་དགོས་ཆེད་ནི། གསང་སྔགས་ཀྱི་ཡོན་ཏན་ཐམས་ཅད་དབང་ལས་འབྱུང་ཞིང་། བསྙེན་སྒྲུབ་ཕྲིན་ལས་རྣམ་བཞིའི་མཆོག་དང་

[Full Size]

ཐུན་མོང་རང་གཞན་གྱི་དོན་གཉིས་སྤྱོད་པ་ཐམས་ཅད། རྒྱལ་པོས་རྒྱལ་སྲིད་ཐམས་ཅད་ལ། འཁོར་ལོས་སྒྱུར་བ་ལྟར་ཐམས་ཅད་ལྷུན་གྲུབ་ཏུ་འབྱུང་ཞིང་། ལོངས་སྤྱོད་པ་ལྟ་བུའོ། །ཞེས་གསུངས་པས་ཡི་གེ་དྲུག་པ་ཐུབ་པ་དྲུག་གི་སྙིང་པོ། ཧྲཱིཿཐུགས་རྗེ་ཆེན་པོའི་སྙིང་པོ་ཡིན་པས་ཤིན་ཏུ་ཟབ་པས་ཡིག་བདུན་འདོན་པའི་ཁས་ལེན་མཛོད། གཙོ་བོས་ཇི་ལྟར་སོགས། མཎྜལ་ཕུལ། ཅེས་སྒྲུབ་ཆེན་ནས་སྒྲུབ་དབང་དང་བུམ་དབང་གཏོར་དབང་སྤེལ་བར་གསུངས་པ་ལྟར། གཏོར་དབང་དང་དབང་འགྲུབ་གབ་སྤྱད་དེ་ཆ་ཚང་ཞིང་ཁྱེར་བདེ་བར་རཱ་ག་ཨ་སྱས་བཀོད་དེ་དབོན་པོ་བླ་མ་རྒྱལ་མཚན་གྱིས་བསྐུལ་ཕྱིར་ཤིང་སྦྲུལ་ས་ག་ཆེན་པོའི་ཚེས་བརྒྱད་ལ་བྲིས་པ་ལ། ཉེས་འགལ་མཆིས་ན་ཆོས་བདག་རྣམས་ལ་བཤགས་ཤིང་། དགེ་བས་སེམས་ཅན་མཐའ་ཡས་པ་བདེ་བ་ཅན་དུ་སྐྱེ་བའི་རྒྱུར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་བ་འདུས་པའི་ལོ་རྒྱུས་དབང་གི་མཚམས་སྦྱར་ཟབ་རྒྱས་ཆོས་ཀྱི་འབྲུག་སྒྲ།

[Full Size]

ཐུགས་རྗེ་ཆེན་པོ་གསང་བ་འདུས་པའི་ལོ་རྒྱུས་དབང་གི་མཚམས་སྦྱར་ཟབ་རྒྱས་ཆོས་ཀྱི་འབྲུག་སྒྲ་བཞུགས་སོ།།

[Full Size]

འོ་ན་ད་ལམ་ཁྱེད་རྣམས་ལ་ཐུགས་རྗེ་ཆེན་པོ་གསང་བ་འདུས་པའི་དབང་མོ་ཆེ། སངས་རྒྱས་སྟོང་རྩ་གཉིས་ཀྱི་དབང་དང་བཅས་པ་བསྐུར་བའི་ཐོག་མར་ལོ་རྒྱུས་ཅུང་ཟད་ཅིག་ཞུ་ན། དེ་ལ་བཅོམ་ལྡན་འདས་ཐུགས་རྗེ་ཆེན་པོ་ཉིད་ཀྱི་ལོ་རྒྱུས་དང་། དེའི་རྒྱུད་གསུངས་ཚུལ་དང་རྒྱུད་དེའི་མན་ངག་བརྒྱུད་ཚུལ་དང་། དེ་གཏེར་དུ་སྦས་ཤིང་བཏོན་ཚུལ་དང་། དེ་ལ་བརྟེན་ནས་འགྲོ་དོན་སྔར་འབྱུང་ཚུལ་དང་། མ་འོངས་པ་ན་བྱུང་ཚུལ་ལུང་བསྟན། དབང་འདི་ཐོབ་པའི་ཕན་ཡོན་བསྟན་པ་དང་ས་བཅད་བདུན་ནོ། །དང་པོ་ལྷ་ཐུགས་རྗེ་ཆེན་པོའི་ལོ་རྒྱུས་ནི། །

[Full Size]

སྤྱན་རས་གཟིགས་ཐུགས་ཆོས་ཀྱི་སྐུ་ནི་འཁོར་འདས་ཐམས་ཅད་ལ་ཁྱབ་པར་གནས་ཏེ། དང་པོའི་སངས་རྒྱས་འོད་མི་འགྱུར་བ་ཞེས་ཀྱང་བྱ་བ་སྟེ། སངས་རྒྱས་ཐམས་ཅད་ཆོས་སྐུ་གཅིག་པའི་ཕྱིར། ཐུགས་རྗེ་ཆེན་པོ་གསང་བ་འདུས་པའི་རྒྱུད་ཆེན་པོ་ཉིད་ལས་ཀྱང་། ཕྱོགས་བཅུ་དུས་གསུམ་སངས་རྒྱས་རྣམས། །ཐུགས་རྗེ་ཆེན་པོར་མ་གྱུར་མེད། །དེ་ཉིད་སྐུ་གསུང་ཐུགས་བཅས་པ། །གསང་འདུས་རྒྱུད་འདིར་མ་འདུས་མེད། །ཅེས་གསུངས་པ་དང་། མདོ་སྡེ་ཟ་མ་ཏོག་ལས། ནམ་མཁའ་ནི་ཐུགས་རྗེ་ཆེན་པོའི་ཞལ་ལོ། །རླུང་ནི་ཐུགས་རྗེ་

[Full Size]

ཆེན་པོའི་དབུགས་ཡིན་ནོ། །ཉི་ཟླ་ནི་ཐུགས་རྗེ་ཆེན་པོའི་སྤྱན་ཡིན་ནོ། །ཞེས་སོགས་རྒྱ་ཆེར་གསུངས་སོ། །སྤྱན་རས་གཟིགས་ལོངས་སྤྱོད་རྫོགས་སྐུའི་བཀོད་པ་ནི། འོག་མིན་འཐུག་པོ་བཀོད་པ་གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་བསམ་ལས་འདས་པ་ཞིག་ཡོད་དེ། དེའི་དབུས་ན་སྤྱན་རས་གཟིགས་ལོངས་སྤྱོད་རྫོགས་སྐུ་རྣམ་སྣང་གངས་ཆེན་མཚོ་ཞེས་བྱ་བའི་སངས་རྒྱས་གཅིག་བཞུགས་ཏེ། དེའི་གནས་ངེས་པ་འོག་མིན། འཁོར་ངེས་པ་ས་བཅུའི་སེམས་དཔའ་ཤ་སྟག་གོ །དུས་ངེས་པ་འཁོར་བ་ཇི་སྲིད། ཆོས་ངེས་པ་ཐེག་ཆེན་འབའ་ཞིག །སྐུ་ངེས་པ་ལོངས་སྤྱོད་རྫོགས་སྐུས། བརྡའི་སྒོ་ནས་ཆོས་སྟོན་ཏེ། དེའི་བ་སྤུའི་བུ་ག་རེ་རེ་ཡང་འཇིག་རྟེན་གྱི་ཁམས་དཔག་ཏུ་མེད་པ་སྤྲུལ་ལོ། །ཟ་མ་ཏོག་བཀོད་པ་ལས་འཕགས་པ་སྤྱན་རས་གཟིགས་དབང་ཕྱུག་གི་བ་སྤུའི་བུ་ག་གཅིག་ན་ཡང་། སངས་རྒྱས་ཀྱི་ཞིང་ཁམས་བསམ་གྱིས་མི་ཁྱབ་པར་གཅིག་ཏུ་སྤྲུལ་ནས་འགྲོ་བའི་དོན་མཛད་པར་གསུངས། སངས་རྒྱས་དེའི་ཕྱག་ན་ལྷུང་བཟེད་ཀྱི་ནང་ན་སྤོས་ཆུའི་རྒྱ་མཚོ་ལས། མེ་ཏོག་པདྨ་ཉི་ཤུ་རྩ་ལྔ་བརྩེགས་མར་སྐྱེས་ཤིང་། མེ་ཏོག་དེའི་ཟེའུ་

[Full Size]

འབྲུའི་འབྲུ་མ་རེ་རེའི་ནང་ན་ཡང་འཇིག་རྟེན་གྱི་ཁམས་དཔག་ཏུ་མེད་པར་སྤྲུལ་ནས་སེམས་ཅན་གྱི་དོན་མཛད་ཅིང་། མེ་ཏོག་བཅུ་གསུམ་པའི་ཟེའུ་དབུས་མ་གཅིག་གི་ནང་ན་སྟོང་གསུམ་མི་མཇེད་འཇིག་རྟེན་གྱི་ཁམས་འདི་ཆགས་ནས་ཡོད་ཅིང་། འདི་སངས་རྒྱས་དེའི་ཐུགས་ཀའི་ཐད་དུ་ཡོད་པའི་རྟེན་འབྲེལ་གྱིས་འཇིག་རྟེན་གྱི་ཁམས་འདི་ན་དགེ་སྡིག་གང་བྱས་སྟོབས་དང་འགྱུར་ཆེ་བར་བཤད་དེ། དེ་ལྟར་སངས་རྒྱས་རྣམ་པར་སྣང་མཛད་གངས་ཅན་མཚོ་དང་དེའི་ཞིང་འོག་མིན་འཐུག་པོ་བཀོད་དེ་ནི། ཐུགས་རྗེ་ཆེན་པོའི་སྤྲུལ་པ་སྐོར་གཅིག་ཡིན་པར་སངས་རྒྱས་ཕལ་པོ་ཆེ་ནས་ཅུང་ཟད་བཤད་དེ། གསང་བ་རྡོ་རྗེ་ཐོད་པའི་རྒྱུད་ལས་ཀྱང་བཤད་དོ། །དེ་ཡིན་པར་སྲོང་བཙན་སྒམ་པོའི་ལོ་རྒྱུས་ཆེན་པོ་ནའང་བཤད་དོ། །དེ་ལྟ་བུའི་ལོངས་སྤྱོད་རྫོགས་སྐུའི་ཞིང་ཁམས་དཔག་ཏུ་མེད་པར་སྤྲུལ་ནས་སེམས་ཅན་གྱི་དོན་མཛད་པར་ཨོ་རྒྱན་རིན་པོ་ཆེས་རྒྱས་པར་ཡང་ཡང་དུ་གསུངས་སོ། །དེ་ལྟར་ཐུགས་རྗེ་ཆེན་པོ་ནི་དང་པོའི་སངས་རྒྱས་ཡིན་ཀྱང་། སེམས་ཅན་གྱི་དོན་ལ་སླར་བྱང་ཆུབ་ཏུ་སེམས་བསྐྱེད་ཅིང་ལམ་ལ་སློབ་པ་སོགས་མཛད་པའི་ཚུལ། མ་

[Full Size]

འོངས་པ་ན་འོད་ཟེར་དཔལ་བརྩེགས་ཀྱི་རྒྱལ་པོར་འཚང་རྒྱ་བར་ལུང་བསྟན་པ་སོགས་ནི་སེམས་ཅན་འདུལ་བའི་ཆེད་དུ་དེ་ལྟ་བུའི་ཚུལ་བསྟན་པ་ཡིན་གྱིས། དོན་ལ་ཐོག་མ་མེད་པ་ནས་སངས་རྒྱས་པ་སྟེ། བསྐལ་པ་བྱེ་སྟོང་བསམ་གྱིས་མི་ཁྱབ་པར། །དེ་ཡི་ཚད་ནི་སུས་ཀྱང་བཟུང་མེད་པར། །བྱང་ཆུབ་མཆོག་རབ་འདི་ནི་ངེས་རྙེད་དེ། །ངས་ནི་རྟག་ཏུ་ཆོས་ཀྱང་རབ་འཆད་དོ། །ཞེས་གསུངས་པ་ལྟ་བུའོ། །དེ་བཞིན་དུ་སངས་རྒྱས་སྣང་བ་མཐའ་ཡས་ཀྱི་སྤྱན་གཡས་ལས་སྤྲུལ་པ་དང་། མགྲིན་པ་ནས་སྤྲུལ་པ་དང་། སངས་རྒྱས་ཐམས་ཅད་ཀྱི་གསུང་ལས་སྤྲུལ་པ་དང་། སངས་རྒྱས་ཐམས་ཅད་ཀྱི་འཁོར་ཉེ་སྲས་སུ་བཞུགས་པ་སོགས་ནི་སེམས་ཅན་གྱི་དོན་ལ་དེ་དང་དེར་དེའི་ཚུལ་སྟོན་པ་ཡིན་ཏེ། གང་ལ་གང་འདུལ་དུ་སྤྲུལ་ནས་སེམས་ཅན་གྱི་དོན་མཛད་ཚུལ་འདམ་རྫབ་ཀྱི་སྲིན་བུ་རྣམས་ལ་བུང་བར་སྤྲུལ་ནས་ཆོས་བཤད་པ་དང་། ཚོང་པ་སྲིན་མོའི་གླིང་དུ་ཚུད་པ་ལ་རྟ་མཆོག་བ་ལ་ཧར་སྤྲུལ་ནས་དྲངས་པ་སོགས། འགྲོ་བ་རིགས་དྲུག་གི་དོན་མཛད་ཚུལ་རྒྱས་པར་ཟ་མ་ཏོག་ལས་གསུངས་ཤིང་། འགྲོ་དྲུག་འདུལ་ཕྱིར་སྐུ་ཐུབ་པ་དྲུག །གསུང་ཡི་གེ་འབྲུ་དྲུག་

[Full Size]

ཏུ་སྤྲུལ་པ་ཡིན་ནོ། །འཕགས་པ་སྤྱན་རས་གཟིགས་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དང་མཉམ་པའི་འཇིག་རྟེན་གྱི་ཁམས་རྣམས་སུ་སངས་རྒྱས་སྟོང་རྩ་གཉིས་སུ་སྤྲུལ་ནས་སེམས་ཅན་གྱི་དོན་མཛད་ཅེས་ཆུ་ཀླུང་སྣ་ཚོགས་པའི་མདོ་ལས་གསུངས་སོ། །སྤྱན་རས་གཟིགས་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་ཁམས་བཀོད་པ་བར་མའི་འཇིག་རྟེན་གྱི་འབྱུང་བ་ཆེན་པོ་བཞིའི་རྡུལ་ཕྲ་རབ་དང་མཉམ་པའི་མཛད་པ་བཅུ་གཉིས་སུ་སྤྲུལ་ནས་སེམས་ཅན་གྱི་དོན་མཛད་པར་པུན་དྷ་རི་ཀའི་མདོ་ལས་གསུངས་སོ། །འཕགས་པ་སྤྱན་རས་གཟིགས་དབང་ཕྱུག་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། འཛམ་གླིང་བྱེ་བ་ཕྲག་བརྒྱར་སྤྲུལ་པའི་རྡོ་རྗེ་གདན་བྱེ་བ་ཕྲག་བརྒྱ་ན་ཤཱཀྱ་ཐུབ་པ་བྱེ་བ་ཕྲག་བརྒྱ། བྱང་ཆུབ་སེམས་དཔའ་ཐུགས་རྗེ་ཆེན་པོ་སྤྱན་རས་གཟིགས་བྱེ་བ་ཕྲག་བརྒྱ། སྤྲུལ་པའི་རྒྱལ་པོ་སྲོང་བཙན་སྒམ་པོ་བྱེ་བ་ཕྲག་བརྒྱ། ར་ས་འཕྲུལ་སྣང་གི་གཙུག་ལག་ཁང་བྱེ་བ་ཕྲག་བརྒྱར་སྤྲུལ་ནས་སེམས་ཅན་གྱི་དོན་མཛད་པར། སྙིང་རྗེ་རྣམ་པར་རོལ་པ་ཞེས་ཀྱང་བྱ། སྙིང་རྗེ་རྣམ་པར་རྒྱལ་བ་

[Full Size]

ཞེས་ཀྱང་བྱ། སྙིང་རྗེ་སྣ་ཚོགས་རོལ་པའི་མདོ་ལས་གསུངས་སོ། །འཛམ་བུའི་གླིང་འདིའི་ལྷོ་ཕྱོགས་རི་བོ་ཏ་ལའི་རྩེ་མོ་ན་རིན་པོ་ཆེ་སྣ་ཚོགས་ཀྱི་གཞལ་ཡས་ཁང་སེང་གེ་དང་ཉི་ཟླ་པདྨའི་གདན་ལ་འཕགས་པ་སྤྱན་རས་གཟིགས་བསྐལ་པ་འདི་མ་རྫོགས་བར་དུ་བཞུགས་ནས་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་གྲུབ་པ་ཐོབ་པའི་མི་དང་། མི་མ་ཡིན་རྣམས་ལ་ཆོས་སྟོན་ཏེ། དེ་བཞིན་དུ་འཛམ་བུ་གླིང་བྱེ་བ་ཕྲག་བརྒྱ་ན་ཡང་དེ་ལྟར་རེ་རེ་དང་ཕྱོགས་བཅུའི་སངས་རྒྱས་ཀྱི་ཞིང་ན་སྤྱན་རས་གཟིགས་རིགས་བཅུ་དང་། སྤྱན་རས་གཟིགས་དབང་ཕྱུག་དེ་དཔག་གིས་མི་ལངས་པ་ཞིག་བཞུགས་ཀྱང་། རང་གི་ངོ་བོ་དེ་སངས་རྒྱས་སྣང་བ་མཐའ་ཡས་ཀྱི་དྲུང་དུ་ཉེ་གནས་ཀྱི་ཚུལ་དུ་བཞུགས་སོ། །ལྷའི་ངོ་བོ་དེ་ལྟར་ཡིན་ན་དེའི་རྒྱུད་ཇི་ལྟར་གསུངས་ཞེ་ན། ཕྱི་ལྟར་སྟོན་པ་ཤཱཀྱ་ཐུབ་པས། ཟ་མ་ཏོག་བཀོད་པའི་མདོ་ཆེ་ཆུང་གཉིས། པདྨ་དཀར་པོའི་མདོ། པུན་རི་ཀའི་མདོ། ཆུ་ཀླུང་སྣ་ཚོགས་པའི་མདོ། སྣང་བ་རོལ་པའི་མདོ། མཚན་བརྒྱ་རྩ་བརྒྱད་པའི་མདོ། མཚན་རབ་ཡོངས་སུ་སྟོན་པའི་མདོ་ལ་སོགས་པ། སྤྱན་རས་གཟིགས་ཀྱི་ཡོན་ཏན་ཐོབ་

[Full Size]

པའི་མདོ་བདུན་གྱིས་གཙོར་བྱས་པའི་མདོ་སྡེ་དཔག་ཏུ་མེད་པ་དང་། མོའུ་འགལ་མདོ་རྒྱས་པ་སོགས་ནས་སྤྱན་རས་གཟིགས་ཀྱི་བསྔགས་པ་རྒྱ་ཆེར་གསུངས་ལ། །པདྨའི་སྙིང་པོ་གཟུངས་ལ་སོགས་པ་གཟུངས་བཅུ་བཞི་དང་། བྱ་རྒྱུད་ཀྱི་དབང་དུ་བྱས་པའི་རྩ་རྒྱུད་པདྨ་དྲྭ་བ་བཤད་རྒྱུད་དོན་ཡོད་ཞགས་པ། སྤྱོད་རྒྱུད་ཀྱི་དབང་དུ་བྱས་པའི་སྙིང་རྗེ་ཆེན་པོ་རང་བཞིན་གྱི་གཟུངས་ལ་སོགས་པ་དང་། རྣལ་འབྱོར་རྒྱུད་ཀྱི་དབང་དུ་བྱས་པ་པདྨ་ཅོད་པན་གྱི་རྒྱུད་དང་། བླ་མེད་རྒྱུད་ཀྱི་དབང་དུ་མཛད་པ་པདྨ་རྒྱལ་པོའི་རྒྱུད་ལ་སོགས་པ་སྤྱན་རས་གཟིགས་ཀྱི་སྒོས་རྒྱུད་དཔག་ཏུ་མེད་པ་དང་། ཞོར་འབྱུང་དུ་ནི་རྒྱུད་སྡེ་ཕལ་ཆེར་ནས་སྤྱན་རས་གཟིགས་མ་གསུངས་པ་མེད་པ་ལྟ་བུའོ། །ནང་ལྟར་ན་ཆོས་སྐུ་སྣང་བ་མཐའ་ཡས་ཀྱིས་གསུངས་པ་པདྨ་ཟབ་པའི་རྒྱུད་དང་། ཡང་སྙིང་འདུས་པའི་རྒྱུད་སོགས་མཐའ་ཡས་སོ། །ཨོ་རྒྱན་སྐད་དུ་མ་ཏི་ཙིཏྟ་ཀ་བ་ཏི་གྷ་ཏ་ཛཿ དྷཀི་གསང་བའི་སྐད་དུ། མ་ཏ་བྷོ་ནི་བྷ་དྲ་ཨཱ༔ རྒྱ་གར་སྐད་དུ་མ་ཧཱ་ཀ་ཏུ་ཙེ་རྒྱ་གྷ་ཡ་སརྦ་ཏན་ན་མ། བོད་སྐད་དུ། ཐུགས་རྗེ་ཆེན་པོ་གསང་བ་འདུས་པའི་རྒྱུད་ཅེས་བྱ་བ་འདི་ནི། བདེ་ཆེན་

[Full Size]

པདྨོ་བཀོད་པའི་ཞིང་ཁམས། འདུས་མ་བྱས་ཤིང་ལྷུན་གྱིས་གྲུབ་པའི་གནས་མཆོག་ཀུན་ཏུ་འོད་ཀྱི་རང་བཞིན་རྣམ་པར་འཁྱིལ་བ། རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ལ། ཕྱི་ནང་ཟང་ཐལ་ཆེན་པོ་ཡོངས་སུ་རྫོགས་པའི་གཞལ་ཡས་ཁང་ཆེན་པོ་ན། སེང་གེ་གླང་ཆེན་རྟ་ཁྱུང་རྨ་བྱ་ལ་སོགས་པའི་ཁྲིའི་སྟེང་། པདྨ་འདབ་མ་སྟོང་དང་ལྡན་པའི་དབུས་སུ་ཉི་ཟླའི་གདན་ལ་སངས་རྒྱས་འོད་དཔག་ཏུ་མེད་པ་གསང་ཆེན་པདྨ་དབྱིངས་ཕྱུག་མ་དང་གཉིས་སུ་མེད་པར་བཞུགས་པ་ལ། པདྨ་རིགས་ཀྱི་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པས་ཡོངས་སུ་བསྐོར་ནས་བཞུགས་སོ། །དེའི་ཚེ་སངས་རྒྱས་འོད་དཔག་ཏུ་མེད་པའི་སྤྱན་གྱི་མཛོད་སྤུ་ནས། སྐུའི་རིག་འཛིན་དུ་འཇམ་དབྱངས་སུ་སྤྲུལ་ལོ། །ལྗགས་ཀྱི་པདྨོ་ལས་གསུང་གི་རིག་འཛིན་དུ་སྤྱན་རས་གཟིགས་སུ་སྤྲུལ་ལོ། །ཐུགས་ཀ་ནས་ཐུགས་ཀྱི་རིག་འཛིན་དུ་ལག་ན་རྡོ་རྗེར་སྤྲུལ་ལོ། །གཞན་ཡང་རང་སྣང་དག་པའི་འཁོར་རིགས་ཀྱི་སེམས་དཔའ་ཡབ་ཡུམ་བཅུ་དྲུག་ལ་སོགས་ཏེ་དཔག་ཏུ་མེད་པ་དང་། རྫོགས་པའི་སངས་རྒྱས་སྟོང་དང་ཐུབ་པ་དྲུག་དང་། རིགས་ལྔ་དང་། སྟེང་ཕྱོགས་ན་

[Full Size]

པདྨ་ཧེ་རུ་ཀ་ལ་སོགས་པ་ཁྲོ་བོའི་དཀྱིལ་འཁོར་བསམ་གྱིས་མི་ཁྱབ་པ་དང་བཅས་ཏེ། འདུ་འབྲལ་མེད་པའི་ངང་དུ་རྟག་པ་རྒྱུན་གྱི་མཐར་བཞུགས་སོ། །དེ་ནས་མགོན་པོ་སྤྱན་རས་གཟིགས་ཉིད་འཁོར་རྒྱ་མཚོ་དཔག་ཏུ་མེད་པ་རྣམས་ཀྱིས་ཐུགས་ཀྱི་བསྐུལ་བར་མཁྱེན་ནས། རང་གི་པདྨའི་གདན་ལས་བཞེངས་ཏེ་རིགས་ཀྱི་བདག་པོ་ལ་གུས་པའི་ཚུལ་གྱིས་བཏུད་དེ་ཞུས་པའི་ངོར། གསང་བ་འདུས་པའི་རྒྱུད་ལེའུ་བཅོ་ལྔ་པ་འདི་གསུངས་སོ། །འོ་ན་རྒྱུད་དེ་རྣམས་མི་ཡུལ་དུ་ཇི་ལྟར་དར་ཞེ་ན། བཅོམ་ལྡན་འདས་ཤཱཀྱ་ཐུབ་པ་སྐུ་མྱ་ངན་ལས་འདས་ནས། མདོ་སྡེ་རྣམས་ཀུན་དགའ་བོས་བཀའི་བསྡུ་བ་མཛད་དེ་གླེགས་བམ་རྣམས་ལྷ་ཀླུ་སོགས་ལྷ་མ་སྲིན་སྡེ་བརྒྱད་ཀྱིས་སོ་སོའི་ཡུལ་དུ་གདན་དྲངས་སོ། །སྔགས་བྱ་སྤྱོད་རྣལ་འབྱོར་གྱི་རྒྱུད་རྣམས་རིགས་གསུམ་མགོན་པོས་བཀའི་བསྡུ་བ་མཛད་དེ་ལྷ་གནས་དང་ལྕང་ལོ་ཅན་སོགས་སུ་བཞུགས་སོ། །གསང་སྔགས་བླ་མེད་ཕལ་ཆེར་རྡོ་རྗེ་སྙིང་པོས་བསྡུས་ཏེ་ཕལ་ཆེར་མཁའ་འགྲོའི་ཕྱག་ཏུ་བཞུགས་པས། མི་ཡུལ་དུ་ཆེར་མེད་པ་ལ། སྤྲིན་ཆེན་པོ་དང་རྔ་བོ་ཆེ་སོགས་མདོ་སྡེ་བཅུ་གཉིས་ནས་ལུང་བསྟན་པའི་

[Full Size]

འཕགས་པ་ཀླུ་སྒྲུབ་སོགས་རིག་འཛིན་བརྒྱད་དུར་ཁྲོད་བསིལ་བ་ཚལ་དུ་མཆོད་རྟེན་བདེ་བྱེད་བརྩེགས་པའི་དྲུང་དུ་དགོངས་པ་མཛད་པས། ཐུགས་རྗེ་ཆེན་པོ་ཞི་དྲག་གི་རྒྱུད་ཕལ་ཆེར་ཀླུ་སྒྲུབ་ཀྱི་ཕྱག་ཏུ་བབས་ཤིང་། ལྷ་མོ་ཀུ་རུ་ཀུལླེས་དབང་བསྐུར་བས་པདྨ་གསུང་གི་རིག་འཛིན་དུ་གྲགས་སོ། །རྒྱལ་པོ་ཛའི་ཕོ་བྲང་དུ་ཟ་མ་ཏོག་བཀོད་པའི་གསང་སྔགས་ཏན་བཅོ་བརྒྱད་སོགས་གླེགས་བམ་གྱི་ཆར་བབས་ཤིང་ཕྱག་ན་རྡོ་རྗེས་དབང་བསྐུར་རོ། །རྒྱལ་པོའི་སྲས་མི་ཏྲ་ལ་མཁའ་འགྲོ་ཨེ་ཀ་ཙ་ཏིས་དབང་བསྐུར་ལུང་བསྟན་ནས་ཁ་སར་པ་ཎིའི་ལྷ་ཁང་དུ་བསྒོམས་ཤིང་ཡི་གེ་དྲུག་པ་བཟླས་པས་ཐུགས་རྗེ་ཆེན་པོ་ཞལ་གཟིགས་ནས་ཐུགས་རྗེ་ཆེན་པོའི་སྒྲུབ་ཐབས་བརྒྱ་རྩ་བརྒྱད་གནང་འཆི་མེད་འཇའ་ལུས་གྲུབ་བོ། །ཁྱད་པར་དུ་གསང་བ་འདུས་པའི་རྒྱུད་འདི་ནི་བཅོམ་ལྡན་འདས་མ་རྡོ་རྗེ་ཕག་མོས་བཀའི་བསྡུ་བ་མཛད་དེ། ཨོ་རྒྱན་གན་དྷོ་ལའི་ཤར་ཕྱོགས། རི་བོ་གྲུ་འཛིན་ཏ་ལའི་གནས་རིགས་གསུམ་མགོན་པོའི་ཕོ་བྲང་རང་བྱུང་དུ་ཡོད་པའི་སར་གཏེར་དུ་སྦས་སོ། །དེ་ནས་ཕྱིས་ཨོ་རྒྱན་རིན་པོ་ཆེ་པདྨ་འབྱུང་གནས་ཀྱི་གསུང་གི་རིག་འཛིན་འཕགས་པ་ཀླུ་སྒྲུབ་ལ་ཐུགས་རྗེ་ཆེན་པོ་ཞི་

[Full Size]

བ་དང་ཁྲོ་བོའི་སྐོར་ཐམས་ཅད་ཞུས་སོ། །རྒྱལ་པོ་ཛའི་སྲས་མོ་གོ་མ་དེ་བའི་ལ་ཡང་ཞུས་སོ། །གྲུབ་ཆེན་མི་ཏྲ་ལ་ཡང་ཐུགས་རྗེ་ཆེན་པོ་ཡང་གསང་བླ་མེད་སོགས་སྒྲུབ་ཐབས་བརྒྱ་རྩ་བརྒྱད་ཞུས་སོ། །ལྷ་ལྕམ་ལེགས་སྨིན་ཀ་ར་ལ་མཛེ་བྱུང་ནས་ཐུགས་རྗེ་ཆེན་པོ་ལྷ་ཁང་བླ་མེད་རྒྱབ་ཏུ་ཡི་གེ་དྲུག་པ་བཟླས་ཤིང་ཐུགས་རྗེ་ཆེན་པོ་བསྒྲུབས་ཏེ་མཛེ་སོས་ལྷ་ཁང་གི་སྒོ་མོའི་ཕྱོགས་སུ་འགྱུར་གྲུབ་པ་ཐོབ་བོ། །དེ་ལ་ཨོ་རྒྱན་ཆེན་པོས་དབང་ཞུས་པས། རྡོ་རྗེ་ཕག་མོར་དངོས་སུ་བཞེངས་ནས་སློབ་དཔོན་ཡི་གེ་ཧཱུྃ་དུ་བྱས་ཏེ་ཤངས་སུ་རྔུབས་ནས་སྐུའི་རྩ་གནས་རྣམས་སུ་ཕྱི་ཐུགས་རྗེ་ཆེན་པོ་འགྲོ་བ་འདུལ་བའི་དབང་། ནང་རྟ་མགྲིན་དྲེགས་པ་ཟིལ་གྱིས་གནོན་པའི་དབང་ལ་སོགས་པ་གནང་ནས། གསང་བའི་པད་མོར་བཏོན་ཏོ། །དབང་དེའི་བྱིན་རླབས་ཀྱིས་དེ་མ་ཐག་འོག་མིན་དུ་སྐད་ཅིག་ལ་འཕག་སྟེ་རྡོ་རྗེ་འཆང་ཆེན་པོ་དང་རིག་འཛིན་རྡོ་རྗེ་ཆོས་ལ་སོགས་པས་ཡོངས་རྫོགས་ཆེན་པོའི་དབང་ཐམས་ཅད་བསྐུར་རོ། །ཁྱད་པར་དུ་གསང་བ་འདུས་པའི་རྒྱུད་ཉིད་ལས། འགྲོ་འདུལ་ལུང་ཆེན་གྱི་ལེའུ་ནས། ངས་སྤྲུལ་ཀོ་ཤའི་མཚོ་གླིང་དུ། །པདྨ་ལས་བྱུང་

[Full Size]

སྤྲུལ་པའི་སྐུ། །ཚེ་ལ་དབང་བའི་རིག་འཛིན་ལ། །བཀའ་ཡི་བབ་དང་བཅས་ཏེ་གནང་། །ཨོ་རྒྱན་རྒྱ་གར་ཤར་ནུབ་ཏུ། །དེ་ཡིས་བསྟན་པ་དར་བར་བྱེད། །ཅེས་ལུང་བསྟན་པ་ལྟར། ཨོ་རྒྱན་རིན་པོ་ཆེ་བྲག་ཕུག་མ་ར་ཏི་ཀར་ལྷ་ལྕམ་མནྡྷ་ར་བས་བསྒྲུབས་པའི་གྲོགས་བྱས་ཏེ་ཚེའི་རིག་འཛིན་བསྒྲུབས་པས། སངས་རྒྱས་སྣང་བ་མཐའ་ཡས་དངོས་སུ་བྱོན་ནས་དབང་བཞི་རྫོགས་པར་བསྐུར་བས་འཆི་མེད་ཚེའི་རིག་འཛིན་ཐོབ། ཐུགས་རྗེ་ཆེན་པོ་གསང་བ་ཡང་ཐོག་གི་རྒྱུད་དང་། ཐུགས་རྗེ་ཆེན་པོ་ལྟ་བ་ཡང་རྩེའི་རྒྱུད་གཉིས་སྣང་བ་མཐའ་ཡས་ཀྱིས་དངོས་སུ་གསུངས། དེ་ནས་ཐུགས་རྗེ་ཆེན་པོ་སྤྱན་རས་གཟིགས་དངོས་སུ་བྱོན་ནས་ཐུགས་རྗེ་ཆེན་པོའི་རྒྱུད་བརྒྱ་རྩ་བརྒྱད་གནང་ཞིང་དབང་ཐམས་ཅད་རྫོགས་པར་བསྐུར། ཁྱད་པར་དུ་ཡང་ཐུགས་རྗེ་ཆེན་པོ་གསང་བ་འདུས་པའི་དབང་བསྐུར། འདིའི་རྒྱུད་ཀྱང་གསང་བ་ཡེ་ཤེས་ཀྱི་མཁའ་འགྲོ་མ་རྡོ་རྗེ་ཕག་མོས་ཨོ་རྒྱན་ཉིད་ལ་གཏད་དོ། །དེ་ནས་ཨོ་རྒྱན་རིན་པོ་ཆེ་རི་བོ་པོ་ཊ་ལའི་རྩེར་བྱོན་ནས་ཡི་གེ་དྲུག་པ་དུང་ཕྱུར་སྟོང་ཙམ་བསྙེན་པ་མཛད་པར་གསུངས་ཏེ་མ་འོངས་པ་རྣམས་ཀྱིས་ཀྱང་བསྙེན་པ་གལ་ཆེ་

[Full Size]

བའི་བརྡ་ཡིན་པར་སྣང་ངོ་། །དེ་ནས་རྒྱ་གར་གྱི་པཎ་གྲུབ་རྣམས་ཀྱིས་རྒྱུད་སྡེ་དེ་དག་ལ་བརྟེན་ནས་ཐུགས་རྗེ་ཆེན་པོའི་སྒྲུབ་ཐབས་ཁྲིད་རིམ་མང་དུ་མཛད་དོ། །དེ་དག་ལ་བརྟེན་ནས་གྲུབ་པ་ཐོབ་པ་མང་དུ་བྱུང་སྟེ། རྒྱ་གར་ནུབ་ཕྱོགས་སུ་བྲམ་ཟེའི་བུ་མོ་གཅིག་ལ་ཁྱེའུ་ཤེལ་གྱི་གྲི་གུག་ཐོགས་པ་ཞིག་གིས་སྤྱོད་པ་རྨིས་པས། ཕ་མེད་པའི་བུ་ཞིག་བྱུང་བས་བདེ་མཆོག་དུས་ཀྱི་སྙིང་པོ་བཏགས། དེས་སློབ་དཔོན་དགའ་རབ་རྡོ་རྗེ་ལ་དབང་ལུང་ཞུས་ནས། བྲག་ཕུག་ལྷ་ཞལ་ཅན་དུ་ཡི་གེ་དྲུག་པའི་སྒོམ་སྒྲུབ་བྱས་པས། ཁོང་རང་ཕུང་པོ་ལྷག་མེད་ཏུ་སངས་རྒྱས་བྲག་དེ་ཤེལ་གྱི་མཆོད་རྟེན་རྡོ་རྗེས་བརྒྱན་པ་ཞིག་ཏུ་གྱུར་ནས། བྲག་དེ་ལ་བསྐོར་བ་ལན་རེ་བྱས་ན་ངན་སོང་དུ་མི་འགྲོ་བྱང་ཆུབ་ཀྱི་ལམ་དུ་ཞུགས་པར་གྱུར་སྐད་དོ། །མ་ཧེའི་རྫི་བོ་གཅིག་གིས་སློབ་དཔོན་ཀླུ་སྒྲུབ་ལ་དབང་ལུང་ཞུས་ནས། མ་ཧེ་འཚོ་ཞིང་ཐུགས་རྗེ་ཆེན་པོ་བསྒོམས་ཤིང་ཡི་གེ་དྲུག་པ་བཟླས་པས། ལོ་གཅིག་སོང་དུས་མ་ཧེའི་སྙིང་ག་ནས་གྲོད་པ་ཞིག་བྱུང་། དེའི་ནང་ནས་ཤེལ་གྱི་ཁྱེའུ་ལག་ན་གསེར་གྱི་ཆགས་ཤིང་ལ་མུ་ཏིག་གི་ཡི་གེ་དྲུག་པ་འབུར་དུ་དོད་པ་ཐོགས་པ་གཅིག་བྱུང་

[Full Size]

དབང་བསྐུར་ཆོས་བསྟན་ནས་མི་སྣང་བར་ཡལ་ནས། རྫི་བོ་འཇའ་ལུས་མཁའ་སྤྱོད་འགྲུབ་སྟེ། ཞག་རེ་ལ་འཛམ་བུའི་གླིང་གི་མི་རྣམས་ལ་མཆོག་ཐུན་མོང་གི་དངོས་གྲུབ་འདོད་ན་ང་ལས་ལོངས་གསུངས་ཀྱང་། ལས་མ་དག་པས་མི་མཐོང་བ་ཡིན་ཏེ་དེ་ནི་གྲུབ་ཆེན་ཀླུའི་བྱང་ཆུབ་ཅེས་གྲགས་སོ། །ཆགས་ཤིང་ཡི་གེ་དྲུག་མ་རང་བྱོན་དེ་ནུབ་ཕྱོགས་པར་པ་ཏའི་ཡུལ་ཀླུ་སྒྲུབ་ཀྱི་དགོན་པ་གསེར་གྱི་བྱ་རྐང་ཅན་ན། ད་ལྟ་ཡང་ཡོད་སྐད་དོ། །ཡུལ་མ་ག་ཏའི་ནུབ་ཕྱོགས་སུ། ཚོང་དཔོན་མཛེས་པའི་ཏོག་གིས་ཡི་གེ་དྲུག་པ་བཟླས་ཤིང་ཙནྡན་གྱི་སྡོང་པོ་ཞིག་ལ་བསྐོར་བ་ཁོ་ན་བྱས་པས། ཁོང་འདས་ནས་ཙནྡན་སྡོང་པོའི་རྩ་བར་ཕུང་པོ་བསྲེགས་པས། སང་ཕོད་རོ་བསྲེགས་ཤུལ་གྱི་ཙན་དན་དེ་ལ་ལྷ་བ་ཆེན་པོ་ཞིག་བྱུང་ངོ་། །དེའི་ནང་ནས་སྤྱན་རས་གཟིགས་རིགས་ལྔའི་སྐུ་རང་བྱོན་དུ་འཁྲུངས་སོ། །དཀར་པོ་བཅུ་གཅིག་ཞལ་ནི་རྡོ་རྗེ་གདན་ན་བཞུགས། །སྔོན་པོ་བལ་པོ་ན། སེར་པོ་ཨུ་རྒྱན་ཡུལ་ན། དམར་པོ་ཁ་ཆེ་ན། ལྗང་གུ་ཟ་ཧོར་ཡུལ་ན་བཞུགས་སོ། །ཡང་མ་ག་ཏའི་རྐུན་མ་གཅིག་ལ་རྣལ་འབྱོར་པ་གཅིག་གིས་གདམས་ངག་བསྟན་ཏེ། མཆོད་རྟེན་གཅིག་གི་

[Full Size]

ནང་ན་སྤྱན་རས་གཟིགས་ཀྱི་སྐུ་བྱིན་རླབས་ཅན་ཞིག་ཡོད་པ་ལ། ཞག་ཉེར་གཅིག་ལ་ཉིན་མཚན་མེད་པར་བསྐོར་བ་བྱས་པས་སྐུའི་ཞབས་ནས་སྦྲུལ་ནག་གཅིག་བྱུང་དེ་དངོས་གྲུབ་ཡིན་པར་ཤེས་ནས་འཇུས་པས་ཡེ་ཤེས་ཀྱི་རལ་གྲི་འོད་འབར་བ་གཅིག་རེད་ནས། སྐད་ཅིག་དེ་ལ་གྲུབ་པ་ཐོབ་སྟེ། མཁའ་སྤྱོད་དུ་གཤེགས་ཏེ་གྲུབ་ཆེན་ཁངྒ་པའོ། །བྲམ་ཟེའི་བུ་གཅིག་གིས་སྤྱན་རས་གཟིགས་ཀྱི་སྐུ་གཅིག་ལ། མ་ཧཱ་དེ་ཝ་ཡིན་བསམས་ནས་ལོ་བཅུ་གཉིས་ལ་མེ་ཏོག་ཕུལ་ཞིང་འགྱོད་པ་བྱས་པ་ལ། ཀླུ་སྒྲུབ་དེར་བྱོན་ནས་མེ་ཏོག་ཕུལ་བས་སྐུ་འདྲ་དེའི་ཕྱག་གིས་བླངས་ནས་དབུ་ཐོག་ཏུ་བཞག་གོ །བྲམ་ཟེས་ངས་ལོ་བཅུ་གཉིས་མཆོད་པ་ལ་མེ་ཏོག་མ་བླངས། འདིས་ལན་གཅིག་མེ་ཏོག་ཕུལ་བ་བླངས་སྙམ་དུ་སེམས་ཁྲོས་པ་དང་། སྐུ་དེས་གསུང་བསྒྲགས་ནས་ཁྱོད་རང་བསམ་པ་མ་དག་པ་ཡིན་ང་མ་ལེན་གསུངས་པས། ཀླུ་སྒྲུབ་ལ་གདམས་པ་ཞུས་ནས་ཐུགས་རྗེ་ཆེན་པོ་བསྒྲུབས་པས་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་སྟེ། གྲུབ་ཆེན་པ་པཾ་ག་ཛ་ཞེས་གྲགས་སོ། །ཡུལ་ཙམ་པ་ཀའི་མི་དབུལ་པོ་ཞིག་ལ་སྤྲུལ་པའི་དགེ་སློང་གིས་ཐུགས་རྗེ་ཆེན་

[Full Size]

པོའི་དབང་དང་ཡི་གེ་དྲུག་པའི་བསྒོམ་ལུང་གནང་ངོ་། །དེས་ཉམས་སུ་ལེན་ཞིང་ཁུར་བ་མང་པོ་ཉོས་པ་ལ། རིན་མ་འཕྲོད་ནས་མིས་བཟུང་ནས་རྡུང་པ་དང་། ང་གཅིག་པུས་ནི་མ་ཟོས་ཕྱེད་དེ་ཐུགས་རྗེ་ཆེན་པོ་ལ་མཆོད་པ་ཡིན་པས་ང་གཅིག་པུ་མ་རྡུང་སྨྲས་པས། རྩིག་པ་དང་ཀ་བ་ཐམས་ཅད་ནས་གད་མོའི་སྒྲ་ཆེན་པོ་བྱུང་། མི་དེས་སྒྲ་དེ་ལ་ངའི་ཁུར་བ་ཁྱོད་ཀྱིས་ཁྱེར་བ་ཡིན་མོད་སྨྲས་པས། སྤྱན་རས་གཟིགས་ཀྱིས་ཁུར་བའི་རིན་ཏོ་ལོ་བརྒྱ་གནང་བ་མི་དེ་ལ་བྱིན། ཁོང་པོ་ཊ་ལ་ནས་འགྲོ་བ་ལ་བྱོན་པས་ཚེར་མ་ཟུག་ནས་སྨྲེ་སྔགས་བཏོན་པས། ཐུགས་རྗེ་ཆེན་པོས་དངོས་སུ་ཞལ་བསྟན་ནས་ད་སེམས་ཅན་གྱི་དོན་གྱིས་གསུངས་པས། ཤིང་རྟ་ལ་བདུན་ཙམ་གྱིས་ནམ་མཁའ་ལ་འཕགས་ཏེ། གྲུབ་ཆེན་ཙམ་པ་རི་པ་ཞེས་གྲགས་སོ། །ལོ་ལྔ་བརྒྱ་བཞུགས་ནས་འཁོར་བདུན་སྟོང་དང་བཅས་ཏེ་མཁའ་སྤྱོད་དུ་གཤེགས་སོ། །དེ་ལྟར་རྒྱ་གར་དུ་རྒྱུད་མན་ངག་བྱུང་ཞིང་དེ་ལ་བསྟེན་ནས་གྲུབ་པ་ཐོབ་ཚུལ་སོང་ནས། བོད་དུ་དར་ཚུལ་ནི། སྟོན་པ་ཤཱཀྱ་ཐུབ་པ་མྱ་ངན་ལས་འདའ་ཁར། སྤྱན་རས་གཟིགས་ཀྱིས་ད་དུང་བོད་ཁ་བ་ཅན་ཞབས་ཀྱིས་མ་བཅིགས་སྐུའི་འོད་ཀྱིས་

[Full Size]

ཀྱང་མ་ཁྱབ་པས། མྱ་ངན་ལས་མི་འདའ་བར་བཞུགས་པར་ཞུས་པས། དེ་ནི་བྱང་ཆུབ་སེམས་དཔའ་ཁྱེད་ཀྱི་འདུལ་ཞིང་ཡིན་པས་ཐུལ་ཞིག་ཅེས་བཀའ་བསྒོས་པ་དང་། བདེ་བ་ཅན་དུ་བྱོན་པས་སངས་རྒྱས་འོད་དཔག་མེད་ཀྱིས། བོད་ཁ་བ་ཅན་དེ་བྱང་ཆུབ་སེམས་དཔའ་ཁྱོད་ཀྱི་འདུལ་ཞིང་ཡིན་པས་དང་པོ་ཟང་ཟིང་གིས་བསྡུས། དེ་ནས་ཆོས་ཀྱིས་སྨིན་པར་གྱིས་ལ་མཐར་ངའི་དྲུང་དུ་ཁྲིད་ལ་ཤོག་ཅིག །ངས་ཀྱང་གདུལ་བྱའི་གྲོགས་བྱའོ་གསུངས། དེར་སྤྱན་རས་གཟིགས་ཀྱིས་ང་དང་འབྲེལ་པ་ཆེར་བཞག་པའི་སེམས་ཅན་རྣམས་མཐར་བདེ་བ་ཅན་དུ་ཁྲིད་ནས་འོང་གིས་ཞེས་ཞུས་ནས་འཇིག་རྟེན་གྱི་ཁམས་འདིར་བྱོན་ནས། ལྷོ་པོ་ཊ་ལ་ནས་ཞལ་བྱང་ཁ་བ་ཅན་དུ་གཟིགས་ནས་བཞུགས་ཏེ། དེ་ནས་བོད་ཀྱི་འོག་ཏུ་གྲང་དམྱལ་ཟ་མ་ཏོག་ཁ་བཅད་པ་ལྟ་བུ་ཡོད་པ་འོད་ཟེར་གྱི་ཚལ་པ་བཞིར་བཀས་ནས་དྲངས་པས། གངས་རྣམས་ཞུ་ནས་མཚོར་གྱུར། མཚོ་ནང་ནས་བོད་ཀྱི་ས་ཆ་རྣམས་བྱུང་། དེར་སྤྱན་རས་གཟིགས་ཀྱིས་སྤྲེའུ་ཧ་ལུ་མ་དྷ་དང་། སྒྲོལ་མས་བྲག་སྲིན་མོར་སྤྲུལ་ནས་བསྡེབས་པས་དེའི་རིགས་རྒྱུད་མིར་གྱུར་ཞིང་འཕེལ་ཆེ་བས་

[Full Size]

བོད་མིས་གང་ཡང་། མཐའ་འཁོབ་ཏུ་འདྲེ་ལྟར་མི་ཆོས་མི་ཤེས་སོ། །དེ་ནས་སྤྱན་རས་གཟིགས་ལ་བྱང་ཆུབ་སེམས་དཔའ་ནམ་མཁའི་སྙིང་པོས་བོད་དུ་འབྱོན་དགོས་པར་ཞུས་ཕས་རྒྱ་གར་ཤཱཀྱ་ལི་ཙ་བྱིའི་གདུང་རྒྱུད་རྒྱལ་པོ་གཉའ་ཁྲི་བཙན་པོར་སྤྲུལ་ནས་བོད་ལ་རྒྱལ་ཁྲིམས་དང་མིའི་ཆོས་རྣམས་བསྟན་པས། དེ་བྱུང་ཆུབ་སེམས་དཔའ་ནམ་མཁའི་སྙིང་པོའི་སྤྲུལ་པ་ཡིན་པར་གྲགས་སོ། །དེའི་རྒྱལ་རབས་ཉི་ཤུ་རྩ་ལྷག་གི་རིང་ལ་བོན་དར་རོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཐུགས་རྗེ་ཆེན་པོ་བོད་དུ་བྱོན་པར་ཞུས་པས་། རྒྱལ་པོ་ཐོ་ཐོ་རི་སྙན་ཤར་དུ་སྤྲུལ་ཏེ་རྒྱལ་པོའི་ཕོ་བྲང་གི་རྩེར་བཞུགས་པས་འཇའ་འོད་མེ་ཏོག་གི་ཆར་རོལ་མོའི་སྒྲ་དང་བཅས། ཐུགས་རྗེ་ཆེན་པོའི་མདོ་ཟ་མ་ཏོག་དང་། །ཤེལ་གྱི་མཆོད་རྟེན་ནམ་མཁའ་ནས་བབས་ཤིང་། མི་རབས་ལྔ་ནས་འདིའི་དོན་ཤེས་པ་བྱུང་ཟེར་བའི་ལུང་བསྟན་བྱུང་བས། དེ་ལ་གཉེན་པོ་གསང་བའི་མིང་བཏགས་ནས་མཆོད་པ་བྱས་པས། རྒྱལ་པོ་རྒས་པ་གཞོན་ནུར་གྱུར་ཏེ་ལོ་བརྒྱ་དང་ཉི་ཤུ་ཐོབ་བོ། །དེ་ལ་ཀུན་ཏུ་བཟང་པོའི་སྤྲུལ་པར་གྲགས་སོ། །དེ་ནས་མི་རབས་ལྔ་ནས་རྒྱལ་པོའི་སྲས་ཀྱི་དབུ་

[Full Size]

སྟེང་ན་འོད་དཔག་མེད་ཀྱི་དབུ་ཡོད་པ་ཞིག་འཁྲུངས་པས། དབུ་སྟེང་མ་རྭ་བས་དཀྲིས་པས་ལ་ཐོད་བྱུང་ངོ་། །དེ་ལ་སྲོང་བཙན་སྒམ་པོ་བཏགས་ཏེ་སངས་རྒྱས་ཐམས་ཅད་ཀྱིས་དབང་བསྐུར། ཐུགས་རྗེ་ཆེན་པོས་ཀྱང་ཐུགས་རྒྱུད་ལ་སོགས་པ་ཡི་གེ་དྲུག་མའི་གདམས་པ་གནང་། ལྷ་ས་བཞེངས་པ་སོགས་གཙུག་ལག་ཁང་བརྒྱ་རྩ་བརྒྱད་བཞེངས་། ཐུགས་དམ་བཅུ་གཅིག་ཞལ་རང་བྱོན་དུ་བྱུང་། ཐོན་མི་སམ་བྷོ་ཊས་ཡི་གེ་བསླབས་ཤིང་ལོ་ཙཱ་བྱས་ནས། ཨོ་རྒྱན་གྱི་སློབ་མ་བལ་པོ་ཤྲཱི་ལ་མཉྫལས་ཐུགས་རྗེ་ཆེན་པོའི་ཆོས་སྐོར་རྒྱལ་པོས་གསན། མདོ་རྒྱུད་ཉི་ཤུ་རྩ་གཅིག་སོགས་ཐུགས་རྗེ་ཆེན་པོའི་ཆོས་མང་དུ་བསྒྱུར། རྒྱལ་པོ་ཉིད་ཀྱིས་ཀྱང་ཐུགས་རྗེ་ཆེན་པོའི་གདམས་པ་མང་དུ་གསུངས་པས་བློན་འབངས་ཐམས་ཅད་བྱང་ཆུབ་ཀྱི་ལམ་ལ་བཀོད་དོ། །དེ་ཚེ་ཨོ་རྒྱན་རིན་པོ་ཆེ་རྫུ་འཕྲུལ་གྱིས་བོད་དུ་བྱོན་ནས་སྲོང་བཙན་གྱིས་མཛད་པའི་ཐུགས་རྗེ་ཆེན་པོའི་སྐོར་རྣམས་གསན་པར་མཛད་དོ། །རྒྱལ་པོ་ཡབ་ཡུམ་གསུམ་སྐུ་གདུང་མ་བཞག་པར་བཅུ་གཅིག་ཞལ་ལ་ཐིམ་མོ། །དེ་ནས་རྒྱལ་རབས་བཞིའི་དུས་ལ། འཇམ་དབྱངས་ཀྱི་ཐུགས་རྗེ་ཆེན་པོ་

[Full Size]

བོད་དུ་འབྱོན་པར་ཞུས་པས་རྒྱལ་པོ་ཁྲི་སྲོང་ལྡེའུ་བཙན་དུ་སྤྲུལ། ཨོ་རྒྱན་ཆེན་པོ་ལ་སོགས་པའི་པཎྜི་ཏ་མཁས་པ་བརྒྱ་རྩ་བརྒྱད་གདན་དྲངས། བོད་ཀྱི་ལྷ་འདྲེ་དམ་ལ་བཏགས་ནས་སྲུང་མར་བསྐོས་སོ། །བསམ་ཡས་སོགས་གཙུག་ལག་ཁང་ཆེན་བརྒྱ་དང་རྩ་བརྒྱད། ཕྲན་བུ་སྟོང་དང་རྩ་གཉིས་བཞེངས། ལང་གྲོ་ལོ་ཙཱ་དཀོན་མཆོག་འབྱུང་གནས་ལ་སོགས་པ་ལོ་ཙཱ་བ་བརྒྱ་རྩ་བརྒྱད་ཀྱིས་མདོ་སྔགས་ཀྱི་ཆོས་རྒྱ་མཚོ་ལྟ་བུ་བོད་དུ་བསྒྱུར་རོ། །དེའི་ཚེ་ལང་གྲོ་ལོ་ཙཱ་ཆོས་མཁས་ཤིང་མགུ་དཀའ་བས། ཚིག་ལེགས་ཤིང་དོན་ཟབ་པ་མང་ཉུང་རན་པ་རྣམས་གནང་ཞིང་། བསམ་ཡས་ཨཱརྱ་པ་ལོའི་གླིང་དུ་འབྲུག་ལོ་ནས་དབུ་བཙུགས་ཏེ། ཐུགས་རྗེ་ཆེན་པོ་གསང་བ་འདུས་པའི་རྒྱུད་འདི་ནི་མཁའ་འགྲོ་བརྡའི་རྒྱ་དཔེ་ལ་ཨོ་རྒྱན་ཆེན་པོ་ཉིད་ཀྱིས་སྒྲ་རང་འགྱུར་དུ་མཛད། གཞན་ཕལ་ཆེར་ནི་ལང་གྲོ་ལོ་ཙཱ་ཉིད་དང་། རྒྱལ་བ་མཆོག་དབྱངས་དང་ནམ་མཁའི་སྙིང་པོ་སྐ་ཅོག་རྣམ་གཉིས་སོགས་ཀྱིས་བསྒྱུར་ཞིང་གཏན་ལ་ཕབ། ཕྱིས་དགེ་བསྙེན་མཁའ་རིས་གདན་དྲངས་དུས་ཤོག་སེར་ལ་བཀོད་དོ། །སྤྲེལ་ཟླའི་ཚེས་བཅུ་ལ་བསམ་ཡས་དབུ་རྩེའི་བར་ཁང་དུ་ཨོ་རྒྱན་ཆེན་པོ་

[Full Size]

ལོ་པཎ་རྣམས་དང་བཅས་པ་བཞུགས་པའི་ཚེ། ཨོ་རྒྱན་ཆེན་པོའི་མཛོད་སྤུ་ནས་འོད་ཟེར་ཕྱོགས་བཅུར་འཕྲོས་པས། སངས་རྒྱས་བྱང་སེམས་ཞི་ཁྲོའི་ལྷ་ཚོགས་ཐམས་ཅད་ཀྱིས་ནམ་མཁའ་གང་། དབུ་ཐོག་ན་ཐུགས་རྗེ་ཆེན་པོ་གསང་བ་འདུས་པ་གཙོ་འཁོར་གསུམ། གསང་བ་ཡེ་ཤེས་སྒྲོལ་མ་ཐུབ་པ་དྲུག་དང་བཅས་པ། ཐུགས་རྗེ་ཆེན་པོའི་དབུ་སྟེང་འདོམ་གང་ཙམ་ན་སངས་རྒྱས་སྣང་བ་མཐའ་ཡས་སེམས་དཔའ་ཡབ་ཡུམ་གྱིས་བསྐོར་བ། རྟ་མགྲིན་ཡབ་ཡུམ་མཁའ་འགྲོ་སྡེ་བཞི་དང་བཅས་པ་དེར་ཚོགས་པ་ཐམས་ཅད་ཀྱིས་དངོས་སུ་དར་ཅིག་མཐོང་ངོ་། །དེར་ལང་གྲོ་ལོ་ཙཱས་བསྟན་གཙོའི་གསེར་སྐུ་སོགས་རྟེན་དང་མཆོད་ཆ་གསེར་གཡུའི་མཎྜལ་ཕུལ་ནས། བདག་གིས་འགྲོ་བ་སེམས་ཅན་གྱི་དོན་དུ་སྨོན་ལམ་དབང་གིས་སྐྱེ་བ་མཐོ་དམན་བཟང་ངན་གང་འདུལ་དུ་སྐྱེ་ཞིང་འགྲོ་དོན་དཔག་ཏུ་མེད་པ་འགྲུབ་པར་གྱུར་ཅིག །བདག་གི་ཤ་རུས་ཁྲག་ལ་སོགས་པ་སྲན་མ་ཡུངས་འབྲུ་ཙམ་ལྟོར་སོང་བ་དང་། མདོར་ན་བདག་ལ་རེ་ཞིང་ལྟོས་པ་དང་། འབྲེལ་གྱུར་ཐམས་ཅད་ཇི་སྲིད་བདག་སངས་མ་རྒྱས་ཀྱི་བར་དུ་འཁོར་གྱི་ལས་ཅན་དུ་གྱུར་ཞིང་། མཐར་

[Full Size]

དག་པའི་ཞིང་དུ་བདེ་བ་ཅན་དུ་ལྷན་ཅིག་ཏུ་གྱུར་ཏེ། སྐུ་གསུང་ཐུགས་ཀྱི་སྤྲུལ་པས་འཁོར་བ་མ་སྟོངས་ཀྱི་བར་དུ་སྤྱོད་པར་གྱུར་ཅིག །ཅེས་སོགས་སྨོན་ལམ་བཏབ་པས་ཐམས་ཅད་ཀྱིས་མཐུན་འགྱུར་མཛད། ལྷ་ཚོགས་རྣམས་གུ་རུ་ལ་ཐིམ། ལང་གྲོས་ཕྱག་སྟོང་ཕྲག་གཅིག་འཚལ་ལོ། །ཐུགས་རྗེ་ཆེན་པོ་གསང་བ་འདུས་པ་འདིའི་སྒྲུབ་ཆེན་ཨཱརྱ་པ་ལོའི་གླིང་དང་མཁར་ཆུ་སོགས་སུ་དཀྱིལ་འཁོར་ཞལ་ཕྱེས་ཤིང་། བཀའ་སྲུང་རྣམས་ལ་བཀའ་བསྒོས་མཛད་པས། སོ་སོས་ཁས་བླངས་དམ་བཅས་སོ། །དེ་ནས་བསེ་སྒྲོམ་དམར་པོའི་ནང་དུ་བཅུག་ནས། དགེ་བསྙེན་ཤེའུ་མཁའ་རི་དང་། །ཀླུ་བདུད་ནག་པོ་མགོ་དགུ་དང་། །མ་མོ་སྔགས་ཀྱི་སྲུང་མ་དང་། །དམ་ཅན་རྡོ་རྗེ་ལེགས་པ་ལ། །བཀའ་འདི་གཏད་དོ་ས་མ་ཡ། །ཐུགས་གཏེར་གསང་གཏེར་ཡང་གཏེར་ལ་སོགས་པ། །ཡོངས་གྲགས་གཏེར་ཁ་བྱེ་བ་སར་སྦས་ཀྱང་། །ཐུགས་གཏེར་ཡང་གཏེར་སྙིང་པོའི་གསང་གཏེར་གསུམ། །གཏེར་བདག་བཟང་ཕྱིར་གནམ་སྐས་བྲག་ལ་སྦས། །ལྷག་ཆད་མེད་དོ་ཐུགས་རྗེའི་ལས་ཚོགས་ཚང་། །ལྷག་ཆད་མེད་དོ་ཡང་གསང་ཆོས་སྐོར་ཚང་། །མཐར་ཐུག་

[Full Size]

ཡིན་ནོ་སྙིང་ལ་ཏིག་གོ་རྒྱུ། །མ་འོངས་རྩོད་ལྡན་དུས་ཀྱི་ཐ་མ་ལ། །པདྨའི་རིགས་ཅན་ལྕགས་ཁམས་ལུག་གི་ལོ། །བུ་དང་འཕྲད་ནས་བསྟན་པ་མཐའ་རྒྱས་ཤོག། ཅེས་གསུངས་ནས་སྦས་སོ། །དེ་ནས་ཨོ་རྒྱན་རིན་པོ་ཆེ་སྲིན་ཡུལ་དུ་བྱོན་རྗེས། མངའ་བདག་ཁྲི་རལ་གྱིས་ལོ་པཎ་མང་པོ་གདན་དྲངས་ཆོས་རྣམས་སྐད་གསར་བཅད་ཀྱིས་སམ་སྐྲྀ་ཏའི་སྐད་ལས་བསྒྱུར་བ་སོགས་དར་རྒྱས་མཛད་ཀྱང་། ནུ་བོ་གླང་དར་གྱིས་ཆོས་བསྣུབས་ནས་གཏེར་དུ་སོང་བ་མ་གཏོགས་ཕལ་ཆེར་མེད་པར་བྱས་པས། ལོ་དྲུག་ཅུར་དབུས་གཙང་དུ་བསྟན་པ་ནུབ་བོ། །དེ་ནས་གཏེར་སྟོན་སངས་རྒྱས་བླ་མ་སོགས་རིམ་པར་བྱོན་ཏེ་རྙིང་མ་རྣམས་དར། རཏྣ་གླིང་པ་ཡན་ཆད་དུ་ཡང་གཏེར་སྟོན་བཞི་བཅུ་ལྷག་ཙམ་བྱོན་ནོ། །དེ་དག་གི་གཏེར་ཁ་རེ་རེ་ནས་ཐུགས་རྗེ་ཆེན་པོའི་ཆོས་སྐོར་རེ་རེ་བྱོན་པས་འགྲོ་དོན་དུས་སྐབས་སོ་སོར་བྱུང་། གསར་མའི་ལོ་ཆེན་རིན་བཟང་གིས་ཐུགས་རྗེ་ཆེན་པོ་པདྨ་རྒྱལ་པོ་དང་པདྨ་ཟབ་པའི་རྒྱུད་བསྒྱུར་བ་དང་། ཇོ་བོ་རྗེ་བོད་དུ་བྱོན་ནས་གསང་འདུས་འཇིག་རྟེན་དབང་ཕྱུག་སོགས་ཡི་གེ་དྲུག་པའི་སྒྲུབ་ཐབས་བསྒྱུར་བ་ལས་ཞལ་གཟིགས་

[Full Size]

པ་མང་དུ་བྱོན། གྲུབ་ཐོབ་ཅེར་སྒོམ་པ་དང་སྐྱེར་སྒང་པ་སོགས་ཀྱིས་ཡི་གེ་དྲུག་པ་ཁོ་ན་ཐུགས་དམ་མཛད་ཅིང་ཞལ་གཟིགས། གཏེར་སྟོན་གྲུབ་ཐོབ་དངོས་གྲུབ་དང་། ཉང་དང་ཆོས་དབང་གསུམ་གྱིས་ནི་ཐུགས་རྗེ་ཆེན་པོ་ཁོ་ན་ལ་ཐུགས་དམ་མཛད་པས་འགྲོ་དོན་གཏེར་སྟོན་གཞན་བས་ལྷག་པ་བྱུང་ངོ་། །དེ་ནས་གཏེར་འདི་ཇི་ལྟར་བཏོན་ཚུལ་ནི། པདྨ་བཀའ་ཐང་རྒྱས་བསྡུས་རྣམས་ནས། གཏེར་སྟོན་བརྟགས་པའི་སྐབས་ནས། གཏེར་ཁ་མང་མཐུན་ལུང་གིས་ཟིན་ལ་བྱེད། །ཅེས་གསུངས་པ་ལྟར་སྔོན་གྱི་གཏེར་ཁ་བརྒྱད་ནས་རཏྣ་གླིང་པ་ལུང་བསྟན་པ་ཡིན་ཏེ། མངའ་བདག་ཉང་གི་གཏེར་ཁ་ལུང་བསྟན་གཏེར་རྒྱ་ཞེས་བྱ་བ་ནས། ལོ་ནི་ལྔ་བཅུ་ཁ་རལ་དུས། །ཉི་མ་ཤར་ལྷོའི་ཕྱོགས་དག་ཏུ། །ཆོས་ཀྱི་རྒྱལ་པོ་རཏྣ་གླིང་། །ཕྲིན་ལས་བཞི་ལ་མངའ་བརྙེས་པས། །མཚོ་རྒྱལ་ཁྱེད་ཀྱི་སྤྲུལ་པའམ། །བྱིན་གྱིས་བརླབས་པའི་སྐྱེས་བུ་འབྱུང་། །ཞེས་དང་། གུ་རུ་ཆོས་དབང་གི་གཏེར་ཁ་སྐུ་གསུམ་སྒྲུབ་པའི་ལུང་བྱང་ནས། འདི་ནས་བྱང་ཕྱོགས་ཤིང་སྒོའི་མཚམས། །རི་བོ་ཁྱུང་ཆེན་ལྟ་བུའི་སར། །ལུག་ལོར་པདྨ་དབང་ཆེན་རྩལ། །བསྐྱེད་རྫོགས་དོན་

[Full Size]

ལ་མཁས་པ་འབྱུང་། །ཞེས་དང་། རིན་ཆེན་གླིང་པའི་གཏེར་ཁ་སྤྱི་འདུས་འཁོར་ལོའི་ལུང་བྱང་ལས། རིགས་ལྡན་གསུང་གི་སྤྲུལ་པ་ནི། །གངས་རིས་བསྐོར་བའི་ས་ཕྱོགས་སུ། །སྐྱེས་བུ་བློ་གྲོས་སྟོབས་ལྡན་པ། །རཏྣ་གླིང་ཞེས་གྲགས་པ་འབྱུང་། །ཞེས་དང་། གཏེར་སྟོན་ཤེས་རབ་མེ་འབར་གྱི་གཏེར་ཁའི་དྲི་མེད་ཟླ་ཤེལ་སྤྱི་ལུང་ལས། གཏེར་གྱི་བསྟན་སྐྱོང་འགྲོ་འདུལ་གླིང་། །མོན་བོད་གཉིས་ཀྱི་མཚམས་སུ་འབྱུང་། །ཞེས་དང་། གུ་རུ་ཇོ་རྩེའི་གཏེར་ལུང་ལས། །མོན་བུ་སྤྱི་བཅིངས་སྐུ་ཡི་ལཱ་བ་ཅན། །རི་བོ་ཁྱུང་ཆེན་ལྡིང་བའི་ཞོལ་དུ་འབྱུང་། །དེ་དུས་མོན་བུས་ཡི་དམ་འདི་ལ་གྱིས། །ཞེས་དང་། གུ་རུ་ཚེ་བརྟན་གྱི་གཏེར་ཁའི་ལུང་ནས། ཨོ་རྒྱན་བསྟན་འཛིན་འགྲོ་འདུལ་གླིང་། །གནས་ལུགས་དོན་གྱི་དགོངས་གཏེར་རྡོལ། །ཆོས་ཀྱི་བསྟན་འཛིན་རཏྣ་འབྱུང་། །ཞེས་དང་། ཚེ་བརྟན་གཏེར་ཁའི་གནད་ཡིག་ལས། །རྣལ་འབྱོར་སྐུ་ཡི་ལྭ་བ་ཅན། །བོད་ཡུལ་མཐའ་དབུས་ཀུན་ཁྱབ་པར། །ལོ་ནི་ལྔ་བཅུ་ཁ་རལ་དུས། །ང་ཡི་བསྟན་པ་རྒྱས་བྱེད་འབྱུང་། །ཞེས་དང་། ཨོ་རྒྱན་གླིང་པའི་བཀའ་ཐང་

[Full Size]

ལས། ཁྱུང་ཆེན་བྲག་ལ་སྦས་པའི་གཏེར་ཁ་འདི། །མི་བཞག་འདོན་པའི་རྟགས་དེ་བསྟན་ནས་འབྱུང་། །གཏེར་སྟོན་ཞིག་པོ་གླིང་པ་ཞེས་བྱ་འབྱུང་། །ཞེས་སོགས་ལུང་བསྟན་མང་དུ་གསལ་བ་དང་མཐུན་པར། སྤྲུལ་པའི་རྣལ་འབྱོར་པ་ཞིག་གིས་ཁ་བྱང་ཤོག་སེར་གཏད་ནས།——དང་པོ་ཁྱུང་ཆེན་བྲག་ནས་གཏེར་བཏོན་པས་གཏེར་སྲུང་གི་ཆོ་འཕྲུལ་རྡོ་ལག་མགོ་ཙམ་ལུག་མགོ་ཙམ་གྱི་ཆར་ཕབ། སེར་བ་ཅོ་གའི་སྒོ་ང་ཙམ་བྱུང་བས་ང་ཨོ་རྒྱན་གྱིས་ལུང་བསྟན་པའི་གཏེར་སྟོན་ཡིན་ན་ཆོ་འཕྲུལ་མ་སྟོན། མིན་ན་ཅི་འདོད་གྱིས་གསུངས་ནས་ན་བཟའ་བརྡབས་པས་ཆོ་འཕྲུལ་ཞི་སྟེ་གཏེར་ཐོན། དེ་ནས་རིམ་པ་ལྟར་གཏེར་ཁ་ཉི་ཤུ་རྩ་ལྔ་བཏོན་པས་ཨོ་རྒྱན་དང་ལན་ཉི་ཤུ་རྩ་ལྔ་མཇལ། ཁྱད་པར་དུ་ཐུགས་རྗེ་ཆེན་པོ་གསང་འདུས་ཇི་ལྟར་བཏོན་ཚུལ་ནི། ཁ་བྱང་ནི་ཐུགས་སྒྲུབ་གཉལ་སྨད་དགེ་རིས་ལང་གྲོས་ཞུས་ལེན་གྱི་ཤོག་སེར་གཤམ་ན། བདག་འདྲ་པདྨ་འབྱུང་གནས་ཀྱིས། །ངོ་མཚར་ཁ་བྱང་བསྟན་པར་བྱ། །ལ་ཡག་མོན་མཁར་སྟེང་ཞེས་བྱ། །ཕ་ཝང་གཡུ་སྒྲོམ་ཐད་ཀྱི་བྱང་། །རྟགས་ལ་གནམ་སྐས་ཅན་གྱི་བྲག །དེའི་ཐད་ལྷོ་ཕྱོགས་རྫ་སྣ་ལ། །ཕ་ཝང་

[Full Size]

རྒོད་པོ་གསུམ་ཚོགས་འདྲ། །དེ་ནས་སྲིན་ཚད་བྱང་དུ་འཇལ། །བརྒྱད་ཚད་ཚང་ནས་ཕ་ཝང་སྤྲེའུ། །དཀར་པོ་འདྲ་བའི་བྱང་ཐད་ན། །གནམ་སྐས་བྲག་གི་ཤར་ཕྱོགས་ལ། །རྟ་ལྕགས་འདྲ་བའི་བྲག་དཀྱིལ་ན། །བྲག་སྲུབ་གཞུ་འདྲའི་ཆང་ཟུང་ན། །སྲིན་ཚད་ཁྲུ་བདུན་བྱང་དུ་འཇལ། །བྲག་ལུང་བྲག་ངན་གྲུམ་པ་འདྲ། །ཁྲུ་གསུམ་གསང་ཚད་རིམ་པས་འབྱུང་། །མཐོ་དམན་གསང་ཚད་ལྷོ་ངོས་ཀྱི། །བྲག་སྣར་མཚལ་གྱི་གཡུང་དྲུང་དམར། །ཉི་ཟླ་རིས་ཡོད་དེ་དང་མཉམ། །རིན་ཆེན་བསེ་སྒྲོམ་དམར་པོའི་ནང་། །ཐུགས་རྗེ་ཆེན་པོ་གསང་བ་འདུས། །བོད་ཡུལ་གཏེར་གྱི་སྙིང་ཁྲག་ཡིན། །རྒྱུད་དང་མན་ངག་ལ་སོགས་བཅས། །ཡིད་བཞིན་ནོར་བུའི་བང་མཛོད་འདྲ་། །བྲམ་ཟེ་དྲི་མེད་ཤ་རིལ་དང་། །དགའ་རབ་ཤྲཱི་སེང་ཨོ་རྒྱན་གྱི། །ཆོས་སྨན་གསུམ་ཡོད་ངོ་མཚར་མཆོག །རིལ་བུ་སེར་པོ་དགའ་རབ་སྟེ། །སྨུག་པོ་ཤྲཱི་སེང་ཧ་ཡིན། །ཕྱེ་མ་རྗེ་འབངས་ཉེར་ལྔ་ཡིས། །བསམ་ཡས་བསྒྲུབས་པའི་སྨན་ཕུད་ཡིན། །བེ་རོ་ཙ་ནའི་དབང་ཕུར་དང་། །ནམ་མཁའི་སྙིང་པོའི་དབུ་སྐ་དང་། །གཞན་ཡང་ངོ་

[Full Size]

མཚར་རྫས་མཆོག་བཅས། །སྙིང་པོའི་བྱང་གཏེར་འདི་ཉིད་དེ། །རྩི་དུག་སྲུང་བའི་རིལ་བུ་བསྲེགས། །ལུས་ལ་གཞུང་བཞིན་རྒྱན་འཁོར་བཏགས། །བུ་མོ་སྤྲེལ་ལོའི་མཐུན་གྲོགས་གཅེས། །གཏེར་ཚབ་བུམ་པ་རྫས་ལྡན་སྦ། །གསང་ལུག་གཡག་དང་བཤོས་བུ་དང་། །རྩི་སྨན་ཆབ་གཏོར་སྨན་ཕུད་ཀྱིས། །མཁའ་རི་ཀླུ་བདུད་གཏེར་སྲུང་མཆོད་། །པདྨ་བདག་ལ་གསོལ་བ་ཐོབ། །དཔའ་བའི་གདེང་སྐྱེད་བསྐྱེད་རིམ་བསྒོམ། །རྫས་སྲུང་འཁྲུལ་དམིགས་བཞིན་དུ་བྱ། །བདེན་པ་བདར་ལ་ཐ་ཚིག་བརྗོད། །སྐྱེས་བུའི་དོན་འགྲུབ་ཨེ་མ་ཧོ། །ཞེས་པ་བྱུང་བ་ལ། ཆོས་དབང་གི་གདུང་རྒྱུད་སོགས་བླ་མ་གསུམ་གྱིས། ཁྱོད་ཀྱི་གཏེར་རྣམས་ངོ་མཚར་ཆེ། ཨོ་རྒྱན་དངོས་ཀྱི་འདུན་པ་ཡོད་ཀྱང་། ཁྲོམ་གཏེར་ཞིག་མཛད་ན་སྙིགས་མའི་མི་རྣམས་ཐེ་ཚོམ་ཆོད་པ་ཡིན་ཞེས་ཟེར་མཁན་མང་ངོ་། །ངེད་རྣམས་ཀྱང་སྤྲོ་བས་འདི་ཕྱོགས་སུ་གཏེར་འདོན་རྒྱུ་གདའ་ན་ཅིས་ཀྱང་ཁྲོམ་གཏེར་མཛད་པར་ཞུ་ཟེར་བ་དང་། བླ་མ་རས་པ་བས་ཀྱང་དེ་ལྟར་ཟེར་ནན་གྱིས་བསྐུལ་བ་ལ་བརྟེན་ནས། ཁོ་བོ་ལ་མྱུར་པོ་ཅིག་ཐུགས་རྗེ་ཆེན་པོའི་སྒྲུབ་སྐོར་བོད་གངས་ཅན་

[Full Size]

ལ་ཟབ་པ་གཅིག་ཁོ་བོའི་ལག་ཏུ་འོང་བར་ཡོད་དོ། །ཁྱེད་ཞུ་བ་པོ་རྣམས་ཡིད་ཚིམ་པ་ཞིག་བྱའི་གསུངས། དེ་ནས་གཏེར་འདོན་པར་ཉེ་བ་ན། བླ་མ་སྐུ་ཆེ་བ་སྐྱ་སེར་ཐམས་ཅད་ལ་གཏེར་སྲུང་ཀླུ་བདུད་ཀྱི་རྟགས་དང་ཆོ་འཕྲུལ་ཤིན་ཏུ་ཆེ་བར་བྱུང་འདུག །དེ་ནས་སྟག་ཟླའི་ཚེས་གཅིག་ཉིན་བུ་ཆེན་གྲྭ་སློབ་དང་ཁྲོམ་ཚོགས་ཆེན་པོ་འཚོགས་ནས་གཏེར་བཏོན་པའི་ཚེ། གཏེར་སྲུང་མཁའ་རིའི་གངས་རིའི་རྩེ་ནས། གནམ་སྐས་ཅན་གཏེར་འདོན་ས་དེར་འཇའ་དཀར་པོ་དར་ཡུག་བརྒྱངས་པ་ལྟ་བུ་ལྔ་ཟུག །གཞན་ཡང་ཕྱོགས་ཐམས་ཅད་དུ་འཇའི་གུར་ཕུབ། དགེ་བསྙེན་མཁའ་རི་དཔོན་གཡོག་དངོས་སུ་བྱུང་ནས། རྟའི་ལྕག་ཙན་བྲག་ལ་བཙུགས་ནས། གཏེར་འདི་ན་ཡོད། སྤྱིར་བྲག་འདི་ལ་ཐུགས་གཏེར་བདུན་ཡོད་པ་ལས། འདིར་སྔོན་ཆད་གསུམ་སོང་། ད་དུས་ལ་བབ་ཅིས་ཀྱང་ཐོན་ཞིག་ཅེས་དངོས་སུ་ལུང་བསྟན། དེ་ནས་གཏེར་སྲུང་མཆོད་ཅིང་བརྐོས་པས། བྲག་རྡོ་ཁྲིག་ཅོ་ལེ་བ་ཅིག་བཀོག་པའི་རྗེས་ལ། བྲག་ཁྲིག་ས་སྤྱིན་གྱིས་སྦྱར་བའི་ཁྲིག་ཞིབ་མོ་ཞིག་བྱུང་། དེ་བཀོག་པའི་རྗེས་ལ་བྲག་སྲུབ་ཁྲ་ཤིག་གེ་བ་ཟད་དུས། བྲག་ཕུག་གྲུ་

[Full Size]

བཞི་པ་ཞིག་གི་ནང་ན་ལྕགས་ཕུར་དཀར་རྩེ་རེ་འདུག ། དེ་བླངས་པས་རྫི་དུག་གིས་མགོ་འཁོར་སྐྱུགས་ལོག་བརྒྱལ་ལ་ཁད་བྱུང་བས། ཕར་སོང་ནས་ཅུང་ཟད་ངལ་བསོས། །འདོན་རོགས་འགའ་ལ་ཡང་རྫི་དུག་ཕོག་པའི་ནད་འགའ་བྱུང་། དེ་ནས་ཤོག་སེར་བསེ་སྒོམ་ཆོས་སྨན་གྱི་གའུ་རྣམས་བཏོན་གསོལ་བ་བཏབ་ཅིང་ཆོས་སྨན་གའུ་ནས། དེར་འཚོགས་པ་རྣམས་ལ་དངོས་གྲུབ་གནང་། ཚོགས་འཁོར་ཕུལ། གཏེར་སྲུང་ཀླུ་བདུད་རྩུབ་པས་ཉེ་གནས་ཀྱི་ལག་པ་ལ་ལྷོག་པ་བརྒྱབ། དེ་སྐོར་གྱི་བླ་མ་གདན་ས་པ་ཆེ་ཆུང་སོགས་ཐམས་ཅད་ལ་མི་ནག་དང་མོན་དང་ཨ་ཙ་ར་དང་གཡག་མགོ་ཅན་དང་། རྟ་མགོ་ཅན་གྱིས་ཁྱིམ་གང་བ་སོགས་གཏེར་བདག་གི་ཆོ་འཕྲུལ་ཆེ་དྲགས་ནས་མི་ཟུག་པ་ཙམ་བྱུང་བ་ལ་ཡང་། ཁྱུང་གི་རྗེས་གཅོད་སོགས་རྟེན་འབྲེལ་འགའ་རེ་མཛད་པས་ཆད་དོ། །དེ་ལྟར་ཁྲོམ་གཏེར་མཛད་པས་ཐམས་ཅད་ཡིད་ཆེས་པར་གྱུར་ཏོ། །གཞན་ཡང་དགེ་རིའི་ཤོག་སེར་ལས། ཨེ་མ་ངོ་མཚར་ཡ་མཚན་རྫ་ས། །སྤྱན་རིས་གཟིགས་དབང་འགྲོ་བའི་དོན། །སྤྲུལ་སྐུ་བྲམ་ཟེ་དྲི་མེད་དེ། །བལ་ཡུལ་ཡམ་བུའི་བྲག་ཁྲོད་དུ། །འདའ་བའི་ཚུལ་

[Full Size]

བསྟན་དེ་ཡི་ཤ། །ཨོ་རྒྱན་བདག་དང་བི་མ་ལ། །རྒྱ་ནག་མཁས་པ་ཧྭ་ཤང་གིས། །རྒྱ་གར་རྒྱ་ནག་བལ་ཡུལ་དང་། །བོད་ཡུལ་འགྲོ་བའི་དོན་དུ་བགོས། །དབུ་དང་ཐུགས་དང་ནང་གཞུག་དང་། །སྒལ་ཚིགས་ཕྱག་གཡས་བོད་དུ་དྲངས། །དབུ་ཀླད་ཐུགས་དང་གློ་མཆིན་རྣམས། །གཏེར་ཁ་ཉི་ཤུ་རྩ་ལྔར་སྦས། །ཐུགས་ནི་གཏེར་ཁ་ལྔ་རུ་གཏམ། །དེ་ལ་དབུ་ཀླད་ཐུགས་མཆིན་བཅས། །ངོ་མཚར་རྫས་སྦྱར་པདྨས་བསྒྲུབས། །རིལ་བུ་དང་ནི་ཆོས་སྨན་བཅས། །རིན་པོ་ཆེ་ཡི་གའུར་བྲུབ། །བསམ་ཡས་དབུ་རྩེ་བྱང་ཆུབ་ཆེ། །སྐུ་རྒྱབ་དྲང་པོའི་གཡོན་ངོས་ཁྲི། །ས་ནས་ཁྲུ་གསུམ་རྒྱ་ཐིག་ནས། །གཡོན་ནས་ཁྲུ་གསུམ་གསང་བའི་ཚད། །སྤང་ཁྲི་ལྕགས་གཟེར་རུས་སྦལ་མགོ ། གཡོན་དུ་ཞགས་པ་སོ་ཕག་སྒོ། །མཐོ་གང་འོག་བྲུས་སྤྱང་ཁྲིའི་ནང་། །བདོག་པས་དོན་འགྲུབ་ས་མ་ཡ། །ཞེས་གསུངས་པ་ལྟར་བདེ་བླག་ཏུ་ཐོན་ནོ། །ཡང་ཁྱུང་ཆེན་བྲག་གི་ཐེམ་ཡིག་བརྒྱབས་ནས། ཨེ་མ་ཧོ། བསམ་ཡས་དབུ་རྩེ་འོག་ཁང་གི །བྱང་ཆུབ་ཆེན་པོའི་ཞབས་སེན་གཡོན། །ཟུར་ནས་སྲིན་ཚད་འདོམ་གང་རྒྱབ། །འཇལ་བས་སོ་ཕག་

[Full Size]

ཤིང་ཁྲིའི་མཚམས། །འབུར་མོ་གསུམ་གྱི་དབུས་མ་ཕྱུང་། །རྒྱལ་བ་རྒྱ་མཚོས་སྣ་དྲངས་པའི། །སྐྱེས་རབས་ལུང་བྱང་ཐུགས་ཁྲིད་དང་། །སྒྲ་འགྱུར་ཞལ་ཐེམས་ལ་སོགས་ཡོད་། །རྒྱལ་པོ་ཕུད་གཏོར་བཤོས་བུས་མཆོད། །ཅེས་གསུངས་པ་ལྟར་གསང་ཐབས་སུ་བཏོན་པས་དཀོར་གཉེར་གྱིས་འཕྲིགས་ནས། གཏེར་སྟོན་ལ་གྲི་ལན་གསུམ་བརྒྱབ་ཀྱང་མ་ཟུག །གཏེར་ཐོན་ནས་བྲོས་པས་ཐར་ཙམ་བྱུང་ངོ་། །དེ་ལྟར་གསང་འདུས་འདིའི་ཆོས་དང་དམ་རྫས་གཏེར་ཁ་གསུམ་ནས་བཏོན་ནོ། །དེ་ནས་རིལ་བུ་བུམ་སྒྲུབ་ཀྱི་ཞལ་ཕྱེས་ཚུལ་ནི། བྱ་ལོ་ལ་དབུ་རུ་བྱང་འཕན་ཡུལ་གྱི་ཆོས་རྗེ་སྨོན་འགྲུབ་རྒྱལ་པོ་ཆོས་བདག་ཏུ་ལུང་བསྟན་པ་ལྟར་གདན་འདྲེན་བྱུང་། དེ་ནུབ་སྔགས་སྲུང་སྨུག་ནག་ཞིང་དབྱུག་དང་བྷན་དྷ་ཐོགས་པ་ཞིག་བྱོན་ནས། ད་ལེན་མྱུར་དུ་སྨན་རྩེར་ཐེགས། འགྱངས་ན་རྟེན་འབྲེལ་འཁྱུག་པ་ཡོད་ཟེར། ཕྱིར་ནངས་གདན་འདྲེན་པ་ཚོ་ལ་གསུངས་པས། ཆོས་རྗེ་སྙན་རྒྱུ་ཨེ་ཡིན་ཟེར་ནི་སྐྲག་ཅིང་མགྱོགས་པར་བྱོན་པས། སྨན་རྩེར་ཕེབས་ནུབ་མཁའ་འགྲོ་སེང་གདོང་མ་དང་སྔགས་སྲུང་གཉིས་བྱོན་ནས། ཁར་སེང་ནས་རྟེན་འབྲེལ་ཡོད་མྱུར་

[Full Size]

དུ་བྱོན་སྨྲས་པ་མ་ཎི་དུང་ཕྱུར་ཚུགས་པར་འདུག་པས། སྐྱེ་བདུན་སྒྲུབ་པ་དོན་ལ་གཅེས་པ་ཡིན་མོད། ད་ཐུགས་བསྐྱེད་མཛོད་ཟེར་ནས་རིལ་བུ་བྲེ་བཅོ་ལྔ་ཙམ་སྦྱར་། ཚོགས་པ་སྟོང་ཚོ་ཙམ་གྱིས་ཡིག་བདུན་བརྒྱུན་ཏེ་དུང་བཏོན་ཚར་ནས། དབང་བསྐུར་ཉིན་ལ་རིལ་བུ་བུམ་པའི་ཁ་ཚང་ཁྲོད་ནས་ཡར་ཕྱུ་རུ་རུ་ཁོལ། འཇའ་ཚོན་གྱི་གུར་ཕུབ་། ཐུགས་རྗེ་ཆེན་པོ་གཙོ་འཁོར་གསུམ་དངོས་སུ་བྱོན་པ་ཞལ་གཟིགས་ཚོགས་པའི་ནང་ནས་ཀྱང་ལས་དག་པ་འགའ་རེས་མཐོང་། རིལ་བུ་བཀྱེ་དུས་མེ་ཏོག་གི་ཆར་ཆུང་གྲྭ་ཡང་སེ་བའི་མེ་ཏོག་ཙམ་ཉིན་ཕྱེད་བར་དུ་བབ་བོ། །ཡང་འཕན་ཡུལ་དུ་རིལ་བུ་བཀྱེ་དུས་མེ་ཏོག་གི་ཆར་བབ། རྒྱ་མ་རུ་ཁྲོམ་དབང་མཛད་དུས་མེ་ཏོག་གི་ཚར་ཏིང་ཕོར་ཙམ་འཕང་ལོ་ཙམ་བབ། འཇའི་གུར་ཕུབ། བདེ་ཆེན་རྩེར་ཚོགས་པ་ཁྲི་ཚོ་ཙམ་ལ་རིལ་བུ་བཀྲེས་པ་དང་དབང་བསྐུར་དུས། ནམ་མཁའ་གཡའ་དག་པ་ལ་མེ་ཏོག་གི་ཆར་ཁ་བ་ཙམ་བབས་སོ། །དེ་ཡང་བསམ་ཡས་བྱང་ཆུབ་ཆེན་པོ་ནས་བཏོན་པའི་བྲམ་ཟེའི་སྐུ་ཤ་སྲན་མ་ཉིས་འགྱུར་ཙམ་པའི་རིལ་བུ་བདུན་ཅུ་དོན་གཅིག་ཨོ་རྒྱན་གྱི་སྨན་སྒྲུབ་ཞོ་ལྔ་ཙམ་ཞིག །བི་མ་

[Full Size]

ལའི་སྨན་སྒྲུབ་རིལ་བུ་སྲན་མ་ཉིས་འགྱུར་ཙམ་པ་བཅོ་བརྒྱད། ཨོ་རྒྱན་ཡབ་ཡུམ་བྱང་སེམས་རིལ་བུ་སྲན་མ་ཆེ་ཤོས་ཙམ་བཅུ་དྲུག །ཁྱུང་ཆེན་བྲག་ནས་ཨོ་རྒྱན་ཡབ་ཡུམ་གྱི་བྱང་སེམས་དཀར་དམར་རིལ་བུ་བཅུ་ཐམ་པ།མཁོ་མཐིང་ལྷ་ཁང་ནས་བྲམ་ཟེ་དྲི་མེད་སྙིང་པོའི་ཐུགས་ཀྱི་ཤ་རིལ་སྲན་ཚད་ཉི་ཤུ་རྩ་བརྒྱད།གུ་རུའི་ཆོས་སྨན་མང་ཞིག——།མཁོ་མཐིང་ལྷ་ཁང་ཟུར་ཀ་ནས་བྲམ་ཟེའི་ཤ་རིལ་ཨ་ཚྭ་ཏའི་ལོ་རྒྱུས་དང་བཅས་པ། བྲག་དམར་རི་མོ་ཅན་ནས་ཚེ་རིལ་བཅུ་གསུམ། གུང་ཐང་མཁར་ནས་བྲམ་ཟེའི་ཤ་རིལ་དང་ཆོས་སྨན། དགེ་རི་བྲག་ནས་དགའ་རབ་རྡོ་རྗེ་དང་ཤྲཱི་སེང་ཧའི་སྨན་སྒྲུབ། ཨཱརྱ་པ་ལོའི་གླིང་ནས་སྐྱེ་བདུན་གྱི་སྒྲུབ་པ་ལོ་རྒྱུས། གནམ་སྐས་བྲག་ནས་བྲམ་ཟེ་དྲི་མེད་ཤ་རིལ། དགའ་རབ་ཤྲཱི་སེང་ཨོ་རྒྱན་གསུམ་གྱི་ཆོས་སྨན། བསམ་འགྲུབ་བདེ་ཆེན་གྱི་གཙུག་ལག་ཁང་ནས། དགའ་རབ་རྡོ་རྗེའི་ཆོས་སྨན་བྲམ་ཟེའི་ཤ་རིལ། དབེན་རྩ་ལྷ་ཁང་ནས། དགའ་རབ་རྡོ་རྗེ་དང་ཤི་སེང་ཧའི་སྨན་སྒྲུབ་ལ་ཨོ་རྒྱན་དང་བི་མ་ལ་གཉིས་ཀྱིས་བལ་ཡུལ་ཡང་ལེ་ཤོད་དགའ་རབ་ཤྲཱི་སེང་ཨོ་རྒྱན་གསུམ་གྱི་ཆོས་སྨན། བསམ་འགྲུབ་བདེ་ཆེན་གྱི་

[Full Size]

གཙུག་ལག་ཁང་ནས་དགའ་རབ་རྡོ་རྗེའི་ཆོས་སྨན་བྲམ་ཟེའི་ཤ་རིལ་དུ་བསྒྲུབས་པའི་རིལ་བུ་གའུ་གང་། ཨོ་རྒྱན་གྱིས་མཁའ་རི་དགེ་གོང་དུ་བསྒྲུབས་པའི་ཆོས་སྨན་ཕྱེ་མ་གའུ་གང་། དེ་རྣམས་ཀྱི་ལོ་རྒྱུས་དང་བཅས་པ། དྭགས་པོའི་དྭགས་ལུང་ཁྲ་མོ་བྲག་ནས་བྲམ་ཟེ་དྲི་མེད་ཤ་རིལ། དགའ་རབ་ཤྲཱི་སེང་ཧ་ཨོ་རྒྱན་རྣམས་ཀྱིས་བསྒྲུབས་པའི་དམ་རྫས་དེ་རྣམས་བཏོན་ནོ། །དེ་རྣམས་ཀྱི་རྒྱུན་དེང་སང་གི་རིལ་བུ་ལ་ཡོད་པའི་རྒྱུ་མཚན་ནི། གཏེར་ནས་བྱོན་པའི་རིལ་བུ་སེལ་མེད། ད་ནི་རྙེད་པར་དཀའ་ཡང་། སྔར་བསྒྲུབས་པའི་རྒྱུན་ལ་རུ་རྩི་འདྲེས་པས། ཕབས་ཡོའི་ཕབས་ཀྱིས་རུང་བ་དང་འདྲ་སྟེ། རཏྣ་གླིང་པ་ཉིད་ཀྱིས་མཛད་པའི་གཏེར་འབྱུང་ཆེན་མོ་ལས། བྲམ་ཟེའི་ཤ་རིལ་ལ་སྔ་ཕྱི་བར་གསུམ་དུ་བསྒྲུབས་ཏེ་ཕྱོགས་ཐམས་ཅད་དུ་བཀྱེས་ཏེ་རིལ་བུ་ཟོས་ཚད་སྤྱན་རས་གཟིགས་ཀྱི་ཞིང་དུ་བཀོད་དེ་འགྲོ་དོན་མཐའ་ཡས་སོ། །གུ་རུའི་ཆོས་སྨན་ལ་ཕབས་སུ་བྱས་ཏེ་སྨན་སྒྲུབ་ཕྱོགས་མཚམས་མང་པོར་མང་དུ་བསྒྲུབས་ཏེ་འགྲོ་དོན་ཆེ། བྲམ་ཟེའི་ཤའི་རིལ་བུ་ལས་ཅན་འགས་དངོས་གྲུབ་ཐོབ། སྐྱེ་བདུན་ལན་འགའ་བསྒྲུབས་ཏེ་དངོས་གྲུབ་ཐོབ། །

[Full Size]

སྐྱེ་བདུན་ལན་འགའ་བསྒྲུབས་ཏེ་འགྲོ་བ་དཔག་ཏུ་མེད་པ་ཐུགས་རྗེ་ཆེན་པོའི་ཞིང་དུ་བཀོད། ཨ་མྲྀ་ཏ་ལ་སྨན་སྒྲུབ་འགའི་ཕབས་བྱས། ཞེས་དང་། ཨ་མྲྀ་ཏ་རྣམས་བུ་ཆེན་འགས་དངོས་གྲུབ་ཐོབ། སྨན་སྒྲུབ་འགའ་བསྒྲུབས་ཏེ་ཕེབས་བྱས་སོ། །ཞེས་དང་། མི་སྟོང་ཕྲག་གསུམ་ལ་རིལ་བུ་བཀྱེས། རྗེས་སུ་ཕྱོགས་མཚམས་ཐམས་ཅད་དུ་ཡང་བཀྱེས་ཏེ་ཁམས་ཚ་བ་རོང་པའི་སློབ་དཔོན་རྒྱལ་མཚན་དཔལ་དང་ཁམས་སྟོན་ཆོས་རྒྱལ་མཚན་ལ་སོགས་ཀྱིས་ཁམས་སྟོད་སྨད། འཇམ་དབྱངས་དཔལ་སོགས་ཀྱིས་ཉང་ཀོང་རོལ་གསུམ་ལ་ཕྱི་ཆུ་བར་གྱི་བླ་མ་དབུ་མཛད་སོགས་ཀྱིས་ཀྱང་ཕྱོགས་ཐམས་ཅད་དང་། མདོར་ན་ཐམས་ཅད་དུ་ཁྱབ་སྟེ་རིལ་བུ་ཟོས་ཚད་ཐུགས་རྗེ་ཆེན་པོའི་ཞིང་དུ་བཀོད། འགྲོ་དོན་ཆེ་སྟེ་གཏེར་སྟོན་མི་གཅིག་གིས་འགྲོ་དོན་ལ་ཁོ་བོ་ཆེ་བསམ་པ་འགྲུབ། རྗེས་སུ་ཡང་སྨན་རྩེར་བསྒྲུབས་པའི་ཆ་དང་། བསྒྲུབས་པའི་སྤྱོད་རྒྱུ་ཡང་མང་དུ་བཞུགས། བདག་ཀྱང་བྲེ་དོ་ཙམ་གདན་དྲངས་ཏེ་དབུས་ཕྱོགས་ཡར་ལུང་ལྷོ་བྲག་ཤར་ནུབ། རྗེས་སུ་སྨན་རྩེར་སྒྲུབ་པའི་ཕབ་དང་། སྒྲུབ་པའི་སྤྱོད་རྒྱུ་མང་དུ་གཉལ་དང་ལོ་རོ་སོགས་ལྷོ་མོན་ཐམས་ཅད་

[Full Size]

ལ་བཀོད་དེ། ཨོ་རྒྱན་རིན་པོ་ཆེའི་ཐུགས་དགོངས་རྫོགས་པར་བྱས་ཤིང་། གཞན་ཡང་སེལ་མེད་རང་གི་རིལ་བུ་བུ་ཆེན་འགའ་ལ་གཏད་དེ་འགྲོ་དོན་ལ་བསྐུར། ད་རུང་སྐུ་ཤ་སེལ་མེད་ཀྱི་རིལ་བུ་འགའ་བཞུགས་ཏེ་འགྲོ་དོན་ཕྱིས་འབྱུང་ཞིང་ཡུན་དུ་གནས་པར་གྱུར་རོ། །ཞེས་དང་བླ་མ་ཙ་རི་བ་དང་། ཞོང་ཁ་བ་དང་། སློབ་དཔོན་རྒྱལ་མཚན་གྲགས་པ་རྣམས་ལ། རིལ་བུ་སེལ་མེད་རེ་དངོས་གྲུབ་གནང་། གཞན་ཕྱོགས་ཕྱོགས་ཀྱི་བུ་ཆེན་རྣམས་ལ་ཡང་བཀྱེས། རིལ་བུ་ལ་བརྟེན་མ་ཎི་རིལ་བུ་བསྒྲུབས་པའི་ཐུན་ཁ་མང་དུ་བཙུགས་ནས་སྙིགས་མའི་འགྲོ་བ་རྣམས་ཐུགས་རྗེ་ཆེན་པོའི་ཞིང་དུ་བཀོད། ཆོས་སྨན་རྣམས་ལ་རང་དང་བུ་ཆེན་རྣམས་ཀྱིས་སྨན་གྱི་ཕབས་བྱས་ཏེ། བདུད་རྩི་སྨན་སྒྲུབ་ཕྱོགས་མཚམས་ཀུན་ཏུ་མང་དུ་བསྒྲུབས་ཏེ་འགྲོ་དོན་མཐའ་རྒྱས་སོ། །ཞེས་དང་། བྲམ་ཟེའི་ཤ་རིལ་ཨ་མྲྀ་ཏ་བྱང་སེམས་དཀར་དམར་རྣམས་ལ་རང་དང་བུ་ཆེན་རྣམས་ཀྱིས་སྒྲུབ་ཀ་དུ་མ་ཚུགས་ཏེ་ཕྱོགས་མཐའ་དབུས་ཐམས་ཅད་དུ་འགྲོ་དོན་དཔག་མེད་འགྲུབ་ཅིང་དར་རྒྱས་སུ་འགྱུར་རོ། །ཞེས་གསུངས་སོ། །དེས་ན་ད་རེས་སྒྲུབ་ཆེན་

[Full Size]

དབང་དང་བཅས་པ་འདིའི་དམ་རྫས་ཀྱང་། རཏྣ་གླིང་པའི་ཕྱག་གི་བདུད་རྩི་རིལ་བུ་གཅིག་དང་། རཏྣའི་དམ་རྫས་ལ་མཁར་དྲུང་གིས་བསྒྲུབས་པའི་བདུད་རྩི་ཆོས་སྨན་མང་བ་ཞིག་དང་། སངས་རྒྱས་གླིང་པས་བསྒྲུབས་པའི་བདུད་རྩི་ཆོས་སྨན་སེལ་མེད་བུངས་ཆེ་བ་གུང་ར་ལོ་ཆེན་གྱི་ཕྱག་ནས་བྱུང་བ་དང་། སྐྱེ་བདུན་ནི་སྐྱོ་བྲག་པ་དང་དྲུང་པ་སོགས་ནས་བྱུང་བའི་རྒྱུན་རིལ་བུ་བརྒྱ་དང་བཞི་བཅུ་ལྷག་ཙམ་གྱིས་རུ་རྩི་བྱས་པ་ཡིན་པས། དམ་རྫས་དེ་དག་ངེས་པར་རྒྱུན་ཡོད་པར་ངེས་སོ། །ཁྱད་པར་དུ་རཏྣ་གླིང་པས་ཀརྨ་པ་ཆོས་གྲགས་རྒྱ་མཚོ་ལ་ཕུལ་བའི་བྲམ་ཟེའི་ཤ་རིལ་སླད་མེད་རྣམས་བརྡུལ་ཏེ་རྗེ་ཉིད་ཀྱིས་ཤངས་མཚལ་གྱིས་སྦྲུས་ཏེ་གསེར་གྱི་པ་ཏྲ་རུ་བཏུམས་ནས་ནང་རྟེན་དུ་བཞུགས་པ་དམ་ཅན་སྐྱེས་བུའི་ཕྲིན་ལས་ཀྱིས་བདག་གི་ལག་ཏུ་ཕྱིན་པ་རུ་རྩིའི་གཙོ་བོ་ངོ་མཚར་ཆེའོ། །དེ་ནས་གཏེར་ཆོས་འདིའི་འགྲོ་དོན་བྱུང་ལུགས་སྤྱིར་བཤད་པ་དང་། ཁྱད་པར་དབང་ལུང་འདི་གང་ལས་བརྒྱུད་ཚུལ་གཉིས་ལས། དང་པོ་ནི་ཨོ་རྒྱན་ལུང་བསྟན་ཆེན་པོ་ལས། ལྔ་བཅུ་ཁ་རལ་དུས་ཀྱི་ཐ་མ་ལ། །ད་ལྟའི་ལོ་ཙཱ་ལང་གྲོ་དཀོན་མཆོག་འདི། །སྨོན་ལམ་དབང་གིས་སྐྱེ་བ་

[Full Size]

འགའ་བརྒྱུད་ནས། །དེ་དུས་རི་བོ་ཁྱུང་ཆེན་ལྡིང་བའི་ལྷོར། །ལྕགས་ཁམས་ལུག་ལོར་པདྨའི་རིགས་ཅན་འབྱུང་། །ཁྱུང་ཆེན་རི་དང་མཁར་ཆུས་ཟབ་གཏེར་འདོན། །གསང་བའི་མཚན་ཡང་ཞིག་པོ་གླིང་པར་གྲགས། །གུང་ཐང་དགེ་རི་རྫོང་གསུམ་གཏེར་ཁ་འདོན། །གསང་བའི་མཚན་ཡང་རཏྣ་གླིང་པར་གྲགས། །བསམ་ཡས་བུམ་ཐང་གནམ་སྐས་གཏེར་ཁ་འདོན། །གསང་བའི་མཚན་ཡང་འགྲོ་འདུལ་གླིང་པར་གྲགས། །སྟོབས་ལྡན་སྐྱེས་བུ་ཤེས་རབ་བློ་གྲོས་ཅན། །དོན་གྱི་རྟོགས་ལྡན་གདུལ་བྱའི་བཀའ་བབས་པས། །འབྲེལ་ཚད་དོན་ལྡན་པདྨའི་རིགས་ཅན་ཏེ། །བུ་མཆོག་དེ་ཡིས་དོན་གཉིས་སྤྱོད་པར་འགྱུར། །ཞེས་གསུངས་པ་ལྟར། བར་ཆད་བྱུང་ན་སྐྱེ་བ་གསུམ་བཞེས་དགོས་པ་ལ་བར་ཆད་ཐམས་ཅད་བཟློག་ནས་སྐུ་ཚེ་མཐར་ཕྱིན། སྐྱེ་བ་གསུམ་གྱི་གཏེར་ཁ་ཐོན་པས་གཏེར་སྟོན་གཅིག་ལ་གླིང་པ་གསུམ་དུ་གྲགས། རྟེན་འབྲེལ་མ་འགྲིགས་པ་ཅུང་ཟད་ཀྱང་མ་བྱུང་བས་གཏེར་ཁ་འདི་བཀྲ་ཤིས་བྱིན་རླབས་ཆེ། ཞེས་སློབ་དཔོན་རྣམས་ཀྱིས་གསུངས་སོ། །དེ་ཡི་རྒྱུད་འཛིན་ལས་ཅན་ཆོས་ཀྱི་བདག །བཀའ་

[Full Size]

བབས་བུ་ལྔ་ཉེ་བའི་ཐུགས་སྲས་བཞི། །རིགས་ལྡན་ལྔ་དང་དཀྱིལ་འཁོར་འཛིན་པ་བརྒྱད། །ལས་ཅན་སྐྱེས་བུ་ཆོས་བདག་ཉི་ཤུ་ལྔ། །རིགས་ལྡན་བུ་མོ་བཞི་དང་ཉི་ཤུ་གཅིག །དབང་རྫོགས་ཆོས་འབྲེལ་སེར་མོ་ཁྲི་ཕྲག་ལ། །འབྲེལ་ལྡན་གདུལ་བྱ་ནམ་མཁའི་སྐར་མ་ཙམ། །ཞེས་ལུང་བསྟན་པ་ལྟར་བྱུང་བར་གདའ་སྟེ། །ཀརྨ་པ་ཆོས་གྲགས་རྒྱ་མཚོ། འབྲུག་པ་རྒྱལ་དབང་ཆོས་རྗེས་གཙོར་བྱས་བླ་མ་སློབ་དཔོན་ཆེ་དགུ་དང་། ལ་ཕྱི་ཆུ་བར་མན་དང་རྒྱལ་མོ་རོང་ཡན་དུ་བླ་མའི་གོ་སར་གནས་ཤིང་དབང་བསྐུར། ཆོས་བཤད་བྱེད་པ་ཙམ་ནི་གྲོངས་ལས་འདས་ཞེས་གསུངས་པ་དང་། སྣེལ་གདོང་གོང་མ་ཆེན་པོས་གཙོར་བྱས་དབུས་གཙང་གི་སྡེ་པ་ཆེ་དགུ་ཐམས་ཅད་ཀྱིས་དབུའི་བླ་མཆོད་དང་བཀུར་སི་ཕུན་སུམ་ཚོགས་པ་བྱས་ཚུལ་རྒྱས་པར་གཏེར་སྟོན་ཉིད་ཀྱིས་མཛད་པའི་རྣམ་ཐར་ན་གསལ་ལོ། །དེ་ནས་བརྒྱུད་རིམ་ནི་དབང་ཆེན་རྟ་མགྲིན་གྱི་སྤྲུལ་པར་ལུང་བསྟན་པའི་རྒྱལ་སྲས་ཚེ་དབང་གྲགས་པ་ནི་འགྲོ་དོན་ཡབ་བས་ཀྱང་ཆེ། ཚེ་ཆུ་གསོལ་བས་དགུང་ལོ་བརྒྱ་དང་བཅུ་ཐུབ། འདས་དུས་དང་གདུང་བཞུ་དུས་ནམ་མཁའ་གཡའ་དག་པ་ལ་འཇའི་གུར་

[Full Size]

དང་དྲྭ་བ་དྲྭ་ཕྱེད་མིག་མང་རིས་ཀྱིས་གང་བ་དང་། རིང་བསྲེལ་ཁ་དོག་སྣ་ལྔ་སྲན་མ་ཙམ་དང་ཡུངས་ཀར་ཙམ་དཔག་ཏུ་མེད་པ་བྱོན་ནོ། །དེའི་སློབ་མ་ཤཱཀྱ་བཀྲ་ཤིས་ནི་རྗོད་དུ་འཁྲུངས། སྐུ་ན་གཞོན་ནུ་ལ་རཏྣ་གླིང་པ་མཇལ་ཡང་དབང་ལུང་ཆེར་མ་ཐོབ། དད་པ་དབང་མེད་དུ་སྐྱེས་ནས་རྒྱུ་ཞིག་བསྒྲུབས་ནས་དབང་ལུང་ཞུ་སྙམ་ནས་རྔོད་དྷོ་ཁ་ན་ལོ་ཁ་ཡར་རྒྱུ་བཙལ་བས། གོས་ཆེན་ཡུག་བཟང་བ་གཅིག་ཐོན། དེ་ཁྱེར་ནི་སོང་བ་རཏྣ་གླིང་པ་ཞིང་བརྗེས་འདུག་པས་ཚེ་དབང་གྲགས་པ་ལ་གཏུགས། ཆོས་སྐོར་རེ་རེ་གནང་དུས་གོས་ཆེན་ཁ་རེ་ཕུལ་བས་གཏེར་ཆོས་རྫོགས་པ་དང་གོས་ཆེན་ཟད་པ་དང་མཉམ། ཚེ་དབང་གྲགས་པས་ཁྱེད་ལ་གོས་ཡུག་བཟང་པོ་འདི་འདྲ་གཅིག་ཡོད་ན་མ་བཅོད་པར་དང་པོ་ནས་མི་ཕུལ་བས་ཨང་གསུངས་པས། འོ་ན་ཁྱེད་ཀྱིས་ང་ལ་ཆོས་རྣམས་དུས་གཅིག་ལ་མི་གནང་དོ་ལེ་ལགས་ཞུས་པས། ཐམས་ཅད་བཞད་ཏི་རེ་སོང་སྐད། ཆོས་ཞུས་ཚེ་ཡང་ན་བཟའ་མེད་པས་སྐྱེ་ཆེ་བ་གཅིག་ཡོད་པ་ཉིན་ལ་གདན་དུ་བཏིང་། མཚན་ལ་གྱོན། དངོས་པོ་རྣམས་ཀྱིས་ཤོག་བུ་བསྒྲུབས་ནས་གཏེར་ཆོས་ཐམས་ཅད་བྲིས་ཏེ་རྔོད་དུ་བྱོན་

[Full Size]

པས། གདུལ་བྱ་དཔག་ཏུ་མེད་པ་བྱུང་བ། ཚེ་དབང་གྲགས་པའི་དྲུང་དུ་ཁྱེར་ནས་ལན་གཉིས་བྱོན་ཏེ། ཕྱག་ལེན་ཐམས་ཅད་ལྷག་མ་ལུས་པར་བསླབས་པས། ལུང་ཟིན་གྱི་ཆོས་བདག་ཡིན་ཅིང་གཏེར་ཆོས་མཁས་པའི་གྲགས་པས་ཁྱབ་སྟེ། རི་བོ་ཆེར་ཆོས་རྗེ་མཁར་དྲུང་གིས་གདན་དྲངས་ནས་དབང་ལུང་རྣམས་གསན་པ་ལ། ཕྱེད་ཙམ་རྫོགས་ནས་ཕྱིར་ལོ་འབྱོན་ཆད་བྱས་ནས་བྱོན་སོང་། ཕྱིར་ལོ་གདན་འདྲེན་སོང་བས་ངའི་ཆོས་མཐུར་ལ་འགྲོ་བ་སྲོལ་ཡིན། འཕྲེད་ལ་ཡང་ཅུང་ཟད་རེ་འགྲོ། གྱེན་ལ་འགྲོ་ཁས་མི་ཉན་གསུངས་ནས་མ་བྱོན་ཏེ། གདན་དམའ་བ་ལ་ཅུང་ཟད་མ་དགྱེས་པར་འདུག་པས། ཆོས་རྗེ་མཁར་པས་ཀྱང་རི་བོ་ཆེའི་ཁྲི་རྒོག་འདིས་ངའི་ཆོས་དེ་རྣམས་ཚང་མ་མི་ཐོབ་པར་བྱས་ཨང་གསུངས་ནས་འགྱོད་དོ། །ཚེ་ཆོག་པདྨ་དབང་ཕྱུག་ཅེས་བྱ་བ་སྔར་ཡང་མཁར་དྲུང་ཉིད་དང་མཉམ་དུ་ཞུས་པ་ཤེས་རབ་བརྩོན་འགྲུས་དང་ལྡན་པ་དེ་ལ་འབུལ་བ་བསྐུར་ནས་འཕྲོ་ཐམས་ཅད་རྫོགས་པར་ཞུས་ཏེ། མཁར་དྲུང་ལ་ཕུལ་ལོ། །ཡང་ཚེ་དབང་གྲགས་པ་ནས་ལུང་ཟིན་གྱི་སློབ་མ་སོ་པ་མགོན་པོ་རྡོ་རྗེ། དེའི་སློབ་མ་ནི་འབྲང་བུ་ནང་སོ། དྲུང་

[Full Size]

མདོ་སྡེ་རྒྱ་མཚོ་ཞེས་བྱ་བ་གོ་ཤྲིའི་ལས་ཀ་ཡོད་པས་ཐོབ་ཐང་ཆེ་ཞིང་། རཏྣ་ལུགས་ལ་མཁས་པའི་གྲགས་ཆེ་བ་དེ། རི་བོ་ཆེར་གདན་དྲངས་ནས་མཁར་དྲུང་དང་ཚེ་ཆོག་པ་གཉིས་ཀས་ཞུས་སོ། །དྲུང་མདོ་སྡེ་རྒྱ་མཚོ་ནི་བོན་པོ་ཚེ་དབང་རིག་འཛིན་ཞེས་པ་དང་མཐུ་ཁ་ཚད་པས་འདས་པ་ལ། མཁར་དྲུང་གིས་ངའི་བླ་མ་བསད་པའི་ཤ་ལེན་གསུངས་ནས་ཡང་བཟློག་རྡོ་རྗེ་ཕ་ལམ་དང་གུར་དྲག་གི་ཟློག་པ་སྤུ་དྲི་རང་གཤེད་བསྒྲུབས་ནས་བོན་པོ་དང་ཁ་ཆད་སྤར་རོ། །དེར་ཞག་ཉེར་གཅིག་ཙམ་ནས་བོན་པོ་ན་རེ། མདང་མཁར་དྲུང་གི་གྲ་ཁྲིའི་ཞབས་སུ་ང་བཀྱིགས་གདའ་བ་རྨིས་ཟེར་ནས་བོན་པོ་ལྐུགས་ནས་འདས་སོ། །ཚེ་དབང་གྲགས་པ་དང་ཞལ་སྤྲོད་ཤཱཀྱ་བཀྲ་ཤིས་འདྲ་སྐུའི་གསེར་ཐང་བཞེངས་ནས་དད་རྟེན་མཛད་པར་གདའ་བས། བླ་མ་དེ་ཉིད་མཁར་དྲུང་པའི་རྩ་བའི་བླ་མར་ཡིན་པར་སྣང་ངོ་། །མཁར་དྲུང་ནི་རྡོ་རྗེ་འཇིགས་བྱེད་ཀྱི་སྤྲུལ་པ། སྟག་ལུང་ངག་དབང་གྲགས་པའི་སྐུ་སྐྱེ་ཡིན་པར་བཤད་འདུག་ཅིང་། འཁྲུངས་དུས་འདས་དུས་གཉིས་ཀ་ཚེས་བཅུ་ལ་བྱུང་ཞིང་ཨོ་རྒྱན་གྱི་སྤྲུལ་པར་གྲགས། ཀུན་སྐྱོང་གླིང་པ་སོགས་ཀྱི་ལུང་ཟིན་གྱི་

[Full Size]

སློབ་མ་སྟེ། བར་ལམ་ཁོག་འདིར་རྙིང་མའི་བསྟན་པ་ལ་ནི་ཁོང་བས་ཕན་སྟོབས་ཆེ་བ་མ་བྱུང་ངོ་། །ཚེ་ཆོག་པ་པདྨ་དབང་ཕྱུག་ནི་མཁར་དྲུང་གི་སློབ་དཔོན་དང་སློབ་མ་དང་མཆེད་གྲོགས་གསུམ་ཀ་ཡིན་ཏེ། རྙིང་མའི་དབང་ལུང་ཐམས་ཅད་ཕྱོགས་ཀུན་ཏུ་ཞུ་བ་ལ་བཏང་ནས་མཁར་དྲུང་གིས་གསན། —་བསྙེན་སྒྲུབ་དང་སྐུ་ཚེ་མཐར་ཕྱིན་པས། ཆོས་རྗེ་མཚོ་སྐྱེས་རྡོ་རྗེས་ཀྱང་དབང་ལུང་ཕལ་ཆེར་གསན། འདས་ཁ་དུས་ཆོས་རྗེའི་ཕྱག་ནས་བྱིན་རླབས་རྟེན་མང་དུ་བསྐུར་ནས་འདི་རྣམས་གསོལ་བ་དང་བདུག་པ་མཛོད། དེ་རིང་ཚེས་བཅོ་ལྔ་ཡིན་པས་དྲང་སྲོང་སོགས་སྐྱོར་པ་འོང་དོགས་གསུངས་པས། ཨ་ཨ་ངའི་ཕྲིན་ལས་ཐམས་ཅད་དྲང་སྲོང་གིས་སྒྲུབ་ཅིང་ཡོད་ཛ་ངའི་སྲོག་གཅོད་ཨང་། དེ་རིང་དུས་བཟང་ལ་ང་རང་འགྲོ་བསམ་སྟེ། ད་འདི་འདྲ་རྫི་ནས་ང་སང་ཉིན་བར་མི་འགྲོ། ངས་མར་ཐང་གི་བསྟན་པའི་དོན་ལ་གཏད་རྟ་རྒྱབ་གཅིག་ཙམ་ཡང་བརྒྱབ་སྟེ་ང་ནི་ཟངས་མདོག་དཔལ་རི་ན་འགྲོ་གསུངས་སྐད། དེ་ལྟར་ནམ་འཆི་དང་གར་འགྲོ་ལ་རང་དབང་ཡོད་པའི་རིག་འཛིན་ཆེན་པོ་ཞིག་ལགས་སོ། །དེའི་སློབ་མ་ནི་བཀྲ་ཤིས་དབང་ཕྱུག་ཅེས་བྱ་སྟེ་འདུལ་ཁྲིམས་

[Full Size]

དགེ་བསྙེན་ཙམ་ཡང་ཞུ་མ་མྱོང་ཁྱིམ་པ་རྡོ་རྗེ་འཛིན་པ་སྟེ། ་ཆ་ལུགས་གཟན་ཤམ་པད་ཞྭ་ཁཊཾ་སོགས་ཨོ་རྒྱན་གྱི་ཆ་ལུགས་ལྟར་མཛད། སྔགས་ཆོས་གསར་རྙིང་། སྒྲ་ས་རིས་ལྷ་བཟོ་སོགས་ཡོན་ཏན་ཤིན་ཏུ་ཆེ་བ་དེ་རི་བོ་ཆེར་ལན་མང་དུ་བྱོན་ཞིང་ཞྭ་ཐུལ་སོགས་དངོས་པོ་ཅི་འབྱོར་འབུལ་བ། རི་མོ་བྲི་བ་སོགས་ཕྱག་གཡོག་ཀྱང་ཅུང་ཟད་ཞུས་ཏེ། ཐུགས་རྗེ་ཆེན་པོ་གསང་འདུས་ཀྱི་བཀའ་རྫོགས་ལུང་རྫོགས་སོགས་རཏྣའི་ཆོས་སྐོར་དང་། དྲེགས་པ་ཉི་ཤུ་རླུང་དམར་སོགས་དྲག་སྔགས་མང་པོའི་ཕྱག་ཁྲིད་དཔྱིས་ཕྱིན་པར་མཛད་དོ། །རྟ་མགྲིན་གསང་འདུས་དང་རྣམ་སྲས་དང་། ཚེ་སྒྲུབ་རྡོ་རྗེ་ཕྲེང་བ་དང་། ཐུགས་རྗེ་ཆེན་པོ་གསང་འདུས་པོ་ཏི་སོགས། ཚེ་ཆོག་པ་རང་གི་ཕྱག་བྲིས་ཤཱཀྱ་བཀྲ་ཤིས་ཀྱི་ཕྱག་བྲིས་ལས་ཞལ་བཤུས་པ་རྣམས་ཀྱང་ཁོང་གི་ཕྱག་ན་གདའ་བས་ཐུགས་གཏད་ངེས་པའི་སློབ་མར་གདའ་འོ། །ཁོང་ནི་བོད་ཆོས་རྒྱལ་གྱི་གདུང་རིགས་མཁའ་སྤྱོད་པའི་གདུང་རབས་བདུན་པ་སྟེ། སྡོང་ལྷ་རྒོད་རྒྱལ་གྱི་སྐྱེ་བ་ཡིན་པ་དང་། སྐུ་གསུམ་སྒྲུབ་དུས་བླ་མ་སྐུ་གསུམ་རྨི་ལམ་དུ་ཞལ་གཟིགས་པ་དང་། མ་ནིང་གི་སེལ་རྫས་དྲེགས་པ་

[Full Size]

སོགས་ལ་རྟེན་ནས་རི་བསྙིལ་བ་དང་། དགྲ་བོ་ལ་ཐོག་བརྒྱབ་ཅིང་ཆོ་འཕྲུལ་བཏང་བས་ནུས་པ་ཆེ་བའི་གྲགས་པ་ཐོན། དགུང་ལོ་བརྒྱད་ཅུ་གྱ་གཉིས་བཞུགས་པས། བདག་གིས་ཀྱང་མཇལ་ཞིང་བྱིན་རླབས་དང་བཀའ་སྲུང་སྒྲུབ་པའི་ཞལ་བསྒོས་ཅུང་ཟད་གནང་། འདས་ཁ་ཟངས་མདོག་དཔལ་རིའི་སྨོན་ལམ་དང་བདེ་སྨོན་བརྩམས། ལེའུ་བདུན་མའི་ཙིཏྟ་ཨོ་རྒྱན་གནས་སུ་བབ་པ་ལས་ཞེས་པའི་ཚིག་དང་འགྲིགས་པར་འདས། བདུན་གསུམ་ལ་འོད་གསལ་བརྟན་པོ་ཟིན་ཅིང་ཐུགས་ལྗགས་སྤྱན་གསུམ་ཀུན་ཏུ་བཟང་པོ་དང་ཨོ་རྒྱན་གྱི་སྐུ། རིང་བསྲེལ་ཞུན་ཐིགས་མང་དུ་བྱོན། ཁོང་སྔགས་པ་ཡིན་ཀྱང་བྱང་བདག་པོ་བཀྲ་ཤིས་སྟོབས་རྒྱལ་བས། གཤིན་རྗེ་འཇོམས་མཛད་འབར་བ་སོགས་དབང་ལུང་གསན། དེ་མོ་སྐུ་སྐྱེ་ལྷ་དབང་ཕྱོགས་ལས་རྣམ་རྒྱལ་གྱིས་ཀྱང་ལྐོག་ཏུ་དབང་ལུང་གསན་ཞིང་གནང་སྦྱིན་མང་དུ་མཛད། སློབ་མ་བླ་མ་ཞིག་པོ་ཞེས་པ་གཙང་བཙུན་བསྙེན་སྒྲུབ་རེམ་ཞིང་རྫོགས་ཆེན་སོགས་ཕན་ཆེ་བ་གཅིག་བྱུང་། དེའི་ཚ་བོ་པདྨ་དབང་དྲག་ནི་ཁུ་བོ་ལས་དབང་ལུང་ཐམས་ཅད་གསན། གཞན་བླ་མ་མང་དུ་བསྟེན་ཀྱང་ཐུགས་རྗེ་ཆེན་པོ་འདི་

[Full Size]

ནི་བཀྲ་ཤིས་དབང་ཕྱུག་ལས་བཀའ་རྫོགས་ལུང་རྫོགས་གསན། ང་རང་གི་རྡོ་རྗེ་འཆང་ཡིན་གསུངས་ནས་དད་འདུན་དཔག་ཏུ་མེད། ཕྱིས་གདུང་གཡོག་སོགས་ཆག་ཕྱི་ཡང་ཕན་ཆེ་བ་བསྒྲུབས་སོ། །ཁོང་གིས་གུར་དྲག་ལོ་ཞུགས་སོགས་བསྙེན་སྒྲུབ་མང་དུ་ཐེམས་ཏེ། མཚམས་ཁུང་དུ་མཁའ་འགྲོ་མས་མར་ཁུ་དངོས་སུ་འདྲེན་པ་དང་། དགུན་རྒྱལ་ཟླ་བའི་ཚེས་བཅུ་ནུབ་ཚོགས་ཀྱི་གྲིབ་དེར་སྲུག་རློན་པ་དབྱར་གྱི་འདྲ་བ་སྤུངས་ནས་འདུག་པ་དེ་ཚོགས་པ་ཀུན་གྱིས་ཟ་རྒྱུ་ཡོད་པ་དང་། ཆོས་སྐུའི་སྒྲུབ་པ་དུས་རྡོ་རྗེ་ཕག་མོ་དངོས་སུ་མཇལ་བ་དང་། སྐུ་གསུམ་སྒྲུབ་པ་ལན་འགའ་མཛད་པས་རྨི་ལམ་དུ་ཨོ་རྒྱན་ཡང་ཡང་མཇལ་བ་དང་། དྲག་སྔགས་ཞིག་སྒྲུབ་དུས་ལིངྒ་འཕར་བ་དང་ཐུན་ཁུང་ཁ་བཅད་པའི་ནང་དུ་ཁྲག་སློ་སླེབས་པ་སོགས་ནུས་པ་ཐོན། གཞན་ལ་ཡང་ཕན་ཐོགས་ཆེ། ཇོ་ཟོར་འཕངས་པ་མདའ་རྒྱང་ཙམ་དུ་སོང་ནས་འདྲས་པའི་ཐོག་ཁར་སླེབས་པ་སོགས་བྱུང་། ཕྱིས་དྲུང་པ་ཚེར་ལུང་བའི་དྲུང་དུ་རྒན་ཞུགས་མཛད་པས་ཀརྨ་དོན་ཡོད་བཏགས། མ་འདས་བར་ཆབ་ལེན་ལྷམ་ཕུད་གདན་གཅིག་མཐར་ཕྱིན། ད་ཁྱེད་རྣམས་འཛོམ་ཚེ་ང་ཤི་ན་

[Full Size]

དགའ་བས་ཟངས་མདོག་དཔལ་རིར་འགྲོ་བ་ཐེ་ཚོམ་མེད་གསུངས་ནས། ཆོས་སྐུ་འོད་གསལ་གྱི་འཕོ་བ་མཛད་པས་ཞག་བདུན་བཀྲག་མདངས་གསོན་དུས་བས་སུམ་འགྱུར་བཟང་། གདུང་སྦྱངས་པས་ཀུན་གྱིས་མཐོང་བར་མེ་ཏོག་གི་ཆར་ལྷོ་ནུབ་ངོས་ནས་བབ། ལ་ལས་མཐོང་བ་འཇའི་ཀ་བ་དང་ནམ་མཁར་ཉི་ཟླ་སྐར་གསུམ་འཛོམ་པ་བྱུང་། བདག་གིས་མཐོང་བ་ལ་སྤྲིན་འཇའ་དཀར་པོ་ལ་བཀྲ་ཤིས་པའི་རྟགས་བརྒྱད་ལ་པདྨ་མ་གཏོགས་གསལ་བར་ཤར། ཐུགས་ལྗགས་སྤྱན་གསུམ་ཨ་ཡིག་གཉིས་ཧཱུཾ་གཉིས་ཞིང་སྐྱོང་དང་ཕྱག་བཞི་པ་དང་དམ་ཅན་གྱི་སྐུ། ཆུ་ཤེལ་འདྲ་བའི་ཤ་རི་རཾ་ངོ་མཚར་བ་མཁྱུད་གང་ཙམ། རིང་བསྲེལ་མཆོང་གི་མདོག་འདྲ་གཉིས་ཚེམས་ལས་བྱོན། ཁྱད་པར་དུ་དུང་དཀར་གཡས་འཁྱིལ་མོན་སྲན་ཙམ་ཤིན་ཏུ་དོད་པ་ཞིག་བྱོན་པ་སུས་མཐོང་ངོ་མཚར་དུ་བྱས། དགོངས་ཞག་མ་རྫོགས་བར་མཁར་གྱི་ཐད་ནམ་མཁའ་ལ་འཇའ་ཚོན་འཁྱིལ་བ་སོགས་བྱུང་སྟེ། །ཐུགས་རྗེ་ཆེན་པོའི་སྒོ་ནས་ཁོང་གར་སྐྱེའི་རྨི་ལམ་བརྟགས་པས་ཀྱང་ཟངས་མདོག་དཔལ་རིར་སྐྱེ་བའི་རྟགས་གསལ་པོར་བྱུང་། ཕྱིས་མི་འགྱུར་རྡོ་རྗེས་གསུང་གིས་ཁོང་རྒྱལ་པོ་ཁྲི་སྲོང་

[Full Size]

གི་ཧོར་འདྲ་བསམ་ཡས་བཞེངས་དུས་འུ་ལག་པ་རྣམས་བརྡུང་བཙོག་བྱེད་མཁན་འདོད་རྒྱལ་ཞེས་བྱ་བ་གཅིག་རེད། ད་ལྟ་ཨོ་རྒྱན་གྱི་དྲུང་ན་བཞུགས་གདའ། ད་དེ་ལོ་བརྒྱ་ཙམ་ན་རིག་འཛིན་གྱི་ས་ཐོབ་ནས་སྤྲུལ་པ་གཅིག་རིགས་རྒྱུད་འདི་ལ་འཁྲུངས་ཏེ་རང་གི་ཆོས་རྒྱུད་འཛིན་པ་གཅིག་འོང་བར་གདའ་གསུངས་སོ། །ཁོང་ལ་སློབ་མ་ཡང་བླ་མ་ལྔ་ཙམ་དང་། སྔགས་པ་བསྙེན་སྒྲུབ་ཐོན་པ་ལྔ་ཙམ་བྱུང་ངོ་། །དེ་ལ་བདག་གིས་ཐུགས་རྗེ་ཆེན་པོ་འདི་དབང་རྫོགས་ལུང་རྫོགས་སུ་ཞུས་སོ། །དེའི་བརྒྱུད་པ་ནི་ཚེ་དབང་གྲགས་པ། ཤཱཀྱ་བཀྲ་ཤིས། མཁར་དྲུང་བསོད་ནམས་བཀྲ་ཤིས། ཚེ་ཆོག་བླ་མ་པདྨ་དབང་ཕྱུག །སྔགས་འཆང་བཀྲ་ཤིས་དབང་ཕྱུག །སྦས་པའི་རྣལ་འབྱོར་ཀརྨ་དོན་ཡོད། དེས་བདག་ལ་སྟེ། ཉེ་རྒྱུད་ལ་མཁར་དྲུང་མི་དགོས་སོ། །ཡང་ན་ཚེ་དབང་གྲགས་པ་ནས། སོ་པ་མགོན་པོ་རྡོ་རྗེ། དྲུང་མདོ་སྡེ་རྒྱ་མཚོ། མཁར་དྲུང་དང་པདྨ་དབང་ཕྱུག་གཉིས་ཀ་ལའོ། ཡང་ཚེར་ལུང་བ་འདི་སངས་རྒྱས་མོས་པའི་སྤྲུལ་པར་རྣམ་ཐར་རྣམས་སུ་འདུག་པས་བྱིན་རླབས་ཆེ་བར་བསམས་ནས། ཐུགས་རྗེ་ཆེན་པོ་གསང་འདུས་གསང་

[Full Size]

སྒྲུབ་ཀྱི་ལུང་ཞུ་ཝིག་བྱས་པའི་བརྒྱུད་པ་ནི། རཏྣ་གླིང་པ། ཀཿཐོག་ནམ་མཁའ་སེང་གེ །བྱང་ཆུབ་སེང་གེ །བཀྲ་ཤིས་རྒྱ་མཚོ། དཀོན་མཆོག་བློ་གྲོས། ཀརྨ་རབ་གསལ། ལུང་རིགས་ཉི་མ། ཀརྨ་སྒྲུབ་བརྒྱུད།བསྟན་པ་རྣམ་རྒྱལ། བདག་རཱ་ག་ཨ་སྱའོ། ། ་་་ཡང་གཏེར་སྟོན་བདུད་འདུལ་རྡོ་རྗེ་ལ་འདིའི་གཏོར་དབང་ཞུས་སོ། བརྒྱུད་པ་གོང་མ་དེའི་བླ་མ་དེ་དག་གི་ལུང་བྱུང་ཡང་། ཐུགས་རྗེ་ཆེན་པོ་གསང་བ་འདུས་པའི་ཞལ་གདམས་ལས། མ་གཅིག་མཚོ་རྒྱལ་གྱིས་གསུངས་པ། མ་འོངས་གཏེར་ལ་མོས་པའི་གང་ཟག་རྣམས་། །དེང་སང་གུ་རུའི་ཞལ་མཐོང་སྨོན་ལམ་བཏབ། །ཐམས་ཅད་ལས་ཅན་ཡིན་པས་དགའ་བ་བསྒོམ། །ཁོ་མོའི་ཚིག་འདི་རིན་ཆེན་གསེར་བས་དཀོན། །ཞེས་དང་། །ལུང་བསྟན་བཀའ་རྒྱ་མར། མདོར་ན་ཨོ་རྒྱན་ངའི་བསྟན་ཆོས་རྣམས་ལ། །གཞུང་བཞིན་སུ་དང་སུ་ཡིས་སྤྱོད་པ་ཀུན། །ཐམས་ཅད་ང་ཡི་སྤྲུལ་པ་ཡིན་པར་ངེས། །ཕྱི་རབས་ཀུན་གྱིས་ཡིད་གཉིས་ཐེ་ཚོམ་སྤོངས། །གུས་པས་བཀུར་སྟི་ཕུ་དུད་འབྲེལ་པ་ཐོགས། །ཞེས་གསུངས་པ་ལྟར་ཡིན་པར་ངེས་སོ། །ཡང་སྤྲུལ་སྐུ་མི་འགྱུར་རྡོ་རྗེ་ལ་འདིའི་དབང་

[Full Size]

ལུང་ཐམས་ཅད་ཕུལ་བ་ཡིན་ཀྱང་། ཁོང་རནྣའི་ཆོས་བདག་ཏུ་ལུང་བསྟན་ཡོད་པ་ལྟར། རྨོང་ལམ་དུ་རཏྣ་གླིང་པ་ཡབ་ཡུམ་གཉིས་བྱོན་ནས། དབང་བཞི་ཆགས་ལམ་ལྟར་བསྐུར་རཏྣའི་གཏེར་ཆོས་ཐམས་ཅད་རྫོགས་པར་གནང་། ཕྱིར་ནངས་རཏྣ་གླིང་པ་དངོས་སུ་བྱོན་ནས་རཏྣ་གླིང་པ་ཉིད་ཀྱི་བླ་སྒྲུབ་ཕྱི་ནང་གསང་གསུམ་གནང་གདའ་བས། བཀའ་བབས་བརྒྱུད་པ་ཉེ་བསམས་ནས་ཐུགས་རྗེ་ཆེན་པོའི་གཏོར་དབང་དང་པོད་དབང་ཞུས་སོ། །ཁོང་གིས་གསུངས་པའི་ཐུགས་རྗེ་ཆེན་པོ་ཕྱི་ནང་གསང་གསུམ་གྱི་ཞལ་གདམས་གེགས་སེལ་སོགས་གདམས་ངག་ཁྱད་པར་ཅན་ཡང་ཡོད་དོ། །བདག་གི་རྨི་ལམ་དུ་རྒྱལ་དབང་བཅུ་པ་ལ་ཡིག་བདུན་གྱི་ལུང་ཐོབ་པ་ནི་རྟེན་འབྲེལ་བཟང་སྙམ་མོ། །དེ་ལྟར་བརྒྱུད་པ་བཞི་ཙམ་ལས་ཐོབ་པའི་དབང་མོ་ཆེ་འདི་ལྟ་བུ་ཐོབ་པའི་ཕན་ཡོན་ནི། གསང་བ་འདུས་པའི་རྒྱུད་ཉིད་ལས། ཀྱེ་སྟོན་པ་བཅོམ་ལྡན་འདས། །ས་ལམ་རིམ་པ་དབང་གིས་འགྲོད། །སྨིན་བྱེད་དབང་བསྐུར་གང་ལྟར་ལགས། །ཞེས་ཞུས་པས་དབང་གི་ལེའུ་གསུངས་ནས། དེ་ནས་འགྲོ་འདུལ་དབང་ཡང་བསྐུར། །ལྷ་བསྒོམ་སྔགས་ཀྱི་

[Full Size]

བཟླས་ལུང་སྦྱིན། །ཁྱད་པར་ཡོན་ཏན་ཆེ་བ་བརྗོད། །ལེགས་འོང་སྐལ་ལྡན་བུ་མཆོག་རྣམས། །ཡིག་བདུན་འདྲེན་ལ་བརྩོན་པ་བསྐྱེད། །དུས་གསུམ་བདེ་གཤེགས་སྐུ་གསུང་ཐུགས། །ཡོན་ཏན་ཕྲིན་ལས་མ་ལུས་པ། །ཡིག་བདུན་དག་ལ་ཡང་དག་རྫོགས། །དབང་ཐོབ་ཡོན་ཏན་མཐའ་ཡས་ཏེ། །ཞེས་སོགས་ནས། ཡིག་བདུན་དབང་དང་ལུང་ཐོབ་མིས། །ལས་དང་ལས་ཀྱི་རྣམ་སྨིན་རུང་། །མི་དགེ་བཅུ་དང་མཚམས་མེད་ལྔ་། །དུས་འདི་ཉིད་ལ་སྦྱང་བར་བྱེད། །ཅེས་དང་། དེ་བཞིན་དུ་ཡང་སྙིང་འདུས་པའི་རྒྱུད་ལས་ཀྱང་། དེ་ནས་དབང་གི་ཕན་ཡོན་བརྗོད་པ་ནི། ཨེ་མ་ཧོ། ལེགས་འོང་བུ་ཁྱོད་སྐལ་བ་བཟང་། །དེ་ལྟར་དབང་རྫོགས་སྤྱན་རས་གཟིགས། །ཁྱོད་ནི་སངས་རྒྱས་སྐུ་གསུམ་འཆང་། །མཁའ་མཉམ་འགྲོ་དོན་ད་སྤྱོད་ཅིག །དུས་གསུམ་བདེ་གཤེགས་སྐུ་གསུང་ཐུགས། །ཡོན་ཏན་ཕྲིན་ལས་མ་ལུས་ཀུན། །ཡིག་བདུན་དབང་ལ་ཡང་དག་རྫོགས་། །དབང་ཐོབ་ཡོན་ཏན་མཐའ་ཡས་ཏེ། །རྣམ་ཀུན་མཁྱེན་པའི་སངས་རྒྱས་ཀྱིས། །སྟོང་གསུམ་འཇིག་རྟེན་ཁམས་འདི་དག །ཏིལ་འབྲུར་བསིལ་ནས་བགྲང་ན་

[Full Size]

འཛད། །འདི་ཐོབ་ཡོན་ཏན་ཟད་མི་ཤེས། །ཡིག་བདུན་དབང་ཐོབ་འཛིན་བཟླས་མི། །ལས་དང་ལས་ཀྱི་རྣམ་སྨིན་རུང་། །མི་དགེ་བཅུ་དང་མཚམས་མེད་ལྔ། །དུས་འདི་ཉིད་ལ་སྦྱོང་བར་བྱེད། །ཅེས་ཆོས་སྐུ་སྣང་བ་མཐའ་ཡས་ཀྱིས་བཀའ་སྩལ་ཏོ། གཞན་ཡང་དབང་བསྐུར་རྒྱལ་པོའི་རྒྱུད་ལས། དབང་བསྐུར་བ་ཡི་ཡོན་ཏན་ནི། །ཡང་དག་ཏུ་ནི་བཤད་བྱ་སྟེ། །ཆོས་ཀྱི་འཁོར་ལོ་བསྐོར་བ་ཡང་། །དབང་བསྐུར་ནས་ནི་བསྐོར་བར་བྱ། །སྒྲུབ་པ་ཡི་ནི་དཀྱིལ་འཁོར་ཡང་། །དབང་བསྐུར་ནས་ནི་བསྒྲུབ་པར་བྱ། །ཕྲིན་ལས་ཐམས་ཅད་བྱ་བ་ཡང་། །དབང་བསྐུར་ནས་ནི་གནང་བར་བྱ། །དབང་བསྐུར་གནང་བ་ཐོབ་ནས་ནི། །གང་བརྩམས་ལས་ནི་འགྲུབ་པར་འགྱུར། །སངས་རྒྱས་བྱང་སེམས་ཐམས་ཅད་ལ། །ཡིད་ལ་ཅི་དགའ་དབང་ལས་འགྲུབ། །མ་མོ་མཁའ་འགྲོ་བྲན་བཞིན་འཁོར། །ཚེ་དང་ལོངས་སྤྱོད་ཕུན་སུམ་ཚོགས། །འཇིག་རྟེན་འདི་ཡི་ཡོན་ཏན་ཡང་། །བསམ་གྱིས་མི་ཁྱབ་འགྲུབ་པར་འགྱུར། །དམྱལ་བར་སྐྱེ་བར་ངེས་ན་ཡང་། །དབང་བསྐུར་པ་ཡི་ཡོན་ཏན་གྱིས། །དམྱལ་བར་ནམ་ཡང་

[Full Size]

མི་ལྟུང་སྟེ། །ངན་སོང་གསུམ་པོ་ཀུན་སྤངས་ནས། །བླ་མེད་འབྲས་བུ་འགྲུབ་པར་འགྱུར། །ཚེ་ཟད་འཆི་བར་ངེས་ན་ཡང་། །དབང་འདི་རབ་ཏུ་བསྐུར་ནས་ནི། །ཚེ་ཚད་དཔག་མེད་འཐོབ་པར་འགྱུར། །འཇིག་རྟེན་པ་ཡི་ཡོན་ཏན་ནི། །རང་བཞིན་རྣམ་གསུམ་ཡན་ཆད་ནས། །ཀུན་ཏུ་བཟང་པོའི་དགོངས་པ་ཀུན། །སེམས་ཀྱིས་བསམ་པ་ལྷུན་གྱིས་འགྲུབ། །ཆོས་ཀྱི་དབྱིངས་སུ་སངས་རྒྱས་ཏེ། །འབྲས་བུ་རྫོགས་པའི་ངང་ལ་གནས། །ཞེས་གསུངས་པ་དང་། ཀློང་གསལ་ཉི་མའི་རྒྱུད་ལས། །དབང་བསྐུར་རིགས་ཀྱི་བུ་དེ་ནི། །ཚེ་འདིར་བསམ་པ་ཀུན་འགྲུབ་ཅིང་། །ཕྱི་མ་མངོན་པར་རྫོགས་སངས་རྒྱས། །ཞེས་དང་། རྡོ་རྗེ་སྙིང་པོའི་རྒྱུད་ལས། དབང་བསྐུར་པ་ཡི་ཆོ་ག་མཆོག ། གང་གི་ལེགས་པར་བྱས་གྱུར་ན། །དེ་ནི་སངས་རྒྱས་ཉིད་དུ་འགྲུབ། །ཅེས་དང་། ཨོ་རྒྱན་རིན་པོ་ཆེའི་ཞལ་ནས། འདི་ཉིད་མཐོང་ཐོས་རེག་པ་འམ། །རླུང་གི་ཕྱོགས་སུ་སྐྱེས་པ་ཡང་། །མ་སྨིན་པ་ནི་སྨིན་བྱེད་དེ། །སྐད་ཅིག་ཉིད་ལ་གྲོལ་གྱུར་ཏེ། །རིག་འཛིན་ཐོབ་པར་སྨོས་ཅི་དགོས། །ཞེས་གསུངས་སོ། །ཞེས་དེ་དག་གི་དོན་བཀྲོལ་ཏེ་

[Full Size]

བཤད་པར་བྱའོ། །སྤྱིར་གཏེར་ཆོས་རྣམས་དུས་སྐབས་སོ་སོར་དར་ནས། གཏེར་ཆོས་མཁའ་འགྲོས་གདན་འདྲེན་པས། སངས་རྒྱས་བླ་མ་སོགས་སྔ་སྔ་རྣམས་ཀྱི་དཔེ་ཆ་ཡང་མེད་པ་ཆེས་མང་བར་འདུག་ཅེས་བྱང་བདག་པོས་སོགས་གསུངས། དེ་བཞིན་དུ་ཉང་དང་ཆོས་དབང་སོགས་ཀྱང་མི་རབས་བརྒྱད་ནས་ཉམས་པ་དང་། པདྨ་གླིང་པ་ནི་མི་ལོ་སུམ་ཅུ་ནས་ཉམས་པར་གསུངས་ཀྱང་། རཏྟ་ལུགས་དང་ཐུགས་རྗེ་ཆེན་པོ་འདི་མཐའ་རྒྱས་སུ་འགྲོ་བར་ལུང་བསྟན་ཏེ། གསང་བ་འདུས་པའི་རྒྱུད་ལས། ཁ་བ་ཅན་གྱི་རྒྱལ་ཁམས་སུ། །འགྲོ་མགོན་ཐུགས་རྗེའི་འདུལ་ཞིང་དེར། །ཐུགས་རྗེའི་སྤྲུལ་སྲས་རྒྱུད་འཛིན་གྱིས། །ཡིག་བདུན་བསྟན་པ་འཛིན་སྐྱོང་སྲུང་། །རིམ་པ་བཞིན་དུ་དོན་གཉིས་སྤྱོད། །ཅེས་དང་། ལང་གྲོའི་ཞུས་ལན་ལས། བུ་བས་ཀྱང་ཡང་སློབ་རྗེས་སློབ་ཀྱི་དུས་ནས་མར་ལ་བསྟན་པ་མཐའ་རྒྱས་སུ་འགྲོ་བར་འགྱུར་རོ། །ཞེས་དང་། ལུང་བསྟན་ཆེན་པོ་ནས། རཏྣ་གླིང་པ་ཉིད་ལུང་བསྟན་ནས། སྐལ་ལྡན་དེ་ཡི་གདུལ་བྱ་རྗེས་འཇུག་རྣམས། །སློབ་མ་ནས་ཡང་སློབ་རྗེས་སློབ་དུས། །རིམ་པ་བཞིན་དུ་བསྟན་

[Full Size]

པ་མཐའ་རྒྱས་འགྱུར། །ཕྱོགས་མཚམས་མཐའ་དབུས་ཀུན་ཏུ་ཆོས་འདི་དར། །སྙིགས་མའི་འགྲོ་བ་ཕྱམ་གཅིག་ཐར་ལམ་བགྲོད། །ཕྲད་ཆོག་མཐོང་གྲོལ་འགྱུར་ཏེ་ངོ་མཚར་ཆེ། ཞེས་དང་། དག་སྣང་ཡིད་བཞིན་ནོར་བུའི་སྐབས་སུ། མ་གཅིག་མཚོ་རྒྱལ་གྱི་དུང་དཀར་གཅིག་དང་། རྡོ་རྗེ་དྲིལ་བུ་གཅིག་གནང་བ་ཨོ་རྒྱན་ལ་ཕྱག་རྟེན་ཕུལ་བས། ཨོ་རྒྱན་ཆེན་པོའི་ཞལ་ནས། ཁྱོད་ཀྱི་རྟེན་འབྲེལ་བཟང་། རྡོ་རྗེ་འདིས་ཁྱོད་ཀྱི་བུ་སློབ་ཡང་སློབ་བརྒྱུད་པར་བཅས་པ་རྣམས། མི་འགྱུར་རྡོ་རྗེ་ལྟ་བུའི་དོན་རྟོགས་པས། དུང་འདིས་ཁྱོད་ཀྱིས་སྤྱོད་པའི་གཏེར་ཆོས་འདི་རྣམས་ཀྱིས་མི་ཁྱབ་པ་དང་། མ་ཐོས་པ་མེད་པ་གཅིག་འོང་བ་ཡིན། དྲིལ་བུ་འདིས་ཐབས་ཤེས་དབྱེར་མེད་ཀྱི་དོན་གྱིས། ཁྱོད་འཁོར་བཅས་འདིར་མྱུར་དུ་འོང་བར་འདུག་གོ །ཞེས་སོགས། དེས་ན་ད་རུང་བྱིན་རླབས་ཀྱི་སོ་མ་ཉམས་པ་དང་། མ་འོངས་པ་ན་ཡང་ཆོས་འདི་དར་ཞིང་། ཕྱོགས་ཀུན་ཏུ་འཕེལ་བའི་རྟེན་འབྲེལ་ཡོད་པས། མཐའ་བཟང་ཞིང་བསྟན་པའི་རྒྱུན་རིང་བ་དང་། འབྲེལ་ཚད་དོན་དང་ལྡན་པ་ཡིན་ནོ། །ཞེས་པ་ཐུགས་རྗེ་ཆེན་པོའི་དབང་ཆེན་པོའི་མཚམས་སྦྱོར་ཆེན་པོ་རྣལ་འབྱོར་པ་

[Full Size]

རཱ་ག་ཨ་སྱས་སྦྱར་བ་ལ། ཉེས་པ་མཆིས་ན་ལྷ་དང་བཀའ་སྲུང་ཚོགས་ལ་བཤགས་ཤིང་དགེ་བས་སེམས་ཅན་ཐམས་ཅད་མྱུར་དུ་སྨིན་ཅིང་གྲོལ་ནས་བདེ་བ་ཅན་གྱི་ཞིང་ཁམས་སུ་སྐྱེས་ཏེ་འཕགས་པ་ཐུགས་རྗེ་ཆེན་པོ་དང་། སྐུ་གསུང་ཐུགས་ཡོན་ཏན་ཕྲིན་ལས་མཉམ་པར་གྱུར་ཅིག །མངྒ་ལཾ། བྷ་ཝནྟུ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

སངས་རྒྱས་སྟོང་གི་དབང་གི་མཚམས་སྦྱོར།

[Full Size]

སངས་རྒྱས་སྟོང་གི་དབང་གི་མཚམས་སྦྱོར་བཞུགས་སོ།།

[Full Size]

བསྐལ་པ་འདི་ལ་སྤྱིར་སྒྲོན་བསྐལ་དང་མུན་བསྐལ་གཉིས་ལས༔ མུན་བསྐལ་ལ་སངས་རྒྱས་མི་འབྱུང་༔ སྒྲོན་བསྐལ་ལ་སངས་རྒྱས་འབྱུང་སྟེ༔ སྒྲོན་བསྐལ་འདི་ལ་སངས་རྒྱས་ནི་སྙིང་རྗེ་པདྨ་དཀར་པོའི་མདོ་ལས་སངས་རྒྱས་སྟོང་དང་ལྔ་འབྱུང་བར་གསུངས༔ གསང་བ་བསམ་གྱིས་མི་ཁྱབ་པའི་མདོ་ལས་སངས་རྒྱས་སྟོང་འབྱུང་བར་གསུངས༔ བསྐལ་པ་འདི་ཡི་འོག་ཏུ་མུན་བསྐལ་ཆེན་པོ་དྲུག་ཅུ་ལ་སངས་རྒྱས་མི་འབྱོན༔ དེ་ནས་སྒྲོན་བསྐལ་བསྐལ་པ་སྙན་པ་ཆེན་པོ་ལ་སངས་རྒྱས་ཁྲི་ཕྲག་འབྱོན༔ དེ་ནས་མུན་བསྐལ་ཁྲི་ཕྲག་གཅིག་ལ་སངས་རྒྱས་མི་

[Full Size]

འབྱོན༔ དེ་ནས་བསྐལ་པ་སྐར་མ་ལྟ་བུ་ལ་སངས་རྒྱས་བརྒྱད་ཁྲི་འབྱོན༔ དེ་ནས་མུན་བསྐལ་སུམ་བརྒྱ་ལ་སངས་རྒྱས་མི་འབྱོན༔ དེ་ནས་སྒྲོན་བསྐལ་ཡོན་ཏན་བཀོད་པ་ལ༔ སངས་རྒྱས་བརྒྱད་ཁྲི་བཞི་སྟོང་འབྱུང་བར་བསྐལ་བཟང་ནས་བཤད༔ དེ་ལ་ཞིང་འདིའི་བསྐལ་པ་དང་པོ་ཆགས་པའི་ཚེ༔ རྒྱ་མཚོའི་ནང་ནས་གསེར་གྱི་པདྨ་སྟོང་འཁྲུངས་ཏེ། ལྷ་རྣམས་ཀྱིས་སྨྲས་པ༔ ད་ནི་བསྐལ་པ་འདི་ལ་སངས་རྒྱས་སྟོང་འབྱོན་པའི་ལྟས་ཡིན་ཏེ་བསྐལ་པ་འདི་ནི་བཟང་པོའོ༔ ཞེས་བརྗོད་པས་བསྐལ་པ་བཟང་པོ་ཞེས་གྲགས་སོ༔ དེ་ཡང་སྔོན་བསྐལ་པ་ཆེན་པོ་

[Full Size]

འཛིན་པ་ཞེས་བྱ་བ་ལ༔ སངས་རྒྱས་རིན་ཆེན་སྙིང་པོ་ཞེས་བ་བྱོན་ཏེ༔ དེའི་ཚེ་རྒྱལ་པོ་རྩིབས་ཀྱི་མུ་ཁྱུད་ཅེས་བྱ་བ༔ སངས་རྒྱས་སྟོང་དང་རྒྱལ་ཕྲན་བརྒྱད་ཁྲི་བཞི་སྟོང་གི་འཁོར་དང་༔ བློན་པོ་བྲམ་ཟེ་རྒྱ་མཚོའི་རྡུལ་ཞེས་བྱ་བ་ལ་སྲས་བརྒྱད་ཅུ་དང་སློབ་མ་བྲམ་ཟེ་སྟོང་ཕྲག་མང་པོ་ཡོད་པས་སངས་རྒྱས་ལ་ལོ་ཉིས་བརྒྱ་ལྔ་བཅུ་དང་ཟླ་བ་གསུམ་ལ་བསྙེན་བཀུར་རྒྱ་ཆེན་པོ་བྱས་ཏེ༔ དེའི་ཚེ་བྲམ་ཟེ་ཆེན་པོ་དེས་ཐམས་ཅད་བྱང་ཆུབ་ཏུ་སེམས་བསྐྱེད་པར་བསྐུལ་ནས༔ བྱང་ཆུབ་ཏུ་སེམས་བསྐྱེད་སྨོན་ལམ་བཏབ་པས༔ རྒྱལ་པོ་ནི་སངས་རྒྱས་ཚེ་དཔག་མེད་དུ་ལུང་བསྟན༔ རྒྱལ་པོའི་བུ་ཆེ་བ་མིག་མི་འཛུམ་པ་སྤྱན་རས་གཟིགས༔ བུ་གཉིས་པ་ནི་མཐུ་ཆེན་ཐོབ༔ གསུམ་པ་འཇམ་དབྱངས་སོགས་ཐམས་ཅད་བྱང་ཆུབ་ཏུ་ལུང་བསྟན་ཏོ༔ དེ་ནས་རྒྱལ་ཕྲན་བརྒྱད་ཁྲི་བཞི་སྟོང་༔ སྲོག་ཆགས་དུང་ཕྱུར་ཕྲག་དགུ་དང་བྱེ་བ་ཕྲག་གཉིས་བྲམ་ཟེའི་སྲས་བརྒྱད་ཅུ༔ བྲམ་ཟེའི་སློབ་བུ་སྟོང་ཕྲག་གཅིག༔ བྲམ་ཟེ་བྱེ་བ་ཕྲག་གསུམ་ཐམས་ཅད་བྱང་ཆུབ་ཏུ་ལུང་བསྟན་ཏོ༔ ་འདས་པའི་སངས་རྒྱས་གཙུག་ཏོར་ཅན་དང་༔ ཐམས་ཅད་སྐྱོབ་ཀྱི་བར་དུ་ལུང་བསྟན་ཏེ་སངས་

[Full Size]

རྒྱས་སོ༔ དེནས་བྲམ་ཟེ་རིགས་བྱེད་ཀློག་པ་སྟོང་ལུང་བསྟན༔ དེ་རྗེས་རིགས་བྱེད་ཀློག་པ་སྟོང་གི་གཉིས་པ་སྐར་མ་སྐྱོང་ནི་བསྐལ་པ་འདིའི་སངས་རྒྱས་འཁོར་བ་འཇིག༔ གསུམ་པ་རུམ་བུ་རྒྱུ་ནི་གསེར་ཐུབ༔ བཞི་པ་ཀུན་བྱེད་སྲུང་བ་ནི་འོད་སྲུང་༔ ལྔ་པ་དྲི་མེད་འོད་ནི་བྱམས་པ༔ དེ་བཞིན་དུ་སངས་རྒྱས་དགུ་བརྒྱ་དང་གོ་དགུ་ལུང་བསྟན་ཏོ༔ བྲམ་ཟེའི་བསྙེན་བཀུར་བ་ལྔ་ཡང་བསྐལ་བཟང་འདི་ཡི་སངས་རྒྱས་སུ་ལུང་བསྟན༔ རིགས་བྱེད་ཀློག་པ་ཐ་ཆུང་ནི༔ སངས་རྒྱས་སྟོང་དང་བཞིའི་སྐུ་ཚེ་དང་གདུལ་བྱ་ཐམས་ཅད་ཁོང་ལ་འོང་བར་སྨོན་ལམ་བཏབ༔ སངས་རྒྱས་གསལ་མཛད་དམ་ཅུང་ཟད་དམ་མོས་པ་ཞེས་ཀྱང་བྱ་བར་ལུང་བསྟན་ཏོ༔ བྲམ་ཟེ་རྒྱ་མཚོའི་རྡུལ་ནི་སྙིང་རྗེ་ཆེ་བས༔ དུས་ངན་པ་ཚེ་ཐུང་བ་སྡུག་བསྔལ་ཆེ་བ་རྣམས་ཀྱི་དོན་དུ་སྨོན་བཏབ་པ་ནི་ཤཱཀྱ་ཐུབ་པ་ཡིན་པར་གསུངས་སོ༔ ཡང་སངས་རྒྱས་སྟོང་ཐམ་པ་འབྱོན་པ་ནི་སྔོན་འཇིག་རྟེན་གྱི་ཁམས་རྣམ་པར་བརྒྱན་པ་ཞེས་བྱ་བ་ན༔ སངས་རྒྱས་ཡོན་ཏན་མཐའ་ཡས་རིན་ཆེན་སྣ་ཚོགས་བཀོད་པའི་རྒྱལ་པོ་ཞེས་བྱ་བ་འབྱོན་ནོ༔ དེའི་ཚེ་འཁོར་ལོས་སྒྱུར་བའི་རྒྱལ་པོ་ཡུལ་འཁོར་སྲུང་

[Full Size]

ཞེས་བྱ་བ་སྲས་སྟོང་རྩ་གཉིས་ཡོད་པ་དེས་སངས་རྒྱས་ལ་བསྙེན་བཀུར་རྒྱ་ཆེན་པོ་བྱས་འཁོར་དགེ་སློང་རེ་རེ་ལའང་འཁོར་གཡོག་གསུམ་རེ་ཕུལ༔ སངས་རྒྱས་ལ་ཆོས་ཉན་ནོ༔ རྒྱལ་བུའི་སྲས་ཐམས་ཅད་ཀྱང་བྱང་ཆུབ་སེམས་དཔའ་ཤ་སྟག་ཏུ་སྣང་བས༔ཐོག་མར་གང་དེ་སངས་རྒྱས་བརྟག་པའི་ཕྱིར༔ བུ་རྣམས་ཀྱི་མིང་བྲིས་ཏེ༔ རིན་པོ་ཆེའི་བུམ་པར་བཅུག་སྟེ་ཞག་བདུན་མཆོད་པ་དང་སྒྲུབ་པ་བྱས༔ རྣལ་འབྱོར་པ་ནུས་ལྡན་རྡོ་རྗེ་ཞེས་བྱ་བས་བུ་དེ་རྣམས་ལ་དབང་བསྐུར་ནས༔ བུམ་པའི་ནང་ནས་མིང་རྣམས་བཏོན་པས༔ ཐོག་མར་གཞོན་ནུ་རྣམ་པར་དག་པའི་བློ་གྲོས་ཀྱི་མིང་བྱུང་སཿ ས་གཡོས་དང་རོལ་མོའི་སྒྲ་བྱུང་སྟེ༔ སངས་རྒྱས་འཁོར་བ་འཇིག་གོ །རྣམ་པར་རྒྱལ་བ་ནི་གསེར་ཐུབ༔ དབང་པོ་ཞི་བ་འོད་སྲུང་དང་དོན་ཐམས་ཅད་འགྲུབ་པ་ནི་ཤཱཀྱ་ཐུབ་པའོ༔ སྐེ་རགས་ཅན་ནི་བྱམས་པའོ༔ མཆོག་གི་བློ་གྲོས་སེང་གེ༔ དེ་ལྟར་སྟོང་ལ་གཅིག་མ་ཚང་བའི་བར་རོ༔ བུ་ཆུང་བ་བློ་གྲོས་མཐའ་ཡས་ཀྱི་ཕུ་བོ་ཐམས་ཅད་ཀྱི་སྐུ་ཚེ་དང་འཁོར་དང་༔ འགྲོ་དོན་ཐམས་ཅད་དུས་གཅིག་ཏུ་བསྡོམས་པ་འབྱུང་བར་སྨོན་ལམ་བཏབ་པ་མོས་པ་

[Full Size]

སྟེ༔ སྨོན་ལམ་གྱི་དབང་གིས་འདིའི་བསྟན་པ་ལ་སེམས་ཅན་རྣམས་ཀྱི་ཚེ་ཡང་དཔག་ཏུ་མེད་དོ༔ ཁྱེའུ་ཆོས་སེམས་ནི་ཕྱག་ན་རྡོ་རྗེ་དང་༔ ཆོས་ཀྱི་བློ་གྲོས་ནི་ཚངས་པ་གཙུག་ཕུད་ཅན་དང་༔ རྒྱལ་པོ་ཡུལ་འཁོར་སྲུང་ནི་མར་མེ་མཛད་དང་༔ ནུས་ལྡན་རྡོ་རྗེ་ཨོ་རྒྱན་རིན་པོ་ཆེའོ༔ དེ་ལྟར་བསྐལ་པ་འདི་ལ་ལོ་བརྒྱད་ཁྲི་ནས་བརྒྱའི་བར་དུ་སངས་རྒྱས་འབྱོན་ཏེ༔ མོས་པ་ནི་མ་གཏོགས་སོ༔ འཇིག་རྟེན་གཞན་དུ་ནི་ངེས་པ་མེད་དོ༔ དེ་ལ་བསྐལ་པ་འདི་ལ་སངས་རྒྱས་སྟོང་དུ་ངེས་པ་ནི་མཛད་པ་དངོས་སུ་སྟོན་པའི་དབང་དུ་ཡིན་གྱིས༔ དེ་བས་གྲངས་མང་བ་ཡང་བཀག་པ་མེད་པར་འཕགས་པ་གྲོལ་སྡེའི་གསུངས་སོ༔ དེ་ལྟར་བསྐལ་བཟང་གི་སངས་རྒྱས་སྟོང་ཡང་དོན་ལ་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ཀྱི་སྤྱན་སྟོང་གི་སྤྲུལ་པ་ཡིན་པས་སྔར་ནས་སངས་རྒྱས་པ་ཡིན་ཀྱང་༔ སེམས་ཅན་གྱི་དོན་ལ་སེམས་བསྐྱེད་པ་ཚོགས་བསགས་སྒྲིབ་སྦྱངས་བསྐལ་པ་གྲངས་མེད་པ་དུ་མར་མཛད་ནས་སླར་སངས་རྒྱས་ཚུལ་སྟོན་པ་ཡིན་ནོ༔ དེ་ནས་བསྐལ་བཟང་གི་སངས་རྒྱས་སྟོང་ཐམ་པ་འཛམ་བུའི་གླིང་འདིར་རིམ་པར་འབྱོན་པ་ཐམས་ཅད་སྤྱན་

[Full Size]

རས་གཟིགས་ཀྱི་སྤྲུལ་པ་ཡིན་པ་ཁོ་ནར་མ་ཟདི༔ འཛམ་གླིང་བྱེ་བ་ཕྲག་བརྒྱ་ན༔ སངས་རྒྱས་སྟོང་བྱེ་བ་ཕྲག་བརྒྱ་འབྱོན༔ དེ་བས་ཀྱང་འཇིག་རྟེན་གྱི་ཁམས་གངྒའི་ཀླུང་གི་འབྱུང་བ་བཞིའི་རྡུལ་ཕྲ་རབས་ཀྱི་གྲངས་དང་མཉམ་པའི་འཇིག་རྟེན་གྱི་ཁམས་སངས་རྒྱས་སྟོང་རྩ་གཉིས་དེའི་གྲངས་དང་མཉམ་པ་འབྱོན་པར་བཤད་དེ༔ དེ་ཐམས་ཅད་ཀྱང་སྤྱན་རས་གཟིགས་ཀྱི་སྤྲུལ་པ་ཡིན་ཕྱིརཿ ཐུགས་རྗེ་ཆེན་པོའི་དབང་ལ་སངས་རྒྱས་སྟོང་དབང་འདི་ཡོད་པ་ཡིན་ནོ༔ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་འདུས་ཀྱི་དབང་དང་ལས་བྱང་སོགས་ཀྱི་ཟིན་བྲིས།

[Full Size]

ཐུགས་རྗེ་ཆེན་པོ་གསང་འདུས་ཀྱི་དབང་དང་ལས་བྱང་སོགས་ཀྱི་ཟིན་བྲིས་བཞུགས་སོ།།

[Full Size]

ཐུགས་རྗེ་ཆེན་པོ་འགྲོ་བ་སྐྱོབ་ལ་ཕྱག་འཚལ་ལོ། །ཐུགས་རྗེ་ཆེན་པོ་གསང་བ་འདུས་པའི་དབང་རྒྱས་པར་བསྐུར་བ་ལ། རབ་ནི་སྒྲུབ་ཆེན་གཞུང་ལྟར་བཙུགས་པའི་སློབ་མ་སྟ་གོན་སྐབས་སུ། དབང་ཞུ་བ་ཐམས་ཅད་ལ་སྐུ་ཤ་དཔུང་སྐུད་སོགས་སློབ་མ་སྟ་གོན་བྱས། དེ་ནས་དབང་ཞུ་བ་གསར་པ་མ་ཡིན་པའི་སྔར་དབང་ཐོབ་པ་རྣམས་ཀྱིས་ཞག་བདུན་ནམ་ལྔའམ་ཐ་མ་གསུམ་ཙམ་སྔགས་རྒྱུན་དང་སྒྲུབ་ཆེན་བཙུགས། དེ་ནས་སྒྲུབ་ཆེན་དབང་གི་དུས་སྐབས་སུ། དབང་ཆེན་མོ་གཞུང་ལྟར་བསྐུར་ཏེ་འདི་ནི་ཁྲོམ་དབང་བྱེད་སྲོལ་ལོ། །སངས་རྒྱས་སྟོང་དབང་སྐབས་སུ་རྒྱས་པར་

[Full Size]

སངས་རྒྱས་སྟོང་སྐུ་རེ་རེ་ནས་འགྲིམ། འབྲིང་སངས་རྒྱས་བརྒྱའི་སྐུ་བྱས་ལ། བརྒྱ་རེའི་དབང་ཚིག་མཚམས་སུ་སྐོར་རེ་འགྲིམས་པས། ལན་བཅུས་སྟོང་རྫོགས་འོང་ངོ་། །ཤིན་ཏུ་བསྡུ་ན་དུས་གསུམ་སངས་རྒྱས་ཀྱི་སྐུ་བྱས་ལ་ལན་གསུམ་འགྲིམ་སྟེ། མ་འོངས་སངས་རྒྱས་དབང་བསྐུར་རོ། །ཞེས་སོགས་བསྡུས་ཏེ་བརྗོད། ཤིན་ཏུ་བསྡུ་ན་སངས་རྒྱས་སྟོང་གི་དབང་བསྐུར་རོ། །ཞེས་མཚན་འབུམ་དཔེ་མགོ་ཐོག་ཏུ་འགྲིམ་མོ། །དེ་ནས་སྒྲུབ་ཆེན་གཞུང་གི་སྐུ་གསུང་ཐུགས་ཡོན་ཏན་གྱི་རྗེས་གནང་། ཚེ་འགུགས་ལ་ཚེའི་ལྷ་མོ་འཆམས་དང་བཅས་འཇུག་ཚེ་དབང་

[Full Size]

སོགས་སྒྲུབ་ཆེན་གཞུང་ན་ཡོད་ལྟར་བྱ། དེ་ནས་དམ་ཚིག་གཙང་ཞིང་གསང་འདུས་ཉམས་སུ་ལེན་པ་ཉུང་ཤས་ལ་ལྐོག་ཏུ་མཆོག་དབང་གསུམ་བསྐུར་རོ། །རྒྱལ་ཐོ་བསྡུ་བ་སོགས་རྗེས་ཐམས་ཅད་ཚང་བར་བྱས་ཏེ། སྟ་གོན་ཞག་གསུམ་ཙམ་མམ། དབང་སྒྲུབ་སྔགས་རྒྱུན་ཞག་བདུན་ཙམ། ཉིན་རེ་དབང་སྣ་གང་འོས་འགྲིམས་པས་བདུན་གསུམ་ཙམ་རྗེས་ཆོག་འཆམས་དང་བསྦྲགས་པས། གནས་སྲུང་བ་ཞག་གསུམ་སྟེ། ཟླ་བ་གཅིག་ལ་སྒྲུབ་ཆེན་ཁྲོམ་དབང་རྫོགས་སོ། །སྒྲུབ་ཆེན་དང་མི་སྦྲེལ་མགྱོགས་དབང་ལ། སྟ་གོན་དང་རྒྱལ་ཐོ་མཚམས་གཅོད་སློབ་མ་སྟ་གོན་ཞག་གཉིས། ཕྱིར་ཉིན་དབང་བསྐུར་བས་ཞུ་མི་ཉུང་ན་ཉིན་གཅིག་ལ་རྫོགས། མང་ན་ཉི་མ་གཉིས་ཙམ་ཐོག་གོ །མགྱོགས་དབང་རང་བསྐུར་ན་གསར་མའི་དབང་ལྟར་མི་གསུམ་མམ་ལྔ་དྲུག་ལ་ནི་ཉིན་གཅིག་རྫོགས་ཏེ། རྙིང་མའི་ལུགས་ལ་ཀུ་ཤ་སོགས་སློབ་མ་སྟ་གོན་ཡང་བྱེད་སྲོལ་ཡོད་དོ། །བཀའ་རྫོགས་ཞུ་ན་གཏོར་དབང་བསྐུར། ཁྲོམ་དབང་ལ་ཡང་བསྐུར་རོ། །དེ་ལྟར་དབང་རྒྱས་བསྡུས་གང་བསྐུར་ཡང་། ལས་བྱང་ཚར་གཅིག་གིས་བདག་མདུན་བུམ་གསུམ་གཏོར་མར་དབང་ལྷར་བསྐྱེད་དང་བཅས་

[Full Size]

པ་དུས་གཅིག་ལ་བསྐྱེད་ཆོག་གི །གསར་མ་ལྟར་མངོན་རྟོགས་སོགས་འདོན་མི་དགོས་པ་ནི་རྙིང་མ་སྤྱི་ཡི་ལུགས། ཁྱད་པར་རཏྣ་ལུགས་ཀྱི་ཁྱད་ཆོས་ཡིན་ནོ། །གཏན་ནས་སོ་སོར་མི་སྲིད་པ་ནི་མིན་ཏེ་རཏྣ་ལུགས་སྒྲུབ་ཐབས་འགའ་ཟུང་སོ་སོར་བསྐྱེད་ཅིང་ལྷ་གྲངས་མཉམ་པ་ཡང་ཡོད་དོ། །རབ་སློབ་དཔོན་དེས་གསང་འདུས་བསྙེན་སྒྲུབ་ཐེམ་པ། ཐ་ན་ཡང་ཡི་དམ་གང་རུང་ཞིག་གི་བསྙེན་སྒྲུབ་མ་ཐེམས་པ་ནི་མི་རུང་ངོ་། །དང་པོ་ཆོ་ག་དང་དབང་བསྙེན་བརྒྱ་རྩ་བརྒྱད་ཡན་གང་འགྲུབ་ཚར་ནས་ཏིང་ངེ་འཛིན་གྱི་དབང་བླང་། རྩ་སྔགས་ལ། ཀཱ་ཡ་ཨ་བྷི་ཥིཉྩ་ཨོ། ཝཱཀ་བྷི་ཥིཉྩ་ཨཱ༔ ཙིཏྟ་ཨ་བྷི་ཥིཉྩ་ཧཱུཾ། སརྦ་ཨ་བྷི་ཥིཉྩ་ཧཱུྃ༔ ཞེས་བདུན་ནམ་ཉེར་གཅིག་ཙམ་བཟླས་ཚེ། མདུན་བསྐྱེད་ཀྱི་སྤྱི་མགྲིན་སྙིང་ག་ལྟེ་བ་བཞི་ནས། འོད་ཟེར་དཀར་དམར་མཐིང་ལྗང་བཞི་འཕྲོས་རང་གི་གནས་བཞིར་ཐིམ་པས་དབང་བཞི་ཐོབ་པར་བསྒོམས་པས་འཐུས་ཀྱི། གསར་མ་ལྟར་དབང་ཚང་མ་རང་གིས་ལེན་སྲོལ་ནི་རཏྣ་ལུགས་ལ་མེད། རྙིང་མ་ཕལ་ཆེར་ཡང་དེ་ལྟར་ཡིན་ཀྱང་། དགོངས་འདུས་སོགས་གཏེར་རྒྱས་པ་ལ་ནི་རྒྱས་པར་གསར་མ་ལྟར་དང་བསྡུ་ན་ཏིང་ངེ་འཛིན་གྱིས་ཆོག་པར་

[Full Size]

གསུངས་གདའོ། །དབང་ཚར་ན་ཏིང་ངེ་འཛིན་གྱིས་དབང་བླང་། བསྙེན་པ་ཅུང་ཞིག་བཟླས་པས་རང་གི་ནུས་པ་མི་ཉམས་པའི་མན་ངག་གོ །སྒྲུབ་ཆེན་དང་འབྲེལ་བའི་དབང་བྱིན་རླབས་ཅན་བསྐུར་ན་དབང་རྫས་རྣམས་ཐོག་མར་རང་གི་མགོ་ཐོག་ཏུ་བཞག་ཅིང་གཞན་ལ་འགྲིམས་པས་དངོས་གྲུབ་གཞན་ལ་མི་འཚལ་ལོ། །གཏོར་དབང་ལ་རྒྱས་བསྡུས་གཉིས་ཡོད་པ་གཞུང་ན་གསལ་ལྟར་བསྡུས་པ་ཁྲོམ་ཆེན་ལ་ལན་གཅིག་འགྲིམ་ཆོག་གོ །མཆོག་དབང་སྐོར་གསུམ་གསང་དབང་རྫ་ས་མ་ཎི་རིལ་བུ་བྷནྡྷའི་བདུད་རྩི་དང་བསྲེ། ཤེས་རབ་ཡེ་ཤེས་དབང་མུ་ཏྲའི་ཙཀྲི་གཏད་གཞན་གཞུང་ལྟར་རོ། །མཇུག་དབང་གི་བཤད་པ་དེ་སོ་སོར་སྦྱར་ཤེས་ན་ལེགས། མ་བྱུང་ན་མཇུག་ཏུ་བརྗོད་པས་འཐུས་སོ། །དམ་ཅན་བཀའ་གཏད་གསོལ་ཀ་རྒྱས་པར་བྱས་ལ་གཞུང་ལྟར་ལས། དབང་གི་སྔོན་དུ་གསོལ་གདབ་བདུན་རྣམ་དག་དེ་ནས་སློབ་མ་རྟ་མགྲིན་ནམ་ཕྱག་རྡོར་བསྐྱེད་ལ་གཞུང་ལྟར་རོ། །མཇུག་ཏུ་གསོལ་ཉོབ་མའི་འདོད་གསོལ་སྦྱར་རོ། །གསང་འདུས་རིང་རྐང་ལ་བཀའ་སྲུང་གཞན་ཚོ་བཀའ་གཏད་མ་གསུངས་ཀྱང་རཏྣ་ལུགས་ཀྱི་བཀའ་སྲུང་སྤྱིའི་བཀའ་གཏད་གུ་དྲག་དབང་འབྲིང་ལ་སྦྱར་ཕྱིར་བཀའ་གཏད་

[Full Size]

བཀའ་བསྒོ་འདྲ་བ་བྱས་པ་ལ་འགལ་བ་མེད་དོ། །དེ་བྱ་ཚུལ་སློབ་དཔོན་ལྷར་གསལ་བ་སློབ་མ་ལྷར་གསལ་བ་ལ་བྲན་དུ་བཀའ་བསྒོ་བའི་ཚུལ་དུ་བཀའ་སྲུང་ཐམས་ཅད་ཀྱི་གསོལ་ཀ་རྒྱས་པར་བྱས་རྗེས། གཏོར་མ་ཀ་ཏོ་ར་འདྲ་ཞིག་ཏུ་ཐམས་ཅད་བཞག་པ་སློབ་མའི་ཕྱག་ཏུ་བཟུང་བཅུག །བཀའ་སྲུང་རྣམས་ཀྱི་སྔགས་བརྗོད་མིང་བརྗོད་ནས། རྡོ་རྗེའི་སློབ་མ་འདི་མཐོ་སར་ཉིན་གྱི་བྱ་ར་གྱིས་སོགས་བཀའ་བསྒོ་བྱའོ། །སློབ་མས་ཆོས་སྐྱོང་དུ་བསྟེན་པར་ཁས་བླངས། མཎྜལ་འབུལ་ལོ། །དབང་གི་ཟིན་བྲིས་སོ།། སྤྱིཤ ། ༈ དེ་ནས་ལས་བྱང་གི་ཟིན་བྲིས་ནི། སྐྱབས་སེམས་གཏེར་སྟོན་གྱིས་རྒྱས་པར་མཛད་པ་ཡོད་ཀྱང་། ཁྲིད་དུས་འདྲ་མ་གཏོགས་ལས་བྱང་ལ་ཀ་དཔེ་མི་དགོས། ལས་བྱང་ནང་གི་དེས་འཐུས་། སྔོན་འགྲོ་གཏོར་མ་དང་པོ་སྒྲུབ་པ་ལ་འཇུག་ཁ་རྒྱས་པར་གཞན་གང་རུང་ལྟར་བྱའོ། །རྒྱུན་དུ་ལྕོག་རྡོག་གཅིག །ཆངས་བུ་གཅིག་བྲན་ལ། ཨ་ཀཱ་རོས་བྱིན་གྱིས་རློབས། སཾ་བྷ་རིས་བསྔོས་ལ་སྒྲུབ་ཆེན་ནང་གི་ཉུང་ངུ་དེས་ཆོག་གོ །དེ་ནས་ལས་བྱང་ལྟར་མཚམས་བཅད། །དེ་ནས་སྒྲུབ་ཆེན་དུས་བར་ཆད་འབྱུང་དོགས། སྐྲག་ན་རྒྱལ་ཆེན་བཞིའི་གཏོར་

[Full Size]

འབུལ་དཀར་གཏོར་གཅིག་ལ་བསྔོ། སྒོ་སྲུང་ཁྲོ་བོ་གཉིས་ལ་དམར་གཏོར་ཆུང་ངུ་བསྔོ། དེ་ནས་ལས་བྱང་ལྟར་སྲུང་འཁོར་བསྒོམ་སྟེ། རྒྱས་པར་ཁྲོ་བཅུའི་མཚམས་གཅོད་འདོན། །སྒྲུབ་ཆེན་དུས་མིན་པར་ནི་མི་དགོས། བུམ་སྒྲུབ་རྒྱུན་པ་ལ་ཡང་མི་དགོས། དེ་ནས་གཞུང་ལྟར་ལས་སྒྲུབ་ཐབས་གང་ཡིན་མངོན་རྟོགས་འཛུད་དེ། ཐུམ་སྒྲུབ་དུས་ཐུམ་སྒྲུབ་མངོན་རྟོགས་སོ། །ལྷ་བསྐྱེད་དུས་བདག་དཀྱིལ་འཁོར་ཚང་མ། རྡུལ་ཚོན་ནམ་རས་བྲིས་དཀྱིལ་འཁོར་ཚང་མ། གཏོར་མ་རིན་ཆེན་འབར་བ་ལ་དཀྱིལ་འཁོར་ཚང་མ་གཅིག །བུམ་པའི་ནང་དུ་ལྷ་ཚོགས་ཚང་མ་དེ་ཡང་བུམ་པ་ལྔའམ་དགུ་ཡོད་ན་སོ་སོར་ཕྱོགས་ཕྱོགས་ཀྱི་ལྷ་བསྒོམ། རིལ་བུ་བུམ་པར་རིལ་བུ་རེ་རེ་ལ་ཐུགས་རྗེ་ཆེན་པོ་རེ་རེ་བསྒོམས་ནས། སྤྱན་དྲངས་ཚེ་བདེ་བ་ཅན་དང་པོ་ཏ་ལ་ནས་ལྷ་ཚོགས་དཔག་མེད་སྤྱན་དྲངས་ལ་བདག་མདུན་བུམ་པ་རིལ་བུ་བུམ་པ་རྣམས་ལ་བསྟིམ། དེ་ནས་ཐུགས་ཀ་ནས་མཆོད་པའི་ལྷ་མོ་དཔག་མེད་སྤྲུལ་ལ་ལྷ་སོ་སོར་ལྷ་མོ་མང་པོས་བཞུགས་གསོལ་མཆོད་བསྟོད་སོགས་བྱེད་པར་བསྒོམ་སྟེ། སྨན་རཀ་གཏོར་མ་བདུད་རྩི་དང་རཀྟ་དང་འདོད་ཡོན་སྣ་ཚོགས་པའི་རྒྱ་མཚོ་ལས། ལྷ་མོ་རྣམས་ཀྱིས་

[Full Size]

བྷནྡའི་སྐྱོགས་ཀྱིས་བཅུས་ཤིང་བདག་མདུན་སོ་སོ་ལ་མཆོད་པར་བསྒོམ་པར་བྱའོ། །དེ་ནས་ལས་བྱང་གི་འཛབ་དགོངས་བཏོན་ལ་སྔགས་རྣམས་ཅུང་ཟད་རེ་སྔགས་མཆོད་ཀྱི་ཚུལ་དུ་བཟླ། དེ་ནས་སྒྲུབ་ཐབས་སོ་སོའི་བུམ་སྒྲུབ་ཀྱི་སྔགས་དམིགས་ལ་འབད་དོ། །དངོས་གྲུབ་ལེན་ཆོག་འདི་གྲོལ་ཁ་བར་མི་དགོས་པས་སྒྱུར། ཆེ་བ་བསྐྱེད་པ་ཡང་བསྒྲལ་ལས་དུས་སྦྱར་བ་ལེགས་པས་སྐྱུར། སྐབས་འདིར་བདེ་མཆོག་ཕག་མོ། གུ་རུ་ཞི་དྲག །གྲོ་ལོད། རྟ་མགྲིན་ལ་སོགས་པ་ཡི་དམ་གང་ཡིན་རང་གིས་ཆག་མེད་ཀྱི་དམ་བཅའ་གང་ཡོད་བདག་བསྐྱེད་འདོན་རུང་སྟེ། ཚིག་མེད་དམ་བཅའ་མེད་ན་རང་གཞུང་གི་རྩ་བ་ལེགས། དེ་བསྒོམ་ལུགས་ལ་བདག་བསྐྱེད་བསྡུས་ནས་གཞན་བསྒོམ་མི་རུང་། གནས་འགྱུར་དུས་གཞན་མི་བསྒོམ་སྟེ། རང་གསང་འདུས་ཀྱི་དཀྱིལ་འཁོར་ཚང་བར་བསྒོམ་ཡོད་པའི་དཀྱིལ་འཁོར་གཞལ་ཡས་ཁང་གི་ཕྱི་རྡོ་རའི་ནང་གི་བར་ཁྱམས་དེར་བསྒོམ་སྟེ། གསང་འདུས་ལྷ་ཚོགས་རང་ཉིད་ཡིན་ཀྱང་། དེའི་ཐུགས་ཀ་ནས་རང་ཐ་མལ་པའི་ལུས་སུ་ཐོན་ནས། བདག་བསྐྱེད་ཀྱི་དཀྱིལ་འཁོར་གྱི་ནུབ་ངོས་སུ་གནས་ནས་ཀྱང་ཕག་མོ་ལྟ་བུའི་བདག་

[Full Size]

བསྐྱེད་ཞིག་བསྒོམ། དེ་བཞག་ནས་དེའི་ཐུགས་ཀ་ནས་རང་ཐོན་ནས་བདེ་མཆོག་ལྟ་བུ་གཅིག་བསྒོམ། དེས་རིག་འགྲེས་ཐམས་ཅད་ཀྱང་རང་ཉིད་ཡིན་པར་མོས་ཤིང་རང་གི་ངོ་བོ་གསང་འདུས་ཀྱི་ཐུགས་ཀར་ཞུགས། དེ་ནས་མདུན་བསྐྱེད་བེར་ནག་ཅན་ཕྱག་བཞི་པ། ལྷ་མོ་སོགས་མདུན་བསྐྱེད་དུ་ཡོད། གཏོར་མགྲོན་ཐམས་ཅད་རིམ་པར་འདོན་ཏེ། མདུན་བསྐྱེད་ཀྱི་དཀྱིལ་འཁོར་གྱི་ནུབ་དང་བྱང་དང་ལྷོ་གསུམ་ནས་ཞལ་རིང་ལ་གྱུ་བར་བསྐྱེད་ལ། སོ་སོའི་གཏོར་ཆོག་འདོན། ཚོགས་མེད། ཆོས་སྐྱོང་གཞན་མེད་ན་འཛབ་དགོངས་རྒྱབ་ནས་དང་། བེར་ནག་བྱེད་ན་དེའི་གཏོར་བསྔོས་སྐབས་སུ་ཀཾ་ཚང་གསང་སྔགས་ནང་གཏོར་འདོན། དེའི་བླ་མའི་གྲལ་འདིའི་བརྒྱུད་རིམ་ཆོས་སྐུ་སྣང་བ་མཐའ་ཡས། །ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། ་མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་རཏྣ་གླིང་པ། རྒྱལ་སྲས་ཚེ་དབང་གྲགས་པ། ཆོས་བདག་ལས་ཅན་ཐམས་ཅད། དྲིན་ཆེན་རྩ་བརྒྱུད་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་སྦྱར། ཡི་དམ་སྐབས་སུ། ཨོཾ་མ་ཎི་པདྨེ་ཧཱུཾ་ཧྲཱིཿ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡི་དམ་

[Full Size]

ཐུགས་རྗེ་ཆེན་པོ་གསང་བ་འདུས་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཞེས་སྦྱར་བས་འཐུས་ཀྱི། དེ་བཞིན་དུ་རང་གི་གཏོར་བསྔོས་གང་ཡིན་དེའི་ནང་དུ། །དེའི་ཁ་སབ་པས་ཆོག་གོ །དེའི་ཅིའི་ཕྱིར་ཞེ་ན། གཏེར་གཞུང་ནས་ནི། ཧྲཱིཿ སྣང་སྲིད་བདེ་ཆེན་གཏོར་གཞོང་དུ༔ ཞེས་སོགས་ཚིགས་བཅད་དེས་ཆོག་པར་མཛད་འདུག་པས་གསང་འདུས་རང་གཞུང་ལ་གཏོར་བསྔོས་གུད་དུ་མི་དགོས་ལ། རཏྣ་གླིང་པས་མཛད་པའི་ཐུགས་དམ་ནང་གི་གཏོར་མ་དོན་གསལ་སྙིང་གི་ཟེའུ་འབྲུ་ཞེས་བྱ་བ་ཡོད་ཀྱང་། དེ་གསང་འདུས་ཀྱི་གཏོར་བསྔོས་ཁོ་ན་མ་ཡིན། གཏེར་སྟོན་རང་གི་ཐོབ་ཚད་ཀྱིས་བཀའ་གསར་རྙིང་སྤྱིའི་གཏོར་བསྔོས་ཡིན་པས་འདི་ལ་ཆེར་མི་འབྲེལ་ལོ། །དེ་ནས་ཚོགས་ཡོད་ན་བྱེད་ལུགས་འདི་ལ་འཁྲུགས་བཤང་དགོས་ཏེ། དཀྱིལ་འཁོར་གྱི་མདུན་དུ་སྟག་གཟིག་ལྤགས་པ་རབ། མེད་ན་རས་ཀྱི་སྙན་ཁེབས་ཆེན་པོའི་སྟེང་ངམ། ཁྲོམ་ཡིན་ན་གཞི་ཆེན་པོའི་སྟེང་དུ་ཤ་ཆང་ཟན་རྣམས་འཚོགས་ཚད། མཆོད་གཡོག་པ་ལངས་ནས་ཕྱག་གསུམ་འཚལ་ལ། ཟླུམ་ཁྱེར་ཐལ་མོ་སྦྱར་ནས་ཞུ་བ། ཧོ༔ དགོངས་སུ་གསོལ་ལོ། །སོགས་བརྗོད། སློབ་

[Full Size]

དཔོན་གྱིས། ཨེ་མ་ཧོ་སོགས་གནང་བ་བྱིན། དེ་ནས་ཚོགས་བྲན་ལ། ཧཱུྃ༔ རྡོ་རྗེ་ལྟ་བུའི་ཏིང་འཛིན་གྱིས༔ ཞེས་སོགས་བྱིན་གྱིས་བརླབས། ཧཱུྃ༔ ཆོས་སྐུ་སྐྱེ་མེད་ངང་ཉིད་ལས༔ སོགས་ལྷ་ཚོགས་སྤྱན་དྲངས། དེ་ནས་ཚོགས་ཕུད་ཕུལ། བླ་མ་གཏོར་མའི་ནང་དུ་བཞག་བྲན་ལ།—གསང་བ་མཆོག་གི་སོགས་བརྗོད། གོང་དུ་གཏོར་བསྔོས་མ་བྱས་ན་འདིར་གཏོར་བསྔོས་རྒྱས་བསྡུས་གང་རུང་བྱ། དེ་ནས་ཚོགས་དུམ་གཅིག་གིས་བསྐང་གཏོར་གསོ། བསྐང་གཏོར་མེད་ན་ཡི་དམ་གཏོར་མ་གསོ། དེ་ནས་ཐུགས་རྗེ་ཆེན་པོ་གསང་འདུས་ཀྱི་སྒྲུབ་ཆེན་གཞུང་ནས་བསྐང་བ་བྱ་གསུངས་ཀྱང་། ཐུགས་རྗེ་ཆེན་པོ་རང་ལ་གཏེར་གཞུང་ན་བསྐང་བ་མེད་པས། གཏེར་སྟོན་གྱིས་མཛད་པ་ཞིག་འདུག་ཀྱང་། ཚོགས་དང་བསྲེ་ན་ཅུང་ཟད་མང་བ་དང་། དེའི་ལུང་རྒྱུན་ཀྱང་མེད་པས་བདག་གིས་བྱས་པ་འདི་ཨོ་རྒྱན་གྱི་གསུང་བྱིན་རླབས་ཆེ་བར་སྙམ་ནས་བསྒྲིགས་པ་ཡིན་པས་བྱ། གཞན་སྤྱིའི་བསྐང་བ་གང་འདོད་འདོན་ཏེ། བེར་ཆེན་གྱི་བསྐང་ཐུང་ལྟ་བུ་ཡང་ལེགས། སྒྲུབ་ཆེན་ནས་བཤགས་པ་ཐམས་ཅད་བྱ་བར་གསུངས་ཀྱང་དྲི་མེད་བཤགས་རྒྱུད་ཡིན་ཀྱང་མང་དྲག །རུ་ཏྲའི་སྨྲེ་

[Full Size]

བཤགས་དང་ཐུགས་རྗེ་ཆེན་པོའི་སྨྲེ་སྔགས་ཀྱི་བསྟོད་པ་ནི་མིང་བསྒྱུར་ཁ་ཙམ་ལས་དོན་གཅིག་པས་དེ་འདོན་པས་འཐུས། དེའི་དོན་ནི་སྒྲུབ་ཆེན་གཞུང་ནས་བསྐང་བཤགས་རྒྱས་པར་བྱ་ཞེས་གསུངས་པའི་དོན་ནོ། དེ་ནས་ལས་བྱང་ནང་གི །བླ་མ་ཡི་དམ་མཁའ་འགྲོ་དགོངས་ཞེས་བཤགས་པ་བྱ། དེ་ནས་ཡོད་ན་ཚོགས་ཟན་ལ་ལིངྒ་པར་བཏབ་པའམ་བཟོ། མ་འཕྲོད་ན་ཚོགས་ཟན་ཤ་དུམ་བདུད་རྩི་མིན་པས་བྲན། སྒྲུབ་པ་ལ་བར་ཆད་བྱེད་པ་དང་རང་ཡོན་མཆོད་ལ་གནོད་བྱེད་ཀྱི་དགྲ་བགེགས་འགུགས་གཞུག་སྤྱི་ལྟར་བྱ། །ཧཱུྃ༔ ང་ནི་རབ་འཇིགས་སོགས་ཀྱིས་ཕུར་པ་བཏབ། དེ་ནས་མཆོད་གཡོག་པས་བཀྱག་ལ། ཧཱུྃ༔ ཕྱེས་ཤིག་སོགས་བསྟབས་པ་བྱས་ལ། མཁའ་འགྲོ་དང་ཆོས་སྐྱོང་སྤྱི་གཏོར་ལ་གསོའམ་བྲན་ནོ། །དེ་ནས་མཆོད་གཡོག་གིས་སློབ་དཔོན་ལ་ཚོགས་འདྲེན་ཞིང་། ཧྲཱིཿ གཟིགས་ཤིག་སོགས་བརྗོད། སློབ་དཔོན་གྱིས། ཨ་ལ་ལ་ཧོ༔ སོགས་ཚིག་བརྗོད་ལ་པད་ཀོར་དང་བཅས་པས་བླངས། བླ་མ་ཡི་དམ་མཁའ་འགྲོ་དགོངས༔ ཞེས་སོགས་སྨོན་ལམ་བཏབ་ལ་བཟའ། ཐུན་པ་ཚོ་ལ་ཡང་རིམ་པར་དྲངས། གསོལ་ཚེ་རང་ཐུགས་

[Full Size]

རྗེ་ཆེན་པོའི་ཐུགས་ཀའི་རྟ་མགྲིན་ལ་མཆོད། ཁ་མེ་ཐབ་ལག་པ་དགང་གཟར་བླུག །ཚོགས་སྲེག་རྫས་སུ་བསམ་ལ་བཟའ་གསོལ་ཚར་ནས་བླ་མ་ཡི་དམ་མཁའ་འགྲོ་དགོངས༔ ནས་།ཚོགས་གཉིས་རྫོགས་གྱུར་ཅིག་བར་གྱིས་བསྔོ་སྨོན་བྱ། ལྷག་མ་ནི། དམ་ཚིག་གཙང་ན་ཐུན་པའི་བསྡུ། དེ་ཡང་ཐེ་ཚོམ་ན་གསོལ་ལྷག་བྱ་བར་བཤད་ཀྱང་། ལྷག་མ་འདི་ཤིན་ཏུ་བཀའ་གཉན་པས་སློབ་དཔོན་ལ་དྲངས་ཚར་ནས་ཐུན་པ་ལ་མ་དྲངས་གོང་དུ་གཙང་ལྷག་བཞག་ན་ལེགས། དེ་ནས་ཨོཾ་ཨཱཿཧཱུྃ་གིས་བྱིན་གྱིས་བརླབས་ནས་གཞུང་ལྟར་འདོན་ནོ། །དེ་ནས་རང་གི་ལུགས་གང་ཡོད་ཀྱི་གཞི་བདག་དཀར་གཏོར་བསྔོ། དེ་ནས་འབུལ་གཏོར་ཞེས་པ་ཐུན་གཏོར་ཏེ་དམར་གཏོར་འགུགས་གཞུག་སྤྱི་ལྟར་ལ་རྒྱས་བསྡུས་གང་རུང་ལས། བདག་ཅག་ཡོན་མཆོད་ལ་གནོད་པའི་དགྲ་བགེགས་དམ་སྲི་བཀུག་ལ། དེ་ནས་ལས་བྱང་གི་ཐུགས་དམ་བསྐུལ་བ་འདོན། དེ་ནས་བེར་ཡབ་ཡུམ་ཕྱག་བཞི་པ་སོགས་ཆོས་སྐྱོང་གང་འདོན་བསྐུལ་ཐུང་འདོན། དེ་ནས་ལས་བྱང་གི་ཆད་མདོ་བརྟན་སྐྱོང་འདོན། དེ་ནས་བེར་རམ་རང་གི་ཡི་དམ་ཆོས་སྐྱོང་གང་བྱེད་ཀྱི་ཟློག་ཐུང་། རྡོ་རྗེ་གར་གྱི་སྐག་ཟློག་མ་ཞེས་སམ། ཞིང་

[Full Size]

སྐྱོང་མཇུག་གི་ཟློག་པ་སྤྱིའི་ཟློག་པ་ཡིན་པས་སྦྱར་རུང་ངོ་། །དེ་ནས་བཟློག་སྔགས་གང་ཤེས་བཅས། རང་དང་ཡོན་བདག་གི་ལོ་ཐོག་མིན་པ་ཞིག་ཏུ་འབུལ། ཚིག་བསྒྱུར་ལུགས། མགོན་པོ་སེང་གདོང་ཡབ་ཡུམ་འཁོར་བཅས་ཀྱི། །ཞེས་པ་ལ། བཀའ་སྲུང་དམ་ཅན་རྒྱ་མཚོ་འཁོར་བཅས་ཀྱི། །ཞེས་དང་། མ་ཧཱ་ཀ་ལ་སེང་གདོང་མཐུ་རྩལ་ཅན། །ཞེས་པ་ལ། བཀའ་སྲུང་དམ་ཅན་རྒྱ་མཚོ་མཐུ་རྩལ་ཅན། །ཞེས་བསྒྱུར། ཐོན་ན་སླར་གཏོར་སྣོད་ཆང་གིས་བཀང་། བདུད་རྩིས་བྲན་ལ། མ་མ་ཧྲིང་ཧྲིང་སྔགས་བརྗོད་ལ་གཏོར། མ་ཐོན་ཀྱང་རུང་། སེང་གདོང་མ་ཆོས་སྤྱོད་ནང་ལྟར་རམ། ཚེ་བདག་ལ་སོགས་རང་གི་བཟློག་པའི་ལྷ་གང་ཤེས་ཞིག །མངོན་རྟོགས་འདོན་མི་དགོས། སྐད་ཅིག་དྲན་རྫོགས་བསྒོམ་ལ་ཟློག་སྔགས་བརྒྱའམ་ཉེར་གཅིག་གམ་ཐ་ན་བདུན་ཙམ་བརྗོད་ལ་ཐལ་མོ་བརྡབ། ཟབ་མདོ་ཆག་མེད་དམ་བཅའ་ཡོད་ན་འདིར་སྦྱར། བདུད་བཟློག་བྱ།། དམ་བཅའ་མེད་ན་མི་དགོས། དེའི་དོན་ནི་སྒྲུབ་ཆེན་གཞུང་ནས། རྗེས་སུ་བཟློག་པ་ཡང་བྱ། ཞེས་གསུངས་པའི་དོན་ཡིན་ནོ། །དེ་ནས་གཏོར་སྣོད་སློབ་དཔོན་གྱི་དྲུང་དུ་སྦུབས་

[Full Size]

ལ། གནོད་བྱེད་དམ་སྲི་ཐམས་ཅད་གཏོར་གཞོང་རི་རབ་འབར་བའི་འོག་ཏུ་ཁུག་ཅིག །ཛཧཱུྃ་བཾ་ཧོ༔ ཞེས་བརྗོད། འཕྲོད་ན་བྲོ་བརྡུང་བར་བཤད་ཀྱང་རྟག་ཏུ་མི་འཕྲོད་པས། རྡོ་རྗེ་དེ་གཏོར་སྣོད་སྟེང་དུ་རྒྱ་གྲམ་དུ་བཞག་ཚུལ་བྱས་ལ། ལས་བྱང་གི་རྟ་བྲོ་འདོན། དེ་ནས་དཀྱིལ་འཁོར་བསྡུ་ཆོག་སྒྱུར། རྒྱས་པར་འདོད་ན་རང་དང་ཡོན་མཆོད་སྐུ་རིམ་བྱེད་ན། སྒྲུབ་ཆེན་ནང་གི་ཚེ་འགུགས་འདིར་སྦྱར་ཀྱང་རུང་། ད་ནངས་བཏང་ན་མི་དགོས། ཨཱ་ལི་ཀཱ་ལི་ཡིག་བརྒྱ་ཚར་རེ་བརྗོད་པས་ལྷག་ཆད་ཁ་བཀང་རྫོགས་རིམ་མི་བསྡུ་བར་དཀྱིལ་འཁོར་བསྡུ་ཆོག་སྐྱར། དེའི་དོན་གསར་མའི་ལུགས་ལ་ཞག་རེ་རེ་ལ་རྫོགས་རིམ་དུ་ལན་རེ་དཀྱིལ་འཁོར་བསྡུ་བའི་དམིགས་རིམ་མ་བསྒོམ་ན་རྟག་པ་ཐེར་ཟུག་ཏུ་གོལ་བའི་ཉེས་པ་ཡོད་པར་འཆད་ཀྱང་། རྙིང་མ་ལ་སྒྲུབ་པ་དབུ་བཙུགས་ནས་མ་ཚར་བར་དཀྱིལ་འཁོར་བསྡུ་བའི་དམིགས་རིམ་བྱས་ན་རྟགས་མཚན་མི་གསལ་བས། སྒྲུབ་པ་ཚར་ནས་དཀྱིལ་འཁོར་བསྡུ་དུས་བར་བསྡུ་ཆོག་མི་བྱ། འོ་ན་ཐེར་ཟུག་ཏུ་གོལ་ལམ་ཞེ་ན། མཐེའ་ནས་དབུས་སུ་ཡལ་ཏེ་སྟོང་པར་གྱུར་པར་བསྒོམ་པ་དེས་སྟོང་ཉིད་གོ་ཆོད་པོ་མི་འོང་། དེ་ལས་དང་པོ་པ་ཡིན། འདིར་

[Full Size]

སེམས་ཉིད་ཡེ་ནས་སྟོང་ཞིང་ཆོས་སྐུ་ཡིན་པས། བསྐྱེད་རིམ་སྒོམ་ཚེ་རང་ནས་སྟོང་ཉིད་ལས་མ་གཡོས་ལ། དེ་ཡང་ནམ་མཁའ་སྟོང་པ་ལ་འཇའ་ཤར་ན་ཡང་ནམ་མཁའ་སྟོང་པ་ལས་མ་གཡོས་པ་ལྟར། ཉམས་ལེན་སྟོང་ཉིད་ཀྱི་རྩི་མ་ཤོར་བའི་ངང་ནས་བསྐྱེད་རིམ་སྒོམ་པ་གལ་ཆེ། དེ་ཙམ་མ་ཐུབ་ན་སྐབས་སུ་བསྐྱེད་རིམ་སྒོམ་པ་དེའི་བསྒོམ་མཁན་སེམས་ལ་བལྟས་པས། གཟུགས་ཁ་དོག་དངོས་པོ་མེད་པར་ལྷག་གིས་མཐོང་སྟེ། བསྐྱེད་རིམ་ལྷའི་སྐུ་ལ་སེམས་གནས་པ་ཞི་གནས། དེའི་ངོ་བོ་ལ་བལྟས་པས་སྟོང་པར་ལྷག་གིས་མཐོང་བ་ལྷག་མཐོང་། དེ་གཉིས་སེམས་ཉིད་ཀྱི་ངང་དུ་དབྱེར་མེད་པ་ཟུང་འཇུག་སྟེ། དེ་ནས་ཐུན་གྱི་མཐའ་དབུས་ཐམས་ཅད་དུ་ཉམས་ལེན་གྱི་གཙོ་བོ་ཡིན་པས་ཉམས་ལེན་གལ་ཆེ་སྟེ། གསང་འདུས་རྒྱུད་ཀྱི་སྒྲུབ་པ་དངོས་གཞིའི་ལེའུ་ལས། དེ་ནས་རྫོགས་པའི་རིམ་པ་ནི། །ལྷ་ཉིད་སེམས་སུ་ཤེས་བྱས་ཏེ། །བསྒོམ་བྱའི་ལྷ་དང་སྒྲུབ་བྱེད་ཀྱི། །མཁན་པོ་དག་ཀྱང་སེམས་ཉིད་དེ། །སེམས་ཉིད་སྐྱེ་མེད་ཆོས་སྐུའི་ངང་། །དེ་ཉིད་མ་འགགས་འགྲོ་བ་འདུལ། །ཡི་དམ་ལྷ་ལ་རང་རྒྱུད་ཀྱི། །རྩིས་གདབ་ཁྲིགས་སུ་བཅད་པ་མེད། །གདུལ་

[Full Size]

བྱའི་མོས་བློ་དང་མཐུན་པར། །གང་ལ་གང་འདུལ་དེ་ལྟར་སྣང་། །ཀུན་ཀྱང་ཐ་དད་མ་ཡིན་ཏེ། །སྣང་སྟོང་གཉིས་འཛིན་བློ་ལས་འདས། །གཉིས་མེད་དབྱིངས་སུ་ཤེས་པར་བྱ། །སྟོང་གསལ་སྤྲོས་བྲལ་ཆོས་ཀྱི་སྐུ། །བདེ་ཆེན་ཐིག་ལེ་གཅིག་ཏུ་རྫོགས། །མཐར་ཐུག་སྒྲུབ་པའི་མཐའ་ཉིད་དོ། །ཞེས་བཀའ་བསྩལ་པའི་ཕྱིར། དུས་ཐམས་ཅད་དུ་བསྐྱེད་རྗེ་གས་ཟུང་དུ་ཅི་ཚུད་བྱ་བ་ཡིན་པས། ཐུན་པ་ལ་ལ་དག་གིས་ཐུགས་དགོངས་ལ། ང་རི་ཁྲོད་ཞིག་ཏུ་ཉམས་ལེན་སེམས་ངོ་ཞིག་ཅི་འཕེལ་བསམ་ཛ། ད་ནི་འདིར་བཞག་པས་མི་འདུག་དཀའ་མེད་ཉམས་ལེན་མི་འོང་བསམ་པ་ནི་ཧ་མ་གོ་བ་ཆེན་པོ་ཡིན་པར་ཤེས་པར་བྱའོ། །གཞན་ཡང་ཐུགས་རྗེ་ཆེན་པོ་ལྟ་བ་ཡང་ཐོག་གི་རྒྱུད་དང་། ལྟ་བ་ཡང་རྩེའི་རྒྱུད་གཉིས་ལས་ཡི་གེ་དྲུག་པ་ཕྱག་རྒྱ་ཆེན་པོའི་སྙིང་པོ་ཡིན་པས། དེ་གཉིས་ཐ་དད་མེད་ཚུལ་རྒྱ་ཆེར་གསུངས་པ་ལ་ལྟོས་ཤིག །དེ་ནས་ལས་བྱང་མཇུག་གི་བཀྲ་ཤིས་རྐྱང་པ་སྒྲུབ་ཆེན་གྲོལ་དུས་བྱས་པས་འཐུས་ཀྱང་། ཡོན་མཆོད་བཀྲ་ཤིས་པའི་རྟེན་འབྲེལ་དུ་ནུབ་རེ་ལ་ཚར་རེ་བརྗོད་པར་བྱའོ། །དེ་ལྟར་ལས་བྱང་གི་སྔོན་འགྲོ་གཏོར་མ་དང་། མཚམས་གཅོད་རྒྱས་པ་ནི་སྔ་དྲོ་གཅིག་གིས་ཆོག་

[Full Size]

ལ། ལས་བྱང་ནང་བསྟོད་པ་ཡན་ཐུན་བཞི་དང་ཚོགས་མན་ཆད་ནུབ་རེ་རེ་རེས་ཆོག་མོད་ཀྱང་། ཕྱི་ནས་གློ་བུར་དུ་ཚོགས་འཁོར་ཞུ་བ་བྱུང་ན་ལས་བྱང་ཐུན་བཞི་གང་རུང་ཞིག་ལ་ཚོགས་བཏང་ཆོག་གི་ནུབ་མོ་ཚོགས་སྒྲུག་མི་དགོས་སོ། །ཚོགས་ཤ་ནི་ཚོགས་ཤ་ལ་དམིགས་ནས་བསད་པས་ནི་མི་རུང་བར་གསར་རྙིང་ཐམས་ཅད་ནས་བཤད་ལ། དེ་མ་ཡིན་པར་འབྱོར་ན་ཐུན་པ་ཐམས་ཅད་ལ་འདྲེན། མ་འཛོམས་ན་ལྷ་ཚོགས་ཡིན་པས་མཆོད་རྫས་ཙམ་ལས་མ་འབྱོར་ཡང་རུང་། ཚང་ཡང་དེ་དང་འདྲ་སྟེ་བྷན་གང་བས་མང་འདྲེན་མི་རུང་། སྔགས་པ་ཆང་གིས་བཟི་ན་བར་ཆད་འབྱུང་ཚུལ་བདེ་མཆོག་སྡོམ་འབྱུང་ནས་རྒྱ་ཆེར་གསུངས་པ་ལྟར་རོ། །རྒྱ་རུ་འབྱོར་ན་ནུབ་ཚོགས་ཤ་བྱེད་པ་ལེགས། ་ཅིས་ཀྱང་དྲོ་ལ་བཏགས་དགོས་པའི་སྲོལ་ཡོད་ནའང་ཚོགས་ཚང་ཡང་དེ་དང་འདྲ། བྱིན་གྱིས་མ་བརླབས་ཤ་ཆང་དག །ཞག་གསུམ་བར་དུ་སྔགས་ཀྱི་ནུས་པ་ཉམས། །ཞེས་གསུངས་སོ། །ཆུས་ཁ་མི་བཤལ་ཟེར་བ་ཆུ་བྱིན་མ་བརླབས་པ་ལ་ཟེར་བ་ཡིན། པདྨ་རྒྱལ་པོའི་རྒྱུད་སོགས་ནས། ངེག་གི་དྲི་མ་བཤལ་ནས་ཀྱང་། །གསང་སྔགས་ཉམས་མེད་བཟླ་བར་བྱ། །ཞེས་

[Full Size]

དང་། ནཱ་རོ་པ་སོགས་ཀྱིས། ཁ་མ་བཤལ་བར་སྔགས་མི་བཟླ་གསུངས་སོ། །ལས་བུམ་རྟ་མགྲིན་བསྐྱེད་པའི་ཆུས་ནངས་སྔ་སྔ་ཆབ་འགྲིམ་ན་ལེགས། དེ་མིན་ཆབ་མི་ལེན། དགེ་ཚུལ་དགེ་སློང་གི་ས་སྔ་ཚབ་བྱེད་ཆུས་ཁ་བཤལ་བ་དང་མེ་ལ་ཕུ་བྱས་པས་སྔགས་ནུས་ཉམས་པར་བཤད། ་་་ཐུན་པ་གཉིད་དུས་དཀྱིལ་འཁོར་ལ་འཕོངས་བསྟན་ན་སྐྲག་སྔངས་དང་རྨི་ལམ་འཚུབས་པས་འཛེམ། བཀའ་སྲུང་གཏོར་མར་ཁ་རླངས་མཆིལ་སྣབ་ཤོར་ན་སོ་སོ་ལ་ནད་འབྱུང་བས་ཐུན་ཁང་ཡང་ན་ལེགས། མ་འཛོམས་ན་ཡོལ་བ་སོགས་དེ་ལུགས་བྱ། དེ་སྒྲུབ་ཆེན་དུས་ཡིན། རྒྱུན་སྒྲུབ་གཏོར་སྒམ་ཡོད་པས་མི་སྐྱོན། ལས་བྱང་གི་ངག་ཁྲིད་སྤྱི། དེ་ལྟར་བླ་མ་རིན་པོ་ཆེས་བསྙེན་སྒྲུབ་གྲངས་བསྙེན་ཙམ་ཞིག་འགྲུབ་ནས། ཉི་མ་མཁའ་ཁྱབ། ཆུ་བོ་བྱིངས་ཁྱབ། མེ་ལོང་མཐོང་གྲོལ། མཆོད་རྟེན་མཐོང་གྲོལ། གའུ་ཀ་ནི་ཀ་མཐོང་གྲོལ་སོགས་ཕྱག་ལེན་ལ་འདེབས་ལུགས་གཞུང་ལྟར་བྱས་པ་གསལ། བཏགས་གྲོལ་པར་བརྐོས་སྣག་ཚ་ལ་རིན་པོ་ཆེའི་ཕྱེ་མ་དང་རིལ་བུ་བསྲེ་བ་སོགས་འཁོར་བ་དོང་སྤྲུགས་འབྲེལ་ཚད་དོན་ལྡན་མཛད་པར་ཞུ། ཞེས་དགེ་སློང་མ་ཎི་བ་རཱ་ག་ཨ་སྱས་བྲིས་པ་མངྒ་

[Full Size]

ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཐུགས་རྗེ་ཆེན་པོ་གསང་བ་འདུས་པའི་ཕྱི་ནང་གསང་གསུམ་སྒྲུབ་ཆེན་བུམ་སྒྲུབ་སོགས་ཀྱི་ཟིན་བྲིས།

[Full Size]

ཐུགས་རྗེ་ཆེན་པོ་གསང་བ་འདུས་པའི་ཕྱི་ནང་གསང་གསུམ་སྒྲུབ་ཆེན་བུམ་སྒྲུབ་སོགས་ཀྱི་ཟིན་བྲིས་གསལ་བ་ཡོད།

[Full Size]

ན་མོ་ལོ་ཀི་ཤྭ་ར་ཡེ། འགྲོ་དྲུག་འདྲེན་པའི་ལྷ་ལ་ཕྱག་འཚལ་ནས། །དེ་ཉིད་སྒྲུབ་པའི་ཞལ་ཁྲིད་ཟིན་བྲིས་བཀོད། །ཆོས་བདག་སྲུང་མས་བཀའ་འདི་གནང་བ་སྩོལ། །དེ་ཡང་ཕྱི་སྒྲུབ་རྒྱལ་བ་རྒྱ་མཚོའི་བུམ་ཆུ་ལ་བརྟེན་ནས་སྒྲུབ་པ་འདི་ལ། ཐུགས་རྗེ་གསང་འདུས་ཀྱི་ཕྱི་སྒྲུབ་ཡིན་ལ། གསང་འདུས་ཡོངས་རྫོགས་འདི་གཏེར་ཁ་གསུམ་ལ་བྱོན་པ་ལ། འདི་བསམ་ཡས་དབུ་རྩེ་ནས་བཏོན་པ་ལགས་སོ། །འདི་ཡི་དབང་ནི་ལོགས་སུ་མེད་དེ་གསང་འདུས་ཀྱི་དབང་གིས་གོ་ཆོད་དེ། ཞལ་ཕྱག་དང་ལྷ་གྲངས་མི་གཅིག་ཀྱང་ལྷ་གཅིག་པས་སོ། །འདི་ལ་སྒྲུབ་ལུགས་རྒྱས་

[Full Size]

བསྡུས་གཉིས་ཏེ་སྒྲུབ་ཆེན་དང་སྒྲུབ་ཕྲན་གཉིས་སོ། །སྒྲུབ་ཆེན་ལྟར་བྱས་ན་སྒྲུབ་ཆེན་ཁོག་དབུགས་ནས་ཇི་སྐད་གསུངས་པ་ལྟར་བྱས་ལ། སྒྲུབ་གཞུང་ལྷ་བསྐྱེད་དང་སྔགས་དང་དམིགས་པ་ནི་ཕྱི་སྒྲུབ། རྒྱལ་བ་རྒྱ་མཚོ་ལྟར་བྱས་པ་ཡིན་ནོ། །དེ་ལྟར་བྱེད་ན་ལས་བྱང་གཞུང་བཟུང་མཁན་གསུམ་མམ་ལྔའམ་བདུན། ཐུན་པ་བཅུ་བཞི་ཉེར་གཅིག་ནས་བརྒྱ་ཡི་བར་གང་འཛོམ་སྟེ། སྔགས་རྒྱུན་བྱེད་ཅིང་དོན་རིལ་བུ་བུམ་སྒྲུབ་འདྲ་སྟེ་རིལ་བུའི་ཚབ་བུམ་ཆུས་བྱེད་པ་ཡིན་ནོ། །སྒྲུབ་ཕྲན་ལྟར་བྱེད་པ་ན་རྣལ་འབྱོར་པ་གཅིག་གིས་རུང་སྟེ། དེའི་སྒྲུབ་ཆེན་ལྟར་ཆ་ལག་འཛོམས་ན་

[Full Size]

ཡང་ལེགས། མ་འཛོམས་ཕྱི་སྒྲུབ་ཁ་རྐྱང་དང་ལས་བྱང་གཉིས་ཁོ་ན་གབ་སྤྱད་པས་འཐུས་སོ། །དེ་གཉིས་གང་བྱེད་ཀྱང་སྟེགས་བུ་ས་ཆོག་སོགས་སྒྲུབ་ཆེན་ནས་གསུང་ལྟར་རམ། ཡང་ན་རས་བྲིས། ཐ་མོ་ཤོག་བུ་ལ་བྲིའམོ། དཀྱིལ་འཁོར་དུར་ཁྲོད་མེད་པའི་སྒོ་རྫོགས་ཅན་གཅིག་གི་ལྟེ་བ་དམར། དེ་རྒྱབ་འདབ་བརྒྱད་ལྷ་་སོ་སོའི་ཁ་དོག །དེ་རྒྱབ་འདབ་མ་བཅུ་དྲུག་ལ་སེམས་དཔའ་ཡབ་ཡུམ་བཅུ་དྲུག །སྒོ་བ་བཞི་ཐམས་ཅད་ལ་སོ་སོའི་སྐུ་མདོག་གི་ཚོན་སྤུངས་བཀོད་པའི་ཐིག་ལེ་བྲིའོ། །དེ་དབུས་བུམ་པ་རྫས་ལྡན་གཞུང་ལྟར་ལས། བྱང་སེམས་ནི་ཨུ་རྒྱན་ཡབ་ཡུམ་བྱང་སེམས་མ་ཎི་རིལ་བུ་ལ་འདྲེས་པས་མ་ཎི་རིལ་བུ་བཏབ་པས་འཐུས། བྷན་ཡང་མ་ཎི་རིལ་བུ་དང་ག་བུར་སོགས་གཞུང་གི་རྫས་དང་བུར་སྦྱང་སོགས་བྷན་ཆང་གིས་བཀང་བའི་ནང་དུ་བཏབ་དར་དམར་གྱིས་བཀབ་པ་དེ་བུམ་པའི་འོག་གམ་གཡས་སུ་བཞག །གཡོན་དུ་རཀྟ། མདུན་དུ་གཏོར་མ་རིན་ཆེན་འབར་བ། མཐར་མཆོད་པ་རྣམས་བསྐོར་བཤམས་བྱའོ། །སྔོན་འགྲོ་དཀར་བགེགས་ཕུལ་ནས་ལས་བྱུང་པདྨའི་ཕྲེང་བའི་བདག་བསྐྱེད་བྱས་ཏེ་ལྷ་བསྐྱེད་མ་ཚར་བར་འདོན། དེ་ནས་དཀྱིལ་འཁོར་གྱི་ལྟེ་བ་ལ་བུམ་

[Full Size]

པ་དེ་ཉིད་ཅེས་སོགས་སྒྲུབ་གཞུང་གི་མངོན་རྟོགས་དེ་བསམ་གྱིས་མི་ཁྱབ་པ་བསྐྱེད་དེ་ཞེས་པའི་བར་འདོན། འདིའི་གོ་བ་ནི་མདུན་བསྐྱེད་དང་བུམ་བསྐྱེད་གཉིས་གཅིག་ཡིན་ཏེ། བུམ་པ་དང་དཀྱིལ་འཁོར་གཞལ་ཡས་ཁང་གཉིས་དབྱེར་མེད། དཀྱིལ་འཁོར་གྱི་ལྷ་ཚོམ་བུ་དང་བུམ་ནང་གི་ལྷ་གཉིས་དབྱེར་མེད་ཡིན་གྱིས། མདུན་བུམ་སོ་སོར་བསྐྱེད་རྒྱུ་མིན་ནོ། །དེ་ནས་གཞན་དང་མི་མཚུངས་པར་ཤེས་པར་བྱ། དང་པོར་རང་གསང་འདུས་ཕྱག་གཉིས་པར་བསྐྱེད་ཡོད་ཀྱང་། བུམ་ནང་གི་རྒྱལ་བ་རྒྱ་མཚོའི་ཐུགས་ཀའི་འོད་ཟེར་གྱིས་རྒྱལ་བའི་བྱིན་རླབས་བསྡུས་ནས་རང་ལ་ཐིམ་པས་བདག་ཀྱང་རྒྱལ་བ་རྒྱ་མཚོར་གྱུར་ནས་བུམ་བསྐྱེད་ལ་ཕར་ཐིམ། དེའི་ཐུགས་ཀ་ནས་འོད་ཟེར་གྱིས་ཡེ་ཤེས་པ་སྤྱན་འདྲེན་རྣམས་གཞུང་ཚིག་ལ་གོ་བ་ཐེབ་པར་བྱས་ཏེ། དེ་ནས་བུམ་པ་གཞལ་ཡས་ཁང་ཞེས་པ་ནས། མདུན་གྱི་ནམ་མཁར་སྤྱན་དྲངས་ཞེས་པའི་བར་འདོན། ལས་བྱང་ནི་མ་ཎི་སརྦ་བྷ་ག་ཝན་སོགས་ནས་སྤྱན་འདྲེན་ལ། ཐུབ་དྲུག་སངས་རྒྱས་སྟོང་གཉིས་སྒྱུར་ལ་འདོན། དེ་ནས་ལས་བྱང་མགོའི། རང་རིག་ལྷ་ལ་ཕྱག་འཚལ་ལོ། །སོགས་ཡན་ལག་བདུན་པ་ཨབྷཾ་སོགས། ས་མ་

[Full Size]

ཡ། ཛཿཧཱུྃ་བཾ་ཧོ༔ དམ་ཚིག་པ་གཉིས་སུ་མེད་པར་གྱུར་བརྗོད། དེ་ནས་ལས་བྱང་ལྟར་བཞུགས་གསོལ་བྱ། དེ་ནས་བདག་མདུན་དབྱེར་མེད་གཅིག་ཏུ་བསྒོམ་པ་དེའི་ཐུགས་ཀ་ནས་མཆོད་པའི་ལྷ་མོ་དཔག་མེད་སྤྲུལ་ནས་ཕྱག་འཚལ་བ་དང་མཆོད་བསྟོད་བྱེད་པ་ར་དམིགས་ལ་ལས་བྱང་ལྟར་ཕྱག་འཚལ་ནས་བསྟོད་པའི་བར་འདོན། བསྟོད་པའི་ནང་ནས་ནོར་འཛིན་གསང་འཛིན་ཐུབ་དྲུག་སངས་རྒྱས་སྟོང་རྣམས་སྐྱུར། དེ་འཕྲོ་འདོན་ནོ། །ཐུགས་དམ་བསྐུལ་པ་འདོན། དེ་ནས་འཛབ་དགོངས་ལས་བྱང་དེ་སྒྱུར། ཕྱི་སྒྲུབ་གཞུང་ནི་བྱེད་རྒྱུ་ཡིན་པས། དེའི་གནད་ནས། བདག་མདུན་བུམ་གསུམ་དབྱེར་མེད་གཅིག་ཏུ་བསྒོམས་ཡོད་པ་ལས། མདུན་བུམ་དབྱེར་མེད་དེའི་ཐུགས་ཀ་ནས་བདག་བསྐྱེད་དཀྱིལ་འཁོར་ཚང་མ་རྒྱལ་བ་རྒྱ་མཚོ་ཞིག་འོད་ཟེར་གྱི་ཚུལ་དུ་འཕྲོས་ནས། དེ་ནས་བདག་མདུན་གཉིས་སོ་སོར་ཡོད་པས་དེ་ནས་བདག་ཉིད་རྒྱལ་བ་རྒྱ་མཚོ་ཞེས་སོགས་ནས་མ་ཡེངས་ལ་གཏད་ལ་བཟླ། ཞེས་པའི་བར་གྱི་དམིགས་པ་དེ་བསྒོམ་ཞིང་། ཡིག་དྲུག་ནས་ཧཱིའི་བར་དེ་བཟླ་རྒྱུའི་སྔགས་སོ། །ཐུན་མགོར་ཉིན་རེ་ལན་རེ་ཙམ་གཟུངས་ཐག་ཐལ་མོའི་བར་དུ་བཟུང་ངོ་། །དེ་ལྟར་མདུན་

[Full Size]

བུམ་དབྱེར་མེད་དང་། བར་སྐབས་བདག་མདུན་བུམ་པ་དབྱེར་མེད་སོགས་དང་། ཡང་བདག་མདུན་གཉིས་སུ་ཕྱེ་བ་སོགས་ཅི་ཞིག །གང་དང་ཡང་མ་མཐུན་ནོ་སྙམ་དུ་ཐེ་ཚོམ་པར་མི་བྱ་སྟེ། རྟ་མགྲིན་གསང་འདུས་སྒྲུབ་གཞུང་ལས་ཨུ་རྒྱན་རིན་པོ་ཆེས། བློ་ལྡན་སྐྱེས་བུ་རིགས་ལྡན་གྱིསཿ བདག་བསྐྱེད་མདུན་བསྐྱེད་ཡེ་ཤེས་རྣམས༔ གང་ལྟར་རོལ་པ་གཅིག་ཏུ་བསྒྲུབ༔ དེ་ལ་ཅུང་ཟད་མི་བདེ་ན༔ གོང་བཞིན་བདག་ཀྱང་བསྐྱེད་བྱ་སྟེ༔ དམ་ཚིག་བཀུག་སྟེ་དབང་ཡང་བསྐུར༔ འཕྲོ་འདུའི་ཚུལ་དུ་དཀྱིལ་འཁོར་བསྒྲུབ༔ གང་ལྟར་སྒྲུབ་ཀྱང་ངེས་པར་འགྲུབ༔ འདི་དང་འཆི་ཁ་བར་དོ་རུ༔ ཡི་དམ་ལྷ་དང་བསྐལ་པ་མཉམ་ཞལ་འཇལ་ལུང་སྟོན་ཐར་ལམ་ཁྲིད། དུས་ལས་མི་འདའ་ཐུགས་རྗེའི་ལྷ༔ དམ་ཚིག་གཡར་དམ་གཅིག་ཏུ་འགྲུབ༔ ཞིང་ཁམས་དཀྱིལ་འཁོར་གཅིག་ཏུ་འགྱུར༔ ཅེས་གསུངས་པ་ཡི་དོན་ལགས་སོ༔ དེ་ནས་རྣལ་འབྱོར་པ་གཅིག་ཡིན་ན་འཛབ་སྟོང་ཚོ་རེའི་མཚམས་སུ། ཨེ་མ་ཧོ་སོགས་གཞུང་གི་གསལ་འདེབས་རེ་བྱའོ༔ ཐུན་པ་མང་པོ་ཡོད་ན། ཉིན་མཚན་ལན་དྲུག་ཏུ་ཐུན་དཔོན་གྱིས་འདོན་པར་འཐུས་ལ། ཉིན་རེ་ལན་རེ་

[Full Size]

ཙམ་ཐུན་པ་ལ་རྗེས་ཟློས་འདྲ་བ་རེ་བྱེད་བཅུག་ན་ལེགས། ནུབ་མོ་ཚོགས་དང་བཀའ་སྲུང་ཐམས་ཅད་ཀྱིས་གསོལ་ཁ་དང་། ཆད་མདོ་བརྟན་སྐྱོང་རྟ་བྲོ་བྱ། ཉིན་མཚན་ལན་གསུམ་རྩུབ་ན་དྲུག་གམ་བཞི་རུང་ཕོ་ཉ་སྒོས་བ་སྐུ་ལ་ཀུན་ཐུབ་རྒྱལ་མོ་དང་ཉུལ་ལེ་བསྐྲད། ཉིན་རེ་རེའི་སྔོན་འགྲོ་དངོས་གཞི་རྗེས་གསུམ་ལས་བཞིའི་སྦྱིན་བསྲེག་བྱ་སྟེ། གལ་ཏེ་མ་གྲུབ་ན་བཟའ་བཏུང་ནང་གི་ཐུགས་ཀའི་དམིགས་པ་གསལ་ན་འཐུས། དེ་ལྟར་ཞག་གསུམ་བདུན་ལྔ་ཉེར་གཅིག་གོམ་ཅི་ནུས་སུ་བསྒྲུབས་ནས། དེ་ནས་སྒྲུབ་ཆེན་ཡིན་ན། སྒྲུབ་ཆེན་གྱི་རྗེས་ལྟར་སྒྲུབ་ཕྲན་ཡིན་ན་དཀྱིལ་འཁོར་གྱི་ལྷ་ཚོགས་རྣམས་ཞེས་པའི་དམིགས་པ་དེ་སྤྱོད་ཅིང་རང་གིས་ཀྱང་སྒོམ་ཞིང་། རྩ་སྔགས་ལ་ཀཱ་ཡ་སིདྡྷི་ཨོ་སོགས་ལས་བྱང་ལྟར་དངོས་གྲུབ་སྔགས་སྟོང་བཟླས་ལ། ཧཱིདགོངས་ཤིག་སོགས་ནས། བདག་ཅག་རྣམས་ལ་བསྩལ་དུ་གསོལ་གྱི་བར་བརྗོད་ནས། རང་གིས་རང་ལ་དང་པོ་དབང་བླངས་ནས་ཐུན་པ་ལ་ཐུན་དཔོན་གྱིས་འགྲིམ་སྟེ། བུམ་པ་སྤྱི་བོར་བཞག་བུམ་ཆུ་བླུད། བྷནྡ་མགྲིན་པ། གཏོར་མ་སྙིང་གར། ཀཱ་ཡ་སོགས་རྩ་སྔགས་ལ་བཏགས་ཤིང་འགྲིམ། སླར་ཡང་གཏོར་མ་སྤྱི་བོར་བཞག་ལ་

[Full Size]

སརྦ་སིདྡྷི་ཧྲཱིཿབརྗོད། བྷནྡྷའི་བདུད་རྩི་བཀྱེ། དེ་ནས་ལས་བྱང་དཀྱིལ་འཁོར་བསྡུ་བ་ནས་བཟུང་སྟེ་བཀྲ་ཤིས་ཡན་བྱས་ལ་དཀྱིལ་འཁོར་བསྡུའོ། །བུམ་ཆུ་དང་བྷནྡྷའི་བདུད་རྩི་གཏོར་མ་རིན་ཆེན་འབར་བ་གསུམ་བསྲེས་པའི་རིལ་བུ་དཔག་མེད་བྱས་ཏེ། གཞུང་ལྟར་ཁྲོམ་ལ་བཀྱེ་བའི་ཕན་ཡོན་གཞུང་ལྟར་རོ། །བུམ་ཆུ་བཀྱེ་ཡང་རུང་ངོ་། །མིང་ནི་རྒྱལ་བ་རྒྱ་མཚོའི་གཟུངས་རིལ་ཞེས་བྱའོ། །ཕྱི་སྒྲུབ་ཟིན་བྲིས་སྤྱི། ཐུགས་རྗེ་ཆེན་པོ་གསང་བ་འདུས་པའི་ནང་སྒྲུབ་ཀྱི་མཚམས་ཀྱང་རྡོག་མཚམས་ཙམ་གྱིས་ཆོག ། རྟེན་གསུམ་གང་ཡོད་དང་རྒྱུན་གྱི་གཏོར་མ་བསྔོས་པའི་ཕུགས་གཏོར་དང་མཆོད་པ་རྣམ་ལྔ་བཤམས། དཀར་གཏོར་བགེགས་གཏོར་སྔོན་འགྲོ་སྤྱི་འཚམས་གང་རུང་ཞིག་ཕུལ། འདི་ནི་སྤྲོས་མེད་ཡིན་པས་སྒྲུབ་ཆེན་དང་མི་སྦྲེལ། དཀྱིལ་འཁོར་བུམ་པ་སོགས་ཀྱང་མ་གསུངས་པའོ། །བདག་བསྐྱེད་རྐྱང་པ་ཡིན་གྱིས་མདུན་བསྐྱེད་མེད་ལས་བྱང་གི་སྐྱབས་སེམས་བྱ། དེ་ནས་བརྒྱུད་པའི་གསོལ་འདེབས་སམ། བུམ་སྒྲུབ་ནང་གི་གསོལ་འདེབས་སམ། ཆོས་སྐུ་སྣང་བ་མཐའ་ཡས་ལ་གསོལ་བ་འདེབས་སོ་ནས། རཏྣ་གླིང་པ༔ རྩ་བརྒྱུད་བླ་མ༴ ཡི་

[Full Size]

དམ་གསང་འདུས་ལྷ་ཚོགས༔ བཀའ་སྲུང་དམ་ཅན་རྒྱ་མཚོ་ལ་གསོལ་བ་འདེབས་སོ། སོགས་གང་རིགས་གཅིག་དང་། རང་རིག་ལྷ་ལ་ཕྱག་འཚལ་ལོ༔ སོགས་ཡན་ལག་བདུན་པའི་སྐྱབས་སེམས་འདོན། སྐྱབས་ཡུལ་སྙིང་གར་བསྟིམས་ལ། བཀའ་བསྒོ་མཚམས་བཅད་ནས། ཙནྡྲ་མཎྜལ་ཧཱུཾ་ཞེས་གཞལ་ཡས་ཁང་བསྐྱེད་པ་ལས་བྱང་ལྟར་འདོན། དེ་ནས་ཕོ་བྲང་དབུས་ཀྱི་ལྟེ་བ་ལ། །ཞེས་སོགས་ནས། དྲན་རྫོགས་འཛིན་མེད་འོད་སྐུར་གསལ། །ཞེས་པའི་བར་ནང་སྒྲུབ་གཞུང་ལྟར་འདོན་ནོ། །ལྷ་བསྐྱེད་ལུགས་ཨུ་རྒྱན་དང་ཐུགས་རྗེ་ཆེན་པོ་དབྱེར་མེད་ཡིན་ལ། དཀྱིལ་འཁོར་དབུས་སུ་པདྨའི་སྡོང་པོ་ཞིག་ལ་འོག་ཏུ་པདྨ་གསུམ་བརྩེགས། དེ་སྟེང་པདྨ་ཆེ་བ་ཞིག་བསྒོམས་པའི་སྟེང་དུ་རང་ཉིད་ཨོ་རྒྱན་དང་ཐུགས་རྗེ་ཆེན་པོ་དབྱེར་མེད་བསྒོམ། དེ་འོག་པདྨ་ཟླ་བའི་གདན་ལ་འཇམ་དབྱངས་ཤིག །དེ་འོག་པདྨ་ཉི་མ་ལ་རྟ་མགྲིན་ཞིག །དེ་འོག་བདུད་བཞི་དང་པདྨའི་སྟེང་དུ་ཕྱག་རྡོར། རང་གི་སྤྱི་གཙུག་གི་ནམ་མཁར་གཞལ་ཡས་ཁང་དབུས་ཕྱུར་བུར་མཆོད་རྟེན་གྱི་ནང་ལྟ་བུའི་ནང་དུ། འཇམ་དབྱངས་རྟ་མགྲིན་ཕྱག་རྡོར་གསུམ་ཐོ་བརྩེགས་ལྟ་བུར་མ་རེག་པ། ཕྱོགས་མཚམས་

[Full Size]

བརྒྱད་དུ་རིགས་གསུམ་མགོན་པོ་ཉེར་བཞི་བསྐྱེད་པ་ནི། དཀྱིལ་འཁོར་ནང་གི་འདབ་བརྒྱད་སུམ་རིམ་ལའོ། །ཐམས་ཅད་ཞལ་གཙོ་བོ་ལ་གཟིགས་ཏེ། རྟ་མགྲིན་ལ་རྟ་མགོ་ཡོད་པ་མ་གཏོགས་རྟ་མགྲིན་ཕྱག་རྡོར་གཉིས་ཀྱང་ཞི་བ་སྟེ་ཐམས་ཅད་ཆ་ལུགས་གཙོ་བོ་ལྟར་བསྐྱེད་དོ། །སྒོ་སྲུང་མེད་དོ། །མ་ཎི་ནས། སརྦ་བྷ་ག་ཝན་སོགས་ནས་སྤྱན་འདྲེན་ལས་བྱང་ལྟར་ཏེ། མགོན་པོའི་ཤོ་ལོ་ཀ་གཅིག་དང་ཛཧཱུྃ་བཾ་ཧོ༔ བཞུགས་གསོལ་ནས་བསྟོད་པའི་བར་གཞུང་ལྟར་ལས། གཙོ་བོའི་བསྟོད་པ། རིགས་བདག་བསྟོད་པ་བྱ། །གཞན་སྒྱུར་ནས། གཞན་ཡང་བཀའ་འདུས་གསང་བའི་མན་ཆད་ཐུགས་དམ་བསྐུལ། འཛབ་དགོངས་སྐྱུར་ལ། ནང་སྒྲུབ་གཞུང་ནས། ངག་བཟླས་སྔགས་ཀྱི་རྣལ་འབྱོར་ནི། །ཞེས་སོགས་གསོལ་བ་བཏབ་ལ་བསྙེན་པ་བྱའོ། །གསུམ་པ་རྫོགས་རིམ་རྣལ་འབྱོར་ནི། ཞེས་སོགས་ཚིག་གིས་གསལ་བཏབ། དེ་ལྟར་ལས་བྱང་ཉིན་མཚན་གཉིས་སམ་ཉིན་རེ་རེ་རེས་ཆོག །ཚོགས་དང་བཀའ་སྲུང་སོགས་དང་པོ་གཅིག །ཚར་དུས་གཅིག་གིས་ཆོག །ཞག་བདུན་ཡན་ཆད་གང་འདོད། སྔགས་གྲངས་འབུམ་ཕྲག་གཅིག་ཡན། སུམ་

[Full Size]

འབུམ། བདུན་འབུམ་བྱེ་ཆུང་སོགས་གང་འགྲུབ་ཡིན། རྒྱུན་དུ་ཐུགས་དམ་འདོད་ན་ནི་ལས་བྱང་དང་མངོན་རྟོགས་མི་དགོས། ཡིད་ཀྱིས་བསྒོམ་ཞིང་སྔགས་བཟླས་པས་ཀྱང་ཆོག་སྟེ་འདི་སྨོས་མེད་ཏིང་འཛིན་གཙོ་བོ་ཡིན་པས་སོ། །རྗེས་ཆོག་ཀྱང་ལས་བྱང་ལྟར་བྱས་པས་འཐུས་སོ། །ནང་སྒྲུབ་ཟིན་བྲིས་གསལ་བྱེད་སྤྱི་ལདེ་ནས་གསང་སྒྲུབ་ལ་སྤྲོས་བཅས་བྱེད་ན་སྒྲུབ་ཆེན་གྱི་ཁོག་ཕུབ་སྒྲུབ་ཆེན་ཇི་ལྟ་བ་ལྟར་སྔོན་འགྲོ་དངོས་གཞི་རྗེས་རྣམས་བྱ་ཞིང་སྒྲུབ་པའི་གཞུང་གསང་སྒྲུབ་བྱེད་པ་ཡིན་ནོ། །སྤྲོས་མེད་བྱས་ན་དབང་ཆོག་རྒྱས་པའི་སྟ་གོན་དང་གསང་སྒྲུབ་ཀྱི་སྟ་གོན་གབ་སྤྱད་པས་ཆོག་སྟེ་སྒྲུབ་ཆེན་གྱིས་སབ་མི་དགོས་སོ། །གཞན་ཐམས་ཅད་གསང་སྒྲུབ་གཞུང་དུ་གསལ་ལྟར་ལ། ལས་བྱང་གཞུང་ལྟར་ལས་གཞུང་བསྐྱེད་མ་ཚར་བར་དུ་འདོན། དེ་ནས་ལས་བྱུང་ནི་གཙོ་བོའི་མངོན་རྟོགས་སྐྱུར་ལ། དམིགས་མེད་སྟོང་པའི་ངང་ཉིད་ལས༔ ཞེས་པ་གཉིས་མེད་ཟུང་འཇུག་དག་ཏུ་བསྒོམ༔ ཞེས་པའི་བར་གསང་སྒྲུབ་མངོན་རྟོགས་བཙུད་ནས། གསང་འདུས་སྐུའི་དབུ་གཙུག་ཅེས་པ་ནས་འཛབ་དགོངས་ཀྱི་བར་གཞུང་ལྟར་འདོན། འཛབ་དགོངས་ཀྱང་ཚར་གཅིག་འདོན་ལ་ལྷ་ཚོགས་ཀྱི་

[Full Size]

སྔགས་རྣམས་ཚར་རེའམ་གསུམ་རེ་ཙམ་སྔགས་མཆོད་ཚུལ་དུ་བྱ། གོང་བཞིན་གཙོ་བོར་གསལ་བའི་ཞེས་སོགས་གསང་སྒྲུབ་གཞུང་གི་དམིགས་པ་དེ་ངག་ཏུ་གསལ་བཏབ་ཀྱང་ལེགས། ཡིད་ཀྱིས་བསྒོམ་ཞིང་ཡིག་བདུན་བསྒོམ་མོ། །འདི་ལ་དཔེ་ཕལ་ཆེར་ལ་ཡིག་དྲུག་གཡོན་དུ་འཁོར་བར་བསམ། ཞེས་པ་བྱུང་ཡང་འདི་རྒྱུད་ཀྱང་ཕ་རྒྱུད་ཡིན་ལྷ་ཡང་ཕོ་རིགས་ཡིན་པས་གཡོན་དུ་འཁོར་བ་ཡི་གེ་མ་དག་པ་འདྲ་བསམ། ཡིག་དྲུག་གཡོན་དུ་འཁོར་བར་བསམ་ཞེས་པས་དགོད། མི་འགྱུར་རྡོ་རྗེ་སྐུ་ཕྲ་དུས་མཚམས་དམ་རིག་པ་དྭངས་དུས་དགོངས་པས་དག་མ་དག་སོགས་ཐམས་ཅད་གཟིགས་ཆོག་པར་འདུག་པས། ཐུགས་ཀར་ཞི་བའི་འཁོར་ལོ་དཀར་པོ་རྩིབས་དྲུག་པ་ཞིག་ཟླ་བའི་གདན་ལ་མ་རེག་པ་ཙམ་དུ་གཡོན་དུ་འཁོར་། འཁོར་ལོའི་སྟེང་དུ་ཡིག་དྲུག་གཡས་སུ་འཁོར་བ། ལྟེ་བ་ལ་མ་རེག་ཙམ་དུ་ཧཱུྃཡིག་གཡོ་འགུལ་མེད་པར་བསྒོམ་གསུངས་པས་དེ་ལྟར་བྱེད་པའམ། ཡང་ན་ཟླ་སྟེང་ཧཱིཿཡི་མཐར་ཡིག་དྲུག་གཡས་སུ་འཁོར་བས་འཐུས་སོ། །མི་འགྱུར་རྡོ་རྗེའི་གསང་སྒྲུབ་ལ་ཁྱད་པར་རྟ་མགྲིན་མེད་གསུངས་ཏེ། བསྡུས་པར་གསང་སྒྲུབ་གཙོ་རྐྱང་བྱེད་ན་རྟ་མགྲིན་མི་དགོས་པ་

[Full Size]

གསུངས་ལྟར་འཐད་པར་འདུག་ནའང་། འདིར་ལས་བྱང་དང་གབ་སྤྱད་ནས་རྒྱས་པར་བསྒོམ་ཚེ་རྟ་མགྲིན་སྦྲེལ་དགོས་ཏེ། ཡང་སྙིང་འདུས་པ་དང་གསང་འདུས་གཉིས་མཚུངས་པར་འཛབ་དགོངས་སྐབས་སུ་ཐུགས་ཀ་འི་རྟ་མགྲིན་ག་ལ་ཆེ་བའོ། །རང་གི་སྙིང་དབུས་ཧྲུལ་ཡིག་དྲུག །སྙིང་གི་ཆ་སྨད་རྩ་སྦུག་གི་སྒོ་སྲུང་ཚུལ་དུ་རྟ་མགྲིན་བསྒོམ་དགོས་ཏེ། དེའི་གནད་འཛབ་དགོངས་ན་གསལ་ལོ། །སྔ་དྲོ་རིང་བདག་བསྐྱེད་དམིགས་པ་གཞུང་ལྟར། དགོང་ཀ་འོད་ཟེར་ཕར་འཕྲོས་སོགས་མདུན་བུམ་ལ་དམིགས་པ་གསང་སྒྲུབ་ལྟར་བྱ། སྐབས་སུ་འཛབ་དགོངས་ཀྱིས་གསང་སྒྲུབ་དམིགས་པ་བྱ། སྲོད་དང་དགོང་མོ་འཛབ་དགོངས་ཀྱི་དམིགས་པས་བགེགས་བསྐྲད་དམིགས་པ་བྱ་སྟེ། སྔགས་ཧཱུྃ་ཕཊ་དང་ཧཱུྃ་ཧཱུྃཕཊ་འདྲ་མིན་རྒྱུད་དང་མི་གཅིག་ཀྱང་ཧཱུྃ་ཧཱུྃཕཊ་དག་གོ །དེའི་ཅིའི་ཕྱིར་ཞེ་ན། འདི་གསང་སྒྲུབ་ཡིག་བདུན་གཙོ་བོ་ཡིན་པས། ཉམས་རྟོགས་སྤར་ཞིང་དགོངས་པ་སྐྱོང་སོགས་གསུངས་པས་རབ་བསྐྱེད་རྫོགས་ཟུང་འཇུག །དེ་མ་ཐུབ་ན་སེམས་ངོ་དང་དམིགས་པ་གཉིས་རེས་མོས་སུ་ཐུན་ཐམས་ཅད་ལའོ། །དུས་གྲངས་གཞུང་ལྟར་གང་འདོད་ཐེམས་ནས། ལས་སྦྱོར་དམིགས་པ་

[Full Size]

སྔགས་གཤམ་སྦྱར་ཏེ། དཔེར་ན་སྒྲུབ་པ་ཞག་བདུན་བས་མ་བྱས་ན། ལས་སྦྱོར་ཞག་གཅིག་སྟེ། སྔ་དྲོ་ཞི་བ། ཕྱེད་རྒྱས་པ། དགོང་མོ་དབང་། སྲོད་ལ་དྲག་པོ་བྱའོ། །སྒྲུབ་པ་ཡུན་རིང་ན་དེ་དང་དཔག་སྟེ། ལས་སྦྱོར་སྒྲུབ་པའི་བཅུ་ཆ་གཅིག་གིས་ཚད་ཙམ་བྱའོ། །རྗེས་ནས་སྒྲུབ་ཆེན་དང་སྦྲེལ་ན་སྒྲུབ་ཆེན་གྱི་རྗེས་ཆོག་ཐམས་ཅད་བྱ། མ་སྦྲེལ་ན་ལས་བྱང་ལྟར་དངོས་གྲུབ་བླང་ཆོག་བཏོན་ལ་བུམ་ཆུ་གཏོང་བ་སོགས་གོང་ལྟར་རོ། །འདི་བྷནྡྷའི་རྫས་བུམ་ཆུ་སོགས་སྒྲུབ་པའི་རུ་རྩི་ནི་བྱའོ། །ལོགས་སུ་ཁྲོམ་ལ་འགྱེད་པར་མི་བྱ་སྟེ་རང་དོན་གཙོ་བོའི་སྒྲུབ་པ་ཡིན་པས་སོ། །གསང་སྒྲུབ་ཀྱི་ཟིན་བྲིས་སྤྱི། དེ་ནས་རྒྱུན་བསྙེན་བྱ་ཐབས་ནི་མཚམས་སོགས་ཐུབ་ན་ལེགས། མ་གྲུབ་ཀྱང་འཕྲོག་ཡང་ཅི་མི་ཏོ། ཞོགས་པའམ་ནི་ནམ་འདོད་ལས་བྱང་ཚར་རེ་བཏོན། འཛབ་དགོངས་ཀྱང་འདོན་ལ་སྔགས་རྣམས་ཚར་རེ་སྔགས་མཆོད་ཚུལ་དུ་བྱའོ། །དེ་ནི་ཕྱི་མདོ་ལུགས་སུ་བསྙེན་པའི་དམིགས་རིམ་འཛབ་དགོངས་ལྟར་བྱས་ལ། ཡི་གེ་དྲུག་པ་བསྙེན་ཞག་བདུན་ཡིན་ནས་ལོ་ཟླའི་བར་ཅི་འདོད་དོ། །ནང་སྔགས་ལྟར་སྒྲུབ་པའི་འདོན་ལུགས་སོགས་ཐམས་ཅད་གོང་

[Full Size]

ལྟར་ལས། ནང་སྔགས་ལྟར་སྒྲུབ་པའི་དམིགས་རིམ་འཛབ་དགོངས་ལྟར་བྱས་ཤིང་ཡི་གེ་བཅུ་པ་བསྙེན་ནོ། །ཡང་གསང་སྙིང་པོའི་ལུགས་ལྟར། སྒོམ་དང་སྒྲུབ་པ་བྱེད་ལུགས་གོང་ལྟར་ལས། ཡང་གསང་དམིགས་པ་འཛབ་དགོངས་ལྟར་དམིགས་པ་གསལ་བས། ཨོཾ་མ་ཎི་པདྨེ་ཧཱུཾ་ཧཱིཝཕཊཐཟླ། དེ་ཡང་ཕྱི་སྒྲུབ་ཡིག་དྲུག་དུས་ཧཱུྃ་ཕཊ་བཟླ། ཡིག་བཅུ་དུས་ཡིག་བཅུ་ལ་ཕཊ་སྦྱར་རོ། །དྲེགས་པ་ཚར་གཅོད་དམིགས་པ་འདི་ནད་པ་བྱིན་རླབས་དུས་དང་། འཕྲལ་དུ་གནོད་འཚེའི་རིགས་གང་བྱེད་ཀྱང་བྱེད་པ་སྟེ། ལྷ་སྐད་ཅིག་དྲན་རྫོགས་སུ་བསྐྱེད་པས་ཀྱང་ཆོག་གོ །དེ་ལྟར་རྒྱུན་བསྙེན་ལ་ཚོགས་དང་བཀའ་སྲུང་ཆད་མདོ་སོགས་ནི་ཚེས་བཅུ་དགུ་གཏོར་སོགས། སྤྲོ་དུས་བྱའི་རྒྱུན་དུ་མི་དགོས། རྒྱུན་བསྙེན་ཟིན་བྲིས་སྤྱི༔ དེ་ནས་སྒྲུབ་ཆེན་ལ། སྒྲུབ་ཆེན་དབང་དང་འབྲེལ་བའི་ལུགས། སྒྲུབ་ཆེན་བུམ་སྒྲུབ་དང་འབྲེལ་བའི་ལུགས། སྒྲུབ་ཆེན་ཁ་རྐྱང་དང་གསུམ་མོ། །སྒྲུབ་ཆེན་དབང་དང་འབྲེལ་ན་སྤྱིར་སྒྲུབ་ཆེན་ནས་གསུངས་པ་ལས། སྒྲུབ་ཆེན་དབང་བུམ། གཉིས་གབ་སྤྱད་ལ། སློབ་མ་སྟ་གོན་བྱས་དངོས་གཞི་སྒྲུབ་ཆེན་དང་བཅས་པ་ཞག་བདུན་སོགས་བྱས་ན་

[Full Size]

རྗེས་སུ་སྒྲུབ་ཆེན་དབང་གི་སྐབས་སུ་དབང་ཆེན་པོ་བསྐུར། དེ་ཡང་སློབ་མ་སྣོད་ལྡན་ཡོད་ན་མཆོག་དབང་གསུམ་དམ་ཅན་བཀའ་གཏད་ཡན་བྱས། རྗེས་སྒྲུབ་ཆེན་ལྟར་རོ། །སྒྲུབ་ཆེན་ཁ་རྐྱང་དབང་མི་བསྐུར་ན་སྒྲུབ་ཆེན་གཞུང་ལྟར་ལས་ཐོག་མར་སློབ་མ་སྟ་གོན་མི་དགོས། རྗེས་ནས་སྒྲུབ་ཆེན་གྱི་སྐུ་གསུང་ཐུགས་དབང་དང་ཚེ་དབང་གཉིས་མ་གཏོགས་དབང་ཆེ་ཆུང་གང་ཡང་མི་བསྐུར་བ་ནི་ཁྱད་པར་རོ། །འདི་ནི་རང་དོན་དུ་སྒྲུབ་ཆེན་བྱ་བ་ཡིན་ལ་དབང་དང་འབྲེལ་ན་སློབ་མའི་དོན་དུ་སྒྲུབ་ཆེན་བྱེད་པའོ། །སྒྲུབ་ཆེན་གཉིས་པོ་དེ་ལ་སྒྲུབ་པའི་གཞུང་ལས་བྱང་ཡིན། དམིགས་པ་ལས་བྱང་འཛབ་དགོངས་གཙོ་ཆེ་སྔགས་ཀྱང་གཙོ་འབུམ་འཁོར་ཁྲི་བཞི་འགྱུར་རམ། རབ་ཡིག་བདུན་ལ་བདུན་འབུམ་ཉི་ཁྲི། རིགས་བདག་ལ་བཞི་ཁྲི། རིགས་ལྔ་ཡབ་ཡུམ་ལ་བཞི་ཁྲི། སེམས་དཔའ་ཐུབ་དྲུག་སོགས་ལ་ཁྲི་རེ་ཙམ་བྱ། སྐབས་སུ་ནི་འཛབ་དགོངས་ཀྱི་ཡིག་བདུན་དམིགས་པ་ལ་སྦྱར་ཏེ། ཡིག་དྲུག་ཡིག་བཅུའི་དམིགས་པ་ནི་མི་སྦྱར། དགོང་མོ་དྲེགས་པ་ཚར་གཅོད་སྔགས་དམིགས་ཕྲེང་སྐོར་རེ་ཟུང་སྦྱར་རོ། །རྗེས་ཐམས་ཅད་སྒྲུབ་ཆེན་གྱི་རྗེས་ཀྱི་ལས་ཁྲིགས་དང་ལས་བྱང་གི་རྗེས་

[Full Size]

གཉིས་གབ་སྤྱད་དོ། །རིལ་བུ་བུམ་སྒྲུབ་དང་སྒྲུབ་ཆེན་སྦྲེལ་བའི་ལུགས་ལ། དབང་རྒྱས་པར་མི་བསྐུར་བའི་ཕྱིར་སློབ་མ་སྟ་གོན་མི་དགོས། གཞན་སྒྲུབ་ཆེན་གྱི་སྟ་གོན་ཐམས་ཅད་བྱ་སྟེ་སྒྲུབ་ཆེན་སྐྱེས་མ་ལ་དཀྱིལ་འཁོར་གྱི་སྟེང་དུ་གསང་འདུས་ཀྱི་གསེར་སྐུའམ་དེར་སྐུ་བཞུགས་དགོས་ལ། སྒྲུབ་ཆེན་དབང་དང་འབྲེལ་ན་དཀྱིལ་འཁོར་བུམ་པའི་མཐར་ལྷ་གྲངས་ཀྱི་དབང་ཙཀ་བཀོད་པའམ་བཞུགས་དགོས་ཤིང་། སྒྲུབ་ཆེན་བུམ་སྒྲུབ་དང་འབྲེལ་ཚེ་བུམ་པའི་ཁ་ཚང་ལ་ལྷ་གྲངས་ཀྱི་ཙཀ་ལི་བཀོད་གསུངས་པས། ཕྱག་ལེན་ལ་ཙཀ་ལི་དར་གདུགས་སྟེང་ན་ཕུབ་བོ། །དེ་མ་འཛོམས་ན་ཐབས་ཆག་པ་མིན་པས་གཙོ་བོ་དང་རིགས་བདག །ནོར་འཛིན་གསང་འཛིན། རྟ་མགྲིན་དུས་གསུམ་སངས་རྒྱས་ཙམ་བཙུགས་ཀྱང་རུང་ཙམ་ཡིན་ནོ། །སྒྲུབ་པ་དངོས་ནི་ལས་བྱང་གི་གཞུང་བཟུང་། ལས་བྱང་གཙོ་བོའི་ལྷ་བསྐྱེད་རིགས་བདག་གཉིས་སྐྱུར་ལ། བུམ་སྒྲུབ་ཚིགས་བཅད་མའི་གཙོ་བོའི་ལྷ་བསྐྱེད་དེ་སྦྱར། དེའི་འཕྲོས་ལས་བྱང་གཞུང་ལྟར་འདོན། འཛབ་དགོངས་ལས་བྱང་གི་དེ་འདོན། སྔགས་རྣམས་གསུམ་མམ་ལྔ་བདུན་གང་འགྲུབ་སྔགས་མཆོད་ཚུལ་དུ་འདོན། དེ་ནས་བུམ་སྒྲུབ་ཚིག་ལྷུག་

[Full Size]

ནང་གི་དམིགས་པ་བསྒོམ། དམིགས་པ་དེ་སྔ་དྲོ་ཐུན་པ་ལ་ཐུན་དཔོན་གྱིས་སྤྱད། འཛབ་དགོངས་ནང་གི་ཡང་གསང་ཡིག་བདུན་གྱི་དམིགས་པ་ཡང་བྱའོ། །དགོང་མོ་དྲེགས་པ་ཚར་གཅོད་དམིགས་པ་ཐུན་པ་རྣམས་ལ་སྤྲད་ནས། ཧཱུཾ་ཧཱུཾཕཊ་སྦྱར་བ་བརྒྱའམ་སུམ་བརྒྱའམ་རྩུབ་པ་རྐྱེན་ཆག་ཆེ་ན་སྟོང་ཙམ་དྲག་ཏུ་བཟླའོ། །དེ་ལྟར་སྒྲུབ་ཆེན་ཐམས་ཅད་ལ་ལས་བྱང་དུས་དྲུག་གམ། ཡོངས་གྲགས་ཐུན་བཞི་སྟེ་སྔ་དྲོ་ཉིན་གུང་དགོང་མོ་སྲོད་དང་བཞིར་བཏང་། དགོང་མོ་ལས་བྱང་ལ་རང་གི་གཏོར་བསྔོས་གང་ཤེས་རྒྱས་པ་དང་། དམ་ཅན་སོགས་བཀའ་སྲུང་ཐམས་ཅད་འདོན་ཚོགས་དང་ཆད་མདོ་བརྟན་སྐྱོང་བྱ། མི་མང་ན་གཞན་ཡི་དམ་གང་རུང་གི་བསྙེན་པ་ཐེམ་པ་ཞིག་གིས་ཉུལ་ལེ་ཐུན་དྲུག་གམ་བཞིར་སྤྱད༔ མི་ཉུང་ན་ཐུན་དཔོན་རང་གིས་ཐུན་མཚམས་སུ་བྱའོ། །དེ་ལྟར་བུམ་སྒྲུབ་སྟ་གོན་ཞག་གཅིག །དངོས་གཞི་ཞག་བདུན་སྔགས་རྒྱུན། རྗེས་ཞག་གཅིག་དང་དགུ་བས་ཉུང་ཐབས་མེད། བཅུ་བཞི་བྱེད་ན་བཅུ་དྲུག་ཐོག་གོ །ཉེར་གཅིག་བྱེད་ན་ཉེར་གསུམ་ཐོག་གོ །ཟླ་གཅིག་བྱེད་ན་སྔོན་འགྲོ་རྗེས་ཞག་གཉིས་རེ་སྟེ་བཞི་བྱའོ། །ཟླ་གཅིག་ཞག་བཞི་

[Full Size]

བྱའོ། །དེ་ནས་བཀའ་སྲུང་བསྐང་གསོ་གཟབ་པར་བྱ། རྗེས་ཀྱི་བྱ་བ་དངོས་གྲུབ་ཞུ་བ་དབང་བླང་བ་རྣམས་སྒྲུབ་ཆེན་གཞུང་ལྟར་སློབ་དཔོན་རང་གིས་བྱེད། དལ་བསྡུ་གཏེར་སྦ་མ་གཏོགས་རྫོགས་པར་བྱས་ལ། དེ་ནས་ཁྲོ་བོ་ཆེན་པོ་བསྡུས་ལ་དབང་བུམ་གྱི་སློབ་མ་ཁྲུས་ནས་དབྱུང་བ་སོགས་འཇུག་ཆོག་ཁག །མཚམས་གཅོད། སྐྱབས་སེམས་གསོལ་གདབ་དབང་བུམ་ལྟར་བྱིན་འབེབས་གཏོར་དབང་ནས་སབ། དེ་ནས་ཁྲོམ་ལ་རིལ་བུ་བུམ་པ་དེ་ཤིང་ཁྲི་བཅིངས་ལ་ལེགས་པར་བསྡམས་ལ་གྲྭ་པ་བཞིས་ཁྱེར། དར་ཐག་ནས་སློབ་དཔོན་གྱིས་བཟུང་ལ་ཁྲོམ་རྣམས་ཀྱི་མགོ་ཐོག་འགྲིམ། དེ་ནས་སྒྲུབ་ཆེན་ལྟར་ཚིག་འགྲེས་བཤངས་ལ་སྐུ་གཏོར་མ་ལ་བཙུགས་པ་སྤྱི་བོ། ཡིག་བདུན་མགྲིན་པ། མེ་ལོང་སྙིང་ག །རྨ་བྱའི་མདོངས་ལྟེ་བར་འགྲིམ་ཞིང་དབང་སྐུར། རིལ་བུ་གསུམ་མམ་རེ་རེ་སྦྱིན་ལ་བུམ་ཆུས་ཕུལ་བཅུག་གོ །གསང་འདུས་གསང་སྒྲུབ། མངོན་རྟོགས་ལུང་ཟིན་ཡིག་བདུན་ཁས་ལེན་བྱེད་བཅུག་ལ། འོ་ད་ཕྱིན་ཆད་ཐུགས་རྗེ་ཆེན་པོའི་སྐུར་བསྒོམ། སྙིང་པོ་ཡི་གེ་དྲུག་པ་བཟླའོ། །ཕྱིན་ཆད་སྡིག་པ་སྤངས་བར་བྱེད་ན། སྔར་སྡིག་པ་ཆེ་ཡང་ངན་སོང་དུ་མི་འགྲོ་ཨོ་རྒྱན་

[Full Size]

ཆེན་པོའི་བཀའ་ཡིན་ནོ། །ཞེས་སོགས་སྐྱེ་བདུན་ལོ་རྒྱུས་ཕན་ཡོན་བཤད་དོ། །གཏེར་སྦ་བ་བཀྲ་ཤིས་སོགས་སྒྲུབ་ཆེན་ལྟར་རྒྱས་པར་བྱའོ། །དེ་ནས་བུམ་སྒྲུབ་ཡུན་ཐུང་ངུར་འཇུག་ལགས་སོ། །དེ་ལྟར་སྒྲུབ་ཆེན་ཡུན་ཐུང་ངུར་རས་བྲིས་ལ་བརྟེན་པའི་ཕྱིར་དང་། ས་སྟེགས་མ་འགྲུབ་སྒོ་ཁྲི་དང་གདན་བརྩེགས་པ་སོགས་ལ་ས་མི་བརྐོ་བས་ལྟོ་འཕྱེ་དང་ས་བརྟག་པ་སོགས་མི་དགོས་སོ། །སྒྲུབ་ཆེན་ཟིན་བྲིས་བསྡུས་པ་ཨ་རཱ་གས་སོ།། །།མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བུམ་སྒྲུབ་ཀྱི་ཕན་ཡོན་རྒྱས་བཤད།

[Full Size]

བུམ་སྒྲུབ་ཀྱི་ཕན་ཡོན་རྒྱས་བཤད་བཞུགས་སོ། །སྤྱན་རས་གཟིགས་ཀྱི་རིགས་གང་སྒྲུབ་ཀྱང་ཁྱད་མེད། ཐུགས་རྗེ་ཆེན་པོའི་རྣལ་འབྱོར་པས་ཡིད་ཆེས་བཅས་གཟིགས་མཛོད་མཆན་བུའོ།།

[Full Size]

སྤྱན་རིས་གཟིགས་ཀྱི་རྩ་རྒྱུད་པདྨ་དྲ་བ་ལས། འཇིག་རྟེན་མགོན་པོ་སྤྱན་རས་གཟིགས། །དཀྱིལ་འཁོར་ཆེན་པོའི་ཚོགས་འདི་རྣམས། །གང་གིས་ཡིད་ལ་བྱེད་པའམ། །ཡང་ན་ཅི་ཙམ་དྲན་ཡང་རུང་། །སྐལ་ལྡན་རིགས་ཀྱི་བུ་དེ་ནི། །ཕྱོགས་བཅུའི་རྒྱལ་བ་རྣམས་ཀྱི་སྲས་། །བྱང་ཆུབ་སེམས་དཔའ་རྣམས་ཀྱི་བཤེས། །རིགས་ཀྱི་ལྷ་མོ་རྣམས་ཀྱི་ཡབ། །བྱིས་པ་རྣམས་ཀྱི་གཉེན་ཡིན་ནོ། །བདག་ཅག་རྣམས་ནི་དེ་ཡི་འབངས། །སྐྱེས་བུ་ཁྱུ་མཆོག་ཆེན་པོ་སྟེ། །བསོད་ནམས་ཀྱི་ནི་གཏེར་ལྡན་ཞིང་། །དེ་ཡི་ཚུལ་ཁྲིམས་རལ་བ་སོགས། །མི་དེ་སྐྱེ་བོ་དོན་

[Full Size]

ཡོད་ལྡན། །ལྷ་རྣམས་དག་ནས་སྤྱི་གསེབ་ཏུ། །ཡེ་ཤེས་འོད་ཟེར་བདུད་རྩི་འཛུད། །འཇིག་རྟེན་འདི་ཡཾ། གདོན་རྣམས་ཇི་སྙེད་ཡོད་པ་རྣམས། །རིག་སྔགས་བྱད་སྟེམས་མ་ལུས་པས། །དེ་ལ་ཚུགས་པར་མི་འགྱུར་རོ། །ཆོ་ག་བཞིན་དུ་སྤྱད་པ་ཡིས། ཚངས་པའི་ཚེ་ཚད་གནས་ནས་ཀྱང་། །ཤི་བ་སེམས་དམྱལ་མེད་པར་ནི། །གནས་འཕོའི་ཚུལ་གྱིས་མཐོ་རིས་འཇུག །རྒྱལ་བའི་ཞིང་དུ་གཤེགས་ནས་ཀྱང་། །རྒྱལ་བ་རྣམས་ལ་ཆོས་ཉན་ཅིང་། །རྒྱལ་སྲས་རྣམས་ལ་སྟབས་གཅིག་ཏུ། །སྟོབས་དང་མི་འཇིགས་པ་བརྙེས་ཏེ། །མཚན་དང་དཔེ་

[Full Size]

བྱད་ལྡན་གྱུར་ནས། །སྐད་ཅིག་གློག་འགྱུ་ཇི་བཞིན་དུ། །འགྲོ་བ་མ་ལུས་དག་བྱེད་ཅིང་། །ཞིང་རྣམས་མ་ལུས་དག་པར་བྱེད། །ཅེས་ཡེ་ཤེས་ཁྲོ་བོ་ཐམས་ཅད་ཀྱིས་སྤྱན་རས་གཟིགས་ལ་ཞུས་སོ། །དེ་ནས་སྤྱན་རས་གཟིགས་ཀྱི་ཞལ་ནས།——མགོན་པོ་སྤྱན་རས་གཟིགས་དབང་གིས། །སྔགས་དང་བརྗོད་པ་ཙམ་ལ་ཡང་། །གཤིས་ངན་འཆི་བ་བཅོ་ལྔ་མེད། །སྐྱེ་བཟང་བཅོ་ལྔ་འཐོབ་པར་འགྱུར། །མུ་གེ་རྒྱལ་པོའི་ཆད་པ་དང་། །དུག་དང་མཚོན་དང་གཡུལ་འགྱེད་དང་། །སྟག་སོགས་སྦྲུལ་སོགས་སོ་ཅན་དུག །དུག་ཅན་ཟས་དང་མེ་ཆུས་འཆི། །སྲོག་ཆགས་བདུན་དང་ཉལ་ཉེས་དང་། །གཡོ་བྱེད་དང་ནི་ལྷ་འདྲེས་གཙེས། །གསོར་མི་རུང་དང་བདག་ལྕེབ་རྣམས། །དེ་ལ་ནམ་ཡང་མི་འཇིགས་སོ། །རྒྱལ་པོ་ཆོས་ལྡན་ཡུལ་སྐྱེ་ཞིང་། །འཕགས་པ་བཞུགས་དང་དུས་བཟང་ཡུལ། །གཉེན་བཤེས་བཟང་དང་དབང་པོ་ཚང་། །དགེ་ལ་དགའ་དང་ཚུལ་ཁྲིམས་ལྡན། །བྲན་འཁོར་བཟང་ཞིང་ནོར་མང་རྟགས། །གཞན་གྱི་ཞིང་དགོས་འདོད་ལ་སྦྱོར། །སེམས་བདེ་འཇིག་རྟེན་སྐྱོང་བས་སྲུང་། །སངས་རྒྱས་ཞལ་མཐོང་དོན་བཟང་རྟགས། །གཞན་ཡང་དམན་ལ་

[Full Size]

བྱང་སེམས་བསྐྱེད། །སྙིང་རྗེའི་མཆི་མ་འཁྲུགས་པ་དང་། །ཡོན་ཏན་དྲན་ནས་སྤྲོ་བ་དང་། །དཀོན་མཆོག་གསུམ་ལ་དད་པ་དང་། །ཕུལ་དུ་བྱུང་བའི་བློ་ཡི་འཕེལ། །ཚུལ་བཞིན་མ་ཡིན་ཡིད་བྲལ་དང་། །བཀའ་ལུང་དད་དམ་སྣོད་སྡེ་སྣོད། །ཡང་ནས་ཡང་དུ་སྐྱེ་བར་འགྱུར། །ཞེས་གསུངས་པ་དང་། དམ་པའི་ཆོས་པདྨ་དཀར་པོ་ཞེས་བྱ་བའི་མདོ་ལས། སྤྱན་རས་གཟིགས་ཀྱིས་དབང་ཕྱུག་སྤྱོད་པ་ཉོན། །བསྐལ་པ་བསམ་ཡས་བྱེ་བ་དུ་མ་བརྒྱར། །སངས་རྒྱས་སྟོང་ཕྲག་བྱེ་བ་མང་པོ་ལ། །སྨོན་ལམ་ཇི་བཞིན་རབ་ཏུ་རྣམ་པར་སྦྱངས། དེ་དག་བདག་གིས་བཤད་ཀྱིས་རབ་ཏུ་ཉོན། །ཉན་པར་བྱེད་ཅིང་བལྟ་བར་བྱེད་པ་དང་། །རིམ་གྱིས་དེ་ལྟར་རྗེས་སུ་དྲན་པ་ཡང་། །སྲོག་ཆགས་རྣམས་ནི་འབྲས་བུ་ཡོད་པར་འགྱུར། །སྡུག་བསྔལ་ཟློས་པའི་མྱ་ངན་ཐམས་ཅད་སེལ། །གལ་ཏེ་གསོད་པས་མེ་ཡི་ནང་དུ་ཡང་། །བསད་པར་བྱ་བའི་ཕྱིར་ནི་བོར་བའི་མིས། །སྤྱན་རས་གཟིགས་ཀྱི་དབང་པོ་དྲན་ན་ནི། །ཆུ་རླབས་བཞིན་དུ་མེ་དུག་ཞི་བར་འགྱུར། །རྒྱ་མཚོ་དང་ནི་མྱ་ངན་བསྒལ་ན་ཡང་། །ཀླུ་དང་འབྱུང་པོ་ལྷ་མ་ཡིན་གནས་སུ། །སྤྱན་རས་གཟིགས་

[Full Size]

ཀྱི་དབང་པོ་དྲན་ན་ནི། །ཆུ་ཡི་ནང་དུ་ནམ་ཡང་མི་ནུབ་བོ། །རབ་ཏུ་སྡང་བའི་ཡིད་ཀྱིས་བསད་པའི་ཕྱིར། །རི་རབ་ལྷུན་པོའི་རྩེ་ནས་བོར་ན་ཡང་། །སྤྱན་རས་གཟིགས་ཀྱི་དབང་པོ་དྲན་ན་ནི། ཉི་མ་ལྟ་བུར་ནམ་མཁར་གནས་པ་ར་འགྱུར། །གལ་ཏེ་རྡོ་རྗེ་དག་གི་རིགས་དག་ཀྱང་། །བསད་པའི་ཕྱིར་ནས་སྤྱི་བོར་འོང་ན་ཡང་། །སྤྱན་རས་གཟིགས་ཀྱི་དབང་པོ་དྲན་ན་ནི། །བ་སྤུའི་ཁུང་ཙམ་གཅེས་བར་མི་ནུས་སོ། །གལ་ཏེ་མང་པོ་དག་གིས་ཡོངས་བསྐོར་ཏེ། །བསད་པའི་སེམས་ཀྱིས་ལག་ན་མཚོན་ཐོགས་ན། །སྤྱན་རས་གཟིགས་ཀྱི་དབང་པོ་དྲན་ན་ནི། །དེ་མ་ཐག་ཏུ་བྱམས་པའི་སེམས་སུ་གྱུར། །གལ་ཏེ་གནོད་པ་ཉེ་བར་འོང་ནས་སུ། །གཤེད་མའི་དབང་དུ་གྱུར་པའི་ཚེ་ན་ཡང་། །སྤྱན་རས་གཟིགས་ཀྱི་དབང་པོ་དྲན་ན་ནི། དེ་ཡི་མཚོན་ཆ་དུམ་བུ་དུམ་བུར་འགྱུར། །དེ་སྟེ་ཤིང་ངམ་ལྕགས་ལས་བྱས་པ་ཡི། །ཁོང་སྒྲིབ་དང་ནི་གདོན་གྱི་བཅིངས་ན་ཡང་། །སྤྱན་རས་གཟིགས་ཀྱི་དབང་པོ་དྲན་ན་ནི། །ཤིན་ཏུ་མྱུར་བར་གདུག་པ་དེ་ནི་མེད་པར་འགྱུར། །བཟང་པོའི་གློག་ཀྱང་འབྱུང་ཞིང་སྡུག་པ་ཡི། །སྤྲིན་ལས་ལྕེ་ལས་སེར་བ་ཆར་བབ་པ། །སྤྱན་རས་གཟིགས་ཀྱི་དབང་པོ་

[Full Size]

དྲན་ན་ནི། །དེ་མ་ཐག་ཏུ་རབ་ཏུ་མྱུར་བར་ཞི། །སྡུག་བསྔལ་མང་པོའི་བརྒྱའི་གཅེས་པ་རྣམས། །སྡུག་བསྔལ་མང་པོའི་གཅེས་པའི་སེམས་ཅན་མཐོང་། །ཡེ་ཤེས་དགེ་བའི་སྟོབས་ཀྱིས་སྤྱན་རས་གཟིགས། །དེ་བས་ལྷར་བཅས་འགྲོ་བའི་སྐྱོབ་པ་སུ། །རྫུ་འཕྲུལ་སྟོབས་ཀྱིས་ཕ་རོལ་སོན་པ་སྟེ། །ཅེས་སོགས་ནས། ་འཇིགས་ཆེན་གཡུལ་ངོར་སྐྱེས་བུ་སོང་ན་ཡང་། །སྤྱན་རས་གཟིགས་ཀྱི་དབང་པོ་དྲན་ན་ནི། །དེ་མ་ཐག་ཏུ་དགྲ་རྣམས་རབ་ཏུ་ཞི། །ཞེས་སོགས་ནས། དག་པའི་སེམས་དཔའ་སྤྱན་རས་གཟིགས་དབང་ཕྱུག །ཐེ་ཚོམ་མེད་པར་དྲན་བྱོས་དྲན་པར་གྱིས། །འཆི་བའི་ཚེ་ན་ཉོན་མོངས་གཙེས་པའི་ཚེ། །མགོན་དང་སྐྱབས་དང་དཔུང་གཉེན་དག་ཏུ་འགྱུར། །ཞེས་གསུངས་པ་དང་། ཕྱག་སྟོང་སྤྱན་སྟོང་གི་གཟུངས་ལས། སྤྱན་རས་གཟིགས་ཀྱི་མཚན་ནས་བརྗོད་ན་ཡང་། །སྡིག་སྒྲིབ་གྲངས་མེད་འབྱོང་ཞིང་། བསོད་ནམས་དཔག་ཏུ་མེད་པ་ཐོབ་སྟེ། འདི་ནས་འཆི་འཕོས་ནས་བདེ་བ་ཅན་དུ་སྐྱེ་བར་འགྱུར་རོ། །ཞེས་དང་། མཚན་རབ་ཡོངས་སུ་བསྟན་པའི་མདོ་ལས། ང་ནི་ཐུགས་རྗེ་ཆེན་པོས་འགྲོ་བ་ཐམས་ཅད་སྡུད་ཅིང་སྡུག་བསྔལ་ལས་སྐྱོབ་

[Full Size]

པ་ཡིན། ང་ཡི་མིང་དྲན་པར་འགྱུར་ན་ཕ་རོལ་གྱིས་མདའ་འཕངས་ཀྱང་ཟུག་པར་མི་འགྱུར། མཚོན་རྣོན་པོའི་བཏབ་ཀྱང་ཆོད་པར་མི་འགྱུར། གྲགས་པ་ཆེ་ཞིང་རིགས་རྒྱུད་འཕེལ་བར་འགྱུར་རོ། །ཟས་ནོར་གྱིས་འཕོང་ཤིང་ལོངས་སྤྱོད་རྒྱས་པར་འགྱུར་རོ། །ང་ཡི་མིང་དྲན་པས་སུས་ཀྱང་ཐུབ་པར་མི་འགྱུར། འབྲོག་དགོན་པའི་ནག་ཁྲོད་དུ་སོང་ན་ཡང་སེངྒེ་དང་སྟག་གཟིག་དང་གཡག་རྒོད་སྦྲུལ་དུག་དང་བ་གཅན་གཟན་རྣམས་ཀྱིས་མི་གཡེངས། ང་ཡི་མིང་དྲན་པ་ཙམ་གྱིས་བགེགས་ཐམས་ཅད་འབྲོས་པར་འགྱུར། མེ་དཔུང་འབར་བའི་ནང་དུ་བོར་ན་ཡང་། ང་ཡི་མིང་དྲན་པ་ཙམ་གྱིས་པདྨས་གང་བའི་རྫིང་བུར་འགྱུར། ང་ཡི་མིང་དྲན་པ་ཙམ་གྱིས་ཆུས་མི་བྱིང་། ཆུས་མི་འཁྱེར། མེས་མི་འཚིག །གང་གི་ངའི་མིང་དྲན་པར་བྱེད་པ་མཐོང་བ་ཙམ་གྱིས་གཞན་དག་མོས་པར་འགྱུར། དགྲས་ཟིལ་གྱིས་མི་ནོན། མིག་གིས་མི་ཚུགས། ང་ཡི་མིང་ཐོས་ནས་དྲན་པར་བྱེད་ན། དེ་དག་ལྷ་དང་ཀླུ་དང་གནོད་སྦྱིན་དང་གྲུལ་བུམ་དང་སྲིན་པོ་དང་ཤ་ཟ་དང་ཡི་དྭགས་རྣམས་ཀྱིས་མདངས་འཕྲོག་པར་མི་ནུས་སོ། །ཕ་རོལ་སྔགས་ཀྱི་ཚུགས་པར་མི་འགྱུར་རོ། །ཞེས་གསུངས་པ་དང་། མདོ་སྡེ་ཟ་མ་

[Full Size]

ཏོག་བཀོད་པ་ལས། ཤཱཀྱ་ཐུབ་པས་བཀའ་སྩལ་པ། གང་གི་འཕགས་པ་སྤྱན་རས་གཟིགས་ཀྱིས་མིང་དྲན་པ་དེ་དག་ནི། བདེ་བ་དང་ལྡན་པ་ལགས་སོ། །སྐྱེ་བ་དང་། རྒ་བ་དང་། ན་བ་དང་། འཆི་བའི་སྡུག་བསྔལ་ལས་ཡོངས་སུ་ཐར་བ་ལགས་སོ། །བདེ་བ་ཅན་གྱི་ཞིང་ཁམས་སུ་སྐྱེས་ནས་སྣང་བ་མཐའ་ཡས་ལ་ཆོས་ཉན་པར་འགྱུར་རོ། །དེ་དག་གི་རྒྱུད་ལ་འཁོར་བའི་སྡུག་བསྔལ་མི་འབྱུང་ཞིང་། རྒྱུད་ལ་ཉོན་མོངས་པ་དང་བཀྲེས་པ་དང་སྐོམ་པ་དང་འཕོང་བའི་སྡུག་བསྔལ་མི་འབྱུང་། མངལ་ན་གནས་པའི་སྡུག་བསྔལ་མི་འབྱུང་། ཆོས་ཀྱི་རོ་བསྐྱེད་པ་པདྨ་ལས་བརྫུས་ཏེ་སྐྱེ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ལ་ཡི་དམ་བརྟན་པོར་མཛད་པ་དེ་སངས་རྒྱས་ཀྱི་ཞིང་རྟག་ཏུ་འཛིན་ཅིང་གནས་སོ། །ཞེས་པ་དང་། ཟ་མ་ཏོག་བཀོད་པ་ལས། སྔོན་སངས་རྒྱས་གཙུག་ལྡན་ལ་ཐུབ་པས་གསན་པ། གང་གི་འཇིག་རྟེན་ཁམས་ན་སྤྱན་རས་གཟིགས་ཀྱི་དབང་པོའི་མིང་དྲན་པ་དེས་བསོད་ནམས་ཀྱི་ཚད་ནི་བསྒྲངས་བོར་མི་ནུས་སོ། །དེ་དག་ནི་བདེ་བ་དང་ལྡན་པ་ཡིན་ནོ། །དེ་དག་ནི་རྒས་པ་དང་ན་བ་དང་འཆི་བ་དང་སྡུག་བསྔལ་ལས་ཡོངས་སུ་

[Full Size]

ཐར་བ་ཡིན་ནོ། །དེ་དག་འཁོར་བའི་ཐ་མ་གཞན་མེད་པའི་སྡུག་བསྔལ་བར་མི་འགྱུར་རོ། །དེ་དག་ནི་གོས་དཀར་པོ་སྐྱ་བོ་བཞིན་དུ་བྱ་ངང་པའི་རྒྱལ་པོ་བཞིན་དུ་འགྲོགས་པ་དང་། །རླུང་གི་ཤུགས་ཀྱིས་འདེད་བཞིན་དུ་བདེ་བ་ཅན་གྱི་འཇིག་རྟེན་གྱི་ཁམས་སུ། དེ་བཞིན་གཤེགས་པ་སྣང་བ་མཐའ་ཡས་ལ་ཆོས་མངོན་སུམ་དུ་ཉིན་ཕྱིར་འགྲོའོ། །ཐོས་ནས་ཀྱང་དེ་དག་གི་ལུས་ལ་འཁོར་བའི་སྡུག་བསྔལ་མི་འབྱུང་། འདོད་ཆགས་ཞེ་སྡང་དང་གཏི་མུག་མི་འབྱུང་། རྒས་པ་དང་ཤི་བར་མི་འགྱུར། དེ་དག་གི་ལུས་ལ་བཀྲེས་པར་མི་འགྱུར། མངལ་ན་གནས་པའི་སྡུག་བསྔལ་ཤེས་པར་མི་འགྱུར་ཏེ། ཆོས་རོས་སྤྱོད་ནས། དེ་ཉིད་པདྨའི་ནང་དུ་སྐྱེ་བར་འགྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་པོའི་ཡི་དམ་བརྟན་པོ་རྫོགས་པ་དང་། སེམས་ཅན་ཐམས་ཅད་ཐར་པ་ལ་གཞོག་གིས་བར་དུ་འཇིག་རྟེན་གྱི་ཁམས་དེ་ན་རྟག་ཏུ་འཛིན་ཅིང་གནས་སོ། །ཞེས་གསུངས་སོ། །དེ་དག་སྤྱན་རས་གཟིགས་ཡིད་ལ་དྲན་ཞིང་བསྒོམ་པའི་ཕན་ཡོན་ཡིན་ཅིང་། བུམ་སྒྲུབ་འདིས་ཐུགས་རྗེ་ཆེན་པོ་ལ་མཆོད་པ་འབུལ་བའི་གཏོར་མཆོད་འདི་དག་ཕན་ཡོན་ནི། ཟ་མ་ཏོག་བཀོད་

[Full Size]

པའི་མདོ་སྡེ་ལས། བཅོམ་ལྡན་འདས་ཤཱཀྱ་ཐུབ་པས་བཀའ་སྩལ་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་གཱའི་ཀླུང་གི་བྱེ་མ་སྙེད་ལ། དུས་བསྐལ་པར་ལྷ་ཡི་ན་བཟའ་དང་། བ་དན་དང་ན་བའི་རྐྱེན་སྨན་དང་། ཡོ་བྱད་ཐམས་ཅད་ཀྱིས་བསྙེན་བཀུར་བྱས་ན་གང་དེ་བཞིན་གཤེགས་པ་རྣམས་ལ་བསོད་ནམས་འཕེལ་ཞིང་རྒྱས་པར་འགྱུར་རོ། །དེ་བས་ཀྱང་བྱང་ཆུབ་སེམས་དཔའ་ཆེན་པོ་འཔགས་པ་སྤྱན་རས་གཟིགས་ལ་མཆོད་པའི་བ་སྤུའི་རྩེ་ལ་གནས་སོ། །རིགས་ཀྱི་བུ་འདི་ལྟ་སྟེ། དཔེར་ན་གླིང་བཞི་པའི་རི་རབ་དང་བཅས་པའི་རྡུལ་ཕྲ་རབ་སྙེད་ཀྱིས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ལྷའི་གསེར་རིན་པོ་ཆེ་ལས་བྱས་ཏེ། ཉིན་རེ་བཞིན་དུ་རིང་བསྲེལ་གྱི་མཆོད་རྟེན་གྱི་ནང་དུ་ཞུགས་སུ་གསོལ་ན་མཆོད་པ་བྱས་ན། བསོད་ནམས་ཀྱི་ཕུང་པོ་དེའི་ཚད་ནི་བསྒང་བར་ནུས་ཀྱིས། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་མཆོད་པའི་བསོད་ནམས་ཀྱི་ཚད་ནི་བསྒང་བར་མི་ནུས་སོ། །ཞེས་གསུངས་པས། གསང་འདུས་རྒྱུད་ལས། ཕྱི་ལྟར་བཟླས་པའི་ཡི་གེ་དྲུག །སྙན་

[Full Size]

འཛམ་རྨ་བྱའི་མགྲིན་ལྟར་བཟླས། ཨོཾ་མ་ཎི་པདྨེ་ཧཱུྃ༔ མདོ་ཡི་ལུགས་སུ་ཤེས་པར་བྱ། ཞེས་གསུངས་པས། གསང་འདུས་མདོ་ལུགས་སུ་ཡི་གེ་དྲུག་འདོན་ཐབས་ཡོད་ཅིང་། ཡིག་བདུན་ལ་ཡང་ཡིག་དྲུག་ཚང་བས། བུམ་སྒྲུབ་ལ་ཡིག་དྲུག་གི་ཕན་ཡོན་ཡོད་པར་སོ་བཞག་ཡིན་པས། དེ་ཡི་ཕན་ཡོན་ཐོ་ཙམ་བཤད་ན། ཡི་གེ་དྲུག་པའི་མདོ་ལས། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས། འཕགས་པ་ཡི་གེ་དྲུག་པ་ཤེས་རབ་ཀྱི་རམ་འབུ་འདི་ཡིད་ལ་བྱས་ནས་རིགས་སྔགས་འདི་བཟླས་བརྗོད་བྱས་ན། ནད་ཐམས་ཅད་ལས་ཐར་བར་འགྱུར་རོ། །གདོན་གྱིས་མི་ཚུགས་པར་འགྱུར། དེ་དག་ཐམས་ཅད་ཞི་བར་འགྱུར། མཚམས་མ་མཆིས་པའི་སྡིག་པ་བྱང་བར་འགྱུར། ཚེ་རིང་ཞིང་ལོངས་སྤྱོད་འཕེལ་བར་འགྱུར་། ནད་གདོན་ཐམས་ཅད་ལས་ཐར་བར་འགྱུར། འཕགས་པ་ཡི་གེ་དྲུག་པའི་རིག་སྔགས་འདི། སྲུང་བ་དང་། ཡོངས་སུ་སྐྱོང་བ་ཡོངས་སུ་བཟུང་བ་དང་། ཡོངས་སུ་སྐྱབས་པ་དང་ཞི་བ་དང་བདེ་ལེགས་སུ་འགྱུར་རོ། །ཞེས་དང་། མཚན་བརྒྱ་པའི་མདོ་ལས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་

[Full Size]

ཞིག་གིས་འཕགས་པ་སྤྱན་རས་གཟིགས་ཡིད་ལ་བྱས་ནས། ཨོཾ་མ་ཎི་པདྨེ་ཧཱུྃ༔ ཞེས་བཟླས་བརྗོད་བྱས་ན་ངན་སོང་གསུམ་དུ་མི་སྐྱེ། མནར་མེད་པར་མི་འགྲོའོ། །སུ་ཞིག་ནང་པར་ལངས་ནས་བཟླས་སམ། འདོན་ཏམ་བཟླས་བརྗོད་བྱས་ན། དེའི་ལུས་ལ་མཛེ་དང་ཤུ་བ་དང་གཡེན་པ་དང་། འབྲས་དང་། བལ་ལྡག་དང་། གློ་བ་ན་བ་དང་། དབུགས་མི་བདེ་བ་དང་། ནད་ཐམས་ཅད་ལས་ཐར་བར་འགྱུར་རོ། །སྐྱེས་སོ་ལྕོགས་ཏུ་སྐྱེ་བ་དྲན་པར་འགྱུར་རོ། །འཆི་བའི་ཚེ་ན་བདེ་བ་ཅན་དུ་སྐྱེ་བར་འགྱུར་རོ། །གར་སྐྱེས་གར་གནས་ཀྱང་འཕགས་པ་སྤྱན་རས་གཟིགས་དང་མི་འབྲལ་བར་འགྱུར་རོ། །རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར་རོ། །དབྱངས་སྙན་པར་འགྱུར་རོ། །གཙུག་ལགས་ཐམས་ཅད་མཁས་པར་འགྱུར་རོ། །བསྟོད་པ་འདིས་བསྟོད་པ་བྱས་ན་སངས་རྒྱས་གངྒཱའི་ཀླུང་དྲུག་ཅུའི་བྱེ་མ་སྙེད་ལ་མཆོད་པར་འགྱུར་རོ། །ཞེས་དང་། མདོ་སྡེ་ཟ་མ་ཏོག་བཀོད་པ་ལས། སངས་རྒྱས་དམར་པོ་མཆོག་གི་བཀའ་སྩལ་པ། རིགས་ཀྱི་བུ་འམ་རིགས་ཀྱི་བུ་མོ་ལ་ལ་ཞིག་གིས་རིགས་སྔགས་བཟླས་པར་བྱས་ན། སྤོབ་པ་མི་ཟད་

[Full Size]

པར་འགྱུར་རོ། །ཡེ་ཤེས་ཀྱི་ཕུང་པོ་རྣམ་པར་དག་པར་འགྱུར་རོ། །བྱམས་པ་ཆེན་པོའི་སྙིང་རྗེ་ཆེན་པོ་དང་ལྡན་པར་འགྱུར་རོ། །ཉི་མ་རེ་རེ་བཞིན་ཕ་རོལ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །རིག་འཛིན་འཁོར་ལོས་བསྒྱུར་བའི་རྒྱལ་པོ་འཐོབ་པར་འགྱུར་རོ། །བྱང་ཆུབ་སེམས་དཔའ་ཕྱིར་མི་ལྡོག་པར་འགྱུར་རོ། །བླ་ན་མེད་པ་ཡང་དག་པོར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །ཡི་གེ་དྲུག་པའི་རིགས་སྔགས་འདི་བརྗོད་ཅིང་རྟག་ཏུ་བཟླས་བརྗོད་ལ་བརྩོན་པ་དེ་དག་ནི་བསོད་ནམས་དང་ལྡན་པ་ཡིན་ནོ། །དེ་དག་བཟླས་བརྗོད་བྱེད་པའི་ཚེ་སངས་རྒྱས་གང་གཱའི་ཀླུང་བྱེ་མ་སྙེད་དགུ་འདུ་བར་འགྱུར་རོ། །རིགས་ཀྱི་བུ་དེའི་བ་སྤུའི་ཁུང་བུ་རེ་རེ་ལ་ཡང་དེ་བཞིན་གཤེགས་པ་བཞུགས་སོ་། །བཞུགས་ནས་ཀྱང་རིགས་ཀྱི་བུ་ཁྱོད་ལ་འདི་འདྲ་བའི་ཡིད་བཞིན་གྱི་ནོར་བུ་རྙེད་པར་འཐོབ་པར་འགྱུར་རོ། །རིགས་ཀྱི་བུ་ཁྱོད་རིགས་བདུན་ཐར་བར་བྱེད་པ་ཡིན་ནོ་ང་ལེགས་སོ། །རིགས་ཀྱི་བུ་ཁྱོད་ཀྱི་ལྟོ་བ་ན་སྲོག་ཆགས་གནས་པ་དེ་དག་ཀྱང་བྱང་ཆུབ་སེམས་དཔའ་ཕྱིར་མི་ལྡོག་པར་འགྱུར་རོ། །ལེགས་སོ་བྱ་བ་སྦྱིན་པར་འགྱུར་རོ། །ཞེས་དང་། ཟ་མ་

[Full Size]

ཏོག་བཀོད་པའི་མདོ་ལས། ཡུལ་འཁོར་འཇིགས་གིས་གྲོང་ཁྱེར་ཆོས་སྨྲ་བའི་གཤེས་གཉེན་གྱིས་བྱང་ཆུབ་སེམས་དཔའ་སྒྲིབ་པ་རྣམ་སེལ་ལ་གསུངས་པ། ཆོས་གཞན་གྱི་རྣལ་འབྱོར་ནི་ཕུབ་མ་དང་འདྲའོ། །ཡི་གེ་དྲུག་པའི་རྣལ་འབྱོར་ནི་མཆོག་ཅེས་བྱ་སྟེ། མི་མཉམ་པ་དང་མཉམ་པ་ཞེས་བྱའོ། །རིགས་ཀྱི་བུ་ཡིག་གེ་དྲུག་པ་ལན་གཅིག་བཟླས་པས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ལ་ལ་ཞིག་གིས་ཡི་གེ་དྲུག་པ་ཡི་དམ་དུ་བྱེད་ཅིང་འཛིན་པ་དེའི་ལུས་ལ་རེག་ན་ཕྱིར་མི་ལྡོག་པའི་ས་ཐོབ་པར་འགྱུར་རོ། །ཡི་གེ་དྲུག་པ་མིང་གཅིག་བཟུང་ན་དེ་བཞིན་གཤེགས་པ་ཐམས་ཅད་ལ་མཆོད་པ་དང་མཉེས་པ་བྱས་པར་འགྱུར་རོ། །ཞེས་དང་། མདོ་སྡེ་ཟ་མ་ཏོག་བཀོད་པ་ལས་བཅོམ་ལྡན་འདས་ཤཱཀྱ་ཐུབ་པས་བཀའ་སྩལ་པ། རྣལ་འབྱོར་པ་གཞན་རྣམས་ནི་འབྲས་ཀྱི་ཕུབ་མ་དང་འདྲའོ། །རྣལ་འབྱོར་པ་ཐམས་ཅད་ཀྱི་ནང་ནས་ཡི་གེ་དྲུག་པའི་རིགས་ཀྱི་རྒྱལ་པོ་འདི་ནི་འབྲས་ཀྱི་སྙིང་པོར་གྱུར་པའོ། །རིགས་ཀྱི་བུ་སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕརོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་

[Full Size]

པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་ཕྱིར་རོ། །ཨོཾ་མ་ཎི་པདྨེ་ཧཱུཾ། ཞེས་ལན་གཅིག་བཟླས་པས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ཡི་གེ་དྲུག་པ་ལན་གཅིག་བཟུང་ན་དེ་བཞིན་གཤེགས་པ་ཐམས་ཅད་ལ་ན་བཟའ་དང་བཤོས་དང་མལ་སྟན་དང་ན་བའི་རྐྱེན་སྨན་དང་ཡོ་བྱད་ཐམས་ཅད་ཀྱིས་བཀུར་སྟི་བྱས་པར་འགྱུར་རོ། །ཞེས་དང་། མདོ་སྡེ་ལས་བཅོམ་ལྡན་འདས་ཤཱཀྱ་ཐུབ་པས་གསུངས་པ། གང་དག་ཕ་རོལ་གྱི་བུད་མེད་ལ་ཆགས་ནས་འདོད་ལོག་སྤྱོད་པ་དང་། སྲོག་གཅོད་པའི་ལས་དང་། ཕོ་མ་གསོད་པ་དང་། དགྲ་བཅོམ་པ་གསོད་པ་དང་། དགེ་སློང་མ་སུན་ཕྱུང་བ་དང་། མཆོད་རྟེན་བཤིགས་པ་དང་། གཙུགས་ལག་ཁང་བཤིགས་པ་དང་། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་ཕྱུང་བ་དང་། མཚམས་མེད་པའི་ལས་ཀྱི་སྒྲིབ་པ་ཐམས་ཅད་ཀྱང་། ཟ་མ་ཏོག་བཀོད་པའི་ཡི་གེ་དྲུག་མ་འདིས་རྩ་བ་ནས་དག་པར་བྱེད་དོ། །ཞེས་དང་། མདོ་སྡེ་ཟ་མ་ཏོག་བཀོད་པ་ལས། དེ་བཞིན་གཤེགས་པ་པདྨ་མཆོག་གིས་ཡི་གེ་དྲུག་པའི་རིགས་སྔགས་ཆེན་མོ་འདིའི་ཡོན་ཏན་བསྔགས་པ་

[Full Size]

གསུངས་པ། རིགས་ཀྱི་བུ་འདི་ལྟ་སྟེ་དཔེར་ན། ངས་རྡུལ་ཕྲ་རབ་ཀྱི་ཚད་ནི་བསྒྲུང་བར་ནུས་ཀྱི། རིགས་ཀྱི་བུ་ཡི་གེ་དྲུག་པའི་རིགས་སྔགས་ཆེན་མོ་འདི་ལན་གཅིག་བཟླས་པའི་བསོད་ནམས་ཀྱི་ཕུང་པོའི་ཚད་ནི་བསྒང་བར་མི་ནུས་སོ། །།རིགས་ཀྱི་རྒྱ་མཚོ་འཆིང་རྣམས་ཀྱི་བྱེ་མ་ནི་རེ་རེ་ནས་བསླང་བར་ནུས་ཀྱི། རིགས་ཀྱི་བུ་ཡི་གེ་དྲུག་པའི་རིག་སྔགས་ཆེན་མོ་འདི་ལན་གཅིག་བཟླས་པའི་བསོད་ནམས་ཀྱི་ཕུང་པོ་ནི་བསྒྲེང་བར་མི་ནུས་སོ། །རིགས་ཀྱི་བུ་འདི་ལྟ་སྟེ་དཔེར་ན། སྐྱེས་བུ་ལ་ལ་ཞིག་གིས་ཁྱིམ་དཔག་ཚད་བརྒྱ་ཐམ་པ་བྱས་ཏེ། འཕང་དུ་དཔག་ཚད་ལྔ་བརྒྱར་བྱས་ཏེ་ཏིལ་གྱི་འབྲས་བུས་ཡོངས་སུ་གང་བར་བྱས་ལ། དེ་ལ་ཁ་ཙམ་གྱིས་བུ་གང་ཡང་མེད་ལ་དེའི་སྒོར་སྐྱེས་བུ་མི་རྒས་མི་འཆི་བ་ཞིག་བཞག་སྟེ། དེས་བསྐལ་པ་བརྒྱ་འདས་ཤིང་། ཏིལ་གྱི་འབྲས་བུས་གཅིག་ཕྱིར་དོར་ཏེ། རྣམ་གྲངས་དེས་ཁྱིམས་གྱི་རྨིང་དང་། གཞི་ཡན་ཆད་ཟད་པར་འགྱུར་གྱིས། རིགས་ཀྱི་བུ་ཡི་གེ་དྲུག་པའི་རིག་སྔགས་ཆེན་མོ་འདི་ལན་གཅིག་བཟླས་པའི་བསོད་ནམས་ཀྱི་ཕུང་པོ་བསྒྲང་བར་མི་ནུས་སོ། །རིགས་ཀྱི་བུ་འདི་ལྟ་སྟེ་དཔེར་ན་གླིང་བཞི་པ་རྣམས་ཀྱིས་ས་ཞིང་བྱས་ཏེ་ནས་

[Full Size]

དང་གྲོ་དང་འབྲས་དང་རྒྱ་སྲན་དང་བལ་སྲན་ལ་སོགས་པ་དང་། རྒྱ་ཤུག་དང་སྲན་ཆུང་ལ་སོགས་པ་རྣམ་པ་སྣ་ཚོགས་པ་བྱས་ཏེ། ཀླུའི་རྒྱལ་པོས་ཀྱང་དུས་སུ་ཆར་པའི་རྒྱུན་ལེགས་པར་ཕབ་ནས། འབྲས་བུ་དེ་དག་གྲུབ་པ་དང་། སྨིན་ཅིང་བརྗེས་ནས་འཛམ་བུའི་གླིང་གཡུལ་གཅིག་བྱས་ལ། ཤིང་རྟ་དང་། ཁུར་བ་དང་། བེམས་པོ་བསྐོན་སྟེབས་བཅས་སྟེ་གཡུལ་དེའི་ནང་དུ་བཅུག་ནས། བ་ལང་དང་བོང་བུ་དག་གིས་བཅག་སྟེ་ཕུང་པོར་བྱས་ཀྱང་། རིགས་ཀྱི་བུ་ངས་འབྲས་བུས་རེ་རེ་བསྒང་བར་ནུས་ཀྱིས། རིགས་ཀྱི་བུ་ཡི་གེ་དྲུག་པའི་རིག་སྔགས་ཆེན་མོ་ལན་གཅིག་བཟླས་པའི་བསོད་ནམས་ནི་བགྲང་བར་མི་ནུས་སོ། །རིགས་ཀྱི་བུ་འདི་ལྟ་སྟེ་དཔེར་ན། ཆུ་བོ་ཆེན་པོ་འཛམ་བུའི་གླིང་དུ་ཉིན་མཚན་འབབ་པ་འདི་ལྟ་སྟེ། སི་ཏ་དང་། གངྒཱ་དང་། ཡ་མུ་ན་དང་། སིནྡྷུ་དང་། པཀྵ་དང་། ཤ་ཏ་རུ་དང་། ཙནྡྲ་བ་ག་དང་། ཨའི་ར་ཏི་དང་། སུ་མ་ག་དང་། ཧི་མ་ཀ་ལ་དང་། ཀོ་ཏ་བ་རི་རྣམས་ཆུ་བོ་རེ་རེ་བཞིན་འཁོར་ལྔ་བརྒྱ་ལྔ་བརྒྱ་ཡོད་པ། ཉིན་མཚན་དུ་རྒྱ་མཚོའི་འཆིང་རྣམས་སུ་འབབས་སོ། །རིགས་ཀྱི་བུ་ཡི་གེ་དྲུག་པའི་རིག་སྔགས་ཆེན་པོ་འདི་ལན་གཅིག་བཟླས་

[Full Size]

པའི་བསོད་ནམས་ཀྱི་ཕུང་པོ་ཡང་དེ་བཞིན་དུ་འཕེལ་ལོ། །དེ་ནས་ཆུ་བོ་ཆེན་པོ་དེ་དག་གི་ནི་ངས་ཐིག་པ་རེ་རེ་བགྲང་བར་ནུས་ཀྱིས་ཡི་གེ་དྲུག་མའི་རིག་སྔགས་ལན་གཅིག་བཟླས་པའི་བསོད་ནམས་བསྒྲང་བར་མི་ནུས་སོ། །རིགས་ཀྱི་བུ་འདི་ལྟ་སྟེ་རྐང་བཞི་པའི་བ་གླང་དང་། བོང་བུ་དང་། མ་ཧེ་དང་། རྟ་དང་བ་གླང་དང་། ཁྱི་དངཝ་དང་ར་དང་ཕྱུགས་དེ་དག་དང་། དེ་བཞིན་ཏུ་སེངྒེ་དང་སྟག་དང་རྟ་རག་ཀླུ་དང་རི་དྭགས་དང་། སྤྲེའུ་དང་རི་བོང་དང་། ཕག་དང་བྱི་བ་ལ་སོགས་པའི་སེམས་ཅན་དེ་དག་གིས་སྤུ་རེ་རེ་ནས་བསྒྲང་བར་ནུས་ཀྱི། ཡི་གེ་དྲུག་པའི་རིག་སྔགས་ལན་གཅིག་བཟླས་པའི་བསོད་ནམས་ཀྱི་ཕུང་པོ་ནི་ངས་བསྒྲང་བར་མི་ནུས་སོ། །རིགས་ཀྱི་བུ་འདི་ལྟ་སྟེ། དཔེར་ན། རྡོ་རྗེ་ལྕགས་ཀྱུ་ཞེས་བྱ་བའི་རི་ཡི་རྒྱལ་པོ་འཕངས་སུ་དཔག་ཚད་དགུ་ཁྲི་དགུ་སྟོང་ཡོད་པའི་ས་འོག་ཏུ་དཔག་ཚད་བརྒྱད་ཁྲི་བཞི་སྟོང་ཡོད་དེ། རིའི་རྒྱལ་པོ་རྡོ་རྗེ་ལྕགས་ཀྱུ་དེའི་ངོས་རེ་རེ་ཞིང་དཔག་ཚད་བརྒྱད་ཁྲི་བཞི་སྟོང་ཡོད་ལ། རིའི་རྒྱལ་པོ་དེའི་ངོས་ལ་སྐྱེས་བུ་མི་རྒས་མི་འཆི་བ་ཞིག་ཡོད་ལ། དེ་བསྐལ་པ་གཅིག་འདས་ཤིང་ཡུལ་ཀ་ཤི་ཀ་ནས་བྱུང་བའི་གོས་ཀྱི་ལན་གཅིག་ཕྱིས་

[Full Size]

ཏེ་དེ་ལྟར་བྱས་ཀྱང་དེ་ཟད་ཅིང་དེང་པར་འགྱུར་གྱིས། ཡི་གེ་དྲུག་པའི་རིག་སྔགས་ཆེན་པོ་འདི་ལན་གཅིག་བཟླས་པའི་བསོད་ནམས་ཀྱི་ཕུང་པོ་ནི་ངས་བསྒྲུངས་བར་མི་ནུས་སོ། །རིགས་ཀྱི་བུ་འདི་ལྟ་སྟེ་དཔེར་ན་རྒྱ་མཚོའི་འཆིང་ནམ་ཆེན་པོ་ཟབས་སུ་དཔག་ཚད་བརྒྱད་ཁྲི་བཞི་སྟོང་། ཞིང་དུ་རྟ་རྒོད་མའི་གདོང་པའི་མཐའི་བར་དུ་དཔག་ཏུ་མེད་པ། ངས་སྐྲ་ཡི་རྩེ་མོ་བརྒྱར་འཆར་ཐིགས་པ་རེ་རེ་ནས་བསྒང་བར་ནུས་ཀྱི། རིགས་ཀྱི་བུ་ཡི་གེ་དྲུག་པའི་རིག་སྔགས་ཆེན་པོ་ལན་གཅིག་བཟླས་པའི་བསོད་ནམས་ཀྱི་ཕུང་པོ་ནས་ངས་བསྒྲང་བར་མི་ནུས། རིགས་ཀྱི་བུ་འདི་ལྟ་སྟེ་དཔེར་ན་ཤིང་ཤིར་ཤ་ཚལ་གྱི་ལོ་མ་ནི་ངས་རེ་རེ་བསྒྲུངས་བར་ནུས་ཀྱི། ཡི་གེ་དྲུག་པའི་རིག་སྔགས་ཆེན་པོ་འདིས་བསོད་ནམས་ཀྱི་ཕུང་པོ་ནི་བསྒྲང་བར་མི་ནུས་སོ། །རིགས་ཀྱི་བུ་འདི་ལྟ་སྟེ་དཔེར་ན་གླིང་ཆེན་པོ་བཞི་ན་གནས་པའི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དེ་དག་ཐམས་ཅད་བྱང་ཆུབ་སེམས་དཔའ་ས་བདུན་པ་ལ་གནས་པར་འགྱུར་ན། བྱང་ཆུབ་སེམས་དཔའ་བསོད་ནམས་ཀྱི་ཕུང་པོ་དེ་བས་ཡི་གེ་དྲུག་པའི་རིག་སྔགས་ཆེན་པོ་འདི་ལན་གཅིག་བཟླས་པའི་བསོད་ནམས་ཀྱི་ཕུང་པོ་ནི་ཤིན་ཏུ་ཆེའོ། །རིགས་ཀྱི་

[Full Size]

བུ་འདི་ལྟ་སྟེ་དཔེར་ན་ཟླ་བ་བཅུ་གཉིས་ལོའམ་ཟླ་བ་གཅིག་ལྷག་པར་བསྒྲུང་བའི་ཟླ་བ་བཅུ་གསུམ་གྱི་ལོ་ཚང་བར་འགྱུར་གྱི་བར་ཉིན་མཚན་དུ་ཆར་བབ་ན་རིགས་ཀྱི་བུ་ངས་ཐིག་པ་རེ་རེ་བསྒྲུང་བར་ནུས་ཀྱི། རིགས་ཀྱི་བུ་ཡི་གེ་དྲུག་པའི་རིག་སྔགས་ཆེན་པོ་འདི་ལན་གཅིག་བཟླས་པའི་ཕན་ཡོན་ངས་བསྒྲང་བར་མི་ནུས་སོ། །དེ་ལྟེ་རིགས་ཀྱི་བུ་མང་དུ་བརྗོད་མི་དགོས་ཀྱིས་ང་དང་འདྲ་བའི་དེ་བཞིན་གཤེགས་པ་བྱེ་བ་གནས་གཅིག་ཏུ་ལྷའི་བསྐལ་བ་ན་བཟའ་དང་། བཤོས་དང་མལ་བསྟན་དང་། ན་བའི་རྐྱེན་གྱི་སྨན་གྱི་ཡོ་བྱད་ཀྱི་གནས་པར་བྱས་ཏེ། བསྙེན་བཀུར་ཐམས་ཅད་བྱས་ཀྱང་དེ་བཞིན་གཤེགས་པ་དེ་དག་གིས་ཡི་གེ་དྲུག་པའི་རིགས་སྔགས་ཆེན་མོའི་བསོད་ནམས་ཀྱི་ཕུང་པོ་བསྒྲང་བར་མི་ནུས་ན་ང་གཅིག་པུའི་འཇིག་རྟེན་གྱི་ཁམས་འདི་ན་གནས་པ་ལྟ་ཅི་སྨོས། ཅེས་གསུངས་སོ། །པདྨ་རྒྱལ་པོའི་རྒྱུད་ལས། ཨོཾ་མ་ཎི་པདྨེ་ཧཱུཾ། རྒྱ་མཚོ་ནང་གི་རིན་ཆེན་བཞིན་ལན་གཅིག་མོས་པས་བརྗོད་པ་ན་སེམས་ཅན་དམྱལ་བའི་ནད་ལས་ཐར། ལན་གཉིས་བརྗོད་པས་ཡི་དྭགས་སུ། འགྲོ་བའི་སྒོ་ཡང་འགགས་པར་འགྱུར། གསུམ་བརྗོད་དུད་འགྲོའི་སྒོ་ཡང་འགགས། འདོད་

[Full Size]

པའི་ཡོན་ཏན་ལྔ་སྤྱོད་ཀྱང་། འདི་དང་མ་བྲལ་རྡུང་མར་གནས། བཟའ་དང་བཏུང་བའི་ལོངས་སྤྱོད་ཀྱང་། འདི་ཉིད་དྲན་པས་ཉེས་པ་མེད། བདུད་ཀྱི་བར་དུ་གཅོད་པ་ཀུན། །སྔགས་ཀྱི་རྒྱལ་པོ་བསྒྲངས་བས་ཞི། ཞེས་གསུངས་སོ། སྤྲུལ་པའི་རྒྱལ་པོ་སྲོང་བཙན་སྒམ་པོའི་ཞལ་ནས་ཐུགས་རྗེ་ཆེན་པོའི་མཐའ་ནི། ཨོཾ་མ་ཎི་པདྨེ་ཧཱུྃ། ཅེས་པའི་ཡི་གེ་དྲུག་པ་འདི་ལ་ཐུག་གོ །རང་དོན་སྒྲིབ་པ་སྦྱང་བ་ཡང་ཡི་གེ་དྲུག་པ་འདི་ཡིན་ནོ། །གཞན་དོན་འགྲོ་དྲུག་གནས་སྦྱོངས་ཡི་གེ་དྲུག་པ་འདི་ཡིན་ནོ། །ཚེ་འདི་ལ་ཐུན་མོང་གི་དངོས་གྲུབ་འབྱུང་བ་ཡང་ཡི་གེ་དྲུག་པ་འདི་ཡིན་ནོ། །ཕྱི་མ་ཕྱག་རྒྱ་ཆེན་པོ་མཆོག་གི་དངོས་གྲུབ་འབྱུང་བ་ཡང་ཡི་གེ་དྲུག་པ་འདི་ཡིན་ནོ། །ཨོཾ་མ་ཎི་པདྨེ་ཧཱུྃ། ཅེས་པའི་ཡི་གེ་དྲུག་པ་འདི་ཟློས་ཤིག ། སྒྲུབས་ཅིག་སྒྲོངས་ཤིག་སྟོན་ཅིག་ཤོད་ཅིག །སྔ་མའི་སངས་རྒྱས་གྱི་གཤེགས་ཤུལ། ད་ལྟར་སངས་རྒྱས་ཀྱི་བསྟན་པ། ཕྱི་མའི་སངས་རྒྱས་ཀྱི་ལམ་ཡིན་ནོ། །ཞེས་དང་། མི་ཀུན་བསོད་ནམས་མར་འགྲིབ་པའི་དུས་ངན་པ་གཅིག་འོང་། དུས་དེ་ཙམ་ན་བདེ་སྐྱིད་འཛོམ་འདོད་ན། ཐུགས་རྗེ་ཆེན་པོ་སྤྱན་རས་གཟིགས་ལ་གསོལ་བ་ཐོབ་ཅིག་།ཞེས་དང་སྙིང་པོ་ཡི་

[Full Size]

གེ་དྲུག་པ་ཨོཾ་མ་ཎི་པདྨེ་ཧཱུཾ་ཞེས་པ་འདི་ཟློས་ཤིག །ཚེ་འདི་ཡི་དགོས་འདོད་བདེ་སྐྱིད་ཐམས་ཅད་འདི་ལས་འབྱུང་བས་རིན་པོ་ཆེ་ལ་གསོལ་བ་ཐེབས་པ་དང་འདྲའོ། །ཕྱི་མ་སྒྲིབ་པ་བྱང་ནས་བྱང་ཆུབ་ཐོབ་པ་ལ་གདོན་མི་ཟའོ། །ཚེ་འདི་ལ་ཡིད་གཉིས་དང་ཐེ་ཚོམ་མ་བྱེད་ཅིག །ཅེས་སྤྲུལ་པའི་རྒྱལ་པོའི་ཞལ་ཆེམས་སུ་བཞགས་སོ། །ཨུ་རྒྱན་རིན་པོ་ཆེས་དུས་ངན་སྙིགས་མ་འབྱུང་ཚུལ་ལུང་བསྟན་སྐབས། དེ་དུས་ལྷ་གོང་བྱིན་རླབས་ཆེ། ཆོས་བྱས་ན་འབྲས་བུ་ཡོད་དམ་མེད་ཞུས་པས། ལྷ་ཚོགས་བྱིན་རླབས་ཐུགས་རྗེ་ཆེན་པོ་ཆེ། དམ་ཆོས་བྱས་ན་འབྲས་བུ་དེ་དུས་ཆེ། ཞེས་གསུངས་སོ། །ཨུ་རྒྱན་རིན་པོ་ཆེས། མི་གང་དག་ནད་གདོན་གྱི་ཉེན་པ་ལ། འཇིག་རྟེན་རྐྱེན་ཟློག་རིམ་གྲོ་ཅི་བྱ་བ་བས། ཡི་གེ་དྲུག་པ་རྐྱེན་བཟློག་ཆེའོ། །སྨན་དཔྱད་རིམ་གྲོ་ཅི་བྱས་པས་ཡི་གེ་དྲུག་པ་སྟོབས་ཆེའོ། །ཡི་གེ་དྲུག་པའི་ཕན་ཡོན་ནི་དུས་གསུམ་གྱི་སངས་རྒྱས་ཐམས་ཅད་ཅེས་ཀྱང་བརྗོད་པ་དང་། བསྒྲུང་བའི་ཚད་ལས་འདས། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སྤྱན་རས་གཟིགས་ཀྱིས་འགྲོ་བ་རིགས་དྲུག་ལ་ཐུགས་རྗེ་རྒྱུན་ཆད་མེད་པར་གཟིགས་པའི་ཐུགས་རྗེ་ཡང་སྙིང་ཡིན་

[Full Size]

པས། སེམས་ཅན་ཐམས་ཅད་འཁོར་བ་ལས་བསྒྲལ་བའི་ཕྱིར་རོ། །དེས་ན་ཕྱི་རབས་རྗེས་འབྲངས་ཐམས་ཅད་ཐུགས་རྗེ་ཆེན་པོ་ཟུངས་ཤིག །ཡི་གེ་དྲུག་པ་ཟློས་ཤིག །ངན་སོང་དུ་འགྲོ་བའིདོགས་པ་མེད་དོ། །བོད་ཁ་བ་ཅན་གྱི་ལྷ་སྐལ་ཡིན་པས་དད་གུས་མོས་པས་གསོལ་བ་ཐོབ་ཅིག །བྱིན་རླབས་དངོས་གྲུབ་འབྱུང་ངོ་ཡིད་གཉིས་ཐེ་ཚོམ་མ་བྱེད་ཅིག །ཆོས་འདི་ལས་ཟབ་པ་འབྱུང་བ་ནི་དུས་གསུམ་སངས་རྒྱས་རྣམས་ཀྱིས་ཀྱང་མ་གསུངས་ཏེ། པདྨ་འབྱུང་གནས་བདག་གིས་ཀྱང་མ་གསུངས་མ་ཤེས་སོ། །ད་ལྟར་བཞུགས་དང་ཕྱི་རབས་འབྱོན་པ་ཡི། བོད་ཀྱི་རྗེ་འབངས་རྣམས་ཀྱིས་ཐུགས་ལ་དེ་ལྟར་ཞོག །ཅེས་ཞལ་ཆེམས་བཞགས་ནས་གཤེགས་སོ། །མ་གཅིག་ལབ་སྒྲོན་གྱི་ཞལ་ནས་ཀྱང། སྙིང་པོ་ཡི་གེ་དྲུག་པོ་ནི། ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞིའི་མདོ་དོན། རྒྱུད་སྡེ་ཐམས་ཅད་ཀྱི་གཞི་མ། མདོ་སྔགས་གཉིས་ཀྱི་བཅུད་བསྡུས་པ། གསུང་རབ་རྒྱ་མཚོ་འདྲ་བ་རྣམས་ཀྱི་འོ་མ་ལྟར་བསྲུབ་པའི་སྙིང་པོ་མར་བྱུང་བ་ལྟ་བུའི་ཆོས་ཡིན་ནོ། །ནད་གདོན་བགེགས་རིགས་སོགས་མི་མཐུན་པའི་ཕྱོགས་ཐམས་ཅད་འཇོམས་པར་བྱེད་པ་ནི། རྫས་ཀྱི་རྡོ་རྗེ་ཕ་ལམ་དང་འདྲ་ཞིང་། འདོད་

[Full Size]

པའི་དོན་རྣམས་མྱུར་དུ་འགྲུབ་པར་བྱེད་པ་ཡིད་བཞིན་གྱི་ནོར་བུ་དང་འདྲ་བའི་ཡི་གེ་དྲུག་པ་ཞེས་སྲས་ལ་གདམ་པའོ། །དེ་ལྟར་ཕན་ཡོན་ཆེ་ཆོས་འདི་ལ་རྩིས་མེད་པ་སྐད་བྱེད་པ་ནི་དུས་ངན་པ་མཐར་ཐུགས་པའི་རྟགས་ཡིན་པར་གསུངས་ཏེ། སྙིགས་དུས་མ་ཎི་པདྨེ་ཆོས་སུ་མི་རྩི་བའི་དུས་ངན་འབྱུང་བར་ཨུ་རྒྱན་རིན་པོ་ཆེས་ལུང་བསྟན་ནོ། །རྒྱལ་པོ་སྲོང་བཙན་སྒམ་པོས། ཨོཾ་མ་ཎི་པདྨེ་ཧཱུཾ། ཞེས་པ་འདི་རྒན་པོ་དང་བྱིས་པའི་ཆོས་ཡིན་ཟེར་ནས་ཁྱད་གསོད་བྱེད་པ་འགའ་འོང་བས། དེ་རྣམས་བདུད་ངག་ལ་ཞུགས་པ་བྱ་བ་ཡིན་པས་ཕྱི་མ་གཏན་སྡུག་དམྱལ་བའི་དཀྱིལ་དུ་འགྲོ་བ་ཡིན་པས་ཐུགས་རྗེ་ཆེན་པོའི་ཆོས་ལ་ཐེ་ཚོམ་མི་ཟ་བར་སྒྲུབས་ཅིག །སྒྲུབ་ཐབས་འགྲུབ་ཐག་འདི་བས་ཉེ་བ་མེད་དོ། །ཞེས་གསུངས་སོ། །གཤིན་རྗེ་ཆོས་རྒྱལ་གྱི་ཀུ་སུ་ལུ་པ་ལ་གསུངས་འཕྲིན་བཀུར་བ་ལས་ཀྱང་། གཤིན་ཡུལ་ཁྲ་མོ་འགྲིམས་ནས་འོང་ཙ་ན། ཟོག་ཡོད་བརྒྱ་བས་མ་ཎི་པདྨེ་རྡོག་གཅིག་ངོ་ཆེ་དོ་གྱིས། བྲ་ང་ཁམས་ལ་བདག་འཛིན་མགོ་བོ་མ་ནོན་པའི་མིས་ཕྱི་ནང་གསང་གསུམ་གྱི་ཆོས་མ་ལུས་པ་འཆད་ཉན་ཤེས་པ་བས། འདི་ན་འོང་ཆིས་ཀྱི་དེ་ཁོ་ན་ལ་དམིགས་པའི་མ་ཎི་རྡོག་

[Full Size]

གཅིག་ཙམ་གྱི་ངོ་ཆེ་དོ་གྱིས། ཅེས་གསུངས་སོ། །དེ་ཡན་ཆོད་ཡི་གེ་དྲུག་པའི་ཕན་ཡོན་ནོ། །དེ་ནས་བུམ་སྒྲུབ་དུས་ཐུགས་རྗེ་ཆེན་པོ་སངས་རྒྱས་སྟོང་དང་བཅས་པའི་ཕྱག་རབ་མཚན་འབུམ་འདོན་དགོས་པའི་ཕན་ཡོན་ནི། རྣལ་འབྱོར་པ་གང་ཞིག་གིས། ཉན་ཐོས་སོ་ཐར་བྱང་སེམས་དང་། རིག་འཛིན་བླ་མེད་སྔགས་སོགས་ཀྱི། ཉམས་ཆགས་དག་ཅིང་བསྐང་བ་དང་། བླ་མ་རྒྱལ་པོ་ཆེ་བཙུན་སོགས། ་རྐྱེན་བཟློག་སྐུ་ཡི་རིམ་གྲོ་སོགས། །སྟོབས་ཆེན་གསོན་པོའི་ཆོ་ག་དང་། །གཤིན་དོན་བར་དོའི་འགྲོ་བ་རྣམས། །ངན་སོང་གནས་ནས་དྲངས་བའི་ཕྱིར། །བདག་ཉིད་པདྨ་འབྱུང་གནས་ཀྱིས། །དུས་གསུམ་སངས་རྒྱས་མཚན་འབུམ་བསྟན། །ཅེས་པ་ནས་དུས་གསུམ་སངས་རྒྱས་མཚན་འབུམ་འདི། །རྣ་བར་ལན་གཅིག་ཐོས་པས་ཀྱང་། །ངན་སོང་འཁོར་བ་དོང་ནས་སྤྲུག །འཇིགས་པ་བརྒྱད་སོགས་ཞི་བ་དང་། །སྐྱབས་གནས་རིམ་གྲོ་ཆེ་བར་འགྱུར། །ཞེས་དང་། པདྨ་དཀར་པོ་ལས། སངས་རྒྱས་གངྒཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ལ་བསྙེན་བཀུར་བྱས་པ་བས། སྤྱན་རས་གཟིགས་ཀྱི་མཚན་བརྗོད་ཅིང་ཕྱག་འཚལ་ན་བསོད་ནམས་ཆེ་བར་གསུངས་པ་དང་། །

[Full Size]

མདོ་སྡེ་བསྐལ་བ་བཟང་པོ་ལས། བསྐལ་བ་འདི་ལ་སངས་རྒྱས་གང་དེ་དག །དེ་དག་གི་ནི་མཚན་འདི་བསྒྲགས་པ་རྣམས། །འབྲས་བུ་མྱ་ངན་འདས་ཞེས་བྱ་བ་གང་། །ཉན་པ་དེ་དག་འདི་ལ་རྨོངས་མི་འགྱུར། །སོགས་ནས། དེ་དག་གི་ནི་མཚན་རྣམས་ལེགས་ཐོས་ནས། །མྱ་ངན་སྡུག་བསྔལ་ཞི་ཕྱིར་མྱོང་མི་འགྱུར། །སོགས་ནས། གང་གི་མི་ཤེས་བསྐལ་པ་བྱེ་བར་ནི། །སྡིག་པའི་ལས་བྱང་འབྲས་བུས་རྣམ་སྨིན་ཀུན། །དེ་ནས་ཟད་བྱས་རྒྱལ་བ་དེ་དག་གིས། །མཚན་ནི་བཟུང་ནས་ཀྱང་ནི་རྒྱལ་བར་འགྱུར། །ཞེས་དང་། སྙིང་རྗེ་པདྨ་དཀར་པོའི་མདོ་ལས། གཡེང་བའི་སེམས་ཀྱིས་སངས་རྒྱས་ཕྱག་འཚལ་ཞེས། །ཚིག་གཅིག་ལན་འགའ་བརྗོད་པར་བྱས་པས་ཀྱང་། །དེ་དག་ཀུན་གྱི་བྱང་ཆུབ་མཆོག་འདི་ཐོབ། །ཅེས་དང་། རྒྱལ་པོ་གསལ་རྒྱལ་གྱིས་ཞུས་པ་ལས། མི་རྣམས་གང་དག་སངས་རྒྱས་མཆོད་རྟེན་ནི། །སྐུ་གཟུགས་དག་ལ་མགོས་བཏུག་གུས་ཕྱག་འཚལ། །དེ་དག་ལྷ་རྣམས་དང་ནི་མི་རྣམས་ཀྱིས། །ཆེར་ཡང་ངག་ཏུ་བསྐུར་བའི་གནས་སུ་འགྱུར། ཞེས་གསུངས་སོ། །བུམ་སྒྲུབ་འདི་དུས་མར་མེ་སྨོན་ལམ་དང་། མཚན་ཐུབ་

[Full Size]

བཞི་སོགས་མར་མེ་ཕུལ་བའི་ཕན་ཡོན་ནི། མར་མེ་ཕུལ་བའི་མདོ་ལས། མར་མེ་ཕུལ་བའི་རྣམ་སྨིན་འདི་ཡིན་ཏེ། འཆི་དུས་བྱེད་ཚེ་དྲན་པ་ཉམས་མི་འགྱུར། །དེ་ལ་ཕྱོགས་རྣམས་སྣང་བར་བྱེད་པར་འགྱུར། །སྔོན་ཆད་མ་མཐོང་གཟུགས་མཆོག་རྣམས་ཀྱང་མཐོང་། །དེ་ནས་ཤི་ནས་མཐོ་རིས་ངེས་འགྲོ་ཞིང་། །ལྷ་ཡི་སྟན་ལ་དེ་ལུས་འདུག་པར་ཤེས། །དེ་ནི་དེ་ཡི་མར་མེ་ཕུལ་བའི་འབྲས། །དེ་དང་དེ་ནས་ཚེ་རབས་དེར་དྲན་འགྱུར། །བྱ་བའི་འོས་མིན་ལ་ནི་དེས་མི་སྤྱོད། །གདོན་མི་ཟ་བར་དེ་ནི་ཁྱིམ་ནས་འབྱུང་། །ལོང་བར་མི་འགྱུར་ཞ་བོ་མི་འགྱུར་ཞིང་། །དེའི་མིག་ནི་མེད་པ་འགྱུར་མ་ཡིན། །ནད་ཅན་མ་ཡིན་འཇིགས་རུང་དགྲ་སྡང་མིན། །བླུན་པོར་མི་འགྱུར་མི་ཤེས་མི་འགྱུར་རོ། །མིག་མེད་པར་ནི་ནམ་ཡང་མི་འགྱུར་ཞིང་། །དེ་ཡི་མིག་ནི་ན་བར་འགྱུར་མ་ཡིན། །མིག་གཅིག་མ་ཡིན་ཁྲག་ལོང་མིག་མ་ཡིན། །དེ་ཡི་མིག་ལ་མི་གསལ་མེད་པར་འགྱུར། །མིག་གི་རང་བཞིན་གཞན་ལས་རྣམ་པར་གསལ། །སྲིད་པའི་མིག་ནི་དག་འགྱུར་བ་སྟེ། །ནོར་བུ་འོད་བཟང་ལྟར་ནི་དོན་ཞིབ་རྟོགས། །བསྐལ་པ་གྲངས་མེད་དཔག་ཏུ་ནམ་ཡང་དེའི། །ཤ་ཡི་མིག་ནི་ཡོངས་སུ་ཉམས་

[Full Size]

མི་འགྱུར། །དེ་ལ་མིག་ནད་དག་ནི་མི་འབྱུང་སྟེ། །མར་མེ་ཕུལ་བའི་རྣམ་སྨིན་དེ་ཡིན་ནོ། །ཞེས་དང་། སྤྱན་རས་གཟིགས་ཀྱི་མདོ་ལས། གལ་ཏེ་བརྒྱ་སྟོང་ཁྲག་ཁྲིག་སངས་རྒྱས་ཞིང་། །ཡུངས་འབྲུ་དག་གིས་ཕྱུར་བུར་གང་འགྱུར་པ། །བསྒྲངས་དང་གཞལ་ཞིང་བརྗོད་པར་ནུས། །བདེ་གཤེགས་མར་མེ་གཅིག་ཕུལ་དེ་ལྟར་མིན། །ཞེས་སོགས་རྒྱ་ཆེར་གསུངས་སོ། །བུམ་སྒྲུབ་ཚེ་ནུབ་རེ་ཚོགས་རེ་དགོས་པའི་ཕན་ཡོན་ནི། །བདེ་མཆོག་ངེས་བརྗོད་བླ་མ་ལས། སྐྱེ་བོ་ཉན་ཐོས་དཔག་མེད་ལ། །སྦྱིན་དངབསོད་ནམས་སྤེལ་བ་ལས། །ཚོགས་ཆུང་གཅིག་བྱས་བསོད་ནམས་ཀྱང་། །འབུམ་གྱི་ཆར་ཡང་མི་འཕོད་དོ། །ཞེས་དང་། ཚོགས་ཀྱི་འདུ་བ་ལས། ཚོགས་ཀྱི་འཁོར་ལོ་གཅིག་བསྐོར་ལ། །མུ་གེའི་བསྐལ་པ་དག་ལས་ཐར། །གཉིས་བསྐོར་ན་སྟོང་འཁོར་ལོ་བསྒྱུར་བའི་རྒྱལ་སྲིད་འཐོབ། གསུམ་བསྐོར་ན་གྲུབ་ཆེན་བརྒྱ་ཐོབ། བཞི་བསྐོར་ཧེ་རུ་ཀའི་གོ་འཕང་ཐོབ། ་ལྔ་བསྐོར་ན་དོན་གཉིས་ཕུན་སུམ་ཚོགས་པར་འགྱུར་རོ། །ཞེས་སོགས་གསུངས་སོ། །འདི་ལྟར་སྒྲུབ་ཆེན་དཀྱིལ་འཁོར་ཕོ་བྲང་བཞེངས་པའི་ཕན་ཡོན་རྒྱལ་པོ་གསལ་རྒྱལ་གྱིས་ཞུས་པའི་

[Full Size]

མདོ་ལས། དཀོན་མཆོག་གསུམ་ཕྱིར་མི་རྣམས་གང་དག་གིས། །འཕགས་པ་རྒྱལ་བའི་དཀྱིལ་འཁོར་བྱས་པ་ནི། །རྐང་ལགས་སོར་མི་དྲ་བས་འབྲེལ་བ་དང་། །ཡན་ལག་ཐམས་ཅད་ཀྱང་ནི་སྐྱོན་མེད་འགྱུར། །ཞེས་གསུངས་སོ། །འདི་ལྟར་སྒྲུབ་ཆེན་བྱེད་ཚེ་ཐུན་པ་རྣམས་ལ་གསོལ་བ་དང་ཐུན་ཇི་དྲངས་བའི་ཕན་ཡོན་ནི། གསལ་རྒྱལ་གྱིས་ཞུས་པ་ལས། སུ་དག་རབ་ཏུ་བྱུང་དང་འཚམས་པ་ཡི། ཁ་ཟས་བཟང་པོ་དགེ་འདུན་སྦྱིན་བྱེད་པ། །དེ་དག་འཁོར་བའི་དགོན་པར་གནས་པ་ན། །ཁ་ཟས་ཁ་དོག་རོ་ལ་སོགས་ལྡན་འཐོབ། །སུ་དག་རབ་ཏུ་བྱུང་དང་འཚམས་པ་ཡི། །འཁོར་བར་ཡོངས་སུ་འཁོར་བ་ན། །སྦྱིན་པ་མ་གཏོགས་གཉེན་མེད་པས། བཏུང་བ་རྒྱ་ཆེན་དགེ་འདུན་སྦྱིན་བྱེད་པ། །དེ་དག་འཁོར་བའི་དགོན་པར་གནས་པ་ན། །བཏུང་བ་ཁ་དོག་སོགས་ལྡན་སྣ་ཚོགས་འཐོབ། །ཅེས་དང། སའི་མདོ་ལས། བློ་ལྡན་ཕུན་ཚོགས་འདོད་པ་ཡིས། །རབ་ཏུ་འབད་དེ་སྦྱིན་པར་བྱིན། །ཞེས་སོ། །སྒྲུབ་ཆེན་དུས་ཇ་མ་ལག་བདེ་བ་འདྲེན་པ་སོགས་དད་གུས་ཀྱིས་བྱས་ན། ཕན་ཡོན་ནི། སྐྱེས་བུ་དམ་པའི་མདོ་ལས། དད་པས་སྦྱིན་པ་བྱིན་ན་ཕྱུགས་དང་ནོར་དང་ལོངས་

[Full Size]

སྤྱོད་བྲན་འཁོར་མང་ཞིང་། གུས་པས་བྱིན་པ་དང་། རང་གི་ལག་གིས་བྱིན་པ་དང་། དུས་སུ་བྱིན་པས་ནོར་དུས་སུ་འཐོབ་པ་དང་། ནོར་དང་ལོངས་སྤྱོད་བྲན་འཁོར་མང་བར་གསུངས་སོ། །བུམ་སྒྲུབ་དུས་ཐུན་ཇ་སོགས་དུས་ལ་ཁྲིག་ཁྲིག་འཕྲོད་ན་ཕན་ཡོན་ནི། ཆོས་གསུམ་པའི་མདོ་ལས། དུས་སུ་སྦྱིན་པ་སྦྱིན་བྱེད་ན། །ཤི་ཡང་དེ་ནི་ཤི་བ་མིན། །བརྒྱག་བཟང་པ་ཡི་མགྲོན་པོ་བཞིན། །ཞེས་གསུངས་སོ། །དེ་ལྟར་མ་ཎི་བུམ་སྒྲུབ་ཀྱི་སྒྲུབ་ཆེན་འདི་ནི་ཕན་ཡོན་གང་ཆེ་ཆེ་གཅིག་ཏུ་བསྡུས་པ་ལྟ་བུ་ཡིན་པས། འདི་ལ་ཉམས་ལེན་དང་ཐུན་བཟུང་བ་དང་མཐུན་རྐྱེན་གྱི་དངོས་པོ་སྦྱར། རྒྱུ་བ་རོག་དན་དང་། འཚོགས་ཆུ་ལེན་པ་སོགས་བྱས་ན་ཕན་ཡོན་བསམ་ལས་འདས། འདི་ནི་ཚོགས་གཉིས་རྫོགས་པའི་ཐབས་མཆོག་ཏུ་གྱུར་པ་ཡིན་པས་ཕྱི་རབས་རྣམས་ཀྱི་འདི་ལ་བློ་རྩེ་གཏད་པར་ཞུ་ཞུ། ཞེས་པ་འདི་ནི་ཐུགས་རྗེ་ཆེན་པོའི་རྣལ་འབྱོར་པ་རཱ་ག་ཨ་སྱས་རང་གི་དད་པ་གསོ་བ་དང་། གཞན་ལ་ཕན་པའི་བསམ་པས་སྦྱར་བ་ལ། ཉེས་འགལ་དུ་མཆིས་ན་ལྷ་དང་བཀའ་སྲུང་རྣམས་ལ་བཤགས། དགེ་བས་འགྲོ་ཀུན་བདེ་ཆེན་ཞིང་དུ་སངས་རྒྱས་པའི་རྒྱུར་གྱུར་ཅིག །

[Full Size]

མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་བ་འདུས་པའི་མ་ཎི་བུམ་སྒྲུབ་ཅེས་གྲགས་པ་སྐྱེ་བདུན་མྱོང་གྲོལ་སྒྲུབ་པའི་ཟིན་བྲིས།

[Full Size]

ཐུགས་རྗེ་ཆེན་པོ་གསང་བ་འདུས་པའི་མ་ཎི་བུམ་སྒྲུབ་ཅེས་གྲགས་པ་སྐྱེ་བདུན་མྱོང་གྲོལ་སྒྲུབ་པའི་ཟིན་བྲིས་ཞིབ་རྒྱས་ནག་པོ་འགྲོ་ཤེས་སུ་བཀོད་པ་སློབ་དཔོན་དཔེ་ཡིས་ཆོག་པ་ཡོད་ལགས་སོ།།

[Full Size]

ཐུགས་རྗེ་ཆེན་པོ་འགྲོ་བའི་མགོན་ལ་ཕྱག་འཚལ་ལོ། །མ་ཎི་བུམ་སྒྲུབ་ཏུ་གྲགས་པ་སྐྱེ་བདུན་ཤ་ཡི་སྒྲུབ་པ་འདི་ལ། གཏེར་ཁ་རེ་རེ་ནས་ཕྲན་ཚེགས་རེ་འབྱུང་ཡང་གྲགས་ཆུང་ཞིང་འགྲོ་དོན་ཆེར་མ་བྱུང་བས། དེའི་རྒྱུན་ཡང་སྲིད་ཙམ་ལས་མི་སྣང་། ཐུགས་རྗེ་ཆེན་པོ་ཡང་སྙིང་འདུས་པ་གུ་རུ་ཆོས་དབང་གི་གཏེར་ཀ་འདིས་འགྲོ་དོན་དཔག་ཏུ་མེད་ཀྱང་། ད་དུང་ཡང་ཀཐོག་སོགས་སུ་བུམ་སྒྲུབ་རྒྱུན་ཕྱག་ལེན་ཡོད་པར་སྣང་ཡང་། ཆོས་དབང་ཉིད་ཀྱི་ལུང་བསྟན་ལས། མི་རབས་བརྒྱད་ནས་དབང་ལུང་གི་རྒྱུན་ཙམ་ལས། བྱིན་རླབས་ཀྱི་རྒྱུན་ཆེར་མི་འབྱུང་བར་གསུངས་

[Full Size]

ཤིང་། མི་རབས་བཅུ་ལྷག་སོང་བས་ཧ་ཅང་རྙིང་ཆེས། གྲགས་ཆེ་རྒྱས་ལ་ཚན་ཆེ་བྱིན་རླབས་ཀྱི་སོ་མ་ཉམས། ལྷག་པར་ཀཾ་ཚང་དང་འབྲེལ་ཆེ་བ་ནི་ཐུགས་རྗེ་ཆེན་པོ་གསང་བ་འདུས་པ་འདི་ལགས་སོ། །འདིའི་བུམ་སྒྲུབ་བྱེད་པ་ལ་གཞན་ལུགས་དགག་པ་དང་། རང་ལུགས་བཞག་པ་གཉིས་སོ། །དང་པོ་ནི་གཞན་ཕན་གྱི་བླ་མ་དམ་པ་བྱང་ཆུབ་ཀྱི་སེམས་བརྩེ་བ་སྙིང་རྗེ་ཆེན་པོ་དང་ལྡན་པ་སེམས་ཅན་དཔག་ཏུ་མེད་པ་ཐུགས་རྗེ་ཆེན་པོའི་ཞིང་དུ་བཀོད་པའི་ཐུགས་བསྐྱེད་རྒྱ་ཆེན་པོས། རིལ་བུ་བུམ་སྒྲུབ་འཛུགས་པ་མང་དུ་བྱུང་ཡང་། བླ་མ་དམ་པ་དེ་དག་སློབ་གཉེར་རྐང་རྙིང་

[Full Size]

མ་ལ་མ་བཙུགས་པས་ཕལ་ཆེར་གསར་མ་ཡིན་པས་རྙིང་མའི་སྒྲུབ་ཆེན་སོགས་ཀྱི་ཐུགས་རྒྱུས་ཆུང་བ། འགའ་ཞིག་བླ་མ་དེ་དག་རྙིང་མར་མཁས་ཀྱང་སྐུ་ཆེ་གྲགས་པས། གྲྭ་པ་རྣམས་ལ་བྱེད་དུ་འཇུག་པ་མ་གཏོགས་ཕྱག་ལེན་བླ་མས་མཛད་མ་འཁྱོངས་པ་དང་། འགའ་ཞིག་བློ་མི་ཆེན་པོ་དེས་སྦྱིན་བདག་མཛད་པ་ཙམ་ལས་ཁོང་རང་ལ་བུམ་སྒྲུབ་དབང་ལུང་གི་རྒྱུན་ཙམ་ཡང་མི་བཞུགས་པས། གཞན་ནས་བླ་ཕྲན་འདྲ་བ་བོས་པས། དེ་རང་ལ་ཡང་ཇི་བཞིན་གྱི་ཕྱག་ལེན་མེད་པ་དང་། དེ་ལ་ཡོད་ཀྱང་ཐུན་དཔོན་གྱིས་མ་ལབ། ཐུན་དཔོན་དེས་ལེགས་པར་ཤེས་ཀྱང་། དེའི་རྒྱུན་རྒྱབ་མ་རྣམས་ཀྱིས་འཆུགས་ཤོར་བ་དང་། འགའ་ཞིག་ཤེས་རབ་ཆེ་བས་གསར་མ་སོགས་ནས་མང་དུ་སབ་པས་བཅོས་བསླད་ཀྱི་ཉེན་པར་སོང་བ་མང་དུ་བྱུང་བར་སྣང་། རིན་ཆེན་ཆོས་ཀྱང་དཀོན་ཅིང་རྟག་ཏུ་འཚེ་བ་མང་། །ཞེས་གསུངས་པ་ལྟར། ལྷོང་དང་ཆོ་འཕྲུལ་ཆེ་བར་གྲགས་པ་ནི། སྤྱིར་ཆོས་ཟབ་བདུད་ཀྱི་འཕྲང་དམ། །ཞེས་གསུངས་པ་ལྟར། སྣོད་བཀྲུས་ན་དྲི་མ་ལྡང་ཞེས་པའི་དཔེ། ཚེ་རབས་གཞན་དུ་ངན་སོང་མཐའ་མེད་དུ་འཁྱམས་པའི་ལས་སྒྲིབ་ཐམས་ཅད་སྒྲུབ་པ་ཟབ་མོ་འདིས་དག་སྟེ། ཚེ་འདིར་

[Full Size]

ནད་གདོན་བར་ཆད་ཅུང་ཟད་རེ་རྩ་བ་ནས་དག་སྟེ། ཚེ་རབས་གཏན་བདེ་འགྲུབ་པ་སྡིག་པའི་མཐའ་སྡུད་ཡིན་ཚུལ། གསར་རྙིང་ཁྲིད་རིམ་སྤྱི་ནས་བཤད་པ་ལྟར་ཡིན་མོད་ཅིང་། དེ་ཡིན་པ་ལ་ཡིན་པར་དགོངས་ནས་བུམ་སྒྲུབ་འཛུགས་དུས་ཆོ་འཕྲུལ་ཆེར་བྱུང་ཡང་། མགར་དམ་པ་བས་ནས་ནི་ཐུགས་རྟོགས་ཆེར་བསྐྱེད་ནས་རྒྱུན་མ་ཆད་པར་མཛད་པ་ནི་སྐྱེས་བུ་དམ་པའི་དངོས་རྟགས་ངོ་མཚར་བའོ། །འོན་ཀྱང་ལྷོང་དང་རྩུབ་ཆགས་ཆེ་བའི་རྒྱུ་མཚན་ནི། རང་གར་ཡིག་དྲུག་འདོན་པ་ལ་ཕན་ཡོན་ཆུང་བས་བཟང་ངན་གྱི་རྟགས་འབྱུང་མི་ནུས་པས། སྒྲུབ་ཆེན་བྱས་ནས་མ་འཕྱུགས་ན་ཕན་ཡོན་བརྒྱ་འགྱུར་ཏེ། བྱེ་བ་ཆུང་བ་གཅིག་ལ་དུང་གཅིག་དང་། དུང་གཅིག་ཐོན་ན་དུང་བརྒྱ་ཡིན། ཅི་བཞིན་པ་མ་བྱུང་ན་འཕྲལ་དུ་བར་ཆད་འབྱུང་། བཀའ་གཉན་ནོ། །དེ་ལ་བར་ཆད་མི་འབྱུང་བའི་ཐབས་ནི། ཆོས་ལམ་དུ་འགྲོ་བ་ཞིག་གལ་ཆེ་བས། འདི་ལ་བསྔོས་པའི་སྲོག་བཅད་བཤས་མི་འགྲོ་བ་གལ་ཆེའོ། །ཐུགས་རྗེ་ཆེན་པོས་དུས་རྟག་ཏུ་སེམས་ཅན་ཐམས་ཅད་ལ་ཐུགས་བརྩེ་བས་ཕ་དང་མ་ལྟ་བུ་ཡིན་པས། ཕྲལ་དབུ་ལག་སོགས་བུམ་སྒྲུབ་ལ་དམིགས་ནས་སེམས་ཅན་ལ་

[Full Size]

གནོད་པ་བྱས་ནས། བུ་ཡི་ཤ་བཅད་ནས་མ་ལ་བྱིན་པ་ལྟར་ཐུགས་རྗེ་ཆེན་པོའི་ལྷ་ཚོགས་མི་མཉེས་པས་དེར་མ་སོང་བ་གལ་ཆེ། དབང་མ་ཐོབ་པས་སྒྲུབ་པ་བྱས། གསང་སྔགས་ལོག་པར་སྒྲུབ་པ་ཡིན་པས་ཐུན་པ་རྣམས་ཀྱིས་རབ་དབང་རྒྱས་པ་ཡོངས་སུ་རྫོགས་པ། འབྲིང་བུམ་དབང་རྒྱས་པ། ཐ་མ་གཏོར་དབང་མ་ཐོབ་པ་ཐུན་པའི་གྲལ་མི་བཞག་པ་ག་ལ་ཆེ། དམ་ཚིག་ཉམས་པས་ཐུབ་དབང་གིས། །གསང་སྔགས་འགྲུབ་པར་མ་གསུངས་སོ། །ཞེས་པ་སོ་སོར་ཐར་པའི་སྡོམ་པ་མི་གཙང་བ་དང་། དཔོན་སློབ་འཁོན་ཞུགས་པ་དང་། མི་རྟ་བསད་པ་དང་། ་་དམེ་སོགས་བྱས་པའི་རིགས་མི་བཞག །ཁྱིམ་པ་ཉམས་རྟོགས་ཡོད་ཅིང་ཡིག་དྲུག་མང་དུ་ཐོན་པ་ལག་དམེ་མེད་པ་རུང་། དགེ་སློང་ཚུལ་ཁྲིམས་འཆལ་པ་གཏན་ནས་མི་བཞག །དགེ་ཚུལ་འཆལ་པས་སླར་དགེ་སློང་ཞུས་ནས་བཞག་གཏུབ། དགེ་བསྙེན་ཚུལ་ཁྲིམས་འཆལ་ན། རབ་དགེ་ཚུལ་ཞུ། དེ་མ་རེད་ན་དགེ་བསྙེན་གྱི་སྡོམ་པ་སྤར་ནས་བཞག་རུང་། ་འཚོགས་པའི་རྣལ་འབྱོར་ཕོ་མོ་རྣམས། །མདོ་ལྟར་སྡོམ་གསུམ་ཚུལ་ཁྲིམས་དང་། །སྔགས་ལྟར་རྩ་ལག་དམ་ཚིག་རྣམས། །ཉམས་ཆག་གསོ་ཞིང་སོར་ཡང་

[Full Size]

བཞུགས། །ཞེས་གསུངས་པས། བླ་མས་དང་པོ་ཐམས་ཅད་ལ་སྐྱབས་སྡོམ་གནང་། དེ་ནས་བྱང་ཆུབ་སེམས་བསྐྱེད་བསྡུས་པའི་སྡོམ་ལུང་གནང་། དེ་ནས་དབང་རྒྱས་པ་བསྐུར་ཐོན་ན་ལེགས། དེ་ཙམ་མ་ཐུབ་ན་ཐུགས་རྗེ་ཆེན་པོའི་གཏོར་དབང་གནང་བས་དེ་ཐམས་ཅད་འདུས། དེ་ནས་རྡོ་རྗེ་སེམས་དཔའི་སྒོམ་ལུང་གནང་བས་ཞིག་ཁར་ཡར་བསྒྲུབས་པས་སྟ་གོན་ཆ་ལག་བསྒྲིགས་ཚེ་ཡིག་བརྒྱ་འདོན་བཅུག །ཡིག་བརྒྱ་མི་ཤེས་པ་གདའ་ན། ཨོ་བཛྲ་སཏྭ་ཧཱུྃ། ཞེས་རྡོར་སེམས་ཀྱི་སྙིང་པོ་བཟླས་བཅུག་སྟེ། འཚོགས་པ་སྤྱི་སོ་ནས་འབུམ་ཐེར་ཙམ་འགྲུབ་ན་བར་ཆད་མི་འབྱུང་བའི་རྟགས་ཚན་གསལ་བས་གནད་ཚེ། བུམ་སྒྲུབ་བཙུགས་ནས་མགར་དམར་འདི་སྒྲུབ་མི་དགོས་པར་ཤུགས་ཀྱིས་འཁོར་འོང་ཞིང་། དམ་ཅན་གྱི་སྒབ་འདྲེ་ཡང་དམ་ཅན་གྱི་ནུ་བོ་ཡིན་པས་མཉམ་དུ་ཕྱིན་འོང་ནས་གནོད་པས། དམ་ཅན་སྒབ་འདྲེ་སྤྱན་གསུམ་མནན་པ་ཐོན་ན་བཀྲ་ཤིས་མ་ཐོན་ན་སྦྱིན་སྲེག་བླུགས་གོ །བཀའ་སྲུང་མང་དུ་ཡོད་པ་ལ་གཏོར་མ་བསྔོས་ན། གཉེར་པ་ལ་མ་བསྟུན་པར་གཉེར་ཚང་ནས་སེ་ར་རྩིས་ཆེན་ལོངས་སྤྱོད་ན་གཉེར་པ་ཁྲོ་བ་དང་འདྲ། ཆོས་བདག་ཁོང་རྣམས་

[Full Size]

ཡིན་པས། དེ་ཚོ་ལ་བསྐང་གསོ་རབ། ཐ་ན་ཡང་གཏོར་མ་ཁ་བསྔོས་རེ་མེད་ན་ངེས་པར་སྐྱོན་འོང་ངོ་། སྒྲུབ་ཆེན་གཞུང་ནས་གསུངས་པའི་སྔོན་འགྲོ་རྣམས་གོ་རིམ་གོང་འོག་སོང་བས་སྐྱོན་མེད་དེ། གསུངས་ལུགས་ཁྱད་ཡིན་སྟབས་གང་བདེ་ཆོག་གོ །དང་པོ་རིལ་བུ་སྔ་ཚེ་མ་བསྒྲིལ་ན་རུལ་ཤོར་བའི་ལོ་རྒྱུས་གདའ་བས་སྐམ་ཐག་ཆོད་དགོས། དེ་ལ་རུ་རྩི་སྔར་གྱི་རིལ་བུ་དང་རུ་རྩི་ཨ་མ་འདི་རྣམས་བྱ། དེ་ལ་ཨོ་རྒྱན་གྱི་ལུང་བསྟན་ནས་ཡོད་པའི་སྐྱེས་བུ་དམ་པ་ཐམས་ཅད་ཀྱི་སྐུ་ཤ་དང་གདུང་ཐལ་རུས་ཤངས་མཚལ་ན་བཟའ་གསང་ཆབ་སོགས་གང་རྙེད་བསྲེ་བ་ལག་ལེན་ཏེ། སྐུ་དངོས་དེ་མཁས་བཙུན་བཟང་གསུམ་འཛོམ་པ་དང་རང་ལ་བཀའ་དྲིན་ཆེ་བ་ཡིན་ཀྱང་། ཨོ་རྒྱན་གྱི་ལུང་གིས་མ་ཟིན་ན་བསྲེ་མི་རུང་སྟེ། དེའི་ཚེ་རབས་མང་པོའི་སྐྱེ་རྒྱུད་དང་། སྨོན་ལམ་གྱི་མཐའ་ཅི་ཡོད་མི་ཤེས་པས། དེ་བསྲེས་ན་འོ་མ་ལ་སྐྱུར་སོང་ན་རུལ་བ་ལྟར་མི་འབྲུབ་པའི་གེགས་བྱེད་པས། སྤྱིར་དག་སྣང་ཆེ་བ་མཆོག་ཡིན་ཀྱང་རིལ་བུའི་རུ་རྩི་དུས་རྣམ་རྟོག་དང་ཐེ་ཚོམ་མང་བར་བྱེད་པ་གལ་ཆེ་ཆེ། ཀཿཐོག་དང་དཔལ་འབར་དགོན་དུ་ཡང་། དང་པོ་རིལ་བུ་མང་པོ་དང་རུ་རྩི་བསྡུས་པ། ཕྱིས་ནོར་བའི་ཉེན་

[Full Size]

ཡོད་པར་དོང་དུ་སྦ་དགོས་བྱུང་རབ་སྣང་ངོ་། །གཏེར་ཀ་འདིའི་ཆོས་བདག་གི་གཙོ་བོ་རྗེ་ཆོས་གྲགས་རྒྱ་མཚོ་དང་འབྲུག་པ་རྒྱལ་དབང་ཆོས་རྗེ་གཉིས་ཡིན་ཞིང་། ལྷག་པར་ཐུགས་རྗེ་ཆེན་པོ་འདིའི་ཆོས་བདག་ཆོས་གྲགས་རྒྱ་མཚོ་ཡིན་པས། དེའི་ན་རིམ་གྱིས་བྱིན་རླབས་རྟེན་གང་རྙེད་རུ་རྩིའི་མཆོག་ཡིན་ནོ། །དེ་ལྟར་བྱིན་རླབས་གང་རྙེད་ཞིབ་པར་བཏུལ༔ སྨན་བཟང་དྲུག་གླ་རྩི་ས་སྐྱ་དང་འབྲི་གུང་བའི་བདུད་རྩི་རིལ་བུ་སྔོ་རྟག་ངུ། དབང་པོ་ལག་པ། ཡབ་སྲས་ལྟ་བུའི་གསང་ཆབ་བྱ་རྒོད་ཀྱི་ཤ་མ་རུལ་བ། རྙེད་ན་གདུང་རྒྱུད་བཟང་པོའི་བྱིས་པ་ནད་ངན་པ་མིན་པར་ཤི་བའི་ཤ། དེ་རྣམས་བསྲེ་ལ་ཕྱེ་མ་མང་དུ་བྱ། དེ་ནས་འབྲས་སམ་གྲོ་གཉིས་གང་རུང་རྒྱུད་ནས་གསུངས་པས་འབྲས་རྙེད་ན་བཙོ་སྟེ་ཤིན་ཏུ་ཚོས་ན་འབྲས་ཀྱི་འབྲུ་ཞིབ་པར་བྱས་ཏེ། ཆུ་ཆོད་པར་བྱས་ལ་དེ་བསྣག་ནས་འབྲས་ཟན་བྱེད་པ་ཡིན་པའི་གསུང་རྒྱུན་གདའ་ནའང་། ལག་ལེན་མི་གདའ། དེང་སངས་ཁམས་འདིར་འབྲས་དཀོན་པས་གྲོ་ཞིབ་པར་བརྟགས་ལ། དེ་རས་ཀྱི་སྟེང་དུ་བརྡལ་བས་རས་ཕྱི་བའི་ཞིབ་བུ་དེའི་གྲོ་ཟན་སྤག་ལོ་བྱས། དེ་ལེགས་པར་བཙོ་བའི་གྲོན་མོ་དེ་བཙུན་པ་ཁྲིམས་གཙང་བ་མང་པོ་

[Full Size]

ཕྱག་བཀྲུས། ཁ་རས་ཀྱིས་དཀྲིས་ལ་སྣོད་གཙང་མར་བྱིན་རླབས་རྟེན་གྱི་ཕྱེ་མ་དེ་བཏབ་ཅིང་འདྲེས་ངེས་བསྣག་དེ་གོང་དུ་ཕོར་པ་ཙམ་མང་དུ་བྱས་ལ། རས་གཙང་མ་ཆུར་སྦང་བས་དཀྲིས་ལ་བཞག །དེ་ནས་རིལ་བུ་སྲིན་མ་རློན་པ་ཙམ་བསྒྲིལ་ཏེ། རེ་ཞིག་གྲིབ་མ་ནང་དུ་རས་སྟེང་དུ་སྐམ་བཅུག །བུམ་སྙིང་རིལ་བུ་ཤིན་ཏུ་ཆེ་བའི་བརྒྱ་བསྡོམས་གཅིག་གམ་ལྔ། །བཅུ་བསྡོམས་མང་བ་ལ་ཡིག་དྲུག་གི་ཐེལ་བརྒྱབས་པ་མང་པོ་བྱ། ་ཤོག་རེད་ཡག་རེད་པ་དང་ལྷུང་བཟེད་ནང་དུ་ཧ་ཅང་མི་མང་བར་བླུགས། རས་ཀྱིས་གཏུམ། བཙུན་པ་མང་པོས་རིལ་ཆག་ནན་ཏན་བྱ། སྐམ་ཐག་མ་ཆོད་པར་མཚལ་ཕྱེ་བཏབ་ན་རིལ་བུ་སྣུམ་ཞད་ཆུང་བ་གཅིག་འོང་། གཞུང་ནས་སྐྱེར་པའི་ཁནའི་ཁུ་བ་དང་གུར་གུམ་གྱི་ཁུ་བ་གསུངས་ཀྱང་། ཕྱག་ལེན་ལ་ཟར་མའི་ཁུ་བས་བྱེད་སྲོལ་གདའ་ལྟར། མཚལ་སྐྱོས་ལ་རིལ་བུ་སྐམ་ཐག་ཆོད་པ་དང་བླུགས་ནས་ཡང་རིལ་ཆོག་བྱས་ན། མཚལ་འགྲོ་ཆེ་སྟེ་རིལ་བུ་སྣུམ་ཧྲུག་གེ་བ་འོང་། དེ་ནས་སྣོད་གཅིག་ཏུ་བླུགས་ལ་གེགས་མི་འཇུག་པའི་ཕྱིར། སློབ་དཔོན་གྱིས་རྟ་མགྲིན་གྱི་སྔགས་ཕྲེང་སྐོར་ཙམ་གྱིས་ཞལ་ཕུ་རབ་གནས་བྱས་ལ་བཞག་གོ །དེ་ནས་བུམ་པ་ནི་ས་གཅིག་ཏུ་

[Full Size]

བརྟག་ན་རྫའི་བུམ་པ་སྙེམ་པ་བཅོ་བརྒྱད་ཤོང་བ་ལས་མི་ཆུང་བ། ཁག་མང་པོར་གྱེར་ན་ཟངས་ཀྱི་བུམ་པ། རྫ་ཡིན་ན་དཀར་པོ་བྱུགས། རིལ་བུ་མང་ན་བུམ་པ་ཆེ་ཆུང་ལྔ་བྱའོ། །ལྷུང་བཟེད་ནང་དུ་བཞག་པ་སོགས་ནི་མི་འཐད། བུམ་པ་གཅིག་ཡིན་ན་རིགས་ལྔའི་ཕྱག་མཚན་བྲིས་སམ་ཙཀ་ལི་བཏགས། ལྔ་ཡོད་ན་ཕྱག་མཚན་སོ་སོར་བྲི། བུམ་པ་ལ་སུམ་བྷ་ནི་བརྗོད་ཅིང་ཡུངས་དཀར་བྲབ། གུ་གུལ་བདུག །དེ་ནས་རིལ་བུ་དྲིལ་བུ་ཞིག་ལ་མཇལ་ནས་དུ་སོང་ཡི་གེར་བྲིས་ལ་བུམ་པ་རྣམས་སུམ་གཉིས་དགང་རུ་གཅིག་སྟོང་པར་བཞག །བུམ་སྙིང་རིལ་བུ་རུ་རྩི་རྣམས་དཀྱིལ་དུ་བཅུག །བརྒྱ་དོ་རྣམས་ཀྱང་བཅུག །ཁ་དཀྲིས་ཁ་བཏགས་སོགས་ཀྱིས་གཏུམ་ཀུ་ཤ་རྨ་བྱའི་མདོངས་རྣམས་ཁ་ཐག་སྟེང་ནས་ནང་དུ་བཅུག །མགྲིན་པ་དར་གྱིས་བཅིངས་པར་ཐིལ་བརྒྱབ། སྟེང་དེར་གཟུངས་ཐག་རྡོ་རྗེ་དུང་ཆོས་གཉིས་ཀྱང་ཀུ་ཤ་ལ་བཏགས་མི་བྲུལ་བར་བསྡམས། བུམ་པ་རེ་ལ་རིལ་བུ་བདུན་རེ་ཡིན་ཟེར་བ་དང་། བཅོ་ལྔ་ལས་མང་མི་རུང་ཟེར་མཁན་སྣང་སྟེ་མི་བདེན། རཏྣ་གླིང་པས་རིལ་བུ་ཏྲེ་བཅོ་ལྔ་ཙམ་དང་པོ་སྒྲུབ་པའི་ལོ་རྒྱུས་དང་། སྤུ་བོ་སོགས་སུ་རིལ་བུ་ཤ་སྒྲོ་དོ་གང་

[Full Size]

བྱེད་སྲོལ་ཡོད་པར་སྣང་བས། འགྲོ་དོན་ཁྱབ་གང་ཆེ་ཡིན་པས་མང་ཚུགས་བུམ་པར་ཤོང་ན་ལེགས། བུམ་ཕྲིན་བཞི་དང་དགུ་ཡང་རུང་། བུམ་པ་ལྷ་གྲངས་ཀྱང་རུང་ངོ་། །དེ་ཡང་རུ་རྩིའི་བྱིན་རླབས་རྟེན་བསླད་མེད་རྣམས་སྲན་མ་ཙམ་རེ་ལ། གྲོའམ་འབྲས་ཕྱེ་ཕུལ་རེ་ཙམ་སྦྱར་བ་ནི་ཚད་ཡིན་ནོ། །དེ་ནས་ལ་ལས་སཱཙྪ་བླ་མའི་ལོ་གྲངས་སུམ་འགྱུར་བས་མི་ཉུང་བ་གདབ༔ ལ་ལས་ཆུ་གཏོར་གང་མང་བཏང་། ལ་ལས་བརྔན་བསང་རྒྱས་པ་བཏང་། གསར་སྙིང་གང་རུང་ལྟར་གསེར་སྐྱེམས་འབུལ། སྒྲུབ་ཆེན་ལྟར་མདོ་སྣ་་སྒྲུབ་ཁང་ཕྱོགས་བཞིར་ཚར་རེ་འདོན། མ་རྙེད་ན་ཞལ་ནས་གསུངས་པའི་མདོ་གང་རྙེད་འདོན། དགེ་སློང་བཞི་ལ་དྲོ་དྲངས་ལ་དཀོན་མཆོག་རྗེས་དྲན་སོགས་གཞུང་ལྟར་བྱ་འཇུག །མི་ནག་སྤྲང་པོ་རྣམས་ལ་ཟས་སྦྱིན། བྱིས་སྦ་རྣམས་བསྡུས་ལ་ཟས་སྦྱིན། ལྷ་བཟོ་ལ་རྒྱལ་ཐོ་དང་ཙཀ་ལི་བྲི་བ་སོགས་དེ་རྣམས་སྔ་ཚེ་ནས་གང་ཐོན་བྱའོ། །དེ་རྣམས་སྟ་གོན་སྔོན་དུ་བྱ་བའོ། །སེང་ལྡེང་ངམ་སྐྱེར་ཕུར་སོར་བཞི་གཉིས། ལྕགས་སམ་སེང་ལྡེང་ངམ་སྐྱེར་ཕུར་མཐོ་རེ་བ་བཅུ།། གཞན་ཕུར་པ་ལེགས་པ་གཅིག །ཕུར་པ་གང་རྙེད་གཉིས་གསུམ་ཙམ།

[Full Size]

བོང་བུའི་ཆུ་སྡོང་ལ་འུག་པའི་མགོ་བཏགས་པའི་ཐོ་བ་རྙེད་ན་རབ། མིའི་རྐང་ལག་གི་རུས་པ་མི་ལྤགས་ཀྱི་ཤར་མོ་བཏགས་པས་ཀྱང་རུང་། མ་རྙེད་ན་ཕུར་པས་ཆོག་སྟེ། ཉུལ་ལེ་བསྐྲད་པའི་རྫས། དམ་སྲིའི་ལིངྒ་བྲི། དེ་བཅུག་པའི་ཧོམ་ཁུང་། ཐུན་རྒྱུའི་ཡུངས་ཀར་དང་ཡུངས་ནག །དུར་རྡོའམ་རྦབ་རྡོའི་ཕྱེ་མ་མང་པོ། དུར་རྡོའི་རྡོ་ལེབ་ལ་རོ་སོལ་གྱི་རྡོ་རྗེ་རྒྱ་གྲམ། ཁ་ཡ་ན་རི་རབ་གླིང་བཞི་བྲིས་པ། རྒྱལ་མཚན་བཞི། མདའ་དར་བཞི། མེ་ལོང་བཞི། སྟག་གཟིག་གི་སྒབ་སྐོར། ཚོན་སྐུད་དྲྭ་བ། གཟུངས་ཐག་ཕྱོགས་ཐམས་ཅད་དུ་འཐེན་པ་གུར་གྱི་བྱ་ལག་འདྲ་བ། ཁྲུས་བུམ། ཡོད་ན་ཁྲོ་འབགས་དཀར་ནག་གཉིས། འཆམ་གོས་ལྔ་ལས་མི་ཉུང་བ། དེའང་མཉམ་པའི་མ་རལ་དབུ་རྒྱན་ཚེ་མདའ་དར། གཡུ་བཀྲག་བཟང་ཤྭ་དང་དུང་བཏགས་པ། དམ་ཅན་རྟེན་མདའ་འུག་སྒྲོ་མ་དར་དམར་བཏགས་པ། སྙུག་རྒོད་རྔ་ཁྲབ་མེ་ལོང་བཏགས་པ། ར་ཚིལ་གྱི་གསུར་རྒྱུན་རྣམས་སྔ་ཚེ་ནས་འཛོམ་པར་བྱའོ། །དེ་ནས་བུམ་ཁང་གང་བྱེད་དེ་དཀྱིལ་འཁོར་བསྐོར་བ་ཉན་སར་ས་བརྟགས་བསླངས་བྱས་ལ་སྟེགས་བུ་འདོམ་གང་དང་མཐོ་གང་། ཚད་འདོམ་གང་

[Full Size]

གྲུ་གང་ཆེ་ཚད། འདོམ་གང་ཆུང་ཚད་དེ། དང་པོ་མར་ཁྲུ་གང་བརྐོས་པར་ཡར་བརྩེགས་ཏེ། ཁྲུ་གང་བས་མི་དམའ་བ་བརྩེགས་ཏེ། དེ་འོག་ཕྱོགས་བཞི་དབུས་ལྔར་བུམ་ཆུང་ལྔ་འབྲུ་སྣ་རིན་པོ་ཆེ་སོགས་ཀྱིས་བཀང་བ་དང་པོ་ནས་སྦྱའོ། །གྲུ་བཞི་དབུས་ཅུང་ཟད་མཐོ་བ། ཤར་དམའ་ཞད་ཅན་བྱ། བ་དམར་གྱི་ལྕི་བ་གཅིན་འོ་མ་བསྲེས་པའི་ཆུས་ཞ་ལ་བྱ་བ་སྔ་ཚེ་ནས་སྐམ་ཐག་ཆོད་པར་བྱ། མ་སྐམ་ན་སོག་མའི་མེ་འབུད། དེ་ནས་ཐིག་དང་རྡུལ་ཚོན་འགྲུབ་ན་ལེགས། ལྷ་བཟོ་ཡོད་ན་དེ་ལ་དཀྱིལ་འཁོར་བྲི། མ་འཛོམས་ན་རས་བྲིས་སོ། །རྟེན་འབྲེལ་གྱིས་ཐིག་ཆེན་བརྒྱད་གདབ། རྡུལ་ཚོན་རྟེན་འབྲེལ་ཙམ་ཕྱོགས་མདོག་བཏབ། དེ་སྟེང་རས་བྲིས་བཏིང་། རས་ཀྱི་ཞལ་ཁེབས་བྱ། དེ་ཚོ་བྱེད་ཚེ་ཐུན་པ་རྒྱུན་འདུག་རྒྱུ་རྣམས་ཡིག་བརྒྱ་ཁོ་ནས་ཐུགས་དམ་བྱེད་འཇུག །དེ་ནས་རྒྱལ་ཐོ་བཙུགས་པ་སྤྲོས་བཅས་བྱེད་ན་འཚམ་དང་བཅས་པས་ཕྱོགས་བཞིར་བཙུགས། བསྡུ་ན་འཆམ་མེད་ཀྱང་རུང་། དམ་སྲི་མནན། སྒོ་བྱང་བཏགས། དེ་ནས་ཕྱི་རྒྱབ་མི་གཏུགས་མཚམས་ཡིན། སྒོ་རྩར་ཐོ་དཀར་པོ་ཞིག་གི་རྩར་ཡུལ་ལྷ་སྤྱི་དང་གནས་བདག་ལ་དཀར་གཏོར་བསྔོས་ལ།

[Full Size]

ཕྱིའི་བར་ཆད་ནང་དུ་མི་བཏང་། ནང་གི་དངོས་གྲུབ་ཕྱིར་མ་བཏང་ཞེས་བཀའ་བསྒོ། བགེགས་གཏོར་སྤྱི་ལྟར་བཏང་ལ་སྒྲུབ་ཁང་དུ་ཐུན་བྲབ། གུ་གུལ་བདུག །ཐུན་པ་ཐམས་ཅད་ཡན་ལག་ལྔ་ཁྲུས་བྱ། གོས་སྟན་ཐམས་ཅད་གུ་གུལ་བདུག །ཐུན་དཔོན་དཀྱིལ་འཁོར་གྱི་ཤར་དུ་འདུག་པ་དང་། དེའི་རམ་བུ་བ་རྣམས་དེ་དང་མཉམ་དུ་འདུག་པ་ཐུན་པ་ཐམས་ཅད་ཕྱོགས་ཐམས་ཅད་ནས་བསྐོར་ཏེ་མལ་ས་སྤོ་བ་དང་། སྟན་སྤྲུག་མི་ཉན་པས་དེ་ལུགས་ལེགས་པར་བཟོ། དང་པོ་ཁྲུས་བྱས་ནས། དེ་ནས་ཁྲུས་དང་ཁ་ཆུས་བཤལ་མི་རུང་བས། གལ་ཏེ་འདོད་ན་ལས་བུམ་དུ་རྟ་མགྲིན་དང་བདུད་རྩི་འཁྱིལ་པར་བསྐྱེད་བཟླས་བྱས་པའི་ཆུས་ནི་རུང་ངོ་། ཐུན་དཔོན་གྱི་གཡས་གཏོར་སྒམ་ནང་དུ་བླ་མ་དབུས། ཡི་དམ་གཡས། མཁའ་འགྲོ་གཡོན། དེ་ནས་ཆོས་སྐྱོང་སྤྱིའི་གཅིག །དེ་ནས་དམ་ཅན་སོགས་བཀའ་སྲུང་སོ་སོའི་གཏོར་མ་གང་བདེར་ལེགས་པར་བཤམས་ཏེ། རྒྱུན་ཏུ་འཇོག་ན་ཨ་བསྣོ་ཆུ་མ་འདྲེས་པ་ལ་བྱས་ན་མི་རུལ། དེ་རྣམས་ནམ་ཡང་མི་བསྒུལ་ལོ། །དེ་ནས་མཚམས་ཁོང་དེར་གཏུག་ཏུ་དགོས་པ་དེར་འཛོམ་པར་བྱ། མ་འཛོམས་ན་དེའི་མིང་ཡིག་དང་རྡེའུ་རེ་

[Full Size]

བཞག །དེ་ལྟར་བྱས་པ་དེ་མང་པོ་གཏུགས་ཀྱང་སྐྱོན་མེད། དེ་མིན་པའི་ངོ་སར་མཚམས་ཁང་དུ་མི་གཏུག །མི་གཏུག་ཁ་མེད་བྱུང་ན་སྒོ་རྩར་ལས་བུམ་གྱི་ཁྲུས་བྱ། ཐུན་བྲབ། གུ་གུ་ལ་བདུག་ན་རུང་ཙམ་མོ། །དེ་ཡང་དམ་ཚིག་གཙང་ལ་དབང་ཐོབ་པ་ཡིན་ན་དྲག །མིན་ན་ཁོ་རང་ལ་ངན་ནོ། །དེ་ནས་ཁྲོ་བཅུའི་ཕུར་མཚམས་བཅད་ལ། ཕུར་པ་གཞན་ལུགས་ལ་སྒྲུབ་ཁང་གི་ཕྱོགས་བཅུར་བཀྲམས་ཀྱང་རུང་མོད་ཀྱང་། དཀྱིལ་འཁོར་གྱི་ཕྱོགས་མཚམས་བརྒྱད། སྟེང་འོག་གཉིས་ཤར་ནུབ་ཏུ་བཀྲམ་སྟེ། ཕུར་གདན་སའི་གྲུ་གསུམ་རེ་ལ་བཙུགས། དེ་ནས་སྒྲུབ་ཆེན་གཞུང་ལྟར་བུམ་པ་སོགས་རྫས་བཀོད། འདི་ནས་ཐུན་བཟུང་ཆོག་སྟེ། འདོན་ལུགས་ཕྱག་ལེན་ལྟར་བསྒྲིགས་ནས་འདོན་དགོས་ཀྱི་ཡིད་འདོན་མི་བྱ་སྟེ། རྒྱུད་ལས་ཚངས་པ་ལྷའི་སྐད་ལྟར་བཟླ། ཞེས་གསུངས་སོ། །དེ་ནས་ཐུན་དཔོན་གྱིས་ནམ་ལངས་ནས། ལས་བྱང་འཛབ་དགོངས་ཡན་ཐུན་གཅིག་འདོན་ཏེ། ལྷ་བསྐྱེད་དུས་གཙོ་བོའི་ལྷ་བུམ་སྒྲུབ་ཚིགས་བཅད་མ་དེ་སབ། ལས་བྱང་གི་དེ་སྒྱུར། ལྷ་བསྐྱེད་རྫོགས་ནས་བུམ་བསྐྱེད་འབྲུ་གཉིས་སབ། དེ་མིན་ལས་བྱང་གཞུང་ལྟར་འདོན། རིག་འཛིན་

[Full Size]

བྱིན་འབེབས་འདོན་པ་སྲོལ་ལོ། །བུམ་སྒྲུབ་ཚིག་ལྷུག་མས་ཐུན་པ་ལ་དམིགས་པ་སྤྱོད་དོ། །ཉིན་གུང་ཐུན་ལ་ལས་བྱང་ཕྱག་རྒྱ་གར་མཆོད་ཡན་འདོན། དེ་མིན་ལས་བྱང་སྒྱུར་ལ་མཆོད་འབུམ་འདོན་ནོ། །མཚན་འབུམ་འདོན་མི་གཅིག །ཉུལ་ལེ་བསྐུད་མི་ལྷ་གང་རུང་གིས་བསྙེན་སྒྲུབ་ཐེམ་པ་ཞིག་ཡོད་ན་ལེགས། མེད་ན་དགོང་ཀའི་ཐུན་ལ་ལས་བྱུང་ཚར་གཅིག་འདོན། འཛབ་དགོངས་སྐྱུར་ལ་མཚན་འབུམ་རྒྱས་བསྡུས་ཅི་ལྕོགས། དགོང་མོ་དམིགས་པ་སྤྱོད་ལ། ཡིག་བདུན་ཕཊསྦྱར་བའི་ཕྲེང་སྐོར་ཡ་ཟུང་འདོན། དེ་ནས་གཏོར་བསྔོས་རང་ཏང་གི་གང་ཤེས་རྣམས་དང་། ལྷ་གཞུང་གཞན་ཆག་མེད་གང་ཡོད་འཛུད་རུང་སྟེ། རྒྱལ་བ་གཅིག་གི་དཀྱིལ་འཁོར་དུ། །རྒྱལ་བ་ཀུན་གྱི་ཕྲིན་ལས་བྱ། །བདེ་གཤེགས་སྤྱི་སྒྲུབ་ཀུན་གྱི་ངང་། །ཞེས་གསུངས་ཤིང་། དེའི་དོན་གྱིས་ཡི་དམ་གསར་རྙིང་རང་གི་ཆག་མི་རུང་བ་གང་ཡོད་འདོན་ཏེ། དེ་ཐམས་ཅད་ངོ་བོ་ཐུགས་རྗེ་ཆེན་པོ་དང་དབྱེར་མེད་ཤེས་པ་གལ་ཆེ་སྟེ། ཕྱོགས་བཅུ་དུས་གསུམ་སངས་རྒྱས་རྣམས། །ཐུགས་རྗེ་ཆེན་པོར་མ་གྱུར་མེད། །དེ་ཉིད་སྐུ་གསུང་ཐུགས་བཅས་པ། །གསང་འདུས་རྒྱུད་འདིར་མ་

[Full Size]

འདུས་མེད། །ཅེས་གསུངས་སོ། །བཀའ་སྲུང་ཐམས་ཅད་རྒྱས་པར་འདོན་པ་གལ་ཆེ། དེ་ཡི་མན་ངག་མདུན་བསྐྱེད་གསང་འདུས་ཀྱི་དཀྱིལ་འཁོར་གྱི་ཕྱི། རྡོ་ར་པད་ཕྲེང་གི་ནང་བར་ཁྱམས་དེར་ཡི་དམ། ཆོས་སྐྱོང་གང་འདོད་དཀྱིལ་འཁོར་སོ་སོ་དང་བཅས་པ། དཔེར་ན་མཁར་ཆེན་པོ་གཅིག་ལ་ཁང་པ་མང་པོས་བསྐོར་བ་ལྟར་བསྒོམ་པ་ཡིན་ནོ། །དེ་བྱས་པས་མཆོད་པ་ཚོགས་འཁོར་སོགས་ཀྱང་གསང་འདུས་དེ་ལ་ཐམས་ཅད་ཚང་བར་གྱུར་རོ། །མཚན་ཐུན་ལས་བྱང་ལྟར་ཚར་གཅིག །གཏོར་འབུལ་ལ་རང་གི་ཆོས་སྐྱོང་གང་ཡོད་བསྔོ་རུང་། །དཀར་གཏོར་ལ་གཞི་བདག་གང་དགོས་ཁ་བསྔོས་བྱའོ། །རྟ་བྲོ་རྒྱུན་དུ་བྱའོ། །བཤམས་ལུགས་ལྡེང་ཁྲི་ལྔ་བརྩེགས་ནི། དབང་དང་སྒྲུབ་ཆེན་སྦྲག་དུས་དེ་ལྟར་ཡིན་གྱིས། བུམ་སྒྲུབ་ལ་དེ་མི་དགོས་པར་གཞུང་ན་གསལ་ལོ། །དེ་ནས་ལྡིང་ཁྲི་ལྔ་བརྩེགས་མ་གྲུབ་ཀྱང་གནད་ཆུང་། ཙཀ་གདུགས་གཞུང་ན་ཡོད་བཞིན་ཕྱག་ལེན་རྒྱུན་པར་གདའ་བས། །ཙཀ་གདུགས་བྱས་ནས་ལྡིང་ཁྲི་ལྔ་བརྩེགས་བཤམ་མི་བདེ་བས། དཀྱིལ་འཁོར་སྟེང་དུ་བུམ་གདན་རས་གཙང་མ་ལ་འབྲུ་སྤུངས་ནས་བུམ་པ་གཅིག་གམ་ལྔ་བཤམ་མོ། །དེའི་གཡས་སུ་

[Full Size]

བྷནྡྷའི་མར་ཁུ་ནང་དུ་ཆང་བླུགས་ཀྱང་རུལ་འགྲོ་བས། མར་ཁུའི་ནང་དུ་བདུད་རྩི་རིལ་བུ་སོགས་དངོས་གྲུབ་རྫས་གང་འཛོམ་དང་། ཟན་ཆང་ལ་ཟེར་སྐམ་པོ་བཏབ་ལ་དར་དམར་གྱིས་ཁ་བཀབ། མེ་ལོང་སིན་དྷུ་རའི་དཀྱིལ་འཁོར་གྱིས་ཁ་བཀབ་བོ། །གཡོན་དུ་བྷནྡའི་ནང་དུ་མར་ཁུ་ནང་དུ་ཁྲག་གཙང་མ་སྐམ་པོའི་ཕྱེ་རཀྟའི་རུ་རྩི་བཏོབ། རྡུལ་མི་འགྲོ་བའི་ཁ་བཀབ། དེའི་རྒྱབ་ཕྱོགས་བཞིར་ལས་བཞིའི་གཏོར་མ་དང་། མདུན་དུ་གཏོར་མ་རིན་ཆེན་འབར་བ་ཆེ་ན་ལེགས། གང་བདེར་ཚེ་གཏོར་ཚེ་རིལ། དེ་རྣམས་སྒྲུབ་རྟེན་ཡིན་པས། དང་པོ་བྲན་ནས་གསོ་བྲན་མི་དགོས། དེ་རྒྱབ་མཆོད་པ་སྣ་བདུན་ཚར་བཞི། ཟུར་བཞིར་མར་མེ་རྒྱུན་འབར་བཞི། དེ་ནས་རྒྱབ་ཟུར་བཞིར་རྒྱལ་མཚན་བཞི། ཚོན་སྐུད་བྲེ། སྟེང་དུ་ཙཀ་གདུགས་ཡོད་ན་བཀྲམ། མེད་ན་ལྷ་གྲངས་ཧྲག་བསྡུས་བུམ་པའི་ཁ་རྒྱུན་འཛུགས། ཤེལ་དང་ཡིག་བདུན་གསེར་གྱིས་བྲིས་པ་གཙོ་བུམ་སྟེང་དུ་བཞག །སྟེང་དུ་བླ་བྲེའི་གདུགས་ཕུབ། རལ་གྲི་བཞི། རྒྱལ་མཚན་བཞི་མཉམ་དུ་བཅིངས། ཕྱི་ཟུར་བཞིར་མཆུ་ལྡང་བཞི་གསུངས་པ་ནི། ཨ་འགུ་ཟེར་བའི་སྣུམ་འགྱུ་བཞི་སྟེ། དོན་ལ་ནུབ་ཇ་

[Full Size]

སོགས་འདྲེན་དུས་གསལ་ཚད་ཡིན་པས་རྟེན་འབྲེལ་མེ་རུ་བཞི་བཤམས་ཀྱང་ཆོག་གྱུར་འདུག །ནུབ་མོ་ཚོགས་འཁོར་རེ་བྱ་ཚོགས་ཤ་ཚོགས་ཆང་མ་གཏོགས་པའི་ཤ་ཆང་མི་འགྲིམ་སྒྲུབ་པ་བཙུགས་ནས་མ་གྲོལ་བར་གསར་མ་དང་མི་འདྲ། ལྷ་གཤེགས་པ་དང་དཀྱིལ་འཁོར་བསྡུ་ཆོག་མི་འདོན། ཉལ་ཁ་ལུས་སྦྱིན་དམིགས་རིམ་ཆག་མེད་འདྲ་ཡོད་ན་ནི་རུང་། མེད་ན་ནི་དགོས་རྒྱུ་མིན། ཐུན་གྱི་ཐུན་མཚམས་དང་། ཐུན་པས་ཐུན་རྗེ་རེས་སྐབས་སུ་ཆོས་སྤྱོད་དང་། ལྷ་གཞན་གྱི་བསྙེན་པ་ཆག་མེད་འདྲ་ཡོད་ན་རུང་། ཐུན་པ་ཐམས་ཅད་ངག་བཅད་ན་ཤིན་ཏུ་ལེགས། དེ་མ་གྲུབ་ཀྱང་དོན་ཆུང་བའི་སྨྲ་བརྗོད་སྐྱུར། བཙུན་པ་སྐུ་གཞོན་པ་རྣམས་ཀྱང་སྒྲུབ་པ་ཆེ་བག་ཡོད་པས་སྤྱོད་ལམ་གཙང་བར་བྱའི། གྲྭ་པ་སྤྱིའི་སྤྱན་ལྟོས་འདིར་བྱས་ན་སྒྲུབ་པ་གཉན་པས་རང་རང་ལ་ན་ཚ་ཤི་ཆད་བྱུང་བའི་ལོ་རྒྱུས་མང་དུ་ཐོས་པས་གཟབ་པ་གལ་ཆེ། སྤྱིར་ནི་བུམ་སྒྲུབ་འཛུགས་མཁན་སློབ་དཔོན་དེས། དང་པོ་གསང་འདུས་ཀྱི་ཕྱི་ནང་གསང་གསུམ་གྱི་བསྙེན་པ་ཐེམ་པ་རབ། ཐ་ན་གསང་སྒྲུབ་སྔོན་དུ་སོང་ན་མཆོག་ཡིན་ཀྱང་། དེ་མེད་པས་ཐབས་མི་ཆགས་ཏེ། དེའི་དོད་ལ་དང་པོ་ཐམས་ཅད་ཀྱིས་གསང་སྒྲུབ་དེ་རབ་

[Full Size]

ཞག་ཉེར་གཅིག །འབྲིང་བཅུ་བཞི། ཐ་མ་ཞག་བདུན་བྱེད་པ་ནི། དེ་ནས་བུམ་སྒྲུབ་དངོས་བྱེད་པས་འཐུས་ཏེ། བཅའ་ཚོགས་ཐམས་ཅད་མཚུངས་ལ། ཁྱད་པར་ནི་བུམ་པ་མཆུ་ཅན་གྱི་བུམ་པ་གཅིག་བཤམས་ལ་གསང་སྒྲུབ་ཚར་ནས་དེ་ལ་དབང་དང་དངོས་གྲུབ་བླངས། དེ་ནས་དམིགས་པ་མངོན་རྟོགས་བུམ་སྒྲུབ་ལ་བྱེད་དོ། །བུམ་སྒྲུབ་དངོས་གཞིའི་སྔགས་རྒྱུན་ནི་ཞག་བདུན་ལས་ཉུང་ཐབས་མེད། དེ་ཡན་ཟླ་བ་དང་ལོ་ལ། དུས་རྒྱུན་ཏུ་སོགས་འབྱོར་པས་གང་ལྕོགས་སོ། །སྔགས་གྲངས་ནི་བདུན་འབུམ་ཉི་ཁྲི་བས་ཉུང་ཐབས་མེད། དེ་ཡན་ཆད་དུང་དང་དུང་མང་པོ་སོགས་འབྱོར་པས་གང་ལྕོགས་ལེགས་སོ། །དེ་ནས་གྲོལ་ལུགས་གྲོལ་ངེས་བྱེད་ན་ཡུན་ཐུང་ངུར་བུམ་སྒྲུབ་གཞན་དུ་བཤད་པ་ལྟར་བྱའོ། །རྒྱུན་དུ་བཙུགས་རྒྱུ་ཡིན་ནའང་། ཉེར་གཅིག་གམ་ཟླ་གཅིག་ཙམ་སོང་ནས་དངོས་གྲུབ་བླངས་ཆོག་རྣམས་བྱ། སྒྲུབ་ཆེན་གྱི་དབང་བསྡུས་པ་དེ་བླངས་ལ། བཀའ་སྲུང་བསྐང་གསོ་རྒྱས་པར་བྱ། དེ་ནས་ཐུན་པ་འགྲོ་དགོས་པ་རྣམས་ཀྱིས་ཤེས་ན་འདོན། མི་ཤེས་ན་རྗེས་ཟློས་འདྲ་བྱས་ལ་བཤགས་པ་དང་། བསྡུ་ཆོག་བཀྲ་ཤིས་རྣམས་བྱ། ཕྱག་

[Full Size]

འཚལ་ནས་སོ་སོར་འགྲོའོ། །འདུག་མི་རྣམས་སྔར་མོས་ལྟར་བྱ། མང་ན་སྔགས་རྒྱུན་མ་ཆད་པ་རབ། ཉུང་ན་ཡང་ཅི་ནུས་སུ་འབད་དོ། །འཛབ་དབྱངས་རེས་འགའ་མ་གཏོགས་རྒྱུན་ཏུ་མ་འཕྲོད་ཀྱང་ཆོག །ཐུན་དཔོན་གྱིས་ལས་བྱང་དུས་བཞིར་ཐུན་གཅིག །ཞོགས་ལ་ལས་བྱང་ཚར་གཅིག །ཉིན་གུང་བྱིན་འབེབས་ཆེ་ཉུང་གང་རུང་ལ་མཆོད་འབུམ་བཏགས་། དགོང་ཀ་མཚན་འབུམ་རྒྱས་བསྡུས་གང་རུང་ལ་བཀའ་སྲུང་བཏགས། མཚན་ཐུན་ལ་ལས་བྱུང་ཚར་གཅིག་བྱ། ཚེས་བཅུའམ་དགུ་གཏོར་དང་མཆོད་རྫས་འཛོམ་པར་བྱ་དུས་བཟང་དུས་མ་གཏོགས་ཚོགས་དང་གཏོར་འབུལ་རྒྱུན་དུ་མི་དགོས། བྱུང་ན་ལེགས་ཤིང་ཕན་ཡོན་ཆེ། ཆད་མདོ་བརྟན་སྐྱོང་དེ་དང་འདྲ། བཀའ་སྲུང་ཡང་རྒྱས་བསྡུས་རང་གིས་གང་ལྕོགས་ཆོག །ཉམས་ལེན་འདོད་ན་ཐུགས་ཁྲིད་དཔེ་དེ་བླ་མའི་ཚབ་བྱས་ལ་ཉམས་སུ་བླངས། ཤོག་སེར་ཚིག་བརྒྱུད་ཀྱི་བླ་མ་ཞེས་བྱ་སྟེ། བླ་མ་ལ་ཁྲིད་ཞུས་ཀྱང་བླ་མས་གསུང་པ་ལ་བརྟེན་ནས། དོན་གོ་ཉམས་རྟོགས་སྐྱེ་བ་ལས་ལྷག་པོ་མི་འབྱུང་དབང་ལུང་གི་རྒྱུན་ཡོད་ཕྱིན་ཆད་དཔེ་ལ་གདའ་ཚུལ་ཉམས་སུ་བླངས་ན་དོན་གོ་ཞིང་ཉམས་རྟོགས་ནི་སྐྱེའོ། །དེས་ན་

[Full Size]

ཐུགས་རྗེ་ཆེན་པོའི་སྒྲུབ་ཆེན་གྱི་ཁོག་ནས་བསྐྱེད་རྫོགས་ཉམས་སུ་ལེན། འཚོ་བ་ནི་སྦྱིན་བདག་སྐྱ་སེར་ཡུལ་མཐོ་དམན་གང་ཡིན་པ་དེས་སྦྱར་བ་འདི་བས་ལྷག་གི་རི་ཁྲོད་དུ་གཅིག་པུར་ཉམས་ལེན་དང་བསྙེན་སྒྲུབ་བྱེད་པ་དགའ་བསམ་པ་ནི་འཁྲུལ་པ་སྟེ། རང་རང་རི་ཁྲོད་དུ་སྒྲུབ་པའི་ཆ་ལག་ཅི་ལྟ་བ་གང་ནས་འཛོམ། རང་གར་ཡིག་དྲུག་བཏོན་པ་ལས་འདིར་སྒྲུབ་ཆེན་སར་བཏོན་པ་བརྒྱ་འགྱུར་ནི་ཨོ་རྒྱན་གྱི་བཀའ། རྫོགས་ཆེན་ཕྱག་ཆེན་ཐུགས་ཁྲིད་སོགས་བསྒོམ་པ་མི་བཤོལ་ལོ། །དེས་ན་སྦྱིན་བདག་གིས་བཀས་འདི་ན་མི་འདུག་ཀ་མེད་ཁྲལ་བབ་པར་མི་སེམས་པར། ཕྱི་མའི་དོན་ལ་འདིར་ཚུད་པ་ལས་ལྷག་མེད་པའི་དོན་གོ་བར་བྱ། བཏོན་པའི་ཡིག་དྲུག་ནི་ཨ་མཆོད་རྣམས་ཀྱིས་བསམ་པ་ལྟར་སྦྱིན་བདག་གི་ཡིན། རང་ལ་མེད་བསམ་པར་མི་བྱ་སྟེ། རང་ལ་ཡིག་དྲུག་བཏོན་པའི་བསོད་ནམས། ཡོན་བདག་གིས་ཡིག་དྲུག་འདོན་བཅུག་ཅིང་མཐུན་རྐྱེན་སྦྱར་བའི་བསོད་ནམས་སོ་སོར་ཡོད་དེ། བཅོམ་ལྡན་འདས་ཀྱིས་དགེ་བའི་རྩ་བ་བགྱིས་པ་དང་བགྱིད་དུ་བསྩལ་བ་གཉིས་སོ་སོར་གསུངས་པས་སོ། །དེས་ན་བླ་མ་དམ་པ་འདི་ལ་ཐུགས་བརྩེ་གཏད་པ་རྣམས་ཀྱིས་ཀྱང་།

[Full Size]

ཡོན་བདག་གཞན་ལྟར་མཐུན་རྐྱེན་སྦྱོར་བ་ཁོ་ན་མིན་པར། རྒྱུན་དུ་ཐུགས་མི་སྐབས་ཀྱང་ཞག་བདུན་ཕྲག་རེ་ཟུང་ཙམ་ལ་བུམ་སྒྲུབ་ཀྱི་དབུ་ལ་བཞུགས་ནས་སྒྲུབ་པ་མཛད་ན་ཕན་ཡོན་ཆེ་ཞིང་། དབང་ལུང་ཕྱག་ལེན་རྒྱུན་མི་འཆད་པས་བསྟན་པ་ལ་ཕན་ཆེའོ། །ཡང་རྗེས་སོར་ཐུན་པ་གསར་པ་རེ་རེ་གཉིས་རེ་འདུག་པའང་། རྙིང་པ་བརྗེ་བའམ་གསར་པ་གཞོག་དགོས་བྱུང་ན། གསར་པ་དེ་བུམ་ཁང་དུ་མ་བཙུད། སྔོན་དུ་ཞག་འགའ་རེ་ཟུང་ལ་རྡོར་སེམས་སྒོམ་ལུང་ཕོག་ལ་ཡིག་བརྒྱའམ་བཛྲ་སཏཱ་བཟླ་བཅུག །དགེ་བསྙེན་འཆལ་པ་དེ་ནི་རྩེ་གཅིག་ཆོས་བསམ་པ་ལྟ་བུར་རེད་ན་ནི་དགེ་བསྙེན་སྡོམ་པ་སྤར། མི་ནག་པ་རྩེ་གཅིག་ཡིག་དྲུག་འདོན་མཁན་རེད་ན་སྐྲ་ཕུད་བླངས། དེ་ནས་བླ་མས་གསང་འདུས་གཏོར་དབང་དང་བུམ་སྒྲུབ་ཚིག་ལྷུག་མའི་ལུང་གནང་། གལ་ཏེ་བླ་མ་མ་སྐབས་ན་ཡང་ཐུན་དཔོན་གྱིས་དེ་ཚོ་བྱ་དགོས་ཀྱི་ཆོས་པ་ལེགས་པོ་ཡིན་ཡང་གསང་འདུས་ཀྱི་གཏོར་དབང་ཙམ་ཞིག་མ་ཐོབ་ན། གསང་སྔགས་ལོག་པར་བསྒྲུབ་པ་ཡིན་པས་བར་ཆད་ཀྱི་རྒྱུར་འགྲོའོ། །བཏོན་པ་དེ་ཡང་ཕན་ཡོན་ཆུང་ངོ་། །བུམ་སྒྲུབ་པ་ལ་ནད་པའི་བདུད་ཟློག་དང་གལ་ཆེ་བའི་སྐུ་རིམ་ཞུ་མཁན་བྱུང་ན།

[Full Size]

ནམ་བྱུང་དུས་དེ་ཉིད་དུ་དྲེགས་པ་ཚར་གཅོད་དམིགས་པ་སྤྱོད་ལ། ཡིག་བདུན་ཕཊསྦྱར་བ་ཕྲེང་སྐོར་འདོན། ཐུན་དཔོན་གྱིས་བཀའ་སྲུང་། གསོལ་ཁ་ལྷག་པོ་གཅིག་བཏང་། ཐུན་པའི་ནང་ནས་ཡི་གེ་ཤེས་པ་གཅིག་གིས་མཚན་འབུམ་འདོན་ནོ། །ཚེ་འདས་བསྔོ་ཞུས་ལྟ་བུ་བྱུང་ན་ཡང་ཚེ་འདས་དོན་ལ། རིགས་དྲུག་གནས་འདྲེན་བྱས་ལ་བྱང་བུ་དཀྱིལ་འཁོར་སྟེང་གི་མར་མེར་བཞུ་ལ། གཞུང་ལྟར་སཱཙྪ་བཏབ་ན་མཆོག །དེ་ཙམ་མ་འགྲུབ་ན་ནི་བུམ་སྒྲུབ་ནང་གི་གསོལ་འདེབས་དང་ཐུགས་རྗེ་ཆེན་པོའི་སྨྲེ་སྔགས་བསྟོད་པ་དང་མཚན་འབུམ་འདོན་པར་བྱ་སྟེ། མཚན་འབུམ་ལ་ཚེ་འདས་མིང་བཅུག་གོ །བུམ་སྒྲུབ་ཅི་བཞིན་པར་བཙུགས་ནས་ཉམས་སུ་བླངས་ན་བཀའ་སྲུང་ཁོ་རང་རྣམས་ཁག་ཁུར་པོ་ཆེ་བས་ཕྲིན་ལས་ཐམས་ཅད་ཤུགས་ཀྱིས་འགྲུབ་པར་ངེས་པས་བཀའ་སྲུང་གི་སྒྲུབ་པ་རྣམས་སོ་སོར་མི་དགོས། འཇིག་རྟེན་མཆོད་དང་བསྟོད་པས་འགྲུབ་ཅེས་གསུངས་པས་མཆོད་བསྟོད་བརྩོན་པ་རང་གིས་ཆོག །སོ་སོར་སྒྲུབ་ལུགས་ནི་སོ་སོའི་གཞུང་ལྟར་རོ། །དེ་ནས་ཟླ་བའམ་ལོའམ་ནམ་འདོད་པར་རིལ་བུ་བཀྱེ་འདོད་ན། བཀའ་སྲུང་བསྐང་གསོ་རྒྱས་པར་བྱ། སྒྲུབ་ཆེན་ལྟར་

[Full Size]

ཚེ་འགུགས་དང་དངོས་གྲུབ་བླངས། བླ་མའམ་ཐུན་དཔོན་པས་སྒྲུབ་ཆེན་གཞུང་ལྟར་གྱི་དབང་ཉུང་ངུ་དེ་དང་བུམ་སྒྲུབ་ནས་གསུང་པ་ལྟར་རིལ་བུ་བུམ་པས་དབང་བྱ་སྟེ། དང་པོ་རང་ཉིད་ཀྱི་མགོ་ལ་བཞག །དེ་ནས་ཐུན་པ་ལ་ཡང་འགྲིམ། བཤགས་པ་བཀྲ་ཤིས་བསྔོ་བ་སྤྱི་ལྟར་བྱ། དཀྱིལ་འཁོར་བསྡུ་ཆོག་དང་གཏེར་སྦ་བ་རྡུལ་ཚོན་བཀྱེ་བ་ནི་མི་དགོས། དེ་མིན་་སྒྲུབ་ཆེན་མཇུག་རྫོགས་པར་བྱ། དེ་ནས་རིལ་བུ་བུམ་པའི་ཁ་ཕྱེས་ལ་དྲིལ་བུ་ལ་མཇལ་ལ་འཕེལ་ལམ་མ་འཕེལ་བལྟ། བུམ་རྙིང་རུ་རྩི་རྒྱུ་བཏོན་ལ་བྱིན་རླབས་རྟེན་གསར་པ་མང་དུ་བསྒྲིལ་ཞིང་བསྐམ། དེ་ཚེ་ཞག་འགའ་ཐོག་ཚེ་ཡང་བུམ་པ་དབུས་སུ་བཤམས་ལ། ལོས་བྱང་དང་བཀའ་སྲུང་སོགས་སྔར་མོས་ལྟར་བྱ། བུམ་པ་མང་ན་བུམ་གཡོག་འགའ་རེ་ཁ་ཕྱེ། གཙོ་བུམ་བཞག་ཀྱང་རུང་། དེ་ནས་བླ་མས་ལྕོགས་ན་ཁྲོམ་བསྡུས་ལ་རིལ་བུ་བུམ་པའི་དབང་དང་སྒྲུབ་ཆེན་ནང་གི་དབང་ཉུང་ངུ་བསྐུར། ཕན་ཡོན་བཤད། རིལ་བུ་བུམ་ཆུ་བཀྱེ། ཡིག་བདུན་ཁས་ལེན་བྱ། དེ་ནས་རིལ་བུ་མང་ན་ནམ་དགོས་སྦྱིན་རྒྱུ་དང་། ཐུན་པ་ལ་ཡང་ཅི་འོས་བཀྱེ། སླར་རིལ་བུ་རྙིང་པ་འགའ་ཞིག་དང་། གསར་པ་བུམ་རྙིང་ཐམས་ཅད་བྱ་

[Full Size]

ཚུལ་དང་པོ་དུས་བཞིན་བཀོད། རྒྱལ་ཐོ་དང་སྒོ་སྲུང་ཁྲོ་བོ་ནག་པོ་སོགས་གདའ་ན་བྲི་ཝིག་བྱ། རྒྱལ་ཐོ་སྒོ་བྱང་དམ་སྲིའི་མནན་པ་ཁྲོ་བཅུ་སོགས་སྒྲུབ་ཆེན་གསར་དུ་བཙུགས་པ་ལྟར་ས་ཐིག་ཆོག་མ་གཏོགས་ཐམས་ཅད་བྱ། དེ་ནས་སྔར་མུས་ལྟར་སྒྲུབ་པ་ལ་འཇུག་སྟེ། དེ་ཡང་ཞག་བདུན་ནམ། བདུན་གཉིས་གསུམ་སྔགས་རྒྱུན་ཙམ་བསྐང་གསོ་སོགས་དང་པོའི་དུས་བཞིན་འགྲུབ་ན་ལེགས་སོ། །དེ་ནས་འགྲོ་མི་རྣམས་ཀྱང་རང་རང་གི་བཀྲ་ཤིས་བསྡུ་ཆོག་འདོན་ཤེས་ན་བྱ་གཅིག་གིས་རྗེས་ཟློས་བྱས། བུམ་ཆུ་ལས་དངོས་གྲུབ་བླངས་ལ་འགྲོའོ། །འདུག་མི་རྣམས་ཀྱང་རྒྱུན་སྒྲུབ་ལྟར་སྒྲུབ་པར་བྱའོ། །དེ་ནས་ཧ་ཧ། བུམ་སྒྲུབ་པ་འཚོ་བ་སྲབ་ན་ཨ་པར་ཙིཏྟའམ་དམ་ཅན་གྱི་ནོར་སྒྲུབ་རྒྱུན་བསྙེན་བརྒྱ་རེ་ཙམ་བྱའོཤ །བོར་གཏོར་མང་ན་ངན་ནེ་མའི་རྒྱུན་བསྙེན་ཕྲེང་སྐོར་ཙམ་བྱའོ། །ཐུགས་དམ་བཏགས་པ་ཞུ་བ་མང་ན་ཡེ་ཤེས་གྲགས་བསྙེན་རྒྱུན་དང་། རྐུན་མ་བྱུང་ན་ཨ་ཙ་ར་བཏང་བའམ་དམ་ཅན་ཆོ་འཕྲུལ་བཏང་རྒྱུ་དང་། འཁོར་བཅས་བཙན་དྲག་འདོད་པས་ལུང་བཙན་དང་། བུམ་སྒྲུབ་བསྟན་པ་ལ་ཐུགས་ན་དམ་ཅན་སྲོག་སྒྲུབ་བརྩམས་པ་སོགས་བྱེད་རྒྱུ་ཡིན་པར་

[Full Size]

གདའ་སྟེ་བྱེད་མཁན་བླ་མའམ་ཐུན་དཔོན་གྱིས་དགོས་སོ། །དེ་རྣམས་འདི་ཡི་ཆ་ལག་ཡིན་པར་ཤེས་དགོས་ཟེར་བ་ཡིན་གྱི། དེ་ལྟར་བྱེད་དགོས་ཟེར་བ་མ་ལགས་སོ། །ཞེས་པ་རྗེ་འབངས་སོག་པོ་ལྷ་དཔལ་གྱི་སྐྱེས་མཐའ་ལྷོ་རིན་པོ་ཆེའི་གསུང་གིས་བསྐུལ་བ་ལ་བརྟེན་ནས། ཐུགས་རྗེ་ཆེན་པོ་གསང་འདུས་སྐོར་གྱི་ཟིན་བྲིས་རྒྱས་བཤད་གཏོར་བསྔོས་སོགས་རྒྱས་པར། ཐུགས་རྗེ་ཆེན་པོའི་རྣལ་འབྱོར་པ་དགེ་སློང་རཱ་ག་ཨ་སྱས་བཀོད་པ་ལ་ཉེས་འགལ་མཆིས་ན་བཤགས་ཤིང་དགེ་བས་འདིའི་བསྟན་པ་རྒྱས་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

བུམ་སྒྲུབ་ཀྱི་ཞལ་ཤེས་འདོན་འགྲིགས་སོགས་ཞིབ་ཆ་ནག་པོ་འགྲོ་ཤེས་སུ་བཀོད་པ་དུམ་གཅིག་ཡོད་དོ།།

[Full Size]

འཕགས་པ་ཐུགས་རྗེ་ཆེན་པོ་ལ་ཕྱག་འཚལ་ལོ། །བུམ་སྒྲུབ་ཀྱི་ཟིན་བྲིས་ཆེན་པོ་སྔར་བཀོད་པ་དེ་ལ་མ་གསལ་བ་ཅི་ཡང་མེད་མོད་ཀྱིས། འོན་ཀྱང་དེ་ནི་གཞུང་ནས་ཅི་ལྟར་གསུངས་པ་མ་འཆུགས་པའི་ལུགས་སུ་ཡིན་གྱི། དེ་ཙམ་མ་ལྕོགས་པར་བུམ་སྒྲུབ་རྒྱུན་ཁྱེར་ཙམ་བྱེད་པ་ན། །རྒྱལ་ཐོ་འཛུགས་པ་ཡང་སྒོ་ན་འགྲོ་བ་དང་། མཚམས་བྱེད་པ་མ་ལྕོགས་ན། ཁྱིམ་ནས་བྱའི། རྒྱལ་ཐོ་སྒོ་ན་འཛུགས་པ་དང་སྒོ་བྱང་སྒོ་རྒྱབ་ན་བཏགས་པ་ཁང་པ་དེ་ཐམས་ཅད་མཚམས་ཁང་དུ་གྱུར་པས་གཉན་ཆ་ཆེ་བ་གཅིག་འོང་བས་འཕྲག་ཡང་ཕྱིར། རྒྱལ་ཐོ་དཀྱིལ་འཁོར་གྱི་རྩའི་ཕྱོགས་བཞི་

[Full Size]

དང་། སྒོ་བྱང་ཡང་ཤར་ངོས་དཀྱིལ་འཁོར་གྱི་རྩར་འཛུགས་ཆོག་སྟེ། སྔགས་རྙིང་པ་ལ་ཡང་དེ་ལྟར་བྱས་རྗེས་མཐོང་ངོ་། །རིལ་བུ་མང་ན་བུམ་པ་ལྔའམ་དགུ་སོགས་གང་རུང་ལ། ཕུགས་གཏོར་དཀྱིལ་འཁོར་མཐར་བཀོད་རྒྱུ་ཡིན་རུང་། བྱི་བས་གནོད་ཕྱིར་ལོགས་གཏོར་སྒམ་བྱའོ། །ཕོ་བྲང་ཙཀློའི་གདུགས་ཡོད་ན་ལྡིང་ཁྲི་ལྔ་བརྩེགས་སོགས་མི་ཉན་པས་མི་དགོས། མེད་ན་ལྡིང་ཁྲི་དཔེ་ཁྲི་འདྲ་བ་བྱས་གདའ་བ་ལྟར་རུང་། མེད་ན་ཤིང་གི་ཨོམ་བཅིངས་པས་ཆོག་གིས་ལྡིང་ཁྲི་གནད་མི་ཆེ། བུམ་པའི་སྟེང་དུ་བྷནྡྷ་དེ་སྟེང་མེ་ལོང་ཤེལ་རྡོ་དེ་སྟེང་སྒྲུབ་གཏོར་ཡིན་ཏེ་

[Full Size]

གཏོར་མ་གཅིག་གིས་ཆོག །བཞི་པོ་དཀྱིལ་འཁོར་གྱི་ཕྱོགས་བཞི་ཡིན་སྟེང་ན་མིན། གཏོར་མའི་སྟེང་དུ་ཙཀ་གདུགས་མེད་ན་གསེར་སྐུའམ། དེ་མེད་ན་ཙཀྲི་འཛུགས་པས་འཐུས། ཕྱོགས་བཞིར་ལས་བཞིའི་གཏོར་མ་དགོས་ཀྱང་། དངོས་གྲུབ་ལེན་པའི་གཏོར་མ་རྣམས་གྲོལ་ཁའམ། བུམ་པ་ཁ་འབྱེད་ཁ་བར། དང་པོ་ནས་བཅའ་མི་དགོས། མདའ་བཞི་གྲི་བཞི་ཚོན་སྐུད་རྒྱལ་མཚན་བཞི་སྒབ་སྐོར་སོགས་གཞུང་ནས་བཤད་པས་གལ་ཆེ། མཚམས་གཅོད་ཕུར་པ་ཡང་སྒྲུབ་ཁང་ཕྱོགས་བཅུར་བཀྲམ་པ་ཡང་ཡོད་དེ། འདིར་དཀྱིལ་འཁོར་གྱི་མཐའ་ཕྱོགས་བཅུར་བཀྲམ་པ་ལེགས། དམ་སྲི་མནན་དུས་ཕོ་ཉ་སྒོས་བསྐུལ་བྱ་ཟེར་བ་ནི། བཀའ་བརྒྱད་ཕོ་ཉ་སྒོས་བསྐུལ་གྱི་ནང་ནས་པདྨ་གསུང་གི་ཕོ་ཉ་དེ་བསྐུལ་ཞིང་དམར་གཏོར་གཅིག་འབུལ་བ་ཡིན། ཟུར་གཅིག་ཏུ་ཧོམ་ཁུང་དུ་ཉུལ་ལེའི་ལིངྒ་གཞུང་ལྟར་བྲི་ཞིང་བཀུག་གཞུག་གཟིར་ཏེ། རྨི་ལམ་རྩུབ་པའམ་བུམ་ཁང་དུ་གློ་བུར་ནད་པ་བྱུང་བ་སོགས་ལ། ཐུགས་སྒྲུབ་ནང་གི་བདུད་རྩི་སྨན་སྒྲུབ་ཀྱི་ཀུན་ཐུབ་རྒྱལ་མོ་དེ་འདོན་རྒྱུ་ཡིན། དེ་ལ་དམར་གཏོར་རྩེ་དགུ་གཅིག་བཅས་ལ་ཟུར་གཅིག་ཏུ་དང་པོ་ནས་བཞག་གོ །སྔགས་སྲུང་རྡོར་ལེགས་གཞུང་

[Full Size]

ན་ཡོད་པས་འཐུས་ལ། གཞན་བཀའ་སྲུང་རྣམས་རབ་སོ་སོར་གཏོར་མ་བཅའ་ཞིང་འདོན་པ་གལ་ཆེ། མ་ཐུབ་ཕུགས་གཏོར་མཐའ་རུ་སྤྱི་སོར་དཀར་གཏོར་གཅིག་དང་ཟུར་གསུམ་གཅིག་རྒྱུན་བཞག་ནི་གསོ་བྱས་ལ། སྔགས་བསྔོས་ཙམ་མ་བྱས་ན་མི་རུང་ངོ་། །དང་པོ་དཀར་བགེགས་སོགས་བྱས་མོད་ཀྱིས། རྒྱུན་དུ་ཡང་སྔ་དྲོའི་ཐུན་ལ་ཉུང་ངུ་རེ་དགོས། དེ་ཡང་སྐྱབས་སེམས་སོགས་བསྟན་པ་སྤྱི་ཡི་ལུགས་བྱེད་པ་མི་ལེགས། རང་གཞུང་ལྟར་གྱི་བྱ། དེ་ཡང་སྐྱབས་སེམས་སྔོན་འགྲོ་རྒྱས་པ་དེ་ནི་ཁྲིད་དུས་ཡིན། གཏེར་སྟོན་གྱིས་མཛད་པ་སྟེ་འདིར་མི་དགོས། རྒྱས་པར་འདོད་ན་ལས་བྱང་གི་སྐྱབས་སེམས་ཡན་ལག་བདུན་པ་དང་བཅས་པ། སྤྱི་གཙུག་པད་སྡོང་ཞེས་པ་དམིགས་པ་དང་བཅས་ཚར་གསུམ་བདུན་ངེས་ཤེས་འདྲོང་བར་བྱ། བགེགས་གཏོར་སྦྱིན་ཞེས་པའི་སྐབས་དེར་གཞན་ནས་ཁ་སབ་པ་ནི་བཅོས་སླད་དུ་འགྱུར། གཏེར་གཞུང་བཅོས་ན་བྱིན་རླབས་ཡལ་ཞིང་བཀའ་ཆད་དུ་འགྱུར་བར་གསུངས་པས། དཀར་བགེགས་རྙིང་མའི་དཔེའུ་རིས་ལྟར་ཐོན་ན་རབ། མ་ཐོན་ན་ལྕོག་རྡོག་གཉིས་བཤམས་ལ། བདུད་རྩི་མིན་པས་བྲན་ལ་རིན་པོ་ཆེའི་སྣོད་དུ་བདུད་རྩི་

[Full Size]

དཀར་གསུམ་འདོད་ཡོན་སྣ་ཚོགས་སུ་བསྒོམ་ཞིང་། ཨ་ཀཱ་རོས་བྱིན་བརླབ་དུས་གཅིག་ལ་བྱ་སྟེ། དང་པོ་དབང་བུམ་མགོའི་ས་སློང་བློངས་ལ། ཧཱུྃ༔ ཇི་ལྟར་སྔོན་གྱི་སོགས་ནས་ཤཱནྟཾ་ཀུ་རུའི་བར་བརྗོད་པ་དཀར་གཏོར་རོ། །སྒྲུབ་ཆེན་ནང་གིས། ཧཱུྃ༔ བྱང་ཆུབ་སྒྲུབ་ལ་མི་དགའ་བའི༔ ཞེས་པ་ནས། གཞན་དུ་དེངས༔ ཀྱི་བར་བརྗོད་ནས་དོར་བ་བགེགས་གཏོར་རོ། །དེ་ནས། ཧཱུྃ༔ ཉོན་ཅིག་ནས་བིརླ་རཱ་ཛའི་བར་གྱིས་བགེགས་བསྐད་ནས། མཚམས་བཅད། ཅེས་པའི་སྐབས་སུ། ཕྱི་མཚམས་རྒྱལ་ཐོའི་གཏོར་མ་བཞི་དང་། ཁྲོ་བོའི་གཏོར་མ་གཉིས་རྒྱུན་དུ་དཀྱིལ་འཁོར་འདབས་སུ་བཤམས་པ་གསོ་བྲན་བྱས་སམ། ་འཕྲལ་དུ་མ་འཛོམ་ན་གཏོར་ཆུང་བཤམས་ཀྱང་རུང་སྟེ། ཨ་ཀཱ་རོས་བྱིན་བརླབས་ནས་ཧཱུྃ། སྔོན་ཚེ་རྒྱལ་བའི་ཞེས་སོགས་སྤྱན་དྲངས་ནས། བར་གྱི་ཚིགས་བཅད་དེ་འགྲེས་མི་བཤང་བར། རི་རབ་ཆེན་པོའི་ཕྱོགས་བཞི་ནས༔ ཞེས་དང་། རྒྱལ་པོ་ཆེན་པོ་སྡེ་བཞི་པོ༔ ཞེས་དུས་གཅིག་བརྗོད་ལ་སོ་སོའི་སྔགས་ཀྱིས་གཏོར་མ་བསྔོས་ལ། རྒྱལ་པོ་བཞིའི་བསྟོད་པ་བཞི་པོ་བརྗོད་དོ། །ཁྲོ་བོའི་གཏོར་མ། ཧ་ཧོ་ཧྲིས་བྱིན་བརླབས་ནས། །

[Full Size]

ཧཱུྃ༔ གསང་འདུས་མཆོག་གི་ཕོ་བྲང་འདིར༔ ཁྲོ་བོ་བདུད་རྩི་འཁྱིལ་པ་དང་༔ ལས་ཀྱི་གཤིན་རྗེ་སོགས་ནས། ཁྱོད་ལ་གཏད༔ ཀྱི་བར་སྒྲུབ་ཆེན་དང་། ཨོ་བཛྲ་ཀྲོ་ཏ་ཡ་མཱནྟ་ཀ་དང་གཞུང་བདུད་རྩིའི་སྔགས་ལ། བ་ལི་ཏ་ཁཱ་ཧི༔ བར་དང་། བདུད་རྩི་འཁྱིལ་སྔགས་རཀྟ་ཅན་ཡང་ཚར་གཅིག་བརྗོད་པས་ཕྱི་མཚམས་སོ། །ཁྲོ་ཆུང་རྒྱ་མཚོ་རླབས་ལྟར་འཁྲུགས༔ ཞེས་སོགས་ནས། ཧ་ན་ཧཱུྃ་ཕཊ༔ ཀྱི་མཇུག་ཏུ་ཁྲོ་བཅུའི་མཚམས་གཅོད་ཕུར་པ་ནས་སབ་བོ། །དེ་ནི་ནང་མཚམས་ཡིན་ནོ། །དེ་ནས་གསང་བའི་བྱིན་ཆེན་ཕོབ་ཅེས་པའི་སྐབས་སུ། རབ་ཐུགས་སྒྲུབ་རིག་འཛིན་བྱིན་འབེབས། དེ་མ་ལྕོགས་ན་རང་གཞུང་སྒྲུབ་ཆེན་བྱིན་འབེབས་དེ་སབ་དགོས་ཏེ། བྱིན་ཐིབ་ཐིབ་མ་བྱུང་བར་དུ་བྱིན་དབབ་པ་ཁག་ཆེ་གསུངས་པས་སོ། །དེ་ནས་གཞལ་ཡས་ཁང་བསྐྱེད་ཚར་ནས། གཙོ་བོའི་མངོན་རྟོགས་ལས་བྱང་གི་དེ་སྐྱུར་ལ། བུམ་སྒྲུབ་ཚིགས་བཅད་མའི་གཞུང་། ཧཱུྃ་ཧྲཱིཿ དལ་དབུས་གྷིཡི་འཕྲོ་འདུ་ལས༔ ཞེས་པའི་མཚམས་ནས། རང་རིག་པདྨ་ཉི་ཟླའི་སྟེང་༔ ཞེས་པ་ནས། ཡིག་དྲུག་བསྐོར༔ ཞེས་པའི་བར་བཙུད། ཐུགས་ཀར་རྟ་མགྲིན། ནས་

[Full Size]

འཁོར་ཐམས་ཅད་ལས་བྱང་ལྟར། འཇའ་ལྟར་བསྒོམ༔ ཞེས་པའི་མཚམས་སུ། བུམ་སྒྲུབ་ཚིགས་བཅད་མ་ལས། བུམ་པ་ཧཱུྃ་ལས་གཞལ་ཡས་ཁང་༔ ཞེས་པ་ནས། ཤོ་ལོ་ཀ་བུམ་བསྐྱེད་དེ་འཛུད། དེ་ནས་ལས་བྱང་གཞུང་ལྟར་ཚར་གཅིག་བྱ། འཛབ་དགོངས་དང་སྔགས་རྣམས་ཚར་གཅིག་སྔགས་མཆོད་ཀྱི་ཚུལ་དུ་འདོན་མོད། དམིགས་པ་ནི་འཛབ་དགོངས་དང་བུམ་སྒྲུབ་གཞུང་གི་དམིགས་པ་སྟེ། དམིགས་པ་སྤྱོད་རྒྱུ་ཟིན་བྲིས་ཆེ་བ་ལས་ཁོལ་དུ་བྲིས་ཡོད་པ་ལྟར་བྱའོ། །འདི་མ་ཧཱ་ཡོ་གའི་ལུགས་ཡིན་པས། ལས་བྱང་དུས་དྲུག་གམ་བཞིའམ་གསུམ་མམ། ཐ་ན་ཡང་ཉིན་མཚན་ཐུན་གཉིས་ལ་མེད་ཐབས་མེད་ཀྱང་། རྒྱུན་དུ་དེ་ཙམ་མི་ཐུབ་པས། སྔ་དྲོ་ལ་གོང་ལྟར་ཐམས་ཅད་སབ་ལ་རྒྱས་པ་ཚར་གཅིག་བྱ། །འདིར་ཐུགས་སྒྲུབ་རིག་འཛིན་བྱིན་འབེབས་ཐོན་ན་ལེགས། ཉིན་ཕྱེད་ལ་མཆོད་འབུམ། དགོང་ཁ་ལ་སངས་རྒྱས་མཚན་འབུམ། མཚན་ལ་ཁ་སབ་མེད་པའི་ལས་བྱང་གཞུང་རྐྱང་ཚར་གཅིག་སྟེ། ཐུན་བཞིའི་རྣམ་གྲངས་བྱའོ། །རྒྱུན་དུ་སངས་རྒྱས་སྟོང་གི་མཚན་འབུམ་མ་ཐོན་ན། དྲུག་པ་སེང་གེའི་བར། དེ་ནས་ལས་བྱང་གི །བསྐལ་བཟང་འདི་ལ་སོགས་ཤོ་ལོ་

[Full Size]

ཀ་གཅིག་ཏུ་བསྡུས་ལ། སངས་རྒྱས་སྣང་སྲིད་ནས་སེམས་དཔའ་གཉིས་མན་མཚན་འབུམ་ལྟར་འདོན་པས་འཐུས་སོ། །ཚོགས་གཏོར་འབུལ་སོགས་ཚེས་བཅུའི་དུས་སམ་། འཛོམ་དུས་བྱའི། རྒྱུན་དུ་མི་དགོས་སོ། །མར་མེ་རྒྱུན་འབར་བཞི་སོགས་གསུང་ལྟར་བཤམ་པར་བྱའི། རྒྱུན་དུ་མི་འབྱོར་ན་སྦྱར་མི་དགོས་སོ། །དངོས་གྲུབ་ལེན་ཆོག་རྟགས་ལེགས་པོ་བྱུང་དུས་བྱའི་རྒྱུན་དུ་མི་འདོན་ནོ། །དཀྱིལ་འཁོར་བསྡུ་ཆོག་ནི་ཐུན་པ་བརྗེ་དུས་འགྲོ་མི་རྣམས་ཀྱིས་འདོན་གྱི། འདུག་མིས་མི་འདོན་ནོ། །རྟགས་མ་བྱུང་ན་བུམ་སྒྲུབ་གཞུང་གི་གསོལ་འདེབས་བྱའོ། །དང་པོ་ཁ་གཅིག་མ་གྲོལ་བར་བུམ་སྒྲུབ་སྔགས་མི་སྦྱར། དེ་ནས་ཐུན་སྐབས་སུ་སྔགས་རིང་དེ་འདོན་དགོས་ཀྱི། ཡིག་བདུན་ཁོ་ནས་རིལ་བུ་འགྲུབ་པ་མིན་པར་ཤེས་པ་གལ་ཆེ་ཆེ། དེ་ཡང་རང་དོན་སྒྲུབ་པ་གསང་དང་ཕྱི་སྒྲུབ་ནང་སྒྲུབ་རྣམས་ཡིན། བུམ་སྒྲུབ་ནི་འགྲོ་བ་སེམས་ཅན་འབྲེལ་ཐོགས་འདྲེན་པའི་གཞན་དོན་ལས་སྦྱོར་གྱི་སྒྲུབ་པ་ཡིན་པས། སློབ་དཔོན་དེས་རབ་ཕྱི་ནང་གསུམ། འབྲིང་གསང་སྒྲུབ་ཚར་བ་གལ་ཆེ་ལ། གལ་ཏེ་མ་ཚར་ན་ཟླ་གཅིག་ལ་གསང་སྒྲུབ་བྱས་ལ། དེ་ནས་བུམ་སྒྲུབ་ལ་འཇུག་

[Full Size]

ཚུལ་ཟིན་བྲིས་ཆེན་པོ་ལ་གསལ་ལྟར་བྱའོ། །ལ་ལ་དག་གསང་སྒྲུབ་བདག་བསྐྱེད་བསྡུས་པ་ཟུར་དུ་བྲིས་ནས་བུམ་སྒྲུབ་ཀྱི་གནད་ཆེ་ཡིན་པ་སྐད་དུ་ཐོ་རངས་འདོན་པ་སོགས་ནི་མ་གོ་བ་སྟེ། གསང་སྒྲུབ་དང་བུམ་སྒྲུབ་མི་གཅིག་སོ་སོ་ཡིན་པ་ཤེས་པར་བྱའོ། །རིལ་བུ་ཁ་འབྱེད་ཚེ་ནི་དངོས་གྲུབ་ལེན་ཆོག་གི་འབྲང་རྒྱས་ཞེ་བརྒྱད་དང་། རིན་ཆེན་འབར་བ་སོགས་བཅས་ལ་སྒྲུབ་ཆེན་ནས་གསུངས་པ་ལྟར་དངོས་གྲུབ་ལེན་ཆོག་སྔགས་སྟོང་ཙམ་བཟླ། དངོས་གྲུབ་ལེན་པའི་ཚིགས་བཅད་རྣམས་དང་། བུམ་སྒྲུབ་ཀྱི་གཞུང་གི་གསོལ་འདེབས་དང་བྱིན་འབེབས་སོགས་རྒྱས་པར་བྱ། སྒྲུབ་ཆེན་གཞུང་གི་སྒྲུབ་དབང་དེ་བསྐུར་རོ། །རང་གིས་བདག་འཇུག་བླངས། ལས་བྱང་དངོས་གྲུབ་ལེན་ཆོག་སོགས་བྱས་ལ་ཁ་ཕྱེ། ཁྲོམ་ལ་ཡང་བུམ་དབང་ངམ་གཏོར་དབང་ཙམ་བསྐུར། ཕན་ཡོན་བཤད་ལ་རིལ་བུ་བཀྱེས། སླར་ཡང་སྔོན་ལྟར་རིལ་བུ་བླུགས། མཆོད་གཏོར་བཤམས་ལ་སྒྲུབ་པ་ཁ་གསོ་སྔགས་རྒྱུན་ཞག་བདུན་ཙམ་བྱས་ལ། མང་མས་བསྡུ་ཆོག་ལས་བྱང་གཞུང་ལྟར་བྱས་ལ་བྱེར། འདུག་མི་རྣམས་སྔར་ལྟར་བྱའོ། །རྒྱུན་དུ་ཐུན་དཔོན་དེས་བསྐྱེད་རིམ་སོགས་མི་གསལ་དོགས་ན། ནང་ཐོ་

[Full Size]

རངས་དུས་བཟང་དུས་བུམ་ཁང་དུ་བྱོན་ལ། ཆོ་ག་རྣམས་ཚར་རེ་གསུངས་ནས། བསྙེན་པ་ཕྲེང་སྐོར་ཡ་ཟུང་བྱ། ཐུན་པ་ཐམས་ཅད་ལ་དམིགས་རིམ་སྤྱོད། རབ་གནས་ཚུལ་དུ་བཀྲ་ཤིས་བརྗོད་ནས། བསྡུ་ཆོག་མི་འདོན་པར། མདུན་བུམ་བསྐྱེད་རིམ་མི་བསྡུ་བར་བཞག །བདག་བསྐྱེད་སྟོང་པར་བསྡུས་ལ། མདུན་གྱི་དཀྱིལ་འཁོར་གྱི་ཁྱམས་ནས་ཕྱིར་དོན་པར་བསྒོམས་ནས་ཚུར་འབྱོན་པ་དེ་འདྲ་སྐབས་སུ་མཛད་ན་ལེགས། གཞན་གྱི་ཞིབ་ཆ་ཐམས་ཅད་སྔོན་གྱི་ཟིན་བྲིས་རྒྱས་པ་དེ་ལ་ཞིབ་ཀྱིས་གཟིགས་ན་དེ་ལ་མེད་པ་གཅིག་ཀྱང་མེད་པས། ཞིབ་པར་ནན་གྱིས་གཟིགས་པ་དང་། དེའི་དམིགས་པ་སྤྱོད་རྒྱུ་དེ་རྣམས་ཐུན་པ་ལ་ཡང་ཡང་སྤྱོད་པ་དང་། བླ་མ་ཐུགས་མ་སྐབས་ཀྱང་ཐུན་དཔོན་པས་ཡང་ཡང་སྤྱོད་ཅིང་གསལ་འདེབས་པ་དང་། སྤྲོ་བ་འཕེལ་ཕྱིར་ཕན་ཡོན་དེ་ཡང་སྐབས་སུ་ཐུན་པས་ཐོས་པར་ཡང་ཡང་འདོན། དེའི་ཚེ་ཐུན་མི་འཆད་པར་ལྐོག་འབུགས་སུ་འདོན་པ་དང་། །དགོང་མོ་བགེགས་བསྐྲད་ཀྱི་དམིགས་པ་སྤྱོད་ནས་ཡིག་བདུན་ཕཊསྦྱར་བ་ཕྲེང་སྐོར་ཙམ་དྲག་ཏུ་བརྗོད་པ་རྣམས་གལ་ཆེའོ། །ཞེས་པ་རཱ་ག་ཨ་སྱས་བྲིས།། །།སརྦ་མངྒ་

[Full Size]

ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཐུགས་རྗེ་ཆེན་པོ་གསང་བ་འདུས་པའི་སྐྱེ་བདུན་རིལ་བུ་སྒྲུབ་དུས་ཐུན་པ་ཚོ་ལ་དམིགས་པ་སྤྱོད་ལུགས་བཞུགས་སོ།།

[Full Size]

འདི་ན་བླ་མ་བཞུགས་ན་རབ་མེད་ན་ཐུན་དཔོན་གྱིས་ཚོས་ལུང་ལྟར་བརྗོད། དེ་ཆེ་ཐུན་པ་རྣམས་ཀྱིས་ཐུན་མ་ཆད་པོར་ལྐོག་འབུགས་སུ་འདོན་ཞིང་ཉན་པར་བྱའོ།། འོ་ན་ད་ལམ་ཁྱེད་ཐུན་པ་རྣམས་ལ་དམིགས་པ་སྤྱོད་ཚེ་སྔགས་ཡིད་འདོན་ཐུན་མ་ཆད་པར་མཛོད་ལ་ལེགས་པར་ཉོན། སེམས་གཞན་གཡེང་བས་བྱས་པ་ནི། །དེ་དག་འབྲས་བུ་དོན་མེད་ཡིན། །ཞེས་གསུངས་པས་སེམས་མ་ཡེངས་པར་དམིགས་པ་རྩེ་གཅིག་གཏད་ནས་འདོན་དགོས་སོ། །དེང་སང་ཡིག་དྲུག་དུང་ཕྱུར་མང་པོ་ཐོན་པ་རྣམས་ལ་ཡང་། དངོས་སུ་ལྟ་ཅི་སྨོས་རྨི་ལམ་གྱི་རྟགས་གསལ་པོ་ཙམ་མི་འབྱུང་བ་དེ་སེམས་ཡེངས་བ་དང་། དབང་

[Full Size]

ལུང་མ་ཐོབ་པ་དང་། སྒྲུབ་ཐབས་མི་ཤེས་པ་དང་། ཆོ་ག་དང་མ་འབྲེལ་ནས་རང་ག་མི་ནག་སྔགས་འདོན་དུ་སོང་བའི་སྐྱོན་ཡིན། ངེད་རང་རྣམས་དེ་དང་མི་འདྲ་དབང་ལུང་ཐོབ། སྒྲུབ་ཐབས་ཟབ་ལ་རྒྱ་ཆེ་བ་སྒྲུབ་ཆེན་གྱི་ཁོང་ནས་བསྒྲུབ། ཆོ་ག་བཏང་མཁན་ཐུན་དཔོན་གྱིས་གཞུང་བཟུང་། བགེགས་དང་བར་ཆད་སེལ་ཕྱིར་ཉུལ་ལེ་བསྐྲད། གཞན་གྱི་ངོ་གྲིབ་མི་ཕོག་པའི་མཚམས་བསྡམས། མཐུན་རྐྱེན་བཟའ་བཏུང་གི་སེམས་ཁྲལ་མེད་པར་སྦྱིན་བདག་གིས་སྦྱར། འདི་ལྟ་བུ་རྟགས་མི་ཐོན་པ་ངེད་རང་རྣམས་སེམས་ཡེངས་བས་ལན། ད་ནི་མ་ཡེངས་པར་འདི་ལྟར་

[Full Size]

བསྒོམ་པ་གལ་ཆེ་ཆེ། དེ་ཡང་བུམ་སྒྲུབ་གཞུང་གཉིས་ནས། དངོས་གཞི་བསྐྱེད་པའི་རིམ་པ་ནི། རང་ཉིད་ཐུགས་རྗེ་ཆེན་པོར་བསྒོམ། །ཞལ་གཅིག་ཕྱག་གཉིས་སྐུ་མདོག་དམར་། །ཕྱག་གཡས་པད་ཕྲེང་ཐུགས་ཀར་འཛིན། །ཕྱག་གཡོན་པད་སྡོང་བདུད་རྩི་བསྣམས། ་།རྡོ་རྗེའི་སྐྱིལ་ཀྲུང་རང་འདྲའི་ཡུམ། །གསང་བ་ཡེ་ཤེས་མདངས་ལྡན་མ། །གཉེན་ལྕགས་འཁྲིལ་ཞིང་དབྱེར་མེད་བསྒོམ། །སྤྱི་གཙུག་རིགས་བདག་ཐུགས་ཀར་ནི། །ཟླ་སྟེང་ཧྲིལ་ཡིག་དྲུག་བསྐོར། །བདག་ཉིད་ཐུགས་རྗེ་ཆེན་པོའི་བསྐྱེད་རིམ་དེ་ལྟར་གསལ་བའི་ཐུགས་ཀར་ཟླ་བའི་དཀྱིལ་འཁོར་གྱི་ལྟེ་བར་ཧཱིདང་མཐའ་ལ་ཡིག་དྲུག་གསལ་བ་ལས་འོད་འཕྲོས། བདེ་བ་ཅན་ནས་ཡེ་ཤེས་པ་སྤྱན་དྲངས་ལ་གཉིས་མེད་དུ་བསྟིམ། སྟོང་པའི་ངང་ལས་བུམ་པ་ཧཱུྃ་ལས་ཡེ་ཤེས་ཀྱི་གཞལ་ཡས་ཁང་སྒོ་གྲུ་རྟ་བབས་ཐམས་ཅད་རྫོགས་པ། ཡེ་ཤེས་ཀྱི་རང་སྣང་ལས་གྲུབ་པ་རྒྱ་ཆེ་སྤང་དུ་མཐོ་བར་བསྒོམ། ནང་གི་རིལ་བུ་དཔག་མེད་རེ་རེ་ལ་ཡང་། བོདག་ཉིད་ཐུགས་རྗེ་ཆེན་པོ་ཅི་འདྲ་བ་རེ་རེ་དེ་བཞིན་བསྒོམ། དེ་དག་གི་དམ་ཚིག་པ་རེ་རེ་ལ་ཐུགས་སྲོག་ཧཱིདང་། བདག་གི་ཧཱུྃལས་འོད་འཕྲོས་བདེ་བ་ཅན་དང་། པོ་

[Full Size]

ཏ་ལ་ནས་ཡེ་ཤེས་པ་སྤྱན་དྲངས་ནས་དམ་ཚིག་པ་རིལ་བུ་རེ་རེ་ལ་ཡང་བསྟིམ་མོ། །དེ་ནས་གཟུངས་ཐག་འཐེན་པ་ཐམས་ཅད་ལ་བཟུང་བཅུག་ལ། སྣང་སྲིད་ཐམས་ཅད་ཐུགས་རྗེ་ཆེན་པོའི་ཞིང་དང་སྐུ་རུ་བསྒོམ་མོ། །བུམ་སྒྲུབ་གཞུང་ལས་འཛབ་དགོངས་ལྟར་དུ་ཞེས་གསུངས་པའི་ཕྱིར། རང་ཐུགས་རྗེ་ཆེན་པོར་བསྒོམས་པ་ལྟར་རིལ་བུ་རེ་རེ་ཡང་ཐུགས་རྗེ་ཆེན་པོ་རེ་རེ། དེ་རེ་རེའི་དབུ་གཙུག་ཏུ་སངས་རྒྱས་སྣང་བ་མཐའ་ཡས་སྐུ་མདོག་དམར་པོ་ཆོས་གོས་མཉམ་བཞག་ཅན་རེ་རེ། ཐུགས་རྗེ་ཆེན་པོའི་ཐུགས་ཀའི་ཆ་སྨད་དུ་རྟ་མགྲིན་དམར་པོ་གྲི་གུག་དང་ཐོད་ཁྲག་འཛིན་པ་རེ་རེ། དེ་ལྟར་བདག་དང་མཐའ་ཡས་རྟ་མགྲིན་གསུམ། །ཐུགས་ཀར་ཟླ་སྟེང་ཧཱུྃཡིག་མཐར། །ཡིག་དྲུག་བསྐོར་བསམ་བདག་ཉིད་ཀྱིས་། །ཨོཾ་མ་ཎི་པདྨེ་ཧཱུྃ་ཧཱུྃ༔ ཞེས་ཡི་གེ་བདུན་པ་བཟླས་པས། བདག་དང་རིལ་བུ་ཐམས་ཅད་ཀྱི། །སྔགས་ལས་འོད་ཟེར་དཀར་པོ་འཕྲོས། །རྒྱལ་བའི་སྐུ་ལ་མཉེས་མཆོད་འབུལ། །དངོས་གྲུབ་བདག་དང་རིལ་བུར་འདུས། །ཁམས་གསུམ་སེམས་ཅན་ལུས་སྒྲིབ་སྦྱངས། །སྡུག་བསྔལ་མ་ལུས་ཞི་བར་བསམ། །མཐའ་ཡས་ཐུགས་ཀའི་སྔགས་ཕྲེང་

[Full Size]

ལས། །འོད་ཟེར་དམར་པོ་དཔག་མེད་འཕྲོས། །རྒྱལ་བའི་གསུང་ལ་མཉེས་མཆོད་འབུལ། །གསུང་གི་དངོས་གྲུབ་བདག་དང་རིལ་བུར་འདུས། །སེམས་ཅན་ཀུན་གྱི་ངག་སྒྲིབ་སྦྱངས་། །ཀུན་ཀྱང་བདག་གི་དབང་བསྡུས་བསམ། །རྟ་མགྲིན་ཐུགས་ཀའི་སྔགས་ཕྲེང་ལས། །འོད་ཟེར་མཐིང་ག་རབ་འཕྲོས་པས། །རྒྱལ་བའི་ཐུགས་ལ་མཉེས་མཆོད་འབུལ། །ཐུགས་ཀྱི་དངོས་གྲུབ་བདག་དང་རིལ་བུར་ཐིམ། །སེམས་ཅན་ཀུན་གྱི་ཡིད་སྒྲིབ་སྦྱངས། །སྣང་བ་ཐམས་ཅད་དབང་འདུས་བསམ། །ཞེས་པ་ཙམ་མམ་རྒྱས་པར་ན་དེའི་དོན་བཀྲོལ་ལ་བཤད། དེ་ལྟར་འོད་ཟེར་འཕྲོ་འདུ་རྣམས། །རྒྱལ་བ་མཉེས་མཆོད་རྒྱུན་མི་འཆད། །རིགས་དྲུག་སྒྲིབ་སྦྱོང་རྒྱུན་མི་འཆད། །བདག་ལ་དངོས་གྲུབ་རྒྱུན་མི་འཆད། །རྒྱུན་ཆད་མེད་པ་གསུམ་ལྡན་གྱི། །ཏིང་འཛིན་འདིས་ཟབ་འཇིག་རྟེན་འདིར། །མ་བྱུང་འབྱུང་བར་མི་འགྱུར་རོ། །ཞེས་གསུངས་པས་དེ་ལས་ཟབ་པའི་ཏིང་འཛིན་ནི་སྔར་འདས་པའི་སངས་རྒྱས་རྣམས་ཀྱི་བསྟན་པ་ལ་ཡང་མ་བྱུང་། མ་འོངས་པའི་སངས་རྒྱས་རྣམས་ཀྱི་བསྟན་པ་ལ་ཡང་འབྱུང་བར་མི་འགྱུར་ཏེ། ཤིན་ཏུ་ཟབ་ཅིང་དཀོན་པའི་དམིགས་པ་ཡིན་ནོ། །རྣལ་འབྱོར་པ་

[Full Size]

རྣམས་ཀྱིས་འདི་ལྟ་བུའི་ཏིང་ངེ་འཛིན་ཤིན་ཏུ་གསལ་ཞིང་ཡང་ཡང་གསལ་བཏབ་པ་ཤིན་ཏུ་གནད་ཆེའོ། །ཞེས་གསུངས་སོ། །དམིགས་པ་དེས་ཅུང་ཟད་སུན་པ་བྱུང་ན། རང་ཐུགས་རྗེ་ཆེན་པོར་བསྒོམས་ནས་ཡི་གེ་བདུན་པ་འུར་དི་རི་རི་བཟླས་པས་རིགས་དྲུག་གི་འགྲོ་བ་ཐམས་ཅད་ཀྱང་། བུང་བ་ཚང་ཞིག་པ་ལྟར་དུ་དི་རི་རི་བཟླས་པས། རིགས་དྲུག་གི་ལས་དང་སྡུག་བསྔལ་ཐམས་ཅད་དག་ནས་ཐུགས་རྗེ་ཆེན་པོའི་ཞིང་དུ་འགྱུར་པར་བསམས་ལ་བཟླ། བུམ་ནང་གི་ལྷ་ཚོགས་ཐམས་ཅད་དང་། མདོར་ན་སྣང་སྲིད་ཐམས་ཅད་ཡི་གེ་བདུན་པའི་སྔགས་སྒྲ། བུང་བ་ཚང་ཞིག་པ་ལྟར་དུ་སྔགས་ཏི་རི་རི་འུ་རུ་རུ་བཟླས་པས། དེ་ལྟར་བསྒོམས་པས་རིགས་དྲུག་ཀུན་གྱི་སྡུག་བསྔལ་ཐམས་ཅད་དག་ནས་བདག་གིས་འདྲེན་པར་འགྱུར་རོ། །ཞེས་གསུངས་སོ། །དེ་ཡང་སྒྲུབ་པ་ཆེན་མོ་དང་། རྣལ་འབྱོར་པ་རྒྱུན་གྱི་བསྙེན་སྒྲུབ་ཀུན་ལ་འདི་དམིགས་པའི་འཕྲུལ་དམིགས་ཤེས་ན་ཤིན་ཏུ་ཟབ་ཅིང་མྱུར་བ་ཡིན་ནོ། །བསྐྱེད་རིམ་དང་དམིགས་པ་མ་གསལ་ན། རྟགས་དང་ཡོན་ཏན་ཕྱིར་འགྱང་སྟེ། དེས་ན་བསྐྱེད་རིམ་དངདམིགས་པ་ཡང་ཡང་གསལ་བའི་གཟེར་འདེབས་པའི་གནད་ཆེ་བར་

[Full Size]

ཤེས་པར་བྱའོ། །ཞེས་གསུངས་སོ། །བུམ་སྒྲུབ་གཞུང་ནས། ངག་བཅད་ལེ་ལོ་དང་། ཆང་དང་། གཉིད་དང་། གཏམ་སྤངས་ཏེ། ཉིན་མཚན་རྒྱུན་གྱི་ཐུན་བཙུགས་ཏེ་ལེགས་པར་བཟླའོ། །ཞེས་གསུངས་པ་ལྟར་རང་གི་ཚེ་ཕྱི་མའི་དོན་ཡིན། སྦྱིན་བདག་གི་དོན། སེམས་ཅན་ཐམས་ཅད་ཕ་མ་ཤ་སྟག་ཡིན། དེ་རྣམས་ཀྱི་དོན་ཡིན་པས་ཁྲལ་སོད་ཙམ་མིན་པར་ཐུགས་ཁུར་སོ་སོ་ནས་མཛད་པ་གལ་ཆེ། དེ་ལྟར་བྱས་པས་སྐྱེ་བོ་ཕལ་པས་མ་ཎི་འདོན་པ་ལྟར་བཟང་མེད་ངན་མེད་མིན། རབ་མངོན་སུམ། འབྲིང་ཉམས་སྣང་ཞེས་གཉིད་པ་ཡང་མིན། མ་གཉིད་པ་ཡང་མིན་པར་འཁྲུལ་སྣང་འདྲ་བ། ཐ་མ་རྨི་ལམ་དུ་བཟང་རྟགས་ངན་རྟགས་འོང་། ངན་རྟགས་ནི་སྒྲུབ་ཆེན་གྱི་གཞུང་ནས། ངན་པའི་རྟགས་སུ་རྨིས་ལྟས་ཉི་ཟླ་ནུབ་པ། ཁ་ཆར་འབབས་པ། གྲོགས་མེད་གཅིག་པུར་འཁྱམས་པ། སྐྱོགས་དང་། དམག་དང་། སྒོ་ནོན་དང་། མཛེ་ཕོ་དང་། སྤང་པོ་དང་། མཚོན་ཡུ་མེད་། བུད་མེད་ནག་ཁྲོས་དང་སྤྱོད་པ། དེ་དག་ནི་དམ་སེལ་དང་། མཁའ་འགྲོ་ཆོས་སྐྱོང་ཁྲོས་པ་དང་། བར་ཆད་འབྱུང་བས་བསྐང་བཤགས་ལ་འབད། ཅེས་དང་། ཨོ་རྒྱན་

[Full Size]

རིན་པོ་ཆེའི་ཞལ་ནས། ཀྱེ་ཧོ། ཉོན་དང་སྐལ་ལྡན་འདིར་ཚོགས་རྣམས། །བརྩོན་འགྲུས་དག་དང་སྒོ་གསུམ་གུས་བྱས་ནས། །བྲེ་མོའི་གཏམ་དང་ལོག་སྤྱོད་ཉེས་པའི་ཆང་། །འཐབ་རྩོད་ཀུ་ཅོ་ལེ་ལོ་གཉིད་དབང་སྤངས། །ཉེ་རིང་ཕྱོགས་ལྟས་མཉས་ཆོས་ཕྲ་མོ་དང་། །ཚོད་ཡོད་རྔམ་ཆོས་ལོག་ལྟ་བག་མེད་དང་། །ལྷ་ཆོས་ཚོད་ཡོད་དད་མེད་ལོག་སྤྱོད་སོགས། །ལུས་ངག་ཉེས་པའི་བྱ་བ་ཐམས་ཅད་བསྡམས། །དད་གུས་བརྩོན་འགྲུས་ངེས་འབྱུང་དག་སྣང་དང་། །བླ་མ་ལ་གུས་རྒྱལ་ཐེབ་རིག་མ་སོགས། །ཀུན་ལ་གུས་ཤིང་མཆེད་ལ་གདུང་བར་མཛོད། །འདི་འདྲའི་དཀྱིལ་འཁོར་གསང་ཆེན་སྒྲུབ་མཐོང་ན། །མཆོག་གི་དངོས་གྲུབ་ཚེ་གཅིག་མ་རྟོགས་པ། །ཐུན་མོང་ཕྲན་ཚེགས་ཙམ་ལས་མ་སེམས་ཤིག །འདི་འདྲའི་དབང་བསྒྲུབ་བཙལ་བས་སུ་ཡིས་རྙེད། །རང་ཆག་འདིར་ཚོགས་ཆོས་བསོད་ཤིན་ཏུ་ཆེ། །སློབ་དཔོན་ཚིག་ལ་གུས་པས་རྩེ་གཅིག་ཉོན། །བཀའ་ལས་འདས་ན་དངོས་གྲུབ་བརླག་པར་འགྱུར། །དེ་སྐད་དུས་བཞིའམ་ཉིན་མཚན་རེས་ཀྱིས་བསྐུལ། །ཞེས་གསུངས་པ་དང་མཐུན་པར་བྱས་ལ། རྟགས་ནི་བུམ་སྒྲུབ་གཞུང་ལས། དེ་ཚེ་

[Full Size]

རྟགས་ཀྱི་རིམ་པ་ཡང་། འོད་དང་དུ་བ་དང་དྲི་བཟང་པོ་དང་། ལྷ་ཡི་ཞལ་མཐོང་བ་དང་། ཉམས་སྤྲོ་བ་ཤེས་པ་བྱིན་ཆགས་པ། དཀྱིལ་འཁོར་མཆོད་རྫས་རྣམས། བཀྲག་མདངས་གསལ་བ། རྨི་ལམ་དུའང་ཉི་ཟླ་ཤར་བ་གོས་དཀར་པོ་གྱོན་པ། རྔ་རྡུང་བ་དང་དུང་འབུད་པ་དེར་ཕྱིར་བ། ཁྲུས་བྱེད་ཆོས་འཆད། སེམས་ཅན་སྲོག་སྐྱོབ་པ། གྲུ་པ་བྱེད་དམ་ཟམ་བཙུགས། ནམ་མཁར་འཕུར་བ་ལ་སོགས་འབྱུང་། དངོས་སུ་ཡང་བུམ་ཆུ་དང་གཏོར་མ་ཁོལ་བ་ལ་སོགས་རྟགས་ཁྱད་པར་ཅན་འབྱུང་བར་གསུངས། སྒྲུབ་ཆེན་ནས། དེ་ཚེ་སྒྲུབ་པའི་རྟགས་ཀྱི་རིམ་པ་ཡང་། དངོས་ཉམས་སམ་རྨི་ལམ་དུ། བཀའ་བརྒྱུད་ཀྱི་བླ་མ་རྣམས་དང་མཇལ་བ། ལྷ་དང་མཁའ་འགྲོས་ཆོས་འཆད་ལུང་སྟོན་པ། ནམ་མཁར་འཕུར་བ་གངས་དང་རི་ལ་འཛེགས་པ། ཉི་ཟླ་ལ་བརྩེས་པ། རྔ་རྡུང་བ། དུང་འབུད་པ། དར་ཕྱར་བ། ཁྲི་ལ་འདུག་པ། ཁྲོམ་འདུ་བ། བུད་མེད་མ་སྲིང་བཟང་མོས་ཟས་བཅུད་སྟེར་བ། མཆོད་རྟེན་ལྷ་ཁང་བརྩིགས་ཚར་བ། ཤེལ་དང་གཏེར་དང་རིགས་ལྔའི་ཕྱག་མཚན་རྙེད་པ། དངོས་སུ་ཡང་སྒྲ་དང་དྲི་དང་དུ་བ་དང་བུམ་ཆུ་གཏོར་མ་ཁོལ་བ། བུམ་

[Full Size]

རྫས་ལ་ཁ་སྐྱེ། ཕུར་པ་འཁྲབ། གཏོར་རྫ་ས་དགུན་མི་འཁྱག །དབྱར་མི་རུལ། རྨིས་ལྟས་སུ་ཁྲུས་བྱས་ཆུ་བརྒལ། གཟིངས་བཙུགས། གོ་མཚོན་ཐོགས་པ། ཉམས་སྤྲོ་བ་སེམས་ལས་སུ་རུང་། ནུས་པ་ཆེ། མཆིལ་མ་ཁོལ། ་དགྲ་འཆི་འདྲེ་འབྲོས། མཁའ་འགྲོས་བཀླག་དི་རེ་དངོས་གྲུབ་སྐྱེལ་བ་ལ་སོགས་འབྱུང་ངོ་། །ཞེས་གསུངས་པ་ལྟར་བཟང་རྟགས་བྱུང་ཡང་། ཧ་ཅང་ང་རྒྱལ་དང་། རློམ་སེམས་མི་རུང་དགའ་བྲོད་ཀྱི་བདུད་འཇུག །མེ་བུས་ན་དུ་བ་འོང་བའི་དཔེ། སྒྲུབ་ཆེན་འདི་ལྟ་བུ་བྱས་པ་ལ་རྟགས་དེ་ཙམ་ཆུང་ཚོད་ཡིན། ངོ་མཚར་རྒྱུ་མེད་སྙམ་དུ་བྱ། ངན་པའི་རྟགས་བྱུང་ན་ཡང་ངན་སྙམ་མཁན་གྱི་སེམས་ལ་བལྟས་པས་སྟོང་པར་རྟོགས། མངོན་སུམ་ཡང་བདེན་པར་མ་གྲུབ་པར་གསུངས་ན་ཉམས་རྨི་ལམ་གྱི་འཁྲུལ་སྣང་བདེན་པར་འཛིན་པ་དང་རང་ཅོལ་ཆུང་། སྙམ་ཞིང་ཉམས་ལེན་སྟེང་དུ་ཀློད་ལ་བཞག་པར་བྱ་སྟེ། སྒྲུབ་ཆེན་གཞུང་ལས། མདོར་ན་བཟང་ངན་ཐམས་ཅད་རྒྱུ་འབྲས་སམ་སྟོང་པའི་རང་རྩལ་སྐྱེ་མེད་དུ་ཤེས་པའི་ལྟ་བའི་གདེང་བསྐྱེད་དོ། །ཞེས་གསུངས་སོ། །འོ་ན་བཟང་ངན་རྟགས་པ་ནི་ཅི་བྱེད་སྙམ་ན། ངན་ན་

[Full Size]

བསྐང་གསོ་བཤགས་པ་རྒྱུན་གྱི་དེ་བས་མང་བ་བྱེད་དགོས། བཟང་བ་བྱུང་ན་དངོས་གྲུབ་ལེན་ཆོག་དགོས། མ་བྱས་ན་དངོས་གྲུབ་དུས་སུ་མ་བླངས་བས་ཉམས་བཟང་རྟོགས་འོང་མཁན་ཨ་རེ་མང་བྱུང་ན་སྔགས་ཤམ་བུ་སྦྱར་དགོས། དེ་མ་སྦྱར་ན་མདའ་ལ་མདེལ་མེད་པ་དང་འདྲ་བས། སྐྱེ་བདུན་གྱི་རིལ་བུ་མི་འགྲུབ། དེས་ན་ཁྱེད་ཐམས་ཅད་ལ་བཟང་ངན་གྱི་རྟགས་གསལ་པོ་གང་བྱུང་། བླ་མའམ་ཐུན་དཔོན་ལ་ཞུ་དགོས། དོན་མེད་པའི་རྨི་ལམ་ཉབ་ཉོབ་མང་པོ་མ་བཤད་ཐུགས་དམ་ཆག །ཚེ་རབས་མང་པོ་ནས་ལས་འཕྲོ་སུ་བཟང་། སྒྲིབ་པ་སུ་སྲབ། ཚེ་འདིར་རིགས་དང་རྩ་རིགས་སུ་བཟང་། རྩ་རླུང་སུ་དར་ཚོད་མེད་པས། མཐོན་དམན་ཐམས་ཅད་ཀྱིས་རྟག་གཞིག་མཛོད། རྒྱུན་དུ་འཛབ་ལ་ནན་ཏན་བྱེད་པ་ནི་གནད་དུ་ཆེའོ། །དམ་ཚིག་ལ་ཤིན་ཏུ་གནས་པར་བྱ། དངོས་གྲུབ་ཆར་ལྟར་འབབ་འཕྲོ་ལ་དམ་སེལ་ཕྲ་མོ་ཞིག་གིས་ཀྱང་། སྤྲིན་ལ་རླུང་ཕོག་པ་ལྟར་དངོས་གྲུབ་འབྱུང་འཕྲོ་འཆད་པས་གཟབ་པར་བྱའོ། །ཞེས་སྒྲུབ་ཆེན་གཞུང་ནས་གསུངས་པས། མཆེད་གྲོགས་རྣམས་ཁོང་ཁྲོ་དང་རྩོད་འཛིང་སོགས་མ་བྱེད། རང་རང་ལ་ཕྱི་མའི་ཉེས་སྒྲིབ་ད་ལྟའི་བཀའ་ཆད་འོང་བས་

[Full Size]

གཟབ་པར་ཞུ། འཛབ་ལ་ནན་ཏན་གལ་ཆེ་གསུངས་པས། འདི་ལས་ཟབ་པའི་ཐུགས་དམ་གཞན་ཞིག་ཡོད་སྐད་མ་མཛད་པར་ཐུན་ལ་ཐང་ལྷོད་མེད་པ་ཞིག་ཨེ་འོང་གལ་ཆེ། ཞེས་སྔ་དྲོ་མ་ཆག་པར་གསལ་འདེབས་བྱ། རྟགས་བྱུང་ན་རབ་ཐུན་དཔོན་ལ་ལྐོགས་སུ་ཞུའི། ཁྲོམ་གཏམ་མི་བྱ། ཐུན་དཔོན་གྱིས་དཔྱད་མི་རྩ་རིགས་བཟང་བ་རླུང་ཁམས་པའི་རིགས་ལ་འདོན་ལུང་མེད་པར་དང་པོ་ནས་རྟགས་འབྱུང་སྟེ། དེ་ལ་ཆགས་མི་འཇོགས། ས་ཁམས་པ་རྩ་རིགས་ཞན་པ་ལ་རྟགས་ཡེ་ནས་མི་འོང་བ་ཡོད་པ་ལ་ཆགས་མི་འཇོགས། སྤྱི་མང་དེའི་རྟགས་བཟང་ངན་གང་བྱུང་ལ་ཚོད་འཛིན་ནོ། །དེ་ནས་དགོང་ཁ་ཉི་ནུབ་གོང་ཞབས་དམིགས་པ་གཅིག་སྤྱོད་དེ། ཡང་ཁྱེད་རྣམས་ཐུན་མ་ཆད་པར་སྔགས་ལྐོག་འབུགས་སུ་མཛད་ལ་གསན་པར་ཞུ། དེ་ཡང་རྒྱུད་ལས། དྲེགས་པ་ཚར་གཅོད་དྲག་པོ་ནི། །ཞེས་གསུངས་པས། སྒྲུབ་པ་པོ་སྦྱིན་བདག་དང་བཅས་པའི་བར་ཆད་བསལ་བའི་ཕྱིར་། རང་དང་རིལ་བུ་ཐམས་ཅད་ཐུགས་རྗེ་ཆེན་པོ་གསང་འདུས་སུ་གསལ་བའི་སྤྱི་བོར་སྣང་བ་མཐའ་ཡས་དང་། ཐུགས་ཀའི་ཆ་སྨད་དུ་རྟ་མགྲིན་བཞུགས་པ་དང་། གཙོ་བོའི་

[Full Size]

ཐུགས་དབུས་དང་། ལྷ་གསུམ་ཐུགས་ཀའི་སྔགས་ཕྲེང་ལས། ཁྲོ་བོ་རྟ་མགྲིན་དམར་པོ་སྐུ་ཆུང་ལ་ཡན་ལག་རགས་པ། རྟ་མགོ་འཚེར་ཞིང་ཁྲོ་བོའི་ཆས་ཐམས་ཅད་དང་ལྡན་ཞིང་མེ་འབར་བའི་ཚོགས། དཔག་ཏུ་མེད་པས་འཇིག་རྟེན་གྱི་ཁམས་ཐམས་ཅད་ཁྱབ་པར་འཕྲོས། དེ་དག་གི་མཚོན་ཆ་སྣ་ཚོགས་ཐོགས་ནས་གནོད་བྱེད་དགྲ་བགེགས་དམ་སྲི་ཆག་ཆེན་ཉམ་ང་། ལ་སོགས་པ་ཐམས་ཅད་བྱ་སྤུ་རླུང་གིས་གཏོར་བ་ལྟར་རྒྱ་མཚོའི་ཕ་མཐར་དེད། མི་འགྲོ་བ་དེ་དག་བརྡུང་བ་དང་། བསད་པ་དང་། གཏུབས་པ་དང་། མེ་དཔུང་གིས་བསྲེགས་ཏེ་མིང་ཡང་མེད་པར་བྱས་པར་བསྒོམ་པར་བྱ་སྟེ། ལྷ་གསུམ་ཐུགས་ཀའི་སྔགས་ཕྲེང་ལས། །ཁྲོ་ཆུང་མཚོན་ཐོགས་དཔག་མེད་འཁྲུག །ཧཱུཾ་དང་ཕཊ་ཀྱིས་སྒྲ་སྒྲོག་ཅིང་། །དེ་སྒྲས་སྟོང་གསུམ་ཡོངས་གང་ནས། །བདུད་དང་དམ་སྲི་འབྱུང་པོའི་ཚོགས། །གང་དག་ཞི་བས་མི་ཐུལ་ན། །མི་ལུས་ཚར་བཅད་དག་ཏུ་འགྱུར། །ཚེ་བཙན་འགྲན་ཟླ་བྲལ་བར་བསམ་། །ཞེས་གསུངས་པ་ལྟར་བསྒོམ། །ཡིག་བདུན་དྲག་པོ་ལས་ཀྱི་སྔགས། །དྲག་མྱུར་ཐོག་ལྟར་བཟླ་བར་བྱ། །ཞེས་གསུངས་པས་སྐད་དྲག་པོར། ཨོཾ་མ་ཎི་པདྨེ་ཧཱུྃ་

[Full Size]

ཧྲཱིཿཕཊ༔ ཞེས་ཕྲེང་སྐོར་རེ་ཟུང་འདོན་འཇུག་ལ། ཐུན་དཔོན་པས། བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །ཞེས་སོགས་བརྗོད་ནས། ཡང་སྔར་ལྟར་འདོན་འཇུག་༈ཤ །ཡང་བུམ་སྒྲུབ་ཀྱི་གྲར་འཛུད་མི་བདེ་ཡང་། བུམ་སྒྲུབ་ཚེ་ཇ་ཐུག་འཐུང་ཞིང་ཡིག་དྲུག་འདོན་འདོད་མཁན་མང་དུ་བྱུང་ཞིང་། སྦྱིན་བདག་གིས་འབྱོར་པེས་འཕྱོང་བར་འདུག་ན། བུམ་ཁང་ནང་དུ་མི་འཛུད། དཀྱིལ་འཁོར་ཙམ་ཡང་མཇལ་མི་འཇུག་པར། བུམ་ཁང་གི་ཕྱི་ཁྱམས་སམ། དེ་མན་ཁང་པ་ལོགས་ཤིག་ཏུ་བཞག་ལ། རབ་གསང་འདུས་ཀྱི་གཏོར་དབང་དེ་མ་གྲུབ་ན་ཡང་ཐུགས་རྗེ་ཆེན་པོ་འགྲོ་འདུལ་གྱི་རྗེས་གནང་སྤྱི་མཚམས་པ་ཞིག་སྐུར་ལ། ཡིག་དྲུག་འདོན་འཇུག་པས་ཆོག །དེ་ཚོ་ལ་ཡང་དེ་ཚོའི་ནང་གི་དྲགས་པ་ཞིག་ཐུན་དཔོན་དུ་བསྐོས་ལ་ཉིན་སྔ་དྲོ་འདི་བཤད་བཅུག་གོ །འོ་ན་ད་ལམ་དམིགས་པ་སྤྱོད་ཚེ་ཡིག་དྲུག་ཡིད་འདོན་ཐུན་མ་ཆད་པར་མཛོད་ལ་གསན་པར་ཞུ། རང་རེ་རྣམས་བུམ་ཁང་འཁོར་ཆུང་བས་ནང་དུ་མ་ཤོང་ནའང་། ཐུགས་རྗེ་ཆེན་པོ་གསང་བ་འདུས་པ་ཕྱི་མདོ་ལུགས་ལྟར་སྒྲུབ་པ་དེ་ངེད་རང་ཚོས་བྱེད་དགོས་ཞེས་བླ་མ་ཚང་གི་བཀའ་བཀོད་ཡིན་པར་

[Full Size]

གདའ། དེ་ལ་འདིར་འདུག་ཚེ་མཚམས་རང་ནི་མིན་ཀྱང་མཚམས་དང་འདྲ་བས། ཐམས་ཅད་ཀྱིས་ལུས་ངག་ཡིད་གསུམ་ཆོས་དང་མཐུན་པར་བྱེད་དགོས། བག་མེད་ཆབ་ཆོབ་ཏུ་སོང་ན་བཀའ་སྲུང་གིས་ཕྲག་དོག་འོང་། དེས་ནི་རྒས་པ་དང་ནད་ཡོད་པ་མ་གཏོགས་ཐམས་ཅད་གདན་གཅིག་སྲུང་། ཚོགས་འཁོར་ནི་འཛེམ་མི་རུང་། དེས་གདན་གཅིག་ལ་མི་གནོད་པ་སྲོང་བཙན་སྒམ་པོའི་བཀའ་ཡིན། ངག་བཅད་ནི་མ་སྲུང་། ངག་བཅད་ནས་ཡིག་དྲུག་ལྐོག་འབུགས་མ་མི་རུང་བར་བཤད། དེ་ཡང་རྒྱུད་ལས། ཕྱི་ལྟར་བཟླས་པ་ཡིག་དྲུག ། བསྙེན་འཇམ་རྨ་བྱའི་མགྲིན་ལྟར་བཟླ་ཞེས་གསུངས་པས་སྐད་བཀྱག་དགོས། ལུས་ཀྱིས་མི་འཁྱོང་བའི་རིགས་ལ་གདན་གཅིག་ཁྲལ་བཞག་ནི་མེད། དེ་ལ་དམིགས་པ་ནི། ཐུགས་རྗེ་ཆེན་པོ་གསང་བ་འདུས་པའི་འཛབ་དགོངས་གནད་ཀྱི་གཟེར་ཏིག་ལས། དང་པོ་ཕྱི་མདོ་ལུགས་སུ་བསྙེན་པར་བྱ་སྟེ། བདག་ཉིད་ཐུགས་རྗེ་ཆེན་པོའི་སྐུ་བསྐྱེད་རིམ་གཞུང་ལྟར་གསལ་བ་ལས་། ཞེས་གསུངས་པའི་དོན་གསང་འདུས་རང་བསྒོམ་པ་ཡང་ལེགས་མོད་ཀྱིས། ད་རེས་མདོ་ལུགས་ཡིན་པས་མདོ་ལུགས་སོར་བཞག་བྱེད། དེ་ལ་མདོ་ནི་ཡི་གེ་དྲུག་པའི་མདོ་དང་

[Full Size]

མཚན་བརྒྱ་རྩ་བརྒྱད་པའི་མདོ་དང་། ཟ་མ་ཏོག་བཀོད་པའི་མདོ་ཆེ་ཆུང་གཉིས་རྣམས་ཡིན་ཀྱང་། ད་རེས་ཟ་མ་ཏོག་གི་མདོ་ལུགས་འགྲོ་འདུལ་ཕྱག་བཞི་པ་བསྒོམ་། དེ་ལ་ཡང་མངོན་རྟོགས་རྒྱས་བསྡུས་དང་། བསྒོམ་ལུགས་མང་དུ་ཡོད་ཀྱང་། གྲུབ་ཆེན་པཀྵིའི་ཞལ་ནས། ཕལ་པ་ཡི་གེ་མི་ཤེས་པ་སོགས་སྐད་ཅིག་དྲན་རྫོགས་ཟིན་སླ་གསུངས་པ་ལྟར། སྐད་ཅིག་དྲན་རྫོགས་སུ་བསྒོམ་པ་འདི་ལ་ཡེ་ཤེས་པ་སྤྱན་དྲངས་དབང་བསྐུར་རྒྱས་གདབ་སོགས་མི་དགོས་པར། དང་པོ་དམ་ཡེ་དབྱེར་མེད་རིགས་བདག་རང་ཆས་སུ་བསྒོམ་པ་འདི་ཤེས་རབ་ཆུང་བ་རྣམས་ཀྱིས་ཟིན་སུ། རྟོགས་པ་ནི་ཤིན་ཏུ་མཐོན་པོ་རྣམས་ཀྱི་བསྒོམ་ལུགས་ཡིན་པས་ཟབ་པ་ཡིན། དེ་ལ་ཡང་མངོན་རྟོགས་ནམ་མཁའི་སྐར་འཚོགས་ཙམ་ཡོད་ནའང་། ཐུགས་རྗེ་ཆེན་པོ་གསང་བ་འདུས་པ་འདི་གཏེར་ནས་འདོན་མཁན་དེ་རཏྣ་གླིང་པ་ཡིན་པ་ཙམ་མ་གཏོགས། ཆོས་ཀྱི་བདག་པོ་དེ་རྗེ་དྲུག་པ་དང་བདུན་པ་གཉིས་ཡིན་ཚུལ་གཏེར་གཞུང་ན་གསལ་བའི་ཕྱིར། རྗེ་དྲུག་པས་རྒྱལ་བ་རྒྱ་མཚོའི་དབང་གི་སྐབས་སུ་གསུངས་པའི་མངོན་རྟོགས་ཉུང་ངུ་འདིས་སྤྱོད་པ་ཡིན་པས། ཁྱེད་རང་རྣམས་སྐད་ཅིག་གིས་རྗེ་

[Full Size]

བཙུན་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐལ་མོ་སྦྱར་བ། གཡས་ཀྱི་འོག་མས་བགྲང་ཕྲེང་། གཡོན་གྱི་འོག་མས་པདྨ་འཛིན་པ། དེ་ཡི་ཐུགས་ཀར་ཧཱིདཀར་པོ་རྒྱན་དང་ན་བཟའ་པད་ཟླ་སོགས་ཀུན་གྱི་ཤེས་ལྟར་བསྒོམ། དེ་ནས་འཛབ་དགོངས་ནས་གསུངས་པ་ལྟར། དེ་ཡང་སྐུ་ཆ་ཚད་རི་རབ་དང་མཉམ་པ། ཞལ་ཚངས་པའི་གནས་ན་སླེབས་པར་བསྒོམ། སྔགས་ནམ་མཁའི་འབྲུག་ཙམ་དུ་བསྒོམ། དབྱངས་ནི་སྙན་ལ་རིང་བ་རྨ་བྱའི་མགྲིན་ལྟར། ཨོཾ་མ་ཎི་པདྨེ་ཧཱུྃ། ཞེས་ཡི་གེ་དྲུག་པ་བཟླས་པར་སྲིད་པ་གསུམ་དང་། ཁྱད་པར་འགྲོ་བ་རིགས་དྲུག་གི་གནས་སུ་འུ་རུ་རུ་བྱུང་བས། རིགས་དྲུག་གི་སྡུག་བསྔལ་སྐད་ཅིག་ལ་ཐུགས་རྗེ་ཆེན་པོའི་ཞིང་དུ་སྣང་བ་འགྱུར་ནས་ཡི་གེ་དྲུག་པ་དྷི་རི་རི་ཡོད་པར་བསམས་ནས་བཟླས་པས། རིགས་དྲུག་དོང་ནས་སྤྲུགས་པར་གྱུར་ཏེ། ཡོན་ཏན་བསམ་ལས་འདས་ཞེས་གསུངས་སོ། །ཕྱི་སྒྲུབ་མདོ་ལུགས་འདི་ལ་ཧྲིམེད་པས་མི་སྦྱར་བར་ཞུ། ཞེས་བརྗོད་ལ་ཧ་ཅང་ཇོ་དབྱངས་ཡང་མིན་པར། སིལ་བུ་རང་ཡང་མིན་པར་ཐམས་ཅད་བསྒྲིགས་ནས་འདོན་བཅུག་གོ །དེ་ནས་ཉི་མ་ནུབ་པ་དང་ཡང་དམིགས་པ་

[Full Size]

སྤྱོད་དེ། དེ་ཡང་ཐུན་མ་ཆད་པར་ཡིད་འདོན་གྱིས་ལ་ཉོན། གསང་བ་འདུས་པའི་རྒྱུད་ནས། དྲེགས་པ་ཚར་གཅོད་དྲག་པོ་ནི། །ཞེས་སོགས་གསུང་པའི་དོན་དེ་རང་སྒྲུབ་པ་པོ་རྣམས་དང་སྦྱིན་བདག་སོགས་ཀྱི་བར་ཆད་སེལ་བའི་ཕྱིར་རང་ཉིད་ཐུགས་རྗེ་ཆེན་པོའི་ཐུགས་ཀ་ནས་སྤྲུལ་པའི་ཁྲོ་བོ་རྟ་མགྲིན་དམར་པོ། ཁྲོ་ཞལ་སྟེང་ན་རྟ་དབུས་མཚན་པ། ཁྲོ་བོའི་ཆས་ཡོངས་སུ་རྫོགས་པ། སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་སེར་རྒོད་བབ་པ་ལྟར་འཇིག་རྟེན་ཐམས་ཅད་གང་ནས། ཧཱུྃ་ཕཊ་ཀྱི་སྒྲ་དང་བཅས་པས་གནོད་བྱེད་གདོན་བགེགས་དམ་སྲི་ཐམས་ཅད་མཐའི་རྒྱ་མཚོའི་ཕར་འགྲམ་དུ་དེད་པས་གལ་ཏེ་མི་འགྲོ་བ་ཐམས་ཅད་མཚོན་ཆ་སྣ་ཚོགས་ཀྱིས་བརྡུང་བ་དང་། བཅིངས་པ་དང་། བསད་ཅིང་གཏུབ་སྟེ་། མེ་དཔུང་གིས་འཚུབ་མས་བསྲེགས་པར་བསྒོམས་ཏེ། ཁྲོ་ཆུང་མཚོན་ཐོགས་དཔག་མེད་འཁྲུགས། །ཧཱུཾ་དང་ཕཊ་ཀྱི་སྒྲ་སྒྲོག་ཅིང་། །དེ་སྒྲས་སྟོང་གསུམ་ཡོངས་གང་ནས། །བདུད་དང་དམ་སྲི་འབྱུང་པོའི་ཚོགས། །གང་དག་ཞི་བས་མི་ཐུལ་བ། །མ་ལུས་ཚར་བཅད་དག་ཏུ་གྱུར། །ཆེ་བཙན་འགྲན་ཟླ་བྲལ་བར་བསམ། །རྣལ་འབྱོར་པས་རྒྱུན་གྱི་བསྙེན་

[Full Size]

སྒྲུབ་ཀུན་ལ་འདིའི་དམིགས་པའི་འཕྲུལ་མིག་ཤེས་ན་ཤིན་ཏུ་ཟབ་ཅིང་མྱུར་བ་ཡིན་ནོ། །བསྐྱེད་རིམ་པ་དམིགས་པ་མ་གསལ་ན་རྟགས་དང་ཡོན་ཏན་ཕྱིར་འགྱང་སྟེ། དེས་ན་བསྐྱེད་རིམ་དང་དམིགས་པ་ཡང་ཡང་གསལ་བའི་གཟེར་འདེབས་པ་ནི་གནད་དུ་ཆེ་བ་ར་ཤེ་ས་པར་བྱའོ། ་་་་ཞེས་གསུངས་པ་ལྟར་བསྒོམས་ཤིང་དམིགས་པ་རྩེ་གཅིག་ཏུ་གཏད་ལ། རྒྱུད་ལས། ཡིག་བདུན་དྲག་པོ་ལས་ཀྱི་སྔགས། །དྲག་མྱུར་ཐོག་ལྟར་བཟླ་བར་བྱ། །ཨོཾ་མ་ཎི་པདྨེ་ཧཱུྃ་ཕཊ༔ ལས་སྦྱོར་དྲག་པོར་ཤེས་པར་བྱ། ཞེས་གསུངས་པས་དྲག་གཏུམ་དང་བཅས་པས། ཡིག་དྲུག་ལ་ཕཊ་སྦྱར་བའི་ཡིག་བདུན་འདི་ཕྲེང་སྐོར་གཉིས་གསུམ་ཙམ་ཐོན། དེ་ནས་ཐུན་དཔོན་དེས་ཚོད་བཟུང་ལ། ཡང་ཡིག་དྲུག་ལྐོག་འབུགས་གྱིས་ལ་ཉོན། དེ་ཡང་ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས། དེ་ནས་རྫོགས་པའི་རིམ་པ་ནི། །ལྷ་ཉིད་སེམས་སུ་ཤེས་བྱས་ཏེ། །བསྒོམ་བྱའི་ལྷ་དང་སྒོམ་བྱེད་ཀྱི། །མཁན་པོ་དག་ཀྱང་སེམས་ཉིད་དེ། །སེམས་ཉིད་སྐྱེ་མེད་ཆོས་སྐུའི་ངང་། །དེ་ཉིད་མ་འགག་འགྲོ་བ་འདུལ། །ཡི་དམ་ལྷ་ལ་རང་རྒྱུད་ཀྱི། །རྩིས་གདབ་ཁྲིགས་སུ་བཅད་པ་མེད། །གདུལ་བྱའི་མོས་བློ་དང་

[Full Size]

མཐུན་པར། །གང་ལ་གང་འདུལ་དེ་ལྟར་སྣང་། །ཀུན་ཀྱང་ཐ་དད་མ་ཡིན་ཏེ། །སྣང་སྟོང་གཉིས་འཛིན་བློ་ལས་འདས། །གཉིས་མེད་དབྱིངས་སུ་མེད་པར་ཤེས། །སྟོང་གསལ་སྤྲོས་བྲལ་ཆོས་ཀྱི་སྐུ། །བདེ་ཆེན་ཐིག་ལེ་གཅིག་ཏུ་རྫོགས། །མཐར་ཐུག་སྒྲུབ་པའི་མཐའ་ཉིད་དོ། །ཞེས་དང་གནས་ལུགས་དོན་གྱི་རང་ཞལ་བལྟ། །སྒྲིམ་ལྷོད་སོར་བཞག་ཆ་ཡང་མཉམ། །སྤྲོས་བྲལ་སྟོང་པའི་ངང་བསྒོམ་བྱ། །རང་ངོ་རྗེན་པའི་བོགས་བྱུང་ན། །མཉམ་རྗེས་རྒྱུན་གྱི་ཏིང་འཛིན་དང་། །བསྒོམ་ཡོད་བསྒོམ་མེད་ཚད་ལ་དབབ། །མི་སྒོམས་པ་ཡི་གནད་ཤེས་ན། །བྱར་མེད་བློ་བྲལ་ཆེན་པོར་བསྐྱལ། །ཞེས་གསུངས་པ་ལྟར་ཁྱེད་ཁྲིད་ཞུ་མྱོང་བ་རྣམས་ཀྱིས་ད་རེས་ཐུགས་རྗེ་ཆེན་པོའི་བསྐྱེད་རིམ་དམིགས་པའི་འཕྲོ་འདུ་དང་། རྫོགས་རིམ་ཕྱག་རྒྱ་ཆེན་པོ་གཉིས་ཟུང་འཇུག་འོང་བའི་བོགས་ཤིག་ཨེ་ཐོན། ཁྱེད་ཁྲིད་གསར་དུ་ཞུས་པ་ཚོས་ཀྱང་ཐུགས་རྗེ་ཆེན་པོའི་སྐུ་བསྒོམས་པ་ལ་སེམས་གནས་པ་ཞི་གནས། དེ་སྒོམ་མཁན་སེམས་ཀྱི་ངོ་བོ་ལ་བལྟས་པས་སྟོང་པར་མཐོང་བ་ལྷག་མཐོང་རྫོགས་རིམ་ཡིན་པས། དེ་གཉིས་རེས་མོས་སུ་བསྒོམ་མཛོད་ལ། ད་ཡི་གེ་

[Full Size]

དྲུག་པ་དེའི་བསྒོམ་བྱ་དང་བཅས་པ་སྔ་དྲོ་སྤྱོད་པ་ལྟར་བསྒོམ་ཞིང་ཐུན་བཟུང་བར་མཛོད། ཅེས་བརྗོད་པར་བྱའོ། །ཕྱི་ན་འདུག་མཁན་འདི་ཚོ་ཡང་མང་དུ་ཡོད་ན་ཡང་མཚན་ལ་ཡང་ཐུན་བཟུང་བཙུག་མ་ཆད་པར་བྱ། ལྟུང་ན་ཅི་དགའ་བཅུག །ཁྲིད་གསར་དུ་ཞུས་པས་མི་ལྕོགས་པས་ཇོ་ཕོམ་ལག་སྐོར་སོགས་མི་གཏད། ཁྲིད་རྙིང་པ་དང་ཉམས་ལེན་ཡོད་པ་ཚོ་ལ་རྡོ་ཕོམ་དང་ལག་སྐོར་གཏད། ཡི་གེ་སྐྱེན་པ་གདའ་ན་དཔེ་རྙེད་ན་དྲི་མེད་བཤགས་རྒྱུད། དེ་མ་རྙེད་ན་ཞི་ཁྲོའི་ཀློང་བཤགས། དེ་ཡང་མ་རྙེད་ན་ཐུགས་རྗེ་ཆེན་པོའི་སྨྲེ་སྔགས་ཀྱི་བསྟོད་པ་འདོན་བཅུག །དཔེ་ཆ་ཐེབ་ཡོད་ན་སྒོ་རྒྱབ་དེར་གཅིག་ལ་ཡང་སངས་རྒྱས་སྟོང་གི་མཚན་འབུམ་འདོན་བཅུག་ལ་སྐྱོན་མེད་དོ། །དེ་ནས་བུམ་ཁང་རྒྱབ་མའི་དེ་ཚོ་གྲོལ་འདོད་ན་བུམ་ཁང་ནང་མའིཐུན་དཔོན་ལ་ཞུ་ནས་ཚོགས་ཆུང་ཅིག་དང་བཀའ་སྲུང་གསོལ་ཁ་རྒྱས་པ་ཆད་མདོ་བརྟན་སྐྱོང་རྣམས། རྒྱབ་མ་བསྒྲུབས་པ་ཚར་བའི་གཏང་རག་ལ་དམིགས་ནས། ཐུན་དཔོན་ནང་མས་བཏང་། དཔེ་ནང་མས་གཡར་ནས་ཐུན་དཔོན་རྒྱབ་མས་ཐུན་པ་རྒྱབ་མ་རྣམས་ལ་རྗེས་ཟློས་བྱེད་བཙུག་ལ། ལས་བྱང་ནང་གི་དཀྱིལ་འཁོར་བསྡུ་ཆོག་དང་། རྒྱུན་སྤྱོད་སྨོན་

[Full Size]

ལམ། བཀྲ་ཤིས་རྣམས་བྱ། དེ་ནས་རྒྱབ་མ་ཐམས་ཅད་གྲོལ། རེ་རེ་གཉིས་རེ་འདུག་ན་ཇོ་ཕམ་འདྲ་བསྐོར་འཇུག་པ་དང་། ནང་ནས་མཚན་འབུམ་ཕྱག་འབུམ་ཕྱག་རབ་འདོན་པའི་མཆོད་གཡོག་ལ་དམིགས་ནས་ཕྱི་ནས་ཕྱག་འཚལ་འཇུག་གོ །ཡང་ཕྱི་ཡི་ཐམས་ཅད་མ་གྲོལ་བ་རེ་རེ་གཉིས་རེ་དགོས་བྱུང་ན་ཡང་ཐུན་དཔོན་རྒྱབ་ནས་རྗེས་ཟློས་བྱའོ། །ཁོ་རང་གི་ཡི་གེ་ཤེས་ན་ལས་བྱང་གི་དཀྱིལ་འཁོར་བསྡུ་ཆོག་མན་ཆད་འདོན་བཅུག་ལ་བཏང་ངོ་། །དེ་ལྟར་རྒྱབ་མ་དེ་ཚོ་ཕྱི་མདོ་ལུགས་ཡིག་དྲུག་བཀའ་མི་གཉན་ནོ། །སྤྱིར་བུམ་སྒྲུབ་ལ་དུང་མ་ཐོན་ན་མི་རུང་བ་ནི་མེད་དོ། །བདུན་འབུམ་ཉི་ཁྲི་ཡན་གང་ཐོན་ཡིན་ཀྱང་། སྦྱིན་བདག་དགེ་སྟོབས་ཆེ་ནས་དུང་འདོན་ན་མང་པོ་འཚོགས་ནས་མྱུར་དུ་ཐོན་ན་བར་ཆད་མེད་པར་ལེགས་ཤིང་། མང་པོ་གཙང་མ་ཁོ་ན་རྙེད་དཀའ་བས། མདོ་སྔགས་ལུགས་གཉིས་ཕྱི་ནང་བཀའ་གཉན་མི་གཉན་ཕྱེ་བ་འདི་ཐབས་མཁས་པའི་གདམས་པའོ། ༈ཤ །དེ་ནས་གོང་དུ་བཤད་པའི་འཕྲོས། བུམ་ཁང་ནང་མའི་ཐུན་དཔོན་ནམ་ཐུན་པ་འགའ་རེ་ལ་རྟགས་ཁྱད་པར་ཅན་བྱུང་གདའ་ན། རྒྱུན་གྱི་དངོས་གྲུབ་བླངས་ཐབས་སྒྲུབ་ཆེན་གཞུང་ལྟར་བྱ་

[Full Size]

སྟེ། ཧཱུྃ། བདེ་གཤེགས་རྒྱལ་བ་མ་ལུས་དགོངས་སུ་གསོལ། །ཞེས་སོགས་ཡིན་ནོ། །དེ་ནས་ཤམ་བུ་བཏགས་ལུགས་ནི་དུས་དང་གྲངས་དང་རྟགས་གསུམ། གྲངས་ནི་སྤྱི་ཁ་ནས་བདུན་འབུམ་ཉི་ཁྲི་མ་སོང་ངེས་པར་བཏགས་མི་རུང་། བཏགས་ན་ཆང་མ་ལང་བར་ཆུ་བརྒྱབ་པ་ལྟ་བུའོ། །དུས་ནི། བུམ་སྒྲུབ་ཞག་བདུན་ཡིན་ན་ཞག་ལྔ་སོང་ནས་བཏགས། བཅུ་བཞི་ཡིན་ན་བཅུ་སོང་ནས། ཉེར་གཅིག་ཡིན་ན་བདུན་གཉིས་སོང་ནས། ཟླ་གཅིག་ཡིན་ན་བདུན་གསུམ་ནས། རྒྱུན་དུ་བསྒྲུབས་ན་ཞག་བདུན་གསུམ་སོང་ནས་སྔ་དྲོའི་ཐུན་མཚམས་ཤིག་ལ་བརྒྱའམ་སྟོང་རེ་སྦྱར། རྟགས་ནི་ཐུན་པ་སྤྱི་མང་ཕལ་ཆེར་ལ་རྟགས་ལེགས་པོ་བྱུང་ངམ། ཡང་ན་དངོས་རྟགས་གསལ་པོ་བྱུང་ན་བྱ། ཡུན་རིང་སྒྲུབ་ཀྱང་རྟགས་མེད་པ་ལ་ཡང་འདི་བྱས་པས་འོང་སྟེ། དངོས་གྲུབ་རྫས་སྒྲུབ་ཆེན་ནས་གསུངས་ལྟར་རིན་ཆེན་འབར་བ་སོགས་བཤམས། དངོས་གྲུབ་སྔགས་ཀཱ་ཡ་སིདྡྷི་སོགས་སྟོང་བཟླ། དེ་ནས་ཐུན་པ་ཡི་གེ་མི་ཤེས་པ་ཐམས་ཅད་ཡིག་བདུན་ལྐོག་འབུགས་སུ་བྱེད། ཡི་གེ་ཤེས་པ་ཐམས་ཅད་བླ་མའམ་ཐུན་དཔོན་པས་གཙོར་བྱས་འཆམ་གོས་མ་རལ་པད་ཞྭ་སོགས་གང་ཡོད་མེད་ན་ཆོས་

[Full Size]

གོས་སོགས་གཟབ། གདུགས་རྒྱལ་མཚན་འཕན་དར་དཀར་པོ། སྤོས་མདའ་དར་མེ་ལོང་ཚོགས་རྣམས་ལག་ཏུ་བཀྱག །རོལ་མོ་གང་ཡོད་ཐོགས་ལ། བྷནྡྷ་ནང་དུའམ་བསེ་ཕོར་རམ་དཀར་ཡོལ་དུ་བདུད་རྩི་ལ་ཆོས་སྨན་བཏབ་པ་བཟུང་། རོལ་མོ་ཐམས་ཅད་འཁྲོལ་ཞིང་དཀྱིལ་འཁོར་ལ་ལན་གསུམ་བསྐོར། ཕྱག་ན་ཕྱག་ཆ་མེད་པ་རྣམས་པད་ཀོར་བྱ་ཞིང་། དང་པོ་སྒྲུབ་ཆེན་ནང་གི་བྱིན་འབེབས་འདོན་ཏེ་དབྱངས་གང་སྙན་བྱ། དེ་ནས་མཆོད་འབུམ་ནང་གི་བསྟོད་པ་ཚང་བར་བྱ། དེ་ཡི་ཚེ་ཚིག་མཚམས་སུ་རོལ་མོ་དང་བཅས་བསྐོར་བའི་ཚུལ་དུ་གོམ་པ་ལྔ་དྲུག་རེ་དལ་བུས་འཆམ་སྟབས་སུ་འགྲོ། དེ་ནས་བུམ་སྒྲུབ་གཞུང་གི་གསོལ་འདེབས་ཐུགས་དམ་གནད་ནས་བསྐུལ་བ་དེ་བྱ། དེ་ནས་རོལ་མོ་དང་ཆས་རྣམས་ཕུད་ལ་ཕྱག་འཚལ། ཐམས་ཅད་ཀྱིས་ཐལ་མོ་སྦྱར་ནས་ཐུན་དཔོན་གྱི་རྗེས་ཟློས་བྱས་ལ། ཧྲཱིཿ མ་སྐྱེས་ཆོས་དབྱིངས་སོགས། བུམ་སྒྲུབ་གསོལ་འདེབས་དེ་ཚར་གཅིག་བྱ་དེ་ནས་རུ་ཏྲའི་སྨེ་བཤགས། ཐུགས་རྗེ་ཆེན་པོའི་སྨྲེ་སྔགས་བསྟོད་པ་གཉིས་གཅིག་ཡིན་པས། ཐུགས་རྗེ་ཆེན་པོའི་སྨེ་བཤགས་བསྟོད་པ་དེ། དྲི་མེད་དུང་མདོག་ཅེས་པ་དེ། དྲི་

[Full Size]

མེད་ཤེལ་མདོག་ཅེས་ཚིག་ཟུར་བསྒྱུར་ལ་ཚར་གཅིག་འདོན་ཏེ། རྗེས་ཟློས་མ་ཐོན་ཀྱང་གང་ཤེས་འདོན། ཤེལ་ལ་རིགས་མང་བས་དམར་པོ་ལ་འཇུག་རྒྱུའོ། །དེ་ནས་ཡི་གེ་མི་ཤེས་པ་ཚོ་ལ་ཡང་སྔགས་འདི་ལན་གསུམ་རྗེས་ཟློས་བཅུག །ཡི་གེ་ཤེས་པ་ལ་ཡི་གེ་བཀྱེ། ཤེས་རབ་ཆེ་བ་ཚོས་བློར་བཟུང་སྟེ། ཡིག་བདུན་ལ་བཏགས་ནས། ཨོཾ་ཨཱཿཧཱུྃ་སྭཱ་ཧཱ། མཱི་ལཱ་མཱི་པཾ་ཏཾ། སརྦ་ཏ་ཐཱ་ག་ཏ་མ་ཧཱ་པཉྩ། ཨོ་ཨཱ་ཡུཛྙཱ་ན་མ་ཧཱ་པུཎེ་ཏིཥྛ་ཨོ། རྒྱལ་བ་རིགས་ལྔའི་སྙིང་པོ། སྐུ་ལྔ་ཡེ་ཤེས་ལྔ་རུ་སྦྱོར་བ་དང་། ཕུང་པོའི་བདུད་བཅོམ་ནས་ཚེ་ཡི་རིག་འཛིན་སྒྲུབ་པར་བྱེད་པའི་སྙིང་པོ་ཞེས་དང་། རྒྱལ་བ་རིགས་ལྔ་ཡེ་ཤེས་སྐུ་ལྔར་སྦྱོར། །ཡེ་ཤེས་བདུད་རྩི་སྔགས་ཀྱི་འཆི་མེད་ཚེ། །རྣམ་རྟོག་བག་ཆགས་སྦྱང་ཞིང་མངོན་སངས་རྒྱས། །རྨི་ལམ་དག་ཏུ་རྟགས་བཟང་འབྱུང་བར་ངེས། །ཞེས་གསུངས་པས་ཕུང་པོ་ལྔ་དང་ཁམས་ལྔའི་དྲི་མ་དག་ནས། སྐུ་ལྔ་ཐོབ་པ་དང་ཚེ་ཡི་རིག་འཛིན་སྒྲུབ་པའི་སྔགས་ཡིན་པས། ཤམ་བུ་འདི་རིལ་བུ་བསྒྲུབ་པའི་སྔགས་མདའི་མདེལ་ལྟ་བུ། རྟགས་མ་བྱུང་བའི་བོགས་འདོན་ཚེ་འཕེལ་བའི་ཚེ་སྒྲུབ་ཐམས་ཅད་ཡིན། །ཐུན་པ་ཚོ་སྐུ་ཚེ་རིང་བར་འདོད་ན། །

[Full Size]

འདི་ལ་སྟོང་རེ་ཙམ་རྒྱུན་དུ་མ་ཆག་ན། ཚེ་སྒྲུབ་གཞན་མི་དགོས་སོ། །ཡང་འདི་སྔགས་རིང་པས་ཡི་གེ་མི་ཤེས་པས་མི་ཟིན་ནམ། མ་དག་པ་བྱུང་དོགས་ན། ཨོཾ་མ་ཎི་པདྨེ་ཧཱུྃ་ཨ་ར་པ་ཙ་མི་ཏ་ཧྲིད་ཡ་སྭཱ་ཧཱ། མ་བསྒོམས་པར་སངས་རྒྱས་པའི་སྔགས་འདི་ཡང་རིལ་བུ་སྒྲུབ་པའི་སྔགས་གཅིག་ཡིན། འདི་གསང་འདུས་ནས་མ་གསུངས་ཀྱང་། ཡང་སྙིང་འདུས་པ་ནས་གསུངས་པས། ཆོས་དབང་དང་རཏྣ་གཉིས་གཏེར་མ་བུ་ཡིན་པས། རཏྣ་ལུགས་ལ་མ་ཚང་བའི་ཁ་སབ་གང་དགོས་ཆོས་དབང་ལུགས་ནས་སབ་དགོས་ཏེ། རཏྣ་གླིང་པ་ནི་གུ་རུ་ཆོས་དབང་གི་སྲས་རྒྱལ་སྲས་པདྨ་དབང་ཆེན་གྱི་སྐྱེ་བ་ཡིན་པས། ཆོས་དབང་ལུགས་ཀྱི་བཀའ་བབས་ཆོས་བདག་ཡིན་ཚུལ་རྣམ་ཐར་རྣམས་ནས་གསལ་ལྟར་ཡིན་ཅིང་། ཕོ་ཉ་སྒོས་བསྐུལ་དང་སྒྲུབ་ཆེན་མཇུག་ཏུ་སྒོ་དབྱེ་ཟོར་ལས་རྒྱས་པར་འདོད་ན་བཀའ་བརྒྱད་ནས་སབ་གསུངས་པ་ཡང་ཆོས་དབང་ལུགས་ཀྱི་བཀའ་བརྒྱད་གསང་བ་ཡོངས་རྫོགས་ནས་སབ་པ་འབྲེལ་ཆེ་བས། ཉང་ལུགས་དང་བྱང་གཏེར་སོགས་མི་སབ་བོ། །དེ་ཡི་གནད་ཀྱིས་སྐྱེ་བདུན་སྔགས་ཉུང་བ་དེ་སབ་རུང་བའི་གནད་དེ་ལྟར་རོ། སྔགས་འདི་ཨཱ་ལི་

[Full Size]

ཀཱ་ལི་ཆུ་ཀླུང་ཆེན་པོའི་རྒྱུད་ན་ཡང་སྣང་ངོ་། །ཡང་སྙིང་འདུས་པའི་རྒྱུད་གཞུང་ལས་ནི་སྔགས་འདི་ཟབ་པས་སྙན་བརྒྱུད་དུ་བྱས་ཏེ། རྒྱ་ཡིག་ཏུ་བྲིས་ནས་ངག་རྒྱུན་མེད་པར་མི་འདོན་པར་བྱས་ནས་སྣང་ངོ་། །སྔགས་འདི་གཉིས་ཀ་གང་རུང་ཞིག་མེད་པར་སྐྱེ་བདུན་མྱོང་གྲོལ་རིལ་བུ་མ་བསྒོམ་པར་ཟོས་པས་སངས་རྒྱས་པའི་རྫས་དེ་འགྲུབ་པར་མི་འགྱུར་བས་གནད་ཤིན་ཏུ་ཆེའོ། །ལར་གཏེར་གཞུང་འདི་དག་བཅོས་བསླད་དུ་བྱས་ན་མི་རུང་བས་བཅོས་པ་ནི་མིན་ཏེ། གཏེར་གཞུང་གི་པོ་ཏི་རང་སོར་བཞུགས་པ་ལ་བདག་གིས་ཟུར་ཙམ་ཡང་བཅོས་པ་མེད་ཀྱང་། ངག་ཁྲིད་ལེན་རེ་བྱས་ཀྱང་ཡིད་ལ་ཟིན་དཀའ་བ་དང་། སློབ་དཔོན་གྱི་ཚིག་ལ་ཡང་སོ་སོའི་གོ་ཚུལ་མི་འདྲ་བ་འོང་བ་དང་། གབ་ཚིག་རེ་ཟུར་སྤྱད་དགོས་པ་འཕྲོད་དཀའ་བ་དང་། མཚམས་སྦྱར་བློ་ནས་བརྗོད་འོས་ཚིག་འགའ་ཟུང་ཡང་མི་འོང་དོགས་པས་བྲི་དགོས་པར་འདུག་པ་སྔ་སོར་ཉང་ཆེན་ཕོ་བྲང་ནས་ཐུན་དཔོན་པས་བསྐུལ་ཀྱང་བྲི་མ་གྲུབ་པ་ལ། ཕྱིས་རྗེ་འབངས་སོག་པོ་ལྷ་དཔལ་གྱི་སྐྱེས་མཐའ་ལྷོ་སྤྲུལ་པའི་སྐུ་རིན་པོ་ཆེས་ཟིན་བྲིས་གྱིས་ཞེས་བཀའ་ཡི་གནང་བ་བསྩལ་བ་ལ་བརྟེན་ནས། གཞན་དག་ལ་ཕན་པའི་བློས་ཐུགས་རྗེ་ཆེན་པོའི་

[Full Size]

རིག་སྔགས་འཆང་བ་དགེ་སློང་རཱ་ག་ཨ་སྱས་འཕྲལ་དུ་བྲིས་པ་མངྒ་ལཾ།། ཤུ་བྷཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དམིགས་པ་སྤོད་པའི་ཆོ་ག

[Full Size]

དམིགས་པ་སྤོད་པའི་ཆོ་ག་བཞུགས་སོ།།

[Full Size]

འོ་ད་ཁྱེད་རྣམས་ཐུན་མ་ཆད་པར་ལྐོག་འབུགས་སུ་མཛད་ནས་གསན་པར་ཞུ། སྤྱིར་གསང་སྔགས་ལ་ལྷའི་བསྐྱེད་རིམ་ཞིག་མེད་ན་སྔགས་བསྒང་ཡང་གསང་སྔགས་སུ་མི་འགྲོ་བ་ཡིན། དེ་ལ་བསྐྱེད་རིམ་རྒྱས་བསྡུས་མང་ཡང་ཡིད་ལ་ཟིན་དཀའ་བས་བསྡུས་པ་འདི་ཙམ་ཐུགས་ལ་ངེས་པར་ཞུ་འཚལ། དམིགས་མེད་སྟོང་པའི་ངང་ལས་རང་གི་སེམས་ཉིད་ཀྱི་ངོ་བོ་ཧཱུྃཡིག་དམར་པོ་ཡོངས་སུ་གྱུར་པ་ལས་རང་ཉིད་ཐུགས་རྗེ་ཆེན་པོ་གསང་བ་འདུས་པ་སྐུ་མདོག་དམར་པོ། ཞལ་གཅིག་ཞི་ཞིང་འཛུམ་པ་ཕྱག་གཡས་པདྨའི་ཕྲེང་བ་ཐུགས་ཀར་བསྣམས་ཤིང་། གཡོན་བདུད་རྩིའི་བུམ་པའི་

[Full Size]

ནང་ནས་པད་སྡོང་འཁྲུངས་པ་བསྣམས་པ། ཡུམ་གསང་བ་ཡེ་ཤེས་དམར་གསལ་ཚེ་བུམ་བསྣམས་པས་འཁྱུད་པ། ཡབ་ཡུམ་གཉིས་ཀ་རིན་པོ་ཆེའི་དབུ་རྒྱན་སྙན་ཆ་ཕྱག་གདུབ་ཞབས་གདུབ་མགུལ་རྒྱན་སོགས་ཀྱིས་སྤྲས་ཤིང་དར་གྱི་སྟོད་གཡོགས་སྨད་གཡོགས་དར་དཔྱངས་དང་བཙས་པ། ཞབས་རྡོ་རྗེའི་སྐྱིལ་ཀྲུང་དང་། ཡུམ་གྱི་ཞབས་གཉིས་ཡབ་ཀྱི་རྒྱབ་ཏུ་འཁྲིལ་ཏེ་བཞུགས་པ། ་རང་གི་སྤྱི་གཙུག་ཏུ་པདྨ་ཟླ་བའི་སྟེང་དུ་རིགས་བདག་སྣང་བ་མཐའ་ཡས་དམར་པོ་ཆོས་གོས་རྣམ་གསུམ་གསོལ་ཞིང་ཕྱག་གཉིས་མཉམ་གཞག་གི་ལྷུང་བཟེད་བདུད་རྩིའི་གང་བ་འཛིན་ཅིང་ཞབས་

[Full Size]

རྡོ་རྗེའི་སྐྱིལ་མོ་ཀྲུང་གིས་བཞུགས་པ། རང་གི་ཐུགས་ཀར་པད་ཉིའི་སྟེང་དུ་དབང་ཆེན་རྟ་མགྲིན་དམར་པོ་ཁྲོ་བོའི་སྐུ་ཕྱག་གཉིས་གྲི་གུག་དང་ཐོད་ཁྲག་འཛིན་པ། སྟག་ཤམ་དང་ཐོད་སྐམ་ལྔའི་དབུ་རྒྱན་ཐོད་རློན་གྱི་དོ་ཤལ་རུས་པའི་རྒྱན་དྲུག་སོགས་ཁྲོ་ཆས་རྫོགས་ཤིང་། ཞབས་བརྐྱང་བསྐུམ་འདོར་ཐབས་སུ་བཞུགས་པར་བསྒོམ། མདུན་དུ་རིལ་བུ་བུམ་པ་ཡེ་ཤེས་ཀྱི་རང་སྣང་ལས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་ནང་དུ་རིལ་བུ་རེ་རེ་ཡང་བདག་བསྐྱེད་ལྟ་བུའི་ཐུགས་རྗེ་ཆེན་པོ་རེ་རེ། དེ་རེ་རེའི་སྤྱི་བོར་སྣང་བ་མཐའ་ཡས་རེ་རེ་དང་ཐུགས་ཀར་རྟ་མགྲིན་རེ་རེ་བསྒོམ། ལྷ་དེ་དག་གི་གནས་གསུམ་དུ་ཨོཾ་ཨཱཙྪཱཧཱུྃ་གསལ་བ་ལས་འོད་ཟེར་འཕྲོས་པས་འོག་མིན་ཆོས་དབྱིངས་ཕོ་བྲང་དང་། བདེ་བ་ཅན། པོ་ཊ་ལ་སོགས་ནས་ཡེ་ཤེས་པ་དཔག་ཏུ་མེད་པ་སྤྱན་དྲངས་ནས་བདག་དང་རིལ་བུའི་ལྷ་རྣམས་ལ་ཐིམ་པར་བསམ། དེ་ཡང་། ཕུང་པོ་ལྔ་དང་འབྱུང་བ་ལྔ་རྣམ་པར་དག་པའི་ངོ་བོ་རིགས་ལྔ་ཡབ་ཡུམ་ནི་སྐུ་ལྔ་ཡེ་ཤེས་ལྔའི་རང་བཞིན། རྣམ་ཤེས་ཚོགས་བརྒྱད་དང་ཡུམ་བརྒྱད་དག་པ་སེམས་དཔའ་ཡབ་ཡུམ་བཅུ་དྲུག་གི་རང་བཞིན། ཉོན་དྲུག་དག་པ་ཐུབ་པ་དྲུག་གི་རང་བཞིན། རྟོག་ཚོགས་

[Full Size]

དག་པ་སངས་རྒྱས་སྟོང་གི་རང་བཞིན། རྟག་ཆད་ཀྱི་དག་པ་ནི་སྒོ་བཞིའི་རང་བཞིན་དུ་ཤེས་པར་བྱས་པས་འཁོར་གྱི་ལྷ་རྣམས་ཀྱང་ཚང་བ་ཡིན། དེ་ནས་བདག་དང་རིལ་བུའི་ལྷ་ཐམས་ཅད་དམ་ཚིག་པ་དང་ཡེ་ཤེས་པ་དབྱེར་མེད་དུ་བསྒོམ། བདག་མདུན་གྱི་སྤྱི་བོར་སྣང་མཐའ་དང་། ཐུགས་ཀའི་ཆ་སྨད་རྟ་མགྲིན། ཆ་སྟོད་བདག་ཐུགས་རྗེ་ཆེན་པོའི་ཐུགས་ཀའི་ཟླ་བའི་སྟེང་དུ་ཧཱུྃཡིག་དམར་པོ་རིང་ཆ་ཚེག་དྲག་དང་བཅས་པའི་མཐའ་ལ་ཡི་གེ་དྲུག་པས་བསྐོར་བར་བསམས་ལ། ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་ཡི་གེ་བདུན་པ་བཟླས་པས་བདག་ཐུགས་རྗེ་ཆེན་པོའི་ཐུགས་ཀའི་སྔགས་ལས་འོད་ཟེར་དཀར་པོ་འཕྲོས་པས། ཕྱོགས་བཅུའི་རྒྱལ་བ་ཐམས་ཅད་ཀྱི་སྐུ་ལ་མཆོད་པར་གྱུར་ཅིང་དེ་རྣམས་ཀྱི་བྱིན་རླབས་དང་དངོས་གྲུབ་ཐམས་ཅད་འོད་ཟེར་རྣམ་ལྔའི་རྣམ་པར་འདུས་ནས་བདག་དང་རིལ་བུའི་ལྷ་ལ་ཐིམ། ཡང་བདག་གི་ཐུགས་ཀའི་འོད་ཟེར་ཕྱིར་འཕྲོས་ཁམས་གསུམ་སེམས་ཅན་ཐམས་ཅད་ལ་ཕོག་པས་ལུས་ཀྱི་སྒྲིབ་པ་ཐམས་ཅད་དང་དེའི་རྒྱུ་ལས་བྱུང་བའི་སྡུག་བསྔལ་ཐམས་ཅད་སྦྱངས་བས་ཐུགས་རྗེ་ཆེན་པོའི་སྐུར་གྱུར་པར་བསམ། ཡང་སྤྱི་བོའི་སངས་རྒྱས་སྣང་བ་མཐའ་ཡས་

[Full Size]

ཀྱི་ཐུགས་ཀའི་སྔགས་ཕྲེང་ལས་འོད་ཟེར་དམར་པོ་འཕྲོས་པས་རྒྱལ་བའི་གསུང་ལ་མཉེས་པའི་མཆོད་པ་ཕུལ། དེ་རྣམས་ཀྱི་གསུང་གི་བྱིན་རླབས་དངོས་གྲུབ་ཐམས་ཅད་འོད་ལྔའི་རྣམ་པར་བསྡུས་ནས་བདག་དང་རིལ་བུའི་ལྷ་རྣམས་ལ་ཐིམ། ཡང་འོད་ཟེར་ཕྱི་ར་འཕྲོས་སེམས་ཅན་ཐམས་ཅད་ལ་ཕོག་པས་ངག་སྒྲིབ་ཐམས་ཅད་བྱང་ནས་ངག་སྔགས་ཀྱི་རང་བཞིན་དུ་གྱུར། ཡང་བདག་མདུན་ཐུགས་ཀའི་རྟ་མགྲིན་གྱི་ཐུགས་ཀའི་སྔགས་ཕྲེང་ལས་འོད་ཟེར་སྔོན་པོ་དཔག་མེད་འཕྲོས་པས་རྒྱལ་བ་རྣམས་ཀྱི་ཐུགས་ལ་མཉེས་པའི་མཆོད་པ་ཕུལ། ཐུགས་ཀྱི་བྱིན་རླབས་དངོས་གྲུབ་ཐམས་ཅད་འོད་ལྔའི་རྣམ་པར་འདུས་ནས་བདག་མདུན་ལ་ཐིམ། ཡང་འོད་ཟེར་ཕྱིར་འཕྲོས་སེམས་ཅན་ཐམས་ཅད་ལ་ཕོག་པས་ཡིད་ཀྱི་སྒྲིབ་པ་ཐམས་ཅད་སྦྱངས་ནས་སེམས་ཆོས་ཉིད་སྐྱེ་བ་མེད་པའི་རང་བཞིན་དུ་གྱུར་པར་བསམ། དེ་ལྟ་བུའི་དམིགས་པ་དེ་དྲན་ཙམ་ལན་རེ་ཙམ་མ་ཡིན་པར་ཡང་ནས་ཡང་དུ་བསྒོམ་སྟེ། གཞུང་ལས། ་དེ་ལྟར་འོད་ཟེར་འཕྲོ་འདུ་རྣམས༔ རྒྱལ་བ་མཉེས་མཆོད་རྒྱུན་མི་འཆད༔ རིགས་དྲུག་སྒྲིབ་སྦྱངས་རྒྱུན་མི་འཆད༔ བདག་ལ་དངོས་གྲུབ་རྒྱུན་མི་འཆད༔ རྒྱུན་ཆད་མེད་པ་གསུམ་ལྡན་གྱི༔ ཏིང་འཛིན་

[Full Size]

འདི་ཟབ་འཇིག་རྟེན་འདིར༔ མ་བྱུང་འབྱུང་བར་མི་འགྱུར་རོ༔ ཞེས་གསུངས་པ་ལྟར་རྩེ་གཅིག་ཏུ་འབད། དེ་ཡང་བུམ་ནང་གི་རིལ་བུ་རེ་རེ་བཞིན་ལྷར་གསལ་བ་ཐམས་ཅད་དང་། བདག་དང་སེམས་ཅན་ཐམས་ཅད་ཐུགས་རྗེ་ཆེན་པོར་གསལ་བས་སྔགས་དི་རི་རི་འུ་རུ་རུ་བཟླས་ཤིང་། དེ་ལྟར་བསྒོམ་མཁན་སེམས་ཉིད་ཀྱང་མ་བཅོས་རང་བབ་ལ་རང་རྩལ་མ་འགགས་པ་ཙམ་དུ་སྣང་སྲིད་ཐམས་ཅད་ལྷ་སྔགས་སུ་བསྒོམས་ཤིང་ཤེས་པར་བྱས་པས་བསྐྱེད་རྫོགས་དང་ཏིང་ངེ་འཛིན་གྱི་རྒྱལ་པོར་གྱུར་པ་ཡིན་པས་ཐུགས་མ་ཡེངས་པར་ཞུ་འཚལ་ལོ། །དགོང་མོ་དྲེགས་པ་ཚར་གཅོད་ནི་གཞུང་ཉུང་ངུ་དེས་འཐུས་སོ། །ཞེས་པ་འདི་ཀརྨ་ཆགས་མེད་ཀྱི་གསུངས་ཡིན་ཟེར་བ་ཐུགས་རྗེ་ཆེན་པོའི་གཞུང་པོད་ནང་ནས་ཁོལ་དུ་ཕྱུང་བ་དགེ། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཐུགས་རྗེ་ཆེན་པོ་གསང་བ་འདུས་པའི་མ་ཎི་བུམ་སྒྲུབ་དང་རིལ་བུའི་ལོ་རྒྱུས་དང་ཕན་ཡོན།

[Full Size]

ཐུགས་རྗེ་ཆེན་པོ་གསང་བ་འདུས་པའི་མ་ཎི་བུམ་སྒྲུབ་དང་རིལ་བུའི་ལོ་རྒྱུས་དང་ཕན་ཡོན་བཞུགས་སོ།།

[Full Size]

ན་མོ་ལོ་ཀི་ཤྭ་ར་ཡེ། འགྲོ་འདུལ་ཐུགས་རྗེ་ཆེན་པོ་གསང་བ་འདུས། །འགྲོ་དྲུག་འདྲེན་མཛོད་དེ་ལ་ཕྱག་འཚལ་ནས། །སྐྱེ་བདུན་རིལ་བུ་ལོ་རྒྱུས་ཕན་ཡོན་བྲི། །ཆོས་བདག་སྲུང་མས་བཀའ་གནང་བྱིན་གྱིས་རློབས། །དེ་ལ་སྤྱིར་རྒྱུད་སྡེ་བཞི་ཀ་ནས་རིལ་བུ་ལ་བརྟེན་ནས་མཆོག་ཐུན་མོང་དངོས་གྲུབ་སྒྲུབ་ཐབས་དཔག་ཏུ་མེད་པ་གསུངས། འཇམ་དཔལ་དམར་པོའི་ཤེས་རབ་རིལ་བུ། དབྱངས་ཅན་མའི་ཤེས་རབ་རིལ་བུ་ལ་སོགས་པ་ལ་བརྟེན་ནས་ཤེས་རབ་བསྐྱེད་ཐབས་གསུངས། གསར་མའི་བདེ་དགྱེས་གསང་གསུམ། དམར་ནག་འཇིགས་གསུམ་སོགས་རྒྱུད་སྡེ་

[Full Size]

ཐམས་ཅད་དང་། རྙིང་མའི་བཀའ་དགོངས་ཕུར་གསུམ་སོགས་རྒྱུད་སྡེ་ཐམས་ཅད་ནས། བཟའ་བའི་དམ་ཚིག་གི་སྐབས་ནས་བདུད་རྩི་རིལ་བུ་བྱ་ཐབས་དེའི་ཕན་ཡོན། ཟོས་པས་མཆོག་ཐུན་མོང་གི་དངོས་གྲུབ་ཐོབ་ཚུལ་མཐའ་ཡས་པར་གསུངས་ཤིང་། མ་ཎི་རིལ་བུ་འདི་ལ་ཡང་གཏེར་ཁ་དུ་མ་ནས་བྱོན་པའི་བདུད་རྩི་རིལ་བུ་དང་། གཏེར་སྟོན་དུ་མས་བསྒྲུབས་པའི་བདུད་རྩི་རིལ་བུ་དང་། དཔལ་ལྡན་ས་སྐྱ་པ་ནས་རིམ་གྱིས་བསྒྲུབས་པའི་བདུད་རྩི་རིལ་བུ་དང་། འབྲི་གུང་པའི་བདུད་རྩི་རིལ་བུ་རྣམས་འདྲེས་ཤིང་། དོན་ལ་མཆོག་གི་བདུད་རྩི་རྫས་བདུད་རྩི་རིལ་བུ་

[Full Size]

ཡིན་པའི་ཕྱིར་དང་། བདུད་རྩི་རིལ་བུའི་རྩ་བ་ཡང་ཤ་ལྔ་བདུད་རྩི་ལྔ་ཡིན་ལ། འདིར་མཆོག་གི་ཤ་སྐྱེ་བདུན་གཙོ་བོར་བྱས་པའི་རིལ་བུ་ཡིན་པས། རྒྱུད་སྡེ་རྣམས་ནས་བདུད་རྩི་རིལ་བུའི་ཕན་ཡོན་ཇི་སྐད་བཤད་པ་ཐམས་ཅད་མ་ཎི་རིལ་བུ་འདི་ལས་འབྱུང་ངོ་། །ཁྱད་པར་དུ་གསར་མའི་བདེ་མཆོག་རྩ་བ་དང་། བཤད་པའི་རྒྱུད་ཆེན་པོ་རྣམས་ནས་སྐྱེ་བ་བདུན་པ་ཡིན་མིན་བརྟགས་པའི་ཐབས། སྐྱེ་བདུན་དེ་ཡི་ཤ་ལ་བརྟེན་ནས་མཁའ་སྤྱོད་སྒྲུབ་པའི་ཐབས་རྒྱ་ཆེན་གསུངས། རྙིང་མའི་ཐུགས་རྗེ་ཆེན་པོ་ཁྲོས་མའི་ཆོས་སྐོར་ལ་ཡང་གསུངས་སོ། །ཁྱད་པར་དུ་གསང་སྔགས་རྙིང་མའི་བཀའ་རྫོགས་པ་ཆེན་པོའི་རྒྱུད་སྡེ་རྣམས་ནས། གཞན་ལས་ཁྱད་པར་དུ་འཕགས་པའི་གདམས་ངག་མ་བསྒོམས་པར་འཚང་རྒྱ་བའི་ཐབས་བཞི་གསུངས་ཏེ༔ བཏགས་པས་གྲོལ་བ་བཏགས་གྲོལ་འཁོར་ལོ། །ཐོས་པས་གྲོལ་བ་ཐོས་གྲོལ་དང་འཕོ་བ། རེག་པས་གྲོལ་བ་ཌཱཀི་པདྨ་ཅན། ཟོས་པས་གྲོལ་བ་སྐྱེ་བདུན་རིལ་བུ་དང་བཞིའོ། །དེ་ལ་ཐུགས་རྗེ་ཆེན་པོ་ཡང་སྙིང་འདུས་པའི་རྒྱུད་ལས། དེ་ནས་སྐྱེ་བདུན་ཤ་སྒྲུབ་བཤད༔ དེ་ཉིད་རྟགས་སྒྲུབ་འགྲོ་དོན་བྱ༔ རྟགས་པའི་སྐྱེ་བདུན་གང་ཡིན་དེས༔ མི་

[Full Size]

ཡི་སྐྱེ་བ་བདུན་པོ་དྲན༔ དེ་ཡང་ཆོས་ལྡན་སྐྱེ་བདུན་པའི༔ རོ་བླངས་ཤ་རྣམས་ལེགས་སྐམ་སྟེ༔ ཞེས་དང་། ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས། དལ་འབྱོར་ཆོས་ལྡན་མི་ལུས་ནི༔ བདུན་ནི་བརྩེགས་མར་བླངས་བ་ཡིས༔ ངེས་པར་ཡིད་ཆེས་ལྡན་པ་དེའི༔ རོ་བླངས་ཤ་རྣམས་ལེགས་པར་སྐམ༔ ཞེས་གསུངས་པ་ལྟར༔ རིལ་བུ་འདི་ཀརྨ་པ་ཆོས་གྲགས་རྒྱ་མཚོའི་སྐུ་ཤ་དང་། ཀཿཐོག་དབང་དྲག་རྒྱ་མཚོའི་སྐུ་ཤ་གཉིས་ལ་གཞི་བྱས་ནས་དྲུང་པ་ཚེར་ལུང་ཀུན་དགའ་རྣམ་རྒྱལ་བས་བསྒྲུབས་པའི་རིལ་བུ་བརྒྱ་དང་སོ་གསུམ་ཙམ་དུ་རུ་རྩིའི་གཞི་བྱས་པ་ཡིན་ལ། འབྲི་གུང་པའི་མ་ཎི་རིལ་བུ་མང་དུ་འདྲེས་པ་ལ་ནི། ཡབ་ཆོས་རྒྱལ་ཕུན་ཚོགས་ཀྱི་སྐུ་ཤ་གཙོ་བོ་ཡིན་པར་གདའ། སྐྱོ་བྲག་པའི་རིལ་བུ་མང་དུ་འདྲེས་པ་དང་། ཐམས་ཅད་ཀྱི་རུ་རྩིའི་ཕུག་རཏྣ་གླིང་པའི་གཏེར་ནས་བྱོན་པའི་བྲམ་ཟེ་སྐྱེ་བདུན་པའི་རིགས་གསུམ་གྱི་ཤ་ཡིན་པར་གདའ་ལགས་སོ། །གཞན་ཡང་གཏེར་སྟོན་དྲི་མེད་ལྷུན་པོ་དང་། གཏེར་ཁ་བཅུ་གསུམ་ནས་བྱོན་པའི་བྲམ་ཟེ་སྐྱེ་བདུན་གྱི་ཤ་རིལ་དང་། བྲམ་ཟེ་དུང་རྣ་ཅན་གྱི་སྐུ་ཤ་པདྨ་གླིང་པའི་གཏེར་མ་དང་། རཏྣ་གླིང་པས་པཉྩ་ལྷ་ཁང་ནས་

[Full Size]

བཏོན་པའི་བྲམ་ཟེ་ལོ་ལི་ཇི་བའི་སྐུ་ཤ་དང་། གནམ་སྐས་ཅན་ནས་བཏོན་པའི་བྲམ་ཟེ་ཛེ་ཏ་རུ་པའི་སྐུ་ཤ་དང་། བྲམ་ཟེ་དྲི་མེད་སྙིང་པོའི་གཙོར་བྱས་བྲམ་ཟེ་ཉི་ཤུ་རྩ་ལྔའི་སྐུ་ཤ་རྣམས་ནི། ཟུར་མང་བློ་གྲོས་རྒྱ་མཚོ་པ་དང་། དགོངས་འདུས་བསོད་ནམས་རྡོ་རྗེ་དང་། སྐྱོ་བྲག་བསྟན་འཛིན་པ་སོགས་ཀྱིས་རིལ་བུ་འདིའི་ཕབས་རྒྱུན་ལ་འདྲེས་པར་གདའ་བས། དྲུང་པས་ཀྱང་དེའི་ཕབས་རྒྱུན་ལ་གཙོ་བོ་མཛད་པར་སྣང་ཞིང་། གསར་དུ་ཡང་དེ་རྣམས་ཀྱི་རིལ་བུ་མང་དུ་ཕབས་བྱས་སོ། །གཞན་བྱིན་རླབས་རྟེན་འབྲེས་ཚུལ་ནི་དཀར་ཆག་གསར་རྙིང་ན་གསལ་ལོ། །དེ་རྣམས་ཀྱི་གཙོ་བོ་ཐུགས་རྗེ་ཆེན་པོ་འགྲུབ་པའི་བྲམ་ཟེ་ཉི་ཤུ་རྩ་ལྔ། དེ་ཡི་ནང་ནས་ཐུགས་རྗེ་ཆེན་པོ་སྐུ་གསུང་ཐུགས་ཀྱི་སྤྲུལ་པ་བྲམ་ཟེ་གསུམ་བྱོན་ཚུལ། དེའི་སྐུ་ཤ་བོད་དུ་བྱོན་ཚུལ་ཟུར་ཙམ་ཞུ་ན། སྔོན་གྱི་དུས་ན་བཅོམ་ལྡན་འདས་ཆོས་སྐུ་སྣང་བ་མཐའ་ཡས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ལྔ་ལས་སྤྱན་རས་གཟིགས་རིགས་ལྔ་སྤྲུལ། དེ་ལས་ཡང་སྤྲུལ་དཔག་ཏུ་མེད་པ་མཛད་ནས་དུག་ལྔས་གཟེར་བའི་སེམས་ཅན་རྣམས་ལ། ཆོས་ཀྱི་སྒོ་མོ་དཔག་ཏུ་མེད་པ་གསུངས་ནས། སེམས་ཅན་ཚད་མེད་གྲངས་མེད་དྲངས་ནས། ད་

[Full Size]

ནི་འཁོར་བ་སྟོང་ངོ་དགོངས་ནས་གཟིགས་པས། སེམས་ཅན་གྱི་ཁམས་ལ་འཕེལ་འགྲིབ་མེད་པར་གཟིགས། ཕལ་ཆེར་མི་དགེ་བ་ལ་སྤྱོད་པས་ངན་སོང་གི་སྡུག་བསྔལ་བཟོད་གླགས་མེད་པ་ལ་སོགས་མྱོང་། མཐོ་རིས་སུ་སྐྱེས་ཀྱང་ཆོས་དང་མཇལ་དཀའ། ཆོས་དང་མཇལ་ཡང་ཉམས་སུ་ལེན་མཁན་དཀོན་པས། །ཆོས་བཤད་པས་སེམས་ཅན་ལ་ཕན་ཐོགས་དཀའ་བར་གཟིགས་ནས། ཐུགས་རྗེ་ཆེན་པོས་ཕྱོགས་བཅུའི་སངས་རྒྱས་ཐམས་ཅད་ལ་གསོལ་བ་བཏབ་ནས་ཚོགས་བསགས་སྒྲིབ་སྦྱོང་བྱ་མི་དགོས། ཆོས་ཉམས་སུ་ལེན་མི་དགོས་པར་སངས་རྒྱས་ཐོབ་པའི་ཐབས་ཤིག་གནང་བར་ཞུས། དེར་སངས་རྒྱས་ཐམས་ཅད་ཆོས་སྐུ་སྟོང་པའི་ངང་ལས་གཟུགས་ཀྱི་སྐུར་བཞེངས་ནས་ལེགས་སོ་ལེགས་སོ། །སྒོམ་བསྒྲུབ་བྱ་མི་དགོས་པར་སངས་རྒྱས་པའི་ཐབས་ནི་མང་དུ་ཡོད་དོ། །ཁྱད་པར་དུ་སངས་རྒྱས་ཐམས་ཅད་ཀྱིས་འགྲོ་བའི་དོན་ལ་དབང་བསྐུར་ཞིང་དགོངས་པ་གཏད་པའི་རྒྱལ་ཚབ་ནི། འཕགས་པ་སྤྱན་རས་གཟིགས་ཁྱོད་ཉིད་ཡིན་པས། ཁྱོད་ཀྱི་སྐུ་གསུང་ཐུགས་ལས་བྲམ་ཟེ་གསུམ་དུ་སྤྲུལ་པར་གྱིས་ལ། དེའི་སྐུ་གདུང་ཤ་ཁྲག་གདོས་བཅས་ཀྱི་ཚུལ་དུ་ཞོག་ཅིག་

[Full Size]

དང་། དེའི་ཤ་ཁྲག་རུས་པའི་ཟེར་ཙམ་འགྲོ་བ་གང་གི་ཁོག་ཏུ་སོང་བ་ཐམས་ཅད་སྐྱེ་བ་དེ་ནས་འཁོར་བར་མ་འཁྱམས་ཏེ། བླ་ན་མེད་པ་སངས་རྒྱས་པའི་འབྲས་བུ་ཐོབ་བོ། །ཞེས་བཀའ་གནང་ངོ་། །དེ་ནས་སྤྱན་རས་གཟིགས་ཀྱི་སྐུའི་སྤྲུལ་པ་བྲམ་ཟེ་དྲི་མེད་སྙིང་པོ་ཞེས་བྱ་བ་ཟ་ཧོར་གྱི་ཡུལ་དུ་བྱོན་ཏེ། ཚོང་དུས་རྣམས་སུ་སྐལ་ལྡན་ལས་འཕྲོ་ཅན་ཡོད་ན་ངའི་ལུས་འདི་ལོང་དང་དོན་གཉིས་འགྲུབ་པའི་དངོས་གྲུབ་ཐོབ་པར་ཐེ་ཚོམ་མེད་དོ། །ཞེས་གསུངས་ནས་འདས་ཚུལ་བསྟན་ཀྱང་རོ་དེ་ལེན་མཁན་མ་བྱུང་ངོ་། །དེ་ནས་ལྷ་ལྕམ་མནྡ་ར་བ་སངས་རྒྱས་ཐམས་ཅད་ཀྱི་ཐུགས་རྗེས་བསྐུལ་ནས་ཚོང་འདུས་ཤ་ཉོ་བ་ལ་བྱོན་ནས་ཆར་བབས་པས་ཚོང་འདུས་མ་ཚོགས་པར་ཤ་མ་ཁུག །དེར་ལམ་དུ་བྲམ་ཟེའི་ཁྱེའིའུ་རོ་ཆར་གྱིས་དག་ནས་འདུག་པ་བཅད་ནས་འོང་བ། ཡབ་རྒྱལ་པོ་གཙུག་ལག་འཛིན་ལ་ཚོད་མ་བྱས་ནས་དྲངས་བས། །རྒྱལ་པོའི་མ་རིག་པའི་སྒྲིབ་པ་སྐད་ཅིག་ལ་སངས་ནས། ཡེ་ཤེས་ཀྱི་སྣང་བ་ཆེན་པོ་ཐོབ། ལུས་ལ་བདེ་དྲོད་མེ་ལྟར་འབར་ཏེ་ཁྲུ་གང་ས་ལ་མ་རེག་པར་བར་སྣང་ལ་བཞུགས་སོ། །དེ་ནས་སྐྱེ་བདུན་གྱི་ཤ་ཡིན་པར་གོ་ནས། རོ་དེ་བླངས་ནས་རིལ་བུ་བྱས་ཏེ་རིན་པོ་ཆེ་སྣ་

[Full Size]

བདུན་གྱི་སྒྲོམ་བུར་བཅུག་ནས། དུར་ཁྲོད་ཆེན་པོ་དགའ་བའི་ཚལ་ལ་གཏེར་དུ་སྦས་ཏེ་མཁའ་འགྲོ་མ་རྣམས་ལ་གཉེར་དུ་གཏད་དེ། མནྡཱ་ར་བ་འཁོར་ལྔ་བརྒྱ་དང་བཅས་པ་དགེ་སློང་མའི་སྡོམ་པ་ལ་བཀོད་ནས་གཙུག་ལག་ཁང་དུ་བཞུགས་སོ། །ཨོ་རྒྱན་རིན་པོ་ཆེ་དེར་བྱོན་ནས་མནྡ་ར་བ་དཔོན་གཡོག་ལ་ཆོས་གསུངས་པས། རྒྱལ་པོས་ཆད་པ་བཅད་དེ་གསོན་བསྲེགས་བྱས། དེར་མེས་མ་ཚིག་པར་པད་སྡོང་གི་རྩེ་ལ་བཞུགས་པས་རྒྱལ་པོ་དད་པ་སྐྱེས་ནས་མངའ་འབངས་ཐམས་ཅད་ཕུལ། མནྡ་ར་བ་ཡང་ཕྱག་རྒྱ་མོར་ཕུལ། སྐྱེ་བདུན་གྱི་ཤའི་གཏེར་དེ་ཡང་ཕུལ་བ་ཁང་བརྩེགས་སུ་གཏེར་དུ་སྦས་སོ། །སྤྱན་རས་གཟིགས་གསུང་གི་སྤྲུལ་པ་བྲམ་ཟེ་ཤེལ་ཕྲེང་ཅན་ཞེས་བྱ་བ། ཁ་ཆེའི་ཡུལ་གྱི་གྲོང་ཁྱེར་གླིང་བུ་སྒང་ཞེས་བྱ་བར་བྱོན་པའི་རོ་དེ། བུ་མོ་འགྲོ་བ་བཟང་མོ་ཞེས་བྱ་བའི་ཌཱཀི་མ་ཞིག་གིས་རྙེད་དོ། །དེས་ཡེ་ཤེས་གསང་ལམ་ཞུ་བའི་ཡོན་དུ་ཨོ་རྒྱན་རིན་པོ་ཆེ་ལ་ཕུལ་བ། དུར་ཁྲོད་སྐུ་ལ་རྫོགས་སུ་གཏེར་དུ་སྦས་སོ། །སྤྱན་རས་གཟིགས་ཐུགས་ཀྱི་སྤྲུལ་པ་བྲམ་ཟེ་དུང་རྣ་ཅན་ཞེས་བྱ་བ་ནི། རྒྱ་གར་གྱི་ཡུལ་ཁ་སར་པ་ཎི་རང་བྱུང་གི་ལྷ་ཁང་དྲུང་དུ་བྱོན་ནོ། །དེར་ཨོ་རྒྱན་

[Full Size]

རིན་པོ་ཆེ་བྱོན་ནས་ཕྱག་དང་བསྐོར་བ་མཛད་པས་ང་ལ་ཕྱག་འཚལ་ནས་ཅི་འདོད་གསུངས། སྐྱེ་བདུན་གྱི་ཤ་ཡིས་འགྲོ་དོན་བྱེད་འདོད་ཞུས་པས། འོ་ན་བརྡའ་ཞིག་བྱུང་དུས་ཤོག་ལ་ལོངས་ནས་འགྲོ་དོན་གྱིས་གསུངས། ་་་དེར་ལོ་ལྔ་རེད་དུས་བརྡའི་བྱུང་བས། ཨོ་རྒྱན་རིན་པོ་ཆེའི་བརྟུལ་ཞུགས་ཀྱི་ཆས་སུ་ཞུགས་ནས་སྟག་ལ་ཆིབས་ཏེ་རོ་དེ་སྤང་པར་ཁྱེར་གྲོང་ཁྱེར་འབྲས་ལྡན་གྱི་ཤར་སྒོ་ལ་ཞུགས་ནས། གྲོང་ཁྱེར་པ་ཐམས་ཅད་ལ་དངོས་གྲུབ་འདོད་མི་ཨེ་ཡོད་གསུངས་པས་མི་རྣམས་ན་རེ། རྣལ་འབྱོར་པ་སྨྱོའམ་ལྟས་ངན་རེ་རོ་གཅིག་ཁུར་ནས་དངོས་གྲུབ་ཨེ་འདོད་ཟེར་རོ་ཞེས་འཕྱ་མཁན་མ་གཏོགས་དངོས་གྲུབ་འདོད་ཟེར་མཁན་མ་བྱུང་། ཤར་སྒོར་ཁྱི་གཅིག་རྗེས་སུ་བྱུང་བ་ལ། རྣ་བ་གཡས་ཀྱི་དུམ་བུ་གཅིག་བྱིན་པས་ཁྱི་དེ་འཇའ་འོད་དུ་ཡལ་སོང་། ནུབ་སྒོ་ནས་བུ་མོ་གཅིག་གིས་དངོས་གྲུབ་གནོང་དང་ཟེར་བས། རྣ་བ་གཡོན་བཅད་ནས་བྱིན་པས་དེ་མ་ཐག་ཏུ་མཁའ་སྤྱོད་དུ་གཤེགས་སོ། །དེར་གྲོང་ཁྱེར་གྱི་མི་རྣམས་ཀྱིས་རྣལ་འབྱོར་པ་འདི་མིག་འཁྲུལ་མཁན་ཞིག་རེད་ཟེར་རོ། །སྐུ་ཤ་དེ་ན་ལེནྡ་རུ་གཏེར་དུ་སྦས་སོ། །དེ་ནས་ཨོ་རྒྱན་རིན་པོ་ཆེ་བོད་དུ་རྒྱལ་པོ་ཁྲི་སྲོང་ལྡེའུ་བཙན་གྱིས་

[Full Size]

གདན་དྲངས་དུས། སྐྱེ་བདུན་གྱི་གཏེར་ཆེན་གསུམ་པོ་བཏོན་ནས། རིལ་བུ་དཔག་ཏུ་མེད་པ་སྤེལ་ཏེ། རྒྱ་གར་གྱི་ཤར་ནུབ་བལ་པོ་སོགས་སུ་ཡང་གཏེར་དུ་སྦས་མོད་ཀྱིས། ཕལ་ཆེར་བོད་དུ་གདན་དྲངས་ནས་གཏེར་ཁ་མང་དུ་སྦས་ཏེ། བོད་དུ་སླར་ཡང་རིལ་བུ་རྣམས་ལ་དམ་རྫས་ཡབ་ཡུམ་བྱང་སེམས་སོགས་བསྣན་ཅིང་བསྒྲུབས་ནས་མཚོ་རྒྱལ་གྱི་ཕྱག་གིས་བསྒྲིལ་བ་ལ། མཐེབ་མཛུབ་ལ་ཨ་ཡིག་དང་མ་ཡིག་རང་བྱོན་ཡོད་པའི་རྗེས་ཡོད་པ་ལ་ཨ་མ་རིལ་བུ་ཞེས་གྲགས་སོ། །ཐམས་ཅད་ཀྱང་ཟད་མི་ཤེས་པར་ནོར་བུ་རིན་པོ་ཆེ་ལྟར་སྨོན་ལམ་བཏབ་ཅིང་། མ་འོངས་པའི་དོན་དུ་གཏེར་དུ་སྦས་པས་རིལ་བུ་འཕེལ་ཏེ་མི་ཟད་པ་ཡིན་ནོ། །བཀའ་སྲུང་རྣམས་ལ་གཉེར་དུ་གཏད་པས་སུ་ཡིན་གྱིས་འདོན་དབང་མེད་པ་དེ་ཡང་གཏེར་སྟོན་རཏྣ་གླིང་པའི་གནས་ཆེན་ལྷོ་བྲག་མཁར་ཆུ་ཉེ་བའི་ཚནོ་ཧ་ཡི་གནས། ཀླུ་བདུད་མགོ་དགུའི་ཕོ་བྲང་ནས་ཐུགས་རྗེ་ཆེན་པོ་གསང་བ་འདུས་པའི་རྒྱུད་སྒྲུབ་ཐབས་། སྐྱེ་བདུན་སྒྲུབ་ཐབས། བྲམ་ཟེ་དྲི་མེད་སྙིང་པོའི་སྐུ་ཤའི་རིལ་བུ་སྐྱེ་བདུན་གྱི་ཕབས། ཨུ་རྒྱན་ཡབ་ཡུམ་གྱི་བྱང་སེམས་དཀར་དམར། ཨུ་རྒྱན་གྱིས་བསྒྲུབས་པའི་ཆོས་སྨན་

[Full Size]

རྣམས་བཏོན་ཏོ། །བསམ་ཡས་བྱང་ཆུབ་ཆེན་པོའི་གདན་ཁྲིའི་སྐུའི་རྒྱབ་ཟུར་ནས། གསང་འདུས་ཕྱི་སྒྲུབ་དང་རིལ་བུ་བུམ་སྒྲུབ་བྲམ་ཟེའི་སྤུར་ཤ་རྣམས་བཏོན། དྭགས་པོས་ལྡང་ལུང་ཁྲ་མོ་བྲག་ནས་བྲམ་ཟེའི་སྤུར་ཤི་སྐྱེ་བདུན་གྱི་ཕེབས་དང་། དགའ་རབ་རྡོ་རྗེ། ཤྲཱི་ས་ཧ། བཱི་མ་ལ་མི་ཏྲ། ཨུ་རྒྱན་རྣམས་ཀྱི་སྨན་སྒྲུབ། ་ཨུ་རྒྱན་ཡབ་ཡུམ་གྱི་བྱང་སེམས་སོགས་རིལ་བུའི་ཕབས་རྣམས་བཏོན་ཏོ། །ལྷོ་སྟོད་དབེན་རྩ་ལྷ་ཁང་གཙོ་བོའི་སྐྱིལ་ཀྲུང་དཔུང་ཟུར་དང་། སྒོ་སྲུང་མཁའ་འགྲོའི་ལྟེ་བའི་ཐད་ནས། བྲམ་ཟེའི་སྤུར་ཤ། ཆོས་སྨན་ཨ་མི་ཏ། ཨོ་རྒྱན་ཡབ་ཡུམ་གྱི་བྱང་སེམས་སོགས་རིལ་བུ་རྫའི་གའུ་རེ་བཏོན་ཏོ། །བསམ་འགྲུབ་བདེ་ཆེན་གྱི་གཙུག་ཁང་ནས་དབུ་རྩེའི་སྟོན་པའི་བཞུགས་ཁྲིའི་པདྨའི་འོག་ནས། གུ་རུ་ཆོས་དབང་གི་གཏེར་ཀ་ནས་བྱོན་པ་ལ། ཉིད་ཀྱི་སྲས་པདྨ་དབང་ཆེན་གྱི་སྐྱེས་མཐའ་གཅིག་ལ་སྨོན་ལམ་བཏབ་ནས་སྦས་པའི་ཨཱརྱ་ས་ལེའི་སྨན་སྒྲུབ་དང་། བྲམ་ཟེའི་སྤུར་ཤ་སྐམ་པོ། སངས་རྒྱས་ཀྱི་གདུང་སྨན་སོགས། བསེའི་གའུ་གང་བཏོན་ཏོ། །དེ་རྣམས་ལ་རུ་རྩི་མཛད་ནས་རཏྣ་གླིང་པས་རིལ་བུ་བསྒྲུབས་ཏེ། ལྷོ་ལ་ཡག་ཏུ་སྒྲུབ་དུས་རིལ་བུ་ཁོལ་བ་དང་།

[Full Size]

འཇའ་འོད་འཁྲུགས་པ་བྱུང་། ཟབ་སྐར་ཞེས་པའི་ས་ཆར་སྐྱེ་བདུན་སྒྲུབ་དུས་རིལ་བུ་འཕེལ་ཞིང་ལྷུད་པ་དང་། བུམ་ཆུ་ཁོལ་བ་ཆུ་ཚན་ཙམ་དུ་གྱུར་ཏོ། །ཁྱུང་ཆེན་བྲག་གི་དགོན་པ་ན་སྐྱེ་བདུན་བསྒྲུབས་པས་དྲི་བཟང་གིས་ཁྱབ་པ་དང་། འོད་ཟེར་དཀར་པོ་འཕྲོ་བ་དང་། མར་མེ་ཞག་བདུན་འཛིན་པ་བྱུང་ངོ་། །འཕན་ཡུལ་སྨན་རྩེ་དགོན་དུ་སྐྱེ་བདུན་རིལ་བུ་བསྒྲུབས་པས། བུམ་པའི་སྟེང་དུ་་འཇའི་གུར་ཕུབ་པའི་ནང་ན་ཐུགས་རྗེ་ཆེན་པོ་གཙོ་འཁོར་གསུམ་ཡུན་རིང་ཞལ་གཟིགས་པས་དེར་དགེ་འདུན་ཕོ་མོ་ལྔ་བརྒྱ་ཙམ་ཡོད་པའི་ནང་ནས་ལས་དག་འགའ་རེས་ཀྱང་མཇལ། དེ་དུས་དྲི་བཟང་གིས་གང་བ་ཀུན་གྱི་སྣང་བ་མཐུན་ནོ། །རྒྱ་མ་དགོན་དུ་སྐྱེ་བདུན་བསྒྲུབས་ནས་ཁྲོམ་དབང་མཛད་ཅིང་རིལ་བུ་བཀྲེས་དུས་མེ་ཏོག་གི་ཆར་པ་ཆེ་ཆུང་གྲངས་ལས་འདས་པ་སེ་བའི་མེ་ཏོག་ཙམ་ཡོད་པ་དཔག་ཏུ་མེད་པ་ཉིན་ཕྱེད་བར་བབས་པས། ཁྲོམ་ཐམས་ཅད་དད་པའི་གདུང་ཤུགས་ཀྱིས་ངུར་སྒྲ་འབྱིན་ཞིང་གསོལ་བ་འདེབས་པར་བྱེད་དོ། །ལར་བུམ་སྒྲུབ་དང་སྨན་སྒྲུབ་དང་སྒྲུབ་ཆེན་སོགས་ལན་གྲངས་སུམ་ཅུ་ལྷག་སྒྲུབ་སྟེ་ངོ་མཚར་བའི་རྟགས་མ་གཏོགས་བར་ཆད་ཕྲ་མོ་གཅིག་ཀྱང་འོང་མ་

[Full Size]

མྱོང་ཁོ་བོ་འདྲ་བ་དཀོན་ཞེས་གསུངས་སོ། །དེ་ལྟར་གཏེར་སྟོན་རཏྣ་གླིང་པའི་སྐྱེ་བདུན་གཏེར་ནས་བཏོན་ཞིང་བསྒྲུབས་ནས་སྤེལ་བ་དེའི་རྒྱུན་གྱི་དམ་རྫས་བྲམ་ཟེའི་ཤ་སོགས་ཀྱི་རུ་རྩི་མེད་དམ་ཞེ་ན༔ རཏྣ་གླིང་པའི་དག་སྣང་ཡིད་བཞིན་ནོར་བུའི་སྐབས་སུ། ཟངས་མདོག་དཔལ་རིར་བྱོན་དུས། ཨོ་རྒྱན་རིན་པོ་ཆེའི་གསུངས་པ། ལར་ཁྱོད་ལ་ཟོས་པས་སངས་རྒྱས་ཐོབ་པའི་རྫས་མང་དུ་ཡོད་པས། དེ་རྣམས་ཀྱང་སེར་སྣ་མེད་པར་འགྲོ་དོན་ལ་སྤྱོད་ཅིག་མ་འོངས་པའི་བརྒྱུད་པ་ན་མར་ལ་ཡང་ཕབས་ཀྱི་སྣ་མ་ཆད་པར་གྱིས་ཤིག །དེ་གསང་སྔགས་བསྟན་པའི་སྲོག་ཏུ་འགྱུར་བ་ཡིན་ནོ། །ཞེས་གསུངས་པའི་ཕྱིར་རིལ་བུ་འདི་རྣམས་ལ་ཡང་བྲམ་ཟེའི་སྤུར་ཤའི་ཕབས་རྒྱུན་ངེས་པར་ཡོད། དེ་ལྟར་ཡིད་ཆེས་ཁུངས་བཙུན་པའི་སྐྱེ་བདུན་རིལ་བུ་འདི་ཡི་ཕན་ཡོན་ནི། སྐྱེ་བདུན་སྒྲུབ་པའི་ཕན་ཡོན་དང་། རིལ་བུ་ཟོས་པའི་ཕན་ཡོན་དང་། དབང་ཐོབ་པའི་ཕན་ཡོན་དང་གསུམ་མོ། །དང་པོ་སྒྲུབ་པའི་ཕན་ཡོན་ནི། རྒྱས་པར་གཞན་དུ་གསལ། བསྡུ་ན། གསང་བ་འདུས་པའི་རྒྱུད་ལས། རྒྱལ་བ་མཉེས་མཆོད་རྒྱུན་མི་འཆད༔ སེམས་ཅན་སྒྲིབ་སྦྱོང་རྒྱུན་མི་འཆད༔ བདག་ལ་དངོས་གྲུབ་རྒྱུན་མི་

[Full Size]

འཆད༔ རྒྱུན་འཆད་མེད་པ་གསུམ་ལྡན་གྱིས༔ ཏིང་འཛིན་འདི་ཟབ་འཇིག་རྟེན་འདིརཿ མ་བྱུང་མི་འབྱུང་འབྱུང་མི་འགྱུར༔ དངོས་གྲུབ་མ་ལུས་ཀུན་འབྱུང་ཞིང་༔ མྱུར་དུ་འགྲུབ་གྱུར་ཐེ་ཚོམ་མེད༔ སྒྲུབ་ཐབས་གསུམ་ལ་སྒྲུབ་ལམ་སྦྱོངས༔ དོན་གཉིས་མཐར་ཕྱིན་སངས་རྒྱའོ༔ ཞེས་དང་། གསང་སྒྲུབ་ལས། སྒྲུབ་པ་བྱེད་པའི་རྣལ་འབྱོར་རྣམས༔ སྤྱན་རས་གཟིགས་དང་གཉིས་སུ་མེད༔ བར་དོའི་འཇིགས་པ་ཀུན་བྲལ་ཏེ༔ གསང་བ་འདུས་དང་གཉིས་མེད་འགྱུར༔ ཞེས་དང་། ཕྱི་སྒྲུབ་ལས། སྒྲུབ་པ་བྱེད་པའི་རྣལ་འབྱོར་རྣམས༔ ཚེ་འདིར་རིག་འཛིན་ཐོབ་པར་འགྱུར༔ དང་དུ་ལོངས་ཤིག་སྐལ་ལྡན་རྣམས༔ ཞེས་དང་༔ ནང་སྒྲུབ་ལས། དེ་ལྟར་མ་ཡིན་རབ་བསྒྲུབས་པས༔ བསྒྲུབས་པའི་རྟགས་དང་ཡོན་ཏན་ནི༔ རང་གི་ལུས་ངག་ཡིད་གསུམ་པོ༔ བླ་མའི་སྐུ་གསུང་ཐུགས་དང་འདྲེས༔ གཞན་སྣང་སྐུ་ཡི་རྫུ་འཕྲུལ་དང་༔ གསུང་གི་ནུས་པ་ཐུགས་ཤེས་འབྱུང་༔ མི་དང་མི་མིན་ཟས་ནོར་འདུ༔ གཞན་ཡང་བླ་མའི་གདེང་ཐོབ་ནས༔ གདོས་བཅས་ཕུང་པོ་མི་སྣང་བར༔ བདེ་བ་ཆེན་པོའི་ཞིང་ཁམས་སུ༔ ཚེ་གཅིག་ལུས་གཅིག་

[Full Size]

འཚང་རྒྱའོ༔ དེ་ཡི་རྟགས་སུ་རྣལ་འབྱོར་པ༔ འདས་ཚེ་སྐུ་གདུང་རིང་བསྲེལ་རྣམས༔ གཞན་སྣང་རྟེན་དུ་འབྱོན་པ་ཡི༔ པདྨའི་ཐུགས་བཅུད་ཡང་ཟབ་གནད༔ ཅེས་དང་། སྒྲུབ་ཆེན་ལས། སྙིགས་མའི་དུས་སུ་ཐུགས་རྗེ་ཆེན་པོའི་བསྟན་པ་རྒྱས་པར་འབྱུང་སྟེ༔ ཀུན་ཀྱང་མ་ཎི་དུང་ཕྱུར་ལ་སོགས་དར་བའི་ཚེ་རང་ལུགས་འདྲེན་པ་བས༔ སྒྲུབ་ཆེན་འདི་ཉིད་བརྒྱ་འགྱུར་གྱི་ཡོན་ཏན་ཆེའོ༔ ཞེས་ཨོ་རྒྱན་ངའི་བཀའོ༔ ཞེས་གསུངས་པས་སྒྲུབ་ཆེན་འདི་ལ་ཡིག་བདུན་བྱེ་ཆུང་གཅིག་བཏོན་ན་དུང་ཕྱུར་གཅིག་ཏུ་ངེས་སོ༔ སྤྱིར་ཡིག་དྲུག་གི་ཕན་ཡོན་མཐའ་ཡས་པ་མདོ་རྒྱུད་དུ་མ་ནས་གསུངས་པ་གཞན་དུ་ཤེས། ཡིག་བཅུའི་ཕན་ཡོན་ཡང་རྒྱལ་བ་རྒྱ་མཚོའི་སྐབས་སུ་ཤེས། ཕྱི་ཡིག་དྲུག །ནང་ཡིག་བཅུ། གསང་བ་ཡིག་བདུན་ཡིན་པར་གསུངས་པས་ཡི་གེ་བདུན་པ་འདི་ལ་ཡིག་དྲུག་གི་ཕན་ཡོན་ཐམས་ཅད་ཡོད་པ་གཞིར་བཅས་ལ། ཧྲིབསྣན་པའི་ཡི་གེ་བདུན་འདིའི་ཁྱད་པར་ཕན་ཡོན་ནི། ཐུགས་རྗེ་ཆེན་པོ་ཡང་སྙིང་འདུས་པའི་རྒྱུད་ལས། འཇིག་རྟེན་སེམས་ཅན་སྲོག་བཏོན་པའི༔ བསོད་ནམས་འཕགས་པས་བགྲང་བར་ནུས༔ ཡིག་བདུན་ལན་གཅིག་བརྗོད་པ་ཡི༔ ཡོན་ཏན་

[Full Size]

བརྗོད་པར་ག་ལ་ནུས༔ ཁམས་གསུམ་སེམས་ཅན་མ་ལུས་ཀུན༔ སངས་རྒྱས་སར་བཀོད་ཡོན་ཏན་རྣམས༔ བགྲང་བར་ནུས་ཀྱི་ཡིག་བདུན་པ༔ གཅིག་བརྗོད་ཡོན་ཏན་བགྲང་མི་ནུས༔ རྒྱལ་བ་ནམ་མཁའ་གང་བ་ལ༔ མཆོད་པ་ཕུལ་བའི་བསོད་ནམས་ཚོགས༔ བགྲང་བར་ནུས་ཀྱི་ཡིག་བདུན་པ༔ གཅིག་བརྗོད་ཡོན་ཏན་བརྗོད་མི་ནུསཿ ཡང་སྙིང་ཡིད་ལ་སུས་བྱས་ཚད༔ ཐུགས་རྗེ་ཆེན་པོ་དེ་ཡིན་ཕྱིར༔ བར་ཆད་བགེགས་ཞི་འགྲོ་བ་འདུལ༔ སྣང་སྲིད་འཁོར་འདས་དབང་དུ་གྱུར༔ ཡང་སྙིང་ཐོས་ཚད་དྲན་རེག་རུང་སྒོམ་བཟླས་འབྲི་འཆང་བཏོན་པ་རྣམས༔ ཡོན་ཏན་ལྡན་ཞིང་གར་སྐྱེས་ཀྱང་༔ སྤྱན་རས་གཟིགས་དང་འབྲལ་མི་སྲིདཿ ཅེས་དང་། ཐུགས་རྗེ་ཆེན་པོ་གསང་བ་འདུས་པའི་རྒྱུད་ཆེན་ཉིད་ལས༔ ལེགས་འོང་སྐལ་ལྡན་བུ་མཆོག་རྣམས༔ ཡིག་བདུན་འདྲེན་ལ་བརྩོན་པ་བསྐྱེད༔ དུས་གསུམ་བདེ་གཤེགས་སྐུ་གསུང་ཐུགསཿ ཡོན་ཏན་ཕྲིན་ལས་མ་ལུས་པ༔ ཡིག་བདུན་དག་ལ་ཡང་དག་རྫོགས༔ རྣམ་ཀུན་མཁྱེན་པའི་སངས་རྒྱས་ཀྱིས༔ སྟོང་གསུམ་འཇིག་རྟེན་ཁམས་འདི་དག༔ ཏིལ་འབྲུར་བསིལ་ན་བགྲངས་བས་ཟད༔ ཡིག་

[Full Size]

བདུན་ཡོན་ཏན་འཛད་མི་ཤེས༔ འཇིག་རྟེན་སེམས་ཅན་སྲོག་བཏོན་པའི༔ བསོད་ནམས་འཕགས་པས་བགྲང་བར་ནུས༔ ཡིག་བདུན་ལན་གཅིག་བཟླས་པ་ཡིས༔ ཡོན་ཏན་བརྗོད་པར་ག་ལ་ནུས༔ ཁམས་གསུམ་སེམས་ཅན་མ་ལུས་པ༔ སངས་རྒྱས་སར་བཀོད་ཡོན་ཏན་ནི༔ བགྲང་བར་ནུས་ཀྱི་ཡི་གེ་བདུན༔ གཅིག་བརྗོད་ཡོན་ཏན་བགྲང་མི་ནུས༔ རྒྱལ་བ་ནམ་མཁའ་གང་བ་ལ༔ མཆོད་པ་ཕུལ་བའི་བསོད་ནམས་ཚོགས༔ བགྲང་བར་ནུས་ཀྱི་ཡིག་བདུན་པ༔ གཅིག་བརྗོད་ཡོན་ཏན་བགྲང་མི་ནུས༔ ཡང་སྙིང་ཡིད་ལ་སུས་བྱས་ཚད༔ ཐུགས་རྗེ་ཆེན་པོ་དེ་ཡིན་ཕྱིར༔ བར་ཆད་སེལ་ཞིང་འགྲོ་བ་འདུལ༔ ཡང་སྙིང་མཐོང་ཐོས་དྲན་རེག་རུང་༔ སྒོམ་བཟླས་འབྲི་འཆང་བསྟན་པ་རྣམས༔ ཡོན་ཏན་ལྡན་ཞིང་གར་སྐྱེས་ཀྱང་༔ སྤྱན་རས་གཟིགས་དང་འབྲལ་མི་སྲིད༔ ཅེས་གསུངས་སོ༔ དེ་ནས་རིལ་བུ་ཟོས་པའི་ཕན་ཡོན་ནི༔ ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས༔ དེ་ནས་བཅོམ་ལྡན་རིགས་བདག་ལ༔ འདུས་པའི་འཁོར་གྱིས་ཡང་ཞུས་པ༔ རྩོལ་མེད་ངོ་མཚར་མཆོག་གི་རྫས༔ ཟོས་པས་སངས་རྒྱས་ཐོབ་པའི་ཐབས༔ བདག་ཅག་འཁོར་ལ་བཀའ་

[Full Size]

སྩོལ་ཞིག༔ བཅོམ་ལྡན་འདས་ཀྱིས་བཀའ་སྩལ་པ༔ ངོ་མཚར་དེ་ཉིད་སྒྲུབ་པ་ན༔ བྱང་ཆུབ་སེམས་ལྡན་རྣལ་འབྱོར་གྱིས༔ འགྲོ་དོན་འཁོར་བ་དོང་སྤྲུགས་ཐབས༔ ཞེས་པ་ནས། རིལ་བུ་སུ་ཡི་ལྟོར་སོང་བ༔ ཚེ་རབས་གང་དང་གར་སྐྱེས་ཀྱང་༔ སྤྱན་རས་གཟིགས་དང་འབྲལ་མི་སྲིད༔ བདག་བས་གཞན་གཅེས་འགྲོ་དོན་སྤྱོད༔ ཡིག་བདུན་བཟླས་ཤིང་དམ་ཚིག་སྲུང་༔ ཐམས་ཅད་འཁོར་བ་དོང་ནས་སྤྲུགས༔ ཞེས་གསུངས་པ་དང་༔ སྐྱེ་བདུན་སྒྲུབ་ཐབས་བསམ་ཡས་གཏེར་མ་ལས༔ བདག་འདྲ་པདྨ་འབྱུང་གནས་ཀྱིས༔ སྐྱེ་བདུན་སྒྲུབ་པའི་མན་ངག་མཆོག༔ ཟབ་དྲིལ་དོན་བསྡུས་བསྟན་པར་བྱ༔ མཁའ་སྤྱོད་རིག་འཛིན་ཤ་སྒྲུབ་དང་༔ བླ་མེད་བྱང་ཆུབ་ཤ་སྒྲུབ་སྟེ༔ གཉིས་ལས་འདི་ནི་མཆོག་སྒྲུབ་པའོ༔ ཞེས་པ་རིལ་བུ་སུས་ཐོབ་པ༔ ཐུགས་རྗེ་ཆེན་པོའི་ཞིང་དུ་འགྲོ༔ འདི་ལ་ཐེ་ཚོམ་མི་འཚལ་ཏེ༔ མ་སྒྲུབ་སངས་རྒྱས་ཐོབ་ཐབས་ལྔ༔ སྔོན་སྦྱངས་ལས་སད་རྟོགས་གྲོལ་དང་༔ རང་བྱུང་རྒྱུད་མཆོག་བཏགས་གྲོལ་དང་༔ མཚན་ལྡན་པདྨའི་རྩ་ཡི་གནད༔ གསང་ལམ་ཟབ་མོའི་འཕོ་བ་དང་༔ ངོ་མཚར་རྗེས་མཆོག་སྐྱེ་བདུན་ནོ༔ དེ་ཕྱིར་

[Full Size]

འདི་སྤྱོད་སྐྱེས་བུ་ལ༔ བྱང་ཆུབ་སེམས་ལྡན་མཆོག་ཏུ་སྐྱེས༔ རིལ་བུ་གཅེས་སྤྲས་ཆེར་བྱས་ཏེ༔ འགྲོ་དོན་དཔག་མེད་རྒྱ་ཆེན་སྤྱོད༔ སྙིང་ནོར་མིག་འབྲས་ཟབ་མོའི་གཏེར། བསམ་ཡས་དབུ་རྩེའི་ཁྲི་ལ་སྦས༔ ལྔ་བཅུ་ཁ་རལ་དུས་ཀྱི་ཚེ༔ ལས་ཅན་གཅིག་དང་འཕྲད་ནས་ཀྱང་༔ འགྲོ་ཀུན་འཁོར་བ་དོང་སྤྲུགས་ཤོག༔ ཅེས་དང་༔ སྐྱེ་བདུན་སྒྲུབ་པའི་ཆོ་ག་ཡིད་བཞིན་ནོར་བུ་རཏྣ་གླིང་པའི་གཏེར་མ་ལས༔ བྱམས་པའི་མགོན་པོ་ལ་ཕྱག་འཚལ་ལོ༔ བདག་འདྲ་ཨུ་རྒྱན་པདྨ་ཡིས༔ མ་འོངས་འགྲོ་བའི་དོན་ཆེད་དུ༔ ངོ་མཚར་སྐྱེ་བདུན་སྒྲུབ་པ་ནི༔ ཆོ་གའི་རིམ་པ་བསྟན་པར་བྱ༔ ཞེས་པ་ནས༔ བསྐྱེད་རིམ་དང་ལྡན་པས་ཡིག་བདུན་བཟླ༔ གཞན་ལ་ཡང་ལུང་སྦྱིན་པ་དང་མ་ཎི་བསྐུལ༔ རྒྱལ་ཁམས་ཐམས་ཅད་མ་ཎི་ལ་བསྐུལ༔ རིལ་བུ་བགོའོ༔ རྗེས་ཀྱི་ཡོན་ཏན་འབྲས་བུ་བསྟན་པ་ནི༔ མ་སྒྲུབ་སངས་རྒྱས་ཐོབ་པ་བཞི་སྟེ༔ རྒྱུད་བཏགས་གྲོལ༔ ཕྱག་རྒྱ་པདྨ་ཅན༔ གསང་ལམ་འཕོ་བ༔ དམ་རྫས་སྐྱེ་བདུན་ཏེ༔ དཔེར་ན་མཐེབ་དང་གཞུའི་ནུས་པས་མདའ་ཕ་རོལ་དུ་འགྲོ་བ་དང་༔ གྲུ་དང་མཉན་པོས་རྩོལ་བས་ཆུ་བོ་སྒྲོལ་བ་ལྟར༔ ངེས་པར་སྤྱན་རས་གཟིགས་

[Full Size]

ཀྱི་དྲུང་དུ་སྐྱེ་བར་འགྱུར་རོ༔ གསང་འདུས་རྒྱུད་དོན་སྐྱེ་བདུན་སྒྲུབ་པའི་ཐབས༔ མ་འོངས་དོན་དུ་ཨོ་རྒྱན་པདྨ་ངས༔ ཆོས་དང་དམ་རྫས་གནམ་སྐས་བྲག་ལ་སྦས༔ མ་འོངས་དུས་མཐར་ལས་ཅན་གཅིག་དང་འཕྲད༔ སྙིགས་མའི་འགྲོ་བ་འཁོར་བ་དོང་སྤྲུགས་ཤོག༔ ཅེས་དང་། སྐྱེ་བདུན་གྱི་ལོ་རྒྱུས་ཕན་ཡོན་དངོས་གྲུབ་རྒྱ་མཚོ་ཞེས་བྱ་བ་སྟག་ཚང་སྲིན་མོ་ཁྲོས་འདྲའི་བྲག་ནས་གཏེར་སྟོན་འགྲོ་འདུལ་རྡོ་རྗེས་བཏོན་པ་ལས༔ ཕན་ཡོན་གནས་སྐབས་མཐར་ཐུག་གཉིས་སུ་བཤད༔ གནས་སྐབས་འཇིགས་པ་བརྒྱད་སོགས་རྐྱེན་སེལ་ཞིང་༔ ཐུན་མོང་དངོས་གྲུབ་བརྒྱ་སོགས་ཐོབ་པར་འགྱུར༔ མཐར་ཐུག་ཕྱོགས་བཅུའི་རྒྱལ་སྲས་ཐམས་ཅད་ཀྱི༔ སྐུ་གསུང་ཐུགས་དང་མཛད་པ་མཉམ་པ་རུ༔ སངས་རྒྱས་ཐོབ་ནས་འཁོར་བ་མ་སྟོང་བར༔ འགྲོ་བའི་དོན་དུ་སྤྲུལ་པ་འབྱོན་པའོ༔ སྒྲུབ་གནས་སྤ་གྲོ་སྟག་ཚང་སྦས་པ་ཡི༔ འཛད་མེད་དངོས་གྲུབ་རིན་ཆེན་རྒྱ་མཚོའི་གཏེར༔ རིལ་བུ་ཨ་ཡིག་རང་བྱོན་ཁ་དོག་གསུམ་དུ་ཡོད༔ མ་འོངས་སྙིགས་མ་ལྔ་བཅུ་ཁ་རལ་དུས༔ པདྨའམ་རྡོ་རྗེའི་མིང་ཅན་དེ་ལ་སྤྱོད༔ གཟའ་དང་རྡོར་ལེགས་དམ་ཅན་གཉེར་དུ་བསྐོས༔ ཞེས་

[Full Size]

དང་། པདྨ་བཀའ་ཐང་ལས། རྒྱལ་སྲས་ལྷ་རྗེའི་སྐུ་ཤ་གཏེར་དུ་སྦས་སྐབས་སུ༔ དབང་པོ་ལྔ་དང་ཟག་ཆུ་ཤ་ཁྲག་རུས༔ ཤིག་གི་སྙིང་ཙམ་སུ་ཡི་ལྟོར་སོང་བ༔ རྨོངས་པའི་ལྟོར་སོང་མི་ཡི་དངོས་གྲུབ་འབྱུང་༔ དབུལ་པོའི་ལྟོར་སོང་ནོར་གྱི་དངོས་གྲུབ་ཐོབ༔ འཆི་འཕོས་ལྟོར་སོང་ཚེ་ཡི་དངོས་གྲུབ་ཐོབ༔ དད་ཅན་ལྟོར་སོང་ཆོས་ཀྱི་དངོས་གྲུབ་འབྱུང་༔ དེ་ལ་སོགས་ཀྱི་ཡོན་ཏན་མང་ཡོད་ཀྱང་༔ ལོག་ལྟ་ཅན་གྱི་ཡོན་ཏན་སྐྱོན་དུ་མཐོང་༔ དེ་ཡང་འབྲེལ་པ་སྣ་ཅིག་ཐོབ་པ་ཡིན༔ སྒྲིབ་པ་དག་ནས་ཆོས་ཉིད་ལས་སད་འགྱུར༔ དེ་ཕྱིར་མཆོག་གྲུབ་སྐྱེ་བ་བཅུ་གསུམ་བར༔ མཐོང་ཐོས་དྲན་རེག་དོན་དང་ལྡན་པ་སྟེ༔ དྲི་མ་དག་པའི་ཏིལ་འབྲུ་ཙམ་ཞིག་དེས༔ ངན་འགྲོར་འགྲོ་ངེས་ཤི་ཡང་མཐོ་རིས་སྐྱེ༔ དགེ་བཅུའི་རྒྱུ་ཡང་འབྲུ་ཙམ་ས་བོན་འདེབསཿ དྲང་སྲོང་གཟའ་ནད་གདོན་བགེགས་འབྱུང་པོའི་ནད༔ འདྲེ་ཡིས་བཅིང་པ་རྣམས་ཀྱང་གྲོལ་བར་འགྱུར༔ མཚམས་མེད་ལྔ་སྤྱད་ལྟོར་སོང་རིག་འཛིན་གྲོལ༔ ལས་ཀྱི་དུད་འགྲོའི་གནས་སུ་སྐྱེས་ན་ཡང་༔ ཡུལ་བཟང་བདག་བཟང་བརྡུང་རྩོག་མེད་པར་འགྱུར༔ དེ་སོགས་ཡོན་ཏན་མང་ཡོད་ཟུར་ཙམ་ཡིན༔ བསོད་ནམས་ཆུང་བའི་

[Full Size]

དུད་འགྲོ་ཡིན་ཀྱང་རུང་༔ མི་ཚེར་སྡིག་བྱེད་ཤན་པ་ཡིན་ཀྱང་རུང་༔ སྐྱེ་བ་དམན་པའི་བུད་མེད་ཡིན་ཀྱང་རུང་༔ སྡིག་པ་ལས་ཀྱི་འཕྲོ་མེད་མི་ནག་ཡིན་ཀྱང་རུང་༔ མཁའ་ལ་གནས་པའི་འདབ་ཆགས་ཡིན་ཀྱང་རུང་༔ ཆུ་ལ་གནས་པའི་སེམས་ཅན་ཡིན་ཀྱང་རུང་༔ སྡིག་པ་དག་ཅིང་མི་ལུས་གཙང་མར་ཐོབ༔ དད་པ་ཤེས་རབ་བརྩོན་འགྲུས་ཡོད་པར་འགྱུར༔ སྐྱེ་བདུན་ཤ་ཡིས་འདུལ་བའི་དུས་ཚོད་ཀྱང་༔ སངས་རྒྱས་བསྟན་པ་ལྔ་བརྒྱ་ཕྲག་གསུམ་ནུབ༔ དུས་ངན་གྱུར་ཏེ་ས་སྟེང་མེས་གང་གྱུར༔ རྒྱལ་ཁྲིམས་ཞིག་ནས་བོད་ཁམས་རྒྱ་བྱེད་ཆད༔ སིལ་བུ་སིལ་བུར་སོང་སྟེ་འཁྲུག་ཐབས་བྱེད༔ ཁྱད་པར་ཉོན་མོངས་དུག་ལྔ་རང་གར་སྤྱོད༔ ཐམས་ཅད་འཁྲུག་ནས་མཚོན་གྱི་བསྐལ་པ་དར་རྟགས་ཙམ་འཛིན་པའི་བསྟན་པ་སྐོར་གཉེར་ཏེ༔ བཙུན་པས་ཁྱིམ་བྱེད་སྡོམ་པ་རྒྱབ་ཏུ་བོརཿ བུ་ཕྲུག་པང་དུ་བླང་ནས་སྔགས་པ་ཟེརཿ སྔགས་པས་མགོ་སྤུ་བྲེག་ནས་བཙུན་ཆས་བྱེད༔ དགེ་བཤེས་ཧོར་ལས་གྲི་མདུང་དམག་དཔོན་བྱེད༔ གཏམ་དུ་དམག་ལབ་གོས་སུ་གོ་མཚོན་གྱོན༔ ལས་སུ་རྫོང་བརྩེགས་ནོར་དུ་སྡིག་པ་གསོགས༔ ལྷ་ཆོས་མི་བྱེད་ཁྱད་

[Full Size]

པར་སྡིག་ལ་དགའ༔ དམག་དང་མུ་གེ་ནད་ཡམས་དུས་ཤིག་འབྱུང་༔ བཀའ་ཁྲིམས་ཞིག་པས་འདུན་མ་བུད་མེད་བཟུང་༔ ཕ་ཚན་ནང་བྱེ་སྤྱི་མཐུན་ཆེན་མོ་ཞིག༔ ཤེས་པ་ཕྱིར་ལོག་གསལ་ཞིང་ལིང་ལོག་འབྱུང་༔ གནས་པའི་མི་དུབ་ལུས་སེམས་གཉིས་ཀ་བྲེལ༔ གནས་གཞི་ལྷ་ཁང་བཤིགས་ནས་རྫོང་ལ་འགེབ༔ མི་རིགས་མི་མཐུན་ཀུན་དང་འགྲོགས་དགོས་འབྱུང་༔ སྐྱེ་འགྲོ་མི་བསྲུན་ཟུག་རྔུ་སུས་མི་ལྡོག༔ ལས་སུ་ཤན་པའི་སེམས་ཅན་ཨ་རེ་སྡུག༔ གཏེར་ལ་མོས་ཤིང་འབྲི་བ་མང་དུ་འབྱུང་༔ དེ་དུས་སྐྱེ་བདུན་ཤ་འདི་ལྟོར་སོང་བས༔ དུག་གསུམ་ནད་ཞི་བདུད་རྩི་མཆོག་ཏུ་གསུངས༔ ཞེས་གསུངས་སོ། །ཐུགས་རྗེ་ཆེན་པོ་ཡང་སྙིང་འདུས་པའི་རྒྱུད་ཆེན་པོ་ལས༔ དེ་ནས་སྐྱེ་བདུན་ཤ་སྒྲུབ་བཤད༔ ཅེས་པ་རིལ་བུ་སུ་ཡི་ལྟོར་སོང་བ༔ ཚེ་རབས་གང་དང་གར་སྐྱེས་ཀྱང་༔ སྤྱན་རིས་གཟིགས་དང་འབྲལ་མི་སྲིད༔ བདག་བས་གཞན་གཅེས་འགྲོ་བའི་དོན༔ ཐུགས་རྗེ་ཆེན་པོའི་བསླབ་པ་བསྲུང་༔ དམ་རྫས་རྫས་མཆོག་ངོ་མཚར་ཆེ༔ ཞེས་དང་། ཐུགས་རྗེ་ཆེན་པོ་དོན་ཡོད་ཞགས་པའི་རྒྱུད་ཆེན་པོ་ལས༔ རིལ་བུ་ཟོས་པ་ཙམ་གྱིས་ནི༔ ནད་རྣམས་ཐམས་ཅད་རྣམ་

[Full Size]

པར་འཇིགས༔ གང་གི་ཉིན་བཞིན་པ་ཡི་རིམས༔ གང་དག་ཁོག་སྐེམ་ནད་ཀྱི་ཉམས༔ གང་ཞིག་བཏགས་པའི་རིམ་གྱིས་བཏབ༔ གང་གིས་འཐབ་མོ་དབྱུང་པ་དང་༔ གང་དག་སྐྱེ་བོ་སྡང་སེམས་ཅན༔ བདག་ལ་གྲིབ་གདོན་གཞན་གྲིབ་གནོན༔ སྐེམ་བྱེད་སྐེམ་པ་བརྗེད་བྱེད་དང་༔ གང་ཞིག་གདོན་གཞན་མི་བཟད་དང་༔ སྡིག་པའི་ལས་རྣམས་ཀུན་ཏུ་སྤྱོད༔ སྔོན་གྱི་ལས་ནི་མི་བཟད་པ༔ དེ་དག་སྐད་ཅིག་ཙམ་གྱིས་འཇིགས༔ རིལ་བུ་ཐམས་ཅད་ལས་བྱེད་པ༔ ལྷ་རྫས་ཤི་བ་སོས་པར་གྱུར༔ རིལ་བུ་དག་ནི་འཆང་བྱེད་ཅིང་༔ ཐིག་ལེ་དག་ནི་བྱས་པ་ཡིས༔ ཐམས་ཅད་དུ་ནི་མཆོད་པ་ཐོབ༔ ཐམས་ཅད་དུ་ནི་ནོར་དག་འདུ༔ དཔལ་འདོད་པས་ནི་དཔལ་ཐོབ་ཅིང་༔ འབྲུ་འདོད་འབྲུ་ཡི་ཕུང་པོ་འཕེལ༔ ལྷ་རྣམས་དག་ནི་དགའ་འགྱུར་ཞིང་༔ ཀླུ་རྣམས་དག་ནི་དགའ་དང་བཅས༔ གནོད་སྦྱིན་སྲིན་པོ་དྲི་ཟ་དང་༔ ལྷ་མིན་མཁའ་ལྡིང་མིའམ་ཅི༔ ལྟོ་འཕྱེ་ཆེན་པོ་ཐམས་ཅད་དང་༔ འབྱུང་པོ་རྣམས་ཀྱང་དགའ་དང་བཅས༔ རྟག་ཏུ་ཕྱག་བྱའི་གནས་འགྱུར་ཞིང་༔ ཐམས་ཅད་དབང་དུ་གྱུར་ནས་འཁོད༔ འཁོར་ཀུན་བྲན་བྱེད་ཅི་བྱེད་ཟེརཿ གང་ཞིག་རིལ་

[Full Size]

བུ་དེ་དག་བརྟེན༔ རིལ་བུ་ཐིག་ལེ་རྟག་བྱེད་ལ༔ དེ་བཞིན་གཤེགས་ཀུན་དགོངས་པར་མཛད༔ ་འཕགས་པ་སྤྱན་རས་གཟིགས་ཀྱི་དབང་༔ དེ་ཡི་ཉིད་རིག་རྟག་ཏུ་ནི༔ མཆོད་སྦྱིན་དུས་གསུམ་གཟིགས་པར་མཛད༔ བསོད་ནམས་ཕུང་པོ་སྟོང་དག་གིས༔ ཉི་མ་རེ་རེ་བརྩེགས་པར་མཛད༔ འཇིག་རྟེན་པ་ཡི་བེད་སྤྱད་ཅིང་༔ འཇིག་རྟེན་ཕ་རོལ་ཤིན་ཏུ་བདེ༔ ཚེ་བརྗེ་བ་དག་འཕོ་ནས་སུ༔ བདེ་བ་ཅན་དུ་མེད་ལ་འགྲོ༔ གང་དང་གང་དུ་སྐྱེ་བར་ནི༔ ཚེ་རབས་རྟག་ཏུ་ཚེ་རབས་དྲན༔ ལག་ན་རྡོ་རྗེ་གནོད་སྦྱིན་ཚེ༔ གནོད་སྦྱིན་བྱེ་བས་ཡོངས་བསྐོར་ཞིང་༔ གཡེལ་བ་མེད་པར་ཉིན་མཚན་དུ༔ དུས་ཀུན་དུས་ནི་སྲུང་བ་དང་༔ སྐྱོབ་དང་སྦ་དང་སྲུང་བར་བྱེད༔ ཅེས་བཀའ་སྩལ་ཏོ༔ སྤྱན་རས་གཟིགས་ཀྱི་རྩ་རྒྱུད་པདྨ་དྲྭ་བ་ལས༔ དེ་ནས་འཇིག་རྟེན་མགོན་པོ་ཆེ༔ ཐུགས་རྗེ་ཐུགས་དཔག་མངའ་བ་ཡི༔ ཐམས་ཅད་རྫོགས་པའི་འབྲས་བུ་ཅན༔ ཁྱད་པར་གཟུངས་འདི་བཀའ་སྩལ་ཏེ༔ ཐ་དད་གཟུགས་མཐོང་སྒྲ་ཐོས་དང་༔ རྫུ་འཕྲུལ་བསྒྱུར་དང་གཞན་སེམས་ཤེས༔ འདས་དང་མ་འོངས་དོན་ཤེས་དང་༔ མཐའ་ཡས་ཤེས་དྲུག་ལ་སྤྱོད་པ༔ དངོས་དང་རྟགས་དང་ཆ་

[Full Size]

མཐུན་གྱི༔ རྣམ་པ་བཅོ་བརྒྱད་རིབ་ཏུ་འགྱུརཕྲ་དང་ཡང་དང་མཆོད་པར་བྱ་བ་དང་༔ བདག་པོར་འགྱུར་དང་དབང་དུ་འགྱུར་བ་དང་༔ གར་ཡང་ཕྱིན་དང་འདོད་དགུར་ལྡན་པ་དང་༔ དགའ་མགུར་གནས་ཏེ་དབང་ཕྱུག་ཡོན་ཏན་ནོ༔ རྣམ་པ་བརྒྱད་ཀྱི་དཔེ་བྱ་ཡི༔ ལོངས་སྤྱོད་དབང་དང་ལུས་ལ་དབང་༔ ཚེ་ལ་དབང་དང་རྐང་མགྱོགས་དང་༔ ཆུ་ལ་མི་བྱིངས་མཁའ་ལ་འགྲོ༔ ས་འོག་འགྲོ་དང་མི་སྣང་བ་ཞི་རྒྱས་དབང་དྲག་མངོན་སྤྱོད་སོགས༔ དངོས་པོ་གང་དང་གང་སྒྲུབ་དང་༔ རིལ་བུ་ལས་ནི་འབྱུང་བར་གྱིས༔ གཞན་གྱི་མྱུར་དུ་འགྲུབ་མི་འགྱུརཿ བྱང་ཆུབ་སེམས་དཔའི་རིལ་བུ་ནི༔ མཚམས་མེད་ལ་སོགས་བྱས་པས་ཀྱང་༔ རྙེད་མ་ཐག་ཏུ་དངོས་གྲུབ་འབྱུང་༔ ཞེས་གསུངས་པ་དང་༔ ཡང་ཐུགས་རྗེ་ཆེན་པོ་ནམ་མཁའི་རྒྱལ་པོའི་སྐྱེ་བདུན་མྱོང་གྲོལ་སྒྲུབ་པ་ལས༔ བདག་འདྲ་པདྨ་འོད་འབར་གྱིས༔ མ་འོངས་འགྲོ་དྲུག་འཁོར་བ་དོང་སྤྲུགས་ཕྱིརཿ མ་སྒོམ་ཚེ་གཅིག་སངས་རྒྱས་ཐོབ་པའི་ཐབས༔ ཡང་ཟབ་དམ་རྫས་མྱོང་གྲོལ་སྒྲུབ་པ་བསྟན༔ ང་སྤྲུལ་སྙིང་གི་བུ་དང་འདི་འཕྲད་སྨོན༔ འཕྲད་ནས་འགྲོ་དྲུག་འཁོར་བ་དོང་སྤྲུགས་ཤོག༔ ཅེས་

[Full Size]

པ་ནསཿ དེ་ལྟར་སྒྲུབ་པའི་རིལ་བུ་འདི་གང་གི་ཁོང་དུ་སོང་ཡང་༔ འཁོར་བ་ངན་སོང་གི་སྐྱེ་སྒོ་ཁེག་པར་འགྱུར་རོ༔ ཡ་རབ་བརྒྱད་ལྡན་གྱི་ལུས་ཐོབ་ནས་ཚེ་གཅིག་ལ་འཕགས་པའི་སྐུར་འཚང་རྒྱ་བ་ལ་ཐེ་ཚོམ་མེད་དོ༔ རིལ་བུ་འདི་སྲོག་ཆགས་གང་གི་ཁར་སོང་ཡང་ཚེ་རབས་ཐོགས་མེད་ནས་བསགས་པའི་སྡིག་སྒྲིབ་འདག་པར་འགྱུར་རོ༔ ནད་གདོན་བར་ཆད་ཐམས་ཅད་ཞི་ནས་སངས་རྒྱས་པར་འགྱུར་རོ༔ རིལ་བུ་འདི་ལོའམ་ཟླ་བ་དང་ཞག་བདུན་ཚུན་ཆད་བཅུད་ལེན་བྱས་ན་གནས་སྐབས་སུ་ཚེའི་བར་ཆད་ཞི་ནསཿ ལུས་བཀྲག་མདངས་གཟི་བརྗིད་ལྡན་ཞིང་༔ སྐྲ་དཀར་གཉེར་མ་མི་འབྱུང་བ་དང་༔ ནད་གདོན་འབྱུང་པོ་མི་མ་ཡིན་གྱིས་གླགས་མི་རྙེད་ཅིང་༔ ཚེའི་རིག་འཛིན་བརྙེས་པ་ལ་སོགས་པ་ཡོན་ཏན་བརྗོད་པར་མི་ནུས་སོ༔ རིལ་བུ་འདི་ཉིད་རི་བོ་ཆེན་པོའི་རྩེར་སྦས་ན༔ རི་དེ་ལ་རླུང་ཕོག་ཚད་ཀྱི་སྐྱེ་འགྲོ་ཕོ་མོའམ༔ སྣང་སྲིད་ཀྱི་མི་མ་ཡིན་པ་ཐམས་ཅད་ཐར་པའི་ལམ་ལ་འགོད་ནུས་པར་འགྱུར་རོ༔ ལྷ་སྲིན་སྡེ་བརྒྱད་ཀྱི་གནོད་འཚེ་ཐམས་ཅད་ཞི་བར་འགྱུར་རོ༔ ཚོང་འདུས་དང་ས་མདོ་རྣམས་སུ་སྦས་ན་དེར་ཕྱིན་ཚད་ཐམས་ཅད་ཀྱི་ལས་སྒྲིབ་དག་ནས་ཐར་པའི་ལམ་སྣ་ཟིན་

[Full Size]

པར་འགྱུར་རོ༔ དཀོར་མཛོད་དུ་སྦས་ན་ལོངས་སྤྱོད་འཕེལ་བར་འགྱུར་རོ༔ ནོར་སླས་སུ་སྦས་ན་གོད་ཡམས་མི་འབྱུང་ཞིང་རྟ་ནོར་འཕེལ་བར་འགྱུར་རོ༔ ཞིང་ལ་སྦས་ན་ལོ་ལེགས་པར་འགྱུར་རོ༔ མཚོའམ་ཆུ་མིག་གི་མགོར་སྦས་ན་ཆར་ཆེན་པོ་འབེབས་པར་འགྱུར་རོ༔ མེ་ལ་བསྲེགས་ན་དུ་བ་ཕོག་ཚད་ཀྱི་སྐྱེ་འགྲོ་ཐམས་ཅད་སངས་རྒྱས་པ་དང་༔ སྡེ་བརྒྱད་ཀྱི་གདུག་རྩུབ་ཐམས་ཅད་ཞི་བ་དང་༔ འགོ་བའི་ནད་རིམས་ཀྱི་རྒྱུན་ཆད་པར་འགྱུར་རོ༔ ལུས་ལ་འཆང་ན་འགོས་ནད་དང་མཚོན་ཆའི་རིགས་ཐམས་ཅད་ཐུབ་པར་འགྱུར་རོ༔ རིལ་བུ་ཆུས་སྦྱངས་ནས་ཞིང་ལ་གཏོར་ན་འབུ་སྲིན་དང་བཙའ་སད་སོགས་ཀྱི་གནོད་པ་ཐམས་ཅད་ཐུབ་པར་འགྱུར་རོ༔ སྐུ་གསུང་ཐུགས་ཀྱི་རྟེན་གྱི་ནང་གཞུག་ཏུ་འཇུག་ན་ཕྱག་བསྐོར་འབྲེལ་ཚད་རྫོགས་སངས་རྒྱས་ཀྱི་ས་ལ་ཕྱིན་པར་འགྱུར་རོ༔ ཆེད་དུ་ས་ནད་གསོ་བའི་ནང་ཕུག་ཏུ་བྱས་ན་མཐའ་ཡི་དམག་ཚོགས་ཟློག་པར་འགྱུར་རོ༔ གང་དུ་བསྒྲུབས་པའི་ཡུལ་དེར་བཀྲ་ཤིས་བྱིན་ཆགས་པ་དང་༔ འཇའ་འོད་དང་སྤྲིན་རྒྱུན་ལྡན་འབྱུང་བ་དང་༔ ཆར་ཆུ་དུས་སུ་འབེབས་པར་འགྱུར་རོ༔ ཐན་པའི་ལོ་ནད་བཙའ་སད་ཐམས་ཅད་མི་འབྱུང་

[Full Size]

ཞིང་༔ ལོ་ཕྱུགས་རྟག་ཏུ་ལེགས་པ་དང་༔ མུ་གེའི་བསྐལ་པ་ཐམས་ཅད་ཞི་བར་འགྱུར་རོ༔ མི་ནད་ཕྱུགས་ནད་ཐམས་ཅད་རྒྱུན་ཆད་པར་འགྱུར་རོ༔ ཕྱི་ནང་དུས་འཁྲུག་ཐམས་ཅད་ཞི་བ་དང་༔ མཐའ་ཡི་དམག་དཔུང་ཟློག་པར་འགྱུར་རོ༔ ཞེས་གསུངས་སོ༔ མ་ཎི་རིལ་བུའི་དཀར་ཆག་ས་སྐྱ་ནས་བརྒྱུད་པ་ལས༔ རིལ་བུ་འདི་བསྲེས་པའི་སྐུ་གཟུགས་སམ། གདུང་ཚ་ཚ་བཞེངས་ནས་མཆོད་པ་ཕུལ་ན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པ་ཕུལ་བ་ཡིན་ནོ། །དད་པ་དང་མོས་པ་བྱས་ནས་ཕྱག་འཚལ་བ་དང་བྱིན་རླབས་ཞུ་ན། རྩ་བ་དང་བརྒྱུད་པའི་བླ་མ་རྣམས་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་བ་དང་བྱིན་རླབས་ཞུ་བ་ཡིན་ནོ། །སེམས་ཅན་ཚེ་ཟད་པའི་ཁར་གྲོག་མའི་རྐང་ལག་ཙམ་སོང་ན། །སྐྱེ་བ་བདུན་ལ་ངན་སོང་གི་སྐྱེ་སྒོ་ཆོད་ནས་མཐར་སངས་རྒྱས་སོ། །འདི་བཞུགས་པའི་ས་ཕྱོགས་སུ་མུ་གེ་དང་། ནད་ཡམས་དང་། བཀྲ་མི་ཤིས་པའི་གནོད་པ་མི་འབྱུང་ཞིང་། ཕན་ཡོན་བསམ་གྱིས་མི་ཁྱབ་པར་འབྱུང་བར་འགྱུར་རོ། །བླ་མ་གྲུབ་ཐོབ་ཐམས་ཅད་ཀྱིས་མགྲིན་གཅིག་ཏུ་གསུངས། རང་འདོད་གཟུ་ལུམ་རབ་

[Full Size]

སྤངས་ནས༔ ཕུར་ཚུགས་འདི་ལ་ནན་ཏན་མཛོད། རང་གཞན་དོན་གཉིས་འགྲུབ་པར་འགྱུར། འབྲེལ་ཚད་བདེ་ཆེན་ཞིང་དུ་འདྲེན། ཞེས་གསུངས་ནས་ཨོ་རྒྱན་གྱི་གསུང་པའི་ལུང་དྲངས་བ་ནི། ཡོན་ཏན་དམ་རྫས་རིན་པོ་ཆེ་འབྲེལ་ཚད་ཐར་པའི་ལམ་ལ་འཁྲིད། ཅེས་གསུངས་སོ། །ཞེས་བྱུང་། སྐྱེ་བདུན་གྱི་དཀར་ཆག་ཡིད་བཞིན་ནོར་བུ་ལས་སྐྱེ་བདུན་ཆེན་པོ་འདི་ནི། སྐུ་གསུང་ཐུགས་རྟེན་གྱི་ནང་གཞུག་བྱས་སམ། གསུང་རབ་བྲི་བའི་སྣག་ཚ་ལ་བསྲེས་སམ་གདུང་ཚ་ལ་བསྲེས་ནས་མཆོད་པ་ཕུལ་ན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པ་ཕུལ་བ་ཡིན། དད་པ་དང་མོས་པ་བྱས་ནས་ཕྱག་འཚལ་བ་དང་བྱིན་རླབས་ཞུས་ན། རྩ་བ་དང་བརྒྱུད་པའི་བླ་མ་རྣམས་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་བ་དང་བྱིན་རླབས་ཞུས་པ་ཡིན། ཁྱད་པར་དུ་ཡང་སེམས་ཅན་ཚེ་ཟད་པའི་ཁ་རུ་གྲོག་མའི་རྐང་ལག་ཙམ་སོང་ན། ཇི་ལྟར་མཚམས་མེད་ལྔ་ཡི་ལས་བྱས་ཀྱང་། སྐྱེ་བ་བདུན་ནས་ལས་ངན་འཕྲོ་ཟད་ནས། སྐྱེ་མེད་ཆོས་སྐུའི་ས་ཐོབ་པར་འགྱུར་རོ། །དམ་རྫས་འདི་སྒྲུབ་རིལ་བུ་བཞུགས་པའི་ས་ཕྱོགས་དེར། ནད་

[Full Size]

ཡམས་མུ་གེ་མི་མཐུན་ཕྱོགས་ཞི་ཞིང་། །བདེ་ལེགས་དཔག་མེད་འབྱུང་ཞེས་རྒྱལ་བས་གསུངས། །འདི་བསྒྲུབས་རིལ་བུ་སྤེལ་ན་ནན་ཏན་མཛད་པར་རིགས་ཞེས་འབྱུང་ངོ་། །སྤང་འོད་ཟེར་བླ་མའི་ཞལ་ནས། སྐྱེ་བདུན་རིལ་བུའི་གྲོག་མ་གསོ་བའི་ཙམ་པ་ལ་བསྲེ། བསང་བྱེད་པའི་ཕྱེ་མར་ལ་བསྲེ། ཉ་གསོ་བའི་ཕྱེ་མར་ལ་བསྲེས་ན་ཕན་ཡོན་འགྲོ་དོན་ཆེ། དུད་འགྲོའི་རིགས་ལ་བྱིན་པ་དང་ཕབས་ཡོས་ལ་བསྲེས་ན་ཆང་གི་ཉེས་པ་འཇོམས་གསུངས། འདས་ལོག་ཀུ་སུ་ལུ་པ་དང་ཉ་ཕྲུག་སོགས་ཀྱིས་ཀྱང་། སྡིག་པ་གང་ཆེ་ཆེ་རྣམས་ལ་རིལ་བུ་བུམ་སྒྲུབ་ཕན་ཡོན་སྟོབས་ཆེ་བར་གཟིགས། དེ་ལྟར་ཕན་ཡོན་བསམ་ལས་འདས་པའི་མ་ཎི་བུམ་སྒྲུབ་རིལ་བུ་འདི། གཏེར་ཁ་མང་པོ་ནས་དམ་རྫས་རུ་རྩི་དང་སྒྲུབ་ཐབས་བྱུང་བས། གཏེར་སྟོན་གཏེར་བློན་སོ་སོའི་སྒྲུབ་ཅིང་འགྲོ་དོན་མཛད་མོད་ཀྱང་། ཡོངས་སུ་གྲགས་ཤིང་འགྲོ་དོན་ཆེ་བ་ནི་ཡང་སྙིང་འདུས་པ་དང་། གསང་འདུས་འདི་གཉིས་ཡིན་ནོ། །དེ་ལ་ཡང་སྙིང་འདུས་པ་ནི་འགྲོ་དོན་བསམ་ལས་འདས་པར་འབྱུང་སྟེ། གུ་རུ་ཆོས་དབང་ཉིད་ཀྱི་སྐུ་ཚེ་དེ་ལ་ཡིག་བདུན་གྱི་ཐུན་ཁ་སུམ་སྟོང་དྲུག་ཅུ་རྩ་བཞི་བཀྲམ་མོ། །སྤང་མཁན་ཆེན་འོད་ཟེར་

[Full Size]

བླ་མ། ཤིང་མགོ་རིན་པོ་ཆེ། གྲུབ་ཐོབ་ཐུགས་རྗེ་འབུམ། ཀཐོག་པ་ན་རིམ་སོགས་ཀྱིས་རིལ་བུ་བུམ་སྒྲུབ་ཆོས་དབང་ལུགས་ལྟར་ཐུགས་དམ་མཛད་ཅིང་། ད་རུང་ཀཐོག་སོགས་ལ་དར་ཆ་ཆེ་བར་ཡོད་སྐད་ཀྱང་། གུ་རུ་ཆོས་དབང་གི་དག་སྣང་རྨི་ལམ་རྟ་དཀར་མའི་ལུང་བསྟན་ལས། མི་རབས་བརྒྱད་དུ་འགྲོ་དོན་ཆེ་ཞིང་། དེ་ནས་གཙང་དུ་འགྲོ་དོན་བསྟན་པ་སྐྱོན་མེད་ཙམ་གནས། གཞན་ཆོས་དབང་ལུགས་ཀྱི་གཏེར་ཆོས་དབང་ལུང་རྒྱུན་ཙམ་ལས་མི་འབྱུང་བར་གསུངས་པས། ད་ནི་ཡང་སྙིང་འདུས་པའི་འགྲོ་དོན་རྫོགས་ལ་ཁད་ཡིན་པར་སྣང་ངོ་། །གསང་བ་འདུས་པ་འདི་ནི་དང་པོ་གཏེར་སྟོན་དུས་ཁྲོམ་གཏེར་ནས་བཏོན་པའི་ཚེ། དགེ་བསྙེན་མཁའ་རིའི་རི་རྩེ་ནས་འཇའ་དཀར་པོ་བཞི་གཏེར་གནས་དེར་ཟུག །དགེ་བསྙེན་མཁའ་རི་རྟ་དཀར་པོ་ལ་ཆིབས་པ་འཁོར་མང་པོ་དང་བཅས་པ་དངོས་སུ་བྱུང་ནས་སྦ་ལྕག་གཏེར་སྒོ་ལ་བཙུགས་ནས། གཏེར་དང་སྲུང་མ་ང་ཡིས་བྱས། ཕ་ནོར་བུ་ལ་འཕྲོད་དོ་ཟེར། གཏེར་སྒོ་ཕྱེས་པས་དྲི་བཟང་གིས་ཁྱབ་པར་བྱུང་སྟེ་ཁྲོམ་ཐམས་ཅད་ཡིད་ཆེས་སོ། །དེ་ནས་འཕན་ཡུལ་དུ་གདན་འདྲེན་བྱུང་དུས། མ་མོ་ཨེ་ཀ་ཙ་ཏི་དངོས་སུ་བྱོན་

[Full Size]

ནས། ད་ལམ་མྱུར་དུ་མ་བྱོན་ན་རྟེན་འབྲེལ་འཆུགས་གསུངས་ནས་མྱུར་དུ་བྱོན་པས། ཡིག་དྲུག་དུང་བཙུགས་མ་རག་འདུག་པ་དང་དུས་འགྲིགས་ནས། འཕན་ཡུལ་སྨན་རྩེར་ཚོགས་པ་ལྔ་བརྒྱ་ཙམ་གྱིས་སྐྱེ་བདུན་སྒྲུབ་པ་བྱས་ཏེ། ཡིག་བདུན་དུང་བཙུགས་པས། ཞག་བདུན་སོང་ནུབ་ནང་ཐམས་ཅད་དྲི་བཟང་གིས་ཆིལ་གྱིས་གང་། རིལ་བུ་བུམ་པ་ཁ་ཚང་ཁྲོད་ནས་ཡར་ཐོ་རེ་རེ་ཁོལ། མགུལ་ཆིངས་ཀྱི་ཁྲོད་ནས་ཡར་དྲི་ལི་ལི་ལྷུད་ནས་བྱུང་བའི་ཚེ། བུམ་པའི་སྟེང་ན་འཇའ་འོད་ཀྱི་གུར་ཁང་དང་ཐུགས་རྗེ་ཆེན་པོ་གཙོ་འཁོར་གསལ་ལ་མ་འདྲེས་པ་ལྔ་ལྡན་དུ་ཁྲ་ཕྲུག་ཕུག་འདུག་པ་ཞིག་དལ་གཅིག་མཐོང་དུས་ཏིང་ངེ་འཛིན་གྱི་ངང་དུ་དལ་གཅིག་སོང་ནས་དེ་ཡལ་བ་དང་གསོལ་འདེབས་ཤིག་མཛད། དེ་ནས་སྐྱེ་བདུན་རིལ་བུ་ཁྲོམ་ཁྲི་ཚོ་ལྷག་ཙམ་ལ་བཀྱེས་དུས་མེ་ཏོག་གི་ཆར་བབས་རཏྣ་གླིང་པའི་ཞལ་ནས། ཁྱད་པར་སྐྱེ་བ་བདུན་པའི་ཤ། །སུས་ཟོས་ཐར་པའི་ཞིང་དུ་འགྲོ། །གྲུ་ཤན་མཉན་པའི་རྩོལ་བ་ལྟར། །འགྲོ་ཀུན་ཕྱམ་ཅིག་དོང་སྤྲུགས་ངེས། །ཞེས་གསུངས་སོ། །ཚོགས་པ་བརྒྱ་ལྷག་ཙམ་གྱིས་སྐྱེ་བདུན་མང་པོ་བསྒྲུབས་པའི་ཐོ་རངས་ཁ་ཁྱེའུ་དར་དཀར་གྱི་ན་བཟའ་ཅན། དབུ་སྐྲ་ལྕང་

[Full Size]

ལོའི་སྟེང་ན་རིན་པོ་ཆེའི་པྲོག་ཞུ་གསོལ་བ། ཕྱག་ན་ཤེལ་གྱི་བུམ་པ་བསྣམས་པ་ཞིག་དཀྱིལ་འཁོར་གྱི་སྟེང་ནས་བྱོན་ནས་ཚོགས་པ་ཐམས་ཅད་ལ་དབང་བསྐུར་ཞིང་། །ཐབས་མཆོག་རྫས་ཀྱི་དམ་པ་འདིར། །འགའ་ཞིག་གྲོལ་བ་ཚེ་འདིར་ཐོབ། །དབང་རྫོགས་འབྲས་བུ་དུས་འདིར་སྨིན། །ཐམས་ཅད་ངན་སོང་གནས་ལས་གྲོལ། །སྐྱེ་བ་གསུམ་གྱིས་ཕྱིར་མི་ལྡོག །སྐྱེ་བ་བདུན་གྱི་རྣམ་གྲོལ་ལོ། །ཞེས་གསུངས་ནས་བུམ་པ་གཏེར་སྟོན་ཉིད་ལ་གཏད་ནས། བུམ་སྒྲུབ་ཀྱི་བུམ་པ་ལ་ཐིམ་པ་ཞིག་གཟིགས་པས། དཀྱིལ་འཁོར་ལ་སྐོར་བ་བྱེད་ཅིང་བྲོ་འཁྲབ་མགུར་གསུངས་སོ། །ལྷོ་བྲག་མཁར་ཆུར་གུ་རུ་ཆོས་དབང་བྱོན་ཏེ། ཡི་གེ་བདུན་པ་ཕྱག་ན་བསྣམས་ནས། ནམ་མཁའ་ལ་གཡུག་ཅིང་ཕྱོགས་ཐམས་ཅད་དུ་ཕྱར་ནས་ཡིག་བདུན་བརྗོད་དེ་ཁ་གསོ་ཁྱོད་ལ་བབ། ཅེས་སོགས་གསུངས་པའི་ཕྱིར་ཡང་སྙིང་འདུས་པའི་བསྟན་པ་ཅུང་ཞིག་སྙིགས་ནས་ཡི་གེ་བདུན་པའི་བསྟན་པ་ཁ་གསོ་བ་ར་ལུགས་འདི་དར་བར་ལུང་བསྟན་དང་བཀའ་བབ་གཏད་པ་ཡིན་ནོ། །དེ་ནས་སྲས་བརྒྱུད་སློབ་རྒྱུད་རྣམས་ལས་བརྒྱུད་ནས་གསང་བ་འདུས་པའི་བུམ་སྒྲུབ་ཕྱོགས་གར་ཡང་དར་མོད་ཀྱི། ཆོས་

[Full Size]

བདག་བླ་མ་གུ་རུ་བློ་གྲོས་པས་ཐོག་མར་ཁམས་ཕྱོགས་སུ་དར་རྒྱས་སུ་མཛད་ཅིང་བསྒྲུབ་བོ། །དེ་ནས་རྒྱལ་སྲས་ཚེ་དབང་གྲགས་པའི་དངོས་སློབ་ལུང་ནས་བསྟན་པའི་སོ་པ་མགོན་པོ་རྡོ་རྗེས། ཝ་རི་ཐང་ལྷའི་ཆོས་འཁོར་སྟེང་དུ་ཞག་ཉེར་གཅིག་བསྒྲུབ་པས། རིལ་བུ་རེ་ལ་རིལ་བུ་བཅུ་བཞི་རེ་འཕེལ་པ་ཕྱོགས་ལྟས་དང་ཡ་མཚན་བསམ་ལས་འདས་པ་བྱུང་ཞིང་ཁྲོམ་ལ་དབང་བསྐུར་ཞིང་། རིལ་བུ་བཀྱེ་བ་སོགས་འབྲེལ་ཚད་དོན་ལྡན་དུ་མཛད་དོ། །ཡིག་བདུན་བསྟན་པའི་མེ་རོ་བསླངས་ནས་ཁམས་སུ་བཀའ་དྲིན་ཆེ་བར་བྱུང་སྐད། སོ་པ་མགོན་པོ་རྡོ་རྗེས༴ དགོངས་འདུས་པ་བསོད་ནམས་རྡོ་རྗེ་ལ། བུམ་སྒྲུབ་ཀྱི་བཀའ་བབས་ཁྱོད་ཡིན་གསུངས་ནས་བཀའ་ནན་ཆེན་པོ་མཛད་ནས་གཉེ་མྱག་དམེ་ཤོད་རྟ་ནང་ཞེས་པར་བསྒྲུབས་པས་རིལ་བུ་འཕེལ་བ་སོགས་ཡ་མཚན་པའི་རྟགས་མཚན་བསམ་གྱིས་མི་ཁྱབ་པ་བྱུང་ངོ་། །དགོངས་འདུས་པ་བསོད་ནམས་རྡོ་རྗེས་བཀའ་བབ་པའི་ལུང་བསྟན་དང་བཅས་ནས་རྟོགས་ལྡན་བཀྲ་ཤིས་རྒྱ་མཚོ་ལ་གནང་ནས་བུམ་སྒྲུབ་ལེན་བཅུ་གསུམ་བཙུགས་པས། རྟགས་དང་ཡ་མཚན་བསམ་གྱིས་མི་ཁྱབ་པ་བྱུང་གསུངས་སོ། །དེ་ནས་ཁྱད་པར་དུ་ཆོས་འདི་ལ་དར་རྒྱས་སུ་

[Full Size]

མཛད་པ་ནི། ཟུར་མང་བློ་གྲོས་རྒྱ་མཚོ་བ་དེ་ཡར་ལུང་ཤེལ་བྲག་ཏུ་མཚམས་ཡུན་རིང་ཞིག་གི་དམ་བཅའ་མཛད་ནས་བཞུགས་པས། ཨོ་རྒྱན་རིན་པོ་ཆེ་ཞལ་གཟིགས་ནས། ཁྱོད་འདི་ན་མ་འདུག་པར་ཁོམས་སུ་སོང་གསུངས། ཟངས་རི་འབར་བ་རྩེ་དགུའི་དྲུང་དུ་མ་ཎི་བུམ་སྒྲུབ་ཚུགས་དང་འགྲོ་དོན་ཆེ་ཞེས་ལུང་བསྟན་ནས། དགོངས་འདུས་པ་བསོད་ནམས་རྡོ་རྗེ་དཔོན་སློབ་ལ་དབང་ལུང་གསན་ནས། ་ཡེར་མིག་ཏུ་བུམ་སྒྲུབ་མཛད་དེ། བླ་མ་གྲུབ་ཐོབ་བཅུ་གསུམ་འཚོགས་ནས། འཚོགས་པ་ཤིན་ཏུ་མང་པོས། ཡིག་བདུན་སྟེབ་གཅིག་ལ་དུང་བཅུ་གསུམ་བཏོན་པས་རིལ་བུ་འཕེལ་བ་སོགས་རྟགས་མཚན་དཔག་ཏུ་མེད་པ་བྱུང་ཞིང་། གསང་འདུས་ཀྱི་སྨན་སྐུ་འདི་ཡང་ང་རང་གི་བསམ་པ་ལ་ལྷ་སའི་ཇོ་བོ་དང་ཁྱད་མེད་བསམ་གསུངས་སྐད། བུམ་སྒྲུབ་མ་ཆད་པར་རྒྱུན་དུ་བཙུགས་སོ། །དེའི་སྐུ་སྐྱེ་ལེགས་བཤད་སྒྲ་དབྱངས་པས་གོང་མའི་རྒྱུན་ལྟར་ཐུགས་དམ་བུམ་སྒྲུབ་རྒྱུན་དེ་ལ་ཐུགས་རྩེ་གཏད༔ དེ་ནས་སྐྱོ་བྲག་བསྟན་འཛིན་བཟང་པོས། རྗེ་དབང་ཕྱུག་རྡོ་རྗེ་ལ་འབུལ་བ་རྒྱ་ཆེར་བསྐུར་ནས། ཡིག་དྲུག་དུང་བཞི་ཙམ་ཐོན་གསུངས་ནས་ལུང་བསྟན་པ་ལ་ཟུར་མང་ལེགས་

[Full Size]

བཤད་སྒྲ་དབྱངས་པས་དབང་ལུང་གནང་ནས། སྐྱོ་བྲག་པས་རྫ་མོ་བུམ་སྒྲུབ་རྒྱུན་འདི་ཚུགས་སྐད། ཟུར་མང་ལེགས་བཤད་པའི་སློབ་མ། ཀརྨ་མཐར་ཕྱིན་པས་ཀྱང་བུམ་སྒྲུབ་བཅུ་གསུམ་བཙུགས་པ་ཡིན་སྐད་དོ། །ཡང་ཚེ་དབང་གྲགས་པ་ནས་ལུང་ཟིན་གྱི་ཆོས་བདག་རྔོག་པ་ཤཱཀྱ་བཀྲ་ཤིས། དེས་མཁར་དྲུང་དང་ཚེ་ཆོག་པ་པདྨ་དབང་ཕྱུག་གཉིས་ཀ་ལ་གནང་ཞིང་། ཁོང་རྣམ་གཉིས་ཀྱིས་རི་བོ་ཆེར་བུམ་སྒྲུབ་གཅིག་མཛད་པའི་བུམ་པ་ཁ་མ་ཀློག་པར། ནང་རྟེན་གྱི་ཚུལ་དུ་ཡོད་པར་འདུག་པ་ཕྱིས་གླིང་ལོག་གི་དུས་འཐོར་བར་གདའ། པདྨ་དབང་ཕྱུག་པས་བཀྲ་ཤིས་དབང་ཕྱུག་ལ་གནང་ནས་མི་འདའ་ལྔས་ཟླ་གཅིག་ལ་ཕྱི་སྒྲུབ་དེ་བྱས་པ་ལ། རྫོའི་བུམ་པའི་ནང་དུ་བུམ་ཆུ་བཞག་པ་ལོ་གཅིག་ལོན་དུས་ཀྱང་ཁ་མ་དམའ་བར་གདའ་སྐད། དེ་ནས་མགར་དམ་པས་སྐྱོ་བྲག་བསྟན་འཛིན་པ་ནས་གསན་ནས་ཉང་ཆེན་སྟེང་གི་བུམ་སྒྲུབ་ཀྱི་རྒྱུན་འདི་ཚུགས་པར་གདའ། གཞན་ཡང་ངོམ་པ་སོགས་ཀྱི་བྲག་ཐོག་ཏུ་བཙུགས་པ་སོགས་བར་སྐབས་སུ་རིརྟི་ལུགས་འདི་ལ་དར་སྲོལ་ཆེ་བར་བྱུང་བར་གདའ། ཕྱིས་དྲུང་པ་ཀུན་དགའ་རྣམ་རྒྱལ་བས་དགོངས་པ་གཏད་ཅིང་མཐུན་རྐྱེན་སྦྱར། ཀརྨ་རིན་ཆེན་

[Full Size]

པས་ཕྱག་ལེན་མཛད་ནས་བཙུགས་པ་ལ་བདུན་གཉིས་ཙམ་ནས་རིལ་བུ་འཕུར་སྐད་དོ། །བདག་ལ་ཡང་སློབ་དཔོན་སྦས་པའི་རྣལ་འབྱོར་པ་དེས། གསང་འདུས་ཀྱི་བཀའ་རྫོགས་ལུང་རྫོགས་ཀརྨ་མི་མཆོག་ངེད་གཉིས་ལ་མཉམ་དུ་གནང་ངོ་། །ཁོང་གིས་ཐུགས་རྗེ་ཆེན་པོའི་ཆོས་སྐོར་ཚེ་སྒྲུབ་གསང་འདུས་ལ་བསྙེན་སྒྲུབ་མང་དུ་ཐོན། ཐུགས་དམ་རྩ་བ་ཡིན་ཀྱང་ཡིག་བདུན་བསྙེན་སྒྲུབ་ནི་མི་མཛད་པ་ལས། ཕྱིས་དུས་མདང་ངའི་རྨི་ལམ་ན་མ་ཎི་ཇོ་ཕོམ་ཆུང་འཁོར་གཅིག་ལ་ཡི་གེ་དྲུག་པའི་སྒྲ་སྙན་པོ་གྲག་ཅིང་གདའ། ག་ཤིག་ནས་ཁྱོད་ཀྱིས་དེ་ཙམ་ཡིག་དྲུག་ཅིག་ཐོན་ཞིག་ཟེར་བ་རྨིས། ད་ང་ཡང་འཆི་རན་པ་ཡིན། ཐུགས་རྗེ་ཆེན་པོ་གསང་བ་འདུས་པ་འདི་ལ་འབྲེལ་པ་ཞིག་དགོས་པར་འདུག་གསུངས་ནས། གསང་སྒྲུབ་ཀྱི་རྒྱུན་ཁྱེར་འདའ་ཁའི་ལོ་གསུམ་གོང་ནས་མཛད་པས། དེ་ནས་སྒྲུབ་པ་རྒྱུན་མ་ཆད་པའི་རྟེན་འབྲེལ་ཙམ་ཡིན་པར་སྣང་། མཁས་གྲུབ་ལུང་རིགས་ཉི་མ་ལ་རྒྱལ་བ་རྒྱ་མཚོ་ཞུ་དུས་བུམ་སྒྲུབ་འདིའི་གསུང་གླེང་འགའ་བྱུང་དུས། རྒྱལ་བ་རྒྱ་མཚོ་འདི་ལ་རཏྣ་ལུགས་ཀྱི་བུམ་སྒྲུབ་དེ་སྦྱར་ནས་སྒྲུབ་ཆོག་ལེ་ཨེ་ཤེས། དེ་ཆོག་གསུང་པ་ཡང་དོན་ལ་འཐད་པར་སྣང་སྟེ།

[Full Size]

རཏྣའི་གཏེར་མ་སྐྱེ་བདུན་སྒྲུབ་ཐབས་བསམ་ཡས་དབུ་རྩེ་ནས་བཏོན་པའི་གཞུང་ལས། ཚད་མེད་བཞི་པོ་སྔོན་སོང་ནས། ཡང་སྙིང་འདུས་པའམ་གསང་འདུས་རྒྱལ་བ་རྒྱ་མཚོ་ཐུགས་རྗེ་ཆེན་པོའི་ལས་གཞུང་བསྲང་། བླ་རྫོགས་ཐུགས་གསུམ་གཞན་ཡང་བྱ། །དུས་བཞིར་མཆོད་ཚོགས་འབྱོར་ཚད་བཤམ། །ཞེས་གསུངས་པ་དང་མཐུན་ནོ། །བརྒྱུད་པ་ནི་ཚེ་དབང་གྲགས་པ་ནས་ཤཱཀྱ་བཀྲ་ཤིས། དེས་མཁར་དྲུང་པ་དང་ཚེ་ཆོག་པ་དང་པདྨ་དབང་ཕྱུག་གཉིས་ཀ་ལའོ། །ཡང་སོ་པ་མགོན་པོ་རྡོ་རྗེ་ནས་འབྲང་བུ་ནང་སོ། དྲུང་མདོ་སྡེ་རྒྱ་མཚོ། དེ་ནས་མཁར་དྲུང་ལའོ། །པདྨ་དབང་ཕྱུག་གི་མཁར་དྲུང་ལ་ཞུ་ཝིག་ཡང་ཡང་བྱས། ཤཱཀྱ་བཀྲ་ཤིས་ནས་ལུང་སོགས་མ་ཚང་བ་མཁར་དྲུང་ལ་ཡང་ཕུལ་ལོ། །པདྨ་དབང་ཕྱུག་ནས་བཀྲ་ཤིས་དབང་ཕྱུག །དེ་ནས་སློབ་དཔོན་ཀརྨ་དོན་ཡོད། དེས་བོདག་རཱ་ག་ཨ་སྱ་ལའོ། །ཡང་གསང་སྒྲུབ་ཀྱི་ལུང་དྲུང་པ་སྒྲུབ་བརྒྱུད་བསྟན་པ་རྣམ་རྒྱལ་ལ་ཡང་ཞུས་ཏེ་བརྒྱུད་པ་ཀཐོག་པ་ནས་ཆོས་སྒོ་བ་ཚང་ན་བརྒྱུད་གདའོ། །ཡང་སྤྲུལ་སྐུ་མི་འགྱུར་རྡོ་རྗེ་རཏྣའི་ཆོས་བདག་ཏུ་ལུང་བསྟན་པ་ལྟར། རྨི་ལམ་དུ་ཡང་རཏྣ་གླིང་པས་དབང་ལུང་རྫོགས་པར་གནང་། དངོས་

[Full Size]

སུ་མཇལ་ནས་རཏྣའི་བླ་སྒྲུབ་ཕྱི་ནང་གསང་གསུམ་གནང་ནས་གདའ་བས། ཁོང་ལ་ཡང་བརྒྱུད་པ་ཉེ་བར་བསམས་ནས་གཏོར་དབང་དང་པོད་དབང་ཙམ་ཞུས་སོ། །བདག་ནི་ལོ་ཉེར་བརྒྱད་ཙམ་ལོན་དུས་མདོ་སྡེ་ཟ་མ་ཏོག་མཐོང་བས་རྐྱེན་བྱས་ཏེ་ཐུགས་རྗེ་ཆེན་པོའི་སྔགས་ཡི་གེ་དྲུག་པར་དད་མོས་ཚད་མེད་པ་བྱུང་ནས། ཐུགས་རྗེ་ཆེན་པོའི་ཆོས་སྐོར་ཐམས་ཅད་ལ་ཐོས་བསམ་སྒོམ་སྒྲུབ་ཅི་ནུས་བགྱིད། ལོ་བཅུ་གསུམ་ཡང་ཐུགས་རྗེ་ཆེན་པོ་ཁོ་ན་ཡང་བསྒྲུབ་པའི་དམ་བཅའ་བྱས། དེ་སྐབས་ནུབ་གཅིག་རྨི་ལམ་དུ་ཆོས་དབྱིངས་རྡོ་རྗེ་མངོན་སུམ་ལྟ་བུར་མཇལ་ནས། ཁྱོད་རང་རིལ་བུ་བུམ་སྒྲུབ་ཚུགས་གསུངས་ནས། མ་ཎི་རིལ་བུ་དམར་ཞིང་མཛེས་ལ་རློན་པ་བསྒྲིལ་མ་ཐག་པ་འདྲ་བ་ཞོ་གཅིག་ཙམ་གནང་བ་དང་། འདི་པ་ནི་ཐུགས་རྗེ་ཆེན་པོ་ཡིན། བརྒྱུད་པ་ཉེ་བས་ཞུ་དགོས་བསམས་ནས། ང་ལ་ཐུགས་རྗེ་ཆེན་པོ་གསང་འདུས་ཀྱི་ལུང་ཞིག་གནང་དགོས་ཞུས་པས། ཨོཾ་མ་ཎི་པདྨེ་ཧཱུྃ། ཞེས་གསུངས་ནས་ཕར་བྱོན་ཐལ་བ་ལ། འདི་པ་སངས་རྒྱས་དངོས་ཡིན་ཀྱང་རྙིང་མ་ལ་ཐུགས་འདྲིས་ཆུང་བས་མི་དགོངས་པར་འདུག་སྙམ་ཞིང་། ཧཱུྃ༔ དེ་གསུང་དགོས་རྒྱུ་ཨེ་ཡིན་སྨྲས་ཤིང་

[Full Size]

རྗེས་ན་བརྒྱུགས་པས། ཧཱུྃཞེས་པའི་དབྱངས་ཆེན་པོ་གཅིག་མཛད་ནས་བྱོན་སོང་བ་ཞིག་རྨིས་པ་དང་། སྔར་སློབ་དཔོན་འདའ་ཁའི་ལོ་འགའི་ཟུང་དུས་ཁོ་རང་གསང་འདུས་བསྙེན་ཞིང་ཁྱེད་ཀྱི་དུས་མཐར་བུམ་སྒྲུབ་ཨེ་ཚུགས་བྱ་བ་ལན་མང་དུ་གསུངས་ནས་གསང་སྔགས་ཀྱི་བྱ་བ་རྒྱ་ཆེན་པོ་རྣམས་ལ། ལྷ་དང་བླ་མས་བཀའ་གནང་བ་གནད་ཆེ་བར་བཤད་པའི་རྟེན་འབྲེལ་མཚོན་ཙམ་ཚང་ངམ་སྙམ་མོ། །དེ་ཡན་ཆད་ནི་ཐུགས་རྗེ་ཆེན་པོའི་ལས་ཚོགས་སྐྱེ་བདུན་རིལ་བུའི་ཕན་ཡོན་དང་ལོ་རྒྱུས་ཐོ་ཙམ་ཞིག་བཤད་པ་ཡིན་ནོ། །དེར་མ་ཟད་མ་ཎི་རིལ་བུ་འདི་མཆོག་གི་ཤ་ཆེན་སྐྱེ་བདུན་ཤ་གཙོ་བོར་བྱས་པའི་མཆོག་གི་སྨན་སྒྲུབ་ཆོས་སྨན་བདུད་རྩི་རིལ་བུ་ཡང་ཡིན་ལ། ས་སྐྱ་པ་དང་འབྲི་གུང་པ་དང་གཏེར་སྟོན་རྣམས་ཀྱིས་སྒྲུབ་པའི་པཉྩགམ་ཕྱེ། བདུད་རྩི་རིལ་བུ་མང་དུ་མ་ཎི་རིལ་བུ་འདི་ལ་འདྲེས་ཤིང་། སླར་ཡང་ཆོས་སྨན་གྱི་བསྒྲུབས་པས་ཁ་གསོས་པའི་ཕྱིར། འདི་ནི་བདུད་རྩི་རིལ་བུ་དང་ཆོས་སྨན་ཨ་མྲྀ་ཏའི་མཆོག་ཡིན་པ་ཤེས་པར་བྱའོ། །དེའི་ཕན་ཡོན་ཨོ་རྒྱན་ཆེན་པོའི་མཛད་པའི་བདུད་རྩི་སྨན་གྱི་གསང་སྒྲུབ་ལས། དེ་ནས་ཡོན་ཏན་འབྲས་བུ་ནི༔ བདེ་གཤེགས་མ་ལུས་མཆོད་པའི་རྫས༔ བླ་

[Full Size]

མ་ཡི་དམ་བདུད་རྩི་ཡིན༔ ཌཱ་ཀི་ཀུན་གྱི་སྙིང་ཁྲག་ཡིན༔ ཟོས་པས་ཡོན་ཏན་བརྗོད་མི་ལོང་༔ སངས་རྒྱས་སྐུ་ལྔའི་བདག་ཉིད་འགྲུབ༔ ཕྱི་ཡི་གདོན་ཞི་ལུས་གནད་འཇོམས༔ ནང་དུ་ཉོན་མོངས་དུག་ལྔ་དག༔ ཐུན་མོང་དམ་ཚིག་ཉམས་ཆག་བསྐང་༔ གསང་བ་རང་བྱུང་རྣམ་པར་དག༔ ཉན་ཐོས་རང་སངས་རྒྱས་ལ་སོགས༔ བསྐལ་པ་གྲངས་མེད་སྐད་ཅིག་གིས༔ མཉམ་དང་ཁྱད་འཕགས་ཡོན་ཏན་རྫོགས། དེ་ཕྱིར་གསང་བའི་དམ་རྫས་སོ༔ ཞེས་གསུངས་པ་དང་། གཏེར་ཁ་མང་པོ་ནས། ཨོ་རྒྱན་ཡབ་ཡུམ་གྱི་བྱང་སེམས་བྱོན་པ་རིལ་བུ་འདི་ལ་འདྲེས་པའི་ཕན་ཡོན་ནི། སངས་རྒྱས་གླིང་པའི་རྫས་ཀྱི་དཀར་ཆག་སྤྱོད་ཚུལ་ཁ་བྱང་ལས། མ་འོངས་པ་ན་བདུད་མི་ལོག་ལྟ་ཅན་རྣམས་ཀྱིས་སྐུར་འདེབས་འོང་ལུགས་རྒྱས་པར་ལུང་བསྟན་ནས། དེ་དག་གཉན་པོར་ཁྱད་པར་རྨད་བྱུང་རྫས༔ དབང་བཞི་བསྐུར་དང་རྒྱུད་བཞི་སྨིན་བྱེད་ཅིང་༔ སྒྲུབ་དང་སྒྲུབ་ཆེན་ལས་ཕྲན་འཐོར་བུར་བཅསཿ གང་དང་གང་གི་ནུས་པ་སྨིན་པ་དང་༔ འགྲོ་བ་གང་གི་ལྕེ་སྟེང་སླེབ་ཙམ་གྱིས༔ ལོག་པར་བསླུས་རྣམས་གྲོལ་བར་འགྱུར་བ་སོགས༔ ཡང་དག་བསྟན་པའི་ཡང་སྙིང་

[Full Size]

དམ་པ་དང་༔ བསྟན་འཛིན་རྣམས་དང་སྒྲུབ་ལ་བརྩོན་རྣམས་ཀྱིས༔ བསམ་པ་སྒྲུབ་དང་རེ་བ་བསྐང་བའི་ཕྱིར༔ བདག་ཉིད་པདྨ་འབྱུང་གནས་གསང་བའི་བཅུད༔ འབྱུང་བའི་དྭངས་མ་རྒྱུ་ཡི་བྱང་ཆུབ་སེམས༔ ཤེས་རབ་མི་མོ་མཚོ་རྒྱལ་གསང་བའི་མཚལ༔ རྟེན་འབྲེལ་ཐབས་ཤེས་ཡང་སྙིང་གསང་བ་ཡིས༔ བཅུད་ཀྱི་རིག་པ་མཐོང་གི་སྤར་བུ་གང་༔ ཆོས་ཀྱི་རྒྱབ་ཚབ་སྲོག་གི་སྙིང་པོར་བཞག༔ འདི་ནི་མཆོག་གི་ནང་ནས་ཡང་མཆོག་སྟེ༔ ཞེས་གསུངས་སོ། །དེ་ལ་རཏྣ་གླིང་པའི་ཆོས་འདི་བསྟན་པ་མཐའ་རྒྱས་སུ་འགྲོ་བར་ལུང་བསྟན་པ་མ་གཏོགས་མི་རབས་དང་ལོ་གྲངས་འདི་ཙམ་ནས་འགྲོ་དོན་རྫོགས་ཟེར་བ་མེད་པས་རྟེན་འབྲེལ་མཐའ་ལེགས་ཏེ། རཏྣའི་གཏེར་ཁའི་ལུང་བསྟན་ཆེན་པོ་ལས། རཏྣ་གླིང་པ་ཉིད་ལུང་བསྟན་ཞལ་གདམས་དང་བཅས་པའི་མཇུག་ནས། སྐལ་ལྡན་དེ་ཡི་གདུལ་བྱ་རྗེས་འཇུག་རྣམས༔ སློབ་མ་བོས་ཀྱང་ཡང་སློབ་རྗེས་འཇུག་དུས༔ རིམ་པ་བཞིན་དུ་བསྟན་པ་མཐའ་རྒྱས་འགྱུརཿ མཐའ་དབུས་ཕྱོགས་མཚམས་ཀུན་ཏུ་ཆོས་འདི་དར༔ སྙིགས་མའི་འགྲོ་བ་ཕྱམ་ཅིག་ཐར་ལམ་བསྒྲོད༔ འཕྲད་ཆོག་མཐོང་གྲོལ་གྱུར་ཏེ་ངོ་མཚར་ཆེ༔ བོད་ཡུལ་ས་

[Full Size]

འོག་ཀུན་གྱི་གཏེར་གཅིག་མ༔ ལས་ཅན་སྐྱེས་བུ་རྣམས་ཀྱིས་འདི་སྤྱོད་ཅིག༔ ཅེས་དང་། ལང་གྲོའི་ཞུས་ལེན་ལས་ཀྱང་། བུ་བས་ཀྱང་ཡང་སློབ་རྗེས་སློབ་ཀྱི་དུས་ན་མར་བསྟན་པ་མཐའ་རྒྱས་སུ་འགྲོ་བར་འགྱུར་རོ༔ ཞེས་ལུང་བསྟན་པ་དང་། རཏྣའི་གཏེར་ཆོས་ཀྱི་ནང་ནས་ཀྱང་ཐུགས་རྗེ་ཆེན་པོ་གསང་བ་འདུས་པ་འདི་བོད་ཡུལ་དུ་ཡུན་རིང་དུ་དར་ཏེ། ཐུགས་རྗེ་ཆེན་པོའི་སྤྲུལ་པ་དང་སྲས་བྱང་ཆུབ་སེམས་དཔའི་རིགས་དེ་དག་གི་སློབ་རྒྱུད་ལ་སོགས་རིམ་པ་བཞིན་དུ་རྒྱུན་མ་ཆད་པ་ལྟར་འབྱོན་ནས་ཡིག་བདུན་གྱི་བསྟན་པ་འཛིན་པ་དང་། ལ་ལས་སྐྱོང་བ་དང་། ལ་ལས་སྲུང་བར་བྱེད། རང་གཞན་གྱི་དོན་རྒྱ་ཆེན་པོར་བྱེད་པར་ལུང་བསྟན་པ་ནི། ཐུགས་རྗེ་ཆེན་པོ་གསང་བ་འདུས་པའི་རྒྱུད་ཆེན་པོ་ཉིད་ལས་། མ་འོངས་བསྟན་པའི་སྒྲོན་མེ་འདི༔ ཤཱཀ་ཐུབ་མྱ་ངན་འདས་ནས་ཀྱང་༔ ལོ་ནི་སུམ་སྟོང་ཉེ་བ་ན༔ རྡོ་རྗེ་གདན་གྱི་བྱང་ཕྱོགས་ངོས༔ རི་བོ་ནག་པོ་བཅུ་གསུམ་འདས༔ ཁ་བ་ཅན་གྱི་རྒྱལ་ཁམས་སུ༔ འགྲོ་མགོན་ཐུགས་རྗེའི་འདུལ་ཞིང་དེར༔ ཐུགས་རྗེའི་སྤྲུལ་སྲས་རྒྱུད་འཛིན་གྱིས༔ ཡིག་བདུན་བསྟན་པ་འཛིན་སྐྱོང་སྲུང་༔ རིམ་པ་བཞིན་དུ་དོན་

[Full Size]

གཉིས་སྤྱོད༔ རྒྱུད་མཆོག་དེ་ཡང་དེར་སྣང་འགྱུརཿ ཅེས་བཀའ་སྩལ་ཏོ༔ ཞེས་པ་འདི་ཐུགས་རྗེ་ཆེན་པོའི་རྣལ་འབྱོར་པ་རཱ་ག་ཨ་སྱས་རང་གཞན་གྱི་དད་པ་གསོ་ཕྱིར་སྦྱར་བ་ལ། ཉེས་འགལ་མཆིས་ན་ཐུགས་རྗེ་ཆེན་པོའི་ལྷ་ཚོགས་ཆོས་བདག་སྲུང་མའི་ཚོགས་དང་བཅས་པ་ལ་བཤགས་ཤིང་། དགེ་བས་བདག་དང་སེམས་ཅན་ཐམས་ཅད་སྐྱེ་བ་གཞན་གྱི་བར་མ་ཆོད་པར་བདེ་བ་ཅན་གྱི་ཞིང་ཁམས་སུ་སྐྱེས་ནས་མངོན་པར་བྱང་ཆུབ་ཏེ། སླར་སྤྲུལ་པས་འགྲོ་བ་འདྲེན་པ་ལ་ཐུགས་རྗེ་ཆེན་པོ་དང་དབྱེར་མེད་པར་གྱུར་ཅིག །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཏགས་གྲོལ་ཡི་གེ་དྲུག་པ།

[Full Size]

བཏགས་གྲོལ་ཡི་གེ་དྲུག་པ་བཞུགས་པའི་དབུ་ཕྱོགས་ལགས་སོ༔

[Full Size]

དཔལ་ཀུན་ཏུ་བཟང་པོ་ལ་ཕྱག་འཚལ་ལོ༔ དང་པོ་འཁོར་འདས་མཉམ་པའི་དུས་ན༔ གཞི་དེ་ལས་འཁོར་འདས་གཉིས་སུ་བྱེ་བའི་སྒྲ་འོད་ཟེར་གསུམ༔ འུར་སྒྲ་ཐུག་ཆོམ་ཤིག་ཤིག་མེར་མེར་བྱེད་ཙམ་ན༔ ཀུན་ཏུ་བཟང་པོས་སྒྲ་གྲག་སྟོང་ལོ་འཛིན་པ་མ་ཞུགས་པར་སངས་རྒྱས་པས༔ ཆོས་ཉིད་ཀྱི་རང་སྒྲ་འ་ཨ་ཤ་ས་མ་ཧ་ཞེས་མངོན་པར་ཤེས་པ་དྲུག་གི་སྒྲ་ཡི་གེའི་གཟུགས་སུ་ཤར་བས༔ ཐོག་མའི་སངས་རྒྱས་འོད་མི་འགྱུར་བ་མངོན་པར་ཤེས་པ་དྲུག་ཤར་ནས༔ སངས་རྒྱས་དེའི་དབང་པོའི་སྒོ་དྲུག་ནས་ཡི་གེ་དྲུག་གིས་གཟུགས་དང་རང་སྒྲ་སྙན་པོ་རྒྱུན་མི་ཆད་པ་བྱུང་ངོ་༔

[Full Size]

ཕྱི་རབས་ཀྱང་ཡི་གེ་དྲུག་པོ་གྲག་སྟོང་དུ་བཞག་ན་ཐོས་པ་ཙམ་གྱིས་འཁོར་བར་མི་འཁྱམས་ཏེ༔ དགོངས་པ་ཟང་ཐལ་མཐོང་གྲོལ་གྱི་གདམས་པ་ཀུན་ཏུ་བཟང་པོས་གསུངས་པ་ལས༔ ཡི་གེ་དྲུག་པ་འདི་ཐོས་པ་ཙམ་གྱིས་འཁོར་བར་མི་འཁྱམ་མོ༔ ཡི་གེ་དྲུག་པ་རིན་པོ་ཆེས་བྲིས་ཏེ་བཅངས་ན་མངོན་པར་ཤེས་པ་འཆར་རོ༔ གང་ཟག་དེ་ལུས་བོར་བའི་ཚེ་སྒྲ་གྲག་པ་ཐམས་ཅད་ཡི་གེ་དྲུག་པའི་སྒྲ་རུ་ཐོས་ནས་མངོན་པར་སངས་རྒྱས་སོ༔ ཡི་གེ་དྲུག་པའི་གཟུགས་མཐོང་བ་ཐམས་ཅད་ཀྱིས་ལས་བསགས་པའི་རྣམ་པར་སྨིན་པ་ཞག་བཅོ་ལྔ་ནས་དག་པར་འགྱུར་བས་མ་འོངས་པའི་སེམས་ཅན་

[Full Size]

འདི་ལ་གུས་པ་རྣམས་ལ་སྟོན་ཅིག་ཡི་གེ་དྲུག་པ་འདི་སྒྲ་ཐམས་ཅད་ཀྱི་སྙིང་པོ་ཡིན༔ ཡི་གེ་འཿགཟུགས་ནི་ཆོས་ཀྱི་དབྱིངས་ན་ཡི་གེ་ཐིག་ལེ་འོད་ཁྱིམ་དུ་ཡོད་དེ༔ འཿནི་ཐིག་ལེ་ཐིག་ཕྲན་འབྲེལ༔ ཨཿནི་ཐིག་ལེ་ལུག་གུ་རྒྱུད༔ ཤཿནི་སྲོག་འབྲེལ་ཟ་རང་ཆོག༔ སཿནི་གུག་ལ་འཁྱིལ་ཆགས་རྒྱུ༔ མཿནི་འོད་ལྔའི་ཟེར་གྱིས་བརྒྱན༔ ཧཿནི་སྲོག་ཐིག་ཚོམ་བུ་ཅན༔ ཆོས་ཉིད་རང་སྒྲ་ཡི་གེ་ཡིན༔ ལྷ་དང་མི་ལ་ཡི་གེ་འགྱུར༔ ལྷ་ལ་ཐིག་ལེ་གཉིས་འབྲེལ་གཟུགས༔ མཁའ་འགྲོ་མ་ལ་དགྲ་དགུའི་གཟུགསཿ མིད་ལ་རང་རང་ཡི་གེ་གསལ༔ ཨོ་རྒྱན་དྷ་ན་ཀོ་ཤ་རུ༔ སཾ་སྐྲྀ་ཏ་ཡི་ཡི་གེར་གསལ༔ བོད་ལ་རང་ལ་མཚན་པའི་གཟུགས༔ ཡི་གེའི་འགྱུར་གྱིས་མཁས་པས་སྟོན༔ འགྲོ་བ་གཞན་ལ་སྐལ་བ་མེད༔ འདི་ལ་ཡི་གེའི་གཟུགས་རྫོགས་པས༔ མཁས་བཟོ་མི་བྱ་དག་པར་བྲི༔ མཐོང་ཐོས་ཐམས་ཅད་སངས་རྒྱས་ཐོབ༔ ཉིན་རེ་བརྒྱ་རྩ་རེ་རེ་བཟླས༔ ནམ་ཞིག་འཆི་བའི་དུས་བྱུང་ཚེ༔ སྒྲ་དང་བཅས་ཏེ་མངོན་སངས་རྒྱས༔ མངོན་པར་ཤེས་པ་དྲུག་ཤར་ནས༔ སྤྲུལ་པ་བྱེ་བ་ཕྲག་བརྒྱ་འགྱེད༔ དེ་ཕྱིར་མཐོང་གྲོལ་ཡི་གེའོ༔ འདི་ལ་ལོག་པའི་བློ་མ་བྱེད༔ བྱས་ན་མནར་མེད་

[Full Size]

དམྱལ་བར་སྐྱེ༔ དེ་ཕྱིར་ལོག་ལྟ་ཅན་ལ་གསང་༔ སངས་རྒྱས་ཆོས་སྐུ་ལས་སྤྲུལ་པ་ཡི་གེ༔ འ་ཨ་ཤ་ས་མ་ཧ། དྲུག་འཛམ་གླིང་བྱེ་བ་ཕྲག་བརྒྱར་འཕྲོས་ནས༔ སེམས་ཅན་ལས་དག་པའི་མིག་ནས་ཞུགས་སྤྲུལ་སྐུ་བྱེ་བ་ཕྲག་བརྒྱ་བྱུང་ནས་སེམས་ཅན་གྱི་དོན་བྱེད་པར་ཤྲཱི་སེངྒས་གསུངས་སོ༔ ཨ་རཱ་གས་ཁོལ་དུ་ཕྱུང་བའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བཏགས་གྲོལ་གྱི་མན་ངག་ཞལ་ཤེས་བཏགས་ཚད་རང་གྲོལ།

[Full Size]

བཏགས་གྲོལ་གྱི་མན་ངག་ཞལ་ཤེས་བཏགས་ཚད་རང་གྲོལ་ཞེས་བྱ་བ་བཞུགས་སོ།།

[Full Size]

རྒྱལ་བ་ཀུན་གྱི་སྤྱི་མེས་ཀུན་ཏུ་བཟང་། །དང་པོའི་སངས་རྒྱས་དེ་ལ་ཕྱག་འཚལ་ནས། །ཆོས་རྣམས་ཀུན་གྱི་ས་བོན་བཏགས་གྲོལ་རྒྱུད། །ཉམས་ལེན་མི་དགོས་བཏགས་པས་གྲོལ་བའི་ཐབས། །དེ་ཡི་མན་ངག་ཞལ་ཤེས་འདིར་བཀོད་བྱ། །ཆོས་བདག་སྲུང་མས་བཀའ་ཡི་གནང་བ་སྩོལ། །ཞི་ཁྲོ་གསང་འདུས་ཡང་སྙིང་འདུས་པ་དང་། །ཚེ་རྒྱུད་རྡོར་ཕྲེང་ཀློང་གསལ་ལ་སོགས་པ། །བཏགས་གྲོལ་རྒྱས་བསྡུས་རྣམས་གྲངས་མང་བ་དང་། །སྔགས་ལ་འདྲ་མིན་ཞུ་དག་མ་བཏུབ་ཀྱང་། །ཡབ་ཡུམ་དགོངས་པ་ཞེན་བཟློག་ཉེར་ལྔ་དང་། །ཁྲོ་ཆེན་བཞི་ཡི་

[Full Size]

སྙིང་པོ་རྩ་བ་ཡིན། །སྔགས་ལ་འདྲ་མིན་གཏེར་ཁ་སོ་སོའི་ལུགས། །ཞུ་དག་མི་ཉན་ཀློང་གསལ་རྒྱུད་ནས་གསུངས། །དེ་ལ་ཙཀྲ་མ་དང་གླེགས་བམ་གཉིས། །ཙཀྲ་མ་ནི་རིག་འཛིན་རྣམས་ཀྱིས་མཛད། །བྲི་ཚུལ་སོ་སོའི་གཞུང་དུ་གསལ་ལྟར་ལགས། །གླེགས་བམ་མ་ནི་རྒྱུད་ཀྱི་དགོངས་པ་ཟབ། །འབྲི་མཁན་རབ་ནི་རྫོགས་ཆེན་རྣལ་འབྱོར་པ། །འབྲིང་ནི་དབང་ཐོབ་དམ་ཚིག་མ་ཉམས་པ། །ཐ་མ་འབྲི་མཁན་དམ་ཉམས་མིན་པས་རུང་། །བྲི་གཞི་རབ་ནི་མཐིང་ཤོག་སྲབ་ལ་མཁྲེགས། །འབྲིང་ནི་ཤོག་ནག་ཐ་མ་ཤོག་སྐྱས་རུང་། །སྣག་ཚ་སྟོན་པའི་ཁ་

[Full Size]

དོག་རིན་ཆེན་ཏེ། །སྔགས་ཀྱི་སྟོན་པ་རྒྱལ་བ་རིགས་ལྔའི་མདོག །བཻཌཱུར་གསེར་ཟངས་གཡུ་དང་དུང་ཡང་རུང་། །རབ་ནི་ཐུབ་པའི་སྐུ་མདོག་གསེར་ནི་མཆོག །འབྲིང་དངུལ་མཚལ་དང་ཐ་མ་རྒྱ་སྣག་ལ། །ཆོས་སྨན་བདུད་རྩི་རིལ་བུ་བསྲེས་པས་རུང་། །བཏགས་གྲོལ་མང་པོ་ཕྱོགས་གཅིག་བཏགས་པ་ན། །ཤོག་ཚད་རྩེ་སོར་བརྒྱད་ཀྱི་ཚད་རུང་སྟེ། །མཁའ་འགྲོ་སྙིང་ཐིག་ལ་སོགས་འགའ་ནས་གསལ། །མང་ཞིག་བཏགས་ན་ཁུག་སོར་བཞི་ཡི་ཚད། །གཅིག་ཙམ་ཡིན་ན་རྩེ་སོར་བཞི་ཡི་ཚད། །དེ་དག་ཞིང་དང་དཀྱུས་མཉམ་གྲུ་བཞིར་བཏགས། །གྲུ་བཞི་དེ་ལ་ཚོན་ནི་ཁ་དོག་ལྔ། །གྲུ་བཞི་ཉིད་དུ་རི་མོ་འཇའ་འདྲ་འཐེན། །དེ་ནང་ལིང་ཆེ་རེ་རེའི་ནང་དུ་ནི། །ཡབ་ཡུམ་དགོངས་པ་ནས་བཟུང་བཏགས་གྲོལ་གྱི། །སྔགས་རྣམས་བགོ་ནས་རིམ་པར་འབྲི་བ་སྟེ། །གཅིག་ནས་ནང་དུ་སྔགས་རྣམས་མི་རྫོགས་པས། །དེ་འཕྲོས་དེ་མཆན་ལིང་ཙེའི་ནང་དུ་བྲི། །སྔགས་རྣམས་ཐམས་ཅད་བྲི་བ་མ་གཏོགས་པ། །བོད་སྐད་ཚིག་ནི་གཅིག་ཀྱང་བྲི་སྲོལ་མེད། །ཞི་ཁྲོའི་མཇུག་ཏུ་ལས་བཞིའི་འདོད་གསོལ་བྲི། །འདི་འཆང་བ་པོ་དམ་པ་རིགས་བརྒྱ་

[Full Size]

འམ། །ཐུགས་རྗེ་ཆེན་པོ་འམ་ཚེ་དཔག་མེད་པའམ། ཀུན་ཏུ་བཟང་པོ་སོགས་མཚན་བསྒྱུར། ལྷ་ཚོགས་དབྱེར་མེད་དུ་སངས་རྒྱས་པར་གྱུར་ཅིག །ཞེས་པ་དེ་ནི་བཏགས་གྲོལ་མཇུག་ཏུ་བྲིས། །པོད་བོང་ཆེའམ་ཤོག་གུ་དཀོན་པ་ན། །ལོགས་གཅིག་ཞི་ཁྲོ་ལོགས་གཅིག་གསང་འདུས་བྲི། །མགོ་མཇུག་བསྣོལ་བ་འདྲ་སྟེ་སྐྱོན་མེད་དོ་།ཡིག་མགོ་ཐམས་ཅད་ཕྱོགས་གཅིག་བསྟན་པས་འཐུས། །བཏགས་གྲོལ་གཅིག་ལ་མགོ་མ་སྟོང་པ་ཡིན། །སྔགས་མཇུག་ཕྱི་ན་བྲི་བར་མི་རུང་ངོ་། །མགོ་མཇུག་མ་ནོར་ཕྱི་ནང་ཁྱད་པར་མེད། །བྲི་ཚར་ཞག་མང་བར་ནི་མ་མཆོད་པར། །བཏགས་གྲོལ་འབྲུ་དྲུག་སྔགས་ཀྱིས་ཕུ་སུ་བྱ། །ས་རྗེན་མི་བཞག་མི་ལག་མང་མི་འགྲིམ། །མེ་ཁར་མི་ཁྱེར་རླུང་ཁར་གཡུག་མི་བྱ། །ཞུ་དག་བྱེད་ན་ཡིད་འདོན་རུང་མོད་ཀྱི། །དེ་ཉིད་ཀློག་པར་བྱ་བ་མ་ཡིན་ནོ། །རབ་གནས་རབ་ནི་སོ་སོའི་དཀྱིལ་འཁོར་གྱི། །དབུས་སུ་མཉྫིའི་སྟེང་དུ་རིན་ཆེན་སྣོད། །འབྲུས་བཀང་ནང་དུ་བཏགས་གྲོལ་དེ་ཉིད་བཞག །མདུན་བསྐྱེད་རྟེན་བྱ་སོ་སོའི་ལས་བྱང་བཏགས། །ཚོགས་དང་མཆོད་གཏོར་ལ་སོགས་བཟང་དུ་

[Full Size]

འབུལ། །སོ་སོའི་བསྙེན་པ་ཅི་འགྲུབ་བྱས་པའི་རྗེས། །བཏགས་གྲོལ་བརྒྱའམ་ཉེར་གཅིག་བདུན་སོགས་འདོན། །དེ་ཡི་བཏགས་གྲོལ་ཉིད་ལ་ཕུ་ཡིས་བཏབ། །རྟེན་འབྲེལ་སྙིང་པོ་བརྒྱའམ་ཉེར་གཅིག་གིས། །ཕུ་བཏབ་མེ་ཏོག་འཐོར་ཞིང་བཀྲ་ཤིས་བརྗོད། །བླ་མ་འཛོམས་ན་བཏགས་གྲོལ་དབང་བསྐུར་ཞུ། །མ་འཛོམ་མདུན་བསྐྱེད་བླ་མ་དབྱེར་མེད་དམིགས། །བཏགས་གྲོལ་དབང་ཚིག་གཞུང་ལྟར་རང་གིས་བླངས། །རབ་གནས་འབྲིང་དུ་རྟོགས་པ་མཐོན་པོ་ཡི། །བླ་མ་མཇལ་དུས་ཕྱག་ནས་ཞལ་ཕུ་ཞུ། །བཏགས་གྲོལ་འབྲུ་དྲུག་སྟོང་ངམ་ཁྲི་ཡིས་སྔགས། །རབ་གནས་བསྡུས་པ་རྟེན་འབྲེལ་མེ་ཏོག་འཐོར། །དམ་པ་རིགས་བརྒྱ་ཡིད་ཀྱིས་སྤྱན་དྲངས་བསྟིམ། །ན་བཟའ་རབ་ནི་དར་སྣ་ལྔ་ཡིས་བཏུམ། །བྱིན་རླབས་རྟེན་ནི་གང་རྙེད་ནང་དུ་བཏུམ། །འབྲིང་ནི་མན་རྩེ་དུམ་བུ་གཅིག་གིས་གཏུམ། །ཐ་མ་དར་སྣས་སྐུད་པ་ཁ་དོག་ལྔས། །རྒྱ་གྲམ་ཉིད་དུ་བཅིངས་པས་འཐུས་པ་ཡིན། །རབ་ནི་ཟངས་སམ་ལྕགས་ཀྱི་གའུར་བཅུག །འབྲིང་ནི་བསེ་ཡིས་གཡོགས་པར་བྱ་བ་ཡིན། །ཐ་མ་རྔ་ཤུན་ལ་སོགས་མཁྲིགས་པོས་གཡོགས། །དེ་རྒྱབ་

[Full Size]

ལྷིས་གེ་ལ་སོགས་གང་རུང་གི །མདོར་ན་ཡིག་འབྲུ་མི་ཉམས་ཐབས་གཅིག་བྱ། །དམ་ཚིག་རབ་གནས་དུས་མིན་ལུས་མི་འབྲལ། །བཏགས་གྲོལ་བཏགས་པ་ཀུན་གྱིས་ཤེས་ནའང་། །གསང་སྔགས་གསང་བའི་དམ་ཚིག་རྟེན་འབྲེལ་དུ། །བཏགས་གྲོལ་ཡོད་ཅེས་མི་སྨྲ་མིར་མི་སྟོན། །སྒྲུབ་པའམ་ནི་ཚེས་བཅུ་ལ་སོགས་དུས། །དཀྱིལ་འཁོར་དབུས་བཤམས་མདུན་བསྐྱེད་དེ་ལ་བསྟིམ། །འཆི་ཁ་མི་འབྲལ་རོ་དང་འབྲལ་མི་བྱ། །ཕུང་པོ་བསྲེག་ན་བཏགས་གྲོལ་ཚར་གཅིག་བཀླགས། །དུམ་བུ་གསུམ་བྱས་དཔྲལ་མགྲིན་སྙིང་ག་རུཤ །མར་ཁུ་སོགས་ཀྱིས་ཡིག་འབྲུ་ཤ་བསྟན་སྦྱར། །དོང་དུ་སྦ་ནའང་དེ་ལྟར་བྱ་བ་ཡིན། །རི་ལ་བསྐྱལ་ན་ཕུང་པོ་གན་རྐྱལ་གྱི། །མེ་རུ་སྦར་བས་སྙིང་གར་འཁོར་ལོ་བསྲེགས། །ཐལ་བ་དེ་ནས་དཔྲལ་མགྲིན་སྙིང་གར་བྱུག །དེ་ལྟར་བྱས་པས་གཞུང་ནས་བཤད་པ་ལྟར། །ནམ་མཁའ་གཡའ་དག་འཇའ་ཟུག་འཇའ་སྤྲིན་འཁྲིགས། །མེ་ཏོག་ཆར་འབེབས་རླུང་དང་སེར་བུ་མེད། །རིང་བསྲེལ་སྐུ་གཟུགས་ཡིག་འབྲུ་ལ་སོགས་པ། །སྣ་གཅིག་མི་འབྱུང་སྲིད་པར་མི་འགྱུར་ཏེ། །མ་བྱུང་ན་ནི་ཁོ་ཉིད་བཏགས་གྲོལ་

[Full Size]

ལ། །ངེས་ཤེས་མེད་པར་ཐེ་ཚོམ་ཤོར་བའི་རྟགས། །ཐེ་ཚོམ་མེད་པར་ཉམས་ལེན་བཟང་བའི་རིགས། །བཟང་རྟགས་མེད་པར་གནམ་གཡུལ་ངན་པ་ནི། །དེ་ཉིན་སྡིག་ཅན་གྲིབ་ཅན་གཞན་འགའ་ཞིག །ཤིའམ་བསྲེག་པའི་གྲིབ་ནི་ཡིན་པར་བཤད། །འདི་ཉིད་བཏགས་པས་གྲོལ་བ་བདེན་མི་བདེན། །སྙམས་པའི་ཐེ་ཚོམ་མེད་པ་གལ་ཆེའོ། །ཤོར་ལུང་སྔགས་འཆང་སྤྱན་གསུམ་ལྡན་པ་དེས། །བསྐུལ་ཕྱིར་ལུག་ལོ་སྨིན་དྲུག་ཟླ་བ་ཡི། །བཅུ་གསུམ་ཉིན་གུང་ཐུན་གྱི་མཚམས་ཉིད་དུ། ། ༧ རཱ་ག་ཨ་སྱས་ཇི་ལྟར་སྨྲས་པ་དེ། །མུ་པའི་དགེ་བཤེས་པདྨ་དད་པས་བྲིས། །འགལ་འཁྲུལ་མཆིས་ན་མཁྱེན་ལྡན་རྣམས་ལ་བཤགས། །དགེ་བས་འགྲོ་དོན་རླབས་ཆེན་འབྱུང་བར་ཤོག །འདི་ནི་མ་སྦས་ཀུན་ལ་བསྟན་པར་གྱིས། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

དང་པོ་ཆེ་བ་བསྐྱེད་པ་ནི༔ ཧཱུྃ༔ སྟོང་གསུམ་འཇིག་རྟེན་དབང་གི་དལ༔ ཞེས་སོགས། ཧཱུྃ༔ དཀོན་མཆོག་གསུམ་དང་རྩ་བ་གསུམ༔ ཐུགས་རྗེའི་ལྷ་ཚོགས་བདེན་པའི་མཐུས༔ སྡང་བའི་དགྲ་དང་གནོད་པའི་བགེགས༔ བར་ཆད་བྱེད་པའི་དམ་སྲི་རྣམས༔ ཚོགས་སུ་བསྒྲལ་ཕྱིར་ཚོགས་ལ་ཁུག༔ ཀྱེ་བསོག་མེད་ངེས་པའི་རྣལ་འབྱོར་པས༔ བདག་ནི་རིག་འཛིན་སྒྲུབ་པ་པོ༔ འགྲོ་དོན་བྱང་ཆུབ་བསྒྲུབས་པ་ལ༔ དམ་ཉམས་དགྲ་བགེགས་བདུད་ཀྱིས་བརྙས༔ འདི་ཡི་དཔང་དང་གྲོགས་མཛོད་ཅིག༔ རྒྱལ་བ་ཐུགས་དམ་མ་གཡེལ་ཅིག༔ དམ་ཅན་མཐུ་རྩལ་མ་ཆུང་ཞིག༔ སངས་རྒྱས་བསྟན་པ་བཤིག་པ་དང་༔ དཀོན་མཆོག་དབུ་འཕང་སྨད་པ་དང་༔ རྡོ་རྗེ་སློབ་དཔོན་མཆེད་ལྕམ་ལ༔ འཁུ་ཞིང་སྡང་བའི་དགྲ་དང་བགེགས༔ བསྒྲལ་བའི་ཞིང་བཅུ་འདི་དག་ཀུན༔ དུས་འདིར་བརླག་པར་མ་བསྒྲལ་ན༔ རྒྱལ་བ་ཐུགས་རྗེ་མ་ཆུང་ངམ༔ དམ་ཅན་མཐུ་རྩལ་མ་ཆུང་ངམ༔ རྣལ་འབྱོར་ཡི་ཡང་མ་འཆད་དམ༔ གནད་ནས་བསྐུལ་ལོ་ཐུགས་དམ་ཅན༔ དུས་ལ་བབ་བོ་ས་མ་ཡ༔ ཛལས་རྟ་གདོང་ལྕགས་ཀྱུ་མ༔ གཅིག་ལས་

[Full Size]

བརྒྱ་སྟོང་བྱེ་བ་འབུམ༔ ལྕགས་ཀྱུ་འབར་བས་ཁུག་ལ་ཤོག༔ ཁུག་ཅིག་བཛྲ་ཨཾ་ཀུ་ཤ་ཛཿ ཧཱུྃ་ལས་ཕག་གདོང་ཞགས་པ་མ༔ གཅིག་ལས་བརྒྱ་སྟོང་བྱེ་བ་འབུམ་ཞགས་པ་འབར་བས་ཆིངས་ལ་ཤོག༔ ཆིངས་ཤིག་བཛྲ་པཱ་ཤ་ཧཱུྃ༔ པཾ་ལས་སྤེལ་གདོང་ལྕགས་སྒྲོག་མ༔ གཅིག་ལས་བརྒྱ་སྟོང་བྱེ་བ་འབུམ༔ ལྕགས་སྒྲོག་འབར་བས་སྡོམས་ལ་ཤོག༔ སྡོམས་ཤིག་བཛྲ་སྤོ་ཊ་བི༔ ཧོལས་སྤང་གདོང་དྲིལ་བུ་མ༔ གཅིག་ལས་བརྒྱ་སྟོང་བྱེ་བ་འབུམ༔ དྲིལ་བུ་འབར་བས་གཟུགས་ལ་ཕོབ༔ མྱོས་པར་གྱིས་ཤིག་གནྡྷེ་ཧོ༔ ཧཱུྃ༔ ང་ནི་རབ་འཇིགས་དབང་གི་སྐུ་ཞེས་སོགས༔ ཧཱུྃ༔ ཕྱེས་ཤིག་ཕྱེས་ཤིག་ཞལ་ཕྱེས་ཤིག༔ ཅེས་པ་སོགས་བྱའོ། །ཞེས་པ་ཨ་རཱ་གས་མཛད་དོ། །ཞུ་བྷོ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྐྱེ་བདུན་གྱི་སྒྲུབ་ཐབས་བསམ་ཡས་མ།

[Full Size]

སྐྱེ་བདུན་གྱི་སྒྲུབ་ཐབས་བསམ་ཡས་མའོ༔

[Full Size]

བདག་འདྲ་པདྨ་འབྱུང་གནས་ཀྱིས༔ སྐྱེ་བདུན་སྒྲུབ་པའི་མན་ངག་མཆོག༔ ཟབ་དྲིལ་དོན་བསྡུས་བསྟན་པར་བྱ༔ དེ་ལ་སྤྱི་དོན་བསྡུ་བ་བཞི་ཡིས་བསྟན༔ བརྟག་སྒྲུབ་དབང་བསྐུར་གཞན་དོན་བྱ༔ བརྟག་ཐབས་སྐྱེ་བདུན་གང་ཡིན་དེ༔ དལ་འབྱོར་གྲུབ་ཐོབ་སྐྱེ་བ་བདུན༔ ངེས་པར་བླངས་ཤིང་དྲན་པ་སྟེ༔ ངོ་མཚར་ཅན་དེ་ལེགས་བླངས་ནས༔ མཁའ་སྤྱོད་རིག་འཛིན་ཤ་སྒྲུབ་དང་༔ བླ་མེད་བྱང་ཆུབ་མཆོག་སྒྲུབ་སྟེ༔ གཉིས་ལས་འདི་ནི་མཆོག་བསྒྲུབ་བོ༔ ཤ་ཉིད་བླངས་ཏེ་མ་རུལ་ན༔ ལེགས་པར་སྐམ་སྟེ་རྩིས་སུ་

[Full Size]

བྱ༔ དེ་ནི་བརྟགས་པའི་རིམ་པའོ༔ གཉིས་པ་སྒྲུབ་པའི་རིམ་པ་ནི༔ དེ་ཡང་བཀྲ་ཤིས་དབེན་གནས་སུ༔ སྒྲུབ་ཁང་ཕྱི་དཀར་ནང་དམར་བ༔ ཆེ་ཞིང་ཉམས་དགའི་གནས་མཆོག་སྟེ༔ དཀྱིལ་འཁོར་འདབ་དྲུག་སྒོ་ཁྱུད་རྫོགས༔ ཕྱི་ནང་གསང་གསུམ་མཆོད་ཚོགས་བཤམས༔ སྐུ་གསུང་ཐུགས་རྟེན་རྒྱན་ཚོགས་བཀྲམ༔ སྐྱེ་བདུན་ཤ་ནི་སྲན་ཚད་ལ༔ བཟང་དྲུག་གླ་རྩི་ཨ་མྲྀ་ཏ༔ གྲུབ་ཐོབ་ཤ་ནི་ཚོགས་ཚད་དང་༔ བྱིན་རླབས་རྫ་ས་དང་རྟག་ཏུ་ངུ་༔ སྨན་དང་དབང་ལག་འབྲས་ཕྱེ་ནི༔ ཕུལ་རེ་ཕུལ་རེ་སྦྱར་བར་བྱ༔ རྒྱལ་རིགས་བུ་ཆུང་བྱ་རྒོད་

[Full Size]

ཀྱི༔ ཤ་ཡང་ཡོད་ན་ཐེབ་ཙེ་རེ༔ སྐྱོབས་སུ་སྦྱར་ན་བཟང་བར་བཤད༔ དེ་ནས་རྟོགས་ལྡན་གྲུབ་ཐོབ་དང་༔ ཁྲིམས་ལྡན་དགེ་སློང་དྲི་ཆུས་སྦྱར༔ རིལ་བུ་བསྐམས་ཤིང་དཔག་མེད་བྱ༔ མཚལ་དང་སྐྱེར་པའི་ཁན་དང་༔ གུར་གུམ་སྦྱར་ཏེ་ཁ་དོག་བསྒྱུར༔ རིན་ཆེན་བུམ་པ་མཚན་ལྡན་ལ༔ གུ་གུལ་བདུག་ཅིང་བགེགས་བསྐད་བྱ༔ རིལ་བུས་བཀང་སྟེ་ཁ་རྒྱན་དང་༔ མགུལ་ཆིངས་གཟུངས་ཐག་རྡོ་རྗེ་སོགས༔ ཆོས་རྣམས་ལེགས་པར་རྫོགས་བྱས་ཏེ༔ བུམ་རྫས་ཉེར་ལྔ་དག་ཀྱང་གྲུབ༔ དཀྱིལ་འཁོར་དབུས་སུ་བཞུགས་སུ་གསོལ༔ ཚད་མེད་བཞི་པོ་སྔོན་སོང་ནས༔ ཁྲུས་བྱས་སེམས་བསྐྱེད་སྡོམ་པ་བཟུང་༔ ཐུགས་རྗེ་ཆེན་པོའི་ལས་གཞུང་བསྲངས༔ བླ་རྫོགས་ལ་སོགས་གཞན་ཡང་བྱ༔ དུས་བཞིར་མཆོད་ཚོགས་འབྱོར་ཚད་འབད༔ དངོས་གཞིའི་བསྐྱེད་རིམ་དམིགས་པ་ནི། རང་ཉིད་ཐུགས་རྗེ་ཆེན་པོར་སྒོམས༔ ཞལ་གཅིག་ཕྱག་གཉིས་སྐུ་མདོག་དམར༔ ཕྱག་གཡས་པད་ཕྲེང་ཐུགས་ཀར་འཛིན༔ ཕྱག་གཡོན་པད་སྡོང་བདུད་རྩི་བུམ༔ རྡོ་རྗེ་སྐྱིལ་ཀྲུང་རང་འདྲའི་ཡུམ༔ གསང་བ་ཡེ་ཤེས་མདངས་ལྡན་མ༔ མཉན་ལྕུག་འཁྲིལ་ལྡེམ་དབྱེར་མེད་བསམས༔ སྤྱི་

[Full Size]

གཙུག་རིགས་བདག་ཐུགས་ཀར་ནི༔ ཟླ་སྟེང་ཧྲིལས་ཡིག་དྲུག་བསྐོར༔ བུམ་པ་ཧཱུྃ་ལས་གཞལ་ཡས་ཁང་༔ ཕོ་བྲང་ཡོངས་རྫོགས་ཆེན་པོར་བསྒོམ༔ བུམ་ནང་རིལ་བུ་རེ་རེ་ཡང་༔ བདག་ཉིད་ཁོ་ན་ཅི་འདྲར་བསྐྱེད༔ ཡེ་ཤེས་འགུགས་གཏུམ་དྲག་ཏུ་བྱ༔ རིལ་བུ་དམ་ཚིག་ཡེ་ཤེས་སུ༔ དབྱེར་མེད་ཐུགས་རྗེ་ཆེན་པོར་བསྒོམ༔ གཟུངས་ཐག་ཕྱོགས་བཞིར་མཐུན་པར་བྱ༔ སྒྲུབ་བྱེད་རྣལ་འབྱོར་མང་ན་མཆོག༔ ཡང་སྙིང་འདི་ནི་བསྒྲུབ་པར་བྱ༔ ཨོཾ་མ་ཎི་པད་མེ་ཧཱུྃ༔ མན་ངག་ཟབ༔ རིལ་བུ་བསྒྲུབ་སྔགས་ཀྱི་དམིགས་ཐུན༔ དཀྱིལ་འཁོར་ལྷ་ཚོགས་རྣམས་ཀྱི་སྐུ་ལས་འོད་ཟེར་བསམ་གྱིས་མི་ཁྱབ་པ་བྱུང་༔ བདག་ལྷར་གསལ་བའི་གནས་གསུམ་དུ་ཐིམ༔ ཡང་བདག་དང་དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུ་ལས་འོད་ཟེར་བསམ་གྱིས་མི་ཁྱབ་པ་འཕྲོས༔ སྣོད་ཀྱི་འཇིག་རྟེན་ལྷའི་གཞལ་ཡས་ཁང་རང་སྣང་བདེ་བ་ཆེན་པོར་གྱུརཿ བཅུད་ཀྱི་སེམས་ཅན་ཐམས་ཅད་རྩ་གསུམ་གྱི་ལྷ་ཚོགས་སུ་གྱུར༔ སྒྲ་གྲག་པ་ཐམས་ཅད་ཀྱང་གཟུངས་སྔགས་ཀྱི་སྒྲར་གྱུར་པར་སྒོམསཿ ཡང་འོད་ཟེར་འཕྲོས་པས་རྒྱལ་བའི་ཞིང་རབ་འབྱམས་ནས༔ བླ་མ་རིག་འཛིན་སངས་

[Full Size]

རྒྱས་བྱང་སེམས་དཀྱིལ་འཁོར་གྱི་ལྷ་ཚོགས་ཚེ་ལ་དབང་བའི་དྲང་སྲོང་རིག་འཛིན་མཁའ་འགྲོ་ཆོས་སྐྱོང་རྣམས་ཀྱི་ཐུགས་ཀ་ནས༔ མཆོག་ཐུན་མོང་གི་བྱིན་རླབས་འོ་མའི་རྒྱུན་ལྟར་དཀར་ནར་གྱིས་བཀུག་ནས་ཐུགས་རྗེ་ཆེན་པོ་ཡབ་ཡུམ་གྱི་སྤྱི་བོར་ཐིམ༔ སྐུ་ལུས་གང་ཡབ་ཡུམ་སྦྱོར་མཚམས་ནས་བདུད་རྩི་བབསཿ སྒྲུབ་རྫས་རིལ་བུ་དང་དབྱེར་མེད་འདྲེས་པར་བསམ་ཞིང་༔ ཨོཾ་མ་ཎི་པད་མེ་ཧཱུྃ་ཧཱུྃ༔ ཨ་ར་པ་ཙ་མི་ཏ་ཧྲི་དཱ་ཡ་སྭཱ་ཧཱཿ དེ་ཚེ་རྟགས་ཀྱི་རིམ་པ་ཡང་༔ འོད་དང་དུ་བ་སྒྲ་དང་དྲི༔ ཞལ་མཐོང་དག་སྣང་དཔག་མེད་འབྱུང་༔ མཚན་རྟགས་རྫོགས་ནས་སྔགས་འདི་སྦྲེལཿ ཨོཾ་ཨཱཿཧཱུྃ་སྭཱ་ཧཱཿ མཱུ་ལཱ་མཱ་པཱི་ཏཾ༔ སརྦ་ཏ་ཐཱ་ག་ཏ༔ མ་ཧཱ་པཉྩ་ཨོཾ་ཨཱ་ཡུ་ཛཱ་ན་མ་ཧཱ་པུཎྱེ་ཏིཥྛ་ཨཱ༔ རྒྱལ་བ་རིགས་ལྔས་ཡེ་ཤེས་སྐུ་ལྔར་སྦྱོར༔ ཡེ་ཤེས་བདུད་རྩི་སྔགས་ཀྱི་འཆི་མེད་ཚེ༔ རྣམ་རྟོག་བག་ཆགས་སྦྱངས་ཤིང་མངོན་སངས་རྒྱ༔ རྨི་ལམ་དག་ཏུ་རྟགས་བཟང་འབྱུང་བར་ངེས་ཐུགས་རྗེ་ཆེན་པོ་འཁོར་བ་མྱང་འདས་སྦྱོར༔ སྐྱེ་བདུན་སྙིང་པོ་མ་བསྒྲུབས་སངས་རྒྱས་ཐོབ༔ བདུན་ནམ་བཅུ་གཅིག་ཉེར་གཅིག་དག་ཏུ་བསྒྲུབ༔ ཚོགས་འཁོར་བྱ་ཞིང་དངོས་གྲུབ་དག་ཀྱང་བསྐུལ༔ རྗེས་ཀྱི་རིམ་པ་

[Full Size]

བསྟན་པ་ནི༔ དེ་ནས་བུམ་པའི་དབང་བསྐུར་བྱ༔ ཧཱུྃ༔ དོན་གྱི་ཡེ་ཤེས་ཀུན་རྒྱས་ཀྱང་༔ མ་རིག་གཟུང་འཛིན་བག་ཆགས་འཐས༔ ངོ་མཚར་རྨད་བྱུང་མཆོག་གི་རྫས༔ བག་ཆགས་རྣམ་རྟོག་སྦྱོང་བྱེད་ཅིང་༔ འདི་ཡིས་མངོན་པར་སངས་རྒྱས་འཐོབ༔ རྣམ་གྲོལ་ཡེ་ཤེས་མཆོག་ཐོབ་ཤོག༔ ཨོཾ་མ་ཎི་པད་མེ་ཧཱུྃ་ཧཱུྃ༔ སརྦ་ཏ་ཐཱ་ག་ཏ་ཨ་བྷི་ཥིཉྩ་ཧྲཱིཿ ཨཱཿ རང་ཉིད་དམ་ཚིག་སེམས་པར་བསྒོམ༔ རིལ་བུ་ཡེ་ཤེས་སེམས་དཔར་བསྐྱེད༔ དམ་ཚིག་ཡེ་ཤེས་དབྱེར་མེད་པརཿ ཐུགས་རྗེ་ཆེན་པོར་བདག་གྱུར་བསམ༔ རིལ་བུ་རེ་ནི་དྲི་ཆུ་ཡི༔ ཕུལ་ཏེ་ལྟོ་སྟོང་བཏང་བར་བསམ༔ རྒྱས་པར་བྱེད་ན་དབང་ལེན་གསུམ༔ རིལ་བུ་ལན་གསུམ་སྦྱིན་པར་བྱ༔ དེ་ནས་གཞན་དོན་སྤྱོད་པའི་ཚེ༔ རིལ་བུ་སུས་འདོད་གོང་ལྟར་ཚོགས༔ གདུལ་བྱ་སྦྱང་ཕྱིར་ཁྲུས་ཀྱང་བྱ༔ ཞག་ནི་གསུམ་བདུན་ལྔ་ལ་སོགས༔ སྒྲུབ་པ་ཁ་གསོ་རྗེས་གནང་སྦྱིན༔ དུག་ལྔ་སྐུ་གསུང་ཐུགས་སུ་བསྒྱུར༔ མ་བསྒྲུབས་སངས་རྒྱས་ངོ་མཚར་ཆེ༔ དེ་ནས་འགྲོ་བ་ཡོངས་ལ་སྤེལ༔ ཐུགས་རྗེ་ཆེན་པོའི་སྡོམ་པ་དང་༔ བསྐྱེད་རིམ་ཕོག་ལ་ཡིག་བདུན་བཟླས༔ སྡོམ་པ་ལམ་ཁྱེར་རྣམ་གསུམ་

[Full Size]

ཡིན༔ དེ་ནས་ཡོན་ཏན་བཤད་པ་ནི༔ ཡང་སྙིང་འདུས་པའི་རྒྱུད་དག་ལས༔ རིལ་བུ་སུ་ཡི་ལྟོར་སོང་བ༔ ཚེ་རབས་གང་དང་གར་སྐྱེས་ཀྱང་༔ སྤྱན་རས་གཟིགས་དང་འབྲལ་མི་སྲིད༔ ཅེས་པས་རིལ་བུ་སུས་ཐོབ་པ༔ ཐུགས་རྗེ་ཆེན་པོའི་ཞིང་དུ་འགྲོ༔ འདི་ལ་ཐེ་ཚོམ་མི་འཚལ་ཏེ༔ མ་བསྒྲུབས་སངས་རྒྱས་ཐོབ་ཐབས་ལྔ༔ སྔོན་སྦྱངས་ལས་སད་རྟོགས་གྲོལ་དང་༔ རང་བྱུང་རྒྱུད་མཆོག་བཏགས་གྲོལ་དང་༔ མཚན་ལྡན་པད་ཅན་རྩ་ཡི་གནད༔ གསང་ལམ་ཟབ་མོ་འཕོ་བ་དང་༔ ངོ་མཚར་རྫ་ས་མཆོག་སྐྱེ་བདུན་ནོ༔ དེ་ཕྱིར་འདི་སྤྱད་སྐྱེས་བུ་ལ༔ བྱང་ཆུབ་སེམས་ལྡན་མཆོག་ཏུ་གཅེས༔ རིལ་བུ་གཅེས་སྤྲས་ཆེར་བྱས་ཏེ༔ འགྲོ་དོན་དཔག་མེད་རྒྱ་ཆེན་སྤྱོད༔ སྙིང་ནོར་མིག་འབྲས་ཟབ་མོའི་གཏེར༔ བསམ་ཡས་དབུ་རྩེའི་ཁྲི་ལ་སྦསཿ ལྔ་བཅུ་ཁ་རལ་དུས་ཀྱི་ཚེ༔ ལས་ཅན་གཅིག་དང་ཕྲད་ནས་ཀྱང་༔ འགྲོ་ཀུན་འཁོར་བ་དོང་སྤྲུགས་ཤོག༔ ས་མ་ཡཱ༔ ཁ་ཐཾ༔ གུ་ཧྱ༔ རྒྱ་རྒྱ་རྒྱ༔ ཨྠྀི༔ བསམ་ཡས་དབུ་རྩེའི་ཁྲི་ནས་གཏེར་སྟོན་རཏྣ་གླིང་པས་བཏོན་པའི་གཏེར་མ་ལགས་སོ༔

རྒྱལ་ཐོ་ཡི་ཐོ་བྱང་བསྡུས་པ།

[Full Size]

རྒྱལ་ཐོ་ཡི་ཐོ་བྱང་བསྡུས་པ་བཞུགས་སོ༔

[Full Size]

དེ་ནས་རྒྱལ་ཐོ་ནི་ཤིང་རིང་བཞི་ལ་རྒྱལ་པོ་བཞིའི་སྐུ་སྙིང་པོ་བཅས་གཟུགས་ལ༔ བདག་ཉིད་གསང་བདག་ཏུ་གསལ་བའི་ཐུགས་སྲོག་ཧཱུྃ་ལས་འོད་ཟེར་དམར་པོ་འཕྲོས་ཤིང་ལྕགས་ཀྱུའི་ཕྱག་རྒྱུས་གོང་དུ་དམ་ཚིག་གསལ་བར་བསྐྱེད་པ་ལ༔ བདག་གི་ཐུགས་ཀ་ནས་ཡི་གེ་ཕུའཕྲོས་པ་ལས་པི་ཝང་ཡོངས་སུ་གྱུར་པ་ལས་རྒྱལ་པོ་ཡུལ་འཁོར་སྲུང་བཀུག་ལ་བསྟིམ༔ ཟླུམ་གཏོར་ལ་ཁུར་བ་མར་ཐུད་ཤིང་ཐོག་དཀར་གསུམ་མངར་གསུམ་ཟས་སྣ་རྒྱས་པར་བཀང་ལ་འབྲུ་གསུམ་མམ་སྔགས་དྲུག་གིས་བྱིན་གྱིས་རླབས་ཏེ་དམིགས་པ་བཞིན་དུ་བསྔོ་བ་ནི༔ རྣལ་འབྱོར་པ་རྣམས་སྔགས་ཆས་སུ་ཞུགས་ལ་དང་པོ་བྷན་ཕུར་མདུན་དུ་བཞག་ལ༔ ཁ་ཤར་ཕྱོགས་སུ་བལྟས་ཏེ༔ ལག་པ་པད་ཕོར་དང་དབང་

[Full Size]

སྡུད་ཕྱག་རྒྱ་བྱས་ལ༔ སྤྱན་དྲངས་པ་ནི་གོང་གི་དམིགས་པ་གསལ་བས༔ ཨོཾ་ཨ་མྲྀ་ཏེ་༴ རིན་པོ་ཆེའི་སྣོད༴ ཨ་ཀཱ་རོ༴ ཧཱུྃ༔ སྔོན་ཚེ་རྒྱལ་བའི་སྤྱན་སྔ་རུ༔ ཁས་བླངས་དམ་བཅས་ཕྱོགས་སྐྱོང་དཔལ༔ མཐུ་ཆེན་རྒྱལ་པོ་ཡུལ་འཁོར་སྲུང་༔ འདིར་གཤེགས་མཆོད་སྦྱིན་གཏོར་མ་ལོངསཿ ་དེ་རྗེས་སུ་བྷན་ཕུར་གཡབ་ཅིང་འཆམ་སྟབས་སུ་བསྟུན་ལ་ཕྲིན་ལས་བཅོལ་བ་ནི༔ ཧཱུྃ༔ རི་རབ་ཆེན་པོའི་ཤར་ཕྱོགས་ནས༔ ཕྱག་ན་རྡོ་རྗེའི་དབང་གི་མཐུས༔ བསྟན་པ་སྲུང་བར་ཞལ་བཞེས་པའི༔ རྒྱལ་པོ་ཆེན་པོ་ཡུལ་འཁོར་སྲུང་༔ བདག་ཅག་རེ་བ་བསྐང་བའི་ཕྱིརཿ མ་དག་འཁོར་

[Full Size]

རྣམས་ཚར་ཆོད་ཅིག༔ ཨོ་ཏིཥྛ་རཉྫ་ཡེ་སྭཱ་ཧཱཿ མ་ཧཱ་བ་ལིཾ་ཏ་ཁཱ་ཧི་ཁཱ་ཧི༔ ཅེས་ཕུལ་རྗེས་སུ་བསྟོད་པ་ནི༔ ཧཱུྃ༔ ཤར་ཕྱོགས་རྒྱལ་པོ་ཆེན་པོ་ཡུལ་འཁོར་སྲུང་༔ ཞི་བའི་ཕྲིན་ལས་མཐར་ཕྱིན་སྐུ་མདོག་དཀར༔ ཐུགས་རྗེའི་དབང་གིས་འགྲོ་དོན་པི་ཝང་བསྣམས༔ ཤར་ཕྱོགས་དྲི་ཟའི་ཚོགས་རྣམས་མཚམས་ཆོད་ཅིག༔ ཅེས་བརྗོད་ལྷོ་ཡི་རྒྱལ་ཐོའི་རྩར༔ ཕྱིན་ནས་དམིགས་པ་གོང་ལྟར་ལཿ ཧཱུྃ༔ སྔོན་ཚེ་རྒྱལ་བའི་སྤྱན་སྔ་རུ༔ ཁས་བླངས་དམ་བཅས་ཕྱོགས་སྐྱོང་དཔལ༔ མཐུ་ཆེན་རྒྱལ་པོ་འཕགས་སྐྱེས་པོ༔ འདིར་གཤེགས་མཆོད་སྦྱིན་གཏོར་མ་ལོངས༔ གོང་ལྟར་འཆམ་སྟབས་བྱ་ཞིང་གཏོར་མ་བྲན༔ ཕྲིན་ལས་བཅོལ་བ་འདི་སྐད་དོ༔ ཧཱུྃ༔ རི་རབ་ཆེན་པོའི་ལྷོ་ཕྱོགས་ནསཿ ཕྱག་ན་རྡོ་རྗེའི་དབང་གི་མཐུས༔ བསྟན་པ་སྲུང་བར་ཞལ་བཞེས་པའི༔ རྒྱལ་པོ་ཆེན་པོ་འཕགས་སྐྱེས་པོ༔ བདག་ཅག་རེ་བ་བསྐང་བའི་ཕྱིར༔ མ་དག་འཁོར་རྣམས་ཚར་ཆོད་ཅིག༔ བྷེ་རུ་ཏུ་ཀ་ཡེ་སྭཱ་ཧཱཿ མ་ཧཱ་བ་ལྀ་ཏ་ཁཱ་ཧི་ཁཱ་ཧི༔ ཅེས་ཕུལ་རྗེས་བསྟོད་པ་ནི༔ ཧཱུྃ༔ ལྷོ་ཕྱོགས་རྒྱལ་པོ་ཆེན་པོ་འཕགས་སྐྱེས་པོ༔ མངོན་སྤྱོད་ཚུལ་གྱིས་འགྲོ་དོན་སྐུ་མདོག་སྔོ༔ དུག་གསུམ་གཅོད་མཛད་བེ་

[Full Size]

ཅོན་རལ་གྲི་བསྣམས༔ ལྷོ་ཕྱོགས་གཤིན་རྗེ་འཁོར་བཅས་མཚམས་ཆོད་ཅིག༔ ཅེས་བརྗོད་ནུབ་ཀྱི་རྒྱལ་ཐོའི་རྩར༔ ཕྱིན་ནས་དམིགས་པ་གོང་ལྟར་ལ༔ ཧཱུྃ༔ སྔོན་ཚེ་རྒྱལ་བའི་སྤྱན་སྔ་རུ༔ ཁས་བླངས་དམ་བཅས་ཕྱོགས་སྐྱོང་དཔལ༔ མཐུ་ཆེན་རྒྱལ་པོ་སྤྱན་མི་བཟང་༔ འདིར་གཤེགས་མཆོད་སྦྱིན་གཏོར་མ་ལོངས༔ གོང་ལྟར་འཆམ་སྟབས་བྱ་ཞིང་གཏོར་མ་བྲན༔ ཕྲིན་ལས་བཅོལ་བ་འདི་སྐད་དོ༔ ཧཱུྃ༔ རི་རབ་ཆེན་པོའི་ནུབ་ཕྱོགས་ནས༔ ཕྱག་ན་རྡོ་རྗེའི་དབང་གི་མཐུས༔ བསྟན་པ་སྲུང་བར་ཞལ་བཞེས་པའི༔ རྒྱལ་པོ་ཆེན་པོ་སྤྱན་མི་བཟང་༔ བདག་ཅག་རེ་བ་བསྐང་བའི་ཕྱིརཿ མ་དག་འཁོར་རྣམས་ཚར་ཆོད་ཅིག༔ བྷེ་རུ་པཀ་ཡེ་སྭཱ་ཧཱཿ མ་ཧཱ་བ་ལིཾ་ཏ་ཁཱ་ཧི་ཁཱ་ཧི༔ ཞེས་ཕུལ་རྗེས་སུ་བསྟོད་པ་ནི༔ ཧཱུྃ༔ ནུབ་ཕྱོགས་རྒྱལ་པོ་ཆེན་པོ་སྤྱན་མི་བཟང་༔ དབང་གི་ཕྲིན་ལས་མཛད་ཕྱིར་སྐུ་མདོག་དམརཿ ཀླུ་དབང་སྡུད་ཕྱིར་མཆོད་རྟེན་སྦྲུལ་ཞགས་བསྣམས༔ ནུབ་ཕྱོགས་ཀླུ་དབང་འཁོར་བཅས་མཚམས་ཆོད་ཅིག༔ ཅེས་བརྗོད་བྱང་གི་རྒྱལ་ཐོའི་རྩར༔ ཕྱིན་ནས་དམིགས་པ་ནེའུ་ལེར་ཡོངས་སུ་གྱུར་པ་ལས་རྒྱལ་པོའི་སྐུ་བསྐྱེད་ལ་དམིགས་པ་གོང་ལྟར་ལས་སྤྱན་འདྲེན་པ་ནི༔ ཧཱུྃ༔ སྔོན་ཚེ་

[Full Size]

རྒྱལ་བའི་སྤྱན་སྔ་རུ༔ ཁས་བླངས་དམ་བཅས་ཕྱོགས་སྐྱོང་དཔལ༔ མཐུ་ཆེན་རྒྱལ་པོ་རྣམ་ཐོས་སྲས༔ འདིར་གཤེགས་མཆོད་སྦྱིན་གཏོར་མ་ལོངས༔ གོང་ལྟར་འཆམ་སྟབས་བྱ་ཞིང་གཏོར་མ་བྲན༔ ཕྲིན་ལས་བཅོལ་བ་འདི་སྐད་དོ༔ ཧཱུྃ༔ རི་རབ་ཆེན་པོའི་བྱང་ཕྱོགས་ནས༔ ཕྱག་ན་རྡོ་རྗེའི་དབང་གི་མཐུས༔ བསྟན་པ་སྲུང་བར་ཞལ་བཞེས་པའི༔ རྒྱལ་པོ་ཆེན་པོ་རྣམ་ཐོས་སྲས༔ བདག་ཅག་རེ་བ་བསྐང་བའི་ཕྱིར༔ མ་དག་འཁོར་རྣམས་ཚར་ཆོད་ཅིག༔ བྷེ་ཤར་མ་ཎ་ཡེ་སྭཱ་ཧཱཿ མ་ཧཱ་བ་ལིཾ་ཏ་ཁཱ་ཧི་ཁཱ་ཧི༔ ཞེས་ཕུལ་རྗེས་སུ་བསྟོད་པ་ནི༔ ཧཱུྃ༔ བྱང་ཕྱོགས་རྒྱལ་པོ་ཆེན་པོ་རྣམ་ཐོས་སྲས༔ ཆེ་བའི་ཡོན་ཏན་མཐར་ཕྱིན་སྐུ་མདོག་ལྗང་༔ རིན་ཆེན་གཏེར་བདག་རྒྱལ་མཚན་ནེའུ་ལེ་འཛིན༔ བྱང་ཕྱོགས་གནོད་སྦྱིན་འཁོར་རྣམས་མཚམས་ཆོད་ཅིག༔ ཕྲིན་ལས་དབྱངས་དང་བཅས་པས་རང་རང་གི་ཕྱོགས་མཚམས་མེད་པར་འཁོར་ཡུག་བསྲུང་བར་བསམས་ལ༔ རྣལ་འབྱོར་པ་རྣམས་ཐོ་ཁོང་ནས་ཕྱིར་མི་འགྲོ༔ ཕྱི་མི་ནང་དུ་མི་བཏང་༔ ནོར་རྫས་དངོས་གྲུབ་འབུལ་བ་སྐྱོལ་ན་བགེགས་བསྐྲད་བྱས་ལ་བཏང་ངོ་༔ ལས་རྣམས་ཕྱིར་འགྲོ་དུས་ཕུར་པ་རེ་བསྐུར༔ ཚུར་ལོག་དུས་མཚམས་གཅོད་ཐུན་རེ་བྱའོ༔ གཉིས་པ་དམ་སྲི་མནན་པ་ནི༔ ཐོད་ངན་ནམ་ར་སོགས་ལ་

[Full Size]

རྒྱབ་ཏུ་རི་རབ་གླིང་བཞི་བྲི༔ ནང་དུ་དམ་སྲི་བྲི༔ ཡང་ན་དུག་ཤོག་ལ་ལིངྒ་རེད་ཅིང་སྒེམ་པ་བྱ་མཆུ་ཅན་གྱི་སྙིང་གར་དྲི་རྨི་ཛཿ ཡ་མ་དམ་སྲི་གམ་པ་རི་མཱ་ར་ཡ་ཛཿ ཛཿ ནན༔ ཏྲིའུ་ཏྲིའུ་མཱ་ར་ཡ་ན་མ་ཤོ་ཛཁུག་ནན་ཅེས་བྲི༔ སྒོའི་ཕྱི་རོལ་དུ་དོང་གྲུ་གསུམ་དུ་བཞག་ལ་ཕོ་ཉ་བསྐུལ་ཅིང་༔ བདག་དབང་ཆེན་དུ་གསལ་བས་དགུག་གཞུག་དྲག་ཏུ་བྱས་ལ་ཕུར་སྐོར་ཚར་གཅིག་བྱ༔ རྗེས་སུ་ཐེལ་ཟན་ལིངྒ་དང་སྦྲགས་ལ་ཁ་སྦུབས་ལ་ཐུན་བྲབ་ཅིང་༔ དེ་རྣམས་ཀྱིས་བསྐོར་བ་བྷན་ཕུར་གཡབ་ཅིང་༔ འདེབས་ཐབས་བྱས་ལ་འདི་སྐད་དོ༔ ཧཱུྃ༔ དམ་སྲི་བྱ་བའི་ལས་ངན་འདིས༔ རྡོ་རྗེ་སློབ་དཔོན་སྐུ་ལ་བསྡོས༔ མཆེད་ལྕམ་རྣམས་ལ་གནོད་ཅིང་འཚེ༔ རྒྱལ་ཁམས་རྣམས་སུ་མི་དགེ་བཏང་༔ གསང་སྔགས་ལམ་གྱི་སྒོ་ཡང་བཀག༔ བཀའ་འདས་ནམ་ཡང་མི་བཏང་བས༔ ད་ནི་ཁྲོ་བོའི་ཕུར་ཚོགས་གདབ༔ ཐུན་ཚོགས་བྲབ་ཅིང་དུད་ཚོགས་བདུག༔ གཏུབ་ཅིང་སྲིན་པོའི་ཞལ་དུ་བསྟབ༔ རི་རབ་བརྗིད་པའི་འོག་ཏུ་མནན༔ ཞེས་ས་རེས་གཡོག་ས་རྒྱ་གྲམ་རེ་བྲི་རྒྱ་གྲམ་རེ་བཏབ་ལ༔ ཧཱུྃ༔ གཅིག་ནི་བརྗོད་མེད་ཉག་གཅིག་རྒྱ༔ གཉིས་པ་ཐབས་དང་ཤེས་རབ་རྒྱ༔ གསུམ་པ་སྐུ་གསུང་ཐུགས་ཀྱི་རྒྱ༔ བཞི་པ་ཕྱག་རྒྱ་བཞི་ཡི་རྒྱ༔ ལྔ་པ་ཡེ་ཤེས་ལྔ་

[Full Size]

ཡི་རྒྱ༔ དྲུག་པ་ཕ་རོལ་ཕྱིན་དྲུག་རྒྱ༔ བདུན་པ་ཡན་ལག་བདུན་གྱི་རྒྱ༔ བརྒྱད་པ་རྣམ་ཐར་བརྒྱད་ཀྱི་རྒྱ༔ དགུ་ནི་ཐེག་པ་རིམ་དགུའི་རྒྱ༔ བཅུ་ནི་ཁྲོ་བོ་བཅུ་ཡི་རྒྱ༔ ཁྱོད་ལ་རྒྱ་ཅུ་བརྩེགས་ཏེ་གདབ༔ རི་རབ་བརྗིད་པས་སྟེང་ནས་མནན༔ དཔའ་བོའི་བྲོ་ར་བཅས་ཏེ་བརྡུང་༔ བསྐལ་པ་བྱེ་སྙེད་མཐའ་རུ་མནན༔ ༀ་ལཾ་ཧཱུཾ་ལཾ་ཧཱུཾ་བྷ་ཡ་ནན༔ ཞེས་རྗེས་སུའང་ལས་བྱང་ངམ་གཞན་ཡང་གང་བྱེད་ཀྱི་བྲོ་ར་བཅས་ཏེ་ཕྲིན་ལས་བཞིའི་བྲོ་བརྡུང་༔ བྲོ་ཡང་ཟླུམ་པོ་གྲུ་བཞི་ཟླ་གམ་གསུམ་དུ་བརྡུང་ངོ་༔ གསུམ་པ་སྒོ་བྱང་བསྲུང་བ་ནི༔ སྐྱེར་ཕུར་སོར་བཞི་པ་ལ་བདུད་རྩི་འཁྱིལ་པ་ལྗང་ནག་རྒྱ་གྲམ་དགྲ་སྟ་ཐོགས་པའི་བྱུང་བུ་རྒྱབ་ཡིག་དང་བཅས་པ་ལ་བསྐྱེད་བསྟིམ་གཏོར་མ་འབུལ༔ དམ་སྲིའི་ཕྲིན་ལས་བཅོལ་ལ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཚིནྡྷ་ཚིན་དམ་སྲི་མཱ་ར་ཡ་ཧཱུྃ་ཕཊ༔ རཀྟ༔ ཞེས་བཏགས་སོ༔ སྒོ་ནང་གི་ཡ་ཐེམ་གཤིན་རྗེ་ནག་པོ་བེ་ཅོན་དང་འཁོར་ལོ་ཐོགས་པ་ལ་རྒྱབ་ཏུ་འདོད་བྱུང་བྲིས་ཏེ་ཕུར་བུ་བཅས་པ་བསྐྱེད་བསྟིམ་གཏོར་མ་ཕུལ་ལ་སྒོ་གཉེར་གཏད་དེ༔ ཧཱུྃ༔ གསང་འདུས་མཆོག་གི་ཕོ་བྲང་འདིར་ལས་ཀྱི་གཤིན་རྗེའི་གཤེད་པོ་ལ༔ ཕྱག་ན་རྡོ་རྗེའི་བཀའ་སྩལ་ལྟར༔ དེ་བཞིན་རིག་འཛིན་སྒྲུབ་པ་པོས༔ གསང་བའི་སྒྲུབ་ཆེན་འདིར་འཇུག་པསཿ འདོད་པའི་དངོས་གྲུབ་མ་ཐོབ་

[Full Size]

བར༔ འདི་ལ་གནོད་བྱེད་བར་གཅོད་པའི༔ ལྷ་སྲིན་འབྱུང་པོ་སྡེ་བརྒྱད་ཀུན༔ ཁྱོད་ཀྱི་འཁོར་གཡོག་བྲན་ལགས་པས༔ རྣམ་པར་སྨིན་པའི་ཆོས་ཤོད་ལ༔ བླ་མེད་འབྲས་བུ་མ་ཐོབ་བརཿ ས་འདི་ཡན་ཆད་མ་བཏང་ཞིག༔ རྟ་མགྲིན་དབང་གི་རྒྱལ་པོ་དང་༔ ལག་ན་རྡོ་རྗེའི་བཀའ་མ་བཅག༔ བདག་ཅག་གཉིས་མེད་དབྱིངས་སུ་ཅིག༔ བརྒྱན་པའི་གཏོར་མ་འདི་བཞེས་ལ༔ སྒོ་ཡི་གཉེར་ཆེན་ཁྱོད་ལ་གཏད༔ ཅེས་པ་རྒྱབ་ཏུ་བྲིས་ཏེ་གདགས་སོ༔ འདི་ནི་ཤིན་ཏུ་ཁག་ཆེ་སྟེ་ཁྱི་བཟང་འཛིན་པ་དང་འདྲའོ༔ བཞི་པ་མ་ཀྲྀ་བསྒྲལ་བ་ནི༔ ཁམ་ས་ལ་གཟུགས་མཐོ་གང་པ་བྱས་ལ་ཞིང་བཅུ་ལོག་ལྟ་སྡིག་ཅན་ཐམས་ཅད་རྡོ་རྗེ་སློབ་དཔོན་གྱིས་དགུག་བསྟིམ་དལ་གྱི་དབུས་སུ་མགོ་ལྷོ་ནུབ་ཏུ་བསྟན་ལ་བཞག་གོ༔ སྒྲོལ་གིང་དཀར་ནག་གཉིས་རལ་གྲི་དང་སྙིང་ཁྱེར་ལ་རྔམ་པར་གསལ་བ་ལས༔ ལས་ཀྱི་སློབ་དཔོན་གྱིས་ཏ་ཀི་ར་ཙ་དཀར་ནག་གཉིས་ཀྱི་སྙིང་ཁར་ཧཱུྃ་གིས་མཚན་པར་བསམ༔ སློབ་དཔོན་གྱི་ཐུགས་ཀ་ནས་དེ་འདྲ་བ་གཉིས་སྒྲོལ་གིང་གཉིས་སྤྲོས་ལ༔ ཧཱུཾ་ཏ་ཀི་རཱ་ཛ་ཚིན་ཁངྒ་ཁདྨ་ཧཱུཾ་ཧཱུཾ་ཕཊ༔ བརྒྱ་རྩ་བརྒྱད་ཉུངས་དཀར་ལ་སྔགས་ལ་སྒྲོལ་གིང་དངོས་སུ་མངའ་གསོལ་སྒྲོལ་གིང་གིས་ཀྱང་ང་རྒྱལ་བརྟན་ནས་འཇིགས་པའི་ངར་སྐྱེད་ལ༔ ཨོཾ་བཛྲ་ཀཱི་ལི་ཀཱི་ལ་ཡ་མ་ཏྲཾ་རུ་དྲ་པྲ་བྷན་ཙཀྲ་ཧཱུྃ་ཕཊ༔ ཙིཏྟ་པྲ་

[Full Size]

བེ་ཤ་ཡ་ཕཊ༔ ཅེས་ལན་གསུམ་བསྐོར་ལ་བསྒྲལ༔ སློབ་དཔོན་གྱིས་དེའི་སྙིང་བྱུང་གསོལ་བར་བསམས་ལ༔ ཏི་ཧཱུྃ་ཨེ་སྤ་ར་ཎ་ཕཊ༔ གནས་པར་ཉོན་མོངས་ཀྱི་ཡིད་ཅན་དཔལ་གྱི་ཞབས་འོག་ཏུ་མནན་པར་བསམ༔ དེ་ནས་གཏུབས་ལ་མགོ་ལྷོ་ནུབ༔ རྐང་པ་གཉིས་ལྷོ་དང་ཤར༔ ལག་གཉིས་ནུབ་དང་བྱང་དུ་བཀོད་ལ་དུར་ཁྲོད་བརྒྱད་དུ་བསམ༔ ཁོག་པ་ཧཱུྃ་ལས་གཞལ་ཡས་ཁང་དུ་བསྒོམ༔ ལྔ་པ་ནང་མཚམས་བྱ་བ་ནི༔ ལྕགས་སམ་དྲག་པོའི་ཤིང་ལ་ཕུར་པ་སོར་བརྒྱད་པ་ཁྲོ་བཅུའི་སྔགས་དང་དར་ནག་ཅོད་པན་བཅས་པ་ལ༔ ལྷ་བསྐྱེད༔ ཡེ་ཤེས་པ་བསྟིམ༔ མངའ་གསོལ་ཕྱོགས་བཅུར་ཁྲོ་བཅུའི་སྔགས་དང་ཕྲིན་ལས་ཕུར་པའི་མཚམས་གཅོད་ལྟར་བྱའོ༔ དེ་ནས་དངོས་གཞི་སྒྲུབ་གཞུང་ལྟར་ལ༔ མཚམས་བཀྲོལ་བ་ནི༔ ཟླུམ་གཏོར་ལྔ་བཤམ་ལ༔ འབྲུ་གསུམ༔ སྔགས་དྲུག་ཕྱག་རྒྱས་བྱིན་གྱིས་རླབས༔ སྤེལ་སྒྱུར་སྦྱངས་ལ༔ རྒྱལ་པོ་བཞི་ལ་ཤར་ནས་རིམ་པར་འབུལ༔ ཧཱུྃ༔ རྒྱལ་པོ་ཆེན་པོ་ཡུལ་འཁོར་སྲུང་༔ རྡོ་རྗེ་འཛིན་གྱི་བཀའ་བཞིན་དུ༔ སྒྲུབ་པ་སྲུང་མཛད་སྐུ་དྲིན་དུ༔ གཏང་རག་མཆོད་སྦྱིན་གཏོར་མ་ལོངསཿ ཨོ་དྷི་རཱཥཱ་ཡེ་བ་ལིཾ་ཏ་ཁཱ་ཧི་ཁཱ་ཧི༔ ཞེས་ཕུལ༔ ལྷོའི་རྒྱལ་ཐོའི་རྩར་གཏོར་མ་བྲན་ལ་འདི་སྐད་དོ༔ ཧཱུྃ༔ རྒྱལ་པོ་ཆེན་པོ་འཕགས་སྐྱེས་པོ༔ རྡོ་རྗེ་འཛིན་གྱི་བཀའ་བཞིན་དུ༔ སྒྲུབ་པ་སྲུང་མཛད་སྐུ་དྲིན་དུ༔ གཏང་རག་མཆོད་

[Full Size]

སྦྱིན་གཏོར་མ་བཞེས༔ བེ་རྭ་ལྷ་ཀ་ཡེ་བ་ལིཾ་ཏ་ཁཱ་ཧི་ཁཱ་ཧི༔ ཞེས་ཕུལ༔ ནུབ་ཀྱི་རྒྱལ་ཐོའི་རྩར་གཏོར་མ་བྲན་ལ་འདི་སྐད་དོ༔ ཧཱུྃ༔ རྒྱལ་པོ་ཆེན་པོ་མིག་མི་བཟང་༔ཤ །རྡོ་རྗེ་འཛིན་གྱི་བཀའ་བཞིན་དུ༔ སྒྲུབ་པ་སྲུང་མཛད་སྐུ་དྲིན་དུ༔ གཏང་རག་མཆོད་སྦྱིན་གཏོར་མ་བཞེས༔ བེ་རྭ་པཀྱ་ཡེ་བ་ལིཾ་ཏ་ཁཱ་ཧི་ཁཱ་ཧི༔ ཅེས་ཕུལ༔ བྱང་གི་རྒྱལ་ཐོའི་རྩར་གཏོར་མ་བྲན་ལ་འདི་སྐད་དོ༔ ཧཱུྃ༔ རྒྱལ་པོ་ཆེན་པོ་རྣམ་ཐོས་སྲས༔ རྡོ་རྗེ་འཛིན་གྱི་བཀའ་བཞིན་དུ་སྒྲུབ་པ་སྲུང་མཛད་སྐུ་དྲིན་དུ༔ གཏང་རག་མཆོད་སྦྱིན་གཏོར་མ་བཞེས། བེ་ཤྲ་མ་ཎཱ་ཡེ་བ་ལི་ཏ་ཁཱ་ཧི་ཁཱ་ཧི༔ ཡེ་ཤེས་པ་གཤེགས༔ དམ་ཚིག་པ་མི་དམིགས་པར་རྒྱས་བཏབ༔ ཐོ་བཞི་རིམ་པར་བསྡུསཿ གཏོར་མ་གཅིག་གོང་ལྟར་བྱིན་གྱིས་བརླབས༔ ཧཱུྃ༔ ཁྲོ་བོའི་རྒྱལ་པོ་བདུད་རྩི་འཁྱིལ༔ བགེགས་ཀྱི་གཉེན་པོ་གཤིན་རྗེའི་གཤེད༔ ངོ་མཚར་རྨད་བྱུང་སྒྲུབ་པ་ཡི༔ ཕྱི་ནང་སྒོ་ཡི་སྲུང་མ་མཛད༔ ཁྱེད་ཀྱི་ཐུགས་རྗེ་ངོ་མཚར་ཆེ༔ གཏང་རག་མཆོད་བཞེས་དབྱིངས་སུ་གཤེགས༔ ཞེས་ལྷ་གཤེགས་སྒོ་བྱང་གཉིས་བསྡུའོ༔ ཁད་ཀྱིས་མཚམས་བཀྲོལ་ལོ༔ བརྒྱད་པ་སྒྲུབ་རྗེས་ཀྱི་གནས་བསྲུང་བ་ནི༔ རྣལ་འབྱོར་པ་རྣམས་གཏོར་མ་ཆ་ཚང་གཅིག་བཤམས་ལ་དུས་གསུམ་དུ་

[Full Size]

ལས་བྱུང་ཚར་རེ་བཏང་༔ ཞག་གསུམ་ཐག་རིང་དུ་མི་འགྲོའོ༔ ཐ་ནའང་ཞག་གཅིག་མི་སྲུང་ཁ་མེད་དོ༔ ཨྠྀི༔ མངྒ་ལཾ།། ཀརྨ་ཆགས་ཀྱིས་མཛད་པ་ཡིན་ཟེར་བའི་ཐུགས་རྗེ་གསང་འདུས་གཞུང་པོད་ནང་ནས་ཁོལ་དུ་ཕྱུང་བ་དགེ། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་འདུས་ཀྱི་བུམ་སྒྲུབ་དངོས་སྒྲུབ་ལེན་ཆོག་བསྒྲིགས་ཆགས་སུ་བཀོད་པ།

[Full Size]

ཐུགས་རྗེ་ཆེན་པོ་གསང་འདུས་ཀྱི་བུམ་སྒྲུབ་དངོས་སྒྲུབ་ལེན་ཆོག་བསྒྲིགས་ཆགས་སུ་བཀོད་པ་བཞུགས་སོ༔

[Full Size]

གྲངས་དུས་རྟགས་ཀྱི་རིམ་པ་རྣམས་རྫོགས་ནས་བྱ་ཞིང་༔ དེ་ནས་རྒྱལ་བ་རིགས་ལྔའི་སྙིང་པོ་དང་སྒྲུབ་པའི་སྔགས་སྟོང་རེ་ཙམ་མ་ཆག་པར་བྱའོ༔ དེ་ནས་གྲོལ་ལུགས་རེས་བྱེད་ན་ཡུན་ཐུང་ངུར་སྒྲུབ་བཤད་པ་ལྟར་བྱ༔ རྒྱུན་དུ་བཙུགས་རྒྱུ་ཡིན་ན་དང་ཞག་ཉེར་གཅིག་གམ་ཟླ་གཅིག་ཙམ་སོང་ནས་དངོས་གྲུབ་བླངས་ཆོག་རྣམས་བྱ་སྟེ༔ དེ་ཡང་བུམ་ཁང་ནང་མའི་ཐུན་དཔོན་ནམ༔ ཐུན་པ་འགའ་རེ་ལ་རྟགས་ཁྱད་པར་ཅན་བྱུང་གདའ་ན༔ རྒྱུན་གྱི་དངོས་གྲུབ་བླངས་བས་སྒྲུབ་ཆེན་གཞུང་ལྟར་བྱ་སྟེ༔ ཀ་པཱ་ལ་བཟང་པོར་ཛ་གད་ལ་ཨ་མྲྀ་ཏ་བཏབ་ལ་དངོས་གྲུབ་ཀྱི་རྒྱ་མཚོར་བསམས་ལ༔ རྡོ་རྗེ་རྒྱལ་པོའི་ཕྱག་ཏུ་བསྣམས་ལ་མཆེད་ལྕམ་རྣམས་པད་ཀོར་དང་དངོས་གྲུབ་སྡུད་པའི་ཕྱག་རྒྱ་བྱ་ཞིང་ད་ལ་བསྐོར་ཏེ༔ ཧཱུྃ༔ བདེ་གཤེགས་

[Full Size]

རྒྱལ་བ་མ་ལུས་དགོངས་སུ་གསོལ༔ རིག་འཛིན་མཁའ་འགྲོ་དམ་ཅན་སྲུང་མའི་ཚོགས༔ ལྷ་ཡི་དགེ་བསྙེན་དམ་ལྡན་ཐམས་ཅད་ཀྱིས༔ ཚུལ་བཞིན་སྒྲུབ་པའི་རྣལ་འབྱོར་བདག་ཅག་ལ༔ ཚེ་དང་ཆོས་དང་ཕྲིན་ལས་རྣམ་བཞི་དང་༔ རྐང་མགྱོགས་མིག་སྨིན་རིལ་བུ་མཁའ་སྤྱོད་དང་༔ མཐུ་དང་རྫུ་འཕྲུལ་མངོན་ཤེས་ནུས་མཐུ་དང་༔ སྲིད་ནོར་ཟས་དང་འདོད་དགུའི་དངོས་གྲུབ་སྩོལ༔ ཅེས་འདོད་པའི་དངོས་གྲུབ་ཐམས་ཅད་ཡང་ཡང་བསྟིམས་ལ༔ སྨན་མཆོད་བྱ་བ་ནི༔ ཧཱུྃ༔ རང་བྱུང་གདོད་ནས་རྣམ་པར་དག༔ རྩ་བརྒྱད་སྟོང་ལ་སྦྱར་བའི་སྨན༔ རིགས་ལྔ་དམ་

[Full Size]

ཚིག་ལྔ་ཡི་དངོས༔ ཡེ་ཤེས་ལྔ་རྫོགས་སྒྲུབ་པའི་རྫས༔ དུག་ལྔ་སེལ་བའི་བདུད་རྩི་གྱུར༔ ཨོཾ་མ་ཎི་པདྨེ་ཧཱུྃ་ཧི༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧིཥྛ༔ དེ་ནས་བདུད་རྩི་སྨན་གྱིས་མཆོད༔ ཧཱུྃ༔ རྩ་བརྒྱད་ཡན་ལག་སྟོང་སྦྱར་བའི༔ ངོ་མཚར་རྨད་དུ་བྱུང་བའི་ཆོས༔ ཐུགས་རྗེའི་རང་བཞིན་ལྷ་ཚོགས་ལ༔ གུས་པས་འབུལ་ལོ་བཞེས་སུ་གསོལ༔ ཨོཾ་མ་ཎི་པདྨེ་ཧཱུྃ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ལྷ་ཚོགས་རྣམས་ལ་མཚན་དོན་སྦྱར་རོ༔ ཆོས་སྐུ་སྣང་བ་མཐའ་ཡས་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ལོངས་སྐུ་ཐུགས་རྗེ་ཆེན་པོའི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ སྤྲུལ་སྐུ་པདྨ་འབྱུང་གནས་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ མཁའ་འགྲོ་ཡེ་ཤེས་མཚོ་རྒྱལ་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ གཏེར་སྟོན་འགྲོ་འདུལ་གླིང་པའི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ རྒྱལ་སྲས་ཚེ་དབང་གྲགས་པའི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ལས་ཅན་ཆོས་བདག་རྣམས་ཀྱི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ དྲིན་ཆེན་རྩ་བའི་བླ་མའི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཡི་དམ་གསང་འདུས་ཡབ་ཡུམ་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ རྟ་མགྲིན་ནོར་འཛིན་

[Full Size]

གསང་འཛིན་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ རྒྱལ་བ་རིགས་ལྔ་ཡབ་ཡུམ་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ སེམས་དཔའ་ཡབ་ཡུམ་བཅུ་དྲུག་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ སྤྲུལ་སྐུ་ཐུབ་པ་དྲུག་གི་ཞལ་དུ་སརྦ་པཉྩཨ་མྲྀ་ཏ་ཁ་རཾ་ཁཱ་ཧི༔ བསྐལ་བཟང་སངས་རྒྱས་སྟོང་རྩའི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཁྲོ་བོ་སྒོ་བ་ཡབ་ཡུམ་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ བཀའ་སྲུང་གཏེར་སྲུང་རྒྱ་མཚོའི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཨ་ལ་ལ་ཧོ༔ ཞེས་བཏུང་ངོ་༔ རྒྱུ་དེ་ལ་བསྟེན་ནས་རྒྱུན་གྱི་དངོས་གྲུབ་ངེས་པར་ཐོབ་བོ༔ རྒྱུན་གྱི་འཛབ་ལ་ནན་ཏན་བྱེད་པ་ནི་གནད་དུ་ཆེའོ༔ ༈ བཅུ་པ་དབང་བསྐུར་བའི་རིམ་པ་ནི༔ དབང་ཆེན་བསྟོད་བསྐུལ་ནས་ཡང་འདི་ནས་བསྐུར་ཏེ༔ སྒྲུབ་ཆེན་རང་ཡིན་ན་བྱེ་བྲག་དབང་ནི༔ ལྡིང་ཁྲི་སྟེང་གི་སྐུ་སྤྱི་བོར་བསྐུར༔ ཡིག་འབྲུ་མགྲིན་པ༔ ཤེལ་དང་མེ་ལོང་སྙིང་ཁ༔ རྨ་བྱ་ལྟེ་བར་བཞག༔ ཧཱུྃ༔ བདེ་གཤེགས་མ་ལུས་འདུས་པའི་སྐུ༔ སྐུ་དབང་ལུས་ལ་ཡོངས་རྫོགས་ཤོག༔ བུདྡྷ་ཨ་བྷི་ཥིཉྩༀ༔ འགགས་མེད་རྣམ་རོལ་སྙིང་པོའི་གསུང་༔ གསུང་དབང་ངག་ལ་ཡོངས་རྫོགས་ཤོག༔ བུདྡྷ་ཨ་བྷི་ཥིཉྩ་ཨཱ༔ སྤྲོས་མེད་མཐའ་བྲལ་ཡེ་ཤེས་ཐུགས༔ ཐུགས་

[Full Size]

དབང་སེམས་ལ་རྫོགས་པར་ཤོག༔ བུདྡྷ་ཨ་བྷི་ཥིཉྩ་ཧཱུྃ༔ མ་ལུས་སྐུ་གསུང་ཐུགས་ཡོན་ཕྲིན༔ དབང་བཞི་ཡོངས་རྫོགས་ཐོབ་པར་ཤོག༔ སརྦ་ཨ་བྷི་ཥིཉྩ་ཧཱུྃ༔ ཞེས་རིམ་པར་གཏོར་དབང་བཞིན་བསྐུར་རོ༔ བཅོ་ལྔ་པ་དུས་ཀྱི་དངོས་གྲུབ་བླངས་པ་ནི༔ བྷནྡྷ་མཚན་ལྡན་དུ་དཀར་གསུམ་མངར་གསུམ་ཕྱེ་མར་ཨ་མྲྀ་ཏས་སྦྲུས་པའི་རིན་ཆེན་འབར་བ་ཨོཾ་ཨཱ༔ཧཱུྃ་གིས་མཚན་པ་དར་མཐིང་དམར་པོས་དྲིལ་ལ་དཀྱིལ་འཁོར་དབུས་སུ་བཞག༔ དེའི་དབུས་སུ་བསེ་ཕོར་སྐྱོན་མེད་བུར་ཆང་གིས་བཀང་བ་མཆེད་དང་མཉམ་པའི་ཚེ་རིལ་བཟུང་སྣ་ཚོགས་པ་བཤོས་པ༔ དལ་པས་ཁ་བཅད་པའི་སྟེང་དུ་མར་གྱི་རྡོ་རྗེ་རྩེ་ལྔ་པ་རྟ་ཞལ་མཚན་པ་བཞག་གོ་༔ སྔོན་འགྲོའི་དམ་རྫས་རིལ་བུ་ཁྱད་པར་ཅན་གྱི་བྷན་འདི་མཉྫིའི་སྟེང་དུ་བཞག་གོ༔ གཞན་ཡང་གོང་གི་རྒྱུ་དེ་རྣམས་དང་བུར་ཆང་གིས་སྦྲུས་ཏེ་དངོས་གྲུབ་རྫས་ཕྲིན་ལས་བཞིའི་གཟུགས་རིན་ཆེན་རིལ་བུ་མཆེད་དང་མཉམ་པ་བཤམས་པ་རིན་པོ་ཆེའི་སྣོད་དུ་བཞག་ལ་དལ་གྱི་སྒོ་ཐོད་དུ་བཞག༔ དེའི་མདུན་དུ་རཀྟ་ཡང་བཞག་གོ༔ གཞན་ཡང་ཟས་སྣ་ཚོགས་བསགས་ཤིང་རྣལ་འབྱོར་པ་རྣམས་ལག་གཡོན་མཐེབ་སྲིན་སྦྱར་གུང་མཛུབ་གཉིས་བསྒྲེང་༔ རྟ་མགོའི་ཚུལ་དུ་བྱས༔ ལག་གཡས་ཕྲེང་བ་འདྲེན་ཞིང་དངོས་གྲུབ་སྙིང་པོ་འདི་བཟླའོ༔ ཀཱ་ཡ་སིདྡྷི་ཨོ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ ཨཱ་ཡུསིདྡྷི་ཧྲཱིཿ ཞེས་བཟླའོ༔ དམིགས་པ་ནི༔ བདག་ཡི་དམ་ལྷའི་ཐུགས་ཀ་ནས་

[Full Size]

ཧྲཱིཿལས་འོད་ཟེར་འཕྲོས་པས༔ འོག་མིན་གནས་ནས་རྒྱལ་བ་ཐམས་ཅད་སྤྱན་དྲངས་མདུན་གྱི་ནམ་མཁར་བྱོན༔ སྦྱོར་བ་མཛད་པའི་བྱང་སེམས་དྭངས་མ་དཀར་དམར་བབ༔ ཁྱད་པར་དུ་དམ་རྫ་ས་ལ་ཐིམ༔ འཇའ་འོད་དུ་འཁྲུགས་པར་བསམ༔ མདུན་གྱི་རཀྟ་ལས་འོད་འཕྲོས༔ ལྷ་མོ་པྲ་མོ་ཧཱ་ལ་སོགས་ཐམས་ཅད་དངོས་གྲུབ་ཀྱི་ངོ་བོར་ཞུ༔ རཀྟ་ལ་ཐིམ་པར་བསམ༔ ཡང་ཕྱོགས་བཅུའི་རྒྱལ་བ་ཐམས་ཅད་ཁྱད་པར་གསང་བ་འདུས་པའི་ལྷ་ཚོགས་རྣམས་ལས་ཨོ་དཀར་ཨཱཿདམར་ཧཱུྃ་མཐིང་དཔག་མེད་རྫས་ལ་ཐིམ༔ རྫས་རྣམས་ལས་འོད་ཟེར་ཚུར་འཕྲོས༔ རྣལ་འབྱོར་པའི་སྤྱི་མགྲིན་སྙིང་གར་སྐུ་གསུང་ཐུགས་ཀྱི་དངོས་གྲུབ་མ་ལུས་པ་ཐིམ་པར་བསམས་ལ༔ རྡོ་རྗེ་སློབ་དཔོན་གྱི་གོང་གི་རྫས་རྣམས་གཟུངས་ཐག་བཏགས་ལ་སྔགས་བཟླས་ཤིང་མཆེད་ལྕམ་རྣམས་པད་ཀོར་དངོས་གྲུབ་བསྡུས་པའི་ཕྱག་རྒྱ་བསྒྱུར་ཞིང་༔ ཨ་ལ་འཆམ་སྟབས་དངོས་གྲུབ་གནད་ནས་བསྐུལ་ཏེ༔ ཧཱུྃ༔ བྱམས་མགོན་ཐུགས་རྗེའི་ལྷ་ཚོགས་དགོངས་སུ་གསོལ༔ སྒྲུབ་པའི་རིག་འཛིན་རྣལ་འབྱོར་བདག་ཅག་གི༔ ལུས་ངག་ཡིད་གསུམ་གུས་པའི་ཤུགས་ཕྱུང་སྟེ༔ བསྙེན་སྒྲུབ་ཟབ་མོས་ཐུགས་དམ་གནད་ནས་

[Full Size]

བསྐུལ༔ དེང་སང་སྐྱ་རེངས་དང་པོ་ཤར་དུ་ཉེ༔ རྡོ་རྗེའི་སྲིན་པོའི་ནམ་ཡང་ལངས་ལ་ཁད༔ བཟླས་བརྗོད་བསྙེན་པའི་གྲངས་ཀྱང་ཐེམས་ལགས་སོ༔ བསྙེན་སྒྲུབ་ཞག་གྲངས་ཚང་ངོ་དངོས་གྲུབ་སྩོལཿ ཐུན་མོང་མ་ཡིན་ཁྱད་པར་གཅིག་པའི་གནད༔ རྒྱལ་བའི་དཔལ་མགོན་ཐུགས་ཀྱི་དཔལ་བེའུ་ནས༔ བྱང་ཆུབ་སེམས་ཀྱི་ཐིག་ལེའི་འོད་འཕྲོ་ཞིང་སྐལ་ལྡན་རྣམས་ལ་དངོས་གྲུབ་བསྩལ་དུ་གསོལ༔ དེ་རྣམས་ནམ་མཁའ་ལ་བཞུགས་པའི་རྒྱལ་བ་རྣམས་དང་ད་ལའི་ལྷ་ཚོགས་ཀྱི་གནས་གསུམ་ནས་དངོས་གྲུབ་ཀྱི་ཨོཾ་དཀར་ཨཱཿདམར་ཧཱུྃ་མཐིང་གསུམ་བདག་གི་གནས་གསུམ་དུ་འོད་ཟེར་བར་མ་ཆད་དུ་ཐིམ་པར་བསམ་ཞིང་༔ ཧཱུྃ༔ ནམ་མཁའི་མཐའ་དང་མཉམ་པའི་སྐུ་མངའ་བ༔ རྡོ་རྗེ་སྐུ་ཡི་དངོས་གྲུབ་བསྩལ་དུ་གསོལ༔ ཆགས་མེད་པདྨ་ལྟ་བུའི་ལྗགས་མངའ་བ༔ ཚངས་པའི་གསུང་གི་དངོས་གྲུབ་བསྩལ་དུ་གསོལ༔ འགྲོ་དྲུག་ཐུགས་རྗེས་ཡོངས་གྲོལ་ཐུགས་མངའ་བ༔ སྤྲོས་བྲལ་ཐུགས་ཀྱི་དངོས་གྲུབ་བསྩལ་དུ་གསོལ༔ ཡོན་ཏན་ཕྲིན་ལས་འགྲོ་བའི་རེ་འདོད་སྐོང་༔ རིན་ཆེན་གཏེར་གྱི་དངོས་གྲུབ་བསྩལ་དུ་གསོལ༔ འགྲོ་དོན་ལྷུན་གྲུབ་གཉིས་

[Full Size]

མེད་ངང་དུ་རོལ༔ ཕྲིན་ལས་ཐོགས་མེད་དངོས་གྲུབ་བསྩལ་དུ་གསོལ༔ དངོས་གྲུབ་བསྩལ་དང་སྩོལ་བར་མི་དམིགས་ཀྱང་༔ སྔོན་གྱི་ཐུགས་རྗེའི་བྱིན་རླབས་རང་བཞིན་དང་༔ དུས་ལས་མི་འདའ་རྡོ་རྗེའི་དམ་ཚིག་ཅན༔ སྐྱབས་ལས་མི་གཡེལ་གཡར་དམ་གཅིག་པའི་མཆེད༔ ཡེ་ཤེས་ལྷ་ཁྱོད་བདག་ལ་དགོངས་སུ་གསོལ༔ འགྲོ་བའི་མགོན་པོ་འདིར་གཤེགས་ཐུགས་རྗེས་དགོངས༔ ཐུགས་རྗེས་འདི་ལ་མ་བསྩལ་མི་འགྲུབ་ཅིང་༔ སྤྱན་རས་གཟིགས་ཀྱི་ལྷ་ཚོགས་སྐུ་གསུང་ཐུགས༔ བདག་ཅག་འགྲོ་རྣམས་ལུས་ངག་ཡིད་གསུམ་ཀུན༔ ཡེ་ནས་དབྱེར་མེད་ཡང་དག་དོན་གཅིག་ཀྱང་༔ མ་རྟོགས་འཁྲུལ་པས་འཁོར་བར་འཁྱམས་ལགས་ན༔ འཁོར་བ་ཉིད་ཀྱང་ཡེ་ནས་མྱ་ངན་འདསཿ སྐྱེ་ཤི་གཉིས་ཀྱང་ཡེ་ནས་བྱང་ཆུབ་ལམ༔ མཉམ་ཉིད་དོན་ལ་མ་སྐྱེས་ཆོས་ཀྱི་སྐུ༔ གསང་བ་འདུས་པའི་དངོས་གྲུབ་ཡོངས་རྫོགས་དེ༔ སྒྲུབ་མཆོག་རྫས་ལ་བརྟེན་ནས་ད་ལྟ་སྩོལ༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་མེ་པྲ་བེ་ཤ་སིདྡྷི་ཕ་ཕོ་ཧཱུྃ་ཧཱུྃ༔ ཞེས་མདུན་གྱི་ལྷ་ཚོགས་རྣམས་ལས་བྱིན་རླབས་དངོས་གྲུབ་ཆར་ལྟར་བབས་པས་བདག་དང་དམ་རྫས་ལ་ཐིམ་པར་བསམ༔ རྡོ་རྗེ་

[Full Size]

མཚམས་པས་བགེགས་བསྐྲད་བྱས་ལ་སྲུང་འཁོར་བསྒོམ༔ གོང་གི་དངོས་གྲུབ་རྫས་རྣམས་ཐམས་ཅད་དཀྱིལ་འཁོར་དང་རྡོ་རྗེ་སློབ་དཔོན་ལ་སུམ་ཆ་ཕུལ་ལ་མཆེད་རྣམས་རིམ་པར་ཟ་ལྷག་མི་བཞག་ཕྱི་མི་ལ་མི་སྦྱིན་པ་གལ་ཆེའོ༔ དེ་ལྟར་ལས་ཁྲི་གས་བཅོ་ལྔ་པས་དངོས་གཞིའི་སྒྲུབ་ཆེན་བསྟན་ཏོ༔ ཞེས་ཐུགས་རྗེ་ཆེན་པོ་གསང་འདུས་ཀྱི་སྒྲུབ་ཆེན་ཀུན་ལ་སྤྱི་འགྲེའོ༔ ཁྱད་པར་བུམ་སྒྲུབ་དུས་སུ་ནི༔ དེ་ནས་ཐུན་པ་ཡི་གེ་མི་ཤེས་པ་ཐམས་ཅད་ཀྱི་ཡིག་བདུན་ལྐོག་འབུག་ཏུ་བྱེད༔ ཡི་གེ་ཤེས་པ་ཐམས་ཅད་བླ་མའམ་ཐུན་དཔོན་པས་གཙོར་བྱས༔ འཆམ་གོས་མ་རལ་པད་ཞྭ་སོགས་གང་ཡོད་མེད་ན་ཆོས་གོས་སོགས་མནབ༔ སྤོས་མདའ་དར་མེ་ལོང་ཚོགས་རྣམས་ལག་ཏུ་བཀྱག་རོལ་མོ་གང་ཡོད་ཐོགས་ལ༔ བྷནྟའི་ནང་དུའམ་བསེ་ཕོར་རམ་དཀར་ཡོལ་དུ་བདུད་རྩི་ལ་ཆོས་སྨན་བཏབ་པ་བཟུང་༔ རོལ་མོ་ཐམས་ཅད་འཁྲོལ་ཞིང་དཀྱིལ་འཁོར་ལ་ལན་གསུམ་བསྐོརཿ ཕྱག་ན་ཕྱག་ཆ་མེད་པ་རྣམས་པད་ཀོར་བྱ་ཞིང་༔ དང་པོ་བྱིན་འབེབས་བྱ་བ་ནི༔ དབྱངས་དང་རོལ་མོ་བྱ་ཞིང་འདི་སྐད་དོ༔ ཧཱུྃ༔ སྟོང་གསུམ་ཕྱོགས་བཅུའི་འཇིག་རྟེན་ཁམསཿ རང་བཞིན་རྣམ་དག་དཀྱིལ་འཁོར་ནསཿ རྒྱལ་བ་རྒྱ་མཚོ་ཐམས་ཅད་ཀྱིས༔ གནས་མཆོག་འདི་རུ་བྱིན་ཕོབ་ཅིག༔ རྡོ་རྗེ་གདན་གྱི་ལྷོ་ནུབ་མཚམས༔ ཨོ་རྒྱན་ཤར་ཕྱོགས་འཕགས་པའི་གནས༔ རི་བོ་ཏ་ལའི་ཕོ་བྲང་ནས༔ ཐུགས་རྗེ་ཆེན་པོ་སྤྱན་རས་

[Full Size]

གཟིགས༔ རྒྱལ་བ་ཀུན་གྱི་ཡབ་གཅིག་པོ༔ དཀྱིལ་འཁོར་གཙོ་དང་འཁོར་བཅས་ཀྱིས༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་རྣམས་ལ་དབང་བཞི་བསྐུར༔ ཧེ་རུ་ཀ་ཡི་གནས་བཅུ་དང་༔ དུར་ཁྲོད་ཆེན་པོའི་གནས་མཆོག་བརྒྱད༔ འོག་མིན་ལྷུན་གྲུབ་གནས་མཆོག་ནས༔ སྐུ་གསུང་ཐུགས་ཡོན་ཕྲིན་ལས་བདག༔ ལྷ་དང་རིག་འཛིན་དམ་ཅན་གྱིསཿ དཀྱིལ་འཁོར་འདི་ལ་བྱིན་ཕོབ་ཅིག༔ སྒྲུབ་མཆོག་རྣམས་ལ་དབང་ཆེན་སྐུར༔ ཞི་ཚོགས་འོད་དང་ལམས་སེ་ལམ༔ ཁྲོ་ཚོགས་ཧཱུྃ་སྒྲ་དི་རི་རི༔ རིག་འཛིན་བྱིན་ཆེན་ཐིབས་སེ་ཐིབ༔ མཁའ་འགྲོའི་གར་སྟབས་ཤིགས་སེ་ཤིག༔ ཆོས་སྐྱོང་རུ་མཚོན་ལྷུབས་སེ་ལྷུབ༔ ཀུན་ཀྱང་སྔགས་སྒྲ་ཏི་རི་རི༔ ཕོ་རྒྱུད་གཡས་ནས་ཐིབས་སེ་ཐིབ༔ མོ་རྒྱུད་གཡོན་ནས་ཐིབས་སེ་ཐིབ༔ སིལ་སྙན་མང་པོ་སི་ལི་ལི༔ རྒྱན་ཆ་མང་པོ་ཁྲོ་ལོ་ལོ༔ ཕཊ་དང་ཕེ་སྒྲ་ཏི་རི་རི༔ རྩ་བ་གསུམ་གྱི་ལྷ་ཚོགས་རྣམས༔ སྔོན་གྱི་ཐུགས་དམ་མ་གཡེལ་ཅིག༔ རྒྱལ་བ་བྱིན་རླབས་མ་ཆུང་ཞིག༔ མཁའ་འགྲོ་དངོས་གྲུབ་མ་གཡེལ་ཅིག༔ དམ་ཅན་མཐུ་རྩལ་མ་ཆུང་ཞིག༔ གདུང་

[Full Size]

བས་ཐུགས་དམ་བསྐུལ་ལགས་སོ༔ རྟགས་དང་མཚན་མ་བསྟན་པ་དང་༔ སྐུ་གསུང་ཐུགས་ཀྱི་དངོས་གྲུབ་བསྩལ་དུ་གསོལ༔ ས་མ་ཡ་ཧོ༔ ས་མ་ཡ་སྟོ༔ ས་མ་ཡ་ཧོ༔ ཨ་ཝེ་ཤ་ཡ་ཨ་ཨཱ༔ ཞེས་གདུང་བའི་མོས་གུས་ཁ་ཙམ་མ་ཡིན་པར་བྱ༔ དེ་ནས་བསྟོད་པ་འདིའི་ཚིག་མཚམས་སུ་རོལ་མོ་དང་བཅས་བསྐོར་བའི་ཚུལ་དུ་གོམ་པ་ལྔ་དྲུག་རེ་དལ་བུའི་འཆམ་སྟབས་སུ་འགྲོ་ཞིང་འདི་སྐད་དོ༔ ཧཱུྃ༔ བདེ་གཤེགས་ཀུན་འདུས་ཐུགས་རྗེའི་ལྷ༔ རང་བྱུང་ཡེ་ཤེས་སྤྱན་རས་གཟིགས༔ དམར་གསལ་པད་ཕྲེང་བུམ་པ་འཛིན༔ གསང་ཡེ་རང་འདྲའི་ཡུམ་དང་འཁྲིལ༔ རབ་མཛེས་རྒྱན་རྫོགས་འོད་ལྔའི་ཀློང་༔ ཉི་ཟླ་པད་སྟེང་དགྱེས་པར་བཞུགས༔ སྐུ་གསུང་ཐུགས་ཡོན་ཕྲིན་ལས་རྫོགས༔ འཇིག་རྟེན་མགོན་ལ་ཕྱག་འཚལ་བསྟོད༔ དུས་གསུམ་བདེ་གཤེགས་རིགས་ཀྱི་བདག༔ ཚེ་ཡི་བདག་པོ་སྐུ་མདོག་དམར༔ མཉམ་བཞག་ཚེ་བུམ་རྒྱན་རྫོགས་སྤྲས༔ འོད་དཔག་མེད་ལ་ཕྱག་འཚལ་བསྟོད༔ ཐུགས་སྲོག་ཡེ་ཤེས་སེམས་དཔའི་སྐུ༔ དབང་ཆེན་དམར་པོ་གྲི་ཐོད་འཛིན༔ རྡོ་རྐད་འཚེར་ཞིང་བདུད་བཞི་འདུལ༔ དབང་སྡུད་མཛད་ལ་ཕྱག་འཚལ་བསྟོད༔ སྲས་མཆོག་ནོར་འཛིན་གསང་སྔགས་

[Full Size]

འཛིན༔ དཀར་དམར་རྒྱུན་མཛེས་པད་ཕྲེང་འཛིན༔ ཐབས་ཀྱི་འགྲོ་འདུལ་རིག་པ་འཛིན༔ ཐབས་ཤེས་སྲས་ལ་ཕྱག་འཚལ་བསྟོད༔ ཧཱུྃ༔ རྣམ་སྣང་འཁོར་ལོ་དྲིལ་བུ་འཛིན༔ ནམ་མཁའི་དབྱིངས་ཕྱུག་ཡུམ་དང་འཁྲིལ༔ གཏི་མུག་རྣམ་དག་དཀར་གསལ་མདོག༔ ཆོས་དབྱིངས་ཡེ་ཤེས་སྐུ་ལ་བསྟོད༔ ཧཱུྃ༔ མི་བསྐྱོད་རྡོ་རྗེ་དྲིལ་བུ་འཛིན༔ མཱ་ཀི་དབྱིངས་ཕྱུག་ཡུམ་དང་འཁྲིལཿ ཞེ་སྡང་རྣམ་དག་མཐིང་གསལ་མདོག༔ མེ་ལོང་ཡེ་ཤེས་སྐུ་ལ་བསྟོད༔ ཧཱུྃ༔ རིན་འབྱུང་རིན་ཆེན་དྲིལ་བུ་འཛིན༔ སངས་རྒྱས་སྤྱན་མ་ཡུམ་དང་འཁྲིལ༔ ང་རྒྱལ་རྣམ་དག་སེར་གསལ་མདོག༔ མཉམ་ཉིད་ཡེ་ཤེས་སྐུ་ལ་བསྟོད༔ ཧཱུྃ༔ སྣང་མཐའ་པདྨ་དྲིལ་བུ་འཛིན༔ གོས་དཀར་དབྱིངས་ཕྱུག་ཡུམ་དང་འཁྲིལཿ འདོད་ཆགས་རྣམ་དག་དམར་གསལ་མདོག༔ སོར་རྟོག་ཡེ་ཤེས་སྐུ་ལ་བསྟོད༔ ཧཱུྃ༔ དོན་གྲུབ་རྒྱ་གྲམ་དྲིལ་བུ་འཛིན༔ དམ་ཚིག་སྒྲོལ་མ་ཡུམ་དང་འཁྲིལ༔ ཕྲག་དོག་རྣམ་དག་ལྗང་གསལ་མདོག༔ བྱ་གྲུབ་ཡེ་ཤེས་སྐུ་ལ་བསྟོད༔ ཧཱུྃ༔ ས་ཡི་སྙིང་པོ་སྐུ་མདོག་དཀར༔ ཕྱག་ན་རིན་ཆེན་མྱུ་གུ་བསྣམས༔ ལཱ་སྱ་དཀར་

[Full Size]

མོས་མེ་ལོང་འཛིན་ཤར་གྱི་སེམས་དཔའི་སྐུ་ལ་བསྟོད༔ བྱམས་པ་མགོན་པོ་སྐུ་མདོག་དཀརཿ ཕྱག་ན་ཀླུ་ཤིང་དྲིལ་བུ་འཛིན༔ པུལླེ་དཀར་མོས་མེ་ཏོག་བསྣམས༔ ཤར་ལྷོ་སེམས་དཔའི་སྐུ་ལ་བསྟོད༔ ནམ་མཁའི་སྙིང་པོ་སྐུ་མདོག་མཐིང་༔ ཕྱག་ན་རལ་གྲི་དྲིལ་བུ་བསྣམས༔ དྷ་པེ་དཀར་མོས་སྤོས་ཕོར་འཛིན༔ ལྷོ་ཡི་སེམས་དཔའི་སྐུ་ལ་བསྟོད༔ སྒྲིབ་པ་རྣམ་སེལ་སྐུ་མདོག་དཀར། ཕྱག་ན་པུ་སྟེ་དྲིལ་བུ་བསྣམས༔ གནྡྷེ་དཀར་མོས་དུང་ཆོས་འཛིན༔ ལྷོ་ནུབ་སེམས་དཔའི་སྐུ་ལ་བསྟོད༔ སྤྱན་རས་གཟིགས་དབང་སྐུ་མདོག་དམརཿ ཕྱག་ན་པདྨ་དྲིལ་བུ་བསྣམས༔ གཱིརྟི་དམར་མོས་པི་ཝཾ་འཛིན༔ ནུབ་ཀྱི་སེམས་དཔའི་སྐུ་ལ་བསྟོད༔ ཀུན་ཏུ་བཟང་པོ་སྐུ་མདོག་མཐིང་༔ ཕྱག་ན་རིན་ཆེན་དྲིལ་བུ་བསྣམས༔ མཱ་ལེ་མཐིང་སྐྱེས་ཕྲེང་བ་འཛིན༔ ནུབ་བྱང་སེམས་དཔའི་སྐུ་ལ་བསྟོད༔ ཕྱག་ན་རྡོ་རྗེ་སྐུ་མདོག་ལྗང་༔ ཕྱག་ན་རྡོ་རྗེ་དྲིལ་བུ་བསྣམས༔ ནིརྟི་ལྗང་མོས་ཞལ་ཟས་འཛིན་ནུབ་བྱང་སེམས་དཔའི་སྐུ་ལ་བསྟོད༔ རྒྱལ་སྲས་འཇམ་དཔལ་སྐུ་མདོག་སེར༔ ཕྱག་ན་ཨུཏྤལ་དྲིལ་བུ་བསྣམས༔ ཨཱ་ལོ་སེར་མོས་མར་མེ་འཛིན༔

[Full Size]

བྱང་ཤར་སེམས་དཔའི་སྐུ་ལ་བསྟོད༔ ཧཱུྃ༔ བཅོམ་ལྡན་ལྷ་དབང་བརྒྱ་བྱིན་ནི༔ སྐུ་མདོག་དཀར་པོ་པི་ཝཾ་འཛིན༔ ཉོན་མོངས་ང་རྒྱལ་དག་པའི་སྐུ༔ ལྷ་ཡི་ཐུབ་པའི་སྐུ་ལ་བསྟོད༔ བཅོམ་ལྡན་ཐགས་བཟང་རྒྱལ་པོ་ནི༔ སྐུ་མདོག་སྔོན་པོ་རལ་གྲི་འཛིན༔ ཉོན་མོངས་ཕྲག་དོག་དག་པའི་སྐུ༔ ལྷ་མིན་ཐུབ་པའི་སྐུ་ལ་བསྟོད༔ བཅོམ་ལྡན་ཤཱཀྱ་ཐུབ་པ་ནི༔ སྐུ་མདོག་སེར་ཆེན་གསེག་ཤང་འཛིན༔ ཉོན་མོངས་འདོད་ཆགས་དག་པའི་སྐུ༔ མི་ཡི་ཐུབ་པའི་སྐུ་ལ་བསྟོད༔ བཅོམ་ལྡན་སེང་གེ་རབ་བརྟན་ནི༔ སྐུ་མདོག་སེར་ནག་པོ་ཏི་འཛིན༔ ཉོན་མོངས་གཏི་མུག་དག་པའི་སྐུ༔ བྱོལ་སོང་ཐུབ་པའི་སྐུ་ལ་བསྟོད༔ བཅོམ་ལྡན་ཁ་འབར་རྒྱལ་པོ་ནི༔ སྐུ་མདོག་དམར་པོ་སྒྲོམ་བུ་འཛིན༔ ཉོན་མོངས་སེར་སྣ་དག་པའི་སྐུ༔ ཡི་དྭགས་ཐུབ་པའི་སྐུ་ལ་བསྟོད༔ བཅོམ་ལྡན་ཆོས་ཀྱི་རྒྱལ་པོ་ནི༔ སྐུ་མདོག་མཐིང་ནག་མེ་ཆུ་འཛིན༔ ཉོན་མོངས་ཞེ་སྡང་དག་པའི་སྐུ༔ དམྱལ་བའི་ཐུབ་པའི་སྐུ་༔ ཧཱུྃ༔ བསྐལ་པ་བཟང་ལ་ཐུགས་བསྐྱེད་ནས༔ མཚན་མཆོག་སུམ་ཅུ་གཉིས་མངའ་ཞིང་༔ དཔེ་བྱད་བརྒྱད་ཅུས་རྣམ་པར་

[Full Size]

སྤྲས༔ སངས་རྒྱས་སྟོང་གི་སྐུ་ལ་བསྟོད༔ ཚངས་དབྱངས་གསུང་གི་ང་རོ་ཡིསཿ བསམ་གྱིས་མི་ཁྱབ་ཆོས་རྣམས་ནི༔ གང་ལ་གང་འདུལ་དེར་སྟོན་པའི༔ སངས་རྒྱས་སྟོང་གི་གསུང་ལ་བསྟོད༔ སྤྲོས་པ་མེད་པ་དབྱིངས་ཀྱི་ངང་༔ སྨྲ་བསམ་བརྗོད་དུ་མེད་པ་ལས༔ ཐུགས་རྗེས་འགྲོ་ཀུན་སྲིད་མཚོར་སྒྲོལ༔ སངས་རྒྱས་སྟོང་གི་ཐུགས་ལ་བསྟོད་ཁམ་གསུམ་སྲིད་པའི་སེམས་ཅན་རྣམསཿ ཉོན་མོངས་དུག་ལྔས་གཟིར་བ་ལཿ བརྩེ་ཆེན་ཐུགས་རྗེས་མ་ལུས་འདྲེན༔ སངས་རྒྱས་སྟོང་གི་ཡོན་ཏན་བསྟོད༔ འགྲོ་བའི་ལས་དང་བག་ཆགས་ཀྱི༔ གང་ལ་གང་འདུལ་མཛད་པ་ནི༔ འཁོར་བ་མ་སྟོང་བར་དུ་མཛད༔ སངས་རྒྱས་སྟོང་གི་ཕྲིན་ལས་བསྟོད༔ ཧཱུྃ༔ འཇིགས་བྱེད་བཛྲ་ཧེ་རུ་ཀ །ལྕགས་ཀྱུ་གཡས་ལ་སྡིགས་མཛུབ་གཡོན༔ འཇིགས་བརྒྱད་ཞི་བའི་ལས་མཛད་པའི༔ ཤར་སྒོའི་བདག་ལ་ཕྱག་འཚལ་བསྟོད༔ འཇིགས་བྱེད་རཏྣ་ཧེ་རུ་ཀ༔ བེ་ཅོན་གཡས་ལ་ཞགས་པ་གཡོན༔ འབྱོར་དྲུག་རྒྱས་པའི་ལས་མཛད་ཅིང་༔ ལྷོ་སྒོའི་བདག་ལ་ཕྱག་འཚལ་བསྟོད༔ འཇིགས་བྱེད་པདྨ་ཧེ་རུ་ཀ༔ དབྱུག་ཐོ་གཡས་ལ་ལྕགས་སྒྲོག་གཡོན༔

[Full Size]

ཁམས་གསུམ་དབང་དུ་སྡུད་མཛད་པའི༔ ནུབ་སྒོའི་བདག་ལ་ཕྱག་འཚལ་བསྟོད༔ འཇིགས་བྱེད་ཀརྨ་ཧེ་རུ་ཀ༔ རྒྱ་གྲམ་གཡས་ལ་དྲིལ་བུ་གཡོན༔ དགྲ་བགེགས་སྒྲོལ་བའི་ལས་མཛད་པའི༔ བྱང་སྒོའི་བདག་ལ་ཕྱག་འཚལ་བསྟོད༔ གཞན་ཡང་གསང་བ་འདུས་པ་ཡི༔ དཀྱིལ་འཁོར་མུ་རན་སྐྱོང་མཛད་པའི༔ དམ་ཚིག་རྗེས་གཅོད་བར་ཆད་སེལ༔ གིང་དང་ལང་ཀ་དབང་ཕྱུག་བཅས༔ དཀྱིལ་འཁོར་ལྷ་ལ་ཕྱག་འཚལ་བསྟོད༔ གཞན་ཡང་བཀའ་དང་བསྟན་པ་སྲུང་༔ ཆོས་སྐྱོང་སྲུང་མ་གཙོ་དང་འཁོར༔ ཤ་ཁྲག་སྲོག་ལ་མངའ་མཛད་ཅིང་༔ དགྲ་དང་བགེགས་ཀྱི་གཉན་པོར་ཆེ༔ མངོན་སྤྱོད་དྲག་པོའི་ཕྲིན་ལས་མཛད༔ དམ་ཅན་ཚོགས་ལ་ཕྱག་འཚལ་བསྟོད༔ དེ་ནས་བུམ་སྒྲུབ་གཞུང་གི་གསོལ་འདེབས་ཐུགས་དམ་གནད་ནས་བསྐུལ་བ་དེ་བྱ༔ དེ་ནས་རོལ་མོ་དང་རྒྱན་རྣམས་ཕུད་ལ་ཕྱག་འཚལ༔ ཐམས་ཅད་ཀྱིས་ཐལ་མོ་སྦྱར་ནས་ཐུན་དཔོན་གྱི་རྗེས་ཟློས་བྱས་ལ་ཧྲཱིཿ མ་བཅོས་ཆོས་དབྱིངས་སྤྲོས་དང་བྲལ་བ་ལས༔ ཐུགས་རྗེའི་རྣམ་འཕྲུལ་ཡིད་བཞིན་ནོར་བུ་ལྟརཿ བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལ༔ བདག་ཅག་མ་རིག་ལས་ངན་སྡིག་པོ་

[Full Size]

ཆེ༔ ཁམས་གསུམ་འཁོར་བའི་གནས་སུ་གཏན་འཁྱམ་ཞིང་༔ རིགས་དྲུག་འཁོར་བའི་གནས་ནས་ཐར་དུས་མེད༔ མཐའ་མེད་ཡུན་དུ་ཉམ་ཐག་འདི་འདྲ་མྱོང་༔ བྱམས་མགོན་ཐུགས་རྗེའི་སྤྱན་གྱིས་མ་གཟིགས་སམཿ འདི་ལ་མགོན་པོས་ཐུགས་རྗེའི་ཕྱག་བརྐྱངས་ལ༔ ཐར་པའི་ལམ་དུ་འདྲེན་པར་མཛད་དུ་གསོལ༔ རང་གི་རྣམ་སྨིན་སྡུག་བསྔལ་རྒྱུན་སྤྱོད་ན༔ འཕགས་པའི་ཐུགས་རྗེས་བདག་ལ་ཅི་ཞིག་བྱ༔ ཐབས་མཁས་ཐུགས་རྗེའི་ཞགས་པས་མཆིས་ལགས་ན༔ ད་ལྟ་ཉིད་དུ་འདྲེན་པར་མཛད་དུ་གསོལ༔ མས་གདུང་བུ་ལ་བརྩེ་བ་ཇི་བཞིན་དུ༔ ཐུགས་དམ་མ་གཡེལ་ཐུགས་རྗེའི་དབང་གི་ལྷ༔ ལས་ངན་མཐའ་ཟད་འཁོར་བ་དོང་སྤྲུགས་ནས༔ མགོན་པོ་ཁྱེད་ཀྱི་ཞབས་དྲུང་འདྲེན་དུ་གསོལ༔ བུམ་སྒྲུབ་གཞུང་ནས་གསོལ་བ་འདེབས༔ ་ཐུགས་དམ་གནད་ནས་བསྐུལ་བ་དེ་ཚར་གཅིག༔ དེ་ནས་རུ་ཏྲའི་སྨྲེ་བཤགས༔ ཐུགས་རྗེ་ཆེན་པོའི་སྨྲེ་སྔགས་ཀྱི་བསྟོད་པ་གཉིས་གཅིག་ཡིན་པས༔ ཐུགས་རྗེ་ཆེན་པོའི་སྨྲེ་སྔགས་བསྟོད་པ་དེ༔ དྲི་མེད་ཤེལ་མདོག་ཅེས་ཚིག་ཟུར་བསྒྱུར་ལ་ཚར་གཅིག་འདོན་ཏེ༔ རྗེས་ཟློས་མ་ཐོན་ཀྱང་གང་ཤེས་ཀྱིས་འདོན༔ ཤེལ་ལ་རིགས་མང་བས་དམར་པོར་འཇུག་རྒྱུའོ༔ བཀའ་སྲུང་བསྐང་གསོ་རྒྱས་པར་བྱ༔ དེ་ནས་ཐུན་པ་འགྲོ་དགོས་པ་

[Full Size]

རྣམས་ཀྱིས་ཤེས་ན་འདོན༔ མི་ཤེས་ན་རྗེས་ཟློས་བྱས་ལ་བཤགས་པ་དང་བསྡུ་ཆོག་བཀྲ་ཤིས་རྣམས་བྱ༔ ཕྱག་འཚལ་ནས་སོ་སོར་འགྲོའོ༔ འདུག་མི་རྣམས་སྔར་ལུགས་ལྟར་བྱ༔ ཤུ་བྷཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གསུར་བཏང་གསེར་སྐྱེབས།

[Full Size]

གསུར་བཏང་གསེར་སྐྱེམས་འཐོར་མདའ་དར་ཕྱར་ལ་འདི་སྐད་དོ།། ཧོཿ དགོངས་སུ་གསོལ་ལོ༔ གསན་དུ་གསོལ་ལོ༔ གཟིགས་སུ་གསོལ་ལོ༔ མཁྱེན་པར་གསོལ་ལོ༔ འཁོར་བ་དང་མྱ་ངན་ལས་འདས་པའི་ཞིང་ཁམས༔ རང་བཞིན་ལྷུན་གྲུབ་ཀྱི་གནས་ནས༔ རིག་འཛིན་མཁའ་འགྲོ་ཆོས་སྐྱོང་༔ དམ་ཅན་དགེ་བསྙེན་ཐམས་ཅད་གསོན་ཅིག༔ དགོངས་ཤིག༔ ངེད་ཅག་འདིར་འདུས་པའི་རྣལ་འབྱོར་པ་རྣམས་ནི༔ དད་གུས་ཆེ་བས་དམ་ཚིག་ནི་གཙང་༔ ངེས་འབྱུང་སྐྱེས་པས་བརྩོན་འགྲུས་ནི་ཚེ༔ གཞན་ཕན་བྱང་ཆུབ་ཀྱི་སེམས་དང་ལྡན་པས༔ སེམས་ཅན་ཐམས་ཅད་འཁོར་བ་དོང་ནས་སྤྲུགས་པའི་ཕྱིར་དུ༔ ཐུགས་རྗེ་ཆེན་པོའི་སྐྱེ་བདུན་ཤའི་སྒྲུབ་ཆེན་བྱེད་ཅིང་ཡོད་དོ༔ ཁྱེད་རྣམས་སྔོན་གྱི་ཐུགས་དམ་དང་དམ་ཚིག་ལས་མ་གཡེལ་བར༔ མཆོག་ཐུན་མོང་གི་དངོས་གྲུབ་ཐམས་ཅད་ད་ལྟ་ཉིད་དུ་སྐྱོལ་ཅིག༔ དམ་པ་ཆོས་ཀྱི་དངོས་གྲུབ་སྐྱོལ་ཤོག༔ འཆི་མེད་ཚེའི་དངོས་གྲུབ་སྐྱོལ་ཤོག༔ འཛད་མེད་ནོར་གྱི་དངོས་དངོས་གྲུབ་སྐྱོལ་ཤོག༔ བསྟན་སྲུང་མཐུ་ཡི་དངོས་གྲུབ་སྐྱོལ་ཤོག༔ སྙན་གྲགས་སྟོབས་ཀྱི་དངོས་གྲུབ་སྐྱོལ་ཤོག༔ རྨ་

[Full Size]

གཡང་ཟས་ཀྱི་དངོས་གྲུབ་སྐྱོལ་ཤོག༔ ལོངས་སྤྱོད་མངའ་ཐང་དངོས་གྲུབ་སྐྱོལ་ཤོག༔ འཇའ་ཚོན་མེ་ཏོག་ཆར་དང་རོལ་མོའི་སྒྲ་དང་བཅས་ཏེ་སྐྱོལ་ཤོག༔ སིདྡྷི་སིདྡྷི་ཛ་ཛཿ ཧཱུྃ་ཧཱུྃ༔ རྒྱུན་དུ་སྒྲུབ་པ་པོ་ལ་དངོས་གྲུབ་རྣམསཿ སྐྱེལ་བར་དམ་བཅའ་ཐུགས་རྗེའི་དམ་ཚིག་ཅན༔ རིག་འཛིན་མཁའ་འགྲོ་ཆོས་སྐྱོང་ཐམས་ཅད་ལ༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལཿ མཆོག་དང་ཐུན་མོང་དངོས་གྲུབ་རྒྱུན་དུ་སྐྱོལ༔ སྒྲུབ་པ་བྱེད་པའི་རྣལ་འབྱོར་བདག་ཅག་ལ༔ རྒྱུན་དུ་དངོས་གྲུབ་སྐྱོལ་བར་ཁས་བླངས་པའི༔ དམ་ཚིག་ལྡན་པའི་དགེ་བསྙེན་ཐམས་ཅད་ཀུན༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ སྔོན་གྱི་དམ་ཚིག་གཉེན་ལས་མ་འདའ་བར༔ སྒྲུབ་པ་འདི་ལ་དངོས་གྲུབ་རྒྱུན་དུ་སྐྱོལ༔ རྟགས་དང་མཚན་མ་བཟང་པོ་མྱུར་དུ་སྟོན༔ ཐོ་རངས་དུས་སུ་དངོས་གྲུབ་སྐྱེལ་བའི་ལྷ༔ སྐྱེས་བུ་ཆེན་པོ་གིང་གི་ཚོགས་བཅས་ལ༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ ཐོ་

[Full Size]

རངས་དུས་སུ་དངོས་གྲུབ་ཐམས་ཅད་སྐྱོལཿ ནམ་ལངས་དུས་སུ་དངོས་གྲུབ་སྐྱེལ་བའི་ལྷ༔ དཀར་མོ་སྡེ་བཞི་འཁོར་དང་བཅས་པ་རྣམས༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལཿ ནམ་ལངས་དུས་སུ་དངོས་གྲུབ་ཐམས་ཅད་སྐྱོལ༔ ཉི་ཤར་དུས་སུ་དངོས་གྲུབ་སྐྱེལ་བའི་ལྷ༔ རྡོ་རྗེ་སྲིན་པོ་འཁོར་དང་བཅས་པ་རྣམསཿ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ ཉི་ཤར་དུས་སུ་དངོས་གྲུབ་ཐམས་ཅད་སྐྱོལ༔ ཉི་དྲོས་དུས་སུ་དངོས་གྲུབ་སྐྱེལ་བའི་ལྷ༔ ཧ་ལུ་མུ་ཁ་འཁོར་དང་བཅས་པ་རྣམས༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ ཉི་དྲོས་དུས་སུ་དངོས་གྲུབ་ཐམས་ཅད་སྐྱོལ༔ ཉིན་ཕྱེད་དུས་སུ་དངོས་གྲུབ་སྐྱེལ་བའི་ལྷ༔ ཀླུ་རྒྱལ་དམ་ལྡན་འཁོར་དང་བཅས་པ་རྣམས་བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ ཉིན་ཕྱེད་དུས་སུ་དངོས་གྲུབ་ཐམས་ཅད་སྐྱོལ༔ དགོང་མོའི་དུས་སུ་དངོས་

[Full Size]

གྲུབ་སྐྱེལ་བའི་ལྷ༔ ཀླུ་སྨན་མཚོ་སྨན་འཁོར་དང་བཅས་པ་རྣམས༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ དགོང་མོའི་དུས་སུ་དངོས་གྲུབ་ཐམས་ཅད་སྐྱོལ༔ དམར་ཐག་ཆད་དུས་དངོས་གྲུབ་སྐྱེལ་བའི་ལྷ༔ ལྷ་སྲིན་སྡེ་བརྒྱད་འཁོར་དང་བཅས་པ་རྣམས༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལཿ ཉི་མ་དམར་ཐག་ཆད་དུས་དངོས་གྲུབ་སྐྱོལ༔ མུན་རུབ་དུས་སུ་དངོས་གྲུབ་སྐྱེལ་བའི་ལྷ༔ སྲིན་པོ་དམ་ལྡན་འཁོར་དང་བཅས་པ་རྣམས༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ མུན་རུབ་དུས་སུ་དངོས་གྲུབ་ཐམས་ཅད་སྐྱོལ༔ སྲོད་ཀྱི་དུས་སུ་དངོས་གྲུབ་སྐྱེལ་བའི་ལྷ༔ སྲིད་པའི་མ་མོ་འཁོར་དང་བཅས་པ་རྣམས༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ སྲོད་ཀྱི་དུས་སུ་དངོས་གྲུབ་ཐམས་ཅད་སྐྱོལ༔ ནམ་གྱི་གུང་ལ་དངོས་གྲུབ་སྐྱེལ་བའི་ལྷ༔ རེ་ཏི་མཆེད་བཞི་འཁོར་དང་བཅས་པ་རྣམས༔ བཟང་ཤིང་ཕྱེ་

[Full Size]

མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ ནམ་གྱི་གུང་ལ་དངོས་གྲུབ་ཐམས་ཅད་སྐྱོལ༔ ནམ་ནི་ཕྱེད་ཡོལ་དངོས་གྲུབ་སྐྱེལ་བའི་ལྷ༔ མ་མོ་བདུན་པོ་འཁོར་དང་བཅས་པ་རྣམས༔ བཟང་ཤིང་ཕྱེ་མར་གསུར་གྱི་དུད་པས་བསང་༔ གཙང་མ་གསེར་སྐྱེམས་ཕུད་ཀྱི་མཆོད་པ་འབུལ༔ ནམ་གྱི་ཕྱེད་ཡོལ་དངོས་གྲུབ་ཐམས་ཅད་སྐྱོལ༔ དེ་ལྟར་དུས་དང་དུས་མིན་རྒྱུན་དུ་ནི༔ སྒྲུབ་ལ་དངོས་གྲུབ་སྐྱེལ་བའི་ཐུགས་དམ་ཅན༔ ཐུགས་དམ་མ་གཡེལ་དམ་ཚིག་དུས་ལ་བབ༔ ངེད་རྣམས་གཞུང་བཞིན་སྒྲུབ་པ་བགྱིས་ལགས་ན༔ ཁྱེད་རྣམས་དམ་ཚིག་བཞིན་དུ་དངོས་གྲུབ་སྩོལ༔ ཚེ་བསོད་དམ་ཆོས་འགྲུབ་པའི་དངོས་གྲུབ་སྩོལ༔ འཆི་བ་མེད་པ་ཚེ་ཡི་དངོས་གྲུབ་སྩོལ༔ འཛད་པ་མེད་པ་ནོར་གྱི་དངོས་གྲུབ་སྩོལ༔ དགྲ་བགེགས་ཚར་གཅོད་མཐུ་ཡི་དངོས་གྲུབ་སྩོལ༔ སྙན་གྲགས་འཛམ་གླིང་ཁྱབ་པའི་དངོས་གྲུབ་སྩོལ༔ རྨ་གཡང་ཟས་ཀྱི་དངོས་གྲུབ་ཐམས་ཅད་སྩོལ༔ ལོངས་སྤྱོད་མངའ་ཐང་སྟོབས་ཀྱི་དངོས་གྲུབ་སྩོལ༔ ཕྱག་རྒྱ་ཆེན་པོ་མཆོག་གི་དངོས་གྲུབ་སྩོལ༔ གུ་རུ་དྷེ་ཝ་ཌཱཀྐི་ནཱི་སརྦ་དྷརྨ་པཱ་ལ་

[Full Size]

ལོ་ཀ་པཱ་ལ་སརྦ་སིདྡྷི་ཕ་ལ་ཧཱུྃ་ཧཱུྃ་ཛ་ཛཿ ཕོ་ཕོ་ཧཱིང་ཧྲིང་བཛྲ་ཨ་ཝེ་ཤ་ཡ་ཨ་ཨཱ༔ ཞེས་པ་སྒྲུབ་ཆེན་གཞུང་དང་རཏྣ་གླིང་པའི་ཞལ་གདམས་འདྲ་ཞིག་ལས་བྱུང་བ་ལྟར༔ འདོན་ཆ་སྔགས་འཆང་༧ ཨ་རཱ་གས་བུམ་སྒྲུབ་དུས་སྦྱར་བ་མངྒ་ལཾ༔ དགེའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་བ་འདུས་པ་ལས་བུམ་སྒྲུབ་སོགས་ཀྱི་ཉུལ་ལེ་བསྐྲད་པའི་ཟིན་བྲིས།

[Full Size]

ཐུགས་རྗེ་ཆེན་པོ་གསང་བ་འདུས་པ་ལས་བུམ་སྒྲུབ་སོགས་ཀྱི་ཉུལ་ལེ་བསྐྲད་པའི་ཟིན་བྲིས་བཞུགས་སོ།།

[Full Size]

ཐུགས་རྗེ་ཆེན་པོ་གསང་བ་འདུས་པའི་སྒྲུབ་ཆེན་བུམ་སྒྲུབ་སོགས་ཀྱི་ཉུལ་ལེ་བསྐྲད་པའི་ཟིན་བྲིས་ནི། སྒྲུབ་ཆེན་དུ་བཤད་ལྟར་ཉུལ་ལེའི་ལིང་ག་བྲུབ་ཁུང་དུ་བཅུག་པ་དེ་ཁ་ཕྱེས་ལ༔ བླ་མ་རྡོ་རྗེ་སློབ་དཔོན་ཡོད་ན་དེ་ཚེ་ཉམས་ལེན་ལྟ་བའི་ངང་ལ་བཞུགས༔ ཉུལ་ལེ་སྤྲོད་མཁན་བསྐོས་ཡོད་ན་དེས་བྱ༔ སྤྲོས་པ་ལ་དགའ་ན༔ འབག་དཀར་ནག་གཉིས་འཆམ་པའི་ལག་ཏུ་བོང་མཛེ་འུག་མགོའི་ཐོ་བ་དང་༔ མི་རྐང་གི་ལྕག་ཚན་མི་ལྤགས་ཀྱི་ལྕག་འབྲས་བཏགས་པ་ཡོད་ན་རབ༔ མི་གྲིར་ཤི་བའི་ལག་པ༔ ཁྲག་དང་མཚལ་གྱིས་བྱུགས་པའི་རལ་གྲི་སོ་གཉིས༔ ཐུན་རྫས་སྣ་ཚོགས་ཐོགས་ལ་འཆམ་ཞིང་ལིང་ག་ལ་གཟིར༔ མེད་ན་ཕུར་པ་དང་ཡུངས་དཀར་ཐུན་རྫས་གང་རྙེད་ཐོགས༔ འབག་འཆམ་སོགས་མི་འཛོམ་ན་ཐུན་དཔོན་ནམ་ཉུལ་ལེ་སྐྱོད་མཁན་རང་

[Full Size]

གིས་འདོན་ཆ་དུས་ཕུར་པས་གཟིར༔ ཐུན་བྲབ་པས་ཆོག༔ དང་པོ་རང་ཉིད་ཐུགས་རྗེ་ཆེན་པོའི་ཐུགས་ཀ་ནས་ཁྲོ་བོ་རྟ་མགྲིན་དམར་པོ་གྲི་ཐོད་འཛིན་པ་ཞིག་སྤྲོས་ལ༔ དེའི་ང་རྒྱལ་དུ་བཟུང་ནས་ལས་བྱང་ནང་གི་ཆེ་བ་བསྐྱེད་པ་འདི་འདོན་ཏེ༔ ཧཱུྃ༔ སྟོང་གསུམ་འཇིག་རྟེན་དབང་གི་དལ༔ ཡེ་ཤེས་མེ་དཔུང་ཕྱོགས་བཅུར་འབར༔ གཟུགས་སྣང་ཐམས་ཅད་ཁྲོ་བོའི་རྒྱལ༔ དབང་གི་རྟ་སྐད་སྟོང་གསུམ་ཁེངས༔ མ་མོ་མཁའ་འགྲོ་དབང་དུ་སྡུད༔ སྣང་སྲིད་ཐམས་ཅད་བྲན་དུ་ཁོལ༔ སྟོང་གསུམ་འདི་ན་སུ་ཡང་རུང་༔ ང་ལས་ཆེ་བཙན་སུ་ཡང་མེད༔ ང་ཡིས་བསྒོས་པའི་བཀའ་བཞིན་དུ༔ བཅོལ་བའི་ཕྲིན་ལས་

[Full Size]

འགྲུབ་པར་མཛོད༔ ཧཱུྃ་ཧཱུྃ་ཧྲཱིཿཧྲཱིཿབྷྱོ་བྷྱོཿ ཞེས་གྱེར་རོ༔ དེ་ནས་རྟ་མགྲིན་གྱི་ཐུགས་ཀ་ནས་འོད་ཟེར་འཕྲོས་པས་རང་བཞིན་གྱི་གནས་ནས་པདྨ་གསུང་གི་བཀའ་སྲུང་ཐམས་ཅད་དང་ཀུན་ཐུབ་རྒྱལ་མོ་སྤྱན་དྲངས་པར་བསམ་ལ་དམར་གཏོར་གཉིས་བྲན་ནས་བཞག་པ་ལ་གསོ་ཁྲན་རྣམས་བྱ༔ ཡང་ན་དམར་གཏོར་ཆུང་ངུ་གཉིས་བྲན་ལཿ ཧཱུྃ༔ རབ་འཇིགས་དུར་ཁྲོད་རྔམས་པའི་ཀློང་དཀྱིལ་ནས༔ པདྨ་གསུང་གི་བཀའ་སྲུང་སྐུར་བཞེངས་ཤིག༔ དམ་རྫས་བརྒྱན་པའི་གཏོར་མ་འདི་བཞེས་ལ༔ ཐུགས་དམ་གནད་ནས་བསྐུལ་ལོ་ཕྲིན་ལས་མཛོད༔ ཁམས་བརྒྱ་མ་དྲུག་དམུས་ལོང་སུམ་ཅུ་གཉིས༔ ཁྱི་བརྒྱད་སྤྱང་བརྒྱད་མེ་འབྲུག་རླུང་འབྲུག་དང་༔ དཀར་སེར་དམར་ལྗང་དྲ་བ་གློག་འགྱུ་མ༔ ཕོ་ཉ་བཀའ་སྲུང་དགྲ་འདུལ་ཐུགས་རྗེ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ དགྲ་བགེགས་གནོད་བྱེད་ཐལ་བ་རྡུལ་དུ་རློགས༔ ཐུགས་དམ་གནད་ནས་བསྐུལ་ལོ་ཕྲིན་ལས་མཛོད༔ ཨོ་ཀྲོ་དྷི་ཤྭ་རི་ཨ་མྲྀ་ཏ་བ་ལི་ཏ་རཀྟ་ཁཱ་ཧི༔ ཏྲི་པ་ཏྲི་པ་ཧཱུཾ་ཕཊ༔ ཁ་ལ་རོ་ཤ་ཁ་ལ་རོ་ཤ་ཧཱུཾ་ཕཊ༔ ཡཀྵ་ཀུན་བཻ་ཛཧཱུྃ་ཕཊ༔ ཛྭ་ལ་རཾ་ཛྭ་ལ་རཾ་ཧཱུྃ་ཕཊ༔ ཛྭ་ལ་ཨ་མུ་ཀཾ་ཛྭ་ལ་ཨ་མུ་ཀཾ་རཾ་ཧཱུྃ་ཕཊ༔ ཨ་་ཏ་རཀྟ་བ་ལིཾ་ཏ་ཁཱ་ཧི༔ ཞེས་

[Full Size]

སྤྱན་དྲངས་གཏོར་མ་བསྔོས་ནས་ཆད་ཅིང་བསྐུལ་པ་ནི༔ བཀའ་སྲུང་ཕོ་ཉ་རྣམས་ཀྱིས་གནོད་བྱེད་དམ་སྲི་ཉུལ་ལེ་ཐམས་ཅད་བཀུག་ཅིང་བྲུབ་ཁུང་ནང་དུ་བཅུག་པར་བསྒོམས་ཏེ༔ ཕཊ་ཨེ་ཡཾ་རཾ་ཁཾ༔ མདུན་དུ་དུག་གསུམ་ལས་གྲུབ་པའི་བཙོན་ཁང་དུས་མཐའི་ཆར་སྤྲིན་ལྟར་ནག་པ༔ ཁ་དོག་ཅིང་མཐིལ་ཡངས་པ༔ ཟིན་ནས་ཐར་དབང་མེད་པ༔ འདོད་ཆགས་ཁྲག་གི་རྒྱ་མཚོ་ཁོལ་བ༔ ཞེ་སྡང་གི་མེ་འབར་བ༔ གཏི་མུག་གི་མུན་པ་འཐིབས་པ༔ ཕྲག་དོག་གི་རླུང་འཚུབ་པ༔ སྟེང་ནས་ཐོག་དང་མཚོན་ཆའི་ཆར་འབེབས་པའི་ནང་དུ་རྩྭ་དང་སྲིད་ལས་སྐྱེས་པའི་གནོད་བྱེད་དམ་སྲི་ཁ་ངུ་བ༔ མིག་ཤི་མིག༔ ལག་པ་གཡས་ཀྱིས་སྐྲ་འབལ་ཞིང་༔ གཡོན་པས་བྲང་རྡུང་བ༔ རྐང་ལག་ལྕགས་སུ་བཅུག་པ༔ བུ་ག་དགུ་ནས་ཁྲག་འཛག་པ༔ ཉམ་ཐག་དབུགས་དང་བྲལ་ལ་ཁད་པ་འདར་ཕྲི་ལི་ལི་བྱེད་པ་ཞིག་ཏུ་གྱུར༔ ན་མོ༔ དྲིན་ཅན་རྩ་བ་དང་བརྒྱུད་པའི་བླ་མ་དམ་པ་རིག་འཛིན་གྲུབ་ཐོབ་རྒྱ་མཚོའི་ཚོགས་དང་བཅས་པའི་བཀའ་བདེན་པ་དང་༔ ཐུགས་རྗེ་ཆེན་པོ་གསང་བ་འདུས་པ་ལ་སོགས་པ་རྒྱུད་སྡེ་དྲུག་གི་ལྷ་ཚོགས་རྣམས་ཀྱི་བདེན་པ་དང་༔ བསྐལ་པ་བཟང་པོའི་སངས་རྒྱས་སྟོང་

[Full Size]

རྩ་གཉིས་ལ་སོགས་པ་དཀོན་མཆོག་རིན་པོ་ཆེ་གསུམ་གྱི་བདེན་པ་དང་༔ བཀའ་སྲུང་བསྟན་སྲུང་དམ་ཅན་རྒྱ་མཚོའི་བདེན་པ་དང་༔ བདེན་པ་ཆེན་པོའི་མཐུསཿ སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ་རྣལ་འབྱོར་པ་བདག་ཅག་དཔོན་སློབ་ཡོན་མཆོད་བསྲུང་བྱ་མི་ནོར་འཁོར་དང་བཅས་པ་ལ་གནོད་ཅིང་འཚེ་བའི་གདོན་བགེགས༔ ཁྱད་པར་དུ་ཡང་སྒྲུབ་པ་ཟབ་མོ་འདི་ལ་བར་དུ་གཅོད་ཅིང་གླགས་ཚོལ་བར་བྱེད་པའི་ཉུལ་ལེ༔ ནག་མོ་བྱ་རོག་སྐད་འགྱུརཿ གྲོང་རྐུན་ནག་མོ༔ འདོད་ཆགས་དམར་མོ་ར་ནུ༔ གནམ་སྨན་དུན་རྩེ༔ ལག་བསེ་མགོ་དམར༔ གནམ་ཐེལ་ནག་པོ༔ ཀླུ་སྲིན་སྔོན་མོ༔ ཀླུ་ཆེན་འཁྱམས་པོ༔ ས་བདག་མ་ཡམས༔ བདུད་དང་ཐེའུ་རང་༔ དམ་སྲི་སྤུན་གསུམ༔ རྒྱལ་འགོང་ཀླུ་སྲིན༔ བཙུན་པ་ཁྲིམས་ཉམས༔ སྔགས་པ་དམ་ཉམས༔ བོན་པོ་ལྟ་ལོག༔ དྲེད་པོ་དཀོར་སྲེད་ཅན་འདྲེར་སྐྱེས་པ་ལ་སོགས་པ༔ ཏིང་ངེ་འཛིན་བྱིང་རྨུགས་སུ་གཏོང་བར་བྱེད་པ༔ གསང་བའི་དཀྱིལ་འཁོར་བཤིག་པར་བྱེད་པ༔ མར་མེའི་མདངས་འཕྲོག་པར་བྱེད་པ༔ ལྷ་ཆའི་སྐད་ཉམས་པར་བྱེད་པ༔ སྒྲུབ་པའི་དྲོད་དང་དངོས་

[Full Size]

གྲུབ་འཕྲོག་པར་བྱེད་པ༔ ལྷ་མིན་ལྷ་རུ་བརྫུ་བར་བྱེད་པ༔ མགོ་གཡོག་མགོ་སྐོར་རྒྱུག་ལོག་འཕར་ལྡང་བྱེད་པ༔ ཚེ་བསོད་ནམས་ཁ་རྗེ་དབང་ཐང་ལ་གནོད་ཅིང་འཚེ་བར་བྱེད་པའི་འབྱུང་པོ་དམ་སྲི་སྒབ་འདྲེ་ཐམས་ཅད་ད་ལྟ་ཉིད་དུ་གཟུགས་ལིང་ག་འདི་ལ་ཁུག་ཅིག༔ བཛྲ་ཨངྐུ་ཤ་ཛཿ བཛྲ་པཱ་ཤ་ཧཱུྃ༔ བཛྲ་སྤོ་ཊ་བཾ༔ བཛྲ་གྷནྡྷེ་ཧོ༔ ཞེས་ལན་གསུམ་མམ་དྲག་ཏུ་བཀུག་ཅིང་དབྱེར་མེད་དུ་ཐིམ་པར་བསམ་ལ་རྫ་དྲག་ཏུ་བརྡུང་༔ དམ་སྲི་འདུལ་བའི་ཕོ་ཉ་བསྐུལ་ཏེ༔ སྒྲུབ་ཆེན་ཕོ་ཉ་སྒོས་བསྐུལ་བྱ་གསུངས་པའི་དོན༔ འདི་པདྨ་གསུང་གི་དཀྱིལ་འཁོར་རྐྱང་པ་ཡིན་པས་བཀའ་བརྒྱད་ཀྱི་ཕོ་ཉ་ཐམས་ཅད་བསྐུལ་ན་འབྲེལ་མི་ཆགས་པསཿ འདིར་པདྨ་གསུང་གི་ཕོ་ཉ་བསྐུལ་ཏེ༔ ཧཱུྃ༔ སྐུ་ལས་སྤྲུལ་པའི་ཁམས་བརྒྱ་མོ༔ དུང་གི་དྲེད་མོང་མགོ་གསུམ་མ༔ གསུང་ལས་སྤྲུལ་པའི་ཁམས་བརྒྱ་མོ༔ ཟངས་ཀྱི་འཕར་བ་མགོ་བརྒྱ་མོ༔ ཐུགས་ལས་སྤྲུལ་པའི་ཁམས་བརྒྱ་མོ༔ ལྕགས་ཀྱི་སྤང་མོ་མགོ་དགུ་མ༔ ཡོན་ཏན་སྤྲུལ་པའི་ཁམས་བརྒྱ་མོ༔ གཡུ་ཡི་ཁྱི་མོ་མགོ་གསུམ་མ༔ ཕྲིན་ལས་སྤྲུལ་པའི་ཁམས་བརྒྱ་མོ༔ གསེར་གྱི་སེང་གེ་མགོ་བཅུ་མ༔ གཉིས་མེད་སྤྲུལ་པའི་ཁམས་བརྒྱ་མོ༔ དུང་གི་སེང་གེ་མགོ་བཅུ་

[Full Size]

མ༔ ཧཱུྃ༔ ཤར་ཕྱོགས་ལོང་བ་རྒྱབ་འབྲེལ་ནི༔ འབྲུག་རྗེ་སྔོན་མོ་ཆིབས་སུ་ཆིབས༔ ན་བཟའ་ལེ་བརྒན་དམར་པོ་གསོལ༔ ཕྱག་ན་ལྕགས་ཀྱུ་དགྲ་སྟ་བསྣམས༔ དབུ་ཡི་རལ་པ་ཚར་རེ་ལ༔ གཟའ་རྒོད་མིག་དམར་ཆར་དུ་འབེབས༔ སྤྲུལ་པ་དམུས་ལོང་བཅོ་ལྔས་བསྐོར༔ ཧཱུྃ༔ ལྷོ་ཕྱོགས་ལོང་བ་རྒྱབ་འབྲེལ་ནི༔ ལྕགས་ཀྱི་སྡིག་པ་ཆིབས་སུ་ཆིབས༔ ན་བཟའ་ཞིང་གི་རས་སྨད་གསོལ༔ ཕྱག་ན་ལྕགས་ཀྱི་ཁྱུང་ཆེན་བསྣམས༔ དབུ་ཡི་རལ་བ་ཚལ་རེ་ལ་ཉི་མ་འབུམ་གྱི་ཆར་དུ་འབེབས༔ སྤྲུལ་པ་དམུས་ལོང་བཅོ་ལྔས་བསྐོརཿ ཧཱུྃ་ནུབ་ཕྱོགས་ལོང་བ་རྒྱབ་འབྲེལ་ནི༔ བ་གླང་དམར་པོ་ཆིབས་སུ་ཆིབས༔ ན་བཟའ་གཡུ་འབྲུག་ལྤགས་པ་གསོལ༔ ཕྱག་ན་སྦྲུལ་གྱི་ཞགས་པ་བསྣམས་དབུ་ཡི་རལ་བ་ཚར་རེ་ལ༔ དུག་དང་མེ་ཡི་ཆར་དུ་འབེབས༔ སྤྲུལ་པ་དམུས་ལོང་བཅོ་ལྔས་བསྐོར༔ ཧཱུྃ༔ བྱང་ཕྱོགས་ལོང་བ་རྒྱབ་འབྲེལ་ནི༔ ཆིབས་སུ་དྲེད་མོང་ཁམ་པ་ཆིབས༔ ན་བཟའ་ཞིང་གི་པགས་པ་གསོལ༔ ཕྱག་ན་ཞིང་གི་དབྱུག་ཏོ་བསྣམས༔ ་དབུ་ཡི་རལ་པ་ཚལ་རེ་ལ༔ གྲི་མཚོན་ནད་ཀྱི་ཆར་པ་འབེབས༔ སྤྲུལ་པ་

[Full Size]

དམུས་ལོང་བཅོ་ལྔས་བསྐོར༔ ཧཱུྃ༔ ཤར་ཕྱོགས་ཁྱབ་པར་རྒྱུག་པའི་ཁྱི༔ དུང་གི་ཁྱི་མོ་རལ་པ་ཅན༔ ལྷོ་ཕྱོགས་ཁྱབ་པར་རྒྱུག་པའི་ཁྱི༔ གསེར་གྱི་ཁྱི་མོ་རལ་པ་ཅན༔ ནུབ་ཕྱོགས་ཁྱབ་པར་རྒྱུག་པའི་ཁྱི༔ ཟངས་ཀྱི་ཁྱི་མོ་རལ་པ་ཅན༔ བྱང་ཕྱོགས་ཁྱབ་པར་རྒྱུག་པའི་ཁྱི༔ གཡུ་ཡི་ཁྱི་མོ་རལ་པ་ཅན༔ ཤར་ལྷོ་མཚམས་ནས་རྒྱུག་པའི་ཁྱི༔ བྱི་རུའི་ཁྱི་མོ་རལ་པ་ཅན༔ ལྷོ་ནུབ་མཚམས་ནས་རྒྱུག་པའི་ཁྱི༔ མཆོང་གི་ཁྱི་མོ་རལ་པ་ཅན༔ ནུབ་བྱང་མཚམས་ནས་རྒྱུག་པའི་ཁྱི༔ བསེ་ཡི་ཁྱི་མོ་རལ་པ་ཅན༔ བྱང་ཤར་མཚམས་ནས་རྒྱུག་པའི་ཁྱི༔ ཤེལ་གྱི་ཁྱི་མོ་རལ་པ་ཅན༔ དཔལ་གྱི་ཁྲི་བརྒྱད་ཐུགས་དམ་ཅན༔ ཀུན་ཀྱང་འཇིགས་ཚུལ་རྔམས་པའི་གཟུགས༔ མཆེ་བ་སྤུ་གྲི་གཏམས་པ་འདྲ༔ མིག་ནས་ཉི་ཟླའི་ཟེར་ལྟར་འཚེར༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧཱུྃ༔ ཤར་གྱི་ཕྱོགས་ནས་རྒྱུག་པ་ནི༔ དུང་གི་སྤྱང་མོ་རལ་པ་ཅན༔ ལྷོ་ཡི་ཕྱོགས་ནས་རྒྱུག་པ་ནི༔ གསེར་གྱི་སྤྱང་མོ་རལ་པ་ཅན་ནུབ་ཀྱི་ཕྱོགས་ནས་རྒྱུག་པ་ནི༔ ཟངས་ཀྱི་སྤྱང་མོ་རལ་པ་ཅན༔ བྱང་གི་ཕྱོགས་ནས་རྒྱུག་པ་ནི༔ གཡུ་

[Full Size]

ཡི་སྤྱང་མོ་རལ་པ་ཅན༔ ཤར་ལྷོ་མཚམས་ནས་རྒྱུག་པ་ནི༔ མཐིང་གི་སྤྱང་མོ་རལ་པ་ཅནུ༔ ལྷོ་ནུབ་མཚམས་ནས་རྒྱུག་པ་ནི༔ མུ་མེན་སྤྱང་མོ་རལ་པ་ཅན༔ ནུབ་བྱང་མཚམས་ནས་རྒྱུག་པ་ནི༔ མཆོང་གི་སྤྱང་མོ་རལ་པ་ཅན༔ བྱང་ཤར་མཚམས་ནས་རྒྱུག་པ་ནི༔ ར་གན་སྤྱང་མོ་རལ་པ་ཅན༔ སྤྱང་མོ་རོ་ཤལ་ཐུགས་དམ་ཅན༔ ཀུན་ཀྱང་སྤྱན་གྱིས་དུར་ཁྲོད་གཟིགསཿ ལས་སུ་དུར་ཁྲོད་གནས་སུ་རྒྱུག༔ ཁ་ནས་རོ་ཤལ་དུར་ཐག་གཅོད༔ མ་ཐོགས་མྱུར་དུ་ཕྲིན་ལས་མཛོད༔ ཧཱུྃ༔ ཤར་གྱི་ཕྱོགས་ཀྱི་ཕོ་ཉ་ནི༔ དཀར་མོ་ཟླ་འདབ་འཇིགས་པའི་གཟུགས༔ ལྷོ་ཡི་ཕྱོགས་ཀྱི་ཕོ་ཉ་ནི༔ སེར་མོ་ཉི་འདབ་འཇིགས་པའི་གཟུགས༔ ནུབ་ཀྱི་ཕྱོགས་ཀྱི་ཕོ་ཉ་ནི༔ དམར་མོ་བསེ་འདབ་འཇིགས་པའི་གཟུགས༔ བྱང་གི་ཕྱོགས་ཀྱི་ཕོ་ཉ་ནི༔ སྔོན་མོ་ཆུ་འདབ་འཇིགས་པའི་གཟུགས༔ ཀུན་ཀྱང་ལྗགས་ལ་གློག་འགྱུ་མ༔ འཇིག་རྟེན་ཁམས་རྣམས་སྲེག་པར་བྱེད༔ ཞལ་ནས་ཆུ་འབབ་རྦ་རླབས་འཁྲུགས༔ ཤངས་ནས་རླུང་འཐོར་བུ་ཡུག་འཚུབ༔ སྤྱན་ནས་ཁྲོ་ཆུའི་ཐོག་ཀྱང་འབེབས༔ ལྗགས་ལས་སྤྲུལ་པའི་ཕོ་ཉ་འགྱེད༔ མཆེ་བས་ཁམས་

[Full Size]

གསུམ་སྒྲོལ་བར་བྱེད༔ ཕོ་ཉ་ཆེན་པོ་ཁྱེད་རྣམས་ཀྱང་༔ མ་ཐོགས་མྱུར་དུ་ཕྲིན་ལས་མཛོད༔ ཧཱུྃ༔ རླུང་འབྲུག་སྐུ་མདོག་མཐིང་ནག་ལ༔ རིན་ཆེན་གཡུ་ཡི་འདབ་གཤོག་ཅན༔ མེ་འབྲུག་སྐུ་མདོག་དམར་པོ་ལ༔ འབར་བ་མེ་ཡི་འདབ་གཤོག་ཅན༔ ཆུ་འབྲུག་སྐུ་མདོག་སྔོ་ནག་ལཿ གདུག་པ་སྦྲུལ་གྱི་འདབ་གཤོག་ཅན༔ གཅིག་ནི་སྣ་ཚོགས་གཟུགས་ཅན་མ༔ རྡོ་རྗེའི་འདབ་གཤོག་འབར་བས་གཏམས༔ ཀུན་ཀྱང་འབྲུག་སྒྲ་འུ་རུ་རུ༔ ཁ་ནས་གློག་དམར་ཁྱུགས་སེ་ཁྱུག༔ དམ་ཉམས་དགྲ་ལ་རྒོད་པའི་ཚེ༔ རྐད་ཅིག་ཡུད་ཀྱིས་དགྲ་བགེགས་སྒྲོལ༔ པདྨ་གསུང་གི་བཀའ་སྲུང་ཐུགས་དམ་ཅན༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ ཏྲི་པ་ཏྲི་པ་ཧཱུྃ་ཕཊ༔ ཁ་ལ་རོ་ཤ་ཁ་ལ་རོ་ཤ་ཧཱུཾ་ཕཊ༔ ཡཀྵ་ཀུན་བཻ་ཛཧཱུྃ་ཕཊ༔ ཛྭ་ལ་རཾ་ཛྭ་ལ་རཾ་ཧཱུྃ་ཕཊ༔ ས་མ་ཡ་ཡཀྵ་ཧཱུྃ་ཕཊ༔ ཛྭ་ལ་ཨ་མུ་ཀ་ཛྭ་ལ་ཨ་མུ་ཀ་རཾ་ཧཱུྃ་ཕཊ༔ ཅེས་བྱས་ལ་གཏོར་མ་འབུལ། དེ་ནས་ཀུན་ཐུབ་རྒྱལ་མོ་བསྐུལ་ལ་གཏོར་མ་འབུལ་ལོ། །ཨ་རཱ་གས་སོ།། །།

[Full Size]

ཤོག་སྟོང་།

ཐུགས་རྗེ་ཆེན་པོ་གསང་བ་འདུས་པའི་བཀའ་སྲུང་གཙོ་མོ་དཔལ་ལྡན་སྔགས་ཀྱི་སྲུང་མའི་གསོལ་མཆོད།

[Full Size]

ཐུགས་རྗེ་ཆེན་པོ་གསང་བ་འདུས་པའི་བཀའ་སྲུང་གཙོ་མོ་དཔལ་ལྡན་སྔགས་ཀྱི་སྲུང་མའི་གསོལ་མཆོད་བཞུགས་སོ༔

[Full Size]

སྔགས་སྲུང་མོ་རྒྱུད་སྤྱི་གཏོར་སྙིང་གིས་མཚན༔ ན་མོ༔ རིག་འཛིན་བརྒྱུད་པའི་བླ་མ་རྣམས་ཀྱི་བདེན་པ་དང་༔ ཡི་དམ་ཞི་ཁྲོ་རབ་འབྱམས་བཀའ་སྲུང་དམ་ཅན་རྒྱ་མཚོའི་བདེན་པ་དང་༔ བདེན་པ་ཆེན་པོའི་མཐུས་བདག་གིས་ཐུགས་རྗེ་ཆེན་པོ་སྒྲུབ་པ་དང་༔ མྱང་གྲོལ་སྐྱེ་བདུན་ཤའི་སྒྲུབ་པ་བྱེད་པ་ལ་བར་དུ་གཅོད་པའི་དགྲ་བགེགས་ཐམས་ཅད་གཏོར་མ་འདི་ལ་ཁུག་ཅིག༔ བཛྲ་ཨངྐུ་ཤ་ཛཿ ཛཧཱུྃ་བཾ་ཧོ༔ གདོན་བྱེད་གྲ་བགེགས་ཀྱི་བླ་སྲོག་ཤ་ཁྲག་འོད་དུ་ཞུ་བ་ལས་བྱུང་བའི་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་ནམ་མཁའ་དང་མཉམ་པར་གྱུར༔

[Full Size]

ཨོཾ་ཨཱཿཧཱུྃ་ཧ་ཧོ་བྷིསྭཱ་ཧཱཿ རང་མདུན་ཁྲག་མཚོ་ཀེང་རུས་རཿ ཉི་ཟླ་པདྨའི་སྟེང་དུ་ཁྲག༔ དེ་ལས་སྔགས་ཀྱི་སྲུང་མ་སྨུག་སྤྱན་གཅིག་མཆེ་གཅིག་ནུ་གཅིག་མ༔ རལ་པ་དམར་སེར་འཁྱིལ་པའི་དཀྱིལ༔ གཡུ་ཡི་རལ་གཅིག་འཁྱིལ་ཞིང་འགྲེང་༔ ཕྱག་གཉིས་ཙིཏྟ་ཞིང་དབྱུག་འཛིན༔ གཅེར་བུ་གཡས་བསྐུམ་གཡོན་བརྐྱང་འགྱིང་༔ འཁོར་ཚོགས་བཅས་པ་སྤྱན་དྲངས་གྱུར༔ བྷོ༔ ནམ་མཁའི་དབྱིངས་ཀྱི་དཀྱིལ་འཁོར་ནསཿ ཀུན་ཏུ་བཟང་མོའི་སྤྲུལ་པ་སྟེ༔ སྒེག་མོ་རལ་གཅིག་མཐུ་མོ་ཆེ༔ ཁྲོས་པའི་རྒྱལ་མོ་གཤེགས་སུ་གསོལ༔ ཡུམ་

[Full Size]

མཆོག་ཨེ་ཀ་ཙ་ཏི་མ༔ ཡེ་ཤེས་མ་མོ་ལྔ་དང་བཅས༔ དཔོན་གཡོག་འཁོར་བཅས་གཤེགས་སུ་གསོལ༔ དུར་ཁྲོད་རོལ་པའི་དཀྱིལ་འཁོར་འདིར༔ ཉི་ཟླ་པདྨའི་གདན་ལ་བཞུགས༔ ལུས་ངག་ཡིད་གསུམ་གུས་ཕྱག་འཚལ༔ ཨོཾ་རུ་ལུ་ཨེ་ཀ་ཙ་ཏི་སྙིང་ཁ་རགློ་རུ་ལུ་རུ་ལུ་ཧཱུྃ་བྷོཧཱུྃ་ཛཿ ཛཿ ཛཿཧཱུྃ་བཾ་ཧོ༔ ཏིཥྛ་ལྷན༔ ཨ་ཏི་པཱུ་ཧོ༔ བྷོ༔ དཔལ་ལྡན་སྔགས་ཀྱི་སྲུང་མ་ལ༔ མཐུན་པའི་རྫས་ཀྱིས་བསྐང་བ་ནི༔ ཤ་ཁྲག་དམར་གྱི་གཏོར་མ་དང་༔ བདུད་རྩི་སྨན་གྱི་མཆོད་པ་དང་༔ རཀྟ་དམར་གྱི་ཨརྒྱུ་དང་༔ ཞུན་ཆེན་མར་མེ་གསུར་དུད་དང་༔ ཞལ་ཟས་ཚོགས་ཀྱི་མཆོད་པ་ཡིས༔ སྨུག་ནག་འཁོར་བཅས་ཐུགས་དམ་བསྐང་༔ དཔལ་ལྡན་ཨེ་ཀ་ཙ་ཏི་མ༔ མ་དང་སྲིང་མོའི་ཚོགས་བཅས་ལ༔ མེ་ཏོག་བདུག་སྤོས་མར་མེ་དྲི༔ ཞལ་ཟས་སིལ་སྙན་རོལ་མོ་དང་༔ དངོས་འབྱོར་ཡིད་སྤྲུལ་མཆོད་པའི་ཚོགས༔ ཐུགས་དམ་གཉེན་པོ་བསྐང་ཕྱིར་འབུལ༔ སྔགས་སྲུང་འཁོར་བཅས་མཉེས་གྱུར་ཅིག༔ ཨོ་ཨེ་ཀ་ཙ་ཏི་བྷོ་ཛཿ ས་པཱ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ སརྦ་པཉྩ་ཨ་མྲྀ་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ ཨརྒྷཾ༴ ཧཱུྃ༔

[Full Size]

དཔལ་ལྡན་གཙོ་མོ་ཨེ་ཀ་ཙ་ཏི་མ༔ བསྐལ་པ་ཞིང་གི་རྡུལ་རྙེད་འཁོར་དང་བཅསཿ རུ་ལུའི་སྒྲ་སྐད་ནམ་མཁའི་འབྲུག་ལྟར་སྒྲོགས༔ ཡེ་ཤེས་ལས་ཀྱི་གཙོ་མོ་ཁྱོད་ལ་བསྟོད༔ སྨུག་ནག་ཁྲོས་མ་ཞལ་གཅིག་ཕྱག་གཉིས་མ༔ རལ་པ་གཅིག་འཕྱང་མིག་གཅིག་སྟོང་ཁམས་གཟིགསཿ ཚེམས་གཅིག་ནུ་གཅིག་ཞིང་དབྱུག་སྙིང་ཞགས་འཛིན༔ བསྟན་པ་སྲུང་མཛད་ཁྱོད་ལ་ཕྱག་འཚལ་བསྟོད༔ ནམ་མཁའི་དབྱིངས་ནས་སྲིད་པའི་རྒྱལ་མོ་ནི༔ ནག་མོ་ཁྲག་རལ་དུར་ཁྲོད་ཆས་ཀྱིས་བརྒྱནེ༔ དབུ་གསུམ་སྤྱན་དགུ་སྲིད་གསུམ་བྱ་ར་མཛད༔ ཞལ་གདངས་མཆེ་གཙིག་ཁམས་གསུམ་སྐྱེ་འཆི་གཅོད༔ ཞབས་གཉིས་བརྐྱང་བསྐུམ་ཁྲག་མཚོའི་དཀྱིལ་ནས་བཞེངས༔ གཡས་ཀྱི་ཕྱག་དྲུག་མཆོག་ཆེན་ཕུར་པ་དྲུག༔ གཡོན་དྲུག་སེང་ལྡེང་ཕུར་པ་དྲུག་འདྲིལ་བ༔ དགྲ་བགེགས་དབང་པོ་ཡན་ལག་འཇོམས་པར་བྱེད༔ ཀུན་ཏུ་བཟང་མོའི་སྤྲུལ་པ་ཁྱོད་ལ་བསྟོད་སྨུག་ནག་སྐུ་ནི་ནམ་མཁའི་ཁམས་དང་མཉམ༔ ཁྲོ་གཉེར་ཞལ་ལ་སྤྱན་གཅིག་མཆེ་གཅིག་གཙིགས༔ ཐོར་ཚུགས་རལ་པའི་ཟར་བུ་གཡོན་དུ་འཁྱིལ༔ ཕྱག་གཉིས་ཁཊ་ཐོད་པ་

[Full Size]

ཁྲག་བཀང་བསྣམས༔ སྐུ་སྤྲུལ་རལ་གཅིག་མ་ལ་ཕྱག་འཚལ་བསྟོད༔ གཡུ་ཡི་རལ་གཅིག་གཤོག་གཅིག་རྐང་གཅིག་མ༔ ཕྱག་གཉིས་ཙིཏྟ་དང་ནི་ནད་རྐྱལ་བསྣམས༔ ཞབས་ནི་རྒྱ་མཚོ་ཆེན་པོའི་དབའི་ལ་བཞེངས༔ སྐུ་ལ་ན་བཟའ་སྨུག་ནག་འབར་བ་གསོལ༔ བདུད་ཀྱི་ཡུམ་ལ་གཤིན་རྗེའི་ལྕམ་མོ་སྟེ༔ གསུང་སྤྲུལ་ནག་མོ་རག་གདོང་མ་ལ་བསྟོད༔ མིག་མེད་དགྲ་བོའི་མིག་ནི་ལོང་བར་བྱེད༔ རྣ་མེད་དགྲ་བོའི་རྣ་བ་འོན་པར་བྱེད༔ སྣ་མེད་དགྲ་བོའི་སྣ་ནི་འཚུབ་པར་བྱེད༔ ཁ་མེད་དགྲ་བོའི་ཁ་ནི་ལྐུགས་པར་བྱེད༔ སོ་མེད་དགྲ་བོ་ཐམས་ཅད་ཇུར་མིད་བྱེད༔ ལྕེ་མེད་དགྲ་བོའི་ལྕེ་ནི་དིག་པར་བྱེད༔ ལག་མེད་དགྲ་བོའི་ཡན་ལག་ཞ་བར་བྱེད༔ རྐང་མེད་དགྲ་བོའི་རྐང་པ་ཟློག་ཏུ་བཅུག༔ སྙིང་མེད་དགྲ་བོའི་ཙིཏྟ་རོལ་པར་བྱེད༔ ཐུགས་སྤྲུལ་ནག་མོ་མགྱོགས་བྱེད་མ་ལ་བསྟོད༔ ཐུགས་ཀྱི་དགྱེས་སྡེ་བློན་མོ་བཞི་ལ་སོགས་སྲིད་པའི་མ་མོ་བདུན་འབུམ་བཅས་ལ་བསྟོད༔ སྔགས་སྲུང་འཁོར་བཅས་གཏོར་མ་འདི་བཞེས་ལ༔ སྔོན་ཚེ་རྟ་མགྲིན་པད་འབྱུང་བཀའ་བསྒོས་བཞིན༔ ཐུགས་རྗེ་ཆེན་པོའི་མྱང་གྲོལ་རྫ་ས་སྒྲུབ་ལ༔ བར་དུ་གཅོད་པའི་དགྲ་

[Full Size]

བགེགས་རྡུལ་དུ་རློགས༔ བདག་ཅག་ཡོན་མཆོད་བསྲུང་བྱ་ཐམས་ཅད་ལ༔ རིམས་ནད་དུས་མིན་འཆི་སོགས་བར་ཆད་སོལ༔ ཐུགས་ཆེན་བསྟན་པ་ཕྱོགས་བཅུར་རྒྱས་པ་དང་༔ འགྲོ་ཀུན་བྱང་ཆུབ་ཐོབ་པའི་ཕྲིན་ལས་འདི༔ མ་གཡེལ་འགྲུབ་པར་མཛོད་ཅིག་ཐུགས་དམ་ཅན༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ གསོལ་ཁ་ནི༔ བྷོ༔ ཀུན་ཏུ་བཟང་མོའི་སྤྲུལ་པ་སྔགས་སྲུང་མ༔ ཁྲོས་པའི་རྒྱལ་མོ་སྨུག་ནག་དབྱིངས་ཕྱུག་མ༔ ཁྱོད་ཀྱིས་ཐུགས་རྗེ་ཆེན་པོའི་དབང་བསྐུར་ཞིང་༔ ལུང་བསྟན་བྱིན་གྱིས་བརླབས་པ་ལ་བརྟེན་ནས༔ མི་ཏྲ་ཛོ་ཀིས་མཆོག་གི་དངོས་གྲུབ་ཐོབ༔ དེ་ཕྱིར་ཐུགས་རྗེ་ཆེན་མོའི་རིག་འཛིན་མ༔ ཡེ་ཤེས་མཁའ་འགྲོ་ཨེ་ཀ་ཙ་ཏི་ལ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ སྔོན་ཚེ་སློབ་དཔོན་པདྨ་འབྱུང་གནས་ཀྱིས༔ གསང་བ་འདུས་པའི་རྒྱུད་དང་སྐྱེ་བདུན་རྫ་སཿ ཁྱོད་ལ་གཉེར་དུ་གཏད་ནས་སྲུང་མར་བསྐོས༔ གཏེར་སྟོན་ཆེན་པོ་རཏྣ་གླིང་པ་ལ༔ ཁྱོད་ཀྱིས་ཡང་ཡང་ཞལ་བསྟན་ལུང་བསྟན་ནས༔ སྐྱེ་བདུན་བསྒྲུབ་པའི་འགྲོ་དོན་ཐོག་མར་དརཿ མེ་ཏོག་ཆར་གྱིས་འགྲོ་བའི་ཐེ་

[Full Size]

ཚོམ་བཅད༔ དེ་ཕྱིར་མྱང་གྲོལ་བསྒྲུབས་པའི་བཀའ་སྲུང་སྟེ༔ ལས་ཀྱི་མཁའ་འགྲོ་སྔགས་ཀྱི་སྲུང་མ་ལ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ ཁྱོད་ནི་ཕ་མ་མེད་པའི་སྔོན་ནས་བྱུང་༔ སངས་རྒྱས་རྣམས་ལས་ཤིན་ཏུ་སྔ་བ་སྟེ༔ མགོན་པོ་ལྕམ་དྲལ་དྲེགས་བྱེད་ཀུན་གྱི་མ༔ ཡེ་ཤེས་ལས་དང་འཇིག་རྟེན་མ་མོའི་ཚོགས༔ ཁྱོད་ཉིད་མཆོད་ཅིང་མངོན་པར་ཕྱག་བྱས་ཤིང་༔ ནག་པོ་ཆེན་པོ་ལ་སོགས་འཇིག་རྟེན་གྱི༔ དྲེགས་བྱེད་ཀུན་གྱིས་མཆོད་ཅིང་མངོན་པར་བསྟོད༔ དེ་བས་སྲིད་པའི་རྒྱལ་མོ་ཞེས་སུ་གྲགས༔ སྲིད་པའི་མ་མོ་ཨེ་ཀ་ཙཱ་ཏི་མ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ ནམ་མཁའི་ཀློང་ནས་བར་སྣང་མཁའ་ལ་རྒྱུ༔ ས་གཞིའི་སྟེང་བཞུགས་ལུང་པར་དྲོད་འབེབས་མ༔ རླུང་འཚུབ་ནང་བཞུགས་རྣལ་འབྱོར་དྲོད་ཚད་ཉུལ༔ རྒྱ་མཚོའི་སྟེང་བཞུགས་ཆུ་བོའི་མདོག་འབྱིན་མ༔ རི་བོའི་རྩེར་བཞུགས་འབྲས་དྲུག་སྨིན་བྱེད་མ༔ དེ་ལྟར་གནས་ལ་ངེས་པ་མ་མཆིས་ཀྱང་༔ གཏན་གྱི་བཞུགས་གནས་དུར་ཁྲོད་སོ་ས་གླིང་༔ དུར་ཁྲོད་མཁའ་འགྲོ་ཨེ་ཀ་ཙཱ་ཏི་ལ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ ཕྱི་ལྟར་

[Full Size]

སྔགས་སྲུང་ཨེ་ཀ་ཙཱ་ཏི་སྟེ༔ ནང་ལྟར་དཔལ་ལྡན་ལྷ་མོ་རེ་མ་ཏི༔ གསང་ལྟར་ཤན་པ་སྲོག་སྒྲུབ་ནག་མོ་ཞེས༔ ཡང་གསང་བཅོམ་ལྡན་ཀུན་ཏུ་བཟང་མོ་ཉིད༔ འཇིག་རྟེན་འདས་ཀྱང་འཁོར་བའི་ཆ་ལུགས་འཛིན༔ བོད་སྐྱོང་མཁའ་འགྲོ་ལྷན་ཅིག་སྐྱེས་མ་སྟེ༔ ཞི་བའི་ལས་མཛད་དཀར་མོ་འོད་ལྡན་མ༔ དྲག་མོར་བཞེངས་ཚེ་དམག་ཟོར་རྒྱལ་མོར་གྲགས༔ བརྟན་མ་དམག་གི་རྒྱལ་མོ་ཆེན་པོ་སྟེ༔ རལ་གཅིག་རྡོ་རྗེ་གཡུ་ཡི་སྒྲོན་མ་ལ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ ཆོས་ཉིད་འགྱུར་མེད་སྐུ་མདོག་མཐིང་ནག་འབར༔ ཁམས་གསུམ་དབང་སྡུད་རལ་པ་གཅིག་ཏུ་འཁྱིལ༔ སྲིད་གསུམ་རྩད་གཅོད་ཕྱག་གཡས་རྩེ་གསུམ་བསྣམསཿ ཚེ་དབང་དངོས་གྲུབ་སྟེར་ཕྱིར་ཐོད་ཁྲག་གཡོན༔ འགྲོ་དྲུག་སྐྱེ་ཤི་གཅོད་ཕྱིར་ཙིཏྟ་གཡས༔ དགྲ་བགེགས་མྱུར་སྒྲོལ་གཡོན་འོག་ལྕགས་སྤྱང་འགྱེད༔ ཐབས་ཤེས་གཉིས་མེད་ཞབས་གཉིས་འདོར་ཐབས་བཞུགསཿ སྟོང་ཁམས་དགྲ་འདུལ་སྤྱང་མོ་དགུ་འབུམ་འཕྲོ༔ དབྱིངས་ཀྱི་ཡུམ་ཆེན་ཨེ་ཀ་ཙཱ་ཏི་ལ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ རྡོ་རྗེ་ཕག་མོའི་

[Full Size]

སྤྲུལ་པ་ལས་བྱེད་མ༔ ཙཱ་རི་ཏྲ་ཡི་བཀའ་སྲུང་བྱ་ར་མཁནེ༔ དམར་ནག་གཅེར་བུ་ཞལ་དགུ་ཕྱག་བརྒྱད་མ་སྲིད་གསུམ་ཟ་བྱེད་ཤ་ཟ་ཁ་མོ་ཆེ༔ རབ་ཁྲོས་ཁྲག་ཞག་དུར་ཁྲོད་རྒྱན་ཆ་ཅན༔ ལྕགས་སྤྱང་མགོ་དགུ་ཆིབས་ནས་སྟོང་གསུམ་ཉུལ༔ གྲི་གུག་རལ་གྲི་དགྲ་སྟ་ཌ་རུ་གཡས༔ ཐོད་ཁྲག་ཞགས་པ་རྩེ་གསུམ་ལྕགས་ཀྱུ་གཡོན༔ རྟ་ནག་དྲེགས་པ་གསང་བའི་ཡབ་དང་རོལ༔ རལ་གཅིག་གཡུ་ཡི་སྒྲོན་མ་ཞེས་སུ་གྲགས༔ ཤ་ཟ་མཁའ་འགྲོ་ཨེ་ཀ་ཙཱ་ཏི་ལ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ འཁོར་ནི་སྲིན་མོ་ནག་མོ་རོ་ཤལ་ཅན༔ མོན་མོ་དུང་གི་རྣ་ཆ་ཅན་མ་དང་༔ ་དཔལ་ལྡན་ལྷ་མོ་ནག་མོ་སྐུ་གཅིག་མ༔ བལ་མོ་ནག་མོ་ཀུན་རྒྱུག་མ་ལ་སོགས༔ དབང་མོ་ཆེ་བཞི་བདུད་གིང་གནོད་སྦྱིན་ཀླུ་སྨན་མོ་བཞིས་ནི་ཕཊ་དང་ཕོ་སྒྲ་སྒྲོགས༔ མ་མོ་འབུམ་ནི་བློ་ཡི་རྒྱང་གླུ་ལེན༔ ཤ་ཟ་ལས་བྱེད་ཕྲ་མེན་བརྒྱད་རྣམས་ནི༔ བྱ་ནག་འབུམ་སྡེར་སྤྲུལ་ནས་སྔོན་ལ་འགྲོ༔ གསོད་བྱེད་ལས་ཀྱི་མ་མོ་སྟོང་སྡེ་ནི༔ ཁྱི་སྤྱང་གཅན་གཟན་འབུམ་སྤྲུལ་རོལ་དུ་འབྲང་༔ དུར་ཁྲོད་འདྲེ་མོ་བུད་མེད་ནག་མོ་འབུམ༔ ཕྱི་ནས་འབྱུང་ཞིང་དམོད་མོ་

[Full Size]

གཡང་གཞི་རྡེབ༔ ཕོ་ཉ་ཡང་སྤྲུལ་ལས་མཁན་བཅས་པ་ལ༔ གསོལ་ལོ་མཆོད་དོ་ཐུགས་དམ་བསྐང་གྱུར་ཅིག༔ སྔགས་སྲུང་མཁའ་འགྲོ་ཨེ་ཀ་ཙཱ་ཏི་མ༔ དགྱེས་པའི་ཞལ་བཟང་བདག་ལ་བསྟན་དུ་གསོལ༔ མྱང་གྲོལ་སྒྲུབ་པའི་རྟགས་མཚན་མྱུར་དུ་ཕྱུངསཿ འདོད་པའི་དོན་རྣམས་ཡིད་བཞིན་འགྲུབ་པར་མཛོད༔ དཔལ་དང་མངའ་ཐང་གཟི་མདངས་བསྐྱེད་དུ་གསོལ༔ ཚེ་དང་བསོད་ནམས་འབྱོར་པ་ལོངས་སྤྱོད་སྤེལ༔ འཁོད་དང་བསྟན་པ་སྦྱིན་བདག་སྲུང་སྐྱོབ་མཛོད༔ ཆག་ཆེན་ཉམ་ང་སྒྲུབ་པའི་བར་ཆད་ཟློག༔ སྡང་བའི་དགྲ་སོད་གནོད་པའི་བགེགས་རྣམས་ཐུལ༔ མདུན་གྱི་འཁར་བ་རྒྱབ་ཀྱི་བརྟེན་མ་གྱིས༔ ཉིན་གསུམ་བྱ་ར་མཚན་གསུམ་མེལ་ཚེ་མཛོད༔ ནད་དང་གནོད་པ་འཇིགས་པ་ཀུན་ལས་སྐྱོབས༔ རྐྱེན་ངན་བར་དུ་གཅོད་པ་ཐམས་ཅད་སོལ༔ སྙན་པ་སྒྲུབས་ལ་གྲགས་པ་ཕྱོགས་བཅུར་སྒྲོགས༔ བདག་ཅག་དཔོན་སློབ་ཡོན་མཆོད་འཁོར་བཅས་ལ༔ མི་ལ་ན་ཚ་ཤི་ཆད་མ་བཏང་ཞིག༔ ཕྱུགས་ལ་གོད་ཁ་དགྲ་ཇག་མ་བཏང་ཞིག༔ དཀོར་རྫས་ཀ་ཅ་གཏོར་བརླག་མ་བཏང་ཞིག༔ བསམ་པའི་དོན་ལ་བར་ཆད་མ་

[Full Size]

བཏང་ཞིག༔ བཀྲ་ཤིས་བདེ་ལེགས་ཕུན་སུམ་ཚོགས་པ་ཡི་ཕྲིན་ལས་སྡོང་གྲོགས་མ་གཡེལ་དུས་ལ་བབ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ མ་མ་ཏྲག་རཀཱ་ཨེ་ཀ་ཙཱ་ཏི་ཨི་དཾ་བ་ལིཾ་ཏ་པཱ་ཙ་ཧོ་ཁ་ཁ་ཁཱ་ཧི་ཁཱ་ཧི༔ བསྐང་བ་ནི༔ ཧཱུྃ༔ སྔོན་ཚེ་འདས་དུས་བསྐལ་པའི་དང་པོ་ལ༔ ཡམས་ནད་རིམས་ནད་འགོ་བའི་ནད་རྣམས་ནི༔ མ་མོ་མིག་གཅིག་ཁྱོད་ཀྱི་མིག་ནས་བྱུང་༔ དེ་ཕྱིར་ནད་དང་རིམས་ཀྱི་བདག་མོར་གྲགསཿ བསྐལ་པ་རྩོད་ལྡན་ལྔ་བརྒྱའི་ཐ་མ་ལ༔ སྐྱེ་བོ་ཁྲེལ་མེད་བཙུན་པ་སྡོམ་ཁྲིམས་མེད༔ སྔགས་པ་དམ་མེད་ལོག་སྤྱོད་སྣ་ཚོགས་དརཿ དེ་ཚེ་སྲིད་པའི་མ་མོ་ཁྱོད་ཁྲོས་ནས༔ རྒྱ་མཚོའི་ཀློང་ནས་ནམ་མཁའི་དབྱིངས་སུ་བཞེངས༔ བར་སྣང་ཁམས་སུ་དམོད་པའི་ཐལ་མོ་རྡེབ༔ སྐུ་གསུང་ཐུགས་ཡོན་ཕྲིན་ལས་སྤྲུལ་པ་ཡི༔ བུད་མེད་དཀར་སེར་དམར་ལྗང་ནག་མོའི་ཚོགས༔ སྟོང་གསུམ་གང་ཞིང་ཁ་རླངས་ནད་སྤྲིན་འཁྲིགས༔ མི་ནད་ཕྱུགས་ནད་ཡམས་ནད་དུས་འཁྲུགས་སློང་༔ ཁྲོས་ཤིང་འཁྲུགས་པའི་མ་མོ་བསྐང་ཞིང་བཅོསཿ ཚོགས་དང་གཏོར་མ་དམ་རྫས་ཨ་མྲྀ་ཏ༔ རཀྟ་སུ་རཱ་ཞུན་མར་མདངས་དང་

[Full Size]

ལྡན༔ བྱ་ནག་ལུག་ནག་རྔ་དུང་རོལ་མོའི་སྒྲ༔ སྔགས་དང་ཕྱག་རྒྱ་ཏིང་འཛིན་ལྟ་དགོངས་ཀྱིས་འཁྲུགས་པའི་མ་མོ་རྣམས་ཀྱི་ཐུགས་དམ་བསྐང་༔ སྔགས་སྲུང་ཨེ་ཀ་ཙཱ་ཏིའི་ཐུགས་དམ་བསྐང་༔ སྲིད་པའི་རྒྱལ་མོ་ཆེན་མོའི་ཐུགས་དམ་བསྐང་༔ ནག་མོ་རག་གདོང་མ་ཡི་ཐུགས་དམ་བསྐང་༔ ནག་མོ་མགྱོགས་བྱེད་མ་ཡི་ཐུགས་དམ་བསྐང་༔ དཔལ་ལྡན་རེ་མ་ཏི་ཡི་ཐུགས་དམ་བསྐང་༔ ཤན་པ་སྲོག་སྒྲུབ་ནག་མོའི་ཐུགས་དམ་བསྐང་༔ སྔགས་སྲུང་ཁྲོས་མ་ནག་མོའི་ཐུགས་དམ་བསྐང་༔ ཡང་གསང་ཀུན་ཏུ་བཟང་མོའི་ཐུགས་དམ་བསྐང་༔ བོད་སྐྱོང་ལྷན་ཅིག་སྐྱེས་མའི་ཐུགས་དམ་བསྐང་༔ ཞི་མཛད་དཀར་མོ་འོད་ལྡན་ཐུགས་དམ་བསྐང་༔ དྲག་མོ་དམག་ཟོར་མ་ཡི་ཐུགས་དམ་བསྐང་༔ བརྟན་མ་དམག་གི་རྒྱལ་མོའི་ཐུགས་དམ་བསྐང་༔ རལ་གཅིག་གཡུ་ཡི་སྒྲོན་མའི་ཐུགས་དམ་བསྐང་༔ དབྱིངས་ཕྱུག་ཨེ་ཀ་ཙཱ་ཏིའི་ཐུགས་དམ་བསྐང་༔ ཌཱ་ཀི་ཟ་བྱེད་གདོང་གི་ཐུགས་དམ་བསྐང་༔ བཀའ་འཁོར་མ་མོ་རྣམས་ཀྱི་ཐུགས་དམ་བསྐང་༔ སྲིན་མོ་རོ་ཤལ་ཅན་གྱི་ཐུགས་དམ་བསྐང་༔ མོན་མོ་དུང་རྣ་ཅན་གྱི་ཐུགས་དམ་བསྐང་༔ ལྷ་

[Full Size]

མོ་སྐུ་གཅིག་མ་ཡི་ཐུགས་དམ་བསྐང་༔ བལ་མོ་ཀུན་རྒྱུག་མ་ཡི་ཐུགས་དམ་བསྐང་༔ དབང་མོ་ཆེན་མོ་བཞི་ཡི་ཐུགས་དམ་བསྐང་༔ བདུད་དང་གིང་གི་འཁོར་ཚོགས་ཐུགས་དམ་བསྐང་༔ ཀླུ་དང་གནོད་སྦྱིན་འཁོར་ཚོགས་ཐུགས་དམ་བསྐང་༔ བཀའ་སྡོད་བློན་མོ་བཞི་ཡི་ཐུགས་དམ་བསྐང་༔ སྲིད་པའི་མ་མོ་བདུན་འབུམ་ཐུགས་དམ་བསྐང་༔ ཤ་ཟ་ཕྲ་མེན་བརྒྱད་ཀྱི་ཐུགས་དམ་བསྐང་༔ ལས་ཀྱི་མ་མོ་སྟོང་ཕྲག་ཐུགས་དམ་བསྐང་༔ དུར་ཁྲོད་དམན་མོ་འབུམ་སྡེའི་ཐུགས་དམ་བསྐང་༔ སྲིད་པའི་མ་མོའི་ཐུགས་དམ་བསྐངས་གྱུར་ནས༔ རིམས་ནད་ཡམས་ནད་ཐམས་ཅད་བཟློག་ཏུ་གསོལ༔ ཕྱུགས་ནད་གོད་ཁ་ཐམས་ཅད་བཟློག་ཏུ་གསོལཿ གློ་བུར་ཡེ་འདྲོགས་ཐམས་ཅད་བཟློག་ཏུ་གསོལ༔ རྐྱེན་ངན་བར་ཆད་ཐམས་ཅད་བཟློག་ཏུ་གསོལ༔ འཐབ་རྩོད་འཁྲུག་ལོང་ཐམས་ཅད་བཟློག་ཏུ་གསོལ༔ རྨིས་ལྟས་མཚན་ངན་ཐམས་ཅད་བཟློག་ཏུ་གསོལ༔ མོ་ངན་ལྟས་ངན་ཐམས་ཅད་བཟློག་ཏུ་གསོལ༔ ཀག་དང་སྲི་ལངས་ཐམས་ཅད་བཟློག་ཏུ་གསོལ༔ བྱད་ཀ་དྲོད་གཏོང་རྦད་འདྲེ་བཟློག་ཏུ་གསོལ༔ ཆག་ཆེན་ཉམ་ང་ཐམས་ཅད་བཟློག་ཏུ་གསོལ༔ དུས་

[Full Size]

མིན་འཆི་བ་ཐམས་ཅད་བཟློག་ཏུ་གསོལ༔ བསྒྲུབ་པའི་བར་ཆད་ཐམས་ཅད་བཟློག་ཏུ་གསོལཿ སྲིད་པའི་དབང་ཆེན་མ་ཚོགས་མཐུ་མ་ཆུང་༔ གདུག་པའི་སྲོག་གཅོད་མ་མོ་རྩལ་མ་ཞན༔ དགྲ་བགེགས་ཙིཏྟ་ཕྱུང་ལ་ཞལ་དུ་གསོལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ བདག་ཅག་དཔོན་སློབ་བསྲུང་བྱ་འཁོར་བཅས་ཀྱིསཿ ཐོག་མེད་དུས་ནས་ད་ལྟ་ཡན་ཆད་དུ༔ འགལ་འཁྲུལ་ཉམས་ཆག་སྡིག་ལྟུང་ཅི་བསགས་པ༔ མ་མོ་འཁོར་དང་བཅས་ལ་མཐོལ་ལོ་བཤགས༔ བྱང་ཞིང་དག་ནས་ཉམས་ཆག་སོར་ཆུད་དེ༔ མི་སྒྲིབ་ཚངས་པའི་དངོས་གྲུབ་བསྩལ་དུ་གསོལ༔ ཨོ་ས་མ་ཡ༔ ཨཱས་མ་ཡ༔ ཧཱུྃ་ས་མ་ཡ༔ ཏྲཀ་རཀྵ་ཁ་མུན་ཨེ་ཀ་ཛ་ཊི་སྙིང་ཁ་རག་མོ་བྷོཛཿ ཨོཾ་བཛྲ་སཏ་སོགས། ཡིག་བརྒྱ་ནས་སཏྭ་ཨཱཿ ཞེས་ཐུགས་རྗེ་ཆེན་པོ་གསང་འདུས་ཀྱི་སྒྲུབ་ཆེན་ལ་ཉེ་བར་མཁོ་ཕྱིར་སྔགས་འཆང་ཨ་རཱ་གས་སྦྱར་བ་ལས། ཉེས་པ་གང་མཆིས་བཤགས་ཤིང་དགེ་བས་ཐུགས་རྗེ་ཆེན་པོའི་བསྟན་པ་དར་ཞིང་རྒྱས་པར་གྱུར་ཅིག། སརྦ་མངྒ་ལཾ།། །།

[Full Size]

ཤོག་སྟོང་།

ཐུགས་རྗེ་ཆེན་པོ་གསང་བ་འདུས་པའི་བསྟན་སྲུང་སྐྱེས་བུ་ལུང་བཙན་ལྕམ་སྲིང་གི་གཏོར་ཆོག་གསོལ་ཁ་གུད་དུ་བཀོལ་བ།

[Full Size]

ཐུགས་རྗེ་ཆེན་པོ་གསང་བ་འདུས་པའི་བསྟན་སྲུང་སྐྱེས་བུ་ལུང་བཙན་ལྕམ་སྲིང་གི་གཏོར་ཆོག་གསོལ་ཁ་གུད་དུ་བཀོལ་བ་བཞུགས་སོ།།

[Full Size]

བཤོས་བུ་ཟུར་གསུམ་ཆེ་བ་གཅིག་ལ། གཡས་སུ་འབྲང་རྒྱས༔ གཡོན་དུ་སྨན་ལེབ། མདུན་དུ་མཁར་ཐབས། ཆང་ཕུད་ར་ཁྲག་མེ་ཏོག་སྣ་ཚོགས་བཤམ། ཨོཾ་ཨ་མྲྀ་ཏས་བསང་། སྭ་བྷ་ཝས་སྦྱང་། སྟོང་པའི་ངང་ལས་ཧཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། གཏོར་མ་ཡིད་དང་མཐུན་པའི་ལོངས་སྤྱོད་བསམ་གྱིས་མི་ཁྱབ་པར་གྱུར། ཨ་ཀཱ་རོ་སོགསཾ་ཀྱིས་བྱིན་བརླབ། རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུས་བཙན་རྒྱལ་སྐྱེས་བུ་ལུང་བཙན་ལྕམ་སྲིང་སྐད་ཅིག་ལ་སྤྱན་དྲངས། ཀྱཻ༔ བཙན་རྒྱལ་ཆེན་པོ་དྲག་རྩལ་ཅན༔ ཁྱོད་ཀྱི་ཕོ་བྲང་མཚན་གསོལ་བ༔ དང་པོ་

[Full Size]

གཡས་རུ་བྲག་དམར་ཡིན༔ ཡུལ་གླིང་རེ་ན་ཕོ་བྲང་རེ༔ སྟོད་ཀྱི་བཙན་ཡུལ་ཡ་ཀི་ན༔ ཡ་ཀི་སྒོ་མོ་བྲག་དམར་ན༔ བྲག་དམར་གནམ་དུ་ཟངས་སེ་ཟང་༔ གཡུ་མཚེ་སྨུག་ནག་ཀྱི་ལི་ལི༔ སྨན་མཚོ་འོད་དུ་ལམས་སེ་ལམ༔ དེ་ལ་ན་བུན་ཐུ་ལུ་ལུ༔ སྟེང་ན་བྱ་རྒྱལ་ལིངས་སེ་ལིང་༔ ལོགས་ན་ཤ་རྐྱང་ཁྲལ་མ་ཁྲོལ༔ ཟུར་ན་ཁུ་འཕང་ཤ་ར་ར༔ བཙན་བྱའི་གསུང་སྙན་ལྷངས་སེ་ལྷང་༔ མདུན་གྱི་སྤང་ཐོག་བདེ་མོ་ན༔ མཛེས་པའི་མེ་ཏོག་ཁྲ་ལྟེམ་མེ༔ དེ་འདྲའི་གནས་མཆོག་ཡ་མཚན་ཅན༔ བཙན་རྒྱལ་སྐྱེས་བུ་ལུང་བཙན་ཁྱོད༔ སྙིང་གཏད་

[Full Size]

གྲོགས་པོ་བདག་གིས་འབོད༔ ཆུམ་ཆུམ་དེ་ནི་གནས་འདིར་ཆུམ༔ འདུར་འདུར་མདུར་གྱིས་གནས་འདིར་བྱོན༔ འཁོར་བཅས་ཐམས་ཅད་རྟེན་ལ་བྱོན༔ རིན་ཆེན་མཛེས་པའི་བཙན་མཁར་ན༔ འདོད་ཡོན་ལོངས་སྤྱོད་བསམ་མི་ཁྱབ༔ སྐྱེས་བུ་ལུང་བཙན་དེ་ན་བཞུགས༔ དམ་ཚིག་གཅིག་པའི་མནའ་ཐོ་བཅད༔ ཤག་རོག་གྲོགས་ལ་མནའ་མ་ཟ༔ བུ་ཡི་སྤུན་ལ་དུག་མ་བླུད༔ ཕུད་དང་བཤོས་དང་མཆོད་གཏོར་བཞེས༔ ཨོ་བྱི་ཤུ་ཙ་ན་ས་མ་ཡ༔ ཁྲག་ཏ་ཀུ་ཤུ་ར་ཙ་ན༔ ཧཱ་ཧཱ་ན་རུ་ཙ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨ་མྲྀ་ཏ་རཀྟ་ཁཱ་ཧི་ཁཱ་ཧི༔ ཀྱེ༔ ཇོ་བོ་བཙན་གྱི་རྒྱལ་པོ་ནི༔ བཙན་རྒོད་སྐྱེས་བུ་ལུང་བཙན་ནི༔ ཞལ་མདོག་དཀར་དམར་མཛེས་པ་ལ༔ གཡུ་ཡི་སྨིན་མ་ཁྱུགས་སེ་ཁྱུག༔ དུང་སོ་དཀར་པོ་མཁྲེགས་པ་ལ༔ འཛུམ་པའི་ཞལ་མདངས་ཡ་ལ་ལ༔ སྐུ་ལ་དར་དམར་མཛེས་པ་གསོལཿ གསེར་སྐྱེད་རིན་ཆེན་སྐེད་ལ་བཅིངསཿ དབུ་ལ་དར་ཐོད་དམར་པོ་བཅིང་༔ ཐང་དཀར་རྒོད་ཕོད་ལྡེམས་སེ་ལྡེམ༔ དར་ཚོན་སྣ་ལྔ་ཕྱ་ར་ར༔ སྟག་དོང་གཡས་ལ་གཟིག་ཤུབས་གཡོན༔ བསེ་ཡི་གྲི་དམར་སྐེད་ལ་བཅུག༔ མདུང་

[Full Size]

དར་དམར་པོ་གནམ་དུ་ཕྱར༔ བསེ་ཡི་གཞུ་མདུང་ཕྲག་ལ་བཀལ༔ གཡུ་ཡི་མདའ་བཀྲ་ཕྱག་ན་བཟུང་༔ ཆིབས་སུ་བཙན་རྟ་དམར་པོ་ཆིབས༔ སེང་ལྡེང་སྒ་གཏད་ཝངས་སེ་ཝང་༔ ཕྲ་མེན་ཡོབ་ཆེན་སི་ལི་ལི༔ གསེར་སྲབ་གཡུ་མཐུར་སྤྲིངས་སེ་སྤྲིང་༔ མུ་མན་གོང་སྨད་ཁྱུགས་སེ་ཁྱུག༔ དེ་འདྲའི་བཙན་འཁོར་མང་པོ་ཡང་བཙན་རྟ་རྒྱུག་དང་སྤྲིངས་སེ་སྤྲིང་༔ བཤེར་སྒྲ་སིལ་ཆོམ་དི་རི་རི༔ ཀུ་དང་བསོ་སྒྲ་ལྷངས་སེ་ལྷང་༔ བཙན་རྒྱལ་འཁོར་དང་བཅས་ལ་བསྟོད༔ བརྒྱན་པའི་གཏོར་མ་འདི་བཞེས་ལ༔ སློབ་དཔོན་པདྨའི་བཀའ་བཞིན་དུ༔ ཐུགས་རྗེ་ཆེན་པོའི་བསྟན་པ་སྲུངས༔ བསྒྲུབ་ལ་བར་ཆད་མེད་པ་དང་༔ མཐུན་རྐྱེན་བསམ་པ་འགྲུབ་པར་མཛོད༔ རྣལ་འབྱོར་བདག་ཅག་འཁོར་བཅས་དང་༔ རིགས་དང་བརྒྱུད་པར་བཅས་རྣམས་ལ༔ འཁོར་དང་བདེ་ལེགས་རྒྱས་པ་དང་༔ བཀྲ་ཤིས་ཐམས་ཅད་འབྱུང་བ་དང་༔ མི་ནོར་བཙན་ཕྱུག་འཛོམ་པ་དང་༔ སྙན་གྲགས་ས་སྟེང་ཁྱབ་པ་དང་༔ ཕོ་རྣམས་བཙན་རྒོད་ལྟར་དྲག་ཅིང་༔ མོ་རྣམས་སྨན་ལྟར་འབྱོར་པ་དང་༔ གཞི་བྱེས་ལམ་གསུམ་མགོ་ཐོན་པའི༔

[Full Size]

གྲོགས་དང་མངོན་སྐྱབས་ཆེན་པོ་མཛོད༔ རྟག་ཏུ་ལུས་དང་གྲིབ་བཞིན་འགྲོགས༔ ལྷང་ལྷང་སྙིང་གཏམ་རྣ་བར་སྨོས༔ ཙེར་ཙེར་སྤྱི་དང་ལེགས་ཉེས་སྟོན༔ སྣང་སྲིད་ཐམས་ཅད་ས་ལེར་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཀྱེ༔ མ་ཀི་སྨན་ལུང་སྨན་ར་ན༔ ཁྲ་ཚང་རིན་ཆེན་འབྲུག་གཤོང་ན༔ རིན་ཆེན་མཛེས་པའི་སྨན་ལུང་ན༔ གཡུ་མཚོ་སྔོན་མོའི་ཕོ་བྲང་ནས༔ ལྕམ་སྲིང་རྡོ་རྗེ་གཡུ་སྒྲོན་མ༔ མིང་པོའི་གྲོགས་དང་རྟེན་ལ་བྱོན༔ ལྷང་ལྷང་ཙེར་ཙེར་འབོད་ཀྱིས་བྱོན༔ མ་ཐོགས་མྱུར་དུ་གནས་འདིར་བྱོན༔ རིན་ཆེན་མཛེས་པའི་ཤེལ་གུར་ན༔ འདོད་ཡོན་ལོངས་སྤྱོད་བསམ་མི་ཁྱབ༔ ལྕམ་གཅིག་ཆེན་མོ་དེ་ན་བཞུགས༔ མཐུན་པའི་མཆོད་གཏོར་འབུལ་གྱིས་བཞེསཿ མ་མ་འུར་འུར་སྨན་སིལ་སིལ༔ རུ་རུ་ཏིང་ལཾ༔ ཏིང་མ་མ་ཛཛཿ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ པཉྩ་ཨ་མྲྀ་ཏ་ཁཱ་ཧི༔ པུཥཱ་པཱུ་ཛ་ཧོ༔ ཀྱེ༔ སྲིང་གཅིག་རྡོ་རྗེ་གཡུ་སྒྲོན་མ༔ སྐུ་ལུས་མཛེས་པའི་དྲང་ལྡེམ་མ༔ དར་དཀར་གཡུ་ཡི་ཐིག་ཕྲན་ཅན༔ རིན་ཆེན་རྒྱན་མཛེས་པུ་རུ་རུ༔ དབུ་ལ་གཡུ་ཡི་ཐོད་བཅིངས་ནས༔ རྒོད་ཕོད་དར་སྣ་ཕྱ་ར་

[Full Size]

རཿ ཞལ་ནི་སེར་མོ་ཁྲོ་འཛུམ་ལ༔ དུང་སོ་དཀར་པོ་ཁྲིགས་སེ་ཁྲིག༔ གཡུ་ཡི་སྨིན་མ་ཁྱུགས་སེ་ཁྱུག༔ གསེར་གཡུ་རིན་ཆེན་སི་ལི་ལི༔ ཕྱག་ན་དངུལ་དཀར་མེ་ལོང་ཐོགསཿ རྒྱང་གླུ་ལེན་ཅིང་མེ་ཏོག་ཐུ༔ སྨན་ཕྲན་མང་པོའི་འཁོར་གྱིས་བསྐོརཿ མཛེས་པའི་བྲོ་བརྡུང་ཁྲབས་སེ་ཁྲབ༔ སྨན་གྱི་ཤོན་སྐོར་སྒོ་རོ་རོ༔ མཛེས་པའི་གར་སྟབས་ལིངས་སེ་ལིང་༔ སྙན་པའི་ཀླུ་ལེན་ཀྱུ་རུ་རུ༔ གཡུ་སྒྲོན་འཁོར་དང་བཅས་ལ་བསྟོད༔ བརྒྱན་པའི་གཏོར་མ་འདི་བཞེས་ལ༔ སློབ་དཔོན་པདྨའི་བཀའ་བཞིན་དུ༔ བདག་ནི་རྣལ་འབྱོར་དམ་ཚིག་ཅན༔ གསལ་བྱེད་པྲ་ཡི་སྒོ་ཕྱེས་ལ༔ ལོངས་སྤྱོད་འདོད་དགུའི་དངོས་གྲུབ་སྩོལ༔ མོ་བདག་ཆེན་མོས་མོ་སྟོན་ཅིག༔ པྲ་བདག་ཆེན་མོས་པྲ་སྟོན་ཅིག༔ ཐུགས་རྗེ་ཆེན་པོ་བསྒྲུབ་པ་ལ༔ བར་དུ་གཅོད་པ་ཐམས་ཅད་སོལ༔ བཅོལ་བའི་ཕྲིན་ལས་འགྲུབ་པར་མཛོད་རྣལ་འབྱོར་དམ་ཚིག་ཅན་ནམ་སྐྱེས་པ་གཙང་མ་སྐད་བདེ་བས་བསྒྲུབས་ན༔ འཁོར་ལེགས་པ་དང་བཀྲ་ཤིས་པ་ཐམས་ཅད་འབྱུང་༔ ཁྱད་པར་དུ་པྲ་དང་རྣོ་མཐོང་དང་ལྷ་ཁ་འབབ་པ་རྣམས་ཤིན་ཏུ་གསལ་བར་འོང་༔ གྲོགས་དང་མགོན་སྐྱབས་ཆེ༔ མི་ནོར་བཙན་ཞིང་ཕྱུག་པ་འོང་༔ ཕོ་

[Full Size]

སྐྱེས་བཙན་རྒོད་ལྟར་དྲག༔ མོ་སྐྱེས་ཐམས་ཅད་སྨན་ལྟར་འཕྱོར༔ སྙན་གྲགས་ལས་ཅི་བྱས་མགོ་ཐོན་པར་འོང་ངོ་༔ ཞེས་གསུངས་སོ༔ གཏེར་གཞུང་རྒྱུད་ཚིག་འཁྲུགས་ཆེ་བར་འདུག་པས༔ ཐུགས་རྗེ་ཆེན་པོ་བསྒྲུབ་དུས་བཀའ་སྲུང་གི་གྲ་རེད་པས་གཏོར་མ་འབུལ་བའི་ཆེད་དུ་ཨ་རཱ་གས་འཁྲུགས་བསྡེབས་བསལ་ཏེ་བྲིས་པ༔ ཉེས་འགལ་མཆིས་ན་ལུང་བཙན་ལྕམ་བྲལ་འདི་ལ་བཤགས་ཤིང་༔ དགེ་བས་ཐུགས་རྗེ་ཆེན་པོ་གསང་འདུས་བསྟན་པ་དར་ཞིང་རྒྱས་པའི་རྒྱུར་གྱུར་ཅིག ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་བ་འདུས་པའི་བཀའ་སྲུང་གནོད་སྦྱིན་ཨ་པ་རཱ་ཛི་ཏའི་གཏོར་ཆོག་གསོལ་ཁ།

[Full Size]

ཐུགས་རྗེ་ཆེན་པོ་གསང་བ་འདུས་པའི་བཀའ་སྲུང་གནོད་སྦྱིན་ཨ་པ་རཱ་ཛི་ཏའི་གཏོར་ཆོག་གསོལ་ཁ་བཞུགས་སོ།།

[Full Size]

འདི་གསང་འདུས་པོད་གཞུང་ནས་གསུངས་པའི་ནོར་ལྷ་ཡིན། ཨོཾ་ཨ་མྲྀ་ཏ་སོགས། སྭ་བྷ་ཝས་སྦྱང་། སྟོང་པའི་ངང་ལས་ཧཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། གཏོར་མ་དཀར་གསུམ་མངར་གསུམ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨ་ཀཱ་རོ་སོགས། ཨོཾ་སྭ་བྷ་ཝ་སོགས། རང་གི་མདུན་དུ་མི་དམིགས་པ་ལས། ཨ་པ་རཱ་ཛི་ཏ་ནོར་བདག་ཆེན་པོ་སྐུ་མདོག་དཀར་པོ་ཁྲོ་བོའི་ཆ་བྱད་ཅན་རལ་པ་རྟིང་པར་སླེབས་པ། སྤྱན་མིག་འབུར་ཞིང་འབྲུལ་ལ་ཁད་པ། ཁྲོ་གཉེར་མཆེ་བ་གཙིགས་པ། ཕྱག་གཡས་རིན་པོ་ཆེ་འབར་བ་བསྣམས་པ། གཡོན་

[Full Size]

པས་ནེའུ་ལེའི་རྐྱལ་པའི་ཁ་ནས་རིན་པོ་ཆེ་སྣ་ཚོགས་སྐྱུགས་ནས་སྒྲུབ་པ་པོ་ལ་ལོངས་སྤྱོད་དཔག་མེད་སྟེར་བ། དེའི་སྤྱི་བོར་ཨོ་། མགྲིན་པར་ཨཱཿ ཐུགས་ཀར་ཙིཏྟ་ཧཱུྃ། དེ་ལས་འོད་ཟེར་འཕྲོས་པས་བྱང་ཕྱོགས་ལྕང་ལོ་ཅན་ནས་སྤྱན་དྲངས། ཛཧཱུྃ་བཾ་ཧོ༔ ཧཱུྃ། གླིང་བཞིའི་བྱང་ཕྱོགས་གསེར་རི་བདུན་གྱི་རྩེ། །གནོད་གནས་དབང་པོའི་ཕོ་བྲང་ལྕང་ལོ་ཅན། །རིན་ཆེན་སྣ་བདུན་བརྩེགས་པའི་གཞལ་ཡས་ནས། །གཏེར་གྱི་བུམ་པ་དཔག་བསམ་ལྗོན་པའི་ཚལ། །གཏེར་ཆེན་བྱེ་བ་བདུན་སྟོང་བདག་པོ་སྟེ། །རྣམ་ཐོས་བུ་ཡི་བང་མཛོད་གཉེར་ཁ་

[Full Size]

བ། །ལག་ན་རྡོ་རྗེའི་བཀའ་སྡོད་མཐུ་བོ་ཆེ། །གནོད་སྦྱིན་དབང་པོ་གཞན་གྱིས་མི་ཐུབ་པ། །ནོར་བདག་ཨ་པར་ཛི་ཏ་གཤེགས་སུ་གསོལ། །རིན་ཆེན་ཁང་བཟང་པད་ཟླའི་གདན་ལ་བཞུགས། །གསང་བའི་བདག་དང་པདྨ་ཐོད་ཕྲེང་གིས། །ཇི་ལྟར་བཀའ་བསྒོས་དམ་ཚིག་དྲན་མཛོད་ལ། །ཐུགས་རྗེ་ཆེན་པོ་བསྒྲུབ་པའི་བར་ཆད་སོལ། །མཐུན་སྐྱེན་འདོད་དགུ་བསྒྲུབ་པའི་གྲོགས་མཛོད་ཅིག །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །གཙང་མའི་ཨརྒྱུ་མཛེས་སྡུག་པུཊྚེའི་ཚལ། །སྤོས་དཀར་དྷ་པེ་རྩི་མར་ཨཱ་ལོ་ཀེ། །ཙན་དན་གནེ་འབྲས་དཀར་ནེ་ཝི་བྱ། །རྔ་དུང་ཆ་ལང་ཤརྡ་སྣ་ཚོགས་འབུལ། །མཛེས་པའི་རཱུ་པ་སྙན་པའི་ཤརྡ་དང་། །ཞིམ་པའི་གནེ་མངར་བའི་ར་ས་དང་། །འཇམ་པའི་སྤངྒེ་སྣ་ཚོགས་ཁྱོད་ལ་འབུལ། །གསེར་གྱི་ཙཀྲ་བེའི་མ་ཎི་དང་། །ཕུལ་བྱུང་པ་ཏཱི་ཤེས་ལྡན་པུ་རུ་ཁ། །སྟོབས་ལྡན་ཧསྟི་རྫུ་འཕྲུལ་རུ་རང་ག །རྒོལ་འཇོམས་ཁངྒ་རཏྣ་ཁྱོད་ལ་འབུལ། །རྣམ་པར་རྒྱལ་བའི་ཁང་བཟང་མཛེས་བྱེད་རྒྱན། །གསེར་གྱི་ཡུ་བ་རབ་བརྟན་ཚྭ་ཏྲང་། །གཡུ་ཡི་གཤོག་པ་རབ་མཛེས་གསེར་གྱི་ཉ། །སྒྲ་ལྡན་གཡས་སུ་འཁྱིལ་

[Full Size]

བའི་ཤཾ་ཁ་ཀ །འདབ་བརྒྱད་ཟེའུ་འབྲུས་མཛེས་པའི་པདྨ་དང་། །གསེར་གྱི་ཀུམྦྷ་དཔག་བསམ་ཁ་རྒྱན་ཅན། །ཐུགས་མཚན་ཝཏྠ་ཤི་མཆོག་རྣམ་པར་སྤྲས། །རྩིབས་སྟོང་ལྡན་པའི་ཙཀྲ་གསེར་ལས་གྲུབ། །དབང་གི་རྒྱལ་པོའི་ཏོག་ཅན་དྷ་ཛ་འབུལ། །ཁ་དོག་དྲི་རོ་ཕུན་སུམ་ཚོགས་པ་ཡི། །དཀར་གསུམ་མངར་གསུམ་འབྲུ་སྣ་ཤིང་ཏོག་འབུལ། །ཇ་ཆང་ཟས་ཕུད་སྣ་ཚོགས་དང་བཅས་པའི། །དམ་རྫས་བདུད་རྩིའི་གཏོར་མ་དགྱེས་པར་བཞེས། །ཨོ་ཧྲིཨ་པ་རཱ་ཛི་ཏ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །པཉྩ་ཨ་མྲྀ་ཏ་ཁཱ་ཧི། སརྦ་པཱུ་ཛ་ཁཱ་ཧི། ཨརྒྷཾ་སོགས། ཧཱུྃ། འཕགས་མཆོག་ཐུགས་རྗེ་ཆེན་པོའི་སྤྲུལ་པ་སྟེ། །འདོད་རྒྱལ་ཁྲོ་བོ་ཆེན་པོའི་ངོ་བོ་ཉིད། །གནོད་སྦྱིན་སྡེ་དཔོན་ཆེན་པོ་རྫུ་འཕྲུལ་ཅན། །གཞན་གྱིས་མི་ཐུབ་དྲག་ཤུལ་སྟོབས་ཅན་པོ། །ཨ་པར་ཛི་ཏ་ནོར་བདག་ཆེན་པོ་ནི། །སྟོན་ཟླའི་མདོག་ཅན་ཞལ་གཅིག་ཕྱག་གཉིས་པ། །མི་བཟད་ཁྲོ་གཉེར་དཔྲལ་བའི་དབྱིངས་སུ་བསྡུས། །འཇིགས་པའི་སྤྱན་གཉིས་འབུར་ཞིང་འབྲུལ་ལ་ཁད། །ཁྲོ་ཞིང་བཞད་པའི་ཞལ་ནི་མཆེ་བཞི་གཙིགས། །རལ་པ་ཐུར་འཕྱང་

[Full Size]

ཟར་བུ་རྟིང་པར་སླེབས། །ལྷབ་ལྷུབ་དར་དང་རིན་ཆེན་རྒྱན་གྱིས་ཀླུབས། །པད་ཟླའི་སྟེང་ན་ཕྱེད་སྐྱིལ་འགྱིང་ཞིང་བརྗིད། །ཕྱག་གཡས་ཡིད་བཞིན་ནོར་བུ་འབར་བ་བསྣམས། །གཡོན་པས་ནེའུ་ལེ་རིན་ཆེན་ཆར་རྒྱུན་འབེབས། །ནོར་ལྷ་ཆེན་པོ་ཁྱོད་ལ་བདག་བསྟོད་དོ། །རེས་འགའ་དམར་གསལ་ལྕགས་ཀྱུ་ནེའུ་ལེ་འཛིན། །རེས་འགའ་མཐིང་མདོག་ལྕགས་ཀྱུ་ཞགས་པ་ཐོགས། །རེས་འགའ་རྔམ་བྱེད་དྲེད་མོང་ཁམ་པ་ཆིབས། །ཞི་ཁྲོ་ཞི་མ་ཁྲོ་སོགས་ཅིར་ཡང་སྟོན། །སྣ་ཚོགས་སྤྲུལ་པའི་བདག་ལ་གུས་པས་བསྟོད། །གནོད་སྦྱིན་ནོར་བདག་གཞན་གྱིས་མི་ཐུབ་པ། །དམ་རྫས་བརྒྱན་པའི་གཏོར་མ་འདི་བཞེས་ལ། །རྣལ་འབྱོར་བདག་ཅག་དཔོན་སློབ་འཁོར་བཅས་ལ། །གཞན་གྱིས་མི་ཐུབ་སྟོབས་ཀྱི་དངོས་གྲུབ་སྩོལ། །གཟུགས་མེད་བགེགས་ལས་རྒྱལ་བའི་ཕྲིན་ལས་མཛོད། །ནད་དང་གདོན་ལས་རྒྱལ་བར་མཛད་དུ་གསོལ། །གཟུགས་ཅན་དགྲ་ལས་རྒྱལ་བའི་ཕྲིན་ལས་མཛོད། །དམག་ཇག་གཡུལ་ལས་རྒྱལ་བར་མཛད་དུ་གསོལ། །རྩོད་པ་ཀུན་ལས་རྒྱལ་བའི་ཕྲིན་ལས་མཛོད། །སྨྲ་མཆུ་ཤག་ལས་རྒྱལ་བར་མཛད་དུ་གསོལ། །

[Full Size]

ཚོང་དང་རྒྱན་ལས་རྒྱལ་བའི་ཕྲིན་ལས་མཛོད། །ཕྱོགས་ལས་རྣམ་པར་རྒྱལ་བར་མཛད་དུ་གསོལ། །རྨ་གཡང་ཟས་ཀྱི་དངོས་གྲུབ་བསྩལ་དུ་གསོལ། །བང་མཛོད་འབྲུ་ཡི་དངོས་གྲུབ་བསྩལ་དུ་གསོལ། །རྐང་བཞི་ཕྱུགས་ཀྱི་དངོས་གྲུབ་བསྩལ་དུ་གསོལ། །ལྷབ་ལྷུབ་གོས་ཀྱི་དངོས་གྲུབ་བསྩལ་དུ་གསོལ། །ཇ་དར་ལོངས་སྤྱོད་དངོས་གྲུབ་བསྩལ་དུ་གསོལ། །གསེར་དངུལ་རིན་ཆེན་དངོས་གྲུབ་བསྩལ་དུ་གསོལ། །རྒྱལ་བློན་འབངས་འཁོར་ཡུལ་ཁམས་དབང་སྡུད་ཅིང་། །ཆེ་བཙན་དྲགས་པས་སྲིད་གསུམ་ཟིལ་གནོན་པ། །གཞན་གྱིས་མི་ཐུབ་འགྲན་ཟླ་མེད་པ་ཡི། །ཁྱོད་ཀྱི་དངོས་གྲུབ་མཆོག་དེ་མྱུར་དུ་སྩོལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཆོས་དང་འཇིག་རྟེན་གང་ལ་ཡང་། །བསོད་ནམས་བསག་ཕྱིར་ལོངས་སྤྱོད་དགོས། །དེ་ཕྱིར་ནོར་བདག་སྒྲུབ་པ་བསྟན། །དང་པོ་ཕྱུགས་འཕེལ། དེ་ནས་ཟས་ནོར་ལོངས་སྤྱོད་རྒྱལ་པོ་དང་འདྲ་བར་འོང་བར་ཐེ་ཚོམ་མེད། ཤིན་ཏུ་ཟབ་པའི་ནོར་སྒྲུབ་སྙིང་ལྟ་བུ། ཞེས་གསུང་པའི་གནད་ལ་དང་པོ་རྫས་འབྱོར་ན། ཕྱིས་ལོངས་སྤྱོད་ཆེ་བས། ཁལ་ཕྱེད་ལ་གཏོར་མ་བྱ། བྲེ་གང་ལ་ཆང་ཕུད་བྱ། ཤ་ཁོག་ཕྱེད་ཀྱིས་དམར་གཏོར་རམ་རྒྱན་བྱའོ། །ཨ་རཱ་གས་བྲིས་པ་མངྒ་ལཾ།

[Full Size]

ཤོག་སྟོང་།

དགེ་བསྙེན་ནོར་བདག་ཡེ་ཤེས་གྲགས་ཀྱི་གསོལ་ཁ།

[Full Size]

ཐུགས་རྗེ་ཆེན་པོ་གསང་བ་འདུས་པ་དང་ཐུགས་སྒྲུབ་གཉིས་ཀའི་ཐུན་མོང་བ་དགེ་བསྙེན་ནོར་བདག་ཡེ་ཤེས་གྲགས་ཀྱི་གསོལ་ཁ་བཀའ་སྲུང་དགེ་བསྙེན་ཡེ་ཤེས་གྲགས་དང་སྐྱེས་བུ་སྲིད་པ་གསལ་བྱེད་གཉིས་གཅིག་ཡིན་ནོ། །ལྷ་འདྲེ་བཀའ་ཐང་ནས་འདིས་ཆོས་པ་ལ་ཕྲག་དོག་བྱེད་ཟེར་བ་འདུག་པས་གཏོར་མཆོད་གལ་ཆེའོ། །ཨོཾ་ཨ་མྲྀ་ཏས་བསང་། སྭ་བྷ་ཝས་སྦྱང་། སྟོང་པའི་ངང་ལས་མདུན་དུ་ཡེ་གེ་ཏིཡོངས་སུ་གྱུར་པ་ལས་ནོར་བདག་ཡེ་ཤེས་གྲགས་ལེགས་པར་རྒྱུན་གྱིས་བརྒྱན་པ། གཡས་པས་རིན་པོ་ཆེ་བསྣམས་པ། གཡོན་པས་ནེའུ་ལེ་རིན་པོ་ཆེས་བཀང་སྟེ་ཁ་ནས་སྐྱུགས་པ། སྐུ་མདོག་དམར་ལ་མཛེས་པ་དེ་ལས་འོད་ཟེར་འཕྲོས་པས་རང་རྒྱུད་པ་སྤྱན་དྲངས་པར་གྱུར། ཧཱུྃ། ནོར་བདག་དགེ་བསྙེན་ཡེ་ཤེས་གྲགས། །རྣལ་འབྱོར་པ་ལ་སྙིང་ཉེ་བ། །ཡིད་མཐུན་གྲོགས་པོ་བདག་གིས་འབོད། །ཁྱོད་ནི་དགེ་བསྙེན་དམ་ཚིག་གཙང་། །དམ་ཚིག་དབང་གིས་མྱུར་དུ་བྱོན། །སྒྲུབ་ཐག་ཉེ་བའི་མྱུར་མགྱོགས་ཅན། །སྐད་ཅིག་ཉིད་དུ་གཤེགས་སུ་གསོལ། །སྐྱེས་བུ་དོན་གསལ་གཤེགས་སུ་གསོལ། །སྒྲ་སྒྲོགས་གསལ་བ་གཤེགས་སུ་གསོལ། །དཀར་པོ་ལྷ་རྒྱལ་གཤེགས་སུ་གསོལ། །ཛྙཱ་ན་ཀཱིརྟི་གཤེགས་སུ་

[Full Size]

གསོལ། །ཏྲིའུ་ལོད་དེ་གཤེགས་སུ་གསོལ། །སྲིད་གསུམ་གསལ་བྱེད་གཤེགས་སུ་གསོལ། །མི་འབྲལ་ལུས་དང་གྲིབ་མ་བཞིན། །དགྱེས་ཤིང་བརྟན་པར་བཞུགས་ནས་ཀྱང་། །ཆེ་མཆོག་ཧེ་རུ་ཀ་དཔལ་དང་། །པདྨ་འབྱུང་གནས་བཀའ་བཞིན་དུ། །ཐུགས་རྗེ་ཆེན་པོའི་བསྟན་པ་སྲུངས། །རྣལ་འབྱོར་བདག་གི་བསམ་པ་སྒྲུབས། །ཁྱོད་དང་མཐུན་པའི་དམ་རྫས་ནི། །གཞི་དཀར་ནས་ཀྱི་གཡུ་དྲུང་རིས། །བྱ་རྒོད་མདའ་ལ་དར་དཀར་བརྒྱན། །ཕ་ཝང་ལང་རྡོ་གསེར་ཐིག་ཤེལ། །བྱི་རུ་དུང་འབུ་གཡུ་རྒོད་དང་། །ར་ལུག་སྲིན་བྱའི་ཤ་གསུར་སོགས། །དངོས་འབྱོར་ཡིད་ཀྱིས་སྤྲུལ་ཏེ་འབུལ། །དཀར་གསུམ་མངར་གསུམ་ཟས་ཀྱི་ཕུད། །བདུད་རྩི་ཇ་ཆང་སྐྱེམས་ཕུད་བཅས། །དཀར་གཏོར་རྒྱན་དང་ལྡན་པ་འབུལ། །འབུལ་ལོ་མཉེས་ཤིང་ཚིམས་གྱུར་ཅིག །ཨོཾ་ཨ་ཀཱ་རོ་སོགས། ཏྲིའུ་ཏྲིའུ་བ་ལི་ཏ་ཁཱ་ཧི། ༀ་ཨཱཧཱུྃ། སྐྱེས་བུ་སྲིད་པ་གསལ་བྱེད་ཀྱི་ཞལ་དུ་ཁ་ཁ་ཁཱ་ཧི། ཏྲིའུ་ཏྲིའུ་སརྦ་པཱུ་ཛ་ཁཱ་ཧི། ཨརྒྷཾ་སོགས། ཧྲཱིཿ དགེ་བསྙེན་ནོར་བདག་ཡེ་ཤེས་གྲགས། །གཞོན་ནུ་ཤིན་ཏུ་མཛེས་པའི་གཟུགས། །སྐུ་མདོག་དམར་ལ་འོད་ཟེར་

[Full Size]

འབར། །དར་ཟབ་རིན་ཆེན་རྒྱན་གྱིས་སྤྲས། །ཕྱག་གཡས་ཡིད་བཞིན་ནོར་བུ་འཛིན། །གཡོན་པས་གཏེར་གྱི་ནེའུ་ལེ། །རིན་ཆེན་སྣ་ཚོགས་སྐྱུགས་པ་འཛིན། །ཕྱེད་སྐྱིལ་པད་ཟླའི་གདན་ལ་བཞུགས། །ནོར་ལྷ་ཀུན་གྱི་ཕོ་ཉ་བ། །གཏེར་བདག་དགེ་བསྙེན་ཁྱོད་ལ་བསྟོད། །རེས་འགའ་སྐུ་མདོག་སྟོན་ཟླའི་མདོག །དབུ་ལ་དར་ཐོད་གཡུ་ཡིས་བརྒྱན། །སྐུ་ལ་དར་དཀར་ན་བཟའ་ནི། །མེ་ཏོག་རི་མོ་བཀྲ་བ་གསོལ། །ཕྱག་གཡས་སྙན་གྲགས་དུང་དཀར་འབུད། །གཡོན་པས་སྨྲ་མཁས་པི་ཝང་འཛིན། །ཤིན་ཏུ་མཛེས་པ་ཡིད་འོང་བ། །ཆིབས་སུ་ལྷ་གཡག་ཁམ་པ་ཆིབས། །དགེ་བསྙེན་ཆེན་པོ་དམ་ཚིག་གཙང་། །དཀར་པོ་ལྷ་རྒྱལ་ཁྱོད་ལ་བསྟོད། །རེས་འགའ་བྱིས་པ་མཛེས་པ་ནི། །ཡིད་འོང་ལྟ་བས་ཆོག་མི་ཤེས། །མགོ་ལ་གཡུ་ཡི་ཐོད་བཅིངས་ཤིང་། །ན་བཟའ་ཁྲེ་ཚེ་མཛེས་པ་གསོལ། །རྒྱབ་ཏུ་རིན་ཆེན་ཁྲེས་པོ་ཁུར། །ལག་གཉིས་ཐལ་མོ་སྦྱར་ནས་ཀྱང་། །སྒྲུབ་པ་པོ་ཡི་བཀའ་ལ་ཉན། །ཛྙཱ་ན་ཀཱིརྟི་ཁྱོད་ལ་བསྟོད། །གཞན་ཡང་སྲིད་པ་གསལ་བྱེད་སོགས། །རིགས་དང་སྡེ་དང་བཅས་པ་ལ། །

[Full Size]

གསོལ་ལོ་མཆོད་དོ་ངོ་སོ་བསྟོད། །ཐུགས་རྗེ་ཆེན་པོའི་བཀའ་སྲུང་ནི། །དགེ་བསྙེན་ནོར་བདག་ཡེ་ཤེས་གྲགས། །བརྒྱན་པའི་གཏོར་མ་འདི་བཞེས་ལ། །ཐུགས་རྗེ་ཆེན་པོ་བསྒྲུབ་པ་ལ། །ཀོ་ལོང་ཕྲག་དོག་མ་བྱེད་པར། །དངོས་གྲུབ་རྒྱ་མཚོ་ལྷུད་ལྟར་སྩོལ། །འཁོར་ལོས་སྒྱུར་བའི་རྒྱལ་པོ་དང་། །ལོངས་སྤྱོད་མངའ་ཐང་མཉམ་པར་མཛོད། །འགྲོ་ཀུན་བྱམས་ཤིང་འདུད་པ་དང་། །འདོད་དགུ་ལོངས་སྤྱོད་དབང་དུ་སྡུས། །ཡིད་བཞིན་དངོས་སུ་ཁོལ་པོ་མཛོད། །ཁྱོད་ནི་སྟོང་གསུམ་ཁ་ལོ་སྒྱུར། །དེ་ཕྱིར་སྣང་སྲིད་དབང་དུ་སྡུས། །ཁྱོད་ནི་སྣང་སྲིད་ས་ལེར་མཁྱེན། །དེ་ཕྱིར་ལེགས་ཉེས་ཅི་འདོད་ཀུན། །ཐམས་ཅད་སྟོན་ཅིང་བཤད་པར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །འདི་ནི་བཀྲ་ཤིས། དམ་གཙང་། ཟས་ནོར་འདུ། ཕུག་ཆེ། དོན་གསལ་ལོ། །ཆོས་ལ་དཀར། ལོངས་སྤྱོད་ཆེ། སྤྱོད་པ་འཇམ། སྙིང་ཉེ། ཟས་ནོར་འདུ། མངོན་ཤེས་རྒྱ་ཆེན་པོ་འཆར། བཀྲ་ཤིས་ཕྱི་ཐག་རིང་པའོ། །།འདི་ནི་སྙིང་ཉེ་དམ་གཙང་། འགྲུབ་ཐབ་ཉེ་ཞིང་ཕུག་བཀྲ་ཤིས། གཏོར་མ་ལ་བརྩོན་པར་བྱས་ན་ལོངས་སྤྱོད་རྒྱ་མཚོ་ལྷུད་པ་ལྟ་བུར་འགྱུར་རོ། །དང་པོ་བཀྲེས་པ་ལོངས་སྤྱོད་མེད་པ་གཅིག་གིས་བསྒྲུབས་ཀྱང་། ལོངས་

[Full Size]

སྤྱོད་འཁོར་ལོས་སྒྱུར་བའི་རྒྱལ་པོ་དང་མཉམ་པར་འགྱུར་རོ། །ཞེས་གསུངས་སོ། །ཞེས་པ་འདི་ཡང་ཐུགས་རྗེ་ཆེན་པོ་གསང་བ་འདུས་པའི་སྒྲུབ་ཆེན་དུས་བཀའ་སྲུང་རེད་པས་གཏོར་མ་འབུལ་ཕྱིར་ཨ་རཱ་གས་སྦྱར་བ་བཀྲ་ཤིས་དཔལ་དུ་འབར་བས་སེམས་ཅན་བདེ་སྐྱིད་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

[Full Size]

ཤོག་སྟོང་།

འབྱུང་པོ་ནོར་བདག་ལ་མཆོད་པ།

[Full Size]

བླ་མ་དང་ཡི་དམ་ལ་ཕྱག་འཚལ་ལོ། །འབྱུང་པོ་ནོར་བདག་མཆོད་འདོད་ན། །དཀར་གཏོར་དང་ནི་ཟས་སྣ་བཤམས། །ར་ཚིལ་སྤོས་དཀར་དུད་པས་བདུག །དར་དཀར་གཡབ་ཅིང་འདི་སྐད་དོ། །ཨོཾ་ཨ་ཀཱ་རོ༔ སྐད་ཅིག་གིས་དགེ་བསྙེན་ཡེ་ཤེས་གྲགས་གནས་འདིར་སྤྱན་འདྲེན་ནོ། །ཏྲིའུ་ཤུ་ལ་ས་མ་ཡ་ཛ་ཛཿ ཀྱི། ཏྲི་ལས་བྱུང་བའི་དགེ་བསྙེན་ཡེ་ཤེས་གྲགས་། །གཞོན་མཛེས་སྐུ་མདོག་དམར་ལ་འོད་ཟེར་འབར། །ཕྱག་གཡས་བསམ་འཕེལ་ཡིད་བཞིན་ནོར་བུ་བསྣམས། །གཡོན་པས་ནེའུ་ལེའི་རྐྱལ་པ་ནོར་སྐྱགས་འཛིན། །ཡིད་འོང་བལྟ་བས་མི་ངོམས་མཛེས་པའི་སྐུ། །ལོངས་སྤྱོད་ཅི་འདོད་འབྱུང་བར་མངའ་གསོལ་ལོ། །ཁྱོད་མཐུན་དམ་རྫས་གཞི་མ་དཀར་པོའི་སྟེང་། །འབྲས་དཀར་གཡུང་དྲུང་རིས་བཀོད་བྱ་རྒོད་མདའ། །ཕ་ཝཾ་ལོང་བུ་གསེར་གཡུ་བྱི་རུ་ཤེལ། །དུང་དང་དར་དཀར་སྐུ་རྟེན་བླ་རྡོ་དང་། །ར་ལུག་སྲིན་བྱའི་ཤ་གསུར་སྒོག་གླུམ་དང་། །དཀར་གཏོར་རྒྱན་ལྡན་དཀར་དམར་རྫས་ཀྱི་རིགས། །དགྱེས་རྫ་ས་མཆོད་པའི་རྫ་ས་ཀྱིས་མངའ་གསོལ་ལོ། །སྔོན་ཆེ་ཆེ་མཆོག་ཧེ་རུ་ཀ་དཔལ་དང་། །པད་འབྱུང་སྤྱན་སྔར་ཁས་བླངས་དམ་བཅས་

[Full Size]

བཞིན། །སྔགས་འཆང་བདག་ལ་འདོད་དགུ་ཆར་ལྟར་ཕོབ། །ལེགས་ཉེས་གསལ་བ་པྲ་ཡི་མངོན་ཤེས་སྟོན། །ཅི་འདོད་ལོངས་སྤྱོད་རྒྱ་མཚོ་ལྷུད་ལྟར་སྩོལ། །བཅོལ་བའི་ཕྲིན་ལས་མ་ལུས་འགྲུབ་པར་མཛོད། །ཅེས་རྒྱུན་དུ་བརྟེན་ཞིང་གལ་ཆེན་པོ་གཞུང་གི་བརྟེན་ཐབས་སུ་དམིགས་ཏེ། རཱ་ག་ཨ་སྱས་སྦྱར་བའོ།། །། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །།

[Full Size]

པར་བྱང་སྨོན་ཚིག །རྣམ་གྲོལ་ཞི་བའི་རྒྱ་མཚོར་རོ་གཅིག་ཏུ། །།གཞོལ་བའི་མཐའ་ཡས་ཆོས་ཚུལ་དལ་འབབས་ཀླུང་། །ཚིག་གི་ཟེགས་མ་རེས་ཀྱང་དུག་གསུམ་གྱི། །དྲི་མ་ཡོངས་འཁྱུད་ལེགས་བཤད་བདུད་རྩི་འདི། །པར་དུ་བསྐྲུན་པའི་རྣམ་དཀར་ཕུང་པོའི་མཐུས། །ཡང་དག་ཆོས་ཀྱི་སྒོ་མོ་སྟོང་ཕྲག་བརྒྱ། །གདངས་ཏེ་རྒྱུད་ལྔའི་འགྲོ་བ་མ་ལུས་པ། །ངེས་ལེགས་ནོར་བུའི་མཛོད་ལ་དབང་འབྱོར་ཤོག །ཅེས་པ་འདི་ཡང་ནང་བསྟན་གྲུབ་མཐའ་རིས་མེད་ཀྱི་གསུང་རབ་དག་པར་དུ་བསྐྲུན་དང་བསྐྲུན་འགྱུར་གང་ལའང་སྦྱར་ཆོག་པའི་དགེ་བའི་སྨོན་ཚིག་ཏུ། ཤཱཀྱའི་དགེ་སྦྱོང་ཆོས་སྨྲ་བ་ངག་དབང་བློ་བཟང་བསྟན་འཛིན་རྒྱ་མཚོས་སྦྱར་བའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།