མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

པོད་དང་པོ། མ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

རྟ་མགྲིན་ཡང་ཆུང་ནག་པོའི་ཟིན་བྲིས་འདོན་འགྲིགས།

[Full Size]

རྟ་མགྲིན་ཡང་ཆུང་ནག་པོའི་ཟིན་བྲིས་འདོན་འགྲིགས་ཡོད་དོ།། གུ་རུ་ཧ་ཡ་གྲྭ་ཝ་ལ་ན་མོ། རྟ་མགྲིན་ནག་པོ་ཡང་ཆུང་གཏོར་ཟློག་གི་འདོན་འགྲིགས་བརྗེད་ཐོ་བླ་མའི་ཞལ་ཤེས་ལྟར་ལ། དང་པོ་གོང་གཏོར་རྩ་གསུམ་སོགས་དང་། གཏོར་ཟློག་དང་གསོལ་ཁ་རྣམས་དཔེ་རིས་དང་ཟིན་བྲིས་མཐོང་བ་བརྒྱུད་པ་ལྟར་མཆོད་གཏོར་རྣམས་ལེགས་པར་གྲུབ་ནས། དངོས་གཞི་ལ་ཆབ་སྦྱངས་དང་། སྐྱབས་སེམས་སྔོན་འགྲོ་དཀར་བགེགས་སོགས་བཏང་། གུ་རུ་ཞི་དྲག་སོགས་ཡི་དམ་གང་རུང་གི་ལས་བྱང་བྱ། བདག་བསྐྱེད་རཏ་གླིང་གི་རྟ་ནག་ལྕགས་རལ་དང་། མདུན་བསྐྱེད་ཡང་ཆུང་གི་མདོས་བྲན། ཨོཾ་བཛྲ་ཀྲོ་ཏ་སོགས་ནས་བསྟོད་ཅིང་ཕྲིན་ལས་བཅོལ་བ་ཡན་སོགས། མཁའ་འགྲོ་ཆོས་སྐྱོང་སོགས། ཚོགས་བཤམས་ནས་བྱིན་རླབས་བྱ། མཆོད་པ་གཏོར་བསྔོས། བསྐང་ཐུང་། བསྐང་རྫས་བྱིན་རླབས་སྤྱི་ལྟར་བྱ། དེ་ནས་གསོལ་ཀ་འདོད་རྒུ་ལྷུན་གྲུབ་སོགས། སྡེ་བརྒྱད་གསོལ་ཀ་བྱ། ཡི་དམ་བསྐང་བ་དང་། རྒྱུད་བསྐང་། རཏ་གླིང་ལྕགས་རལ་བསྐང་བ་དང་། གཞུང་བཞིན་བསྐང་བ་བཤགས་པ། མངའ་གསོལ། བསྙེན་པ་བྱ། ༈ ཚོགས་ཐ་མ་དང་ལིངྒ་དང་གཏོར་ཆུང་གསེར་སྐྱེམས་བཤམས་ལ། དེ་ནས་སྨད་ལས་ནང་ནས་གསེར་སྐྱེམས་ཐོགས་ལ། ཨོཾ་ཨཱཿཧཱུྃ། བླ་མེད་སོགས་ནས་ཁཱ་ཧི། འོག་གི་བཟློག་པའི་མཇུག་གི་གཙོ་བོའི་བསྐུལ་པ། ཧཱུྃ། གྲུ་གསུམ་མཐིང་ནག་སོགས་ནས། ཕྲིན་ལས་མཛོད་བར། །

[Full Size]

གོང་གི་གསེར་སྐྱེམས་མཐའི། ཨོཾ་བཛྲ་ཀྲོ་ཏ་སོགས་ནས་བསྒྲལ་ལས་བསྟབ་པ་དང་། བཟློག་པ་རྣམས་དང་ཁྱུང་ཟློག །སྡེ་བརྒྱད་བསྐུལ་ཟློག །རྩང་ཟློག་རྣམས་བྱ། དེ་ནས་ཚོགས་ལ་རོལ་ཞིང་ལྷག་མ་བྱའོ།། ༈ ཞག་གྲངས་བཞག་ན་བཟློག་པ་ཚར་གྲངས་བྱ། ནུབ་རྣམས་སུ་ཡི་དམ་ལྟར་གྱི་གཏོར་འབུལ་སོགས་དང་། ཆད་མདོ་བརྟན་སྐྱོང་བྱའོ།། ༈ རྗེས་ཀྱི་ལས་རིམ་ནི། དང་པོ་ནང་སྒོ་ཕྱེ། ཕྱོགས་ཕྱོགས་དེ་ནི་ཕ་ཀི་སོགས་ནས་སྒོ་ཕྱེས་ཤིག༔ དངོས་གྲུབ་ནི། ཧྲཱིཿ འཇིགས་པ་བརྒྱད་སྐྱོབ་སོགས་དངོས་གྲུབ་བླང་། དེ་ནས། ན་མོ་རྩ་བརྒྱུད་སྦྱར། དཀོན་སྤྱི་བསྐུལ་པ་ལྕགས་རལ་བསྐུལ་པ། ཡང་ཆུང་སྡེ་བརྒྱད་བསྐུལ་པ་ཛཿཛའི་བར། དགྲ་ཆོས་དང་གསེར་སྐྱེམས་བྱ། ར་དགེ། ཡི་དམ་གྱི་ཚད་མདོ་བྱ། དཀར་གཏོར་ཟ་ལམ། ཕྱི་སྒོ་སྤྱི་ལྟར། བྲུབ་ཁུང་བསྐྱེད། འགུགས་གཞུག་བྱ། གཞུང་གི་ཟོར་དང་དམོད་སོགས་བྱ། གཏོར་མ་རྣམས་དགྲ་ཕྱོགས་སུ་ཟེའཕང་། བརྟན་སྐྱོང་། རྟ་བྲོ། ཕྱི་རྗེས་བཅད། ནང་དུ་ལོག་ནས་གཏང་རག་ཚོགས་མཆོད་ཡི་དམ་ལྟར་དུ་བྱ། ཚེ་དབང་ཚེ་འགུགས་བསྐུལ་པ་བྱ། མཆོད་བསྟོད་བཤགས་པ། གཤེགས་གསོལ། བསྡུ་རིམ། བསྔོ་བ། །སྨོན་ལམ། ཤིས་བརྗོད་རྒྱས་པར་བྱའོ། །མཐར་དོན་དམ་དམིགས་མེད་རྫོགས་པ་ཆེན་པོར་བཞག་པ་མ་གཏོགས་གཞན་དབང་དུ་མ་བཏང་བ་གནད་གལ་ཆེའོ། །ཞེས་རཱ་ག་ཨ་སྱས་སྦྱར་བའོ། །སརྦ་མངྒ་ལཾ།།

དཔལ་རྟ་མགྲིན་ནག་པོའི་མགོན་ཆུ་བསྐོལ་བ་ཞེས་བ། དྲག་པོའི་ལས་སྦྱོར་བཙོ་རྔོ་སྲེག་གསུམ་གྱི། ཕྱག་ལེན་བལྟས་ཆོག་ཏུ་བཀོད་པ།

[Full Size]

དཔལ་རྟ་མགྲིན་ནག་པོའི་མགོན་ཆུ་བསྐོལ་བ་ཞེས་བ། དྲག་པོའི་ལས་སྦྱོར་བཙོ་རྔོ་སྲེག་གསུམ་གྱི། ཕྱག་ལེན་བལྟས་ཆོག་ཏུ་བཀོད་པ་བཞུགས་ལགས་སོ།།

[Full Size]

རྒྱ་གར་སྐད་དུ། ཤྲཱི་བྱ་གྷཾ་ཝ་ཀཱ་ལ་ཙིཏྟ་མ་སཱ་དྷ་ན་མ། བོད་སྐད་དུ། དཔལ་རྟ་མགྲིན་ནག་པོ་ཐུགས་ཀྱི་སྒྲུབ་ཐབས་ཞེས་བྱ་བ། རྒྱ་གཞུང་ཆེན་པོ་ལས། གནོད་བྱེད་འདུལ་བའི་ལས་བྱེད་ན། །བཙོ་བ་བརྔོ་བ་བསྲེགས་པ་གསུམ། །དང་པོ་བཙོ་བའི་ལས་བྱེད་ན། །གྲུ་གསུམ་དུར་ཁྲོད་སྒྱེད་པུ་བཙུགས། །མགོན་ཟངས་ནང་དུ་ཆུ་གཙང་བསྐོལ། །སྟེང་དུ་དྲག་པོའི་གཏོར་མ་བཤམས། །མགོན་ཟངས་དུར་ཁྲོད་གཞལ་ཡས་སུ། །མགོན་ཆུ་རྟ་མགྲིན་ནག་པོར་བསྐྱེད། །གཏོར་མ་གནོད་བྱེད་དངོས་སུ་བཤམས། །བསྐྱེད་རིམ་མཆོད་བསྟོད་དྲག་ཏུ་བྱ། །དེ་ནས་རྟ་མགྲིན་འོད་དུ་ཞུ། །ཁྲོ་ཆུ་ཁོལ་མ་ལྟ་བུར་བསམ། །ལྷ་ཚོགས་གསོལ་ཞིང་སྲུང་མ་བསྐུལ། །མགོན་ཆུ་སྤྲོ་ཞིང་གདོན་

[Full Size]

བགེགས་བཏུལ། །དྲག་སྔགས་གཟིར་ཞིང་ལྕག་གིས་བྲབ། །དེ་ནས་མགོན་ཟངས་གྲུ་གསུམ་དུ། །གདོན་བགེགས་བཀུག་ལ་གཏོར་མ་བརྡེག །མགོན་ཟངས་སྒྲུབ་ལ་རྟ་བྲོ་བརྡུང་། ༈ གཉིས་པ་བཟོ་བའི་ལས་བྱེད་ན། །རབས་ཆད་ནག་མོའི་སླ་ང་རུ། །མར་ནག་དུག་སྣ་སྦྱར་ལ་བསྐོལ། །སྟེང་དུ་གདོན་བགེགས་ལིངྒ་བཞག །མེ་ཐབས་རྟ་མགྲིན་ནག་པོ་བསྒོམ། །སླ་ང་ཁྲོ་བོའི་ཞལ་དུ་བསམ། །མར་ཁུ་དུག་ཁྲག་རྒྱ་མཚོར་བསྐྱེད། །ལིངྒ་གདོན་བགེགས་བསྐྱེད་བསྟིམ་བྱ། །ཆང་དང་བུལ་ཏོག་སྔགས་ཐུན་བརྡེག །མེ་འབར་གནོད་བྱེད་དངོས་སུ་བསྲེགས། །གཏོར་མ་ལ་སོགས་གོང་བཞིན་བྱ། ༈ །གསུམ་པ་སྲེག་པའི་ལས་བྱེད་ན། །མཎྜལ་ནག་པོ་གྲུ་གསུམ་སྟེང་། །དྲག་པོའི་ཤིང་སྣ་གྲུ་གསུམ་བརྩེགས། །མེ་སྦྱར་མེ་ལྷ་

[Full Size]

རྟ་མགྲིན་བསྐྱེད། །ལིངྒ་བྷ་ལིང་ཤ་ཁྲག་ལ། །གདོན་བགེགས་བསྟིམས་ནས་ཉེར་གཅིག་འབུལ། །དགྲ་བགེགས་དངོས་སུ་གསོལ་བར་བསམ། །རྗེས་ཀྱི་བྱ་བ་གོང་བཞིན་ནོ། །ཞེས་འབྱུང་སྟེ། སློབ་དཔོན་པདྨ་འབྱུང་གནས་ཀྱིས་མཛད་ཅིང་། མངའ་བདག་ཉང་གི་གཏེར་མ་འདི་ཤིན་ཏུ་ཁུངས་བཙུན་ཞིང་དབང་ལུང་གི་རྒྱུན་ཡོད་པས། འདིའི་ཕྱག་ལེན་གཏན་ལ་འབེབས་པ་ལ་རྩ་བ་གསུམ་གྱི་ལྷ་ཚོགས་རྣམས་ཀྱིས་བཀའ་ཡི་གནང་བ་སྩོལ་ཞིང་བྱིན་གྱིས་བརླབ་ཏུ་གསོལ། དེ་ལ་འདི་དྲག་ལས་ཆེན་པོ་ཡིན་པས། འདི་སུ་ཡིན་གྱིས་ནམ་དགར་བྱ་མི་རུང་སྟེ། རབ་གཏེར་ཁ་གང་རུང་གི་རྟ་མགྲིན་ནག་པོའི་བསྙེན་པ་ཚད་དུ་ཕྱིན་པ། འབྲིང་ཡི་དམ་གང་རུང་གི་བསྙེན་སྒྲུབ་མང་དུ་ཐེམ་ཞིང་། རྟ་ནག་ཉང་ལུགས་འདིའི་དབང་ལུང་ཐོབ་པ། ཐ་མ་ཡང་ཡི་དམ་གང་རུང་གི་གྲངས་བསྙེན་ཐེམ་ཞིང་རྟ་མགྲིན་འདིའི་དབང་ཐོབ་པ་ཞིག་གིས་རུང་ཙམ་མོ། །ཡོན་བདག་གི་ཡང་བདེ་རིམ་ལ་ནི་དྲག་ལས་འདི་འདྲ་མི་རུང་སྟེ། ཁྱིམ་དུ་བཙོག་ནལ་གཡོས་པའམ་མིང་སྲིང་སོགས་ཀྱི་ནལ་བུ་སྐྱེས་པ་དམེ་བྱས་རྨུག་སྐྱེས་པ། ཁྱིམ་དུ་འདྲེ་ཚང་བཅས་པ་མདོར་ན་གྲིབ་དང་མི་གཙང་བ་ལ་བརྟེན་ནས་ན་ཚ་རྒོད་གདོན་ཁ་ཆེ་བ་ལ་འདི་བྱའོ། །དེ་ཡང་བསྐང་བ་བཟློག་པ་སོགས་ཞག་མང་བྱས་པའི་མཇུག་ལ་བྱ་སྲོལ་ཡོད་ཅིང་ཆོད་ཀྱང་ཆེ། ཡོན་བདག་འབྱོར་པ་མེད་ན་ཞག་གཅིག་ལ་ཡང་མི་རུང་བ་ཡང་མེད་དེ། དགོས་ཆས་འདི་རྣམས་སྔ་ཚེ་ནས་འཛོམས་དགོས་པས། །ཡོན་བདག་བསམ་ཡོད་རྣམས་མདུན་དུ་བོས་ལ་འདི་སྐད་དོ།

[Full Size]

ད་མགོན་ཆུ་བསྐོལ་བ་འདི་འཚེར། དགོས་ཆའི་རྫས་རྣམས་རྟེན་འབྲེལ་ཡིན་པས་མ་ཚང་བ་དང་། སྔགས་གྲངས་ཉུང་བ་དང་། དམིགས་པ་མ་ཟིན་ན་ཚིག་སྲོག་སོགས་འོང་ཉན་ཆེ། སྔར་དེ་འདྲ་བྱུང་རབ་ཡང་མང་པོ་ཡོད་པས་གཟབ་དགོས། སང་ཉིན་སྔ་དྲོ་ངས་ངག་གཅོད་དགོས་པས་དགོས་ཆ་འདི་རྣམས་འཛོམས་པར་གྱིས། སྐག་ལེ་ཅུང་ཞིག་འགེམ་ཡོད་པ་ཞིག །བལ་རྩི་མེད་པའི་བསད་ཡག་བྱས་ལ་ཉ་ག་དོ་གསུམ་ཙམ། དེ་ལ་ཐིག་གུ་ཕྲ་སྦོམ་ཏིལ་ཡུ་ཙམ་ལ་རིང་ཐུང་འདོམ་ཕྱེད་ཙམ་པ་ཞིག །དེ་འཕྲོའི་བལ་འདབ་རྣམས་དང་། མར་དཀར་ཆུ་བཅག་པའི་སྙིམ་པ་ཁ་སྦྱོར་ཙམ་ཐུ་རུས་ཙག་པ། མདའ་ལེབ་མ་ཆག་གས་མེད་པའི་མདའ་དར་གཅིག་ལ། རིན་ཆེན་སྣ་ལྔ་མཚོན་ཙམ་བཏགས། རྡུལ་ཚོན་དཀར་དམར་སེར་གསུམ་ནག་པོ། ཐིག་སྐུད་གཅིག་དེ་རྣམས་ཀྱང་བཟོ་དགོས་སོ། །མཁར་སྒོང་ཆེན་པོ་བཅག་པའི་དུམ་བུ་གྲུ་གསུམ་གྱི་དབྱིབས་ཅན་ཆེ་ཆུང་ཐེབ་སྐོར་གཉིས་བསྡོམ་ཙམ་པ་དྲུག །རས་གྲུ་བཞི་སོར་བཞི་ཙམ་སྣུམ་དུ་བསྒྲེས་ནས་བརྩིར་ཡག་བྱས་པ་གསུམ། མེ་རུ་སྦོམ་ཞིང་རིང་བ་རྩེ་མོ་རས་མཐོ་རེ་ཙམ་གྱིས་དཀྲིས་པ་ལྔ། དུང་རྡོག་ཁ་མ་ཡོ་བ་ལེགས་པ་མཐར་ཁྱེད་རང་རྣམས་ལ་བསྲུང་བ་བཏགས་རྒྱུ་ཡིན་པས་དུ་གདའ། དེ་དང་མཉམ་དུ་གྲི་ཆུང་གཅིག་མེད་ན་ཐ་ན་འབུག་དང་ཁབ་སྦོམ་ཡན་ཆད་མཚོན་ཆའི་རིགས་གཅིག །གྲི་ཆུང་ཡུ་བ་མེད་ཀྱང་རུང་། སྔོན་དུ་ཕུགས་གཏོར་ཡོད་ཀྱང་ཕུགས་གཏོར་བསྡུས་པ་ཞིག་བཅའ། དགོས་པས་དེའི་ཆས་ཀ་ཚེར་ནག་འོམ་བུ་སྐྱེར་པ་

[Full Size]

སུར་དཀར་སོགས་ཤིང་སྣ་གང་འཛོམས་ཆག་རེ་ཙམ། སྒྱེད་པུ་ས་སྐྱེད་སོགས་རྙིང་པ་ཡང་རུང་མེད་ན་རྡོ་འཕག་དོགས་མེད་པའི་སྒྱེད་པུ་གསུམ། མཁར་སྒོང་ཐེབ་སྐོར་ཙམ་གསུམ། རྗེས་གེ་མཛུབ་མགོ་ཙམ་དཀར་པོ་བཅུ་གསུམ། ནག་པོ་བཅུ་གསུམ། རབ་ཟངས་ཆག་གས་མེད་པ། འབྲིང་བལ་མ་ཆེན་པོ། ཐ་མ་ལྕགས་འགུ་ཆེན་པོ། རྫ་མ་ནི་རྐུབ་བུད་པས་མི་ཉན། ༈ ཞོར་ལ་མེ་མཆོད་བྱེད་ན་སྦང་མ་སྐམ་པོ་སླ་ངར་ཅུང་ཞིག་བརྔོས་ལ་ཞིབ་ཏུ་བཏགས། མི་ཉུང་ཞིང་ཁྱིམ་ཆུང་ན་སྡེར་རུ་གསུམ་བཞི་ཙམ་གྱིས་ཆོག །མི་མང་ཁྱིམ་ཆེ་ན་དེ་ལུགས་ཀྱིས་མང་དགོས། ཤིང་གཤག་གྲུ་རེ་ཙམ་དུ་གཏུབ་པ་དཔུང་པ་དོ་གསུམ་རེ། སུ་རུ་སྐམ་པོ་ཡོད་ན་རུང་། མེད་ན་ཤིང་ཕྲའུ་གཤག་པ་པང་གང་ལྷག་ཙམ། ཤུག་ལོ་གྲུ་རེ་ཙམ་ཆག་པ་གསུམ། མདུང་ཐང་ཐུང་ངམ་ཀ་ར་གསུམ། ཟངས་ལྕགས་ཀྱི་སྡེར་མའམ། མེད་ན་ཤིང་སྡེརགཙང་མ་གཅིག །དེ་རྣམས་སྔ་ཚེ་ནས་འཛོམ་པར་གྱིས། ཁྱིམ་གྱི་ཡང་ས་རྩྭ་སོགས་ཀྱི་རྩིག་པ་སོགས་མེད་ས་གཅིག་ཏུ་ས་གདན་ཡིན་ན་སྔོའམ་ཤིང་ལོ་རྡོ་ལེབ་བཀོད། ཁང་སྟེང་ཡིན་ན་མི་དགོས་ཏེ། ས་ཞིབ་གཙང་མ་ལོང་ལ་ཕུབ་ཀྱི་ཁ་རྒྱ་ཙམ་ཆུ་ཆག་གིས་ལེགས་པར་བཅག་ལ་མེ་ལོང་ངོས་འདྲ་བར་གྱིས། དེ་ལ་སོལ་ཕྱེ་ཐོབ་ལ་ནག་པོ་གྱིས་ལ་ཕྱིས། བལ་གྱི་ལྷག་མ་སྐག་ལེ་མདའ་དར་རིན་ཆེན་སྣ་ལྔ་རྣམས་ཀྱང་འཁྱེར་སྲོལ་ཡོད་ཀྱང་ཅི་བདེ་ཆོག །སྔགས་ཀྱི་གཞུང་རྣམས་ནས། ལྷ་ལ་རྟེན་མེད་པར་འདྲེ་ལ་དྲག་ལས་བྱས་ན་སྔགས་པའི་སྲོག་ལ་བར་ཆད་འོང་བར་བཤད་

[Full Size]

པ། སྔོན་གྱི་ཆོས་རྒྱལ་རྣམས་ཀྱི་ཁྲིམས་ཡིག་ལས། བླ་མཆོད་ལ་ལྷ་རྟེན་མ་བཞག་པར། ཡོན་བདག་ཚང་དུ་བླ་མཆོད་ཤི་ན་ཡོན་བདག་ཚང་ལ་ཁག་ཡོད། ལྷ་རྟེན་བཞག་ནས་དེར་ཤི་ཡང་ཁག་མེད་པར་སྲོག་རིན་ཡིན་ཟེར་སྲོལ་གདའ། དེ་ལ་སྔོན་ནས་བཞག་པ་དང་ཕྱི་ཁས་ཀྱིས་མི་ཆོག །སང་བཅའ་ཚོགས་ཚར་ནས་འདོན་པའི་དབུ་བཙུགས་ཙམ་ལ། ལྷ་རྟེན་ཅི་འབྱོར་ཅིག་ཁྱེར་ཤོག །དེས་བླ་མཆོད་ཀྱི་བསྲུང་བ་དགོས་རྒྱུ་རེད། ངའི་ཟ་འདོད་མིན་ཧེ་ཧེ། སང་ཉིན་སྔ་མོ་སྐར་ཆུ་ལོན་ན་རབ་ཡིན། མིན་ཀྱང་རི་རྩེ་ཉི་མ་མ་ཕོག་དུས་ཞོགས་ཆུ། ཆུ་གཏོར་ས་མང་ན་ཆུ་ཡང་མང་དགོས། གཏོར་ས་དུད་གཅིག་ཡིན་ན་ཟོམ་དོ་ཙམ་གྱིས་ཆོག །བུ་ཚ་བུ་མོ་མགོ་གཙང་ཡིན་ངེས་པ་གཅིག་གམ་གཉིས་སམ་གསུམ་ཡང་རུང་སྟེ། ལག་ཏུ་ནས་འབྲུ་བཟུང་ལ་འགྲོ། དང་པོ་ཆུ་ལ་ནས་འབྲུ་མཆོད། དེ་ནས་གཟར་ཁ་ཡར་ཕུ་ངོས་ལ་བརྟེན་ནས་ཆུ་བཅུས་ཏེ། ཁྱེར་འོང་ནས་སྔགས་པའི་མདུན་དུ་བཞག །ཆུ་དེའི་ཕུད་ཟོ་བ་གཙང་མ་གང་བཅུས་ལ་རང་གི་མདུན་དུ་བཞག །ཕྱིར་ནངས་རྩ་སྟོང་ཡིན་ནམ་མིན་ཀྱང་ཤ་ཆང་མ་ཟོས་པར་ངག་བཅད་ནས། ཕུ་དང་སྔགས་མཆིལ་གྱིས་ཆུ་དང་མར་བསྔགས་ཏེ། སྔགས་འདི་འདྲ་ལ་ཁད་པ་ཞིག་འབྱུང་སྟེ། ཇི་ལྟ་བ་འདི་ནི་སྔར་ཡི་གེར་བྲི་སྲོལ་མེད་སྙན་བརྒྱུད་ཡིན། ༈ ཨོཾ་དཀར་བྲམ་ཟེ༔ དམར་བྲམ་ཟེ༔ མེ་བྲམ་ཟེ༔ དེ་ལ་ཧོ་བྲམ་ཟེ༔ ཁྲོ་ཆུ་བྲམ་ཟེ༔ རྦད་བྲམ་བྲེ༔ སོད་སྭཱ་ཧཱ༔ འདི་ལ་གྲངས་ཁ་

[Full Size]

ངེས་ངེས་མ་གསུངས་ཀྱང་རང་ངག་ནུས་ཡོད་ན་སྟོང་ཚོ་ལྔ་ཙམ༔ ངག་ནུས་ཆུང་ན་དེ་ཡན་ཅི་ནུས་བཟླས། འདི་ནི་ཇོ་ལྕགས་ཆུ་གསུམ་གྱིས་སྔགས་སྔར་གྱི་ལག་བླངས་ཅན་ཡིན། ཡང་གནམ་ཆོས་ནས་གསུངས་པའི་ལྕགས་གནུར་སོགས་ཀྱི་སྔགས་ནི། ༈ ཨོཾ་བྲམ་ཟེ་དཀར་ནག་མགོ་ལ་སད༔ དེ་ལ་རྦད་སྭ་ཧཱཿ འདི་ལ་སྟོང་ཡན་ཆད་ཅི་མང་བཟླས་ལ་སྔགས། སྔགས་འདིས་ཆུ་བསྐོལ་དུས་ཐུབ་པ་ནི་བཅའ་ཚོགས་དང་། ཆུ་བསྐོལ་གཞུང་གི་འདོན་པ་དང་། ཕྱག་ལེན་ཟབ་པའི་དོན་ཡིན་གྱིས། དག་བྱེད་དུས་འདིའི་མི་ཐུབ་ངེས་ཏེ། བཅའ་ཚོགས་དང་འདོན་པའི་གཞུང་ཡང་མེད། སྔགས་ཆུས་བཀྲུ་བ་དང་། སྔགས་མར་བྱུག་མི་ཆོག་དམིགས་པ་མི་ཤེས། ལྷ་འདྲེས་དྲང་ཤན་ཡང་ཕྱེ་བའི་ཕྱིར། འདིས་ཐུབ་བསམས་ནས་རང་གཞན་ཕུང་བར་མི་བྱེད་པ་གལ་ཆེའོ།། ༈ དེ་ནས་སྔགས་མར་གྱི་ཐིག་གུ་ལྗིད་མོར་བྱུག་ལ་སྦྲུལ་ལྟར་བསྐྱིལ་ལ་སྔགས་ཆུ་ནང་དུ་འཕང་ངོ་། །གཏོར་འགུ་ཡང་འདྲ་གཅིག་གི་ནང་དུ་བལ་འདབ་མང་པོ་བརྩེགས་ལ་བསྟན་ནས་སྔགས་ཆུ་བྱུག་ལ་སྦྱང་ནས་བཞག །དེ་གཉིས་ཀྱིས་ཁ་བཀབ་སྟེ་གཞན་གྱིས་མི་མཐོང་བར་སྦས། དེ་ནས་ངག་བཏང་དགོས་མ་བྱུང་ན་བཟང་བཏང་ཡང་རུང་། སྔགས་གཞན་གྱིས་མ་ཐོས་པར་ལྐོག་འབུགས་སུ་འདོན་ཅིང་། སེམས་ཀྱིས་རང་ཉིད་རྒྱ་མཚོའིདཀྱིལ་གྱི་ཉ་སྤྲ་བ་ཁ་ཆེ་ཡིན་པར་བསྒོམ། སྐག་ལེ་དང་མཁར་སྒོང་རྣམས་རྒྱ་མཚོའི་དཀྱིལ་གྱི་ཆུ་རྡོ་ཡིན་པར་བསྒོམས་ཤིང་བཅའ་ཚོགས་རྣམས་བཅའ་སྟེ། གཞི་དཀར་པོ་ཞིག་བཏིང་ལ། བླ་

[Full Size]

མ་ཡི་དམ་མཁའ་འགྲོ་ཆོས་སྐྱོང་ནོར་ལྷ་ཕྱི་རྒྱུད་ཀུན་འདུས་ཕུགས་གཏོར་ལྔ་ཚོམ་ཙམ་བཅའ། ཚོགས་གཏོར་འབུལ་དཀར་གཏོར། སྔོན་འགྲོ་དཀར་བགེགས་ལྷ་བཤོས་གཅིག །དེ་རྣམས་གཞུང་ལྟར་ལས། ཟངས་ལྕགས་སམ་སྡེར་ནང་དུ་དུང་རྡོག་བཅུག་པའི་གཏོར་མ་ཟུར་གསུམ་མཐོ་གང་མར་རྒྱན་ཅན། དེའི་རྩེ་མར་གྱི་བྱ་ཁྱུང་བཙུགས། གཏོར་མ་དེའི་གཡས་གཡོན་མདུན་གསུམ་དུ། དམར་གཏོར་མར་རྒྱན་མེད་པ་ཆུང་བ་གསུམ། མདུན་དུ་སྒོ་ངའི་ཚུལ་མར་གྱི་རིལ་བུ་གསུམ། གཙོ་བོ་ལ་ལིངྒ་ཞིག་མགོ་ཐུར་དུ་བསྟན་ལ་བཙུགས། ས་འབེབས་ཀྱི་ལྕོག་རྡོག་ཅིག །ལིངྒ་ཆུང་ངུ་པར་མ་ཉེར་གཅིག །པར་མེད་ན་གཏུབ་རྒྱུ་ཅུང་ཟད་ཆེ་བ་གཅིག་གིས་ཆོག །དེ་རྣམས་ལ་ཁྲག་ཐིག་བྱུག་ཤ་དུམ་སྦྱར། གཞི་ཐོག་ཏུ་མཆོད་པ་རྣམ་ལྔ་ཚོགས་གཏོར་འབུལ་དང་། ཕྱེ་མར་སྡེར་ཆུང་གང་བཞག་པའི་ནང་ནས་མར་དང་ཕྱེ་ཕུར་བྱས་ལ་ཐེབ་ཙེ་ཆུང་བ་གང་ཙམ་བཞག །དེ་ནས་ད་ནངས་རང་ཉིད་རྟ་མགྲིན་ནག་པོ་རཏྣ་ལུགས་སམ། ཉང་ལུགས་ཀྱི་བདག་བསྐྱེད་སྔོན་དུ་སོང་ན་ལེགས། མ་སོང་ཡང་དྲན་རྫོགས་སུ་རང་ཉིད་རྟ་མགྲིན་ནག་པོར་བསྒོམས་པས་ཆོག །ཐིག་སྐུད་རྡུལ་མཚོན་དང་ལྕོག་རྡོག་བཤམས་པ་ཁྱེར་ནས་ས་སྟེགས་བཅག་སར་འགྲོ་སྟེ། ས་སྟེགས་སྟེང་དུ་ལྕོག་རྡོག་བཤམས་ལ་བྲན། ཨོཾ་ཨ་ཀཱ་རོ་སོགས། ཞེས་བྱིན་གྱིས་བརླབས་ལ་གནས་བདག་ས་བདག་ལ་བསྔོ། ཧཱུྃ། ཇི་ལྟར་སྔོན་གྱི་དཔང་མཛད་ལྟར། །སེམས་ཅན་རྣམས་ཀྱི་དོན་གྱི་ཕྱིར། །

[Full Size]

བདག་གིས་བྱང་ཆུབ་སེམས་བསྒྲུབས་པས། །མཆོད་འབུལ་དཔང་མཛོད་ས་འདི་ཞུ། །བཅུ་གཉིས་ལོ་ཡི་རྟ་ལ་ཞོན། །ཀོ་ལོང་སྡོམ་པའི་ལྷ་དགུ་སོགས། །འབྱུང་པོའི་ཚོགས་རྣམས་མ་ལུས་ཀུན། །ས་གླུད་མཆོད་སྦྱིན་གཏོར་མ་བཞེས། །ས་འདི་བདག་ལ་གནང་བར་མཛོད། །འབྱུང་པོ་ས་ཡི་བདག་པོ་ཀུན། །གནས་རྟེན་གཞན་དུ་ཁྱོད་སྤོས་ལ། །ས་འདི་བཀྲ་ཤིས་མཛད་དུ་གསོལ། །སརྦ་བྷུ་ཏ་ཨུ་ཙི་ཏ་ཤྲཱི་ཧ་ན་ཁཱ་ཧི། ཤཱནྟཾ་ཀུ་རུ་ཡེ་སྭཱ་ཧཱ། ཞེས་བརྗོད་ཕྱིར་ཕུལ་ལ་བསླང་ངོ་། །འོག་མིན་གནས་མཆོག་དམ་པ་ནས། །བཅོམ་ལྡན་རྒྱལ་བ་རིགས་ལྔ་ཡི། །ཐུགས་ལས་འོད་ཟེར་སྣ་ལྔ་འཕྲོས། །ཐིག་ཚོན་རྣམས་ལ་ཐིམ་པ་ཡིས། །ཡེ་ཤེས་ལྔ་ཡི་ངོ་བོར་གྱུར། །ཨོཾ་ཧཱུྃ་ཧཱུྃ་ཧཱུྃཨཱཿ དེ་ནས་ཐིག་ཆེན་བརྒྱད་གདབ་ལ། །གྲུ་གསུམ་མཐིང་ནག་མེ་རི་བཅས། །དབུས་སུ་པདྨ་འདབ་མ་བཞི། །དཔེའུ་རིས་ལྟར་བྲིས་པའི་སྟེང་། །ཤོག་གུ་བལ་ལམ་ཤིང་ལོས་བཀབ། །དེ་སྟེང་ས་ཡིས་བཀོད་ནོན་བྱ། །ལོགས་སུ་སྐྱེད་པུ་གསུམ་བཙུགས་ཏེ། །ཟངས་ཚད་ཐབ་ལོག་མི་འོང་བྱ། །རེ་ཞིག་ཟངས་དེ་ཕར་ལ་བཞག །བཅའ་ཚོགས་ཀྱི་ལེའུ་སྟེ་དང་པོའོ།། ༈ །།དེ་ནས་སྔགས་པ་གདན་ལ་འདུག །སྐྱབས་འགྲོ་སེམས་བསྐྱེད་དཀར་བགེགས་ཕུལ། །འདི་ནི་མཚམས་དང་

[Full Size]

སྒྲུབ་པ་ཡིན། །མི་འཁྱམས་དོན་མེད་ཕྱིར་ལ་ཕུད། །ཛོ་ལྕགས་ཆུ་སོགས་འགྲིམ་དགོས་པའི། །མི་རྣམས་གང་ཡོད་ནང་དུ་འཚོགས། །མཚམས་བཅད་ནས་གཏོར་སུམ་བྷ་བརྗོད། །དེ་ནས་ངོ་སར་མི་གཏུག་སྟེ། །མི་གཏུག་ཁ་མེད་བྱུང་བ་ན། །ཆབ་བླངས་ཤུག་དུད་སྤོས་རུམ་བྱ། །ནང་དུ་བྱུང་ཚེ་སུམ་བྷ་ནི། །བརྗོད་ཅིང་ནས་ལྕག་གདོང་ལ་གཏོར། །དེ་ནས་ཕུགས་གཏོར་བྲན་བྱས་ཏེ། །ཉི་མ་སྔ་ན་ཞི་དྲག་དང་། །རྟ་མགྲིན་མ་ནིང་ལ་སོགས་རང་གི་ལས་བྱང་ལྷ་གཞུང་འདོན། །ཉི་མ་འཕྱི་ན་འོད་འབར་རམ། །རྟ་མགྲིན་བདག་བསྐྱེད་ཙམ་བྱས་ལ། །ཕུགས་གཏོར་གཏོར་བསྔོས་ཚང་བར་བྱས། །དེ་ནས་སྔགས་ཆས་གང་ཡོད་གྱོན། །མདའ་དར་ལག་ཏུ་བཟུང་བྱས་ཟཏེ། །མདའ་དྲིལ་ལམ་ནི་མདའ་སིལ་ཐོགས། །ཐབ་ཀར་སྐོར་བ་བྱེད་བཞིན་དུ། །ས་འདུལ་འདི་ཉིད་གྱེར་ཞིང་འཆམས། ༈ ཧཱུྃ། ཁྲོ་རྒྱལ་རྟ་མགྲིན་ནག་པོ་ཡི། །མགོན་ཆུ་བསྐོལ་བའི་ས་གཞི་བཙལ། །ཤར་ཕྱོགས་རྡོ་རྗེ་སེམས་དཔའི་ས་གཞི་འདི། །མགོན་ཆུ་བསྐོལ་བའི་ས་གཞི་ཡིན། །ས་འདི་ལ་ཕྲག་དོག་མ་མཛད་ཅིག །ལྷོ་རིན་ཆེན་འབྱུང་ལྡན་ས་གཞི་འདི། །མགོན་ཆུ་བསྐོལ་བའི་ས་གཞི་ཡིན། །ས་འདི་ལ་ཕྲག་དོག་མ་མཛད་ཅིག །ནུབ་སྣང་བ་མཐའ་ཡས་ས་གཞི་འདི། །མགོན་ཆུ་བསྐོལ་བའི་ས་གཞི་ཡིན། །ས་འདི་ལ་ཕྲག་དོག་

[Full Size]

མ་མཛད་ཅིག །བྱང་དོན་ཡོད་གྲུབ་པའི་ས་གཞི་འདི། །མགོན་ཆུ་བསྐོལ་བའི་ས་གཞི་ཡིན། །ས་འདི་ལ་ཕྲག་དོག་མ་མཛད་ཅིག །ཁར་རྩང་ཁར་གྱི་ཉིན་པར་ལ། །ལྷ་སྲིན་གཉིས་པོ་འཐབ་ཤུལ་ལ། །མགོན་གཡག་ཁམ་པ་འདྲིལ་བའི་ས་གཞི་འདི། །མགོན་ཆུ་བསྐོལ་བའི་ས་གཞི་ཡིན། །ས་བཅག་པ་རྡོ་རྗེ་འགྲོས་ཀྱིས་བཅགས། །ཅགས་སེ་ཅགས་སེ་གར་གྱིས་བཅག །གར་ཁྲིགས་སེ་ཁྲིགས་སེ་བྲོ་ཞིག་བརྡུང་། །ས་འདི་ལ་ཕྲག་དོག་མ་མཛད་ཅིག །ཨོཾ་བཛྲ་བྷུ་མི་ཨ་དྷིཥཱན་བཛྲ་ས་མཱ་ཡ་ཧཱུྃ། ཧཱུྃ། དཔལ་ཆེན་རྟ་མགྲིན་ནག་པོ་ཡི། །མགོན་ཆུ་བསྐོལ་བའི་ས་ཡོད་ཀྱང་། །མགོན་ཟངས་བཙུགས་པའི་སྐྱེད་པུ་མེད། །རྡོ་རྗེ་སེམས་དཔའི་ཞིང་ཁམས་ན། །བྱ་ཁྱུང་འདྲ་བའི་རྡོ་ཞིག་ཡོ། །དེ་ལ་ཡ་སྐྱེད་རྒྱལ་པོ་བྱས། །དགུང་སྔོན་མཐོན་པོའི་ཡར་སྟེང་ན། །གཡུ་འབྲུག་འདྲ་བའི་རྡོ་ཞིག་ཡོད། །དེ་ལ་གཉིས་པ་བུ་སྐྱེད་བྱས། །གངས་དཀར་མཐོན་པོའི་ཡར་སྟེང་ན། །སེང་གེ་འདྲ་བའི་རྡོ་ཞིག་ཡོད། །དེ་ལ་གསུམ་པ་མ་སྐྱེད་བྱས། །ཡབ་ཡུམ་སྲས་གསུམ་མ་འཆུག་ཅིག །མགོན་པོའི་བྲག་ལ་དཔེ་བླངས་པས། །མཁར་སྒོང་

[Full Size]

དཔལ་གྱི་སྐྱེད་དུ་བཙུགས། །སྐྱེད་པུ་འདི་ལ་ཕྲག་དོག་མ་མཛད་ཅིག །ལས་མགོན་གསུམ་གྱིས་བཞུགས་གནས་མཛོད། །ཨོཾ་ཨཱཿཧཱུྃ། ཞེས་སྐྱེད་པུ་གསུམ་གྱི་སྟེང་དུ་མཁར་སྒོང་ཆུང་བ་གསུམ་བཞག །དེ་ནས་ཟངས་དེ་མདུན་དུ་ལན་གསུམ་བསྐོར་ལ་འཕང་། གསུམ་ཁ་རྒྱུན་བཟང་གཉིས་འབྲིང་གཅིག་ཐ་མ་ཡུམ་རྒྱུ་ན་ངན། དེ་ནས་ཟངས་དེ་ཡོན་བདག་གིས་དང་པོ་མགོ་ལ་གྱོན། དེ་ནས་རྒྱབ་ཏུ་ཁུར། དེ་ནས་ལག་ཏུ་ཁུར་ལ་སྔགས་པ་དང་མཉམ་དུ་བསྐོར་བ་བྱ་ཞིང་བཏབ་པའི་ཚུལ་བྱ་ཞིང་། ཧཱུྃ། དྲག་པོའི་མགོན་ཟངས་ལུང་དགུ་འདི། །ལན་གཅིག་མགོ་ལ་གྱོན་ཙམ་ན། །མགོན་ཟངས་རྨོག་གི་ཚུལ་དུ་སྡོད། །ལན་གཅིག་རྒྱབ་ཏུ་ཁུར་ཙམ་ན། །མགོན་ཟངས་ཕུབ་ཀྱི་ཚུལ་དུ་སྡོད། །མགོན་ཟངས་འཁོར་མོ་འགྱིང་རེ་ཆེ། །མགོན་ཟངས་འཁོར་མོ་བཅུད་རེ་ཆེ་། །མགོན་ཟངས་འཁོར་མོ་སྟོབས་རེ་ཆེ། །ཧཱུྃ། མགོན་ཟངས་ལན་གཅིག་ཤར་དུ་བཏབ། །མགོན་ཟངས་ཤར་དུ་མི་བཏབ་རྒྱུ། །ཤར་ཕྱོགས་ཁྲོ་བོ་རྣམ་པར་རྒྱལ། །དོ་ནུབ་དྲག་པོའི་ལས་ལ་བསྐུལ། །མགོན་ཟངས་ལན་གཅིག་ལྷོ་རུ་བཏབ། །མགོན་ཟངས་ལྷོ་རུ་མི་བཏབ་རྒྱུ། །ལྷོ་ཕྱོགས་གཤིན་རྗེ་གཤེད་པོ་དེ། །དོ་ནུབ་དྲག་པོའི་ལས་ལ་

[Full Size]

བསྐུལ། །མགོན་ཟངས་ལན་གཅིག་ནུབ་ཏུ་བཏབ། །མགོན་ཟངས་ནུབ་ཏུ་མི་བཏབ་རྒྱུ། །ནུབ་ཕྱོགས་རྟ་མགྲིན་རྒྱལ་པོ་དེ། །དོ་ནུབ་དྲག་པོའི་ལས་ལ་བསྐུལ། །མགོན་ཟངས་ལན་གཅིག་བྱང་དུ་བཏབ། །མགོན་ཟངས་བྱང་དུ་མི་བཏབ་རྒྱུ། །བྱང་ཕྱོགས་བདུད་རྩི་འཁྱིལ་པ་དེ། །དོ་ནུབ་དྲག་པོའི་ལས་ལ་བསྐུལ།་མགོན་ཟངས་ལན་གཅིག་སྟེང་དུ་བཏབ། །མགོན་ཟངས་སྟེང་དུ་མི་བཏབ་རྒྱུ། །དབུས་ཀྱི་ཆེ་མཆོག་ཡབ་ཡུམ་དེ། །དོ་ནུབ་དྲག་པོའི་ལས་ལ་བསྐུལ། །མགོན་ཟངས་ལན་གཅིག་འོག་ཏུ་བཏབ། །མགོན་ཟངས་འོག་ཏུ་མི་བསྟབ་རྒྱུ། །འོག་ཕྱོགས་ཁྲོ་བོ་སྟོབས་པོ་ཆེ། །དོ་ནུབ་དྲག་པོའི་ལས་ལ་བཞེངས། །དྲག་པོའི་མགོན་ཟངས་ལུང་དགུ་འདི། །བཀྱག་ན་ཡི་དམ་ལྷ་ཡང་མཉེས་། །མནན་ན་འདྲེ་སྲིན་བྱུར་གསུམ་ནོན། །བསྟབ་ན་ཆོས་སྐྱོང་སྲུང་མ་མཉེས། །ཕྱོགས་བཅུའི་སངས་རྒྱས་ཁྲོ་བོ་བཅུས། །མགོན་ཟངས་འདི་ལ་དབང་ཞིག་བསྐུར། མགོན་ཟངས་འདི་ལ་བཅུད་ཅིག་ཕོབ། །ཕྱི་ནི་ནག་ལ་རྩུབ་པ་དེ། །དུར་ཁྲོད་ཆེན་པོར་བྱིན་གྱིས་རློབས། །ནང་ནི་དཀར་ལ་འཇམ་པ་དེ། །གཞལ་ཡས་ཁང་དུ་བྱིན་གྱིས་

[Full Size]

རློབས་། །ཨོཾ་ཧཱུྃ་མཎྜལ་ཧཱུྃ་སྭཱ་ཧཱ། དེ་ནས་ཟངས་མ་ཡོ་བར་བཙུགས། ཐབ་ལོག་མི་འོང་བའི་ཐབས་གཟབ་པ་གལ་ཆེ། དེ་ནས་ཞོགས་ཆུ་བླངས་བ་དེ་སྔགས་པ་རང་གིས་གཟར་བུས་ལན་གསུམ་བླུག་ལ༔ ཆུ་ཁ་ལྐོག་ཙམ་བླུག་བཅུག་ཅིང་། ཧཱུྃ། དཔལ་ཆེན་རྟ་མགྲིན་ནག་པོ་ཡི། །མགོན་ཆུ་བསྐོལ་བའི་ཆུ་བཙལ་བ། །ཤར་ཕྱོགས་དུང་གི་རི་བོ་ནས། །དུང་གི་བུད་མེད་སྤུན་གསུམ་དེས། །རྒྱབ་ན་དུང་གི་ཟོམ་ཆུང་ཁུར། །ཕྱག་ན་དངུལ་གྱི་སྐྱོགས་ཆུང་བསྣམས། །དུང་གི་ཆུ་མགོ་དེ་ལ་བཅུས། །མགོན་ཆུ་བསྐོལ་བའི་ཆུ་རུ་བྱས། །དོ་ནུབ་དྲག་པོའི་ཆུ་བསྐོལ་ན། །ཆུ་བོ་གང་གཱའི་མགོན་ཆུ་བསྐོལ། །ནེ་རཉྫནའི་མགོན་ཆུ་བསྐོལ། །ཆུ་བོ་པཀྵའི་མགོན་ཆུ་བསྐོལ། །ཆུ་བོ་སིན་དྷུའི་མགོན་ཆུ་བསྐོལ། །ཡར་ཆབ་གཙང་པོའི་མགོན་ཆུ་བསྐོལ། །ཆུ་བོ་གསེར་ལྡན་མགོན་ཆུ་བསྐོལ། །ཆུ་འདི་ལ་རུ་ང་མ་མཛད་ཅིག །ཆུ་འདི་ལ་ཕྲག་དོག་མ་མཛད་ཅིག །ཤར་ཕྱོགས་རྡོ་རྗེ་སེམས་དཔའ་ཡིས་། །ཆུ་འདིའི་འགལ་བ་བསལ་དུ་གསོལ། །ལྷོ་ཕྱོགས་རིན་ཆེན་འབྱུང་ལྡན་གྱིས། །ཆུ་འདིའི་འགལ་བ་བསལ་དུ་གསོལ། །ནུབ་ཕྱོགས་སྣང་བ་མཐའ་ཡས་ཀྱིས། །ཆུ་

[Full Size]

འདིའི་འགལ་བ་བསལ་དུ་གསོལ། །བྱང་ཕྱོགས་དོན་ཡོད་གྲུབ་པ་ཡིས། །ཆུ་འདིའི་འགལ་བ་བསལ་དུ་གསོལ། །ཆུ་གཟར་བུའམ་སྐྱོགས་ཀྱིས་ཕྱར་ཞིང་། །ཆུ་ལན་གཅིག་ལན་གཉིས་ལན་དང་གསུམ། །ལན་གཅིག་ཕྱིར་བ་ཤ་ར་ར། །ལན་གཉིས་ཕྱར་བ་སི་ལི་ལི། །ལན་གསུམ་ཕྱུར་བ་ཕ་ལ་ལ། །ཕོ་གདོན་མགོ་ལ་ཤ་ར་ར། །མོ་གདོན་མགོ་ལ་སི་ལི་ལི། །ཆུང་སྲི་ཐེའུ་རང་མགོ་དེར་ཕ་ལ་ལ། །བཙོག་འདྲེ་མོ་གདོན་མགོ་དེར་ཉི་ལི་ལི། །རྒྱལ་འགོང་བསེན་མོའི་མགོ་དེར་ཆེམས་སེ་ཆེམ། །མགོན་ཆུ་ཚ་བའི་ངར་དང་བཅས། །ནད་གདོན་གྲིབ་དང་མི་གཙང་བསྲེག །བདག་དང་ཡོན་བདག་འཁོར་བཅས་ལ། །ཡེ་ཤེས་གྲང་བའི་བསིལ་ཕོབ་ཅིག །ཨོཾ་ཊཾ་ཛྭ་ལ་ཛྭ་ལ་སྭཱ་ཧཱ། དེ་ནས་མགོན་སྙིང་དུང་རྡོག་འཕེན་བཅུག་ཅིང་། ཧཱུྃ། དཔལ་ཆེན་རྟ་མགྲིན་ནག་པོ་དང་། །ཁྲོ་རྒྱལ་ཡཀཱ་མེ་དབལ་དང་། །ཡེ་ཤེས་བྱ་ཁྱུང་རྒྱལ་པོ་དང་། །མ་ཧཱ་ཀཱ་ལའི་མགོན་ཆུ་ལ། །གལ་ཏེ་ནང་བཅུད་མེད་པ་ན། །རྒྱུ་སྦྱོར་ཡོན་གྱི་བདག་པོ་ཡི། །ཕུང་འདྲེ་བཙོག་འདྲེ་མི་ཐུལ་བས། །དེ་ནས་ནང་བཅུད་མགོན་སྙིང་བཅུག །མགོན་སྙིང་གསེར་ལས་བྱས་པ་ཡིས། །

[Full Size]

མི་རྒྱུད་གསེར་བས་བཟང་བར་ཤོག །མགོན་སྙིང་དངུལ་ལས་བྱས་པ་ཡིས། །མི་ཞལ་དངུལ་ལས་དཀར་བར་ཤོག །མགོན་སྙིང་གཡུ་ལས་བྱས་པ་འདིས། །མི་བཀྲག་གཡུ་བས་བཀྲག་པར་ཤོག །མགོན་སྙིང་མཆོང་ལས་བྱས་པ་འདིས། །མི་འབྲུ་མཆོང་བས་བཟང་བར་ཤོག །མགོན་སྙིང་དུང་ལས་བྱས་པ་དེས། །ལྷ་ཞལ་དུང་ལས་དཀར་བར་ཤོག །མགོན་སྙིང་རྡོ་དང་ལྕགས་ལས་བྱས་པ་དེས། །མི་སྲོག་ལྕགས་དང་བྲག་བས་སྲ་བར་ཤོག །མགོན་སྙིང་འབྲུ་ལས་བྱས་པ་དེས། །མི་འཕེལ་ནས་ལས་འཕེལ་བར་ཤོག །མགོན་སྙིང་ཆུ་ལས་བྱས་པ་དེས།་མི་མཐའ་ཆུ་ལས་རིང་བར་ཤོག །ཨོཾ་སརྦ་རཏྣ་ཙིཏྟ་ཧཱུྃ་སྭཱ་ཧཱ། དེ་ནས་འོག་ཏུ་ཤིང་གྲུ་གསུམ་སྒམ། ཤིང་སྣ་དང་བཅས་མེ་ཚང་བཅའ་བཅུག་ལ། ཧཱུྃ། དཔལ་ཆེན་རྟ་མགྲིན་ནག་པོ་ཡི། །བཀའ་ཡི་ལས་མཁན་ཕོ་ཉ་མོ། །ཤར་ལྷོ་མཚམས་ནས་ཤིང་ཐུ་མ། །མེ་ལྷའི་ཡུལ་ནས་ཤིང་ཐུས་ལ། །ནད་གདོན་ཞི་བའི་མེ་བུས་ཤིག །ལྷོ་ནུབ་མཚམས་ནས་ཤིང་ཐུ་མ། །སྲིན་པོའི་ཡུལ་ནས་ཤིང་ཐུས་ལ། །ཚེ་བསོད་རྒྱས་པའི་མེ་བུས་ཤིག །ནུབ་བྱང་མཚམས་ནས་ཤིང་ཐུ་མ། །རླུང་ལྷའི་

[Full Size]

ཡུལ་ནས་ཤིང་ཐུས་ལ། །ཁམས་གསུམ་དབང་སྡུད་མེ་བུས་ལ། །བྱང་ཤར་མཚམས་ནས་ཤིང་ཐུ་མ། །དབང་ལྡན་ཡུལ་ནས་ཤིང་ཐུས་ལ། །དགྲ་བགེགས་ཚར་གཅོད་མེ་བུས་ཤིག །དོ་ནུབ་དཔལ་གྱི་མེ་འབུད་ནས། །ཨ་གར་སྒྲོན་ཤིང་མགོན་མེ་འབུད། །བཟང་ཤིང་དགུ་ཡི་མགོན་མེ་འབུད། །དྲག་པོའི་ཚེར་ནག་མགོན་མེ་འབུད། །ཙནྡན་དཀར་དམར་མགོན་མེ་འབུད། །ལྷ་ཤིང་ཤུག་པས་མགོན་མེ་འབུད། །སྟག་ཐུབ་དབྱར་པའི་མགོན་མེ་འབུད། །མུ་ལེ་ལྗོན་ཤིང་མགོན་མེ་འབུད། །ཨོཾ་བྷྱོ་དྷི་བྷིག་ཀྱཱ་ཡེ་སྭཱ་ཧ༔ དེ་ནས་མེ་རུ་ལག་ཏུ་ཐོགས་ལ། ཧཱུྃ། དང་པོ་མེ་བྱུང་གང་ནས་བྱུང་། །སྔོན་ཚེ་བསྐལ་བའི་དང་པོ་ལ། །བཅོམ་ལྡན་རྒྱལ་བ་རིགས་ལྔ་ཡི། །ཐུགས་ཀར་འོད་ཀྱི་གང་བུ་ནས། །ཡི་གེ་རཾ་གྱི་འཕྲོ་འདུ་ལས། །ཡེ་ཤེས་ལྔ་ཡི་མེ་བྱུང་ནས། །དུག་ལྔའི་ཕུང་པོ་གཏན་ནས་བརླག །ཡེ་ཤེས་ལྔ་རུ་ལྷུན་གྱིས་གྲུབ། །ཤར་གྱི་ཕྱོགས་ནས་མེ་འབུད་མ། །རྡོ་རྗེ་མཁའ་འགྲོ་སྐུ་མདོག་དཀར། །ཕྱག་ན་རྡོ་རྗེ་མེ་འབར་བསྣམས། །ཞི་བའི་མེ་ནི་སྦྱར་བར་མཛོད། །ལྷོ་ཡི་ཕྱོགས་ནས་མེ་འབུད་མ། །རིན་ཆེན་མཁའ་འགྲོ་སྐུ་

[Full Size]

མདོག་སེར། །ཕྱག་ན་རིན་ཆེན་མེ་འབར་བསྣམས། །རྒྱས་པའི་མེ་ནི་སྦར་བར་མཛོད། །ནུབ་ཀྱི་ཕྱོགས་ནས་མེ་འབུད་མ། །པདྨ་མཁའ་འགྲོ་སྐུ་མདོག་དམར་། །ཕྱག་ན་པདྨ་འབར་བ་བསྣམས། །དབང་གི་མེ་ནི་སྦར་བར་མཛོད། །བྱང་གི་ཕྱོགས་ནས་མེ་འབུད་མ། །ལས་ཀྱི་མཁའ་འགྲོ་སྐུ་མདོག་ལྗང་། །ཕྱག་ན་རྒྱ་གྲམ་མེ་འབར་བསྣམས། །དྲག་པོའི་མེ་ནི་སྦར་བར་མཛོད། །དུག་གསུམ་དུག་ལྔའི་བུད་ཤིང་ལ། །སྐུ་གསུམ་ཡེ་ཤེས་མེ་སྦར་བས། །ནད་གདོན་གྲིབ་དང་མི་གཙང་བསྲེག ། བསོད་ནམས་མེ་ལྟར་འབར་གྱུར་ཅིག །ཨོཾ་ཛྙཱ་ན་ཨཀྵེ་ཡེ་ཛྭ་ལ་རཾ་རཾ༔ ཞེས་མེ་སྦར་ནས་སྔགས་པས་ལག་ཏུ་མདའ་དར་གཡབ་ཅིང་། ཧཱུྃ། དོ་ནུབ་རྟ་མགྲིན་ནག་པོ་དང་། །མེ་དབལ་མགོན་པོའི་མགོན་མེ་འབུད། །ལྷ་གསུམ་ཁྲོས་པའི་མགོན་ཆུ་བསྐོལ། །དོ་ནུབ་མེ་ལྕེ་ལྷབ་ལྷབ་སྟེང་དུ་མ་འཕྲོ་ཞིག །མེ་ལྕེ་སྟེང་དུ་འཕྲོས་གྱུར་ན།་།གནམ་ལྷ་གནམ་སྨན་ཚིག་དོགས་ཡོད། །གནམ་ལྷ་གནམ་སྨན་ཚིག་གྱུར་ན། །ཡོད་བདག་ཕུག་ལྷ་དག་ཀྱང་ཉམས། །མེ་དར་ཁ་དོག་སྣ་ལྔས་བཅོས། །མེ་ལྕེ་ཤར་དུ་མ་འཕྲོ་ཞིག །མེ་ལྕེ་ཤར་

[Full Size]

དུ་འཕྲོས་གྱུར་ན། །ཤར་ལྷ་དཀར་པོ་ཚིག་དོགས་ཡོད། །ཤར་ལྷ་དཀར་པོ་ཚིག་གྱུར་ན། །ཡོན་བདག་ཕུག་ལྷ་དག་ཀྱང་ཉམས། །མེ་དར་དཀར་སེར་གཉིས་ཀྱིས་བཅོས་། །མེ་ལྕེ་ལྷོ་རུ་མ་འཕྲོ་ཞིག །མེ་ལྕེ་ལྷོ་རུ་འཕྲོས་གྱུར་ན། །ལྷོ་ལྷ་སེར་པོ་ཚིག་དོགས་ཡོད། །ལྷོ་ལྷ་སེར་པོ་ཚིག་གྱུར་ན། །ཡོན་བདག་ཕུག་ལྷ་དག་ཀྱང་ཉམས། །མེ་དར་དམར་ལྗང་གཉིས་ཀྱིས་བཅོས། །མེ་ལྕེ་ནུབ་ཏུ་མ་འཕྲོ་ཞིག །མེ་ལྕེ་ནུབ་ཏུ་འཕྲོས་གྱུར་ན། །ནུབ་ལྷ་དམར་པོ་ཚིག་དོགས་ཡོད། །ནུབ་ལྷ་དམར་པོ་ཚིག་གྱུར་ན། ཡོན་བདག་ཕུག་ལྷ་དག་ཀྱང་ཉམས། །མེ་དར་དམར་ནག་གཉིས་ཀྱིས་བཅོས། །མེ་ལྕེ་བྱང་དུ་མ་འཕྲོ་ཞིག །མེ་ལྕེ་བྱང་དུ་འཕྲོས་གྱུར་ན། །བྱང་ལྷ་ལྗང་ཀུ་ཚིག་དོགས་ཡོད་། །བྱུང་ལྷ་ལྗང་གུ་ཚིག་གྱུར་ན། །ཡོན་བདག་ཕུག་ལྷ་དག་ཀྱང་ཉམས། །མེ་དར་ལྗང་ནག་གཉིས་ཀྱིས་བཅོས། །མེ་ལྕེ་དབུས་སུ་མ་འཕྲོ་ཞིག །མེ་ལྕེ་དབུས་སུ་འཕྲོས་གྱུར་ན། །དབུས་ལྷ་སྔོན་པོ་ཚིག་དོགས་ཡོད། །དབུས་ལྷ་སྔོན་པོ་ཚིག་གྱུར་ན། །ཡོན་བདག་ཕུག་ལྷ་དག་ཀྱང་ཉམས། །མེ་དར་སྔོན་དམར་གཉིས་ཀྱིས་བཅོས། །དོ་ནུབ་

[Full Size]

མེ་བུད་གཞན་དུ་མ་འཕྲོ་ཞིག །ཆུར་བསྐོར་ཐབ་ཏུ་མ་འགྱུར་ཅིག །ཨོཾ་པཉྩ་ཝས་མེ་དབལ་ཤཱནཾ་ཀུ་རུ་ཡེ་སྭཱ་ཧཱ། དེ་ནས་སྒྱེད་པུ་གསུམ་གྱི་རྒྱབ་ནས་མདུང་ངམ་ཀ་ར་གསུམ་གྱིས་ཨོཾ་བཅལ། དེའི་ལོགས་གསུམ་ནས་ཤུག་ལོ་ཆག་པ་གསུམ་ཁྱུང་ཚང་གི་ཚུལ་དུ་བཅིང་། ནང་དུ་ཁྱུང་བཙུགས་པའི་གཏོར་མ་རང་ལ་ཞལ་བསྟན་ནས་བཞག་སྟེ་བྲན་བཅུག །དེ་ཚེ་སྔགས་པ་རང་གིས་མདའ་དར་བཟུང་ལ། ཧཱུྃ། ནི་མདའ་སྨྱུག་ཚིགས་བཟང་འདི། །སྐྱེས་པ་རྒྱ་བྲག་མཐིལ་ལ་སྐྱེས། །བརྔས་པ་རྒྱ་ཟོར་འགུག་མོས་བརྔས། །བཀལ་བ་ཁྱུང་དཀར་མཛོ་ལ་བཀལ། །བཀལ་ཐག་ཤ་འབྲེང་མཉེན་མོས་བྱས། །འོངས་བ་དེ་ཨ་བན་ཚོང་པས་འོང་། །མདའ་མཁན་ཐིག་ལེའི་ཕྱག་ཏུ་ཕུལ། །མདའ་མཁན་ཉིད་ཀྱིས་མདའ་བཟོས་ནས། །མདའ་ཡི་ལྟོང་ལས་ཡག་པ་མེད། །སྐུ་མཁར་བད་བཞི་ཡག་པའི་རྟགས། །ཐང་དཀར་རྒོད་སྒྲོ་སྒྲོན་པ་སྟེ། །སྒྲོ་མོ་ཡུག་ཅིག་སྒྲོན་པ་དེ། །རལ་གྲི་ཡ་ཚ་ཤུབས་ནས་བཏོན་པ་འདྲ། །སྒྲོ་མོ་ཡུག་གཉིས་སྒྲོན་པ་དེ། །སྐྱེས་ཕྲན་དམག་ལ་ཆས་པ་འདྲ། །སྒྲོ་མོ་ཡུག་གསུམ་སྒྲོན་པ་དེ། །རྒྱ་སྟག་གཟན་ལ་འགྲིམ་པ་འདྲ། །སྒྲོ་མོ་ཡུག་བཞི་སྒྲོན་པ་དེ། །སེང་གེ་གངས་ལ་འགྱིང་བ་

[Full Size]

འདྲ། །གནམ་ལྕགས་ཐོག་མདེལ་སྦྱར་བ་འདི། །བར་སྣང་གློག་དམར་འཁྱུག་པ་འདྲ། །སྤྲིན་དང་མཚལ་གྱིས་བྱུག་པ་དེ། །གནམ་ནས་ཐོག་རྒོད་ལྷུང་བ་འདྲ། །དེ་འདྲའི་མདའ་མོ་བཞིན་ཡག་ལ། །པག་བུ་གྲོ་སེར་མགུལ་ཁྲིས་ཡག །དར་ཚོན་སྣ་ལྔ་བཏགས་པ་དེ། །མགོན་ཆེན་རྣམས་ཀྱི་རྟེན་དུ་བཙུགས། །གཡུ་དུང་མཆོང་གསུམ་བཏགས་པ་དེ། །རྟེན་ལ་བཞུགས་མཛོད་མཐུ་མ་ཆུང་། །འབྲུ་སྣ་ཤ་ཆང་མུ་ཏིག་དང་། །གཡག་རྒོད་དཀོན་པའི་རྗེ་ངར་དང་། །མགོན་པོ་མཉེས་པའི་རཀྟ་དང་། །རལ་གྲི་ཡ་ཚ་སྐར་ཚེ་ཕྲན་ལ། །ལེ་བརྒན་དར་གྱིས་བརྒྱན་པ་དང་། །གཞུ་མོ་མཆོག་དཀར་རྒྱུད་བཟང་ལ། །དར་དཀར་ཡུག་གཅིག་བཏགས་པ་དང་། །ཁྲབ་རྨོག་དར་ཐག་བརྒྱན་པ་དང་། །སྐུ་རྟེན་ཕུབ་དང་དཔའ་རྟེན་མདུང་། །དཔའ་རྟེན་སྲོག་གི་རྫོང་དམར་དང་། །བ་དན་རུ་མཚོན་སྤྲིན་ལྟར་གཏིབས། །གཡག་ནག་ལུག་ནག་རྟ་ནག་དང་། །མདའ་དར་རིན་ཆེན་སྣ་ལྔས་བརྒྱན། །།སྤྱན་གཟིག་ལོངས་སྤྱོད་སྣ་ཚོགས་དང་། །ཤ་ཁྲག་དམར་གྱི་གཏོར་ཆེན་ལ། །སྨན་དང་རཀྟས་བྲན་པ་འདི། །བཙོ་བརྔོ་སྲེག་གསུམ་ལས་བསྒྲུབ་ཕྱིར། །

[Full Size]

རྟ་མགྲིན་ནག་པོའི་རྟེན་དུ་བཙུགས། །ཡཀཱ་མེ་དབལ་རྟེན་དུ་བཙུགས། །ཡེ་ཤེས་ཁྱུང་ཆེན་རྟེན་དུ་བཙུགས། །ཚོགས་བདག་མགོན་པོའི་རྟེན་དུ་བཙུགས། །ལས་སྦྱོར་མཐའ་རུ་མ་ཕྱིན་བར། །རྟེན་ལ་བཞུགས་ནས་མཐུ་མ་ཆུང་། །དུས་ལ་བབ་བོ་ས་མཱ་ཡ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་རྒྱ་གྷི་ཝ་བཛྲ་ཡཀཱ་ག་རུ་ཊ་མ་ཧཱ་ཀཱ་ལ་ས་མ་ཡ་ཏིཥྛ་ལྷན། ཞེས་མདའ་དར་དེ་མཆོད་གཞི་ཡི་གཡས་ཕྱོགས་སུ། ལྷ་རྟེན་གང་བཞུག་དེའི་དྲུང་ངམ་སྟེང་དུ་དམ་པར་བཙུགས། མདར་དར་ལྷ་རྟེན་དང་བཅས་པ་བདུད་རྩིས་བྲན་ལ་བཞག །དེ་ནས་སྔགས་པ་རང་ཉིད་གདན་ལ་འདུག་སྟེ། ཡོན་བདག་གཅིག་མེ་འབུད་བཅུག་ལ་ཆུ་བསྐོལ། རྔ་བརྡུང་ཞིང་གྱེར། ཨེ། ཆོས་རྣམས་སྐྱེ་མེད་སྟོང་པའི་ངང་། ཡཾ་ལས་རླུང་གི་དཀྱིལ་འཁོར་སྟེང་། །རཾ་ལས་མེ་ཡི་དཀྱིལ་འཁོར་ནི། །གྲུ་གསུམ་མེ་དཔུང་རབ་ཏུ་འབར། །ལོག་གསུམ་ཡི་གེ་ཐ་གསུམ་ལས། །ལས་མགོན་མ་ཧཱ་ཀཱ་ལ་དང་། །ལས་མགོན་རྡོ་རྗེ་རོ་ལངས་དང་། ལས་མགོན་རྡོ་རྗེ་ཁྲག་འཐུང་གསུམ། །མཐིང་ནག་དུར་ཁྲོད་ཆས་ཀྱིས་བརྒྱན། །ཕྱག་ན་གྲི་ཐོད་འཛིན་བཞིན་དུ། །མགོན་ཟངས་བཏེག་པའི་ཚུལ་གྱིས་བཞུགས། །ཨ་ཡིག་

[Full Size]

ལས་བྱུང་མགོན་ཟངས་ནི། །ལུང་དགུ་རྒྱབ་ནི་ནག་ལ་རྩུབ། །དུར་ཁྲོད་བསིལ་བའི་ཚལ་དགུ་སྟེ། །ནང་ནི་དཀར་འཇམ་གཞལ་ཡས་ཁང་། །ཁཾ་ལས་མགོན་ཆུ་བདུད་རྩིའི་མཚོ། །དེ་དབུས་རི་རབ་གྲུ་བཞིའི་རྩེར། །དཔག་བསམ་ཤིང་རྩེར་ཁྱུང་ཚང་བཅས། །རི་རབ་སྟེང་གི་ལྗོན་ཤིང་རྩར། །པདྨ་འདབ་བཞི་རྒྱ་ཆེན་དབུས། །པད་ཉི་བོ་གྱི་གདན་སྟེང་དུ། །མགོན་སྙིང་ཁྲོ་བོ་རྟ་མགྲིན་སྐུ། །མཐིང་ནག་ཞལ་གཅིག་ཕྱག་གཉིས་པ། །སྤྱན་གསུམ་མཆེ་བ་རབ་ཏུ་གཙིགས། །ཕྱག་གཡས་སྒྲོལ་བྱེད་རལ་གྲི་ཡིས། །དགྲ་བགེགས་མགོ་ལུས་དུམ་བུར་ཕྲལ། །གཡོན་པས་འཛིན་བྱེད་ལྕགས་ཀྱུ་ཡིས། །དགྲ་བགེགས་མ་ལུས་སྙིང་ནས་འདྲེན། །ཞབས་གཉིས་དགྲ་བགེགས་ནོན་པར་མནན། །སྐུ་ལ་དར་ནག་བེར་ཆེན་གསོལ། །དབུ་གཙུག་རྟ་མགོ་ལྗང་ཞུར་གདེངས། །རྟ་སྐད་དྲག་པོ་ནམ་མཁར་འཚེར། །ཁམས་གསུམ་མ་ལུས་དབང་དུ་སྡུད། །སྲིད་གསུམ་མ་ལུས་ཟིལ་གྱིས་གནོན། །སྐུ་སྟོད་ཞིང་ཆེན་གཡང་གཞི་དང་། །སྐུ་སྨད་སྟག་གི་ཤམ་ཐབས་གསོལ། །ཐོད་སྐམ་ལྔ་ཡིས་དབུ་ལ་བརྒྱན། །ཐོད་རློན་ལྔ་བཅུས་དོ་ཤལ་བྱས། །བ་

[Full Size]

སྤུ་མེ་ཡི་ཚྭ་ཚྭ་འཕྲོ། །བསྐལ་པའི་མེ་དཔུང་ཀློང་ན་བཞུགས། །དབུ་སྐྲ་གནམ་ལྕགས་རལ་པ་ཅན། །རལ་པ་བསིགས་པའི་སྐྲ་གསེབ་ནས། །ཁྲོ་ཆུང་དཔག་མེད་ཕྱིར་འཕྲོས་པས། །དགྲ་བགེགས་ཐམས་ཅད་ཚར་བཅད་དེ། །ཚུར་འདུས་ཁྲོ་བོའི་གུར་དུ་གྱུར། །དེ་ཡི་དབུས་སུ་ཧཱུྃ་ཡིག་ལས། །ཁྲོ་རྒྱལ་ཡཀཱ་མེ་དབལ་ནི། །སྨུག་ནག་ཞལ་གསུམ་ཕྱག་དྲུག་པ། །དུར་ཁྲོད་དཔལ་ཆས་ཡོངས་སུ་རྫོགས། །གཡས་གསུམ་ཐོ་བ་རྗེ་ཆུང་ཟོར། །གཡོན་གསུམ་ཞགས་པ་རྐང་གླིང་ཁྲག །འདོར་ཐབས་མེ་འབར་པད་ཉིའི་གདན། །གཡོན་དུ་བེང་ལ་ཧཱུྃ་གིས་མཚན། །དེ་ལས་མགོན་པོ་ཚོགས་བདག་མཐིང་། །ཆོས་གོས་ཤམ་ཐབས་བེར་ནག་གསོལ། །བེང་དང་ཐོད་ཁྲག་ཁཊ་་བསྣམས། །སག་ཐིའི་ལྷམ་གསོལ་པད་ཉིའི་གདན། །སྟེང་ཕྱོགས་ཁྲོ་ལས་བྱ་ཁྱུང་དཀར། །འདབ་གཤོག་གཡུ་ལ་སྤྱན་མིག་སེར། །ཀུན་ཀྱང་སྤྲུལ་པའི་འཁོར་གྱི་ཚོགས། །ལྷ་དམག་བྱེ་བ་འབུམ་གྱིས་བསྐོར། །ཐབ་ཁུང་ནང་གི་མཁར་སྒོང་གསུམ། །ཁྱུང་སྒོང་གྲངས་དང་ལྷག་གེ་བ། །སྐག་ལེ་གནམ་ལྕགས་རྡོ་རྗེར་གསལ།་ལྷ་གསུམ་ཐུགས་ཀའི་

[Full Size]

འབྲུ་གསུམ་ལས། །བྱུང་གི་ཐུགས་ཀའི་ཁྲོ་ཡིག་ལས། །འོད་འཕྲོས་ཡེ་ཤེས་པ་སྤྱན་དྲངས། །འདིའི་སྐབས་སུ་ལས་རིམ་བདུན་པའི་སྤྱན་འདྲེན་སོགས་སབ་དགོས་པར་སྔོན་ཀཿཐོག་གི་བླ་མ་ཉི་མ་རྡོ་རྗེ་དང་ནམ་མཁའ་རྡོ་རྗེ་དཔོན་སློབ་ཀྱིས་གསུངས་འདུག་པས། ཧཱུྃ། སྔོན་ཚེ་སངས་རྒྱས་བཅོམ་ལྡན་འདས། །སྣང་བ་མཐའ་ཡས་སྤྱན་སྔ་རུ། །ཐུགས་བསྐྱེད་རྣམ་དག་རྒྱ་ཆེན་གྱིས། །ཐུགས་དམ་གཉེན་པོ་ཞལ་བཞེས་པའི། །ཐུགས་རྗེ་ཆེན་པོ་གཤེགས་སུ་གསོལ། །སྤྱན་རས་གཟིགས་དབང་གཤེགས་སུ་གསོལ། །འཇིག་རྟེན་དབང་ཕྱུག་གཤེགས་སུ་གསོལ། །གསུང་གི་དབང་ཕྱུག་གཤེགས་སུ་གསོལ། །གར་གྱི་དབང་ཕྱུག་གཤེགས་སུ་གསོལ། །དབང་གི་རྒྱལ་པོ་གཤེགས་སུ་གསོལ། །རྒྱ་གྷི་ཝ་གཤེགས་སུ་གསོལ། །རྟ་མགྲིན་ནག་པོ་གཤེགས་སུ་གསོལ། །གནོད་སྦྱིན་ནག་པོ་གཤེགས་སུ་གསོལ། །ཡཀཱ་ནག་པོ་གཤེགས་སུ་གསོལ། །བདུད་འདུལ་ནག་པོ་གཤེགས་སུ་གསོལ། །ཀླུ་འདུལ་ནག་པོ་གཤེགས་སུ་གསོལ། །གཟའ་འདུལ་ནག་པོ་གཤེགས་སུ་གསོལ། །གདོན་འདུལ་ནག་པོ་གཤེགས་སུ་གསོལ། །བགེགས་འདུལ་ནག་པོ་གཤེགས་སུ་གསོལ། །སྲི་འདུལ་

[Full Size]

ནག་པོ་གཤེགས་སུ་གསོལ། །དགྲ་འདུལ་ནག་པོ་གཤེགས་སུ་གསོལ།་།དཔལ་མགོན་ནག་པོ་གཤེགས་སུ་གསོལ། །ལེགས་ལྡན་ནག་པོ་གཤེགས་སུ་གསོལ། །བསྟན་སྲུང་ནག་པོ་གཤེགས་སུ་གསོལ། །ལས་མཁན་ནག་པོ་གཤེགས་སུ་གསོལ། །སྲོག་བདུད་ནག་པོ་གཤེགས་སུ་གསོལ། །ཤན་པ་ནག་པོ་གཤེགས་སུ་གསོལ། །མོན་པ་ནག་པོ་གཤེགས་སུ་གསོལ། །སྤྲུལ་པ་ནག་པོ་གཤེགས་སུ་གསོལ། །ཡང་སྤྲུལ་ནག་པོ་གཤེགས་སུ་གསོལ། །བཀའ་ཉན་ཕོ་ཉ་གཤེགས་སུ་གསོལ། དྲེགས་པ་ཕོ་མོ་གཤེགས་སུ་གསོལ། །ལྷ་སྲིན་སྡེ་བརྒྱད་གཤེགས་སུ་གསོལ། །བསྟན་པ་སྲུང་ཕྱིར་གཤེགས་སུ་གསོལ། །དགྲ་བགེགས་འདུལ་ཕྱིར་གཤེགས་སུ་གསོལ། །ཕྲིན་ལས་བསྒྲུབ་ཕྱིར་གཤེགས་སུ་གསོལ། །ཐུགས་དམ་བསྐང་ཕྱིར་གཤེགས་སུ་གསོལ། །ཧཱུྃ། སྐུ་གསུམ་ལྷུན་གྲུབ་གཞལ་ཡས་ནས།་རིགས་གསུམ་མགོན་པོ་གཤེགས་སུ་གསོལ། །གྲུ་གསུམ་མཐིང་ནག་དཀྱིལ་འཁོར་ནས། །དབང་ཆེན་རྟ་མགྲིན་གཤེགས་སུ་གསོལ། །མེ་རླུང་འཁྱིལ་བའི་ཀློང་དཀྱིལ་ནས། །ཡཀྵ་མེ་དབལ་གཤེགས་སུ་

[Full Size]

གསོལ། །ཀླུ་བདུད་ཕོ་མོའི་ཁྲི་སྟེང་ནས། །ཁྱུང་གི་ལྷ་ཚོགས་གཤེགས་སུ་གསོལ། །བྲག་རི་བསྣོལ་བའི་གདན་སྟེང་ནས། །བྲག་ལྷ་མགོན་པོ་གཤེགས་སུ་གསོལ། །ཏི་ར་སྤང་པའི་གྲོང་ཁྱེར་ནས། །ཚོགས་བདག་བདུད་འདུལ་གཤེགས་སུ་གསོལ། །མི་མངོན་བྲག་གི་ཁྲི་སྟེང་ནས། །ལེགས་ལྡན་མགོན་པོ་གཤེགས་སུ་གསོལ། །མེ་ཆུ་རླུང་ཐབས་རོལ་མཚོ་ནས། །ལྷ་དམག་ཚོགས་བཅས་གཤེགས་སུ་གསོལ། །སྲིའུ་གསོ་བའི་སེམས་དང་གཤེགས་སུ་གསོལ། །སྨྱོ་འདྲེ་འདུལ་བའི་སེམས་དང་གཤེགས་སུ་གསོལ། །འབྱུང་པོ་འདུལ་བའི་སེམས་དང་གཤེགས་སུ་གསོལ། །སྡེ་བརྒྱད་འདུལ་བའི་སེམས་དང་གཤེགས་སུ་གསོལ། །རོ་བག་གཤེད་འཁྱམས་འདུལ་ཕྱིར་གཤེགས་སུ་གསོལ། །མི་གཙང་དྲི་མའི་ལས་རྣམས་བསལ་ཕྱིར་གཤེགས་སུ་གསོལ། །ནད་འདྲེ་ཆུང་སྲི་འདུལ་ཕྱིར་གཤེགས་སུ་གསོལ། །ཨོཾ་རྒྱ་གྷི་ཝ་བཛྲ་ཡཀྵ་ག་རུ་ཊ་མ་ཧཱ་ཀཱ་ལ་བཛྲ་ས་མཱ་ཛཿ ཨེ་རྒྱ་ཧི་ཛཿཧཱུྃ་བཾ་ཧོ༔ ཧཱུྃ། བསྐལ་པ་མེ་ལྟར་འབར་བའི་ཀློང་དཀྱིལ་ནས། །དྲེགས་པ་དགྲ་བགེགས་བསྣོལ་བའི་གདན་སྟེང་དུ། །དབང་གི་རྒྱལ་པོ་བཅོམ་ལྡན་ལྷ་ཡི་ལྷ། །སྤྲུལ་

[Full Size]

པའི་ལས་མཁན་བྱ་ཁྱུང་རྒྱལ་པོ་དང་། །ཡཀཱ་མེ་དབལ་མགོན་པོ་ཚོགས་ཀྱི་བདག །མི་གཡོ་དགྱེས་ཤིང་བརྟན་པར་བཞུགས་སུ་གསོལ། །དབང་ལྷ་རིགས་ལྔ་སྤྱན་དྲངས་དབང་བསྐུར་ནས། །དབང་རྟགས་དབུ་ཡི་རྩེ་རུ་འོད་དཔག་མེད། །འཁོར་རྣམས་ཀུན་ལ་གཅོ་བོས་དབུ་བརྒྱན་གྱུར། །ས་མ་ཡ་ཏིཥྛ་ལྷན། ཛྙཱ་ན་པཉྩ་ཨ་བྷི་ཥིཉྩ་ཧཱུྃ༔ ཨོཾ་གྱིས་མཆོད་པའི་ཚོགས་རྣམས་སྟོང་པ་ཉིད། །ཨཱཝཡིས་ཐོད་སྣོད་ཡངས་ཤིང་རྒྱ་ཆེ་བ། །ཧཱུྃ་གིས་གཏོར་མ་དགྲ་བགེགས་ཤ་ཁྲག་དངོས། །ཧོཡིས་ཟག་མེད་ཡེ་ཤེས་བདུད་རྩིར་བསྒྱུར། །ཧ་ཧོ་ཧྲཱིཿཡིས་ཁ་དོག་དྲི་རོ་དང་། །ནུས་པ་ཕུན་སུམ་ཚོགས་པ་བདུད་རྩིའི་མཚོ། །ལྗགས་རྣམས་རྡོ་རྗེའི་སྦུ་གུས་བདུད་རྩི་གསོལ། །ཕུད་རླངས་མཆོད་པའི་སྤྲིན་དཔུང་མཐའ་ཡས་པ། །ལྷ་རྣམས་དབང་པོ་ལྔ་ལ་ཐིམ་པས་མཉེས། །ཧཱུྃ། དུག་གསུམ་དགྲ་བགེགས་བསྒྲལ་བའི་ཤ་ཁྲག་དང་། །དུག་ལ་སྨན་སྦྱོར་བདུད་རྩི་ཆེན་པོ་འདི། །ཁྲོ་རྒྱལ་དབང་གི་སྐུ་ལ་མཆོད་པ་འབུལ། །ཡཀཱ་མེ་དབལ་སྐུ་ལ་མཆོད་པ་འབུལ། །ཁྱུང་ཆེན་འབར་བའི་སྐུ་ལ་མཆོད་པ་འབུལ། །ཚོགས་བདག་མགོན་པོའི་སྐུ་ལ་

[Full Size]

མཆོད་པ་འབུལ། །གནོད་བྱེད་གདུག་པ་འདུལ་ཕྱིར་བཞེས་སུ་གསོལ། །ཨོཾ་རྒྱ་གྷི་ཝ་བཛྲ་ཡཀྵ་ག་རུ་ཊ་མ་ཧཱ་ཀཱ་ལ་དགྲ་བགེགས་མཱ་ར་ཡ་མཱི་ས་ལ་ཁཱ་ཧི།་རཀྟ་ལ་ཁཱ་ཧི། ཙིཏྟ་ལ་ཁཱ་ཧི། བ་སུ་ཏ་ལ་ཁཱ་ཧི། ཀེ་ནི་རི་ཏི་ལ་ཁཱ་ཧི། བྷ་ལིང་ཏ་ལ་ཁཱ་ཧི། ལན་གསུམ། ཨངྒྷཾ་སོགས། རུ་པ་སོགས། པཉྩ་ཨ་མྲྀ་ཏ་ཨོཾ་ཨཱཿཧཱུྃ། ཧཱུྃ། ཆགས་མེད་སྐྱོན་བྲལ་པདྨ་རིགས་ཀྱི་ལྷ། །ཀླུ་དབང་ཚུལ་གྱིས་གདུག་པ་འདུལ་མཛད་པ། །རབ་འཇིགས་བསྐལ་པའི་གཟི་བརྗིད་མེ་ལྟར་འབར། །ཁྲོ་རྒྱལ་རྟ་མགྲིན་སྐུ་ལ་ཕྱག་འཚལ་བསྟོད། །ཡཀཱ་མེ་དབལ་སྐུ་ལ་ཕྱག་འཚལ་བསྟོད། །ཡེ་ཤེས་ཁྱུང་ཆེན་སྐུ་ལ་ཕྱག་འཚལ་བསྟོད། །ཚོགས་བདག་མགོན་པོའི་སྐུ་ལ་ཕྱག་འཚལ་བསྟོད། །འཁོར་གྱི་ལྷ་དམག་རྣམས་ལ་ཕྱག་འཚལ་བསྟོད། །ན་མོ་པུ་རུ་ཤ་ཡ་ཧོ། ཧཱུྃ། སྤྱན་གྱི་དབང་པོ་ཚིམ་པའི་ཕྱིར། །སྣ་ཚོགས་གཟུགས་ཀྱི་ཐུགས་དམ་བསྐང་། །སྙན་གྱི་དབང་པོ་ཚིམ་པའི་ཕྱིར། །སྣ་སྒྲ་ཡི་ཐུགས་དམ་བསྐང་། །ཤངས་ཀྱི་དབང་པོ་ཚིམ་པའི་ཕྱིར། །སྣ་ཚོགས་དྲི་ཡི་ཐུགས་དམ་བསྐང་། །ལྗགས་ཀྱི་དབང་པོ་ཚིམ་པའི་ཕྱིར། །སྣ་ཚོགས་རོ་ཡི་ཐུགས་

[Full Size]

དམ་བསྐང་། །སྐུ་ཡི་དབང་པོ་ཚིམ་པའི་ཕྱིར། །སྣ་ཚོགས་རེག་བྱས་ཐུགས་དམ་བསྐང་། །ཐུགས་ཀྱི་དབང་པོ་ཚིམ་པའི་ཕྱིར། །སྣ་ཚོགས་ཆོས་ཀྱི་ཐུགས་དམ་བསྐང་། །ཕྱི་ནང་བར་ཆད་ཞི་བའི་ཕྱིར། །ཕྱི་ཡི་མཆོད་པས་ཐུགས་དམ་བསྐང་། །ཚེ་དབང་ལོངས་སྤྱོད་རྒྱས་པའི་ཕྱིར། །ནང་གི་མཆོད་པས་ཐུགས་དམ་བསྐང་། །སྣང་བ་དབང་དུ་སྡུད་པའི་ཕྱིར། །གསང་བའི་མཆོད་པས་ཐུགས་དམ་བསྐང་། །།དགྲ་བགེགས་མ་ལུས་བསྒྲལ་བའི་ཕྱིར། །ཤ་ཁྲག་དམར་གྱི་ཐུགས་དམ་བསྐང་། །སྒྲུབ་ལ་དངོས་གྲུབ་སྟེར་བའི་ཕྱིར། །བདུད་རྩི་སྨན་གྱི་ཐུགས་དམ་བསྐང་། །དབང་དང་བྱིན་རླབས་འབེབས་པའི་ཕྱིར། །དམར་ཆེན་རཀྟས་ཐུགས་དམ་བསྐང་། །སྣ་ཚོགས་ཕྲིན་ལས་མཛད་པའི་ཕྱིར། །དམ་རྫ་ས་གཏོར་མས་ཐུགས་དམ་བསྐང་། །བསོད་ནམས་ཕུན་སུམ་ཚོགས་པའི་ཕྱིར། །ལོངས་སྤྱོད་ཚོགས་ཀྱི་ཐུགས་དམ་བསྐང་། །ཧོ་དགོངས་སུ་གསོལ་ལོ། །ཧོ་དགོངས་སུ་གསོལ་ལོ། །ཨོ་རྒྱན་པདྨ་འབྱུང་གནས་རིག་འཛིན་བརྒྱུད་པའི་བླ་མ་ཡི་དམ་རྟ་མགྲིན་ནག་པོ་ཁྲོ་རྒྱལ་ཡཀཱ་མེ་དབལ་ཡེ་ཤེས་ཁྱུང་ཆེན་འབར་བ། མགོན་པོ་

[Full Size]

ཚོགས་ཀྱི་བདག་པོ། སྤྲུལ་པའི་ལྷ་དམག་འབུམ་སྡེ། འཁོར་དང་བཅས་པ་ལ་གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས། །རྣལ་འབྱོར་པ་བདག་གི་རྒྱབ་རྟེན་སྡོང་གྲོགས་མཛོད། །ཚ་བ་མེ་ཡི་དབལ་སོད། གྲང་བ་ཆུའི་བསིལ་ཕོབ། མེ་ཆུ་འབྱུང་བའི་ནུས་པ་ཆོམ། མཐུ་དང་ནུས་པ་མ་ཆུང་། རྟགས་དང་མཚན་མ་དངོས་སུ་སྟོན་ཅིག །སྐུ་གསུང་ཐུགས་མི་གཡེལ་ཅིག །རྟགས་དང་མཚན་མ་མངོན་སུམ་ད་ལྟ་ཉིད་དུ་སྟོན་ཅིག །ས་མཱ་ཡ། ས་མཱ་ཡ། རྡོ་ལྕགས་རྣམས་འདི་ལས་སྔ་ནས་བསྲེགས་ཀྱང་རུང་སྟེ། །སྔ་དྲག་ན་འོག་ཏུ་འགྲོ་ནས་མི་ཚིག །མཁར་སྒོང་གསུམ་གྱིས་ཆོག་ཀྱང་། །འགའ་རེ་ཞིག་འགྲོ་བས་དྲུག་བསྲེག །གཞི་ཐོག་གིས་རྡེལ་དཀར་བཅུ་གསུམ་དེ་མཆོད་གཡོག་པས་བཟུང་བཅུག་ལ། དཀར་དང་ཏ་ལ་ལ་ཟེར་དུས་མཆོད་གཞི་ངོས་དང་ཡར་ཁྱིམ་ཕུག་ན་འཕེན་བཅུག་ལ། ཧཱུྃ། དོ་ནུབ་ཕོ་བྲང་དམ་པ་འདིར། །དབལ་མེ་རང་འབར་ལྷབས་སེ་ལྷབ། །དབལ་ཆུ་རང་ཁོལ་སི་ལི་ལི། །དབལ་གྱི་ཚྭ་ཚྭ་ཐུ་ལུ་ལུ། །་བདག་དང་ཡོན་བདག་འཁོར་བཅས་ཀྱི། །ཕ་མཚུན་དགྲ་བླ་ཡུལ་ལྷ་རྣམས། །ཚ་བའི་དབལ་ལ་མི་བཙོའོ། གཏོར་མའི་རྩེ་ལ་མི་བསྐྱོན་ཏེ། །དཀར་དང་ཏ་ལ་ལ། མགྱོགས་

[Full Size]

དང་ཀྱི་ལི་ལི། །ཡར་ལ་དབལ་བསྐྱེད་དབུ་འཕང་བསྟོད། །མཁར་ལྷ་ཕོ་ལྷ་མ་ལྷ་སྨན། །ཚེ་ལྷ་སྲོག་ལྷ་འཕྲག་ལྷ་རྣམས། །ཚ་བའི་དབལ་ལ་མི་བཙོའོ། །གཏོར་མའི་རྩེ་ལ་མི་བསྐྱོན་ཏེ། །དཀར་དང་ཏ་ལ་ལ། །མགྱོགས་དང་ཀྱི་ལི་ལི། །།ཡར་ལ་དབལ་བསྐྱེད་དབུ་འཕང་བསྟོད། །ཕ་མྱེས་རྒྱུད་ཀྱི་སྲུང་མ་དང་། །རྟ་ལྷ་ནོར་ལྷ་རྨ་གཡང་དང་། །ཕུག་ལྷ་ཁྱིམ་ལྷ་ཐབ་ལྷ་རྣམས། །ཚ་བའི་དབལ་ལ་མི་བཅོའོ། །གཏོར་མའི་རྩེ་ལ་མི་བསྐྱོན་ཏེ། །དཀར་དང་ཏ་ལ་ལ། །མགྱོགས་དང་ཀྱི་ལི་ལི། །ཡར་ལ་དབལ་བསྐྱེད་དབུ་འཕང་བསྟོད། །ཨོཾ་ལོཀྐ་དེ་ཝ་པུ་ཙ་ཧོ། རྡེལ་ནག་རྣམས་མགོན་ཆུ་ནང་དུ་འཕེན་བཅུག་ཅིང་། ཧཱུྃ། མ་ཉེས་མ་ལེན་གཟུ་དང་དཔང་། །གཟུ་དཔང་དཀོན་མཆོག་གསུམ་པོ་བཞུགས། །སྡང་བའི་དགྲ་དང་གནོད་པའི་བགེགས། །དབལ་ཆུ་ཁོལ་མའི་ནང་དུ་བཙོ། །དྲག་པོ་གཏོར་མའི་ཟུར་ལ་བསྐྱོན། །གྲལ་དང་མགོ་འཕང་མར་ལ་སྨད། །རྨི་འདྲེ་བཙོག་འདྲེ་བྱུར་འདྲེ་རྣམས། །དབལ་ཆུ་ཁོལ་མའི་ནང་དུ་བཙོ། །དྲག་པོའི་གཏོར་མའི་ཟུར་ལ་བསྐྱོན། །གྲལ་དང་མགོ་འཕང་མར་ལ་སྨད། །ཟ་འདྲེ་ཤི་

[Full Size]

གཤེད་ཆུང་སྲི་རྣམས། །དབལ་ཆུ་ཁོལ་མའི་ནང་དུ་བཙོ། །དྲག་པོ་གཏོར་མའི་ཟུར་ལ་བསྐྱོན། །གྲལ་དང་མགོ་འཕང་མར་ལ་སྨད། །གོད་འདྲེ་གོད་སྲི་བསེ་རིག་རྣམས། །དབལ་ཆུ་ཁོལ་མའི་ནང་དུ་བཙོ། །དྲག་པོ་གཏོར་མའི་ཟུར་ལ་བསྐྱོན། །གྲོལ་དང་མགོ་འཕང་མར་ལ་སྨད། །རྟ་འདྲེ་རྟིལ་སྲི་སྒབ་འདྲེ་རྣམས། །དབལ་ཆུ་ཁོལ་མའི་ནང་དུ་བཙོ། །དྲག་པོ་གཏོར་མའི་ཟུར་ལ་བསྐྱོན། །གྲལ་དང་མགོ་འཕང་མར་ལ་སྨད། །མོ་འདྲེ་མི་ཁ་བྲ་མཆུ་རྣམས། །དབལ་ཆུ་ཁོལ་མའི་ནང་དུ་བཙོ། །དྲག་པོ་གཏོར་མའི་ཟུར་ལ་བསྐྱོན། །གྲལ་དང་མགོ་འཕང་མར་ལ་སྨད། །དམ་སྲི་འགོང་པོ་ཕུང་འདྲེ་རྣམས། །དབལ་ཆུ་ཁོལ་མའི་ནང་དུ་བཙོ། །དྲག་པོ་གཏོར་མའི་ཟུར་ལ་བསྐྱོན། །གྲལ་དང་མགོ་འཕང་མར་ལ་སྨད། །རྒྱ་གྷི་ཝ་བཛྲ་ཡཀཱ་ག་རུ་ཊ་མ་ཧཱ་ཀཱ་ལ་གནོད་བྱེད་སརྦ་པ་ཙ་པ་ཙ་ཧཱུྃ་ཕཊ༔ དེ་ནས་འོ་མ་ཁམ་གང་ཙམ་ཞིག་མགོན་ཆུ་ནང་དུ་བླུག་བཅོལ། ཆུ་ཉུང་སོང་ཟིན་ན་ད་ནངས་བླང་བའི་ཆུ་ནས་བསྣོན། རང་མདུན་སྔགས་ཆུ་ནས་གཟར་བུ་ཆེ་བ་གང་ཙམ་བླུག་བཅོལ། ཧཱུྃ། རང་སྣང་ཡེ་ཤེས་གཞལ་ཡས་འདིར། །རྟ་མགྲིན་ཁྱུང་དང་མེ་དབལ་དང་། །མགོན་པོ་ཚོགས་

[Full Size]

བདག་མཐུ་ཆེན་དེས། །བདུད་བགེགས་དམ་སྲི་འདུལ་བའི་ཕྱིར། །དུག་གསུམ་མ་སྤངས་སྒྱེད་པུ་བཙུགས། །དྲག་པོ་སྣང་བའི་མེ་ཡར་གཏམ། །དྲག་པོའི་མགོན་ཟངས་ལུང་དགུ་བཙུགས། །རིན་ཆེན་སྣ་ལྔའི་མགོན་སྙིང་བཅུག །གཡོ་བྱེད་རླུང་གིས་སྲེག་བྱེད་སྦྱར། །ཞེ་སྡང་བདུད་མཚོ་ནག་པོ་དེར། །དྲག་རྩལ་མགོན་ཆུ་ཁོལ་མར་བསྐོལ། །གནམ་ལྕགས་ཐོག་མདའ་ཛོ་དམར་བསྲེག །རྔམ་ཞིང་གདོན་དང་བགེགས་ལ་ཚ། །ཁོལ་བ་རི་རབ་རྩེ་ནས་ཁོལ། །སྤྲོ་བ་དཔག་བསམ་ཤིང་གིས་སྤྲོ། །ནད་གདོན་བར་ཆད་ཞི་བའི་ཕྱིར། །དཀར་པོ་ཤར་ནས་སིལ་སིལ་ཁོལ། །ཅི་བསམ་ཕུན་སུམ་ཚོགས་པའི་ཕྱིར། །དབུས་ནས་ལྷོག་ལྷོག་ཁོལ་མདུང་རྒྱོབ། །ནོར་ཕྱུགས་འཕེལ་ཕྱིར་ལྷོ་ནས་ཁོལ། །རྐང་ཕྲན་འཕེལ་ཕྱིར་ནུབ་ནས་ཁོལ། །དགྲ་གདོན་འདུལ་ཕྱིར་བྱང་ནས་ཁོལ། །ཁོལ་ལུགས་བཟང་པོ་བསྟན་དུ་གསོལ། །ཆུ་མདོག་དཀར་པོ་བསྟན་དུ་གསོལ། །ལྷོ་ཁོལ་ཁམ་ནག་ནད་ཀྱི་ངོ་། །བྱང་ཁོལ་དམར་ནག་གྲིབ་ཀྱི་ངོ་། །ནུབ་ཁོལ་ནག་ན་རྐྱེན་ཁའི་ངོ་། །ཤར་ཁོལ་ཆུ་མདོག་དཀར་པོ་སྟོན། །ཤར་ལྷོ་ནས་ཁོལ་

[Full Size]

གོད་ཀྱི་ངོ་། །ལྷོ་ནུབ་ནུབ་བྱང་ནས་ཁོལ་བ། །ཡམས་ནད་རིམས་ནད་འོང་བའི་ལྟས། །བྱང་ཤར་ནས་ཁོལ་དགྲ་ཡི་ངོ་། །ནག་ཅིང་ཁོལ་དང་དུད་ཁུ་འདྲ། །ཤ་ཁུ་འདྲ་བ་ལ་སོགས་པ། །གལ་ཏེ་ངན་པའི་རྟགས་ཤར་ན། །རྡོ་རྗེ་སེམས་དཔའི་སྤྲུལ་པ་སྟེ། །ཤར་གྱི་རྟ་མགྲིན་དཀར་པོ་བཞེངས། །ཁོལ་ལུགས་ཆུ་མདོག་ངན་པ་བསྒྱུར། །རིན་ཆེན་འབྱུང་ལྡན་སྤྲུལ་པ་སྟེ། །ལྷོ་ཡི་རྟ་མགྲིན་སེར་པོ་བཞེངས། །ཁོལ་ལུགས་ཆུ་མདོག་ངན་པ་བསྒྱུར། །སྣང་བ་མཐའ་ཡས་སྤྲུལ་པ་སྟེ། །ནུབ་ཀྱི་རྟ་མགྲིན་དམར་པོ་བཞེངས། །ཁོལ་ལུགས་ཆུ་མདོག་ངན་པ་བསྒྱུར། །དོན་ཡོད་གྲུབ་པའི་སྤྲུལ་པ་སྟེ། །བྱང་གི་རྟ་མགྲིན་ལྗང་གུ་བཞེངས།་།ཁོལ་ལུགས་ཆུ་མདོག་ངན་པ་བསྒྱུར། །ཨོཾ་བཛྲ་རཏྣ་པདྨ་ཀརྨ་བྱ་གྷི་ཝ་སརྦ་བྷིག་ནན་ཨུ་ཙ་ཏ་ཡ་ཕཊ༔ ཏྲི་ཤུ་ཡ་ཡལ་སྭཱ་ཧཱ། དེ་ནས་ཇོ་ལྕགས་ཆུ་གསུམ་ལས་དང་པོ་ཆུའི་གྱེར་གཞུང་ནི། ཧཱུྃ། སྔོན་གྱི་བསྐལ་པའི་དང་པོ་ལ། །སློབ་དཔོན་པདྨ་འབྱུང་གནས་དང་། །དཔལ་ཆེན་རིགས་གསུམ་མགོན་པོ་རྣམས། །བསྐལ་པའི་མེ་རླུང་ཆེན་པོ་ཡི། །འཁྲུགས་པའི་དབུས་ན་བཞུགས་ནས་ནི། །བླ་མ་ཡི་དམ་དེ་

[Full Size]

རྣམས་ཀྱིས། །ཁྲོ་རྒྱལ་ཡཀཱ་མེ་དབལ་དང་། །ལྷ་ཆེན་མགོན་པོ་རྣམས་གསུམ་ནི། །མེ་རླུང་མཚོན་ཆ་འབར་བའི་སྟེང་། །མེ་སླག་དམར་པོ་རྒྱབ་ན་གྱོན། །ད་སྔོན་པོ་དབུ་ལ་བཅིངས། །མེ་དར་དམར་པོ་ལག་ན་བཞག །དྲག་པོ་མེ་ཆུའི་དབང་ཡང་བསྐུར། །དགྲ་བགེགས་འདུལ་བའི་དབང་ཡང་བསྐུར། །ཆུང་སྲི་ཐེའུ་རང་འདུལ་བའི་ལས་རྣམས་བཅོལ། །ལྷ་ཚོགས་དེ་རྣམས་ཐམས་ཅད་ཀྱིས། །བདག་ཅག་ཡོན་མཆོད་འཁོར་བཅས་ལ། །ཁྲོ་ཆུ་ཁོལ་མའི་སླག་ལྤགས་བཀོན། །ཆུ་ཐོད་སྔོན་པོ་དབུ་ལ་བཅིངས། །ཁྲོ་ཆུ་ཁོལ་མའི་གདན་ལ་བཞུགས། །ཡེ་ཤེས་མེ་དཔུང་རབ་ཏུ་འབར། །ཁྲོ་ཆུ་ཁོལ་མའི་དབང་ཡང་བསྐུར། །ཧཱུྃ། བཅོམ་ལྡན་རིགས་གསུམ་མགོན་པོའི་སྐུ་སྤྲུལ་པ། །དབང་གི་རྒྱལ་པོ་ཁྲོ་བོ་རྟ་མགྲིན་སྐུ། །ཡང་སྤྲུལ་ཡཀཱ་མེ་དབལ་གསུང་། །ཐུགས་སྤྲུལ་མགོན་པོ་སྡེ་གསུམ་ལ། །སྲིད་པའི་དབང་ཕྱུག་ཉེར་བརྒྱད་བསྐོར། །ལྷ་དམག་མང་པོ་ཐུགས་ལས་སྤྲུལ། །འཁོར་བཅས་གནས་འདིར་གཤེགས་སུ་གསོལ། །ཧཱུྃ། བཅོམ་ལྡན་མགོན་པོ་དབང་ཆེན་རྟ་མགྲིན་ནི། །ཞལ་གཅིག་ཕྱག་

[Full Size]

གཉིས་སྐུ་མདོག་མཐིང་ནག་འབར། །གཡས་པས་རལ་གྲི་གཡོན་པས་ལྕགས་ཀྱུ་འཛིན། །དར་ནག་བེར་ཆེན་སྐུ་ལ་མཛེས་པར་བརྒྱན། །ཞིང་ཆེན་སྟོད་གཡོགས་སྟག་ལྤགས་ཤམ་ཐབས་ཅན། །ཐོད་སྐམ་དབུ་རྒྱན་ཐོད་རློན་དོ་ཤལ་མཛེས། །ཁྲག་གི་ཐིག་ལེ་ཞག་གི་ཟོ་རིས་བརྒྱན། །དབུ་སྐྲ་གྱེན་བརྫེས་རྟ་སྐད་ནམ་མཁར་འཚེར། །ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན། །མགོན་སྙིང་འདི་ལ་བྱིན་གྱིས་བརླབ་ཏུ་གསོལ། །མགོན་ཟངས་འདི་ལ་དབང་མཆོག་བསྐུར་དུ་གསོལ། །མགོན་ཟངས་འདི་ལ་ཕོ་བྲང་ཐོབ། །མགོན་ཟངས་ནང་དུ་ཆུ་སྣ་ལུགས། །ཕོ་བྲང་ཐོབ་ལ་འདྲེ་གདོན་ཐུལ། །ཆུང་སྲི་ཐེའུ་རང་གཞོབ་ཏུ་གསོལ། །བཙོག་ནལ་སྡིག་སྒྲིབ་བསལ་དུ་གསོལ། །མགོན་གཡང་སུམ་བརྒྱ་དྲུག་ཅུ་འདི། །ལྔ་ཚན་ལྔ་ལ་དབང་བ་ལ། །མགོན་ཟངས་ཁྱེད་ལ་རྫོངས་སུ་བརྫངས། །མགོན་སྙིང་ཟངས་ཀྱི་ནང་དུ་འཁོར། །ཆུང་སྲི་འདྲེ་གདོན་ཐམས་ཅད་ཐུལ། །ཀྱེ། སྔོན་གྱི་བསྐལ་པ་དང་པོ་ལ། །ཡོད་མེད་གཉིས་ཀྱི་སོ་མཚམས་ན། །ལྕགས་སྒོང་ནག་པོ་དགུ་རུ་སྲིད། །སྒོ་ང་དེ་དགུའི་ནང་ཤེད་ནས། །མེ་ཡི་མཚོན་ཆ་སྣ་

[Full Size]

དགུ་སྲིད། །མདུང་མོ་རང་གིས་རང་འདེབས་དང་། །གཞུ་མོ་རང་གིས་རང་བཀུག་དང་། །མདའ་མོ་རང་གིས་རང་འཕེན་དང་། །རལ་གྲི་རང་གིས་རང་འདེབས་དང་། །སཱུ་རེ་རང་གིས་རང་གཤག་དང་། །སྤུ་གྲི་རང་གིས་རང་གཤག་དང་། །ཆུ་གྲི་རང་གིས་རང་འདེབས་དང་། །ཐོ་བ་རང་གིས་རང་བརྡུང་དང་། །ཐུ་ལུམ་རང་གིས་རང་བསྒྲལ་དང་། །དོ་ནུབ་མེ་ཡི་མཚོན་ཆ་སྣ་དགུ་འདི། །མགོན་ཟངས་ནང་དུ་ཕོ་བྲང་ཐོབ། །ཕོ་བྲང་ཐོབ་ལ་འདྲེ་གདོན་ཐུལ། །ཧཱུྃ། ཁྲོ་རྒྱལ་ཡཀྴ་མེ་དབལ་ནི། །ཞལ་གསུམ་ཕྱག་དྲུག་རྔམས་བརྗིད་སྟོབས་དང་ལྡན། །སྐུ་མདོག་དམར་ནག་སྲིན་པོ་ཁྲོས་པའི་གཟུགས། །གཡས་དཀར་གཡོན་དམར་དབུས་སྨུག་ནག །ཞལ་གདངས་ལྗགས་འདྲིལ་མཆེ་བ་གཙིགས། །ཕྱག་གཡས་གཡོན་གཉིས་ཀྱི་དང་པོ་ན། །རྡོ་རྗེ་ཐོ་བ་ཞགས་པ་འཛིན། །བར་པས་ཐོད་རྔ་མི་རྐང་གླིང་བུ་སྒྲོགས། །ཐ་མ་གཉིས་ན་ཐོད་ཟོར་ཁྲག་ཟོར་འཕེན། །སྐུ་ལ་མེ་ཡི་ཚྭ་ཚྭ་འཕྲོ། །མེ་དཔུང་འབར་བའི་དབུས་ན་འགྱིང་། །ཁྲོ་བོའི་ཆས་ཀྱིས་རབ་ཏུ་བརྒྱན། །འཁོར་དུ་དབང་ཕྱུག་ཉེར་བརྒྱད་ནི། །

[Full Size]

བུད་མེད་ལུས་ལ་མགོ་བརྙན་ཅན། །ཕྱག་ན་ཁྲག་ཟོར་ཇོ་ཟོར་འཕེན། །འཁོར་དུ་མ་མོ་འབུམ་གྱིས་བསྐོར། །མེ་དབལ་སྐུ་འཁོར་ཡོངས་རྫོགས་ལ། །སྐུ་ལ་མེ་སླག་དམར་པོ་གསོལ། །དབུ་ལ་མེ་ཐོད་དམར་པོ་བཅིངས། །ཕྱག་ན་མེ་དར་དམར་པོ་བསྣམས། །མེ་རླུང་འཚུབ་མའི་གདན་ལ་བཞུགས། །དེ་ལ་མིང་དང་མཚན་གསོལ་བ། །ཁྲོ་རྒྱལ་ཡཀཱ་མེ་དབལ་ནི། །དྲག་པོའི་ལས་ལ་ཐུགས་ཁྲོས་ནས། །དོ་ནུབ་ཤར་དེར་སེང་རྔམ་ཁྲ་ལ་ལ། །ལྷོ་དེར་འབྲུག་རྔམ་འུ་རུ་རུ། །ནུབ་དེར་ཁྱུང་རྔམས་ཆེམས་སེ་ཆེམ། །བྱང་དེར་སྟག་གཟིག་རྔམས་སྟབས་གློག་ལྟར་འཁྱུག །སྟེང་ནས་ཁྱུང་དམར་སེར་ཆེན་འབེབས། །འོག་ཏུ་གདོན་བགེགས་བརྒྱལ་ཞིང་བསྔངས། །དོ་ནུབ་ལྷ་ཚོགས་ཐུགས་དམ་དུས་ལ་བབ། །དུས་ལ་བབ་བོ་མེ་དབལ་ཚོགས། །གཞུང་ལས་བཞེངས་རབ་གྱེར་ཞེས་དང་། །རྟ་མགྲིན་ནག་པོའི་ཆུ་བསྐོལ་གཞུང་ལསཾ། །བསྟོད་བསྐུལ་ཡན་ལག་རྫོགས་པར་བྱ་གསུངས་པས། ཧཱུྃ། གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །དྲེགས་པ་དགྲ་བགེགས་བསྣོལ་བའི་ཁྲི་སྟེང་ནས། །རྟ་མགྲིན་ནག་པོ་སྐུ་བཞེངས་ཤིག །གནོད་སྦྱིན་ནག་པོ་སྐུ་བཞེངས་ཤིག །

[Full Size]

ལས་མཁན་ནག་པོ་སྐུ་བཞེངས་ཤིག །བཞེངས་ཤིག་ཆོས་ཀྱི་དབྱིངས་ནས་བཞེངས། །ཆོས་ཉིད་ཞི་བའི་ངང་ལས་མ་གཡོས་ཀྱང་། །གདུག་པ་འདུལ་ཕྱིར་དྲག་པོའི་སྐུ། །སྐུ་མདོག་ནག་པོ་འཇིགས་པ་ལ། །ཞལ་གཅིག་ཕྱག་གཉིས་སྤྱན་གསུམ་བསྒྲད། །དབུ་གཙུག་རྟ་དབུ་ལྗང་ཞུར་རྟ་སྐད་འཚེར་བ་ནི། །ཁམས་གསུམ་མ་ལུས་དབང་དུ་སྡུད་པའི་རྟགས། །སྐུ་ལ་དར་ནག་བེར་ཆེན་གསོལ་བ་ནི། །ལྷ་སྲིན་སྡེ་བརྒྱད་ཟིལ་གྱིས་གནོན་པའི་རྟགས། །དབུ་ལ་ཐོད་སྐམ་ལྔ་ཡིས་རབ་ཏུ་བརྒྱན་པ་ནི། །རིག་པ་དོན་ལྡན་ལྷ་རྣམས་དགྱེས་པའི་རྟགས། །དབུ་ལ་རིན་ཆེན་ལྔ་ཡིས་མཛེས་པར་བརྒྱན་པ་ནི། །རིགས་མཆོག་ལྔ་ཡིས་འགྲོ་དོན་མཛད་པའི་རྟགས། །དབུ་སྐྲ་གནམ་ལྕགས་རལ་པ་བསིགས་པ་ནི། །ཁྲོ་ཆུང་མང་པོས་དགྲ་བགེགས་རྡུལ་དུ་བརླགས་པའི་རྟགས། །སྙན་ནས་དྲག་པོའི་འབྲུག་སྒྲ་སྒྲོགས་པ་ནི། །དགྲ་བགེགས་མ་ལུས་ཟིལ་གྱིས་གནོན་པའི་རྟགས་། །སྤྱན་ནས་མེ་ཡི་ཚྭ་ཚྭ་འཕྲོ་བ་ནི། །དགྲ་བགེགས་མ་ལུས་སྲེག་པར་བྱེད་པའི་རྟགས། །ཤངས་ནས་དྲག་པོའི་རླུང་དམར་འཚུབ་པ་ནི། །དགྲ་བགེགས་མ་ལུས་གཏོར་

[Full Size]

བར་བྱེད་པའི་རྟགས། །ཞལ་ནས་ཁྲོ་བོའི་གད་རྒྱངས་སྒྲོགས་པ་ནི། །དགྲ་བགེགས་མ་ལུས་བརྒྱལ་བར་བྱེད་པའི་རྟགས། །མཆེ་བ་དཀར་པོ་ཟུར་གསུམ་གཙིགས་པ་ནི། །དགྲ་བགེགས་མ་ལུས་ཞལ་དུ་གསོལ་བའི་རྟགས། །ཕྱག་གཡས་སྒྲོལ་བྱེད་རལ་གྲི་བསྣམས་པ་ནི། །དགྲ་བགེགས་མ་ལུས་དུམ་བུར་གཏུབ་པའི་རྟགས། །གཡོན་པས་འཛིན་བྱེད་ལྕགས་ཀྱུ་བསྣམས་པ་ནི། །དགྲ་བགེགས་མ་ལུས་སྙིང་ནས་འདྲེན་པའི་རྟགས། །ཞབས་གཉིས་རོལ་པའི་རྟ་བྲོ་བརྡུང་བ་ནི། །དགྲ་བགེགས་མ་ལུས་རྡུལ་དུ་བརླགས་པའི་རྟགས། །ཐོད་རློན་ལྔ་བཅུས་དོ་ཤལ་བྱས་པ་ནི། །དགྲ་བགེགས་བསྒྲལ་ནས་ཐུགས་དམ་གཉན་པོ་བསྐང་། །སྐུ་སྟོད་ཞིང་ལྤགས་གཡང་གཞི་གསོལ་བ་ནི་།་ཉོན་མོངས་ཕྲག་དོག་གནས་སུ་དག་པའི་རྟགས། །སྐུ་སྨད་སྟག་གི་ཤམ་ཐབ་གསོལ་བ་ནི། །ང་རྒྱལ་སྡུག་བསྔལ་རྩད་ནས་གཅོད་པའི་རྟགས། །བ་སྤུའི་གསེབ་ནས་མེ་དཔུང་འབར་བ་ཡིས། །ས་བདག་ཀླུ་གཉན་མ་ལུས་གཞོབ་ཏུ་བསྲེགས། །གནམ་ལྕགས་སྡིག་པའི་ཚྭ་ཚྭ་འཕྲོ་བ་ཡིས། །རྒྱལ་བསེན་འབྱུང་པོ་མ་ལུས་རྡུལ་དུ་བརླགས། །ཧཱུྃ་བྷྱོ༔ བསྐུལ་

[Full Size]

ལོ་ཡཀཱ་མཐུ་བོ་ཆེ། །རྦད་དོ་དྲེགས་པ་སྡེ་བརྒྱད་ཚོགས། །མ་གཡེལ་སྲུང་མ་ཐུགས་དམ་ཅན། །དམ་རྫས་གཏོར་མ་འདི་བཞེས་ལ། །སངས་རྒྱས་བསྟན་པ་ཁྱོད་ཀྱིས་སྲུངས། །དཀོན་མཆོག་དབུ་འཕང་ཁྱོད་ཀྱིས་བསྟོད། །རྣལ་འབྱོར་སྐུ་ཚེ་ཁྱོད་ཀྱིས་སྲིངས། །ཡོན་བདག་བར་ཆད་ཁྱོད་ཀྱིས་སོལ། །གནོད་པའི་བགེགས་ལ་ལས་མཛོད་ཅིག །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། བསྐལ་པ་མེ་ལྟར་འབར་བའི་ཀློང་དཀྱིལ་ནས། །ཡེ་ཤེས་ཁྱུང་ཆེན་འབར་བ་སྐུ་བཞེངས་ཤིག །ལྕགས་ཀྱི་བྱ་ཁྱུང་ནག་པོ་ལ། །ཁྱུང་རུ་གཡས་ཀྱི་རྩེ་མོ་ན། །ལྷ་ཆེན་བརྒྱད་ཀྱི་འདུན་ས་ལ། །ཁྱུང་རུ་གཡོན་གྱི་རྩེ་མོ་ན། །གཉན་ཆེན་བརྒྱད་ཀྱིས་རོལ་རྩེད་བྱེད། །ཁྱུང་རུས་སྲིད་རྩེ་མན་ཆད་བཅད། །ཡ་སོ་ཁྲོ་བོ་སྟོབས་བྱེད་པ། །མ་སོ་ཁྲོ་མོ་རྩེ་བྱེད་པ། །ལྗགས་ནི་བར་སྣང་གློག་ལྟར་འཁྱུགས། །གཤོག་པ་གཡས་ལ་མེ་ཆེན་འབར། །བརྡབས་པས་ནམ་མཁའི་དགྲ་བགེགས་བསྲེགས། །གཤོག་པ་གཡོན་པ་གློག་གིས་གཤོག །གློག་གི་གཤོག་པ་བརྡབ་པ་ཡིས། །ས་གཞིའི་དགྲ་བགེགས་གཞོབ་ཏུ་བཏང་། །མཇུག་མ་ཐོག་

[Full Size]

གི་རལ་གྲི་ཡིས། །མཐའ་ཡི་རྒྱ་མཚོ་གཏིང་ནས་དཀྲུགས། །བྱ་ཁྱུང་སྤུ་རྩེ་རེ་རེ་ལ། །བྱ་ཁྱུང་ཁྲི་སྟོང་འབུམ་འབུམ་འགྱེད། །ཀླུ་བདུད་ནག་པོའི་སྙིང་ནས་འདྲེན། །ཀླུ་ཐིལ་ཀུན་ཀྱང་ཆོལ་བུར་བཏང་། །ཁྱུང་རུའི་ཁ་ལ་དབལ་མེ་འབར། །ལྕེ་ཟེར་ཁ་ལ་ཐོག་སེར་འཕྲོ། །ཁྱོད་ཀྱིས་མི་འདུལ་གང་ཡང་མེད། །སྡང་བའི་དགྲ་དང་གནོད་པའི་བགེགས་། །དབང་དུ་སྡུས་ལ་རྡུལ་དུ་རློགས། །རིངས་པར་ཁུག་ལ་མྱུར་དུ་སྒྲོལ། །བཅོལ་བའི་ཕྲིན་ལས་འགྲུབ་པར་མཛོད། དཔལ་ཆེན་རྟ་མགྲིན་ཡང་ཆུང་ནག་པོའི་མགོན་ཆུའི་བསྐུལ་གྱི་གཏོར་མ་ཕུལ། ཤུག་པ་ལ་བསྲུང་བཙུགས་ཁྱུང་ལག་ཏུ་ཐོགས་ལ་སྨོན་ལམ་འདེབས་ལ། མགོན་ཆུ་ནང་དུ་སྐུ་ཁྲུས་གསོལ། ༈ བསོ༔ དབལ་ཁྱུག་སྐུ་ལ་སྨོན་ལམ་ཞུ། །ཁྱུང་གི་རྭ་ཅོ་གཡས་པ་ལ། །དགྲ་བླ་དཔལ་ཁྲོམ་དར་བའི་སྨོན་ལམ་ཞུ། །ཁྱུང་གི་རྭ་ཅོ་གཡོན་པ་ལ། །མ་ལྷ་སྨན་གསས་དར་བའི་སྨོན་ལམ་ཞུ། །ཁྱུང་གི་སྤྱི་གཙུག་ནོར་བུ་ལ། །དགོས་འདོད་འབྱུང་བའི་སྨོན་ལམ་ཞུ། །ཁྱུང་གི་སྤྱན་མིག་གཡས་གཡོན་ན། །ལྷ་མི་དར་བའི་སྨོན་ལམ་ཞུ། །ཁྱུང་གི་སྐུ་ལུས་བུམ་པ་ལ། །མི་ཚེ་རིང་བའི་སྨོན་ལམ་ཞུ། །ཁྱུང་གི་འགྱིང་པ་གཡས་པ་

[Full Size]

ལ། །མོ་འདྲེ་འདུལ་བའི་སྨོན་ལམ་ཞུ། །ཁྱུང་གི་མཇུག་སྒྲོ་ལེབ་ཆེན་ལ། །དར་སྲི་འདུལ་བའི་སྨོན་ལམ་ཞུ། །ཁྱུང་གི་གཤོག་པ་གཡས་པ་ལ། །སྨྲེ་འདྲེ་འདུལ་བའི་སྨོན་ལམ་ཞུ། །ཁྱུང་གི་གཤོག་པ་གཡོན་པ་ན། །མུགས་འདྲེ་འདུལ་བའི་སྨོན་ལམ་ཞུ། །ཁྱུང་གི་སྡེར་མོ་གཡས་གཡོན་ན། །འདྲེ་དགུ་གདོན་བཅུ་འདུལ་བའི་སྨོན་ལམ་ཞུ། །ཁྱུང་ཚང་ནང་ན་ཁྱུང་བོབ་ལ། །དཔལ་གཏོར་སྟེང་དུ་ཁྱུང་བཞུགས་ལ། །བདག་དང་རྒྱུ་འབྱོར་ཡོན་བདག་གི །སྲིད་པའི་འདྲེ་དགུ་ཁྱུང་གིས་ཆུམ། །གཙུག་ལག་གདོན་བཅུ་ཁྱུང་གིས་ཆུམ། །རྨེ་མུགས་ནལ་གསུམ་ཁྱུང་གིས་ཆུམ། །རྔམ་འཚེ་ཐན་གསུམ་ཁྱུང་གིས་ཆུམ། །ཐབ་གཞོབ་འཁོན་གསུམ་ཁྱུང་གིས་ཆུམ། །གྲི་བོ་རབས་ཆད་བྱུང་གིས་ཆུམ། །ཐུལ་ཅིག་དྲག་པོ་དབལ་གྱིས་ཐུལ། །ཆུམ་ཞིག་སྤྱི་རྗེ་ཁྱུང་གིས་ཆུམ། །དབལ་ཆུའི་གདན་ལ་བཞུགས་སུ་གསོལ། །ཅེས་ཁྱུང་ཚང་བཅས་བསྟོད། ཁྱུང་གིས་བསྟོད་བསྐུལ་རྫོགས་སོ།། ༈ ཧཱུྃ་ཧཱུྃ། བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །གཉིས་མེད་མཁའ་ལྟར་དག་པའི་ཕོ་བྲང་ནས། །ཁྲོ་རྒྱལ་ཡཀཱ་མེ་དབལ་སྐུ་བཞེངས་ཤིག །དུར་ཁྲོད་།

[Full Size]

འཇིགས་སུ་རུང་བའི་ཕོ་བྲང་ནས། །ཁྲོ་རྒྱལ་ཡཀ་མེ་དབལ་སྐུ་བཞེངས་ཤིག །བསྐལ་པ་མེ་རླུང་འཚུབ་མའི་ཀློང་དཀྱིལ་ནས། །ཁྲོ་རྒྱལ་ཡཀྵ་མེ་དབལ་སྐུ་བཞེངས་ཤིག །མ་ཏཱཾ་རུ་ཏྲ་བསྒྲལ་བའི་ཕོ་བྲང་ནས། །ཁྲོ་རྒྱལ་ཡཀཱ་མེ་དབལ་སྐུ་བཞེངས་ཤིག །ཆུང་སྲི་ཕོ་མོ་བསྒྲལ་བའི་དུས་ལ་བབ། །རྒྱལ་འགོང་དམ་སྲི་བསྒྲལ་བའི་དུས་ལ་བབ། །བཙོག་འདྲེ་དགུ་རྒྱུད་འདུལ་བའི་དུས་ལ་བབ། །རྨུག་འདྲེ་ངན་པ་འདུལ་བའི་དུས་ལ་བབ། །ཟ་འདྲེ་ཤི་གཤེད་འདུལ་བའི་དུས་ལ་བབ། །དུས་ལ་བབ་བོ་བཛྲ་ས་མ་ཡ། །ཁྱེད་ནི་དུས་གསུམ་སངས་རྒྱས་ཐམས་ཅད་ཀྱིས། །དབང་བསྐུར་བྱིན་གྱིས་བརླབས་པའི་མཐུ་རྩལ་ཅན། །ཞལ་གསུམ་ཕྱག་དྲུག་རྔམ་ཞིང་བརྗིད་པའི་སྐུ། །གཡས་དཀར་གཡོན་དམར་དབུས་སྨུག་རྔམ་པའི་ཞལ། །དུས་གསུམ་སངས་རྒྱས་སྐུ་ལ་རྫོགས་པའི་རྟོགས། །སྤྱན་དགུ་དམར་ལ་ཟླུམ་པར་གཟིགས་པ་ནི། །མ་རུངས་བདུད་ཀྱི་ཚོགས་རྣམས་བསྐྲད་པར་མཛད་། །མཆེ་བ་གཙིགས་ཤིང་ལྗགས་ནི་གློག་ལྟར་འཁྱུག །སྐྱེ་ཤི་རྩད་གཅོད་འཁོར་བའི་སྙིང་ཁྲག་རོལ། །གཡས་གཡོན་མེ་ཡི་ཐོ་བ་ཞགས་པ་བསྣམས། །ལོག་པར་ལྟ་

[Full Size]

བའི་དགྲ་བགེགས་རྡུལ་དུ་རློགས། །གཉིས་པས་བྷནྡྷ་འབར་བའི་རྔ་ཆུང་སྒྲོག །མ་མོ་མཁའ་འགྲོ་ཐམས་ཅད་དབང་དུ་སྡུད། །གསུམ་པས་ཐོད་ཟོར་སྐྱ་བོ་བསྣམས་པ་ཡིས། །སྲིད་གསུམ་ཕོ་རྒྱུད་ཟོད་གཏོང་ཟློག་པར་བྱེད། །གཡོན་གྱི་དང་པོས་མེ་དཔུང་འབར་བ་འཛིན། །དམིགས་བྱེད་རིག་སྔགས་ཐམས་ཅད་འཆིང་ཞིང་བསྲེགས། །གཉིས་པས་མི་རྐང་གླིང་བུ་ཀྱུ་རུ་རུ། །སྣང་སྲིད་ལྷ་འདྲེ་སྡེ་བརྒྱད་དམག་ལ་འདྲེན། །གསུམ་པས་ཁྲག་ཟོར་དམར་པོ་བསྣམས་པ་ནི། །ཕས་ཀྱི་རྦོད་གཏོང་ལྟས་ངན་ཟློག་པར་བྱེད། །སྐུ་ལ་དུར་ཁྲོད་ཆས་ཀྱིས་བརྒྱན་པ་ནི། །དཔའ་གཏུམ་ཁྲོ་རྒྱལ་གཞན་བས་ཁྱད་དུ་འཕགས། །ཞབས་གཉིས་བརྐྱང་བསྐུམ་འདོར་ཐབས་བཞུགས་པ་ནི། །ཕྲིན་ལས་རྣམ་བཞིས་འགྲོ་བ་འདུལ་བར་བྱེད། །མེ་དཔུང་ནང་ནས་ཧཱུྃ་དང་ཕཊ་སྒྲ་སྒྲོག །ཉོན་མོངས་བག་ཆགས་མ་ལུས་སྲེག་པར་བྱེད། །སྐུ་ལ་གདུག་པའི་མཚོན་ཆ་སྣ་ཚོགས་འཕྲོ། །བསྟན་པ་བཤིག་པའི་དམ་ཉམས་རྡུལ་དུ་བརླག །ཡཀྵ་མེ་དབལ་སྐུ་ལ་ཕྱག་འཚལ་བསྟོད། །ཤ་ཁྲག་དམར་གྱི་གཏོར་མ་འདི་བཞེས་ལ། །རིག་སྔགས་ལོག་

[Full Size]

འདྲེན་བྱེད་པ་དང་། །ཆེ་སྐག་ཆུང་སྲི་ཐེའུ་རང་དམ་ཉམས་འདི། །བསྲུང་བའི་གུར་ཁང་རྡོ་རྗེའི་མཚོན་ཆས་ཤིགས། །མགོན་པའི་ལྷ་སྲུང་གནོད་པའི་བདུད་དུ་ཕོབ། །སྔགས་ཀྱི་ནུས་པ་རང་ལ་སྨིན་པར་གྱིས། །ལུས་ལ་མཚོན་ཆ་སྣ་ཚོགས་ཆར་དུ་ཕོབ། །རྣམ་ཤེས་ལུས་སྲོག་རྟེན་དང་ཕྲོལ་ལ་ཐོངས། །ཆེ་སྐག་ཆུང་སྲི་ཐེའུ་རང་ཕོ་མོ་རྣམས། །བསྒྲལ་བའི་དུས་ལ་བབ་བོ་ས་མ་ཡ། །རྦོད་གཏོང་རིག་སྔགས་བཟློག་པའི་ལས་མཛོད་ཅིག ༈ །བྷྱོ༔ ཡཀཱ་མེ་དབལ་བཀའ་ཡི་ཕོ་ཉ་མོ། །གཅིག་ནི་ཤ་ཟ་ཚེ་འཕྲོག་པྲ་མོ་ཧ། །གཅིག་ནི་ཁྲག་འཐུང་སྲོག་འཕྲོག་པྲ་མོ་ཧ། །གཅིག་ནི་རུས་འཆའ་དབུགས་འཕྲོག་པྲ་མོ་ཧ། །གསུམ་ཀ་དམར་པོ་གཅེར་བུ་རལ་པ་ཅན། །གཡས་པས་ཅང་ཏེའུ་ནམ་མཁའི་དབྱིངས་སུ་འཁྲོལ། །གཡོན་པས་ཁྲག་ཟོར་དམར་པོ་དགྲ་ལ་འཕེན། །མེ་དཔུང་ཀློང་ནས་རྫུ་འཕྲུལ་རླུང་ལ་ཆིབས། །རེ་རེའི་འཁོར་དུ་མ་མོ་བྱེ་བས་བསྐོར། །སྔོན་ཚེ་རིག་སྔགས་བཟློག་པའི་མཁའ་འགྲོ་མ། །ཤ་ཁྲག་དམར་གྱི་གཏོར་མ་འདི་བཞེས་ལ། །དོ་ནུབ་ཆུང་སྲི་བསྒྲལ་བའི་ལས་མཛོད་ཅིག །བྷྱོ། ཡཀཱ་མེ་དབལ་བཀའ་ཉན་ནི། །དབང་

[Full Size]

ཕྱུག་ཉི་ཤུ་རྩ་བརྒྱད་རྣམས། །བུད་མེད་ལུས་ལ་མགོ་བརྙན་ཅན། །འཁོར་དུ་མ་མོ་འབུམ་གྱིས་བསྐོར། །དོ་ནུབ་ཆུང་སྲི་བསྒྲལ་བའི་ལས་མཛོད་ཅིག །ཧཱུྃ། བཞེངས་ཤིག་བཞེངས་ཤིག་གནས་འདིར་བཞེངས། །ལེགས་ལྡན་ནག་པོ་སྐུ་བཞེངས་ཤིག །སྐུ་མདོག་ནག་པོ་ཆར་སྤྲིན་མདོག །རལ་པ་ཁམ་ནག་ཆར་སྤྲིན་མདོག །མཆེ་བ་གངས་རི་བསྣོལ་བ་འདྲ། །སྐུ་ལ་བདུད་ཀྱི་བེར་ཆེན་གསོལ། །ཕྱག་ན་ཙནྡན་བེང་ཆེན་བསྣམས། །སྟག་གཟིག་དོམ་དྲེད་རྗེས་སུ་འབྲང་། །བྱ་ཆེན་མང་པོ་ཀླད་ལ་ལྡིང་། །རྒྱལ་ཆེན་སྡེ་བཞི་ཕོ་ཉར་འགྱེད། །འཁོར་དུ་དམག་ཚོགས་ཉི་ཁྲིས་བསྐོར། །བཀའ་ཡི་གཏོར་མ་འདི་བཞེས་ལ། །དམ་ཉམས་འབྱུང་པོ་རྡུལ་དུ་རློགས། །ཆེ་སྐག་ཆུང་སྲི་བསྒྲལ་དུ་གསོལ། །ཧཱུྃ། བཞེངས་ཤིག་མ་ཧཱ་ཀཱ་ལ་བཞེངས། །སྤྲུལ་པ་མ་མོའི་ཚོགས་དང་བཅས། །ཙནྡན་བེང་དང་ད་བཞེངས་ཤིག །ཧཱུྃ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཕྱོགས་ཕ་ཀི་ན། །མདུང་དང་རལ་གྲི་གཤིབས་པའི་གདན་སྟེང་ནས། །ཚོགས་བདག་མ་ཧཱ་ཀཱ་ལ་ད་བཞེངས་ཤིག །བཛྲ་ས་མ་ཡ་ཧཱུྃ། བིང་དུང་ཛཿ བིང་

[Full Size]

དུང་ཛཿ ཧཱུྃ། དོ་ནུབ་མགོན་པོ་ནག་པོ་སྦྱོ། །དོ་ནུབ་དམ་སྲི་དབང་དུ་སྡུས། །དོ་ནུབ་ཆུང་སྲི་དམ་ལ་ཐོགས། །ཙནྡན་བེང་ཆེན་བགེགས་ལ་གསོར། །ཡུངས་ཀར་རྦབ་ཀྱིས་བགེགས་ལ་རྒྱོབས། །མགོན་པོའི་དམག་གིས་དམ་སྲི་ཐུལ། །དོ་ནུབ་གདོན་བགེགས་དབང་དུ་སྡུས། །དོ་ནུབ་དམ་སྲི་དབང་དུ་སྡུས། །དོ་ནུབ་མི་ལ་ཆུང་སྲི་རྡུལ་དུ་རློགས། །ཧཱུྃ། བྱང་ཤར་སྒྲུང་གི་ཕར་མཐའ་ན། །དགྲ་བགེགས་བསྣོལ་བའི་གདན་སྟེང་ནས། །མ་ཧཱ་ཀཱ་ལ་ད་བཞེངས་ཤིག །ལེགས་ལྡན་ནག་པོ་ད་བཞེངས་ཤིག །འཁོར་གྱི་མགོན་པོ་ད་བཞེངས་ཤིག །འཁོར་གྱི་ཁྲོ་བོ་ད་བཞེངས་ཤིག །འཁོར་གྱི་ལས་མཁན་ད་བཞེངས་ཤིག །སྒྲོལ་བྱེད་ཤན་པ་ད་བཞེངས་ཤིག །ཤ་ཆེན་གསར་རྙིང་རི་ལྟར་དཔུང་། དགྲ་བགེགས་འབྱུང་པོ་རྡུལ་དུ་རློགས། །མི་ལ་ཆུང་སྲི་གཞོབ་ཏུ་བསྲེགས། །ཨོཾ་མ་ཧཱ་ཀཱ་ལ་ཏྲག་ཤད་ཡཾ་ཛ་ཛཿ གནོད་བྱེད་མི་ལ་དམ་སྲི་ཆུང་སྲི་རྨུག་འདྲེའི་སྲོག་ལ་རྦད་རྦད་མཱ་ར་ཡ་ཕཊ༔ ཧཱུྃ། དུར་ཁྲོད་ཆེན་པོའི་མཚོ་གླིང་དུ། །དམར་ནག་འབར་བའི་གཞལ་ཡས་ནས། །ཁྲག་གི་ཨགྷོ་རྒྱ་མཚོ་འདི། །ཞིང་ཆེན་གསར་རྙིང་བླ་བྲེ་

[Full Size]

བྲེས། །ཐོད་རུས་གསར་རྙིང་མཁར་ལྟར་བརྩིགས། །ཤ་ཆེན་གསར་རྙིང་རི་ལྟར་དཔུང་། །གཡས་ན་ཙིཏྟ་གཅལ་དུ་བཀྲམ། །མདུན་ན་དམར་གཏོར་རི་ལྟར་སྤུངས།་དགྲ་བགེགས་བསྒྲལ་ཕྱིར་མཆོད་པ་འབུལ། །བཞེས་ཤིག་རོལ་ཅིག་ཁ་རཾ་ཁཱ་ཧི། །ཧཱུྃ། བཞེངས་ཤིག་ནག་པོ་ཆེན་པོ་བཞེངས། །བཞེངས་ཤིག་ལེགས་ལྡན་བདུད་འདུལ་བཞེངས། །དགྲ་བགེགས་སྟེང་དུ་ད་བཞེངས་ཤིག །དོ་ནུབ་དགྲ་བགེགས་གནོད་བྱེད་ཆུང་སྲི་རྡུལ་དུ་རློགས། །གནོད་བྱེད་གདོན་ཚོགས་རྡུལ་དུ་རློགས། །ཀླུ་ཡི་གདོན་ཚོགས་རྡུལ་དུ་རློགས། ཀྱེ། མ་ཧཱ་ཀཱ་ལ་དགྲ་ལ་བྷྱོ། །ནག་པོ་ཆེན་པོ་དགྲ་ལ་སྦྱོ། །འཁོར་གྱི་དམག་ཚོགས་དགྲ་ལ་བྷྱོ། །སྒྲོལ་བྱེད་ཕོ་ཉ་དགྲ་ལ་བྷྱོ། །ཆུང་སྲི་བཙོག་འདྲེའི་ཡུལ་དུ་དམག་སྣ་དྲོངས། །གནོད་བྱེད་བཙོག་འདྲེ་མི་ལ་རྡུལ་དུ་རློགས། །ཧཱུྃ། བྱང་ཤར་མཚམས་ཀྱི་མགོན་པོ་བཞེངས། །ལེགས་ལྡན་ནག་པོ་བཞེངས་སུ་གསོལ། །ཙནྡན་བེང་ཆེན་བཞེངས་སུ་གསོལ། །དཔལ་ལྡན་མཐུ་ཆེན་བཞེངས་སུ་གསོལ། །སྔགས་འཆང་བདག་གིས་བོས་པའི་ཚེ། །དྲག་པོ་ཆོས་ཀྱི་རྔ་ཆེན་བརྡུང་།

[Full Size]

སྙན་པའི་དུང་ཆེན་ཕྱོགས་བཅུར་སྒྲོགས། །དྲི་ཞིམ་སྤོས་ཀྱི་དུད་པ་གཏོང་། །དམག་ཚོགས་འབུམ་དང་བཞེངས་སུ་གསོལ། །རྔམ་པའི་མཚོན་དང་བཞེངས་སུ་གསོལ། །ཤིང་རྟ་ཅན་གྱི་ཚོགས་དང་གཤེགས་སུ་གསོལ། །རུ་བཞིའི་དམག་དང་གཤེགས་སུ་གསོལ། །ཐོད་རུས་འབར་བའི་གཞལ་ཡས་ནས། །ལྷ་ཆེན་མ་ཧཱ་ཀཱ་ལ་གཤེགས་སུ་གསོལ། །སྤྲིན་ནག་རླུང་གི་དཀྱིལ་འཁོར་ནས། །ཡུམ་ཆེན་ཡཀྵ་བྷེ་ཏ་གཤེགས་སུ་གསོལ། །ཀེང་རུས་བརྩེགས་པའི་མཁར་ནང་ནས། །དཀར་པོ་སྤྱན་གསུམ་གཤེགས་སུ་གསོལ། །དུར་ཁྲོད་ཆེན་པོའི་གཞལ་ཡས་ནས། །མ་ཧཱ་ཀཱ་ལ་གཤེགས་སུ་གསོལ། །བྲག་རི་བསྣོལ་བའི་ཁྲི་སྟེང་ནས། །ལྷ་ཆེན་མགོན་པོ་གཤེགས་སུ་གསོལ། །ཤ་ཆེན་དཔུང་བའི་རི་བོ་ནས། །འཇིག་རྟེན་ཀཾ་ཀ་གཤེགས་སུ་གསོལ། །རཀྟ་དམར་གྱི་རྒྱ་མཚོ་ནས། །དམར་ཆེན་ཞིང་འདུལ་གཤེགས་སུ་གསོལ། །སྨུག་ནག་འབར་བའི་ཞིང་འདུལ་ནས། ལྗང་ནག་འབར་བ་གཤེགས་སུ་གསོལ། །སེར་ནག་འབར་བའི་ཞིང་འདུལ་ནས། །ལྷ་དམག་བཞེངས་ཤིག་དར་དང་བཞེངས། །ཁྲོ་བོ་བཞེངས་ཤིག་དཔལ་དང་བཞེངས། །

[Full Size]

ཕུར་བུ་བཞེངས་ཤིག་མཐུ་དང་བཞེངས། །སྐུ་ཡི་གཟི་མདངས་ཕྱུང་དང་བཞེངས། །སྤྲུལ་པ་ཡང་སྤྲུལ་ཕྱུང་ཅིག་བཞེངས། །སྐུ་ཡི་སྤྲུལ་པ་མེ་དཔུང་འབར། །གསུང་གི་སྤྲུལ་པ་རྒྱ་མཚོ་འཕྱུར། །ཐུགས་ཀྱི་སྤྲུལ་པ་རླུང་ནག་འཚུབ། །ཕྲིན་ལས་སྤྲུལ་པ་ཐོག་རྒོད་འབེབས། །མེ་ཆུ་རླུང་གསུམ་མཚོན་ཆ་ཡིས། །བཙོག་འདྲེ་མི་ལ་རྡུལ་དུ་རློགས། །བདུད་ཀྱི་འགྲིམ་ལམ་ངན་པ་ཆོད། །བགེགས་ཀྱི་སྤྲུལ་པ་ངན་པ་ཤིགས། །ཧཱུྃ། དཔལ་ཆེན་རྟ་མགྲིན་ནག་པོ་དང་། །ཡཀཱ་མེ་དབལ་སྲིད་པའི་ཁྱུང་། །མ་ཧཱ་ཀཱ་ལ་ཚོགས་བདག་རྣམས། །མེ་ཆེན་ཞུན་མ་གདན་དུ་བཏིང་། །ཆུ་ཆེན་ཁོལ་མ་གོས་སུ་གྱོན། །མགོན་ཆུ་ཚ་བའི་ངར་དང་བཅས། །བདག་དང་ཡོན་བདག་འཁོར་བཅས་ཀྱི། །ལྷ་ལ་ཕོག་ན་གཟི་བརྗིད་བསྐྱེད། །མི་ལ་ཕོག་ན་ནད་གདོན་ཞི། །ཉེས་མེད་ལྷ་འདྲེ་ལ་ཕོག་ན། །ལུས་ངག་ཡིད་གསུམ་བདེ་བ་བསྐྱེད། །ཉེས་མེད་སེམས་ཅན་ལ་ཕོག་ན། །ལུས་ངག་ཡིད་གསུམ་སྒྲིབ་པ་དག །གནོད་པའི་འདྲེ་དང་མི་གཙང་གྲིབ། །གར་ཕོག་བསྲེག་ཅིང་བརླག་པར་བྱེད། །དེ་འདྲའི་དམ་རྫས་མགོན་ཆུ་འདི། །དོ་ནུབ་

[Full Size]

མགོན་ཆུ་ཡར་ཡར་ཁོལ། །གནམ་ས་དགུང་དུ་ཡར་ཡར་ཁོལ། །དོ་ནུབ་མགོན་ཆུ་ཡར་ཡར་ཁོལ། །སྲིད་གསུམ་རྩེ་མོར་ཡར་ཡར་ཁོལ། །དོ་ནུབ་མགོན་ཆུ་ཡར་ཡར་ཁོལ། །རི་བྲག་རྩེ་མོར་ཡར་ཡར་ཁོལ། །དོ་ནུབ་མགོན་ཆུ་ཡར་ཡར་ཁོལ། །གངས་དཀར་རྩེ་ལ་ཡར་ཡར་ཁོལ། །དོ་ནུབ་མགོན་ཆུ་ཡར་ཡར་ཁོལ། །བྲག་དཀར་རྩེ་ལ་ཡར་ཡར་ཁོལ། །བཅོམ་ལྡན་རྒྱལ་བ་ཞི་ཁྲོའི་ལྷ་ཚོགས་རྣམས། །མཚོན་ཆ་སྣ་དགུའི་དགྲ་དང་བགེགས་ལ་བྷྱོ་ཛཿ །ཡུངས་ཀར་རྦབ་ཀྱིས་དགྲ་དང་བགེགས་ལ་བྷྱོ་ཛཿ ཙནྡན་བེང་གིས་དགྲ་དང་བགེགས་ལ་བློ་ཛཿ ཧཱུྃ་ཁཾ་རི་ལི་ལི་རྦད་རྦད་ཛཿ ཧཱུྃ། ནམ་མཁའི་དབྱིངས་སུ་དངོས་གྲུབ་ཆུ། །ས་གཞིའི་སྟེང་དུ་བདུད་རྩིའི་ཆུ། །བར་སྣང་ཁམས་སུ་མགོན་ལྷའི་ཆུ། །གཡའ་ཆུ་གངས་ཆུ་སྨན་གྱི་ཆུ། །ཆུ་ཆེན་བརྒྱ་དང་ཆུ་བྲན་སྟོང་། །།ཆུ་སྣ་སྨན་སྣ་སྤོས་སྣ་དང་། །སྔགས་དང་ཕྱག་རྒྱས་བྱིན་རླབས་ཆུ། །ལྷ་ཚོགས་རྣམས་ལ་སྐུ་ཁྲུས་གསོལ། །ཡེ་ཤེས་ལྷ་ལ་སྐུ་ཁྲུས་གསོལ། །འཇིག་རྟེན་ལྷ་ལ་སྐུ་ཁྲུས་གསོལ། །ཆོས་སྐྱོང་རྣམས་ལ་སྐུ་ཁྲུས་གསོལ། །དམ་ཅན་རྣམས་ལ་སྐུ་ཁྲུས་

[Full Size]

གསོལ། །ནོར་ལྷ་རྣམས་ལ་སྐུ་ཁྲུས་གསོལ། །ཡུལ་ལྷ་རྣམས་ལ་སྐུ་ཁྲུས་གསོལ། །ཕོ་ལྷ་རྣམས་ལ་སྐུ་ཁྲུས་གསོལ། །མ་ལྷ་རྣམས་ལ་སྐུ་ཁྲུས་གསོལ། །ཞང་ལྷ་རྣམས་ལ་སྐུ་ཁྲུས་གསོལ། །ཕྲག་ལྷ་རྣམས་ལ་སྐུ་ཁྲུས་གསོལ། །ཁྱིམ་ལྷ་རྣམས་ལ་སྐུ་ཁྲུས་གསོལ། །ཐབ་ལྷ་རྣམས་ལ་སྐུ་ཁྲུས་གསོལ། །དེ་རྣམས་གྲིབ་ཀྱིས་མ་མནོལ་བར། །བཀྲག་དང་གཟི་བརྗིད་ལྡན་གྱུར་ཅིག ༈ །ཧཱུྃ།་མགོན་ཆུ་ཚ་བའི་ཟེར་ཅིག་དེ། །ཉི་མ་ཤར་གྱི་ཕྱོགས་སུ་འཕྲོས། །གནོད་བྱེད་ཤར་བདུད་ཤར་བཙན་དང་། །ཤར་ཕྱོགས་དྲི་ཟའི་གདོན་ཚོགས་རྣམས། །མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །དོ་ནུབ་ཚ་ངར་མ་ཆུང་ལ། །རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕོབ། །རྣོ་ངར་གནོད་པའི་བགེགས་ལ་རྒྱོབས། །དོ་ནུབ་ཚ་ངར་ཤ་ར་ར། །རྣོ་ངར་དེ་ནི་སི་ལི་ལི། །དོ་ནུབ་མགོན་ཆུ་ཚ་བའི་ཟེར་ཅིག་དེ། །ཉི་མ་ལྷོ་ཡི་ཕྱོགས་སུ་འཕྲོས། །གནོད་བྱེད་ལྷོ་བདུད་ལྷོ་བཙན་དང་། །ལྷོ་ཕྱོགས་གཤིན་རྗེའི་གདོན་ཚོགས་རྣམས། །མགོན་ཆུ་ཚ་བའི་ཟེར་གྱིས་ཐུལ། །གཟུགས་

[Full Size]

ཕུང་མེ་དང་ཆུ་ཡིས་ཤིགས། །དོ་ནུབ་ཚ་ངར་མ་ཆུང་ལ། །རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕབ། །རྣོ་ངར་གནོད་པའི་བགེགས་ལ་རྒྱོབས། །དོ་ནུབ་ཚ་ངར་ཤ་ར་ར། །རྣོ་ངར་དེ་ནི་སི་ལི་ལི། །དོ་ནུབ་མགོན་ཆུ་ཚ་བའི་ཟེར་ཅིག་དེ། །ཉི་མ་ནུབ་ཀྱི་ཕྱོགས་སུ་འཕྲོས། །གནོད་བྱེད་ནུབ་བདུད་ནུབ་བཙན་དང་། །ནུབ་ཕྱོགས་ཀླུ་ཡི་གདོན་ཚོགས་རྣམས། །མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །དོ་ནུབ་ཚ་ངར་མ་ཆུང་ལ། །རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕོབ། །རྣོ་ངར་གནོད་པའི་བགེགས་ལ་རྒྱོབས། །དོ་ནུབ་ཚ་ངར་ཤ་ར་ར། །རྣོ་ངར་དེ་ནི་སི་ལི་ལི། །དོ་ནུབ་མགོན་ཆུ་ཚ་བའི་ཟེར་ཅིག་དེ། །ཉི་མ་བྱང་གི་ཕྱོགས་སུ་འཕྲོས། །གནོད་བྱེད་བྱང་བདུད་བྱང་བཙན་དང་། །བྱང་ཕྱོགས་གནོད་སྦྱིན་གདོན་ཚོགས་རྣམས། །མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས་། །དོ་ནུབ་ཚ་ངར་མ་ཆུང་ལ། །རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕོབ། །རྣོ་ངར་གནོད་པའི་བགེགས་ལ་རྒྱོབས། །དོ་ནུབ་རྣོ་ངར་ཤ་ར་ར། །རྣོ་

[Full Size]

ངར་དེ་ནི་སི་ལི་ལི། །དོ་ནུབ་མགོན་ཆུ་ཚ་བའི་ཟེར་ཅིག་དེ། །ནམ་མཁའ་དགུང་དུ་འཕྲོས་པ་ལ། །དགུང་བདུད་དང་ནི་དགུང་བཙན་དང་། །ཉི་ཟླ་གཟའ་སྐར་གདོན་ཚོགས་རྣམས། །མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །དོ་ནུབ་ཚ་ངར་མ་ཆུང་ལ། །རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕོབ། །རྣོ་ངར་གནོད་པའི་བགེགས་ལ་རྒྱོབས། །དོ་ནུབ་ཚ་ངར་ཤ་ར་ར། །རྣོ་ངར་དེ་ནི་སི་ལི་ལི། །དོ་ནུབ་མགོན་ཆུ་ཚ་བའི་ཟེར་ཅིག་དེ། །གསལ་པོ་ཟླ་བའི་ཡུལ་དུ་འཕྲོས། །གནོད་བྱེད་ཟླ་བདུད་ཟླ་བཙན་དང་། །ཟླ་བའི་གདོན་ཚོགས་འཁོར་བཅས་ལ། །མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས་དོ་ནུབ་ཚ་ངར་མ་ཆུང་ལ། །རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕོབ། །རྣོ་ངར་གནོད་པའི་བགེགས་ལ་རྒྱོབས། །དོ་ནུབ་རྣོ་ངར་ཤ་ར་ར། །ཚ་ངར་དེ་ནི་སི་ལི་ལི། །ཡང་མགོན་ཆུ་ཚ་བའི་ཟེར་ཅིག་དེ། །འཕེན་པོ་སྐར་མའི་ཡུལ་དུ་འཕྲོས། །གནོད་བྱེད་སྐར་བདུད་སྐར་བཙན་དང་། །གཟའ་དང་རྒྱུ་སྐར་གདོན་ཚོགས་

[Full Size]

རྣམས་། །མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །དོ་ནུབ་ཚ་ངར་མ་ཆུང་ལ། །རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕོབ། །རྣོ་ངར་གནོད་པའི་བགེགས་ལ་རྒྱོབས། །མགོན་ཆུ་ཚ་བའི་ཟེར་ཅིག་དེ། །དོག་མོ་ས་ཡི་སྟེང་དུ་འཕྲོས། །གནོད་བྱེད་ས་བདུད་ས་སྲི་རྣམས། །མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །ལོ་བདུད་རྣམས་ཀྱི་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །ཐེའུ་རང་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །ནད་འདྲེ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ།་གཟུགས་ཕུང་མེ་དང་ཆུ་ཡིས་ཤིགས། །རྒྱལ་བྱིན་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །བཙན་རིགས་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །བདུད་རིགས་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །གཉན་རིགས་རྣམས་ཀྱང་མགོན་ཆུ་ཚ་བའི་ཟེར་གྱིས་

[Full Size]

ཐུལ། གཟུགས་ཕུང་མེ་དང་ཆུ་ཡིས་ཤིགས། །ཀླུ་གདོན་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །རྒྱལ་བསེན་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །ཉེ་བའི་རྒྱུད་འདྲེ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །བཙོག་འདྲེ་བཙོག་སྲི་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །རྨོང་འདྲེ་རྨོང་སྲི་རྐུན་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །མཛེ་འདྲེ་ཤ་འདྲེ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །གཟའ་བདུད་གཟའ་བཙན་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །ཁྱིམ་མཚེས་བསྒྲེན་འདྲེ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །སྔ་འདྲེ་རྙིང་པ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །ད་འདྲེ་གསར་པ་རྣམས་ཀྱང་

[Full Size]

མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །སྒབ་འདྲེ་འཁྱམ་པོ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །ཡུལ་འདྲེ་འཁྱམ་པོ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །རྨུག་འདྲེ་ངན་པ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིགས། །མི་ལ་བཙོག་འདྲེ་རྣམས་ཀྱང་མགོན་ཆུ་ཚ་བའི་ཟེར་གྱིས་ཐུལ། །གཟུགས་ཕུང་མེ་དང་ཆུ་ཡིས་ཤིག །མགོན་ཆུ་ཚ་ངར་ཤ་ར་ར། །རྣོ་ངར་དེ་ནི་སི་ལི་ལི། །ཚ་ངར་དེ་ནི་མ་ཆུང་ལ། རྣོ་ངར་དེ་ནི་མ་ཞན་ཅིག །ཚ་ངར་སྡང་བའི་དགྲ་ལ་ཕོབ། །རྣོ་ངར་གནོད་པའི་བགེགས་ལ་བྷྱོ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་མགོན་ཟངས་ཀྱི་གཏོར་མ་བདུད་རྩིས་བྲན་ལ་འདི་སྐད་དོ། །ཧཱུྃ། རྟ་མགྲིན་ནག་པོ་མཐུ་མ་ཆུང་། །ཡཀཱ་མེ་དབལ་སྐུ་མ་གཡེལ། །ལྷ་ཆེན་དཔལ་འབར་ལས་མ་ཞན། །མ་མོ་མཁའ་འགྲོ་བང་མ་བུལ། །ཕོ་ཉ་ལས་མཁན་རྩལ་མ་ཞན། །སྤྲུལ་པའི་དམག་ཚོགས་དེ་རྣམས་ཀྱང་། །ཁྲམ་ཁ་བསྒྱུར་བའི་མཐུ་བོ་ཆེ། །བདུད་

[Full Size]

ཁ་བསྒྱུར་བའི་ང་རོ་ཅན། །དོ་ནུབ་བཟློག་ཅིང་བསྒྱུར་བའི་དུས་ལ་བབ། །སྲིད་པའི་ཁྲམ་ཁ་ད་སྒྱུར་ཅིག །ལྷ་ཡི་དམག་ཚོགས་དགྲ་ལ་དྲོངས། །གཞན་གྱི་བྱད་དུ་བཅུག་པ་ཟློག །པྱད་མའི་ཕུར་ཁ་སྟོན་པ་ཟློག །མཚེ་ཟོར་ཡུངས་ཟོར་འཕེན་པ་ཟློག །འབྱུང་པོས་ཐོད་ཟོར་འཕེན་པ་ཟློག །མ་མོས་ཁྲག་ཟོར་འཕེན་པ་ཟློག ། གཤིན་རྗེས་འཁོར་ལོ་བསྐོར་བ་ཟློག །ཀླུ་ཡིས་བྱེད་དུ་བཅུག་པ་ཟློག །ཐེའུ་རང་སྲི་ལ་རྐུ་བ་ཟློག །རྒྱལ་པོས་སྨྱོ་འབོག་གཏོང་བ་ཟློག །ལྟས་ངན་བརྒྱད་ཅུ་རྩ་གཅིག་ཟློག ། ཡེ་འདྲོགས་སུམ་བརྒྱ་དྲུག་ཅུ་ཟློག །ནད་རིགས་བཞི་བརྒྱ་རྩ་བཞི་ཟློག །བགེགས་རིགས་སྟོང་ཕྲག་བརྒྱད་བཅུ་ཟློག །མུ་སྟེགས་དམོད་པའི་དྲག་སྔགས་ཟློག །དྲང་སྲོང་གཟའ་ཡི་ཀིང་ཀང་ཟློག །ཞང་ཞུང་ཛོ་དམར་འཕེན་པ་ཟློག །སུམ་པས་གླང་ཟོར་འཕེན་པ་ཟློག །བན་དེས་སྔགས་ཟོར་འཕེན་པ་ཟློག །བོན་པོས་གཏོར་ཟོར་འཕེན་པ་ཟློག །སྐྱེ་བོས་མདའ་ཟོར་འཕེན་པ་ཟློག །བུད་མེད་ཐལ་ཟོར་འཕེན་པ་ཟློག །རླུང་རྟ་བཞི་གཤེད་ངན་པ་ཟློག །མོ་རྩིས་ཇུ་ཐིག་ངན་པ་ཟློག །མཁའ་འགྲོ་མ་དང་རོ་

[Full Size]

ལངས་ཟློག །རྒྱལ་བསེན་བར་ཆད་བྱེད་པ་ཟློག །དེ་ལ་སོགས་པའི་གདུག་རྩུབ་རྣམས། །ཐམས་ཅད་བཙོག་འདྲེའི་སྟེང་དུ་ཟློག །རྦོད་གཏོང་ངན་པའི་སྟེང་དུ་ཟློག ། བཟློག་བསྒྱུར་མཛད་པའི་དུས་ལ་བབ། །ཧཱུྃ། མ་ཧཱ་ཀཱ་ལ་མཐུ་རྩལ་ཅན། །སོད་ཅིག་ཐུལ་ཅིག་ཆུང་སྲི་རྣམས། །གཉེར་རོ་གཏད་དོ་བསྒྲལ་བྱེད་ཤན་པའི་ཚོགས། །བདག་གི་འཁོར་དང་ལོངས་སྤྱོད་བུ་སློབ་རྣམས། །ལེ་གུ་ལ་སོགས་ཁྱོད་ཀྱིས་སྲུང་བར་མཛོད། །ཧཱུྃ། ཡས་ཀྱི་བདུད་གཡོས་དམར་གྱི་གཏོར་མས་ཟློག །མས་ཀྱི་སྲི་ལང་དམར་གྱི་གཏོར་མས་ཟློག །གློ་བུར་ཡེ་འདྲོགས་དམར་གྱི་གཏོར་མས་ཟློག །ནད་སྣ་ཡམས་སྣ་དམར་གྱི་གཏོར་མས་ཟློག །དགྲ་སྣ་གྱོད་སྣ་དམར་གྱི་གཏོར་མས་ཟློག །མི་ཁ་ཁྱོད་བྱུར་དམར་གྱི་གཏོར་མས་ཟློག །བཙོག་སྣ་གོད་ཁ་དམར་གྱི་གཏོར་མས་ཟློག །བཟློག་བསྒྱུར་དྲག་པོའི་དུས་ལ་བབ། །ཧཱུྃ། རིགས་ལྔ་ཁྲག་འཐུང་ཧེ་རུ་ཀ །བཟློག་བསྒྱུར་དྲག་པོའི་དུས་ལ་བབ། །རིགས་ལྔ་ཁྲག་འཐུང་བཀའ་འཁོར་དུ། །ཤ་ཟ་ཁྲག་འཐུང་ལས་ལ་བསྐུལ། །མི་འདའ་བཅོལ་བའི་ཕྲིན་ལས་མཛོད། །ཛོ་གསུམ་ལྕགས་དང་བཞི་པོ་འདི། དང་

[Full Size]

པོ་དམིགས་པ་དང་བཅས་གཞུང་རྫོགས་པར་གྱེར་ནས། རྗེས་ནས་ཛོ་གསུམ་ལྕགས་ཆུ་རྣམས་དུས་གཅིག་ལ་བྱེད་པ་ཕྱག་ལེན་རྙིང་པ་རྒྱུན་ལྡན་ཡིན་ཅིང་སྟབས་བདེ་བས། དང་པོ་བྱིན་རླབས་ཀྱི་དམིགས་པ་དང་གཞུང་གྱེར་བ་ནི། ཧཱུྃ། བདག་ཉིད་རྟ་མགྲིན་ནག་པོ་ཡི། །གཡས་སོར་རྒྱལ་བ་རིགས་ལྔ་ལ། །གཡོན་སོར་ལྷ་མོ་ཡུམ་ལྔར་གསལ། །ལག་མཐིལ་ཉི་ཟླའི་དཀྱིལ་འཁོར་དབུས། །མཁར་སྒོང་ཨོཾ་ཡིག་དཀར་པོ་ལས། །མེ་དཔུང་ཁ་དོག་ལྔ་འབར་བས། །དུག་ལྔའི་རང་བཞིན་གྲིབ་དང་གདོན། །བྱ་སྒྲོ་མེ་ལ་བསྲེགས་པ་ལྟར། །བསྲེག་ཅིང་ཚ་འོད་སྟོང་གསུམ་གང་། །བདག་དང་ཡོན་བདག་ལྷ་དང་མིར། །ཡེ་ཤེས་དྲངས་བའི་བསིལ་ཕབ་ནས། །སྟོང་པའི་ངང་དུ་དྭངས་སང་ངེ་། །བདེ་སྟོང་ཉམས་དང་ལྡན་པར་གྱུར། །ཧཱུྃ༔ དབུས་ཕྱོགས་རྣམ་པར་སྣང་མཛད་ནི། །སྐུ་མདོག་དཀར་ལ་འོད་ཟེར་འབར། །ཕྱག་གཡས་མེ་ཡི་འཁོར་ལོ་བསྣམས། །གཡོན་པས་དྲིལ་བུ་དཀུ་ལ་བརྟེན། །མེ་དཔུང་དཀར་པོ་ལྷབས་སེ་ལྷབ། །གཏི་མུག་ལས་གྱུར་གདོན་རྣམས་གཞོབ་ཏུ་བསྲེགས། །ཆོས་དབྱིངས་ཡེ་ཤེས་མངོན་དུ་འགྱུར་བར་ཤོག །ཧཱུྃ། ཤར་ཕྱོགས་རྡོ་རྗེ་སེམས་

[Full Size]

དཔའ་ནི། །སྐུ་མདོག་སྔོ་ལ་འོད་ཟེར་འབར། །ཕྱག་གཡས་རྡོ་རྗེ་མེ་འབར་བསྣམས། །གཡོན་པས་དྲིལ་བུ་དཀུ་ལ་བརྟེན། །མེ་དཔུང་སྔོ་དམར་ལྷབས་སེ་ལྷབ། །ཞེ་སྡང་། ལས་གྱུར་གདོན་རྣམས་གཞོབ་ཏུ་བསྲེགས། །མེ་ལོང་ཡེ་ཤེས་མངོན་དུ་འགྱུར་བར་ཤོག །ཧཱུྃ། ལྷོ་ཕྱོགས་རིན་ཆེན་འབྱུང་ལྡན་ནི། །སྐུ་མདོག་སེར་པོ་འོད་ཟེར་འབར། །ཕྱག་གཡས་རིན་ཆེན་མེ་དཔུང་བསྣམས། །གཡོན་པས་དྲིལ་བུ་དཀུ་ལ་བརྟེན། །།མེ་དཔུང་སེར་པོ་ལྷབས་སེ་ལྷབ། །ང་རྒྱལ་ལས་གྱུར་གདོན་རྣམས་གཞོབ་ཏུ་བསྲེགས། །མཉམ་ཉིད་ཡེ་ཤེས་མངོན་དུ་འགྱུར་བར་ཤོག །ཧཱུྃ། ནུབ་ཕྱོགས་སྣང་བ་མཐའ་ཡས་ནི། །སྐུ་མདོག་དམར་པོ་འོད་ཟེར་འབར། །ཕྱག་གཡས་པདྨ་མེ་འབར་བསྣམས། གཡོན་པས་དྲིལ་བུ་དཀུ་ལ་བརྟེན་། །མེ་དཔུང་དམར་པོ་ལྷབས་སེ་ལྷབ། །འདོད་ཆགས་ལས་གྱུར་གདོན་རྣམས་གཞོབ་ཏུ་བསྲེགས། །སོར་རྟོག་ཡེ་ཤེས་མངོན་དུ་འགྱུར་བར་ཤོག །ཧཱུྃ། བྱང་ཕྱོགས་དོན་ཡོད་གྲུབ་པ་ནི། །སྐུ་མདོག་ལྗང་ནག་འོད་ཟེར་འབར། །ཕྱག་གཡས་རྒྱ་གྲམ་མེ་འབར་བསྣམས། །གཡོན་པས་དྲིལ་བུ་དཀུ་ལ་བརྟེན། །མེ་

[Full Size]

དཔུང་དམར་ལྗང་ལྷབས་སེ་ལྷབ། །ཕྲག་དོག་ལས་གྱུར་གདོན་རྣམས་གཞོབ་ཏུ་བསྲེགས། །བྱ་གྲུབ་ཡེ་ཤེས་མངོན་དུ་འགྱུར་བར་ཤོག །ཨོཾ་ཧཱུྃ་ཏྲཾ་ཧྲཱིཿལཿ གནོད་བྱེད་ཆེ་སྐག་ཆུང་སྲི་མི་ལ་དམ་སྲི་བཙོག་འདྲེ་ཐམས་ཅད་མཱ་ར་ཡ་ཛྭ་ལ་རཾ་རཾ། དམན་མོ་བསེན་མོ་གསོན་འདྲེ་མོ་འདྲེ་ཡུལ་འདྲེ་བསེ་རག་ཐམས་ཅད་མཱ་ར་ཡ་ཛྭ་ལ་རཾ་རཾ། དེ་ནས་མཁར་སྒོང་གཉིས་པ་བྱིན་རླབས་ནི། དམིགས་པ་གོང་དང་འདྲ་བ་ལས། མཁར་སྒོང་ཨ་དམར་མེ་འབར་བསྐྱེད། ཧཱུྃ། དཔལ་ཆེན་རྟ་མགྲིན་ནག་པོ་དང་། །སྤྲུལ་པའི་ཁྱུང་ཆེན་འབར་བ་དང་། །མེ་དབལ་མགོན་པོ་ཚོགས་བདག་བཅས། །དམག་ཚོགས་དཔག་མེད་མཚོན་ཆ་ཐོགས། །ཞལ་ནས་སོད་སོད་རྒྱོབས་རྒྱོབས་སྒྲོགས། །མི་གཙང་གྲིབ་དང་གདོན་ཚོགས་ཐུལ། །དབུས་ཕྱོགས་བུདྡྷ་ཧེ་རུ་ཀ །ཤར་དུ་བཛྲ་ཧེ་རུ་ཀ །ལྷོ་རུ་རིཏྭཱ་ཧེ་རུ་ཀ །ནུབ་ཏུ་པདྨ་ཧེ་རུ་ཀ །བྱང་དུ་ཀརྨ་ཧེ་རུ་ཀ །ཀུན་ཀྱང་སྐུ་མདོག་ཕྱག་མཚན་སོ་སོར་གསལ། །ཕྱག་གཡས་པ་རྣམས་ཀྱིས་མེ་དཔུང་འབར་བ་བསྣམས། །གཡོན་པས་མེ་ཡི་ཞགས་པ་འཛིན། །ཡེ་ཤེས་ལྔ་ལྡན་མེ་འབར་འུ་རུ་རུ། །དུག་ལྔའི་ཕུང་པོ་གཞོབ་ཏུ་བསྲེགས། །

[Full Size]

ཡེ་ཤེས་ལྔ་ལྡན་ལྷུན་གྱིས་གྲུབ། །དགྲ་བགེགས་གནོད་བྱེད་རྡུལ་དུ་རློགས། །ཁྲག་འཐུང་རིགས་ལྔས་ཕྲིན་ལས་མཛོད། །ཨོཾ་ཤྲཱི་ཧེ་རུ་ཀ་རྒྱ་གྷི་ཝ་གནོད་བྱེད་ཛྭ་ལ་རཾ་རཾ། དེ་ནས་མཁར་སྒོང་གསུམ་པ་བྱིན་རླབས་ནི། ཧཱུྃ། བདག་ཉིད་རྟ་མགྲིན་གསལ་བ་ཡི། །ཕྱག་གཡོན་ཉི་མའི་དཀྱིལ་འཁོར་དབུས། །ཧཱུྃ་ཡིག་མཐིང་ཀའི་འོད་ཟེར་གྱིས། །གནོད་བྱེད་གྲིབ་དང་མི་གཙང་པ། །བ་མོར་ཉི་ཟེར་ཕོག་བཞིན་བསྲེགས། །ཧཱུྃ། དབུས་ཕྱོགས་བུདྡྷ་ཁྲག་འཐུང་ཧེ་རུ་ཀ །ཤར་དུ་བཛྲ་ཁྲག་འཐུང་ཧེ་རུ་ཀ །ལྷོ་རུ་རཏྣ་ཁྲག་འཐུང་ཧེ་རུ་ཀ །ནུབ་ཏུ་པདྨ་ཁྲག་འཐུང་ཧེ་རུ་ཀ །བྱང་དུ་ཀརྨ་ཁྲག་འཐུང་ཧེ་རུ་ཀ །ཀུན་ཀྱང་སྐུ་མདོག་ཕྱག་མཚན་འཛིན་པར་བཞུགས། །ཕྱག་གཡས་མེ་དཔུང་འབར་བ་བསྣམས། །གཡོན་པས་ལྕགས་སྡིག་འགྱེད་ཚུལ་མཛད། །དགྲ་བགེགས་དམ་སྲི་མི་ལ་བཙོག་འདྲེ་རྡུལ་དུ་རློགས། །བཙོག་འདྲེ་འབར་བའི་མེ་ལ་བསྲེགས། །མི་མཐུན་རྐྱེན་དང་བར་ཆད་བསྲེགས་། །གནོད་བྱེད་མི་ཁ་དམ་སྲི་ཆུང་སྲི་ཐེའུ་རང་ཐམས་ཅད་མཱ་ར་ཡ་ཛྭ་ལ་རཾ་རཾ། དེ་ནས་ལྕགས་བྱིན་རླབས་ནི། རང་ཉིད་རྟ་མགྲིན་གསལ་བ་ཡི། །གཡས་སོར་ཁྲག་འཐུང་

[Full Size]

ཡབ་ལྔ་སྟེ། །གཡོན་སོར་ཁྲོ་མོ་ཡུམ་ལྔར་གསལ། །ལྕགས་ནི་རྡོ་རྗེ་རྩེ་དགུ་པ། །ཡེ་ཤེས་མེ་དཔུང་ལྔ་ལྡན་འབར། །གནོད་བྱེད་ཆེ་སྐག་ཆུང་སྲི་བསྲེགས། །བདག་དང་རྒྱུ་སྦྱོར་ཡོན་བདག་ལ། །ཐུགས་རྗེ་བསིལ་བའི་ངད་ཕོབ་ཅིག །ང་ནི་རྟ་མགྲིན་ཁྲོ་བོའི་སྐུ། །ང་ནི་ཡཀྵ་མེ་དབལ་སྐུ། །ང་ནི་ཁྲག་འཐུང་ཧེ་རུ་ཀ །ཞལ་དང་ཤངས་ནས་ཧཱུྃ་ཧཱུྃ་ཕཊ། །དྲག་པོ་འབྲུག་གི་སྒྲ་སྒྲོགས་པའི། །གནོད་བྱེད་བྱུར་འདྲེ་བསྔངས་ཤིང་འདར། །ཕྱག་གཉིས་ཡབ་ཡུམ་ཐབས་ཤེས་སྦྱོར། །དཔལ་རྟགས་ཡེ་ཤེས་སྣ་ལྔ་ལ། །རྡོ་རྗེ་མེ་དཔུང་ཚྭ་ཚྭ་འཕྲོས། །ལྕགས་ཀྱི་རྡོ་རྗེ་རྩེ་དགུ་ལ། །ཡེ་ཤེས་བསྐལ་པའི་མེ་དཔུང་འབར། །གནོད་བྱེད་དགྲ་བགེགས་འབྱུང་པོ་ཕུང་སྲི་ཐལ་བ་རྡུལ་དུ་རློགས་ཤིག ཨོཾ་བཛྲ་ཀྲོ་ཏ་ཧྱ་གྷོ་ཝ་ཧཱུྃ་ཕཊ༔ བཛྲ་ཡཀྵ་ནག་པོ་ནི་ཏྲི་ཧུར་ཐུ་ཛཿ གནོད་བྱེད་དགྲ་བགེགས་ཆེ་སྐག་ཆུང་སྲི་ཐམས་ཅད་ཀྱི་སྲོག་ལ་རྦད་རྦད། དེ་ནས་རྔ་བརྡུང་རོ་བསྒྱུར་ལ། མདའ་དྲིལ་ལམ་མདའ་སིལ་ཐོགས་ཏེ་གྱེར་ཞིང་། བསྡོ་རྣམས་རིང་བ་འཐེན་ཞིང་མདའ་སིལ་འཁྲོལ་ཏེ། ཧོ་དགོངས་སུ་གསོལ་ལོ། །ང་ནི་རྟ་མགྲིན་ནག་པོ་ཡིན། །ཁྲོ་བོ་ཀུན་གྱི་ཆེ་བཙན་ཡིན། །

[Full Size]

མཁའ་འགྲོ་ཀུན་གྱི་ཚོགས་དཔོན་ཡིན། །ཆོས་སྐྱོང་ཀུན་གྱི་ཡང་རྗེ་ཡིན། །ཕོ་ཉ་བྱ་ཁྱུང་གསེར་མིག་ཡིན། །བཀའ་སྡོད་ཡཀྵ་མེ་དབལ་ཡིན། །ལས་མཁན་མ་ཧཱ་ཀཱ་ལ་ཡིན། །སངས་རྒྱས་ཆོས་ལ་བསྲོ་མེད་ཀྱང་། །མགོན་པོ་ནག་པོ་བསྲོ་ལ་དགྱེས། །སྣང་སྲིད་ལྷ་འདྲེ་བསྲོ་ལ་དགའ། །ཇོ་ལྕགས་ཆུ་གསུམ་བསིལ་ཕབ་ཕྱིར། །དཔལ་ལྡན་མགོན་པོ་བསྲོ་ཡིས་བསྐུལ། །ལེགས་ལྡན་ནག་པོ་བསྲོ་ཡིས་བསྐུལ། །ཚོགས་བདག་ནག་པོ་བསྲོ་ཡིས་བསྐུལ། །ཡཀྵ་བྷེ་ཏ་བསྲོ་ཡིས་བསྐུལ། །མགོན་པོའི་ལྷ་དམག་བསྲོ་ཡིས་བསྐུལ། །བསྲོ་བསྲོ་བསྲོ། ལྷ་རྣམས་རྒྱལ་གྱུར་བསྲོ། ལྷ་མིན་ཕམ་གྱུར་བསྲོ། ཆོས་རྣམས་རྒྱལ་གྱུར་བསྲོ། ཆོས་མིན་ཕམ་གྱུར་བསྲོ། སངས་རྒྱས་རྒྱལ་གྱུར་བསྭོ་མུ་སྟེགས་ཕམ་གྱུར་བསྲོ། བསོ་མེ་རི་འབུམ་འགྱུར་བསྲོ། ཁྲོ་ཆུ་རྦབ་ནག་བསྲོ། ཙནྡན་སྡོང་པོ་དྲིལ་བསྲོ། ཁྲོ་ཆུ་ཁོལ་མ་བསྲོ། ཡ་ཙི་ཆར་པ་བསྲོ། ཡུ་རི་བུ་ཡུག་བསྲོ། འཁོར་ལོ་གསེར་འདྲིལ་བསོ། གཡུལ་རྒྱལ་ཐོ་ལེ་བསྲོ། རྡོ་རྗེ་ཐོག་མདའ་བསྲོ། དཔའ་བོ་རྟ་ཁྲོམ་བསྲོ། ཞགས་ཐོག་འཆིང་བྱེད་བསྲོ། ལྕགས་ཀྱུ་སྙིང་

[Full Size]

འདྲེན་བསྲོ། ལྕགས་སྒྲོག་རྐང་སྡོམ་བསྲོ། དྲེལ་རྐང་དབང་སྡུད་བསྲོ། དུང་རྐང་ཀླད་འགེམ་བསྲོ། ཆོས་ཊ་བདུད་འདུལ་བསྲོ། བ་དན་གཡུལ་བཟློག་བསྲོ། སྟག་ཆས་མཐོང་འཇིགས་བསྲོ། གླང་ཆིབས་ཡ་རྐང་བསྲོ། རྒྱལ་བྱེད་ཆོས་ཆེན་བསྲོ། འབུམ་བྱིལ་མཚོན་དུག་བསྭོ། དཔའ་སྟག་གོས་མནབས་བསྲོ། མཐའ་སྟག་མདུང་ཚོགས་བསྲོ། རྒྱུག་སྟག་སག་ཏི་ཡུ་རིང་བསྲོ། དམག་གི་དཔུང་བཞི་བསྲོ། མགོན་པོའི་དམག་ཚོགས་སྤྲུལ་པ་ཡི། །ཛོ་ལྕགས་ཆུ་གསུམ་འདི་དག་ལ། །ཡ་མཚན་བྱིན་རླབས་ཆེན་པོ་ཐོབ། །བདག་དང་བསྲུང་བྱ་ལ་ཕོག་ཚེ། །བསིལ་ཞིང་འཇམ་ལ་བདེ་བ་ལྡན། །ནད་དང་གདོན་དང་བར་ཆད་ཀུན། །མུན་པར་ཟླ་འོད་ཤར་ལྟར་སོལ། །གནོད་བྱེད་གདོན་ལ་ཕོག་པའི་ཚེ། །གནམ་ལྕགས་མེ་ཡི་ཐོག་རྒོད་འབར། །གཞོབ་ཏུ་བསྲེགས་ནས་རྡུལ་དུ་རློགས། །ནད་གདོན་མི་གཙང་གྲིབ་ཀྱི་ཚོགས། །བ་མོར་ཉི་ཟེར་ཕོག་ལྟར་སོལ། ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ། བཛྲ་ཡཀྵ་ཧཱུྃ༔ ཨོཾ་བཛྲ་ག་རུ་ཊ་ཧཱུྃ་ཕཊ༔ ཨོཾ་མ་ཧཱ་ཀཱ་ལ་ཧཱུྃ་ཕཊ༔ ཨོཾ་ཧྲཱིཿམ་ཧཱ་ཀ་ལ་ཡེ་ཧཱུྃ་ཕཊ༔ ཨོཾ་མ་ཧཱ་ཀཱ་ལ་

[Full Size]

བེ་དུ་ཙ་ཡེ་ཧཱུྃ་ཕཊ༔ ཨོཾ་ཙ་ར་ཙ་ར་སྟག་ཚིག་སྟག་ཚིག་མ་མ་ཏིང་ཏིང་མེ་དབལ་སོད། ཨོཾ་བྷི་ཙ་རི་སོད། ན་རི་སོད། ཅི་མ་ཏི་སད། མེ་དབལ་སོད་སྭཱ་ཧཱ། ཨོཾ་དྲག་པོའི་སྤྱི་མདའ་ཤ་ནག་དེ། །འདྲེ་གདོན་བདུད་ཀྱི་སྟེང་དུ་ཕོབ། །ཚེ་ཀུ་རུ་རུ་ནག་མོ་རེ་རེ། །ཨོཾ་སརྦ་སྨག་ཤད། ཅི་ཅེ་ཁ་མོ་གདབ། སྤྱོ་རྩེ་ཁ་མོ་གདབ། ན་ཙེ་ཁ་མོ་གདབ། ན་ག་ཨག་ཤོ་བྱི་ལིང་། ཐབ་དང་མེ་དབལ་ལ་གདབ། ཨཱ་ཙ་སོད། མེ་ཙ་སོད། མེ་རི་སད། གྲང་ལྷང་ནག་མོ་ཐིབ། ཚ་བའི་དབལ་སོད། གྲོང་བའི་བསིལ་ཕོབ། རྣོ་བའི་ངར་ལོང་། ལྕགས་ཀྱི་སྲོག་ཆོད། མེའི་གཤེད་གྱིས། ཨོཾ་བིང་རི་ལི་ལི་ཛ་ཛཿ བསོའ་བང་རི་ལི་ལི་ཛཿ བིང་རི་ལི་ལི་ཛཿ ཨོཾ་སྟག་ཚིག་སྟག་ཚིག་ཙཀྲ་ཙཀྲ། མ་ཏིང་མ་ཏིང་། ཚ་བའི་དབལ་ཏུ་དུ། གྲང་བའི་བསིལ་ཕོབ། ཨོཾ་མ་ཧཱ་ཀཱ་ལ་གྷ་རུ་ཊ་ཏ་རེ་ཏུ་རེ་བསལ་བསལ་ཧཱུྃ་ཧཱུྃ་ཕཊ༔ ཨོཾ་བསོད་མོ་ཨོཾ་ཤྲཱི་མ་ཧཱ་ཀཱ་ལ་ཡ་དྷེ་ཝ་ཡཀྵ་ཧཱུྃ་ཛཿ ཨོཾ་མ་ཧཱ་ཀཱ་ལ་དྷེ་ཝ་བྷི་དུ་ཛཿ ཨོཾ་ཙག་ཤ་ཙག་ཤ་མ་ཏིང་ཚ་བའི་དབལ་ཏུ་དུ་གྲང་བའི་བསིལ་ཕོབ། རྣོ་བའི་ངར་ཕྱུང་། སྟག་ཚིག་སྟག་ཚིག་ཙཀྲ་ཡ་མ་ཛཿ དེང་རིང་རིང་སྭཱ་

[Full Size]

ཧཱ། རྟ་མགྲིན་མེ་དབལ་མགོན་པོ་ཡི། །ལྷ་ཚོགས་མདོག་ནག་འཇིགས་སུ་རུང་། །དཔའ་གཏུམ་གཟི་བརྗིད་བཟོད་རེ་དཀའ།་ཐུགས་ལས་འོད་ཟེར་དཔག་མེད་འཕྲོས། །བདག་དང་ཡོན་བདག་རྣམས་ལ་ཕོག །རྟ་མགྲིན་སྐུ་ལས་བདུད་རྩིའི་རྒྱུན། །བབས་པས་མགོན་ཆུ་དབྱེར་མེད་འདྲེས། །འོད་ཟེར་འཕྲོས་པས་འདྲེ་གདོན་བསྲེགས། །ཆུ་ནི་བདུད་རྩི་དྭངས་སང་ངེ་། །ཛོ་དང་ལྕགས་ཀྱང་དེ་བཞིན་དུ། །བདག་དང་བསྲུང་བྱ་ལ་རེག་ཚེ། །བསིལ་ཞིང་བདེ་བའི་རེག་བྱ་ཅན། །ཡན་ལག་བརྒྱད་ལྡན་ཆུ་ལྟར་གྱུར། །ཨོཾ་རྒྱ་གྷི་ཝ་མ་ཧཱ་ཀཱ་རུ་ན་ཏ་རེ་ཏུ་རེ་གསལ་ལ་ལ་ཧཱུྃ་ཧཱུྃ་ཕཊ་ཕཊ༔ ཨོཾ་ཁྱུང་ཨོཾ་ཁྱུང་ཡེ་ཁྱུང་ཡེ། ཁྱུང་སྤུར། འབྱུང་པོ་ཙམ་རཾ་བེ་རཾ་སྭཱ་ཧཱ། ཀར་བྲམ་ཟེ། མེ་བྲམ་ཟེ། ཧོར་བྲམ་ཟེ། མེ་ཏི་ཤི། མེ་ཏི་ངུ་ཤི་སོད། མེ་བྲམ་ཟེ་སོད།་ཆུ་བྲམ་ཟེ་སོད། ཀར་བྲམ་ཟེ་སོད། གྲུ་ལུ་ཧོ། བྲམ་ཟེ་སོད། ཨོཾ་སྐྱེ་རྩེ་ཁ་མོ་བརྡབ། ནེ་ཙོ་ཁ་མོ་བརྡབ། སྤུ་རྩེ་ཁ་མོ་བརྡབ། སྐྱེ་འདྲེ་ངན་མ་ལེ་ཤར། ཨོཾ་སྟག་ཚིག་སྟག་ཚིག་རྩ་ཏྲ་ཡ་པ་མ་ཏིང་ཡེ་སྭཱ་ཧཱ། ཨོཾ་རྩ་སོད། ཚ་བ་གྲང་སོད། བེ་དབལ་

[Full Size]

སོད༔ ཆུ་དབལ་སོད། ཨོཾ་རཾ་ཡཾ་རཾ་སོད་སྭཱ་ཧཱ། ཨོཾ་མེ་ཤི་ངུ་ཤི་སོད་སྭཱ་ཧཱ། ཨོཾ་ཙ་དུ་སོད༔ ཚ་ལ་གྲང་སོད༔ མེ་དབལ་སོད༔ ཆུ་དབལ་སོད༔ ཨེ་བྲམ་ཡཾ་རཾ་སོད་སྭཱ་ཧཱ༔ བདག་ཅག་མི་ནོར་འཁོར་དང་བཅས་པ་ལ་སྲུང་སྐྱོབ་མཛོད་ཅིག །རཀྟ་ཀུ་རུ་ཡེ་སྭཱ་ཧཱ། མགོན་ཆུ་རྐྱང་པ་ཡིན་ན། བདག་བསྐྱེད་ཐུགས་ལས་འོད་འཕྲོས་པས། རྟ་མགྲིན་མེ་དབལ་བྱ་ཁྱུང་དང་། །མགོན་པོ་འོད་ཞུ་མགོན་ཆུར་ཐིམ། །ཁྲོ་ཆུ་ཁོལ་མ་ཚྭ་ཚྭ་འཕྲོ། །ནད་གདོན་བསྲེགས་པའི་ནུས་ལྡན་གྱུར། །འོན་ཀྱང་བཙོ་བརྔོ་སྲེག་དང་གསུམ། །སྦྲེལ་མར་བྱས་ན་ཆོད་ཆེ་ཞིང་། །སྔོན་གྱི་ཕྱག་ལེན་རྙིང་པའང་། །གསུམ་ཀ་དོན་གྱིས་ཚང་བར་སྣང་། །དེ་ཕྱིར་འདི་ལྟར་འདོན་སྒོམ་སྦྲགས། ༈ རྟ་མགྲིན་མེ་དབལ་བྱ་ཁྱུང་དང་། །མགོན་པོའི་སྐུ་ལས་བདུད་རྒྱུན་། །བབས་ནས་མགོན་ཆུ་ལ་ཐིམ་པས། །མགོན་ཆུ་ཡེ་ཤེས་བདུད་རྩིའི་མཚོ། །ལྷ་ལ་ཕོག་ན་ཐུགས་དམ་བསྐང་། །རྣལ་འབྱོར་ལ་ཕོག་ཉམས་ཆག་དག །བསིལ་ལ་བདེ་བའི་རེག་བྱ་ལྡན། །འཇིག་རྟེན་ལྷ་ཕོག་རྨུག་འཐིབ་སང་། །བསྲུང་བྱ་ལ་ཕོག་ནད་གདོན་དག །གནོད་བྱེད་གདོན་བགེགས་ལ་ཕོག་ན། །ཁྲོ་ཆུ་ཁོལ་མ་ཚ་ངར་ཅན། །

[Full Size]

རྣོ་མྱུར་ནུས་པ་ལྡན་པར་གྱུར། །མགོན་ཟངས་ནང་གི་ལྷ་ཚོགས་ཀུན། །ནམ་མཁའི་དབྱིངས་སུ་བཏེག་སྟེ་བཞུགས། །ཨོཾ་བེ་གྲྭ་ཀྲ་ཡ་མ་ཧོ༔ དེ་ནས་མགོན་ཟངས་ནང་གི་གཏོར་ཆུ་བླང་ལ་གཞི་སྟེང་དུ་བཞག །ཀ་རའི་ཨོཾ་དང་ཤུག་པ་ཡང་ཚུར་བསལ། ཆུ་ཉུང་འདུག་ན་སྣོན། རྡོ་ལྕགས་ཚིག་ཡག་མ་རེད་ན་མི་རུང་བས། ཤིང་ངམ་སོལ་བ་སྣོན་ལ། སྤུད་པ་དྲག་ཏུ་བརྒྱབ་ལ། རྡོ་ལྕགས་རྣམས་ཚིག་ཡག་དམར་ཝང་ངེ་བ་བྱ། དེའི་ཚུལ་ཐབ་དྲུང་དུ་རྡོ་ལེབ་ཁོད་སྙམ་པ་ཅིག་བཞག །ལྕགས་སྲེག་ཚེ་སོགས་ལའམ། དེ་བས་སྔོན་ནས་སྔགས་ཆུ་དེ། ཆུ་མང་ནང་དུ་བསྲེས་ལ། ད་ནངས་ཀྱི་སྔགས་དེ་ཕྲེང་བསྐོར་མང་ཉུང་ཅི་འགྲུབ་ཀྱིས་ཁ་གསོ་ལ་སྔགས། དེ་ནས་ལག་པ་རང་གིས་སྔགས་ཆུ་གཟག་ན་ལེགས། མི་མང་ན་བུ་ཆུང་མགོ་གཙང་འགའ་ཟུང་ལ་ལག་ཆུ་གཟག་བཅུག་ནས། ཁྱེད་རྣམས་ཀྱིས་ལག་པའི་ནང་དེ་དག་ཡག་གལ་ཆེ། འཁྱོར་ཁོ་གཡོན་དུ་སྔགས་ཆུ་ཞིག་ཟུང་ལ་སྡོད། ལག་པ་སྐམ་ན་མི་ཉན། སྔགས་མར་འདི་ལག་པའི་ནང་དུ་ཞ་ལ་གྱིས། ཞེས་སྔགས་མར་རྡོག་ཙམ་རེ་བཀྱེ། རང་གིས་ཡང་ལག་པ་དང་རྐང་གཡས་པའི་ཕྱི་རྟིང་བཀྲུས། ཕྱི་རྟིང་རླན་དང་མ་བྲལ་བའི་ཐབས་བྱ། སྔགས་མར་བྱུག ༈ དེ་ནས་དམིགས་པ་ནི། རང་ཉིད་རྟ་མགྲིན་ལག་པ་གཡས་སོར་ལྔ་ཁྲག་འཐུང་ཡབ་ལྔ། གཡོན་སོར་ལྔ་ཡུམ་ལྔ། སྐག་ལེ་གནམ་ལྕགས་རྡོ་རྗེ། མཁར་སྒོང་དང་པོ་ཨོཾ་དཀར་པོ། གཉིས་པ་ཨཱདམར་པོ། གསུམ་པ་ཧཱུྃ་སྔོན་

[Full Size]

པོར་བསྒོམ་པ་ནི་གཞུང་ནས་བཤད་དེ། ༈ རང་ཉིད་ནུས་པ་ཆུང་ནས་ཚིག་སྲག་འདྲ་འོང་དོགས་ན། སྐད་ཅིག་གིས་གནས་འགྱུར་ནས། གནས་ཁང་དེ་མཐའི་རྒྱ་མཚོ་ཆེན་པོའི་དཀྱིལ་ཏེ། རང་ཉིད་ངོ་བོ་རྟ་མགྲིན་ལ་རྣམ་པ་རྒྱ་མཚོའི་དཀྱིལ་གྱི་ཉ་པྲ་བ་ཁ་ཆེ། མི་ཐམས་ཅད་རྟ་མགྲིན་གྱི་སྤྲུལ་པ་ཉ་ཕྲ་བ་ཁ་ཆེ་རེ་རེ། རྡོ་དང་ལྕགས་རྣམས་ཆུ་རྡོ་བསིལ་བའི་ངད་ཅན་དུ་བསྒོམ། གཞན་གྱིས་མ་ཐོས་པར་ད་ནངས་ཀྱི་སྔགས་དེ་འབག་འབུག་བཟླ་ཞིང་། མེ་མདུང་གིས་སྐག་ལེ་ཚུར་དྲུད་ལ། སྐག་ལེའི་མིག་ཏུ་ཤིང་ཐུང་སྦོམ་པ་ཅིག་བརྒྱུས་ཏེ། སྒྱེད་པུ་ལ་ལན་གསུམ་བརྡབ་སྟེ་ལྕགས་དྲེག་སྤྲུག་ཡག་བྱས་ལ། རྡོ་ལེབ་ཀྱི་སྟེང་དུ་སྐག་ལེ་སྒྲུབ་མི་རུང་གན་རྐྱལ་དུ་བཞག །དེའི་སྟེང་དུ་རང་གི་ཕྱི་རྟིང་གཡས་པས་མགྱོགས་པར་ལན་གསུམ་བརྒྱབ། རྐང་པའི་སྔ་སོ་དང་རྐེད་པས་མི་རུང་ངོ་། །སོར་མོ་ལྕགས་ལ་རེག་མི་དགོས་པར་སྐག་ལེའི་སྟེང་ངོས་ནས་བལ་ཐིག་སྣེ་བརྒྱུས་ལ། བལ་ཐིག་གི་སྣེ་གཉིས་ནས་ལག་པ་གཉིས་ཀྱིས་བཟུང་སྟེ་ལག་པ་བརྐྱངས་ནས་ལག་པ་མཐོ་དམན་གྱིས་སྐག་ལེ་ཕར་འགྲིམ་ཚུར་འགྲིམ་བྱེད་ཅིང་འགྲོ་ནས། ཁྱེད་རྣམས་ཀྱི་ལག་མཐིལ་གཉིས་ཀྱི་བར་དུ་ལྕགས་སྲེག་ཚུད་པར་གྱིས་ལ་ཐལ་རྡེབ་རེ་རེ་གྱིས། མང་པོ་བྱེད་མི་རུང་། གཅིག་ནི་མི་བྱེད་མི་རུང་། ང་ཡི་ཟེར་བ་ལྟར་མ་བྱས་ན་ཡ་ཉེས་ཆེ། ཞེས་བརྗོད་རང་གིས་དམིགས་པ་བཟུང་སྔགས་བཟླ་ཞིང་འགྲིམ། མི་རྣམས་རྫོགས་ནས་སྐག་ལེ་བལ་ཐིག་བརྒྱུད་ནས་ཐབ་གཤུར་བྱས་ཏེ། ཟངས་རྐུབ་ཕུད་དོགས་བྱས་ལ་མགོན་ཆུ་ནང་

[Full Size]

དུ་འཕང་། ཡང་ན་དང་པོ་ཇོ་གསུམ་འགྲིམ། དེ་ནས་ལག་པ་བཀྲུས་ནས་ལྕགས་འགྲིམ་གསོལ་ཡང་སྣང་སྟེ་གང་འདོད་ཆོག་ཁྱད་མེད། དེ་ནས་མེ་ཡོག་གི་ཇོ་རྣམས་མེ་འགྲམ་དུ་བཏོན། རང་མཆོད་གཞིའི་འགྲམ་དུ་འགྲོ་ནས་བལ་འདབ་བརྩེགས་མ་སྔགས་ཆུར་སྦང་བ་དེ། རང་གི་ལག་མཐིལ་གཡོན་གྱི་སོར་མོ་དེ་ཁེབས་པར་བཀོད། ཕྱེ་མར་ནང་ནས་མར་མ་འདྲེས་པའི་རྩམ་པ་མང་བ་ཞིག་བཀོད། དེ་ནས་མེ་འགྲམ་དུ་འོང་ནས་མེ་ཐུར་གྱིས་མཁར་སྒོང་ཟུར་གསུམ་གྱི་དབྱིབས་ཟུར་ཡོད་པ་གཅིག་ཚུར་བཏོན། རྡོ་ལེབ་ཕར་གཏུག་ལ་དེའི་སྟེང་དུ་མཁར་སྒོང་བཏོན། ལག་པ་གཡོན་གྱིས་བལ་གྱི་སྔགས་ཆུ་ལ། གཡས་ཀྱིས་མཐེབ་མཛུབ་གཉིས་སྦྱང་ཡག་བྱས་ལ། མཐེབ་མཛུབ་གཉིས་ཀྱིས་སོར་རྩེ་སྐམ་པའི་དབྱིབས་ལྟར་བྱས་ཏེ། མགྱོགས་པར་ལག་པ་གཡོན་པ་རྩམ་པའི་དཀྱིལ་དེར་བཞག །མཆོད་འགྲམ་དུ་སོང་ནས་མཁར་སྒོང་གི་སྟེང་རས་སྣུམ་ཚོས་བྱས་པས་བཀབ། དེའི་སྟེང་དུ་ཕྱེ་མར་ཕྱེ་ཕུར་བྱས་པ་དེ་ཚུམ་གཅིག་བཏབ། ལག་པ་གཡས་པས་མེ་རུ་བཟུང་བས་དབབ་དོགས་བསྐྱོར་ཏེ། ཨོཾ་བཛྲ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ ཕུག་གི་ལྷ་ལ་གནོད་པར་བྱེད་པའི་གདོན་བགེགས་ཐམས་ཅད་མཱ་ར་ཡ་ཛྭ་ལ་རཾ། ཞེས་བརྗོད་ཅིང་མི་རྣམས་ཀྱི་ངོ་ལ་གཡས་སྐོར་གྱི་ཚུལ་རེ་བྱས་ཤིང་འགྲིམ་ཚར་ནས་མཆོད་གཞིའི་འགྲམ་དུ་རྡོ་ལེབ་ཐོག་ཏུ་བཞག །དེ་ནས་སྔོན་ལྟར་མཁར་སྒོང་ཅིག་བླང་ལ་གོང་ལྟར་བྱས་ཏེ། མི་རྣམས་ཀྱི་བྲང་གི་ཐད་དུ་བསྐོར་བའི་ཚུལ་བྱ་ཞིང་། ཨོཾ་

[Full Size]

རྒྱ་གྷི་ཝ་ཧཱུྃ་ཕཊ༔ བར་གྱི་མི་ལ་གནོད་པའི་གདོན་བགེགས་ཐམས་ཅད་མཱ་ར་ཡ་ཛྭ་ལ་རཾ། ཞེས་བརྗོད་ཅིང་འགྲིམ་ཚར་ནས་དལ་བུས་ཟངས་ནང་དུ་འཕང་། དེ་ནས་ལག་པ་གཡོན་ཅུང་ཞིག་གྲོས་བྱུང་ན་སྔགས་ཆུ་ནང་དུ་བསྒྲེས། བལ་གྱི་སྟེང་དུ་རྩམ་པ་ཞིག་ཀྱང་བསྣོན། སླར་ཡང་སྔོན་ལྟར་མཁར་སྒོང་ཅིག་བླང་ལ་འགྲིམ་ཞིང་། པུས་མོའི་ཐད་དུ་བསྐོར་ཚུལ་རེ་བྱ་ཞིང་། ཨོཾ་བཛྲ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ སྒོའི་ནོར་ལ་གནོད་པའི་གདོན་བགེགས་ཐམས་ཅད་མཱ་ར་ཡ་ཛྭ་ལ་རཾ། ཞེས་བརྗོད་ཚར་ནས་མཁའ་འགྲོ་རྒྱུ་ལྡོག་ཕྱོགས་ཅིག་འཕྲོད་ན་ཟོར་དུ་འཕང་བ་སྲོལ་ཡིན་ཏེ། བཞེས་འབོད་འདྲ་བ་རང་གི་ཅི་ཤེས་ཅུང་ཟད་བརྗོད་སྲོལ་གདའ། ཁོ་བོའི་སློབ་དཔོན་གྱིས་སྔར་སྐུ་གཞོན་དུས་ཇོ་འཕང་བ་མདའ་རྒྱང་ཙམ་དུ་སོང་། འགྲས་སུ་ཡོད་པའི་མི་ཞིག་གི་ཁང་ཐོག་ཏུ་སོང་ནས་བམ་པོ་ལ་མེ་མཆེད་པའི་ལོ་རྒྱུས་ཀྱང་སྣང་། འོན་ཀྱང་ཕྱོགས་ཞིབ་པར་བརྩི་དཀའ་བས། སྒོ་ཕྱི་ཡི་སྒོ་དྲུང་གི་གཡས་གཡོན་གང་རུང་དུ་བཞག་ནས། སྒོ་སྲུང་ཁྲོ་བོ་ཁྲོ་མོ་ཡིན་པར་བསྒོམས་པས་བསྲུང་བའི་མཆོག་ཡིན་ཏེ། གནོད་བྱེད་གདོན་བགེགས་གང་གིས་ཀྱང་མི་ཚུག་པར་སྲུངས་ཤིག་རཀྵ་རཀ། ཞེས་བརྗོད༔ དེ་ནས་ཁྱུང་ཚང་བཅས་པའི་ཤུག་ལོ། རྩ་བ་རགས་པ་རྩེ་མོ་ཕྱུག་པ་གཅིག་ལག་པ་གཡས་སུ་བཟུང་ལ། མི་རྣམས་ཉེ་མ་རིང་དུ་ཕྱི་སྟོད་ཕུད་ལ་འདུག་བཅུག །ཨོཾ་བཛྲ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ ཨེ་ཧོ་ཤུདྡྷེ་ཤུདྡྷེ་

[Full Size]

ༀ་ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་ཨ༔ ལན་གསུམ་བརྗོད། དེ་ནས་ཡར་མཆོད་གཞིའི་ངོས་སུ་ཤུག་པས་གཏོར་ཞིང་། བླ་མ་ཡི་དམ་རྣམས་ལ་སྐུ་ཁྲུས་གསོལ། །མཁའ་འགྲོ་ཆོས་སྐྱོང་རྣམས་ལ་སྐུ་ཁྲུས་གསོལ། །ནོར་ལྷ་གཏེར་བདག་རྣམས་ལ་སྐུ་ཁྲུས་གསོལ། །ཁྱིམ་ལྷ་ཕུག་ལྷ་རྣམས་ལ་སྐུ་ཁྲུས་གསོལ། །ཕོ་ལྷ་དགྲ་ལྷ་རྣམས་ལ་སྐུ་ཁྲུས་གསོལ། །མ་ལྷ་ཐབ་ལྷ་རྣམས་ལ་སྐུ་ཁྲུས་གསོལ། །དེ་ནས་ཁ་ཕྱིར་གྲུས་ལག་པ་གཡས་པ་བརྐྱང་ལ་ཟངས་ནང་དུ་ཤུག་པ་བཅུག་ནས་དལ་བུས་འུར་རྡོ་འཕེན་པ་ལྟར་བསྐོར་ཞིང་། ཨོཾ་བཛྲ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ ག་རུ་ཊ་བྷརྩི་བྷནི་བྷི་མ་ལེ་ཨུ་ཙུཥྛ་ཀྲོ་དྷ་ཧཱུྃ་ཧཱུྃ་ཕཊ༔ མི་གཙང་དྲི་མའི་ཚོགས་རྣམས་དག་གྱུར་ཅིག་སྭཱ་ཧཱ། གཅིག་གམ་གསུམ་བརྗོད་ནས། ལག་སྟབས་གོང་ལྟར་བྱེད་ཅིང་མི་རྣམས་ལ་གཏོར་ཞིང་། ཨོཾ་བྷཆུང་དྷིཥ་རོ་གྲིབ་ཐམས་ཅད་ཤིནྟཾ་ཀུ་རུ་ཡེ་སྭཱ་ཧཱ། ཨོཾ་བྷཆུང་དྷིཥ་བཙོག་གྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། །ཨོཾ་བྷཆུང་དྷིཥ་ནལ་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་བྷཆུང་དྷིཥ་སྨུག་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་བྷུཆུང་དྷིཥ་དམེ་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་

[Full Size]

བྷཆུང་དྷིཥ་འཁོན་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་བྷུཆུང་དྷིཥ་མཛེ་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་བྷུཆུང་དྷིཥ་ཡུགས་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་བྷཆུང་དྷིཥ་མནོལ་གྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་བྷཆུང་དྷིཥ་ཟས་གྲིབ་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། ཨོཾ་བྷཆུང་དྷིཥ་གོས་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་བྷཆུང་དྷིཥ་དམ་ཚིག་ཉམས་པའི་གྲིབ་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། ཨོཾ་བྷུཆུང་དྷིཥ་མི་གཙང་དྲི་མའི་ཚོགས་རྣམས་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། དེ་ནས་ཟངས་ནང་དུ་ཆུ་འཁྱག་སྣོན་ལ་ཟོ་ལུ་ནང་དུ་ཕར་འཕྲིས་ཏེ། སྔགས་པ་རང་ཉིད་འགྲོ་བའམ་མ་ལྕོགས་ན་བུ་ཆུང་མགོ་གཙང་བཏང་ལ་ཁྱིམ་མགོ་མཇུག་ཐམས་ཅད་དང་། རྣམ་རྟོག་གར་ཡོད་དུ་གཏོར་བཅུག །ཆུ་གཞན་ལ་སྦྱིན་དགོས་ཀྱང་སྐུར་ཆོག །ཞག་སོང་ཡང་འདེབས་རུང་། བརྔོ་སྲེག་མི་བྱེད་ན། འདི་ནས་ཟངས་ནང་དུ་གཏོར་མ་སྟེགས་པ་དང་རྟ་བྲོ་སོགས་མཇུག་ནས་འབྱུང་བ་ལྟར་བྱ་བ་ཡིན་ཏེ། གསུམ་ཀ་སྦྲེལ་ནས་བྱེད་ན། ཟངས་ཕར་ཕོག་ལ་སླ་ང་ཅིག་རབས་ཆད་དང་མི་གྲིབ་ཅན་གཅིག་གིས་སྦྱབ་རང་ལ་བསྟན་ནས་བཙུགས་བཅུག །མར་ནག་གི་ཚབ་ལ་རྐང་དང་ཚིལ་དང་། གཏོར་མའི་མདུན་གྱི་སྒོ་ངའི་ཚུལ་གྱིས་མར་གྱི་རིལ་བུ་གསུམ། ཁྲག་ཐིགས་གཅིག་རེ་ལྕག་ཐང་ཕྲོམ་བོང་ང་གང་རྙེད་བཏབ། དེའི་ནང་དུ་གཏོར་

[Full Size]

ཆེན་ནང་གི་ལིངྒ་ཡང་བཞག་ལ་བྲན། ནམ་མཁར་བཏེག་པའི་རྟ་མགྲིན་གཙོ་འཁོར་ཐབ་ཀྱི་མེ་དཔུང་གི་ནང་དུ་བྱོན་ནས་བཞུགས་པར་གྱུར། ཛཧཱུྃ་བཾ་ཧོཿ ལྷ་བཞིའི་ཞལ་དང་དབྱེར་མེད་པ་ལྕགས་སྲེག་གི་སླ་ང་དུག་ཁྲག་གི་རྒྱ་མཚོ་དམར་ལྷང་ངེ་བ། དུག་རླང་གི་མེ་དཔུང་སྔོ་དམར་འཚུབ་ཅིང་འཁྱིལ་བའི་དབུས་ན་ལིངྒ་གནོད་བྱེད་གདོན་བགེགས་མངོན་སུམ་དུ་གསལ་བར་གྱུར། ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པ་དང་། དཔལ་ཆེན་རྟ་མགྲིན་ནག་པོ། ཡེ་ཤེས་ཁྱུང་ཆེན་འབར་བ། ཁྲོ་རྒྱལ་ཡཀཱ་མེ་དབལ༔ མ་ཧཱ་ཀཱ་ལ་ཚོགས་ཀྱི་བདག་པོ་འཁོར་དང་བཅས་པའི་མཐུ་སྟོབས་ཀྱིས། བདག་ཅག་ཡོན་མཆོད་ལ་གནོད་ཅིང་འཚེ་བར་བྱེད་པའི། ནད་འདྲེ་གཅོང་སྲི་ཟ་འདྲེ་ཤི་གཤེད། གོད་འདྲེ་ཆུང་སྲི། སྒབ་འདྲེ་དམ་སྲི་ཐམས་ཅད་གཟུགས་ལིངྒ་འདི་ལ་ཁུག་ཅིག །བཛྲ་ཨཾ་ཀུ་ཤ་ཛ་ཛཿ བཛྲ་པཱ་ཤ་ཧཱུྃ་ཧཱུྃ༔ བཛྲ་སྤོ་ཊ་ཐཾ་ཐཾ༔ བཛྲ་གྷནྡྷེ་ཧོ་ཧོ༔ བཛྲ་ཨ་ཝེ་ཤ་ཡ་ཨ་ཨཱཿ ཆང་ནང་དུ་ཡུངས་ཀར་དང་བུལ་ཏོག་བཏབ་པ་ཡོད་ན་ལེགས། མེད་ན་ཇ་རྒོད་ནང་དུ་མར་ཁུ་བསྲེས་ལ་ནས་བཏབ། རྡོ་ཐུན་ཞིབ་བུ་དང་བསྲེས་ཀྱང་རུང་སྟེ། དྲག་སྔགས་འདི་བཟླས་ཤིང་སླ་ང་ནང་དུ་བྲབ།

[Full Size]

མེ་འབར་ཞིང་གསུར་གཞོབ་འོང་བར་བྱས་ཏེ། ཨོཾ་བཛྲ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ ཡཀྵ་ནག་པོ་ནི་ཁྲི་ཧུར་ཤྲཱི་ཛཿ གནོད་བྱེད་མཱ་ར་ཡ་སྲོག་ལ་རྦད་རྦད༔ སྙིང་ལ་རྦད་རྦད༔ རྩ་ལ་རྦད་རྦད༔ ཁྲག་ལ་རྦད་རྦད༔ ཤ་ལ་རྦད་རྦད༔ རུས་ལ་རྦད་རྦད༔ ཀླད་པ་ལ་རྦད་རྦད༔ ཡིད་ལ་རྦད་རྦད༔ ཙིཏྟ་ཟུང་ཟུང་༔ ཙིཏྟ་སྨུག་སྨུག༔ ཙིཏྟ་ཕྱུང་ཕྱུང་༔ ཙིཏྟ་གཏུབ་གཏུབ༔ ཙིཏྟ་མྱོག་མྱོག༔ ཙིཏྟ་ཧཱུྃ་ཧཱུྃ༔ ཧྲིལ་ཧྲིལཿ ཡ་ཡ༔ བྷྱོ་བྷྱོ༔ སྲོག་རྩ་ཆོད་ཆོད༔ སྙིང་རྩ་ཕྱུང་ཕྱུང་༔ ཁཾ་ཁཾ་ལཾ་ལཾ༔ ཚལ་པ་རྦད་རྦད༔ དུམ་བུར་རྒྱུད་ཆུད༔ ཐུ་མྱོག་བི་རིལ༔ མཱ་ར་ཡ་རྦད་སོད༔ རཾ་རཾ་ཛྭ་ལ་རཾ༔ ཨུ་ཙ་ཏ་ཡ་ཕཊ༔ ཅེས་པ་དལ་ཁོམ་དང་བསྟུན་ནས་བཟླས་ཤིང་ཐུན་བརྡེག །ཁྲོ་བོའི་ཞལ་གྱིས་རང་ཉིད་ལྕགས་སྲེག་སླ་ངའི་ནང་དུ་ཡོད་ན་བགེགས་རྣམས་གཞོབ་ཐུལ་དུ་ཚིག་པར་བསྒོམ། དེ་ནས་གཏོར་ཆེན་ནང་ནས་དམར་གཏོར་ཆུང་བ་ཞིག་བླངས་ལ་བྲན་ནས་བཟུང་བཅུག་ཧཱུྃ། མེ་དཔུང་འབར་བའི་དཀྱིལ་འཁོར་ནས། །དགྲ་བགེགས་བསྣོལ་བའི་ཁྲི་སྟེང་ནས། །རྟ་མགྲིན་ནག་པོ་སྐུ་བཞེངས་ཤིག །བསྐུལ་ལོ་ཡཀྵ་མཐུ་བོ་ཆེ། །རྦད་དོ་ཁྱུང་ཆེན་དྲག་རྩལ་ཅན། །མ་གཡེལ་མགོན་པོ་ཚོགས་ཀྱི་བདག །དམ་

[Full Size]

རྫས་གཏོར་མ་འདི་བཞེས་ལ། །སངས་རྒྱས་བསྟན་པ་ཁྱོད་ཀྱིས་སྲུངས། །དཀོན་མཆོག་དབུ་འཕང་ཁྱོད་ཀྱིས་བསྟོད། །རྣལ་འབྱོར་སྐུ་ཚེ་ཁྱོད་ཀྱིས་སྲིངས། །ཡོན་བདག་བར་ཆད་ཁྱོད་ཀྱིས་སོལ། །གནོད་པའི་བགེགས་ལ་ལས་མཛོད་ཅིག །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཧྱ་གྷི་ཝ་བཛྲ་ཡཀཱ་ག་རུ་ཊ་མ་ཧཱ་ཀཱ་ལ་གནོད་བྱེད་གདོན་བགེགས་ཐམས་ཅད་ཀྱི་མ་ཧཱ་མཾ་ས་ལ་ཁཱ་ཧི། རཀྟ་ལ་ཁཱ་ཧི། ཙིཏྟ་ལ་ཁཱ་ཧི། ཀིཾ་ནི་རི་ཏི་ལ་ལཱ་ཧི། བྷ་ལིང་ཏ་ལ་ཁཱ་ཧི་ཁཱ་ཧི་ཛྭ་ལ་རཾ་རཾ། གདོན་བགེགས་ཐམས་ཅད་བསྲེག་ཅིང་གསོལ་ནས། སླ་ང་ཡང་ཞུ་སྟེ་ལྷ་རྣམས་ཀྱི་ཞལ་ལ་ཐིམ། སྒྱེད་པུའི་ལྷ་གསུམ་ཡང་མགོན་པོ་ཚོགས་བདག་གི་སྐུ་གསུང་ཐུགས་ལ་ཐིམ་པར་གྱུར། ཨོཾ་ཨཱཿཧཱུྃ། དེ་ནས་སླ་ང་ཕོག་ལ་ཕ་ཀིར་བཞག །སྒྱེད་པུ་རྣམས་ལག་ལྕིབ་ཀྱིས་བལ་དེ། མིས་མི་རྫི་མེ་མི་མཆེད་སར་བཞག །དེ་ནས་ཐབ་ཀྱི་མེ་ཅུང་ཞིག་བརྡོལ་ནས། མགོན་ཆུའི་གཏོར་མ་སྟེབ་ནང་དུ་དུང་རྡོག་བཅུག་པ་དེ་བཞག །མར་གྱི་ཁྱུང་ཚུར་བླངས་ལ་དངོས་གྲུབ་ཀྱི་ཚུལ་དུ་སྔགས་མར་བྱ་རུང་། ༈ ཕྱི་ནས་ཤིང་གྲུ་གསུམ་དུ་བརྩེགས་མེ་ཚང་བཅའ། རང་གི་མདུན་དུ་གཏོར་ཆུང་དང་ལིངྒ་ཤ་ཁྲག་གིས་བརྒྱན་པ་ཉེར་གཅིག་བཞག །ཐབ་དང་གཉིས་ཀ་བྲན། སྐད་ཅིག་

[Full Size]

གིས་ཨེ་ལས་མེ་ཐབ་གྲུ་གསུམ་མཐིང་ནག་ཁ་ཁྱེར་རལ་གྲིས་མཚན་པ། མེ་དཔུང་ཁ་དོག་ལྔ་འབར་བའི་དབུས་སུ། སྔར་གྱི་རྟ་མགྲིན་གཙོ་འཁོར་བཞི་པོ་སྐད་ཅིག་ལ་གསལ་བར་གྱུར། ལྷ་བཞི་པོ་ཞལ་གནམ་ས་ཙམ་གདངས་པ། མཆེ་བ་གངས་རི་ཙམ་གཙིགས་པ། ལྗགས་གློག་ལྟར་འཁྱུག་པ། ཁ་རླངས་མེ་དཔུང་འབར་བའི་ནང་དུ་གནོད་བྱེད་གདོན་བགེགས་ཐམས་ཅད་བཞེས་ཤིག །དཀོན་མཆོག་གསུམ་གྱི་བདེན་པ་དང་བདེན་པ་ཆེན་པོའི་མཐུས། གནོད་བྱེད་གདོན་བགེགས་ཐམས་ཅད་ལིངྒ་འདི་ལ་ཐིམ་པར་གྱུར་ཅིག ། ཛཧཱུྃ་བཾ་ཧོ༔ ཧཱུྃ། ཡེ་ཤེས་ཀློང་ཡངས་ཆེན་པོའི་ཧོམ་ཁུང་དུ། །གནོད་བྱེད་དགྲ་བགེགས་འབྱུང་པོའི་ཤ་ཁྲག་འདི། །དཔལ་ཆེན་རྟ་མགྲིན་ནག་པོའི་ཞལ་དུ་བསྟབ། །ཡེ་ཤེས་ཁྱུང་ཆེན་འབར་བའི་ཞལ་དུ་བསྟབ། །ཁྲོ་རྒྱལ་ཡཀཱ་མེ་དབལ་ཞལ་དུ་བསྟབ། །མགོན་པོ་ཚོགས་ཀྱི་བདག་པོའི་ཞལ་དུ་བསྟབ། །ཞལ་དུ་བསྟབ་བོ་བཞེས་ཤིག་ཁ་རཾ་ཁཱ་ཧི། །མགུལ་དུ་བསྟིམ་མོ་བཛྲ་ཨཱ་ར་ལི། །ལྷག་མེད་དབྱིངས་སུ་རོལ་ཅིག་ས་མ་ཡ། །རྒྱ་གྷི་ཝ་བཛྲ་ཡཀཱ་ག་རུ་ཊ་མ་ཧཱ་ཀཱ་ལ་གནོད་བྱེད་ཛྭ་ལ་རཾ་ཁ་ཁ་ཁཱ་ཧི་ཁཱ་ཧི། ཞེས་མགོན་

[Full Size]

ཆུའི་གཏོར་མའི་དྲུང་གི་དམར་གཏོར་ཆུང་བ་གཅིག་ལྷག་ཡོད་པ་དེ་ཕུལ། དེ་ནས་ལིང་ཆུང་དང་གཏོར་ཆུང་ཉེར་གཅིག་པོ་སྔགས་རེ་དང་སྤྲད་ལ་ཕུལ། དགང་གཟར་མི་དགོས་རང་གི་ལག་གིས་འཕེན་པ་དྲག་ལས་ཆེན་པོར་བཤད། དེ་ནས་ཡོན་བདག་རྣམས་ཉེ་མ་རིང་དུ་གོས་སྤུ་མེད་པ་གྱོན་ལ་འདུག །སུ་རུའམ་ཤིང་གཤག་སྣོན་ལ་མེ་ཆེན་སྦྱར། མཆོད་གཡོག་པས་སྦྱང་ཕྱེ་ཐོགས་ལ།་རང་ཉིད་ལངས་ཏེ། ཧཱུྃ། རང་བཞིན་རྣམ་དག་ཟླ་དུར་ཁྲོད་ཆེན་པོ་ནས། །ཡེ་ཤེས་ལྔ་ཡི་མེ་དཔུང་འབར་བ་འདི། །ཕྱོགས་མཚམས་སྟེང་འོག་ཁྱབ་པར་འཕྲོས། །མེ་ལྕེ་སྣ་ལྔས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུག །ལྷ་བཞིའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་དུ། །ཕྲིན་ལས་ཕུན་སུམ་ཚོགས་པའི་ལས་མཛོད་ཅིག །མཆོག་དང་ཐུན་མོང་དངོས་གྲུབ་སྩལ་དུ་གསོལ། །དེ་ནས་རྟ་མགྲིན་གྱི་ཆེད་བརྒྱད་དམ། རྩ་སྔགས་ལ་སུམ་བྷ་ནི་བཏག་ཅིང་མི་རྣམས་ལ་མེ་ཞགས་བརྒྱབ། དེ་ནས་སྔོན་གྱི་སླ་ང་དེ་ཡུ་བ་རིང་པོ་སྦྱར། དེའི་ནང་དུ་ཐབ་ནས་མེ་བླུག་ལ། ཤིང་གཤག་གམ་སུ་རུ་སྦྱར་ལ་མཆོད་གཡོག་པས་སུ་རུ་སྦྲང་མ་ཁྱེར། ཁྱིམ་མམ་རྟ་ནོར་དང་རྣམ་རྟོག་གང་ཡོད་མེ་ཞགས་

[Full Size]

བརྒྱབ། རྩྭ་ཚང་དང་སོག་ཚང་ལ་རྒྱོབ་མི་རུང་། དེ་ནས་མེ་འགལ་དང་མེ་ཁྲོལ་མ་ལུས་པར་བསྡུས་ནས་ཐབ་ཏུ་བླུག །ཐབ་ཀྱི་ལྷ་ཚོགས་རྣམས་ནམ་མཁར་བཏེག་པར་ཡིད་ཀྱིས་བསྒོམས་ལ། མེ་སྙིང་གི་གཏོར་མ་ཚུར་བླངས་ལ་ནང་ནས་དུང་རྡོག་བཏོན། མགོན་ཟངས་ནང་གི་ཆུ་རྣམས་སྣོད་གཞན་དུ་དལ་བུས་བྱོ་སྟེ། ཆུ་ལྷག་དེ་སྒོ་ལ་ཁྱེར་ནས་འཕོ་བཅུག་སྟེ། དེ་ཡང་དུང་རྡོག་སོགས་རིན་པོ་ཆེ་ཡར་བླང་། །མགོན་སྙིང་གྲི་ཆུང་བཙུགས་པ་དེ་བཞག་ལ། ཆུ་ལྷག་མོ་སྒོར་འདེབས་དུས་གྲི་དེའི་རྩེ་ཕར་བསྟན་ན་བཟང་། རྩེ་ཚུར་བསྟན་པ་དང་། དམིགས་པ་མི་གསལ་བ་དང་ཆུ་མདོག་དང་ཕོ་ལུགས་ངན་ན་ད་རུང་རིམ་གྲོའི་ལུང་སྟོན། ཟངས་ཡོ་བྱུང་ན་གར་ཡོ་དེ་ཕྱོགས་ལོ་སྙིང་ཅན་ལ་ངན། ཆུ་མདོག་དང་ཁོལ་ལུགས་བཟང་ན་དམིགས་པ་གསལ་ཞིང་རྨིས་ལྟོས་ལེགས་གྲི་རྩེ་ཕར་བསྟན་ན། རྐྱེན་འགྱུར་སྐྱོན་མེད་ཅེས་ལུང་བསྟན་ནོ། །དེ་ནས་ཟངས་དེ་མདུན་དུ་བཞག་ལ། ཨེ་ལས་ལྕགས་སྲེག་གི་མགོན་ཟངས་གྲུ་གསུམ་འབར་བའི་ནང་དུ་གནོད་བྱེད་གདོན་བགེགས་དམ་སྲི་བཀའ་ལ་མི་ཉན་དམ་ལ་མི་གནས་མགོ་གཡོག་མགོ་བསྐོར་འགྱུ་ལོག་འཕར་ལྡང་བྱེད་པ་ཐམས་ཅད་ཁུག་ཅིག །ཛཧཱུྃ་བཾ་ཧོཿ དེ་ནས་མགོན་ཆུ་གཏོར་མ་ཆུང་བ་གཅིག་དེ་བཟུང་ལ། ཧཱུྃ། རྟ་མགྲིན་ནག་པོའི་དུས་ལ་བབ། །ཁྱུང་ཆེན་འབར་བའི་དུས་ལ་བབ། །ཡཀཱ་མེ་དབལ་དུས་ལ་བབ། །མ་ཧཱ་ཀཱ་ལའི་དུས་ལ་

[Full Size]

བབ་། །གདོན་བགེགས་སྙིང་ལ་གཏོར་ཟོར་རྒྱོབ། །དམ་སྲི་སྙིང་ལ་གཏོར་ཟོར་རྒྱོབ། །གཏོར་མར་མེ་དཔུང་འབར་བ་ཡིས། །གདོན་བགེགས་དམ་སྲི་གཞོབ་ཏུ་བསྲེགས། །ཞེས་ཆད་བརྒྱད་བཟླས་ལ་གཏོར་མ་ཟངས་ནང་དུ་བརྒྱབ། །དེ་ནས་ཟངས་སྒྲུབ་ལ་རྐང་པས་མནན་ནས། ཧཱུྃ། དགྲ་བགེགས་བསྒྲལ་བའི་ཕུང་པོ་ལ། །དཔའ་བོ་ཆེན་པོས་བྲོ་བརྡུང་བས། །ཕྱོགས་བཅུ་ནམ་མཁའི་ཁམས་གང་ནས། །ཁྲོ་བོའི་ཚོགས་དང་ཁྲོ་མོའི་ཚོགས། །མ་སྲིང་ཚོགས་དང་མཁའ་འགྲོའི་ཚོགས། །བྲོ་ལ་གཤེགས་སོ་ཆེམས་སེ་ཆེམ། ཧཱུྃ། ང་ནི་རྟ་མགྲིན་ཁྲོས་པའི་སྐུ། །རྟ་སྐད་ལན་གསུམ་སྟེང་དུ་སྒྲོགས། །དང་པོས་གཟུགས་མེད་ཁམས་ཀུན་གཡོ། །གཉིས་པས་གཟུགས་ཁམས་དབང་དུ་སྡུད། །གསུམ་པས་ཁམས་གསུམ་ཟིལ་གྱིས་གནོན། །འདི་ནི་རྟ་ཡི་བརྟུལ་ཞུགས་ཡིན། །ཧཱུྃ། ང་ནི་རྟ་མགྲིན་ཁྲོས་པའི་སྐུ། །རྟ་བྲོ་ཁམས་གསུམ་འོག་ཏུ་བརྡུང་། །དང་པོས་ས་སྟེང་འཇིག་རྟེན་གཡོ། །གཉིས་པས་ས་བླ་དབང་དུ་སྡུད། །གསུམ་པས་ས་འོག་ཟིལ་གྱིས་གནོན། །འདི་ནི་ཁྲོ་བོའི་མཐུ་རྩལ་ཡིན། །ཧཱུྃ། ང་ནི་རྟ་མགྲིན་ཁྲོས་པའི་སྐུ། །དུག་གསུམ་

[Full Size]

དགྲ་བགེགས་ཞབས་སུ་མནན། །ཞེ་སྡང་ཕོ་རྒྱུད་གཡས་སུ་མནན། །འདོད་ཆགས་མོ་རྒྱུད་བགཡོན་དུ་མནན། །གཏི་མུག་རིགས་རྒྱུད་རྩད་ནས་བཅད། །འདི་ནི་ཁྲོ་བོའི་ཕྲིན་ལས་ཡིན། །ཧཱུྃ། སྡང་བའི་དགྲ་དང་གནོད་པའི་བགེགས། །བྱད་མ་རྣམས་ཀྱི་རྩད་ཆོད་ཅིག །བྱེད་མི་དམ་སྲི་གདོན་གྱི་ཚོགས། །རྡུལ་ཕྲན་བཞིན་དུ་མེད་པར་མཛོད་།་རྟ་མགྲིན་ཁྲོ་བོའི་ཚོགས་ཀྱིས་བརྡུང་། །ཡེ་ཤེས་རི་རབ་བརྗིད་ཀྱིས་མནན། །དྲག་སྔགས་རྡོ་རྗེའི་མཚོན་གྱིས་གཏུབ། །གཟི་བརྗིད་མེ་དཔུང་ཟིལ་གྱིས་བསྲེགས། །སྲིད་པ་ལས་ཀྱི་རླུང་གིས་གཏོར། །ཇི་སྲིད་བསྟན་པ་མ་རྫོགས་པར། །དགྲ་བགེགས་ལྡང་བར་མ་གྱུར་ཅིག །སརྦ་བྷིག་ནན། ཤ་ཏྲི་པུཾ་བྷ་ཡ་ནན། དེ་ནས་མགོན་ཟངས་ཁ་ཡར་ཟེད་ལ་དངོས་གྲུབ་ཀྱིས་གང་བར་བསམ་ལ། སརྦ་སིདྡྷི་ཕ་ལ་ཧོ། ཞེས་བརྗོད། དེ་ནས་གཏང་རག་གི་ཚུལ་གྱིས་རང་གི་ཡི་དམ་གུ་རུ་ཞི་དྲག་སོགས་གང་ཡིན་གྱི་ཚོགས་བྱས་ལ། ཚོགས་ཕུད་ཀྱི་སྐབས་སུ་ཚོགས་ཕུད་ཕུལ་ནཱས། གྱ་གྱི་ཝ་བཛྲ་ཡཀཱ་ག་རུ་ཊ་མ་ཧཱ་ཀཱ་ལ་གྷ་ན་ཙཀྲ་ཁཱ་ཧི། ལན་གསུམ་གྱིས་གཏང་རག་ཕུལ། ལྷག་མ་ཕུལ། ཆད་མདོ་བརྟན་སྐྱོང་བྱས་ཀྱང་རུང་མ་བྱས་ཀྱང་ཆོག །བཀྲ་ཤིས་བརྗོད། དེ་

[Full Size]

ནས། །སྤྱན་དྲངས་པའི་ཡེ་ཤེས་པ་རང་བཞིན་གྱི་གནས་སུ་གཤེགས། བཛྲ་མུཿ དམ་ཚིག་པ་འོད་དུ་ཞུ་ནས་མགོན་སྙིང་ལ་ཐིམ་པར་གྱུར། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། མགོན་སྙིང་སོ་སོར་བསྲུང་བ་བཏགས་རྒྱུ་གཏད། དགེ་བ་འདི་ཡིས་མྱུར་དུ་བདག །རྟ་མགྲིན་ནག་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །བསྔོ་བ་སྨོན་ལམ་བྱ། མི་དམིགས་པར་བཞག་གོ༔ ༈ །ཨེ་མ་ཧོ༔ རྟ་མཆོག་རོལ་པའི་དུམ་བུ་ཀླུ་འདུལ་རྒྱུད། །སྒྲུབ་ཐབས་རྒྱ་གཞུང་ཨོ་རྒྱན་ཆེན་པོས་མཛད། །གཏེར་སྟོན་རྒྱལ་པོ་མངའ་བདག་ཉང་གིས་བཏོན། །གྲུབ་མཐའ་ཕྱོགས་རིས་མེད་པ་ཀུན་ལ་དར། །སྐྱེས་ཆེན་དམ་པ་མང་པོས་ཡི་དམ་མཛད། །དབང་ལུང་ཡོངས་རྫོགས་བརྒྱུད་པ་དར་ཆེ་ཡང་། །ལས་སྦྱོར་བཙོ་བརྔོ་སྲེག་པའི་ཕྱག་ལེན་ནི། །བསལ་ཞིང་ཆ་ཚང་སྔོན་ཆད་བསྒྲིགས་པ་མེད། །འདི་ཉིད་བསྒྲིགས་ན་རྒྱུད་དང་རྒྱ་གཞུང་དེའི། །བསྟན་པའི་ཆགས་ཕྱི་མཆོག་ཏུ་འགྱུར་བར་སེམས། །ལྷ་དང་ཆོས་བདག་རྣམས་ལ་གསོལ་བཏབ་ནས། །མཎྜལ་བརྒྱ་རྩ་བསྐང་ཐུང་བརྒྱ་རྩ་ཕུལ། །ཁུངས་བཙུན་རྒྱ་གཞུང་ཉིད་ལ་ཕུག་བྱས་ཏེ། །ཀཐོག་ཉི་མ་རྡོ་རྗེས་མཛད་པ་ཡི། །རྒྱ་གཞུང་དེ་ཡི་ཞལ་གདམས་ཉུང་བསྡུས་དང་། །མེ་དབལ་དང་ནི་ཁྱུང་གི་དབལ་ཆུ་དང་། །ཚོགས་བདག་མགོན་ཆུ་རིགས་གཉིས་དོན་བསྡུས་ཏེ། །སློབ་དཔོན་སྔགས་འཆང་གོང་མའི་ཕྱག་

[Full Size]

ལེན་དང་། །ཆུང་དུས་རང་གིས་ལག་བླངས་ཉམས་མྱོང་བསྟུན། །སློབ་དཔོན་ཁྲོ་མེད་བཀླགས་པས་ཆོག་པ་འདི། །དགེ་སློང་སྔགས་འཆང་རཱ་ག་ཨ་སྱ་ངས། །ཕྱི་རབས་སྔགས་འཆང་སེང་ཕྲུག་ཐམས་ཅད་ལ། །མཛེས་པའི་རྒྱན་དུ་གཡུ་རལ་འདི་བཞག་པ། །གོ་ཁྲབ་ཇ་དར་ཚན་ཆེན་བཞག་པ་བས། །དུས་མཐའི་བར་དུ་བཞག་འདི་ཕན་པ་ཆེ། །ཉེས་འགལ་མཆིས་ན་ལྷ་དང་སྲུང་མར་བཤགས། །དགེ་བས་ཇི་སྲིད་འཁོར་བ་གནས་ཀྱི་བར། །འདི་ཉིད་མི་ནུབ་འཕེལ་ཞིང་ཀུན་ཏུ་དར། །ཡོན་བདག་ལྷ་མནོལ་གྲིབ་ཀྱིས་ནོན་པ་ཡིས། །།ཡར་འགྲོ་མེད་པ་རྣམས་ཀྱི་སྐྱབས་དང་མགོན། །ཕན་ཐོགས་འགྲོ་དོན་རྒྱ་ཆེན་འབྱུང་བར་ཤོག །ཡི་གེ་པ་ནི་དགེ་སློང་སྦྱིན་པ་དང་། །བརྩོན་འགྲུས་གཉིས་ཀྱིས་རེས་མོས་བྱས་ནས་བྲིས། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མགོན་ཆུའི་འོག་དྲིལ་གྱི་དཔེ་རིས།

[Full Size]

ཤ་ཁྲག་གིས་བརྒྱན་པའི༔ སྟེང་དུ་གཏོར་མ་བཤམས། འོག་གཞི་སྟེགས་བུའི་དཔེའུ་རིས། ༈ གདོན་ཆེན་གྱིས་བཏབ་ན་དང་པོ་གསོ་བའི་ལས་བྱེད་པའི་དཔེའུ་རིས་སོ། གོང་གཏོར་དཀར་བགེགས་སོགས་གོང་ལྟར་རོ། ཕྱི་རིམ་དམར་པོ་མེ་རི་བྱའོ། ཅོག་ཁྱིའི་ཁར་མགོན་ཆུ། ཟོར་བཏེག་གི་དཔེའུ་རིས། མགོན་ཟངས། ལྕགས་ཀྱིས་བྲབ་པའི་དཔེའུ་རིས། མགོནུ་ཟངས་སྒྲུབས་པའི་དཔེའུ་རིས། སྐྱེད་པ་དུར་ཁྲོད་ཀྱི་རྡོའམ་རྡོ་ནག་ལ་བྱ། འཕྲལ་དུ་དགོས་པའི་ཚེ་སྟེགས་བུ་ལ་ནུས་ཚོམ་གཅིག་གམ་དགུ་བླུགས་སོ། ཕྱི་ཀླུང་མཆོད་པ་རྣམ་ལྔ་ཚོགས་གཏོར་རྒྱ་ཆེན་བཤམས་པར་བྱའོ།།

[Full Size]

ཤོག་སྟོང་།

རྟ་མགྲིན་ལས་རིམ་བདུན་མའི་ཞལ་ཤེས་གཏོར་ཟློག་གི་ཟིན་བྲིས།

[Full Size]

རྟ་མགྲིན་ལས་རིམ་བདུན་མའི་ཞལ་ཤེས་གཏོར་ཟློག་གི་ཟིན་བྲིས་གསལ་བ་བཞུགས་པའི་དབུའོ།།

[Full Size]

ན་མོ་རྒྱ་གྲི་ཝ་ཡེ། རྟ་མཆོག་རོལ་པའི་རྒྱུད་ཀྱི་དུམ་བུ། ནག་པོ་ཀླུ་འདུལ་གྱི་རྒྱུད་ལ་བརྟེན་ནས་མཛད་པའི། །རྟ་མགྲིན་ནག་པོ་འདི་གཏེར་ཁ་རེ་ནས་རེ་རེ་འབྱུང་བས། རིགས་མི་འདྲ་བ་ཤིན་ཏུ་མང་ན་ཡང་། ཉང་ལུགས་འདི་གྲགས་ཆེ་སྟེ། ཀརྨ་པཀྴི་ནས་བཟུང་སྟེ་ཀརྨ་པ་ན་རིམ། དགེ་འདུན་གྲུབ་པ་ནས་བཟུང་སྟེ། ཐམས་ཅད་མཁྱེན་པ་ན་རིམ། དེ་རྣམས་ཀྱིས་ཡི་དམ་མཛད་པར་འདུག་པས། འདིའི་རྗེས་གནང་གི་རྒྱུན་ནི་གྲུབ་མཐའ་ཀུན་ལ་དར། ཉིང་ལུགས་འདི་ལས་རྩ་བ་རྒྱ་གཞུང་ཆེན་པོ། དེའི་འགྲེལ་པ་དང་དབང་རྒྱས་འབྲིང་བསྡུས་གསུམ། ཕྱི་གཏད་

[Full Size]

ཁྲོམ་བཅོ་བརྒྱད། ནང་པུ་རི་དཀར་ནག །གསང་བ་བཙོ་བརྔོ་སྲེག་གསུམ། ཆར་སེར་འགུགས་གསུམ། དཔེའུ་རིས་ལྟར་མང་དུ་ཡོད་ཀྱང་། སྔགས་པ་རྣམས་ལ་ཉེ་བར་མཁོ་བ། ལས་རིམ་བདུན་པ་ཞེས་བྱ་བ། བསྐང་ཟློག་དགྲ་ཆོས་གསུམ་ཀ་ཡིན་ཏེ། དེང་སང་སྔགས་པ་རྣམས་ཀྱིས་གཞུང་ལེས་གཅིག་དེ་འདོན་མཁན་མང་ན་ཡང་། ཆ་ལག་ཚང་བར་མི་འདུག་པས། བདག་གིས་པོད་གཞུང་ནང་ནས་བསྒྲིགས་པ་འདི་ཆ་ཚང་བ་ཡིན། རིམ་གྲོ་སྲུང་ཟློག་བྱེད་པ་སོགས་ལ་ནི་གབ་ཅི་སྐུང་ཡང་མེད། ཐུགས་ལ་གབ་ཞལ་ལ་དྲིས་ཟེར་བ་རྣམས་ནི། འདི་ལ་བརྟེན་ནས་

[Full Size]

མཐུ་བྱེད་ཐབས་རྣམས་སྦས་པ་ཡིན། དེ་དག་སྤེལ་ན་སྡེ་བརྒྱད་རྣོ་དྲགས་པས། དུག་འཚགས་པ་དང་འདྲ་བ་འོང་དོགས་ནས་སྦས་སོ། །འདི་འདོན་པ་ནི་ཡི་དམ་གཏོར་མ་ལ་བསྔོ་ཆོག་ལོགས་སུ་མི་དགོས་ཏེ། སྐྱབས་སེམས་སྔོན་འགྲོ་དཀར་བགེགས། བསྐང་བ་ཚོགས་གཏོར་འབུལ་སོགས། སྔགས་པ་སྤྱི་ཡི་ལུགས་ལྟར་བྱས་པས་ཆོག །འདི་རང་བཅས་ལ་རྒྱས་འབྲིང་བསྡུས་གསུམ་ཏེ། ༈ དང་པོ་སླ་ངའམ་ལྕགས་འགུ་ཆེན་པོའི་ནང་དུ། ཕུབ་ཕྱེ་ཐང་ལུད་རིལ་མ་གང་རུང་གིས་བཀང་། འཛིམ་ཞལ་བྱས་ཏེ། འཁོར་ལོ་རྩིབས་བརྒྱད། དེ་སྟེང་གྲུ་བཞི།་དེ་སྟེང་གྲུ་གསུམ་བྱས་པ་རྣམས་བརྩེགས། དེ་འདྲ་རེ་རེའི་ནང་དུ་ཧོམ་ཁུང་བྲུས་པའི་ནང་དུ། དབུས་སུ་ལིངྒ་ཆེ་བ་གཅིག གཞན་རྣམས་སུ་ལིང་ཆུང་པར་མ་རེ་བཞག །དེ་ཀུན་ཕྱི་ནག་ནང་དམར། དབུས་སུ་དམར་གཏོར་ཁྲུ་གང་ཕྱོགས་བཞིར་མཐོ་རེ་བ་བཞི། དེ་རྒྱབ་སྡེ་བརྒྱད་སོ་སོའི་བཤོས་བུ་བརྒྱད། རྩིབས་ཀྱི་བར་རྣམས་སུ་མཐེབ་སྐྱ་བཅད་སྐམ་ཁ་ཕྱིར་བསྟན་རེ་རེ་བཞག །ཀུན་གྱི་རྩེ་ལ་མར་གྱི་མེ་ལྕེ་རིས་བརྒྱན། ལྷ་ཀླུ་གནོད་སྦྱིན་གསུམ་མ་གཏོགས་ལ་ཤ་ཁྲག་གིས་བརྒྱན། གཙོ་བོ་ལ་ཅུང་ཐུང་ཉེར་གཅིག་

[Full Size]

འཁོར་བཞི་ལ་བདུན་རེ། སྡེ་བརྒྱད་ལ་གསུམ་རེའམ་རེ་རེ། གཏོར་མ་སོ་སོ་ལ་ལྷ་སོ་སོའི་ཙཀ་ལི་ཡོད་ན་བཙུགས། དེ་རྒྱབ་རྩང་ཉི་ཤུ་རྩ་བརྒྱད་ཆུང་སླས། རྩང་སྟོད་དམར་རྡུང་སྨད་ནག་སྐེད་པ་རྒྱ་མདུད་སེར། ཕྱོགས་བཞིར་ཟླུམ་པོ་གྲུ་བཞི་ཟླ་གམ་གྲུ་གསུམ་སྟེ་སྒོ་རྩང་བཞི་ཐད་ཀར་བཙུགས། སྟེང་དུ་དར་གདུགས་ནག་པོ་ཟོར་འཕེན་ན་དཔེའུ་རིས་ལྟར་དང་། ཚར་དུ་འདོན་གྲངས་ཀྱི་ཟན་ལིང་བསྒྲལ་རྒྱུ། གཏོར་ཆུང་ཁྲག་བྱུག་ཤས་བརྒྱན་པ་མང་དུ་བཅའོ། །ཤིན་ཏུ་གལ་ཆེ་ན་མདོས་ཀྱི་འོག་དེར། ཧོམ་ཁུང་བཅས་པའི་ནང་དུ་ཤོག་ལིང་བཞག །ཐུན་ལམ་ཕུར་པས་བཅད་དེ། མདོས་ཀྱི་མདུན་དེར་མཆོད་པ་སྣ་བདུན་ལེགས་པར་བཤམས་པ་རྒྱས་པའོ། ༈ །འབྲིང་ནི་འཇིམ་ཞལ་སྟེང་དུ་འཁོར་ལོ་ལ་སོགས་རི་མོ་བྲི། །དབུས་མའི་ཞབས་སུ་གྲུ་གསུམ་བྲུས་པའི་ཟན་ལིང་པར་མ་གཅིག་བཞག །གཙོ་བོའི་གཏོར་མ་མར་རྒྱན་ཚུན་འཇལ་བའི་གྲུ་གང་མཐོ་གང་གིས་ཆོག །འཁོར་བཞི་ལ་མཛུབ་རེ། སྡེ་བརྒྱད་དམར་གཏོར་མཁྱུད་རེ་ཡོད་པ་བརྒྱད་ཀྱིས་ཆོག །ཙཀ་ལི་སྒོ་རྩང་ནང་རྩང་རྣམས་མི་དགོས། མདའ་དར་ནག་པོ་གཅིག་བཙུགས། གཏོར་ཆུང་འབུལ་རྒྱུ་རྣམས་

[Full Size]

མཐེབ་སྐྱུས་གསོས་ཀྱང་ཆོག །རྒྱས་པ་དེ་གཏོར་མདོས་དང་བསྡུས་པ་འདི་གཏོར་ཟློག་ཅེས་བྱའོ། །ཤིན་ཏུ་བསྡུས་པ་ནི། ཟངས་ལྕགས་སོགས་ཀྱི་སྡེར་ནང་དུ། དམར་གཏོར་གཙོ་འཁོར་ལྔ། དེ་རྒྱབ་གཏོར་ཆུང་བརྒྱད་ཀྱིས་བསྐོར། ཟན་ལིང་བསྒྲལ་རྒྱུ་གཅིག་བྱའོ། །ཡང་འདིའི་སྒྲུབ་པ་བྱེད་པར་འདོད་ན། མདུན་དུ་གཞིའི་སྟེང་དུ་འབྲུའི་ཚོམ་བུ་ལྔ་བཀོད། དེར་བུམ་པ་ཡོད་ན་སྤྱི་ལྟར་བཤམས། དེའི་སྟེང་དུ་ཨོཾ་ཁྲིའུ་བྱས་པའི་སྟེང་དུ། གཏོར་མ་ཟུར་གསུམ་གཙོ་འཁོར་ལྔ་ནག་པོ་བྱ། མར་རྒྱན་མེ་རི་དང་བཅས་པ་ཡོད་ན་ཙཀ་ལི་བཙུགས་། ཞལ་ཐང་ཡོད་ན་རྒྱབ་ནས་ཚུར་བཤམ་མེད་ཀྱང་རུང་། སེང་ལྡེང་གི་རལ་གྲི་དང་སེང་ལྡེང་གི་ཕུར་པ་ཁྲུ་གང་། མ་རྙེད་ན་སྐྱེར་པ་ལ་ཡང་རུང་། ཙག་བྱུག་པ་སྔགས་རིང་བྲིས་པ་སྒྲུབ་རྟེན་དུ་བཤམས། མཐར་མཆོད་པ་སྣ་བདུན་བསྐོར་བཤམས་བྱས། དེ་རྣམས་དང་པོ་བྲན་ནས་གསོ་བྲན་མི་དགོས་སྒྲུབ་རྟེན་ཡིན། ཐུན་བཞིར་འདོན་ཚེ་ཡི་དམ་ཡིན་པས་ཕུགས་གཏོར་གསོ་བྲན་བྱ། དེ་རྣམས་ནི་བཅའ་ཚོགས་རྣམས་སོ། ༈ །འདོན་ལུགས་གུ་རུ་ཞི་དྲག་སོགས་སྤྱི་ལྟར་འདོན་རྗེས། རཏྣ་ལུགས་ཀྱི་རྟ་མགྲིན་ནག་པོ་བཏོན་པ་བདག་

[Full Size]

བསྐྱེད། དེ་ནས་ཉང་ལུགས་བཏོན་པ་མདུན་བསྐྱེད་དེ་ཤིན་ཏུ་ལེགས། ཉང་ལུགས་ཀྱི་གཞུང་ལས། དྲན་པ་ཙམ་གྱིས་རྫོགས་པ་ཉིད། །ལྟ་བ་གྱད་ཀྱི་ལྷ་ཞེས་བྱ། །རྡོ་རྗེ་ལྟ་བུའི་ཏིང་འཛིན་འདི། །སྲུང་བ་ཀུན་གྱི་མཆོག་ཡིན་ནོ། །ཞེས་གསུངས་པས། བདག་བསྐྱེད་གཙོ་རྐྱང་དྲན་རྫོགས་སུ་བསྒོམས་ནས། མདུན་བསྐྱེད་གཙོ་འཁོར་ལྔ་པ་བྱ་སྟེ། སྤྱན་འདྲེན་བཞུགས་གསོལ་མཆོད་བསྟོད། བསྐང་བ་གསོལ་ཁ་ཡན་ཆོད་དུས་བཞིར་བྱ་ཞིང་བསྙེན་པ་ཡིག་འབྲུ་བཅུ་གཅིག་པ་ཞག་ཉེར་གཅིག་ལ་བསྙེན་པ་སྒྲུབ་པ་ཡིན། །དེ་ནས་སྒྲུབ་རྟེན་རྣམས་གནས་གསུམ་དུ་གཏུག་ཅིང་རྩ་སྔགས་འཇུག་ཏུ། ཀཱ་ཡ་སིདྡྷི་ཨོ། ཝཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧཱུྃ༔ ཞེས་བརྗོད་དབང་དང་དངོས་གྲུབ་ཐོབ་པར་བསམ། རྗེས་ཆོག་བཀྲ་ཤིས་སོགས་གཏོར་ཟློག་མཇུག་ལྟར་རོ། །དེ་ལྟར་བསྒྲུབས་པ་ཐོན་ནས། གནོད་འཚེ་ཆེ་བའམ་རྨི་ལམ་འཁྲུགས་དུས་སོགས། སྔགས་རིང་ཐུང་ཅུང་ཟད་བཟླ་རུང་གིས། བསྙེན་སྒྲུབ་མ་ཐེམ་པར་སྔགས་རིང་བཟླས་ན་བར་ཆད་ཆེན་པོ་འོང་གིས། གཏོར་མདོས་དང་གཏོར་ཟློག་བཅའ་བ་ལ་ནི། །དབང་ལུང་ཐོབ་ནས་བསྙེན་སྒྲུབ་མ་ཐེམ་

[Full Size]

ཡང་རུང་ངོ་། །ཡང་འཇོམ་པར་འདོད་ན་སྡེ་བརྒྱད་ཀྱི་བསྐུལ་རྣམས་མི་འདོན་སྒྱུར་རོ། །དེ་ཡང་རང་དོན་གལ་ཆེན་འགྱུར་ཆེ་བར་བྱེད་ན། ལས་བྱང་དང་བསྐང་བ་སོགས་ཆབ་ཆོབ་མང་པོ་མི་འདོན་པར། རྟ་མགྲིན་གཞུང་འདི་ཉིད་འདོན་ཅིང་ཚར་གྲངས་བསོག །ཚར་རེ་ལ་ཡང་བསྙེན་པ་སྟོང་ཕྲག་རེ་འགྲོ་བར་བྱས་ལ། རྟ་མགྲིན་གྱི་གཏོར་བསྒྲུབས་ཡིན་པས་བྱིན་རླབས་ཤིན་ཏུ་ཆེའོ། །དེའི་རྟགས་ནི་གོ་མཚོན་བཙན་པོ་གྱོན་པ། མཚོན་ཆ་རྣོན་པོ་ཐོགས་པ། རྫོང་བཙན་པོར་ཞུགས་པ། སེར་བ་དང་དམག་བཟློག་པ། ཁྱི་དང་གཅན་གཟན་སོགས་བརྡུང་བ་བསད་པ་ཁ་བཅིངས་བ་སོགས། སྲུང་ཟློག་གི་རྟགས་རྨིས་ལྟས་སོགས། རྟགས་སྤྱི་དང་མཚུངས་པས་དཔྱད་ཤེས་པར་བྱ། ལར་རྟ་མགྲིན་འདི་ཡི་བསྙེན་པ་ཕྲེང་སྐོར་རེ་མ་ཆག་ན། ལྷ་སྲིན་གྱི་གནོད་པས་མི་ཚུགས། གཏོར་བསྔོས་ཙམ་བྱས་ཀྱང་ཐུན་མོང་གི་དངོས་གྲུབ་འབྱུང་། རྟ་མགྲིན་གྱི་མཚན་དང་སྔགས་འབུ་སྲིན་གྱི་རྣ་བར་ཐོས་ཀྱང་། ངན་སོང་དུ་མི་འགྲོ་བར་བྱང་ཆུབ་སེམས་དཔའི་འགྲོ་དོན་ནུས་པ་རེ་འོང་བར་རྟ་མགྲིན་གནམ་བཀོད་ཀྱི་རྒྱུད་དང་། རྟ་མཆོག་རོལ་པའི་རྒྱུད་ལས་གསུངས། འདི་ལ་མཆོད་བསྟོད་དང་བསྐང་

[Full Size]

གསོ་ལ་བརྩོན་ན་དོན་ལ་སྤྱན་རིས་གཟིགས་མཆོད་པ་ཡིན་པས་ཕྱི་མའི་ལམ་བརྒྱག་དང་། འཁོར་སྡེ་བརྒྱད་རང་ཆས་སུ་རང་ལ་འདུག་པས། དུས་དེང་སང་སྡེ་བརྒྱད་ཁ་དར་དུས། ཤིན་ཏུ་རྣོ་ཤིང་ཕན་ཐོགས་ཆེ་བར་འདུག །ཅེས་ཆབ་གཤིས་ཀྱི་འཚོ་མཛད་སྔགས་འཆང་ཞིག་ལ་ཕན་ཕྱིར། སྔགས་རྒན་རཱ་ག་ཨ་སྱས་ངག་ནས་སྨྲས་པ་ལྟར། དགེ་སློང་མེ་ཏྲིས་ཡི་གེར་བྲིས། སྔགས་ཆུང་གསར་བུ་འགའ་ལ་ཕན་པར་གྱུར་ཅིག །མངྒ་ལཾ། བྷ་ཝནྟུ།། །། ༈ ཨོ་རྒྱན་རིན་པོ་ལ་གུས་པས་ཕྱག་འཚལ་ལོ། །དབེན་པའི་གནས་སུ་རང་ཉིད་སྐད་ཅིག་གིས་རྟ་མགྲིན་ཝལ་གྱིས་བསྐྱེད་ལ། མདུན་དུ་སྐུ་ཡི་རྟ་མགྲིན་དཀར་པོ། གཡས་སུ་ཡོན་ཏན་གྱི་རྟ་མགྲིན་སེར་པོ། རྒྱབ་ཏུ་གསུང་གི་རྟ་མགྲིན་དམར་པོ། གཡོན་དུ་ཕྲིན་ལས་ཀྱི་རྟ་མགྲིན་ལྗང་གུ་རྣམས་བསྙེན་པ་དང་བསྲུང་བའི་དུས་སུ་ཞལ་ནང་དུ་རྒྱུ་ནས་བསྲུང་བའི་སྔགས་བཟླས་པར་བསམ། བཟློག་པ་དང་བསད་པའི་དུས་སུ་ཞལ་ཕྱིར་གྱུ་ནས་རྦད་བརྒྱད་བཟློག་པ་བཟླས་སོ། །སྣང་སྲིད་ཐམས་ཅད་མེ་དཔུང་དང་ཁྲོ་བོ་དང་ཁྲོ་མོས་ལྡེམས་སེ་གང་ནས་བྱད་མ་རྒྱལ་བསེན་ཐམས་ཅད་བསད་བཅད་གཏུབ་པའི་

[Full Size]

ལས་བྱེད་པར་བསམ། རང་གི་སྙིང་གར་པདྨ་འདབ་བརྒྱད་ཀྱི་ལྟེ་བར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་དམར་པོའི་རྩེ་ལ་ཧྲཱིཿདམར་པོ་འོད་ཀྱི་རང་བཞིན་ཅན་དུ་བསྒོམ། ཧཱིའི་རྩེ་མོ་ལ་བླ་མ་རྡོ་རྗེ་འཆང་གི་ཆ་ལུགས་ཅན་ལ་བཀའ་བརྒྱུད་བླ་མས་བསྐོར་བར་བསམ། གཡས་སུ་ཕ་སྤུན་བུ་དང་བཅས་པ་རིགས་གསུམ་མགོན་པོའི་ཆ་ལུགས་ཅན་དུ་བསྒོམ། གཡོན་དུ་བུ་མོ་དང་མ་རྣམས་མཁའ་འགྲོ་སྡེ་ལྔའི་རང་བཞིན་ཅན་དུ་བསྒོམས། ཧཱུྃ་གི་ཞབས་ཀྱུའི་ནང་དུ་ཟས་ནོར་རྟ་ཕྱུགས་ཐམས་ཅད་བཀྲག་མདངས་གཟི་བརྗིད་དང་ལྡན་པར་བསམ། འོག་ཏུ་ཨ་ཡ་མ་དུ་རུ་ཙ་ཤ་ན་སྡེ་བརྒྱད་ཀྱི་ས་བོན་མགོ་ཐུར་དུ་བསྟན་པ་བསྒོམས། ཧྲཱིཿཡིག་དམར་པོའི་ཡིག་འབྲུ་རྣམས་དམར་འོད་ཆགས་པ་མཚལ་ལྟ་བུའི་འོད་ཟེར་མེ་རྩེ་ཆད་པ་ལྟ་བུའམ། མགལ་མེ་ཀླད་ལ་བསྐོར་བའམ། ཡང་ན་ཁ་དོག་དཀར་སེར་དམར་ལྗང་སྔོན་པོ་ལྔ་འཕྲོས་པ་ལས་འོད་ཟེར་གྱི་རྣམ་པས་རྟ་མགྲིན་ཁ་དོག་སྣ་ཚོགས་འཕྲོས་པས་ཕྱོགས་བཅུའི་རྒྱལ་བ་ཐམས་ཅད་ལ་མཉེས་པའི་མཆོད་པ་འབུལ། སེམས་ཅན་ཐམས་ཅད་ལ་ཕོག་པས་ཉོན་མོངས་པའི་སྡིག་སྒྲིབ་ཐམས་ཅད་དག །ཕྱི་སྣོད་གཞལ་ཡས་ཁང་ནང་བཅུད་སེམས་ཅན་ཐམས་ཅད་དཔལ་རྟ་མགྲིན་

[Full Size]

གྱིས་གང་བར་གྱུར། སྒྲ་གྲག་ཐམས་ཅད་རྟ་མགྲིན་གྱི་སྔགས་སྒྲ་འབྲུག་སྟོང་དུས་ཅིག་གྲག་པའམ། བུང་བའི་ཚང་ཞིག་པ་ལྟར་དི་རི་རི་བཟླས་པར་བསམ་ལ་ངག་སྨྲ་བཅད་བྱས་ནས་སྔགས་བགྲང་ལ་འབེབས་བཟློག་པ་དང་བསད་པའི་དུས་སུ་ཕྱག་གཡོན་པའི་ལྕགས་ཀྱུས་དགྲ་བགེགས་བྱད་མའི་སྙིང་ནས་བཟུང་། ཞགས་པས་སྐེ་ནས་བཅིངས། །མདུན་དུ་འདར་ལྡི་ལི་ལི་བཀུག་ནས་ཕྱག་གཡས་ཀྱི་རལ་གྲིས་དུམ་བུ་དུམ་བུར་ཚལ་པ་ཚལ་པ་བཅད་ནས་མེ་དཔུང་གིས་བསྲེགས་པ་དང་། རྟ་མགྲིན་དཔག་ཏུ་མེད་པས་བསྒྲལ་བར་བསམ། རྩ་བའི་སྔགས་ལ་རྦད་བརྒྱད་ལ་སོགས་བཏགས་ལ་བཟླས། རྒྱལ་པོས་གནོད་ན་རྒྱལ་པོའི་སྔགས་བརྗོད་པར་བྱའོ། །མཐར་ཐུན་འཇོག་ཙ་ན། ཕྱི་སྣོད་ཐམས་ཅད་འོད་དུ་ཞུ་ནས་འཁོར་བཞི་ལ་ཐིམ། དེ་ནས་རླུང་གཅིག་རྔུབ་པ་དང་ལྷན་ཅིག་ཏུ་རྟ་མགྲིན་རིགས་བཞི་འོད་ཟེར་ཁ་དོག་ལྔར་གྱུར་ནས་སྤྱི་བོ་མགྲིན་པ་སྙིང་ག་ལྟེ་བ་གསང་གནས་རྣམས་སུ་ཐིམ་སྟེ་གང་བར་བསམ་མོ། །བདེ་སྟོང་དབྱེར་མེད་བདེ་བ་ཆེན་པོའི་ངང་ནས་སྔགས་བཟླ་བར་བྱའོ། །དེ་ཡང་བསྐྱེད་རིམ་ལྷའི་ང་རྒྱལ་དང་འབྲལ་བ་མེད་པའི་ངང་ནས་བཟླས་པ་ཆུ་བོའི་རྒྱུན་

[Full Size]

ལྟར་བྱའོ། །མཐར་ཉི་མ་ཧྲཱིཿཡིག་སྔགས་ཕྲེང་དང་བཅས་པ་འོད་དུ་ཞུ་ནས་རང་སེམས་མ་བཅོས་པར་ཕྱག་རྒྱ་ཆེན་པོ་ལ་གནས་ནས་བཟླས་པ་བྱའོ། །རྟ་མགྲིན་ནག་པོའི་སྲུང་འཁོར་ཟབ་མོ་རྫོགས་སོ།། །།རཏྣ་གླིང་པའི་ལུགས་སོ། །བཀྲ་ཤིས་སོ།། །།ན་མོ་གུ་རུ་དྷེ་ཝ་ཌཱཀི་ནཱི། ཆོས་དབྱིངས་མཁའ་ལས་མཁྱེན་པའི་དཀྱིལ་འཁོར་རྒྱས། །ཐུགས་རྗེའི་འོད་ཟེར་འགྲོ་བའི་དཔལ་དུ་ཤར། །འགྲོ་ཀུན་ཡང་དག་ལམ་ལ་འགོད་མཛད་པའི། །རྩ་བརྒྱུད་བླ་མ་རྣམས་ལ་གུས་ཕྱག་འཚལ། །དེ་ཡང་རྒྱལ་ཀུན་སྤྱི་གཟུགས་རིག་འཛིན་ཆེན་པོ་པདྨ་འབྱུང་གནས་ཀྱི་ཟབ་ཆོས་གཏེར་སྟོན་རཏྣ་གླིང་པས་ལྷོ་བྲག་གནམ་སྐས་བྲག་ནས་གདན་དྲངས་པའི་རྟ་མགྲིན་ནག་པོ་ལྕགས་རལ་བསྒྲུབ་སྐོར་ལྷོ་གཏེར་འབྲུའི་ཚུལ་དུ་སྦས་པའི་ལུགས་དང་། དཔའ་བོ་ལྷ་ལྔའི་བསྐང་བ་དངོས་གྲུབ་ཆར་འབེབས་དེའི་ཚོགས། མངའ་བདག་ཉང་གི་གཏེར་མ་རྟ་མགྲིན་ཡང་ཕྱུང་ནག་པོའི་ལས་རིམ་བདུན་པ་ཀརྨ་ཨ་རཱ་གས་བསྒྲིགས་པ་དེ་དག་གི་ལུང་རྒྱུན་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ།་མངའ་བདག་ཉང་རལ་པ།

[Full Size]

གཏེར་སྟོན་རཏྣ་གླིང་པ། སྔགས་འཆང་ཧཱུྃ་ནག་མེ་འབར། རྗེ་བཙུན་མཐོང་བ་དོན་ལྡན། དཔལ་ལྡན་ཡེ་ཤེས་སྙིང་པོ། དྲིན་ཆེན་རཱ་ག་ཨ་སྱའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ལས་རིམ་བདུན་མའི་ཟིན་བྲིས་མཐོང་གསལ་མེ་ལོང་།

[Full Size]

ལས་རིམ་བདུན་མའི་ཟིན་བྲིས་མཐོང་གསལ་མེ་ལོང་བཞུགས་སོ། རང་མཐོ་ང་རྒྱལ་ཅན་ལ་སྤྱི།

[Full Size]

ན་མོ་གྱ་གྲི་ཝ་ཡེ༔ ཁྲོ་རྒྱལ་རྟ་མཆོག་ནག་པོར་ཕྱག་འཚལ་བསྟོད༔ ལས་རིམ་བདུན་མའི་ཕྱག་ལེན་ནི༔ འཁྲུལ་མེད་ལེགས་པར་བཀོད་ནས་ནི༔ ལྕགས་སྣོད་ལ་སོགས་གང་རུང་དུ༔ ཕུབ་ལྕེ་ལ་སོགས་བཀང་བའི་སྟེང་༔ ཁམ་སྤྱི་སྲབ་མོས་ལེགས་པར་གཞལ༔ དབུས་སུ་གྲུ་གསུམ་གཉིས་བརྩེགས་བཞག༔ རོ་སོལ་རྩི་ཡིས་ནག་པོར་བྱུག༔ གཡས་གཡོན་མདུན་རྒྱབ་གྲུ་གསུམ་བྲུས༔ དེའི་ཕྱི་རིམ་ཕྱོགས་མཚམས་བརྒྱད༔ ཆ་བགོས་པདྨ་འདབ་བརྒྱད་བྲིས༔ གྲུ་གསུམ་འདབ་བརྒྱད་ནང་དུ་བྲུས༔ དགྲ་བགེགས་ལིངྒ་མགོ་ཕྱིར་བསྟན༔ གན་རྐྱལ་དག་ལ་

[Full Size]

བཅུག་པར་བྱ༔ བཀུག་གཞུག་བྱ་ཞིང་གཟུགས་ལ་བསྟིམ༔ དེ་ནས་གཏོར་མའི་ལས་རིམ་ནི༔ འབྲུ་ནག་ཕྱེ་མ་ཁྲག་གིས་སྦྲུསཿ དཔལ་བཤོས་གྲུ་གང་དབུས་སུ་བཞག༔ དེ་ལས་ཆུང་བ་འཁོར་བཞིས་བསྐོར༔ སྡེ་བརྒྱད་གཏོར་མ་དཔེའུ་རིས་ལྟར༔ པད་འདབ་བརྒྱད་ལ་བཀོད་པར་བྱ༔ ཀྱུ་གུ་བྱེད་ཀྱང་ཁ་ཕྱིར་བསྟན༔ དབུ་རྩང་ཕྱག་རྩང་གསུམ་རེ་འཛུགས༔ དེ་ནས་ལྕགས་རི་ནག་པོ་ལ༔ ཟན་ནག་བྱས་པའི་བསྐང་འབྲས་ནི༔ ཁ་ཁྱེར་ནས་བཟུང་ལྕགས་རིའི་ས་མཚམས་སུ༔ བསྐང་ཐབས་དབུས་ལྟ་བཟློག་ཐབས་ཕྱོགས་བཞི་སྟེ༔ དམག་ཐབས་ཇག་ཐབས་

[Full Size]

ཕྱོགས་གཅིག་མདུན་ཏུ་བསྟན༔ མཐའ་རུ་རྩང་ནི་དྲུག་ཅུ་གཉིསཿ སོ་གཉིས་ཉེར་བརྒྱད་ཉེར་གཅིག་དང་༔ གྲུ་གང་ཚད་བྱས་རྒྱ་མདུད་བྱ༔ སྟོད་དམར་སྨད་ནག་སྲིན་མོ་འགྲོས་སྐྱེད་དེ་རྒྱུ་རློན་སྐེ་རགས་སམ༔ སྔོ་དམར་ཐག་པས་དཀྲི་བར་བྱ༔ རྩང་རྩེ་ཤ་དང་ལིངྒས་བརྒྱན༔ བཟློག་བྱང་བཞི་དང་རྩང་བརྒྱན་དང་དར་གདུགས་མདའ་དར་མེ་ལོང་འཛུགས༔ རྩང་རྒྱན་རས་སམ་ཤོག་བུ་ལ༔ ཆུང་བསྟོད་ནང་བཞིན་འབྱུང་ལྟར་བྲིས༔ བཟློག་བྱང་ཤིང་ངམ་ཤོག་བུ་ལ༔ ཐན་བཟློག་ལོཀྟིའི་སྔགས་བྲིས་ཏེ༔ བྱད་བཟློག་སྤུ་གྲི་རང་གཤེད་དང་༔ སྤྱི་དྲིལ་རང་གཞུང་བཟློག་སྔགས་བྲིས༔ གང་དགོས་ཤམ་བུ་སྦྱར་བ་ནི༔ མདོས་གདན་གཡང་གཞི་ལ་སོགས་པ༔ བཅའ་གཞི་ཚང་བ་གལ་ཆེའོ༔ དེ་སྟེང་དགྲ་བགེགས་ལིངྒ་ནི༔ གང་ཡིན་གཞུང་ལྟར་བྲིས་པས་ཆོག༔ དུར་རྡོ་གསུམ་ལ་ཐོད་སྐམ་གྱི༔ རི་མོ་བྲིས་ལ་སྒྱེད་པུའི་ཚུལ༔ བཀོད་པའི་སྟེང་དུ་མདོས་ཆེན་བཞག༔ བདག་མདུན་མཐོ་དམན་མཉམ་པར་བྱས༔ དེ་ནས་ཟོར་གྱི་བཅའ་ཐབས་ནི༔ ཕུང་ཤུལ་ས་དང་དུར་ཁྲོད་ས༔ ཁྲག་སྣ་གསུམ་གྱི་ཆུ་ཡིས་སྦྲུས༔ ཁྲག་ཟོར་ཀོང་ཟོར་ཐོད་ཟོར་གསུམ་བྱས་

[Full Size]

པའི་སྟེང་དུ་གཏོར་ཆུང་རེ་རེ་བཞག༔ རྩང་ནི་མཐོ་རེའི་ཚད་བྱས་གསུམ་རེ་འཛུགསཿ ཡུངས་ཀར་ཡུངས་ནག་སྐྱེ་ཚེ་ཤང་ཚེ་དང་༔ ལྕགས་ཕྱེ་ཟངས་ཕྱེ་མཚེ་ཐུན་རྣམས་ཀྱང་འཛུགས༔ ལྕགས་སྣོད་ཐོད་པ་གང་རུང་བཞག༔ བཀྲ་ཤིས་ཟམ་བུ་ལྗང་ཁུའི་བྱས༔ མདོས་ཀྱི་མདུན་གཡོན་བཀོད་པར་བྱ༔ སྨན་རཀ་གཏོར་མ་མཆོད་པ་སྣ་བདུན་བྱ༔ མདོས་ཀྱི་མདུན་དུ་ལེགས་པར་བཀོད༔ སྒྲུབ་མཆོད་བསྟན་དང་ཕྱི་ནང་གསང་ཉེན་སོགས༔ གང་འཛོམ་ཚང་བར་བཤམས་པ་རྒྱས་པ་ཡིན༔ ༈ དེ་ནས་དེ་ལས་ཅུང་ཟད་བསྡུས་པ་ནི༔ བཅའ་གཞི་མདོས་གདན་གོང་དུ་སྨོས་པ་སྟེ༔ དཔལ་བཤོས་གཙོ་འཁོར་བཅུ་གསུམ་ཚང་བར་བཤམས༔ ཙཀ་ལི་དར་གདུགས་མདའ་དར་མེ་ལོང་དང་༔ བསྐང་འབྲས་རྩང་རྒྱན་བཟློག་པའི་བསྐང་རྫས་དང་རྩང་ནི་སུམ་ཅུ་རྩ་གཅིག་འཛུགས་པས་ཆོག༔ དབུ་རྩང་ཕྱག་རྩང་ལ་སོགས་མི་དགོས་སོ༔ ཟོར་ནི་གོང་སྨོས་བཞིན་ཏུ་ལྔ་དེས་ཆོག་དེ་ནི་བཅའ་ཚོགས་བསྡུས་པའི་ལུགས་ཡིན་ནོ༔ དེ་ནས་ཤིན་ཏུ་བསྡུས་པ་བྱེད་པ་ནི༔ ལྕགས་སྣོད་དམ་ནི་ཐོད་པ་ལ་སོགས་སུ༔ དཔལ་བཤོས་མཐོ་གང་བཤོས་ཕྲན་བཞི་ཡིས་

[Full Size]

བསྐོར༔ ཤ་ཁྲག་ཐུན་རྫས་དག་ནི་ལེགས་པར་བཤམས༔ སྡེ་བརྒྱད་རྩང་གཏོར་ལ་སོགས་མི་དགོས་ཏེ༔ ཚེས་བཅུ་ཉ་སྟོང་དགུ་གཏོར་ལ་སོགས་དུས༔ ཚར་གཅིག་བཏོན་པས་མངའ་གསོལ་དག་གིས་ཕུལ༔ དེ་ནི་རྣལ་འབྱོར་བསམ་གཏན་ཆོ་ག་ཡིན་པས་རུང་༔ ༈ དེ་ལྟར་བཅའ་ཚོགས་རྒྱས་བསྡུས་གང་ཡང་རུང་༔ ལས་ཀྱི་མཐའ་བསྡུས་བྲུབ་ཁུང་བཅའ་བ་ནི༔ ཕུང་ཤུལ་སའམ་དུར་ཁྲོད་ས་རྣམས་ལ༔ ཁྲག་སྣ་བསྲེས་པའི་ཆུ་ཡིས་སྦྲུས་བྱས་ལ༔ ཧོ་ཁུང་དཔངས་སུ་མཐོ་གང་རྒྱར་གྲུ་གང་༔ རོ་སོལ་ཞིག་གིས་ཕྱི་རུ་ནག་པོར་བྱུག༔ རིམ་པ་དགུ་ཡི་ཚུལ་དུ་རི་མོ་བྲིསཿ ནང་ནི་ཁྲག་གིས་བྱུག་ལ་དམར་པོ་བྱ༔ ཁ་ཆོད་གྲུ་གསུམ་རྡོ་རྗེ་རྒྱ་གྲམ་བྲིས༔ མཐའ་རུ་ཆུང་དམར་ཉེར་གཅིག་འཛུགས་པར་བྱས༔ རྒྱུན་དུ་ཧོམ་ཁུང་བཅའ་ནི་དགོས་པར་གསུངས༔ འོན་ཀྱང་ལྕགས་ཁང་ཡོད་ན་དེ་ཡིས་ཆོག༔ དེ་ནས་བསྡུས་པ་བཅའ་བའི་མན་ངག་ནི༔ དུག་ཤོག་ཚད་ལྡན་ཁ་གང་གྲུ་བཞི་པ༔ ཆེ་བཞི་ཆུང་བརྒྱད་ལྟེབ་གས་ཤེས་པར་བྱས༔ རང་གི་དྲི་མ་ཁ་རླངས་མ་གོས་པར༔ ལག་ལྡན་ཕུང་རེས་རོ་རས་སྟེང་དུ་བཞག༔ གསེར་སྐྱེམས་གཟུ་དཔང་ལ་སོགས་རྒྱས་པར་བྱ༔ གྲི་ལྕགས་རྨེ་

[Full Size]

ལྕགས་སྒྲོ་རྐང་སྐྱེར་པ་སོགས༔ གང་རྙེད་སྨྱུ་གུ་དག་གིས་བྲི་བར་བྱ༔ གྲི་ཁྲག་རྨེ་ཁྲག་ཁྱི་སྨྱོན་དུག་ཁྲག་སོགསཿ ཁྲག་སྣ་འཛོམ་པའི་སྣག་ཚས་བྲི་བར་བྱ༔ རང་ངམ་གཞན་གྱི་སྣག་ཚས་བྲི་མི་རུང་༔ སྤྱི་ལིང་ཕོ་ལིང་མོ་ལིང་དགྲ་ལིང་སོགས༔ གཞུང་ནས་བྱུང་བཞིན་ཤེས་པར་བྲི་བར་བྱ༔ འབོད་རྦད་བསད་དང་འགུགས་སྔགས་གཟབ་པར་བྲི༔ འདོད་གསོལ་གང་དགོས་གཤར་ཡིག་ཚེག་མེད་བྲིས༔ མིང་རུས་བླ་དག་གནད་ཀྱི་རྒྱལ་པོ་ཡིན༔ ལྷ་མིང་ལ་སོགས་བྲི་བར་མི་རུང་ངོ་༔ དེ་ནི་ལིངྒ་སྤྱི་ཡི་ཆིངས་ཡིན་པས༔ ཁྱད་པར་འདི་སྐབས་བསྟན་པའི་མན་ངག་ནི༔ ཐན་བཟློག་ལིངྒ་འདི་ལྟར་བྲི་བར་བྱ༔ གང་བྱུང་གཟུགས་བྲིས་ལིངྒའི་སྙིང་ཁར་བྲིས༔ ལིངྒའི་སྙིང་ཁར་ཐན་བདག་གཏོང་མཁན་ཁུག༔ རང་གཟུགས་རང་ལ་ཕོབ༔ རང་གཤེད་རང་ལ་ཕོབ༔ རང་ཤ་རང་གིས་ཟོ༔ རང་ཁྲག་རང་གིས་འཐུང༔ རང་རུས་རང་གིས་མུར༔ ཁྱད་པར་ལོཀྟི་པ་ལི་སྔགས་ཀྱིས་བསྐོར༔ ཤ་སྤུ་དྲི་མ་ཟག་རྫས་ཡོད་ན་བཞག༔ བྱ་ཐན་ལ་སོགས་གང་ཡིན་ཐམས་ཅད་ཀྱི༔ གཟུགས་དང་གཏོང་མཁན་ལ་སོགས་གོང་ལྟར་ལ༔ བཅའ་བར་བྱས་ལ་ཧོམ་ཁུང་ནང་

[Full Size]

དུ་བཞག༔ རྨི་ལྟས་ལ་སོགས་དེ་དང་འདྲ་བ་ལ༔ གང་རྨིས་ངོས་བཟུང་གོང་ལྟར་བྲིའམ་བཅའ༔ ལོཀྟྲི་ཁོ་ནར་འབད་ཅིང་ཐུན་རྫས་བྲབ༔ སྐབས་སུ་འགུགས་གཞུག་གསུམ་རེ་ཐུན་རྫ་ས་བྲབ༔ དེ་ནི་ཤི་ལྟས་ཐོན་ལྟས་བཟློག་པ་སྟེ༔ ཁྱད་པར་དགྲ་དང་བྱད་མ་བཟློག་པ་ནི༔ གོང་བཞིན་ལིངྒ་བྲི་ལུགས་ཡིན་པ་ལ༔ དགྲ་ཡི་མིང་རུས་ཟག་རྫས་མཆོག་ཏུ་བསྔགས༔ མིང་དང་བླ་དག་ཆེ་བཞི་ཆུང་བརྒྱད་བཀོད༔ མཐའ་མར་འགུགས་སྔགས་མནན་སྔགས་བསད་སྔགས་བྲི༔ འདོད་གསོལ་མིང་འཇུག་ལ་སོགས་བྱེད་དགོས་ན༔ འབྱུང་བའི་ཡི་གེ་གཞན་གྱི་རིག་པ་སོགས༔ གསང་ཚིག་མན་ངག་ལག་ལེན་ཤེས་པར་བྱ༔ དེ་ནི་ལིངྒའི་མན་ངག་ཡིན༔ བྱད་བཟློག་བསད་དང་མནན་བསྲེག་ལ་སོགས་ནི༔ གོང་ལྟར་རུས་པའི་བྲི་ལུགས་དེ་བཞིན་ནོ༔ བྱད་ལིང་ལྕེ་ནི་བྲང་གི་རྒྱ་མདོར་དྲངས༔ སྟེང་དུ་འཁོར་ལོ་རྡོ་རྗེ་རྒྱ་གྲམ་གང་རུང་བྲིསཿ མཐའ་མར་སྒྲེ་མོའི་ངག་ནན་ནུས་པ་མཱ་ར་ཡཱ་ནན༔ ཞེས་བྲིས༔ མིང་རུས་བླ་དག་གོང་ལྟར་བྲིས་པ་ལ༔ མཐའ་མར་བྱད་བཟློག་གང་ཡིན་ནང་ལྟར་བྲིས༔ ལྷ་མིང་བྲིས་ལ་ཤམ་བུ་བསྒྱུར་དགོས་སོ༔ ཁྱད་པར་ཁོ་ཡི་ལྷ་མིང་སྔགས་ཀྱིས་

[Full Size]

བསྐོར་བར་བྱ༔ སྤུ་གྲི་རང་གཤེད་རང་སོད་སྔགས་རྣམས་བྲིས༔ སྡེ་བརྒྱད་སྔགས་ནི་མདེའུ་ཐུང་༔ མན་ངག་གནད་ཀྱི་རྒྱལ་པོ་ཡིན༔ དེ་ནི་བྱད་བཟློག་མན་ངག་ཡིན༔ དེ་ནི་སྲི་མནན་ལ་སོགས་གོང་དང་མཚུངས༔ གང་དགོས་མིང་གི་ཤམ་བུ་བསྒྱུར༔ དེ་ལྟར་ཡི་གེ་རུས་པ་ལེགས་བྲིས་ལ༔ ལྷ་དང་དབྱེ་བའི་རྫས་རྣམས་བསགས༔ ཁྱི་དང་སྤྱང་ཀི་རིལ་སྐྱག་དང་༔ ཁུལ་སྤུ་ལ་ཆ་གུ་གུལ་དང་༔ ལྷམ་ཚང་ཡུགས་སའི་དོར་རྟ་སོགས༔ ཐང་ཕྲོམ་འབྲས་བུ་ལ་སོགས་པའི༔ དབྱེ་རྫས་བསགས་ལ་ལིངྒ་ནི༔ སྐྱེར་པ་གླང་མ་སེ་ཤིང་སོགས༔ གང་རུང་སྐམ་ཁའི་བར་དུ་ལྟེམ་ལག་གཉིས་བྱ་རོག་འུག་སྒྲོ་སོགས༔ འབྲུ་ནག་ཐོགས་ཏེ་སྔགས་ཆས་སྤྲོད༔ གསེར་སྐྱེམས་གཟུ་དཔང་ལྷ་དབྱེ་བྱེད༔ འགུགས་གཞུག་དགུའམ་གསུམ་རེ་བྱ༔ འགུགས་སྔགས་བརྒྱ་སྟོང་འབོད་པ་ལ༔ རྫས་རྣམས་བདུག་ལ་ཐུན་རྫས་བྲབ༔ རང་གི་དྲི་མས་མ་གོས་ཕྱིར༔ མེ་ཆུ་རླུང་གི་ཁམས་དང་སྦྱརཿ དེ་ཡིས་ཉེས་པ་མི་འབྱུང་ངོ་༔ ལེགས་ལྟེབ་བྱེད་པ་གཞན་དུ་ལས༔ ཚིགས་བཞི་ཕུད་དང་ཁ་རྐུབ་སྤྱད༔ སྔོ་དམར་སྐུད་པ་ཡུགས་སའི་སྐས༔ རྒྱ་གྲམ་བཅིང་ཞིང་ཕུང་རེ་ཡིས༔ རོ་

[Full Size]

རས་ཞུགས་གཞི་ཕྱག་ལེན་ནོ༔ དེ་ནས་དམ་དུ་དྲིལ་བར་བྱ༔ ཧོམ་ཁུང་ནང་བཅུག་ཁ་བཅད་ནས༔ སྟེང་དུ་ཕུར་པས་རྒྱས་གདབ་བྱ༔ དེ་ལྟར་བཅའ་གཞི་ཀུན་ཚང་སྟེ༔ དང་པོའི་མན་ངག་མངོན་བྱུང་སྟེ༔ དེ་དག་བཅའ་གཞི་ཕྱག་ལེན་ནོ༔ དེ་ནས་འདོན་ལུགས་ཕྱག་ལེན་ནི༔ ལྷ་གཞུང་གཞན་རྣམས་བཏགས་ཀྱང་རུང་༔ འགུ་དྲག་རྟ་མགྲིན་དམར་པོ་སོགས༔ གང་རུང་སོགས་ནས་ཚོགས་ལས་ལྷག་མ་ཡན་བཏང་བའི་རྗེས་སུ་མདོས་རྣམས་བསངས་ཆུས་བྲན༔ ཨོཾ་བཛྲ་ཀྲོ་ཏ་སོགས་ནས་བཟུང་བསྐང་བའི་བར་ཉིད་དུ༔ གྱེར་བྷེ་སྦྲགས་ལ་འདོན་པ་སྟེ༔ སྤྲོ་ན་ཚོགས་བྱས་བསྐང་བཤགས་འདོན༔ དེ་ནི་ཚོགས་ནི་ཉང་ལུགས་གཞུང་ལྟར་བྱེད༔ ཚོགས་ཕུད་གཏོར་བསྔོས་ཆ་ཚང་འདོན༔ བར་པས་བསྐང་བ་གསོས་ལ་བསྐང་འབྲས་འདོན༔ བསྐང་བ་གཞན་དུ་མ་ཡིན་མདོས་ཉིད་ཡིན་བཤགས་པ་འདོན་ཞིང་ཡིག་བརྒྱ་ཚར་མང་བརྗོད༔ དེ་ནས་དམར་བཤོས་བཤམས་ཤིང་བསངས་ཆུས་བྲན༔ བྱིན་རླབས་བསངས་སྦྱངས་ལེགས་པར་བྱས་ནས་ནི༔ མཆོད་གཡོག་པས་ནི་མདའ་དར་གཡས་ན་བཟུང་༔ སྤོས་དུད་བཏང་ཞིང་རོལ་མོ་དྲག་ཏུ་འཁྲོལ༔ མངའ་གསོལ་

[Full Size]

འདོན་ཞིང་མདོས་སམ་ནམ་མཁར་ཕུལ༔ དེ་ནས་གཞུང་ལྟར་བཟླས་ཤམ་སྦྱར་བ་བརྒྱའམ་སྟོང་༔ བསྒྲུང་བའི་རྗེས་སུ་གསེར་སྐྱེམས་ཕུད་རྒོད་སྦྲེང་༔ ཧོམ་ཁུང་ཁ་ཕྱེ་ཟན་ལིང་ཆེ་བ་བཞག༔ བསྒྲལ་ཆས་ཐུན་རྫས་མཁོ་བའི་ཡོ་བྱད་བཤམས༔ སྔགས་ཆས་སྤྲད་ལ་ཤིན་ཏུ་ཁྲོ་ཚུལ་སྟོན༔ གཞུང་ལྟར་གཟུ་དཔང་ཧོམ་བསྐྱེད་བཀུག་གཞུག་དང་༔ འགུགས་སྔགས་མཚམས་སུ་གང་ཡིན་མིང་བཙུག་ལ༔ བརྒྱ་སྟོང་ཉེར་གཅིག་དགུ་སོགས་བཟླ་བར་བྱ༔ ཕྱག་རྒྱ་བཞི་ཡིས་རྒྱས་བཏབ་ཆུ་ཡིས་བྲན༔ ཉེས་བསྒྲུག་གཟུ་དཔང་གནང་བ་བསྒྲལ་ལུང་བླང་༔ བྱེ་བྲག་ལྷ་དབྱེ་གཟུ་དཔང་འབྲུ་ནག་བྲབ༔ ཕུར་པ་མངའ་གསོལ་གསུང་བཞིན་ཀླད་ལ་བསྐོརཿ བཟློག་ཕྱིར་སྐྱེད་དང་ཕོ་རྒྱུད་འདུལ་ཕྱིར་གཡས༔ མོ་རྒྱུད་འདུལ་ཕྱིར་གཡོན་དྲིལ་བསྒྲལ་ཕྱིར་ལིངྒར་བཏབ༔ དེ་དག་ལན་རེ་གསུམ་གསུམ་བསྐོར་བ་འདྲིལ༔ ཚེ་ལུང་བྱ་ཞིང་དམིགས་བྱ་དེ༔ ལྷག་མེད་གྱུར་གྱི་འཁོར་བཅས་གསོལ་བར་gཀླུབསམ༔ སྔགས་བསྒྲང་དམིགས་པ་གཟིར་ཞིང་ཐལ་མོ་བརྡབ༔ དེ་ནས་ཡབ་གཅིག་ཐུགས་རྗེ་ཆེན་པོ་སོགས༔ གང་གྲུབ་ཚར་གྲངས་མང་པོ་འདོན༔ འོན་ཀྱང་རྣལ་འབྱོར་རང་གི་

[Full Size]

རིམ་གྲོ་ལ༔ བསྐང་བ་བརྒྱ་རྩ་བཤགས་པ་བརྒྱ་རྩ་སོགས༔ མངའ་གསོལ་བརྒྱ་རྩ་ལ་སོགས་འབད་པར་བྱ༔ རྐྱེན་ཆགས་ཆེ་ན་བཟློག་པ་དེ་ལ་འབད༔ རབ་ནི་བརྒྱ་རྩ་འབྲིང་ལྔ་བསཿ ཐ་མ་ཉེར་ལྔ་དགུ་སོགས་འདོན་པ་ཡིན༔ རང་དོན་མ་གཏོགས་གཞན་གྱི་དོན་དུ་མིན༔ བྱད་བཟློག་ཡིན་ན་བཟློག་པ་དེ་ལ་འབད༔ གཞན་དག་མགོ་ནས་འབྱུང་བ་བཞིན་ཏུ་འོ༔ གདོན་ཆེན་སོགས་ལ་བརྒྱ་ཚར་འདོན་པ་སྟེ༔ གདོན་ཕྲན་རྣམས་ལ་གསུམ་ཙམ་མ་གཏོགས་པ༔ གྲངས་མང་མི་དགོས་འདོན་པར་མི་རུང་ངོ་༔ དམ་ཉམས་ངན་པའི་བསྲུང་བྱ་མི་རུང་ངོ་༔ སྔགས་དཔུང་བཅའ་བ་གནད་ཀྱི་མན་ངག་ཡིན༔ ཕྲིན་ལས་གང་སྒྲུབ་མ་ནོར་ཤེས་པར་བྱ༔ དེ་ལྟར་བཟློག་པ་རང་གཞུང་མན་ངག་གོ༔ བཟློག་པ་ལྔ་ཡི་མཚམས་སྦྱར་ནི༔ ཐོད་པ་ལྕགས་སྣོད་གང་རུང་ན༔ དམར་གཏོར་ཉ་བོ་ཤ་དུམ་བཤམས༔ གཏོར་སྣོད་ལྕགས་ཁང་གྲུ་གསུམ་འབར་བའི་ནང་དུ༔ དྲྀ་ཏྲི་ལས་དགྲ་བགེགས་ཉམ་ཐག་པའི་གཟུགས་ཅན་མགོན་སྐྱབས་ཀྱི་ལྷ་དང་ཕྲལ་ནས་འདར་ལྡི་ལི་ལི་བྱེད་པར་གྱུར༔ ན་མོ༔ དཀོན་མཆོག་གསུམ་དང་རྩ་བ་གསུམ་གྱི་བདེན་པ་དང་༔ དཔལ་ཆེན་རྟ་མགྲིན་ནག་པོའི་

[Full Size]

ལྷ་ཚོགས་རྣམས་ཀྱི་བདེན་པ་དང་༔ ལྟས་ངན་གློ་བུར་ཡེ་འདྲོགས་ཐན་བདག་གཏོང་མཁན་དང་བཅས་པ་ཐམས་ཅད་རང་གཟུགས་འདིའི་ནང་དུ་ཁུག་ཅིག༔ ཅེས་དང་༔ གོང་ལྟར་རྨིས་ལྟས་མཚན་མ་ངན་པ་ཐམས་ཅད་རང་གཟུགས་འདིའི་ནང་དུ་ཁུག་ཅིག༔ ལོ་སྐག་ཟླ་སྐག་ཞག་སྐག་སྐག་རིགས་གདོན་རིགས་ཐམས་ཅད༔ ནད་བདག་ཡམས་བདག་རིམས་བདག་ནད་ནད་བདག་གདོན་སྣ་འདྲེན་དང་བཅས་པ་ཐམས་ཅད་རང་གཟུགས་འདིའི་ནང་དུ་ཁུག་ཅིག༔ ཡེ་འདྲོགས་སུམ་བརྒྱ་དྲུག་ཅུ་ལྟས་ངན་བརྒྱད་ཅུ་རྩ་གཅིག་དུས་མིན་འཆི་བ་བཅོ་བརྒྱད་ལ་སོགས་པའི་གདོན་ཆེན་ཐམས་ཅད་ཁུག་ཅིག༔ སོགས་ཁ་བསྒྱུརཿ སྡེ་བརྒྱད་ཀྱི་སྐབས་སུ་གོང་ལྟར་ལས༔ སྔ་དགྲ་བདར་བ་ཕྱི་དགྲ་སེམས་པ་ད་དགྲ་བསྡོ་བ་བསམ་ངན་སྦྱོར་རྩུབ་སྟོན་པའི་བྱད་ཁ་ཕུར་ཁ་གཏད་ཁྲམ་ངན་སྔགས་ཕུང་ཤིག་བྱེད་པའི་བྱད་མ་ལྷ་སྲུང་དང་བཅས་པ་ཐམས་ཅད་ཁུག་ཅིག༔ ཨོཾ་བཛྲ་ཀྲོ་ཏ་ཧྱ་གྲི་ཝ་ཧཱུྃ་ཕཊ༔ ཡཀཱ་ནག་པོ་ནི་ཏྲི་ཧུར་ཤྲཱི་ཛཿ གནོད་བྱེད་དགྲ་བགེགས་བླ་སྲོག་རྣམ་པར་ཤེས་པ་རེ་མ་ཏི་འགྲིམ་འགྲི༔ ཤ་མ་རུ་ཏི་ཤྲཱི་ཐུ་མྱོག་མྱོག་ཡད་ཡད་ཤ་མ་རུ་ཏི་ཁུག་ལིང་ཤག་ལིང་མྱོག་ལིང་ཐུ་རྩ་མུན་ཏི་

[Full Size]

བྷྱོ༔ ཛཧཱུྃ་བཾ་ཧོ༔ བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ༔ བཛྲ་སྤོ་ཊ་བི༔ བཛྲ་གནྡྷེ་ཧོ༔ བཛྲ་ཨཱ་ཝེ་ཤ་ཡ་ཨ་ཨཱཿ ཞེས་གསུམ་མམ་ལྔ་དགུ་སོགས་བཟླས༔ དབྱེ་བ་འབྲུ་ནག་བྲབ་བར་བཛྲ་པྲ་ཝེ་ཤ་ཡ་ཕཊ༔ ཅེས་དང་ཁྲག་གིས་བྲམཿ བསྒྲལ་བ་ནི༔ ཧཱུྃ༔ ང་ནི་རྟ་མགྲིན་ནག་པོའི་སྐུ༔ པྲ༴ བཀའ༴ གཡས་ཀྱི་ཕྱག་ན་རལ་གྲི་འཛིན༔ གཡོན་གྱི་ཕྱག་ན་ལྕགས་ཀྱུ་འཛིན༔ ལྕགས་ཀྱུས་ཟུངས་ལ་རལ་གྲིས་གཏུབས༔ རྡུལ་ཕྲན་བཞིན་ཏུ་བརླག་པར་གྱིས༔ ཨོཾ་བཛྲ་ཀྲོ་ཏ་སོགསཿ ཡཀྵ་ནག་པོ་ཀྲྀ་ཏྲི་ཧུར་ཤྲཱི་ཛཿ བཛྲ་ཀཱི་ལི་ཀཱི་ལ་ཡ༔ མཱ་ར་ཡཱ་ཛ་མཱ་ར་ཡ་ཁུག༔ མཱ་ར་ཡ་རྦད༔ མཱ་ར་ཡ་སོད༔ ཕུར་པས་གཏུབས༔ བདག་མདུན་ཐུགས་ལས་ཛཡིག་དམར་ནག་འཕྲོས༔ སོགས་ནས༔ ཚེ་བསོད་དྲི་ཡིག་བར་ཅད་བརྒྱད་བསྒྲུང་༔ གཏུབས་ནས༔ དགྲ་བགེགས་ཀྱི་ཤ་ཁྲག་རུས་གསུམ་གཏི་མུག་ཤའི་རི་བོ༔ འདོད་ཆགས་ཁྲག་གི་རྒྱ་མཚོ་ཞེ་སྡང་རུས་པའི་ཕུང་པོ་བསམ་གྱིས་མི་ཁྱབ་པར་གྱུར༔ བདུད་རྩིའམ་ནི་ཁྲག་གིས་ཁྲོན༔ ཧཱུྃ༔ གནོད་བྱེད་དགྲ་བགེགས་ནད་གདོན་བྱད་མ་ཁ་བསྒྱུར་ལྟས་ངན་གྱི་དོན་སྙིང་རྣམ་ཤེས་དབང་པོ་ལྔ༔ ཕུང་ཁམས་སྐྱེ་མཆེད་ཤ་

[Full Size]

ཁྲག་རུས༔ རྟ་མགྲིན་ནག་པོའི་ཞལ༔ ཡཀཱ་ནག་པོའི༴ གནོད་བྱེད་ནག༴ ལྕགས་སྡིག་ནག་པོའི༴ མཁའ་ལྡིང་ནག་པོའི༴ དྲེགས་པ་སྡེ་བརྒྱད༴ རྒྱལ་ཆེན་ཕྱོགས་སྐྱོང༴ བཞེས་ཤིག་རོལ་ཅིག་ཁ་རཾ་ཁཱ་ཧི༔ ཨོཾ་བཛྲ་ཀྲོ་ཏ་སོགས༔ ཡཀཱ་ཀཱ་ལ་རཱུ་པ་ཡཀྵ་གྷ་རུ་ཌ་རུ་རུ་བྷ་ཤ་ཨ་ཡ་མ་དུ་རུ་ཙ་ཤ་ན་དགྲ་བགེགས་བྱད་མ་ལྷ་སྲུང་ལྟས་ངན་གྱི་མ་ཧཱ་ནཱཾ་ས་ལ་ཁཱ་ཧི༔ རཀྟ་ལ་ཁཱ་ཧི༔ ཙིཏྟ་ལ་ཁཱ་ཧི༔ གོ་རོ་ཙ་ན་ལ་ཁཱ་ཧི༔ བ་སུ་ཏ་ལ་ཁཱ་ཧི༔ ཀེ་ནི་རི་ཏི་ལ་ཁཱ་ཧི༔ གསུམ་མམ་དགུ་སོགས་འབུལ༔ ལྷ་ཚོགས་ཞལ་མེ་ཧོམ་འབར་བའི་ནང་དུ་མར་ལ་ལྕགས་སྲེག་སྦྱར་བ་ལྟར་སོང་བར་བྷེ༔ གང་བཟློག་བཟློག་སྔགས་བརྒྱའམ་དགུ་བཟླས་ཤིང་ཐལ་མོ་བརྡབ་པར་བྱ༔ བྱེ་བྲག་བཟློག་པ་ལྔ་པ་རེ་རེ་ནི༔ དོ་གལ་ཆེ་ན་གྲངས་མང་འདོན༔ གོང་བ་སྲུང་བ་སྤྱི་དྲིལ་ཡིན༔ རེ་རེ་ལ་ཡང་བླང་བར་བྱ༔ འགུགས་སྔགས་བརྒྱ་སྟོང་ཉེར་གཅིག་བྱ༔ གཞན་དང་བསྟུན༔ སྒྲུབ་པ་གང་ཡིན་མིང་རུས་དང་༔ དྲི་མ་ཟག་རྫས་ཡོད་ན་བཟང་༔ གནད་ཀྱི་རྒྱལ་པོ་མན་ངག་ཡིན༔ དགྲ་བགེགས་བྱད་མའི་མིང་རུས་ཤེས༔ མིང་ནས་བརྗོད་པ་བྲི་བར་བྱ༔ ཟངས་ལྕགས་འཁོར་

[Full Size]

ལོའི་བར་དུ་བསྟིམ༔ རྡུལ་ཕྲན་བཞིན་དུ་གཏུབས་པར་བསམ༔ ཐན་བཟློག་ལོཀྟི་པ་ལ་དཔུང་དང་བཅས༔ བྱད་བཟློག་སྔགས་འདི་མདེའུ་ཐུང་༔ གཞན་དུ་གསལ་ལྟར་ཤེས་པར་བྱ༔ དགྲ་བགེགས་བཟློག་པ་སྡེ་བརྒྱད་ཉིད་ལ་འབད༔ སྤྱི་དྲིལ་རང་གཞུང་སྔགས་ལ་འབདེ༔ དགྲ་འདྲེ་བྱད་གསུམ་གང་ཡིན་དེ༔ འགུགས་ཆད་སོགས་དང་བསད་ལས་དུསཿ མིང་ནས་འཛིན་པ་གལ་ཆེའོ༔ གོང་ནས་ལིངྒ་མན་ངག་བཞིནུ༔ འོག་གི་གཤེད་དང་ཤེས་པར་བྱ༔ བསད་དང་བཟློག་དང་མནན་པ་དང་༔ བསྲེགས་པ་ལ་སོགས་གང་སྐབས་བྱ༔ དགྲ་བསྲེག་འདྲེ་མནན་ལག་ལེན་ཡིན༔ མནན་པའི་དུས་སུ་ཁྱི་ཐོད་དམ༔ གཡག་རུ་དང་ནི་རྟ་རྨིག་གམ༔ རབས་ཆད་ཐོད་པར་བཅུག་པར་བྱ༔ ལས་ཀྱི་མཐའ་སྡུད་དུས་སུ་ཅེས༔ དེ་ནས་དགྲ་ལ་བྱེད་ན་བྷནྡྷའི་ཐོད༔ བོན་པོ་ལ་གྲུམ་པ༔ སྐྱེས་པ་ལ་རབས་ཆད༔ བུད་མེད་ལ་མཛོ་དྲེལ༔ ཐོད་པར་བཅུག་པ་མན་ངག་ཡིན༔ དེའི་འགྲོས་སུ་དགོས༔ དེ་ནས་དགྲ་བགེགས་བྱད་མ་ཁོ་ནར་གནད་ཆེ༔ ལིང་གའམ་ནི་གཏོར་ཆུང་གང་ཡིན་ལ༔ ལན་གསུམ་འབོད་རྦད་བསད་ལ་བསྒྲང་༔ མདོས་ལ་ཕུལ་ཞིང་སྔགས་ལ་ནན་ཏན་བྱ༔ སྡེ་བརྒྱད་

[Full Size]

བཟློག་པ་གཞུང་ལྟར་གང་སྐབས་འདོན༔ དེ་ནས་ལྷག་མ་བསྔོས་ལ་མདོས་ཀྱི་ལྕགས་རིར་བླུག༔ རྩང་རྒྱན་འདོན་ཞིང་གོང་བཞིན་སྔགས་རྣམས་བཟླས༔ དེ་ནས་ཞག་གྲངས་གསུམ་མམ་ལྔའམ་བདུན་དགུ་སོགསཿ གང་སྒྲུབ་དེ་བཞིན་མ་ནོར་ཤེས་བཞིན་བྱས༔ ཚར་གྲངས་འདོན་ལུགས་གོང་དུ་སྨོས་བཞིན་བྱ༔ དེ་ནི་གཏོར་ཟློག་བཅའ་འདོན་མན་ངག་སྟེ༔ མ་ནོར་འཁྲུལ་མེད་ཡིན་པས་དེ་ལྟར་མཛོད༔ ༈ དེ་ནས་གཏོར་ཟློག་འབུལ་ཁའི་ལས་རིམ་ནི༔ རི་ཁྱིམ་གང་ཡིན་མདུན་དེར་རེ་ཕྱར་བཏིང་༔ གྲུ་གསུམ་བྲིས་པའི་ལྟེ་བར་ཧྲཱིཿ་ཏྲི་བྲི༔ ཧོམ་ཁུང་ནང་གི་ལིངྒ་གན་རྐྱལ་བཞག༔ ཟན་ལིང་གཅིག་བཞག་ཡོན་བདག་གྲལ་དུ་འཁོད༔ ཕོ་རྣམས་གཡས་གྲོལ་མོ་རྣམས་གཡོན་གྲལ་འདུག༔ ནད་པ་ཡིན་ན་མདོས་ཀྱི་སྣ་དྲངས་འདུག༔ དགྲ་ཆོས་ཡིན་ན་དགྲ་ཆོས་ལག་ལེན་ནི༔ མདའ་གྲི་མདུང་དང་དགྲ་མཁར་བཤམ་པར་བྱ༔ དེའང་ཁྱད་པར་མན་ངག་གནད་ཀྱི་ལྡེའུ་མིག་ཡིན༔ ཉིད་ཙ་ཐུ་ནས་མདའ་བྱ་ཤན་ཀྱའི་མདུང་༔ སེ་ཤིང་མི་རྣམས་གླང་མའི་རྟ་རྣམས་བྱ༔ སྲོམ་པའི་གྲི་ལ་བ་ཤིང་གཞུ་རྣམས་བྱ༔ རང་ཟོག་མ་ཡིན་ལུག་དཔུང་གཡོས་པ་གཅིག༔ ས་ལ་བྱས་

[Full Size]

པའི་མཁར་གཟུགས་གཅིག་ཀྱང་བྱ༔ གྲུམ་པའི་ཐོད་པ་ལ་སོགས་གོང་སྨོས་ལྟར༔ གང་འཛོམ་མདོས་གདན་ནང་དུ་བཤམས་པར་བྱ༔ དེ་ནས་གསེར་སྐྱེམས་གདབ་ལས་གོང་བཞིན་འདོན་པ་ལ་གཏོར་ཆུང་བཅུ་གསུམ་ཉ་བོ་ཤ་དུམ་བཤམས༔ འགུགས་གཞུག་ལན་གསུམ་འབོད་རྦད་སྔགས་འདོན་ཞིང་༔ ཁཱ་ཧི་བྱ་ཞིང་འདོད་གསོལ་བརྗོད་པར་དམིགས༔ བསྐུལ་པ་བྱ་ཞིང་གཏོར་ཆུང་མདོས་ནང་ཕུལ༔ དེ་ནས་ཟོར་བཤམས་ཆོས་སྐྱོང་གཏོར་མ་ནི༔ གང་དགོས་རིམ་བཞིན་འབུལ་བའི་ཚུལ་དུ་བྱ༔ མདོས་ཆེན་ཞལ་བསྒྱུར་རོལ་མོ་དྲག་ཏུ་འཁྲོལ༔ གཞུང་གི་གསེར་སྐྱེམས་གཟུ་དཔང་ཧོམ་བསྐྱེད་བྱ༔ ཕུར་པ་མངའ་གསོལ་བར་དུ་འདོན་པ་སྟེ༔ ཧཱུྃ་ང་ནི་ཐུགས་རྗེ་ཆེན་པོའི་སྐུ༔ སོགས༴ དགྲ་ཆོས་འདོན་མའི་དཔལ་སྒྲོན་གསལ་ཚིག་དང་བསྟུན༔ དཔུང་པ་ཆོག་དང་བཅིངས་དང་མི་རྟ་ཕྱེ༔ ཐུན་རྫས་སམ་ནི་དགྲ་སྒྲུབ་རྫས་སོགས་བྲབ༔ ཀྱི་སངས་རྒྱས་ཆོས་སོགས༔ གོང་ལྟར་སྡེ་བརྒྱད་བསྐུལ༔ མཱ་ར་ཡ་སོགས་མཁར་བཤིག་དགྲ་ཡས་བཅགས༔ འབོད་རྦད་བསད་པའི་སྔགས་རྣམས་བསྒྲང་བར་བྱ༔ རྡ་རོ་བསྒྲལ་ན་གོ་ཀ་མ་བྲིས་སོ༔ མཆིས་རབ་བསྟུན་ཏེ་ཉ་བོ་བསྒྲལ་བར་

[Full Size]

བྱ༔ ཟོར་སོགས་རང་གཞུང་དེ་ཉིད་ཡིན༔ དེ་ནི་དགྲ་ཆོས་ལག་ལེན་མངོན་ཕྱུངས་ཏེ༔ དེ་མིན་གཞན་ཡང་སྐག་བཟློག་རིམ་གྲོ་དང་༔ ནད་པ་གོ་ཆོད་ཆུང་སྲི་སྨྱོ་འབོག་སོགས༔ གང་ཡིན་ལིངྒའི་གོང་ལྟར་བཤམས་པའི་རྫ་ས༔ གསེར་སྐྱེམས་ཧོམ་བསྐྱེད་བཀུག་གཞུག་ཉུང་བ་བྱ༔ གཏོར་རྫོང་ལྔ་པོ་སོང་ནས་སྒོ་དབྱེ་བྱ༔ སྡེ་བརྒྱད་དགྲ་ཆོས་སོགས་ནི་མི་བྱའོ༔ རིམ་བཞིན་ཟོར་བརྡེག་ཆོས་སྐྱོང་གང་འདོད་བསྐུལ༔ གཏོར་ཆེན་རྩེ་ཡི་ཙཀ་ལི་མདའ་དར་དང་༔ མེ་རི་ལ་སོགས་གཡང་ལེན་ལྟ་བུ་སྟེ༔ ལྷ་ཚོགས་ནམ་མཁར་གཤེགས་ལ་དཔང་པོ་བསམ༔ ནད་པ་ལ་སོགས་གཏོར་རྒྱག་བྱེད་དགོས་ན༔ ཕྲེང་བ་སྲུང་འཁོར་ལ་སོགས་ཕུད་བཅུག་ལ༔ ནད་པའི་རྣམ་ཤེས་ནི་ཡིག་ལྗང་ཁུ་དེ༔ ཚངས་བུག་ནས་ཐོན་རང་ཉིད་ཐུགས་དབུས་ཀྱི༔ ཉི་སྟེང་ཧཱུྃ་ཡིག་ཁོང་པར་གནས་པར་བྷེ༔ ཕུང་པོ་གན་རྐྱལ་གནས་པའི་སྙིང་ཁ་རུ༔ ཧོམ་ཁུང་གྲུ་གསུམ་འཇིགས་ཤིང་ཡངས་པའི་ནང་༔ ནད་བདག་གདོན་བཅས་བཀུག་ཅིང་བསྟིམས༔ ལར་ཡང་ནད་པའི་ཁམས་དང་བསྟུན་ཏེ་དགྲ་གཤེད་སྤྱད༔ མེ་གཟའ་ཚ་བ་གག་ལྷོག་གཉན་ནད་ལ༔ ཆུ་བོ་རྦ་རླབས་འཁྲུགས་སར་བརླག་

[Full Size]

པར་བསམ༔ དེ་ཡིས་འགྲེས་ཏེ་ཀུན་ལ་ཤེས་པར་བྱ༔ ཆོས་སྐྱོང་གཏོར་མ་མཇུག་ནས་བསྐུལ་ཞིང་རྒྱབ༔ ཟོར་ནི་གྲལ་ནས་ལག་འགྲིམ་ཐ་མར་རང་གིས་བླང་༔ རྐྱེན་ངན་བར་ཆད་ནད་གདོན་ཚོགས་རྣམས་ཀུན༔ འབ་བསྡུས་ཁབ་ལེན་ལྕགས་ཕྱེ་བསྡུས་པ་ཡིས༔ ལྕགས་སྲེག་སོ་ལ་སྦྲང་བུ་འབྱར་བ་ལྟར༔ རིམ་བཞིན་གང་ཡིན་དངོས་པོ་དེ་ལ་ཐིམ༔ དེ་ནས་གཏོར་ཆེན་བཏེག་ལ་དམ་བདེར་བཞེས་ཀྱིས་རྫོགསཿ ནད་པ་ཁོ་ནར་བསྐང་མཇུག་འདོད་གསོལ་བྱ༔ རྦད་བརྒྱད་བསྒྲུངས་ཤིང་ཐུན་སོགས་ནས་ཀྱིས་བྲབ༔ ཡང་ན་གཏོར་ཆེན་བཏེག་ལ་གྲལ་འགྲིམས་མགོ་ལ་བཞག༔ དབང་འབྲེལ་མེད་ན་ཕྲག་གོང་སྙིང་ཁར་གཏུགསཿ ཟོར་གྱི་དམིགས་པ་དེ་ཉིད་བྱས་པས་ཆོག༔ དེ་ནས་མན་ངག་ཟབ་པའི་ཡང་ཟབ་ཡིན། གཏོར་ཆེན་མེ་ཐབ་ལ་སོགས་བསྲེགས་པ་ནི༔ སྐྱེར་ནག་མེ་མཁར་གྲུ་གསུམ་བརྩེགས་ནས་ནི༔ ལྷ་ཚོགས་བསྐྱེད་ལ་སྤྱན་འདྲེན་བཞུགས་གསོལ་མཆོད་གཏོར་མཚམས་སུ༔ རིམ་བཞིན་གཏོར་མ་འགུགས་གཞུག་སྔགས་ཀྱིས་ཕུལ༔ གང་ཡིན་ཕུང་ཁམས་སྐྱེ་མཆེད་ཤ་ཁྲག་རུས༔ ལྷ་ཚོགས་ཞལ་ནི་མེ་ཧོམ་ཡངས་པའི་ནང་༔ བྱ་སྒྲོ་མེས་བསྲེགས་ལྟ་བུར་སོང་བར་

[Full Size]

བསམ༔ བསད་སྔགས་དུས་སུ་བརྗོད་ཅིང་འབུལ་བར་བྱ༔ ཐན་སོགས་གང་ཡིན་ཟགས་རྫས་ཡོད་ན་བཏབ༔ མེད་ཀྱང་ཤོག་ལིང་ཟན་ལིང་རོ་རྣམས་བསྲེགས༔ མན་ངག་འབྲས་བུ་སྐབས་སུ་ཞལ་དུ་ཤེས༔ དེ་ནས་གཏང་རག་གཏོར་ཆུང་བདུད་རྩིས་བྲན༔ བསྟོད་བསྐུལ་འདོན་ལ་མེ་ཧོམ་ནང་དུ་འབུལ༔ དགྱེས་པས་ཞལ་བསྟབ་གསུང་བྱུང་རྟ་སྐད་སྒྲོག༔ བསམ་ཞིང་དམིགས་མེད་ངང་དུ་གནས་པར་བཞག༔ དེ་ནས་གཏོར་གཞོང་སྦུབ་ལ་སྒབ་འདྲེ་བཀུག༔ སྒོ་ཐེམ་འོག་གམ་གང་རུང་སྦྱབ་པར་བྱ༔ བཀུག་གཞུག་བྱ་ཞིང་ལྷོརྟ་བྲོ་གཞུང་བཞིན་བྱ༔ གོང་སྨོས་གང་ཡིན་ལིངྒ་དགྲ་ཡས་སོགས༔ མནན་རྒྱུ་ཡིན་ན་ཐོད་པ་ལ་སོགས་སུ༔ བཅུག་ལ་ཐེམ་འོག་རྒྱ་གྲམ་ཚ་ཁང་མ་ཎི་ཞབས༔ ལྷ་འདྲེ་དྲག་པོ་གནས་པའི་ས་རུ་སྐྱེལ༔ གྲུ་གསུམ་བྲུས་ལ་ལིངྒ་དགྲ་ཡས་མནན༔ འགུགས་གཞུག་འགུགས་སྔགས་རྟ་བྲོ་གཞུང་ལྟར་དང་༔ དགྲ་བོ་ཡིན་ན་དགྲ་མནན་འདོན་པར་བྱ༔ གཞན་ཡང་གང་ཡིན་དེ་བཞིན་ཤེས་པར་བྱ༔ དེ་ལྟར་མིན་ན་གཏོར་གཞོང་ཡར་ཟེད་ལ༔ ནས་སོགས་འཐོར་ཞིང་ལྷ་རྒྱལ་ལོ་སོགས་བརྗོད༔ རི་འབུལ་ཡིན་ན་གཞན་རྣམས་སྔོན་བཏང་རང་

[Full Size]

ཉིད་རྒྱབ་འདུག་དལ་བཟུང་ཁྱུང་དམིགས་བྱ༔ ཁྱུང་སྔགས་འདོན་ཞིང་བྱ་ཁྱུང་དམར་པོར་བསམ༔ ཕྱིར་གྱུ་སྒབ་འདྲེ་བསྐུད་དམ་ཟོས་པར་བསམ༔ ནང་ལོག་གཏང་རག་ཚོགས་དང་བསྐང་བ་མངའ་གསོལ་བྱ༔ ཚེ་གཟུངས་ཚེ་འགུགས་ཚེ་དབང་བསྐུར་ཀྱང་རུང་༔ ནད་པའི་ཕྲེང་བ་སྲུང་འཁོར་གྱོན་བཅུག་ལ༔ ཕྲེང་བ་མགོར་བཞག་ནི་ཡིག་ཚངས་བུག་ནསཿ ཞོ་བླུག་ཚུལ་དུ་ཐིམ་ཞིང་བཀྲག་མདངས་རྒྱས༔ རྡོ་རྗེའི་གོ་ཁྲབ་ཞུ་ལུབ་གྱོན་པར་བསམ༔ བཀྲ་ཤིས་བསྔོ་སྨོན་ལ་སོགས་རྒྱས་པར་བྱ༔ དམིགས་མེད་ཀ་དག་ཟང་ཐལ་ཀློང་དུ་བཞག༔ དེ་ལྟར་བྱས་ན་བྱང་ཆུབ་ལམ་མཆོག་བརྙེས༔ ང་རྒྱལ་དྲེགས་པའི་ལས་ལ་ཅི་མ་ཆོད༔ ཅེས་པ་རྟ་མགྲིན་ཡང་ཕྱུང་ནག་པོ་ལས་རིམ་བདུན་མའི་ཉམས་སུ་ལེན་ཚུལ་ཕྱག་ལེན་འདོན་ཆ་དགྲ་ཆོས་གང་དགོས་སྐབས་སུ་ཕྱེ་ནས་རྒྱས་པར་བསྒྲིགས་པ་ཡིན་གྱིས་ཉམས་སུ་ལེན་ངེས་ཀྱི་བུ་མ་གཏོགས་རིས་ཆོད་གཟུ་ལུམ་ང་རྒྱལ་གྱི་ཞལ་ནས་རྐང་འདྲེན་གནོང་ཅན་རྣམས་ལ་གསང་རྒྱའོ༔ འདི་ཡང་བཅའ་འདོན་སོགས་ལས་ཚོགས་བཅས་པ་ཤིན་ཏུ་བཀའ་གཉན་པས༔ བསྙེན་སྒྲུབ་ཚད་དུ་བསྐྱལ་བ་མ་གཏོགས་མི་རུང་ཞིང་༔ བྱས་ཀྱང་མི་ཕན་རང་ལ་གནོད་ཅིང་

[Full Size]

ལྡོག་པའོ༔ དེ་ལྟར་མཛད་པ་ཉམས་སུ་ལོངས༔ དཔེའུ་རིས་དང་ཟིན་བྲིས་འདི་མཆོག་ཏུ་གཅེསཿ མེད་ཀྱང་བལྟས་ཆོག་རིམ་གྲོ་སོགས་ལ་འགལ་བ་མེདཿ ཅེས་མན་ངག་སྙིང་དང་འདྲ་བ་ཡིན་གྱིས་སྙིང་གི་བུ་མཆོག་བྱུང་བ་སྙིང་འདྲ་བ་ལ་འདི་ཉིད་བསྟན་ནས༔ གཞན་གྱི་ལས་ཚོགས་གང་ལའང་༔ འདི་ཉིད་མེད་ཐབས་མེད་པ་ལག་རྡུམ་བྲག་ལ་འཛེགས་པ་དང་འདྲ་བ་ཡིན༔ དགེ་སློང་རཱ་གའི་མིང་ཅན་མན་ངག་བྱུང་༔ དེ་ཕྱིར་རང་ལ་རེ་ལྟོས་ཉམ་ཆུང་ལ༔ རེ་བ་བཀང་ནས་རེ་དོགས་བྲལ་བའི་ཕྱིར༔ རེ་ལྟོས་རྗེས་འཛིན་རེ་བ་ཉམ་གྱིས་བསྒྲིགས༔ ཉེས་འགལ་མཆིས་ན་རྩ་གསུམ་ཆོས་སྐྱོང་དང་༔ རྟ་མགྲིན་ལྕགས་རལ་འཁོར་བཅས་ཉིད་ལ་བཤགས༔ དགེ་བས་འདི་བྲིས་སེམས་ཅན་མ་ལུས་པ༔ བདེ་ཆེན་ཞིང་བགྲོད་དབང་ཆེན་ཉིད་ཐོབ་ནས༔ སྤྲུལ་པས་འགྲོ་བ་དོན་ཆེན་འགྲུབ་ཕྱིར་བསྔོ༔ བླ་མ་ཡི་དམ་མཁའ་འགྲོའི་ཚོགས་རྣམས་ཀྱིས༔ བདག་གི་ནད་གདོན་བར་ཆད་འཇོམས་པ་དང་༔ དུས་རྣམས་ཀུན་ཏུ་བསྲུང་ཞིང་བསྐྱབ་ཏུ་གསོལ༔ བཀྲ་ཤིས་བདེ་ལེགས་འབྱུང་བར་བྱིན་གྱིས་རློབས༔ སརྦ་མངྒ་ལཾ།།

[Full Size]

ཤོག་སྟོང་།

དཔལ་རྟ་མགྲིན་ནག་པོ་ལྕགས་རལ་ཅན་གཏེར་ཁ་གོང་འོག་གི་གཏོར་ཟློག་བཅའ་འདོན་མན་ངག་གི་ཟིན་བྲིས་བལྟས་ཆོག

[Full Size]

དཔལ་རྟ་མགྲིན་ནག་པོ་ལྕགས་རལ་ཅན་གཏེར་ཁ་གོང་འོག་གི་གཏོར་ཟློག་བཅའ་འདོན་མན་ངག་གི་ཟིན་བྲིས་བལྟས་ཆོག་བཞུགས་སོ།།

[Full Size]

ན་མོ་རྒྱ་གྷི་ཝ་ཡེ། རྟ་མགྲིན་གཏོར་ཟློག་ཟིན་བྲིས་ནི། །ལྕགས་སྣོད་ནང་དུ་འཇིམ་ཞལ་སྟེང་། །འཁོར་ལོ་རྩིབས་བཞི་དེ་ཡི་རྒྱབ། །རྩིབས་བརྒྱད་བྲི་སྟེ་ནག་པོ་བྱ། །དབུས་དང་རྩིབས་ནི་རེ་རེ་ལ། །ཁྲུབ་ཁུང་བྲུས་ནང་ཟན་ལིང་བཞག །བསྡུ་ན་རྩིབས་སོགས་མེད་ཀྱང་ཆོག །དམར་གཏོར་ཆེ་བ་གཅིག་ལ་ནི། །རྩང་ནི་ཉི་ཤུ་རྩ་བརྒྱད་བཙུགས། །དེ་རྒྱབ་དམར་གཏོར་ཆུང་བ་བཞི། །རྩང་ནི་བདུན་རེ་དེ་ཡི་རྒྱབ། །སྡེ་བརྒྱད་བཤོས་བུའམ་དམར་གཏོར་བརྒྱད། །རེ་རེར་རྩང་ནི་གསུམ་རེའོ། །དེ་རྒྱབ་རྩང་རིང་ཉེར་བརྒྱད་བསྐོར། །རྩེ་ལ་ཁྱུང་གི་ཙཀླུ་

[Full Size]

དང་། །དར་ནག་གདུགས་ནི་འབུབ་པར་བྱ། །གཏོར་མ་རྣམས་ལ་ཤ་དང་ནི། །ལིང་མགོ་ཐུར་བསྟན་པ་བཙུགས། །གཏོར་ཆུང་ཟན་ལིང་མང་དུ་བསགས། །བླ་མ་ཡི་དམ་ལས་གཞུང་བསྲང་། །དེ་ནས་བདག་བསྐྱེད་ཉང་ལུགས་སམ། །རཏྣ་ལུགས་ཀྱི་རྟ་མགྲིན་བསྒོམ། །མདུན་བསྐྱེད་རྟ་ནག་ཉང་ལུགས་ནི། །གཙོ་འཁོར་ལྔ་དང་དེ་ཡི་རྒྱབ། །སྡེ་བརྒྱད་བསྐོར་བ་གཞུང་ལྟར་བསྐྱེད། །སྤྱན་འདྲེན་མཆོད་བསྟོད་ཉིང་ལུགས་ལྟར། །རང་གི་ཐུགས་ཀའི་སྔགས་འཁོར་ལས། །འོད་ཟེར་སྔགས་ཕྲེང་མདུན་བསྐྱེད་ཞལ། །ཐུགས་ཀར་བརྒྱུད་དེ་ལྟེ་བ་

[Full Size]

ནས་། །ཚུར་བྱུང་རང་གི་ལྟེ་བ་ནས། །ཐུགས་ཀར་བསྟིམ་པའི་སྔགས་ཕྲེང་ལས། །མེ་དཔུང་ཚྭ་ཚྭ་འཕྲོས་པ་ཡིས། །གནོད་བྱེད་ཐམས་ཅད་ཚར་བཅད་བསམ། །ཉང་ལུགས་རྩ་སྔགས་བསྙེན་པ་དང་། །རྗོད་བརྒྱད་ཅུང་ཟད་བཟླས་པའི་རྗེས། །ལས་རིམ་བདུན་པའི་གཞུང་ལྟར་དུ། །སྤྱན་འདྲེན་མཆོད་བསྟོད་མངའ་གསོལ་དང་། །བསྐང་བ་ལ་སོགས་གཞུང་ལྟར་བཏང་། །དེ་ནས་ལིང་བསྐྱེད་ཆོག་དང་། །འགུགས་གཞུག་བསྒྲལ་ལས་ཉིང་ལུགས་ལྟར། །ལིང་རོ་བསྟབ་ལ་བཟློག་པ་འདོན། །གཏོར་ཆུང་རེ་བྲན་གཙོ་བོ་དང་། །འཁོར་གསུམ་བསྐུལ་པ་རེ་རེ་དང་། །བཅས་ཏེ་གཏོར་ཆུང་རེ་རེ་འབུལ། །བཟློག་པ་ཡིན་ན་སྡེ་བརྒྱད་ནི། །གོ་ཆ་ཅན་གྱི་བསྐུལ་རེ་དང་། །བཅས་ཏེ་སོ་སོར་གཏོར་ཆུང་འབུལ། །དགྲ་ཆོས་ཡིན་ན་སྡེ་བརྒྱད་ཀྱི། །བསྐུལ་པ་གོ་ཆ་མེད་པ་ཅན། །རེ་རེའི་བསྐུལ་རེར་གཏོར་ཆུང་འབུལ། །དེ་ནས་གཞུང་གི་དགྲ་ཆོས་འདོན། །དེ་ནས་རྩང་གྱེར་གཞུང་ལྟར་འདོན། །ཐན་བྱུང་ན་ནི་ཐན་བཟློག་ནི། །ཉང་ལུགས་གཞུང་ལྟར་འདོན་པར་བྱ། །ཐུན་མཚམས་མདུན་བསྐྱེད་གཙོ་འཁོར་ལས། །སྤྲུལ་པ་ཡང་སྤྲུལ་ཁྲོ་ཁྱུང་ཚོགས། །དཔག་མེད་འཕྲོས་པས་

[Full Size]

གནོད་བྱེད་རྣམས། །བསྐད་དང་བསད་པའི་དམིགས་པ་བཅས། །རྩ་སྔགས་བསྙེན་ཅིང་རྦད་བརྒྱུད་ཀྱང་། །ཅུང་ཟད་བསྙེན་པ་མན་ངག་གོ །གལ་ཆུང་འཇམ་པར་འདོད་ན་ནི། །སྡེ་བརྒྱད་བསྐུལ་པ་མི་འདོན་ནོ། །དེ་ལྟར་ཞག་གྲངས་གསུམ་ལྔ་བདུན། །དེ་ནས་རང་གཞུང་གསེར་སྐྱེམས་དང་། །སྒོ་དབྱེ་བྱས་ལ་མདོས་ཞལ་བསྒྱུར། །སླ་ངའི་ནང་དུ་ཤོག་ལིང་ངམ། །ཟན་ལིང་བཞག་ལ་བཀུག་གཞུག་བྱས། །སྡེ་བརྒྱད་སོ་སོའི་བསྐུལ་རེ་དང་། །བཅས་ཏེ་གཏོར་མ་ལིངྒར་རྒྱོབ། །དེ་ནས་གཙོ་འཁོར་ལྔ་པོ་ཡི། །གནོད་སྦྱིན་ཡཀཱ་སྡིག་པ་ཁྱུང་། །བསྐུལ་རེ་དང་བཅས་རེ་རེ་བརྒྱབ། །ཁྱུང་སྡིག་བསྐུལ་ལ་སྔགས་རིང་ནི། །འདོན་ཞིང་རྒྱབ་སྟེ་ཡང་ན་ནི། །ཆོས་དབང་ལུགས་ཀྱི་ཁྱུང་སྡིག་སབ། །སྤྲོ་ན་རཏྣ་པད་གླིང་གི །ལྟུང་སྡིག་བསྐུལ་པ་སབ་ཀྱང་རུང་། །དེ་ནས་གཙོ་བོའི་བསྟོད་བསྐུལ་བཅས། །གཙོ་བོའི་གཏོར་མར་མེ་རུ་བཙུགས། །སྣོད་ཏུ་བཞག་ལ་སྦྱིན་བདག་གི །མགོ་འམ་ཕྲག་པའི་གོང་དུ་འགྲིམ། །དེ་ནས་མཆོད་གཡོག་པས་བཀྱག་སྟེ། །བཟློག་པའམ་བཟློག་ཐུང་བཞེས་འབོད་བཅས། །མེ་ཧོམ་ནང་དུ་འབུལ་བར་བྱ། །ཟོར་

[Full Size]

གཏོར་ཐམས་ཅད་མེ་ལ་བསྲེགས། །གཏོར་སྣོད་སྒྲུབ་ལ་རྟ་བྲོ་བརྡུང་། །དེ་ནུབ་རྗེས་ཆོག་གཏང་རག་གི །རྟ་མགྲིན་མཆོད་བསྟོད་བསྡུས་པ་བྱ། །དེ་རྣམས་ཉང་ལུགས་ཕྱག་ལེན་ནོ།།་༈ ཨེ་མ་ཧོ། །གཞུང་ནས་བསྲེ་བསླད་མ་གསུངས་ཀྱང་། །སྔགས་རྒན་འགའ་རེའི་ཕྱག་སྲོལ་ལྟར། །རཏྣ་གླིང་གི་རྟ་ནག་ལུགས། །བཅའ་ཚོགས་གོང་དང་མཐུན་པ་ལ། །དམར་གཏོར་རྩང་བཅས་གཙོ་འཁོར་ལྔ། །དེ་རྒྱབ་མཐེབ་སྐྱུ་བརྒྱད་བཞག་གོ །དེ་རྒྱབ་རྩང་གིས་བསྐོར་བྱས་ལ། །བདག་མདུན་གཉིས་ཀ་ལྷ་ལྔ་བསྒོམ། །དེ་ནས་ལིངྒ་བསྒྲལ་ཆོག་ནི། །རང་གིས་གང་བདེ་སྦྱར་བྱས་ལ། །ལིང་རོ་མདོས་ཀྱི་ཞལ་དུ་བསྟབ། །དེ་ནས་བཟློག་གཞུང་ཉང་ལུགས་སྦྱར། །ཉང་ལུགས་ལས་རིམ་བདུན་མ་ནི། །མཐར་ཆགས་བཏོན་ཀྱང་འགལ་བ་མེད། །ཐུན་མཚམས་བསྙེན་པ་རྦད་བརྒྱད་བཟླས། །དེ་ནས་གསེར་སྐྱེམས་སྒོ་དབྱེ་ནི། །མཚོན་ཆ་འཁོར་ལོ་སབ་པར་རུང་། །ཕྱི་རུ་འབུལ་ལམ་གཏོར་ཁ་སྟོན། །གང་འདོད་སྤྱི་མཐུན་བྱ་བར་རུང་། །སྡེ་བརྒྱད་སྦྱར་ན་རྩུབ་ཅིང་གཉན། །མི་སྦྱར་བསྐང་བཟློག་ཚར་མང་འདོན། །ཐུན་མཚམས་བསྙེན་པ་མང་དུ་བྱ། །གཏོར་སྒྲུབ་

[Full Size]

ཡིན་པས་བསྙེན་པར་འགྲོ། །མང་དུ་བྱས་ཀྱང་བྱིན་རླབས་ཆེ། །སྔགས་རིང་མང་ན་ཟབ་ཅིང་གཉན། །གཏོར་ཟློག་བརྒྱ་རྩ་གཉིས་པོ་ཡི། །འགྲིག་ཆོག་བདག་གིས་བསྒྲིགས་པ་ཡི། །དཔེ་ཆ་ཡོད་ཀྱང་འདིར་མ་མཆིས། །གོ་བའི་བུ་ལ་བརྡའ་ཡིས་ཆོག །ཧ་ཁོག་གོ་ལ་གང་བྱས་བདེ། །སྔགས་འཆང་དབང་དྲག་ཅེས་བྱ་ཡི། །ངོ་མ་ཆོག་པར་འཕྲལ་དུ་བྲིས། །རྒྱས་པར་བྲི་བར་མ་ཁོམ་ཡང་། །རྩ་ཚིག་འདི་ལ་མ་འདུས་མེད། །དེ་སྐད་འཕྲལ་དུ་རྣལ་འབྱོར་པ། །རཱ་ག་ཨ་སྱས་རེག་ཟིན་བྱས། །འགལ་མཆིས་བཤགས་ཤིང་དགེ་མཆིས་ན། །བླ་མེད་བྱང་ཆུབ་ཐོབ་གྱུར་ཅིག །མངྒ་ལཾ། །རྟ་མགྲིན་བཟློག་པའི་ཟིན་བྲིས་འདི། །ཆགས་མེད་རིན་པོ་ཆེའི་ཕྱག་བྲིས་ལས་བཤུས་ཏེ་དཔེ་འདི་ཀ་རང་ལགས་སོ། །ཞེས་པ་གནས་མདོ་སངས་རྒྱས་རིན་པོ་ཆེའི་ཕྱག་བྲིས་ངོ་མའི་བུ་དཔེ་འདི་ཀའོ་ཀརྨ་ཉི་མས་གསུང་པའི་བུ་འདི་ཤིན་ཏུ་དག །སརྦ་མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གཏོར་མའི་དཔེའུ་རིས།

[Full Size]

རི་མོ་ཡོད།

[Full Size]

རི་མོ་ཡོད།

ལས་རིམ་བདུན་མའི་གཏོར་ཟློག་བཅའ་ཐབས།

[Full Size]

ན་མོ་གྱ་གྷི་ཝ་ཡེ། ལས་རིམ་བདུན་པའི་བཅའ་ཐབས་ནི། །ལྕགས་སྣོད་གཙང་མ་ཕུབ་མས་བཀང་། །དེ་སྟེང་འཇིམ་པའི་ཞ་ལ་བྱུགས། །དེ་སྟེང་འཁོར་ལོ་རྩིབས་བརྒྱད་བྲི། །དེ་སྟེང་གྲུ་བཞི་ཟུར་མདུན་བསྟན། །དེ་སྟེང་འཇིམ་པ་གྲུ་གསུམ་བཞག །དེ་དག་སོ་སོར་གྲུ་གསུམ་བྲུ། །ཐམས་ཅད་ནག་པོ་ནང་ནི་དམར། །གྲུ་གསུམ་རེ་ནང་ལིང་ཆུང་བཞག །དེ་སྟེང་དབུས་སུ་དམར་གཏོར་ཏེ། །རྩེ་ལ་མར་གྱི་མེ་རི་དང་། །ཟུར་ལ་རྩང་ཆུང་ཉེར་གཅིག་བཙུགས། །དེ་རྒྱབ་དེ་ཡི་སུམ་གཉིས་ཙམ། །སླེབས་པའི་འཁོར་བཞི་དམར་གཏོར་རེ། །མར་རྒྱན་མི་བྱ་རྩང་བདུན་རེ། །དེ་རྒྱབ་སྡེ་བརྒྱད་བཤོས་བུ་འམ། །ཡང་ན་དམར་གཏོར་ཆུང་ཆུང་བརྒྱད། །བཤོས་བུ་བྱེད་ན་མར་ཡང་བརྒྱན། །དམར་གཏོར་བྱེད་ན་མར་མི་བརྒྱན། །རེ་རེར་རྩང་ཐུར་གསུམ་རེ་སྟེ། །དེ་ལྟར་གཙོ་འཁོར་བཅུ་གསུམ་ལ། །ཡོད་ན་སོ་སོའི་ཙཀྲི་དང་། །ཤ་དང་ལིང་གས་བརྒྱན་པར་བྱ། །དེ་རྒྱབ་རྩང་རིང་ཉེར་བརྒྱད་ནི། །རྒྱ་གྲམ་སྲིན་མོ་འགྲོས་སུ་བཙུགས། །ཕྱོགས་བཞིར་རྩང་ཐུང་ཟླུམ་པོ་དང་། །གྲུ་བཞི་ཟླ་གམ་གྲུ་གསུམ་བཞི། །སྒོ་རྩང་བཞི་པོ་བསླང་སྟེ་བཙུགས། །སྔོ་

[Full Size]

དམར་སྐུད་པས་དཀྲིས་པ་ལ། །ཡོད་ན་རྩང་རྒྱན་བརྒྱད་ཀྱང་བརྒྱན། །རས་སམ་ཤོག་བུ་གང་ཡོད་འདྲ། །མདུན་ལ་རྩང་བསྟོད་སེམས་ཅན་གཟུགས། །རྒྱབ་ན་བཟློག་སྔགས་བྲི་བའོ། །རྩང་རྩེར་ཤ་དུམ་ལིང་གས་བརྒྱན། །ཡང་ན་སྟག་མའི་ལོ་མ་ལ། །ལིང་བྲིས་བརྒྱན་པ་སྟག་ལིང་ཟེར། །དར་གདུགས་ནག་པོ་ཡོད་ན་རབ། །མེད་ན་མདའ་དར་ནག་པོ་བཙུགས།་བཟློག་མདོས་རང་གི་སྙིང་ཁ་ལས། །མཐོ་ན་རང་ལ་ལྡོག་པར་གསུངས། །གཤེད་འདུལ་ལ་སོགས་ཡིན་ན་ནི། །གཏོར་ཟློག་ཞབས་སུ་ཧོམ་ཁུང་བྱ། །བདེ་རིམ་ལ་ནི་མི་དགོས་སོ། །རྩང་པ་ཁྲ་འབོས་བསྐུལ་བྱས་ནས། །རཱ་ག་ཨ་སྱས་འཕྲལ་དུ་བྲིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་རྟ་མགྲིན་ནག་པོ་ལྕགས་ཀྱི་རལ་པ་ཅན་ནཱ་ག་ཀླུ་འདུལ་དཔའ་བོ་ལྷ་ལྔར་གྲགས་པའི་བསྐྱེད་རྫོགས་ཀྱི་ཞལ་ཤེས།

[Full Size]

དཔལ་རྟ་མགྲིན་ནག་པོ་ལྕགས་ཀྱི་རལ་པ་ཅན་ནཱ་ག་ཀླུ་འདུལ་དཔའ་བོ་ལྷ་ལྔར་གྲགས་པའི་བསྐྱེད་རྫོགས་ཀྱི་ཞལ་ཤེས་བཞུགས་སོ༔

[Full Size]

དཔལ་རྟ་མཆོག་ཧེ་རུ་ཀ་ལ་ཕྱག་འཚལ་ལོ༔ འདིར་རྟ་མགྲིན་ནཱ་ག་ཀླུ་འདུལ་གྱི་མན་ངག་ཞལ་ཤེས་ཅུང་ཟད་བྲི་ན༔ མཁའ་འགྲོ་དང་གཏེར་སྲུང་རྣམས་ཀྱིས་ཐུགས་བརྩེ་བས་རྗེས་སུ་གནང་བར་མཛད་དུ་གསོལ༔ དེ་ཡང་གཞུང་གི་ཡིག་ཆུང་ལས༔ ངེས་པར་མཛེ་འདོན་ན་སྔགས་བཟླ་བ་རྫས་ཀྱི་སྒྲུབ་པ་སོགས༔ གཙོ་བོ་བླ་མའི་ཞལ་ཤེས་དང་ཕྱག་ལེན་མཐོང་བ་བརྒྱུད་པ་ལྟར་བྱ་དགོས་སོ༔ ཞེས་གསུངས་པས༔ ཞལ་ཤེས་ལ༔ བསྐྱེད་རིམ་ཞལ་ཤེས༔ རྫོགས་རིམ་ཞལ་ཤེས༔ སྔགས་བཟླ་ལུགས་ཀྱི་ཞལ་ཤེས༔ ཐུན་མཚམས་ཀྱི་ཞལ་ཤེས༔

[Full Size]

བསྒྲུབ་པའི་རྟགས་ཀྱི་ཞལ་ཤེས༔ རྫས་སྦྱོར་གྱི་ཞལ་ཤེས༔ ལས་ཚོགས་ཀྱི་ཞལ་ཤེས༔ དབང་བསྐུར་གྱི་ཞལ་ཤེསརྒྱུད་བསྙེན་གྱི་ཞལ་ཤེས་དང་དགུ་ལས༔ དང་པོ་ལའང་གསུམ་སྟེ༔ བསྐྱེད་ལུགས༔ སྲུང་འཁོར༔ ཡེ་ཤེས་ལྔའི་དབང་བསྐུར་ལུགས་སོ༔ ༈ དང་པོ་ནི་འདིའི་བསྐྱེད་ལུགས་ལ༔ བདག་མདུན་རྣམས་འཇུག་པ་གཅིག་པའི་ལུགས་ཤིག་ཡིན་ལ༔ བདག་མདུན་འཇུག་པ་གཅིག་པ་འདི་ལ་ལུགས་གསུམ་ཡོད་དེ༔ མངོན་རྟོགས་ཚར་གཅིག་གིས་བདག་བསྐྱེད་མདུན་བསྐྱེད་བུམ་བསྐྱེད་གསུམ་ཀ་དུས་གཅིག་ལ་བསྐྱེད་པའི་ལུགས་དང་༔ བདག་བསྐྱེད་ཚང་

[Full Size]

བར་བྱས་ནས་ཐུན་བསྡུ་ཚར་བ་དང་༔ སླར་རང་ཉིད་མདུན་བསྐྱེད་ཀྱི་དཀྱིལ་འཁོར་གྱི་དབུས་ཀྱི་གཙོ་འཁོར་བསྒོམས་ནས་མདུན་བསྐྱེད་འདོན་ཅིང་༔ རང་གི་ཐུགས་ཀ་ནས་གཙོ་བོའི་སྐུ་ཆུང་ངུ་ཞིག་སྤྲུལ་ནས༔ ཤར་སྒོའི་དྲུང་དུ་འཁོད་ནས་མཆོད་བསྟོད་སོགས་བྱེད་པར་བསམ་པའི་ལུགས་ཤིག་དང་༔ ཡང་མདུན་བསྐྱེད་ཀྱི་དཀྱིལ་འཁོར་བུམ་པ་སོགས་སྒྲུབ་རྫས་རྣམས་རང་ཉིད་ཀྱི་དཀྱིལ་འཁོར་བསྒོམ་པའི་དམིགས་རྟེན་ཙམ་ཡིན་པས༔ ཐོག་མ་ནས་རང་དང་སྒྲུབ་རྫས་གཏོར་མ་དཀྱིལ་འཁོར་རྣམས་དབྱེར་མེད་པར་བདག་ཉིད་ལྷ་ཡི་དཀྱིལ་འཁོར་དུ་བསྒོམ་པའི་ལུགས་དང་༔ ལུགས་གསུམ་ལས་འདི་ནི་ལུགས་རྒྱབ་མ་འདི་ཡིན་ནོ༔ རྙིང་མ་བདག་མདུན་ཐ་མི་དད་པ་ཡིན་ཟེར་མཁན་མང་སྟེ་དབྱེ་བ་ཤེས་མཁན་ཉུང་༔ རྙིང་མ་ཐམས་ཅད་དེ་ལྟ་བུ་མིན༔ གསར་རྙིང་ཐམས་ཅད་འདྲ་བར་བདག་མདུན་སོ་སོ་བ་དང་༔ ཐོ་མི་དད་པ་རིགས་གསུམ་གང་ཡང་ཡོད་དོ༔ དེ་ནས་བསྐྱེད་ལུགས་ཀྱི་ཞལ་ཤེས་སོ༔ ཨྠྀི། ༈ གཉིས་པ་ནི༔ གནམ་ལྕགས་རལ་པས་སྟོང་ཁམས་མུན་ལྟར་གཏིབས༔ ཞེས་གསུངས་པ་ལྟར༔ རང་ཉིད་རྟ་མགྲིན་གྱི་དབུ་སྐྲ་གནམ་ལྕགས་ཀྱི་རལ་པ་ཕྱེད་སྤྱི་བོར་ཐོར་ཅོག་ཏུ་

[Full Size]

བཅིངས་ཤིང་༔ ལྷག་མ་ཟར་བུ་ཐུར་དུ་གྲོལ་བས་སྐུ་རྒྱབ་ཁེབས་ཤིང་རྟིང་རྩེར་བསླེབས་ནས་ཡོད་པ༔ ཟར་བུ་དེ་དྲག་ཏུ་སྤྲུགས་པས་སྟོང་གསུམ་གྱི་འཇིག་རྟེན་གྱི་ཁམས་ཀྱི་ནམ་མཁའ་བར་སྣང་གང་སྟེ་མུན་ལྟར་གཏིབས་ཤིང་༔ དབུ་སྐྲ་དེའི་གསེབ་ནས་རང་འདྲ་བའི་ཁྲོ་བོའི་སྐུ་ཆུང་ལ་ཡན་ལག་དོད་པ་བསམ་གྱིས་མི་ཁྱབ་པ་དཔེར་ན་མུན་ནག་ནང་གི་ནམ་མཁའ་ལ་སྐར་ཚོགས་རབ་ཏུ་འཁྲུགས་པ་ལྟ་བུ་དཔག་ཏུ་མེད་པ་སེར་རྒོད་བབས་པ་ལྟར་འཕྲོས་ནས༔ རང་ལ་གང་གནོད་པའི་དགྲ་བགེགས་རྒྱལ་བསེན་ཀླུ་གདོན་བྱད་མ་ཆོད་གཏོང་ཐམས་ཅད་བསད་གཏུབ༔ ཤ་ཁྲག་ཞལ་དུ་གསོལ༔ ལྷག་མ་འགའ་ཞིག་བྱ་སྤུ་རླུང་གིས་གཏོར་བ་ལྟར༔ སྟོང་གསུམ་ནམ་མཁའི་ཕ་མཐར་བསྐྲད༔ ཁྲོ་ཆུང་ཐམས་ཅད་ཚུར་འདུས་པ་ལས༔ ཁྲོ་ཆུང་དཀར་པོ་བྱེ་བ་དུང་ཕྱུར་གྲངས་མེད་པས་ཞལ་ནང་དུ་རྒྱུ་ནས་བསྲུང་བའི་ལས་མཛད་པའི་གུར་ཁང་༔ དེའི་ཕྱི་རོལ་སྟེང་འོག་ཕྱོགས་མཚམས་ཐམས་ཅད་ཁྲོ་ཆུང་ནག་པོ་ཞལ་ཕྱིར་གཟིགས་ནས་བཟློག་པའི་ལས་མཛད་པའི་གུར་ཁང་༔ དེའི་ཕྱི་རོལ་དུ་རྡོ་རྗེའི་གུར་ཤར་དཀར་ལྷོ་སེར་ནུབ་དམར་བྱང་ལྗང་སྟེང་འོག་ཐམས་ཅད་རྡོ་རྗེ་སྔོན་པོ་སྟེ༔ འོག་ཐམས་

[Full Size]

ཅད་རྡོ་རྗེའི་ས་གཞི་ལྟ་བུ༔ སྟེང་ཐམས་ཅད་རྡོ་རྗེའི་གུར་ཕུབ་པ་ལྟ་བུ༔ ལོགས་ཐམས་ཅད་རྡོ་རྗེའི་བརྩིགས་པ་ལྟ་བུ༔ བར་མཚམས་སུ་ཡང་རྡོ་རྗེའི་ཕྲ་མོས་བསྡམས་ནས་རླུང་ཡང་རྒྱུ་བའི་སྐབས་མེད་པར་བསྒོམ༔ དེའི་ཕྱི་རོལ་དུ་འཁོར་ལོའི་གུར་བླ་བྲེ་དྲུ་བ་ར་བ༔ འཁོར་ལོ་ཆུང་ངུ་མང་པོ་སོ་འཐབ་ཅིང་འཁོར་བ་ཡིན་ལ༔ ཡང་འཁོར་ལོ་གུར་ཐབས་རྩིབས་སྟོང་དང་ལྡན་པ་ཞིག་བསྒོམ་པའི་ལུགས་ཡོད་ཀྱང་འདིར་ནི་དེ་མ་ཡིན་ནོ༔ དེའི་ཕྱི་རོལ་དུ་རལ་གྲི་རྩེ་མོ་ཕྱིར་བསྟན་པ་ཡུ་བ་ནི་ནང་དུ་བསྟན་པ་སྟེ༔ སྟེང་འོག་གི་ཡུ་བ་རྡོ་རྗེ༔ ཤར་དུ་འཁོར་ལོ༔ ལྷོ་ཐམས་ཅད་རིན་པོ་ཆེ༔ ནུབ་ཐམས་ཅད་པདྨ༔ བྱང་ཐམས་ཅད་རྒྱ་གྲམ་གྱི་ཡུ་བ་ཅན༔ རྣོ་ཞིང་རེག་ན་མི་བཟོད་པ་རླུང་གི་སྤུ་གྲི་རེག་གཅོད་ལྟ་བུའི་གུར་ཁང་༔ དེའི་ཕྱི་རོལ་དུ་སྣ་ཚོགས་རྡོ་རྗེ་རྒྱ་གྲམ་གྱི་གུར་བླ་རེ་དྲྭ་བ་རྭ་བ༔ དེའི་ཕྱི་ལ་ཕུར་པ་སྟོད་ཐམས་ཅད་ཕྱོགས་མདོག་གི་ཁྲོ་ཞལ༔ སྨད་ཐམས་ཅད་གནམ་ལྕགས་ཀྱི་ཕུར་པ་མེ་འབར་བའི་རྩེ་མོ་ཕྱིར་བསྟན་པའི་གུར་ཁང་༔ འདིར་ཕུར་པའི་མལ་དུ་དབྱུག་ཏོ་བསྒོམ་པའི་ལུགས་ཡོད་ཀྱང་༔ རྟ་མགྲིན་དམར་པོའི་ལུགས་ཡིན༔ རྙིང་མ་ཡོངས་གྲགས་ལ་ཕུར་པ་བསྒོམ་པ་འཐད༔ དེའི་ཕྱི་

[Full Size]

རོལ་དུ་མེ་ཁ་དོག་ལྔ་དང་ལྡན་པའི་གུར་ཁང་དུམ་བུ་གཅིག་ཏུ་གྱུར་ནས་མེ་འབར་བར་བསྒོམ༔ དེ་ཡང་མཚོན་ཆ་སྣ་ཚོགས་ཀྱི་འཁོར་ལོ་ཟེར་བ་ནི་དེ་ཡིན་ལ༔ འཁོར་བ་ཟེར་བ་ནི་རྡོ་རྗེའི་གུར་མི་འཁོར་ལ༔ འཁོར་ལོ་དང་རྒྱ་གྲམ་གྱི་གུར་ཁང་མི་འཁོར་བར་འཁོར་ལོ་ཆུང་ངུ་རྣམས་སོ་འཐབས་སུ་གསོར་ལོ་ལྟར་འཁོརཿ རྒྱ་གྲམ་ནི་རྡོ་རྗེ་ཁ་གདེངས་པ་རྣོ་ངར་ཅན་ཡིན་པས༔ ཁཊ་གྱི་རྩེ་འཐབས་པ་ལྟར་རྩེ་འཐབས་སུ་འཁོར༔ རལ་གྲི་དང་ཕུར་པ་གཉིས་ཀྱི་སོ་ཕྱིར་བསྟན་ནས་དྲག་ཏུ་འཁོར་བ་ཡིན་ནོ༔ དེ་ཐམས་ཅད་སྔ་དྲོ་དང་བསྲུང་བ་དུས་གཡས་འཁོར༔ ཕྱི་དྲོ་དང་བཟློག་བསད་དུས་གཡོན་འཁོར་ཡིན་ནོ༔ དེ་ནས་མེ་དཔུང་དམར་ནག་ཅེས་པ་ནི༔ རང་ལུས་ལས་འབར་བའི་མེ་དཔུང་གི་ནང་དུ་བཞུགས་ཤིང་། བ་སྤུའི་བུ་ག་ཐམས་ཅད་རང་འདྲ་བའི་ཁྲོ་ཆུང་ནས་འབྲས་ཙམ་གྱིས་གཏམས་པར་བསྒོམ་པ་ནང་གི་སྲུང་འཁོར་ཡིན་ལ༔ གོང་གི་དེ་རྣམས་ཕྱིའི་སྲུང་འཁོར་ཡིན་ནོ༔ དེ་ནི་སྲུང་འཁོར་གྱི་ཞལ་ཤེས་སོ༔ ཨྠྀི། ༈ གསུམ་པ་ནི༔ དབང་ལྷ་སྤྱན་དྲངས་ནས༔ བུམ་པའི་དབང་བསྐུར་བར་བསྒོམ་པའི་ལུགས་དང་༔ དབང་བཞི་ཁ་བསྐུར་བར་བསྒོམ་པའི་ལུགས་

[Full Size]

དང་༔ རྒྱལ་བ་རིགས་ལྔ་སྤྱན་དྲངས་ནས་རང་གི་དབུ་རྒྱན་གྱི་ནང་དུ་བཞུགས་པར་བསྒོམ་པ་སོགས་ཡོད་ཀྱང་འདིར་དེ་རྣམས་མ་ཡིན་ཏེ༔ གནས་གསུམ་བྱིན་རླབས༔ ཡེ་ཤེས་པ་སྤྱན་དྲངས༔ འདིར་སྤྲོ་ན་འོག་གི་སྤྱན་འདྲེན་དེ་འདིར་སྦྱར་རྒྱུ་ཡིན་ཅིང་༔ ཡེ་ཤེས་པ་བསྟིམ་ཚར་ནས༔ སླར་ཡང་རང་གི་ཐུགས་ཀ་ནས་འོད་ཟེར་འཕྲོས་པས༔ རང་བཞིན་གྱི་གནས་ནས་ངོ་བོ་རྒྱལ་བ་རིགས་ལྔ་ཡིན་པ་ལ༔ རྣམ་པ་རྟ་མགྲིན་རིགས་ལྔའི་དཀྱིལ་འཁོར་ནམ་མཁར་སྤྱན་དྲངས༔ ཡིད་ཀྱིས་ཅུང་ཟད་མཆོད་ནས༔ ཡིད་ཀྱིས་དབང་བསྐུར་བར་གསོལ་བ་བཏབ་པསཿ དེ་རྣམས་ཀྱི་དཔྲལ་བ་མགྲིན་པ་ཐུགས་ཀ་ལྟེ་བ་གསང་གནས་ལྔ་ནས༔ ངོ་བོ་ཆོས་དབྱིངས་ཡེ་ཤེས་དང་༔ སོར་རྟོག་ཡེ་ཤེས་དང་༔ མེ་ལོང་ལྟ་བུའི་ཡེ་ཤེས་དང་༔ མཉམ་པ་ཉིད་ཀྱི་ཡེ་ཤེས་དང་༔ བྱ་གྲུབ་ཡེ་ཤེས་རྣམས་ཡིན་པ་ལ༔ རྣམ་པ་རྟ་མགྲིན་གྱི་སྐུ་ཆུང་ལ་ཡན་ལག་དོད་པ་དཀར་དམར་མཐིང་སེར་ལྗང་གུ་རྣམས་ཆར་ལྟར་བབས༔ རང་གི་གནས་སོ་སོར་ཐིམ་པས་ཡེ་ཤེས་ལྔའི་དབང་ཐོབ་པར་བསྒོམ་ཞིང་༔ དབང་ལྷས་གསུངས་པར་བསམས་ལ༔ ཨོཾ་ཧཱུྃ་ཏྲཾ་ཧྲཱིཿཨཱཿ ཞེས་བརྗོད་དེ༔ དབང་ལྷ་རྣམས་བདུད་རྩི་འོད་ཟེར་ཁ་

[Full Size]

དོག་ལྔའི་རྣམ་པར་ཞུ་ནས་རང་གཙོ་འཁོར་ལྔའི་སྤྱི་བོ་ནས་ཞུགས༔ ལུས་གང་སྒྲིབ་པ་དག༔ འོད་ཟེར་བདུད་རྩིའི་ལྷག་མ་ཡར་ལུད་པ་ལས༔ རྟ་དབུ་རྣམས་ཀྱི་གཙུག་ཏུ་འོད་དཔག་མེད་སྤྲུལ་སྐུའི་ཆ་ལུགས་ཀྱིས་དབུ་བརྒྱན་ནས་རྟ་སྐད་ཐེང་གསུམ་བཏོན་པར་བསམ༔ དེ་ནི་ཡེ་ཤེས་ལྔའི་དབང་བསྐུར་བའི་ཞལ་ཤེས་སོ༔ །ཨྠྀི། ༈ སྤྱི་དོན་གཉིས་པ་བཟླས་པ་ནི༔ རང་གི་སྙིང་གར་ཡི་གེ་རཾ་ཡིག་གཅིག་བསམ༔ དེ་ཞུ་བ་ལས་ཉི་མའི་དཀྱིལ་འཁོར་དམར་སེར་གདན་ཐབས་སུ་བཏིང་བའི་སྟེང་དུ་དབུས་སུ་ཧཱུྃཡིག་མཐིང་ནག་ཚེག་དྲག་རིང་ཆ་དང་བཅས་པ་འགྲེང་ཐབས་སུ་གཡོ་འགུལ་མེད་པར་གནས་པ༔ དེ་ཡང་སྒྲའི་གཞུང་དང་མཚན་ཉིད་པའི་ལུགས་ལྟར་ན་ཡི་གེ་ལ་མདུན་རྒྱབ་མེད་དེ༔ ཡི་གེ་ནི་སྒྲའི་བྱེ་བྲག་ཡིན༔ ཡི་གེའི་གཟུགས་མིག་གིས་མཐོང་དུ་རུང་བ་འདི་ནི་ཡི་གེ་མིན་གསུངས༔ དེའི་ལུགས་ལ་ཡིག་འབྲུའི་གཟུགས་བསྒོམ་མི་དགོས༔ སྔགས་ཀྱི་སྒྲ་སྙིང་གར་འཁོར་བར་བསྒོམས་པས་ཆོག་པར་བཤད༔ རྗེ་ཞྭ་དམར་པས་ཀྱང་དེ་དང་མཚུངས་པར་བཞེད་ཅིང་ངེས་པར་ཡི་གེའི་གཟུགས་ལ་མདུན་རྒྱབ་བྱེད་ན༔ ད་ལྟར་ངེད་རང་རྣམས་ཀྱིས་ཀློག་དུས་བལྟ་ཕྱོགས་

[Full Size]

འདི་ཡི་གེའི་མདུན་ཡིན་གསུངས༔ འོན་ཀྱང་རྙིང་མ་རང་རྐང་ལ་ཡིག་མགོ་ལ་ལྟ་ངོས་འདི་ཡི་གེའི་མདུན་ཡིན་པས༔ ཧྲཱིཿ ཡིག་གིས་ཡིག་མགོ་ལ་ལྟ་ངོས་འདི་མདུན་ཡིན་པས་རང་གི་བྲང་ངོས་སུ་ཡོད་པ་ལས༔ ཚེག་དྲག་འདི་གྷིཡིག་གི་རྒྱབ་ཡིན་པས་རང་གི་སྒལ་ཚིགས་ངོས་ལ་ལྟ་བར་བསྒོམ༔ དེ་རྒྱབ་ཉི་མའི་སྟེང་དུ་མདུན་དུ་ཨོཾ་ནས་བཟུང་སྟེ༔ བསྙེན་སྔགས་རྣམས་གཡོན་བསྐོར་དུ་ཡི་གེའི་ངོ་ཕྱི་ལ་བསྟན་ཏེ་བཀོད་ནས་མདུན་གཡས་སུ་ཕཊ་ཡོད་པར་བསྒོམ༔ དང་པོ་དེ་ཀློག་པའི་ཚུལ་དུ་ཅུང་ཟད་བཟླས༔ དེ་ནས་འོད་ཟེར་འཁོར་བར་བསམ་ལ་ཅུང་ཟད་བཟླས༔ དེ་ནས་ཧྲཱིཿཡིག་མི་འཁོར་བར་ཡིག་འབྲུ་གཡས་སུ་འཁོར་བར་བསྒོམ༔ དེ་ལས་འོད་ཟེར་ཁ་དོག་སྣ་ཚོགས་འཕྲོས་པས༔ ཕྱོགས་བཅུའི་རྒྱལ་བ་སྲས་དངབཅས་པ་ཁྲག་འཐུང་ཁྲོ་བོ་ཐམས་ཅད་ལ་མཉེས་པའི་མཆོད་པ་ཕུལ༔ སྐུ་གསུང་ཐུགས་ཀྱི་བྱིན་རླབས་མཆོག་ཐུན་མོང་གི་དངོས་གྲུབ་ཐམས་ཅད་ཚུར་བསྡུས༔ རང་ལ་བསྟིམས་པས་སྡིག་དག་ནས་གསལ་སྟོང་བདེ་བའི་ཉམས་དང་ལྡན་པར་བསྒོམ༔ དེ་ལྟ་བུའི་སྤྲོ་བསྡུ་ཐམས་ཅད་རླུང་འབྱུང་རྔུབ་དང་སྤྱད་ན་ཤིན་ཏུ་ལེགས༔ ཡང་འོད་ཟེར་འཕྲོས་ཁམས་གསུམ་གྱི་སེམས་

[Full Size]

ཅན་ཐམས་ཅད་ལ་ཕོག་པས་སྡིག་པ་དང་སྒྲིབ་པ་སྦྱངས་ནས་རྟ་མགྲིན་གྱི་གོ་འཕང་ལ་བཀོད༔ ཡང་འོད་ཟེར་དམར་ནག་མེ་དཔུང་ལྟ་བུ་འཕྲོས༔ ཀླུ་དང་སྡེ་བརྒྱད་གདུག་པ་ཅན་ཐམས་ཅད་ཚར་བཅད་སྟོབས་དང་ནུས་པ་ཐམས་ཅད་ཚུར་བསྡུས་རང་ལ་བསྟིམ༔ དེ་ལྟ་བུ་ནི་གཙོ་འཁོར་བསྙེན་པའི་དམིགས་པ་ཡིན་ནོ༔ དེ་ནས་བསྙེན་པའི་དམིགས་པ་ནི་རང་གི་ནད་གདོན་སེལ་བ་ནི་རང་གི་ཐུགས་ཀའི་སྔགས་ཕྲེང་གཡས་བསྐོར་དུ་སྒ་ར་ར་འཁོར་བ་ལས་མེ་འབར་ཏེ་ལུས་ཀྱི་ནང་ཐམས་ཅད་གང་བས་ནད་གདོན་སྡིག་སྒྲིབ་ཐམས་ཅད་བསྲེགས༔ རྣམ་སྨིན་ཤ་ཁྲག་གི་ལུས་འདི་ཡང་བསྲེགས་ནས་ཡེ་ཤེས་ཀྱི་ལུས་རྟ་མགྲིན་དང་དབྱེར་མེད་པར་གྱུར་པའི་ལུས་ཀྱི་ནང་ཐམས་ཅད་མེའི་རང་བཞིན་དམར་འུར་རེ་འདུག་པ་དཔེར་ན་ལྕགས་སྲེག་ལྟ་བུ༔ ཕྱིའི་དབྱིབས་རྟ་མགྲིན་གྱི་སྐུའི་བ་སྤུའི་བུ་ག་ནས་མེ་ཕྱིར་འབར་ནས་འཇིག་རྟེན་གྱི་ཁམས་ཐམས་ཅད་དུ་འབར་བས་གནོད་བྱེད་ཐམས་ཅད་བསྲེགས་ནས༔ འཇིག་རྟེན་གྱི་ཁམས་ཐམས་ཅད་མེ་དཔུང་གི་རང་བཞིན༔ སེམས་ཅན་ཐམས་ཅད་རྟ་མགྲིན་གྱི་སྐུར་གྱུར་ནས་ཐམས་ཅད་ཀྱིས་རང་གི་རམ་བུའི་ཚུལ་དུ་སྔགས་བཟླ་རོགས་བྱེད་པར་བསྒོམ༔

[Full Size]

འདིའི་བསྙེན་པ་དུས་སྔགས་སྒྲ་ཆུང་ནི་ནུས་པ་ཆུང་༔ ཆེ་ན་ནུས་པ་ཆེ་སྟེ་ཕོག་ཐུག་ཡོངས་བས་བུང་བའི་སྐད་ཙམ་མམ་རང་གིས་ཐོས་ཙམ་དུ་བཟླའོ༔ ལས་སྦྱོར་དུས་སུ་དེ་ལས་ཆེ་བར་བཟླའོ༔ བདུན་འབུམ་རིབ་སུམ་འབུམ་ཚད་ཡིན་གསུངས་པ་ནི་བསྙེན་ཚད་ཡིན༔ ཁྲི་ཚོས་བགེགས་ཐུལ༔ འབུམ་ཚོས་གསུང་ཐོས་བྱེ་བས་ཞལ་མཐོང་བར་ཡང་བཤད་པས༔ དུས་ཀྱི་དབང་གིས་བཞི་འགྱུར་བཟླ་ཟེར་བ་གསར་མའི་ལུགས་ཡིན་ཏེ༔ གཏེར་མ་འདི་ལ་དེ་མི་འཐད་དོ༔ ཨོ་རྒྱན་རིན་པོ་ཆེས་དུས་ཀྱི་ཐ་མ་ལ་དགོངས་ནས་གསུངས་པའི་ཆོས་ཡིན་པའི་ཕྱིར་རོ༔ ཡང་རང་ཉིད་ལ་མཛེའམ་སྨྱོ་འབོག་ཡོད་པ་འདོན་པའི་ཕྱིར་ཡིན་ན༔ བསྙེན་པ་དེ་ལ་བྱེ་བ་རེ་ཐེམ་དགོས་ཤིང་༔ བྱེ་བ་ནི་འབུམ་ཕྲག་བཅུ་སྟེ་བྱེ་ཆུང་ལ་ངོས་བཟུང་ངོ་༔ བྱེ་ཆེན་ནི་འབུམ་ཕྲག་བརྒྱ་ཡིན་ནོ༔ ནཱ་ག་རཀྟ་ཞེས་སོགས་ཀྱི་བསྙེན་པའི་ཤམ་བུ་ཐུང་བ་འདི་ནི༔ འཇམ་དཔལ་ན་ག་རཀཱའི་སྔགས་རྟ་མགྲིན་འདིའི་ཤམ་བུ་ལ་སྦྱར་བ་ཡིན་ཏེ༔ དཔེར་ན་ཕྱག་རྡོར་ཁྱུང་ཤམ་ཅན་དང་འདྲའོ༔ ནཱ་ག་རཀ་ཤམ་བུར་ཡོད་པས་ནཱ་ག་ཀླུ་འདུལ་ཟེར་བའི་རྒྱུ་མཚན་ཡང་དེ་ཡིན་ནོ༔ ཤམ་བུ་འདི་མཛེའམ་ཀླུ་ནད་གདོན་ན་ཅི་མང་

[Full Size]

བཟླ་དགོས་ཤིང་༔ རང་བཞིན་བསྙེན་པ་ལ་མང་མི་དགོས་ཁྲི་ཚོ་ཙམ་བཟླས་པས་ཆོག༔ མཛེ་འདོན་ན་བྱེ་བའམ་ཐ་ན་ཡང་སུམ་འབུམ་བཟླ་དགོས་སོ༔ དེ་ནི་བསྙེན་པ་ཀླུ་འདུལ་གྱི་ཤམ་བུ་ཅན་ཡིན་ནོ༔ དེ་ལྟར་བསྙེན་པ་ཐེམ་ནས་ལས་སྔགས་རྣམས་ཅི་རིགས་སྐབས་དང་བསྟུན་པས་ཆོག༔ རང་བཞིན་བསྙེན་པ་ལ་ལས་སྔགས་མང་མི་རུང་ངོ་༔ མཛེ་འདོན་ན་སྔགས་རིང་ཐུང་གསུམ་ཀ་ལ་ཁྲི་ཚོ་རེ་བཟླས་སོ༔ སྔགས་བཟླ་ལུགས་ཀྱི་ཞལ་ཤེས་སོ༔ ཨྠྀི། ༈ སྤྱི་དོན་གསུམ་པ་རྫོགས་རིམ་ནི༔ འཇིག་རྟེན་ཁམས་ཐམས་ཅད་མེ་དཔུང་དུ་བསྒོམ་པ་སྲུང་འཁོར་ལ་ཐིམ༔ སྲུང་འཁོར་ཡང་གཞལ་ཡས་ཁང་ལ་ཐིམ༔ སེམས་ཅན་ཐམས་ཅད་རྟ་མགྲིན་དུ་བསྐྱེད་པ་དེ་ཐམས་ཅད་འཁོར་བཞི་པོ་ལ་ཐིམ༔ གཞལ་ཡང་ཁང་འཁོར་ལ་ཐིམ༔ འཁོར་རང་ལ་ཐིམ༔ རང་ཡང་དབུ་ཞབས་ནས་འདུས་ནས་ཐུགས་ཀའི་སྔགས་འཁོར་ལ་ཐིམ༔ སྔགས་འཁོར་ཧྲཱིཿལ་ཐིམ༔ ཧྲཱིཿཡང་ར་བཏགས་ཧ་ཁོག་གི་གུ་ལ་འདུས་ནས་ཐིག་ལེ་དཀར་པོ་ཅུང་ཟད་སྔོ་བའི་མདངས་ཅན་སྲན་མའི་ཚད་ཙམ་ཞིག་ཏུ་གྱུར༔ དེ་གྱེན་དུ་སོང་བ་སྤྱི་བོའི་རིགས་བདག་སྣང་བ་མཐའ་ཡས་ཀྱི་ཐུགས་ཀའི་ཧྲཱིཿལ་བསྟིམ༔

[Full Size]

སྣང་བ་མཐའ་ཡས་མེ་ལོང་ནང་གི་གཟུགས་བརྙན་ལྟ་བུ་ལ་ཡུན་རིང་དུ་སེམས་བཟུང་༔ དེ་ནས་དེ་ཡང་མི་དམིགས་པའི་ངང་ལ་བཞག་སྟེ༔ དཔལ་རྟ་མགྲིན་གསང་བ་འདུས་པའི་རྒྱུད་ལས༔ སེམས་ཉིད་ངོ་བོ་རྟ་མགྲིན་ཏེ༔ ལོགས་ནས་བསྒོམས་ཤིང་བསྒྲུབ་ཏུ་མེད༔ ཅེས་དང་ངོ་བོ་སྟོང་པ་དེར་འདུག་པས༔ རྟ་མགྲིན་ཆོས་སྐུ་རང་ལ་གནས༔ རང་སེམས་མ་འགག་ཤར་བ་ནི༔ ལོངས་སྤྱོད་རྫོགས་པའི་རྟ་མགྲིན་ཡིན༔ རིག་པའི་རྩལ་སྣང་མ་འགག་ཤར༔ སྤྲུལ་པ་སྐུ་ཡི་རྟ་མགྲིན་ཡིན༔ སྐུ་གསུམ་མ་འགྲུབ་རང་ལ་རྫོགས༔ རྟ་མགྲིན་སྲོག་ཐོབ་མ་བསྒྲུབ་འགྲུབ༔ ཅེས་གསུངས་པ་ལྟར་མཉམ་པར་ཡུན་རིང་དུ་བཞག་གོ༔ ནུབ་མོ་ཉལ་དུས་ཀྱི་རྫོགས་རིམ་དེ་ལྟར་བསྡུས་ལ་ཉལ་བས་འོད་གསལ་ཟིན་པའི་མཆོག་སྟེ་ཉལ་བའི་རྣལ་འབྱོར་རོ༔ འཆི་དུས་ཡང་དེ་ལྟར་བསྒོམས་པས་ཆོས་སྐུའི་འཕོ་བ་སྟེ་གཞིའི་འོད་གསལ་ངོས་ཟིན་ན་བར་དོ་མེད་པར་སངས་རྒྱས་པར་བཤད་དོ༔ རྫོགས་རིམ་གྱི་ཞལ་ཤེས་སོ༔ ཟབ་ཨྠྀི། ༈ དེ་ནས་བཟླས་པའི་ཐུན་མཚམས་སུ༔ སྟོང་པའི་ངང་ལས་རང་ཉིད་ནམ་མཁའ་ལ་འཇའ་ཤར་བ་ལྟར་རྟ་མགྲིན་གཙོ་རྐྱང་པའི་སྐུ་ཕྱག་མཚན་མེད་པ་ཞིག་ཏུ་

[Full Size]

གསལ་གདབ༔ གཏོར་མ་གསོས་ལ༔ རོལ་མོ་དང་བཅས་པས་སྤྱན་དྲངས་པའི་ཚེ༔ བདེ་བ་ཅན་ནས་རྟ་མགྲིན་ལྷ་ལྔའི་དཀྱིལ་འཁོར་བྱོན་ནས་ནམ་མཁའ་ལ་བཞུགས་པར་བསམས་ལ་མཆོད་བསྟོད་བྱེད༔ དེ་ནས་རྟེན་ཡོད་ན་དེ་ལ་བསྟིམ་པའམ༔ ཡང་ན་རང་ཉིད་ལ་བསྟིམ༔ དེ་ནས་མི་གཙང་ལུས་འདི་བོར་བར་གྱུར་མ་ཐག༔ ཅེས་སོགས་བསྔོ་བ་སྨོན་ལམ་བྱའོ༔ གཞན་དགེ་སྦྱོར་སོགས་གང་དགོས་ཐུན་མཚམས་སུ་བྱའོ༔ སླར་སྐྱབས་སེམས་ནས་བཟུང་སྟེ་མངོན་རྟོགས་སོགས་ཐུན་བཟུང་བར་བྱའོ༔ དེ་ལྟར་ཐུན་བཞིའམ་གསུམ་ལ་སོགས་པ་ལ་འབད་དོ༔ ཡང་ན་ཐུན་དྲུག་གམ་བཞི་བྱེད་ན༔ ཐུན་གཅིག་ལ་གཞན་གཏོར་བསྔོས་དང་དགེ་སྦྱོར་རྒྱུན་གྱི་བསྙེན་པ་སོགས་ཐམས་ཅད་ཚར་བར་བྱས་ནས༔ ཐུན་ལྷག་མ་རྣམས་ལ་སྒྲུབ་པ་དངོས་གཞི་ཉམས་ལེན་བྱེད་པ་ཡང་ལུགས་གཅིག་ཡིན་ཏེ་ལེགས་སོ༔ བསྙེན་སྒྲུབ་ཐོན་ནས་ཀྱང་ཡེ་ཤེས་པ་མི་གཤེགས་རང་ལ་བསྟིམ་སྟེ་བྱང་ཆུབ་ཙྩོམ་ཐོབ་ཀྱི་བར་དུ་རང་དང་དབྱེར་མེད་དུ་བསྒྲུབ་པ་ཡིན་ནོ༔ ཐུན་མཚམས་ཀྱི་ཞལ་ཤེས་སོ༔ ཨྠྀི། ༈ སྤྱི་དོན་ལྔ་པ་ནི་གཞུང་ལས༔ རྟགས་སྣ་ཚོགས་འོང་བས་གང་ལའང་

[Full Size]

སྐྱོན་ཡོན་ཁུ་འཕྲིག་མི་བྱའོ་གསུངས་པའི་དོན༔ སློང་རྟགས༔ ལྷ་རྟགས༔ ལྡོག་རྟགས༔ ཐུལ་རྟགས༔ ལས་སྦྱོར་རྟགས་དང་རྟགས་ལྔའོ༔ དང་པོ་སློང་རྟགས་ནི༔ བསྙེན་པ་བྱས་པས་རང་གི་ལུས་ལ་ཞུགས་པའི་ལུས་གདོན་གྱིས་མ་བཟོད་ནས་སློང་སྟེ༔ ཤ་འགུལ་ཤ་འཕྲིག་ཚ་ཚག་འོང་ཞིང་༔ རྨི་ལམ་དུ་སྦལ་སྦྲུལ་ཉ་ལྕོང་སྡོམ་སྡིག་གྲོག་སྦུར་སོགས་འབུ་སྲིན་གྱིས་འཇུས་པ་དང་༔ གཞན་སྡེ་བརྒྱད་ལྷ་འདྲེས་མ་བཟོད་ནས༔ བནྡེ་ལྷ་ཆ་ཁྱི་བྱི་ལ་ལྕེ་སྤྱང་བུད་མེད་སོགས་གདོན་རྨིས་མང་དུ་འབྱུང་ཞིང་༔ སེམས་འཚུབས་ཤིང་བློ་མི་བདེ་བ་འབྱུང་ངོ་༔ དེ་དུས་རྣམ་རྟོག་མི་བྱ་བར་སློང་རྟགས་སུ་ངོས་བཟུང་ཞིང་གདམས་པ་ལ་བརྩོན་འགྲུས་བྱ༔ ༈ གཉིས་པ་ནི༔ རབ་དངོས༔ འབྲིང་ཉམས་སྣང་༔ ཐ་མ་རྨི་ལམ་དུ་འབྱུང་སྟེ༔ རབ་ཞལ་མཐོང་བ༔ འབྲིང་གསུང་ཐོས་པ༔ རང་གི་སྤྱི་བོ་ནས་རྟ་མགོ་འཚེར་བ༔ རང་གིས་རྟ་སྐད་འབྱིན་རང་གི་ཐོ་ཕྱི་ནས་རྟ་སྐད་འཚེར་བ༔ མི་ནག་པོ་རལ་པ་ཅན་དང་༔ རྟ་ནག་འཚེར་ཞིང་འོང་བ་དང་༔ སྒྲུབ་ཁང་དང་གཏོར་མའམ་རྟེན་རྫས་རྣམས་ལ་མེ་འབར་པཿ འོད་འཕྲོ་བ༔ དུད་པ་འཐུལ་བ༔ ཚག་སྒྲ་ཐུག་ཆོམ་ཆེན་པོ་

[Full Size]

བྱུང་བ༔ ལུས་གོས་ལ་མེ་འབར་བ་དྲི་བཟང་འཐུལ་བ་འབྱུང་༔ རྨི་ལམ་དུ་རྫོང་བརྩིགས་པ༔ གོ་ཁྲབ་གྱོན་པ༔ རྔ་བརྡུང་བ༔ དར་ཕྱར་བ༔ དུང་འབུད་པ༔ ནམ་མཁའ་ལ་འཕུར་བ༔ ཉི་ཟླ་ཤར་བ༔ ཆུ་བོ་ལས་བརྒལ་བ༔ བདུད་རྩི་འཐུང་བ༔ ཕྱག་མཚན་རྙེད་པ༔ མེ་ཏོག་དམར་པོའི་གླིང་དུ་ཕྱིན་པ༔ ཐུ་བ༔ གོས་དམར་པོ་གྱོན་པ༔ རང་ལུས་ལས་མེ་འབར་བ༔ རི་ལུང་མེ་ལ་བསྲེགས་པ༔ བུད་མེད་ཚོགས་ཀྱིས་ཟས་ནོར་སྟེར་བ༔ ལུང་སྟོན་པ༔ གོ་མཚོན་བཏགས་པ༔ ཁྲི་ལ་འདུག་པ༔ ཆོས་འཆད་པ༔ ལྷ་ཆ་དཀྲོལ་བ༔ དར་ཕྱར་བ༔ མ་ཎི་བསྐུལ་བ༔ རྒྱན་ཆ་ཐོགས་པ༔ ནམ་མཁའ་ལ་འཕུར་བ༔ བདེ་བ་ཅན་དུ་ཕྱིན་པ་ལ་སོགས་པ་རྨི་ལམ་བཟང་པོ་འབྱུང་སྟེ༔ དར་ཕྱར་བ་དང་དམག་དཔོན་བྱེད་པ་རྨིས་ན་ཕྱོགས་ངན་ཐམས་ཅད་ལས་རྒྱལ་རྟགས་སོ༔ ཉི་ཟླ་ཤར་བ་དང་བདུད་རྩི་འཐུང་བ་ནི་ཚེ་འཕེལ་རྟགས་སོ༔ གཞན་ཡང་ལུས་བདེ་བ་དང་༔ ཉམས་འབར་བ་དང་༔ བྱིན་ཆགས་པ་སོགས་འབྱུང་ངོ་༔ གསུམ་པ་ནི༔ མི་ནག་པོ་ཁྲོ་བ་དང་༔ རྟ་ནག་པོ་འཕྲ་བ་དང་༔ མཛེ་ཕོ༔ དམེ་ཕོ༔ སྤྲང་པོས་ཚུར་རང་རྩོད་པ་

[Full Size]

དང་༔ བཟླས་པ་བྱེད་སྙིང་མི་འདོད་པ་བྱུང་ན༔ བསྐང་བ་དང་བཤགས་པ་བྱའོ༔ ཐུན་མཚམས་སུ་ཡིག་བརྒྱ་ཅུང་ཟད་བཟླས་ཤིང་ཏིང་ངེ་འཛིན་གྱིས་དབང་མང་དུ་བླང་ངོ་༔ བཞི་པ་ནི༔ མདའ་གཞུ་སོགས་མཚོན་ཆ་བཅག་པ་དང་༔ བྲག་བཤིག༔ ཤིང་བཅད༔ ཕ་ཝང་བཟློག༔ བཙོན་བཟུང་༔ གཡག་བསད་པ༔ གློ་སྙིང་སྟེར་བ་བྱུང་ན་དགྲ་ཐུལ་བའི་རྟགས་སོ༔ མཐུ་མ་བསྒྲུབ་ཀྱང་དགྲ་འཆི་བའང་འབྱུང་ངོ་༔ ཟོར་དང་ཕུར་པ་བཅག་པ༔ སེར་བ་དང་སྤྲིན་ནག་བཟློག་པ༔ ཤྭ་བཟློག་པ༔ སྐྱོགས་ཀྱི་ལྕེ་བཅད་པ་ནི་བྱད་ཁ་ཐུལ་བའི་རྟགས་སོ༔ མཚོ་དང་ཆུ་མིག་སྐམ་པ༔ སྦལ་སྦྲུལ་བསད་པ་ཟོས་པ་བསྲེགས་པ༔ ལུས་ནས་སྡོམ་སྡིག་ཉ་ལྕོང་ཐོན་པ༔ བན་བོན་བུད་མེད་བྱིས་པ་བྱི་ལ་སྤྱང་ཀུ་ཁྱི་སྤྲེའུ་རྣམས་བརྡུང་བ་བསད་པ་ཁ་བཅིང་བ༔ ལྷ་ཁང་ལྡེར་སོ་བཤིགས་པ་རྣམས་བགེགས་ཐུལ་བའི་རྟགས་སོ༔ ལྷ་སྲིན་གྱི་བཀའ་ཉན་པཿ སྲོག་སྙིང་ཕུལ་བ༔ ཁྲོམ་ཆེན་པོ་ལ་དབང་བསྐུར་ཆོས་བཤད་པ༔ བནེ་བུད་མེད་སོགས་ཀྱིས་ཕྱག་འཚལ་བ་སོགས་ནི་བགེགས་ཐུལ་བའི་རྟགས་སོ༔ ལས་སྦྱོར་རྟགས་ནི་སོ་སོའི་སྐབས་སུ་ཤེས་པས་འདིར་མ་སྨོས་སོ༔ །ཨྠྀི། ༈

[Full Size]

སྤྱི་དོན་དྲུག་པ་བདུན་པ་བརྒྱད་པ་གསུམ་ནི་ལོགས་སུ་ཤེས་ལ༔ ༈ སྤྱི་དོན་དགུ་པ་ལ༔ སྒྲུབ་པ་དངོས་ཚར་ནས་རྗེས་སུ༔ དུས་རྒྱུན་དུ་རྒྱུན་བསྙེན་བྱེད་པའི་ཐབས་ལ་གཉིས་ཏེ༔ འདི་ཁོ་ན་ཡི་དམ་གྱི་གཙོ་བོ་བྱེད་ལུགས་དང་༔ ཡང་འདི་ཞོར་ལ་བསྙེན་ལུགས་སོ༔ དང་པོ་ནི༔ ནངས་སྔ་མནལ་སད་ནས་སྐྱབས་སེམས་དང་འདིའི་མངོན་རྟོགས་འདོན་སྒོམ་བྱས་ལ༔ བསྙེན་པ་བརྒྱ་སྟོང་ཅི་རིགས་བྱས༔ མཆོད་བསྟོད་བྱ༔ ཐུན་བསྡུས་ནས་སྤྱོད་ལམ་ལ་འཇུག་པར་བྱའོ༔ དགོང་མོ་ཡང་དེ་ལྟར་བྱའོ༔ ཡང་བསྐྱེད་རིམ་བརྟན་པོ་ཡོད་ན༔ ད་ནངས་མངོན་རྟོགས་བསྒོམས་ནས་དེ་རིང་སྤྱོད་ལམ་ཐམས་ཅད་དུ་བསྐྱེད་རིམ་དང་མ་བྲལ་བར་བསྙེན་པ་བྱེད༔ དགོང་མོ་མཆོད་བསྟོད་གཏོར་བསྔོས་བྱ་ཉལ་ཁ་ཐུན་བསྡུ་ནས་འོད་གསལ་བཟུང་བའི་བསམས་པས་ཉལ་ལོ༔ གཉིས་པ་ནི༔ ཡི་དམ་གཞན་གཙོ་བོར་བྱེད་ཅིང་འདི་ཞོར་ལ་བསྙེན་ན༔ དུས་ནམ་སྐབས་སུ་བབས་པར་འདིའི་མངོན་རྟོགས་བསྒོམ་ལ་བསྙེན་པ་ཅི་ལྕོགས་བྱ༔ དེ་ནས་ཐུན་བསྡུ༔ རང་གི་གཏོར་ཆོག་གི་གྲལ་ཆོས་སྐྱོང་རྣམས་ཀྱི་གོང་དུ་འདིའི་མཆོད་བསྟོད་བྱའོ༔ ཡང་མཆོད་བསྟོད་བྱེད་འདོན་མ་

[Full Size]

ལྕོགས་ན་གཏོར་བསྔོས་ཡི་དམ་གྱི་གྲལ་རྩ་སྔགས་ལ་ཁཱ་ཧི་བཏགས་སོ༔ རྒྱུན་བསྙེན་གྱི་ཞལ་ཤེས་སོ༔ ཨྠྀི༔ ཤམཐཐམ༔ རྒྱ་རྒྱ་རྒྱ༔ གུ་ཧྱ༔ ཨེ་མ་རྟ་མཆོག་རོལ་པའི་རྒྱུད༔ ལེའུ་བརྒྱ་དང་རྩ་བརྒྱད་ལས༔ ཁོལ་དུ་ཕྱུངས་བ་དུམ་བུའི་རྒྱུད༔ ནག་པོ་ཀླུ་འདུལ་རྒྱུད་ཆེན་དང་༔ རོལ་པ་དབུགས་བདག་རྒྱུད་ལས་ཀྱང་༔ བེར་གྱོན་ཕྲིན་ལས་སྒྲུབ་པར་གསུངས༔ རྒྱུད་རྒྱལ་དེ་དག་ལ་བརྟེན་ནསཿ བསིལ་བ་ཚལ་གྱི་དུར་ཁྲོད་དུ༔ ཨོ་རྒྱན་ཆེན་པོས་སྒྲུབ་པ་མཛད༔ རྟ་མགྲིན་རིགས་ལྔ་དངོས་སུ་བྱོན༔ དབང་བསྐུར་སྒྲུབ་ཐབས་མན་ངག་གནང་༔ སློབ་དཔོན་རྟ་མགྲིན་དངོས་སུ་བཞེངསཿ ཀླུ་གཉན་ས་བདག་དཔག་མེད་རྣམས༔ བསྒྲལ་ཏེ་རིག་པ་དབྱིངས་སུ་བསྟིམ༔ ལ་ལ་སྐུ་ཡི་རྒྱུན་དུ་བྱས༔ དེ་ཚེ་སློབ་དཔོན་པདྨའི་མཚན༔ ནཱ་ག་ཀླུ་འདུལ་ཞེས་སུ་གྲགསཿ དེ་ནས་སློབ་དཔོན་པདྨ་ཡིསཿ སྒྲུབ་ཐབས་དཔག་ཏུ་མེད་པ་ཡང་༔ རྒྱ་བོད་ཀུན་ལ་གཏེར་དུ་སྦསཿ ལ་ལ་བཀའ་ནས་བཀའ་རུ་བརྒྱུད༔ འདི་ནི་ལྷད་མེད་གཏེར་གྱི་ཆོས༔ ཟབ་གཉན་བྱིན་ལྡན་དར་སྲོལ་ཆེ༔ འོན་ཀྱང་ཞལ་ཤེས་འདི་མེད་ན༔ རྒྱུད་ཚིག་ཡིན་པས་གོ་བར་དཀའ༔ ཚིག་ཚོགས་ཉུང་ཡང་དོན་ཚོགས་ཆེ༔ འདོན་མཁན་མང་ཡང་ཤེས་མཁན་ཉུང་༔ མན་ངག་སྙིང་དང་འདྲ་བ་འདི༔ སྙིང་འདྲ་རེ་རེ་མ་གཏོགས་པ༔ ཀུན་ལ་སྤེལ་ན་གདམས་པ་འཆོལཿ གཞུང་དང་མན་ངག་འདི་བསྡེབས་ནས༔ རྩེ་གཅིག་ཉམས་སུ་བླངས་པ་ན༔ འདི་ཕྱིའི་དོན་འགྲུབ་ཨེ་མ་

[Full Size]

ཧོ༔ ཞེས་རྟ་མགྲིན་དཔའ་བོ་ལྷ་ལྔའི་ཞལ་ཤེས་ཐུན་མོང་མ་ཡིན་པ་འདི་ནི༔ རྟ་མགྲིན་བསྒྲུབ་པའི་རྣལ་འབྱོར་པ་ཀརྨ་ཨ་རཱ་གས་ཕན་པའི་བསམས་པས༔ བླ་མ་ཀརྨ་ཕྲིན་ལས་ཀྱིས་རྟ་མགྲིན་བསྙེན་པའི་ཚེ་གསལ་འདེབས་སུ་དམིགས་ནས་སྦྱར་བའོ༔ ཞུས་སོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྟ་མགྲིན་ནག་པོ་ལྕགས་ཀྱི་རལ་པ་ཅན་དཔའ་བོ་ལྷ་ལྔ་པ་ནཱ་ག་ཀླུ་འདུལ་དུ་གྲགས་པའི་བསྐྱེད་རྫོགས་བྷཻཾ་བཟླས་ཀྱི་ཕན་ཡོན་དང་ཞར་བྱུང་འཕྲོས་དོན།

[Full Size]

རྟ་མགྲིན་ནག་པོ་ལྕགས་ཀྱི་རལ་པ་ཅན་དཔའ་བོ་ལྷ་ལྔ་པ་ནཱ་ག་ཀླུ་འདུལ་དུ་གྲགས་པའི་བསྐྱེད་རྫོགས་བྷཻཾ་བཟླས་ཀྱི་ཕན་ཡོན་དང་ཞར་བྱུང་འཕྲོས་དོན་ཅུང་ཟད་བཞུགས་སོ།།

[Full Size]

བཅོམ་ལྡན་འདས་ཐུགས་རྗེ་ཆེན་པོ་བྱ་གྲི་ཝ་ལ་ཕྱག་འཚལ་ལོ༔ འདིར་རྟ་མགྲིན་སྒོམ་བཟླས་ཀྱི་ཕན་ཡོན་བསྔགས་པ་བརྗོད་པ་ལ་གཉིས་ཏེ་སྤྱི་དང་བྱེ་བྲག་གོ༔ དང་པོ་ནི་སྤྱན་རིས་གཟིགས་ལ་རིགས་དུ་མ་ཡོད་པའི་ནང་ནས༔ རྟ་མགྲིན་སྤྱན་རིས་གཟིགས་རྒྱ་གྲྭ་ཝ་ཞེས་བྱ་བ་ཡིན་པས༔ འདིའི་སྒོམ་བཟླས་བྱས་ན་སྤྱན་རས་གཟིགས་ཀྱི་སྒོམ་བཟླས་བྱས་པ་ཡིན་པས༔ ཐུགས་རྗེ་ཆེན་པོའི་སྒོམ་བཟླས་ཀྱི་ཕན་ཡོན་མཐའ་ཡས་ཏེ་འདིར་མི་བརྗོད་དོ༔ གཉིས་པ་རྟ་མགྲིན་ལ་ཡང་རིགས་མང་བའི་ནང་ནས༔ རྟ་མགྲིན་ནག་པོ་ལྷ་ལྔ་འདི་དང་འབྲེལ་བའི་རྒྱུད་གཞུང་

[Full Size]

དང་༔ སྔགས་ཨོཾ་ཧཱུྃབཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕྲཊ༔ ཅེས་ཡི་གེ་བཅོ་ལྔ་པ་འདིའི་ཕན་ཡོན་བཤད་དོ༔ སྔགས་འདི་ནི་རོལ་པ་དབུགས་བདག་ནག་པོ་རྒྱུད་དང་རྟ་མགྲིན་གསང་འདུས་ཀྱི་སྒྲུབ་གཞུང་མང་པོ་ནས་གསུངས་སོ༔ དང་པོ་ནི་རང་ལུས་དཔལ་རྟ་མགྲིན་གྱི་དཀྱིལ་འཁོར་བསྒོམ་པའི་དྲན་པ་ཙམ་གྱིས་སྡིག་སྒྲིབ་ཉེས་སྐྱོན་ཐམས་ཅད་དག༔ བདེ་ལེགས་ཀྱི་ཡོན་ཏན་མ་ལུས་པ་ཐམས་ཅད་རྫོགས༔ འཁོར་འདས་ཐམས་ཅད་ཐ་མལ་དུ་འཛིན་པ་དག་ནས་དབང་ཆེན་རྟ་མགྲིན་གྱི་དཀྱིལ་འཁོར་དུ་འཆརཿ མཐར་ཐུག་འབྲས་བུ་གཟུགས་ཀྱི་སྐུ་ལོངས་སྤྱོད་རྫོགས་པ་

[Full Size]

དང་སྤྲུལ་སྐུ་ཐོབ་པ་ཡིན་ཏེ༔ རྟ་མགྲིན་དྲེགས་པ་ཀུན་སྒྲོལ་གྱི་རྒྱུད་ལས་དཔེ་བྲལ་རྒྱལ་བའི་དཀྱིལ་འཁོར་འདི༔ དྲན་པར་གྱུར་པ་ཙམ་གྱིས་ཀྱང་༔ སྐྱོན་དག་ཡོན་ཏན་མ་ལུས་རྫོགས༔ འཁོར་འདས་མ་ལུས་སྣོད་བཅུད་ཀུན༔ དབང་ཆེན་དཀྱིལ་འཁོར་ཆེན་པོར་ཤར༔ ཐར་པ་ཆེན་པོའི་གནས་མཆོག་དེརཿ ལོངས་སྤྱོད་རྫོགས་སྐུ་ཆེན་པོ་ཐོབ༔ ཅེས་གསུངས༔ རང་རྟ་མགྲིན་གྱི་བསྐྱེད་རིམ་གསལ་ན་བྱད་ཁ་དང་ནད་གདོན་གང་གིས་ཀྱང་མི་ཚུགས་ཤིང་༔ སྲུང་བའི་མཆོག་དམ་པ་ཡིན་ཏེ༔ རྟ་མགྲིན་གསང་བ་འདུས་པའི་རྒྱུད་ལས༔ ནམ་ཞིག་དུས་ཀྱི་ཐ་མ་ལ༔ སྔགས་པ་ནང་འགྲས་ཆོད་གཏོང་བྱེད༔ དེ་ཚེ་ཟབ་པའི་ཁྱད་འདོན་ན༔ ནད་དང་གདོན་དང་སྲུང་བ་དང་༔ ཕྲིན་ལས་དམིགས་པ་གང་བྱེད་པ་ཀྱང་༔ རང་ཉིད་རྟ་མགྲིན་སྐུར་གསལ་ནས༔ སུས་ཀྱང་ཚུགས་པར་མི་འགྱུར་ཏེ༔ སྟོང་པའི་གོ་ཆ་བླ་ན་མེད༔ འདི་ནི་སྲུང་བའི་རྒྱལ་པོ་ཡིན༔ ཅེས་གསུངས་སོ༔ གཉིས་པ་བཟླས་པའི་ཕན་ཡོན་ནི༔ བསྙེན་པ་དང་ལས་སྦྱོར་གཉིས༔ དང་པོ་ནི༔ རྟ་མགྲིན་རོལ་པ་དབུགས་བདག་ནག་པོའི་རྒྱུད་ལས༔ དེ་ནི་ལྷ་རྒྱུད་བསྙེན་པ་སྟེ༔ དུག་ལྔའི་ཕུང་པོ་

[Full Size]

གནས་འགྱུར་ནས༔ རྟོགས་པ་བདེ་ཆེན་ཉིད་དུ་གསལ༔ ཞེས་དང་༔ རྟ་མགྲིན་དྲེགས་པ་ཀུན་སྒྲོལ་རྒྱུད་ལས༔ ལན་གཅིག་བརྗོད་པ་ཙམ་གྱིས་ཀྱང་༔ མཚམས་་དགེའི་སྡིག་སོགས་དག༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་གསུང་ཐུགས་ཀྱི་དངོས་གྲུབ་ཐོབ༔ ལྷོ་སྲིན་སྡེ་བརྒྱད་སྐག་ཅིང་བསྔངས༔ དྲེགས་པ་རྣམས་ཀྱི་ཙིཏྟ་གས༔ ཕོ་རྒྱུད་ཐམས་ཅད་བུབ་སྟེ་འགྱེལ༔ མོ་རྒྱུད་ཐམས་ཅད་གན་ཏེ་འགྱེལ༔ འབྱུང་པོ་ཀླུ་རིགས་གཏན་ནས་བརླག༔ སྣང་སྲིད་དྲེགས་པ་ཁྲག་ཏུ་སྐྱུག༔ གདུག་ཅིང་འཚེ་བ་ཐམས་ཅད་ཀྱང་༔ མེ་ལྕེ་ཁ་ཡི་སྦྲང་བུ་བཞིན༔ སུས་ཀྱང་འདའ་བར་མི་ནུས་ཏེ༔ ཀླུ་གཉན་ས་བདག་སྨོས་ཅི་དགོས༔ ཚེ་ལ་བར་ཆད་མེད་པ་ཡི༔ སུམ་འབུམ་གྲངས་ནི་ཐེམ་གྱུར་ནས༔ བདེ་གཤེགས་ཐུགས་དྲིལ་གསང་བའི་སྔགས༔ མཐུ་སྟོབས་ནུས་པ་བརྗོད་མི་ལང་༔ གསང་སྔགས་ཀུན་གྱི་མཐར་ཐུག་སྟེ༔ ཐམས་ཅད་སྲུང་བའི་མཆོག་ཏུ་འགྱུར༔ ཞེས་དང་༔ རྟ་མགྲིན་ཡང་གསང་སྒྲུབ་ཐབས་གཞུང་ལསཿ གྲག་སྟོང་སྔགས་ནི་ཆུ་བོ་ཡི༔ རྒྱུན་བཞིན་དུ་ནི་འབྲུ་འབུམ་གཅིག༔ བཟླས་པས་དངོས་གྲུབ་རྣམ་གཉིས་འགྲུབཿ འབུམ་

[Full Size]

གསུམ་བཟླས་ན་དབང་གི་སྐུ༔ ཞལ་མཇལ་ལུང་སྟོན་ཚེ་ལ་དབང་༔ ཕྲིན་ལས་རྣམ་བཞི་བརྩམས་པས་འགྲུབ༔ ཅེས་གསུངས་པ་དང་༔ རྟ་མགྲིན་གསང་སྒྲུབ་རྒྱ་གཞུང་ལས༔ འོན་ཀྱང་གང་ཟག་བློ་རིང་བཞིན༔ གོང་ལྟར་བསྒྲུབ་ཀྱང་ངེས་པར་འགྲུབ་༔ འདི་དང་ཕྱི་མ་བར་དོ་རུ༔ ཡི་དམ་ལྷ་དང་སྐལ་པ་མཉམ༔ ཞལ་མཇལ་ལུང་བསྟན་ཐར་ལམ་ཁྲིད༔ དུས་ལ་མི་འདའ་ཐུགས་རྗེའི་ལྷ༔ དམ་ཚིག་གཡར་དམ་གཅིག་ཏུ་འགྲུབ༔ ཞིང་ཁམས་དཀྱིལ་འཁོར་གཅིག་ཏུ་འགྱུར༔ ཅེས་གསུངས་སོ་གཉིས་པ་ལ་ཆད་སྔགས་རྦད་བརྒྱད་ཀྱི་ཕན་ཡོན་ནི༔ རོལ་པ་དབུགས་བདག་ནག་པོའི་རྒྱུད་ལས༔ འདི་ནི་དྲག་སྔགས་སྤུ་གྲི་སཿ གང་ལ་བཏབ་པས་ཕ་ལམ་བཞིན༔ སྟོང་པའི་དངོས་པོ་སྒྲོལ་བྱེད་ན༔ གཟུགས་ཅན་རྣམས་ལ་སྨོས་ཅི་དགོས༔ གང་དམིགས་སྙིང་ལ་རབ་གཟིར་ཏེ༔ ཁྲག་སྐྱུག་སྡུག་བསྔལ་རབ་ཏུ་ཆེ༔ དྲེགས་པ་ལྷ་སྲིན་ལ་སོགས་པ༔ སྡེ་བརྒྱད་གང་ཡང་རུང་བ་ཡིས༔ ཚོར་ན་མགོ་སྙིང་དུམ་བུ་གས༔ དགྲ་བགེགས་སྤྱི་དང་བྱད་སྟེམས་སོགས༔ སྦྱར་མ་མེ་ལྕེས་རེག་པ་ལྟརཿ རང་གཤེད་རང་ལ་བབ་ནས་སུ༔ མྱ་ངན་སྡུག་བསྔལ་ཆེན་པོར་འགྱུར༔ ཅེས་

[Full Size]

དང་༔ རྟ་མགྲིན་ནག་པོའི་རྒྱ་གཞུང་ཆེ་བ་ལས༔ འདི་ཡིས་མི་ཐུབ་གང་ཡང་མེད༔ དཔེར་ན་གནམ་ལྕགས་སྤུ་གྲི་འདྲ༔ རྣོ་བའི་ཚད་ནི་མེ་ལྟ་བུ༔ མྱུར་བའི་ཚད་ནི་གློག་ལྟ་བུ༔ རྒོད་པའི་ཚད་ནི་ཐོག་ལྟ་བུ༔ གཏུམ་པའི་ཚད་ནི་ཟབ་ལྟ་བུ༔ དགྲ་དང་བགེགས་དང་བྱད་མ་དང་༔ ནད་ཀྱི་རིགས་དང་མཚོན་གྱི་རིགསཿ གཉན་དང་ལྷོག་པ་ཐབ་ཀྱི་རིགས༔ མཛེ་དང་ཤུ་འབྲུམ་སྒྲུང་ལ་སོགས་སྨྱོ་འབོག་བརྒྱལ་ནད་ལ་སོགས་པཿ གང་དང་གང་ལ་བཏབ་པ་དེ༔ མེ་དང་རྩྭ་སྦུར་དེ་བཞིན་དུ༔ བསྲེག་ཅིང་རབ་ཏུ་སྲེག་པར་བྱེད༔ རླུང་དང་ཐལ་བའི་དཔེ་བཞིན་དུ༔ གཏོར་ཞིང་རབ་ཏུ་གཏོར་བར་བྱེད༔ དྲག་སྔགས་སྟོན་པ་འགའ་ཡོད་ཀྱང་༔ རྣོ་མྱུར་བསྟེན་པ་འདི་བས་མེད༔ འདི་ལ་རིགས་ནི་འགའ་ཡོད་ཀྱང་༔ སྔགས་གྲངས་ཚང་བ་འདི་བས་མེད༔ ཅེས་དང་༔ ནཱ་ག་ཀླུ་འདུལ་གྱི་གཞུང་ཉིད་ལས༔ ཞེས་གྲངས་ཐེམས་ནས་མཛེ་ནད་སྨིན་མ་བྱི་བ་དང་སྣ་ཞོམ་པ་ཡང་ཐོན་ནོ༔ འགོས་ཟིན་ཙམ་ལ་སྨོས་ཅི་དགོས༔ མཛེ་རིགས་ཡོད་པས་མ་བྱུང་བས༔ འདི་ལ་བསྙེན་པ་བྱས་ན་ཐེ་ཚོམ་མེད་དོ༔ གཞན་ཡང་འགོ་བའི་ནད་ཀླུ་རྒྱལ་བསེན་གདོན་གང་ཡིན་

[Full Size]

ཡང་ཉེ་མི་ནུས་སོ༔ གནམ་ལྕགས་ཀྱི་མཁར་ལ་བསྐལ་པའི་མེ་འབར་བ་དང་འདྲའོ༔ ཞེས་དང་༔ དེ་ལྟར་བསྙེན་སྒྲུབ་ཐེམ་ན་མཛེ་ནད་ཆུ་བུར་ཅན་ཡང་ཕན་ནོ༔ གཞན་གནོད་འཚེ་ནད་རིགས་ལ་ཐེ་ཚོམ་མེད་དོ༔ དྲག་པོའི་ལས་གཏད་སེལ༔ མནན་པ༔ མཛེའམ་ནད་ངན༔ རོ་ཁུར༔ རྦོད་གཏོང་ཕྲ་མེན༔ ས་གཉན་བརྐོ་བ༔ བྲག་གཉན་བཤིག་མཚོ་གཏོལ་ལུ་མ་བསུབ་པ༔ མནའ་སྐྱལ་བ༔ བྱ་བ་རྩུབ་ལས་གང་ལ་ཡང་་འདིའི་བསྙེན་སྒྲུབ་ཐེམ་ན་རང་ཉིད་རྡོ་རྗེའི་གུར་དང་འདྲའོ༔ སྔགས་དང་རྫས་སྦྲེལ་ན་ལག་ན་རྡོ་རྗེས་ཀྱང་འཇིག་པར་མི་ནུས་སོ༔ ཞེས་གསུངས་སོ༔ དེ་ལྟར་བསྐྱེད་རྫོགས་བསྙེན་སྒྲུབ་ཀྱི་སྒོ་ནས་དཔལ་བདེ་ཆེན་རོལ་པའི་ཁྲོ་བོ་རྟ་མགྲིན་ལ་མོས་ཤིང་གུས་པས་བསྒྲུབས་ན༔ མཐར་ཐུག་གི་འབྲས་བུ་སངས་རྒྱས་སྣང་བ་མཐའ་ཡས་དང་མཚུངས་པར་འགྲུབ་སྟེ༔ རྟ་མཆོག་རོལ་པའི་རྒྱུད་ལས་དེ་ནས་བདེ་ཆེན་རོལ་པ་ལ༔ ལས་དང་བསྐལ་པས་གང་མོས་པ༔ ཕུང་པོའི་ཞེན་པ་ཟློག་པ་དང་༔ ཐ་མལ་ཤེས་པ་སྤངས་བ་དང་༔ རྣམ་རྟོག་དུག་ལྔ་གནས་འགྱུར་ནས༔ སྐད་ཅིག་ཉིད་ལ་ཡེ་ཤེས་ཀྱི༔ ཆོས་སྐུ་མངོན་དུ་གྱུར་ནས་སུ༔ གཞན་གྱི་བག་

[Full Size]

ཆགས་རབ་སྦྱངས་ཏེ༔ འཁོར་བའི་ཆུ་བོ་རབ་སྒྲོལ་ནས༔ ཐམས་ཅད་རྫོགས་པ་ཆེན་པོར་བཀོད༔ སྣང་བ་མཐའ་ཡས་དང་མཚུངས་ཏེ༔ གཞན་དོན་དཔག་མེད་ལྷུན་གྱིས་གྲུབ༔ ཅེས་གསུངས་སོ༔ དེ་ཡང་གོང་དུ་སྤྱན་རས་གཟིགས་ཧ་ཡ་གྲྭ་ཝ་ཞེས་པའི་འཕྲོས་དོན་ནི༔ རྟ་མགྲིན་ནག་པོའི་རྒྱ་གཞུང་ལས༔ དུས་གསུམ་སངས་རྒྱས་ཐམས་ཅད་ཀྱི༔ ཐུགས་རྗེ་ཕྲིན་ལས་གཅིག་བསྡུས་ནས༔ འགྲོ་བའི་དོན་མཛད་སྤྱན་རས་གཟིགས༔ གང་ལ་གང་འདུལ་སྣ་ཚོགས་སྟོན༔ ཞི་བས་མི་འདུལ་གདུག་པ་ཅན༔ ཚར་གཅོད་རྟ་མགྲིན་ནག་པོར་བསྟན༔ དེ་ཉིད་ཤིན་ཏུ་ཁྲོས་པ་ནི༔ གནོད་སྦྱིན་ནག་པོ་ལྕགས་རལ་ཅན༔ དགྲ་དང་བགེགས་དང་བྱད་མ་དང་༔ གཟའ་ཀླུ་རྒྱལ་བསེན་གཉེན་པོར་བསྟན༔ ཆོས་སྐུ་ཞི་བའི་ངང་ཉིད་ལས༔ གདུག་པ་འདུལ་ཕྱིར་དྲག་པོའི་སྐུ༔ རྟ་མགྲིན་ནག་པོ་ཞེས་ཀྱང་བྱ༔ ཡཀཱ་ནག་པོ་ཞེས་ཀྱང་བྱ༔ མ་ཧཱ་ཀཱ་ལ་རྟ་གདོང་ཞེས་ཀྱང་བྱ༔ གནོད་སྦྱིན་ནག་པོ་ཞེས་ཀྱང་བྱ༔ དཔལ་མགོན་ནག་པོ་ཞེས་ཀྱང་བྱ༔ ཐུགས་རྗེ་མཚུངས་མེད་བླ་མ་ཡིན༔ བྱིན་རླབས་མྱུར་བས་ཡི་དམ་ཡིན༔ བསྟན་པ་བསྲུང་བའི་ཆོས་སྐྱོང་ཡིན༔ དགྲ་བགེགས་

[Full Size]

ཚར་གཅོད་ལས་མཁན་ཡིན༔ ཅེས་གསུངས་སོ༔ དེ་ཡང་རྟ་མགྲིན་དམར་པོ་ཡང་གསང་ཁྲོས་པ་དེ་ཉིད་ཀྱང་ཐུགས་ཤིན་ཏུ་ཁྲོས་པ་ནི་རྟ་མགྲིན་ནག་པོ་ལྕགས་རལ་ཅན་འདི་ཡིན་ཏེ༔ གསང་འདུས་ཐེམ་བྱང་ལས༔ ཡང་གསང་ཁྲོས་པ་རྟ་མགྲིན་ནག་པོ་འདི་ནུས་མཐུ་བྱིན་རླབས་གློག་ལྟར་མྱུར་བའི་ཕྱིར༔ ཅེས་གསུངས་སོ༔ དེ་ཡང་ལྔ་བརྒྱའི་ཐ་མ་ལ་ཤིན་ཏུ་མ་རུངས་པ་འདུལ་བའི་ཆེད་དུ་སྤྲུལ་པ་ཡིན་པ་དང་༔ སྒྲུབ་ཐབས་རྣམས་ཀྱང་ཨོ་རྒྱན་རིན་པོ་ཆེས་དུས་སྙིགས་མ་ལ་དགོངས་ནས་མཛད་པའི་ཕྱིར༔ དུས་ད་ལྟ་ལྷ་གཞན་དང་སྒྲུབ་ཐབས་གཞན་ལས་བྱིན་རླབས་ཆེ་ལ་འགྲུབ་ཐག་ཉེ་བ་ཡིན་ཏེ༔ རྟ་མགྲིན་ནག་པོའི་རྒྱ་གཞུང་ཆེ་བ་ལས༔ ལྔ་བརྒྱ་དུས་ཀྱི་ཐ་མ་ལ༔ ལྷ་སྲིན་སྡེ་བརྒྱད་མེ་ལྟར་འབར༔ སྐྱེ་བོ་དམུས་ལོང་རླུང་ལྟར་འཚུབ༔ ནད་མུག་མཚོན་གསུམ་ཆུ་ལྟར་འཁྲུག༔ གློ་བུར་བར་ཆད་ཐོག་ལྟར་འབེབས༔ དེ་ཚེ་སྔགས་འཆང་བསྒྲུབ་ལ་བརྩོན༔ ཅེས་དང་༔ འདི་ཉིད་རང་གི་གཞུང་ལས༔ ཨོ་རྒྱན་རིན་པོ་ཆེ་བདག་གི་ཐུགས་བཅུད་འདི་ལྟ་བུ་སྤེལ་བའི་གནས་མེད་དོ༔ མ་འོངས་དུས་ན་འཛམ་གླིང་བོད་ཀྱི་ཡུལ༔ ཀླུ་དང་ས་བདག་རྒྱལ་བསེན་དབང་བྱས་ཏེ༔ མཛེ་

[Full Size]

དང་གག་ལྷོག་བརྒྱལ་ནད་སྨྱོ་འབོག་སོགས༔ མི་རྣམས་མི་བདེ་སྣ་ཚོགས་གཏོང་བར་བྱེད༔ དེ་འདྲའི་དུས་ན་འཕྲད་ཆོག་ཐོབ་ཆོག་འདི༔ ཐུགས་ཀྱི་མཛོད་རྡོལ་མ་འོངས་དོན་ཕྱིར་སྦས༔ ཞེས་གསུངས་སོ༔ མ་འོངས་པ་ན་ཡང་འདི་དར་སྲོལ་ཆེ་བར་འགྱུར་གསུང་སྟེ་ཨོ་རྒྱན་རིན་པོ་ཆེའི་བདེན་ཚིག་སྨོན་ལམ་ཡོད་དེ༔ ཕྱི་མའི་དུས་ན་སྐྱེས་བུ་བློ་སྟོབས་ཅན༔ སྣོད་ལྡན་བུ་དང་གདམས་པ་འདི་འཕྲད་ནསཿ སྙིགས་མའི་དུས་སུ་འགྲོ་དོན་ཕྱོགས་མེད་ཤོག༔ ཅེས་གསུངས་སོ༔ དེ་ཡང་རྟ་མགྲིན་ནག་པོ་ལྷ་ལྔ་འདི་ཁྱད་པར་ཀརྨ་ཀཾ་ཚང་ལ་བཀའ་བབས་པ་ཡིན་ཞེས་པའི་ངག་རྒྱུན་ཐོས་ལ༔ དེའི་རྒྱུ་མཚན་རྗེ་ཆོས་གྲགས་རྒྱ་མཚོ་གཏེར་སྟོན་གྱི་དངོས་སློབ་ཡིན་ཅིང་༔ ཐུགས་རྗེ་ཆེན་པོ་གསང་འདུས་དང་རྟ་མགྲིན་གསང་འདུས་གཉིས་ཀའི་ཆོས་བདག་ཏུ་ལུང་བསྟན་ཅིང་༔ ཆོས་གྲགས་རྒྱ་མཚོའི་རྣམ་ཐར་ན་ཡང་རྟ་མགྲིན་ནག་པོའི་ཞལ་གཟིགས་ཤིན་ཏུ་མང་ཞིང་༔ ཟུར་མང་སྐྱོ་བྲག་རཏྣ་ལུགས་དང་ཀཾ་ཚང་ཆོས་ལུགས་འདྲེས་ནས་གཅིག་ཏུ་གྱུར་པ་ཡང་དེའི་རྟེན་འབྲེལ་ཡིན་ཏེ༔ ཆོས་བདག་ལུང་བྱང་ལས༔ དེ་འོག་ཕྱི་མའི་དུས་ཀྱི་ཚེ༔ ཁམས་ཀྱི་སར་གཏོགས་ལྷོ་ཡི་ཕྱོགས༔ རི་

[Full Size]

བོ་མཁའ་ལྡིང་འདྲ་བའི་ཞོལ༔ རྗོད་ཅེས་བྱ་བའི་ས་ཕྱོགས་སུ༔ པདྨ་ང་ཡི་རྣམ་འཕྲུལ་ཏེ༔ བྱའམ་ཁྱི་ཡི་ལོ་པ་གཅིག༔ རང་བྱུང་མཚོ་སྐྱེས་རྡོ་རྗེ་ཞེས༔ ས་ལ་གནས་པའི་བྱང་ཆུབ་སེམས༔ ངན་ལམ་རྒྱལ་བ་མཆོག་དབྱངས་ཉིད༔ སྔོན་གྱི་བག་ཆགས་སད་དུ་འོང་༔ གསུང་གི་མཚན་མ་དག་དང་ལྡན༔ སྙིང་ཐིག་འདུས་པ་སྐོར་བཞི་དང་༔ ཁྱད་པར་རྟ་མགྲིན་གསང་འདུས་བདག༔ ཡིན་ཕྱིར་ཚེ་རིལ་དང་བཅས་གཏད༔ མ་འོངས་ཕྱི་མའི་དུས་མཐའི་བར༔ རྒྱ་མཚོའི་མཐའ་ལ་ཐུག་གི་བར༔ དེ་ཡིས་རྒྱས་པར་བྱེད་པའི་ཕྱིར༔ གཏེར་འདི་སྦས་པ་དོན་ལྡན་འགྱུར༔ ཞེས་ལུང་བསྟན་ནོ༔ སྤྱིར་རྟ་མགྲིན་གསང་འདུས་སྐོར་ལ་བཀའ་སྲུང་མང་ཡོད་ཀྱང་༔ རྟ་མགྲིན་ནག་པོ་འདིའི་བཀའ་སྲུང་ནི་དགེ་བསྙེན་མཁའ་རི་དང་༔ གཏེར་སྲུང་ནི་དགེ་བསྙེན་སྨྱོ་ཁ་ཡིན་ཏེ༔ རྟ་མགྲིན་ནག་པོའི་སྲོག་དབང་ཡིག་ཆུང་ལས༔ ཀླུ་བདུད་མགོ་དགུ་གཏེར་གྱི་སྲུང་མ་རྩལ༔ དགེ་བསྙེན་མཁའ་རི་བཀའ་ཡི་བྱ་ར་ཐུབ་པར་སྲུངས་ཤིག་དམ་ཚིག་ས་མ་ཡ༔ ཞེས་གསུངས་པ་དང་༔ གཏེར་འདི་ཁྲོམ་གཏེར་དུ་མཛད་ནས་བཏོན་དུསཿ དགེ་བསྙེན་མཁའ་རི་དཔོན་གཡོག་དངོས་སུ་བྱུང་ནས་ལྕག་ཚན་བྲག་

[Full Size]

ལ་བཙུགས་ནས་གཏེར་འདི་ན་ཡོད༔ དེ་དུས་ལ་བབ་པས་ཅིས་ཀྱང་ཐོན་ཅིག་ཟེར༔ དེ་དུས་ཐམས་ཅད་ལ་ཀླུ་བདུད་ཀྱི་ཆོ་འཕྲུལ་ཤིན་ཏུ་ཆེ་བར་བྱུང་ཞིང་༔ ཉེ་གནས་ཀྱི་ལག་པ་ལ་ལྷོག་པ་བརྒྱབས་ནས་དེའུས་ཤི་བྱས༔ མི་ནག་པོ་དང་མོན་དང་ཨ་ཙ་ར་དང་གཡག་མགོ་ཅན་དང་རྟ་མགོ་ཅན་གྱི་ཁྱིམ་ནང་གང་བ་སོགས་ཀླུ་བདུད་ཀྱི་ཆོ་འཕྲུལ་ཆེན་པོ་བྱུང་ངོ་༔ རྒྱུ་མཚན་དེས་ན་འདི་བསྒྲུབ་དུས་མཁའ་རི་དང་སྨྱོ་ཁ་ལ་གཏོར་མ་ཕུལ་ཞིང་བཀའ་བསྒོ་བ་དང་༔ རྒྱུན་དུ་ཡང་གཏོར་མ་བསྔོས་ན་བར་ཆད་མི་འབྱུང་ཞིང་ཕྲིན་ལས་སྒྲུབས་ལ༔ དེ་མ་བྱས་ན་འཁུ་ལྡོག་འོང་ངོ་༔ འདི་ཡང་མན་ངག་དམ་པ་ཡིན་ནོ༔ ཤམཛདམ་རྟ་མགྲིན་ནཱ་ག་ཀླུ་འདུལ་གྱི་ཡིག་སྣ་བསྙེན་སྒྲུབ་ལ་སྤྲོ་བ་བསྐྱེད་པའི་གཏམ་འདི་ཡང་༔ བླ་མ་ཀརྨ་ཕྲིན་ལས་ཀྱི་རྟ་མགྲིན་ནག་པོའི་སྒྲུབ་པ་ལ་བཞུགས་པའི་དུས་སུ་ངེས་ཤེས་དང་བརྩོན་འགྲུས་བསྐྱེད་པའི་ཆེད་དུ༔ དགེ་སློང་ཀརྨ་ཨ་རཱ་གས་ཡི་གེར་བཀོད༔ ཨྠྀི། མངྒ་ལཾ།། དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དཔལ་རྟ་མགྲིན་ནག་པོ་ལྕགས་རལ་ཅན་གྱི་སྔགས་བྱང་།

[Full Size]

དཔལ་རྟ་མགྲིན་ནག་པོ་ལྕགས་རལ་ཅན་གྱི་སྔགས་བྱང་བཞུགས་པའི་དབུ་ཕྱོགས་ལགས་སོ། ཀརྨ་ཆགས་མེད་བརྩོན་འགྲུས་རྒྱ་མཚོ་བླ་མ་ནམ་མཁའ་དེས་ཆིག་བརྒྱུད་དོ།

[Full Size]

ཨོཾ་བྷིབཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ དེ་ལ་རིབ་སུམ་འབུམ་གྱིས་འགྲུབ༔ བདུན་འབུམ་ནི་ཚད་ཡིན༔ ལུས་ལ་མཛེ་དང་བརྒྱལ་ནད་སོགས་ཡོད་ན་བྱེ་བ་ཐེམ་པར་བྱའོ༔ གསུངས་པས་སྔགས་གྲངས་བྱེ་བ་རེ་གསུངས་པ་ནི༔ ངེད་རང་རྣམས་དང་སྔགས་པ་ཚོས་ཁྲི་ཚོ་བརྒྱ་ལ་བྱེ་བ་བརྩི་སྟེ་གསུང་རབ་ཆོས་མངོན་པ་ནསཿ འབུམ་ཕྲག་བཅུ་ལ་ས་ཡ༔ ས་ཡ་བཅུ་ལ་བྱེ་བ་གསུངས་པར་ཡོད་དོ༔ དེ་ལ་བྱེ་ཆེན་དང་བྱེ་ཆུང་གི་ཐ་སྙད་ཡོད་དེ༔ ས་ཡ་ཆེ་ཆུང་གཉིས་སུ་ཡོད་པས༔ བྱེ་ཆེན་བྱེ་ཆུང་གང་དགོས་རང་གི་ནད་གདོན་གྱི་སྟོབས་ཆེ་ཆུང་དང་སྦྱར་བར་བྱའོ༔ དེ་ཡང་བྱེ་ཆུང་གཅིག་ཡན་ཆད་ཚར་ནསཿ འཇམ་དཔལ་ནཱ་ག་རཀ་འདི་རྟ་མགྲིན་འདི་ཡི་ལས་མཁན་རྣོ་སོ་ཡིན་པས་ནཱ་ག་ཀླུ་འདུལ་ཟེར་བའི་དོན་ཡང་དེ་ཡིན་ནོ༔

[Full Size]

དཔེར་ན་ཕྱག་རྡོར་ཁྱུང་ཤམ་ཅན་དང་འདྲ༔ གོང་གི་སྔགས་ལ་སྔགས་འདི་བཏགས༔ ནཱ་ག་རཀྭ་ནག་པོ་ཏི་པ་ཙ་མཱ་ར་ཡ་ཧཱུྃ་ཕཊ༔ ཅེས་སྦྱར་ལ་འབུམ་ཕྲག་གསུམ་བཟླས༔ མཛེ་འདོན་ན་བྱེ་བ་གཅིག་འདོན་གསུངས་ཀྱང་༔ ད་རེས་ཀླུ་ནད་ནི་མིན་པས་བྱེ་བ་ནི་མི་དགོས་ཏེ༔ ད་རེས་ཞག་བདུན་ལ་ཅི་ཐོན་ཙམ་ཐོན༔ དེའི་ཚེ་དམིགས་པ་ནི༔ གལ་ཏེ་བློ་རྒྱ་ཆུང་བ་ལ༔ ལུས་ལ་གདོན་ཆེན་ཞུགས་པ༔ ལྟེ་བར་རཾ་ཡིག་དམར་པོ་བསམ༔ རཾ་ལས་མེ་འབར་ལུས་ཀུན་བསྲེགས༔ རང་ཉིད་མེ་དཔུང་ཆེན་པོར་གྱུར༔ རཾ་གྱི་ཚྭ་ཚྭ་འཕྲོས་པ་ལས༔ མེ་སྒྲ་སྔགས་སྒྲ་སྒྲོག་པར་བསམ༔ ཞེས་རྒྱ་གཞུང་ཆེ་བ་ནས་གསུངས་པའི་དོན་ནི༔ སྔ་དྲོའི་རིང་ལ་སྔོན་ལྷ་བསྒོམ་པ་དེ་སྟོང་

[Full Size]

པར་བསྡུས་ནས་རང་ཐ་མལ་པར་གནས་པའི་ལྟེ་བར་རཾ་ཡིག་དམར་པོ་བསྒོམ༔ རཾ་དེ་ལས་མེ་འབར་བས་རང་ལ་གནོད་པའི་ནད་གདོན་རང་གི་ལུས་དང་བཅས་པ་བསྲེགས་ནས་རང་ཉིད་མེ་དཔུང་ཆེན་པོར་གྱུརཿ མེ་དཔུང་དེ་ལས་རཾ་ཡིག་དམར་པོ་ཚྭ་ཚྭ་མང་པོ་འཕྲོ་ཞིང་མེ་སྒྲ་ལ་སྔགས་སྒྲ་སྒྲོག་པར་བསྒོམ་ཞིང་སྔགས་བཟླའོ༔ ཡང་རང་ཉིད་ཁྲོ་བོར་གསལ་བའི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ༔ ཐུགས་ཡེ་ཤེས་སེམས་དཔའི་ཡི་གེ་ཧྲཱིཿམཐིང་ནག་གཟི་བརྗིད་དང་ལྡན་པར་བསམ༔ ཧྲཱིཿའི་མཐའ་བསྐོར་དུ་རྩ་སྔགས་ནཱ་ག་རཀཱའི་སྔགས་གཉིས་སྦྲེལ་བའི་སྔགས་ཕྲེང་དམར་པོ་འོད་ཟེར་དང་བཅས་པ་མགལ་མེ་བསྐོར་བ་ལྟ་བུ་གཡས་བསྐོར་དུ་དམར་སྒ་ར་ར་དྲག་ཏུ་འཁོར་བས༔ ཧྲཱིཿདང་སྔགས་ཕྲེང་ལས་འོད་ཟེར་མེ་དཔུང་གི་ཚྭ་ཚྭ་དཔག་ཏུ་མེད་པ་འཕྲོས་པས༔ རང་གི་ལུས་ལ་ཡོད་པའི་ནད་གདོན་ཐམས་ཅད་བསྲེགས༔ རོ་མ་རྣམས་འབུ་སྲིན་གྱི་ཚུལ་དུ་བ་སྤུའི་བུ་ག་ནས་ནག་ཉིལ་གྱིས་ཕྱིར་བུད༔ ལུས་ཀྱི་ནང་ཐམས་ཅད་ངོ་བོ་ཁྲོ་བོ་རྟ་མགྲིན་གྱི་བྱིན་རླབས་བདེ་བའི་རང་བཞིན་ལས་རྣམ་པ་མེའི་རང་བཞིན་དམར་ལྷང་ངེ་བ༔ མེ་ལྕེ་བ་སྤུའི་བུ་ག་ནས་ཕྱིར་འཕྲོས་

[Full Size]

པས༔ རང་ལུས་མདུན་རྒྱབ་མེད་པར་མེ་དཔུང་ཆེན་པོའི་དཀྱིལ་དུ་གནས་ཤིང་མེའི་ཚྭ་ཚྭ་རཾ་དམར་པོ་ལྕགས་སྲེག་གི་ཚྭ་ཚྭ་ལྟར་འཕྲོ་བ༔ མེ་སྒྲ་ལ་སྔགས་སྒྲ་འུར་འུར་སྒྲོགས་པར་བྷེ༔ དེ་ལྟར་བྱས་པས་ལུས་ལ་གདོན་ཡོད་པ་སློང་བའི་རྟགས༔ གདོན་གྱི་ཆོ་འཕྲུལ་ཤ་འགུལ་དང་ཚ་ཚག་དང་རྐང་རྒྱུད་གཟེར་བ་ཡར་སྐྱུག་པ་མར་འགྲིམ་པ༔ སྔོན་མེད་པའི་ཤིག་སྔོན་པོ་དང་དམར་པོ་ཐོན་པ་རྨི་ལམ་དུ་སྦལ་སྤྲུལ་ཉ་ལྕོང་སྡོམ་སྡིག་གྲོག་སྤུར་ལ་སོགས་པ་ལུས་ནས་ཕྱིར་ཐོན་༔ ཆུ་རྟགས་བཞག་ན་དེའི་ནང་དུ་སྲོག་ཆགས་ཤི་བའི་རོ་འདྲ་བ་དང་༔ རི་མོ་དོད་པ་ལྟ་བུ་འོང་བར་བཤད་དེ༔ རྒྱུད་ནཱ་ག་རཀྟའི་སྔགས་འདི་གཤིན་རྗེ་འཆི་བདག་ནག་པོའི་སྔགས་ཡིན་པར་འདུག་པ་ཤིན་ཏུ་ཟབ་པའི་རྣལ་འབྱོར་ལ༔ ལུས་ལ་ནད་ཆེན་པོ་མེད་ཀྱང་༔ ཀླུ་ས་བདག་གིས་གནོད་པ་ཡོད་ན་སྐྱུག་པ་དང་འགྲིམ་པ་དང་རྐང་རྒྱུད་གཟེར་བ་རྣམས་བྱུང་བ་ནི་མྱོང་བས་འགྲུབ་པས༔ གལ་ཏེ་དེ་འདྲ་བྱུང་ན་ཡང་ལུས་ལ་ཡོད་པའི་གདོན་ནད་སོགས་སྔགས་ཀྱི་ནུས་པས་སློང་བ་ཡིན་པས་ཤེས་པར་གྱིས་ལ་རྣམ་རྟོག་མི་བྱའོ༔ དེ་ལ་ཞག་བདུན་དུ་ཚར་ནས༔ རཏྣ་ལུགས་འདི་ཡི་གཞུང་ལས་ས་བདག་ཀླུ་གཉན་རྒྱལ་བསེན་ཟེར་བ་མ་གཏོགས་མེད་ཀྱང་༔ རྒྱ་གཞུང་གི་འགྲེལ་བ་ལས༔ གནོད་བྱེད་ཟེར་བའི་མལ་དུ་དགྲ་བགེགས་བྱད་མའི་མིང་གཞུག་པར་བྱ་གསུངས་པ་དང་༔ ༈ པདྨ་གླིང་པའི་གཏེར་ཁ་རྟ་མགྲིན་ནག་པོ་ལས༔ ས་བདག་ཀླུ་གཉན་རྒྱལ་བསེན་

[Full Size]

གཟའི་ཡིད་ལ་རྦད་རྦད་སོགས་སྔགས་རིང་བཤད༔ དཔེར་ན་དོན་ལ་གནོད་བྱེད་ཟེར་བའི་ཚབ་ཏུ་གང་གནོད་བཙུད་རྒྱུ་ཡིན་པར་འདུག༔ དེ་ལ་ས་བདག་ཀླུ་གཉན་གྱིས་གནོད་པ་ནི་ཆེར་མེད་ལ༔ འདི་ཁྱབ་ཆེ་བ་དང་སྟབས་བདེ་བའི་ཕྱིར་འདྲ་མིན་མེད་པར་མིང་མཇུག་རྣམས་གཅིག་བྱས་ན་འདོན་བདེ་བས༔ ད་ལམ་འདི་ལྟར་བྱ་སྟེ༔ གོང་གི་རྩ་སྔགས་དང་ནཱ་ག་རཀཱའི་སྔགས་མཇུག་ཏུ་འདི་བཏགས༔ ཡཀཱ་ཀཱ་ལ་ཆེན་པོས་གནོད་བྱེད་གཟའ་ཀླུ་རྒྱལ་འགོང་ཕོ་མོའི་སྲོག་རྩ་ལ་རྦད་རྦད༔ སྙིང་ལ་རྦད་རྦད༔ ཤ་ལ་རྦད་རྦད༔ ཁྲག་ལ་རྦད་རྦད༔ རུས་པ་ལ་རྦད་རྦད༔ པགས་པ་ལ་རྦད་རྦད༔ ཀླད་པ་ལ་རྦད་རྦད༔ གཟའ་ཀླུ་རྒྱལ་འགོང་ཕོ་མོའི་ཡིད་ལ་རྦད་རྦད༔ ཡཀཱ་ཀཱ་ལ་ཆེན་པོས་གཟའ་ཀླུ་རྒྱལ་འགོང་ཕོ་མོའི་ཙིཏྟ་ཟུང་ཟུང་༔ ཙིཏྟ་སྨུག་སྨུག༔ ཙིཏྟ་ཕྱུང་ཕྱུང་༔ ཙིཏྟ་གཏུབ་གཏུབ༔ ཙིཏྟ་མྱོག་མྱོག༔ ཙིཏྟ་ཐུ་རི་ལི་ལི༔ རྦད་རྦད་ཡ་ཡ་བྷྱོ་བྷྱོ༔ གཟའ་ཀླུ་རྒྱལ་འགོང་ཕོ་མོའི་སྲོག་རྩ་ཆོད་ཆོད༔ སྙིང་རྩ་ཕྱུང་ཕྱུང་༔ གཏུབ་གཏུབཿ ཁཾ་ཁཾ་ལཾ་ལཾ་རྦད་རྦད༔ དུམ་བུར་རྒུད་ཆུད༔ ནཱ་ག་རཱ་ཛཱ་མཱ་ར་ཡ་རྦད་རྦད་སོད་སོད༔ མྱོག་མྱོག་པཾ་རིལ་མཱ་ར་ཡ་རྦད་ཡ༔ ཞེས་རྟགས་མ་ཐོན་བར་དུ་ཁྲི་ཕྲག་གཅིག་བཟླ་གསུངས་ཏེ༔ ད་ལམ་ཞག་བདུན་ཙམ་བཟླས་ཀྱང་རུང་༔ འདི་ལ་

[Full Size]

ངའི་སློབ་དཔོན་སྔགས་འཆང་སོགས་ཁམས་པ་རྣམས་ཀྱིས་རླད་རླ་ཟེར་ཞིང་འདུག་སྟེ་དབུས་གཙང་སོགས་མཁས་པ་རྣམས་ཀྱི་གསུང་རྒྱུན་ལ་ར་ལ་ཝ་ཟུར་བཏགས་པ་ནི་ཡོད་དེ༔ ཝ་དངོས་བཏགས་པ་ནི་མེད༔ གལ་ཏེ་ཡོད་ན་མགྱོགས་ཀྱིས་ར་ཝད་ཟེར་དགོས༔ ར་ལ་བ་བཏགས་པ་ནི་ཡོད་པས་རྦད་ཡིན་ཟེར་བས་ད་ནི་དེའི་ལུགས་བྱས༔ འདི་ཡི་ཚེ་དམིགས་པ་ནི༔ རང་ཉིད་གཙོ་འཁོར་ལྔ་སྐུ་ཆེ་ལ་ཡན་ལག་རགས་པ་མེ་དཔུང་གི་དབུས་ན་གཟི་བརྗིད་དང་ལྡན་པར་བསྒོམ་པའི་ཐུགས་ཀ་ནས་རང་ལས་ཆུང་ཙམ་གྱི་སྤྲུལ་པའི་ཁྲོ་བོ་རང་འདྲ་བ་དཔག་ཏུ་མེད་པ་འཕྲོས་ཏེ༔ སྟོང་གསུམ་མེར་གྱིས་གང་༔ རང་ལ་གནོད་བྱེད་གང་ཡིན་པ་ལྕགས་ཀྱུས་སྙིང་ནས་བཟུང་ཞགས་པས་མགུལ་ནས་བཅིངས༔ ཕྱག་གཡས་རལ་གྲིས་དུམ་བུར་གཏུབས་ནས་ཕྱེ་མར་བཏང་བ་ལས་མཁན་ཁྲོ་བོ་རྣམས་ཀྱིས་ཤ་ཟོས༔ ཁྲག་འཐུང་༔ རུས་པ་མུར་ནས་རྡུལ་དུ་བརླག༔ ལྷག་མ་རྣམས་ཁྲོ་ཆུང་རྣམས་ཀྱི་སྐུ་ལས་འཕྲོས་པའི་མེ་དཔུང་གིས་བསྲེགས་ནས༔ རྗེས་ཀྱང་མེད་པར་ཡང་ཡང་བསྒོམ་ཞིང་༔ སྔགས་ཁ་ཤུགས་བསྐྱེད་ལ་བཟླ་གསུངས་པས༔ ཆེ་དྲགས་ན་གཞི་བདག་ལ་ཡང་གནོད་ཅིང་རང་གིས་ཀྱང་མི་འཁྱོང་༔ སྔགས་སྒྲ་ཆུང་དྲགས་པ་དང་ཡིད་འདོན་བྱས་ན་ནུས་པ་མི་འབྱུང་བས༔ དྲུང་དུ་ཡོད་པའི་མི་

[Full Size]

རྣམས་ཀྱི་ཐོས་ཙམ་གྱིས་སིལ་བུར་བཟླ༔ ང་ཡི་བླ་མ་ངག་དབང་འཇིགས་མེད་གྲགས་པ་དེ་ཆུང་དུས་མཛེ་བྱུང་ནས་རྟ་ནག་ཉང་ལུགས་བསྒྲུབས་པས༔ བུམ་པའི་ནང་ནས་དུ་བ་ཕྱུ་རུ་རུ་བྱུང་༔ སྒལ་ཚིགས་ཀྱི་འོག་འདི་ནས་སྐྲངས་པ་ན་བྱུང་༔ དེ་རྡོལ་བའི་ནང་ནས་སྦལ་པ་མཐེ་བོང་ཙམ་ཞིག་དངོས་སུ་བུད་བྱུང་༔ དེ་ཐེབ་རྩེའི་ནང་དུ་བཞག་འོ་མ་བླུད་ནས་གྲྭ་པ་གཅིག་ལ་ཆུ་མགོ་ནང་ན་བསྐྱེལ་རྒྱུ་བསྐུར་བས༔ གྲྭ་པ་དེ་མཛེ་བྱུང་ནས་ཤི༔ ཁོ་རང་དྲག་གསུངས༔ གཞན་མཁས་པ་ཞིག་ན་རེ༔ སྦལ་པ་དེ་བསད་ནས་ཉ་ར་བྱས་ན༔ མཛེ་ལ་དེའི་ཤ་ཞེད་ཙམ་རེ་བྱིན་ཀྱང་ཐེང་ཆོག་ཡིན་ཟེར་སྐད༔ དེ་ལ་པདྨ་གླིང་པའི་རྟ་ནག་གི་གཞུང་ནས༔ ཕྱི་རབས་སྙིགས་མ་ལྔ་བདོ་མར་འགྲིབ་དུས༔ ས་བདག་ཀླུ་གཉན་སྡེ་བརྒྱད་དྲེགས་པ་ཡིས༔ སེམས་ཅན་ཀུན་འཚེ་ཆར་ཆུ་དུས་མི་འབེབས༔ སྔར་མེད་ནད་དང་མཛེ་དང་བརྒྱལ་ནད་དང་༔ གཟའ་ཡི་གནོད་པ་མི་སྡུག་སྣ་ཚོགས་འོང་༔ དེ་དུས་ཐུགས་རྗེ་ཆེན་པོས་བོད་ཡུལ་འདུལ་ཞིང་ཡིན༔ ཞི་བས་མི་འདུལ་དྲག་པོས་འདུལ་དགོངས་ནས༔ རྙིང་མ་དགོངས་རྒྱུད་ཡིན་ཀྱང་སེམས་ཅན་དོན༔ གནམ་སྐས་བྲག་ལ་སྦས་སོ་ས་མ་ཡ༔ ཞེས་གསུངས་པའི་ཕྱིར་གཟའ་ཀླུ་རྒྱལ་པོའི་ནད་གསུམ་གང་ཡིན་ཡང་ཕན་ངེས་སོ༔ དེ་ལྟར་གདོན་བགེགས་བསད་བཅད༔ གཏུབ་ཅིང་ལྷག་མ་མེ་ཡིས་བསྲེགས་པར་བསྒོམས་པའི་རྗེས༔ གདོན་ལ་སྙིང་རྗེ་དྲག་པོ་རེ་བསྒོམ༔ རང་དང་གདོན་དང་ནད་གསུམ་ངོ་བོ་སྟོང་ཉིད་ཀྱི་ངང་ལ་བཞག༔ ནད་གདོན་རང་གི་སེམས་ལས་གཞན་དུ་མ་

[Full Size]

གྲུབ༔ སེམས་ནི་ཆོས་སྐུ་ཡིན་པར་བློ་ཐག་བཅད་ནས༔ སེམས་ངོའི་ངང་ལ་མཉམ་པར་བཞག༔ རང་གི་སེམས་ཡང་འདྲེ༔ འདྲེ་ཡང་རང་གི་སེམས་ཡིན་པར་ཤེས་པ་ནི༔ ལྟ་བ་གྱད་ཀྱི་ལྷ་ཞེས་བྱ་སྟེ༔ ཕྱིར་ལྡོག་མི་སྲིད་པའི་གནད་ཡིན༔ སྔགས་རིང་འདོན་དུས་སུན་ན༔ ཐུན་མཚམས་སུ་དེ་ལྟར་སེམས་ངོ་ཡུན་རིང་ཞིག་སྐྱོང་༔ དེའི་ཚེ་སྔགས་མི་འདོན་པར་ངལ་བསོ༔ ཡང་སྔོན་ལྟར་རང་ཉིད་ལྷའི་སྐུ་གསལ་པོར་བསྒོམས་པ་ནི༔ གཉེན་པོ་སྟོབས་ཀྱི་ལྷ་ཞེས་བྱ་སྟེ༔ ང་རྒྱལ་དང་ལྡན་པས་དམིགས་པ་རྣམས་བསྒོམ་ཞིང་སྔགས་རིང་རྣམས་བཟླ༔ འདི་ལ་ཐུན་གྱི་གྲངས་ཀ་ནི་རང་གིས་ཅི་འདོད་བྱེད་ཆོག་ཅིང་༔ ཐུན་མཚམས་སུ་གཏོར་མ་གསོས་ལ་ལས་བྱང་འདོན་པ་གཏོར་བསྔོས་ཡིན༔ དེ་ནས་དགོང་མོ་ལ༔ རང་གི་ལག་པ་གཡས་གནམ་ལྕགས་དང་གཡོན་ཟངས་ཀྱི་འཁོར་ལོ་རྩིབས་དྲུག་པ་གཉིས༔ རྩིབས་མཆན་དུ་སྡིག་པ་ནག་པོ་མགོ་ནང་དུ་གླུ་བ་རེ་བསྒོམ༔ འཁོར་ལོའི་ལྟེ་བར་ནི་ཏྲི་ལས་གནོད་བྱེད་དངོས་སུ་གསལ་བར་བསྒོམ༔ ལག་པ་གཉིས་ཐལ་མོ་བསྣོལ་བས་ཟངས་ལྕགས་འཁོར་ལོ་གཉིས་གཡས་གཡོན་དུ་བསྣོལ་མར་འཁོར་བའི་བར་དུ་གནོད་བྱེད་ཡོས་ལྟར་བཏགས་པར་བསྒོམས༔ ཐལ་མོ་བརྡབས་པས་བྲག་ལ་སྒོ་ང་བརྒྱབ་པ་བཞིན་གནོད་བྱེད་དམར་ཆལ་ཆལ་སོང་བས༔ ཤ་ཁྲག་རུས་གསུམ་རྩིབས་བར་

[Full Size]

གྱི་སྡིག་པ་རྣམས་ཀྱིས་ལྷག་མ་མ་ལུས་པར་ཟོས་པར་བསྒོམས་ནས༔ སྔགས་རིང་བརྒྱ་རེ་ཐེམ་པ་དང༔ ཐལ་མོ་དགུ་རེ་བརྡབ༔ དེ་ལྟར་དགོང་མོ་རེ་ལ་ལན་རེ་བྱས་པས༔ ཞག་བཅུ་ལ་སྟོང་ཚོ་གཅིག་འགྲོ་བས་ལས་འགྲུབ་པར་གསུང༔ དེ་ལྟར་ཆད་བརྒྱུད་སྔགས་ལ་ཁྲི་ཕྲག་གཅིག་འདོན་གསུང་ཡང་༔ ད་ལམ་ཞག་བདུན་ལ་འདོན༔ ༈ དེ་ནས་སྔགས་རིང་རྗེས་མ་འདི་གཙོ་ཆེར་ཀླུ་འདུལ་བ་ཡིན་ཏེ༔ བསྒྱུར་ཁའི་གནད་ཀྱང་སྔོན་གོང་དང་འདྲ་བར་ཡོད་དོ༔ དམིགས་པ་དང་ཐལ་རྡེབ་སོགས་གོང་དང་འདྲ་སྟེ༔ གནོད་བྱེད་ཀྱི་གཟུགས་ནི༔ རྒྱལ་འགོང་ནི་བཙུན་གཟུགས་རོད་ངན་པ་ཞྭ་ཐེབ་ཅན༔ གཟའ་ནི་མིའི་གཟུགས་དུད་ཀ་སྤྱི་གཙུག་ན་བྱ་རོག་གི་མགོ་ཡོད་པ༔ ལུས་ཀྱི་ཤ་སྐམ་ཞིང་རིད་པ་ལུས་པོ་མིག་གིས་གང་བ༔ ཨོག་ཚོམ་དཀར་པོ་ཅན་དྲང་སྲོང་གི་ཆ་ལུགས་ཅན༔ ཀླུ་ནི་དངོས་སམ་སྦལ་སྦྲུལ་གྱི་གཟུགས་སུ་བསྒོམ་ཞིང་དེ་རང་ལ་གནོད་བྱེད་དེ་ཡིན་པར་བསམས་ནས་བསད་པ་དང་གཏུབ་པ་དང་བསྐྲད་པ་སོགས་བྱའོ༔ ཐུན་མཚམས་སུ་སྙིང་རྗེ་བསྒོམ་པ་དང་སྟོང་ཉིད་བསྒོམ་པ་སོགས་སྔོན་དང་འདྲ༔ སྔགས་ནི་རྟ་མགྲིན་གྱི་རྩ་སྔགས་དང་ནཱ་ག་རཀཱའི་སྔགས་གཉིས་སྦྲེལ་ལ་སྔགས་རིང་འདི་བཏགས་ལ་བཟླ༔ ཨོཾ་ཙཀྲ་དུ་ན་བདག་ལ་གནོད་བྱེད་གཟའ་ཀླུ་རྒྱལ་འགོང་ཕོ་མོའི་མགོ་ལ་ཆོམ་ཆོམ༔ ཞེ་སྡང་ཤ་ལ་མྱག་མྱག༔ ནཱ་གའི་ཤ་ལ་ཕྱག་མྱག༔ འདོད་ཆགས་ཁྲག་ལ་རྡུད་རྡུད༔ ནི་གའི་ཁྲག་ལ་

[Full Size]

རྦུད་རྦུད༔ ང་རྒྱལ་སྙིང་ལ་གཟིར་གཟིར༔ ནཱ་གའི་སྙིང་ལ་གཟིར་གཟིར༔ འགྲིམ་འགྲིམ༔ དབང་པོ་ཡན་ལག་ནས་ཟུང་ཟུང་༔ ནཱ་གའི་སྙིང་དང་དབང་པོ་ཡན་ལག་ནས་ཟུང་ཟུང་༔ རྩ་རྒྱུད་ལ་ཐུམ་རི་ལི་ལི༔ རྩ་ཐོང་རྩ་ཐོང་༔ ནཱ་གའི་རྩ་ལ་ཐོང་ཐོང་༔ ཁྲག་བྱེད་རུས་ལ་ཁྲུམ་ཁྲུམ༔ འཆིང་བྱེད་སྲོག་ལ་རྦད་རྦད༔ ནཱ་གའི་སྲོག་ལ་རྦད་རྦད༔ བརྒྱལ་བྱེད་རྩ་ལ་རྡུད་རྡུད༔ ནཱ་གའི་རྩ་ལ་རྡུད་རྡུད༔ ནཱ་ག་རཱ་ཙ་སོད་སོད༔ བྱིང་བྱིང་ཐིབ་ཐིབ༔ མྱོས་མྱོས༔ སོད་སོད༔ རྦད་རྦད༔ ནན་ནན༔ ནཱ་ག་རཱ་ཛའི་སྲོག་ལ་ཐིབ་ཐིབ༔ ཕོབ་ཕོབཿ སྙིང་ཐིག་ལ་ཕོབ་ཕོབ༔ དོན་སྙིང་ལྔ་ལ་ཕོབ་ཕོབ༔ སྤུ་གྲི་འབར་བས་གནོད་བྱེད་གཟའ་ཀླུ་རྒྱལ་འགོང་ཕོ་མོའི་སྙིང་ནས་དྲོངས་ཤིག༔ ནཱ་ག་རཱ་ཙ་ཐུམ་རིལ་ཛཿ མཱ་ར་ཡ་བམ་རིལ་རྦད་ཡ༔ ཞེས་ཁྲི་ཕྲག་གཅིག་བཟླ༔ ཞེས་གསུངས་ཀྱང་ཞག་བདུན་ལྔ་རྟགས་ལ་བལྟ་ཞིང་བཟླའོ༔ དེས་མ་ཕན་ན་གསུངས་པ་ནི༔ མཛེ་ནད་ལ་མ་ཕན་ན་ཟེར་བ་ཡིན་ཀྱང་དོན་ལ་འདྲ་བས་རྟ་མགྲིན་གྱི་སྔགས་དང་ནཱ་ག་རཀཱའི་སྔགས་གཉིས་སྦྲེལ་ལ་འདི་བཏགས༔ ཨོཾ་ནཱ་ག་དུ་ཙན་དེ་ཙན་དྡྷེ་མི་ལི་མི་ལི་བྷན་བྷནྡྷ་ནཱ་ག་ནི་སྭཱ་ཧཱ༔ ཞེས་སྦྱར་ལ་ཁྲི་ཕྲག་གཅིག་

[Full Size]

གམ་ཞག་གསུམ་ཙམ་བཟླས༔ ད་ནི་རྒྱལ་བསེན་འདུལ་བ་བསྟན༔ དུས་ཀྱི་ཐ་མ་ལ་རྒྱལ་པོ་འདི་ཡིས་འགྲོ་བ་མཐོ་དམན་མེད་པ་ལ་གནོད་ཚབས་ཆེ་ཞིང་ཁྱད་པར་དམ་སྲི་ཡིན་པས་ཆོས་པ་རྣམས་ལ་བར་དུ་གཅོད་པས༔ འདིའི་སྲོག་འཕྲོག་སྤུ་གྲི་དྲག་སྔགས་འདི་ཡིན་ནོ༔ འདིའི་མགོ་ན་ཡང་རྟ་མགྲིན་གྱི་རྩ་སྔགས་དང་ནཱ་ག་རཀཱའི་སྔགས་གཉིས་སྦྲེལ་ལ་འདི་ལ་བཏགས༔ ཨོཾ་མ་ཧཱ་པདྨ་ཤྲཱི་ཧེ་རུ་ཀ༔ བཛྲ་རུ་ཏ་ཀ༔ བཛྲ་རུ་ཏེ་ཀ༔ ཀྲོ་དྷ་ཧུ་ལུ་ཧུ་ལུ་ཧཱུྃ་ཕཊ༔ བྷན་དྷ་ཧྲཱིཿ་ཛཿ བཛྲ་རཱ་ཛཿ ས་མཱ་ཡ་སཾ༔ ཨེ་ཨཱ་ར་ལི་ཧཱུྃ་ཧྲཱིཿཛཿ ས་མ་ཡ་སྟཱ༔ ཨོཾ་ལྷང་ལྷང་ཙེར་ཙེར༔ ཐུམ་ཐུམ༔ ཤེལ་ཤེལ་སྭཱ་ཧཱ༔ ཧྲཱིཿབཛྲ་རཀཱ་རཱ་ཛཱའི་ཙིཏྟ་ཟུང་ཟུང་༔ ཁ་རག་སྨེ་ཤ་ཅད་རྦད༔ ཁུ་ན་དུམ་བུར་ཤིག་ཤིག༔ དྷ་ན་རཀཱའི་ཙིཏྟ་ཕྱུང་ཕྱུང་༔ ལྡོག་ན་རཀཱའི་ཙིཏྟ་རྦད་རྦད༔ ཏྲི་གཏུབ་ཛཿ རཱ་ཛ་ཐུམ༔ ཨ་ཏི་རྦད༔ མཱ་ར་ཡ་ཐུམ༔ མཱ་ར་ཡ་ཛཿ ཤེལ་གིང་དཀར་པོ་གཏུབ་མཱ་ར་ཡ་ཛཿ སྙིང་རྩ་ནན༔ པྲ་མ་ས་ཡ་ཧཱུྃ་ཧཱུྃ་ནན་རྦད་རྦད༔ ར་ཏྲི་ར་ཏྲི་ནན༔ མཱ་ར་ཡ་ཛཿ ཀཾ་ཀཾ་ཀུ་རུ་ནན༔ པྲ་མ་ས་ཡ་ཧཱུྃ་ནན༔ རཱཛ་ཁ་ཐུམ༔ རཱ་ཛ་ཏྲིག་ནན༔ ཏྲི་ཛཿ སྟོ་བྷ་ཡ་ནན༔ ཧཱུྃ་ཕཊ་ནན༔ བདུན་ནམ་ཉེར་གཅིག་ཙམ་རེ་བྱ༔ རྟགས་དང་བསྟུན་ཏེ་བཟླའོ༔ བརྒྱལ་སོང་ན་གནོད་

[Full Size]

པས༔ ཐུལ་བ་དང་ཆུན་པའི་རྟགས་བྱུང་ན་དམ་བོརཿ མནའ་བསྒག་ལ་ཚོད་རན་པ་གཅེས་སོ༔ ཨར་ལ་གཏད་ན་ཁོ་རང་སྲོག་དང་བྲལ་བས་སྡིག་ཆེའོ༔ ལར་སྔགས་འདི་ལ་ཞག་རེ་ལ་བདུན་རེ་བཟླས་ན་ཞག་བདུན་ནས་ཐུལ་ལོ༔ ཞེས་གསུངས་པའི་དོན་ནི༔ འོག་གི་རྫ་ས་སྒྲུབ་ཀྱི་སྐབས་ནསཿ དགོས་དུས་ཁ་གསོ་བ་ནི༔ རྩ་བའི་སྔགས་བརྒྱའམ་སྟོང་སོགས་ཀྱིས་ཀླུ་དང་རྒྱལ་པོ་སོགས་གང་བསྲུང་ལ་སྔགས་ཚན་གསུམ་པོ་ཕོ་མོ་གང་བསྲུང་ལ་རབ་ཁྲི་ཕྲག༔ གཞོན་ནུ་རྣམས་ལ་སྟོང་ཕྲག་རེ༔ བྱོལ་སོང་ལ་བརྒྱ་རེ༔ ཞོ་ཆང་ལ་ཉེར་གཅིག་རེ༔ ཞེས་གསུངས་པས༔ སྔགས་རིང་འདི་ཁྲི་ཚོ་བཏོན་པས་མང་བའི་སྐྱོན་དུ་མི་འགྱུར་ཞིང་༔ སྔགས་རིང་དེ་ལ་ཕྲེང་རྡོག་རེ་བཞག་པས༔ ཞག་བདུན་ལ་ཡང་ཁྲི་ཕྲག་ལས་མི་ཚར་རམ་སྙམ༔ ཐུབ་པའི་རྟགས་བྱུང་ཡང་ད་རུང་བཟླས་ན་ཁོ་བརྒྱལ་ནས་འགྲོ༔ བརྒྱལ་སོང་ན་གནོད་པ་ཆེར་བྱེད་པས༔ གདོན་ཐུལ་བའི་རྟགས་དང་ཆུན་པའི་རྟགས་མི་གནོད་པའི་དམ་བཅའ་སོགས་བྱུང་ན༔ རང་ལྷར་གསལ་བའི་མདུན་དུ་གཟའ་དང་རྒྱལ་པོ་དང་ཀླུ་ལ་སོགས་པ་རང་རང་གི་གཟུགས་སུ་ཐལ་མོ་སྦྱར་ནསཿ ད་ཕྱིན་ཆད་ཁྱེད་འཁོར་བཅས་ལ་གནོད་པ་བྱེད་རེ་ན་ར་ཀན༔ ཞེས་ལན་བརྒྱ་སྟོང་མང་པོ་ཟེར་བར་བསྒོམ་པ་ནི་མནའ་བསྒག་པ་ཡིན༔ དམ་ཚིག་གི་མནའ་ཆུ་བླུད་པར་བསྒོམས་ལ༔ ཨ་མྲྀ་ཏ་ཁཱ་ཧི་ཞེས་སྲིན་ལག་གིས་བདུད་རྩི་གཏོར་ལ་ཁོས་འཐུང་བར་བསམ༔ རང་གི་ལག་གཡས་རྡོ་རྗེ་ཐོགས་ལ༔ དམ་ཚིག་རྡོ་རྗེ་སྤྱི་བོར་བཞག་པས་སྤྱི་བོར་

[Full Size]

རྡོ་རྗེས་མཚན་པར་བསྒོམ༔ དེ་ནི་དམ་བོར་བ་ཡིན་ནོ༔ ནུས་པ་ཆེན་པོ་ཅན་གྱིས་ད་རུང་ཨར་ལ་གཏད་ན་ཁོ་སྲོག་དང་བྲལ་བས་སྡིག་ཆེ་གསུངས་ཏེ༔ མི་ཤི་བ་ལྟར་མེད་འགྲོ་བ་མ་ཡིན༔ འདྲེ་ཤི་ཞག་གསུམ་ཟེར་བའི་དཔེ༔ ཞག་འགའ་ནས་སྔོན་ལྟར་འདྲེ་ཞིག་ལ་སྐྱེས་ཏེ༔ སྔར་ཡང་རི་དྲུང་པ་འདྲེ་ལ་སྐྱེས་ནས་མཚུར་ཕུའི་བྲག་ལ་གནས་པ༔ འཇའ་ཚོན་སྙིང་པོས་གཟིར་བས༔ འཇའ་ཚོན་སྙིང་པོ་གློ་ཚད་བསྙུངས་སྟེ་དེས་འདས་བྱས༔ ང་ཡང་དེས་ཤི་བྱས་ཏེ་ཁོ་ཡང་ཚེ་འཕོས་ནས་ཡོད་སྙམ་གསུངས་པ་ལྟར༔ མཚུར་ཕུ་ནས་ཚེ་འཕོས་ཏེ༔ ད་ལྟར་འབྲས་སྤུང་གི་ནུབ་བྱང་མཚམས་སུ་གནས་ནསཿ ཕྱོགས་བཅུ་ཀུན་ཏུ་རྒྱུག་ཅིང་ཞྭ་དམར་ནག་གི་བསྟན་པ་ལ་གནོད་པས༔ དེ་བསྲེགས་པ་དང་མནན་པ་སོགས་མ་ཐུབ་ན༔ ཀར་ལུགས་ཀྱི་བསྟན་པ་དར་བར་མི་འགྱུར་ཞེས༔ རིག་འཛིན་སྲོག་སྒྲུབ་ཀྱི་ལུང་བསྟན་དུ་འདུག་པ་ལྟ་བུའོ༔ བདག་གི་མྱོང་བ་ལ༔ རྒྱལ་རྟགས་ཀྱི་ཆོ་འཕྲུལ་སོགས་བྱུང་དུསཿ འདི་ཡི་སྔགས་རིང་རྣམས་བཟླས་པས་ཐུབ་རྟགས་དང་ཐུལ་རྟགས་ཀྱང་མི་འོང་ཞིང་༔ གདོན་རྟགས་རྣམས་ཀྱང་མེད་པར་འཇམ་མུག་གེ་འགྲོ་འདུག་པས། གདོན་དེ་བྲོས་པ་ཡིན་པ་འདྲ༔ དེ་རྗེས་གྲྭ་པ་དགུ་ཙམ་ལ་སྲོག་རླུང་བྱུང་བས༔ སྡིག་པའི་ཁོལ་བསྒྲུབ་མང་འདོན་པཞག་འགའ་བྱས་པའི་མཇུག་ནས༔ འདི་ཡི་རྒྱལ་བོ་འདུལ་བའི་སྔགས་དེ་ཡང་བདག་གིས་མང་ཞིག་བཏོན་པསཿ ནམ་ཐོ་རངས་གཉིད་པ་མ་ཡིན་ཉམས་ཀྱི་སྣང་བརཿ གཟུགས་ནི་མ་མཐོང་སྟེ་རྣ་བའི་ཡུལ་དུ་སྒྲ་གྲག་པ༔ ཆོས་རྒྱལ་

[Full Size]

ཆེན་པོའི་གཏམ༔ ཁྱོད་ལ་གནོད་པ་བྱེད་རེ་ཀན་ཟེར༔ ང་ལ་གནོད་པ་མི་བྱེད་པས་མི་ཆོག༔ ངའི་འཁོར་རྣམས་ལ་ཡང་གནོད་པ་མི་བྱེད་དགོས་རྒྱུ་ཡིན་བསམས་པས༔ ཁྱོད་ཀྱི་འཁོར་རྣམས་ལ་གནོད་པ་བྱེད་རེ་ན་ར་ཀན་ཟེར་དེ་ནས་སྔགས་རིང་མ་བཏོན་དམིགས་པས་ཀྱང་མ་གཟིར་བས༔ གྲྭ་པ་རྣམས་ཀྱང་རིམ་གྱིས་བདེ་སོང་༔ དེ་བས་སྔོན་དུས་གདོན་ཅན་མང་པོ་བཀའ་བསྒོ་ཞུ་བར་བྱུང་དུས༔ སྦ་ལྕག་རྒྱབ་ཅིང་རྦད་བརྒྱད་འདོན་པ་རྒྱུན་དུ་བྱེད་སྐབས༔ ནུབ་གཅིག་གཉིད་པ་མ་ཡིན་ཉམས་ཀྱི་སྣང་བར་གཟུགས་ནི་མ་མཐོང་སྟེ༔ ས་འདིའི་འོག་གདིང་མ་ཟད་ན༔ ཀླུ་ཞིག་ཡོད་པ་རེད་པས༔ ཁྱོད་ཀྱི་དྲག་སྔགས་དེ་རྒྱུན་དུ་མ་འདོན་ང་ལ་གནོད་དོ་ཟེར་བ་ཐོས༔ དེ་ཕྱིན་ཆད་བཀའ་བསྒོ་དུས་མ་བཏོན༔ ཐུལ་བའི་རྟགས་བྱུང་ནས་ཚོད་བཟུང་བ་གཞུང་ནས་གསུངས་ལྟར་ཡིན་ཏེ༔ ལྷ་འདྲེ་གཞན་དང་མི་འདྲ་རྒྱལ་འགོང་འདི་དམ་སྲིའི་རིགས་ཡིན་པས་ཆད་དོན་སྟེང་ན་མི་འཇོག་པའི་ཕྱིར༔ ཨོ་རྒྱན་རིན་པོ་ཆེས་ཀྱང་རྒྱལ་པོ་འདི་དམ་ལ་བཏགས་ཝིག་མང་པོ་བྱས་འདུག་པ་ལྟརཿ རྗེས་ནས་གནོད་པ་བྱུང་ན་སྔགས་རིང་འདོན་མི་རུང་བ་ནི་མ་ཡིན་ནོ༔ སྔགས་རིང་རྣམས་འདོན་ཚེ་རྫས་རྒོད་ལ་ཕུ་སུ་རེ་ཚར་ན་ཤིན་ཏུ་ལེགསཿ དེ་མང་པོ་ལ་སྦྱིན་མི་སྤོབ་eཏྟཱན་ཉུང་ངུ་ཞིག་ལོགས་སུ་བསྔགས་ཀྱང་ཆོག༔ རྫས་རྒོད་མང་མ་ལ་ཕུ་མི་འདེབས་ཀྱང་མདུན་དུ་སྒྲུབ་རྟེན་གྱི་ཚུལ་དུ་བཞག་ན་ལེགསཿ སྒྲུབ་པ་ཚར་ནས་བདག་འཇུག་གཞུང་ལྟར་ལན་གསུམ་ལེན༔ ཡང་རྗེས་ནས་སྤོག་ཆོག་ཏུ་སྒྲུབ་པ་བྱེད་།

[Full Size]

ན་སྔོན་ལྟར་དགོང་ཁའི་བར་དུ་རྩ་བའི་སྔགས་བསྒྲུང་༔ དེ་ནས་ནཱ་ག་རཀཱ་སྦྱར་བ་སུམ་བརྒྱ་ཙམ༔ དེ་ནས་རྦད་བརྒྱད་བདུན་ནམ་ཉེར་གཅིག༔ ཙཀྲ་དུ་ན་བདུན་ནམ་ཉེར་གཅིག༔ རྟ་མགྲིན་ནཱ་ག་རཀྵ་ནཱ་ག་དུ་ན་གསུམ་སྦྲེལ་བ་ཚར་བདུན་དེ་ནས་རྒྱལ་པོ་འདུལ་བའི་སྔགས་རིང་དེ་ཚར་གསུམ་མམ་བདུན༔ སྔགས་དེ་དག་སོ་སོ་འདོན་ཚེ་སོ་སོའི་དམིགས་པ་ཡང་དྲན་ཐུབ་ཙམ༔ ཐུན་མཚམས་སུ་སྟོང་ཉིད་དང་སྙིང་རྗེ་བྷེ༔ དེ་ལྟ་བུ་ཟླ་བསྒྲུབས་སམ་བདུན་གཉིས་བདུན་གསུམ་བསྒྲུབས་ན་སྤོག་ཆོག་གིས་བསྒྲུབ་པ་ཡིན་ནོ༔ ལྷ་དེ་དང་ཚེ་རབས་ལས་ཀྱི་འབྲེལ་བ་མེད་ན་ཡང་༔ སྤོག་ཆོག་མང་དུ་བྱས་ན་མི་འགྲུབ་མི་སྲིད་པ་ཡིན༔ ལར་ཕྱི་མ་བདེ་བ་ཅན་དུ་སྐྱེ་བ་དང་༔ ད་གང་བར་ཆད་སེལ་ཞིང་ལྷ་འདྲེ་གདུག་པ་ཅན་འདུལ་བ་ལ་རྟ་མགྲིན་འདི་ལས་ལྷག་མེད༔ རྟ་མགྲིན་རིགས་མི་འདྲ་བ་རྟ་མོག་རོའི་སྤུ་གྲངས་ཡོད་པར་གྲགས་ཀྱང་༔ སྤྱན་རས་གཟིགས་ཐུགས་ཁྲོས་པ་ནི་རྟ་མགྲིན༔ རྟ་མགྲིན་ཤིན་ཏུ་ཐུགས་ཁྲོས་པ་ནི་རྟ་མགྲིན་ནག་པོ་ཡིན་པས་རྣོ་མྱུར་ཤིན་ཏུ་ཆེ༔ གཏེར་ཁ་རེ་ནས་རྟ་མགྲིན་ནག་པོ་རེ་ཡོད་ཀྱང་༔ རཏྣ་ལུགས་འདིའི་ཤོག་སེར་ཆོས་གྲགས་རྒྱ་མཚོ་ལ་ཕུལ་བའི་རྟེན་འབྲེལ་གྱིས༔ འདི་དར་སྲོལ་ཆེ་ཞིང་བསྒྲུབས་ཚད་ཀྱི་ནད་གདོན་ཞི་བ་དང་༔ མཐུ་ནུས་ཆེ་བ་དང་༔ བྱིན་རླབས་ཆེན་པོ་བྱུང་བ་ནི་དཔག་ཏུ་མེད་དེ་མྱོང་བས་ཀྱང་གྲུབ་བོ༔ དེས་ན་ཁྱེད་རང་གི་ཐུགས་དམ་གྱི་རྟེན་དུ་ཡི་དམ་གྱི་རྩ་བ་འདི་རང་ལ་མཛོད་ལ༔ རྟ་མཆོག་རོལ་པའི་རྒྱུད་པོ་ཏི་གཉིས་དངུལ་གྱིས་བཞེངས་ནས་ཡོད་པ་ཡང་

[Full Size]

ཁྱེད་རང་གི་བསྒྲུབ་པའི་རྒྱབ་བརྟེན་དུ་བསྒོམ་མཛོད༔ ཅེས་བླ་མ་ནམ་མཁའི་སྒྲུབ་པའི་གསལ་འདེབས་སུ་བླ་རྒན་ཨ་རཱ་གས་ངག་ནས་སྨྲས་པ་ལྟར༔ དགེ་སློང་བརྩོན་འགྲུས་ཀྱིས་ཡི་གེར་བཀོད་པ༔ ཕྱི་རབས་ཀྱི་སྔགས་འཆང་མང་པོ་ལ་ཕན་ཐོགས་རྒྱ་ཆེན་པོར་གྱུར་ཅིག༔ མངྒ་ལཾ་བྷ་ཝནྟུ་སརྦ་ཛ་ག་ཏཾ། ས་མ་ཡ༔ རྒྱ་རྒྱ་རྒྱ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཡང་གསང་ཁྲོས་པ་རྟ་མགྲིན་ནག་པོ་ལྕགས་རལ་ཅན་གྱི་སྒྲུབ་པའི་ཟིན་བྲིས།

[Full Size]

ཡང་གསང་ཁྲོས་པ་རྟ་མགྲིན་ནག་པོ་ལྕགས་རལ་ཅན་གྱི་སྒྲུབ་པའི་ཟིན་བྲིས་བཞུགས།།

[Full Size]

ན་མོ་རྒྱ་གྷི་ཝ་ཡེ༔ རྟ་མགྲིན་ནཱ་ག་ཀླུ་འདུལ་གྱི་ཞལ་གདམས་ནི༔ དཀྱིལ་འཁོར་རྡུལ་ཚོན་རས་བྲིས་སོགས་དང་༔ མདའ་བཞི་གྲི་བཞི་ཚོན་སྐུད་དྲ་བ་སོགས་སྒྲུབ་ཆེན་ལྟར་གྲུབ་ན་ལེགས༔ མ་འཛོམས་ན་རས་བྲིས་སམ༔ མེད་ན་དར་རམ་རས་ནག་པོའི་སྟེང་དུ་འབྲུ་ཡི་ཚོམ་བུ་ལྔ་བཀོད་པའི་དབུས་སུ་བུམ་པ་བུམ་རྫས་དང་བཅས་ཁ་རྒྱན་མགུལ་ཆིངས་སྔོན་པོ་ཅན་བཤམས༔ དེའི་སྟེང་དུའམ༔ མདུན་དུ་གཏོར་མ་རིན་ཆེན་འབར་བ་མར་གྱི་རྟ་མགོ་ཅན་བཤམས༔ གཡས་སུ་བདུད་རྩི་གཡོན་དུ་རཀྟ། མཐར་མཆོད་པ་སྣ་བདུན་བསྐོར་བཤམ་བྱ༔ གཞན་ཡང་གཏོར་སྒོམ་མམ་གང་བདེར༔ བླ་མ་ཡི་དམ་མཁའ་འགྲོའི་གཏོར་མ་ཆ་ཚང་བཤམས༔ སྔོན་འགྲོ་དཀར་བགེགས་བཏང་༔ དེ་ནས་མདུན་གྱི་དཀྱིལ་འཁོར་བུམ་པ་དང་བཅས་

[Full Size]

པ་དེ་དམིགས་རྟེན་ཙམ་ཡིན་གྱི༔ བདག་མདུན་སོ་སོར་བསྒོམ་པ་མ་ཡིན༔ འདི་ཡི་ཁྱད་ཆོས་ལ་མདུན་གྱི་དཀྱིལ་འཁོར་དང་རང་ཉིད་དབྱེར་མེད་དུ་བསྒོམ་ལ་ཡེ་ཤེས་པ་བསྟིམས༔ ཨོཾ་ཧཱུྃ་ཧཱུྃ་ཧཱུྃཨཱཿ ཞེས་བརྗོད་པས་ཡེ་ཤེས་ལྔ་ཡི་དབང་བསྐུར་བར་བསམ༔ རང་གི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ༔ དབུས་སུ་ཧྲཱིཿམཐིང་ནག་ལངས་ཏེ་གནས་པའི་མཐར་སྔགས་ཀྱི་ཡིག་འབྲུ་ལང་ཐབས་གཡས་སུ་འཁོར་བར་བསྒོམ་ལ༔ ཨོཾ་ཧྲཱིཿབཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཅེས་འདི་བཟླས་ཏེ། སྔགས་སྟོང་ཕྲག་ལྔ་དྲུག་ཙམ་ཅི་ཐོན་བཟླ༔ ཐུན་མཚམས་སུ་བླ་མ་ཡི་དམ་གཏོར་མ་དེ་གསོ་བྲན་བྱས་ལ༔ ཧཱུྃ་ཧྲཱིཿ བདེ་ཆེན་དབང་དྲག་རོལ་པའི་དཀྱིལ་འཁོར་ནསཿ བྱ་གྲཱི་ཝ་ཞེས་སོགས་སྤྱན་

[Full Size]

འདྲེན་མཆོད་བསྟོད་གཞུང་ལྟར་བྱས་ལ༔ དེ་ཚེ་རྟ་མགྲིན་ལྷ་ལྔའི་དཀྱིལ་འཁོར་ནམ་མཁར་སྤྱན་དྲངས་གཏོར་མ་གསོལ་ནས༔ གཏོར་མགྲོན་རང་ལ་ཐིམ་པར་བསྒོམ༔ ཐུན་མཚམས་སུ་དགེ་སྦྱོར་དང་བྱ་བ་གཞན་གང་དགོས་བྱ༔ ཉིན་ཕྱེད་མངོན་རྟོགས་ནུས་བསྙེན་པ་སྔར་ལྟར་རོ༔ ཐུན་མཚམས་སུ་མཆོད་བསྟོད་སོགས་སྔར་ལྟར༔ དགོང་ཁ་མངོན་རྟོགས་བསྙེན་པ་སོགས་སྔར་ལྟར༔ ཐུན་མཚམས་མཆོད་བསྟོད་སྔར་ལྟར་རོ༔ མཚན་ཐུན་མངོན་རྟོགས་བསྙེན་པ་སྔར་ལྟར་རོ༔ ཉལ་ཁ་མཆོད་བསྟོད་སྔར་ལྟར་རོ༔ དེ་དག་གི་ཐུན་མཚམས་ཐམས་ཅད་དུ་ཆོས་སྤྱོད་གཏོར་མ་ཆ་བཅུ་སོགས་ཆག་མེད་ཀྱི་དགེ་སྦྱོར་གང་དགོས་བྱ༔ ངག་འཁོར་ཡུག་ཏུ་ཆོད་ན་རབ༔ མ་ཆོད་ན་ཐུན་མཚམས་སུ་བཏང་བར་བྱ་ཆོག༔ ཐུན་མཚམས་སུ་གཏོར་བསྔོས་རང་གིས་གང་ཤེས་རྒྱས་པར་བྱ༔ གཏོར་བསྔོས་ཀྱི་མཇུག་ཏུ༔ བཀའ་སྲུང་ཀླུ་བདུད་བསྙོ་ཁ༔ གཏེར་སྲུང་མཁའ་རི་ལྕམ་དྲལ་གྱི་ཞལ་དུ་ཨི་དཾ་བ་ལིང་ཁ་ཁ་ཁཱ་ཧི༔ ཞེས་སྦྱར་བ་གལ་ཚེའོ༔ ཉལ་དུས་རང་ཉིད་ལས་མེ་འབར་བས་སྣོད་བཅུད་ཐམས་ཅད་བསྲེགས་ནས་སྟོང་པར་སྦྱངས༔ མེ་ལྕེ་ཐམས་ཅད་ཚུར་ཇེ་ཆུང་དུ་འདུས་ནས་གཞལ་ཡས་ཁང་ལ་ཐིམ༔ དེ་འཁོར་ལ་ཐིམ༔ འཁོར་གཙོ་བོ་ལ༔ དེ་ཧྲཱིཿལ་ཐིམ༔ ཧཱུྃཡང་ཇེ་ཡལ་དུ་གི་གུ་ལ༔ དེ་འོད་ཀྱི་ཐིག་ལེ་སྔོན་པོ་གཅིག་ཏུ་གྱུར༔ དེ་ཡང་མི་དམིགས་པ་སྟོང་པ་ཉིད་དུ་གྱུར་པར་བསམས་ལ༔ སེམས་ཉིད་ཉམས་ལེན་དང་མ་བྲལ་བར་ཉལ༔ ཕྱིར་ནངས་སྔར་ལྟར་ཐུན་བཟུང་སྟེ༔ ཞག་བདུན་

[Full Size]

གསུམ་མམ་བདུན་གཉིས་ཐ་མ་ཞག་བདུན་དུས་ཀྱི་བསྙེན་པ༔ གྲངས་རབ་བྱེ་བ༔ འབྲིང་བདུན་འབུམ། ཐ་མ་སུམ་འབུམ་བཟླའོ༔ ལུས་ལ་ནད་མེད་ན་སྔགས་རིང་གང་ཡང་མི་བཟླ༔ ཀླུ་ནད་མཛེ་ཡོད་ན་བསྙེན་པ་བྱེ་བ་གཅིག་ཐོན་པ་དང་༔ ནཱ་ག་རཀཱ་ཞེས་སོགས་སྔགས་ཐུང་དེ་སྦྱར་ལ་འབུམ་ཕྲག་གཅིག༔ སྔགས་རིང་གཉིས་ཁྲི་ཚོ་རེ་རེ་བཟླས་པས་ནད་སེལ་ལོ༔ སྔགས་ཤམ་ཐུང་བ་ནཱི་ག་རཀཱ་སྦྱར་དུས་དམིགས་པ་ནི༔ རང་གི་ཐུགས་ཀའི་ཧཱུྃ༔དང་སྔགས་ཕྲེང་ལས་མེ་འབར་ཏེ་ལུས་ཀྱི་ནང་ཐམས་ཅད་གང་བས་ནད་གདོན་ཐམས་ཅད་བསྲེགས༔ རོ་མ་བ་སྤུའི་བུ་ག་ནས་ནག་ཉིལ་ཉིལ་ཐོན༔ ལུས་ཀྱི་ནང་ཐམས་ཅད་ལྕགས་སྲེག་གི་མདོག་ལྟར་མེ་ཡི་རང་བཞིན་དམར་ཝང་ངེ་༔ མེ་ལྕེ་བ་སྤུའི་བུ་ག་ཐམས་ཅད་ནས་དམར་ཀྱུ་རུ་རུ་ཕྱིར་འཕྲོ་བར་བསྒོམ༔ གང་ན་བའི་ས་དེར་བུག་པ་ཡོད་ས་ནས་མེ་སི་རི་རི་འབར་བར་བསྒོམས་པས༔ གཟའ་བདུད་རྒྱལ་པོའི་ནད་ཐམས་ཅད་སེལ་ལོ༔ སྔགས་རིང་ཁྲོད་བརྒྱད་གཉིས་པོ་འདོན་དུས༔ རང་ལས་སྤྲུལ་པའི་རྟ་མགྲིན་ནག་པོ༔ གྲངས་མེད་པས་འཇིག་རྟེན་གྱི་ཁམས་ཐམས་ཅད་གང་ནས༔ གནོད་བྱེད་ཐམས་ཅད་ཀྱི་སྙིང་ནས་ལྕགས་ཀྱུས་བཟུང་༔ ཞགས་པས་སྐེ་ནས་བཅིངས༔ གཡས་རལ་གྲིས་གཏུབ་ཅིང་༔ ལ་ལས་ཤ་ཟ༔ ལ་ལས་ཁྲག་འཐུང་༔ སྐུ་ལས་འཕྲོས་པའི་མེ་དཔུང་འཚུབ་ཅིང་འབར་བས་བསྲེགས་ཏེ༔ གདོན་ཐམས་ཅད་མྱ་ངན་གྱིས་སྐད་ཙེ་རི་རི་ཅི་བགྱིས་པའི་བཀའ་ཉན་གསུང་སྒྲུབ་སྲོག་སྙིང་ཕུལ་བར་བསྒོམ༔ ཐུན་བར་དུ་སྙིང་རྗེ་

[Full Size]

ཆེན་པོ་བསྒོམ༔ རྗེས་སུ་སྟོང་ཉིད་ཐུན་ཆེ་བ་རེ་བསྒོམ་པ་གལ་ཆེ༔ ནུས་པ་ཆུང་ན་སྟོང་ཉིད་སྙིང་རྗེ་མ་བསྒོམ་ན་འཁུ་ལྡོག་འབྱུང་༔ ནུས་པ་ཆེ་ན་ཡང་སྡིག་ཆེའོ༔ ནད་མེད་པ་བདེ་བ་དལ་གྱིས་བསྙེན་སྒྲུབ་ལ་སྔགས་རིང་གསུམ་པོ་ཚར་གསུམ་བདུན་ཡན་མང་ན་ཡང་བརྒྱ་བས་མང་མི་དགོས༔ དེ་ནས་སྒྲུབ་པའི་ཚེ་དངོས་ཉམས་རྨི་ལམ་དུ་རྟ་སྐད་ཐོས་པ་ལུས་གོས་རྔ་སོགས་ལ་མེ་འབར་བ༔ མེ་ཏོག་ཐུ་བ༔ ཡིག་དྲུག་བསྐུལ་བ༔ ཁྲི་ལ་འདུག་པ༔ བདེ་བ་ཅན་དུ་ཕྱིན་པཿ མཁར་བརྩེགས་པེ༔ གོ་ཆ་གྱོན་པ༔ ལུས་ལ་རྣག་ཁྲག་གམ་འབུ་སྲིན་ཐོན་པ་སོགསཿ ནད་གདོན་ཞི་རྟགས་དང་དག་སྣང་སྣ་ཚོགས་འཆར་བའོ༔ སྒྲུབ་པ་གཞུང་ལྟར་བུམ་པ་དང་གཏོར་མ་གཉིས་མ་བྲལ་བར་སྤྱི་བོར་བཞག་ལ་རང་གིས་དབང་བླངས་ཏེ༔ བུམ་ཆུ་གཏོང་༔ གཏོར་མ་ལ་དངོས་གྲུབ་བླང་༔ དབང་བླང་བའི་ལྷ་དེ་ནི་སྤྱན་འདྲེན་མཆོད་བསྟོད་བྱེད་ཅིང་དབང་བླང་ལ་བླང་མཐར་རང་ལ་བསྟིམས་པས་གཤེགས་གསོལ་མེད་དོ༔ དེ་ནས་མཚམས་གྲོལ་ལཿ རྗེས་ནས་གདོན་པའི་རྟགས་བྱུང་ངམ༔ གཞན་གྱི་གདོན་འདུལ་ན་སྔགས་རིང་རྣམས་དྲག་ཏུ་བཟླའོ༔ དེ་ཡང་རྟ་མགྲིན་ནག་པོ་གཞུང་ལྟར་ལས༔ ཕྱག་གཡས་སྡིགས་མཛུབ་དང་བཅས་པའི་རལ་གྲི་དཔུང་པ་གཡོན་ངོས་སུ་ཕྱར་བ༔ སྐུ་ལ་བེར་གྱི་ནང་དུ་རྡོ་རྗེའི་གོ་ཁྲབ་གསོལ་བ་གཅིག་བསྒོམས་པའི་སྐུ་ལས་ཡེ་ཤེས་ཀྱི་མེ་འབར་བས་ནད་པ་དེའི་ནད་གདོན་ལུས་ཤ་ཁྲག་དང་བཅས་པ་བསྲེགས། ཡང་སྐུ་ལས་ཡེ་ཤེས་ཀྱི་ཆུ་བྱུང་བས་བསྲེགས་པའི་ཐལ་བ་ཡང་བཀྲུས་

[Full Size]

ནས་སྟོང་པར་གྱུར་པར་བསྒོམ་ལ་དྲག་སྔགས་རྣམས་བཟླསཿ བྱིན་རླབས་སམ་ཕུ་སུའམ༔ སྔགས་ཆུ་སོགས་བྱས་པས་གདོན་ནད་ཐམས་ཅད་ལ་ཕན་ཏེ༔ མཛེ་ནད་གག་ལྷོག་གཟེར་གསུམ་ཐབ་གཉེན་ཆུ་བྱིའི་གྲིབ་གཟའ་སོགས་གང་ལའང་ཕན་ནོ༔ ཡང་མཚམས་མི་ཐོན་པར་རྒྱུན་བསྙེན་བྱེད་ན༔ སྔ་དྲོ་མངོན་རྟོགས་འདོན་པས་རྒྱུན་བསྙེན་བྱ༔ ཕྱི་དྲོ༔ ཧཱུྃ༔ བདེ་ཆེན་རོལ་པའི་སོགས་སྤྱན་འདྲེན་མཆོད་བསྟོད་བྱས་ནས་རང་ལ་བསྟིམ༔ དེ་ལྟར་རྒྱུན་བསྙེན་བསག་གོ༔ རྟ་མགྲིན་འདི་ལ་གཏོར་བསྔོས་ལོགས་སུ་མི་དགོས་མཆོད་བསྟོད་གཞུང་གི་དེས་འཐུས་སོ༔ ཡང་སྲུང་འཁོར་བསྒོམ་པ་ནི༔ དབུ་ས་ལྕགས་ཀྱི་རལ་པ་སྤྲུགས་པའི་སྐུ་གསེབ་ནས་ཞེས་སོགས་ཀྱི་དོན༔ རང་གི་རལ་པ་སྤྲུགས་པས་རང་འདྲ་བའི་ཁྲོ་བོ་གྲངས་མེད་འཕྲོས༔ གནོད་བྱེད་ཐམས་ཅད་རྒྱ་མཚོའི་ཕ་རོལ་དུ་དེད༔ དེ་རྣམས་ཚུར་འདུས་གཞལ་ཡས་ཁང་གི་ཕྱི་རོལ་ནས་རྟ་མགྲིན་དཀར་པོའི་ཚོགས་ཞལ་ནང་དུ་རྒྱུ་ནས་སྲུང་བའི་ལས་མཛད་པའི་གུར༔ དེ་རྒྱབ་རྟ་མགྲིན་ནག་པོ་ཞལ་ཕྱིར་གྱུ་ནས་བཟློག་པའི་ལས་མཛད་པའི་གུར༔ དེ་རྒྱབ་འཁོར་ལོའི་གུར༔ དེ་རྒྱབ་རྡོ་རྗེའི་གུར༔ རིན་པོ་ཆེའི་གུར༔ པདྨའི་གུར༔ རྒྱ་གྲམ་གྱི་གུར༔ ཕུར་པའི་གུར༔ རལ་གྲིའི་གུར༔ མེ་ཡི་གུར་དུ་གྱུར་པར་བསྒོམ་མོ༔ བསྲུང་བྱ་གལ་ཆེ་བ་རྣམས་ཐུགས་ཀྱི་ཧྲཱིཿ ཡིག་ཧ་ཁོག་ནང་དུ་ཚུད་པར་དམིགས༔ བསྲུང་བྱ་གལ་ཆུང་བ་རྣམས་སྲུང་འཁོར་ནང་དུ་ཚུད་པར་བསྒོམ་མོ༔ རྟ་མགྲིན་རྣམ་བཀོད་ཀྱི་མདོ་ལས༔ རྟ་

[Full Size]

མགྲིན་གྱི་མཚན་ཐོས་པ་ཙམ་གྱིས་ཕྱིར་མི་ལྡོག་པར་གསུངས་པས་ཕན་ཡོན་ཆེའོ༔ རྫས་རྒོད་ནི་ལྡུམ་བུ་བོང་ངའི་ལོ་མ་ལ༔ རྟ་ཁྲག་མི་ཁྲག་གཙང་མ་རོ་ཐལ་རྣམས་ལ་གཞི་བྱས༔ འབྲོང་རའི་ཕྱེ་མ་ཅི་མང་དུ་བཏབ་ལ་རྫས་གཞན་རྣམས་སྣ་ཚང་བྱ། ཞིབ་པར་བཏུལ་ལ་ཆང་རྒོད་ཀྱིས་སྦྲུས་ལ་སྔགས་རིང་ཁྲིའམ་སྟོང་ཙམ་སྔགས་སྤྱིར་བཏུལ་ལ་རིལ་བུ་ཕྱེ་མ་གང་འགྲུབ་བྱའོ༔ རིལ་བུ་ཁོང་དུ་བཏང་ན་བོང་ངའི་ཁ་ནོན་ལ་ཨ་རུ་ར་མང་ཞིག་བསྲེ༔ དགེ་སློང་འགའ་ཞིག་གིས་བསྐུལ་ནས་ཨ་རཱ་གས་བྲིས་པ་མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་མགྲིན་ནག་པོ་ལྕགས་རལ་ཅན་གྱི་ལྷ་ལྔའི་སྒྲུབ་ཐབས་ཀྱི་ཟིན་བྲིས་ཞལ་ཤེས།

[Full Size]

རྟ་མགྲིན་ནག་པོ་ལྕགས་རལ་ཅན་གྱི་ལྷ་ལྔའི་སྒྲུབ་ཐབས་ཀྱི་ཟིན་བྲིས་ཞལ་ཤེས་བཞུགས་སོ།།

[Full Size]

ན་མོ་བཛྲ་ཀྲོ་དྷ་ཧྱ་གྷི་ཝ་ཡེ། དཀྱིལ་འཁོར་དབུས་སུ་ལྷ་ཚོམ་འདི་བཞག །དེའི་དབུས་སུ་སྡེ་རུའམ་གཏོར་འགུའི་ཡ་ག་ནང་དུ་ནས་བླུག །དེའི་སྟེང་དུ་བུམ་པ་ཆུ་གཙང་གིས་ཕྱེད་ཙམ་བཀང་། བུམ་རྫས་བཏབ། ཁ་རྒྱུན་བཙུགས། མགུལ་རྒྱན་མཐིང་ཁ་བཀྲམ་བུམ་པའི་སྟེང་དུ་ཨོཾ་བྱེད་པའམ། མཉྫིའི་སྟེང་དུ་གཏོར་མ་རིན་ཆེན་འབར་བ་རྟ་མགོས་མཚན་པ་བཞུག །སྟེང་དུ་མ་ཤོང་ན་བུམ་པའི་རྒྱབ་དེར་བཞག །གཏོར་མ་དེ་དང་པོ་ལན་གཅིག་བྲན་ནས་མི་བསྒུལ། གསོ་བྲན་མི་དགོས། བུམ་པའི་གཡས་སུ་བྷནྡྷ་ཆང་ཕུད་བདུད་རྩི་རིལ་བུ་བཏབ། བུམ་པའི་གཡོན་དུ་རཀྟ་བཤམས། དེའི་མཐར་མདུན་དེར་ཡོན་ཆབ་ཤར། གཡས་ཟུར་ཤར་ལྷོར་ཞབས་བསིལ། གཡས་ལྷོ་ཡིན་པས་ནས་ཏིང་གང་། རྒྱབ་ཟུར་ལྷོ་ནུབ་ཏུ་

[Full Size]

ནས་ནང་དུ་སྤོས་བཙུགས། རྒྱབ་ཏུ་མར་མེ། རྒྱབ་ཟུར་ནུབ་བྱང་དྲི་ཆབ་ཇ་ཕུད་སྤོས་ཆུ། གཡོན་ངོས་སུ་ཞལ་ཟས། མདུན་གཡོན་ངོས་སུ་མཚམས་འཛིན་མེ་ཏོག་སྟེ་ནས་བཤམས། མཆོད་པ་དེ་རྣམས་རྒྱུན་དུ་བརྗེ་མི་དགོས། ཞག་ལྔ་དྲུག་པོ་གསོ། བརྗེ་ནི་མི་བརྗེ་སྒྲུབ་རྫས་ཡིན། དེ་ནས་དཀྱིལ་འཁོར་ཁ་བཀབ་ནས། ཟུར་བཞི་ལ་མདའ་བཞི་གྲི་བཞི་ཡང་བཙུགས། དེ་ནས་ཚོན་སྐུད་དྲ་བ་ཞི་ཁྲོ་ལྟར་བྱེད་ཚུར་ལ་གཏོར་སྒམ་ཕུགས་གཏོར་ཚང་མ་ཡོད་པ་དེའི་མཐའ་གཉིས། གར་བདེ་ལ་མཁའ་རི་སྨྱོ་ཁ་བཞག །ནུབ་ཀྱི་རྒྱུན་གཏོར་གྱི་གཏོར་བསྔོས་དུས་ཕུགས་གཏོར་ཚང་མ་གསོ་བ་སྔར་དང་འདྲ། ཐུན་མཚམས་ལ་བཞི་སྟེ། ཞོགས་པ། སྔ་དྲོ། ཉིན་ཕྱེད། དགོང་མོ་བཞི། རྟ་མགྲིན་མཆོད་བསྟོད་འདོན་དུས་ཕུགས་གཏོར་གྱི་ཡི་

[Full Size]

དམ་དེ་གསོ་བྲན་བྱེད། དགོང་མོ་མཁའ་རི་སྨྱོ་ཁ་གཉིས་འདོན་རེས་བྱ། ནམ་འདོན་གསོ་བྲན་བྱེད། དེ་རྣམས་བཅའ་ཐབས་ཞལ་ཤེས་ཡིན། ། ༈ འདོན་ལུགས་ད་ནངས་སངས་རྒྱས་ཆོས་དང་ཚོགས་ཀྱི་མཆོག་སོགས་སྐྱབས་འགྲོ་བསྡུས་པའམ། རྒྱལ་བ་རྒྱ་མཚོའི་སྐྱབས་འགྲོ་གང་རེད་འདོན། དེ་ནས་རང་དང་དཀྱིལ་འཁོར་དང་གཏོར་མ་རིན་ཆེན་འབར་བ་བུམ་པ་རྣམས་དབྱེར་མེད་དུ་རྟ་མགྲིན་གྱི་དཀྱིལ་འཁོར་བསྒོམ། རང་དབུས་སུ་རྟ་མགྲིན་ནག་པོ་བསྒོམ་རང་གི་ཕྱོགས་བཞིར་རྟ་མགྲིན་དཀར་སེར་དམར་ལྗང་བཞི་བསྒོམ། བདེ་བ་ཅན་ནས་རྟ་མགྲིན་མང་པོ་བྱོན་ནས་རང་ལ་ཐིམ་པར་བསྒོམ། གཞན་བསྒོམ་ལུགས་རྟ་མགྲིན་མངོན་རྟོགས་ནས་གསལ་བ་ལྟར་ཡིན། རང་གི་སྙིང་ཁའི་དབུས་སུ་ཉི་མའི་གདན་ལ་ཧིམཐིང་ནག་སྔགས་ཀྱིས་བསྐོར་བར་བསྒོམ། ཧྲཱིཿམགུལ་འཆུག་མེད་པ་ལ་སྔགས་དེས་ཀྱི་ལི་ལི་བྱེད་པར་བསྒོམ། དེ་ནས་ཧྲཱིཿདང་སྔགས་ཕྲེང་ལས་མེ་འབར་ནས་རང་གི་ལུས་ཐམས་ཅད་མེས་གང་ནས་ལུས་ལ་གནོད་པའི་ནད་ཐམས་ཅད་དང་། ལུས་ལ་ཞུགས་པའི་གདོན་ཐམས་ཅད་གཞོབ་ཐུལ་བསྲེགས་པར་བསྒོམ། ཚིག་པའི་རོ་མ་ཐམས་ཅད་ཐལ་ཚུབ་དང་དུད་པ་བཞིན་དུ་བ་སྤུའི་བུ་ག་ནས་ཕྱིར་ལུད་པར་བསྒོམ། བ་སྤུའི་ཁུང་ཐམས་ཅད་ནས་མེ་ལྕེ་དམར་སི་རི་རི་འབར་བར་བསྒོམ། ཡང་བཤུལ་ནས་ས་དང་བྲང་ནས་ཁུང་བུག་ཡོད་པར་བསྒོམ། དེའི་ཁུང་ནས་མེ་ལྕེ་དམར་ཀྱུ་རུ་རུ་ཕྱི་ནས་འབར་བར་བསྒོམ། ལུས་ཀྱི་ནད་ཐམས་ཅད་ལྕགས་སྲེག་རང་བཞིན་དམར་དུ་རེ་ཡོད་པར་བསྒོམ། རྐང་

[Full Size]

ལག་ན་ན་ཡང་རྐང་སྟོང་པར་རག་དུང་ལྟ་བུའི་ནང་ནས་མེ་ལྕེ་དམར་རྒྱང་རྒྱང་ཕྱིར་འབར་བ། ཁུལ་ཤིན་ནང་དུ་མེ་འབར་བ་ལྟར་བསྒོམ། མེ་འབར་བའི་འུར་སྒྲ་དེ་ཡང་སྔགས་ཀྱི་སྒྲ་འུ་རུ་རུ་གྲག་པར་བསྒོམ། དེ་ཡང་དོན་ལ་རྟ་མགྲིན་ཡིན་པར་བསྒོམ། ཡང་སྐབས་སུ་རང་ལ་གནོད་པའི་གདོན་དེ་ལ་སྙིང་རྗེ་བྷེ། གདོན་འདི་ང་ཡི་སྐྱེ་བ་མང་པོའི་ཕ་མ་ཡིན་སྙིང་རེ་རྗེ་བསམ། ཡང་སྐབས་སུ་སེམས་ངོ་ལ་བལྟ། དམིགས་པ་དང་སྙིང་རྗེ་སེམས་ངོ་གསུམ་རེས་མོས་བསྒོམ། ཨོཾ་ཧྲཱིཿབཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ སྔགས་འདི་འདོན་གཞན་སྔགས་རིང་ཚོ་གཅིག་ཀྱང་མི་འདོན། སྔགས་འདི་ལ་བྱེ་བ་གཅིག་ཐོན་པ་དང་། ནཱ་ག་རཀྟ་ནག་པོ་ཏི་པ་ཙ་མཱ་ར་ཡ་ཧཱུྃ་ཕཊ༔ འདི་འབུམ་ཚོ་བདུན་ཐོན་ན་རབ། ཐ་ན་ཡང་འབུམ་ཚོ་བདུན་གསུམ་ཐོན་པ་གལ་ཆེ། ད་ནངས་མངོན་རྟོགས་ཚར་གཅིག་བྱེད་བསྙེན་པ་ཅི་ཐོན་བྱེད། ཉི་དྲོས་གཏོར་མ་གསོ་ནས། ཧྲཱིཿ བདེ་ཆེན་དབང་དྲག་རོལ་པའི་ཕོ་བྲང་ནས༔ སོགས་དང་། དབང་དང་དངོས་གྲུབ་སྩོལ་ཕྱིར་གཤེགས་སུ་གསོལ༔ ཟེར་བའི་བར་དབྱངས་དང་བཅས་ནས་འདོན་པའི་ཚེ། བདེ་བ་ཅན་ནས་རྟ་མགྲིན་ནག་པོ་ལྷ་ལྔ་མངོན་སུམ་དུ་བྱོན་ནས་ནམ་མཁའ་ལ་བཞུགས་པར་བསྒོམ། ཧཱུྃ། སྲིད་གསུམ་ཡེ་ནས་གཏོར་གཞོང་དུ༔ ཟེར་བ་ནས། སྐུ་གསུང་ཐུགས་ཀྱི་དངོས་གྲུབ་བསྩལ་དུ་གསོལ༔ བར་འདོན་ཚེ་གཏོར་མ་ནང་མཆོད་རཀྟ་མེ་ཏོག་

[Full Size]

སྤོས་མར་མེ་དྲི་ཆབ་ལྷ་བཤོས་རོལ་མོ་སོགས་དངོས་སུ་ཅུང་ཟད་བཤམས་པ་དེ་དང་། ནམ་མཁའ་གང་བར་སྤྲུལ་པ་དང་སངས་རྒྱས་ཀྱི་ཞིང་ཐམས་ཅད་ནས་མཆོད་པ་བཟང་པོ་ཡོད་ཚད་རང་གི་བློས་རྟ་མགྲིན་ལྷ་ལྔ་ལ་ཕུལ་བས་གསོལ་ཞིང་མཉེས་པར་བསམ། ཧཱུྃ༔ བདེ་ཆེན་དབང་དྲག་རོལ་པའི་དཀྱིལ་འཁོར་ནསཿ ཞེས་པ་ནས། ཕྲིན་ལས་འགྲུབ་པར་མཛོད༔ ཀྱི་བར་འདོན་དུས་དང་པོ་རྟ་མགྲིན་ལ་བསྟོད་པས་ཐུགས་དགྱེས་རྗེས་ནས་རང་ལ་གནོད་པའི་གནོད་བྱེད་ཐམས་ཅད་འདུལ་བའི་ཕྲིན་ལས་བཅོལ་བས་སྐུ་ལས་མེ་དཔུང་རང་འདྲ་བའི་རྟ་མགྲིན་ཆུང་ཆུང་མང་པོས་འཇིག་རྟེན་ཁྱབ་ནས་གདོན་ཐམས་ཅད་བསད་ཅིང་ཟོས་ལྷག་མ་མེས་བསྲེགས་ནས་གཅིག་ཀྱང་མེད་པར་བྱས། མེ་དང་ཁྲོ་ཆུང་ཚོ་ཚུར་འདུས་ནས་མདུན་གྱི་རྟ་མགྲིན་ལྷ་ལྔ་ལ་ཐིམ། རྟ་མགྲིན་ལྷ་ལྔ་རང་ལ་ཐིམ་པར་བསམ། དེ་ཐུན་གཅིག །ཡང་ཉི་དྲོས་མངོན་རྟོགས་འདོན། ཉིན་ཕྱེད་བར་སྔགས་བཟླས། ཧཱུྃ༔ བདེ་ཆེན་དབང་དྲག་རོལ་པ་ནས་སྤྱན་འདྲེན་མཆོད་བསྟོད་བྱེད། མདུན་གྱི་ལྷ་ལྔ་རང་ལ་བསྟིམ། ཡང་མངོན་རྟོགས་འདོན། དགོང་ཆེན་བར་སྔགས། ཉི་མ་ཐལ་སྨིག་སྲོད་བར་བསྙེན་པ་བྱེད། ཉི་མ་ཐལ་ཡག་རེད་ཛ་གཏོར་མ་ཐམས་ཅད་གསོ༔ ཧཱུྃ༔ བདེ་ཆེན་སོགས་རྟ་མགྲིན་མཆོད་རྒྱུན་དུས་མཁའ་རི་སྨྱོ་ཁ་སོགས་འདོན། བླ་མ་གཏོར་མ་གསོས་ལ་བཞག །ཡང་མངོན་རྟོགས་བཏོན་ནས་སྲིད་བར་བསྙེན་པ་བྱེད། སྲོད་རེད་ཛ་དཀྱིལ་འཁོར་འོད་དུ་ཞུ་རང་ལ་

[Full Size]

ཐིམ། རང་ཧྲཱིཿལ་ཐིམ་ཧྲཱིཿའོད་དུ་ཡལ་ནས་སྟོང་བར་བསྒོམས་ནས་སེམས་ངོ་བསྲུང་། དགེ་བ་འདི་ཡིས་མྱུར་དུ་བདག །རྟ་མགྲིན་ནག་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་བསྔོ་བ་བྱེད། དེ་ནས་པདྨ་འོད་འབར་སོགས་བློ་ནས་འདོན། བཛྲ་གུ་རུ། འཇམ་དབྱངས། ཛཾ་ལྷ་སོགས་ཚེ་སྒྲུབ་སོགས་བསྙེན་པ་ཆག་མེད་ཕྲེང་སྐོར་རེ་ཅི་ཐོན་བྱེད། གཉིད་མ་བྱུང་ན་ཀུན་རིག་སོགས་སྔར་བཟུང་བ་རྣམས་ལྡེབ་ངོས་ཙམ་རེ་གཤར། ཡང་ཕྱིར་ནངས་སྔར་ལྟར་ཐུན་བཟུང་། རང་གི་སྤྱན་ཡ་སོགས་ལ་སྲུང་འཁོར་སྒོམ་འདོད་ན། རང་རྟ་མགྲིན་དཀྱིལ་འཁོར་བསྒོམ་པའི་ཕ་ཟེད་ནས། རྟ་མགྲིན་དཀར་པོ་ཚུར་གཟིགས་ནས་བསྲུང་བའི་གུར། དེ་རྒྱབ་རྟ་མགྲིན་ནག་པོ་ཞལ་ཕར་གྱུ་ནས་གནོད་བྱེད་བཟློག་པའི་གུར། དེ་རྒྱབ་རྡོ་རྗེའི་གུར། དེ་རྒྱབ་འཁོར་ལོའི་གུར། །དེ་རྒྱབ་རལ་གྲིའི་གུར། དེ་རྒྱབ་རྡོ་རྗེ་རྒྱ་གྲམ་གྱི་གུར། དེ་རྒྱབ་ཕུར་པའི་གུར། དེ་རྒྱབ་མཚོན་ཆ་སྣ་ཚོགས་རྩེ་མོ་ཕྱིར་བསྟན་པར་གུར་དྲག་ཏུ་འཁོར་བས་གནོད་བྱེད་མྱག་ལ་གཏུབ། དེ་རྒྱབ་ཡེ་ཤེས་མེ་དཔུང་གི་གུར་འུར་སྒྲ་དང་བཅས་པ་བྷེ། རང་གི་མི་ནོར་ཐམས་ཅད་་་་་་་་་་་་་་་་་་འཇུག་མ་ཚང་།

[Full Size]

ཤོག་སྟོང་།

དཔལ་རྟ་མགྲིན་ནག་པོ་ནཱ་ག་ཀླུ་འདུལ་ལྷ་ལྔའི་ཞལ་གདམས་ཟིན་བྲིས་གབ་སྦས་སྤངས་པ་སྙིང་གི་ཁུ་བ།

[Full Size]

དཔལ་རྟ་མགྲིན་ནག་པོ་ནཱ་ག་ཀླུ་འདུལ་ལྷ་ལྔའི་ཞལ་གདམས་ཟིན་བྲིས་གབ་སྦས་སྤངས་པ་སྙིང་གི་ཁུ་བ་ཟབ་པ་བཞུགས།

[Full Size]

ན་མོ་གྱ་གྲི་ཝ་ཡེ༔ བླ་མ་ཡི་དམ་དབྱེར་མེད་ཁྲོ་བོའི་རྒྱལ༔ རྟ་མཆོག་དཔལ་ལ་གུས་པས་ཕྱག་འཚལ་ནསཿ དེ་ཡི་མན་ངག་ཞལ་ཤེས་འདིར་བཀོད་བྱ༔ ཆོས་བདག་སྲུང་མས་བཀའ་ཡི་གནང་བ་སྩོལཿ དེ་ལ་འདིར་རྟ་མགྲིན་ནཱ་ག་ཀླུ་འདུལ་འདི་ནི༔ སྡེ་སྣོད་གསུམ་ལས་རིག་པ་འཛིན་པ་སྔགས་ཀྱི་སྡེ་སྣོད་སྟེ་འདིའི་ནང་དུ་གཞན་གསུམ་འདུསཿ རྒྱུད་སྡེ་དྲུག་ལས་ནང་པའི་རྒྱུད་སྡེ་བསྐྱེད་པ་མ་ཧཱ་ཡོ་གར་གཏོགས༔ སྤྱིར་རྙིང་མའི་ལུགས་ཀྱི་རྟ་མཆོག་རོལ་པའི་རྒྱུད་སོགས་པདྨ་གསུང་གི་རྒྱུད་ཐམས་ཅད་དང་༔ གསར་མའི་ཧ་ཡ་གྲྭ་ཝའི་གཟུངས་དང་༔ རྟ་མགྲིན་གྱི་རྟོགས་པ་

[Full Size]

བདུན་བརྒྱ་པ་སོགས་རྟ་མགྲིན་རང་གི་རྒྱུད་ཐམས་ཅད་དང་༔ རྒྱུད་གཞན་དང་གཞན་དག་ལས་རྟ་མགྲིན་གྱི་སྒྲུབ་ཐབས་མཐའ་ཡས་པ་ལས་གསུངས་པ་ཐམས་ཅད་འདིའི་ལུང་རྒྱན་དུ་འདྲེས་མོད་ཀྱི༔ རྟ་མཆོག་རོལ་པའི་རྒྱུད་ལ་ལེའུ་བརྒྱད་ཡོད་པའི་ནང་ནས་ཁོལ་དུ་ཕྱུངས་བ་ནག་པོ་ཀླུ་འདུལ་གྱི་རྒྱུད་དང་༔ ཕུར་པ་ཕྲིན་ལས་ཀྱི་རྒྱུད་ཁྲོ་བོ་བཅུའི་རྒྱུད་བཅུའི་ནང་ནསཿ རྟ་མགྲིན་ནཱ་ག་ཀླུ་འདུལ་གྱི་རྒྱུད་ལས༔ ཞེས་བྱ་བ་གཅིག་བྱུང་བ་དང་༔ རྟ་མཆོག་རོལ་པ་དབུགས་བདག་ནག་པོའི་རྒྱུད་ལས༔ བེར་ཅན་ཕྲིན་ལས་ཀྱི་སྒྲུབ་པ་ཞེས་གསུངས་པ་དེ་གསུམ་ནི་འདིའི་དངོས་བསྟན་གྱི་

[Full Size]

རྒྱུད་ཡིན་ནོ༔ དེ་ཡང་སྔོན་འདས་པའི་སངས་རྒྱས་ཀྱི་བསྟན་པ་ནུབ་ནས་ཤཱཀྱ་ཐུབ་པ་མ་བྱོན་པའི་དུས་སུ༔ དུག་ལྔ་རང་གཟུགས་རུ་ཏྲ་སྡེ་ལྔ་དང་དེའི་སྡེ་ཚན་རུ་ཊ་ལྔ་བཅུ་རྩ་བརྒྱད་ལ་སྣང་སྲིད་ཀྱི་ལྷ་འདྲེས་ཡོངས་སུ་བསྐོར་ཏེ་སངས་རྒྱས་བྱང་སེམས་སུས་ཀྱང་འདུལ་བར་མ་གྱུར་པ་ལ༔ ཀུན་བཟང་རིགས་ལྔའི་དགོངས་པ་སྣང་བ་མཐའ་ཡས་ལ་གཏད༔ དེ་ཐུགས་རྗེ་ཆེན་པོར་སྤྲུལ༔ དེས་ཀྱང་ཞི་བས་མི་འདུལ་བར་གཟིགས་ཏེ༔ རྟ་མགྲིན་ནག་པོ་ལྷ་ལྔར་སྤྲུལ་ནས༔ དུག་ལྔའི་རང་བཞིན་རུ་ཊའི་སྡེ་ལྔ་བཏུལ་འཁོར་གྱི་སྡེ་བརྒྱད་འབངས་སུ་བྱས་ཚེ་རྟ་མགྲིན་ནག་པོའི་རྒྱུད་རྣམས་གསུང་བར་འདོད་དོ༔ དེ་ལས་འདི་ནི་རྒྱུད་ཁོ་ན་ལ་བརྟེན་པ་ཙམ་ཡང་མ་ཡིན་ཏེ༔ ཨུ་རྒྱན་ཆེན་པོ་དུར་ཁྲོད་བསིལ་བ་ཚལ་དུ་བཞུགས་དུསཿ རྟ་མགྲིན་ལྷ་ལྔ་དངོས་སུ་བྱོན་ནས༔ མཆོག་ཐུན་མོང་གི་དངོས་གྲུབ་དང་དྲེགས་པ་འདུལ་བར་འདོད་ན་འདི་ཉམས་སུ་ལོངས་གསུངས་ནས་རྒྱུད་སྒྲུབ་ཐབས་མན་ངག་རྣམས་དངོས་སུ་གནང་ངོ་༔ དེ་ནས་བསིལ་བ་ཚལ་དུ་ཨུ་རྒྱན་ཉིད་རྟ་མགྲིན་ནག་པོའི་སྐུར་བཞེངས་ནས་ཀླུ་ཐམས་ཅད་བསྒྲལ་ཏེ་རིག་པ་དབྱིངས་སུ་གཏད་བསྟིམས་པས་མཚན་ཡང་ནཱ་ག་ཀླུ་

[Full Size]

འདུལ་དུ་གྲགས་སོ༔ དེ་ནས་ཨུ་རྒྱན་ཆེན་པོ་བོད་དུ་ས་གཞི་འདུལ་དུ་བྱོན་དུས་བོད་ཀྱི་ས་བདག་ཀླུ་གཉན་མ་རུངས་པ་རྣམས་དང་༔ ལྷ་སྲིན་དྲེགས་པ་འདུལ་བ་ལ་འདི་ཟབ་པར་དགོངས་ནས་ཏ་ལིའི་ལོ་མ་ལ་བྲིས་ཏེ་བོད་དུ་བསྣམས་ཏེ་བྱོན༔ དེ་ནས་བསམ་ཡས་ཨཱརྱ་པ་ལོར་བསྒྲུབས་ཏེ་ས་གཞི་བྱིན་གྱིས་རླབས༔ རྟ་མགྲིན་དམར་པོའི་སྐུར་བཞེངས་རྟ་སྐད་ཀུན་གྱིས་ཐོས་པར་གྲག༔ རྗེ་འབངས་རྣམས་ལ་དབང་ཆེན་དམར་ནག་སྒྲུབ་སྐོར་མཐའ་ཡས་པ་གནང་ཞིང་༔ ཕལ་ཆེར་གཏེར་ཁ་རེ་ལ་རྟ་མགྲིན་ནག་པོ་ཡང་རེ་རེ་འབྱུང་བར་ཡང་༔ འདི་ནི་ཨུ་རྒྱན་རིན་པོ་ཆེ་ཉིད་རྟ་མགྲིན་དབྱེར་མེད་དུ་བསྒྲུབ་པ་ཡིན་པས་བྱིན་རླབས་ཆེ་སྟེ༔ གཞུང་ལས༔ བདག་ཉིད་པདྨ་འབྱུང་གནས་ནི༔ རྟ་མགྲིན་ངོ་བོ་ཡིན་པའི་ཕྱིར༔ དེ་ཉིད་ནག་པོར་བསྒྲུབ་པ་བསྟན༔ ཞེས་པས་ཤེས་སོ༔ འདི་ནི་རྩ་བ་གསུམ་གཅིག་ཏུ་དྲིལ་བའི་བསྒྲུབ་པ་ཡིན་པས་མཐུ་ཀྱང་ཆེ་སྟེ༔ ཉང་གི་རྟ་ནག་རྒྱ་གཞུང་ཆེ་བ་ལས༔ ཐུགས་རྗེ་མཚུངས་མེད་བླ་མ་ཡིན༔ བྱིན་རླབས་མྱུར་བ་ཡི་དམ་ཡིན༔ བསྟན་པ་སྲུང་བའི་ཆོས་སྐྱོང་ཡིན༔ དགྲ་བགེགས་ཚར་གཅོད་ལས་མཁན་ཡིན༔ ཅེས་གསུངས་སོ༔ དེ་

[Full Size]

ལྟར་རྟ་མགྲིན་ནག་པོ་ལ་རིགས་མང་ཡང་ལྷོ་གཏེར་རིན་ཆེན་འབྲས་བུའི་ཚུལ་འདིར་མཁའ་འགྲོའི་གསང་གཏེར་ལྔའི་ཡ་གྱལ་གཅིག་ཡིན་པས་བྱིན་རླབས་ཀྱི་ཚན་ཁ་ཁྱད་པར་དུ་འཕགས་པ་ཡིན་ཅིང་༔ ཆོས་གང་ལ་ཡང་བྱིན་རླབས་བཀའི་བབས་སོ་ཡོད་པ་གཅིག་གལ་ཆེ་བ་ལས་འདི་ནི་ཐུན་མོང་མ་ཡིན་པར་བརྒྱུད་པ་རིན་པོ་ཆེ་འདིའི་བཀའ་བབས་ཀྱི་ཆོས་དང་གདམས་པ་ངེས་ཏེ༔ སྔོན་བོད་ཀྱི་རྗེ་འབངས་ཐམས་ཅད་ཀྱི་ནང་ནས་རྒྱལ་བ་མཆོག་དབྱངས་རྟ་མགྲིན་གསུང་གི་བཀའ་བབས་ཡིན་པས་གནད་ཀྱི་ཆོས་འདིའི་བདག་པོར་ལུང་བསྟན་པ་ལས༔ ཁྱད་པར་ཆོས་འདིར་དར་བར་བྱེད་པ་ལ༔ ས་ལ་གནས་པའི་བྱང་སེམས་འབྱུང་༔ ད་ལྟོའི་བཙུན་པ་མཆོག་དབྱངས་ཁྱོད༔ རང་བཞིན་དབང་ཆེན་ཡབ་ཡུམ་གྱི༔ ངོ་བོ་རྣམ་པར་འཕྲུལ་པ་སྟེ༔ ཕྲིན་ལས་སྤྱན་རས་གཟིགས་དབང་ཉིད༔ ཅེས་སོགས་རྗེ་དོན་ལྡན་ཞབས་ལུང་བསྟན་བསྔགས་པ་རྒྱ་ཆེར་གསུངས་ནས་དེ་འོག་ཕྱི་མའི་དུས་ཀྱི་ཚེ༔ ཁམས་ཀྱི་སར་གཏོགས་ལྷོ་ཡི་ཕྱོགས་ཆུ་བོ་དབང་གི་ཕྱོགས་ནས་བབས༔ རི་བོ་མཁའ་ལྡིང་འདྲ་བའི་ཞོལ༔ རྗོད་ཅེས་བྱ་བའི་ས་ཕྱོགས་སུ༔ པདྨ་ང་ཡི་རྣམ་པར་འཕྲུལ༔ བྱའམ་ཁྱི་ཡི་ལོ་པ་གཅིག༔

[Full Size]

རང་བྱུང་མཚོ་སྐྱེས་རྡོ་རྗེ་ཞེས༔ ས་ལ་གནས་པའི་བྱང་སེམས་བྱོན༔ ངན་ལམ་རྒྱལ་བ་མཆོག་དབྱངས་ཉིད༔ སྔོན་གྱི་བག་ཆགས་སད་དུ་འོང་༔ གསུང་གི་མཚན་མ་དག་དང་ལྡན༔ སྙིང་ཐིག་འདུས་པ་སྐོར་བཞི་དང་༔ ཁྱད་པར་རྟ་མགྲིན་གསང་འདུས་བདག༔ ཡིན་ཕྱིར་ཚེ་རིལ་དང་བཅས་གཏད༔ མ་འོངས་ཕྱི་མའི་དུས་མཐའི་བར༔ རྒྱ་མཚོ་མཐའ་ལ་ཐུག་གི་བར༔ དེ་ཡིས་རྒྱས་པར་བྱེད་པའི་ཕྱིར༔ གཏེར་འདི་སྦས་པ་དོན་ཡོད་འགྱུར༔ ཞེས་སོགས་དང་༔ གཏེར་འདི་ཐོན་ནས་ལོ་བཅུའི་ནང་༔ སྤྲེའུ་ལོ་པ་ལ་ཆོས་འདི་ལེན༔ ཞེས་ལུང་བསྟན་པ་དང་མཚུངས་པར་གཏེར་སྟོན་སྒར་ཆེན་དུ་སྤྱན་དྲངས་ནས་དབང་ལུང་ཐམས་ཅད་གསན་ཅིང་ཁྱད་པར་རྟ་མགྲིན་ནག་པོའི་ཤོག་སེར་ཕྱག་ཏུ་ཕུལ་བས་ཐུགས་དམ་དུ་མཛད༔ ཐུགས་ཉམས་སུ་བཞེས་པས་ལན་དུ་མར་ཞལ་མངོན་སུམ་དུ་གཟིགས་ཤིང་འདིར་གཉན་ཅིང་བཅས་བཅོས་མ་མཛད་པར་སངས་རྒྱས་གླིང་པའི་རྟ་མགྲིན་ནག་པོ་ལྷ་ལྔ་ལ་བརྩམས་གཞིར་མཛད་ནས་སྒྲུབ་ཡིག་ཆོ་ག་སོགས་ཀྱང་མཛད་པས༔ དེང་སང་གསང་སྔགས་ནང་གཏོར་ཡི་དམ་བསྟོད་པའི་གྲར་ཡང་༔ ཧྲཱིཿ གར་གྱི་དབང་ཕྱུག་སོགས་བསྟོད་པ་དཀྱུས་

[Full Size]

སུ་འཇག་གང་ཡིན་ལ༔ ཁྱད་པར་བཀྲ་ཤིས་ཟུར་མང་སྣའི་སྤྲུལ་སྐུ་རྣམས་དང་གྲྭ་རིགས་ཕལ་ཆེར་གྱི་ཐུགས་དམ་མཛད་པ་ཡང་གོང་གི་བརྒྱུད་པའི་རྟེན་འབྲེལ་གྱི་བཀའ་བབས་ཏུ་སྣང་སྟེ། རྗེ་བཙུན་དྲུང་ཆེན་ཀུན་དགའ་རྣམ་རྒྱལ་གྱི་ཞལ་ནས་རྟ་མགྲིན་ནག་པོ་ནཱ་ག་ཀླུ་འདུལ་འདི་ཟུར་མང་ན་ཡང་དརཿ ནུས་པ་ཆེ་བར་འདོད་ན་འདི་བས་ལྷག་པ་མེད་ཅེས་བདག་ལ་བཀའ་བསྩལ་བས་ཡི་དམ་བྱས་པ་ལགས་སོ༔ དེ་ཡང་འདིར་ནུས་པ་ཆེ་བར་སྨོས་ཅི་དགོས༔ བྱང་ཆུབ་སྒྲུབ་པའི་ཐབས་ལ་ཡང་འདི་ཁྱད་པར་དུ་འཕགས་ཏེ༔ རྟ་མགྲིན་རྣམ་པར་བཀོད་པའི་མདོ་ཆེན་པོ་ལས༔ སྣོད་ཀྱི་འཇིག་རྟེན་གྱི་ཆགས་འཇིག་རྒྱ་ཆེར་གསུངས་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དཔལ་རྟ་མགྲིན་ལ་འདི་སྐད་ཅེས་བཀའ་སྩལ་ཏོ༔ རྡོ་རྗེ་དེ་དང་ཆུ་ཆེན་པོ་དེ་དང་རླུང་ཆེན་པོ་དེ་རྣམས་ཀྱི་ནང་ན་སེམས་ཅན་མཐའ་ཡས་པ་བསམ་གྱིས་མི་ཁྱབ་པ་ཞིག་ཡོད་དེ༔ དེ་དག་གིས་ཁྱོད་ཀྱི་མིང་ཐོས་སམ་བརྗོད་དམ༔ སེམས་ཅན་དེ་དག་བླ་ན་མེད་པའི་བྱང་ཆུབ་ཏུ་འགྲུབ་སྟེ༔ ས་གསུམ་གྱི་བྱང་ཆུབ་སེམས་དཔའ་ཞེས་བྱའོ༔ གནམ་ས་གཉིས་ཀྱི་བར་ན་ཡང་སེམས་ཅན་དཔག་ཏུ་མེད་པ་ཞིག་ཡོད་དེ༔

[Full Size]

ཕྱོགས་ནམ་མཁའ་ཐམས་ཅད་ན་གནས་པའི་སེམས་ཅན་ཐམས་ཅད་ཀྱིས་མིང་ཐོས་སམ༔ རིག་པ་འདི་བརྗོད་ན་མངོན་པར་ཤེས་པ་སྣ་ཚོགས་ཀྱིས་སེམས་ཅན་གྱི་དོན་བྱེད་ཅིང་༔ ནམ་མཁའ་ལ་འགྲོ་བ་དང་ས་ལ་འཛུལ་བ་སོགས་དང་མཚན་མ་སྣ་ཚོགས་ཀྱིས་སེམས་ཅན་གྱི་དོན་བྱེད་ཅིང་༔ རྣལ་འབྱོར་པ་ཆེན་པོ་ཐེག་གཅིག་གི་ལམ་འགྲུབ་བོ༔ ཞེས་གསུངས་སོ༔ ཁྱད་པར་ནཱ་ག་ཀླུ་འདུལ་འདི་རྟ་མགྲིན་གསང་བ་འདུས་པའི་གསུང་གི་སྒྲུབ་པ་ཡིན་ཏེ༔ གསང་འདུས་ཐེམ་ཡིག་ལས༔ ཡང་གསང་ཁྲོས་པ་རྟ་མགྲིན་ནག་པོ་འདི༔ ནུས་མཐུ་བྱིན་རླབས་གློག་ལྟར་མྱུར་བའི་ཕྱིར༔ ལྕགས་རལ་སྒྲུབ་པ་མེ་ཡི་ཕྲེང་བ་དང་༔ ཞེས་སོགས་གསུངས་ཤིང་༔ འདི་དང་ཕྱི་མ་བར་དོ་རུ༔ ཡི་དམ་ལྷ་དང་བསྐལ་པ་མཉམ༔ ཞལ་མཇལ་ལུང་བསྟན་ཐར་ལམ་ཁྲིད༔ དུས་ལས་མི་འདའ་ཐུགས་རྗེའི་ལྷ༔ ཞིང་ཁམས་དཀྱིལ་འཁོར་གཅིག་ཏུ་འགྲུབ༔ དམ་ཚིག་གཡར་དམ་གཅིག་ཏུ་འགྲུབ༔ ཅེས་སོགས་གསུངས་པ་ལས་གོ་བར་བྱའོ༔ འཕྲལ་དུ་ནུས་པ་བྱུང་ཚུལ་ཡང་༔ རྟ་ནག་གི་རྒྱ་གཞུང་ཆེ་བ་ལས༔ སྔགས་རིང་གི་ཕན་ཡོན་གསུངས་པ༔ འདི་ཡིས་མི་ཐུབ་གང་ཡང་མེད༔ དཔེར་ན་གནམ་

[Full Size]

ལྕགས་སྤུ་གྲི་འདྲ༔ རྣོ་བའི་ཚད་ནི་མེ་ལྟ་བུ༔ མྱུར་བའི་ཚད་ནི་གློག་ལྟ་བུ༔ རྒོད་པའི་ཚད་ནི་ཐོག་ལྟ་བུ༔ གཏུམ་པའི་ཚད་ནི་ཆབ་ལྟ་བུ༔ དགྲ་དང་བགེགས་དང་བྱད་མ་དང་༔ ནད་ཀྱི་རིགས་དང་གདོན་གྱི་རིགསཿ གཉན་དང་ལྷོག་པ་ཐབས་ཀྱི་རིགས༔ མཛེ་དང་ཤུ་འབྲུམ་སྐྱང་ལ་སོགས༔ གང་དང་གང་ལ་བཏབ་པ་དེ༔ མེ་དང་རྩྭ་སྦྱར་དཔེ་བཞིན་དུ༔ བསྲེག་ཅིང་རབ་ཏུ་སྲེག་པར་བྱེད༔ རླུང་དང་ཐལ་བའི་དཔེ་བཞིན་དུ༔ གཏོར་ཞིང་རབ་ཏུ་གཏོར་བར་བྱེདཿ ཅེས་དང་༔ པདྨ་གླིང་པའི་གཏེར་མ་ལསཿ འདི་ནི་སྟོང་གསུམ་གཡོ་བ་སྟེ༔ ཁམས་གསུམ་སྲོག་དབུགས་འཕྲོག་པ་ཡིན༔ ས་རྡོ་དག་ཀྱང་གས་པར་བྱེད༔ ཆུ་བོ་རི་ཡང་བབ་ཆད་ཅིང་༔ དྲེགས་པ་སྡེ་བརྒྱད་རང་དབང་མེད་པ་རྡུལ་བཞིན་འགྱུར༔ རྟ་མགྲིན་རོལ་པ་དབུགས་བདག་རྒྱུད་ལས༔ བེར་ཅན་ཕྲིན་ལས་སྒྲུབ་པ་དང་འབྲེལ་པ་ཚད་བརྒྱད་ཀྱི་སྔགས་གཞན་དང་ཅུང་ཟད་མི་འདྲ་བར་གསུངས་ནས༔ འདི་ནི་དྲག་སྔགས་སྤུ་གྲི་སཿ གང་ལ་བཏབ་པ་ཕ་ལམ་བཞིན༔ སྟོང་པས་དངོས་པོ་སྒྲོལ་བྱེད་ན༔ གཟུགས་ཅན་རྣམས་ལ་སྨོས་ཅི་དགོས༔ གང་དམིགས་སྙིང་ལ་རབ་གཟིར་ཏེ༔ ཁྲག་སྐྱུགས་སྡུག་

[Full Size]

བསྔལ་རབ་ཏུ་ཆེ༔ དྲེགས་པ་ལྷ་ཆེན་ལ་སོགས་པ༔ སྡེ་བརྒྱད་གང་ཡང་རུང་བ་ཡིསཿ ཚོར་ན་མགོ་སྙིང་དུམ་བུར་འགས༔ དགྲ་བགེགས་སྤྱི་དང་བྱད་སྟེམས་སོགསཿ སྦྱར་མས་མེ་ལྕེ་རེག་པ་ལྟར༔ རང་གཤེད་རང་ལ་བབ་ནས་སུ༔ མྱ་ངན་སྡུག་བསྔལ་ཆེན་པོ་འབྱུང་༔ དོན་ལ་བྱམས་དང་སྙིང་རྗེ་དང་༔ དགའ་བ་བཏང་སྙོམས་ལ་སོགས་པ༔ ཚད་མེད་བཞི་ཡི་འགྲོ་དོན་ལ༔ ཐམས་ཅད་མ་ལུས་བསྒྲལ་བ་དང་༔ བསྒྲལ་ནས་གཞན་དུ་མི་འགྱུར་ཕྱིར་སྟོང་ཉིད་ནམ་མཁའི་རྒྱས་གདབ་པས༔ དུག་ལྔའི་དབང་པོ་གཞོམ་པ་དང་༔ ཕྲིན་ལས་རྣམ་བཞིའི་འགྲོ་དོན་གྱིས༔ ཉོན་མོངས་འཁོར་བ་རྒྱུན་བཅད་ནས༔ མཉམ་ཉིད་བདེ་ཆེན་མངོན་སངས་རྒྱས༔ ཞེས་གསུངས་སོ༔ དྲག་སྔགས་ལ་མཐའ་ཡས་ཁྱད་པར་རྟ་མགྲིན་རིགས་མང་བའི་ནང་ནས་འདི་བྱིན་རླབས་མྱུར་ཏེ༔ རྒྱ་གཞུང་ཆེ་བ་ལས༔ དུས་གསུམ་སངས་རྒྱས་ཐམས་ཅད་ཀྱི༔ ཐུགས་རྗེ་ཕྲིན་ལས་གཅིག་བསྡུས་ནས༔ འགྲོ་བའི་དོན་མཛད་སྤྱན་རས་གཟིགས༔ གང་ལ་གང་འདུལ་སྣ་ཚོགས་སྟོན༔ ཞི་བས་མི་ཐུལ་གདུག་པ་ཅན༔ ཚར་གཅོད་རྟ་མགྲིན་ནག་པོར་བསྟན༔ དེ་ཉིད་ཤིན་ཏུ་

[Full Size]

ཁྲོས་པ་ནི༔ གནོད་སྦྱིན་ནག་པོ་ལྕགས་རལ་ཅན༔ དགྲ་དང་བགེགས་དང་བྱད་མ་དང་༔ གཟའ་ཀླུ་རྒྱལ་བསེན་གཉེན་པོར་བསྟན༔ ཅེས་དང་༔ གུ་རུ་ཆོས་དབང་གི་གཏེར་ཁའི་རྟ་མགྲིན་ནག་པོའི་གཞུང་ལས་ཀྱང་༔ རྩ་སྔགས་ཀྱི་ཕན་ཡོན་སྐབས་སུ༔ ཁྲི་ཚོ་གཅིག་གིས་བགེགས་ཐུལ༔ འབུམ་ཚོ་གཅིག་གིས་གསུང་ཐོས༔ བྱེ་བ་གཅིག་གིས་ཞལ་མཇལ༔ ཞེས་དང་༔ པདྨ་གླིང་པའི་རྟ་ནག་གཞུང་ལས༔ ཕྱི་རབས་སྙིགས་མ་ལྔ་བདོའི་མར་འགྲིབ་དུསཿ ས་བདག་ཀླུ་གཉན་སྡེ་བརྒྱད་དྲེགས་པའི་ཚོགས༔ སེམས་ཅན་ཀུན་འཚེ་ཆར་ཆུ་དུས་མི་འབེབས༔ སྔར་མེད་ནད་དང་མཛེ་དང་བརྒྱལ་ནད་དང་༔ གཟའ་ཡི་གནོད་པ་མི་སྡུག་སྣ་ཚོགས་འོང་༔ དེ་དུས་ཐུགས་རྗེ་ཆེན་པོས་བོད་ཡུལ་འདུལ་ཞིང་༔ ཞི་བས་མི་འདུལ་དྲག་པོས་འདུལ་དགོངས་ནས༔ སྙིང་མ་དགོངས་རྒྱུ་ཡིན་པས་སེམས་ཅན་དོན༔ ཞེས་དང་༔ འདི་ནི་གཞན་དང་མི་འདྲ་རྣོ་མྱུར་ལྡན༔ རྟ་མགྲིན་ཀུན་གྱི་ཡང་བཅུད་སྤེལ་བར་འཕང་༔ ཞེས་གསུངས་ཤིང་༔ གཞན་ཡང་སངས་རྒྱས་གླིང་པའི་རྟ་མགྲིན་ནག་པོ་དང་༔ ཞིག་པོ་གླིང་པའི་རྟ་མགྲིན་ནག་པོ་དང་༔ རྗེ་དྲུག་པའི་ཞལ་གཟིགས་ནག་པོ་ལྷ་ལྔ་དང་༔

[Full Size]

གྲུབ་པའི་རྒྱལ་མོས་རས་ཆུང་པ་ལ་གནང་བའི་རྟ་མགྲིན་ནག་པོ་དང་༔ སྲོང་བཙན་སྒམ་པོའི་རྟ་མགྲིན་ནག་པོ་ནོར་ལྷ་ལྟར་བསྒྲུབ་པ་དང་༔ དགོངས་འདུས་ཀྱི་བཀའ་སྲུང་རྟ་མགྲིན་ནག་པོ་ཆོས་སྐྱོང་ལྟར་བསྒྲུབ་པ་དང་༔ བྱང་སེམས་ཟླ་བ་རྒྱལ་མཚན་གྱི་ལུགས་རྟ་མགྲིན་གཅེར་བུ་ཀཱ་ལ་མེ་དཔུང་དུ་གྲགས་པ་སོགས་ཐམས་ཅད་ཟབ་མོད་ཀྱི༔ བརྒྱུད་པ་འདི་ལ་རཏཱ་ལུགས་བཀའ་བབས་ལགས༔ དེ་ལྟར་ཡིད་ཆེས་ཀྱི་རྒྱུད་ལུང་གི་ཁུངས་དང་མཐའ་ཆོད་བསྟན་ནས༔ ཆོས་འདིའི་ཆོས་ཚན་ཐེམ་བྱང་ནི༔ སྒྲུབ་གཞུང་ལས་བྱང་དང་འབྲེལ་ཞིང་ལས་ཚོགས་དབང་ཐམས་ཅད་ཚང་ཞིང་ཀུན་ལ་གྲགས་པ་འདི་རྩ་བ་ཡིན༔ དབང་རྒྱས་པ་རྟ་མགྲིན་ནག་པོའི་སྲོག་དབང་བཀའ་རྒྱ་ཅན་དེ་དང་གཉིས༔ ཀུན་གཞིའི་འཁོར་ལོ༔ དགྲ་མནན་ཞོར་སྒྲུབ་ཕུང་གཏད་ཧུར་ཐུམ་ནག་པོ༔ རྟ་ནག་རྒྱན་འཁོར་ཀླུ་ཡི་སྒྲིབ་ཤིང་༔ གཏད་ནག་པོ་བག་ཤོང་༔ དུག་ཏྲི་ནག་པོ་སྲོག་གི་འཁོར་ལོ༔ ཞེས་བརྒྱལ་བསེན་འདུལ་ཐབས་བཀའ་རྒྱ་ཅན་དང་༔ དེ་རྣམས་ཀྱི་འདིའི་དངོས་བསྟན་ཆ་ལག་ཚང་ལ༔ ཤུགས་བསྟན་ནི་རྟ་མགྲིན་གསང་འདུས་ཀྱི་ལས་ཚོགས་ཐམས་ཅད་འདི་ཡི་ལས་ཚོགས་སུ་དོན་གྱིས་འོང་

[Full Size]

བ་ཡིན་ལ༔ བཀའ་སྲུང་ནི་ཁྱད་པར་མཁའ་རི་སྨྱོ་ཁ་གཉིས་ཡིན་པས་དེ་གཉིས་སྒྲུབ་སྐོར་ཡང་འདི་ལ་འབྱར་རོ༔ དངོས་གཞི་སྒྲུབ་པའི་སྟ་གོན་གཞུང་གི་ཡིག་ཆུང་ལྟར་ཡིན་ལ༔ ལྷ་བསྐྱེད་ལུགས་དབང་དང་དུས་མཆོད་དུས་རྙིང་མ་སྤྱི་ལྟར༔ ཆོ་ག་ནི་གཅིག་གིས་བདག་མདུན་བུམ་གསུམ་གཏོར་མ་ལྷར་བསྐྱེད་དང་བཞི་དུས་གཅིག་བསྐྱེད་པ་སྤྱན་འདྲེན་མཆོད་བསྟོད་དུས་གཅིག་བྱ༔ དབང་དུས་བུམ་བསྐྱེད་དང་དུས་མཆོད་ལ་མདུན་བསྐྱེད་ལ་གཙོ་བོར་དམིགས་ཏེ་བཟླས་པ་བྱ་ཡི་བསྒྲུབ་པའི་དུས་ནི་འདིའི་བསྒོམ་ལུགས་གཞན་དང་མི་གཅིག་སྟེ༔ དཀྱིལ་འཁོར་བུམ་པ་སོགས་དམིགས་པའི་རྟེན་ཙམ་ཡིན་གྱི་བདག་མདུན་མ་ཡིན་ཏེ༔ བདག་དང་བུམ་པ་དཀྱིལ་འཁོར་གསུམ་དབྱེར་མེད་དུ་རྟ་མགྲིན་ལྷ་ལྔའི་དཀྱིལ་འཁོར་གཅིག་བསྒོམ་པ་ལ་བསྙེན་པ་བྱ༔ དེ་ཅིའི་ཕྱིར་ཞེ་ན༔ རྟ་མགྲིན་གསང་འདུས་གཞུང་ལས༔ བློ་ལྡན་སྐྱེས་བུ་རིགས་ལྡན་གྱིས༔ བདག་བསྐྱེད་མདུན་བསྐྱེད་ཡེ་ཤེས་རྣམས༔ གོང་ལྟར་རོལ་པ་གཅིག་གིས་བསྒྲུབསཿ ཞེས་པའི་དོན་ནོ༔ ཐུན་མཚམས་སུ་སྤྱན་འདྲེན་གཞུང་ལྟར་བྱས་པས་བདེ་ཆེན་ཞིང་ནས་རྟ་མགྲིན་ནག་པོ་ལྷ་ལྔའི་དཀྱིལ་འཁོར་ནམ་མཁར་སྤྱན་དྲངས་ལ་མཆོད་བསྟོད་

[Full Size]

གཞུང་ལྟར་བྱས་ནས་གཏོར་མགྲོན་རང་ལ་བསྟིམས་པ་ཡིན་ཏེ༔ དེ་ལྟར་ཐུན་དྲུག་གམ་བཞིའམ་གསུམ་མམ་ནངས་ནུབ་གཉིས་བྱའོ༔ ངག་འཁོར་ཡུག་ཏུ་གཅོད་པ་རབ༔ ཐུན་མཚམས་སུ་བཏང་བ་འབྲིང་༔ ཐ་མ་འཐོར་བསྙེན་ཡང་རུང་སྟེ༔ ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧྲཱིཿམཐིང་ནག་འགྲེང་ཐབས་སུ་མཆོད་རྟེན་ལྟར་གཡོ་འགུལ་མེད་པ་ལ༔ བསྙེན་སྔགས་འབྲུ་བཅུ་དྲུག་པ་ཡི་གེའི་ངོ་ཕྱིར་བསྟན་ནས་མདུན་ནས་བརྩམ་སྟེ་གཡོན་བསྐོར་དུ་བཀོད་ལ་ཡིག་འབྲུ་ཀློག་པའི་ཚུལ་དུ་ཅུང་ཟད་བཟླས་པས༔ དེ་ལྟར་འོད་ཟེར་དམར་ནག་གཡས་སུ་ཕྲེང་ལུང་ལྟར་གཡས་སུ་འཁོར་བར་བསམས་ལ་བཟླ༔ དེ་ནས་སྔགས་ཕྲེང་གཡས་སུ་དལ་བུས་འཁོར༔ དེ་ནས་ཇེ་མགྱོགས་སུ་འཁོར་བས༔ དེ་ལས་འོད་ཟེར་ཁ་དོག་སྣ་ལྔ་འཕྲོས་པས་སངས་རྒྱས་ཀྱི་ཞིང་ཐམས་ཅད་ན་བཞུགས་པའི་རྒྱལ་བ་སྲས་བཅས་ཁྲོ་བོ་ཁྲོ་མོ་ཐམས་ཅད་མཆོད༔ དེ་ཐམས་ཅད་ཀྱི་བྱིན་རླབས་དངོས་གྲུབ་ཐམས་ཅད་འོད་ཟེར་ཁ་དོག་སྣ་ལྔའི་རྣམ་པར་བསྡུས་ནས་རང་ལ་ཐིམ་པས་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་ཐམས་ཅད་བཤང་ལམ་ནས་ནག་ནུར་གྱིས་བུད་ནས༔ ལུས་ཕྱི་ནང་ཐམས་ཅད་སྐུ་

[Full Size]

གསུང་ཐུགས་ཡོན་ཏན་ཕྲིན་ལས་ལྔའི་བྱིན་རླབས་དངོས་གྲུབ་ཀྱི་ངོ་བོར་འོད་ཟེར་ཁ་དོག་ལྔའི་མེ་རེ་རེ་གང་ཞིང་འཁྱིལ་བས༔ གསལ་སྟོང་བདེ་བ་ཆེན་པོའི་ཡེ་ཤེས་རྒྱུད་ལ་སྐྱེས་པར་བསྒོམས༔ ཡང་འོད་ཟེར་ལྔ་འཕྲོས་པས་འགྲོ་དྲུག་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་དག་ནས་རྟ་མགྲིན་རིགས་ལྔའི་གོ་འཕང་ལ་བཀོད༔ དམྱལ་བ་ནི་རྡོ་རྗེ་རྟ་མགྲིན༔ ཡི་དྭགས་ནི་པདྨ་རྟ་མགྲིན༔ དུད་འགྲོ་ནི་བུདྡྷ་རྟ་མགྲིན༔ ལྷ་མ་ཡིན་ནི་ཀརྨ་རྟ་མགྲིན༔ ལྷ་དང་མི་ནི་རཏྣ་རྟ་མགྲིན༔ ཤ་སྟག་ཏུ་གྱུར་ཏེ་སྔགས་བཟླ་རོགས་འུར་དི་རི་རི་བྱེདཿ སྣོད་ཀྱི་འཇིག་རྟེན་ཐམས་ཅད་ཀྱང་བདེ་ཆེན་དབང་དྲག་རོལ་པའི་གཞལ་ཡས་ཁང་དུ་བསམ་མོ༔ དེ་ལྟར་དུས་གྲངས་ཀྱི་བསྙེན་པ་གཞུང་ལྟར་རྫོགས་པར་བྱ་ཞིང་༔ རྒྱུན་དུ་ཐུགས་དམ་བྱེད་ན་ནངས་སྔ་མངོན་རྟོགས་བཏོན་ནས་བསྙེན་པ་ཅི་ནུས་བྱ༔ དེ་ནས་གཞལ་ཡས་ཁང་འཁོར་བཞི་རང་ལ་བསྡུ་གཙོ་རྐྱང་གི་ང་རྒྱལ་གྱིས་བསྙེན་པ་བྱ་ཞིང་སྤྱོད་ལམ་བྱ༔ དགོང་མོ་གཞུང་ལྟར་སྤྱན་འདྲེན་མཆོད་བསྟོད་གཏོར་བསྔོས་སོགས་བྱས་ལ་གཏོར་མགྲོན་རང་ལ་བསྟིམ༔ ཉལ་བའི་ཚེ་སྣོད་བཅུད་གཞལ་ཡས་ཁང་ལ་བསྡུ༔ གཞལ་ཡས་ཁང་འཁོར་བཞི་ལ་བསྡུ༔ རང་

[Full Size]

ཉིད་ཐུགས་ཀའི་ཧྲཱིཿལ་བསྡུ༔ ཡང་ན་མེ་འབར་བས་སྣོད་བཅུད་ཐམས་ཅད་བསྲེགས་ལ་རང་ལ་རིམ་གྱིས་བསྡུ༔ ཧྲཱིཿཐིག་ལེ་མཐིང་ཀ་དམར་བའི་མདངས་ཆགས་པ་གཅིག་ལ་སེམས་བཟུང་༔ རང་གི་སྤྱི་བོར་རྟ་དབུ་རྩེར་རིགས་བདག་སྣང་བ་མཐའ་ཡས་དང་པོར་སྔར་ནས་བསྒོམས་ཡོད་པ་དེ་མི་བསྡུ་བར་བཞག་ལ༔ རང་སེམས་ཐིག་ལེ་སྣང་མཐའི་ཐུགས་ཀར་བསྟིམ༔ སྣང་མཐའ་ཡང་འཇའ་ཡལ་བ་ལྟར་ཉམས་ལེན་ཕྱག་རྫོགས་དབྱེར་མེད་ཀྱི་ངང་གཉིད་པས་འོད་གསལ་ཟིན་པར་གསུངས་པའོ༔ འཆི་དུས་ཡང་འཆི་བ་ཆོས་སྐུའི་ལམ་ཁྱེར་ཡང་འདི་ཡིན༔ འདིའི་རྫོགས་རིམ་སྟོང་པ་ཉིད་བསྒོམ་ཐབས་ཀྱང་འདི་ཡིན་ནོ༔ བསྐྱེད་རིམ་གྱི་དེ་ཉིད་སྤྱི་དང་མཚུངས་པས་སྦྱང་བྱར་ཕུང་པོ་ལྔ་དང་དུག་ལྔ་འབྱུང་བ་ལྔ་དང་༔ འགྲོ་བ་ལམ་རྒྱུད་ལྔ་ལྔ་རྣམས་སྦྱང་གཞི༔ སྦྱོང་བྱེད་ནི་རྟ་མགྲིན་རིགས་ལྔ་སྟེ༔ དེ་ཡང་སྐུ་ལྔ་དང་ཡེ་ཤེས་ལྔ༔ སྐུ་གསུང་ཐུགས་ཡོན་ཏན་ཕྲིན་ལས་ལྔའི་ངོ་བོར་ཡིན་པར་ཤེས་པས༔ བསྐྱེད་རིམ་གོ་ཆོད་པར་འགྲོའོ༔ དེ་ཡང་རྣམ་པ་གསལ་བ་ལ་རང་བཞིན་སྟོང་པ་འཇའ་ཚོན་ལྟ་བུ༔ སྣང་བཞིན་དུ་མ་གྲུབ་པ་ཆུ་ནང་གི་ཟླ་བ་ལྟ་བུ༔ གསལ་ཞིང་སྤྱི་

[Full Size]

རིས་དོད་པ་མེ་ལོང་ནང་གི་གཟུགས་བརྙན་ལྟར་བསྒོམ༔ སྤྱན་གསུམ་གསལ་བས་མངོན་ཤེས་འཆར་བ་དང་མིག་གསལ་བའི་རྟེན་འབྲེལ༔ ཞལ་དང་མཆེ་བ་གསལ་བས་མི་དང་མི་མིན་བཀའ་ཉན༔ མེ་རི་གསལ་བས་བར་ཆད་ཀྱིས་མི་ཚུགས༔ རྒྱན་གསལ་བས་ལོངས་སྤྱོད་འདུ༔ ཞབས་བསྒྲད་དང་གདན་གསལ་བས་ས་ནོན་པ་སོགས་རྟེན་འབྲེལ་དང་༔ རྟ་དབུའི་རྩེར་རིགས་བདག་བསྒོམ་པ་བླ་མ་དང་དབྱེར་མེད་དེ༔ དེ་ཡང་རྩ་བརྒྱུད་བླ་མ་ཐམས་ཅད་འདུས་པའི་སྐུར་བསྒོམ་མོ༔ དེས་སྟོང་པ་འཆར་བ་སོགས་རྟེན་འབྲེལ་ལོ༔ དང་པོ་རྩ་སྔགས་ལ་བྱེ་ཆུང་གཅིག་ཐེམ་པ་གལ་ཆེ༔ དེ་ནས་རང་ལ་ཀླུ་ནད་ཀྱི་རིགས་ཡོད་ན་འཇམ་དཔལ་ནཱ་ག་རཀཱ་ཤམ་བུ་སྔགས་ཐུང་དེ་སྦྱར་ལ་འབུམ་ཕྲག་གཅིག་བསྙེན་པ་ནཱ་ག་ཀླུ་འདུལ་གྱི་ཁྱད་ཆོས་ཡིན༔ དེ་ནས་སྔགས་རིང་ནི་གདོན་འདུལ་དུས་བརྟག་ལ་བལྟ་ཞིང་བྱའི༔ བདེ་དུས་མི་བཟླས་པར་དཀྲིས༔ དེ་ཡང་ནཱ་ག་རཀཱའི་སྔགས་ཐུང་ནི་རང་གི་ལུས་གདོན་འདུལ་བ་གཙོ་བོ་ཡིན་པས༔ རང་གི་ཐུགས་ཀའི་སྔགས་ཕྲེང་ལས་ཡེ་ཤེས་ཀྱི་མེ་འབར་བས་ལུས་ཐམས་ཅད་གང་ནད་གདོན་སྡིག་སྒྲིབ་ཐམས་ཅད་བསྲེགས་ཏེ༔ རོ་མ་རྣམས་བ་སྤུའི་བུ་ག་དང་དབང་པོའི་

[Full Size]

སྒོ་ནས་ཉི་ལི་ལི་ཕྱིར་ཐོན༔ ལུས་ཀྱི་ནང་ཐམས་ཅད་ཡེ་ཤེས་ཀྱི་མེ་རིའི་རང་བཞིན་དམར་ལྷང་ངེ་ལྕགས་སྲེག་ལྟ་བུ་སྟེ༔ མེ་ལྕེ་བ་སྤུའི་བུ་ག་ནས་ཕྱིར་འཕྲོས་པས་ལུས་དང་གནས་ཁང་དང་བཅས་མེ་རིའི་རང་བཞིན་དུ་འབར་བས་གནོད་བྱེད་ཐམས་ཅད་བསྲེག་པར་བསྒོམ༔ རྐང་ལག་མདུན་རྒྱབ་སོགས་ཟུག་གཟེར་ཡོད་ས་བུག་པ་ཧ་རེ་ཡོད་པར་བསམ་པའི་ནང་ནས་མེ་ལྕེ་དམར་ཀྱུ་རུ་རུ་བྱེད་པར་བསམ༔ གང་ན་བ་དེར་ཕན་ནོ༔ རྫས་སྦྱོར་ནི་གཞུང་ལྟར་རབ་ཆ་སྙོམས་པ་ལ་འབྲིང་སྣེ་ཚང་ཐ་མ་གང་འཛོམ་ཙམ་ལ༔ བོང་ངའི་རྩ་བ་དང་ལོ་མ་རྟ་ཁྲག་སོགས་རྙེད་གང་སླ་ལ་བུངས་བླངས༔ མཛེ་ཕོ་ནལ་པ་ལྐུགས་པ་མ་གཏོགས་པའི་ཤ་ཁྲག་གང་རྙེད་བཏབ་ལ༔ རྭའམ་པར་བུ་རིལ་བུ་ཕྱེ་མ་གང་འདོད་བྱས༔ ཆང་རྒོད་དམ་ཁྱེའུ་ལོ་བརྒྱད་པའམ༔ རྙེད་ན་ནུས་ལྡན་སྤྲུལ་སྐུ་ཞིག་གི་གསང་ཆབ་རྙེད་ན་མཆོག་ཡིན་པས་སྦྲུས་ལ༔ སྔགས་ཁྲི་སོགས་ཀྱིས་སྔགས་ལ་གང་དགོས་གཞུང་ལྟར་སྤྱོད༔ དེ་ནས་སྨྱོན་པ་འདུལ་ལམ་གདོན་གང་འདུལ་ཡང་རྦད་ཀྱིས་གནོད་བྱེད་ཟེར་བ་གཟའ་ཀླུ་ས་བདག༔ རྒྱལ་པོ་བསེན་མོ་གཟའ་སོགས་གང་ཡིན་བཅུག་པས་ཟབ༔ ངོས་མ་ཟིན་ན་གནོད་

[Full Size]

བྱེད་ཀྱིས་འཐུས་ཏེ༔ སྔགས་ནི་ཁམས་སུ་དབད་ཟེར་ཀྱང་མི་དག་པ་འདྲ་བས་དབུས་སུ་ནི་དྲོད་ཟེར་བས་དག་པར་སེམས་སོ༔ སྔགས་རིང་གསུམ་ཁའི་དམིགས་པ་འདི་མེད་དེ༔ རང་ཉིད་རྟ་མགྲིན་གྱི་ལྷ་ཚོགས་སྔར་བས་ཀྱང་སྐུ་ཚེ་ལ་ཡན་ལག་རགས་པ་ནམ་མཁའ་ཁེངས་པ་ཙམ་གྱི་ཐུགས་ཀ་ནས་རང་འདྲ་བའི་རྟ་མགྲིན་ནག་པོ་ལྕགས་ཀྱུ་ཞགས་པ་ཅན་གྲངས་མེད་སྤྲོས་ཏེ་སྟོང་གསུམ་ཙམ་གྱི་འཇིག་རྟེན་ནམ་མཁའ་ས་གཞི་ཐམས་ཅད་གང་བས་ངག་ནས་དྲག་སྔགས་འབྲུག་ལྟར་བརྗོད་ཅིང་༔ གནོད་བྱེད་གང་ཡིན་དེའི་སྙིང་ནས་ལྕགས་ཀྱུས་བཟུང་༔ མགུལ་ནས་ཞགས་པས་བཅིངས༔ རལ་གྲིའི་དམྱལ་དམྱལ་གཏུབས༔ ཤ་ཁྲག་ཁྲོ་བོ་རྣམས་ཀྱིས་ཧབ་ཐོབ་ཏུ་ཟོས༔ ལྷག་མ་ཡེ་ཤེས་ཀྱིས་མེས་བསྲེགས་པར་བསྒོམ་ལ་སྔགས་བརྒྱ་རེ་ཙམ་བཟླའོ༔ ཡང་གནོད་བྱེད་དེ་དག་ལ་སྙིང་རྗེ་ཚད་མེད་པར་བསྒོམས་ལ༔ རྣམ་པར་ཤེས་པ་ཐིག་ལེའི་རྣམ་པར་བདེ་བ་ཅན་དུ་འོད་དཔག་མེད་ཀྱི་ཐུགས་ཀར་བསྟིམ༔ གདོན་ལྷ་དང་གནོད་བྱ་དང་གནོད་བྱེད་ཐམས་ཅད་སེམས་ལས་གཞན་དུ་མ་གྲུབ་པ་ཤེས་པར་བྱས་ལ༔ སྟོང་ཉིད་ངང་དུ་ཡུན་རིང་ཙམ་བཞག༔ ཡང་སྔར་ལྟར་སྔགས་དམིགས་བྱ་ཞིང་རྫོ་ས་ལ་ཕུ་

[Full Size]

བཏབ༔ ཐུན་རྫ་ས་ཞོར་ལ་སྔགས་ན་ཡང་སྨོན་པ་སེར་བ་སོགས་ལ་ཕན་ཚེ༔ དེ་ལྟར་གཞུང་ལྟར་ཐུལ་རྟགས་མ་བྱུང་བར་དུ་བཟླསཿ ཐུལ་རྟོགས་ལན་གསུམ་བྱུང་ནས་བཟླ་མི་རུང་དམིགས་པ་སྲོད་ལ་བྱམས་སྙིང་རྗེའི་བསྔོ་བར་བྱའོ༔ གལ་ཏེ་ད་རུང་བཟླས་ན་རང་ནུས་པ་དང་ལྟ་བའི་གདེང་མེད་ན་རང་ལ་ལྡོག༔ གདེང་ཆེ་ན་གདོན་སྲོག་དང་བྲལ་བས་སྡིག་ཆེ་གསུངས༔ སྔགས་མི་དག་ལ་མི་འཁུ་པར་གསུངས་པས་ལྟུང་བར་འགྱུར་རོ༔ དེ་ནས་ཚོད་ཟིན་པར་གཅེས་སོ༔ བསྙེན་རྟགས་ནི་རབ་ཞལ་མཇལ༔ འབྲིང་གསུང་ཐོས་དབང་པོའི་ཁྱད་ཀྱིས་དངོས་ཉམས་རྨི་ལམ་དུ་འོང་༔ ཐ་མ་རྨི་ལམ་དུ་མེ་ཏོག་དམར་པོའི་གླིང་དུ་ཕྱིན་པ་བསྡུས་པ༔ གོས་སར་དམར་པོ་གྱོན་པ༔ རང་ལུས་ལ་མེ་འབར་བ༔ བུད་མེད་ཚོགས་ཀྱིས་ཟས་ནོར་སྟེར་བ་དང་ལུང་སྟོན་པ་དང་ཉི་ཟླ་ཤར་བ༔ མཁར་བརྩེགས་གོ་གྱོན་མཚོན་ཐོགས་ལ་ཁྲི་ལ་འདུག་ཆོས་འཆད་ལྷ་ཆ་བཀྲོལ་བ༔ དར་ཕྱར་བ་དུང་བུས་པ་ཡིག་དྲུག་བསྐུལ་བ༔ རྒྱན་གྱིས་བརྒྱན་པ་ནམ་མཁའ་ལ་འཕུར་བ༔ བདེ་བ་ཅན་དུ་ཕྱིན་པ༔ དམག་དཔོན་བྱས་པ༔ གཡུལ་ལས་རྒྱལ་བ་སོགས་ལྷ་རྟགས༔ དྲག་སྔགས་རིང་མོ་འུར་

[Full Size]

འདོན་དུས་སྦལ་ལྕོང་ཆུ་གནས་བསད་པ༔ མཚོ་སྐེམ་རྫིང་གཏོར་ཤིང་བཅད་གཟའ་ཀླུ་ཐུལ་རྟགས༔ བནེ་བུད་མེད་ཁྱི་བྱི་ལ་སོགས་བརྡུང་བ་དང་བསད་པ་སོགས་རྒྱལ་བསེན་ཐུལ་རྟགས་སོགས་གཞུང་དུ་ཡང་གསལ་ལྟར་ཏེ་རྒྱས་པར་རིག་པས་བརྟག་སྟེ་ཤེས་པར་བྱའོ༔ དེ་ཡན་ཆད་སྔགས་པ་གསར་བུ་ལས་དང་པོ་པའི་ཉམས་ལེན་ཏེ༔ བསྐྱེད་པ་མ་ཧཱ་ཡོ་ག་ལྟར་ཉམས་སུ་ལེན་ལུགས་སོ༔ གཉིས་པ་ལུང་ཨ་ནུ་ཡོ་ག་ལྟར་ཉམས་སུ་ལེན་མཿ ཕྱི་སྣོད་ཀྱི་འཇིག་རྟེན་ནི་གདོད་ནས་གྲུབ་པའི་གཞལ་ཡས་ཁང་༔ ནང་བཅུད་ཀྱི་སེམས་ཅན་ཐམས་ཅད་ཀྱང་ཁ་དོག་ལྔ་ཡི་དབྱེ་བས་གདོད་ནས་རྟ་མགྲིན་རིགས་ལྔའི་རང་བཞིན༔ རང་ལུས་ཕུང་པོ་ལྔ་དང་ཁམས་ལྔ་པོ་ཡང་གདོད་ནས་རྟ་མགྲིན་རིགས་ལྔའི༔ ལུས་གདོད་ནས་རྟ་མགྲིན་དམ་ཚིག༔ སེམས་གདོད་ནས་རྟ་མགྲིན་ཡེ་ཤེས་པ་ཡིན་པས༔ དེ་ཡིན་པ་ལ་ཡིན་པར་ངོ་ཤེས་པར་བྱ༔ ངོ་ཤེས་པས་མི་ཆོག་བརྟན་པ་ཐོབ་དགོས་པས༔ སྐད་ཅིག་དྲན་རྫོགས་ལ་སྣོད་བཅུད་ཐམས་ཅད་རྟ་མགྲིན་ལྷ་ལྔའི་དཀྱིལ་འཁོར་དུ་གསལ་བཏབ༔ རང་ལུས་རྟ་མགྲིན་དམ་ཡེ་དབྱེར་མེད་གཅིག་ལ་གསལ་བཏབ༔ སེམས་ཅན་ཐམས་ཅད་འཁོར་རྟ་མགྲིན་རིགས་བཞིར་

[Full Size]

གསལ་སྐད་ཅིག་ལ་བཏབ་ལ་སྔགས་ཕྲེང་སོགས་དམིགས་པའི་འཕྲོ་འདུ་སོགས་མི་བྱེད་པར༔ སྒྲ་ཐམས་ཅད་སྔགས་སྒྲ་གཟུགས་ཐམས་ཅད་རྟ་མགྲིན༔ ཟས་ནི་ཤ་ལྔ་བདུད་རྩི་ལྔ༔ གོས་ནི་བེར་ནག་དང་ཞིང་གླང་ལྤགས་པ༔ རྒྱན་དུར་ཁྲོད་ཀྱི་ཆས་གདན་ཉི་ཟླ་པདྨ་ཀླུ་བརྒྱད་སོགས་སུ་དམིགས་པས༔ སེམས་ཅན་ཐམས་ཅད་ལྷར་གསལ་ན་གདོན་ཞེས་བཙལ་བས་མི་རྙེད་པས་དྲག་སྔགས་བཟླ་རྒྱུ་མེད༔ བཟའ་བཏུང་མཆོད་པ་ཡིན་པས་མཆོད་པ་བྱ་རྒྱུ་མེད༔ དེ་ལྟར་སྒོམ་མཁན་སེམས༔ སེམས་ཡེ་ནས་སྟོང་པ་ཉིད་ཀྱི་ཕྱིར་གསལ་བློ་སྟོང་ཟུང་འཇུག༔ སྟོང་པའི་རང་རྩལ་སྟོང་ཉིད་ཀྱི་རྩི་དང་མ་བྲལ་བའི་ངང་ནས་སྣོད་བཅུད་རྟ་མགྲིན་གྱི་དཀྱིལ་འཁོར་དུ་གསལ་བས་བསྐྱེད་རྫོགས་ཟུང་འཇུག༔ དེའི་ངང་ལས་སྔགས་ཤུགས་འབྱུང་དུ་བརྗོད་ཅིང་གྲངས་དང་ཚད་དུ་བཟུང་རྒྱུ་མེད་པས༔ དེ་སེམས་ཅན་ཐམས་ཅད་ཀྱི་བཟླས་པ་དང་སྒྲ་ཐམས་ཅད་སྔགས་སུ་གསལ་བས་སོ༔ དེ་ལྟར་ཡང་རྟ་མགྲིན་གསང་འདུས་ཀྱི་རྒྱུད་ཆེན་པོ་ཉིད་ལས༔ སྐད་ཅིག་དྲན་རྫོགས་ལྷར་བསྐྱེད་ལ༔ འགྲོ་ཉལ་འདུག་གསུམ་ཐམས་ཅད་དུ༔ ལྷ་ཡི་ངང་ལས་འབྲལ་མི་བྱ༔ གཟུགས་སུ་སྣང་བ་རྟ་མགྲིན་སྐུ༔

[Full Size]

སྒྲ་རུ་གྲག་པ་རྟ་མགྲིན་གསུང་༔ སེམས་སུ་དྲན་རྟོག་རྟ་མགྲིན་ཐུགས༔ ཞེས་སོགས་དང་པདྨ་དབང་གི་རང་བཞིན་ལ༔ མ་དག་སྣང་བ་ཡོད་མ་ཡིན༔ ཐམས་ཅད་དབང་གི་དཀྱིལ་འཁོར་ཆེ༔ ཞེས་སོགས་ཨ་ནུ་ཡོ་ག་ལྟར་བསྒྲུབས་པའི་ལེའུ་ལས་གསལ་བར་གསུངས་པའོ༔ དེ་ལས་ཀྱང་རྟོགས་པ་མཆོག་ཏུ་གྱུར་པའི་གང་ཟག་གིས་ནི༔ ཡི་དམ་རྟ་མགྲིན་ལྷ་ལྔ་ཞེས་པ་ཡང་རང་སེམས་ལས་གཞན་དུ་མ་གྲུབ་སྟེ༔ དུག་ལྔ་རང་རྒྱུད་དུ་ཤོར་བ་ལས་རུ་ཊ་དང་གདོན་རིགས་ལྔ་ཀླུ་རིགས་ལྔར་སྣང་བས༔ མེ་ལོང་ལ་གཟུགས་བརྙན་ལྟར་ཕྱི་རོལ་དུ་སྣང་གིསཿ རང་སེམས་དུག་ལྔ་མ་སྤངས་རང་ངོ་རང་གིས་ཤེས་པས་རྟ་མགྲིན་རིགས་ལྔར་འཆར༔ ཡེ་ཤེས་ལྔ་ཡང་དེ་ཡིན༔ མདོར་ན་སྣང་སྲིད་ཐམས་ཅད་སེམས་ཀྱི་སྣང་ཆ་ཙམ་ལས་གཞན་དུ་གྲུབ་པ་མེད་པས༔ གང་ཤར་སྤང་བླང་དགག་སྒྲུབ་མེད་པར་མཉམ་པར་བཞག་པ་རྟ་མགྲིན་གྱི་ལས་བསྒྲུབ་པ་རང་འགྲུབ་ཏུ་འགྱུར་བ་ཉིད་དུ་དེ་དཔལ་རྟ་མགྲིན་གསང་འདུས་ཀྱི་རྒྱུད་ལས༔ རྟ་མགྲིན་དབང་གི་དཀྱིལ་འཁོར་དེ༔ ལོགས་ན་ཡོད་པ་མ་ཡིན་ཏེ༔ རང་ཉིད་རྟ་མགྲིན་སྐུར་སྣང་བས༔ རང་ཉིད་རང་ལ་རང་ཉིད་ལྷ༔ ལྷ་དང་རང་གཉིས་གཉིས་སུ་

[Full Size]

མེད༔ སེམས་ཉིད་རྟོགས་ན་སངས་རྒྱས་ཏེ༔ སངས་རྒྱས་གཞན་ནས་མ་ཚོལ་ཞིག༔ ཅེས་དང་༔ སེམས་ལ་རྒྱུ་དང་རྐྱེན་མེད་པས༔ མ་གྲུབ་རང་བྱུང་ཡེ་ཤེས་གནས༔ མ་བཙལ་བཞག་པས་རང་ས་ཟིན༔ ཅེས་དང་༔ བལྟ་བའི་ལེའུ་ལས༔ འཁོར་འདས་ཁྱད་པར་དབྱིངས་སུ་མཉམ༔ ལས་དང་ཡེ་ཤེས་གཉིས་སུ་མེད༔ མ་འགག་པ་ནི་ཆོས་ཀྱི་སྐུ༔ མི་དམིགས་པ་ནི་ཆོས་ཀྱི་དབྱིངས༔ དེར་རྟོགས་དེ་ལ་གནས་པ་ཡིན༔ སངས་རྒྱས་ཀུན་གྱི་དགོངས་པ་ཡིན༔ ཅེས་དང་༔ སྒོམ་པའི་ལེའུ་ལས༔ གཉིས་མེད་སྟོང་པ་ཆོས་དབྱིངས་ལས༔ མ་འགག་དུག་ལྔ་རྣམ་རྟོག་ཤར༔ དབྱིངས་ནས་ཤར་ཞིང་དབྱིངས་སུ་ཐིམ་རང་ཤར་རང་གྲོལ་སྒོམ་པའི་མཆོག༔ ཅེས་དང་༔ སྤྱོད་པའི་ལེའུ་ལས༔ སྣང་སྲིད་རྟ་མགྲིན་གྱི་དཀྱིལ་འཁོར་དུ་གསལ་ཞིང་ངེས་པར་གྱུར་ན༔ ཐ་མལ་གྱི་སྤྱོད་པ་རང་འགགས་སུ་འགྲོ་ཚུལ་རྒྱ་ཆེར་གསུངས་ཤིང་༔ འབྲས་བུའི་ལེའུ་ནས༔ སྐུ་གསུམ་རང་ལ་ཡེ་ནས་རྫོགས༔ མ་བཙལ་རང་བཞིན་ལྷུན་གྱིས་གྲུབ༔ མ་གྲུབ་རང་ལ་བྱུང་ཞིང་གནས༔ ཞེས་སོགས་སྐུ་གསུམ་སེམས་ལ་ངོ་སྤྱོད་རྒྱ་ཆེར་གསུངས་སོ༔ འོ་ན་ཕྱག་རྫོགས་སྤྱི་དང་

[Full Size]

ཁྱད་མེད་དམ་ཞེ་ན༔ འདི་སྟོང་ཉིད་ཁོ་ནར་བསྒོམ་པ་ནི་མ་ཡིན་ཏེ༔ སྟོང་ཉིད་ཀྱི་ལྟ་བའི་གནས་ལུགས་རྟོགས་ནས༔ བསྒོམས་པས་ཉམས་སུ་ལེན་ཚེ༔ ཐུགས་ཀའི་ཧིལ་སེམས་རྩེ་གཅིག་ཏུ་བཟུང་བ་ཞི་གནས་གནས་པའི་ངོ་བོ་ལ་བལྟས་པའི་སྟོང་པ་མཐོང་བ་ལྷག་མཐོང་༔ སྟོང་ཉིད་འདི་བལྟ་བའི་གཤིས་མ་ཤོར་བའི་ངང་ནས་ནམ་མཁའ་ལ་འཇའ་ཤར་བ་ལྟར་རྟ་མགྲིན་གྱི་དཀྱིལ་འཁོར་གསལ་བཏབ་པ་ཡོང་གྲུབ་ཀྱི་བསྐྱེད་རིམ༔ དེ་ཉིད་རྣམ་པར་གསལ་བའི་གཤིས་མ་ཤོར་བའི་བློ་བྱས་བྱས་པའི་སྟོང་ཉམས་ནམ་མཁའ་ལྟ་བུ་ཡང་མ་ཡིན་པརཿ སྒོམ་མཁན་སེམས་ཀྱི་ངོ་བོར་སྟོང་པར་མཐོང་བ་གསལ་སྟོང་ཟུང་འཇུག༔ སྒྲ་ཐམས་ཅད་གྲག་སྟོང་ཡང་མ་ཡིན་པར་སྔགས་སུ་བསྒོམ་བཞིན་སྒྲ་སྟོང་ཉིད་དུ་རྟོགས་པ་གྲག་སྟོང་དབྱེར་མེད་སོགས་སུ་བསྒོམ་ཞིང་༔ རང་ཉིད་ལྷ་ལ་ལྷ་ཉིད་རང་༔ ཞེས་སོགས་ཀྱི་དོན་ནོ༔ དེ་ལྟ་བུའི་འབྲས་བུའི་ཡང་རྩེར་འགྱུར་ཞེ་ན༔ རྟ་མགྲིན་གསང་འདུས་སྒྲུབ་གཞུང་ནས་འབྱུང་བ་འདི་གྲངས་རུང་སྟེ་འདི་ཡང་དེའི་གསུང་གི་སྒྲུབ་པ་ཡིན་པས་དོན་གཅིག་པའི་ཕྱིར་ཏེ༔ དབང་རྫོགས་སྐྱེས་བུ་སུ་དང་སུས༔ མཐའ་ཡས་སྲིད་པ་བར་དོ་ནས༔ བདེ་ཆེན་འབར་བའི་གཞལ་ཡས་

[Full Size]

སུ༔ ཡི་དམ་ལྷ་ཡིས་ཁྲིད་པར་འགྱུར༔ གོང་མ་རྩ་བའི་བསྙེན་པ་ལ༔ བྱེ་བ་བདུན་ནམ་ས་ཡ་གཅིག༔ གལ་ཏེ་ཐེམ་པར་གྱུར་པ་ན༔ ཆོས་ཉིད་དང་པོའི་བར་དོ་ནས༔ མི་དེ་མངོན་པར་སངས་རྒྱས་ནས༔ སྐུ་དང་གདུང་དང་རིང་བསྲེལ་དང་༔ སྒྲ་དང་འོད་དང་འཇའ་ལ་སོགསཿ ངོ་མཚར་རྟགས་དང་བཅས་ནས་ནི༔ གྲོལ་བར་འགྱུར་བ་གདོན་མི་ཟ༔ ཞེས་ཨུ་རྒྱན་རིན་པོ་ཆེས་བཀའ་སྩལ་ཏོ༔ དེ་ཡང་རྟ་མགྲིན་ནག་པོ་དབུགས་བདག་རོལ་པའི་རྒྱུད་ལས་ཀྱང་༔ ཉོན་མོངས་འཁོར་བའི་རྒྱུན་བཅད་ནས༔ མཉམ་ཉིད་ཆེན་པོར་མངོན་སངས་རྒྱས༔ ཞེས་གསུངས་སོ༔ དེ་ལྟར་དུས་རྟགས་གྲངས་གསུམ་གྱི་བསྙེན་པ་རྫོགས་ཤིང་བསྐྱེད་རྫོགས་ལ་དྲོད་ཅུང་ཟད་ཐོབ་པའི་གང་ཟག་གིས་ལས་ཚོགས་དགོངས་འདུས་ཀྱི་ལས་ཚོགས་ཕན་བྱའི་སྐོར་ཐམས་ཅད་འདི་ལ་སྦྱར་རུང་བར་གསུངས་པས་གང་འདོད་སྦྱར་ཆོག་ལ༔ ཉང་གི་རྟ་ནག་པདྨ་གླིང་པའི་རྟ་ནག་སོགས་ཀྱི་ལས་ཚོགས་འདི་ལ་སྦྱར་རུང་༔ ཡང་ནད་པ་ལ་བྱིན་རླབས་བྱེད་དམ་རྒྱང་རིང་ནས་ཐུགས་དམ་སྐྱབས་འཇུག་གམ་དམིགས་པ་ཞུ་བར་བྱུང་ན༔ རང་ཉིད་རྟ་མགྲིན་ནག་པོ་སྐུ་རི་རབ་ཙམ་དུ་བསྒོམས་ནས་རང་གི་

[Full Size]

མདུན་དྲུང་དེར་ནད་པ་ཡོད་པར་བསམས་ལ༔ རང་གི་སྐུ་ལས་མེའི་ཕུང་པོ་མཆེད༔ ནད་པ་ལ་ཕོག་པས་ནད་གདོན་ཐམས་ཅད་གཞོབ་ཐུལ་གྱིས་ཚིག༔ ཐུགས་ཀ་ནས་བདུད་རྩིའི་རང་བཞིན་ཆུའི་རྒྱུན་ཆེན་པོར་འཕྲོས་པས་ནད་གདོན་ཐམས་ཅད་བཤལ་ཞིང་བཀྲུས་པར་བསྒོམ་ལ་བསྙེན་པ་བྱ༔ གལ་ཆེ་ན་སྔགས་རིང་ཅུང་ཟད་བཟླའོ༔ གདོན་ཆེན་དང་ནད་པ་གལ་ཆེན་ལ་སྔགས་རིང་གི་སྔགས་ཆུ་བཏུང་བཅུག་ན༔ གཞན་ཡང་གཉན་དང་ཐབ་དང་སྐྲང་པ་ལྷོག་པ་སོགས་ལ་སྔགས་རིང་འདི་བཏབ་ན་གཞན་གང་བས་ཀྱང་རྣོའོ༔ སྔགས་གྲངས་མང་དུ་སོང་བའི་སྔགས་མར་ས་སྔགས་བྱས་ཀྱང་ཕན་ཆེའོ༔ དར་མདུད་སྲུང་སྐུད་སོགས་ལ་བཏབ་ཀྱང་སྲུང་བའི་མཆོག་གོ༔ འདིའི་བསྐང་བ་དང་གཏོར་ཟློག་འདོན་ན་བདག་བསྐྱེད་འདི་བྱས་ལ་མདུན་བསྐྱེད་ཉང་ལུགས་སོར་བཞག་ལྟར་བྱས་པས་ལེགས་སོ༔ འགའ་ཞིག་གིས་ཉང་ལུགས་དང་འདི་གཉིས་བསྲེས་ཏེ་བྲིས་པ་དང་༔ ཉང་གི་བཟློག་པ་ཟུར་དུ་བྲིས་པ་དེ་ལ་ལས་འགྲིགས་ནས་འདིའི་ཡིན་ཟེར་བ་བྱས་འདུག་པ་ནི་བསྲེ་སླད་རང་བཟོ་དེ་སྤངས་བར་བྱའོ༔ འདིའི་སྲུང་ཟློག་བསྒོམ་པ་རང་གི་ཐུགས་ཀར་ཧཱིཡིག་གི་ར་ཏའི་ནང་དུ་སྡེ་བརྒྱད་ཀྱི་ས་བོན་ཀྲྀ་ཏྲི་

[Full Size]

གསུམ་མགོ་ཐུར་དུ་བལྟ་བ་ལྷ་འདྲེ་མི་གསུམ་གྱི་སྲོག་བཙོན་དུ་བཟུང་བའི་ཚུལ༔ ཧ་ཁོག་ནང་སྟོང་པ་སྦྲུ་གུ་འདྲ་བའི་དབུས་སུ་རང་གི་ཚེ་སྲོག་གི་དྭངས་མ་རྡིལྗང་གུ་བཀྲག་མདངས་དང་ལྡན་པའི་གཡས་སུ་ཕོ་རིགས་གཡོན་དུ་མོ་རིགས་མདུན་དུ་ནོར་རྫས་རྒྱབ་ཏུ་ཞིང་ཁང་རྣམས་མིང་ཡིག་དང་པོ་ཙམ་བསྒོམས་ནས་དེ་ལ་བསྟིམ་པ་ཡང་བྱེད་དོ༔ ལྷ་ཡི་གཟུགས་སུ་སྒོམ་པ་ཡང་བྱེད་དོ༔ དངོས་སུ་ཐ་མལ་ལྟར་བསྒོམས་པས་ཕན་ཆེའོ༔ གི་གུའི་ནང་དུ་བླ་མ་རྣམས་བསྒོམ་པར་བྱའོ༔ དེ་ནས་རང་ཉིད་ལྕགས་ཀྱི་རལ་པ་ལན་དུ་མ་རིམ་པར་དཀྲུགས་པ་ལས་འཕྲོས་པའི་མེ་རི་དང་མཚོན་ཆ་སྣ་ཚོགས་དང་༔ ཕུར་པ་རྒྱ་གྲམ་དབྱུག་ཐོ་པདྨས་མཚན་པ་རིན་པོ་ཆེའི་གུར་སྲུབ་མེད་པར་རིམ་པ་དྲུག༔ དེ་ནང་འཁོར་ལོ་ཆུང་ངུ་སོ་འཐབ་པའི་འཁོར་ལོ་གུར་ཐབས་རྩིབས་བྱེ་བ་དུ་མ་ཅན་གང་འདོད༔ དེའི་ནང་དུ་རྡོ་རྗེའི་རྭ་བ་གུར་ས་གཞི་སྲུབ་མེད་པ༔ དེ་ནང་རྟ་མགྲིན་ཁྲོ་ཆུང་ཞལ་ཕྱིར་གྱུ་བ་བཟློག་པའི་ལས་བྱེད་པ་དང་༔ དཀར་པོ་ནང་དུ་རྒྱུ་ནས་སྲུང་བའི་ལས་བྱེད་པའི་གུར་དུ་བསྒོམ་སྟེ༔ གཞུང་ལས་རལ་པ་དཀྲུགས་པའི་སྐྲ་གསེབ་ནས་ཞེས་པ་ནས༔ མཚོན་ཆ་སྣ་ཚོགས་ཀྱི་འཁོར་ལོ་བསྐོར་

[Full Size]

བ་ཞེས་གསུངས་པའི་དོན་ཡིན་པས༔ རྡོ་ར་ཁྲོ་བོ་མེ་རི་དཀར་ནག་མ་གཏོགས་པ་ཐམས་ཅད་གཡས་གཡོན་འཁོར་བའི་རྩེ་མོར་གནོད་བྱེད་རྣམས་དམྱལ་དམྱལ་གཏུབས་པར་བསྒོམ་པའོ༔ འདི་མ་ཧཱ་ཡོ་གའི་སྲུང་འཁོར་བསྒོམ་ལུགས་ཡིན་ཅིང་༔ རྩ་སྔགས་མཇུག་ཏུ་ཡང་བསྲུང་བྱ་རྒེ་མོ་ལ་སྲུངས་ཤིག་རཀྵ་རཀྵ་ཞེས་ཅུང་ཟད་སྦྱར་རོ༔ ཨ་ནུ་དང་ཨ་ཏི་གཙོ་བོར་བྱེད་ན༔ བསྲུང་བྱའི་ལུས་ངག་ཡིད་གསུམ་དང་རང་གི་ལུས་ངག་ཡིད་གསུམ་དབྱེར་མེད་དུ་བསྲེས་ལ༔ བསྐྱེད་རྫོགས་ཀྱི་ཉམས་ལེན་རྩེ་གཅིག་ཏུ་དྲིལ་ནས་བསྒོམས་པ་ལགས་སོ༔ བློས་བྱས་ཀྱི་སྲུང་འཁོར་བསྒོམ་དུ་མེད་དེ་སྣང་སྲིད་ལྷར་གསལ་བས་འདྲེ་གདོན་ག་ལ་ཡོད་པའི་ཕྱིར་རོ༔ དེ་རྣམས་ཀྱི་དོན་ཡང་རྟ་མགྲིན་གསང་འདུས་ཀྱི་རྒྱུད་ཆེན་པོ་ཉིད་ལས༔ ནམ་ཞིག་དུས་ཀྱི་ཐ་མ་ལ༔ སྔགས་པ་ནང་འགྲས་ཆོད་གཏོང་བྱེད༔ དེ་ཚེ་ཟབ་པའི་ཁྱད་འདོན་ན༔ ནད་དང་གདོན་དང་བསྲུང་བ་དང་༔ ཕྲིན་ལས་དམིགས་པ་གང་བྱེད་ཀྱང་༔ རང་ཉིད་རྟ་མགྲིན་སྐུར་གསལ་བས༔ སུས་ཀྱང་ཚུགས་པར་མི་འགྱུར་ཏེ༔ སྟོང་པའི་གོ་ཆ་བླ་ན་མེད༔ འདི་ནི་བསྲུང་བའི་རྒྱལ་པོ་ཡིན༔ ཅེས་གསུངས་པའི་དོན་ནོ༔ སྙིགས་དུས་ཚེ་སྒྲུབ་

[Full Size]

གལ་ཆེ་བས༔ ཚེ་རྟ་ཁ་སྤྲོད་དུ་བསྒྲུབས་ན་རང་ཉིད་རྟ་མགྲིན་གཞུང་ལྟར་བསྒོམ་པའི་སྤྱི་བོར་ཚེ་དཔག་མེད་བྷེ་པ་སོགས་ཚེ་སྒྲུབ་གསང་འདུས་ཕྱི་སྒྲུབ་ཟབ་པའི་མཐར་ཐུག་ལྟར་ཉམས་སུ་བླངས་ན་འབྲེལ་ཆེ་ཞིང་མཆོག་དམ་པའོ༔ ཞེས་པ་འདི་ནི་བླ་མ་རྡོ་རྗེ་འཛིན་པ་ཀརྨ་བརྩོན་འགྲུས་ཀྱིས་མཎྜལ་དང་བཅས་པ་ཐག་རིང་པོ་ནས་བསྐུལ་བའི་ཕྱིར་ཕུལ་ཏེ༔ རྟ་མགྲིན་བསྒྲུབ་པའི་རྣལ་འབྱོར་པ་ཨ་རཱ་གས་བསྒྲིགས་པའོ༔ འདི་ལ་འགལ་འཁྲུལ་གང་མཆིས་མཁས་མཆོག་རྣམས་ལ་བཤགས་ཤིང་༔ དགེ་བས་སེམས་ཅན་ཐམས་ཅད་རྟ་མགྲིན་གྱིས་རྗེས་སུ་བཟུང་ནས་བདེ་བ་ཅན་གྱི་ཞིང་ཁམས་སུ་སྐྱེ་བའི་རྒྱུར་གྱུར་ཅིག༔ སརྦ་མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྟ་མགྲིན་ནག་པོ་ལྕགས་རལ་ཅན་གྱི་རྒྱུན་བསྙེན་དང་རྒྱུན་སྤྱོད་གྱི་མན་ངག་ཟབ་མོ་ཐུགས་ཏིག་ཡིད་བཞིན་ནོར་བུ་དགོས་འདོད་ཀུན་འབྱུང་།

[Full Size]

རྟ་མགྲིན་ནག་པོ་ལྕགས་རལ་ཅན་གྱི་རྒྱུན་བསྙེན་དང་རྒྱུན་སྤྱོད་གྱི་མན་ངག་ཟབ་མོ་གཞན་ལ་མེད་པའི་ཁྱད་ཆོས་ཀརྨ་ཆགས་མེད་ཀྱི་ཐུགས་ཏིག་ཡིད་བཞིན་ནོར་བུ་དགོས་འདོད་ཀུན་འབྱུང་བཞུགས་པའི་དབུ་ཕྱོགས་ལགས་སོ།།

[Full Size]

ན་མོ་བྱ་ཤྲཱི་ཝ་ཡེ། རྟ་མཆོག་དཔལ་ལ་ཕྱག་འཚལ་ནས། །འདི་ཉིད་བསྐྱེད་རྫོགས་མན་ངག་བཤད། །དང་པོ་དབང་བསྐུར་ལེགས་ཐོབ་ནས། །དབང་སྲོག་དམ་ཚིག་སྲོག་ལྟར་བསྲུང་། །དམ་ཚིག་ས་ཡ་འབུམ་སྡེ་ཡང་། །བསྡུ་ན་རྣམ་པ་གསུམ་དུ་འདུས། །རང་གིས་དབང་ཐོབ་སློབ་དཔོན་དེ། །བཟང་ངམ་ཡང་ན་ངན་ཀྱང་རུང་། །ཡི་དམ་དངོས་སུ་མོས་གུས་བྱ། །དེ་བྱས་ཡི་དམ་མྱུར་དུ་འགྲུབ། །བསྐྱེད་རྫོགས་སྒོམ་བཟླས་རྒྱུན་མི་ཆད། །རྒྱུན་དུ་གཏོར་བསྔོས་མ་ཆག་པ། །དུས་བཟང་ཚོགས་དང་གཏོར་མ་འབུལ། །མོས་གུས་བླ་མའི་དམ་ཚིག་

[Full Size]

ཡིན། །བསྐྱེད་རྫོགས་ཡི་དམ་དམ་ཚིག་སྟེ། །ཚོགས་གཏོར་མཁའ་འགྲོའི་དམ་ཚིག་ཡིན། །དམ་ཚིག་གཙང་ན་ཅི་བསམ་འགྲུབ། །ཕྱི་མ་དག་པའི་ཞིང་དུ་སྐྱེ། །དམ་ཉམས་ཚེ་འདིར་ལོག་དགུ་འབྱུང་། །ཕྱི་མ་རྡོ་རྗེའི་དམྱལ་བར་ལྟུང་།་བསྐྱེད་རྫོགས་བཟླས་པ་བརྩོན་ན་ཡང་། །དམ་ཚིག་མེད་ན་སྔགས་ལོག་ཡིན། །དབང་ཐོབ་དམ་ཚིག་ལྡན་པ་དེས། །དང་པོ་བསྐྱེད་རིམ་བསྒོམ་ལུགས་ནི། །ཕྱི་རོལ་སྣོད་ཀྱི་འཇིག་རྟེན་དང་། །རང་ལུས་གཟུགས་ཀྱི་ཕུང་པོ་དང་། །གསང་བ་རྩ་གནས་ཕོ་བྲང་དང་། །རྟ་མགྲིན་བཞུགས་གནས་གཞལ་ཡས་ཁང་། །

[Full Size]

དབྱེར་མེད་གཅིག་ཏུ་ཤེས་པར་བྱ། །རྣམ་པར་ཤེས་པའི་ཕུང་པོ་དང་། །ནམ་མཁའི་ཁམས་དང་ཞེ་སྡང་དང་། །གདོལ་པའི་རིགས་ཀྱི་གདོན་རྣམས་དང་། །དམྱལ་བའི་སྡུག་བསྔལ་སྦྱོང་བའི་ཕྱིར། །གཙོ་བོ་རྟ་མགྲིན་ནག་པོ་ནི། །སངས་རྒྱས་ཀུན་གྱི་ཐུགས་འདུས་ཤིང་། །མེ་ལོང་ཡེ་ཤེས་ངོ་བོ་ཡིན། །གཟུགས་ཕུང་དང་ནི་ཆུ་ཡི་ཁམས། །ཉོན་མོངས་གཏི་མུག་རྒྱལ་རིགས་གདོན། །དུད་འགྲོའི་སྡུག་བསྔལ་སྦྱོང་བའི་ཕྱིར། །ཤར་ཕྱོགས་རྟ་མགྲིན་དཀར་པོ་ནི། །སངས་རྒྱས་ཐམས་ཅད་འདུས་པའི་སྐུ། །ཆོས་དབྱིངས་ཡེ་ཤེས་ངོ་བོ་ཡིན། །ཚོར་བའི་ཕུང་པོ་ས་ཡི་ཁམས། །ཉོན་མོངས་ང་རྒྱལ་རྗེ་རིགས་གདོན། །ཕམ་ལྟུང་སྡུག་བསྔལ་སྦྱོང་བའི་ཕྱིར། །ལྷོ་ཕྱོགས་རྟ་མགྲིན་སེར་པོ་ནི། །སངས་རྒྱས་ཀུན་གྱི་ཡོན་ཏན་འདུས། །མཉམ་ཉིད་ཡེ་ཤེས་ངོ་བོ་ཡིན། །འདུ་ཤེས་ཕུང་པོ་མེ་ཡི་ཁམས། །ཉོན་མོངས་འདོད་ཆགས་བྲམ་ཟེ་ཀླུ། །མི་དང་ཡི་དྭགས་སྡུག་བསྔལ་རྣམས། །སྦྱོང་ཕྱིར་ནུབ་ཕྱོགས་རྟ་མགྲིན་དམར། །སངས་རྒྱས་ཀུན་གྱི་གསུང་འདུས་པ། །སོར་རྟོག་ཡེ་ཤེས་ངོ་བོ་ཡིན། །འདུ་བྱེད་ཕུང་པོ་རླུང་གི་ཁམས། །ཕྲག་དོག་དམངས་རིགས་ཀླུ་ཡི་གདོན། །

[Full Size]

ལྷ་མིན་སྡུག་བསྔལ་སྦྱོང་བའི་ཕྱིར། །བྱང་ཕྱོགས་རྟ་མགྲིན་ལྗང་ཁུ་ནི། །སངས་རྒྱས་ཀུན་གྱི་ཕྲིན་ལས་འདུས། །བྱ་གྲུབ་ཡེ་ཤེས་ངོ་བོ་ཡིན། །དེ་ལྟར་སྦྱང་གཞི་སྦྱོང་བྱེད་རྣམས། །ལེགས་པར་ཤེས་ན་བསྐྱེད་རིམ་ཡིན། །དེ་མིན་ལྷ་གཟུགས་གསལ་ན་ཡང་། །བསྐྱེད་རིམ་གོ་མི་ཆོད་པར་གསུངས། །སྐུ་མདོག་ཕྱག་མཚན་གསལ་དགོས་ཏེ། །སྤྱན་བགྲད་གསལ་ན་བར་ཆད་མེད། །ཞལ་གདོང་མཆེ་བཞི་གསལ་བ་ན། །ལྷ་འདྲེ་མི་གསུམ་བཀའ་ལ་ཉན། །པད་ཉི་གདན་དང་ཞབས་གསལ་ན། །འདུག་ཚུགས་གར་བསྡད་ས་ནོན་འགྱུར། །རྒྱན་ཆ་ཐམས་ཅད་གསལ་བ་ན། །ལོངས་སྤྱོད་ཤུགས་ཀྱིས་འདུ་བ་ཡིན། །ཕྱག་མཚན་ཤིན་ཏུ་གསལ་བ་ན། །ཕྲིན་ལས་གང་བརྩམ་འགྲུབ་པར་འགྱུར། །མེ་རི་སྲིད་པའི་རྩེ་མོ་བར། །རབ་ཏུ་འབར་བ་གསལ་ན་ནི། །བྱ་བ་གང་བརྩམ་མཐར་ཐོན་འགྱུར། །ཐུགས་སྲོག་སྔགས་ཀྱི་འཕྲོ་འདུ་རྣམས། །གསལ་བ་འགྲུབ་རྟགས་མྱུར་དུ་འབྱུང་། །མ་གསལ་སོ་སོའི་སྐྱོན་རྣམས་འབྱུང་། །བྲིས་སྐུ་ལྟ་བུ་ལེབ་ལེབ་མིན། །འདག་སྐུ་ལྟ་བུའི་གདོས་བཅས་མིན། །འཇའ་དང་མེ་ལོང་གཟུགས་བརྙན་དང་། །ཆུ་ནང་ཟླ་

[Full Size]

བ་ཅི་བཞིན་དུ། །ངོ་བོ་སྟོང་ལ་རང་བཞིན་གསལ། །སྣང་ལ་རང་བཞིན་མེད་པར་བསྒོམ། །རང་ཉིད་རྟ་མགྲིན་བསྒོམ་པའི་ཚེ། །རྟ་མགྲིན་དངོས་ཀྱི་འདུ་ཤེས་ཀྱི། །ཐ་མལ་མི་རུང་གནས་ཁང་སོགས། །བརྗོད་པ་ཙམ་གྱི་ང་རྒྱལ་བསྐྱེད། །དེ་བྱས་ནུས་པ་དཔག་མེད་འབྱུང་། །གདོན་བགེགས་གང་ལའང་ཐོགས་པ་མེད། །ཐུགས་ཀའི་ཧཱུྃལས་མེ་འབར་བའི། །ལུས་ནང་ཐམས་ཅད་མེ་ཡིས་གང་། །ནད་གདོན་ཤ་ཁྲག་གདོས་བཅས་བསྲེགས། །རང་ལུས་ཡེ་ཤེས་ལུས་སུ་གྱུར། །ལུས་ནང་ཐམས་ཅད་ལྕགས་སྲེག་ལྟར། །མེ་ཡི་རང་བཞིན་དམར་ལྷང་ལྷང་། །སྔགས་ཀྱི་འོད་ཟེར་བ་སྤུ་ནས། །མེ་ལྕེ་ཕྱིར་འཕྲོས་འཇིག་རྟེན་གང་། །གནོད་བྱེད་གདོན་བགེགས་མ་ལུས་བསྲེགས། །ཕྱི་སྣོད་གཞལ་ཡས་ཁང་དུ་གྱུར། །སེམས་ཅན་ཐམས་ཅད་རྟ་མགྲིན་སྐུར། །གྱུར་ནས་སྔགས་ཀྱི་རམ་བུ་བཀྱག །སྒྲ་སྐད་ཐམས་ཅད་སྔགས་ཀྱི་སྒྲ། །འབྲུག་ལྟར་འཇིག་རྟེན་ཁྱབ་པར་བསྒོམ། །དེ་ལྟར་བྷེ་པས་ཅུང་ཟད་ཙམ། །བཟླས་ཀྱང་དུང་ཕྱུར་མང་པོར་འགྱུར། །སླར་ཡང་སྔགས་འོད་མེ་དཔུང་འཕྲོས། །འགྲོ་བ་རིགས་དྲུག་ཐམས་ཅད་བསྲེགས། །འཁོར་བའི་རྒྱ་མཚོ་སྐེམ་པར་

[Full Size]

མཛད། །རིགས་དྲུག་འཁོར་བ་དོང་ནས་སྤྲུགས། །དམྱལ་བའི་སེམས་ཅན་ཐམས་ཅད་ནི། །རྟ་མགྲིན་ནག་པོ་ཁོ་ནར་གྱུར། །མི་དང་ཡི་དྭགས་དམར་པོར་གྱུར། །དུད་འགྲོ་རྟ་མགྲིན་དཀར་པོ་གྱུར། །ལྷ་རྣམས་རྟ་མགྲིན་སེར་པོ་གྱུར། །ལྷ་མིན་རྟ་མགྲིན་ལྗང་ཁུར་གྱུར། །ཀུན་ཀྱང་སྔགས་སྒྲ་སྒྲོགས་པར་བསྒོམ། །དེ་ལྟར་བསྒོམ་ཞིང་སྔགས་བཟླས་ན། །རིགས་དྲུག་སྐྱེ་སྒོ་ཆོད་པ་དང་། །འགྲོ་བ་གཞན་ཡང་འདྲེན་པར་ནུས། །དེ་ནི་རིགས་དྲུག་གནས་སྦྱོང་ཡིན། །རང་ལ་ཞེ་སྡང་སྐྱེས་པའི་དུས། །རང་ཉིད་རྟ་མགྲིན་ཐུགས་ཀ་ནས། །ངོ་བོ་མེ་ལོང་ཡེ་ཤེས་ཀྱི། །རྣམ་པ་མེ་དཔུང་མཐིང་ཁ་འཕྲོས། །བདག་དང་སེམས་ཅན་ཐམས་ཅད་ཀྱི། །ཞེ་སྡང་སྒྲིབ་པ་ཐམས་ཅད་བསྲེགས། །ཞེ་སྡང་དེ་ཉིད་ཡོངས་གྱུར་ལས། །རྟ་མགྲིན་ནག་པོར་གྱུར་པར་བསྒོམ། །ཉོན་མོངས་འདོད་ཆགས་སྐྱེས་པའི་དུས། །རང་ཉིད་རྟ་མགྲིན་མགྲིན་པ་ནས། །སོར་རྟོག་ཡེ་ཤེས་ངོ་བོ་ལ། །རྣམ་པ་མེ་དཔུང་དམར་པོ་འཕྲོས། །བདག་དང་སེམས་ཅན་ཐམས་ཅད་ཀྱི། །འདོད་ཆགས་སྒྲིབ་པ་ཀུན་བསྲེགས་ནས། །རྟ་མགྲིན་དམར་པོར་གྱུར་པར་བསྒོམ། །ཉོན་མོངས་གཏི་

[Full Size]

མུག་སྐྱེས་པའི་དུས། །རང་ཉིད་རྟ་མགྲིན་དཔྲལ་བ་ནས། །ཆོས་དབྱིངས་ཡེ་ཤེས་ངོ་བོ་ལ། །རྣམ་པ་མེ་དཔུང་དཀར་པོ་འཕྲོས། །བདག་དང་སེམས་ཅན་ཐམས་ཅད་ཀྱི། །གཏི་སྒྲིབ་པ་ཀུན་བསྲེགས་ནས། །རྟ་མགྲིན་དཀར་པོར་གྱུར་པར་བསྒོམ། །རང་ལ་ང་རྒྱལ་ནམ་སྐྱེས་ན། །རང་ཉིད་རྟ་མགྲིན་ལྟེ་བ་ནས། །མཉམ་པ་ཉིད་ཀྱི་ཡེ་ཤེས་དེ། །མེ་དཔུང་སེར་པོའི་རྣམ་པ་འཕྲོས། །བདག་དང་འགྲོ་བ་མ་ལུས་པའི། །ང་རྒྱལ་སྒྲིབ་པ་ཐམས་ཅད་བསྲེགས། །རྟ་མགྲིན་སེར་པོར་གྱུར་པར་བསྒོམ། །ཉོན་མོངས་ཕྲག་དོག་ནམ་སྐྱེས་དུས་། །རང་ཉིད་རྟ་མགྲིན་གསང་གནས་ནས། །བྱ་གྲུབ་ཡེ་ཤེས་རང་བཞིན་གྱི། །མེ་དཔུང་ལྗང་ཁུ་འཕྲོས་ནས་ཀྱང་། །བདག་དང་མ་གྱུར་སེམས་ཅན་གྱི། །ཕྲག་དོག་སྒྲིབ་པ་ཐམས་ཅད་བསྲེགས། ཕྲག་དོག་དག་པའི་རང་གཟུགས་དེ། །རྟ་མགྲིན་ལྗང་གུར་གྱུར་པར་བསྒོམ། །དུག་ལྔ་ལྷ་ཡི་སྐུར་སྒྱུར་བ། །བསྒྱུར་ལམ་བསྐྱེད་རིམ་ཟབ་མོ་ཡིན། ། ༈ །ནམ་མཁའ་མུན་ནག་སྐར་ཁུང་དང་། །སྔོ་དང་ནག་པའི་སྲོག་ཆགས་ཀུན། །མཐོང་ཚད་རྟ་མགྲིན་ནག་པོར་བསྒོམ། །ཆུ་དང་ཁ་ཆར་དངུལོ་དང་དུང་། །དཀར་པོའི་མདོག་ཅན་སྲོག་

[Full Size]

ཆགས་རིགས། །མཐོང་ཚད་རྟ་མགྲིན་དཀར་པོར་བསྒོམ། །ས་དང་མཁར་ཁང་ཐང་དང་ཞིང་། །སེར་པོའི་མདོག་ཅན་མི་མཐོང་བ། །ཐམས་ཅད་རྟ་མགྲིན་སེར་པོར་བསྒོམ། །མེ་དང་གོས་དམར་བྲག་རི་དམར། །ཤ་རྩ་དམར་བའི་མི་རྣམས་ཀུན། །ཐམས་ཅད་རྟ་མགྲིན་དམར་པོར་བསྒོམ། །རླུང་དང་འཚུབ་མ་དར་རས་ལྗང་། །ལྗང་ཁུའི་མདོག་ཅན་སྲོག་ཆགས་རྣམས། །རྟ་མགྲིན་ལྗང་ཁུར་ལམ་ལམ་བསྒོམ། །རང་ཉིད་གར་འདུག་གནས་ཁང་དེ། །རྟ་མགྲིན་གཞལ་ཡས་ཁང་པར་བསྒོམ། །ཉེ་དུ་བྲན་འཁོར་ནོར་ཕྱུགས་རྣམས། །རྟ་མགྲིན་རིགས་བཞིའི་ཚོགས་སུ་བསྒོམ། །འགྲོ་བའི་སྐད་དང་འབྱུང་བའི་སྒྲ། །ཐམས་ཅད་སྔགས་སྒྲ་འུར་འུར་བསྒོམ། །སྐེ་རགས་ལྷམ་སྒྲོག་སྦྲུལ་ཆུན་ལ། །སྨད་གཡོགས་སྟག་གི་ཤམ་ཐབས་བསྒོམ། །སྟོད་གོས་ཞིང་གི་གཡང་གཞི་ལ། །གོས་ནི་དར་ནག་བེར་དུ་བསྒོམ། །མཐང་གོས་གླང་ཆེན་ཀོ་རློན་བསྒོམ། །ཞྭ་ནི་ཐོད་སྐམ་དབུ་རྒྱན་ལ། །ཕྲེང་བ་སེ་རལ་ཐོད་རློན་ཕྲེང་། །གདན་ནི་ཉི་ཟླ་པདྨ་བསྒོམ། །ཞལ་བུ་སྡེ་རུ་ཀ་པཱ་ལ། །ཟས་རྣམས་ཤ་ལྔ་བདུད་རྩི་ལྔ། །ཞུ་བའི་བདུད་རྩིར་བསྒོམས་ལ་བཟའ། །འགྲོ་

[Full Size]

འདུག་ལ་སོགས་བྱེད་པའི་དུས། །རང་ཉིད་རྟ་མགྲིན་དཀྱིལ་འཁོར་ནི། །གཡས་ཀྱི་ཕྱོགས་སུ་བཞུགས་པར་བསྒོམ། །ཐུགས་ལས་སྤྲུལ་པའི་ཐ་མལ་ལུས། །གྲངས་མེད་སྤྲུལ་ནས་བསྐོར་བ་བྱེད། །དཀྱིལ་འཁོར་ལྷ་ལས་འོད་ཟེར་འཕྲོས། །རང་ལ་ཕོག་པས་སྡིག་སྒྲིབ་རྣམས། །ཐམས་ཅད་དག་པར་བསྒོམ་པར་བྱ། །བསྐྱེད་རྫོགས་ཟུང་དུ་འཇུག་ལུགས་ནི། །དེ་ལྟར་སྒོམ་མཁན་སེམས་ཡིན་ལ། །སེམས་ཉིད་ཡེ་ནས་སྟོང་པ་ཉིད། །ཡིན་ཕྱིར་བསྐྱེད་རིམ་ཐམས་ཅད་ཀྱང་། །བསྐྱེད་ཚེ་ཡེ་ནས་སྟོང་ཉིད་ཡིན། །སྟོང་ཉིད་ངང་ལ་ཐམས་ཅད་བསྐྱེད་། །དེ་ཕྱིར་སྟོང་ཉིད་བསྐྱེད་རིམ་སྟེ། །དབྱེར་མེད་ཟུང་དུ་འཇུག་པ་ཡི། །གོ་བ་ཡིད་ལ་ངེས་བྱས་ལ། །དང་པོ་བསྐྱེད་རིམ་གསལ་བྱས་ལ། །དེ་ཡི་ངང་ནས་སེམས་ལ་བལྟ་།་དེ་ལྟར་བསྐྱེད་རིམ་སྒོམ་མཁན་དེ། །སེམས་ཉིད་དང་པོ་གང་ནས་སྐྱེས། །ད་ལྟ་གང་དུ་གནས་པ་ནི།་གང་འགགས་བལྟས་ཚེ་མ་རྙེད་པ། །སྐྱེ་འགགས་གནས་གསུམ་བྲལ་བ་ཟེར། །སེམས་ཀྱི་ངོ་བོ་སྟོང་པ་ཉིད། །གཟུགས་དང་ཁ་དོག་མ་གྲུབ་པ། །ཆོས་སྐུ་སྣང་བ་མཐའ་ཡས་ཡིན། །ཅི་ཡང་མེད་པ་མ་ཡིན་པ། །རང་བཞིན་གསལ་ལ་ཅི་ཡང་

[Full Size]

རིག །ས་ལེ་སེང་ངེ་ཝ་ལེ་བ། །ལོངས་སྐུ་ཐུགས་རྗེ་ཆེན་པོ་ཡིན། །སེམས་ཀྱི་རྣམ་པ་འགགས་པ་མེད། །ཅི་ཡང་དྲན་ཅིང་གར་ཡང་འཕྲོ། །ས་རྡོ་རི་བྲག་ཐོགས་མེད་པར། །གང་དྲན་ས་དེར་ཐོགས་མེད་སླེབས། །སྤྲུལ་སྐུ་འཕགས་པ་རྟ་མགྲིན་ཡིན། །ཡིན་ལ་ཡིན་པར་ངོ་ཤེས་དགོས། །མ་ཡེངས་དྲན་པའི་བྱ་རས་འཚོ། །མ་འཚོས་གླང་ཆེན་སྨྱོན་པ་བཞིན། །ཕུང་ཁྲོལ་སྣ་ཚོགས་སེམས་ཀྱིས་བྱེད། །རང་ངོ་བལྟས་ན་སྐུ་གསུམ་གྱི། །སངས་རྒྱས་རང་ལ་ཚང་བས་འཚེངས། །ཞེ་སྡང་སྐྱེ་དུས་ཅེར་རེ་ལྟོས། །མེ་ལོང་ཡེ་ཤེས་དེ་ཉིད་དེ། །རྡོ་རྗེ་རྟ་མགྲིན་དགོངས་པ་ཡིན། །ང་རྒྱལ་སྐྱེས་དུས་ངོ་བོ་ལྟོས། །མཉམ་ཉིད་ཡེ་ཤེས་ལོགས་ན་མེད། །རིན་ཆེན་རྟ་མགྲིན་དགོངས་པ་ཡིན། །འདོད་ཆགས་སྐྱེས་དུས་ངོ་བོ་ལྟོས། །སོར་རྟོག་ཡེ་ཤེས་དེ་ཉིད་རང་། །པདྨ་རྟ་མགྲིན་དགོངས་པ་ཡིན། །ཕྲག་དོག་དྲག་པོ་ཤར་ཙམ་ན། །ལྷོད་དེ་རང་གི་སེམས་ལ་ལྟོས། །བྱ་གྲུབ་ཡེ་ཤེས་ཞེས་བྱ་བ། །ཀརྨ་རྟ་མགྲིན་དགོངས་པ་ཡིན། །གཏི་མུག་བྱིངས་འཐིབ་བྱུང་བའི་དུས། །ས་ལེ་སེང་ངེ་སེམས་ལ་ལྟོས། །ཆོས་ཀྱི་དབྱིངས་ཀྱི་ཡེ་ཤེས་ཏེ། །བུདྡྷ་རྟ་མགྲིན་

[Full Size]

དགོངས་པ་ཡིན། །དུག་ལྔ་དང་ནི་ཡེ་ཤེས་ལྔ། །རིག་དང་མ་རིག་ཁྱད་པར་ཏེ། །དུག་ལྔ་སྤངས་བའི་ཕ་རོལ་ན། །ཡེ་ཤེས་ལྔ་ཡི་མིང་ཡང་མེད། །བླ་མེད་གསང་ཆེན་མན་ངག་སྟེ། །སྐལ་མེད་ཐོས་ན་མགོ་བོ་འགས། །དེ་ཕྱིར་མན་ངག་གསང་བར་བྱ། །སེམས་ཀྱིས་སེམས་ལ་བལྟ་བ་དེ། །རྟ་མགྲིན་ནག་པོའི་ལྟ་བ་ཡིན། །བལྟས་པས་མི་མཐོང་ངང་ལ་ཞོག །མ་མཐོང་མཐོང་བའི་རྒྱལ་པོ་ཡིན། །སེམས་ལ་བལྟ་རྟོགས་གོམས་འཇུག་པ། །རྟ་མགྲིན་ནག་པོའི་བསྒོམ་པ་ཡིན། །དང་པོ་ཡུན་ཐུང་གྲངས་མང་བལྟ། །གོམས་ནས་ཇེ་རིང་ཇེ་རིང་བྱ། །འཚུབས་ཅིང་ལྷོད་ན་ལུས་སེམས་གློད། །མི་གསལ་སྨུག་ན་ལུས་སེམས་སྒྲིམས། །འགྲོ་འདུག་སྨྲ་བརྗོད་ཟ་འཐུང་དུས། །ཡུད་ཙམ་ཡུད་ཙམ་སེམས་ལ་བལྟ། །སྐབས་སྐབས་བསྐྱེད་རིམ་གསལ་ཡང་བཏབ། །ཁ་ནས་བསྙེན་པ་འབྲལ་མེད་བྱ། །ལམ་དང་ཟམ་ཁའི་རི་ཁ་ནས། །སྔགས་སྒྲ་ཆེ་ན་འབྱུང་པོ་སྐྲག །ལྷ་འདྲེ་གཏུམ་པོའི་ཀོ་ལོང་བྱེད། །དེ་ཕྱིར་གོང་བས་ཚོར་ཙམ་བྱ། །རང་ཁྱིམ་བུང་བའི་སྐད་ཙམ་ལེགས། །དེ་བས་ཆེ་ན་དངོས་གྲུབ་བུལ། །ལྷ་འདྲེའི་ཕྲག་དོག་འབྱུང་ཡང་སྲིད། །ཧ་ཅང་མི་གསལ་མཆུ་

[Full Size]

མུག་གིས། །སྔགས་ཀྱི་ནུས་པ་ཆེར་མི་ཐོན། །ལྕེ་ཐོག་སྔགས་སྒྲ་ཐོན་ངེས་ལ། །གཞན་གྱིས་མི་ཚོར་ཙམ་ཞིག་བྱ། །ནང་ནུབ་ལ་སོགས་གཏོར་བསྔོས་དུས། །རང་ཉིད་རྟ་མགྲིན་ཐུགས་ཀ་ཡི། །འོད་ཀྱིས་བདེ་ཆེན་ཞིང་ཁམས་ནས། །རྟ་མགྲིན་ལྷ་ལྔའི་དཀྱིལ་འཁོར་གཅིག །མདུན་གྱི་ནམ་མཁར་སྤྱན་དྲངས་བསམ། །སྤྱན་འདྲེན་མཆོད་བསྟོད་གཏོར་མ་འབུལ། །དེ་ནས་རང་ལ་ཐིམ་པར་བསྒོམ། །གཤེགས་གསོལ་ནམ་ཡང་མི་བྱ་སྟེ། །བྱང་ཆུབ་མ་ཐོབ་བར་དུ་ནི། །བདག་དང་དབྱེར་མེད་གཅིག་ཏུ་བསྒྲུབ། །བླ་མེད་མཆོག་གི་ཁྱད་ཆོས་ཡིན། །ནུབ་མོ་ཉལ་དུས་ལ་སོགས་ལ། །རྫོགས་རིམ་མན་ངག་དམ་པ་ནི། །རང་ཉིད་རྟ་མགྲིན་ཐུགས་ཀ་ནས། །མེ་འབར་སྣོད་བཅུད་ཐམས་ཅད་བསྲེགས། །བུད་ཤིང་ཟད་པའི་མེ་ལྕེ་བཞིན། །མེ་ལྕེ་ཇེ་ཆུང་གཞལ་ཡས་ཐིམ། །གཞལ་ཡས་ཁང་པ་འཁོར་བཞི་ལས། །འཁོར་བཞི་རང་ཐིམ་རང་ཉིད་ཀྱང་། །ཐུགས་ཀའི་ཡིག་ཉིད་ལ་ཐིམ། །དེ་ཉིད་ཡར་སོང་རྟ་དབུའི་རྩེར། །རིགས་བདག་སྣང་བ་མཐའ་ཡས་ནི། །སོར་བཞི་ཙམ་གྱི་སྐུ་ལ་ཐིམ། །དེ་ཡང་ཐུགས་ཀའི་ཧྲཱིཿལ་ཐིམ། །ཧཱི༔དེ་འོད་དུ་

[Full Size]

ཐིག་ལེ་ནི། །དམར་པོ་ཡུངས་ཀར་ཙམ་དུ་གྱུར། །དེ་ཡང་ཇེ་ཆུང་འཇའ་ལྟར་ཡལ། །སྟོང་གསལ་ངང་ལ་སེམས་བཞག་ནས། །ཉལ་བ་གོམས་ན་འོད་གསལ་ཟིན། །འཆི་དུས་འདི་ལྟར་མ་ཡེངས་ན། །ཐུགས་དམ་ཟིན་པར་བཤད་པའོ། །དེ་ལྟར་རྒྱུན་དུ་ཉམས་ལེན་དུས། །ད་ནངས་སྐྱབས་སུ་འགྲོ་བ་དང་། །འགྲོ་བ་སེམས་ཅན་ཐམས་ཅད་ཀུན། །རྫོགས་པའི་སངས་རྒྱས་ཐོབ་པའི་ཕྱིར། །བདག་གིས་རྟ་མགྲིན་བསྒྲུབ་སྙམ་པས། །སེམས་བསྐྱེད་བསྒོམ་པ་མན་ངག་ཡིན། །སེམས་བསྐྱེད་མེད་ན་འགྲུབ་མི་འགྱུར། །བསྙེན་སྒྲུབ་བྱས་ཀྱང་སྔགས་ནག་ཡིན། །མུ་སྟེགས་དྲང་སྲོང་རྣམས་དང་མཚུངས། །མཇུག་ཏུ་བསྔོ་བ་འདི་ལྟར་རོ། ༈ །འདི་ལྟར་སྒོམ་བཟླས་བྱས་པ་ཡིས། །འགྲོ་ཀུན་སངས་རྒྱས་ཐོབ་པར་ཤོག །དེ་ཡི་དགེ་བས་བདག་གིས་ཀྱང་། །ཁྲོ་རྒྱལ་རྟ་མགྲིན་འགྲུབ་གྱུར་ནས། །བར་ཆད་བདུད་ལས་རྒྱལ་གྱུར་སྟེ། །།ནམ་ཞིག་འཕོས་ཚེ་ནུབ་ཀྱི་ཕྱོགས། །བདེ་ཆེན་ཞིང་དུ་སྐྱེས་ནས་ཀྱང་། །ས་བཅུ་རིམ་གྱིས་བགྲོད་པར་ཤོག །དེ་སྐད་སྨོན་ལམ་རྒྱས་བཏབ་བྱ། །དེ་ལྟར་རྒྱུན་དུ་ཉམས་བླང་ན། །མི་ལུས་ཐོབ་པ་དོན་དང་ལྡན། །དམ་ཆོས་པདྨ་དཀར་

[Full Size]

པོ་ཡི། །རྟ་མགྲིན་རྣམ་བཀོད་ལེའུ་ལས། །སེམས་ཅན་སྲོག་ཆགས་ཐམས་ཅད་ཀྱི། །རྣ་བར་རྟ་མགྲིན་མཚན་ཐོས་ན། །དགེ་བས་བྱང་ཆུབ་སེམས་དཔར་འགྱུར། །འགྲོ་བ་སེམས་ཅན་དོན་མཛད་ཅིང་། །རིམ་གྱིས་སངས་རྒྱས་བྱང་ཆུབ་ཐོབ། །རྟ་མགྲིན་མན་ངག་ཁྱད་འཕགས་ཤིང་། །ཕན་ཡོན་ཆེ་བ་སྨོས་ཅི་དགོས། །བླ་མ་འདི་། ཡིན་སྤྱན་རས་གཟིགས། །ཡི་དམ་པདྨ་ཧེ་རུ་ཀ །ཆོས་སྐྱོང་མགོན་པོ་རྟ་གདོང་ཅན། །ལྷ་གཅིག་ཉིད་ལ་ཐམས་ཅད་ཚང་། །དེ་ཕྱིར་འདི་ལ་ཐུགས་དམ་མཛོད། །དེ་ལྟར་རྟ་མགྲིན་མན་ངག་འདི། །རྒྱུད་གཞུང་མན་ངག་ཀུན་གྱི་བཅུད། །ད་ལྟ་ཉམས་ལ་དྲན་ནས་བྲིས། །དེ་སྐད་རཱ་གའི་མིང་ཅན་དེས། །གྲོ་ཞུན་ཟླ་བའི་བཅུ་དྲུག་གི །སྔ་དྲོའི་ཆ་ལ་རྫོགས་པར་བྲིས། །མན་ངག་ཟབ་མོ་གསེར་དང་འདྲ། །ད་ལོ་ར་ལོད་མ་འདས་པའི། །མ་ཤི་ཕྱིར་དམ་ཚུལ་དུ་ཕུལ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དཔལ་ཁྲོ་བོ་རྟ་མགྲིན་ཡང་ཕྱུངས་ལས་རིམ་བདུན་མའི་ཞལ་ཤེས་བརྒྱད་པོ་ཐུགས་ལ་གབ་ཅེས་པའི་སྔོན་འགྲོ་དངོས་གཞི་རྗེས་ཀྱི་ལས་མཐའ་གབ་སྦས་ཕྱག་ལེན་མངོན་དུ་ཕྱུང་བ་འགྲིགས་ཆོག་ཏུ་བཀོད་པ།

[Full Size]

དཔལ་ཁྲོ་བོ་རྟ་མགྲིན་ཡང་ཕྱུངས་ལས་རིམ་བདུན་མའི་ཞལ་ཤེས་བརྒྱད་པོ་ཐུགས་ལ་གབ་ཅེས་པའི་སྔོན་འགྲོ་དངོས་གཞི་རྗེས་ཀྱི་ལས་མཐའ་གབ་སྦས་ཕྱག་ལེན་མངོན་དུ་ཕྱུང་བ་འགྲིགས་ཆོག་ཏུ་བཀོད་པ་བཞུགས་སོ། །

[Full Size]

ན་མོ་བཛྲ་ཀྲོ་དྷ་ཧྱ་གྲི་ཝ་ཡེ། དབང་གི་བདག་ཉིད་པདྨ་ཧེ་རུ་ཀ །མ་རུངས་གདུག་པའི་ཚུལ་གྱིས་བསྟན་དགྲ་འདུལ། །སྙིང་རྗེ་བྱམས་པའི་ཚུལ་གྱིས་འགྲོ་རྣམས་སྐྱོང་། །དྲེགས་པའི་གཙོ་མཆོག་རྒྱལ་པོ་དེ་ལ་འདུད། །ཡང་ནས་ཡང་ཕྱུང་ཡིད་ཆེས་ཟབ་པ་ཡི། །གདམས་པ་གསེར་ཆོས་རྣོ་དབལ་སྤུ་གྲིའི་མཚོན། །ཡོངས་འཛིན་བཞི་ཡི་ངག་ལས་བརྒྱུད་པ་ཡི། །རྣོ་དབལ་མཚོན་ཆ་བསྟན་དོན་མ་གཏོགས་པའི། །རང་དོན་མཐུ་སྡིག་དམ་མེད་ལོག་སེམས་ཅན། །སྔགས་པའི་ཚུལ་འཆང་དེ་ལ་དཔེ་འདི་ཉིད། །ལག་ཏུ་མ་འགྲིམ་བཛྲ་ས་མ་ཡ། །གལ་ཏེ་སྤེལ་ན་དྲེགས་པ་

[Full Size]

སྡེ་བརྒྱད་ཀྱིས། །སྙིང་ཁྲག་ཞལ་དུ་བཞེས་ཤིག་ན་ར་ཀན། །སྙན་བརྒྱུད་ཡི་གེར་བཀོད་ལ་ཉེས་མཆིས་ན། །དཔའ་བོ་ལྷ་ལྔ་དྲེགས་པའི་ཚོགས་ལ་བཤགས། །བརྒྱུད་འཛིན་རིགས་ལྡན་ཀརྨ་ཡང་དག་ཁྱོད། །དཔེ་འདི་བརྡ་ཙམ་ཁ་རུ་མ་འདོན་ལ། །སངས་རྒྱས་བསྟན་པ་འཇིགས་པའི་དགྲ་བྱུང་ན། །དེ་ལ་འདི་འདྲའི་མན་ངག་གསེར་བས་དཀོན། །མང་དུ་སྤེལ་ན་ལས་ངན་སྡིག་པའི་རྒྱུ། །འཇིག་རྟེན་ཁམས་འདིར་མཐུ་བྱེད་སྡིག་པའི་ལས། །ན་རཀ་དམྱལ་བའི་གཏིང་རྡོར་འདུག་ཅེས་ཐོས། །སྔགས་པ་བྱ་བ་འདི་ཕྱིའི་དོན་ཡིན་ཕྱིར། །ཕལ་ཆེར་རུ་ཏྲར་གོལ་བ་

[Full Size]

དེ་ཡི་དོན། །སངས་རྒྱས་བསྟན་དོན་དམིགས་ལ་མཐུ་བྱས་ཀྱང་། །རང་ལ་མི་སྒྲིབ་བསྟན་པའི་ཆགས་ཕྱིར་འགྲོ། །དཔེར་ན་བླ་མེད་དོན་གྱི་རྒྱུད་ལས་ཀྱང་། །དཀོན་མཆོག་གསུམ་ལ་གནོད་བྱེད་ལ། །བཟོད་པ་བསྒོམ་པར་མི་བྱའོ། །ཞེས་དང་། གསུངས་ཕྱིར་མུ་སྟེགས་ལུགས་ཀྱིས་བསྒྲལ་བ་ལ། །ལས་ཚོགས་མངོན་སྤྱོད་དྲག་པོའི་ཕྲིན་ལས་མཛད། །འཇིག་རྟེན་སྲུང་མ་ཁོ་ན་རྦད་དགོས་དང་། །མུ་སྟེགས་ལུགས་ཀྱི་ངན་སྔགས་རྐྱང་པ་ལ། །ལྷ་རྟགས་ཡིན་མིན་བདུད་ཀྱི་ཁར་བཟུར་ཏེ། །ཤི་བའི་དུས་ཀྱང་དེ་ཡི་འཁོར་དུ་འགྲོ། །དེ་བས་ཅུང་དྲག་ཡེ་ཤེས་ལྷ་འདི་ཉིད། །ཚེ་ལུང་ཁྲུས་ཀྱི་དགོངས་པ་དང་ལྡན་ན། །བསྒྲལ་ཡང་མི་གནོད་རྣམ་པར་ཤེས་པ་ཉིད། །མདུན་བསྐྱེད་ཐུགས་ཀར་བསྟིམས་པས་བྱང་ཆུབ་ལམ་། །སྔོན་ཚེ་ས་རི་པཎ་ཆེན་གྲགས་དབང་གིས། །ནུབ་ནས་ཧོར་དམག་བོད་དུ་འོང་བ་ལ། །གཤིན་རྗེ་འཇོམས་བྱེད་བརྫངས་ནས་བསྒྲལ་བའི་ཚེ། །ཧོར་དམག་ཁྲི་གཅིག་མངོན་དགའི་ཞིང་དུ་འཕངས། །ས་སྐྱའི་སྔགས་འཆང་པདྨ་རྣམ་རྒྱལ་གྱིས། །གཏེར་སྟོན་གུ་རུ་ཆོས་ཀྱི་དབང་ཕྱུག་ལ། །ཡང་བྱུང་དཔའ་བོའི་དབང་རྣམས་ཡོངས་རྫོགས་དང་། །དགྲ་ཆོས་

[Full Size]

ལ་བརྟེན་འདི་ཡི་མན་ངག་བཅས། །མོ་ལུས་ཞུས་ནས་གསེར་ཞོ་གསུམ་པོ་ཕུལ། །ཕྱིས་སུ་གཙང་པ་རྒྱལ་པོ་སྡིག་སྤྱོད་ཅན། །བོད་དུ་འོང་ནས་གཙུག་ལག་བཤིག་བསམ་ཛ། །སྔགས་འཆང་པདྨ་རྣམ་རྒྱལ་དེ་ཉིད་ཀྱིས། །རྟ་མགྲིན་ཡང་ཕྱུང་འཕངས་བས་རྡུལ་དུ་བརླག །རྣམ་ཤེས་སྤར་ནས་སུམ་ཅུ་རྩ་གསུམ་འཕང་། །གཙང་པ་རྒྱལ་པོ་ལྷ་གནས་སྐྱེ་ཟེར་འདུག །མངའ་རིས་རྒྱལ་པོ་ལྷ་ཡི་གནས་སུ་སྐྱེས། །སེ་ར་རྒྱབ་རིའི་རི་ཁྲོད་ཕ་ཝཾ་ཁར། །འདུག་པ་དཔལ་འབྱོར་ལྷུན་གྲུབ་ཅེས་པ་དེས། །བཀའ་བརྒྱད་ཁྲོ་རོལ་དཔལ་དགུའི་སྒོ་ནས་བསྒྲུབ། །ཧོར་དམག་བཟློག་པས་རྣམ་ཤེས་མཁའ་སྤྱོད་དྲངས། །རྒྱལ་བློན་བཅུ་གསུམ་ཀུན་བཟང་ཞིང་དུ་དྲངས། །སྔོན་ཚེ་རང་ཉིད་དབུས་སུ་ཕྱིན་པའི་ཚེ། །བླ་མ་ཝ་ཕྲུག་པ་ཞེས་བྱ་བ་ལ། །རྟ་མགྲིན་ཡང་ཕྱུང་འདི་ཡི་མན་ངག་ཞུས། །འདི་ཡི་མན་ངག་བྱས་པས་བྱེད་མཁན་འགའ། །ཤི་བར་གྱུར་ཅིང་རྣམ་ཤེས་བདེ་ཆེན་དུ། །སོང་བར་ཡིད་ཡུལ་མཐོང་བས་ངེས་ཤེས་སྐྱེས། །དེ་དག་རང་དོན་ཞད་ཙམ་མ་ཡིན་པར། །སངས་རྒྱས་བསྟན་དོན་དམིགས་པའི་སྤྱོད་དོན་ཏེ། །གསང་སྔགས་རྡོ་རྗེ་ཐེག་པའི་དམ་ཚིག་གོ །

[Full Size]

དེ་དག་དགོས་ཆེད་བསྟན་པའི་ཞལ་གདམས་ཏེ། །འདི་ཡི་ཞལ་གདམས་མན་ངག་ཞུ་བའི་ཚེ། །གསེར་གྱི་མཎྜལ་རིན་ཆེན་ཡོན་དུ་ཕུལ། །རང་དོན་ཁོ་ནའི་སེམས་ཙམ་མ་ཡིན་པའི། །སྙིང་རྗེ་བྱང་ཆུབ་སེམས་ལ་རབ་གནས་པ། །གཞན་ལ་མི་སྤེལ་ཐ་ཚིག་ཞིག་གིས་བགགས། །དཔང་དུ་བཀའ་སྲུང་དྲེགས་པ་སྡེ་བརྒྱད་བཞག །མང་པོར་སྤེལ་ན་རང་མཚོན་མི་ལ་ཤོར། །རྣམ་སྨིན་སྡིག་པའི་ས་བོན་བསགས་པའི་ལས། །དམ་མེད་མ་ཤོར་ཁ་ཐམ་ས་མ་ཡ། །ཤིན་ཏུ་ཟབ་པའི་མན་ངག་གསེར་ཆོས་ཏེ། །མུ་སྟེགས་ལས་ཚོགས་ཀུན་དང་འདི་མ་བརྗེ་། །སྒྱུ་མའི་ནོར་དང་མ་བརྗེ་བཀའ་འདི་རྒྱུ། །སྙན་བརྒྱུད་ཐམས་ཅད་དབང་ཆེན་དྲེགས་པའི་གཙོ་བོ་པདྨ་དབང་གི་དཀྱིལ་འཁོར་དུ་ཞུགས་ཤིང་། བསྙེན་སྒྲུབ་དྲོད་རྟགས་ཐོན་ཅིང་སྡེ་བརྒྱད་བཀའ་གཏད་སྲོག་དབང་ཞུས་ནས། དམ་ཚིག་མིག་གི་འབྲས་བུ་ལྟར་སྲུང་བའི་རྣལ་འབྱོར་པས། བསྟན་དོན་སྤྱི་ལ་དམིགས་པའི་བྱ་བས་བསྒྲུབ་པར་བྱ་སྟེ། ཕྱག་ལེན་དངོས་་གཞི་བསྟན་པའི་ཆོ་ག་ནི། དེས་གཞུང་བསྲང་བ་ནི། པདྨ་རྒྱལ་པོ་ཉང་རལ་ནས། དབང་ཕྱུག་རྡོ་རྗེས་བསྩལ་བའི་ཕྱག་བཞེས་ཐུན་མོང་མ་ཡིན་པའི་ཕྱིར་དུ། བདག་གིས་ཞལ་ཤེས་

[Full Size]

སྙན་བརྒྱུད་བྱས་པ་ཡིན་ནའང་ཡི་གེར་བྲི་བར་མི་འཐད་ཀྱང་ཞུ་ནན་ཆེར་གཙོས་པས་བཀོད་པར་བྱ་སྟེ། ཤིན་ཏུ་བཀའ་རྒྱ་དམ་སྟེ་ཞལ་ཤེས་གཅིག་བརྒྱུད་བྱས་པས་རྡོ་རྗེའི་ཐ་ཚིག །ས་མ་ཡ། རྒྱ་རྒྱ་རྒྱ། ཨྠྀི། འདིའི་ལག་ལེན་བསྟན་པ་ནི། སྔོན་འགྲོ། དངོས་གཞི། རྗེས་ཀྱི་བྱ་བ། མཐའ་སྡུད་ལས་ཀྱི་རིམ་པ་གསུམ་ལས། དང་པོ་རྫས་དང་ལིངྒ་བྲི་བ་དང་། ཕྲིན་ལས་རང་གཞུང་བསྟན་པ་དང་གསུམ་མོ། །རྫས་ནི། ལིངྒ་བྲི་བའི་སྣག་ཚ། སྨྱུ་གུ། རྡ་རོ་དང་། དགྲ་མཁར་གྱི་རྒྱུ་དང་བཞི་ཡིན་ཏེ། ལིངྒ་བྲི་བ་ལ་དུག་ཤོག་ཅེས་པ་ནི། རྒྱ་ཤོག་ཤིང་ཤོག་སྔོན་བུ་གསུམ་མ་གཏོགས་པའི་ཤོག་བུ་རྙེད་རྒྱུ་མ་བྱུང་ན། རེ་ལྕགས་ལ་བླུག་པ་རབ། བྲི་བའི་ཚེ་ཁ་རས་ཀྱིས་བཀབ་ལ། ལག་པ་རས་ཀྱིས་གཅུད་ལ་དྲི་མ་དང་ཁ་རླངས་མ་ཤོར་བ་གནད་ཆེའོ། །ཁ་རླངས་དྲི་མ་ཤོར་ན་དགྲ་བོའི་བླ་དང་རང་གི་བླ་ནོར་འགྲོ་བར་གདའ་བས་མཐུ་ཕལ་ཆེར་རང་ལ་ལྡོག་ཟེར་བ་འོང་བར་གདའོ། །དེ་ནས་བྲི་བའི་ཚེ། རང་ཉིད་ཁྲོ་བོ་རྟ་མགྲིན་ནག་པོ་དྲག་ཏུ་ཁྲོས་པའི་ཕྱག་གཡས་སྨྱུ་གུ་དེ་ཡང་ལྕགས་ཀྱུ་རབ་ཏུ་འབར་བའི་དབྱིབས་ཅན་གྱིས་གར་གནས་པའི་དགྲ་བོ་ལམ་

[Full Size]

ལམ་དུ་བཀུག་ཅིང་ཡིག་འབྲུ་ལ་ཐིམ་པར་བསམ། སྨྱུ་གུ་ནི་རབ་གྲི་ལྕགས་ལས་བྱས་པ། མ་རྙེད་ན་ཚེར་མ་ཅན་གྱི་ཤིང་གང་རུང་ངམ་སྐྱེར་པ་ལ་བྱའོ། །སྣག་ཚ་ནི། དུག་ཁྲག་སྟེ། ཁྱི་ནག་དཀར་མཚན་མེད་པ་སྨྱོ་ནས་ཤི་བའི་ཁྲག་སྣག་ཚ་ལ་བཏབ། མ་རྙེད་ན་གྲི་ཁྲག །དྲེའུ་བྲ་ནག་དུག་གིས་ཤི་བའི་ཁྲག་དགོས། དབུས་གཙང་ཕྱོགས་སུ་སྔགས་པ་དགོན་སྡེ་སོགས་ཀྱི་རྒྱུན་དུ་འཚག་སྲོལ་ཡོད། དེ་རྣམས་གང་ཡང་མེད་ན་ཁྱི་ནག་གི་ཁྲག་ལ་དུག་སྣ་གང་རྙེད་བཏབ་པ་དེ་ཡིས་ཚབ་འོང་ངོ་། །རྡ་རོ་དགྲ་མཁར་བཅའ་བ་ནི། རྡ་རོ་ཞེས་པ་ནི། བཙའ་བའི་ལིངྒ་སྟེ་ཆེ་ཆུང་རྐང་གང་ལས་མི་ཆུང་བ་བག་ཟན་ལ་ལེགས་པར་བཅས་ཏེ། ཁ་ནང་དུ་བདུད་པོ་ང་ལོང་ཞེས་པ་བྲི། དཔྲལ་བའི་ནང་དུ་རུས་ཚན་བྲི། སྙིང་གའི་དཀྱིལ་དུ་རྨེའི་མིང་གང་ཤེས་ཁུག་ཅིག་ཅེས་པའི་བར་དུ་ཚྭ་ཛ་བྲིས། ཡན་ལག་བཞི་ལ་ཞ་བཞི་བྲིས། དཔུང་པ་གཉིས་ལ་ཧཱུྃ་བྲིས། པུས་མོ་གཉིས་ལ་ཐཾ་ཧོབྲིས། རྐང་ཞབས་གཉིས་སུ་ཡཾ་ཡཾ་བྲིས། འདོམས་སུ་ཆྒཻའི་དཔལ་འབྱོར་ནོར་རྫས་དང་བཅས་པ་བྲིས། རྒྱས་པར་བྱེད་ན་རྡ་རོ་ལ་མདའ་གཞུ་འདོམས་འོག་ཏུ་ཞོན་པའི་རྟ་སོགས་ཇི་ལྟ་བ་བཞིན་ཏུ་

[Full Size]

བྱས། དགྲ་མཁར་ནི། ཕུང་ཤིག་ཤོར་གསུམ་གྱི་ས་ལ་བཟོས་པའི་ཁང་པ་ཡུལ་དང་བཅས་པའི་དབྱིབས་བྱ་བ་རུང་བའི་ཕྱག་ལེན་ཏེ། རྡ་རོ་དང་དགྲ་མཁར་གནད་འགགས་མི་ཆེ་བས། མ་གྲུབ་ཀྱང་རུང་ལ། ཟན་ལིང་ཆེ་བ་གཅིག་གི་བྲང་དཀྱིལ་དུ་ཟན་ཀོང་གི་མར་མེ་ཆུང་བ་གཅིག་གམ་སྡོང་བུ་ཧྲཱིཿང་ངེ་བ་གཅིག་བཙུགས། དགྲ་ཆོས་སྐབས་སུ་ཁྲག་གིས་བསད་ནས། ལིངྒ་བསྒྲལ་བ་དེ་ལ་འཐུས་སོ། །གལ་ཆེ་བ་བྲིས་པའི་ལིངྒ་དེ་ཡིན་པས། །གོང་དུ་སྨོས་པའི་ཤོག་བུ། སྣག་ཚ། སྨྱུ་གུ་སོགས་འདུ་བྱས་ལ་དྲི་བ་ནི། །ཤོག་བུ་ཞེང་ཀ་མཐོ་གང་སོར་དོ་བྱེད་པ་ཡིན་པའི་ཕྱིར། ཕྱི་མཚམས་སུ་ཡོད་པའི་དབུས་སུ། ལིངྒ་དཔེའུ་ཆུང་ལྟར་ལ། གཟུགས་ཁམས་སྐྱེ་མཆེད་དོད་པར་བྲིས་ཏེ་སྙིང་གའི་དཀྱིལ་དུ་ཡི་གེ་ནི་ཁུག་ཛཿ བརྩེགས་མར་བྲིས་པའི་དཔུང་པ་གཡས་ཀྱི་ཐད་ནས་མགོ་བཟུང་ཡིག་མགོ་ནང་དུ་བསྟན་ལ། དམ་ཉམས་དགྲ་བོ་ཆེ་གེ་འདི་ཡི་བླ་སྲོག་རྣམ་པར་ཤེས་པ་གླིང་བཞི་སྲིད་པ་གསུམ་ལམ་རྒྱུད་ལྔ་གར་གནས་ཀྱང་གཟུགས་ལིངྒ་མིང་བྱང་བུ་འདི་ལ་ཁུག་ཅིག །ཕོབ་ཅིག་ཁུག་ཛ་འདུས་འདུས་ཛཿཧཱུྃ་བཾ་ཧོ༔ ཞེས་པ་བྲིས། དགྲ་བོ་མང་ན་མིང་ཀུན་དེར་བྲིས་

[Full Size]

ཀྱང་རུང་ངོ་། །དེ་ནས་ཕྱི་རིམ་བྲི་བའི་ཡིག་མགོ་ཕྱིར་བསྟན་པ་གཡོན་བསྐོར་དུ་བསྐོར་ཞིང་སྤྱི་བོ་ནས་བཟུང་སྟེ། དགྲ་བོ་རྗེའི་མགོ་དཔོན་སྡོང་ཟླ་ཐམས་ཅད་ཁུག་ཛ་ནན་མ་ཤོར་ཅིག ། །དཔུང་པ་གཡོན་ནས་རིམ་བཞིན་བྲིས་ཏེ། དམ་ཉམས་དགྲ་བོ་ཆེའི་བུ་མོ་མོ་རྒྱུད་དང་བཅས་པ་ཁུག་ནན་མ་ཤོར་ཅིག །རྐང་པ་གཡོན་པའི་ཐད་ནས་བཟུང་སྟེ་དམ་ཉམས་ཆེའི་ནོར་རྫས་ལོངས་སྤྱོད་བཀྲག་གཟི་མདངས་བྲན་གཡོག་སྒོ་ཁྱི་དང་བཅས་པ་ཁུག་ནན་མ་ཤོར་ཅིག །དེ་ནས་རྐང་པ་གཡས་ནས། དམ་ཉམས་རྗེའི་བུ་ཕོ་རྒྱུད་དང་བཅས་པ་ཁུག་ནན་མ་ཤོར་ཅིག །སྟེ་བྷ་ཡ་ནན་བྲིས། དཔུང་པ་གཡས་པའི་ཐད་དུ་ཡི་གེ་འདིའི་མཇུག་ཡོད་པ་བྱས་ལ། དེའི་ཕྱི་རིམ་ནས་ཡིག་མགོ་ཕྱིར་བསྟན་པ་སྤྱི་བོ་ནས་བཟུང་སྟེ་གཡས་བསྐོར་དུ་བླ་འགུགས་སྔགས་གང་ཤེས་བྲིས། གནད་ཆེ་བ་མིན་ན་མི་དགོས། དགྲ་བོའི་རྗེས་ས་ཟག་རྫས་དང་བཅས་པ་སོགས་ལེགས་པར་བྱུག །ནང་གི་ལིངྒའི་གནས་ཡིག་རྡ་རོའི་སྐབས་དེར་བྱའོ། །ཕྱི་རོལ་དུ་ཁྲམ་གྱི་མཚམས་སུ་ཛ་བྲིས་པས་བཀང་ལ། གྲངས་མེད་ཛ་ཁྲོ་གྱིས་བསྐོར། ལིང་ཆས་བྱ་བ་འོག་ཏུ་གསལ་ལོ། །དེ་ནས་མེ་ཆུ་རླུང་སོགས་ལ། དྲི་མ་སོང་

[Full Size]

དོགས་ཀྱིས་ལིང་ཁྲུས་བྱ་བ་རེག་པ་ལྟར་བྱས་ལ། དེ་དག་སྔོན་འགྲོའི་རིམ་པ་རྫ་ས་དང་ལིངྒ་བྲི་ཐབས་ཀྱི་རིམ་པའོ། །ཕྱག་ལེན་གཏན་ལ་ཕབ་པ་ཞལ་ཤེས་ཟེར་བའོ། །གསང་རྒྱ་ཁ་ཐཾ། ༈ དངོས་གཞི་ལས་རིམ་བདུན་མས་གཞུང་བསྲངས། མངའ་གསོལ། བསྐང་བ། བཟླས་པ་ཡན་འགྲུབ་ཚར་བར་བྱས་ཏེ། ཤི་ལྟེབ་ཅེས་པ་ནི། གོང་གི་ལིངྒ་གཡས་ནས་ཕར་ལྟེབ། སྤྱི་བོ་ནས་མར་ལྟེབ། མཇུག་ནས་ཡར་ལྟེབ་བྱ་བ་ཤི་ལྟེབས་སོ། །དེ་ལྕགས་ཁང་ངམ། བཟློག་པའི་འོག་ཏུ་ཧོམ་ཁུང་ནང་དུ་བཞག །དེ་ནས་གཞུང་ལྟར་གསེར་སྐྱེམས་བཏང་། དགུག་གཞུག་གི་སྐབས་སུ། རྒྱུན་དུ་བསྒྲལ་རྒྱུའི་ཟན་ལིང་དང་རྩ་བའི་བྲུབ་ཁུང་གི་ལིངྒ་ཆེ་བ་བྲིས་པ་ལ་དམིགས་ནས་བདེན་བདར་དྲག་ཏུ་བྱ། ལྷ་དབྱེ་དང་བླ་འགུགས་སྔགས་བརྒྱ་རྩེ་རྣམས་སྐབས་འདིར་བཟླ་བའི་ཚེ་མཆིལ་མ་ཁོང་དུ་མ་སོང་བར་བྱ། དེ་ནས་གཟུ་དཔང་དང་ལྷ་དབྱེ་བྱ། ཐུན་བྲབས་ཡན་ཆད་གཞུང་ལྟར་ལས། འདིའི་སྐབས་སུ་ཤིན་ཏུ་ཟབ་པའི་མན་ངག་གཅིག་ཡོད་པ་ཞལ་ལ་དྲིས་ཟེར་བ་ནི། རང་དང་མདུན་བསྐྱེད་རྟ་མགྲིན་དུ་གསལ་བའི་ཐུགས་ཀ་ནས་ཛདམར་ནག་གཉིས་འཕྲོས། དགྲ་

[Full Size]

བོའི་སྣ་བུག་དང་བཤང་ལམ་ནས་ཞུགས་སྙིང་གར་བསླེབས་པས་ལྕགས་སྲེག་གི་འཁོར་ལོ་རྩིབས་བཅུ་པའམ་དྲུག་པ་གཅིག་སྟེང་དུ་གཡས་སུ་སྒ་ར་ར་འཁོར་བ། འོག་ཏུ་གནམ་ལྕགས་ཀྱི་འཁོར་ལོ་རྩིབས་བཅུའམ་དྲུག་པ་གཡོན་དུ་ཀྱི་ལི་ལི་འཁོར་བའི་འཁོར་ལོ་ཆུང་ངུ་གཉིས་སྙིང་ནང་དུ་འཁོར་བས་དྲག་སྔགས་ཀྱི་ནུས་པ་དང་ཁོ་རང་གི་ངན་སེམས་ཀྱི་རྣམ་སྨིན་ལས། འཁོར་ལོ་གཉིས་ཇེ་ཆེར་སོང་བ་དྲག་ཏུ་འཁོར། སྙིང་ཁྲག་གཏོར་ཞིང་། སྙིང་རྩ་ཁྲག་རྩ་ཐམས་ཅད་ཧྲག་ཧྲག་བཅད་ནས་རྣམ་ཤེས་ཏིལ་མར་གྱི་མར་མེ་ལྟ་བུ་དེ་ནག་ཀེམས་སེ་བཏང་བར་བསམ། ཡང་རང་གི་སྙིང་ག་ནས་འོད་ཟེར་ལྕགས་ཀྱུའི་དབྱིབས་ཅན་འཕྲོས་པས་དགྲ་བོའི་བླ་སྲོག་རྣམ་ཤེས་ཀྱི་ངོ་བོ་ཧཱུྃ་སྔོན་པོ། ཨ་དམར་པོ་ནི་ལྗང་གུའི་རྣམ་པ་ཅན་དེ། ལྕགས་ཀྱུས་ཐག་ཐག་བླངས་ནས་རང་ལ་ཐིམ་པས་རང་ཉིད་གཟི་བརྗིད་མཐུ་སྟོབས་བཀྲག་མདངས་རྒྱས་པར་བསམས་ལ། ཡང་སྔར་གྱི་འཁོར་ལོ་གཉིས་དྲག་ཏུ་འཁོར་བས་ནང་ཁྲོལ་དོན་སྙིང་ཤ་ཁྲག་རུས་པ་དང་བཅས་པ་དམར་ཐ་ར་ར་གཏུབས་ནས་ཤ་ཁྲག་གི་རྒྱ་མཚོ་ཆེན་པོར་བསམ་ལ་བསད་སྔགས་བརྗོད་དོ། །ཡང་འདིའི་སྐབས་སུ་ཤིན་ཏུ་ཟབ་པའི་མན་ངག་གཅིག་ཡོད་པ་ཞལ་

[Full Size]

ལ་དྲིས་ཞེས་པ་ནི། དགྲ་བོ་བསྒྲལ་བའི་ཤ་ཁྲག་རུས་གསུམ་བདུད་རྩིར་མི་བསྒྱུར་ཞིང་ཞལ་བསྟབ་སྐབས་ཀྱི་དམིགས་པ་དེ་ཡིན་ལ་ཞལ་གནམ་ས་ཙམ་གདངས་བའི་ནང་དུ་དགྲ་བོ་རྐང་མཐིལ་སྐྱ་ལྷག་ལྷག །ཤ་ཁྲག་དམར་ལྡིབ་ལྗིབ་གསོལ་བར་བསམ་པ་དེ་ཡིན། ཞལ་ཤེས་ནི་གང་ཟག་ཕལ་གྱིས་དཔེ་ཙམ་མཐོང་ནས་ངན་སེམས་འཆང་དོགས་ནས་སྦས་པའོ། །དེ་ནས་སྙན་གསན། བྱུང་ཁུངས། བཟློག་རབ། བཟློག་གཞུང་སྐབས་ཀྱི་དམིགས་པ་ཡན་ཚང་བར་བྱ། གནམ་ས་མཐའ་རུ་བསྐྲད་པའི་དམིགས་པ་མི་བྱ་བར་ཧོམ་ཁུང་ནང་གི་ལིངྒ་དེ་ལ་ལྕགས་སྲེག་ལ་ཁ་བ་བབས་པ་ལྟར་ཐིམ་པར་བསྒོམ་མོ། །བཟློག་སྔགས་འདོན་ཚེ། ཁོ་སྐྱོབ་བྱེད་ཀྱི་ལྷ་སྲུང་ཐམས་ཅད་བྱ་སྤུ་རླུང་གིས་གཏོར་བ་ལྟར་མཐའ་ཡི་རྒྱ་ལ། མཚོའི་ཕ་མཐར་བསྐྲད་པར་བསམས་ལ། རང་ཉིད་རྟ་མགྲིན་དུ་གསལ་བའི་ཕྱག་གཡས་ཟླ་བ། གཡོན་ཉི་མའི་དཀྱིལ་འཁོར་དུ་བསམ་པའི་ཉི་ཟླའི་ཆ་ལང་བར་དུ་དགྲ་བོ་ཐམས་ཅད་དམར་ཆལ་ཆལ་བཏང་བ། འཁོར་དྲེགས་པའི་ཚོགས་ཀྱིས་ཤ་ཁྲག་དམར་ལྗིབ་ལྗིབ་གསོལ་བར་བསམ་ཞིང་བཟློག་སྔགས་ཤམ་བུར། དམ་ཉམས་ཎི་མཱ་ར་ཡ་བཟློག་ཅིག །ཅེས་པའི་

[Full Size]

སྔགས་བརྒྱ་རྩ་བཟླས་ལ། ཐལ་རྡེབ་རེ་དང་། སྔགས་རེ་སྤྲད། དེ་ནི་ཤིན་ཏུ་ཟབ་པའི་སྔགས་དམིགས་དགྲ་བོ་སྙིང་འབྱིན་མ་ཞེས་པ་ཡིན་ནོ། །བདེ་རིམ་ལ་ནི། གཞུང་ལྟར་ལས་རིམ་བདུན་མ་འདི་ལ་ཞལ་ཤེས་གང་ཡང་མེད་དེ་ལྟར་རབ་ཞག་རེར་ཐུན་དྲུག་གམ། འབྲིང་བཞིའམ། ཐ་མ་གསུམ་ལས་ཉུང་མི་རུང་། ཞག་གྲངས་ནི་རྟགས་མ་ཐོན་ཚེ་སྒྲུབ་སྟེ་ཞག་ལྔ། བདུན་དགུ་གང་རུང་ནས་འབྱུང་ངོ་། །དགྲ་བོ་ཁུག་རྟགས་ནི། བཙོན་དུ་བཟུང་བ། ལྕགས་རྒྱབ་པ། ལིང་བཏབ་པ། མི་ནག་གིས་རང་ལ་སྙི་རྟ་བསད་པ་སོགས་རྟགས་བསམ་གྱིས་མི་ཁྱབ་པ་འབྱུང་ངོ་། །དེ་དག་དངོས་གཞི་སྒྲུབ་པའི་རྟགས་མངོན་བཅས། དགྲ་བོ་གནད་ལ་དབབ་པའི་མན་ངག་གོ། །ཨྠྀི། ས་མ་ཡ་རྒྱ་རྒྱ་རྒྱ༔ ཕྲིན་ལས་རྗེས་ཀྱི་བྱ་ཐབས་མཐའ་སྡུདོ་མནན་པའི་ལས་ཚོགས་དང་བཅས་པ་ནི། གཟའ། བིཏྟི། དབང་ཕྱུག་མ་སོགས་ཕྱི་ནང་གི་རྒྱུ་ལྡོག་ཐེབ་དང་སྤྱད་ལ། རྡ་རོ་དང་། ཡོད་ན་དགྲ་མཁར་རྣམས་བཤམས། མེད་ན་ཟན་ལིང་སྡོང་བུ་ཅན་བཤམས། གཏོར་ཆུང་། ཤ་དུམ། ལིང་ཆུང་བསྒྲགས་པ་བཅུ་གསུམ་བཤམས། སྔར་ལྟར་བསྒྲལ་

[Full Size]

ལས་རྒྱས་པར་བྱ། ལིང་ཆུང་དང་གཏོར་ཆུང་གཉིས་བསྒྲགས་ལ་ཧོམ་ཁུང་དུ་བཅུག་པའི་ལིངྒ་དང་བཅས་པ་མདུན་དུ་བཤམས། དེ་ནས་གཙོ་བོ་རྣམས་ཀྱི་བསྐུལ་པ་རེ་དང་། གཏོར་ཆུང་ལིང་ཆུང་རེ་གཏོར་ཆེན་ནང་དུ་འབུལ། །དེ་ལྟར་གཙོ་འཁོར་ལྔ་རྫོགས་ནས། སྡེ་བརྒྱད་ལ་དེ་བཞིན་དུ་བསྐུལ་རེ་དང་གཏོར་ཆུང་ལིང་ཆུང་སྦྲག་པ་རེ་ཕུལ་ཏེ། བསྐུལ་པའི་མཐའ་ཡི་སྔགས་དེ་ཁ་བསྒྱུར་ཞལ་ཤེས་ནི། འདི་རྒྱུན་དུ་གཏོར་འབུལ་དགྲ་ལ་སྟོན་ཀྱང་ལེགས་ཏེ་ཟློག་པའི་ཐུན་མཚམས་ལ་གཏོར་ཆུང་ལ་བསྐུལ་པ་འདོན་དགོས་ལ། དང་པོ། རྒེ་ཨཾ་ཀུ་ཤ་ཛ་ཛསྦྱར་བ་འགུགས་སྔགས། བར་དུ། རྒེ་མཱ་ར་ཡ་བྷྱོསྦྱར་བ་ཆད་སྔགས། ཐ་མ། སྒྲའི་སྲོག་ལ་མཱ་ར་ཡ་རྦད་རྦད་སྦྱར་བ་བསད་སྔགས་ཡིན། ཁ་སྒྱུར་སྔགས་ཀྱི་ཞལ་ཤེས་སོ། །འདི་སྐབས་མཱ་ར་ཡ། རྦད་རྦད་སྦྱར་རྒྱུ་ཡིན། དེ་ཚེ་དམིགས་པའི་རིམ་པ་ནི། རང་རྟ་མགྲིན་དུ་གསལ་བའི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་གཙོ་བོ་ལ་ཕོག །མདུན་བསྐྱེད་གཙོ་བོའི་ཐུགས་ཀ་ནས་འོད་ཟེར་ཚ་ལ་རྩུབ་པ་ཚུར་བྱུང་ནས། འཁོར་སྡེ་བརྒྱད་ལ་ཕོག་པས། གླང་པོ་ཆེ་ལ་སྦྲང་སྨྱོན་བླུད་པའམ། མི་རྒོད་ཆང་གིས་

[Full Size]

བཟི་བ་ལྟར་དྲག་ཏུ་ཁྲོས་ཏེ། ཁྲོ་རྔམས་བརྗིད་ཚུལ་གཏུམ་པའི་ང་རོ་དང་ཞེ་སྡང་དང་ལྡན་པའི་བ་སྤུའི་གསེབ་ནས་རང་འདྲ་བའི་སྤྲུལ་པ་ཡང་སྤྲུལ་དཔག་ཏུ་མེད་པ་འཕྲོས། མཚོན་ཆ་སྣ་ཚོགས་ཀྱི་ཆར་དང་། ནད་དུག་གི་ཐོག་སེར་བབས་པས་དམ་ཉམས་དགྲ་བོའི་ལུས་ངག་ཡིད་གསུམ་ཐལ་བ་རྡུལ་དུ་བརླག །རྗེས་མེད་ཐལ་བ་བུན་བུན་སོང་བར་བསམ་ཞིང་། དྲག་ཏུ་བསྐུལ། དེ་ནི་ཤིན་ཏུ་དྲག་དམིགས་ཏེ་ཞལ་ཤེས་ཡི་གེར་བྲིས་པས། དགྲ་བོ་ཐར་མེད་ཞལ་གདམས་པའོ། །འདི་སྐབས་བྲང་བརྡུང་འོ་དོད་འབོད་པ་བརྡ་འཆམ་བྱ། །ཨྠྀི། དེ་ནས་གཞུང་ལྟར་དགྲ་ཆོས་བྱ་སྟེ། དགྲ་ཡི་མདའ་གྲི་མདུང་སོགས་བཙག །དགྲ་མཁར་བཤིག །རྡ་རོ་བསྒྲལ་བ་སོགས་བྱ་རྒྱུ་ཡིན་ཀྱང་། རྡ་རོ་དགྲ་མཁར་མེད་ན། །བྲུབ་གཞན་དུ་ཡོད་པའི་ལིངྒ་དང་། ཟན་ལིང་སྡོང་བུ་ཅན་ལ་ཕྱག་ལེན་སྔགས་དམིགས་ཇི་ལྟ་བ་བཞིན་དུ་བྱ། སྡོང་བུ་མར་མེ་ཟན་ཀོང་ཁྲག་གིས་གཏམས་པ། གཞུང་གི་ཚིག་རིས་ལས་འབྱུང་བ་ལྟར་བྱ། དེ་ཡན་གལ་ཆེ་ན་ཉིན་རེ་བཞིན་དགོང་ཁའི་ལས་མཐའ་གཅིག་ལ་བརྟེན་ནོ། ༈ །དེ་ནས་འཕང་བ་ནི། གསེར་སྐྱེམས་སྒོ་དབྱེ་སོགས་བྱས་ལ། གོང་ལྟར་རྒྱུ་

[Full Size]

ལྡོག་རྩིས་ལ། རྒྱང་བསྲིངས་ལ་ཁྱེར་ཏེ་དགྲ་བོའི་ཕྱོགས་ལ་ལིངྒ་བཞག །བརྒྱབ་ཚེ་དམིགས་པ་ནི། གཞུང་ཚིག་ལྟར་ནད་དུག་མཚོན་ཆའི་ཐོག་སེར་གྱིས་དགྲ་བོ་བརླག་པར་བསམ་ལ་ཟོར་རྣམས་བརྒྱོབ། དེ་ནས་ཆོས་སྐྱོང་བཀའ་སྲུང་གང་ཡོད་ཀྱི་གཏོར་མ་འཕངས། དེ་ནས་དྲེགས་པ་གོ་ལྡོག་ལ་བསྐུལ་རེ་དང་བཟློག་པའི་མཐའ་ཡི་རང་རང་གི་གཏོར་མ་མ་ནོར་བར་འཕངས། གཙོ་བོ་ལྔ་ཡང་མཇུག་ནས་གོ་ལྡོག །གཙོ་བོ་རྗེས་སུ་ཡོད་པ་བྱས་ལ་གཏོར་ཆེན་ལག་ཏུ་ཐོགས་ལ་སྐད་ཅིག་གིས་མདུན་གྱི་མེ་ཧོམ་དེ་ཉིད་རྟ་མགྲིན་རི་རབ་ཙམ་གྱི་ཞལ་གནམ་ས་ཙམ་གདངས་པའི་ནང་དུ་གཏོར་མ་བསྐྱེད་པའི་ལྷ་ཚོགས་ཐམས་ཅད་དེར་དབྱེར་མེད་དུ་སྐད་ཅིག་གསལ་བཏབ་ལ། གཏོར་མ་དགྲ་བོའི་ཤ་ཁྲག་ཏུ་དམིགས་ལ། ཞལ་བསྟབ་སྐབས་ཀྱི་དམིགས་པ་ལྟར་བྱས་ལ་བཞེས་བཀྱག །དར་ནག་གདབ། བཟློག་སྔགས་དམོད་པ་གང་ཤེས་བྱ། དེ་ནས་བྲོ་བརྡུང་སྒབ་འདྲེ་མནན། དེ་ནས་གོང་གི་གཏོར་མ་བསྲེགས་པའི་ཐལ་བ་དང་། བྲུབ་ཁུང་གི་ལིངྒ་གཉིས་གཏད་ཁྲམ་བྱེད་ན། གཞན་ལས་ཤེས་པ་ལྟར་བྱེད་པ་ནི། དགྲ་བོ་ཚེ་དང་ལྡན་ཡང་ཞག་བདུན་ལ་བརླག་པའི་མན་ངག་

[Full Size]

ཞལ་ཤེས་མནན་བསྲེག་འཕང་གསུམ་བྱ་བའི་ཕྱག་ལེན་འདི། བླ་མ་ཡང་དག་གིས་གསེར་གྱི་མཎྜལ་དང་བཅས་ནས་ནན་ཆེར་བྱས་ལ། གལ་ཆེན་གཅིག་བརྒྱུད་མ་གཏོགས་གཞན་ལ་མི་སྤེལ་བའི་བཀའ་རྒྱས་བསྡམས་ཏེ་སྔགས་ནག་རཱ་ག་ཨ་སྱས་བྲིས་པ། དཔེ་འདི་བཀའ་སྲུང་དྲེགས་པ་སྡེ་བརྒྱད་ཀྱིས་སྲུངས་ཤིག །ས་མ་ཡ། དཔེ་འདི་བྲིས་པའི་བསྟན་འཛིན་སྐྱེས་བུ་ཡི། །སངས་རྒྱས་བསྟན་པའི་སྤྱི་དགྲ་མི་འབྱུང་ཞིང་། །འདི་ཕྱིར་མི་སྒྲིབ་མངོན་དགའི་ཞིང་མཆོག་ནས། །སྤྲུལ་པས་ཕྱོགས་བཅུར་འགྲོ་དོན་བྱེད་པར་ཤོག །ས་མ་ཡ། རྒྱ་རྒྱ་རྒྱ་མངྒ་ལཾ།། །། ༧ ཁམས་སྟོད་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་རྟ་མགྲིན་ཡང་ཕྱུངས་ནག་པོ་ལྕགས་ཀྱི་རལ་པ་ཅན་གྱི་གཏད་ཁྲོམ་གྱི་མན་ངག་འདི་ཟིན་བྲིས་ཨུ་པ་དེ་ཤ

[Full Size]

དཔལ་རྟ་མགྲིན་ཡང་ཕྱུངས་ནག་པོ་ལྕགས་ཀྱི་རལ་པ་ཅན་གྱི་གཏད་ཁྲོམ་གྱི་མན་ངག་འདི་ཟིན་བྲིས་ཨུ་པ་དེ་ཤའོ། །གསང་རྒྱུ། བླ་མ་དང་དཔལ་ཁྲོ་བོ་རྟ་མགྲིན་ལ་ཕྱག་འཚལ་ལོ། །རྟ་མགྲིན་ཡང་ཕྱུངས་ནག་པོའི་མན་ངག་ཞལ་ཤེས་ཅུང་ཟད་བཀོད་པ་འདི། སྣོད་ལྡན་སློབ་མ་གཅིག་བརྒྱུད་མ་གཏོགས་པའི་མང་པོར་སྤེལ་ནས་འཆོལ་བར་སྤྱོད་ན། འདི་དང་ཕྱི་མ་གཉིས་ཀ་རང་གཞན་ཕུང་། །དེ་ཕྱིར་མན་ངག་འདི་ནི་གསང་ཞིང་རྒྱ། །དེ་ལ་དང་པོ་གོ་ཆ་ལྟ་བུའི་མན་ངག་ནི། བསྙེན་པ་སྒྲུབ་པ་གཉིས་ཡིན་ཅིང་། དང་པོ་བདག་བསྐྱེད་ཀྱི་བསྙེན་པ་བྱེ་བ་གསུམ་དང་འབུམ་ཕྲག་ཙམ་སྔོན་དུ་སོང་ནས། གཉིས་པ་སྒྲུབ་པ་ནི། བདག་དང་མདུན་བསྐྱེད་རྟེན་དང་འབྲེལ་བའི་སྔགས་རིང་ནི། རྟགས་མ་བྱུང་བར་བསྒྲུབ། དེ་ལྟར་བསྙེན་སྒྲུབ་གཉིས་ཐོན་ནས་རང་ཉིད་རྣལ་འབྱོར་པས་དུས་རྒྱུན་དུ་རྟ་མགྲིན་ཡི་དམ་ལྷ་ཡི་སྐུ་བསྐྱེད་རིམ་གསུང་སྔགས་བཟླས། ཐུགས་རྡོ་རྗེའི་ཏིང་ངེ་འཛིན་དེ་ལྟར་གསལ་བ་གསུམ་ལྡན་གྱིས་ཡི་དམ་ཆོས་སྐྱོང་ལ་རྒྱུན་གཏོར། དུས་གཏོར། རྟགས་གཏོར་དང་ལས་རིམ་བདུན་མ་ལྟར་བརྩོན་ནོ། །ཕྲིན་ལས་སྒྲུབ་ཅིང་བར་ཆད་སེལ་ལོ། །དེ་ལྟ་

[Full Size]

བུའི་བརྩོན་པའི་རྣལ་འབྱོར་པ་དེས། ད་དགོས་པ་གསུམ་པ་ཕྱི་མ་མཚོན་ཆ་ལྟ་བུའི་མན་ངག །དྲག་པོའི་ལས་སྦྱོར་ནི། རྣལ་འབྱོར་པ་ལ་དགྲ་ཡི་གནོད་འཚེ་བྱུང་ན་གོང་དུ་བླ་མ་དང་ཡི་དམ་རྟ་མགྲིན་ཆོས་སྐྱོང་གཏོར་མ་ཆ་ཚང་བར་བཤམས། མདུན་དུ་ཕུང་ཤུལ་གྱི་ས་ལ་མཎྜལ་གྲུ་བཞི་པའི་དབུས་སུ་དམག་འཁྲུག་པ། མི་བསད་པ།་མེས་ཚིག་པ་ལ་སོགས་པའི་ས་སྣ་བསྡུས་ལ། ཐུན་ཁང་གྲུ་གསུམ་པ་མཐོ་གང་བ་བང་རིམ་དགུ་པ་བྱ། ཕྱི་ཁྲག་དང་དུག་ཆུ་དུར་སོལ་གྱིས་ནག་པོ་བྱ།་ནང་དུག་ཁྲག་དང་མཚལ་གྱིས་དམར་པོ་བྱ། ཁ་ཁྱེར་ལ་ཕྱི་ནང་གསང་བའི་སྡེ་བརྒྱད་ཀྱི་ངོ་བོ་རྩང་དམར་ནག་གིས་བསྐོར། གྲུ་གསུམ་ཁར་ཐུན་ལམ་བྱས་ལ་ཚེར་ནག་གིས་ཕུར་པ་ལ་དྲག་སྔགས་བྲིས། རྟ་མགྲིན་དུ་བསྒོམ་ཐུན་ལམ་བཅད། །དེའི་སྟེང་དུ་ཁྲིའུ་ཁར་ལྕགས་སྣོད་དུ་གཏོར་མ་ཟུར་གསུམ་པ་ལ་སྡེ་བརྒྱད་གཏོར་མ་ཆ་ཚང་བ་བཤམས། རྩེ་ལ་དར་ནག་སྐུ། ཉ་བོ། ཤ་དུམ། མཚེ་ཡུངས་ཀར་ནག །རྩང་གིས་བརྒྱན་། གཏོར་མ་དམར་པོ་བྱ། མདུན་དུ་སྨན་རཀ་རྒྱུན་གཏོར། ལག་མགྱོགས་ལིང་ག །ཐུན་གཏོར། མཆོད་པ་སྣ་བདུན་ཚོགས་མཆོད་རྣམས་བཤམས། གྲུ་གསུམ་ནང་

[Full Size]

དུ་དུག་ཤོག་ལ་དུག་ཁྲག་དང་། ཡུགས་སའི་སླ་ངའི་དྲེག་པ་སྣག་ཚ་ཕོ་རོག་སྒྲོའམ། མི་བསད་མདའ་འམ་སྐྱེར་ཐུར་གྱིས། རང་གི་དྲི་མ་མ་སོང་བར་ལིངྒའི་དཔྲལ་ས། སྤྱི་བོར་སུམ་ནན། རྣ་བར་འོན། མིག་ལ་ལོང་། སྣ་ལ་འཚུབ། ཁ་ལ་ལྐུགས། མགྲིན་པར་དུང་དུང་། སྙིང་གར་ནི་ཛཁ་སྤྲོད། བླ་འགུགས་སྔགས་ཞལ་ར་སྙིང་གར་བསྐོར་ལ་སྔགས་མགོ་ཕྱི། སྔགས་མཇུག་ནང་དུ་བྱ། ལྟེ་བར་རཾ། གསང་གནས་ལ་ཕཊ། རྐང་ཞབས་སུ་ཡཾ།་དཔུང་པ་གཉིས་ལ་ཆིངས། བརླ་ལ་དགྲ་བོའི་བརླ་ཁུག །ཚིགས་བཞིར་ཛཧཱུྃ་བཾ་ཧོ༔ རྐང་ལག་ལྕགས་སྒྲོག་ཏུ་བཅུག་པ། དེའི་སྤྱི་བོ་ནས་སྔགས་ལ། གང་དགོས་པའི་མིང་ཐེམ་ཞལ་ཤེས་ལྟར་སྔགས་མགོ་ནང་དུ་བསྟན། །ལས་སྔགས་གཉིས་ནི་ཐམས་ཅད་དགོས། ཕྱི་རོལ་ཛ་ཁྲམ་གྱིས་བསྐོར། དེ་ལྟར་ལིངྒ་ཆ་གསུམ་བྲིས་ལ། དང་པོ་ཟས་ཕྱིས་དང་། སྐྱེར་ཐུར་ལ་མགོ་ཞབས་བཟློག་ལ། ལིང་ཁྲུས་བྱ། ཡང་ན་འབྱུང་བའི་སྦྱོང་བ་རྣམས། ནམ་མཁར་ཕྱར་གཡུག །ཨེ་ཧོ་ཤུདྡྷེ་ཤུདྡྷེ་སྭཱ་ཧཱ། ལན་གསུམ་རླུང་ལ་ཕྱར། ཡཾ་ཧོ་ཤུདྡྷེ་ཤུདྡྷེ་སྭཱ་ཧཱ། གསུམ་སྤྲ་མེ་ལ་ཕྱར། རཾ་ཧོ་ཤུདྡྷེ་

[Full Size]

ཤུདྡྷེ་སྭཱ་ཧཱ།། ལོ་རྒྱ་གྲམ་ས་ཡིས་བྲབས། ལཾ་ཧོ་ཤུདྡྷེ་ཤུདྡྷེ་སྭཱ་ཧཱ། འདྲེ་ཆུ་ཆུ་མིག་ལྐུགས་པའི་ཆུ་ཡིས་བཀྲུས། མེ་ལོང་ངོས་ལ་ཕྱར། ཁཾ་ཧོ་ཤུདྡྷེ་ཤུདྡྷེ་སྭཱ་ཧཱ། ལན་གསུམ། དེ་ནས་རྫས་བྱུག་པ་ནི། གཞུང་ལས་མི་འགོར་རྫས་གཅིག་གོང་དུ་བཏང་གསུངས་པ། ལུས་གོས་དྲེག་པ། མཆིལ་སྣབ་ཟག་རྫས། དྲི་མ་རྗེས་ས་དེ་རྣམས་གང་རྙེད། སྙིང་ཁའི་རྩྭ་དང་། མགོ་ལུས་ཁྱབ་པར་བྱུག །བསད་ན་གྲི་ཁྲག །ལྐུགས་ན་ཕུག་རོན་ཁྲག །ཞ་རེངས་ཁུག་རྟའི་ཁྲག །སྨྱོ་འདོད་སྨྱོ་ཀླད་ཆུ། བྱེ་འདོད་ལུག་པའི་ཁྲག་སྣ་རྣམས་བྱུག ། རྦད་རྦད་ལ་དུག་ཁྲག་བྱུགས་ལིངྒ་ཞལ་ཤེས་ལྟར་མགོ་ཞབས་ལྡོག་ལ་དྲིལ། ཁྱི་ར་ཕག་སྤུ། ཡུགས་སའི་སྐྲ་ཤད་དཀྲིས། དགྲ་བོའི་ལུས་གོས་ཀྱིས་དྲིལ། ཚོན་སྐུད་སྣ་ལྔས་དཀྲིས་ལ་སོ་སོར་ཐུན་ཁང་དུ་བཅུག །ལིངྒ་ཉི་ཤུ་རྩ་གཅིག་ཀྱང་བཞག །ཐོད་པ་མཚན་ངན་དུ། ཡུངས་ཀར་ནག །རམ་སྒོག །སྐེ་ཚེ། ཤངས་ཚེ། ཐང་ཕྲོམ། ཟངས་ཕྱེ། ལྕགས་ཕྱེ། རྡོ་ཕྱེ། རྣམས་ལ་དུག་ཁྲག་གིས་སྦག་ལ་བཞག །དེ་ནས་བཅའ་གཞི་གྲུབ་ནས། སྒྲུབ་པ་དངོས་ལ། ཕྱོགས་སྐྱོང་དང་གཞི་བདག་གནས་བདག་ལ་གཏོར་མ་

[Full Size]

འབུལ། དྲག་པོ་མངོན་སྤྱོད་ཀྱི་ཕྲིན་ལས་བསྒྲུབ་པའི་སྡོང་གྲོགས་མཛོད་ཅེས་བཀའ་བསྒོ། དེ་ནས་སྐྱབས་སེམས་དང་། རྟ་མགྲིན་བདག་བསྐྱེད་བསྙེན་པ་དང་། །མདུན་བསྐྱེད་མགོན་པོ་འཁོར་བཅས། མཆོད་པ། བསྟོད་པ། བསྐང་བ་བཤགས་པ། མངའ་གསོལ་དང་བཅས་པ་བྱེད། བསྒྲུབ་སྔགས་ཅུང་ཟད་བཟླས་པ་བྱེད། དེ་ནས་གསེར་སྐྱེམས་གཟུ་དཔང་། ཐུན་ཁང་བསྐྱེད་པ། དགུག་གཞུག །བླ་འགུགས་སྔགས་དམིགས་དང་བཅས་པ་བརྒྱ་རེ་བཟླ།་ལྷ་དབྱེ་ནི། རྫས་ཡུགས་སའི་ཞབས་མ། །ནལ་བུའི་ཤ། ར་ཐུག་ལུག་ཐུག་ཆུ་ཁའི་སྤུ་བྲེ། དམེ་ཁྲག །ཚིལ་ཆེན། ར་རུའི་གཞོབ། གུ་གུལ་ནག་པོ།་རྟ་བོན། ཁྱི་ལུད། མཛེ་ཁྲག །ཕག་ཚིལ་བྲུན། སྤྲུ་ནག་རྩ་བ་རྣམས་ཕྱེ་མ་བྱས་ལ་དང་པོ་ཕྱེ་མ་ནས་ཐུམ་པོ་གཉིས་བྱས། བྱ་རོག་འུག་པའི་སྒྲོ་གཉིས་ལ་རེ་རེ་བཏགས། ལྷ་དབྱེ་དུས་སྒྲུབ་ཁང་ཕྱི་ལ་དུད་པས་ལིངྒ་ལ་བདུག །དེ་ཚེ་ལྷ་དབྱེ་བའི་སྔགས་མང་དུ་བརྗོད། སླར་ལིངྒ་བྲུབ་ཁུང་དུ་བཅུག །ཐུན་ལམ་ཕུར་པས་བཅད་ལ་རང་ཁྲོ་བོའི་ང་རྒྱལ་དང་ལྡན་པས་ལས་སྔགས་བརྒྱ་རེ་བཟླས། ཐུན་མཇུག་ཏུ་སྔགས་དང་

[Full Size]

དམིགས་པས་ལིངྒ་བསྒྲལ། ཐུན་གཏོར་འབུལ། རྟ་མགྲིན་དྲེགས་པ་སྡེ་བརྒྱད་འཁོར་དང་བཅས་པའི་བསྐུལ་པ་དང་། ཐུན་གཏོར་མདུན་གྱི་གཏོར་ཆེན་དུ་འབུལ། དེ་ཡང་སྡེ་བརྒྱད་རེ་རེ་འབོད་དུས་འགུགས་སྔགས་ཟད་དུས་རྦད་སྔགས། བསད་དུས་བསད་སྔགས་སོ་སོར་བྱ་བར་ཞལ་ལས་ཤེས། དེ་ལྟར་སྔགས་ཐུན་ལྟ་བུར་གྲུབ་ནས། ཞག་བདུན་གསུམ་ལྟ་བུར་བསྒྲུབ་ན། བདུན་གཅིག་འབོད་པ། བདུན་གཅིག་རྦད་པ། བདུན་གཅིག་བསད་པ། རབ་ཉིན་ཐུན་གསུམ། མཚན་ཐུན་གསུམ་དང་ཐུན་དྲུག་གོ །འབྲིང་ཉིན་ཐུན་གསུམ། མཚན་ཐུན་གཅིག །ཐ་མ་ཡང་ཉིན་ཐུན་གཉིས། མཚན་ཐུན་གཅིག་དང་གསུམ། དེ་ལྟར་ཐུན་མང་ཉུང་གང་བྱེད་ཀྱང་། སྔ་ཐུན་ལ་བདག་མདུན་མཆོད་པ་བསྐང་ཟབཤགས་མངའ་གསོལ་བྱ། དགོང་ཐུན་ལ་སྡེ་བརྒྱད་བསྐུལ། དགྲ་ཆོས་བཟློག་པ་བྱ། ཐུན་ཐམས་ཅད་ཀྱི་མཇུག་ཏུ་ཐུན་གཏོར་ལ་སྡེ་བརྒྱད་བསྐུལ་བྱས་ལ་ཕུལ། ཉིན་མཚན་ཐུན་ལ། དགུག་གཞུག་བླ་འགུགས་སྔགས་ལྷ་དབྱེ་ལས་སྔགས་བཟླས་པ་བྱ། འདི་ལྟ་བུའི་སྒྲུབ་པ་ལ་འཇུག་པའི་རྣལ་འབྱོར་པས་ལུས་ངག་ཡིད་གསུམ་གྱི་མཚམས་བསྡམས། སྐད་ཅིག་

[Full Size]

ཀྱང་མ་ཡེངས་པར་རིག་པ་ཏིང་ངེ་འཛིན་དང་དྲག་སྔགས་ལ་འབད་པ་ཡིན། ཐུན་རེ་དམིགས་པ་དངོས་ནི། འགུག་གཞུག་དང་བླ་འགུགས་སྔགས་བཟླ་བའི་ཚེ། བདག་མདུན་གཉིས་ཀྱི་ཐུགས་ཀ་ལས་སྤྲུལ་པ་གཙོ་འཁོར་རང་འདྲ་བ་ཁྲོ་བོ་དཔག་ཏུ་མེད་པ། ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོགས་པ་ལྷ་སྲིན་སྡེ་བརྒྱད་ཐམས་ཅད་བར་སྣང་ས་གཞི་གང་ནས། དགྲ་བོ་རང་དབང་མེད་པར་བཀུག་ནས་ལིང་ལ་བསྟིམ་པར་བསམ་ཞིང་། བླ་འགུགས་སྔགས་མན་ངག་ལྟར་བཟླས། ལས་སྔགས་དུས། བདག་མདུན་གཉིས་ཀྱི་ཐུགས་ཀ་ནས་ཡི་གེ་ཛདམར་ནག་གཉིས་འཕྲོས། དགྲ་བོའི་སྣ་བུག་དང་བཤང་ལམ་གཉིས་ནས་ཞུགས། སྙིང་གར་ཕྱིན་པ་ལྕགས་སྲེག་གི་འཁོར་ལོ་རྩིབས་བཅུ་པ་གཡས་སུ་འཁོར། གནམ་ལྕགས་ཀྱི་འཁོར་ལོ་རྩིབས་བཅུ་པ་གཡོན་དུ་འཁོར་བས། སྙིང་ཁྲག་གཏོར་རྣམ་ཤེས་ནག་ཀམ་ཀམ་བསད་པར་བསམ་ལ་སྔགས་བཟླའོ། །ཡང་ཁོ་ཡི་ཞེ་སྡང་ལས་གྲུབ་པའི་དུག་སྦྲུལ་དམར་པོ་གཅིག་སྤྱི་བོ་ནས་མར་ཞུགས། ཀླད་ཁྲག་དང་སྙིང་ཁྲག་སྙིང་གི་མགོ་ནས་ཟ་བར་བསྒོམ། དུག་སྦྲུལ་ནག་པོ་གཅིག་བཤང་ལམ་ནས་ཡར་ཞུགས། མཆིན་དྲི་མན་ཆད་ཟོས།

[Full Size]

སྙིང་གི་མཇུག་ནས་ཟོས་སྙིང་ཁྲག་ཐམས་ཅད་འཇིབ་པར་བསམ་ལ་སྔགས་བཟླའོ། །ཐུན་གཏོར་འབུལ་དུས། བདག་གི་ཐུགས་ཀ་ནས་འོད་ཟེར་དམར་ནག་ཚ་ཞིང་རྩུབ་པ་མདུན་བསྐྱེད་ཐུགས་ཀར་ཕོག་ཤིན་ཏུ་ཁྲོས་པའི་ང་རོ་བསྒྲགས་ཤིང་རྟ་སྐད་འཚེར། ཐུགས་ཀ་ནས་ཚ་ཞིང་རྩུབ་པ་འཁོར་གྱི་དྲེགས་པ་སྡེ་བརྒྱད་ལ་ཕོག་པས། རབ་ཏུ་ཁྲོས་ནས་གོ་ཆ་མཚོན་སྣ་ཚོགས་ཐོགས་ནས། དགྲ་བོ་ཐམས་ཅད་འབོད་རྦད་བསད་གསུམ་གྱི་ལས་ལ་གང་དགོས་པ་བསྒྲུབ་ཅིང་ཕྲིན་ལས་མ་ལུས་པ་བསྒྲུབ་པར་བསམ། འདིའི་སྔགས་དང་དམིགས་པ་བླ་མའི་ཞལ་ནས་གསེར་གྱིས་བསླུ་བར་བྱའོ། །བདག་དང་དགྲ་བོའི་བར་དུ་འོད་ཟེར་སྣ་ལྔའི་ལམ་པར་བསམ། དེ་ལྟར་བསྒྲུབས་པས་ཞག་གྲངས་ཐེམ་པ་དང་། རྟགས་མཚན་ཁྱད་པར་ཅན་བྱུང་ནས་བྲུབ་ཁུང་ན་ལིངྒ་གཅིག་དེ་བླངས་ལ་མདུན་དུ་ལྕགས་སྣོད་དུ་གཞུག །དགུག་གཞུག་དང་བསྒྲལ་ལས་རྒྱས་པར་བྱས་ལ། ཐུན་བརྡེག་ཞལ་དུ་བསྟབ། ལིངྒ་གཅིག་དེ་ཟན་ལིང་དང་མཉམ་དུ་བཤམས་ལ་དགྲ་བོ་དངོས་སུ་བསམ་ཞིང་ཤ་དུམ་དང་ཁྲག་ཐིགས་དང་མཉམ་དུ་མེ་མཆོད་བྱ། མེ་མཆོད་ཐལ་བ་ཆ་གསུམ་དུ་བགོས་ལ། ཆ་གཅིག་རི་གཉེན་རྩེར་བསྐུལ་པ་

[Full Size]

བྱས་ལ་རླུང་ལ་ཕྱར། ཆ་གཅིག་དེ་ཀླུ་བདུད་གདུག་པ་ཅན་གནས་སར། ས་དགྲ་ངན་པའི་མཚོ་ལ་དགྲ་བོ་མི་ནོར་བསམ་ལ་བཏབ། བསྐུལ་དྲག་པོ་བྱ། ཆ་གཅིག་དེ་ཕུང་རེའི་ནང་དུ་བླུག་ལ། ལིངྒ་གཅིག་དེ་སོ་སོའི་མགོ་རུས་ནང་དུ་བཅུག་ལ། ཁ་ན་ཐུན་རྫས་བླུག །ལ་ཆས་ཁ་བསྡམ་ཆུ་མི་འགྲོ་བར་བྱ། དེ་ཕུང་རེས་ཁ་བསྡམ། ཚོན་སྐུད་ཀྱིས་བཅིངས། སྦྱིན་སྲེག་ཐལ་བ་དང་མཉམ་དུ། དམིགས་བསལ་གང་ཡིན་གནས་སུ་མནན་ལ་ལྷ་འདྲེ་དྲེགས་པ་ཅན་ཧྥེ་ཁྱོད་ལ་གཏད་དོ་མ་ཤོར་ཅིག །ཤ་ཟོ་ཁྲག་འཐུང་རུས་པ་མུར། རིགས་རྒྱུད་རྩད་ནས་ཆོད། ཐལ་བ་རྡུལ་དུ་རློགས་ཤིག །ཅེས་བརྗོད་ཅིང་། དེ་ནས་མནན་པ་ནི། རང་རང་དམིགས་བསལ་གང་ཡིན་དེར། དོང་གྲུ་གསུམ་བྲུས་ལ་མནན་པའི་ཚད་ནི། གྲུ་གང་ཡན་ས་རོ་ཡིན་པས་ཕན་གནོད་མེད། དེ་ནས་སོར་དགུ་སྲིན་པོ་ཕོ་མོའི་གནས་ཡིན་པས་འགོང་ཆོག་མནན། དེ་ནས་སོར་བཅུ་བརྟན་མའི་གནས་སྤྲུལ༔ ཡིན་དེར་དགྲ་བགེགས་གང་ཡང་མནན། དེ་ནས་སོར་བཅུ་གཅིག་ཀླུ་ཡི་གནས་ཡིན། དེར་དགྲ་བོ་མནན་ན་ཕུང་ངེས་སོ། །དེར་ཟུར་གསུམ་ཐོད་པ་ཤོང་བར་བྲུས། དེ་བས་རིང་ན་

[Full Size]

རང་ལ་ལྡོག །དེ་བས་ཐུང་ཞིང་འགྱང་ན་དགྲ་བོ་མི་འཆི། དེ་ལྟར་བཅའ་ཀ་དངོས་སུ་ལིངྒ་མནན་སྣོད་ཐལ་བ་དང་བཅུག་ལ་དུག་ཁྲག་གིས་བྲན། གནས་པོ་ལ་གསེར་སྐྱེམས། གཏོར་མ། དཔང་གཟུ། དགུག་གཞུག་ལན་མང་། བླ་འགུགས་སྔགས་བཟླས། བསྟོད་བསྐུལ། ཁྱད་པར་སྡེ་བརྒྱད་ལ་གཏོར་མ་ཕུལ། བསྐུལ་པ་བཏང་། རོ་གཡམ་ལ་རྡོ་རྗེ་རྒྱ་གྲམ་དང་སྟེང་དུ་རི་རབ་བང་རིམ་བཞི་པ་བྲིས་ལ་ཁ་བཅད་ལ་ས་ཁོད་ཅིག་བླུག །གནས་པོ་བཅོལ་གཏམ་བྱ། དོང་སའི་བཙང་བཙག་པར་བྱས་རྗེས་མི་མངོན་པར་བྱ། དེ་སྟེང་མེ་ཁྲོལ། དེའི་སྟེང་ལྕགས། དེའི་སྟེང་ཤིང་། དེའི་སྟེང་མེ་ཁྲོལ། དེའི་སྟེང་ཆུ་བླུག་གོ །ཁཾ་ལས་ཆུ་ཡི་དཀྱིལ་འཁོར། ཡཾ་ལས་རླུང་གི་དཀྱིལ་འཁོར། ཨེ་ལས་ནམ་མཁའི་དཀྱིལ་འཁོར། དེ་ནས་འབྱུང་བ་ཕྱིར་བཟློག་པའོ། །རྟ་བྲོ་བརྡུང་ངོ་། །འདི་བསྒྲུབ་དུས་རང་གིས་སྡེ་བརྒྱད་སྲོག་འཁོར་བཏགས། དེ་ནས་རང་གི་ཁྱིམ་དུ་ཡོངས་ལ། སླར་ཡང་གོང་གཏོར་དང་། མདུན་གྱི་གཏོར་ཆེན་རྣམས་གསོ་བྲན་བྱའོ། །ལས་རིམ་བདུན་མ་འདོན། གཏོར་འབུལ་བརྩོན་པར་བྱ། ཞག་ལྔ་བདུན་ལ་གནས་མལ་བསྲུང་ངོ་། །དགྲ་ལ་

[Full Size]

རྟགས་མ་བྱུང་བར། གཏོར་འབུལ་དང་དགྲ་ཆོས་ལ་འབད་པར་བྱའོ། །།འདི་ནི་བདག་ལ་དགོས་པ་བྱུང་བ་མིན། བསྟན་པའི་དགྲ་བོ་དང་། རྣལ་འབྱོར་པའི་སྒོས་དགྲ་བསྒྲལ་བ་ལ་སེམས་ནས་བྲིས་པ་ཡིན། ད་ཕྱིན་མན་ངག་འདི་ནི་སློབ་མ་སྣོད་ལྡན་ལ་གཅིག་བརྒྱུད་ལས་སྤེལ་རྒྱུ་ལས། གདམས་ངག་མཚམས་ཤེས་ན་མན་ངག་གདམས་པ་རྣོ་བ་ཡིན། འདིའི་ལག་ལེན་ཞལ་ཤེས་ཐམས་ཅད། བླ་མའི་ཞལ་ནས་གསེར་གྱིས་བསླུ་བར་བྱའོ། །འདིའི་བཀའ་གཏད་དང་མན་ངག་འདི་ཞུ་དུས་བླ་མ་ལ་མཚོན་ཆའི་རིགས་ཕུལ་ན་གདམས་ངག་རྣོ་བར་བཤད་དོ། །འདི་ལ་ཆེར་གོམས་པའི་སྔགས་འཆང་རཱ་ག་ཨ་སྱས་བྲིས་སོ། །མངྒ་ལཾ།། །།

[Full Size]

ཤོག་སྟོང་།

རྟ་མགྲིན་ནག་པོ་ལས་རིམ་བདུན་མའི་ཞལ་ཤེས་གསང་བའི་ཟིན་བྲིས།

[Full Size]

རྟ་མགྲིན་ནག་པོ་ལས་རིམ་བདུན་མའི་ཞལ་ཤེས་གསང་བའི་ཟིན་བྲིས་ཨྠྀི། རྒྱ་རྒྱ་རྒྱ། བླ་མ་ཀརྨ་ཕྲིན་ལས་ངོར་བསྐྱེད་རྫོགས་ཞལ་ཤེས་ནང་གི་སྤྱི་དོན་དྲུག་པ་བདུན་པ་བརྒྱད་པ་གསུམ་གབ་པ་འདིའོ།།

[Full Size]

དཔལ་ཆེ་མཆོག་ཧེ་རུ་ཀ་དབང་ཆེན་ནག་པོའི་སྐུ་ལ་ཕྱག་འཚལ་ལོ། །ཡང་ཕྱུངས་ལས་རིམ་བདུན་པའི་ཞལ་ཤེས་ཚན་གསུམ་པོ་ཁ་འཕང་ཡོད་པ་ལས། དགྲ་བོ་ཁོ་ན་དམིགས་ནས་བྱེད་རྒྱུ་ཡིན་པས། བདེ་རིམ་རྐྱེན་ཟློག་སོགས་ལ་གཞུང་ལྟར་ལས་ཞལ་ཤེས་ཅི་ཡང་མེད། ཐོག་མར་དགྲ་བོ་གང་ཡིན་གྱི་ལིངྒ་ཚད་ལྡན་དུ་བྲིས། མིང་བྱང་ཟག་རྫས་བཅས་པ་བྲུབ་ཁུང་དུ་གཞུག་ལ་གཏོར་ཟློག་གི་མདུན་ནམ་འོག་ཏུ་བཞག །ཐུན་ལམ་ཕུར་པས་བཅད་ལ་ཉིན་མཚན་དུས་དྲུག་ཏུ་མན་ངག་ལྟར་ཁུག་རྟགས་མ་བྱུང་བར་བཀུག་གཞུག་དང་སྔགས་དམིགས་ཀྱིས་གཟིར་ལྷ་དབྱེ་དང་ལུས་

[Full Size]

སེམས་ཉམས་སུ་བཅུག་པ་མ་གཏོགས་བསད་ལས་རྐྱང་པ་ལ་ཐུན་རེ་རེ་ཙམ་ལས། རྩ་བའི་ལིངྒ་ལ་མི་བྱ། ལག་མགྱོགས་ཁོ་ན་ལ་གཞུང་ལྟར་བསྒྲལ་ལས་ཞལ་བསྟབ་སོགས་ཚང་མ་རེ་བྱེད་དུས་བསྒྲལ་རྒྱུ་ཡིན་ནོ། ༈ །དེ་ནས་ཞལ་ཤེས་དང་པོ་ལ་ཐུན་རྣམས་སོ་སོར་བརྡེགས་ནས་སྔགས་བཟླས་པའི་ཚེ། མདུན་བསྐྱེད་ཀྱི་འཁོར་དུ་གནས་པའི་དྲེགས་པ་རྣམས་ཀྱི་སྲོག་སྔགས་ལ་འགུགས་སྔགས་ཛ་ཛཿ བསད་སྔགས་ཤམ་བུ་རེ་སྦྱར་ཞིང་དགྲ་བོ་གང་ཡིན་གྱི་མིང་སྨོས་ལ། རྗེ་མོའི་སྲོག་ལ་སྲི་ཏྲིག་ནན་ཧུར་ཐུམ་ཆད་རྦད། ཅེས་སྦྱར་ཞིང་དམིགས་པ་ནི། འཁོར་གྱི་དྲེགས་

[Full Size]

པ་སྡེ་བརྒྱད་སྤྲུལ་པ་དང་བཅས་པས་དགྲ་བོའི་སྟེང་དུ་ནད་མཚོན་དུག་གསུམ་གྱིས་ཆར་ཕབ་ནས་མྱོས་འཐིབས་ཐལ་བ་བུན་གྱིས་སོང་བར་བསམ་ཞིང་ཕུང་པོ་བསྒྲལ་ནས་ཕུལ་བས་དགྲ་བོ་མྱུར་དུ་བསད་རྟགས་ངེས་པར་འོང་། དེ་ནས་བསྟབ་པ་བྱ་སྟེ། ཤ་ཁྲག་བདུད་རྩིར་མི་བསྒྱུར་བར་དགྲ་བོའི་ཤ་ཁྲག་དངོས་སུ་བསམ་ཞིང་ཕུལ་བས་ལས་ལ་མྱུར་བར་འགྱུར་རོ། །སྤྲོ། ཞལ་ཤེས་དང་པོ་གབ་རྒྱུ། དཔལ་ནག་པོ་ཆེན་པོ་ཁྲོས་པའི་རྒྱལ་པོ་ལ་ཕྱག་འཚལ་ལོ། །གཉིས་པ་རྣལ་འབྱོར་པ་ལ་དགྲར་ལངས་ཤིང་ཀ་ཆ་ནོར་རྫས་རྣམས་ཤོར་རམ། སྐུ་སྲོག་ལྟ་བུ་ལ་བདོ་བའི་དགྲ་བྱུང་ན། ཡང་ཕྱུངས་ཁྲོས་པའི་རྒྱལ་པོ་དྲེགས་པ་ཀུན་གྱི་སྡེ་དཔོན་རྟ་མགྲིན་དགྲ་འདུལ་ནག་པོའི་ལས་སྦྱོར་སྡེ་བརྒྱད་ཕོ་ཉར་འགྱེད་པའི་དྲག་དམིགས་བསྟན་པར་བྱ་སྟེ། སྣོད་ལྡན་གཅིག་བརྒྱུད་དམ། བརྒྱུད་འཛིན་རེ་རེ་ལས་མང་དུ་མི་སྤེལ། སྣོད་མིན་ལ་སྤེལ་བ་དང་བརྙས་ཆོས་དཔེ་རྐུན་ཧབ་ཐོབ་ཀྱིས་བླངས་ན་ཚེ་འདིར་བཀྲ་མི་ཤིས་ཤིང་སྡེ་བརྒྱད་བཀའི་ཆད་པས་མནར་བར་འགྱུར་ལ་ཕྱི་མ་ན་རཀ་དམྱལ་ཁམས་སུ་སྡུག་བསྔལ་དཔག་ཏུ་མེད་པ་མྱོང་བས་གཞན་ལ་གསང་བ་དམ་ཚིག་ཡིན།་བདག་མདུན་ཁྲོ་བོ་རྟ་མགྲིན་

[Full Size]

ནག་པོར་གསལ་བའི་ཐུགས་ཀ་ནས་འོད་ཟེར་དམར་པོ་ཚ་ལ་རྩུབ་པ་མེ་ཡི་རང་བཞིན་ལྕགས་ཀྱུའི་དབྱིབས་ལྟ་བུ་སྟེང་འོག་ཕྱོགས་མཚམས་སུ་འཕྲོས་དྲེགས་པ་སྡེ་བརྒྱད་རང་རང་གི་འཁོར་དཔུང་དང་བཅས་པ་ཐམས་ཅད་ཀྱིས་མཚོན་ཆ་སྣ་ཚོགས་ཐོགས་ཤིང་ཞེ་སྡང་ཁྲོས་པའི་ཁྲོ་རྔམས་གཏུམ་སྒྲ་དང་ལྡན་ཞིང་བདག་མདུན་གྱི་འཁོར་དུ་འཁོད་ཅིང་ལས་ཅི་དགོས་བསྒྲུབ་ཟེར་ཞིང་ཁོ་བོས་བྲོ་བོར་དམ་བཅས་པར་བསམ། དེ་ནས་བདག་བསྐྱེད་ཀྱི་ཐུགས་སྲོག་ལས་འོད་ཟེར་འཕྲོས་ཏེ་མདུན་བསྐྱེད་ཀྱི་ཞལ་དུ་ཞུགས། མདུན་བསྐྱེད་ཀྱི་ལྟེ་བ་ནས་འོད་ཟེར་ཚ་ལ་རྩུབ་པ་ནག་ལ་རྔམས་པ་གློག་ལྟར་མྱུར་བ་མང་པོ་འཕྲོས་ཏེ་འཁོར་གྱི་དྲེགས་པ་སྡེ་བརྒྱད་རྣམས་ལ་ཕོག །དེ་ཐམས་ཅད་ཞེ་སྡང་དྲག་པོ་ཁྲོས་ནས་སྐུ་མདོག་ནག་པོ་ནད་སྤྲིན་རླངས་པ་འཐུལ་བ་བསྒྲུབ་བྱའི་གནས་སུ་རྒྱུག་ཅིང་རྟགས་དང་མི་སྡུག་པའི་ཆོ་འཕྲུལ་མང་པོ་བཏང་བར་བསྒོམ།་ལ་ལས་བྲུབ་ཁུང་གིས་བསྒྲུབ་བྱར། དགྲ་བོའི་ལྷ་སྲུང་སྡོང་ཟླ་རྒྱབ་བརྟེན་དང་བཅས་པ་ཡང་ཡང་དུ་བཀུག་པར་བསམ་ལ། སྡེ་བརྒྱད་སྲོག་སྔགས་ཤམ་དུ་འགུགས་སྔགས་སྦྱར། དེ་ཐུན་གསུམ་མམ་བཞིར་བྱའོ། །ཡང་དམིགས་པ་གོང་ལྟར་ལ་སྲོག་

[Full Size]

སྔགས་ཤམ་བུར་ཆད་སྔགས་སྦྱར་བས་སྔ་ཐུན་གཅིག་ལ་བྱའོ། །ཡང་དགོང་ཐུན་སྐབས་ལ་མདུན་བསྐྱེད་ཀྱི་ཐུགས་སྲོག་ལས་འོད་ཟེར་མཐིང་ནག་ཀྱི་ལི་ལི་འཁོར་བ་མང་པོ་འཕྲོས་ཏེ་སྡེ་བརྒྱད་ཀྱི་ཞལ་དུ་ཞུགས་པས། སྡེ་བརྒྱད་རྣམས་ལ་དཔེར་ན་མི་ཆང་འདྲེ་ཅན་ཆང་གིས་བཟི་བ་ལྟ་བུས་རྣོ་མྱུར་དྲག་རྩལ་དང་ལྡན་པས། བསྒྲུབ་བྱའི་སྲོག་རྩ་ཐག་ལེན་དུ་བཏང་ཞིང་། །ཤ་ཁྲག་རུས་གསུམ་ཁྲུམ་ཁྲུམ་དུ་རོལ་ཞིང་ལ་ལས་ནི་དགྲ་ལ་འོ་དོད་འབོད། ལ་ལས་ནི་ཕྱོགས་མཚམས་སྟེང་འོག་ཀུན་ཏུ་ཉུལ་ཞིང་རྣལ་འབྱོར་པའི་དགྲ་བྱད་མ་རྒེ་གང་ཡོད་ཐམས་ཅད་སྐད་ཅིག་ལ་སྲོག་དང་ཕྲལ་ཞིང་ཤ་ཁྲག་རུས་གསུམ་ལྷག་མེད་དུ་ཟོས་པར་བསྒོམ་ལ། སྲོག་སྔགས་ཤམ་བུར་བསད་སྔགས་སྦྱར་ཞིང་བཟླ། དེས་ནི་དགྲ་བོ་སྐད་ཅིག་ཉིད་དུ་ཐལ་བར་བརླག་པ་ཐེ་ཚོམ་མེད། ལར་བསད་དམིགས་འདི་དགྲ་ཁུག་རྟགས་བྱུང་ན་ནན་ཏན་བྱ་རྒྱུ་ཡིན། ༈ གསུམ་པ་ཐལ་རྡེབ་ཞལ་ཤེས་ལ་གབ་པའོ། །དམིགས་པ་དེ་རྣམས་གུ་རུ་ཆོས་དབང་ནས་ཀརྨ་ཡང་དག་གི་བར་དུ་ཞལ་ཤེས་སྙན་བརྒྱུད་ཡིན་ནའང་སྔ་འོས་གསལ་བཀོད་ཀྱི་། ཉེས་ཚོགས་རྣམས་རྟ་མགྲིན་ནག་པོ་འཁོར་དྲེགས་པ་སྡེ་བརྒྱད་ཚོགས་ལ་བཟོད་པར་

[Full Size]

གསོལ་ལོ། །ཐོག་མར་འདི་ཞུ་བའི་བླ་མ་ལ་གསེར་གྱི་མཎྜལ་རེ་ཕྱག་ཏུ་ཕུལ་དགོས་པ་གསང་བའི་དམ་ཚིག་ཡིན་ནོ། །བླ་མ་ལ་གསེར་གྱིས་བསླུ་བར་བྱ་ཞེས་པའི་དོན་ནོ། །འདི་བསྟན་འཛིན་གཅིག་བརྒྱུད་མ་གཏོགས་གཞན་དམ་མེད་ཧབ་ཐོབ་སྣོམ་ཧྲག་ཅན་ལ་སྤེལ་ན་བཀའ་བརྐུས་ན་མྱུར་མགྱོགས་དྲེགས་པ་སྡེ་བརྒྱད་ཀྱིས་ཆད་པ་དྲག་པོ་ཆོད་ཅིག །ས་མ་ཡ། རྒྱ་རྒྱ་རྒྱུ། ཨ་ཡ་མ་དུ་རུ་ཙ་ཤ་ན་དྲེགས་པའི་རྒྱུ། ཨ་ཁ་ཐཾ། དགྲ་བོའི་ནོན་དུ་བསྐུལ་འདི་རྣམས་འདོན་ལ། བདེ་རིམ་རྒྱུན་ཁྱེར་ལ་རྩང་ཕྱིན་འབུལ་ཉིན་མ་གཏོགས་མི་དགོས་སོ། ༈ །དེ་ནས་རྗེས་ཀྱི་སྐབས་སུ་དྲག་པོའི་ཤིང་ཚེར་མ་ཅན་གང་རུང་ལ་མེ་སྦྱར་ལ་མདུན་བསྐྱེད་གསལ་གདབ་སྤྱན་འདྲེན་བཞུགས་གསོལ་ཕྱི་མཆོད་འབུལ་ནས་ལིངྒ་སྦྱིན་སྲེག་བྱའོ། །ཐལ་བ་ཀླུ་བདུད་དྲག་རྩལ་ཅན་ནམ། ལམ་རྒྱ་གྲམ་མམ་ཐེམ་འོག་ཏུ་རྟ་བྲོའི་ཞོར་ལ་མནན་པ་བྱའོ། །གཞན་སྤྱིའི་བྱ་བ་ཕྱག་ལེན་མཐོང་བ་བརྒྱུད་པ་ལྟར་དུ་བྱ་ཞིང་ལས་རྗེས་མི་མངོན་པར་བྱའོ། །ཞེས་པ་གཞུང་གི་ཞལ་ཤེས་གསང་བའི་ཟིན་བྲིས་གཉིས་པོ་འདི་ནི། །བླ་མ་པདྨ་ཞི་གནས་ཀྱིས་གསེར་ཞོ་དྲུག་མཎྜལ་དུ་བྱས་ཏེ་ཕུལ། སྔགས་ནག་རཱ་ག་ཨ་

[Full Size]

སྱས་གནང་བའོ། །བཀའ་རྒྱ། དམ་རྒྱུ། ལུང་རྒྱ། གསང་རྒྱུ། དྲེགས་པའི་རྒྱ། ས་མ་ཡ། རྒྱ་རྒྱ་རྒྱ། དྲེགས་པ་སྡེ་བརྒྱད་ཀྱི་བཀའ་འདི་ཐུབ་པར་སྲུངས་ཤིག་རཀྟ། །དམ་མེད་དཔེ་ཀུན་ཁ་གསག་བཏང་མཁན་ལ་ཆད་པ་ཆོད་ལ་མ་ཤོར་ཨ་མུ་ཀ་མཱ་ར་ཡ་ནན་སོད། སྡེ་བརྒྱུད་ཀྱི་དམ་ཚིག་གི་རྒྱ་ཡིན་ཨི་ཁོ། འདི་ཡི་བརྒྱུད་པ་ཞལ་ཤེས་ཡི་གེར་བཀོད་ཚུན། མཚུངས་མེད་རཱ་ག་ཨ་སྱས། བླ་མ་པདྨ་ཞི་གནས་ལོ། དེས་བདག་ལ་བཀའ་དྲིན་དུ་བསྩལ་བའོ། །སརྦ་དཱ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་མགྲིན་ལྕགས་རལ་གྱི་རྫས་རྒོད་ཞལ་ཤེས།

[Full Size]

རྟ་མགྲིན་ལྕགས་རལ་གྱི་རྫས་རྒོད་ཞལ་ཤེས་ཡོད། རྟ་མགྲིན་ལྕགས་རལ་གྱི་རྫས་དགུ་ནི། ༡ བཙན་དུག་ནི་ལྡོའི་ཕག་སྣ་མ། ༢ མུ་ཟི་སེར་ནག་གང་རྙེད། ༣ །གུ་གུལ་ནག་པོ། ༤ མཁན་པ་ནི་མཁན་དམར་རྩ་བ་རློན་ངད་བྱས་པ། ༥ སྤུ་བ་ནི་སྤུ་ནག་ཟེར་བ་དེ། ༦ སྤྱང་ཚེར་ཝ་ནི་སྡུམ་བུ་ཚེར་མ་ཅན་རྩ་ལོ་འདྲ་སྟེ་མ་སད་པ། ༧ གླུ་ནག་གི་གླ་རྩི། མ་རྙེད་ན་གླ་རྩི། ༨ ཤིང་ཀུན་ཤེས་སླ། ༩ སྒོག་སྐྱ་རྒྱ་སྒོག་རྩ་བ། དེ་དགུ་རྩ་བ་ཡིན། རབ་ཆ་མཉམ། འབྲིང་གང་འཛོམ། ཐ་མ་གང་རྙེད་བུངས་ཟ་ལེན་། དཀོན་པ་སྣ་ཚང་ཙམ་ཆོག །དེ་ལ་ངར་འདོན་ཁ་ཚར་ནི། མཛེ་ཕོའམ་ཡུགས་ས་མ་རྙེད་ན་རང་གི་ལྷམ་འཚང་།་ནད་ངན་མིན་པ་ཧུར་ཐུམ་ཤི་བའམ། གཟའ་ཡིས་ཤི་བའམ། གྲིར་ཤི་བའི་རོ་སྐྲ། ཅོ་རོ་ཡི་གསང་གནས་ནས་སྤུ་མི་གཙང་བ་འགོས་པ་ཆུན་གཅིག །ལི་ལི་ནག་པོའི་ཐུན། སྤྱང་ཀིའི་བྲུན། ཁྱི་ནག་གམ་གང་རུང་གི་བྲུན། དེ་གསུམ་ཆར་ཟག་ལ་སོང་ནས་དཀར་དཀར་རེད་པ་དེ་བྱ་བལ་མའོ། །བཤུལ་ཚིལ་ནི། དྲེད་མོང་རྟ་འཕྱི་བ་སོགས་ཀྱི་ཚིལ་དྲི་དུག་དང་སྦྱར་རོ། ༈ །བདུག་པའི་རྫས་བཅོ་བརྒྱད་

[Full Size]

ནི་༡ བཙན་དུག་ཕག་སྣ་མའམ། འབྲི་ཚིལ་རྒོད་པོ་དེ། ༢ ཐང་དུག་གི་ཐང་ཁྲག་མ་རྙེད་ན་རྒྱ་ཐང་ཕྲོམ་རུང་། ༣ གོ་དུག་ནི་གོ་བྱི་རྟ། བྱ་ཕུར་ལྷེབ་ཕྱིའི་ཤུན་པ་སྤུ་ནག་མེས་མ་བསྲེག་པ། ༤ ར་དུག་ནི་ནགས་ནང་ཡོད་པའི་བོང་ང་ནག་རིང་ལོ་མ། ༥ རེ་ལྕག་ནི་མེ་ཏོག་ཁྲ་སྤོག་ཅན་དེ། ༦ ཐང་ཕྲོམ་ནི་རིགས་གསུམ་ནང་ཐང་ཕྲོམ་ནག་པོའི་རྩ་བ་གླང་ཆེན་སྨྱོན་པ་ཟེར་བ་འདུག་པས་སྐབས་འདིར་བྱ། ༧ གླ་རྩི། ༨ ཤིང་ཀུན། ༩ གུ་གུལ་ནག་པོ། ༡༠ མུ་ཟི་ནག་པོ། ༡༡ སྡོང་རོས། ༡༢ རྟ་ནག་གསེབ་ཀྱི་མ་རྙེད་ན་གང་རུང་གི་ལག་སུག་འདྲ་བས་རྟ་བོན། ༡༣ འབའ་ཆ་ནི་རྒྱ་གར་ན་ཏིལ་བཙིར་བའི་སྙིགས་དེ་ཡིན། མ་རྙེད་ན་ཚབ་ལ་དབྱིངས་བཙེར་བའི་རོ་མས་ཀྱང་རུང་། མ་རྙེད་ན་ཡུངས་ཀར། ཡུངས་ནག །ཡུངས་གཞི་གང་རྙེད་བརྡུང་ལ་ཆུ་བླུགས་བརྩིར་བའི་དེའི་རོ་མས་ཆོག ༡༤ །སྤང་སྤོས་སྣོམ་པས་ཤེས། ༡༥ བཤུལ་ཚིལ་ནི་མི་རྟ་ཁྱི་དྲེད་ཕྱི་བ་སོགས་ཀྱི་ཚིལ། ༡༦ ལི་ལི་ནག་པོའི་བྲུན། ༡༧ སྤྱང་རྟུག་༡༨།ཁྱི་ནག་པོའི་བྲུན། །འདི་ལ་ཡང་གོང་གི་ཁ་ཚར་རྣམས་ངར་འདོན་དུ་སྦྱར། སྔགས་པ་དང་ཟོར་བདག་འཇིག་རྟེན་པའི་ལྷ་འཁོར་ས་ཡིན་

[Full Size]

ན། རྟ་བོན་དང་། ཁྱི་བྲུན། ལྷམ་འཚང་། ར་དུག་རྨོང་ཁའི་སྤུ། དེ་རྣམས་མི་རུང་། ལྷ་དབྱེ་རྫས་ངན་ཡིན་པས་ཕྲི་བ་གལ་ཆེ། བདུག་པ་རྣམས་ལ་སྣ་འཛོམས་པས་ཆོག །ཆ་མཉམ་མི་དགོས་གང་ཡོད་ལ་བུངས་ལེན། འདིར་མ་གསུངས་ཀྱང་། རྟ་བོན་སོགས་འཕྲི་བའི་ཚབ་ལ་འབྲོང་གི་རྭ་ཅོ་བརྡར་བའི་ཕྱེ་མ། འབྲོང་གི་རྔ་རྩིབ་གཏུབ་པ། སྤྱང་ཀི། འཕར་བ། ཁྲ། གླག་རྣམས་ཀྱི་ཤའམ་མཆེ་སྡེར་མཆུ། གྲི་ཤ། གྲི་ཁྲག །གྲི་རུས། མུ་ཟི་སེར་པོ། བ་བླ། སྲན་མའི་རྩམ་པ། དེ་རྣམས་རྙེད་ན་བླུགས་ཆོག །ཞིབ་པར་བཏུལ་ལ་སྔགས་ནི། སྒེར་དུ་ནམ་སྔགས་མར་སོང་སྦྱར་ན་འབྱུང་ཆེ། ༈ །བསྲུང་བའི་རྫས་རྒོད་ཉི་ཤུ་རྩ་བདུན་ནི། ༡ ལྷའི་བཙན་དུག ༢ ༣བོང་ང་ནི་བོང་ངའི་རྩ་བ། ༣ ཐར་ནུའི་རྩ་བ། ༤ ར་དུག་ནི་བོང་ངའི་ལོ་མ། ༥ རེ་ལྕག་ནི་ཤོག་ཤིང་བརྡུང་བའི་རྩ་བ། ༦ ཐང་ཕྲོམ་ནི་ཝ་ཏའི་རྩ་བ། ༧ ཨ་ཤྭ་ཀ་ནི་ཤོག་ཀ་དྷ་ཟེར་བའི་རྩ་བ། ༨ སྤྱང་ཚེར་རྩྭ་ལོ་གང་རྙེད། ༩ ཁྱི་ལྕེ་ནག་པོ་ནི་ལྡེ་གུ་རམ་ཡིག་རྩྭ་ལོ་གང་རུང་། ༡༠ མི་ཁྲག་ནི་ནད་ངན་མཛེ་ཕོ་མིན་པའི་ཁྲག་གང་རུང་སྟེ།

[Full Size]

གྲི་ཁྲག་རྙེད་ན་རབ། ༡༡ ཁྱི་ནག་པོ་དཀར་ཐིག་མེད་པའི་ཁྲག ༡༢ །ཕག་ཁྲག་མ་རྙེད་ན་ཤ་ཚིལ་འཕན་ཟེར་སོགས་རུང་། ༡༣ རྒྱ་གོ་རའི་ཁྲག ༡༤ །སེམས་ཅན་གཙོད་ཀྱི་ཁྲག་དེ་གཉིས་མ་རྙེད་ན་རྭ་ཅོ་བརྡར་ཕྱེ་རུང་། ༡༥ ཡུགས་ས་མའི་མངལ་ཁྲག་རྙེད་ན་རབ། མ་རྙེད་ན་ཡུགས་སར་གྱུར་ནས་ལོ་མང་སོང་བའི་སྟེང་མ་གཞན་གྱིས་མ་སྤྱད་དགོས་རྒྱུ་རེད། དེའི་ཁྲག་གཏར་བས་རུང་། ༡༦ མི་གྲིར་ཤི་བའི་ཁྲག །མ་རྙེད་ན་ཤས་རུང་། ༡༧ ཕོ་རོག་ཁྲག་མ་རྙེད་ན་ཤས། ༡༨ སྟག་གཟིག་དོམ་དྲེད་འཕར་སྤྱང་གང་རུང་གི་ཁྲག །མ་རྙེད་ན་སྤང་སྤོས། དེ་མ་རྙེད་ན་ཝ་ཏའི་ཁྲག་གིས་རུང་། ༡༩ གླ་རྩི། ༢༠ ཤིང་ཀུན། ༢༡ གུ་གུལ། ༢༢ ཤ་ཆེན། མི་ཤའམ་གཙང་མ། ༢༣ ཧུར་ཐུམ་ཤིའམ་ནད་ངན་མིན་པ། མ་རྙེད་ནི་རྟ་ཁྱི་གླང་བྱའི་ཤ་ཁྲག་རུང་། ༢༤ མུ་ཟི་སེར་ནག་གང་རྙེད། ༢༥ སྡོང་རོས་མ་རྙེད་ན་བ་བླ། རྟ་བོན་གོང་ལྟར། དེ་རྣམས་ཆ་མཉམ་མི་དགོས་སྣ་ཚང་། མ་ཚང་ཡང་རུང་སྟེ། གོང་ལྟར་སྣོད་རུང་། ངར་འདོན་ཁ་ཚར་ཡུངས་ཀར། ཐལ་ཆེན་རོ་རས་མ་རེད་གཞོན་ནུ་ཧུར་ཐུམ་བ་བསྲེགས་ཐལ། དེ་རྣམས་ཞིབ་

[Full Size]

པར་བཏུལ་ལ་དགེ་སློང་ཁྲིམས་ལྡན་ནམ། ཁྱེའུ་ལོ་བརྒྱད་པའམ། ཆང་གི་ཞབས་ཁུས་སྐྱུར་ཙམ་བྱས་ལ་རྦད་བརྒྱད་ཁྲི་ཚོ་ཙམ་བཟླས་ཤིང་སྔགས། དཀྲུག་ཅིང་རླངས་པ་མ་ཡལ་བར་བྱས་ལ། ཟན་ཙམ་དུ་དྭངས་བ་དང་། རིལ་བུར་ར་བསྲུངས་བྱས་ལ་བཏགས། དེ་ཡང་ཁོག་སྲུང་ཟ་དགོས་ཤིང་། བོང་ང་ཤས་ཆེ་ན། ཨ་རུ་ར་ཞིག་བསྲེའོ། །དེ་གཡག་རོག་དར་མའམ། གླིང་བུ་འོག་འབྱར་གྱི་རྭ་ལ། ཏོག་སེང་ལྡེང་ཞབས་སྤྱད། སྨད་པདྨ་འདབ་བརྒྱད། སྟེང་འོག་ཏུ་རུས་སྦལ་དང་སྡིག་པ་ལྟོ་སྦྱོར། དེ་ཞེ་སྦྲུལ་གྱིས་གཅུད་ལ་བཟོ། ཁ་ཆོད་ཐོག་ཤིང་ལ་རི་རབ་གཟུགས་བྱས་པས་བཅད་པའམ། གྲི་རྐང་དུམ་བུའམ། ཤེར་ཤིང་ར་འདྲའི་སྤར་བུ་ལ་དཔེའུ་རིས་ལྟར་བྲིས་པའི་ནང་དུ་བླུགས་ལ། རྟ་མགྲིན་སྒྲུབ་པའི་སྔགས་ལུས་ལ་བཅངས། སྔགས་རིང་རྦད་བརྒྱད་ནམ་འདོན་ཕུས་བཏབ། ནད་ངན་ན་ན་ཁོག་བསྲུང་། རིལ་བུ་དྲི་ཆུས་སྤྲོས་ལ་བུ་གར་བྱུག །གཟའ་ནད་ན་ན་བདུག །རྒྱལ་བསེན་གདོན་རྒོད་ལ་སྤྲོས་ནས་ཐུན་བྲབ། ཁྱིམ་འདྲེ་ཅན་དང་ས་རྒོད་དུ་བདུག་ན། ཡོས་སམ་ནས་ལ་བྱུགས་ནས་གཏོར། ནད་པ་དང་། ཡོན་

[Full Size]

བདག་ལ་ཐུམ་ལ་བཏགས། རྟ་མགྲིན་གྱི་སྲུང་འཁོར་སོགས་གལ་ཆེན་ལ་སྣག་ཚའམ་ཚོན་ལ་བསྲེ་གདོན་ནམ་བྱེད་ཁ་དྲག་པོ་ལ་གཏོར་ཟློག་ཕུལ། གཏོར་མ་ཞད་ཙམ་ནག་སམ་བྱུགས་ནས་ཟོར་དུ་འཕེན། མཁར་སྒོང་དང་ཀོང་ཟོར་ལ་ཞད་ཙམ་ཕྱུག་ལ་སེར་བའི་གདོང་ལ་བཏེག །ཕུར་པ་ལ་ཐུམ་བུ་བཏགས་ནས་མང་དུ་སྔགས་ལ། གཤའ་སྒབ་ལ་ཐོ་བརྩེགས་ལ་སྦས། སྲིའུ་ལ་བཏགས་ན་སྲུང་སྐུད་ལ་བྱུག །མདོར་ན་རྫས་ཉེར་དགུ་པོ་འདི། སྔགས་ཐེམ་ན་བྱུག་བདུག་སྲུང་གསུམ་འདི་ཅི་འདོད་རུང་སྟེ་ཡི་གེ་ལ་ལར་བཙན་དུག་མི་བསྲེ་ཟེར་བ་ཡོད་དེ། སྐྱོན་མི་འབྱུང་སྟེ་གཞན་འགའ་ལས་རུང་བར་བཤད། རང་གི་སྤྱོད་དགོས་པས་ལྷ་དབྱེའི་རྫས་ཚོ་ཕྲི་བ་ལེགས། ཞེས་འཕྲལ་དུ་རཱ་ག་ཨ་སྱས་བྲིས། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་མགྲིན་དྲིས་ལེན།

[Full Size]

རྟ་མགྲིན་གྱི་གཞལ་ཡས་ཁང་ཕྱི་རིན་པོ་ཆེ་ལ་ནང་དུར་ཁྲོད་སོགས་འགུར་དྲག་ལྟར་ལགས་སམ་འདོད་སྣམ་ལ་མཆོད་ལྷ་བཅུ་དྲུག་དཀྱིལ་འཁོར་ཐམས་ཅད་ལ་དགོས་སམ་རྟ་མགྲིན་རིགས་བཞིའི་ཐུགས་ཀར་ས་བོན་དང་སྔགས་ཕྲེང་མེད་དམ་ཞུས་པས། གཞལ་ཡས་ཁང་གུར་དྲག་དང་མཚུངས། གསར་མའི་ལུགས་ལ་རྒྱུད་ལ་དུར་ཁྲོད་མེད་པར་བཤད་ཀྱང་། རྙིང་མ་ལ་ཡོད་པས་དུར་ཁྲོད་དགོས། འདོད་སྣམ་ལ་མཆོད་ལྷ་དཀྱིལ་འཁོར་ཐམས་ཅད་ལ་དགོས། རྟ་མགྲིན་རིགས་བཞིའི་ཐུགས་ཀར་ཧྲཱིཿཿདང་སྔགས་ཕྲེང་ཡོད་བསམས་པས་ཆོག །ཞིབ་པར་བྱེད་ན་ཧིབཛྲ་ཞེས་པའི་བཛྲ་གྱི་མལ་དུ་བུདྡྷཱ་རཏྣ་པདྨ་ཀརྨ་ཡོད་པར་བསྒོམ། །ད་ལམ་རྟ་མགྲིན་གྱི་ཚེ་བསྐྱེད་རིམ་གསལ་བའི་ངང་ནས་སེམས་ངོའི་གཤིས་མ་ཤོར་བར་ཨེ་འོང་། སྒྲུབ་པ་མ་ཚར་བར་བསྐྱེད་རིམ་མ་བསྡུས་ན་རྟགས་གསལ་འོང་གསུང་།་འདིའི་ལས་སྔགས་རྣམས་སྦྱར་དུས་ཀྱི་དམིགས་པ་ཟིན་བྲིས་སུ་མི་གསལ་བས་གང་ལྟར་ལགས་ཞུས་པས། ལས་སྔགས་ནཱ་ག་རཀཱ་སྦྱར་དུས་ཐུགས་ཀའི་སྔགས་ཕྲེང་ལས་མེ་འབར་བས་ནད་གདོན་ཐམས་ཅད་བསྲེགས། ཐལ་བ་བ་སྤུའི་བུ་ག་ནས་

[Full Size]

ཕྱིར་ཐོན་པས་རང་རྟ་མགྲིན་གྱི་ནང་ཐམས་ཅད་མེ་ཡི་རང་བཞིན་ལྕགས་སྲེག་ལྟ་བུར་དམར་ལྷང་ངེ་བསྒོམ། ལས་སྔགས་འོག་མ་གསུམ་གྱི་ཚེ་རང་ལས་སྤྲུལ་པའི་རྟ་མགྲིན་རང་དང་འདྲ་བས་འཇིག་རྟེན་ཐམས་ཅད་གང་སྟེ་རང་ལ་གནོད་པའི་གདོན་ཐམས་ཅད། གཡོན་ལྕགས་ཀྱུས་སྙིང་ནས་བཟུང་། ཞགས་པས་སྐེ་ནས་བཅིང་། གཡས་རལ་གྲིས་གཏུབས་ནས། ལྷག་མ་མེ་དཔུང་གིས་བསྲེགས་ཏེ་རང་ལ་རྗེས་མེད་པར་བསྒོམ་ཞིང་། མཐར་ཁྲོ་ཆུང་དེ་དག་རང་ལ་བསྟིམ། རྗེས་གཞུང་ལྟར་བདག་མཇུག་བླངས། གཤེགས་གསོལ་ནི་མི་རུང་། བདག་བསྐྱེད་སྟོང་པར་བསྡུས་ལ་བསྔོ་སྨོན་དང་ཤིས་པ་བརྗོད། རྒྱུན་དུ་དྲན་རྫོགས་བསྒོམས་ནས་སྔགས་ཕྲེང་བསྐོར་ཙམ་བཟླས་ན་ཆོག་གམ་ཞུས་པས། དྲན་རྫོགས་བསྒོམས་ནས་ཆོག་སྟེ་ད་རེས་སྒྲུབ་པ་ལེགས་པར་གྲུབ་པས་ལས་བྱང་ཚར་རེ་བཏོན་ན་ལེགས་གསུངས། རིན་པོ་ཆེ་ཨ་རཱ་ག་དང་དགེ་སློང་ཐབས་མཁས་རྒྱ་མཚོ་གཉིས་ཀྱིས་དྲིས་ལན་བྲིས།།

རྟ་མགྲིན་གདོན་ཚར་གཅོད་ཟིན་བྲིས།

[Full Size]

ན་མོ་རྒྱ་གཱི་ཝ་ཡེ། རྟ་མགྲིན་ནཱ་ག་ཀླུ་འདུལ་གྱི་བསྙེན་ཚད་སྔོན་དུ་སོང་བའི་སྔགས་པས་གདོན་གང་ཡང་རུང་བ་ཚར་གཅོད་པའམ་གཅུན་པ་ནི། རང་ཉིད་རྟ་མགྲིན་ལྷ་ལྔའི་བསྐྱེད་རིམ་བརྟན་པོར་བྱས་ལ། རང་གི་ཐུགས་ཀ་ནས་སྤྲུལ་པའི་ཁྲོ་བོ་རང་འདྲ་བ་གྲངས་མེད་པ་སྤྲོས་ཏེ། རང་ངམ་གཞན་བསྲུང་བྱ་གང་ཡིན་ལ། གནོད་པའི་གདོན་དེ་རྣམས་ཁྲོ་བོ་དེ་དག་གིས་ལྕགས་ཀྱུས་སྙིང་ནས་བཟུང་སྟེ། ཞགས་པས་ཡན་ལག་བཅིངས། རྟ་སྐད་དྲག་ཏུ་འཚེར་ཞིང་རལ་གྲིས་མགོ་ལུས་ཐམས་ཅད་དུམ་བུ་བརྒྱ་སྟོང་གཏུབ་ཅིང་། ཤ་ཁྲག་ཐམས་ཅད་མདུན་བསྐྱེད་གཙོ་བོའི་ཞལ་དུ་བསྟབས་པས་ཆེམ་ཆེམ་གསོལ། ལྷག་རོལ་ཐམས་ཅད་ཁྲོ་བོ་རྣམས་ཀྱི་སྐུ་ལས་མེ་འབར་ཞིང་མཆེད་པའི་མེ་དཔུང་གིས་བསྲེགས་ནས། རྣམ་པར་ཤེས་པ་མདུན་བསྐྱེད་རྟ་མགྲིན་གྱི་ཐུགས་ཆོས་ཉིད་ཀྱི་ངང་དུ་བསྟིམ་པའམ། ཡང་ན། རྣམ་ཤེས་ཨ་ཡིག་དམར་པོར་གྱུར་པ་རང་གི་ཤངས་ནས་རླུང་འཕྲོས་པས་བསྐྱོད་དེ་དཔག་ཆེན་གྱིས་མདའ་འཕངས་པ་ལྟར་བདེ་བ་ཅན་གྱི་ཞིང་དུ་པདྨའི་སྦུབས་སུ་ཐིམ་པར་བསྒོམ། སྣང་སྲིད་ཐམས་ཅད་སྤྲུལ་པའི་ཁྲོ་བོ་དང་མེ་རི་འབར

[Full Size]

བས་གང་སྟེ་དྲག་སྔགས་འབྲུག་སྟོང་དུས་གཅིག་ལ་གྲག་པ་ལྟར་འུར་དི་རི་རི་བསྒྲོགས་པས། རི་རབ་ལྡེག་ལྡེག་རྒྱ་མཚོ་ཁྱོམ་ཁྱོམ་གནོད་བྱེད་ཐམས་ཅད་སྙིང་འདར་ཡེད་ཡེད་མིག་ཧྲཱིཿག་ཧྲཱིཿག་དཔའ་བོ་ཆེན་པོས་ཅི་གསུངས་བཀའ་ཉན་ནོ། །ཞེས་སྲོག་སྙིང་ཕུལ། ཕྱིན་ཆད་གནོད་སྟེ་ན་ར་ཀན། ཞེས་བརྗོད། ཆོས་སྐྱོང་ཐམས་ཅད་ཀྱི་ཕྲིན་ལས་ཐོགས་མེད་དུ་བསྒྲུབ་ཅིང་། ཕྱོགས་བཅུའི་བདེ་གཤེགས་ཐམས་ཅད་ནམ་མཁའ་ལ་སྤྲིན་ལྟར་འཐིབ་ཅིང་། ཐམས་ཅད་རྟ་མགྲིན་གྱི་སྐུར་གྱུར་ན་ས་ཆར་ལྟར་བབ་སྟེ་བདག་ལ་ཐིམ་པས་ནུས་པ་དང་བྱིན་རླབས་མེ་ལ་ཤིང་བསྣན་པ་ལྟར་ཇེ་ཆེར་སོང་བར་བསྒོམ་ཞིང་། ༀ་ཧིབཛྲ་ཀྲོ་ཏ་ཧྱ་གཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ནཱ་ག་རཀཱ་ནག་པོ་ཏི་པ་ར་ཙ་ཡ་ས་མ་ཡ་ཧཱུྃ། ཡཀཱ་ཀ་ལ་་ཆེན་པོས་གནོད་བྱེད་བསེན་མོའི་སྲོག་རྩ་ལ་རྦད་རྦད། སྙིང་ལ་རྦད་རྦད། ཤ་ལ་རྦད་རྦད། ཁྲག་ལ་རྦད་རྦད། རུས་ལ་རྦད་རྦད། ལྤགས་པ་ལ་རྦད་རྦད། ཀླད་པ་ལ་རྦད་རྦད། །ཡིད་ལ་རྦད་རྦད། གནོད་བྱེད་བསེན་མོའི་ཙིཏྟ་ཟུང་ཟུང་། ཙིཏྟ་རྨུགས་རྨུགས། ཙིཏྟ་ཕྱུང་ཕྱུང་། ཙིཏྟ་གཏུབ་གཏུབ། ཙིཏྟ་ཧཱུྃ་ཧཱུྃ། ཧྲིལ་ཧྲིལ། རྦད་

[Full Size]

ཆད། ཡ་ཡཱ། བྷྱོ་བྷྱོ། བསེན་མོའི་སྲོག་རྩ་ཆོད་ཆོད། སྙིང་རྩ་ཕྱུང་ཕྱུང་། གཏུབ་གཏུབ། ཁཾ་ཁཾ། ལཾ་ལཾ། རྦད་རྦད། དུམ་བུར་རྡུད་རྡུད། ནཱ་ཡི་ག་ར་ཛ་མཱ་ར་ཡ་རྦད་སོད། མྱོགས་བམ་རིལ་མཱ་ར་ཡ་ཆད་ཡ། ཞེས་བརྒྱ་སྟོང་ཅི་འགྲུབ། ཉུང་ན་བདུན་ནམ་གཅིག་ཙམ་རེ་རྒྱུན་བསྙེན་བྱས་ཀྱང་རུང་། རྨི་ལྟས་བུད་མེད་བསད་པའམ། ཕྱག་འཚལ་ཆས་ཀ་ཚུར་ལ་གཏད་པ། ཁས་ལེན་དམ་བཅའ་བྱེད་པ། བུད་མེད་བརྡུང་བ་སོགས་རྟགས་བྱུང་ན་སྔགས་འདོན་མི་རུང་ངོ་། །མཐར། སྤྲུལ་པའི་ཁྲོ་བོ་ཐམས་ཅད་རང་ཉིད་ལ་བསྡུས། དེ་ཡང་མི་དམིགས་པ་རྫོགས་པ་ཆེན་པོའི་ངང་ལ་ཡུན་རིང་དུ་བཞག་པ་དང་། ཐུན་མཚམས་སུ་གདོན་དེ་ལ་སྙིང་རྗེ་དྲག་པོ་བསྒོམ་པ་གལ་ཆེ། སྙིང་རྗེ་མ་སྒོམ་ཞིང་གདོན་ཧ་ཅང་སྟོབས་ཆེན་ཡིན་ན་སླར་ཡང་ལྡོག་དོགས་ཡོད། ནུས་པ་ཆེན་པོས་དེ་ལྟར་བྱས་ན། གདོན་ཕྲན་ཡིན་ན་སྲོག་དང་བྲལ་བས་སྡིག་ཆེ་བར་གསུངས་སོ། །དེས་ན་ཚོད་ཟིན་པར་བྱས་ཏེ། སྔགས་རིང་དེ་ཁྲི་ཚོ་བས་མང་བ་བཟླ་དགོས་མི་སྲིད་དོ། །མཐར་བསྔོ་བ་སྨོན་ལམ་རྒྱས་གདབ་བོ། །དེ་ལྟར་རྒྱལ་པོ་གཟའ་

[Full Size]

ཀླུ་གདོན་རིགས་ཐམས་ཅད་ལ་མིང་བརྗེ་བོ་མ་གཏོགས་ཁྱད་མེད་དོ། །ལྷོག་པ་ཐབ་གཉན་སོགས་ལ་ཡང་སྔགས་རིང་འདི་བས་ཟབ་པ་མེད་དོ། །སྔགས་མཇུག །ནཱ་ག་ར་ཙ་ཟེར་བའི་མཚམས་སུ། བསེན་མོ་ལ་མ་ཏྲི། རྒྱལ་པོ་ལ་རཱ་ཙ། གཟའ་ལ་རཱ་ཧུ་ལ། སོགས་བཙུད་ཀྱང་རུང་སྟེ། ཀླུ་ལ་ནཱ་ག་རཀཱ། རྣོ་སོར་སྦྱར་བ་ཡིན་པས་འདྲ། ཞེས་སྟག་དབང་གིས་བསྐུལ་ནས་ཨ་རཱ་གས་སོ། །མངྒ་ལཾ།། །།

རྟ་མགྲིན་ནག་པོ་ལས། དྲེགས་པ་སྡེ་བརྒྱད་ཀྱི་རླུང་འཁོར་དྲེགས་པ་སྲོག་གི་འཁོར་ལོ་གབ་སྦས་སྤངས་བའི་སྙིང་ཁུ།

[Full Size]

རྟ་མགྲིན་ནག་པོ་ལས། དྲེགས་པ་སྡེ་བརྒྱད་ཀྱི་རླུང་འཁོར་དྲེགས་པ་སྲོག་གི་འཁོར་ལོ་གབ་སྦས་སྤངས་བའི་སྙིང་ཁུ་ཞེས་བྱ་བ་བཞུགས་སོ།

[Full Size]

ན་མོ་གུ་རུ་རྒྱ་ཡ་ཤྲཱི་ཝ་ཧཱུྃ། དཔལ་རྟ་མགྲིན་ནག་པོ་ལ་ཕྱག་འཚལ་ལོ། །ཡང་ཕྱུང་ནག་པོ་ལས་ཕྱི་མ་མཚོན་ཆ་ལྟ་བུའི་མན་ངག་གསུངས་པ། དེ་ལ་ལིང་ག་བྲི་ཚུལ་ཕྱག་ལེན་ཤོག་གུ་ཤིན་ཏུ་གཙང་མ་རང་དང་རང་གི་གྲྭ་སློབ་ཁ་རླངས་དྲི་མ་མེད་པ་ལ་བྲི། སྣག་ཚ་བཟོ་བའི་སྦྱིན་ཡང་རང་གི་འཁོར་གྱིས་བཟོས་པ་མ་ཡིན་པའི་སྦྱིན་གཙང་མས་སྣག་ཚ་བཟོས་པའི་སྣོད་དང་འདུལ་ས་རྣམས་བཀྲུ་བཞར་ལེགས་པར་བྱས་ལ། །སྣག་ཚ་ལ་ཁ་རླངས་དྲི་མ་མ་སོང་བ་གལ་ཆེ་ཞིང་། བྲི་དུས་ལག་པ་དར་རམ་རས་གཙང་མས་ལྕིབས། རངགི་ཁ་རས་གཙང་མས་བསྟུམས་ནས་ཁ་རླངས་མི་

[Full Size]

འགྲོ་བར་བྱས། སྨྱུ་གུ་ཡང་མི་རུས་སམ་བྱ་རོག་གི་སྒོ་རྩ་བྱུང་ན་བཟང་། དོན་ལ་རང་གི་འཁོར་གྱི་དྲི་མ་ཁ་རླངས་སོང་ན་མཐུ་རང་ལ་ལྡོག་པས་དེའི་གནད་ལ་གཟབ། སྣག་ཚ་ནང་དུ་བཙན་དུག་དང་གྲི་ཁྲག་ཅུང་ཟད་བསྲེས་ན་ལེགས། མ་རྙེད་ཀྱང་ཐབས་མི་ཆག །རྒྱ་སྣག་གི་བྲི་མི་རུང་། ར་ཁྲག་དང་ཁྱི་ཁྲག་སོགས་ཀྱིས་བྲིས་ལ། རང་གི་རྟ་ནོར་སོགས་ཀྱིས་བྲི་མི་རུང་། བྲི་དུས་རང་ཁ་ལྷོར་གྱུ། གཟའ་སྐར་ངན་དུས་བྲིས་ན་ལེགས་། ལིང་གའི་ཡན་ལག་ཕྲ་བ་རྐང་ལག་ལྕགས་སྒྲོག་ཏུ་བཅུག་པ་བྲིས་པའི་སྤྱི་བོར་ནན། རྣ་བ་གཉིས་ལ་འོན་གཉིས། མིག་ལ་ལོང་གཉིས། །

[Full Size]

ཁ་ལ་བདུད་པོ་ང་ལོང་། སྐེ་ལ་སྐེམ། དཔུང་མགོ་གཉིས་ལ་ཛཿ གཡོན་ལ་ཧཱུྃ། པུས་མོ་གཡོན་ལ་ཐཾ།་གཡས་ལ་ཧོ་བྲིས། དཔུང་པ་གཉིས་ལ་ཆག །ངར་གདོང་གཉིས་ལ་ཞ་གཉིས། རྐང་ཞབས་ཡཾ་བྲིས། དཔྲལ་བར་དེའི་རུས་པ་རུས་ཕྲན་གང་ཡིན་དེ་བྲི་སྟེ། དཔེར་ན་སྡོང་ཡིན་ན་སྡོང་ཟེར་བ་བྲི། དེ་བཞིན་དུ་དབྲ་འབྲུ་སྒ་སྒོ་བལ་ཟླ་ཤེས་སམ། དེ་མི་ཤེས་ན་མི་ཉག་ངོ་ཁྲོ་ཞེས་སོགས་རུས་ཕྲན་གང་ཡིན་དེ་བྲི། རུས་མི་ཤེས་ན་ཡི་གེ་ཛཟེར་བ་བྲི། འབྲུ་ཡིན་ན་རྐྱང་། དབྲ་ཡིན་ན་གཡག །སྒོ་ཡིན་ན་ར་བྲི་བ་ནི་མན་ངག་གཞན་ལ་མེད་པ་ཡིན། འདི་ཡི་གེ་ལ་འགོད་པ་མེད་དོ། །བླ་དག་ནི་དགྲ་བོ་གང་ཡིན་དེ་ཡི་མ་ཡིན། མིང་རུས་བྲི་བ་ཡིན་ནོ། །མིང་དང་མིང་འདྲ་ལྷ་འདྲེས་ནོར་དོགས་པས། ལིང་གའི་བླ་དེ་ལ་མ་འདི་ཞེས་བྱ་བའི་བུ་འདི་ཁུག་ཟེར་བ་བྲི། ལིང་གའི་སྙིང་གར་ནྲྀ་འོག་ཏུ་ཁུག །སྟེང་དུ་ནན་ཟེར་བ་བྲིས། གཡས་གཡོན་ཛ་ཁ་སྤྲོད་དྲི། ཛྫབྦྷ ཛ་ཁ་བརྒྱད་འདི་བྲིས་ན་ཟབ་པ་ཡིན། ལིང་གའི་ལྟོ་བ་གཡོན་ངོས་ནས་ཡིག་མགོ་ཕྱིར་བསྟན་ལ་སྔགས་འཇུག་ནང་དུ་བཅུག་ལ་བྲིས། སྡེ་བརྒྱད་སོ་སོའི་བར་དུ་ལྟེམ་རྒྱུ་ལིང་ག་ཐམས་ཅད་གཅིག་གོ །དཔེར་ན་ལྷ་

[Full Size]

གཤིན་རྗེ་གཉིས་ཀྱི་བར་དུ་ལིང་ག་འཇོག་རྒྱུ་ལ། ཨ་དེ་ཝ་དགྲ་བོ་ཨངྐུ་ཤ་ཛཿ ཡ་མ་རཀྵ་ཨང་ཀུ་ཤ་ཛཿ གཞུང་དུ་ཡོད་པ་ལྟར་བླ་འགུགས་སྔགས་དགྲ་བོའི་བླ་ཤ་རེ་མ་ཏི་སོགས་ནས། ཐཾ་ཧོབར་དང་། དགྲ་བོ་འདི་ཞེས་བྱའམ་དགྲ་དུ་ཡོད་མིང་རུས་རྣམ་པར་ཤེས་པ་ཁུག་ཅེས་བྲིས་སོ། །དེ་བཞིན་མ་མོ་བདུད་སོགས་ལིང་ག་ཁྱད་མེད་ཀྱང་། མ་མོ་ཏྲག་རིཀ་ཨང་གུ་ཤ་ཛཿ དུ་བདུད་ཕྲ་མ་རཀྵ་ཨང་གུ་ཤ་ཛཿ བླ་འགུགས་བཏགས་པ་སྤེལ་ཚིག་བཅས་པ་གོང་དུ་འགྲེས། ལིང་ག་ཐམས་ཅད་ཕྱི་ནས་བྲིས། ལིང་གའི་ཕྱི་རིམ་ནས་རྐང་འོག་ངོས་ནས་ཡིག་མགོ་ཕྱིར་བསྟན་སྔགས་མཇུག་ནང་འོང་བར་བྱས་ཏེ་ཨོཾ་མ་ཧཱ་དེ་ཝ་ཏི་ཛ་ཏི་སོགས་ནས། གཞུང་ལྟར་ར་ཙ་ནན།་ཐི་ལེ་ནན་ཡན་གྱི་བསྐོར། ལིང་གའི་དཔྲལ་བར། ཁྲམ་འདི་འདྲ་བྲིས། སྟེང་འོག་ལྷ་གཉིས་སྡེ་བརྒྱད་སོ་སོ་གང་ཡིན་ཁྲམ་སྔགས་གཉིས་བྲི། དེ་བཞིན་ལིང་གའི་ཕྱི་ནས། ཁྲམ་བརྒྱད་དང་། ཁྲིམ་སྔགས་གཉིས་སྦྲེལ་ལ་སྤེལ་མར་བྲི། བྲི་ཚར་ནས་བྲི་མཁན་ཁ་རླངས་དྲི་མ་དག་པར་བྱ་ཕྱིར་ལིང་ཁྲུས་སྤྱི་ལྟར་བྱས་ལ། མེ་ཁ་ལ་ལན་གསུམ་གཡུག །རླུང་ཁ་ན་ལན་གསུམ། དེ་ནས་སྐུད་པས་ལེགས་

[Full Size]

པར་དཀྲིས་ལ། སརྦ་ཆད་ཀ་ཤི་ཆད་ཀ་ཤི །སྔགས་དེ་ལ་ཕྲེང་སྐོར་འདོན། མཆིག་གི་མིང་ནང་ནས་ལན་གསུམ་དྲངས། མཐུ་མི་འབྱམས་པའི་མན་ངག་རང་གི་བརླ་གཡས་ལ་གཡས་བསྐོར་ལན་གསུམ་བསྐོར། མཐུ་རང་ལ་ལྡོག་མི་སྲིད། སྒོ་ཐེམ་འོག་ནས་ལན་གསུམ་འདྲེན། འདྲེན་ལུགས་རང་སྒོ་ཐེམ་སྟེང་དུ་འདུག །རང་ངོས་ནས་འདྲེན་འཁོར་ལ་གནོད་མི་སྲིད། དགྲ་བོ་ཚེ་ཟད་བརྒྱག་ཆད་པའི་མན་ངག །སྟེང་འོག་ལྷ་གཟུགས་ཀྱི་སྔགས་རྣམས་སྟེང་མ་སྔགས་མགོ་ནང་བསྟན། འོག་མ་ཕྱིར་བསྟན། གཉིས་ཀའི་སྔགས་མཇུག་ནང་དུ་འོང་བར་བྱས། རླུང་འཁོར་གཡོན་དུ་འཁོར་བར་བྱས། གུར་དྲག་དྲེགས་པའི་སྲོག་དབང་ལེགས་པར་ཐོབ་དགོས། རྟ་མགྲིན་ཡོང་ཕྱུང་གི་བསྙེན་སྒྲུབ་ཚད་དང་མི་ལྡན་པས་འདི་ཉིད་ལག་ལེན་མི་རུང་བས། གཏད་ཁྲམ་གནད་སོགས་མ་ལུས་པ་འདི་བཀོད་པས། དྲག་སྔགས་གནད་དམ་པ་ཡིན་པས། གང་ཡིན་ཡིན་སྤེལ་ན་དུག་བཙོང་པ་དང་འདྲ། ཆིག་བརྒྱུད་མ་གཏོགས་སྤེལ་ན་དྲེགས་པ་སྡེ་བརྒྱད་ཀྱིས་སྲོག་རྩ་ཆོད་ཅིག །ཀརྨ་རཱ་ག་ཨ་སྱས་བྲིས།། །།

ས་ནད་རྩ་འབུའི་བཅོས་དང་སྲུང་བ་ཟབ་མོ།

[Full Size]

ས་ནད་རྩ་འབུའི་བཅོས་དང་སྲུང་བ་ཟབ་མོ་བཞུགས་པའི་དབུའོ།།

[Full Size]

ན་མོ་ཧ་ཡ་གྲྭ་ཝ་ཀཱ་ལ་ཡེ། བླ་མ་ཡི་དམ་དབྱེར་མེད་སྤྱན་རས་གཟིགས། །རྟ་མགྲིན་ནག་པོའི་ཞབས་ལ་ཕྱག་འཚལ་ནས། །སྙིགས་དུས་ནག་ཕྱོགས་ཀླུ་གཉན་ཁ་དར་ནས། །གཉན་ནད་ལྷོག་པ་སྤུན་དགུ་མེ་ལྟར་འབར། །འགྲོ་ལ་ཕན་ཕྱིར་དེ་ཉིད་སྲུང་བ་དང་། །གསོ་ཐབས་མན་ངག་འཐོར་བ་བསྡུས་ཏེ་བཀོད། །ཆོས་བདག་སྲུང་མས་བཀའ་གནང་བྱིན་གྱིས་རློབས། །གདོན་ནི་ཀླུ་གཉན་གདུག་པའི་ཁ་རླངས་ཏེ། །ངོ་བོ་སྲིན་བུའི་གཟུགས་ཅན་སྐུ་རྩེ་ཙམ། །དབྱེ་བ་མེ་ཆུ་རླུང་སོགས་དཀར་ནག་དགུ། །ནང་རྟགས་འདར་ཞིང་ཟུག་མེད་འབུར་རུ་བུད། །རིམ་པས་

[Full Size]

སྐང་ཞིང་མ་ལུས་བཟོད་བླག་མེད། །ནང་དུ་སོང་ན་སྐང་མེད་གློ་བུར་འཆི། །དེ་ནས་བཅོས་པའི་ཐབས་ནི་འདི་ལྟ་སྟེ། །མི་ཆེན་ཡུལ་དུ་ཕེབས་པ་ལ། །གསེར་ཞོ་གང་གི་ཇ་འདྲེན་བཏང་། །ཞེས་པ་སྐྱེར་པ་ཞུ་མཁན་ཁུ་བ་ཕོར་གང་བཏུང་། །འབུ་རུའི་རྩེ་ལ་སྦྲང་དང་ཀ་ར་བྱུགས། །འབུ་རུའི་རྒྱབ་ཀྱི་སོར་བ་བཞི་རྩ་འམ། །སྐང་པའི་མཐའ་ནས་རམ་དང་བཙག་དང་ནི། །བ་བླ་རྣམས་ཀྱི་འཇའ་ཡིས་རིམ་བཞིན་བསྐོར། །དེ་རྒྱབ་སྐྱང་པ་ཁྱི་ལུད་བྱུགས་པས་བསྐོར། །མིང་ཆེན་ཡོད་ན་ཆང་དང་འོ་མས་སྦྲུས། །སྐྱང་པ་ལ་ནི་འབྱར་བྱས་ཤིན་ཏུ་ཕན། །ཁྱུང་

[Full Size]

ལྔའི་ཁོང་སྨན་བཏང་རྒྱུ་ཡོད་ན་བཟང་། །ཡང་ན་གླ་རྩི་ཆུ་ལ་སྦྱར་བ་བཏང་། །རྫས་སྨན་མེད་ཀྱང་སྔགས་དང་སྔགས་ཆུས་ཐུབ།་རང་ཉིད་བྲམ་ཟེ་འཇིགས་རུང་བ། །སྨིན་མ་སྨ་ར་དམར་སེར་ལ། །མེ་ཡི་ཚྭ་ཚྭ་འཕྲོ་བར་བསྒོམ། །སྔགས་ཚུ་ཁྲོ་ཆུ་ཁོལ་མ་བསྒོམ། །ལྷོག་པ་ལྡོག་བདག་འཁོར་དང་བཅས། །ཁྲོ་ཆུ་ཁོལ་མས་བསྲེགས་པར་བསྒོམ། །སྔགས་བཏབ་སྔགས་ཆུ་འཐུང་དང་བྱུགས། །དུད་འགྲོ་ཡིན་ན་སྔགས་ཆུ་འདེབས། །ཁོང་དུ་བཏང་བས་ཕན་པ་ཡིན། །ཨོཾ་རཀྵ་རཀྟ་བྱེ་མ་རཀྵ་སོད། དམར་ཡ་དམར་ཡ་ནག་པོ་ཐུམ་ཧྲིལ་ལེ་བསད་སོད་སྭཱ་ཧཱ། ལྡོག་རོ་བཤའ་དགོས་བྱུང་ན། །རང་ཉིད་ཁྱུང་ནག་འཇིགས་རུང་བ། །རྭ་མཆུ་སྡེར་མོ་སྒྲོ་ཀུན་ལས། །མེ་ལྕེ་རབ་འབར་ཚྭ་ཚྭ་འཕྲོ། །སྔགས་ཆུ་ཁྲོ་ཆུ་ཁོལ་མ་ཡིས། །ལྟོག་པ་ལྡོག་བདག་བསྲེགས་པར་བསྒོམ། །སྔགས་ཆུ་འཐུང་ཞིང་ལག་པ་བཀྲུ། །ལྷོག་རོ་ལ་ཡང་སྔགས་ཆུས་བྲན། །བཤའ་བའི་གྲི་རྣམས་ཐམས་ཅད་བསྔགས། །གྲི་དེ་ཁྱུང་གི་མཆུ་རུ་བསྒོམ། །ལྷོག་རོ་དེ་ནི་སྦྲུལ་དུ་བསྒོམ། །ཁྱུང་གིས་སྦྲུལ་ནི་ཟོས་པར་བསྒོམ། །དེ་ནས་ལྷོག་རོ་བཤའ་བྱས་ནས། །ཤ་རྣམས་ཁྲག་ཐིགས་མེད་པར་བཙོ། །དེ་

[Full Size]

ནས་བཙོང་དང་ཟ་བར་རུང་། །རྔ་རྩེ་རྭ་རྩེ་རྨིག་པ་དང་། །མཆིན་མཚེར་བཙོ་གྲོད་རྣམས་ལ་གནས་པའི་ཕྱིར། །བསྲེགས་ནས་ས་ནི་གཙང་བ་ཡིན། །དོང་དུ་གལ་ཏེ་སྦྲ་ན་ནི། །དེ་སྟེང་མེ་ནི་འབུད་པར་བྱ། །དབུས་གཙང་མཁས་པས་བདག་ལ་གདམས། །ལག་ལེན་ཡོད་ཅིང་ངེས་ཤེས་གསུངས། ཨྠྀི། ཡང་ནི་གཉེན་དང་ལྷོག་པའི་སྔགས། །རང་ཉིད་ལྕགས་ཀྱི་ཕག་རྒོད་ནི། །ཤིན་ཏུ་འཇིགས་པ་རི་རབ་ཙམ། །ནད་བདག་ཐམས་ཅད་ཟ་བར་བསྒོམ། །སྔགས་བཏབ་སྔགས་ཆུ་བླུད་པར་བྱ། །འཇིགས་ཟིང་ཟིང་སོད། མེར་མེར་སོད། ལྷུག་ལྷུག་སོད། དེ་ནི་ཨོ་རྒྱན་གསུང་ཡིན་ཟབ།་་།ཨྠྀི། རང་ཉིད་ལྕགས་ཀྱི་ཕག་རྒོད་ནི། །ནད་དང་ནད་བདག་ཟ་བར་བསྒོམ། །ཨ་རྦད་སོད༔ ལྷོག་པ་སོད། པྲ་མ་སོད། སྔགས་དང་སྔགས་ཆུས་ལྷོག་རོ་སོས། །ལྷོག་རོ་ཁུར་དང་བཤའ་ཡང་ཕོད། །བྲམ་ཟེ་ཕྲུ་གུའི་མན་ངག་ཡིན། །ཨྠྀི། རང་ཉིད་ལྕགས་ཀྱི་ཕག་རྒོད་ནི། །མགོ་གསུམ་ཁ་ནི་མེ་ལྕེ་འབར། །སྣ་སྟེང་གསེར་གྱི་བྱ་ཁྱུང་ལྡིང་། །ཕག་རྒོད་ངར་ངར་ངུར་ངུར་བྱེད། །གཉན་དང་ལྷོག་པ་ཟ་བར་བསྒོམ། །ཨོཾ་དྷར་དྷི་སོད། ཨོཾ་

[Full Size]

རོ་སོད། ཡོ་རྒོད་སོད། འབྲུ་ཟི་སོད། ནན་གྱི་སོད། ར་ཀྱིས་དྲི་སོད། མེ་ལྷོག་སོད། ཆུ་ལྷོག་སོད། ཐུམ་ཤིག་ཕཊ་སྭཱ་ཧཱ། བརྒྱ་རྩ་བརྒྱད་ཀྱིས་གཉན་རྣམས་འབྲོས། །སྟོང་ཚོ་བཟླས་ན་གག་པ་དང་། །ལྡོག་པའི་ནད་ནི་སོས་པར་བྱེད། །གག་ལྷོག་གཉིས་ལ་ཐེང་བས་ཆོག །སྔགས་ཆུ་འཐུང་ཞིང་ལག་པ་བཀྲུས། །ལྷོག་རོ་ཁུར་དང་བཤའ་ཡང་ཆོག །རྟ་མགྲིན་ནག་པོའི་གདམས་ངག་ཡིན། །རཏྣ་གླིང་པའི་གཏེར་ནས་བྱོན། །ཨྠྀི། །ལྷོག་སྔགས་ཅི་ལི་དགུ་སྐོར་འདི། །ངག་བཅད་ཁྲི་ཕྲག་གཅིག་བཟླས་ནས། །ལྷོག་པའི་ནད་ལ་སྔགས་ཆུ་བཏང་། །སྐྱེར་ཁུ་བླུད་ཅིང་འབུ་རུ་ལ། །གོང་ལྟར་འཇའ་རིས་ལ་སོགས་བྱ། །ལྷོག་རོ་རྒྱུད་པ་འབུད་ནས་ཕན། །ནོར་སྲུང་སྲུང་སྐུད་སྔགས་ལ་བཏགས། །རྟ་དྲེལ་ཆུ་བྱའི་བྱུང་ན་ཡང་། །སྣང་མཐའ་སྒྲོན་ཤིང་དུད་པ་འམ། །མེད་ན་སུར་ནག་དུད་པས་བསྲེགས། །སྔགས་ཆུ་བཏང་ཞིང་སྔགས་མང་བཏབ། །སྐྱེར་པའི་མདེའུ་མདའ་རྩེ་ལ། །མདེར་རྩེ་ཚོན་གང་བ་དེ་ན། །རྒྱུས་པས་དཀྲིས་ཏེ་ཟུག་ཚོད་བཟུང་། །ཞག་གསུམ་ལོན་ནས་སྐང་པ་ལ། །མདའ་དེ་བརྒྱབ་ལ་ཆུ་སེར་བཙག །གཞན་ཡང་ཐལ་གཉན་སྐང་པའི་

[Full Size]

རིགས། །སྔགས་དེ་སྔགས་ཁ་དྲོས་ནས་ནི། །ཐམས་ཅད་ཀུན་ལ་འདི་ཡིས་ཕན། །ཨོཾ་ཙི་ལི་སོད། ཙ་མ་ལི་སོད། ཙ་ཏི་སོད། ཚ་ཏི་སོད། ཆུ་ཏི་སོད། འབྲམ་ཏི་སོད། འབུམ་ཏི་ཧ་ར་སོད། ལྷོག་པ་དཀར་ནག་གཉིས་ཀྱི་དབལ་སོད། །ལག་ལེན་ཡོད་གསུང་སློབ་དཔོན་ནི། །སྔགས་རྒྱུན་ཅན་གྱི་གདམས་ངག་ཡིན། །ཨྠྀི། །ཡང་ལྷོག་པ་བཅོས་དང་སྲུང་བའི་ཐབས། །བྱ་སླ་ཕན་ཆེའི་གདམས་ངག་ཡོད། །མི་ཡི་ནོར་ཕྱུགས་གང་ན་ལ། །ལུས་ཀྱི་མགོ་མཇུག་ཕུ་མཆིལ་བཏབ། །སྔགས་ཆུ་ཁོང་དུ་བཏང་བས་ཕན། །དུད་འགྲོའི་སེམས་ཅན་ན་དོགས་ན། །སྔགས་ཆུ་བླུད་པས་མི་ནའོ། །ཤ་ལ་སྔགས་བཏབ་ཟོས་པ་ཡིས། །ཤ་ཡི་རྒྱུད་ནས་མི་འགོས་སོ།་ཨོཾ་མེ་ཏྲི་དུ་བས་སོད། །ཨོཾ་མེ་ཡ་མ་མེ་ཡ་མ་སོད། མགོ་གེ་མགོ་གེ་སོད། ཐོག་ཐོག་དབལ་སོད། སྔགས་དེ་མང་དུ་བཟླ་བར་བྱ། །དེ་རྣམས་སྔགས་གྲངས་ངེས་པ་མེད། །ཨྠྀི། །དེ་ནས་ལྷོག་སྲུང་འཁོར་ལོ་བཤད། །སྔགས་འབྲི་ཡི་གེ་དབུ་ཅན་ལ། །ཚེག་ནི་མེད་པ་ཕྲེང་གཅིག་བྲི། །ཁང་རྒན་དུད་པ་ཁུལ་མོའི་སྤུ། །ཁུལ་ཁའི་ས་ཚིག་གླ་རྩི་རྣམས། །རྫས་ཡིན་དེ་ལ་བྱུགས་

[Full Size]

པའོ། །ཅུང་ཟད་ཤོག་དྲིལ་གསེབ་ཏུ་བླུགས། །རང་སྔགས་སྟོང་གིས་ཤོག་དྲིལ་སྔགས། །རྟེན་འབྲེལ་སྙིང་པོས་རབ་གནས་བྱ། །ཤོག་དྲིལ་མཛུག་ནས་ཡར་ལ་དྲིལ། །ཕྱིང་པ་དཀར་པོས་གཡོགས་བྱས་ལ། །སྐུད་པ་སུམ་སྒྲིལ་ལུང་བྱས་ནས། །རྟ་ནོར་མགུལ་དུ་བཏགས་པས་སྲུང་། །ཨོཾ་གྲི་གསུ་ནན། ཀུ་རུ་ནན། ཅིར་ཡ་སོད། གཉིད་ཡ་སོད། ལྷོག་་ལྷོག་ཁུལ་ག་སོད། ཨ་ཞི་ཞི་མལ་མལ་སོད་སྭཱ་ཧཱ། འཆང་བ་པོ་ལ་ལྷོག་པའི་གནོད་པ་སྲུངས་ཤིག་རཀྵ་རཀྵ། དེ་ནི་ལྷོག་སྲུང་མན་ངག་གོ །འདི་ལྟར་མན་ངག་དུ་མ་རྣམས། །ཕྱོགས་གཅིག་བསྡུས་པའི་དགེ་བ་འདིས། །སེམས་ཅན་ཐམས་ཅད་བདེ་གྱུར་ཅིག །ཉེས་འགལ་མཆིས་ན་ལྷ་ལ་བཤགས། །ཆོས་འཕེལ་ཞེས་བྱས་བསྐུལ་བྱས་ནས། །སྔགས་པ་རྭ་ག་ཨ་སྱས་སྦྱར། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགོངས་གཏེར་རྟ་མགྲིན་ལྗང་གུའི་དབང་།

[Full Size]

དགོངས་གཏེར་རྟ་མགྲིན་ལྗང་གུའི་དབང་བཞུགས་སོ༔

[Full Size]

རཏྣ་གུ་རུ་ནི་མོ༔ དགོངས་གཏེར་རྟ་མགྲིན་ལྗང་གུའི་ཟིན་བྲིས་བྲི༔ ཆོས་བདག་སྲུང་མས་བཀའ་ཡི་གནང་བ་སྩོལཿ ཚེ་རྟ་མགོ་འབྲེལ་ཚུལ་དུ་འདི་བསྐུལ་ན༔ ཟན་བུམ་སྟེང་དུ་མར་གྱི་རྟ་མགོ་ནི༔ ནོར་བུས་མཚན་པ་བྱས་པས་འཐུས་པ་ཡིན༔ ལོགས་སུ་བྱེད་ན་རྗེས་གནང་གཏོར་མ་ལ༔ སྐུའམ་ནོར་བུས་མཚན་པའི་རྟ་མགོ་བཙུགས༔ བུམ་པ་མཆོད་གཏོར་ལ་སོགས་སྤྱི་ལྟར་བཤམས༔ དྲན་རྫོགས་དམ་ཡེ་དབྱེར་མེད་ལྷ་བསྐྱེད་དེ༔ སྐྱབས་སེམས་དེ་ནང་སྤྱི་འཚམས་སོང་བས་འཐུས༔ བདག་ཉིད་དང་བུམ་པའི་ནང་དང་གཏོར་མའི་རྩེར༔ རྟ་མགྲིན་སྐུ་མདོག་ལྗང་གུ་ཕྱག་གཉིས་གྲི་ཐོད་འཛིན་པ༔ ཁྲོ་བོའི་ཆས་ཐམས་ཅད་ཀྱིས་བརྒྱན་པ༔ དབུ་གཙུག་རྟ་མགོས་མཚན་པ༔

[Full Size]

དེའི་གནས་གསུམ་ཡི་གེ་གསུམ་དང་ཐུགས་ཀར་ཉི་སྟེང་ཧི༔ཡིག་ལྗང་གུའི་མཐར་སྔགས་ཕྲེང་གཡས་སུ་འཁོར་བ་ལས་འོད་ཟེར་ཕྱོགས་བཅུར་འཕྲོས་པས༔ སངས་རྒྱས་ཀྱི་ཞིང་ཐམས་ཅད་ནས་རྟ་མགྲིན་ལྗང་གུ་ཆར་བཞིན་བབ་ནས་བདག་མདུན་བུམ་ལྷ་སོ་སོར་ཐིམ་པས་ཡེ་ཤེས་གཞུག་པ་དང་དབང་བསྐུར་བ་དུས་གཅིག་ཏུ་བྱས༔ བུམ་ལྷའི་སྐུ་ལས་བདུད་རྩིའི་རྒྱུན་བབ་བུམ་པ་གང་བར་གྱུར༔ ཨོཾ་བྱ་ཤྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཅེས་བརྒྱ་རྩ་ལས་མི་ཉུང་བ་བཟླས་སོ༔ ཨ་བྷཾ་སོགས། ཁྲོ་བོའི་རྒྱལ་པོ་རྟ་མཆོག་དཔལ༔ རྟ་སྐད་དྲག་པོ་བསྒྲགས་པ་ཡིས༔ གདུག་པ་

[Full Size]

མ་ལུས་འདུལ་མཛད་པ༔ ཁྲོ་བོའི་རྒྱལ་ལ་ཕྱག་འཚལ་བསྟོད༔ དེ་ནས་སློབ་མ་འདུས་ཏེ་ཁྲུས་བྱས་མཎྜལ་ཕུལ་ནས༔ འོ་ན་ད་ལམ་ཁྱེད་རྣམས་ལ་རྟ་མགྲིན་ལྗང་གུའི་དབང་ཞིག་བསྐུར་བ་ཡིན་ཏེ༔ དེ་ཡང་བཅོམ་ལྡན་འདས་བདེ་བ་ཆེན་པོ་པདྨ་གར་གྱི་དབང་ཕྱུག་དེ་ཉིད་འོག་མིན་གྱི་གནས་ན་བཞུགས་པའི་ཚེ༔ དྲེགས་བྱེད་སྣ་ཚོགས་སྤྲུལ་ཞེས་བྱ་བ་མ་རུངས་པ་ཞིག་གིས་སེམས་ཅན་ཐམས་ཅད་ལ་གནོད་པ་བྱས་པས༔ དཔལ་རྟ་མཆོག་རོལ་པའི་དཀྱིལ་འཁོར་དུ་སྤྲུལ་ནས་བཏུལ༔ རྟ་མགྲིན་གྱི་དཀྱིལ་འཁོར་རྒྱས་པའི་རྒྱུད་གསུངས༔ དེར་བདུད་ཀྱི་རྒྱལ་པོ་མྱ་ངན་སྐྱེས་ཏེ༔ དུག་ལྔ་རབ་ཏུ་འབར་ཏེ་ཁྲོས་ནས་རང་གིས་དྲག་སྔགས་བརྗོད་ཅིང་འཇིག་རྟེན་གསུམ་འཁྲུགས་པར་བྱེད༔ མི་ནད་དང་མུ་གེ་དང་འཁྲུག་པ་དང་མཚོན་ཆའི་ཆར་དང་༔ ལོ་ཏོག་ཐམས་ཅད་འཇོམས༔ འབྱུང་པོ་ཐམས་ཅད་འཇིགས་གཟུགས་དང་ཉེས་པ་སྣ་ཚོགས་རྒྱུན་མི་ཆད་པར་བཏང་༔ ས་གཞི་ཐམས་ཅད་མེ་རུ་འབར་བ་དང་༔ ཆུས་གང་བ་དང་༔ དུག་དང་དབྱིག་དུག་ལ་སོགས་པའི་ནད་ནི་རླུང་ལྟར་འཚུབས༔ མཐོ་རིས་དང་ཐར་པའི་ལམ་ལ་བར་དུ་གཅོད༔ མི་རྣམས་ཀྱི་སེམས་ནི་

[Full Size]

བསྒྱུར༔ འགྲོ་དྲུག་སྡུག་བསྔལ་ལ་བཀོད་དོ༔ དེར་སངས་རྒྱས་བཅོམ་ལྡན་འདས་ཀྱི་ཐུགས་ཀ་ནས་ཁྲོ་བོ་རྟ་མགྲིན་གྱི་དཀྱིལ་འཁོར་དུ་སྤྲུལ་ནས་དམ་ལ་བཏགས་སོ༔ དེ་ནས་བསྐལ་པ་འདི་ལ་སངས་རྒྱས་འོད་སྲུངས་ཀྱི་བསྟན་པའི་མཇུག་ཏུ་བདུད་ཀྱི་རྒྱལ་པོ་མ་ཏྲཾ་རུ་ཏྲས་སེམས་ཅན་རྣམས་བསད་ཅིང་ཟོས་པས་བསྐལ་པ་སྟོངས་ལ་ཁད་པ་དང་༔ བཅོམ་ལྡན་འདས་ཀྱིས་རྟ་མགྲིན་གྱི་དཀྱིལ་འཁོར་དུ་སྤྲུལ༔ རྟ་མགྲིན་གྱི་རྟེའུ་སྔོན་པོར་སྤྲུལ་ནས་བདུད་ཀྱི་ཁོག་ཏུ་ཞུགས་ཏེ་བསྒྲལ༔ ལུས་འཕྲོག་པས་ཁྲོ་བོ་རྟ་མགྲིན་གྱི་སྐུར་གྱུར༔ སེམས་དམ་ལ་བཏགས་པས་བསྟན་སྲུང་མ་ཧཱ་ཀཱ་ལར་གྱུརཿ དེའི་ཚེ་རྟ་མཆོག་རོལ་པའི་རྒྱུད་གསུངསཿ ཕྱིས་སྤྲུལ་སྐུ་ཤཱཀྱ་ཐུབ་པས་རྟ་མགྲིན་རྟོགས་པ་བདུན་བརྒྱ་པ་སོགས་གསུངས༔ དེ་དག་ནི་རྟ་མགྲིན་གྱི་རིགས་དཔག་ཏུ་མེད་པ་གསུངས་པས་རྟ་མགྲིན་གྱི་རིགས་རྟ་མོག་རོའི་སྤུ་གྲངས་ཙམ་ཡོད་པར་གྲགས༔ ཁྱད་པར་རྒྱུད་སཾ་བུ་ཊི་ལས་རྟ་མགྲིན་ལྗང་གུ་ཞལ་བཞི་ཕྱག་བརྒྱད་པ་ཅིག་གསུངས༔ རྙིང་མ་སྤྱིའི་མཚམས་ལྷ་ལ་རྟ་མགྲིན་ལྗང་གུ་ཕྱག་གཉིས་པ་ཅིག་གསུངས༔ འདི་ནི་དགོངས་གཏེར་གྱི་ལུགས་ཡིན་ཏེ༔

[Full Size]

སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཅིག་ནས་བཟུང་ལོ་གསུམ་ལ་གནམ་ཆོས་ཐུགས་ཀྱི་གཏེར་ཁ་པོ་ཏི་བཅུ་གསུམ་ཙམ་བྱུང་༔ དེ་ནས་དགོངས་གཏེར་ཐུགས་ཀྱི་ཀློང་གསལ་ཡང་དེ་ཙམ་ཅིག་དང་༔ དེ་ནས་ས་གཏེར་བརྒྱ་རྩ་འདོན་པའི་རྟེན་འབྲེལ་ཡོད༔ དགུང་ལོ་བཅུ་བདུན་པ་ལ་དགོངས་གཏེར་རྫོགས་ནས༔ དབང་སྣ་ཡ་ཟུང་ཞིག་ཕབ་པའི་ནང་ནས་འདི་བྱུང་བ་ཡིན༔ ཆོས་ཡང་དག་པར་སྡུད་པའི་མདོ་ལསཿ བྱང་ཆུབ་སེམས་དཔའ་བསམ་པ་དག་པ་ལ་ལ་ནི་རང་གི་ཡིད་ཀྱི་དཔྱོད་པ་ཉིད་ལས་གདམས་ངག་རྗེས་སུ་བསྟན་པ་ཐམས་ཅད་འབྱུང་ངོ་༔ ཞེས་གསུངས་པ་དང་མཐུན་ཏེ༔ བཀའ་མ་ལས་གཏེར་མ་ཟབ་གཏེར་མ་ལས་གནམ་ཆོས་ཟབ༔ གནམ་ཆོས་ལས་དགོངས་གཏེར་འདི་ཟབ་པ་ཡིན་ནོ༔ རྟ་མགྲིན་འདིའི་ཕན་ཡོན་ནི༔ རྟ་མཆོག་རོལ་པ་ཁྲོ་བོ་རྣམ་པར་རོལ་པའི་རྒྱུད་ཆེན་པོ་ལས༔ དབང་མཆོག་ཁྲོ་བོ་རྟ་མགྲིན་དང་༔ རྒྱུད་རྒྱལ་རིན་ཆེན་ཕུང་པོ་ལ༔ གང་གིས་མཐོང་ཙམ་མོས་པ་དེ༔ དེ་ནི་ནད་སོགས་འཇིགས་ལས་གྲོལ༔ གང་གིས་ཡི་དམ་ལྷར་བཟུང་བ༔ དེ་ནི་སྐྱེ་བ་བདུན་བརྒྱ་རུ༔ དམྱལ་བ་ལ་སོགས་སྤང་བ་སྟེ༔ རྒྱུན་དུ་ལུས་

[Full Size]

སེམས་ལྷར་འཆར་ཞིང་༔ ཞིང་ཁམས་དག་པའི་ས་ལ་རོལ༔ ཡི་གེ་རེ་རེ་འབུམ་བཟླས་ན༔ ཚེ་འདི་ཉིད་ལ་ཞལ་མཐོང་འགྱུརཿ གཏོར་མ་ཤས་ཅིག་བྱིན་པ་ཡང་༔ འཇིག་རྟེན་ས་ལ་དབང་བར་འགྱུར༔ སྔགས་ཙམ་ཡང་ཡང་བརྗོད་པ་ཡང་༔ དེ་ལ་ལྷ་སྲིན་འཚེ་བ་སྤང་༔ ཞེས་དང་༔ རྟ་མགྲིན་དྲེགས་པ་དབང་སྡུད་ཀྱི་རྒྱུད་ལསཿ འབྲས་བུ་ཐུན་མོང་གྲུབ་ཆེན་བརྒྱད༔ མཆོག་ལ་རིག་འཛིན་རྣམ་བཞི་དང་༔ སྐུ་གསུམ་སྐུ་བཞི་སྐུ་ལྔ་སོགསཿ ཕྱག་རྒྱ་ཆེན་པོ་མཆོག་འགྲུབ་བོ༔ ཞེས་དང་༔ རྟ་མགྲིན་ཡང་གསང་ཁྲོས་པའི་རྒྱུད་ལས་༔ ནམ་ཞིག་དུས་ཀྱི་ཐ་མ་ལ༔ སྔགས་པ་ནང་འགྲས་ཆོད་གཏོང་བྱེད༔ དེ་ཚེ་ཟབ་པའི་ཁྱད་འདོན་ན༔ ནད་དང་གདོན་རྣམས་སྲུང་བ་དང་༔ ཕྲིན་ལས་དམིགས་པ་གང་བྱེད་ཀྱང་༔ རང་ཉིད་རྟ་མགྲིན་སྐུར་གསལ་ནས༔ སུས་ཀྱང་ཚུགས་པར་མི་འགྱུར་ཏེ༔ སྟོང་པའི་གོ་ཆ་བླ་ན་མེད༔ འདི་ནི་སྲུང་བའི་རྒྱལ་པོ་ཡིན༔ ཞེས་དང་༔ ཨུ་རྒྱན་རིན་པོ་ཆེའི་ཞལ་ནས༔ དབང་རྫོ་གས་སྐྱེས་བུ་སུ་དང་སུས༔ མཐས་ཀྱང་སྲིད་པ་བར་དོ་ནས༔ བདེ་ཆེན་འབར་བའི་གཞལ་ཡས་སུ༔ ཡི་

[Full Size]

དམ་ལྷ་ཡིས་འཁྲིད་པར་འགྱུར༔ ཞེས་དང་༔ རྟ་མགྲིན་རྣམ་པར་བཀོད་པའི་མདོ་ལསཿ དཔལ་རྟ་མགྲིན་འདིའི་མཚན་སྔགས་འབུ་སྲིན་ཡན་ཆད་སུའི་རྣ་བར་ལན་གཅིག་ཐོས་ན་ཡང་ངན་སོང་གི་སྐྱེ་སྒོ་ཆོད་ནས་བྱང་ཆུབ་སེམས་དཔར་འགྱུར་གསུངས་ན་དབང་ཐོབ་ན་ཕན་ཡོན་སྨོས་ཅི་དགོས༔ དེ་ལྟ་བུའི་དབང་ཟབ་མོ་ཞུ་བའི་ཕྱིར་རྗེས་ཟློས་མཛོད་དུས་གསུམ་སངས་རྒྱས་ཐམས་ཅད་དང་༔ ཁྱད་པར་རྟ་མགྲིན་ལྗང་གུ་ལ༔ གསོལ་བ་འདེབས་སོ་དབང་བསྐུར་སྩོལ༔ གསུམ། ད་དཀོན་མཆོག་གསུམ་ལ་སྐྱབས་སུ་འགྲོ་ཞིང་སྡིག་པ་ཐམས་ཅད་བཤགས་སོ་སྙམ་པ་གྱིས་ལ་འདིའི་རྗེས་ཟློས་གྱིས་ཤིག༔ དཀོན་མཆོག་གསུམ་ལ་བདག་སྐྱབས་མཆི༔ རྟ་མགྲིན་ལ་ཡང་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོད་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱི་ནས༔ སེམས་ཅན་ཐམས་ཅད་བདག་གིས་

[Full Size]

མགྲོན་དུ་གཉེར༔ བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི༔ འགྲོ་ལ་ཕན་ཕྱིར་སངས་རྒྱས་མྱུར་ཐོབ་ཤོག༔ གསུམ་མམ་ཚིག་རྗེས་མ་གསུམ༔ ལས་བུམ་ཀུ་ཤས་སློབ་མ་བྲན་ཚུལ་བྱས་ལ༔ ཨོཾ་སྭ་བྷཱ་ཝ་སོགས། སྟོང་པའི་ངང་ལས་ཁྱེད་རང་དབང་ཞུ་བ་པོ་རྣམས་དང་༔ གང་ལ་དབང་ཞུ་བའི་ཡུལ་མདུན་བསྐྱེད་དང་གཏོར་མ་སོ་སོར་སྣ་ཚོགས་པདྨ་འདབ་མ་བརྒྱད་པའི་ཟེའུ་འབྲུར་ཉི་མའི་དཀྱིལ་འཁོར་གྱི་སྟེང་དུ་ཧཱུྃཡིག་མར་གད་ཀྱི་མདོག་ཅན་ལས་འོད་ཟེར་འཕྲོས༔ འཕགས་པ་མཆོད༔ སེམས་ཅན་གྱི་དོན་བྱས་ཚུར་འདུས་ཡོངས་སུ་གྱུར་པ་ལས་དཔལ་ལས་ཀྱི་རིགས་ཀྱི་རྟ་མགྲིན་སྐུ་མདོག་མར་གད་ཀྱི་མདོག་ལྟར་ལྗང་བ༔ ཞལ་གཅིག༔ དམར་ལ་ཟླུམ་པའི་སྤྱན་གསུམ་བགེགས་ལ་སྡང་མིག་ཏུ་བགྲད་པས་སྐྲག་པར་བྱེད་པ༔ དབུ་སྐྲ་དམར་སེར་ནག་མེ་རླུང་གིས་བསྐྱོད་པ་ལྟར་གྱིས་གྱེན་དུ་འབར་བའི་གསེབ་ནས་རྟ་མགོ་ལྗང་ཞུར་རྡོག་མ་ལེ་བརྒན་མེ་ལྟར་འབར་ཞིང་རྟ་སྐད་དྲག་པོ་ནམ་མཁའི་དབྱིངས་སུ་འཚེར་བ༔ ཐོད་སྐམ་ལྔའི་དབུ་བརྒྱན་ལ་རིན་པོ་ཆེའི་རྩེ་བྲན་འོད་འབར་བ་ལྔས་བརྒྱན་པ༔ ཞལ་གདངས་ཤིང་ལྗགས་འདྲིལ་བ༔ ཟླ་བ་ཚེས་པ་

[Full Size]

ལྟ་བུའི་མཆེ་བ་བཞི་གཙིགས་པས་བདུད་བཞི་འཇོམས་པ༔ སྨ་ར་དང་སྨིན་མ་དམར་སེར་ལ་མེ་སྟག་གི་ཚྭ་ཚྭ་འཕྲོ་བ༔ ཕྱག་གཡས་སྣ་ཚོགས་རྡོ་རྗེས་ཡུ་བ་བྱས་པའི་གྲི་གུག་ནམ་། མཁའ་ལ་ཕྱར་བ༔ གཡོན་པས་བདུད་བཞིའི་ཁྲག་གིས་བཀང་བའི་ཐོད་པ་ཐུགས་ཀར་འཛིན་པ༔ སྐུ་ཆེ་ལ་ཡན་ལག་རགས་པ༔ ཞབས་གཡས་བསྐུམ་གཡོན་བརྐྱང་བའི་འདོར་སྟབས་ཀྱིས་པད་ཉི་དགྲ་བགེགས་མནན་པ༔ ཁྲག་གི་ཐིག་ལེ༔ ཞག་གི་ཟོ་རིས༔ ཐལ་ཆེན་གྱི་ཚོམ་བུ༔ རུས་པའི་རྒྱན་དྲུག༔ སྦྲུལ་གྱི་ཆུན་འཕྱང་༔ གླང་ཆེན་གྱི་ཀོ་བ༔ ཞིང་ཆེན་གྱི་གཡང་གཞི༔ སྟག་ལྤགས་ཀྱི་ཤམ་ཐབས་ཏེ་ཁྲོ་བོའི་ཆོས་ཐམས་ཅད་ཀྱིས་བརྒྱན་པ༔ བསྐལ་པའི་མེ་ཕུང་འབར་བའི་དབུས་ན་བཞུགས་པའི་དཔྲལ་བར་ཨོཾ་དཀར་པོ༔ མགྲིན་པ་ཨཱདམར་པོ༔ ཐུགས་ཀར་ཧཱུྃ་སྔོན་པོ༔ ཐུགས་ཀའི་དབུས་སུ་ཧྲཱིཿལྗང་གུ་དེ་ལས་འོད་ཟེར་འཕྲོས་པས་བདེ་ཆེན་དབང་དྲག་རོལ་པའི་གཞལ་ཡས་ནས་དཔལ་རྟ་མགྲིན་ལྗང་གུའི་སྐུ་ཆེ་བ་ལ་རི་རབ་ཙམ༔ ཆུང་བ་ལ་ཡུངས་ཀར་གྱི་འབྲུ་ཙམ་ཁ་བ་བུ་ཡུག་ལྟར་བྱོན་ནས་ཁྱེད་རང་རྣམས་ལ་སིབ་སིབ་ཐིམ་པར་སྒོམས་ཤིག༔ སྤོས་རོལ་མོ་

[Full Size]

དབྱངས་དང་བཅས༔ ཧཱུྃ༔ རྟ་མགྲིན་ལྗང་གུའི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ ཨོཾ་རྒྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ བཛྲ་ཨ་ཝེ་ཤ་ཡ་ཨ་ཨཱཿ གསུམ་མམ་བདུན་བརྗོད༔ རྡོ་རྗེ་མགོར་བཞག་ལ༔ ཡེ་ཤེས་པ་དེ་བརྟན་པར་གྱུར༔ ཏིཥྛ་བཛ྄༔ དབང་ལྷ་ཡེ་ཤེས་པ་དཔག་ཏུ་མེད་པ་སྤྱན་དྲངས༔ བཛྲ་ས་མཱ་ཛཿ སློབ་མ་འདི་རྣམས་ལ་དབང་བསྐུར་དུ་གསོལ༔ ཞེས་གསོལ་བ་བཏབ་པས་དབང་ལྷ་རྣམས་ཀྱིས་བུམ་པས་དབང་བསྐུར་བར་སྒོམས་ཤིག་བུམ་པའི་དབང་བསྐུར་གཞལ་ཡས་ཆེན་པོའི་མཆོག་སྐལ་ལྡན་རྣམས་ལ་དུས་འདིར་ཡོངས་རྫོགས་ནསཿ སྐུ་བཞི་ལྷུན་གྲུབ་ཕྲིན་ལས་རྣམ་བཞི་བརྙེསཿ རྒྱ་ཆེ་རྒྱུན་མི་ཆད་པའི་དབང་ཐོབ་ཤོག༔ ཨོཾ་ཧུ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ༔ འོ་དེ་ལྟར་དབང་བསྐུར་བས་བདུད་རྩིའི་ཆུས་ལུས་གང་༔ སྡིག་སྒྲིབ་དག༔ ཆུའི་ལྷག་མ་སྤྱི་བོར་ལུད་པས་རྟ་དབུས་མཚན་ནས་རྟ་སྐད་ལན་གསུམ་ཐོན་པར་།

[Full Size]

སྒོམས༔ ཞེས་ཀུ་ཤས་བྲན༔ བུམ་ཆུ་ངག་ཏུ་བླུད་པས་ངག་ལ་ནུས་པ་ཐོགས་པ་མེད་པར་གྱུར༔ ཅེས་བུམ་ཆུ་བླུད༔ ད་སྐུ་གསུང་ཐུགས་ཡོན་ཏན་ཕྲིན་ལས་ལྔའི་དབང་ཞུ་བའི་ཕྱིར་རྗེས་ཟློས༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་རྟ་མགྲིན་ལྗང་གུ་ལ༔ གསོལ་བ་འདེབས་སོ་སྐུ་ལྔ་ཡི༔ དབང་དང་དངོས་གྲུབ་སྩལ་དུ་གསོལ༔ གསུམ། དེ་ལྟར་གསོལ་བ་བཏབ་པས་མདུན་བསྐྱེད་ཀྱི་དཔྲལ་བ་ནས་སྐུའི་རྟ་མགྲིན་སྐུ་མདོག་དུང་ལྟར་དཀར་བ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་འཕྲོས༔ ཁྱེད་རང་གི་དཔྲལ་བ་ནས་ཞུགས༔ ལུས་ཀྱི་ནང་ཐམས་ཅད་ཁྲོ་བོ་དཀར་པོས་གང་བར་སྒོམས་ཤིག༔ ཧཱུྃ༔ དམ་ཚིག་ཆེན་པོའི་ཚུལ་བསྟན་པ༔ ཁྲོ་བོ་ཆེན་པོ་གཤེགས་སུ་གསོལ༔ སྤྲུལ་པའི་ཁྲོ་རྒྱལ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ སྐུ་གསུང་ཐུགས་ཀྱི་དངོས་གྲུབ་སྩོལ༔ སྐུ་ཡི་སྒོ་ནས་དབང་མཆོག་བསྐུར༔ ལུས་ཀྱི་ནད་གདོན་ཞི་བར་མཛོད༔ ཨོཾ་རྒྱ་ཤྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཀཱ་ཡ་ཨ་ཡིཉྩ་ཨོ༔ འདིར་ཡོད་ན་རྟ་མགྲིན་གྱི་སྐུ་ཁ་དོག་ལྔ་གནས་སོ་སོར་བཞག༔ མེད་ན་གཏོར་མ་བཞག་པས་འཐུསཿ མེ་ཏོག་འཐོར་ཞིང་༔ ཧྲཱིཿ རྒྱལ་བ་ཀུན་གྱི་

[Full Size]

ཆོས་སྐུ་པདྨའི་གསུང་༔ ཆོས་སྐུ་འོད་དཔག་མེད་པ་རྡོ་རྗེའི་ཆོས༔ སྤྱན་རས་གཟིགས་དབང་ཧྲཱིཿལས་རྔམས་ཆེན་སྐུ༔ རྟ་སྐད་བཞད་པ་སྐུ་ཡི་བཀྲ་ཤིས་ཤོག༔ འོ་དེས་སྐུའི་དབང་ཐོབ༔ ལུས་ཀྱི་སྒྲིབ་པ་དག༔ ལུས་ཀྱི་ནད་གདོན་ཞི༔ ལུས་ལ་སྐུ་རྡོ་རྗེའི་ས་བོན་ཐེབས་པའོ༔ ཡང་མདུན་བསྐྱེད་ཀྱི་མགྲིན་པ་ནས་གསུང་གི་རྟ་མགྲིན་སྐུ་མདོག་པདྨ་རཱ་ག་ལྟ་བུ་སྐུ་ཆུང་ལ་ཡན་ལག་དོད་པའི་ཚོགས་དཔག་ཏུ་མེད་པ་འཕྲོས༔ ཁྱེད་རང་གི་མགྲིན་པ་ནས་ཞུགས༔ ལུས་ཀྱི་ནང་ཐམས་ཅད་ཁྲོ་བོ་དམར་པོའི་ཚོགས་ཀྱིས་གང་བར་སྒོམས་ཤིག༔ ཧཱུྃ༔ དམ་ཚིག་ཆེན་པོའི་ཚུལ་བསྟན་པ༔ ཁྲོ་བོ་ཆེན་པོ་གཤེགས་སུ་གསོལ༔ སྤྲུལ་པའི་ཁྲོ་རྒྱལ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ སྐུ་གསུང་ཐུགས་ཀྱི་དངོས་གྲུབ་སྩོལ༔ གསུང་གི་སྒོ་ནས་དབང་མཆོག་བསྐུར༔ ངག་ལ་ནུས་པ་སྐྱེད་དུ་གསོལ༔ ཨོཾ་རྒྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཝཱཀ་ཨ་བྷི་ཥིཉྩ་ཨཱཿ ཞེས་མགྲིན་པར་བཞག༔ དབང་ཆེན་ཀུན་འདུས་དབང་གི་རྒྱལ་པོ་ལྟར༔ དབང་གི་མདོག་ལྗང་བསྐལ་པའི་མེ་འབར་བ༔ དབང་ཆེན་རྔམས་པ་ཉི་མ་འབུམ་གྱི་གཟི༔ དབང་

[Full Size]

མཛད་ལྷ་ཡི་གསུང་གི་བཀྲ་ཤིས་ཤོག༔ འོ་དེས་གསུང་གི་དབང་ཐོབ༔ ངག་གི་སྒྲིབ་པ་དག༔ ངག་ལ་གནོད་པའི་དིག་ལྷུགས་སོགས་ཞི༔ ངག་ལ་གསུང་རྡོ་རྗེའི་ས་བོན་ཐེབས་པའོ༔ ཡང་མདུན་བསྐྱེད་ཀྱི་ཐུགས་ཀ་ནས་ཐུགས་ཀྱི་རྟ་མགྲིན་སྐུ་མདོག་བཻཌཱུརྱ་ཞུན་མ་ལྟ་བུ་སྐུ་ཆུང་ལ་ཡན་ལག་དོད་པའི་ཚོགས་དཔག་ཏུ་མེད་པ་འཕྲོས༔ ཁྱེད་རང་རྣམས་ཀྱི་སྙིང་ག་ནས་ཞུགས་ལུས་ཀྱི་ནང་ཐམས་ཅད་ཁྲོ་བོས་སྔོན་པོས་གང་བར་སྒོམས་ཤིག༔ ཧཱུྃ༔ དམ་ཚིག་ཆེན་པོའི་ཚུལ་བསྟན་པ༔ ཁྲོ་བོ་ཆེན་པོ་གཤེགས་སུ་གསོལ༔ སྤྲུལ་པའི་ཁྲོ་རྒྱལ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཐུགས་ཀྱི་སྒོ་ནས་དབང་མཆོག་བསྐུར༔ ཡིད་ལ་བདེ་སྟོང་སྦྱར་དུ་གསོལ༔ ཨོཾ་རྒྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཙིཏྟ་ཨ་བྷི་ཥིཉྩ་ཧཱུྃ༔ ཞེས་སྙིང་གར་བཞག༔ ཐུགས་རྗེ་ཞི་བའི་ངང་ལས་མ་གཡོས་ཀྱང་༔ མ་རུངས་གདུག་པའི་དགྲ་བགེགས་བསྒྲལ་བའི་ཕྱིར༔ ཞེ་སྡང་ཁྲོ་གཏུམ་དུས་མཐའི་མེ་ལྟར་འབར༔ རྔམས་བརྗིད་འགྱིང་བའི་ཐུགས་ཀྱི་བཀྲ་ཤིས་ཤོག༔ འོ་དེས་ཐུགས་ཀྱི་དབང་ཐོབ༔ སེམས་ཀྱི་སྒྲིབ་པ་

[Full Size]

དག༔ སེམས་ལ་ཐུགས་རྡོ་རྗེའི་ས་བོན་ཐེབས་པའོ༔ ཡང་མདུན་བསྐྱེད་ཀྱི་ལྟེ་བ་ནས་ཡོན་ཏན་གྱི་རྟ་མགྲིན་སྐུ་མདོག་གསེར་བཙོ་མ་ལྟ་བུ་སྐུ་ཆུང་ལ་ཡན་ལག་དོད་པའི་ཚོགས་དཔག་ཏུ་མེད་པ་འཕྲོས༔ ཁྱེད་རང་རྣམས་ཀྱི་ལྟེ་བ་ནས་ཞུགས༔ ལུས་ཀྱི་ནང་ཐམས་ཅད་ཁྲོ་བོ་སེར་པོའི་ཚོགས་དཔག་ཏུ་མེད་པས་གང་བར་སྒོམས་ཤིག་ཧཱུྃ༔ དམ་ཚིག་ཆེན་པོའི་ཚུལ་བསྟན་པ༔ ཁྲོ་བོ་ཆེན་པོ་གཤེགས་སུ་གསོལཿ སྤྲུལ་པའི་ཁྲོ་རྒྱལ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཡོན་ཏན་སྒོ་ནས་དབང་མཆོག་བསྐུརཿ མཐུ་སྟོབས་རྩལ་ཆེན་བསྐྱེད་དུ་གསོལ༔ ཨོཾ་རྒྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ སརྦ་ཨ་བྷི་ཥིཉྩ་ཧི༔ མ་ཆགས་པདྨ་རིགས་ཀྱི་རྣམ་འཕྲུལ་གྱི༔ རྒྱལ་པོའི་ཚུལ་གྱིས་གདུག་པ་ཀུན་འདུལ་བ༔ དབང་ཆེན་བསྐལ་པའི་མེ་ལྟར་གཟི་བརྗིད་འབར༔ ཁྲོ་རྒྱལ་རྟ་མགྲིན་ཡོན་ཏན་བཀྲ་ཤིས་ཤོག༔ འོ་དེས་ཡོན་ཏན་གྱི་དབང་ཐོབ༔ བསགས་པ་ཆ་སྙོམས་ཀྱི་སྒྲིབ་པ་དག༔ ཚེ་བསོད་ནམས་ལ་བར་དུ་གཅོད་པ་ཞི༔ ཡོན་ཏན་ལྷུན་གྱིས་གྲུབ་པའི་ས་བོན་ཐེབས་

[Full Size]

པའོ༔ ཡང་མདུན་བསྐྱེད་ཀྱི་གསང་བ་ནས་ཕྲིན་ལས་ཀྱི་རྟ་མགྲིན་མར་གད་ཞུན་མའི་མདོག་ལྟ་བུ་དཔག་ཏུ་མེད་པ་འཕྲོས༔ ཁྱེད་རང་གི་གསང་བ་ནས་ཞུགས་༔ ལུས་ཀྱི་ནང་ཐམས་ཅད་ཁྲོ་བོ་ལྗང་གུའི་ཚོགས་ཀྱིས་གང་བར་སྒོམས་ཤིག༔ ཧཱུྃ༔ དམ་ཚིག་ཆེན་པོའི་ཚུལ་བསྟན་པ༔ ཁྲོ་བོ་ཆེན་པོ་གཤེགས་སུ་གསོལ༔ སྤྲུལ་པའི་ཁྲོ་རྒྱལ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ སྐུ་གསུང་ཐུགས་ཀྱི་དངོས་གྲུབ་སྩོལཿ ཕྲིན་ལས་སྒོ་ནས་དབང་མཆོག་བསྐུར༔ ནད་གདོན་བགེགས་རྣམས་ཚར་ཆོད་ཅིག༔ ཨོཾ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཀརྨ་ཨ་བྷི་ཥིཉྩཕཊ༔ ཧཱི༔ སྐྱེ་འགག་གཉིས་སུ་མེད་པའི་ངོ་བོ་ལས༔ ཆོས་ཉིད་མི་འགྱུར་རྟ་མཆོག་རོལ་བའི་སྐུ༔ གསུང་མཆོག་རྟ་སྐད་འཚེར་བས་འགྲོ་བ་འདུལ༔ དབྱེར་མེད་ལྷུན་གྲུབ་ཕྲིན་ལས་བཀྲ་ཤིས་ཤོག༔ འོ་དེས་ཕྲིན་ལས་ཀྱི་དབང་ཐོབ༔ ཤེས་བྱའི་སྒྲིབ་པ་དག༔ ཅི་ལྟར་བསམ་པའི་དོན་ལ་བར་དུ་གཅོད་པ་ཐམས་ཅད་ཞི༔ ཕྲིན་ལས་འགྲོ་བ་འདུལ་བའི་ས་བོན་ཐེབས་པའོ༔ དེ་ལྟར་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་ལྔ་ཐོབ་ནས༔ ད་གཏོར་མ་ལ་བརྟེན་ནས་

[Full Size]

བཀའ་བསྒོའི་དོན་དུ་གཏོར་མ་འདི་ཉིད་རྟ་མགྲིན་ལྗང་གུ་སྔར་སྨོས་མ་ཐག་པའི་མཚན་ཉིད་ཅན༔ སྟེང་གི་ཆ་ལ་བརྒྱུད་པའི་བླ་མ་དང་བཅས་པ་སྤྲིན་འཁྲིགས་པ་ལྟར་ཁྱེད་རང་རྣམས་ཀྱི་སྤྱི་བོར་བྱོན་ནས་ངེད་ཀྱིས་གསོལ་བ་ཇི་ལྟར་བཏབ་པ་ལྟར་བྱིན་རླབས་དངོས་གྲུབ་ཐམས་ཅད་སྩོལ་ཏེ༔ འོད་དུ་ཞུ་ནས་ཁྱེད་རང་རྣམས་ལ་ཐིམ་པར་སྒོམས་ཤིག༔ ཧཱུྃ༔ དམ་ཚིག་ཆེན་པོའི་ཚུལ་བསྟན་པ༔ ཁྲོ་བོ་ཆེན་པོ་གཤེགས་སུ་གསོལ༔ སྤྲུལ་པའི་ཁྲོ་རྒྱལ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ སྐུ་གསུང་ཐུགས་ཀྱི་དངོས་གྲུབ་སྩོལ༔ གཏོར་མའི་དབང་བསྐུར་ལྷ་དང་གཉིས་སུ་མེད༔ རྟ་མཆོག་སྐུ་གསུང་ཐུགས་ཡོན་ཕྲིན་ལས་རྣམས༔ མ་ལུས་ཡོངས་སུ་རྫོགས་པའི་དབང་བཞི་མཆོག༔ སྐལ་ལྡན་འདི་ལ་དུས་འདིར་ཡོངས་རྫོགས་ཤོག༔ ཆོས་སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ལོ་ཆེན་བཻ་རོ་ཙ་ན༔ ཤུད་བུ་དཔལ་གྱི་སེངྒེ༔ བདུད་འདུལ་རོལ་བ་རྩལ་ལ་སོགས་པ་རིག་འཛིན་བརྒྱུད་པའི་བླ་མ་རྣམས་དང་༔ ལས་ཀྱི་རིགས་ཀྱི་རྟ་མཆོག་

[Full Size]

ཧེ་རུ་ཀ༔ འཁོར་སྤྲུལ་པ་ཡང་སྤྲུལ་དང་བཅས་པས་བྱིན་གྱིས་བརླབས་པ་དང་དབང་བསྐུར་བར་མཛད་དུ་གསོལ༔ ཕོ་གདོན་མོ་གདོན་ཀླུ་གདོན་ལ་སོགས་པ་ལྷ་སྲིན་སྡེ་བརྒྱད་ཀྱི་གནོད་པས་མི་ཚུགས་པར་སྲུངས་ཤིག༔ གག་ལྷོག་གཟེར་གསུམ་ཡམས་ནད་རིམས་ནད་ལ་སོགས་པ་ནད་རིགས་བཞི་བརྒྱ་རྩ་བཞིའི་གནོད་པ་ཐམས་ཅད་ཞི་བར་མཛོད་ཅིག༔ བསོད་ནམས་དབང་ཐང་རླུང་རྟ་ཐམས་ཅད་དར་ཞིང་རྒྱས་པར་མཛོད་ཅིག༔ ཡིད་ལ་འདོད་པའི་དངོས་གྲུབ་ཐམས་ཅད་དབང་དུ་འདུ་པར་མཛོད་ཅིག༔ འཁོར་བ་དང་ངན་སོང་གི་སྡུག་བསྔལ་ཐམས་ཅད་ལས་སྐྱོབ་པར་མཛད་དུ་གསོལཿ ཨོཾ་བྱ་གི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཧཱུྃ་བྱ་ཤྲཱི་ཝ་ཧུཾ་ཧཱུྃ་ཀཱ་ཡ་ཝཱཀ་ཙིཏྟ་ཨ་བྷི་ཥིཉྩ་ཧཱུྃ༔ ད་ཁྱེད་རང་གི་ངེད་ལ་མེ་ཏོག་ལྗང་གུའི་ཕྲེང་བ་གཅིག་ཕུལ་བའི་མོས་པས་རྗེས་ཟློས་གྱིས༔ བཅོམ་ལྡན་བདག་གིས་བཟུང་ལགས་ཀྱིས༔ བདག་ལ་འགོ་བར་མཛད་དུ་གསོལཿ དེ་ལྟར་གསོལ་བ་བཏབ་པས་སློབ་དཔོན་གྱི་ཐུགས་ཀ་ནས་སྔགས་ཕྲེང་འཕྲོས༔ ཁྱེར་རང་གི་ཞལ་དུ་ཞུགས༔ ཐུགས་ཀར་གཡས་སུ་འཁོད་པའི་མོས་པས་རྗེས་ཟློས་ལན་གསུམ་མཛོད༔ ཨོཾ་རྒྱ་གྲི་ཝ་ཧུ་ལུ་ཧུ་ལུ་ཧཱུྃ་

[Full Size]

ཕཊ༔ དེ་ནས་སྔགས་ཕྲེང་དེ་ཉིད་མེ་ཏོག་གི་ཕྲེང་བར་གྱུར་ནས་སྤྱི་བོར་བཞག་པའི་མོས་པ་མཛོདཿ བཅོམ་ལྡན་འདི་ལ་སྩལ་ལགས་ཀྱིསཿ འདི་ལ་འགོ་བར་མཛད་དུ་གསོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ༔ འོ་དེས་དགོངས་གཏེར་རྟ་མགྲིན་ལྗང་གུའི་དབང་རྒྱས་པར་ཐོབ་པ་ཡིན་པས་འདི་ཉིད་ཡི་དམ་དུ་བཟུང་བའི་མོས་པས་རྗེས་ཟློས༔ གཙོ་བོས་ཇི་ལྟར་བཀའ་སྩལ་བ༔ དེ་དག་ཐམས་ཅད་བདག་གིས་བགྱི༔ ད་གཏང་རག་གི་ཚུལ་དུ་མཎྜལ་ཕུལ༔ ས་གཞི་སྤོས་ཆུས་སོགས། ཞེས་པ་གཏེར་བློན་རཱ་ག་ཨ་སྱས་བསྒྲིགས་པ་ལ་ཉེས་འགལ་མཆིས་ན་ལྷ་ལ་བཤགས་ཤིང་༔ དགེ་བས་འགྲོ་དོན་དཔག་ཏུ་མེད་པར་གྱུར་ཅིག ཡི་གེ་པ་ནི་ཉེ་གནས་ཀུན་དགས་བགྱིས་སོ༔ མངྒ་ལཾ། །༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྟ་དྲེལ་ཉེར་འཚེ་ཞི་བའི་གསོལ་འདེབས།

[Full Size]

རྟ་དྲེལ་ཉེར་འཚེ་ཞི་བའི་གསོལ་འདེབས་བཞུགས་སོ། །ན་མོ་རཏྣ་ཏྲ་ཡཱ་ཡ། བཅོམ་ལྡན་ཤཱཀྱའི་རྒྱལ་པོ་དང་། །སེམས་དཔའ་ཅང་ཤེས་ཉི་མ་ལ། །རྔོག་ཆགས་འདི་རྣམས་སྐྱབས་སུ་མཆི། །དུད་འགྲོའི་ནང་ནས་ཐོབ་དཀའི་ལུས། །དུས་མིན་འཆི་བ་མེད་པར་མཛོད། །འཕགས་པ་རྟ་མགྲིན་རྒྱལ་པོ་ཡིས། །བསྲུང་བྱའི་རྟ་རྣམས་བསྲུང་དུ་གསོལ། །རྟ་བགེགས་གནོད་པ་ཚར་ཆོད་ཅིག །སྲིད་པའི་རྟ་ལྷ་རེ་མནྟ། །རྔོག་ཆགས་རྟ་དྲེལ་འདི་རྣམས་ལ། །བྱིན་རླབས་སྲུང་སྐྱོབ་འཕེལ་རྒྱས་མཛོད། །དམ་བཅས་ཐུགས་དམ་དུས་ལ་བབས། །སྲིད་པའི་རྟ་རྫི་ཀུ་ཝེ་ར། །བསྲུང་བྱའི་རྟ་རྣམས་འཚོ་སྐྱོང་མཛོད། །རལ་གྲི་བསམ་གཅོད་འབར་བ་ཡིས། །རྟ་ལ་གནོད་བྱེད་ཚར་གཅོད་ཅིག །ཡེ་ཤེས་ལས་དང་འཇིག་རྟེན་གྱི། །རྟ་ལྷ་ཀུན་གྱི་བདེན་པའི་མཐུས། །རྟ་ཡི་གོད་ཁ་ཞི་གྱུར་ཅིག །ལས་མཁན་སྤུ་གྲི་མཆེད་གསུམ་པོ། །སྔོན་ཚེ་པདྨ་འབྱུང་གནས་ཀྱིས། །ལས་ཚོགས་བརྒྱད་ཀྱི་དབང་བསྐུར་བས། །དམ་ཚིག་དུས་བབ་རྟ་གོད་ཆོད། །དམ་ལ་མ་འདའ་ས་མ་ཡཱ། །ཞེས་པ་འདི་ཡུལ་ཕྱོགས་སུ་རྟ་ནད་གདུག་པ་ཅན་དར་འདུག་པས། ༧ ཨ་རཱ་གས་བྲིས།

[Full Size]

ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་གོད་བསྲུང་བའི་ཕྲིན་བཅོལ།

[Full Size]

རྟ་གོད་བསྲུང་བའི་ཕྲིན་ལས་བཅོལ་བ་ནི། ན་མོ་ཤཱཀྱ་མུ་ན་ཡེ། སྟོབས་བཅུའི་མངའ་བདག་བཅོམ་ལྡན་འདས། །བཅོམ་ལྡན་ཤཱཀྱ་ཐུབ་པ་ལ། །རྟ་རྣམས་སྐྱབས་སུ་མཆི་ལགས་སོ། །རྟ་ནད་ཀུན་ལས་བསྲུང་དུ་གསོལ། །སར་གནས་བྱང་ཆུབ་སེམས་དཔའ་ཆེ། །ཅང་ཤེས་ཉི་མའི་སྙིང་པོ་ལ། །རྟ་རྣམས་སྐྱབས་སུ་མཆི་ལགས་སོ། །རྟ་འདི་རྣམས་ལ་བསྐྱབ་ཏུ་གསོལ། །རྟ་མཆོག་རྒྱལ་པོ་ཧེ་རུ་ཀ །འཕགས་པ་རྟ་མགྲིན་རྒྱལ་པོ་ཡིས། །རྟ་འདི་རྣམས་ཀྱི་བར་ཆད་སོལ། །ཉི་མའི་སྲས་པོ་གཟི་བརྗིད་ཅན། །འཕགས་པ་རེ་མནྟ་ཁྱེད་ཀྱིས། །རྔོག་ཆགས་འདི་རྣམས་བསྲུང་བ་དང་། །སྐྱོབས་ཤིང་སྤེལ་བའི་ཕྲིན་ལས་མཛོད།་གནོད་སྦྱིན་རྒྱལ་པོ་ཀུ་བེ་ར། །སྔོན་གྱི་དམ་བཅའ་མ་ཡེལ་བར། །བདག་གི་རྔོག་ཆགས་འདི་རྣམས་ཀྱི། །སྲུང་སྐྱོབ་འཚོ་རྫི་མ་གཡེལ་ཅིག །སྐྱེས་བུ་བཛྲ་སཱ་དྷུ་ཁྱེད། །རང་གི་འོག་རྟ་གྲ་ཁལ་ལ། །འཚོ་རྫི་སྲུང་སྐྱོབ་མ་གཡེལ་ཅིག །རྟ་ནད་ནོར་ནད་ལ་སོགས་པ། །འཁོར་བའི་སྡུག་བསྔལ་ནད་དང་གདོན། །བདེན་པར་མ་གྲུབ་སྟོང་པ་ཉིད། །སྤྲོས་བྲལ་ཕྱག་རྒྱ་ཆེན་པོའི་ངང་། །སྐྱེ་འགགས་གནས་པའི་མཐའ་

[Full Size]

དང་བྲལ། །རོ་གཅིག་ཆོས་སྐུའི་ཀློང་དུ་ཐིམ། །སྟོང་ཉིད་ངང་དུ་ལམས་སེ་ལམ། །སྐྱེ་མེད་ངང་དུ་ཐ་ལ་ལ། །གང་ཤར་ངང་དུ་ངོ་བོ་སྟོང་། ཞེས་རྟ་ནད་ཀྱི་འཚེ་བ་བྱུང་དུས་སྨྲས་པ། དེར་རྟ་ཕྱུགས་ཀྱི་ནད་དང་ཐོག་སོགས་ཆོ་འཕྲུལ་ཅི་བྱུང་ཡང་ཉེས་སྐྱོན་མ་བྱུང་ཞིང་། དེ་ལྟར་རཱ་ག་ཨ་སྱས་སྨྲས་པའོ། །བཀྲ་ཤིས་ཞལ་དྲོ།། །།

རྟ་ལྷའི་གསོལ་འདེབས།

[Full Size]

ན་མོ་དྷརྨཱ་པཱ་ལ་ཡེ། ཐུགས་རྗེ་ཆེན་པོ་སྤྱན་རས་གཟིགས། །རྒྱ་མཚོ་ལྔ་ཡི་དཀྱིལ་འཁོར་ནས། །འོག་ཕྱོགས་དམ་ཅན་རྒྱ་མཚོའི་གཙོ། །འཕགས་པ་སྤྱན་རས་གཟིགས་དབང་ཉིད། །ནག་པོ་ཆེན་པོ་འདུལ་བ་ལ། །མ་ཧཱ་ཀཱ་ལའི་སྐུར་སྟོན་པ། །ཡེ་ཤེས་ལས་དང་འཇིག་རྟེན་ཚུལ། །རྡོ་རྗེ་བེར་ཆེན་ཕྱག་འཚལ་བསྟོད། །དེ་ཉིད་ཕྱོགས་བཅུའི་དགྲ་བགེགས་འདུལ། །ཕྱོགས་བཅུར་བསྟན་པ་སྐྱོང་བའི་ཕྱིར། །ཕྱོགས་བཅུ་མགོན་པོའི་སྐུར་སྤྲུལ་པ། །ཕྱོགས་བཅུ་མགོན་པོར་ཕྱག་འཚལ་བསྟོད། །ཤར་ཕྱོགས་མགོན་པོ་དཔལ་རབ་འཆང་། །སྐུ་མདོག་དཀར་པོ་འབྲུག་ལ་ཆིབས། །ཕྱག་ན་ནོར་བུའི་ཞགས་པ་བསྣམས། །མགོ་བརྙན་བྱེ་བ་འབུམ་གྱིས་བསྐོར། །ཉི་མའི་སྲས་པོ་ཁྱེད་ལ་བསྟོད། །སྐུ་ལས་སྤྲུལ་པའི་མགོན་པོ་ནི། །སྐུ་མདོག་དཀར་པོ་ཁྱུང་ལ་བཅིབས། །གསུང་ལས་སྤྲུལ་པའི་མགོན་པོ་ནི། །སྐུ་མདོག་དམར་པོ་བྱ་ཁྲ་བཅིབས། །ཐུགས་ལས་སྤྲུལ་པའི་མགོན་པོ་ནི། །སྐུ་མདོག་མཐིང་དམར་སེང་གེ་བཅིབས། །ཡོན་ཏན་སྤྲུལ་པའི་མགོན་པོ་ནི། །སྐུ་མདོག་དམར་སེར་སྟག་ལ་བཅིབས། །ཕྲིན་ལས་སྤྲུལ་

[Full Size]

པའི་མགོན་པོ་ནི། །སྐུ་མདོག་དམར་ནག་རྟ་སྔོན་བཅིབས། །ཀུན་ཀྱང་དབུ་ལ་ཤེལ་རྨོག་གསོལ། །གསེར་ཁྲབ་མི་ཞུབས་རྟ་ཞུབས་ཅན། །ཕྱག་གཡས་ཤེལ་གྱི་རལ་གྲི་ཕྱུར། །གཡོན་པས་གསེར་གྱི་འཁོར་ལོ་བསྣམས། །ནེའུ་ལེའི་རྐྱལ་པ་མཆན་དུ་བཅུག །མདུང་དར་དམར་པོ་ཕྲག་ལ་བཀལ། །སྟག་རལ་གཟིག་ཤུབས་སྐེད་ལ་བསྐོར། །ཟ་འོག་བེར་ཆེན་སྐུ་ལ་གསོལ། །དཔལ་ལྡན་ཨཅུ་རེ་མན། །ལམ་ལྷའི་རྒྱལ་པོ་དགྲ་བླའི་མཆོག །མགོན་པོ་རྟ་མང་ཞེས་སུ་གྲགས། །རང་འདྲའི་ལྔ་བརྒྱའི་འཁོར་དང་བཅས། །མཆོད་ཅིང་བསྟོད་དེ་ཕྱག་ཀྱང་འཚལ། །བདག་དང་རྒྱུད་པར་བཅས་པ་ལ། །མགོན་པོ་ཁྱེད་ཀྱིས་གྲོགས་མཛོད་ཅིག །རྔོག་ཆགས་འཕེལ་ཞིང་རྒྱས་པ་དང་། །རྟ་། །ནད་ཐམས་ཅད་ཞི་བ་དང། །རྔོག་ཆགས་གོད་ཁ་བཟློག་པ་དང་། །ལམ་གྱི་དགྲ་རྐུན་བཟློག་པ་དང་། །རྟ་གཡང་དངོས་གྲུབ་སྡུད་པ་དང་། །དངོས་གྲུབ་རྒྱ་ཆེན་བསྩལ་དུ་གསོལ་། །ཅེས་པ་ནག་འདས་ཐང་དུ་ཉམས་རྨི་ལམ་གྱི་མཚམས་སུ། འཕགས་པ་རེ་མནྟ་སྐུའི་ཆིབས་པ་ཡིན་ལུགས་ལུང་བསྟན་འདྲ་བ་གཉིས་ཙམ་བྱུང་བས་བྲིས་སོ།། །།

རྟ་གཟུངས་ཀྱི་ཆོ་ག་ཅང་ཤེས་ཆར་འབེབས།

[Full Size]

རྟ་གཟུངས་ཀྱི་ཆོ་ག་ཅང་ཤེས་ཆར་འབེབས་ཞེས་བྱ་བ་བཞུགས་སོ།།

[Full Size]

ན་མོ་བཛྲ་ཀྲོ་ཏ་ཧྱ་གྲི་ཝཱ་ཡ། བཅོམ་ལྡན་རྟ་མཆོག་དབང་གི་རྒྱལ་པོ་དང་། །བྱང་ཆུབ་སེམས་དཔའ་ཅང་ཤེས་ཉི་མའི་སྙིང་པོ་ལ་ཕྱག་འཚལ་ལོ། །འདིར་རྟ་མགྲིན་གྱི་རྒྱུད་དང་སྒྲུབ་ཐབས་དུ་མ་ནས་འབྱུང་བ་དང་། མགོན་པོ་བེར་གྱི་གཞུང་ནས་དཔལ་རབ་འཆང་བ་གསུངས་པ་དང་། རྟ་གཟུངས་རིགས་མི་གཅིག་པ་ཉི་ཤུ་རྩ་ལྔ་ཙམ་མཐོང་བའི་དོན་བསྡུས་ཏེ། རྒྱལ་པོ་ཁྲི་སྲོང་ལྡེའུ་བཙན་གྱིས་མཛད་པའི་སྒྲུབ་ཐབས་གཞུང་མན་ངག་དུ་མ་དང་བསྟུན་ཏེ། རྟ་ལྷའི་ཆོ་ག་རྒྱས་པར་བཀོད་པ་ནི། བཅས་རྣམས་མན་ངག་ལྟར་བྱས་ལ། མན་ངག་གཏོར་མ་ཡི་དམ་སྤྱི་གཏོར་རྟ་མགྲིན་ལ་བསྔོ། རིན་ཆེན་འབར་བ་ཆེ་བ་གཅིག་ལ་ཆུང་བ་བརྒྱད་ཀྱིས་བསྐོར་བ་རྟ་ལྷ་ལ་བསྔོ། ཟན་ལ་རྟ་ཡི་གཟུགས་

[Full Size]

བྱས་ནས་རྟ་ལ་དྲུད་པའི་ཆངས་བུ་དེ་དང་རྟའི་སྤུ་གླུད་དང་བཅས་པ་རྟ་གླུད་བསྔོས་ལ་ཕྱིར་དོར་རོ། །ཟན་གཙང་མ་ལ་ལིངྒ་བྱས་ལ་རྟ་འདྲེ་འགུགས་གཞུག་བྱས་ལ་བསྒྲལ་ནས་སྒོའམ་ལམ་གྱི་དཀྱིལ་དུ་དོང་ཅུང་ཟད་བྲུས་ནས་མནན། དེ་འདྲ་ཚར་ཅི་མང་བྱས་ལ། རྔོག་ཆགས་བསྲུང་བྱ་དམིགས་ཡུལ་འདི་ཐམས་ཅད་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །འཕགས་པ་རྟ་མགྲིན་རྒྱལ་པོ་ལ་སྐྱབས་སུ་མཆིའོ། །བྱང་ཆུབ་སེམས་དཔའ་ཉི་མའི་སྙིང་

[Full Size]

པོ་མི་ལུས་རྟའི་དབུ་ལ་སྐྱབས་སུ་མཆིའོ། །འཕགས་པ་ཁྲོ་བོ་རེ་མན་ལ་སྐྱབས་སུ་མཆིའོ། །བྱང་ཆུབ་སེམས་དཔའ་རྣམ་ཐོས་སྲས་ལ་སྐྱབས་སུ་མཆིའོ། །དཔལ་མགོན་པོ་ནག་པོ་ལྟརྟ་ཡི་ལྷ་ལ་སྐྱབས་སུ་མཆིའོ། །གནོད་སྦྱིན་གྱི་རྒྱལ་པོ་ཁམས་གསུམ་དབང་སྒྱུར་བ་གང་བ་བཟང་པོ་དང་རྟ་བདག་ཀུ་བེ་ར་ལ་སོགས་པའི་རྟ་ལྷ་ཐམས་ཅད་ལ་སྐྱབས་སུ་མཆིའོ། །བསྲུང་བྱ་རྔོག་ཆགས་འདི་རྣམས་ཀྱིས་ཐོག་དྲངས་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ལ་ཡུན་རིང་དུ་གནས་པར་གྱུར་ཅིག །ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་སྣ་ཚོགས་པདྨ་དང་ཉི་མ་གནོད་བྱེད་བསྣོལ་བའི་གདན་ལ་རང་གི་རྣམ་པར་ཤེས་པའི་ངོ་བོ་ཡི་གེ་ཧཱི༔དམར་པོ་ལས་རྡོ་རྗེ་རྩེ་དགུ་པ་ཧཱིཝཡིས་མཚན་པ། དེ་ལས་འོད་ཟེར་འཕྲོས་གནོད་བྱེད་ཐམས་ཅད་ཚར་བཅད། འཁོར་འདས་ཀྱི་མཐུ་སྟོབས་བྱིན་རླབས་ཚུར་བསྡུས་ཧཱི༔ལ་ཐིམ། ཡོངས་སུ་གྱུར་པ་ལས་

[Full Size]

རང་ཉིད་འཕགས་པ་རྟ་མགྲིན་སྐུ་མདོག་དུས་མཐའི་མེ་ལྟར་འབར་བ་ཞལ་རབ་ཏུ་ཁྲོས་པའི་དབུ་སྐྲ་དམར་སེར་འབར་བའི་གསེབ་ནས་རྟ་མགོ་ལྗང་ཞུར་རྟ་སྐད་ནམ་མཁའི་དབྱིངས་སུ་འཚེར་བས་རྟ་འདྲེ་གནོད་བྱེད་བརྒྱལ་བར་བྱེད་པ། སྤྱན་གསུམ་སྡང་མིག་ཕྱོགས་བཅུར་བསྒྲད་པས་གནོད་བྱེད་སྐག་ཅིང་བསྔང་བར་བྱེད་པ། ཞལ་གདངས་ཤིང་འབར་བའི་མཆེ་བ་བཞི་རབ་ཏུ་གཙིགས་པ།་ལྗགས་འདྲིལ་ཞིང་འཇིགས་པའི་གད་མོ་ཧ་ཧ་ཧི་ཧིའི་སྒྲས་ཁམས་གསུམ་གཡོ་བར་བྱེད་པ། ཕྱག་གཡས་གསེར་གྱི་རྡོ་རྗེ་རྩེ་དགུ་པ་ནམ་མཁར་གསོར་ཞིང་། གཡོན་པས་སྡིགས་མཛུབ་དང་བཅས་པས་རྡོ་རྗེའི་ཞགས་པ་བསྣམས་པ། ཞབས་གཡས་བསྐུམ་གཡོན་བརྐྱངས་བས་ཡེ་ཤེས་ཀྱི་མེ་འབར་བའི་ཀློང་ནས་འགྱིང་བ། ཐོད་སྐམ་གྱི་དབུ་རྒྱན་དང་ཐོད་རློན་གྱི་དོ་ཤལ་དང་སྟག་ལྤགས་ཀྱི་ཤམ་ཐབས་གླང་ཀོའི་སྟོད་གཡོགས་དང་རུས་པའི་རྒྱན་དྲུག་སྦྲུལ་གྱིས་བརྒྱན་པའོ། །དེའི་དཔྲལ་བར་ཨོཾ་དཀར་པོ། མགྲིན་པར་ཨཱདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་དབུས་སུ་ཧྲཱིཿཡིག་དམར་པོ་དེ་ལས་འོད་ཟེར་འཕྲོས་པས། བདེ་ཆེན་དབང་དྲག་རོལ་པའི་དཀྱིལ་

[Full Size]

འཁོར་ནས་བསྒོམས་པ་དང་འདྲ་བའི་ཡེ་ཤེས་པ་སྤྱན་དྲངས། རྒྱ་གྲི་ཝ་བཛྲ་ས་མ་ཡ་ཛཿ ཨནྡྷཾ་སོགས་ཀྱིས་མཆོད། ཁྲོ་བོའི་རྒྱལ་པོ་རྟ་མཆོག་དཔལ། །རྟ་སྐད་དྲག་པོ་བསྒྲགས་པ་ཡིས། །གདུག་པ་མ་ལུས་འདུལ་མཛད་པའི། །ཁྲོ་བོའི་རྒྱལ་ལ་ཕྱག་འཚལ་ལོ། །ཛཧཱུྃ་བཾ་ཧོ༔ དམ་ཚིག་པ་དང་དབྱེར་མེད་པར་གྱུར། སླར་ཡང་འོད་ཟེར་འཕྲོས་པས་འོད་དཔག་མེད་པས་གཙོ་བོར་གྱུར་པའི་རིགས་ལྔ་འཁོར་བཅས་སྤྱན་དྲངས། ཨོཾ་སརྦ་ཏ་ཐཱ་ག་ཏ་བཛྲ་ས་མཱ་ཛཿ ཨརྒྱུ་སོགས་ཀྱིས་མཆོད། བདག་ལ་མངོན་པར་དབང་བསྐུར་དུ་གསོལ། །ཞེས་གསོལ་བ་བཏབ་པས་བདུད་རྩི་བུམ་པས་སྤྱི་བོ་ནས་དབང་བསྐུར། ལུས་གང་དྲི་མ་དག་ཆུ་ལྷག་མ་ཡར་ལུད་པས་རྟ་དབུའི་རྩེ་མོར་འོད་དཔག་མེད་པས་དབུ་བརྒྱན་ཅིང་དབང་ལྷ་རྣམས་ཀྱང་རང་ཉིད་ལ་ཐིམ་པར་གྱུར། རང་གི་ཐུགས་ཀའི་ཉི་མའི་སྟེང་དུ་ཧཱུྃཡིག་དམར་པོའི་ནང་དུ་བསྲུང་བྱ་རྟ་རྣམས་ཚུད་ནས་ཡོད་པའི་ཧཱུྃཡིག་གི་མཐར་སྔགས་ཕྲེང་བྱུ་རུའི་ཕྲེང་བ་ལྟ་བུ་རང་སྒྲ་དང་བཅས་གཡས་སུ་འཁོར་བར་བསམ། ཨོཾ་ཧིཔདྨནྟ་ཀྲྀཏ་བཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཅེས་བསྙེན་པ་ཅི་ནུས་བཟླ། དེ་ནས་སྲུང་འཁོར་བསྒོམ། རང་ཉིད་རྟ་མགྲིན་

[Full Size]

གྱིས་རྟ་སྐད་ལན་གཅིག་བཏོན་པས་རྟ་ལ་གནོད་པའི་བགེགས་ཐམས་ཅད་རང་དབང་མེད་པར་སྦྱར་མ་རླུང་གིས་དེད་པ་ལྟར་སྔངས་ཡེད་ཡེད་རང་གི་མདུན་དུ་འདུས། རྟ་སྐད་ལན་གཉིས་བཏོན་པས་དམ་ལ་བཏགས་ནས་ཕྱིན་ཆད་གནོད་པ་མི་བྱེད་པར་ཁས་བླངས་དམ་བཅས། རྟ་སྐད་ལན་གསུམ་བཏོན་པས་ད་རུང་གདུག་སེམས་འཆང་བ་རྣམས་བྱ་སྤུ་རླུང་གིས་ཁྱེར་བ་ལྟར་རྒྱ་མཚོ་ཆེན་པོའི་ཕར་འགྲམ་དུ་བསྐྲད། དེ་ནས་རང་གི་སྐུ་ལས་མེ་དཔུང་འཚུབ་ཅིང་འབར་བས་རྟ་ལ་གནོད་བྱེད་ཐམས་ཅད་བསྲེགས་ནས་མེའི་གུར་ཁང་ཁ་དོག་ལྔ་ལྡན་གཡས་ཕྱོགས་སུ་འཁྱིལ་ནས་འབར་བར་འགྱུར། དེ་ནས་རང་གི་སྐུ་ལས་འཕྲོས་པའི་འོད་ཟེར་ལས་བྱུང་བའི་མཚོན་ཆ་སྣ་ཚོགས་རྩེ་ཕྱིར་བསྟན་པའི་གུར། དེའི་ནང་དུ་དབྱུག་ཏོའི་གུར། དེའི་ནང་དུ་རལ་གྲིའི་གུར། དེའི་ནང་དུ་འཁོར་ལོ་ཁ་སྦྱོར་བ་གནམ་ལྕགས་ལས་གྲུབ་པ། རྩིབས་བྱེ་བ་འབུམ་སྡེ་རྣོ་ངར་དང་ལྡན་པ་གཡས་སུ་འཁོར་བའི་གུར། དེའི་ནང་དུ་རྡོ་རྗེའི་ས་གཞི། ར་བ། དྲྭ་བ། གུར་བླ་བྲེ། དེའི་ནང་དུ་རྟ་མགྲིན་དམར་པོ་རལ་གྲི་དང་སྡིགས་མཛུབ་ཅན་ཞལ་ཕྱིར་གྱུ་ནས་བཟློག་པའི་

[Full Size]

ལས་མཛད་པའི་གུར། དེའི་ནང་དུ་རྟ་མགྲིན་དམར་པོ་རྡོ་རྗེ་དང་ཞགས་པ་ཅན་ཞལ་ནང་དུ་རྒྱུ་ནས་སྲུང་བའི་གུར། དེའི་ནང་དུ་རང་གི་གཡས་གཡོན་དང་མདུན་རྣམས་སུ་གསེར་གྱི་ས་གཞི་དང་། གཡུའི་ནེའུ་སིང་ལ་སྨན་གྱི་ལྗང་བུ་འཁྲུངས་པ་ལ་བསྲུང་བྱའི་རྟ་རྣམས་འཁོད་པར་གྱུར། རང་གི་ཐུགས་ཀའི་ས་བོན་དང་སྔགས་ཕྲེང་ལས་འོད་ཟེར་དཀར་པོ་ཤི་སོས་ཀྱི་བདུད་རྩི་ལྟ་བུར་འཕྲོས། རྟ་རྣམས་ལ་ཕོག་པས་རྟའི་ནད་གདོན་སྡུག་བསྔལ་ཐམས་ཅད་སང་སང་དག །འོད་ཟེར་སེར་པོ་འཕྲོས་པས་རྟ་རྣམས་འཕེལ་ཞིང་རྒྱས། འོད་ཟེར་དམར་པོ་འཕྲོས་པས་འབྱུང་བའི་བཅུད་དང་ཚེ་བསོད་བསྡུས་ནས་རྟ་རྣམས་ལ་ཐིམ་པས་བཀྲག་མདངས་བཟེ་མགྱོགས་རྩལ་ཤུགས་དང་ལྡན། འོད་ཟེར་དམར་ནག་མེ་དཔུང་གི་རྣམ་པ་འཕྲོས། རྟ་ལ་གནོད་པའི་ནད་གདོན་ཐམས་ཅད་བྱ་སྒྲོ་མེ་ལ་སྲེག་པ་ལྟར་ཚར་བཅད་པར་གྱུར། འཕགས་པ་རྟ་མགྲིན་རྒྱལ་པོ་ཡིས། །རྐང་བཞིའི་རྟ་རྣམས་བསྐྱབ་ཏུ་གསོལ། །འཕགས་པ་རྟ་ལྷའི་རྒྱལ་པོ་ཡིས། །རྟ་རྣམས་ཀུན་ལ་བསྲུང་དུ་གསོལ། །ཨོཾ་བཛྲ་མ་ཧཱ་ཀྲོ་ཏ་བྷནྡྷ་ཧུ་གྲི་ཝ་ཧཱུྃ་ཕཊ། ཨོཾ་པདྨན་ཀྲྀཏ་ཧུ་ཤྲཱི་ཝ་བཛྲ་ཀྲོ་ཏ་ཧཱུྃ་ཕཊ། རྟ་

[Full Size]

རྣམས་ལ་སྲུངས་ཤིག་རཀྵ་རཀྵ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་བཛྲ་ཀྲོ་ཏ་ཧྱ་གྲི་ཝ་ཧཱུྃ་ཕཊ་སྭཱ་ཧཱ། ཨོཾ་བཛྲ་ཀྲོ་ཏ་ཧྱ་གྲྭ་ཝ་མ་ཧཱ་ཀྲོ་ཏ་ཧཱུྃ་ཕཊ་སྭཱ་ཧཱ། ཨོཾ་པདྨནྟ་ཀྲྀཏ་བྱ་གི་ཝ་བཛྲ་ཀྲོ་ཏ་ཧཱུྃ་ཕཊ། ཨོཾ་ཧཱིཔདྨ་ཏ་ཀྲྀཏ་བཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། རྟ་འདི་རྣམས་ལ་བསྲུང་དུ་གསོལ། བསྐྱབ་ཏུ་གསོལ། ཐུགས་རྗེའི་དབང་གིས་མངའ་མཛད་དུ་གསོལ། ཨོཾ་བཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨོཾ་ཨཱརྱ་ཀྲོ་ཏ་རེ་མནྟ་ཧ་ན་ཧ་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། འཕགས་པ་གཞོན་ནུ་རེ་མནྟས་རྟ་འདི་རྣམས་ལ་བསྲུང་དུ་གསོལ། ཅེས་ལན་གསུམ་མམ་བདུན་ཙམ་བཟླ། དེ་ནས་ཐུན་མཚམས་སུ་གཏོར་མ་བྲན་ལ། ཨོཾ་ཧིཔདྨནྟ་ཀྲྀ་ཏ་ཧཱུྃ་ཕཊ། ཨོཾ་སྭ་བྷ་ཝ་སོགས། སྟོང་བའི་ངང་ལས་རླུང་མེ་ཐོད་སྐྱེད་སྟེང་། །ཨཱལས་བྷདྡྷ་དུམ་ཅིག་ཡངས་པའི་ནང་། །གཏོར་མ་ཤ་ལྔ་བདུད་རྩི་ཡེ་ཤེས་ལྔ། །ཞུ་ཞིང་ཁོལ་བས་ཟག་མེད་བདུད་རྩིར་གྱུར། །རང་གི་ཐུགས་ཀའི་ཧཱུྃལས་འོད་འཕྲོས་པས། །འཕགས་པ་རྟ་མགྲིན་རྒྱལ་པོ་སྤྱན་དྲངས་ནས། །མདུན་གྱི་ནམ་མཁར་བཞུགས་པའི་ལྗགས་ཀྱི་རྩེ། །འོད་ཀྱི་སྦུ་གུས་གཏོར་མ་གསོལ་བར་གྱུར། །ཨོཾ་ཧཱིཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲི་ཝ་ཧུ་

[Full Size]

ལུ་ཧུ་ལུ་ཧཱུྃ་ཕཊ། ཨི་དམ་བ་ལིནྟ་ཁ་ཁ་ཁཱ་ཧི་ཁཱ་ཧི། རྒྱ་གྲྭ་ཝ་ཨགྷཾ་སོགས། ཧཱུྃ༔ རྒྱལ་བ་ཀུན་གྱི་ཆོས་སྐུ་པདྨའི་གསུང་། །ཆོས་རྗེ་འོད་དཔག་མེད་པ་རྡོ་རྗེའི་ཆོས། །སྤྱན་རས་གཟིགས་དབང་ཧྲཱིཿལས་རྔམ་ཆེན་སྐུ། །རྟ་མགྲིན་རྟ་སྐད་བཞད་ལ་ཕྱག་འཚལ་བསྟོད། །མཆོད་སྦྱིན་གཏོར་མ་འབུལ་བ་འདི་བཞེས་ལ། །རྟ་ལ་གནོད་ཅིང་འཚེ་བའི་གདོན་བགེགས་ཀུན། །སྐད་ཅིག་ཙམ་གྱིས་ཐལ་བ་རྡུལ་དུ་རློག །གནོད་བྱེད་དགྲ་རྐུན་ཐམས་ཅད་བཟློག་ཏུ་གསོལ། །རྟ་ནད་སྡོམ་དང་ཇོ་འབྲས་མཚེར་ནད་དང་། །འཁྲུགས་ཆེན་ཚ་ལོང་གྲང་ལོང་སྲིན་འགག་དང་། །རྣག་ནད་སྐྲངས་འབུར་གློ་ནད་འཐེང་གྲུམ་དང་། །གཅོང་ནད་ལ་གར་འཚུབ་བཅུ་ལ་སོགས་པའི། །རྟ་ནད་ཐམས་ཅད་བཟློག་པའི་ཕྲིན་ལས་མཛོད། །རྟ་དྲེལ་རྔོག་ཆགས་བསྲུང་ཞིང་སྐྱོབ་པ་དང་། །རྔོག་ཆགས་ཚེ་སྲོག་བརྟན་པར་མཛད་དུ་གསོལ། །དེ་ནས་གླུད་བསྡུས་པ་ནི། ཟན་ལ་རྟ་གཟུགས་བྱས་ཆངས་བུས་བསྐོར་བ་བྲན་ལ་འདི་སྐད་དོ། །ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་སོགས། སྟོང་པའི་ངང་ལས་ཧ་ཡིག་ཡོངས་གྱུར་ལས། །རྟ་གླུད་རྟ་མཆོག་རབ་མཛེས་སྒ་སྲབ་ཅན། །འཚེར་སྐད་ལྷང་ལྷང་འདུར་

[Full Size]

འགྲོས་ཆེམས་སེ་ཆེམ། །གཅིག་ལས་བརྒྱ་སྟོང་ཁྲི་འབུམ་དུ་མ་འཕྲོས། །གླུད་ཀྱི་ཆངས་བུ་འདོད་ཡོན་ལོངས་སྤྱོད་ལྡན། །བགེགས་དང་ལན་ཆགས་སྣང་སྲིད་ལྷ་འདྲེ་རྣམས། །རབ་ཏུ་མགུ་ཞིང་ཚིམ་པ་ཉིད་དུ་གྱུར། །ཧཱུྃ། རྟ་དྲེལ་རྔོག་ཆགས་ཀུན་ལ་གནོད་པ་ཡི། །བགེགས་དང་ལན་ཆགས་འབྱུང་པོ་བཙན་ས་དང་། །ཟ་རེ་འཐུང་སྐོམ་བྱེད་པའི་ལྷ་སྲིན་རྣམས། །བྱམས་པའི་སེམས་ཀྱིས་ཐམས་ཅད་འདིར་འདུས་ཤིག །བཛྲ་ཊཱ་ཀི་ཧཱུྃ་ཛཿ བདེར་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །འདོད་ཡོན་ལྔ་ལྡན་གླུད་ཀྱི་ཆངས་བུ་དང་། །འབྲུ་སྣ་ཕྱེ་མར་བདུད་རྩིའི་ཆབ་ཀྱིས་སྦྲུས། །རྟ་དྲེལ་རྔོག་ཆགས་གཟུགས་བརྙན་འབུར་དུ་དོད། །ཏིང་འཛིན་སྔགས་དང་ཕྱག་རྒྱས་བྱིན་བརླབས་ནས། །རྟ་མཆོག་ཁྲི་འབུམ་གཡུ་དྲེལ་བརྒྱ་དང་སྟོང་། །གསེར་སྒ་གཡུ་མཐུར་མུ་མེན་གོང་རྨེད་བཅས། །འདུར་འགྲོས་ཆེམ་ཆེམ་ལྷ་འདྲེའི་སྤྱན་ལམ་མཛེས། །འཚེར་སྐད་ལྷང་ལྷང་འབྱུང་པོའི་རྣ་བར་སྙན། །ཁ་རླངས་བུན་བུན་བགེགས་རིགས་སྣ་ལ་ཞིམ། །གླུད་ཀྱི་ཆངས་བུས་ལན་

[Full Size]

ཆགས་བཀྲེས་སྐོམ་ཞི། །སྤུ་གླུད་མཛེས་འཇམ་ལྷ་འདྲེའི་སྐུ་ལུས་ཚིམ། །ཆུ་གཙང་བྲན་པས་ཡི་དྭགས་བཀྲེས་སྐོམ་ཞི། །འདི་འདྲའི་རྟ་གླུད་ཡ་མཚན་ལྡན་པ་འདི། །བགེགས་རིགས་སྟོང་ཕྲག་བརྒྱད་ཅུ་རྣམས་ལ་སྦྱིན། །གདོན་རིགས་ཉི་ཁྲི་ཆིག་སྟོང་རྣམས་ལ་བསྔོ། །རྟ་འདྲེ་རྟིལ་སྲི་བསེན་མོ་རྣམས་ལ་སྦྱིན། །ཚེ་རབས་སྔོན་གྱི་ལན་ཆགས་རྣམས་ལ་བསྔོ། །བཙན་འདྲེ་ཡུལ་འདྲེ་སྒབ་འདྲེ་རྣམས་ལ་བསྔོ། །དམ་སྲི་གོད་འདྲེ་གྲི་བོ་རྣམས་ལ་བསྔོ། །ཐམས་ཅད་མ་ལུས་ངོམ་ཞིང་ཚིམ་གྱུར་ཅིག །ཨོཾ་ན་མ་སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམ་བྷ་ར་སམ་བྷ་ར་ཧཱུྃ། །གསུམ་མམ་བདུན་བཟླས། ཨནྡྷཾ་སོགས། ཧཱུྃ། ཉོན་ཅིག་བགེགས་དང་ལན་ཆགས་འབྱུང་པོའི་ཚོགས། །ཕྱྭ་དང་གཡང་ལ་རྐུ་བའི་བསེ་རག་དང་། །རྟ་དྲེལ་ནོར་ལ་གནོད་པའི་གོད་འདྲེ་དང་། །རྟ་ཕྱུགས་སྲིད་སྒབ་གཅོད་པའི་གོད་འདྲེ་རྣམས། །གླུད་དང་ཆངས་བུ་འདི་ཡིས་མགུ་བྱོས་ལ། །ཕྱིན་ཆད་གནོད་འཚེ་གདུག་སེམས་མ་འཆང་ཞིག །རང་གི་ལུས་ལ་གནོད་པའི་དཔེ་ལོངས་ལ། །ནམ་ཡང་ཕྱིན་ཆད་གནོད་པ་མ་བྱེད་ཅིག །ཧཱུྃ། བསླུ་མེད་དཀོན་མཆོག་གསུམ་དང་རྟ་མཆོག་

[Full Size]

དཔལ། །རྡོ་རྗེ་རེ་མནྟ་ཡི་བདེན་པའི་མཐུས། །རྟ་དྲེལ་རྔོག་ཆགས་ལ་གནོད་བགེགས་ཀྱི་ཚོགས། །འདི་རུ་མ་འདུག་མྱུར་བར་གཞན་དུ་དེངས། །གལ་ཏེ་ང་ཡི་བཀའ་ལས་འདའ་གྱུར་ན། །དཔལ་ཆེན་ཁྲོ་རྒྱལ་རྟ་མཆོག་ཐུགས་ཁྲོས་ནས། །རྡུལ་ཕྲན་བཞིན་དུ་བརླག་པར་གདོན་མི་ཟ། །དེ་བས་མྱུར་བ་ཉིད་དུ་ཕྱིར་དེངས་ཤིག །ཨོཾ་ཧིཔདྨནྟ་ཀྲྀ་ཏ་བྱ་གྲི་ཝ་ཧུ་ལུ་ཧུ་ལུ་གནོད་བྱེད་རྟ་འདྲེ་རྟ་སྲི་ཐམས་ཅད་ཨུ་ཙ་ཏ་ཡ་ཧཱུྃ་ཕཊ། དེ་ནས་རོལ་མོ་དང་ཐུན་གྱིས་བྲབ། གུ་གུལ་བདུག །དེ་ནས་རྟ་ལྷའི་གཏོར་མ་བྲན་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷཱ་ཝ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་རང་གི་མདུན་དུ་གཡུའི་ནེའུ་སིང་གསེར་གྱི་བྱེ་མ་བརྡལ་བ། ཏཱ་ལའི་ཕྲེང་བས་བསྐོར་བའི་དབུས་སུ་བློ་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་བརྩེགས་རིན་པོ་ཆེའི་དྲྭ་བ་དྲྭ་ཕྱེད་གཡེར་ཁ་དར་འཕན་གྱིས་བསྐོར་བའི་དབུས་སུ་སྣ་ཚོགས་པདྨ་དང་ཟླ་བའི་སྟེང་དུ་ཧ་ལས་རྟ་མཆོག་རྨ་བྱའི་མགྲིན་པ་ལྟར་སྔོ་ཞིང་ཆུ་རིས་དང་ལྡན་པ། ཞྭ་བཞི་ནག་པོ་རླུང་གི་ཤུགས་དང་ལྡན་པ་དར་ཟ་འོག་གི་སྟན་དང་གསེར་སྒ་གཡུ་མཐུར་ཅན། མཆོང་གི་གོང་རྨེད་དང་

[Full Size]

གསེར་ཞུབ་དང་ལྡན་པའི་སྒོ་གོང་དུ་ཧཱུྃ་ཡིག་དམར་སེར་ལས་འོད་འཕྲོས་འཇིག་རྟེན་ཁམས་ཀྱི་གཏེར་བདག་ཐམས་ཅད་ཀྱི་ནུས་པ་བསྡུས་ཧཱུྃ་ལ་ཐིམ། ཡོངས་སུ་གྱུར་པ་ལས་དཔལ་འཕགས་པ་རྡོ་རྗེ་རེ་མནྟ་སྐུ་མདོག་དམར་སེར་འོད་ཟེར་འཕྲོ་བ། ཞལ་གཅིག་ཁྲོ་ལ་འཛུམ་པ། དབུ་ལ་དངུལ་གྱི་ལྕོག་ཞུ་ལ་བྱ་ཕོད་དཀར་པོ་དང་དར་གྱིས་བརྒྱན་པ་གསོལ་བ། སྐུ་ལ་དར་དམར་ལྗང་གི་བེར་དང་བསེ་ཁྲབ་སེར་པོ་ཞུ་ལུབས་སུ་མནབ་པ། ཕྱག་གཡས་རྡོ་རྗེ་རྩེ་ལྔ་པ་ནམ་མཁར་འཕྱར་ཞིང་གཡོན་པས་གཏེར་གྱི་ནེའུ་ལེ་རིན་ཆེན་སྣ་ཚོགས་སྐྱུགས་པ་བསྣམས་པ་གྲུ་མོ་གཡོན་ན་མདུང་དར་བ་དན་དམར་པོ་ཅན་འཕྱར་བ། ཞབས་གཉིས་རོལ་པའི་སྟབས་ཀྱིས་རྟ་མཆོག་གི་སྟེང་ན་འགྱིང་བ། དེའི་སྤྱི་གཙུག་ཏུ་བྱ་ཁྱུང་གཅིག་ལྡིང་ཕྲག་གོང་ན་ལྕགས་ཀྱི་བྱ་ཁྲི་གཉིས་འཇུམ་པ། རྒྱ་སྟག་དམར་པོ་གཉིས་མདུན་དུ་འགྲོ་ནས་རྟ་དྲེལ་སྲུང་བ། དུང་གི་སེང་གེ་རྒྱབ་ནས་འགྱིང་ཞིང་རལ་པ་སྤྲུག་པ། སྔོན་པོ་སྒབ་སེར་རོལ་དུ་ཁྲིད་པའོ། །དེའི་ཤར་དུ་ཧཱུྃ་ཡིག་དཀར་པོ་ལས་བྱུང་བའི་དཔལ་རབ་འཆང་བའི་མགོན་པོ་སྐུ་མདོག་དུང་ལྟར་དཀར་བ། ཞལ་གཅིག་སྤྱན་གསུམ་ཁྲོ་ཞིང་བཞད་

[Full Size]

པ། དབུ་སྐྲའི་ཐོར་ཚུགས་ལ་རིན་པོ་ཆེའི་རྩེ་བྲན་ལྔས་བརྒྱན་པ། ཕྱག་གཡས་ཤེལ་གྱི་འཁོར་ལོ་དང་གཡོན་པས་རིན་པོ་ཆེའི་ཞགས་པ་བསྣམས་པ། དར་དཀར་པོའི་ན་བཟའི་སྟེང་དུ་དར་ནག་གི་འཇོལ་བེར་གསོལ་ཞིང་གཡུ་འབྲུག་སྔོན་པོ་ལ་ཆིབས་པ། མདུན་ན་ལྕགས་ཀྱི་བྱ་ཁྲ་ལྡིང་ཞིང་ཕྱི་ན་སྟག་གཟིག་མང་པོ་འགྲོ་བའོ། །ལྷོར་ཧཱུྃ་ཡིག་སེར་པོ་ལས་བྱུང་བའི་ཨཱརྱ་རེ་མནྟ་གསེར་བཙོ་མའི་མདོག་ཅན་དར་སེར་གྱི་བེར་དང་གསེར་གྱི་ཁྲབ་མི་ཞུབ་རྟ་ཞུབ་གསོལ་བ། ཕྱག་གཡས་ཤེལ་གྱི་རལ་གྲི་ཕྱར་བ་ལས་རིན་པོ་ཆེ་ཤེལ་གྱི་ཆར་འབེབས་པ། གཡོན་ནེའུ་ལེའི་རྐྱལ་པ་ནས་རིན་པོ་ཆེ་སྣ་ཚོགས་སྐྱུགས་པ། སྔོན་པོ་ཆུ་རིས་ཞྭ་བཞི་ནག་པོའི་སྟེང་ན་རྒྱལ་པོ་རོལ་པའི་སྟབས་ཀྱིས་བཞུགས་པའོ། །དེའི་ནུབ་ཏུ་ཧཱུྃ་ཡིག་དམར་པོ་ལ་གཞོན་ནུ་རེ་མནྟ་སྐུ་མདོག་བྱུ་རུ་ལྟ་བུ་སྒེག་ཅིང་མཛེས་པ། དབུ་ལ་བསེ་རྨོག་དམར་པོ་དང་སྐུ་ལ་བསེ་ཁྲབ་དམར་སེར་གསོལ་བ། ཕྱག་གཡས་མདའ་དར་དམར་པོ་བསྣམས་པས་རྟ་གཡང་སྡུད་ཅིང་གཡོན་པས་བསེ་སྒྲོམ་སྨུག་པོ་བསྣམས་པ། རྟ་རྣམས་སྤེལ་བར་མཛད་པ། སྔོན་པོ་ཆུ་རིས་ལ་ཆིབས་པའོ། །དེའི་

[Full Size]

བྱང་དུ་ཧཱུྃ་ཡིག་དམར་ནག་ལས་ཁྲོ་བོ་ཆེན་པོ་རེ་མནྟ་སྐུ་མདོག་དམར་ནག་ཁྲག་གི་མདོག་ཅན་ཞལ་གདངས་ཤིང་མཆེ་བ་གཙིགས་པ། སྤྱན་གསུམ་རབ་ཏུ་བསྒྲད་ཅིང་ལྗགས་བརྐྱང་སྨ་ར་དང་སྨིན་མ་དམར་སེར་འབར་བ། རྡོ་རྗེའི་བསེ་ཁྲབ་དང་བསེ་རྨོག་མནབ་པ། འཁོར་གསུམ་རྐེད་ལ་བསྐོར་ཞིང་གྲུ་མོ་ན་མདུང་དར་འཕྱར་བ། ཕྱག་གཡས་ཀྱིས་བྱ་ཁྲ་འགྱེད་ཅིང་གཡོན་ལྕགས་ཀྱི་མདའ་གཞུ་བསྣམས་པ། ཅང་ཤེས་སྔོན་ནག་མཚལ་ནག་རྟིང་དཀར་རླུང་གི་གཤོག་ཅན་ཆིབས་པའོ། །ཤར་ལྷོ་མཚམས་སུ་པཾ་ཡིག་ལས་བྱུང་བའི་གང་བ་བཟང་པོ་སེར་པོ་བསེ་ཁྲབ་དང་བས་རྨོག་ཅན། ཕྱག་གཡས་དཔལ་དང་འབྱོར་པས་གང་བའི་བུམ་པ་དང་། གཡོན་པས་གཏེར་གྱི་ནེའུ་ལེ་བསྣམས་ཤིང་སྔོན་པོ་ཆུ་རིས་ལ་ཞོན་པའོ། །ལྷོ་ནུབ་ཏུ་བེ་ལས་བྱུང་བའི་རྣམ་ཐོས་སྲས་སེར་པོ་རིན་པོ་ཆེའི་པྲོག་ཞུ་དང་བསེ་ཁྲབ་གསོལ་ཞིང་སེང་གེ་ལ་ཆིབས་པ། རིན་པོ་ཆེའི་དབྱུག་ཏོ་དང་ནེའུ་ལེ་བསྣམས་པའོ། །ནུབ་བྱང་དུ་ཧཱུྃ་ལས་མགོན་པོ་ནག་པོ་རྟའི་ལྷ་སྐུ་མདོག་མཐིང་ནག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། ཕྱག་གཡས་རྡོ་རྗེ་རྩེ་ལྔ་དང་མདུང་དར་ནག་པོ་འཕྱར་

[Full Size]

བས་རྟ་ལ་གནོད་བྱེད་ཐམས་ཅད་ཟློག་པར་བྱེད་པ། གཡོན་བུམ་པ་དང་ཞགས་པས་གནོད་བྱེད་འཆིང་ཞིང་རྟ་ནག་པོ་རྟིང་དཀར་ལ་ཆིབས་ནས་གླིང་བཞི་ཡུད་ཙམ་གྱིས་བསྐོར་ནས་ཉི་ཟླ་སྐར་ཆེན་གྱི་འོད་འཕྲོ་བའོ། །བྱང་ཤར་དུ་ཀུ་ལས་ཀུ་བེ་ར་ནག་པོ་ཞལ་གཅིག་ཕྱག་གཉིས་ཁྲོས་ཤིང་ཨཾ་གཙིགས་བསྡམས་པ། སྐུ་ལ་བསེ་ཁྲབ་དང་དབུ་ལ་བསེ་རྨོག་གསོལ་བ། ཕྱག་གཡས་རལ་གྲི་བསམ་གཅོད་འབར་བ་ཕྱར་བས་རྟ་ལ་གནོད་བྱེད་ཐམས་ཅད་ཚར་གཅོད་ཅིང་། གཡོན་པས་བསྲུང་བྱའི་རྟ་རྣམས་ཀྱི་སྲབ་མདའ་ལ་བཟུང་ནས་རྫི་བོ་མཛད་པ། ཆིབས་སུ་རྟ་ནག་པོ་རླུང་གཤོག་ལ་ཞོན་པའོ། །དེ་རྣམས་ཀྱི་ཕྱི་རོལ་དུ་རྟ་ལྷ་སྤྲུལ་པའི་འཁོར་ཚོགས་གནོད་སྦྱིན་རེ་མནྟ་སྐུ་ལ་བསེ་ཁྲབ་མི་ཞུབ་རྟ་ཞུབ་གསོལ་བ། དབུ་ལ་ལྕོག་ཞུ་དཀར་པོ་བྱ་ཕོད་ཀྱིས་བརྒྱན་པ། རྟ་སྔོན་པོ་ཆུ་རིས་ལ་ཆིབས་ནས་མཚོན་ཆ་སྣ་ཚོགས་ཐོགས་ཤིང་འཛམ་གླིང་ཁྱབ་པར་རྒྱུག་པ་ལྔ་བརྒྱས་བསྐོར་བའོ། །དེའི་ཕྱི་རོལ་དུ་རྟ་ལྷ་ཀུ་བེ་ར་ལ་སྤྲུལ་པའི་འཁོར་ཚོགས་འབུམ་སྡེས་བསྐོར་བའོ། །དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་

[Full Size]

ཧཱུྃ་མཐིང་སྔོན། ཐུགས་ཀའི་དབུས་སུ་རང་རང་གི་ས་བོན་གྱིས་མཚན་པ། དེ་ལས་འོད་ཟེར་འཕྲོས་པས་བསྒོམ་པ་དང་འདྲ་བའི་ཡེ་ཤེས་པ་སྤྱན་དྲངས། སྤོས་ཤུག་དུད་པ་བཏང་རྔ་རོལ་མོ་དབྱངས་དང་བཅས་པས། ཧཱུྃ། རི་རབ་ཆེན་པོ་རི་ཡི་རྩེ་མོ་ནས། །ཆོས་བཟང་ལྷ་ཡི་འདུན་ས་ཆེན་པོ་ན། །ལྷ་ཡི་སྲས་པོ་འཕགས་པ་རེ་མནྟ། ཐུགས་རྗེའི་དབང་གིས་གནས་འདིར་གཤེགས་སུ་གསོལ། །འོད་སྟོང་འབར་བ་ཉི་མའི་དཀྱིལ་འཁོར་ནས། །རླུང་རྟ་བདུན་གྱི་མངའ་བདག་རྫུ་འཕྲུལ་ཅན། །ཉི་མའི་སྲས་པོ་གཞོན་ནུ་རེ་མན། །མཆོད་ཅིང་བསྒྲུབ་པའི་གནས་འདིར་གཤེགས་སུ་གསོལ། །ལྷ་གནས་དགའ་བའི་ཚལ་དང་འདྲེས་པའི་ཚལ། །ཚལ་ཆེན་བཞི་དང་ཉི་མ་ཤར་ཕྱོགས་ནས། །ལྷ་རྣམས་ཡོངས་ཀྱི་སོ་པ་སྤྱན་རྣོན་པོ། །དཔལ་རབ་འཆང་བའི་མགོན་པོ་གཤེགས་སུ་གསོལ། །ལྷ་དམག་འབུམ་གྱི་ལམ་མཁན་ལམ་གྱི་ལྷ། །རྐང་བཞི་རྫོག་ཆགས་ཀུན་གྱི་བདག་པོ་སྟེ། །རྟ་སྲི་སྒྲོལ་མཛད་ཁྲོ་བོ་རེ་མནྟ། །ལམ་ལྷ་ཆེན་པོ་གནས་འདིར་གཤེགས་སུ་གསོལ། །ལྕང་ལོ་ཅན་དང་ཡར་འབྲོག་ཧ་བོའི་གངས། །རྣམ་པར་རྒྱལ་པའི་ཁང་བཟང་དམ་པ་ནས། །སྲིད་

[Full Size]

གསུམ་བདག་པོ་གནོད་སྦྱིན་གང་བ་བཟང་། །དཔལ་དང་འབྱོར་པ་སྤེལ་ཕྱིར་གཤེགས་སུ་གསོལ། །རི་རབ་བྱང་ཕྱོགས་གཉའ་ཤིང་འཛིན་གྱི་རྩེ། །རིན་ཆེན་ཕོ་བྲང་བདུན་བརྩེགས་མཛེས་པ་དང་། །བྱང་ཕྱོགས་རི་མཐོ་ས་གཙང་ཐམས་ཅད་ནས། །སེམས་དཔའ་རྣམ་མང་ཐོས་སྲས་གཤེགས་སུ་གསོལ། །བྱང་ཤར་རྩུབ་གྱུར་ཚལ་དང་བསིལ་བའི་ཚལ། །གདོང་དམར་བྲག་དང་རིན་ཆེན་ཆོས་བྲག་ནས། །རྟ་ཡི་སྲུང་མ་མ་ཧཱ་ཀཱ་ལ་ཆེ། །དམ་ཚིག་དབང་གིས་གནས་འདིར་གཤེགས་སུ་གསོལ། །བྱང་ཕྱོགས་འཇིག་རྟེན་གནོད་སྦྱིན་ཕོ་བྲང་དང་། །གླིང་བཞི་མུན་སེལ་ཟླ་བའི་དཀྱིལ་འཁོར་ནས། །ཟླ་བའི་སྲས་པོ་རྟ་བདག་ཀུ་བེ་ར། །རྟ་རྣམས་བསྲུང་ཕྱིར་གནས་འདིར་གཤེགས་སུ་གསོལ་། །ནོར་ལྷ་ཆེན་པོའི་བཀའ་ཉན་སྲུང་མའི་ཚོགས། །སྤྲུལ་པའི་རྟ་ལྷ་ལྔ་བརྒྱ་གནོད་སྦྱིན་འབུམ། །ནོར་ལྷ་བྱེ་བ་ས་ཡ་འབུམ་དང་བཅས། །མཆོད་པའི་གནས་འདིར་སྤྱན་འདྲེན་གཤེགས་སུ་གསོལ། །ཨོཾ་ཨཱརྱ་རེ་མན་ས་པ་རི་ཝཱ་ར་བཛྲ་ས་མ་ཡ་ཛཿཛཿ ཧཱུྃ། རིན་ཆེན་ས་གཞི་གཡུ་ཡི་ནེའུ་སིང་བཀྲམ། །གསེར་གྱི་བྱེ་མ་བདུད་རྩིའི་རྫིང་བུས་

[Full Size]

གཏམ། །ཏཱ་ལའི་ཕྲེང་བས་ཡོངས་སུ་བསྐོར་བའི་དབུས། །རིན་ཆེན་ཁང་བརྩེགས་གསེར་གྱི་དྲ་བས་སྤྲས། །དར་གྱི་ལྡ་ལྡི་གཡེར་ཁ་མང་པོས་བརྒྱན། །དེ་དབུས་སྣ་ཚོགས་པདྨ་ཟླ་བའི་སྟེང་། །རླུང་གི་ཤུགས་ཅན་ཅང་ཤེས་སྔོན་པོའི་ཁྲི། །གཙོ་དང་འཁོར་དུ་འཚམས་པའི་གདན་ཁྲི་ལ། །འཕགས་པ་རྡོ་རྗེ་ཁྲོ་བོ་རེ་མནྟ། །འཁོར་དང་བཅས་པ་དགྱེས་ཤིང་བཞུགས་སུ་གསོལ། །ཨོཾ་ཨཱརྱ་རེ་མན་ས་པ་རི་ཝཱ་ར་ཛཿཧཱུྃ་བཾ་ཧོ༔ ས་མ་ཡ་ཏིཥྛ་ལྷན། ཧཱུྃ། ཉི་མ་ཤར་རོ་དཔལ་ཤར་རོ། །དཔལ་རབ་འཆང་བའི་མགོན་པོ་སྟེ། །ལམ་གྱི་རྒྱལ་པོ་བདེ་མཛད་པ། །དགྲ་བླའི་མཆོག་སྟེ་ཉི་མའི་སྲས། །གཟི་ལྡན་ཁྱོད་ལ་ཕྱག་འཚལ་ལོ། །འགྲོ་བ་ཉམ་ཐག་དོན་སླད་དུ། །ཐུགས་རྗེའི་དབང་གིས་མགོན་མཛད་པ། །ལམ་གྱི་དགྲ་དང་འཇིགས་པ་སེལ། །ཁྱུ་མཆོག་རྟ་རྣམས་སྤེལ་མཛད་པ། །མངའ་མཛད་ཐུབ་དབང་ལྷ་ཡི་ལྷ། །ཐུགས་ཀྱི་ལྷ་ལ་ཕྱག་འཚལ་ལོ། །ཕྱག་འཚལ་གཞོན་ནུ་རེ་མན། །བདག་གིས་དུས་རྣམས་ཐམས་ཅད་དུ། །ལྷ་མཆོག་ཁྱོད་ལ་དད་པ་ཡིས། །གུས་པའི་སེམས་ཀྱིས་ཕྱག་འཚལ་ལོ། །ཨོཾ་ཨཱརྱ་རེ་མན་ཨ་ཏི་པཱུ་ཧོ༔ པྲ་

[Full Size]

ཏི་ཛ་ཧོ༔ ཧཱུྃ། ཁྲོ་བོ་གཞོན་ནུ་རེ་མནྟ། །སྤྲུལ་པའི་འཁོར་དང་ཡང་གཡོག་བཅས། །གནོད་སྦྱིན་རྣམ་སྲས་གང་བ་བཟང་། །མ་ཧཱ་ཀཱ་ལ་ཀུ་བེ་ར། །ཁྱེད་རྣམས་སྔོན་གྱི་དམ་ཚིག་ཅན། །བཅོམ་ལྡན་ཤཱཀྱ་ཐུབ་པ་དང་། །རྟ་མགྲིན་གསང་བདག་པད་འབྱུང་གི། །སྤྱན་སྔར་རང་སྲོག་སྙིང་པོ་ཕུལ། །བྱང་ཆུབ་མཆོག་ཏུ་སེམས་བསྐྱེད་ནས། །སངས་རྒྱས་བསྟན་པ་བསྲུང་བ་དང་། །སེམས་ཅན་ཀུན་ལ་ཕན་པའི་ཕྱིར། །རྔོག་ཆགས་རྟ་དྲེལ་བསྲུང་བ་དང་། །སྤེལ་ཞིང་རྒྱས་པར་བྱ་བའི་ཕྱིར། །རང་རང་གཟུངས་སྔགས་ཕུལ་བ་ཡི། །དམ་ཚིག་གཉེན་པོ་དགྱེས་དགོངས་ལ། །བདག་གིས་བཅོལ་བའི་ཕྲིན་ལས་ནི། །མ་ཐོགས་མྱུར་དུ་གྲུབ་པར་མཛོད། །ཨོཾ་ཨཱརྱ་རེ་མན་ས་པ་རི་ཝཱ་ར་ས་མ་ཡ་ཧ་ན་ཧ་ན་ཧཱུྃ་ཕཊ། ལྕེ་ལ་བདུད་རྩི་བྱིན་པར་བསམ། བུམ་ཆུའི་བདུད་རྩི་གཏོར། ཧཱུྃ། རྒྱལ་བ་རིགས་ལྔ་ཡེ་ཤེས་ལྔ་ཡི་དངོས། །དགོས་འདོད་ཀུན་འབྱུང་རིན་ཆེན་ཅོད་པན་མཆོག །དུས་གསུམ་རྒྱལ་བའི་དབང་བསྐུར་བླ་ན་མེད། །གཏེར་བདག་གནོད་སྦྱིན་རྣམས་ལ་འབུལ་བར་བགྱི། །ཨོཾ་རཏྭཱ་མུ་ཀུ་ཊཾ་ཨ་བྷི་ཥིཉྩ་ཧཱུྃ། ཞེས་ཅོད་པན་གྱི་ཕྱག་རྒྱས་དབང་

[Full Size]

བསྐུར་རོ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷཱ༔ སྟོང་པའི་ངང་ལས་རིན་ཆེན་སྣོད་ནང་དུ། །ཉེར་སྤྱོད་འདོད་ཡོན་རིན་ཆེན་འབྲུ་སྨན་དང་། །རྟེན་རྫས་སྐོང་རྫས་སྒྲུབ་རྫས་མཆོད་པའི་རྫས། །རྒྱ་ཆེན་ཟད་མི་ཤེས་པ་ནམ་མཁའི་མཛོད། །ཟག་མེད་བདེ་བ་སྐྱེད་པ་ཉིད་དུ་གྱུར། །ཨོཾ་བཛྲ་སྤ་ར་ཎ་ཁཾ། ཧཱུྃ། འཕགས་མཆོག་རྡོ་རྗེ་ཁྲོ་བོ་རེ་མནྟ། །རིགས་བཞིའི་འཁོར་དང་ཁྲོ་བོ་རང་འདྲར་བཅས། །གང་བཟང་རྣམ་སྲས་མགོན་པོ་ཀུ་བེ་ར། །ཡང་འཁོར་ནོར་ལྷ་བྱེ་བའི་ཚོགས་བཅས་ལ། །ཡན་ལག་བརྒྱད་ལྡན་ཆབ་དང་བསིལ་བའི་ཆུ། །འདབ་བརྒྱད་ཁ་དོག་མཛེས་པ་པདྨའི་ཚོགས། །སྤོས་དཀར་ཨ་ག་རུ་དང་ཙནྡན་དང་། །འབྲུ་མར་རྩི་མར་རིན་ཆེན་ནོར་བུའི་འོད། །བཟང་ཤིང་དྲི་ཞིམ་ངད་ལྡན་གཙང་མའི་ཆབ། །རོ་མཆོག་བརྒྱ་ལྡན་ཞལ་ཟས་སྣ་ཚོགས་དང་། །རྔ་དང་དྲིལ་བུ་སིལ་ཉན་རོལ་མོའི་དབྱངས། །སྐུ་གཟུགས་ཅང་ཤེས་རྟོགས་བཀྲ་མཛེས་པའི་གཟུགས། །བསྟོད་དབྱངས་གཟུགས་ཀྱི་འཛབ་དབྱངས་སྙན་པའི་སྒྲ། །བཟང་ཤིང་ཟས་སྣ་སྤོས་དཀར་བསྲེག་པའི་དྲི། །དཀར་གསུམ་མངར་གསུམ་ཟས་ཕུད་ཚོགས་པའི་རོ། །སྣ་ཚོགས་

[Full Size]

དར་ཟབ་སྟག་རས་གཟིག་རས་དང་། །དངོས་འབྱོར་ཡིད་སྤྲུལ་མཆོད་པ་རྒྱ་མཚོ་འབུལ། །གཞན་ཡང་མཆོད་པའི་བྱེ་བྲག་འབུལ་བ་ནི། །དམིགས་རྟེན་རིས་སུ་བྲིས་དང་འབུར་དུ་བཏོད། །དཔག་མེད་དངོས་འདྲ་ནམ་མཁའ་གང་བར་སྤྲོས། །འཁོར་ལོ་ནོར་བུ་བཙུན་མོ་གླང་པོ་མཆོག །རྟ་མཆོག་དམག་དཔོན་བློན་པོ་རིན་པོ་ཆེ། །གདུགས་དང་དུང་དཀར་གསེར་ཉ་པད་མ་མཆོག །བུམ་པ་དཔལ་བེ་འཁོར་ལོ་རྒྱལ་མཚན་དང་། །མེ་ལོང་ལི་ཁྲི་དུང་དང་གི་ཝང་དང་། །དཱར་བ་ཞོ་དང་བིལ་བ་ཀུ་ཤ་དང་། །ཀྱི་ཡོ་བྱད་ཕུན་སུམ་ཚོགས་པ་རྒྱ་མཚོ་འབུལ། །སྨན་ལྔ་དྲི་ལྔ་འབྲུ་ལྔ་སྙིང་པོ་ལྔ། །རིན་ཆེན་ལྔ་དང་དར་ཚོན་སྣ་ལྔ་དང་། །མདའ་དང་མདུང་དང་བསེ་ཁྲབ་རྨོག་ཞུ་དང་། །དར་བེར་ལྗང་བཀྲ་ཅང་ཤེས་ཆུ་རིས་སོགས། །མཐུན་རྫས་རྣམ་པ་དུ་མ་འབུལ་བར་བགྱི། །ཨོཾ་ཨཱརྱ་རེ་མན་ས་པ་རི་ཝཱ་ར་ཨགྷཾ་སོགས། ཤབྡ་པྲ་ཏཱིཙྪ་སྭཱ་ཧཱ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷཱ་ཝ་སོགས། ཧཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ཨཱཿཧཱུྃ་འོད་དུ་ཞུ་བ་ལས་བྱུང་བའི་གཏོར་མ་དཀར་གསུམ་མངར་གསུམ་འདོད་པའི་ཡོན་ཏན་ལྔ་དང་

[Full Size]

ལྡན་པར་གྱུར་པ་ལ། རྟ་ལྷ་རྣམས་ཀྱི་ལྗགས་ལས་འོད་ཀྱི་སྨྱུ་གུ་བྱུང་སྟེ་གསོལ་བར་གྱུར། ཨོཾ་ཨ་ཀཱ་རོ་སོགས། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱསོགས། ཨོཾ་བཛྲ་ཀྲོ་ཏ་རེ་མན་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བུདྡྷ་ཀྲོ་ཏ་རེ་མན་ཨི་དཾ༴ ཨོཾ་ཨཱརྱ་རེ་མནྟ་ཨི་དཾ༴ ཨོཾ་ཀུ་མཱ་ར་རེ་མན་ཨི་དཾ༴ ཨོཾ་མ་ཧཱ་ཀྲོ་ཏ་རེ་མནྟ་ཨི་དཾ༴ ཨོཾ་པུ་ཎ་བྷ་དྭ་ཡ་ཨི་དཾ༴ ཨོཾ་བཻ་ཤྲ་མ་ཎཱ་ཡ་ཨི་དཾ༴ ཨོཾ་མ་ཧཱ་ཀཱ་ལ་གྷོ་ར་དེ་ཝ་ཨི་དཾ༴ ཨོཾ་ཀུ་བེ་རཱ་ཡ་ཨི་དཾ༴ ཨོཾ་སརྦ་ཡགྷ་གྷོ་ར་དྷེ་ཝ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དམ་རྫས་བདུད་རྩིའི་གཏོར་མ་རྒྱ་ཆེན་པོ་འདི་བསྔོ་ཞིང་འབུལ་བའི་གནས་སུ་གྱུར་པ་ནི། དཔལ་རྡོ་རྗེ་ཁྲོ་བོ་ཆེན་པོ་རེ་མན་སྐུ་གསུང་ཐུགས་འཁོར་དང་བཅས་པ། དཔལ་རབ་འཆང་བའི་མགོན་པོ། ལམ་ལྷ་ཆེན་པོ་འཕགས་པ་རེ་མནྟ། ཉི་མའི་སྲས་པོ་གཞོན་ནུ་རེ་མནྟ། ཁྲོ་བོ་ཆེན་པོ་རྟ་ལྷ་རེ་མན། རྡོ་རྗེ་གནོད་སྦྱིན་རྣམ་ཐོས་སྲས། དཔལ་འབྱོར་གང་བ་བཟང་པོ། རྟ་ལྷ་མགོན་པོ་ནག་པོ། རྟ་བདག་ཀུ་བེ་ར་ལ་སོགས་པ་རྟ་ལྷ་འཁོར་སྤྲུལ་པ་ཡང་སྤྲུལ་གཡོག་དང་བཅས་པ་རྣམས་ཀྱི་ཞལ་དུ་འབུལ་ལོ། །སྐུ་གསུང་ཐུགས་མཉེས་ཤིང་ཚིམས་ནས་སྤྱིར་

[Full Size]

སངས་རྒྱས་ཀྱི་བསྟན་པ་དར་བ་དང་། ཁྱད་པར་དུ་བདག་གི་རྟ་རྣམས་བསྲུང་ཞིང་བསྐྱབ་པ་དང་། སྡོམ་ལྷད་གྲང་བ་འཐེང་གྲུམ་ལ་སོགས་པའི་རྟ་ནད་ཐམས་ཅད་རབ་ཏུ་ཞི་བ་དང་། ལམ་གྱི་དགྲ་དང་གློ་བུར་གྱི་དགྲ་རྐུན་ཐམས་ཅད་བཟློག་པ་དང་། བདག་གི་རྟ་དྲེལ་རྔོག་ཆགས་ཐམས་ཅད་འཕེལ་ཞིང་རྒྱས་པ་དང་། ཚེ་བསོད་བརྟན་པའི་ཕྲིན་ལས་མཛོད་ཅིག །ཧཱུྃ། འཕགས་མཆོག་བྱང་ཆུབ་སེམས་དཔའ་རེ་མནྟ། །འགྲོ་བ་རྐང་འཁྱམས་ངལ་བ་སྐྱོབ་པའི་ཕྱིར། །རྟ་ལྷར་སྤྲུལ་ནས་རྔོག་ཆགས་འཕེལ་མཛད་པ། །རྡོ་རྗེ་རེ་མན་ལ་ཕྱག་འཚལ་བསྟོད། །གླིང་བཞིའི་མུན་པ་མ་ལུས་སེལ་བའི་ཕྱིར། །རྫུ་འཕྲུལ་རླུང་གི་རྟ་བདུད་རབ་སྐྱོད་པ། །ཉི་མའི་དཀྱིལ་འཁོར་མཁའ་ལ་སྤྲིན་བཞིན་དུ། །གཞོན་ནུ་རེ་མནྟ་ལ་ཕྱག་འཚལ་བསྟོད། །ལྷ་ཆེན་ཉི་མའི་སྲས་སུ་སྐུ་འཁྲུངས་ཤིང་། །དགུང་སྔོན་དབུས་ནས་གླིང་བཞི་ཁྱབ་པར་རྒྱུག །ཉི་མའི་གཞལ་ཡས་རླུང་རྟ་བདུན་གྱི་བདག །ཉི་མའི་སྲས་པོ་ཁྱོད་ལ་ཕྱག་འཚལ་བསྟོད། །སྔོན་ཚེ་ལྷ་དང་ལྷ་མིན་འཐབ་པའི་ཚེ། །ལྷ་དམག་བྱེ་བ་འབུམ་གྱི་ལས་མཁན་མཛད། །ཁྱོད་སྔགས་དྲན་

[Full Size]

པས་ལམ་གྱི་འཇིགས་པ་སེལ། །ལམ་ལྷ་ཆེན་པོ་ཁྱོད་ལ་ཕྱག་འཚལ་བསྟོད། །ཐུབ་དབང་དྲུང་དུ་རང་སྲོག་གཟུངས་སྔགས་ཕུལ། །འགྲོ་བའི་ཕོངས་པ་སེལ་བར་དམ་བཅས་པའི་། །ནོར་ལྷ་ཆེན་པོ་ཨཱརྱ་རེ་མནྟ། །རྔོག་ཆགས་སྤེལ་མཛད་ཁྱོད་ལ་ཕྱག་འཚལ་བསྟོད། །རྒྱལ་བའི་བསྟན་དང་རྔོག་ཆགས་རྟ་རྣམས་ལ། །གནོད་པའི་དགྲ་བགེགས་འབྱུང་པོ་ལམ་གྱི་དགྲ། །རྡུལ་དུ་བརླག་ཕྱིར་རབ་ཁྲོས་གཏུམ་པོའི་སྐུ། །ཁྲོ་བོ་རེ་མནྟ་ལ་ཕྱལ་འཚལ་བསྟོད། །སུམ་རྩེན་ཆོས་བཟང་ལྷ་ཡི་འདུན་ས་ན། །ལྷ་མིན་གདུག་པའི་བར་ཆད་བསལ་བའི་ཕྱིར། །སོ་དང་བྱ་ར་མཛད་པ་ལྷ་ཡི་དཔལ། །དཔལ་རབ་འཆང་བའི་མགོན་པོ་ཁྱོད་ལ་བསྟོད། །རྣམ་པར་རྒྱལ་བའི་ཁང་བཟང་དམ་པ་ནས། །ཁམས་གསུམ་དབང་བསྒྱུར་དཔལ་དང་འབྱོར་པའིདཔལ། །ཐུགས་དམ་སྲོག་སྙིང་དངོས་གྲུབ་སྟེར་མཛད་པའི། །གནོད་སྦྱིན་གང་བ་བཟང་པོར་ཕྱག་འཚལ་བསྟོད། །བྱང་ཆུབ་སེམས་དཔའ་གསེར་འདྲ་སེང་གེ་ཞོན། །མི་འཇིགས་སྐྱོབ་ཕྱིར་རིན་ཆེན་དབྱུག་ཏོ་འཛིན། །ནོར་རྣམས་སྤེལ་ཕྱིར་ཕྱག་གཡོན་ནེའུ་ལེ་བསྣམས། །རྟ་ནོར་སྤེལ་མཛད་རྣམ་ཐོས་སྲས་ལ་

[Full Size]

བསྟོད། །རྣལ་འབྱོར་དགྲ་ལྷ་དུག་གསུམ་ནད་ཀྱི་སྨན། །རིག་འཛིན་སྲོག་ཤིང་ལྷ་ཡི་སྡེ་དཔོན་མཆོག །རྟ་ལྷ་མགོན་པོ་རྟ་ནག་རྟིང་དཀར་ཆིབས། །ཉི་ཟླ་སྐར་ཆེན་འོད་ཟེར་འཕྲོ་ལ་བསྟོད། །གནོད་སྦྱིན་སྡེ་དཔོན་རྟ་བདག་ཀུ་བེ་ར། །མཐིང་ནག་རལ་གྲི་འབར་བས་གནོད་སྦྱིན་སྡིགས། །ཕྱག་གཡོན་སྲབ་མདའ་འཛིན་པས་རྫི་བོ་མཛད། །རྟ་ཡི་སྲུང་མ་ཁྱོད་ལ་ཕྱག་འཚལ་བསྟོད། །སྤྲུལ་པའི་རྟ་ལྷ་ཨཱརྱ་རེ་མནྟ། །ལྔ་བརྒྱའི་གྲངས་ལྡན་རྟ་སྔོན་གསེར་ཞུབ་ཅན། །ཡང་འཁོར་གནོད་སྦྱིན་ནོར་ལྷ་བྱེ་བ་འབུམ། །མ་ལུས་འཁོར་དང་བཅས་ལ་བདག་བསྟོད་དོ། །ཅེས་བསྟོད། རང་ཉིད་རྟ་མགྲིན་གྱི་ཐུགས་ཀ་ནས་ཧྲཱིཿལ་སྔགས་ཀྱིས་བསྐོར་བ་ལས་འོད་ཟེར་ཁ་དོག་སྣ་ཚོགས་འཕྲོས། མདུན་བསྐྱེད་རྣམས་ཀྱི་ཐུགས་ཀར་རང་སྔགས་ཀྱིས་བསྐོར་བ་ལ་ཕོག །ཐུགས་དམ་གྱི་རྒྱུད་བསྐུལ་ནས་དངོས་གྲུབ་ཐམས་ཅད་འོད་ཟེར་གྱི་ཚུལ་དུ་རང་ལ་ཐིམ་པ་དང་། འོད་ཟེར་བསྲུང་བྱའི་རྟ་རྣམས་ལ་ཕོག །རྟ་ནད་ཐམས་ཅད་བ་མོ་ལ་ཉི་ཟེར་ཕོག་པ་ལྟར་སང་སང་དག་ཅིང་བསལ། རྟ་རྣམས་ཚེ་སྲོག་རབ་ཏུ་བརྟན་པ་དང་འཕེལ་ཞིང་རྒྱས་པར་གྱུར། དཀོན་

[Full Size]

མཆོག་གསུམ་ལ་ཕྱག་འཚལ་ལོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཨོཾ་ཧཱུྃབཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨོཾ་ཨཱརྱ་ཀྲོ་ཏ་རེ་མནྟ་ཧ་ན་ཧ་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། འཕགས་པ་གཞོན་ནུ་རེ་མནྟས་རྟ་རྣམས་བསྲུང་དུ་གསོལ། ཅེས་བཟླ་བ་ནི་བདག་མདུན་གཉིས་སྦྲགས་ལ་བསྒྲུབ་པའོ། །རང་གི་ཐུགས་ཀ་ནས་འོད་ཟེར་སྣ་ཚོགས་བྱུང་། རྡོ་རྗེ་རེ་མནྟའི་ཞལ་དུ་མཆོད་པའི་ཚུལ་དུ་ཞུགས། ཐུགས་ཀའི་སྔགས་ཕྲེང་ལ་ཐིམ་པས་ཐུགས་རྒྱུད་བསྐུལ་ཏེ། ལྟེ་བ་ནས་ཐུགས་ཀར་ཐིམ་པས་དངོས་གྲུབ་ཐམས་ཅད་ཐོབ་པར་གྱུར། ཨོཾ་བཛྲ་ཀྲོ་ཏ་རེ་མན་ཧ་ན་ཧ་ན་ཧཱུྃ་ཕཊ་སྭཱ་ཧཱ། ཨོཾ་བཛྲ་ཀྲོ་ཏ་རེ་མན་ཧ་ན་ཧ་ན་ཧཱུྃ་ཧཱུྃ་ཕཊ་ཕཊ། ཨོཾ་བཛྲ་རེ་མན་ཧ་ན་ཧ་ན་ཧཱུྃ་ཕཊ། རང་གི་ཐུགས་ཀ་ནས་འོད་ཟེར་དཀར་པོ་འཕྲོས། དཔལ་རབ་འཆང་བའི་མགོན་པོའི་ཐུགས་རྒྱུད་བསྐུལ། འོད་ཟེར་དཀར་པོ་ཟླ་བའི་འོད་ཟེར་ལྟ་བུ་འཕྲོས། རྟ་རྣམས་ལ་ཕོག་པས་རྟ་ནད་ཐམས་ཅད་སང་སང་དག་པར་གྱུར། ཨོཾ་བུདྡྷ་ཀྲོ་ཏ་རེ་མན་ཧ་ན་ཧ་ན་ཧཱུྃ་ཧཱུྃ་ཕཊ། ན་མོ་རཏྣ་ཏྲ་ཡཱ་ཡ། ཧ་དེ་ཕུ་ནི་ཧ་དེ་ཕུ་ནི་ཧ་སྭཱ་ཧཱ། ཏདྱ་ཐཱ། ཤི་མ་ཐི་ར་མ་ཐི་ར་མ་ཐི་ར་བྷ་ཕཊ། ཕུ་

[Full Size]

ཏ་པ་ར་མ་ཏི་ནི། དྷ་ར་དྷ་ར། དྷི་རི་དྷི་རི། ཨུ་སུ་རི་ཏི་སྭཱ་ཧཱ། ན་མོ་རཏྣ་ཏྲ་ཡཱ་ཡ་ཧ་དེ་ཕུ་ནི་ཨུ་ཏི་སྭཱ་ཧཱ། རང་གི་ཐུགས་ནས་འོད་ཟེར་སེར་པོ་འཕྲོས། །ཨཱརྱ་རེ་མནྟའི་ཐུགས་རྒྱུད་བསྐུལ། འོད་ཟེར་གསེར་བཙོ་མ་ལྟ་བུ་བྱུང་ནས་རང་གི་རྟ་དང་གནས་ཁང་ཐམས་ཅད་ལ་ཁྱབ་པས་རྟ་དྲེལ་རྔོག་ཆགས་ཐམས་ཅད་འཕེལ་ཞིང་རྒྱས་པར་གྱུར། ན་མོ་རཏྣ་ཏྲ་ཡཱ་ཡ་ཧ་དེ་ཕུ་ནི་ཧ་དེ་ཕུ་ནི་ཕུ་ཕུ་སྭཱ་ཧཱ། ཏདྱ་ཐཱ། ཐི་རི་ཐི་རི། པྲ་ཛྙཱ་པ་ར་ཏི་ནི། ད་ར་ད་ར། དྷི་རི་དྷི་རི། ཨུ་ཡུ་ཏི་ནི་སྭཱ་ཧཱ། ན་མོ་རཏྣ་ཏྲ་ཡཱ་ཡ། ཨ་མ་ཝེར་ན་དྷེ་ཝ་ཨ་སུ་ཨུ་པ་ནི་སྭཱ་ཧཱ། ཨཱརྱ་རེ་མནྟ་སྭཱ་ཧཱ། ཨོཾ་ཨཱརྱ་རེ་མན་ཀྲོ་དྷ་རཀྵ་རཀྵ་ཡ་སྭཱ་ཧཱ། ཨཱརྱ་རེ་མན་ཧེ་ཧེ་ཕུ་ཀ་སྭཱ་ཧཱ། རང་གི་ཐུགས་ཀ་ནས་འོད་ཟེར་གློག་ཞགས་ལྟ་བུ་འཕྲོས། གཞོན་ནུ་རེ་མནྟའི་ཐུགས་རྒྱུད་བསྐུལ་བས་འོད་ཟེར་དམར་པོ་ལྕགས་ཀྱུ་དང་ཞགས་པ་ལྟ་བུ་འཕྲོས། འཇིག་རྟེན་ཁམས་ཐམས་ཅད་ཀྱི་རྟ་དྲེལ་རྔོག་ཆགས་ཐམས་ཀླུ་ཅད་ཀྱི་གཡང་དང་དངོས་གྲུབ་བསྡུས་ནས་རང་དང་བསྲུང་བྱ་ལ་ཐིམ་པར་གྱུར། ན་མོ་རཏྣ་ཏྲ་ཡཱ་ཡ། ན་མོ་ས་དོང་ཀ་རཱ་ཙ། བྷཱུ་ཧ་བ་ན་དེ་བྷུ་ནེ་སྭཱ་ཧཱ། ན་མོ་དེ་བ་པུ་ཏྲ་པྲ་ཧ་ཧེ་

[Full Size]

པུ་བྷི་དྷི་དྷི་དེ་ཤུ་ནི་ཧ་རེ་པུ་ནི་དེ་སྭཱ་ཧཱ། ཨོཾ་ཏདྱ་ཐཱ། བྲི་ཡེ་ཤི་ཡེ་མ་ནུ། པྲ་ཛྙཱ་བར་ཏེ་ན་ཙ་ར། ཙ་ར་ཨི་ཊཾ་ཏ་ནི་དྷི་རི་དྷི་རི་བྷུ་དྷ་ནི་སྭཱ་ཧཱ། ཨོཾ་ཨཱརྱ་རེ་མནྟ་བདྲག་གི་དབང་དུ་གྷོ་ར་སརྦ་པ་ཤཾ་ཀུ་རུ་ཡེ་སྭཱ་ཧཱ། ན་མོ་རཏྣ་ཏྲ་ཡཱ་ཡ། ཧ་དེ་ཕུ་ནི་ཧ་དེ་ཕུ་ནི་སྭཱ་ཧཱ། ཏདྱ་ཐཱ། གྲི་ནི་ཡེ་ཤི་ཡེ་པུ་ཎི་ཛི་པ་ར། ཏ་ར་ནི་དྷ་ར་དྷ་ར། དྷི་རི་དྷི་རི་ཨུ་ཨུ་ཏི་ནི་སྭཱ་ཧཱ། རང་གི་ཐུགས་ཀ་ནས་འོད་ཟེར་དམར་ནག་འཕྲོས། ཁྲོ་བོ་རེ་མནྟ་ལ་ཕོག་པས་དབུ་གཙུག་དང་ཕྲག་པའི་ཁྱུང་དང་ལྕགས་ཀྱི་བྱ་ཁྲ་ལས་ཁྱུང་དང་བྱ་ཁྲའི་ཚོགས་སྤྲོས་པས་ནམ་མཁའ་བར་སྣང་གང་། མདུན་རྒྱབ་ཀྱི་སྟག་སེང་ལས་སྟག་དང་སེང་གེའི་ཚོགས་སྤྲོས་པས་ས་གཞི་ཁྱབ་སྟེ། རྟ་ལ་གནོད་པའི་དགྲ་བགེགས་ཐམས་ཅད་ལ་བྱ་ཁྲ་དང་ཁྱུང་གི་ཚོགས་འཇུམ་ཞིང་ཀླད་པ་བཏོན། སྟག་དང་སེང་གེས་ཟོས། གདོན་དང་གདུག་པ་ཐམས་ཅད་བྱ་ཁྱུང་གི་ཚོགས་ཀྱིས་དེད་ནས་བསྐྲད་པས་མཚམས་བཅད་པར་གྱུར། ཨོཾ་མ་ཧཱ་ཀྲོ་ཏ་རེ་མན་ཧ་ན་ཧ་ན་ཧཱུྃ་ཕཊ། རང་གི་ཐུགས་ཀ་ནས་འོད་ཟེར་འཕྲོས་པས་གང་བ་བཟང་པོའི་ཐུགས་རྒྱུད་བསྐུལ། འོད་ཟེར་སེར་པོ་འཕྲོས་ཤིང་རྟ་རྣམས་ལ་ཐིམ་པས། རྟ་རྣམས་

[Full Size]

བསྲུང་ཞིང་སྤེལ་བ་དང་། །རྟའི་དཔལ་གཡང་ཐམས་ཅད་སྤེལ་བར་གྱུར། ན་མོ་རཏྣ་ཏྲ་ཡཱ་ཡ། ན་མ་སྦེ་ཡ་དྷི་ལོཀྱ་བྷ་ཧ་ར་བྷི་ཀྲི་ཏ་པ་ཡ་ད་ན། རྟ་འདི་རྣམས་ལ་སྲུངས་ཤིག །ནོར་རྣམས་སྤེལ་ཅིག་སྭཱ་ཧཱ། ན་མོ་རཏྣ་ཏྲ་ཡཱ་ཡ། ན་མ་སྦེ་ལོཀྱ་བྷུ་ཏི་བྷུ་ར་ཏི་ཏེ་ཡ་ན། རྟ་རྣམས་ལ་སྲུངས་ཤིག །ནོར་རྣམས་སྤེལ་ཅིག་སྭཱ་ཧཱ། ན་། མོ་རཏྣ་ཏྲ་ཡཱ་ཡ། ན་མ་སྦེ་ལོ་ཀི་ལི་ཏི་བྷི་རི་དྷི་རི་ཧ་ས་མ་ན་ཡེ་སྭཱ་ཧཱ། རྟ་རྣམས་བསྲུང་དུ་གསོལ། རྟ་རྣམས་སྤེལ་ཅིག་སྭཱ་ཧཱ། ན་མོ་རཏྣ་ཏྲ་ཡཱ་ཡ། ན་མ་སྦེ་ལོཀྱ་བྷ་ར་བྷ་ར༔ བྷི་རི་དྷི་རི་ས་མན་དྷ། རྟ་འདི་རྣམས་ལ་སྲུངས་ཤིག །ནོར་རྣམས་སྤེལ་ཅིག །ཨོཾ་པུ་ཎ་བྷ་དྲ་གྷོ་ར་རཀྵ་རཀྵ་སྭཱ་ཧཱ། རང་གི་ཐུགས་ཀའི་འོད་ཟེར་རྣམ་སྲས་ལ་ཕོག་པས་ཐུགས་རྒྱུད་བསྐུལ། འོད་ཟེར་སེར་པོའི་སྣ་ལས་རིན་པོ་ཆེའི་ཆར་འབེབས་ཤིང་སྤེལ་བའི་ལས་མཛད་པར་གྱུར། ཨོཾ་བཛྲ་པཱ་ཎི་ཧཱུྃ། ཨོཾ་བཻ་ཤྲ་མ་ཎ་བཛྲ་རཀྵ། ཨོཾ་བཻ་ཤྲ་མ་ཎ་ས་མ་ཡ་རྟ་རྣམས་སྲུངས་ཤིག །ནོར་རྣམས་སྤེལ་ཅིག་སྭཱ་ཧཱ། ཨོཾ་བཻ་ཤྲ་མ་ཎ་བཛྲ་བདག་གི་རྟ་རྣམས་སྲུངས་ཤིག་སྭཱ་ཧཱ། བདག་གི་ཐུགས་ཀའི་འོད་ཟེར་རྟ་ལྷ་མགོན་པོ་ནག་པོ་

[Full Size]

ལ་ཕོག་པས་མགོན་པོ་ནག་པོས་རྟ་རྣམས་སྲུང་ཞིང་། རྟ་ལ་གནོད་པ་ཐམས་ཅད་ཚར་གཅོད་པའི་ལས་ལ་བརྩོན་པར་གྱུར། ཨོཾ་མ་ཧཱ་ཀཱ་ལ་རུ་རུ་ཤ་ཏེ་ག་ཏེ་ནི་སྭཱ་ཧཱ། ཏདྱ་ཐཱ། ཧི་ལི་ཧི་ལི་ཀི་ཏི་ཙི་ཏི་ནི་སྭཱ་ཧཱ། ཨོཾ་མ་ཧཱ་ཀཱ་ལ་དྷུ་ན་དྷུ་ན་ཧཱུྃ་ཕཊ། ཨོཾ་མ་ཧཱ་ཀཱ་ལ་ཡ་ག་ནི་ན་ཤ་ཡ་ཧི་ཀ་གི་ན། ཏདྱ་ཐཱ། ཨོཾ་ཧི་ལི་ཧི་ལི་ག་ཏ་ནི་ཙི་སྭཱ་ཧཱ། ཨོཾ་མ་ཧཱ་ཀཱ་ལ་ཡ་དྷ་རུ་ཤ་ན་སྭཱ་ཧཱ། ཨོཾ་མ་ཧཱ་ཀཱ་ལ་ག་ནེ་ཤ་ཡ་ཏ་གྷི་ན་ཏ། ཨོཾ་མ་ཧཱ་ཀཱ་ལ་དུ་དུ་ཤ་པ་ཏེ་ག་ཏེ་ནི་སྭཱ་ཧཱ། ཏདྱ་ཐཱ། ཨོཾ་ཧི་ལི་ཧི་ལི། ཀི་ཏི་ནི་ཙི་ཏེ་ན་སྭཱ་ཧཱ། ༀ་ཤྲཱི་མ་ཧཱ་ཀཱ་ལ་ག་ནེ་ཤ་ཡ་ཏ་གྷི་ནི། ཏདྱ་ཐཱ། ཨོཾ་ཨ་ཀ་ཧེ་ནི་ཧི་ལ་སྭཱ་ཧཱ། རྟའི་ནད་དང་གནོད་པ་ཐམས་ཅད་མགོན་པོ་ནག་པོས་ཐུལ་ཅིག །རང་གི་ཐུགས་ཀ་ནས་འོད་ཟེར་འཕྲོས་པས། ཀུ་བེ་རའི་ཐུགས་རྒྱུད་བསྐུལ་བས་རང་འདྲ་བའི་ཀུ་བེ་ར་འབུམ་ཕྲག་འཕྲོས་ཏེ་ཕྱག་གཡས་རལ་གྲི་ཕྱར་ནས་རྟ་ལ་གནོད་པ་ཐམས་ཅད་བསད་བཅད་གཏུབས་ནས་མེད་པར་བྱེད་ཅིང་གཡོན་གྱི་ཕྱག་གིས་རྟའི་སྲབ་མདའ་བཟུང་ནས་རྟའི་རྫི་བོ་བྱེད་པར་གྱུར། ཨོཾ་ཀུ་བེ་ར་ཡེ་སྭཱ་ཧཱ། ཨོཾ་ཀུ་བེ་ར་སྭཱ་ཧཱ། གྷོ་ར་རཀྵ་རཀྵ་ཧཱུྃ་ཧཱུྃ་སྲུངས་ཤིག །ཅེས་མང་ཉུང་ཅི་རིགས་པ་བཟླ་

[Full Size]

གནམ་ཆོས་གཏེར་གཞུང་ཀུ་བེ་རའི་སྒྲུབ་ཐབས། ཧཱུྃ། མདུན་དུ་ནོར་ལྷ་ཀུ་བེ་ར་སོགས་གསུངས་དགོས་མཆན། དེ་ནས་ཉམས་ཆགས་བསྐང་ཕྱིར་སྐོང་བཤགས་བྱ་སྟེ། ཧཱུྃ། ཧཱུྃ་ལས་སྐོང་། །རྫས་རི་རབ་བང་རིམ་བཞི། །ཤར་ཕྱོགས་ཤེལ་ལ་ལྷོ་ཕྱོགས་བེརྱ། །ནུབ་ཕྱོགས་རཱ་ག་བྱང་ཕྱོགས་གསེར་ལས་གྲུབ། །གླིང་བཞི་རི་རབ་ལྕགས་རི་ཁོར་ཡུག་བཅས། །བྱ་གཅན་རི་དྭགས་གཡུང་དྭགས་ཆུ་གནས་ཚོགས། །ལྷ་མིའི་ལོངས་སྤྱོད་འདོད་ཡོན་དཔག་མེད་བཅས། །ནམ་མཁའ་གང་བར་སེམས་ཀྱིས་མངོན་སྤྲུལ་ནས། །རྟ་ལྷ་འཁོར་བཅས་དགྱེས་པ་སྐྱེད་བྱེད་འདིས། །རྡོ་རྗེ་རེ་མནྟ་ཡི་ཐུགས་དམ་བསྐང་། །དཔལ་རབ་འཆང་བའི་མགོན་པོའི་ཐུགས་དམ་བསྐང་། །ཨཱརྱ་རེ་མན་ཡི་ཐུགས་དམ་བསྐང་། །གཞོན་ནུ་རེ་མནྟ་ཡི་ཐུགས་དམ་བསྐང་། །ཁྲོ་བོ་རེ་མནྟ་ཡི་ཐུགས་དམ་བསྐང་། །རྩ་གསུམ་ལྷ་ཚོགས་སོ་སོའི་ཐུགས་དམ་བསྐང་། །ལམ་ལྷ་དགྲ་བླ་ཆེན་པོའི་ཐུགས་དམ་བསྐང་། །གཟི་ལྡན་ཉི་མའི་སྲས་པོའི་ཐུགས་དམ་བསྐང་། །རླུང་རྟ་བདུད་ཀྱི་བདག་པོའི་ཐུགས་དམ་བསྐང་།་སར་གནས་འཕགས་པ་ཆེན་པོའི་ཐུགས་དམ་བསྐང་། །རྔོག་ཆགས་ཡོངས་ཀྱི་

[Full Size]

བདག་པོའི་ཐུགས་དམ་བསྐང་། །དཔལ་འབྱོར་གང་བ་བཟང་པོའི་ཐུགས་དམ་བསྐང་། །རྡོ་རྗེ་རྣམ་ཐོས་སྲས་ཀྱི་ཐུགས་དམ་བསྐང་། །རྟ་ལྷ་མགོན་པོ་ནག་པོའི་ཐུགས་དམ་བསྐང་། །རྟ་བདག་ཀུ་བེ་ར་ཡི་ཐུགས་དམ་བསྐང་། །སྤྲུལ་པ་རྟ་ལྷ་ལྔ་བརྒྱའི་ཐུགས་དམ་བསྐང་། །ཡང་འཁོར་ལྷ་དམག་བྱེ་བའི་ཐུགས་དམ་བསྐང་། །ཧཱུྃ། ཡང་ཅིག་ཨཱརྱ་རེ་མན་འཁོར་བཅས་ཀྱི། །ཐུགས་དམ་གཉན་པོ་སྐོང་བའི་དམ་རྫས་ནི། །བྲིས་སྐུ་འབུར་སྐུ་རྟ་སྔོན་རྒྱན་ལྡན་དང་། །གཡག་ལུག་བྱ་རྟའི་གཟུགས་འགྲོས་སྣ་ཚོགས་ཀྱིས། །ཁྱེད་ཀྱི་སྐུ་ཡི་ཐུགས་དམ་བསྐངས་གྱུར་ཅིག །ལུང་ཏང་ཕྲེང་བ་དཀར་གསུམ་གཏོར་མ་དང་། །རྔ་དང་རོལ་མོ་བསྟོད་དབྱངས་སྣ་ཚོགས་དང་། །སྲོག་སྙིང་གསེར་དངུལ་མཚལ་གྱིས་བྲིས་པ་འདིས། །ཁྱེད་ཀྱི་གསུང་གི་ཐུགས་དམ་བསྐངས་གྱུར་ཅིག །རིན་ཆེན་འབར་བ་བྲིས་དང་འབུར་དུ་བཏོད། །སྲོག་གི་འཁོར་ལོ་རྟ་སྔོན་སྙིང་དང་མིག །གསེར་དངུལ་སྐུ་བཟང་ལ་སོགས་རིན་ཆེན་ལྔས། །ཁྱེད་ཀྱི་ཐུགས་ཀྱི་ཐུགས་དམ་བསྐངས་གྱུར་ཅིག །མདའ་མོ་བྱ་རྒོད་དར་ཚོན་སྣ་ལྔས་བརྒྱན། །སྟག་རས་གཟིག་རས་གསེར་ཁྲབ་

[Full Size]

བསེ་ཡི་རྨོག །འཇོལ་བེར་ལྗང་བཀྲ་མདུང་དར་བ་དན་ཅན། །ཁྱེད་ཀྱི་ཡོན་ཏན་ཐུགས་དམ་བསྐངས་གྱུར་ཅིག །ལྕགས་ཀྱི་བྱ་ཁྲ་ལྕགས་མདའ་ལྕགས་གཞུ་དང་རལ་གྲི་འབར་བ་རྟ་ནག་རྟིང་དཀར་སོགས། །གནད་ནས་བསྐུལ་ཞིང་ཕྲིན་ལས་བསྒྲུབས་པ་ཡིས། །ཁྱེད་ཀྱི་ཕྲིན་ལས་ཐུགས་དམ་བསྐངས་གྱུར་ཅིག་ཧཱུྃ། ཁྲོ་བོ་ཆེན་པོ་ཨཱརྱ་རེ་མནྟ། །རྔོག་ཆགས་སྲུང་མ་གནོད་སྦྱིན་ནོར་ལྷའི་ཚོགས། །སྔོན་གྱི་ཐུགས་དམ་གཉན་ལས་མ་འདའ་བར། །འབོད་པའི་དུས་ན་རྟ་ལྷ་སྙན་མོ་སྲ། །གཡབ་པའི་ཚེ་ན་རྟ་ལྷ་སྤྱན་མ་བརྟུལ། །རྦད་པའི་ཚེ་ན་རྟ་ལྷ་མཐུ་མ་ཆུང་། །མངག་པའི་ཆེ་ན་རྟ་ལྷ་བང་མ་བུལ། །སྔར་བྱས་ལས་ཀྱི་གཏང་རག་གཉེན་པོ་འབུལ། །ཕྱི་བྱེད་ལས་ཀྱི་ཞུ་སྐྱེམས་གཉན་པོ་འབུལ། །ད་ལྟ་ལས་ཀྱི་གཉེར་ཟས་འདི་བཞེས་ལ། །རྟ་ལྷ་འཁོར་བཅས་ཐུགས་དམ་བསྐངས་གྱུར་ཅིག །ཧཱུྃ། ཐུགས་རྗེའི་མངའ་བདག་འཕགས་པ་རེ་མནྟ། །གནོད་སྦྱིན་རྟ་ལྷའི་འཁོར་ཚོགས་བཅས་པ་རྣམས། །རྣལ་འབྱོར་བདག་ལ་གསན་ཅིང་དགོངས་སུ་གསོལ། །ཁྱེད་རྣམས་ཡེ་ཤེས་སྤྱན་ལྡན་དུས་གསུམ་གཟིགས། །

[Full Size]

བདག་ནི་མ་རིག་དབང་གིས་གཏི་མུག་པས། །རྟེན་རྫས་མ་ཚང་མཆོད་པའི་ཕུད་ཉམས་དང་། །ཏིང་འཛིན་མ་གསལ་བཟླས་བརྗོད་སྔགས་མ་དག །ལྷག་བསམ་མི་ལྡན་རང་འདོད་ཁོང་དུ་བཅུག །བསོད་ནམས་མི་ལྡན་སྦྱིན་པའི་འབྲས་བུ་ཡལ། །ཆོག་ཤེས་ཆུང་ཞིང་ཧ་ཅང་འདོད་ཅན་སོགས། །ཁྱེད་རྣམས་ཐུགས་དང་འགལ་བ་ཅི་མཆིས་པ། །རབ་ཏུ་གནོང་ཞིང་འགྱོད་པས་མཐོལ་ལོ་བཤགས། །ཨོཾ་ས་མ་ཡ། ཨཱས་མ་ཡ། ཧཱུྃ་ས་མ་ཡ། ཨོཾ་ཨཱརྱ་རེ་མནྟ་སྭཱ་ཧཱ། ཨོཾ་བཛྲ་སཏཱ་སོགས་ཡིག་བརྒྱ་བཟླ། ཧཱུྃ། རྡོ་རྗེ་ཁྲོ་བོ་ཆེན་པོ་རེ་མན། །ཤར་ཕྱོགས་སྐྱོང་བའི་མགོན་པོ་དཔལ་རབ་འཆང་། །ལམ་ལྷའི་རྒྱལ་པོ་ཨཱརྱ་རེ་མནྟ། །ཉི་མའི་སྲས་པོ་གཞོན་ནུ་རེ་མནྟ། །རབ་འཇིགས་ཁྲོ་བོ་ཆེན་པོ་རེ་མནྟ། །གང་བ་བཟང་པོ་རྡོ་རྗེ་རྣམ་ཐོས་སྲས། །མ་ཧཱ་ཀཱ་ལ་རྟ་བདག་ཀུ་བེ་ར། །ཁྱེད་རྣམས་འཁོར་བཅས་ཐུགས་དམ་བསྐངས་གྱུར་ཅིག །རྟ་དྲེལ་གནོད་པའི་དགྲ་བགེགས་བཟློག་ཏུ་གསོལ། །གློ་བུར་དགྲ་ཀུན་འཕྲོག་པ་བཟློག་ཏུ་གསོལ། །ཚ་ལོང་གྲང་ལོང་སྲིན་འགག་བཟློག་ཏུ་གསོལ། །འཁྲུག་ཆེན་སྐྲང་འབུར་རྣག་ནད་བཟློག་ཏུ་གསོལ། །གློ་

[Full Size]

དང་ལྷེབ་དང་འཐེང་གྲུམ་བཟློག་ཏུ་གསོལ། །རྔོ་དང་འབྲས་དང་མཚེར་ལོང་བཟློག་ཏུ་གསོལ། །གློ་ནད་གཅོང་འབྲུམ་མཚལ་བཅུ་བཟློག་ཏུ་གསོལ། །གཟའ་ནད་ཟེར་མ་གདོན་ནད་བཟློག་ཏུ་གསོལ། །ཚུན་ལང་ཁྲག་འཁྲུགས་འཚེར་གཅུ་བཟློག་ཏུ་གསོལ། །སྡོམ་རིགས་འཁྲུགས་དང་བཙན་སྲི་བཟློག་ཏུ་གསོལ། །འཕྲང་བདུད་དགུང་སྔོན་བྱ་ཞོན་བཟློག་ཏུ་གསོལ། །རྩ་སྡོམ་སྟོད་འཁྲུག་སྨད་སླད་བཟློག་ཏུ་གསོལ། །ཆུ་སྲི་རྐང་གཉིས་འཐེང་བ་བཟློག་ཏུ་གསོལ། །རྩ་གྲུམ་ལག་གཉིས་གྲུམ་པ་བཟློག་ཏུ་གསོལ། །ཆག་རིགས་གཅོང་དང་ལ་གར་བཟློག་ཏུ་གསོལ། །ས་གྲིབ་གནམ་གྲིབ་ཆུ་གྲིབ་བཟློག་ཏུ་གསོལ། །སྣ་ནད་འཁྲུག་ལང་ཆུ་བྱི་བཟློག་ཏུ་གསོལ། །རྒྱལ་ནད་གློ་བུར་ནད་རྣམས་བཟློག་ཏུ་གསོལ། །རྟ་ཡི་ལམ་གྱི་འཇིགས་པ་བཟློག་ཏུ་གསོལ། །འཚེར་ནད་སྲི་ལང་རིམས་ཆག་བཟློག་ཏུ་གསོལ། །ལྟས་ངན་སྐར་མ་ངན་པ་བཟློག་ཏུ་གསོལ། །ལྷ་ལམ་འདྲེ་ལམ་དགྲ་བྱེས་འགོང་བཟློག་ཏུ་གསོལ། །རྟ་ལ་གནོད་པའི་དགྲ་བགེགས་ད་ཐུལ་ཅིག །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །དེ་ནས་རྟ་འདྲེ་རྟིལ་སྲི་བྲུབ་པ་

[Full Size]

ནི༔ ལིངྒ་ཤོག་ལིང་ངམ་ཟན་ལིང་བྲུབ་ཁུང་ངམ་ཟངས་ལྕགས་སྣོད་དུ་བཞག །ཆང་རྒོད་དམ་ཁྲག་གིས་བྲན། རང་ཉིད་རྟ་མགྲིན་གྱི་ང་རྒྱལ་གྱིས། སྟོང་པའི་ངང་ལས་བྲུབ་ཁུང་གནམ་ལྕགས་ཀྱི་ཁང་སྒྲོམ་གྲུ་གསུམ་འབར་བའི་ནང་དུ་ཡི་གེ་ཏྲི་ཡོངས་སུ་གྱུར་པ་ལས། གནོད་བྱེད་གོད་འདྲེ་རྟིལ་སྲི་མིག་ཤི་མིག །རྐང་པ་ལྕགས་སུ་བཅུག་པ་གཅེར་བུ་འདར་ལྡི་ལི་ལི་བྱེད་པར་གྱུར། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཡི་དམ་དཔལ་ཆེན་རྟ་མགྲིན་གྱི་བདེན་པ་དང་། ཁྲོ་བོ་ཆེན་པོ་རེ་མན་འཁོར་དང་བཅས་པའི་བདེན་པ་དང་། དཔལ་མ་ཧཱ་ཀཱ་ལ་གནོད་སྦྱིན་གྱི་ཚོགས་དང་བཅས་པའི་བདེན་པ་དང་། བདེན་པ་ཆེན་པོའི་མཐུས་སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ། ཁྱད་པར་དུ་བདག་དང་བསྲུང་བྱའི་རྟ་དྲེལ་རྔོག་ཆགས་རྣམས་ཀྱི་ཚེ་ལ་རྐུ་བ་སྲོག་ལ་འཇབ་པའི་གོད་འདྲེ་གོད་སྲི། རྟ་འདྲེ་རྟིལ་སྲི། སྒབ་འདྲེ་སྒབ་སྲི། བསེ་རག་ལྟོགས་འགོང་དབུལ་སྲི་གང་ཡིན་པ་ཐམས་ཅད་སྐད་ཅིག་རང་དབང་མེད་པར་གཟུགས་ལིངྒ་མིང་བྱང་བུ་འདི་ལ་ཁུག་ཅིག །ཨོཾ་ཧྲཱིཿབཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་

[Full Size]

ཧཱུྃ་ཕཊ། ཨཱརྱ་ཀྲོ་ཏ་རེ་མན་ཧ་ན་ཧ་ན་ཧཱུྃ་ཧཱུྃ་ཕཊ། གནོད་བྱེད་བཛྲ་ཨངྐུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྤོ་ཊ་པཾ། བཛྲ་གྷནྡྷེ་ཧོཿ ཧཱུྃ། རྡོ་རྗེ་ཁྲོ་བོ་རེ་མནྟ། །ཁྱོད་ཀྱི་ཐུགས་དམ་དུས་ལ་བབ། །ཁྱོད་ཀྱི་སྤྱི་བོའི་གཙུག་རུམ་ན། །ཁྱུང་ཆེན་འབར་བ་ལྡིང་ཞིང་འབར། །གཅིག་ལས་བརྒྱ་འཕྲོས་བརྒྱ་ལས་སྟོང་། །སྤྲུལ་པ་ཁྱུང་གིས་ནམ་མཁའ་གང་། །གནོད་ཅིང་འཚེ་བའི་དགྲ་དང་བགེགས། །ནམ་མཁའི་མཐའ་ལ་བྲོས་ན་ཡང་། །རང་དབང་མེད་པར་ཁུག་ལ་ཤོག་སྡེར་མོ་ལྕགས་ཀྱུས་སྙིང་ནས་དྲོངས། རལ་གྲི་འབར་བའི་གཤོག་པས་གཏུབས། །ཆུ་གྲི་འབར་བའི་རྐང་པས་གཟིར། །རྡོ་རྗེའི་མཆུ་ཡིས་གློ་སྙིང་དྲོངས། །དགྲ་བགེགས་བསྒྲལ་བའི་ཕྲིན་ལས་མཛོད་། །རྟ་ལ་གནོད་བྱེད་བགེགས་རྣམས་ཀུན། །སྐད་ཅིག་ཙམ་གྱིས་ཐལ་བར་རློགས། །ཨོཾ་ཁྲོ་ག་རུ་ཊ་གནོད་བྱེད་མཱ་ར་ཡ་ཧཱུྃ་ཕཊ། ཧཱུྃ། ཁྲོ་བོ་ཆེན་པོ་རེ་མན། །ཁྱོད་ཀྱི་ཐུགས་དམ་དུས་ལ་བབ། །ཁྱོད་ཀྱི་ཕྲག་གོང་གཡས་གཡོན་ན། །ལྕགས་ཀྱི་བྱ་ཁྲ་ལྡིང་ཞིང་འཇམ། །གཅིག་ལས་བརྒྱ་འཕྲོས་བརྒྱ་ལས་སྟོང་། །སྤྲུལ་པའི་བྱ་ཁྲས་བར་སྣང་

[Full Size]

གང་། །ཤ་ལོག་སྡང་མིག་ཆེམས་སེ་ཆེམ། །གཤོག་སྒྲ་འབྲུག་ལྟར་འུ་རུ་རུ། །གནོད་ཅིང་འཚེ་བའི་དགྲ་དང་བགེགས། །བྱིས་ལྟར་བྲོས་ཀྱང་ཁྲ་ལྟར་སྙོགས། །རང་དབང་ཉམེད་པར་ཆུམ་ལ་ཤོག །མཆུ་སྡེར་རྣོན་པོས་གློ་སྙིང་ཕྱུངས། །རྟ་ལ་གནོད་པའི་དགྲ་བགེགས་རྣམས། །སྐད་ཅིག་ཙམ་གྱིས་བརླག་པར་མཛོད། །ཨོཾ་ག་རུ་ཊ་གནོད་བྱེད་མཱ་ར་ཡ་ཧཱུྃ་ཕཊ། ཧཱུྃ། ཨཱརྱ་ཀྲོ་ཏ་རེ་མན། །ཁྱེད་ཀྱི་ཐུགས་དམ་དུས་ལ་བབ། །ཁྱོད་ཀྱི་མདུན་དང་རྒྱབ་ཕྱོགས་ཀྱི། །སྟག་དང་སེང་གེ་འགྲོ་ཞིང་འགྱིང་། །གཅིག་ལས་བརྒྱ་འཕྲོས་བརྒྱ་ལོས་སྟོང་། །སྤྲུལ་བའི་བྱ་ཁྲས་བར་སྣང་གང་། །སྟག་དང་སེང་གེས་ས་གཞི་གང་། །གནོད་ཅིང་འཚེ་བའི་དགྲ་དང་བགེགས། །ཤ་ལྟར་བྲོས་ཀྱང་ཁྱི་ལྟར་སྙོགས་། །རང་དབང་མེད་པར་དེད་ལ་ཤོག །ངར་སྒྲས་དགྲ་བགེགས་ལྷ་དང་ཕྲོལ། །ཁ་རླངས་གདུག་པས་མྱོས་སུ་ཆུག །མཆུ་སྡེར་རྣོན་པོས་ཤ་རུས་འཆོས། །རྟ་ལ་གནོད་པའི་དགྲ་བགེགས་རྣམས། །སྐད་ཅིག་ཙམ་གྱིས་ཐལ་བར་རློག །ཨོཾ་བཛྲ་ཀྲོ་ཏ་རེ་མནྟ་གནོད་བྱེད་གོད་འདྲེ་ཐམས་ཅད་ཧ་ན་ཧ་ན་ད་ཧ་ད་ཧ་པ་ཙ་པ་ཙ་དི་ན་མེ་ཀེ་ན་མཱ་ར་ཡ་

[Full Size]

ཧཱུྃ་ཕཊ། ཅེས་ཐུན་གྱིས་བྲབ་བོ། །དེ་ནས་ཕུར་པ་ཐོགས་ལ་འདི་སྐད་དོ། །ཧཱུྃ། རྟ་མགྲིན་རྒྱལ་པོའི་དུས་ལ་བབ། །རེ་མནྟ་ཡི་དུས་ལ་བབ། །དཔལ་རབ་འཆང་བའི་དུས་ལ་བབ། །ཀུ་བེ་ར་ཡི་དུས་ལ་བབ། །མགོན་པོ་ནག་པོའི་དུས་ལ་བབ། །གནོད་སྦྱིན་སྡེ་དཔོན་དུས་ལ་བབ། །པདྨ་ཀྲོ་ཏ་ཀཱི་ལ་ཡ། །སྟོང་ནི་ཁྲོ་ཆེན་རྟ་མགྲིན་རྒྱལ། །ཆང་ཟུང་ཁྲོ་བོ་རེ་མན། །རྒྱ་མདུད་མ་ཧཱ་ཀཱ་ལ་སྟེ། །ཆུ་སྲིན་ཁ་ནས་འབྲུག་སྟོང་ལྡིར། །སྦྲུལ་ཆུན་མཚམས་ནས་གློག་སྟོང་འཁྱུག །ཟུར་གསུམ་རྣོ་ངར་དབལ་དང་ལྡན་། །ཕྱུར་བ་ཙམ་གྱིས་སྲིད་གསུམ་སྔངས། །བཏབ་ན་ལྷ་ཡང་རླག་པར་བྱེད། །དགྲ་དང་བགེགས་ལ་སྨོས་ཅི་དགོས། །ལས་ངན་གོད་འདྲེ་རྟིལ་སྲི་ཁྱོད། །བསམ་ངན་འཆང་བ་སྙིང་ཡིན་པས། །སྙིང་དཀར་ནག་མཚམས་སུ་ཀཱི་ལ་ཡ། །སྨྲ་ཞིང་ཟ་བ་ཁ་ཡིན་པས། །ལྕེ་ཡི་དཀྱིལ་དུ་ཀཱི་ལ་ཡ། །ལྟ་བར་བྱེད་པ་མིག་ཡིན་པས། །མིག་འབྲས་གཉིས་ལ་ཀཱི་ལ་ཡ། །བསྙབ་པར་བྱེད་པ་ལག་པ་ཡིན། །དཔུང་པ་གཉིས་ལ་ཀཱི་ལ་ཡ། །འགྲོ་བར་བྱེད་པ་རྐང་ཡིན་པས། །པུས་མོ་གཉིས་ལ་ཀཱི་ལ་ཡ། །སྟོབས་ནུས་རྟེན་

[Full Size]

དང་ཕྲལ་བའི་ཕྱིར། །སྲོག་ཡིག་ཏྲི་ལ་ཀཱི་ལ་ཡ། །གཏན་ནས་བརླག་པའི་ཕྲིན་ལས་མཛོད། །ཨོཾ་ཧཱིབཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨཱརྱ་ཀྲོ་ཏ་རེ་མནྟ་ཧ་ན་ཧ་ན་ཧཱུྃ་ཕཊ་། བཛྲ་ཀཱི་ལི་ཀཱི་ལ་ཡ་གནོད་བྱེད་གོད་འདྲེ་མཱ་ར་ཡ་ཧཱུྃ་ཕཊ། ཅེས་ཕུར་པ་བཏབ་ནས་ལིང་རོ་དེ་ལམ་ཞབས་སམ་སྐས་ཞབས་སམ་སྒོ་ཐེམ་ཞབསསུ་མནན་ནོ། །དེ་ནས་དང་པོ་དོང་བྲུས་ལ། ཕཊ། རང་ཉིད་རྟ་མགྲིན་གྱིས་ཕྱག་གཡས་རལ་གྲི་ས་ལ་བརྒྱབས་པས་ས་དུམ་བུ་གཉིས་སུ་གས་ནས་རྒྱ་མཚོ་སྔོ་མེར་གྱིས་སོང་བའི་ནང་ནས། པདྨ་གསུང་གི་བཀའ་ཉན་ཀླུ་བདུད་ནག་པོ་ཏི་པ་ཙ་ཆུ་སྲིན་གྱི་གདོང་པ་ཅན་ཁ་གནམ་ས་ཙམ་གདངས་པ། མཆེ་བ་གངས་རི་ཙམ་གཙིགས་པ། ལྕེ་གློག་དམར་ཙམ་འཁྱུག་པའི་ཁ་ནང་དུ་གནོད་བྱེད་གོད་འདྲེ་ཐམས་ཅད་ལིངྒ་དང་༈ དབྱེར་མེད་པར་འཕངས་པས་ཆུ་སྲིན་ཁ་བསྡམས་ནས་ས་རིམ་པ་དགུའི་འོག་ཏུ་མར་སོང་། སྟེང་ནས་དབང་ཆེན་གསེར་གྱི་ས་གཞི་དང་རི་རབ་གླིང་བཞིས་མནན་པའི་སྟེང་ནས་རང་ཉིད་རྟ་མགྲིན་འཁོར་བཅས་ཁྲོ་བོ་མང་པོ་དང་བཅས་ནས་བརྟུལ་ཞུགས་ཀྱི་བྲོ་རྡུང་བར་བསམ། ཧཱུྃ། ང་ནི་ཁྲོ་ཆེན་རྟ་མགྲིན་རྒྱལ། །རང་འདྲའི་སྤྲུལ་པ་བྱེ་བ་འབུམ། །ཀུན་

[Full Size]

ཀྱང་རྟ་སྐད་ཙེ་རེ་རེ། །དྲག་པོའི་རྟ་བྲོ་ཆེམས་སེ་ཆེམ། །གོད་འདྲེ་རྟ་སྲི་རྟིལ་སྲི་རྣམས། །ཐར་མེད་གཤིན་རྗེའི་ལག་ཏུ་གཏད། །འཆོར་མེད་ཆུ་སྲིན་གྲེ་བར་བྲུབས་། །རི་རབ་བཞི་ཡི་འོག་ཏུ་མནན། །བྱམས་མགོན་བསྟན་པ་མ་བྱུང་བར། །སྟེང་གི་ཕྱོགས་དེར་མ་ལྡངས་ཤིག །ཨོཾ་ལཾ། ཧཱུྃ་ལཾ། ཧཱུྃ་བྷ་ཡ་ནན། ཞེས་མནན་ནོ། །དེ་ནས་གསོལ་ཁའི་གཏོར་མ་བྲན་ལ་འདི་སྐད་དོ། །ཨོཾ་ཨ་ཀཱ་རོ་སོགས། དམ་རྫས་བརྒྱན་པའི་གཏོར་མ་རྒྱ་ཆེན་པོ་འདི་རྡོ་རྗེ་རེ་མན་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །རྒྱུ་སྦྱིན་ནོ། །དཔལ་རབ་འཆང་བའི་མགོན་པོ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ཨཱརྱ་རེ་མནྟ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ཉི་མའི་སྲས་པོ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ་སྦྱིན་ནོ། །གཞོན་ནུ་རེ་མན་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ཁྲོ་བོ་རེ་མནྟ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ལྷའི་སོ་པ་ལ་གསོལ་ལོ། །མཆོད་དོ། །

[Full Size]

མགྲོན་ནོ། །འབུལ་ལོ། །སྦྱིན་ནོ། །ལམ་ལྷའི་རྒྱལ་པོ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །དགྲ་བླའི་རྗེ་བོ་ལ་གསོལ་ལོ། །མཆོད་། དོ། །མགྲོན་ནོ། །འབུལ་ལོ། །སྦྱིན་ནོ། །གཟི་བརྗིད་ལྡན་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །དཔལ་དང་ལྡན་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །གྲགས་པ་དང་ལྡན་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ཡོན་ཏན་དང་ལྡན་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །བྱིན་རླབས་དང་ལྡན་པ་ལ་གསོལ་ལོ། མཆོད་དོ། མགྲོན་ནོ། འབུལ་ལོ། སྦྱིན་ནོ། །མཐུ་རྩལ་དང་ལྡན་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །འཁོར་ཕུན་སུམ་ཚོགས་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ལྷ་དང་ལྷ་མིན་གྱི་གཡུལ་ལས་རྒྱལ་བ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །དཔལ་འབྱོར་གང་བ་བཟང་

[Full Size]

པོ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །རྒྱལ་པོ་ཁམས་གསུམ་དབང་བསྒྱུར་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །བྱང་ཆུབ་སེམས་དཔའ་རྡོ་རྗེ་རྣམ་ཐོས་སྲས་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །བཙུན་མོ་སྲས་དང་ཚེ་བཅས་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །རྟ་ལྷ་མགོན་པོ་ནག་པོ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ལྷའི་དེད་དཔོན་ཆེན་པོ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །རྣལ་འབྱོར་གྱི་དགྲ་བླ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །དུག་གསུམ་གྱི་སྨན་པ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །རིག་འཛིན་གྱི་སྲོག་ཤིང་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །རྟ་བདག་ཀུ་བེ་ར་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ཟླ་བའི་སྲས་པོ་ལ་གསོལ་

[Full Size]

ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །སྤྲུལ་པའི་རྟ་ལྷ་ཨཱརྱ་རེ་མནྟ་ལྔ་བརྒྱ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །ཡང་འཁོར་ནོར་ལྷ་བྱེ་བ་ལ་གསོལ་ལོ། །མཆོད་དོ། །མགྲོན་ནོ། །འབུལ་ལོ། །སྦྱིན་ནོ། །རྟ་ལྷ་ཨཱརྱ་རེ་མནྟ་འཁོར་དང་བཅས་པ་ཁྱེད་རྣམས་གསོལ་ཞིང་མཆོད་པ་ལ་བརྟེན་ནས་རྐང་བཞི་རྟ་རྣམས་ལ་བསྐྱབ་ཏུ་གསོལ། རྟ་ལྷའི་རྒྱལ་པོས་རྟ་རྣམས་ལ་བསྲུང་དུ་གསོལ། རྟ་ནད་ཐམས་ཅད་རབ་ཏུ་ཞི་བར་མཛད་དུ་གསོལ། རྟ་དྲེལ་རྔོག་ཆགས་འཕེལ་བར་མཛད་དུ་གསོལ། ཁྱུ་མཆོག་རྟའི་དངོས་གྲུབ་བསྩལ་དུ་གསོལ། གློ་བུར་གྱི་དགྲ་རྐུན་དང་ལམ་གྱི་འཇིག་པ་གསལ་དུ་གསོལ། གཞན་ཡང་སྡང་བའི་དགྲ་ཐུལ་ཅིག །གནོད་པའི་བགེགས་ཐུལ་ཅིག །རྟའི་ནད་དང་གནོད་པ་སོལ་ཅིག །འཁོར་དང་རྟ་སྤེལ་ཅིག །ཁྱད་པར་དུ་ཡང་གནོད་སྦྱིན་གང་བ་བཟང་པོས་ནོར་སྤེལ་ཅིག །རྟ་རྣམས་སྲུངས་ཤིག །རྣམ་ཐོས་སྲས་ཀྱིས་རྟ་ནོར་འབྲུ་རྣམས་འཕེལ་བར་མཛོད་ཅིག །གསེར་གཡུ་རིན་ཆེན་གྱི་དངོས་གྲུབ་སྩོལ་ཅིག །རྟ་ལ་གནོད་པ་ཐམས་ཅད་མགོན་པོ་ནག་

[Full Size]

པོས་ཐུལ་ཅིག །བདག་གིས་བསམ་པ་མཐར་ཕྱིན་དུ་ཆུག་ཅིག །ཁྱད་པར་དུ་རྟ་བདག་གནོད་སྦྱིན་ཀུ་བེ་ར་ཁྱོད་ཀྱིས་ང་ཡི་རྟ་འདི་རྣམས་ལ་གནོད་པ་མ་བཏང་བར་སྲུངས་ཤིག །འཚོས་ཤིག །བདག་ཏུ་གྱིས་ཤིག །གཞི་བྱེས་ལམ་གསུམ་གར་ཕྱིན་ཀྱང་ཁྱོད་ཀྱིས་རྟའི་རྫི་བོ་གྱིས་ཤིག །རྟ་འདྲེ་རྟིལ་སྲི་ཁ་ཁོག་ཅིག །ཨོཾ་ཨཱརྱ་རེ་མན་སྭཱ་ཧཱ། གྷོ་ར་རཀྵ་རཀྵ་ཧཱུྃ་ཧཱུྃ་སྲུངས་ཤིག ཀུ་བེ་རཱ་ཡ་སྭཱ་ཧཱ། གྷོ་ར་རཀྵ་རཀྵ་ཧཱུྃ་ཧཱུྃ་སྲུངས་ཤིག །ཅེས་བསྲུང་བྱའི་རྟ་རྣམས་ཀྱི་སྲབ་མདའ་ཀུ་བེ་རའི་ཕྱག་ཏུ་བཞག་ནས་གཉེར་གཏད་པར་བསྒོམ། ལྷ་རྣམས་ནོངས་པ་གང་མཆིས་བོཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །ཅེས་པ་འདི་ནི་རེ་མནྟའི་གཟུངས་རིགས་མི་གཅིག་པ་བཅུ་གཉིས་དང་། མགོན་པོའི་རྟ་གཟུངས་གསུམ། རྣམ་ཐོས་སྲས་ཀྱི་རྟ་གཟུངས་བཞི། གང་བ་བཟང་པོའི་རྟ་གཟུངས་གསུམ་ཙམ་སྟེ༔ རྟ་གཟུངས་རིགས་མི་གཅིག་པ་ཉི་ཤུ་རྩ་ལྔ་ཙམ་དང་། རྒྱལ་པོ་ཁྲི་སྲོང་ལྡེའུ་བཙན་གྱིས་མཛད་པའི་རྟ་གཟུངས་ཀྱི་མན་ངག་དང་། དྲང་སྲོང་རོ་བཀྲ། ཅོག་རོའི་རོ་བཀྲ་སོགས་ནས་རེ་མནྟའི་མངོན་རྟོགས་བྱུང་བ་དང་། ཀུ་བེ་རའི་

[Full Size]

སྐོང་བ་དང་། གཞན་ཡང་མན་ངག་མང་པོའི་དོན་བསྡུས་ཏེ། རྟ་གཟུངས་འདོན་པའི་དམིགས་རིམ་འགྲིགས་ཆགས་སུ་བཀོད་པའོ། །འདི་བྲིས་ཉེས་པ་རྟ་ལྷ་རྣམས་ལ་བཤགས་ཤིང་། འདི་བྲིས་དགེ་བས་སེམས་ཅན་ཐམས་ཅད་གནས་སྐབས་སུ་བཞོན་པ་ཕུན་སུམ་ཚོགས་པ་དང་། བརྩོན་འགྲུས་ཀྱི་རྟ་མཆོག་ཞོན་ནས་ཐམས་ཅད་མཁྱེན་པའི་གྲོང་ཁྱེར་མྱུར་དུ་བགྲོད་པའི་ཕྱིར་བསྔོའོ། །རིག་སྔགས་འཆང་བ་རཱ་ག་ཨ་སྱས་བྲིས་པ་སརྦ་མངྒ་ལ་ཀུ་རུ་བྷ་ཝནྟུ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་གཟུངས་ཀྱི་ཆོ་ག་ཅང་ཤེས་ཆར་འབེབས་ཀྱི་མན་ངག་ཟིན་བྲིས་ཡིག་ཆུང་།

[Full Size]

རྟ་གཟུངས་ཀྱི་ཆོ་ག་ཅང་ཤེས་ཆར་འབེབས་ཀྱི་མན་ངག་ཟིན་བྲིས་ཡིག་ཆུང་བཞུགས་སོ།།

[Full Size]

ན་མོ་གུ་རུ་པདྨ་ཀྲོ་དྷ་ཧྱ་གྲི་ཝཱ་ཡ། འོད་དཔག་མེད་མགོན་རྟ་མགྲིན་རྒྱལ་པོ་འདུད། །རྟ་གཟུངས་ཉི་ཤུ་རྩ་ལྔ་ལ་སོགས་ཀྱི། །དོན་བསྡུས་ཅང་ཤེས་ཆར་འབེབས་ཆོ་ག་འདིའི། །ལག་ལེན་མན་ངག་ཟིན་བྲིས་ཡིག་ཆུང་ནི། །གོང་དུ་རྟ་མགྲིན་དཔལ་གཏོར་སྟོད་ཟུར་གསུམ། རྟ་མགོ་ཉི་ཟླ་ནོར་བུ་མེ་རིས་བརྒྱན། །བདུད་རྩི་སྨན་རཀ་མཆོད་པ་སྣ་བདུན་བཤམ། །གཞི་དཀར་སྟེང་དུ་ནས་ཀྱི་འདབ་བརྒྱད་བྲི། །དེ་དབུས་ཟངས་གཞོང་ལ་སོགས་རིན་ཆེན་སྣོད། །འབྲུ་ཡིས་བཀང་སྟེང་དཔལ་གཏོར་སྟོད་ཟུར་གསུམ། །ལོགས་གསུམ་ནོར་བུ་ཟུར་གསུམ་མེ་རི་འབར།

[Full Size]

རྩེ་ལ་རལ་གྲི་འཁོར་ལོ་མེ་དཔུང་འབར། །མ་འབྱོར་ཉི་ཟླ་སྐར་གསུམ་ནོར་བུས་མཚན། །མར་ཐུད་རིལ་བུ་མེ་ཏོག་ཆར་འབེབས་ཚུལ། །མར་རྒྱང་དགུའམ་བདུན་བཙུགས་དེ་ཡི་མཐར། །འདབ་བརྒྱད་ཕྱོགས་མཚམས་རང་འདྲ་ཆུང་ངུ་བཅུ། །བྱང་ཤར་ཟན་ནི་ཟླ་གམ་ལེབ་མོའི་དཀྱིལ་གྲུ་གསུམ་བྲུས་པར་ཁྲག་གམ་འབྲི་མོག་བླུགས། །དེ་སྟེང་གོང་འདྲའི་གཏོར་མའི་མདུན་གཡས་གཡོན། །ཟན་ཀོང་མར་མེ་གཉིས་བཞག་ཀུ་བེ་རའི། །གདན་དང་མར་མེ་མ་འབྱོར་ན་ཡང་རུང་། ༈ །སྐོང་གཏོར་རི་རབ་བང་རིམ་བཞི་ཡི་སྟེང་། །རིན་ཆེན་འབར་བར་སྐོང་འབྲས་

[Full Size]

ཚང་མ་བཙུགས། །མཐའ་སྐོར་གླིང་བཞི་གླིང་ཕྲན་དབྱིབས་ཀྱིས་བསྐོར། །༈ །གསོལ་ཀ་རིན་ཆེན་སྣོད་དང་སྡེར་གཙང་དུ། །གོང་གི་གཙོ་བོའི་གཏོར་མ་ལྟ་བུ་ལ། །དམར་ལྗང་དར་ཚོན་རིལ་བུ་བཙུགས་པར་བྱ། །གཡས་སུ་སྐོང་གཏོར་གཡོན་དུ་གསོལ་ཀ་བཤམས། །གཏོར་འབུལ་དཀར་གཏོར་ཆུང་ངུ་ལྷ་བཤོས་བཅས། །ཕྱེ་མར་འབྲུ་སྣ་ཇ་ཆང་འོ་ཞོའི་ཕུད། །མར་ཐུད་བརྡ་རྒུ་ཟས་སྣ་ལ་སོགས་པ། །མཆོད་རྫས་ཅི་འཛོམ་གཙང་ཞིང་བཟང་བར་བཤམ། །དོ་དམ་གལ་ཆེན་རྟེན་འཛུགས་ལྟ་བུ་ལ། །རྟ་ལྷ་གཙོ་བོའི་བྲིས་སྐུ་བཤམས་པའི་མདུན། །རྫ་བུམ་སོ་བཏང་དྲི་མ་མེད་པ་རུ། །ཕྱི་རུ་བཀྲ་ཤིས་རྫས་རྟགས་རྒྱལ་སྲིད་བདུན། །འབྲུ་སྣ་དར་ཚོན་རིན་ཆེན་སྨན་སྣས་བཀང་། །རྟ་གསེབ་སྔོན་པོ་ཞྭ་བཞི་ནག་པོ་ཡི། །སྙིང་ནི་སྐམ་པོའི་རྩ་སྦུབ་སྟོང་པ་རུ། །མཐིང་ཤོག་གསེར་བྲིས་སྲོག་སྔགས་གཟུངས་རིང་རྣམས། །ཤོག་དྲིལ་དང་ནི་པདྨ་རཱ་ག་བཅུག །གསེར་གཡུ་རིན་ཆེན་སྣ་ལྔ་རྟ་སྔོན་མིག །ས་སྣ་ཆུ་སྣ་ལྔ་ཕྲག་ལྔ་བསྲེས་པའི། །འདག་གིས་རིན་ཆེན་འབར་བ་བཟོས་པ་བཅས། །བུམ་པའི་ནང་གཞུག་ཁ་ནས་དར་ཚོན་དྲིལ། །མདའ་མོ་བྱ་རྒོད་མ་ལ་དར་ཚོན་ལྔ། །

[Full Size]

ཁྲབ་བྱང་སྟག་རས་གཟིག་རས་ཤོ་ཡིས་བརྒྱན། །དར་ནག་གམ་ནི་རས་ལ་གསེར་མཚལ་གྱིས། །ཀུ་བེ་ར་ཡི་གཟུངས་དང་གཉེར་གཏད་སྔགས། །བྲིས་དང་རལ་གྲི་མེ་འབར་མདའ་སྐེར་བཏགས། །མདའ་དར་བུམ་པ་དཀྱིལ་འཁོར་དབུས་སུ་བཞུགས། །དེ་དྲུང་གཏོར་མ་མཆོད་པ་གོང་ལྟར་བཤམ། །གཞན་ཡང་སྤྱན་གཟིགས་གོ་ཁྲབ་མཆོད་ཆའི་རིགས་།མདའ་དར་གང་མང་རུ་མཚོན་ཕྱིར་དར་མདུང་། །རྟ་མགུལ་སྲབ་མཐུར་ལྕག་ཚན་སྒ་སྲབ་སྒྲོག །རྟ་ཡི་ཆས་འཁོར་གང་ཡོད་བཅས་པ་བཤམ། །རྟ་གླུད་དོ་གལ་ཆེ་ན་གནམ་ཆོས་ལྟར། །རྟ་སྲི་རྟ་གདོན་རྟ་བདུད་རྟ་གཤེད་རྣམས། །འཇིམ་གཟུགས་བཅའ་ཞིང་དེ་མདུན་སྣོད་གཞན་དུ། །རྟ་དྲེལ་ལ་དྲུད་ཟན་གྱི་རྟ་ཡི་གཟུགས། །སྒ་སྲབ་ཆས་ཅན་སྐྱེ་མཆེད་ཚང་བར་བཤམ། །ཏིང་ལོ་མར་མེ་ཆངས་སྐད་ཡས་རྫས་བསྐོར། །རྟ་གླུད་སྡང་གླུད་ཡོས་བཀྲ་བླུག་ཅིང་བཤམ། །བསྡུ་ན་གནམ་ཆོས་རྟ་གླུད་སབ་མི་དགོས། །ཆོ་ག་རིང་ཀླུབ་གཞུང་ལྟར་དུ་བཏང་བས་འཐུས། །རྟ་གོད་རྟིལ་སྲི་ཤི་སྒྲུབ་གཅོད་དགོས་ན། །ཁྲག་གམ་སྣག་ཚྭ་གཙང་མས་དུག་ཤོག་ལ། །གོད་འདྲེ་མི་ལུས་རྟ་ཡི་མགོ་བོ་ཅན། །ཡན་ལག་ལྕགས་

[Full Size]

བྲུབ་ཛཿཧཱུྃ་བཾ་ཧོས་གཟིར། །སྙིང་ཁར་ཛགཉིས་ཁ་སྦྱོར་བར་དུ་ཏྲི། །དེ་མཐར་ལྟོ་བར་གོད་འདྲེ་གོད་སྲི་དང་། །རྟ་འདྲེ་རྟིལ་སྲི་སྒབ་འདྲེ་འཕྱིས་སྲི་དང་། །དམ་སྲི་བསེ་རགས་དབུལ་སྲི་ལྟོགས་འགོང་དང་། །རྒྱལ་བསེན་གསོན་འདྲེ་མི་ཁ་བྲ་མཆུ་དང་། །ཁ་འགོང་གདོན་རིགས་རྟ་ནད་འཚེར་བཅུ་ཀུན། །ཁུག་ཅིག་ཛཧཱུྃ་བཾ་ཧོཙཱ་བྷ་ཡ་ནན། །ཡིག་མགོ་ཕྱིར་བསྟན་ནང་དུ་གཅུད་ལ་བྲི། །ཕྱི་རོལ་མགོ་ནས་ཡིག་མགོ་ནང་བསྟན་དུ། །བསྒྲལ་ལས་ནང་གི་ཐུན་སྔགས་ཅི་མང་དང་། །ལོ་ཀཱི་པཱ་ལའི་སྔགས་དང་ཛ་ཁྲོ་བསྐོར། །ལིང་ཁྲུས་མེ་རླུང་བྲབ་ཅིང་མགོ་ནས་བལྟེབ། །སྔོ་དམར་ཚོན་སྐུད་ཁྱི་སྤུ་ར་བལ་གྱིས། །ཕྱི་བསྒྲིམ་སྐུད་པས་དྲིལ་ལ་ལྕགས་ཁང་ངམ། །ས་ཡི་ཧོམ་ཁུང་གྲུ་གསུམ་ནང་དུ་བཅུག །ཐུན་ལམ་ཕུར་པ་རྟ་ཞལ་ཅན་གྱིས་གཅོད། །ཡུངས་ཀར་ཡུངས་ནག་ལྕགས་སམ་རྡོའི་ཕྱེ་མ། །དུག་ཁྲག་བྲབ་ཅིང་རྟ་མགྲིན་སྙིང་པོ་དང་། །ཁྲོ་བོ་རེ་མན་ཡི་ཐུན་སྔགས་བཏབ། །དེ་ཙམ་དོ་གལ་ཆུང་ན་ཟན་ལིང་ལ། །སྔགས་དམིགས་བསྒྲལ་མནན་བྱས་ཀྱང་འཐུས་པ་ཡིན། ༈ །དངོས་གཞི་འདོན་འགྲིགས་ཕྲིན་ལས་གོ་རིམ་ནི། །བདུན་གཅིག་བདུན་གཉིས་བདུན་

[Full Size]

གསུམ་ལ་སོགས་པ། །རྟགས་ཐོན་སྒྲུབ་ཅིང་དོ་གལ་ཆེ་ན་ནི། །སྔ་དྲོ་རྟ་མགྲིན་བདག་བསྐྱེད་བསྙེན་པ་དེ། །ཁྲིའམ་སྟོང་བཟླས་སྲུང་འཁོར་རྟ་མགྲིན་གཟུངས། །བརྒྱའམ་ཉེར་གཅིག་བཟླས་པས་ཐུན་གཅིག་དང་། །རྟ་གླུད་ནང་རེ་རེ་རེ་འབྱོར་ན་ལེགས། །མིན་ཀྱང་དང་པོ་ཉིན་པར་དེ་ཡིས་ཆོག །རྟ་དྲེལ་རྣམས་ལ་ཐུན་བྲབས་གུ་གུལ་བདུག །རྣམ་འཇོམས་སྨེ་བརྩེགས་ཨ་མྲའི་གཟུངས་ཆུ་གཏོར། །སྤོས་དང་ཤིང་སྣའི་བསང་དུད་ཁ་ནས་ཕྱུང་། །མདུན་བསྐྱེད་འདོན་ཚེ་བསང་དུད་སྤྲོས་རོལ་བཅས། །སྤྱན་འདྲེན་མཆོད་བསྟོད་རྫོགས་ནས་བཟླས་པ་ནི། །བདག་མདུན་སྦྲགས་སྒྲུབ་བསྙེན་པ་ཁྲིའམ་སྟོང་། །གཟུངས་རྣམས་སོ་སོར་བརྒྱའམ་ཉེར་གཅིག་རེ། །རྟ་ནད་སྲུང་དང་རྟ་གདོན་གཅོད་པའི་སྐབས། །ཁྲོ་བོ་རེ་མན་དང་མགོན་པོའི་གཟུངས། །སྔགས་དམིགས་ནན་ཏན་བྱེད་པ་མན་ངག་ཡིན། །བདེ་རིམ་ལ་ནི་ཐམས་ཅད་འདྲ་བར་བྱ། །སྐོང་བའི་གོང་དེར་གནམ་ཆོས་ཀུ་བེ་རའི། །གཏོར་ཆོག་སབ་ཅིང་ལས་ཚོགས་སྔགས་དམིགས་རྣམས། །གར་དགོས་ནན་ཏན་བྱེད་པ་ཤིན་ཏུ་ལེགས། །གནམ་ཆོས་རྟ་གཟུངས་ཡོད་ན་འདི་རུ་བཟླས། །སྐོང་བཤགས་གསོལ་ཀ་

[Full Size]

མངའ་གསོལ་གཏོར་འབུལ་བྱ། །བདག་གིས་བྱས་པའི་རྟིལ་བསང་ཡོད་ན་ནི། །མངའ་གསོལ་མགོ་དེར་སྦྱར་ན་ལེགས་པ་ཡིན། །དེ་ལྟར་རྟ་མགྲིན་ཐུན་གཅིག་རེ་མནྟའི། །བདག་མདུན་སྦྲགས་སྒྲུབ་གཟུངས་རྣམས་ཐུན་གཅིག་དང་། །ཀུ་བེ་ར་ལ་ཐུན་གཅིག་བཅས་པས་འགྲུབ། །དགོང་ཐུན་སྐོང་བཤགས་ལ་སོགས་བྱེད་པའམ། །ཡང་ན་སྔར་ལྟར་མགོ་ནས་ཝིག་བྱས་ལ། །ཐུན་རེར་ཐམས་ཅད་ཚང་བར་བྱས་ན་ལེགས། །ཐུན་བཞི་ཐུན་གསུམ་ལ་སོགས་གང་ཐོན་བྱ། །ཆོ་ག་བརྒྱ་རྩ་གཟུངས་རྣམས་ཁྲི་འམ་སྟོང་། །དེ་ནི་རྟ་དྲེལ་རིམ་གྲོ་ཀུན་གྱི་མཆོག །དེ་ལྟར་བསྙེན་སྒྲུབ་ལྟ་བུར་མ་འཕྲོད་ཀྱང་། །ཞག་གསུམ་ལྔ་སོགས་ཆོ་ག་བཟླས་པ་དང་། །རྟ་གླུད་སྲི་མནན་ལ་སོགས་བྱས་ན་ཆོག ༈ །ཚོང་དཔོན་སྐྱེས་པ་ཆས་བཟང་འདུ་བ་དང་། །ཕྱག་འཚལ་སྲབ་མཐུར་འུར་རྡོ་རྩྭ་སོགས་ཕུལ། །རྟ་ཁྱུ་བདག་བྱེད་ཚུར་ལ་གཤར་བ་དང་། །རྟ་སྔོན་ཕུལ་དང་རྟ་ནག་རྟིའུ་འཁྲུངས། །ལོ་ལེགས་ལ་སོགས་དངོས་གྲུབ་རྟགས་མཚན་དང་། །བན་དེ་མི་དམར་ཁྱི་དམར་ཤ་བ་དང་། །བུད་མེད་ཁྱིམ་བྱ་བརྡུང་བཏགས་བསད་པ་དང་། །ཁས་ལེན་དམ་བཅས་རྟ་སྲི་ཐུབ་རྟགས་སོ། །གོད་གཅོད་དོ་

[Full Size]

གལ་ཆེ་ན་འགུགས་གཞུག་སོགས། །བརྒྱ་རྩ་བརྒྱད་ལས་མི་ཉུང་རྟགས་ཐོན་བྱ། །དུས་འདིར་རྟ་མགྲིན་ང་རྒྱལ་དྲག་པོ་ཡིས། །ཐུན་སྔགས་བཟླས་ཤིང་ཐུན་བྲབས་དམིགས་པ་གཟིར། །སྒྲུབ་པ་ཐེམས་ནས་གྲོལ་ཁའི་དགོང་མོ་ལ། །སྒོ་ཐེམ་འོག་གམ་སྐས་ཞབས་ལ་སོགས་པ། །གཞི་བདག་ནག་ཕྱོགས་བཙན་རིགས་མི་གནས་པའི། །བྲག་དཀར་བྲག་སྔོན་ཆེ་ཆུང་གང་རུང་དྲུང་། །རི་བྲག་གད་དམར་ས་སྒྲོན་མི་མཐོང་ཞིང་། །ལན་དུ་ཆུ་དང་ཤུག་པ་རྒྱས་པར་གཏད། །དོང་བྲུས་ལིངྒ་བཞག་ལ་འགུགས་ལ་བསྒྲལ། །མནན་པ་རྟ་བྲོ་ལ་སོགས་གཞུང་ལྟར་བྱ། །རོ་གཡམ་རྒྱ་གྲམ་གླིང་བཞི་བྲིས་པ་དང་། །མེ་ཆུས་མནན་ཅིང་སྐྱེར་ཕུར་རེ་དར་འཛུགས། །དོ་གལ་ཆུང་ངམ་ཤོག་ལིང་མ་ཐོན་ན། །ཟན་ལིང་ཆུང་ངུ་ཉིན་རེ་བཞིན་བསྒྲལ་ནས། །ཐུན་ཁང་དུ་བླུགས་ཕུར་པས་ཐུན་ལམ་བཅད། །གྲོལ་ཁ་གོང་ལྟར་མནན་ཡང་ཆོག་པ་ཡིན། །ཕྱིར་ཉིན་འགྲུབ་སྦྱོར་གཡང་སྐར་བཟང་པོར་སྤྱད། །སྔ་དྲོ་སྔར་ལྟར་ཆོ་ག་རྒྱས་པར་བྱ། །བསང་མཆོད་སྐོང་བའི་དུས་སུ་རྟ་སྔོན་སོགས། །སྤྱི་རྟགས་བཟང་བའི་རྟ་དྲེལ་རྩེན་ན་ལེགས། །མངའ་གསོལ་ཚར་ནས་མདུན་བསྐྱེད་རྟ་

[Full Size]

ལྷ་རྣམས། །རྟེན་རྫས་ལ་བསྟིམ་བརྟན་བཞུགས་བཀྲ་ཤིས་བརྗོད།་མཛོད་དང་བོང་བ་ཀོང་ཚེར་བཞུགས་ནས་ཀྱང་། །ལོ་དུས་ཁ་གསོ་བྱེད་དུས་བཤམས་པའམ། །བུམ་པ་རྟ་བྲིས་ནང་ངམ་རྟ་ཁང་ཕུག །སྦས་ནས་བཀྲ་ཤིས་སྨོན་ལམ་བྱེད་ཀྱང་ཆོག །གཏོར་མ་མཆོད་རྫ་ས་ཕྱི་མིར་མི་སྦྱིན་པར། །དངོས་གྲུབ་རོལ་ཅིང་རྟ་དྲེལ་རྣམས་ལ་སྦྱིན། །གཏོར་རྒྱན་སྲུང་སྐུད་རབ་གནས་མེ་ཏོག་འཐོར། །དར་དམར་རམ་ནི་སྲུང་སྐུད་དམར་པོ་ལ། །སྒྲུབ་ཚེ་སྔགས་ནས་བཏགས་པ་སྲུང་བའི་མཆོག །རྟ་མགྲིན་དབང་དང་རེ་མན་ཏ་ཡི་དབང་། །ཀུ་བེ་ཚོར་ཡི་བཀའ་གཏད་ཐོབ་པ་དང་། །གཟུངས་དང་ཆོ་གའི་ལུང་ཐོབ་གལ་ཆེའོ། །འདི་ནི་གཞན་དོན་མང་དུ་བཅས་པ་ན།། །རང་གི་རྟ་དྲེལ་གོད་ཁས་གནོད་སྲིད་པས། །བདག་བསྐྱེད་སྲུང་འཁོར་སྐབས་སུ་རྟ་མགྲིན་གྱི། །ཐུགས་ཀའི་ཧཱིཡིག་ཧ་ཁོག་རང་ཉིད་ཀྱི། །རྟ་དྲེལ་ཚུད་དམིགས་སྲུང་འཁོར་དམ་ན་ཕན། །མན་ངག་འདི་ཡང་མང་དུ་མ་འཆེལ་བ། །བཀའ་རྒྱ་བྱས་ན་གཡང་ཁ་མི་ཉམས་གནད། །དེ་སྐད་རྟ་གཟུངས་ཆོ་གའི་ཟིན་བྲིས་འདི། །རི་ཕ་བླ་མ་ཀརྨ་བག་ཡོད་པས། །རིང་ནས་ཡང་ཡང་བསྐུལ་ཀྱང་གཡེང་བས་ལུས། །དྲུང་ཆེན་ཚེར་

[Full Size]

ལུང་མཆོག་གི་སྤྲུལ་སྐུ་ནས། །གསུང་འཕྲིན་དོ་དམ་ནན་ཏན་བསྐུལ་བྱུང་ནས། །ང་ལ་ངོ་ཆེ་བཅོལ་བ་ཡིན་པའི་ཕྱིར། །འཕྲལ་དུ་འཕྲོད་པ་གྱིས་གསུངས་བཀའ་ཕེབས་བཞིན། །གཞུང་དང་མན་ངག་ཟབ་གནད་ཉམས་མྱོང་བསྟུན། །རཱ་ག་ཨ་སྱས་ངག་ནས་སྨྲས་པ་ལྟར། །དགེ་བཤེས་པདྨ་ཐབས་མཁས་ཞེས་བྱས་བྲིས། །ཉེས་འགལ་མཆིས་ན་རྟ་ལྷའི་ཚོགས་ལ་བཤགས། །དགེ་བས་རྐང་བཞིའི་རྔོག་ཆགས་ཐམས་ཅད་ལ། །མི་འཇིགས་སྐྱབས་ཀྱི་སྦྱིན་པར་གྱུར་པ་དང་། །འགྲོ་བ་རྐང་འཁྱམས་ངལ་བ་སེལ་བྱེད་ཅིང་། །མཐར་ཐུག་བརྩོན་འགྲུས་རྟ་མཆོག་ཞོན་ནས་ཀྱང་། །ཐམས་ཅད་མཁྱེན་པའི་གོ་འཕང་ཐོབ་ཕྱིར་བསྔོ། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

འཕགས་པ་རེ་མནྟ་ཡི་གཏོར་ཆོག

[Full Size]

འཕགས་པ་རེ་མནྟ་ཡི་གཏོར་ཆོག་བཞུགས་སོ། །

[Full Size]

ན་མོ་རྒྱ་གྲི་ཝ་ཡེ། ཡེ་ཤེས་ཀྱི་མགོན་པོ་བེར་ནག་ཅན་གྱི་དཀྱིལ་འཁོར། ཤར་གྱི་མགོན་པོ་དཔལ་རབ་འཆང་བ་ཞེས་བྱ་བ་དང་། མགོན་པོ་ཕྱག་བཞི་པའི་དམག་འགྱེད་ཀླུ་སྒྲུབ་ཀྱིས་མཛད་པ་ནས་འབྱུང་བའི་མགོན་པོ་རྟ་མང་ཞེས་བྱ་བ་དང་། བྱ་རྒྱུད་དུ་གཏོགས་པའི་རྟ་གཟུངས་རྣམས་ནས་བྱུང་པའི་འཕགས་པ་རྟ་བདག་མགོན་པོ་མཆོད་པར་འདོད་པ། བྱ་རྒྱུད་ལྟར་བྱེད་ན་དཀར་གསུམ་དང་། མགོན་པོའི་རྒྱུད་ལྟར་བྱེད་ན་ཤ་ཆང་གཙང་མའི་གཏོར་མ་རིན་པོ་ཆེའི་དབྱིབས་ཅན་བཤམས་ལ་རང་ཡི་དམ་དུ་གསལ་བས། ཨོཾ་སྭ་བྷ་ཝས་སྦྱངས། རང་མདུན་པད་ཉི་ཧཱུྃ་ཡིག་ལེས། །དཔལ་ལྡན་མགོན་པོ་རེ་མནྟ། །དམར་གསལ་བསེ་ཁྲབ་རྨོག་ཞུ་གསོལ། །ཕྱག་གཉིས་རལ་གྲི་

[Full Size]

འཁོར་ལོ་བསྣམས། །རྟ་སྔོན་གསེར་གྱི་ཞུབ་ཅན་ཆིབས། །སྟེང་ན་ཁྱུང་དང་བྱ་ཁྲ་ལྡིང་། །མདུན་རྒྱབ་སྟག་དང་སེང་གེ་འགྲོ། །རང་འདྲའི་འཁོར་ཚོགས་ལྔ་བརྒྱས་བསྐོར། །གཙོ་བོའི་གནས་གསུམ་འབྲུ་གསུམ་དང་། །ས་བོན་འོད་ཀྱིས་སྤྱན་དྲངས་གྱུར། །ཧཱུྃ༔ དད་པ་དང་ནི་དམ་ཚིག་གིས། །རྟ་བདག་མགོན་པོ་སྤྱན་དྲངས་ནས། །སྔོན་གྱི་ཐུགས་དམ་རྗེས་དགོངས་ལ། །ད་ལྟ་ཉིད་དུ་གཤེགས་སུ་གསོལ། །དཔའ་རབ་འཆང་བ་གཤེགས་སུ་གསོལ། །ཉི་མའི་སྲས་པོ་གཤེགས་སུ་གསོལ། །དགྲ་ལྷའི་མཆོག་གྱུར་གཤེགས་སུ་

[Full Size]

གསོལ། །འཕགས་པ་གཟི་ལྡན་གཤེགས་སུ་གསོལ། །ལམ་ལྷའི་རྒྱལ་པོ་གཤེགས་སུ་གསོལ། །བྱ་ཁྲ་ལྡིང་བ་གཤེགས་སུ་གསོལ། །སྟག་གཟིག་འབྲང་བ་གཤེགས་སུ་གསོལ། །འཁོར་ཚོགས་ལྔ་བརྒྱ་གཤེགས་སུ་གསོལ། །ཨོཾ་ཨཱརྱ་རེ་མནྟ་ས་པཱ་རི་ཝཱ་ར་བཛྲ་ས་མ་ཡ་ཛཛཿ ཛཧཱུྃ་བཾ་ཧོ༔ ཧཱུྃ། སྔོན་ཚེ་ཤཱཀྱ་སེང་གེ་དང་། །རྟ་མཆོག་དབང་གི་རྒྱལ་པོ་དང་། །གསང་བའི་བདག་པོའི་སྤྱན་སྔ་རུ། །ཁས་བླངས་དམ་ཚིག་དྲན་མཛོད་ལ། །རིན་ཆེན་གཞལ་ཡས་དམ་པ་འདིར། །ཅང་ཤེས་པདྨ་ཉི་ཟླའི་སྟེང་། །འཁོར་བཅས་དགྱེས་པར་བཞུགས་ནས་ཀྱང་། །བདག་གིས་ལས་རྣམས་འགྲུབ་པར་མཛོད། །ཨོཾ་ཨཱརྱ་རེ་མན་ས་པཱ་རི་ཝཱ་ར་ཏིཥྛ་ལྷན། ས་མ་ཡ་ཧཱུྃ། ས་མ་ཡ་ཧོ༔ ཧཱུྃ། འཕགས་པ་རྟ་བདག་འཁོར་བཅས་ལ། །དངོས་འབྱོར་ཡིད་སྤྲུལ་མཆོད་པའི་སྤྲིན། །རབ་མཛེས་དབྱིབས་ལེགས་མེ་ཏོག་དང་། །སྦྱར་དང་ཡོངས་སུ་གྱུར་པའི་སྤོས། །རིན་ཆེན་ཉི་ཟླའི་སྒྲོན་མེའི་འོད། །ཡན་ལག་བརྒྱད་ལྡན་ཁྲུས་ཀྱི་ཆབ། །རོ་བརྒྱ་ལྡན་པའི་བཤོས་གཙང་དང་། །རྔ་དྲིལ་ཆ་ལང་དུང་ཆེན་སྒྲ། །འདོད་ཡོན་ལྔ་དང་རིན་ཆེན་

[Full Size]

བདུན། །བཀྲ་ཤིས་འགྲུབ་པའི་རྫས་རྟགས་བརྒྱད། །དར་ཟབ་འབྲུ་སྨན་རིན་ཆེན་སོགས། །གུས་པས་འབུལ་གྱི་བཞེས་སུ་གསོལ། །ཨོཾ་ཨཱརྱ་རེ་མན་ས་པཱ་རི་ཝཱ་ར་ཨགྷཾ་སོགས་བརྗོད། ཨ་མྲི་ཏ་སོགས། ཨོཾ་སྭ་བྷཱ་ཝ་སོགས། སྟོང་པ་ཉིད་དུ་གྱུར་། སྟོང་པའི་ངང་ལས་ཧཱུྃ་ལས་བྱུང་བའི་རིན་པོ་ཆེ་ཡི་སྣོད་ཀྱི་ནང་དུ། ༀ་ལས་བྱུང་བའི་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨ་ཀཱ་རོ་སོགས། ལན་གསུམ། ཨོཾ་ཨཱརྱ་རེ་མནྟ་ས་པ་རི་ཝཱ་ར་ཨི་དཾ་བྷ་ལི་ཏ་གཱི་ཧ་ནན་ཏུ་ས་མ་ཡ་རཀྵནྟུ། མ་མ་སརྦ་སིདྡྷི་མྨེ་པྲ་ཡཙྪམ་མ་སརྦ་ཀརྨ་སིདྡྷི་ཨ་མོ་གྷ་སྭཱ་ཧཱ། ལན་གསུམ། དཔལ་ལྡན་མགོན་པོ་འཕགས་པ་རེ་མནྟ་འཁོར་དང་བཅས་པ་ལ་མཆོད་སྦྱིན་གྱི་གཏོར་མ་འདི་འབུལ་ལོ། །ཡོངས་སུ་བཞེས་ལ། སྤྱིར་སངས་རྒྱས་ཀྱི་བསྟན་པ་དར་ཞིང་རྒྱས་པ་དང་། ཁྱད་པར་དུ་བདག་གི་རྟ་རྣམས་སྲུང་ཞིང་བསྐྱབ་པ་དང་། སྡོམ་ལྷོད་གྲང་བ་འཐེང་གྲུམ་ལ་སོགས་པའི་རྟ་ནད་ཐམས་ཅད་རབ་ཏུ་ཞི་བ་དང་། ལམ་གྱི་དགྲ་དང་གློ་བུར་གྱི་དགྲ་རྐུན་ཐམས་ཅད་བཟློག་པ་དང་། གནོད་པར་བྱེད་པའི་རྟ་འདྲེ་རྟིལ་སྲི་

[Full Size]

ཐམས་ཅད་སྐད་ཅིག་ཉིད་ལ་རྡུལ་དུ་བརླག་པ་དང་། བདག་གི་རྟ་དྲེལ་ཐམས་ཅད་འཕེལ་ཞིང་རྒྱས་ལ་ཚེ་སྲོག་བརྟན་པའི་ཕྲིན་ལས་མཛོད་ཅིག །ཧཱུྃ། ཤར་ཕྱོགས་སྐྱོང་བའི་མགོན་པོ་དཔལ་རབ་འཆང་། །ནོར་ལྷའི་རྒྱལ་པོ་འཕགས་པ་རེ་མནྟ། །གཟི་ལྡན་ཉི་མའི་སྲས་པོ་དགྲ་ལྷའི་མཆོག །སྐུ་མདོག་དམར་ནག་ཁྲོ་གཏུམ་རྔམ་པའི་སྐུ། །དབུ་ལ་ཤེལ་རྨོག་སྐུ་ལ་བསེ་ཁྲབ་གསོལ། །ཕྱག་གཡས་རྩེ་ལྔ་མདའ་དར་རལ་གྲི་ཕྱར། །ཕྱག་གཡོན་གསེར་གྱི་འཁོར་ལོ་དར་མདུང་བསྣམས། །རྫུ་འཕྲུལ་ལྡན་པའི་རྟ་སྔོན་གསེར་ཞུབ་ཅན། །ཆིབས་ནས་འཛམ་གླིང་བསྐོར་ཞིང་གཡང་སྡུད་པའི། །ལྷ་མཆོག་མགོན་པོ་ཁྱོད་ལ་བདག་བསྟོད་དོ། །ཆ་ལུགས་རང་འདྲའི་འཁོར་ཚོགས་ལྔ་བརྒྱ་ནི། །གསེར་ཁྲབ་གསོལ་ཞིང་སྔོན་པོ་ཆུ་རིས་ཆིབས། །འཛམ་གླིང་ཁྱབ་པར་རྒྱུག་ཅིང་རྟ་གཡང་སྡུད། །ཁྱུང་ཆེན་ལྡིང་ཞིང་ལྕགས་ཀྱི་བྱ་ཁྲ་འཇུམ། །སྟག་མོ་འགྲོལ་ཞིང་རྒྱུག་པས་རྟ་དྲེལ་སྲུང་། །དུང་སེང་འགྱིང་ཞིང་གཡུ་ཡི་རལ་པ་སྤྲུག །སྤྲུལ་པ་འཁོར་དང་བཅས་ལ་བདག་བསྟོད་དོ། །གཏེར་བདག་འཁོར་བཅས་རྟ་གཡང་ཀུན་བསྡུས་ལ། །བསེ་སྒྲོམ་སྨུག་

[Full Size]

པོའི་ནང་དུ་གཡང་ཁུག་ལ། །རལ་གྲི་འཁོར་ལོ་འབར་བས་རྒྱས་ཐོབ་ཅིག །བསྡུ་ན། ཧཱུྃ། ཤར་ཕྱོགས་མགོན་པོ་དཔའ་རབ་འཆང་། །ལམ་ལྷའི་རྒྱལ་པོ་དགྲ་ལྷའི་མཆོག །ཉི་མའི་སྲས་པོ་གཟི་ལྡན་ཅན། །རེ་མནྟ་ལ་བདག་བསྟོད་དོ། །ཞེས་བསྟོད་ནས། ཐུགས་ཀར་ཉི་མའི་སྟེང་དུ་ཧཱུྃ་ཡིག་དམར་པོའི་མཐར། སྔགས་ཀྱི་བསྐོར་བར་དམིགས་ནས། ཨོཾ་བཛྲ་མ་ཧཱ་ཀྲོ་དྷ་རེ་མན་ཧ་ན་ཧ་ན་ཧཱུྃ་ཕཊ༔ ཅེས་སྙིང་པོ་དང་། ཨོཾ་ཨཱརྱ་རེ་མནྟ་སྭཱ་ཧཱ། ཞེས་ཉེ་སྙིང་ཅི་ནུས་བཟླས། དེ་ནས་རྗེས་ཆོག་སྤྱི་དང་མཐུན་པར་བྱའོ། །ཡེ་ཤེས་པ་གཤེགས་སམ་རྟེན་ལ་བསྟིམས། དམ་ཚིག་པ་རང་ལ་བསྡུ་བའམ་མི་དམིགས་པར་བསམ། ཞེས་པ་འདི་༧ རཱ་ག་ཨ་སྱས་རང་ལོ་སོ་བདུན་ཤིང་མོ་བྱའི་ལོ་ས་ག་ཟླ་བའི་ཉེར་གསུམ་གནོད་སྦྱིན་རྒྱུ་བའི་དུས་ཚེས་ལ་ལེགས་པར་བྲིས་པའོ། །འདི་ལ་འགལ་འཁྲུལ་གང་མཆིས་འཕགས་པ་ཉིད་ལ་བཤགས། །དགེ་བས་འགྲོ་བའི་རྟ་ནད་རབ་ཞི་ནས། །ཞོན་པས་མི་འཕོང་འགྲོ་བ་བདེ་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རེ་མནྟའི་སྐོང་གསོལ་ཅང་ཤེས་ཆར་འབེབས།

[Full Size]

རེ་མནྟའི་སྐོང་གསོལ་ཅང་ཤེས་ཆར་འབེབས་ཡོད། ཧཱུྃ། འགྲོ་བ་ཀུན་ལ་བརྩེ་བའི་ཤཱཀྱ་ཐུབ། །བྱང་ཆུབ་སེམས་དཔའ་ཅིང་ཤེས་ཉི་མའི་སྙིང་། །ཁྲོ་རྒྱལ་རྟ་མཆོག་པདྨ་ཧེ་རུ་ཀ་རྟ་དྲེལ་རྔོག་ཆགས་བསྐྱབ་ཕྱིར་གཤེགས་སུ་གསོལ། །ཉི་མའི་སྲས་པོ་འཕགས་པ་རེ་མན། །རང་འདྲ་ལྔ་བརྒྱའི་འཁོར་དང་བཅས་པ་རྣམས། །རྟ་དྲེལ་རྔོག་ཆགས་འཕེལ་ཞིང་རྒྱས་པའི་ཕྱིར། །ཐུགས་དམ་དབང་གིས་གནས་འདིར་གཤེགས་སུ་གསོལ། །མ་ཧཱ་ཀཱ་ལ་རྟ་ནག་རྟིང་དཀར་ཅན། །སེམས་དཔའ་རྣམ་ཐོས་སྲས་དང་གང་བ་བཟང་། །རྟ་བྷི་ཡི་སྲུང་མ་གནོད་སྦྱིན་ཀུ་བེ་ར། །རྔོག་ཆགས་བསྲུང་ཕྱིར་གནས་འདིར་གཤེགས་སུ་གསོལ། །པད་ཟླ་ཉི་མ་དགྲ་བགེགས་བསྣོལ་བའི་གདན། །ཅང་ཤེས་རྒྱན་ལྡན་ལ་སོགས་ཁྲི་སྟེང་དུ། །དགྱེས་ཤིང་བརྟན་པའི་ཚུལ་གྱིས་བཞུགས་སུ་གསོལ། །ཛཧཱུྃ་བཾ་ཧོ༔ ཏིཥྛ་ལྷན། ཧཱུྃ། འཇིག་རྟེན་འདས་དང་མ་འདས་རྟ་ལྷའི་ཚོགས། །ཁྱེད་རྣམས་མཆོད་ཅིང་ཐུགས་དམ་བསྐང་བ་ནི། །འབྲུ་བཟང་བཤོས་གཙང་བདུད་རྩི་སྐྱེམས་ཕུད་བྲིན། །ཏིང་འཛིན་སྔགས་དང་ཕྱག་རྒྱས་བྱིན་བརླབས་ཏེ། །ཀུན་ཏུ་བཟང་པོའི་རྣམ་ཐར་མཆོད་

[Full Size]

པའི་སྤྲིན། །ཆུ་བཞི་ཉེར་སྤྱོད་ལྔ་དང་འདོད་ཡོན་ལྔ། །ངོ་མཚར་མཆོད་པ་བཅོ་བརྒྱད་རྒྱལ་སྲིད་བདུན། །གླིང་བཞི་རི་རབ་ཉི་ཟླ་བྱེ་བ་བརྒྱ། །ལྷ་མིའི་དཔལ་འབྱོར་ལོངས་སྤྱོད་དཔག་མེད་རྣམས། །བློ་ཡི་བླང་དང་ཡིད་ཀྱིས་རྣམ་སྤྲུལ་ཏེ། །བཅོམ་ལྡན་ཤཱཀྱ་སེང་གེའི་ཐུགས་དམ་བསྐང་། །ཅང་ཤེས་ཉི་མའི་སྙིང་པོའི་ཐུགས་དམ་བསྐང་། །གསང་མཆོག་གཟུངས་སྔགས་རྣམས་ཀྱི་ཐུགས་དམ་བསྐང་། །ཁྱེད་ཀྱི་ཐུགས་དམ་གཉན་པོ་བསྐངས་གྱུར་ནས། །བདག་གི་རྟ་དྲེལ་རྔོག་ཆགས་ཐམས་ཅད་ལ། །ཚད་མེད་ཐུགས་རྗེས་རྟག་ཏུ་བསྲུང་བསྐྱབ་མཛོད། །སྨན་རཀ་གཏོར་མ་ཕྱི་ནང་གསང་མཆོད་ཚོགས། །རིག་མ་བཅུ་དྲུག་ལྟ་སྤྱོད་ཏིང་འཛིན་གྱིས། །བཅོམ་ལྡན་ཁྲོ་རྒྱལ་རྟ་མགྲིན་ཐུགས་དམ་བསྐང་། །ཁྱེད་ཀྱི་ཐུགས་དམ་གཉན་པོ་བསྐངས་གྱུར་ནས། །བདག་གི་རྟ་དྲེལ་རྔོག་ཆགས་ཐམས་ཅད་ཀྱི། །ལུས་ངག་ཡིད་གསུམ་བསྲུང་ཞིང་བསྐྱབ་པ་དང་། །གནོད་བྱེད་བཙན་སྲིའི་གནོད་པ་བཟློག་པ་དང་། །རྔོག་ཆགས་རྣམས་ཀྱི་གནོད་བྱེད་ཚར་ཆོད་ཅིག །གཏོར་མ་འབྲུ་སྨན་རིན་ཆེན་དར་ཟབ་དང་། །ཤེལ་རྨོག་བསེ་ཁྲབ་བ་དན་ལྕེ་བརྒྱད་

[Full Size]

དང་། །རལ་གྲི་འཁོར་ལོ་རྡོ་རྗེ་མདའ་དར་དང་། །རྟ་སྔོན་ངང་པ་སྤུ་མཛེས་རྒྱན་ལྡན་པ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ། །རྡོ་རྗེ་རེ་མནྟ་ཡི་། ཐུགས་དམ་བསྐང་། །དཔལ་རབ་འཆང་བའི་མགོན་པོའི་ཐུགས་དམ་བསྐང་། །ཨཱརྱ་རེ་མནྟ་ཡི་ཐུགས་དམ་བསྐང་། །གཞོན་ནུ་ཉི་མའི་སྲས་པོའི་ཐུགས་དམ་བསྐང་། །ཁྲོ་ཆེན་རེ་མནྟ་ཡི་ཐུགས་དམ་བསྐང་། །རང་འདྲའི་འཁོར་ཚོགས་ལྔ་བརྒྱའི་ཐུགས་དམ་བསྐང་། །སྟེང་ན་ལྡིང་བ་ཁྱུང་གི་ཐུགས་དམ་བསྐང་། །ལོགས་ན་འཇུམ་པ་བྱ་ཁྲའི་ཐུགས་དམ་བསྐང་། །མདུན་ན་འགྲོ་བ་སྟག་མོའི་ཐུགས་དམ་བསྐང་། །རྒྱབ་ན་འགྱིང་བ་སེང་ཆེན་ཐུགས་དམ་བསྐང་། །འཁོར་དང་བཅས་པའི་ཐུགས་དམ་བསྐངས་གྱུར་ནས། །བདག་གི་རྟ་དྲེལ་རྔོག་ཆགས་ཐམས་ཅད་ཀུན། །དུས་རྣམས་ཀུན་ཏུ་བསྲུང་ཞིང་བསྐྱབ་པ་དང་། །འཕེལ་ཞིང་རྒྱས་པའི་ཕྲིན་ལས་མཛད་དུ་གསོལ། །སྡོམ་ལྷེབ་ལ་གར་གྲང་བ་ཆུ་འགགས་སོགས། །རྟ་ནད་མཚེར་རྩུབ་ཐམས་ཅད་བཟློག་ཏུ་གསོལ། །གློ་བུར་དགྲ་རྐུན་རྟ་འདྲེ་རྟིལ་སྲི་རྣམས། །བསྐྲད་དང་བཅིང་དང་བསད་པའི་ཕྲིན་ལས་མཛོད། །དཀར་

[Full Size]

གསུམ་མངར་གསུམ་འབྲུ་སྨན་རིན་ཆེན་དང་། །སྔོན་པོ་ཆུ་རིས་དར་སྣའི་རྒྱལ་མཚན་སོགས། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ། །རྡོ་རྗེ་རྣམ་ཐོས་སྲས་པོའི་ཐུགས་། དམ་བསྐང་། །གནོད་སྦྱིན་གང་བ་བཟང་པོའི་ཐུགས་དམ་བསྐང་། །འཁོར་བཅས་ཐུགས་དམ་གཉན་པོ་བསྐངས་གྱུར་ནས། །བདག་གི་རྟ་དྲེལ་རྔོག་ཆགས་ཐམས་ཅད་ཀུན། །འཕེལ་ཞིང་རྒྱས་པའི་ཕྲིན་ལས་མཛད་དུ་གསོལ། །ཞོན་པ་ཕོངས་དང་དབུལ་དང་རྒུད་པ་རྣམས་། །ཐམས་ཅད་ཟློག་ཅིག་སྒྱུར་ཅིག་ཞི་བར་མཛོད། །གོད་འདྲེ་ལྟོག་འགོང་དབུལ་སྲི་ཚར་གཅོད་ཅིག །བཤོས་བུ་སྐྱེམས་ཕུད་འབྲུ་སྣ་དར་ཚོན་དང་། །རྟ་ནག་རྟིང་དཀར་འཇོལ་བེར་རལ་གྲི་དང་། །རུ་མཚོན་ལ་སོགས་དངོས་འབྱོར་ཡིད་སྤྲུལ་གྱིས། །ལྷ་ཆེན་མ་ཧཱ་ཀཱ་ལའི་ཐུགས་དམ་བསྐང་། །རྟ་ནག་རྟིང་དཀར་ཆིབས་པའི་ཐུགས་དམ་བསྐང་། །ཉི་ཟླ་སྐར་ཆེན་འཕྲོ་བའི་ཐུགས་དམ་བསྐང་། །རྟ་བདག་ཀུ་བེ་ར་ཡི་ཐུགས་དམ་བསྐང་་རང་འདྲའི་སྤྲུལ་པ་འབུམ་གྱི་ཐུགས་དམ་བསྐང་། །ཁྱེད་ཀྱི་ཐུགས་དམ་གཉན་པོ་བསྐངས་གྱུར་ནས། །བདག་གི་རྟ་དྲེལ་རྔོག་ཆགས་ཐམས་ཅད་ཀུན། །བསྲུང་ཞིང་

[Full Size]

བསྐྱབ་པའི་རྫིའུ་ཁྱོད་ལ་བཅོལ། །སྔོན་གྱི་དམ་ཚིག་ཐུགས་དམ་དྲན་མཛོད་ལ། །གཞི་བྱེས་ལམ་གསུམ་ཀུན་དུ་བསྲུང་བསྐྱབ་མཛོད། །རྔོག་ཆགས་རྣམས་ལ་གནོད་པ་ཐམས་ཅད་ཟློག །རྟ་འདྲེ་བཙན་སྲི་གནོད་བྱེད་ཚར་ཆོད་ཅིག །ཤཱཀ་ཐུབ་སེམས་དཔའ་ཅང་ཤེས་ཉི་མའི་སྙིང་། །རྟ་མགྲིན་རེ་མན་དང་རྣམ་ཐོས་སྲས། །མགོན་པོ་ཀུ་བེ་ར་རྣམས་བདག་ལ་དགོངས། །ཐོག་མེད་དུས་ནས་ད་ལྟ་ཡན་ཆད་དུ། །ཞོན་པ་ཕོངས་པའི་སྒྲིབ་པ་ཅི་བསགས་པ། །མགོན་པོ་ཁྱེད་རྣམས་སྤྱན་སྔར་འགྱོད་པས་བཤགས། །ཕྱིན་ཆད་མི་བགྱིད་ལེགས་པར་སྡོམ་ལགས་ཀྱི། །སྔོན་བསགས་ལས་སྒྲིབ་བྱང་བར་བྱིན་གྱིས་རློབས། །མི་སྒྲིབ་ཚངས་པའི་དངོས་གྲུབ་མྱུར་དུ་སྩོལ། །རྐང་བཞི་རྔོག་ཆགས་འཕེལ་བའི་བཀྲ་ཤིས་ཤོག །ཨོཾ་ས་མ་ཡ། ཨཱས་མ་ཡ། ཧཱུྃ་ས་མ་ཡ། ཨོཾ་ཨཱརྱ་རེ་མནྟ་སྭཱ་ཧཱ། ཨོཾ་བཛྲ་སཏཱ་ས་མ་ཡ་ནས་སཏཱ་ཨཱཿ ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་

[Full Size]

ཤིས་ཤོག །ཅེས་བརྗོད་དོ། །འདི་བྲིས་ཉེས་པ་མཆིས་ན་རྟ་ལྷའི་ཚོགས་ལ་བཤགས། །དགེ་བས་འགྲོ་ཀུན་རྟ་མཆོག་འགྲུབ་པར་ཤོག །ཅེས་ཨ་རཱ་གས་སྦྱར་བ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རེ་མནྟའི་གཏོར་འབུལ།

[Full Size]

རེ་མནྟའི་གཏོར་འབུལ་ནི། དཀར་གཏོར་གཙང་མ་བྲན་ལ་ཨ་ཀཱ་རོས་བྱིན་གྱིས་བརླབས་ནས། ཧཱུྃ། རྡོ་རྗེ་ཁྲོ་བོ་རེ་མན། །གུར་གུམ་གཞོན་ནུའི་མདོག་འདྲ་ཞིང་། །ཞི་འཛུམ་བཞད་ཅིང་སྒེག་པའི་གཟུགས། །དབུ་ལ་དངུལ་གྱི་རྨོག་ཞུ་ལ། །བྱ་ཕོད་དཀར་པོས་བརྒྱན་པ་གསོལ། །དམར་ལྗང་དར་བེར་འབར་བའི་སྟེང་། །བསེ་ཁྲབ་མི་ཞུབ་རྟ་ཞུབ་མནབ་། །ཕྱག་གཡས་རྡོ་རྗེ་རྩེ་ལྔ་ཕྱར། །གཡོན་པས་གཏེར་གྱི་ནེའུ་ལེ་འཛིན། །མདུང་དར་དམར་པོ་གྲུ་ན་བཅུག །ཆིབས་སུ་སྔོན་པོ་ཆུ་རིས་ཆིབས། །སྔོན་པོ་སྒྲུབ་སེར་རོལ་དུ་ཁྲིད། །སྤྱི་བོའི་གཙུག་ན་བྱ་ཁྱུང་ལྡིང་། །ཕྲག་གོང་ལྕགས་ཀྱི་བྱ་ཁྲ་འཛུམ། །སེང་ཆེན་གཉིས་ནི་ཕྱི་ན་འགྱིང་། །རྒྱ་སྟག་གཉིས་ནི་མདུན་ནས་འགྲོ། །རང་འདྲ་ལྔ་བརྒྱའི་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །རྔོག་ཆགས་འཕེལ་ཞིང་རྒྱས་པ་དང་། །ཚེ་སྲོག་བརྟན་པའི་ཕྲིན་ལས་མཛོད། །ཧཱུྃ། འཇིག་རྟེན་ཚངས་པའི་མགོན་པོ་ནི། །ཀུན་དྷའི་མདོག་ཅན་ཁྲོ་ཞིང་བཞད། །དར་ནག་བེར་གསོལ་གཡུ་འབྲུག་ཆིབས། །ཕྱག་ན་འཁོར་ལོ་ཞགས་པ་བསྣམས། །འདིར་གཤེགས་བརྒྱན་

[Full Size]

པའི་གཏོར་མ་བཞེས། །རྟ་ནད་ཞི་བའི་ཕྲིན་ལས་མཛོད། །ཧཱུྃ། དཔལ་ལྡན་ཨཱརྱ་རེ་མནྟ། །བཙོ་མ་གསེར་གྱི་ཁ་དོག་ཅན། །གཞོན་ནུ་ཉི་མའི་སྲས་པོ་ནི། །པདྨ་རཱ་གའི་ཁ་དོག་ཅན། །འདིར་གཤེགས་བརྒྱན་པའི་གཏོར་མ་བཞེས། །རྟ་གཡང་དངོས་གྲུབ་བསྩལ་དུ་གསོལ། །ཧཱུྃ། མ་ཧཱ་ཀཱ་ལ་རེ་མནྟ། །སྤྲུལ་པ་ཁྱུང་གིས་ནམ་མཁའ་གང་། །ལྕགས་ཀྱི་བྱ་ཁྲུས་བར་སྣང་གང་། །སྟག་དང་སེང་གེས་ས་གཞི་གང་། །འདིར་གཤེགས་བརྒྱན་པའི་གཏོར་མ་བཞེས། །རྟ་ལ་གནོད་བྱེད་རྡུལ་དུ་རློག །ཧཱུྃ། སྲིད་གསུམ་དབང་སྒྱུར་གང་བ་བཟང་། །སེམས་དཔའ་རྡོ་རྗེ་རྣམ་ཐོས་སྲས། །ནོར་ལྷ་བྱེ་བ་འབུམ་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །རྔོག་ཆགས་སྲུང་ཞིང་བསྐྱབ་པ་དང་། །འཕེལ་ཞིང་རྒྱས་པའི་ཕྲིན་ལས་མཛོད། །ཧཱུྃ། ལྷ་ཆེན་མ་ཧཱ་ཀཱ་ལ་ནི། །རྟ་ནག་རྟིང་དཀར་ཆིབས་སུ་ཆིབ། །ཉི་ཟླ་སྐར་ཆེན་འོད་ཟེར་འཕྲོ། །སྟོང་གསུམ་གླིང་བཞི་ཡུད་ཀྱིས་ཉུལ། །འདིར་གཤེགས་བརྒྱན་པའི་གཏོར་མ་བཞེས། །རྟ་འདྲེ་རྟིལ་སྲི་ཚར་གཅོད་ཅིག། ཧཱུྃ། གནོད་སྦྱིན་རྟ་བདག་ཀུ་བེ་ར། །རང་འདྲ་སྤྲུལ་པ་

[Full Size]

འབུམ་དང་བཅས། །རལ་གྲི་ཕྱར་ཞིང་གནོད་བྱེད་འདུལ། །འདིར་གཤེགས་བརྒྱན་པའི་གཏོར་མ་བཞེས། །གཞི་བྱེས་ལམ་གསུམ་གར་འདུག་ཀྱང་། །རྟ་ཡི་རྫིའུ་མ་གཡེལ་ཅིག །བཅོལ་བའི་ཕྲིན་ལས་འགྲུབ་པར་མཛོད། །ཅེས་གཏོར་མ་གཙང་སར་ཕུལ། ཆོ་ག་རྒྱས་པ་མ་ལྕོགས་ན་གཏོར་འབུལ་ཁོ་ནས་ཆོག །ཅེས་པ་རྟ་གཟུངས་ཆོ་གའི་ཁ་སྐོང་དུ་རིག་སྔགས་འཛིན་པ་རཱ་ག་ཨ་སྱས་བྲིས་པའོ། །འདི་བྲིས་ཉེས་པ་རྟ་ལྷའི་ཚོགས་ལ་བཤགས་ཤིང་དགེ་བས་བཀྲ་ཤིས་བདེ་ལེགས་འབྱུང་གྱུར་ཅིག ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྟ་ལྷའི་མངའ་གསོལ།

[Full Size]

རྟ་ལྷའི་མངའ་གསོལ་ནི། ན་མོ་རྒྱ་གྲི་ཝཱ་ཡ། རྟ་ལྷའི་མངའ་གསོལ་བྱེད་ན། བསང་གི་དུས་སམ་གསོལ་ཀའི་དུས། ཤ་ཁྲག་མ་འདྲེས་པའི་གཏོར་མ་རིན་པོ་ཆེའི་དབྱིབས་ཅན་བཅས་ལ་ཕྱེ་མར་ཤུག་དུད་བཏང་ལ། ཨ་ཀཱ་རོས་བྱིན་གྱིས་བརླབས་ནས་རྔ་རོལ་མོ་དབྱངས་དང་བཅས་པས་འདི་སྐད་དོ། ཧཱུྃ། སུམ་རྩེན་ལྕང་ལོ་ཅན་དང་དགུང་སྔོན་དབུས། །རང་བཞིན་གར་བཞུགས་གནས་མཆོག་དམ་པ་ནས། །རྡོ་རྗེ་ཁྲོ་བོ་ཨཱརྱ་རེ་མན། །ནོར་ལྷ་གནོད་སྦྱིན་བྱེ་བ་འབུམ་དང་བཅས། །རླུང་ལྟར་མྱུར་བའི་ཤུགས་ཀྱིས་འདིར་གཤེགས་ལ། །དངོས་འབྱོར་ཡིད་སྤྲུལ་མངའ་གསོལ་མཆོད་པ་བཞེས། །ཞིམ་མངར་སྤོས་སྤྲིན་དཀར་གསུམ་མངར་གསུམ་དང་། །དར་ཟབ་འབྲུ་སྨན་མཆོད་པས་མངའ་གསོལ་ལོ། །འགྲོ་བ་རྐང་འཁྱམས་སྡུག་བསྔལ་སྐྱོབ་མཛད་པ། །འགྲོ་བའི་མགོན་གྱུར་མགོན་པོ་རྟ་མང་ཞེས། །འཕགས་མཆོག་སར་གནས་སེམས་དཔའ་རེ་མན། །བདག་གི་རྟ་ཡི་མགོན་དུ་མངའ་གསོལ་ལོ། །ལྷ་རྣམས་ཡོངསཀྱི་སོ་པ་སྤྱན་རྣོན་པོ། །ཤར་ཕྱོགས་སྐྱོང་བའི་མགོན་པོ་དཔལ་རབ་འཆང་། །བདག་གི་རྟ་དྲེལ་རྔོག་ཆགས་ཐམས་ཅད་ཀུན། །སྲུང་ཞིང་སྐྱོབ་པའི་སོ་པར་མངའ་གསོལ་ལོ། །རྟ་

[Full Size]

ལྷའི་རྒྱལ་པོ་ཨཱརྱ་རེ་མན། །རྔོག་ཆགས་ཐམས་ཅད་འཕེལ་ཞིང་རྒྱས་པར་མཛོད། །ནོར་ལྷ་ཆེན་པོ་འཕགས་པ་རེ་མནྟ། །རྣལ་འབྱོར་བདག་གི་ལམ་ལྷར་མངའ་གསོལ་ལོ། །ལྷ་དམག་བྱེ་བ་འབུམ་གྱི་ལམ་མཁན་ཏེ། །ཉི་མའི་སྲས་པོ་རླུང་རྟ་བདུན་གྱི་བདག །ལམ་ལྷ་ཆེན་པོ་ཨཱརྱ་རེ་མནྟ། །རྣལ་འབྱོར་བདག་གི་ལམ་ལྷར་མངའ་གསོལ་ལོ། །རབ་ཁྲོས་གནོད་སྦྱིན་བྱ་གཅན་སྤྲུལ་པ་འགྱེད། །རྔོག་ཆགས་ལ་གནོད་དགྲ་བགེགས་རླག་མཛད་པའི། །ཆོས་སྐྱོང་སྲུང་མ་ཁྲོ་བོ་རེ་མནྟ། །བདག་གི་རྟ་ཡི་སྲུང་མ་མངའ་གསོལ་ལོ། །སྲིད་གསུམ་དབང་སྒྱུར་གནོད་སྦྱིན་གང་བ་བཟང་། །རྟ་བདག་ཆེན་པོ་དཔལ་དང་འབྱོར་པའི་བདག །རྟ་རྣམས་སྲུང་ཞིང་སྐྱོབ་པར་དམ་བཅས་པ། །བདག་གི་རྟ་ཡི་སྲུང་མར་མངའ་གསོལ་ལོ། །བྱང་ཆུབ་སེམས་དཔའ་གསེར་འདྲ་སེང་གེ་ཞོན། །རྡོ་རྗེ་རྣམ་ཐོས་སྲས་པོ་ནོར་གྱི་བདག །རྟ་ནོར་རྔོག་ཆགས་ཐམས་ཅད་འཕེལ་མཛད་པ། །བདག་གི་རྟ་ལྷའི་མཆོག་ཏུ་མངའ་གསོལ་ལོ། །གཙུག་ལག་ཁང་དང་དཀྱིལ་འཁོར་སྲུང་མ་ཆེ། །རྣལ་འབྱོར་དགྲ་ལྷ་དུག་གསུམ་ནད་ཀྱི་སྨན། །དགྲ་བགེགས་འདུལ་མཛད་མ་ཧཱ་

[Full Size]

ཀཱ་ལ་ཆེ། །རྟ་འདྲེ་གནོད་བྱེད་འདུལ་བར་མངའ་གསོལ་ལོ། །རྟ་བདག་གནོད་སྦྱིན་ཆེན་པོ་ཀུ་བེ་ར། །རང་འདྲ་སྤྲུལ་པའི་འཁོར་ཚོགས་འབུམ་དང་བཅས། །ང་ཞིང་མེལ་ཚེ་མཛད་པའི་ལྷ། །བདག་གི་རྟ་ཡི་རྗེ་བོར་མངའ་གསོལ་ལོ། །སྤྲུལ་པའི་གནོད་སྦྱིན་ཨཱརྱ་རེ་མནྟ། །ལྔ་བརྒྱ་དང་བཅས་ནོར་ལྷ་བྱེ་བ་འབུམ། ། བདག་གི་རྟ་དྲེལ་རྔོག་ཆགས་འཕེལ་བའི་ཕྱིར། །རྟ་དང་ནོར་གྱི་ལྷ་རུ་མངའ་གསོལ་ལོ། །གསོལ་ལོ། །མཆོད་དོ། །རྟ་ལྷ་ཆེན་པོ་ལ་གསོལ་ལོ། །མཆོད་དོ། །རྡོ་རྗེ་རེ་མན་ལ་གསོལ་ལོ། །མཆོད་དོ། དཔལ་རབ་འཆང་བའི་མགོན་པོ་ལ་གསོལ་ལོ། །མཆོད་དོ། །ཨཱརྱ་རེ་མན་ལ་གསོལ་ལོ། །མཆོད་དོ། །ཉི་མའི་སྲས་པོ་ལ་གསོལ་ལོ་མཆོད་དོ། །ཁྲོ་བོ་ཆེན་པོ་རེ་མནྟ་ལ་གསོལ་ལོ། །མཆོད་དོ། །རང་འདྲའི་འཁོར་ཚོགས་ལྔ་བརྒྱ་ལ་གསོལ་ལོ། །མཆོད་དོ། །དཔལ་འབྱོར་གང་བ་བཟང་པོ་ལ་གསོལ་ལོ། །མཆོད་དོ། །རྡོ་རྗེ་རྣམ་ཐོས་སྲས་པོ་ལ་གསོལ་ལོ། །མཆོད་དོ། །རྟ་ལྷ་མགོན་པོ་ལ་གསོལ་ལོ། །མཆོད་དོ། །རྟ་བདག་ཀུ་བེ་ར་ལ་གསོལ་ལོ། །མཆོད་

[Full Size]

དོ། །ནོར་བདག་བྱེ་བ་འབུམ་དང་བཅས་པ་ལ་གསོལ་ལོ། །མཆོད་དོ། །གསོལ་ཞིང་མཆོད་པ་ལ་བརྟེན་ནས། བདག་གི་རྟ་དྲེལ་རྔོག་ཆགས་ཐམས་ཅད་འཕེལ་ཞིང་རྒྱས་ལ། ཚེ་སྲོག་བརྟན་པའི་ཕྲིན་ལས་མཛོད་ཅིག །རྟ་ནད་ཐམས་ཅད་རབ་ཏུ་ཞི་བ་དང་། །རྟ་འདྲེ་རྟིལ་སྲི་ཐམས་ཅད་རྡུལ་དུ་བརླག་པར་མཛོད་ཅིག །ཅེས་གཏོར་མ་བསང་ནང་དུ་ཡུལ་ལོ། །དགེའོ། །ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་ལྷའི་ཆོ་ག་བསྡུས་པ།

[Full Size]

རྟ་ལྷའི་ཆོ་ག་བསྡུས་པ་བཞུགས་སོ། །མདུན་དུ་ཆུ་ལྷ་སྐུ་མདོག་དམར། །།རྡོ་རྗེ་རལ་གྲི་མདའ་མདུང་བསྣམས། །གསེར་གྱི་ཞུབ་ཅན་ཆུ་རིས་ཆིབས། །མདུན་རྒྱབ་སྟག་གཉིས་སེང་གཉིས་འགྱིང་། །ཀླད་ན་ཁྱུང་གཉིས་ཁྲ་གཉིས་ལྡིང་། །ལྔ་བརྒྱའི་འཁོར་བཅས་སྤྱན་དྲངས་གྱུར། །ཧཱུྃ། དཔལ་རབ་འཆང་བའི་མགོན་པོ་སྟེ། །ལམ་མཆོག་རྒྱལ་པོ་བདེ་མཛད་པ། །དགྲ་བླའི་མཆོག་སྟེ་ཉི་མའི་སྲས། །གཟི་ལྡན་ཨརྱ་རེ་མནྟ། །འཁོར་དང་བཅས་པ་མ་ལུས་པ། །མཆོད་པའི་གནས་འདིར་གཤེགས་སུ་གསོལ། །ཛཿཧཱུྃ་བཾ་ཧོ༔ ཏིཥྛ་ལྷན། ཨ་བྷི་ཥིཉྩ་མཱི། ཨགྷཾ་སོགས། ཨོཾ་ཨཧཱུྃ་ཧ་ཧོ་ཧཱུྃསྭཱ་ཧཱ། ཨོཾ་ཨརྱ་རེ་མནྟ་ཡེ་སྭཱ་ཧཱ། ཨི་དཾ༔ ན་མོ་རཏྣ་ཏྲ་ཡཱ་ཡ། ཧ་དེ་ཕུ་ནི་ཧ་དེ་ཕུ་ནི་ཧྥ་ཏེ་ཕུ་ནི་སྭཱ་ཧཱ། ཨོཾ་བཛྲ་ཀྲོ་ཏ་ཨཱརྱ་རེ་མནྟ་ཧ་ན་ཧ་ན་ཧཱུྃ་ཕཊ། ཨོཾ་ཨརྱ་རེ་མནྟ་སྭཱ་ཧཱ། རྟ་ལ་རཀྵ་རཀྟ་གྷོ་ར་སིདྡྷི་ཧཱུྃ། ཧཱུྃ། འགྲོ་བ་ཉམས་ཐག་དོན་སླད་དུ། །ཐུགས་རྗེའི་དབང་གླུ་གིས་མགོན་གྱུར་པ། །མངའ་མཛད་ཐུབ་དབང་རྟ་ཡི་ལྷ། །དཔལ་ལྡན་གཞོན་ནུ་རེ་མནྟ། །བདག་གི་དུས་རྣམས་ཐམས་ཅད་དུ། །སྐྱེས་མཆོག་ཁྱེད་ལ་དད་པ་ཡི། །རེ་བའི་

[Full Size]

སེམས་ཀྱིས་ཕྱག་འཚལ་བསྟོད། །མགོན་པོ་ཐུགས་རྗེ་ཅན་ཁྱོད་ཀྱིས། །མཆོད་གཏོར་འབུལ་བ་འདི་བཞེས་ལ། །ལམ་གྱི་དགྲ་དང་འཇིགས་པ་སོལ། །ཁྱུ་མཆོག་རྟ་རྣམས་སྤེལ་བ་དང་། །རྟ་ལ་བསྲུང་ཞིང་བསྐྱབ་ཏུ་གསོལ། །ཨོཾ་ཨཱརྱ་རེ་མན་གྷོ་ར་སིདྡྷི་ཧཱུྃ་སྭཱ་ཧཱ། ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་ལྷ་གནོད་སྦྱིན་ཆེན་པོ་ཀུ་བེ་ར་ཡི་བསྙེན་སྒྲུབ་མཆོད་བསྟོད་གཅིག་དྲིལ་རྒྱུད་མང་པོའི་བཅུད་བསྡུས།

[Full Size]

རྟ་ལྷ་གནོད་སྦྱིན་ཆེན་པོ་ཀུ་བེ་ར་ཡི་བསྙེན་སྒྲུབ་མཆོད་བསྟོད་གཅིག་དྲིལ་རྒྱུད་མང་པོའི་བཅུད་བསྡུས་ཡོད།

[Full Size]

བཛྲ་པཱ་ཎི་ལ་ན་མོ། ཀུ་བེ་ར་མཆོད་པར་འདོད་པས། ཟན་ཟླ་གམ་སྟེང་དུ་གྲུ་གསུམ་བྲུས་པར་ཁྲག་གམ་འབྲི་མོག་བྱུག །ཟུར་གཉིས་ན་མར་མེ་གཏམས་པ་ཞིག་བྱ་བའམ། ཡང་ན་གཏོར་མ་རིན་པོ་ཆེའི་དབྱིབས་ཅན་བྱས་ལ། །ཧཱུྃ། མདུན་ད་སྦྱིན་ཀུ་བེ་ར། །མདོག་ནག་གོས་མན་རྨོག་ཞུ་ཅན། །སྔོན་པོ་ཤེལ་རིས་ཆིབས་སུ་ཆིབས། །གཡས་ན་རལ་གྲི་འབར་བ་བསྣམས། །གཡོན་ན་གཏེར་གྱི་ནེའུ་ལེ་བསྣམས། །ཐུགས་ཀའི་འོད་ཀྱིས་སྤྱན་དྲངས་གྱུར། །བྱང་ཕྱོགས་སྐྱོང་བའི་ཞིང་ཁམས་ནས། །རྣམ་སྲས་ཐུགས་ལས་སྤྲུལ་པའི་སྲས། །ཀུ་ཝེ་ར་ནི་རྫུ་འཕྲུལ་ཅན། །གནོད་སྦྱིན་

[Full Size]

འབུམ་གྱི་འཁོར་དང་བཅས། །བདག་གིས་མཆོད་ཕྱིར་སྤྱན་འདྲེན་ན། །དམ་ཚིག་དབང་གིས་གཤེགས་སུ་གསོལ། །རིན་ཆེན་ཁྲི་མཆོག་པད་ཟླ་དང་། །རྟ་མཆོག་བརྗིད་པའི་ཁྲི་སྟེང་དུ། །དགྱེས་པའི་ཚུལ་གྱིས་བཞུགས་ནས་ཀྱང་། །སྔོན་ཚེ་ཐུབ་པའི་དབང་པོ་དང་། །གསང་བདག་དམ་ཚིག་རྗེས་དགོངས་ལ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཀུ་བེ་ར་ཡེ་སྭཱ་མ་ཡཱ། །ཛཧཱུྃ་བཾ་ཧོ༔ཏིཥྛ་ལྷན། །མེ་ཏོག་བདུག་སྤོས་མར་མེ་དྲི། །སྣ་ཚོགས་ཞལ་ཟས་རོལ་མོ་ཚོགས། །འདོད་ཡོན་ལྔ་དང་རིན་ཆེན་བདུན། །བཀྲ་ཤིས་རྟགས་

[Full Size]

བརྒྱུད་འབྲུ་སྨན་དང་། །དཀར་གསུམ་མངར་གསུམ་གཏོར་མ་འབུལ། །འཁོར་བཅས་མཉེས་ཤིང་ཚིམས་གྱུར་ཅིག །ཨོཾ་ཨ་མྲྀ་ཏ་སོགས། ཨ་ཀཱ་རོ་སོགས། ཨོཾ་ཀུ་བེ་ར་ཡེ་ས་། པཱ་རི་ཝ་ར་ཨི་དཾ་བྷ་ལིནྟ་གྷི་ཧཱ་ནནྟུ། ས་མ་ཡ་རཀྵནྟུ། མ་མ་སརྦ་སིདྡྷི་མེ་པྲ་ཡཙྪ་མ་མ་སརྦ་ཀརྨ་ཨ་མོ་གྷ་སྭཱ་ཧཱ། ཨ་བྷཾ་སོགས། ཧཱུྃ། ཀུ་བེ་ར་ནི་སྐུ་མདོག་ནག །རྫུ་འཕྲུལ་རྟ་ཡི་སྟེང་ན་བཞུགས། །གཡོན་པས་ནེའུ་ལེ་གཡས་པ་ན། །རལ་གྲི་བསྣམས་ལ་ཕྱག་འཚལ་ལོ། །མཆོད་སྦྱིན་གཏོར་མ་འདི་བཞེས་ལ། །བདག་གི་རྟ་འདི་སྲུང་སྐྱོབ་མཛོད། །བདག་ཏུ་ཟུངས་ལ་འཚོ་བར་གྱིས། །གཞི་བྱེས་ལམ་གསུམ་གར་འགྲོ་ཡང། །རྟ་ཡི་རྫིའུ་ཁྱོད་ཀྱིས་མཛོད། །གནོད་ཅིང་འཚེ་བ་མ་བཏང་ལ། །རྟ་འདྲེ་རྟེལ་སྲི་ཁ་ཁོག་ཅིག །ཅེས་བརྗོད་ལ་སྲབ་མདའ་འཐེན་པའི་ཚུལ་དུ་བྱ། རྟའི་རྫིའུ་བྱེད་པར་ཁས་བླངས་པར་བསམས་ལ། ཐུགས་ཀར་ཟླ་བའི་གདན་ལ་ཀཾ་ཡིག་གི་མཐར་སྔགས་འཁོར་བར་བསམས་ལ། ཨོཾ་ཀུ་བེ་ར་ཡེ་སྭཱ་ཧཱ། གྷོ་ར་རཀྵ་རཀྵ་ཧཱུྃ་ཧཱུྃ་སྲུངས་ཤིག །ཕོ་ལ་སྲུང་མོ་ལ་སྤེལ་སྦྱར་བ་བརྒྱ་རྩ་བརྒྱད་བཟླས་སོ། །འདི་མགོན་པོ་དངོས་གྲུབ་འབྱུང་རྒྱུད་དང་རྣམ་སྲས་ནོར་བུ་འབྱུང་བ་དང་རྟའི་གཟུངས་ཁྲི་སྲོང་ལྡེའུ་བཙན་གྱི་མཛད་པའི་ཆོ་ག་དང་། ཟངས་

[Full Size]

དཀར་ལུགས་འདི་རྣམ་སྲས་ཆོ་ག་སོགས་ནས་ཨ་རཱ་གས་བསྡུས་པའོ། མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གནམ་ཆོས་ཐུགས་ཀྱི་གཏེར་ཁ་ལས་ཀུ་བེ་རའི་སྒྲུབ་ཐབས་ཀྱི་དམིགས་རིམ་ཟིན་བྲིས།

[Full Size]

གནམ་ཆོས་ཐུགས་ཀྱི་གཏེར་ཁ་ལས་ཀུ་བེ་རའི་སྒྲུབ་ཐབས་ཀྱི་དམིགས་རིམ་ཟིན་བྲིས་དང་བཅས་གསལ་བར་བཞུགས་སོ།།

[Full Size]

གུ་རུ་དྷེ་བ་ཌཱཀི་ནི་ཧཱུྃ༔ ཀུ་བེ་ར་ཡི་སྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ བསྐྱེད་རིམ་དམིགས་པ་ཁོ་ནས་ཆོག༔ གསུངས་པའི་ཞལ་ཤེས་ཟིན་བྲིས་ནི༔ རྒྱུན་ཁྱེར་ཉམས་སུ་ལེན་པ་ནི༔ སྔགས་དང་དམིགས་པ་ཁོ་ནས་ཆོག༔ གཙོ་ཆེར་འདི་ཉིད་སྒྲུབ་པ་ནི༔ གཞི་དཀར་པདྨ་འདབ་བརྒྱད་དམ༔ ནས་ཀྱི་འབྲུ་ཚོམ་དགུ་བཀོད་སྟེང་༔ རིན་ཆེན་སྣོད་གཙང་སྣོད་ནང་དུ༔ ཟན་ལེབ་ཚེས་བརྒྱད་ཟླ་བའི་དབྱིབས༔ དཀྱིལ་དུ་གྲུ་གསུམ་བྲུས་བྱས་ལཿ ཁྲག་གམ་ཡང་ན་འབྲི་མོག་བྱུག༔ དེ་སྟེང་གཏོར་མ་སྟོད་ཟུར་གཉིས༔ མདུན་རྒྱབ་ནོར་བུ་འབར་བའི་དབྱིབས༔ རྩེ་ལ་ཉི་ཟླ་སྐར་གསུམ་དང་༔ ནོར་བུའི་དབྱིབས་སོགས་དཀར་རྒྱན་གཟབ༔ ཟླ་གམ་གཡས་གཡོན་སྣེ་གཉིས་ལ༔ ཟན་ཀོང་མར་

[Full Size]

མེ་གཉིས་ཀྱང་བཞག༔ ཤ་ཕུད་གཙང་མ་འབྲུ་སྣ་དང་༔ ཤིང་ཐོག་འབྲུ་སྣ་གང་འཛོམས་བླུག༔ དར་ནག་གམ་ནི་ཤོག་བུ་ལ༔ བྲིས་པའི་ཀུ་བེ་ར་ཡི་གཟུགསཿ མིག་གཉིས་རེ་དང་ལྟེ་བར་ཛཾ༔ སོག་པར་ཏཾ་དང་སྙིང་གར་སྔགས༔ བྲིས་པ་མདའ་དར་མགུལ་དུ་བཏགས༔ རང་དོན་ཡིན་ན་རྟེན་དུ་བཅང་༔ གཞན་དོན་ཟན་ནམ་འཇིམ་པ་ལ༔ ཀུ་བེ་ར་ཡི་གཟུགས་བྱས་ཏེ༔ གཡས་པས་ཤིང་གི་རལ་གྲི་དང་༔ གཡོན་པས་ཆིབས་པའི་སྲབ་མདའ་འཛིན༔ མགོ་ལ་ཟེར་མོའི་འཕྲུ་བཙུགས་བཞག༔ དེ་མཐར་མཆོད་པ་སྣ་ཚོགས་པ༔ བསང་གི་དུས་ལྟར་ཅི་འབྱོར་གཟབ༔ སྤྱན་གཟིགས་འཁོར་གསུམ་ཁྲབ་རྨོག་ཕུབ༔ རྟ་ཡི་སྒ་སྟན་ལྕག་ཙན་སྒྲོག༔ རྟ་མགུལ་སྲབ་མཐུར་རྣམས་ཀྱང་བཤམས༔ གནམ་ཆོས་གཞུང་ལྟར་རྟ་གླུད་

[Full Size]

བཏང་༔ རང་ཉིད་ཡི་དམ་གང་རུང་བསྒོམ༔ གསུང་ཕྱིར་གང་ཡང་རུང་མོད་ཀྱང་༔ རྟ་མགྲིན་ཡིན་ན་མཆོག་ཏུ་ལེགས༔ ཧཱུྃ༔ མདུན་དུ་ནོར་ལྷ་ཀུ་བེ་རཿ སྐུ་མདོག་ནག་པོ་ཞལ་གཅིག་པ༔ ཕྱག་གཉིས་གཡས་པས་རལ་གྲི་དང་༔ གཡོན་པས་རྟ་ཡི་སྲབ་མདའ་འཛིན༔ སྐུ་ལ་ཁྲབ་རྨོག་བརྗིད་པ་གསོལ༔ ཆིབས་སུ་རྟ་ནག་མདངས་ལྡན་ཆིབས༔ རང་འདྲ་ལྔ་བརྒྱའི་འཁོར་དང་བཅསཿ སྤྱན་དྲངས་མདུན་བསྐྱེད་རྟེན་ལ་བསྟིམ༔ སྤོས་དཀར་ཤུག་གསུར་དུད་པ་བཏང་༔ སྙན་པའི་དབྱངས་དང་རོལ་མོ་བཅས༔ ཧཱུྃ༔ འདི་ནས་བྱང་གི་ཕྱོགས་རོལ་ན༔ རྒྱ་མཚོ་ཆེན་པོའི་ཕར་འདབ་ན༔ གསེར་རི་བདུན་གྱི་ཕ་རོལ་ན༔ རོལ་མཚོ་བདུན་གྱི་ཤར་འདབ་ན༔ རི་རྒྱལ་ལྷུན་པོའི་བྱང་ཕྱོགས་ན༔ ནམ་མཁའ་ས་གཞི་བར་སྣང་ཀུན༔ ཐམས་ཅད་བཙོ་མ་གསེར་གྱི་མདོག༔ ཉི་མ་ཟླ་བ་འགྲིམ་པའི་ལ༔ གཉའ་ཤིང་འཛིན་གྱི་རྩེ་མོ་ན༔ རིན་ཆེན་གཏེར་ཁ་བྱེ་བས་བརྒྱན༔ རིན་ཆེན་གསེར་གྱི་བྱེ་མ་བརྡལ༔ ཁྲུས་ཀྱི་རྫིང་བུ་དཔག་བསམ་ཤིང་༔ མ་རྨོས་ལོ་ཐོག་འདོད་འཇོའི་བ༔ འདོད་ཡོན་སྣ་ཚོགས་གཅལ་དུ་བཀྲམ༔ དེ་ན་ཕོ་བྲང་ལྕང་ལོ་ཅན༔ ལྕང་ལོ་ཅན་གྱི་བྱང་

[Full Size]

ཕྱོགས་ན༔ རིན་ཆེན་བརྩེགས་པའི་ལྡིང་ཁང་ན༔ གནོད་སྦྱིན་སྡེ་དཔོན་ཀུ་བེ་ར་འབོད་དོ་གདུང་བའི་དབྱངས་ཀྱིས་འབོད༔ ཁྱོད་ལ་མངོན་ཤེས་སྤྱན་ལྡན་པསཿ སྙན་གྱིས་གསོན་ལ་ཐུགས་ཀྱིས་དགོངས༔ ཁྱོད་ལ་རྫུ་འཕྲུལ་སྟོབས་མངའ་བས༔ སྐད་ཅིག་ཙམ་གྱིས་འདིར་གཤེགས་ལ༔ ཡིད་སྤྲུལ་རིན་ཆེན་གཞལ་ཡས་ཁང་༔ ཅང་ཤེས་ནག་པོའི་ཁྲི་ལ་བཞུགས༔ སྔོན་ཚེ་ཤཱཀ་ཐུབ་གསང་བདག་དང་༔ སྲོང་བཙན་སྤྱན་སྔར་ཁས་བླངས་ལྟར༔ བདག་གིས་གང་བཅོལ་འགྲུབ་པར་མཛོད༔ ཨོཾ་ཀུ་བེ་ར་བཛྲ་ས་མཱ་ཡ༔ ཛཧཱུྃ་བཾ་ཧོ༔ ཏིཥྛ་ལྷན༔ ས་མ་ཡ་སྟེ༔ ས་མ་ཡ་ཧོ༔ ཧཱུྃ༔ རྡོ་རྗེ་འཆང་དང་གསང་བའི་བདག་པོ་ཡིས༔ དཀྱིལ་འཁོར་དུ་མར་དབང་བསྐུར་དམ་ལ་བཞག༔ བྱང་ཕྱོགས་སྐྱོང་བའི་དཔལ་མགོན་ཀུ་བེ་ར༔ ཁྱེད་ལ་མཉེས་པའི་མཆོད་པ་འབུལ་བ་ནི༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི༔ ཉེར་སྤྱོད་བདུན་དང་འདོད་པའི་ཡོན་ཏན་ལཿ བཀྲ་ཤིས་རྫས་རྟགས་བརྒྱད་དང་རིན་ཆེན་བདུན༔ དར་ཟབ་འབྲུ་སྣ་ཤིང་ཐོག་ཟས་སྣའི་ཕུད༔ སྐུ་གཟུགས་དར་ནག་ལ་སོགས་མཐུན་རྫས་འབུལ༔

[Full Size]

ཁྱད་པར་རིན་ཆེན་སྣོད་མཆོག་རྒྱ་ཆེ་བརཿ གཏོར་མ་ཟག་མེད་ཡེ་ཤེས་བདུད་རྩིའི་མཚོ༔ ཧ་ཧོ༔ཧཱི༔ཡི་སྔགས་ཀྱིས་བྱིན་བརླབས་པས༔ ཁ་དོག་དྲི་རོ་ནུས་མཐུ་ཕུན་སུམ་ཚོགས། ཟག་མེད་བདེ་བ་སྐྱེད་པར་བྱེད་པ་འདི༔ རྟ་བདག་གནོད་སྦྱིན་ཆེན་པོ་ཀུ་བེ་ར༔ འཁོར་དང་བཅས་ལ་འབུལ་ལོ་དགྱེས་པར་བཞེས༔ ཨོཾ་ཀུ་བེ་ར་ས་པ་རི་བཱ་ར་ཨི་དཾ་བ་ལི་གྲི༔ ས་མ་ཡ་རཀྵནྟ་མ་མ་སརྦ་སིདྡྷི་མྨེ་པྲ་ཡཙྪ་མ་མ་སརྦ་ཀརྨ་སིདྡྷི་ཨ་མོ་གྷ་སྭཱ་ཧཱ༔ ཞེས་ལན་གསུམ། ཨབྷཾ་སོགས། ཧཱུྃ༔ སྔོན་ཚེ་དཔལ་ཆེན་ཧེ་རུ་ཀ༔ གསང་བདག་རྟ་མགྲིན་ལ་སོགས་ཀྱིས༔ རྒྱུད་སྡེ་མང་པོའི་དབང་བསྐུར་ཞིང་༔ དཀྱིལ་འཁོར་གཉན་པོའི་གྲལ་ལ་བཞག༔ འཇིག་རྟེན་བྱུང་ཕྱོགས་སྐྱོང་མཛད་པའི༔ དཔལ་མགོན་ཀུ་བེ་ར་ལ་བསྟོད༔ ཟླ་བའི་སྲས་པོ་གཟི་བརྗིད་ཅན༔ རྣམ་ཐོས་སྲས་ཀྱི་སྤྲུལ་པ་སྟེ༔ ལྷ་མིན་གཡུལ་ངོ་བཟློག་པའི་ཕྱིརཿ སྐུ་མདོག་ནག་པོ་མི་སྡུག་གཟུགས༔ དཀར་པོའི་ལྷ་རྣམས་རྒྱལ་བྱེད་པའི༔ གནོད་སྦྱིན་སྡེ་དཔོན་སྟོབས་པོ་ཆེ༔ གནོད་སྦྱིན་ལུས་ངན་པོ་ལ་བསྟོད༔ ཆོས་རྒྱལ་སྲོང་བཙན་སྒོམ་པོ་ཡིས༔ བོད་ཡུལ་གཙུག་ལག་ཐོག་མ་རུ༔ ཁྲ་འབྲུག་ལྷ་ཁང་

[Full Size]

སྲུང་མར་བསྐོས༔ དེ་ནས་བོད་ཀྱི་ལྷ་རུ་གྱུར༔ རྒྱལ་འགོང་རྣམས་ཀྱི་ཁ་གནོན་མཛད༔ དཀོར་བདག་ཀུ་བེ་ར་ལ་བསྟོད༔ སྐུ་མདོག་ནག་པོ་མུན་པའི་མདོག༔ སྤྱན་བགྲད་ཁྲོ་གཉེར་ཨཾ་གཙིགས་བསྡམས༔ རྟ་གདོན་ཐམས་ཅད་ཞབས་ལ་མནནི༔ དབུ་ལ་བསེ་རྨོག་ལྡེམ་འཕྲུས་བརྒྱན༔ སྐུ་ལ་དར་བེར་དམར་ལྗང་སྟེང་༔ བསེ་ཁྲབ་སྟག་གི་ཤམ་ཐབས་གསོལ༔ ཕྱག་གཡས་བསམ་གཅོད་རལ་གྲི་ཕྱར༔ རྟ་གདོན་རྣམས་ཀྱི་ཀླད་ཁྲག་འགེམ༔ གཡོན་པས་རྟ་ཡི་སྲབ་མདའ་འཛིན༔ རྔོག་ཆགས་ཀུན་གྱི་རྫི་བོ་མཛད༔ ཆིབས་སུ་རྟ་ནག་འཕུར་ཤེས་ཆིབས༔ སྤྲུལ་པ་རང་འདྲ་ལྔ་བརྒྱ་དང་༔ འཁོར་ནི་གནོད་སྦྱིན་སྟོང་གི་ཚོགས༔ ཀུན་ཀྱང་བསེ་ཁྲབ་བསེ་རྨོག་ཅན༔ སྔོན་པོ་ཆུ་རིས་ཆིབས་སུ་ཆིབས༔ མདུང་དམར་རུ་མཚོན་ཆེམས་སེ་ཆེམ༔ རྟ་གཡང་དངོས་གྲུབ་ཀུན་གྱི་བདག༔ རྟ་བདག་ཆེན་པོ་ཀུ་བེ་ར༔ འཁོར་དང་བཅས་པ་ཐམས་ཅད་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ གསོལ་ལོ་མཆོད་དོ་ཐུགས་དམ་བསྐང་༔ གནོད་སྦྱིན་ཆེན་པོ་ཀུ་བེ་ར༔ ཁྱོད་ནི་རྟ་ཡི་བདག་པོ་སྟེ༔ དམིགས་ཡུལ་བསྲུང་བྱའི་རྟ་འདི་

[Full Size]

རྣམས༔ ཁྱོད་ལ་བཅོལ་ལོ་བདག་པོ་གྱིསཿ གཞི་བྱེས་ལམ་གསུམ་གར་ཕྱིན་ཀྱང་༔ སྐྱོབས་ཤིང་འཚོས་ཤིག་ཇི་འུ་གྱིས༔ གནོད་པ་མ་བཏང་ཐུབ་པར་སྲུངས༔ རྟ་ནད་ཐམས་ཅད་ཞི་བ་དང་༔ རྟ་ཡི་ཡམས་ནད་ཐུབ་པར་སྲུངས༔ བཙན་ལྷེབ་བཙན་གྱི་གནོད་པ་དང་༔ སྡོམ་དང་ལ་གར་ལ་སོགས་པ༔ རྟ་ནད་ཐམས་ཅད་མེད་པར་མཛོད༔ རྟ་གོད་ཆོད་ལ་རྟིལ་སྲི་ཆིངས༔ རྔོག་ཆགས་ཐམས་ཅད་བསྲུང་བ་དང་༔ རྒོད་མ་ཐམས་ཅད་སྒྲུབ་འཕེལ་བའི་༔ ཕྲིན་ལས་འདི་དག་མྱུར་འགྲུབ་མཛོད༔ སྲབ་མདའ་ཕྱག་ཏུ་ཕུལ་བར་བསྒོམ༔ ཨོཾ་ཀུ་བེ་ར་སྭཱ་ཧཱ༔ གྷོ་ར་རཀྵ་རཀྵ་བྷི་བྷི་སྲུངས་ཤིག༔ སྤྱན་འདྲེན་བསྟིམས་ནས་སྔགས་འདི་བརྗོད༔ དེ་ནས་དེ་ཡི་ཞལ་གདམས་ལ༔ རྟ་ལྷའི་ཐུགས་ཀར་ཟླ་བའི་སྟེང་༔ ཀཾ་ཡིག་མཐའ་མར་སྔགས་གཡས་འཁོར༔ དེ་ལས་འོད་ཟེར་བྱང་ཕྱོགས་འཕྲོསཿ ལྕང་ལོ་ཅན་ནས་ཀུ་བེ་ར༔ གྲངས་མེད་སྤྱན་དྲངས་རྟེན་ལ་བསྟིམ༔ བཀའ་ཉན་གསུང་སྡོད་བྱེད་པར་བསྒོམ༔ ཨོཾ་ཨཱཀུ་བེ་ར་སྭཱ་ཧཱ༔ དེས་ནི་ཀུ་བེ་ར་འགྲུབ་བོ༔ ས་མ་ཡ༔ རྒྱ་རྒྱ་རྒྱ༔ རྟ་ནད་ཀུན་གྱི་སྲུང་བ་ནི༔ ཀུ་བེ་ར་ཡི་ཐུགས་ཀ་ནས༔ འོད་ཟེར་ཟླ་བ་ཤར་ལྟར་འཕྲོསཿ རྟ་ཡི་ནད་

[Full Size]

རྣམས་ཐམས་ཅད་ནི༔ མུན་པར་ཟླ་བ་ཤར་བཞིན་སེལ༔ སྔགས་འདི་མང་དུ་བཟླས་པས་ཆོག༔ ཨོཾ་ཨཱཋཀུ་བེ་ར་ཏིང་གྷོ་ར་རཀྟ༔ ས་མ་ཡ༔ རྒྱ་རྒྱ་རྒྱ༔ དེ་ནས་རྟ་ཡི་གོད་གཅོད་ནི༔ ཀུ་བེ་ར་ཡི་ཐུགས་ཀ་ནས༔ རང་འདྲའི་སྤྲུལ་པ་འབུམ་ཕྲག་ནི༔ དམག་ཆེན་བཤིག་པ་ལྟ་བུར་འཕྲོས༔ རྟ་ལ་གནོད་པའི་བགེགས་རྣམས་ཀུན༔ དཔག་ཚད་དུ་ཡང་མི་གནས་བྲོས༔ ལ་ལས་མི་གནོད་ཁས་ལེན་བྱས༔ གོད་འདྲེ་གདུག་པ་ཅན་རྣམས་ཀུན༔ རལ་གྲིས་གཏུབས་ཤིང་བསད་པར་བསྒོམ༔ སྔགས་འདི་མང་བཟླས་ཁོ་ནས་ཆོག༔ ཨོཾ་ཨཱཋཀུ་བེ་ར་ཏ་ཀཱི་རཱུ་པ་གྷོ་ར་ཧ་དྷི་ཧ་དྷི་སྭཱ་ཧཱ༔ ས་མ་ཡ༔ རྒྱ་རྒྱ་རྒྱ༔ དེ་ནས་རྟ་ཡི་གཡང་སྡུད་ནི༔ ཀུ་བེ་ར་ཡི་ཐུགས་ཀ་ནས༔ འོད་ཟེར་དམར་པོའི་ཕྱོགས་བཅུར་འཕྲོས༔ རྟ་གཡང་དངོས་གྲུབ་ཐམས་ཅད་ནི༔ འོད་ཟེར་ཚུར་དུ་བསྡུས་ནས་ནི༔ རང་གི་རྟ་ལ་ཐིམ་པ་ཡིསཿ རྔོག་ཆགས་འཕེལ་ཞིང་རྒྱས་པར་བསྒོམ༔ ཨོཾ་ཀུ་བེ་ར་སྭཱ་ཧཱ༔ གྷོ་ར་སིདྡྷི་ཕ་ལ་ཧཱུྃ༔ དེ་ལྟར་ཐུན་བཞི་ཐུན་དྲུག་སྟེ༔ སྒྲུབ་པ་ཡིན་ན་མགོ་འཇུག་གི༔ སྔགས་དམིགས་གཉིས་པོ་གཙོ་ཆེར་བྱ༔ རྟ་ནད་སྲུང་དང་གོད་གཅོད་སྐབས༔ བར་མ་གཉིས་པོ་གཙོ་ཆེར་བྱ༔ དེ་ལྟར་ཞག་གསུམ་ལྔ་བདུན་སོགས༔ སྒྲུབ་

[Full Size]

ལ་འབད་པས་རྨི་ལམ་དུ༔ ཚོང་དཔོན་ལ་སོགས་དཔོན་རིགས་ཀྱི༔ རྐྱ་པ་ཆས་བཟང་འོང་བ་དང་༔ རྟ་ཁྱུ་འཚོ་དང་བདག་པོ་བྱེདཿ རྟ་ནག་རྟེའུ་འགྲོས་པ་དང་༔ མཐུར་སྲབ་རྩྭ་སྔོན་ཕུལ་བྱུང་དང་༔ རྟགས་མཚན་ནོར་ལྷ་སྤྱི་དང་མཚུངས༔ མདུན་བསྐྱེད་དམིགས་རྟེན་མདའ་དར་དང་༔ རྟ་ཆས་རྣམས་ལ་ཐིམ་པར་དམིགས༔ རྒྱུན་དུ་གཏོར་མགྲོན་གྲལ་འདོན་ནམ༔ མ་ལྕོགས་སྔགས་ལ་ཁཱ་ཧི་སྭཱ་ཧཱཿ རྒྱུན་དུ་བསྙེན་སྔགས་སྲུང་སྔགས་བཟླ༔ གོད་གཅོད་རྔོག་ཆགས་འཕེལ་བར་ངེས༔ གཞན་དོན་ཡིན་ན་གཟུགས་བརྙན་དེ༔ རྟ་བྲེས་ནང་དུ་སྦས་བྱས་ལ༔ བཀའ་བསྒོ་བྱས་ལ་བཀྲ་ཤིས་བརྗོད༔ གཏོར་མ་ཕྱི་ལ་མ་འཁྱར་བར༔ ནང་མི་ཐམས་ཅད་དངོས་གྲུབ་རོལ༔ དེ་ནི་བསྙེན་སྒྲུབ་དམིགས་རིམ་མོ༔ དེ་ནས་དེ་ཡི་ལས་ཚོགས་ནི༔ དང་པོ་རྟ་ཡི་བཙན་སྲུང་ནི༔ སྔགས་འདི་མང་པོ་བཟླས་པས་ཆོག༔ སྔགས་ཆུ་སྲུང་སྐུད་སྔགས་མར་བྱ༔ ཨོཾ་ཨཱཀུ་བེ་ར་དྷ་རི་གྷོ་ར་དུ་དྷ་དྷུ་རཀྟ༔ ས་མ་ཡ༔ རྒྱ་རྒྱ་རྒྱ༔ དེ་ནས་རྟ་ཡི་སྡོམ་སྲུང་ནི༔ སྔགས་འདི་མང་དུ་བཟླས་པས་ཆོག༔ སྔགས་ཆུ་སྔགས་མར་སྲུང་སྐུད་རུང་༔ ཨོཾ་ཨཱཿ ཀུ་བེ་ར་གྷོ་ར་རོ༔ ས་མ་ཡ༔ རྒྱ་རྒྱ་རྒྱ༔ དེ་ནས་དེ་རྣམས་ཞལ་གདམས་ལ༔ སྒྲུབ་པ་བྱེད་ཆེ་སྔགས་མར་དང་སྲུང་སྐུད་མང་དུ་སྔགས་བྱས་ལ༔ སྔགས་མར་བྱུག་ཅིང་སྲུང་སྐུད་བཏགས༔ རྟ་ནད་སྔགས་དང་གཅོད་པའི་དུས༔ རྟ་ནི་ཧ་ཅང་མང་དྲག་ན༔ སྔགས་ཆུ་སྔགས་ནས་གཏོར་བའམ༔ བཟང་ཤིང་སྔགས་ནས་བདུག་

[Full Size]

པར་གསུངས༔ ཀུན་ལ་གཏོར་བསྔོས་བཀའ་བསྒོ་བཅསཿ འདི་ཡི་སྒྲུབ་པ་བྱེད་ན་ནི༔ བཀའ་གཏད་ཐོབ་པ་གལ་ཆེ་ཞིང་༔ སྒྲུབ་པ་མིན་པའི་གསོལ་མཆོད་ལ༔ ལུང་ཐོབ་ནས་ཀྱང་ཆོག་པ་ཡིན༔ སྤྲུལ་སྐུ་མི་འགྱུར་རྡོ་རྗེ་ཡི༔ དགུང་ལོ་བཅུ་གསུམ་བྱ་ལོ་ལ༔ ས་ག་ཟླ་བའི་ཚེས་བརྒྱད་ཉི༔ རྟ་བདག་གནོད་སྦྱིན་ཀུ་བེ་རཿ ཆ་ལུགས་མངོན་རྟོགས་དང་མཚུངས་པ༔ དངོས་སུ་བྱུང་སྟེ་ཕུལ་བར་བྱུང་༔ འདོན་ཆ་ལ་སོགས་མ་མཆིས་ཤིང་༔ རྒྱུད་ཚིག་ཅུང་ཟད་གོ་དཀའ་བས༔ སྔགས་འཆང་གུ་རུའི་མིང་ཅན་གྱིས༔ རྟ་ཁྱུ་མང་སྲུང་མཎྜལ་བཅས༔ ཡུན་རིང་ཞིག་ནས་བསྐུལ་བའི་ཕྱིར༔ བྱ་ལོ་མཆུ་ཟླའི་མར་ངོ་ཡི༔ ཚེས་བཅུའི་ཉི་མ་སྔ་དྲོའི་ཐུན༔ གཏེར་བློན་རཱ་ག་ཨ་སྱ་ཡིསཿ གཏེར་གཞུང་འགྲེལ་བར་གོ་བདེ་སྨྲས༔ དགེ་སློང་བརྩོན་འགྲུས་ཞེས་བྱས་བྲིས༔ ཉེས་འགལ་གཏེར་སྲུང་རྣམས་ལ་བཤགས༔ དགེ་བས་འདི་དང་འབྲེལ་ཐོགས་ཀུན༔ རྔོག་ཆགས་ཐམས་ཅད་འཕེལ་ཞིང་རྒྱས༔ ཅང་ཤེས་དངོས་གྲུབ་ཐོབ་པར་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཀུ་བེ་རའི་གསོལ་མཆོད།

[Full Size]

ཧཱུྃ་རྟ་ལྷ་ཨཱརྱ་རེ་མནྟ། །སྐུ་མདོག་དམར་པོ་བྱུ་རུའི་མདོག །སྐུ་ལ་བསེ་ཡི་ཁྲབ་རྨོག་གསོལ། །གཡས་པ་རལ་གྲི་གཡོན་འཁོར་ལོ། །ཆིབས་སུ་རྟ་སྔོན་ཆུ་རིས་ཆིབས། །རྟ་བདག་རྒྱལ་པོ་ཀུ་བེ་ར། །སྐུ་མདོག་ནག་པོ་ཞལ་གཅིག་པ། །ཕྱག་གཉིས་གཡས་པས་རལ་གྲི་དང་། །གཡོན་པས་རྟ་ཡི་སྲབ་མདའ་འཛིན། །སྐུ་ལ་ཁྲབ་རྨོག་བརྗིད་པར་གསོལ། །ཆིབས་སུ་རྟ་ནག་མདངས་ལྡན་ཆིབས། །རང་འདྲ་ལྔ་བརྒྱ་གནོད་སྦྱིན་འབུམ། །ཁྱུང་དང་བྱ་ཁྲ་སྟག་སེང་སོགས། །བདག་ལ་དངོས་གྲུབ་སྟེར་བའི་ཕྱིར། །སྤྱན་འདྲེན་ཕོ་ཕོ་བདག་གིས་འབོད། །དངོས་འབྱོར་ཡིད་སྤྲུལ་མཆོད་པ་འབུལ། གསོལ་ལོ་མཆོད་དོ་ཐུགས་དམ་བསྐང་། །བདག་ཅག་དཔོན་སློབ་འཁོར་བཅས་ཀྱི། རྔོག་ཆགས་ཀུན་གྱི་མགོན་སྐྱབས་མཛོད། །རྟ་རྣམས་འཕེལ་བའི་ཕྲིན་ལས་མཛོད། །ཨོཾ་ཨཱརྱ་རེ་མནྟ་ཡེ་སྭཱ་ཧཱ། ཨི་དཾ་བྷ་ལིངྐ་ཁ་ཁ་ཁཱ་ཧི་ཁཱ་ཧི། ཨོཾ་ཀུ་བེ་ར་ཡེ་སྭཱ་ཧཱ། ཨི་དཾ༴ ཨགྷཾ་ནས་ཤབྡའི་བར་བརྗོད། ཧཱུྃ། རེ་མན་ཏ་དང་ཀུ་བེ་ར། །ཁྱེད་ལ་འཕྲིན་ལས་བཅོལ་བ་ནི། །རྣལ་འབྱོར་བདག་ཅག་འཁོར་བཅས་ཀྱི། །ཚེ་དང་དབང་ཐང་རྒྱས་པར་

[Full Size]

མཛོད། །རྟ་ནད་ཐམས་ཅད་ཞི་གྱུར་ཅིག །རྔོག་ཆགས་གོད་ཁ་བཟློག་པ་དང་། །རྟ་ནོར་མ་ལུས་བསྲུང་དུ་གསོལ། །ལོག་འདྲེན་དགྲ་བགེགས་རྡུལ་དུ་རློག །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་མ་ཧཱ་ཀྲོ་དྷ་རེ་མན་ཏི་ཧ་ན་ཧ་ན་ཧཱུྃ་ཕཊ། ཨོཾ་ཨཱརྱ་རེ་མན་ཏ་སྭཱ་ཧཱ། ཨོཾ་ཨ་ཀུ་བེ་ར་ཡེ་སྭཱ་ཧཱ༔ གྷོ་ར་སིདྡྷི་ཕ་ལ་ཧཱུྃ༔ རྩ་སྔགས་མཐར། གྷོ་ར་རཀྵ་རཀྟ། རཱ་ག་ཨ་སྱས་སོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་གླུད་རྒྱས་པ་བཅའ་ཐབས།

[Full Size]

རྟ་གླུད་རྒྱས་པ་བཅའ་ཐབས་ནི། དབུས་སུ་སྐྱ་མི་ནག་པོ་རྟ་མགོན་ཅན། རྟ་བདུད་གཙོ་བོ། ཁྲམ་ཤིང་གཅིག་ཕྲག་གོང་དུ་བཙུགས། དེ་ཡི་རྒྱབ་ཏུ་རྟ་གཤེད་སྐྱ་མི་རྟ་མགོ་ཅན་བདུན་ནི། དཀར་པོ་གཅིག །སེར་པོ་གཅིག །དམར་སེར་གཅིག །སྔོན་པོ་གཅིག དམར་པོ་གཉིས། ནག་པོ་གཅིག་གོ །དེ་རྒྱབ་རྟིལ་སྲི་གསུམ་ནི། རྐང་ཐང་རྟ་མགོ་ཅན་ནག་པོ། དཀར་པོ། དམར་པོ་གསུམ། དེ་རྒྱབ་རྟ་གདོན་བཅུ་ནི། རྐང་ཐང་རྟ་མགོ་ཅན་བཅུ་སྟེ། དཀར་པོ་གཅིག །སེར་པོ་གཅིག །དམར་པོ་ག ཅིག །ལྗང་གུ་གཅིག །ནག་པོ་གཅིག །སྨུག་པོ་གཅིག །དམར་སེར་གཅིག །སྔོན་པོ་གཅིག །དུད་ཁ་གཉིས། དེ་རྣམས་འཇིམ་པ་ལ་བཅའ། ཚོན་བྱེད་དེ་རྣམས་བཙོ་མ་ནང་དུ་བརྟལ་བ་ལ་བཀོད། ཟན་ལ་རྟ་ཡི་གཟུགས་ཉི་ཤུ་རྩ་གཅིག །ཆངས་བུ་ཉེར་གཅིག །ཏིང་ལོ་ཉེར་གཅིག །མཐེབ་སྐྱུ་ཉེར་གཅིག །ཤ་དུམ་ཉེར་གཅིག་རེ་བྱས་ལ་གཟུགས་རེ་རེའི་མདུན་དུ་ཆ་རེ་བཞག །དེ་ནས་ཡོས་བཀྲ་སྦྲང་རིམ་གྱིས་གསོ་ཞིང་ཚར་མང་དུ་བཏོན། དེ་ནས་སེ་བ་རང་རྟ་དང་། ལྷོ་སྟོད་རྟ་ཐོག་དང་། སེ་བ་བླ་མཁྱེན་མེད་པར་

[Full Size]

ཐག་བསྲིང་ལ་ཕུལ་རྒྱུ་བསྐུར་ཏེ། དེ་ཚེ་མཇུག་གི་སྔགས་དེ་འདོན་ཅིང་རོལ་མོ་བྱ། ཞེས་གནམ་ཆོས་ལག་ལེན་རཱ་ག་ཨ་སྱས་བྲིས། དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་གཏོ་བསྡུས་པ།

[Full Size]

རྟ་གཏོ་བསྡུས་པ་བཞུགས་པའི་དབུ་ཕྱོགས་ལགས་སོ༔ རང་ལ་ཉེར་མཁོ་བྱུང་དུས་རཱ་ག་ཨ་སྱས་སྦྱར་བའོ༔

[Full Size]

ན་མོ་ཨཱརྱ་རེ་མནྟ་ཡེ༔ རྟ་གཟུགས་ཟན་ནམ་རྩ་ལ་རྟ་གཟུགས་བྱས༔ གླུད་དང་ཆངས་བུ་ཏིང་ལོ་རྟ་གླུད་བྲན༔ རང་ཉིད་ལྷར་གསལ་འདི་སྐད་བརྗོད༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སྦྱང་། བྷཾ་ལས་རིན་ཆེན་སྣོད་དུ་ཏི་ཡིག་ལས༔ རྟ་གླུད་རྟ་མཆོག་རིན་ཆེན་དཔག་མེད་དང་༔ གཡུ་དྲེལ་རླུང་གི་བོང་བུ་ག་པ་སོགས༔ རླུང་གཤོག་རྫུ་འཕྲུལ་རྐང་པ་མྱུར་མགྱོགས་ལྡན༔ མིག་ལ་ཉི་ཟླའི་འོད་ཟེར་རབ་འཕྲོ་ཞིང་༔ སྤུ་ལ་འདོད་ཡོན་རྣམ་ལྔའི་འོད་ཟེར་འཕྲོ༔ ཁ་རླངས་དྲི་བཟང་ན་བུན་ཕྱོགས་བཅུར་འཕྲོ༔ གཅིག་ལས་བརྒྱ་སྟོང་ཁྲི་འབུམ་གྲངས་མེད་འཕྲོ༔ གླུད་དང་ཆང་བུ་བདུད་

[Full Size]

རྩི་ཞལ་ཟས་མཆོག༔ རང་རང་ཡིད་མཐུན་ཟད་མེད་ལོངས་སྤྱོད་གྱུར༔ ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ནཾ་ཨ་སོགས། ལན་གསུམ་གྱིས་བྱིན་བརླབས། ཧཱུྃ༔ ཕྱོགས་མཚམས་སྟེང་འོག་ཀུན་ན་གནས་པ་ཡི༔ རྟ་དྲེལ་རྔོག་ཆགས་རྣམས་ལ་གནོད་བྱེད་པའི༔ བགེགས་དང་ལོག་འདྲེན་བཙན་སྲི་འབྱུང་པོའི་ཚོགས༔ ལན་ཆགས་གླུད་གཏོར་ལེན་ཕྱིར་འདིར་འདུས་ཤིག༔ གང་དག་མྱུར་དུ་འོང་བར་མི་བྱེད་རྣམས༔ དཀོན་མཆོག་གསུམ་དང་ཁྲོ་རྒྱལ་རྟ་མགྲིན་གྱིས༔ བདེན་པའི་སྟོབས་ཀྱིས་རང་དབང་མེད་པར་ཁུག༔ ཊཀྐི་ཧཱུྃ་ཛཿ ལྕགས་ཀྱུའི་ཕྱག་རྒྱ་བྱ༔ བདེ་གཤེགས་རིན་

[Full Size]

ཆེན་མང་དང་གཟུགས་མཛེས་དང་༔ འཇམ་ཀླས་འཇིགས་ཀུན་བྲལ་ལ་ཕྱག་འཚལ་ལོ༔ རྟ་གླེད་འདོད་ཡོན་ཟད་མེད་ལོངས་སྤྱོད་འདི༔ གནོད་བྱེད་གདོན་བགེགས་ལོག་འདྲེན་ཀུན་ལ་སྦྱིན༔ རྡོ་རྗེ་མཆུ་ཅན་སྤྲིན་གྱི་སྒྲོན་མེ་དང་༔ ཁམས་གསུམ་བདག་པོ་བྷི་ན་ཡ་ཀ་དང་༔ གདོན་ཆེན་བཅོ་བརྒྱད་སྟོང་ཕྲག་བརྒྱད་ཅུའི་བགེགས༔ ཐམས་ཅད་མཆོད་སྦྱིན་གླད་འདིས་ཚིམས་པར་མཛོད༔ གཟའ་སྲིན་ཀླུ་སྲིན་འགོང་པོ་དམ་སྲིའི་ཚོགས༔ ས་སྲིན་ཡུལ་འདྲེ་གྲེ་བོ་གྲེ་མོ་དང༔ མི་ལ་བསེ་རག་འབྱུང་པོ་ཐེའུ་རང་སོགས༔ གླུད་ལ་། དབང་བ་ཐམས་ཅད་ཀླད་འདི་ལོངས༔ ཤི་འདྲེ་དུར་སྲི་དྲི་ཟ་དབུགས་ལེན་ཚོགས་ཟ་འདྲེ་གཤེད་འཁྱམས་ལམ་འདྲེ་སྒབ་འདྲེ་དང་༔ ཤི་འདྲེ་གསོན་འདྲེ་མི་ཁ་བྲ་མཆུའི་ཚོགས༔ ཐམས་ཅད་གླུད་ཀྱིས་ངོམས་ཤིང་ཚིམ་པར་མཛོད༔ ཆུ་བཙན་ཤིང་བཙན་ལ་བཙན་ལ་སོགས་པ༔ རྟ་དྲེལ་རྔོག་ཆགས་ལ་གནོད་བཙན་སྲི་རྣམས༔ རྟ་དྲེལ་རྔོག་ཆགས་སྟོང་བས་ལྷག་པ་ཡི༔ རྟ་གླུད་རྒྱན་དང་ལྡན་པ་འདི་བཞེས་ཤིག༔ བདག་ཅག་འཁོར་བཅས་ཚེ་རབས་ཐོག་མེད་ནས༔ ཞོན་པ་རྔོག་ཆགས་རྐུ་འཕྲོག་བརྡུང་བསད་ཀྱིས༔

[Full Size]

ལན་ཆགས་བུ་ལོན་བདག་པོ་ཐམས་ཅད་ལ༔ རྔོག་ཆགས་གླུད་བཟང་བརྒྱན་ཅན་འདི་འབུལ་ལོ༔ ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ གསུམ་བརྗོད༔ ཧཱུྃ༔ བགེགས་དང་ལན་ཆགས་བཙན་སྲི་གླུད་བདག་རྣམསཿ གླུད་གཏོར་བདུད་རྩིས་ལོངས་སྤྱོད་འདི་འབུལ་བས་ཐམས་ཅད་མ་ལུས་ངོམ་ཤིང་ཚིམས་གྱུར་ནསཿ ཕྱིན་ཆད་གནོད་ཅིང་འཚེ་བར་མ་བྱེད་ཅིག༔ ཆོས་རྣམས་ཐམས་ཅད་རྟེན་འབྲེལ་རྒྱུ་ལས་བྱུང་༔ དེ་རྒྱུ་དེ་བཞིན་གཤེགས་པས་གསུངས་པའི་ཕྱིར༔ རང་ལ་དཔེ་ལོང་གཞན་ལ་གནོད་འཚེ་སྤོངས༔ ས་བོན་ཁ་མངར་འབྲས་བུ་མི་བསླུ་བཞིན༔ དགེ་སྡིག་གང་བྱས་རང་ལ་ངེས་པར་སྨིན༔ དེ་ཕྱིར་ཁྱེད་རྣམས་རྒྱལ་བའི་བཀའ་ལ་ཉོན༔ གླུད་འདི་ཁྱེར་ལ་ཕྱིན་ཆད་གནོད་མ་བྱེད༔ གལ་ཏེ་བསྔོས་པའི་གླུད་གཏོར་མི་ལེན་ནམ༔ དེས་ཀྱང་ད་རུང་གནོད་པ་བྱེད་གྱུར་ན༔ རྒྱུ་འབྲས་བསླུ་བ་མེད་པའི་བདེན་པའི་སྟོབས༔ རྟ་མཆོག་ཧེ་རུ་ཀ་དང་གསང་བའི་བདག༔ གུ་རུ་རྡོ་རྗེ་གྲོ་ལོད་མཐུ་སྟོབས་ཀྱིས༔ ཁྱོད་ཀྱིས་ལུས་སྲོག་རྡུལ་དུ་བརླག་པར་འགྱུར༔ ཚར་མང་པོ་བཏང་ན་འདི་ཡན་ཝིག༔ དེ་བས་གླུད་

[Full Size]

གཏོར་ཁྱེར་ལ་གཞན་དུ་དེངསཿ ཕྱིན་ཆད་ནམ་ཡང་གནོད་པ་མ་བྱེད་ཅིག༔ ཅེས་བརྗོད༔ ཨོཾ་སུམ་བྷ་ནི་སུམ་བྷ་ནི་ཧཱུྃ༔ སོགས་བརྗོད་ནས༔ མཚམས་གཅོད་སྲུང་འཁོར་བསྒོམ་པར་བྱའོ༔ ཅེས་རང་ལ་མཁོ་བར་བྱུང་དུས་༔ ཨ་རཱ་གས་འཕྲལ་དུ་སྦྱར་བ་ལ་ཉེས་འགལ་གང་མཆིས་བཤགས་ཤིང་སེམས་ཅན་ལ་ཕན་ཐོགས་པར་ཤོག༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་ལས་རྟ་གླུད།

[Full Size]

གནམ་ཆོས་ཐུགས་ཀྱི་གཏེར་ཁ་ལས༔ རྟ་གླུད་བཞུགས་པའི་དབུ་ཕྱོགས་ལགས་སོ༔

[Full Size]

ན་མོ་རྒྱ་གྲི་ཝ་ཡེ༔ གནམ་ཆོས་རྟ་གླུད་ནི༔ རྟའི་ལུས་ལ་དྲུད་པའི་ཟན་ལ་རྟའི་གཟུགས་བྱ༔ ཁམ་ས་ལ་གཞུང་དང་མཐུན་པའི་གདོན་སྐྱེས་གཟུགས་སོ་སོར་བཅའ༔ དེ་ནས་འདི་ལྟར་བརྗོད་པར་བྱ༔ ཧཱུྃ༔ ང་ནི་རྟ་ལྷ་རེ་མནྟ༔ རྟ་གདོན་བཅུ་པོ་གཞན་དུ་དེངས༔ རྟ་གདོན་དམར་ནག་ཆེན་པོ་ནི༔ རྟ་ཡི་མགོ་ཅན་ལུས་མདོག་སྨུག༔ ལག་གཉིས་མཁར་གོང་ལྕགས་ཀྱུ་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་དཀར་པོ་ཁོག་ཆེན་ནི༔ རྟ་ཡི་མགོ་ཅན་ལུས་མདོག་དཀརཿ མཁར་གོང་ཞགས་པ་ལག་ན་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་སེར་ནག་འབར་མ་

[Full Size]

ནི༔ རྟ་ཡི་མགོ་ཅན་ལུས་མདོག་ལྗང་༔ ལག་ན་མཁར་གོང་ལྕགས་ཀྱུ་འཛིན༔ གདོན་སྔོ་ནག་ཆེན་པོ་ནི༔ རྟ་ཡི་མགོ་ཅན་ལུས་མདོག་ནག༔ ལག་ན་མཁར་གོང་དབྱུག་པ་འཛིན༔ གདོན་སྟོབས་ཆེན་ཉི་མ་ནི༔ རྟ་ཡི་མགོ་ཅན་ལུས་མདོག་དམརཿ ཁྱོད་ཀྱང་བདག་གི་དམ་ལ་ཤོག༔ མགོ་ཅན་ལུས་མདོག་དམརཿ ལག་ན་མཁར་གོང་སྤུ་གྲི་འཛིན༔ ཁྱོད་ཀྱང་བདག་གི་དམ་ལ་ཤོག༔ ཁྱོད་ཀྱང་བདག་གི་དམ་ལ་ཤོག༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་སྟོབས་ཆེན་ཉི་མ་ནི༔ རྟ་གདོན་ཕུང་བྱེད་ཆེན་པོ་ནི༔ རྟ་ཡི་

[Full Size]

མགོ་ཅན་ལུས་མདོག་དུད༔ ལག་ན་མཁར་གོང་ཆུ་གྲི་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་མཆུ་རྣོ་ཆེན་པོ་ནི༔ རྟ་ཡི་མགོ་ཅན་ལུས་མདོག་ནི༔ དམར་སེར་དེ་ཡང་ཁྱོད་ཀྱི་མདོག༔ ལག་ན་མཁར་གོང་སྤུ་གྲི་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་ནམ་མཁའི་ལྡིང་འཕུར་ནི༔ རྟ་ཡི་མགོ་ཅན་ལུས་མདོག་སྔོ༔ ལག་ན་མཁར་གོང་འཁོར་ལོ་ཐོགསཿ ཁྱོད་ཀྱང་བདག་གི་དམ་ལ་ཤོག༔ རྟ་གདོན་ཕ་མེད་མ་མེད་ནི༔ རྟ་ཡི་མགོ་ཅན་ལུས་མདོག་དུད༔ ལག་ན་མཁར་གོང་རལ་གྲི་ཐོགས་ཁྱོད་ཀྱང་བདག་གི་དམ་ལ་ཤོག༔ རྟ་གདོན་ཚེར་མའི་ལུས་ཅན་ནི༔ རྟ་ཡི་མགོ་ཅན་ལུས་མདོག་དམརཿ ལུས་ལ་ཚེར་མའི་ཕུང་པོ་སྐྱེས༔ ལག་ན་མཁར་གོང་མདུང་ཐུང་ཐོགསཿ ཁྱོད་ཀྱང་བདག་གི་དམ་ལ་ཤོག༔ དེ་ནས་རྟ་སྲི་གསུམ་པོ་ཡང་༔ རྟ་སྲི་ཉི་མའི་གདོང་ཅན་ནི༔ རྟ་ཡི་མགོ་ཅན་ལུས་མདོག་ནག༔ ལག་ན་རྩྭ་དུག་མདུང་ཐུང་བཟུང་ཁྱོད་ཀྱང་བདག་གི་དམ་ལ་ཤོག༔ རྟ་སྲི་དུག་གི་ཁོག་ཆེན་ནི༔ རྟ་ཡི་གདོང་ཅན་ལུས་མདོག་དཀར༔ ལག་ན་རྩྭ་དུག་རལ་གྲི་ཐོགས༔ ཁྱོད་ཀྱང་བདག་གི་དམ་ལ་

[Full Size]

ཤོག༔ རྟ་སྲི་མེ་ཡི་ཚ་བ་ནི༔ རྟ་ཡི་གདོང་ཅན་ལུས་མདོག་དམརཿ ལག་ན་རྩྭ་དུག་རྩྭ་མཁན་ཐོགས༔ ཁྱོད་ཀྱང་བདག་གི་དམ་ལ་ཤོག༔ དེ་ནས་རྟ་གཤེད་བདུན་པོ་ནི༔ རྟ་གཤེད་ཡམ་ཤུད་དམར་ནག་ནི༔ ལུས་མདོག་དམར་པོ་རྟ་དམར་ཞོན༔ ལག་ན་རལ་གྲི་མདུང་ཐུང་ཐོགས༔ ཁྱོད་ཀྱང་བདག་གི་དམ་ལ་ཤོག༔ རྟ་གཤེད་སོལ་བའི་བཅུད་ལེན་ནི༔ ལུས་མདོག་ནག་པོ་རྟ་ནག་ཞོན༔ ལག་ན་ལྕགས་ཀྱུ་ཞགས་པ་བཟུང་༔ ཁྱོད་ཀྱང་བདག་གི་དམ་ལ་ཤོག༔ རྟ་གཤེད་ཁ་ནས་མེ་འབར་ནི༔ ལུས་མདོག་དམར་པོ་རྟ་དམར་ཞོན༔ ལག་ན་མེ་དཔུང་རླུང་རྐྱལ་བཟུང་༔ ཁྱོད་ཀྱང་བདག་གི་དམ་ལ་ཤོག༔ རྟ་གཤེད་རིག་ཕུང་སེར་པོ་ནི༔ ལུས་མདོག་སེར་པོ་རྟ་སེར་ཞོན༔ ལག་ན་འཁོར་ལོ་རལ་གྲི་བཟུང་༔ ཁྱོད་ཀྱང་བདག་གི་དམ་ལ་ཤོག༔ རྟ་གཤེད་གོ་ཕུང་མེ་འབར་ནི༔ ལུས་མདོག་དམར་སེར་རྟ་དམར་སེར༔ ལག་ན་དབྱུག་གུ་རྒྱ་ཁབ་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གཤེད་མིག་སྟོང་ལུས་གང་ནི༔ ལུས་མདོག་དཀར་པོ་རྟ་དཀར་ཞོན༔ ལག་ན་མིག་རྡོག་མཆེ་བ་འཛིན༔ ཁྱོད་ཀྱང་བདག་གི་

[Full Size]

དམ་ལ་ཤོག༔ རྟ་གཤེད་བསམ་ནས་གོད་གཏོང་ནི༔ ལུས་མདོག་སྔོན་པོ་རྟ་སྔོན་ཞོན༔ ཞགས་འཛིན་ཁྱོད་ནི་སྐེ་རིང་བ༔ ཁྱོད་ཀྱང་བདག་གི་དམ་ལ་ཤོག༔ དེ་ནས་རྟ་བདུད་ཁྱོད་ཉིད་ནི༔ རེས་འགའ་ཁྱོད་མིང་འདི་ལྟར་ཟེར༔ རྡུལ་བརླག་ཆེན་པོ་ཡིན་ནོ་སྐད༔ ལ་ལས་ཡང་ནི་མིང་བརྗོད་སྐད༔ གཤེད་ནག་ད་སོད་ཡིན་ནོ་སྐད༔ ལ་ལས་ཡང་ནི་མིང་བརྗོད་པ༔ རྟ་བདུད་ཡིན་ངེས་ཡིན་ནོ་སྐད༔ ལ་ལས་ཁྱོད་ཀྱི་མིང་འདི་སྐད༔ མིག་ཙས་གོད་གཏོང་ཡིན་སྐད་དོ༔ རྟ་གདོན་ནག་པོ་རྟ་ནག་ཞོན༔ ལག་ན་ཁྲམ་ཤིང་མེ་ལོང་འཛིན༔ ཁྱེད་ཀྱང་བདག་གི་དམ་ལ་ཤོག༔ དེ་ནས་རྟ་གླུད་བསྔོ་བ་ནི༔ རྟ་འདི་རིན་ཆེན་གསེར་ལས་བྱས༔ གསེར་འདོད་ལྷ་འདྲེ་ཡིད་ཕྲོག་ཡོད༔ མིག་གཡས་དུང་ལས་བྱས་པ་ཡི༔ དུང་འདོད་ལྷ་འདྲེ་མགུ་ཚིམ་ཡོད༔ མིག་གཡོན་གསེར་ལས་བྱས་པ་ཡིས༔ གསེར་འདོད་ལྷ་འདྲེ་མགུ་བ་ཡོད༔ སྣ་བུག་གཡུ་ལས་བྱས་པ་ཡིས༔ གཡུ་འདོད་ལྷ་འདྲེ་མགུ་བ་ཡོད༔ རྣ་གཡས་བཻཌཱུརྱ་ལས་བྱས༔ བཻཌཱུར་འདོད་པའི་ལྷ་འདྲེ་རྣམས༔ དགའ་མགུ་ཚིམ་ཐག་ཆོད་པ་ཡོད༔ རྣ་གཡོན་ལྕགས་ལས་བྱས་པ་ཡིས༔ ལྕགས་

[Full Size]

འདོད་ལྷ་འདྲེ་མགུ་བ་ཡོད༔ རྫི་མ་ཟངས་ལས་བྱས་པ་ཡིས༔ ཟངས་འདོད་ལྷ་འདྲེ་མགུ་བ་ཡོད༔ རྟ་ཚེམས་དངུལ་ལས་བྱས་པ་ཡིསཿ དངུལ་འདོད་ལྷ་འདྲེ་མགུ་བ་ཡོད༔ པདྨ་རཱ་གའི་ལྗགས་ཡིན་པས༔ པདྨ་རཱ་ག་འདོད་པ་ཡིས༔ ལྷ་འདྲེ་མགུ་ཚིམ་ཐག་ཆོད་ཡོད༔ རྔ་རྔོག་སྤོས་ཤེལ་བྱས་པ་ཡིས༔ སྤོས་ཤེལ་འདོད་པའི་ལྷ་འདྲེ་རྣམསཿ མགུ་ཚིམ་ཐགས་སུ་ཆོད་པ་ཡོད༔ ལུས་པོའི་བཀྲག་མདངས་ཆེ་བ་ཡིས༔ ལྷ་འདྲེའི་མིག་སེམས་འཕྲོག་པ་ཡོད༔ ལུས་ལས་བདུད་རྩིའི་རྒྱུན་བབ་པས༔ ཡི་དྭགས་བཀྲེས་སྐོམ་ཞི་བ་ཡོད༔ ལུས་ལས་ཟས་སྐོམ་འབབ་པ་ཡིས༔ ཡི་དྭགས་ལྟོགས་འབར་ཞི་བ་ཡོད༔ རྨིག་བཞི་ལི་ལ་བྱས་པ་ཡིས༔ མི་འདོད་ལྷ་འདྲེ་མགུ་བ་ཡོད༔ རྐང་བཞི་ཁྲོ་ལས་བྱས་པ་ཡིས༔ ཁྲོ་འདོད་ལྷ་འདྲེ་མགུ་བ་ཡོད༔ ཤ་རྣམས་རིན་ཆེན་བྱས་པ་ཡིས༔ རི་གནས་ལྷ་འདྲེ་མགུ་བ་ཡོད༔ རུས་པ་ལྕགས་ལས་བྱས་པ་ཡིས༔ བྲག་གནས་ལྷ་འདྲེ་མགུ་བ་ཡོད༔ དབུགས་ནི་འཇའ་ལ་བྱས་པ་ཡི༔ རླུང་གནས་ལྷ་འདྲེ་མགུ་བ་ཡོད༔ ཁྲག་ནི་མར་ཁུར་བྱས་པ་ཡིས༔ ཆུ་གནས་ལྷ་འདྲེ་མགུ་བ་ཡོད༔ སེམས་

[Full Size]

འདི་ནམ་མཁའ་དག་བྱས༔ མཁའ་གནས་ལྷ་འདྲེ་མགུ་བ་ཡོད༔ རིན་ཆེན་སྣ་ཚོགས་རྩ་རྒྱུས་ཀྱིསཿ ཤིང་གནས་ལྷ་འདྲེ་མགུ་བ་ཡོད༔ ཏང་ཏང་ཤ་ཡི་རི་བོ་ཡོད༔ མེར་མེར་ཁྲག་གི་རྒྱ་མཚོ་ཡོད་ཏྲག་ཏྲག་རུས་པའི་བྲག་རི་ཡོད༔ ཡ་ས་སེམས་ཀྱི་ནམ་མཁའ་ཡོད༔ ཏོར་ཏོར་རྩ་ཡི་ནགས་རི་ཡོད༔ འདི་འདྲའི་རྟ་མཆོག་མཐོང་མ་མྱོང་༔ ལྷ་འདྲེ་ཁྱོད་ཀྱིས་འདི་ཁྱེར་ཉི་མ་ཟླ་བ་འདི་གཉིས་ཀྱི༔ ཟེར་ཙམ་ཕོག་སར་ཁྱོད་མ་འདུག༔ ཆུ་འདི་རིགས་སར་ཁྱོད་མ་འདུག༔ གློག་འོད་མཐོང་སར་ཁྱོད་མ་འདུག། འབྲུག་སྐད་ཐོས་སར་ཁྱོད་མ་འདུག༔ རྟ་དྲི་བྲོ་སར་ཁྱོད་མ་འདུག༔ ནམ་མཁའི་ཁྱབ་སར་ཁྱོད་མ་འདུག༔ སྒྲ་སྐད་ཐོས་སར་ཁྱོད་མ་འདུག༔ མིག་གི་མཐོང་སར་ཁྱོད་མ་འདུག༔ མེ་འོད་མཐོང་སར་ཁྱོད་མ་འདུག༔ གནས་འདི་སྐྱུར་ལ་ད་དེངས་ཤིག༔ རྟ་གླུད་ལོངས་ལ་དེང་བར་གྱིསཿ གོས་ཀྱི་རེག་སར་ཁྱོད་མ་འདུག་ཟས་ཀྱི་ཚོར་སར་ཁྱོད་མ་འདུག༔ དྲོད་ཀྱི་ཚོར་སར་ཁྱོད་མ་འདུག༔ གལ་ཏེ་མི་འགྲོ་འདུག་གྱུར་ན༔ ང་ཉིད་རྟ་ལྷ་ཐུགས་ཁྲོས་ཏེ༔ ཁྱོད་གཞིས་ང་ཡི་བཟུང་བར་བྱེད༔ ཉི་ཟེར་ཕོག་སར་འདུག་པ་ན༔ རེ་མནྟ་

[Full Size]

ཡིས་རྡུལ་དུ་རློགས༔ ཟླ་ཟེར་ཕོག་སར་འདུག་པ་ན༔ རེ་མནྟ་ཡིས་རྡུལ་དུ་རློགས༔ མེ་ཟེར་ཕོག་སར་འདུག་པ་ན༔ རེ་མནྟ་ཡིས་རྡུལ་དུ་རློགས༔ མིག་གིས་མཐོང་སར་འདུག་པ་ན༔ རེ་མནྟ་ཡིས་རྡུལ་དུ་རློགས༔ དྲོད་ཀྱི་ཚོར་སར་འདུག་པ་ན༔ རེ་མནྟ་ཡིས་རྡུལ་དུ་རློགས༔ གོས་ཀྱི་ཚོར་སར་འདུག་པ་ན༔ རེ་མནྟ་ཡིས་རྡུལ་དུ་རློགས༔ གློག་འོད་མཐོང་སརའདུག་པ་ན༔ རེ་མནྟ་ཡིས་རྡུལ་དུ་རློགས༔ ནམ་མཁའི་ཁྱབ་སར་འདུག་པ་ན༔ རེ་མནྟ་ཡིས་རྡུལ་དུ་རློག༔ འབྲུག་སྐད་ཐོས་སར་འདུག་པ་ན༔ རེ་མནྟ་ཡིས་རྡུལ་དུ་རློགས༔ ཆུ་འདིའི་རིག་སར་འདུག་པ་ན༔ རེ་མནྟ་ཡིས་རྡུལ་དུ་རློགས༔ རྟ་སྐད་གོ་སར་འདུག་པ་རེ་མནྟ་ཡིས་རྡུལ་དུ་རློག༔ རྟ་དྲི་བྲོ་སར་འདུག་པ་ན༔ རེ་མནྟ་ཡིས་རྡུལ་དུ་རློག༔ སྒྲ་སྐད་ཐོས་སར་འདུག་པ་ན༔ རེ་མནྟ་ཡིས་རྡུལ་དུ་བརླག༔ ཨོཾ་ཨཱརྱ་རེ་མན་ཧཱུྃ་ཕཊ༔ སུཾ་བྷ་ནི་ཧཱུྃ་སུཾ་བྷ་ནི་ཧཱུྃ༔ ཧྥེ་ཧྥ་གྷི་ཧྥུ་ཧཱུྃ་ཀྵཕཊ༔ གྷ་ཎ་པཱ་ཡ་གྷཾ་ཎ་པཱ་ཡ་ཧཱུྃ་ཕཊ༔ ཨ་ཎ་ཡ་ཧོ༔ བྷ་ག་ཝན་བིདྱ་ར་ཙ་ཧཱུྃ་ཕཊ༔ ཅེས་ཕུལ་ལོ༔ ཞེས་པ་འདི་ཡང་མེ་སྤྲེལ་སྦོ་ཟླའི་ཉེར་གཅིག་ཁྲུམས་སྟོད་སྲོད་ལ་ཐུགས་རྗེ་ཆེན་པོ་འགྲོ་འདུལ་གྱིས་མི་འགྱུར་

[Full Size]

རྡོ་རྗེ་ལ་དངོས་སུ་གསུངས་སོ།། མངྒ་ལཾ༔ ༈ རྟ་གདོན་བཅུ་པོ་རྐང་ཐང་བྱ༔ ཁ་དོག་བྱ་རྒྱུ་ནི། སྨུག་པོ་མཁར་གོང་ལྕགས་ཀྱུ་བཟུང་བ་དང་། དཀར་པོ་མཁར་གོང་ལྕགས་ཀྱུ། ལྗང་ཁུ་མཁར་གོང་ལྕགས་སྒྲོག །ནག་པོ་མཁར་གོང་ཞགས་པ། དམར་པོ་མཁར་གོང་སྤུ་གྲི། དུད་ཀ་མཁར་གོང་ཆུ་གྲི།། དམར་སེར་མཁར་གོང་བཞར་ལོང་། སྔོན་པོ་མཁར་གོང་འཁོར་ལོ། དུད་ཁ་མཁར་གོང་རལ་གྲི། དམར་པོ་མཁར་གོང་མདུང་ཐུང་ཅན་དང་བཅུ་བྱ༔ ༈ རྟ་སྲི་གསུམ་རྐང་ཐང་སྟེ། ཁ་དོག་ནག་པོ་རྩ་དང་མདུང་ཐུང། དཀར་པོ་རྩྭ་དུག་རལ་གྲི། དམར་པོ་རྩྭ་དུག་རྩྭ་ཁབ་ཅན་དང་གསུམ་ཡིན། ༈ རྟ་གཤེད་བདུན་པོ་སྐྱ་མི། ལུས་མདོག་དམར་པོ་རལ་གྲི་མདུང་ཐུང་། ནག་པོ་ལྕགས་ཀྱུ་ཞགས་པ། དམར་པོ་མེ་དཔུང་རླུང་རྐྱལ། སེར་པོ་འཁོར་ལོ་དྲིལ་བུ། དམར་སེར་དབྱུག་རྒྱ་ཁབ། དཀར་པོ་མིག་རྡོག་མཆེ་བ། སྔོན་པོ་ཞགས་པ་ཐོགས་པ། རྟ་བདུན་མི་ནག་རྟ་ནག་ཁྲམ་ཤིང་མེ་ལོང་འཛིན་པའོ། །དེ་རྣམས་མི་རྟ་མེད་ཕྱོགས་མཚོན་བྱའོ། །ཅེས་ཀུན་ལ་རྟ་མགོ་བྱའོ། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསེར་སྐྱེམས།

[Full Size]

རྟ་ལྷའི་རྒྱལ་པོ་ཨཱརྱ་རེ་མན་ཏ། །ཤེལ་རྨོག་ཤེལ་ཁྲབ་གསོལ་ཞིང་རྟ་སྔོན་ཆིབས། །རང་འདྲ་ལྔ་བརྒྱ་འཁོར་དང་བཅས་པ་ལ། །འདིར་གཤེགས་གཏོར་མ་གསེར་སྐྱེམས་འདི་བཞེས་ལ། །རྐང་བཞི་རྟ་རྣམས་འཕེལ་ཞིང་རྒྱས་པར་མཛོད། །རྟ་ལྷ་ཁྱེད་ལ་མཆོད་པའི་བྱིན་རླབས་ཀྱིས། །རྟ་ནད་འཚེར་རྩུབ་བཟློག་པའི་ཕྲིན་ལས་མཛོད། །ཨ་རཱ་གས་སོ།། །།

[Full Size]

ཤོག་སྟོང་།

ཅང་ཤེས་རྟའི་ཞི་བྱེད་གླུད་རྫོངས་བྱ་ཐབས།

[Full Size]

ཅང་ཤེས་རྟའི་ཞི་བྱེད་གླུད་རྫོངས་བྱ་ཐབས་བཞུགས་སོ། །

[Full Size]

རྟ་ལ་གདོན་བགེགས་ཀྱིས་གནོད་འཚེ་བྱུང་ན། དེ་ལ་ཞི་བྱེད་ཀྱི་གླུད་རྫོངས་བྱ་བ་ནི། དང་པོ་ཕྱེ་ཕུད་དང་། ཆང་ཕུད་།་ཤ་གཙང་། འབྲུ་མར་སྨན་སྣ། །དར་ཟབ། །རིན་པོ་ཆེའི་རིགས། དཀར་གསུམ། མངར་གསུམ། ཟས་སྣ། ལྟོ་རྫས། བྱང་རྫ་ས་མཆོད་རྫས་ལ་སོགས་ཡོ་བྱད་རྣམས་འདུ་བགྱིས་ཏེ། རང་ཡི་དམ་གང་བྱེད་ཀྱི་མཆོད་གཏོར་གཅིག་དང་། གཞི་བདག་གཏོར་མ་གཅིག །གནོད་འཚེའི་ལྷ་སྲུང་དམིགས་གསལ་བྱུང་ན་དེའི་གཏོར་མ་གཅིག་བཅས་རྒྱུན་ལྡན་དང་སྨན་རཀ་བཅས་བཤམས། མ་འབྱོར་ན། ཕྱེ་མར་ཆང་ཕུད། མདའ་དར་བཅས་བཤམས། དེའི་མདུན་དུ་ཕྱེ་ལ། གོང་གི་འབྲུ་སྨན། དར་ཟབ། རིན་པོ་ཆེ་དང་། རྟ་ནད་པའི་སྤུ་ལ་སོགས་པ་བསྲེས་པའི་གྱི་ལིང་རྟའི་གཟུགས་བརྙན་ཡིད་དུ་འོང་བ་སྤུ་

[Full Size]

མདོག་ནད་པ་བཞིན་ཚོན་གྱིས་ཁ་དོག་བསྒྱུར་བ། རིན་པོ་ཆེའི་སྒ་སྲབ་ལ་སོགས་པ་བརྒྱན་གྱིས་མཛེས་པ། དེའི་མཐར་གླུད་རྫས་ཀྱིས་བསྐོར་ཏེ་བཞག །ཟུར་དུ་དྲི་བཟང་ཅན་གྱི་ཤིང་སྣ་ཅི་འབྱོར་པས་བསང་དུད་སྦྱར། མཆོད་གཏོར་གླུད་རྫས་རྣམས། ཨ་མྲྀ་ཏས་བསང་། སྭ་བྷ་ཝས་སྦྱང་། ༀ་ཨཱཿཧཱུྃ་ལན་གསུམ་གྱིས་བྱིན་གྱིས་བརླབས་ཏེ། ཡི་དམ་གང་བྱེད་དང་། གཞི་བདག་བཅས་ཀྱི་གསོལ་མཆོད་རྒྱས་པའམ། གཏོར་བསྔོས་སོགས་ཀྱི་གཞུང་བསྲང་། དེའི་གླུད་དེ་ཉིད་རྟ་དངོས་སུ་བསམས་ཤིང་གླུད་རབ་དངོས་གཞི་ལ་འཇུག་པ་འདི་ལྟར་རོ། ༈ །གཞུང་དུ། རྟའི་གླུད་གཏོང་བ་ཆང་བུ་ཟེ་རྔོག་གི་སྤུ་དང་བཅས། ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབས་ལ་རྟའི་གླུད་འདི་ལྟར་དངོས་སུ་བསམས་ལ།

[Full Size]

ཧཱུྃ་ལས་དཔལ་ཆེན་རྒྱལ་པོ་སྟེ། །འགྲོ་བའི་དོན་དུ་རྟག་ཏུ་བརྩོན། །ཁམས་གསུམ་འདི་ན་སུ་ཡང་རུང་། །བགེགས་སུ་གྱུར་པ་ཀུན་ཉོན་ཅིག །རྟ་ཡི་ཕ་ནི་གྱི་ལིང་ཤོག་སྒྲ་ཡིན། །མ་ནི་ངང་མེ་ཤོག་རིང་ཡིན། །དེ་གཉིས་སྲིད་ཅིང་སྤྲུལ་པ་ལ། །རྟ་ཡི་རིགས་ནི་བཞི་རུ་བྱུང་། །ཉ་དང་སྦལ་པ་འདྲ་བ་དང་། །ཤ་འདྲ་བྱ་འདྲ་དེ་དང་བཞི། །ཉ་འདྲ་དེ་ནི་རྒྱལ་པོའི་རྟ། །སྦལ་འདྲ་དེ་ནི་བཙུན་པའི་རྟ། །ཤ་འདྲ་དེ་ནི་སྐྱེ་བོའི་རྟ། །བྱ་འདྲ་དེ་ནི་དམངས་ཀྱི་རྟ། །རྟ་ཡུལ་ཀང་པོའི་ཐང་ལྗོངས་སུ། །ཀོང་པོ་བན་པ་བྱ་བ་ལ། །རྟ་ནི་མ་བརྒྱ་བུ་བརྒྱ་ཡོད། །རྟ་ལ་བཙན་གྱི་སྒྲོག་ཏུ་བཅུག །རྟ་ནད་འཚེར་ལང་གློ་འབྲས་དང་། །ལྷོག་པ་ལ་སོགས་ནད་རིགས་དང་། །འདྲེ་གདོན་གནོད་འཚེ་མ་བྱུང་བར། །བྱུང་སྟོན་ཧོར་བརྒྱ་སྤྱན་དྲངས་ནས། །རྟ་ཡི་ནད་གདོན་ཞི་བའི་ཐབས། །རྟ་ལས་ལྷག་པའི་གླུད་རྫོངས་མཛད། །རྟ་ཡི་གླུད་བཟང་ཡིད་འོང་ལ། །རིན་ཆེན་གསེར་གྱི་སྒ་གཅིག་གཏད། །གཡུ་ཡི་སྲབ་མཛེས་གཅིག་ཀྱང་བཀོད། །དར་ཚོན་སྣ་ལྔའི་མཐུར་ཞིག་བཏགས། །འབུའི་རིན་ཆེན་སྣ་ཚོགས་ཁལ་གཅིག་བཀལ། །དྲག་པོ་

[Full Size]

བཙན་གྱི་སྤྱན་ལམ་དུ། །རྟ་སྐད་དེ་ནི་ཙེ་རེ་རེ། །ནག་པོ་བདུད་ཀྱི་སྤྱན་ལམ་དུ། །འདུར་འགྲོས་དེ་ནི་ཤིགས་སེ་ཤིག །ཡིད་འོང་གཟུགས་མཛེས་རིན་ཆེན་བརྒྱན་། །རིན་ཆེན་གཟུགས་ཆེན་ལ། །འདོད་པའི་ཆས་སུ་བཅུག །ཀོང་པོ་བན་པའི་རྟ་ཡི་གླུད། །དར་རས་ཡོན་བདག་རྟ་ཡི་གླུད། །རྟ་བོས་དགའ་བའི་གླུད་ཁྱེར་ནས་རྟ་ཡི་གདོན་བགེགས་ཞི་བར་མཛོད། །རྟ་བས་གླུད་བཟང་འདི་ནི་དགའ། །འབུལ་བ་ངེད་ཀྱིས་མི་ནོར་རོ། །བཞེས་པ་ཁྱོད་ཀྱིས་མ་འཁྲུལ་ཅིག །གནོད་འཚེ་གདུག་པའི་སེམས་ལྡན་རྣམས། །རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་ཅིག །ནམ་མཁའ་གང་བའི་ལྷ་འདྲེ་ལ། །ས་གཞི་གང་བའི་ཡས་འདི་འབུལ། །རིན་ཆེན་མི་ཡི་གླུད་དུ་འབུལ། །འཛིན་ཆགས་ནོར་གྱི་གླུད་དུ་འབུལ། །སྲོག་ཆགས་ཕྱུགས་ཀྱི་གླུད་དུ་འབུལ། །རྐང་བཞི་རྟ་ཡི་གླུད་དུ་འབུལ། །རྒྱུ་ནི་རྣམ་པ་བཞི་ལ་བྱས། །ཕྱེ་ཕུད་གཙང་ཞིང་ནས་ཕུད་དང་། །སྦྱར་ནི་ཆུ་དང་ཆང་ལ་སྦྱར། །ཁོང་ཆུ་གསེར་དང་གཡུ་ལ་བྱས། །ཁ་མིག་དྲུང་ལ་ཟེ་རྔོག་རྒྱས། །རྨིག་པ་ལྕགས་ལ་རྣ་བ་

[Full Size]

གསེར། །དེ་འདྲའི་རྟ་གླུད་ལེགས་པ་འདི། །སེམས་ཀྱི་གླུད་འདི་ནམ་མཁར་འབུལ། །ནམ་མཁར་གནས་པའི་ལྷ་འདྲེ་རྣམས། །རྟ་ལ་མ་གནོད་གླུད་འདི་བཞེས། །སེམས་ཀྱི་ན་ཚ་བཟློག་ཏུ་གསོལ། །ཤ་ཡི་གླུད་འདི་ས་ལ་འབུལ། །ས་ལ་གནས་པའི་ལྷ་འདྲེ་རྣམས། །རྟ་ལ་མ་གནོད་གླུད་འདི་བཞེས། །ཤ་ཡི་ན་ཚ་བཟློག་ཏུ་གསོལ། །རུས་པའི་གླུད་འདི་རྡོ་ལ་འབུལ། །རྡོ་ལ་གནས་པའི་ལྷ་འདྲེ་རྣམས། །རྟ་ལ་མ་གནོད་གླུད་འདི་ལོངས། །རུས་པའི་ན་ཚ་བཟློག་ཏུ་གསོལ། །རྩ་ཡི་གླུད་འདི་ཤིང་ལ་འབུལ། །ཤིང་ལ་གནས་པའི་ལྷ་འདྲེ་རྣམས། །རྟ་ལ་མ་གནོད་གླུད་འདི་བཞེས། །རྩ་ཡི་ན་ཚ་བཟློག་ཏུ་གསོལ། །ལྤགས་པའི་གླུད་འདི་ཐང་ལ་འབུལ། །ཐང་ལ་གནས་པའི་ལྷ་འདྲེ་རྣམས། །རྟ་ལ་མ་གནོད་གླུད་འདི་བཞེས། །ལྤགས་པའི་ན་ཚ་བཟློག་ཏུ་གསོལ། །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །རྟ་ལ་མ་གནོད་གླུད་འདི་བཞེས། །དྲོད་ཀྱི་ན་ཚ་བཟློག་ཏུ་གསོལ། །དེ་ལྟར་གླུད་རྫོངས་འདི་ཕུལ་བས། །བདག་ཅག་མི་རྟ་བཅས་པ་ཡི། །གཞི་ལམ་བྱེས་གསུམ་ཐམས་ཅད་དུ། །ཉེས་ཚོགས་གྱུར་

[Full Size]

པ་ཀུན་བསལ་ཏེ། །དེ་ལྟར་མཆོད་པ་བྱས་ནས། །ཡུལ་བྱེས་གང་དུ་ཡང་། །གཞི་བདག་གསོལ་མཆོད་བྱས་ན་ནི། །ཡུལ་བྱེས་གང་དུ་ཡང་། །ཉེས་པ་ཐམས་ཅད་བསལ་ནས། །བཟུང་བ་ཡོད་ན་ད་ཐོངས་ཤིག །བཅིངས་པ་ཡོད་ན་ད་ཁྲོལ་ཞིག །བསྡམས་པ་ཡོད་ན་ད་གློད་ཅིག །མནན་པ་ཡོད་ན་ད་ཐེག་ཅིག །ཅེས་བརྗོད་ནས། གླུད་དེ་རྟ་ནད་པའི་ལུས་ལ་ཕྱིན་ཁ་ལོགས་སུ་ལན་གསུམ་བསྐོར་ནས་ལམ་གསུམ་མདོར་བསྐྱལ་ལོ། །ཅང་ཤེས་རྟའི་གླུད་གཏོང་ཐབས་རྫོགས་སོ། །འཇིག་རྟེན་འདས་དང་མ་འདས་པའི། །ལྷ་ཚོགས་ཡི་དམ་སྲུང་མ་དང་། །བདག་ཅག་མི་རྟར་འགོ་བ་དང་། །སྲུང་སྐྱོབ་བྱེད་པའི་ལྷ་ཚོགས་རྣམས། །རྟ་འདི་ནད་ལས་མྱུར་གྲོལ་དང་། །བདག་གི་ཕྲིན་ལས་རྣམ་བཞི་སྒྲུབས། །གཞན་ཡང་སྟོང་གསུམ་ཉུལ་བྱེད་པའི། །ལྷ་འདྲེ་ཡིད་ཀྱི་གཟུགས་ཅན་རྣམས། །རྟ་ལ་མ་གནོད་མ་འཚེ་ཞིག །རྟ་བས་གླུད་བཟང་འདི་ཁྱེར་ལ། །རང་རང་སོ་སོའི་གནས་སུ་གཤེགས། །

[Full Size]

ཤོག་སྟོང་།

གསང་བདག་ཕྱག་རྡོར་སྒྲུབ་ཐབས།

[Full Size]

གསང་བདག་ཕྱག་རྡོར་སྒྲུབ་ཐབས་བཞུགས་སོ༔ བླ་མ་གསང་བདག་དཀོན་མཆོག་རྣམ་གསུམ་ལ༔ བདག་དང་སེམས་ཅན་ཐམས་ཅད་སྐྱབས་སུ་མཆི༔ འགྲོ་ཀུན་ནད་དང་གདོན་ལས་ཐར་བའི་ཕྱིར༔ བཅོམ་ལྡན་གསང་བའི་བདག་པོ་བསྒྲུབ་པར་བྱ༔ རི་རབ་སྟེང་དུ་པད་ཉི་ཧཱུྃ་ཡིག་ལས༔ རང་ཉིད་རྡོ་རྗེ་གཏུམ་པོ་མཐིང་ནག་འབར༔ ཁྲོ་བོའི་ཆས་རྫོགས་རྡོ་རྗེ་སྡིགས་མཛུབ་ཕྱར༔ འདོར་ཐབས་མེ་ཀློང་བཞུགས་པའི་གནས་གསུམ་དུ༔ ཨོཾ་ཨཱཿཧཱུྃ་ལས་འོད་འཕྲོས་ཡེ་ཤེས་པ་སྤྱན་དྲངས་རང་ཐིམ་རིགས་ལྔས་དབང་བསྐུར་ཏེ༔ མི་བསྐྱོད་དབུ་བརྒྱན་ཐུགས་ཀར་ཉི་མའི་སྟེང་༔ ཧཱུྃ་མཐིང་མཐའ་མར་སྔགས་ཕྲེང་གཡས་སུ་འཁོར༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ བརྒྱ་རྩའམ་ཅི་མང་བཟླས༔ མདུན་དུ་ཁྲག་མཚོ་ཟུར་གསུམ་མེ་ལོང་ཙམ༔ དེ་དབུས་ར་ལས་བྱུང་བའི་རཱ་ཧུ་ལ༔ དུད་མདོག་དབུ་དགུ་བྱ་རོག་དབུ་དང་བཅུ༔ ཕྱག་བཞི་དང་པོ་ཐུགས་ཀར་ཐལ་མོ་སྦྱར༔ འོག་གཉིས་མདའ་གཞུ་སྦྲུལ་ཞགས་ཕྱག་ན་བསྣམས༔ སྐུ་ལུས་མིག་གང་སྐུ་སྐྱེད་སྦྲུལ་དུ་འཁྱིལ༔ གདོང་པ་སྨད་ཅིང་གུས་པའི་ཚུལ་ཉན་ལ༔ སྐུ་ཡི་ཚད་ནི་མཐེ་བོང་ཙམ་ཞིག་ནས་

[Full Size]

སྔགས་རིགས་བཟླས་པའི་ཕྱག་ཆ་བདག་ལ་ཕུལ༔ འོག་མའི་ཕྱག་གཉིས་རྩ་བའི་ཕྱག་ལ་ཐིམ༔ སྤྱན་རྣམས་ཐམས་ཅད་རིན་ཆེན་རྒྱན་དུ་གྱུརཿ མགོ་དགུ་རིམ་པར་རྩ་བའི་ཞལ་ལ་ཐིམ༔ སྦྲུལ་མཇུག་ཡར་ཐིམ་རྐང་པ་གཉིས་སྐྱེས་ཏེ༔ ལྷ་བུ་གཞོན་ནུ་མཛེས་པའི་སྐུ་རུ་གྱུརཿ རྩ་སྔགས་བཟླས་སོ། །ཨོཾ་ཉི་མ་ནན༔ ཟླ་བ་ནན༔ ཀླད་པ་ནན༔ སྙིང་མགོ་ནན༔ བཞི་རྩིག་ལྟག་ཁུང་ནན༔ ཨོཾ་རྩེ་ཏྲ་མ་ཏྲ་ཟློག༔ ཨེ་ནཱ་ག་ཤིག༔ ནཱ་ག་ད༔ ནཱ་ག་ཟློག༔ ནཱ་ག་ནཾ༔ ནཱ་ག་ཀིན་མགོ་ལ་ནན༔ རྩ་སྔགས་བརྒྱ་རྩ་བཟླ་ལ་གཏོར་ཆུང་བྲན་ལ་གཏོར་མ་ཉི་མ་ནུབ་ཕྱོགས་སུ་ཕུལ། རཱ་ཧུ་ལ་རྒྱ་མཚོའི་ཕར་འགྲམ་དུ་སོང་ནས་ཁྲག་མཚོ་ཡང་སྐམ་པར་བྷེ༔ བྷཾ་ལས་རིན་པོ་ཆེའི་སྣོད་དུ༔ གཏོར་མ་བདུད་རྩིའི་རྒྱ་མཚོར་གྱུར༔ ཨོཾ་ཨཱཿཧཱུྃ༔ ལན་གསུམ་བརྗོད༔ ཨོཾ་ཀེ་ཏ་ཀེ་ཏ་རཱ་ཧཱ་ལ་ས་པཱ་རི་ཝཱ་ར་ཨེ་དཾ་བ་ལིང་ཏ་ཁ་ཁ་ཁཱ་ཧི་ཁཱ་ཧི༔ ལན་གསུམ། ཨབྷཾ་སོགས། ཤབྷ་བརྗོད། ཧཱུྃ༔ ཕྱག་ན་རྡོ་རྗེའི་བཀའ་ཉན་པ༔ མཐུ་སྟོབས་ནུས་པ་བསམ་མི་ཁྱབ༔ རཱ་ཧུ་ལ་ཞེས་རབ་གྲགས་པའི༔ སྲུང་མ་ཁྱོད་ལ་ཕྱག་འཚལ་བསྟོད༔ མཆོད་སྦྱིན་གཏོར་མ་འདི་བཞེས་ལཿ བདག་ཅག་དཔོན་སློབ་མི་ནོར་

[Full Size]

བཅས༔ སྟེང་གདོན་གཟའ་ཡི་གནོད་པ་སོགས༔ ནད་དང་གདོན་དང་བགེགས་ཀུན་ལས༔ བྱང་ཆུབ་བར་དུ་བསྲུང་བར་མཛོད༔ རཱ་ཧུ་ལ་ས་པཱ་རི་ཝཱ་ར་གཙྪ་གཙྪ༔ རཱ་ཧུ་ལ་རྒྱ་མཚོའི་ཕར་འགྲམ་དུ་སོང་༔ ཁྲག་མཚོ་ཡང་སྐེམ་ནས་མི་སྣང་བར་བསམ༔ དམིགས་མེད་དུ་བཞག་གོ༔ ཉེར་དགུ་ནས་རྒྱབ་རེས་ཉེར་དགུ་བར་དུ་དགུ་མཐའ་གཅིག༔ དེ་འདྲ་དགུ་བྱས་ན༔ སྐྱེ་བ་ཀུན་ལ་དྲང་སྲོང་གཟའི་གནོད་པ་མེད་གསུངས་ཏེ་ལག་བླངས་ཡིན༔ ཡང་དང་པོ་དགུ་མཐའ་གཅིག་ཐོན་ན་ཚེས་དགུ་བཅུ་དགུ་ཉེར་དགུ་གསུམ་ལ་མ་ཆག་པས་ཆོག་ཟེར་བ་དབུས་གཙང་ནས་བླ་མ་འགས་གསུང་རྒྱུན་ཡང་ཐོས། ཞེས་པ་སྔགས་པ་འགས་བསྐུལ་བ་ཡང་ཡང་བྱས་ནས་རཱ་ག་ཨ་སྱས་འཕྲལ་དུ་ཁྱེར་བདེ་བར་བྲིས་པས༔ སྔགས་པས་སེམས་ཅན་ཐམས་ཅད་ལ་ཕན་པར་གྱུར་ཅིག༔ ཕྱག་རྡོར་སྒྲུབ་པ་བཛྲ་ཙཎྜ་དང་ནི་ལཾ་བྱེད་པ་སོགས་ཡོད་དེ༔ བཛྲ་ཙཎྜ་ལ་བྱེད་པ་ཟབ་སློབ་དཔོན་ཀུན་གྱི་མན་ངག་གོ༔ མངྒ་ལཾ༔ ཨོཾ་ཧ་རི་ནིས་ཕྱུང་ཕྱུང་ཕཊ་ཕཊ༔ ཀྲིག་ཡེར་སྭཱ་ཧཱ༔ དུག་རིགས་སུ་ར་སོགས་ལ་སྔགས་མན་ངག་གོ༔ ༈ ཧྲིང་ཧྲིང་ཁྲོ་ཁྲོ་ཆུད་རྡུད་ཆུ་བུར་མིག་གིས་སྒོ་སོལ་སྭཱ་ཧཱ༔ མིག་ནད་སྔགས་མན་ངག་གོ༔ ཨོཾ་ཟླ་བ་ལི་ཟླ་བ་ལི་སྭཱ་ཧྭ༔ མར་མེ་སྔགས། ཁྲུམཱདུབྦོབྦཾཤཱགྱུརླཙནབྷཱཛཛབརྒྱམp༔ རྒྱལ་པོ་སྲོག་རླུང་ཟིན། ཨབྷཱམཱབླདུམར་ནང་

[Full Size]

གཏུམ་ལ་ཟའོ། ཨོཾ་སྲ་ཧི་སད་ཧི་སེ། ཁམས་སྟོད་ནང་ཆེན་འབང་སྒོང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཟའ་སྲུང་ཉི་མ་མདུང་གང་མ།

[Full Size]

གཟའ་སྲུང་ཉི་མ་མདུང་གང་མ་བཞུགས་སོ། །ན་མོ་བཛྲ་པཱ་ཎི་ཡེ། ཉི་མ་མདུང་གང་དུས་སུ་ཁ་ནབ་ཏུ་གླུ་ལ། ཧཱུྃ། རང་ཉིད་སྐད་ཅིག་དྲན་རྫོགས་གསང་བའི་བདག །ཁྲོ་ཆས་ཡོངས་རྫོགས་རྡོ་རྗེ་སྦྲུལ་ཞགས་འཛིན། །མེ་འབར་པད་ཉི་རི་རབ་སྟེང་ན་བཞུགས། །ཡེ་ནས་དམ་ཡེ་དབྱེར་མེད་ཐུགས་སྲོག་ཧཱུྃ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཕྲེང་གྷསྐོར་གཅིག་བཟླའོ།། རང་མདུན་ཁྲག་མཚོ་ཟུར་གསུམ་དབུས་སུ་ནི། །རཱ་ཧུ་ལ་ནི་དུད་མདོག་མཐེ་བོང་ཙམ། །མགོ་བརྒྱད་བྱ་རོག་གདོང་དང་དགུ་ཡོད་པ། །མགོ་ལུས་མིག་གང་སྐུ་སྨད་སྦྲུལ་དུ་འཁྱིལ། །ཕྱག་བཞི་འོག་གཉིས་སྦྲུལ་ཞགས་མདའ་གཞུ་སྟེ། །དང་པོས་ཐལ་སྦྱར་བདག་ལ་གུས་པའི་ཚུལ། །གདོང་ནི་ཤིན་ཏུ་སྨད་དེ་བཀའ་ཉན་གྱུར། །ཨོཾ་ཉི་མ་ནན༔ ཟླ་བ་ནན༔ ཀླད་པ་ནན༔ སྙིང་མགོ་ནན༔ བཞི་རྩིག་ལྟག་ཁུང་ནན༔ ཨེ་རྩེ་ཏྲ་མ་ཏྲ་ཟློག༔ ཨེ་ནཱ་ག་ཤིག༔ ནཱ་ག་སོད༔ ནཱ་ག་ཟློག༔ ནཱ་ག་ནཱི༔ ནཱ་ག་ཀིན་མགོ་ལ་ནན༔ ཞེས་བརྒྱ་རྩ་བཟླས་སོ། །གཏོར་ཆུང་བྲན། ཨོཾ་ཨཱཿཧཱུྃ༔ བདུད་རྩིའི་རྒྱ་མཚོར་གྱུར༔ ཨོཾ་ཀེ་ཏ་ཀེ་ཏུ་རཱ་ཧུ་ལ་ས་པཱ་རི་ཝཱ་ར་ཨེ་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔

[Full Size]

ལན་གསུམ༔ ཨོཾ་བཛྲ་ཨགྷཾ་སོགས། ཤབ་བརྗོད། ཧཱུྃ༔ ཕྱག་ན་རྡོ་རྗེའི་བཀའ་ཉན་པ༔ མཐུ་སྟོབས་ནུས་པ་བསམ་མི་ཁྱབ༔ རཱ་ཧུ་ལ་ཞེས་རབ་གྲགས་པའི༔ སྲུང་མ་ཁྱོད་ལ་བདག་བསྟོད་དོ༔ བདག་ཅག་དཔོན་སློབ་མི་ནོར་བཅས༔ སྟེང་གདོན་གཟའ་ཡི་གནོད་པ་དང་༔ ནད་དང་གདོན་དང་བགེགས་ཀུན་ལསཿ བྱང་ཆུབ་བར་དུ་བསྲུང་བར་མཛོད༔ རཱ་ཧུ་ལ་ས་པཱ་རི་ཝཱ་ར་གཙྪགཙྪ༔ ར་ཧུ་ལ་རྒྱ་མཚོའི་ཕར་འགྲམ་དུ་སོང་༔ ཁྲག་མཚོ་དེ་ཡང་སྐམ་ནས་མི་སྣང་བར་བསམ༔ སྟོང་ཉིད་ཀྱི་ངང་དུ་བཞག༔ འདི་ཉི་ཤུ་དགུ་ནས་རྒྱབ་རེས་ཉི་ཤུ་དགུ་ཡིན་བར་མ་ཆག་ན་སྐྱེ་བ་འབུམ་ཚོ་གསུམ་གྱི་བར་གཟའི་གནོད་པ་མི་འབྱུང་གསུངས་སོ། །ཟླ་བ་བཅུ་ལ་མ་ཆག་ན་གཟའ་བཅོས་ཅི་བྱས་ཀྱང་རང་ལ་མི་གནོད་ལག་བླང་མའོ། །ཞེས་ཉམས་ལེན་བདེ་ཕྱིར་ཨ་རཱ་གས་སོ། །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཕྱག་རྡོར་ལུགས་པའི་མངོན་རྟོགས།

[Full Size]

གནམ་ཆོས་ཕྱག་རྡོར་ལུགས་པའི་མངོན་རྟོགས་བཞུགས་སོ༔

[Full Size]

གསང་བདག་མཆོག་ལ་ཕྱག་འཚལ་ལོ༔ ཕྱག་རྡོར་ལུགས་པ་སྒྲུབ་པ་ནི༔ དཀྱིལ་འཁོར་དང་ནི་གཏོར་མ་མེད༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར་བྱུང་ཆུབ་མཆོག་ཏུ་སེམས་བསྐྱེད་དོ༔ རང་ཉིད་ལུགས་བདག་མདུན། སྐུ་མདོག་མཐིང་༔ ཞལ་གདངས་ལྗགས་ནི་ཤིན་ཏུ་འདྲིལ༔ མཆེ་བ་རབ་གཙིགས་དབུ་སྐྲ་འབ༔ སྤྱན་གསུམ་དུས་གསུམ་འགྲོ་ལ་གཟིགས༔ གཡས་ཞལ་དེ་ནི་ཀུནྡའི་མདོག༔ གཡོན་ཞལ་པདྨ་རཱ་གའི་མདོག༔ དབུ་ལ་ཐོད་

[Full Size]

སྐམ་ལྔ་ཡིས་བརྒྱན༔ རུས་པའི་རྒྱན་དང་སྦྲུལ་ལ་སོགས༔ ཡིད་ལ་མི་སྡུག་པ་ཡིས་བརྒྱན༔ དུར་ཁྲོད་ཆས་ཀྱིས་རབ་ཏུ་བརྒྱན༔ གཡས་ཀྱི་དང་པོས་རྡོ་རྗེ་འཕྱར༔ སྡེ་བརྒྱད་ཐམས་ཅད་དབང་དུ་སྡུད༔ གཡོན་པས་སྡིགས་མཛུབ་རབ་ཏུ་སྒྲེངས༔ གནོད་བྱེད་དགྲ་བགེགས་གཟིར་ཞིང་གནོན༔ ཕྱག་གཡས་དེ་ནི་བར་མ་ཡིས༔ གདོན་བགེགས་སྙིང་ནི་རལ་གྲིས་གཏུབས༔ གཡོན་གྱི་བར་པས་ཞགས་པ་བསྣམས༔ རྒྱལ་བསེན་ཕོ་མོ་འཆིང་བར་བྱེད༔ གཡས་ཀྱི་འོག་མས་ཌཱ་རུ་དཀྲོལཿ རྒྱལ་བསེན་ཀླད་པ་ཆེམ་ཆེམ་དཀྲུགས༔ གཡོན་གྱི་

[Full Size]

འོག་མས་རྩེ་གསུམ་འཛིན༔ དུག་གསུམ་དེ་ནི་སྒྲོལ་བར་བྱེདཿ ཡེ་ཤེས་མེ་ཡི་ཀློང་ན་ནི༔ ཧཱུྃ་ཧཱུྃ་ཕཊ་སྒྲ་རབ་ཏུ་སྒྲོག༔ ཞབས་བཞི་པད་ཉིའི་བླ་རུ་ནི༔ ལྷ་སྲིན་སྡེ་བརྒྱད་སྟེང་དུ་བགྲད༔ ཐུགས་ཀར་འཁོར་ལོ་ཉི་མའི་སྟེང་༔ ཧཱུྃ་ནི་ཤིན་ཏུ་ནག་པོ་ལས་འོད་ཟེར་ནག་པོ་འཕྲོས་པ་ཡིསཿ ལྕང་ལོ་ཅན་གྱི་གནས་མཆོག་ནས༔ ཕྱག་རྡོར་ལུགས་པ་སྤྱན་དྲངས་སོ༔ བདག་མདུན་བུམ་པའི་ལྷ་ལ་ཐིམ༔ ཞེས་པ་དབང་སྒྲུབ་དུས་སུ་ཡིན༔ རྒྱུན་གྱི་ཐུགས་དམ་ལ༔ བདག་ལ་སིབ་སིབ་ཐིམ་པར་གྱུར༔ ཨོཾ་ཨཱཿཧཱུྃ་བཛྲ་པཱ་ཎི་ཧཱུྃ་ཧཱུྃ་ཕཊ༔ དེ་ཡིས་ཕྱག་རྡོར་ལུགས་པ་འགྲུབ༔ ས་མ་ཡ༔ ཁ་ཐཾ༔ གུ་ཧྱ༔ ན་མ་ས༔ ཧཱུྃ༔ ཞལ་གདམས་ཐུགས་ཀར་འཁོར་ལོ་རྩིབས་དྲུག་གི་སྟེང་དུ་ཉི་མ་ལ་ཧཱུྃ་བསྒོམ༔ སྔགས་གྲངས་སྒྲུབ་པའི་གྲངས་ཚད་མེད༔ ས་མ་ཡ༔ རྒྱ་རྒྱ་རྒྱ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་མེ་སྤྲེའུ་མགོ་ཟླའི་ཚེས་དྲུག་ལ་ཕྱག་རྡོར་ཁྲོ་བོ་ཕྱག་གཉིས་པ་ཞིག་གིས་དངོས་སུ་གསུངས་སོ་༈ གནམ་ཆོས་ལས་ཕྱག་རྡོར་གོས་སྔོན་ཅན་གྱི་དབང་ཡོད༔ ན་མོ་བཛྲ་པཱ་ཎི་ཡེ༔ ཕྱག་རྡོར་ལུགས་པའི་དབང་བསྐུར་ནི༔ སྟ་གོན་དབང་སྒྲུབ་སྤྱི་ལྟར་བྱ༔ གསུངས་ཕྱིར་བུམ་པ་མཆོད་གཏོར་བཤམས༔ མངོན་རྟོགས་གཅིག་གིས་བདག་མདུན་བུམ་གསུམ་བསྒྲུབ༔ བསྙེན་པ་བརྒྱ་སྟོང་ཅི་འགྲུབ་བཟླ༔

[Full Size]

ཨདྷཾ་སོགས། ལྕང་ལོ་ཅན་གྱི་གནས་མཆོག་དམ་པ་ནས༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ ཕྱག་རྡོར་གོས་སྔོན་ཅན་ལ་ཕྱག་འཚལ་བསྟོད༔ དེ་ནས་སློབ་མ་འདུས་ནས་ཁྲུས་དང་མཎྜལ་བྱས་ལ༔ འོ་ན་ད་ལམ་ཁྱེད་རྣམས་ལ་ཕྱག་ན་རྡོ་རྗེའི་དབང་བསྐུར་བ་ཡིན་ཏེ༔ སྔོན་བསྐལ་པ་གངྒའི་ཀླུང་དགུ་བཅུ་རྩ་དགུའི་བྱེ་མ་སྙེད་འདས་པ་ན་བསྐལ་པ་གདུལ་དཀའ་བ་ཞེས་བྱ་བ་ལ༔ སངས་རྒྱས་ཡེ་ཤེས་སྒྲོལ་མ་ཆེན་པོའི་འོད་ཟེར་ཞེས་བྱ་བ་བྱོན་ཏེ༔ དེས་བྱང་ཆུབ་སེམས་དཔའ་རྡོ་རྗེ་འཛིན་གྱི་རིགས་མཐའ་ཡས་མུ་མེད་པ་ལ་ཆོས་གསུངས་སོ༔ དེ་ནས་སངས་རྒྱས་ཞལ་འཛུམ་པ་ལས་སྔོན་མ་བྱུང་བའི་འོད་ཟེར་ཁ་དོག་སྣ་ཚོགས་བྱུང་ངོ་༔ དེའི་ཚེ་རྡོ་རྗེ་འཆང་ཆེན་པོར་རྒྱལ་པོ་དབང་ཕྱུག་རྒྱལ་པོས་ཕྱག་འཚལ་ནས་དེའི་རྒྱུ་མཚན་ཞུས་པས༔ བཅོམ་ལྡན་འདས་ཀྱི་ཐུགས་ཀ་ནས་བཻཌཱུརྱ་ལྟ་བུའི་འོད་ཟེར་གྱིས་རྟེན་ཐམས་ཅད་གསལ་བའི་མེ་ལྕེ་བྱུང་སྟེ༔ འོད་ཟེར་དེའི་དབུས་ནས་གསང་བདག་ལག་ན་རྡོ་རྗེ་འཁོར་རིག་པའི་ལྷ་མོ་དང་བཅས་པ་བྱུང་ངོ་༔ དེའི་ཚེ་སངས་རྒྱས་དེས་འཁོར་

[Full Size]

རྣམས་ལ་གསང་བདག་གི་རྒྱུད་དཔག་ཏུ་མེད་པ་གསུངས་སོ༔ དེ་ཚུན་ཆད་སངས་རྒྱས་བྱེ་བ་ཕྲག་དགུ་བཅུ་རྩ་དགུའི་དྲུང་དུ་བདུད་ཕམ་པར་བྱས་ནས་བསྟན་པ་བཟུང་ངོ་༔ དེ་རྗེས་སངས་རྒྱས་དཔག་ཏུ་མེད་པའི་བསྟན་པ་ལ་བདུད་བཏུལ་ལོ༔ འོད་སྲུང་ལ་སོགས་དང་ཤཱཀྱའི་བསྟན་པ་ལ་བདུད་མ་དུལ་བ་འདུལ་བ་དང་༔ གསང་བ་འཛིན་ཅིང་བསྐལ་བཟང་འདིའི་སངས་རྒྱས་ཐམས་ཅད་ཀྱི་བསྟན་པ་བསྲུང་ཞིང་གསང་བ་འཛིན་པ་ཡིན་ཏེ༔ སངས་རྒྱས་ཀུན་བས་སྔར་སངས་རྒྱས་ཞེས་གསུངས་པས་དང་པོའི་སངས་རྒྱས་ཉིད་ཡིན་ཀྱང་ཁྲོ་བོའི་ཚུལ་དུ་བཞུགས་པ་སྟེ༔ ད་ལྟ་ཡང་སངས་རྒྱས་བྱང་སེམས་ཐམས་ཅད་ཀྱི་སྤྲུལ་པ་ཇི་ཙམ་མཛད་པ་དེའི་གྲངས་སུ་སྤྲུལ་ནསཿ ཕྱི་བཞིན་དུ་འབྲངས་ནས་བར་ཆད་སེལ་བ་དང་༔ མ་འོངས་པ་ན་ཡང་བསྐལ་པ་བཟང་པོའི་སངས་རྒྱས་སྟོང་ཐམས་ཅད་ཀྱི་བདུད་འདུལ་ཞིང་༔ གསང་བ་འཛིན་ཅིང་རྡོ་རྗེ་རྩ་ལ་གྱིས་འགྲོ་བ་ཞེས་བྱ་བར་སངས་རྒྱས་པའི་ཚུལ་དང་༔ བསྐལ་པ་བྱེ་བ་འདས་པའི་འོག་ཏུ་འཇིག་རྟེན་གྱི་ཁམས་སྐར་མ་བཀྲམ་པ་ལྟ་བུ་ཞེས་བྱ་བ་ལ་སངས་རྒྱས་རྡོ་རྗེ་རྣམ་པར་གནོན་པ་ཞེས་བྱ་བར་འཚང་རྒྱ་བའི་ཚུལ་སྟོན་པར་

[Full Size]

བཤད་དོ༔ རིག་པ་མཆོག་གི་རྒྱུད་ལས༔ གང་གིས་དེ་བཞིན་གཤེགས་པ་འབུམ་ཕྲག་གངྒཱའི་ཀླུང་དགུ་བཅུ་རྩ་གཉིས་ཀྱི་བྱེ་མ་སྙེད་ལ་ཕྱག་བྱས་པ་བས༔ གང་གིས་རིག་པའི་རྒྱལ་པོ་ལག་ན་རྡོ་རྗེ་ལ་ཡིད་ཀྱིས་ཕྱག་བྱས་པ་དེ་ནི་དེ་བས་བསོད་ནམས་མང་དུ་བསྐྱེད་དོ་ཞེས་གསུངས་སོ༔ དེ་ལ་ཕྱག་ན་རྡོ་རྗེ་འདི་ལ་རིགས་བརྒྱ་རྩ་བརྒྱད་ཡོད་པར་མཚན་བརྒྱ་རྩའི་བསྟོད་པ་ལས་གསལ༔ ཁྱད་པར་གནམ་ཆོས་ལས་ཕྱག་རྡོར་རིགས་བཅུ་གསུམ་བྱུང་བའི་ནང་ནས་འདི་ཕྱག་རྡོར་ལུགས་པ་ཞེས་བྱ་སྟེ༔ ཕྱག་རྡོར་གྱི་ནང་ནས་འདི་གོས་སྔོན་ཅན་གྱི་ལུགས་ཡིན༔ གོས་སྔོན་ཅན་ལ་ཡང་སྔགས་ཨུ་ཙཱརྱ་དང་༔ ནཱི་ལཾ་བཱ་ར་དྷ་ར་དང་བཛྲ་པཱ་ཎི་གསུམ་ལས་འདི་པཱ་ཎི་ཅན་ཡིན་པས་ཕྱག་རྡོར་ལུགས་པ་ཞེས་བྱ༔ འདིའི་དབང་ཐོབ་ན་ལྷ་སྲིན་སྡེ་བརྒྱད་གང་གིས་ཀྱང་ཚུགས་པར་མི་ནུས་ཏེ༔ ལོ་དུས་སུ་ཟླ་བ་ལྔ་པའི་ཚེས་གཅིག་ནས་ལྷ་འདྲེ་ཆེ་རིམ་ཐམས་ཅད་ལྷ་ཡུལ་དུ་ལྟད་མོ་བལྟར་འགྲོ༔ ཕྱིར་ལམ་རི་རབ་ཆེན་པོའི་བྱང་ཕྱོགས་ལྕང་ལོ་ཅན་དུ་རྣམ་སྲས་ཀྱི་ཕོ་བྲང་དུ་སྟོན་མོ་བྱེད༔ དེར་ཕྱག་ན་རྡོ་རྗེ་ཕེབས་ནས་ཆོས་བཤད༔ དེར་ཕྱག་རྡོར་གྱི་བཀའ་དང་དམ་ལས་འདས་པ་

[Full Size]

རྣམས་ལྕང་ལོ་ཅན་དུ་འགྲོ་མི་ཕོད་པས་དེར་མ་ཕྱིན་ན་སྡུག་སྣང་ཆེན་པོ་ཡོད་རྒྱལ་པོའི་ཕོ་བྲང་དུའང་འགྲོ་མི་ཕོད༔ གལ་ཏེ་སོང་ཡང་གདན་བཤམས་པའི་སྟན་ཡང་མི་འཐོབ༔ ཕྱག་རྡོར་གྱི་ལས་མཁན་རྡོ་རྗེ་གནོད་སྦྱིན་གྱི་ཚོགས་རྣམས་ཀྱིས་སྤུ་གྲི་རྣོན་པོས་གདོན་དེའི་སྣ་དང་རྣ་བ་གཅོད༔ འཁོར་ལོ་རབ་ཏུ་འབར་བས་དེའི་ཀླད་པ་གཤག༔ ཕྱག་ན་རྡོ་རྗེའི་བཀའ་ཆད་ཀྱིས་ཁ་ནས་ཁྲག་སྐྱུག་ཅིང་སྙིང་ལ་མེ་འབར་ནས་ཚིག་སྟེ་ཤི་ནས་མནར་མེད་པའི་དམྱལ་བར་སྐྱེ་བར་བཤད༔ འོ་ན་དེས་ན་ལྷ་འདྲེས་བསྲུང་བའི་རྒྱུ་དམ་ཚིག་གང་ཡིན་ཞེ་ན་ཕྱག་ན་རྡོ་རྗེའི་དབང་ཐོབ་པ་དང་ལྷ་བསྒོམ་པ་དང་སྔགས་བཟླ་བ་དང་སྲུང་བ་བཏགས་པ་ལ་གནོད་པ་མི་བྱེད་པ་ཡིན་པས༔ སྔོན་གྱི་ལས་ཀྱི་རྣམ་པར་སྨིན་པ་མ་གཏོགས་པ་ཕྱག་རྡོར་གྱི་དབང་ཐོབ་པ་དང་ལྷ་བསྒོམ་པ་དང་སྔགས་བཟླ་བ་ལ་གནོད་མི་སྲིད་པ་ཡིན་ནོ༔ དེ་ལྟ་བུའི་དབང་ཞུ་བའི་ཕྱིར་སློབ་དཔོན་དང་དབང་རྫས་རྣམས་ཕྱག་ན་རྡོ་རྗེ་དངོས་ཡིན་སྙམ་པ་གྱིས་ལ་དེ་ནས་གསོལ་བ་འདེབས་པ་འདིའི་རྗེས་ཟློས་མཛོད༔ བླ་མ་དཀོན་མཆོག་གསུམ་པོ་དང་༔ ཡི་དམ་ལྷ་ཚོགས་མ་ལུས་དང་༔ ཁྱད་པར་ཕྱག་རྡོར་ལུགས་པ་ལ༔

[Full Size]

གསོལ་བ་འདེབས་སོ་དབང་བསྐུར་སྩོལ༔ ལན་གསུམ༔ དེ་ནས་སྐྱབས་འགྲོ་སེམས་བསྐྱེད་འདིའི་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་བདག་གི་མགྲོན་དུ་གཉེརཿ བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི༔ འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔ གསུམ་མམ་ཚིག་རྗེས་མ་གསུམ། དེ་ནས་སློབ་མ་ལྷར་བསྐྱེད་པའི་དོན་དུ༔ སློབ་མ་ལུགས་པ་སྐུ་མདོག་མཐིང་༔ ཞལ་གདངས་ལྗགས་ནི་ཤིན་ཏུ་འདྲིལ༔ མཆེ་བ་རབ་གཙིགས་དབུ་སྐྲ་འབརཿ སྤྱན་གསུམ་དུས་གསུམ་འགྲོ་ལ་གཟིགས༔ གཡས་ཞལ་དེ་ནི་ཀུནྡའི་མདོག༔ གཡོན་ཞལ་པདྨ་རཱ་གའི་མདོག༔ དབུ་ལ་ཐོད་སྐམ་ལྔ་ཡིས་བརྒྱན༔ རུས་པའི་རྒྱན་དང་སྦྲུལ་ལ་སོགས༔ ཡིད་

[Full Size]

ལ་མི་སྡུག་པ་ཡིས་བརྒྱན༔ དུར་ཁྲོད་ཆས་ཀྱིས་རབ་ཏུ་བརྒྱན༔ གཡས་ཀྱི་དང་པོས་རྡོ་རྗེ་ཕྱར༔ སྡེ་བརྒྱད་ཐམས་ཅད་དབང་དུ་སྡུད༔ གཡོན་པས་སྡིགས་མཛུབ་རབ་ཏུ་སྒྲེངས༔ གནོད་བྱེད་དགྲ་བགེགས་གཟིར་ཞིང་གནོན༔ ཕྱག་གཡས་དེ་ནི་བར་མ་ཡིས༔ གདོན་བགེགས་སྙིང་ནི་རལ་གྲིས་གཏུབས༔ གཡོན་གྱི་བར་པས་ཞགས་པ་བསྣམས༔ རྒྱལ་བསེན་ཕོ་མོ་འཆིང་བར་བྱེད༔ གཡས་ཀྱི་འོག་མས་ཌཱ་རུ་དཀྲོལ༔ རྒྱལ་བསེན་ཀླད་པ་ཆེམ་ཆེམ་དཀྲུགས༔ གཡོན་ཀྱི་འོག་མས་རྩེ་གསུམ་འཛིན༔ དུག་གསུམ་དེ་ནི་སྒྲོལ་བར་བྱེད༔ ཡེ་ཤེས་མེ་ཡི་ཀློང་ན་ནི༔ ཧཱུྃ་ཧཱུྃ་ཕཊ་སྒྲ་རབ་ཏུ་སྒྲོག༔ ཞབས་བཞི་པད་ཉིའི་བླ་རུ་ནི༔ ལྷ་སྲིན་སྡེ་བརྒྱད་སྟེང་དུ་བགྲད༔ ཐུགས་ཀར་འཁོར་ལོ་ཉི་མའི་སྟེང་༔ ཧཱུྃ་ནི་ཤིན་ཏུ་ནག་པོ་ལས༔ འོད་ཟེར་ནག་པོ་འཕྲོས་པ་ཡིས༔ ལྕང་ལོ་ཅན་གྱི་གནས་མཆོག་ནས༔ ཕྱག་རྡོར་ལུགས་པ་སྤྱན་དྲངས་སོ༔ ཕྱོགས་བཅུའི་ཞིང་ནས་གསང་བའི་བདག༔ གྲངས་མེད་སྤྱན་དྲངས་སློབ་མར་ཐིམ༔ ཧཱུྃ༔ ཕྱག་རྡོར་ལུགས་པའི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་

[Full Size]

གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར་ལོག་འདྲེན་ཚེ་ཡི་བར་ཆད་བསལ་དུ་གསོལ༔ ཨོཾ་ཨཱཿཧཱུྃ་བཛྲ་པཱ་ཎི་ཧཱུྃ་ཧཱུྃ་ཕཊ༔ ཨོཾ་བཛྲ་ཨ་ཝེ་ཤ་ཡ་ཨ་ཨཱཿ ཞེས་མང་དུ་བརྗོད་ཅིང་སྤོས་དང་རོལ་མོ་བྱ༔ དེ་ནས་རྡོ་རྗེ་མགོར་བཞག་ལ༔ ཏིཥྛ་བཛྲ༔ དེས་དབང་གི་གཞི་བཀོད་པ་སོང་ནས༔ དངོས་གཞིའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད༔ བླ་མ་དཀོན་མཆོག་གསུམ་པོ་དང་༔ ཡི་དམ་ལྷ་ཚོགས་མ་ལུས་དང་༔ ཁྱད་པར་ཕྱག་རྡོར་ལུགས་པ་ལ༔ གསོལ་བ་འདེབས་སོ་སྐུ་གསུང་ཐུགས༔ ཡོན་ཏན་ཕྲིན་ལས་དབང་བསྐུར་སྩོལ༔ བུམ་པའི་དབང་ནི་བུམ་པ་ཐོགས་ལཿ ད་བུམ་པ་འདི་ཉིད་ཕྱི་རིན་པོ་ཆེའི་བུམ་པ༔ ལྟོ་བ་ཡངས་པ༔ མགྲིན་པ་རིང་བ༔ མཆུ་འཕྱང་བ༔ ལྷ་རྫས་ཀྱི་དར་སྔོན་པོས་མགུལ་པ་དཀྲིས་པ༔ ནང་རིན་པོ་ཆེའི་གཞལ་ཡས་ཁང་གི་དབུས་སུ་ཕྱག་ན་རྡོ་རྗེ་བཞུགས་པའི་སྐུ་ལས་བདུད་རྩིའི་རྒྱུན་བབས༔ ཁྱེད་རང་རྣམས་ཀྱི་སྤྱི་བོ་ཚངས་པའི་བུ་ག་ནས་ཞུགསཿ ལུས་ཀྱི་གནས་བཞི་གང་སྒྲིབ་པ་བཞི་དག༔ དབང་བཞི་ཐོབ༔ སྐུ་བཞི་མངོན་དུ་བྱས་པའི་སྐལ་བ་དང་ལྡན་པར་སྒོམས་ཤིག༔ ཧཱུྃ༔ བུམ་

[Full Size]

པ་འདི་ནི་གཞལ་ཡས་ཁང་༔ འདི་ནང་ཕྱག་ན་རྡོ་རྗེ་བཞུགས༔ ཁྱོད་ཀྱི་མགོ་ལ་བཞག་པ་ཡིས༔ ཕྱག་ན་རྡོ་རྗེའི་དབང་རྫོགས་ཤོག༔ ཨོཾ་ཨཱཿཧཱུྃ༔ བཛྲ་པཱ་ཎི་ཧཱུྃ་ཧཱུྃ་ཕཊ༔ ཀུལླཱ་ཨ་ཨ་བྷི་ཥིཉྩ་མཾ༔ སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ༔ བདག་དང་གཞན་གྱི་དཔལ་གྱུར་སྙིང་རྗེ་ཅན༔ བདུད་ལས་རྣམ་རྒྱལ་ཡེ་ཤེས་ལྔ་དང་ལྡན་ཕྱག་ན་རྡོ་རྗེའི་སྐུ་ཡི་བཀྲ་ཤིས་ཤོག༔ དེས་སྐུའི་དབང་ཐོབ༔ ལུས་ཀྱི་ནད་གདོན་ཞི༔ འདིའི་སྐུ་བསྒོམ་པར་དབང་༔ མཚན་དཔེ་ལྡན་པའི་སྐུ་ཐོབ་པའི་སྐལ་བ་དང་ལྡན་ནོ༔ དེ་ནས་དུང་དཀར་ཐོགས་ལ༔ ད་མདུན་བསྐྱེད་ཀྱི་མགྲིན་པ་ནས་འོད་ཟེར་ཕྱོགས་བཅུར་འཕྲོས་པས་སངས་རྒྱས་ཐམས་ཅད་ཀྱི་གསུང་དབྱངས་ཡན་ལག་དྲུག་ཅུ་ཆོས་སྒོ་བརྒྱད་ཁྲི་བཞི་སྟོང་ཐམས་ཅད་ཀྱི་ངོ་བོ་ཡིན་པ་ལ་རྣམ་པ་དུང་དཀར་པོ་གཡས་སུ་འཁྱིལ་པ༔ ནང་གི་རྩ་རྗེས་ལ་བཀྲ་ཤིས་པའི་རྟགས་བརྒྱད་དོད་ཅིང་ཆོས་ཀྱི་སྒྲ་རང་གྲགས་སུ་སྒྲོག་པ་མང་པོ་བྱོན་ནས་ཁྱེད་རང་རྣམས་ཀྱི་མགྲིན་པར་ཐིམ་པར་སྒོམས་ཤིག༔ ཧཱུྃ༔ དུང་དཀར་འདི་ནི་གོས་སྔོན་ཅན༔ གསུང་གི་རྟགས་རྣམས་ཡོངས་སུ་རྫོགས༔ ཁྱོད་ཀྱི་མགྲིན་པར་བཞག་པ་ཡིས༔

[Full Size]

གསུང་གི་དབང་རྣམས་ཡོངས་རྫོགས་ཤོག༔ རྩ་སྔགས་མཇུག་ཏུ༔ ཤཾ་ཁ་ལ་ཨ་བྷི་ཥིཉྩ་མཱི༔ སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ༔ བདག་དང་གཞན་གྱི་དཔལ་གྱུར་སྙིང་རྗེ་ཅན༔ བདུད་ལས་རྣམ་རྒྱལ་ཡེ་ཤེས་ལྔ་དང་ལྡན༔ ཕྱག་ན་རྡོ་རྗེའི་གསུང་གི་བཀྲ་ཤིས་ཤོག༔ དེས་ངག་གི་སྒྲིབ་པ་དག༔ གསུང་གི་དབང་ཐོབ༔ འདིའི་སྔགས་བཟླ་བར་དབང་༔ གསུང་དབྱངས་ཡན་ལག་དྲུག་ཅུ་དང་ལྡན་ནོ༔ དེ་ནས་རྡོ་རྗེ་ཐོགས་ལ༔ ད་མདུན་བསྐྱེད་ཀྱི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བཻཌཱུརྱའི་རྡོ་རྗེ་རྩེ་ལྔ་པ་དཔག་ཏུ་མེད་པ་བྱོན་ནས་ཁྱེད་རང་རྣམས་ཀྱི་སྙིང་གར་ཐིམ་པར་སྒོམས་ཤིག༔ ཧཱུྃ༔ རྡོ་རྗེ་འདི་ནི་གོས་སྔོན་ཅན༔ ཐུགས་ཀྱི་རྟགས་རྣམས་རྫོགས་པ་ཡིན༔ ཁྱོད་ཀྱི་སྙིང་གར་བཞག་པ་ཡིསཿ ཐུགས་ཀྱི་དབང་རྣམས་ཡོངས་རྫོགས་ཤོག༔ རྩ་སྔགས་མཇུག་ཏུ༔ བཛྲ་ཨ་བྷི་ཥིཉྩ་མཱི༔ སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ༔ བདག་དང་གཞན་གྱི་དཔལ་གྱུར་སྙིང་རྗེ་ཅན༔ བདུད་ལས་རྣམ་རྒྱལ་ཡེ་ཤེས་ལྔ་དང་ལྡན༔ ཕྱག་ན་རྡོ་རྗེའི་ཐུགས་ཀྱི་བཀྲ་ཤིས་

[Full Size]

ཤོག༔ དེས་ཐུགས་ཀྱི་དབང་ཐོབ༔ སེམས་ཀྱི་སྒྲིབ་པ་དག༔ ཏིང་ངེ་འཛིན་བསྒོམ་པར་དབང་༔ ཏིང་ངེ་འཛིན་བརྒྱ་ཕྲག་དུ་མ་རྒྱུད་ལ་སྐྱེ་བའི་སྐལ་བ་དང་ལྡན་ནོ༔ དེ་ནས་སྐུ་གཟུགས་ཐོགས་ལ༔ སྐུ་གཟུགས་འདི་ནི་ཕྱག་རྡོར་དངོས་སུ་གསལ་བའི་སྐུ་ལས་འོད་ཟེར་ཕྱོགས་བཅུར་འཕྲོས་པས་སྟེང་ཕྱོགས་འོག་མིན་ལྕང་ལོ་ཅན་དང་རི་རབ་བྱང་ཕྱོགས་ལྕང་ལོ་ཅན་བྱེ་བ་ཕྲག་བརྒྱ་ནས་ཕྱག་ན་རྡོ་རྗེའི་སྐུ་ཆེ་བ་རི་རབ་ཙམ༔ ཆུང་བ་ཡུངས་འབྲུ་ཙམ་དཔག་ཏུ་མེད་པ་ཁྱེད་རང་རྣམས་ལ་ཐིམ་པར་སྒོམས་ཤིག༔ ཧཱུྃ༔ འདི་ནི་ཕྱག་རྡོར་ལུགས་པ་ཡིན༔ འདི་ཉིད་ཁྱོད་ཀྱི་མགོར་བཞག་པསཿ ཡོན་ཏན་དབང་རྣམས་ཐོབ་བར་ཤོག༔ རྩ་སྔགས་མཇུག་ཏུ༔ ཀཱ་ཡ་ཨ་བྷི་ཥིཉྩ་མཱི༔ སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ༔ བདག་དང་གཞན་གྱི་དཔལ་གྱུར་སྙིང་རྗེ་ཅན༔ བདུད་ལས་རྣམ་རྒྱལ་ཡེ་ཤེས་ལྔ་དང་ལྡན༔ ཕྱག་ན་རྡོ་རྗེའི་ཡོན་ཏན་བཀྲ་ཤིས་ཤོག༔ དེས་ཡོན་ཏན་གྱི་དབང་ཐོབ༔ བསགས་པ་ཆ་མཉམ་གྱི་སྒྲིབ་པ་དག༔ བསོད་ནམས་དང་ཡེ་ཤེས་རྒྱས༔ ཡོན་ཏན་ལྷུན་གྱིས་གྲུབ་པའི་སྐལ་བ་དང་ལྡན་ནོ༔ དེ་ནས་གཏོར་མ་ཐོགས་ལ༔ ད་གཏོར་མ་འདི་ཉིད་ཕྱག་རྡོར་

[Full Size]

དངོས་སུ་གསལ་བའི་སྐུ་ལས་འོད་ཟེར་ཁ་དོག་དཀར་སེར་དམར་ལྗང་གི་ཚོགས་འཕྲོས༔ ཁྱེད་རང་རྣམས་ལ་ཐིམ་པས་ཕྲིན་ལས་རྣམ་བཞི་ཐོགས་མེད་དུ་འགྲུབ་པར་སྒོམས་ཤིག༔ ཧཱུྃ༔ གཏོར་མ་འདི་ནི་གོས་སྔོན་ཅན༔ ཁྱོད་ཀྱི་ལག་ཏུ་གཏད་པ་ཡིས༔ ཕྲིན་ལས་དབང་རྣམས་ཡོངས་རྫོགས་ཤོག༔ རྩ་སྔགས་མཇུག་ཏུ༔ ཤཱནཾ༔ པུཎྚི༔ ཝ་མཱ་ར་ཡ་བ་ལིཏ་ཨ་བྷི་ཥིཉྩ་མཱི༔ སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ༔ བདག་དང་གཞན་གྱི་དཔལ་གྱུར་སྙིང་རྗེ་ཅན༔ བདུད་ལས་རྣམ་རྒྱལ་ཡེ་ཤེས་ལྔ་དང་ལྡན༔ ཕྱག་ན་རྡོ་རྗེའི་ཕྲིན་ལས་བཀྲ་ཤིས་ཤོག༔ དེས་ཕྲིན་ལས་ཀྱི་དབང་ཐོབ༔ ཤེས་བྱའི་སྒྲིབ་པ་དག༔ འདིའི་ཕྲིན་ལས་གང་བརྩམས་འགྲུབ་ཅིང་བདེ་བ་ཆེན་པོའི་སྐུ་འགྲུབ་པའི་སྐལ་བ་དང་ལྡན་ནོ༔ ད་གཏོར་མ་འདི་ཉིད་གསང་བདག་ཕྱག་ན་རྡོ་རྗེ་གོས་སྔོན་ཅན་དེ་ཁྱེད་རང་གི་སྤྱི་བོར་བྱོན་པ་ཙམ་གྱིས༔ སྐུ་ལས་འོད་ཟེར་ཕྱོགས་བཅུར་འཕྲོས་ཏེ་སྟེང་ཕྱོགས་འོག་མིན་ལྕང་ལོ་ཅན་དང་༔ རི་རབ་བྱང་ཕྱོགས་ལྕང་ལོ་ཅན་བྱེ་བ་ཕྲག་བརྒྱ་ནས་གསང་བདག་ཕྱག་ན་རྡོ་རྗེའི་སྐུ་ཆེ་ཕྲ་སྣ་ཚོགས༔ གསུང་སྔགས་ཀྱི་ཕྲེང་༔ ཐུགས་

[Full Size]

རྡོ་རྗེ་རྩེ་ལྔ་པ་དཔག་ཏུ་མེད་པ་བྱོན་ནས་ཐུགས་ཀར་ཐིམ༔ དེ་འོད་དུ་ཞུ་ནས་ཁྱེད་རང་ལ་ཐིམ་པས་དབྱེར་མེད་དུ་གྱུར་པར་སྒོམས་ཤིག༔ ཆོས་སྐུ་ཀུན་ཏུ་བཟང་པོ༔ དྲུག་པ་རྡོ་རྗེ་འཆང་ཆེན༔ གུ་རུ་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ཤུད་པུ་དཔལ་གྱི་སེང་གེ༔ མི་འགྱུར་རྡོ་རྗེ་བདུད་འདུལ་རོལ་པ་རྩལ་ལ་སོགས་པའི་བརྒྱུད་པའི་བླ་མ་རྣམས་དང་༔ དེ་བཞིན་གཤེགས་པ་གང་གཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ཀྱིས་མཐུ་སྟོབས་ཀྱི་བདག་པོར་དབང་བསྐུར་བ་གསང་བའི་བདག་པོ་ཕྱག་ན་རྡོ་རྗེ་གོས་སྔོན་པོ་ཅན་འཁོར་གོས་སྔོན་ཅན་ལྔ་བརྒྱའི་ཚོགས་དང་བཅས་པས་རྡོ་རྗེའི་སློབ་མ་འདི་རྣམས་ལ་བྱིན་གྱིས་བརླབ་པར་མཛད་དུ་གསོལ༔ སྟེང་གདོན་གཟའ་འོག་གདོན་ཀླུ༔ བར་གདོན་ལྷ་སྲིན་སྡེ་བརྒྱད་ཀྱི་གནོད་པས་མི་ཚུགས་པར་སྲུངས་ཤིག༔ གཟའ་ཀླུ་ས་བདག་གི་ནད་ཐམས་ཅད་ཞི་བར་མཛོད་ཅིག༔ བསོད་ནམས་དང་ཉམས་རྟོགས་འཕེལ་ཞིང་རྒྱས་པར་མཛོད་ཅིག༔ འཁོར་བ་དང་ངན་སོང་གི་འཇིགས་པ་ཆེན་པོ་ལས་བསྐྱབ་པར་མཛད་དུ་གསོལ༔ ཨོཾ་ཨཱཿཧཱུྃ་བཛྲ་པཱ་ཎི་ཧཱུྃ་ཧཱུྃ་ཕཊ༔ མ་ཧཱ་བ་ལིཾ་ཏ་ཀཱ་ཡ་ཝཱཀྐ་ཙིཏྟ་ཨ་དྷིཥྛ་ན་ས་མ་

[Full Size]

ཡ་ཛཿཧཱུྃ་བཾ་ཧོ༔ དེས་ཕྱག་ན་རྡོ་རྗེ་གོས་སྔོན་ཅན་གྱི་དབང་ལེགས་པར་ཐོབ་པ་ཡིན་པས༔ འདིའི་སྔགས་ཀྱི་མགོ་ལ་འབྲུ་གསུམ་ཡོད་པས༔ ལྷ་ཁྲོ་བོ་ཡིན་ཀྱང་གོང་ནོན་གཞན་བསྙེན་པ་བྱ་མི་དགོས༔ ཨཱནམ་མཁའི་ཡི་གེ་ཡིན་པས་སུས་བཏོན་ཡང་འབྱུང་བ་མཐུན༔ ཞལ་གསུམ་ཁ་དོག་གསུམ་ཡོད་པས་སུས་འདོན་ཡང་སྨེ་བ་མི་མཐུན་པའི་སྐྱོན་མེད༔ དེའང་གོས་སྔོན་ཅན་རྡོ་རྗེ་བེ་ཅོན་གྱི་རྒྱུད་ལས༔ ཧཱུྃ༔ ང་ནི་ཁྲོ་བོ་གོས་སྔོན་ཅན༔ སངས་རྒྱས་ཐམས་ཅད་འདུས་པའི་སྐུ༔ སངས་རྒྱས་ཀུན་གྱིས་བྱིན་གྱིས་བརླབས༔ དབང་བསྐུར་མཆོག་ཐོབ་ང་ཡིས་བསྐུར༔ ཞེས་གསུངས་པས༔ ལྷ་འདི་འགྲུབ་ན་སངས་རྒྱས་ཐམས་ཅད་འགྲུབ་པ་ཡིན་ཞིང་༔ རྒྱུད་དེ་ཉིད་ལས༔ ཇི་ལྟར་བསྒྲིབས༔ དབང་བསམ་པའི་དངོས་པོ་ཀུན༔ ཁྱེད་ལས་འབྱུང་བས་མི་ཟད་གཏེརཿ སྣ་ཚོགས་ཡིད་བཞིན་འཕྲུལ་པོ་ཆེ༔ ཡིད་བཞིན་ནོར་བུ་ཁྱོད་ཕྱག་འཚལ༔ ནད་དང་རིམས་ཀྱི་གཤེད་པོ་མཛད༔ ནོར་དང་རྫས་ཀྱི་བདག་པོ་མཛད༔ འཇིགས་པ་ཀུན་ལས་བསྐྱབ་པར་མཛད༔ བླ་མེད་སྐྱོབ་མཛད་ཁྱོད་ཕྱག་འཚལ༔ ཞེས་གསུངས་པས་ཡིད་བཞིན་གྱི་ནོར་བུ་དང་

[Full Size]

འདྲ༔ ནད་གདོན་ཉེས་སྐྱོན་ཐམས་ཅད་ཞི༔ བདེ་ལེགས་བཀྲ་ཤིས་ཐམས་ཅད་འཕེལ་ཏེ༔ རྒྱུད་ལས༔ གང་ཞིག་འདི་འཛིན་རྣལ་འབྱོར་དེ༔ ཉེས་པ་ཀུན་ལས་རབ་ཏུ་ཐརཿ ལེགས་པའི་ཡོན་ཏན་ཐམས་ཅད་ཐོབ༔ འབྲས་བུ་ཡང་དག་མངོན་པར་འགྲུབ༔ ཅེས་གསུངས་སོ༔ དེས་ན་འདི་ཡི་དམ་དུ་འཛིན་ཅིང་བསྙེན་པ་སོགས་བྱ་སྙམ་པས་འདིའི་རྗེས་ཟློས་མཛོད༔ གཙོ་བོས་ཇི་ལྟར་སོགསཿ ས་གཞི་སྤོས་ཆུས་སོགས༔ ཞེས་པ་གནམ་ཆོས་ལས་ཕྱག་རྡོར་རིགས་བཅུ་གསུམ་གཟུངས་དབང་ཡིན་མོད་ཀྱི༔ ཨོཾ་ཙུག་བྱེད་ལ་དབང་གུད་དུ་འབྱུང་བ་ཕྱག་རྡོར་གཞན་ལ་རྒྱུས་བཀབ་ཀྱང་ཆོག་པས༔ དེའི་དབང་དུ་བྱས་ནས་འདིར་ཕྱག་རྡོར་ལུགས་པའི་དབང་ལོ་རྒྱུས་སོགས་ཀྱིས་ཁ་བཀང་སྟེ་འདིའི་མངོན་རྟོགས་དང་སྔགས་འདི་ཤིན་ཏུ་ལེགས་པསཿ འདོན་ཅིང་བསྙེན་པ་བྱེད་མཁན་མང་དུ་འབྱུང་བར་སེམས་པས༔ རཱ་ག་ཨ་སྱས་བསྒྲིགས་པ་ལྟར་དགེ་སློང་བརྩོན་འགྲུས་ཀྱིས་ཡི་གེར་བྲིས་པ་ལ་ཉེས་འགལ་མཆིས་ན་བཤགས་ཤིང་དགེ་བས་གཞན་ཕན་རྒྱ་ཆེན་པོ་འབྱུང་བར་གྱུར་ཅིག༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ལས་ཕྱག་རྡོར་ཨོཾ་ཙུག་བྱེད་ཀྱི་དབང་ཆོག

[Full Size]

གནམ་ཆོས་ལས་ཕྱག་རྡོར་ཨོཾ་ཙུག་བྱེད་ཀྱི་དབང་ཆོག་བཞུགས་སོ༔

[Full Size]

ན་མོ་བཛྲ་པཱ་ཎི་ཡེ༔ ཨོཾ་ཙུག་བྱེད་པའི་དབང་ཆོག་ནི༔ སྟ་གོན་དབང་སྒྲུབ་སྤྱི་ལྟར་བྱ༔ གསུངས་ཕྱིར་བུམ་པ་གཏོར་མཆོད་བཤམ༔ རང་དང་མདུན་བསྐྱེད་གཏོར་མ་དང་༔ བུམ་ལྷ་ཕྱག་རྡོར་ཨོཾ་ཙུག་བྱེད༔ དྲང་སྲོང་ཆ་ལུགས་རལ་ཐོད་བཅིངསཿ ཨག་ཚོམ་དབུ་སྐྲ་དུང་ལྟར་དཀར༔ ཞབས་གཉིས་ཨོཾ་ཙུག་མཛད་ནས་ནི༔ གཡས་པས་རྡོ་རྗེ་ནམ་མཁར་གདེངས༔ བར་ཆད་ཐམས་ཅད་ཞི་བར་མཛད༔ གཡོན་པས་དྲིལ་བུ་ཐུགས་ཀར་དཀྲོལ༔ ཚེ་བསོད་དཔལ་འབྱོར་རྒྱས་པར་བྱེད༔ སྐུ་མདོག་སྔོ་སྐྱ་དར་དཀར་གྱི༔ སྨད་གཡོགས་འོག་ནས་སྟག་ཤམ་མངོན༔ པུས་མོ་

[Full Size]

གཡོན་པ་བསླངས་པའི་སྟེང་༔ གཡས་ཀྱི་པུས་མོ་བཀལ་བའོ༔ པདྨ་ཟླ་གདན་གསལ་བར་བསྒོམ༔ ཐུགས་ཀར་ཟླ་སྟེང་ཧཱུྃ་ཡིག་མཐར༔ སྔགས་ཀྱི་གཡས་སུ་བསྐོར་བ་ལས༔ འོད་ཟེར་ཕྱོགས་བཅུར་འཕྲོས་པ་ཡིས༔ ཕྱོགས་བཅུའི་ཞིང་ནས་གསང་བའི་བདག་གྲངས་མེད་སྤྱན་དྲངས་བདག་མདུན་ཐིམ༔ བུམ་པ་བདུད་རྩིས་གང་བར་གྱུརཿ ཨོཾ་བཛྲ་པཱ་ཎི་ན་མ་ཧཱུྃ༔ ཞེས་པ་བརྒྱ་སྟོང་ཅི་འགྲུབ་བཟླ༔ ཨཧཱུྃ་སོགས། ལྕང་ལོ་ཅན་གྱི་གནས་མཆོག་དམ་པ་ནས༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་

[Full Size]

འཇོམས་མཛད་པའི༔ ཕྱག་རྡོར་ཨོཾ་ཙུག་བྱེད་ལ་ཕྱག་འཚལ་བསྟོད༔ དེ་ནས་སློབ་མ་འདུས་ནས་ཁྲུས་དང་མཎྜལ་བྱས་ལ༔ འོ་ན་ད་ལམ་ཁྱེད་རྣམས་ལ་ཕྱག་ན་རྡོ་རྗེའི་དབང་བསྐུར་བ་ཡིན་ཏེ༔ ལྷ་འདིའི་ངོ་བོ་ནི་དང་པོའི་སངས་རྒྱས་ཀུན་ཏུ་བཟང་པོ་ཉིད་ཡིན་པསཿ སངས་རྒྱས་ཀུན་བས་སྔར་སངས་རྒྱས༔ ཞེས་གསུངས༔ དེ་ལའང་སྐུའི་རྣམ་གྲངས་མི་འདྲ་བ་བརྒྱ་རྩ་བརྒྱད་ཡོད་པར་མཚན་བརྒྱ་རྩ་བརྒྱད་ཀྱི་བསྟོད་པའི་རྒྱུད་ཚིག་ལས་གསལ༔ དེ་ལའང་སྐུ་ཞི་བ་དང་ཁྲོ་བོ་དང་ཞི་མ་ཁྲོ་གསུམ་ལས་འདི་ཞི་མ་ཁྲོ་ཡིན༔ དེའང་གནམ་ཆོས་ཐུགས་ཀྱི་གཏེར་ཁ་ལས་ཕྱག་རྡོར་རིགས་བཅུ་གསུམ་ཙམ་བྱུང་བའི་ནང་ནས་འདི་ཞབས་ཨོཾ་ཙུག་ཏུ་བཞུགས་པས་ཕྱག་རྡོར་ཨོཾ་ཙུག་ཅེས་བྱ་སྟེ༔ སྔོན་ས་སྟེང་དུ་མ་གྲགས་པ་ཞིག་ཡིན༔ དེའང་ཕྱག་ན་རྡོ་རྗེ་དྲང་སྲོང་རྐོན་པ་སྐྱེས་ཞེས་བྱ་བར་སྤྲུལ་ནས་རི་བར་ཀྱི་ནུབ་ཕྱོགས་སུ་ལོ་འབུམ་ཕྲག་གཅིག་ལ་ཏིང་ངེ་འཛིན་ལ་བཞུགས་སོ༔ དེའི་ཚེ་སངས་རྒྱས་རྣམ་གཟིགས་འཇིག་རྟེན་དུ་བྱོན་ནས་སངས་རྒྱས་པར་ཉེ་བ་ན༔ དེ་ལ་བར་དུ་གཅོད་པའི་ཕྱིར་བདུད་ཀྱི་དམག་ཚོགས་ཆེན་པོ་འདུས་ཏེ་མཚོན་ཆའི་ཆར་ཕབ་བོ༔ དེའི་ཚེ་སངས་རྒྱས་

[Full Size]

ཀྱིས་ཆོས་གོས་བྱ་ཁྱུང་པོ་ག་པ་ལྟར་མཛད་ནས༔ ཀྱེ་དྲང་སྲོང་ཁྲོས་པའི་ཆ་བྱད་ཅན༔ བདུད་སྲིན་འདུལ་ཕྱིར་གཤེགས་སུ་གསོལ༔ ཞེས་གསུངས་མ་ཐག་ཏུ་རི་རབ་ནུབ་ཕྱོགས་ནས་དྲང་སྲོང་རྐོན་པ་སྐྱེས་དེ་ཕྱག་ན་རྡོ་རྗེ་རྩེ་དགུ་པ་འཛིན་སྐུ་ལ་བསྐལ་པའི་མེ་དཔུང་འབར་ཞིང་ནམ་མཁའ་ལ་བྱོན་ནས་བདུད་དང་སྲིན་པོའི་དམག་དེ་ཐམས་ཅད་བཟློག་པར་གྱུར་ཏེ༔ དེ་ལ་སངས་རྒྱས་དང་བྱང་ཆུབ་སེམས་དཔའ་གྲངས་མེད་པས་མཐུ་དཔུང་བསྐྱེད་ནས་སྲིད་པ་གསུམ་གྱི་བདག་པོར་བྱིན་གྱིས་བརླབས༔ དབང་རྟགས་སུ་རྡོ་རྗེ་གཏད་ནས་མཚན་ཕྱག་ན་རྡོ་རྗེར་བཏགས་སོ༔ དེའི་ཆེ་ཕྱག་ན་རྡོ་རྗེས་ཞུས་པ༔ ཀྱེ་བཅོམ་ལྡན་འདས༔ བདག་ནི་དུས་གསུམ་གྱི་སངས་རྒྱས་ཐམས་ཅད་ཀྱི་དཔང་པོར་གྱུར་པ་ལགས་ཏེ༔ སྔ་རབས་འདས་པའི་སངས་རྒྱས་བདུན་དང་༔ ད་ལྟར་བཞུགས་པའི་སངས་རྒྱས་གཅིག་དང་༔ སླད་ནས་འབྱོན་པའི་སངས་རྒྱས་དགུ་བརྒྱ་དང་དགུ་བཅུ་རྩ་གཅིག་དེ་རྣམས་མ་རྫོགས་ཀྱི་བར་དུ་བར་ཆད་ཐམས་ཅད་བསྲུང་བར་བདག་གིས་དམ་བཅའོ༔ བཅོམ་ལྡན་འདས་བདག་ནི་སྔ་རབས་འདས་པའི་སངས་རྒྱས་ཐམས་ཅད་ཀྱིས་ཀྱང་

[Full Size]

གསུངས་ལ༔ སླད་ཀྱིས་འབྱོན་པའི་སངས་རྒྱས་ཐམས་ཅད་ཀྱིས་ཀྱང་རྗེས་སུ་གསུང་ཞིང་ད་ལྟར་བཞུགས་པའི་སངས་རྒྱས་ཐམས་ཅད་ཀྱིས་ཀྱང་གསུང་བར་བགྱིའོ༔ བཅོམ་ལྡན་འདས་ཀྱིས་ཀྱང་བདག་བྱིན་གྱིས་བརླབ་ཏུ་གསོལ༔ བཅོམ་ལྡན་འདས་ཀྱིས་བཀའ་བསྩལ་པ༔ ཕྱག་ན་རྡོ་རྗེ་ཁྱོད་ནི་སྔ་རབས་འདས་པའི་སངས་རྒྱས་ཀྱིས་ཀྱང་ཁྲོ་བོ་དང་སེམས་དཔའ་གཉིས་སུ་བྱིན་གྱིས་བརླབས་ལ༔ སླད་ནས་འབྱོན་པའི་སངས་རྒྱས་རྣམས་ཀྱིས་ཀྱང་ཁྲོ་བོ་དང་སེམས་དཔའ་གཉིས་སུ་བྱིན་གྱིས་བརླབས་ཏེ༔ ད་ལྟ་བདག་གིས་ཀྱང་བྱིན་གྱིས་བརླབས་སོ༔ ཁྱོད་ནི་འཇིག་རྟེན་དབང་ཕྱུག་ཆེན་པོ་ལ་སོགས་ལྷ་ཆེན་པོ་ཐམས་ཅད་ཀྱི་བདག་པོ་གྱིས་ཤིག༔ སེམས་ཅན་ཐམས་ཅད་འཁོར་བ་དང་ངན་སོང་གི་རྒྱ་མཚོ་ལས་སྒྲོལ་ཅིག༔ ཅེས་གསུངས་སོ༔ ཕྱག་རྡོར་འདི་དྲང་སྲོང་གི་ཆ་ལུགས་སུ་འོང་བ་ནི་དེ་ལྟར་རོ༔ འདིའི་སྔགས་ནི་ཤིན་ཏུ་ངོ་མཚར་ཆེ་སྟེ༔ ཨོཾ་ནི་སྐུ་ལྔ་ཡེ་ཤེས་ལྔ༔ བཛྲ་པཱ་ཎི་ན་མ་ནི་ཕྱག་ན་རྡོ་རྗེ་ལ་ཕྱག་འཚལ་ལོ༔ ཧཱུྃ་ནི་སྡུག་བསྔལ་ཐམས་ཅད་འཇོམས་པའི་དོན་ཏེ༔ ཕྱག་རྡོར་རིག་པ་མཆོག་གི་རྒྱུད་ལས༔ བཅོམ་ལྡན་འདས་ཀྱིས་འབྱུང་པོའི་བདག་

[Full Size]

པོ་དབང་ལྡན་ལ་བཀའ་བསྩལ་པ༔ འབྱུང་པོའི་བདག་པོ༔ གང་གིས་དེ་བཞིན་གཤེགས་པ་འབུམ་ཕྲག་གངྒའི་ཀླུང་དགུ་བཅུ་རྩ་གཉིས་ཀྱི་བྱེ་མ་སྙེད་ལ་ཕྱག་བྱས་པ་བས༔ གང་གིས་རིག་པའི་རྒྱལ་པོ་མཆོག་ལག་ན་རྡོ་རྗེ་ལ་ཡིད་ཀྱིས་ཕྱག་བྱས་པས་དེ་ནི་དེ་བས་བསོད་ནམས་མང་དུ་སྐྱེད་དོ༔ ཞེས་གསུངས་པའི་ཕྱིར་སངས་རྒྱས་འབུམ་ཕྲག་གངྒཱའི་ཀླུང་དགུ་བཅུ་རྩ་གཉིས་ཀྱི་བྱེ་མ་སྙེད་ལ་ཕྱག་འཚལ་བས་ནི་ཕྱག་ན་རྡོ་རྗེ་ལ་སེམས་དད་པའི་སྒོ་ནས་སྔགས་འདི་ལན་གཅིག་བརྗོད་པས་བསོད་ནམས་ཆེ་བ་ཡིན་ནོ༔ འདི་ཡི་དམ་དུ་བྱས་ཏེ་རྒྱུན་དུ་བསྙེན་ན་ཕྱག་ན་རྡོ་རྗེས་དུས་རྟག་ཏུ་མགོན་སྐྱབས་བྱེད་པའི་ཕྱིར་བར་ཆད་ཐམས་ཅད་ཀྱིས་མི་ཚུགས༔ གདོན་ཐམས་ཅད་ཀྱིས་གནོད་པ་མི་འབྱུང་༔ ནད་ཐམས་ཅད་ཞི༔ བསོད་ནམས་དང་དབང་ཐང་རྒྱས༔ ཡིད་ལ་བསམ་པའི་དོན་ཐམས་ཅད་འགྲུབ་སྟེ༔ དེའི་གཞུང་ལས༔ འདི་བསྒྲུབས་ཕན་ཡོན་བསམ་མི་ཁྱབ༔ བར་ཆད་ཀུན་གྱིས་མི་ཚུགས་ཤིང་༔ ཞི་རྒྱས་དབང་དྲག་ལས་རྣམས་འགྲུབ༔ བགེགས་རྣམས་ཀུན་ཀྱང་མི་འབྱུང་ངོ༔ རྟག་ཏུ་འདི་ཡིས་མགོན་སྐྱབས་བྱེད༔ ཅེས་གསུངས་སོ༔ གདོན་

[Full Size]

ཤས་ཆེ་བའི་གཅོང་ནད་ཅན་གྱིས་འདིའི་བསྙེན་པ་བྱས་ན་ཕན་པའང་མྱོང་བས་འགྲུབ༔ དེས་ན་སློབ་དཔོན་དབང་རྫས་རྣམས་ཕྱག་ན་རྡོ་རྗེ་དངོས་ཡིན་སྙམ་པ་གྱིས་ལཿ དེ་ནས་གསོལ་བ་འདེབས་པ་ནི་འདིའི་རྗེས་ཟློས་མཛོད༔ བླ་མ་དཀོན་མཆོག་གསུམ་པོ་དང་༔ ཡི་དམ་ལྷ་ཚོགས་མ་ལུས་དང་༔ ཁྱད་པར་ཨོཾ་ཙུག་བྱེད་པ་ལ༔ གསོལ་བ་འདེབས་སོ་དབང་བསྐུར་སྩོལ༔ ལན་གསུམ། དེ་ནས་སྐྱབས་འགྲོ་སེམས་བསྐྱེད་འདིའི་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱི་ནས༔ སེམས་ཅན་ཐམས་ཅད་བདག་གི་མགྲོན་དུ་གཉེརཿ བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི༔ འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔ གསུམ། དེ་ནས་སློབ་མ་ལྷར་བསྐྱེད་པའི་དོན་དུ༔ སློབ་མ་ཕྱག་རྡོར་ཨོཾ་ཙུག་བྱེདཿ དྲང་

[Full Size]

སྲོང་ཆ་ལུགས་རལ་ཐོད་བཅིངས༔ ཨག་ཚོམ་དབུ་སྐྲ་དུང་ལྟར་དཀར༔ ཞབས་གཉིས་ཨོཾ་ཙུག་མཛད་ནས་ནི༔ གཡས་པས་རྡོ་རྗེ་ནམ་མཁར་གདེངས༔ བར་ཆད་ཐམས་ཅད་ཞི་བར་མཛད༔ གཡོན་པས་དྲིལ་བུ་ཐུགས་ཀར་དཀྲོལ༔ ཚེ་བསོད་དཔལ་འབྱོར་རྒྱས་པར་བྱེད༔ སྐུ་མདོག་སྔོ་སྐྱ་དར་དཀར་གྱི༔ སྨད་གཡོགས་འོག་ནས་སྟག་ཤམ་མངོན༔ པུས་མོ་གཡོན་པ་བསླངས་པའི་སྟེང་༔ གཡས་ཀྱི་པུས་མོ་བཀལ་བའོ༔ པདྨ་ཟླ་སྟེང་གསལ་བར་བསྒོམ༔ ཐུགས་ཀར་ཟླ་སྟེང་ཧཱུྃ་ཡིག་མཐར༔ སྔགས་ཀྱི་གཡས་སུ་བསྐོར་བ་ལས༔ འོད་ཟེར་ཕྱོགས་བཅུར་འཕྲོས་པ་ཡིས༔ ཕྱོགས་བཅུའི་ཞིང་ནས་གསང་བའི་བདག༔ གྲོངས་མེད་སྤྱན་དྲངས་སློབ་མར་ཐིམ༔ ཧཱུྃ༔ ཕྱག་རྡོར་ཨོཾ་ཙུག་བྱེད་ཀྱི་ལྷ་ཚོགས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ ཨོཾ་བཛྲ་པཱ་ཎི་ན་མ་ཧཱུྃ༔ ཨོཾ་བཛྲ་ཨ་ཝེ་ཤ་ཡ་ཨ་ཨཱཿ ཞེས་མང་དུ་བརྗོད་ཅིང་སྤོས་དང་རོལ་མོ་བྱ༔ དེ་ནས་རྡོ་རྗེ་མགོར་བཞག་ལ༔ ཏིཥྛ་བཛྲ༔ དེས་དབང་གི་གཞི་བཀོད་པ་

[Full Size]

སོང་ནས་དངོས་གཞིའི་དོན་དུ་འདིའི་རྗེས་ཟློས་མཛོད༔ བླ་མ་དཀོན་མཆོག་གསུམ་པོ་དང་༔ ཡི་དམ་ལྷ་ཚོགས་མ་ལུས་དང་༔ ཁྱད་པར་ཨོཾ་ཙུག་བྱེད་པ་ལ༔ གསོལ་བ་འདེབས་སོ་སྐུ་གསུང་ཐུགས༔ ཡོན་ཏན་ཕྲིན་ལས་དབང་བསྐུར་སྩོལ༔ བུམ་པའི་དབང་ནི་བུམ་པ་ཐོགས་ལ༔ ད་བུམ་པ་འདི་ཉིད་ཕྱི་རིན་པོ་ཆེའི་བུམ་པ་ལྟོ་བ་ཡངས་པ༔ མགྲིན་པ་རིང་བ༔ མཆུ་འཕྱང་བ༔ ལྷ་རྫས་ཀྱི་དར་སྔོན་པོས་མགུལ་པ་དཀྲིས་པ༔ ནང་རིན་པོ་ཆེའི་གཞལ་ཡས་ཁང་གི་དབུས་སུ་ཕྱག་ན་རྡོ་རྗེ་བཞུགས་པའི་སྐུ་ལས་བདུད་རྩིའི་རྒྱུན་བབ༔ སྤྱི་བོ་ཚངས་པའི་བུ་ག་ནས་ཞུགས༔ ལུས་ཀྱི་གནས་བཞི་གང་༔ སྒྲིབ་པ་བཞི་དག༔ སྐུ་བཞི་མངོན་དུ་བྱེད་པའི་སྐལ་བ་དང་ལྡན་པར་སྒོམས་ཤིག༔ ཧཱུྃ༔ བུམ་པ་འདི་ནི་གཞལ་ཡས་ཁང་༔ འདི་ནང་ཨོཾ་ཙུག་བྱེད་པ་བཞུགས༔ ཁྱོད་ཀྱི་མགོ་ལ་བཞག་པ་ཡིས༔ ཨོཾ་ཙུག་བྱེད་པའི་དབང་རྫོགས་ཤོག༔ ཨོཾ་བཛྲ་པཱ་ཎི་ན་མ་ཧཱུྃ༔ ཧཱུྃ་བྷ་ཨ་བྷི་ཥིཉྩ་མཱི༔ ལྕང་ལོ་ཅན་གྱི་གནས་མཆོག་དམ་པ་ནས༔ གསང་སྔགས་རིག་སྔགས་ཀུན་གྱི་བདག་པོ་སྟེ་ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ ཕྱག་

[Full Size]

རྡོར་ཨོཾ་ཙུག་སྐུ་ཡི་བཀྲ་ཤིས་ཤོག༔ དེས་སྐུའི་དབང་ཐོབ༔ ལུས་ཀྱི་ནད་གདོན་ཞི༔ འདིའི་སྐུ་བསྒོམ་པར་དབང་༔ མཚན་དཔེ་ལྡན་པའི་སྐུ་ཐོབ་པའི་སྐལ་བ་དང་ལྡན་ནོ༔ དེ་ནས་དུང་དཀར་ཐོགས་ལཿ མདུན་བསྐྱེད་ཀྱི་མགྲིན་པ་ནས་འོད་ཟེར་ཕྱོགས་བཅུར་འཕྲོས་པས༔ སངས་རྒྱས་ཐམས་ཅད་ཀྱི་གསུང་དབྱངས་ཡན་ལག་དྲུག་ཅུ་ཆོས་སྒོ་བརྒྱད་ཁྲི་བཞི་སྟོང་ཐམས་ཅད་ཀྱི་ངོ་བོ་ཡིན་པ་ལཿ རྣམ་པ་དུང་དཀར་པོ་གཡས་སུ་འཁྱིལ་པ༔ ནང་གི་རྩ་རྗེས་ལ་བཀྲ་ཤིས་པའི་རྟགས་བརྒྱད་དོད་ཅིང་ཆོས་ཀྱི་སྒྲ་རང་གྲག་ཏུ་སྒྲོག་པ་མང་པོ་བྱོན་ནས་ཁྱེད་རང་རྣམས་ཀྱི་མགྲིན་པར་ཐིམ་པར་སྒོམས་ཤིག༔ ཧཱུྃ༔ དུང་དཀར་འདི་ནི་ཨོཾ་ཙུག་བྱེད༔ གསུང་གི་རྟགས་རྣམས་ཡོངས་སུ་རྫོགས༔ ཁྱོད་ཀྱི་ན་པར་བཞག་པ་ཡིས༔ གསུང་གི་དབང་རྣམས་ཡོངས་རྫོགས་ཤོག༔ ཨོཾ་བཛྲ་པཱ་ཎི་ན་མ་ཧཱུྃ༔ ཤཾ་ཁ་ཨ་བྷི་ཥིཉྩ་མཱི༔ ལྕང་ལོ་ཅན་གྱི་གནས་མཆོག་དམ་པ་ནས༔ གསང་སྔགས་རིག་སྔགས་ཀུན་གྱི་བདག་པོ་སྟེ་ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ ཕྱག་རྡོར་ཨོཾ་ཙུག་གསུང་གི་བཀྲ་ཤིས་ཤོག༔ དེས་ངག་སྒྲིབ་དག༔

[Full Size]

གསུང་དབང་ཐོབ༔ འདིའི་སྔགས་བཟླ་བར་དབང་༔ གསུང་དབྱངས་ཡན་ལག་དྲུག་ཅུ་དང་ལྡན་ནོ༔ དེ་ནས་རྡོ་རྗེ་ཐོགས་ལཿ མདུན་བསྐྱེད་ཀྱི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བཻཌཱུརྱའི་རྡོ་རྗེ་རྩེ་ལྔ་པ་དཔག་ཏུ་མེད་པ་བྱོན་ནས་ཁྱེད་རང་རྣམས་ཀྱི་སྙིང་གར་ཐིམ་པར་སྒོམས་ཤིག༔ ཧཱུྃ༔ རྡོ་རྗེ་འདི་ནི་ཨོཾ་ཙུག་བྱེད༔ ཐུགས་ཀྱི་རྟགས་རྣམས་རྫོགས་པ་ཡིན༔ ཁྱོད་ཀྱི་སྙིང་གར་བཞག་པ་ཡིསཿ ཐུགས་ཀྱི་དབང་རྣམས་ཡོངས་རྫོགས་ཤོག༔ ཨོཾ་བཛྲ་པཱ་ཎི་ན་མ་ཧཱུྃ༔ བཛྲ་ཨ་བྷི་ཥིཉྩ་མཱི༔ ལྕང་ལོ་ཅན་གྱི་གནས་མཆོག་དམ་པ་ནས༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ ཕྱག་རྡོར་ཨོཾ་ཚུག་ཐུགས་ཀྱི་བཀྲ་ཤིས་ཤོག༔ དེས་ཐུགས་ཀྱི་དབང་ཐོབ༔ སེམས་ཀྱི་སྒྲིབ་པ་དག༔ ཏིང་ངེ་འཛིན་སྒོམ་པར་དབང་༔ ཏིང་ངེ་འཛིན་བརྒྱ་ཕྲག་དུ་མ་རྒྱུད་ལ་སྐྱེ་བའི་སྐལ་བ་དང་ལྡན་ནོ༔ དེ་ནས་སྐུ་གཟུགས་ཐོགས་ལ༔ སྐུ་གཟུགས་འདི་ཕྱག་རྡོར་དངོས་སུ་གསལ་བའི་སྐུ་ལས་འོད་ཟེར་ཕྱོགས་བཅུར་འཕྲོས་པས་སྟེང་ཕྱོགས་འོག་

[Full Size]

མིན་ལྕང་ལོ་ཅན་དང་རི་རབ་བྱང་ཕྱོགས་ལྕང་ལོ་ཅན་བྱེ་བ་ཕྲག་བརྒྱ་ནས་ཕྱག་ན་རྡོ་རྗེའི་སྐུ་ཆེ་བ་རི་རབ་ཙམ༔ ཆུང་བ་ཡུངས་དཀར་གྱི་འབྲུ་ཙམ་དཔག་ཏུ་མེད་པ་བྱོན་ནས་ཁྱེད་རང་རྣམས་ལ་ཐིམ་པར་སྒོམས་ཤིག༔ ཧཱུྃ༔ འདི་ནི་ཨོཾ་ཙུག་བྱེད་པ་སྟེ༔ ཡོན་ཏན་རྟགས་རྣམས་རྫོགས་པ་ཡིན༔ འདི་ཉིད་ཁྱོད་ཀྱི་མགོར་བཞག་པས༔ ཡོན་ཏན་དབང་རྣམས་ཐོབ་པར་ཤོག༔ ཨོཾ་བཛྲ་པཱ་ཎི་ན་མ་ཧཱུྃ༔ ཀཱ་ཡ་ཨ་བྷི་ཥིཉྩ་མཾ༔ ལྕང་ལོ་ཅན་གྱི་གནས་མཆོག་དམ་པ་ནས༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ ཕྱག་རྡོར་ཨོཾ་ཙུག་ཡོན་ཏན་བཀྲ་ཤིས་ཤོག༔ དེས་ཡོན་ཏན་གྱི་དབང་ཐོབ༔ བསགས་པ་ཆ་སྙོམས་ཀྱི་སྒྲིབ་པ་དག༔ བསོད་ནམས་དང་ཡེ་ཤེས་རྒྱས༔ ཡོན་ཏན་ལྷུན་གྱིས་གྲུབ་པའི་སྐལ་བ་དང་ལྡན་ནོ༔ དེ་ནས་གཏོར་མ་ཐོགས་ལ༔ ད་གཏོར་མ་འདི་ཉིད་ཕྱག་རྡོར་དངོས་སུ་གསལ་བའི་སྐུ་ལས་འོད་ཟེར་ཁ་དོག་དཀར་སེར་དམར་ལྗང་གི་ཚོགས་འཕྲོས༔ ཁྱེད་རང་ལ་ཐིམ་པས་ཕྲིན་ལས་རྣམ་བཞི་ཐོགས་མེད་དུ་འགྲུབ་པར་སྒོམས་ཤིག༔ ཧཱུྃ་གཏོར་མ་འདི་ནི་ཨ་

[Full Size]

ཙུག་བྱེད༔ ཁྱོད་ཀྱི་ལག་ཏུ་གཏད་པ་ཡིསཿ ཕྲིན་ལས་དབང་རྣམས་ཡོངས་རྫོགས་ཤོག༔ ཨོཾ་བཛྲ་པཱ་ཎི་ན་མ་ཧཱུྃ༔ ཤིནྟ་པུདྡྷཾཝ་ཤཾ་མཱ་ར་ཡ་བ་ལི་ཏ་ཨ་བྷི་ཥིཉྩ་མཱི༔ ལྕང་ལོ་ཅན་གྱི་གནས་མཆོག་དམ་པ་ནས༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ ཕྱག་རྡོར་ཨོཾ་ཙུག་ཕྲིན་ལས་བཀྲ་ཤིས་ཤོག༔ ད་གཏོར་མ་འདི་ཉིད་བཅོམ་ལྡན་འདས་གསང་བདག་ཕྱག་ན་རྡོ་རྗེ་སྐུ་དྲང་སྲོང་གི་ཆ་ལུགས་ཅན་དེ་ཁྱེད་རང་གི་སྤྱི་བོར་བྱོན་པ་ཙམ་གྱིས་སྐུ་ལས་འོད་ཟེར་ཕྱོགས་བཅུར་འཕྲོས་ཏེ་སྟེང་ཕྱོགས་འོག་མིན་ལྕང་ལོ་ཅན་དང་རི་རབ་བྱང་ཕྱོགས་ལྕང་ལོ་ཅན་བྱེ་བ་ཕྲག་བརྒྱ་ནས་གསང་བདག་ཕྱག་ན་རྡོ་རྗེའི་སྐུ་ཆེ་ཕྲ་སྣ་ཚོགས༔ གསུང་སྔགས་ཀྱི་ཕྲེང་བ༔ ཐུགས་རྡོ་རྗེ་རྩེ་ལྔ་པ་དཔག་ཏུ་མེད་པ་བྱོན་ནས་ཐུགས་ཀར་ཐིམ༔ དེ་འོད་དུ་ཞུ་ནས་ཁྱེད་རང་རྣམས་ལ་ཐིམ་པས་དབྱེར་མེད་དུ་གྱུར་པར་སྒོམས་ཤིག༔ ཆོས་སྐུ་ཀུན་ཏུ་བཟང་པོ༔ དྲུག་པ་རྡོ་རྗེ་འཆང་ཆེན༔ གུ་རུ་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ཤུད་པུ་དཔལ་གྱི་སེང་གེ༔ མི་འགྱུར་རྡོ་རྗེ་བདུད་འདུལ་རོལ་པ་རྩལ་ལ་

[Full Size]

སོགས་པ་བརྒྱུད་པའི་བླ་མ་རྣམས་དང་༔ དེ་བཞིན་གཤེགས་པ་གངྒའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ཀྱི་མཐུ་སྟོབས་ཀྱི་བདག་པོར་བཅོམ་ལྡན་འདས་གསང་བའི་བདག་པོ་ཕྱག་ན་རྡོ་རྗེ་དྲང་སྲོང་གི་ཆ་ལུགས་སུ་བཞུགས་པ་ཨོཾ་ཙུག་བྱེད་འཁོར་བདེན་ཚིག་གྲུབ་པའི་དྲང་སྲོང་བྱེ་བ་འབུམ་དང་བཅས་པས་རྡོ་རྗེའི་སློབ་མ་འདི་རྣམས་ལ་བྱིན་གྱིས་བརླབ་པར་མཛད་དུ་གསོལ༔ སྟེང་གདོན་གཟ༢༔ འོག་གདོན་བར་གདོན་ལྷ་སྲིན་སྡེ་བརྒྱད་ཀྱི་གནོད་པས་མི་ཚུགས་པར་སྲུངས་ཤིག༔ གཟའ་ཀླུ་ས་བདག་གི་ནད་ཐམས་ཅད་ཞི་བར་མཛོད་ཅིག༔ བསོད་ནམས་དང་ཉམས་རྟོགས་འཕེལ་ཞིང་རྒྱས་པར་མཛོད་ཅིག༔ འཁོར་བ་དང་ངན་སོང་གི་འཇིགས་པ་ཐམས་ཅད་ལས་བསྐྱབ་པར་མཛད་དུ་གསོལ༔ ཨོཾ་བཛྲ་པཱ་ཎི་ན་མ་ཧཱུྃ༔ མ་ཧཱ་བ་ལིཾ་ཏ་ཀཱ་ཡ་ཝཱཀ་ཙིཏྟ་ཨ་དྷིཥྛན་ས་མ་ཡེ་ཛཿཧཱུྃ་བཾ་ཧོ༔ དེས་དབང་ལེགས་པར་ཐོབ་པ་ཡིན་པས་འདི་ཡི་དམ་དུ་བཟུང་བར་མཛོད༔ དེ་ནས་རྗེས་ཟློས་མཛོད༔ གཙོ་བོས་ཇི་ལྟར་སོགས། ས་མ་ཡ༔ རྒྱ་རྒྱ་རྒྱ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ་མེ་སྤྲེའུ་ཁྲུམས་ཟླ་བའི་ཉེར་གསུམ་ནུབ་ཨུ་རྒྱན་རིན་པོ་

[Full Size]

ཆེ་སྤྲུལ་སྐུའི་ཆ་ལུགས་ཅན་ཞིག་གིས་འདིའི་སྒྲུབ་ཐབས་ལས་ཚོགས་དང་བཅས་པ་དངོས་སུ་གསུངས༔ དེའི་ཕྱིར་ནུབ་ཕྱག་རྡོར་ཁྲོ་བོའི་ཆ་ལུགས་ཅན་ཞིག་གིས་འདིའི་དབང་ཆོག་དངོས་སུ་གསུངས་པ་ཡིན་ནོ༔ དེ་ལྟར་བརྒྱུད་པ་ཉེ་ཞིང་བྱིན་རླབས་ཀྱི་སོ་མ་ཉམས་པའི་དབང་ཐོབ་པའི་གཏང་རག་ཏུ་མཎྜལ་འབུལ༔ ས་གཞི་སྤོས་ཆུས་སོགས། འདི་སྒྲུབ་ཐབས་ལས་ཚོགས་དང་བཅས་པ་དབང་རྣམས་སོ་སོར་ཡོད་པ་གསར་བུ་རྣམས་ལ་ཕན་པའི་ཕྱིར་ལོ་རྒྱུས་སོགས་ཀྱིས་བརྒྱན་ཏེ་གཏེར་བློན་རཱ་ག་ཨ་སྱས་བསྒྲིགས་པ་ལ་ཉེས་འགལ་མཆིས་ན་ལྷ་ལ་བཤགས་ཤིང་༔ ཆོས་ལྡན་གྱི་སྐྱེ་འགྲོ་དཔག་ཏུ་མེད་པའི་བར་ཆད་སེལ་བར་གྱུར་ཅིག༔ འདི་ཁྲོམ་དབང་དུ་བྱེད་ན་དབང་རྫས་དུང་ཆོས་བུམ་པའི་ཁར་བཞག༔ རྡོ་རྗེ་ནི་གཟུངས་ཐག་རྡོ་རྗེས་ཆོག་སྟེ༔ དེ་གསུམ་ལན་གཅིག་འགྲིམ༔ སྐུ་གཟུགས་གཏོར་མ་ལ་བཙུགས་ཏེ་ལན་གཉིས་འགྲིམས་པས་འཐུས༔ དབང་འགྲིམ་ཚེ་སྔགས་དེ་ཁྲོམ་ལ་འུར་འདོན་བཅུག་ན་རང་གཞན་ཀུན་གྱིས་སྲུང་བའི་མཆོག༔ ཅེས་པ་ཡི་གེ་པ་ནི་གླིང་གི་དགེ་སློང་སྦྱིན་པ་པདྨ་དད་པས་བྲིས༔ དམིགས་པ་བསྒོམ་ཞིང་སྔགས་བཟླ་བར་རང་གིས་ཆོག་ལ༔ ཡི་དམ་བྱེད་ན་དབང་སྒྲུབ་ཀྱི་ཚིགས་བཅད་དེ་ཚིག་ཅུང་ཟད་བསྒྱུར་ཤེས་པར་བྱའོ༔ ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོའི་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་ལས་དཔལ་རྒྱུད་ཀྱི་བདག་པོ་རིགས་བཞིའི་སྒྲུབ་པའི་ཟིན་བྲིས།

[Full Size]

གནམ་ཆོས་ཐུགས་ཀྱི་གཏེར་ཁ་ལས་དཔལ་རྒྱུད་ཀྱི་བདག་པོ་རིགས་བཞིའི་སྒྲུབ་པའི་ཟིན་བྲིས་ཡོད་དོ༔

[Full Size]

བླ་མ་སྐུ་གསུམ་ལ་ཕྱག་འཚལ། །རྒྱུད་བདག་རིགས་བཞིའི་དྲིལ་སྒྲུབ་ནི། །རྡུལ་ཚོན་པདྨ་འདབ་བརྒྱད་དམ། །ཡང་ན་འབྲུ་ཡི་འདབ་བརྒྱད་དེ། །ལྕགས་སམ་སེང་ལྡེང་ལ་སོགས་པ། །དྲག་པོའི་ཤིང་གི་ཕུར་པ་ནི། །དར་ནག་ཅོད་པན་བཏགས་པ་བཤམ། །གཡས་སུ་བུམ་པ་རྫ་ས་ལྡན་ནི། །དར་དཀར་མགུལ་ཆིངས་བྱས་པ་བཤམ། །གཡོན་དུ་གཏོར་མ་ཟུར་བཞི་ནི། །པད་ཀོར་ནོར་བུས་བརྒྱན་པ་བཤམ། །དེ་ཡི་ཕྱི་རིམ་དཀྱིལ་འཁོར་མཐར། །ཤར་དུ་ཞི་བའི་གཏོར་མ་ནི། །ཟླུམ་པོ་འཁོར་གཉིས་མེ་ཏོག་བརྒྱན། །ལྷོ་རུ་རྒྱས་པའི་གཏོར་མ་ནི། །ཟུར་བཞི་འཁོར་བཞི་ནོར་བུས་བརྒྱན། །ནུབ་ཏུ་དབང་གི་གཏོར་མ་ནི། །ཟུར་གཉིས་འཁོར་བདུན་སྨུག་རྩི་དང་། །ལྕགས་ཀྱུ་མེ་ཏོག་དམར་པོས་བརྒྱན། །བྱང་དུ་དྲག་

[Full Size]

པོའི་གཏོར་མ་ནི། །ཟུར་གསུམ་འཁོར་བརྒྱད་མེ་རིས་བརྒྱན། །རྒྱས་པར་ཕྱོགས་བཞིར་མཆོད་པ་ནི། །སྣ་བདུན་ཆ་བཞི་བཤམ་པར་བྱ། །མ་འཛོམ་མདུན་དེར་གཅིག་གིས་ཆོག༔ སྣ་ཆད་མདོ་བརྟན་སྐྱོང་དཀར་གཏོར་དང་། །ཚོགས་དང་མཐེབ་སྐྱུ་མང་བར་བསགས། །དཀྱིལ་འཁོར་གཡས་གཡོན་སྨན་རཀ་བཤམ། །གནམ་ཆོས་གཞུང་ལྟར་སྐྱོབས་སེམས་དང་། །ལས་བྱང་གནམ་ཆོས་གཞུང་ལྟར་ཏེ། །སྔོན་འགྲོ་སྔ་དྲོ་རེ་རེས་ཆོག༔ བདག་བསྐྱེད་རང་ཉིད་རྒྱུད་བདག་ནི། ཞི་མ་ཁྲོ་བ་སྐུ་མདོག་དམར། །ཞལ་གསུམ་གཡས་ཞལ་དཀར་པོ་སྟེ། །གཡོན་ཞལ་དེ་ནི་སྔོན་པོའོ། །ཕྱག་དྲུག་ཕྱག་མཚན་འདི་ལྟར་རོ། །པདྨ་དཀར་པོའི་གདན་སྟེང་དུ། །མེ་

[Full Size]

ལྷ་ཆུ་ལྷ་གཟའ་ཉི་མ། །ཟླ་བ་དང་ནི་གཤིན་རྗེ་དང་། །གནོད་སྦྱིན་རྒྱལ་པོ་འཛིན་པའོ། །ཕྱེད་སྐྱིལ་པད་ཟླའི་གདན་ལ་བཞུགས། །དར་དམར་རིན་ཆེན་རྒྱན་གྱིས་བརྒྱན། །དཀྱིལ་འཁོར་དབུས་སུ་རྒྱུད་ཀྱི་བདག །ཞལ་བཞི་གཡས་ཞལ་དཀར་པོ་སྟེ། །གཡོན་ཞལ་དམར་པོ་སྟེང་ཞལ་དུད། །ཕྱག་བརྒྱད་ཕྱག་མཚན་འདི་ལྟར་རོ། །བྷནྡྷ་ཡི་ནི་ནང་དུ་ནི། །མེ་ལྷ་ཆུ་ལྷ་གཟའ་ཉི་མ། །ཟླ་བ་དང་ནི་གཤིན་རྗེ་དང་། །གནོད་སྦྱིན་རྒྱལ་པོ་ཀུ་བེ་ར། །ནང་བཞག་དེ་ནི་འཛིན་པའོ། །དར་ནག་གོས་དང་དུར་ཁྲོད་ཆས་ཀྱིས་བརྒྱན། །སྐུ་མདོག་མཐིང་ནག་འབར་བ་ལ། །ཞབས་བཞི་པད་ཉིའི་སྟེང་དུ་བགྲད། །བསྐལ་པའི་མེ་དཔུང་ཀློང་ན་བཞུགས། །བུམ་པར་བུམ་ལྷ་རྒྱུད་ཀྱི་བདག །སྐུ་མདོག་དཀར་པོ་ཤིན་ཏུ་ཞི། །ཞལ་གཅིག་ཕྱག་གཉིས་པདྨ་ནི། །དཀར་པོའི་སྟེང་དུ་མེ་ལྷ་དང་། །ཆུ་ལྷ་ཞགས་པ་འཛིན་པའོ། །སྐུ་ལ་དར་དཀར་རིན་ཆེན་བརྒྱན། །ཞབས་གཉིས་རྡོ་རྗེའི་སྐྱིལ་ཀྲུང་གིས། །པདྨ་ཟླ་བའི་གདན་ལ་བཞུགས། །གཏོར་མ་མཆོད་པའི་སྤྲིན་དཔུང་དབུས། །གཏོར་མའི་ངོ་བོ་རྒྱུད་ཀྱི་བདག །སྐུ་མདོག་སེར་པོ་ཞི་མ་

[Full Size]

ཁྲོ། །ཞལ་གཉིས་སྟེང་ཞལ་དཀར་པོ་སྟེ། །ཕྱག་བཞི་ཕྱག་མཚན་འདི་ལྟར་རོ། །རིན་པོ་ཆེ་ཡི་གཞོང་པའི་ནང་། །མེ་ལྷ་ཆུ་ལྷ་གཟའ་ཉི་མ། །ཟླ་བ་རྣམས་ནི་ནང་བཞག་འཛིན། །དར་སེར་རིན་ཆེན་རྒྱན་གྱིས་བརྒྱན། །ཕྱེད་སྐྱིལ་པད་ཟླའི་གདན་ལ་བཞུགས། །བདག་དང་བུམ་བསྐྱེད་གཏོར་ལྷ་ཡི། །ཐུགས་ཀར་ཟླ་བའི་དཀྱིལ་འཁོར་དང་། །མདུན་བསྐྱེད་ཐུགས་ཀར་ཟླ་བའི་སྟེང་། །རང་མདོག་ཧཱུྃ་ལ་སྔགས་གཡས་འཁོར། །འོད་འཕྲོས་རང་འདྲ་སྤྱན་དྲངས་གྱུར། །དེ་ནས་སྤྱན་འདྲེན་ནས་བཟུང་སྟེ། །བསྟོད་པ་ཡན་ཆད་ལས་བྱང་འདོན། །དེ་ནས་སྔ་དྲོའི་ཐུན་ལ་ནི། །རང་གི་ཐུགས་ལས་འོད་ཟེར་ནི། །དཀར་པོ་འཕྲོས་པས་བུམ་ལྷར་ཕོག །ཐུགས་ཀའི་སྔགས་ཕྲེང་གཡས་སུ་འཁོར། །དེ་ལས་འོད་ཟེར་དཀར་པོ་ནི། །མུན་པར་ཟླ་བ་ཤར་བ་བཞིན། །སེམས་ཅན་ཀུན་གྱི་སྡིག་སྒྲིབ་བསལ། །ཕྱོགས་བཅུའི་རྒྱལ་བ་སྲས་བཅས་དང་། །ཞི་བའི་ལྷ་ཀུན་མཆོད་པས་མཉེས། །དེ་ཀུན་ཐུགས་རྗེ་བྱིན་རླབས་ནི། །འོད་ཟེར་དཀར་པོའི་རྣམ་པར་བསྡུས། །བདག་དང་བསྲུང་བྱ་བུམ་ལྷར་ཐིམ། །བུམ་ལྷའི་སྐུ་ལས་བདུད་རྩིའི་རྒྱུན། །བབས་

[Full Size]

པས་བུམ་པ་བདུད་རྩིས་གང་། །བདུད་རྩི་སུ་ཡི་ཁར་སོང་བ། །ནད་གདོན་སྡིག་སྒྲིབ་ཀུན་སེལ་བའི། །ཤི་སོས་བདུད་རྩི་དམ་པར་གྱུར། །ཨོཾ་ཨཱཏནུ་པ་ཏི་ཤྲིནྟཾ་ཀུ་རུ་ཧཱུྃ་སྭཱ་ཧཱ། རབ་ནི་ཁྲི་ཚོ་འབྲིང་ལྔ་སྟོང་། །སུམ་སྟོང་ལས་ནི་མི་ཉུང་བཟླས། །ལྷ་སྤྱིའི་མཆོད་བསྟོད་གཞུང་ལྟར་ལས། །རྒྱུད་བདག་ཅེས་པ་མིང་བསྒྱུར་བྱ། །ཤར་གྱི་གཏོར་མ་འོ་མས་བྲན། །བྷཾ་ལས་དངུལ་གྱི་སྣོད་ཡངས་པར། །གཏོར་མ་དཀར་གསུམ་མངར་གསུམ་ནི། །ཟག་མེད་བདེ་བ་བསྐྱེད་ནུས་པ། །ཨོཾ་ཨཱཿཧཱུྃ་གིས་ཡེ་ཤེས་ཀྱི། །བདུད་རྩི་ཆེན་པོར་བྱིན་གྱིས་བརླབས། །ཧཱུྃ། དཔལ་ལྡན་ཞི་བའི་རྒྱུད་བདག་ནི། །སྐུ་མདོག་དཀར་པོ་ཤིན་ཏུ་ཞི། །ཞལ་གཅིག་ཕྱག་གཉིས་པདྨ་ནི། །དཀར་པོའི་སྟེང་དུ་མེ་ལྷ་དང་། །ཆུ་ལྷ་ཞགས་པ་འཛིན་པའོ། །སྐུ་ལ་དར་དཀར་རིན་ཆེན་བརྒྱན། །ཞབས་གཉིས་རྡོ་རྗེའི་སྐྱིལ་ཀྲུང་གིས། །པདྨ་ཟླ་བའི་གདན་ལ་བཞུགས། །དམ་རྫས་གཏོར་མ་འདི་བཞེས་ལ། །བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ཉོན་མོངས་ཞི་བར་མཛོད། །བྱང་ཆུབ་བསྒྲུབ་པའི་བར་ཆད་སོལ། །རྒྱུད་བདག་ཞི་བའི་བཀའ་ཉན་པ། །ལས་བྱེད་ཝན་སྐུ་མདོག་ནི། །དམར་སེར་དྲེད་

[Full Size]

མོང་ལ་ཞོན་པ། །ལག་གཉིས་བསྐལ་པའི་མེ་དཔུང་འཛིན། །དྲང་སྲོང་ཆ་ལུགས་ཐོར་ཚུགས་ཅན། །བཀའ་ཉན་ལས་བྱེད་ཝརྒ་ཡིས། །འདིར་གཤེགས་དམ་རྫས་གཏོར་མ་བཞེས། །བདག་ཅག་དཔོན་སློབ་འཁོར་བཅས་དང་། །བསྲུང་བྱ་ཡོན་བདག་ཐམས་ཅད་ཀྱི། །གྲང་བའི་ནད་ཀུན་ཞི་བ་དང་། །མེ་ཡི་འཇིགས་པ་མེད་པར་མཛོད་། །རྒྱུད་བདག་བཀའ་ཉན་ནརྒ་ནི། །ཞལ་གཅིག་ཕྱག་གཉིས་སྐུ་མདོག་སྔོ། །ལག་ན་ཆུ་སྲིན་སྦྲུལ་ཞགས་འཛིན། །ཆིབས་སུ་དུག་སྦྲུལ་ནག་པོ་བཅིབས། །ནན་ཞེས་བྱ་ཆུ་ཡི་ལྷ། །འདིར་གཤེགས་དམ་རྫས་གཏོར་མ་བཞེས། །བདག་ཅག་དཔོན་སློབ་འཁོར་བཅས་དང་། །བསྲུང་བྱར་གྱུར་པ་ཐམས་ཅད་ཀྱི། །ཚད་པའི་ནད་ཀུན་ཞི་བ། ཆུ་ཡི་འཇིགས་པ་མེད་པར་མཛོད། །ཨོཾ་ཨཱཏན་པ་ཏི་ཤིནཾ་ཀུ་རུ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཨག་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཛ་ལ་པ་ཏི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། དེ་ནས་ཐུན་གྱི་མཚམས་འདི་རུ། །ངག་ནི་གཏོང་དགོས་བྱུང་ན་བཏང་། །ཆག་མི་རུང་བའི་དགེ་སྦྱོར་ཀུན། །ཐུན་མཚམས་རྣམས་སུ་བྱ་བ་ཡིན། །ངག་ནི་ཁོར་ཡུག་བཅད་ན་ཆོག །

[Full Size]

དེ་ནས་ཉི་མའི་གུང་སླེབས་ཛ། །སྔོན་ལྟར་ལས་བྱུང་ཚར་གཅིག་གཏོང་། །རང་གི་ཐུགས་ཀའི་འོད་ཟེར་ལས། །འོད་ཟེར་གཏོར་བསྐྱེད་ལྷ་ལ་ཕོག །ཐུགས་ཀའི་སྔགས་ཕྲེང་གཡས་སུ་འཁོར། །དེ་ལས་འོད་ཟེར་གསེར་གྱི་མདོག །སྤྲིན་མེད་མཁའ་ལ་ཉི་ཤར་བཞིན། །ནམ་མཁའ་ཁྱབ་པར་འཕྲོས་པ་ཡིས། །བདག་ཅག་དཔོན་སློབ་བསྲུང་བྱ་དང་། །འཁོར་བཅས་རྣམས་ལ་ཕོག་པ་ཡིས། །ཚེ་དང་བསོད་ནམས་ཡེ་ཤེས་དང་། །དབང་ཐང་བསྟན་པ་ཡོན་ཏན་རྣམས། །པད་མར་ཉི་ཟེར་ཕོག་ལྟར་རྒྱས། །རྒྱས་པའི་ལྷ་ཚོགས་ཐམས་ཅད་ཀྱིས། །རྒྱས་པའི་དངོས་གྲུབ་བྱིན་རླབས་ཀུན། །ཚུར་འདུས་བདག་དང་བསྲུང་བྱར་ཐིམ། །ཨོཾ་ཨཱཏན་པ་ཏི་པུཏྟཾ་ཀུ་རུ་ཧཱུྃ་སྭཱ་ཧཱ། ཞེས་པ་ཁྲིའམ་ལྔ་སྟོང་ངམ། །སུམ་སྟོང་ལ་སོགས་ཅི་འགྲུབ་བཟླས། །དེ་ནས་ལྷ་སྤྱིའི་མཆོད་བསྟོད་བྱ། །ལྷོ་ཡི་གཏོར་མ་བདུད་རྩིས་བྲན། །གཏོར་སྣོད་ཧཱུྃ་ལས་གསེར་གྱི་སྣོད། །གྲུ་བཞི་ཡངས་ཤིང་རྒྱ་ཆེའི་ནང་། །གཏོར་མ་འདོད་པའི་ཡོན་ཏན་ལྔ་། །ཨོཾ་ཨཱཿཧཱུྃ་གིས་བྱིན་གྱིས་བརླབས། །ཧཱུྃ། དཔལ་ལྡན་རྒྱས་པའི་རྒྱུད་ཀྱི་བདག །སྐུ་མདོག་སེར་པོ་ཞི་མ་ཁྲོ། །ཞལ་གཉིས་ཞལ་སྟེང་དཀར་པོ་སྟེ། །ཕྱག་བཞི་

[Full Size]

ཕྱག་མཚན་འདི་ལྟར་རོ། །རིན་པོ་ཆེ་ཡི་གཞོང་པའི་ནང་། །མེ་ལྷ་ཆུ་ལྷ་གཟའ་ཉི་མ། །ཟླ་བ་རྣམས་ནི་ནང་བཞག་འཛིན། །དར་སེར་རིན་ཆེན་རྒྱན་གྱིས་བརྒྱན་། །ཕྱེད་སྐྱིལ་པད་ཟླའི་གདན་ལ་བཞུགས། །མ་ཧཱ་བ་ལི་འདི་བཞེས་ལ། །བདག་ཅག་དཔོན་སློབ་འཁོར་བཅས་ཀྱི། །ཚེ་དང་བསོད་ནམས་ཡེ་ཤེས་དང་། །བསྟན་པ་དར་ཞིང་རྒྱས་པར་མཛོད། །རྒྱུད་བདག་རྒྱས་པའི་ཕོ་ཉ་ནི། །བཀའ་སྡོད་རམ་ཏ་ཝ་ན་ནི། །སྐུ་མདོག་དམར་སེར་མེ་འོད་འཕྲོ། །ར་སྐྱེས་དམར་པོའི་སྟེང་ན་བཞུགས། །ཕྱག་ན་ཕྲེང་བ་མེ་ཐབ་འཛིན། །རམ་ཏ་ཝ་ནས་གཏོར་མ་བཞེས། །བསོད་ནམས་དབང་ཐང་ཐམས་ཅད་ནི། །།མེ་ལྟར་འབར་བའི་ཕྲིན་ལས་མཛོད། །ལས་མཁན་ཝ་རུ་ཁ་ནག་ནི། །སྐུ་མདོག་སྔོན་པོ་ཞལ་གཅིག་པ། །ཕྱག་གཉིས་ཕྱག་མཚན་འདི་ལྟར་རོ། །སྦྲུལ་ཞགས་སེར་སྔོན་རབ་ཏུ་འཛིན། །ཆིབས་སུ་ཆུ་སྲིན་གློ་མདོག་ཆིབས། །བ་ལི་མཆོད་པ་འདི་བཞེས་ལ། །བསྟན་པ་ཆུ་བོའི་རྒྱུན་བཞིན་དུ། །རྒྱུན་ཆད་མེད་པའི་ཕྲིན་ལས་མཛོད། །བཀའ་སྡོད་ཝ་ཏ་ཉི་ཆེན་ནི། །སྐུ་མདོག་དམར་སེར་མེ་འོད་འཕྲོ། །

[Full Size]

ལག་པ་གཡོན་པས་པདྨ་འཛིན་། །ཤིང་རྟ་ལྗང་ཁུའི་སྟེང་ན་བཞུགས། །ལུས་པོ་མིག་གིས་གང་བའོ། །ཝ་ཏ་ཉི་ཆེན་མཆོད་གཏོར་བཞེས། །བསྟན་པ་ཉི་མ་ཤར་བ་ལྟར། །ཕྱོགས་ཀུན་ཁྱབ་པའི་ཕྲིན་ལས་མཛོད། །བཀའ་ཉན་གབ་ཏ་ཟླ་བདག་ནི། །སྐུ་མདོག་དཀར་པོ་ཆུ་ཤེལ་མདོག །ཕྱག་ནི་གཡས་ན་ཟླ་བ་འཛིན། །ཕྱག་ནི་གཡོན་ན་ཀུ་མུཏྟ། །ཤིང་རྟ་དཀར་པོའི་སྟེང་ན་བཞུགས། །བ་ལི་མཆོད་པ་འདི་བཞེས་ལ། །བསྟན་འཛིན་ཟླ་སྐར་བཀྲ་བ་ལྟར། །ཕྱོགས་མཐར་ཁྱབ་པའི་ཕྲིན་ལས་མཛོད། །ཨོཾ་ཨཱཏན་པ་ཏི་པུཏྟིཾ་ཀུ་རུ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཨཧྥེ་ཛྭ་ལ་རཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཛ་ལ་པ་ཏི་པུཏྟིཾ་ཀུ་རུ་ཨོཾ། ཨི་དཾ་བ་ལིཾ་ཏ་ཁ་ཁ་ཁཱ་ཧི། །ཨོཾ་སཱུརྱ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཙནྡྲ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། དེ་ནས་ཐུན་གྱི་མཚམས་བྱས་ཏེ། །སྐབས་དེར་བྱ་བ་གང་དགོས་སྒྲུབ། དགོང་ཀ་སྔོན་ལྟར་ལས་བྱང་གཏོང་། །བསྙེན་པའི་སྐབས་སུ་ཕྱིན་པ་དང་། །རང་གི་ཐུགས་ཀར་ཟླ་བའི་གདན། །ཧཱུྃ་ཡིག་དམར་པོའི་མཐའ་སྐོར་དུ། །སྔགས་ཕྲེང་གཡས་སུ་འཁོར་བ་ལས། །འོད་ཟེར་དམར་པོ་

[Full Size]

གློག་ལྟ་བུ། །ལྕགས་ཀྱུའི་དབྱིབས་ཅན་ཕྱོགས་བཅུར་འཕྲོས། །ནམ་མཁའི་མཐར་ཐུག་ཞིང་བཞུགས་པའི། །ཞི་རྒྱས་དབང་དྲག་ལྷ་ཡི་ཚོགས། །ཐམས་ཅད་འོད་དེས་མཆོད་པས་མཉེས། །དེ་ཀུན་རྒྱུད་བདག་རིགས་བཞིའི་སྐུར། །གྱུར་ནས་བུ་ཡུག་འཚུབ་བཞིན་བྱོན། །བདག་མདུན་བུམ་གཏོར་ལྷ་ལ་ཐིམ། །རྒྱལ་བའི་ཐུགས་རྗེ་བྱིན་རླབས་ཀུན། །བདག་གི་དབང་དུ་འདུས་པར་གྱུར། །སླར་ཡང་འོད་ཟེར་འཕྲོས་པ་ཡིས། །སྣང་སྲིད་ལྷ་འདྲེ་མི་གསུམ་དང་། །འདོད་པའི་དངོས་གྲུབ་ཐམས་ཅད་ནི། །རང་དབང་མེད་པར་དབང་དུ་སྡུས། །བཅུད་ཀྱི་དྭངས་མ་བདག་ལ་ཐིམ། །ཨོཾ་ཨཱཏན་པ་ཏི་པ་ཤཾ་ཀུ་རུ་ཧཱུྃ་སྭཱ་ཧཱ། ཁྲིའམ་ལྔ་སྟོང་སུམ་སྟོང་བཟླས། །དེ་ནས་ལྷ་སྤྱིའི་མཆོད་བསྟོད་བྱ། །ནུབ་ཀྱི་གཏོར་མར་ཕུད་རྒོད་བྲན། །ཧཱུྃ་ལས་རིན་ཆེན་ཟངས་སྣོད་དུ། །གཏོར་མ་རོ་བརྒྱ་ནུས་པ་སྟོང་། །ཟག་མེད་བདེ་བ་བསྐྱེད་པར་གྱུར། །ཧ་ཧོ་བྷིཡིས་བྱིན་གྱིས་བརླབས། །ཧཱུྃ། དཔལ་ལྡན་དབང་གི་རྒྱུད་བདག་ནི། །ཞི་མ་ཁྲོ་ནི་སྐུ་མདོག་དམར། །ཞལ་གསུམ་གཡས་ཞལ་དཀར་པོ་སྟེ། །གཡོན་ཞལ་དེ་ནི་སྔོན་པོའོ། །ཕྱག་དྲུག་ཕྱག་མཚན་འདི་ལྟར་

[Full Size]

རོ། །པདྨ་དཀར་པོའི་གདན་སྟེང་དུ། །མེ་ལྷ་ཆུ་ལྷ་གཟའ་ཉི་མ། །ཟླ་བ་དང་ནི་གཤིན་རྗེ་དང་། །གནོད་སྦྱིན་རྒྱལ་པོ་འཛིན་པའོ། །ཕྱེད་སྐྱིལ་པད་ཟླའི་གདན་ལ་བཞུགས། །དར་དམར་རིན་ཆེན་རྒྱན་གྱིས་བརྒྱན། །བརྒྱན་པའི་གཏོར་མ་འདི་བཞེས་ལ། །འཁོར་འདས་བདག་གི་དབང་དུ་སྡུས། །དཔལ་ཆེན་དབང་གི་རྒྱུད་བདག་གི །ལས་མཁན་ཛོ་ཆེན་སྐུ་མདོག་དམར། །གཡས་པས་དབྱུག་ཏོ་གཡོན་པས་ནི། །རིལ་བ་འཛིན་པ་དྲང་སྲོང་ཚུལ། །ར་སྐྱེས་བཅིབས་པའི་ཛོ་ཆེན་ནི། །འདིར་གཤེགས་བརྒྱན་པའི་གཏོར་མ་བཞེས། །མེ་ལ་བརྟེན་ཚད་སྐྱེ་འགྲོ་ཀུན། །དབང་དུ་འདུ་བའི་ཕྲིན་ལས་མཛོད། །བཀའ་སྡོད་དར་ག་ཝརྒ་ནི། །སྐུ་མདོག་སྔོན་པོ་ཞལ་གཅིག་པ། །ཕྱག་གཉིས་གཡས་པས་སྦྲུལ་ཞགས་དང་། །གཡོན་པས་པིར་ནི་འཛིན་པའོ། །ཆིབས་སུ་ཆུ་སྲིན་གློ་མདོག་བཅིབས། །འདིར་གཤེགས་བརྒྱན་པའི་གཏོར་མ་བཞེས། །ཆུ་ལ་བརྟེན་ཚད་སྐྱེ་འགྲོ་ཀུན། །དབང་དུ་འདུ་བའི་ཕྲིན་ལས་མཛོད། །ཉི་རྟ་སྐུ་མདོག་དམར་སེར་ཏེ། །ཞལ་གཅིག་ཕྱག་ནི་གཉིས་པའོ། །གཡས་པས་ཉི་མ་གཡོན་པས་ནི། །ནོར་

[Full Size]

བུས་མཚན་པའི་ལྕགས་ཀྱུ་འཛིན། །བརྒྱན་པའི་གཏོར་མ་འདི་བཞེས་ལ། །ཉི་འོད་ཕོག་ཚད་དབང་དུ་སྡུས། །བཀའ་སྡོད་ཟླ་བ་མ་རྟ་ནི། །སྐུ་མདོག་དཀར་པོ་ཞལ་གཅིག་པ། །ཕྱག་གཉིས་གཡས་པས་ཟླ་བ་དང་། །གཡོན་པས་གསེར་གྱི་གདུགས་འཛིན་པ། །པདྨ་དམར་པོའི་སྟེང་ན་བཞུགས། །འདིར་གཤེགས་བརྒྱན་པའི་གཏོར་མ་བཞེས། །ཟླ་འོད་ཁྱབ་ཚད་དབང་དུ་སྡུས།་ལས་མཁན་སྲོག་བདག་ནག་པོ་ནི། །ཞལ་གཅིག་ཕྱག་གཉིས་རལ་གྲི་དང་། །ཁྲམ་ཤིང་འཛིན་པ་མ་ཧེ་ཞོན། །འདིར་གཤེགས་བརྒྱན་པའི་གཏོར་མ་བཞེས། །སྲོག་དབུགས་བསྡུས་ཚད་འགྲོ་བ་རྣམས། །ཐམས་ཅད་བདག་གི་དབང་དུ་སྡུས། །བཀའ་སྡོད་གནོད་སྦྱིན་སྟག་ཅེས་པ། །ཞལ་གཅིག་ཕྱག་གཉིས་ནོར་བུ་དང་། །རལ་གྲི་འཛིན་པ་སྟག་ལ་བཅིབས། །སྐུ་མདོག་དེ་ནི་སེར་པོའོ། །འདིར་གཤེགས་བརྒྱན་པའི་གཏོར་མ་བཞེས། །དཔལ་འབྱོར་ལོངས་སྤྱོད་དབང་དུ་སྡུས། །ཕོ་ཉ་དཀར་པོ་བསེ་ཆེན་པོ། །སྐུ་མདོག་དེ་ནི་དཀར་པོ་ལ། །ཞལ་གཅིག་ཕྱག་གཉིས་ལྷུང་བཟེད་དང་། །རལ་གྲི་འཛིན་པའི་བསེ་ཆེན་ཁྱོད། །

[Full Size]

བརྒྱན་པའི་གཏོར་མ་འདི་བཞེས་ལ། །དཀོར་དང་རྟེན་མཆོད་དབང་དུ་སྡུས། །ཨོཾ་ཨཱཏན་པ་ཏི་པ་ཤཾ་ཀུ་རུ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི།་ཨོཾ་ཨཀྵེ་ཡེ་བཛྲ་ཛྭ་ལ་ཛྭ་ལ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཨཱཛ་ལ་པ་ཏི་སིདྡྷི་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཨཱཿ སཱརྱ་ཧཱུྃ་ཧཱུྃ་པ་ཤཾ་ཀུ་རུ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཙན་ཝ་ཏ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཡ་མ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཤ་ཤ་ཤ་ཤ་མ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི། ༀ་མ་ཧཱ་རཱ་ཙ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི། དེ་ནས་གཞུང་ལྟར་ཚོགས་འཁོར་བྱ། །ལྷག་མ་ཕུལ་རྗེས་ཐུན་མཚམས་སུ། །དགོང་མོ་བཟློག་པ་ལ་སོགས་པའི། །ཆག་མི་རུང་བའི་ཐུགས་དམ་བྱ། །མུན་རུབ་སླར་ཡང་ལས་བྱང་གཏོང་། །རང་གི་ཐུགས་ལས་འོད་འཕྲོས་པས། །མདུན་བསྐྱེད་ལྷ་ཡི་ཐུགས་ཀར་ཕོག །སྔགས་ཕྲེང་གཡས་སུ་དྲག་ཏུ་འཁོར། །དེ་ལས་འོད་ཟེར་དམར་ནག་ནི། །ཚ་ལ་རྩུབ་པ་འཕྲོས་པ་ཡིས། །གནོད་ཅིང་འཚེ་བའི་དགྲ་དང་བགེགས། །བྱང་ཆུབ་སྒྲུབ་པའི་བར་ཆད་ཀུན། །བྱ་སྒོ་མེ་ལ་བསྲེགས་བཞིན་གྱུར། །དེ་ལྟར་བསྒོམ་ཞིང་སྔགས་འདི་ནི། །ཁྲིའམ་ལྔ་སྟོང་སུམ་སྟོང་

[Full Size]

བཟླས། །ཨོཾ་ཨཱཏན་པ་ཏི་མཱ་ར་ཡ་ཧཱུྃ་ཕཊ་སྭཱ་ཧཱ། འདི་སྐབས་ལྷ་སྤྱིའི་མཆོད་བསྟོད་བྱ། །སྐབས་དེར་རང་གི་ཆག་མེད་ཀྱི། །ཆོས་སྐྱོང་གང་ཡོད་ལས་བྱང་གཏོང་། །བྱང་གི་གཏོར་མ་རཀྟས་བྲན། །བྷཾ་ལས་ལྕགས་ཀྱི་གཏོར་སྣོད་དུ། །ངོ་བོ་དགྲ་བགེགས་ཤ་ཁྲག་ལ། །རྣམ་པ་ཤ་ལྔ་བདུད་རྩི་ལྔ་། །ཞུ་བའི་ཡེ་ཤེས་བདུད་རྩི་རུ། །ཨོཾ་ཨཱཿཧཱུྃ་གིས་བྱིན་གྱིས་བརླབས། །ཧཱུྃ། དཔལ་ལྡན་དྲག་པོ་རྒྱུད་ཀྱི་བདག །ཞལ་བཞི་གཡས་ཞལ་དཀར་པོ་སྟེ། །གཡོན་ཞལ་དམར་པོ་སྟེང་ཞལ་དུད། །ཕྱག་བརྒྱད་ཕྱག་མཚན་འདི་ལྟར་རོ། །བྷནྡྷ་ཡི་ནི་ནང་དུ་ནི། །མེ་ལྷ་ཆུ་ལྷ་གཟའ་ཉི་མ། །ཟླ་བ་དང་ནི་གཤིན་རྗེ་དང་། །གནོད་སྦྱིན་རྒྱལ་པོ་ཀུ་བེ་ར། །ནང་བཞག་དེ་ནི་འཛིན་པའོ། །དར་ནག་གོས་དང་དུར་ཁྲོད་ཆས་ཀྱིས་བརྒྱན། །སྐུ་མདོག་མཐིང་ནག་འབར་བ་ལ། །ཞབས་བཞི་པདྨའི་སྟེང་དུ་བགྲད། །བསྐལ་པའི་མེ་དཔུང་ཀློང་ན་བཞུགས། །དམར་ཆེན་གཏོར་མ་འདི་བཞེས་ལ། །དགྲ་བགེགས་དམ་སྲི་ཚར་ཆོད་ཅིག །དཔལ་ཆེན་རྒྱུད་བདག་དྲག་པོ་ཡི། །བཀའ་སྡོད་ལས་བྱེད་ཛ་ཛོ་ནི། །སྐུ་མདོག་དམར་སེར་ཞལ་གཅིག་པ། །ཕྱག་གཉིས་ཕྱག་མཚན་འདི་

[Full Size]

ལྟར་རོ། །མེ་ཐབ་དང་ནི་བྷན་འཛིན། །དྲང་སྲོང་ཆ་ལུགས་ཨག་ཚོམ་ཅན། །འདིར་གཤེགས་བརྒྱན་པའི་གཏོར་མ་བཞེས། །དགྲ་བགེགས་འབར་བའི་མེ་ལ་བསྲེག །བཀའ་སྡོད་ལས་མཁན་སྣ་ཆུ་ནི། །ཞལ་གཅིག་ཕྱག་གཉིས་ཕྱག་མཚན་ནི། །གཡས་པས་ཆུ་དང་གཡོན་པས་སྦྲུལ། །སྐུ་མདོག་དེ་ནི་སྔོན་པོའོ། །པིར་ནི་གློ་མདོག་དེ་ལ་བཅིབས། །འདིར་གཤེགས་དམར་ཆེན་གཏོར་མ་བཞེས། །དགྲ་བགེགས་ཆུ་བོའི་གཞུང་དུ་བསྐུར། །ལས་མཁན་སྲོག་གཅོད་ནག་པོ་ནི། །ཞལ་གཅིག་ཕྱག་གཉིས་སྤུ་གྲི་དང་། །ཁྲམ་ཤིང་གཡོན་པས་འཛིན་པར་བྱེད། །སྐུ་མདོག་དེ་ནི་ནག་པོའོ། །ཆིབས་སུ་དེ་ནི་དྲེད་མོང་བཅིབས། །འདིར་གཤེགས་དམར་ཆེན་གཏོར་མ་བཞེས།་བདག་ཅག་དཔོན་སློབ་བསྲུང་བྱ་རྣམས། །དུས་མིན་འཆི་བའི་བར་ཆད་བཟློག །དམ་ཉམས་དགྲ་བོ་ཁྲམ་ལ་ཐོབ། །བཀའ་སྡོད་ཉི་ཥ་ཧ་ན་ནི། །སྐུ་མདོག་དེ་ནི་དམར་པོ་ལ། །གཡས་པའི་ཕྱག་ན་པདྨ་འཛིན། །གཡོན་པའི་ཕྱག་ན་ཉི་མ་འཛིན། །རྟ་བདུན་དྲང་བའི་ཤིང་རྟ་བཅིབས། །དམར་ཆེན་གཏོར་མ་འདི་བཞེས་ལ། །ཉིན་ལ་འཚེ་བའི་དགྲ་

[Full Size]

བགེགས་ཟློག །བཀའ་སྡོད་འབའ་དྷ་ཀ་དྷ་ནི། །སྐུ་མདོག་དེ་ནི་དཀར་པོ་འོ། །གཡས་ན་མེ་ཏོག་ཀུ་མུཏྟ། །གཡོན་གྱི་ཕྱག་ན་ཟླ་བ་འཛིན། །དམར་གྱི་གཏོར་མ་འདི་བཞེས་ལ། །མཚན་མོ་འཚེ་བའི་དགྲ་བགེགས་ཟློག །བཀའ་སྡོད་ལུས་ངན་ཅང་ཆེན་ནི། །སྐུ་མདོག་དེ་ནི་སེར་པོ་འོ། །ཞལ་གཅིག་ཕྱག་ནི་གཉིས་པ་སྟེ། །ཕྱག་ན་ནེའུ་ལེ་དང་ནི། །དུང་དཀར་འཛིན་པ་ཨུཏྤ་ལའི། །དོ་ཤལ་གྱིས་ནི་རབ་ཏུ་བརྒྱན། །དམར་གྱི་གཏོར་མ་འདི་བཞེས་ལ། །ནོར་ལ་གནོད་པའི་དགྲ་བགེགས་ཟློག ། ཕོ་ཉ་སེང་ཞོན་དཀར་པོ་ནི། །ཞལ་གཅིག་ཕྱག་གཉིས་སྐུ་མདོག་དཀར། །གཡས་པས་དེ་ནི་ལྷུང་བཟེད་འཛིན། །གཡོན་པས་དེ་ནི་གསེག་ཤང་འཛིན། །སེང་གེ་ལ་ནི་ཆིབས་པའོ་དམར་ཆེན་གཏོར་མ་འདི་བཞེས་ལ། །སྡང་བའི་དགྲ་ལ་ཆོ་འཕྲུལ་ཕོབ། །བཀའ་སྡོད་གནོད་སྦྱིན་ཀུ་བེ་ར། །སྐུ་མདོག་དེ་ནི་དཀར་པོ་འོ། །གཡས་པའི་ཕྱག་ན་བེ་ཅོན་དང་། །གཡོན་པའི་ཕྱག་ན་ནེའུ་ལེ། །ཆིབས་པ་རྟ་ནག་ལ་ནི་ཞོན། །སྐུ་ལ་བསེ་རྨོག་བསེ་ཁྲབ་གསོལ། །བསེ་རྨོག་ཐོད་དཀར་འདབ་མ་ཅན། །དེ་སྟེང་དུག་སྦྲུལ་

[Full Size]

འཁྱིལ་པ་དེ། །བསེ་ཕུབ་ཆུང་ངུ་སྦྱར་བས་གཡོར། །ཀུ་བེ་ར་ཡིས་གཏོར་མ་བཞེས། །རྟ་ལ་གནོད་པའི་དགྲ་བགེགས་ཟློག །རྒྱུད་བདག་དྲག་པོ་འཁོར་བཅས་ཀྱིས། །བདག་ཅག་དཔོན་སློབ་བསྲུང་བྱ་ལ། །གནོད་ཅིང་འཚེ་བའི་དགྲ་དང་བགེགས། །གཏོར་མ་འདི་དང་མཉམ་དུ་བཞེས། །རྣམ་ཤེས་ཆོས་ཀྱི་དབྱིངས་སུ་དྲོངས། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཏན་པ་ཏི་མཱ་ར་ཡ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཨཀྵེ་ཡོ་ཛཱ་ལ་ཡ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཨཱཿཛ་ལ་པ་ཏི་ཧེ་ཧཱུྃ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཡ་མ་ཕཊ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཨཱཿ སུརྱ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་པཨཱཙནྡྲ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་བྷེ་ཤ་ར་མ་ན་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ར་ཙ་ཙིཏྟ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཀུ་བེ་ར་ཨི་དཾ་བ་ལི་ཏ་ཁ་ཁ་ཁཱ་ཧི། དེ་ནས་གནམ་ཆོས་རང་གཞུང་གི །ཆད་མདོ་བརྟན་སྐྱོང་གཏོར་འབུལ་བྱ། །དེ་ནས་རྗེས་ཆོག་མི་བྱ་བར། །གནམ་ཆོས་གཞུང་གི་བསྔོ་བ་བྱ། །དེ་ལྟར་ཞག་བདུན་བཅུ་

[Full Size]

བཞིའམ། །ཉེར་གཅིག་ལ་སོགས་བསྒྲུབས་པ་ཡིས། །རབ་དངོས་འབྲིང་ཉམས་ཐ་མ་ཡང་། །ལས་བཞི་བསྒྲུབས་པའི་རྟགས་མཚན་རྣམས། །རྟགས་ཡིག་སྤྱི་ལྟར་གསལ་བར་འབྱུང་། །དེ་ནས་སྒྲུབ་པ་ཚར་བ་དང་། །གཏང་རག་ཚོགས་དང་ཆད་མདོ་ལ་སོགས་བྱ། །བུམ་ཆུ་བཏུང་ཞིང་ཁྲུས་བྱ་སྟེ། །ཞི་བའི་རྒྱུད་བདག་རང་ལ་བསྟིམ། །སྒྲུབ་གཏོར་རང་གི་གནས་གསུམ་གཏུགས། །ཀཱ་ཡ་སིདྡྷི་ཨོཾ་སོགས་བརྗོད། །རྒྱས་པའི་རྒྱུད་བདག་རང་ལ་བསྟིམ། །ཕུར་པ་རང་གི་གནས་གསུམ་གཏུགས། །དྲག་པོའི་དངོས་གྲུབ་ཐོབ་པར་བསམ། །དྲག་པོའི་རྒྱུད་བདག་ཕུར་པར་བསྟིམ། །བཞི་ཀའི་འདི་བཞིན་འཁོར་རྣམས་ནི། །སོ་སོའི་གནས་སུ་གཤེགས་པར་དམིགས། །སརྦ་བྷ་ཏ་གཙྩ་བརྗོད། །དེ་ནས་བསྡུ་ཆོག་བཀྲ་ཤིས་བྱ། །དེ་ཡན་སྒྲུབ་པ་བྱེད་ཚུལ་ཏེ། །རྒྱུན་ཁྱེར་རམ་ནི་དུས་མཆོད་དུས། །དཀྱིལ་འཁོར་གཏོར་མ་སོགས་མི་དགོས། །ཕུགས་གཏོར་གཞུང་མ་གསོ་བྲན་བྱ། །བུམ་པ་རྫས་ལྡན་གཏོར་ཆུང་བཤམས། །དྲག་པོའི་རྒྱུད་བདག་ནམ་མཁར་བསྐྱེད། །རྒྱས་པའི་རྒྱུད་བདག་ཡི་དམ་གྱི། །གཏོར་མའི་རྩེ་རུ་བསྐྱེད་པར་བྱ། །འདོན་ལུགས་ཐམས་ཅད་གོང་ལྟར་ལས། །གཏོར་ཆུང་བཞི་ནི་བཤམས་ལ་བྲན། །གོང་ལྟར་གཏོར་འབུལ་བྱ་བའོ། །ལས་བྱང་འདོན་ལུགས་གོང་ལྟར་ལས། །ཐུན་མཚམས་རིགས་བཞིའི་བསྙེན་པ་ནི། །ཕྲེང་སྐོར་རེ་ཟུང་ཅི་འགྲུབ་ཆོག །སོ་སོར་བསྒྲུབ་པ་འདོད་པ་ནི། །སྒྲུབ་རྫས་ཅི་ཡང་མི་དགོས་ཏེ། །ལས་བྱང་སྐབས་སུ་

[Full Size]

རིགས་བཞི་ནི། །གང་འདོད་གཅིག་གི་མངོན་རྟོགས་བཙུད། །གཞུང་ལྟར་འདོན་པ་ཁོ་ན་སྟེ། །ལས་བཞི་སོ་སོའི་གཏོར་འབུལ་སྦྱར། །ཤིན་ཏུ་སྤྲོས་མེད་ལྟར་བསྒྲུབས་ན། །རྒྱུད་བདག་གཞུང་ནི་ཇི་ལྟ་བར། །སྐད་ཅིག་དྲན་རྫོགས་རྒྱུད་བདག་ནི། །གང་འདོད་བསྒོམས་ལ་སྔགས་བཟླས་ཆོག །དེ་ཚེ་རང་གི་ཐུགས་ཀ་རུ།་རང་མདོག་ཧཱུྃ་མཐར་སྔགས་གཡས་འཁོར། །དེ་ལས་རང་མདོག་འོད་འཕྲོས་པས། །ཕྱོགས་བཅུའི་རྒྱལ་བ་སྲས་བཅས་མཆོད། །དེ་ཀུན་རྒྱུད་བདག་གང་ཡིན་གྱི། །སྐུར་གྱུར་བུ་ཡུག་འཚུབ་བཞིན་བྱོན། །རང་ལ་སིབ་སིབ་ཐིམ་པ་ཡིས། །ལས་བཞི་གང་ཡིན་དངོས་གྲུབ་ཐོབ། །སླར་ཡང་འོད་ཟེར་འཕྲོས་པ་ཡིས། །བདག་དང་སེམས་ཅན་ཐམས་ཅད་ཀྱི། །ནད་གདོན་སྡིག་གྲིབ་ཞི་བ་དང་། །བསོད་ནམས་ཡེ་ཤེས་རྒྱས་པ་དང་། །རང་རང་རླུང་སེམས་དབང་དུ་འདུས། །བདུད་བཞི་ཉོན་མོངས་ཚར་བཅད་སོགས། །སོ་སོའི་སྐབས་དང་སྦྱར་བྱས་ཏེ། །རྒྱུད་བདག་གང་ཡིན་བསྙེན་པས་འཐུས། །དེ་ལྟར་རྒྱུད་བདག་རིགས་བཞི་ཡི། །ཉམས་སུ་ལེན་ཐབས་ཟིན་བྲིས་འདི། །རྒྱུད་ཀྱི་བདག་པོའི་ཆོས་ཀྱི་བདག །སངས་རྒྱས་རྡོ་རྗེས་བསྐུལ་བའི་ཕྱིར། །རཱ་ག་ཨ་སྱས་སྦྱར་བ་ལ། །འགལ་འཁྲུལ་ཉེས་པའི་ཆ་མཆིས་ན། །ཆོས་བདག་སྲུང་མའི་ཚོགས་ལ་བཤགས། །དགེ་བས་གནམ་ཆོས་རྒྱུད་བདག་འདི། །ཕྱོགས་དུས་ཀུན་ཏུ་དར་ཞིང་རྒྱས། །གྲུབ་ཐོབ་ལུང་པ་གང་བར་ཤོག །མངྒ་ལཾ།། །།

ཕྱག་རྡོར་འབྱུང་འདུལ་གྱི་སྒྲུབ་པ་བྱ་ཐབས།

[Full Size]

ཕྱག་རྡོར་འབྱུང་འདུལ་གྱི་སྒྲུབ་པ་བྱ་ཐབས་བཞུགས་སོ༔ དཀོན་མཆོག་གསུམ་ལ་སྐྱབས་མཆི་ཞིང་༔ འགྲོ་བའི་དོན་དུ་བྱང་ཆུབ་བསྒྲུབ༔ ཨཱཿ རྡོ་རྗེ་ར་གུར་མེ་རིའི་དབུས༔ པད་ཉི་འབྱུང་པོའི་སྟེང་དུ་ཧཱུྃ༔ འཕྲོ་འདུ་ཞུ་བས་རྡོ་རྗེ་འཛིན༔ མཐིང་ནག་ཞལ་གཅིག་ཁྲོ་ཆས་རྫོགས༔ རྩ་ཕྱག་འབྱུང་འདུལ་ཕྱག་རྒྱ་ཅན༔ འོག་གཉིས་རྡོ་རྗེ་སྡིགས་མཛུབ་ཞགས༔ མེ་དཔུང་དབུས་ན་རོལ་སྟབས་བཞུགས༔ གནས་གསུམ་འབྲུ་གསུམ་ཧཱུྃ་ཡིག་གི༔ ཡེ་ཤེས་པ་བསྟིམ་དབང་ལྷ་ཡིས༔ དབང་བསྐུར་མི་བསྐྱོད་རྒྱས་གདབ་གྱུརཿ ཐུགས་ཀར་ཉི་སྟེང་ཧཱུྃ་མཐིང་མཐར༔ སྔགས་ཕྲེང་འོད་ཀྱིས་སྡིག་སྒྲིབ་བསལ༔ བསོད་ནམས་ཡེ་ཤེས་འཕེལ་བར་གྱུར༔ ཧཱུྃ་བཛྲ་ཕཊ༔ བསྙེན་པ་མང་ཉུང་ཅི་རིགས་བྱ༔ ཨོཾ་བཛྲ་པཱ་ཎི་ཨགྷཾ་སོགས། ཤབྡ་པྲ་ཏིཙྪ་ཨཱཧཱུྃ༔ གཏོར་མ་ཡོད་ན་བྱིན་རླབས༔ གཏོར་མ་བདུད་རྩིའི་རྒྱ་མཚོར་གྱུར༔ ཨོཾ་ཨཱཎཱཧཱུྃ༔ ལན་གསུམ་བརྗོད༔ ཨོཾ་བཛྲ་པཱ་ཎི་ས་པ་རི་ཝཱ་ར་ཨི་དཾ་བ་ལིཾ་ཁ་ཁ་ཁཱ་ཧི་ཁཱ་ཧི༔ ལན་གསུམ་མམ་བདུན་གྱིས་ཕུལ༔ གསང་བའི་བདག་པོ་འཁོར་བཅས་ཀྱིས༔ གཏོར་མ་འབུལ་བ་འདི་བཞེས་ལ༔ ནད་གདོན་མ་ལུས་ཞི་བ་དང་༔

[Full Size]

དངོས་གྲུབ་རྣམ་གཉིས་ཐོབ་པར་ཤོག༔ ཅེས་འདོད་གསོལ་བརྗོདཿ བསྟོད་པ་ནི་ལྕང་ལོ་ཅན་གྱི་གནས་མཆོག་དམ་པ་ན༔ གསང་སྔགས་རིག་སྔགས་ཀུན་གྱི་བདག་པོ་སཿ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ༔ བཅོམ་ལྡན་རྡོ་རྗེ་འཛིན་ལ་ཕྱག་འཚལ་བསྟོད༔ ཅེས་བསྟོད་དོ༔ འབྱུང་པོ་འདུལ་བྱེད་ཀྱི་ཕན་ཡོན་ནི༔ འབྱུང་པོ་འདུལ་བྱེད་ཀྱི་རྒྱུད་ལས༔ ཡི་གེ་བཞི་པ་ཆེར་གསང་བ༔ དངོས་གྲུབ་ཐམས་ཅད་སྦྱིན་བྱེད་པ༔ བཀླག་པ་ཙམ་གྱིས་འགྲུབ་པ་ལ༔ འདི་ལ་ཐེ་ཚོམ་མི་བྱ་སྟེ༔ དཀྱིལ་འཁོར་མཐོང་བ་ཙམ་གྱིས་ཀྱང་༔ ཁམས་གསུམ་ཀུན་གྱི་རྒྱལ་སྲིད་ཐོབ༔ འདི་ཡི་སྙིང་པོ་བཟླས་པ་ཙམ་གྱིས་རྡོ་རྗེ་འཆང་དང་མཚུངས་པར་འགྱུར་རོ༔ གལ་ཏེ་འགྲུབ་ན་གླིང་བཞི་པའི་འཁོར་ལོས་སྒྱུར་བའི་རྒྱལ་པོར་འགྱུར་རོ༔ དཔལ་རྡོ་རྗེ་འཆང་ཁྲོ་བོའི་རྒྱལ་པོ་བཟླས་པ་ཙམ་གྱིས་འབྱུང་པོ་ཐམས་ཅད་བྲན་དུ་འགྱུར་རོ༔ གལ་ཏེ་སྔགས་པ་ཁྲོས་པ་ཙམ་གྱིས་འཇིག་རྟེན་པའི་ལྷ་ཐམས་ཅད་དུམ་བུར་བསྒྱུར་ཞིག་པར་བྱེད་དོ༔ ཞེས་གསུངས་སོ༔ ༧ སྔགས་འཆང་རཱ་ག་ཨ་སྱས་སོ། །ཤུ་བྷཾ།། །། ༧ ནང་ཆེན་འབང་སྒང་བཟོ་རིག་གནས་མདོའི་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕྱག་ན་རྡོ་རྗེའི་རྒྱུན་ཁྱེར།

[Full Size]

ཕྱག་ན་རྡོ་རྗེའི་རྒྱུན་ཁྱེར་བཞུགས་སོ༔ བླ་མ་དཀོན་མཆོག་གསུམ་ལ་སྐྱབས་སུ་མཆི༔ འགྲོ་བའི་དོན་དུ་གསང་བའི་བདག་པོ་བསྒྲུབ༔ ཨ༔ ཆོས་རྣམས་སྨྲ་བསམ་བརྗོད་བྲལ་སྟོང་པ་ཉིད༔ རང་སེམས་ཧཱུྃ་ཡིག་སྔོན་པོའི་འོད་ཟེར་གྱིས༔ གནམ་ས་གསེར་དང་གནམ་ལྕགས་ནམ་མཁའི་གུར༔ དེ་ཕྱིར་རྡོ་རྗེའི་ར་གུར་མེ་རིའི་གུར༔ དེ་དབུས་པད་བྷཉི་ཧཱུྃ་ཡིག་ཡོངས་གྱུར་ལས༔ རང་ཉིད་འབྱུང་འདུལ་མཐིང་ནག་ཁྲོས་པའི་ཉམས༔ རྩ་ཕྱག་ཐུགས་ཀར་འབྱུང་འདུལ་ཕྱག་རྒྱ་དང་༔ འོག་གཉིས་རྡོ་རྗེ་སྡིགས་མཛུབ་བགེགས་ལ་གཟིར༔ ཞབས་གཉིས་འདོར་ཐབས་མེ་དཔུང་དབུས་ན་བཞུགས༔ གནས་གསུམ་འབྲུ་གསུམ་འོད་ཀྱི་ཡེ་ཤེས་པཿ དབང་ལྷ་དབང་བཅས་སྤྱན་དྲངས་དབང་བསྐུར་ནས། །དབང་རྟག་མི་སྤྱོད་པ་ཡིས་དབུ་རྒྱན་གྱུར༔ ཐུགས་ཀར་ཉི་སྟེང་ཧཱུྃ་ལ་སྔགས་ཀྱིས་བསྐོར༔ འོད་ཟེར་སྤྲོ་བསྡུས་ལས་རྣམས་མྱུར་འགྲུབ་གྱུར༔ ཧཱུྃ་བཛྲ་ཕཊ༔ ཨརྒྱུ་པཱདཾ་པུབྦེ་སོགས། ལྕང་ལོ་ཅན་གྱི་གནས་མཆོག་དམ་པ་རུ༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ༔ བཅོམ་ལྡན་རྡོ་

[Full Size]

རྗེ་འཛིན་ལ་ཕྱག་འཚལ་བསྟོད༔ ཨོཾ་བྷུ་ཏ་ཊ་མ་ར་བྷུ་ཏ་ར་ཨ་ཏི༔ པ་ཏི་ཨཀྵོ་བྷྱཿ ཀི་རི་ཊི་ནཱ་སརྦ་བྷུ་ཏ་པི་ཤ་ཙི་ས་དྷ་ཡ་སྭཱ་ཧཱ༔ ཞེས་པ་རཱ་ག་ཨ་སྱས་མཛད་པའོ༔

བདུད་རྩི་སྨན་གྱི་སྐོར། གཡུ་ཐོག་བླ་སྒྲུབ་གསོལ་འདེབས།

[Full Size]

ན་མོ་གུ་རུ་བྷེ་ཥ་ཛཱི་ཡེ། །འདི་ནས་ཤར་གྱི་ཕྱོགས་རོལ་ན། །བཻཌཱུརླ་སྣང་ཞིང་ཁམས་ན། །བཞུགས་པའི་བཅོམ་ལྡན་སྨན་གྱི་བླ། །གསོལ་བ་འདེབས་སོ་ཐུགས་རྗེས་གཟིགས། །ལྟ་ན་སྡུག་གི་ཕོ་བྲང་ན། །ཤཱཀ་ཐུབ་བཅོམ་ལྡན་སྨན་གྱི་བླ། །རིག་པའི་ཡེ་ཤེས་ཡིད་ལས་སྐྱེས། །གསོལ་བ་འདེབས་སོ་ཐུགས་རྗེས་གཟིགས། །པདྨ་འོད་ཀྱི་ཞིང་ཁམས་ན། །ཨོ་རྒྱན་གུ་རུ་སྨན་གྱི་བླ། །སྡུག་བསྔལ་ནད་སེལ་རིག་འཛིན་འབུམ། །གསོལ་བ་འདེབས་སོ་ཐུགས་རྗེས་གཟིགས། །མཁའ་སྤྱོད་ཌཱཀིའི་ཞིང་ཁམས་ན། །འཇའ་ལུས་མཁའ་སྤྱོད་དཔལ་ལྡན་ཕྲེང་། །བདུད་རྩི་སྨན་གྱི་ལྷ་མོའི་ཚོགས། །གསོལ་བ་འདེབས་སོ་ཐུགས་རྗེས་གཟིགས། །གངས་ཅན་བོད་ཀྱི་ཞིང་ཁམས་ན། །སྤྱན་རས་གཟིགས་དང་དབྱེར་མེད་པའི། །གཡུ་ཐོག་མགོན་པོ་སྨན་གྱི་བླ། །གསོལ་བ་འདེབས་སོ་ཐུགས་རྗེས་གཟིགས། །བདུད་རྩི་སྨན་གྱི་རིག་འཛིན་མཆོག །གསོ་རིག་བསྟན་པ་རྒྱས་མཛད་པ། །ཟུར་མཁར་ཆོས་རྗེ་གོང་འོག་ལ། །གསོལ་བ་འདེབས་སོ་ཐུགས་རྗེས་གཟིགས། །བླ་མ་སྨན་རྒྱལ་རིགས་ལྔ་དང་། །ཡི་དམ་རྟ་ཕག་གཙོ་

[Full Size]

དང་འཁོར། །ཆོས་སྐྱོང་དམ་ཅན་སྡེ་དགུ་ལ། །གསོལ་བ་འདེབས་སོ་དངོས་གྲུབ་སྩོལ། །བདག་དང་བདག་ལ་འབྲེལ་ཐོགས་རྣམས། །ཚེ་རབས་འཁོར་བ་ཐོག་མེད་ནས། །ཚེ་ཐུང་ནད་མང་ངན་སོང་རྒྱུ། །སྡིག་སྒྲིབ་ཐམས་ཅད་མཐོལ་ལོ་བཤགས། །གསོ་རིག་ཡེ་ཤེས་ཐུགས་རྗེ་ཡིས། །མ་རིག་དུག་ལྔའི་སེམས་ཅན་རྣམས། །ཉོན་མོངས་ནད་ལས་གྲོལ་མཛད་པའི། །རྣམ་དག་མཛད་ལ་རྗེས་ཡི་རང་། །མ་རིག་བག་ཆགས་ནད་ཀྱི་རྒྱུ། །ལས་འབྲས་ཉོན་མོངས་རྐྱེན་གྱི་ནད། །གྲོལ་མཛད་བདུད་རྩིའི་གསོ་རིག་གི །ཆོས་འཁོར་དམ་པ་བསྐོར་བར་བསྐུལ། །སྐྱེ་རྒ་ན་འཆིའི་རྦ་རླབས་འཁྲུགས། །འཁོར་བའི་རྒྱ་མཚོ་གཏིང་ཟབ་ལས། །སྡུག་བསྔལ་སེམས་ཅན་མ་གྲོལ་བར། །མྱ་ངན་མི་འདའ་བཞུགས་པར་གསོལ། །དགེ་དེས་བདག་སོགས་སེམས་ཅན་རྣམས། །ཉོན་མོངས་ནད་ཀྱིས་ཐེབས་པ་ལ། །ཡེ་ཤེས་བདུད་རྩི་སྨན་མཆོག་གིས། །ཐར་མེད་ངན་སོང་བཟོད་དཀའ་བའི། །ཟུག་རྔུའི་གདུང་བ་ཀུན་བསལ་ནས། །བླ་མེད་རྫོགས་སངས་རྒྱས་པ་ཡི། །གེགས་མེད་འཚོ་བའི་ཕྱིར་བསྔོའོ། །སྨོན་ལམ་བདེན་ཚིག་ངེས་འགྲུབ་

[Full Size]

ཤོག །བདེར་གཤེགས་སྨན་ལྷ་མཆེད་བདུན་གཅིག་བསྡུས་པ། །སྨན་རྒྱལ་གཡུ་ཐོག་ཡོན་ཏན་མགོན་པོ་ལ། །གསོལ་བ་འདེབས་སོ་ལུས་ཀྱི་ནད་ཀུན་སོལ། །སེམས་ལ་བདེ་སྟོང་འཆར་བར་བྱིན་གྱིས་རློབས། །ཞེས་པ་འདི་ཡང་བླ་སྒྲུབ་ཞག་བདུན་དུས། །རྟགས་མཚན་མྱུར་དུ་བྱུང་ནས་སྨྲས་པ་ཡིན། །བླ་མ་གཞན་ལ་ཟླ་གཅིག་གསོལ་འདེབས་པས། །གཡུ་ཐོག་པ་ལ་ཞག་གཅིག་ལྷག་པ་དང་། །འདི་ཉིད་སྒྲུབ་པ་འགྲུབ་པ་དུས་མཉམ་སྟེ། །དེ་མ་བདེན་ན་ཕྱོགས་བཅུའི་སངས་རྒྱས་ཀྱིས། །ཁོང་གི་དབུ་ཁོས་གཡུ་ཐོག་པ་ཡིས་གསུངས། །དེ་ཉིད་ཨེ་བདེན་ཚད་དུས་བྱས་ནས་བསྒྲུབས། །རྟགས་མཚན་མྱུར་བས་ཡིད་ཆེས་དད་པ་སྐྱེས། །འདི་ནི་རཱ་ག་ཨ་སྱའི་མྱོང་བ་ཡིན།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གཡུ་ཐོག་སྙིང་གི་བླ་སྒྲུབ་སྡུག་བསྔལ་མུན་སེལ་ཐུགས་རྗེའི་འོད་ཀྱི་གསོལ་འདེབས།

[Full Size]

གཡུ་ཐོག་སྙིང་གི་བླ་སྒྲུབ་སྡུག་བསྔལ་མུན་སེལ་ཐུགས་རྗེའི་འོད་ཀྱི་གསོལ་འདེབས་བཞུགས་སོ།།

[Full Size]

ན་མོ་མ་ཧཱ་བྷེ་ཥ་ཛེ༔ འདི་ནས་ཤར་གྱི་ཕྱོགས་རོལ་ན༔ བཻཌཱུརྨ་སྣང་ཞིང་ཁམས་ན༔ བཞུགས་པའི་བཅོམ་ལྡན་སྨན་གྱི་བླ༔ གསོལ་བ་འདེབས་སོ་ཐུགས་རྗེས་གཟིགས༔ ལྟ་ན་སྡུག་གི་ཕོ་བྲང་ན༔ ཤཱཀ་ཐུབ་བཅོམ་ལྡན་སྨན་གྱི་བླ༔ རིག་པའི་ཡེ་ཤེས་ཡིད་ལས་སྐྱེས༔ གསོལ་བ་འདེབས་སོ་ཐུགས་རྗེས་གཟིགས༔ གངས་ཅན་བོད་ཀྱི་ཞིང་ཁམས་ན༔ སྤྱན་རས་གཟིགས་དང་དབྱེར་མེད་པའི༔ གཡུ་ཐོག་མགོན་པོ་སྨན་གྱི་བླ༔ གསོལ་བ་འདེབས་སོ་ཐུགས་རྗེས་གཟིགས༔ བདུད་རྩི་སྨན་གྱི་རིག་འཛིན་མཆོག༔ གསོ་རིག་བསྟན་པ་རྒྱས་

[Full Size]

མཛད་པ༔ ཟུར་མཁར་ཆོས་རྗེ་གོང་འོག་ལ༔ གསོལ་བ་འདེབས་སོ་ཐུགས་རྗེས་གཟིགས༔ བླ་མ་སྨན་རྒྱལ་རིགས་ལྔ་དང་༔ ཡི་དམ་རྟ་ཕག་གཙོ་དང་འཁོརཿ ཆོས་སྐྱོང་དམ་ཅན་སྡེ་དགུ་ལ༔ གསོལ་བ་འདེབས་སོ་དངོས་གྲུབ་སྩོལ༔ བདག་དང་བདག་ལ་འབྲེལ་ཐོགས་རྣམས༔ ནད་རིགས་ཐམས་ཅད་ཞི་བ་དང་༔ བྱང་ཆུབ་སེམས་གཉིས་འབྱོངས་བ་དང་༔ བྱང་ཆུབ་ཐོབ་པར་མཛད་དུ་གསོལ༔ ཞེས་པ་འདི་གཡུ་ཐོག་ལུགས་ཀྱི་བླ་སྒྲུབ་ཞག་བདུན་བྱས་སྐབས་རྨི་ལམ་དུ་རྒྱལ་ཚབ་གྲགས་པ་མཆོག་དབྱངས་ཐུགས་ཤིན་ཏུ་དགྱེས་ཤིང་དབང་སྒྲུབ་མཛད་པའི་དབང་གྲལ་དུ་ཁོ་བོ་བཙུད་པ་དང་བཀའ་

[Full Size]

བཀོད་མང་དུ་གནང་། ནམ་མཁའ་བར་སྣང་ཐམས་ཅད་བཅུ་གཅིག་ཞལ་ཕྱག་སྟོང་སྤྱན་སྟོང་གིས་གང་བ་ཡིན་སྙམ་ཡང་། སྐུ་ཇི་བཞིན་ནི་གསལ་བར་མ་མཐོང་སྟེ། ཞི་བའི་ཞལ་གསུམ་དཀར་པོ་ཞི་ཞིང་འཛུམ་པ་ཁོ་ནས་ནམ་མཁའ་བར་སྣང་ཐམས་ཅད་གང་སྟེ་བདག་ལ་འཛུམ་ཞིང་སྤྱན་གྱིས་གཟིགས་པ་ཞིག་རྨིས། གཉིད་པ་མ་ཡིན་ཉམས་ཀྱི་སྣང་བ་ལ་ཨ་རུ་ར་གསེར་མདོག་རློན་པ་ལོ་མ་དང་བཅས་པ་མི་མགོ་ཙམ་ཞིག་གཏད་བྱུང་བ་དང་། གཞན་བཀའ་སྲུང་དམ་ཅན་སྡེ་དགུའི་རྨིས་ལྟས་མང་དུ་བྱུང་ཕྱིར། རཱ་ག་ཨ་སྱས་བྲིས་པའོ། །༄༅། །།གཡུ་ཐོག་སྨན་གྱི་བླ་མའི་རྣམ་ཐར་དགོངས་པ་ཡང་ཟབ་ལས། བླ་སྒྲུབ་སྤྱིའི་སྔགས་དམིགས་གསུངས་པ་རཱ་ག་ཨ་སྱས་བསྒྲིགས་པ་བཞུགས། །གཡུ་ཐོག་པའི་སྔགས་འབུམ་དགོངས་པ་ཡང་ཟབ་ལས་ཚེ་ཡི་བར་ཆད་བསྲུང་བ་ལ་རང་ཉིད་སྤྱན་རིས་གཟིགས་ལྟ་བུ་ཡི་དམ་གང་གསལ་བ་ཞིག་སྒོམ་ཞེས་གསུངས་པའི་དོན། རང་ཉིད་ཐ་མལ་པའམ་ཡི་དམ་དུ་གསལ་བའི། སྤྱི་གཙུག་ཏུ་པདྨ་ཆེན་པོ་འདབ་མ་བཞི་པའི་ལྟེ་བར། གཡུ་ཐོག་ཡོན་ཏན་མགོན་པོ་དེ་ཉིད་སྐུ་མདོག་དཀར་ལ་དམར་བའི་མདངས་ཅན། དར་དཀར་པོའི་ན་བཟའ་ལ་གཟན་མཆིན་ཁའི་སྐུ་རེགས་ཅན་དབུ་སྐྲ་ལྕང་ལོ་སིལ་བུ། ཕྱག་གཡས་ཨ་རུ་ར་གསེར་མདོག་རློན་པ་ལོ་འབྲས་མེ་ཏོག་དང་བཅས་པ། གཡོན་པས་རིན་པོ་ཆེའི་བུམ་པའི་ནང་དུ་ཚེ་དཔག་མེད་

[Full Size]

བཞུགས་པ། གུར་གུམ་གྱི་ཁ་རྒྱན་དང་བཅས་པ་བསྣམས་པ། དེའི་སྐུ་ཡི་གནས་ལྔར་སངས་རྒྱས་སྨན་གྱི་བླ་དཀར་དམར་མཐིང་སེར་ལྗང་གུ་ལྔ། པདྨའི་འདབ་མ་བཞི་ལ་སྨན་གྱི་ལྷ་མོ་མཆེད་བཞིའི་མདུན་དུ་ལྷ་མོ་དཀར་མོ་རིག་འཛིན་པི་ཝཾ་བསྒྱུར་བ། རྒྱབ་ཏུ་དམར་མོ་མི་རྐང་གི་གླིང་བུ་བསྒྱུར་བ། གཡས་སུ་སེར་མོ་བྱ་རྒོད་ཀྱི་རྐང་གླིང་བསྒྱུར་བ། གཡོན་དུ་ལྗང་མོ་དངུལ་དཀར་གྱི་མེ་ལོང་ཐོགས་པ། མཆན། འདོད་ཡོན་མཆོད་པའི་འོད་ཟེར་གྱི་དྲ་བ་ཀུན་ནས་འཁྲིགས་པ། དེ་དག་གི་གནས་གསུམ་ཡིག་འབྲུ་གསུམ་ལས་འོད་ཟེར་འཕྲོས་པས་སངས་རྒྱས་ཀྱི་ཞིང་ཐམས་ཅད་ནས་དེ་འདྲ་བ་དཔག་ཏུ་མེད་པ་སྤྱན་དྲངས་ནས་ཐིམ་པར་གྱུར། བཅོམ་ལྡན་འདས་དཔའ་བོ་གཅིག་པུ་ལ་ཕྱག་འཚལ་ལོ། །བདག་ལ་ཚེ་དང་ཡོན་ཏན་ཕུན་སུམ་ཚོགས་པ་བསྩལ་དུ་གསོལ། ཅེས་ལན་གསུམ། གསོལ་བ་བཏབ་པས། དེ་དག་གི་སྐུ་ལས་འོད་ཟེར་དཀར་དམར་མཐིང་གསུམ་འཕྲོས་པས། རྟེན་སྣོད་ཀྱི་འཇིག་རྟེན་ཁམས་ཀྱི་འབྱུང་བ་བཞི་ཡི་བཅུད་ནུས་པ་ཇི་སྙེད་ཡོད་པ་ཐམས་ཅད་འོད་ཟེར་ལྔ་ལྡན་གྱི་བདུད་རྩིར་བཀུག །དེ་བཞིན་དུ་རང་གི་བླ་ཚེ་ཉམས་པ་དང་འཐོར་བ་དང་། འབྱུང་པོ་སྡེ་བརྒྱད་ཀྱིས་

[Full Size]

བརྐུས་པ་དང་། འཕྲོག་པ་ཐམས་ཅད་དང་། ལྷ་དང་མི་ལ་སོགས་པའི་འགྲོ་བ་རིགས་དྲུག་མཆོག་དམན་བར་མའི་སེམས་ཅན་ཐམས་ཅད་ཀྱི་ཚེ་དང་བསོད་ནམས་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲུང་མའི་སྐུ་གསུང་ཐུགས་ཀྱི་བྱིན་རླབས་ཡོན་ཏན། མཁྱེན་བརྩེའི་ཕྲིན་ལས་ནུས་མཐུ་ཐམས་ཅད་འོད་ཟེར་ལྔ་ལྡན་གྱི་བདུད་རྩིར་བཀུག །གཙོ་འཁོར་རྣམས་ཀྱི་སྐུ་དང་ཚེའི་བུམ་ནང་དུ་བསྟིམས་པར་གྱུར། ཨོཾ་ཨཱཿཧཱུྃ་གུ་རུ་གུ་ཎ་ནཱ་ཐ་བཛྲ་སཏཱ་དྷརྨཱ་ཀཱ་ཡ་ཨཱ་ཡུཛྙཱ་ན་སིདྡྷི་ཕ་ལ་ཧཱུྃ༔ ཞེས་པ་ཅི་འགྲུབ་བཟླས་པས། ཚེ་བུམ་ནང་ནས་བདུད་རྩི་འཕྱུར་ཞིང་སྐུའི་ཆ་ཐམས་ཅད་ནས་ནད་སེལ་བའི་འཆི་མེད་སྨན་གྱི་བདུད་རྩི་བབ། ཚངས་བུག་ནས་ཞུགས་ལུས་ཐམས་ཅད་གང་ནས་འདུ་བ་རྣམ་བཞིའི་ནད་ཐམས་ཅད་སངས་སེ་དག །ལུས་འཆི་མེད་རྡོ་རྗེའི་སྐུར་གྱུར། ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ༔ ཞེས་བརྒྱ་རྩ་བརྒྱད་བཟླས་མཐར། བཅོམ་ལྡན་འདས་དཔའ་བོ་གཅིག་པུ་ལ་ཕྱག་འཚལ་ལོ། །བདག་ལ་ཚེ་དང་ཡོན་ཏན་ཕུན་སུམ་ཚོགས་པ་བསྩལ་དུ་གསོལ། གསོལ་འདེབས་ལན་གསུམ་བྱས་པས། བཅོམ་ལྡན་བླ་མ་དམ་པ་སྨན་གྱི་ལྷ་མོ་མཆེད་བཞིའི་མཐུས་བདག་གིས་

[Full Size]

སྨྲས་ཚད་མངོན་ཤེས་སུ་གྱུར་ཅིག །སྦྱར་ཚད་སྨན་དུ་གྱུར་ཅིག །བཏང་ཚད་ཕན་པར་གྱུར་ཅིག །འགྲོ་བ་སེམས་ཅན་ཐམས་ཅད་ལ་ཕན་ཐོགས་ཉི་ཟླ་ལྟ་བུར་གྱུར་ཅིག །མཆོག་ཐུན་མོང་གཉིས་ཀྱི་དངོས་གྲུབ་མ་ལུས་པ་བསྩལ་དུ་གསོལ། གཙོ་འཁོར་ཐམས་ཅད་འོད་དུ་ཞུ་ནས་རང་ལ་ཐིམ་པས། བླ་མ་དང་རང་སེམས་སངས་རྒྱས་གསུམ་དབྱེར་མེད་པའི་དོན་དམ་པའི་བདེན་པ་མངོན་དུ་གྱུར། ཞེས་མཉམ་པར་བཞག་ལ། འདི་ནངས་རེ་བཞིན་མ་ཆག་པར་བྱས་ན་ཚེ་ལོ་བརྒྱ་ཐུབ་པ་འགྱུར་རོ་གསུངས་སོ། །གཡུ་ཐོག་པ་ཉིད་ཀྱི་ཞལ་ནས་ཁྱད་པར་རྒྱ་གར་དུ་འཚོ་བྱེད་གཞོན་ནུ། གུ་རུ་པདྨ། སློབ་དཔོན་དཔའ་བོ། ཕ་དམ་པ། བི་རུ་པ། སྐྱེས་བུ་མེ་ལྷ། བོད་དུ་སྲོང་བཙན་སྒམ་པོ། དྭགས་པོ་ལྷ་རྗེ་རྣམས་ཁོ་བོ་ཡིན། བླ་མ་གཞན་ལ་གསོལ་བ་མི་ཚེ་གང་ལ་བཏབ་པ་བས། ཁོ་བོ་ལ་ལོ་རུ་བཏབ་པ་བྱིན་རླབས་ཆེ། གཞན་ལ་ལོ་རུ་བཏབ་པ་བས། ཁོ་བོ་ལ་ཟླ་བར། གཞན་ཟླ་བར་བཏབ་པ་བས་ཁོ་བ་ལ་ཞག་དང་ཟ་མ་དང་སྐད་ཅིག་ཐང་ཅིག་ཙམ་ལ་གསོལ་བ་བཏབ་པ་བྱིན་རླབས་མྱུར་བའོ། །དེ་བདེན་པར་མི་གདའ་ན་ནི་ཁོ་བོའི་སེམས་ཅན་བསླུས་པ་ཡིན་པས་ཕྱོགས་བཅུའི་རྒྱལ་བ་སྲས་དང་བཅས་པས་བདག་གི་མགོ་བོ་ཨརྫ་ཀའི་རྡོག་པ་བཞིན་དུ་ཚལ་པར་ཁོས་ཤིག་གསུངས། དེ་ཨེ་བདེན་ལྟ་བའི་ཕྱིར་སྨན་གྱི་བླ་ཞག་བདུན་བསྒྲུབས་

[Full Size]

པ་བྱས་ཚེ་ཉམས་རྨི་ལམ་གྱི་མཚམས་སུ་ཐུགས་རྗེ་ཆེན་པོ་ཕྱག་སྟོང་སྤྱན་སྟོང་གི་སྐུ་ནི་མི་མཐོང་བར་དེའི་ཞལ་ཁོ་ནས་ནམ་མཁའ་གང་བ་དང་། ཨ་རུ་ར་གསེར་མདོག་རློན་པ་རྟ་ཡི་མགོ་ཙམ་ལོ་མ་དང་བཅས་པ་གཏད་བྱུང་བ་སོགས་རྟགས་མཚན་བཟང་པོ་བྱུང་བས་ཡིད་ཀྱང་ཆེས། རང་གི་རྒྱུན་དུ་ཉམས་ལེན་ཐུན་རེར་བྱ་ཕྱིར་རྣམ་ཐར་དང་དགོངས་པ་ཡང་ཟབ་ནས། བླ་སྒྲུབ་སྤྱིའི་སྔགས་དམིགས་གསུངས་པ་རྣམས་བསྒྲིགས་པས་ཡི་གེ་པ་ནི་ཉེ་གནས་ཐབས་མཁས་སོ། །འདི་སུས་ཀྱང་ཉམས་ལེན་རུང་ལ་སྨན་བླའི་དབང་དང་ཚེ་དབང་དང་རྩ་རྒྱུད་ཀྱི་ལུང་སོགས་ཐོབ་ན་ཤིན་ཏུ་ལེགས་སོ། །ཨ་རཱ་གས་སྔ་དྲོའི་ཐུན་བར་རྒྱལ་ཉའི་བཟང་པོར་བྲིས་པ་དགེ་ལེགས་འཕེལ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སངས་རྒྱས་སྨན་ལྷ་དངོས་སུ་མཇལ་བའི་སྨོན་ལམ་མཐོང་གྲོལ་ཆེན་མོ།

[Full Size]

སངས་རྒྱས་སྨན་ལྷ་དངོས་སུ་མཇལ་བའི་སྨོན་ལམ་མཐོང་གྲོལ་ཆེན་པོ་བཞུགས་སོ། །ན་མོ་མ་ཧཱ་བྷེ་ཥ་ཛྷེ། བཅོམ་ལྡན་རྒྱལ་བ་བཻཌཱུརླ་ཡི་མདོག༔ མཚན་དཔེས་རབ་བརྒྱན་ཆོས་གོས་། གསུམ་གྱིས་བཀླུབས༔ པད་ཟླའི་གདན་ལ་རྡོ་རྗེ་སྐྱིལ་ཀྲུང་བཞུགས༔ རྣམ་རྒྱལ་ལྷུང་བཟེད་འཛིན་ལ་ཕྱག་འཚལ་ལོ༔ གང་ཞིག་སེར་སྣའི་ལས་ཀྱིས་བཅིངས་བ་ལས༔ ཡི་དྭགས་གནས་སུ་བསྐལ་པར་གནས་གྱུར་ན༔ གང་ཞིག་ཁྱེད་ཀྱི་མཚན་ཙམ་ཐོས་པ་ཡིས༔ བཀྲེས་སྐོམ་གནས་ནས་ཐར་མཛད་རྒྱལ་ལ་བསྟོད༔ ལོག་ལྟའི་དབང་གིས་དམྱལ་བར་ལྟུང་གྱུར་ན༔ ཁྱེད་ཀྱི་མཚན་ཙམ་ཐོས་པའི་བསོད་ནམས་ཀྱིསཿ མི་སྐྱེ་ཡང་དག་ལྟ་བ་འཛིན་པར་གྱུར༔ ཡང་དག་ལམ་སྟོན་སྨན་གྱི་ལྷ་ལ་བསྟོད༔ ཕྲག་དོག་ཞེ་སྡང་དབང་གིས་དུད་འགྲོའི་ལུས༔ ཤིན་ཏུ་མནར་མེད་སྐྱེས་ན་སྡུག་བསྔལ་བས༔ ཁྱེད་ཀྱི་མཚན་ཐོས་དབང་རྣོ་མཁས་པར་སྐྱེ༔ མ་རིག་མུན་སེལ་སྨན་གྱི་ལྷ་ལ་བསྟོད༔ གཞན་གྱི་ཕྲག་དོག་དབང་གིས་རིག་སྔགས་དང༔ བྱད་སྟེམས་སྦྱོར་བས་སྲོག་དང་བྲལ་གྱུར་ལས༔ ཁྱེད་ཀྱི་མཚན་ཐོས་ཙམ་ལས་གནོད་མི་ནུས༔ བདུད་འཇོམས་རྒྱལ་པོ་ཁྱོད་ལ་ཕྱག་འཚལ་

[Full Size]

བསྟོད༔ ཚུལ་ཁྲིམས་འཆལ་བས་ཁྱེད་ཀྱི་མཚན་ཐོས་ན༔ བདེ་བ་ཅན་སོགས་གང་དུ་སྨོན་པ་ཡི༔ དག་པའི་ཞིང་དུ་བརྫུས་ཏེ་སྐྱེ་གྱུར་པའི༔ ཐར་པའི་ལམ་སྟོན་ཁྱེད་ལ་ཕྱག་འཚལ་བསྟོད༔ མགོན་མེད་དབུལ་ཕོངས་ནད་ཀྱིས་ཐེབས་པ་ལ༔ ཁྱེད་ཀྱི་མཚན་ཐོས་ནད་རྣམས་རབ་ཏུ་ཞི༔ མགོན་མེད་མགོན་གྱུར་བཅོམ་ལྡན་བེཌཱུརྱ༔ སྨན་པའི་རྒྱལ་པོ་ཁྱེད་ལ་ཕྱག་འཚལ་བསྟོད༔ བཅོམ་ལྡན་ཁྱེད་ལ་བསྟོད་པའི་བསོད་ནམས་ཀྱིས༔ བདག་ཅག་སློབ་དཔོན་འཁོར་དང་བཅས་པ་ཡི༔ འདུ་བ་རྣམ་བཞིའི་ནད་རྣམས་ཞི་བ་དང་༔ རྒྱལ་པོ་ལ་སོགས་འཇིགས་པ་ཀུན་ལས་ཐར༔ དགོས་འདོད་ཐམས་ཅད་འབད་མེད་ལྷུན་གྲུབ་ཅིང་༔ ནམ་ཞིག་འཕོས་ཚེ་བྱང་ཆུབ་སེམས་དཔའ་བརྒྱད༔ རྫུ་འཕྲུལ་སྟོབས་ཀྱིས་མཁའ་ལ་བྱོན་ནས་ནི༔ ནུབ་ཕྱོགས་བདེ་བ་ཅན་དུ་ལམ་བསྟན་ཅིང་༔ པདྨའི་མཆོག་ལ་རྫུས་ཏེ་སྐྱེས་ནས་ཀྱང་༔ ཚེ་དཔག་མེད་པ་མཆོད་པས་མཉེས་པར་ཤོག༔ ཉིན་རེ་དུས་གསུམ་ཁྱེད་ལ་གསོལ་བཏབ་ན༔ སྡིག་ཆེན་ཤན་པ་ཡིན་ཀྱང་མཐོ་རིས་བགྲོད༔ བདེ་བ་ཅན་ཏུ་རྫུས་ཏེ་སྐྱེ་བར་ཤོག༔ ས་གླང་ལོ་མཆུ་ཟླའི་ཡར་ཚེས་ལྔ་ཡི་ནུབ་མོ། རྨི་ལམ་དུ་སངས་རྒྱས་སྨན་བླ་

[Full Size]

དངོས་སུ་མཇལ་སྣང་བྱུང་སྟེ་སྐུ་ནི་ཇི་ལྟར་འདུག་ཡིད་ལ་གསལ་བར་མ་ཟིན་ཀྱང་། དད་པའི་དབང་གིས་སྐུ་ལས་འོད་ཟེར་འཕྲོས་པས། ཏིང་འཛིན་གྱི་དབང་བཞི་གསལ་བར་བླངས་བར་རྨིས་པས་སྨོན་ལམ་མཐོང་གྲོལ་བདེ་ཆེན་འདི། ༧ རཱ་ག་ཨ་སྱས་སྦྱར་བའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒོང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྒྱུད་བཞིའི་བཀའ་སྲུང་ཞང་བློན་གསོལ་མཆོད།

[Full Size]

རྒྱུད་བཞིའི་བཀའ་སྲུང་ཞང་བློན་གསོལ་མཆོད་བཞུགས། རྒྱུད་བཞིའི་བཀང་སྲུང་ཞང་བློན་མཆོད་ཅིང་བསྙེན་ན་བདག་བསྐྱེད་མ་བསྡུས་གོང་དེར༔ རབ་གཏོར་མ་ཟུར་གསུམ་མར་རྒྱན་རིན་པོ་ཆེའི་དབྱིབས་ཅན་ཤ་གཙང་མས་བརྒྱན༔ མེད་ན་ཟངས་སྡེར་ནང་དུ་འབྲུ་སྣའམ་ཕྱེ་མར་རམ༔ ཤ་གཙང་མའམ༔ མར་རམ་ཐུད་དུམ་བུ་བྲན༔ མེད་ན་ཇ་ཕུད་བཤམ་ཡང་རུང་སྟེ༔ མཆོད་པ་གཅིག་ནི་ངེས་པར་དགོས་སོ༔ མདུན་དུ་རྡོ་རྗེ་བདུད་འདུལ་ནི༔ སྐུ་མདོག་ནག་པོ་ཞལ་གཅིག་པ༔ ཕྱག་གཉིས་སྐུ་ལ་བེར་ནག་གསོལ༔ གཡས་གཡོན་བེང་དང་ལྕགས་པར་བསྣམས༔ ཞབས་གཉིས་ཕྱེད་པའི་སྐྱིལ་མོས་བཞུགས༔ ཧཱུྃ༔ འོག་མིན་དུར་ཁྲོད་ཆེན་པོ་དང་༔ རྩུབ་འགྱུར་ཚལ་དང་བསིལ་བའི་ཚལ༔ དུར་ཁྲོད་བརྒྱད་དང་ཉེར་བཞིའི་གནས༔ གཙུག་ལག་ཆོས་འཁོར་བཞུགས་གནས་ནསཿ ཞང་བློན་འཁོར་བཅས་སྤྱན་འདྲེན་ནོ༔ གཙོ་འཁོར་འཚམས་པའི་གདན་ལ་བཞུགས༔ ཕྱི་ནང་གསང་བའི་མཆོད་སྤྲིན་དང་༔ རང་རང་མཐུན་པའི་རྫས་ཀྱིས་བསྐང་༔ སྨན་རཀ་གཏོར་མ་འབུལ་གྱིས་བཞེས༔ ཨོཾ་མ་ཧཱ་ཀཱ་ལ་ཙིཏྟ་རཱ་ག་རཱ་ག་ཧཱུྃ་ཕཊ༔ ས་པ་རི་ཝཱ་ར་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཧཱུྃ༔ སྔོན་ཚེ་རྒྱལ་བའི་སྤྱན་སྔ་རུ༔ ཁས་

[Full Size]

བླངས་སངས་རྒྱས་བསྟན་པ་སྲུངསཿ མཐུ་སྟོབས་ནམ་མཁའི་མཐའ་དང་མཉམ༔ ཞིང་བློན་འཁོར་བཅས་བདག་གིས་བསྟོད༔ དམ་རྫས་བརྒྱན་པའི་གཏོར་མ་བཞེས༔ ཕྲིན་ལས་རྣམ་བཞི་འགྲུབ་པ་དང་༔ གང་བཅོལ་ལས་རྣམས་འགྲུབ་པར་མཛོད༔ ཅེས་གནམ་ཆོས་ཀྱི་ལས་བྱང་དང་རྒྱས་པར་འདོད་ན་སྔར་གྱི་བསྟོད་རྙིང་འདིས་བསྟོད༔ ཧཱུྃ༔ གོས་སྔོན་འཆང་བ་ལག་ན་རྡོ་རྗེའི་སྲས༔ གཏེར་བདག་བྱེ་བའི་ཅོད་པན་གྱིས་བཏུད་པ༔ ཞང་བློན་བེར་ཆེན་རྡོ་རྗེ་བདུད་འདུལ་ཏེ༔ གནོད་སྦྱིན་ནག་པོ་ཁྲག་རལ་ཅན་ཞེས་བྱ༔ འཇིག་རྟེན་འཇིག་རྟེན་འདས་པའི་ལས་རྣམས་ཀུན༔ ཐོགས་མེད་སྒྲུབ་ལ་རྫུ་འཕྲུལ་མཛད་པའི་སྐུ༔ དུས་མཐའི་ཆར་སྤྲིན་འཁྲིགས་འདྲ་ཆེར་གནག་ཅིང་༔ ཐུང་ཞིང་སྦོམ་ལ་ཡན་ལག་་རགས་པ་ཅན༔ ཁྲོས་པའི་མིག་དམར་མཆེ་གཙིགས་གད་རྒྱངས་ཅན༔ སྨིན་མ་ཨག་ཚོམ་དམར་སེར་འབར་ལ་འཁྲུགས༔ སྒྲུབ་པའི་རེ་སྐོང་ཡིད་བཞིན་ནོར་བུ་དང་༔ ལུས་ཅན་ནད་འཇོམས་བདུད་རྩིའི་བུམ་པ་འཛིན༔ སྲོག་ཞུ་རིན་ཆེན་རྒྱུན་དང་ཟ་འོག་བེར༔ གསེར་སྐྱེད་སག་ལྷམ་གསོལ་ནས་འདོར་སྟབས་ཀྱིས༔ སྲིན་མོ་རྡོ་རྗེ་ཀུན་འགྲུབ་མར་

[Full Size]

བཅས་ནས༔ ས་གསུམ་རྣམ་པར་གནོན་ལ་ཕྱག་འཚལ་བསྟོད༔ དམ་རྫས་བརྒྱན་པའི་མཆོད་གཏོར་འདི་བཞེས་ལ༔ བདག་གི་འདོད་པའི་དོན་ཀུན་འགྲུབ་པར་མཛོད༔ ཅེས་བསྟོད་ནས། རང་སྨན་བླར་གསལ་བའི་ཐུགས་ཀ་ནས་འོད་ཟེར་འཕྲོས་པས༔ མདུན་གྱི་མགོན་པོའི་ཐུགས་ཀར་ཉི་མའི་སྟེང་དུ་ཧཱུྃ་མཐིང་ནག་སྔགས་ཀྱི་གཡས་སུ་བསྐོར་བ་ལ་ཕོག་པས༔ སྔགས་གཡས་སུ་དྲག་ཏུ་འཁོར་བས་ཐུགས་རྒྱུད་བསྐུལ༔ དེ་ལས་འོད་ཟེར་ཕྱོགས་བཅུར་འཕྲོས་པས༔ རང་བཞིན་གྱི་གནས་དང་བྱང་ཕྱོགས་ལྕང་ལོ་ཐོ་ཅན་ནས་ཞང་བློན་དཔག་ཏུ་མེད་པ་སྤྱན་དྲངས་ནས་མདུན་བསྐྱེད་ལ་ཐིམ་པར་བསྒོམ་པ་ནི་བསྙེན་པ་དང་འབོད་པ། སླར་རང་གི་ཞལ་ནས་འོད་ཟེར་འཕྲོས་ཞང་བློན་གྱི་ཞལ་དུ་ཞུགས་པས་མཆོད་པར་གྱུར་ནས་ཐུགས་མཉེས༔ ཐུགས་ཀའི་སྔགས་ཕྲེང་ལ་ཐིམ་པས་ཐུགས་རྒྱུད་བསྐུལ་ཏེ༔ དེ་ལས་འོད་ཟེར་ཕྱོགས་ཐམས་ཅད་དུ་འཕྲོས་པས་འཇིག་རྟེན་ཁམས་ཀྱི་དངོས་གྲུབ་ཐམས་ཅད་དང་༔ ལྷ་སྲིན་སྡེ་བརྒྱད་ཀྱི་མཐུ་སྟོབས་ནུས་པ་ཐམས་ཅད་འོད་ཁ་དོག་སྣ་ཚོགས་ཀྱི་རྣམ་པར་ཞང་བློན་ལ་ཐིམ༔ ཞང་བློན་གྱི་བྱིན་རླབས་དངོས་གྲུབ་མཐུ་སྟོབས་

[Full Size]

ཐམས་ཅད་འོད་ལྔའི་རྣམ་པར་ཐུགས་ཀ་ནས་ཚུར་བྱུང་རང་ལ་ཐིམ་པས༔ མཐུ་སྟོབས་གཟི་བརྗིད་རྒྱས་པར་བསྒོམ་པ་ནི་སྒྲུབ་པ་སྟེ༔ ཨོཾ་མ་ཧཱ་ཀ་ལ་ཙིཏྟ་རཱ་ག་རཱ་ག་ཧཱུྃ་ཕཊ༔ ཅེས་པ་གནམ་ཆོས་ལུགས་ཀྱི་སྙིང་པོ་དང་༔ ཨོཾ་བཛྲ་རཏྣ་ཙིཏྟ་རཱ་ག་རུ་གེ་ཧཱུྃ་ཕཊ་སྭཱ་ཧི༔ ཞེས་བཀའ་མའི་ལུགས་ཏེ༔ སྔགས་གང་འདོད་ལ་བསྙེན་པ་ཅི་ནུས་བྱའོ༔ མཚམས་ཡིན་ན་ལས་བྱང་སོགས་ཐུན་བཞིར་བྱའོ༔ དེ་ནས་ལས་སྦྱོར་གང་འདོད་བྱ་བ་ནི༔ ཞང་བློན་སྐད་ཅིག་ལ་སྐུ་མདོག་སེར་པོ་གསེར་བཙོ་མ་ལྟ་བུར་གྱུར་ཅིང་སྐུ་ལ་རིན་པོ་ཆེ་སྣ་ཚོགས་ཀྱིས་བརྒྱན་པའི་ཐུགས་ཀ་ནས་འོད་ཟེར་སེར་པོ་འཕྲོས་པས༔ འཇིག་རྟེན་གྱི་བསོད་ནམས་ལོངས་སྤྱོད་དངོས་གྲུབ་ཐམས་ཅད་བསྡུས་ནས་བདག་ལ་བསྟིམ་ཞིང་༔ འོད་ཟེར་གྱི་སྣ་ལས་རིན་པོ་ཆེའི་ཆར་སི་ལི་ལི་བབ་པར་བསྒོམས་ལ༔ ཨོཾ་མ་ཧཱ་ཀཱ་ལ་རཏྣ་སིདྡྷི་ཧཱུྃ༔ ཞེས་བཟླས་གཏོར་མ་བཟང་དུ་བྱས་པས་ནོར་སྒྲུབ་ལོངས་སྤྱོད་ནོར་འཕེལ་ལོ༔ ཚོང་ལེགས་པར་འདོད་ན་གསོལ་ཀ་བྱ་གཏོར་མ་ཕུལ་ནས༔ ཨོཾ་མ་ཧཱ་ཀཱ་ལ་སིདྡྷི་ཨ་ཏི་ཧ་ཏི་ཧཱུྃ་ཕཊ༔ ཅེས་མང་དུ་བཟླས་པས་ཚོང་ལེགས་སོ། །ཡང་སྐུ་མདོག་དམར་པོ་བྱི་རུ་ལྟ་བུར་གྱུར་པ་ལས་འོད་ཟེར་དམར་པོ་ལྕགས་ཀྱུ་ལྟ་བུར་གྱུར་པས་སྣང་སྲིད་དབང་དུ་བསྡུས་པར་བསྒོམ་གཏོར་མ་ཕུལ། འདོད་

[Full Size]

གསོལ་བྱ་ཞིང་༔ ཨོཾ་མ་ཧཱ་ཀཱ་ལ་ལོ་ཀ་པ་ཤཾ་ཀུ་རུ་སྭཱ་ཧཱ༔ ཞེས་བཟླས་པས་དབང་དུ་འདུས་སོ༔ བསད་ལས་འདུག་པ་ཉེས་པར་འགྲོ་དོགས་པས་མ་བྲིས་སོ༔ ཡང་འདིའི་སྒོ་ནས་རང་གཞན་གྱི་ཚེའི་བར་ཆད་སེལ་བའི་ཚེ་ཆོག་ནི༔ བུམ་པ་ལ་རྒྱན་དང་བཅས་པའི་ནང་དུ་ཆང་ངམ་ཇ་སོགས་བུམ་ཆུ་དང་བུམ་རྫས་བཏབ་པ་དང་༔ གཏོར་མ་ཚེ་བུམ་གྱི་གཟུགས་ཚེ་རིལ་གྱིས་བསྐོར་བ༔ ཚེ་མདའ་རྒོད་སྒྲོ་དར་སྣ་བཏགས་པ་བཤམས༔ རོང་སྨན་བླར་བསྒོམ༔ བུམ་པ་རིན་པོ་ཆེ་གཞལ་ཡས་ཁང་དུ་གྱུར་པའི་ནང་དུ་ཞང་བློན་གོང་ལྟར་བསྒོམས་ལ་ལས་བྱང་བཏང་སྟེ༔ རང་གི་ཐུགས་ཀ་ནས་འོད་ཟེར་འཕྲོས་པས་བུམ་བསྐྱེད་ཀྱི་ཐུགས་ཀར་ཉི་མའི་སྟེང་དུ་ཧཱུྃ་མཐིང་ག་ལ་སྔགས་ཀྱིས་བསྐོར་བ་ལས་འོད་ཟེར་སྣ་ཚོགས་ཕྱོགས་བཅུར་འཕྲོས་པས༔ འཇིག་རྟེན་དང་འཇིག་རྟེན་ལས་འདས་པའི་ཚེའི་དངོས་གྲུབ་འབྱུང་བ་ལྔ་དང་ཉི་ཟླ་ནོར་བུའི་བཅུད༔ ལྷ་ཀླུ་མིའི་ཚེ་བསོད་ནམས་འོད་ཟེར་གྱི་རྣམ་པར་བསྡུས་ནསཿ རང་དང་བསྲུང་བྱ་དང་བུམ་ཆུ་ཚེ་རིལ་ལ་ཐིམ་པར་བསྒོམ་ཞིང་༔ ཨོཾ་བཛྲ་རཏྣ་ཙིཏྟ་རཱ་ག་རུ་གེ་ཧཱུྃ་ཕཊ་སྭཱ་ཧཱ༔ ཨཱ་ཡུ་ཚེ་ཡུ་ཛྙཱ་ན་མིན་དྷུ༔ ཨ་པ་རི་མི་ཏ་ཚེ་ཧཱུྃ༔ ཞེས་བཟླ་སྟེ་རྒྱུན་ཁྱེར་ཡིན་ན་ཐུན་རེ་ལ་བརྒྱ་སྟོང་ཅི་འགྲུབ༔ མཚམས་བྱེད་ན་ཞག་བདུན་ཙམ་ཐུན་བཞིར་འབད་པསཿ ཉི་ཟླ་

[Full Size]

ཤར་བ་དང་བདུད་རྩི་འཐུང་བ་འབྲུ་དང་ཤིང་ཐོག་ཟ་བ་སོགས་རྟགས་འབྱུང་ངོ་༔ དེ་ནས་བུམ་ལྷ་གཤེགས་བུམ་ཆུ་འཐུང་ཚེ་རིལ་ཚེ་གཏོར་དངོས་གྲུབ་ཏུ་རོལ་ལོ༔ རྟོགས་ཐོན་པར་བསྒྲུབས་ན་ཚེ་ལོ་སྟོང་དུ་གནས་པར་འདིའི་རྒྱུད་ཆེན་པོ་ནས་གསུངས་ཏེ་བཀའ་མའི་ལུགས་ཡིན་ནོ༔ ༈ འདིར་གནམ་ཆོས་རླུང་སྒྲུབ་ཀྱི་དོན་གསལ་བར་བཀོད་ན་རླུང་སྒྲུབ་ཅེས་པ་མྱུར་བའི་སྐད་ཡིན་ཏེ༔ ཅུང་ཞིག་དྲག་པོ་ཡིན་ནོ༔ དེ་ལ་ཟངས་ལྕགས་ཀྱི་སྣོད་དུ་དམར་གཏོར་ཆེ་བ་གཅིག་ལ་ཆུང་བ་བརྒྱད་ཀྱིས་བསྐོར༔ ཤ་དང་ལིངྒས་བརྒྱན༔ རྩེ་ལ་མར་རྒྱན་མེ་ལྕེའི་གཟུགས་གཅིག་ཁོ་ན་བྱ༔ དེ་ཕུད་རྒོད་ཀྱིས་བྲན་ལ་རང་ཉིད་སྨན་བླའི་བདག་བསྐྱེད་ཚར་ནསཿ ན་མོ༔ དྲང་སྲོང་རིག་འཛིན་བརྒྱུད་པའི་བླ་མ་རྣམས་ཀྱི་བདེན་པ་དང༔ ཡི་དམ་བདེ་གཤེགས་སྨན་གྱི་ལྷ་ལ་སོགས་དཀོན་མཆོག་གསུམ་གྱི་བདེན་པ་དང་༔ བསྟན་སྲུང་མ་ཧཱ་ཀཱ་ལ་རྡོ་རྗེ་བདུད་འདུལ་འཁོར་དང་བཅས་པའི་བདེན་པ་དང་མཐུ་སྟོབས་ཀྱིས༔ སྤྱིར་སངས་རྒྱས་བསྟན་པའི་སྤྱི་དགྲོ༔ ཁྱད་པར་དུ་བདག་ཅག་བསྲུང་བྱ་མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་ཐམས་ཅད་ཀྱི་བླ་སྲོག་གཏོར་མ་དང་ལིངྒ་འདི་ལ་ཁུག་ཅིག་ཛཧཱུྃ་བཾ་ཧོ༔ ལན་གསུམ། གཏོར་མའི་ངོ་བོ་གནོད་བྱེད་ཀྱི་ཤ་ཁྲག་ལ་རྣམ་པ་བདུད་རྩིའི་རྒྱ་མཚོ་

[Full Size]

མཆོད་སྒྲུབ་བསྐང་བའི་རྫས་འདོད་པའི་ཡོན་ཏན་ལྔ་དང་ལྡན་པར་གྱུར༔ ཨོཾ་ཨཱཿཧཱུྃ་ཧ་ཧོ་ཧཱུྃསྭཱ་ཧཱ༔ མདུན་དུ་རྡོ་རྗེ་བདུད་འདུལ་ནི༔ སྐུ་མདོག་ནག་པོ་ཞལ་གཅིག་པ༔ ཕྱག་གཉིས་གཡས་པས་རུ་མཆེན་ཏེ༔ གཡོན་པས་ལྕགས་པར་རྟ་ནག་ཆིབས༔ སྐུ་ལ་བེར་ནག་བརྗིད་པ་གསོལ༔ དེ་ཡི་མདུན་དུ་ཀུན་སྡུག་མ༔ དམར་མོ་ཞལ་གཅིག་ཕྱག་གཉིས་མ༔ གཡས་པས་གྲི་གུག་གཡོན་ཐོད་ཁྲག༔ དེ་རྒྱབ་ལྷ་སྲིན་སྡེ་བརྒྱད་ཀྱང་༔ ལྷ་རྒྱལ་གཡག་གི་མགོ་ཅན་སོགས༔ མགོ་ཅན་བརྒྱད་ཀྱིས་བསྐོར་བར་གྱུར༔ རང་རང་གནས་ནས་སྤྱན་དྲངས་ཐིམ༔ རྒྱས་པར་སྤྲོ་ན་གོང་གི་སྤྱན་འདྲེན་ནས་བསྟོད་པའི་བར་ལས་བྱང་འདིར་སབ་བོ༔ མ་བྱས་ཀྱང་ཆོག་སྟེ༔ བཀའ་བརྒྱུད་ནས་གསུངས་པའི་བསྟོད་བསྐུལ་ནི༔ ཧཱུྃ༔ ༔ བན་ཆེན་རྡོ་རྗེ་བདུད་འདུལ་ནི༔ རཱུ་ཏྲ་ཡོངས་ཀྱི་སྡེ་དཔོན་ཡིན༔ སྡེ་དཔོན་ཆེན་པོ་སྐུ་བཞེངས་ཤིག༔ ཡི་གེ་ཧཱུྃ་ལས་སྐུ་བསྐྱེད་པ༔ སྔགས་པ་ལྟ་བ་ལོག་པ་སྟེ༔ རཱུ་ཏྲ་ནག་པོའི་རིགས་སུ་སྐྱེས༔ སྐུ་མདོག་དམར་ནག་འབར་བ་ལ༔ ན་བཟའ་མཐིང་ནག་བེར་ཆེན་གསོལ༔ རལ་པ་ནག་པོ་མུན་ལྟར་གཏིབས༔ ཕྱག་ན་ཁྲག་དང་ཡུངས་དཀར་གྱི༔

[Full Size]

དགྲ་ལ་བུ་ཡུག་འཚུབས་སེ་འཚུབ༔ ཆིབས་སུ་དྲེའུ་རྟ་ཁམ་ནག་ཆིབས༔ ཁྱོད་ཀྱི་ཆོ་འཕྲུལ་བསྟན་པ་ནི༔ གཡས་ན་རལ་ནག་གྱོན་པ་མང་པོ་ཕོ་ཉར་འགྱེད༔ གཡོན་ན་ཞིང་ལྤགས་རྡེབ་པ་མང་པོ་ལས་ལ་འཛུད༔ འཁོར་དུ་སྣང་སྲིད་རུ་ཏྲས་བསྐོར༔ ཁྱོད་ཀྱི་སྲོག་སྙིང་ང་ལ་ཡོད༔ བསྐྱེད་ཀྱང་ཡི་གེ་ནི་ལས་བསྐྱེད༔ བསྡུ་ཡང་ཡི་གེ་ཚྭ་ལ་བསྡུ༔ རཱུ་ཏྲ་ནྲྀ་ཞེས་བྱ་བ་ནི༔ རཱུ་ཏྲ་ཡོངས་ཀྱི་སྲོག་སྙིང་ཡིན༔ སྲོག་གི་སྙིང་པོའི་ཐུགས་དམ་རྒྱུད་བསྐུལ་ལོ༔ འཁོར་དང་བཅས་པ་འདིར་བྱོན་ལ༔ མཐུན་པའི་དམ་རྫས་འདི་བཞེས་ཤིག༔ སངས་རྒྱས་བསྟན་པ་ཁྱོད་ཀྱིས་སྲུངས༔ དཀོན་མཆོག་དབུ་འཕང་གཉན་པོ་བསྟོད༔ རྣལ་འབྱོར་སྐུ་དགྲ་ཁྱོད་ཀྱིས་སྒྲོལ༔ འགྲས་པའི་དགྲ་བགེགས་མྱུར་དུ་སོད༔ རྡོ་རྗེ་བདུད་འདུལ་འཁོར་བཅས་རྣམས༔ མཆོད་སྦྱིན་གཏོར་མས་ཐུགས་དམ་བསྐང་༔ མཆོད་གཏོར་འདི་བཞེས་དལ་ཁ་ཆིངས༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་།དལ་ཁ་གཡོན་དུ་སྒྱུརཿ སྤྱི་བདུད་དལ་ཁ་མཁའ་ལ་སྒྱུར༔ དགྲ་དང་བགེགས་ཀྱི་གནོད་པ་ཟློག༔ དམ་ཉམས་དགྲ་ལ་ལྟས་ངན་ཐོངས༔ མཐུན་པའི་རྫས་ཀྱིས་ཐུགས་དམ་

[Full Size]

བསྐང་༔ ཐུགས་དམ་བསྐང་ལ་རྐྱེན་རྣམས་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་བརྗོད་ནས་མདུན་བསྐྱེད་ལ་བཀའ་བསྒོ་བའི་ཚུལ་དུ། ཨོཾ་མ་ཧཱ་ཀཱ་ལ་བཛྲ་ཙིཏྟ་རཱ་ག་ཧཱུྃ་ཕཊ༔ ཅེས་བསྙེན་པ་ཅི་ནུས་བྱས་ལ༔ གནམ་ཆོས་ལུགས་ཀྱི་འཁོར་གྱི་ཆ་ལུགས་གཏེར་སྟོན་ཉིད་ཀྱི་ཞལ་ཁྲིད་ལྟར་རྒྱུད་དང་བསྟུན་ནས་བདག་གིས་འདོན་ཆར་ཕབ་པ་ནི༔ ཧཱུྃ༔ སྔོན་གྱི་བསྐལ་པ་དང་པོ་ལ༔ དགལ་བ་ཚལ་གྱི་དུར་ཁྲོད་དུ༔ གནོད་སྦྱིན་རྒྱལ་པོ་མིག་པོ་ཆེ༔ ཀླུ་མོ་མཛེས་ལྡན་བཤོས་པའི་སྲས༔ གནོད་སྦྱིན་ནག་པོ་ཁྲག་རལ་ཅན༔ ཞང་བློན་ཆེན་པོ་ཞེས་སུ་གྲགས༔ ཡུམ་ནི་བདུད་མོ་ཀུན་སྡུག་མ༔ གནོད་སྦྱིན་སྟོང་གི་འཁོར་དང་བཅས༔ སེམས་ཅན་ཀུན་ལ་གནོད་ཅིང་འཚེ༔ ཤ་ཁྲག་སྲོག་ལ་ལོངས་སྤྱོད་བྱེད༔ དེ་ཚེ་བཅོམ་ལྡན་ཤཱཀྱ་ཐུབ༔ མངོན་པར་སངས་རྒྱུས་རིང་མ་ལོན༔ ཝཱ་རཱ་ཎ་སིའི་གནས་མཆོག་ནས༔ རྒྱ་གར་ལྷོ་ཕྱོགས་གཤེགས་པའི་ཚེ༔ གནོད་སྦྱིན་འདུལ་བའི་དུས་སུ་མཁྱེན༔ འདུལ་སྐལ་ཕྱག་ན་རྡོ་རྗེ་ལ༔ བྱིན་གྱིས་རླབས་ཏེ་གཉེན་པོར་བསྐོས༔ གསང་བདག་དུར་ཁྲོད་དེར་བྱོན་ནས༔ སྐུ་ནི་འཇིགས་པའི་ཆ་ལུགས་བསྟན༔ གསུང་ནི་དྲག་སྔགས་

[Full Size]

འབྲུག་ལྟར་ལྡིརཿ གནོད་སྦྱིན་འཁོར་བཅས་སྐྲག་ཅིང་བསྔངས༔ བཀའ་ཉན་གསུང་སྡོད་སྲོག་སྙིང་ཕུལ༔ སྤྱི་བོར་དམ་ཚིག་རྡོ་རྗེ་བཞག༔ ཤཱཀྱའི་བསྟན་པ་བསྲུང་བ་དང་༔ སེམས་ཅན་དབུལ་ཕོངས་སེལ་བ་ཡི༔ དབང་བསྐུར་དམ་བཅས་ཐ་ཚིག་བཞག༔ གནོད་སྦྱིན་ཡཀྵ་ཀུ་ཝེ་རས༔ ཞུས་པས་ཞང་བློན་ཆེན་པོའི་རྒྱུད༔ ཡིད་བཞིན་གཏེར་གྱི་རྒྱུད་ཅེས་པ༔ ལེའུ་བཅོ་བརྒྱུད་བཀའ་ཡང་སྩལ༔ གསང་མཚན་རྡོ་རྗེ་བདུད་འདུལ་བཏགས༔ བརྒྱན་པའི་མཆོད་གཏོར་འདི་བཞེས་ལཿ ཕྱག་རྡོར་སྤྱན་སྔར་ཁས་བླངས་པའི༔ དམ་ཚིག་དུས་འདིར་དྲན་མཛོད་ལ་བར་ཆད་སོལ་ལ་ལོངས་སྤྱོད་སྤེལཿ འཁོར་ལོས་སྒྱུར་བའི་རྒྱལ་པོ་ལྟར༔ ཅི་འདོད་ཕུན་སུམ་ཚོགས་པར་མཛོད༔ དེ་ནས་བར་གྱི་་བསྐལ་པ་ལ༔ ཡར་ལུང་ཤེལ་གྱི་བྲག་ཕུག་ཏུ༔ སློབ་དཔོན་པདྨ་འབྱུང་གནས་ཀྱིས༔ བཀའ་འདུས་དཀྱིལ་འཁོར་ཞལ་ཕྱེས་ནས༔ སྣང་སྲིད་ལྷ་འདྲེ་ཐམས་ཅད་ལ༔ ལོ་གསུམ་ཆོས་གསུངས་དབང་བསྐུར་ཚེ༔ ཞང་བློན་རྡོ་རྗེ་བདུལ་འདུལ་ཁྱོད༔ གསོ་རིག་རྒྱུད་ཀྱི་སྲུང་མར་བསྐོསཿ གསོ་རིག་མི་ནུབ་དར་བ་དང་༔ སྨན་པ་ཀླུང་རྟ་དར་བ་ཡིས་

[Full Size]

ཕྲིན་ལས་སྒྲུབ་པའི་དམ་བཅའ་ཕུལ༔ སྔོན་གྱི་དམ་ཚིག་དྲན་མཛོད་ལ༔ བཀའ་ཡི་གཏོར་མ་འདི་ལོངས་ལ༔ གསོ་རིག་བཤད་སྒྲུབ་འཕེལ་བ་དང་༔ བདག་ཉིད་གཞན་ཕན་རྒྱ་ཆེན་པོ་འགྲུབ་པའི་ཕྲིན་ལས་དུས་ལ་བབ༔ དེ་འོག་བར་གྱི་བསྐལ་པ་ལ༔ སྐ་བ་དཔལ་བརྩེགས་སྐྱེ་བའི་མཐརཿ གཏེར་སྟོན་གྲྭ་པ་མངོན་ཤེས་ཀྱིས་བསམ་ཡས་གཙུག་ལག་ཀ་བ་ནསཿ རྒྱུད་བཞི་གནོད་སྦྱིན་སྒྲུབ་སྐོར་བཅས༔ གཏེར་བཏོན་གཏེར་སྒྲུབ་བྱས་པའི་ཚེ༔ གནོད་སྦྱིན་ཁྱོད་ཀྱིས་རང་གཟུགས་བསྟན༔ བསྟན་པ་སྤེལ་བའི་གཡར་དམ་བཅས༔ བརྒྱན་པའི་གཏོར་མ་འདི་བཞེས་ལ༔ གསོ་རིག་བསྟན་དང་བསྟན་འཛིན་རྣམས༔ འཕེལ་ཞིང་རྒྱས་པའི་ཕྲིན་ལས་མཛོད༔ དེ་འོག་བསྐལ་པ་ཕྱི་མ་ལ་ཨོ་རྒྱན་ཐུགས་སྤྲུལ་གཡུ་ཐོག་པ༔ རྒྱ་གར་ཡུལ་དུ་བྱོན་པའི་ཚེ༔ སྨན་གྱི་ལྷ་མོ་དཔལ་ཕྲེང་མ༔ ལྷ་ལྕམ་མནྡ་ར་བ་དངོས༔ ཞལ་མཇལ་གསོ་རིག་གདམས་པ་གནང་༔ དེ་ཚེ་གནོད་སྦྱིན་འཁོར་བཅས་ལཿ བསྟན་པ་སྲུང་བར་བཀའ་བསྒོས་པས༔ ཞང་བློན་སྡེ་དགུའི་ཆོ་ག་བརྩམསཿ རིག་འཛིན་བརྒྱུད་པའི་བཀའ་བཞིན་དུ༔ བརྒྱན་

[Full Size]

པའི་གཏོར་མ་འདི་བཞེས་ལ༔ གསོ་རིག་བསྟན་པ་རྒྱས་པ་དང་༔ སྨན་པའི་མངའ་ཐང་འཕེལ་བར་མཛོད༔ ད་དུས་ལྔ་བརྒྱའི་ཐ་མ་ལ༔ བྱ་ལོ་ས་གའི་ཉི་ཤུ་ཉིན༔ རིག་འཛིན་ཏིཥྛ་བཛྲ་ལ༔ རྡོ་རྗེ་བདུད་འདུལ་འཁོར་བཅས་ཀྱིས༔ རང་རང་གཟུགས་མཆོག་དངོས་སུ་བསྟན༔ སྒྲུབ་ཐབས་ལས་ཚོགས་ལུང་བསྟན་པའི༔ དགོས་ཆེད་འབྲས་བུ་དུས་ལ་བབ༔ བརྒྱན་པའི་གཏོར་མ་འདི་བཞེས་ལ༔ བདག་གི་ཡིད་ལ་གང་འདོད་པ༔ དེ་ནི་མྱུར་དུ་འགྲུབ་པར་མཛོད༔ ཨོཾ་མ་ཧཱ་ཀཱ་ལ་བཛྲ་ཙིཏྟ་རཱ་ག་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ སརྦ་པུཙྪ་ཁཱ་ཧི༔ ཨ་མི་ཏ་རཀྟ་ཁཱ་ཧི༔ ཞེས་ཆད་མདོ་ཡིན་པས་ནམ་ཡང་རུང་ལ༔ ཁྱད་པར་གནམ་ཆོས་ལུགས་ཀྱི་གཙོ་འཁོར་བསྟོད་བསྐུལ་ནི༔ ཧཱུྃ༔ རི་རབ་ཆེན་པོའི་བྱང་གི་ཕྱོགས༔ གསེར་གྱི་རི་བདུན་རྩེ་མོ་ན༔ གཉའ་ཤིང་འཛིན་གྱི་རྩེ་མོ་ན༔ གནོད་སྦྱིན་ཀུན་གྱི་འདུ་ས་ན༔ རྒྱལ་པོའི་ཕོ་བྲང་ལྕང་ལོ་ཅན༔ རིན་ཆེན་སྣ་ཚོགས་གཞལ་ཡས་ཁང་༔ དེ་ནི་ཁྱོད་ནི་བཞུགས་གནས་སོ༔ ཕྱག་ན་རྡོ་རྗེའི་ཐུགས་ཀྱི་སྲས༔ རྣམ་ཐོས་བུ་ཡི་དམག་དཔོན་ཏེ༔ སྡེ་དཔོན་སུམ་ཅུའི་ཡ་གྱལ་བ༔ གནོད་

[Full Size]

སྦྱིན་སྡེ་དཔོན་ཁྲག་རལ་ཅན༔ ལན་གཅིག་བལ་པོའི་ཡུལ་དུ་བྱོན༔ ཨ་སུ་ར་ཡི་བྲག་ཕུག་ཏུ༔ སློབ་དཔོན་པདྨས་དམ་ལ་བཏགས༔ བལ་པོའི་རྒྱལ་པོས་མུ་སྟེགས་བསྟེན༔ ཁྱོད་ཁྲོས་མ་བཞུགས་བོད་དུ་བྱོན༔ འོར་དུ་བྱམས་པའི་བཀའ་སྲུང་མཛད༔ སྨར་ཁམས་སྟོད་སྨད་ཀུན་ལ་གནས༔ ཞང་བློན་ཡེ་བརྫུ་ཞེས་སུ་གྲགསཿ བརྒྱན་པའི་གཏོར་མ་འདི་བཞེས་ལཿ ཆུས་སྲིད་དབང་ཐང་དངོས་གྲུབ་སྩོལ༔ ཧཱུྃ༔ ཞང་བློན་རྡོ་རྗེ་བདུད་འདུལ་ནི༔ སྐུ་མདོག་མཐིང་ནག་འབར་བ་ལ༔ ཞལ་གཅིག་རབ་ཁྲོས་མཆེ་བ་གཙིགས༔ སྤྱན་གསུམ་དམར་ཟླུམ་མེ་ལྟར་འབར༔ དགུ་སྐྲ་དམར་སེར་གྱེན་དུ་བཅིངས༔ རིན་ཆེན་སྲོག་ཞུ་དར་དཔྱངས་འཕུརཿ ཕྱག་གཡས་དར་ནག་རུ་མཚོན་ཕྱར༔ གནོད་སྦྱིན་དམག་ཚོགས་དབང་དུ་སྡུད༔ གཡོན་པས་ལྕགས་ཀྱི་པར་བུ་བསྣམས༔ བདུད་རྩི་སྨན་གྱི་བཅུད་རྣམས་སྡུད༔ སྐུ་ལ་ལྗང་ནག་བེར་གྱི་སྟེང་༔ གསེར་སྐྱེད་རིན་ཆེན་སྐེད་ལ་བཅིངས༔ ཙནྡན་བེང་ཆེན་སྐྱེད་ལ་བཅུག༔ དར་ནག་བེར་ཆེན་བརྗིད་པ་གསོལ༔ ཞབས་ལ་སག་ཏི་རྒྱ་ལྷམ་མནབས༔ ཆིབས་སུ་རྟ་ནག་རྟིང་དཀར་

[Full Size]

ཆིབས༔ སྐུ་ལས་བསྐལ་པའི་མེ་ཆེན་འབར༔ འཁོར་བཅས་འདིར་པགཤེགས་པ་གཏོར་མ་བཞེས༔ བར་ཆད་ཀུན་སོལ་དངོས་གྲུབ་སྩོལཿ མདུན་དུ་ཡུམ་ཆེན་ཀུན་སྡུག་མ༔ དམར་མོ་ཁྲོ་འཛུམ་གཅེར་བུ་མ༔ དར་དང་རིན་ཆེན་དུ་མས་བརྒྱན༔ ཕྱལག་ན་གྲི་གུག་ཐོད་ཁྲག་བསྣམསཿ འགྱིང་བག་གར་སྟབས་སྣ་ཚོགས་བསྒྱུར༔ བརྒྱན་པའི་གཏོར་མ་འདི་བཞེས་ལ༔ ཁམས་གསུམ་དབང་དུ་སྡུད་པ་དང་༔ ཚེ་དང་རིགས་རྒྱུད་དངོས་གྲུབ་སྩོལ༔ བཀའ་ཉན་ལྷ་སྲིན་སྡེ་བརྒྱད་ནི༔ ཤར་དུ་ལྷ་ཡི་གཙོ་བོ་སྟེ༔ ལྷ་རབ་ཡར་ལྷ་ཤམ་པོ་ནི༔ མི་དཀར་གཡག་དཀར་མགོ་བོ་ཅན༔ སྐུ་ལ་དར་དཀར་བེར་ཆེན་གསོལ༔ ཕྱག་ན་ཤེལ་གྲི་མདུང་དར་དཀར༔ ལྷ་དམག་འབུམ་གྱི་འཁོར་དང་བཅས་བརྒྱན་པའི་གཏོར་མ་འདི་བཞེས་ལ༔ ལྷ་ཡི་རྩུབ་རིམས་བཟློག་ཏུ་གསོལཿ ཕྱི་ནང་འཁྲུག་རྩོད་ཞི་བར་མཛོད༔ ལྷོ་ཕྱོགས་གཤིན་རྗེ་ཆོས་རྒྱལ་ནི༔ མཐིང་མདོག་མ་ཧེ་ཁྲོས་པའི་ཞལ༔ སྐུ་ལ་སྟག་ལྤགས་རློན་པ་གསོལ༔ ཕྱག་ན་བེ་ཅོན་དབྱུག་ཏོ་བསྣམས༔ གཤིན་རྗེ་འབུམ་གྱི་འཁོར་དང་བཅསཿ བརྒྱུན་པའི་གཏོར་མ་འདི་བཞེས་ལ༔ གཤིན་

[Full Size]

རྗེའི་ཁྲམ་ཁ་བཟློག་ཏུ་གསོལ༔ དུས་མིན་འཆི་བ་མེད་པར་མཛོད༔ ནུབ་ཕྱོགས་སྲིད་པའི་རྒྱལ་མོ་དཀརཿ གཡུ་འབྲུག་མགོ་ཅན་དར་དཀར་གསོལ༔ ཕྱག་ན་མདའ་དར་མེ་ལོང་བསྣམས༔ མ་མོ་འབུམ་གྱི་འཁོར་དང་བཅས༔ བརྒྱན་པའི་གཏོར་མ་འདི་བཞེས་ལཿ མ་མོའི་དལ་ཡམས་བཟློག་ཏུ་གསོལ༔ རིམས་ནད་རྐྱེན་ཁ་ཞི་བར་མཛོད༔ བྱང་ཕྱོགས་རྐོས་རྗེ་དྲང་དཀར་ནི༔ མི་ནག་རྟ་ནག་མགོ་ཅན་ལ༔ སྐུ་ལ་དར་ནག་བེར་ཆེན་གསོལ༔ ཕྱག་ན་དགྲ་སྟ་ཁྲམ་ཤིང་བསྣམས༔ བདུད་དམག་འབུམ་གྱི་འཁོར་དང་བཅས༔ བརྒྱན་པའི་གཏོར་མ་འདི་བཞེས་ལ༔ བདུད་ཀྱི་ཞགས་པ་འདེབས་པ་ཟློག༔ ཚེ་ཡི་བར་ཆད་ཞི་བར་མཛོད༔ ཤར་ལྷོར་སྲོག་གཟན་དམར་པོ་ནི༔ རྟ་དམར་མགོ་ཅན་བེར་དམར་གསོལ༔ ཕྱག་ན་དར་དམར་མདའ་གཞུ་བསྣམས༔ བཙན་དམག་འབུམ་གྱི་འཁོར་དང་བཅས༔ བརྒྱན་པའི་གཏོར་མ་འདི་བཞེས་ལ༔ བཙན་གྱི་སྐྱ་རྒྱུག་བཟློག་ཏུ་གསོལ༔ གློ་བུར་ཡེ་འདྲོག་ཞི་བར་མཛོད༔ ལྷོ་ནུབ་སྲོག་བདག་སེང་གེའི་མགོ༔ སྐུ་ལ་ངུར་སྨྲིག་ཆོས་གོས་གསོལ༔ ཕྱག་ན་འཁར་གསིལ་ལྷུང་བཟེད་

[Full Size]

བསྣམས༔ དཀོར་བདག་འབུམ་གྱི་འཁོར་དང་བཅས༔ བརྒྱན་པའི་གཏོར་མ་འདི་བཞེས་ལཿ རྒྱལ་འགོང་སྨྱོ་འབོག་བཟློག་ཏུ་གསོལ༔ འགོང་པོའི་བར་ཆད་ཞི་བར་མཛོད༔ ནུབ་བྱང་གནོད་སྦྱིན་སྟག་གི་མགོ༔ སྐུ་ལ་དར་ལྗང་ཕོད་ཁ་གསོལ༔ ཕྱག་ན་རལ་གྲི་ནོར་བུ་བསྣམས༔ གནོད་སྦྱིན་འབུམ་གྱི་འཁོར་དང་བཅས༔ བརྒྱན་པའི་གཏོར་མ་འདི་བཞེས་ལ༔ གནོད་སྦྱིན་གཟེར་ནད་བཟློག་ཏུ་གསོལ༔ གོད་ཁ་སྙིང་སྟོང་ཞི་བར་མཛོད༔ བྱང་ཤར་ཀླུ་བདུད་ཆུ་སྲིན་མགོ༔ སྐུ་ལ་དུག་སྦྲུལ་པགས་པ་གསོལ༔ ཕྱག་ན་སྦྲུལ་ཞགས་ནད་རྐྱལ་བསྣམས༔ ཀླུ་གཉན་ས་བདག་འབུམ་དང་བཅས༔ བརྒྱན་པའི་གཏོར་མ་འདི་བཞེས་ལ༔ ཀླུ་ནད་མཛེ་རིགས་བཟློག་ཏུ་གསོལ༔ ཀླུ་ནད་ཐམས་ཅད་ཞི་བར་མཛོད༔ ཕྱི་འཁོར་གནོད་སྦྱིན་སྟོང་སྡེའི་ཚོགས༔ བསྲེ་ཁྲབ་རྨོག་ཞུ་ཡ་ལད་གསོལ༔ ཕྱག་ན་མདུང་དར་ནེའུ་ལེ་ཐོགས༔ སྟོབས་ཆེ་དཔུང་ཆེ་སྡེ་བོ་ཆེ༔ གཞན་གྱིས་མི་ཐུབ་དྲག་ཤུལ་ཆེ༔ བརྒྱན་པའི་གཏོར་མ་འདི་བཞེས་ལ༔ གཙོ་བོའི་བཀའ་བཞིན་ལས་རྣམས་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པ་ནི་གནམ་ཆོས་ཀྱི་

[Full Size]

ཁ་བཀང་དུ་རཱ་ག་ཨ་སྱས་སྦྱར་བ་སྟེ་གལ་ཆེ་དུས་མ་གཏོགས་རྒྱུན་དུ་མི་འདོན་སྡེ་བརྒྱད་འདི་གཉན་ནོ༔ དེ་ནས་ཨོ་རྒྱན་གྱི་གཏེར་རྙིང་ལས་བྱུང་བའི་ཟློག་པ་འདི༔ འབྲུག་ལུགས་ཀྱི་མགོན་མང་ཀར་ལུགས་ཀྱི་ཞི་སྐྱོང་ལ་སྦྱར་འདུག༔ ཆོས་སྐྱོང་གང་ལ་ཡང་སྦྱར་ཆོག་པས་ད་རིས་འདིར་སྦྱར་ཏེ༔ ཧཱུྃ༔ གནོད་སྦྱིན་མགོན་པོ་ཞང་བློན་འཁོར་བཅས་ཀྱི༔ རྣམ་དག་ཐུགས་ཀྱི་རེ་བ་ཡོངས་བསྐང་ཞིང་༔ ཉེས་པའི་ཚོགས་རྣམས་མི་འཆབ་བཤགས་བགྱིད་པས༔ བདག་ཅག་འཁོར་དང་བཅས་ལ་གནོད་པ་ཡི༔ སྲིད་པའི་ཁྲམ་ཁ་ཐམས་ཅད་དགྲ་ལ་སྒྱུར༔ ལྷ་འདྲེའི་དམག་ཚོགས་མ་ལུས་དགྲ་ལ་དྲོངས༔ ཕ་རོལ་བསམ་སྦྱོར་ངན་པའི་ལས་བརྩམས་པ༔ བྱད་ཁ་ཕུར་ཁ་དྲོད་གཏོང་དྲག་པོ་དང་༔ མཚེ་ཟོར་རྦད་འདྲེ་ཡུངས་ཟོར་འཕེན་པ་ཟློག༔ ས་བདག་ཀླུ་ཡི་བྱད་དུ་བཅུག་པ་དང་༔ ཐེའུ་རང་འགོང་པོའི་སྲིས་རྐུན་ཐམས་ཅད་ཟློག༔ གཤིན་རྗེའི་འཁོར་ལོ་བདུད་ཀྱི་ཁྲམ་འདེབས་དང་༔ མུ་སྟེགས་ངན་པའི་བར་ཆད་བྱེད་པ་ཟློག༔ རྒྱལ་བསེན་རྣམས་ཀྱི་སྨྱོ་འབོག་གཏོང་བ་དང་༔ དྲང་སྲོང་གཟའ་དང་ཀླུ་གདོན་གནོད་པ་ཟློག༔ ཞང་ཞུང་ཇོ་བོར་སུམ་པའི་གླང་ཟོར་དང་༔ བོན་པོ་རྣམས་ཀྱི་གཏོར་ཟོར་འཕེན་པ་

[Full Size]

ཟློག༔ བན་དེའི་སྔགས་ཟོར་སྐྱེས་པའི་མདའ་ཟོར་དང་༔ བུད་མེད་རྣམས་ཀྱི་དམོད་ཟོར་འཕེན་པ་ཟློག༔ བདུད་ཀྱི་གཤེད་བཞི་རོ་ལངས་འབྱུང་པོ་དང་༔ མ་མོ་རྣམས་ཀྱི་ཁྲག་ཟོར་འཕེན་པ་ཟློག༔ མོ་རྩིས་ངན་དང་རྨི་ལམ་མཚན་མ་ངན༔ ལྟས་ངན་མི་རུང་བརྒྱད་ཅུ་རྩ་གཅིག་ཟློག༔ བཞི་བརྒྱ་རྩ་བཞིའི་ནད་རྣམས་མ་ལུས་དང་༔ གདོན་རིགས་ཉི་ཁྲི་ཆིག་སྟོང་ཚོགས་རྣམས་ཟློག༔ སྟོང་ཕྲག་བརྒྱད་ཅུའི་བགེགས་རྣམས་མ་ལུས་དང༔ ཡེ་འདྲོགས་ཆེན་པོ་སུམ་བརྒྱ་དྲུག་ཅུ་ཟློག༔ གདོན་ཆེན་བཅོ་ལྔ་ལོ་ཟླ་ཞག་དུས་སྐག༔ མི་མཐུན་ཕྱོགས་རྣམས་དགྲ་བོའི་སྟེང་དུ་ཟློག༔ དུས་མིན་འཆི་བའི་འཇིགས་པ་བརྒྱད་རྣམས་དང་༔ ལྟས་ངན་ཆོ་འཕྲུལ་དགྲ་བོའི་སྟེང་དུ་ཟློག༔ ཞང་བློན་རྡོ་རྗེ་བདུད་འདུལ་དྲག་རྩལ་ཅན༔ ཡབ་ཡུམ་མི་སྲུན་སྡེ་བརྒྱད་དམག་ཚོགས་རྣམས༔ ཕྲིན་ལས་དྲག་པོ་ཤིན་ཏུ་མི་བཟད་པས༔ སོད་ཅིག་ཐུལ་ཅིག་དགྲ་དང་བགེགས་ཀྱི་ཚོགསཿ གཏད་དོ་གཉེར་རོ་སྲུང་མ་མཐུ་རྩལ་ཅན༔ ལེ་ལོ་བཏང་སྙོམས་གཡེལ་བ་མ་མཛད་པར༔ རྟགས་དང་མཚན་མ་མྱུར་དུ་སྟོན་མཛོད་ཅིག༔ རྣལ་འབྱོར་བདག་གི་བཅོལ་བའི་ཕྲིན་ལས་རྣམས་

[Full Size]

ད་ལྟ་ཉིད་དུ་འགྲུབ་པར་མཛད་དུ་གསོལ༔ ཞེས་ཚར་གསུམ་ལྔ་བདུན་དགུ་སོགས་དང་༔ དེའི་བར་མཚམས་སུ་སྔགས་འདིས་ཐུན་སོགས་སྔགས་ལ༔ གཏོར་མར་མེ་རུ་བཙུགས་ལ་ཕྱོགས་གཙང་སའི་གོམ་པ་བདུན་ཅུའི་ཕ་རོལ་དུ་བསྐུར་ལ་ཕུལ་བཅུག༔ སྔགས་དྲག་ཏུ་བརྗོད་ཅིང་ཁྱིམ་དུ་ཐུན་བྲབ༔ དམིགས་པ་ཞང་བློན་གྱི་དམག་གིས་གདོན་ཐམས་ཅད་རྒྱ་མཚོའི་ཕར་འགྲམ་དུ་བདས་པར་སྒོམས་ཤིང་། ཨོཾ་རཏྟཱ་ཙིཏྟི་རཱ་ག་རཱ་ཏི་ཡཀྵ༔ སརྦ་ཨེ་ཀཱི་ལ་ཡ་མཱ་ར་ཡ་ཕཊ༔ ཚིནྡྷ་ཚིནྡྷ་རཱ་ཙ་མཱ་ར་ཡ་ཕཊ༔ བྷིནྡྷ་བྷིནྡྷ་ཏྲི་ཏྲིའུ་མཱ་ར་ཡ་ཕཊ༔ སྤོ་ཊ་སྤྲོ་ཊ་འབྱུང་པོ་ཨུ་ཙ་ཏ་ཡ་མཱ་ར་ཡ་ཕཊ༔ ཅེས་པ་བཟླས་ཤིང་གནོད་སྦྱིན་འཁོར་བཅས་ཀྱིས་འབྱུང་པོ་རྡུལ་དུ་བརླག་པར་བསྒོམས་ནས༔ གནོད་བྱེད་གདོན་ཐམས་ཅད་སྐད་ངན་ཙེ་རེ་རེ་བྲོས་པར་རྒྱུད་ནས་གསུངས་ཏེ༔ རྒྱལ་འགོང་ལོ་འདྲེ་གདོན་འཁྱམ་མོ་གདོན་གཤེད་ཁ་ཐམས་ཅད་འདིས་ཐུབ་བོ༔ རང་ནུས་པ་ཆེ་ན་ནད་པ་གདོན་ཆེན་ལ་གཏོར་མ་བརྒྱབ་ཀྱང་རུང་ངོ་༔ འདི་གནོད་སྦྱིན་གྱི་རིགས་ཀྱི་མགོན་པོ་དྲེགས་པའི་སྡེ་དཔོན་སུམ་ཅུའི་གཅིག་ཡིན་པས་སྟོབས་ཆེ༔ ཡེ་བརྫུའི་སྒྲུབ་ཐབས་ཡིག་རྙིང་རྣམས་ནས་འདིའི་སྤྲུལ་པ་ཡེ་བརྫུ་ཡིན་པར་གསུངས་པས་རྣོ་མྱུར་ཚེ༔ འོན་ཀྱང་ནོར་ལྷའི་རིགས་ཡིན་པས་རྒྱུད་འཇམ་འཁུ་ལྡོག་མེད༔ མངོན་སྤྱོད་མངའ་ཐང་ཤུགས་ལ་རྒྱས་པས་ཆོས་སྐྱོང་གི་མཆོག་ཡིན༔ ཁྱད་པར་དམ་ཚིག་གི་དབང་གིས་སྨན་པ་རྣམས་ལ་མགོན་ནོ༔ རྟགས་ནི་

[Full Size]

ཚོང་དཔོན་དང་ཚོང་པ་དཔོན་རིགས་ཆེས་བཟང་བཙུན་པ་ཆོས་བཟང་སྙན་གྲགས་དང་༔ དཀར་གསུམ་བྱིན་པ་ཉི་ཟླ་ཤར་བ་བར་ཆད་ཞི་རྟགས༔ གོ་ཁྲུབ་བྱིན་པ་གྱོན་པ་སྲུང་རྟགས༔ གོས་བཟང་གྱོན་ཁྲི་ལ་འདུག་ལོ་ལེགས་རིན་པོ་ཆེའི་རིགས་རྙེད་པ་བསོད་ནམས་རྒྱུས་རྟགས༔ མི་མང་ཕྱག་འཚལ་དར་ཕྱར་དུང་འབུད་པ་དབང་དུ་འདུ་རྟགས༔ མགོ་དང་ནང་གྲོལ་བྱིན་པ་བསད་པ་དགྲ་གདོན་ཐུབ་པའི་རྟགས་སོ༔ སྤྲང་པོ་བྱུང་ན་གཏོར་མ་བཟང་དུ་བྱའོ༔ ཞེས་པ་འདི་སྙིས་སྐྱོ་ལྷ་ཆུང་གིས་བསྙེན་པ་འདོད་ཟེར་ནས་རཱ་ག་ཨ་སྱས་བྲིས་པ་སྟེ༔ གཞན་ཡང་འཚོ་མཛད་གསར་བུ་འགའ་ལ་ཕན་པར་གྱུར་ཅིག་མངྒ་ལཾ༔ འདིའི་རྒྱུད་ཕྱག་རྡོར་གྱིས་གསུངས་པ༔ གནོད་སྦྱིན་ཆེན་པོ་ཡིད་བཞིན་གཏེར་གྱི་རྒྱུད་ཅེས་བྱ་བ་ལེའུ་བཅོ་བརྒྱད་པ་ལསཿ ཕྱི་ལྟར་བསྒྲུབས་པས་ཟས་ནོར་སྒྲུབས༔ ནང་ལྟར་བསྒྲུབ་ནི་བར་ཆད་བསལ༔ གསང་བ་སྒྲུབ་ནི་དགྲ་སྲོག་བཅད༔ དེ་ལྟར་བསྒྲུབ་ལ་མཉམ་དུ་བསྐུལ༔ གྲོགས་ལྟར་བརྟེན་ལ་ཐ་ཚིག་བསྲེ༔ བྲན་ལྟར་བརྟེན་ལ་ལས་ལ་བཀོལ༔ ཞེས་དང་༔ གང་སྒྲུབ་འཁོར་ལོས་སྒྱུར་རྒྱལ་འདྲ༔ ཅི་འདོད་ཕུན་སུམ་ཚོགས་པ་འགྲུབ༔ བསྟན་པ་བསྲུང་བའི་ལས་བསྒྲུབ་ཅིང་༔ ཉི་ཤུ་རྩ་གཅིག་ཞག་གྲངས་ཀྱིས༔ སྲིད་པ་གསུམ་གྱི་སེམས་ཅན་སྒྲོལ༔ དགྲ་བོ་མངོན་དུ་སྒྲོལ་བར་བྱེད༔ ཅེས་གསུངས་པས་ཕན་ཡོན་དགོས་ཆེད་ནི་དེ་ལྟར་རོ༔ བྷ་ཝནྟུ༔ ཡང་སྨན་བླའི་བདག་མདུན་སྔགས་བཟླས་པས་ཚེ་འདི་ཡང་ནད་དང་སྡུག་བསྔལ་ཞི་བ་དང་༔ གཞན་གྱིས་བྱད་ཁ་དང་བསམ་

[Full Size]

ངན་མི་ཚུགས་པ་དང་༔ བསོད་ནམས་ལོངས་སྤྱོད་འཕེལ་བ་དང་༔ ཕྱི་མ་ངན་སོང་མི་ལྟུང་ཞིང་༔ བདེ་འགྲོ་མཐོ་རིས་སུ་ཇེ་མཐོར་སྐྱེས་ནས་རིམ་གྱིས་སངས་རྒྱས་ཐོབ་པར་བཤད་ཅིང་༔ སྨན་བླ་མཆེད་བདུན་གྱི་གྲར་ལ་བཞུགས་པའི་དེ་བཞིན་གཤེགས་པ་ཆོས་སྒྲགས་རྒྱ་མཚོའི་དབྱངས་སྤྱི་བོར་བསྒོམ་ཞིང་དེའི་མཚན་བརྗོད་པས༔ ཚེ་འདིར་ཡང་དགྲ་དང་ཁ་མཆུ་ཞི་ཞིང་འཐབ་རྩོད་དང་མཚོན་གྱིས་འཆི་བར་མི་འགྱུར་བ་སོགས༔ སངས་རྒྱས་དེ་གཉིད་ཀྱི་ཕན་ཡོན་རྒྱ་ཆེར་སྨན་མདོ་རྒྱས་བསྡུས་གཉིས་ནས་བཅོམ་ལྡན་འདས་ཐུབ་པའི་དབང་པོས་བཀའ་སྩལ་པའོ༔ སྨན་བླ་དངཞང་བློན་སྔར་གྱི་བཀའ་མའི་དབང་ལུང་གི་རྒྱུན་དང་༔ དུས་ཕྱིས་གནམ་ཆོས་ལུགས་གཉིས་ཀ་ཐོབ་པས༔ སྔར་གྱི་དེ་ཕུགས་ཆེ༔ གནམ་ཆོས་བརྒྱུད་པ་ཉེ་བ་མྱུར་ཏེ༔ བདག་ལ་སྨན་བླའི་དབང་དང་༔ ཞང་བློན་བཀའ་གཏད་ཐོབ་ཚད་ཀྱིས་འདི་འདོན་ཆོག་ལོགས་སུ་འདིའི་དབང་ལུང་ཞུ་མི་དགོས་ཏེ༔ དབང་དང་བཀའ་གཏད་འཐུས་ཡོད་དོ༔ འདི་ཉམས་སུ་བླངས་ན་འཚོ་མཛད་རྣམས་ལ་འདི་ཕྱིས་དོན་ཆེན་པོར་འགྱུར་རོ༔ ཞེས་རཱ་ག་ཨ་སྱས་བྲིས་སོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྩ་པྲའི་སྒྲུབ་ཐབས་འདོན་འགྲིགས་དང་བཅས་པ་བལྟས་ཆོག་ཏུ་བཀོད་པ་སྣང་གསལ་མངོན་ཤེས་འཕྲུལ་གྱི་མེ་ལོང་།

[Full Size]

རྩ་པྲའི་སྒྲུབ་ཐབས་འདོན་འགྲིགས་དང་བཅས་པ་བལྟས་ཆོག་ཏུ་བཀོད་པ་སྣང་གསལ་མངོན་ཤེས་འཕྲུལ་གྱི་མེ་ལོང་ཞེས་བྱ་བ་བཞུགས་སོ།།

[Full Size]

ན་མོ་བྷེ་ཥ་ཛུ་ཡ། ཨོ་རྒྱན་པདྨ་འབྱུང་གནས་ཀྱིས། །དུས་གསུམ་མ་བསྒྲིབས་ས་ལེར་མཁྱེན། །ལྔ་བརྒྱ་དུས་ཀྱི་ཐ་མ་ལ། །དུ་རུ་ཀ་ལ་སྡེ་ལྔ་འབྱུང་། །དེ་ལ་ནད་ཀྱི་དུ་རུ་ཀ །རྒྱུད་གཞུང་ནང་ནས་མ་བཤད་པའི། །ནད་རིགས་རྣམ་པ་དུ་མ་འབྱུང་། །ནད་རྟགས་ཚ་གྲང་གོ་ལོག་སྟོན། །དེ་ཕྱིར་སྨན་རྣམས་དུག་ཏུ་འགྲོ། །ནད་ཡམས་སྣ་ཚོགས་རླུང་ལྟར་འཚུབ། །ལོ་རེ་ནད་རིགས་རེ་རེ་དར། །ནད་ངོས་མི་ཟིན་སྨན་དཔྱད་རྡུགས། །དེ་དུས་རྩ་པྲའི་མངོན་ཤེས་འདི། །སེམས་ཅན་ཀུན་ལ་ཕན་དགོངས་ནས། །རྒྱལ་པོ་ཁྲི་སྲོང་ཉིད་ལ་གནང་། །ལྡན་མ་རྩེ་མང་ཡི་གེར་བཏབ། །བསེ་སྒྲོམ་སྨུག་པོའི་ནང་དུ་བཅུག །རྒྱལ་པོའི་ཕྱག་དཔེ་གཏེར་དུ་སྦས། །མ་འོངས་འགྲོ་དོན་སྨོན་ལམ་བཏབ། །ལས་ཅན་རིག་འཛིན་ཉིད་

[Full Size]

ཀྱིས་བཏོན། །རྩ་པྲ་ཆུ་ཕྲའི་རིགས་མང་ཡང་། །ལ་ལ་རྫས་དང་དམ་ཚིག་དཀའ། །ལ་ལ་བསྒྲུབ་བྱ་མཐུན་རྐྱེན་དཀའ། །ལ་ལ་སྒྲུབ་གཉུག་སྔགས་གྲངས་མང་། །འཇིག་རྟེན་ལྷ་ཡི་རྩ་ཕྲ་མང་། །ཕྱི་མ་མི་ཕན་དགོས་པ་ཆུང་། །འདི་ནི་སྨན་བླའི་རྩ་པྲ་སྟེ། །ཕྱི་མ་ངན་སོང་སྐྱེ་སྒོ་གཅོད། །བསྒྲུབ་སླ་ལག་ལེན་བདེ་བ་ཡིན། །འདི་ཉིད་ཉམས་སུ་ལེན་འདོད་ན། །དང་པོ་སྨན་བླའི་རྗེས་གནང་ཞུ། །མཛེ་ཡུགས་དམ་ཉམས་གོས་མི་བསྲེ། །གྲིབ་རྣམས་ཀུན་ལ་ཤིན་ཏུ་འཛེམས། །ཁྱད་པར་མཛེ་ཡུགས་ཉལ་པོ་སྤང་། །མཛེ་ཕོ་ལ་ནི་རྩ་མི་བལྟ། །གལ་ཏེ་བལྟ་ན་རིས་ཀྱིས་ལྕིབ། །ཤ་རྗེན་ཆུ་བརྟག་ལག་མི་རེག །ཁྲུས་དང་གཙང་སྦྲ་ཅི་ནུས་འབད། །དེ་ནི་དམ་ཚིག་རིམ་པའོ། །སྒྲུབ་དུས་མིན་ཀྱང་རྒྱུན་དུ་བསྲུང་། །དུས་ནི་ཡར་ངོས་

[Full Size]

ཚེས་བརྒྱད་དེ། །དེ་ནས་བསྙེན་སྒྲུབ་བྱ་ཚུལ་ནི། །རབ་ནི་རི་ཁ་གཙང་མའི་ས། །སྔོན་ཆད་མི་ཁྱི་མ་འགྲིམ་སར། །ནེའུ་སིང་མེ་ཏོག་རྒྱས་པའི་ནང་། །འབྲིང་དུ་གཙང་ཞིང་དབེན་པའི་ས། །ཐ་མ་རང་ཁྱིམ་དབེན་པའི་ས། །ཕྱགས་དར་ཆུ་ཆག་སྤོས་ཀྱིས་བྱུགས། །གདན་དང་གོས་དང་ཁྲུས་སྤོས་བདུག །ས་སྟེགས་གཙང་མ་ཟླུམ་པོར་བྱ། །དྲི་ཞིམ་ཙནྡན་ཆག་ཆག་གདབ། །རྡུལ་ཚོན་པདྨ་འདབ་བརྒྱད་བྲི། །ཡང་ན་ནས་ཀྱིས་བྲིས་ཀྱང་ཆོག །སྨན་ལྔ་དྲི་ལྔ་གུར་གུམ་རྣམས། །སྦྱར་བས་ཕྱོགས་བཞི་དབུས་ལྔ་རུ། །དྲི་བཟང་དེ་ཡི་རིལ་བུ་བཞག །ཡང་ན་བྱེ་མ་སྤུངས་པར་བྱ། །རིན་ཆེན་བུམ་པའི་ནང་དུ་ནི། །སྨན་ལྔ་འབྲུ་ལྔ་སྙིང་པོ་ལྔ། །དྲི་ལྔ་རིན་ཆེན་ལྔ་པོ་དང་། །ཆུ་མིག་ཤར་རྒྱུའི་ཆུ་དེ་ནས། །ཁྱེའུ་གཙང་མས་བླངས་པ་དང་། །འོ་མ་དང་བཅས་བུམ་པར་བླུགས། །དར་རས་དཀར་སྔོན་གཙང་མ་ཡིས། །མགུལ་ཆིངས་སུར་དཀར་ཁ་རྒྱན་བཙུགས། །རྨ་བྱ་ཀུ་ཤ་གཟུངས་ཐག་གི །རྡོ་རྗེ་ཡོད་ལེགས་མེད་ཀྱང་རུང་། །སྨན་བླའི་བྲིས་སྐུ་ཚོན་གང་པ། །རས་དཀར་བྲིས་རྒྱབ་བསྙེན་སྔགས་དང་། །རིག་འཛིན་སྨན་གྱི་སིདྷི་སྩོལ། །ཞེས་བྲི་བུམ་པའི་ཁ་རྒྱན་བཙུགས། །བསྙེན་སྒྲུབ་ལས་སྦྱོར་སྔགས་རྣམས་ནི། །གསེར་གྱིས་གཟར་བྲིས་དར་དཀར་དྲིལ། །དེ་ཡི་སྐུ་དང་མཉམ་དུ་བཞག །མཎྜལ་པད་འདབ་ཕྱི་རིམ་ལ། །ཏིང་བདུན་ནང་དུ་མཆོད་པ་བཤམ། །ཤར་དུ་ཆུ་གཙང་འོ་མ་ཅན། །ཤར་ལྷོར་ཆུ་གཙང་ལྷོར་མེ་ཏོག །ལྷོ་ནུབ་སྤོས་དང་ནུབ་མར་མེ། །ནུབ་བྱང་

[Full Size]

སྤོས་ཆུའམ་ཇ་རྒོད་ཕུད། །བྱང་དུ་ལྷ་བཤོས་བྱང་ཤར་དུ། །ནས་སམ་ཡང་ན་ཏིང་ཤག་བཞག། །དུག་རིགས་སྤང་བའི་ཨ་རུ་སོགས། །སྨན་སྣ་ཁྲོབ་རྣམས་གཅལ་དུ་བཀྲམ། །དེ་རྒྱབ་སུར་དཀར་ར་བས་བསྐོར། །གཏོར་སྒམ་ནང་ངམ་ཁྲིའུ་སྟེང་། །སྨན་བླའི་གཏོར་མ་ལྕོགས་ཟླུམ་ལ། །དེ་འདྲ་བརྒྱུད་བསྐོར་མེ་ཏོག་བརྒྱན། །འོ་མ་དཀར་མངར་དྲན་པ་བཞག །མཛོ་མོའི་འོ་མ་མི་རུང་ཞིང་། །ཤ་ཆང་སྒོག་བཙོང་མི་རུང་ངོ་། །རྒྱུན་དུ་གསོ་བའི་མཐེབ་སྐྱུ་དང་། །འབྱོར་ན་ལྷ་བཤོས་མར་མེ་དང་། །མཆོད་པ་ཉིན་རེ་བཞིན་དུ་བརྗེ། །མ་འབྱོར་ཆུ་དང་ནས་འབྲུ་ཡིས། །མཆོད་པ་ཁ་གསོས་ཙམ་རེས་ཆོག །གཏོར་མ་གསོ་བྲན་བྱས་པས་ཆོག །སྒྲུབ་ཚེ་གདན་གཅིག་བསྲུང་ན་བཟང་། །མ་ཐུབ་ཤ་ཆང་སྒོག་བཙོང་སྤང་། །རང་གི་སྙིང་གར་གུར་གུམ་གྱིས། །ཐིག་ལེ་བྱ་ཞིང་གོས་གསར་གྱོན། །ཕྲེང་བར་རྒྱན་བཏགས་ཁྲ་བོ་བྱ། །དང་པོ་ཉིན་པར་དཀར་གཏོར་གཅིག །ཚངས་བུ་ཏིང་ལོ་བཅས་པ་བཤམས། །ཆུས་བྲན་དེ་ནས་འདི་སྐད་དོ། །ཧཱུྃ་ལས་རིན་ཆེན་སྣོད་ནང་དུ། །ཨོཾ་ལས་གཏོར་མ་བདུད་རྩིར་གྱུར། །ཡུལ་ཕྱོགས་འདི་དང་གནས་འདི་ལ། །གནས་པའི་གནས་བདག་ཐམས་ཅད་དང་། །བགེགས་རིགས་ལན་ཆགས་ཐམས་ཅད་ལ། །བདུད་རྩིའི་གཏོར་མ་འདི་འབུལ་ལོ། །མཆོད་སྦྱིན་གཏོར་མ་འདི་བཞེས་ལ། །དཀར་ཕྱོགས་རྣམས་ཀྱིས་

[Full Size]

སྡོང་གྲོགས་མཛོད། །ནག་ཕྱོགས་རྣམས་ནི་གཞན་དུ་དེངས། །སྒྲུབ་ལ་བར་ཆད་མ་བྱེད་ཅིག །ཨོཾ་སརྦ་ལོ་ཀ་པཱ་ལ་སརྦ་བིགྷཾ་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཞེས་གཏོར་མ་ཕྱི་རོལ་གཙང་སར་ཕུལ། ཧཱུྃ། ང་ནི་ཁྲོ་རྒྱལ་བདུད་རྩི་འཁྱིལ། །ལྗང་ནག་རྒྱ་གྲམ་སྡིགས་མཛུབ་སྒྲེང་། །སྒྲུབ་ལ་བར་དུ་གཅོད་པའི་བགེགས། །འདི་རུ་མ་འདུག་གཞན་དུ་དེངས། །སྐུ་ལས་ཁྲོ་ཆུང་མེ་དཔུང་འཕྲོས། །བགེགས་བསྐྲད་མི་གཙང་གྲིབ་རྣམས་བསྲེགས། །ཚུར་འདུས་ཁྲོ་ཆུང་རྡོ་རྗེའི་གུར། །བསྐལ་པའི་མེ་དཔུང་འབར་བར་གྱུར། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ། གནོད་བྱེད་ཨུ་ཙ་ཏ་ཡ་ཕཊ། བཛྲ་རཀྵ་རཀྵ། དང་པོ་ཉིན་པར། ཨོཾ་ཨ་མྲྀ་ཏེ་ཧཱུྃ་ཕཊ། སྔགས་འདིས་ཆུ་གཙང་དང་ཡུངས་ཀར་ལ་བརྒྱ་ཙམ་བསྔགས་ནས། སྒྲུབ་ཁང་ལ་གཏོར། སྒྲུབ་ཁང་ཕྱི་ནས་ར་བའི་ཚུལ་དུ་གཏོར། རྒྱུན་དུ་མི་དགོས། རི་ཁ་ནས་ཡན་ན་ཡང་དེ་ལྟར་བྱའོ། །དེས་བགེགས་དང་བར་ཆད་མི་འབྱུང་ངོ་། །དཀྱིལ་འཁོར་མཆོད་པ་རྣམས་བྲན་ལ། ཧཱུྃ་ལས་རིན་ཆེན་སྣོད་ནང་དུ་ཨོཾ་ལས་མཆོད་པའི་སྤྲིན་ཕུང་ནི། །ཀུན་ཏུ་བཟང་པོའི་རྣམ་ཐར་བཞིན། །ཟག་མེད་བདེ་ཆེན་བསྐྱེད་པར་གྱུར། །ཨོཾ་བཛྲ་སྤ་ར་ཎ་ཁཾ། སངས་རྒྱས་ཀུན་འདུས་བླ་མ་

[Full Size]

དང་། །སྨན་བླ་དཀོན་མཆོག་རྣམ་གསུམ་ལ། །བྱང་ཆུབ་བར་དུ་སྐྱབས་སུ་མཆི། །འགྲོ་བ་སེམས་ཅན་ཐམས་ཅད་ཀུན། །ལུས་སེམས་སྡུག་བསྔལ་ཀུན་བསལ་ནས། །སྨན་བླའི་གོ་འཕང་ཐོབ་པའི་ཕྱིར། །བདག་གིས་བཅོམ་ལྡན་སྨན་བླ་བསྒྲུབ། །རང་ཉིད་སྐད་ཅིག་སྨན་གྱི་བླར། །གསལ་བའི་ཐུགས་ཀའི་འོད་ཟེར་གྱིས། །བདེར་གཤེགས་སྨན་བླ་དྲང་སྲོང་ཚོགས། །མདུན་གྱི་ནམ་མཁར་སྤྱན་དྲངས་གྱུར། །བཛྲ་ས་མཱ་ཛཿ པདྨ་ཀ་མ་ལཱ་ཡ་ཧཱུྃ། ཨོཾ་བཛྲ་ཨགྷཾ། པཱཏུཾ། པུཝེ། དྷུ་པེ། ཨཱ་ལོ་ཀེ། གནྡྷེ། ནི་ཝི་ཏྱ། ཤརྡ་པྲ་ཏཱིཙྪ་སྭཱ་ཧཱ། སངས་རྒྱས་སྨན་བླ་འཁོར་བཅས་ལ། །སྒོ་གསུམ་གུས་པས་ཕྱག་འཚལ་ལོ། །དངོས་འབྱོར་ཡིད་སྤྲུལ་མཆོད་ཚོགས་འབུལ། །སྡིག་སྒྲིབ་གང་མཆིས་ཐམས་ཅད་བཤགས། །འཕགས་སྐྱེའི་དགེ་ལ་རྗེས་ཡི་རང་། །གསོ་རིག་ཆོས་འཁོར་བསྐོར་བཞིན་དུ། །བསྐལ་པ་རྒྱ་མཚོར་བཞུགས་སུ་གསོལ། །དགེ་དེས་སྨན་བླ་མྱུར་འགྲུབ་ཤོག །ཚོགས་ཞིང་རང་གི་སྙིང་གར་ཐིམ། །འགྲོ་ཀུན་བདེ་ལྡན་སྡུག་བསྔལ་བྲལ། །བདེ་ལས་ཉམས་མེད་བཏང་སྙོམས་ཤོག །ཨོཾ་

[Full Size]

སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། སྟོང་གསལ་ནམ་མཁའ་ལྟ་བུའི་ངང་། །པཾ་ལས་པདྨ་འདབ་བརྒྱད་དང་། །ཨ་ལས་ཟླ་བའི་དཀྱིལ་འཁོར་སྟེང་། །རང་སེམས་ཧཱུྃ་ཡིག་མཐིང་ག་ལས། །འོད་འཕྲོས་འགྲོ་བའི་ནད་གདོན་བསལ། །སངས་རྒྱས་བྱང་སེམས་ཐམས་ཅད་ལ། །བདུད་རྩི་སྨན་གྱི་མཆོད་སྤྲིན་འབུལ། །ཐམས་ཅད་སྨན་བླའི་སྐུར་གྱུར་པ། །ཚུར་འདུས་རང་སེམས་ཧཱུྃ་ལ་ཐིམ། །སྨན་མཆོག་རྣམ་རྒྱལ་ཧཱུྃ་མཚན་གྱུར། །དེ་ཉིད་ཡོངས་སུ་གྱུར་པ་ལས། །ཨོཾ་བཛྲ་བྷི་ཥ་ཕྱེ་མ་ཧཱ་བྷི་ཥ་ཛུ་ས་མུཏྤ་ཏེ་ཧཱུྃ། ཞེས་པའི་རང་སྒྲ་གྲག་ཙམ་གྱིས། །བདག་ཉིད་བཅོམ་ལྡན་སྨན་གྱི་བླ། །མཐིང་ག་ཞལ་གཅིག་ཕྱག་གཉིས་པ། །འཛུམ་མཛེས་མཛོད་སྤུ་དཀར་པོས་བརྒྱན། །དབུ་ལ་གཙུག་ཏོར་ཞབས་འཁོར་ལོ། །ཕྱག་གཡས་མཆོག་སྦྱིན་སྨན་མཆོག་བསྣམས། །ཕྱག་གཡོན་མཉམ་བཞག་ལྷུང་བཟེད་ནང་། །འཆི་མེད་བདུད་རྩིས་གང་བ་འཛིན། །ཞབས་གཉིས་རྡོ་རྗེ་སྐྱིལ་ཀྲུང་བཞུགས། །སྐུ་ལ་ཆོས་གོས་རྣམ་གསུམ་གསོལ། །མཚན་དཔེ་ཀུན་རྫོགས་འོད་ཟེར་འབར། །ཕྱི་རིམ་པདྨ་འདབ་བརྒྱད་ལ། །མདུན་དུ་དྲང་སྲོང་སེར་སྐྱ་ལ། །

[Full Size]

གཡས་སུ་ཙ་ར་ཀ་དཀར་སྐྱ། །རྒྱབ་ཏུ་གཟིག་གཟུགས་ཅན་དམར་སྐྱ། །གཡོན་དུ་གཞུང་སྐྱེས་སྔོ་སྐྱ་སྟེ། །བཞི་ཀས་རྣམ་རྒྱལ་ལྷུང་བཟེད་བསྣམས། །ཐོར་ཚུགས་དར་གྱི་སྨད་གཡོགས་ཅན། །ལུས་ཕྲ་བགྲེས་ཉམས་དྲང་སྲོང་ཚུལ། །མཚམས་བཞིར་སྨན་གྱི་ལྷ་མོ་བཞི། །གཞོན་མཛེས་དར་དང་རིན་ཆེན་བརྒྱན། །ཨ་རུ་བདུད་རྩིའི་བུམ་པ་འཛིན། །གཙོ་འཁོར་ཀུན་གྱི་དཔྲལ་བར་ཨོ། །མགྲིན་པར་ཨཱདང་ཐུགས་ཀར་ཧཱུྃ། །ཐུགས་དབུས་ཨོཾ་ཡིག་གསལ་བ་ཡི། །ཐུགས་ཀའི་ཧཱུྃ་ལས་འོད་འཕྲོས་པས། །ཤར་ཕྱོགས་བེཌཱུརྱ་སྣང་གི །སངས་རྒྱས་ཞིང་ནས་ཡེ་ཤེས་པ། །སྤྱན་དྲངས་མདུན་གྱི་ནམ་མཁར་བྱོན། །ཨོཾ་མ་ཧཱ་བྷི་ཥ་ཛཱི་ས་པ་རི་ཝཱ་ར་བཛྲ་ས་མ་ཡ་ཛཿ ཨོཾ་བཛྲ་ཨརྒྱུ་ནས། ཤརྡ་པྲ་ཏིཙྪ་སྭཱ་ཧཱ། བར་བརྗོད། ཛཧཱུྃ་བཾ་ཧོཡེ་ཤེས་པ། །དམ་ཚིག་པ་དང་དབྱེར་མེད་ཐིམ། །སླར་ཡང་དབང་ལྷ་རིགས་ལྔའི་ཚོགས། །ནམ་མཁར་སྤྱན་དྲངས་མཆོད་ཚོགས་མཆོད། །བདག་ལ་མངོན་པར་དབང་བསྐུར་གསོལ། །དབང་ལྷས་དབང་བསྐུར་དྲི་མ་དག །ཆུ་ལྷག་སྤྱི་བོར་ལུད་པ་ལས། །སྤྱི་གཙུག་ནོར་བུའི་ཏོག་ནང་དུ། །བླ་མ་མི་

[Full Size]

བསྐྱོད་རྣམ་པ་གསལ། །རང་གི་ཐུགས་ཀར་ཟླ་བའི་སྟེང་། །ཨོཾ་ལ་སྔགས་ཀྱིས་གཡས་སུ་བསྐོར། །དེ་ལས་འོད་ཟེར་སྣ་ཚོགས་འཕྲོས། །སངས་རྒྱས་བྱང་སེམས་ཐམས་ཅད་ལ། །བདུད་རྩི་སྨན་གྱི་མཉེས་མཆོད་འབུལ། །དེ་དག་ཀུན་གྱི་ཡེ་ཤེས་དང་། །མངོན་ཤེས་ཀུན་བསྡུས་བདག་ལ་ཐིམ། །སླར་ཡང་ཨོཾ་ལས་འོད་འཕྲོས་པས། །སེམས་ཅན་ཀུན་གྱི་ནད་རིགས་བསལ། །འཇིག་རྟེན་ཟག་བཅས་མངོན་ཤེས་ཀུན། །ཐམས་ཅད་བསྡུས་ནས་བདག་ལ་ཐིམ། །དམིགས་པ་དེ་ཉིད་མ་ཡེངས་པར། །ན་མོ་ཨོཾ་བྷེ་ཥ་རྩེ་མ་ཧཱ་བྷེ་ས་མུཏྟ་ཏེ་ཧཱུྃ། དེ་ལ་སྟོང་ཕྲག་ཙམ་རེ་བཟླ། །རང་གི་ཐུགས་ཀའི་འོད་ཟེར་གྱིས། །རང་གི་འཁོར་དུ་བཞུགས་པ་ཡི། །དྲང་སྲོང་ལྷ་མོ་རྣམས་བསྐུལ་བས། །དེ་དག་རྣམས་ལས་འོད་འཕྲོས་པས། །འཇིག་རྟེན་ཁམས་ཀྱི་སྨན་བཅུད་དང་། །རྣོ་མཐོང་མངོན་ཤེས་ཐམས་ཅད་ཀུན། །འོད་ཟེར་རྣམ་པར་ཚུར་བསྡུས་ནས། །ཐམས་ཅད་བདག་ལ་སིབ་སིབ་ཐིམ། །དེ་འདྲའི་ཏིང་འཛིན་མ་ཡེངས་པར། །ཨོཾ་རག་ཤི་གྷ་ནི་གྷ་ཤི་ས་རོ་ཀྲྀ། ས་སྤུ་རི་ན་ཁྲི་པ་རིན། ཆེ་ལི་སུ་མ་ལོང་། ཞེས་པ་སྟོང་ཕྲག་ཙམ་ཞིག་བཟླ། །རང་ལུས་སྤྲུལ་པའི་ལྷ་མོའི་

[Full Size]

ཚོགས། །བདག་བསྐྱེད་ལྷ་ཚོགས་འཁོར་བཅས་ལ། །མཆོད་ཅིང་བསྟོད་པ་བྱེད་པར་གྱུར། །དངོས་འབྱོར་ཡིད་ཀྱིས་རྣམ་སྤྲུལ་པའི། །ལྷ་རྫས་དག་པའི་ཉེར་སྤྱོད་རྣམས། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་རྣོ་མཐོང་དངོས་གྲུབ་སྩོལ། །ཨོཾ་མ་ཧཱ་བྷེ་ཥ་ཛཱི་ས་པ་རི་ཝཱ་ར་ཨགྷཾ་ནས། ཤབྡ་པྲ་ཏཱིཙྪ་སྭཱ་ཧཱ། ཐུགས་རྗེ་ཀུན་ལ་སྙོམས་པའི་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་སྡུག་བསྔལ་སྐྱོབ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་བསྟོད༔ ༈ །སེར་སྐྱ་གཟིག་གཟུགས་གཞུང་སྐྱེས་དང་། །ཙ་ར་ཀ་སོགས་སྨན་བླ་དྲང་སྲོང་བཞི། །འབྱུང་བཞིའི་བཅུད་སྡུད་སྨན་གྱི་ལྷ་མོ་བཞི། །འཁོར་དང་བཅས་ལ་ཕྱག་འཚལ་བསྟོད་པར་བགྱི། །འགྲོ་བའི་ནད་དང་རྒྱུ་རྐྱེན་གཉེན་པོ་རྣམས། །མ་ནོར་གསལ་བར་བདག་ལ་བསྟན་དུ་གསོལ། །དེ་ནི་བདག་བསྐྱེད་བསྙེན་པའི་རིམ་པའོ། །གཉིས་པ་བུམ་བསྐྱེད་བསྒྲུབ་པར་བྱ་བ་ནི། །བློ་ལས་རིན་ཆེན་བུམ་པ་ནི། །རྒྱ་ཁྱོན་སྟོང་གསུམ་མཉམ་པའི་ནང་། །བཾ་ལས་བདུད་རྩིའི་རྒྱ་མཚོའི་དབུས། །པཾ་ལས་སྨན་གྱི་སྡོང་པོ་ནི། །ཡལ་ག་

[Full Size]

ལོ་འདབ་རྒྱས་པའི་དབུས། །སྣ་ཚོགས་པདྨ་འདབ་བརྒྱད་པ། །དེ་སྟེང་ཟླ་དཀྱིལ་དབུས་སུ་ཧཱུྃ། །དེ་ལས་འོད་འཕྲོས་འཕགས་ཚོགས་མཆོད། །སེམས་ཅན་ཀུན་གྱི་ཟུག་རྔུ་བསལ། །ཚུར་འདུས་སྨན་མཆོག་ཧཱུྃ་མཚན་གྱུར། །ཨོཾ་བཛྲ་བྷེ་ཥ་ཛེ་མ་ཧཱ་བྷི་ཥ་ཛུ་ས་མུཏྤ་ཏེ་ཧཱུྃ། ཞེས་པའི་སྒྲ་ཡིས་འོད་ཞུ་བས། །བུམ་ལྷ་བདེ་གཤེགས་སྨན་གྱི་བླ། །མཐིང་མདོག་མཚན་དཔེའི་གཟི་བརྗིད་འབར། །མཆོག་སྦྱིན་མཉམ་བཞག་ཕྱག་རྒྱ་ཡིས། །སྨན་མཆོག་བདུད་རྩིའི་ལྷུང་བཟེད་བསྣམས། །ཆོས་གོས་གསུམ་མནབས་སྐྱིལ་ཀྲུང་བཞུགས། །ཕྱོགས་བཞིར་སྨན་གྱི་དྲང་སྲོང་བཞི། སེར་དཀར་དམར་སྔོ་སྐྱ་བའི་མདངས། །བཞི་ཀས་སྨན་མཆོག་ལྷུང་བཟེད་བསྣམས། །མཚམས་བཞིར་ཉི་སྟེང་ལྷ་མོ་བཞི། །རབ་མཛེས་དར་དང་རིན་ཆེན་བརྒྱན། །སྨན་སྙིང་བདུད་རྩིའི་བུམ་པ་འཛིན། །ཀུན་གྱི་གནས་གསུམ་འབྲུ་གསུམ་ལས། །འོད་འཕྲོས་ཡེ་ཤེས་པ་སྤྱན་དྲངས། །ཤར་ཕྱོགས་སངས་རྒྱས་ཞིང་ཁམས་མཆོག །བཻཌཱུརྨ་སྣང་ཞེས་བྱ་ནས། །བཅོམ་ལྡན་སྨན་བླ་འཁོར་དང་བཅས། །འགྲོ་བའི་དོན་དུ་གཤེགས་སུ་གསོལ། །རང་བཞིན་གར་

[Full Size]

བཞུགས་གནས་མཆོག་ནས། །སྨན་གྱི་ལྷ་མོ་དྲང་སྲོང་ཚོགས། །རྣོ་མཐོང་མངོན་ཤེས་སྟོན་པ་དང་། །རྩ་པྲ་སྟོན་ཕྱིར་གཤེགས་སུ་གསོལ། །བུམ་དབུས་བདུད་རྩི་པད་ཟླའི་སྟེང་། །ཅི་བདེ་བར་ནི་བཞུགས་སུ་གསོལ། །ཨོཾ་མ་ཧཱ་བྷེ་ཥ་ཛེ་ས་པ་རི་ཝཱ་ར་བཛྲ་ས་མ་ཡ་ཛཿ ཛཧཱུྃ་བཾ་ཧོ༔ ས་མ་ཡ་ཏིཥྛ་ལྷན། དབང་ལྷ་སྤྱན་དྲངས་དབང་བསྐུར་བས། །ཆུ་ལྷག་ཡར་ལུད་མི་བསྐྱོད་བརྒྱན།་།རང་གི་ཐུགས་ཀའི་འོད་ཟེར་ནི། །གཟུངས་ཐག་བརྒྱུད་སོང་བུམ་ལྷ་ཡི། །།ཐུགས་ཀར་ཕོག་པས་ཐུགས་རྒྱུད་བསྐུལ། །ཐུགས་དབུས་ཟླ་སྟེང་ཨོཾ་གྱི་མཐར། །སྔགས་ཕྲེང་གཡས་སུ་འཁོར་བ་ལས། །འོད་འཕྲོས་འཕགས་པ་ཐམས་ཅད་མཆོད། །འགྲོ་བ་ཀུན་གྱི་ཟུག་རྔུ་བསལ། །འཁོར་འདས་ཀུན་གྱི་མངོན་ཤེས་ནི། །འོད་ཟེར་ཚུར་འདུས་བུམ་ལྷར་ཐིམ། །བུམ་ལྷའི་སྐུ་ལས་མངོན་ཤེས་ཀྱི། །དངོས་གྲུབ་རང་བཞིན་བདུད་རྩི་བབས། །བུམ་པ་གང་ཞིང་ཆུ་ཁོལ་ནས། །ཚུར་བྱུང་བདག་གི་སྤྱི་བོར་ཞུགས། །ལུས་ངག་སྡིག་སྒྲིབ་གྲིབ་རྣམས་དག །བདུད་རྩིའི་བཅུད་རྣམས་སྙིང་གར་ཐིམ། །མངོན་ཤེས་དངོས་གྲུབ་ཐོབ་པར་

[Full Size]

གྱུར། །ན་མོ་ཨོཾ་བཛྲ་བྷི་ཥ་ཕྱེ་མ་ཧཱ་བྷི་ཥ་ཛེ་ས་མུངྒ་ཏེ་ཧཱུྃ། ཞེས་སྟོང་ཙམ་དང་། བུམ་ལྷའི་འཁོར་བརྒྱད་ལ་དམིགས་པ་གོང་ལྟར་གཏད་ལ། ཨོཾ་ཤཱི་ཏི་གྷ་ན་གྷ་ཤི་སུ་སུ་རི་ཀྲ་མ་ཡོ་ན་ཁྲི་སྲོ་རི་ནི་གུ་ལི་སུ་མ་ལ། སྟོང་ཙམ་བཟླས་ཏེ་སྒྲུབ་པའོ། །དངོས་འབྱོར་ཡིད་ཀྱིས་རྣམ་སྤྲུལ་པའི། །ལྷ་རྫས་དག་པའི་འདོད་ཡོན་རྣམས། །བཅོམ་ལྡན་བུམ་པའི་ལྷ་ལ་འབུལ། །བཞེས་ནས་རྣོ་མཐོང་དངོས་གྲུབ་སྩོལ། །ཨོཾ་མ་ཧཱ་བྷི་ཥ་ཛེ་ས་པ་རི་ཝཱ་ར། རཱུ་པ། ཤབྷ། གྷནེ། ར་ས། སྤཪྴེ། དྷརྨ། པྲ་ཏཱིཙྪ་སྭཱ་ཧཱ། ཞིང་འདིར་རིན་ཆེན་སྣ་བདུན་གྱིས། །མཁས་པ་དག་གིས་ཡོངས་བཀང་སྟེ། །དངོས་གྲུབ་འདོད་པ་སྦྱིན་པའི་ཕྱིར། །ཉིན་རེ་ཤེས་རབ་ཅན་གྱིས་འབུལ། །ཨོཾ་མ་ཧཱ་བྷེ་ཥ་ཛཱི་ས་པ་རི་ཝཱ་ར་ཙཀྲ་མ་ཎི་སྟི་པུ་རུ་ཥ་ཧསྟི་ཏུ་རང་ཁཟླ་རཏྣ་པྲ་ཏིཙྪ་སྭཱ་ཧཱ། ལྷ་མའི་སྟོན་པ་སྨན་པའི་རྒྱལ་པོ་སྟེ། །བཅོམ་ལྡན་འཇིག་རྟེན་གསུམ་ན་སྐྱབས་མཛད་པ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརླ་ཡི་འོད་ལ་ཕྱག་འཚལ་ལོ། །ཕྱོགས་བཞིར་མངོན་ཤེས་སྟོན་མཛད་དྲང་སྲོང་བཞི། །མཚམས་བཞིར་རྣོ་མཐོང་འཆར་བྱེད་ལྷ་མོ་བཞི། །འགྲོ་བའི་ཟུག་རྔུ་བསལ་མཛད་

[Full Size]

སྨན་བླའི་ཚོགས། །འཁོར་དང་བཅས་པ་རྣམས་ལ་ཕྱག་འཚལ་བསྟོད། །འགྲོ་བ་སེམས་ཅན་ཀུན་ལ་ཕན་པའི་ཕྱིར། །ནད་ཀྱི་རྒྱུ་རྐྱེན་བརྟག་དང་བཅོས་ཐབས་རྣམས། །མེ་ལོང་དག་པའི་ངོས་ལ་གཟུགས་བརྙན་བཞིན། །བདག་གི་སེམས་ལ་འཆར་བར་བྱིན་གྱིས་རློབས། །སྔོན་གྱི་ཐུགས་བསྐྱེད་དམ་བཅའ་མ་གཡེལ་བར། །བདག་གིས་བཅོལ་བའི་ཕྲིན་ལས་འགྲུབ་པར་མཛོད། །དེ་ནས་མདུན་བསྐྱེད་སྒྲུབ་པ་ཆེན་པོ་བྱ་བ་ནི། སྟོང་པའི་ངང་ལས་མདུན་གྱི་མཎྜལ་ནི། །འཚོ་མཛད་སྨན་གྱི་ལྡམ་ར་ཉམས་དགའ་བར། །ཙནྡན་དཀར་དམར་ལ་སོགས་སྨན་གྱི་ཤིང་། །ལོ་འདབ་འབྲས་བུ་རབ་རྒྱས་དྲི་བཟང་འཐུལ། །སྨན་གྱི་ཚལ་ཆེན་མེ་ཏོག་སྣ་ཚོགས་བཀྲ། །སྨན་ཆུའི་རིགས་རྣམས་ལྷུང་ལྷུང་སྒྲ་འབྱིན་འབབ། །དེ་དབུས་རིན་ཆེན་ལས་གྲུབ་གཞལ་ཡས་ཁང་། །ཤར་དཀར་ལྷོ་སེར་ནུབ་དམར་བྱང་ལྗང་བ། །ཕྱི་རིམ་པད་རྡོར་འོད་ཟེར་ཕྲེང་བས་བསྐོར། །དེ་དབུས་འདབ་བརྒྱད་པདྨ་ཟླ་བའི་སྟེང་། །ཧཱུྃ་མཐིང་འོད་ཀྱིས་རྒྱལ་བ་སྲས་བཅས་མཆོད། །འགྲོ་བ་ཀུན་གྱི་ནད་དང་སྡུག་བསྔལ་བསལ། །ཚུར་འདུས་རྡོ་རྗེ་སྔོན་པོ་

[Full Size]

ཧཱུྃ་གིས་མཚན། །ༀ་བཛྲ་བྷི་ཥ་ཛཱི་མ་ཧཱ་བྷི་ཥ་ཛུ་ས་མུཏྟ་ཏེ་ཧཱུྃ། སྔགས་སྒྲ་གྲགས་པས་རྡོ་རྗེ་འོད་དུ་ཞུ། །བདེ་གཤེགས་སྨན་བླ་མཐིང་གསལ་ནམ་མཁའི་མདོག །མཚན་དཔེའི་རྒྱན་ལྡན་ཆོས་གོས་རྣམ་གསུམ་གསོལ། །མཆོག་སྦྱིན་མཉམ་བཞག་སྨན་མཆོག་ལྷུང་བཟེད་བསྣམས། །རྡོ་རྗེའི་སྐྱིལ་ཀྲུང་འོད་ཟེར་སྣ་ཚོགས་འཕྲོ། །འདབ་བརྒྱད་ཕྱོགས་བཞིར་ཤར་ནས་གཡས་བསྐོར་དུ། །དྲང་སྲོང་སེར་དཀར་དམར་སྔོ་སྐྱ་ཉམས་ཅན། །སྨན་མཆོག་བདུད་རྩིའི་ལྷུང་བཟེད་ཕྱག་ན་བསྣམས། །མཚམས་བཞིར་ལྷ་མོ་བཞི་པོ་མཛེས་ཚུལ་ལྡན། །སྨན་སྙིང་བདུད་རྩིའི་བུམ་པ་ཕྱག་ན་བསྣམས། །དེ་རྒྱབ་འཆི་མེད་སྨན་གྱི་རིག་འཛིན་ཚོགས། །དྲང་སྲོང་འབུམ་ཕྲག་དྲུག་དང་ལྷ་ཡི་ཚོགས། །རྩི་དང་ཤིང་དང་སྨན་གྱི་ལྷ་མོའི་ཚོགས། །དཔག་ཏུ་མེད་པས་བསྐོར་ནས་བཞུགས་པ་ཡི། །ཀུན་གྱི་དཔྲལ་བར་ཨོཾ་ཡིག་དཀར་པོ་དང་། །མགྲིན་པར་ཨཱཿདམར་ཐུགས་ཀའི་ཧཱུྃ་མཐིང་ནག །ཧཱུྃ་ལས་འོད་འཕྲོས་བཻཌཱུརླ་སྣང་ཞིང་། །རང་བཞིན་གར་བཞུགས་གནས་ནས་སྤྱན་དྲངས་གྱུར། །ཧཱུྃ། བདེ་བར་གཤེགས་པ་བཅོམ་ལྡན་སྨན་གྱི་བླ། །ནམ་མཁའ་བཞིན་དུ་

[Full Size]

གཤེགས་བཞུགས་མི་མངའ་ཡང་། །སྔོན་གྱི་ཐུགས་བསྐྱེད་སྨོན་ལམ་མཐའ་ཡས་ཀྱིས། །ཆུ་ཟླ་བཞིན་དུ་གུར་དམིགས་དེར་སྣང་བ། །དེང་འདིར་ཁྱེད་བཞིན་འགྲོ་དོན་བདག་བགྱིད་ན། །ད་ལྟ་བདག་གི་མདུན་འདིར་གཤེགས་སུ་གསོལ། །ཇི་སྲིད་འཁོར་འདས་ཞིང་ན་བཞུགས་པ་ཡི། །སྨན་གྱི་བླ་དང་དྲང་སྲོང་རིག་འཛིན་དང་། །རྩི་སྨན་ཤིང་དང་འབྱུང་བའི་ལྷ་མོ་རྣམས།་དམ་ཚིག་དབང་གིས་གནས་འདིར་གཤེགས་སུ་གསོལ། །མཎྜལ་སྨན་གྱི་ལྡུམ་ར་སྐྱེད་མོས་ཚལ། །རིན་ཆེན་གཞལ་ཡས་པདྨ་ཟླ་བའི་གདན།་འཇིག་རྟེན་འདས་དང་མ་འདས་སྨན་བླའི་ཚོགས། །དགྱེས་ཤིང་བརྟན་པའི་ཚུལ་གྱིས་བཞུགས་སུ་གསོལ། །ཨོཾ་མ་ཧཱ་བྷེ་ཥ་བྱེ་ས་པ་རི་ཝཱ་ར་ཨེ་བྱེ་ཧི་བཛྲ་ས་མཱ་ཛཿ ཛཧཱུྃ་བཾ་ཧོ༔ པདྨ་ཀ་མ་ལཱ་ཡ་སྟེ། དབང་ལྷ་སྤྱན་དྲངས་དབང་བསྐུར་དྲི་མ་དག །ཆུ་ལྷག་ཡར་ལུད་མི་བསྐྱོད་དབུ་བརྒྱན་གྱུར། །བདག་གི་ཐུགས་ལས་འོད་ཟེར་འཕྲོས་པ་ཡིས། །མདུན་བསྐྱེད་གཙོ་བོའི་ཐུགས་རྒྱུད་རབ་ཏུ་བསྐུལ། །གཙོ་བོའི་ཐུགས་ཀར་ཟླ་སྟེང་ཨོཾ་ཡིག་མཐར། །སྔགས་ཀྱིས་བསྐོར་ལས་འོད་འཕྲོས་འཁོར་རྣམས་བསྐུལ། །

[Full Size]

འཁོར་རྣམས་ཀུན་ལས་འོད་ཟེར་དཔག་མེད་འཕྲོས། །རྒྱལ་བ་རྣམས་མཆོད་འགྲོ་བའི་ནད་རྣམས་བསལ། །རྣོ་མཐོང་མངོན་ཤེས་སྨན་གྱི་དངོས་གྲུབ་རྣམས། །འོད་ཟེར་རྣམ་པར་བསྡུས་ནས་བདག་ལ་ཐིམ། །ན་མོ་ཨོཾ་བཛྲ་བྷི་ཥ་ཚེ་མ་ཧཱ་བྷི་ཥ་ཛུ་ས་མུཏྤ་ཏེ་ཧཱུྃ། ཞེས་སྟོང་ཙམ་དམིགས་པ་དང་བཅས་བཟླ། བདག་གི་དཔྲལ་བའི་ཨོཾ་ལས་འོད་དཀར་འཕྲོས། །མདུན་བསྐྱེད་རྣམས་ཀྱི་སྐུ་ལ་མཉེས་མཆོད་འབུལ། །སྐུ་ལས་འོད་འཕྲོས་རྒྱལ་བའི་སྐུ་རྣམས་མཆོད། །སེམས་ཅན་ཀུན་གྱི་ལུས་ཀྱི་ཟུག་རྔུ་བསལ། །རྒྱལ་བའི་སྐུ་ཡི་མཚན་དཔེའི་ཡོན་ཏན་དང་། །མིག་དང་རྣ་བ་ལྕེ་ཡི་མངོན་ཤེས་རྣམས། །འོད་ཟེར་དཀར་པོའི་རྣམ་པར་བདག་ལ་ཐིམ། །བདག་ལུས་སྨན་བླའི་སྐུ་དང་དབྱེར་མེད་གྱུར། །བདག་གི་མགྲིན་པའི་ཨཱཿལས་འོད་འཕྲོས་པས། །མདུན་བསྐྱེད་རྣམས་ཀྱི་གསུང་ལ་མཉེས་མཆོད་འབུལ། །འོད་འཕྲོས་རྒྱལ་བའི་གསུང་མཆོད་འགྲོ་བ་ཡི། །ངག་གི་ཟུག་རྔུ་ཀུན་བསལ་རྒྱལ་བ་ཡི། །གསུང་དབྱངས་གསོ་རིག་རྒྱ་མཚོའི་བདེན་ཚིག་རྣམས། །འོད་ཟེར་དམར་པོར་བསྡུས་ནས་བདག་ལ་ཐིམ། །སྨན་བླའི་གསུང་དང་བདག་ངག་དབྱེར་མེད་གྱུར། །

[Full Size]

བདག་གི་ཐུགས་ཀའི་ཧཱུྃ་ལས་འོད་མཐིང་འཕྲོས། །མདུན་བསྐྱེད་ཐུགས་ལ་དགྱེས་པའི་མཆོད་པ་འབུལ། །མདུན་བསྐྱེད་ཐུགས་ལས་འོད་འཕྲོས་རྒྱལ་ཀུན་མཆོད། །སེམས་ཅན་ཀུན་གྱི་སེམས་ཀྱི་ཟུག་རྔུ་བསལ། །འཁོར་འདས་ཀུན་གྱི་མཁྱེན་པའི་མངོན་ཤེས་རྣམས། །འོད་ཟེར་མཐིང་ག་བདག་གི་སྙིང་གར་ཐིམ། །སྨན་བླའི་ཐུགས་དང་བདག་སེམས་དབྱེར་མེད་གྱུར། །ཨོཾ་ཤྲཱི་པ་རི་ཝཾ་ལི་སཾ་བྷ་རི་གུ་ལི་པྲ་མ་ཡ། ཞེས་པ་སྟོང་བཟླ། དེ་ནས་མཆོད་བསྟོད་ནི། བཅོམ་ལྡན་སྨན་བླ་འཁོར་བཅས་མཆོད་པ་ནི། །མེ་ཏོག་འབྲས་བུ་ཇི་སྙེད་ཡོད་པ་དང་། །སྨན་གྱི་རྣམ་པ་གང་དག་ཡོད་པ་དང་། །འཇིག་རྟེན་རིན་ཆེན་ཇི་སྙེད་ཡོད་པ་དང་། །རིན་ཆེན་རི་བོ་དང་ནི་དེ་བཞིན་དུ། །ནགས་ཚལ་ས་ཕྱོགས་དབེན་ཞིང་ཉམས་དགའ་བ། །ལྗོན་ཤིང་མེ་ཏོག་རྒྱུན་སྤྱས་སྤུད་པ་དང་། །ཤིང་གང་འབྲས་བཟང་ཡལ་ག་དུད་པ་དང་། །མ་རྨོས་འཁྲུངས་པའི་ལོ་ཏོག་རྣམ་མང་སྨྱུདང་། གཞན་ཡང་མཆོད་པར་འོས་པའི་རྒྱན་རྣམས་ནི། །ནམ་མཁའ་རབ་འབྱམས་ཁམས་ཀྱི་མཐར་ཐུག་པ། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ཏེ་

[Full Size]

ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཅན་རྣམས་ཀྱིས། །བདག་ལ་བརྩེར་དགོངས་བདག་གི་འདི་དག་བཞེས། །བསོད་ནམས་ཡེ་ཤེས་སྐུ་མངའ་བརྙེས་པ་ལ། །རིན་ཆེན་སྨན་འབྲུ་དྲི་དང་སྙིང་པོ་ལྔ། །ལྔ་ཕྲག་ལྔ་ལྡན་རྫས་མཆོག་དམ་པ་འབུལ། །འགྲོ་བའི་ནད་རྣམས་བདག་གིས་སེལ་བར་ཤོག །རྒྱལ་བ་ཟག་མེད་འབྱོར་ལ་དབང་བསྒྱུར་ཡང་། །འགྲོ་བའི་དོན་དུ་འདོད་ཡོན་ལྔ་ཡིས་མཆོད། །མཆོད་པས་མཁའ་མཉམ་སེམས་ཅན་ཐམས་ཅད་ཀྱི། །ཟུག་རྔུའི་སྡུག་བསྔལ་བདག་གིས་སེལ་བར་ཤོག །མི་དབང་རིན་ཆེན་སྣ་བདུན་འདི་དག་ནི། །སྨན་བླ་སྲས་དང་བཅས་པ་མ་ལུས་པ། །བཤམས་ཤིང་ཡིད་ཀྱིས་དམིགས་ཏེ་ཕུལ་བ་ཡིས། །ནད་རྣམས་སེལ་བའི་མཐུ་དང་ལྡན་པར་ཤོག །ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །སྨན་གྱི་བླ་དང་དྲང་སྲོང་ལྷ་མོ་རྣམས། །བཀྲ་ཤིས་རྫས་བརྒྱད་དག་གིས་མཆོད་པར་བགྱི། །ཐེག་མཆོག་བླ་རེ་གདུགས་དང་བ་དན་དང་། །བདུད་བཅོམ་རྒྱལ་མཚན་ལྷབ་ལྷུབ་སྟེང་འཕེན་དང་། །

[Full Size]

གར་དང་རོལ་མོ་མཆོད་པའི་སྒྲ་དབྱངས་ཀྱིས། །སྨན་བླའི་དཀྱིལ་འཁོར་མཛེས་པར་བརྒྱན་པར་བགྱི། །ཨོཾ་མ་ཧཱ་བྷི་ཛུ་ས་པ་རི་ཝཱ་ར་སརྦ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡ་ཨཱཎཱཧཱུྃ། ཧཱུྃ་ལས་རིན་ཆེན་སྣོད་དུ་གཏོར་མ་ནི། །དཀར་གསུམ་མངར་གསུམ་བདུད་རྩིའི་རྒྱ་མཚོ་ལ། །ལྷ་རྣམས་ལྗགས་ལས་འོད་ཀྱི་སྦུ་གུ་ཟུག །གཏོར་མ་བདུད་རྩིར་དྲངས་ཏེ་གསོལ་བར་གྱུར། །ཨོཾ་ཨ་ཀཱ་རོ་མུ་ཁཾ་སོགས། ལན་གསུམ། ཨོཾ་མ་ཧཱ་བྷེ་ཥ་ཛུ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། བཅོམ་ལྡན་སྨན་བླ་དྲང་སྲོང་ལྷ་མོའི་ཚོགས། །མཆོད་སྦྱིན་གཏོར་མ་འབུལ་བ་འདི་བཞེས་ལ། །རླུང་མཁྲིས་བད་ཀན་འདུས་པའི་ནད་རིགས་དང་། །དབུལ་ཕོངས་བཀྲེས་སྐོམ་དུས་མིན་འཆི་བ་དང་། །རྒྱལ་པོའི་ཆད་པ་དགྲ་སྡང་འཚེ་བ་དང་། བྱད་སྟེམས་གདོན་དང་ངན་སོང་ལྟུང་བ་སོགས། །འཁོར་བའི་སྡུག་བསྔལ་ཀུན་ལས་བསྐྱབ་ཏུ་གསོལ། །བདག་གིས་སྦྱར་བའི་ཕྱེ་མ་རིལ་བུ་ཐང་། །ཐམས་ཅད་ནད་སོས་འཆི་མེད་བདུད་རྩི་རུ། །འགྱུར་བར་སྨན་གྱི་དངོས་གྲུབ་བསྩལ་དུ་གསོལ། །མཐོང་རེག་ཐོས་པའི་སྒོ་ནས་ནད་བརྟགས་ཚེ། །

[Full Size]

ནད་རྣམས་གང་ཡིན་རྣ་བར་སྒྲོག་ཏུ་གསོལ། །གཉེན་པོ་སྨན་གྱི་སྦྱོར་བ་སྡུད་པའི་ཚེ། །སྡུད་པ་གང་ཡིན་རྣ་བར་སྒྲོག་ཏུ་གསོལ། །གལ་ཏེ་ཚེ་སྔོན་ལས་སྒྲིབ་ཚན་ཆེ་བས། །དངོས་སུ་གསུངས་པའི་བསྐལ་པ་མེད་ན་ཡང་། །ནད་རྣམས་གང་ཡིན་གཉེན་པོས་གང་ཕན་པ། །བདག་གི་ཡིད་ལ་འཆར་བར་མཛད་དུ་གསོལ། །བདག་གིས་སྦྱར་བའི་སྨན་རྣམས་གང་ཡིན་པ། །གདོན་གྱིས་མི་འཕྲོག་རྐྱེན་གྱིས་མི་བསྒྱུར་བར། །ནད་ཀྱི་སྟེང་དུ་འགྲོ་བར་མཛད་དུ་གསོལ། །བདག་གིས་གསོ་བྱའི་ནད་པ་ཐམས་ཅད་ཀུན། །དུས་མིན་འཆི་བའི་འཇིགས་པ་ཀུན་བསལ་ནས། །ལུས་སྟོབས་ལང་ཚོ་རྒྱས་པར་མཛད་དུ་གསོལ། །གལ་ཏེ་ཚེ་ཟད་དུས་བབ་ཡིན་ན་ཡང་། །བདག་གིས་མཐོང་རེག་སྨན་དེ་ལྕེར་མྱོང་བས། །བཅོམ་ལྡན་སྨན་གྱི་བླ་དེ་རྗེས་དྲན་ཏེ། །ངན་སོང་སྒོ་བཅད་མཐོ་རིས་ལུས་ཐོབ་ནས། །རིམ་གྱིས་བྱང་ཆུབ་ཐོབ་པར་མཛད་དུ་གསོལ། །སྔོན་གྱི་ཐུགས་བསྐྱེད་སྨོན་ལམ་མ་གཡེལ་བར། །བདག་གིས་བཅོལ་བའི་ཕྲིན་ལས་འགྲུབ་པར་མཛོད། །དེ་ནས་བསྟོད་པ་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ། །ཡང་དག་

[Full Size]

རྫོགས་པའི་སངས་རྒྱས་དེ་བཞིན་གཤེགས། །སྨན་བླ་བཻཌཱུརྱ་འོད་རྒྱལ་པོ་ལ། །བདག་གིས་སྒོ་གསུམ་གུས་པས་ཕྱག་འཚལ་བསྟོད། །སྐུ་ཡི་འོད་ཀྱིས་འཇིག་རྟེན་གསལ་མཛད་ཅིང་། །འཁོར་ཚོགས་རྣམས་ཀྱང་མཚན་དང་དཔེ་བྱད་ལྡན། །སྐུ་ཡི་འོད་ཀྱིས་མུན་པ་ཐམས་ཅད་སེལ། །འགྲོ་བའི་མུན་སེལ་ཁྱོད་ལ་ཕྱག་འཚལ་བསྟོད། །ཤེས་རབ་ཐབས་ཀྱིས་འགྲོ་བའི་དབུལ་བ་སེལ། །ལོག་པའི་ལམ་བཟློག་བྱང་ཆུབ་ལམ་ལ་འཛུད། །སྡོམ་གསུམ་ལྡན་ཞིང་ཚུལ་ཁྲིམས་མ་ཉམས་འགོད། །ཐར་པའི་ལམ་སྟོན་ཁྱོད་ལ་ཕྱག་འཚལ་བསྟོད། །དབང་པོ་མ་ཚང་འོན་ལོང་ཞ་གྲུམ་སེལ། །སྐྱབས་མགོན་བྲལ་བའི་ནད་རྣམས་ཐམས་ཅད་ཞི། །སྐྱེས་དམན་བུད་མེད་སྐྱེ་བ་མཐར་བྱེད་པ། །མགོན་མེད་མགོན་གྱུར་ཁྱོད་ལ་ཕྱག་འཚལ་བསྟོད། །ལོག་ལྟ་ཀུན་སེལ་ཡང་དག་ལྟ་བར་འགོད། །རྒྱལ་པོའི་ཆད་པས་བཅིངས་བརྡེག་གཅོད་པ་སེལ། །བཀྲེས་སྐོམ་སྡུག་།བསྔལ་ཀུན་སེལ་ཁ་ཟས་དང་། །གོས་བཟང་འབད་མེད་སྩོལ་ལ་ཕྱག་འཚལ་བསྟོད། །སེར་སྣའི་དབང་གིས་ཡི་དྭགས་གནས་སོང་ཡང། །སྔོན་ཚེ་ཁྱེད་མཚན་ཐོས་པས་མྱུར་ཐར་

[Full Size]

ནས། །ཚེ་རབས་དྲན་ཞིང་སྦྱིན་པའི་ཕར་ཕྱིན་སྤྱོད། །བསོད་ནམས་གཏེར་མངའ་ཁྱེད་ལ་ཕྱག་འཚལ་བསྟོད། །ཚུལ་ཁྲིམས་འཆལ་བས་དམྱལ་བར་ལྟུང་ན་ཡང་། །སྔོན་ཚེ་ཁྱེད་མཚན་ཐོས་པས་མྱུར་ཐར་ནས། །ཚུལ་ཁྲིམས་གཙང་ལྡན་བྱང་ཆུབ་སེམས་དཔར་གྱུར། །ཉེས་ལྟུང་ཀུན་སེལ་ཁྱེད་ལ་ཕྱག་འཚལ་བསྟོད། །ཕྲག་དོག་ཚིག་རྩུབ་བརྗོད་པས་ངན་སོང་དུ། །སྐྱེས་ཀྱང་ཁྱོད་མཚན་ཐོས་པས་མྱུར་དུ་ཐར། །ཤེས་རབ་ཆེ་ཞིང་ཆོས་རྣམས་ཁོང་དུ་ཆུད། །གཏི་མུག་མུན་སེལ་ཁྱེད་ལ་ཕྱག་འཚལ་བསྟོད། །ཕ་རོལ་བྱད་མས་ལྷ་འདྲེ་རྦད་བྱས་ནས། །བྱད་སྟེམས་སྦྱོར་བས་སྲོག་ལ་འཚེ་ན་ཡང་། །ཁྱོད་མཚན་ཐོས་པས་གནོད་འཚེའི་གདུག་པ་ཞི། །བྱམས་པའི་གོ་ཆ་བགོས་ལ་ཕྱག་འཚལ་བསྟོད། །འཚོ་མཛད་སྨན་གྱི་དྲང་སྲོང་སེར་སྐྱ་དང་། །དྲང་སྲོང་ཙ་ར་ཀ་ནི་དཀར་སྐྱ་ལ། །དྲང་སྲོང་གཟིག་གཟུགས་ཅན་ནི་དམར་སྐྱ་སྟེ། །དྲང་སྲོང་གཞུང་སྐྱེས་སྔོ་ལ་སྐྱ་བའི་མདངས། ཀུན་ཀྱང་རྣམ་རྒྱལ་བདུད་རྩིའི་ལྷུང་བཟེད་བསྣམས། །དྲང་སྲོང་ཆ་ལུགས་འཛིན་ལ་ཕྱག་འཚལ་བསྟོད། །སྨན་གྱི་ལྷ་མོ་བཞི་ནི་སྒེག་འཛུམ་ལྡན། །སྨན་སྙིང་བདུད་རྩིའི་བུམ་པ་

[Full Size]

ཕྱག་ན་བསྣམས། །དར་དང་རིན་ཆེན་རྒྱུན་ལྡན་ཕྱེད་སྐྱིལ་བཞུགས། །རྣོ་མཐོང་སྟོན་མཛད་བཞི་ལ་ཕྱག་འཚལ་བསྟོད། །གཞན་ཡང་སྨན་བླ་དྲང་སྲོང་འབུམ་ཕྲག་དྲུག །བདུད་རྩི་སྨན་གྱི་ལྷ་མོ་བྱེ་བ་འབུམ། །སྨན་གྱི་རིག་འཛིན་ལྷ་ཀླུ་མི་ལ་སོགས། །འཁོར་དང་ཡང་འཁོར་བཅས་ལ་གུས་པས་བསྟོད། །རྣོ་མཐོང་མངོན་ཤེས་རྣ་བར་བཤད་པ་དང་། །རྩ་པྲ་ཆུ་པྲ་གསལ་བར་འཆར་བ་དང་། །སྨན་རྣམས་བདུད་རྩིར་བསྒྱུར་བའི་དངོས་གྲུབ་སྩོལ། །དེ་ལྟར་བདག་མདུན་བུམ་པ་གསུམ། །ཉིན་རེ་ཚར་རེ་འདོན་བྱ་ཞིང་། །གཙོ་ཆེར་བདག་བསྐྱེད་བསྙེན་པ་ལ། །ཞག་བདུན་བྱ་ཞིང་དེ་ནས་ནི། །བུམ་བསྐྱེད་ལ་དམིགས་ཞག་བདུན་བསྒྲུབ། །མདུན་བསྐྱེད་ལ་དམིགས་སྒྲུབ་ཆེན་ཏེ། །ཞག་པོ་བདུན་དུ་བཟླ་བར་བྱ། །ཡང་ན་བདག་མདུན་བུམ་པ་གསུམ། །སྔགས་ནི་སྟོང་ཕྲག་རེ་རེ་བྱ། །ཉིན་རེ་ཚང་བར་བསྙེན་ཡང་རུང་། །བདུན་ནམ་བཅུའམ་ཉེར་གཅིག་སོགས། །སྔགས་ནི་ཁྲི་འབུམ་ལ་སོགས་བསྒྲུང་། །དུས་དང་གྲངས་ལ་ངེས་པ་མེད། །རྟགས་ནི་ནམ་མཁའ་གཡས་གཡོན་ནས། །སྒྲ་ནི་ལྷང་ལྷང་སྒྲོག་པ་དང་། །བུད་མེད་མཛེས་མ་མང་པོ་དང་། །ཁྱེའུ་བུ་མོ་མང་པོ་འདུ། །རྩེད་མོ་ལ་སོགས་རྒྱུག་མཆོང་བྱེད། །ངེད་རྣམས་འབོད་ནས་ཅི་ཡིན་ཟེར། །བུད་མེད་ཤེལ་དང་སྨན་སྣ་འབུལ། །གལ་ཏེ་དངོས་སུ་བྱུང་

[Full Size]

གྱུར་ན། །ངས་ཅི་བྱ་རྒྱུ་ཡོད་སྨྲོས་ཞེས། །ཟེར་བ་བྱུང་ན་འགྲོ་བའི་ནད། །གང་ཡིན་གང་ཕན་སྨྲོས་ཤིག་བརྗོད། །རྟགས་ནི་རབ་དངོས་འབྲིང་ལ་ཉམས། །ཐ་མ་རྨི་ལམ་དག་ཏུ་འོང་། །ཤེལ་དང་མེ་ལོང་མར་མེ་དང་། །མེ་ཏོག་ཕྲེང་བ་རྙེད་དང་ཁུར། །ཆུ་ཐིག་པའི་དངོས་གྲུབ་འབྱུང་། །ཨ་རུ་ར་སོགས་སྨན་རྣམས་དང་། །དཀར་གསུམ་ཟས་དང་ཆང་བྱིན་ན། །ཕན་ཐོགས་ཆེ་བའི་དངོས་གྲུབ་འབྱུང་། །དུང་འབུད་རོལ་མོ་འབུད་འཁྲོལ་ན། །རོལ་མོའི་སྐད་ཀྱི་ཆེ་ཆུང་ལྟར། །སྨན་ལ་མཁས་པའི་གྲགས་པ་འཐོབ། །སྨན་ཡིག་གླེགས་བམ་བྱིན་ནམ་རྙེད། །གསོ་རིག་གོ་རྟོགས་རྒྱ་ཆེར་འབྱུང་།་དར་འཕྱར་ཁྲི་ལ་འདུག་པ་དང་། །མི་མང་ཕྱག་འཚལ་ཟས་ནོར་ཕུལ། །གསོ་རིག་གདུལ་བྱ་དངོས་གྲུབ་འབྱུང་། །སྨན་བླ་དངོས་སུ་མཇལ་བའམ། །སྨན་བླའི་བྲིས་སྐུ་ལྡེར་སྐུ་མཇལ། །མཆོག་དང་ཐུན་མོང་གཉིས་ཀ་འབྱུང་། །ཉི་ཟླ་ཤར་དང་གོས་དཀར་གྱོན། །ཆུ་ཆེན་བརྒལ་དང་འོ་མ་བཏུང་། །ལུས་ལས་མི་གཙང་རྣག་ཁྲག་འཛག །དེ་རྣམས་སྒྲིབ་པ་དག་རྟགས་སོ། །ལུས་ལས་སྲིན་བུ་རྣག་ཁྲག་ཐོན། །མི་གཙང་སྐྱུགས་རྨིས་ནད་ལས་གྲོལ། །ཁྲོམ་ལ་ཡིག་དྲུག་བསྐུལ་མ་དང་། །ཟམ་ཆེན་བཙུགས་རྨིས་འགྲོ་དོན་འཕེལ། །ལུས་བདེ་ཁམས་དྭངས་རིག་པ་གསལ། །དད་པ་དག་སྣང་སྐྱོ་ཤས་ཆེ། །གནས་ལུགས་རྟོགས་པ་སྐྱེས་པ་ནི། །དེ་ནི་མཆོག་གི་དངོས་གྲུབ་རྟགས། །དེ་ལྟར་སྒྲུབ་པ་ཚར་བའི་རྗེས། །བུམ་པ་རང་གི་སྤྱི་བོར་བཞག །སྨན་བླས་དངོས་སུ་དབང་བསྐུར་

[Full Size]

བསམ། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་ལ་དབང་བསྐུར་རོ། །ན་མོ་ཨོཾ་བཛྲ་བྷེ་ཥ་ཛེ་མ་ཧཱ་བྷི་ཥ་ཛུ་ས་མུཏྟཏེ་ཧཱུྃ། ཨོཾ་ཀཱ་ཡ་ཝཱཀ་ཙིཏྟ་ཨ་བྷི་ཥིཉྩནྟཾ། བདུད་རྩིས་ལུས་གང་སྡིག་སྒྲིབ་དག །སྐུ་གསུང་ཐུགས་དབང་ཡོངས་རྫོགས་ཤོག་།མི་བསྐྱོད་པ་ཡིས་དབུ་བརྒྱན་གྱུར། །བུམ་ཆུ་འཐུང་ཞིང་ཁྲུས་བྱའོ། །དེ་ནས་དངོས་གྲུབ་བླང་བ་ནི། །མདུན་བསྐྱེད་སྨན་སྣའི་ཚོམ་བུ་ནས། །མཐེབ་སྲིན་གྱིས་བླངས་སྙིང་གར་བྱུག །མདུན་བསྐྱེད་སྨན་བླ་གཙོ་འཁོར་ལས། །འོད་འཕྲོས་སྣང་སྲིད་ཐམས་ཅད་ཀྱི། །བཅུད་དང་སྨན་གྱི་དངོས་གྲུབ་རྣམས། །ཐམས་ཅད་བསྡུས་ནས་བདག་ལ་ཐིམ། །མདུན་བསྐྱེད་གཙོ་བོ་ཐམས་ཅད་ཀྱིས། །དཔྲལ་བ་མགྲིན་པ་ཐུགས་ཀ་དང་། །ལྟེ་བ་གསང་གནས་ལྔ་པོ་ནས། །འོད་ཟེར་དཀར་དམར་མཐིང་སེར་དང་། །ལྗང་གུ་འཕྲོས་ནས་བདག་ལ་ཐིམ། །ནད་སེལ་སྨན་གྱི་དངོས་གྲུབ་ཐོབ། །འགྲོ་དོན་ནུས་པའི་དབང་མཆོག་ཐོབ། །སྨན་བླ་དངོས་དང་དབྱེར་མེད་གྱུར། །ན་མོ་ཨོཾ་བཛྲ་བྷི་ཥ་ཕྱེ་མ་ཧཱ་བྷེ་ཥ་ཛུ་ས་མུཏྟ་ཏེ་ཧཱུྃ། བཛྲ་ཨཱ་ཝེ་ཤ་ཡ་ཨ་ཨཱཿ

[Full Size]

དེ་ནས་མཆོད་པ་ཁ་གསོས་ལ། །ཆུ་བཞི་ཉེར་སྤྱོད་ལྔ་དང་རོལ་མོ་དང་། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ནང་གི་མཆོད་པ་རིག་མ་བཅུ་དྲུག་དང་། ཕྱི་ནང་གསང་བའི་མཆོད་པ་དཔག་མེད་མཆོད། །སྐྱེད་ཚལ་གཞལ་མེད་ཁང་དང་དཔག་བསམ་ཤིང་། །གཏེར་གྱི་བུམ་པ་ཁྲུས་རྫིང་པདྨ་བཅས། །རིན་ཆེན་འབྲུ་སྨན་རྩི་བཅུད་བང་མཛོད་དང་། །གོས་དར་ཁྲི་གདན་བཞོན་པ་བྲན་འཁོར་འབུལ། །ཨོཾ་མ་ཧཱ་བྷི་ཥ་ཛཱི་ས་པ་རི་ཝཱ་ར་སརྦ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འགྲོ་བའི་ནད་གསོ་མཛད་པ་སྨན་གྱི་མཆོག །བེཟླུརྨ་ལྟར་དྭངས་བའི་སྐུ་མངའ་ཞིང་། །སྐུ་ཡི་འོད་ཀྱིས་འགྲོ་བ་སྒྲོལ་མཛད་པ། །སྨན་རྒྱལ་འཁོར་དང་བཅས་ལ་ཕྱག་འཚལ་བསྟོད། །བདག་ནི་མ་རིག་གེགས་དབང་ལས་གྱུར་པའི། །ཏིང་འཛིན་མ་གསལ་སྔགས་སྒྲ་མ་དག་སོགས། །མཆོད་པ་ཆུང་ཞིང་གཙང་སྦྲ་མ་བྱས་སོགས། །འགལ་འཁྲུལ་ཉེས་པ་ཐམས་ཅད་མཐོལ་ཞིང་བཤགས། །ཨོཾ་བཛྲ་སཏཱ་ས་མ་ཡ། ཞེས་ཡིག་བརྒྱ་བཟླ། ཡེ་ཤེས་པ་དང་འཇིག་རྟེན་པའི། །སྨན་གྱི་ལྷ་ཚོགས་བཅས་པ་རྣམས། །འགྲོ་བ་ཀུན་ལ་ཕན་པའི་ཕྱིར། །སྐུ་གསུང་

[Full Size]

ཐུགས་ཀྱི་རྟེན་རྫས་མཆོག །སྐུ་གཟུགས་སྔགས་བྱང་རིལ་བུ་ལ། །དུས་རྣམས་རྟག་ཏུ་བརྟན་བཞུགས་ལ། །ནད་ཀྱི་རྒྱུ་རྐྱེན་གསོ་ཐབས་དང་། །འཚོ་འཆི་རིམ་གྲོ་ཅིས་ཕན་རྣམས། །བདག་ལ་འཆད་ཅིང་སྟོན་པར་མཛོད། །སྤྱན་དྲངས་ལྷ་རྣམས་རྟེན་ལ་ཐིམ། །དམ་ཚིག་རང་གི་སྙིང་གར་ཐིམ། །རང་ཡང་མཐའ་ནས་དབུས་སུ་ཡལ། །མི་དམིགས་སྟོང་པ་ཉིད་དུ་གྱུར། །ཅེས་ཡུད་ཙམ་བསྒོམས་ནས། སླར་ཡང་ཟུང་འཇུག་སྒྱུ་མའི་སྐུ། །རང་ཉིད་སྨན་བླ་གཙོ་རྐྱང་ནི། །ཕྱག་མཚན་མེད་པར་གསལ་གྱུར་ནས། །འགྲོ་བའི་དོན་ནི་དཔག་མེད་བྱེད། །པད་འབྱུང་གཡུ་ཐོག་ཟུར་མཁར་ཆོས་རྗེ་སོགས། །རྩ་བརྒྱུད་བླ་མ་རྣམས་ཀྱི་བཀྲ་ཤིས་ཤོག །སྨན་བླ་སྨན་གྱི་ལྷ་མོ་དྲང་སྲོང་། །ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག །རྡོ་རྗེ་བདུད་འདུལ་དྲེགས་པ་སྡེ་དགུ་སོགས། །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །ནད་རིགས་བཞི་བརྒྱ་རྩ་བཞི་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་། །མཐུན་པ་འགྲུབ་ཅིང་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །བདག་

[Full Size]

གིས་སྨན་བླ་བསྙེན་སྒྲུབ་མཆོད་པའི་མཐུས། །སྐྱེ་བ་འདི་ནས་ཚེ་རབས་ཐམས་ཅད་དུ། །བདག་གིས་མཐོང་ཐོས་དྲན་རེག་སེམས་ཅན་ཀུན། །ལུས་སེམས་ཟུག་རྔུ་ཐམས་ཅད་ཞི་གྱུར་ཅིག །བདག་གིས་གསོས་པའི་ནད་པ་ཐམས་ཅད་ཀྱང་། །མྱུར་དུ་ནད་ཞི་ལུས་སེམས་བདེ་ལྡན་ཞིང་། །ངན་སོང་འཁོར་བའི་སྐྱེ་སྒོ་ཀུན་འགགས་ནས། །རིམ་གྱིས་བྱང་ཆུབ་མངོན་དུ་བྱེད་པར་ཤོག །མ་འོངས་ནམ་མཁའི་མཐར་ཐུག་འཇིག་རྟེན་ན། །ནད་ཀྱི་བསྐལ་པ་གང་དུ་དར་བ་དེར། །བདག་ནི་སྨན་པའི་གཟུགས་སུ་མངོན་སྤྲུལ་ནས། །འགྲོ་བའི་ནད་རྣམས་མ་ལུས་སེལ་བར་ཤོག །མདོར་ན་བཅོམ་ལྡན་སྨན་བླའི་སྐུ་གསུང་ཐུགས། །བདག་གི་ལུས་ངག་ཡིད་གསུམ་དབྱེར་མེད་དུ། །སྐད་ཅིག་ད་ལྟ་ཉིད་དུ་འགྲུབ་གྱུར་ནས། །རྫོགས་པའི་བྱང་ཆུབ་དམ་པ་མྱུར་འགྲུབ་ཤོག །དེ་ནས་སྐུ་གཟུགས་སྔགས་ཕྲེང་དར་དཀར་དྲིལ། །བུམ་ཆུའི་རིལ་བུ་སྨན་གྱི་ཚོམ་བུ་རྣམས། །ཟངས་སམ་ལི་དཀར་གྲྭའུ་ཡོད་ན་རབ། །མེད་ན་རས་སོགས་ཐུམ་བུ་བྱས་ལ་བཏགས། །མགུལ་ལམ་མཚན་ཁུང་གང་བདེར་རྒྱུན་དུ་འཆང་། །ར་བ་བཞི་དང་དུས་སྦྱོར་འགྲུབ་སྦྱོར་དུས། །ཚེས་བརྒྱད་བཅོ་ལྔ་ལ་སོགས་དུས་བཟང་དུས། །ཆོ་འཕྲུལ་ཟླ་བ་ལ་སོགས་དུས་ཆེན་བཞི། །ཉི་ཟླ་

[Full Size]

གཟའ་འཛིན་ལ་སོགས་འགྱུར་ཡོད་དུས། །རྟེན་མཆོད་བཤམས་ལ་ཆོ་ག་ཚར་རེ་དང་། །སྔགས་རྣམས་མང་ཉུང་གང་འགྲུབ་ཁ་གསོའོ། །རྒྱུན་དུ་བདག་བསྐྱེད་འདོན་ན་ཆོག །སྤྱན་དྲངས་ལྷ་རྣམས་རྟེན་ལ་ཐིམ། །ཞེས་པ་མན་ཆད་སྦྱར་བར་བྱ། །དུས་བཟང་ལ་སོགས་ནམ་སྐབས་སུ། །བུམ་པ་གཏོར་མ་མ་འཛོམས་ན། །ཇ་ཕུད་འོ་ཕུད་གང་འཛོམ་བཤམ། །ཡང་ན་མར་ཞིག་ཆུ་ཡིས་བྲན། །དེ་ནས་བདག་མདུན་ཚང་བར་འདོན། །བུམ་པ་མི་འདོན་སྒྱུར་བས་ཆོག །བུམ་པའི་ཚབ་ལ་ཏིང་ཐེབ་དང་། །དཀར་ཡོལ་ལ་ཁྲ་ཆུས་བཀང་ནས། །དེ་ལ་བུམ་པ་སྒོམ་ཡང་རུང་། །དེ་ནས་རྩ་ནི་བལྟ་བའི་དུས། །ནད་པ་གལ་ཆེན་ཡིན་ན་ནི། །ཆོ་ག་ཚར་གཅིག་གཏོར་མ་འབུལ། །འབྲིང་ཡང་བདག་བསྐྱེད་ཚང་བར་འདོན། །ཐ་མ་རང་ཉིད་བདག་བསྐྱེད་ཀྱི། །དམིགས་པ་སྐད་ཅིག་ཉིད་ལ་བསྒོམ། །རང་ཉིད་སྨན་བླ་དངོས་སུ་བསམ། །ན་མོ་ཨོཾ་བཛྲ་བྷེ་ཥ་ཛཱི་མ་ཧཱ་བྷེ་ཥ་ཛུ་ས་མུཏྟ་ཏེ་ཧཱུྃ། ཨོཾ་ཤཾ་པ་རི་ཟུ་མཾ་ཤཾ་སཾ་པ་རི་བྷ་ར་འགུ་གུ་རི་ལི་པྲ་མ་ཡཱ། སྔགས་བཟླས་ཏིང་འཛིན་ལྡན་པ་ཡིས། །ནད་པའི་དྲུང་དུ་འདུག་བྱས་ལ། །སེམས་ནི་གཞན་དུ་མ་ཡེངས་པར། །མིག་བཙུམ་རྩ་ལ་བལྟས་པ་ཡིས། །ནད་རྣམས་གང་ཡིན་རྣ་བར་སྒྲོག །ཡང་ན་ཡིད་ལ་ས་ལེར་འཆར། །ཇི་ལྟར་མཐོང་ཡང་མི་གསང་བཤད། །མཐོང་བ་བསྐྱེད་པའི་སྔགས་འདི་ནི། །རྒྱུན་དུ་ཅི་ནུས་བཟླས་པ་དང་། །ནམ་སྐབས་མཆོད་པ་གཏོར་བསྔོས་བྱ། །བུམ་ཆུ་རིལ་བུ་སྦྱང་

[Full Size]

བའི་ཆུས། །སྐབས་སུ་རང་ལ་ཁྲུས་བྱའོ། །སྡུད་ཁའི་སྨན་ཕུད་མཆོད་པ་བྱ། །སྨན་བླའི་སྔགས་དེས་སྨན་ཀྱང་བསྔགས། །རྟེན་རྫས་འགོམ་ཡུགས་མ་སོང་བར། །རྒྱུན་དུ་ལུས་དང་འབྲལ་མེད་བྱ། །དེ་ལྟར་བསྒྲུབས་པའི་ཕན་ཡོན་ནི། །ལག་པར་འཇུས་ནས་རྩར་བལྟས་པས། །ནད་རྐྱེན་ན་ལུགས་སྡུད་ཁ་རྣམས། །རབ་ནི་རྣ་བར་དངོས་སུ་བཤད། །འབྲིང་ནི་ཉམས་དང་རྨི་ལམ་ལ། །ལུང་སྟོན་ལྟ་བུ་འབྱུང་ཡང་སྲིད། །ཐ་མ་ཡིད་ལ་གསལ་བར་འཆར། །དྲང་སྲོང་སྨན་བླ་འབུམ་ཕྲག་དྲུག །བུ་བཞིན་སྲུང་སྐྱོབ་སྡོང་གྲོགས་མཛད། །ཕྱི་མ་ངན་སོང་སྐྱེ་སྒོ་འགེགས། །ཚེ་འདིར་ནད་གདོན་བྱེད་ཁ་དང་། །རྒྱལ་པོའི་ཆད་པ་དབུལ་ཕོངས་ཞི། །སྨན་གྱི་ཕན་ཐོགས་གཞན་ལས་ཆེ། །མཁས་པའི་གྲགས་པ་རྒྱ་ཆེན་ཐོབ། །གལ་ཏེ་མ་འགྲུབ་རྟགས་མེད་ན། །ལན་གཉིས་ལན་གསུམ་བསྐྱར་ལ་བསྒྲུབ། །རྫས་གསོ་མཆོད་པ་བཟང་དུ་བཤམ། །སྨན་བླའི་དབང་བསྐུར་བསྐྱར་ནས་ཞུ། །ཁྲུས་དང་གཙང་སྦྲ་དོ་དམ་བྱ། །རྟེན་རྫས་མེ་ལོང་ངོས་ཁྲུས་གསོལ། །སྒྲུབ་གནས་སྤོས་ལ་གཙང་སར་བསྒྲུབ། །ལན་གསུམ་བསྒྲུབས་ནས་མ་བསལ་ན། །ལས་སྔགས་གོ་བཟློག་ཉེར་གཅིག་བཟླས། །དེ་བྱས་འགྲུབ་པར་ཐེ་ཚོམ་མེད། །རྒྱུད་གཞུང་མ་གྲགས་ནད་རིགས་དང་། །བྱིས་པ་སྨྲ་མི་ཤེས་པ་དང་། །རྩ་ཆུ་ནད་བརྟག་གོ་ལོག་དུས། །སྒྲུབ་ཐབས་འདི་ཉིད་མེད་ཐབས་མེད། །དེ་ཕྱིར་ཨོ་རྒྱན་ཆེན་པོའི་གསུངས། །འོན་ཀྱང་རྒྱུད་ཚིག་གོ་དཀའ་བས། །ཚིག་ཉུང་དོན་མང་ལག་ལེན་དཀའ། །དེ་

[Full Size]

ཕྱིར་དེ་དོན་གསལ་བར་བཀྲོལ། །བལྟས་ཆོག་འདོན་འགྲིགས་གབ་སྐུང་མེད། །ཀུན་ལ་ཕན་པའི་སེམས་བསྐྱེད་ནས། །དབོན་ལྷ་གྲགས་ལུས་བསྐུལ་བའི་ཕྱིར། །རཱ་ག་ཨ་སྱས་ལེགས་པར་བཀོད། །འགལ་འཁྲུལ་ཉེས་པའི་ཚོགས་མཆིས་ན། །སྨན་བླ་བཀའ་སྲུང་རྣམས་ལ་བཤགས། །འདི་བྲིས་དགེ་བས་འདི་ཉིད་ལ། །བསྙེན་སྒྲུབ་བྱས་དང་དེ་ལ་བརྟེན། །རྩ་བལྟས་སྡུད་ཁ་སུས་ཟོས་པ། །ཚེ་འདིར་ནད་ཞི་ཚེ་བསོད་འཕེལ། །ཕྱི་མ་བདེ་ཆེན་ཞིང་སྐྱེ་ཤོག །བདག་ཀྱང་འདི་ནས་ཚེ་འཕོས་ཚེ། །བདེ་ཆེན་ཞིང་དུ་སྐྱེས་ནས་ཀྱང་། །གཏན་དུ་ནད་ལས་ཐར་བར་ཤོག །སརྦ་མངྒ་ལཾ། སྔགས་བྱང་གི་དཔེའོ། །ན་མོ་ཨོཾ་བྷེ་ཥ་ཛུ་མ་ཧཱ་བྷི་ཥ་ཛུ་ས་མུཏཱ་ཏེ་ཧཱུྃ༔ བདག་བསྐྱེད་སྔགས་་་ཨོཾ་རག་ཤི་གྷ་ནི་གྷ་ཤི་པ་རོ་ཀྲྀ་པ་སྤ་རི་ན་ཁྲི་བ་རི་ན་ཆེ་ལི་སུ་མ་ལོང་། བུམ་བསྐྱེད་སྔགས་་་ཨོཾ་ཤི་རི་གྷ་ན་གྷ་ཤི་སུ་སུ་རི་ཀྲ་མ་ཡོ་ན་ཁྲི། སོ་རི་ནི་གུ་ལི་སུ་མ་ལ། མདུན་བསྐྱེད་སྔགས།་་ཨོཾ་ཤྲཱི་པ་རི་ཟོ་ལི་སཾ་བྷ་རི་གུ་ལི་པྲ་མ་ཡ། ལས་སྦྱོར་སྔགས་་་ཨོཾ་ཤྲཱི་པ་རི་ཥུམཾ་ཤཾ་པ་རི་བྷ་ར། འགུ་གུ་རི་ལི་པྲ་མ་ཡཱ། ན་མོ་ཨོཾ་བྷི་ཥ་ཛྷེ་མ་ཧཱ་བྷཻ་ཥ་ཛྱཻ་ས་མུངྒ་ཏེ་ཧཱུྃ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།