མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

པོད་དང་པོ། ཙ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

རྡོ་རྗེ་ཕུར་པའི་བཀའ་བབས་ཀྱི་རིག་འཛིན་རྣམས་དང་བླ་མ་བརྒྱུད་པའི་གསོལ་འདེབས།

― CMR017_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་བཀའ་བབས་ཀྱི་རིག་འཛིན་རྣམས་དང་བླ་མ་བརྒྱུད་པའི་གསོལ་འདེབས་བཞུགས་སོ།།

― CMR017_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་རྣམས་ཀུན་གྱི་སྟོན་པ་བཅོམ་ལྡན་འདས། །དྲུག་པ་རྡོ་རྗེ་འཆང་ལ་གསོལ་བ་འདེབས། །སངས་རྒྱས་ཀུན་གྱི་མཐུ་སྟོབས་གཅིག་བསྡུས་པ། །གསང་བདག་རྡོ་རྗེ་འཛིན་ལ་གསོལ་བ་འདེབས། །གསང་སྔགས་བདག་མོ་ཌཱཀི་ཀུན་གྱི་རྗེ། །མཁའ་འགྲོ་བདེ་བའི་འཁོར་ལོ་ལ་གསོལ་བ་འདེབས། །ཕུར་པའི་བཀའ་བབས་གནས་ལྔའི་པཎྜི་ཏ། །བྲམ་ཟེ་པྲ་ཆེན་ཧསྟི་ལ་གསོལ་བ་འདེབས། །ཕུར་པ་བསྒྲུབས་པས་བལ་བོད་ལྷ་འདྲེ་བཏུལ། །འཆི་མེད་པདྨ་འབྱུང་གནས་ལ་གསོལ་བ་འདེབས། །ཕུར་པ་བཏབ་པས་ཆུ་བོ་གང་གཱ་ཟློག །པཎ་

― CMR017_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་བི་མ་མི་ཏྲ་ལ་གསོལ་བ་འདེབས། །ཕུར་པ་བཏབ་པས་བྲག་ཆེན་ནས་ལྟར་འཕེན། །བལ་པོ་ཤྲཱི་ལ་མཉྫ་ལ་གསོལ་བ་འདེབས་།ཕུར་པ་བཏབ་པས་བྲག་དམར་ཟང་ཟང་འཐོར། །སྣ་ནམ་རྡོ་རྗེ་བདུད་འཇོམས་ལ་གསོལ་བ་འདེབས། །ཕུར་པ་བཏབ་པས་གཙང་པོ་གྱེན་ལ་ཟློག །ཤུད་པུ་དཔལ་གྱི་སེང་གེ་ལ་གསོལ་བ་འདེབས། །ཕུར་པ་བཏབ་པས་བྲག་ལས་ཚེ་ཆུ་བཏོན། །མཁའ་འགྲོ་ཡེ་ཤེས་མཚོ་རྒྱལ་ལ་གསོལ་བ་འདེབས། །ཕུར་པ་བཏབ་པས་མེ་འབར་རྩི་ཤིང་བསྲེགས། །ཆོས་རྒྱལ་ཁྲི་སྲོང་ལྡེའུ་བཙན་ལ་གསོལ་བ་འདེབས། །

― CMR017_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་བཏབ་པས་བྲག་ལ་འདམ་ལྟར་ཟུག །གནུབས་བན་ནམ་མཁའི་སྙིང་པོ་ལ་གསོལ་བ་འདེས། །ཕུར་པ་བཏབ་པས་རི་ལ་མེ་ཆེན་འབར། །གནུབས་སྟོན་སངས་རྒྱས་ཡེ་ཤེས་ལ་གསོལ་བ་འདེབས། །ཕུར་པ་བཏབ་པས་བྱང་གི་སྲིན་མོ་བཏུལ། །འོ་བྲན་དཔལ་གྱི་དབང་ཕྱུག་ལ་གསོལ་བ་འདེབས། །ཕུར་པ་བཏབ་ཚད་དགྲ་བགེགས་སྐད་ཅིག་སྒྲོལ། །ཨཱཿ་ཙར་དཔལ་དབྱངས་ཞབས་ལ་གསོལ་བ་འདེབས། །ཕུར་པའི་རིག་འཛིན་གྲུབ་ཐོབ་རྒྱུད་ཆད་མེད། །མཁོན་རིགས་ཀླུ་ཡི་དབང་པོ་ལ་གསོལ་བ་འདེབས། །ཕུར་པའི་རྒྱུད་བསྒྱུར་ཕུར་སྒྲུབ་བསྟན་པ་རྒྱས། །འགྲོ་མགོན་ས་སྐྱ་པཎ་ཆེན་ལ་གསོལ་བ་འདེབས། །ཟབ་གཏེར་སྒོ་འབྱེད་ཕུར་པའི་གདམས་པ་སྤེལ། །གཏེར་སྟོན་བརྒྱ་དང་རྩ་བརྒྱུད་ལ་གསོལ་བ་འདེབས། །ཕུར་སྒྲུབ་ཉམས་བླངས་རྟགས་དང་མཚན་མ་བརྙེས། །ལས་ཅན་ཆོས་བདག་རྣམས་ལ་གསོལ་བ་འདེབས། །དབང་ལུང་གདམས་པས་གསང་སྔགས་བསྟན་པ་འཛིན། །དྲིན་ཅན་རྩ་བརྒྱུད་བླ་མ་ལ་གསོལ་བ་འདེབས། །ཕྱག་ན་རྡོ་རྗེ་ཤིན་ཏུ་ཁྲོས་པའི་སྐུ། །ཡི་དམ་རྡོ་རྗེ་གཞོན་ནུ་ལ་གསོལ་བ་འདེབས། །སྒྲོལ་མ་སྔོན་

― CMR017_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་རབ་ཁྲོས་ཁྲོ་མོའི་སྐུ། །མཁའ་འགྲོ་འཁོར་ལོ་རྒྱས་འདེབས་ལ་གསོལ་བ་འདེབས། །རིགས་བཞིའི་སངས་རྒྱས་རབ་ཁྲོས་ཁྲོ་བོའི་སྐུ། །ཕྱོགས་བཞིའི་སྲས་མཆོག་རིགས་བཞི་ལ་གསོལ་བ་འདེབས། །སངས་རྒྱས་ཀུན་གྱི་སྟོབས་བཅུ་ཕར་ཕྱིན་བཅུ།་།ཡེ་ཤེས་ཁྲོ་བཅུ་ཡབ་ཡུམ་ལ་གསོལ་བ་འདེབས། །སྤྲུལ་པའི་ཕོ་ཉས་ཕྱོགས་བཅུའི་དགྲ་བགེགས་འདུལ། །ཕྲ་མེན་ཁྲ་ཐབས་ཉི་ཤུ་ལ་གསོལ་བ་འདེབས། །ཚད་མེད་ཏིང་འཛིན་རྣམ་བཞི་གཟུགས་ཀྱི་སྐུ། །སྒོ་སྲུང་ཕྱག་རྒྱ་བཞི་ལ་གསོལ་བ་འདེབས། །རེ་ཏི་མཆེད་བཞི་དབང་ཕྱུག་ཉེར་བརྒྱད་སོགས། །བཀའ་སྲུང་ཆོས་སྐྱོང་རྣམས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བསྐྱེད་རིམ་བརྟེན་པ་ཐོབ་པར་བྱིན་གྱིས་རློབས། །རྫོགས་རིམ་དགོངས་པ་རྟོགས་པར་བྱིན་གྱིས་རློབས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །ཞེས་སྔགས་ཆུང་བསོད་ནམས་བསྟན་འཛིན་གྱིས་བསྐུལ་

― CMR017_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་བའི་བརྒྱུད་འདེབས།

― CMR017_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཨཱཿ་ཧཱུྃ། སྐུ་གསུམ་ཞིང་དུ་ཀུན་བཟང་རིགས་ལྔ་དང་། །པད་འབྱུང་ཉིད་ལས་དབང་ལུང་གདམས་པ་ཐོབ། །རྒྱ་གར་གྲུབ་ཆེན་མ་ཧཱ་བོ་དྷི་ཏེ། །རི་བོ་ཆེ་རུ་རྒྱལ་བའི་མཚན་ཅན་དང་། །སྟག་ལུང་ངག་དབང་གྲགས་པ་མཁས་གྲུབ་མཆོག །ཀུན་སྐྱོང་གླིང་པའི་གཏེར་སློབ་ཆོས་ཀྱི་བདག །སླར་ཡང་མར་ཐང་གདུང་རིགས་དྲི་མེད་ལས། །ཚེས་བཅུའི་ཉི་ཤར་ངོ་མཚར་བལྟས་བཅས་འཁྲུངས། །འཇིག་རྟེན་དབང་ཕྱུག་ཤཱཀྱ་བཀྲ་ཤིས་སོགས། །དམ་པ་རྣམས་ལས་ཆོས་ཀྱི་རྒྱ་མཚོ་བསྡུས། །རིག་འཛིན་བྱང་ལོ་ཆུབ་གླིང་པའི་ལུང་བསྟན་ལྟར། །དྲག་སྔགས་ནུས་པས་བསྟན་དགྲ་ཐལ་བར་བརླག །བཀའ་དགོངས་ཕུར་གསུམ་འདུས་པ་སྐོར་དྲུག་སོགས། །གསང་སྔགས་ཆོས་ཀྱི་བཀའ་ཚ་བབས་བསྟན་པ་བཙུགས། །སྦྱོར་སྒྲོལ་མཐར་ཕྱིན་རིག་འཛིན་སྤྲུལ་སྲས་བཞག །ཕྱག་རྫོགས་གདམས་པས་འབྲེལ་ཚད་དོན་ལྡན་མཛད། །རྡོ་རྗེ་འཇིགས་བྱེད་མི་ཡི་ཚུལ་བཟུང་བ། །གསང་སྔགས་སྡོང་པོ་པུཎྱ་མངྒ་ལ། །འཛིན་པའི་གཞི་འདིར་ཨོ་རྒྱན་དངོས་སུ་གྲགས། །སྤྲུལ་པ་བསྡུས་ཚེ་འོད་གསལ་ངང་ལ་བཞུགས། །སྐུ་གདུང་ཞུགས་ཕུལ་ཐུགས་

― CMR017_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗགས་སྤྱན་གསུམ་བཞག་།འཇའ་ཚོན་གུར་ཕུབ་མེ་ཏོག་ཆར་པ་ཕབ། །གནས་གསུམ་མཁའ་འགྲོས་མཆོད་པའི་སྤྲིན་ཕུང་གཏིབས། །ཆོས་རྗེ་མཁར་དྲུང་ཞེས་གྲགས་རིག་འཛིན་མཆོག །གསོལ་བ་འདེབས་སོ་དབང་བསྐུར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཅེས་པ་རིག་འཛིན་དེ་ལས་བརྒྱུད་པའི་ཆོས་ཚུལ་ཉམས་སུ་ལེན་པའི་སྔགས་འཆང་༧ རཱ་ག་ཨ་སྱས་གསོལ་བ་བཏབ་པའོ། །སརྦ་མངྒ་ལཾ།། །།

གསོལ་འདེབས།

― CMR017_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ། རྡོ་རྗེ་ཁྲོས་པས་ཞེ་སྡང་གཅོད། །རྡོ་རྗེ་གཞོན་ནུ་ཕུར་པའི་ལྷ། །པདྨ་ཐོད་ཕྲེང་རིག་པ་འཛིན། །ཡེ་ཤེས་མཚོ་རྒྱལ་རིག་པའི་བུ། །གསོལ་བ་འདེབས་སོ་བྱིན་གྱིས་རློབས། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བསྩལ་དུ་གསོལ། །རཏྣ་གླིང་པ་གཏེར་གྱི་བདག །ཚེ་དབང་གྲགས་པ་རིག་པ་འཛིན། །ངག་དབང་གྲགས་པ་ཐུགས་ཀྱི་སྲས། །ངག་དབང་ནོར་བུ་སྲས་མཆོག་རྗེ། །གསོལ་བ་འདེབས་སོ་བྱིན་གྱིས་རློབས།། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བསྩལ་དུ་གསོལ། །ནོར་བུ་ཡོངས་གྲགས་སྲས་བཅས་མཆོག །རཏྣ་སངས་རྒྱས་ཕུན་ཚོགས་སྲས། །བཀའ་བབས་ཀརྨ་དགེ་ལེགས་རྗེ། །ཐུགས་རྗེ་མཚུངས་མེད་རཱ་གའི་མཚན། །དྲིན་ཅན་རྩ་བའི་བླ་མ་ལ། །གསོལ་བ་འདེབས་སོ་བྱིན་གྱིས་རློབས། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བསྩལ་དུ་གསོལ། །ཧཱུྃ། དུས་གསུམ་བདེ་གཤེགས་ཐམས་ཅད་ཀྱི། །མཐུ་སྟོབས་ཕྲིན་ལས་ཀུན་གྱི་བདག །རྡོ་རྗེ་གཞོན་ནུ་ཡབ་ཡུམ་ལ། །གསོལ་བ་འདེབས་སོ་བྱིན་གྱིས་རློབས། །སྲིད་པའི་ཕུར་བུ་སྒྲུབ་

― CMR017_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། །དབང་དང་དངོས་གྲུབ་བསྩལ་དུ་གསོལ། །ཕྱོགས་བཅུ་གདོན་བཅུའི་གདན་སྟེང་ན། །སྤྲུལ་པ་ཁྲ་ཐབས་བཅས་པ་ལ། །གསོལ་བ་འདེབས་སོ་བྱིན་གྱིས་རློབས། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བསྩལ་དུ་གསོལ། །ཞི་རྒྱས་དབང་དྲག་སྒྲུབ་བྱེད་པའི། །ཕུར་པ་ཀཱི་ལ་རིགས་བཞི་དང་། །ཕུར་སྲུང་སྒོ་མ་བཞི་དང་བཅས་། །ཕུར་པའི་དཀྱིལ་འཁོར་ལྷ་ཚོགས་ལ། །གསོལ་བ་འདེབས་སོ་བྱིན་གྱིས་རློབས། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བསྩལ་དུ་གསོལ། །བར་ཆད་དགྲ་དང་ལོག་འདྲེན་བགེགས། །མ་ལུས་ཞི་ཞིང་ཟློག་པ་དང་། །མཐུ་སྟོབས་ནུས་པའི་རྩལ་ལྡན་ནས། །ཕྲིན་ལས་ཐོགས་མེད་འགྲུབ་པར་ཤོག །བསྐྱེད་རྫོགས་མཐའ་རུ་ཕྱིན་པ་དང་། །དོན་གཉིས་ལྷུན་གྱིས་འགྲུབ་པ་དང་། །ཚེ་གཅིག་སངས་རྒྱས་སར་ཕྱིན་ཤོག །གཏེར་སྟོན་བདུད་རྡོ་རྗེས་ལུང་བྱང་ལས། ཁོ་བོ་ཕུར་པའི་ཆོས་བདག་ཡིན་གསུངས་པ་དང་། རང་གིས་དག་སྣང་དགའ་རེ་བྱུང་བ་ལ་བརྟེན་ནས། རཱག་ཨ་སྱས་སྨྲས་པའོ། །དགེ་ལེགས་འཕེལ།། །།

ཕུར་པ་ཕྲིན་ལས་ཡང་གསང་བླ་མེད་ལས༔ ཕྲིན་ལས་རང་གཞུང་བསྡུས་པ།

― CMR017_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཕྲིན་ལས་ཡང་གསང་བླ་མེད་ལས༔ ཕྲིན་ལས་རང་གཞུང་བསྡུས་པ་བཞུགས་སོ༔

― CMR017_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤྲཱི་བཛྲ་ཀུ་མཱ་རཱ་ཡེ༔ ཕུར་པའི་གསང་སྒྲུབ་སྤྲོས་མེད་ནི༔ ཚོམ་བུ་དང་གཙོ་ཕུར་གཅིག་དང་དཔལ་གཏོར་གཅིག་སོགས་ཅི་འཛོམ་བཤམས་ལྕགས་སམ་ཚེར་མ་ཅན་ལ་བྱ་སྟེ༔ སྲུང་ཕུར་སོར་དྲུག༔ ཟློག་ཕུར་སོར་བཞི༔ ཐུན་ཕུར་སོར་གསུམ་དུ་གསུངས་ལར་ནི་གསང་སྒྲུབ་འདི༔ བསྐྱེད་རྫོགས་སེམས་ལ་ལོངས་སྤྱོད་ཕྱིར༔ སྤྲོས་བཅས་མང་པོ་མི་འཚལ་ཏེ༔ ཞེས་དང་༔ རྩ་བའི་སྒྲུབ་པར་ཐུགས་དགོངས་རྣམ་དག་ཅི་ཡང་མི་དགོས་ནམ་མཁའ་ལྟ་བུའི་ངང་ལས༔ རིག་རྩལ་འགག་མེད་རྩལ་དུ༔ དཀྱིལ་འཁོར་གསུམ་དུ་སྣང་ལ་རང་བཞིན་མེད་པར་དག་པའི་རང་བཞིན་དུ་ཤར་ཞིང་༔ ཤར་བ་དེ་ཁོ་ན་ཡང་གསལ་སྟོང་རྣམ་པར་དག་སྟེ༔ མ་བཅོས་རང་གསལ་ཚོགས་དྲུག་ལྷུག་པར་བཞག་སྟེ་མཚན་རྟོགས་བྱ་རྩོལ་

― CMR017_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བྲལ་བའི་ངང་ལས༔ གྲག་སྟོང་འཛིན་མེད་ངང་དུ་བཟླ་བ༔ ཆོས་ཉིད་འཛིན་མེད་རང་གྲོལ་དགོངས་བཟླས་ཞེས་བྱ་སྟེ། ཤིན་ཏུ་མཐར་ཐུག་པའི་བཟླས་པའོ༔ ཞེས་གསུངས་པའི་དོན་ཡང་གསང་སྒྲུབ་མངོན་རྟོགས་ནི༔ བདེ་བའི་གདན་ལ་འདུག་ནས༔ ཧཱུྃ༔ རང་བཞིན་ལྷུན་གྲུབ་གཞལ་ཡས་ཆེན་པོ་ལ༔ བགེགས་དང་ལོག་པར་འདྲེན་པའི་མིང་ཡང་མེད༔ དེ་ལྟར་ཡེ་ནས་གསལ་བར་རབ་རྟོགས་པས༔ མཚམས་ཀྱི་དཀྱིལ་འཁོར་རང་བཞིན་ལྷུན་གྱིས་གྲུབ༔ བཤགས་པ་ནི༔ ༀ༔ གདལ་ཁྱབ་ཀ་དག་ཡང་དག་ལྷུན་འབྱམས་ལ༔ བཤགས་དང་བཤགས་བྱའི་མཚན་མ་རང་སར་གྲོལ༔ འོན་ཀྱང་མ་རིག་

― CMR017_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུང་འཛིན་འཁྲུལ་སྲིད་ན༔ རང་བྱུང་སྤྲུལ་པའི་ལྷ་ཚོགས་རྣམས་ལ་བཤགས༔ ས་མ་ཡ་ཨ་ཨཱཿ༔ མཆོད་པ་བྱིན་བརླབས་ནི། གདོད་ནས་རྣམ་དག་རང་བྱུང་བདུད་རྩི་མཆོག༔ རྒྱུད་དྲུག་དབྱིངས་སུ་བསྒྲལ་བའི་དམར་ཆེན་པོ༔ སྣང་སྲིད་གཞིར་བཞེངས་མ་ཧཱ་བ་ལིང་ཏ༔ རྣམ་གསུམ་འཛད་མེད་བཅུད་ཆེན་ཨོཾ་ཨཱཿཿཧཱུྃ༔ ཨོཾ་བཛྲ་པུཉྩེ་ནས་ཤབྡ་ཨཱཿཿཧཱུྃ༔ བསྐྱེད་རིམ་ནི༔ ཧཱུྃ༔ སྣང་བའི་དངོས་པོ་སྣ་ཚོགས་གཞལ་ཡས་ཁང་༔ མཐིང་ནག་གྲུ་གསུམ་འབར་བའི་དཀྱིལ་འཁོར་ན༔ དུར་ཁྲོད་བདུད་ཀྱིས་བསྐོར་བའི་དབུས༔ ཡེ་ཤེས་མེ་དཔུང་འབར་བའི་ཀློང་༔ རང་སྣང་ཡེ་ཤེས་ལས་གྲུབ་པའི༔ གཞལ་ཡས་ཁང་གི་དབུས་པདྨ༔ ཉི་ཟླ་བདུད་བཞི་བསྣོལ་བའི་སྟེང་༔ མཐིང་ནག་ཧཱུྃ་གི་འཕྲོ་འདུ་ལས༔ བདག་ཉིད་མ་བཅོས་རྫོགས་པའི་སྐུ༔ དཔལ་ཆེན་རྡོ་རྗེ་གཞོན་ནུ་ཆེ༔ མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་ཐབས་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུ་བརྒྱན་ཐུགས་སྲོག་ཧཱུྃ༔ སྤྱན་དགུ་སྡང་མིག་ཕྱོགས་བཅུར་གཟིགས༔ ཞལ་གདངས་ལྗགས་འདྲིལ་མཆེ་བ་གཙིགས༔ གཡས་གཉིས་རྩེ་

― CMR017_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁཊཾ་འཛིན༔ མཐའ་གཉིས་རི་རབ་ཕུར་པ་འདྲིལ༔ དུར་ཁྲོད་རབ་འཇིགས་ཆས་རྣམས་རྫོགས༔ ཡུམ་ཆེན་འཁོར་ལོ་རྒྱས་འདེབས་མ༔ མཐིང་སྐྱ་ཞལ་གཅིག་ཕྱག་གཉིས་ཏེ༔ གཡས་པས་ཨུཏྤལ་མགུལ་ནས་འཁྱུད༔ གཡོན་པས་དུང་དམར་གཙོ་ལ་སྟོབས༔ དཔྲལ་བར་ཧཱུྃ་ཀཱར་ཡབ་ཡུམ་སྔོ༔ མགྲིན་པར་རྟ་མགྲིན་ཡབ་ཡུམ་དམར༔ ཐུགས་ཀར་གཤིན་རྗེ་ཡབ་ཡུམ་སྔོ༔ ལྟེ་གོང་བདུད་རྩི་ཡབ་ཡུམ་ལྗང་སེར༔ ལྟེ་བར་མི་གཡོ་ཡབ་ཡུམ་ལྗང་ནག༔ གསང་གནས་སྟོབས་ཆེན་ཡབ་ཡུམ་སྔོ༔ དཔུང་གཡས་རྣམ་རྒྱལ་ཡབ་ཡུམ་དཀར༔ དཔུང་གཡོན་དབྱུག་སྔོན་ཡབ་ཡུམ་སྔོ༔ བརླ་གཡས་འདོད་རྒྱལ་ཡུམ་དམར་སྐྱ༔ བརླ་གཡོན་ཁམས་གསུམ་ཡབ་ཡུམ་སེར་ནག༔ ཕྱོགས་བཞིར་རིགས་བཞི་རྩིབས་བཅུ་ལ༔ ཁྲོ་བཅུ་ཡབ་ཡུམ་ཟ་གསོད་བཅས༔ དེ་ལྟར་ཁྲོ་བོ་ཉེར་བཞི་རྣམས༔ ཞལ་གསུམ་ཕྱག་དྲུག་ཞབས་བཞི་བསྒྲད༔ རྡོ་རྗེའི་གཤོག་པ་དུར་ཁྲོད་ཆས༔ རང་རྟགས་མཚོན་ཆ་སྣ་ཚོགས་འཛིན༔ སྒོ་བཞིར་སྒོ་མ་གདོང་ཅན་བཞི༔ དཀྱིལ་འཁོར་མུ་རན་འཁོར་ཡུག་ཏུ༔ སྲས་

― CMR017_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྤྲུལ་པ་བཀའ་སྡོད་བཅས༔ བདག་ཉིད་ཤཱ་ནི་ས་བདག་དང་༔ བསྲེ་ལྕགས་དུང་གི་སྐྱེས་བུ་སོགས༔ གཙོ་འཁོར་ཡོངས་སུ་རྫོགས་པར་བསྐྱེད༔ གཙོ་བོའི་ཐུགས་ཀར་ཉི་མའི་སྟེང་༔ སེམས་དཔའི་ཚོན་གང་ཕུར་པ་འདྲིལ༔ དེ་ཡི་ཐུགས་ཀར་ཉི་མའི་སྟེང་༔ གསེར་གྱི་རྡོ་རྗེ་ནས་འབྲས་ཙམ༔ ལྟེ་བར་ཧཱུྃ་ལ་སྔགས་ཀྱིས་བསྐོར༔ ལྷ་རྣམས་རང་རང་སྤྱི་བོར་ཨོཾ༔ མགྲིན་པར་ཨཱཿདང་ཐུགས་ཀར་ཧཱུྃ༔ ཕྱོགས་བཅུའི་རྒྱལ་བ་ཐམས་ཅད་ཀྱིས༔ དབང་བསྐུར་བྱིན་གྱིས་བརླབས་པ་ཡིས༔ དབང་རྟགས་དོན་ཡོད་གྲུབ་པས་བརྒྱན༔ ཨོཾ་ཧཱུཾ་སྭཱ་ཨཱི༔ཧཱ༔ ཚྭ་ཚྭ་ཚྭ་ཛྭ་ཏྭཾ༔ རང་གི་ཐུགས་ཀའི་འོད་ཟེར་གྱིས༔ ཡེ་ཤེས་སེམས་དཔའ་སྤྱན་དྲངས་གྱུར༔ ཡེ་ཤེས་པ་སྤྱན་འདྲེན་པ་ནི༔ ཧཱུྃ༔ སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ རྡོ་རྗེ་གཞོན་ནུ་འཁོར་དང་བཅས་པ་ཡང་༔ ཆོས་ཀྱི་དབྱིངས་ནས་གནས་འདིར་གཤེགས་སུ་གསོལ། སྲིད་པའི་རྡོ་རྗེ་ཕུར་པ་བསྒྲུབ་པ་དང་༔ དབང་དང་དངོས་གྲུབ་མ་ལུས་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བཟང་པོ་

― CMR017_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་སུ་གསོལ༔ ཛཿཧཱུྃ་བཾ་ཧོཿ ཧཱུྃ༔ ས་མ་ཡ་ཛཿ ས་མ་ཡ་ཏིཥྛ་ལྷན༔ ཧཱུྃ༔ སྲིད་གསུམ་གདུག་པ་བསྒྲལ་བ་དང་༔ ང་རྒྱལ་ཞེན་པ་གཞོམ་པའི་ཕྱིར༔ རྡོ་རྗེ་སྲིན་པོའི་ཚོགས་བཅས་ལ༔ རྩེ་གཅིག་གུས་པས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏིཙྪ་ཧོཿ ཕྱི་ནང་གསང་མཆོད་འབུལ་བ་ནི༔ ཧཱུྃ༔ ལྷན་ཅིག་སྐྱེས་སྦྱོར་ཕྱི་ནང་གསང་བཀོད་པའི༔ མཆོད་པ་རྣམ་མང་དངོས་འབྱོར་ཡིད་སྤྲུལ་པའི༔ རང་བྱུང་སྤྲུལ་པའི་ལྷ་ལ་མཆོད་པ་འབུལ༔ གཉིས་མེད་བླང་དོར་མེད་པར་བཞེས་སུ་གསོལ༔ ཨོཾ་བཛྲ་ཨ་སོགས་ནས་ཤརྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་ཡན་ལག་སྟོང་སྦྱར་སྨན་ཆེན་དང་༔ ཉོན་མོངས་མཁའ་དབྱིངས་གསང་བའི་རཀྟ་མཆོག༔ བཅུད་ཆེན་རྫས་མཆོག་གཏོར་མར་བཅས་ཏེ་འབུལ༔ མ་ཧཱ་པཉྩ་ཨ་མྲྀ་ཏ་རཀྟ་བ་ལིང་ཏ་ཁཱ་ཧི༔ ཧཱུྃ༔ གཏི་མུག་ཤ་ཡི་རང་བཞིན་རི་ལྟར་བསྙིལ༔ འདོད་ཆགས་ཁྲག་གི་རྒྱ་མཚོ་རྦ་ཀློང་འཁྲུགས༔ ཞེ་སྡང་རུས་པའི་ཕུང་པོར་བཅས་པ་རྣམས༔ རྡོ་རྗེ་སྲིན་པོ་འཁོར་དང་བཅས་ལ་

― CMR017_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ༔ ཨོཾ་ཨཱཿ་ཧཱུྃ༔ དེ་ནས་བསྟོད་པ་ནི༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཁྲོ་བོའི་རྒྱལ༔ ཆོས་དབྱིངས་རྣམ་དག་འཁོར་ལོ་རྒྱས་འདེབས་ཡུམ༔ ཐབས་ཤེས་སྐུ་ལས་སྤྲུལ་པའི་ཁྲོ་བོའི་བཅུ༔ རང་བཞིན་དབྱིངས་ལས་ཤར་བའི་ཁྲོ་མོ་བཅུ༔ སྤྲུལ་པ་ལས་ལ་མངག་པའི་ཁྲ་ཐབས་ཚོགས༔ ཟི་གསོད་མཆེ་བ་རྟགས་ཀྱི་མགོ་བོ་ཅན༔ དཀྱིལ་འཁོར་ཕྱོགས་བཞི་སྐྱོང་བའི་སྒོ་མ་བཞི༔ གསོད་པའི་ལས་མཛད་ཕུར་སྲུང་བཅུ་གཉིས་དང་༔ བསྲེ་ལྕགས་དུང་གི་སྐྱེས་བུ་ལ་སོགས་ཏེ༔ ཕུར་པའི་སྲུང་མར་ཞལ་བཞེས་དམ་ཅན་ཚོགས༔ འཁོར་དང་བཅས་ལ་ཕྱག་འཚལ་བསྟོད་པར་བགྱི༔ ཁྱེད་ཀྱི་ཐུགས་རྗེ་ཐུགས་དམ་དུས་ལ་བབ༔ མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔ འཛབ་བཟླ་བ་ནི༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་སྲས་འཁོར་བཅས༔ འཁོར་ལོ་རྒྱས་འདེབས་ཀློང་ནས་ཁྲོ་གར་མཛད༔ གྲག་སྟོང་སྔགས་ཀྱི་འཛབ་དབྱངས་འབྲུག་ལྟར་སྒྲོགས༔ ཐུགས་དམ་དབྱིངས་བསྐུལ་མ་འགྲུབ་བར་དུ་བསྒྲུབ༔ ཐུགས་ཀའི་སྔགས་ཕྲེང་དང་བཅས་པ་ལས་འོད་ཟེར་ཕྱོགས་བཅུར་འཕྲོས་པས༔ རྒྱལ་བ་རྣམས་ཀྱི་ཐུགས་དམ་གནད་ནས་བསྐུལ་ཏེ༔ རྒྱལ་བོ་རྣམས་ཀྱི་སྐུ་གསུང་

― CMR017_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀྱི་བྱིན་རླབས་ཐམས་ཅད་ཨོཾ་དཀར་ཨཱཿདམར་ཧཱུྃ་མཐིང་གསུམ་གྱི་ཚུལ་དུ་རང་གི་གནས་གསུམ་དུ་བར་མ་ཆད་པར་ཐིམ༔ རྒྱལ་བ་རྣམས་ཀྱི་ཐུགས་རྗེ་དང་བྱིན་རླབས་ནུས་པ་ཐམས་ཅད་རྡོ་རྗེ་ཕུར་པའི་ལྷ་ཚོགས་རྣམས་ཀྱི་ངོ་བོར་སིབ་སིབ་བདག་ལ་ཐིམ་པར་བསྒོམ་ཞིང་བཟླས་པས༔ གོ་ཆའི་ལྷ་རྣམས་ཀྱིས་དི་རི་རི་བཟླས་པར་བསམ་མོ༔ ཐུགས་ཀའི་སྔགས་ཕྲེང་ཀློག་པའི་ཚུལ་དུ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་ཁཾ་ཧཱུྃ་ཕཊ༔ འབྲུ་བཅུ་གསུམ་འདི་ཅི་རིགས་བཟླ༔ སྒྲུབ་པ་དུས་སྔགས་ཕྲེང་བདག་གི་ཞལ་ནས་མདུན་བསྐྱེད་ཞལ་དུ་ཞུགས༔ ལྟེ་བ་ནས་བདག་གི་ལྟེ་བར་ཐོན་ནས་ཞུགས་པ་དང་དེའི་འོད་ཟེར་གྱི་ཕྲིན་ལས་བཞི་འགྲུབ་པའོ༔ དཀར་སེར་དམར་ལྗང་གི་ལས་སོ་སོ་སྒྲུབ་པ་ཅི་ལྟར་རོ༔ ཡབ་ཀྱི་ཞལ་ནས་ཡུམ་གྱི་ཞལ་དུ་ཞུགས༔ བྷ་ག་ནས་རྡོ་རྗེར་ཞུགས་པས་ཕྲིན་ལས་བཞི་སྒྲུབ་བོ༔ ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མ་ར་སེ་ན་པྲ་མརྟ་ན་ཡེ་སརྦ་བིག་ནཱན་ཁཾ་ཧཱུྃ་ཕཊ༔ ཅེས་སྒྲུབ་པ་ལས་སྦྱོར་གཅིག་ཏུ་དྲིལ་བའོ༔ གང་ཟག་སྦྱངས་པ་སྔོན་སོང་བའི༔ བསྙེན་སྒྲུབ་ལས་ཀྱི་འཕྲོ་ཅན་ལ༔ དུས་རྟགས་གྲངས་ནི་མ་ངེས་ཏེ༔ གཞུང་ལྟར་རྟགས་དང་མཚན་ཐོབ་ནས༔ ཞག་གཅིག་རྟགས་རྫོགས་བྱུང་ན་ཡང་༔ བསྙེན་སྒྲུབ་རྫོགས་ཏེ་གོང་འོག་སྦྱར་བས་འགྲུབ་པའོ༔

― CMR017_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་སོ༔ མདོར་ན་སྐུ་གསུང་རྟགས་དག་གང་༔ རྣམ་གསུམ་ཚང་ན་བརྟན་པ་ཐོབ་པར་བསྙེན་པ་རྫོགས༔ ཞེས་གསུངས་སོ༔ དེ་ལྟར་ཕུར་པའི་གཞུང་མཚོ་རྒྱལ་གྱིས་མཛད་པའི་ཉུང་བསྡུས་དང་༔ རཏྣ་ལུགས་ཀྱི་ཕུར་པའི་གསང་སྒྲུབ་ལྷ་བསྐྱེད་ཀྱི་གབ་སྤྲད་དེ༔ ཀརྨ་ཨ་རཱ་གས་བྲིས་པའོ༔ ༈ འཛབ་མཆོད་ནི། ཧཱུྃ། ཡེ་ཤེས་ཕུར་པའི་ལྷ་ཚོགས་གནས་འདིར་གཤེགས༔ འཛབ་དགོངས་གྲངས་ཐེམ་སྨན་གཏོར་མཆོད་ཚོགས་འབུལ༔ སྐུ་གསུང་ཐུགས་ཡོན་ཕྲིན་་ལས་རྫོགས་ལ་བསྟོད༔ རྩ་བོ་ཡན་ལག་དམ་ཚིག་ཉམས་ཆག་བཤགས༔ རང་སེམས་དཔང་བཙུགས་བཀའ་བཞིན་བསྒྲུབས་ལགས་ན༔ སྐུ་གསུང་ཐུགས་ཡོན་དངོས་གྲུབ་བསྩལ་དུ་གསོལ༔ མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ཁཱ་ཧི༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

གནམ་ཆོས་ཐུགས་ཀྱི་གཏེར་ཁ་ནས་ཕུར་པའི་གསང་སྒྲུབ་ཕྲིན་ལས་བླ་མེད་དོན་གསལ།

― CMR017_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་ནས་ཕུར་པའི་གསང་སྒྲུབ་ཕྲིན་ལས་བླ་མེད་དོན་གསལ་བཞུགས་པའི་དབུ་ཕྱོགས་ལགས་སོ།།

― CMR017_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤྲཱི་ཀུ་མཱ་རཱ་ཡེ། ཕུར་པའི་གསང་སྒྲུབ་སྤྲོས་མེད་ནི༔ ཚོམ་བུ་དང་གཙོ་ཕུར་གཅིག་དང་༔ དཔལ་གཏོར་ཅི་འབྱོར་བཤམས༔ ལྕགས་སམ་ཚེར་མ་ཅན་ལ་བྱ་ས༔ སྒྲུབ་ཕུར་སོར་དྲུག༔ བློག་ཕུར་སོར་བཞི༔ ཐུན་ཕུར་སོར་གསུམ༔ ལར་ནི་གསང་སྒྲུབ་འདིར༔ བསྐྱེད་རྫོགས་སེམས་ལ་ལོངས་སྤྱོད་ཕྱིར༔ སྤྲོས་པ་མང་པོ་མི་བྱ་སྟེ༔ ཞེས་དང་༔ རྩོབའི་སྒྲུབ་པ༔ ཐུགས་དགོངས་རྣམ་རྟོག་ཅི་ཡང་མི་དགོས་ནམ་མཁའ་ལྟ་བུའི་ངང་ནས༔ རིག་རྩལ་འགག་མེད་ཙམ་དུ༔ དཀྱིལ་འཁོར་གསུམ་སྣང་ལ་རང་བཞིན་མེད་པ༔ དག་པའི་རང་བཞིན་དུ་ཤར་ཞིང་༔ དེ་ཁོ་ན་ཡང་གསལ་སྟོང་རྣམ་པར་དག་པ་སྟེ༔ མ་བཅོས་རང་གསལ་ལྷུན་གྲུབ་ཏུ་ལྷུག་པར་བཞག་སྟེ༔ མཚན་རྟོག་བྱ་རྩོལ་དང་བྲོལ་བའི་ངང་ནས༔ སྒྲ་གྲག་

― CMR017_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་འཛིན་མེད་དང་བཟླས་པའི་ངང་ནས༔ ཆོས་ཉིད་འཛིན་མེད་བྲལ་བའི་ངང་ནས༔ གྲོལ་དགོངས་བཟླས་པ་ཅི་ནུས་བྱ་སྟེ༔ ཤིན་ཏུ་མཐར་ཐུག་པའི་ངང་ནས་བཟླས༔ ཞེས་གསུངས་པའི་དོན༔ གསང་སྒྲུབ་མངོན་རྟོགས་ནི༔ བདེ་བའི་སྟན་ལ་འདུག་ནས༔ ཧཱུྃ༔ མཐིང་ནག་གྲུ་གསུམ་འབར་བའི་དཀྱིལ་འཁོར་ན༔ དུར་ཁྲོད་བརྒྱད་ཀྱིས་བསྐོར་བའི་དབུས༔ ཡེ་ཤེས་མེ་དཔུང་འབར་བའི་ཀློང་༔ རང་སྣང་ཡེ་ཤེས་ལས་གྲུབ་པའི༔ གཞལ་ཡས་ཁང་གི་དབུས་སུ་ནི༔ པད་ཉི་བདུད་བཞི་བསྣོལ་བའི་སྟེང་༔ མཐིང་ནག་ཧཱུྃ་གི་འཕྲོ་འདུ་ལས༔ བདག་ཉིད་མ་བཅོས་རྫོགས་པའི་སྐུ༔ དཔལ་ཆེན་རྡོ་རྗེ་གཞོན་ནུ་

― CMR017_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ༔ མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་ཐབས་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུ་བརྒྱན་ཐུགས་སྲོག་ཧཱུྃ༔ སྤྱན་དགུ་སྡང་མིག་ཕྱོགས་བཅུར་གཟིགས༔ ཞལ་གདངས་ལྗགས་འདྲིལ་མཆེ་བ་གཙིགས༔ གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁཊཾ་འཛིན༔ མཐའ་གཉིས་རི་རབ་ཕུར་པ་འདྲིལ༔ དུར་ཁྲོད་རབ་འཇིགས་ཆས་རྣམས་རྫོགས༔ ཡུམ་ཆེན་འཁོར་ལོ་རྒྱས་འདེབས་མ༔ མཐིང་སྐྱ་ཞལ་གཅིག་ཕྱག་གཉིས་ཏེ༔ གཡས་པས་ཨུཏྤལ་མགུལ་ནས་འཁྱུད༔ གཡོན་པས་དུང་དམར་གཙོ་ལ་སྟོབས༔ དཔྲལ་བར་ཧཱུྃ་ཀཱར་ཡབ་ཡུམ་སྔོ༔ མགྲིན་པར་རྟ་མགྲིན་ཡབ་ཡུམ་དམར༔ ཐུགས་ཀར་གཤིན་རྗེ་ཡབ་ཡུམ་སྔོ༔ ལྟེ་གོང་བདུད་རྩི་ཡབ་ཡུམ་ལྗང་སེར༔ ལྟེ་བར་མི་གཡོ་ཡབ་ཡུམ་ལྗང་ནག༔ གསང་གནས་སྟོབས་ཆེན་ཡབ་ཡུམ་སྔོ༔ དཔུང་གཡས་རྣམ་རྒྱལ་ཡབ་ཡུམ་དཀར༔ དཔུང་གཡོན་དབྱུག་སྔོན་ཡབ་ཡུམ་སྔོ༔ བརླ་གཡས་འདོད་རྒྱལ་ཡུམ་དམར་སྐྱ༔ བརླ་གཡོན་ཁམས་གསུམ་ཡབ་ཡུམ་སེར་ནག༔ ཕྱོགས་བཞིར་རིགས་བཞི་རྩིབས་བཅུ་ལ༔ ཁྲོ་

― CMR017_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་ཡབ་ཡུམ་ཟ་གསོད་བཅས༔ དེ་ལྟར་ཁྲོ་བོ་ཉེར་བཞི་རྣམས༔ ཞལ་གསུམ་ཕྱག་དྲུག་ཞབས་བཞི་བསྒྲད༔ རྡོ་རྗེའི་གཤོག་པ་དུར་ཁྲོད་ཆས༔ རང་རྟགས་མཚོན་ཆ་སྣ་ཚོགས་འཛིན༔ སྒོ་བཞིར་སྒོ་མ་གདོང་ཅན་བཞི༔ དཀྱིལ་འཁོར་མུ་རན་འཁོར་ཡུག་ཏུ༔ སྲས་དང་སྤྲུལ་པ་བཀའ་སྡོད་བཅས༔ བདག་ཉིད་ཤྭ་ན་ས་བདག་དང་༔ བསྲེ་ལྕགས་དུང་གི་སྐྱེས་བུ་སོགས༔ གཙོ་འཁོར་ཡོངས་སུ་རྫོགས་པར་བསྐྱེད༔ གཙོ་བོའི་ཐུགས་ཀར་ཉི་མའི་སྟེང་༔ སེམས་དཔའི་ཚོན་གང་ཕུར་པ་འདྲིལ༔ དེ་ཡི་ཐུགས་ཀར་ཉི་མའི་སྟེང་༔ གསེར་གྱི་རྡོ་རྗེ་ནས་འབྲས་ཙམ༔ ལྟེ་བར་ཧཱུྃ་ལ་སྔགས་ཀྱིས་བསྐོར༔ ལྷ་རྣམས་རང་རང་སྤྱི་བོར་ཨོཾ༔ མགྲིན་པར་ཨཱཿདང་ཐུགས་ཀར་ཧཱུྃ༔ ཕྱོགས་བཅུའི་རྒྱལ་བ་ཐམས་ཅད་ཀྱིས༔ དབང་བསྐུར་བྱིན་གྱིས་བརླབས་པ་ཡིས༔ དབང་རྟགས་དོན་ཡོད་གྲུབ་པས་བརྒྱན༔ ཨོཾ་ཧཱུཾ་སྭཱ་ཨཱཿ༔ཧཱ༔ མཱུ་ལཱི་མཱི་པཾ་ཏཾ༔ རང་གི་ཐུགས་ཀའི་འོད་་ཟེར་གྱིས་ཡེ་ཤེས་པ་སྤྱན་དྲངས་ཏེ༔ ཧཱུྃ༔ སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ རྡོ་རྗེ་གཞོན་ནུ་འཁོར་དང་བཅས་པ་ཡང་༔ ཆོས་

― CMR017_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དབྱིངས་ནས་གནས་འདིར་གཤེགས་སུ་གསོལ༔ སྲིད་པའི་རྡོ་རྗེ་ཕུར་པ་བསྒྲུབ་པ་དང་༔ དབང་དང་དངོས་གྲུབ་མ་ལུས་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བཟང་པོ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་སུ་གསོལ༔ ཛཧཱུཾ་བཾ་ཧོཿ ས་མ་ཡ་ཛཿ ཨ་ཏི་པཱུ་ཧོཿ པྲ་ཏིཙྪ་ཧོཿ ཨོཾ་བཛྲ་ཨརྒྷཾ་སོགས་ནས་ཤརྡ་པཉྩ་ཨ་མྲ་བ་ལི་ཏ་རོཀྟ་ཁཱ་ཧི༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཁྲོ་བོའི་རྒྱལ༔ ཆོས་དབྱིངས་རྣམ་དག་འཁོར་ལོ་རྒྱས་འདེབས་ཡུམ༔ ཐབས་ཤེས་སྐུ་ལས་སྤྲུལ་པའི་ཁྲོ་བོའི་བཅུ༔ རང་བཞིན་དབྱིངས་ལས་ཤར་བའི་ཁྲོ་མོ་བཅུ༔ སྤྲུལ་པ་ལས་ལ་མངག་པའི་ཁྲ་ཐབས་ཚོགས༔ ཟ་གསོད་མཆེ་བ་རྟགས་ཀྱི་མགོ་བོ་ཅན༔ དཀྱིལ་འཁོར་ཕྱོགས་བཞི་སྐྱོང་བའི་སྒོ་མ་བཞི༔ གསོད་པའི་ལས་མཛད་ཕུར་སྲུང་བཅུ་གཉིས་དང་༔ བསྲེ་ལྕགས་དུང་གི་སྐྱེས་བུ་ལ་སོགས་ཏེ༔ ཕུར་པའི་སྲུང་མར་ཞལ་བཞེས་དམ་ཅན་ཚོགས༔ འཁོར་དང་བཅས་ལ་ཕྱག་འཚལ་བསྟོད་པར་བགྱི༔ འཁོར་བཅས་ཁྱེད་ཀྱི་ཐུགས་དམ་དུས་ལ་

― CMR017_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

བབས༔ མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔ ཅེས་འཛབ་བཟླས་ཏེ་ཐུགས་ཀའི་འོད་ཟེར་ཕྱོགས་བཅུར་འཕྲོས་པས༔ རྒྱལ་བ་རྣམས་ཀྱི་ཐུགས་དམ་གནད་ནས་བསྐུལ་ཏེ༔ རྒྱལ་བ་རྣམས་ཀྱི་ཐུགས་རྗེའི་བྱིན་རླབས་ཐམས་ཅད་ཨོཾ་དཀར་ཨཱཿདམར་ཧཱུྃ་མཐིང་གསུམ་གྱི་ཚུལ་དུ་རང་གི་གནས་གསུམ་དུ་བར་མ་ཆད་པར་ཐིམ༔ རྒྱལ་བ་རྣམས་ཀྱི་བྱིན་རླབས་ནུས་པ་ཐམས་ཅད་རྡོ་རྗེ་ཕུར་པའི་ལྷ་ཚོགས་རྣམས་ཀྱི་ངོ་བོར་སིབ་སིབ་བདག་ལ་ཐིམ་པར་བསྒོམ་ཞིང་བཟླས་པས༔ གོ་ཆའི་ལྷ་རྣམས་ཀྱིས་ཀྱང་སྔགས་དི་རི་རི་བཟླས་པར་བསམ༔ ཐུགས་ཀའི་སྔགས་ཕྲེང་ཀློག་པའི་ཚུལ་དུ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷན་ཐཾ་ཧཱུྃ་ཕཊ༔ འབྲུ་བཅུ་གསུམ་་འདི་ཅི་རིགས་བཟླ༔ སྒྲུབ་པ་དུས་སྔགས་ཕྲེང་བདག་གི་ཞལ་ནས་མདུན་བསྐྱེད་ཞལ་དུ་ཞུགས་ཏེ༔ ལྟེ་བ་ནས་བདག་གི་ལྟེ་བར་འཇུག་པ་དང་༔ དེའི་ཕྲིན་ལས་བཞི་འགྲུབ་པའོ༔ དཀར་སེར་དམར་ལྗང་བཞི་ལ་སོགས་པ་སྒྲུབ་པ་སྤྱི་ལྟར་རོ༔ ཡབ་ཀྱི་ཞལ་ནས་ཡུམ་གྱི་ཞལ་དུ་ཞུགས༔ བྷ་གྲྭ་ནས་རྡོ་རྗེར་འཇུག་པས་ཕྲིན་ལས་བཞི་སྒྲུབ་བོ༔ ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མ་ར་སེ་ན་པྲ་མརྟ་ན་ཡེ་སརྦ་བིག་ནཱན་ཁཾ་ཧཱུྃ་ཕཊ༔ ཅེས་སྒྲུབ་པ་ལས་སྦྱོར་གཅིག་ཏུ་དྲིལ་བའོ༔ གང་ཟག་སྦྱངས་པ་སྔོན་སོང་བའི༔ བསྙེན་སྒྲུབ་ལས་ཀྱི་འཕྲོ་ཅན་ལ༔ དུས་རྟགས་གྲངས་ནི་མ་ངེས་ཏེ༔ གཞུང་ལྟར་རྟགས་

― CMR017_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཚན་ཐོན་ནས༔ ཞག་གཅིག་རྟགས་རྫོགས་བྱུང་ན་ཡང་༔ བསྙེན་སྒྲུབ་རྫོགས་ཏེ་གང་དགོས་ལས་ལ་སྦྱར་བས་འགྲུབ་པའོ༔ མདོར་ན་སྐུ་གསུང་ཐུགས་རྟགས་གང་དང་གང་༔ རྣམ་གསུམ་ཚང་ན་བརྟན་པ་ཐོབ་ནས་བསྙེན་པ་རྫོགས༔ གང་དགོས་ལས་ལ་སྦྱར་བས་འགྲུབ་པའོ༔ ཞེས་གསུངས་སོ༔ ཞེས་རཱ་ག་ཨ་སྱས་གསུངས་པའོ༔ ཉེས་འགལ་མཆིས་ན་ཕུར་པ་འཁོར་དང་བཅས་ལ་བཤགས༔ དགེ་བས་འགྲོ་ཀུན་བདུད་བཞི་གཡུལ་ལས་རྒྱལ་བར་གྱུར་ཅིག༔ སརྦ་མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྡོ་རྗེ་གཞོན་ནུའི་གསང་སྒྲུབ་སྤྲོས་མེད་རྒྱུན་ཁྱེར་གྱི་ཉམས་ལེན།

― CMR017_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་གཞོན་ནུའི་གསང་སྒྲུབ་སྤྲོས་མེད་རྒྱུན་ཁྱེར་གྱི་ཉམས་ལེན་བཞུགས་སོ༔

― CMR017_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་བཛྲ་ཤྲཱི་ཀུ་མཱ་རཱ་ཡེ༔ ཕུར་པའི་གསང་སྒྲུབ་ཟིན་བྲིས་ནི༔ ཚོམ་བུ་དང་བཅས་པ་གཙོ་ཕུར་གཅིག་དང་༔ དཔལ་གཏོར་སོགས་ཅི་འབྱོར་བཤམས༔ ལྕགས་སམ་ཚེར་མ་ཅན་ལ་བྱ་སྟེ་སྲུང་ཕུར་སོར་དྲུག༔ ཟློག་ཕུར་སོར་བཞི༔ ཐུན་ཕུར་སོར་གསུམ་གསུངས༔ ལར་ནི་གསང་སྒྲུབ་འདི༔ བསྐྱེད་རྫོགས་སེམས་ལ་ལོངས་སྤྱོད་ཕྱིར༔ སྤྲོས་བཅས་མང་པོ་མི་བྱ་འཚལ༔ ཞེས་དང་༔ རྩ་བའི་སྒྲུབ་པ་ཐུགས་དགོངས་རྣམ་དག༔ ཅིར་མི་དགོས་པས་ནམ་མཁའི་རང་བཞིན་ལྟ་བུའི་ངང་ལ༔ རིག་རྩལ་འགག་མེད་ཙམ་དུ་དཀྱིལ་འཁོར་གསུམ་སྣང་ལ་རང་བཞིན་མེད་པར་དག་པའི་རང་བཞིན་དུ་ཤར་ཞིང་༔ ཤོར་བ་དེ་ཁོ་ན་ཡང་གསལ་སྟོང་རྣམ་པར་དག་པ་སྟེ༔ མ་བཅོས་རང་གསལ་ཚོགས་དྲུག་ལྷུག་པར་བཞག་སྟེ༔ མཚན་རྟོགས་བྱ་

― CMR017_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོལ་དང་བྲལ་བའི་ངང་ནས༔ ངག་གྲག་སྟོང་འཛིན་མེད་དུ་བཟླས་པས༔ ཆོས་ཉིད་རང་གྲོལ་འཛིན་མེད་བཟླས་པ་ཞེས་བྱ་སྟེ༔ ཤིན་ཏུ་མཐར་ཐུག་པའི་བཟླས་པའོ༔ ཞེས་གསུངས་པའི་དོན་གསང་སྒྲུབ་མངོན་རྟོགས་ནི༔ བདེ་བའི་སྟན་ལ་འདུག་ནས་སུ༔ ན་མོ༔ སྤྱི་གཙུག་པད་སྡོང་ཉི་ཟླའི་སྟེང་༔ རྩ་བ་གསུམ་གྱི་ལྷ་ཚོགས་དང་༔ སྐྱབས་གནས་དཀོན་མཆོག་ཐམས་ཅད་བསམ༔ ཕ་མས་གཙོར་བྱས་འགྲོ་བ་རྣམས༔ སྒོ་གསུམ་གུས་པས་སྐྱབས་སུ་མཆི༔ ན་མོ༔ དཀོན་མཆོག་གསུམ་དང་ཡི་དམ་ལྷ༔ རྒྱལ་བ་རྒྱ་མཚོའི་ཚོགས་བཅས་ལ༔ བདག་དང་འགྲོ་བ་སེམས་ཅན་རྣམས༔ སྒོ་གསུམ་གུས་པས་སྐྱབས་སུ་

― CMR017_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

མཆི༔ རང་རིག་ལྷ་ལ་ཕྱག་འཚལ་ལོ༔ མ་འགག་རང་གསལ་མཆོད་པ་འབུལ༔ མུ་བཞིར་ལྟུང་བ་མཐོལ་ལོ་བཤགས༔ དུས་གསུམ་མཉམ་ཉིད་རྗེས་ཡི་རང་༔ འཁོར་བ་དོང་ནས་སྤྲུགས་པར་བསྐུལ༔ ཀ་དག་ཟང་ཐལ་རྗེན་པར་བཞུགས༔ ཀུན་ཀྱང་རང་རིག་རྟོགས་པར་བསྔོ༔ སྐུ་གསུམ་ཡོངས་རྫོགས་ཐོབ་པར་ཤོག༔ ཀྱེ་མ༔ བདག་གི་འགྲོ་ཀུན་བསྒྲལ་བྱའི་ཕྱིར༔ རྡོ་རྗེ་ཕུར་པའི་དཀྱིལ་འཁོར་དུ༔ འཁོར་བ་དོང་ནས་སྤྲུགས་པར་བསྐུལ༔ ཚད་མེད་བཞི་རུ་སེམས་བསྐྱེད་དོ༔ ༈ མཐིང་ནག་གྲུ་གསུམ་འབར་བའི་དཀྱིལ་འཁོར་ན༔ དུར་ཁྲོད་བདུད་ཀྱིས་བསྐོར་བའི་དབུས༔ ཡེ་ཤེས་མེ་དཔུང་འབར་བའི་ཀློང་༔ རང་སྣང་ཡེ་ཤེས་ལས་གྲུབ་པའི༔ གཞལ་ཡས་ཁང་དབུས་པདྨ་དང་༔ ཉི་ཟླ་བདུད་བཞི་བསྣོལ་བའི་སྟེང་༔ མཐིང་ནག་ཧཱུྃ་གི་འཕྲོ་འདུ་ལས༔ བདག་ཉིད་མ་བཅོས་རྫོགས་པའི་སྐུ༔ དཔལ་ཆེན་རྡོ་རྗེ་གཞོན་ནུ་ཆེ༔ མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་ཐབས་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུ་བརྒྱན་ཐུགས་སྲོག་ཧཱུྃ༔ སྤྱན་དགུ་སྡང་མིག་

― CMR017_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཅུར་གཟིགས༔ ཞལ་གདངས་ལྗགས་འདྲིལ་མཆེ་བ་གཙིགས༔ གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁཊཾ་འཛིན༔ མཐའ་གཉིས་རི་རབ་ཕུར་པ་འདྲིལ༔ དུར་ཁྲོད་རབ་འཇིགས་ཆས་རྣམས་རྫོགས༔ ཡུམ་ཆེན་འཁོར་ལོ་རྒྱས་འདེབས་མ༔ མཐིང་སྐྱ་ཞལ་གཅིག་ཕྱག་གཉིས་ཏེ༔ གཡས་པས་ཨུཏྤལ་མགུལ་ནས་འཁྱུད༔ གཡོན་པས་དུང་དམར་གཙོ་ལ་སྟོབ༔ དཔྲལ་བར་ཧཱུྃ་ཀཱར་ཡབ་ཡུམ་སྔོ༔ མགྲིན་པར་རྟ་མགྲིན་ཡབ་ཡུམ་དམར༔ ཐུགས་ཀར་གཤིན་རྗེ་ཡབ་ཡུམ་སྔོ༔ སྲིད་ལྟར་བདུད་འཁྱིལ་ཡབ་ཡུམ་ལྗང་སེར༔ ལྟེ་བར་མི་གཡོ་ཡབ་ཡུམ་ལྗང་ནག༔ གསང་གནས་སྟོབས་ཆེན་ཡབ་ཡུམ་སྔོ༔ དཔུང་གཡས་རྣམ་རྒྱལ་ཡབ་ཡུམ་དཀར༔ དཔུང་གཡོན་དབྱུག་སྔོན་ཡབ་ཡུམ་སྔོ༔ བརླ་གཡས་འདོད་རྒྱལ་ཡུམ་དམར་སྐྱ༔ བརླ་གཡོན་ཁམས་གསུམ་ཡབ་ཡུམ་སེར་ནག༔ ཕྱོགས་བཞིར་རྩིབས་བཞི་རྩིབས་བཅུ་ལ༔ སྲས་མཆོག་ཀཱི་ལ་རིགས་བཞི་དང་༔ ཁྲོ་བཅུ་ཡབ་ཡུམ་ཟ་གསོད་བཅས༔ དེ་ལྟར་ཁྲོ་བོ་ཉེར་བཞི་རྣམས༔ ཞལ་གསུམ་ཕྱག་དྲུག་ཞབས་བཞི་བསྒྲད༔ རྡོ་རྗེའི་གཤོག་པ་དུར་ཁྲོད་

― CMR017_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

ཆས༔ རང་རྟགས་ཕྱག་མཚན་སྣ་ཚོགས་འཛིན༔ སྒོ་བཞིར་སྒོ་མ་གདོང་ཅན་བཞི༔ དཀྱིལ་འཁོར་མུ་རན་འཁོར་ཡུག་ཏུ༔ སྲས་དང་སྤྲུལ་པ་བཀའ་སྡོད་བཅས༔ བདག་ཉིད་ཤྭ་ན་ས་བདག་དང་༔ བསྲེ་ལྕགས་དུང་གི་སྐྱེས་བུ་སོགས༔ གཙོ་འཁོར་ཡོངས་སུ་རྫོགས་པར་བསྐྱེད༔ གཙོ་བོའི་ཐུགས་ཀར་ཉི་མའི་སྟེང་༔ ཡེ་ཤེས་སེམས་དཔའ་ཚོན་གང་པ༔ ཞལ་གཅིག་ཕྱག་གཉིས་ཕུར་པ་འདྲིལ༔ དེ་ཡི་ཐུགས་ཀར་ཉི་མའི་སྟེང་༔ གསེར་གྱི་རྡོ་རྗེ་ནས་འབྲས་ཙམ༔ ལྟེ་བར་ཧཱུྃ་ལ་སྔགས་ཀྱིས་བསྐོར༔ ལྷ་རྣམས་རང་རང་སྤྱི་བོར་ཨོཾ༔ མགྲིན་པར་ཨཱཿཐདང་ཐུགས་ཀར་ཧཱུྃ༔ ཕྱོགས་བཅུའི་རྒྱལ་བ་ཐམས་ཅད་ཀྱིས༔ དབང་བསྐུར་བྱིན་གྱིས་བརླབས་པ་ཡིས༔ དབང་རྟགས་དོན་ཡོད་གྲུབ་པས་བརྒྱན་ཨོཾ་ཨཱཿཎཱཧཱུྃ༔ ཨོཾ་ཧཱུྃ་སྭཱ་སིཾཧཱ༔ མཱུ་ལཱི་མཱི་པཾ་ཏཱཾ༔ རང་གི་ཐུགས་ཀའི་འོད་ཟེར་གྱིས༔ ཡེ་ཤེས་སེམས་དཔའ་སྤྱན་དྲངས་གཉིས་མེད་ཐིམ༔ ཧཱུྃ༔ སྐྱེ་མེད་རྣམ་དག་ཆོས་དབྱིངས་དཀྱིལ་འཁོར་ནས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ རྡོ་རྗེ་གཞོན་ནུ་འཁོར་དང་བཅས་པ་ཡང་༔ ཆོས་ཀྱི་དབྱིངས་ནས་གནས་འདིར་གཤེགས་སུ་གསོལ༔

― CMR017_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་པའི་རྡོ་རྗེ་ཕུར་པ་བསྒྲུབ་པ་དང་༔ དབང་དང་དངོས་གྲུབ་མ་ལུས་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བཟང་པོ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་སུ་གསོལ༔ ཛཿཧཱུྃ་བཾ་ཧོཿ ས་མ་ཡ་ཛཛཿ ཏིཥྛ་ལྷན༔ ཨ་ཏི་པཱུ་ཧོཿ པྲ་ཏིཙྪ་ཧོཿ ཨོཾ་བཛྲ་ཨརྒྷཾ་སོགས་ནས་ཤརྡ་སརྦ་པཱུ་ཛ་ཧོཿ པཉྩ་ཨ་མྲྀ་ཏ་མ་ཧཱ་བ་ལིཾ་ཏ་མ་ཧཱ་རཀྟ་ཁཱ་ཧི༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཁྲོ་བོའི་རྒྱལ༔ ཆོས་དབྱིངས་རྣམ་དག་འཁོར་ལོ་རྒྱས་འདེབས་ཡུམ༔ ཐབས་ཤེས་སྐུ་ལས་སྤྲུལ་པའི་ཁྲོ་བོའི་བར༔ རང་བཞིན་དབྱིངས་ལས་ཤར་བའི་ཁྲོ་མོ་བརྱ༔ སྤྲུལ་པ་ལས་ལ་མངག་པའི་ཁྲ་ཐབས་ཚོགས༔ ཟ་གསོད་མཆེ་བ་རྟགས་ཀྱི་མགོ་བོ་ཅན༔ དཀྱིལ་འཁོར་ཕྱོགས་བཞི་སྐྱོང་བའི་སྒོ་མ་བཞི༔ གསོད་པའི་ལས་མཛད་ཕུར་སྲུང་བཅུ་གཉིས་དང་༔ བསྲེ་ལྕགས་དུང་གི་སྐྱེས་བུ་ལ་སོགས་ཏེ༔ ཕུར་པའི་སྲུང་མར་ཞལ་བཞེས་དམ་ཅན་ཚོགས༔ འཁོར་དང་བཅས་ལ་ཕྱག་འཚལ་བསྟོད་པར་བགྱི༔ ཁྱེད་ཀྱི་ཐུགས་རྗེ་ཐུགས་དམ་དུས་ལ་

― CMR017_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

བབས༔ མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔ དེ་ནས་འཛབ་བཟླ་བ་ནི༔ ཐུགས་ཀའི་འོད་ཟེར་ཕྱོགས་བཅུར་འཕྲོས་པས༔ རྒྱལ་བ་རྣམས་ཀྱི་ཐུགས་དམ་གྱི་རྒྱུད་བསྐུལ་ཏེ༔ རྒྱལ་བ་ཐམས་ཅད་ཀྱི་བྱིན་རླབས་ཐམས་ཅད་ཨོཾ་དཀར་ཨཱཿདམར་ཧཱུྃ་མཐིང་གསུམ་གྱི་ཚུལ་དུ་རང་གི་གནས་གསུམ་དུ་བར་མ་ཆད་པར་ཐིམ༔ རྒྱལ་བ་རྣམས་ཀྱི་ཐུགས་རྗེ་དང་བྱིན་རླབས་ནུས་པ་ཐམས་ཅད་རྡོ་རྗེ་ཕུར་པའི་ལྷ་ཚོགས་ཀྱི་ངོ་བོར་སིབ་སིབ་བདག་ལ་ཐིམ་པར་བསྒོམ་ཞིང་བཟླས་པས༔ གོ་ཆའི་ལྷ་རྣམས་ཀྱིས་དི་རི་རི་བཟླས་པར་བསམ་མོ༔ ཐུགས་ཀའི་སྔགས་ཕྲེང་ཀློག་པའི་ཚུལ་དུ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་པཾ་ཧཱུྃ་ཕཊ༔ འབྲུ་བཅུ་གསུམ་པ་ཅི་རིགས་བཟླ་བ་བསྙེན་པའོ༔ སྒྲུབ་པའི་དུས་སུ་སྔགས་ཀྱི་ཕྲེང་བ་རང་གི་ཞལ་ནས་མདུན་བསྐྱེད་ཀྱི་ཞལ་དུ་ཞུགས༔ ལྟེ་བ་ནས་བདག་གི་ལྟེ་བར་ཞུགས་པ་དང་༔ དེའི་འོད་ཟེར་གྱིས་ཕྲིན་ལས་བཞི་རྒྱུན་སྒྲུབ་པའོ༔ དཀར་སེར་དམར་ལྗང་གི་ལས་སོ་སོ་སྒྲུབ་པ་ཅི་ལྟར་རོ༔ ཡབ་ཀྱི་ཞལ་ནས་ཡུམ་གྱི་ཞལ་དུ་ཞུགས་བྷ་ག་ནས་རྡོ་རྗེར་ཞུགས་པས་ཕྲིན་ལས་བཞི་སྒྲུབ་པའང་བྱའོ༔ ཨོཾ་བཛྲ་ཀཱི་ལི་ཀཱི་ལ་ཡ་ཛཧཱུྃ་ཁཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མ་ར་སེ་ན་པྲ་མརྟ་ན་ཡེ་སརྦ་བིག་ནན་པཾ་ཧཱུྃ་ཕཊ༔ ཅེས་སྒྲུབ་པ་ལས་སྦྱོར་གཅིག་ཏུ་དྲིལ་བའོ༔ གང་ཟག་སྦྱངས་པ་སྔོན་སོང་ནས༔

― CMR017_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན་སྒྲུབ་ལས་ཀྱི་འཕྲོ་ཅན་ལ༔ དུས་རྟགས་གྲངས་ནི་མ་ངེས་ཏེ༔ གཞུང་ལྟར་རྟགས་མཚན་ཚང་ལ་ཐོན༔ བསྙེན་སྒྲུབ་རྫོགས་པས་དེས་གང་དགོས༔ ལས་ལ་སྦྱར་ན་འགྲུབ་པར་གསུངས༔ མདོར་བསྡུ་ན་སྐུ་གསུང་ཐུགས་ཀྱི་སྔགས་གང་དང་གང་༔ རྣམ་གསུམ་ཚང་ན་བརྟན་པ་ཐོབ་པར་བསྙེན་པ་རྫོགས་པའོ༔ ཞེས་ཨ་རཱ་གས་བགྱིས་སོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྡོ་རྗེ་ཕུར་པའི་དབང་གི་ལོ་རྒྱུས།

― CMR017_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་དབང་གི་ལོ་རྒྱུས་བཞུགས་སོ༔

― CMR017_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་སློབ་མ་ཁྲུས་བྱས་བགེགས་གཏོར་བཏང་བགེགས་བསྐྲད་ནས༔ འོ་ན་ད་ལམ་ཁྱེད་རྣམས་ལ་རྡོ་རྗེ་བདུད་འདུལ་རྡོ་རྗེ་ཕུར་པའི་དབང་བསྐུར་བ་ལ༔ ཐོག་མར་ལོ་རྒྱུས་ཟུར་ཙམ་མ་ཞུས་ན༔ ས་བཅད་མི་ཚང་བས་ཅུང་ཟད་ཞུ་ན༔ ལྷ་འདི་ཞི་བའི་དུས་རྡོ་རྗེ་སེམས་དཔའ་ཀྲྀ་ཡའི་དུས་རྡོ་རྗེ་རྣམ་འཇོམས༔ བྱང་ཆུབ་སེམས་དཔའི་དུས་ཕྱག་ན་རྡོ་རྗེ༔ མདོར་ན་བདེ་བར་གཤེགས་པ་ཐམས་ཅད་རྡོ་རྗེ་གཞོན་ནུའི་སྐུ་ཡི་རྣམ་འཕྲུལ་ཡིན་པར་བཤད༔ དེ་ལ་འོག་མིན་གྱི་གནས་སུ་བཅོམ་ལྡན་འདས་རྡོ་རྗེ་གཞོན་ནུ་ཉིད་ཀྱི་རྒྱུད༔ བི་ཏོ་ཏ་མ་ལ་འབུམ་སྡེ་ལ་སོགས་པ༔ རིགས་

― CMR017_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་སངས་རྒྱས་ལ་བཤད་པ༔ མཁའ་འགྲོ་མ་རྣམས་ཀྱིས་དུར་ཁྲོད་བསིལ་བའི་ཚལ་དུག་ཤིང་གི་སྡོང་པོའི་རྩ་བར་སྦས་པ༔ ཨུ་རྒྱན་རིན་པོ་ཆེས་གཏེར་ནས་བཏོན༔ བྲམ་ཟེ་པྲ་བྷ་ཧསྟིས་ལུང་བསྟན་པ་ལྟར་མཁའ་འགྲོ་མ་བདེ་བའི་འཁོར་ལོ་ལ་འདི་ཡི་དབང་ཞུས་པས༔ སྐྱེ་འཆི་མེད་པ་ཚེ་དང་༔ ཕྱག་རྒྱ་ཆེན་པོ་ལ་སོགས་པ༔ རིག་འཛིན་གྱི་དངོས་གྲུབ་ཐོབ༔ བལ་ཡུལ་དང་ཡང་ལེ་ཤོད་དུ་རྡོ་རྗེ་ཕུར་པའི་སྒྲུབ་པ་མཛད་པས༔ ཕུར་སྲུང་བཅུ་དྲུག་དམ་ལ་བཏགས༔ དེའི་ཚེ་ཕུར་པ་རྣམས་འཁྲབ་ཅིང་ནམ་མཁའ་ལ་འཕར༔ སློབ་དཔོན་པདྨས་རྒྱ་གར་རི་མ་

― CMR017_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡའི་ཙན་དན་གྱི་ནགས་ཚལ་ལ་མུ་སྟེགས་པའི་མེ་བཀྱེས་ནས་སྐམ་པ་ལ༔ ཕུར་པ་ཚད་པས་སྔོ་ལྷུབ་ཀྱིས་སྐྱེས༔ པཎྜི་བི་མ་ལས་ཆུ་བོ་གངྒཱ་དང་པཀ་གཉིས་དུས་གཅིག་ལ་འབྲུབ་པ་ལ༔ ཕུར་པ་ཚད་པས་ཞག་བདུན་གྱེན་ལ་ལོག་པས་ཆུ་སྲིན་མི་ཟན་ཐུལ༔ བལ་པོ་ཤྲཱི་ལ་མཉྫས་བལ་ཡུལ་བྲག་ལ་ཚད་པས༔ བྲག་ནས་འབྲུ་ཙམ་དུ་འཐོར་ནས༔ བྲག་སྲིན་མི་རྐུན་ཐུལ༔ དེ་ནས་སློབ་དཔོན་པདྨ་བོད་དུ་བྱོན་ནས་རྡོ་རྗེ་ཕུར་པའི་དཀྱིལ་འཁོར་བཞེངས་ནས་བསམ་ཡས་ཀྱི་ས་བཏུལ༔ ལྷ་འདྲེ་ཐམས་ཅད་དམ་ལ་བཏགས༔ དགེ་བསྙེན་ཉི་ཤུ་རྩ་གཅིག་མ་སྲིང་བརྟན་མ་བཅུ་གཉིས་རྣམས་ཕུར་སྲུང་དུ་བསྐོས༔ རྒྱལ་པོ་རྗེ་འབངས་དང་བཅས་ལ་དབང་བསྐུར༔ ཡེ་ཤེས་མཚོ་རྒྱལ་གྱི་སེང་གེ་རྫོང་གསུམ་གྱི་བྲག་ལ་ཕུར་པ་བཏབ་པས་ཚེ་ཆུ་བཏོན༔ ཕ་མིང་གིས་ཟ་འདྲེ་བཏུལ་བས༔ མཁར་ཆེན་འདྲེ་ཐུབ་ཀྱི་བརྒྱུད་པར་གྲགས༔ མངའ་བདག་རྒྱལ་པོས་ཧས་པོ་རི་ལ་ཕུར་པ་ཚད་པས་མེ་འབར་ནས༔ རྩི་ཤིང་རྣམས་བསྲེགས༔ ཤུད་བུ་དཔལ་སེང་གིས་གཙང་པོ་ལ་ཕུར་པ་བརྒྱབ་པས་ཆུ་བོ་ཞག་གསུམ་གྱེན་ལ་ལོག༔ སངས་རྒྱས་ཡེ་ཤེས་ཀྱིས་བྲག་ལ་ཕུར་པ་

― CMR017_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་པས༔ འདམ་པ་ལ་བརྒྱབ་པ་ལྟར་སོང་༔ ནམ་མཁའི་སྙིང་པོས་མཁར་ཆུའི་བྲག་ལ་ཕུར་པ་བཏབ་ཚུགས་ཡོད་པས༔ ལྷོ་བྲག་ལྕགས་ཕུར་ཅན་ཏུ་གྲགས༔ དེའི་དུས་མཁོན་ཀླུ་ཡི་དབང་པོ་དང་༔ འོ་བྲན་དཔལ་གྱི་དབང་ཕྱུག་དང་༔ ཨ་ཙ་ར་ས་ལེ་ལ་སོགས་ལ་གནང་བའི་བརྒྱུད་པ་གྲུབ་ཐོབ་ཟམ་མ་ཆད་པར་བྱུང་བ་ཕུར་པ་བཀའ་མ་དང་༔ གུ་རུ་ཆོས་དབང་སངས་རྒྱས་གླིང་པ་སོགས་ཀྱིས་བཏོན་པའི་གཏེར་མ་དང་༔ གནམ་ཆོས་ལས་བྱུང་བ་སོགས་སྙན་བརྒྱུད་དེ༔ དེ་ཕྱིན་ཁྱད་པར་ད་ལམ་གྱི་སྐབས་སུ་བབ་པ༔ ལང་གྲོ་ལོཙྪ་བ་དཀོན་མཆོག་འབྱུང་གནས་ཀྱི་སྐྱེས་མཐའ་གཏེར་ཆེན་རཏྣ་གླིང་པས༔ དྭགས་པོ་ལྡང་ལྷ་ཁྲ་མོ་བྲག་ནས་ལས་ཅན་དག་པའི་འཁོར་བརྒྱ་ཕྲག་ལྷག་ཙམ་དང་བཅས་ཁྲོམ་གཏེར་དུ་མཛད་ནས་བཞེས་པའི་ཕུར་པ་ཡང་གསང་བླ་མེད་ཅེས་བྱ་བ༔ རྡོ་རྗེ་ཕུར་པ་རྩ་བ་བི་ཏོའི་རྒྱུད་དང་འབྲེལ་པ༔ དྲག་སྔགས་གནམ་ལྕགས་སྤུ་གྲི༔ ཡང་གསང་བླ་མེད་སྙིང་པོ་འདུས་པ༔ མཐར་ཐུག་སྙིང་གི་ཡང་ཞུན༔ ཕུར་པ་ཐམས་ཅད་ཀྱི་ཡང་སྙིང་ཟབ་མོ་འདིའི་དབང་ཆེན་མོ་འཕྲིན་ལས་ཀྱི་གཏེར་མཛོད་ཅེས་བྱ་བ་

― CMR017_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱ་ར་བ་ཡིན་ཏེ༔ དབང་ཆེན་དུས་འདི་ལྟར་སྦྱར་བར་བྱ་ཞེས་ཀརྨ་ཉི་མས་མཆན་བུར་བཏབ་པ་སྟེ༔ ༈ དཀྱུས་གཏོར་དབང་ལོ་རྒྱུས་འདི་ཨཱཿར་གས་བསྩལ་བའོ༔ བརྒྱུད་པ་དུ་མ་ནས་ཐོབ་པའི་དོན་འདུས་གཏོར་དབང་ཟབ་མོ་བསྐུར་བ་ཡིན་ཏེ༔ དེ་ཡི་ཕན་ཡོན་དགོས་ཆེད་ཅི་ཞེ་ན༔ ཨོ་རྒྱན་རིན་པོ་ཆེའི་ཞལ་ནས༔ ཐེག་ཆེན་བླ་མེད་བསྒྲུབ་པའི་བར་ཆད་ཐམས་ཅད་རྡོ་རྗེ་གཞོན་ནུས་བསྲུངས་བར་འགྱུར་ཏེ༔ ཡི་དམ་གཞན་བསྒྲུབ་ཀྱང་རྡོ་རྗེ་གཞོན་ནུ་སྲུང་མའི་ཚུལ་དུ་བསྒྲུབ༔ ཕུར་པ་མཁན་པོ་བཀྲ་ཤི་ས༔ ཕུར་པ་མཁན་པོ་དཔལ་ཆེ༔ ཕུར་པ་མཁན་པོ་ནོར་ཕྱུག༔ ཕུ་ར་པ་མཁན་པོ་འཁོར་རྒྱས༔ ཕུར་པ་མཁན་པོ་སྲིད་འཕེལ༔ ཕུར་པ་མཁན་པོ་མཐུ་ཆེ༔ ཕུར་པ་མཁན་པོ་མཐ་འ་བཙན༔ ཕུར་པ་མཁན་པོ་ཡོན་ཏན་བརྒྱད་དང་ལྡན༔ ཡིད་གཉིས་མེད་པར་འདི་ལ་མོས་བྱེད་ཅིང་༔ སྒྲུབ་པ་སྣ་གཅིག་ཙམ་ཞིག་བྱས་པས་ཀྱང་༔ ཡིད་ལ་ཅི་འདོད་འགྲུབ་པར་མ་གྱུར་ན༔ ཨོ་རྒྱན་ང་ཡི་ས་ཕྱི་རབས་འགྲོ་བ་བསླས༔ ཞེས་ག་སུངས༔ དེ་ལྟ་བུའི་དབང་བྱིན་རླབས་ཅན་ཞུ་བའི་ཕྱིར༔ གསོལ་བ་འདེབས་པ་འདིའི་རྗེས་ཟློས་མཛོད༔ དབང་ཆེན་དུས་ཡིན་མ༔ ཧཱུྃ་ག་སང་བའི་དཀྱིལ་

― CMR017_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བླ་ན་མེད༔ སོགས་ལ་འཇུག་གོ༔ ཧཱུྃ༔ ཐབས་ཀྱི་སྤྱོད་པའི་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་འཕྲིན་ལས་རྫོགས་མཛད་ནས༔ དབང་དང་དངོས་གྲུབ་བདག་ལ་སྩོལ༔ ལན་གསུམ༔ སློབ་དཔོན་གྱིས༔ ༈ དབང་ཆོག་འཕྲིན་ལས་གཏེར་མཛོད། ཁྲོ་བཅུ་སྲུང་མ་དང་བཅས་པའི་དབང་མཚོན་ཆའི་འཁོར་ལོ། །ཕུར་སྲུང་གི་བཀའ་གཏད་དང་བཅས་པ། གནས་མདོ་དྲུང་རིན་པོ་ཆེ་ཀརྨ་སངས་རྒྱས་ལ་བདག་ཉི་མས་ལེགས་པར་ནོས་ཤིང་། ཁོང་གིས་ཁམས་སྤྲུལ་ཀུན་དགའ་བསྟན་འཛིན་ལ་ཡང་གསན་པར་འདུག་གོ །གཞན་ཡང་ཆོས་རྗེ་མཁར་དྲུང་བསོད་ནམས་བཀྲ་་ཤིས་ལས་བརྒྱུད་པའི་ལུགས་ཀྱང་ཐོབ་སྟེ། ཁྱད་པར་ཐམས་ཅད་མཁྱེན་པ་ཀརྨ་ཆགས་མེད་ཞབས་ལས་བརྒྱུད་པའི་གོང་དུ་བཤད་པ་ལྟར་དྲུང་སངས་རྒྱས་རིན་པོ་ཆེ་ལ་ངེས་པར་བཞུགས་པ་གོར་མ་ཆགས་ཕྱིར་བརྒྱུད་ཚུལ་གསུམ་ཚང་བའོ། ཟེས་རི་འགོ་བླ་མས་བྲིས་པའི་ཡིག་ཆུང་ངོ་།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྡོ་རྗེ་ཕུར་པའི་གཏོར་དབང་བཀའ་གཏེར་སྤྱི་ཁྱབ།

― CMR017_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་གཏོར་དབང་བཀའ་གཏེར་སྤྱི་ཁྱབ་བཞུགས་དབུ་ཕྱོགས་ལགས་སོ།

― CMR017_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤྲཱི་བཛྲ་ཀུ་མ་ར་ཡེ༔ དཔལ་ཆེན་རྡོ་རྗེ་གཞོན་ནུའི་ལྷ་ཚོགས་རྣམས་ལ་ཕྱག་འཚལ་ཞིང་སྐྱབས་སུ་འཆིའོ༔ དགོངས་པ་གྲོལ་ཞིང་བྱིན་གྱིས་བརླབ་ཏུ་གསོལ༔ འདིར་ཕུར་པའི་གཏོར་དབང་བཀའ་གཏེར་སྤྱི་ཁྱབ་བྱ་བར་འདོད་ན༔ གཏོར་མ་རིན་ཆེན་འབར་བ་ཡོད་ན་སྐུ་ཙཀ་འཛུགས༔ མེད་ན་མར་རྒྱན་ལ་ཧཱུྃ་དང་རྡོ་རྗེ་བཅའ༔ སྨན་རཀ་སོགས་མཆོད་གཏོར་སྤྱི་ལྟར་བཤམས་ལ༔ བཀའ་གཏེར་གང་རུང་གི་ཕུར་པའི་ལས་བྱང་གཞུང་བསྲང་གྲུབ་ན་བྱིན་རླབས་ཆེ༔ བསྡུ་ན་བདག་མདུན་གཉིས་ཀ་དུས་གཅིག་ལ་དྲན་རྫོགས་བསྐྱེད་པ་རཏྣའི་ལུགས་ཀྱི་གསང་སྒྲུབ་ལྟར་བྱ་སྟེ༔ དེ་ཡང་མདུན་བསྐྱེད་གཏོར་མའི་སྟོད་ལྷ་དང་སྨད་མཆོད་པའི་སྤྲིན་ཕུང་དུ་བསྒོམས་ཏེ༔ སྐྱབས་སེམས་སྤྱི་ལྟར་སྔོན་དུ་སོང་ནས༔ མཐིང་ནག་གྲུ་གསུམ་

― CMR017_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་བའི་དཀྱིལ་འཁོར་དུར་ཁྲོད་བརྒྱད་ཀྱི་བསྐོར་བའི་དབུས༔ ཡེ་ཤེས་ཀྱི་མེ་དཔུང་འབར་བའི་ཀློང་༔ རང་སྣང་ཡེ་ཤེས་ལས་གྲུབ་པའི་གཞལ་ཡས་ཁང་གི་དབུས་སུ༔ པདྨ་ཉི་ཟླ་བདུད་བཞི་བསྣོལ་བའི་སྟེང་དུ་རང་བྱུང་ཆོས་ཀྱི་དབྱིངས་ལས༔ རང་བྱུང་ཡེ་ཤེས་ཀྱི་རྩལ་ཧཱུྃ་མཐིང་ནག་ཁྲ་ཐབས་སུ་བབ་སྟེ༔ འཕྲོ་འདུས་ཡེ་ཤེས་ཀྱི་འོད་ཟེར་གྱིས་རྒྱལ་བ་ཐམས་ཅད་ཀྱི་བྱིན་རླབས་བསྡུས༔ ཧཱུཾ་ལ་ཐིམ་དེ་ཉིད་ཡོངས་སུ་གྱུར་པ་ལས༔ བདག་དང་མདུན་གྱི་གཏོར་མ་དཔལ་རྡོ་རྗེ་གཞོན་ནུ་མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་ཐབས་སུ་

― CMR017_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲད་པ༔ ཡུམ་འཁོར་ལོ་རྒྱས་འདེབས་དང་གཉིས་མེད་དུ་འཁྲིལ་བ༔ ཞལ་ཕྱག་རྒྱན་དང་ལྡན་པ༔ ཕྱག་གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁ་ཊཾ་འཛིན་པ༔ ཐ་གཉིས་རི་རབ་ཕུར་པ་འདྲིལ་བ༔ ཡུམ་གྱི་གཡས་ཨུཏུལ་མགུལ་ནས་འཁྱུད་པ༔ གཡོན་དུང་དམར་གཙོ་ལ་སྟོབ་པ༔ དུར་ཁྲོད་རབ་འཇིགས་ཆས་རྣམས་རྫོགས༔ དེའི་དཔྲལ་བར་ཧཱུྃ་ཀཱ་ར༔ དཔུང་པ་གཡས་སུ་རྣམ་རྒྱལ༔ གཡོན་དུ་དབྱུག་སྔོན༔ མགྲིན་པར་རྟ་མགྲིན༔ ཐུགས་ཀར་གཤིན་རྗེའི་གཤེད༔ ལྟེ་གོང་བདུད་རྩི་འཁྱིལ་པ༔ ལྟེ་བར་མི་གཡོ་མགོན་པོ༔ བརླ་གཡས་འདོད་རྒྱལ༔ བརླ་གཡོན་ཁམས་གསུམ་རྣམ་རྒྱལ༔ གསང་གནས་སུ་སྟོབས་པོ་ཆེ༔ ཐམས་ཅད་ཞལ་གསུམ་ཕྱག་དྲུག་རྒྱན་ཆ་ལུགས་ཡོངས་སུ་རྫོགས་ཤིང་ཡུམ་ལ་འཁྲིལ་བ༔ གཡས་གཡོན་དུ་སྤྲུལ་པའི་ཁྲ་ཐབས་དང་བཅས་པ་གསལ་བར་གྱུར༔ དེའི་ཐུགས་ཀར་ཉི་མའི་དཀྱིལ་འཁོར་སོར་བཞི་པའི་སྟེང་དུ༔ གསེར་གྱི་རྡོ་རྗེ་ཚོན་གང་དེའི་ལྟེ་བར་ཧཱུྃ་ལ་ཀཱི་ལ་ཡ་འབྲུ་བཅུ་གསུམ་གྱིས་བསྐོར་དེ་ལྟར་ལྷ་དེ་དག་རང་རང་གི་སྤྱི་བོར་ཨོཾ༔ མགྲིན་པར་ཨཱཿ༔ ཐུགས་

― CMR017_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

ཀར་ཧཱུྃ༔ དེ་དག་དམིགས་ལ༔ ཨོཾ་ཨཱཿ༔ཧཱུྃ༔ བདུན་བརྗོད་པས༔ ཕྱོགས་བཅུའི་རྒྱལ་བ་ཐམས་ཅད་ཀྱིས་དབང་བསྐུར་བྱིན་རླབས་ཏེ་དབང་རྟགས་སུ་རང་རང་གི་སྤྱི་བོར་དོན་ཡོད་གྲུབ་པས་དབུ་བརྒྱན་པར་གྱུར་ལྷ་རང་རང་གི་ཐུགས་ཀའི་ཧཱུཾ་ལས་འོད་ཟེར་འོག་མིན་དང་སྟེང་འོག་ཕྱོགས་བཅུར་འཕྲོས་པས༔ གཙོ་འཁོར་དང་བཅས་པ་རང་རང་སྤྱན་དྲངས་ཏེ་གཉིས་སུ་མེད་པར་བསྟིམ༔ ཨོཾ་བཛྲ་ཀཱི་ལི་ཀཱི་ལ་ཡ་ས་པཱ་རི་ཝཱ་ར་བཛྲ་ས་མ་ཡ་ཛཿ ཛཿཧཱུྃ་བཾ་ཧོཿ ཏིཥྛ་ལྷན༔ པཉྩེ་དྷ་ཧྥེ་སོགས༔ མ་ཧཱ་པཉྩ་རཀྟ་བ་ལིཾ་ཏ་ཁཱ་ཧི༔ ཧཱུྃ༔ སྲིད་གསུམ་གདུག་པ་བསྒྲལ་བ་དང་༔ ང་རྒྱལ་ཞེན་པ་གཞོམ་པའི་ཕྱིར༔ རྡོ་རྗེ་སྲིན་པོའི་ཚོགས་བཅས་ལ༔ རྩེ་གཅིག་གུས་པས་ཕྱག་འཚལ་བསྟོད༔ རང་རང་གི་ཐུགས་ཀའི་ཧཱུྃ་ལ་སྔགས་ཀྱིས་བསྐོར་བ༔ རང་གི་ཐུགས་ཀ་ནས་འོད་ཟེར་འཕྲོས༔ གཙོ་བོའི་ཐུགས་ཀར་ཕོག༔ ཐུགས་དམ་གྱི་རྒྱུད་བསྐུལ༔ གཙོ་བོ་ལས་འོད་ཟེར་ཕྱོགས་བཅུར་འཕྲོས༔ རྒྱལ་བ་ཐམས་ཅད་ཀྱི་ཐུགས་དམ་གནད་ནས་བསྐུལ་ཏེ༔ རྒྱལ་བ་ཐམས་ཅད་ཀྱི་སྐུ་གསུང་ཐུགས་ཀྱི་ཐུགས་རྗེ་དང་བྱིན་རླབས་ཐམས་ཅད༔ ཨོཾ་དཀར་ཨཱཿདམར་ཧཱུྃ་མཐིང་གསུམ་གྱི་ཚུལ་དུ་རང་གི་གནས་གསུམ་དུ་

― CMR017_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

བར་མ་ཆད་པར་ཐིམ་པས་རྒྱལ་བ་ཐམས་ཅད་ཀྱི་ཐུགས་རྗེ་དང་༔ བྱིན་རླབས་ནུས་པ་ཐམས་ཅད་རྡོ་རྗེ་ཕུར་པའི་ལྷ་ཚོགས་ཀྱི་ངོ་བོར་སིབ་སིབ་བདག་ལ་ཐིམ༔ རང་གི་གོ་ཆའི་ལྷ་ཐམས་ཅད་མདོར་ན་རྩ་གནས་ཀྱི་ལྷ་ཐབས་ཤེས་ཡབ་ཡུམ་ཏིལ་གྱི་གོང་བུ་ཁ་ཕྱེ་བ་ལྟར་གནས་པ་ཐམས་ཅད་ཀཱི་ལ་ཡའི་སྔགས་སྒྲ་བུང་བ་ཚང་ཞིག་པ་ལྟར་ཏི་རི་རི་བཟླས་པར་གྱུར༔ ཨོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷཱན་ཐཾ་ཧཱུྃ་ཕཊ༔ ཅེས་བརྒྱ་རྩ་བརྒྱད་གང་འགྲུབ་བཟླས་ནས༔ ༈ སློབ་མ་ཁྲུས་བྱས་བགེགས་གཏོར་བཏང་༔ སུམྦྷ་ནིས་བགེགས་བསྐྲད༔ རྒྱས་པར་སྤྲོ་ན་ལས་བྱང་ལྟར་བཀའ་བསྒོ་མཚམས་གཅོད་བྱས་ནས་ནས་ལྕག་བྲབ༔ འོ་ན་ད་ལམ་ཁྱེད་རྣམས་ལ་རྡོ་རྗེ་ཕུར་པའི་དབང་ཟབ་མོ་བསྐུར་བའི་ཐོག་མར་ལོ་རྒྱུས་ཟུར་ཙམ་ཞིག་ཞུ་ན༔ བཅོམ་ལྡན་འདས་རྡོ་རྗེ་གཞོན་ནུ་འདིའི་ངོ་བོ་ནི་ཕྱག་ན་རྡོ་རྗེ་ཡིན་ཏེ༔ བྱ་རྒྱུད་ལ་རྡོ་རྗེ་རྣམ་འཇོམས༔ གསང་སྔགས་སྤྱི་ལ་ཕྱག་ན་རྡོ་རྗེ༔ གསང་སྔགས་རྙིང་མ་ལ་རྡོ་རྗེ་གཞོན་ནུ་རྣམས་ངོ་བོ་གཅིག་ཡིན་པར་གསུངས་ཤིང་གསང་སྔགས་རྡོ་རྗེ་ཐེག་པ་ལ་ཞུགས་ཚད་ཐམས་ཅད་ཀྱི་བར་ཆད་སེལ་བར་དམ་བཅས་པའི་ལྷ་ཡིན་པས༔ ལྷ་གང་སྒྲུབ་ཀྱང་འདིའི་སྲུང་མའི་ཚུལ་དུ་བརྟེན་ན་བར་ཆད་མི་འབྱུང་ཞིང་༔ དམ་སྲི་གདུག་པ་ཅན་

― CMR017_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་བའི་ཕྱིར༔ ཕུར་པའི་ལྷ་ཚོགས་ཞེས་གསུངས་པས༔ རྒྱལ་འགོང་དམ་སྲི་འདུལ་བའི་མཆོག་དམ་པ་ཡིན་ནོ༔ དེའི་རྒྱུད་ཇི་ལྟར་གསུངས་ཚུལ་ནི༔ འོག་་མིན་གྱི་གནས་གསང་ཆེན་རོལ་པའི་དུར་ཁྲོད་དུ༔ བཅོམ་ལྡན་འདས་ཕྲིན་ལས་ཀྱི་བདག་ཉིད་རྡོ་རྗེ་གཞོན་ནུ་ལ་འཁོར་རིགས་བཞིའི་སངས་རྒྱས་དང་སྤྲུལ་པའི་འཁོར་དཔག་ཏུ་མེད་པས་བསྐོར་ནས་བཞུགས་པའི་ཚེ༔ གསང་བའི་བདག་པོས་ཞུས་པའི་ངོར༔ བི་ཏོ་ཏ་མ་ལ་འབུམ་སྡེ་ལ་སོགས་པ་ཕུར་པའི་རྩ་བ་དང་བཤད་པ་ཡན་ལག་གི་རྒྱུད་སྡེ་མཐའ་ཡས་པར་གསུངས་ཏེ༔ གསང་བའི་བདག་པོ་དང་མཁའ་འགྲོ་མ་རྣམས་ཀྱིས་གླེགས་བམ་དུ་བྲིས་ནས་དུར་ཁྲོད་བསིལ་བའི་ཚལ་དང་༔ མཆོད་རྟེན་བདེ་བྱེད་བརྩེགས་པ་ལ་སོགས་པར་གཏེར་དུ་སྦས་སོ༔ དེ་ནས་ཕུར་པ་ཕྲིན་ལས་ཀྱི་རིག་འཛིན༔ པྲ་ཆེན་ཧསྟིས་མཆོད་རྟེན་བདེ་བྱེད་བརྩེགས་པ་ནས་གཡུའི་སྒྲོམ་བུ་ཞིག་གཏེར་ནས་ཐོན་པ་ནས་ཕུར་པའི་རྒྱུད་མང་པོ་བྱོན༔ དུར་ཁྲོད་བསིལ་བ་ཚལ་དུ་སློབ་དཔོན་པདྨ་དགོངས་པ་ལ་བཞུགས་ཙམ་ན༔ དུག་ཤིང་གི་སྡོང་པོའི་རྩ་བ་ནས་ནུབ་མོ་མེ་འབར་བའི་གསེབ་ནས་ལྕགས་ཀྱི་སྡིག་པ་མགོ་དགུ་

― CMR017_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་དགུ་པ་ཞིག་གིས་ངས་སེམས་ཅན་སྐྱབས་མེད་པའི་སྐྱབས་བྱའོ༔ མགོན་མེད་པའི་མགོན་བྱའོ་ཟེར་བ་ཞིག་གཟིགས་པས༔ ཕྱིར་ནངས་དེར་བསྐོས་པའི་འོག་ནས་ཕུར་པའི་རྒྱུད་མང་པོ་བྱུང་ངོ་༔ དེ་ནས་རིག་འཛིན་པྲ་ཆེན་ཧསྟི་ལ་སློབ་དཔོན་པདྨས་ཕུར་པའི་དབང་བསྐུར་བར་ཞུས་ནས༔ པྲ་ཆེན་ཧསྟི་ངས་ཁྱོད་ལ་ཕུར་པའི་དབང་བསྐུར་བའི་སྐལ་བ་མི་ལྡན༔ རྒྱ་གར་ཤར་ཕྱོགས་སུ་དུར་ཁྲོད་སོ་སའི་གླིང་གི་བྱང་ཕྱོགས་བྲག་ཐོད་པ་བརྩེགས་པའི་མཁར་ན་མཁའ་འགྲོ་མ་བདེ་བའི་འཁོར་ལོ་བྱ་བ་བཞུགས་པ༔ དེ་ལ་ཞུས་ཞེས་ལུང་བསྟན་ནས༔ དེར་བྱོན་པས་དུར་ཁྲོད་གཞལ་ཡས་ཁང་གྲུ་གསུམ་མཐིང་ནག་འབར་བའི་གདན་ལ་མཁའ་འགྲོ་མ་ཞལ་གཅིག་ཕྱག་གཉིས་ཁ་ཊཾ་ཐོད་ཁྲག་བསྣམས་པ་ཁྲོ་མོའི་ཆ་ལུགས་ཅན་ལ་འཁོར་མ་མོ་མཁའ་འགྲོ་མ་བྱེ་བ་འབུམ་གྱིས་བསྐོར་ནས་ཀཱི་ལ་ཡའི་སྒྲ་རབ་ཏུ་སྒྲོག་པ་དང་མཇལ་ནས༔ ཕུར་པའི་དབང་ཞུས་པས་སློབ་དཔོན་ཧཱུྃ་དུ་བསྒྱུར་ནས་ཞལ་དུ་མིད་དེ༔ སྐུའི་དབྱིབས་བརྒྱུད་ནས་སྤྱི་མགྲིན་ཐུགས་ཀ་གསང་གནས་བཞིར་ཞག་རེ་རེ་བཞག་ནས་དབང་བཞི་ཡོངས་སུ་རྫོགས་པར་བསྐུར་ཏེ༔ མཁའ་གསང་ནས་བྱུང་སྟེ་རྡོ་རྗེ་ཕུར་

― CMR017_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྒྱུད་མན་ངག་ཐམས་ཅད་གནང་ནས༔ སྐྱེ་འཆི་མེད་པ་ཚེ་ཡི་རིག་འཛིན་དང་༔ ལྷུན་གྱིས་གྲུབ་པར་བྱས་པ་ལ་སོགས་རིག་འཛིན་ལ་མངའ་བརྙེས་པར་འགྱུར་རོ༔ སླར་ཡང་སློབ་དཔོན་པྲ་བྷ་ཧསྟི་ལ་ཕུར་པའི་ཆོས་སྐོར་མང་དུ་ཞུས་སོ༔ དེ་ནས་སློབ་དཔོན་པདྨ་བལ་ཡུལ་ཡང་ལེ་ཤོད་དུ་ཡང་དག་མར་མེ་དགུའི་དཀྱིལ་འཁོར་བཞེངས་ནས་ཕྱག་རྒྱ་ཆེན་པོ་མཆོག་གི་དངོས་གྲུབ་སྒྲུབ་པ་ལ༔ བལ་ཡུལ་གྱི་ལྷ་འདྲེ་གདུག་པ་ཅན་གྱིས་བར་ཆད་བྱས་ཏེ་ཐན་པ་ཆེན་པོས་རྩི་ཤིང་ལོ་ཐོག་ཆུ་མིག་ཡན་ཆད་སྐམ༔ མུ་གེ་ཆེན་པོས་མི་ཕྱུགས་ཐམས་ཅད་ཁ་དག་པ་བྱུང་ནས༔ སློབ་དཔོན་གྱིས་བལ་པོ་ཇི་ལ་དང་བ་ར་གསེར་སྦྱིན་གཉིས་ལ་གསེར་ཕྱེ་བྲེ་གང་དང་གསེར་སྲང་བརྒྱ་ལས་བྱས་པའི་པ་ཊ་གཅིག་རྒྱ་གར་རྒྱལ་པོ་ལ་བསྐུར་ནས༔ རྡོ་རྗེ་ཕུར་པའི་རྒྱུད་གཞུང་བཞུགས་ཚད་སྐུར་ཅིག་ཞུས་པས༔ རྒྱལ་པོའི་བི་ཀ་མ་ལི་པཎྜི་ཏ་རྣམས་ལ་གནང་བ་དང་པཎྜི་ཏ་སྟོང་ལྔ་བརྒྱའི་བཀའ་བསྒོས་ནས་རྡོ་རྗེ་ཕུར་པའི་ཆོས་མི་གཉིས་ཀྱིས་ཆག་ཚད་བསྐུར་བས་ཡང་ལེ་ཤོད་ཀྱི་ཕུག་པར་སླེབ་པ་ཙམ་གྱིས་ནམ་མཁའ་ལ་སྤྲིན་འདུས༔ ཞལ་ཕྱེས་པ་ཙམ་གྱིས་ཆར་ཆེན་པོ་བབ༔ ཆུ་

― CMR017_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་སྐམ་པ་རྣམས་སྐྱེས༔ རྩི་ཤིང་ནགས་ཚལ་ལོ་ཐོག་ཐམས་ཅད་དུས་དེ་ཉིད་དུ་སྔོ་ལྷུབ་སྟེ་སྐྱེས་ཤིང་རྒྱས་སོ༔ དེ་ནས་སློབ་དཔོན་གྱིས་ཕུར་པའི་ཆོས་རྣམས་དཔག་བསམ་གྱི་ཤིང་ལ་དཔེ་བླངས་ནས༔ བི་ཏོ་ཏ་མ་ལ་སོགས་པ་རྩ་བ་ལྟ་བུའི་རྒྱུད་བཞི༔ ཡལ་ག་ལྟ་བུའི་ཁྲོ་བཅུའི་རྒྱུད་ཆུང་བཅུ༔ དམར་མོའི་བསེ་མོའི་རྒྱུད་སོགས་ལོ་མ་ལྟ་བུའི་རྒྱུད་གསུམ་རྣལ་འབྱོར་བླ་མ་སོགས་མཛེས་པའི་མེ་ཏོག་ལྟ་བུའི་རྒྱུད་བཞི༔ རྡོ་རྗེ་རྩེ་མོ་སོགས་སྨིན་པ་འབྲས་བུ་ལྟ་བུའི་རྒྱུད་བཞི་སོགས་སུ་ཕྱེས་ནས་རྒྱུད་དེ་དག་ལས་བརྟེན་པའི་སྒྲུབ་ཐབས་མན་ངག་དུ་མ་མཛད༔ དེ་ནས་སློབ་དཔོན་དཔོན་སློབ་གསུམ་ཚ་བ་ཆ་ཤོད་བསེའི་ཡུལ་མེ་ཏོག་དགུན་ཡང་སྐྱེས་པའི་གནས་སུ་བྱོན་ཏེ་གཟིགས་ཙ་ན༔ ཆོ་འཕྲུལ་ཆེན་པོས་དབུགས་འཕྲོག་སྙམ་བྱེད་པ་ཞིག་བྱུང་ནས་ཕྱག་རྒྱ་བཞི་ཡིས་བཀུག་ནས་ལྷུང་བཟེད་ཞབས་སུ་བཅུག་ནས་བཞུགས༔ ཕྱིར་ནངས་བལྟས་པས་ལྷའི་བུ་མོ་མཛེས་སྡུག་འོད་འབར་བ་བཞི་འདུག་པས་ངེད་བཞི་ཡུལ་ཚ་བ་ཚ་ཤོད་ཀྱི་རྒྱལ་ཁམས་ལ་དབང་བྱེད་པའི་ས་བདག་བསེའི་བུ་མོ་བཞི་ཡིན་ཟེར༔ དེར་དམ་ལ་བཏགས་པའི་རྡོ་རྗེ་ཕུར་པའི་ཆོས་ཉན་བཤད་དང་སྒྲུབ་པའི་

― CMR017_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་བྱེད་པའི་སྲུང་མར་བསྐོས་སོ༔ ཕུར་སྲུང་བསེའི་ལྷ་མོ་མཆེད་བཞི་མིང་བཏགས་སོ༔ དེ་ནས་སློབ་དཔོན་རྒྱ་གར་བི་ཀ་མ་ལའི་གཙུག་ལག་ཁང་དུ་བྱོན་ནས་པཎྜི་ཏ་རྣམས་ལ་ཕྱག་དཔེ་སྔ་མ་རྣམས་གཏད༔ སློབ་དཔོན་ཉིད་ཀྱིས་བརྩམས་པ་རྣམས་གཟིགས་ཕུལ་བས༔ པཎྜི་ཏ་རྣམས་མཉེས་ནས་ཕྱག་གྱང་འགྱེལ་བ་ལྟར་འཚལ༔ ད་དུང་ཡང་སྔགས་ཀྱི་འགྲེལ་བ་སྒྲུབ་ཐབས་མང་དུ་རྩོམས་ཤིག་ཅེས་ཞུས་ཤིང་མངོན་པར་བསྟོད་དོ༔ དེ་ནས་སླར་ཡང་བལ་ཡུལ་ཡང་ལེ་ཤོད་ཀྱི་བྲག་ཕུག་ཏུ་སློབ་དཔོན་པདྨ་དང་༔ པཎྜི་ཏ་བི་མ་ལ་མི་ཏྲ་དང་༔ བལ་པོའི་པཎྜི་ཏ་ཤྲཱི་ལ་མཉྫ་གསུམ་གྱིས་རྡོ་རྗེ་ཕུར་པའི་བསྒྲུབས་པ་བྱས་པས༔ ནུབ་དང་པོ་ལ་ལྕགས་ཀྱི་སྤྱང་མོ་མགོ་དགུ་ཆིབས་པའི་བུད་མེད་ཕུར་པ་ཐོགས་པ་དང་༔ གསེར་གྱི་འཕར་བ་ལྕེ་བརྒྱད་ཆིབས་པའི་བུད་མེད་དང་༔ ཟངས་ཀྱི་ཝ་མོ་རྐང་གསུམ་ལ་ཆིབས་པའི་བུད་མེད་དང་༔ གཡུའི་ཁྱི་མོ་རལ་པ་ཅན་ཆིབས་པ་བུད་མེད་ཕུར་པ་ཐོགས་པ་བཞི་བྱུང་བ་དམ་ལ་བཏགས་ནས་ཕུར་སྲུང་ཤཱ་ན་མཆེད་བཞི་མིང་བཏགས་སོ༔ ནུབ་གཉིས་པ་ལ་སྔར་གྱི་བསེ་ཡི་ལྷ་མོ་བཞི་བྱུང་༔ ནུབ་གསུམ་པ་ལ་ལྷ་མོ་རེ་

― CMR017_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཏི་མཆེད་བཞི་བྱུང་བ་རྣམས་དམ་ལ་བཏགས་ནས་རྡོ་རྗེ་ཕུར་པའི་དབང་ཐོབ་ཉམས་སུ་ལེན་པ་རྣམས་ཀྱི་སྲུང་མར་བསྐོས༔ དེ་ནས་ཕུར་པ་རྣམས་དཀྱིལ་འཁོར་གྱི་སྟེང་དུ་འཁྲབ་ཅིང་བྱུང་བས་སྒོ་བར་བཅུག་པས༔ སྒོ་བ་ནམ་མཁར་འཕར་ཞིང་སྒོ་བའི་ནང་ནས་ཆོམ་སྒྲ་འུར་སྒྲ་རིམ་རམ་བྱུང་བས་ཕུར་པ་རྣམས་བཏོན་ནས༔ སློབ་དཔོན་པདྨས་རྡོ་རྗེ་གདན་དང་མ་ལ་ཡའི་ཙན་དན་གྱི་ནགས་ཚལ་ལ་མུ་སྟེགས་པའི་མེ་བཀྱེས་པས་སྐམ་ནི་ཡོད་པ་ལ༔ ཕུར་པ་བཏབ་པས་རྩི་ཤིང་སྔོ་འུར་གྱིས་ལོ་འདབ་དང་མེ་ཏོག་རྒྱས་སོ༔ སློབ་དཔོན་བི་མ་ལས་ཆུ་བོ་གངྒཱ་དང་པཀྵ་དུས་གཅིག་ལ་འབྲུབ་པ་ལ་བཏབ་པས་ཞག་དགུ་གྱེན་ལ་བཟློག༔ གངྒཱའི་ཆུ་བོ་རབ་མེད་ཀྱི་ཆུ་སྲིན་མི་ཟན་དམ་ལ་བཏགས་པས་ཆུ་སྲིན་ཐུལ༔ སློབ་དཔོན་ཤཱི་ལ་མཉྫས་བལ་ཡུལ་མན་དྷ་ར་བའི་རི་ལ་བྲག་སྲིན་ཆེན་པོ་མི་རྐུན་གནས་པ་ལ་བཏབ་པས༔ བྲག་སྲིན་ཐུལ་ནས་བྲག་དང་ཀར་གོང་ཐམས་ཅད་ནས་ཙམ་ཡོས་ཙམ་འཐོར་ནས་ཞིག་སོང་ངོ་༔ དེའི་ཚེ་སློབ་དཔོན་གསུམ་ཀས་རྡོ་རྗེ་གཞོན་ནུ་ཞལ་དངོས་སུ་མཐོང་ངོ་༔ དམ་ཅན་སྡེ་གསུམ་གྱིས་ཕྱི་རབས་ཕུར་པའི་ཆོས་འཆད་ཉན་སྒོམ་སྒྲུབ་བྱེད་པ་རྣམས་

― CMR017_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་བཞིན་སྐྱོང་བར་ཁས་བླངས་སོ༔ སློབ་དཔོན་དེ་གསུམ་གྱི་དགོངས་པ་བསྡུས་ནས་མཛད་པའི་ཕུར་པའི་ཆོས་རྣམས་ལ༔ ཕུར་པ་རྣམ་གསུམ་སྐོར་ཞེས་བྱ་བར་གྲགས་སོ༔ དེ་ནས་སློབ་དཔོན་པདྨ་བོད་དུ་བྱོན་ནས་བྲག་དམར་བསམ་ཡས་སུ་རྡོ་རྗེ་ཕུར་པའི་དཀྱིལ་འཁོར་བཞེངས་ནས་བསམ་ཡས་ཀྱི་ས་འདུལ་ཕུར་འཆམས་དང་བཅས་པ་མཛད༔ བོད་ཀྱི་ལྷ་སྲིན་ཐམས་ཅད་དམ་ལ་བཏགས་ནས་བཀའི་སྲུང་མར་བསྐོས་སོ༔ དེའི་ཚེ་རྒྱལ་པོ་ཁྲི་སྲོང་ལྡེའུ་བཙན་རྗེ་འབངས་བློན་པོ་དང་བཅས་པ་ལ་རྡོ་རྗེ་ཕུར་པའི་དབང་གནང་སྟེ༔ པཎྜི་ཏ་ཀ་མ་ལ་ཤཱི་ལ་ཞེས་བྱ་བ་ཕ་དམ་པ་དེ་དུས་དབང་གི་ལས་སློབ་མཆོད་གཡོག་མཛད་ཅེས་དམ་པས་གསུངས་སོ༔ དེར་རྗེ་འབངས་རྣམས་ཀྱིས་བྲག་དམར་མགྲིན་བཟང་དུ་རྡོ་རྗེ་ཕུར་པའི་སྒྲུབ་གཞུང་བཙུགས་ནས་བསྒྲུབས་པས༔ ཕུར་པ་འཁྲབ་པ་དང་མེ་འབར་བ་འོད་འཁྱུག་པ་དང་༔ ལྡིང་བ་ལ་སོགས་བྱུང་སྟེ༔ དེར་རྒྱལ་པོ་ཁྲི་སྲོང་ལྡེའུ་བཙན་གྱིས་བསམ་ཡས་ཧས་པོ་རི་ལ་ཕུར་པ་གཅིག་བཏབ་པས༔ མེ་འབར་ནས་རྩི་ཤིང་ཐམས་ཅད་བསྲེགས་སོ༔ ནམ་མཁའི་སྙིང་པོས་མཁར་ཆུའི་བྲག་ལ་བཏབ་པས་མཁར་ཆུ་

― CMR017_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཕུར་ཅན་ཞེས་གྲགས་སོ༔ སངས་རྒྱས་ཡེ་ཤེས་ཀྱིས་སྒྲགས་ཀྱི་རི་ལ་ཚད་ནས་འདྲིལ་བ་ཙམ་གྱིས་མེ་འབར་རོ༔ རྡོ་རྗེ་བདུད་འཇོམས་ཀྱིས་གཙང་པོ་ལ་བཏབ་པས་ཆུ་འཁྱིལ་ཉི་མ་ཕྱེད་ཀྱི་བར་དུ་ཆུ་འབབ་མ་ནུས༔ བྲག་ཟང་ཟིང་མོ་ལ་བཏབ་པས་ནས་ཙམ་ཡོས་ཙམ་དུ་འཐོར༔ ཤུད་བུ་དཔལ་སེང་གིས་བསམ་ཡས་ཧས་པོ་རི་ལ་དགུན་ལ་བཏབ་པས་རྩི་ཤིང་སྔོ་ལྷུབ་ཀྱིས་སོང་༔ ཡར་གཙང་འདོམ་པའི་གཙང་པོ་ལ་བཏབ་པས་ཞག་གསུམ་ཆུ་གྱེན་ཏུ་འཁྱིལ༔ ཤཱཀྱ་པྲ་བྷས་སྐྱིད་ཤོད་ཀྱི་བྲག་ཟང་ཡག་དམར་པོ་ལ་བཏབ་པས་མཁར་བས་མཐོ་བ་ཡོད་པ་རྣམས་ཧྲལ་གྱིས་རལ༔ མཁར་ཆེན་བཟས་ནམ་མཁའི་བྱ་རོག་ལ་ཚད་པས་ཐང་ལ་བྲུལ༔ ཕ་མིང་ལ་ན་ཚ་རྒོད་པར་ཡོད་པས༔ ཕ་མིང་གི་ཟ་འདྲེ་ལ་ཀཱི་ལ་ཡ་གསུངས་པས་ཕུར་པ་གཅིག་ཕྱག་ནས་འཕར་ཏེ་སོང་༔ ཕྱིར་ནངས་བཙལ་བས་སྐྱེར་ཕུང་གཅིག་ལ་ཟུག་ཁྲག་ཤ་རེ་འདུག༔ དེར་ཕ་མིང་གིས་ཟ་འདྲེ་ཐུལ་ནས་ཕ་མིང་དར་རྒྱས་སུ་གྱུར་ཏེ༔ མཁར་ཆེན་འདྲེ་ཐུལ་གྱི་བརྒྱུད་པ་ཞེས་གྲགས་སོ༔ དེ་དག་ནི་གཙོར་ཆེར་སྨོས་པ་ཙམ་ཡིན་གྱི༔ གཞན་ཡང་མཁན་པོ་ཀླུའི་དབང་པོ་དང་འོ་བྲན་དཔལ་གྱི་

― CMR017_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་སོགས་ཕུར་པའི་གྲུབ་ཐོབ་བཀའ་བབས་མང་དུ་བྱུང་སྟེ༔ བཀའ་བབས་གཙོ་བོ་ནི་མཁར་ཆེན་བཟའ་ཡིན་ནོ༔ དེ་ནས་སློབ་དཔོན་གྱིས་དཔལ་གྱི་དབང་ཕྱུག་ལ་ཙན་དན་གྱི་ཕུར་པ་ཁྱེའུ་ལོ་བརྒྱད་པ་ཙམ་ཞིག་གནང་ནས༔ གཙང་གི་བྱང་ངོས་ན་སྲིན་པོ་འདུག་པ་ཅིག་མ་ཐུལ་ནས་ཡོད་པ་ཐུལ་ཞིག་གསུངས་ནས་སློབ་དཔོན་སྲིན་ཡུལ་དུ་འབྱོན་པར་དགོངས་སོ༔ བོད་ཀྱི་སྒྲུབ་གནས་ཐམས་ཅད་དང་རྒྱ་གར་རྒྱ་ནག་ཀང་ཚེའི་རི་ཡན་ཆད་དུ་རྫུ་འཕྲུལ་གྱིས་བཀོད་པའི་རྡོ་རྗེ་ཕུར་པའི་ཆོས་དང་ཕུར་པའི་ཐུན་རྫ་ས་སོགས་གཏེར་ཆེ་ཆུང་དུ་མ་སྦས་ཏེ༔ དེས་གཅིག་གི་གཏེར་བདག་མིན་པ་གཅིག་གིས་བཏོན་ནི་འགྲོ་དོན་མི་འབྱུང་༔ གཞན་ཐམས་ཅད་དུས་སྐབས་སོ་སོར་འགྲོ་དོན་རྒྱ་ཆེན་པོ་འབྱུང་་ཞིང་༔ ཡིད་གཉིས་མེད་པར་འདི་ལ་མོས་བྱས་ཤིང་༔ སྒྲུབ་པ་སྣ་གཅིག་ཙམ་ཞིག་བྱས་པས་ཀྱང་༔ ཡིད་ལ་ཅི་འདོད་འགྲུབ་པར་མ་གྱུར་ན༔ ཨོ་རྒྱན་ང་ཡིས་ཕྱི་རབས་འགྲོ་བ་་བསླུ༔ ཞེས་ཐ་ཚིག་གསུངས་ཏེ༔ མདོར་ན་ཨོ་རྒྱན་རིན་པོ་ཆེ་དང་ཡེ་ཤེས་མཚོ་རྒྱལ་གཉིས་ཀྱི་ཡི་དམ་གྱི་གཙོ་བོ་རྡོ་རྗེ་ཕུར་པ་འདི་ཡིན་པའི་ཕྱིར་རོ༔ དེ་ནས་སློབ་དཔོན་སྲིན་

― CMR017_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཁ་གནོན་ལ་བྱོན་དུས་རྒྱལ་པོ་མུ་ཁྲི་བཙན་པོ་སོགས་བོད་ཀྱི་ལྷ་སྲས་དང་རྒྱལ་བློན་ཐམས་ཅད་ཀྱིས་སློབ་དཔོན་མང་ཡུལ་བར་དུ་བསྐྱལ༔ སོ་སོར་ཆོས་དང་ཞལ་གདམས་མང་དུ་ཤུགནང་༔ དེ་དུས་ཇོ་མོ་མཁར་ཆེན་བཟའ་དང་༔ ལྕོགས་རོ་བཟའ་དཔལ་མཆོད་གནས་མ་དང་༔ གཡོག་ཨཱཿ་ཙར་ས་ལེ་གསུམ་གྱི་ཐད་དུ༔ དགྲ་བགེགས་གདུག་པ་འདུལ་བ་ལ་མཐུ་དང་བྱིན་རླབས་ཆེ་བའི་ཆོས་ཤིག་ཞུ་ཞུས་པས༔ སློབ་དཔོན་གྱི་ཐུགས་ཀ་ནས་ཁྲོ་བོ་བཅུ་སྤྲུལ་ཏེ་དབང་ང་ལ་ཞུའམ་ལྷ་ལ་ཞུ་གསུངས་པས༔ ལྕོགས་རོ་བཟའི་བསམ་པ་ལ་སློབ་དཔོན་གྱིས་ནི་ད་རུང་ལྷ་འདི་རྣམས་མཐུན་པའི་གདམས་ངག་ཀྱང་ཉམས་སུ་ལེན་དགོས་ཤིང་གདའ་སློབ་དཔོན་འདི་ང་རང་དང་འབྲེལ་པ་ཡོད་པ་ཡིན་པས་དེ་བས་ལྷ་ལ་ཞུས་ན་ལྷག་བསམས་ནས་དབང་ལྷ་ལ་ཞུ་ཟེར་རོ༔ དེར་སློབ་དཔོན་གྱི་ཁྲོ་བཅུ་ཐུགས་ཀར་བསྡུས་པས་མོས་དབང་མ་ཐོབ་པ༔ ཕུར་པ་ཕྱི་ལྟར་བོན་ལུགས་སུ་བཤད་པ་ཕུར་པ་ལྕམ་ལུགས་བདུད་རྩི་ལྕམ་ལུགས༔ ཡང་དག་ལྕམ་ལུག་གསུམ་གནང་༔ མོས་སློབ་དཔོན་ལ་ལོག་ལྟ་སྐྱེས་པའི་ཉེས་པས་ཕུར་པ་བསྒྲུབས་ཀྱང་ནུས་པ་མ་ཐོན་ནས་མོ་དམ་སྲིར་སྐྱེས་སྐད་དོ༔

― CMR017_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་དུ་སློབ་དཔོན་ཆེན་པོ་ཀླུ་དཔལ་དང་༔ སྟག་ར་ཀླུ་གོང་གཉིས་ཀྱང་སྔར་སློབ་དཔོན་ལས་རྡོ་རྗེ་ཕུར་པའི་དབང་ཐོབ་ཀྱང་སློབ་དཔོན་ལ་ལོག་ལྟ་གཤེ་སྐུར་བྱས་རྒྱལ་པོ་ལ་ཚེ་དབང་ཞུ་མ་བཅུག་པའི་ཉེས་པས་རེ་ཞིག་དམྱལ་བར་སྐྱེས་ཏེ༔ ཡང་དབང་ཐོབ་པའི་བྱིན་རླབས་ཀྱིས་མྱུར་དུ་ཐར་ནས་སྐྱེ་བ་ཐམས་ཅད་དུ་དབང་ཆེ་ཞིང་སྟོབས་དང་ལྡན་པར་སྐྱེས་ཏེ༔ དམ་ཚིག་ཉམས་པའི་རྟེན་འབྲེལ་གྱིས་བོད་ཀྱི་བསྟན་པ་དང་སེམས་ཅན་ལ་སྐྱེ་བ་མང་པོར་གནོད་པ་ཆེན་པོར་བྱེད་པར་ལུང་བསྟན་ཏེ༔ ཁོང་གསུམ་ཡང་མཐར་ནི་སློབ་དཔོན་གྱི་ཐུགས་རྗེས་འཛིན་པར་གསུངས་སོ༔ དེ་ནས་སྤྱིར་གསང་སྔགས་ཐམས་ཅད་ཁྱད་པར་རྡོ་རྗེ་ཕུར་པའི་དབང་ཞུས་ནས་སློབ་དཔོན་ལ་དམ་ཚིག་བསྲུང་བ་མན་ངག་དམ་པ་ཡིན་ནོ༔ ཇོ་མོ་མཚོ་རྒྱལ་གྱིས་ནི་དབང་སློབ་དཔོན་ལ་ཞུ་ཞུས་པས་གནང་ཞིང་སློབ་དཔོན་ཉིད་ཀྱི་མགུལ་ཁུག་ནས་རྡོ་རྗེ་ཕུར་པའི་ཤོག་དྲིལ་བཏོན་ཏེ་རྡོ་རྗེ་ཕུར་པའི་སྐོར་ལ་འདི་བས་ཟབ་པ་ཡོད་རེ་ཞེས་དབུ་བསྙུང་མཛད་ནས་གནང་༔ དེ་ནས་སློབ་དཔོན་རྔ་ཡབ་གླིང་དུ་བྱོན་ནས་སྲིན་པོའི་ཁ་གནོན་ལ་བཞུགས་སོ༔ དེ་ནས་མཁའ་འགྲོ་ཡེ་ཤེས་མཚོ་རྒྱལ་

― CMR017_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་རིང་སེང་གེའི་རྫོང་གསུམ་དུ་རྡོ་རྗེ་ཕུར་པའི་སྒྲུབ་པ་མཛད་པས་ཕུར་པའི་ལྷ་ཚོགས་ཐམས་ཅད་མངོན་སུམ་དུ་མཇལ་བྲག་ལ་ཕུར་པ་བཏབ་ཅིང་བྲག་ལས་ཚེ་ཆུའི་རྒྱུན་བབས་པ་ད་ལྟའི་བར་དུ་ཡོད་དེ་ཆུ་དེ་སུས་འཐུང་ཚད་ཚེའི་བར་ཆད་སེལ་ལོ༔ དགུང་ལོ་ཡང་གཉིས་བརྒྱ་ལྷག་ཙམ་བསྒྲེས་རྒུད་མི་མངའ་བར་བཞུགས་ཤིང་གཉེན་ཨཱཿ་ཙརྱ་དཔལ་དབྱངས་སོགས་ལ་ཕུར་པའི་གདམས་ངག་གནང་བས་གྲུབ་པ་ཐོབ་པ་མང་དུ་བྱུང་ངོ་༔ དེ་ནས་དཔལ་གྱི་དབང་ཕྱུག་གིས་གཙང་བྱང་ངོས་སུ་རྡོ་རྗེ་ཕུར་པ་བསྒྲུབས་ནས་སྲིན་པོ་དངོས་སུ་བཏུལ་བའི་ཚེ༔ ལྷོ་ནུབ་རྔ་ཡབ་ནས་འོད་ཆེན་པོ་བྱུང་སྟེ་ལུང་པ་དེ་དྲན་པ་ལྟར་གྱུར་པས་འོ་བྲན་དཔལ་གྱི་དབང་ཕྱུག་ཏུ་གྲགས་ཤིང་༔ ཕུར་སྲུང་ལྷ་མོ་རེ་མ་ཏི་དངོས་སུ་ཞལ་གཟིགས་ནས་ཁོང་གི་བརྒྱུད་པ་རྣམས་ལ་སྒྲུབ་མི་དགོས་པར་གཏོར་མ་བཤམས་ཙམ་ནས་དགྲ་ལ་མཐུ་འགྲོ་བའི་ཁས་ལེན་བྱས་ཏེ༔ ཝ་རོ་ཟན་གྱི་བརྒྱུད་པ་ཞེས་དུས་ཕྱིས་ཀྱི་བར་དུ་ནུས་པ་རྟགས་ཐོན་པས་བརྒྱུད་པ་བར་མ་ཆད་པར་བྱུང་ངོ་༔ ཁྱད་པར་དུ་མཁོན་ཀླུའི་དབང་པོ་བསྲུང་བ་ནས་བཟུང་སྟེ་ས་ཆེན་ཀུན་སྙིང་ཡན་ཆད་དུ་རྡོ་རྗེ་ཕུར་པ་དང་ཡང་དག་གི་སྒོ་ནས་གྲུབ་པ་ཐོབ་

― CMR017_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བར་མ་ཆད་པར་བྱོན་པ་ས་སྙིང་ཞེས་སུ་གྲགས་ཏེ༔ ས་ཆེན་ཀུན་སྙིང་ནས་བཟུང་རྙིང་མའི་ཡང་དག་ལྷ་དགུ་དང་གསར་མའི་ཀྱེ་རྡོར་ལྷ་དགུ་དོན་གཅིག་པར་དགོངས་ནས་ཀྱེ་རྡོར་དང་རྡོ་རྗེ་ཕུར་པ་ལ་ཡི་དམ་མཛད་ཅིང་༔ ས་སྐྱ་པཎྜི་ཏ་ཡིས་མུ་སྟེགས་འཕྲུལ་རྗེ་རས་པ་འདུལ་བའི་ཕྱིར་བལ་པོར་བྱོན་ནས་མུ་སྟེགས་པ་རྩོད་པའི་བགྲོ་གླེང་གིས་ཕམ་ཐུབ་ན་ཡང་མུ་སྟེགས་པ་ནམ་མཁའ་ལ་འཕུར་ནས་སོང་བས་ཐབས་མ་རྙེད་ནས་སྐུ་ཁྲོས་ནས་རྡོ་རྗེ་ཕུར་པའི་རྣལ་འབྱོར་པ་གཅིག་ཡོད་པ་ལ་མཐུ་ཡོད་དམ་གསུངས་པས༔ དེས་མུ་སྟེགས་པའི་གྲིབ་མ་ལ་ཕུར་པ་ཚད་ཙམ་གྱིས་མུ་སྟེགས་པ་ས་ལ་བྲུལ་ལོ༔ དེ་ལ་ས་པཎ་ངོ་མཚར་སྐྱེས་ནས་ཁྱོད་ཀྱི་སྔགས་ནུས་པ་ཅན་གང་ཡིན་ཐོན་དང་གསུངས་པས་རྣལ་འབྱོར་པས་ཨོཾ་བཛྲ་ཀྱི་ལི་ཀྱི་ལ་ཡ་ཧཱུྃ་ཕཊ༔ ཟེར་བས་ས་པཎ་བཞུད་ནས་སྔགས་མ་དག་པར་འདུག་ཀཱི་ལི་ཀཱི་ལ་ཡ་ཟེར་གསུངས་པས༔ རྣལ་འབྱོར་པ་དེ་ཁྲོས་ནས་ང་སྔར་ཡང་ཀྱི་ལི་ཀྱི་ལ་ཡ༔ ང་ད་ཡང་ཀྱི་ལི་ཀྱི་ལས་འགྲོ་ཟེར་ནས་ཕུར་པ་བྲག་ཚོ་ལ་བརྒྱབས་པས་འདམ་བག་ལ་བརྒྱབ་ལྟར་སོང་ནས༔ ས་པཎ་གྱིས་བོད་མོས་པས་འགྲུབ་ཟེར་བ་དེ་བདེན་པར་འདུག་

― CMR017_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་སྐད་དོ༔ དེ་ས་སྐྱ་པཎྜི་ཏས་སློབ་དཔོན་པདྨའི་རྒྱ་དཔེ་རྙིང་པ་ཞིག་ལས་ཕུར་པ་རྩ་ཐུང་གི་རྒྱུད་བསྒྱུར༔ བླ་ཆེན་འཕགས་པ་དང་བསོད་ནམས་རྒྱལ་མཚན་ལ་སོགས་ས་སྐྱའི་ཞབས་དྲུང་ཁྲི་རྒྱན་ན་རིམ་པར་ཐམས་ཅད་ཀྱིས་རྡོ་རྗེ་ཕུར་པ་འདི་ཐུགས་དམ་དུ་མཛད་ཅིང་༔ གཙང་ས་སྐྱ༔ དཔལ་འཁོར་བདེ་ཆེན༔ གངས་དཀར་རྡོ་རྗེ་གདན་ལ་སོགས་ཆོས་གྲྭ་ཆེན་པོ་རྣམས་སུ་རྡོ་རྗེ་ཕུར་པའི་སྒྲུབ་མཆོད་ཕུར་འཆམས་དང་བཅས་པ་ད་ལྟའི་བར་དུ་དར་ཞིང་རྒྱས་པ་རྣམས་ནི་ཕུར་པ་བཀའ་མ་ཡིན་ཞིང་༔ གུ་རུ་ཆོས་ཀྱི་དབང་ཕྱུག་དང་རིག་འཛིན་སངས་རྒྱས་གླིང་པ་སྤྲུལ་སྐུ་རཏྣ་གླིང་པ་སོགས་གཏེར་ཁ་དུ་མ་ནས་བྱོན་པ་རྣམས་ནི་གཏེར་མ་ཡིན་ཞིང་༔ ཁྱད་པར་ཟབ་ཅིང་དར་སྲོལ་ཆེ་བ་རཏྣ་ལུགས་ཀྱི་ཕུར་པ་འདི་ནི་མཁས་པ་བེ་རོ་ཙ་ནའི་ཕྱག་བྲིས་དྭགས་པོའི་ཡུལ་ལྡང་ལྷ་ཁྲ་མོའི་བྲག་ཏུ་སྦས་པའི་ཁ་བྱང་ལས་འབྲེལ་རྩལ་གྱིས་གཏེར་མ་དང་རཏྣ་གླིང་པ་ཉིད་ཀྱི་གཏེར་མ་གཉིས་ཀའི་ཞལ་འཛོམ་ཞིང་༔ དགེ་བསྙེན་ལྡང་ལྷས་ཀྱང་བསུ་བ་བྱས་པ་ལ་སོགས་བྱུང་ཞིང་གཏེར་ནས་སྤྱན་དྲངས་ཏེ༔ སྣེལ་གདོང་ཞབས་དྲུང་སོགས་དབུས་གཙང་ཁམས་གསུམ་གྱི་ཆོས་བདག་རྣམས་ལ་གནང་བས་

― CMR017_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

དར་ཞིང་རྒྱས་སོ༔ དེ་ལྟར་བཀའ་མ་དང་གཏེར་མ་གཉིས་ཀའི་བརྒྱུད་པ་ནི་དབང་འདི་ལ་ཚང་བས་ཤིན་ཏུ་བྱིན་རླབས་ཆེ་བ་ཡིན་པས༔ ཨོ་རྒྱན་རིན་པོ་ཆེའི་ཞལ་ནས༔ ཕུར་པ་མཁན་པོ་བཀྲ་ཤིས༔ ཕུར་པ་མཁན་པོ་དཔལ་ཆེ༔ ཕུར་པ་མཁན་པོ་ཚེ་རིང་༔ ཕུར་པ་མཁན་པོ་ནོར་ཕྱུགས༔ ཕུར་པ་མཁན་པོ་འཁོར་རྒྱས༔ ཕུར་པ་མཁན་པོ་སྲིད་འཕེལ༔ ཕུར་པ་མཁན་པོ་མཐུ་ཆེ༔ ཕུར་པ་མཁན་པོ་མཐའ་བཙན༔ ཕུར་པ་མཁན་པོ་ཡོན་ཏན་བརྒྱད་དང་ལྡན་ནོ༔ ཞེས་གསུངས་སོ༔ དེ་ལྟར་ཁུངས་བཙུན་ཞིང་ཡོན་ཏན་བརྒྱད་དང་ལྡན་པའི་དབང་ཟབ་མོ་ཞུ་བའི་ཕྱིར་མཎྜལ་ཕུལ༔ ས་གཞི་སྤོས་སོགས། ད་ལྷ་དང་བླ་མ་དབྱེར་མེད་པའི་དྲུང་དུ་གསོལ་བ་འདེབས་པ་འདིའི་རྗེས་ཟློས་མཛོད༔ ཧཱུྃ༔ ཐབས་ཀྱིས་སྤྱོད་པའི་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པའི༔ དབང་དང་དངོས་གྲུབ་བདག་ལ་སྩོལ༔ ལན་གསུམ༔ དེ་ནས་བླ་མ་ཡི་དམ་ཐ་མི་དད་པའི་དྲུང་དུ་སྐྱབས་སུ་འགྲོ་ཞིང་སེམས་བསྐྱེད་པ་འདིའི་རྗེས་ཟློས་མཛོད༔ བླ་མ་སངས་རྒྱས་ཀུན་དང་མཉམ༔ སློབ་དཔོན་ལ་ནི་

― CMR017_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་སུ་མཆི༔ རྡོ་རྗེ་གཞོན་ནུ་འཁོར་དང་བཅས༔ ལྷ་རྣམས་ལ་ཡང་ཕྱག་འཚལ་ལོ༔ སེམས་ཅན་མ་ལུས་སྲིད་པར་ལྟུང་༔ འགྲོ་རྣམས་ཀུན་ལ་ཕན་པའི་ཕྱིར༔ བདག་གིས་དུས་འདི་ཉིད་དུ་ནི༔ བྱང་ཆུབ་སེམས་ནི་བསྐྱེད་པར་བགྱི༔ སེམས་ཅན་ཀུན་གྱི་དོན་གྱི་ཕྱིར༔ སངས་རྒྱས་ཉིད་དུ་འགྲུབ་ནས་ནི༔ སེམས་ཅན་འཁོར་བར་བྱིངས་བ་རྣམས༔ བྱང་ཆུབ་གནས་སུ་བསྒྲལ་བར་བགྱི༔ ལན་གསུམ༔ ད་ཡེ་ཤེས་དབབ་པའི་ཕྱིར་ཁྱེད་རང་རྣམས་སྐད་ཅིག་གིས་ཡི་དམ་རྡོ་རྗེ་གཞོན་ནུའི་སྐུར་གསལ་བའི་མདུན་གྱི་ནམ་མཁའ་ལ་རྡོ་རྗེ་ཕུར་པའི་ལྷ་ཚོགས་སྤྲིན་བཞིན་དུ་གཏིབས་ཏེ༔ སློབ་མའི་སྤྱི་བོར་མར་ལ་བྱིན་རླབས་ཁུ་འཕངས་ལྟར་ཤ་ར་ར་བབས་པས༔ སློབ་མའི་ལུས་ངག་ཡིད་གསུམ་ལ་སྐུ་གསུང་ཐུགས་ཀྱི་བྱིན་རླབས་ཐིམ༔ ཁྱད་པར་སྙིང་ཁར་ཡེ་ཤེས་སེམས་དཔའ་ཚོན་གང་བ༔ ཞལ་གཅིག་ཕྱག་གཉིས་ཕུར་པ་ཐུགས་ཀར་འདྲིལ་བ༔ དེའི་ཐུགས་ཀར་རྡོ་རྗེ་ནས་འབྲུ་ཙམ་པའི་ལྟེ་བ་ལ་ཀཱི་ལ་ཡ་འབྲུ་བཅུ་གསུམ་གྱིས་བསྐོར་བའི་ལྟེ་བ་ལ་ཧཱུཾ་གནས་པ༔ དེ་ལ་ལྷ་ཚོགས་ཐམས་ཅད་ཀྱི་བྱིན་རླབས་ཡོངས་སུ་རྫོགས་པ་ཐིམ་པར་བསྒོམ༔ ཞེས་རོལ་

― CMR017_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་དབྱངས་དང་བཅས་པས༔ ཧཱུྃ༔ སྐྱེ་མེད་རྣམ་དག་ཆོས་ཀྱི་དབྱིངས་ཉིད་ནས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ རྡོ་རྗེ་གཞོན་ནུ་འཁོར་དང་བཅས་པ་ཡང་༔ ཆོས་ཀྱི་དབྱིངས་ནས་གནས་འདིར་གཤེགས་སུ་གསོལ༔ སྲིད་པའི་རྡོ་རྗེ་ཕུར་བུ་སྒྲུབ་པ་དང་༔ དབང་དང་དངོས་གྲུབ་མ་ལུས་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་སུ་གསོལ༔ རྟགས་དང་མཚན་མ་བཟང་པོ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་སུ་གསོལ༔ ཛཿཧཱུྃ་བཾ་ཧོཿ ས་མ་ཡ༔ ཨཱཿ་ཝེ་ཤཱ་ཡ་ཨ་ཨཱུ༔ རྡོ་རྗེ་མགོར་བཞག་ལ། ཏིཥྛ་བཛྲཿ དེས་ཡེ་ཤེས་པ་དབབ་པ་སོང་ནས་དབང་ཞུ་བའི་ཡུལ་གསལ་བཏབ་པ་ནི༔ མདུན་གྱི་གཏོར་མ་་འདི་ཉིད་དྲག་པོའི་གཞལ་ཡས་ཁང་མཚན་ཉིད་དང་ལྡན་པའི་དབུས་གྲུ་གསུམ་མཐིང་ནག་པད་ཉི་དྲེགས་པའི་གདན་ལ་བཅོམ་ལྡན་འདས་དཔལ་རྡོ་རྗེ་གཞོན་ནུ་མཐིང་ནག་ཁྲོ་བོའི་ཆ་ལུགས་ཐམས་ཅད་དང་ལྡན་པ་མཐིང་དཀར་དམར་བའི་ཞལ་གསུམ་དང་ཁྲོ་བཞད་གཤེ་བའི་ཉམས་ཅན༔ ཕྱག་དྲུག་གི་དང་པོ་གཉིས་རྩེ་དགུ་མེ་དཔུང་༔ བར་མ་གཉིས་རྩེ་ལྔ་ཁ་

― CMR017_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ཊཱཾ༔ ཐ་མ་གཉིས་རི་རབ་ཕུར་པ་འདྲིལ་བ༔ ཞབས་བཞི་འདོར་ཐབས་སུ་བསྒྲད་ཅིང་༔ ཡུམ་འཁོར་ལོ་རྒྱས་འདེབས་མ་མཐིང་སྐྱས་ཨུཏྤལ་དང་དུང་ཁྲག་འཛིན་པས་འཁྱུད་པ༔ སྐུ་ལ་གོ་ཆའི་ཁྲོ་བཅུ་ཡབ་ཡུམ་ཡེ་ཤེས་སེམས་དཔའ་དང་བཅས་པ༔ འཁོར་སྲས་མཆོག་བཞི་ཁྲོ་བཅུ་ཡབ་ཡུམ་ཁྲ་ཐབས༔ སྒོ་སྲུང་ཕོ་ཉའི་ཚོགས་དང་བཅས་པ་སྤྲིན་འཁྲིགས་པ་ལྟར་མངོན་སུམ་དུ་བཞུགས་པ་གསལ་ཐོབ་ལ༔ གཏོར་མ་ལ་བརྟེན་ནས་དབང་བཞི་རྫོགས་པར་ཞུ་སྙམ་པའི་འདིའི་རྗེས་ཟློས་མཛོད༔ སློབ་དཔོན་དམ་པ་དགོངས་སུ་གསོལ༔ རྡོ་རྗེ་གཞོན་ནུའི་དབང་བསྐུར་རྣམས༔ སེམས་ཅན་རྣམས་ལ་ཕན་འདོག་ཕྱིར༔ མི་རྟོག་པ་ཡི་དབང་བསྐུར་སྩོལ༔ གསུམ་མམ་གཅིག༔ ཞེས་གསོལ་བ་བཏབ་པས་ལྷ་ཚོགས་རྣམས་ཀྱི་དཔྲལ་བ་ནས་འོད་ཟེར་དཀར་པོ་བྱུང་ནས་ཁྱེད་རང་རྣམས་ཀྱི་དཔྲལ་བར་ཐིམ་པར་སྒོམས་ཤིག༔ དེ་ནས་གཏོར་མ་ཐོགས་ནས་དབྱངས་དང་བཅས་པས༔ ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ གཏོར་ཆེན་ལྷ་དང་གཉིས་སུ་མེད༔ དམ་རྫས་ཆེན་པོའི་དངོས་གྲུབ་སྟེར༔

― CMR017_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་ལྡན་ཁྱོད་ལ་དབང་བསྐུར་བས༔ སྐུ་ཡི་དབང་རྫོགས་ཐོབ་པར་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ༔ མ་ཧཱ་བ་ལིང་ཏ་ཀཱ་ཡ་ཨ་བྷི་ཥིཉྩ་ཨོ༔ དེ་ནས་མེ་ཏོག་འཐོར་ཞིང་༔ སངས་རྒྱས་ཀུན་གྱི་ཕྲིན་ལས་གཅིག་བསྡུས་ལྷ༔ རྡོ་རྗེ་གཞོན་ནུའི་སྐུ་ཡི་བཀྲ་ཤིས་ཤོག༔ ཧཱུྃ༔ སྐལ་ལྡན་ཁྱོད་ལ་གཏོར་ཆེན་ཡེ་ཤེས་འབར་བའི་ཕྱག་རྒྱའི་དབང་བསྐུར་བས༔ བདེ་གཤེགས་ཀུན་གྱི་སྐུ་དབང་ཐོབ་ནས་སྐུའི་ཐུགས་དམ་བསྐངས་ཏེ་ལུས་ཀྱི་བར་ཆད་ཐམས་ཅད་ཞི་བའི་དབང་ཐོབ་པར་གྱུར་ཅིག༔ ཡང་ལྷ་ཚོགས་རྣམས་ཀྱི་མགྲིན་པ་ནས་འོད་ཟེར་དམར་པོ་འཕྲོས་ཁྱེད་རང་རྣམས་ཀྱི་མགྲིན་པར་ཐིམ་པར་སྒོམས་ཤིག༔ ཧཱུྃ༔ རྡོ་རྗེ་གཞོན་ནུ་རིག་འཛིན་རྣམས༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ གཏོར་ཆེན་ལྷ་དང་གཉིས་སུ་མེད༔ དམ་རྫ་ས་ཆེན་པོའི་དངོས་གྲུབ་སྟེར༔ སྐལ་ལྡན་ཁྱོད་ལ་དབང་བསྐུར་བས༔ གསུང་དབང་ཡོངས་རྫོགས་ཐོབ་པར་་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ༔ མ་ཧཱ་བ་ལིཾ་ཏ་ཝཱཀྐ་ཨ་བྷི་ཥིཉྩ་ཨཱཿ མེ་ཏོག་འཐོར་ལ༔ འོ་སྐལ་ལྡན་ཁྱོད་ལ་གཏོར་ཆེན་ཡེ་ཤེས་འབར་བའི་ཕྱག་རྒྱ་འདིའི་དབང་བསྐུར་བས་བདེ་

― CMR017_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་ཀུན་གྱི་གསུང་དབང་ཐོབ་ནས་གསུང་གི་ཐུགས་དམ་བསྐངས་ཏེ་ངག་གི་བར་ཆད་ཞི་ནས་དབང་ཐོབ་པར་གྱུར་ཅིག༔ ཡང་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་མཐིང་ཁ་བྱུང་ནས་ཁྱེད་རང་རྣམས་ཀྱི་སྙིང་གར་ཐིམ་པར་སྒོམས་ཤིག༔ ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ གཏོར་ཆེན་ལྷ་དང་གཉིས་སུ་མེད༔ དམ་རྫས་ཆེན་པོའི་དངོས་གྲུབ་སྟེར༔ སྐལ་ལྡན་ཁྱོད་ལ་དབང་བསྐུར་བས༔ ཐུགས་དབང་ཡོངས་རྫོགས་ཐོབ་པར་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ༔ མ་ཧཱ་བ་ལིཾ་ཏ་ཙིཏྟ་ཨ་བྷི་ཥིཉྩ་ཧཱུྃ༔ མེ་ཏོག་འཐོར༔ འོ་སྐལ་ལྡན་ཁྱོད་ལ་གཏོར་ཆེན་ཡེ་ཤེས་འབར་བའི་ཕྱག་རྒྱའི་དབང་བསྐུར་བས༔ བདེ་གཤེགས་ཀུན་གྱི་ཐུགས་དབང་ཐོབ་ནས་ཐུགས་ཀྱི་ཐུགས་དམ་བསྐངས་ཏེ༔ སེམས་ཀྱི་བར་ཆད་ཐམས་ཅད་ཞི་བའི་དབང་ཐོབ་པར་གྱུར་ཅིག །ཡང་ལྷ་ཚོགས་རྣམས་ཀྱི་སྐུའི་ཆ་ཐམས་ཅད་ནས་འོད་ཟེར་ཁ་དོག་སྣ་ཚོགས་བྱུང་བས་ཁྱེད་རང་རྣམས་ཀྱི་ལུས་ཀྱི་ཆ་ཐམས་ཅད་ལ་ཐིམ་པར་སྒོམས་ཤིག༔ ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་རྡོ་རྗེ་ཕུར་པའི་ལྷ༔

― CMR017_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་ཁྲོ་བོ་གྲུབ་པར་མཛོད༔ གཏོར་ཆེན་ལྷ་དང་གཉིས་སུ་མེད༔ དམ་རྫ་ས་ཆེན་པོའི་དངོས་གྲུབ་སྟེར༔ སྐལ་ལྡན་ཁྱོད་ལ་དབང་བསྐུར་བས༔ དབང་བཞི་ཡོངས་རྫོགས་ཐོབ་པར་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ༔ མ་ཧཱ་བ་ལིཾ་ཏ་ཛྷཱ་ན་ཨ་བྷི་ཥིཉྩ་ཧཱུྃ༔ མེ་ཏོག་འཐོར༔ འོ་སྐལ་ལྡན་ཁྱོད་ལ་གཏོར་ཆེན་ཡེ་ཤེས་འབར་བའི་ཕྱག་རྒྱའི་དབང་བསྐུར་བས༔ བདེ་གཤེགས་ཀུན་གྱི་ཡེ་ཤེས་ཀྱི་དབང་ཐོབ་ནས་ཐུགས་དམ་དབྱིངས་སུ་བསྐངས་ཏེ་བར་ཆད་ཐམས་ཅད་ཞི་བའི་དབང་དམ་པ་ཐོབ་པར་གྱུར་ཅིག༔ འོ་དེ་ལྟར་ཀྱི་དབང་བསྐུར་བས་སྒོ་གསུམ་ཆ་སྙོམས་པ་དང་སྒྲིབ་བཞི་དག༔ སྐུ་གསུང་ཐུགས་ཡེ་ཤེས་བཞིའི་བྱིན་རླབས་ཞུགས༔ དབང་བཞི་རྫོགས་པར་ཐོབ་པ་ཡིན་ནོ༔ ད་གཏོར་མ་ལྷ་དང་དབྱེར་མེད་པར་སྤྱི་བོར་བཞག་ནས་བདག་གིས་གསོལ་བ་བཏབ་ཅིང་ཕྲིན་ལས་བཅོལ་བའི་ཚེ༔ ཇི་ལྟར་གསོལ་བ་བཏབ་པ་ལྟར་ཕྲིན་ལས་ཐོགས་མེད་དུ་འགྲུབ་པར་ཡོད་སྙམ་པའི་མོས་པ་རྩེ་གཅིག་ཏུ་མཛོད༔ བཅོམ་ལྡན་འདས་རྡོ་རྗེ་འཆང་ཆེན༔ གསང་བདག་ཕྱག་ན་རྡོ་རྗེ༔ མཁའ་འགྲོ་མ་བདེ་བའི་འཁོར་ལོ༔ ཕྲིན་ལས་རིག་འཛིན་པྲ་ཆེན་ཧསྟི༔

― CMR017_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་དཔོན་པདྨ་འབྱུང་གནས༔ པཎ་ཆེན་བི་མ་ལ་མི་ཏྲ༔ བལ་པོ་ཤྲཱི་ལ་མཉྫ༔ ཆོས་རྒྱལ་ཁྲི་སྲོང་ལྡེའུ་བཙན༔ གནུབས་ནམ་མཁའི་སྙིང་པོ༔ ཤུད་བུ་དཔལ་གྱི་སེང་གེ༔ འཆིམ་ཤཱཀྱ་པྲ་ཝ༔ སྣ་ནམ་རྡོ་རྗེ་བདུད་འཇོམས༔ སྒྲགས་སངས་རྒྱས་ཡེ་ཤེས༔ མཁའ་འགྲོ་ཡེ་ཤེས་མཚོ་རྒྱལ༔ འོ་བྲན་དཔལ་གྱི་དབང་ཕྱུག༔ མཁོན་ཀླུའི་དབང་པོ༔ གཏེར་སྟོན་རཏྣ་གླིང་པ༔ སྔགས་འཆང་བསོད་ནམས་བཀྲ་ཤིས༔ རྗེ་དྲུང་གྲགས་པ་རྒྱལ་མཚན༔ ལ་སོགས་ཕུར་པ་གྲུབ་པའི་རིག་འཛིན་ཐམས་ཅད་ཀྱིས་བྱིན་གྱིས་རློབས་ཤིག༔ ཁྱད་པར་རང་ཡི་དམ་རྡོ་རྗེ་གཞོན་ནུ་ཡུམ་ཆེན་འཁོར་ལོ་རྒྱས་འདེབས་མ༔ སྲས་མཆོག་རིགས་བཞི་ཡབ་ཡུམ་ཡེ་ཤེས་ཀྱི་ཁྲོ་བོ་བཅུ་ཁྲོ་མོ་བཅུ༔ ཟ་བྱེད་ཕ་བཅུ༔ གསོད་བྱེད་མ་བཅུ༔ སྒོ་མ་བཞི་ལ་སོགས་པ་ཕུར་པ་ཕྲིན་ལས་ཀྱི་ལྷ་ཚོགས་ཐམས་ཅད་ཀྱིས་རྡོ་རྗེའི་སློབ་མ་འདི་ལ་བྱིན་གྱིས་བརླབ་ཅིང་དབང་བསྐུར་བའི་ཕྲིན་ལས་མཛོད་ཅིག༔ བྱང་ཆུབ་མ་ཐོབ་ཀྱི་བར་དུ་བདུད་བགེགས་དམ་སྲིའི་གནོད་པས་མི་ཚུགས་པར་བསྲུང་བ་དང་བསྐྱབ་པ་དང་སྦ་བའི་ཕྲིན་ལས་མཛོད་ཅིག༔ ཨོབཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཀ་

― CMR017_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ཏཾ་ཀ་ཡེ་ཛ་ཡེ་བི་ཛ་ཡེ་ཨ་ཛི་ཏེ་ཨ་པ་ར་ཛི་ཏེ་མཱ་ར་སེ་ན་པྲ་མརྟ་ན་ཡེ་སརྦ་བིགྷཱན་ཁཾ་ཧཱུྃ་ཕཊ༔ འོ་དེ་ལྟར་དབང་ཐོབ་ནས་དམ་ཚིག་བསྲུང་སྙམ་པས་རྗེས་ཟློས་མཛོད༔ གཙོ་བོས་ཇི་ལྟར་སོགས། ས་གཞི་སྤོས་ཆུས་སོགས། ཞེས་པ་བཀའ་གཏེར་གྱི་གཞུང་ལས་བསྡུས་ཏེ་རཱ་ག་ཨ་སྱས་སྦྱར་བ་ལ་ཉེས་པ་གང་མཆིས་བཤགས་ཤིང་དགེ་བས་སེམས་ཅན་རྣམས་ཀྱི་ལས་ཀྱི་བར་ཆད་བསལ་ཕྱིར་བསྔོའོ། །མངྒ་ལཾ་སིདྡྷི་ཛ་ཡ་ཨ་ལ་ལ་ཧོཿ ༈ འདི་ཡི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ་ཡབ་ཡུམ། རྡོ་རྗེ་འཆང་ཆེན། རྡོ་རྗེ་སེམས་དཔའ། དགའ་རབ་རྡོ་རྗེ། ཤྲཱི་སེང་ཧ། ཨོ་རྒྱན་པདྨ། རཏྣ་གླིང་པ། ཚེ་དབང་གྲགས་པ། བུདྡྷ་དྷ་ཛཱ། པུཎེ་བཛྲ། པདྨ་དབང་ཕྱུག །སྔགས་འཆང་དབང་ཕྱུག་རྒྱལ་པོ། རིག་འཛིན་ཀརྨ་དོན་ཡོད། རཱ་ག་ཨ་སྱའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྡོ་རྗེ་གཞོན་ནུའི་སྒོམ་བཟླས་རྒྱུན་ཁྱེར།

― CMR017_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་གཞོན་ནུའི་སྒོམ་བཟླས་རྒྱུན་ཁྱེར་ནི། མཉམ་ཉིད་ཆོས་སྐུའི་ངང་ཉིད་ལས། །ཧཱུྃ་ལས་སྐད་ཅིག་དྲན་རྫོགས་སུ། །བདག་ཉིད་རྡོ་རྗེ་སྲིན་པོ་དཔལ། །མཐིང་ནག་ཞལ་གསུམ་ཕྱག་དྲུག་པ། །སྤྱན་དགུ་གདངས་ཤིང་ཞབས་བཞི་བསྒྲད། །གཡས་དཀར་གཡོན་དམར་དབུས་མཐིང་ཞལ། །རྩེ་དགུ་རྩེ་ལྔ་རྡོ་རྗེ་གཡས། །མེ་དཔུང་ཁཊཾ་འབར་བ་གཡོན་། །མཐའ་གཉིས་ཐུགས་ཀར་ཕུར་པ་འདྲིལ། །ཞབས་བཞིའི་དྲེགས་པ་རུ་ཏྲ་བརྫིས།་།ཁྲག་འཐུང་རིགས་ལྔས་དབུ་ལ་བརྒྱན། །འཁོར་ལོ་རྒྱས་འདེབས་ཡུམ་དང་སྦྱོར། །ཁྲག་འཐུང་བཞི་བཅུ་རྩ་གཉིས་དང་། །བཀའ་སྲུང་མ་མོ་བཅུ་གཉིས་དང་། །ཕོ་བདུད་ཉི་ཤུ་རྩ་གཅིག་དང་། །གིང་ཆེན་བཅོ་བརྒྱད་གིང་ཕྲན་གསུམ། །སྐུ་དང་བ་སྤུའི་བུ་ག་ནས། །སྟེང་འོག་ཕྱོགས་མཚམས་མ་ལུས་ཀུན། །དྲག་པོའི་སྔགས་ཀྱི་སྒྲ་སྒྲོག་ཅིང་། །ཡེ་ཤེས་མེ་དཔུང་ཀློང་དུ་བསྐྱེད། །གཙོ་བོའི་ཐུགས་ཀར་ཡེ་ཤེས་སེམས། །རྒྱན་མེད་ཡབ་དང་འདྲ་བ་ལ། །ཚོན་གང་རྡོ་རྗེ་རྩེ་དགུ་པ། །སྔོན་པོ་ནས་ཙམ་ཐུགས་སྲོག་ནས། །ཧཱུྃ་སྔོན་སྤུས་བྲིས་ལྟ་བུའི་མཐར། །གསེར་མདོག་ཡི་གེ་བཅུ་གཉིས་པ། །

― CMR017_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

སྤུ་ཤེད་ལྟ་བུའི་བསྐོར་བ་ལས། །འདོ་འཕྲོས་སྟོང་གསུམ་མ་ལུས་ཀུན། །སྲིད་གསུམ་གདུག་པ་མ་ལུས་བཏུལ། །གསལ་སྟོང་ངང་ལ་སྔགས་འདི་བཟླ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་པཾ་ཧཱུྃ་ཕཊ༔ ཅེས་པ་ཆུ་བོའི་གཞུང་བཞིན་བཟླ་བར་བྱའོ། །ཞེས་པ་རྡོ་རྗེ་ཕུར་པའི་རྒྱུན་ཁྱེར་སྒོམ་བཟླས་འདི་སྔགས་འཆང་རྣལ་འབྱོར་པའི་ཉམས་ལེན་ནོ། །རཱ་གས་སྦྱར་བའོ། །སངས་རྒྱས་ཀྱི་བསྟན་པ་དར་ཞིང་རྒྱས་པར་གྱུར་ཅིག །བཀྲ་ཤིས་པའི་རྒྱུ་རུ་གྱུར་ཅིག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རཏྣ་ཕུར་པའི་རྒྱུན་ཁྱེར།

― CMR017_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

རཏྣ་ཕུར་པའི་རྒྱུན་ཁྱེར་ནི། ཧཱུྃ༔ རང་བྱུང་ལྷུན་གྲུབ་གཞལ་ཡས་ཆེན་པོ་ལ༔ བགེགས་དང་ལོག་པར་འདྲེན་པའི་མིང་ཡང་མེད༔ དེ་ལྟར་ཡེ་ནས་གསལ་བ་རབ་རྟོགས་པས༔ མཚམས་ཀྱི་དཀྱིལ་འཁོར་རང་བཞིན་ལྷུན་གྱིས་གྲུབ༔ ཨོཾ༔ བརྡལ་ཁྱབ་ཀ་དག་ཡང་དག་ལྷུན་འབྱམས་ལ༔ བཤགས་དང་བཤགས་བྱའི་མཚན་མ་རང་སར་དག༔ འོན་ཀྱང་མ་རིག་གཟུང་འཛིན་འཁྲུལ་སྲིད་ན༔ རང་བྱུང་སྤྲུལ་པའི་ལྷ་ཚོགས་རྣམས་ལ་བཤགས༔ ས་མ་ཡ༔ ཨ་ཨཱཿ༔ གདོད་ནས་རང་བྱུང་རྣམ་དག་བདུད་རྩི་མཆོག༔ རྒྱུ་དྲུག་དབྱིངས་སུ་བསྒྲལ་བའི་དམར་ཆེན་པོ༔ སྣང་སྲིད་གཞི་བཞེངས་མ་ཧཱ་བ་ལིཾ་ཏ༔ རྣམ་གསུམ་འཛད་མེད་བཅུད་ཆེན་ཨོཾ་ཨཱཿཧཱུྃ༔ ཧཱུྃ༔ སྣང་བའི་དངོས་པོ་སྣ་ཚོགས་གཞལ་ཡས་ཁང་༔ སྟོང་པའི་རང་མདངས་དཔལ་ཆེན་དཀྱིལ་འཁོར་ལྷ༔ རྡོ་རྗེ་གཞོན་ནུའི་ལྷ་ཚོགས་རང་བྱུང་གསལ༔ ལྷུན་གྲུབ་བདག་མདུན་དཀྱིལ་འཁོར་ཡོངས་སུ་རྫོགས༔ ཧཱུྃ་ཧཱུྃ་ཧཱུྃ༔ རང་བཞིན་དབྱིངས་ལ་བཞུགས་པའི་ལྷ་ཚོགས་རྣམས༔ སྤྱན་འདྲེན་བཞུགས་སུ་གསོལ་བར་མི་དམིགས་ཀྱང་༔ ཐུགས་རྗེའི་གང་ལ་གང་འདུལ་ཕྲིན་ལས་

― CMR017_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས༔ སྤྱན་འདྲེན་བཞུགས་གསོལ་གནས་འདིར་བརྟན་པར་བཞུགས༔ ཛཿཧཱུྃ་བཾ་ཧོཿ ས་མ་ཡ་སྟཱ༔ ཧཱུྃ༔ ལྷན་ཅིག་སྐྱེས་སྦྱོར་ཕྱི་ནང་གསང་བཀོད་པའི༔ མཆོད་པ་རྣམ་ལྷམང་དངོས་འབྱོར་ཡིད་སྤྲུལ་པས༔ རང་བྱུང་སྤྲུལ་པའི་ལྷ་ལ་མཆོད་པ་འབུལ༔ ལ།ཉིས་མེད་བླང་དོར་མེད་པར་བཞེས་སུ་གསོལ༔ མ་ཧཱ་པཱུ་ཛ་ཧོཿ ཧཱུྃ༔ རྩ་བརྒྱད་ཡན་ལག་སྟོང་སྦྱར་སྨན་ཆེན་པོ༔ ཉོན་མོངས་མཁའ་དབྱིངས་གསང་བའི་རཀྟ་མཆོག༔ བཅུད་ཆེན་རྫ་ས་མཆོག་ལ་ཏོར་མར་བཅས་ཏེ་འབུལ༔ མ་ཧཱ་ཨ་མྲྀ་ཏ་རཀྟ་བྷ་ལཾ་ཏ་ཁཱ་ཧི༔ ཧཱུྃ༔ གཏི་མུག་ཤ་ཡི་རང་བཞིན་རི་ལྟར་བསྙིལ༔ འདོད་ཆགས་ཁྲག་གི་རྒྱ་མཚོ་རྦ་རླབས་འཁྲུགས༔ ཞེ་སྡང་རུས་པའི་ཕུང་པོར་བཅས་པ་རྣམས༔ རྡོ་རྗེ་སྲིན་པོ་འཁོར་དང་བཅས་ལ་འབུལ༔ ཨོཾ་ཨཱཿཿཧཱུྃ༔ ཨོྃ༔ ལྷ་ཚོགས་སྐུ་ཡི་རང་བཞིན་འགྱུར་བ་མེད༔ ཨཱཿ ལྷ་ཚོགས་གསུང་གི་རང་བཞིན་འགག་པ་མེད༔ ཧཱུྃ༔ ལྷ་ཚོགས་ཐུགས་ཀྱི་རང་བཞིན་འཁྲུལ་པ་མེད༔ ཆོ་འཕྲུལ་སྤྲུལ་བསྒྱུར་མཛད་ལ་ཕྱག་འཚལ་བསྟོད༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་སྲས་འཁོར་བཅས༔ འཁོར་ལོ་རྒྱས་འདེབས་ཀློང་ནས་ཁྲོ་གར་མཛད༔

― CMR017_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

གྲག་སྟོང་སྔགས་ཀྱི་འཛབ་དབྱངས་འབྲུག་ལྟར་སྒྲོག༔ ཐུགས་དམ་དབྱིངས་ནས་མ་འགྲུབ་བར་དུ་བསྒྲུབ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བི་ཧཱུྃ་ཕཊ༔ ཅེས་བསྙེན་པ་སྟོང་དང་བརྒྱ་ལས་མི་ཉུང་བར་བྱའོ༔ ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མ་ར་སེ་ན་པྲ་མརྟ་ན་ཡེ་སརྦ་བིགྷཱན་བི་ཧཱུྃ་ཕཊ༔ སྒྲུབ་པ་ལས་སྦྱོར་དྲིལ་བའོ༔ ཧཱུྃ༔ ཡེ་ཤེས་ཕུར་པའི་ལྷ་ཚོགས་གནས་འདིར་གཤེགས༔ འཛབ་དགོངས་གྲངས་ཐེམ་སྨན་རཀ་གཏོར་མཆོད་འབུལ༔ སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད༔ རྩ་བ་ཡན་ལག་དམ་ཚིག་ཉམས་ཆག་བཤགས༔ རང་སེམས་དཔང་བཙུགས་བཀའ་བཞིན་བསྒྲུབ་ལགས་ན༔ སྐུ་གསུང་ཐུགས་ཡོན་དངོས་གྲུབ་མ་ལུས་སྩོལ༔ དབང་སྒྲུབ་རྒྱུན་ཁྱེར་འདི་མཚོ་རྒྱལ་གྱིས་མཛད་པའི་ལས་བྱང་རྒྱུན་ཁྱེར་ཆ་ཚང་བ་ཡིན་པས། ཕུར་པ་ཐུགས་དམ་འདོད་པའི་འདི་ཁོ་ནས་ཆོག་པའི་བྱིན་རླབས་ཅན་ནོ༔ ཕུར་པའི་ལུང་ཟིན་རཱ་ག་ཨ་སྱས་བསྒྲིགས་པ་དགེ་ལེགས་འཕེལ། སརྦ་མངྒ་ལཾ།། །།

― CMR017_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་པ་ཡང་གསང་བླ་མེད་དོན་གྱི་སྙིང་པོའི་ལས་བྱང་ཕྲིན་ལས་ཀྱི་སྤུ་གྲི།

― CMR017_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་དོན་གྱི་སྙིང་པོའི་ལས་བྱང་ཕྲིན་ལས་ཀྱི་སྤུ་གྲི་བཞུགས་སོ༔

― CMR017_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་ཤཱི་ཀུ་མཱ་ར་ལ་ཕྱག་འཚལ་ལོ༔ སངས་རྒྱས་ཀུན་གྱི་ཕྲིན་ལས་གཅིག་བསྡུས་པའི༔ ལྷག་པའི་ལྷ་མཆོག་རྡོ་རྗེ་གཞོན་ནུ་ཡི༔ ལས་བྱང་ཆོ་གའི་རིམ་པ་བསྟན་པར་བྱ༔ དེ་ལ་སྔོན་འགྲོ་དངོས་གཞི་རྗེས་ཀྱི་རིམ་པ་དང་གསུམ་སྟེ༔ དང་པོ་ནི་རྣལ་འབྱོར་པ་རྣམས་བདེ་བའི་སྟན་ལ་འདུག་སྟེ༔ གཏོར་ཚོགས་མཆོད་པ་གཞུང་བཞིན་བཤམས་ལ༔ སྐྱབས་སུ་འགྲོ་བ་ཡན་ལག་བདུན་སོགས་སྔོན་དུ་སོང་ནས༔ དང་པོ་འབྱུང་གཏོར་བཏང་ནས་བགེགས་ལ་བཀའ་བསྒོ་བ་ནི༔ ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས༔ ང་ཡི་བཀའ་ལས་འདའ་མ་བྱེད༔ རྡོ་རྗེ་གསང་བའི་

― CMR017_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ལས་ནི༔ སྡིག་ཆེན་གང་ཞིག་འདའ་བྱེད་པ༔ སྟོབས་ཆེན་ཁྲོ་བོ་ཆེན་པ་ཡིས༔ ཀླད་པ་ཚལ་པ་བརྒྱ་རུ་ཁོས༔ གདུག་ཅིང་སྡང་སེམས་ལྡན་པ་རྣམས༔ འདི་རུ་མ་འདུག་གཞན་དུ་དེངས༔ ཨོཾ་སུམྦྷ་ནི་སུམྦྷ་ཧཱུྃ༔ གྷིཏྟཾ་ཤྲཱིཉྩ་ཧཱུྃ༔ ཧཱུཾཏྟཱ་པ་ཡ་གྷིཏྟཱ་པ་ཡ་ཧཱུྃ༔ ཨཱཿ་ན་ཡ་ཧོཿ བྷ་ག་ཝཱན་བིདྱ་རྭ་ཙ་ཡ་ཧཱུྃ་ཕཊ༔ དེ་ནས་མཚམས་བཅད་པ་ནི༔ ཧཱུྃ༔ ང་ནི་རང་བྱུང་ཁྲོ་རྒྱལ་ཆེན་པོ་སྟེ༔ སྐུ་གསུང་ཐུགས་ལས་འོད་ཟེར་རབ་འཕྲོས་ཤིང་༔ སྟེང་འོག་ཕྱོགས་མཚམས་མཚོན་ཆའི་གུར་ཆེན་འབར༔ སུས་ཀྱང་འདའ་བའི་སྐབས་མེད་རབ་ཏུ་གཏམས༔ སྟེང་འོག་

― CMR017_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་མཚམས་རྡོ་རྗེའི་གུར་ཆེན་ཏེ༔ རྡོ་རྗེ་འབར་བས་མ་ལུས་འཇོམས་པར་བྱེད༔ སྟེང་འོག་ཕྱོགས་མཚམས་འཁོར་ལོའི་གུར་ཆེན་ཏེ༔ འཁོར་ལོ་འབར་བས་ཐམས་ཅད་གཅོད་པ་བྱེད༔ སྟེང་འོག་ཕྱོགས་མཚམས་རལ་གྲིའི་འཁོར་ལོ་སྟེ༔ རལ་གྲི་འབར་བས་ཐམས་ཅད་གཏུབས་པར་བྱེད༔ སྟེང་འོག་ཕྱོགས་མཚམས་དབྱུག་ཏོས་གཏམས་པ་སྟེ༔ དབྱུག་ཏོ་འབར་བས་མ་ལུས་རྡུང་བར་བྱེད༔ སྟེང་འོག་ཕྱོགས་མཚམས་རྒྱ་གྲམ་འབར་བས་གཏམས༔ རྒྱ་གྲམ་འབར་བས་ཐམས་ཅད་སྲུང་བར་བྱེད༔ ཨོཾ་བཛྲ་རཀྵ་རཀྵ་ཧཱུྃ་ཕཊ༔ ཨོཾ་བཛྲ་ཙཀྲ་ཙཀྲ་ཧཱུྃ་ཕཊ༔ ཨོཾ་བཛྲ་ཀཱ་ལ་རཱུ་པ་ཧཱུྃ་ཕཊ༔ ཨོཾ་བཛྲ་ཀརྨ་སཏཱ་ཧ་ཧ་ཧཱུྃ་ཕཊ༔ ཨོཾ་བཛྲ་ནཱ་ནཱ་ཙཎྜ་རོ་ཥ་ཎ་ཁཀྵ་ཧཱུྃ་ཕཊ༔ དེ་ནས་ཁྲོ་བོ་བཅུའི་མཚམས་བཅད་པ་དེ༔ ཧཱུྃ༔ སྟེང་གི་ཕྱོགས་ནས་མཚམས་གཅོད་ཁྲོ་བོའི་རྒྱལ༔ ཧཱུཾ་ཆེན་ཀཱ་ར་ཞལ་གསུམ་ཕྱག་དྲུག་པ༔ ལྷ་ཡི་གདོན་ཚོགས་ཞབས་བཞིའི་སྟབས་ཀྱིས་མནན༔ སྟེང་གི་ཕྱོགས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ཧཱུྃ་ཀ་ར་ཧཱུྃ༔ སྟེང་ཕྱོགས་ཀྱི་དགྲ་བགེགས་ཐམས་ཅད་གརྫ་གརྫ་ཧཱུྃ་ཕཊ༔ ཧཱུྃ༔ ཤར་གྱི་ཕྱོགས་ནས་མཚམས་གཅོད་ཁྲོ་བོའི་རྒྱལ༔ རྣམ་

― CMR017_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

པར་རྒྱལ་བ་ཞལ་གསུམ་ཕྱག་དྲུག་པ༔ དྲི་ཟའི་གདོན་ཚོགས་ཞབས་བཞིའི་སྟབས་ཀྱིས་མནན༔ ཤར་གྱི་ཕྱོགས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་བི་ཛ་ཡ་ཧཱུྃ༔ ཤར་གྱི་ཕྱོགས་ཀྱི་དགྲ་བགེགས་ཐམས་ཅད་ཧ་ན་ཧ་ན་ཧཱུྃ་ཕཊ༔ ཧཱུྃ༔ ཤར་ལྷོ་མཚམས་ནས་མཚམས་གཅོད་ཁྲོ་བོའི་རྒྱལ༔ དབྱུག་པ་སྔོན་པོ་ཞལ་གསུམ་ཕྱག་དྲུག་པ༔ མེ་ལྷའི་གདོན་ཚོགས་ཞབས་བཞིའི་སྟབས་ཀྱིས་མནན༔ ཤར་ལྷོ་མཚམས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ནི་ལཾ་དཎྜ་ཧཱུྃ༔ ཤར་ལྷོ་མཚམས་ཀྱི་དགྲ་བགེགས་ཐམས་ཅད་ཧ་ད་ཧ་ཧཱུྃ་ཕཊ༔ ཧཱུྃ༔ ལྷོ་ཡི་ཕྱོགས་ནས་མཚམས་གཅོད་ཁྲོ་བོའི་རྒྱལ༔ གཤིན་རྗེའི་གཤེད་པོ་ཞལ་གསུམ་ཕྱག་དྲུག་པ༔ གཤིན་རྗེའི་གདོན་ཚོགས་ཞབས་བཞིའི་སྟབས་ཀྱིས་མནན༔ ལྷོ་ཡི་ཕྱོགས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ༔ ལྷོ་ཡི་ཕྱོགས་ཀྱི་དགྲ་བགེགས་ཐམས་ཅད་པ་ཙ་པ་ཙ་ཧཱུྃ་ཕཊ༔ ཧཱུྃ༔ ལྷོ་ནུབ་མཚམས་ནས་མཚམས་གཅོད་ཁྲོ་བོའི་རྒྱལ༔ མི་གཡོ་མགོན་པོ་ཞལ་གསུམ་ཕྱག་དྲུག་པ༔ སྲིན་པོའི་གདོན་ཚོགས་ཞབས་བཞིའི་སྟབས་ཀྱིས་མནན༔ ལྷོ་ནུབ་

― CMR017_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ཨཱཿ་རྱ་ཨ་ཙ་ལེ་ཧཱུྃ༔ ལྷོ་ནུབ་མཚམས་ཀྱི་དགྲ་བགེགས་ཐམས་ཅད་བན་བནྡྷ་ཧཱུྃ་ཕཊ༔ ཧཱུྃ༔ ནུབ་ཀྱི་ཕྱོགས་ནས་མཚམས་གཅོད་ཁྲོ་བོའི་རྒྱ་ལ༔ རྟ་མགྲིན་དབང་ཆེན་ཞལ་གསུམ་ཕྱག་དྲུག་པ༔ ཀླུ་ཡི་གདོན་ཚོགས་ཞབས་བཞིའི་སྟབས་ཀྱིས་མནན༔ ནུབ་ཀྱི་ཕྱོགས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ༔ ནུབ་ཕྱོགས་ཀྱི་དགྲ་བགེགས་ཐམས་ཅད་ཧུ་ལུ་ཧུ་ལུ་ཧཱུྃ་ཕཊ༔ ཧཱུྃ༔ ནུབ་བྱུང་མཚམས་ནས་མཚམས་གཅོད་ཁྲོ་བོའི་རྒྱ་ལ༔ ་གཞན་གྱིས་མི་ཐུབ་ཞལ་གསུམ་ཕྱག་དྲུག་པ༔ རླུང་ལྷའི་གདོན་ཚོགས་ཞབས་བཞིའི་སྟབས་ཀྱིས་མནན༔ ནུབ་བྱང་མཚམས་ཀྱི་ད་གྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ཨ་པ་རཱ་ཙིཏྟ་ཧཱུྃ༔ ནུབ་བྱང་མཚམས་ཀྱི་དགྲ་བགེགས་ཐམས་ཅད་ཏིཥྛ་ཏིཥྛ་ཧཱུྃ་ཕཊ༔ ཧཱུྃ༔ བྱང་གི་ཕྱོགས་ནས་མཚམས་གཅོད་ཁྲོ་བོའི་རྒྱལ༔ བདུད་རྩི་འཁྱིལ་པ་ཞལ་གསུམ་ཕྱག་དྲུག་པ༔ གནོད་སྦྱིན་གདོན་ཚོགས་ཞབས་བཞིའི་སྟབས་ཀྱིས་མནན༔ བྱང་གི་ཕྱོགས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧཱུྃ༔ བྱང་གི་ཕྱོགས་ཀྱི་དགྲ་བགེགས་

― CMR017_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཚིནྡྷ་ཚིནྡྷ་ཧཱུྃ་ཕཊ༔ ཧཱུྃ༔ བྱང་ཤར་མཚམས་ནས་མཚམས་གཅོད་ཁྲོ་བོའི་རྒྱལ༔ ཁམས་གསུམ་རྣམ་རྒྱལ་ཞལ་གསུམ་ཕྱག་དྲུག་པ༔ བགེགས་ཀྱི་གདོན་ཚོགས་ཞབས་བཞིའི་སྟབས་ཀྱིས་མནན༔ བྱང་ཤར་མཚམས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་ཏྲེ་ལོཀྱ་བི་ཛ་ཡ་ཧཱུྃ༔ བྱང་ཤར་མཚམས་ཀྱི་དགྲ་བགེགས་ཐམས་ཅད་བྷིནྡ་བྷིནྡ་ཧཱུྃ་ཕཊ༔ ཧཱུྃ༔ འོག་གི་ཕྱོགས་ནས་མཚམས་གཅོད་ཁྲོ་བོའི་རྒྱལ༔ སྟོབས་ཆེན་འཇིགས་བྱེད་ཞལ་གསུམ་ཕྱག་དྲུག་པ༔ ས་བདག་གདོན་ཚོགས་ཞབས་བཞིའི་སྟབས་ཀྱིས་མནན༔ འོག་གི་ཕྱོགས་ཀྱི་དགྲ་དང་བགེགས་ཟློག་ཅིག༔ ཨོཾ་བཛྲ་ཀྲོ་ཏ་མ་ཧཱ་བ་ལ་ཧཱུྃ༔ འོག་གི་ཕྱོགས་ཀྱི་དགྲ་བགེགས་ཐམས་ཅད་སྤོ་ཊ་སྤོ་ཊ་ཧཱུྃ་ཕཊ༔ ཁྲོ་ཆེན་འབར་བ་མེ་ཡི་ཐོག་ཆེན་འབེབས༔ སྟེང་འོག་ཕྱོགས་མཚམས་གར་དགུའི་ཚུལ་གྱིས་སྲུང་༔ ཀུན་ཀྱང་ཕྱོགས་བཅུར་ཕུར་པ་འདྲིལ་ཞིང་འདེབས༔ བསྲུང་དང་མཚམས་ཀྱི་ཕྲིན་ལས་གྲུབ་པར་མཛོད༔ ཧཱུྃ་ཧཱུྃ་མ་ཧཱ་ཀྲོ་ཏ་བི་ཤྭ་ཙཀྲ་མ་དྷ་ལ་ཧ་ལ་ཧ་ལ་ཧཱུྃ་ཕཊ༔ དེ་ནས་བརྡའ་སྒོ་དབྱེ་བ་ནི༔ ཧཱུྃ༔ སྣང་སྲིད་ཐམས་ཅད་རྡོ་རྗེ་ཕུར་པའི་ལྷ༔ ཐབས་ཀྱི་སྤྱོད་

― CMR017_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

པས་འགྲོ་དོན་མཛད་པའི་ཕྱིར༔ རྣམ་དག་གསང་བ་ཐུགས་ཀྱི་དཀྱིལ་འཁོར་དུ༔ རང་གསལ་མ་འགགས་ཆོས་དབྱིངས་སྒོ་དབྱེའོ༔ ཧཱུྃ་མཎྜ་ལ་ཨེ་པྲ་ཝེ་ཤ་ཡ་ཕཊ༔ བརྡའི་ཕྱག་འཚལ་བ་ནི༔ ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་ཕྱིར༔ རང་བྱུང་ཡེ་ཤེས་ངང་དུ་མཇལ་ཕྱག་འཚལ༔ ཧེ་རུ་ཀ་ས་མ་ཡ་ཨ་ཏི་པཱུ་ཧོཿ པྲ་ཏི་ཛ་ཧོཿ དམ་བཅའ་བ་ནི༔ ཧཱུྃ༔ དམ་བཅའ་འདུ་འབྲལ་མེད་པའི་གཟུངས་ཐག་ལ༔ རིག་པ་སྲོག་གི་བསྡུས་པའི་ལུ་གུ་རྒྱུད༔ སྐུ་གསུང་ཐུགས་ཀྱི་དངོས་གྲུབ་ཐོབ་བྱའི་ཕྱིར༔ རྡོ་རྗེ་གཞོན་ནུའི་སྐུ་གསུང་ཐུགས་ཀྱི་ངང་༔ བདག་དང་དབྱེར་མེད་གཅིག་ཏུ་མ་འགྲུབ་བར༔ སྐྱེ་བ་ཇི་སྲིད་བར་དུ་མི་བཏང་ངོ་། ཀརྨ་ཧེ་རུ་ཀ་ཙིཏྟ་བཛྲ་ས་མཱ་ཏི་ཧཱུྃ༔ དེ་ནས་བྱིན་དབབ་པ་ནི༔ ཧཱུྃ༔ ནམ་མཁའི་མཐའ་དང་མཉམ་པའི་དཀྱིལ་འཁོར་ནས༔ སྲིད་པའི་རྡོ་རྗེ་ཕུར་པ་གྲུབ་པའི་ལྷ༔ རྡོ་རྗེ་གཞོན་ནུའི་དཀྱིལ་འཁོར་མ་ལུས་རྣམས༔ ཐུགས་རྗེ་ཆེན་པོས་སྒྲིབ་བཀོལ་མི་མཛད་ཅིང་༔ དུས་ལས་མི་འདའ་རྡོ་རྗེའི་དམ་ཚིག་ཅན་ཐུགས་རྗེ་ཆེན་པོའི་ཕྲིན་ལས་རླབས་པོ་ཆེ༔ བླ་

― CMR017_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་བསྒྲུབ་པའི་དཀྱིལ་འཁོར་ཆེན་པོ་འདིར༔ གསང་བའི་དཀྱིལ་འཁོར་འདི་ལ་བྱིན་ཆེན་ཕོབ༔ སྐུ་གསུང་ཐུགས་ཀྱི་བྱིན་ཆེན་དབབ་ཏུ་གསོལ༔ ཡེ་ཤེས་ལྔ་ཡི་དབང་མཆོག་བསྐུར་དུ་གསོལ༔ ཨོཾ་སརྦ་ཏ་ཐཱ་ག་ཏ་བྷ་ག་ཝཱན༔ ས་མ་ཡ་ཧོཿ ས་མ་ཡ་སྟཱ༔ ཧཱུྃ༔ རྡོ་རྗེ་ཕུར་པ་གསང་བའི་དབྱིངས་ཉིད་ལས༔ དབང་བསྐུར་བྱིན་ཆེན་དབབ་པའི་དུས་ལ་བབ༔ སྔོན་གྱི་ཐུགས་དམ་བཅོམ་ལྡན་རྡོ་རྗེའི་བདག༔ རྡོ་རྗེའི་དབང་བསྐུར་དམ་ཚིག་བླ་ན་མེད༔ སྐྱབས་ལས་མི་གཡེལ་གཡར་དམ་གཅིག་པའི་ལྷ༔ རྒྱལ་བ་མ་ལུས་རྣམས་ཀྱིས་བྱིན་གྱིས་རློབས༔ གུ་རུ་དྷེ་ཝཱ་དྷཀི་ནི་ཀཱི་ལི་ཀཱི་ལ་ཡ༔ ས་མ་ཡ་ཧཱུྃ༔ ས་མ་ཡ་ཛཿ མཆོད་པ་བྱིན་གྱིས་བརླབ་པ་ནི༔ ཧཱུྃ༔ བླ་མེད་མཆོག་གི་དཀྱིལ་འཁོར་ཆེན་པོ་འདིར༔ ཕྱི་ནང་གསང་བའི་མཆོད་སྤྲིན་དཔག་མེད་རྣམས༔ བདེ་གཤེགས་རྒྱལ་བ་མ་ལུས་སྐོང་བའི་རྫས༔ ཀུན་བཟང་མཆོད་པའི་སྤྲིན་བཞིན་གནས་གྱུར་ཅིག༔ ཨོྃ་ཨཱཿ༔ཧཱུྃ་མ་ཧཱ་སརྦ་པཉྩ་ཨ་མྲྀ་ཏ་ཧཱུྃ་ཧི༔ མ་ཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་གུ་ཧྱ་ཧིཤཱ་ས་མ་ཡེ་ཧཱུྃ༔ མ་ཧཱ་རཀྟ་ཛྭ་ལ་མཎ་དྷ་ལ་ཧཱུྃ་ཧི༔ཐཱ༔ ཨོཾ་བོ་དྷི་ཙིཏྟ་ག་ཎ་གུ་ཧྱ་

― CMR017_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་ན་སརྦ་པཱུ་ཛ་ཧོཿ ཨོཾ་བཛྲ་པུཥྛ་དྷབྦེ་ཨཱཿ་ལོ་ཀེ་གནྡྷེ་ནེ་ཝིདྱ་ཤཇ་པཱུ་ཛ་ཨཱཿཿཧཱུྃ༔ བཤགས་པ་བྱ་བ་ནི༔ ཧཱུྃ༔ ལྷ་དང་མཁའ་འགྲོ་དམ་ཅན་རྒྱ་མཚོ་དགོངས༔ བདག་ནི་མ་རིག་རྨོངས་ཤིང་གཏི་མུག་པས༔ རྩ་བ་ཡན་ལག་དམ་ཚིག་ཉམས་ཆག་སོགས༔ གནོང་འགྱོད་དྲག་པོས་མཐོལ་ཞིང་བཤགས་པར་བགྱི༔ དྷེ་ཝཱ་དྷཀི་སརྦ་ས་མ་ཡ་ཤུདྡྷེ་ཨཱཿ དེ་བཞིན་ཉིད་ཀྱི་ཏིང་འཛིན་ནི༔ ཧཱུྃ༔ རྡོ་རྗེ་ཁྲོས་པས་ཞེ་སྡང་གཅོད༔ མཚོན་ཆ་སྔོན་པོ་འབར་བ་ནི༔ ནམ་མཁའི་དཀྱིལ་ནས་ཐིགས་པ་ཤར༔ སྲོག་གི་སྒོ་རུ་ཤར་བ་དང་༔ སྙིང་གི་གོ་རུ་བསྒོམ་པར་བྱ༔ ཨོཾ་མ་ཧཱ་ཤུ་ནྱ་ཏ་ཛྷཱ་ན་བཛྲ་སྭ་བྷཱ་ཝཱ་ཨཱཿཏྨ་ཀོཉཧཾ༔ ཧཱུྃ་སྤ་ར་ན་ཕཊ༔ སཾ་ཧ་ར་ན་ཧཱུྃ༔ ཀུན་ཏུ་སྣང་བའི་ཏིང་ངེ་འཛིན་ནི༔ ཧཱུྃ༔ སྙིང་རྗེས་བསྒྲལ་བའི་དམ་ཚིག་ནི༔ བསད་ཅིང་མནན་པ་མ་ཡིན་ཏེ༔ ཕུང་པོ་རྡོ་རྗེར་གཏམས་བྱས་ནས༔ རྣམ་པར་ཤེས་པ་རྡོ་རྗེར་བསྒོམ༔ རྡོ་རྗེ་གཞོན་ནུ་རིག་འཛིན་རྣམས༔ སྲིད་པའི་རྡོ་རྗེར་འགྲུབ་མཛོད་ཅིག༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་འགྲུབ་པར་མཛོད༔ ཨོཾ་སརྦ་ཏ་ཐཱ་ག་ཏ་དྷརྨཱ་དྷ་ཏུ་སྭ་བྷ་ཝ་ཤུདྡྷོཉཧཾ་རྒྱུའི་ཏིང་ངེ་འཛིན་ནི༔ ཧཱུྃ༔ ཆོས་

― CMR017_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིངས་སྐྱེ་མེད་ངང་ཉིད་ལས༔ ཆོས་རྣམས་རང་བྱུང་རྟེན་འབྲེལ་ཏེ༔ ཐམས་ཅད་རྒྱུ་ལས་མ་བྱུང་མེད༔ རྒྱུ་ཡི་ཡི་གེ་ཧཱུྃ་དུ་གསལ༔ ཙིཏྟ་བཛྲ་ས་མཱ་ཏི༔ ཛཧཱུྃ་ཐཾ་ཧོཿ འབྱུང་བ་རིམ་བརྩེགས་ནི༔ ཧཱུྃ༔ ཆོས་སྐུ་སྐྱེ་བ་མེད་པའི་ཀློང་༔ ནམ་མཁའ་མཐའ་དབུས་མེད་པར་བརྡལ༔ སྟོབས་ཆེན་རླུང་གི་དཀྱིལ་འཁོར་ལས༔ རཀྟའི་རྒྱ་མཚོ་རྦ་རླབས་འཁྲུགས༔ དེ་སྟེང་གསེར་གྱི་ས་གཞི་བརྡལ༔ རུས་པའི་རི་རབ་གྲུ་གསུམ་བརྗིད༔ བསྐལ་པའི་མེ་དཔུང་ཕྱོགས་བཅུར་འབར༔ ཡུམ་ལྔའི་དཀྱིལ་འཁོར་ཡོངས་སུ་རྫོགས༔ ཨེ་སྤ་ར་ཎ་ཕཊ༔ སཾ་ཧ་ར་ཎ་ཧཱུྃ༔ ཡཾ་སྤ་ར་ཎ་ཕཊ༔ སཾ་ཧ་ར་ཎ་ཧཱུྃ༔ རཾ་སྤ་ར་ཎ་ཕཊ༔ སཾ་ཧ་ར་ཎ་ཧཱུྃ༔ སུཾ་སྤ་ར་ཎ་ཕཊ༔ སཾ་ཧ་ར་ཎ་ཧཱུྃ༔ ཀཾ་སྤ་ར་ཎ་ཕཊ༔ སཾ་ཧ་ར་ན་ཧཱུྃ༔ རཾ་སྤ་ར་ཎ་ཕཊ༔ སཾ་ཧ་ར་ན་ཧཱུྃ༔ ཧཱུྃ་སྤ་ར་ཎ་ཕཊ༔ སཾ་ཧ་ར་ཎ་ཧཱུྃ༔ གཞལ་ཡས་ཁང་བསྐྱེད་པ་ནི༔ ཧཱུྃ༔ ངང་ཉིད་རྡོ་རྗེ་ཆོས་དབྱིངས་ལས༔ ཡེ་%ཤེས་དཀྱིལ་འཁོར་ཆེན་པོ་ནི༔ མཐིང་ནག་གྲུ་གསུམ་ཨེ་ཡི་ཀློང་༔ བྷན་སྐམ་རློན་འབར་བས་བརྩེགས༔ གནམ་ལྕགས་རྡོ་རྗེའི་གཟེར་གྱིས་གཏམས༔ འཁོར་ལོ་རྩིབས་བཅུ་

― CMR017_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

མུ་ཁྱུད་བཅས༔ རིན་ཆེན་འཁོར་ལོ་སྤེལ་མར་དཀྲིགས༔ ཕྱོགས་བཞིའི་ཁྱམས་དང་སྒོ་རུ་གསལ༔ གདུང་དང་དྲལ་ཕྱམ་ཀ་བ་དང་༔ ཐོག་དང་སྐར་ཁུང་ཉི་ཟླས་མཚན༔ གྲུ་ཆད་མུ་རན་འཁོར་ཡུག་དང་༔ དྲྭ་ཕྱེད་མཛེས་པའི་ཟ་ར་ཚགས༔ རྟ་བབས་གདུགས་ཏོག་ཆོས་འཁོར་མཛེས༔ ཕ་གུ་མཆོད་རྟེན་རིན་ཆེན་དཀྲིགས༔ དུར་ཁྲོད་ཆེན་པོ་བརྒྱད་ཀྱིས་བསྐོར༔ པདྨ་རྡོ་རྗེ་མེ་ཕུང་དང་༔ རྡོ་རྗེའི་བྲག་ཆེན་རྭ་བས་གཏམས༔ ཀུན་ཀྱང་ཡེ་ཤེས་ལྔ་ཡི་ཀློང་༔ ཕྱི་གསལ་ནང་གསལ་སྒྲིབ་པ་མེད༔ རང་བྱུང་ལྷུན་གྲུབ་ཆེན་པོར་བསྒོམ༔ ཧཱུཾ་ཧཱུཾ་བི་ཤོ་བི་ཤུདྡྷེ༔ ཨེ་ཛྙཱ་ན་ཙཀྲ་མཎྜལ་ཧཱུཾ༔ རུ་ཏྲ་ཀྲོ་ཏི་ཏི་ར་བཾ༔ མ་སུརྱ་མན་དྷ་ལ༔ ཨ་ཙནྡྲ་མན་དྷ་ལ༔ པཾ་པདྨ་མན་དྷ་ལ༔ ཧཱུྃ་སྤ་ར་ཎ་ཕཊ༔ སཾ་ཧ་ར་ན་ཧཱུྃ༔ ལྷ་བསྐྱེད་པ་ནི༔ ཧཱུྃ༔ ཕོ་བྲང་ཨེ་ཡི་གཞལ་ཡས་དབུས༔ མཐིང་ནག་ཧཱུྃ་གི་འཕྲོ་འདུ་ལས༔ བདག་ཉིད་མ་བཅོས་རྫོགས་པའི་སྐུ༔ དཔལ་ཆེན་རྡོ་རྗེ་གཞོན་ནུ་ཆེ༔ མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་ཐབས་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུ་བརྒྱན་ཐུགས་སྲོག་

― CMR017_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ སྤྱན་དགུ་སྡང་མིག་ཕྱོགས་བཅུར་གཡོ༔ ཞལ་གདངས་ལྗགས་འདྲིལ་མཆེ་བ་གཙིགས༔ གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁཊ་འཛིན༔ མཐའ་གཉིས་རི་རབ་ཕུར་པ་འདྲིལ༔ དུར་ཁྲོད་རབ་འཇིགས་ཆས་རྣམས་རྫོགས༔ ཡུམ་ཆེན་འཁོར་ལོ་རྒྱས་འདེབས་མ༔ མཐིང་སྐྱ་ཞལ་གཅིག་ཕྱག་གཉིས་ཏེ། གཡོན་པས་དུང་དམར་གཙོ་ལ་སྟོབ༔ ཐབས་དང་ཤེས་རབ་སྦྱོར་བ་ལས༔ སྟེང་འོག་ཕྱོགས་མཚམས་འཁོར་ལོའི་སྟེང་༔ མཐིང་ནག་ཧཱུྃ་གི་འཕྲོ་འདུ་ལས༔ རང་བྱུང་ཁྲོ་རྒྱལ་བཅུ་རུ་ཤར༔ ཧཱུྃ༔ སྟེང་ཕྱོགས་ཧཱུཾ་ཀར་སྒྲ་འབྱིན་མ༔ སྤྲུལ་པ་ཕག་དང་སྨིགས་བུའི་མགོ༔ ཨོཾ་བཛྲ་ཀྲོ་ཏ་ཧཱུྃ་ཀ་ར་ཧཱུྃ༔ གརྫ་གརྫ་ཧཱུྃ་ཕཊ༔ ཧཱུྃ༔ ཤར་ཕྱོགས་རྣམ་རྒྱལ་སྙེམས་མ་ནི༔ སྤྲུལ་པ་སྟག་དང་བྱ་རྒོད་མགོ༔ ཨོཾ་བཛྲ་ཀྲོ་ཏ་བི་ཛ་ཡ་ཧཱུྃ༔ ཧ་ན་ཧ་ན་ཧཱུྃ་ཕཊ༔ ཧཱུྃ༔ ཤར་ལྷོར་དབྱུག་སྔོན་སྡེར་མོ་་ནི༔ སྤྲུལ་པ་གཡག་དང་བྱ་རོག་མགོ༔ ཨོཾ་བཛྲ་ཀྲོ་ཏ་ནི་ལཾ་དཎྜ་ཧཱུྃ༔ ད་ཧ་ད་ཧ་ཧཱུྃ་ཕཊ༔ ཧཱུྃ༔ ལྷོ་ཕྱོགས་གཤིན་རྗེ་དུར་ཁྲོད་བདག༔ སྤྲུལ་པ་ཤ་བ་འུག་པའི་མགོ༔ ཨོཾ་

― CMR017_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

བཛྲ་ཀྲོ་ཏ་ཡ་མཱནྟ་ཀ་ཧཱུྃ་པ་ཙ་པ་ཙ་ཧཱུྃ་ཕཊ༔ ཧཱུྃ༔ ལྷོ་ནུབ་མི་གཡོ་གཏུན་ཁུང་མ༔ སྤྲུལ་པ་གཟིག་དང་ཁྭ་ཏའི་མགོ༔ ཨོཾ་བཛྲ་ཀྲོ་ཏ་ཨར་ཨ་ཙ་ལ་ཧཱུྃ༔ བྷནྡྷ་བྷནྡྷ་ཧཱུྃ་ཕཊ༔ ཧཱུྃ༔ ནུབ་ཕྱོགས་རྟ་མགྲིན་རྡོ་རྗེ་གཏུམ༔ སྤྲུལ་པ་བྱི་ལ་པུ་ཤུད་མགོ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ༔ ཧུ་ལུ་ཧུ་ལུ་ཧཱུྃ་ཕཊ༔ ཧཱུྃ༔ ནུབ་བྱང་འདོད་རྒྱལ་མདའ་སྙེམས་ནི༔ སྤྲུལ་པ་སྤྱང་ཀི་ཁྲ་ཡི་མགོ༔ ཨོཾ་བཛྲ་ཀྲོ་ཏ་ཨ་པ་རཱ་ཛི་ཏ་ཧཱུྃ༔ ཏིཥྛ་ཏིཥྛ་ཧཱུྃ་ཕཊ༔ ཧཱུྃ༔ བྱང་ཕྱོགས་བདུད་རྩི་རླུང་འབྱིན་མ༔ སྤྲུལ་པ་སེང་གེ་ཕ་ཝང་མགོ༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧཱུྃ༔ ཚིནྡྷ་ཚིནྡྷ་ཧཱུྃ་ཕཊ༔ ཧཱུྃ༔ བྱང་ཤར་ཁམས་སུ་གསོད་བྱེད་ནི༔ སྤྲུལ་པ་དོམ་དང་སྲེ་མོང་མགོ༔ ཨོཾ་བཛྲ་ཀྲོ་ཏ་ཏྲེ་ལོཀྱ་བི་ཛ་ཡ་ཧཱུྃ༔ བྷིནྡྷ་བྷིནྡྷ་ཧཱུྃ་ཕཊ༔ ཧཱུྃ༔ འོག་ཕྱོགས་སྟོབས་ཅེཧན་སྐུལ་བྱེད་མ༔ སྤྲུལ་པ་དྲེད་དང་བྱི་བའི་མགོ༔ ཨོཾ་བཛྲ་ཀྲོ་ཏ་མ་ཧཱ་བ་ལ་ཧཱུྃ༔ སྥོ་ཊ་སྥོ་ཊ་ཧཱུྃ་ཕཊ༔ ཧཱུྃ༔ དཀྱིལ་འཁོར་ཆེན་པོའི་བར་ཁྱམས་ལ༔ ཉི་མ་དང་ནི་འོད་ཟེར་བཞིན༔ གཙོ་དང་འཁོར་དུ་ཡོངས་རྫོགས་གསལ༔ དཀྱིལ་འཁོར་མུ་རན་འཁོར་ཡུག་ཏུ༔ སྲས་དང་སྤྲུལ་པ་བཀའ་སྡོད་བཅས༔ བདག་ཉིད་

― CMR017_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་༔ བསྲེ་ལྕགས་དུང་གསུམ་སྐྱེས་བུ་སོགས༔ གཙོ་འཁོར་ཡོངས་སུ་རྫོགས་པར་བསྐྱེད༔ ཨོཾ་བཛྲ་ཀཱི་ལི་ཀཱི་ལ་ཡ༔ བྷིནྡྷ་ཡ་བྷིནྡྷ་ཡ་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ༔ ན་མས་མན་ཧྲི་ཧྲི་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ༔ སུ་རུ་སུ་རུ་པྲ་སུ་རུ་པྲ་སུ་རུ་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ༔ མཱ་ར་ཡ་མཱ་ར་ཡ་ཧཱུྃ་ཕཊ༔ ཛཧཱུྃ་ཁཾ་ཧོཿ ཀ་ཏཾ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏེ༔ ཨ་པ་རཱ་ཙི་ཏེ༔ མ་ར་སེ་ན༔ པྲ་མཱནྟ་ན་ཡེ་ཧཱུྃ་ཕཊ༔ ཧཱུྃ༔ སངས་རྒྱས་ཀུན་གྱི་རང་བཞིན་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ སྐུ་ཡི་དབྱིག་ཏུ་བདག་བསྐྱེད་ཅིག༔ ཨོཾ་བུདྡྷཱ་ཀཱི་ལི་ཀཱི་ལ་ཡ༔ ཀཱ་ཡ་བཛྲ་ནཾ༔ ཛྭ་ལ་ཛྭ་ལ༔ པྲ་ཛྭ་ལ་པྲ་ཛྭ་ལ༔ སྤུ་ཊ་སྤུ་ཊ༔ སརྦ་ན་ས་པ་ན་ཡེ་ཧཱུྃ་ཕཊ༔ ཧཱུྃ༔ སངས་རྒྱས་ཀུན་གྱི་རང་བཞིན་གསུང་༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ གསུང་གི་དབྱིག་ཏུ་་བདག་བསྐྱེད་ཅིག༔ ཨོཾ་པདྨ་ཀཱི་ལི་ཀཱི་ལ་ཡ་ཝཱཀ་བཛྲ་ནཱན༔ སརྦ་དུཥྚན་ཧྲཱིཿཤཱ་དྷ་ན་ཡེ་ཧཱུྃ་ཕཊ༔ ཧཱུྃ༔ སངས་རྒྱས་ཀུན་གྱི་རང་བཞིན་ཐུགས༔ ངང་ཉིད་རྡོ་རྗེ་ཆོས་དབྱིངས་

― CMR017_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ལས༔ འབར་བའི་ཁྲོ་བོ་མི་བཟད་པ༔ ཐུགས་ཀྱི་དབྱིག་ཏུ་བདག་བསྐྱེད་ཅིག༔ ཨོཾ་བཛྲ་ཀཱི་ལི་ཀཱི་ལ་ཡ་ཙིཏྟ་བཛྲ་ནཱན༔ བེ་ཏ་ལི་མན་དྷ་ལ་མ་གུ་ཏ་ལ་པྲ་ཏ་ལ་ཧཱུྃ་ཕཊ༔ ས་པ་ཤཱ་རི་ས་མ་ཡ༔ ཛཿཧཱུྃ་བཾ་ཧོཿ ཧཱུྃ༔ ཐབས་ཀྱི་སྤྱོད་པའི་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པའི༔ དབང་དང་དངོས་གྲུབ་འདི་སྩོལ་ཅིག༔ ཧཱུྃ་སྤ་ར་ཎ་ཕཊ༔ སཾ་ཧ་ར་ན་ཧཱུྃ༔ ཨོཾ་ཧཱུྃ་སྭཱ་ཨཱཿ་ཧཱ༔ མཱུ་ལཱི་མཱི་པཾ་ཏཱཾ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་ས་མ་ཡ་ཛཿ ཨཱཿ་ཝེ་ཤ་ཡ་ཨ་ཨཱཿ༔ སྤྱན་འདྲེན་པ་ནི༔ ཧཱུྃ༔ སྐྱེ་མེད་རྣམ་དག་ཆོས་ཀྱི་དབྱིངས་ཉིད་ནས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པའི་རྡོ་རྗེ་གཞོན་ནུ་འཁོར་དང་བཅས་པ་ཡང་༔ ཆོས་ཀྱི་དབྱིངས་ནས་གནས་འདིར་གཤེགས་སུ་གསོལ༔ སྲིད་པ་རྡོ་རྗེ་ཕུར་བུ་སྒྲུབ་པ་དང་༔ དབང་དང་དངོས་གྲུབ་མ་ལུས་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བཟང་པོ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་སུ་གསོལ༔ ཛཿཧཱུྃ་བཾ་ཧོཿ བཛྲ་ས་མ་

― CMR017_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་ཛཿ བཞུགས་སུ་གསོལ་བ་ནི༔ ཧཱུྃ༔ ཁྲོ་རྒྱལ་མ་ལུས་འཁོར་བཅས་གཤེགས་ནས་ཀྱང་༔ དམ་ཚིག་དང་ནི་ཡེ་ཤེས་དབྱེར་མེད་པར༔ འོ་མ་དང་ནི་ཆུ་བཞག་ཇི་བཞིན་དུ༔ གཉིས་མེད་བརྟན་པ་ཆེན་པོར་བཞུགས་སུ་གསོལ༔ བཛྲ་ས་མ་ཡ་ཛཿ ས་མ་ཡ་ཏིཥྛ་ལྷན༔ ཕྱག་འཚལ་བ་ནི༔ ཧཱུྃ༔ སྲིད་གསུམ་གདུག་པ་བསྒྲལ་བ་དང་༔ ང་རྒྱལ་ཞེན་པ་གཞོམ་པའི་ཕྱིར༔ རྡོ་རྗེ་སྲིན་པོའི་ཚོགས་བཅས་ལ༔ རྩེ་གཅིག་གུས་པས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏི་ཛ་ཧོཿ མཆོད་པ་འབུལ་བ་ནི༔ ཧཱུྃ༔ འབར་བའི་དཀྱིལ་འཁོར་རྡོ་རྗེ་ཕུར་པའི་ལྷ༔ དངོས་གྲུབ་སྩོལ་ཕྱིར་ཕྱི་ནང་གསང་བ་ཡི༔ གུས་པས་མཆོད་པའི་སྤྲིན་ཚོགས་འབུལ་བ་ནི༔ མེ་ཏོག་བདུག་སྤོས་མར་མེ་དྲི་ཞལ་ཟས༔ སིལ་སྙན་ལ་སོགས་མཆོད་སྤྲིན་རྒྱ་མཚོ་དང་༔ གཟུགས་སྒྲ་དྲི་རོ་རེག་བྱ་ལ་སོགས་ཏེ༔ འདོན་ཡོན་ལྔ་ཡི་མཆོད་པ་དཔག་མེད་དང་༔ ཐབས་དང་ཤེས་རབ་བདེ་ཆེན་བྱང་ཆུབ་སེམས༔ བླ་མེད་གསང་བ་མཆོག་གི་ཕྱག་རྒྱུར་བཅས༔ རྡོ་རྗེ་གཞོན་ནུའི་དཀྱིལ་འཁོར་ལྷ་ཚོགས་དང་གྲུབ་པའི་རིག་འཛིན་མཁའ་འགྲོ་དམ་ཅན་ལ༔ རྣལ་འབྱོར་བདག་

― CMR017_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་གུས་པས་འབུལ་ལགས་ན༔ དགྱེས་པར་དགོངས་ཏེ་དངོས་གྲུབ་བསྩལ་དུ་གསོལ༔ ཨོཾ་བཛྲ་པུབྦེ་དྷ་ཧྥེ་ཨཱཿ་ལོ་ཀེ་གནྡྷེ་ནེ་ཝི་དྱ་ཤརྡ་ཨཱཿཧཱུྃ༔ མ་ཧཱ་སརྦ་པཉྩ་པཱུ་ཛ་ཧོཿ སརྦ་ཏ་ཐཱ་ག་ཏ་གུ་ཧྱ་ས་མ་ཡ་ཛཿ ཧཱུྃ༔ བཛྲ་ཧོཧཾ༔ རཱ་ག་ཡཱ་མི༔ གུ་ཧྱ་ས་མ་ཡ་སཾ༔ སྨན་མཆོད་ནི༔ ཧཱུྃ༔ རང་བྱུང་གདོད་ནས་རྣམ་པར་དག༔ རྩ་བརྒྱད་སྟོང་ལ་སྦྱར་བའི་སྨན༔ རིགས་ལྔ་དམ་ཚིག་ལྔ་ཡི་དངོས༔ ཡེ་ཤེས་ལྔ་རྫོགས་གྲུབ་པའི་རྫས༔ རྒྱུ་དྲུག་སེམས་ཅན་ཀུན་སྒྲོལ་ཕྱིར༔ དུག་ལྔ་སེལ་བའི་བདུད་རྩི་འདི༔ ཐམས་ཅད་རྣལ་༔ འབྱོར་བདུད་རྩི་ར༔ བྱང་ཆུབ་སེམས་ནི་རྡོ་རྗེ་ཆེ༔ ཤ་ཆེན་མཆོད་པ་རིན་པོ་ཆེ༔ པདྨ་མེ་ཏོག་ཡང་དག་ལྡན༔ རྡོ་རྗེ་ཆུ་སྟེ་ལས་ཀྱི་མཆོག༔ ཟས་མཆོག་ཚེ་ཡི་དྲི་ཆེན་པོ༔ ག་པུར་ཤེལ་གྱི་སྤོས་ཕོར་དྲི༔ རིན་ཆེན་མེ་ལྟར་འབར་བའི་འོད༔ མ་ལུས་འདུས་པའི་ཐིག་ལེ་ཆེ༔ གཅིག་ཏུ་དཔའ་བོ་རོ་རྣམས་དང་༔ གཉིས་སུ་མེད་པར་མཉམ་སྦྱར་ནས༔ འཆི་མེད་བདུད་རྩི་ར་ས་ཡ༔ རྒྱལ་བ་རྒྱ་མཚོ་ཀུན་གྱི་གསོས༔ ཇི་སྙེད་སངས་རྒྱས་ཐམས་ཅད་དང་༔ བྱང་ཆུབ་སེམས་དཔའི་ཚོགས་ཆེན་པོ༔ རྒྱལ་བ་རྒྱ་མཚོའི་ཚོགས་བཅས་

― CMR017_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ལ༔ བདག་ཅག་གུས་པས་འབུལ་ལགས་ན༔ དགྱེས་པའི་ཚུལ་གྱིས་བཞེས་ནས་ཀྱང་༔ དངོས་གྲུབ་མ་ལུས་བདག་ལ་སྩོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ སྐུ་གསུམ་བཀའ་བརྒྱུད་རྒྱ་བོད་རིག་འཛིན་དང་༔ དྲིན་ཆེན་རྩ་བརྒྱུད་བླ་མ་ཐམས་ཅད་ལ༔ རྣམ་དག་བདུད་རྩི་དམ་རྫ་ས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཅེས་མཚན་དོན་ཀུན་ལ་སྦྱར་རོ༔ ཧཱུྃ༔ མཐིང་ནག་གྲུ་གསུམ་འབར་བའི་དཀྱིལ་འཁོར་ན༔ དཔལ་ཆེན་མངོན་རྫོགས་རྡོ་རྗེ་གཞོན་ནུ་དང་༔ གསང་བའི་ཡུམ་མཆོག་འཁོར་ལོ་རྒྱས་འདེབས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ མཐིང་ནག་འབར་བ་འཁོར་ལོའི་རྩིབས་སྟེང་དུ༔ ཐུགས་ཀྱི་སྲས་མཆོག་ཀཱི་ལ་རིགས་བཞི་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ སྟེང་འོག་ཕྱོགས་བཞི་མཚམས་བརྒྱད་དཀྱིལ་འཁོར་དུ༔ ཁྲོ་བཅུ་ཡབ་ཡུམ་སྤྲུལ་པ་ཁྲ་ཐབས་ལ༔ རྣམ་དག་བདུད་རྩི་དམ་རྫས་མཉེས་མཆོད་

― CMR017_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ གཞལ་ཡས་ཆེན་པོ་མཉམ་པའི་སྒོ་བཞི་ན༔ ཕོ་བྲང་སྲུང་བའི་སྒོ་མ་བཞི་རྣམས་ལ༔ རྣམ་དག་བདུད་རྩི་དམ་རྫ་ས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ དཀྱིལ་འཁོར་སྐྱོང་བའི་མུ་རན་འཁོར་ཡུག་ཏུ༔ ཤུ་ན་ས་བདག་བདག་ཉིད་རེ་མ་ཏི༔ བསྲེ་ལྕགས་དུང་སོགས་སྐྱེས་བུའི་འཁོར་རྣམས་དང་༔ ཕུར་པའི་སྲུང་མར་ཞལ་བཞེས་ཐམས་ཅད་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཁཾ༔ ལྕེ་ཡི་དམ་ཚིག་རྡོ་རྗེ་པདྨོ་ལས༔ རྡོ་རྗེ་ཅན་གྱིས་གསལ་བར་ཧཱུྃ་བསྒོམས་ཏེ༔ ཐབས་དང་ཤེས་རབ་འབྲེལ་བའི་ཕྱག་རྒྱ་ཡིས༔ ཕན་དང་ནུས་པར་ལྡན་པའི་སྨན་ལྔ་ལ༔ དང་དུ་མ་བླངས་རྟོག་པས་སྤོང་ལེན་བགྱིས༔ ལྟ་སྤྱོད་གཞུང་དང་འགལ་བ་མཐོལ་ལོ་བཤགས༔ མུ་ཏིག་དཀར་པོ་དྲི་མེད་ཐིག་ལེ་དང་༔ ཙནྡན་སྨུག་པོ་རྨ་མེད་པདྨའི་མཁར༔ གཉིས་མེད་བདེ་ཆེན་བདེ་བའི་མཆོག་ལ་གནས༔ བསྲེ་ཕོར་བཀྲ་ཤིས་མཚན་ལྡན་ནང་དུ་བསྐྱེལ༔ བདུད་རྩི་འབྱུང་བའི་རྒྱུ་ནི་

― CMR017_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས༔ བདུད་རྩིའི་ངང་ནི་མཉམ་པ་ཉིད་དུ་གནས༔ བདུད་རྩིའི་ལས་ནི་རྣམ་རྟོག་བག་ཆགས་སྦྱོང་༔ བདུད་རྩིའི་དོན་ནི་སྐྱེ་ཤི་གཉིས་མེད་ངང་༔ རྒྱལ་བ་མཆོད་ནས་དངོས་གྲུབ་བླང་བ་ནི༔ གཡོན་པའི་མཚན་འཛིན་རྡོ་རྗེའི་ཐལ་མོ་ལ༔ མཐེ་བོང་དང་ནི་སྲིན་ལག་རྩེ་སྦྱར་ཏེ༔ བྲིས་པ་བཞིན་དུ་ཟླ་དཀྱིལ་འབྲུ་ལྔ་བཀོད༔ ལྕེ་ཡི་དམ་ཚིག་རྡོ་རྗེ་པདྨོ་ལ༔ རྡོ་རྗེ་ཅན་གྱིས་གསལ་བར་ཧཱུྃ་བསྒོམས་ཏེ༔ ཟོས་ནས་བླ་མེད་བྱང་ཆུབ་མཆོག་ཐོབ་ཤོག༔ ཀཱ་ཡ་སིདྡྷི་ཨོ༔ ཝཱཀ་སིདྡྷི་ཨ༔ ཙིཏྟ་སིདྡྷི་ཧཱུྃ༔ གཏོར་མ་འབུལ་བ་ནི༔ ཧཱུྃ༔ ཁམས་གསུམ་རྣམ་དག་བྷནྡྷའི་དཀྱིལ་འཁོར་དུ༔ སྣང་སྲིད་ཐམས་ཅད་གཏོར་མའི་ཕུང་པོར་གསལ༔ འདོད་ཡོན་སྣ་ཚོགས་ལྷ་མོས་རབ་བརྒྱན་ཏེ༔ དམ་རྫས་བ་ལིང་རྒྱན་གྱིས་མཆོད་པ་འབུལ༔ གཙོ་དང་འཁོར་བཅས་རྡོ་རྗེ་ཕུར་པའི་ལྷ༔ ཤྭ་ན་ས་བདག་བདག་ཉིད་སྐྱེས་བུའི་སོགས༔ མཐུ་དང་རྫུ་འཕྲུལ་འབྱུང་བའི་དུས་ལ་བབ༔ ་བ་ལིང་རྒྱན་གྱི་གཏོར་མ་བཞེས་སུ་གསོལ༔ མ་ཧཱ་བ་ལིང་ཏ་ཁ་རཾ་ཁ་ཧི༔ རཀྟ་འབུལ་བ་ནི༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ དངོས་གྲུབ་བར་ཆད་བྱེད་པའི་

― CMR017_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས༔ གདུག་ཅིང་སྡང་སེམས་ལྡན་པ་རྣམས༔ ཟུང་ཞིག་རྒྱོབ་ཅིག་རྣམ་པར་ཆིངས༔ བཏོགས་ཤིག་གྲོགས་དང་བྲལ་བར་གྱིས༔ རིངས་པར་ཁུག་ལ་སྨར་ཆུག་ཅིག༔ ཕོབ་ཅིག་རྣམ་པར་གཟིར་བར་གྱིས༔ ང་ཡི་དབང་དུ་གྱུར་ནས་ཀྱང་༔ བསྒོ་བའི་བཀའ་རྣམས་ཉན་པར་གྱིས༔ མ་ཧཱ་རཀྟ་ཁཱ་རཾ་ཁཱ་ཧི༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ སྔོན་ཆད་ཚུལ་བཞིན་དམ་བཅས་པའི༔ མངོན་སྤྱོད་ཕྲིན་ལས་མྱུར་དུ་མཛོད༔ མ་ཧཱ་རཀྟ་ཁ་རཾ་ཁཱ་ཧི༔ གདུག་ཅིང་སྡང་སེམས་ལྡན་པ་རྣམས༔ ལྷའམ་འོན་སྟེ་བདུད་ཀྱང་རུང་༔ ང་ལ་བར་ཆད་བྱེད་པ་རྣམས༔ མཐུ་དང་རྫུ་འཕྲུལ་མེད་པར་གྱིས༔ མ་ཧཱ་རཀྟ་ཁ་རཾ་ཁཱ་ཧི༔ རྡུངས་ཤིག་རྡོ་རྗེ་འབར་བའི་གཏུན༔ བཀའ་ལས་འདའ་བྱེད་སྡིག་ཅན་རྣམས༔ རྡོ་རྗེ་མེ་དབལ་སྙིང་བསྲེགས་ནས༔ ལུས་ངག་རྡུལ་ཕྲིན་བཞིན་དུ་རློགས༔ ཁྲོ་མོ་འབར་བའི་གཏུན་ཁུང་དུ༔ རྡོ་རྗེ་ཐོ་བས་བརྡུངས་བྱས་ན༔ ལྷ་ཡང་རུང་སྟེ་བརླག་པར་འགྱུར༔ ཐལ་བ་རྡུལ་བཞིན་བརླག་པར་མཛོད༔ མ་ཧཱ་རཀྟ་ཁ་རཾ་ཁཱ་ཧི༔ ཁ་ཐཾ་ཁ་ཐཾ་ཧ་ན་ཧ་ན་ཧཱུྃ་ཕཊ༔ འདོད་པའི་དོན་ལ་

― CMR017_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་བ་གདབ་པ༔ ཧཱུྃ༔ སྲིད་པའི་ཕུར་བུ་བསྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་བོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡི་དངོས་གྲུབ་སྩོལ༔ ཛཿཧཱུྃ་བཾ་ཧོཿ བཛྲ་ཀཱི་ལི་ཀཱི་ལ་ཡ་སརྦ་སིདྡྷི་ཕ་ལ་ཧཱུྃ་ཨཱཿ༔ བསྒྲལ་མཆོད་བྱ་བ་ནི༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ ཤྭ་ན་ས་བདག་བདག་ཉིད་སོགས༔ སྤྲུལ་པ་ཆེན་པོའི་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བདག་ནི་རིག་འཛིན་སྒྲུབ་པ་པོ༔ བྱང་ཆུབ་མཆོག་ཏུ་སེམས་བསྐྱེད་ཅིང༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་ཡི༔ དངོས་གྲུབ་བར་ཆད་བྱེད་པའི་བགེགས༔ ཁྲོ་བོ་ཆེན་པོའི་བྱིན་རླབས་ཀྱིས་ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་བ་དང་༔ ལུས་ངག་རྡུལ་དུ་བཤིག་ནས་ཀྱང་༔ སྡུག་བསྔལ་ཉམས་སུ་མྱོང་བར་མཛོད༔ མ་ཏྲཾ་རུ་ཏྲ་པྲ་བྷན་ཙཀྲ་ཧཱུཾ་ཕཊ༔ ཏི་ཧཱུྃ་ཨེ་སྤ་ར་ཎ་ཕཊ༔ སྦྱོར་མཆོད་ནི༔ ཧཱུྃ༔ ངང་

― CMR017_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་རྡོ་རྗེ་ཆོས་དབྱིངས་ལས༔ ཡེ་ཤེས་རོལ་པའི་གསང་བ་རུ༔ ཐབས་དང་ཤེས་རབ་སྦྱོར་བ་ལས༔ འཁོར་ལོ་ལྔ་ཡི་དཀྱིལ་འཁོར་དུ༔ བྱང་ཆུབ་སེམས་ཀྱི་འཕྲོ་འདུ་གསལ༔ སྣ་བདེ་ཆེན་མཆོད་པ་ཆེན་པོར་བཞེས༔ པདྨ་ཡོ་གི་ནི༔ མུ་དྲ་པྲ་བེ་ཤ་ཡ་ཛཿཧཱུྃ་བཾ་ཧོཿ ཀུན་དྷ་ལི་ཨཉྫ་ལི་ཧོཿ འཛབ་བསྐུལ་ནི༔ ཧཱུྃ༔ ཐུགས་དམ་ཆེན་པོའི་དཀྱིལ་འཁོར་ནས༔ གསང་བ་ཡེ་ཤེས་སྒོ་ཕྱེས་ཤིག༔ དངོས་གྲུབ་ཆེན་པོ་འབྱུང་བའི་ཕྱིར༔ བསྙེན་སྒྲུབ་འཛབ་ཀྱིས་ཐུགས་དམ་བསྐུལ༔ སྙིང་རྗེས་བསྒྲལ་བའི་དམ་ཚིག་ནི༔ བསད་ཅིང་མནན་པ་མ་ཡིན་ཏེ༔ ཕུང་པོ་རྡོ་རྗེས་གཏམས་བྱས་ནས་རྣམ་པར་ཤེས་པ་རྡོ་རྗེར་བསྒོམ༔ ཀཱི་ལ་ཡ་ཡི་དངོས་གྲུབ་སྩོལ༔ རྩ་བའི་བསྙེན་པ་ནི༔ ཨོཾ་བཛྲ་ཀཱི་ལི་ཀཱི་ལ་ཡ༔ སརྦ་བིག་ནན་བཾ་ཧཱུྃ་ཕཊ༔ གཞི་སྙིང་གཅིག་ཏུ་དྲིལ་བ་ནི༔ ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ༔ ཨ་པ་ར་ཛི་ཏེ༔ མ་ར་སེ་ན༔ པྲ་མཱཛྙཱ་ན་ཡེ་སརྦ་བིག་ནན་བཾ་ཧཱུྃ་ཕཊ༔ ཅེས་ལས་སྦྱོར་དུས་སུ་ཕོ་ཉའི་སྔགས་དྲུག་ཀྱང་བཟླ༔ བསྙེན་སྒྲུབ་ཐེམས་ནས་ཐོ་རངས་ཤར་སྒོ་ནས་དངོས་གྲུབ་བསྐུལ་བ་ནི༔ ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔

― CMR017_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་པ་རྡོ་རྗེར་གྲུབ་མཛོད་ཅིག༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་འགྲུབ་པར་མཛོད་དེང་སང་སྐྱ་རེངས་དང་པོ་ཤར༔ རྡོ་རྗེ་སྲིན་པོའི་ནམ་ཡང་ལངས༔ ལྷག་པའི་ལྷ་ཁྱོད་དགོངས་སུ་གསོལ༔ སྐུ་གསུང་ཐུགས་ཡོན་ཕྲིན་ལས་དང་༔ མཆོག་དང་ཐུན་མོང་དངོས་གྲུབ་སྩོལ༔ ཐུགས་མཆོག་དཔལ་གྱི་བེའུ་ནས༔ ཡེ་ཤེས་གསལ་བའི་ཉི་མ་ཤར་སྒྲུབ་མཆོག་རྣལ་འབྱོར་བདག་ཅག་གི༔ ལུས་ངག་ཡིད་ལ་སིདྡྷི་ཧོ་བཛྲ་ཀུ་མཱ་ར་ཀཱི་ལ་ཡ༔ ཀཱ་ཡ་སིདྡྷི་ཨོཾ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧཱུྃ༔ ཞེས་པས་དངོས་གྲུབ་བླང་ངོ་༔ དེ་ནས་ཚོགས་ཀྱི་མཆོད་པ་བྱ་བ་ནི༔ ཚོགས་ཀྱི་རྫས་སུ་གྱུར་པ་བཟང་ཞིང་དག་པ་འཚོགས་ཚད་བསགས་ལ༔ བདུད་རྩིས་བསངས་ཏེ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ སརྦ་དྲ་བྱི་བི་ཤཱ་དྷ་ནི་ཧཱུྃ་ཕཊ༔ ཚོགས་ལ་སྤྱན་དྲངས་པ་ནི༔ ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་བོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ་ཚོགས་དང་པོ་འབུལ་བ་ནི༔ ཧཱུྃ༔ དཔལ་

― CMR017_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་རྡོ་རྗེ་གཞོན་ནུ་དང་༔ ཡུམ་ཆེན་འཁོར་ལོ་རྒྱས་འདེབས་མ༔ སྲས་མཆོག་ཀཱི་ལ་རིགས་བཞིར་བཅས༔ ཁྲོ་བཅུ་ཁྲ་གསོད་ཕོ་ཉའི་ཚོགས༔ ཞལ་ཟས་ཚོགས་ཀྱི་མཆོད་པ་བཞེས༔ དམ་ཚིག་ཆེན་པོའི་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ ཤྭ་ན་བདག་ཉིད་ས་བདག་མོ༔ ཚོགས་ཀྱི་མཆོད་པ་བཞེས་སུ་གསོལ༔ ག་ན་ཙཀྲ་སརྦ་པཱུ་ཙ་བཱ་ཧི༔ བར་པ་བཤགས་པ་ནི༔ ཧཱུྃ༔ སྒྲུབ་པའི་དཀྱིལ་འཁོར་ལྷ་ཚོགས་རྣམས༔ དམ་ཚིག་ཆེན་པོའི་དུས་ལ་བབ༔ བདག་ཅག་མ་རིག་ལུས་ངག་ཡིད༔ བག་མེད་ཉེས་པའི་དབང་གྱུར་ཏེ༔ རྡོ་རྗེ་གཞོན་ནུ་ཡབ་ཡུམ་དང་༔ སྲས་མཆོག་ཁྲོ་བོ་ཁྲ་ཐབས་བཅས༔ ཤྭ་ན་ས་བདག་བདག་ཉིད་མ། སྐྱེས་བུའི་གིང་དང་དགེ་བསྙེན་བཅས༔ ཁྱེད་ལ་རྣམས་ཐུགས་དམ་ཅི་འགལ་བ༔ ཚོགས་ཀྱི་མཆོད་པས་བསྐང་ཞིང་བཤགས༔ ཐ་མ་བསྟབ་པའི་ལས་བྱ་བ་ལ༔ གནས་སྐབས་སུ་བསྡུས་པ་བྱ་བ་དང་༔ ཕྲིན་ལས་སྒྲུབ་པ་ལ་དོན་བཅུ་གཅིག་གིས་སྟོན་པ་ལ༔ རྒྱས་པར་བྱ་བ་ནི༔ དང་པོ་ལིངྒ་ལ་བྱ་བ༔ གཉིས་པ་བསྒྲུབ་བྱ་འགུགས་པ༔ ལྷ་དང་ཕྲལ་བ༔ གཟུགས་ལ་དབབ་པ༔ བྱད་དུ་གཞུག་པ༔ སྨྱོ་རུ་གཞུག་པ༔ ཚེ་ལུང་ཁྲུས་ལུང་གི་དགོངས་པ་བསྟན་པ༔ ཁྲོ་ཆུང་གི་

― CMR017_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན༔ མཚོན་ཆའི་ཆར༔ རྡུལ་དུ་བརླག་པ༔ ཞལ་དུ་བསྟབ་པ་བཅུ་གཅིག་གིས་ལས་ཀྱི་མཐའ་རྒྱས་བྱས་ནས་དངོས་གྲུབ་བླང་བར་བྱའོ༔ རྒྱས་པར་ལིངྒ་བྲི་བའི་རིམ་པ་ལ་སོགས་པ་རྣམས་ཕྲིན་ལས་རལ་གྲི་ཕྱུང་རྒྱབ་ཏུ་གསལ་ལ༔ འདིར་བསྡུས་པའི་ལིངྒ་བྱ་བ་ནི༔ ཚོགས་ཐ་མ་ལ་དགྲ་བགེགས་ཀྱི་རཱུ་པ་བྱ་སྟེ༔ དགྲ་ཡོད་ན་ལིངྒ་མིང་རུས་ཟག་རྫས་དང་བཅས་པ་ཡང་བྱའོ༔ དེ་ནས་ལིངྒ་ལ་བསྒྲུབ་བྱ་དགུག་པ་ནི༔ ལག་པ་ལྕགས་ཀྱུའི་ཕྱག་རྒྱ་བྱས་ཏེ༔ ཕུར་སྲུང་བཅུ་གཉིས་ལ་སོགས་ཕོ་ཉའི་ཚོགས་རྣམས་ཅེ་སྤྱང་ཤ་ལ་རུབ་པ་ལྟར་གང་ལ་བྱ་བའི་ཐོག་ཏུ་སོང་སྟེ༔ ལྕགས་ཀྱུས་སྙིང་ནས་བཟུང་༔ ཞགས་པས་མགུལ་ནས་ཚེའུ༔ བཅིངས༔ ལྕགས་སྒྲོག་གིས་ཡན་ལག་བསྡོམས༔ དྲིལ་བུ་ཅན་གྱིས་མྱོས་ཤིང་རྒྱབ་ནས་ཕུལ་ཏེ༔ རང་དབང་མེད་པར་ལིངྒ་ལ་ཡོང་ཡང་བསྟིམ༔ དེ་ནས་ལྷ་དང་ཕྲལ་བ་ནི༔ སྲིན་པོ་རྔམས་པའི་ངར་སྐད་ལྟར་ཧཱུྃ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བཏོགས་ཤིག་གྲོགས་དང་བྲལ་བར་གྱིས༔ ཨོཾ་བཛྲ་ཀཱི་ལི་ཀཱི་ལ་ཡཱ༔ ཧ་ས་ཡ་ར་ཧྲི་ཏ་ན་ཡ་ཕཊ༔ ཆེ་གེ་འདི་ལྷ་དང་ཕྲོལ་ཅིག༔ ཅེས་བརྗོད་དོ༔ གཟུགས་ལ་དབབ་པ་ནི༔ ཧཱུྃ༔ སྤྲུལ་པ་ཆེན་པོའི་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔

― CMR017_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེད་ཀྱི་ཐུགས་དམ་དུས་ལ་བབ༔ ཕོབ་ཅིག་རྣམ་པར་གཟིར་བར་གྱིས༔ ཨཱཿ་ཝེ་ཤ་ཡ༔ ཨཱཿ་ཝེ་ཤ་ཡ་ཧཱུྃ་ཕཊ༔ ཆེ་གེ་མོ་གཟུགས་དང་ལིངྒ་འདི་ལ་ཕོབ་ཅིག༔ བྱད་དུ་གཞུག་པ༔ ཧཱུྃ༔ ཕྱག་བརྙན་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ་མཐུ་རྩལ་འབྱུང་བའི་དུས་ལ་བབ༔ ཟུང་ཞིག་རྒྱོབ་ཅིག་རྣམ་པར་ཆིངས༔ ཤི་ཏྲ་ཨཱཿ་ན་ཡ་ཧཱུྃ་ཕཊ༔ ཆེ་གེ་མོ་འདིའི་གཟུགས་དང་དབང་པོ་ཡན་ལག་སྡོམས་ཤིག༔ སྨྱོ་རུ་གཞུག་པ་ནི༔ ཧཱུྃ༔ ཤྭ་ན་མུ་ཁའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ རིངས་པར་ཁུག་ལ་སྨྱོར་ཆུག་ཅིག༔ ཛཱ་ལ་པ་ཡ་ཛཱ་ལ་པ་ཡ་ཧཱུྃ་ཕཊ༔ ཆེ་གེ་མོ་སྨྱོ་རུ་ཆུག་ཅིག༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་

― CMR017_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ ཁྲོ་བོ་ཆེན་པོའི་བྱིན་བརླབས་ཀྱིས༔ ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་བ་དང༔ ལུས་ངག་རྡུལ་དུ་བཤིག་ནས་ཀྱང༔ སྡུག་བསྔལ་ཉམས་སུ་མྱོང་བར་མཛོད༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སྟམྦྷ་ཡ་ནཱན༔ མོ་ཧ་ཡ༔ བྷ་ག་ཝཱན༔ ཤི་ཀྲྀ་བཛྲ་ཧཱུྃ་ཀ་ར་ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ སརྦ་བགྷིན༔ བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ བཛྲ་ཧཱུྃ་ཀ་ར་ཨ་ཨཱཿ༔ སྒོ་མ་བཞི་གདབ་པ་ནི༔ ཧཱུྃ༔ ཕྱག་བརྙན་ཆེན་མོའི་དུས་ལ་བབ༔ པུ་ཤུད་སྲིན་བྱ་ཁྲ་ཡི་མགོ༔ ཀང་ཀ་ལ་སོགས་སྒོ་མ་བཞི༔ འཛིན་འཆིང་སྡོམ་སྡིག་ཐལ་བར་རློགས༔ ཁྱེད་ཀྱི་ཐུགས་དམ་དུས་ལ་བབ༔ མངོན་སྤྱོད་དྲག་པོའི་ཕྲིན་ལས་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ༔ བྷིནྡྷ་ཡ་བིང་བིང་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ༔ ན་མས་མན་ཧྲིང་ཧྲིང་ཆེ་གེ་མོ་མཱ་ར་ཡ་ཧཱུྃ་ཕཊ༔ བཛྲ་ཀཱི་ལི་ཀཱི་ལ་ཡ༔ སུ་རུ་སུ་རུ་པྲ་སུ་རུ་ཧཱུྃ་ཕཊ༔ ཆེ་གེ་མོ་མཱ་ར་ཡ་ཧཱུྃ་ཕཊ༔ ཡུམ་བརྒྱད་ཀྱིས་སྲིད་པ་ཆགས་རིམ་ནས་

― CMR017_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

གདབ་པ༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ གདུག་ཅིང་སྡང་སེམས་ལྡན་པ་རྣམས༔ ཟུང་ཞིག་རྒྱོབ་ཅིག་རྣམ་པར་ཆིངས༔ བཏོགས་ཤིག་སྲོག་དང་བྲལ་བར་གྱིས༔ རིངས་པར་ཁུག་ལ་སྨྱོར་ཆུག་ཅིག༔ ཕོབ་ཅིག་རྣམ་པར་གཟིར་བར་གྱིས༔ ང་ཡི་དབང་དུ་གྱུར་ནས་ཀྱང་༔ ང་ཡི་བཀའ་རྣམས་ཉན་པར་གྱིས༔ ཛཿཧཱུྃ་བཾ་ཧོཿ བཛྲ་ཀཱི་ལི་ཀཱི་ལ་ཡ་ཧཱུྃ་པ་ར་བིད་དན༔ དགྲ་བགེགས་མཱ་ར་ཡ་ཧཱུྃ་ཕཊ༔ ཚིནྡྷ་ཚིནྡྷ་ཧཱུྃ་ཕཊ༔ བྷིནྡྷ་བྷིནྡྷ་ཧཱུྃ་ཕཊ༔ ཤྲཱིཉྩ་ཤྲཱིཉྩ་ཧཱུྃ་ཕཊ༔ ཧ་ན་ཧ་ན་ཧཱུྃ་ཕཊ༔ བྷནྡྷ་བྷནྡྷ་ཧཱུྃ་ཕཊ༔ ཁྲོ་བཅུའི་རིག་པའི་གནས་རིམ་གདབ་པ༔ ཧཱུྃ༔

― CMR017_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ ཁྲོ་བོའི་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་བ་དང་༔ ལུས་ངག་རྡུལ་དུ་བཤིག་ནས་ཀྱང་༔ སྡུག་བསྔལ་ཉམས་སུ་མྱོང་བར་མཛོད༔ ཧཱུྃ༔ རྡོ་རྗེ་གསང་བའི་བཀའ་ལས་ནི༔ སྡིག་ཆེན་གང་ཞིག་འདའ་བྱེད་པ་སྟོབས་ཆེན་ཁྲོ་བོ་ཆེན་པོ་ཡིས༔ ཀླད་པ་ཚལ་པ་བརྒྱ་རུ་ཁོས༔ ཉོན་ཅིག་བགེགས་དང་ལོག་འདྲེན་ཚོགས༔ ང་ཡི་བཀའ་ལས་འདའ་མ་བྱེད༔ ཨོཾ་བཛྲ་ཀཱི་ལི་ཀཱི་ཡ་ཡ་ཧ་ན་ཧ་ན་བཛྲ་ཆེ་གེ་མོ་མཱ་ར་ཡ་ཧཱུྃ་ཕཊ༔ ད་ཧ་ད་ཧ་བཛྲ༔ པ་ཙ་

― CMR017_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཙ་བཛ྄༔ མ་ཐ་མ་ཐ་བཛྲ༔ ཛྭ་ལ་ཛྭ་ལ་བཛ྄༔ སུ་རུ་སུ་རུ་བཛྲ༔ མུ་རུ་མུ་རུ་བཛྲ༔ ཀ་ཏ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཙི་ཏེ༔ མ་ར་སེ་ན་པྲ་མནྟ་ན་ཡེ་ཧཱུཾ་ཕཊ༔ ཡུམ་གཉིས་ཀྱིས་དགེ་སྡིག་ཆ་སྙོམས་ནས་གདབ་པ༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ་བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ ཁྲོ་བོའི་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་བ་དང་༔ ལུས་ངག་རྡུལ་དུ་བཤིག་ནས་ཀྱང་༔ སྡུག་བསྔལ་ཉམས་སུ་མྱོང་བར་མཛོད༔ གདུག་ཅིང་སྡང་སེམས་ལྡན་པ་རྣམས༔ ལྷའམ་འོན་ཏེ་བདུད་ཀྱང་རུང་༔ ང་ལ་བར་

― CMR017_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་བྱེད་པ་རྣམས༔ མཐུ་དང་རྫུ་འཕྲུལ་མེད་པར་བྱོས༔ ཨོཾ་བཛྲ་ཀཱི་ལི་ཀཱི་ལ་ཡ༔ སརྦ་ཨ་པ་ན་ཡ་ཧཱུྃ་ཕཊ༔ ཏ་ཐ་ཡ་ཧཱུྃ་ཕཊ༔ ཆེ་གེ་མོ་མཱ་ར་ཡ་ཧཱུྃ་ཕཊ༔ ཁྲོ་ཆུང་གི་ཐུན་གྱིས་བསད་པ༔ ཨོཾ་བཛྲ་ཀྲོ་ཏ་ཧཱུྃ་ཀ་ར༔ གརྫ་གརྫ་ཧཱུྃ་ཕཊ༔ ཨོཾ་བཛྲ་ཀྲོ་ཏ་བི་ཛ་ཡ་ཧཱུྃ༔ ཧ་ན་ཧ་ན་ཧཱུྃ་ཕཊ༔ ཨོཾ་བཛྲ་ཀྲོ་ཏ་ནཱི་ལ་དཎྜ་ཧཱུྃ༔ ད་ཧ་ད་ཧ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ༔ པ་ཙ་པ་ཙ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཨཱཿརྱ་ཨ་ཙ་ལ་ཧཱུྃ༔ བྷནྡྷ་བྷནྡྷ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཧྱ་གྲི་ཝ་ཧཱུྃ༔ ཧུ་ལུ་ཧུ་ལུ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཨ་པ་ར་ཙིཏྟ་ཧཱུྃ༔ ཏིཥྛ་ཏིཥྛ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧཱུྃ༔ ཚིནྡྷ་ཚིནྡྷ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཏྲེ་ལོཀྱ་བི་ཛ་ཡ་ཧཱུྃ་ཕཊ༔ བྷིན་བྷིནྡྷ་ཧཱུྃ་ཕཊ༔ ཨོཾ་བཛྲ་ཀྲོ་ཏ་མ་ཧཱ་བ་ལ་ཧཱུྃ༔ སྤོ་ཊ་སྤོ་ཊ་ཧཱུྃ་ཕཊ༔ མཚོན་ཆའི་ཆར་དབབ་པ་ནི༔ ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ དཀྱིལ་འཁོར་ཆེན་པོའི་བར་ཁྱམས་དང་༔ མུ་རིན་ཁོར་ཡུག་བཅས་པ་ལ༔ ཞིང་ཆེན་བཀྲམ་པའི་ཁྲི་སྟེང་ན༔ རྫོམས་ཤིང་འཇིགས་པ་སྲིན་པོའི་ཚུལ༔ ཟ་བྱེད་ཕོ་ཉ་ལས་ཀྱི་བདག༔ ཤ་ཁྲག་སྲོག་ལ་མངའ་

― CMR017_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་ཅིང༔ དགྲ་དང་བགེགས་ཀྱི་གཉེན་པོར་ཚེ༔ ཤ་ཁྲག་སྲོག་ལ་རྔམས་ཟས་བྱེད༔ ཁྱེད་རྣམས་དཔལ་གྱི་ཕོ་ཉ་སྟེ༔ ཅད་ཅིང་བསྐུལ་བ་ང་ཡིས་བྱེད༔ ཉམས་པའི་དགྲ་བོ་མྱུར་དུ་སྒྲོལ༔ མངོན་སྤྱོད་དྲག་པོའི་ཕྲིན་ལས་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ མ་མ་པ་ཤཾ་ཀུ་རུ༔ མ་ཏཾ་ཉ་ཀ་ར་ཨི་དན་ཏི༔ མ་མ་ཀརྨ་ཤཱི་ཏྲ་ཀ་ར་ཡེ་ཧཱུྃ་ཕཊ༔ ཆེ་གེ་མཱ་ར་ཡ་ཧཱུྃ་ཕཊ༔ རྡུལ་དུ་བརླག་པ་ནི༔ ཧཱུྃ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ ལུས་ངག་རྡུལ་ཕྲན་བཞིན་དུ་རློགས༔ ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཧཱུྃ་ཕཊ༔ ཐུམ་རིལ་ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ༔ བཅོ་བརྒྱད་པ་ལས་ཀྱི་མཐའ་སྡུད་གཏུན་དུ་བརྡུང་བ་ནི༔ ཧཱུྃ༔ རྡུངས་ཤིག་རྡོ་རྗེ་བའི་ཚོགཏུན༔ བཀའ་ལས་འདའ་བྱེད་སྡིག་ཅན་རྣམས༔ རྡོ་རྗེ་མེ་དབལ་སྙིང་བསྲེགས་ནས༔ ལུས་ངག་རྡུལ་ཕྲན་བཞིན་དུ་རློགས༔ ཁྲོ་བོ་འབར་བའི་གཏུན་ཁུང་དུ༔ རྡོ་རྗེ་ཐོ་བས་བརྡུངས་བྱས་ནས༔ ལྷ་ཡང་རུང་སྟེ་བརླག་པར་འགྱུར༔ ཨོཾ་གྷ་གྷ་གྷ་ཏ་ཡ་གྷ་ཏ་ཡ་སརྦ་དུཥཱན་ཧཱུྃ་ཕཊ༔ ཀཱི་ལི་ཀཱི་ལ་ཡ་སརྦ་པཱ་པཾ་ཧཱུྃ་ཕཊ༔ ཧཱུྃ་ཧཱུྃ་ཧཱུྃ༔ བཛྲ་ཀཱི་ལི་ཀཱི་ལ་

― CMR017_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ༔ བཛྲ་དྷ་རོད་ཨཱཿཛྫཱ་པ་ཡ་ཏི་ཀཱ་ཡ་ཝཱཀ་ཙིཏྟ་བཛཱ་ནན་ཀཱི་ལི་ཀཱི་ལ་ཧཱུྃ་ཕཊ༔ བཅུ་དགུ་པ་དཀྱིལ་འཁོར་ལྷ་ཚོགས་རྣམས་ཀྱི་ཞལ་དུ་བསྟབ་པ་ནི༔ ཧཱུྃ་བདག་ནི་རྣལ་འབྱོར་སྒྲུབ་པ་པོ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་རྣམས༔ ཁྲོ་བོ་ཆེན་པོའི་བྱིན་རླབས་ཀྱིས༔ མངོན་སྤྱོད་ཚུར་བཞིན་བསྒྲལ་ནས་ཀྱང་༔ དཀྱིལ་འཁོར་ལྷ་ཚོགས་ཞལ་དུ་བསྟབ༔ འཨུ། མ་ཧཱ་མཱི་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་གོ་རོ་ཙ་ན་ལོ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ མ་ཧཱ་ཀཾ་ནི་རི་ཏི་ལ་ཁཱ་ཧི༔ ཁ་ཐཾ་ཁ་ཐཾ་ཁ་ཐཾ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ བཛྲ་ཡཀྵ་ཀྲོ་ཏ་ཁཱ་ཧི་ཁཱ་ཧི་ཁཱ་ཧི༔ ཧ་ཧ་ཧ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ༔ ཉི་ཤུ་པ་ལས་ཀྱི་མཐའ་བསྡུ་བ་དབལ་མོའི་ཞལ་དུ་བསྟབ་པ༔ ཧཱུྃ༔ བདག་ཉིད་ཆེན་མོའི་དུས་ལ་བབ༔ མཐུལ་རྩལ་འབྱུང་བའི་དུས་ལ་བབ༔ ང་ཡི་དབང་དུ་གྱུར་ནས་ཀྱང་༔ བསྒོ་བའི་བཀའ་རྣམས་ཉན་པར་གྱིས༔ ཨོཾ་བཛྲ་ཀཱི་ལི་ཀཱི་ལ་ཡ༔ བྷིན་ཡ་བྷིནྡྷ་ཡ༔

― CMR017_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བགེགས་ཀྱི་ཤ་ཁྲག་རུས་པ་ལ་ཁཱ་ཧི༔ འབྱུང་བ་ལྔ་ལ་ཁཱ་ཧི༔ ཁམས་ཆེན་བཅོ་བརྒྱད་ལ་ཁཱ་ཧི༔ སྐྱེ་མཆེད་བཅུ་གཉིས་ལ་ཁ་ཁ་ཁཱ་ཧི་ཁཱ་ཧི༔ དེ་ལྟར་རྩ་བའི་སྡོམ་པ་བཅུ་གཅིག་ལ་བརྣག་པའི་ལས་ཁ་ཚར་ཉི་ཤུར་བྱས་པ་འདི་ནི༔ སྨད་ལས་དུག་ཕུར་ནག་པོ་རལ་གྲི་ཕྱུང་རྒྱག་གི་སྐབས་དང་བསྟུན་པ་ཡིན་ཅིང་༔ གནས་སྐབས་ཀྱི་ཚོགས་ཐ་མའི་བསྟབ་པ་ནི༔ ལིངྒ་ལ་བསྒྲུབ་བྱ་གཞུག་པ་ནི༔ ཞེས་པ་ནས༔ དྲོད་ཅིང་སྐུལ་བ་ཡིས་བྱེད༔ ཉམས་པའི་དགྲ་བགེགས་མྱུར་དུ་སྒྲོལ༔ མངོན་སྤྱོད་དྲག་པོའི་ཕྲིན་ལས་མཛོད༔ ཕན་ཆད་གནས་སྐབས་སུ་སྦྱར་བས་འགྲུབ་པ་ཡིན་ཅིང་༔ རྣལ་འབྱོར་པ་སྤྲོས་པ་ལ་དགའ་ན་གདབ་ལས་ཉི་ཤུ་འདི་རང་བྱའོ༔ གང་ལྟར་བྱེད་ཀྱང་གནས་སྐབས་སུ་ལྷག་མ་བྱ་བ་ནི༔ ལྷག་མ་རྒྱས་པར་བཤམས༔ དཔལ་གྱི་ཕ་འབབ་བླངས་ཏེ་ལྷག་མའི་སྟེང་དུ་དབབ༔ རྣལ་འབྱོར་པ་ལྷའི་བསྐྱེད་རིམ་དང་ལྡན་པས༔ ཨ་མི་ཏ་ཁར་བླུགས་ཏེ༔ ལག་པ་གཉིས་པདྨ་སྦུབས་པའི་ཕྱག་རྒྱ་དང་བཅས་ལ༔ ཨོཾ་བཛྲ་ཨ་མྲྀ་ཏ་ཨུཙྪིཥྛ་ཡ་ཧཱུྃ་ཕཊ༔ ཅེས་ཁ་ཆུས་བྲན་ཏེ༔ དཀྱིལ་འཁོར་གྱི་ལྷོ་ནུབ་ཏུ་བཞག་ལ༔ དལ་གྱི་བྱང་ཤར་ནས་ཞིང་གི་གཡབ་མོ་ཕྱར༔ བཞུགས་པ་དང་རྐང་གླིང་འབུ༔ རཀྟ་གཟར་བུས་གཏོར༔ རྣལ་འབྱོར་པ་རྣམས་རོལ་མོ་དང་བཅས་ཏེ༔ དཀྱིལ་འཁོར་ལ་འཆམ་སྟབས་སུ་བསྐོར་ཞིང་༔ ཧཱུྃ༔ དཔལ་ཆེན་ཀརྨ་ཧེ་རུ་ཀའི༔ དཔལ་གྱི་

― CMR017_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ཉན་ལྷག་སྡུད་ཚོགས༔ ཤྭ་ན་ས་བདག་རེ་མ་ཏི༔ བསྲེ་ལྕགས་དུང་གི་སྐྱེས་བུའི་ཚོགས༔ དགེ་བསྙེན་ཉི་ཤུ་རྩ་གཅིག་དང་༔ མ་ཡམས་བརྟན་མ་བཅུ་གཉིས་དང་༔ དབང་ཕྱུག་ཆེན་མོ་ཉེར་བརྒྱད་སོགས༔ དཀྱིལ་འཁོར་མུ་རིན་སྐྱོང་མཛད་ཅིང་༔ ཤ་ཁྲག་སྲོག་ལ་དབང་ཡང་མཛད༔ མཁའ་ལ་རྫུ་འཕྲུལ་ཤུགས་ཀྱིས་འགྲོ༔ རྣལ་འབྱོར་དམ་ལྡན་གྲོགས་བྱེད་ཅིང་༔ མ་ངེས་རྫུ་འཕྲུལ་ཤུགས་དང་ལྡན༔ དམ་ཉམས་རྣམས་ཀྱི་གཉེན་པོར་ཏེ༔ ལེགས་ཉེས་དམ་ཚིག་རྗེས་ཀྱང་གཅོད༔ ཁྱེད་རྣམས་དཔལ་གྱི་ཕོ་ཉ་སྟེ༔ སྔོན་གྱི་ཐུགས་དམ་དམ་ཚིག་ཅན༔ འདིར་གཤེགས་བཀའ་ཡི་གཏོར་མ་ལོངས་དང་པོ་ཕུད་ཀྱིས་མི་མཆོད་རྒྱུ༔ དཔལ་ཆེན་རྡོ་རྗེ་གཞོན་ནུ་དང་༔ ཁྲོ་ཚོགས་དཀྱིལ་འཁོར་ཕུད་ལ་དགྱེས༔ ཐ་མ་ལྷག་མས་མི་མཆོད་རྒྱུ༔ དམ་ཅན་ཁྱེད་རྣམས་ལྷག་ལ་དགྱེས༔ ལྷག་མ་ཁ་ཚུས་མི་བྲན་རྒྱུ༔ ཁྱེད་དང་བདག་ཅག་དབྱར་དམ་གཅིག༔ ཐ་མ་གཅིག་ཏུ་མི་བསྲེ་རྒྱུ༔ ཆོས་རྣམས་ཡེ་ནས་སེམས་སུ་གཅིག༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ལྷག་མ་

― CMR017_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོང་ངོ་༔ དེ་ནས་གཏོར་མ་གོམ་པ་བདུན་ལ་སོགས་པའི་སང་སྤགས་ལ་ཕུད་དང་རཀྟས་བྲན་ལ༔ ཧཱུྃ༔ སྔོན་ཚེ་འདས་དུས་བསྐལ་པའི་དང་པོ་ལ༔ འོག་མིན་ཆོས་དབྱིངས་ཆེན་པོའི་ཕོ་བྲང་དུ༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་ཡིས༔ ཆོས་ཀྱི་དབྱིངས་ནས་ཀཱི་ལའི་སྒྲ་བསྒྲགས་ཚེ༔ མ་མོ་མཁའ་འགྲོ་བཀའ་ཡི་ལས་མཁན་རྣམས༔ ཆོས་ཀྱི་སྲུང་མ་དམ་ཅན་རྒྱ་མཚོ་ཡིས༔ རང་རྟགས་སྲོག་གི་སྙིང་པོ་མངོན་དུ་ཕུལ༔ རང་རང་གཟུགས་མཆོག་མངོན་དུ་བསྟན་ནས་ཀྱང་༔ དམ་ཚིག་ཅན་ལ་དངོས་གྲུབ་སྩོལ་བ་དང་༔ རྣལ་འབྱོར་ཚེ་སྲོག་སྲིང་བར་མ་ཆད་དམ༔ ཤ་ཁྲག་དམར་གྱི་གཏོར་མ་བླངས་ནས་ཀྱང་༔ བཅོལ་བའི་ཕྲིན་ལས་སྒྲུབ་པར་མ་ཚད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཕྲིན་ལས་རྣམ་བཞི་ལྷུན་གྱིས་གྲུབ་པ་དང་༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ དེ་འོག་བར་གྱི་དུས་ཚིགས་གཉིས་པ་ལ༔ བལ་ཡུལ་ཡང་ལེ་ཤོད་ཀྱི་དབེན་གནས་སུ༔ རིག་འཛིན་ཆེན་པོ་པདྨ་ཐོད་ཕྲེང་དང་མཁས་པ་ཆེན་པོ་བི་མ་མི་ཏྲ་དང་༔ བཱ་སུ་དྷ་ར་ཤཱཀྱ་དྷེ་ཝ་སོགས༔ སྒྲུབ་པའི་རྣལ་འབྱོར་རིག་པ་འཛིན་རྣམས་ཀྱིས༔ རྡོ་རྗེ་ཕུར་པའི་དཀྱིལ་

― CMR017_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ཞལ་ཕྱེས་ཚེ་མ་མོ་མཁའ་འགྲོ་དབང་ཕྱུག་ཉེར་བརྒྱད་སོགས༔ ཕུར་པའི་སྲུང་མར་དམ་བཅས་ཐམས་ཅད་ཀྱིས༔ སྲོག་སྙིང་ཕུལ་ནས་རང་རྟགས་མངོན་དུ་བསྟན༔ རང་རང་གཟུགས་མཆོག་མངོན་དུ་བསྟན་ནས་ཀྱང་༔ དམ་ཚིག་ཅན་ལ་དངོས་གྲུབ་སྩོལ་བ་དང་༔ རྣལ་འབྱོར་ཚེ་སྲོག་སྲིང་བར་མ་ཆད་དམ༔ ཤ་ཁྲག་དམར་གྱི་གཏོར་མ་བླངས་ནས་ཀྱང་༔ བཅོལ་བའི་ཕྲིན་ལས་སྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཕྲིན་ལས་རྣམ་བཞི་ལྷུན་གྱིས་གྲུབ་པ་དང་༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ དེ་འོག་བར་གྱི་དུས་ཚིགས་གསུམ་པ་ལ༔ མོན་ཁ་ནེའུ་རིང་སེང་གེའི་རྫོང་གསུམ་དུ༔ སློབ་དཔོན་ཆེན་པོ་པདྨ་འབྱུང་གནས་དང་༔ ཡེ་ཤེས་མཚོ་རྒྱལ་ནམ་མཁའི་སྙིང་པོ་དང་༔ གླང་ཆེན་དཔལ་སེང་རྡོ་རྗེ་བདུད་འཇོམས་ཀྱིས༔ ལྷག་པའི་ལྷ་མཆོག་ཕུར་པའི་ཞལ་ཕྱེས་ཚེ༔ ཤུ་ན་ས་བདག་བདག་ཉིད་རེ་མ་ཏི༔ བསྲེ་ལྕགས་གིང་དང་ཕུར་སྲུང་ཐམས་ཅད་ཀྱིས༔ རང་རྟགས་སྲོག་གི་སྙིང་པོ་མངོན་དུ་ཕུལ༔ རང་རང་གཟུགས་མཆོག་མངོན་དུ་བསྟན་ནས་ཀྱང་༔ དམ་ཚིག་ཅན་

― CMR017_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དངོས་གྲུབ་སྩོལ་བ་དང་༔ རྣལ་འབྱོར་ཚེ་སྲོག་སྲིང་བ་མ་ཆད་དམ༔ ཤ་ཁྲག་དམར་གྱི་གཏོར་མ་བླངས་ནས་ཀྱང་༔ བཅོལ་བའི་ཕྲིན་ལས་སྒྲུབ་པར་མ་ཆད་དམ་སྔོན་ཚེ་ཞལ་བཞེས་དམ་ལས་མ་འདའ་བར༔ ཕྲིན་ལས་རྣམ་བཞི་ལྷུན་གྱིས་གྲུབ་པ་དང་༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ དེ་འོག་དུས་ཚིགས་བཞི་པ་སྙིགས་མའི་དུས༔ རང་སྣང་ཆོས་དབྱིངས་དག་པའི་དཀྱིལ་འཁོར་དུ༔ ཚེ་དབང་རིག་འཛིན་བརྙེས་པའི་པདྨ་དང་༔ སྨོན་ལམ་ལས་སད་འགྲོ་འདུལ་གླིང་པ་ཡིས༔ ཡང་གསང་བླ་མེད་ཕུར་པའི་ཞལ་ཕྱེས་ཚེ༔ སྒྲུབ་པའི་རྣལ་འབྱོར་སྐྱོང་བར་ཞལ་བཞེས་པའི༔ དམ་ཅན་སྲུང་མ་བཀའ་ཡི་ཕོ་ཉའི་ཚོགས༔ མཐུ་དང་རྩལ་ལྡན་ཕོ་ཉའི་ཚོགས་རྣམས་ཀྱིས༔ རང་རྟགས་སྲོག་གི་སྙིང་པོ་མངོན་དུ་ཕུལ༔ རང་རང་གཟུགས་མཆོག་མངོན་དུ་བསྟན་ནས་ཀྱང་༔ དམ་ཚིག་ཅན་ལ་དངོས་གྲུབ་སྩོལ་བ་དང་༔ རྣལ་འབྱོར་ཚེ་སྲོག་སྲིང་བར་མ་ཆད་དམ༔ ཤ་ཁྲག་དམར་གྱི་གཏོར་མ་བླངས་ནས་ཀྱང་༔ བཅོལ་བའི་ཕྲིན་ལས་སྒྲུབ་པར་མ་ཆད་དམ་སྔོན་ཚེ་བཞེས་དམ་ལས་མ་འདའ་བར༔ ཕྲིན་ལས་རྣམ་བཞི་ལྷུན་གྱིས་

― CMR017_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པ་དང་༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་རྐང་གི་གཟར་བུས་རཀྟ་ཕྱོགས་བཅུར་འཐོར་ཞིང་༔ ཟོར་འཕང་བ་ནི༔ ཧཱུྃ༔ ང་ནི་རྡོ་རྗེ་གཞོན་ནུ་ཆེ༔ འཁོར་འདས་ཀུན་ལ་དབང་སྒྱུར་ཞིང་༔ ང་ལས་ཆེ་བཙན་སུ་ཡང་མེད༔ སྟེང་འོག་ཕྱོགས་མཚམས་གནས་པ་ཡི༔ སྡེ་བརྒྱད་ལྷ་ཀླུ་གཞི་བདག་རྣམས་གཏོར་ཆེན་མཚོན་ཆའི་ཟེར་འཕྲོས་པས༔ ལུས་སེམས་དེ་ནི་བརླག་པར་མཆིས༔ ཟོར་ལམ་ཕྱེས་ལ་སྐུ་བཟུར་ཅིག༔ བརྣག་པའི་དགྲ་བགེགས་མ་གཏོགས་པ༔ ཐམས་ཅད་ཀུན་ལ་ཟོར་མི་འཕེན༔ ཀུན་ཀྱང་གྲོགས་མཛོད་དམག་དཔུང་སྐྱེད༔ དམག་དཔུང་སྐྱེད་ལ་རུ་མཚོན་ཕྱོར༔ ཉམས་པའི་དམ་ཉམས་དགྲ་བགེགས་འདི༔ རྡུལ་ཕྲན་བཞིན་དུ་བརླག་པར་མཛོད༔ ཨོཾ་བཛྲ་ཙནྡྷ་སརྦ་དུཥཱན་ཨེ་ཛ་བྷྱོ་ཧཱུྃ༔ ཞེས་སྔགས་སྒྲ་དི་རི་དི་རི་བརྗོད་ལ་གཏོར་མ་ཕྱིར་ཁྱེར་ལ༔ བྷྱོ༔ སློབ་དཔོན་ཆེན་པོ་པདྨའི་བཀའ་བཞིན་དུ༔ སངས་རྒྱས་བསྟན་པ་བསྲུང་བར་ཞལ་བཞེས་པའི༔ འཇིག་རྟེན་བོད་ཁམས་སྐྱོང་བ་བོརྟན་མའི་ཚོགས༔ གནོད་སྦྱིན་དཔལ་གནས་མ་དང་ཡང་དག་ཤེས༔ ཀོང་བཙུན་དེ་མོ་གཡུ་བུན་ཁྱུང་བཙུན་མ༔

― CMR017_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

དམག་གི་རྒྱལ་མོ་ཟླ་འོད་བྱང་རྒྱལ་མ༔ བསེན་མོ་གསེར་ཐང་མ་དང་ཤིན་ཏིང་དཔལ༔ ལ་རོ་སྨན་དང་ཀླུ་མོ་གཟི་འབར་སོགས༔ ཁྱེད་རྣམས་སྔོན་གྱི་བཀའ་ཉན་དམ་ཅན་མ༔ བལ་ཡུལ་ཁ་ལ་ཤོད་ཀྱི་ས་མཚམས་དང་༔ བོད་ཡུལ་རང་གནས་དབེན་རྩ་སོ་སོ་རུ༔ སློབ་དཔོན་ཆེན་པོ་པདྨ་ཐོད་ཕྲེང་དང་༔ སློབ་མ་མཐུ་ཆེན་གླང་ཆེན་དཔལ་སེང་གིས༔ དཀྱིལ་འཁོར་མཐའ་རུ་ཞིང་ཆེན་གདན་ལ་བཞག༔ དབང་བསྐུར་དམ་བཏགས་བདུད་རྩི་ལྕེ་ལ་བཞག༔ དབང་རྟོགས་ཅོད་པན་སྤྱི་བོའི་གཙུག་ཏུ་བཞག༔ ལག་ཏུ་རྡོ་རྗེ་ཕུར་པ་གཏད་ནས་ཀྱང་༔ གསང་སྔགས་རྡོ་རྗེ་ཕུར་པའི་སྲུང་མར་བསྐོས༔ མ་འོངས་ཐར་པ་ཐོབ་པའི་ལུང་ཡང་བསྟན༔ དཔོན་གཡོག་མང་པོ་སྨན་ཕྲན་འབུམ་དང་བཅས༔ དར་གྱི་ཅོད་པན་དར་དཔྱངས་པུ་རུ་རུ༔ རྒྱན་དང་སིལ་སྙན་མང་པོ་སི་ལི་ལི༔ བསྟན་པའི་དགྲ་བགེགས་བསྒྲལ་བའི་ལས་ལ་བརྩོན༔ ད་རུང་ཁྱེད་རྣམས་འཇིག་རྟེན་མ་འདས་པས། ཇི་སྲིད་ཐར་པའི་ལམ་མཆོག་ཐོབ་བར༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་དམར་གྱི་གཏོར་མ་འདི་ལོངས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་

― CMR017_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མཛོད༔ མ་མ་ཧྲི་ཧཱུྃ༔ བཛྲ་ལི་ལ་མ༔ ཁ་ཁ་ཁཱ་ཧི་ཁཱ་ཧི༔ ཞེས་བརྟན་མ་བསྐྱངས་ཏེ༔ རྗེས་སུ་གཏོར་གཞོང་བདུད་རྩིས་བཀང་བ་ཡང་མཆོད༔ ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱིས་བརླབས་པའོ༔ སངས་རྒྱས་ཀྱི་མཐུའོ༔ ཨ་བྷི་ཙཱརྱའི་དུས་ལ་བབས་པའི་བརྣག་པ་དེ་ཁོ་ནའོ༔ ཨོཾ་བཛྲ་ཀཱི་ལི་ཀཱི་ལ་ཡ་རྩ་གཅིག་བཟླའོ༔ ཨོཾ་བཛྲ་ཀཱི་ལི་ཀཱི་ལ་ཡ་བཅོ་བརྒྱད་བཟླའོ༔ ཨོཾ་བཛྲ་ཀཱི་ལི་ཀཱི་ལ་ཡ་བརྒྱ་རྩ་བརྒྱད་བཟླའོ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ མནན་སྲེག་འཕང་གསུམ་གཞན་དུ་ཤེས་སོ༔ ཚེ་བྱང་ལྟར་ཚེ་འགུགས༔ དཀྱིལ་འཁོར་བསྡུ༔ ཨཱཿ་ ལི་ཀཱ་ལི་དང་༔ ཡི་གེ་བརྒྱ་པས་ལྷག་ཆད་ཁ་བཀང༔ དཔལ་རྡོ་རྗེ་གཞོན་ནུའི་བསྐྱེད་རིམ་སྣང་སྟོང་སྒྱུ་མ་ལྟ་བའི་ངང་ནས་རྒྱུན་གྱི་སྤྱོད་ལམ་ལ་འཇུག་པར་བྱ་ཞིང་༔ ཧཱུྃ་ཧཱུྃ་བཛྲ་ཀཱ་ཝཱ་ཙི་ཧཱུྃ༔ ཞེས་པས་རྡོ་རྗེའི་གོ་ཁྲབ་ཞུ་ལུབས་སུ་གྱོན་པར་བསམ༔ བཛྲ་ཙཀྲ་ཏཱིག་ན་ཀརྨ་ཀཱི་ལ་ཡ་ཛྭ་ལ་རཾ་ཧཱུྃ་ཕཊ༔ ཅེས་མཚོན་ཆ་ལྔའི་གུར་དང་མེ་དཔུང་གི་ཀློང་ན་བཞུགས་པས་བར་ཆད་གང་གིས་ཀྱང་གླགས་མི་རྙེད་པར་བསམ༔ དབང་དང་སྒྲུབ་པའི་དུས་སུ་དལ་དང་རྫས་རྣམས་བསྡུས་ཏེ་གཞན་གྱིས་མི་མངོན་པར་བྱའོ༔ ཨེ་མ་བདག་འདྲ་རང་བཞིན་དབྱིངས་ཀྱི་མཁའ་འགྲོ་མ༔ ཤེས་རབ་རང་བཞིན་མཁར་ཆེན་མཚོ་

― CMR017_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་གྱིས༔ གུ་རུ་ཉིད་ཀྱི་ཐུགས་བཅུད་གསང་སྒོ་ཕྱེས༔ ཁོ་མོའི་ཡི་དམ་ས་འོག་གཏེར་གཅིག་མ༔ ཤིན་ཏུ་ཟབ་ཕྱིར་ལྡང་ལྷའི་བྲག་ལ་སྦས༔ ཕུར་པ་ཐམས་ཅད་ཀྱི་ཡང་སྙིང་༔ ཡང་གསང་བླ་མེད་དོན་གྱི་སྙིང་པོ་ཞེས་བྱ་བ༔ གུ་རུའི་གསུང་བཞིན་བདག་འདྲ་མ།ཁར་ཆེན་བཟས་བཀོད་པའི་ཡི་གེ་པ་ནི་མཁས་པ་བེ་རོ་ཙ་ནའོ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཏད་རྒྱ༔ ཤམསྒྱུ༔ རྒྱ་རྒྱ་རྒྱ༔ དུས་མཐའི་གཏེར་སྟོན་རཏྣ་གླིང་པས། ལྕགས་ཕོ་འབྲུག་གི་ལོ། ཆོ་འཕྲུལ་ཡོས་ཀྱི་ཟླ་བའི་ཉི་ཤུ་གཉིས་ཀྱི་ཉིན་པར། དཔོན་སློབ་སེར་སྐྱ་འཚོགས་གྲལ་བརྒྱ་ཙམ་བྱས་ཏེ། ཁྲ་མོ་བྲག་གི་སྤོ་ཏོ་བར་མ་ནས་སྤྱན་དྲངས་ཏེ། ཕྱིས་རྟ་ལོ་ལྕགས་མོ་སྦྲུལ་གྱི་ལོ། དབྱར་ཟླའི་ར་བའི་ཉ་ལ་ལ་ཡག་གུ་རུའི་ལྷ་ཁང་གི་གཙུག་ལག་ཁང་དུ། བེ་རོ་ཙ་ནའི་ཕྱག་བྲིས་རྒྱ་ཡིག་ལས་སྤྲུལ་སྐུ་ཉིད་ཀྱིས་བསྒྱུར་བའི་ཡི་གེ་པ་ནི་སློབ་དཔོན་ཤེས་རབ་བཟང་པོའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྨན་མཆོད། གནས་མདོའི་བརྒྱུད་པ།

― CMR017_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་མདོའི་བརྒྱུད་པ་ནི། པདྨ་འབྱུང་གནས་མཁར་ཆེན་མཚོ་རྒྱལ་མ། །རཏྣ་གླིང་པ་ཚེ་དབང་གྲགས་པ་ལ། །རྣམ་དག་བདུད་རྩི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ངག་དབང་གྲགས་པ་ནོར་བུ་ཡོངས་གྲགས་དང་། །སངས་རྒྱས་ཕུན་ཚོགས་ཀརྨ་དགེ་ལེགས་ལ། །རྣམ་དག་བདུད་རྩི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཀརྨ་ཆགས་མེད་པདྨ་ཀུན་དགའ་དང་། །ཕྲིན་ལས་དབང་འབྱུང་ཤེས་རབ་གྲགས་པ་ལ། །རྣམ་དག་བདུད་རྩི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །བསྟན་འཛིན་དོན་གྲུབ་བསྟན་འཛིན་ཕྲིན་ལས་ཞབས། །དྲིན་ཅན་རྩ་བརྒྱུད་བླ་མ་ཐམས་ཅད་ལ། །རྣམ་དག་བདུད་རྩི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །

― CMR017_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་པ་ཡང་གསང་བླ་མེད་ཀྱི་ལས་བྱང་གི་བསྟོད་པ་ཟུར་འགེབས་དང་སྲུང་མའི་སྐུལ་པ།

― CMR017_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་ཀྱི་ལས་བྱང་གི་བསྟོད་པ་ཟུར་འགེབས་དང་སྲུང་མའི་སྐུལ་པ་རྣམས་བཞུགས་སོ༔

― CMR017_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་བཛྲ་ཀུ་མཱ་ར་ལ་ཕྱག་འཚལ་ལོ༔ ལས་བྱང་གི་སྐབས་སུ་འཛབ་ཀྱི་བསྟོད་པ་བྱ་པ་ནི༔ ཛཿ དམ་ཚིག་ཐུགས་དམ་ཆེན་པོ་དུས་ལ་བབ༔ མཐིང་ནག་གྲུ་གསུམ་འབར་བའི་དཀྱིལ་འཁོར་ནས༔ མི་གནས་ཡེ་ཤེས་རྡོ་རྗེ་གཞོན་ནུ་ནི༔ འབར་བའི་ཁྲོ་རྒྱལ་མ་བཅོས་རྫོགས་པའི་སྐུ༔ མཐིང་ནག་ཞལ་གསུམ་ཕྱག་དྲུག་འཇིགས་པའི་ཚུལ༔ འཁོར་ལོ་རྒྱབ་འདེབས་ཤེས་རབ་ཡུམ་དང་སྦྱོར༔ འཇིགས་བྱེད་ཆེན་པོ་ཁྱོད་ཀྱི་དཀྱིལ་འཁོར་ནི༔ ཐུགས་རྗེའི་རང་བཞིན་མི་འགྱུར་རྡོ་རྗེའི་སྐུ༔ ཞལ་གསུམ་ཕྱག་དྲུག་སྐུ་སྨད་ཞབས་བཞི་བསྒྲད༔ བདུད་བཞི་གདན་དུ་

― CMR017_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

བཏིང་བས་དཔའ་དཔའ་འདྲ༔ རྒྱན་དང་ཆ་ལུགས་རྫོགས་པས་སྒེག་སྒེག་འདྲ༔ སྐུ་ཆེ་ཡན་ལག་རགས་པས་འཇིགས་འཇིགས་འདྲ༔ མཚན་དང་དཔེ་བྱད་ལྡན་པས་བརྗིད་བརྗིད་འདྲ༔ གཡས་ཞལ་དཀར་ལ་འཛུམ་པས་བཞད་བཞད་འདྲ༔ གཡོན་ཞལ་དམར་ཟླུམ་པའི་གཤེ་གཤེ་འདྲ༔ དབུས་ཞལ་མཐིང་ལ་རྔམ་པའི་ཁྲོ་ཁྲོ་འདྲ༔ དུག་གསུམ་ཞལ་དུ་གསོལ་བས་རྔམས་རྔམས་འདྲ༔ རྒྱུ་དྲུག་ཐུགས་རྗེས་སྒྲོལ་བས་བརྩེ་བརྩེ་འདྲ༔ མེ་དཔུང་དབུས་ན་བཞུགས་པས་འབར་འབར་འདྲ༔ དེ་འདྲའི་ཁྲོ་རྒྱལ་ཆེན་པོའི་འཇིགས་པའི་སྐུ༔ ཆོས་སྐུ་མཚན་མ་

― CMR017_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པས་ཞི་ཞི་འདྲ༔ འབར་བའི་གར་དགུ་ལྡན་ལ་ཕྱག་འཚལ་བསྟོད༔ ཕྱག་དྲུག་དག་ན་མཚོན་ཆ་སྣ་ཚོགས་བསྣམས༔ རྡོ་རྗེ་རྩེ་དགུས་་ས་དགུའི་རྟོགས་པ་འཇོམས༔ རྡོ་རྗེ་རྩེ་ལྔས་རྒྱུད་ལྔ་གནས་སུ་འདྲེན༔ ཡེ་ཤེས་མེ་དཔུང་འཁོར་བའི་བག་ཆགས་སྲེག༔ ཁཊཾ་རྩེ་གསུམ་དུག་གསུམ་རྩད་ནས་གཅོད༔ རི་རབ་ཕུར་པས་ཁམས་གསུམ་དབང་དུ་སྡུད༔ ཕྱག་གི་ཡོན་ཏན་རྫོགས་ལ་ཕྱག་འཚལ་བསྟོད༔ ཐལ་ཆེན་ཁྲག་དང་ཞག་གི་ཟོ་རིས་བརྒྱན༔ གླང་ཆེན་སྟག་ལྤགས་ཞིང་ཆེན་གཡང་གཞི་གསོལ༔ ཐོད་སྦྲུལ་ལ་སོགས་འཇིགས་པ་སྐུ་ལ་བརྒྱན༔ ཁམ་ནག་རལ་པ་སྲིད་གསུམ་རྩེ་མོར་འཁྱིལ༔ མཐིང་ནག་འབར་བ་རལ་པའི་ཆུན་འཕྱངས་ལ༔ མཐིང་ག་ལེ་བརྒན་དར་གྱི་ཅོད་པན་འཕུར༔ རྡོ་རྗེ་རིན་ཆེན་གཤོག་པ་གཡས་གཡོན་གདེངས༔ བསྐལ་པ་མེ་ལྟར་འབར་བའི་ཀློང་ན་བཞུགས༔ དུར་ཁྲོད་ཆས་བརྒྱད་རྫོགས་ལ་ཕྱག་འཚལ་བསྟོད༔ དབུ་ལ་རྫོགས་པའི་སངས་རྒྱས་རིགས་ལྔ་བཞུགས༔ ཐུགས་ལ་ཡེ་ཤེས་འབར་བའི་སྲོག་དང་བཅས༔ སྐུ་གསུང་ཐུགས་ཀྱི་བྱིན་རླབས་ཡོངས་རྫོགས་ནས༔ ཁམས་གསུམ་མ་ལུས་ཐམས་ཅད་དབང་དུ་སྡུད༔ ཁྲོ་

― CMR017_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་མཚོན་གང་མང་པོ་སྐར་ལྟར་འཁྲུགས། ལྷག་པའི་ལྷ་རྣམས་རྫོགས་ལ་ཕྱག་འཚལ་བསྟོད༔ ཛཿ ཁྲོ་མོ་དབང་ཕྱུག་སྐུ་ལ་ཉེར་གནས་ཤིང་༔ གསང་བའི་ཡུམ་ཆེན་འཁོར་ལོ་རྒྱས་འདེབས་མ༔ ཞལ་གཅིག་ཕྱག་གཉིས་སྐུ་མདོག་ཨུཏྤལ་མདོག༔ དགྱེས་པའི་ཞབས་གཉིས་ཡབ་ཀྱི་རྐེད་ལ་འཁྲིལ༔ ཕྱག་གཡས་ཨུཏྤལ་ཡབ་ཀྱི་མགུལ་ནས་འཁྱུད༔ གཡོན་པས་དུང་དམར་གཙོ་བོའི་ཞལ་དུ་སྟོབ༔ རྒྱན་རྣམས་ཀུན་གྱིས་སྐུ་ལ་རྫོགས་པར་བརྒྱན༔ གཙོ་མོ་ཡུམ་ཆེན་སྐུ་ལ་ཕྱག་འཚལ་བསྟོད༔ ཛཿ སྤྲུལ་པ་ཆེན་པོ་ཁྱོད་ཀྱི་དུས་ལ་བབ༔ ཕྱག་བརྙན་ཆེན་པོ་ཁྱོད་ཀྱི་དུས་ལ་བབ༔ བསྐལ་པ་མེ་ལྟར་འབར་བའི་ཀློང་དཀྱིལ་ན༔ འཇིགས་པའི་ཁྲོ་རྒྱལ་མ་ལུས་བཞུགས་པ་ནི༔ ཀུན་ཀྱང་ཞལ་གསུམ་ཕྱག་དྲུག་གཏུམ་ལ་རྔམས༔ སྐུ་སྨད་ལྕགས་ཕུར་ཟུར་གསུམ་མེ་དབལ་འཕྲོ༔ ཕྱོགས་སྐྱོང་དྲེགས་པ་ཕོ་མོ་ཐམས་ཅད་གཟིར༔ དབུ་སྐྲ་ཐོར་ཚུགས་སྲིད་གསུམ་་གྱེན་དུ་འབར༔ མི་སྡུག་ཁྲོ་གཉེར་སྡང་མིག་ཕྱོགས་བཅུར་གཟིགས༔ ལོག་པར་ལྟ་བར་རྩད་ནས་གཅོད་ཅིང་སྒྲོལ༔ མཆེ་བ་ཟངས་ཡག་སྐྱེ་ཤི་རྩད་ནས་གཅོད༔ ཐུགས་རྗེ་

― CMR017_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རླབས་འབར་བའི་ཕྱག་མཚན་བསྣམས༔ བྱམས་པའི་འོད་ཟེར་རྔམ་པའི་འབྲུག་སྒྲ་སྒྲོག༔ དྲག་པོའི་ཐོག་འབེབས་སྔོན་གྱི་ཐུགས་དམ་ནི༔ དྲེགས་པ་བདུད་འདུལ་བགེགས་རྣམས་བརླག་པར་མཛོད༔ སྒྲུབ་པ་པོ་ལ་དབང་བསྐུར་བྱིན་ཆེན་ཕོབ༔ ཁྱེད་ཀྱི་དམ་ཚིག་ཐུགས་དམ་དུས་ལ་བབ༔ དུར་ཁྲོད་ཆས་བརྒྱད་སྐུ་ཡི་རྒྱན་དུ་འཁྱིལ༔ བརྗོད་མེད་མི་གནས་ཁྲོ་རྒྱལ་འབར་བའི་སྐུ༔ སྒྲ་ལས་འདས་པ་དྲག་པོ་ཧཱུྃ་སྒྲའི་གསུང་༔ བསམ་དང་བྲལ་བ་སྒྲོལ་བྱེད་སྙིང་རྗེའི་ཐུགས༔ སྐུ་གསུང་ཐུགས་ཡོན་རྫོགས་ལ་ཕྱག་འཚལ་བསྟོད། ཧཱུྃ༔ སྟེང་གི་ཕྱོགས་ནས་ཐོག་ཆེན་འབེབས་མཛད་པ༔ ཧཱུྃ་ཀར་སྒྲ་འབྱིན་ཕག་དང་སྨིགས་བུའི་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ ལྷ་ཡི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ ཤར་གྱི་ཕྱོགས་ནས་དགྲ་བགེགས་གཟིར་མཛད་པ༔ རྣམ་རྒྱལ་སྙེམས་མ་སྟག་དང་བྱ་རྒོད་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ དྲི་ཟའི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ ཤར་ལྷོ་མཚམས་ནས་དགྲ་བགེགས་འཇོམས་མཛད་པ༔ དབྱུག་སྔོན་སྡེར་མོ་གཡག་

― CMR017_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བྱ་རོག་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ མེ་ལྷའི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ ལྷོ་ཡི་ཕྱོགས་ནས་དགྲ་བགེགས་གསོད་མཛད་པ༔ གཤིན་རྗེ་དུར་ཁྲོད་ཤ་བ་འུག་པའི་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ གཤིན་རྗེའི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ ལྷོ་ནུབ་མཚམས་ནས་དགྲ་བགེགས་སྒྲོལ་མཛད་པ༔ མི་གཡོ་གཏུན་ཁུང་གཟིགས་དང་ཁྭ་ཏའི་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ སྲིན་པོའི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ ནུབ་ཀྱི་ཕྱོགས་ནས་དགྲ་བགེགས་འཆིངས་མཛད་པ་རྟ་མགྲིན་གཏུམ་མོ་བྱེ་ལ་པུ་ཤུད་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ ཀླུ་ཡི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ ནུབ་བྱང་མཚམས་ནས་དགྲ་བགེགས་འགུགས་མཛད་པ༔ འདོད་རྒྱལ་མདའ་སྙེམས་སྤྱང་ཀུ་ཁྲ་ཡི་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ རླུང་ལྷའི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ བྱང་གི་

― CMR017_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོབ་ས་ནས་དགྲ་བགེགས་གནོན་མཛད་པའི༔ བདུད་རྩིའི་རླུང་འབྱིན་སེང་གེ་ཕ་ཝང་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ གནོད་སྦྱིན་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ བྱང་ཤར་མཚམས་ནས་དགྲ་བགེགས་སྟོབ་མཛད་པའི༔ ཁམས་གསུམ་གསོད་མ་དོམ་དང་སྲེ་མོང་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ བགེགས་ཀྱི་གདོན་ཚོགས་འཇོམས་ལ་ཕྱག་འཚལ་བསྟོད༔ ཧཱུྃ༔ འོག་གི་ཕྱོགས་ནས་དགྲ་བགེགས་སྤོར་མཛད་པའི༔ སྟོབས་ཆེན་སྤྱོད་མ་དྲེད་དང་བྱི་བའི་མགོ༔ ཞལ་གསུམ་ཕྱག་དྲུག་རང་རྟགས་ཕྱག་མཚན་བསྣམས༔ ས་བདག་གདོན་ཚོགས་འཇོམས་ལ་ཕྱག་འཚལ་བསྟོད༔ ཀུན་ཀྱང་མཐིང་ནག་འབར་བ་ཆེན་པོ་ལ༔ ཐབས་དང་ཤེས་རབ་གཉིས་མེད་ཡུམ་དང་འཁྲིལ༔ ཕྱག་མཚན་སྣ་ཚོགས་མཚོན་ཆའི་འཁོར་ལོ་འཛིན༔ ཀུན་ཀྱང་ཐུགས་ཀར་ཕུར་པ་འདྲིལ་ཞིང་འདེབས༔ ཞལ་གདངས་ལྗགས་འདྲིལ་རྣོ་དབལ་མཆེ་བ་གཙིགས༔ དབུ་སྐུ་འཁྱིལ་ཞིང་ཨག་ཚོམ་མེ་ལྟར་འབར༔ སྦྲུལ་རིགས་ལྔ་དང་ཐོད་རློན་ཕྲེང་བས་བརྒྱན༔ རྡོ་རྗེ་རིན་ཆེན་གཤོག་པ་

― CMR017_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་གཡོན་གདེངས༔ དཔའ་བོའི་སྐུ་ལ་སྟག་ཤམ་བརྗིད་པར་གསོལ༔ གཡས་གཡོན་དཔུང་པར་སྤྲུལ་པའི་ཁྲ་ཐབས་ནི༔ མགོ་བརྙན་ཕྱག་མཚན་རྫུ་འཕྲུལ་སྟོབས་དང་ལྡན༔ ལྷག་པའི་ལྷ་རྣམས་རྫོགས་ལ་ཕྱག་འཚལ་བསྟོད༔ ཛཿ སྒྲུབ་པའི་དམ་ཚིག་ཐུགས་དམ་དུས་ལ་བབ༔ མཐིང་ནག་གྲུ་གསུམ་ཨེ་ཡི་དཀྱིལ་འཁོར་ནས༔ འཇིགས་པའི་དཔལ་ཆེན་མངོན་སྤྱོད་ཀཱི་ལ་ཡ༔ མཐིང་ནག་ཁྲོས་པ་ཞལ་གསུམ་ཕྱག་དྲུག་པ༔ སྟ་རེ་རྡོ་རྗེ་རྒྱ་གྲམ་རྡོ་རྗེ་ཕུར་པ་འདྲིལ༔ གཅེར་བུ་གོས་མེད་སྦྲུལ་དང་ཐོད་པས་བརྒྱན༔ ཁྱེད་ཀྱི་ལྟེ་བ་མན་ཆད་ཆ་རྣམས་ནི༔ ལྕགས་ཕུར་ཟུར་གསུམ་མེ་ཡི་ཚྭ་ཚྭ་འཕྲོ༔ མི་ཕྱེད་རྡོ་རྗེ་ཨུཏྤལ་མདོག་འདྲ་ཞིང་༔ ཚེ་སྲོག་ལེན་ཕྱིར་རྩེ་མོ་ཨེ་རུ་གསལ༔ དབུ་ལ་རིགས་ལྔའི་ཐུགས་སྲོག་ཧཱུྃ་དུ་འབར༔ ཞབས་བསྒྲད་མཆེ་གཙིགས་ཨག་ཚོམ་མེ་ལྟར་འབར༔ སྙན་ནས་འབྲུག་སྒྲོགས་སྤྱན་ནས་འོད་འཕྲོ་ཞིང་༔ ཤངས་ནས་རླུང་འཚུབ་ཞལ་ནས་ཐོག་ཟེར་འབེབས༔ མ་གཡོས་ཆེ་མཆོག་སྐུ་གསུང་ཐུགས་ཀྱི་ངང་༔ ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ༔ སྲིད་པར་འཁྱམས་པའི་སེམས་ཅན་ཐམས་ཅད་ཀུན༔

― CMR017_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་ཀྱིས་བསྒྲལ་བའི་སྐལ་དང་མི་ལྡན་ཡང་༔ ཤུགས་ཀྱིས་བསྒྲལ་བའི་ཕྲིན་ལས་མཛད་སླད་དུ༔ དབྱེར་མེད་སྐུ་གསུང་ཐུགས་སུ་སྒྲོལ་མཛད་པའི༔ སྲས་མཆོག་ཀཱི་ལ་ཡ་ལ་ཕྱག་འཚལ་ཨོཾ་ཤྲཱི་བཛྲ་ཧེ་རུ་ཀ་སཏཱ་ས་མ་ཡ༔ སོགས་བརྗོད། གཙོ་འཁོར་སྲས་དང་བཅས་པ་ལ་བསྟོད་པ་ཨོ་རྒྱན་ཆེན་པོའི་གསུང་བཞིན་མཁར་ཆེན་བཟས་མཛད་པའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕུར་པ་ཡང་གསང་བླ་མེད་ཀྱི་སྔགས་བྱང་རྣམས་ཟུར་བཀོལ།

― CMR017_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་ཀྱི་སྔགས་བྱང་རྣམས་ཟུར་བཀོལ་བཞུགས་སོ།།

― CMR017_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ་བོའི་བསྙེན་འབྲུ་བཅུ་དྲུག་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཾ་ཁཾ་ཧཱུྃ་ཕཊ་ཛཿཧཱུྃ་ཨཱཿ༔ ཁྲོ་བོ་བཅུ་ནི། ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུཾ། གརྫ་གརྫ་ཧཱུྃ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུྃ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུྃ་ཕཊ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ། པ་ཙ་པ་ཙ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨརྱ་ཨ་ཙ་ལ་ཧཱུཾ། བནྡྷ་བནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲྭ་ཝ་ཧཱུཾ། ཧུ་ལུ་ཧུ་ལུ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུཾ། ཏིཥྛ་ཏིཥྛ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ། ཚིནྡྷ་ཚིནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷ་ཏྲི་ལོཀྱ་བི་ཛ་ཡ་ཧཱུཾ། བྷིནྡྷ་

― CMR017_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

བྷིནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྤོ་ཊ་སྤོ་ཊ་ཧཱུྃ་ཕཊ། སྲས་མཆོག་རིགས་བཞི་ནི། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཨོཾ་རཏྣ་ཀཱི་ལི་ཀཱི་ལ་ཡ་ཧཱུྃ་ཕཊ། ཨོཾ་པདྨ་ཀཱི་ལི་ཀཱི་ལ་ཡ་ཧཱུྃ་ཕཊ། ཨོཾ་ཀརྨ་ཀཱི་ལི་ཀཱི་ལ་ཡ་ཧཱུྃ་ཕཊ། སྒོ་བ་བཞི་ནི། ཨོཾ་བཛྲ་ཀཱི་ལི་ཀཱི་ལ་ཡ། བྷིནྡ་ཡ་བིང་བིང་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ན་མས་མནྟ་ཧྲི་ཧྲི་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། སུ་རུ་སུ་རུ་པྲ་སུ་རུ་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། གཞི་སྙིང་གཅིག་དྲིལ་ནི། ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བཾ་ཧོཿ ཀ་ཏཾ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏེ༔

― CMR017_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་པ་རཱ་ཛི་ཏེ་མ་ར་སེ་ན༔ པྲ་མནྟན་ཡེ་སརྦ་བིགྷཾ་ཁཾ་ཧཱུྃ་ཕཊ།་༈ སྨད་ལས་སྐབས་དང་པོ་འགུགས་པ་ནི། ཨོཾ་བཛྲ་ཀཱི་ལི་ཀཱི་ཡ་དགྲ་བགེགས་གནོད་བྱེད་ཛཿཧཱུྃ་བཾ་ཧོཿ ཧཱུྃ་ཧཱུྃ་ཨཱཿ་ན་ཡ་ཧཱུྃ་ཕཊ་ཞག་དང་པོར་ལྷ་དང་ཕྲལ་བ་ནི། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་ཧ་ས་ཡ་ར་ཧྲི་ཏ་ན་ཡ་ཧཱུྃ་ཕཊ། ཞག་གཉིས་པར་གཟུགས་ལ་དབབ་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་ཛཧཱུྃ་ཨཱཿ་བེ་ཤ་ཨཱཿ་བེ་ཤ་ཧཱུྃ་ཕཊ། ཞག་གསུམ་པར་བྱེད་དུ་གཞུག་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་འབྱུང་པོ་ཛཿཧཱུྃ་བཾ་ཧོཿ ཤཱི་ཀྲྀ་ཨཱཿ་ན་ཡ་ཧཱུྃ་ཕཊ། ཞག་བཞི་པར་སྨྱོ་རུ་གཞུག་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་ཛཱ་ལ་པ་ལ་ཛཱ་ལ་པ་ཡ་ཧཱུྃ་ཕཊ། ཞག་ལྔ་པར་རྡུལ་དུ་བརླགས་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ། ཐུ་རིལ་ཏ་ཐ་ཡ་ཏ་ཐ་ཡ་ཧཱུྃ་ཕཊ༔ ཞག་དྲུག་པར་ཞལ་དུ་སྟོབ་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་བྷིནྡྷ་ཡ་བྷིནྡྷ་ཡ་ཧཱུྃ་ཕཊ༔ སྤུ་གྲིའི་ཐུན་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ༔ མ་རག་མོ་ཡག་མོ༔ ཀཱ་ལ་རཱ་པ༔ སྙིང་རྩ་ལ་ཡཾ་ཡཾ༔ སྲོག་རྩ་ལ་ཡཾ་ཡཾ༔ སྙིང་ལ་ཕྲིལ་ཕྲིལ༔ སྲོག་ལ་ཆུམ་ཆུམ༔ ཙིཏྟ་སྲོག་ལ་ཏུང་ཏུང་༔ སྙིང་ཁྲག་ཤད་ཛཿ ཐུམ་རི་

― CMR017_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

ལི་ལི༔ སྙིང་རྩེག་རྩེ་༔ འུར་འུར༔ ཤིག་ཤིག༔ འགུལ་འགུལ༔ མྱག་མྱག༔ སོད་སོད༔ དྷ་དྷི་མ་མ་ཀརྨ་ཤཱི་གྷཾ་ཀ་ར་ཡེ༔ མོ་ར་སེ་ན༔ པྲ་མརྟ་ན་ཡེ་ཧཱུྃ་ཕཊ༔ ༈ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཧཱུྃ་བདུད་པྲ་མཱ་ར་ཡ་རྦད་ནཱན༔ ཁ་ལ་ཛ་མ་ལི་རྦད་ནཱན༔ རཱ་ཙ་དུ་ལིང་ཤག་ཆད་ནཱན༔ ཤིག་ཤིག་དུམ་དུམ་རྦད་ནན༔ ཚལ་པ་ཚལ་པ་རྦད་ནན༔ ཁྲོ་ཁྲོ་སྦྱོ་ཆད་ནཱན༔ རྨུག་སྨུག་རྦད་ནཱན༔ ཏིར་ཏིར་ཆད་ནན༔ ཚལ་ཚལ་རྦད་ནན༔ དངོས་གྲུབ་བསྡུ་བའི་འཛབ་སྔགས་ནི། ཀཱི་ལ་ཡ་འབྲུ་བཅུ་དྲུག་པའི་ཤམ་་དུ། ཀཱ་ཡ་སིདྡྷི་ཨོ༔ ཝཱཀ་སིདྡྷི་ཨཱཿ༔ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧཱུྃ༔ ཞེས་བཏགས་པ་བཟླའོ། །ཟློག་སྔགས་དང་ཐལ་རྡེབ་ཀྱི་ཟློག་པའི་བསྒྱུར་ཁ་ནི། རྡོ་རྗེ་ཕུར་པའི་དྲག་སྔགས་སྤུ་གྲིའི་མཚོན་ཆ་ནི། མ་རཀྵ་སོགས། ཟློག་སྔགས་ནི། ཨོཾ་བཛྲ་བདུད་ཕྲ་མཱ་ར་སོགས། བྷྱོ༔ རྣལ་འབྱོར་པ་བདག་སོགས། བན་བྱེད། ཕྲིན་ལས་དམ་པ་མཛོད་ཅིག །ཅེས་ཐལ་མོ་རྡེབ་བོ། །སྔགས་རྣམས་དག་པར་བཟླས་ཤིང་། བསྐྱེད་རིམ་དང་ལྡན་ན་རི་གཟར་གྱི་རྦབ་གྱེན་དུ་ཟློག་པ་གཞན་སྨོས་ཅི་དགོས། ཞེས་པ་དེ་སྔགས་འཆང་རཱག་ཨ་སྱས་བྲིས་པ་མངྒ་ལཾ། །

― CMR017_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྡོ་རྗེ་ཕུར་པའི་གཏོར་ཟློག་དང་ཕུར་པའི་དབལ་མདོས་སོ་སོའི་སྦྲག་མའི་འདོན་ཆ་འགྲིགས་ཆགས་དང་ཟིན་བྲིས་ཤིན་ཏུ་བསྡུས་པ།

― CMR017_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་གཏོར་ཟློག་དང་ཕུར་པའི་དབལ་མདོས་སོ་སོའི་སྦྲག་མའི་འདོན་ཆ་འགྲིགས་ཆགས་དང་ཟིན་བྲིས་ཤིན་ཏུ་བསྡུས་པ་ཁྱེར་བདེ་བ་བཞུགས་སོ།།

― CMR017_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་བཛྲ་ཀུ་མཱ་ར་ལ་ན་མོ། ཕུར་པའི་གཏོར་ཟློག་ཁྲོ་རྒྱལ་སྟོབས་འདུས་དང་། ཕུར་པའི་དབལ་མདོས་ཟློག་པ་ཆེན་མོ་གཉིས་སོ་སོ་ཡིན་པས། རྒྱས་པར་ན་སོ་སོའི་གཞུང་ལས་བྱུང་བ་བཞིན་བཅའ་བར་བྱ། བསྡུས་པ་གཉིས་ཀ་སྦུག་མར་བྱ་བ་ནི། ལྕགས་སྣོད་ལྕགས་འགུ་སླ་ངའམ་ཀ་ཊོ་ར་ཡོད་ན་ལེགས། མེད་ན་བཙོ་མ་སོགས་སུ་ཕུབ་རྒོད་ཐང་ལུད་རིལ་མ་ལ་སོགས་ཀྱིས་བཀང་སྟེ། འཇིམ་ཞལ་བྱས་ལ། རྡུལ་ཚོན་ནམ་ཤིང་ཐུར་གྱིས་འཁོར་ལོ་རྩིབས་བཅུ་བྲིས་པའི་ལྟེ་བ་གྲུ་གསུམ་བྱ། རྩིབས་དང་གྲུ་གསུམ་ནག་པོ་བྱ། ཟླ་གམ་དམར་པོ་གྲུབ་ན་ལེགས། གྲུ་གསུམ་དབུས་མར་ཧི་ཁུང་བྲུས་པའི་ནང་དུ་ཟན་ནམ་ཤོག་ལིང་བཅུག །དེ་སྟེང་གཏོར་མ་ཟུར་གསུམ་རབ་གྲུ་གང་། ཐ་ན་མཐོ་གང་བས་མི་ཆུང་བའི་རྩེར་མེ་རི་དང་ཁྱུང་

― CMR017_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུགས། དར་གདུགས་ཕུབ། དེ་ནི་གཙོ་བོ་དང་སྲས་བཞིའོ། །དེ་རྒྱབ་དེ་བས་སུམ་ཆ་ཆུང་བའི་གཏོར་མ་ཟུར་གསུམ་བཅུ་ནི་ཁྲོ་བཅུ་ཡབ་ཡུམ་ཁྲ་ཐབས་དང་བཅས་པའོ། །དེ་རྣམས་རྩེ་ལ་མར་གྱི་མེ་ལྕེ་རེ་དང་ཤ་བརྒྱན་བྱ། དེ་རྒྱབ་དེ་བས་ཆུང་བའི་ཟུར་གསུམ་ཉེར་གཅིག་ལ་མར་རྒྱན་མེད་པར་རྩང་ཐུར་བདུན་རེའམ་གསུམ་རེ་བཙུགས་པ་ནི། ཕུར་སྲུང་བཅུ་དྲུག་དང་། ཕྱོགས་བཞིའི་དབང་ཕྱུག་མ་བདུན་རེ་ལ་རེ་རེ་བྱས་པས་ཉི་ཤུའོ། །ཚ་བའི་མ་མོ་བཅུ་གཉིས་ལ་གཅིག་སྟེ་གཏོར་མ་ཉེར་གཅིག་གོ །དེའི་བར་མཚམས་རྣམས་སུ་མཐེབ་སྒྱུ་ཤ་དུམ་ནི་འཁོར་དང་སྤྲུལ་པ་ཡང་སྤྲུལ་མཆོད་པའོ། །དེ་རྒྱབ་རྩང་མེད་ཀྱང་རུང་། ཡོད་ན་རྩང་ཉེར་བརྒྱད་དབང་ཕྱུག་ཉེར་བརྒྱད་དོ། །དེ་རྒྱབ་སྒོ་མ་བཞི་ལ་ཆུང་བཞི་བསླངས་ཏེ་བཙུགས། བ་

― CMR017_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཏའམ་སྔོ་དམར་གྱི་སྐུད་པས་དཀྲིས། མདུན་དུ་རང་གི་སྙིང་ཁ་ལས་མི་མཐོ་བར་བཤམས། ཞབས་སུ་གོད་ལྤགས་ཚ་རུ་འདྲ་བའི་གཡང་གཞི་བཏིང་བ་རུ་ཏྲའི་པགས་པའོ། །ཡོད་ན་ཧོ་ཁུང་དུ་ཤོག་ལིང་བཅུག་པ་ཕུར་པས་གཟིར་ལ་གཏོར་ཟློག་མདུན་ནམ་འོག་ཏུ་བཞག་གོ །མེད་ན་ཟན་ལིང་བསྒྲལ་བས་འཐུས་སོ། །གཞན་ཕུགས་གཏོར་ཚོགས་མཆོད་གཏོར་འབུལ་ལ་སོགས་སྤྱི་ལྟར་ལས་ལིང་ཆུང་བསྒྲིལ་རྒྱུ་གཏོར་ཆུང་མཐེབ་སྐྱུ་མང་དུ་བཅའོ། །དེ་ནས་སྐྱབས་སེམས་སྔོན་འགྲོ་ལྷ་གཞུང་སྤྱི་ལྟར་རོ། །དེ་ཡང་ཕུར་པ་གཙོ་བོར་བྱེད་ན་ཕུར་པའི་ལས་བྱང་དང་། བསྟོད་པ་བཀའ་སྲུང་མ་གཏོགས་ཡན་འདོན། འཛབ་བསྐུལ་བཏོན་ནས་བསྙེན་པ་ཅུང་ཟད་ཅིག་བྱའོ། །དེ་ཡང་བསྡུ་ན་ལས་བྱང་དུས་ནས་ཟློམདུན་བསྐྱེད་མཉམ་དུ་བསྐྱེད་ནས་སྤྱན་འདྲེན་མཆོད་བསྟོད་གཅིག་གིས་ཆོག་ལ། རྒྱས་པར་ན་སླར་མདུན་བསྐྱེད་འདི་འདོན་ནོ། །བསྡུ་ན་བདག་བསྐྱེད་གསང་སྒྲུབ་མངོན་རྟོགས་ཉུང་ངུ་དེས་ཆོག་ལས་བྱང་མི་དགོས་སོ། །ཡི་དམ་གུར་དྲག་སོགས་གཞན་གྱིས་ཁོག་ཕུབ་ན། ཡི་དམ་དེ་ཉིད་སྐད་ཅིག་ལ་རྡོ་རྗེ་གཞོན་ནུར་གནས་འགྱུར་བདག་བསྐྱེད་ནས། མདུན་བསྐྱེད་ཕུར་པ་བསྐྱེད། ཁྱད་པར་གུ་དྲག་རཏྣ་ལུགས་ལ་ནི། ཕུར་པ་འདི་ཕྲིན་ལས་བསྒྲུབ་པའི་ལྷ་ཡིན་པས་རང་གུ་དྲག་བསྐྱེད་ཚུགས་ལ། མདུན་བསྐྱེད་ཕུར་པ་འདི་ལྟར་བསྐྱེད་པས་ཀྱང་ཆོག་གོ །གང་ལྟར་ཡང་གཏོར་ཟློག་གི་མདོས་གཞི་གླིང་བཞི་རི་རབ་གཞལ་ཡས་ཁང་རུ་ཏྲའི་ཕུང་པོ་ལས་གྲུབ་པ། གཏོར་མ་སྟོད་ལྷ། བར་མཆོད་པ་སྣ་ཚོགས།

― CMR017_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

སྨད་དགྲ་བགེགས་ཀྱི་ཤ་ཁྲག་ཏུ་བསྒོམ་པ་ཡིན་ནོ། །མདོས་སམ་བཟློག་པ་བདུད་རྩིས་བྲན་ལ། ཕཊ༔ སྐད་ཅིག་གིས་མདོས་གཞི་བདུད་པོ་མ་ཏྲཾ་རུ་ཏྲར་གསལ་བ་ལ༔ ཁམས་གསུམ་སེམས་ཅན་ཐམས་ཅད་ཀྱི་དུག་ལྔ་དང་སྡིག་སྒྲིབ་ཐམས་ཅད་ཐིམ་པར་གྱུར༔ ཧཱུྃ་ཏ་ཀི་རཱ་ཙ་ནི༔ ཁད་ག་ཁད་ག་ཧཱུྃ་ཧཱུྃ་ཕཊ་ཕཊ༔ བདག་ཉིད་ཡི་དམ་གྱི་ཐུགས་ཀ་ནས་གིང་དཀར་ནག་སྤྲོས་པས་རུ་ཏྲ་ལ་མཚོན་ཆའི་ཆར་ཕབས་ནས་བསྒྲལ་བར་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ༔ མ་ཏྲཾ་རུ་ཏྲ་པྲ་བན་ཙཀྲ་ཧཱུཾ་ཕཊ༔ ཙིཏྟ་པྲ་ཝེ་ཤ་ཡ་ཕཊ༔ རུ་ཏྲའི་ཕུང་པོ་ཁྲོལ་གྱིས་ཞིག་པ་ལས༔ འབྱུང་བ་རིམ་བརྩེགས་རི་རབ་གླིང་བཞི་ལྕགས་རི་མུ་ཁྱུད་དང་བཅས་པའི་དབུས༔ རི་རབ་ཀྱི་སྟེང་དུ་ཡི་གེ་ཧཱུཾ་གཅིག་འོད་དུ་ཞུ་བ་ལས༔ དཔལ་ཆེན་པོའི་གཞལ་ཡས་ཁང་འོག་གཞི་རྡོ་རྗེའི་བྲག་ལས་བྱས་པ། བྷནྡྷ་སྐམ་རློན་གྱི་ཕག་ཐབས་སུ་བརྩེགས་པ༔ རཀྟ་རློན་པས་སྦྱིན་ཐབས་སུ་སྦྱར་བ༔ མི་མགོ་རློན་པས་ཁ་བད་བྱས་པ༔ སྦྲུལ་སྔོན་དམར་གྱི་ཆུན་འཕྱངས་ཡོད་པ༔ ཐོད་སྐམ་གྱི་དྲྭ་བ༔ ཐོད་ཚལ་གྱི་དྲྭ་ཕྱེད༔ ཞིང་ཆེན་གྱི་རྒྱལ་མཚན་ཕྱར་བ༔ ཞིང་ཕྲན་གྱི་འཕན་གདུགས༔ རཀྟའི་ཞམ་

― CMR017_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་འབབས་པ༔ ལྷ་བརྒྱད་ཀ་པ༔ ཀླུ་བརྒྱད་ཀ་གདན་དུ་བྱས་པ༔ གཟའ་བརྒྱད་ཀྱི་གདུང་མ༔ ཉི་ཟླའི་ཀ་ཞུ༔ རྒྱུ་སྐར་གྱི་དྲལ་ཕྱམ༔ ཞིང་ལྤགས་ཀྱི་ཐོག་ཕུབ་པ༔ ཉི་ཟླའི་སྐར་ཁུང་༔ རུས་སྦལ་གྱི་མ་ཐེམ༔ སྦྲུལ་ནག་གི་སྐྱེས་བུ༔ མཁའ་ལྡིང་གི་ཡ་ཐེམ༔ ཆུ་སྲིན་གྱི་ཡ་ཕུབ༔ ག་རུ་ཎའི་ལྡིང་ཁང་༔ ཞིང་ལྤགས་ཀྱི་སྒོ་ཁེབས༔ ཐམས་ཅད་དུ་གནམ་ལྕགས་ཀྱི་གཟེར་གྱིས་བསྡམས་པ༔ སྟག་སྤྱང་དོམ་དྲེད་མང་པོ་རྒྱུ་བ༔ ཀང་ཀ་དུར་བྱ་མང་པོ་ལྡིང་བ༔ ཕྱི་ལྕགས་རི་ནག་པོ་ལ་བསྐལ་པའི་མེ་འབར་བ༔ དུར་ཁྲོད་བརྒྱད་ཀྱིས་བསྐོར་བ༔ གཞལ་ཡས་ཁང་དེའི་དབུས་སུ་གྲུ་གསུམ་མཐིང་ནག་གི་དབུས་སུ་ཉི་མ་ཟླ་བ་པདྨ་དྲེགས་པ་རུ་ཏྲ་བཞི་བསྣོལ་བའི་གདན༔ གྲུ་གསུམ་གྱི་ཟླ་གམ་དམར་བ༔ དེའི་ཕྱིར་མུ་ཁྱུད་ཟླུམ་པོ་ཐོད་ཕྲེང་གིས་བརྩེགས་པ༔ དེའི་ཕྱིར་འཁོར་ལོ་རྩིབས་བཅུ་ལ་ཕྱོགས་སྐྱོང་བཅུའི་གདན་དང་བཅས་པ། མུ་ཁྱུད་ཕྱི་མ་ལ་ཡང་ཐོད་པའི་ཕྲེང་བས་བརྩེགས་པ༔ ནང་ན་འཁོར་ལོ་རྩིབས་བཞི་པ༔ དེའི་ཕྱིར་རྩིབས་བཅུ་གཉིས༔ འཁྱམས་སྒོ་བཞི་རྟ་བབས་གདུགས་ཏོག་དང་བཅས་པས་མཛེས་པ༔ དེ་དག་ཀྱང་ཆོས་ཉིད་

― CMR017_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུ་མར་རོལ་པའི་བརྡའ་དང་རྟགས་ཀྱི་གཞལ་ཡས་ཁང་སྟེ༔ ཕྱི་གསལ་ནང་གསལ་དག་པ་ཡེ་ཤེས་ཀྱི་ཀློང་ཆེན་པོའོ༔ གཞལ་ཡས་ཁང་དབུས་ཀྱི་གདན་སྟེང་དུ༔ ཧཱུྃ་ཆེན་པོ་ནམ་མཁའ་ལས་རང་བབས་སུ་བབས་ཏེ་འཕྲོ་འདུའི་འོད་ཟེར་གྱིས་རྡོ་རྗེ་རྩེ་ལྔ་པ་ཞིག་ཏུ་གྱུར༔ དེ་ལས་ཀྱང་འཕྲོ་འདུས་ཡོངས་སུ་གྱུར་པ་ལས༔ ཨོཾ་བཛྲ་ཀཱི་ལི་ཀཱི་ལ་ཡ༔ ཞེས་བརྗོད་པས༔ མདུན་བསྐྱེད་དཔལ་ཆེན་པོ་རྡོ་རྗེ་གཞོན་ནུ་ཞལ་གསུམ་ཕྱག་དྲུག་པ༔ སྐུ་མདོག་མཐིང་ནག་གཡས་དཀར་གཡོན་དམར་དབུས་མཐིང་ནག༔ དབུ་ལ་ཧེ་རུ་ཀ་ལྔ་དང་ཐོད་སྐམ་ལྔས་མཚན་པ༔ དབུ་སྐྲ་ཁམ་ནག་སྤྱི་བོར་བཅིངས་བ༔ སྤྱན་དགུ་དམར་ཞིང་ཟླུམ་པ༔ མཆེ་བ་ཟླ་ཚེས་སུ་གཙིགས་པ༔ ཞལ་གདངས་ཤིང་ལྗགས་འདྲིལ་བ༔ སྨ་ར་སེར་པོ་ལས་མེ་དང་ཛའི་འོད་ཟེར་དུ་འཕྲོ་བ༔ དཔྲལ་བར་ཐལ་ཆེན་གྱི་ཚོམ་བུ༔ ཁུར་ཚོས་ལ་རཀྟའི་ཐིག་ལེ༔ ཨོག་སྐོ་ལ་ཞག་གི་ཟོ་རིས༔ ཉི་མ་དང་ཟླ་བས་སྙན་གོང་བརྒྱན་པ༔ སྦྲུལ་རྒྱལ་རིགས་དཀར་པོས་དབུ་བརྒྱན་པ༔ རྗེའུ་རིགས་སེར་པོས་སྙན་རྒྱན༔ བྲམ་ཟེ་དམར་པོས་ཕྱག་གདུབ་ཞབས་

― CMR017_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

གདུབ༔ གདོལ་པ་ནག་པོས་སེ་རལ་ཁ༔ སྦྲུལ་རིགས་ལྔའི་ཆུན་པོས་སྐ་རགས་བཅིངས་བ༔ ཕྱག་གཡས་དང་པོས་རྡོ་རྗེ་རྩེ་དགུ་ནམ་མཁའ་ལ་འཕྱར་བ༔ བར་པས་རྡོ་རྗེ་རྩེ་ལྔ་གདེངས་བ༔ གཡོན་དང་པོའི་སྡིགས་མཛུབ་ཀྱི་རྩེ་ལ་མེ་འབར་བ༔ བར་པ་ན་ཁཊཾ་རྩེ་གསུམ་འཛིན་པ༔ མཐའ་མ་གཉིས་ཀྱི་རི་རབ་ཕུར་པ་འདྲིལ་བའོ༔ གླང་ཆེན་གྱི་ཀོ་རློན༔ ཞིང་ཆེན་གྱི་གཡང་གཞི༔ སྟག་ལྤགས་ཀྱི་ཤམ་ཐབས༔ བ་སུ་ཏའི་ཞགས་པ༔ རྡོ་རྗེ་དང་རིན་པོ་ཆེའི་གཤོག་པས་ནམ་མཁའ་ཁེབས་པ༔ གཡས་ཀྱི་དང་རུ་ལ་རྡོ་རྗེ་རྩེ་དགུ་པ་ལ་མེ་འབར་བ༔ གཡོན་གྱི་དང་རུ་ལ་རིན་པོ་ཆེ་ལ་མེ་འབར་བ༔ མཇུག་མ་ལ་རྡོ་རྗེ་རྩེ་ལྔ་པ༔ ཐེའུ་ཆུང་སྤུ་བྲན་དང་བཅས་པ་ལ་རྡོ་རྗེ་ཕྱེད་པའི་ཚྭ་ཚྭ་འཕྲོ་བ༔ ཞབས་བཞི་གཡས་བསྐུམ་གཡོན་བརྐྱང་གྱད་ཀྱི་འདོར་ཐབས་སུ་བསྒྲད་པ༔ ཐོད་པ་སྐམ་པོ་རློན་པ་ར་རི་ཚར་གསུམ་གྱིས་དོ་ཤལ་བྱས་པ༔ དེའི་ཐུགས་ཀར་ཉི་མའི་དལ་ཐེབ་འོང་ཙམ་གྱི་སྟེང་དུ་ཡེ་ཤེས་སེམས་དཔའ་ཚོན་གང་ཞལ་གཅིག་ཕྱག་གཉིས་ཕུར་པ་འདྲིལ་བ༔ དེའི་ཐུགས་ཀར་ཉི་མའི་དལ་སྲན་མའི་གའུ་ཙམ་གྱི་སྟེང་དུ་རྡོ་རྗེ་མཐིང་ནག་ནས་ཙམ༔ དེའི་ལྟེ་

― CMR017_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལ་ཉི་ཟླའི་དལ་ཉུངས་འབྲུ་གླེབས་པ་ཙམ་གྱི་སྟེང་དུ༔ ཧཱུྃ་སྤུས་བྲིས་པ་ཙམ་གྱི་མཐར་ཀཱི་ལ་ཡ་འབྲུ་དགུས་བཀླག་ཐབས་སུ་བསྐོར་བ༔ ཡེ་ཤེས་སེམས་དཔའ་དེའི་སྒོ་སྲུང་དཔལ་རྟ་མགྲིན་གྱིས་མཛད་པ༔ དེའི་མདུན་ན་ཡུམ་འཁོར་ལོ་རྒྱས་འདེབས་མ་སྐུ་མདོག་མཐིང་སྐྱ་ཞལ་གཅིག་ཕྱག་གཉིས་པ༔ གཡས་ཨུཏྤལ་ཡབ་ཀྱི་མགུལ་ནས་འཁྱུད་པ༔ གཡོན་དུང་དམར་གཙོ་ལ་སྟོབ་པ༔ གཟིག་གི་ཤམ་ཐབས་དང་རྒྱན་དྲུག་སེ་རལ་ཁར་སྤྲས་པ༔ མེ་དཔུང་གི་ཀློང་དུ་བཞུགས་པ༔ ནང་ཁང་གཙོ་བོའི་ཕྱོགས་བཞིའི་རྩིབས་བཞིར་ཞིང་གི་གདན་ལ༔ ཤར་རྩིབས་སུ་བཛྲ་ཀཱི་ལ་ཡ་ཞལ་གསུམ་ཕྱག་དྲུག༔ ཞལ་གཡས་དཀར་གཡོན་དམར་དབུས་མཐིང་༔ གཡས་གཉིས་རྡོ་རྗེ་འཁོར་ལོ༔ གཡོན་གཉིས་ལྕགས་ཀྱུ་ཞགས་པ༔ མཐའ་གཉིས་རི་རབ་ཕུར་བུ་འདྲིལ་བ༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུ་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེ་ཡི་ཚྭ་ཚྭ་འཕྲོ་བ༔ ལྷོའི་རྩིབས་སྟེང་དུ་རཏྣ་ཀཱི་ལ་ཡ༔ ཞལ་གཡས་དམར་གཡོན་སྔོ་དབུས་སེར༔ གཡས་གཉིས་རིན་པོ་ཆེ་དང་སྟ་མོ༔ གཡོན་གཉིས་ཐོད་ཁྲག་ཞགས་པ༔ མཐའ་

― CMR017_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་རི་རབ་ཕུར་བུ་འདྲིལ་བ༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུ་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེའི་ཚྭ་ཚྭ་འཕྲོ་བ༔ ནུབ་རྩིབས་སུ་པདྨ་ཀཱི་ལ་ཡ༔ ཞལ་གཡས་དཀར་གཡོན་སྔོ་དབུས་དམར༔ གཡས་གཉིས་པདྨ་དང་རལ་གྲི༔ གཡོན་གཉིས་བྷན་ལྕགས་སྒྲོག༔ མཐའ་གཉིས་རི་རབ་ཕུར་བུ་འདྲིལ་བ༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུར་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེའི་ཚྭ་ཚྭ་འཕྲོ་བ༔ བྱང་རྩིབས་སུ་ཀརྨ་ཀཱི་ལ་ཡ༔ ཞལ་གཡས་དཀར་གཡོན་དམར་དབུས་ལྗང་༔ གཡས་གཉིས་རྒྱ་གྲོམ་ཐོད་དབྱུག༔ གཡོན་གཉིས་མེ་དཔུང་དྲིལ་བུ༔ མཐའ་གཉིས་རི་རབ་ཕུར་བུ་འདྲིལ་བ༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུ་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེའི་ཚྭ་ཚྭ་འཕྲོ་བ༔ ཀུན་ཀྱང་དུར་ཁྲོད་ཀྱི་ཆས་བརྒྱད་རྫོགས་པ༔ དེ་ནས་གཙོ་བོ་ཡབ་ཡུམ་གྱི་ཐུགས་ཀ་ནས་ཧཱུྃ་སྦེལ་མ་བཞི་བཅུ་སྟེང་འོག་ཕྱོགས་བཅུར་འཕྲོས་པ་ལས༔ སྟེང་ཕྱོགས་སུ་ཉི་ཟླའི་གདན་ལ་ཧཱུཾ་ཀར་ཡབ་ཡུམ་སྔོན་པོ༔ གཡས་གཉིས་མདའ་དང་ཕུར་བུ༔ གཡོན་གཉིས་གཞུ་དང་ལྕགས་

― CMR017_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱུ༔ མཐའ་གཉིས་ཐུགས་ཀར་ཕུར་བུ་འདྲིལ་བ༔ ཞབས་བཞི་འདོར་ཐབས་སུ་བསྒྲད་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བའོ༔ ཤར་དུ་དྲི་ཟའི་གདན་ལ་རྣམ་རྒྱལ་ཡབ་ཡུམ་དཀར་པོ༔ གཡས་གཉིས་རྡོ་རྗེ་འཁོར་ལོ༔ གཡོན་གཉིས་བྷན་དྲིལ་བུ༔ མཐའ་གཉིས་རི་རབ་ཕུར་བུ་འདྲིལ་བ༔ ཤར་ལྷོར་མེའི་གདན་ལ་དབྱུག་སྔོན་ཡབ་ཡུམ་སྔོན་པོ༔ གཡས་གཉིས་རྡོ་རྗེ་མེ་དཔུང་༔ གཡོན་གཉིས་བྷནྡྷ་དབྱུག་ཏོ༔ མཐའ་གཉིས་རི་རབ་ཕུར་བུ་འདྲིལ་བ༔ ལྷོར་གཤིན་རྗེའི་གདན་ལ་གཤིན་རྗེའི་གཤེད་ཡབ་ཡུམ་སྔོན་པོ༔ གཡས་གཉིས་རྡོ་རྗེ་བེ་ཅོན༔ གཡོན་གཉིས་བྷན་སྟ་མོ༔ མཐའ་གཉིས་རི་རབ་ཕུར་བུ་འདྲིལ་བ༔ ལྷོ་ནུབ་ཏུ་སྲིན་པོའི་གདན་ལ་མི་གཡོ་མགོན་པོ་ཡབ་ཡུམ་ལྗང་ནག༔ གཡས་གཉིས་རྡོ་རྗེ་ཞགས་པ༔ གཡོན་གཉིས་བྷནྡྷ་སྤུ་གྲི༔ མཐའ་གཉིས་རི་རབ་ཕུར་བུ་འདྲིལ་བ༔ ནུབ་ཏུ་ཀླུའི་གདན་ལ་རྟ་མགྲིན་ཡབ་ཡུམ་དམར་པོ༔ གཡས་གཉིས་རྡོ་རྗེ་དང་རྒྱ་གྲམ༔ གཡོན་གཉིས་བྷན་ཐོད་དབྱུག༔ མཐའ་གཉིས་རི་རབ་ཕུར་བུ་འདྲིལ་བ༔ ནུབ་བྱང་དུ་རླུང་ལྷའི་གདན་ལ་འདོད་རྒྱལ་ཡབ་ཡུམ་

― CMR017_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་སྐྱ༔ གཡས་གཉིས་རྡོ་རྗེ་ལྕགས་ཀྱུ༔ གཡོན་གཉིས་བྷན་མདུང་ཐུང་༔ མཐའ་གཉིས་རི་རབ་ཕུར་བུ་འདྲིལ་བ༔ བྱང་དུ་གནོད་སྦྱིན་གྱི་གདན་ལ་བདུད་རྩི་འཁྱིལ་པ་ཡབ་ཡུམ་ལྗང་སེར༔ གཡས་གཉིས་རྡོ་རྗེ་རལ་གྲི༔ གཡོན་གཉིས་བྷནྡྷ་ཞགས་པ༔ མཐའ་གཉིས་རི་རབ་ཕུར་བུ་འདྲིལ་བ༔ བྱང་ཤར་དུ་བགེགས་ཀྱི་གདན་ལ་ཁམས་གསུམ་རྣམ་རྒྱལ་ཡབ་ཡུམ་སེར་ནག༔ གཡས་གཉིས་རྡོ་རྗེ་དང་སྟ་རེ༔ གཡོན་གཉིས་བྷན་ཞགས་པ༔ མཐའ་གཉིས་རི་རབ་ཕུར་བུ་འདྲིལ་བ༔ འོག་ཏུ་ས་བདག་གི་གདན་ལ་སྟོབས་ཆེན་ཡབ་ཡུམ་སྔོན་པོ༔ གཡས་གཉིས་རྡོ་རྗེ་དང་མདའ༔ གཡོན་གཉིས་བྷནྡྷ་དང་གཞུ༔ མཐའ་གཉིས་རི་རབ་ཕུར་བུ་འདྲིལ་བ༔ ཀུན་ཀྱང་ཞབས་བཞི་གྱད་ཀྱི་འདོར་ཐབས་སུ་བསྒད་པ༔ རྡོ་རྗེའི་གཤོག་པ་ཕྱོགས་བཅུར་གདེངས་པ༔ དུར་ཁྲོད་ཀྱི་ཆས་བརྒྱད་གསོལ་བ༔ སྐུ་གཟི་བརྗིད་དུ་འབར་བ༔ སྤྱན་གསུམ་དམར་ལ་ཟླུམ་པ༔ ཞལ་གདངས་ལྗགས་འདྲིལ་བ་རྣོ་དབལ་གྱི་མཆེ་བ་གཙིགས་པ༔ ཀུན་ཀྱང་འབར་བའི་གར་དང་ལྡན་པ༔ ཁྲོ་བོ་བཅུའི་གཡས་ཐམས་ཅད་དུ་ཟ་བྱེད་ཀྱི་ཁྲོ་བོ་ཕ་བཅུ༔ གཡོན་

― CMR017_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་དུ་གསོད་བྱེད་ཀྱི་ཁྲོ་མ་བར༔ དེ་དག་ཐམས་ཅད་ཀྱང་ཁྲོ་བོ་ཁྲོ་མོའི་ལུས་ལ་སེམས་ཅན་ཀྱི་མགོ་ཅན༔ གཡས་ཐམས་ཅད་རང་རྟགས་ཀྱི་ཕུར་བུ༔ གཡོན་ཐམས་ཅད་བན་དང་ལྕགས་ཀྱུ་འཛིན་པའོ༔ སྒོ་བཞིར་ཞིང་གི་གདན་བཞི་ལ༔ ཤར་དུ་ཛལས་པུ་ཤུད་ཀྱི་མགོ་ཅན་དཀར་མོ༔ གཡས་ཞི་བའི་དངུལ་ཕུར་དང་གཡོན་ལྕགས་ཀྱུ་འཛིན་པའོ༔ ལྷོར་ཧཱུྃ་ལས་སྐྱ་ཀའི་མགོ་ཅན་སེར་མོ༔ གཡས་རྒྱས་པའི་གསེར་ཕུར་དང་གཡོན་ཞགས་པ་འཛིན་པ༔ ནུབ་ཏུ་ཛཾ་ལས་སྲིན་བྱའི་མགོ་ཅན་དམར་མོ། གཡས་དབང་གི་ཟངས་ཕུར་དང་གཡོན་ལྕགས་སྒྲོག་འཛིན་པ༔ བྱང་དུ་ཧོལས་ཁྲའི་མགོ་ཅན་ལྗང་སེར༔ གཡས་དྲག་པོའི་ལྕགས་ཕུར་དང་གཡོན་དྲིལ་བུ་འཛིན་པའོ༔ ཁྱམས་ལ་ཕུར་སྲུང་བཅུ་དྲུག༔ ཚ་བའི་མ་མོ་བཅུ་གཉིས༔ མུ་རན་ལ་རྩང་རྣམས་དབང་ཕྱུག་མ་ཉི་ཤུ་རྩ་བརྒྱད༔ དེ་དག་ཐམས་ཅད་ཀྱི་དཔྲལ་བ་ཨོཾ་དཀར་པོ༔ མགྲིན་པར་ཨཱཿཿདམར་པོ༔ ཐུགས་ཀར་ཧཱུཾ་མཐིང་ནག༔ ཧཱུྃ་ལས་འོད་ཟེར་འཕྲོས་པས་དབྱིངས་རྣམ་པར་དག་པ་ཆོས་ཀྱི་སྐུ་ལས༔ གཟུགས་སྐུ་ཁྲོ་བོའི་དཀྱིལ་འཁོར་དུ་བཞེངས་ནས༔ མདུན་གྱི་ནམ་

― CMR017_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་ཁྲོ་བོའི་ལྷ་ཚོགས་དེ་རྣམས་གཞལ་ཡས་ཁང་མེ་རི་འབར་བ་དང་བཅས་པ་བྱོན་ནས༔ དམ་ཚིག་གི་དཀྱིལ་འཁོར་ལ་ཡེ་ཤེས་ཀྱི་དཀྱིལ་འཁོར་གཉིས་སུ་མེད་པར་ཐིམ་སྟེ་བཞུགས་པར་གྱུར༔ ཧཱུྃ༔ སྲིད་པའི་ཕུར་བུ་བསྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ སྐྱེ་མེད་ཆོས་ཀྱི་དབྱིངས་ཉིད་ལས༔ སྲིད་པ་རྡོ་རྗེ་ཕུར་པའི་ལྷ༔ རྒྱལ་བའི་དཀྱིལ་འཁོར་ཡོངས་རྫོགས་དཔལ༔ ཆོས་ཉིད་སྒྱུ་མ་རོལ་པའི་ངང་༔ ཐུགས་རྗེའི་འགྲོ་བའི་དོན་མཛད་པ༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་བོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ དངོས་གྲུབ་མ་ལུས་སྩོལ་བའི་ཕྱིར་འབར་བའི་གདན་ལ་བཞུགས་སུ་གསོལ༔ ཧཱུྃ༔ སྐུ་གསུང་ཐུགས་ལས་སྤྲུལ་པའི་སྲས༔ ཟླ་གམ་ཨེ་ཡི་གདན་ལ་བཞུགས༔ ཞི་རྒྱས་དབང་དྲག་ཕྲིན་ལས་བསྒྲུབ༔ གྲུ་ཆད་བཞི་ལ་བརྟན་པར་བཞུགས༔ ཚད་མེད་རྣམ་ཐར་སྒོ་བཞི་རུ༔ ཡེ་ཤེས་སྒོ་སྐྱོང་སྲུང་མ་བཞུགས༔ དཀྱིལ་འཁོར་ཆེན་པོའི་བར་ཁྱམས་སུ༔ ཤྭ་ན་བདག་ཉིད་ས་བདག་ཚོགས༔ བསྲེ་ལྕགས་དུང་གི་སྐྱེས་བུ་སོགས་བསྟན་པ་བསྲུང་ཕྱིར་བཞུགས་

― CMR017_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་གསོལ༔ ཕྱི་རིམ་འཁོར་ཡུག་ཆེན་མོ་ལ༔ དབང་ཕྱུག་ཉེར་བརྒྱད་བརྟན་མ་དང་༔ དགེ་བསྙེན་ཉེར་གཅིག་བཞུགས་སུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ༔ ས་མ་ཡ་ཨཱཿ་ཝེ་ཤ་ཡ་ཏིཥྛ་ལྷན༔ ཛ་ཧཱུཾ་བཾ་ཧོས་མ་ཡ་ཛཿ དྷ་ཏི་མ་མ་ཤི་ཏྲ་ཀ་ར་ཡེ་ས་མ་ཡ་ཨཱཿ་ཝེ་ཤ་ཡ་ཏིཥྛ་ལྷན༔ ཨ་ཏི་པཱུ་ཧོཿ པྲ་ཏི་ཛ་ཧོཿ ཨརྒྱུ་སོགས༔ པཉྩ་ཨ་མྲྀ་ཏ་བ་ལིང་ཏ་རཀྟ་སརྦ་པཱུ་ཛ་ཁཱ་ཧི༔ ཧཱུྃ༔ ཐབས་ཀྱི་སྤྱོད་པའི་འགྲོ་དོན་དུ༔ བྱམས་དང་སྙིང་རྗེས་གང་འདུལ་བའི༔ སངས་རྒྱས་ཕྲིན་ལས་རྫོགས་མཛད་ཕྱིར༔ རང་བྱུང་ཡེ་ཤེས་ངང་དུ་ཕྱག་འཚལ་བསྟོད༔ སྐབས་འདིར་མདུན་བསྐྱེད་གསལ་གདབ་ཅིང་བསྙེན་པ་ཅུང་ཟད་བྱ༔ ༈ དེ་ནས་ཚོགས་བྲན་ལ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ སརྦ་དྲ་བྱི་བི་ཤྭ་དྷ་ནི་ཧཱུྃ་ཕཊ༔ ཨོཾ་སྭ་བྷ་ཝ་སོགས༔ སྟོང་པར་གྱུར༔ སྟོང་པའི་ངང་ལས༔ ཡཾ་ལས་རླུང་གི་དཀྱིལ་འཁོར༔ རཾ་ལས་མེའི་དཀྱིལ་འཁོར༔ ཀཾ་ལས་མི་མགོའི་སྒྱེད་པུ་གསུམ་གྱི་སྟེང་དུ༔ ཨ་ལས་ཀཱ་པ་ལ་ཕྱི་དཀར་ལ་ནང་དམར་བ༔ དེའི་ནང་དུ་ཤར་དུ་གླང་པོ་ཆེའི་ཤ༔ ལྷོ་རུ་རྟ་ཡི་ཤ༔ ནུབ་ཏུ་རྨ་བྱའི་ཤ༔ བྱང་དུ་ཤང་ཤང་གི་ཤ༔ དབུས་

― CMR017_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་སེང་གེའི་ཤ༔ གདན་ལྔ་པོའི་སྟེང་དུ༔ ཤར་དུ་ཤ་ཆེན༔ ལྷོར་དྲི་ཆེན་ནུབ་ཏུ་རཀྟ༔ བྱང་དུ་དྲི་ཆུ༔ དབུས་སུ་བྱང་སེམས༔ བདུད་རྩིའི་ལྔ་པོའི་ནང་དུ་རིམ་པ་བཞིན་དུ༔ ཤར་དུ་ཨོཾ་ལིཾ༔ ལྷོར་སཱ་མཾ༔ ནུབ་ཏུ་ཨཱཿཔཱི༔ བྱང་དུ་ཧཱ་ཏྭཾ༔ དབུས་སུ་ཧཱུཾ་ཡུཾ༔ དེའི་སྟེང་དུ་ཉི་ཟླའི་ཁ་བཀབ༔ དེའི་སྟེང་དུ་རྡོ་རྗེ་རྩེ་ལྔས་མཚན་པ༔ བདག་ཉིད་ཀྱི་ཐུགས་ཀའི་ཧཱུཾ་ལས་འོད་བྱུང་སྟེ་རླུང་གི་བ་དན་ལ་ཕོག་པས་བ་དན་གཡོས༔ རླུང་གིས་མེ་སྦར༔ མེས་ཐོད་པ་དྲོས༔ ནང་གི་དམ་རྫས་ཤ་ལྔ་དང་བདུད་རྩི་ལྔ་དང་༔ དཔའ་བོ་ཡབ་ཡུམ་གྱི་ཡིག་འབྲུ་རྣམས་ཞུ་སྟེ༔ བདུད་རྩི་ཆེན་པོར་མེར་གྱིས་ཞུ་ནས་ཁོལ་ཏེ༔ རླངས་པ་རྡོ་རྗེའི་ཁོང་སེང་ནས་ཡར་ཐོན༔ ཕྱོགས་བཅུར་འཕྲོས༔ རྒྱལ་བ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ་ནས་རིགས་ལྔ་ཡབ་ཡུམ་དུ་གྱུར༔ ཡབ་ཡུམ་སྦྱོར་བ་མཛད་པའི་སྦྱོར་མཚམས་ནས༔ ཡེ་ཤེས་ཀྱི་བདུད་རྩིའི་རྒྱུན་རྡོ་རྗེའི་ཁོང་སེང་ནས་མར་བབ༔ ཐོད་པའི་དམ་ཚིག་གི་བདུད་རྩི་དང་ཡེ་ཤེས་ཀྱི་བདུད་རྩི་གཉིས་སུ་མེད་པར་འདྲེས༔ ཚོགས་ཀྱི་མཆོད་པ་བདུད་རྩིའི་རྒྱ་མཚོ་ཆེན་པོར་གྱུར༔ ཨོཾ་ཨཱཿཿཧཱུྃ༔ ལན་

― CMR017_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ༔ ཚོགས་ཞིང་སྤྱན་འདྲེན་པ་ནི༔ ཧཱུྃ༔ སྲིད་པའི་ཕུར་བུ་བསྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་བོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཧཱུྃ༔ ཆོས་སྐུ་སྐྱེ་མེད་ངང་ཉིད་ལས༔ འགྲོ་བའི་དོན་དུ་ཐུགས་རྗེའི་སྐུ༔ དབུས་ཕྱོགས་དཀྱིལ་འཁོར་ཆེན་པོ་འདིར༔ རྡོ་རྗེ་གཞོན་ནུ་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ ཧཱུྃ༔ སྟེང་ཕྱོགས་རྣམ་པར་དག་པའི་དཀྱིལ་འཁོར་ནས༔ ཧཱུྃ་ཀར་སྒྲ་འབྱིན་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ ཤར་ཕྱོགས་རྡོ་རྗེ་དབྱིངས་ཀྱི་དཀྱིལ་འཁོར་ནས༔ རྣམ་རྒྱལ་སྙེམས་མ་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ ལྷོ་ཕྱོགས་རིན་ཆེན་དབྱིངས་ཀྱི་དཀྱིལ་འཁོར་ནས༔

― CMR017_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་རྗེ་དུར་ཁྲོད་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ ནུབ་ཕྱོགས་པདྨ་དབྱིངས་ཀྱི་དཀྱིལ་འཁོར་ནས༔ རྟ་མགྲིན་གཏུམ་མོ་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ བྱང་ཕྱོགས་ལས་ཀྱི་དབྱིངས་ཀྱི་དཀྱིལ་འཁོར་ནས༔ བདུད་རྩི་རླུང་འབྱིན་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ ཤར་ལྷོ་བདེ་ཆེན་དབྱིངས་ཀྱི་དཀྱིལ་འཁོར་ནས༔ དབྱུག་སྔོན་སྡེར་མོ་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ ལྷོ་ནུབ་དབང་དྲག་རོལ་པའི་དཀྱིལ་འཁོར་ནས༔ མི་གཡོ་གཏུན་ཁུང་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ ནུབ་བྱང་འཇིགས་བྱེད་འདུལ་བའི་

― CMR017_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་ནས༔ འདོད་རྒྱལ་མདའ་སྙེམས་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ བྱང་ཤར་ཕྲིན་ལས་འདུས་པའི་དཀྱིལ་འཁོར་ནས༔ ཁམས་གསུམ་རྣམ་རྒྱལ་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ འོག་ཕྱོགས་གདུག་པ་འདུལ་བའི་དཀྱིལ་འཁོར་ནས༔ སྟོབས་ཆེན་སྤྱོད་མ་ཡབ་ཡུམ་སྲས་འཁོར་བཅས༔ ཆོས་ཀྱི་དབྱིངས་ནས་འདིར་གཤེགས་གདན་ལ་བཞུགས༔ ཞལ་ཟས་ཚོགས་ཀྱི་མཆོད་པ་བཞེས་སུ་གསོལ༔ སྲས་དང་སྤྲུལ་པ་སྒོ་སྐྱོང་ཕོ་ཉའི་ཚོགས༔ ཆོས་དབྱིངས་རོལ་པ་ཆེན་པོའི་ཀློང་ཉིད་དུ༔ མ་འགགས་ཐུགས་རྗེའི་རང་རྩལ་སྣ་ཚོགས་སྟོན༔ དབྱིངས་ནས་སྐུར་བཞེངས་གནས་འདིར་བཞུགས་སུ་གསོལ༔ ཞལ་ཟས་ཚོགས་ཀྱི་མཆོད་པ་ཡར་བཞེས་ལ༔ མཆོག་དང་ཐུན་མོང་དངོས་གྲུབ་དེང་འདིར་སྩོལ༔ དེ་ནས་ཚོགས་ཕུད་འབུལ་བ་ནི༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་དང་༔ ཡུམ་ཆེན་འཁོར་ལོ་རྒྱས་འདེབས་མ༔

― CMR017_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་མཆོག་ཀཱི་ལ་རིགས་བཞིར་བཅས༔ ཁྲོ་བཅུ་ཟ་གསོད་ཕོ་ཉའི་ཚོགས༔ ཞལ་ཟས་ཚོགས་ཀྱི་མཆོད་པ་བཞེས༔ ཧཱུྃ༔ དམ་ཚིག་ཆེན་པོའི་དུས་ལ་བབཿ༔ མཐུ་རྩལ་འབྱུང་བའི་དུས་ལ་བབ༔ ཤྭ་ན་བདག་ཉིད་ས་བདག་མོ༔ ཚོགས་ཀྱི་མཆོད་པ་བཞེས་སུ་གསོལ༔ ག་ན་ཙཀྲ་སརྦ་པཱུ་ཙ་ཁཱ་ཧི༔ ཚོགས་ཀྱི་ཕུད་བླ་མ་ཡི་དམ་གྱི་གཏོར་མ་གསོས་ལ་བདུད་རྩིས་བྲན༔ ཨོཾ་ཨཱཿཿཧཱུྃ་ཧ་ཧོཿཧྲཱིཿ༔ ཆོས་སྐུ་ཀུན་ཏུ་བཟང་པོ༔ ལོངས་སྐུ་རྒྱལ་བ་རིགས་ལྔ༔ དྲུག་པ་རྡོ་རྗེ་འཆང་ཆེན༔ གསང་བདག་ཕྱག་ན་རྡོ་རྗེ༔ མཁའ་འགྲོ་མ་ལས་ཀྱི་དབང་མོ་ཚེ༔ བྲམ་ཟེ་པྲ་ཆེན་ཧསྟི༔ སློབ་དཔོན་པདྨ་འབྱུང་གནས༔ པཎ་ཆེན་བི་མ་མི་ལ་ཏྲ༔ བལ་པོ་ཤྲཱི་ལ་མཉྫ༔ མཁའ་འགྲོ་ཡེ་ཤེས་མཚོ་རྒྱལ༔ ཆོས་རྒྱལ་ཁྲི་སྲོང་ལྡེའུ་བཙན༔ གནུབས་བན་ནམ་མཁའི་སྙིང་པོ༔ གནུབས་སྟོན་སངས་རྒྱས་ཡེ་ཤེས༔ ཤུད་བུ་དཔལ་གྱི་སེང་གེ༔ འོ་བྲན་དཔལ་གྱི་དབང་ཕྱུག༔ འཁོན་ཀླུའི་དབང་པོ༔ ཅོག་རོ་ཀླུའི་རྒྱལ་མཚན༔ ཨཱཿ་ཙ་ར་ས་ལེ༔ གཉན་དཔལ་དབྱངས་ལ་སོགས་པ་ཕུར་པ་གྲུབ་པའི་རིག་འཛིན་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁཱ་ཧི༔ གྷ་ན་ཙཀྲ་ལ་ཁཱ་ཧི༔ པཉྩ་ཨ་མྲྀ་

― CMR017_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་ལ་ཁཱ་ཧི༔ ས་སྐྱ་པཎྜི་ཏ༔ གུ་རུ་ཆོས་ཀྱི་དབང་ཕྱུག༔ སངས་རྒྱས་གླིང་པ༔ རཏྣ་གླིང་པ༔ གཏེར་སྟོན་བརྒྱ་དང་རྩ་བརྒྱད༔ ལ་སོགས་དབང་ལུང་ལན་ངག་གང་ལས་བརྒྱུད་པའི་དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁཱ་ཧི༔ གྷ་ན་ཙཀྲ་ལ་ཁཱ་ཧི༔ པཉྩ་ཨ་མྲྀ་ཏ་ལ་ཁཱ་ཧི༔ ཡི་དམ་རྡོ་རྗེ་གཞོན་ནུ༔ ཡུམ་འཁོར་ལོ་རྒྱས་འདེབས་མ༔ སྲས་མཆོག་རིགས་བཞི༔ ཡེ་ཤེས་ཀྱི་ཁྲོ་བོ་བཅུ༔ ཁྲོ་མོ་བཅུ༔ ཟ་བྱེད་ཕ་བཅུ༔ གསོད་བྱེད་མ་བཅུ༔ སྒོ་མ་བཞི་ལ་སོགས་པ་བདུད་འདུལ་ཕུར་པའི་ལྷ་ཚོགས་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁཱ་ཧི༔ གྷ་ན་ཙཀྲ་ལ་ཁཱ་ཧི༔ པཉྩ་ཨ་མྲྀ་ཏ་ལ་ཁཱ་ཧི༔ ཤྭ་ན་མཆེད་བཞི༔ བདག་ཉིད་མ་བཞི༔ བསྲེ་མོ་མཆེད་བཞི༔ སྐྱེས་བུ་གིང་བཞི༔ དབང་ཕྱུག་མ་ཉི་ཤུ་རྩ་བརྒྱད༔ ཚ་བའི་མ་མོ་བཅུ་གཉིས༔ མ་ཡམ་བརྟན་མ་བཅུ་གཉིས༔ དགེ་བསྙེན་ཉི་ཤུ་རྩ་གཅིག༔ ལྡང་ལྷ་མཆེད་གསུམ༔ དྲེགས་པ་ལྔ་བསྡུས༔ བཙན་རྒོད་སྙིང་དྲུང་བཙན་པོ་ལ་སོགས་པ༔ རྡོ་རྗེ་ཕུར་པའི་བཀའ་སྲུང་གཏེར་སྲུང་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁཱ་

― CMR017_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

ཧི༔ གྷ་ན་ཙཀྲ་ལ་ཁཱ་ཧི༔ པཉྩ་ཨ་མྲྀ་ཏ་ལ་ཁ་ཁ་ཁཱ་ཧི༔ བདག་ཅག་དཔོན་ཡོན་མཆོད་བསྲུང་བྱ་ཐམས་ཅད་ལ་བསྲུང་བ་དང་བསྐྱབ་པ་དང་༔ ཕྲིན་ལས་རྣམ་པ་བཞི་ཐོགས་པ་མེད་པར་འགྲུབ་པ་དང་༔ མཆོག་དང་ཐུན་མོང་གི་དངོས་གྲུབ་ཐམས་ཅད་ད་ལྟ་ཉིད་དུ་ཐོབ་པར་མཛད་དུ་གསོལ༔ དེ་ནས་ཚོགས་བར་པས་བསྐང་བ་གསོ༔ བསྐང་བ་མེད་ན་ཡི་དམ་གཏོར་མ་གསོས་ཏེ་བྲན་ནས༔

― CMR017_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ སྣང་སྲིད་ཕུར་བུས་གདབ་པའི་ཕྱིར༔ རྡོ་རྗེ་གཞོན་ནུའི་ཐུགས་དམ་བསྐང་༔ ཁམས་གསུམ་འཁོར་བ་རྒྱས་འདེབས་ཕྱིར༔ འཁོར་ལོ་རྒྱས་འདེབས་ཐུགས་དམ་བསྐང་༔ མི་དགེ་བཅུ་པོ་ཚར་གཅོད་ཕྱིར༔ ཁྲོ་རྒྱལ་ཕ་བཅུའི་ཐུགས་དམ་བསྐང་༔ དགེ་བཅུ་ཕར་ཕྱིན་དྲུག་སྤྱོད་ཕྱིར༔ ཁྲོ་མོ་བཅུ་ཡི་ཐུགས་དམ་བསྐང་༔ ཕྱོགས་བཅུར་སྤྲུལ་པ་འགྱེད་པའི་ཕྱིར༔ ཁྲ་ཐབས་ཉི་ཤུའི་ཐུགས་དམ་བསྐང་༔ གདུག་པའི་དགྲ་བགེགས་ཚར་གཅོད་ཕྱིར༔ སྲས་མཆོག་ཉེར་བརྒྱད་ཐུགས་དམ་བསྐང་༔ ཕྲིན་ལས་ཨོཾ་རྣམ་བཞི་སྒྲུབ་པའི་ཕྱིར༔ སྒོ་བ་བཞི་ཡི་ཐུགས་དམ་བསྐང་༔ བསྟན་པའི་དགྲ་བགེགས་ཚར་གཅོད་ཕྱིར༔ ཕུར་སྲུང་བཅུ་གཉིས་ཐུགས་དམ་བསྐང་༔ ལས་རྣམས་མྱུར་དུ་སྒྲུབ་པའི་ཕྱི་ར༔ བསྲེ་ལྕགས་དུང་གི་སྐྱེས་བུའི་ཐུགས་དམ་བསྐང་༔ མཐུ་རྩལ་དམག་དཔུང་བསྐྱེད་པའི་ཕྱིར༔ འཁོར་ཚོགས་སྤྲུལ་པའི་ཐུགས་དམ་བསྐང་༔ ཁྲག་ནད་རིམས་ནད་ཟློག་པའི་ཕྱིར༔ དབང་ཕྱུག་ཉེར་བརྒྱད་ཐུགས་དམ་བསྐང་༔ ཕྱི་ནང་འཁྲུག་རྩོད་ཟློག་པའི་ཕྱིར༔ དགེ་བསྙེན་ཉེར་གཅིག་ཐུགས་དམ་བསྐང་༔ དལ་ཡམས་རྐྱེན་ཁ་ཟློག་པའི་

― CMR017_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར༔ བརྟན་མ་བཅུ་གཉིས་ཐུགས་དམ་བསྐང་༔ མི་ནད་ཕྱུགས་ནད་ཟློག་པའི་ཕྱིར༔ མ་མོ་བཅུ་གཉིས་ཐུགས་དམ་བསྐང་༔ ཟབ་གཏེར་བསྟན་པ་བསྲུང་བའི་ཕྱིར༔ ལྡང་ལྷ་མཆེད་གསུམ་ཐུགས་དམ་བསྐང་༔ དགྲ་ལ་ཆོ་འཕྲུལ་འབེབས་པའི་ཕྱིར༔ དྲེགས་པ་ལྔ་བསྡུས་ཐུགས་དམ་བསྐང་༔ སྣང་སྲིད་གསལ་བར་སྟོན་པའི་ཕྱིར༔ སྙིང་དྲུང་བཙན་པོའི་ཐུགས་དམ་བསྐང་༔ བསྐང་འགྱུར་དབང་དང་དངོས་གྲུབ་སྩོལ༔ ཧཱུྃ༔ སྒྲུབ་པའི་དཀྱིལ་འཁོར་ལྷ་ཚོགས་རྣམས༔ དམ་ཚིག་ཆེན་པོའི་དུས་ལ་བབ༔ བདག་ཅག་མ་རིག་ལུས་ངག་ཡིད༔ བག་མེད་ཉེས་པའི་དབང་གྱུར་ཏེ༔ རྡོ་རྗེ་གཞོན་ནུ་ཡབ་ཡུམ་དང་༔ སྲས་མཆོག་ཁྲོ་བཅུ་ཁྲ་ཐབས་བཅས༔ ཤྭ་ན་ས་བདག་བདག་ཉིད་མ༔ སྐྱེས་བུའི་གིང་དང་དགེ་བསྙེན་བཅས༔ ཁྱེད་རྣམས་ཐུགས་དམ་ཅི་འགལ་བ༔ ཚོགས་ཀྱི་མཆོད་པས་བསྐང་ཞིང་བཤགས༔ ཨོཾ་ག་ཎ་ཙཀྲ་སཏྭ་ས་མ་ཡ༔ ཞེས་ཡིག་བརྒྱ་བཟླས་སོ༔

― CMR017_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་བྲུབ་ཁུང་ལིང་ག་དང་བཅས་པ་མདུན་དུ་བཞག༔ དེ་ལ་དམིགས་ཀྱང་ཆོག། ཟངས་ལྕགས་སམ་ཐོད་པའི་སྣོད་དུ་ཟན་ལིང་ཆེ་བ་གཅིག་བཞག་གམ༔ ལིང་ཆུང་བཅུ་ཁྲག་གིས་སྦགས་པ་དང་༔ ཚོགས་ཀྱི་དུམ་བུ་མདུན་དུ་བཞག་ལ༔ ཆང་རྒོད་དམ་ཁྲག་གིས་བྲན་ལ༔ ཨོཾ་བཛྲ་རཀྵ་དུ་ཁཾ༔ མདུན་དུ་ཁཾ་འོད་དུ་ཞུ་བ་ལས་གནམ་ལྕགས་ཀྱི་ཁང་སྒྲོམ་འབར་བ༔ ནག་ལ་གཏིང་ཟབ་པ༔ ནད་ཀྱི་ན་བུན་འཐུལ་བ༔ དུག་གི་རླངས་པ་འཕྱོ་བ༔ མ་མོ་དང་མཁའ་འགྲོ་བཀའི་ལྷ་སྲིན་སྡེ་བརྒྱད་ཀྱི་འདུ་ས༔ དེ་རྣམས་ཀྱིས་སོད་སོད་དང་ཆོད་ཆོད་ཀྱི་སྒྲ་སྒྲོགས་པ༔ དེའི་ནང་དུ་ཡཾ་ལས་རླུང་གི་དཀྱིལ་འཁོར་གྱི་སྟེང་དུ༔ མིང་གཟུགས་བྲིས་པ་དེ་རྣམས་གཅེར་བུ་མགོན་སྐྱབས་མེད་པ༔ འདར་ཕྲི་ལི་ལི་ཡོད་པའི་སྟེང་དུ༔ ཤྭ་ན་མ་སུམ་བརྒྱ་དྲུག་ཅུ༔ བསྲེ་མོ་གཉིས་བརྒྱ་ལྔ་བཅུ༔ རེ་མ་ཏི་སྟོང་རྩ་བརྒྱད་རྣམས་ཀྱིས་ཕོ་བྲང་བཏབ་པའི་ཚུལ་དུ་ཡོད་པར་གྱུར་ས་མན་ཛ་ཡི་ཕྱག་རྒྱས༔ སངས་རྒྱས་ཐམས་ཅད་དབྱིངས་སུ་སྡུད༔ ཨོཾ་བཛྲ་ས་མཱ་ཛཿཧཱུྃ་ཛཿ སྟོང་ཉིད་ཡུད་ཙམ་བསྒོམས་ལ༔ ཆོས་ཉིད་ཀྱི་བདེན་པའོ༔ ཕྱོགས་དུས་ཀྱི་སངས་རྒྱས་ཐམས་ཅད་ཆོས་ཀྱི་སྐུ་ལས༔ གཟུགས་སྐུ་རྡོ་རྗེ་གཞོན་ནུའི་ལྷ་ཚོགས་སུ་བཞེངས་པར་བསྒོམས་ལ༔ གསང་སྔགས་ཀྱི་བྱིན་

― CMR017_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་རླབས་པའོ༔ དེ་ཐམས་ཅད་ནམ་མཁར་བཞུགས་ནས་དཔང་པོར་དྲང་ཤན་འབྱེད་པར་བསྒོམས་ལ༔ སངས་རྒྱས་ཀྱི་མཐུའོ༔ ཨ་བྷི་ཙརྒྱའི་དུས་ལ་བབ་པའི་བརྣག་པ་འདི་ཁོ་ནའོ༔ ཨོཾ་བཛྲ་ཀཱི་ལི་ཀཱི་ལ་ཡ༔ ཨོཾ་བཛྲ་ཀཱི་ལི་ཀཱི་ལ་ཡ༔ ཨོཾ་བཛྲ་ཀཱི་ལི་ཀཱི་ལ་ཡ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ ན་མོ༔ རིག་འཛིན་གྲུབ་ཐོབ་བརྒྱུད་པའི་བླ་མ་རྣམས་ཀྱི་བཀའ་བདེན་པ་དང་༔ དཀོན་མཆོག་གསུམ་གྱི་བདེན་པ་དང་༔ ཆོས་ཉིད་རྣམ་པར་དག་པའི་བདེན་པ་དང་༔ རྟེན་འབྲེལ་བསླུ་བ་མེད་པའི་བདེན་པ་དང་༔ ཡི་དམ་རྡོ་རྗེ་གཞོན་ནུ་བདུད་འདུལ་ཕུར་པའི་ལྷ་ཚོགས་ལ་སོགས་པ་རྒྱུད་སྡེ་དྲུག་གི་དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པ་དང་༔ མ་གཅིག་དཔལ་ལྡན་ལྷ་མོ་རེ་མ་ཏི་མཆེད་བཞི་ལ་སོགས་བཀའ་སྲུང་གཏེར་སྲུང་རྒྱ་མཚོའི་བདེན་པ་དང་༔ བདེན་པ་ཆེན་པོ་དེ་དག་གི་མཐུས༔ སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ༔ ཁྱད་པར་རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པ་ལ༔ དོ་བསྡོ་ཞིང་ཕོད་བཙུགས་པའི་སྒོས་དགྲ༔ བསམ་ངན་དུག་སྦྱོར་བྱེད་པའི་བྱད་མ༔ བར་ཆད་བྱེད་པའི་བདུད་བགེགས་དམ་སྲི༔ ཁྱད་པར་དུའང་བདག་

― CMR017_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ཅག་དཔོན་སློབ་ཡོན་མཆོད་བསྲུང་བྱར་གྱུར་པའི་མི་ནོར་རྟ་ཕྱུགས་ཐམས་ཅད་ཀྱི༔ ཚེ་ལ་རྐུ་བ༔ སྲོག་ལ་འཇབ་པ༔ བླ་ལ་ཁྱེར་བ༔ ཡིད་ལ་རློམ་པ༔ གོད་ཁ་དང་ཆོ་འཕྲུལ་གཏོང་བ༔ དང་པོ་ནད་ཀྱི་སྣ་འདྲེན་པ༔ བར་དུ་ནད་ཀྱི་ཚང་བཅའ་བ༔ ཐ་མ་ནད་ཀྱིས་སྲོག་འཕྲོག་པར་བྱེད་པའི་ནད་འདྲེ་གཅོང་སྲི༔ ཟ་འདྲེ་ཤི་གཤེད༔ གོད་འདྲེ་གོད་སྲི༔ དར་སྲི་ཆུང་སྲི༔ སྲོག་གཅོད་དབུགས་ལེན༔ ཚེ་ལེན་བདུད་གཅོད༔ སྒབ་འདྲེ་ཕུང་འདྲེ༔ གནོད་ཅིང་འཚེ་བར་བྱེད་པ་གང་ཡིན་པ་ཐམས་ཅད་ཀྱི༔ བླ་སྲོག་རྣམ་པར་ཤེས་པ༔ ས་འོག༔ ས་སྟེང་༔ ས་བླ་སྲིད་པ་གསུམ་གར་གནས་ཀྱང་རང་དབང་མེད་པར་སྐད་ཅིག་ཡུད་ཙམ་འདི་ཉིད་ལ༔ གཟུགས་ལིངྒ༔ མིང་བྱང་བུ་འདི་ལ་ཁུག་ཅིག་གལ་ཆེ་ན་འགུགས་གཞུག་གསུམ་བྱ༔ ལག་པ་ལྕགས་ཀྱུས་ཕྱག་རྒྱ་བྱས་ལ༔ བདག་གི་ཐུགས་ཀ་ནས་ཡི་གེ་ཛཧཱུྃ་བཾ་ཧོབཞི་འཕྲོས་པས༔ ཕུར་པའི་སྲུང་མ་དམ་ཅན་རྣམས་རང་།དབང་མེད་པར་ལས་ལ་བཙུད་པས༔ ཤ་ཁྱིས་རི་དྭགས་མཐོང་བ་ལྟར་དགྲ་བགེགས་བླ་དང་བཅས་པ༔ ལྕགས་ཀྱུས་སྙིང་ནས་བཟུང་༔ ཞགས་པས་མགུལ་ནས་བཅིངས༔ ལྕགས་

― CMR017_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོག་གིས་ཡན་ལག་བསྡོམས༔ དྲིལ་བུ་ཅན་གྱིས་རྒྱབ་ནས་ཕུལ་ཏེ༔ རང་དབང་མེད་པར་ལིངྒ་ལ་ཐིམ་པར་གྱུར༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབས༔ རྦད་ཅིང་བསྐུལ་པ་ང་ཡིས་བྱེད༔ ཉམས་པའི་དགྲ་བགེགས་མྱུར་དུ་ཁུག༔ མངོན་སྤྱོད་དྲག་པོའི་ཕྲིན་ལས་མཛོད༔ གནོད་བྱེད་དགྲ་བགེགས་བཛྲ་ཨང་ཀུ་ཤ་ཛཛཛཿ བཛྲ་པཱ་ཤ་ཧཱུྃ་ཧཱུྃ་ཧཱུྃ༔ བཛྲ་སྤོ་ཊ་ཐཾ་ཐཾ་ཐཾ༔ བཛྲ་གནྡྷེ་ཧོཧོཧོཿ དེ་ནས་དམར་གཏོར་ཆུང་ངུ་གཅིག་བྲན་ལ༔ བསྐུལ་བྱང་དུག་མདའ་ནག་པོ་ཚར་གཅིག་འདོན༔ བསྡུ་ན་ལེའུ་དང་པོས་ཀྱང་ཆོག༔ གཏོར་ཆུང་དེ་ཟློག་མདོས་ནང་དུ་འབུལ༔ དེ་ནས་ཕུར་པ་ཐུན་རྫས་ཐོ་བ་སོགས་རང་མདུན་ཚང་བར་བཞག་ལ་བསྒྲལ་བར་བྱ་སྟེ༔ ཕོ་ཉ་རྣམས་ཀྱིས་བཀུག་པ་དེ༔ ལྷ་དང་ཕྲལ་བ་ནི༔ སྲིན་པོ་རྔམ་པའི་ངར་སྐད་ལྟར༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔

― CMR017_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ གཏོགས་ཤིག་གྲོགས་དང་བྲལ་བར་གྱིས༔ ཨོཾ་བཛྲ་ཀཱི་ལི་ཀཱི་ལ་ཡཱ་དགྲ་བགེགས་ཀྱི་ཧ་ས་ཡ་ར་ཧྲི་ཏ་ན་ཡ་ཧཱུྃ་ཕཊ༔ དགྲ་བགེགས་འདི་ལྷ་དང་ཕྲོལ་ཅིག༔ ཉམས་པའི་དགྲ་བགེགས་འདི་མགོན་སྐྱབས་དང་བྲལ་བར་གྱུར་ཅིག༔ བྱ་རོག་འུག་སྒྲོས་གཡབ་བམ༔ ལག་པ་རྒྱབ་སྤྱད་ཕྱག་རྒྱ་བསྟན་ནོ༔ དེ་ནས་གཟུགས་ལ་དབབ་པ་ནི༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔

― CMR017_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ ཕོབ་ཅིག་རྣམ་པར་གཟིར་བར་གྱིས༔ ཐལ་མོ་པུས་མོ་ལ་འདེབས་ཚུལ་བྱ་ཞིང་༔ ཨོཾ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་ཛ་ཧཱུྃ་ཨཱཿ་ཝེ་ཤ་ཡ་ཨཱཿ་ཝེ་ཤ་ཡ་ཧཱུྃ་ཕཊ༔ དགྲ་བགེགས་གཟུགས་ལིངྒ་འདི་ལ་ཕོབ་ཅིག༔ དགྲ་བགེགས་ཀྱི་རྣམ་པར་ཤེས་པ་བླ་དང་བཅས་པ་ལིངྒ་ལ་ཁུག་ནས་ཐིམ་པར་གྱུར༔ བྱད་དུ་བཅུག་པ་ནི༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་

― CMR017_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས༔ ཟུང་ཞིག་རྒྱོབ་ཅིག་རྣམ་པར་ཆིངས༔ ཨོཾ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་གནོད་བྱེད་འབྱུང་པོ་ཛཿཧཱུྃ་བཾ་ཧོཿ ཤི་ཀྲྀ་ཨཱཿ་ན་ཡ་ཧཱུྃ་ཕཊ༔ ཚོན་སྐུད་སྣ་ལྔས་བཅིངས་ཚུལ་བྱ་ཞིང་༔ དགྲ་བགེགས་ཀྱི་དབང་པོ་ཡན་ལག་སྡོམས་ཤིག་དགྲ་བགེགས་འདི་གྲུ་གུ་ཚུལ་དུ་ཆིངས་ཤིག་སྡོམས་ཤིག༔ དེ་ནས་སྨྱོ་རུ་གཞུག་པ་ནི༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་་རྣམས༔ རིངས་པར་ཁུག་ལ་སྦྱོར་ཆུག་ཅིག༔ ཨོཾ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་ཛཱ་ལ་པ་ཡ་ཛཱ་ལ་པ་ཡ་ཧཱུྃ་ཕཊ༔ ཐང་ཕྲོམ་འབྲས་བུས་བྲབ་ཅིང་༔ དགྲ་བགེགས་སྨྱོ་རུ་ཆུག་

― CMR017_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག༔ སྨོར་ཆུག་འབོག་ཏུ་ཆུག༔ དྲན་པ་ཉམས་པར་གྱུར་ཅིག༔ དེ་ནས་རྡུལ་དུ་བརླག་པ་ནི༔ ཕུར་པ་ལྷ་གྲངས་སམ་གཅིག་ཐོགས་ལ༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤཱ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ་བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ ་གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས་༔ དངོས་གྲུབ་འཕྲོག་ཅིང་འཚེ་བ་རྣམས་ཁྲོ་བོ་ཆེན་པོའི་བྱིན་རླབས་ཀྱི་ས༔ ཡུད་ཙམ་གྱིས་ནི་འདི་ར་ཁུག་ལ༔ མངོན་སྤྱོད་ཚུལ་བཞིན་བསྒ་ལ་བ་དང་༔ ལུས་ངག་རྡུལ་དུ་བཤིག་ནས་ཀྱང་༔ སྡུག་བསྔ་ལ་ཉམས་སུ་མྱོང་བར་མཛོད༔ ཨོཾ་ལཾ་ཧཱུཾ་ལཾ་སམྦྷ་ཡ་ནན༔ མོ་ཧ་ཡ་བྷ་ག་ཝཱན༔ བི་ཏྲི་ཤཱི་ཀྲི་བཛྲ་ཧཱུྃ་ཀ་ར་ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ སརྦ་བིགྷཱན༔ བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ བཛྲ་ཧཱུྃ་ཀ་

― CMR017_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ར་ཧཱུྃ་ཕཊ༔ བཛྲ་ཧཱུྃ་ཀ་ར་ཧཱུྃ་ཕཊ༔ བཛྲ་ཧཱུྃ་ཀ་ར་ཨ་ཨ༔ ཁོ་ཡི་ཚེ་བསོད་ནམས་ཐམས་ཅད་ཨ་དཀར་པོ་དང་ནི་ལྗང་གུར་གྱུར་པ་རང་ལ་བསྟིམས་པས་ཚེ་ལུང་༔ ཕུར་པ་སྲུང་ཕྱིར་ཀླད་ལ་ལན་གསུམ་བསྐོར༔ ཟློག་ཕྱིར་སྐད་ལ་ལན་གསུམ་བསྐོར༔ ཕོ་རྒྱུད་མོ་རྒྱུད་འདུལ་ཕྱིར་གཡས་གཡོན་དུ་འཆམ་རྔམ་བྱ༔ ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ཕུར་པ་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ ཕུར་པ་ཡོངས་རྫོགས་དྲག་པོའི་ཕྲིན་ལས་མཛོད༔ ཧཱུྃ༔ ང་ནི་རྡོ་རྗེ་གཞོན་ཆེ༔ ང་ནི་བཛྲ་ཀཱི་ལ་ཡ༔ ང་ནི་ཁྲོ་རྒྱལ་འདུས་པའི་དཔལ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ ཕུར་པའི་ལྷ་ཚོགས་དུས་ལ་བབ༔ གཡས་ཀྱི་ཕྱག་ན་ཕུར་པ་འདྲིལ༔ གཡོན་གྱི་ཕྱག་ན་ལྕགས་ཀྱུ་བསྣམས༔ དགྲ་བགེགས་དམ་ཉམས་འདིར་ཁུག་ལ༔ ལྕགས་ཀྱུས་ཟུང་ལ་ཕུར་པས་ཐོབ༔ རྡུལ་ཕྲན་བཞིན་དུ་བརླག་པར་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ༔ སརྦ་བིགྷན་ཐཾ་ཧཱུྃ་ཕཊ་ཛཧཱུྃ་ཨཱཿ༔ མ་རཀྵ༔ ཡཀྵ༔ ཀཱ་ལ་རཱུ་པ༔ སྙིང་རྩ་ལ་ཡཾ་ཡཾ༔ སྲོག་རྩ་ལ་ཡཾ་ཡཾ༔ སྙིང་རྩ་ལ་ཕྲིལ་ཕྲིལ༔ སྲོག་ལ་ཚུ་ཚུ༔ ཙིཏྟ་

― CMR017_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་ལ་ཏུང་དུང་༔ སྙིང་ཁྲག་ཤད་ཛཿ ཐུམ་རི་ལི་ལི༔ སྙིང་ཅེག་ཙེག༔ འུར་འུར༔ ཤིག་ཤིག༔ འགུལ་འགུལ༔ མྱག་མྱག༔ སོད་སོད་དྷ་ཏི་མ་མ་ཀརྨ༔ ཤི་ཀྲྀ་ཀ་ར་ཡེ༔ མ་ར་སེ་ནི༔ པྲ་མརྟ་ན་ཡེ་ཧཱུྃ་ཕཊ༔ དགྲ་བགེགས་དམ་སྲི་མཱ་ར་ཡ་རྦད་སོད༔ ཕུར་པའི་རྩེར་ཨ་དཀར་པོས་འོད་ཀྱིས་ཁོ་ཡི་སྡིག་སྒྲིབ་ཐམ་ཅད་སངས་ཀྱིས་དག༔ ཁོ་ཡི་རྣམ་ཤེས་ཨ་ཡིག་ཏུ་གྱུར་པ་འོག་མིན་ཞིང་དུ་རྡོ་རྗེ་སེམས་དཔའ་ཚོན་གང་དུ་གྱུར་པར་བསྒོམ་པ་ཁྲུས་ལུང་ངོ་༔ དེ་ནས་ཁྲོ་བཅུའི་ཕུར་པ་ཡོད་ན་རབ༔ མེད་ན་ཕུར་པ་གཅིག་དེས་གདབ་སྟེ༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ གདུག་ཅིང་སྡང་སེམས་ལྡན་པ་

― CMR017_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས༔ ལྷའམ་འོན་ཏེ་བདུད་ཀྱང་རུང་༔ ང་ལ་སྡང་བར་བྱེད་པ་རྣམས༔ མཐུ་དང་རྫུ་འཕྲུལ་མེད་པར་བྱོས༔ ལིང་གའི་སྤྱི་བོར་ཕུར་པ་གདབ་ཅིང་༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཨ་པ་ན་ཡ་ཧཱུྃ་ཕཊ༔ ཏ་ཐཱ་ཏ་ཡ་ཧཱུྃ་ཕཊ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཧཱུྃ་ཀ་ར་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ དཔྲལ་བར༔ ཨོཾ་བཛྲ་ཀྲོ་ཏ་བི་ཛ་ཡ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ ལྟེ་བར༔ ཨོཾ་བཛྲ་ཀྲོ་ཏ་ཡ་མཱནྟ་ཀ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ མགྲིན་པར༔ ཨོཾ་བཛྲ་ཀྲོ་ཏ་ཧྱ་གྲི་ཝ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ སྙིང་ཁར༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ དཔུང་པ་གཡས་སུ༔ ཨོཾ་བཛྲ་ཀྲོ་ཏ་ནི་ལཾ་དཎྜ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ དཔུང་གཡོན་དུ༔ ཨོཾ་བཛྲ་ཀྲོ་ཏ་ཨཱཿརླ་ཨ་ཙ་ལ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ དཔྱི་གཡས་སུ༔ ཨོཾ་བཛྲ་ཀྲོ་ཏ་ཨ་པ་ར་ཙིཏྟ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ དཔྱི་གཡོན་དུ༔ ཨོཾ་བཛྲ་ཀྲོ་ཏ་ཏྲེ་ལོཀྱ་བི་ཛ་ཡ་བཛྲ་ཀཱི་ལི་ཀཱི་ལ་ཡ་དགྲ་

― CMR017_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་མཱ་ར་ཡ་ཧཱུྃ་ཕཊ༔ གསང་གནས་སུ༔ ཨོཾ་བཛྲ་ཀྲོ་ཏ་མ་ཧཱ་བ་ལ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ ཡུམ་བཅུའི་ཕུར་པ་ཡང་གནས་དེ་དག་ཏུ་གདབ་སྟེ༔ ཧཱུྃ་དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ གདུག་ཅིང་སྡང་སེམས་ལྡན་པ་རྣམས༔ ཟུང་ཅིག་རྒྱོབ་ཅིག་རྣམ་པར་ཆིངས༔ བཏོགས་ཤིག་སྲོག་དང་བྲལ་བར་གྱིས༔ རིངས་པར་ཁུག་ལ་བསྒྲལ་ཆུག་ཅིག༔ ཕོབ་ཅིག་རྣམ་པར་གཟིར་བར་གྱིས༔ ང་ཡི་དབང་དུ་གྱུར་ནས་ཀྱང་༔ ང་ཡི་བཀའ་རྣམས་ཉན་པར་གྱིས༔ ཛཿཧཱུྃ་བཾ་ཧོཿ བཛྲ་ཀཱི་ལི་ཀཱི་ལ་ཡ་ཧཱུྃ་པ་ར་ཎ་བིད་དན༔ དགྲ་བགེགས་

― CMR017_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

མཱ་ར་ཡ་ཧཱུྃ་ཕཊ༔ དགྲ་བགེགས་གནོད་བྱེད་ཐམས་ཅད་གརྫ་གརྫ་ཧཱུྃ་ཕཊ༔ ཧ་ན་ཧ་ན་ཧཱུྃ་ཕཊ༔ ད་ཧ་ད་ཧ་ཧཱུྃ་ཕཊ༔ པ་ཙ་པ་ཙ་ཧཱུྃ་ཕཊ༔ བྷིནྡྷ་བྷནྡྷ་ཧཱུྃ་ཕཊ༔ ཧུ་ལུ་ཧུ་ལུ་ཧཱུྃ་ཕཊ༔ ཏིཥྛ་ཏཥྛ་ཧཱུྃ་ཕཊ༔ ཚིནྡྷ་ཚིནྡྷ་ཧཱུྃ་ཕཊ༔ བྷིནྡ་བྷིནྡྷ་ཧཱུྃ་ཕཊ༔ སྤོ་ཊ་སྤོ་ཊ་ཧཱུྃ་ཕཊ༔ དེ་ནས་ཁྲ་ཐབས་ཉི་ཤུའི་ཕུར་པ་ཡོད་ནའམ༔ མེད་ན་ཕུར་ཆུང་གཅིག་གིས་གནས་དེ་དག་གི་གཡས་གཡོན་དུ་གདབ་སྟེ༔ ཟ་བྱེད་ཕ་བཅུ་ནི༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ ཁྲོ་བོའི་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་བ་

― CMR017_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

དང་༔ ལུས་ངག་རྡུལ་དུ་བཤིག་ནས་ཀྱང་༔ སྡུག་བསྔལ་ཉམས་སུ་མྱོང་བར་མཛོད༔ ཛཿཧཱུྃ་བཾ་ཧོཿ བཛྲ་ཀཱི་ལི་ཀཱི་ལ་ཡ༔ ཧཱུྃ་པ་ར་བིད་དན་དགྲ་བགེགས་མཱ་ར་ཡ་ཧཱུྃ་ཕཊ༔ ཚིནྡྷ་ཚིནྡྷ་ཧཱུྃ་ཕཊ༔ བྷིན་བྷིནྡྷ་ཧཱུྃ་ཕཊ༔ གྲཅུ་གཉྩཧཱུྃ་ཕཊ༔ ཧ་ན་ཧ་ན་ཧཱུྃ་ཕཊ༔ བྷིནྡྷ་བྷིནྡྷ་ཧཱུྃ་ཕཊ༔ གསོད་བྱེད་མ་བཅུ་ནི༔ ཧཱུྃ༔ རྡོ་རྗེ་གསང་བའི་བཀའ་ལས་ནི༔ སྡིག་ཆེན་གང་ཞིག་འདའ་བྱེད་པ༔ སྟོབས་ཆེན་ཁྲོ་བོ་ཆེན་པོ་ཡིས༔ ཀླད་པ་ཚལ་པ་བརྒྱ་རུ་ཁོས༔ ཉོན་ཅིག་བགེགས་དང་ལོག་འདྲེན་ཚོགས༔ ང་ཡི་བཀའ་ལས་འདའ་མ་བྱེད་ཨོཾ་བཛྲ་ཀཱི་ལི་ཀཱི་ཡ་ཡ་ཧ་ན་ཧ་ན་བཛྲ་དགྲ་བགེགས་མཱ་ར་ཡ་ཧཱུྃ་ཕཊ༔ ད་ཧ་ད་ཧ་བཛྲ༔ པ་ཙ་པ་ཙ་བ༔ མ་ཐ་མ་ཐ་བཛྲ༔ ཛྭ་ལ་ཛྭ་ལ་བཛྲ༔ སུ་རུ་སུ་རུ་བཛྲ༔ མུ་རུ་མུ་རུ་བཛྲ༔ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མ་ར་སེ་ན་པྲ་མཛྷ་ན་ཡེ་ཧཱུྃ་ཕཊ༔ དེ་ནས་སྒོ་མ་བཞིའི་ཕུར་པའམ་མེད་ན་ཕུར་ཆུང་གཅིག་ཐོགས་ལ༔ ཧཱུྃ༔ ཕྱག་བརྙན་ཆེན་མོའི་དུས་ལ་བབ༔ པུ་ཤུད་སྲིན་བྱ་ཁྲ་ཡི་མགོ༔ སྐྱ་ག་ལ་སོགས་སྒོ་མ་བཞི༔ འཛིན་འཆིང་སྡོམ་སྡིག་ཐལ་བར་རློགས༔ ཁྱེད་ཀྱི་ཐུགས་དམ་དུས་ལ་བབ༔ མངོན་

― CMR017_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་དྲག་པོའི་ཕྲིན་ལས་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ་བྷན་ཡ་བྷནྡྷ་ཡ་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ་ན་མས་མན་ཧྲིང་ཧྲིང་དགྲ་བགེགས་མཱ་ར་ཡ་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་པྲ་སུ་རུ་པྲ་སུ་རུ་ཧཱུྃ་ཕཊ༔ དགྲ་བགེགས་མཱ་ར་ཡ་ཧཱུྃ་ཕཊ༔ དེ་ནས་མཚོན་ཆའི་ཆར་དབབ་པ་ནི༔ རལ་གྲི་སོགས་ཐོགས་ལ་བརྡེག༔ ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ དཀྱིལ་འཁོར་ཆེན་པོའི་བར་ཁྱམས་དང་༔ མུ་རན་ཁོར་ཡུག་བཅས་པ་ལ༔ ཞིང་ཆེན་བཀྲམ་པའི་ཁྲི་སྟེང་ན༔ རྔམས་ཤིང་འཇིགས་པ་སྲིན་པོའི་ཚུལ༔ ཟ་བྱེད་ཕོ་ཉ་ལས་ཀྱི་བདག༔ ཤ་ཁྲག་སྲོག་ལ་མངའ་མཛད་ཅིང་༔ དགྲ་དང་བགེགས་ཀྱི་གཉེན་པོར་ཆེ༔ ཤ་ཁྲག་སྲོག་ལ་རྔམ་ཟས་བྱེད༔ ཁྱེད་རྣམས་དཔལ་གྱི་ཕོ་ཉ་སྟེ༔ རྦད་ཅིང་བསྐུལ་བ་ང་ཡིས་བྱེད༔ ཉམས་པའི་དགྲ་བོ་མྱུར་དུ་སྒྲོལ༔ མངོན་སྤྱོད་དྲག་པོའི་ཕྲིན་ལས་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ མ་བཝཾམ་པ་ཤཾ་ཀུ་རུ༔ མ་ཏཾ་ཉ་ཀ་ར་ཨི་དན་ཏི༔ མ་མ་ཀརྨ་ཤཱི་ཏྲ་ཀ་ར་ཡེ་ཧཱུྃ་ཕཊ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཅེས་གཏུབ་བོ༔ རྡུལ་དུ་བརླག་པ་ནི༔ ཐོ་བ་ཐོགས་ལ༔ ཧཱུྃ༔ དམ་

― CMR017_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ ལུས་ངག་རྡུལ་ཕྲན་བཞིན་དུ་རློགས༔ ཨོཾ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཧཱུྃ་ཕཊ༔ ཐུམ་རིལ་ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ༔ དགྲ་བགེགས་གནོད་བྱེད་རྡུལ་དུ་བརླག་པར་གྱུར༔ གཏུན་དུ་བརྡུང་བ་ནི༔ ཧོམ་ཁུང་དེ་ཉིད་དུ་ཐོ་བས་བརྡུངས་ཚུལ་བྱས་ལ༔ ཧཱུྃ༔ རྡུངས་ཤིག་རྡོ་རྗེ་བའི་གཏུན༔ བཀའ་ལས་འདའ་བྱེད་སྡིག་ཅན་རྣམས༔ རྡོ་རྗེ་མེ་དབལ་སྙིང་བསྲེགས་ནས༔ ལུས་ངག་རྡུལ་ཕྲན་བཞིན་དུ་རློགས༔ ཁྲོ་མོ་འབར་བའི་གཏུན་ཁུང་

― CMR017_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

དུ༔ རྡོ་རྗེ་ཐོ་བས་བརྡུངས་བྱས་ནས༔ ལྷ་ཡང་རུང་སྟེ་བརླག་འགྱུར༔ ཨོཾ་གྷ་གྷ་གྷ་ཏ་ཡ་གྷ་ཏ་ཡ་སརྦ་དུཥཱན་ཧཱུྃ་ཕཊ༔ ཀཱི་ལི་ཀཱི་ལ་ཡ་སརྦ་པཱ་པཾ་ཧཱུྃ་ཕཊ༔ ཧཱུྃ་། ཧཱུྃ་ཧཱུྃ༔ བཛྲ་ཀཱི་ལི་ཀཱི་ལ་ཡ༔ བཛྲ་དྷ་རོད་ཨཱཿཛྫཱ་པ་ཡ་ཏི་ཀཱ་ཡ་ཝཱཀ་ཙིཏྟ་བཛ་ནཱན་ཀཱི་ལི་ཀཱི་ལ་ཧཱུྃ་ཕཊ༔ དེ་ནས་ལིང་རོ་ཞལ་དུ་བསྟབ་པ་ནི༔ ཐོད་ཏིང་ངམ་གཏོར་སྐྱོགས་སུ་ལིང་རོ་བཏེག་ལ༔ ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་པོའི་དུས་ལ་བབ༔ ས་བདག་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ ཧཱུྃ༔ བདག་ནི་རྣལ་འབྱོར་སྒྲུབ་པ་པོ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རྣལ་འབྱོར་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་རྣམས༔ ཁྲོ་བོ་ཆེན་པོའི་བྱིན་རླབས་ཀྱིས༔ མངོན་སྤྱོད་ཚུལ་བཞིན་བསྒྲལ་ནས་ཀྱང་༔ དཀྱིལ་འཁོར་ལྷ་ཚོགས་ཞལ་དུ་བསྟབ༔ ཧཱུྃ༔ ཕྱེས་ཤིག་ཕྱེས་ཤིག་ཁྲོ་རྒྱལ་ཞལ་

― CMR017_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱེས་ཤིག༔ གནམ་ས་གདངས་བ་ཙམ་གྱི་ཞལ་ཕྱེས་ཤིག༔ ཚེམས་ནི་གངས་རི་ཙམ་གྱི་རྣོ་དབལ་རབ་ཏུ་གཙིགས༔ ལྗགས་ནི་གློག་དམར་བར་སྣང་ཁམས་སུ་སྐྱོངས༔ མཉམ་ཉིད་ཧོམ་ཁུང་འབར་བའི་ཞལ་དུ་སྟོབ༔ འགགས་མེད་རོལ་པ་ཆེན་པོའི་མགྲིན་པར་སྟིམས༔ བཞེས་ཤིག་རོལ་གཅིག་ཁ་རཾ་ཁ་ཧི༔ རེ་མ་ཏིས་སྟབས་རོགས་བྱས་ཏེ་རྐན་སྒྲ་དང་བཅས་ཏེ་རོལ་པར་བསམས་ལ་ཨོཾ་བཛྲ་ཀཱི་ལི་ཀཱི་ལ་ཡ་ས་པ་རི་ཝཱ་ར༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁྭ་ཏུ་ཀཾ་ནི་རི་ཏི་ལ་ཁཱ་ཧི༔ ཁ་ཐཾ་ཁ་ཐཾ་ཁ་ཐཾ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ བཛྲ་ཡཀཱ་ཀྲོ་ཏ་ཁཱ་ཧི་ཁཱ་ཧི་ཁཱ་ཧི༔ ཧ་ཧ་ཧ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ༔ དགྲ་བགེགས་ཀྱི་ཤ་ཁྲག་རུས་པ་དང་བཅས་པ་ལྷག་མ་མེད་པར་རོལ་ཅིག༔ མཐའ་སྡུད་དབལ་མོའི་ཞལ་དུ་བསྟབ་པ་ནི༔ ལིངྒའི་སྣོད་དེ་ཁྲག་གམ་ཆང་གིས་བཤལ་ལ་མཆོད་དེ༔ ཧཱུྃ༔ བདག་ཉིད་ཆེན་མོའི་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ ང་ཡི་དབང་དུ་གྱུར་ནས་ཀྱང་༔ བསྒོ་བའི་བཀའ་རྣམས་ཉན་པར་གྱིས༔ ཨོཾ་བཛྲ་ཀཱི་ལི་ཀཱི་ལ་ཡ༔ བྷིནྡྲ་ཡ་བྷིནྡྷ་ཡ༔ དགྲ་

― CMR017_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་ཀྱི་ཤ་ཁྲག་རུས་པ་ལ་ཁཱ་ཧི༔ འབྱུང་བ་ལྔ་ལ་ཁཱ་ཧི༔ ཁམས་ཆེན་བཅོ་བརྒྱད་ལ་ཁཱ་ཧི༔ སྐྱེ་མཆེད་བཅུ་གཉིས་ལ་ཁ་ཁ་ཁཱ་ཧི་ཁཱ་ཧི༔ དེ་ནས་གཏོར་ཟློག་བདུད་རྩིས་བྲན་ལ་ཧཱུྃ༔ མཐིང་ནག་གྲུ་གསུམ་ཞེས་པ་ནས༔ དམ་ཉམས་དགྲ་ལ་བསྒྱུར༔ ཞེས་པའི་བར་ཕུར་པའི་གཏོར་ཟློག་ཁྲོ་རྒྱལ་སྟོབས་འདུས་ཚང་བར་འདོན༔ དབལ་མདོས་དང་སྦྲེལ་མ་ཡིན་ན༔ ཧཱུྃ༔ མ་ནོར་མ་བཅོས་ཞེས་པ་ནས་ཕྱེ་མ་ཕྱེ་མ་བྷྱོ་བྷྱོ་ཟློག་ཟློག༔ བར་གྱི་དབལ་མདོས་ཚང་བར་འདོན༔ སྤྲོ་ན་བཀའ་བརྒྱད་ནས༔ ཁྱུང་ཟློག་འདིར་སབ༔ དེ་ནས་ལས་བྱང་ལྟར་ཚོགས་ལ་རོལ༔ ལྷག་མ་ལས་བྱང་ལྟར་འདོན་ནས་མདོས་ཀྱི་ཟུར་དུ་འབུལ༔ ཅུང་ཡོད་ན་རྩང་གྱེར་བཀའ་བརྒྱད་ཀྱིས་རུང་ངེས་པའོ༔ མེད་ཀྱང་གཞུང་ནས་མ་གསུངས་པས་མི་དགོས༔ ཞེས་པ་གཏོར་ཟློག་མདུན་བསྐྱེད་འདོན་འགྲིགས་རཱ་ག་ཨ་སྱས་བསྒྲིགས་པ་ལ། ཉེས་འགལ་མཆིས་ན་ཕུར་པའི་ལྷ་ལ་བཤགས། དགེ་བས་འདི་ལ་འབྲེལ་པ་ཐོགས་ཚད་བར་ཆད་བདུད་བཞི་གཡུལ་ལས་རྒྱལ་བར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

― CMR017_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་དབལ་མདོས་ཀྱི་འཕྱངས་ཤིན་ཏུ་བསྡུས་ནས་རབ་ཏུ་གསལ་བར་བཀོད་པ་བཞུགས་སོ།།

― CMR017_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་ལྷ་ལ་ཕྱག་འཚལ་ལོ། །དགོངས་པ་དགྲོལ་ལ་བྱིན་གྱིས་བརླབ་ཏུ་གསོལ། །དེ་ཡང་ཕུར་པའི་རྒྱུད་ལུང་མན་ངག་ལས། །འགྲོ་ལ་ཕན་པའི་གང་ཟག་རྣམས། །རྣལ་འབྱོར་དམ་ཚིག་ཉམས་པ་ཡིས། །སྲིད་པའི་མ་མོ་མཁའ་འགྲོ་དང་། །ཆོས་སྐྱོང་དམ་ཅན་ལྷ་འདྲེ་འཁྲུགས། །དེ་དག་མདོས་ཀྱིས་བསྐང་བའི་ཕྱིར། །ནད་གདོན་ཞི་དང་ཚེ་བསོད་སྤེལ། །ཁམས་གསུམ་དབང་སྡུད་དགྲ་བགེགས་བསྒྲལ། །ཆོས་སྐྱོང་དམ་ཅན་ལས་ལ་བཀོལ། །བྱང་ཆུབ་སྒྲུབ་པའི་གེགས་བསལ་ཕྱིར། །ཕུན་སུམ་ཚོགས་པའི་དབེན་གནས་སུ། །དམ་ཚིག་ལྡན་པའི་སྔགས་པ་དང་། །རྒྱུ་རྐྱེན་ཚོགས་པའི་ཡོན་བདག་གིས། །སྟག་ལུག་གཡག་གི་པགས་པའམ། །རེ་ཕྱར་ནག་པོ་བཏིང་བའི་

― CMR017_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་། །མ་ཏྲི་ཆེན་པོའི་གཟུགས་སུ་བྱ། །དེ་ཡི་སྟེང་དུ་མདོས་ཆེན་ནི། །གཞུང་ནས་འབྱུང་བ་བཞིན་དུ་བཤམ། །ལྷ་འདྲེ་ཐམས་ཅད་མཉེས་པའི་ཕྱིར། །སོ་སོའི་མཐུན་རྫས་བཤོས་བུ་བཀོད། །ཡོ་བྱད་ཕུན་སུམ་ཚོགས་པ་དང་། །མདོར་ན་སྣ་ཚོགས་དཀོར་ཆ་བཤམ། །དབལ་དང་རང་གི་སྲུང་མ་ལ། །མཉེས་པའི་ཤ་ཁྲག་གཏོར་མ་བཤམ། །སྔགས་མཁན་རྣལ་འབྱོར་བདག་ཉིད་ཀྱིས། །ཡེ་ཤེས་ལྔ་དང་ལྡན་པའི་ཞྭ། །ཚད་མེད་བཞི་དང་ལྡན་པའི་ཐོད། །སྟོད་གཡོགས་གོང་འཁྱུད་སྙིང་ནན་དང་། །མཛེས་ཤིང་བརྗིད་པའི་རྒྱན་དང་བཅས། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་དམ་ཅན་ཚོགས་རྣམས་ཀུན། །བསྐྱེད་བསྟིམ་བཞུགས་གསོལ་མཆོད་བསྟོད་བྱ། །ཐུགས་དམ་བསྐང་ཞིང་ཕྲིན་ལས་བཅོལ། །ཅེས་

― CMR017_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

པས། གོང་དུ་རང་གི་ལྷ་གཞུང་ཕུགས་གཏོར་དང་། །ཟློག་མདོས་གཞུང་ལྟར་སྟ་གོན་ལེགས་གྲུབ་ནས། །མདོས་མདུན་མཆོད་པ་སྣ་བདུན་སྨན་རཀ་བཤམ། །མདོས་འོག་ཧོམ་ནང་གང་དམིགས་ལིངྒ་ནི། །གཞན་ནས་འབྱུང་ལྟར་བྲིས་ལ་ཕུར་བུས་གཟིར། །ལས་བྱང་གཞུང་བསྲང་མདུན་བསྐྱེད་སྤྱན་འདྲེན་དང་། །ཚོགས་མཆོད་བསྐང་བ་ཚར་ནས་མདོས་གཞུང་འདོན། །མདོས་དང་སྐོང་བ་དོན་གཅིག་པཀཱིས་གསུངས། །དེ་ནས་མདོས་ནང་འབྲུ་སྣ་ཟས་ཕུད་དང་། །རིན་ཆེན་དར་ཚོན་ཤ་དུམ་མཐེབ་སྐྱུས་གསོ། །དང་པོ་ཆུ་གཙང་དེ་ནས་ཕུད་རྒོད་བྲན། །རྙིང་མའི་ལུགས་ནི་གྱེར་སྒོམ་གཙོ་ཆེ་བས། །ངག་གིས་གང་བརྗོད་ཡིད་ཀྱིས་དེ་ལྟར་བསྒོམ། །ཡས་བསགས་མ་ཤེས་ལྷ་འདྲེ་མི་འདུ་བས། །བཅའ་བསྒྲིགས་སྟ་གོན་ལེའུ་དང་པོའོ།། །།ལྷ་འདྲེ་མདོས་ལ་ཕེབས་ཕྱིར་སྤྱན་འདྲེན་ནི། ཧཱུྃ། རྣམ་དག་དབྱིངས་ཀྱི་རྔ་ཤིང་ལ། །ཡེ་ཤེས་དག་པའི་གཡོགས་ཀྱིས་གཡོགས། རྔ་ནི་ཤེས་རབ་རང་བཞིན་ལ། །རྔ་ལྕོག་ཐབས་ཀྱི་ངོ་བོས་བརྡུང་། །ཁྲོ་བོའི་རྔ་བརྡུང་སྲུང་མ་སྐུལ། །མ་མོའི་རྔ་བརྡུང་དགྲ་བགེགས་འདུལ། །བསྲིང་ཞིང་བརྡུང་བས་མཁའ་འགྲོ་འབོད། །འདུར་ཞིང་བརྡུང་བས་སྲུང་མ་སྐུལ། །འཆམས་ཤིང་བརྡུང་བས་དམ་ཅན་འདུ། །རྡོ་རྗེ་ཕུར་པའི་ལྷ་ཚོགས་དང་། །ཁྲོ་བཅུ་ཁྲ་ཐབས་བཅས་པ་རྣམས། སྲིད་

― CMR017_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མདོས་ལ་སྤྱན་འདྲེན་ནོ། །ཕྲ་མེན་ཕུར་སྲུང་དམ་ཅན་རྣམས། །འཁོར་དང་བཅས་པ་མདོས་ལ་བྱོན། གངས་ཀྱི་སེང་ལྕམ་དཀར་མོ་བཞིན། །མཆོངས་ཤིང་མཆོངས་ཤིང་མདོས་ལ་བྱོན། །ཙནྡན་ནགས་ཀྱི་རྒྱ་སྟག་བཞིན། །ངར་ཞིང་ངར་ཞིང་མདོས་ལ་བྱོན། །བྱང་གི་འབྲོང་བུ་དར་མ་བཞིན། །རྒྱུག་ཅིང་རྒྱུག་ཅིང་མདོས་ལ་བྱོན་། །ནམ་མཁའི་གཡུ་འབྲུག་སྔོན་མོ་བཞིན། །ལྡིར་ཞིང་ལྡིར་ཞིང་མདོས་ལ་བྱོན། །བར་སྣང་གློག་ལྕམ་འབར་མ་བཞིན། །འཁྱུག་ཅིང་འཁྱུག་ཅིང་པདོས་ལ་བྱོན། །བྱ་རྒྱལ་ཐང་དཀར་རྒོད་པོ་བཞིན། །ལྡིང་ཞིང་ལྡིང་ཞིང་མདོས་ལ་བྱོན། །ནགས་གསེབ་དོམ་བུ་ངར་མ་བཞིན། །རྒྱུག་ཅིང་འབྲལ་ཅིང་མདོས་ལ་བྱོན། །དགྲ་བགེགས་འབྱུང་པོ་འདུལ་ཕྱིར་བྱོན། །སྔགས་འཆང་བདག་གི་རྒྱབ་བརྟེན་མཛོད། །དངོས་གྲུབ་རྣམ་གཉིས་བསྩལ་དུ་གསོལ། །ཙནྡན་དཀར་དམར་ཨ་ག་རུ། །ཛཱ་ཏི་གུར་གུམ་སྤང་སྤོས་དང་། །ག་བུར་གླ་རྩི་གུ་གུལ་སོགས། །ལྷོ་སྤོས་རྒྱ་སྤོས་དྲི་བཟང་ཚོགས། །བལྟམས་ནས་མདོས་བདག་སྤྱན་འདྲེན་ནོ། །བདུད་འདུལ་ཕུར་པའི་ལྷ་ཚོགས་དང་། །བཀའ་

― CMR017_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་དམ་ཅན་ཕུར་སྲུང་ཚོགས། །སྣང་སྲིད་ལྷ་འདྲེ་མ་ལུས་པ། །གཉན་པོའི་མདོས་ལ་གཤེགས་སུ་གསོལ། །ཨེ་ཧྱ་ཧི་ཛཿཧཱུྃ་བཾ་ཧོཿ ས་མ་ཡ་ཛཿ ཧཱུྃ། རང་ཉིད་ལྷ་ཡི་ཐུགས་ཀ་ནས། །རཾ་ཡཾ་ཁཾ་གསུམ་མེ་རླུང་ཆུས། །མདོས་ཀྱི་མི་གཙང་བསྲེགས་གཏོར་བཀྲུས། །ཨེ་ཡཾ་རཾ་བཾ་ལཾ་སུཾ་ལས། །མདོས་གཞི་འབྱུང་བ་རིམ་བརྩེགས་སྟེང་། །གླིང་བཞི་རི་རབ་ལྕགས་རིས་བསྐོར། །ལྷ་མིའི་ལོངས་སྤྱོད་ཕུན་སུམ་ཚོགས། །སྐྱེ་འགྲོ་སྲོག་ཆགས་ཀུན་གྱིས་རྒྱུན། །ཨོྃ་གྱིས་དགོས་འདོད་ཕུན་སུམ་ཚོགས། །བྷཾ་གྱིས་རིན་ཆེན་གཞལ་ཡས་ཁང་། །ཏྭཾ་གྱིས་རིན་ཆེན་ཆར་པ་འབེབས། །ཧྲཱིཿཝཡིས་གསུང་དབྱངས་དྲུག་ཅུར་ལྡན། །ཨཱཿཡིས་རྒྱལ་ཕམ་མེད་པར་ཐོབ། །ཀུན་ཀྱང་གཟུགས་སྒྲ་དྲི་རོ་དང་། །རེག་བྱ་འདོད་ཡོན་ཕུན་སུམ་ཚོགས། །ཨོཾ་ཧཱུཾ་ཏུཾ་ཧྲཱིཿཝཨཱཿཡིས་བྱིན་གྱིས་བརླབས། །སྲིད་པ་མདོས་ཀྱི་དཀྱིལ་འཁོར་དུ། །རྡོ་རྗེ་ཕུར་པའི་ལྷ་ཚོགས་རྣམས། །ཇི་སྲིད་མཆོད་པ་བདག་བགྱིད་པ། །དེ་སྲིད་དགྱེས་ཤིང་བརྟན་པར་བཞུགས། །ཐུགས་དམ་གཉན་པོ་བསྐང་བ་དང་། །རྐྱེན་ངན་བར་ཆད་བཟློག་ཏུ་གསོལ། །ཞེས་བརྗོད། ཧཱུྃ། བཅོམ་

― CMR017_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་དཔལ་ཆེན་ཧེ་རུ་ཀས། །མདོས་རིགས་སུམ་བརྒྱ་དྲུག་ཅུ་གསུངས། །འབྱུང་བ་ལྔ་པོ་མདོས་ཀྱི་རྒྱུ། །གླིང་བཞི་རི་རབ་མདོས་ཀྱི་དཔེ། །དེ་ནས་མདོས་རྒྱུ་བྱུང་ཅི་ལྟར་བྱུང་། །ལྷ་བུ་ནོར་བུ་དྲི་མེད་བསྟུན། །ལྷ་སྲས་གཙུག་ཕུད་ཆེན་པོ་བཀུག །མཐུན་རྫས་མདོས་ཀྱིས་བསྐངས་པས་སོས། །རྒྱལ་པོ་འཁོར་ལོ་དྲུག་པ་བསྙུན། །དགའ་རབ་རྡོ་རྗེས་མདོས་མཛད་ཕན། །རྒྱལ་པོ་དྲག་པ་མཐའ་ཡས་བསྣུན། །སློབ་དཔོན་ཀླུ་སྒྲུབ་མདོས་མཛད་ཕན། །རྒྱལ་པོ་ཁྲི་སྲོང་ལྡེའུ་བཙན་བསྙེན། །སློབ་དཔོན་པདྨས་མདོས་མཛད་ཕན། །དེ་བཞིན་བདག་དང་ཡོན་བདག་གི །ནད་གདོན་བར་ཆད་ཞི་བ་དང་། །ཚེ་དང་བསོད་ནམས་རྒྱས་པ་དང་། །ཁམས་གསུམ་དབང་དུ་བསྡུ་བ་དང་། །དགྲ་བགེགས་གནོད་པ་བཟློག་པའི་ཕྱིར། །སྲིད་པའི་མདོས་ཆེན་འདི་བཤམས་ན། །རྡོ་རྗེ་གཞོན་ནུ་འཁོར་བཅས་ཀྱི། །སྤྱན་གྱིས་གཟིགས་ལ་ཐུགས་ཀྱིས་དགོངས།། ཧཱུྃ༔ མདོས་གཞི་དབང་ཆེན་གསེར་གྱི་གཞི། །རིན་ཆེན་རི་རབ་ལྷུན་ཆགས་པ། །ཟུར་བཞི་ལོགས་བཞི་བང་རིམ་བཞི། །གླིང་བཞི་གླིང་ཕྲན་ལྕགས་རིས་བསྐོར། །འདོད་

― CMR017_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་སྣ་ཚོགས་འབྱུང་བའི་གནས། །རིན་ཆེན་རི་རབ་རྒྱུན་ལྡན་འདི། །བདུད་འདུལ་ཕུར་པའི་ལྷ་ཚོགས་ནི། །འཁོར་དང་བཅས་ལ་འབུལ་གྱིས་བཞེས། །ཐུགས་དམ་གཉན་པོ་བསྐངས་གྱུར་ནས། །ཆོས་སྲིད་རི་རབ་ལྟར་བརྟན་ཞིང་། །ཚེ་སྲོག་བྲག་བས་སྲ་བར་མཛོད་། །རྐྱེན་ངན་བར་ཆད་བཟློག་ཏུ་གསོལ། །རི་རབ་དེ་ཡི་རྩེ་མོ་ན། །།སྣ་ཚོགས་འབྲུ་ཡི་ངར་ཕྱེ་ལ།་།བདུད་རྩི་ཆང་དང་ཁྲག་སྦྲུས་ནས། །དྲག་པོའི་བཤོས་བུ་ཟུར་གསུམ་རྣམས། །རྡོ་རྗེ་གཞོན་ནུ་སྲས་མཆོག་བཞི། །ཁྲོ་བཅུ་ཁྲ་ཐབས་བཅས་ལ་འབུལ། །ཐུགས་དམ་གཉན་པོ་བསྐང་གྱུར་ཅིག །རྐྱེན་ངན་བར་ཆད་བཟློག་ཏུ་གསོལ། །བང་རིམ་གཉིས་པའི་ཕྱོགས་མཚམས་སུ། །མཐུན་པའི་དམ་རྫས་བཤོས་བུ་རྣམས། །ཕྲ་མེན་མ་མོའི་ཚོགས་ལ་འབུལ། །ཐུགས་དམ་གཉན་པོ་བསྐང་གྱུར་ཅིག །ཆག་ཆེ་ཉམ་ང་བཟློག་ཏུ་གསོལ། །རི་རབ་བང་རིམ་གསུམ་པ་ལ། །མི་རོ་སྙིང་གཟུགས་ཤ་ཁྲག་བརྒྱན།། ཤྭ་ན་མཆེད་བཞིའི་ཐུགས་དམ་བསྐང་། །བདག་ཉིད་མ་བཞིའི་ཐུགས་དམ་བསྐང་། །དུས་བཞིའི་ཀག་དང་ཕྱོགས་བཞི་ཡི། །དགྲ་དང་བགེགས་རྣམས་བཟློག་ཏུ་གསོལ། །དེ་

― CMR017_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་བང་རིམ་བཞི་པ་ལ། །ཞག་ཁྲག་འོ་མ་མར་ཁུའི་མཚོ། །བསྲེ་མོ་མཆེད་བཞིའི་ཐུགས་དམ་བསྐང་། །བསོད་ནམས་ལོངས་སྤྱོད་ལ་གནོད་པའི། །དགྲ་བགེགས་ཐམས་ཅད་བཟློག་ཏུ་གསོལ། །ཆོས་སྲིད་མངའ་ཐང་རྒྱས་པར་མཛོད། །ཕྱོགས་བཞིའི་མཁར་ཐབས་གྲུ་བཞི་ཡིས། །སྐྱེས་བུ་གིང་བཞིའི་ཐུགས་དམ་བསྐང་། །བྱད་ཟོར་ཕུར་ཁ་བཟློག་ཏུ་གསོལ། །ཤ་ཁྲག་དམར་གཏོར་བདུད་བཤོས་ཀྱིས། །བདུད་པོ་མཆེད་བཞིའི་ཐུགས་དམ་བསྐང་། །བར་ཆད་བདུད་བཞིའི་གནོད་པ་ཟློག །རི་རབ་རི་ཡི་རྩ་བ་རུ། །རང་རང་མཐུན་པའི་བཤོས་བུ་ཡིས། །བསྲེ་ཡི་གིང་བཞིའི་ཐུགས་དམ་བསྐང་། །ཤན་པ་བཞི་ཡི་ཐུགས་དམ་བསྐང་། །འགལ་རྐྱེན་བར་ཆད་ཐམས་ཅད་སོལ། །ཁྲག་གི་ཀོང་ཟོར་ཉེར་བརྒྱད་ཀྱིས། །དབང་ཕྱུག་ཉེར་བརྒྱད་ཐུགས་དམ་བསྐང་། །ཕྱོགས་བཞིའི་དགྲ་དང་བགེགས་རྣམས་ཟློག །ལོ་ཟླ་ཞག་གི་ཀག་ངན་ཟློག་ཧཱུྃ༔ རི་རབ་ཁ་ཁྱེར་དང་པོ་ལ། །ལྷ་བྱ་མང་པོ་འཇུམ་ཞིང་ལྡིང་། །ཁ་ནས་སྙན་པའི་གསུང་སྒྲ་སྒྲོག །རི་རབ་བང་རིམ་གཉིས་པ་ལ། །གཅན་གཟན་མང་པོ་རྩལ་མཆོངས་

― CMR017_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད། །ཁ་ནས་རྔམ་པའི་ངར་སྐད་སྒྲོག །རི་རབ་བང་རིམ་གསུམ་པ་ལ། །རི་དྭགས་མང་པོ་རྒྱུག་སྤྲིངས་སྤྲིང་། །སྙན་པའི་རང་སྒྲ་ཏི་རི་རི། །རི་རབ་བང་རིམ་བཞི་པ་ལ། །གཡུང་དྭགས་མང་པོ་ཀྱི་ལི་ལི། །རི་རབ་ཞོལ་གྱི་རྒྱ་མཚོ་ལ། །ཆུ་གནས་སྣ་ཚོགས་རྐྱལ་དང་འཕྱོ། །སྔགས་དང་ཕྱག་རྒྱས་བྱིན་གྱིས་བརླབས། །གཅིག་ལས་བྱེ་བ་ས་ཡ་འཕྲོ། །སྣ་ཚོགས་གཟུགས་ཀྱི་མཆོད་པ་འདི། །བདུད་འདུལ་ཕུར་པའི་ཚོགས་ལ་འབུལ། །སྐུ་ཡི་ཐུགས་དམ་བསྐང་གྱུར་ཅིག །ལུས་ལ་གནོད་པའི་རྐྱེན་རྣམས་ཟློག །ཧཱུྃ༔ ནམ་མཁའ་འཇའ་ཚོན་འོད་དུ་འབར། །ཁོག་པ་སྟོང་པ་ཆོས་ཀྱི་སྐུ། །ཁ་དོག་རང་རང་ལྷ་ཡི་མདོག །མཐའ་སྐོར་འཇའ་རིས་ཁ་དོག་ལྔ། །འབྱུང་ལྔ་རྣམ་དག་ཡེ་ཤེས་ལྔ། །བཞུགས་པའི་ཚེ་ན་གནས་དང་གདུགས། །གཤེགས་པའི་ཚེ་ན་འཇའ་འོད་ལམ། །ནོར་བུ་ཏོག་གི་ནམ་མཁའ་ལས། །དགོས་འདོད་ཆར་པ་སི་ལི་ལི། །ཉི་ཟླ་འོད་ཀྱི་ནམ་མཁའ་ཡིས། །འགྲོ་དྲུག་མ་རིག་མུན་པ་སེལ། །ཟིལ་པ་དཔལ་བེའུ་ནམ་མཁའ་ཡིས། །འདོད་ཡོན་ཆར་དུ་འབེབས་པར་བྱེད། །ཙིཏྟ་ཐུགས་ཀྱི་ནམ་མཁའ་ཡིས། །

― CMR017_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་སྡུད་དྲེགས་པ་ཟིལ་གྱིས་གནོན། །རྩིབས་བརྒྱད་གུར་གྱི་ནམ་མཁའ་ནི། །སྟེང་དུ་འཁོར་ཞིང་ཀྱི་ལི་ལི། །ནམ་ནི་ཕྱི་ཡི་ཡུལ་ཡིན་ཏེ། །མཁའ་ནི་ནང་གི་སེམས་ཡིན་པས། །གཉིས་མེད་དོན་གྱི་ནམ་མཁའ་འདི། །བདུད་འདུལ་ཕུར་པའི་ཚོགས་ལ་འབུལ། །ཐུགས་ཀྱི་ཉམས་ཆག་བསྐང་གྱུར་ཅིག །སེམས་ཀྱི་གནོད་པའི་རྐྱེན་ངན་ཟློག །ཧཱུྃ། སྨྱུག་ལྡེམ་རྩེ་ལ་བྱ་ཕོད་བཙུགས། །སྟོད་སྨད་བར་གསུམ་སོ་སོ་ལ། །དར་ཚོན་སྣ་ལྔའི་ཕོད་ཀྱིས་བརྒྱན། །སྔགས་དང་ཕྱག་རྒྱས་བྱིན་གྱིས་བརླབས། །དཔག་བསམ་དགོས་འདོད་འབྱུང་བའི་ཤིང་། །ལོ་མ་ལྷ་དར་སྲབ་ལ་འཇམ། །འབྲས་བུ་རིན་ཆེན་སྣ་ཚོགས་འཁྲུངས། །ཕུར་པའི་ལྷ་ཚོགས་འཁོར་བཅས་ལ། །འབུལ་ལོ་ཐུགས་དམ་བསྐང་གྱུར་ཅིག །དགོས་འདོད་ལྷུན་གྱིས་གྲུབ་པར་མཛོད། །ཧཱུྃ། ཁྱད་པར་འཕགས་པའི་ཤིང་དག་ལ། །ཡ་མཚན་མཛེས་པའི་རི་མོ་བྲིས། །ནོར་བུ་ཉི་ཟླ་སྐར་མ་དང་། །དར་འཕན་སོ་སོའི་ཕྱག་མཚན་བཀོད། །ཐོད་པ་སྐམ་རློན་སྟག་གཟིག་རིས། །འབབ་ཆུ་རིས་དང་སེན་ཐབས་རིས། །ཧ་ལོ་རིས་དང་ཉ་མིག་རིས། །ཆུ་

― CMR017_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་རིས་དང་ལྗོན་ཤིང་རིས། །འཇའ་ཚོན་རིས་དང་ཟླ་ཚེས་རིས། །ཆར་སྤྲིན་རིས་དང་རླུང་འཚུབ་རིས། །བྲག་རི་རིས་དང་གཡའ་སྤང་རིས། །སྣ་ཚོགས་རི་མོ་བྲིས་པ་འདི། །ལྷ་ཡི་རིན་ཆེན་དཀོར་གྱི་མཆོག །ཡིད་བཞིན་ངོ་མཚར་བསམ་མི་ཁྱབ། །གྲུ་ཆད་རེ་རེའི་ནང་དུ་ཡང་། །ལྷ་ཡི་ཞིང་ཁམས་དག་པ་རེ། །འདོད་པའི་ཡོན་ཏན་ལྔ་དང་ལྡན། །དགོས་འདོད་སྣ་ཚོགས་ཆར་དུ་འབེབས། །རྡོ་རྗེ་ཕུར་པའི་ལྷ་ཚོགས་ལ། །འབུལ་ལོ་ཐུགས་དམ་བསྐང་གྱུར་ཅིག །ཆག་ཆེ་ཉམ་ང་བཟློག་ཏུ་གསོལ། །ཧཱུྃ། །སྟག་པ་ལ་སོགས་ཕོ་ཤིང་ལ། །སྐྱེས་པ་ཕོ་ཡི་གཟུགས་བྲིས་ཏེ། །ཕོ་ཏང་ཞེས་བྱའི་མིང་དུ་བཏགས། །གླང་མ་ལ་སོགས་མོ་ཤིང་ལ། །བུད་མེད་གཟུགས་བྲིས་མོ་ཏང་སྟེ། །ཚར་བུ་ལ་སོགས་བུ་ཤིང་ལ། །བྱིས་པའི་གཟུགས་བྲིས་བུ་ཏང་ཡིན། །མིག་གཉིས་ལྟ་དང་ཧྲིགས་སེ་ཧྲིག །ཁ་ནས་སྨྲ་དང་ཏ་ལ་ལ། །ལག་པས་གར་བྱེད་ཁྱུགས་སེ་ཁྱུག། རྐང་པས་བྲོ་བརྡུང་ཁྲིགས་སེ་ཁྲིག །ཐབས་ཀྱི་རང་བཞིན་ཕོ་ཏང་འདི། །རྡོ་རྗེ་གཞོན་ནུ་ཁྲོ་བོ་བཅུ། །ཀཱི་ལ་རིགས་བཞིས་གཙོར་བྱས་པའི། །སྲིད་པ་ཕོ་རྒྱུད་རྣམས་ལ་

― CMR017_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ། །ཐུགས་དམ་གཉན་པོ་བསྐང་གྱུར་ཅིག །སྐྱེས་པ་ཕོ་ཡི་ཀག་ཟློག་ཅིག །ཤེས་རབ་རང་བཞིན་མོ་ཏང་འདི། །འཁོར་ལོ་རྒྱས་འདེབས་ཁྲོ་མོ་བཅུ། །གཙོར་བྱས་མོ་རྒྱུད་ཐམས་ཅད་ལ། །འབུལ་ལོ་ཐུགས་དམ་བསྐངས་གྱུར་ནས། །།ཟ་མ་མོ་ཡི་ཀག་ཟློག་ཅིག །ཕོ་ཏང་གཡས་ལ་མོ་ཏང་གཡོན། །མདུན་དུ་ཟུང་འཇུག་བུ་ཏང་བཙུགས་། །ཕུར་སྲུང་བཅུ་དྲུག་གཙོར་གྱུར་པའི། །འཁོར་གྱི་ལྷ་འདྲེ་རྣམས་ལ་འབུལ། །འཁོར་བཅས་མཉེས་ཤིང་ཚིམ་གྱུར་ཅིག །བྱིས་པ་ཆུང་གི་ཀག་ཟློག་ཅིག །ཧཱུྃ། མདའ་བཀྲ་དེ་ནི་འཕྲུལ་གྱི་རྫས། །སྨྱུག་སྡེམ་བྱ་རྒོད་སྒྲོ་ཡིས་སྒྲོན། །གནམ་ལྕགས་ངར་མའི་མདེལ་གྱིས་མཐུད། །མཚལ་བྱུགས་མཛེས་པའི་རི་མོ་བྲིས། །དར་དང་ཟ་འོག་མགུལ་དུ་བཏགས། །ཡ་མཚན་སྐྱེས་པ་ཕོ་ཡི་དཀོར། །སྔགས་དང་ཕྱག་རྒྱས་བྱིན་བརླབས་ཏེ། །སྐྱེས་ཕྲན་དར་མ་ཕོ་ཆས་ཅན། །གཅིག་ལས་ཁྲི་འབུམ་བྱེ་བ་འཕྲོ། །རྡོ་རྗེ་གཞོན་ནུ་སྲས་མཆོག་བཞི། །ཁྲོ་བཅུ་ཁྲ་ཐབས་སྲུང་མའི་ཚོགས། །སྲིད་པ་ཕོ་རྒྱུད་ཐམས་ཅད་ལ། །ཕྱག་ཏུ་མཐུན་པའི་མདའ་བཀྲ་འབུལ། །སྐུ་ཡི་རྒྱུན་དང་གསུང་གི་

― CMR017_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀྱི་རྟེན་དུ་བཞེས་སུ་གསོལ། །ཐུགས་དམ་གཉན་པོ་བསྐངས་གྱུར་ནས། །སྐྱེས་པ་ཕོ་ཡི་འཚེར་རྩུབ་ཟློག །འཕང་བཀྲ་དེ་ནི་འཕྲུལ་གྱི་རྫ་ས། །ཁྱད་པར་འཕགས་པའི་ཤིང་དག་ལ། །མཛེས་པའི་འཕང་བཞོག་མོ་ལོ་ཙམ། །སྣ་ཚོགས་ཚོན་གྱིས་རི་མོ་བྲིས། །དར་ཟབ་མཛེས་པའི་སྣལ་མ་བཏགས། །ངོ་མཚར་ཟ་མ་མོ་ཡི་དཀོར་། །སྔགས་དང་ཕྱག་རྒྱས་བྱིན་གྱིས་བརླབས། །མོ་བཙུན་དར་ཟབ་ན་བཟའ་ཅན། །རིན་ཆེན་རྒྱན་ཆ་སི་ལི་ལི། །མཛེས་སྡུག་འཛུམ་མཛེས་ཡ་ལ་ལ། །གཅིག་ལས་ཁྲི་འབུམ་བྱེ་བ་འཕྲོས། །འཁོར་ལོ་རྒྱས་འདེབས་ཁྲོ་མོ་བཅུ། །ཕྲ་མེན་ཕུར་སྲུང་དབང་ཕྱུག་མ། །སྲིད་པ་མོ་རྒྱུད་ཐམས་ཅད་ལ། །ཡིད་དང་མཐུན་པའི་དཀོར་དུ་འབུལ། །ཐུགས་དམ་གཉན་པོ་བསྐངས་གྱུར་ནས། །ཟ་མ་མོ་ཡི་འཚེར་རྩུབ་ཟློག །ཁྱད་པར་འཕགས་པའི་བུ་ཤིང་ལ། །ཡ་མཚན་མཛེས་པའི་རྩེ་ཐུར་བྱས། །བྱིས་པའི་རྩེ་ཐུར་གཟུགས་བྱས་ཏེ། །རྩེ་ཀྱུ་བྲོ་གར་ཡིད་དུ་འོང་། །རྡོ་རྗེ་ཕུར་པའི་འཁོར་གྱུར་པའི། །ལྷ་འདྲེ་སྟོང་སྡེའི་ཚོགས་ལ་འབུལ། །མགུ་ཚིམས་ཐུགས་དམ་བསྐངས་གྱུར་ནས། །

― CMR017_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིས་པ་ཆུང་གི་འཚེར་རྩུབ་ཟློག །གདུག་པ་ཅན་གྱི་ཤིང་དག་ལ། །ཡ་མཚན་མཛེས་པའི་རྒྱང་བུ་བཞོགས། །རྒྱུང་ཞེས་བྱ་བ་འདོད་དགུ་འབྱུང་། །བུ་ནི་ཡིད་དུ་འོང་བ་སྟེ། །སྙན་པའི་སྒྲ་སྐད་སི་ལི་ལི། །ལྷ་ཚོགས་གསུང་དང་གཉིས་སུ་མེད། །རིན་ཆེན་མཛེས་པའི་རྒྱང་བུ་འདི། །རྡོ་རྗེ་ཕུར་པའི་ལྷ་ཚོགས་ལ། །འབུལ་ལོ་ཐུགས་དམ་བསྐངས་གྱུར་ནས། །རྒྱུ་སྦྱོར་ནད་གདོན་རྐྱེན་རྣམས་ཟློག །མཛེས་པའི་ཤིང་ལ་ཁྲམ་བྱང་བྱས། །འཆི་བདག་ཁྲམ་གྱི་རི་མོ་བྲིས། །རྡོ་རྗེ་ཕུར་པའི་ལྷ་ཚོགས་དང་། །སྣང་སྲིད་ལྷ་འདྲེའི་ཕྱག་ཏུ་འབུལ། །སྲོག་དབུགས་སྐྱེ་བའི་སྐྱེ་འགྲོ་རྣམས། །དོ་གཅིག་སང་ཕོད་སུ་འཆི་བ། །ད་ལོ་ཁྲམ་ལ་འདེབས་པར་བྱེད། །མི་ཡི་བདུད་གཅོད་དུས་བཞི་ལ། །དཔྱིད་ཀྱི་རོལ་པོ་ཁ་ནག་དང་། །དབྱར་གྱི་ཤིང་ལོ་ལྷབ་ལྷུབ་དང་། །སྟོན་གྱི་སྤྲང་པོ་ཁ་སེར་དང་། །དགུན་གྱི་འཁྱགས་པ་ཆལ་ཆོལ་བཞི། །ཁྲམ་ལ་འདེབས་པའི་དུས་བཞི་ཡིན། །སང་ཕོད་སུ་དང་སུ་འཆི་བ། །ད་ལོ་གཤིན་རྗེས་ཁྲམ་ལ་འདེབས། །སང་ཕོད་སུ་དང་སུ་ན་བ། །ད་ལོ་མ་མོས་ཁྲམ་ལ་འདེབས། །སང་ཕོད་སུ་དང་སུ་

― CMR017_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོད་པ། །ད་ལོ་བདུད་ཀྱི་ཁྲམ་ལ་འདེབས། །སང་ཕོད་སུ་དང་སུ་སྨྱོ་བ། །ད་ལོ་རྒྱལ་པོས་ཁྲམ་ལ་འདེབས། །བདག་དང་རྒྱུ་སྦྱོར་ཡོན་བདག་ལོ། །ཁྲམ་ལ་བཏབ་པ་མི་སྲིད་ཀྱི། །གལ་ཏེ་ཁྲམ་ལ་བཏབ་པ་ན། །མདོས་དང་ཁྲམ་ཤིང་འདི་བཞེས་ལ། །ཁྲམ་ལ་བཏབ་ན་ཁྲམ་ཁ་ཕྱེས། །བྱད་དུ་བཅུག་ན་བྱད་ཁ་སྒྱུར། །གཏད་དུ་སོང་ན་གཏད་མཚོ་སྐམ། །སངས་རྒྱས་བསྟན་པའི་སྤྱི་དགྲ་རྣམས། །འཆི་བདག་གཤིན་རྗེས་ཁྲམ་ལ་ཐོབ། །དུས་ལ་བབ་བོ་ས་མ་ཡ། །འབྲུ་མཆོག་སྦྲང་དཀར་སྒོ་བཟང་དང་། །ལྷ་ནས་སྔོན་པོ་འབྲུ་བདུན་དང་། །འབྲས་སོགས་འབྲུ་སྣ་ཐམས་ཅད་དང་། །བཟང་དྲུག་ལ་སོགས་སྨན་སྣ་དང་། །གུ་ལང་གསེར་དང་མཚོ་རོ་གཡུ། །དུང་དང་མགྲོན་བུ་ཟངས་དང་། ལྕགས། །དངུལ་དང་མུ་ཏིག་བེཟླུརྨ། །འབྲུ་སྣ་སྨན་སྣ་རིན་ཆེན་ཚོགས། །ཡོན་ཏན་ལྔ་ལྡན་ཟད་མེད་གཏེར། །རྡོ་རྗེ་ཕུར་པའི་ཚོགས་ལ་འབུལ། །མཐུན་པའི་དཀོར་དུ་བཞེས་ནས་ཀྱང་། །རྐྱེན་དང་བར་ཆད་བཟློག་ཏུ་གསོལ། །ཧཱུྃ། དར་ཟབ་རྒྱལ་མཚན་དཔའ་བརྗིད་ལྡན། །ལྷ་ཚོགས་སྐུ་དང་གཉིས་སུ་མེད།་།མཛེས་པའི་བལ་ཚོན་སྣ་

― CMR017_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་དང་། །དཀར་མོ་ལུག་གི་པགས་རིས་དང་། །ལྷ་རྫས་དར་ཚོན་སྣ་ཚོགས་འདི། །དཀར་པོ་རྣམས་ནི་གངས་རི་འདྲ། །དམར་པོ་བཏགས་པ་མེ་རི་འདྲ། །སེར་པོ་བཏགས་པ་གསེར་འོད་འབར། །སྔོན་པོ་བཏགས་པ་ཆབ་མ་མིག །ལྗང་ཁུ་བཏགས་པ་གཡུ་འོད་འབར། །བཀྲག་དགུ་སྟག་དང་གཟིག་གི་རས། །བཙུན་དགུ་གཡི་དང་སྤྱང་ཀིའི་རས།་།འཇམ་དགུ་ཝ་དང་སྤྲེ་ཡི་རས། །མཛེས་དགུ་རྨད་དུ་ཆེ་བའི་དཀོར། །སྲིད་པ་མདོས་ཀྱི་རྒྱན་དུ་བཏགས། །ཕུར་པའི་ལྷ་ཚོགས་ཐུགས་དམ་བསྐང་། །སྲུང་མ་དམ་ཅན་རྒྱ་མཚོ་དང་། །མ་ཚོགས་དབང་ཕྱུག་ཐུགས་དམ་བསྐང་། །འཁོར་དང་བཅས་པ་མཉེས་གྱུར་ཅིག །རྐྱེན་ངན་བར་ཆད་བཟློག་ཏུ་གསོལ། །རྨ་བྱ་རྒྱ་བྱ་ནེ་ཙོ་དང་། །རྒོད་གླག་ཁྲུང་ཁྲུང་ཀ་ལན། །མཐིང་རིལ་ངང་པ་ངུར་པ་དང་། །ཚངས་པ་ལྷ་ཡི་བྱ་སྤུ་རྣམས། །སྔགས་དང་ཕྱག་རྒྱས་བྱིན་གྱིས་བརླབས། །བཀྲ་ཤིས་ལྷ་བྱ་བསམ། །མཛེས་པའི་འོད་འཕྲོ་གསུང་དབྱངས་སྒྲོག །མཐུ་རྩལ་ཐོགས་མེད་མཁའ་ལ་འགྲོ། །སྲིད་པ་མདོས་ཀྱི་རྒྱན་དུ་ཆེ། །འབྱུང་བ་ལྔ་ཡི་རྟེན་འབྲེལ་ལས། །མཛེས་

― CMR017_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚོན་རྩི་སྣ་ལྔ་བྱུགས། །མདངས་ཀྱི་ཁ་དོག་སོ་སོར་བསྒྱུར། །བཀྲག་མདངས་དེ་ནི་ཝ་ལ་ལ། །དབྱིབས་ལེགས་གཟུགས་མཛེས་ལྟ་ན་སྡུག །སྲིད་པ་མདོས་ཀྱི་རྒྱན་དུ་འབུལ། །བྱ་རྒྱལ་རྒོད་པོ་མན་ཆད་ནས། །བྱེ་མ་ལེབ་ཆུང་ཡན་ཆད་ཀྱི། །འདབ་ཆགས་སྣ་ཚོགས་གཟུགས་རྣམས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །བསྐང་གྱུར་དབང་དང་དངོས་གྲུབ་སྩོལ། །རྩལ་ཆེན་སེང་གེ་མན་ཆད་ནས། །འོལ་ལྕམ་སྲེ་མོ་ཡན་ཆད་ཀྱི། །གཅན་གཟན་སྣ་ཚོགས་གཟུགས་རྣམས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །བསྐང་གྱུར་རྐྱེན་ངན་བར་ཆད་ཟློག །ཤ་བ་རུ་བཅུ་མན་ཆད་ནས། །བྲ་བ་བྱི་བ་ཡན་ཆད་ཀྱི། །རི་དྭགས་སྣ་ཚོགས་གཟུགས་རྣམས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །བསྐང་གྱུར་དབང་དང་དངོས་གྲུབ་སྩོལ། །ཅང་ཤེས་རྟ་ཕོ་མན་ཆད་ནས། །རྟེའུ་དྲེལ་ཕྲུག་ཡན་ཆད་ཀྱི། །རྨིག་ཟླུམ་སྣ་ཚོགས་གཟུགས་རྣམས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །བསྐང་གྱུར་རྐྱེན་ངན་བར་ཆད་ཟློག་།སྟོབས་ལྡན་གླང་པོ་མན་ཆད་ནས། །རྟོལ་བུ་རྨིག་དམར་ཡན་ཆད་

― CMR017_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི། །རྨིག་པ་ཁ་བྲག་གཟུགས་རྣམས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་བཟློག་ཏུ་གསོལ། །ནོར་བུ་གསེར་དངུལ་མན་ཆད་ནས། །ཟངས་ལྕགས་འཁོར་བ་ཡན་ཆད་ཀྱི། །རིན་ཆེན་རྣམ་པ་སྣ་ཚོགས་ཀྱིས།་།ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་བཟློག་ཏུ་གསོལ། །ཟ་འོག་ཁ་ཐག་མན་ཆད་ནས། །སྣམ་རས་ཁ་ཚར་ཡན་ཆད་ཀྱི། །དར་ཟབ་རྣམ་པ་སྣ་ཚོགས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་བཟློག་ཏུ་གསོལ། །བཟང་དྲུག་ག་པུར་ཙནྡན་སོགས། །སྨན་གྱི་མཆོད་པ་སྣ་ཚོགས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་བཟློག་ཏུ་གསོལ། །བུ་རམ་སྦྲང་རྩི་ཀ་ར་སོགས། །ཞིམ་མངར་རོ་མཆོག་སྣ་ཚོགས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་བཟློག་ཏུ་གསོལ། །ཨུཏྤལ་ཧ་ལོ་མན་ཆད་་ནས། །ཞིམ་མངར་རིགས་དང་རོ་ཚ་བའི། །མདངས་ལྡན་མེ་ཏོག་སྣ་ཚོགས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་བཟློག་ཏུ་གསོལ། །ཞོ་

― CMR017_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འོ་མ་ཐུད་དང་མར། །སྤྱོད་དང་ཁུར་བ་ཤ་ཁྲག་ཆང་། །བཟའ་བཏུང་ཟས་ཕུད་སྣ་ཚོགས་ཀྱིས། །ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་མདོས་ཀྱི་ཟློག །ཧཱུཾ། ཉིན་དང་སྲིབ་ཀྱི་ས་མཚམས་ན། །སྐྱེར་ཚེར་དྲག་པོའི་ཤིང་བཏུས་ནས། །གདུག་པ་དབལ་གྱི་རྩང་ཕུར་བྱས། །རྩེ་མོ་ཟུར་གསུམ་ལྡན་པ་ནི། །རྡོ་རྗེ་ཕུར་པའི་སྐུ་གསུང་ཐུགས། །ཁ་དོག་དམར་པོར་གྱུར་པ་ནི། །བཙན་དམག་ལས་ལ་ཤ་ར་ར། །སྐེད་པ་རྒྱ་མདུད་སེར་པོ་ནི། །ལས་མཁན་བཞུགས་པའི་གཞལ་ཡས་ཁང་། །ཅུང་སྨད་ཟུར་གསུམ་བྱས་པ་ནི། །དགྲ་བོའི་ལུས་ངག་ཡིད་གསུམ་འཇོམས། །སྲིན་མོ་འགྲོས་སུ་བཙུགས་པ་ནི། །ཕྲ་མེན་མ་ཚོགས་མཉེས་པའི་རྫས། །དྲྭ་བ་རིས་སུ་དོད་པ་ས་ནི། །ལས་མཁན་ཕོ་ཉ་རྒྱུག་པའི་སྲང་། །ཤ་དང་ལིང་གས་བརྒྱན་པ་ནི། །དབང་ཕྱུག་མ་ཚོགས་མཉེས་པའི་རྫས། །སྔོ་དམར་ཐག་པས་དཀྲིས་པ་ནི། །ནད་སྤྲིན་སྔོ་དམར་དེ་ལ་ཐིམ། །ཁྲག་ནད་དལ་ཡམས་ཟློག་པར་བྱེད། །སྲིད་པ་མདོས་ཀྱི་རྒྱན་དུ་བཙུགས། །ཕུར་པའི་ལྷ་ཚོགས་ཐུགས་དམ་བསྐང་། །རྐྱེན་ངན་བར་ཆད་མདོས་ཀྱི་ཟློག །

― CMR017_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙབས་པའི་ལག་པ་བྱ་ནག་བཞི། །སྲིད་པ་མདོས་ཀྱི་རྒྱན་དུ་བཙུགས། །བདུད་ལས་རྒྱལ་བའི་རྒྱལ་མཚན་བཞི། །དེ་ཡང་མདོས་ཀྱི་རྒྱན་དུ་བཙུགས། །འགྲོ་བའི་རྨིག་པ་རྡོ་ཆུང་བཞི། །དེ་ཡང་མདོས་ཀྱི་འོག་ཏུ་བཞག །ལྟ་བའི་མིག་འབྲས་མེ་ལོང་བཞི། །དེ་ཡང་མདོས་ཀྱི་རྒྱན་དུ་བཏགས། །གསལ་བའི་སྒྲོན་མེ་མར་མེ་བཞི། །དེ་ཡང་མདོས་ཀྱི་རྒྱན་དུ་བཀོད། །ད་ནི་མདོས་ལ་རྒྱན་ཚང་ངོ་། །ད་ནི་མདོས་ལ་གྲ་རྒྱས་སོ། །བདུད་འདུལ་ཕུར་པའི་ལྷ་ཚོགས་ལ། །འབུལ་ལོ་ཐུགས་དམ་བསྐངས་གྱུར་ཅིག །ཧཱུྃ། དཔལ་ཆེན་རྡོ་རྗེ་གཞོན་ནུ་ཡི། །ཡང་འཁོར་བྲན་དང་ཡང་གཡོག་ཚོགས། །མདོས་དང་ཕུད་ལ་མི་དབང་ཞིང་། །གླུད་དང་ཡས་ལ་རེ་བ་ཡི། །བགེགས་དང་ལན་ཆགས་འབྱུང་པོའི་ཚོགས། །གནས་ལ་ངེས་མེད་ཀུན་ཏུ་རྒྱུ། །རིག་འཛིན་རྒྱལ་བའི་ཞལ་མ་མཐོང་། །དམ་པ་ཆོས་ཀྱི་སྒྲ་མ་ཐོས། །དམ་ལ་མ་ཐོགས་ནག་པོའི་རིགས། །མཁའ་ལ་རྒྱུ་བའི་ཡི་དྭགས་ཏེ། །བཀྲེས་སྐོམ་གནོད་སེམས་མེ་ལྟར་འབར། །འགྲོ་བའི་ཤ་ཁྲག་སྲོག་ལ་རྔམས། །ཟ་རེ་འཐུང་སྐོམ་བྱེད་རྣམས་ལ། །ཁྱེད་

― CMR017_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

ཅག་འདོད་པའི་ཡས་དང་གླུད། །འབྲུ་མཆོག་ངར་མི་མཛེས་པ་ལ། །ལུང་ཐང་མིག་ལ་མགྲོན་བུའི་སོ། །མུ་ཏིག་ཀླད་ལ་ཞོ་ཤའི་སྙིང་། །ལག་གཡས་གསེར་ལ་གཡོན་པ་དངུལ། །རྐང་གཡས་ཟངས་ལ་གཡོན་པ་ལྕགས། །དུང་གི་རུས་ལ་མཚལ་གྱི་ཁྲག །བསྲེ་ཡི་ཤ་ལ་དར་ཟབ་གོས། །ཏིང་འཛིན་སྔགས་ཀྱིས་བྱིན་གྱིས་བརླབས། །སྐྱེས་པ་ཆས་བཟང་སྟག་ཆས་ཅན། །མོ་བཙུན་བཟང་མོ་གསེར་གཡུས་སྤྲས། །གཅིག་ལས་བྱེ་བ་དུང་ཕྱུར་འཕྲོ། །མི་བས་གླུད་བཟང་ལྷ་བུ་འདྲ། །སྣང་ཞིང་སྲིད་པའི་ལྷ་འདྲེ་ལ། །ཚེ་དང་སྲོག་གི་གླུད་དུ་འབུལ། །སྔོན་ཡང་སྟོན་པ་ཤཱཀ་ཐུབ་ཀྱིས། །འཕྲོག་མ་མ་བུ་ལྔ་བརྒྱ་ལ། །ཟན་གྱི་ཆངས་བུ་གནང་བས་ཚིམས། །དེ་བཞིན་བདག་དང་ཡོན་བདག་གིས། །ལག་པ་གཡོན་པས་བཅངས་པའི་ཟན། །ཆངས་གཞུག་མཐེ་བོང་གཡས་ཀྱིས་བཅག །སྒང་ལྔ་འདོད་པའི་ཡོན་ཏན་ལྔ། །གཤོང་དྲུག་རིགས་དྲུག་འདོད་པས་ཚིམས།། འབུར་ཆུང་བཅུ་གཉིས་ལྡན་པ་ནི། །ལོ་གྲངས་བཅུ་གཉིས་བར་གྱི་གླེད། །ལན་ཆགས་བདག་པོ་རྣམས་ལ་སྦྱིན། །སྦྲང་རིམ་ཤ་ཤུན་ཚྭ་སྒོག་གཡེར། །ཟོ་ཤེ་རྐྱལ་ཤེ་ཡོས་བཀྲ་

― CMR017_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །གླུད་དང་ཡས་སྟགས་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ཅིག །བུ་ལོན་ལན་ཆགས་བྱུང་བར་ཤོག །བདག་དང་ཡོན་མཆོད་འཁོར་བཅས་ལ། །ཉི་མ་དེ་རིང་ཕྱིན་ཆད་ནས། །མ་ཉེ་མ་འཁོར་མ་གནོད་པར། །དཔག་ཚད་བརྒྱ་ཡི་ཕ་རོལ་སོང་། །གལ་ཏེ་བཀའ་ལ་མི་ཉན་ན། །དཔལ་ཆེན་རྡོ་རྗེ་གཞོན་ནུ་ཡིས། །ལུས་ངག་ཐལ་བར་བརླག་པར་འགྱུར། །དེ་བས་ཕྱིན་ཆད་མ་གནོད་ཅིག །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་ཁཾ་ཧཱུྃ་ཕཊ། གནོད་བྱེད་ཨུཙྪ་ཏ་ཡ་ཕཊ། །རྡོ་རྗེ་གཞོན་ནུ་ཁྲོ་བོའི་རྒྱལ། ཁྲོ་བཅུ་ཁྲ་ཐབས་ཕུར་སྲུང་ཚོགས། །ལྷ་དང་སྲུང་མ་ཐམས་ཅད་ཀྱི། །ཐུགས་དམ་གཉན་པོ་མདོས་ཀྱིས་བསྐང་། །བསྐང་ཡང་བསྐང་ལ་བཟློག་ཀྱང་ཟློག །ཐུགས་དམ་བསྐང་ལ་རྐྱེན་དབང་ཟློག །བསྐང་ཟློག་ཕྲིན་ལས་དུས་ལ་བབ། །ཡས་ཀྱི་བདུད་དུ་གཡོས་པ་ཟློག །མས་ཀྱི་སྲི་རུ་ལྡང་བ་ཟློག །ལྟག་པར་བདུད་དུ་བབས་པ་ཟློག །དཔྲལ་བར་གཤེད་དུ་འཁོར་བ་ཟློག །ཡམས་ནད་རིམས་ནད་གོད་ཁ་ཟློག །ཆེ་སྲི་ཆུང་སྲི་དར་སྲི་ཟློག །བན་བྱད་བོན་བྱད་དམོད་བྱད་ཟློག །

― CMR017_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་ཁ་མཐུ་ཁ་ཟོར་ཁ་ཟློག །གཏད་དང་ངག་མནན་སེལ་ནག་ཟློག །སྦྱིན་སྲེག་རླུང་འཁོར་ཕྲ་མེན་ཟློག །མདའ་ཟོར་ཁྲག་ཟོར་ཐུན་ཟོར་ཟློག །ནད་སྣ་ཡམས་སྣ་རིམས་སྣ་ཟློག །མི་ནད་ཕྱུགས་ནད་ཡམས་ནད་ཟློག །ཤི་སྲི་གོད་སྲི་ནད་སྲི་ཟློག །ཕྱི་ཡི་དམག་སྣ་ཇག་སྣ་ཟློག །ནང་གི་འཐབས་རྩོད་བྱེ་ཞིག་ཟློག །མི་ཡི་ན་ཚ་ཐམས་ཅད་ཟློག །ནོར་གྱི་གོད་ཁ་ཐམས་ཅད་ཟློག །ལོ་དགྲ་བཙའ་སད་སེར་གསུམ་ཟློག །བསྐལ་ངན་མུ་གེ་ཐམས་ཅད་ཟློག །ནད་རིགས་བཞི་བརྒྱ་རྩ་བཞི་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །དུས་མིན་འཆི་བ་བཅོ་བརྒྱད་ཟློག །ལྟས་ངན་བརྒྱད་ཅུ་རྩ་གཅིག་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག །གློ་བུར་དགུ་བཅུ་རྩ་གཅིག་ཟློག །སྐག་རིགས་སུམ་བརྒྱ་དྲུག་ཅུ་ཟློག །མོ་ངན་རྩིས་ངན་རྨིས་ངན་ཟློག །ཕྲ་ལྟས་མཚན་མ་ངན་པ་ཟློག །སྡང་བ་དགྲ་ཡི་སྟེང་དུ་ཟློག །གནོད་བྱེད་བགེགས་ཀྱི་སྟེང་དུ་ཟློག །ཟ་བ་འདྲེ་ཡི་སྟེང་དུ་ཟློག །ཕུང་བ་སྲི་ཡི་སྟེང་དུ་ཟློག །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །བཟློག་

― CMR017_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་ཆེན་པོའི་དུས་ལ་བབ། །དུས་ལ་བབ་བོ་ས་མ་ཡ། །ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷཱན་ཁཾ་ཧཱུྃ་ཕཊ། ཨེ་ཀ་དུ་ན་ཟློག །མ་ཧཱ་དུ་ན་ཟློག་དུ་ན་ཟློག །ས་ག་དུ་ན་ཟློག །རྩ་དུར་སྙིང་ན་ཟློག །རྭ་ཙ་དུ་ན་ཟློག །སུམ་ཏྲི་རཀྵ་ཟློག །བྱད་ཟོར་ཕུར་ཁ་ཆག་ཆེ་ཉམ་ང་ལྟས་ངན་ཆོ་འཕྲུལ་ཐམས་ཅད་མཱ་ར་ཡ་བྷྱོ་བྷྱོ། ཟློག་ཟློག །གསུམ་བདུན་ཉེར་གཅིག་ཅི་འགྲུབ་བརྗོད་པའི་རྗེས། །ཕུར་སྲུང་གསོལ་ཁ་གསོ་བྲན་བྱས་ལ་འདོན། །དེ་ནས་བསྒྲལ་བསྟབ་ཟློག་གཞུང་དབལ་མདོས་དང་། །ཁྱུང་ཟློག་རྩང་རྣམས་མཐོང་བ་བརྒྱུད་ལྟར་རོ། །དེ་ལྟར་ཞག་གྲངས་ལྔ་བདུན་དགུ་ལ་སོགས། །བྱས་ན་གཏོར་སྒྲུབ་མདོས་སྒྲུབ་གོ་ཡང་ཆོད། །རབ་དངོས་འབྲིང་ཉམས་ཐ་མ་རྨི་ལམ་དུ། །རྡོ་རྗེ་ཕུར་པ་ཁཊཾ་ཕྱག་མཚན་རྙེད། །ནམ་མཁར་འཕུར་དང་མེ་ཏོག་སྔོན་པོ་འཐུ།་།ཆུ་ཆེན་བརྒལ་བ་མཚོ་ཆེན་གཤགས་པ་དང་། །ཞལ་མཇལ་ལུང་སྟོན་གླང་གཡག་ཞོན་པ་དང་། །མར་མེ་འཛིན་དང་གཏོར་མ་དབྱར་མི་རུལ། །དགུན་མི་འཁེང་ཞིང་ནང་མཆོད་ཡོན་ཆབ་ཕྱུར། །དེ་སོགས་ལྷ་རྟགས་སྲུང་ཟློག་རྟགས་རྣམས་ནི། །ཕལ་ཆེར་གཞུང་ནས་འབྱུང་བས་སྨོས་མི་དགོས། །འགྲུབ་པའི་རྟགས་བྱུང་མཐུ་རྩལ་ནུས་པ་ཐོན། །དགྲ་བགེགས་སྒྲོལ་དང་ཚེ་བསོད་རྒྱས་པར་གསུངས། །མདོས་གཞི་མདོས་ཆོག་གི་ལེའུ་གཉིས་པའོ།། ༈ །དེ་ནས་མདོས་དེ་

― CMR017_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ་བའི་གྲབ་བྱ་བ། །སྔོན་དུ་ཁྱེར་རྒྱུའི་དཀར་གཏོར་གསེར་སྐྱེམས་གཉིས། །ཆོས་སྐྱོང་གཏོར་འབུལ་ལྷ་གྲངས་ཟོར་བཅས་དང་། །འབྲུ་སྣ་ཡོས་བཀྲའི་རྫོངས་འདེབས་རྒྱུ་ཡང་འཚག །དེ་ནས་གསེར་སྐྱེམས་ཕྱོགས་རྣམས་ཀུན་ཏུ་འཐོར། །དཀར་གཏོར་གསེར་སྐྱེམས་སྤྱི་འགྲོས་གཞན་ལྟར་རམ། །ཡང་ན་རང་གཞུང་འདི་ལྟར་བྱས་ཀྱང་འཐུས། །ཀྱེ། ཕྱོགས་བཅུ་ཀུན་ཏུ་གནས་པ་ཡི། །ཕྱོགས་སྐྱོང་ཞིང་སྐྱོང་རྣལ་འབྱོར་མ། །གཟའ་དང་བིལླི་པི་ལིང་དང་། །ལོ་ཟླ་ཞག་དུས་ས་བདག་ཚོགས། །རྣལ་འབྱོར་བདག་ལ་སྙན་གསོན་དང་། །ཆང་བས་དེ་ནི་ངོ་ཆེ་མེད། །གསེར་བས་དེ་ནི་རིན་ཆེ་མེད། །ཆང་དང་གསེར་དུ་སྦྱར་བ་ཡི། །གསེར་སྐྱེམས་མཆོད་པ་འདི་བཞེས་ལ། །མཐོ་བ་རྣམས་ཀྱིས་ཞབས་ཡར་སྐུམས། །དམའ་བ་རྣམས་ཀྱིས་དབུ་ཁུག་ལ། །བར་པ་རྣམས་ཀྱིས་སྐུ་བཟུར་ཅིག །ཕོ་བྲང་རྣམས་ཀྱང་སྒོ་ཆོད་ལ། །ན་བཟའ་ལྷབ་ལྷུབ་མཐུ་བ་སྡུས། །མདོས་ཆེན་འདི་ཡི་ལམ་ཕྱེས་ཤིག །ཡུལ་ཕྱོགས་འདི་ལ་གནས་པ་དང་། །མདོས་ཀྱི་གདོང་ན་གནས་པ་ཡི། །གཞི་བདག་གནས་བདག་ས་བདག་དང་། །བཙན་བདུད་ཡུལ་ལྷའི་ཚོགས་རྣམས་ཀུན། །གཡས་སུ་འདུག་པ་གཡས་སུ་བཟུར། །གཡོན་དུ་འདུག་པ་

― CMR017_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་དུ་བཟུར། །སྟེང་དུ་བཞུགས་པ་ཞབས་ཡར་སྐུམས། །འོག་ཏུ་བཞུགས་པ་དབུ་ཁུག་ལ། །དྲག་པོའི་མདོས་ཟོར་ཕོག་པ་ན། །ང་ནི་མ་ཉེས་མ་ལེན་གྱིས། །ཉེས་ལེན་དགྲ་དང་བགེགས་ལ་ཕོབ། །དེ་ནས་སྒོ་དབྱེ་བྱ་བ་ནི། །ཕྱོགས་བཞིའི་རྩང་ཐུར་བཞི་ཤབ་ཅིང་། །ཧཱུཾ། ཤར་གྱི་ཕྱོགས་ཀྱི་སྒོ་མ་ནི། །སོགས་ནས། ཧོཀརྨ་པྲ་ཝེ་ཤ་ཡ་ཕཊ། ཡན་གྱི་སྒོ་བཞི་ཕྱེ་བ་རང་གཞུང་ལྟར་བྱའོ། །དེ་ནས་གཏོར་ཆུང་སུམ་ཅུས་བསྐོར་ལ་གཏོར་རྫོངས་བྱ་བ་གཞུང་ལྟར་རོ།། ༈ དེ་ནས་རྫོང་འདེབས་བྱ་བ་ནི། ཧཱུཾ། བདུད་འདུལ་ཕུར་པའི་ལྷ་ཚོགས་ལ། །རིན་ཆེན་སྣ་ཚོགས་རྫོངས་སུ་འདེབས། །དགོས་འདོད་ཡིད་བཞིན་འགྲུབ་པར་མཛོད། །ནད་སེལ་སྨན་རྣམས་རྫོངས་སུ་འདེབས། །ནད་རྣམས་ཞི་བའི་ཕྲིན་ལས་མཛོད་། །གྲོ་ནས་འབྲུ་སྣ་རྫོ་ངས་སུ་འདེབས། །རྩྭ་ཁ་ལོ་ཏོག་འཕེལ་རྒྱས་མཛོད། །ཙནྡན་རྒྱ་སྤོས་རྫོངས་སུ་འདེབས། །སྙན་གྲགས་ཀུན་ཏུ་ཁྱབ་པར་མཛོད། །ཤ་ཁྲག་ཟས་སྣ་རྫོངས་སུ་འདེབས། །ལོངས་སྤྱོད་ལྷུན་གྱིས་གྲུབ་པར་མཛོད། །སྲོག་ཆགས་གཟུགས་རྣམས་རྫོངས་སུ་འདེབས། །མི་ནོར་འཁོར་གཡོག་འཕེལ་བར་མཛོད། །རྒྱལ་

― CMR017_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་གཟུགས་རྣམས་རྫོངས་སུ་འདེབས། །བསྟན་པའི་རྒྱལ་མཚན་ཚུགས་པར་མཛོད། །ཤ་ཁྲག་གཏོར་མ་རྫོངས་སུ་འདེབས། །སངས་རྒྱས་བསྟན་པ་བསྲུང་བར་མཛོད། །ཛ་གད་བདུད་རྩི་རྫོངས་སུ་འདེབས། །རྣལ་འབྱོར་སྐུ་ཚེ་བསྲིང་བར་མཛོད། །སྟག་རས་གཟིགས་རས་རྫོངས་སུ་འདེབས། །དགྲ་སྡེ་ཟིལ་གྱིས་གནོན་པར་མཛོད། །དར་རས་སྣ་ཚོགས་རྫོངས་སུ་འདེབས། །བཀྲག་དང་གཟི་མདངས་ལྡན་པར་མཛོད། །རི་རབ་གླིང་བཞི་རྫོངས་སུ་འདེབས། །ཕྲིན་ལས་རྣམ་བཞི་འགྲུབ་པར་མཛོད། །ཧཱུྃ། ད་ནི་མདོས་ལ་ཁལ་གཅིག་འགེལ། །སྟོབས་ལྡན་གླང་ཆེན་མདོས་ཀྱི་ཁལ། །འབྲོང་ཆེན་དར་མ་མདོས་ཀྱི་ཁལ། །དབང་པོ་ཁམས་དང་སྐྱེ་མཆེད་ལྡན། །རྫུ་འཕྲུལ་སྟོབས་ཀྱི་རྐང་པ་ལ། །མྱུར་མགྱོགས་རྒྱུག་པའི་བང་དང་ལྡན། །བསམ་ཕྱིན་རླུང་གི་གཤོག་པ་ཅན། །སྲིད་པའི་མདོས་ཀྱི་ཁལ་དུ་འབུལ། །བདག་དང་རྒྱུ་སྦྱོར་ཡོན་བདག་ལ། །ཆག་ཆེ་ཉམ་ང་ཅི་མཆིས་པ། །སྲིད་པའི་མདོས་ལ་ཁལ་དུ་འགེལ། །ཁལ་དུ་བཀལ་ལོ་ཁུར་དུ་བསྐུར། །གཉེར་དུ་གཏད་དོ་ཁྱེར་ལ་སོང་། །དམ་ལ་མ་འདའ་ས་མ་ཡ། །དེ་ནས་གཡང་

― CMR017_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་བྱ་བ་ནི། །མདོས་རྩེ་བཀྲ་ཤིས་རྟགས་བརྒྱད་ནས། །གང་ཟིན་གཅིག་ནི་བླང་བྱ་ཞིང་། ཧཱུྃ། དེ་རིང་སྲིད་པའི་མདོས་ཆེན་ལ། །དཀོན་མཆོག་གསུམ་དང་ཡི་དམ་ལྷ། །ཆོས་སྐྱོང་ནོར་ལྷ་སྲུང་མའི་ཚོགས། །མདོས་ལ་མི་རྫོངས་གཡང་དུ་ལེན། །སློབ་དཔོན་རྒྱུད་ཀྱི་ཆོས་སྐྱོང་དང་། །ཕ་མྱེས་རྒྱུད་ཀྱི་དགྲ་བློ་དང་། །མགོན་སྐྱོབ་བྱེད་པའི་སྲུང་མ་རྣམས། །མདོས་ལ་མི་རྫོངས་གཡང་དུ་ལེན། །སྲིད་པ་ཆགས་པའི་ལྷ་དགུ་དང་། །སྐྱོབ་པར་བྱེད་པའི་ལྷ་ལྔ་དང་། །འཇིག་རྟེན་བརྟེན་པའི་ལྷ་དགུ་རྣམས། །མདོས་ལ་མི་རྫོངས་གཡང་དུ་ལེན། །བཀྲ་ཤིས་རྟགས་བརྒྱད་རྒྱལ་སྲིད་བདུན། །གཏེར་གྱི་བུམ་པ་དཔག་བསམ་ཤིང་། །འཆི་མེད་ཚེ་དང་བདུད་རྩི་སྨན། །མཆོག་དང་ཐུན་མོང་དངོས་གྲུབ་གཉིས། །གྲུབ་པ་བརྒྱད་དང་ཕྲིན་ལས་བཞི། །གཡང་དང་དངོས་གྲུབ་ཐམས་ཅད་རྣམས། །མདོས་ལ་མི་རྫོ་ངས་གཡང་དུ་ལེན། །སརྦ་སིདྡྷི་ཨངྐུ་ཤ་ཛཛཿཧཱུྃ་བཾ་ཧོཿ ཡོད་་ན་རིགས་ལྔའི་དབུ་རྒྱན་ཞིག །མདོས་ཀྱི་སྟེང་དུ་ཚད་ཙམ་བྱ། །མེད་ན་ནས་འབྲུ་བཏབ་པས་འཐུས། ཧཱུྃ། དེ་རིང་སྲིད་པའི་མདོས་ཆེན་ལ། །ཡེ་ཤེས་ལྔ་ཡི་དབང་བསྐུར་རོ། །ཤཱཀྱ་ཐུབ་པས་

― CMR017_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བསྐུར་རོ། །རིགས་གསུམ་མགོན་པོས་དབང་བསྐུར་རོ། །འོད་དང་ཟེར་གྱིས་དབང་བསྐུར་རོ། །སྔོན་མོ་ནས་ཀྱིས་དབང་བསྐུར་རོ། །སྟོབས་པོ་ཆེ་ཡིས་དབང་བསྐུར་རོ། །ཅིས་ཀྱང་མི་ཚུགས་དབང་བསྐུར་བས། །ཁྲོ་བོ་རྣམས་དང་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །བན་བོན་མཐུ་ཆེན་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །སྔགས་པ་ཕུར་ཐོགས་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །སྐྱེས་པ་མདའ་ཅན་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །བག་མ་རྒྱན་ཅན་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །ལིངས་པ་ཁྱི་ཁྲིད་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །གྲི་བོ་རྨེ་ཕོ་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །ཨ་ར་ཤི་སྐྱིད་དམག་དང་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །ཡུགས་ས་མཛེ་མོ་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །རྡོ་རྗེ་ཕུར་པའི་ལྷ་ཚོགས་རྣམས། །རླུང་དང་འཚུབ་མའི་སྐུར་སྤྲུལ་ལ། །མདོས་ལོངས་ཡས་ཁྱེར་དྲེགས་པའི་ཚོགས། །མ་ཧཱ་བ་ལ་བྷྱོ་བྷྱོ་བྷྱོ། ཟློག་ཟློག་ཟློག །དེ་

― CMR017_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དཀར་གཏོར་བྲན་བྱས་ལ། །གཞི་བདག་ལ་བསྔོས་ཕྱིར་ལ་བཞག །དེ་ཡི་རྗེས་སུ་ངར་གླུད་དང་། །ཟོར་ཆས་འབུལ་གཏོར་ཐམས་ཅད་བཞག །དེ་རྗེས་མདོས་ཀྱི་ཞལ་ཕྱིར་བསྒྱུར། ཧཱུྃ། ད་ནི་མདོས་ཀྱི་ཞལ་བསྒྱུར་རོ། །བདུད་འདུལ་ཕུར་པའི་ལྷ་ཚོགས་རྣམས། །སྡང་བའི་དགྲ་ལ་ཞལ་བསྒྱུར་རོ། །ཁྲོ་བཅུ་ཡབ་ཡུམ་སྲས་མཆོག་བཞི། །ཁྲ་ཐབས་ཉི་ཤུའི་ཚོགས་བཅས་རྣམས། །སྡང་བའི་དགྲ་ལ་ཞལ་བསྒྱུར་རོ། །ཕུར་སྲུང་བཅུ་དྲུག་དྲེགས་པའི་ཚོགས། །ཡང་འཁོར་དབང་ཕྱུག་ཕྲ་མེན་བཅས། །སྡང་བའི་དགྲ་ལ་ཞལ་བསྒྱུར་རོ། །ཆིབས་ཁ་དགྲ་ཡི་ཡུལ་དུ་བསྒྱུར། །དམག་སྣ་ཇག་སྣ་དགྲ་ལ་བསྒྱུར། །མཚོན་གྱི་ཆར་པ་དགྲ་ལ་ཕོབ། །ནད་ཀྱི་རྐྱལ་པ་དགྲ་ལ་བྱོས། །ཁྲམ་གྱི་བམ་པོ་དགྲ་ལ་རྒྱོབ། །མདུང་དར་དགྲ་བོའི་སྙིང་ལ་རྒྱོབ། །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འཐུང་། །དགྲ་དཔུང་བདུན་རྒྱུད་རྩད་ནས་ཆོད། །བགེགས་དཔུང་ཐལ་བ་རྡུལ་དུ་རློགས། །ཨ་ཡ་མ་དུ་རུ་ཙ་ཤ་ན་ས་མ་ཡ་བྷྱོ་བྷྱོ། ཧཱུྃ། ད་ནི་མདོས་ལ་ལམ་བསྟན་ནོ། །དགུ་ཚིགས་སྐྱ་མོ་མདོས་ཀྱི་ལམ། །གཟའ་གཤེགས་ནམ་མཁའི་དབྱིངས་སུ་

― CMR017_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས། །མདོས་ལམ་ཆུ་བོའི་གཞུང་དུ་བསྟན། །ཀླུ་རྣམས་རྒྱ་མཚོའི་ནང་དུ་གཤེགས། །མདོས་ཀྱི་ལམ་བསྟན་གངས་དཀར་རྩེ། །ལྷ་གཉན་གངས་དཀར་རྩེ་ལ་གཤེགས། །མདོས་ཀྱི་ལམ་བསྟན་བྲག་དམར་ལོགས། །བཙན་གཤེགས་བྲག་དམར་ལོགས་ལ་གཤེགས། །མདོས་ཀྱི་ལམ་བསྟན་བྲག་ནག་རྩེ། །བདུད་གཤེགས་བྲག་ནག་རྩེ་རུ་གཤེགས། །མདོས་ཀྱི་ལམ་བསྟན་རྒྱ་མཚོའི་འགྲམ། །མ་མོ་རྒྱ་མཚོའི་འགྲམ་དུ་གཤེགས། །མདོས་ཀྱི་ལམ་བསྟན་སྐྱེད་མོས་ཚལ། །སྨན་གཤེགས་སྨན་ར་ནང་དུ་གཤེགས། །མདོས་ཀྱི་ལམ་བསྟན་ས་བྲག་ཕུག །ཐེའུ་རང་ཕུག་པའི་ནང་དུ་གཤེགས། །སརྦ་བྷཱུ་ཏ་གཙྪ། ཧཱུྃ། ད་ནི་མདོས་ཀྱི་ཤི་ས་བསྟན། །ནམ་མཁའ་ཡེ་ནས་མེ་འགྱུར་བ་མེད། །འབྱུང་བཞི་མི་རྟག་སྒྱུ་མ་ཡིན། །སེམས་ཉིད་ཡེ་ནས་མི་འགྱུར་ཏེ། །ལུས་པོ་མི་རྟག་སྒྱུ་མ་ཡིན། །ཆོས་ཉིད་ཡེ་ནས་མི་འགྱུར་ཏེ། །ཚིག་དང་ཡི་གེ་སྒྱུ་མ་ཡིན། །འདུས་བྱས་འདི་ལ་རྟག་པ་མེད། །མདོས་ཀྱང་མི་རྟག་རྒྱུ་མ་ཡིན། །སྒོ་ཐེམ་བརྒལ་བ་ཕྱིན་ཆད་ནས། །མི་རྟག་འཇིག་པའི་ཆོས་ཅན་ཡིན། །ཅི་ལྟར་ཞིག་ཀྱང་ཕྲག་

― CMR017_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

དོག་མེད། །འདིར་བསྐྱལ་ཟེར་བའི་བསྐྱལ་ས་མེད། །འདིར་བཞག་ཟེར་བའི་ས་མཚམས་མེད། །སུ་ཡིས་བཤིག་ཀྱང་ཤི་ས་ཡིན། །བྱ་སྤྱང་ཁྱི་ཕག་ཐམས་ཅད་ཀྱང་། །ཕྲ་མེན་ལན་ཆགས་མགྲོན་ཡིན་པས། །སུ་ཡིས་ཟོས་ཀྱང་ཕྲག་དོག་མེད། །དེ་ལྟར་ལྷ་འདྲེས་གོ་བར་མཛོད། །ཨ་ཨ་ཨ། འདི་ནི་ཟློག་མདོས་ཡིན་པའི་ཕྱིར། །ཁྱིམ་དུ་འབུལ་བར་མི་རུང་སྟེ། །དཀར་བགེགས་གཉིས་པོ་སྔོན་ལ་ཁྱེར། །དེ་རྗེས་མདོས་དང་ཟོར་བཅས་དང་། །འབུར་གཏོར་དར་ནག་དེ་རྣམས་ཁྱེར། །གལ་ཏེ་སྤྲོས་པ་ལ་དགའ་ན། །གཡས་སུ་སྐྱེས་པ་གོ་ཁྲབ་ཅན། །་གཡོན་དུ་བུད་མེད་གཡབ་དར་ཐོགས། །རྒྱབ་ཏུ་བཙུན་པས་ཤེར་སྙིང་འདོན། །སྔགས་པས་ཕུར་པ་སྐེད་ལ་བཙུགས། །མདོས་སྐྱེལ་རུ་འདྲེན་སྡེ་བཞི་ཡིན། །སྔགས་དང་རོལ་མོ་བསྒྲག་ཅིང་འགྲོ། །ཕྱོགས་ནི་གཙང་སར་ཁ་རྒྱུས་ལ། །རེ་ཞིག་ཐང་དུ་དེ་རྣམས་བཞག །གོང་དུ་བཤད་ལྟར་གསེར་སྐྱེམས་གཏོར། །སླར་ཡང་དཀར་གཏོར་བཀྱགས་བྱས་ཏེ། ཨོཾ་བཛྲ་ཨ་མྲྀ་ཏ་སོགས། ཐོད་པའི་སྣོད་དུ་གནས་པའི་གཏོར་མ་བདུད་རྩིའི་རང་བཞིན། སོ་སོའི་ཡིད་དང་མཐུན་པ་ལོངས་སྤྱོད་དུ་རུང་བར་གྱུར། ཨོཾ་ད་ཤ་དིཀ་ལོ་ཀ་པཱ་ལ་ས་པ་རི་ཝཱ་ཨི་དམ་བ་ལིང་ཁ་ཁ་ཁཱ་ཧི་ཁཱ་ཧི། བཛྲ་དྷ་ར་ཨཱཿཛྫཱ་པ་ཡ་ཏི་སྭཱ་ཧཱ།

― CMR017_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ ཤར་ལ་སོགས་པའི་ཕྱོགས་བཅུ་ན།་།ཞེས་སོགས་བརྗོད་ལ་དཀར་གཏོར་ཕྱོགས་སུ་འབུལ་ལོ། །སྔོན་ཚེ་ལྷ་དབང་བརྒྱ་བྱིན་གླུད། །ཅེས་སོགས་བརྗོད་ལ་བགེགས་གཏོར་འབུལ། །མདོས་སྒབ་ཟོར་གྱིས་བཅད་གསུངས་ཕྱིར། །གཞུང་གི་ཟོར་ལས་འདིར་བྱ་སྟེ། །ཤོག་ལིང་བྲིས་པ་ཡོད་ན་རབ། །མེད་ན་ཟན་གྱི་ལིང་གས་ཆོག །ཤིང་ནག་རྩེ་ལ་མགོ་ཐུར་བཙུགས། །འགུགས་གཞུག་གཞུང་ལྟར་བྱས་པའི་རྗེས། །གསེར་སྐྱེམས་གཏོར་ཞིང་ཟོར་ལམ་ཕྱེ། ༈ །དེ་ནས་མདའ་ཟོར་ནས་བཟུང་སྟེ། །ཟོར་རྣམས་ཐམས་ཅད་ལིང་གར་བརྡེག །དེ་ནས་ཟོར་ཆེན་ཐོགས་བྱས་ལ། །བཞེས་རྒྱག་སྤུ་གྲིའི་སྔགས་བཟླ་ཞིང་། །ཟོར་ཆེན་ལིང་གའི་ཐོག་ཏུ་བརྡེག༔ ༈ །དེ་ནས་ཆོས་སྐྱོང་གཏོར་འབུལ་བྱ། །འདི་ནི་ཟློག་མདོས་ཟོར་ཐབས་ཏེ། །ཕུར་སྲུང་སོ་སོའི་བསྟོད་བསྐུལ་དང་། །སྤུ་གྲིའི་སྔགས་བཟླས་སོ་སོར་འཕང་། །ཡང་ན་མདོས་འབུལ་ལུགས་ཞེས་པ། །མདོས་ཆས་ཙཀྱི་ཐམས་ཅད་བླངས། །ཟློག་ཐུང་འདོན་ལ་འབུལ་བར་བྱ། །གཏོར་མ་དངོས་གྲུབ་ཚུལ་དུ་བླང་། །གཏོར་གཞོང་སྦུབ་ལ་རྟ་བྲོ་བྱ། །སྟེང་ནས་རྐང་པས་རྒྱ་གྲམ་མནན། །འདི་ནི་རྒྱུན་དུ་ཐུན་གཏོར་འབུལ་དུས་ཀྱང་། །གཏོར་སྣོད་སྒྲུབ་ལ་འདོན་ཞིང་དམིགས་པ་བྱ། །དེ་ཡིས་དམ་སྲི་མནན་པའི་གོ་ཡང་ཆོད། །ཕྱི་ལྟས་མི་བྱ་རང་གི་ཁྱིམ་དུ་ལོག །སྔགས་པ་ཉིད་ནི་རྗེས་ནས་འོང་བྱས་ཏེ། །དར་ནག་མི་ཕྱིར་ཕྱི་ཁྲིད་བྱས་ནས་འོང་། །དེ་ཚེ་རྣམས་འཇོམས་བཟླ་ཞིང་དམིགས་པ་

― CMR017_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། །བྱ་ཁྱུང་གཅིག་གིས་ཕྱིར་གཟིགས་རྗེས་བཅད་བསམ། །དེ་ནི་འབྱུང་པོའི་རྗེས་འཁྲི་སྲུང་བའོ། །ཁྱིམ་དུ་ཕྱིན་ནས་རང་གི་ཡི་དམ་གྱི། །དགའ་སྟོན་ཚོགས་འཁོར་ཚེ་འགུགས་བཀྲ་ཤིས་བྱ། །ཕྱིར་ནངས་བསངས་བྱས་སྦྱིན་སྲེག་གོ་ཆོད་འགྱུར།་།བསངས་ཀྱང་དོན་ལ་ཞི་བའི་སྦྱིན་སྲེག་ཡིན། །རྗེས་ཀྱི་ལེའུ་སྟེ་གསུམ་པའོ།། ༈ །།དེ་ལྟར་བྱས་པའི་ཕན་ཡོན་གྱིས། །ལས་ཀྱི་རྣམ་སྨིན་མ་གཏོགས་པའི། །རྐྱེན་ངན་བར་ཆད་ཐམས་ཅད་ཟློག །རང་གི་བསོད་ནམས་དཔལ་འབྱོར་རྒྱས། །ཀུན་རྫོབ་རྟེན་འབྲེལ་བསླུ་མེད་ཕྱིར། །གཞུང་མང་དོན་བསྡུས་བྱིན་རླབས་ངེས་པར་ཡོད། ༈ །ཀྱེ་མ་བན་རྒན་རཱ་ག་ཨ་སྱ་བདག །ཚེ་སྔོན་ལས་འཕྲོ་སྔགས་ནག་བུ་རུ་་སྐྱེས། །ལོ་བརྒྱད་ལོན་ནས་སྔགས་ཆོས་མདོས་རིགས་སྦྱངས། །མི་ཚེ་རིལ་པོར་སྔགས་ཆོས་ཉམས་སུ་བླངས། །དེ་ཕྱིར་བདུད་རྩི་དིལ་གྱི་རིག་སྔགས་འཆང་། །སྙིང་གི་བུ་སློབ་དེ་ཡིས་ནན་གྱིས་བསྐུལ། །འོན་ཀྱང་གཉན་ཕྱིར་གྱ་ཚོམ་བ་མ་བྲིས་པར། །རྩ་གསུམ་ལྷ་དང་ཕུར་པའི་ཚོགས་འཁོར་བསྐོར། །ཕུར་སྲུང་རྣམས་ལ་གཏོར་མ་ཡང་ཡང་ཕུལ། །གསོལ་བ་བཏབ་པས་གནང་བའི་རྟགས་མཚན་ཐོབ། །འོན་ཀྱང་གང་དྲན་རང་བཟོ་མ་བྱས་པར། །དབལ་མདོས་རིགས་མི་གཅིག་པ་རེ་ཟུང་དང་། །ཕུར་པའི་རྒྱུད་ལུང་མན་ངག་མང་པོ་དང་། །གཙུག་ལག་སྤྱི་མདོས་ར་ཤག་གཏེར་སྟོན་གྱི། །གླིང་བཞི་སྤྱི་མདོས་རྣམས་ཀྱི་དོན་བསྡུས་ནས། །ཕག་ལོ་རྒྱལ་ཟླའི་ཚེས་གཉིས་ནས་བཟུང་སྟེ། །རྒྱལ་

― CMR017_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླའི་ཚེས་བཞི་དངོས་གྲུབ་འབྱུང་བའི་དུས། །ཚར་ཞིང་ཁ་འབེབས་མདོས་ཆེན་བཅས་ནས་ཕུལ། །འགལ་བ་མཆིས་ན་ཕུར་པའི་ཚོགས་ལ་བཤགས། །དགེ་བས་སྒྲུབ་བརྒྱུད་བསྟན་པ་དར་བ་དང་། །བསྟན་པའི་སྦྱིན་བདག་ཆོས་སྲིད་འཕེལ་བར་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕུར་པ་ཡང་གསང་བླ་མེད་དོན་གྱི་སྙིང་པོའི་མཆོད་གཏོར་མཆོད་བྱང་དང་། ཕུར་སྲུང་གི་གསོལ་ཁ་འདོན་འགྲིགས་བལྟས་ཆོག

― CMR017_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་དོན་གྱི་སྙིང་པོའི་མཆོད་གཏོར་མཆོད་བྱང་དང་། ཕུར་སྲུང་གི་གསོལ་ཁ་འདོན་འགྲིགས་བལྟས་ཆོག་ཡོད་དོ།།

― CMR017_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཆེན་རྡོ་རྗེ་གཞོན་ནུ་ལ་ཕྱག་འཚལ་ལོ། །འདི་གཏེར་གཞུང་རང་ན་གསོལ་ཁ་གསལ་ཆ་མེད་ཀྱང་། ཕུར་སྲུང་འདི་དག་འཇིག་རྟེན་མཆོད་དང་བསྟོད་པས་འགྲུབ་པར་གསུངས་པས་གསོལ་ཁ་ཐེང་ན་གལ་ཆེ་བས། ཟངས་ལྕགས་སམ་སྡེར་གཙང་མར་དམར་གཏོར་རྩེ་མོ་བཅོ་ལྔ་པ་ཞིག་བྱ་བ་ནི། རྡོ་རྗེ་གཞོན་ནུ་སྲས་བཞི་ཁྲོ་བཅུ་ཡབ་ཡུམ་མོ། །དེ་ཡི་མཐའ་ལ་ཕུར་སྲུང་བཤོས་བུས་བསྐོར་ཏེ། ཤྭ་ན་མ་བཞི་ལ་མི་རོ་བཞི། བདག་ཉིད་མ་བཞི་ལ་སྙིང་བཞི། བསེ་མོ་བཞི་ལ་ཞག་དང་འོ་མ་མར་ཁུ་དང་ཁྲག་གི་མཚོ་བཞི། གྲི་ཐོགས་གིང་བཞི་ལ་མཁར་ཐབས་བཙན་བཤོས་བདུད་བཤོས་རྩེ་རིང་རྣམས་རེ་རེ། དབང་ཕྱུག་ཉེར་བརྒྱད་ལ་སྤང་ཆངས་ཉེར་བརྒྱད་དམ་བདུན་ནམ་བཞི། དམ་ཅན་སྤུན་ལྔ་ལ་མཁར་ཐབས་རྩེ་ལྔ་རི་མགོ་

― CMR017_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། ལྡང་ལྷ་ལ་བཙན་བཤོས་ཟུར་གསུམ་རྩེ་གསུམ་པ། སྙིང་དྲུང་བཙན་པོ་ལ་བཙན་བཤོས། དགེ་བསྙེན་ཉེར་གཅིག་ལ་མཐེབ་སྐྱུ་ཉེར་གཅིག་གིས་བསྐོར་རོ། །དེ་ལ་འཛོམ་ན་དར་ཚོན་བརྒྱན། འབྲུ་སྣ་རིན་པོ་ཆེའི་ཕྱེ་མ་བླུག་གོ །རཀྟ་གསེར་སྐྱེམས་འཛོམ་ན་བཤམས། གཏོར་མ་དཀར་དམར་ཤ་ཁྲག་གིས་བརྒྱན། ཕུད་རྒོད་ཀྱིས་བྲན་ལ་བཞུག །སྒྲུབ་དུས་ཡིན་ན་ཐུན་མཚམས་སུ་དགོང་མོའི་དུས་སམ། ཚེས་བཅུ་དགུ་གཏོར་དུས་བཟང་ངམ། འགྲུབ་སྦྱོར་བཟང་བའམ་ནམ་ཡང་རུང་སྟེ། དེ་ཉིན་འཕྲལ་དུ་ཕུལ་ལམ་བཞག་ནས་གསོ་བྲན་བྱས་ཏེ་ནམ་འདོད་འདོན་ཡང་རུང་སྟེ། ཕུར་པའི་ལས་བྱང་སྔོན་དུ་སོང་ན་རབ། མིན་ཀྱང་གསང་སྒྲུབ་མངོན་རྟོགས་དང་བསྙེན་པ་བརྒྱ་སྐོར་ཙམ་བྱ། གཏོར་མ་དེ་ལ་འགུགས་གཞུག་སྤྱི་མཚམས་

― CMR017_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་པ་ཙམ་བྱས་ལ། ངོ་བོ་དགྲ་བགེགས་ཀྱི་ཤ་ཁྲག་ལ་རྣམ་པ་བདུད་རྩིའི་འདོད་ཡོན་སྣ་ཚོགས་འཇིག་རྟེན་གང་བར་དམིགས་ལ། ཨོཾ་ཨ་ཀཱ་རོ་མུ་ཁཾ་ལན་གསུམ་གྱིས་བྱིན་གྱིས་བརླབས་ནས། ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ སྐྱེ་མེད་ཆོས་ཀྱི་དབྱིངས་ཉིད་ལས༔ སྲིད་པ་རྡོ་རྗེ་ཕུར་པའི་ལྷ༔ རྒྱལ་བའི་དཀྱིལ་འཁོར་ཡོངས་རྫོགས་དཔལ༔ ཆོས་ཉིད་རྒྱུ་མ་རོལ་པའི་ངང་༔ ཐུགས་རྗེས་འགྲོ་བའི་དོན་མཛད་པ༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་རྒྱལ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ དངོས་གྲུབ་མ་ལུས་སྩོལ་བའི་ཕྱིར༔ འབར་བའི་གདན་ལ་བཞུགས་སུ་གསོལ༔ ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ སྔོན་ཚེ་ཇི་ལྟར་ཁས་བླངས་པའི༔ དམ་ཚིག་དེ་ལས་མ་འདའ་བར༔ བདག་གིས་མཆོད་ཅིང་སྒྲུབ་བྱེད་ན༔ དམ་ཅན་མ་གཡེལ་དམ་ལ་འདུས༔ གང་བཅོལ་ཕྲིན་ལས་འགྲུབ་པར་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ་ས་པཱ་རི་ཝཱ་ར༔ བཛྲ་ས་མ་ཡ་ཛཿ ཏིཥྛ་ལྷན་ཨ་ཏི་པཱུ་ཧོཿ པྲ་ཏི་ཛ་ཧོ་ཞེས་ཕུར་པའི་ལྷ་ཚོགས་ཐམས་ཅད་བུན་ནེ་ཆིལ་ལེར་བྱོན་ནས་ནམ་མཁའ་བར་སྣང་གང་བར་བཞུགས་པར་དམིགས་ནས། ཧཱུྃ༔

― CMR017_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་ཕུར་པའི་ལྷ་ཚོགས་གནས་འདིར་གཤེགས༔ འཛབ་དགོངས་གྲངས་ཐེམས་སྨན་གཏོར་མཆོད་ཚོགས་འབུལ༔ སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད༔ རྩ་བ་ཡན་ལག་དམ་ཚིག་ཉམས་ཆག་བཤགས༔ རང་སེམས་དཔང་བཙུགས་བཀའ་བཞིན་བསྒྲུབས་ལགས་ན༔ སྐུ་གསུང་ཐུགས་ཡོན་དངོས་གྲུབ་མ་ལུས་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་ས་པཱ་རི་ཝཱ་ར་པཉྩ་ཨ་མྲྀ་ལཱ་ཧི༔ མ་ཧཱ་བ་ལིཾ་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ སརྦ་པཱ་ཙ་ཁཱ་ཧི༔ དེ་ནས་ལས་བྱང་བསྟོད་པ་ཟུར་འགེབས། ཛཿ དམ་ཚིག་ཐུགས་དམ་ཆེན་པོའི་དུས་ལ་བབ་ཅེས་པ་ནས། ལྷག་པའི་ལྷ་རྣམས་རྫོགས་ལ་ཕྱག་འཚལ་བསྟོད༔ དམ་རྫས་བརྒྱན་པའི་མཆོད་གཏོར་འདི་བཞེས་ལ། །སྲུངས་སྐྱོབས་ཚེ་དབང་མཆོག་གི་དངོས་གྲུབ་སྩོལ། །ཞེས་ཡུམ་དང་ཁྲོ་བཅུ་སྲས་མཆོག་ཡན་ཆད་ལ་སྦྱར་རོ། །དེ་ནས་ཕུར་སྲུང་རྣམས་བསྟོད་སྐུལ། ཛཿ བྷྱོ༔ དཔལ་ཆེན་རྡོ་རྗེ་གཞོན་ནུ་ཡི༔ ཞེས་པ་ནས། མ་གཡེལ་མ་འཕང་ལས་མཛོད་ཅིག༔ བརྒྱན་པའི་མཆོད་གཏོར་འདི་བཞེས་ལ། །ཕྲིན་ལས་རྣམ་བཞིའི་དངོས་གྲུབ་སྩོལ། །ཞེས་ཕུར་སྲུང་བཅུ་དྲུག་ལ་སྦྱར་བར་བྱའོ། །དེ་ནས། རྡོ་རྗེ་ཕུར་པའི་

― CMR017_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་མ་རུ་ཁས་བླངས་དམ་ཅན་བཀའ་ཉན་ཚོགས༔ དགེ་བསྙེན་ཉི་ཤུ་རྩ་གཅིག་པོ༔ ཕོ་ཉ་ལས་བྱེད་སྲོག་ལ་རྔམས༔ རལ་གྲི་ཟངས་ཡག་ཀླད་ལ་བསྐོར༔ ཕུར་པ་དགྲ་བོའི་སྙིང་ལ་འདེབས༔ བྲན་དང་བཀའ་ཉན་ཕོ་ཉའི་ཚོགས༔ དམ་རྫས་མཆོད་གཏོར་འདི་བཞེས་ལ༔ ཞི་རྒྱས་དབང་དང་དྲག་པོ་ཡིས༔ བརྣག་པའི་ལས་ལ་མཐུ་མ་ཆུང་༔ དགྲ་བགེགས་བསྒྲལ་བའི་ལས་མཛོད་ཅིག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ དཔལ་གྱི་བཀའ་ཉན་ལས་བྱེད་ཚོགས༔ མ་ཚོགས་དབང་ཕྱུག་ཉེར་བརྒྱད་ཀྱིས༔ ཚོགས་ཀྱི་དཀྱིལ་འཁོར་ཆེན་པོ་འདིར༔ མཚན་ཙམ་འཛིན་པར་བྱེད་པ་ཡང་གཡོ་སྒྱུ་མེད་ཅིང་གུས་ལྡན་པའི༔ སེམས་ཀྱིས་བླངས་ཏེ་སྤྱི་བོ་ཡི༔ གཙུག་ཏུ་བླངས་ཏེ་བཀུར་བར་བྱའོ༔ དེ་སྐད་ཁྱོད་ཀྱིས་བྲོ་བོར་ཏེ༔ དམ་བཅའ་བསྙེལ་དུ་མི་རུང་བས༔ དམ་རྫས་མཆོད་གཏོར་འདི་བཞེས་ལ༔ བདག་གི་ལུས་དང་གྲིབ་མ་བཞིན༔ རྟག་ཏུ་མི་འབྲལ་སྲུང་མ་མཛོད༔ བརྣག་པའི་ཕྲིན་ལས་གང་བཅོལ་བ༔ ཐོགས་པ་མེད་པར་ཤོར་ར་རེ་ཕྲིན་ལས་ཐོགས་མེད་འགྲུབ་པར་མཛོད༔ དེ་ནས་གཏེར་སྲུང་གསོལ་ཁ་ནི། སྤྱན་

― CMR017_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་གོང་གི་དེས་འཐུས་འཁོར་དུ་ཡོད་པ་ཡིན། དམ་ཅན་སྤུན་ལྔ་ནི། ཤར་ཕྱོགས་དཀར་པོ་ནོར་སྙག་ཁྱེད༔ ཆིབས་སུ་སེང་གེ་དཀར་མོ་ཆིབས༔ ཕྱག་ན་སྤུ་གྲི་འབར་བ་བསྣམས༔ རྒྱལ་དམག་འབུམ་གྱི་དམག་དཔོན་བྱེད༔ བཤོས་བུ་མཆོད་གཏོར་འདི་བཞེས་ལ༔ རྒྱལ་པོའི་བཀའ་ཆད་སྨྱོ་འབོག་ཟློག་རྒྱལ་དམག་འབུམ་དང་བཅས་ཏེ་བསྟན་པའི་དགྲ་ལ་བྷྱོ༔ བདུད་ཕོ་ཟུར་ར་ར་སྐྱེས་ཁྱོད༔ ཆིབས་སུ་བདུད་རྟ་ནག་པོ་ཆིབས༔ ཕྱག་ན་མདུང་དང་ཞགས་པ་བསྣམས༔ བདུད་དམག་འབུམ་གྱི་དམག་དཔོན་བྱེད། བཤོས་བུ་མཆོད་གཏོར་འདི་བཞེས་ལ༔ བདུད་ཀྱི་ཞགས་པ་ཁྲམ་ཁ་ཟློག༔ བདུད་དམག་འབུམ་དང་བཅས་ཏེ་བསྟན་པའི་དགྲ་ལ་བྷྱོ༔ མོན་པ་ནག་པོ་སྐུ་འཐེན་ཁྱོད༔ ཆིབས་སུ་ར་དམར་འཇིགས་ནག་ཆིབས༔ ཕྱག་ན་གསེར་གྱི་རྡོ་རྗེ་བསྣམས༔ མོན་པ་འབུམ་གྱི་དམག་དཔོན་བྱེད༔ བཤོས་བུ་མཆོད་གཏོར་འདི་བཞེས་ལ༔ མོན་པའི་གཅེར་རྒྱུག་ཡེ་འདྲོགས་ཟློག༔ མོན་པ་འབུམ་དང་བཅས་ཏེ་བསྟན་པའི་དགྲ་ལ་བྷྱོ༔ བཙན་དམར་ཤན་པ་ཀུས་འདེབས་ཁྱོད༔ ཆིབས་སུ་བཙན་རྟ་དམར་ཞུར་ཆིབས༔ བཙན་མདུང་ཕྱུར་

― CMR017_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་འཁོར་གསུམ་བསྐོར༔ བཙན་དམག་ཡོངས་ཀྱི་དམག་དཔོན་བྱེད་བཤོས་བུ་མཆོད་གཏོར་འདི་བཞེས་ལ༔ བཙན་གྱི་རྐྱ་རྒྱུག་ཤོད་ཁ་ཟློག༔ བཙན་དམག་འབུམ་དང་བཅས་ཏེ་བསྟན་པའི་དགྲ་ལ་བྷྱོ༔ ཐེའུ་རང་སྟོང་སྡེའི་དམག་དཔོན་ཁྱོད༔ ཆིབས་སུ་ར་སྐྱེས་ཁམ་པ་ཆིབས༔ དབུ་ལ་དར་ནག་སྲོག་ཞུ་གསོལ༔ རྡོ་རྗེ་དང་ནི་དགྲ་སྙིང་འཛིན༔ ཐེའུ་རང་འབུམ་གྱི་དམག་དཔོན་བྱེད༔ བཤོས་བུ་མཆོད་གཏོར་འདི་བཞེས་ལ༔ ཁ་འཛིན་སྡོང་གྲོགས་མེལ་ཚེ་མཛོད༔ ཐེའུ་རང་འབུམ་དང་བཅས་ཏེ་བསྟན་པའི་དགྲ་ལ་བྷྱོ༔ དེ་ནས་གཏེར་སྲུང་ལྡང་ལྷ་ནི༔ ཀྱེ༔ བདུད་ཀྱི་ཡུལ་ནས་སྤྱན་འདྲེན་ནོ༔ བཙན་གྱི་ཡུལ་ནས་སྤྱན་འདྲེན་ནོ༔ ཀླུ་ཡི་ཡུལ་ནས་སྤྱན་འདྲེན་ནོ༔ མངའ་བདག་བདུད་ཀྱི་རྒྱལ་པོ་ཁྱོད༔ རླུང་ནག་འཚུབ་མའི་ནང་དུ་བཞུགས་སུ་གསོལ༔ དྲག་པོ་བཙན་གྱི་རྒྱལ་པོ་ཁྱོད༔ མེ་དཔུང་འབར་བའི་གདན་ལ་བཞུགས་སུ་གསོལ༔ དབང་ཆེན་ཀླུ་ཡི་རྒྱལ་པོ་ཁྱོད༔ རྒྱ་མཚོ་ཆེན་པོ་དེ་ལ་བཞུགས་སུ་གསོལ༔ བདུད་ཀྱི་རྒྱལ་ལ་ཕྱག་འཚལ་ལོ༔ བཙན་གྱི་རྒྱལ་ལ་ཕྱག་འཚལ་ལོ༔ ཀླུ་ཡི་རྒྱལ་ལ་ཕྱག་འཚལ་ལོ༔ མེ་ཏོག་མཛེས་པ་

― CMR017_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་འབུལ་ལོ༔ དྲི་ཞིམ་བདུག་སྤོས་འདི་འབུལ་ལོ༔ སྣང་གསལ་མར་མེ་འདི་འབུལ་ལོ༔ དྲི་ཆབ་དམ་པ་འདི་འབུལ་ལོ༔ བཤོས་གཙང་དམ་པ་འདི་འབུལ་ལོ༔ རོལ་མོ་དབྱངས་སྙན་འདི་འབུལ་ལོ༔ རིན་ཆེན་སྣ་ལྔ་འདི་འབུལ་ལོ༔ བདུད་བཤོས་ནག་པོ་སྙིང་གིས་བརྒྱན༔ བདུད་རྒྱལ་ཐུགས་དམ་བསྐང་གྱུར་ཅིག༔ བཙན་བཤོས་དམར་པོ་ཤ་ཡིས་བརྒྱན༔ བཙན་རྒྱལ་ཐུགས་དམ་བསྐང་གྱུར་ཅིག༔ འབྲས་བཤོས་དཀར་པོ་དཀར་གྱིས་བརྒྱན༔ ཀླུ་རྒྱལ་ཐུགས་དམ་བསྐང་གྱུར་ཅིག༔ བྱ་ནག་རྟ་ནག་ཁྱི་ནག་གིས༔ བདུད་ཀྱི་རྒྱལ་པོ་བསྐང་གྱུར་ཅིག༔ བྱ་དམར་རྟ་དམར་ཁྱི་དམར་གྱིས༔ བཙན་གྱི་རྒྱལ་པོ་བསྐང་གྱུར་ཅིག༔ བྱ་སྔོན་རྟ་སྔོན་ཁྱི་སྔོན་གྱིས༔ ཀླུ་ཡི་རྒྱལ་པོ་བསྐང་གྱུར་ཅིག༔ ལྡང་ལྷ་གསང་བའི་བྲག་ཕུག་ཏུ༔ པདྨ་ཐོད་ཕྲེང་སྤྱན་སྔ་རུ༔ རང་རྟགས་སྲོག་གི་སྙིང་པོ་ཕུལ༔ སྙིང་པོ་དོན་གྱི་བཀའ་སྲུང་མཛད༔ ཕྱི་རབས་རྣལ་འབྱོར་སྒྲུབ་མཆོག་དང་༔ རིག་འཛིན་བདག་གི་གྲོགས་མཛོད་ཅིག༔ རྟ་གཡག་གླང་ལ་སོགས་པ་ཡི༔ གཟུགས་བརྙན་སྣ་ཚོགས་ཁྱོད་ལ་འབུལ༔ རྔ་དུང་དྲིལ་བུ་ལ་སོགས་

― CMR017_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

པ༔ སྒྲ་སྙན་སྣ་ཚོགས་ཁྱོད་ལ་འབུལ༔ དར་ཟབ་སྣམ་བུ་ལ་སོགས་པའི༔ གོས་ཀྱི་བྱེ་བྲག་ཁྱོད་ལ་འབུལ་དངོས་སུ་འབྱོར་དང་ཡིད་ཀྱིས་སྤྲུལ༔ མཐུན་རྫས་དཔག་མེད་ཁྱོད་ལ་འབུལ༔ ཨོཾ་ཡཾ་ཡཾ༔ ཞུར་ཞུར༔ ཐིག་ཐིག༔ དམག་དཔོན་ཆེན་པོ་མཆེད་གསུམ་འཁོར་དང་བཅས་པ་རྣམས་ཀྱི་ཞལ་དུ་ཨི་དམ་བ་ལིཾ་ཏ་ཁཱ་ཧི་ཁཱ་ཧི༔ ཞེས་འབུལ་ལོ། དེ་ནས་ལས་ཀྱི་གཉེར་གཏད་པ་ནི། སྐུ་མཆེད་འཁོར་དང་བཅས་པས་རྣལ་འབྱོར་པ་བདག་ཅག་ལ་ལུས་དང་གྲིབ་མ་བཞིན་དུ་འགྲོགས་ཤིག༔ མདའ་གང་ཙམ་ལས་མ་མཐོ་ཞིག༔ ལྷམ་གང་ཙམ་ལས་དམའ་ཞིག༔ ཉལ་ན་སློངས་ཤིག༔ བརྗེད་ན་སྐུལ་ཅིག༔ གཡས་ཀྱི་མདའ་ར་གྱིས་ཤིག༔ གཡོན་གྱི་རྟེན་མ་གྱིས་ཤིག༔ ཉིན་གྱི་བྱ་ར་གྱིས་ཤིག༔ མཚན་གྱི་མེལ་ཚེ་གྱིས་ཤིག༔ རྒྱབ་ཀྱི་སྐྱེལ་མ་གྱིས་ཤིག༔ མདུན་གྱི་བསུ་མ་གྱིས་ཤིག༔ མི་ནོར་ཟས་གསུམ་སྤེལ་ཅིག༔ ཡུལ་འཁོར་ཁྱིམ་གསུམ་སྲུངས་ཤིག༔ བསམ་པ་སྒྲུབས་ལ་རེ་བ་སྐོངས་ཤིག༔ རྟ་ཕྱུགས་བྲན་གཡོག་སྒོ་གསུམ་གྱི་གཉེར་གྱིས་ཤིག༔ སྡང་བའི་དགྲ་ཐུལ་ཞིག༔ གནོད་པའི་བགེགས་ཆོམས་ཤིག༔ བར་ཆད་ཀྱི་རྐྱེན་ཟློག་ཅིག༔

― CMR017_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་བདག་ལྡང་ལྷ་མཆེད་གསུམ་གྱི་གསོལ་ཁ་ས་མ་ཡ༔ རྒྱ་རྒྱ་རྒྱ༔ རཏྣའི་གཏེར་མའོ།། ཧཱུྃ༔ ལྷ་ཡི་དགེ་བསྙེན་དྲག་པོ་རྩལ༔ སྐུ་ལ་དར་དཀར་རལ་ག་གསོལ༔ ཆིབས་སུ་ངང་དཀར་སྣ་སྔོན་ཆིབས༔ འཇིགས་པའི་སྐུ་ལ་ཁྲོས་པའི་ཐུགས༔ མྱུར་དུ་རྒྱུག་པའི་མཐུ་རྩལ་ཅན༔ གཡས་པས་དར་དཀར་རུ་མཚོན་ཕྱར༔ གཡོན་པས་དགྲ་སྙིང་ཞལ་དུ་གསོལ༔ བཙན་རྒོད་བྱ་ར་སྟོང་གིས་བསྐོར༔ ཁྱེད་ཀྱི་ཐུགས་དམ་དུས་ལ་བབ༔ བརྒྱན་པའི་མཆོད་གཏོར་འདི་བཞེས་ལ༔ ཁ་འཛིན་སྡོང་གྲོགས་མེལ་ཚེ་མཛོད༔ བསྟན་པ་བཤིག་པའི་དགྲ་བོ་སྒྲོལ༔ ད་ལྟར་བཅོལ་བའི་ཕྲིན་ལས་མཛོད༔ བ་རི་བ་རི་གིང་ཀ་ར་ཛཛཿ བ་ལི་ཏ་ཁཱ་ཧི་ཁཱ་ཧི༔ འདི་ལ་གཏོར་མ་ལོགས་སུ་མི་དགོས་མཆེད་གསུམ་གྱི་བཙན་དེ་ཡིན་ནོ། །དྲིལ་སྒྲུབ་ནས་སོ།། ཀྱེ༔ བཞེངས་ཤིག་སྙིང་དྲུང་བཙན་པོ་བཞེངས༔ སྐུ་ལ་དར་ནག་གོ་ཟུ་གསོལ༔ ཆིབས་སུ་སྨྲ་གུ་སྒབ་ནག་ཆིབས༔ དབུ་ལ་བྱ་ཞུ་སྨུག་པོ་གསོལ༔ ཕྱག་ན་མདའ་མོ་བྱ་རྒོད་བསྣམས༔ འཕྲུལ་གྱི་མེ་ལོང་རྐེད་ལ་བཙུགས༔ ལྷབ་ལྷབ་དེ་ནི་འཕུར་ཞིང་བྱོན༔ ཐོལ་ཐོལ་དེ་ནི་སྨྲ་ཞིང་བྱོན༔ མོ་བདག་ལགས་པས་མོ་སྟོན་ཅིག༔ པྲ་

― CMR017_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ལགས་པས་པྲ་སྟོན་ཅིག༔ རྫུན་དང་གཡོ་སྒྱུ་མ་མཛད་ཅིག༔ སྒྲིབ་མེད་ཝ་ལེར་བསྟན་དུ་གསོལ༔ ང་ཡིས་འབོད་པར་མ་ཆད་དམ༔ ཁྱོད་ཀྱིས་འོང་བར་མ་ཆད་དམ༔ པྲ་བདག་དེ་ནི་ཕྲ་ལ་བྱོན༔ དེ་རིང་སྣང་སྲིད་ས་ལེར་སྟོན༔ དམ་རྫས་མཆོད་གཏོར་འདི་བཞེས་ལ༔ བཀྲ་ཤིས་དར་རྒྱས་ཆེ་བ་ཡི༔ དྲག་པོ་བཙན་གྱི་དངོས་གྲུབ་སྩོལ༔ ཨོཾ་ད་ན་རྭ་ཙ་ཕཊ༔ ན་ད་རྭ་ཙ་ཕཊ༔ ནི་དུ་རཱ་ཙ་ཕཊ༔ དུ་ན་རྭ་ཙ་ཕཊ༔ དུ་པ་རྭ་ཙ་ཕཊ༔ པྲ་མོ་སྟོན་སྭཱ་ཧཱ༔ བ་ལིཾ་ཏ་ཁཱ་ཧི་ཁཱ་ཧི༔ འདི་གཙོ་བོ་མོ་པྲ་སྒྲུབ་པ་ཡིན་ཀྱང་༔ ཕུར་པའི་བཀའ་སྲུང་པོད་གཞུང་ནང་ལ་ཡོད་པས་གཏོར་འབུལ་དགོས་སོ༔ མོ་འདེབས་དུས་དམ་རྫས་མཆོད་གཏོར་མན་ཆད་བསྒྱུར་ལ་མོ་བདར་འདོན་རུང་ངོ་། །དེ་ནས་ཐུགས་སྒྲུབ་ནས་ཁ་སབ་པའི་འདོད་གསོལ་ནི་བཀའ་བརྒྱད་ཕུར་སྐོང་དང་མཚུངས་པར༔ ཧོཿ སྐུ་གསུམ་དག་པའི་ཕོ་བྲང་ནས༔ སྐུ་གསུམ་བཀའ་བརྒྱུད་ཀྱི་བླ་མ༔ རྒྱལ་བ་དགོངས་པའི་བརྒྱུད་པ༔ རིག་འཛིན་བརྡ་ཡི་བརྒྱུད་པ༔ གང་ཟག་སྙན་ཁུང་བརྒྱུད་པ༔ གཏེར་ཆོས་སྨོན་ལམ་བརྒྱུད་པ༔ མཁའ་འགྲོ་གཏད་རྒྱ་བརྒྱུད་པ་ཐམས་ཅད་སྤྱན་འདྲེན་གཤེགས་སུ་གསོལ༔ མཆོད་པ་འབུལ་ལོ༔ ཕྲིན་ལས་བཅོལ་ལོ༔

― CMR017_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་གྲུབ་སྩོལ་ཅིག༔ ཧཱུྃ༔ བཅོམ་ལྡན་འདས་རྡོ་རྗེ་གཞོན་ནུ་ཡབ་ཡུམ་སྲས་བཞི་ཁྲོ་བཅུ་ཡབ་ཡུམ༔ ཟ་གསོད་ཕྲ་མེན་སྲུང་མ་བཅུ་གཉིས༔ སྒོ་བཞི་ཕྱག་་་བརྙན༔ དབང་ཕྱུག་མ་དང་བཅས་པ༔ ཕུར་པའི་ལྷ་ཚོགས་བདུན་ཅུ་རྩ་བརྒྱད་སྤྱན་འདྲེན་གཤེགས་སུ་གསོལ༔ མཆོད་པ་འབུལ་ལོ༔ ཕྲིན་ལས་བཅོལ་ལོ༔ དངོས་གྲུབ་སྩོལ་ཅིག༔ གཞན་ཡང་རྡོ་རྗེ་གཞོན་ནུའི་སྲུང་མ་དམ་ཅན་རྒྱ་མཚོ༔ དམ་ཅན་མཆེད་ལྔ༔ ལྡང་ལྷ་མཆེད་གསུམ༔ བཙན་རྒོད་སྙིང་དྲུང་བཙན་པོ༔ དགེ་བསྙེན་ཉི་ཤུ་རྩ་གཅིག༔ དབང་ཕྱུག་ཉི་ཤུ་རྩ་བརྒྱད༔ མ་སྲིང་བརྟན་མ་བཅུ་གཉིས་རྣམས་ལ་གསོལ་ལོ་མཆོད་དོ༔ བླ་མ་བརྒྱུད་པའི་སྲུང་མ༔ སློབ་དཔོན་བརྒྱུད་ཀྱི་སྲུང་མ༔ ཕ་མེས་བརྒྱུད་ཀྱི་སྲུང་མ༔ དབེན་གནས་གསར་རྙིང་གི་སྲུང་མ༔ ཉ་སྟོང་དུས་དྲུག་གི་སྲུང་མ༔ རིན་ཆེན་གཏེར་གྱི་སྲུང་མ༔ བརྟེན་བསྒྲུབས་མཆོད་གནས་ཆགས་པ༔ རང་བཞིན་ཤུགས་ལས་ཆགས་པ༔ སྐྱེ་བ་སྔོན་ནས་འབྲེལ་བའི་དམ་ཅན་གྱི་ཚོགས་ཐམས་ཅད་ལ་གསོལ་ལོ་མཆོད་དོ༔ དམ་ཚིག་དུས་ལ་བབ་བོ༔ བཅོལ་བའི་ལས་རྣམས་མཛོད་ཅིག༔

― CMR017_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་པའི་རྟགས་ཕྱུང་ཞིག༔ སྙན་པའི་སྒྲ་སྒྲོགས་ཤིག༔ སུ་ལ་མི་རེ་ཁྱོད་ལ་རེའོ༔ སུ་ལ་མི་ལྟོས་ཁྱོད་ལ་ལྟོས་སོ༔ རྒྱལ་མཚན་དུ་ཁྱེད་འཛུགས་སོ༔ དཔའ་དར་དུ་ཁྱེད་ཕྱར་རོ༔ སྡང་བའི་དགྲ་ཐུལ་ཅིག༔ གནོད་པའི་བགེགས་ཆོམས་ཤིག༔ རྣལ་འབྱོར་པ་དམ་ལྡན་བདག་གི་ཡུལ་དུ་འཁོར་སྲུངས་ཤིག༔ བྱེས་སུ་རྐྱེན་ཟློག་ཅིག༔ བསམ་པ་སྒྲུབས་ལ་རེ་བ་སྐོངས་ཤིག༔ སྤོ་ལ་དར་ཕྱོར་ཞིག༔ ཁྲོམ་དུ་དུང་བུས་ཤིག༔ མི་ནོར་ཕྱུགས་གསུམ་སྲུངས་ཤིག༔ ཆག་ཆེན་ཉམ་ང་ཟློག་ཅིག༔ རྦོད་གཏོང་དང་རྦད་འདྲེ་ཟློག་ཅིག༔ རྨི་ལམ་རྟགས་དང་མཚན་མ་ངན་པ་ཟློག་ཅིག༔ རྣལ་འབྱོར་པ་བདག་གི་འདོད་དོན་རེ་བ་ཐམས་ཅད་ཡིད་བཞིན་དུ་སྒྲུབས་ཤིག་ཅེས་ཕྲིན་ལས་བཅོལ་ནས་གཏོར་མ་ཟབཞག་རྒྱུ་ཡིན་ན་བཞག་ལ་རྗེས་ནས་གསོ་བྲན་བྱས་ལ་ནམ་འདོད་འདོན་ཆོག །དེ་ནས་འབུལ་བའི་དུས་ཚར་གཅིག་བཏོན་པའི་རྗེས་སུ། གསོ་བྲན་ལེགས་པར་བྱས། དཀར་གཏོར་གཞི་བདག་གཏོར་མ་བསྔོས། བཀའ་སྲུང་གཏོར་མ་ཡོད་ན་ཁྲག་གིས་བྲན་ལ། ཧཱུྃ༔ སྔོན་ཚེ་འདས་དུས་སོགས་ཆད་མདོ་ཚར་གཅིག་དང་། དེ་ནས་གཏོར་མ་དེ་དང་དཀར་གཏོར་བཀྱག་བཅུག་ལ། ཧཱུྃ༔ ང་ནི་རྡོ་རྗེ་གཞོན་ནུ་ཆེ༔ ཞེས་སོགས་ལས་བྱང་གི་

― CMR017_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོར་དེ་འདོན་ནས་ཕྱི་རོལ་ཕྱོགས་གཙང་སར་འབུལ་བཅུག་པའམ་གནོད་པའི་ཕྱོགས་སུ་ཕུལ་ནས། གཏོར་སྣོད་དེ་ཚུར་ཕྱིན་པ་དང་བདུད་རྩིའམ་ཆང་ངམ་ཇ་རྒོད་དམ་འོ་མ་སོགས་ཀྱིས་བཀང་ནས་འབྲུ་བླུག་བྲན་ནས། ཧཱུྃ༔ སློབ་དཔོན་ཆེན་པོ་པདྨའི་བཀའ་བཞིན་དུ༔ ཞེས་སོགས་ལས་བྱང་གི་བརྟན་སྐྱོང་འདོན་ལ་ཕྱོགས་དེ་ངོས་སུ་གཏོར། གཏོར་སྣོད་ཁ་ཚུར་བསྟན་ལ་ཁྱེར་བས་ལོངས་སྤྱོད་འདུ། མདུན་དུ་སྒྲུབས་ལ་རྟ་བྲོ་བྱ། ཨོཾ་ལཾ་ཧཱུཾ་ལཾ་སྟམྦྷ་ཡ་ནན༔ བརྗོད་པས་དམ་སྲི་རི་རབ་འོག་ཏུ་མནན་པར་བསམ་མོ། །དེ་ལྟར་མཆོད་པ་ལ་བརྩོན་ན། །དམ་ཅན་འདུ་ཞིང་དགྲ་བགེགས་ཐུལ། །བསྟན་པའི་སྙིང་པོ་ཚུགས་པར་འགྱུར། །ཞེས་གསུངས་སོ། དི་ནི་པོ་ཏིའི་རང་གཞུང་ནས་བཏུས་པ་ཁོ་ན་སྟེ། བརྩམས་ཆོས་རང་བཟོ་ཡིན་པར་མ་སེམས་ཤིག །ཅེས་པ་མཆོད་གནས་རིས་ལུས་བསྐུལ་བས་རྐྱེན་བྱས་ཁ་སྐོང་དུ་རཱ་ག་ཨ་སྱས་བསྒྲིགས་པ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་པ་ཡང་གསང་བླ་མེད་ཀྱི་སྲུང་མའི་བསྐུལ་པ།

― CMR017_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་ཀྱི་སྲུང་མའི་བསྐུལ་པ་བཞུགས༔

― CMR017_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་བཛྲ་ཀུ་མཱ་ར་ལ་ཕྱག་འཚལ་ལོ༔ ད་ནི་ཕུར་སྲུང་དམ་ཅན་རྣམས་ལ་བསྟོད་ཅིང་ལས་ལ་བསྐུལ་བ་ནི༔ ཛཿ བྷྱོ༔ དཔལ་ཆེན་རྡོ་རྗེ་གཞོན་ནུ་ཡི༔ བཀའ་ཡི་སྲུང་མར་དམ་བཅས་ཤིང་༔ དཀྱིལ་འཁོར་བར་ཁྱམས་སྐྱོང་མཛད་པའི༔ མཐུ་རྩལ་ཅན་རྣམས་གནས་འདིར་བྱོན་བྷྱོ༔ ཤྭ་ན་མུ་ཁའི་དུས་ལ་བབ༔ ཤར་ཕྱོགས་འཁོར་ལོའི་རྩིབས་སྟེང་ན༔ ནམ་གྱི་སྲོད་ཀྱི་ཕོ་ཉ་མོ༔ ལྕགས་ཀྱི་སྤྱང་མོ་མགོ་དགུ་མ༔ ཀེའུ་རི་ཤ་ཡི་དབུ་གསུམ་ནི༔ ལྷ་བྲན་བརྒྱ་ལ་ལོངས་སྤྱོད་ཅིང་༔ ནཱ་ག་དུན་ཏིང་དབུ་གསུམ་གྱིས༔ ཀླུ་བྲན་བརྒྱ་ལ་ལོངས་སྤྱོད་ཅིང་༔ རཀྟ་ཧ་ལིང་དབུ་

― CMR017_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱིས༔ སྲིན་བརྒྱའི་ཤ་ལ་ལོངས་སྤྱོད་བྱེད༔ དེ་ལ་ལྕགས་ཀྱི་མི་མོ་ཞོན༔ གཅེར་བུ་རལ་པའི་ཅོད་པན་ཅན༔ ཁྲམ་བམ་ཐོད་དབྱུག་གཡས་ན་ཕྱར་ཐུགས་ཀྱི་ཕུར་པ་གཡོན་ན་འདེབས༔ སྤྱང་སྐད་འདོན་ཞིང་དགྲ་བགེགས་སྒྲོལ༔ ཞེ་སྡང་འཇོམས་པའི་ཤྭ་ན་མ་མ་གཡེལ་མ་འཕང་ལས་མཛོད་ཅིག༔ བྷྱོ༔ ལྷོ་ཕྱོགས་འཁོར་ལོའི་རྩིབས་སྟེང་ན༔ གསེར་གྱི་འཕར་བ་ལྕེ་བརྒྱད་མ༔ དུར་ཁྲོད་བརྒྱད་ཀྱི་གནས་སྲུང་ཞིང་༔ རྣམ་ཐར་བརྒྱད་ཀྱི་སྒོ་ཕྱེས་ནས༔ རྣམ་ཤེས་ཚོགས་བརྒྱད་གནས་སུ་སྒྲོལ༔ བསམ་པ་ཙམ་གྱིས་གནས་སུ་ཕྱིན༔

― CMR017_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

སྲྀ་ག་ཆེན་མོ་དེ་ལ་ཞོན༔ གཅེར་བུ་རལ་པའི་ཅོད་པན་ཅནུ༔ འགུགས་པའི་རྡོ་རྗེ་ལྕགས་ཀྱུ་གཡས༔ ཡེ་ཤེས་ཐུགས་ཀྱི་ཕུར་པ་གཡོན༔ མི་སྡུག་ངག་གི་གསུང་སྒྲ་ཅན༔ ཐུགས་ནི་སྒྲོལ་བྱེད་སྲོག་དང་བཅས༔ སྐད་ཅིག་ཡུད་ཙམ་དབྱིངས་ནས་བཞེངས༔ དགྲ་བགེགས་ཁུག་ལ་ད་སྒྲོལ་ཅིག༔ བྷྱོ༔ ནུབ་ཕྱོགས་འཁོར་ལོའི་རྩིབས་སྟེང་ན༔ ཟངས་ཀྱི་ཝ་མོ་རྐང་གསུམ་མ༔ ཝ་མོའི་རྒྱུག་ཚུལ་ཞུངས་སེ་ཞུང་༔ ཝ་སྐད་སྒྲ་འབྱིན་ཅེ་རེ་རེ༔ སྐུ་ནི་མེ་རི་མཆེད་པ་འདྲ༔ མཇུག་མ་ལྕགས་ཀྱི་སོག་ལེ་འདྲ༔ སྡེར་མོ་ལྕགས་ཀྱུ་བྱེ་བས་གཏམས༔ ཝ་སྐད་འདོན་ཅིང་དུར་ཁྲོད་ཉུལ༔ དེ་ལ་ཟངས་ཀྱི་མི་མོ་ཞོན༔ དམར་ནག་གཅེར་བུ་ཅོད་པན་ཅན༔ གཡས་པའི་ཕྱག་ན་རྡོ་རྗེ་བསྣམས༔ རི་རབ་ཀུན་གྱི་ཀྱང་རྩེ་ནས་བསྙིལ༔ གཡོན་པས་ཕུར་པ་འདྲིལ་ཞིང་འདེབས༔ བཀའ་ལས་འདའ་པའི་སྙིང་ལ་གཟིར༔ རཀཱ་དུན་གྱི་ཕོ་ཉ་མོ༔ ཆད་པའི་ལས་ལ་མ་གཡེལ་ཅིག༔ བྷྱོ༔ བྱང་ཕྱོགས་འཁོར་ལོའི་རྩིབས་སྟེང་ན༔ ལྕགས་ཀྱི་ཁྱི་མོ་རལ་པ་ཅན༔ རལ་པ་མདའ་ཙམ་ཤ་ར་ར༔ ཡ་མགལ་གནམ་ལ་མ་མགལ་ས༔ ཚེམས་ནི་གངས་རི་གཙིགས་པ་

― CMR017_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ༔ མཆེ་བ་ཤེལ་གྱི་ཕུར་པ་འདྲ༔ ལྗགས་ནས་གློག་དམར་ཁྱུགས་སེ་ཁྱུག༔ སྤྱན་ནས་མེ་འབར་སྣ་རླུང་འཚུབ༔ ཁ་ནས་ཁྲག་གི་སྐྱིན་འདང་འབེབས༔ ཕྲིན་ལས་ཐོག་མེད་དྲག་རྩལ་ལྡན༔ ཁྲོ་ཆུའི་མཆུ་ལ་ལྕགས་ཀྱུའི་སྡེར༔ དེ་ལ་གཡུ་ཡི་མི་མོ་ཞོན༔ གཅེར་བུ་དམར་ནག་ཅོད་པན་ཅན༔ གཡས་པས་ཞིང་ཆུང་མགོ་ནས་འཇོམས༔ གཡོན་པས་ཐུགས་ཀྱི་ཕུར་པ་འདྲིལ༔ སྔགས་པས་དྲག་ཏུ་བསྐུལ་བའི་ཚེ༔ ཁམས་གསུམ་ཀུན་གྱི་ཤ་ཁྲག་གིས༔ འགྲང་ངམ་དེ་ནི་མ་འགྲངས་ནས༔ སྲིད་པ་གསུམ་གྱི་ཤ་ཁྲག་ལ༔ ཉིན་མཚན་མེད་པར་རྦ་ལ་རྐྱལ༔ ཁྱོད་ནི་དཔལ་གྱི་ཕོ་ཉ་སྟེ༔ གང་ལ་དམིགས་པ་ཤོར་ར་རེ༔ བརྣག་པའི་ལས་ལ་མཐུ་མ་ཆུང་༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ བདག་ཉིད་ཆེན་མོ་ཁྱོད་ཀྱི་ཐུགས་དམ་དུས་ལ་བབ༔ ཤར་སྟོད་འཁོར་ལོ་འབར་བ་ཆེན་མོའི་རྩིབས་སྟེང་ན༔ ནམ་གྱི་གུང་གི་ཕོ་ཉ་ལས་བྱེད་ཆེན་མོ་སྟེ༔ ཆེ་ཞེས་སྲིད་པའི་རྒྱལ་མོ་དཔལ་ལྡན་རེ་མ་ཏི༔ སྐུ་མདོག་ནག་མོར་བཞུགས་ཤིང་མཐའ་གཉིས་སྤྲོས་དང་བྲལ༔ དྲེལ་རྟ་རྐང་གསུམ་ཆིབས་ནས་སྟོང་གསུམ་ཁྱབ་པར་

― CMR017_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

ཉུལ༔ མེ་ལོང་སྦྲུལ་ཞགས་ཐོགས་ནས་དམ་ཉམས་འཆིངས་ཤིང་སྡོམས༔ ཁཊ་ཕུར་པ་ཐོགས་ནས་དམ་ཉམས་གཟིར་ཞིང་སྒྲོལ༔ སྟོང་གསུམ་ཁྲམ་ལ་འདེབས་ཤིང་སྲིད་གསུམ་ཤོ་ལ་འདྲེན༔ མཚོན་གྱི་གྲུ་གུ་བརྐྱངས་ཤིང་ནད་ཀྱི་རྐྱལ་པ་འབུལ༔ མི་ནད་ཕྱུགས་ནད་གཏོང་ཞིང་སྟོང་གསུམ་རྩིས་ལ་འདེབས༔ སྲིད་པ་དུས་བཞིའི་མ་མོས་སྐུ་ལ་མཛེས་པར་བརྒྱན༔ དབྱིངས་ནས་བྷ་ག་སྦྱོར་བྱེད་ཐབས་ཀྱི་ཕོ་ཉར་འགྱེད༔ སྟོང་གསུམ་སྐན་སྒྲ་རྡེབ་ཅིང་སངས་རྒྱས་དམ་ལ་སྡུད་བྱེད་མ༔ ཕུར་འདེབས་ཆེན་མོ་ཁྱོད་ནི་སྔགས་པས་ལས་ལ་བསྐུལ༔ རྣལ་འབྱོར་བདག་གི་བཅོལ་བའི་ཕྲིན་ལས་འགྲུབ་པར་མཛོད༔ བྱོ༔ ལྷོ་སྟོད་འཁོར་ལོའི་རྩིབས་སྟེང་ན༔ ནམ་གུང་ལས་ཀྱི་ཕོ་ཉ་མོ༔ ཆེ་ཞེས་དཔལ་ལྡན་རེ་མ་ཛཿ སེར་ནག་རྨ་བྱའི་ཐུལ་པ་གསོལ༔ ཆིབས་སུ་སྨན་ཤ་ཡུ་ཆུང་ཆིབས༔ གཡས་པས་གསེར་གྱི་ཟོར་བ་བསྣམས༔ གཡོན་པས་གཡུ་ཡི་ཀོང་བུ་ཐོགས༔ ལོ་ཏོག་བཅུད་ལེན་དུག་ནད་སེལ༔ སེར་ནག་རལ་པ་སྤྲིན་ལྟར་གཏིབས༔ ཕུར་འདེབས་ཆེན་པོ་གཤེགས་སུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ ནུབ་སྟོད་འཁོར་

― CMR017_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ལོའི་རྩིབས་སྟེང་ན༔ ནམ་གུང་དགྲ་བོའི་བརླ་འགུགས་ཆེ་ཞེ་དཔལ་ལྡན་རེ་མ་ཛུ༔ དམར་ནག་སྐུ་ལ་རེ་ནག་གསོལ༔ ཆིབས་སུ་ཆུ་གླང་སྔོན་པོ་ཆིབས༔ གཡས་པས་རྡོ་རྗེ་ལྕགས་ཀྱུ་བསྣམས༔ གཡོན་པས་བྷནྡྷ་ཐོད་ཁྲག་ཐོགས༔ ལས་ཀྱི་མ་ཚོགས་དབང་དུ་སྡུད༔ ཕུར་འདེབས་ཆེན་མོ་གཤེགས་སུ་གསོལ༔ བརྣག་པའི་ལས་ལ་མཐུ་མ་ཆུང་༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ བྱང་སྟོད་འཁོར་ལོའི་རྩིབས་སྟེང་ན༔ ནམ་གུང་དགྲ་བོའི་སྙིང་འབྱིན་མ༔ ཆེ་ཞེ་དཔལ་ལྡན་རེ་མ་ཛི༔ ལྗང་ནག་སྐུ་ལ་དར་ནག་གསོལ༔ ཆིབས་སུ་རྔ་མོང་གྲྭ་པ་ཆིབས༔ སྐྱེ་འགྲོའི་ཀེག་རྩིས་ཁྲམ་ཤིང་གཡས༔ ཡེ་ཤེས་མཚོན་གྱི་གྲུ་གུ་གཡོན༔ ལྗང་ནག་རལ་པའི་ཆུན་འཕྱང་ཅན༔ བརྣག་པའི་ལས་ལ་མཐུ་མ་ཆུང་༔ ཕུར་འདེབས་ཆེན་མོ་གཤེགས་སུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ ས་བདག་ཆེན་མོའི་དུས་ལ་བབ༔ ཤར་སྨད་འཁོར་ལོའི་རྩིབས་སྟེང་ན༔ ནམ་གྱི་ཐོ་རངས་དམ་ཕོ་ཉ་མོ༔ རྡོ་རྗེ་ཡ་བྱིན་ཆེན་མོ་ནི༔ ཞལ་གཅིག་ཕྱག་གཉིས་སྐུ་མདོག་མཐིང་༔ ཆིབས་སུ་འབྲུག་མོ་ཆེ་ལ་ཆིབས༔

― CMR017_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་འདྲེན་རྡོ་རྗེ་ལྕགས་ཀྱུ་པ་ཡས༔ མགྱོགས་བྱེད་ལས་ཀྱི་ཕུར་པ་གཡོན༔ མཐིང་ནག་རལ་པ་སྤྲིན་ལྟར་གཏིབས༔ རལ་པ་རེ་ལ་ཕུར་པ་རེ༔ ལྕགས་རྡོར་འབར་བའི་ཐོད་གདེངས་ན༔ མཐིང་ནག་ཅོད་པན་པུ་རུ་རུ༔ ཁྱེད་ཀྱང་ཕུར་པའི་ལས་མཁན་ཏེ༔ བསྐུལ་བའི་ལས་ལ་རྩལ་མ་ཞན༔ ཕུར་པའི་ལས་མཁན་གཤེགས་སུ་གསོལ༔ བྷྱོ༔ ལྷོ་སྨད་འཁོར་ལོའི་རྩིབས་སྟེང་ན༔ ཐོ་རངས་སྒྲོལ་བའི་ཕོ་ཉ་མོ༔ རྡོ་རྗེ་དེ་བྱིན་ཆེན་མོ་ནི༔ ཞལ་གཅིག་ཕྱག་གཉིས་སྐུ་མདོག་སེར༔ ཆིབས་སུ་ཆུ་སྲིན་པིར་ལ་ཆིབས༔ རྒྱུ་དྲུག་འཆིངས་སྡོམ་ཞགས་པ་གཡས༔ རྒྱས་བྱེད་གཟུགས་མོ་བྱི་ཐུར་གཡོན༔ སེར་ནག་རལ་པས་ས་གཞི་ཁེངས༔ རལ་པ་རེ་ལ་ཕུར་པ་རེ༔ གསེར་རྡོར་འབར་བའི་ཐོད་གདེངས་ནས༔ སེར་ནག་ཅོད་པན་པུ་རུ་རུ༔ ཁྱོད་ཀྱང་ཕུར་པའི་ལས་མཁན་ཏེ༔ སྲོག་ལ་མངག་ཚེ་དུས་མ་གཡེལ༔ ཕུར་འདེབས་ཆེན་མོས་ལས་མཛོད་ཅིག༔ བྷྱོ༔ ནུབ་སྨད་འཁོར་ལོའི་རྩིབས་སྟེང་ན༔ ཐོ་རངས་ལས་ཀྱི་དབང་སྡུད་མ༔ རྡོ་རྗེ་བསྲེ་བྱིན་ཆེན་མོ་ནི༔ ཞལ་གཅིག་ཕྱག་གཉིས་སྐུ་མདོག་དམར༔ ཆིབས་སུ་གློག་དམར་འཇིགས་ལ་

― CMR017_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིབས༔ མི་དགེ་འཆིངས་སྡོམ་ལྕགས་སྒྲོག་གཡས༔ དབང་གི་མི་ལག་མཆོག་ཕུར་གཡོན༔ དམར་ནག་རལ་པས་བར་སྣང་ཁེངས༔ རལ་པ་རེ་ལ་ཕུར་པ་རེ༔ ཟངས་རྡོར་འབར་བའི་ཐོད་གདེངས་ན༔ དར་དམར་ཅོད་པན་པུ་རུ་རུ༔ ཕུར་པའི་ལས་མཁན་གཤེགས་སུ་གསོལ༔ སྙིང་ཁྲག་འཐུང་ལ་ཧབོ་མ་ཆུང་༔ བརྣག་པའི་ཕྲིན་ལས་མ་གཡེལ་ཅིག༔ བྷྱོ༔ བྱང་སྨད་འཁོར་ལོའི་རྩིབས་སྟེང་ན༔ ཐོ་རངས་ལས་ཀྱི་ཕོ་ཉ་མོ༔ རྡོ་རྗེ་ཕག་བྱིན་ཆེན་མོ་ནི༔ ཞལ་གཅིག་ཕྱག་གཉིས་སྐུ་མདོག་ལྗང་༔ ཆིབས་སུ་ཆུ་རྟ་སྔོན་པོ་ཆིབས༔ རྣམ་ཤེས་འབེབས་པའི་དྲིལ་བུ་གཡས༔ དྲག་པོའི་སེང་ལྡེང་ཕུར་པ་གཡོན༔ ལྗང་ནག་རལ་པས་འཇིག་རྟེན་ཁེངས༔ རལ་པ་རེ་ལ་ཕུར་པ་རེ༔ གཡུ་རྡོར་འབར་བའི་ཐོད་གདེངས་ནས༔ ལྗང་ནག་ཅོད་པན་པུ་རུ་རུ༔ ཁྱེད་ཀྱང་ཕུར་པའི་ལས་མཁན་ཏེ༔ སྲོག་དབུགས་སྡུད་ལ་རྔམས་མ་ཆུང་༔ བཅོལ་བའི་ཕྲིན་ལས་འགྲུབ་པར་མཛོད༔ ཛཿ ཤར་ཕྱོགས་སྒོ་ནང་དགྲ་བགེགས་སྟེང་༔ དུང་གི་སྐྱེས་བུ་མི་བཟད་པ༔ སྐུ་མདོག་དཀར་འཚེར་འབར་བ་ལ༔ གཡས་ན་ཤེལ་གྲི་ཟངས་ཡག་

― CMR017_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས༔ གཡོན་པས་ཤེལ་གྱི་ཕུར་པ་འདྲིལ༔ དགྲ་བགེགས་སྙིང་ལ་གཟིར་ཞིང་འདེབས༔ ཆིབས་སུ་སེང་གེ་དཀར་མོ་ཆིབས༔ སྐུ་ལ་སྤང་དཀར་སླག་པ་གསོལ༔ འཁོར་དུ་གིང་ཆེན་ཚོགས་ཀྱིས་བསྐོར༔ དཀར་པོ་འབུམ་གྱི་དམག་དཔོན་མཛད༔ ཁྱེད་ཀྱང་ཕུར་པའི་ལས་མཁན་ཏེ༔ བསྒྲལ་བའི་ཕྲིན་ལས་འགྲུབ་པར་མཛོད༔ ཛཿ ལྷོ་ཕྱོགས་སྒོ་ནང་དགྲ་བགེགས་སྟེང་༔ ལྕགས་ཀྱི་སྐྱེས་བུ་མི་སྡུག་པ༔ སྐུ་མདོག་སྔོ་ནག་འབར་བ་ལ༔ གཡས་པས་ལྕགས་ཀྱི་རལ་གྲི་ཕྱར༔ གཡོན་པས་ལྕགས་ཀྱི་ཕུར་པ་འདྲིལ༔ དགྲ་བགེགས་སྙིང་ལ་གཟིར་ཞིང་འདེབས༔ ཆིབས་སུ་ལྕགས་སྤྱང་སྔོན་པོ་ཆིབས༔ སྐུ་ལ་དར་ནག་བེར་ཆེན་གསོལ༔ འཁོར་དུ་བདུད་པོའི་ཚོགས་ཀྱིས་བསྐོར༔ ནག་པོ་འབུམ་གྱི་དམག་དཔོན་མཛད༔ ཁྱེད་ཀྱང་ཕུར་པའི་ལས་མཁན་ཏེ༔ བརྣག་པའི་ལས་མ་མཐུ་མ་ཆུང་༔ ཛཿ ནུབ་ཕྱོགས་སྒོ་ནང་དགྲ་བགེགས་སྟེང་༔ བསྲེ་ཡི་སྐྱེས་བུ་རབ་འཇིགས་པ༔ སྐུ་མདོག་དམར་ནག་འབར་བ་ལ༔ གཡས་པས་ཟངས་གྲི་མེ་ཆེན་འབར༔ གཡོན་པས་ཟངས་ཀྱི་ཕུར་པ་འདྲིལ༔ དགྲ་བགེགས་སྙིང་ལ་གཟིར་ཞིང་འདེབས༔

― CMR017_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིབས་སུ་བསྲེ་རྟ་དམར་པོ་ཆིབས༔ སྐུ་ལ་དབང་གི་བསྲེ་ཁྲབ་གསོལ༔ འཁོར་དུ་བདུད་བཙན་ཚོགས་ཀྱིས་བསྐོར༔ དམར་པོ་འབུམ་གྱི་དམག་དཔོན་མཛད༔ ཁྱོད་ཀྱང་ཕུར་པའི་ལས་མཁན་ཏེ༔ བརྣག་པའི་ལས་ལ་མཐུ་མ་ཆུང་༔ ཛཿ བྱང་ཕྱོགས་སྒོ་ནང་དགྲ་བགེགས་སྟེང་༔ ཏཱ་ཀི་ནག་པོ་མེ་དབལ་འཇིགས༔ སྐུ་མདོག་ལྗང་ནག་འཇིགས་པ་ལ༔ གཡས་པས་གྲི་གུག་དགྲ་སྲོག་གཅོད༔ གཡོན་པས་བྷནྡྷ་སྙིང་ཁྲག་འཐུང་༔ ཆིབས་སུ་ཅེ་སྤྱང་སྔོན་པོ་ཆིབས༔ སྲ་བརྟན་ལྕགས་ཀྱི་གོ་ཁྲབ་གསོལ༔ ཤན་པ་ཕོ་མོའི་ཚོགས་ཀྱིས་བསྐོར༔ ལས་བྱེད་འབུམ་གྱི་དམག་དཔོན་མཛད༔ ཁྱེད་ཀྱང་ཕུར་པའི་ལས་མཁན་ཏེ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་དྲག་ཏུ་བསྐུལ་་ཞིང་སྲུང་མ་རྣམས་ལ་རཀྟ་ཕྱར་ཞིང་བརླབ༔ གིང་རྣམས་ལ་ཡུངས་ཀར་གྱིས་ཐུན་བྲབ༔ དེས་བརྣག་པའི་ལས་མྱུར་དུ་སྒྲུབ་པར་འགྱུར་རོ༔ ཁྲ་མོ་བྲག་ནས་སྤྲུལ་སྐུ་རཏྣ་གླིང་པས་གདན་དྲངས་བའོ༔ ས་མ་ཡ༔ རྒྱ་རྒྱ་རྒྱ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་པ་ཡང་གསང་བླ་མེད་ཀྱི་རིག་འཛིན་བརྒྱུད་བསྐང་བྱིན་རླབས་དངོས་གྲུབ་རྒྱ་མཚོའི་སྤྲིན་ཕུང་།

― CMR017_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་ཀྱི་རིག་འཛིན་བརྒྱུད་བསྐང་བྱིན་རླབས་དངོས་གྲུབ་རྒྱ་མཚོའི་སྤྲིན་ཕུང་བཞུགས་སོ།། ༈ ན་མོ་ཤྲཱི་ཀུ་མཱ་རཱ་ཡ།་རིག་འཛིན་བརྒྱུད་བསྐང་སྤྲོ་ན།་ཧཱུྃ། དང་པོའི་སངས་རྒྱས་འོད་མི་འགྱུར། །ཀུན་ཏུ་བཟང་པོའི་ཐུགས་དམ་བསྐང་། །ཡེ་ཤེས་ལྔ་ཡི་རོལ་པ་ལས། །རྒྱལ་བ་རིགས་ལྔའི་ཐུགས་དམ་བསྐང་། །རིགས་དང་དཀྱིལ་འཁོར་ཀུན་ཁྱབ་བདག །རྡོ་རྗེ་འཆང་ཆེན་ཐུགས་དམ་བསྐང་། །གསང་བ་ཀུན་གྱི་བདག་པོ་སྟེ། །ལག་ན་རྡོ་རྗེའི་ཐུགས་དམ་བསྐང་། །མཁའ་འགྲོ་ཀུན་གྱི་གཙོར་གྱུར་པའི། །ལས་ཀྱི་དབང་མོའི་ཐུགས་དམ་བསྐང་། །གྲུབ་པ་བྱེ་བའི་ཅོད་པན་མཆོག །པྲ་བྷ་ཧསྟིའི་ཐུགས་དམ་བསྐང་། །རྒྱལ་ཀུན་ངོ་བོ་ཐུགས་རྗེའི་གཏེར། །པདྨ་ཐོད་ཕྲེང་ཐུགས་དམ་བསྐང་། །འཕགས་བོད་མཁས་དང་གྲུབ་པའི་གཙོ། །བི་མ་མི་ཏྲའི་ཐུགས་དམ་བསྐང་། །ཕུར་པ་བསྒྲུབ་ཅིང་མཆོག་བརྙེས་པ། །ཤཱི་ལ་མཉྫའི་ཐུགས་དམ་བསྐང་། །ཕྲིན་ལས་བཀའ་བབས་ཌཀི་མ། །ཡེ་ཤེས་མཚོ་རྒྱལ་ཐུགས་དམ་བསྐང་། །གཡོ་མེད་ཏིང་འཛིན་མི་གཡོ་བརྙེས། །ཁྲི་སྲོང་ལྡེའུ་བཙན་ཐུགས་དམ་བསྐང་། །དྲག་སྔགས་མཐུ་ཡི་

― CMR017_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་གྲུབ་བརྙེས། །སངས་རྒྱ་ཡེ་ཤེས་ཐུགས་དམ་བསྐང་། །གསང་བའི་བདག་པོའི་རྣམ་པར་རོལ། །ཤུད་པུ་དཔའ་སེང་ཐུགས་དམ་བསྐང་། །གདུལ་དཀའ་འདུལ་བའི་མཐུ་སྟོབས་ཅན། །དཔལ་གྱི་དབང་ཕྱུགས་ཐུགས་དམ་བསྐང་། །ཕུར་བུ་བསྒྲུབ་ཅིང་དངོས་གྲུབ་བརྙེས། །ཀླུ་ཡི་དབང་པོའི་ཐུགས་དམ་བསྐང་། །རྩོད་མེད་ལོ་ཙཱ་སིདྡྷི་བརྙེས་། །ཀླུ་ཡི་རྒྱལ་མཚན་ཐུགས་དམ་བསྐང་། །བདེ་བ་ཆེན་པོའི་ཡེ་ཤེས་བརྙེས། །ཨརྱ་ས་ལེའི་ཐུགས་དམ་བསྐང་། །གུ་རུའི་ཐུགས་སྲས་རིག་པ་འཛིན། །གཉན་ཆེན་དཔལ་དབྱངས་ཐུགས་དམ་བསྐང་། །ལང་གྲོའི་རིགས་ལས་འཇིག་རྟེན་མིག །དཀོན་མཆོག་འབྱུང་གནས་ཐུགས་དམ་བསྐང་། །ཟབ་གཏེར་མཛོད་འཆང་བསྟན་པའི་བརྒྱན། །རཏྣ་གླིང་པའི་ཐུགས་དམ་བསྐང་། །པདྨའི་རྒྱལ་ཚབ་འགྲོ་བ་འདུལ། ཆོས་རྗེ་གླིང་པའི་ཐུགས་དམ་བསྐང་། །རྡོ་རྗེའི་ཚེ་བརྙེས་རྒྱལ་བའི་སྲས། །ཚེ་དབང་གྲགས་པའི་ཐུགས་དམ་བསྐང་། །ཆོས་ཀྱི་བདག་པོ་རིག་སྔགས་འཆང་། །བསོད་ནམས་བཀྲ་ཤིས་ཐུགས་དམ་བསྐང་། །བཀའ་རྙིང་བསྟན་པ་དར་མཛད་པའི། །ཀརྨ་ཆགས་མེད་ཐུགས་དམ་

― CMR017_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་། །ཟབ་ཆོས་སྤེལ་ཞིང་འགྲོ་འདུལ་མཆོག །བརྒྱུད་པའི་བླ་མའི་ཐུགས་དམ་བསྐང་། །ཡོངས་རྫོགས་བསྟན་པའི་མངའ་བདག་མཆོག །ཆོས་ཀྱི་འབྱུང་གནས་ཐུགས་དམ་བསྐང་། །སྔ་འགྱུར་རིང་ལུགས་རྟག་འཛིན་པའི། །བདུད་འདུལ་རྒྱལ་པོའི་ཐུགས་དམ་བསྐང་། །རིས་མེད་བསྟན་པ་གསལ་བའི་ཉི། །པདྨ་གར་དབང་ཐུགས་དམ་བསྐང་། །བཀའ་དྲིན་མཉམ་མེད་འཁོར་ལོའི་མགོན། །རྩ་བའི་བླ་མའི་ཐུགས་དམ་བསྐང་། །ཐུགས་དམ་བསྐང་བའི་དམ་རྫས་ནི། །མེ་ཏོག་བདུག་སྤོས་སྐྱེ་མར་མེ་དང་། །དྲི་ཆབ་ཞལ་ཟས་རོལ་མོའི་རིགས། །སྨན་དང་རཀ་གཏོར་ཆེན་དང་། །ཚོགས་ཀྱི་མཆོད་པས་དགྱེས་པ་བསྐང་། །འདོད་པའི་ཡོན་ཏན་རྣམ་པ་ལྔ། །རྒྱལ་སྲིད་བཀྲ་ཤིས་རྫས་རྟགས་དང་། །དགྱེས་པའི་མཐུན་རྫས་སྣ་ཚོགས་ཀྱིས། །ཐུགས་དམ་གཉན་པོ་བསྐང་གྱུར་ཅིག །གཡར་དམ་གཉན་པོ་སོར་ཆུད་ཤོག །བདག་ནི་མ་རིག་དབང་གྱུར་པས། །སོ་སོར་ཐར་དང་བྱང་ཆུབ་སེམས། །སྔགས་ཀྱི་དམ་ཚིག་ཉམས་པ་རྣམས། །གནོངས་ཤིང་འགྱོད་པས་མཐོལ་ལོ་བཤགས། །སྣང་སྲིད་ལྷ་ཡི་དཀྱིལ་འཁོར་

― CMR017_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་ཀུན་གཞོམ་མེད་སྔགས་ཀྱི་སྐད། །ཅི་ཤར་ཆོས་དབྱིངས་བདེ་བ་ཆེ། །སྐུ་གསུང་ཐུགས་ཀྱི་དངོས་གྲུབ་སྩོལ། །ཅེས་པ་ཕུར་པ་ཡང་གསང་བླ་མེད་ཀྱི་རིག་འཛིན་བརྒྱུད་བསྐང་འདི་ཡང་དཔལ་སྤུངས་ཕུར་པ་སྒྲུབ་མཁན་བླ་མ་ཀརྨ་ཕྲིན་ལས་ཀྱིས་གསུང་ངོར། རྡོ་རྗེ་དྲག་པོའི་ཕུར་ཁང་དུ་སྐྱབས་མགོན་མཆོག་གི་སྐུ་རིམ་སྐབས་སུ་སྦྱར་བ་དགེ་བར་གྱུར་ཅིག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

བཀའ་བརྒྱད་སྐོང་ཆེན་ལས་ཁོལ་དུ་ཕྱུང་བའི་ཕུར་པའི་མདངས་སྐོང་།

― CMR017_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་བརྒྱད་སྐོང་ཆེན་ལས་ཁོལ་དུ་ཕྱུང་བའི་ཕུར་པའི་མདངས་སྐོང་བཞུགས་སོ༔

― CMR017_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ འདུལ་སྦྱོང་དྲག་པོའི་དཀྱིལ་འཁོར་ནས༔ དམ་སྲི་གདུག་པ་འདུལ་བའི་ཕྱིར་ཕུར་པའི་ལྷ་ཚོགས་ཐུགས་དམ་བསྐང་༔ སྣང་སྲིད་ཕུར་བུས་གདབ་པའི་ཕྱིར༔ རྡོ་རྗེ་གཞོན་ནུའི་ཐུགས་དམ་བསྐང་༔ གཙོ་བོའི་ཐུགས་དམ་བསྐུལ་བའི་ཕྱིར༔ འཁོར་ལོ་རྒྱས་འདེབས་ཐུགས་དམ་བསྐང་༔ ཞེ་སྡང་བདུད་འདུལ་ཁྲོ་བོའི་རྒྱལ༔ བཛྲ་ཀཱི་ལའི་ཐུགས་དམ་བསྐང་༔ ང་རྒྱལ་བདུད་འདུལ་ཁྲོ་བོའི་རྒྱལ༔ རཏྣ་ཀཱི་ལའི་ཐུགས་དམ་བསྐང་༔ འདོད་ཆགས་བདུད་འདུལ་ཁྲོ་བོའི་རྒྱལ༔ པདྨ་ཀཱི་ལའི་ཐུགས་དམ་བསྐང་༔ ཕྲག་དོག་བདུད་འདུལ་ཁྲོ་བོའི་

― CMR017_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ༔ ཀརྨ་ཀཱི་ལའི་ཐུགས་དམ་བསྐང་༔ ཞེ་སྡང་རིགས་ཀྱི་ཐུགས་དམ་ལས༔ དྲག་པོའི་གདུག་པ་ཀུན་འདུལ་བ༔ ཐུགས་རྗེའི་ཐབས་ཀྱིས་ཐམས་ཅད་འདུལ༔ ཏ་ཀྲྀཏ་ཁྲོ་བཅུའི་ཐུགས་དམ་བསྐང་༔ གསལ་བའི་ཆོས་སྐུ་མཐར་ཕྱིན་ཕྱིར༔ རྣམ་པར་རྒྱལ་བའི་ཐུགས་དམ་བསྐང་༔ གཟུང་འཛིན་འཆི་བདག་ཚར་གཅོད་ཕྱིར༔ གཤིན་རྗེའི་གཤེད་པོའི་ཐུགས་དམ་བསྐང་༔ གདངས་སྐད་རྔམ་པའི་བཞད་སྒྲོག་རྟ་མགྲིན་རྒྱལ་པོའི་ཐུགས་དམ་བསྐང་༔ ཉོན་མོངས་ཐུགས་རྗེས་མི་གཏོང་ཕྱིར༔ བདུད་རྩི་འཁྱིལ་པའི་ཐུགས་དམ་བསྐང་༔ འགྲོ་

― CMR017_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་མ་ལུས་མཐར་ཕྱིན་ཕྱིར༔ དབྱུག་པ་སྔོན་པོའི་ཐུགས་དམ་བསྐང་༔ བཏང་སྙོམས་ཆེན་པོར་བཞུགས་པའི་ཕྱིར༔ མི་གཡོ་མགོན་པོའི་ཐུགས་དམ་བསྐང་༔ འགྲོ་དོན་གཅིག་ཏུ་སྤྱོད་པའི་ཕྱིར༔ གཞན་གྱིས་མི་ཐུབ་ཐུགས་དམ་བསྐང་༔ ཉོན་མོངས་རྣམ་དག་ངང་སྦྱོར་ཕྱིར༔ ཁམས་གསུམ་རྣམ་རྒྱལ་ཐུགས་དམ་བསྐང་༔ བག་ཆགས་དབྱིངས་སུ་སྡུད་པའི་ཕྱིར༔ ཧཱུྃ་ཀ་ར་ཡི་ཐུགས་དམ་བསྐང་༔ བླ་མེད་གནས་སུ་སྒྲོལ་བའི་ཕྱིར༔ སྟོབས་པོ་ཆེ་ཡི་ཐུགས་དམ་བསྐང་༔ ཡུམ་ནི་སྐྱེ་མེད་ཆོས་ཀྱི་སྐུ༔ བྱིན་རླབས་ཡ་མཚན་ཆེན་པོ་ལས༔ ཐུགས་རྗེའི་སྤྲུལ་པ་དབྱིངས་ནས་འགྱེད༔ ཁྲོ་མོ་བཅུ་ཡི་ཐུགས་དམ་བསྐང་༔ འཁོར་འདས་མཐའ་ལ་མི་གནས་ཕྱིར༔ རྡོ་རྗེ་སྙེམས་མའི་ཐུགས་དམ་བསྐང་༔ སེམས་ཅན་ཐར་ལམ་སྟོན་པའི་ཕྱིར༔ རྡོ་རྗེ་སྡེར་མོའི་ཐུགས་དམ་བསྐང་༔ ཕྲིན་ལས་སྲིད་པའི་རྒྱ་མཚོར་ཁྱབ༔ དུར་ཁྲོད་བདག་མོའི་ཐུགས་དམ་བསྐང་༔ མཁའ་དབྱིངས་དཀྱིལ་དུ་ཟ་བའི་ཕྱིར༔ རྡོ་རྗེ་གཏུན་ཁུང་ཐུགས་དམ་བསྐང་༔ བཏང་སྙོམས་མི་ཟད་བརྩོན་འགྲུས་ཕྱིར༔ རྡོ་རྗེ་གཏུམ་མོའི་ཐུགས་དམ་བསྐང༔ དམིགས་སུ་མེད་པ་

― CMR017_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་འདྲེན་ཕྱིར༔ རྡོ་རྗེ་མདའ་སྙེམས་ཐུགས་དམ་བསྐང་༔ བླ་མེད་གནས་སུ་སྤོར་བའི་ཕྱིར༔ རྡོ་རྗེ་རླུང་འབྱིན་ཐུགས་དམ་བསྐང་༔ སྲིད་པ་སྐྱེ་མེད་གསོད་པའི་ཕྱིར༔ རྡོ་རྗེ་གསོད་མའི་ཐུགས་དམ་བསྐང་༔ མི་གནས་དབྱིངས་སུ་བསྐུལ་བའི་ཕྱིར༔ རྡོ་རྗེ་སྐུལ་བྱེད་ཐུགས་དམ་བསྐང་༔ དོན་དམ་ཟབ་མོའི་སྒྲ་འབྱིན་ཕྱིར༔ རྡོ་རྗེ་སྒྲ་འབྱིན་ཐུགས་དམ་བསྐང་༔ སྐུ་གསུང་ཐུགས་ཀྱི་བྱིན་རླབས་ལས༔ སྤྲུལ་པའི་ཕོ་ཉ་འབྱུང་བ་ནི༔ ཟ་བྱེད་ཡབ་ཀྱི་ཕོ་ཉ་སྟེ༔ ཟ་བྱེད་ཕ་བཅུའི་ཐུགས་དམ་བསྐང་༔ དཔའ་གཏུམ་ཆེན་པོར་གནས་པའི་ཕྱིར༔ སྟག་གི་མགོ་ཅན་ཐུགས་དམ་བསྐང་༔ འགྱུར་བ་མེད་པའི་ངང་གནས་ཕྱིར༔ གཡག་གི་མགོ་ཅན་ཐུགས་དམ་བསྐང་༔ གཡོ་བ་མེད་པའི་རང་བཞིན་ཕྱིར༔ ཤ་བའི་མགོ་ཅན་ཐུགས་དམ་བསྐང་༔ ཆགས་པ་མེད་པའི་རང་བཞིན་ཕྱིར༔ གཟིག་གི་མགོ་ཅན་ཐུགས་དམ་བསྐང་༔ མཁས་པའི་དོན་ལ་བརྩོན་པའི་ཕྱིར༔ བྱི་ལའི་མགོ་ཅན་ཐུགས་དམ་བསྐང་༔ ཟ་བྱེད་ཆེན་མོའི་རང་བཞིན་ཕྱིར༔ སྤྱང་ཀིའི་མགོ་ཅན་ཐུགས་དམ་བསྐང་༔ འཇོམས་བྱེད་ཆེན་པོའི་རང་བཞིན་ཕྱིར༔ སེང་

― CMR017_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

གེའི་མགོ་ཅན་ཐུགས་དམ་བསྐང་༔ གཏུམ་རྔམས་ཆེན་པོའི་རང་བཞིན་ཕྱིར༔ དོམ་གྱི་མགོ་ཅན་ཐུགས་དམ་བསྐང་༔ ཐམས་ཅད་མྱོས་པར་བྱེད་པའི་ཕྱིར༔ ཕག་གི་མགོ་ཅན་ས་ལྡན་ཆེན་པོའི་རང་བཞིན་ཕྱིར༔ དྲེད་ཀྱི་མགོ་ཅན་ཐུགས་དམ་བསྐང་༔ བཀའ་ཉན་ཕོ་ཉ་མགྱོགས་བྱེད་མ༔ ཡུམ་གྱིས་སྤྲུལ་པའི་ཕོ་ཉ་ནི༔ ཕྲ་མེན་ཆེན་མོ་རྫུ་འཕྲུལ་ཅན༔ གསོད་བྱེད་མ་བཅུའི་ཐུགས་དམ་བསྐང་༔ མཁའ་ལྡིང་ཐོགས་མེད་རྒོད་ཕྲེང་ཅན༔ བྱ་རྒོད་མགོ་ཅན་ཐུགས་དམ་བསྐང་༔ མི་འགྱུར་ཆོས་ཉིད་ཡེ་ཤེས་ཅན༔ བྱ་རོག་མགོ་ཅན་ཐུགས་དམ་བསྐང་༔ མ་ཕྱིན་མཐོང་བ་དབུ་མའི་ལམ༔ འུག་པའི་མགོ་ཅན་ཐུགས་དམ་བསྐང་༔ སྦེད་བྱེད་ཐབས་ལ་མཁས་པ་མོ༔ ཁྭ་ཏའི་མགོ་ཅན་ཐུགས་དམ་བསྐང་༔ འོད་བྱེད་ཆེན་མོ་བཀྲག་གསལ་མོ༔ པུ་ཤུད་མགོ་ཅན་ཐུགས་དམ་བསྐང་༔ མཁའ་ལ་ཐོགས་མེད་སྡེར་འཛིན་མ༔ ཁྲ་ཡི་མགོ་ཅན་ཐུགས་དམ་བསྐང་༔ སྲིན་མོ་ཐབས་མཁས་གཡོ་འདོར་ཅན༔ ཕ་ཝང་མགོ་ཅན་ཐུགས་དམ་བསྐང་༔ ཕྲ་མེན་མགྱོགས་མ་ཡང་རྩལ་ཅན༔ སྲེ་མོའི་མགོ་ཅན་ཐུགས་དམ་བསྐང་༔ རྟོག་

― CMR017_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ཆེན་མོ་ཐབས་ལ་མཁས༔ སྨིགས་བུའི་མགོ་ཅན་ཐུགས་དམ་བསྐང་༔ ཕྲ་མེན་རྐུ་མཁས་སྒོ་མང་མ༔ བྱི་བའི་མགོ་ཅན་ཐུགས་དམ་བསྐང་༔ ཕྱག་རྒྱ་བཞི་དང་ལྡན་པ་ཡི༔ ཕྲིན་ལས་རྣམ་བཞིའི་ལས་མཛད་མ༔ གདུག་པ་མ་ལུས་འདུལ་བའི་ཕྱིར༔ སྒོ་མ་བཞི་ཡི་ཐུགས་དམ་བསྐང་༔ ཤར་ནས་འགུགས་བྱེད་བཛྲ་ཡཀྵ་ཏ༔ པུ་ཤུད་མགོ་ཅན་ཐུགས་དམ་བསྐང་༔ ལྷོ་ནས་འཆིང་བྱེད་བཛྲ་ཡ་བ་ཝེ༔ སྐྱ་གའི་མགོ་ཅན་ཐུགས་དམ་བསྐང་༔ ནུབ་ནས་སྡོམ་བྱེད་བཛྲ་བྷ་ཡ་བེ༔ སྲིན་བྱའི་མགོ་ཅན་ཐུགས་དམ་བསྐང་༔ བྱང་ནས་གསོད་བྱེད་བཛྲ་མཱ་ར་ཎི༔ ཁྲ་ཡི་མགོ་ཅན་ཐུགས་དམ་བསྐང་༔ དཔལ་གྱི་བཀའ་ཉན་སྲུང་མ་ནི༔ ནམ་གྱི་སྲོད་ཀྱི་དམ་ཅན་མ༔ ཤྭ་ན་མཆེད་བཞིའི་ཐུགས་དམ་བསྐང་༔ ལྕགས་ཀྱི་སྤྱང་མོ་མགོ་དགུ་མ༔ ཤཱ་ན་མུ་ཁའི་ཐུགས་དམ་བསྐང་༔ གསེར་གྱི་འཕར་བ་ལྕེ་བརྒྱད་མ༔ སྲི་ལ་མུ་ཁའི་ཐུགས་དམ་བསྐང་༔ ཟངས་ཀྱི་ཝ་བྱཱ་མོ་རྐང་གསུམ་མ༔ སྲི་གྷ་མུ་ཁའི་ཐུགས་དམ་བསྐང་༔ ལྕགས་ཀྱི་ཁྱི་མོ་རལ་པ་ཅན༔ ཤྭ་ན་མུ་ཁའི་ཐུགས་དམ་བསྐང་༔ དཔལ་གྱི་བཀའ་ཉན་སྲུང་མ་ནི༔ ནམ་གྱི་གུང་གི་

― CMR017_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཅན་མ༔ བདག་ཉིད་མཆེད་བཞིའི་ཐུགས་དམ་བསྐང་༔ ནག་མོ་རལ་པས་སྟོང་ཁ་མས་ཁྱབ་རེ་མ་ཏེ་ཡི་ཐུགས་དམ་བསྐང་༔ སེར་ནག་རྨ་བྱའི་ཐུ་ལ་པ་ཅན༔ རེ་མ་ཛ་ཡི་ཐུགས་དམ་བསྐང་༔ དམར་ནག་རེ་ལྡེ་ནག་པོ་གསོལ༔ རེ་མ་ཛུ་ཡི་ཐུགས་དམ་བསྐང་༔ ལྗང་ནག་དར་གྱི་གོ་ཟུ་ཅན༔ རེ་མ་ཊི་ཡི་ཐུགས་དམ་བསྐང་༔ དཔལ་གྱི་བཀའ་ཉན་སྲུང་མ་ནི༔ ནམ་གྱི་ཐོ་རངས་དམ་ཅན་མ༔ ས་བདག་མཆེད་བཞིའི་ཐུགས་དམ་བསྐང་༔ མཐིང་ནག་ལྕགས་ཕུར་རལ་པ་ཅན༔ རྡོ་རྗེ་ཡ་བྱིན་ཐུགས་དམ་བསྐང་༔ སེར་མོ་གསེར་ཕུར་རལ་པ་ཅན༔ རྡོ་རྗེ་དེ་བྱིན་ཐུགས་དམ་བསྐང་༔ དམར་མོ་བ་སྲེ་ཕུར་རལ་པ་ཅན༔ རྡོ་རྗེ་བསྲེ་བྱིན་ཐུགས་དམ་བསྐང་༔ ་ལྗང་མོ་ག་ཡུ་ཕུར་ར་ལ་པ་ཅན༔ རྡོ་རྗེ་ཕག་བྱིན་ཐུགས་དམ་བསྐང་༔ དཔལ་གྱི་བཀའ་ཉན་ད་མ་ཅན་ནི༔ སྲོག་གི་གཤེད་བཞི་མ་ཐུ་བོ་ཆེ༔ གདུག་པ་མ་ལུས་འདུལ་བའི་ཕྱིར༔ བསྲེ་ཡི་སྐྱེས་བཞིའི་ཐུགས་དམ་བསྐང་༔ འདཔ་ལ་གྱི་བཀ་འ་ཉ་ན་དམ་ཅན་ནི༔ བདུད་ཀྱི་གཤེད་བཞི་མ་ཐུ་བོ་ཆེ་་དགྲ་བགེགས་ཁྲམ་ལ་བཏབ་པའི་ཕྱིར༔ ལྕགས་ཀྱི་སྐྱེས་བཞིའི་ཐུགས་དམ་བསྐང་༔ དཔལ་

― CMR017_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བཀའ་ཉན་དམ་ཅན་ནི༔ དམག་དཔོན་མཆེད་བཞི་དྲེགས་པ་ཅན༔ དགྲ་སྙིང་དམར་ལ་རོལ་བའི་ཕྱིར༔ དུང་གི་སྐྱེས་བཞིའི་ཐུགས་དམ་བསྐང་༔ ཕུར་པའི་བསྟན་པ་སྲུང་བའི་ཕྱིར༔ དགེ་བསྙེན་ཉེར་གཅིག་ཐུགས་དམ་བསྐང་༔ ཧཱུྃ༔ ཕུར་པ་ཕྲིན་ལས་ལྷ་ཚོགས་འཁོར་བཅས་རྣམས༔ བསྐང་བ་མེད་དེ་ཁམས་གསུམ་ཡོངས་ཀྱིས་བསྐང་༔ སྦྱོར་བ་མེད་དེ་ཁམས་གསུམ་ཡོངས་ཀྱིས་སྦྱོར༔ སྒྲོལ་བ་མེད་དེ་ཁམས་གསུམ་ཡོངས་ཀྱིས་སྒྲོལ༔ ཡེ་སྦྱོར་ཡེ་སྒྲོལ་ཆེན་པོའི་ཐུགས་དམ་བསྐང་༔ ཐུགས་དམ་བསྐང་བའི་དམ་རྫས་ནི༔ རྒྱུ་མཆོག་ཆེན་པོ་རྣམ་ལྔ་དང་༔ མཆོག་ཆེན་མཆོག་ཕྲན་མཚན་ལྡན་དང་༔ རང་བྱུང་དམ་རྫས་བདུད་རྩི་དང་༔ རྨད་དུ་བྱུང་བའི་གཏོར་མ་དང་༔ རཀྟ་དམར་གྱི་དགྱེས་མཆོད་དང་༔ ཤ་ཆེན་སྤོས་ཀྱི་དམ་རྫས་དང་༔ རྣལ་འབྱོར་ཚོགས་ཀྱི་ལོངས་སྤྱོད་དང་༔ སྣང་གསལ་ཞུན་དམར་མདངས་ལྡན་དང་༔ ཕྱི་ནང་གསང་བ་མཆོད་པའི་ཚོགས༔ མཁའ་ལྡིང་མདངས་དང་ཤེལ་སྒོང་མདངས༔ ཙ་ར་ལ་སོགས་མདངས་ཀྱིས་བསྐང་༔ འདི་ལྟར་བསྐྱངས་བསྐངས་གསོལ་གསོལ་ནས༔ ཐུགས་དམ་

― CMR017_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

གཉེན་པོ་དེས་བསྐངས་ལ༔ ཆོ་ག་ལྷག་ཆད་སངས་གྱུར་ཅིག༔ བདག་གི་གཡར་དམ་སོར་སྩོལ་ཅིག༔ གཡར་དམ་བསྐང་ལ་རྐྱེན་དབང་ཟློག༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕུར་པ་ཡང་གསང་བླ་མེད་ཀྱི་ཕུར་སྲུང་གིང་བཞི་དབང་ཕྱུག་མ་ཉེར་བརྒྱད་དང་བཅས་པའི་སྐུལ་བྱང་དུག་མདའ་ནག་པོ།

― CMR017_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་ཀྱི་ཕུར་སྲུང་གིང་བཞི་དབང་ཕྱུག་མ་ཉེར་བརྒྱད་དང་བཅས་པའི་སྐུལ་བྱང་དུག་མདའ་ནག་པོ་བཞུགས་སོ༔

― CMR017_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཆེན་རྡོ་རྗེ་གཞོན་ནུ་དང་༔ ཡུམ་ཆེན་འཁོར་ལོ་རྒྱས་འདེབས་མ༔ སྤྲུལ་པ་ཟ་གསོད་ཕོ་ཉར་བཅས༔ ཐུགས་དམ་གནད་ནས་བསྐུལ་བའི་ཕྱིར༔ དེ་ཡི་སྐུལ་བྱང་རིམ་པ་བསྟན༔ རྔ་དུང་རོལ་མོའི་ཚོགས་རྣམས་བསྒྲུག༔ བདུད་རྩི་སྨྲེང་ཞིང་རཀྟ་ཕྱིར༔ ཞིང་གི་པགས་པ་ཕྱོགས་བཅུར་གཡབ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཁྲོ་བོའི་རྒྱལ༔ ཆོས་དབྱིངས་རྣམ་དག་འཁོར་ལོ་རྒྱས་འདེབས་ཡུམ༔ ཐབས་ཤེས་སྐུ་ལས་སྤྲུལ་པའི་ཁྲོ་བོ་བཅུ༔ རང་བཞིན་དབྱིངས་ནས་ཤར་བའི་ཁྲོ་མོ་བཅུ༔ སྤྲུལ་པ་ལས་ལ་མངགས་པའི་ཁྲ་ཐབས་ཚོགས༔ ཟ་གསོད་མཆེ་བ་སྟག་གི་མགོ་བོ་ཅན༔ དཀྱིལ་འཁོར་ཕྱོགས་བཞི་སྐྱོང་བའི་སྒོ་

― CMR017_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བཞི༔ གསོད་པའི་ལས་མཛད་ཕུར་སྲུང་བཅུ་གཉིས་དང་༔ བསེ་ལྕགས་དུང་གི་སྐྱེས་བུ་ལ་སོགས་ཏེ༔ ཕུར་པའི་སྲུང་མར་ཞལ་བཞེས་དམ་ཅན་ཚོགས༔ ཁྱེད་ཀྱི་ཐུགས་རྗེ་ཐུགས་དམ་དུས་ལ་བབ༔ མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔ ཛཿ དཔལ་ཆེན་ཁྲོ་རྒྱལ་རྣམས་ཀྱི་བཀའ་ཉན་ཞིང་༔ བསྟན་པའི་རུ་ཏྲ་སྒྲོལ་བར་དམ་བཅས་པའི༔ ཕུར་པའི་ལས་མཁན་སྲུང་མ་བཅུ་གཉིས་ཚོགས༔ བརྣག་པའི་ལས་ལ་མ་གཡེལ་དམ་ཅན་རྣམས༔ གསང་སྔགས་གཉན་གྱི་སྲུང་མ་མ་མོ་ཆེ༔ དཔལ་གྱི་བཀའ་ཉན་ཤྭ་ན་མཆེད་བཞི་ནི༔ ལྕགས་

― CMR017_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྤྱང་མོ་འཇིགས་པའི་མགོ་དགུ་མ༔ གསེར་གྱི་འཕར་བ་མྱུར་བའི་ལྕེ་བརྒྱད་མ༔ ཟངས་ཀྱི་ཝ་མོ་མགྱོགས་པའི་རྐང་གསུམ་མ༔ གཡུ་ཡི་ཁྱི་མོ་ཟུག་པའི་སྒྲ་སྒྲོགས་མ༔ སྔོན་ཚེ་དཔལ་ཆེན་སྤྱན་སྔར་ཁས་བླངས་བཞིན༔ རྡོ་རྗེ་ཕུར་པའི་ཕྲིན་ལས་དུས་ལ་བབ༔ རྣལ་འབྱོར་བདག་ལ་སྡང་བའི་དགྲ་བྱུང་ན༔ ལས་མཁན་དམར་ནག་དགྲ་བགེགས་སྒྲོལ་ལ་ཤོག༔ ཛཿ དགྲ་བོ་སྲོག་གཅོད་རི་ཏི་མཆེད་བཞི་ནི༔ འཇིགས་བྱེད་མཐིང་ནག་རྡོ་རྗེ་རེ་མ་ཏི༔ ཟ་བྱེད་དམར་ནག་རྡོ་རྗེ་རེ་མ་ཛུ༔ གསོད་བྱེད་སེར་ནག་རྡོ་རྗེ་རེ་མ་ཛཿ སྲོག་གཅོད་ལྗང་ནག་རྡོ་རྗེ་རེ་མ་ཛུ༔ སྔོན་ཚེ་དཔལ་ཆེན་སྤྱན་སྔར་ཁས་བླངས་བཞིན༔ རྡོ་རྗེ་ཕུར་པའི་ཕྲིན་ལས་དུས་ལ་བབ༔ རྣལ་འབྱོར་བདག་ལ་སྡང་བའི་དགྲ་བྱུང་ན༔ ལས་མཁན་དམར་ནག་མཐུ་རྩལ་མཐུ་ཆུང་ཞིག༔ ཛ་སྲོག་གཅོད་ནག་མོ་བསྲེ་ཡི་བུ་མོ་བཞི༔ བདུད་ཀྱི་བུ་མོ་ཡ་བྱིན་མཐུ་མོ་ཆེ༔ གཟའ་ཡི་བུ་མོ་དེ་བྱིན་དྲག་རྩལ་ཅན༔ བཙན་གྱི་བུ་མོ་བསྲེ་བྱིན་རྫུ་འཕྲུལ་ཅན༔ ཀླུ་ཡི་བུ་མོ་ཕག་བྱིན་གདུག་རྩུབ་ཅན༔ སྔོན་ཚེ་དཔལ་ཆེན་སྤྱན་སྔར་ཁས་བླངས་བཞིན༔ རྡོ་རྗེ་ཕུར་པའི་ཕྲིན་ལས་དུས་ལ་བབ༔ རྣལ་

― CMR017_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་བདག་ལ་མ་ཉེས་དགྲ་བྱུང་ན༔ གདུག་རྩུབ་ཅན་རྣམས་ལ་ལས་ལ་ད་རྒྱུག་ཅིག༔ ཛཿ མ་མོ་རྣམས་ཀྱི་མིང་པོ་གིང་ཆེན་བཞི༔ འཛིན་གིང་དམར་པོ་འཛིན་པའི་ལྕགས་ཀྱུ་ཐོགས༔ འཆིང་གིང་ནག་པོ་འཆིངས་བའི་ཞགས་པ་ཐོགས༔ སྒྲོལ་གིང་དཀར་པོ་ཤེལ་གྱི་སྤུ་གྲི་ཕྱར༔ ཟ་གིང་སྔོན་པོ་དུང་གི་མཆེ་བ་གཙིགས༔ མགྱོགས་གིང་རྒྱུག་པའི་གློག་དམར་གདུག་པའི་ཚོགས༔ ལས་བྱེད་དྲག་ཤུལ་ཅན་གྱི་དུས་ལ་བབ༔ ཁྱེད་ཀྱི་མཐུ་རྩལ་འབྱུང་བའི་དུས་ལ་བབ༔ ཕུར་པའི་སྲུང་མ་དམ་ཅན་ལས་མཁན་རྣམས༔ ཐུགས་དམ་གནད་ནས་བསྐུལ་ལོ་མ་གཡེལ་ཅིག༔ བྷྱོ༔ ཉི་ཤུ་རྩ་བཞིའི་དུར་ཁྲོད་གནས་ཀྱི་བདག༔ དཔལ་གྱི་བཀོའ་ཉན་དཀྱིལ་འཁོར་མུ་རན་སྐྱོང་༔ དབང་ཕྱུག་ཉེར་བརྒྱད་མཐུ་དང་རྫུ་འཕྲུལ་ཅན༔ རྣལ་འབྱོར་བུ་བཞིན་སྐྱོང་བའི་དམ་ཅན་རྣམས༔ དགྲ་བགེགས་སྲོག་དབུགས་ལེན་པའི་ལས་མཁན་མ༔ དཔལ་ཆེན་ལས་མཁན་ཚོགས་ཀྱི་དུས་ལ་བབ༔ བདག་ནི་ཕུར་པ་སྒྲུབ་པའི་རིག་འཛིན་ཏེ༔ ཁྱེད་རྣམས་ཕུར་པའི་སྲུང་མ་མཐུ་རྩལ་ཅན༔ སྔོན་ཚེ་སློབ་དཔོན་པདྨའི་བཀའ་བཞིན་དུ༔ ཐུགས་དམ་

― CMR017_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ལ་བབ་བོ་ཕྲིན་ལས་མཛོད༔ དེ་ལྟར་ལས་ལ་བསྐུལ་ཏེ་བསྟོད་བསྔགས་ནི༔ ད་ནི་སྨད་ལས་དུག་ཕུར་དང་འབྲེལ་བ་ལས་སྦྱོར་དུས་སུ་དགྲ་ལ་དྲག་ཏུ་བསྐུལ་བར་བྱ་སྟེ༔ བདག་ཉིད་དཔལ་ཆེན་པོར་གསལ་བའི་ཐུགས་ཀ་ནས༔ འོད་ཟེར་དམར་པོ་ཛའི་ཚོགས་དཔག་ཏུ་མེད་པ་འཕྲོས་པས༔ ཕུར་སྲུང་ལས་མཁན་རྣམས་ལྕགས་ཀྱུའི་ཕྱག་རྒྱས་རང་དབང་མེད་པར་མདུན་དུ་བཀུག་ལ༔ རྣལ་འབྱོར་པས་ཅི་བགྱིའི་ལས་བསྒྲུབ་པར་བགྱིའོ༔ ཞེས་ཟེར་བར་བསམས་ལ་ཞེ་སྡང་དྲག་པོའི་ང་རོས་བསྐུལ་ཏེ༔ བྷྱོ༔ སྔོན་ཚེ་དཔལ་གྱི་བཀའ་བཞིན་དུ༔ སློབ་དཔོན་ཆེན་པོ་པདྨ་ཡི༔ སྒྲུབ་པའི་གནས་མཆོག་དམ་པ་ན༔ ལྕགས་ཀྱི་སྤྱང་མོ་མགོ་དགུ་མ༔ ཟངས་ཀྱི་ཝ་མོ་རྐང་གསུམ་མ༔ གསེར་གྱི་འཕར་བ་ལྕེ་བརྒྱད་མ༔ གཡུ་ཡི་ཁྱི་མོ་རལ་པ་ཅན༔ ང་རོ་འབྲུག་ལྟར་ཟ་ཞིང་ཟུག༔ ཁ་རླངས་སྤྲིན་ལྟར་འཐུལ་ཞིང་འཐིབས༔ མིག་ནི་ཉི་ཟེར་བཞིན་དུ་འཚེར༔ བང་ནི་གློག་བས་འཁྱུག་ཅིང་དྲག༔ སྤུ་ནི་མཚོན་ཆའི་རྩེ་བས་རྣོ༔ དེ་འདྲའི་ཞོན་པ་འཇིགས་ཚུལ་ལ༔ བརྗིད་པའི་མི་མོ་བཟང་མོ་ཞོན༔ གཡས་པས་རྡོ་རྗེ་ཐོད་ཕྲེང་འདྲེན༔ གཡོན་པས་ལྕགས་ཀྱི་ཕུར་པ་འདྲིལ༔ མུ་ཁ་མཆེད་བཞིའི་དུས་ལ་བབ༔ དམ་ཉམས་དགྲ་བོའི་བདག་ལ་བསྡོམ༔ བརྣག་

― CMR017_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལས་ལ་མཐུ་མ་ཆུང་༔ ཁྱེད་ཀྱི་ཐུགས་དམ་དུས་ལ་བབ༔ མ་གཡེལ་མ་འཕང་ཐུགས་དམ་ཅན༔ མ་ཐོ་མ་ཐཾ་བཛྲ༔ ཛྭ་ལ་ཛྭ་ལ་བཛཿ སུ་རུ་སུ་རུ་བཛྲ༔ མུ་རུ་མུ་རུ་བཛྲ༔ དགྲ་བགེགས་གནོད་བྱེད་འབྱུང་པོ་མཱ་ར་ཡ་ཧཱུྃ་ཕཊ༔ ཛཿ བྱིང་བྱེད་མ་ལ་གནས་བཅས་ཤིང་༔ རླུང་ནག་འཚུབ་མའི་སྣ་འདྲེན་མ༔ དཔལ་ལྡན་ལྷ་མོ་རེ་མ་ཏི༔ སྐུ་མདོག་མཐིང་ནག་འབར་བ་ལ༔ མི་ལྤགས་རློན་པ་སྐུ་ལ་གསོལ༔ ཕྱག་གཡས་སྤུ་གྲི་འབར་བ་བསྣམས༔ གཡོན་པས་འདེབས་བྱེད་ཕུར་པ་འདྲིལ༔ དྲེལ་རྟ་རྐང་གསུམ་ཆིབས་སུ་ཆིབས༔ འདི་བྱོན་ཐུགས་དམ་དུས་ལ་བབ༔ སྔོན་ཚེ་པདྨའི་བཀའ་བཞིན་དུ༔ རྡོ་རྗེ་ཕུར་པའི་བཀའ་སྲུང་མ༔ མངོན་སྤྱོད་ལས་ལ་མཐུ་མ་ཆུང་༔ ཛཿ བར་སྣང་ཁམས་གསུམ་བརྟན་བཅས་ཤིང་༔ འབྲུག་དང་གློག་གི་སྣ་འདྲེན་མ༔ དཔལ་ལྡན་ནག་མོ་རེ་མ་ཊི༔ སྐུ་མདོག་དམར་ནག་འབར་བ་ལ༔ བཙོད་དམར་ལའུ་སྐུ་ལ་གསོལ༔ ཁྲ་བམ་ལྕགས་ཀྱུ་གཡས་ན་བསྣམས༔ སྒྲོལ་བྱེད་ཕུར་པ་གཡོན་ན་བསྣམས༔ ཆིབས་སུ་ཆུ་གླང་སྔོན་པོ་ཆིབས༔ འདིར་བྱོན་ཐུགས་དམ་དུས་ལ་བབ༔ སྔོན་ཚེ་

― CMR017_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨའི་བཀའ་བཞིན་དུ༔ རྡོ་རྗེ་ཕུར་པའི་བཀའ་སྲུང་མ༔ མ་གཡེལ་མ་འཕང་ལས་མཛོད་ཅིག༔ རྣལ་འབྱོར་བྱང་ཆུབ་སྒྲུབ་མ་སྟེར༔ སྲུང་མ་མ་གཡེལ་ར་མདར་ཟློག༔ ཛཿ རི་རབ་སྟེང་ན་བརྟེན་བཅས་ཤིང་༔ སད་དང་སེར་བའི་སྣ་འདྲེན་མ༔ དཔལ་ལྡན་ནག་མོ་རེ་མ་ཛཿ སྐུ་མདོག་སེར་ནག་འབར་བ་ལ༔ རྨ་བྱའི་ཐུལ་པ་སྐུ་ལ་གསོལ༔ ཕྱག་གཡས་གསེར་གྱི་ཟོར་བ་བསྣམས༔ གཡོན་པས་འདེབས་བྱེད་ཕུར་པ་འདྲིལ༔ ཆིབས་སུ་གསེར་ཤ་ཡུ་མོ་ཆིབས༔ འདིར་བྱོན་ཐུགས་དམ་དུས་ལ་བབ༔ སྔོན་ཚེ་པདྨའི་བཀའ་བཞིན་དུ༔ རྡོ་རྗེ་ཕུར་པའི་བཀའ་སྲུང་མ༔ མ་གཡེལ་མ་འཕང་ལས་མཛོད་ཅིག༔ ཛཿ ས་ཡི་གླིང་ལ་དབང་བྱེད་མ༔ ཁ་བ་བུ་ཡུག་སྣ་འདྲེན་མ༔ དཔལ་ལྡན་ལྷ་མོ་རེ་མ་ཛུ༔ སྐུ་མདོག་ལྗང་ནག་འབར་བ་ལ༔ ཆུ་དར་ཐུལ་པ་སྐུ་ལ་གསོལ༔ གཡས་པའི་ཕྱག་ན་ཁྲམ་བམ་བསྣམས༔ གཡོན་པས་འདེབས་བྱེད་ཕུར་པ་འདྲིལ༔ ཆིབས་སུ་རྔ་མོང་ག་པོ་ཆིབས༔ འདིར་བྱོན་ཐུགས་དམ་དུས་ལ་བབ༔ སྔོན་ཚེ་པདྨའི་བཀའ་བཞིན་དུ༔ རྡོ་རྗེ་ཕུར་པའི་བཀའ་སྲུང་མ༔ ཕུར་པ་སྒྲུབ་པའི་རྣལ་འབྱོར་ལ༔ དམ་ཉམས་

― CMR017_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ཡི་བདེར་མ་སྟེར༔ དམ་ཅན་སྲུང་མ་ར་མདར་ཟློག༔ ཧཱུཾ་མ་མ་པ་ཤང་ཀུ་རུ་མ་ཏི་ཉ་ན་ཀ་ར༔ ཨི་དན་དྷུ་ཏི་མ་མ་ཤྲཱི་ཏྲ་ཀ་ར་ཡེ༔ དགྲ་བགེགས་གནོད་བྱེད་མཱ་ར་ཡ་ཕཊ༔ ཛཿ བལ་ཡུལ་ཡ་བྱིན་ཡུལ་ལ་བརྟེན༔ མར་ཁུའི་མཚོ་ལ་མངའ་ཡང་མཛད༔ རྡོ་རྗེ་ཡ་བྱིན་མཐུ་རྩལ་ཅན༔ སྐུ་མདོག་མཐིང་ནག་འབར་བ་ལ༔ མཐིང་ནག་བེར་ཆེན་སྐུ་ལ་གསོལ༔ ཕྱག་གཡས་རྡོ་རྗེ་ལྕགས་ཀྱུ་བསྣམས༔ ཕྱག་གཡོན་འདེབས་བྱེད་ཕུར་པ་འདྲིལ༔ བདུད་རྟ་ནག་པོ་ཆིབས་སུ་ཆིབས༔ འདིར་བྱོན་ནག་མོ་ལས་མཁན་མ༔ སྔོན་ཚེ་པདྨའི་བཀའ་བཞིན་དུ༔ འདིར་བྱོན་བཅོལ་བའི་ཕྲིན་ལས་མཛོད༔ ཛཿ རོང་གི་དེ་བྱིན་ཡུལ་ལ་བརྟེན༔ ཞག་གི་མཚོ་ལ་མངའ་ཡང་མཛད༔ རྡོ་རྗེ་དེ་བྱིན་རྩལ་མོ་ཆེ༔ སྐུ་མདོག་སེར་ནག་འབར་བ་ལ༔ དར་ནག་བེར་ཆེན་སྐུ་ལ་གསོལ༔ ཕྱག་གཡས་གསེར་གྱི་ཞགས་པ་བསྣམས༔ གཡོན་པས་འདེབས་བྱེད་ཕུར་པ་འདྲིལ༔ ཆིབས་སུ་གཟའ་རྟ་སེར་པོ་ཆིབས༔ སྲོག་དབུགས་ལེན་པའི་མཐུ་བོ་ཆེ༔ སྔོན་ཚེ་པདྨའི་བཀའ་བཞིན་དུ༔ མངག་པའི་ལས་ལ་མཐུ་མ་ཆུང་༔ བཅོལ་བའི་ཕྲིན་

― CMR017_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་གྲུབ་པར་མཛོད༔ ཛཿ མང་ཡུལ་བསྲེ་བྱིན་ཡུལ་ལ་བརྟེན༔ ཁྲག་གི་མཚོ་ལ་མངའ་ཡང་མཛད༔ རྡོ་རྗེ་བསྲེ་བྱིན་ཆེན་མོ་ནི༔ སྐུ་མདོག་དམར་ནག་འབར་བ་ལ༔ བེར་ཆེན་དམར་ནག་སྐུ་ལ་གསོལ༔ ཕྱག་གཡོས་བཙན་ཞགས་དམར་པོ་འདེབས༔ གཡོན་པས་སེང་ལྡེང་ཕུར་པ་འདྲིལ༔ ཆིབས་སུ་བཙན་རྟ་དམར་པོ་ཆིབས༔ འདིར་བྱོན་དགྲ་བོའི་སྲོག་ལེན་མ༔ སྔོན་ཚེ་པདྨའི་བཀའ་བཞིན་དུ༔ ཕུར་པ་སྒྲུབ་པའི་དམ་ཅན་མ༔ བཅོལ་བའི་ཕྲིན་ལས་འགྲུབ་པར་མཛོད༔ ཛཿ སྙེ་ལམ་ཕག་བྱིན་ཡུལ་ལ་བརྟེན༔ འོ་མའི་མཚོ་ལ་མངའ་ཡང་མཛད༔ རྡོ་རྗེ་ཕག་བྱིན་མཐུ་མོ་ཆེ༔ སྐུ་མདོག་སྔོ་ནག་འབར་བ་ལ༔ བེར་ཆེན་སྔོ་ནག་སྐུ་ལ་གསོལ༔ གཡུ་ཞགས་མཆོག་ཕུར་གཡས་ན་བསྣམས༔ གནམ་ལྕགས་ཕུར་པ་གཡོན་ན་འདྲིལ༔ གཡུ་རྟ་སྔོན་པོ་ཆིབས་སུ་ཆིབས༔ འདིར་བྱོན་ཐུགས་དམ་དུས་ལ་བབ༔ བདག་ལ་སྡང་བའི་དགྲ་བྱུང་ན༔ སྲུང་མ་མྱུར་དུ་ལས་ལ་བྷྱོ༔ སྔོན་ཚེ་པདྨའི་བཀའ་བཞིན་དུ༔ ཐུགས་དམ་མ་གཡེལ་ཕྲིན་ལས་མཛོད༔ ཀ་ཏཾ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མ་ར་སེ་ན༔ པྲ་

― CMR017_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

མརྟ་ན་ཡེ༔ དགྲ་བགེགས་གནོད་བྱེད་མཱ་ར་ཡ་ཧཱུྃ་ཕཊ༔ ཅེས་དྲག་ཏུ་བསྐུལ་ཞིང་སྨན་རཀ་གཏོར་མ་སྦྲེང་༔ རྐང་གི་གཟར་བུས་རཀྟ་ཕྱོགས་བཅུར་གཏོར༔ ཞིང་གི་གཡབ་མོས་གཡབ༔ དམ་ཅན་བཅོལ་བསྐུལ་ལ་རེམས་ན་མཐུ་ཆེ༔ བཀྲ་ཤིས་སོ༔ དེ་ནས་བསྲེ་ལྕགས་ཀྱི་སྐྱེས་བུ་བཞི་ལས་ལ་བསྐུལ་པ་ནི༔ ཧཱུྃ༔ བསྲེ་ཡི་སྐྱེས་བུའི་གདུག་པ་ཅན༔ སྐུ་མདོག་དམར་སེར་འབར་བ་ལ༔ སྐུ་ལ་ལེ་བརྒན་བསྲེ་ཁྲབ་གསོལ༔ ཕྱག་གཡས་ཟངས་གྲི་དམར་པོ་ཕྱར༔ གཡོན་པས་སེང་ལྡེང་ཕུར་པ་འདྲིལ༔ ཆིབས་སུ་བཙན་རྟ་དམར་པོ་ཆིབས༔ བསྲེ་ཡི་གིང་ཆེན་ཚོགས་ཀྱིས་བསྐོར༔ འདིར་བྱོན་ཐུགས་དམ་དུས་ལ་བབ༔ བཅོལ་བའི་ཕྲིན་ལས་གྲུབ་པར་མཛོད༔ ཧཱུྃ༔ ནག་པོ་ལྕགས་ཀྱི་སྐྱེས་བུ་ནི༔ སྐུ་མདོག་སྔོ་ནག་འཇིགས་པ་ལ༔ དར་ནག་བེར་ཆེན་སྐུ་ལ་གསོལ༔ ཕྱག་གཡས་རལ་གྲི་ཀླད་ལ་བསྐོར༔ གཡོན་པས་ལྕགས་ཀྱི་ཕུར་པ་འདྲིལ༔ ཆིབས་སུ་སྤྱང་ཀི་སྔོན་པོ་ཆིབས༔ ལྕགས་ཀྱི་གིང་ཆེན་ཚོགས་ཀྱི་བསྐོར༔ འདིར་བྱོན་ཐུགས་དམ་དུས་ལ་བབ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དུང་གི་སྐྱེས་བུའི་ཆེན་པོ་ནི༔ སྐུ་མདོག་དཀར་སེར་བརྗིད་པ་ལ༔ དར་

― CMR017_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་འཇོལ་བེར་སྐུ་ལ་གསོལ༔ ཕྱག་གཡས་ཤེལ་གྲི་ཟངས་ཡག་ཕྱར༔ གཡོན་པས་དུང་གི་ཕུར་པ་འདྲིལ༔ ཆིབས་སུ་སེང་གེ་དཀར་མོ་ཆིབས༔ འཁོར་དུ་ཤེལ་གིང་ཚོགས་ཀྱིས་བསྐོར༔ འདིར་བྱོན་ཐུགས་དམ་དུས་ལ་བབ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ བྱང་ཕྱོགས་ཏཱ་ཀི་ནག་པོ་འཇིགས༔ སྐུ་མདོག་སྔོ་ནག་འབར་བ་ལ༔ སྐུ་ལ་དར་ནག་རལ་ག་གསོལ༔ གཡས་པས་བདུད་ཀྱི་ཁྲམ་བམ་ཕྱར༔ གཡོན་པས་བདུད་ཞགས་ནག་པོ་འདེབས༔ ཆིབས་སུ་བདུད་རྟ་ནག་པོ་ཆིབས༔ འཁོར་དུ་བདུད་པོ་འབུམ་གྱིས་བསྐོར༔ འདིར་བྱོན་ཐུགས་དམ་དུས་ལ་བབ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སྲིད་པའི་ཕུར་བུ་བདག་སྒྲུབ་ཀྱིས༔ ཁྱེད་ཀྱི་ཐུགས་དམ་དུས་ལ་བབ༔ མཐུ་རྩལ་འབྱུང་བའི་དུས་ལ་བབ༔ དགྲ་བགེགས་སྒྲོལ་བའི་དུས་ལ་བབ༔ ཤན་པ་ཕོ་མོའི་དུས་ལ་བབ༔ སྒོལ་གིང་ཚོགས་ཀྱི་དུས་ལ་བབ༔ དགྲ་སྲོག་གཅོད་པའི་དུས་ལ་བབ༔ བདག་ལ་སྡང་བའི་དགྲ་དང་བགེགས༔ གང་ལ་བྱ་བ་ཁྱེད་ཀྱིས་ཤེས༔ ལོ་ཟླར་བཞག་པའི་ལོང་མེད་ཀྱིས༔ ད་ལྟ་ཉིད་དུ་སྒྲོལ་ལ་ཤོག༔ སྲོག་གཅོད་ཤན་

― CMR017_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཕོ་མོའི་ཚོགས༔ ཆ་ལུགས་གཅིག་ཏུ་མ་ངེས་ཏེ༔ རྫུ་འཕྲུལ་སྣ་ཚོགས་ཅིར་ཡང་སྟོན༔ བང་ནི་བར་སྣང་གློག་བས་མགྱོགས༔ ཕྱག་མཚན་འབར་བས་དགྲ་སྲོག་གཅོད༔ མཚོན་ཆ་སྣ་ཚོགས་ཆར་ལྟར་འབེབས༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བོའི་བླ་འཁྱམས་ཁུག་ལ་ཤོག༔ བསད་རྟགས་དོན་སྙིང་ཁྱེར་ལ་ཤོག༔ དུས་ལ་བབ་བོ་ས་མ་ཡ༔ ཨོཾ་བཛྲ་ཀཱི་ལི་ཀཱི་ལ་ཡ༔ ཤི་ཀཾ་ཀ་ར་ཡ༔ མ་ར་སེ་ན༔ པྲ་མརྟ་ན་ཡ་ཧཱུྃ་ཕཊ༔ ད་ནི་དཀྱིལ་འཁོར་མུ་རན་གྱི་ལས་བྱེད་རྣམས་བསྐུལ་བར་བྱ་སྟེ༔ ཞི་རྒྱས་དབང་དྲག་གི་ཕྲིན་ལས་གང་བྱེད་ཅིང་༔ རྡོ་རྗེ་ཕུར་པའི་བཀའ་སྲུང་དབང་ཕྱུག་ཉེར་བརྒྱད་བསྐུལ་བ་ནི་ཁག་ཆེ་སྟེ༔ རྣལ་འབྱོར་པ་རྣམས་གོས་ནག་དང་སྲོག་ཞུ་ལ་སོགས་འཆམས་ཆས་སུ་ཞུགས་ཏེ༔ སྨན་རཀ་གཏོར་མར་སྦྲེང་༔ གསུར་ཆེན་གྱི་དུད་པ་བཏང་༔ རཀྟ་ཕྱར་ཞིང་རྐང་དུང་འབུད༔ རྣལ་འབྱོར་པ་རྣམས་དབང་ཕྱུག་གི་ཟུར་འཆམས་བྱ་ཞིང་༔ ཞལ་ནང་སྟངས་སྟབས་སུ་བསྒྱུར་ཞིང༔ ཕྱི་ངོས་སུ་སྡང་མིག་ཏུ་བསྒྲད་ལ༔ བྷྱོ༔ དཔལ་གྱི་བཀའ་ཉན་ལས་བྱེད་མ༔ མ་ཚོགས་དབང་ཕྱུག་ཉེར་བརྒྱད་ཀྱིས༔ ཚོགས་ཀྱི་དཀྱིལ་འཁོར་ཆེན་པོར་འདིར༔ མིང་ཙམ་འཛིན་པར་བྱེད་པ་ཡང་༔ གཡོ་སྒྱུ་མེད་ཅིང་གུས་ལྡན་པའི༔ སེམས་ཀྱིས་

― CMR017_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

བླངས་ཏེ་སྤྱི་བོ་ཡི༔ གཙུག་ཏུ་བླངས་ཏེ་བསྐུར་བར་བྱའོ༔ དེ་སྐད་ཁྱེད་ཀྱིས་ཞལ་བཞེས་པའི༔ དཔལ་གྱི་བཀའ་བཞིན་བདག་སྒྲུབ་ཀྱིས༔ འདིར་བྱོན་བཅོལ་བའི་ཕྲིན་ལས་མཛོད༔ བྷྱོ༔ སྲིན་མོ་སྨུག་ནག་ཐོད་རློན་འཆང་༔ གཡག་གི་མགོ་ཅན་དུས་ལ་བབ༔ ཚངས་པ་དམར་སེར་པདྨ་འཛིན༔ སྦྲུལ་གྱི་མགོ་ཅན་དུས་ལ་བབ༔ ལྷ་ཆེན་དཀར་གཟིག་གི་མགོ་ཅན་དུས་ལ་བབ༔ གཏོགས་འདོད་སྔོན་མོ་འཁོར་ལོ་འཆང་༔ སྲེ་མོང་མགོ་ཅན་དུས་ལ་བབ༔ གཞོན་ནུ་དམར་པོ་མདུང་ཐུང་འཛིན༔ ཕག་གི་མགོ་ཅན་དུས་ལ་བབ༔ བརྒྱ་བྱིན་དཀར་མོ་ཨིན་རྭ་གདེངས༔ ཁྱུང་གི་མགོ་ཅན་དུས་ལ་བབ༔ རྡོ་རྗེ་ནག་མོ་ལྕགས་ཀྱུ་འཛིན༔ ཁུ་བྱུག་མགོ་ཅན་དུས་ལ་བབ༔ རྡོ་རྗེ་སེར་མོ་ཁྲག་ཆེན་འཐུང་༔ དོམ་གྱི་མགོ་ཅན་དུས་ལ་བབ༔ བདུད་རྩི་དམར་མོ་པད་བུམ་འཛིན༔ ཆུ་སྲིན་མགོ་ཅན་དུས་ལ་བབ༔ ཟླ་བ་དཀར་མོ་པུན་དྷ་འཛིན༔ སྡིག་པའི་མགོ་ཅན་དུས་ལ་བབ༔ བེ་ཅོན་ལྗང་ནག་དབྱུག་ཏོ་ཕྱར༔ ཁྲ་ཡི་མགོ་ཅན་དུས་ལ་བབ༔ སྲིན་མོ་དམར་མོ་དུང་ཁྲག་འཐུང་༔ ཝ་ཡི་མགོ་ཅན་དུས་ལ་བབ༔ ཟ་བ་ལྗང་

― CMR017_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་བ་སུ་འདྲེན༔ སྟག་གི་མགོ་ཅན་དུས་ལ་བབ༔ ར་གདོང་སྔོན་མོ་ཞགས་པ་ཐོགས༔ ར་ཡི་མགོ་ཅན་དུས་ལ་བབ༔ དགའ་བ་དམར་མོ་ཆེ་དར་འཆང་༔ བྱ་རྒོད་མགོ་ཅན་དུས་ལ་བབ༔ སྟོབས་ཆེན་དཀར་མོ་ཐོང་གཤོལ་འཛིན༔ རྟ་ཡི་མགོ་ཅན་དུས་ལ་བབ༔ སྤྱི་སྤྱོད་སྔོན་མོ་སྤུ་གྲིས་གཅོད༔ བྱི་ལའི་མགོ་ཅན་དུས་ལ་བབ༔ འདོད་པ་དམར་མོ་མདའ་གཞུ་འགེངས༔ ཁྱི་ཡི་མགོ་ཅན་དུས་ལ་བབ༔ ནོར་སྲུང་དཀར་མོ་བུམ་པ་འཛིན༔ པུ་ཤུད་མགོ་ཅན་དུས་ལ་བབ༔ རླུང་ལྷ་སྔོན་མོ་བ་དན་ཕྱར༔ ཤ་བའི་མགོ་ཅན་དུས་ལ་བབ༔ བུམ་སྣ་དམར་ནག་ལྕགས་སྒྲོག་བསྣམས༔ སྤྲེའུ་མགོ་ཅན་དུས་ལ་བབ༔ གསོད་བྱེད་ལྗང་ནག་རལ་གྲི་ཕྱར༔ སྤྱང་མོའི་མགོ་ཅན་དུས་ལ་བབ༔ མི་མོ་དམར་མོ་གསལ་ཤིང་འཛིན༔ སྐྱོན་བུའི་མགོ་ཅན་དུས་ལ་བབ༔ ཕག་མོ་ནག་མོ་མཆེ་ཞགས་བསྣམས༔ ཕག་གི་མགོ་ཅན་དུས་ལ་བབ༔ དགའ་བྱེད་དམར་མོ་ཞིང་ཆུང་ཟ༔ ཁྭ་ཏའི་མགོ་ཅན་དུས་ལ་བབ༔ སྣ་ཆེན་དཀར་མོ་ཐོད་ཁྲག་འཐུང་༔ བ་གླང་མགོ་ཅན་དུས་ལ་བབ༔ ཆུ་ལྷ་སྔོན་མོ་སྦྲུལ་ཞགས་འཛིན༔ བྱ་རོག་མགོ་ཅན་དུས་ལ་བབ༔

― CMR017_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

གསུས་འཛིན་སེར་ནག་དྲིལ་བུ་འཛིན༔ སྐྱ་གའི་མགོ་ཅན་དུས་ལ་བབ༔ ཁྱེད་རྣམས་དཔལ་གྱི་ཕོ་ཉ་སྟེ༔ དབང་ཕྱུག་དང་སྲིང་མོའི་ཚོགས༔ དཀྱིལ་འཁོར་ཆེན་པོའི་མཐའ་ལ་གནས༔ ལེགས་ཉེས་ཀུན་གྱི་སྟངས་འཛིན་ཅིང་༔ དམ་ཚིག་གཉན་པོའི་རྗེས་གཅོད་མ༔ འདིར་བྱོན་རྒྱན་གྱི་མཆོད་གཏོར་བཞེས༔ བསྔགས་ཤིང་བསྐུལ་པ་ང་ཡིས་བྱེད༔ བཅོལ་བའི་ཕྲིན་ལས་ཁྱོད་ཀྱིས་མཛོད༔ བཛྲ་མ་ནུ་རཀཱ་སཱི་༔ བྷྱོ༔ བྲ་ཧྥ་ཎཱི་༔ བྷྱོ༔ རོའུ་ཏྲི་མ་བྱོ༔ བྷ་ན་བྷེ་བྷྱོ༔ ཀུ་མཱ་རཱི་བྷྱོ༔ ཨིནྡྲ་མ་བྷྱོ༔ ཀཱ་ལ་མ་བྷྱོ༔ བཛྲ་བི་ཀ་ལ་མ་བྷྱོ༔ ཨ་མྲྀ་ཏཾ་བྷྱོ༔ སོའུ་མ་བྷྱོ༔ ཏ་ན་ཧཾ་བྷྱོ༔ རཀཱ་སཱི་བྷྱོ༔ བྷ་ག་ཤ་སཱི་བྷྱོ༔ ཙ་ཀ་ལ་མ་བྷྱོ༔ བཛྲ་ར་ཏྲི་མ་བྷྱོ༔ རུ་དྷི་ར་མ་བྷྱོ༔ ཨེ་ཀ་ཙ་ར་མ་སྦྱོ༔ མ་ནུ་ཧ་ར་མ་བྷྱོ༔ སི་ཏི་ཀཾ་བྷྱོ༔ བྷ་ཡ་བྷེ་བྷྱོ༔ ཀུ་ལ་མ་བྷྱོ༔ བཛྲ་མཱ་རཱ་ཎ་བྷྱོ་ཨག་ནེ་ཡེ་བྷྱོ་བྷ་རཱ་ཧི་བྷྱོ༔ ཙ་མུན་ཏྲི་བྷྱོ་ཨུ་དྷ་མ་བྷྱོ༔ བ་རུ་ཎ་བྷྱོ༔ ལམྦོ་དྷ་ར་བྷྱོ༔ དགྲ་བགེགས་གནོད་བྱེད་མཱ་ར་ཡ་ཐུན་བྷྱོ༔ ཞེས་བསྐུལ་ཞིང་༔ གོང་དུ་དགྲ་བོའི་ལིངྒ་ཟག་རྫས་དང་བཅས་པ་ལ་འགུགས་གཞུག་དྲག་ཏུ་བྱ༔ ཐུན་གྱིས་བྲབ་སྟེ་དྲག་ཏུ་བསྐུལ་བས་ལས་ལ་མི་བྱ་བའི་དབང་མེད་དོ༔ བདག་འདྲ་

― CMR017_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་ཆེན་མཚོ་རྒྱལ་གྱིས༔ གུ་རུའི་གསུང་བཞིན་མ་ནོར་བར༔ མཁས་པ་བེ་རོ་ཙཱ་ན་ཡིས༔ ཤོག་སེར་ངོས་ལ་ཡི་གེར་བཀོད༔ མ་འོངས་དུས་ཀྱི་ཐ་མ་ལ༔ ཆོས་བདག་བུ་དང་འཕྲད་པར་ཤོག༔ རྒྱ་རྒྱ་རྒྱ༔ སྤྲུལ་སྐུ་རཏྣ་གླིང་པས་ཁྲ་མོ་བྲག་གི་གནས་ནས་གདན་དྲངས་པའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྡོ་རྗེ་ཕུར་པའི་ལས་མཐའ་གཏོར་ཟློག་ཁྲོ་རྒྱལ་སྟོབས་འདུས།

― CMR017_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་ལས་མཐའ་གཏོར་ཟློག་ཁྲོ་རྒྱལ་སྟོབས་འདུས་ཞེས་བྱ་བ་བཞུགས་སོ།

― CMR017_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་༔ ཐབས་མཁས་ཐུགས་རྗེས་གང་འདུལ་དོན་མཛད་ཅིང་༔ མ་འགགས་རང་རྩལ་ཞི་དང་ཁྲོ་གར་སྟོན༔ ཁྲོ་རྒྱལ་སྤྲུལ་པའི་ཚོགས་ལ་ཕྱག་འཚལ་ལོ༔ ལྟས་ངན་མི་མཐུན་ཆག་ཆེ་ཉམ་ང་དང་༔ དལ་ཡམས་དུས་འཁྲུག་ལྷ་འདྲེའི་གཡོས་ཆེན་ཟུག༔ རྦོད་གཏོང་རྦད་འདྲེ་ཕ་རོལ་ཕུར་ཁ་དང་༔ མདོར་ན་མི་མཐུན་རྐྱེན་རྣམས་གང་བབས་ཀྱང་༔ ལྟས་ངན་མ་ལུས་བཟློག་ཕྱིར་གཏོར་ཟློག་བསྟན༔ མནབྷ༔ ཕུར་པ་ཡང་གསང་བླ་མེད་དྲག་སྔགས་གནམ་ལྕགས་ཐོག་གི་སྤུ་གྲི་འདིའི་སྒོ་ནས་ཟློག་པའི་ཕྲིན་ལས་བཅོལ་བ་ནི༔ འབྲུ་ནག་གི་ཕྱེ་ལ་དཔལ་གཏོར་ཕུར་རྩེ་གྱེན་ལ་

― CMR017_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བསླངས་པ་འདྲ་བ་ཁྲུ་གང་བྱ༔ དཔལ་ཆུང་བཅུ་དང་ཀྱུ་གུས་བསྐོར༔ རྩེ་ལ་སྲིད་པའི་བྱ་ཁྱུང་གཟུགས༔ གཞན་ཡང་བླ་མ་ཡི་དམ་མཁའ་འགྲོ་ཆོས་སྐྱོང་གི་གཏོར་མ་ཆ་ཚང་བ་དང་༔ སྨན་རག་ཟོར་རྫས་ལ་སོགས་རྒྱས་པར་བཤམས་ཏེ༔ ད་ལ་ཆེ་ཆུང་གང་ཡང་རུང་བ་ལ༔ མ་ཏྲཾ་སྔོ་སྐྱ་ཡན་ལག་བརྒྱད་པའི་ལྟོ་དཀྱིལ་དུ༔ ཨེ་མཐིང་ནག་ཟླ་གམ་དམར་པོ་འཁོར་ལོ་རྩིབས་བཅུ་བྲིས་པའི་སྟེང་དུ་བཞག༔ གཏོར་མའི་འོག་ཏུ་དགྲ་བོའི་ལིངྒ་མིང་རུས་བླ་དག་ཟག་རྫས་དང་བཅས་པ་བཏིང་༔ དེའི་སྟེང་དུ་ཉ་བོ་བཅུ་ཁྲག་གིས་སྦགས་པ་ཡང་བཤམས༔ ཨེ་ཡི་གདན་ལ་སྲས་མཆོག་གི་ཕུར་པ་དར་གྱི་ཅོད་པན་ཅན་བཞུགས་སུ་གསོལ༔ ལས་བྱང་གི་གཞུང་རྒྱས་པར་རྫོགས་ནས་ཕྲིན་ལས་བཅོལ་བ་ནི༔ ཧཱུྃ༔ མཐིང་ནག་གྲུ་གསུམ་འབར་

― CMR017_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དཀྱིལ་འཁོར་ནས༔ མ་བཅོས་རྫོགས་པའི་རྡོ་རྗེ་གཞོན་ནུ་ནི༔ དབུ་གསུམ་ཕྱག་དྲུག་མཐིང་ནག་ཞབས་བཞི་བསྒྲད༔ ཞལ་གཡས་དཀར་པོ་གྱེན་དུ་གཟིགས་པ་ནི༔ སྟེང་གི་ལྷ་རྣམས་མ་ལུས་དབང་དུ་སྡུད༔ ལྷ་ཡི་དམག་ཚོགས་སྡང་བའི་དགྲ་ལ་ཟློག༔ ཞལ་གཡོན་དམར་པོ་ཐུར་དུ་གཟིགས་པ་ནི༔ འོག་གི་ཀླུ་རྣམས་མ་ལུས་དབང་དུ་སྡུད༔ ཀླུ་ཡི་དམག་ཚོགས་སྡང་བའི་དགྲ་ལ་ཟློག༔ ཞལ་དབུས་མཐིང་ནག་ཕྱོགས་བཅུར་གཟིགས་པ་ནི༔ ཕྱོགས་སྐྱོང་སྡེ་བརྒྱད་ཐམས་ཅད་དབང་དུ་སྡུད༔ སྡེ་བརྒྱད་དམག་ཚོགས་སྡང་བའི་དགྲ་ལ་ཟློག༔ དབུ་སྐྲ་ཁམ་ནག་གྱེན་དུ་འབར་བ་ཡིས༔ སྲིད་པ་གསུམ་ཡང་དབང་དུ་སྡུད་པར་བྱེད༔ སྣང་སྲིད་གཡོ་འགུལ་སྡང་བའི་དགྲ་ལ་ཟློག༔ ཕྱག་གཡས་རྡོ་རྗེ་རྩེ་དགུ་བསྣམས་པ་ཡིས༔ ས་དགུའི་རྟོག་པ་རྩད་ནས་གཅོད་པར་བྱེད༔ ཆོས་ཀྱི་བདེན་པ་སྡང་བའི་དགྲ་ལ་ཟློག༔ བར་པས་རྡོ་རྗེ་རྩེ་ལྔ་གདེངས་པ་ཡིས༔ རྒྱུད་ལྔའི་སེམས་ཅན་གནས་ནས་འདྲེན་པར་བྱེད༔ ཉོན་མོངས་དུག་ལྔ་སྡང་བའི་དགྲ་ལ་ཟློག༔ ཕྱག་གཡོན་ཡེ་ཤེས་མེ་དཔུང་འབར་བ་ནི༔ སྡུག་བསྔལ་འཁོར་བའི་བག་ཆགས་སྲེག་པར་

― CMR017_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད༔ མ་རིག་འཁྲུལ་འཁོར་སྡང་བའི་དགྲ་ལ་ཟློག༔ བར་པས་ཁཊཾ་རྩེ་གསུམ་བསྣམས་པ་ནི༔ ཁམས་གསུམ་འཁོར་བ་རྩད་ནས་གཅོད་པར་བྱེད༔ ཁམས་གསུམ་གཡོ་འཁྲུགས་སྡང་བའི་དགྲ་ལ་ཟློག༔ མཐའ་གཉིས་རི་རབ་ཕུར་བུ་འདྲིལ་བ་ནི༔ ཁམས་གསུམ་སྲིད་གསུམ་གཡོ་ཞིང་འགུལ་བར་བྱེད༔ སྣང་སྲིད་དམག་ཚོགས་སྡང་བའི་དགྲ་ལ་ཟློག༔ ཞབས་བཞི་འདོར་སྟབས་ཐུར་དུ་བསྐྲད་པ་ནི༔ དྲེགས་པ་ཐམས་ཅད་ཟིལ་གྱིས་གནོན་པར་བྱེད༔ རུ་ཏྲའི་དམག་ཚོགས་སྡང་བའི་དགྲ་ལ་ཟློག༔ རྡོ་རྗེའི་གཤོག་པས་ནམ་མཁའ་ཁེབས་པ་ནི༔ གཟའ་དང་རྒྱུ་སྐར་དབང་དུ་སྡུད་པར་བྱེད༔ མི་མཐུན་གདུག་རྩུབ་སྡང་བའི་དགྲ་ལ་ཟློག༔ དུར་ཁྲོད་ཆས་བརྒྱད་སྐུ་ལ་རྫོགས་པ་ནི༔ མ་ས་མོ་མཁའ་འགྲོ་དབང་དུ་སྡུད་པར་བྱེད༔ སྣང་སྲིད་མ་མོའི་ཆོ་འཕྲུལ་དགྲ་ལ་ཟློག༔ ཡུམ་ཆེན་ཁྲོ་མོ་འཁོར་ལོ་རྒྱས་འདེབས་མ༔ སྣང་སྲིད་འཁོར་འདས་མ་ལུས་སྐྱེད་པའི་ཡུམ༔ སྣང་སྲིད་འཁྲུལ་འཁོར་སྡང་བའི་དགྲ་ལ་ཟློག༔ ཧཱུྃ༔ སྟེང་གི་ཕྱོགས་ནས་ཁྲོ་ཆེན་ཧཱུྃ་ཀཱ་ར༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ ཚངས་པའི་དམག་ཚོགས་ཟློག་ཅིང་

― CMR017_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ལ་སྒྱུར༔ ཤར་གྱི་ཕྱོགས་ནས་ཁྲོ་ཆེན་རྣམ་པར་རྒྱལ༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ དྲི་ཟའི་གདོན་ཚོགས་ཟློག་ཅིང་དགྲ་ལ་སྒྱུར༔ ཤར་ལྷོ་མཚམས་ནས་ཁྲོ་ཆེན་དབྱུག་སྔོན་རྒྱལ༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ མེ་ལྷའི་དམག་ཚོགས་ཟློག་ཅིང་དགྲ་ལ་སྒྱུར༔ ལྷོ་ཡི་ཕྱོགས་ནས་གཤིན་རྗེའི་གཤེད་ཆེན་པོ༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ གཤིན་རྗེའི་དམག་ཚོགས་ཟློག་ཅིང་དགྲ་ལ་སྒྱུར༔ ལྷོ་ནུབ་མཚམས་ནས་ཁྲོ་རྒྱལ་མི་གཡོ་མགོན༔ དམ་ཉམས་དགྲ་བོའི་ཤ་ཁྲག་ལ་འདི་རོལ༔ སྲིན་པོའི་དམག་ཚོགས་ཟློག་ཅིང་དགྲ་ལ་སྒྱུར༔ ནུབ་ཀྱི་ཕྱོགས་ནས་ཁྲོ་རྒྱལ་རྟ་མགྲིན་རྒྱལ༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ ཀླུ་ཡི་གདོན་ཚོགས་ཟློག་ཅིང་དགྲ་ལ་སྒྱུར༔ ནུབ་བྱང་མཚམས་ནས་ཁྲོ་ཆེན་འདོད་པའི་རྒྱལ༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ རླུང་ལྷའི་དམག་ཚོགས་ཟློག་ཅིང་དགྲ་ལ་སྒྱུར༔ བྱང་གི་ཕྱོགས་ནས་ཁྲོ་ཆེན་བདུད་རྩི་འཁྱིལ༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ གནོད་སྦྱིན་དམག་ཚོགས་ཟློག་ཅིང་དགྲ་ལ་སྒྱུར༔ བྱང་ཤར་མཚམས་ནས་ཁྲོ་རྒྱལ་ཁམས་

― CMR017_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་རྒྱལ༔ དམ་ཉམས་དགྲ་བོའི་ཤ་ཁྲག་འདི་ལ་རོལ༔ དབང་ལྡན་དམག་ཚོགས་ཟློག་ཅིང་དགྲ་ལ་སྒྱུར༔ འོག་གི་ཕྱོགས་ནས་ཁྲོ་ཆེན་སྟོབས་པོ་ཆེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ས་བདག་དམག་ཚོགས་ཟློག་ཅིང་དགྲ་ལ་སྒྱུར༔ སྟེང་ཕྱོགས་ཁྲོ་མོ་རྡོ་རྗེ་སྒྲ་འབྱིན་མས༔ དམ་ཉམས་དགྲ་བོའི་ཀླད་ཁྲག་འདི་ལ་རོལ༔ སྟེང་གི་ཕྱོགས་ནས་དགྲ་བགེགས་སྒྲོལ་ཞིང་ཟློག༔ ཤར་ཕྱོགས་ཁྲོ་མོ་རྡོ་རྗེ་སྙེམས་མ་ཡིས༔ དམ་ཉམས་དགྲ་བགེགས་ཀླད་ཁྲག་འདི་ལ་རོལ༔ ཤར་གྱི་ཕྱོགས་ཀྱི་དགྲ་བགེགས་སྒྲོལ་ཞིང་ཟློག༔ ཤར་ལྷོའི་ཁྲོ་མོ་རྡོ་རྗེ་སྡེར་མོ་ཡིས༔ དམ་ཉམས་དགྲ་བགེགས་ཀླད་ཁྲག་འདི་ལ་རོལ༔ ཤར་ལྷོའི་མཚམས་ཀྱི་དགྲ་བགེགས་སྒྲོལ་ཞིང་ཕྱོགས་ཁྲོ་མོ་དུར་ཁྲོད་བདག་མོ་ཡིས༔ དམ་ཉམས་དགྲ་བགེགས་ཀླད་ཁྲག་འདི་ལ་རོལ༔ ལྷོ་ཡི་ཕྱོགས་ཀྱི་དགྲ་བགེགས་སྒྲོལ་ཞིང་ཟློག༔ ལྷོ་ནུབ་ཁྲོ་མོ་རྡོ་རྗེ་གཏུན་ཁུང་མས༔ དམ་ཉམས་དགྲ་བོའི་ཀླད་ཁྲག་འདི་ལ་རོལ༔ ལྷོ་ནུབ་མཚམས་ཀྱི་དགྲ་བགེགས་སྒྲོལ་ཞིང་ཟློག༔ ནུབ་ཕྱོགས་ཁྲོ་བོ་རྡོ་རྗེ་གཏུམ་མོ་ཡིས༔ དམ་ཉམས་དགྲ་བོའི་ཀླད་

― CMR017_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་འདི་ལ་རོལ༔ ནུབ་ཀྱི་ཕྱོགས་ཀྱི་དགྲ་བགེགས་སྒྲོལ་ཞིང་ཟློག༔ ནུབ་བྱང་ཁྲོ་མོ་རྡོ་རྗེ་མདའ་སྙེམས་མས༔ དམ་ཉམས་དགྲ་བོའི་ཀླད་ཁྲག་འདི་ལ་རོལ༔ ནུབ་བྱང་མཚམས་ཀྱི་དགྲ་བགེགས་སྒྲོལ་ཞིང་ཟློག༔ བྱང་ཕྱོགས་ཁྲོ་མོ་རྡོ་རྗེ་རླུང་འབྱིན་མས༔ དམ་ཉམས་དགྲ་བོའི་ཀླད་ཁྲག་འདི་ལ་རོལ༔ བྱང་གི་ཕྱོགས་ཀྱི་དགྲ་བགེགས་སྒྲོལ་ཞིང་ཟློག༔ བྱང་ཤར་ཁྲོ་མོ་རྡོ་རྗེ་གསོད་བྱེད་མས༔ དམ་ཉམས་དགྲ་བོའི་ཀླད་ཁྲག་འདི་ལ་རོལ་ལ༔ བྱང་ཤར་མཚམས་ཀྱི་དགྲ་བགེགས་སྒྲོལ་ཞིང་ཟློག༔ འོག་ཕྱོགས་ཁྲོ་མོ་རྡོ་རྗེ་སྐུལ་བྱེད་མས༔ དམ་ཉམས་དགྲ་བོའི་ཀླད་ཁྲག་འདི་ལ་རོལ༔ འོག་གི་ཕྱོགས་ཀྱི་དགྲ་བགེགས་སྒྲོལ་ཞིང་ཟློག༔ རྡོ་རྗེ་ཕྲ་མེན་ཕག་གི་མགོ་བོ་ཅན༔ ཀླད་ཁྲག་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ ཕྲིན་ལས་སྟེང་གི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་སྟག་གི་མགོ་བོ་ཅན༔ ཏི་ར་བམ་ཆེན་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ ཕྲིན་ལས་ཤར་གྱི་

― CMR017_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་གཡག་གི་མགོ་བོ་ཅན༔ རྒྱུ་མ་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པའི༔ ཕྲིན་ལས་ཤར་ལྷོའི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་ཤ་བའི་མགོན་པོ་ཅན༔ ཞིང་ཆེན་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པའི༔ ཕྲིན་ལས་ལྷོ་ཡི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་གཟིག་གི་མགོ་བོ་ཅན༔ ཙིཏྟ་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པའི༔ ཕྲིན་ལས་ལྷོ་ནུབ་དགྲ་བལྟ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་བྱི་ལའི་མགོ་བོ་ཅན༔ ཀླད་ཁྲག་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པའི༔ ཕྲིན་ལས་ནུབ་ཀྱི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་སྤྱང་ཀིའི་མགོ་བོ་ཅན༔ ཤ་ཆེན་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་

― CMR017_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ ཕྲིན་ལས་ནུབ་བྱང་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་སེང་གེའི་མགོ་བོ་ཅན༔ ཞིང་ཆེན་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པའི༔ ཕྲིན་ལས་བྱང་གི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་དོམ་གྱི་མགོ་བོ་ཅན༔ གློ་སྙིང་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ ཕྲིན་ལས་བྱང་ཤར་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་དྲེད་ཀྱི་མགོ་བོ་ཅན༔ ཡན་ལག་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་སྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ ཕྲིན་ལས་འོག་གི་དགྲ་བགེགས་བཟློག་ཏུ་གསོལ༔ བྷྱོ༔ བྱ་རྒོད་མགོ་ཅན་མགྱོགས་པའི་གཟུགས༔ སྐད་ཅིག་ཉིད་ལ་དགྲ་བགེགས་སྒྲོལ༔ ཤར་གྱི་དགྲ་བགེགས་ཟློག་ཅིང་སྒྱུར༔ བྱ་རོག་མགོ་ཅན་རིག་པའི་རྒྱལ༔ དགྲ་བོའི་བླ་སྲོག་ཐབས་ཀྱིས་འགུགས༔ ཤར་ལྷོའི་དགྲ་

― CMR017_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་ཟློག་ཅིང་སྒྱུར༔ འུག་པའི་མགོ་ཅན་ཤེས་རབ་ཅན༔ ཉམས་པའི་དགྲ་བོ་ཐབས་ཀྱིས་སྒྲོལ༔ ལྷོ་ཡི་དགྲ་བགེགས་ཟློག་ཅིང་སྒྱུར༔ ཁྭ་ཏའི་མགོ་ཅན་སྒྲིབ་ཤིང་ཅན༔ རྫུ་འཕྲུལ་སྟོབས་ཀྱིས་དགྲ་བགེགས་སྒྲོལ༔ ལྷོ་ནུབ་དགྲ་བགེགས་ཟློག་ཅིང་སྒྱུར༔ པུ་ཤུད་མགོ་ཅན་མིག་རྩི་ཅན༔ དགྲ་བོའི་བླ་འཁྱམས་མྱུར་དུ་འགུགས༔ ནུབ་ཀྱི་དགྲ་བགེགས་ཟློག་ཅིང་སྒྱུར༔ ཁྲ་ཡི་མགོ་ཅན་མགྱོགས་པའི་ཤུགས༔ དགྲ་སྲོག་སྐད་ཅིག་ཉིད་ལ་གཅོད༔ ནུབ་བྱང་དགྲ་བགེགས་ཟློག་ཅིང་སྒྱུར༔ ཕ་ཝང་མགོ་ཅན་ཐབས་ལ་མཁས༔ དགྲ་བགེགས་བླ་ཚེ་འགུགས་ལ་བརྩོན༔ བྱང་གི་དགྲ་བགེགས་ཟློག་ཅིང་སྒྱུར༔ སྲེ་མོང་མགོ་ཅན་ཡང་རྩལ་ཅན༔ དགྲ་སྲོག་ཁུག་ནས་འཆོར་མི་སྲིད༔ བྱང་ཤར་དགྲ་བགེགས་ཟློག་ཅིང་སྒྱུར༔ སྨྱུག་བུའི་མགོ་ཅན་མཁའ་ལ་སྤྱོད༔ དགྲ་བགེགས་སྒྲོལ་བའི་ལས་ལ་བརྩོན༔ སྟེང་གི་དགྲ་བགེགས་ཟློག་ཅིང་སྒྱུར༔ བྱི་བའི་མགོ་ཅན་ལས་ལ་བརྩོན༔ དགྲ་བོའི་བླ་སྲོག་སྦྱོར་གྱི་འཛིན༔ འོག་གི་དགྲ་བགེགས་ཟློག་ཅིང་སྒྱུར༔ བྷྱོ༔ ཤར་གྱི་སྒོ་བ་པུ་ཤུད་མགོ༔ དགྲ་བོའི་སྙིང་ནས་ལྕགས་ཀྱུས་བཟུང་༔

― CMR017_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་གྱི་དགྲ་བགེགས་ཐམས་ཅད་ཟློག༔ ལྷོ་ཡི་སྒོ་བ་སྐྱ་ཀའི་མགོ༔ དགྲ་བོ་ཞགས་པས་འཆིང་བར་བྱེད༔ ལྷོ་ཡི་དགྲ་བགེགས་ཐམས་ཅད་ཟློག༔ ནུབ་ཀྱི་སྒོ་བ་སྲིན་བྱའི་མགོ༔ དགྲ་བགེགས་ལྕགས་སྒྲོག་སྡོམ་པར་བྱེད༔ ནུབ་ཀྱི་དགྲ་བགེགས་ཐམས་ཅད་ཟློག༔ བྱང་གི་སྒོ་བ་ཁྲ་ཡི་མགོ༔ དགྲ་བགེགས་དྲིལ་བུའི་མྱོས་ཤིང་འཕུལ༔ བྱང་གི་དགྲ་བགེགས་ཐམས་ཅད་ཟློག༔ ཤར་གྱི་སྲས་མཆོག་བཛྲ་ཀཱི་ལ་ཡ༔ དམ་ཉམས་དགྲ་བགེགས་ལྕགས་ཀྱུས་འདེབས་ཤིང་བཟུང་༔ ཤར་གྱི་དགྲ་བགེགས་ཐམས་ཅད་ཞི་བས་ཟློག༔ ལྷོ་ཡི་སྲས་མཆོག་རཏྣ་ཀཱི་ལ་ཡ༔ དམ་ཉམས་དགྲ་བགེགས་ཞགས་པས་འཆིང་ཞིང་འདེབས༔ ལྷོ་ཡི་དགྲ་བགེགས་ཐམས་ཅད་རྒྱས་པས་ཟློག༔ ནུབ་ཀྱི་སྲས་མཆོག་༈ པདྨ་ཀཱི་ལ་ཡ༔ དམ་ཉམས་དགྲ་བགེགས་ལྕགས་སྒྲོག་འབར་བས་སྡོམ༔ ནུབ་ཀྱི་དགྲ་བགེགས་ཐམས་ཅད་དབང་གིས་ཟློག༔ བྱང་གི་སྲས་མཆོག་ཀརྨ་ཀཱི་ལ་ཡ༔ དམ་ཉམས་དགྲ་བགེགས་དྲིལ་བུས་མྱོས་ཤིང་འཕུལ༔ བྱང་གི་དགྲ་བགེགས་ཐམས་ཅད་དྲག་པོས་ཟློག༔ ཧཱུྃ༔ ནམ་ནི་སྲོད་ཀྱི་དམ་ཅན་ཕོ་ཉ་མོ༔ ལྕགས་ཀྱི་སྤྱང་མོ་མི་བཟད་རྔམས་པ་

― CMR017_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ལ༔ འཇིགས་པའི་མི་མོ་ལྕགས་ཀྱི་མགོ་ཅན་ཞོན༔ ཕྱག་ན་ལྕགས་ཀྱི་ཕུར་པ་དགྲ་ལ་འདེབས༔ ཤྭ་ན་མུ་ཁ་ཆེན་མོའི་དུས་ལ་བབ༔ དགྲ་བགེགས་སྒྲོལ་ཞིང་ཟློག་པའི་ཕྲིན་ལས་མཛོད༔ གསེར་གྱི་འཕར་བ་འཇིགས་པའི་ལྕེ་བརྒྱད་མ༔ དེ་ལ་མི་མོ་གསེར་གྱི་མགོ་ཅན་ཞོན༔ ཕྱག་ན་གསེར་གྱི་ཕུར་པ་དགྲ་ལ་འདེབས༔ སྲི་ལ་མུ་ཁ་ཆེན་མོའི་དུས་ལ་བབ༔ དགྲ་བགེགས་སྒྲོལ་ཞིང་ཟློག་པའི་ཕྲིན་ལས་མཛོད༔ ཟངས་ཀྱི་ཝ་མོ་རྒྱུག་པའི་རྐང་གསུམ་མ༔ འཇིགས་པའི་མ་མོ་ཟངས་ཀྱི་མགོ་ཅན་ཞོན༔ ཟངས་ཕུར་འདྲིལ་ཞིང་དགྲ་བོའི་སྙིང་ལ་འདེབས༔ ཤྭ་ན་མུ་ཁ་ཆེན་མོའི་དུས་ལ་བབ༔ དགྲ་བགེགས་སྒྲོལ་ཞིང་ཟློག་པའི་ཕྲིན་ལས་མཛོད༔ གཡུ་ཡི་ཁྱི་མོ་མི་བཟད་རལ་པ་ཅན༔ གསོད་བྱེད་མི་མོ་གཡུ་ཡི་མགོ་ཅན་ཞོན༔ གཡུ་ཡི་ཕུར་པ་འདྲིལ་ཞིང་དགྲ་ལ་འདེབས༔ རབ་འཇིགས་སྲི་ལ་མུ་ཁའི་དུས་ལ་བབ༔ དགྲ་བགེགས་སྒྲོལ་ཞིང་ཟློག་པའི་ཕྲིན་ལས་མཛོད༔ ཧཱུྃ༔ ནམ་ནི་གུང་གི་ལས་བྱེད་དམ་ཅན་མ༔ སྲིད་པའི་མ་མོ་རལ་པས་སྟོང་ཁམས་ཁྱབ༔ ཕྱག་ན་མཆོང་གི་ཕུར་པ་འདྲིལ་ཞིང་འདེབས༔ ཆིབས་སུ་དྲེལ་རྟ་རྐང་

― CMR017_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མགྱོགས་ལ་ཆིབས༔ འཇིགས་བྱེད་རེ་མ་ཏི་ཡི་དུས་ལ་བབ༔ ལྟས་ངན་སྣ་ཚོགས་སྡང་བའི་དགྲ་ལ་ཟློག༔ སེར་ནག་བརྗིད་པ་རྨ་བྱའི་ཐུལ་པ་ཅན༔ གསེར་གྱི་ཟོར་བས་ལོ་ཏོག་ཕྱགས་མས་འདེབས༔ ཆིབས་སུ་གསེར་ཤ་ཡུ་མོ་མགྱོགས་ལ་ཆིབས༔ ཟ་བྱེད་རེ་མ་ཊི་ཡི་དུས་ལ་བབ༔ ཆག་ཆེ་ཉམ་ང་སྡང་བའི་དགྲ་ལ་ཟློག༔ དམར་ནག་སྐུ་ལ་བཙོས་དམར་ལའུ་གསོལ༔ ཁྲམ་བམ་ལྕགས་ཀྱུས་དགྲ་བགེགས་ཐར་བར་རློགས༔ ཆིབས་སུ་བརྗིད་པའི་ཆུ་གླང་སྔོན་པོ་ཆིབས༔ ཕུང་བྱེད་རེ་མ་ཛ་ཡི་དུས་ལ་བབ༔ རྨི་ལམ་མཚན་ལྟས་ངན་པ་དགྲ་ལ་ཟློག༔ ལྗང་ནག་སྐུ་ལ་དར་ནག་གོ་ཟུ་གསོལ༔ ཕྱག་ན་ཁྲམ་བམ་ནད་ཀྱི་རྐྱལ་པ་ཐོགས༔ ཆིབས་སུ་ལྟས་ངན་རྔ་མོང་གུ་པ་ཆིབས༔ ལས་མཁན་རེ་མ་ཛུ་ཡི་དུས་ལ་བབ༔ རིམས་ནད་དལ་ཡམས་སྡང་བའི་དགྲ་ལ་ཟློག༔ ཧཱུྃ༔ ནམ་ནི་ཐོ་རེངས་དུས་ཀྱི་ལས་མཁན་མ༔ མཐིང་ནག་རལ་པ་ལྕགས་ཀྱི་ཕུར་པས་ཁེབས༔ ཕྱག་ན་གནམ་ལྕགས་ཕུར་པ་འདྲིལ་ཞིང་འདེབས༔ སྲིད་པའི་བདུད་རྟ་ནག་པོ་ཆིབས་སུ་ཆིབས༔ རྡོ་རྗེ་ཡ་བྱིན་ཆེན་པོ་དུས་ལ་བབ༔ སྲིད་པ་མ་མོའི་ཁྲམ་དལ་དག་

― CMR017_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཟློག༔ སེར་མོ་གསེར་ཕུར་རལ་པས་བར་སྣང་ཁྱབ༔ ཕྱག་ན་གསེར་ཕུར་ཞགས་པས་འཆིང་ཞིང་འདེབས༔ གཟའ་རྟ་དམར་པོ་མེ་འབར་ཆིབས་སུ་ཆིབས༔ རྡོ་རྗེ་དེ་བྱིན་འཇིགས་པའི་དུས་ལ་བབ༔ ལྟས་ངན་ཕུང་དལ་སྣ་ཚོགས་དགྲ་ལ་ཟློག༔ དམར་མོ་བསྲེ་བྱིན་བསྲེ་ཡི་རལ་པ་ཅན༔ ལྕགས་ཀྱུས་བཟུང་ནས་སེང་ལྡེང་ཕུར་པས་འདེབས༔ གློག་དམར་ཤུགས་ཅན་འཇིགས་པའི་རྟ་ལ་ཆིབས༔ རྡོ་རྗེ་བསྲེ་བྱིན་ལས་མཁན་དུས་ལ་བབ༔ མཚོན་དང་དུག་རླངས་སྡང་བའི་དགྲ་ལ་ཟློག༔ མཐིང་ནག་འབར་བའི་རལ་པ་སྤྲིན་ལྟར་གཏིབས༔ མི་ཡི་མཆོག་ཕུར་ཞགས་པས་དགྲ་བགེགས་འཆིང་༔ ཀླུ་རྟ་སྔོན་པོ་རླུང་གི་ཤུགས་ཅན་ཆིབས༔ རྡོ་རྗེ་ཕྱག་བྱིན་མཐུ་ཆེན་དུས་ལ་བབ༔ ལྟས་ངན་ཡེ་འདྲོག་སྡང་བའི་དགྲ་ལ་ཟློག༔ ཧཱུྃ༔ ཤར་ཕྱོགས་སྲིན་པོའི་སྐྱེས་བུ་ནི༔ དཀར་པོ་ཕྱག་ན་ཕུར་པ་འདྲིལ༔ དགྲ་བོའི་ཤ་ཁྲག་འདི་ལ་རོལ༔ ཆོད་གཏོང་རྦད་འདྲེ་དགྲ་ལ་ཟློག༔ ལྷོ་ཕྱོགས་གཤིན་རྗེའི་སྐྱེས་བུ་ནི༔ ནག་པོ་ཕྱག་ན་ཕུར་པ་འདྲིལ༔ དགྲ་བོའི་ཤ་ཁྲག་འདི་ལ་རོལ༔ ཕུར་ཁ་ཟོར་ཁ་དགྲ་ལ་ཟློག༔ ནུབ་ཕྱོགས་བདུད་ཀྱི་

― CMR017_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་བུ་ནི༔ དམར་པོ་ཕྱག་ན་ཕུར་པ་འདྲིལ༔ དགྲ་བོའི་ཤ་ཁྲག་འདི་ལ་རོལ༔ ཆག་ཆེ་ཉམ་ང་དགྲ་ལ་ཟློག༔ བྱང་ཕྱོགས་གནོད་སྦྱིན་སྐྱེས་བུ་ནི༔ སྔོན་པོ་ཕྱག་ན་ཕུར་པ་འདྲིལ༔ དགྲ་བོའི་ཤ་ཁྲག་འདི་ལ་རོལ༔ དལ་ཁ་ཡམས་ནད་དགྲ་ལ་ཟློག༔ ཧཱུྃ༔ ཤར་བདུད་དཀར་པོ་མཆེ་བ་ཅན༔ ཕྱག་ན་དུང་གི་ཕུར་པ་འདྲིལ༔ ཤར་གྱི་སྐྱེས་བུའི་དུས་ལ་བབ༔ ལྟས་ངན་བརྒྱད་ཅུ་དགྲ་ལ་ཟློག༔ ལྷོ་བདུད་སྔོན་པོ་རལ་པ་ཅན༔ ཕྱག་ན་གཡུ་ཡི་ཕུར་པ་འདྲིལ༔ ལྷོ་ཡི་སྐྱེས་བུའི་དུས་ལ་བབ༔ ཡེ་འདྲོག་སུམ་བརྒྱ་དགྲ་ལ་ཟློག༔ ནུབ་བདུད་ནག་པོ་ཞགས་པ་ཅན༔ ཕྱག་ན་ཞགས་པ་ཕུར་པ་འདྲིལ༔ ནུབ་ཀྱི་སྐྱེས་བུའི་དུས་ལ་བབ༔ གློ་བུར་བརྒྱད་ཅུ་དགྲ་ལ་ཟློག༔ བྱང་བདུད་ལྗང་ནག་རལ་གྲི་ཅན༔ ཕྱག་ན་རལ་གྲི་ཕུར་པ་འདྲིལ༔ བྱང་ཕྱོགས་སྐྱེས་བུའི་དུས་ལ་བབ༔ དུས་མིན་འཆི་བ་དགྲ་ལ་ཟློག༔ ཧཱུྃ༔ པྲ་མ་རཱ་ཙ་སྲིན་པོའི་གིང་༔ དཀར་པོ་ཕྱག་ན་ཕུར་པ་འདྲིལ༔ ཤར་གྱི་གིང་ཆེན་དུས་ལ་བབ༔ མ་མོའི་དལ་ཡམས་དགྲ་ལ་ཟློག༔ ཡ་མ་རཱ་ཙ་གཤིན་རྗེའི་གིང་༔ སེར་པོ་ཕྱག་ན་ཕུར་པ་འདྲིལ༔ ལྷོ་ཡི་གིང་ཆེན་དུས་ལ་

― CMR017_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

བབ༔ གཤིན་རྗེའི་ཁྲམ་ཁ་དགྲ་ལ་ཟློག༔ དྷ་ཤ་གི་ཝ་བདུད་ཀྱི་གིང་༔ དམར་པོ་ཕྱག་ན་ཕུར་པ་འདྲིལ༔ ནུབ་ཀྱི་གིང་ཆེན་དུས་ལ་བབ༔ ཀླུ་ཡི་གཏོང་རིགས་དགྲ་ལ་ཟློག༔ ཡཀྵ་བྷི་ཝ་གནོད་སྦྱིན་གིང་༔ སྔོན་པོ་ཕྱག་ན་ཕུར་པ་འདྲིལ༔ བྱང་གི་གིང་ཆེན་དུས་ལ་བབ༔ གཟའ་ཡི་ཀིང་ཀང་དགྲ་ལ་ཟློག༔ ཧཱུྃ༔ དགེ་བསྙེན་ཉི་ཤུ་རྩ་གཅིག་ནི༔ ཤ་ཁྲག་སྲོག་ལ་ལོངས་སྤྱོད་ཅིང་༔ དགྲ་བགེགས་སྒྲོལ་བའི་ལས་ལ་བརྩོན༔ ལྷ་འདྲེའི་གཡོས་ཆེན་དགྲ་ལ་ཟློག་ཧཱུྃ༔ སྨུག་ནག་གཡག་གི་མགོ་བོ་ཅན༔ ཕྱག་ན་ཞིང་དབྱུག་བྷནྡྷ་བསྣམས༔ དམ་ཉམས་དགྲ་བོའི་ཤ་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་སེར་སྦྲུལ་གྱི་མགོ་བོ་ཅན༔ ཕྱག་ན་སྤུ་གྲི་ཁྱུ་བྷནྡྷ་བསྣམས༔ དམ་ཉམས་དགྲ་བོའི་ཁྲག་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ དཀར་དམར་སྲེ་མོང་མགོ་བོ་ཅན༔ ཕྱག་ན་ཞིང་དབྱུག་བནྡ་བསྣམས༔ དམ་ཉམས་དགྲ་བོའི་པགས་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ སེར་ནག་ཕ་ཝང་མགོ་བོ་ཅན༔ ཕྱག་ན་ཞིང་དབྱུག་བྷནྡྷ་བསྣམས༔ དམ་ཉམས་དགྲ་བོའི་རུས་ལ་རོལ༔ ཟློག་

― CMR017_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་སྒྱུར་བའི་དུས་ལ་བབ༔ དམར་སེར་དྲེད་ཀྱི་མགོ་བོ་ཅན༔ ཕྱག་ན་ཞིང་དབྱུག་བྷན་དམར་ཐོགས༔ དམ་ཉམས་དགྲ་བོའི་རྒྱུས་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་སེར་དོམ་གྱི་མགོ་བོ་ཅན༔ ཕྱག་ན་དབྱུག་ཐོ་བྷནྡྷ་བསྣམས༔ དམ་ཉམས་དགྲ་བོའི་སྙིང་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ སྔོ་ནག་ཆུ་སྲིན་མགོ་བོ་ཅན༔ ཕྱག་ན་བམ་རིལ་བྷནྡྷ་བསྣམས༔ དམ་ཉམས་དགྲ་བོའི་དབུགས་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ སྔོ་སྐྱ་སྡིག་པའི་མགོ་བོ་ཅན༔ ཕྱག་ན་གློ་སྙིང་བྷནྡྷ་བསྣམས་དམ་ཉམས་དགྲ་བོའི་སྲོག་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ སེར་ནག་ཁྲ་ཡི་མགོ་བོ་ཅན༔ ཕྱག་ན་བེ་ཅོན་དུང་དམར་བསྣམས༔ དམ་ཉམས་དགྲ་བོའི་གློ་སྙིང་རོལ༔ ཟློག་ཅིང་སྒྱུར་བའི་དུས་ལ་བབ༔ མཐིང་ནག་སྟག་གི་མགོ་བོ་ཅན༔ ཕྱག་ན་ཞིང་དབྱུག་བྷན་བསྣམས༔ དགྲ་བོའི་རྒྱུ་ཁྲག་ལོང་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་ནག་བྱ་རྒོད་མགོ་བོ་ཅན༔ ཕྱག་ན་ལྕགས་སྒྲོག་བྷན་དམར་བསྣམས༔ དགྲ་བོའི་དབང་པོ་ལྔ་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་ནག་རྟ་

― CMR017_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་མགོ་བོ་ཅན༔ ཕྱག་ན་རྡོར་དབྱུག་བྷན་བསྣམས༔ དགྲ་བོའི་ཕུང་པོ་ལྔ་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་སེར་བྱི་ལིའི་མགོ་བོ་ཅན༔ ཕྱག་ན་སྤུ་གྲི་བྷན་བསྣམས༔ དམ་ཉམས་དགྲ་བོའི་བླ་ཚེ་རོལ༔ ཟློག་ཅིང་སྒྱུར་བའི་དུས་ལ་བབ༔ སེར་ནག་གཟིག་གི་མགོ་བོ་ཅན༔ ཕྱག་ན་རྡོར་དབྱུག་བྷན་དམར་བསྣམས༔ དགྲ་བོའི་ཁམས་ཆེན་བཅོ་བརྒྱད་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་སེར་ཁྱུང་གི་མགོ་བོ་ཅན༔ ཕྱག་ན་རྡོ་རྗེ་བྷན་དམར་བསྣམས༔ དགྲ་བོའི་སྐྱེ་མཆེད་བཅུ་གཉིས་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་ནག་ཁྱི་ཡི་མགོ་བོ་ཅན༔ ཕྱག་ན་ཙིཏྟ་བྷན་དམར་བསྣམས༔ དགྲ་བོའི་རྣམ་ཤེས་ཚོགས་བརྒྱད་རོལ༔ ཟློག་ཅིང་སྒྱུར་བའི་དུས་ལ་བབ༔ དཀར་དམར་པུ་ཤུད་མགོ་བོ་ཅན༔ ཕྱག་ན་པདྨ་བྷན་དམར་བསྣམས༔ དགྲ་བོའི་ཡན་ལག་ལྔ་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ ལྗང་སེར་ཤ་བའི་མགོ་བོ་ཅན༔ ཕྱག་ན་ཞིང་ཆེན་བྷན་དམར་བསྣམས༔ དགྲ་བོའི་སྙིང་ཁྲག་རྩ་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ དམར་ནག་ཁྭ་ཏའི་མགོ་

― CMR017_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་ཅན༔ ཕྱག་ན་རྗེའུ་ཆུང་བྷན་དམར་བསྣམས༔ དམ་ཉམས་དགྲ་བོའི་མགོ་ལ་རོལ༔ ཟློག་ཅིང་སྒྱུར་བའི་དུས་ལ་བབ༔ ལྗང་ནག་སྲིན་བྱའི་མགོ་བོ་ཅན༔ ཕྱག་ན་རྒྱུ་ཞགས་བྷན་དམར་བསྣམས༔ ཕུང་ཐལ་སྣ་ཚོགས་དགྲ་ལ་ཕོབ༔ ཟློག་ཅིང་སྒྱུར་བའི་དུས་ལ་བབ༔ དམར་སེར་ཕག་གི་མགོ་བོ་ཅན༔ ཕྱག་ན་རྩེ་ལྔ་བྷན་དམར་བསྣམས༔ མཛེ་རིགས་བཅོ་བརྒྱད་དགྲ་ལ་ཕོབ༔ ཟློག་ཅིང་སྒྱུར་བའི་དུས་ལ་བབ༔ སེར་ནག་ལྟུང་ཀའི་མགོ་བོ་ཅན༔ ཕྱག་ན་རྒྱུ་ཞགས་བྷན་དམར་བསྣམས༔ བསྙོ་བའི་ཉེས་ལྔ་དགྲ་ལ་ཕོབ༔ ཟློག་ཅིང་སྒྱུར་བའི་དུས་ལ་བབ༔ ལྗང་ནག་བ་ལང་མགོ་བོ་ཅན་ཕྱག་ན་ཞིང་བམ་བྷན་དམར་བསྣམས༔ མཚོན་འཁྲུག་ལྕེབ་གྲི་དགྲ་ལ་ཕོབ༔ ཟློག་ཅིང་སྒྱུར་བའི་དུས་ལ་བབ༔ སྔོ་སྐྱ་བྱ་རོག་མགོ་བོ་ཅན༔ ཕྱག་ན་ཟངས་གྲི་བྷན་དམར་བསྣམས༔ དུས་འཁྲུག་མཚོན་ཆ་དགྲ་ལ་ཐོང་༔ ཟློག་ཅིང་སྒྱུར་བའི་དུས་ལ་བབ༔ ནག་མོ་ཁུ་བྱུག་མགོ་བོ་ཅན༔ ཕྱག་ན་ལྕགས་ཀྱུ་བྷན་དམར་བསྣམས༔ དལ་ཡམས་སྣ་ཚོགས་དགྲ་ལ་ཕོབ༔ ཟློག་ཅིང་སྒྱུར་བའི་དུས་ལ་བབ༔ སྔོན་མོ་ར་ཡི་མགོ་བོ་ཅན༔ ཕྱག་ན་ཞགས་

― CMR017_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དུང་དམར་བསྣམས༔ དགྲ་བོའི་བདུན་རྒྱུད་རྩད་ནས་ཆོད༔ ཟློག་ཅིང་སྒྱུར་བའི་དུས་ལ་བབ༔ དམར་མོ་སྤྲེའུའི་མགོ་བོ་ཅན༔ ཕྱག་ན་ལྕགས་སྒྲོག་སྙན་དམར་བསྣམས༔ ལས་ངན་སྣ་ཚོགས་དགྲ་ལ་ཐོང་༔ ཟློག་ཅིང་སྒྱུར་བའི་དུས་ལ་བབ༔ ལྗང་ནག་སྤྱང་མོའི་མགོ་བོ་ཅན༔ ཕྱག་ན་དྲིལ་བུ་བྷན་དམར་བསྣམས༔ གཏད་ཁྲལ་སེལ་ངན་དགྲ་ལ་ཐོང་༔ ཟློག་ཅིང་སྒྱུར་བའི་དུས་ལ་བབ༔ དཀྱིལ་འཁོར་མུ་རིན་སྐྱོང་མཛད་པའི༔ མ་ཚོགས་དབང་ཕྱུག་ཉེར་བརྒྱད་ཀྱིས༔ སྔོན་ཚེ་དཔལ་ཆེན་སྤྱན་སྔ་རུ༔ བསྟན་པ་བསྲུང་བར་ཞལ་བཞེས་ཤིང་༔ དགྲ་བགེགས་སྒྲོལ་བར་དམ་བཅས་པའི༔ ཁས་བླངས་དམ་བཅས་མི་གཡེལ་བར༔ བཅོལ་བའི་ལས་རྣམས་མཐུ་མ་ཆུང་ཨུཏྟཱ་གང་ལ་བྱ་བ་ཁྱོད་ཀྱིས་ཤེས༔ བརྣག་པའི་དགྲ་བགེགས་ཐམས་ཅད་སྒྲོལ༔ ཕ་རོལ་རྦོད་གཏོང་རྦད་འདྲེ་ཟློག༔ ཆག་ཆེ་ཉམ་ང་ཐམས་ཅད་ཟློག༔ ཟློག་ཅིང་སྒྱུར་བའི་ལས་མཛོད་ཅིག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོག་སུམ་བརྒྱ་དྲུག་ཅུ་ཟློབ༔ གློ་བུར་དགུ་བཅུ་རྩ་གཅིག་ཟློབ༔ དུས་མིན་འཆི་བ་རྣམ་བརྒྱད་ཟློག༔ བཞི་བརྒྱ་རྩ་

― CMR017_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་ནད་རྣམས་ཟློག༔ སྟོང་ཕྲག་བརྒྱད་ཅུའི་བགེགས་རྣམས་ཟློག༔ རྨི་ལམ་མཚན་ལྟས་ངན་པ་ཟློག༔ རྦོད་གཏོང་རྦད་འདྲེ་ཐམས་ཅད་ཟློག༔ བྱད་ཟོར་གཏད་ཁ་ཐམས་ཅད་ཟློག༔ ལྷ་འདྲེའི་དལ་ཁ་བབ་པ་ཟློག༔ གནམ་ལ་བྱ་རྒོད་སྡེར་འཛིངས་ཟློག༔ ས་ལ་གཅན་གཟན་མཆེ་འཛིངས་ཟློག༔ ཡུལ་དུ་ཝ་སྤྱང་ངུ་བ་ཟློག༔ འུག་པས་ཧ་ཧ་དགོད་པ་ཟློག༔ སྲིན་བྱས་རོ་བྱུང་ཟེར་བ་ཟློག༔ སྲོད་ལ་ཁྱིམ་བྱས་འབོད་པ་ཟློག༔ ནམ་གུང་འོག་རྟ་འཚེར་བ་ཟློག༔ ཐོ་རངས་སྒོ་ཁྱི་དུ་བ་ཟློག༔ སྟེང་ནས་གཟའ་སྐར་དལ་ཁ་ཟློག༔ འོག་ནས་ཀླུ་ཡི་གཏོང་རིང་ཟློག༔ བར་ནས་སྡེ་བརྒྱད་གཡོས་པ་ཟློག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་དམ་ཉམས་དགྲ་ལ་སྒྱུར༔ ཞེས་ཟློག་བསྐུལ་དྲག་ཏུ་བཏང་ལ༔ དེ་ནས་གདབ་ལས་བྱ་བ་ནི༔ བདག་ཉིད་ཤྲཱི་ཀུ་མཱ་རར་གསལ་བ༔ ཕྱོགས་བཅུ་ཁྲོ་བོ་བཅུའི་དཀྱིལ་འཁོར་དུ་གསལ་བ༔ སྲས་མཆོག་ཁྲོ་བོ་འདུས་པའི་ཕྱག་མཚན་དུ་གསལ་བ་གསུམ་གྱིས༔ ལིངྒ་དང་ཉ་བོ་མདུན་དུ་ཁྲག་གིས་སྦགས་ལ༔ ལག་པ་ལྕགས་ཀྱུའི་ཕྱག་རྒྱ་བྱས་ལ༔ བདག་གི་ཐུགས་ཀ་ནས་ཡི་གེ་བཞི་སྤྲོས་ཏེ༔ ཕུར་པའི་སྲུང་མ་རྣམས་རང་དབང་མེད་པར་ལས་ལ་བཙུད་པས༔ ཤ་ཁྱིས་

― CMR017_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

རི་དྭགས་མཐོང་བ་ལྟར་དགྲ་བོ་བླ་དང་བཅས་པ༔ ལྕགས་ཀྱུས་སྙིང་ནས་བཟུང་༔ ཞགས་པས་མགུལ་ནས་བཅིངས༔ ལྕགས་སྒྲོག་གིས་ཡན་ལག་བསྡོམས། དྲིལ་བུ་ཅན་གྱིས་རྒྱབ་ནས་འཕུར་ནས༔ རང་དབང་མེད་པར་ཉ་བོ་ལ་བསྟིམ་ཞིང་༔ ལས་བྱང་གི་བབ་བརྒྱད་བསྐུལ༔ ཕོ་ཉ་བསྐུལ་བྱང་སོགས་ལོགས་ནས་འབྱུང་བ་ལྟར་དྲག་ཏུ་རྦད༔ སྒོམ་ཁོག་དང་སྒྲུབ་ཁོག་ལས་འབྱུང་བ་ལྟར༔ ཚེ་ལུང་ཁྲུས་ལུང་དགོངས་པས་གནོད་ནས་གཟིར་བར་བྱ་སྟེ༔ སྲས་མཆོག་གི་ཕུར་པ་ལག་ཏུ་བླངས་ལ་འགྱིང་ཞིང་འདྲིལ་བས༔ ཧཱུྃ་ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ་ཕུར་པ་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ ཕུར་པ་ཡོངས་རྫོགས་དྲག་པོའི་ཕྲིན་ལས་མཛོད༔ ཧཱུྃ༔ ང་ནི་རྡོ་རྗེ་གཞོན་ཆེ༔ ང་ནི་ཨ་བཛྲ་ཀཱི་ལ་ཡ༔ ང་ནི་ཁྲོ་རྒྱལ་འདུས་པའི་དཔལ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ ཕུར་པའི་ལྷ་ཚོགས་དུས་ལ་བབ༔ གཡས་ཀྱི་ཕྱག་ན་ཕུར་པ་འདྲིལ༔ གཡོན་གྱི་ཕྱག་ན་ལྕགས་ཀྱུ་བསྣམས༔ དགྲ་བགེགས་ཉམས་པ་འདིར་ཁུག་ལ༔ ལྕགས་ཀྱུས་ཟུང་ལ་ཕུར་པས་ཐོབ༔ རྡུལ་ཕྲན་བཞིན་དུ་བརླག་པར་

― CMR017_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད༔ ཨོཾ་བཛྲ་ཀཱི་ལི་ཀཱི་ལ་ཡ༔ མ་རགོ་ཡགོ༔ ཀཱ་ལ་རཱུ་པ༔ སྙིང་རྩ་ལ་ཡཾ་ཡཾ༔ སྲོག་རྩ་ལ་ཡཾ་ཡཾ༔ སྙིང་ལ་ཕྲིལ་ཕྲིལ༔ སྲོག་ལ་ཆུམ་ཆུམ༔ ཙིཏྟ་སྲོག་ལ་ཏུང་ཏུང་༔ སྙིང་ཁྲག་ཤད་ཛཿ ཐུམ་རི་ལི་ལི༔ སྙིང་ཙེག་ཙེག༔ འུར་འུར༔ ཤིག་ཤིག༔ འགུལ་འགུལ༔ མྱ་ག་མྱག༔ སོད་སོད་དྷ་ཏི་མ་མ་ཀརྨ་ཤྲཱི་ཀྲྀ་ཀ་ར་ཡ༔ མ་ར་སེ་ན་པྲ་མརྟ་ན་ཡེ་ཧཱུྃ་ཕཊ༔ དགྲ་བགེགས་དམ་སྲི་མཱ་ར་ཡ་རྦད་སོད༔ ཅེས་ཕུར་པ་སྙིང་གར་དབང་པོའི་རྣམ་ལྔ་ལ་དྲག་ཏུ་གདབ་ཅིང་དམོད་མོས་དམོད༔ བྷྱོས་གདབ༔ རོལ་མོ་བསྒྲག༔ དེ་ནས་བསྟབ་པ་བྱ་སྟེ༔ གིང་གིས་རྔམས་སྟབས་ཀྱིས་བསྒྱུར་ཞིང་༔ ཧཱུྃ༔ ཕྱེས་ཤིག་ཕྱེས་ཤིག་ཁྲོ་རྒྱལ་ཞལ་ཕྱེས་ཤིག༔ གནམ་ས་གདངས་བ་ཙམ་གྱི་ཞལ་ཕྱེས་ཤིག༔ ཚེམས་ནི་གངས་རི་ཙམ་གྱི་རྣོ་དབལ་རབ་ཏུ་གཙིགས༔ ལྗགས་ནི་གློག་དམར་བར་སྣང་ཁམས་སུ་སྐྱོངས༔ མཉམ་ཉིད་ཧོམ་ཁུང་འབར་བའི་ཞལ་དུ་སྟོབ༔ འགགས་མེད་རོལ་པ་ཆེན་པོའི་མགྲིན་པར་སྟིམས༔ བཞེས་ཅིག་རོལ་ཅིག་ཁ་རཾ་ཁཱ་ཧི༔ མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ མ་ཧཱ་ཀི་ནི་རི་

― CMR017_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ཏི་ལ་ཁཱ་ཧི༔ ཞེས་བསྟབ་པ་དྲག་ཏུ་བྱ་སྟེ༔ ལིངྒ་དང་རཀྟས་གཏོར་མ་ལ་བྲན་ནོ༔ དེ་ནས་ལས་བྱང་ལྟར་ཆད་མདོ་བཏང་༔ ཟ་ལམ༔ ཁྱུང་གི་ལྟས་ངན་བཟློག་པ་བྱ༔ ཟོར་ལམ་ལ་སོགས་བཀའ་བརྒྱད་གཞུང་ལས་འདིར་བླང་ཟླ་ཤིན་ཏུ་ཟབ་ཕྱིར་གཏོར་ཟློག་དྲག་པོའི་ལས༔ སྔོན་ཆད་བོད་ཡུལ་དྲགས་པ་མ་ཡིན་ནོ༔ མ་འོངས་དོན་དུ་པདྨ་ཐོད་ཕྲེང་གིས༔ རྡོ་རྗེ་ཕུར་པའི་མཐའ་རྒྱས་ཟློག་པར་བཀོད༔ འདི་ཡིས་བཟློག་པར་མི་འགྱུར་གང་ཡང་མེད༔ ཟབ་གཉན་དཀོན་པས་ལྡང་ལྷའི་བྲག་ལ་སྦས༔ གཏེར་གྱི་སྲུང་མ་དགེ་བསྙེན་ལྡང་ལྷ་བསྐོས༔ དུས་ཀྱི་ཐ་མར་ལས་ཅན་གཅིག་དང་འཕྲད༔ ལས་ཀྱིས་མནར་བའི་ཞིང་བཅུ་སྒྲོལ་བར་ཤོག༔ གཏེར་རྒྱ༔ སྦས་རྒྱ༔ ཟབ་རྒྱ༔ གཏད་རྒྱ༔ འབྲུག་གི་ལོ་ལ་ཁོ་བོ་རཏྣ་གླིང་པས་ཁྲ་མོ་བྲག་ནས་བཏོན་པའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

དྲག་པོ་ཕུར་པའི་དབལ་མདོས་ཀྱི་ཟློག་པ་ཆེན་པོ།

― CMR017_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

དྲག་པོ་ཕུར་པའི་དབལ་མདོས་ཀྱི་ཟློག་པ་ཆེན་པོ་བཞུགས་སོ༔

― CMR017_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་འཐུང་གི་རྒྱལ་པོ་ཡབ་ཡུམ་འཁོར་དང་བཅས་པ་ལ་ཕྱག་འཚལ་ལོ༔ དུས་ཀྱི་ཐ་མ་ལ་རྣལ་འབྱོར་པ་ནང་འཐབ་ཅིང་ཟན་ལ་སྐྱོ་མིག་དང་༔ འདོད་པས་རྒྱལ་བའི་དུས༔ སེངྒེ་ཁ་འཐབ་འབྱུང་བའི་དུས༔ ལྟ་སྒོམ་མ་ནོར་བར་སྤྱོད་པ་དང་༔ བསྟན་པ་ལ་གནོད་པ་ཚར་གཅོད་པའི་དོན་དུ་ངན་སྔགས་འདིས༔ དམ་ཉམས་བསྟན་བཤིག་སྡིག་ཅན་བསྒྲལ་བར་བྱ་སྟེ༔ བསོད་ནམས་ཆེན་པོར་འགྱུར་རོ༔ མ་ནོར་མ་བཅོས་དབྱིངས་ཉིད་ལས༔ རང་བཞིན་ལྷུན་གྲུབ་གནས་མཆོག་ནས༔ ཁྲོ་རྒྱལ་ཁྲོས་པའི་རྒྱལ་པོ་སྟེ༔ རྡོ་རྗེ་ཁྲོས་པས་ཞེ་སྡང་གཅོད༔ ཕུར་བུའི་རྒྱུད་ལུང་མན་ངག་ལས༔ སྲུང་དང་ཟློག་དང་བསད་པའི་ཕྱིར༔ དྲག་པོ་སྔགས་ཀྱི་འཁོར་ལོ་བསྟན༔ དེ་ལ་སྔོན་དུ་འགྲོ་བ་ནི༔ དམར་ནག་དུར་ཁྲོད་རི་བྲག་

― CMR017_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

གམ༔ ལྷ་ཀླུ་གཉན་པོ་གནས་པའི་སར༔ རྡོ་རྗེ་གཞོན་ནུའི་ང་རྒྱལ་གྱིས༔ ཕྱགས་དར་རྐྱང་ནུལ་གཙང་སྦྲ་བྱ༔ སཱཙྪ་བཏབ་ཅིང་གཟུངས་རེ་འདོན༔ ཕྱི་མཆོད་སྤྱི་བཤགས་གནད་དང་བསྟུན༔ ཕྱི་གཏོར་མཆོད་པ་རྒྱས་པར་བཤམས༔ ལེགས་ཉེས་དཔང་གཟུགས་ཕྲིན་ལས་བཅོལ༔ ནང་མཚམས་གནོང་བཤགས་ཚུལ་བཞིན་བྱ༔ བྱ་ནག་ལུག་ནག་ཚོགས་ཀྱིས་བསྐང་༔ མི་རོ་རྙེད་ན་རབ་ཏུ་འགྱུར༔ ཞི་ཁྲོའི་ཆོ་ག་གཞུང་བཞིན་བྱ༔ དེ་ནས་ལས་རིམ་བརྩམ་པར་བྱ༔ སྔོན་དུ་བསྙེན་པ་སོང་བ་ཡིས༔ རང་གིས་དུར་ཁྲོད་ཆས་རྣམས་བསག༔ གཞི་མ་ཕུབ་ཀྱི་སྟེང་དུ་བཤམས༔ རི་རབ་བང་རིམ་བཞི་པ་བྱ༔ གླིང་བཞི་གླིང་ཕྲན་བརྒྱད་རྣམས་ནི༔ རིམ་པ་བཞིན་དུ་བསྐོར་བར་བྱ༔ ཕྲ་མེན་མ་དང་ཕུར་སྲུང་རྣམས༔ བག་ཟན་དག་ལ་

― CMR017_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་བྱས་ལ༔ རི་རབ་བང་རིམ་བཞི་པ་ལ༔ ཕྲ་མེན་མ་དང་དཔལ་བཤོས་བཀོད༔ རི་རབ་བང་རིམ་གསུམ་པ་ལ༔ ཤཱ་ན་མ་དང་བདག་ཉིད་མ༔ རིམ་པ་བཞིན་དུ་བཀོད་པར་བྱ༔ ཤར་གྱི་ཤཱ་ན་མུ་ཁ་ནི༔ ལྕགས་ཀྱི་སྤྱང་མོ་ཞོན་པ་དང་༔ ཆེ་ཞེ་དཔལ་ལྡན་རེ་མ་ཏི༔ དྲེའུ་རྟ་རྐང་གསུམ་ཞོན་པ་བཀོད༔ ལྷོ་རུ་ཤཱ་ན་མུ་ཁ་མ་གསེར་གྱི་འཕར་བ་ལྕེ་བརྒྱད་ལ༔ གསེར་གྱི་མི་མོ་ཞོན་པ་དང་༔ རེ་མ་ཏྲི་སྨན་ཤ་ཡུ་ཆུང་ཆིབས་པ་བཀོད༔ ནུབ་ཏུ་ཤྭ་ན་མུ་ཁ་ནི༔ ཟངས་ཀྱི་ཝ་མོ་རྐང་གསུམ་མ༔ ཟངས་ཀྱི་མི་མོ་ཟངས་རལ་ཅན༔ རེ་མ་ཛ་ཆུ་གླང་ནག་པོ་ཞོན་པ་བཀོད༔ བྱང་དུ་སྲ་མ་མུ་ཁ་ནི༔ ལྕགས་ཀྱི་ཁྱི་མོ་ཞོན་པ་དང་༔ རེ་མ་ཛུ་རྔ་མོ་ལ་ཞོན་པ་བཀོད༔ རི་རབ་བང་རིམ་གཉིས་པ་ལ༔ ཚ་བའི་མ་མོ་བཅུ་གཉིས་ནི༔ རིམ་པ་བཞིན་དུ་བཀོད་པར་བྱ༔ ཤར་དུ་རྡོ་རྗེ་ཡ་བྱིན་འབྲུག་ལ་ཆིབས་པ་དང་༔ བདུད་ཀྱི་བུ་མོ་བདུད་རྟ་ནག་པོ་ལས་ཆིབས་པོ་དང་༔ མོན་མོ་སྤྲེལ་གྱི་མགོ་ཅན་བཀོད༔ ལྷོ་ནུབ་རྡོ་རྗེ་དེ་བྱིན་ནི༔ ཆུ་སྲིན་པིར་ལ་ཞོན་པ་དང་༔ གཟའ་ཡི་བུ་མོ་ཆེན་མོ་ནི༔ གཟའ་རྟ་ཞུར་པོ་ཞོན་པ་དང་༔ མོན་མོ་སྦྲུལ་གྱི་མགོ་ཅན་བཀོད༔ ནུབ་ཏུ་རྡོ་རྗེ་བསྲེ་བྱིན་ནི༔ གློག་ཞགས་དམར་པོ་ཆིབས་པ་དང་༔ བཙན་གྱི་བུ་མོ་ཆེན་མོ་ནི༔ བཙན་རྟ་དམར་པོ་ཆིབས་པ་དང་༔ མོན་མོ་སྤྲུལ་པའི་མགོ་ཅན་བཀོད༔ བྱང་དུ་རྡོ་རྗེ་ཡ་བྱིན་ནི༔ ཀླུ་རྟ་སྔོན་པོ་ཆིབས་པ་དང་༔ ཀླུ་ཡི་བུ་མོ་ཆུ་རྟ་སྔོན་པོ་ཆིབས་པ་དང་༔ མོན་མོ་འུག་པའི་མགོ་ཅན་བཀོད༔ རི་རབ་བང་རིམ་ཐ་མ་ལ༔

― CMR017_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེ་ཡི་སྐྱེས་བུ་མཆེད་བཞི་དང་༔ ཤན་པ་བཞི་དང་བཅས་པ་རྣམས༔ རིམ་པ་བཞིན་དུ་བཀོད་པར་བྱ༔ ཤར་དུ་སྲིན་པོའི་རྒྱལ་པོ་ནི༔ གསེར་གྱི་གྱི་ལིང་ཆིབས་པ་དང་༔ བསྲེ་ཡི་མི་ཕོ་གདོང་བཞི་བཀོད༔ ལྷོ་རུ་གཤིན་རྗེའི་རྒྱལ་པོ་ནི༔ བསྭཱ་ཡི་ཁྱུང་ཆེན་ཞོན་པ་དང་༔ མོན་མོ་ལག་རིང་བཅས་པ་བཀོད༔ ནུབ་ཏུ་ཡ་བདུད་རྒྱལ་པོ་ནི༔ བསྲེ་ཡི་བྱ་གླག་བཅིབས་པ་དང་༔ བསྲེ་ཡི་བྱ་ཁྲ་བཅས་པ་བཀོད༔ བྱང་དུ་གནོད་སྦྱིན་རྒྱལ་པོ་ནི༔ བསྲེ་གཡག་ཁམ་པ་ཆིབས་པ་དང་༔ བསྭེ་ཡི་སྤྱང་མོ་བཅས་པ་བཀོད༔ ཕུར་རྩང་མདའ་ཟོར་ཁྲུ་རེའི་ཚད༔ ཟོར་དང་ཐུན་ནི་འཚོགས་པར་བསག༔ བ་ལིང་ཤ་ཁྲག་ཟོར་མདོས་བརྒྱན༔ ནམ་མཁའ་ཉི་ཤུ་རྩ་བརྒྱད་ནི༔ ཕུར་སྲུང་རེ་ལ་རེ་རེ་གཟུགས༔ དབུས་ཀྱི་དཔལ་བཤོས་ནག་པོ་ལ༔ དཔལ་གྱི་ནམ་མཁའ་ནག་པོ་བཙུགས༔ ཤར་ནི་དཀར་ལ་ལྷོ་ནི་སེར༔ ནུབ་ནི་དམར་ལ་བྱང་ནི་ལྗང་༔ གནམ་ལ་འཕུར་དགུ་ས་ལ་འཛུལ་བཅུ་དང་༔ ངར་གྱི་མི་ཆུང་བཅུ་གསུམ་དང་༔ ཕོ་གླུད་འདའ་བཀྲ་མོ་གླུད་འཕང་བཀྲ་དང་༔ དབལ་འབར་ཀོང་བུ་དེ་རྣམས་བཅུ་གསུམ་རེ༔ མདོས་ཀྱི་འཁོར་དུ་བཀོད་པར་བྱ༔ གཟུགས་རྣམས་ཁ་ཡི་ལྟ་ཕྱོགས་ནི༔ ཟློག་མདོས་ཕྱིར་ལ་བསྟན་པར་བྱ༔ སྐོང་མདོས་བྱེད་ན་ནང་དུ་བསྟན༔ གསོད་ན་འཁོར་ལོ་བཅས་པ་ནི༔ མན་ངག་བཞིན་དུ་ཤེས་པར་བྱ༔ མདོས་ཟོར་ཕུར་བཅས་གཞན་དང་མཐུན༔ ཚེ་དང་བཤགས་པ་ཤིན་ཏུ་གཅེས༔ ཕུར་པའི་དཀྱིལ་འཁོར་གཞུང་བཞིན་བསྐྱེད༔ རྡུལ་ཚོན་དག་ལ་

― CMR017_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་བཞིན་བྲི༔ དཔལ་ཆེན་དྲག་པོ་ཟོར་དུ་གསུངས༔ དམ་ཚིག་ཉམས་པ་བསྒྲལ་བའི་ལས༔ གཡག་རུ་ལོ་བདུན་ཟོར་དུ་བཤད༔ ཤ་ཆེན་སྤོས་དང་ཚིལ་ཆེན་མར་མེ་བལྟམས༔ སྤྱི་བླུགས་ཞྭ་གོས་གཡང་གཞི་གདན་དུ་བཏིང་ཆང་དང་བདུད་རྩིའི་ཚོགས་ཀྱིས་ཐུགས་དམ་བསྐང་༔ རྐང་དང་རྔ་གླིང་མང་པོའི་རྫས་ཀྱང་བསག༔ སྐྲ་བཤིག་རལ་པ་སྤྲུགས་ཤིང་གཅེར་བུར་བྱ༔ ལུས་ལ་ཁྲག་དང་དུར་ཁྲོད་སོལ་བས་བྱུགས༔ བརྟུལ་ཞུགས་དྲག་པོ་བྱ་བ་ནི༔ དབལ་མདོས་དྲག་པོ་བྱ་བ་ཡིན༔ དཔལ་རྡོ་རྗེ་གཞོན་ནུ་ལས་གཞུང་དང་མཐུན་པར་བསྐྱེད༔ བདག་ཉིད་ཕུར་པའི་ཏིང་ངེ་འཛིན་ལ་བཞུགས་ལ༔ སྦྱོར་བ་ངན་པའི་རྣམ་ཤེས་གཟུགས་ལ་བསྟིམ༔ ཕྱག་རྒྱ་བཞི་ཡིས་བཅིང་ལ་བཞག༔ དེ་ནས་ཕུར་པའི་ལྷ་དང་སྲུང་མ་གཞུང་བཞིན་བསྐྱེད་དོ༔ བསྡུས་པ་བྱེད་ན་ཀ་ཊོ་རའམ༔ སྣོད་སྡེར་ཆེན་པོའི་དབུས་སུ་དཔལ་གཏོར་ཁྲུ་གང་བཞག༔ ཐ་མར་གཏོར་མ་པད་འདབ་ཉི་ཤུ་རྩ་གཅིག་བསྐོར༔ ཤ་ཁྲག་གི་འཕན་བཟང་པོས་བརྒྱན༔ ཡི་དམ་དཀོན་མཆོག་གི་གཏོར་མ་བཤམས༔ ཕྱི་ནང་གི་མཆོད་གཏོར་རྒྱས་པར་བཤམས༔ ཕུར་པའི་དཀྱིལ་འཁོར་གཞུང་བཞིན་བསྐྱེད༔ བསྟོད་བསྐུལ་རྒྱས་པར་བཏང་༔ ཕུར་པ་འདྲིལ་ཞིང་འདི་སྐད་བསྐུལ་ལོ༔ ཧཱུྃ༔ མ་ནོར་མ་བཅོས་དབྱིངས་ཉིད་ལས༔ རང་བཞིན་ལྷུན་གྲུབ་གནས་མཆོག་ནས༔ ཁྲོ་རྒྱལ་ཁྲོས་པའི་རྒྱལ་པོ་སྟེ༔ མཉམ་ཉིད་དབྱིངས་ལས་མ་གཡོས་ཀྱང་༔ ཐབས་མཁས་ཐུགས་

― CMR017_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་ཁྲོ་བོའི་སྐུ་སྤྲུལ་པ༔ མི་མཐུན་ཕྱོགས་རྣམས་མ་ལུས་འདུལ་མཛད་པའི༔ རྡོ་རྗེ་གཞོན་ནུ་ཆེ་ལ་ཕྱག་འཚལ་བསྟོད༔ ཧཱུྃ༔ བསྐལ་པ་མེ་ཕུང་དྲག་པོའི་ཀློང་དཀྱིལ་ན༔ འཇིགས་བྱེད་ཁྲག་འཐུང་ཆེན་པོ་འབར་བའི་སྐུ༔ ཕྱག་དྲུག་མཚོན་ཆ་དུར་ཁྲོད་ཆས་ཀྱིས་བརྒྱན༔ ཟ་བྱེད་མཆེ་གཙིགས་རྡོ་རྗེའི་གཤོག་པས་གཏམས༔ རྡོ་རྗེའི་གཤོག་པ་རབ་ཏུ་གདེངས་པའི་ཚེ༔ འཁོར་གྱི་མ་མོ་རྣམས་ཀྱང་འདར་ཞིང་སྔངས༔ འཇིགས་བྱེད་ཆེན་པོའི་སྐུ་ལ་ཕྱག་འཚལ་བསྟོད༔ ཧཱུྃ༔ ང་ནི་རྡོ་རྗེ་གཞོན་ནུ་ཆེ༔ ཤིན་ཏུ་མི་བཟད་འཇིགས་པའི་སྐུ༔ ཕྱག་རྒྱ་ཉི་ཟླ་འོད་ཀྱིས་བརྒྱན༔ ཕྱག་མཚན་ཡེ་ཤེས་ཕུར་པ་འདྲིལ༔ རྒྱ་མདུད་སྟེང་ན་འབྲུག་སྟོང་ལྡིར༔ ཆང་ཟུང་མཚམས་ན་གློག་སྟོང་འགྱུ༔ ཆུ་སྲིན་ཁོ་ནས་ཚྭ་ཚྭ་འཁྲུགས༔ རྩེ་མོའི་ཕྱོགས་ནས་འོད་ཟེར་འཕྲོ༔ འོད་ཟེར་འཕྲོས་པའི་བྱིན་རླབས་ཀྱིས༔ ལྷ་གཉན་དྲེགས་བཞིའི་སྲོག་ཀྱང་ལེན༔ ཨོཾ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ དུར་ཁྲོད་མེ་ལྟར་འབར་བའི་ཀློང་དཀྱིལ་ན༔ འཇིགས་བྱེད་ཆེན་པོ་ཁྲོ་རྒྱལ་བཅུ༔ ཕྱོགས་བཞི་མཚམས་བརྒྱད་སྟེང་འོག་

― CMR017_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུའི༔ གནོད་ཅིང་གདུག་པའི་དགྲ་བགེགས་ཟློག༔ ཧཱུྃ༔ ཤར་གྱི་ཕྱོགས་ནས་གནོད་བྱེད་པ༔ དྲི་ཟ་ལས་བྱུང་དགྲ་བགེགས་རྣམས་རྣམ་པར་རྒྱལ་བས་བཟློག་ཅིང་སྒྱུར༔ ཨོཾ་ཧ་ན་ཧ་ན་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ ཤར་ལྷོ་མཚམས་ནས་གནོད་བྱེད་པ༔ མེ་ལྷ་ལས་གྱུར་དགྲ་བགེགས་རྣམས༔ དབྱུག་པ་སྔོ་སྐྱས་བཟློག་ཅིང་སྒྱུར༔ ཨོཾ་ད་ཧ་ད་ཧ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ ལྷོ་ཡི་ཕྱོགས་ནས་གནོད་བྱེད་པ༔ གཤིན་རྗེ་ལས་གྱུར་དགྲ་བགེགས་རྣམས༔ ཡ་མཱནྟ་ཀས་བཟློག་ཅིང་སྒྱུར༔ ཨོཾ་པ་ཙ་པ་ཙ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ ལྷོ་ནུབ་མཚམས་ནས་གནོད་བྱེད་པ༔ སྲིན་པོ་ལས་གྱུར་དགྲ་བགེགས་རྣམས༔ མི་གཡོ་མགོན་པོས་གཏུབས་ཤིང་ཟློག༔ ཨོཾ་བྷནྡྷ་བྷནྡྷ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ ནུབ་ཀྱི་ཕྱོགས་ནས་གནོད་བྱེད་པ༔ ཀླུ་ལས་གྱུར་པའི་དགྲ་བགེགས་རྣམས༔ རྟ་མགྲིན་རྒྱལ་པོས་སྡིག་ཅིང་ཟློག༔ ཨོཾ་ཧུ་ལུ་ཧུ་ལུ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ ནུབ་

― CMR017_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་མཚམས་ནས་གནོད་བྱེད་པ༔ རླུང་ལྷ་ལས་གྱུར་དགྲ་བགེགས་རྣམས༔ གཞན་གྱིས་མི་ཐུབ་ཁྲོ་བོས་ཟློག༔ ཨོཾ་ཏིཥྛ་ཏིཥྛ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ བྱང་གི་ཕྱོགས་ནས་གནོད་བྱེད་པ༔ གནོད་སྦྱིན་ལས་གྱུར་དགྲ་བགེགས་རྣམས༔ བདུད་རྩི་འཁྱིལ་པས་འཆིང་ཞིང་ཟློག་ཨོྃ་ཚིནྡྷ་ཚིནྡྷ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ བྱང་ཤར་མཚམས་ནས་གནོད་བྱེད་པ༔ དབང་ལྡན་ལས་གྱུར་དགྲ་བགེགས་རྣམས༔ ཁམས་གསུམ་རྣམ་རྒྱལ་ཉིད་ཀྱིས་ཟློག༔ ཨོཾ་བྷིནྡྷ་བྷིནྡྷ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ སྟེང་གི་ཕྱོགས་ནས་གནོད་བྱེད་པ༔ ཚངས་པ་ལས་གྱུར་དགྲ་བགེགས་རྣམས༔ ཧཱུྃ་མཛད་ཆེན་པོས་ཚལ་པར་ཐོང་༔ ཨོཾ་གརྫ་གརྫ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ འོག་གི་ཕྱོགས་ནས་གནོད་བྱེད་པ༔ ས་བདག་ལས་གྱུར་དགྲ་བགེགས་རྣམས༔ སྟོབས་པོ་ཆེ་ཡིས་ཆོམས་ཤིང་ཟློག༔ ཨོཾ་སྤྲོ་ཊ་སྤྲོ་ཊ་བཛྲ་ཀཱི་ལི་ཀཱི་ལ་ཡ༔ དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ༔ འཇིགས་བྱེད་ཆེན་པོ་ཁྲོ་བོ་བཅུ༔ རྣལ་

― CMR017_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་ཀུན་དང་བདག་ཅག་དང་༔ རྒྱུ་འབྱོར་ཡོན་བདག་འཁོར་བཅས་ལ༔ གནོད་ཅིང་གདུག་པའི་དགྲ་དང་བགེགས༔ ཐམས་ཅད་གཅིག་ཏུ་བསྡུས་ནས་ཀྱང་༔ གཡས་སུ་རྩི་ལ་གཡོན་དུ་སྒྱུར༔ བྷྱོ་བྷྱོ་སྡང་བའི་དགྲ་ལ་བྷྱོ༔ སྡང་བར་བྱེད་པའི་དགྲ་ཟློག་ཅིག༔ གནོད་པར་བྱེད་པའི་བགེགས་ཟློག་ཅིག༔ སྔོན་ཡང་ཕྲིན་ལས་དགྲ་དགེགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བྷྱོ་བྷྱོ༔ བར་དེར་ལིང་ག་ལ་ཕྱག་རྒྱ་བཞིས་བཏབ་ལ་གཟུགས་ལ་དབབ༔ གཟིར་མནན་སྤྱི་དང་མཐུན༔ དེ་ནས་ཕྲ་མེན་བཅུ་ལས་ལ་བསྐུལ་ཅིང་ཟློག་པ་ནི༔ ཧཱུྃ༔ འཇིགས་བྱེད་ཁྲོ་བོ་བཅུ་ཡི་བཀའ་ཉན་པ༔ རྡོ་རྗེ་ཕྲ་མེན་གཏུམ་དྲག་ཅན༔ འཇིགས་པའི་གཟུགས་ཅན་མང་པོ་སྟེ༔ ཁྲོ་བཅུའི་སྤྲུལ་པ་མཆེ་བ་ཅན༔ མ་མོ་བཅུ་ཡི་སྤྲུལ་པ་གཤོག་པ་ཅན༔ མཆེ་གཤོག་འབར་བའི་དཀྱིལ་འཁོར་ནས༔ རྡོ་རྗེ་ཕྲ་མེན་གཏུམ་དྲག་ཅན༔ ཏི་ར་ཐོགས་ནས་ཟ་ཞིང་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་ཤར་གྱི་དགྲ་བགེགས་ཟློག༔ རྡོ་རྗེ་ཕྲ་མེན་གཡག་མགོ་ཅན༔ རྒྱུ་མ་ཐོགས་ནས་ཟ་ཞིང་རྒྱུག༔ ཅིར་ཡང་སྒྱུར་བའི་མཚོན་ཆ་

― CMR017_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་ཤར་ལྷོའི་དགྲ་བགེགས་ཟློག༔ རྡོ་རྗེ་ཕྲ་མེན་ཤ་བའི་མགོ༔ ཞིང་ཆེན་ཐོགས་ནས་ཟ་ཞིང་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་ལྷོ་ཡི་དགྲ་བགེགས་ཟློག༔ རྡོ་རྗེ་ཕྲ་མེན་གཟིག་མགོ་ཅན༔ ཙིཏྟ་ཐོགས་ནས་ཟ་ཞིང་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་ལྷོ་ནུབ་དགྲ་བགེགས་ཟློག༔ རྡོ་རྗེ་ཕྲ་མེན་བྱི་ལའི་མགོ་བོ་ཅན༔ ཀླད་ཁྲག་ཐོགས་ནས་ཟ་ཞིང་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་ནུབ་ཀྱི་དགྲ་བགེགས་ཟློག༔ རྡོ་རྗེ་ཕྲ་མེན་སྤྱང་ཀིའི་མགོ་བོ་ཅན༔ ཤ་ཆེན་ཐོགས་ནས་ཟ་ཞིག་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་ནུབ་བྱང་དགྲ་བགེགས་ཟློག༔ རྡོ་རྗེ་ཕྲ་མེན་སེང་གེའི་མགོ་བོ་ཅན༔ ཞིང་ཆེན་ཐོགས་ནས་ཟ་ཞིང་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་བྱང་གི་དགྲ་བགེགས་

― CMR017_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག༔ རྡོ་རྗེ་ཕྲ་མེན་དོམ་གྱི་མགོ་བོ་ཅན༔ གློ་མཆན་ཐོགས་ནས་ཟ་ཞིང་རྒྱུག་ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་བྱང་ཤར་དགྲ་བགེགས་ཟློག༔ རྡོ་རྗེ་ཕྲ་མེན་ཕག་གི་མགོ་བོ་ཅན༔ ལག་གཟུགས་ཐོགས་ནས་ཟ་ཞིག་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོའི་བཀའ་བཞིན་ལས་བྱེད་པ༔ ཕྲིན་ལས་སྟེང་གི་དགྲ་བགེགས་ཟློག༔ རྡོ་རྗེ་ཕྲ་མེན་དྲེད་མགོ་ཅན༔ རྐང་གཟུགས་ཐོགས་ནས་ཟ་ཞིག་རྒྱུག༔ ཅིར་ཡང་སྒྱུར་བའི་མཚོན་ཆ་ཐོགས༔ ཁྲོ་བོ་བཀའ་བཞིན་ལས་བྱེད་པ༔ ཕྲིན་ལས་འོག་གི་དགྲ་བགེགས་ཟློག༔ རྡོ་རྗེ་ཕྲ་མེན་ཁྱེད་རྣམས་ཀྱིས༔ ཁྲོ་བོ་བཅུ་ཡི་བཀའ་བཞིན་དུ༔ ཟློག་པའི་ཕྲིན་ལས་མྱུར་དུ་མཛོད༔ རྣལ་ཟའབྱོར་བདག་ཅག་འཁོར་བཅས་དང་༔ རྒྱུ་འབྱོར་ཡོན་བདག་འཁོར་བཅས་ལ༔ སྡང་བའི་དགྲ་དང་གནོད་པའི་བགེགས༔ ཐམས་ཅད་གཅིག་ཏུ་བསྡུས་ནས་ཀྱང་༔ བཏོགས་ཤིག་གྲོགས་དང་ཕྲལ་བར་གྱིས༔ ཟུང་ཞིག་རྒྱོབ་ཅིག་རྣམ་པར་ཆིངས༔ སོད་ཅིག་གཏུབས་ཤིག་རྣམ་པར་གཏོར༔ ཟློག་ཅིག་སྡང་བའི་དགྲ་ཟློག་ཅིག༔ གནོད་པར་བྱེད་པའི་

― CMR017_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་ཟློག་ཅིག༔ སྔོན་ཡང་ཕྲིན་ལས་དགྲ་བགགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བྷྱོ་བྷྱོ་སྡང་བའི་དགྲ་ལ་བྷྱོ༔ ཟློག་ཟློག་གནོད་པའི་བགེགས་རྣམས་ཟློག༔ བྷྱོ་སྦྱོ་ཟློག་ཟློག༔ ད་ནི་ཁྲོ་མོ་བཅུ་ལས་ལ་བསྐུལ་བ་ནི༔ ཧཱུྃ༔ རྡོ་རྗེ་སྲིན་མོ་ཆེན་མོ་ནི༔ འཇིགས་བྱེད་ཆེན་མོར་སྣང་བ་སྟེ༔ ཕྱག་ཀྱང་སྲིན་མོ་ཆེན་མོ་ལྟར༔ མཐུན་ཏེ་ཞབས་ཀྱང་དེ་དང་འདྲ༔ སྲིན་མོ་རལ་པ་གཅིག་མ་དང་༔ ཤར་ཕྱོགས་རྡོ་རྗེ་བསྙེམས་མ་དང་༔ དེ་བཞིན་རྡོ་རྗེ་སྲིན་མོ་དང་༔ རྡོ་རྗེ་དུར་ཁྲོད་བདག་མོ་དང་༔ རྡོ་རྗེ་གཏུན་ཁུང་གཏུམ་མོ་དང་༔ རྡོ་རྗེ་མདའ་བསྙེམས་རླུང་འབྱིན་མ༔ རྡོ་རྗེ་གསོད་བྱེད་སྒྲ་འབྱིན་མ༔ རྡོ་རྗེ་སྐུལ་བྱེད་བདུད་རྩིས་སྦྱོར༔ རྡོ་རྗེ་འཕྲོག་བྱེད་རླག་བྱེད་མ༔ ཁྲོ་མོ་དབང་ཕྱུག་ཉི་ཤུ་བརྒྱད༔ རྣལ་འབྱོར་ཀུན་དང་བདག་ཅག་དང་༔ རྒྱུ་འབྱོར་ཡོན་བདག་འཁོར་བཅས་ལ༔ གནོད་ཅིང་གདུག་པའི་དགྲ་དང་བགེགས༔ ཐམས་ཅད་གཅིག་ཏུ་བསྡུས་ནས་ཀྱང་༔ བཏོགས་ཤིག་གྲོགས་དང་བྲལ་བར་གྱིས༔ ཟུང་ཞིག་རྒྱོབ་ཅིག་རྣམ་པར་ཆིངས༔ ཆོད་ཅིག་གཏུབས་ཤིག་རྣམ་པར་གཏོར༔ ཟློག་ཅིག་སྡང་

― CMR017_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དགྲ་ཟློག་ཅིག༔ གནོད་པར་བྱེད་པའི་བགེགས་ཟློག་ཅིག༔ གཡས་སུ་ཆིངས་ལ་གཡོན་དུ་སྒྱུར༔ བློ་སྦྱོ་སྡང་བའི་དགྲ་ལ་བྷྱོ༔ ཟློག་ཟློག་གནོད་པའི་བགེགས་ཟློག་ཅིག༔ སྔོན་ཡང་ཕྲིན་ལས་དགྲ་བགེགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བྷྱོ་བྷྱོ་ཟློག་ཟློག༔ ཧཱུྃ༔ ཁྲོ་མོ་བཅུ་ཡི་ཕྲིན་ལས་བཀའ་ཉན་ཕྲ་མེན་མ༔ བྱ་རྒོད་མགོ་ཅན་མགྱོགས་པའི་གཤོག༔ ཤར་གྱི་དགྲ་བགེགས་ཐམས་ཅད་ཟློག༔ བྱ་རོག་མགོ་ཅན་རིག་པའི་གཟུགས༔ ཤར་ལྷོ་མཚམས་ཀྱི་དགྲ་བགེགས་ཟློག༔ འུག་པའི་མགོ་ཅན་ཤེས་རབ་སྤྱན༔ ལྷོ་ཡི་ཕྱོགས་ཀྱི་དགྲ་བགེགས་ཟློག༔ ཁྭ་ཏའི་མགོ་ཅན་སྒྲིབ་ཤིང་ཅན༔ ལྷོ་ནུབ་མཚམས་ཀྱི་དགྲ་བགེགས་ཟློག༔ མི་འགྱུར་པུ་ཤུད་མགོ་བོ་ཅན༔ ནུབ་ཀྱི་ཕྱོགས་ཀྱི་དགྲ་བགེགས་ཟློག༔ མགྱོགས་མ་ཁྲ་ཡི་མགོ་བོ་ཅན༔ ནུབ་བྱང་མཚམས་ཀྱི་དགྲ་བགེགས་ཟློག༔ ཐབས་ལྡན་ཕ་ཝང་མགོ་བོ་ཅན༔ བྱང་གི་ཕྱོགས་ཀྱི་དགྲ་བགེགས་ཟློག༔ ཕྲ་མེན་གསོད་བྱེད་སྲེ་མོང་མགོ༔ བྱང་ཤར་མཚམས་ཀྱི་དགྲ་བགེགས་ཟློག༔ མྱོས་བྱེད་ཕྲ་མེན་སྨིགས་བུའི་མགོ་བོ་ཅན༔ སྟེང་གི་ཕྱོགས་ཀྱི་དགྲ་བགེགས་

― CMR017_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག༔ ཕྲ་མེན་སྒྲོལ་བྱེད་བྱི་བའི་མགོ་བོ་ཅན༔ འོག་གི་ཕྱོགས་ཀྱི་དགྲ་བགེགས་ཟློག༔ ཕྲ་མེན་ཆེན་པོ་ཁྱེད་རྣམས་ཀྱིས༔ བཀའ་ཡི་གཏོར་མ་འདི་བཞེས་ལ༔ ཡེ་ཤེས་ཁྲོ་བཅུའི་བཀའ་བཞིན་དུ༔ ཟློག་པའི་ཕྲིན་ལས་མྱུར་དུ་མཛོད༔ རྣལ་འབྱོར་བདག་ཅག་འཁོར་བཅས་ལ༔ སྡང་བའི་དགྲ་དང་གནོད་པའི་བགེགས༔ ཐམས་ཅད་གཅིག་ཏུ་བསྡུས་ནས་ཀྱང་༔ བཏོགས་ཤིག་གྲོགས་དང་ཕྲལ་བར་གྱིས༔ ཟུང་ཞིག་རྒྱོབ་ཅིག་རྣམ་པར་ཆིངས༔ སོད་ཅིག་གཏུབས་ཤིག་རྣམ་པར་གཏོར༔ ཟློག་ཅིག་སྡང་བའི་དགྲ་ཟློག་ཅིག༔ གནོད་པར་བྱེད་པའི་བགེགས་ཟློག་ཅིག༔ སྔོན་ཡང་ཕྲིན་ལས་དགྲ་བགེགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བློ་བྷྱོ་སྡང་བའི་དགྲ་ལ་ཟློག་ཟློག་གནོད་པའི་བགེགས་ཟློག་ཅིག༔ གཡས་སུ་ཆིངས་ལ་གཡོན་དུ་སྒྱུར༔ བློ་བློ་ཟློག་ཟློག༔ ཕུར་ཐབས་དང་ལས་ཀྱི་མདེའུ་གཏད༔ དེ་ནས་ཕུར་པའི་སྲུང་མ་ལས་ལ་བསྐུལ་བ་ནི༔ བྷྱོ༔ རྡོ་རྗེ་ཕུར་པའི་བཀའ་ཉན་སྲུང་མ་སྟེ༔ ཤཱ་ན་མུ་ཁ་ལ་སོགས་ཏེ༔ ཤྭ་ན་ཆེན་མོ་མཆེད་བཞི་ནི༔ ཕུར་པའི་སྲུང་མར་ཞལ་བཞེས་ཤིང་༔ དཔལ་གྱི་བཀའ་ཉན་དམ་བཅས་པས༔

― CMR017_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་བཅས་བཞིན་དུ་ཕྲིན་ལས་མཛོད༔ ཧཱུྃ༔ ཤར་ཕྱོགས་འཁོར་ལོའི་རྩིབས་སྟེང་ན༔ ལྕགས་ཀྱི་སྤྱང་མོ་མགོ་དགུ་དེ་བ་ཀ་ཤའི་མགོ་བཟུང་ནས༔ ལྷ་བྲན་བརྒྱ་ཡི་ཤ་ལ་ལོངས་སྤྱོད་མ༔ ནཱ་ག་དུན་ཏིང་ཀ་ཡི་དབུ་བཟུང་ནས༔ ཀླུ་བྲན་བརྒྱ་ཡི་ཤ་ལ་ལོངས་སྤྱོད་མ༔ རཀྟ་ཧ་ལི་ཀ་ཡི་དབུ་བཟུང་ནས༔ སྲིན་པོ་བརྒྱ་ཡི་ཤ་ལ་ལོངས་སྤྱོད་དེ་འདྲའི་ལྕགས་ཀྱི་སྤྱང་མོ་ལ༔ ལྕགས་ཀྱི་མི་མོ་ཆེན་མོ་ཞོན༔ གཅེར་བུ་རལ་གཅིག་ཅོད་པན་ཅན༔ འགུགས་པའི་རྡོ་རྗེ་ལྕགས་ཀྱུ་གཡས༔ ཡེ་ཤེས་ཐུགས་ཀྱི་ཕུར་པ་གཡོན་སྤྱང་སྐད་འདོན་ཞིང་དགྲ་བགེགས་སྒྲོལ༔ ཞེ་སྡང་འཇོམས་པའི་ཤྭ་ན་མ༔ མ་གཡེལ་མ་འདའ་ལས་མཛོད་ཅིག༔ བྷྱོ༔ ལྷོ་ཕྱོགས་འཁོར་ལོའི་རྩིབས་སྟེང་ན༔ གསེར་གྱི་འཕར་བ་ལྕེ་བརྒྱད་ནི༔ དུར་ཁྲོད་བརྒྱད་ཀྱི་གནས་སྲུང་ཞིང་༔ རྣམ་ཐར་བརྒྱད་ཀྱི་སྒོ་ཕྱེས་ནས༔ རྣམ་ཤེས་ཚོགས་བརྒྱད་གནས་སུ་སྒྲོལ༔ བསམ་པ་ཙམ་གྱིས་གནས་སུ་ཕྱིན༔ དེ་འདྲའི་གསེར་གྱི་འཕར་བ་ལ༔ གསེར་གྱི་མི་མོ་ཆེན་མོ་ཞོན༔ གཅེར་བུ་རལ་གཅིག་ཅོད་པན་ཅན༔ འགུགས་པའི་རྡོ་རྗེ་ལྕགས་ཀྱུ་གཡས༔ ཡེ་ཤེས་ཐུགས་ཀྱི་

― CMR017_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་གཡོན༔ མི་སྡུག་སྐུ་ལ་གད་རྒྱངས་ཅན༔ ཐུགས་ནི་སྒྲོལ་བྱེད་སྲོག་དང་བཅས༔ སྐད་ཅིག་ཡུད་ཙམ་དབྱིངས་ནས་བཞེངས༔ དགྲ་བགེགས་ཁུག་ལ་ད་སྒྲོལ་ཅིག༔ ཧཱུྃ༔ ནུབ་ཕྱོགས་འཁོར་ལོའི་རྩིབས་སྟེང་ན༔ ཟངས་ཀྱི་ཝ་མོ་རྐང་གསུམ་མ༔ ཝ་མོའི་རྒྱུག་ཚུལ་ཞུངས་སེ་ཞུང་༔ ཝ་སྐད་སྒྲ་འབྱིན་ཅེ་རེ་རེ༔ སྐུ་ལ་མེ་རི་མཆེད་པ་འདྲ༔ མཇུག་མ་ཟངས་ཀྱི་སོག་ལེ་འདྲ༔ སྡེར་མོ་ལྕགས་ཀྱུ་འབར་བ་འདྲ༔ ཝ་སྐད་འདོན་ཞིང་དུར་ཁྲོད་ཉལ༔ དེ་འདྲའི་ཟངས་ཀྱི་ཝ་མོ་ལ༔ ཟངས་ཀྱི་མི་མོ་ཆེན་མོ་ཞོན༔ དམར་ནག་གཅེར་བུ་ཅོད་པན་ཅན༔ གཡས་ཀྱི་ཕྱག་ན་རྡོ་རྗེ་བསྣམས༔ རི་རབ་ཀུན་ཀྱང་རྩད་ནས་བསྙིལ༔ གཡོན་པས་ཕུར་པ་འདྲིལ་ཞིང་འདེབས༔ བཀའ་ལས་འདས་པའི་སྙིང་ལ་གཟིར༔ རཀྟ་ཐུན་གྱི་ཕོ་ཉ་མོ༔ མངག་པའི་ལས་ལ་མཐུ་མ་ཆུང་༔ བྷྱོ༔ བྱང་ཕྱོགས་འཁོར་ལོའི་རྩིབས་སྟེང་ན༔ ལྕགས་ཀྱི་ཁྱི་མོ་རལ་པ་ཅན༔ རལ་པ་མདའ་ཙམ་ཤ་ར་ར༔ ཡ་འགལ་གནམ་ལ་མ་འགལ་ས༔ ཚེམས་ནི་གངས་རི་གཙིགས་པ་འདྲ༔ མིག་ནས་མེ་འབར་རྒྱ་མཚོ་སྐེམ༔ སྣ་ནས་འཐོར་བའི་རླུང་ཡང་

― CMR017_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་༔ ཁ་ནས་ཁྲག་གི་སྐྱི་འདང་འཕེན༔ ཡེ་ཤེས་རྫི་རྣོ་བང་ལ་ངལ་དུབ་མེད༔ མཇུག་མ་ལྕགས་ཀྱུ་འབར་བ་འདྲ༔ དེ་འདྲའི་ལྕགས་ཀྱི་ཁྱི་མོ་ལ༔ ལྕགས་ཀྱི་མི་མོ་རལ་ཅན་ཞོན༔ གསེར་ལུམ་ཅོད་པན་པུ་རུ་རུ༔ གཡས་པས་ཞིང་ཆུང་ཕྱག་ཏུ་བཅུག༔ མགོ་ནས་ཚེམས་ཀྱིས་གསོལ་བར་བྱེད༔ གཡོན་པས་ཐུགས་ཀྱི་ཕུར་པ་འདྲིལ༔ རེས་འགའ་དྲག་ཏུ་བསྐུལ་བའི་ཚེ༔ ཁམས་གསུམ་ཤ་རུས་ཁྲག་གིས་ཀྱང་༔ མི་འགྲང་དེ་ནི་མི་ངོམ་ཞིང་༔ སྲིད་པ་གསུམ་གྱི་ཤ་ཁྲག་ལ༔ ཉིན་མཚན་མེད་པར་རྦ་ལ་བརྒྱལ༔ ཁྱེད་ནི་དཔལ་གྱི་ཕོ་ཉ་སྟེ༔ གང་ལ་དམིགས་པ་ཤོར་ར་རེ༔ དཔལ་གྱི་བཀའ་ཉན་མཆེད་དེ་བཞི༔ བདག་ཅག་ཡོན་མཆོད་འཁོར་བཅས་ལ༔ གནོད་ཅིང་གདུག་པའི་དགྲ་དང་བགེགས༔ ཐམས་ཅད་གཅིག་ཏུ་བསྡུས་ནས་ཀྱང་༔ བཏོགས་ཤིག་གྲོགས་དང་བྲལ་བར་གྱིས༔ ཟུང་ཞིག་རྒྱོབ་ཅིག་རྣམ་པར་ཆིངས༔ ཆོད་ཅིག་གཏོགས་ཤིག་རྣམ་པར་གཏོར༔ ཟློག་ཅིག་སྡང་བའི་དགྲ་ཟློག་ཅིག༔ གནོད་པར་བྱེད་པའི་བགེགས་ཟློག་ཅིག༔ གཡས་སུ་ཆིངས་ལ་གཡོན་དུ་སྒྱུར༔ བྷྱོ་བྷྱོ་སྡང་བའི་དགྲ་ལ་བྷྱོ༔ ཟློག་ཟློག་

― CMR017_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པའི་བགེགས་ལ་ཟློག༔ སྔོན་ཡང་ཕྲིན་ལས་དགྲ་བགེགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བློ་སྦྱོ་ཟློག་ཟློག༔ བྷྱོ༔ རྡོ་རྗེ་ཕུར་པའི་སྲུང་མ་སྟེ༔ མ་ཚོགས་ནམ་གྲུ་རེ་མ་ཏི༔ ཕུར་པའི་སྲུང་མར་ཞལ་བཞེས་ནས༔ དཔལ་གྱི་བཀའ་ཉན་དམ་བཅས་པས༔ དམ་བཅས་བཞིན་དུ་ཕྲིན་ལས་མཛོད༔ དཔལ་ཤངས་ནི་ཁྲག་ཞག་དྲི་ལ་སྣོམ༔ ཚེམས་ནི་མཆེ་བ་རབ་ཏུ་གཙིགས༔ ལྗགས་ནི་དྲག་པོའི་གློག་ལྟར་འཁྱུག༔ སྐུ་ལ་ཁྲག་གི་ཐིག་ལེས་བརྒྱན༔ སྤྲུལ་པ་དཀར་མོ་མང་པོས་བསྐོར༔ ཁྱེད་ཀྱི་ཐུགས་དམ་དུས་ལ་བབ༔ སྡང་བའི་དགྲ་བགེགས་བཟློག་ཏུ་གསོལ༔ དཔལ་ལྡན་ལྷ་མོ་རེ་མ་ཛཿ སྐུ་མདོག་སེར་མོ་རལ་པ་ཅན༔ རལ་པ་སེར་པོ་གཡས་དང་གཡོན་དུ་འཁྱིལ༔ ཕྱག་ན་ཁྲག་གི་ཐོད་པ་ཐོགས༔ འཇིགས་བྱེད་རྒྱན་ཆ་མང་པོས་བརྒྱན༔ འཁོར་དུ་སེར་མོ་མང་པོས་བསྐོར༔ ཁྱེད་ཀྱི་ཐུགས་དམ་དུས་ལ་བབ༔ སྡོང་

― CMR017_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དགྲ་བགེགས་བཟློག་ཏུ་གསོལ༔ ཁྲག་འཐུང་ཆེན་མོ་རེ་མ་ཛུ༔ ཆིབས་སུ་དྲེལ་རྟ་རྐང་གསུམ་བཅིབས༔ སྐུ་ལ་མཐིང་གི་གོ་ཟུ་གསོལ༔ ལག་ན་བདུད་ཞགས་ནག་པོ་ཐོགས༔ འཁོར་དུ་དམར་མོ་མང་པོས་བསྐོར༔ ཁྱེད་ཀྱི་ཐུགས་དམ་དུས་ལ་བབ༔ བྱད་ཁ་ཕུར་ཁ་ཐམས་ཅད་ཟློག༔ ཆེ་ཞེས་གཉན་གྱི་རེ་མ་ཏི༔ ཆིབས་སུ་ཆུ་གླང་སྔོན་པོ་ཆིབས༔ སྐུ་ལ་དར་ནག་ཐུལ་པ་གསོལ༔ ཕྱག་ན་དར་ནག་བ་དན་ཕྱར༔ འཁོར་ནི་ནག་མོ་མང་པོས་བསྐོར༔ ཁྱེད་ཀྱི་ཐུགས་དམ་དུས་ལ་བབ༔ བདག་ཉིད་ཆེན་མོ་ཁྱེད་བཞི་ཡང་༔ བདག་ཅག་ཡོན་མཆོད་འཁོར་བཅས་ལ༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་རྣམས༔ ཐམས་ཅད་གཅིག་ཏུ་བསྡུས་ནས་ནི༔ ཟུང་ཞིག་རྒྱོབ་ཅིག་རྣམ་པར་ཆིངས༔ བཏོགས་ཤིག་གྲོགས་དང་བྲལ་བར་གྱིས༔ ཆོད་ཅིག་གཏུབས་ཤིག་རྣམ་པར་གཏོར༔ ཟློག་ཅིག་སྡང་བའི་དགྲ་ཟློག་ཅིག༔ གཡས་སུ་ཆིངས་ལ་གཡོན་དུ་སྒྱུར༔ བྷྱོ་བྷྱོ་སྡང་བའི་དགྲ་ལ་བྷྱོ༔ སྡང་བར་བྱེད་པའི་དགྲ་ཟློག་ཅིག༔ ཟློག་ཟློག་གནོད་པའི་བགེགས་ཟློག་ཅིག༔ སྔོན་ཡང་ཕྲིན་ལས་དགྲ་བགེགས་

― CMR017_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག༔ ད་ཡང་ཕྲིན་ལས་དགྲ་བགེགས་ཟློག༔ བྷྱོ་བྷྱོ་ཟློག་ཟློག༔ ཛཿ རྡོ་རྗེ་ཕུར་པའི་སྲུང་མ་སྟེ༔ རྡོ་རྗེ་ཡ་བྱིན་ལ་སོགས་པའི༔ བསྲེ་ཡི་ལྷ་མོ་མཆེད་དེ་བཞི༔ ཕུར་པའི་སྲུང་མར་ཞལ་བཞེས་ནས༔ དཔལ་གྱི་བཀའ་ཉན་དམ་བཅས་པ༔ རྣལ་འབྱོར་བདག་ལ་གྲོགས་བྱའོ༔ མཐའ་ཡི་དམག་དཔུང་ཟློག་གོ་ཞེས༔ ཁས་བླངས་བཞིན་དུ་ཕྲིན་ལས་མཛོད༔ ཕྱོགས་ཕྱོགས་དེ་ནི་ཕ་ཀི་ན༔ ཉི་མ་ལྷོ་ནུབ་མཚམས་ཤེད་ན༔ མེ་རླུང་འཁྲུགས་པའི་ཀློང་དཀྱིལ་ན༔ གཟའ་བདུད་ཤར་པ་ཟངས་ཀྱི་གཟའ་བསྲེ་ཡི་སྐུ་མཁར་གྲུ་བཞི་པ༔ ཟངས་དང་བྱི་རུའི་ཀ་གདུང་ལ༔ བསྲེ་སྒོ་ཁྲ་བོ་ཐམས་སེ་ཐམ༔ བསྲེ་ཡི་རུ་ཁྲི་འབར་བ་རུ༔ སྲིན་པོ་ཕོ་མོའི་གདན་སྟེང་ན༔ གཅིག་དང་འདྲ་བའི་མཆེད་བཞི་བཞུགས༔ གཅིག་ནི་བསྲེ་ཡི་རྣ་ཆ་ཅན༔ བསྲེ་ཡི་ཐུལ་པ་སྐུ་ལ་གསོལ༔ གཅིག་ནི་བྱི་རུའི་གདིངས་རལ་ཅན༔ ཁྲག་གི་རལ་ཆུང་སྐུ་ལ་གསོལ༔ གཅིག་ནི་རྨ་བྱའི་ཐུལ་པ་ཅན༔ ཟངས་ཀྱི་རྣ་ཆ་ཁྲོ་ལོ་ལོ༔ གཅིག་ནི་བསྲེ་ཡི་དངུལ་ཆུང་ཅན༔ དུང་གི་རྣ་ཆ་ཁྲོ་ལོ་ལོ༔ མི་ལྤགས་ཐུལ་ཆུང་གཉེར་ཅེ་ཀོར༔ ཀུན་

― CMR017_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་ཞལ་གསུམ་ཕྱག་དྲུག་མ༔ བསྲེ་མོའི་སྤྲུལ་པ་བརྒྱ་བརྒྱ་འཕྲོ༔ རལ་པའི་གསེབ་ནས་མེ་འབར་མ༔ རལ་པའི་རྩེ་ནས་སྐར་འབྲུལ་མ༔ ཁྲག་གི་ལྕེ་རིང་སོ་སྒྲིག་མ་གསེར་གྱི་རྣ་ཆ་ཁྲ་ལ་ལ༔ བསྲེ་ཡི་རྔ་ཆུང་དི་རི་རི་བསྲེ་ཡི་ཕུར་པ་སི་ལི་ལི༔ ཟངས་ཀྱི་མདུང་དམར་ཆེམས་སེ་ཆེམ༔ དམར་ནག་རུ་མཚོན་པུ་རུ་རུ༔ ཨ་བི་རཱ་ཙ་མཐུ་མོ་ཆེ༔ མཐུ་ཆེན་མོས་པས་སོ་སོར་བཞག༔ གཅིག་ནི་ཚ་བའི་རོང་ན་བཞུགས༔ གཅིག་ནི་བལ་ཡུལ་མཐིལ་དུ་བཞུགས༔ གཅིག་ནི་རྨ་ཡུལ་གསེབ་ན་བཞུགས༔ གཅིག་ནི་སྙེ་ལམ་འགྲམ་ན་བཞུགས༔ དེ་ལ་གསང་བའི་མཚན་བཏགས་པ༔ གཅིག་ནི་ཡ་བྱིན་དེ་མོ་བྱ༔ གཅིག་ནི་དེ་བྱིན་དབང་མོ་ཆེ༔ གཅིག་ནི་བསྲེ་བྱིན་ཆེན་མོ་བྱ༔ གཅིག་ནི་ཕག་བྱིན་ཆེན་མོ་བྱ༔ ཡ་བྱིན་དེ་ནི་འཕྲུལ་མོ་ཆེ༔ ཀུན་ཀྱང་ལས་ནི་མངའ་མཛད་མ༔ ཐུགས་རྗེས་དེ་ནི་སྤྲུལ་པ་ཡིས༔ དགྲ་བགེགས་ཐམས་ཅད་ཐལ་བར་རློགས༔ མ་ཐོགས་དེ་ནི་མྱུར་དུ་བྱོན༔ ཀུ་ལན་དྷ་རའི་དུས་ལ་བབ༔ དེ་བྱིན་དེ་ནི་དབང་མོ་ཆེ༔ སྐུ་མདོག་དེ་ནི་འཇའ་ཚོན་འདྲ༔ ཉི་ཟླ་དེ་ནི་ཆིབས་སུ་བཅིབས༔ ཕྱག་ན་ལྕགས་ཀྱུ་འབར་བ་

― CMR017_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས༔ དགྲ་བགེགས་དེ་ནི་སྙིང་ནས་འདྲེན༔ མ་ཐོགས་མྱུར་དུ་ལས་མཛོད་ཅིག༔ ཤུ་ལན་དྷ་རའི་དུས་ལ་བབ༔ བསྲེ་བྱིན་དེ་ནི་རྫུ་འཕྲུལ་ཅན༔ འཕྲུལ་བྱེད་དེ་ནི་རླུང་བས་མགྱོགས༔ ལྷ་རྣམས་དེ་ནི་དབང་དུ་བསྡུ༔ བདུད་ལ་དེ་ནི་གོང་ཞགས་འདེབས༔ མ་ཐོགས་དེ་ནི་མྱུར་དུ་བྱོན༔ ཙ་མུན་དྷ་རའི་དུས་ལ་བབ༔ ཕག་བྱིན་དེ་ནི་མཐུ་མོ་ཆེ༔ སྐུ་མདོག་དེ་ནི་དམར་ལ་དྭངས༔ ཞལ་གསུམ་དེ་ནི་སྔོ་ལ་འཇིགས༔ སྤྱན་གསུམ་དེ་ནི་སྡང་དམིགས་འཁྱུག༔ ལྗགས་འདྲིལ་དེ་ནི་མཆེ་གཙིགས་ན༔ ཁྲོ་བོ་ཡི་ནི་སྐུ་དག་འཕྲོ༔ དབུ་རལ་དེ་ནི་ཕུར་བུས་བརྒྱན༔ དགྲ་བགེགས་ཀྱི་ནི་གཉེན་པོར་ཆེ༔ མ་ཐོགས་དེ་ནི་མྱུར་དུ་བྱོན༔ དཀར་ནག་དེ་ནི་མཚམས་སུ་ཡ༔ ཀང་ཀ་རི་ཡི་དུས་ལ་བབ༔ ཛཿ བདུད་ཡུལ་བརྟན་པ་མུན་ནག་ནས༔ ནག་པོ་བམ་ལོག་བུ་མོ་ནི༔ ལྕགས་ཀྱི་བུ་མོ་སྤྱི་རིང་མ༔ མིག་ནས་གསེར་གྱི་ཉི་ཟླ་འགྱུ༔ མཐིང་གི་རལ་པ་ཤ་ར་ར༔ གསེར་གྱི་སོ་བདར་ཁྲིགས་སེ་ཁྲིག༔ གསེར་གྱི་རྣ་ཆ་ཝངས་སེ་ཝང་༔ མཐིང་ནག་བེར་ཆེན་པུ་རུ་རུ། དབང་གི་བསྲེ་ཁྲབ་སི་ལི་ལི༔ གཡས་ན་གསེར་གྱི་ལྕགས་

― CMR017_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱུ་ཐོགས༔ གཡོན་པས་གསེར་གྱི་ཟོར་བ་བསྣམས༔ བདུད་རྟ་ནག་པོ་ཞགས་པས་བརྒྱན༔ བདུད་ཀྱི་བྱ་ནག་ལྡིང་ཞིང་འཛུམ༔ འཁོར་དུ་འཆི་བདག་ནག་པོས་བསྐོར༔ སྲོག་ཟན་ཆེན་མོའི་དུས་ལ་བབ༔ དམ་ཉམས་འདི་ཡི་སྲོག་ལ་ཡ༔ ཛཿ གཟའ་ཡུལ་རྡུལ་ཕྲན་སྟེང་ཤེད་ནས༔ གཟའ་ཆེན་སྤེན་པའི་བུ་མོ་ནི༔ བསྲེ་ཡི་བུ་མོ་སྤྱི་རིང་མ༔ མིག་ནས་བསྲེ་ཡི་ཉི་ཟླ་འགྱུ༔ བསྲེ་ཡི་སོ་བདར་ཁྲིགས་སེ་ཁྲིག༔ སྨུག་ནག་རལ་པ་ཤ་ར་ར༔ བསྲེ་ཡི་རྣ་ཆ་ཝངས་སེ་ཝང་༔ སྨུག་ནག་དར་ཆེན་པུ་རུ་རུ། དབང་གི་བསྲེ་ཁྲབ་སི་ལི་ལི༔ གཡས་པས་བསྲེ་ཡི་ལྕགས་ཀྱུ་འཕེན༔ གཡོན་པས་དྲ་བ་དགུ་བསྒྲིལ་ཐོགས༔ སེམས་ཅན་ཀུན་གྱི་སྲོག་སྡུད་མོ༔ གཟའ་རྟ་ཞུར་པོ་ཞགས་པས་བརྒྱན༔ གཟའ་བདུད་ནག་པོ་སྟོང་གིས་བསྐོར༔ ཀིང་ཀང་དམར་ནག་སྲོག་ལ་འཇུམ༔ སྲོག་ལེན་ཆེན་མོའི་དུས་ལ་བབ༔ དགྲ་བོ་འདི་ཡི་སྲོག་ལོངས་ཤིག༔ ཛཿ བཙན་ཡུལ་ཟླ་འོད་རླུང་སྟེང་ནས༔ སྐྱེས་བུ་ལུང་བཙན་བུ་མོ་ནི༔ ཟངས་ཀྱི་མོན་མོ་སྤྱི་རིང་མ༔ མིག་ནས་ཟངས་ཀྱི་ཉི་ཟླ་རྒྱུག༔ ཟངས་ཀྱི་སོ་བདར་ཁྲིགས་སེ་ཁྲིག༔ དམར་ནག་རལ་པ་

― CMR017_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་ར་ར༔ ཟངས་ཀྱི་རྣ་ཆ་ཁྲ་ལ་ལ༔ ལེ་བརྒན་བེར་ཆེན་པུ་རུ་རུ༔ དབང་གི་ཟངས་ཁྲབ་སི་ལི་ལི༔ གཡས་ན་ཟངས་ཀྱི་ལྕགས་ཀྱུ་ཐོགས༔ གཡོན་པས་ཟངས་ཀྱི་མདུང་དམར་བསྣམས༔ བཙན་རྟ་དམར་པོ་ཞགས་པས་བརྒྱན༔ འཆི་བདག་བཙན་པོ་སྟོང་གིས་བསྐོར༔ དགེ་བསྙེན་གར་དབང་སྲོག་ལ་རྒྱུག༔ སྲོག་ལེན་ཆེན་པོའི་དུས་ལ་བབ༔ ཉམས་པ་འདི་ཡི་སྲོག་ལོངས་ཤིག༔ ཛཿ ཕོ་བྲང་ཆུ་མཚོ་ཀླུ་ཡུལ་ནས༔ ཆུ་སྲིན་རྒྱལ་པོའི་བུ་མོ་ནི༔ གཡུ་ཡི་བུ་མོ་སྤྱི་རིང་མ༔ མིག་ནས་གཡུ་ཡི་ཉི་ཟླ༔ གཡུ་ཡི་སོ་བདར་ཁྲིགས་སེ་ཁྲིག༔ མཐིང་གི་རལ་པ་ཤ་ར་ར༔ གཡུ་ཡི་རྣ་ཆ་ཝངས་སེ་ཝང་༔ ཆུ་དར་བེར་ཆེན་པུ་རུ་རུ༔ དབང་གི་གཡུ་ཁྲབ་སི་ལི་ལི༔ གཡས་པས་ཕྱག་མཚན་ལྕགས་ཀྱུ་འདེབས༔ གཡོན་པས་ཕྱག་མཚན་ཞགས་པ་ཐོགས༔ ཀླུ་རྟ་སྔོན་པོ་སྦྲུལ་གྱིས་བརྒྱན༔ ཆུ་བདུད་སྔོན་པོ་སྟོང་གིས་བསྐོར༔ ཆུ་སྲིན་བུ་མོ་སྲོག་ལ་རྒྱུག༔ སྲོག་ལེན་ཆེན་མོའི་དུས་ལ་བབ༔ ཉམས་པ་འདི་ཡི་སྲོག་ལོངས་ཤིག༔ ཛཿ ཤར་གྱི་བྲག་གཏུམ་སྟོང་གི་བདག༔ གསང་བའི་མཚན་བཏགས་འདྲེ་སྡེ་མོ༔ མོན་མོའི་ལུས་ལ་

― CMR017_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

སྤེལ་གྱི་མགོ༔ སྐུ་ལ་གཡུ་ཐང་སྔོན་པོ་གསོལ༔ ལིབ་ལིབ་དགྲ་བོ་ཟ་རྒྱུན་མ༔ ལྕགས་ཀྱི་སྡེར་མོ་མེ་ལྟར་འབར༔ རེག་པ་ཙམ་གྱིས་དབུགས་འཕྲོག་མ༔ སྔོན་གྱི་ཐ་ཚིག་མ་ཉམས་པར༔ མ་ཐོགས་མྱུར་དུ་ལས་མཛོད་ཅིག༔ ཛཿ ལྷོ་ཡི་ཆབ་འགྲམ་ངར་གྱི་བདག༔ གསང་བའི་མཚན་བཏགས་འདྲེ་སྡེ་མོ༔ མོན་མོའི་ལུས་ལ་སྦྲུལ་གྱི་མགོ༔ རྨ་བྱའི་མདོངས་ཀྱི་སྟོད་ཐུལ་ཅན༔ དུག་ལྕེ་ནག་པོ་ཕྱར་ནས་ནི༔ དབང་པོའི་དྭངས་མ་མིག་འབྲུ་མ༔ སྔོན་གྱི་ཐ་ཚིག་མ་ཉམས་པར༔ མ་ཐོགས་མྱུར་དུ་ལས་ལ་བྱོན༔ ཛཿ ། ནུབ་ཀྱི་བྲག་སྲིན་འོད་ཆེན་བདག༔ གསང་བའི་མཚན་བཏགས་འདྲེ་སྡེ་མོ༔ མོན་མོའི་ལུས་ལ་སྦལ་པའི་མགོ༔ དྲེད་ཐུལ་ནག་པོ་གཉེར་རྩེ་དཀོར༔ ཁ་ནས་འབྲུམ་བུའི་ཁྲག་འཐོར་མ་ཞེ་སྡང་དྲག་པོའི་མཐེབ་སྡེར་གྱིས༔ སུ་དང་འཕྲད་ཀྱང་སྲོག་གཅོད་མ༔ སྔོན་གྱི་ཐ་ཚིག་མ་ཉམས་པར༔ མ་ཐོགས་མྱུར་དུ་ལས་མཛོད་ཅིག༔ ཛཿ བྱང་ཕྱོགས་ཐལ་བྲག་དུན་རྩེའི་བདག༔ གསང་བའི་མཚན་བཏགས་འདྲེ་སྡེ་མོ༔ མོན་མོའི་ལུས་ལ་འུག་པའི་མགོ༔ ཞིག་ལྤགས་རློན་པའི་སྟོད་ཐུལ་ཅན༔ བཤུག་གླུ་ལེན་ཅིང་བླ་

― CMR017_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

རྐུན་མ༔ སྡེར་མོ་རལ་གྲིའི་སོ་བས་རྣོ༔ དམ་ཉམས་དགྲ་བོའི་སྲོག་གཅོད་མ༔ སྔོན་གྱི་ཐ་ཚིག་མ་ཉམས་པར༔ མ་ཐོགས་མྱུར་དུ་ལས་མཛོད་ཅིག༔ ཚ་བའི་མ་མོ་བཅུ་གཉིས་ནི༔ བདག་དང་ཡོན་བདག་འཁོར་བཅས་ལ༔ གནོད་ཅིང་གདུག་པའི་དགྲ་དང་བགེགས༔ ཐམས་ཅད་གཅིག་ཏུ་བསྡུས་ནས་ཀྱང་༔ ཟུང་ཞིག་རྒྱོབ་ཅིག་རྣམ་པར་ཆིངས༔ བཏོགས་ཤིག་གྲོགས་དང་བྲལ་བར་གྱིས༔ སོད་ཅིག་གཏུབས་ཤིག་རྣམ་པར་ཆིངས༔ ཟློག་ཅིག་སྡང་བའི་དགྲ་ཟློག་ཅིག༔ གཡས་སུ་ཆིངས་ལ་གཡོན་དུ་སྒྱུར༔ བྷྱོ་བྷྱོ་སྡང་བའི་དགྲ་ལ་བྷྱོ༔ སྡང་བར་བྱེད་པའི་དགྲ་ཟློག་ཅིག༔ གནོད་པར་བྱེད་པའི་བགེགས་ཟློག་ཅིག༔ སྔོན་ཡང་ཕྲིན་ལས་དགྲ་བགེགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བྷྱོ་བྷྱོ༔ ཟློག་ཟློག༔ བྷྱོ༔ ཁྱོད་ཀྱི་ཐུགས་དམ་དུས་ལ་བབ༔ ཁྱེད་ཀྱི་མིང་པོ་ལས་མཁན་ནི༔ མོན་པ་ནག་པོ་སྲོག་ཟན་པོ༔ འབྱུང་པོ་སེར་པོ་སྣ་ཡོན་པོ༔ རལ་པ་ཁམ་ནག་གྱེན་དུ་བརྗེས༔ མཆེ་བ་ཟངས་ཡག་སྤུ་གྲིས་གཏམ༔ ཟས་སུ་གློ་སྙིང་ནང་རོལ་ཐྲ༔ སྐོམ་དུ་མི་ཁྲག་རློན་པ་འཐུང་༔ སྐུ་ལ་མི་ཤུན་དྲོ་

― CMR017_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

བ་གསོལ༔ གཡས་ན་གསེར་གྱི་ཐོ་ལུམ་འཕེན༔ གཡོན་ན་ཟངས་ཀྱི་དྲྭ་བ་ཐོགས༔ ཆིབས་སུ་སྟག་མོ་རི་བཀྲ་བཅིབས༔ ལམ་ཆེན་རྒྱ་གྲམ་གཡས་ན་སྡོད༔ དམ་ཉམས་ལྟའདི་ལ་ཐུན་ཅིག་ཕོབ༔ སྡང་བའི་དགྲ་བགེགས་བཟློག་ཏུ་གསོལ༔ བྷྱོ༔ རྡོ་རྗེ་ཕུར་པའི་སྲུང་མ་སྟེ༔ བསྲེ་ཡི་སྐྱེས་བུ་མཆེད་དེ་བཞི༔ ཕུར་པའི་སྲུང་མར་ཞལ་བཞེས་ནས༔ དཔལ་གྱི་བཀའ་ཉན་དམ་བཅས་པ༔ དམ་བཅས་བཞིན་དུ་ཕྲིན་ལས་མཛོད༔ ཧཱུྃ༔ རི་རབ་ཆེན་པོའི་ངོས་བཞི་ནས༔ སྲོག་བདག་མཆེད་བཞིའི་དུས་ལ་བབ༔ ཤར་ཕྱོགས་དེ་བའི་ཡུལ་རྩེ་ནས༔ སྲིན་པོའི་ཚོགས་ཀྱི་རྒྱལ་པོ་ནི༔ བསྲེ་མཁར་སྨུག་པོའི་ནང་ནས་སྤྱོད༔ བསྲེ་ཡི་གྱད་ཆེན་ཕུར་པའི་ལྷ༔ བསྲེ་ཡི་རལ་པ་གྱེན་དུ་བརྗེས༔ སྐུ་ལ་བསྲེ་ཡི་ཚེམ་ཁྲབ་གསོལ༔ བསྲེ་ཡི་ཚེམ་ཁྲུབ་སི་ལི་ལི་ཞབས་ལ་བསྲེ་ལྷམ་ལོ་བཟང་གསོལ༔ དུང་གི་སོ་བདར་ཁྲིགས་སེ་ཁྲིག༔ མཆེ་བ་སྤུ་གྲིའི་གཏམས་པ་འདྲ༔ སྤུ་གྲི་ཤད་། ཤད་སྙིང་ལ་ཤད༔ ཆིབས་སུ་བསྲེ་ཡི་གྱི་ལིང་བཅིབས༔ གྱི་ལིང་ཆིབས་ལ་ད་ཚུར་བྱོན༔ ཕྱག་ན་བསྲེ་ཡི་མདུང་ཐུང་འཕེན༔ བསྲེ་ཡི་ཚེམ་ཁྲབ་ཁྲབས་སེ་ཁྲབ༔ བསྲེ་ཡི་

― CMR017_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

མདུང་ཐུང་ཤ་ར་ར༔ གཞུ་མོ་རྒྱུད་ལ་སྤྲིང་པའི་མད༢༔ དགྲ་བོའི་སྙིང་ལ་གཟེར་ཆེན་ཕོབ༔ ཁོང་ནས་ཤེལ་གྱི་གཞུ་བདུངས་ལ༔ ཁ་ནས་བསྲེ་མདའ་དམར་པོ་འཕེན༔ བསྭེ་མདའ་དམར་པོ་སྙིང་ལ་སྡིག༔ ཁྲག་མདའ་ཁྲག་ཕུར་སི་ལི་ལི༔ ཁྲག་མདའ་བུ་ཡུག་ཆར་དུ་ཕོབ་དགྲ་བོའི་ཁོང་དུ་དུག་གཅིག་གཡོས༔ དམ་ཉམས་ཁོང་དུ་གཤེད་དུ་ཆེ༔ ཉམས་པའི་སྲོག་ལ་མཱ་ར་ཡ༔ བྷྱོ༔ ཁྱོད་ཀྱི་ཤན་པ་ལག་རིང་ནི༔ བསྲེ་ཡི་མི་ཕོ་གདོང་བཞི་པ༔ ཕྱག་ན་མདུང་ཐུང་ཆེམས་སེ་ཆེམ༔ སྐྱ་རེངས་ཆེན་པོའི་ལམ་དུ་ཁྲིད༔ དེང་སང་བསམ་བརླག་གཉིད་ལོག་གི༔ བླ་སྲོག་དམར་པོ་དྲུངས་ནས་ཕྱུངས༔ སྲོག་རྩ་དམར་པོ་རྩད་ནས་ཆོད༔ ཤན་པ་ལག་རིང་དུས་ལ་བབ་དམ་རྫས་བདུད་རྩི་འབར་བ་འདི་གསོལ་ལ༔ བཅོལ་བའི་ཕྲིན་ལས་གྲུབ་པར་མཛོད༔ བྷྱོ༔ བདུད་ཡུལ་མུན་པའི་སྨག་རུམ་ན༔ གཤིན་རྗེ་དྲེགས་པའི་ཡུལ་རྩེ་ནས༔ གཤིན་རྗེའི་རྒྱལ་པོ་ཐེང་ཐབས་ཅན༔ གཤིན་རྗེ་ཆོས་ཀྱི་རྒྱལ་པོ་ནི༔ རལ་པ་དམར་སྨུག་གྱེན་དུ་བརྗེས༔ བསྲེ་མཁར་སྨུག་པོའི་ནང་ནས་བྱོན༔ བསྲེ་ཡི་གྱད་ཆེན་ཕུར་པའི་ལྷ༔

― CMR017_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་རྗེའི་རྒྱལ་པོ་སྟག་མགོ་ཅན༔ སྦྲུལ་ནག་སྟོང་གི་ཐོར་ཚུགས་ཅན༔ ལྕགས་ཀྱི་རལ་པ་ཤ་ར་ར༔ ཞལ་ནས་བསྲེ་ཡི་ལོག་སྒྲོ་གསོལ༔ ལྕགས་ཀྱི་སོ་བདར་ཁྲིགས་སེ་ཁྲིག༔ མཆེ་བ་ལྕགས་ཀྱི་སྤུ་གྲིས་གཏམས༔ སྤུ་གྲིས་ཤད་ཤད་སྙིང་ལ་ཤད༔ ཆིབས་སུ་བསྲེ་ཡི་ཁྱུང་ཆེན་བཅིབས༔ ཁྱུང་ཆེན་ཆིབས་ལ་ད་ཚུར་བྱོན༔ ཕྱག་ན་བསྲེ་ཡི་མདུང་ཐུང་འཕེན༔ བསྲེ་ཡི་ཚེམ་ཁྲབ་ཁྲབས་སེ་ཁྲབ༔ ཚེམ་ཁྲབ་འབར་བའི་གོང་མིག་ནས༔ བསྲེ་ཡི་མདུང་ཐུང་སི་ལི་ལི༔ ལྕགས་ཀྱི་མདེའུ་ཤ་ར་ར༔ གཞུ་མོ་རྒྱུད་ལ་སྒྲིམ་པའི་མད༢༔ དགྲ་བོའི་སྙིང་ལ་གཟེར་ཆེན་ཕོབ༔ ཁོང་ནས་ལྕགས་ཀྱི་གཞུ་བདུངས་ལ༔ ཁ་ནས་ལྕགས་མདའ་སྔོན་པོ་འཕེན༔ ལྕགས་ཀྱི་མདའ་ཟོར་སྙིང་ལ་སྡིག༔ ཁྲག་མདའ་ཁྲག་ཕུར་སི་ལི་ལི༔ ཁྲག་མདའི་བུ་ཡུག་ཆར་དུ་ཕོབ༔ དགྲ་བོའི་ཁོང་དུ་དུག་ཅིག་གཡོས༔ དམ་ཉམས་དགྲ་བོའི་གཤེད་དུ་ཆེ༔ ཉམས་པའི་སྲོག་ལ་མ་ར་ཡ༔ བྷྱོ༔ ཁྱོད་ཀྱི་ཤན་པ་ལག་རིང་ནི༔ ཕྱག་ན་ལྕགས་ཀྱི་ཐོ་ཆེན་ཐོགས༔ ཞགས་པ་ནག་པོ་ཀླད་ལ་སྐོར༔ མོན་པ་ནམ་གྱི་ཕྱེད་ལ་རྒྱུག༔ དེང་སང་བསམ་བརླག་གཉིད་ལོག་གི༔ བླ་

― CMR017_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་བསད་པའི་དུས་ལ་བབ༔ དུས་ལ་བབ་བོ་ས་མ་ཡ༔ བྷྱོ༔ ནུབ་ཕྱོགས་དྲེགས་པའི་ཡུལ་རྩེ་ནས༔ ཡ་བདུད་ཚངས་པའི་རྒྱལ་པོ་ནི༔ བསྭེ་མཁར་སྨུག་པོ་གྱད་ཆེན་ཏེ༔ བསྲེ་ཡི་སོག་པོ་གདོང་རིང་ནི༔ རལ་པ་སེར་པོ་གྱེན་ལ་བརྗེས༔ བསྲེ་ཁྲབ་དམར་པོ་སི་ལི་ལི༔ ཚེམ་ཁྲབ་འབར་བའི་གོང་མིག་ནས༔ ཁྲག་མདའ་མདེའུ་ཆུང་ཤ་ར་ར༔ ཟངས་ཀྱི་སོ་བདར་ཁྲིགས་སེ་ཁྲིག༔ མཆེ་བ་ཟངས་ཀྱི་སྤུ་གྲིས་གཏམས༔ སྤུ་གྲིས་ཤད་ཤད་སྙིང་ལ་ཤད༔ ཆིབས་སུ་བསྲེ་ཡི་བྱ་གླག་བཅིབས༔ བྱ་གླག་ཆིབས་ལ་ད་ཚུར་བྱོན༔ སྐུ་ལ་བསྲེ་ཡི་ཚེམ་ཁྲབ་གསོལ༔ ཕྱག་ན་བསྲེ་ཡི་མདུང་ཐུང་འཕེན༔ བསྲེ་ཡི་ཚེམ་ཁྲབ་ཁྲབས་སེ་ཁྲབ༔ ཚེམ་ཁྲབ་འབར་བའི་གོང་མིག་ནས༔ བསྲེ་ཡི་མདུང་ཐུང་ཤ་ར་ར༔ གཞུ་མོ་རྒྱུད་དུ་བརྒྱུས་པའི་མདའ༔ དགྲ་བོའི་སྙིང་ལ་གཟེར་ཆེན་ཕོབ༔ ཁོང་ནས་རྩ་ཡི་གཞུ་བདུངས་ཤིང་༔ ཁ་ནས་ཁྲག་གི་མདའ་འཕེན་པ༔ ཁྲག་མདའ་དམ་པོ་སྙིང་ལ་སྡིག༔ ཁ་ནས་བསྲེ་མདའ་དམར་པོ་འཕེན༔ ཁྲག་མདའ་ཁྲག་ཕུར་སི་ལི་ལི༔ ཁྲག་མདའ་བུ་ཡུག་ཆར་དུ་ཕོབ༔ དགྲ་བོའི་ཁོང་དུ་དུག་ཅིག་གཡོས༔

― CMR017_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཉམས་དགྲ་བོའི་གཤེད་དུ་ཆེ༔ ཉམས་པའི་སྲོག་ལ་མ་ར་ཡ༔ བྷྱོ༔ ཁྱོད་ཀྱི་ཤན་པ་ལག་རིང་ནི༔ བསྭེ་ཡི་བྱ་ཁྲ་ཆེན་པོ་ལ༔ གཡུ་ཡི་གཤོག་པས་སྟོང་གསུམ་གང་༔ གཤོག་པས་དགྲ་བོའི་ཀླད་ལ་བཤལ༔ མཆུ་འགུགས་དགྲ་བོའི་བླ་ལ་འགུགས༔ སྡེར་མོས་དགྲ་བོའི་སྙིང་ལ་བཤལ༔ བླ་ཚེ་སྐམ་པའི་དུས་ལ་བབ༔ སྲོག་རྩ་བཅད་པའི་དུས་ལ་བབ༔ དུས་ལ་བབ་བོ་ས་མ་ཡ༔ དམ་རྫས་བདུད་རྩི་འབར་བ་འདི་གསོལ་ལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ བྱང་ཕྱོགས་དྲག་པོའི་ཡུལ་རྩེ་ནས༔ གནོད་སྦྱིན་ཚོགས་ཀྱི་རྒྱལ་པོ་སྟེ༔ བསྲེ་མཁར་སྨུག་པོའི་ནང་ཤེད་ནས༔ བསྲེ་ཡི་གྱད་ཆེན་ཕུར་པའི་ལྷ༔ བསྲེ་ཡི་སོག་པོ་གདོང་རིང་ནི༔ རལ་པ་དམར་པོ་ཧ་ར་མིག༔ གནོད་སྦྱིན་རྒྱལ་པོ་ཧ་ར་མ༔ ཟངས་ཀྱི་སོ་བདར་ཁྲིགས་སེ་ཁྲིག༔ བསྲེ་ཡི་ཚེམ་ཁྲབ་སི་ལི་ལི༔ ཚེམ་ཁྲབ་འབར་བའི་གོང་མིག་ནས༔ དུང་གི་མདའ་ཐུན་ཤ་ར་ར༔ མཆེ་བ་ཟངས་ཀྱི་སྤ་གྲིས་གཏམས༔ སྤུ་གྲིས་ཤད་ཤད་སྙིང་ལ་ཤད༔ ཆིབས་སུ་བསྲེ་གཡག་ཁམ་པ་བཅིབས༔ བསྲེ་གཡག་ཆིབས་ལ་ད་ཚུར་བྱོན༔ སྐུ་ལ་བསྲེ་ཡི་ཚེམ་ཁྲབ་གསོལ༔ ཕྱག་

― CMR017_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ན་བསྲེ་ཡི་མདུང་ཐུང་འཕེན༔ ཞབས་ལ་བསྲེ་ཡི་ལྷམ་བཟང་གསོལ༔ བསྲེ་ཡི་ཚེམ་ཁྲབ་ཁྲབས་སེ་ཁྲབ༔ ཚེམ་ཁྲབ་འབར་བའི་གོང་མིག་ནས༔ བསྲེ་ཡི་མདུང་དམར་སི་ལི་ལི༔ གཞུ་མོ་རྒྱུད་དུ་བརྒྱུས་པའི་མདའི༔ དགྲ་བོའི་སྙིང་ལ་གཟེར་ཆེན་ཕོབ༔ ཁོང་ནས་སྦྲུལ་གྱི་གཞུ་བདུངས་ཤིང་༔ ཁ་ནས་དུག་གི་མདའ་འཕེན་པ༔ དུག་མདའ་ནག་པོ་སྙིང་ལ་བརྡེག༔ བསྭེ་གཡག་བཅིབས་ཤིང་ད་ཚུད་བྱོན༔ ཉམས་པའི་སྲོག་ལ་དུག་མདའ་ཡ༔ ཁྲག་མདའ་ཁྲག་ཕུར་སི་ལི་ལི༔ ཁྲག་མདའ་བུ་ཡུག་ཆར་དུ་ཕོབ༔ དགྲ་བོའི་ཁོང་དུ་དུག་ཅིག་གཡོས༔ དམ་ཉམས་དགྲ་བོའི་གཤེད་དུ་གཤེགས༔ ཉམས་པའི་སྲོག་ལ་མཱ་ར་ཡ༔ བྷྱོ༔ ཁྱོད་ཀྱི་ཤན་པ་ལག་རིང་ནི༔ བསྲེ་ཡི་སྤྲང་མོ་ཆེན་པོ་ལ༔ མཆེ་བ་སྤུ་གྲིས་གཏམས་པ་འདྲ༔ ཉི་ཟེར་ཟླ་བའི་ཟེར་ལ་བཅིབས༔ དམ་རྫས་བདུད་རྩི་འབར་བ་འདི་གསོལ་ལ༔ བཅོལ་བའི་ཕྲིན་ལས་གྲུབ་པར་མཛོད༔ བསྲེ་ཡི་སྐྱེས་བུ་མཆེད་དེ་བཞི༔ བདག་དང་རྒྱུ་སྦྱོར་འཁོར་བཅས་དང་༔ རྒྱུ་སྦྱོར་ཡོན་བདག་འཁོར་བཅས་ལ༔ གནོད་ཅིང་གདུག་པའི་དགྲ་དང་བགེགས༔ ཐམས་ཅད་གཅིག་ཏུ་

― CMR017_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་ནས་ཀྱང་༔ ཟུང་ཞིག་རྒྱོབ་ཅིག་རྣམ་པར་ཆིངས༔ བཏོགས་ཤིག་གྲོགས་དང་བྲལ་བར་གྱིས༔ ཆོད་ཅིག་གཏུབས་ཤིག་རྣམ་པར་གཏོར༔ ཟློག་ཅིག་སྡང་བའི་དགྲ་ཟློག་ཅིག༔ གཡས་སུ་ཆིངས་ལ་གཡོན་དུ་སྒྱུར༔ བློ་སྦྱོ་སྡང་བའི་དགྲ་ལ་སྦྱོ༔ སྡང་བར་བྱེད་པའི་དགྲ་ཟློག་ཅིག༔ གནོད་པར་བྱེད་པའི་བགེགས་ཟློག་ཅིག༔ སྔོན་ཡང་ཕྲིན་ལས་དགྲ་བགེགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བྷྱོ་བྷྱོ་ཟློག་ཟློག་བྷྱོ༔ སྲིད་གསུམ་མ་ལུས་ཟས་སུ་ཟ་བའི་ཕྱིར༔ ལས་ཀྱི་ཁྱི་བརྒྱད་ལས་ལ་འགྱེད༔ ཟས་སུ་གཙང་བཙོག་མེད་པར་ཟ༔ དེ་ཕྱིར་ཚྭ་ས་ཤ་ཆེན་ཞིམ༔ སྐོམ་དུ་ཁ་མངར་མེད་པར་འཐུང་༔ དེ་ཕྱིར་ཁྲག་དང་དྲི་ཆབ་ཞིམ༔ བང་ནི་དལ་དུབ་མེད་པར་རྒྱུག༔ དེ་ཕྱིར་གསང་བའི་དཀྱིལ་འཁོར་སྐྱོང་༔ རྫི་ནི་ཕྱི་ནང་མེད་པར་རྣོ༔ དེ་ཕྱིར་བདུད་ཀྱི་མེལ་ཙེ་མ༔ སྐད་ནི་ཉེ་རིང་མེད་པར་ཟུག༔ དེ་ཕྱིར་ཡེ་ཤེས་སྤྲུལ་པའི་ཁྱི༔ ཤར་གྱི་ཕྱོགས་ནས་རྒྱུག་པ་ནི༔ འབྲུག་སྒྲ་ལྡིར་ཞིང་དྲི་ཟ་འདུལ༔ དྲི་ཟ་སྟོང་གི་ཀླད་པ་འགེམས༔ ལྷོ་ཡི་ཕྱོགས་ནས་རྒྱུག་པ་ནི༔ གློག་དམར་བཅིབས་ཤིང་གཤིན་རྗེ་སྒྲོལ༔

― CMR017_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་རྗེའི་རྒྱལ་པོ་ཤ་ལ་ཟྭ༔ ནུབ་ཀྱི་ཕྱོགས་ནས་རྒྱུག་པ་ནི༔ རྡོ་རྗེ་ཁྱུང་འབྲུག་ཀླུ་བདུད་འདུལ༔ ཀླུ་བདུད་སྟོང་གི་ཁྲག་འཇིབས་མ༔ བྱང་གི་ཕྱོགས་ནས་རྒྱུག་པ་ནི༔ གནོད་སྦྱིན་སྐལ་ཚོལ་དྲྭ་བ་འཇོམས༔ གནོད་སྦྱིན་སྟོང་གི་སྙིང་འབྱིན་མོ༔ ཤར་ལྷོ་ཕྱོགས་ནས་རྒྱུག་པ་ནི༔ མེ་ཡི་དྲང་སྲོང་དཔུང་སྒྲོན་མ༔ དྲང་སྲོང་མེ་ལྷ་བཞེས་སྐུར་འདེབས༔ ལྷོ་ནུབ་མཚམས་སུ་རྒྱུག་པ་ནི༔ སྲིན་པོའི་ཐོད་རུས་ཟས་སུ་ཟ༔ སྲིན་མོ་ཁྲག་འཐུང་དབང་མོ་ཆེ༔ ནུབ་བྱང་མཚམས་ནས་རྒྱུག་པ་ནི༔ རླུང་ལྷ་སྔོན་མོའི་བ་དན་ཐོགས༔ རླུང་ལྷ་སྟོང་གི་ཁྲག་འཇིབས་མ༔ བྱང་ཤར་མཚམས་ནས་རྒྱུག་པ་ནི༔ ཉི་ཟླ་གཟའ་སྐར་ཁ་ལེ་ཁ༔ འབྱུང་པོ་ཀུན་གྱི་གཤེད་མ་བྱེད༔ ཀུན་ཀྱང་མི་བཟད་ཅི་འདྲ་ན༔ རལ་པ་སེར་སྤྲིན་འཁྲིགས་པ་འདྲ༔ སྤུ་མདོག་ལྕགས་སྐུད་འདྲིལ་བ་འདྲ༔ སྡེར་མོ་ལྕགས་ཀྱུ་འབར་བ་འདྲ༔ སྤྱན་མིག་ཉི་མ་ཤར་བ་འདྲ༔ སྐུ་གསུང་ཐུགས་དང་མཉམ་སྦྱོར་བའི༔ བར་ཆད་བྱེད་པའི་དགྲ་དང་བགེགས༔ སྒྲུབ་པ་ལས་ཀྱི་བྱ་ར་མཛོད༔ དགྲ་བགེགས་ཐམས་ཅད་བརླག་པར་མཛོད༔ རིཀཱ་ལང་ཀ་ཀུ་ཀུ་རཱ་ཙ་

― CMR017_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

ཛཿཛཿབྷྱོ་བྷྱོ༔ ཟློག་ཟློག༔ དེ་ནས་ཕོ་ཉ་མཁའ་འགྲོ་རྣམས་བསྐུལ་ཏེ༔ བྷྱོ༔ རྡོ་རྗེ་གཞོན་ནུའི་སྤྲུལ་པ་སྟེ༔ མཁའ་དབྱིངས་རྣམ་པར་དག་པའི་ཕོ་ཉ་རྣམས༔ ལ་ལ་ཤེལ་གྱི་གདོང་དགུ་མ༔ ཤེལ་གྱི་རལ་པའི་སྤུ་གསེབ་ནས༔ སྡོམ་དང་སྡིག་པ་འཁྲོལ་བར་འབྱུང་༔ དེ་ཡང་དགྲ་བགེགས་གཉེན་པོར་གཤེགས༔ ལ་ལ་བསྲེ་ཡི་གདོང་དགུ་མ༔ བསྲེ་ཡི་རལ་པའི་སྤུ་གསེབ་ནས༔ ཆུ་སྲིན་རུས་སྦལ་འཁྲོལ་བ་འབྱུང་༔ དེ་ཡང་དགྲ་བགེགས་གཉེན་པོར་གཤེགས༔ ལ་ལ་ལྕགས་ཀྱི་གདོང་དགུ་མ༔ ལྕགས་ཀྱི་རལ་པའི་སྤུ་གསེབ་ནས༔ སྟག་དང་སེང་གེ་འཁྲོལ་བར་འབྱུང་༔ དེ་ཡང་དགྲ་བགེགས་གཉེན་པོར་གཤེགས༔ ལ་ལ་ཟངས་ཀྱི་གདོང་དགུ་མ༔ ཟངས་ཀྱི་རལ་པའི་སྤུ་གསེབ་ནས༔ བྱི་ལ་སྲེ་མོང་འཁྲོལ་བར་འབྱུང་༔ དེ་ཡང་དགྲ་བགེགས་གཉེན་པོར་གཤེགས༔ ལ་ལ་དུང་གི་གདོང་དགུ་མ༔ དུང་གི་རལ་པའི་སྤུ་གསེབ་ནས༔ སྐྱ་ག་པུ་ཤུད་འཁྲོལ་བར་འབྱུང་༔ དེ་ཡང་དགྲ་བགེགས་གཉེན་པོར་གཤེགས༔ ལ་ལ་གནམ་གྱི་ཁྱི་མོ་ལ༔ ཁ་རླངས་སྤྲིན་གྱི་དཀྱིལ་འཁོར་ནས༔ ཐོག་དང་སེར་བ་ཁ་ཆར་འབེབས༔ དེ་ཡང་དགྲ་བགེགས་གཉེན་

― CMR017_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་གཤེགས༔ ལ་ལ་བསྲེ་ཡི་མགོ་བོ་ལ༔ བསྲེ་ཡི་རལ་པའི་སྤུ་གསེབ་ནས༔ ཁྲི་དང་སྤྱང་ཀུ་འཁྲོལ་བར་འབྱུང་༔ དེ་ཡང་དགྲ་བགེགས་གཉེན་པོར་གཤེགས༔ ལ་ལ་ཁྱུང་གི་མགོ་བོ་ལ༔ ཁྱུང་གི་རལ་པའི་སྤུ་གསེབ་ནས༔ སྡེར་ཆགས་མང་པོ་འཁྲོལ་བར་འབྱུང་༔ དེ་ཡང་དགྲ་བགེགས་གཉེན་པོར་གཤེགས༔ ལ་ལ་སྟག་གི་མགོ་བོ་ལ༔ སྟག་གི་རལ་པའི་སྤུ་གསེབ་ནས༔ གཅན་གཟན་མང་པོ་སྤྲིན་ལྟར་གཏིབ༔ ཀང་ཀ་འདབ་ཆགས་ནམ་མཁའ་ཁེངས༔ མ་གཡེལ་ཕོ་ཉ་སྲུང་མའི་ཚོགས༔ ་སྔགས་པས་བོས་ཤིང་རྦད་པའི་ཚེ༔ ཅི་བགྱིའི་བཀའ་ཉན་ཚོགས་ནི་སྤྲིན་ལྟར་གཏིབས༔ ཕོ་ཉ་རལ་པའི་ཚོགས་ནི་སྐར་ལྟར་འཁྲུགས༔ ཐུགས་རྗེའི་བྱིན་རླབས་ཚོགས་ནི་གློག་ལྟར་འགྱུ༔ དགྲ་བགེགས་འདུལ་བའི་དུས་ལ་བབ༔ སྡང་བའི་དགྲ་བགེགས་ཐམས་ཅད་ཟློག༔ བྷྱོ་སྦྱོ་ཟློག་ཟློག༔ དེ་ནས་ཕོ་ཉ་མགྱོགས་བྱེད་རྣམས་བསྐུལ་པ་ནི༔ བྷྱོ༔ ལྕགས་ཀྱི་སྤྱང་མོ་བརྒྱད་ནི་ཤ་ར་ར༔ དུང་གི་ཁྱི་མོ་བརྒྱད་ནི་ཁྲོ་ལོ་ལོ༔ གསེར་གྱི་འཕར་བ་བརྒྱད་ནི་ཐ་ར་ར༔ ཟངས་ཀྱི་སྤྱང་མོ་བརྒྱད་ནི་སི་ལི་ལི༔ སྟག་སྤྲུལ་བྱེ་བ་བརྒྱད་ནི་

― CMR017_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིགས་སེ་ཤིག༔ ཁྱུང་གི་ཁྲ་ཆེན་བརྒྱད་ནི་འཕུར་དང་ལྷབས་སེ་ལྷབ༔ འདབས་ཆགས་མང་པོ་ཚོགས་ཀྱིས་བར་སྣང་ཁེངས༔ མཆེ་བ་ཅན་གྱི་ཚོགས་ཀྱིས་ས་གཞི་ཁེངས༔ མ་ཐོགས་མྱུར་དུ་དགྲ་བགེགས་གཉེན་པོར་གཤེགས༔ སྡང་བའི་དགྲ་བགེགས་བཟློག་ཏུ་གསོལ༔ ཧཱུྃ༔ འཇིགས་བྱེད་ཁྲོ་བོ་འབར་བའི་ཚོགས༔ དེ་ཡི་འཁོར་ན་གནས་པ་ཡི༔ བདག་ཉིད་ཆེན་པོ་འཁོར་དང་བཅས༔ ཤྭ་ན་མ་ཚོགས་འཁོར་དང་བཅས༔ ས་བདག་ཆེན་མོ་འཁོར་དང་བཅས༔ མ་མོ་མཁའ་འགྲོ་འཁོར་དང་བཅས༔ སྒྲོལ་གིང་གཤེད་པོ་འཁོར་དང་བཅས༔ མ་བདུན་སྲིང་བཞི་འཁོར་དང་བཅས༔ བརྟན་མ་བཅུ་གཉིས་འཁོར་དང་བཅས༔ འགྲོ་དྲུག་སེམས་ཅན་ཐམས་ཅད་ཀྱིས༔ སོ་སོར་ཇི་ལྟར་མོས་པ་བཞིན༔ མཆོད་པ་ཆེན་པོ་འདི་བཞེས་ལ༔ བར་ཆད་ཞི་བར་བྱ་བ་དང་༔ ལས་ཀྱི་འབྲས་བུ་མཆིས་པར་མཛོད༔ གལ་ཏེ་མཆོད་གཏོར་མ་བླངས་ཤིང་༔ ལས་རྣམས་མྱུར་དུ་མི་སྒྲུབ་ཅིང་༔ བར་ཆད་ཞི་བར་མ་བྱས་ན༔ ཉམས་པའི་ཆད་པ་ཅི་ཉེས་པ༔ ཁྱོད་ལ་འབྱུང་སྟེ་ན་ར་ཤི༔ དེ་བས་མཆོད་གཏོར་འདི་ལོངས་ལ༔ ལས་རྣམས་མྱུར་དུ་

― CMR017_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་པ་མེད་པར་མཛོད༔ བར་ཆད་ཐམས་ཅད་ཞི་བར་མཛོད༔ ཚེ་དང་ལོངས་སྤྱོད་རྒྱས་པར་མཛོད༔ སྡང་བའི་དགྲ་བགེགས་བཟློག་ཏུ་གསོལ༔ ཧཱུྃ༔ མ་གཡེལ་མ་གཡེལ་སྲུང་མ་ཐུགས་དམ་ཅན༔ དམ་ཅན་དམ་ལ་མི་གནས་སྲིད་ལགས་སམ༔ འབྱུང་བ་རླུང་ལ་མི་བརྟེན་སྲིད་ལགས་སམ༔ འདབ་ཆགས་མཁའ་ལ་མི་བརྟེན་སྲིད་ལགས་སམ༔ སྐྱེ་འགྲོ་དབུགས་ལ་མི་བརྟེན་སྲིད་ལགས་སམ༔ ཡེ་ཤེས་ལྷ་དང་འཇིག་རྟེན་སྲུང་མའི་ཚོགས་སེང་གེ་གླང་ཆེན་ཁྲི་བཤམས་འཕངས་མ་དམ༢༔ ཉི་ཟླ་པདྨའི་གཟན་དུ་བོར་བའི་སྲུང་མ་རྣམས༔ ལུས་སྲོག་འབེན་ཏུ་བཙུགས་ནས་ཁྱེད་བསྒྲུབས་ན༔ དཀའ་བའི་ཚེ་ན་དམ་ཅན་ཁྱོད་བསྒྲུབས་ན༔ རིང་བའི་ཚེ་ན་དམ་ཅན་ཁྱོད་བསྒྲུབས་ན༔ ཡང་བརྟེན་དེ་ནི་ཡང་བོས་ན༔ སྲིན་པོ་ལང་ཀ་མགྲིན་བཅུ་ཡང་ཕ་བས་བྱམས་ཤིང་བུ་བས་གདུང་༔ ཡང་བརྟེན་དེ་ནི་ཡང་བོས་ན༔ ལང་ཀ་ཤོད་ཀྱི་སྲིན་མོ་ཡང་༔

― CMR017_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བས་བྱམས་ཤིང་སྲིང་བས་གདུང་༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དགྲ་བགེགས་ཐམས་ཅད་རྡུལ་དུ་རློགས༔ ཧཱུཾ་བྷྱོ༔ དཔལ་གྱི་ཕོ་ཉ་ལས་མཁན་མ༔ ཤར་གྱི་ཕྱོགས་ནས་བྱུང་བ་ནི༔ དཀར་མོ་དུང་གི་མཆེ་བ་ཅན༔ མཁའ་ལ་འབྱུང་བའི་མཛོད་འབྱིན་མ༔ ལག་ན་སྤུ་གྲིས་སེམས་ཅན་སྒྲོལ༔ ཞལ་དུ་སེམས་ཅན་སྙིང་ཁྲག་འཐུང་༔ སྤྲུལ་པ་ཐོག་དང་སེར་ཆེན་འབེབས༔ ཕོ་ཉ་སུམ་བརྒྱ་དྲུག་ཅུ་འགྱེད༔ སུམ་བརྒྱ་དྲུག་ཅུའི་གཙོ་མོ་སྟེ༔ བསྐལ་པ་བརྒྱད་ཁྲིའི་ཕ་རོལ་ནས༔ དམ་ལ་ཉམས་པའི་བླ་འདྲེན་མ༔ ཉམས་པའི་བླ་དང་སྲོག་ལ་ཡཱ༔ ལྷོ་ཡི་ཕྱོགས་ནས་བྱུང་བ་ནི༔ ནག་པོ་ལྕགས་ཀྱི་ལན་ཚར་ཅན༔ ཁྱུང་གི་ཁྲ་ཐོགས་གཡས་པ་ན༔ བྷནྡྲ་གྲི་ཐོགས་གསོད་ལ་རྔམས༔ མི་སྲུན་མགོ་ལ་གཅེར་བུ་ལན་ཚར་ཅན༔ ཕོ་ཉ་སུམ་བརྒྱ་དྲུག་ཅུ་འགྱེད༔ སུམ་བརྒྱ་དྲུག་ཅུའི་གཙོ་མོ་ནི༔ བསྐལ་པ་བརྒྱད་ཁྲིའི་ཕ་རོལ་ནས༔ དཔག་ཚད་བྱེ་བའི་བླ་སྲོག་འགུགས༔ ཉམས་པའི་བླ་དང་སྲོག་ལ་ཡཱ༔ ནུབ་ཀྱི་ཕྱོགས་ནས་རྒྱུག་པ་ནི༔ དམར་མོ་ཉི་མའི་འོད་འཕྲོ་མ༔ གདུག་པ་འདུལ་ལ་དྲྭ་བ་སེར༔ གསོད་ལ་རྔམས་

― CMR017_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལས་ལ་བརྩོན༔ མཆེ་གཙིགས་གཡང་གཞི་གོས་སུ་གྱོན༔ ཕོ་ཉ་སུམ་བརྒྱ་དྲུག་ཅུ་འགྱེད༔ སུམ་བརྒྱ་དྲུག་ཅུའི་གཙོ་མོ་ནི༔ རབ་ཏུ་མི་སྲུན་བླ་འགུགས་མ༔ ཉམས་པའི་བླ་དང་སྲོག་ལ་ཡ༔ བྱང་གི་ཕྱོགས་ནས་འབྱུང་བ་ནི༔ ལྗང་ནག་འཁྱིལ་པའི་ཐོད་གདེངས་ཅན༔ སེར་མོ་རལ་ཅན་འབུམ་གྱིས་བསྐོར༔ ཕྱག་ན་རལ་གྲི་གསོད་ལ་རྔམས༔ ཕོ་ཉ་སུམ་བརྒྱ་དྲུག་ཅུ་འགྱེད༔ སུམ་བརྒྱ་དྲུག་ཅུའི་གཙོ་མོ་ནི༔ སྔར་ནས་དགྲ་བོའི་བླ་འགུགས་མ༔ ཉམས་པའི་བླ་དང་སྲོག་ལ་ཡཱ༔ བྷྱོ༔ ནམ་མཁའི་ལྷ་མོ་ཕུར་པའི་ལྷ༔ ཕྱག་བརྒྱ་ལྕགས་ཀྱི་ཕུར་པ་འདྲིལ༔ སྤྱན་བརྒྱ་ཁྲག་གི་མཆི་མ་འཛག༔ ཞལ་བརྒྱ་གདུག་པའི་ངན་སྔགས་ཟློ༔ ཚེམས་ཀྱིས་སྐྱེ་ཤི་རྩད་ནས་གཅོད༔ ཕུར་པའི་ལས་མཁན་ཆེན་མོ་སྟེ༔ རབ་ཏུ་མི་སྲུན་ལས་ལ་བརྩོན༔ ཕོ་ཉ་སུམ་བརྒྱ་དྲུག་ཅུ་འགྱེད༔ སུམ་བརྒྱ་དྲུག་ཅུའི་གཙོ་མོ་ནི༔ རྡོ་རྗེའི་སྐུ་གསུང་ཐུགས་ལས་སྤྲུལ༔ ཉམས་པའི་བླ་དང་སྲོག་ལ་ཡཱ༔ དཔལ་གྱི་ཕོ་ཉ་ཁྱེད་རྣམས་ཀྱིས༔ བདག་དང་ཡོན་བདག་འཁོར་བཅས་ལ༔ གནོད་ཅིང་གདུག་པའི་དགྲ་དང་བགེགས༔ ཐམས་

― CMR017_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་གཅིག་ཏུ་བསྡུས་ནས་ཀྱང་༔ ཟུང་ཞིག་བཏོགས་ཤིག་རྣམ་པར་ཆིངས༔ བཏོགས་ཤིག་གྲོགས་དང་བྲལ་བར་གྱིས༔ ཆོད་ཅིག་གཏུབས་ཤིག་རྣམ་པར་གཏོར༔ ཟློག་ཅིག་སྡང་བའི་དགྲ་ཟློག་ཅིག༔ གཡས་སུ་ཆིངས་ལ་གཡོན་དུ་སྒྱུར༔ བྷྱོ་བྷྱོ་སྡང་བའི་དགྲ་ལ་བྷྱོ༔ སྡང་བར་བྱེད་པའི་དགྲ་ལ་བྷྱོ༔ གནོད་པར་བྱེད་པའི་བགེགས་ལ་བྷྱོ༔ སྔོན་ཡང་ཕྲིན་ལས་དགྲ་བགེགས་ཟློག༔ ད་ཡང་ཕྲིན་ལས་དགྲ་བགེགས་ཟློག༔ བློ་བློ་ཟློག་ཟློག་ཧཱུྃ༔ ལྷ་ཆེན་དྲག་པོའི་ངར་དབུགས་ཟློག༔ ལྷ་མ་ཡིན་གྱི་དགྲ་འཐབས་ཟློག༔ སྐེམ་བྱེད་ལྕགས་ཀྱུས་ཟིན་པ་ཟློག༔ དྲང་སྲོང་རྣམས་ཀྱི་དམོད་མོ་ཟློག༔ མ་མོའི་ཐུན་ཟོར་དགྲམ་པ་ཟློག༔ ཕྲ་མེན་མ་ཡི་ཉེས་བྱེད་ཟློག༔ ས་བདག་ཀླུ་ཡི་གདུག་བྱེད་ཟློག༔ ཕོ་ཉའི་རྦོད་གཏོང་འབྱུང་བ་ཟློག༔ འབྱུང་པོའི་ཐོད་ཟོར་འཕེན་པ་ཟློག༔ ཕྱི་མོས་ཉུང་ཟོར་འཕེན་པ་ཟློག༔ མུ་སྟེགས་བོན་པོའི་བྱོལ་ཟོར་འཕེན་པ་ཟློག༔ བནྡེས་ཧོམ་སྤར་སྔགས་བྱང་ཟློག༔ ཞང་ཞུང་བོན་པོའི་ཛོ་དམར་ཟློག༔ སུམ་པའི་གླང་དང་གླིང་སྐྱེས་ཟློག༔ མེ་ཉག་གིས་ནི་འབོགས་འདྲེ་ཟློག༔ ཁྱུང་པོས་གླང་དང་བཙན་ལྡང་བྱེད་

― CMR017_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཟློག༔ མུ་སྟེགས་ཕྱི་པའི་ངན་སྔགས་ཟློག༔ ཡས་ཀྱི་བདུད་དུ་གཡོས་པ་ཟློག༔ མས་ཀྱི་སྲི་རུ་ལྡང་བ་ཟློག༔ ལྟག་པའི་བདུད་དུ་ལྟ་བ་ཟློག༔ དཔྲལ་བའི་གཤེད་དུ་འཁོར་བ་ཟློག༔ ཕོ་སྲི་མོ་སྲི་ཆེ་སྲི་ཆུང་སྲི་ཟློག༔ གཞོན་སྲི་གོད་སྲི་དབུལ་སྲི་ཟློག༔ ཕ་མྱེས་ཡང་ཀྱི་དུར་བཙན་ཟློག༔ བདུད་ཀྱི་ཕྱག་བརྙན་ངན་ཐབས་ཟློག༔ ལོ་ཀག་ཀེའུ་གཤེད་བཞི་ཟློག༔ ས་ལ་ཞག་གྲངས་གནམ་ལ་སྐར་རྩིས་ཟློག༔ གནམ་གྱི་དལ་ཁ་ད་ཟློག་ཅིག༔ མཐའ་ཡི་དལ་ཁ་བཅས་པ་ཟློག༔ བྱ་ཉེས་མནའ་དྲི་བསྡུ་བ་ཟློག༔ ཡུལ་མི་ཁྱིམ་མཚེས་དམོད་མོ་ཟློག༔ གཡས་ནས་ཕོ་བརྒྱའི་མདའ་འཕེན་ཟློག༔ གཡོན་ནས་མོ་བརྒྱས་དུག་སྦྱོར་ཟློག༔ སྔོན་ནས་རྩང་བཞིན་སྡོད་པ་ཟློག༔ རྒྱབ་ནས་ཁྱི་བཞིན་འབྲང་བ་ཟློག༔ མོ་ངན་སོག་སྡིག་རྨིས་ངན་ཟློག༔ སྲོད་ལ་བྱ་ཕོ་གྲགས་པ་ཟློག༔ ཐོ་རངས་སྒོ་ཁྱི་དུ་བ་ཟློག༔ འུག་པ་སྲོད་ལ་དགོད་པ་ཟློག༔ སྲིན་བྱའི་ལྟས་ངན་གནོད་པ་ཟློག༔ བལ་པོ་མང་པོའི་སྐྱོགས་ཟེར་ཟློག༔ བལ་མོ་མང་པོའི་ངན་སྔགས་ཟློག༔ སྔ་ཞགས་མདའ་ལྟར་འཕེན་པ་ཟློག༔ ཕྱི་ཞགས་དུད་ལྟར་འཐུལ་བ་

― CMR017_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོགས་སུམ་བརྒྱ་དྲུག་ཅུ་ཟློག༔ ཕ་ཚན་ཆེན་པོའི་རྒྱབ་འདྲེ་ཟློག༔ དར་ཚན་ཆེན་པོའི་སྟོང་འདྲེ་ཟློག༔ ཉེ་བ་ཡི་ནི་བྱོལ་ཁཟློག༔ ཕུ་བོ་ནུ་བོའི་བྱོལ་ཁ་ཟློག༔ ཡས་ཀྱི་བདུད་དཔུང་བྱེད་པ་ཟློག༔ བྱུར་གྱི་སྣ་འདྲེན་བྱེད་པ་ཟློག༔ ལུས་ལ་ནད་དུ་བཏང་བ་ཟློག༔ ཚེ་ལ་བར་དུ་གཅོད་པ་ཟློག༔ ལྐོག་ནས་འབུ་བཞིན་གཡེང་བ་ཟློག༔ ངོ་ལ་གདོང་ཐུག་བྱེད་པ་ཟློག༔ ལུས་ལ་སྦྲུལ་ལྟར་འཁྲིལ་བ་ཟློག༔ ངོ་ལ་སྤེལ་ལྟར་འཛེགས་པ་ཟློག༔ མི་ཁ་བྲ་མཆུ་ཐམས་ཅད་ཟློག༔ སྦྱོར་བ་ངན་པ་ཐམས་ཅད་ཟློག༔ མཐུ་སྒྲུབ་བྱེད་ཁ་ཐམས་ཅད་ཟློག༔ ཕུར་ཁ་གཏད་ཁྲམ་ཐམས་ཅད་ཟློག༔ སྔགས་བྱད་དམོད་བྱད་ཐམས་ཅད་ཟློག༔ སྡང་བའི་གྲ་དང་གནོད་པའི་བགེགས༔ དཔལ་ཆེན་ཁྲག་འཐུང་འཁོར་བཅས་ཀྱིས༔ ཐམས་ཅད་གཅིག་ཏུ་བསྡུས་ནས་ནི༔ བཤགས་དང་སྦྱང་བ་བརྩམས་ནས་ཀྱང་༔ རྡུལ་ཕྲན་བཞིན་དུ་བརླག་པར་མཛོད༔ ཚལ་པ་ཚལ་པ༔ རྡུལ་ཕྲན་རྡུལ་ཕྲན༔ ཕྱེ་མ་ཕྱེ་མ༔ བྷྱོ་བྷྱོ༔ ཟློག་ཟློག༔ ད་ནི་བདག་ལ་སྦྱོར་བ་ངན་པ་བཏང་བ་དེ་ལ་ཕར་རྒོལ་བར་བསམ་སྟེ༔ དེ་ནས་

― CMR017_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་འཕངས་ཏེ༔ བདག་ལ་སྦྱོར་བ་ངན་པ་བྱེད་པའི་སྟེང་དུ་རི་བོང་གི་མགོ་གཅིག་དགྲ་བོར་དམིགས་ཏེ་བཞག༔ དེ་ཡི་ཁར་མིང་རུས་བཞག༔ མདའ་བྱ་རྒོད་མ་གཅིག༔ འག་སྒྲོག་པ་མ་གཅིག༔ ཁྲ་སྒྲོ་མ་གཅིག༔ བྱ་རོག་མ་གཅིག༔ གདོང་ལ་ར་ཁྲག་གིས་བྱུག་ཛབྲི༔ རྩེ་མོ་ལ་ཧཱུྃ་བྲི༔ མདེའུའི་རྩ་བར་རྐེ་ཚེ་ཉུངས་དཀར༔ པི་པི་ལིང་དང་དེ་རྣམས་ཀྱིས་བྱུག་ལ༔ དེ་ནས་གཞུ་ཡི་ཐག་པ་ལ་ར་ཁྲག་གིས་ཧཱུཾ་དང་ཡ་བྲིས་ལ་བདག་ཉིད་ཁྲ་མེན་མ་བསྲེ་ཡི་གདོང་ཅན་ཅིག་ཏུ་བསྒོམས་ལ༔ ཙོའུ་རི་མའི་ཕྱག་རྒྱས་འཕངས་ཏེ༔ ཧཱུྃ༔ གཞུ་ནི་གནམ་ལྕགས་ཞུན་མ་ལ༔ ཟངས་ལྕགས་ཞུན་མའི་རྒྱུན་ཐག་སྟེ༔ གང་གང་ཆུམ་ཆུམ་རྣོ་དྲག་བཞེངས་སུ་གསོལ༔ ཞེས་པས་གཞུ་བདུང་ངོ་༔ དེ་ནས་མདའ་གསིལ་ཞིང་མདའ་ལྟོང་སྦྱར་ལ༔ ཧཱུྃ༔ མདའ་ནི་ལྕགས་མཚོན་དྲག་པོ་ལ༔ མཛེས་པའི་རྡོ་རྗེ་འབར་བའི་མདའ༔ ཐབས་ཀྱི་གཤོག་འབར་བཞི་ཡིས་སྒྲོན༔ མདའ་བཞི་གློག་ལྟར་འགྱུ་བའི་མདའ༔ དྲག་འཕངས་གནོད་བྱེད་ཙིཏྟ་འབིགས༔ ཅེས་ལྟོང་དུ་ཞུག༔ ཧཱུྃ༔ མིང་པོ་རྡོ་རྗེས་གོ་གྱོན་ལ༔ སྲིང་མོ་རྡོ་རྗེས་མཚོན་ཐོགས་ཤིག༔ མིང་པོ་རྡོ་རྗེས་གཡུལ་ཤོམས་ཤིག༔ སྲིང་མོ་རྡོ་རྗེས་དམག་སྣ་དྲོངས༔ དགྲ་བོའི་ཡུལ་དུ་དམག་སྣ་དྲོངས༔ དགྲ་ལྷའི་རྒྱལ་པོ་དམག་ལ་འདུས༔

― CMR017_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱི་ཡུལ་དུ་ཟོར་འཕེན་ན༔ དམག་གི་རྒྱལ་མོས་ཟོར་སྣ་དྲོངས༔ ད་ནི་འཕེན་པའི་དུས་ལ་བབ༔ སྟེང་གི་ལྷ་ལ་ཟོར་མི་འཕེན༔ སྟེང་གི་ལྷ་ཡང་དཔང་མཛོད་ཅིག༔ འོག་།གི་ཀླུ་ལ་ཟོར་མི་འཕེན༔ འོག་གི་ཀླུ་ཡང་དཔང་མཛོད་ཅིག༔ བར་གྱི་ལྷ་སྲིན་རྣམས་ལ་ཟོར་མི་འཕེན༔ བར་གྱི་ལྷ་སྲིན་རྣམས་ཀྱང་དཔང་མཛོད་ཅིག༔ ཕོ་ལྷ་གཉན་ལ་ཟེར་མི་འཕེན༔ ཕོ་ལྷ་གཉན་ཡང་དཔང་མཛོད་ཅིག༔ དགྲ་བླ་གཉན་ལ་ཟོར་མི་འཕེན༔ དགྲ་བླ་གཉན་ཡང་དཔང་མཛོད་ཅིག༔ བར་གྱི་གཉན་ལ་ཟེར་མི་འཕེན༔ བར་གྱི་གཉན་ཡང་དཔང་མཛོད་ཅིག༔ འགོ་བའི་ལྷ་ལ་ཟོར་མི་འཕེན༔ འགོ་བའི་ལྷ་ཡང་དཔང་མཛོད་ཅིག༔ གཅེས་པའི་སྲུང་མ་རྣམས་ལ་ཟོར་མི་འཕེན༔ གཅེས་པའི་སྲུང་མ་རྣམས་ཀྱང་དཔང་མཛོད་ཅིག༔ ཕུག་ལྷ་རྨ་གཡང་རྣམས་ལ་ཟོར་མི་འཕེན༔ ཕུག་ལྷ་རྨ་གཡང་རྣམས་ཀྱང་དཔང་མཛོད་ཅིག༔ ཡུལ་ལྷ་གཞི་བདག་རྣམས་ལ་ཟོར་མི་འཕེན༔ ཡུལ་ལྷ་གཞི་བདག་རྣམས་ཀྱང་དཔང་མཛོད་ཅིག༔ ཟོར་འཕེན་སྡང་བའི་དགྲ་ལ་འཕེན༔ ཟོར་འཕེན་གནོད་པའི་བགེགས་ལ་འཕེན༔ དམིགས་པའི་དགྲ་བོ་འདི་ལ་འཕེན༔ བསྲེ་ཡི་ཐག་

― CMR017_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ༔ གསེར་གྱི་བྲུལ་ཞིག་བཏགས༔ ལྕགས་ཀྱི་མཆོག་མ་ལ༔ ཟངས་ཀྱི་སྣལ་མས་བསྡམས༔ འབྲོང་རྒོད་རྒྱུད་ཀྱང་སྦས༔ དབང་གི་ཟོར་གཞུ་བྱས༔ ལྷོ་ཁ་མོན་ཡུལ་ནས༔ བསྲེ་སྨྱུག་ལྡེམ་པ་བླངས༔ ལྕགས་བྲག་གསེར་ཤོད་ནས༔ གནམ་ལྕགས་མདེལ་གྱིས་མཐུད༔ བྲག་བྱ་འུག་པ་དང་༔ རིག་པ་ཕོ་རོག་བསད༔ མདའ་ལ་སྒྲོ་ཡིས་སྒྲོན༔ འབྲོང་བུའི་སྤྲིན་གྱིས་བསྡམས༔ གདུག་ཤིང་ཚེར་མ་ཅན༔ ཟུར་ནི་རྣོན་པོར་བཞོགས༔ མདའ་ཡི་མདེའུ་བཙུགས༔ བསྲེ་མདའ་རྒྱུས་པས་དཀྲིས༔ བསྲེ་ཡི་སྐྱེས་བུའི་ཕྱག་ཏུ་གཏད༔ མདའ་ཟོར་འཕེན་པའི་དུས་ལ་བབ༔ སྡང་བར་བྱེད་པའི་དགྲ་ལ་ཡཱ༔ གནོད་པར་བྱེད་པའི་བགེགས་ལ་ཡཱ༔ དམིགས་པའི་དགྲ་བགེགས་འདི་ལ་ཡཱ༔ ཁ་ཁ་རཀྵ་ཕ་ལ་བྷྱོ་བྷྱོ༔ བཛྲ་ནག་ཁྲིད་དུ་ན་བྷྱོ༔ བདག་ཁ་ཤར་དུ་རྒྱུ་ལ་མདའ་རྒོད་སྒྲོ་མ་བཀང་ལ༔ ཧཱུྃ༔ ནམ་མཁའ་འོད་ཀྱི་དཀྱིལ་འཁོར་ནས༔ རྒོད་ཀྱི་མགོ་སྟེ་ཕྲ་མེན་མ༔ ཀྲོ་ཏ་ཧ་ཧ་བརྗོད་ནས་ཀྱང་༔ ཤར་གྱི་ཕྱོགས་སུ་ཁ་བལྟས་ནས༔ རླུང་ཤུགས་དྲག་པོས་སྐྱོད་པ་འདི༔ དཀར་ནག་མཚམས་སུ་བརྒྱབས་པ་ཡིས༔ དྲན་པ་མེད་པར་འཆི་

― CMR017_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ངེས༔ ཀྲྀཏ་མུ་ཁ་ཛ་ཆུད༔ ལྷོར་ཁ་བལྟས་ལ་འུག་སྒྲོ་མ་ལྟོང་དུ་བཅུག་ལ༔ ཧཱུྃ༔ ལྕགས་ལྟོང་འབར་བའི་དཀྱིལ་འཁོར་ནས༔ བསྲེ་མདའ་འུག་པའི་མགོ་བོ་ཅན༔ ཧེ་ཧེ་ཐང་གསུམ་བརྗོད་ནས་ཀྱང་༔ ལྷོ་ཡི་ཕྱོགས་སུ་ཁ་བལྟས་ནས༔ གསེར་མིག་གསལ་པའི་མིག་བཙུམས་ནས༔ རྭ་ཙ་ཞེས་པའི་སྔགས་བཟླས་པས༔ ལྟོང་དམར་འུག་པས་སྒྲོན་པའི་མདའ༔ གང་ལ་དམིགས་ཏེ་འཕངས་བྱས་ན༔ ཐེ་ཚོམ་མེད་པར་འཆི་བར་འགྱུར༔ ཧུ་ལུ་མུ་ཁ་མཱ་ར་ཡ་ཕཊ༔ ནུབ་ཏུ་ཁ་བལྟས་ལ་ཁྲ་སྒྲོ་མ་ལྟོང་དུ་བཅུག་ལ༔ ཧཱུྃ༔ ཞེ་སྡང་འབར་བའི་དཀྱིལ་འཁོར་ནས༔ ལྕགས་ཀྱི་བྱ་ཁྲ་འབར་བ་ལ༔ ནུབ་ཀྱི་ཕྱོགས་སུ་ཁ་བལྟས་ནས༔ ལྟོང་དམར་ཁྲ་ཡི་སྒྲོ་བསྒྲོན་འདི༔ སྡང་དགྲ་གནོད་བྱེད་གང་ཡང་རུང་༔ མཁལ་མ་སྙིང་དང་ནང་རོལ་རྣམས་ཞེ་སྡང་བསྐྱེད་ནས་ལེན་པར་བྱེད༔ རྭ་ཙ་མུ་ཁ་མཱ་ར་ཡ་རྦད༔ བྱང་དུ་ཁོ་བལྟས་བྱ་རོག་མ་ལྟོང་དུ་བཅུག་ལ༔ ཧཱུྃ༔ མཐིང་ནག་འབར་བའི་དཀྱིལ་འཁོར་ནས༔ བྱ་རོག་མགོ་སྟེ་ཕྲ་མེན་མ༔ ཀྲོག་སྒྲ་ཐང་གསུམ་བྱས་ནས་ནི༔ བྱང་གི་ཕྱོགས་སུ་ཁ་བསྟན་ནས༔ དང་རུ་གཡས་པས་སྒྲོན་པའི་མདའ༔ སྡང་བའི་དགྲ་ལ་འཕངས་

― CMR017_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚེ༔ མཱ་ར་ཡ་ཡི་སྔགས་བཟླས་ཤིང་༔ ཀླད་པའི་སྟེང་དུ་བརྒྱབ་པའི་ཚེ༔ སྨ་ཉམས་མེད་པར་འཆི་བར་འགྱུར༔ ལྭ་ཁ་མུ་ཁ་མཱ་ར་ཡ་ཐུན་ཡ༔ ཞེས་པས་ཟང་ཟང་བྱུང་བར་བསམ༔ བྷྱོ༔ ད་ནི་འཕེན་པའི་དུས་ལ་བབ༔ སྐྱེས་བུ་ཆེན་པོའི་དུས་ལ་བབ༔ དགྲ་བོའི་སྙིང་ལ་མདའ་ཟོར་ཡ༔ བསྲེ་ཡི་སྐྱེས་བུ་གདུག་པ་ཅན༔ ཆིབས་སུ་བསྲེ་རྟ་དམར་པོ་ཆིབས༔ སྐུ་ལ་བསྲེ་ཁྲབ་སྨུག་པོ་གསོལ༔ དབུ་ལ་བསྲེ་ཡི་རྨོག་ཞུ་གསོལ༔ ཕྱག་ན་བསྲེ་ཡི་མདུང་དམར་བསྣམས༔ ཁེངས་པར་བཀང་ལ་ཕོག་པར་རྒྱོབ། རྣམ་ཤེས་བརྒྱད་ལ་གཟེར་ཆེན་གྱོབ༔ གཞུ་མོ་རྒྱུད་དུ་བདུངས་པའི་མདའ༔ དམ་ཉམས་སྙིང་ལ་གཟེར་ཆེན་ཕོབ༔ དེ་ཡི་ཡུམ་ཆེན་གཏུམ་མོ་ནི༔ ནག་མོ་ཁ་ལ་དབང་ཕྱུག་གཙོ༔ རི་རབ་ངོས་ལ་སྐུ་བརྟེན་མ༔ ཕྱག་ནི་སྟོང་ཁམས་ཀུན་ཏུ་ཉུལ༔ ཚེ་དང་སྲོག་གི་བདག་མོ་བྱེད༔ ཞབས་ནི་རྒྱ་མཚོའི་གཏིང་ན་སྐྱོང་༔ ཀླུ་བྲན་རྣམས་དང་དགྱེས་སྡེ་མོ༔ ཁྱེད་ཀྱི་ཐུགས་དམ་དུས་ལ་བབ༔ དམ་ཉམས་དགྲ་བོ་ལས་ངན་གྱི༔ སྙིང་གི་དཀྱིལ་དུ་མདའ་ཟོར་རྒྱོབ༔ བྷྱོ༔ ཞེ་སྡང་རྡོ་རྗེ་མཐུ་མོ་ཆུང་༔ འཕྲུལ་གྱི་མེ་ལོང་སྤྱན་

― CMR017_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བརྟུལ༔ ཕྱག་གཡས་དེ་ནི་ཐེབ་མ་ཞེན༔ བསེ་ཡི་ལག་འབྲས་བང་མ་བྲེལ༔ སྒང་ནན་སྒང་ཆུང་ནན་མ་ཆུང་༔ ཉུངས་དཀར་རྒྱལ་པོ་མཐུ་མ་ཆུང་༔ གདུག་པའི་ཟོར་མདའ་རྩལ་མ་ཞན༔ བསྲེ་ཡི་གཞུ་སྒྲ་འུ་རུ་རུ༔ ལྕགས་ཀྱི་མདའ་སྒྲ་ཤ་ར་ར༔ གཞུ་རྒྱུད་རྒྱུད་དུ་མ་ཆད་ཅིག༔ མདའ་འཕང་སླར་ལ་མ་ལྡོག་ཅིག༔ མདེལ་གྱི་རྩེ་ལ་མེ་འབར་བས༔ གཟུགས་ཀྱི་ཕུང་པོ་གཏིང་ནས་སྲེགས༔ སྡང་བའི་དགྲ་ལ་མདའ་ཟོར་ཡཱ༔ བསམ་པར་བྱེད་པ་སྙིང་ཡིན་པས༔ སྙིང་གི་དཀྱིལ་དུ་མདའ་ཟོར་ཡ༔ བལྟ་བའི་མིག་ལ་མདའ་ཟོར་ཡ༔ ཉན་པའི་རྣ་ལ་མདའ་ཟོར་ཡ༔ སྣོམ་པའི་སྣ་ལ་མདའ་ཟོར་ཡ༔ འགྲོ་བྱེད་རྐང་ལ་མདའ་ཟོར་ཡཱ༔ ཉུལ་བྱེད་ལག་ལ་མདའ་ཟོར་ཡཱ༔ སྲིད་པའི་ལྟེ་བའི་ནང་དུ་རྒྱོབ༔ ཆགས་པའི་གཞི་མ་དྲུངས་ནས་ཕྱུངས༔ དཔྲལ་བར་སྐུ་ཡི་མཚམས་སུ་ཡཱ༔ ཚེ་ཡི་ཕུང་པོ་གཏིང་ནས་ཤིག༔ སྟེང་གི་ཁྱོ་ལ་མདའ་ཟོར་ཡཱ༔ འོག་གི་ཆུང་མར་མདའ་ཟོར་ཡཱ༔ ཡུལ་མཁར་ཞིང་ལ་མདའ་ཟོར་ཡཱ༔ ཁྱད་པར་དམིགས་པའི་དགྲ་བགེགས་འདི་ལ་མདའ་ཟོར་ཡཱ༔ མཱ་ར་ཡ་བྷྱོ༔ བྱད་ཁ་དང་ཕུར་ཁ་ཐམས་ཅད་ཟློག་

― CMR017_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག༔ ཅེས་མདེའུ་ལ་མེ་སྦར་ལ་དགྲ་ཕྱོགས་སུ་འཕེན༔ ཀི་ལཱ་ཡ་ཡིས་གདབ༔ ཉུངས་དཀར་གྱིས་བྲབ༔ ཐོ་བས་བརྡུང་ངོ་༔ ལས་ཀྱི་མདེའུ་ཐུང་ཀུན་གྱིས་གཟིར༔ སླར་ལོག་ལ་ཚེ་ཆོག་དྲག་ཏུ་བྱའོ༔ དེ་ལྟར་ཅི་ལ་བྱས་ཀྱང་ཐོགས་པ་མེད་པར་གདོན་མི་ཟ་བར་འགྲུབ་ངེས་སོ༔ སྤྱི༔ དེ་ནས་བདག་ཉིད་ཁྲོ་བོ་མི་གཡོ་མགོན་པོར་བསྒོམས་ལ༔ རལ་གྲིའི་སོ་ལ་ཡི་གེ་ཛཿབྲིས་ལ༔ གཏུབས་པ་ནི་འདི་སྐད་དོ༔ ཧཱུྃ༔ ང་ནི་མི་གཡོ་མགོན་པོ་སྟེ༔ ཡེ་ཤེས་གློག་གི་རལ་གྲི་འདིས༔ སྐྱེ་འཆི་འཁོར་བ་རྒྱུན་བཅད་ནས༔ བླ་མེད་གནས་སུ་བསྒྲལ་བར་བྱ༔ ཏིག་སྣ་ཏིག་སྣ་ཚིནྡྷ་ཚིན་མཱ་ར་ཡ་ཕཊ༔ ཅེས་པས་མགོ་བོ་དགྲ་བགེགས་སུ་བསམ་ལ་དུམ་བུ་གསུམ་དུ་བཅད་ལ༔ གཅིག་གཏོར་མར་འབུལ༔ གཅིག་མནན་པ་བྱས༔ ཕྱི་འདོར་བྱ༔ རྡོ་རྗེ་རྒྱ་གྲམ་གྱིས་མནན༔ བདག་ཉིད་ལ་ཕྱིར་མི་ཚུགས་པར་བྱ་བའི་ཕྱིར༔ ལུས་ལ་རྡོ་རྗེའི་གོ་གྱོན་ནས་བསྲུང་བ་བྱ༔ མཚམས་དྲག་ཏུ་བཅད་ཕར་རྒོལ་བའི་ཕྲིན་ལས་སོ༔ སྤྱི༔ གུ་ཧྱ༔ ཨེ་མ་ངོ་མཚར་རྨད་ཀྱི་ཆོས༔ ལས་འདི་བརྩམ་པར་མི་འོས་ཏེ་དུས་ངན་ཐ་མ་བྱུང་བའི་ཚེ༔ དམ་ཉམས་མང་ཞིང་བཀུར་སྟི་་ཚོལ༔ འཇིག་རྟེན་འདི་ཕྱི་ཅི་ཡང་མེད༔ བཀའ་དང་འགལ་བའི་སྐྱེ་བོ་འབྱུང་༔ དེ་འདྲའི་དུས་སུ་ཕྲིན་ལས་འདི༔ དམ་ཉམས་སྲོག་གཤེད་བྱེད་པར་ཤོག༔ ལོག་ལྟ་ཅན་རྣམས་སྒྲོལ་བར་ཤོག༔ ཁ་ནས་ཆོས་བཤད་འདོད་སྲིད་ཀྱི༔

― CMR017_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ལོག་འཚོ་འཚོལ་བའི་གཉེན་པོར་ཤོག༔ ཆོས་ལ་བརྙད་བཏགས་འདོད་པ་ཡི༔ ངོ་ཚ་བྲལ་བའི་བདུད་དུ་ཤོག༔ སངས་རྒྱས་བསྟན་ལ་དམག་མི་དང་༔ ཟོར་གྱིས་སྲུང་སྐད་ཟེར་བ་ཡི༔ སྲོག་གི་གཤེད་མར་དབབ་པར་ཤོག༔ དཀོན་མཆོག་རྣམས་ལ་སྙད་བཏགས་ནས༔ རང་སེམས་འདོད་པས་རྒྱལ་བ་ཡིས༔ ཚེ་འདིར་ལྷ་ཆོས་བརྟེན་ནས་ཀྱང་༔ གྲགས་པ་འདོད་པས་རྙེད་བཀུར་ཚོལ༔ དམག་དང་ཁྲམ་གྱིས་ཟས་ནོར་འཕྲོག༔ མི་དགེའི་ལོག་འཚོས་མི་ཚེ་སྤྱོད་པ་ཡི༔ བདུད་དུ་མྱུར་བར་དབབ་པར་ཤོག༔ རིག་འཛིན་ང་ཡི་དམོད་མོ་འདི༔ དམ་ཉམས་རྣམས་ལ་སྡིག་པར་ཤོག༔ པདྨ་ང་ཡི་བཀའ་འདི་ཡིས༔ སངས་རྒྱས་བསྟན་པ་དར་བར་ཤོག༔ སངས་རྒྱས་བསྟན་པ་ནུབ་པའི་ཚེ༔ དམ་ཉམས་རྣམས་ནི་མང་བའི་དུས༔ རྫུན་མ་ཟོབ་ཅན་མང་བའི་དུས༔ སྨྱོན་པ་རང་འདོད་སྐྱེ་བོ་བསླུ་བའི་དུས༔ དགེ་འདུན་དམག་དང་ཁྲམ་ལ་ཞུགས་པའི་དུས༔ པདྨ་ང་ཡི་ཆོས་འདི་དར་བར་ཤོག༔ དམ་པ་རྣམས་ནི་བྱིན་རླབས་ཆེ་བར་ཤོག༔ རྡོ་རྗེ་ནང་དམེ་ཞེས་ཀྱང་བྱ༔ ངན་སྔགས་ཕྱིར་ཟློག་ཅེས་ཀྱང་བྱ༔ ཕུར་པའི་དབལ་མདོས་ཞེས་ཀྱང་བྱ༔ འཁོར་ལོའི་གདམས་ངག་ཅེས་ཀྱང་བྱ༔ མན་ངག་ཐུགས་འཁོར་ཞེས་ཀྱང་བྱ༔ སྲོག་གི་སྤུ་གྲི་ཞེས་ཀྱང་བྱ༔ པདྨ་ང་ཡི་བཞག་པ་འདི༔ དམ་ཉམས་ལག་ཏུ་ཤོར་མི་རུང་༔ ས་མ་ཡ་ན་ར་ཀན༔ གུ་ཧྱ༔ རྒྱ་རྒྱ་རྒྱ༔ ཁ་ཐཾ༔ སྤྲུལ་སྐུ་རཏྣ་གླིང་པའི་གཏེར་མའོ༔ ༧ ནང་ཆེན་བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕུར་པ་ཡང་གསང་བླ་མེད་དོན་གྱི་སྙིང་པོ་ལས་ཁྱུང་ཟློག་དང་གཏོར་ཟློག་དང་དབལ་མདོས་སོ་སོར་སྦྲག་མའི་སྒོ་དབྱེ་དང་སྨད་ཆ་ཟོར་ལས་རྣམས།

― CMR017_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་དོན་གྱི་སྙིང་པོ་ལས༔ ཁྱུང་ཟློག་དང་༔ གཏོར་ཟློག་དང་༔ དབལ་མདོས་སོ་སོར་སྦྲག་མའི་སྒོ་དབྱེ་དང་སྨད་ཆ་ཟོར་ལས་རྣམས་བཞུགས་སོ༔

― CMR017_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་ག་རུ་ཊ་ཧཱུྃ་ཕཊ༔ ཧཱུྃ་བྷྱོ༔ ཁྲོཾ་བྷྱོ༔ ཧཱུྃ༔ ཁྲོ་རྒྱལ་ཀུན་འདུས་རྡོ་རྗེ་གཞོན་ནུ་ཆེ༔ དབུ་གསུམ་ཕྱག་དྲུག་འཇིགས་པའི་སྐུ༔ དུར་ཁྲོད་ཆོས་བརྒྱད་སྐུ་ལ་བརྒྱན་༔ ཕྱག་དྲུག་གདུག་པའི་མཚོན་ཆ་བསྣམས༔ ཁྲོ་ཆུང་ཉེར་གཅིག་སྐུ་ལ་ས་སྤྲུལ་སངས་རྒྱས་ཐམས་ཅད་འདུས་པའི་སྐུ༔ སྤྲུལ་པའི་ཁྱུང་ཆེན་སྟོབས་པོ་ཆེ༔ དབུ་ཡི་སྟེང་ན་བརྗིད་པར་བརྒྱན་༔ ལྕགས་ཀྱི་རྭ་དང་མཆུ་སྡེར་ཅན༔ སྤུ་གྲིའི་གཤོག་ཅན་དམར་ཟླུམ་སྤྱན༔ ཁྲོ་བོའི་སྤྱན་གྱིས་སྡང་མིག་གིས༔ དྲེད་མོང་རལ་འཛིངས་ལྟས་ངན་ཟློག་༔ གཡས་གཤོག་དང་པོ་བརྡབས་

― CMR017_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིས༔ འབྲུག་སེང་འཐབས་པའི་ལྟས་ངན་ཟློག༔ གཡས་གཤོག་གཉིས་བརྡབས་པ་ཡིས༔ སྟག་སེང་འཛིངས་བའི་ལྟས་ངན་ཟློག༔ གཡས་གཤོག་གསུམ་པ་བརྡབས་པ་ཡིས༔ བུད་མེད་རལ་འཛིངས་ལྟས་ངན་ཟློག༔ གཡས་གཤོག་བཞི་པ་བརྡབས་པ་ཡིས༔ དབྱིག་གི་ནོར་བུའི་ལྟས་ངན་ཟློག༔ གཡས་གཤོག་ལྔ་པ་བརྡབས་པ་ཡིས༔ ལྕི་བ་ཟས་ཀྱི་ལྟས་ངན་ཟློག༔ གཡོན་གཤོག་དང་པོ་བརྡབས་པ་ཡིས༔ མེ་ཏོག་བཅུད་ཉམས་ལྟས་ངན་ཟློག༔ གཡོན་གཤོག་གཉིས་པ་བརྡབས་པ་ཡིས༔ ལྡི་བས་སྐྱོད་པའི་ལྟས་ངན་ཟློག༔ གཡོན་གཤོག་

― CMR017_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་བརྡབས་པ་ཡིས༔ གཏེར་གྱི་བཅུད་ཉམས་ལྟས་ངན་ཟློག༔ གཡོག་གཤོག་བཞི་པ་བརྡབས་པ་ཡིས༔ སེང་གེ་ངུ་འབོད་ལྟས་ངན་ཟློག༔ གཡོན་གཤོག་ལྔ་པ་བརྡབས་པ་ཡིས༔ རྣོ་དབལ་མཚོན་གྱི་ལྟས་ངན་ཟློག༔ རྨ་བྱ་གཡེང་བའི་ལྟས་ངན་ཟློག༔ གཡུ་སྒོང་སྔོན་པོ་ཡར་བ་ཟློག༔ ལྕགས་ཀྱི་སེར་བ་འབེབས་པ་ཟློག༔ ཤེལ་སྒོང་ནང་དུ་དུག་གཡོས་ཟློག༔ ཟངས་སྒོང་དམར་པོ་འདྲིལ་བ་ཟློག༔ ཉི་མ་སྤྲིན་གྱིས་འཁྲུགས་པ་ཟློག༔ འཚུབ་མ་མང་པོ་སྙིང་བཏགས་ཟློག༔ སེང་གེ་གངས་ནས་ལྷུང་བ་ཟློག༔ ཤེལ་གྱི་སྒོ་ང་ཡར་བ་ཟློག༔ སྤྲིན་ཆེན་ཡར་བའི་ལྟས་ངན་ཟློག༔ བོང་བུའི་བཅུད་ཟན་ཟག་པ་ཟློག༔ དབང་མོ་ཉི་ཤུ་རྩ་བརྒྱད་ཀྱི༔ ལྟས་ངན་བཅུ་གསུམ་སླར་ལ་ཟློག༔ ཁྱུང་གི་མཇུག་སྒྲོ་འབར་བ་ཡིས༔ སྤུ་སྡུག་ཉམས་པའི་ལྟས་ངན་ཟློག༔ རྒྱལ་མོ་བཞི་དང་བློན་མོ་བཞི༔ སྤྲུལ་པའི་འོད་ཕྲེང་ལྟས་ངན་ཟློག༔ ཧཱུྃ༔ ཁྲོ་རྒྱལ་ཁམས་གསུམ་ཧཱུཾ་སྒྲ་སྒྲོགས༔ ཟངས་ཁྲབ་གསོལ་ནས་མདུང་དམར་ཐོགས༔ བ་དན་རྩེ་གསུམ་གཡབ་པའི་ཚེ༔ ལྷ་སྲིན་དབང་སྡུད་དགྲ་བགེགས་གསོད༔ བདུད་དཔུང་འཇོམས་ཤིང་སྲོག་

― CMR017_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་དབང་༔ མདུང་དམར་དབལ་གྱིས་ལོག་འདྲེན་སྒྲོལ༔ དགྲ་བགེགས་ཐམས་ཅད་བཟློག་ཏུ་གསོལ༔ བྷྱོ་བྷྱོ་སྡང་བའི་དགྲ་ལ་བྷྱོ༔ ཟློག་ཟློག་གནོད་པའི་བགེགས་ལ་ཟློག༔ མདུན་བསྐྱེད་དབུ་ལ་ཁྱུང་གིས་བརྒྱན་པ་ལས་ཁྱུང་མང་པོ་འཕྲོས་པས༔ ལྟས་ངན་གཏད་སེལ་ཐམས་ཅད་གཤོག་པས་བརྡབ༔ རྭ་ཡིས་རྡུང་༔ མཆུ་ཟོས་ནས་བརླག་པར་སྒོམས༔ སྐབས་འདིར་ལྷག་མ་ཕུལ་ལ་རྩང་གྱེར་འདོན༔ ཅུང་གྱེར་མེད་ཀྱང་ཆོག་སྟེ་གཞུང་ནས་མ་གསུངས་སོ༔ དེ་ལྟར་ཞག་དུ་བྱེད་ལ་བཟློག་གཞུང་ཚར་རེའི་ཆོག༔ ཐུན་བཞིའམ་དྲུག་ལ་སོགས་ལ༔ ཐུན་མགོར་བསྙེན་པ་ཅི་ནུས་བྱེད༔ བདག་མདུན་གྱི་ལྷ་ཐམས་ཅད་ཀྱིས་སྔགས་སྒྲ་དི་རི་རི་སྒྲོག་པར་བསྒོམས་ལ༔ སྟོང་ཕྲག་གམ་ཅི་རིགས་དང་༔ ཐུན་མཇུག་ཏུ་ཟློག་སྔགས་འདི་ཉེར་གཅིག་གམ་བདུན་ཙམ་བརྗོད༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཧཱུྃ༔ བདུད་པྲ་མཱ་ར་ཡ་ཆད་ནན༔ ཁ་ལ་ཛ་མ་ལི་རྦད་ནན༔ རཱ་ཙ་དུ་ལིང་ཤག་རྦད་ནན༔ ཤིག་ཤིག་དུ་དུ་ཟད་ནན༔ ཚལ་པ་ཚལ་པ་ཟད་ནན༔ ཁྲོ་ཁྲོ་བྷྱོ་རྦད་ནན༔ རྨུགས་རྨུགས་ཆད་ནན༔ ཏིར་ཏིར་རྦད་ནན༔ ཚལ་ཚལ་རྦད་ནན༔ དེ་ནས་ཐུན་མཚམས་སུ་དམར་གཏོར་ཆུང་ངུ་བྲན་ལ༔ སྟོང་ཚིག་གིས་མཆོད་པ་བྱེད༔ ཧཱུྃ༔ ཡེ་ཤེས་ཕུར་པའི་ལྷ་ཚོགས་གནས་འདིར་གཤེགས༔

― CMR017_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

འཛབ་དགོངས་གྲངས་ཐེམས་སྨན་རཀ་གཏོར་མཆོད་འབུལ༔ སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད༔ རྩ་བ་ཡན་ལག་དམ་ཚིག་ཉམས་ཆག་བཤགས༔ རང་སེམས་དཔང་བཙུགས་བཀའ་བཞིན་བསྒྲུབས་ལགས་ན༔ སྐུ་གསུང་ཐུགས་ཡོན་དངོས་གྲུབ་མ་ལུས་སྩོལ༔ ཧཱུྃ༔ སྟོང་གསུམ་སྟོང་གི་འཇིག་རྟེན་འདིར༔ མཐུ་རྩལ་ཅན་རྣམས་དགོངས་སུ་གསོལ༔ དེ་ལྟར་བསྐྱངས་བསྐངས་གསོལ་གསོལ་ནས༔ ད་ནི་ཟློག་པའི་ཕྲིན་ལས་མཛོད༔ རྣལ་འབྱོར་བདག་ཅག་འཁོར་བཅས་ལ༔ ཡས་ཀྱི་བདུད་གཡོས་ཕྱིར་ལ་ཟློག༔ མས་ཀྱི་སྲི་ལངས་ཕྱིར་ལ་ཟློག༔ ཉེ་བའི་བྱོལ་གཏོ་ཕྱིར་ལ་ཟློག༔ ཆོད་གཏོང་རྦད་འདྲེ་ཕྱིར་ལ་ཟློག༔ ཕུར་ཁ་གཏད་ཁྲམ་ཕྱིར་ལ་ཟློག༔ ཕ་ཚན་རྒྱབ་འདྲེ་ཕྱིར་ལ་ཟློག༔ དར་ཚན་སྟོང་འདྲེ་ཕྱིར་ལ་ཟློག༔ གཤིན་རྗེའི་འཁོར་ལོ་ཕྱིར་ལ་ཟློག༔ མ་མོའི་དལ་ཡམས་ཕྱིར་ལ་ཟློག༔ བདུད་ཀྱི་ཁྲམ་ཁ་ཕྱིར་ལ་ཟློག༔ བཙན་གྱི་རྒྱན་ཁ་ཕྱིར་ལ་ཟློག༔ ཁྲག་ཟོར་ནད་ཟོར་ཕྱིར་ལ་ཟློག༔ ས་བདག་གདུག་བྱེད་ཕྱིར་ལ་ཟློག༔ རྒྱལ་པོའི་སྨྱོ་འདྲེ་ཕྱིར་ལ་ཟློག༔ གཟའ་ཡི་ཀིང་ཀང་ཕྱིར་ལ་ཟློག༔ མུ་སྟེགས་ངན་

― CMR017_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཕྱིར་ལ་ཟློག༔ ཐེའུ་རང་སྲི་རྐུན་ཕྱིར་ལ་ཟློག༔ ནད་ཁ་རིམས་ཁ་ཕྱིར་ལ་ཟློག༔ ལོ་ཀག་ཟླ་ཀག་ཕྱིར་ལ་ཟློག༔ མོ་ངན་རྨིས་ངན་ལྟས་ངན་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོགས་སུམ་བརྒྱ་དྲུག་ཅུ་ཟློག༔ གློ་བུར་དགུ་བཅུ་རྩ་གཅིག་ཟློག༔ དུས་མིན་འཆི་བ་རྣམ་བརྒྱད་ཟློག༔ གཡས་ནས་ཕོ་བརྒྱས་མདའ་འཕེན་ཟློག༔ གཡོན་ནས་མོ་བརྒྱས་དུག་གཡོས་ཟློག༔ མི་ནག་སྐྱེ་བོའི་ཡ་ཁ་ཟློག༔ བྲན་གཡོག་ངན་པའི་དམོད་ཁ་ཟློག༔ དགྲ་ལ་བློ་ཟློག་བསྒྲལ་དུ་གསོལ༔ བགེགས་ལ་བློ་ཟློག་རྡུལ་དུ་རློགས༔ ཞེས་གཏོར་ཆུང་མདོས་ནང་དུ་ཕུལ་ཞིང་ཐལ་མོ་བརྡབ་བོ༔ དེ་ལྟར་ཞག་བདུན་ནམ་དགུ་སོགས་བྱས་ན་གཏོར་སྒྲུབ་བསྙེན་སྒྲུབ་ཀྱི་གོ་ཡང་ཆོད་དེ༔ རྨི་ལམ་དུ་གནས་དང་རི་ལ་མེ་འབར་བ༔ ཕུར་པ་དང་༔ རྡོ་རྗེ༔ ཁཊཾ་སོགས་ཕྱག་མཚན་རྙེད་པ༔ མེ་ཏོག་སྔོན་པོ་ཐུ་བ༔ ནམ་མཁའ་ལ་འཕུར་བ༔ ཆུ་བོ་བརྒལ་བ༔ མཚོ་ཆེན་གཤགས་པ༔ གླང་གཡག་ཞོན་པ༔ ཞལ་མཇལ་ལུང་སྟོན་མར་མེ་འཛིན་པ༔ གཏོར་མ་དབྱར་མི་རུལ་དགུན་མི་འཁེངས༔ ནང་མཆོད་ཡོན་ཆབ་འཕྱུར་བ་སོགས་ལྷ་རྟགས་དང་༔ མཁར་བརྩེགས་པ་བཙན་ས་བཟུང་བ་གོ་ཁྲབ་གྱོན་པ༔ ར་བ་རིབ་ལ་སོགས་བསྲུང་བའི་རྟགས༔ དམག་དང་རྦབ་དང་སེར་བ་ཟློག་པ༔ ཕུར་པ་

― CMR017_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཟོར་བཅག་པ༔ དཔའ་སེམས་སྐྱེ་བ་བཟློག་རྟགས༔ སེམས་ཅན་བསད་བརྡུང་བཅིངས་ཁ་བསྡམ་པ༔ ངུ་བ་ཕྱག་འཚལ་སྲོག་སྙིང་འབུལ་བ་ཐུལ་རྟགས་རྣམས་ཅི་རིགས་པ་འབྱུང་ངོ་༔ ཡང་དགུ་གཏོར་ལ་ཐེབ་དྲག་པོ་སོགས་ལ་ཉིན་རྫོགས་བྱེད་ནའང་ཆོག་སྟེ༔ གལ་ཆེ་ན་མདུན་བསྐྱེད་བསྒྲལ་ལས་བསྟབས་པ་ཞིག་བྱས་ལ༔ མཐེབ་སྐྱུས་གསོ་ཞིང་བྲན་ནས་བཟློག་གཞུང་དངོས་ཚར་གསུམ་སོགས་ཅི་ཐོན་འདོན་ནོ༔ དེ་ནས་ཟོར་འཕེན་ན༔ མདའ་ཡོད་ན་འུག་སྒྲོ་སོགས་གཞུང་ལྟར༔ མེད་ནའང་མདའ་དྲུག་གཞུ་དང་བཅས་པ༔ ཀོང་ཐོར་གཅིག༔ ཐོད་ཟོར་གཅིག༔ ཟོར་ཆེན་རུ་ཊའི་སྙིང་ཟོར་དང་དགུ་བཅའ་འོ༔ རས་སམ་བལ་གྱིས་ཟོར་རྣམས་བཀབ་ལ་བཞག༔ གཞུའི་མཆོག་གཉིས་ཆང་ཟུང་དང་གསུམ་ལ་དར་རམ་རས་བཏགས་སོ༔ གཏོར་རྫོངས་རྒྱུའི་གཏོར་ཆུང་སུམ་རྱ༔ དཀར་གཏོར་ཆད་མདོ༔ བརྟན་སྐྱོང་༔ ལྡང་ལྷ་གསུམ་དམར་གཏོར༔ གཞན་ཆོས་སྐྱོང་ཡོད་ན་གཏོར་འབུལ་རྒྱུ་བཅ༢༔ འབུལ་ཉིན་གཏོར་ཟློག་སྔ་ཚེ་ནས་ཚར་གཅིག་འདོན་ཚར་བ་དང་༔ ཟ་ལམ་སོགས་ཀྱང་བཀའ་བརྒྱུད་གཞུང་ལས་བླངས་སོ༔ ཞེས་གསུངས་པས༔ སྒོ་དབྱེ་ནི་སྒོ་རྩང་བཞི་ཤུབ་ཅིང་༔ ཧཱུྃ༔ ཤར་གྱི་ཕྱོགས་ཀྱི་སྒོ་མ་ནི༔ ཁྲོ་མོ་རྡོ་རྗེ་ལྕགས་ཀྱུ་མ༔ ཐུགས་རྗེའི་ཐབས་ཀྱི་ལྡེའུ་མིག་དང་༔ རྡོ་རྗེ་ལྕགས་ཀྱུའི་ཕྱག་རྒྱ་ཡིས༔ ཤར་ཕྱོགས་དུང་སྒོ་དཀར་པོ་ཕྱེས༔ སྒོ་མ་ཁྱོད་ཀྱི་དུས་ལ་བབ༔ གཏོར་མའི་ཟོར་

― CMR017_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་དགྲ་ལ་བྷྱོ༔ ཛཿབཛྲ་པྲ་ཝེ་ཤ་ཡ་ཕཊ༔ ཧཱུྃ༔ ལྷོ་ཡི་ཕྱོགས་ཀྱི་སྒོ་མ་ནི༔ ཁྲོ་མོ་རྡོ་རྗེ་ཞགས་པ་མ༔ ཐུགས་རྗེའི་ཐབས་ཀྱི་ལྡེའུ་མིག་དང་༔ རྡོ་རྗེ་ཞགས་པའི་ཕྱག་རྒྱ་ཡིས༔ ལྷོ་ཕྱོགས་གསེར་སྒོ་སེར་པོ་ཕྱེས༔ སྒོ་མ་ཁྱོད་ཀྱི་དུས་ལ་བབ༔ གཏོར་མའི་ཟོར་ལམ་དགྲ་ལ་བྱོ༔ ཧཱུཾ་རཏྣ་པྲ་ཝེ་ཤ་ཡ་ཕཊ༔ ཧཱུྃ༔ ནུབ་ཀྱི་ཕྱོགས་ཀྱི་སྒོ་མ་ནི༔ ཁྲོ་མོ་རྡོ་རྗེ་ལྕགས་སྒྲོག་མ༔ ཐུགས་རྗེའི་ཐབས་ཀྱི་ལྡེའུ་མིག་དང་༔ རྡོ་རྗེ་ལྕགས་སྒྲོག་ཕྱག་རྒྱ་ཡིས༔ ནུབ་ཕྱོགས་ཟངས་སྒོ་དམར་པོ་ཕྱེས༔ སྒོ་མ་ཁྱོད་ཀྱི་དུས་ལ་བབ༔ གཏོར་མའི་ཟོར་ལམ་དགྲ་ལ་བྷྱོ༔ པཾ་པདྨ་པྲ་ཝེ་ཤ་ཡ་ཕཊ༔ ཧཱུྃ༔ བྱང་གི་ཕྱོགས་ཀྱི་སྒོ་མ་ནི༔ ཁྲོ་མོ་རྡོ་རྗེ་དྲིལ་བུ་མ༔ ཐུགས་རྗེའི་ཐབས་ཀྱི་ལྡེའུ་མིག་དང་༔ རྡོ་རྗེ་དྲིལ་བུའི་ཕྱག་རྒྱ་ཡིས༔ བྱང་ཕྱོགས་ལྕགས་སྒོ་ནག་པོ་ཕྱེས༔ སྒོ་མ་ཁྱོད་ཀྱི་དུས་ལ་བབ༔ གཏོར་མའི་ཟོར་ལམ་དགྲ་ལ་བྷྱོ༔ ཧོཀརྨ་པྲ་ཝེ་ཤ་ཡ་ཕཊ༔ དེ་ནས་གསེར་སྐྱེམས་གཅིག་འདིར་མཆོད་དེ༔ ཕུར་པ་རང་གཞུང་ངམ་གང་རུང་ལྟར་བྱ༔ དེ་ནས་མདོས་ཞལ་ཕྱིར་བསྒྱུར་ལ་གཏོར་ཆུང་སུམ་ཅུས་བསྐོར་ལ་བཤམས་ནས་རེ་རེ་ནས་བཟུང་སྟེ༔ ཕུར་པའི་བསྟོད་པ་ཟུར་འགེབས་གཙོ་བོ་ཡབ་

― CMR017_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་གཉིས༔ ཁྲོ་བོ་སྤྱི༔ ཁྲོ་བོ་བཅུ༔ སྲས་མཆོག་ཕུར་སྲུང་བཅུ་དྲུག་གི་བསྟོད་པའི་མཇུག་ཏུ༔ ཕྱག་འཚལ་བསྟོད༔ དམ་རྫ་ས་བརྒྱན་པའི་གཏོར་མ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཅེས་བཏགས་ལ་གཏོར་མའི་བརྫོངས་བ་བྱས་ནས༔ ༈ ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་རྡོ་རྗེར་གྲུབ་མཛོད་ཅིག༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་འགྲུབ་པར་མཛོད༔ དེང་སང་སྐྱ་རེངས་དང་པོ་ཤར༔ རྡོ་རྗེ་སྲིན་པོའི་ནམ་ཡང་ལངས༔ ལྷག་པའི་ལྷ་ཁྱོད་ཡར་ལ་བཞེངས༔ སྐུ་གསུང་ཐུགས་ཡོན་ཕྲིན་ལས་དང་༔ མཆོག་དང་ཐུན་མོང་དངོས་གྲུབ་སྩོལ༔ ཐུགས་མཆོག་དཔལ་གྱི་བེའུ་ནས༔ ཡེ་ཤེས་གསལ་བའི་ཉི་མ་ཤར༔ སྒྲུབ་མཆོག་རྣལ་འབྱོར་བདག་ཅག་གི༔ ལུས་ངག་ཡིད་ལ་སིདྡྷི་ཧཱུྃ༔ བཛྲ་ཀུ་མཱ་ར་ཀཱི་ལ་ཡ༔ ཀཱ་ཡ་སིདྡྷི་ཨོ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ མ་ཏི་ཀྲ་མ་ཏི༔ ལྷ་ཚོགས་ཐམས་ཅད་ནམ་མཁར་བཏེག་ནས་བཞུགས་ཏེ༔ ཐུགས་རྗེའི་འོད་ཟེར་ཉི་མ་ཤར་བ་ལྟར་བདག་དང་ཡོན་བདག་ལ་ཕོག་པས་བར་ཆད་བསལ༔ དངོས་གྲུབ་ཐམས་ཅད་ཐོབ་པར་བསྒོམས་ནས་གཏོར་ཟློག་གོམ་པ་བདུན་གྱི་སར་དཔག་ལ་རཀྟས་བྲན་ནས༔ གཞུང་ནས་ཟ་ལམ་འདོན་

― CMR017_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་ལྟར་སྲིན་མོ་ཟ་ལམ་འདོན་ནོ༔ ༈ དེ་ནས་འབུལ་ལུགས་བསྡུས་པ་གཏོར་སྐྱོང་ལུགས་དང་༔ འབྲིང་པོ་མདོས་ལུགས༔ རྒྱས་པར་ཟོར་ཐབས་དང་གསུམ་སྟེ༔ ཟོར་ཐབས་ལའང་ཟོར་དང་གཏོར་རྒྱབ་གཉིས་སོ༔ དང་པོ་སྨད་ཆ་ཟོར་ལས་འདོན༔ ཕྱོགས་གཙང་སར་འབུལ་རྒྱུ་བསྐུལ་ལ༔ དེ་ཚེ་བཟློག་སྔགས་འདོན་ལ་རྔ་རྡུང་༔ ཚུར་སླེབས་རྩ་རྟ་བྲོ་འདོན་པ་གཏོར་སྐྱོང་ལུགས་ཏེ་འཇམ༔ དེ་ཡང་གོམ་པ་བདུན་ཅུ་ལས་མི་ཉེ་བར་བསྐྱལ་ལོ༔ ཉེ་ན་འཁོར་ལ་གནོད༔ གཉིས་པ་ཕྱོགས་གཙང་སར༔ སྔོན་དུ་དཀར་བགེགས་ཁྱེར༔ དེ་ནས་ཆོས་སྐྱོང་གཏོར་མ་རྣམས༔ དེ་ནས་མདོས༔ དར་ནག་ཁྱེར༔ ཐང་ལ་བཞག༔ གསེར་སྐྱེམས་དཀར་གཏོར་འབུལ༔ དེ་ནས་ཟོར་འཕེན༔ ཟོར་ལིང་བསྲེགས་ཐལ་དམར་གཏོར་ཚོ་ལ་བཏབ༔ ཚད་མདོ༔ བརྟན་སྐྱོང་༔ ལྡང་ལྷ༔ ཆོས་སྐྱོང་གང་ཡོད་གཏོར་མ་རིམ་པར་འབུལ༔ དེ་ནས་མདོས་བཀྱག་ལ་ཐུན་གཏོར་ཟློག་ཐུང་འདོན༔ དེ་ནས་ཐང་ལ་བཞག་རྩང་ཤབ་ཅིང་༔ རྩེ་ཕར་བསྟན་ལ་གཏོར་ཟློག་འབུལ༔ གཏོར་མ་རྣམས་དངོས་གྲུབ་ཚུལ་དུ་བླངས༔ རྟ་བྲོ་བྱའོ༔ དེ་ནི་མདོས་འབུལ་ལུགས་སོ༔ ཟོར་ཐབས་ནི་གཞན་འདྲ་ལ༔ ཟོར་གྱི་རྗེས་ནས་ཟློག་པའི་མཐའ་སྐོར་གཏོར་ཆུང་རྩང་ཡོད་པ་ཉེར་གཅིག་དེ༔ དུག་མདའ་ནག་པོའི་ནང་༔ དབང་ཕྱུག་སྤྱི་ལ་གཅིག༔ བདུན་རེ་ལ་རེ་རེ་བྱས་པས་བཞི༔ དེ་ནས་བསྟོད་པའི་མཇུག་ཕུར་སྲུང་བཅུ་དྲུག་དང་ཉེར་གཅིག༔ སོ་སོའི་བསྟོད་བསྐུལ་བྱས་

― CMR017_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རེ་རེ་ནས་འཕངས་ཏེ༔ སྤུ་གྲིའི་སྔགས་ཁོ་ནས་འཕང་ངོ་༔ དེ་ནས་གཏོར་འབུལ་རྣམས་བྱ༔ དེ་ནས་མདོས་བཀྱག་ལ་ཟློག་ཐུང་འདོན་ནས་ཕར་རྫོགས༔ གཏོར་རྒྱབ་ནི་ནད་པ་གདོན་ཆེན་ལ་བྱ་སྟེ༔ ཟོར་མི་འཕེན་པར་དཀར་གཏོར་གསེར་སྐྱེམས་འབུལ༔ རང་ཕྱོགས་གཙང་སར་ཞལ་གྱུ༔ མདུན་དུ་ནད་པ་ཉལ༔ སྲུང་འཁོར་བཀྲོལ༔ ནད་པའི་རྣམ་ཤེས་ཚེ་བསོད་ཐིག་ལེ་དཀར་པོ་ནམ་མཁར་ཡི་དམ་ཐུགས་ཀར་བསྟིམས༔ སྲུང་འཁོར་བསྒོམ་པར་བྱ་སྟེ༔ ལུས་ཧོམ་ཁུང་དུ་གྱུར་པའི་ནང་དུ་ནད་གདོན་གནོད་བྱེད་བྷི་ལ༔ གཏོར་མ་མེ་དཔུང་དུ་གྱུར་པ་བརྒྱབས་པས༔ གཞོབ་ཐུན་ཐུན་དུ་སོང་བར་ལྷོ་ཞིང་༔ ཆད་མདོ་སོགས་གཏོར་འབུལ་ཐམས་ཅད་རིམ་པར་བརྒྱབ་སྟེ༔ དམག་འཐབ་སྟེ་ལྷ་དྲགས་དྲགས་རྗེས་ནས་འདོན༔ དེ་ནས་གོང་ལྟར་གཏོར་ཆུང་ཉེར་གཅིག་བརྒྱབ༔ དེ་ནས་ཁྲོ་བཅུའི་མཚམས་གཅོད་དེ་འདོན་ཞིང་གཏོར་མ་བཅུ་པོ་བརྒྱབ༔ དེ་ནས་གཙོ་བོའི་བསྟོད་བསྐུལ་འདོན་ལ༔ གཙོ་བོའི་གཏོར་མ་ནད་པའི་སྟེང་དུ་ཕར་ཕུལ་ལོ༔ དེ་ནས་རྣམ་ཤེས་ཐིག་ལེ་མར་བསྟིམས་ནས་སྲུང་འཁོར་བསྒོམ་པར་བྱ་སྟེ༔ ནད་རིམས་ཚད་པ་གཉན་ལ་མི་རུང་ངོ་༔ གདོན་གཟའ་དང་མ་མོ༔ ཀླུ་གདོལ་བ་ལའང་མི་རུང་ངོ་༔ ནད་རླུང་ནད་སྲོག་རླུང་གཅོང་ནད༔ གདོན་རྒྱལ་འགོང་ཐེའུ་རང་འདྲེ་མོ་ཆུང་སྲི་ཤི་སྒབ་གཅོད་པ་ལ་ཟབ་བོ༔ གལ་ཏེ་ཟོར་འཕེན་ན༔ གསེར་སྐྱེམས་ཕྱོགས་དེར་གཏོར་ཞིང་༔ ཟོར་ལམ་ཕྱེ་བ་ནི༔ ཧཱུྃ༔ གཟུ་དང་དཔང་དུ་དཀོན་མཆོག་བཞུགས༔ མ་

― CMR017_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་ཞལ་ལྕེ་ལྷ་འདྲེས་ཆོད༔ རྣལ་འབྱོར་དབང་ཕྱུག་ཟོར་འཕེན་ནོ༔ དགྲ་བགེགས་མ་གཏོགས་སྐུ་བཟུར་ཅིག༔ ཕྱོགས་བཞི་མཚམས་བརྒྱད་སྟེང་འོག་ན༔ སྣང་སྲིད་ལྷ་འདྲེ་བཞུགས་པ་རྣམས༔ མཐོ་བ་རྣམས་ཀྱིས་ཞབས་སྡུས་ཤིག༔ དམའ་བ་རྣམས་ཀྱིས་དབུ་ཆུམས་ཤིག༔ བར་ན་བཞུགས་པའི་སྐུ་བཟུར་ཅིག༔ དབུ་ཞབས་ཀུན་ལ་ཕོག་པར་སྲིད༔ སོ་སོའི་ཕོ་བྲང་སྒོ་སྡོམས་ཤིག༔ སྟེང་གི་ལྷ་ལ་ཟོར་མི་འཕེན༔ ཚངས་པ་བརྒྱ་བྱིན་སྐུ་བཟུར་ཅིག༔ འོག་གི་ཀླུ་ལ་ཟོར་མི་འཕེན༔ དགའ་བོ་འཇོག་པོ་སྐུ་བཟུར་ཅིག༔ བར་སྣང་གཉན་ལ་ཟོར་མི་འཕེན༔ གཉན་ཆེན་ཐམས་ཅད་སྐུ་བཟུར་ཅིག༔ ལྷ་སྲིན་སྡེ་བརྒྱད་ཐམས་ཅད་ཀྱང་༔ གསེར་སྐྱེམས་དམ་པ་འདི་གསོལ་ལ༔ དཔལ་གྱི་གཏོར་ཟོར་ལམ་ཕྱེས་ཤིག༔ ཁྲག་ཐུན་ཕུར་པ་གཏོར་མ་བཅས༔ སྡང་དགྲ་གནོད་བགེགས་རྣམས་ལ་འཕེན༔ ཟ་འདྲེ་ཕུང་སྲི་རྣམས་ལ་འཕེན༔ ཕར་འཕེན་ཚུར་ལ་མ་ལྡོག་ཅིག༔ རྣལ་འབྱོར་བསམ་པ་འགྲུབ་པར་མཛོད༔ དེ་ནས་ཟོར་གཞུ་ལག་ཏུ་ཐོགས་ལ༔ མཐེབ་ཆུང་གཞུ་སྐུད་སྤྲེང་སྒྲ་བསྒྲགས་ལ༔ ཧཱུྃ༔ གཞུ་ནི་གནམ་ལྕགས་ཞུན་མ་ལ༔ ཟངས་ལྕགས་ཞུན་

― CMR017_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་རྒྱུན་ཐག་སྟེ༔ གང་གང་ཚུམས་ཆུམས་རྣོ་དྲག་བཞེས་སུ་གསོལ༔ རི་བོང་གི་མགོ་ཡོད་དམ་མེད་ན་ས་ལ་རི་བོང་གི་མགོ་བཟོས་པའི་ཁར་ལིངྒ་བཅུག་ལ་དེ་ལ་མདའ་ཟོར་བརྡེག་གོ༔ མདའ་གསིལ་ཞིང་༔ ཧཱུྃ༔ མདའ་ནི་ལྕགས་མཚོན་དྲག་པོ་ལ༔ མཛེས་པའི་གནམ་ལྕགས་རྡོ་རྗེའི་མདའ༔ ཐབས་ཀྱི་གཤོག་འབར་བཞི་ཡིས་སྒྲོན༔ མདའ་གཞི་གློག་ལྟར་འཁྱུགས་པའི་མདའ༔ དྲག་འཕང་གནོད་བྱེད་ཙིཏྟ་འབིགས༔ དེ་ནས་རྩེ་སྟོང་སྤྲད་ཅིང་༔ ཧཱུྃ༔ མིང་པོ་རྡོ་རྗེས་གོ་གྱོན་ལ༔ སྲིང་མོ་རྡོ་རྗེས་མཚོན་ཐོགས་ཤིག༔ མིང་པོ་རྡོ་རྗེས་གཡུལ་ཤོམས་ཤིག ། སྲིང་མོ་རྡོ་རྗེས་དམག་སྣ་དྲོངས༔ དགྲ་བོའི་ཡུལ་དུ་དམག་སྣ་དྲོངས༔ དགྲ་བླའི་རྒྱལ་པོ་དམག་ལ་འདུས༔ བདུད་ཀྱི་ཡུལ་དུ་ཟོར་འཕེན་ན༔ དམག་གི་རྒྱལ་མོས་ཟོར་སྣ་དྲོངས༔ ད་ནི་འཕངས་པའི་དུས་ལ་བབས༔ སྟེང་གི་ལྷ་ལ་ཟོར་མི་འཕེན༔ སྟེང་གི་ལྷ་ཡང་དཔང་མཛོད་ཅིག༔ འོག་གི་ཀླུ་ལ་ཟོར་མི་འཕེན༔ འོག་གི་ཀླུ་ཡང་དཔང་མཛོད་ཅིག༔ བར་གྱི་ལྷ་སྲིན་རྣམས་ལ་ཟོར་མི་འཕེན༔ བར་གྱི་ལྷ་སྲིན་རྣམས་ཀྱང་དཔང་མཛོད་ཅིག༔ ཕོ་ལྷ་གཉན་ལ་ཟེར་མི་འཕེན༔ ཕོ་ལྷ་གཉན་ཡང་དཔང་མཛོད་ཅིག༔ དགྲ་

― CMR017_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་གཉན་ལ་ཟོར་མི་འཕེན༔ དགྲ་ལྷ་གཉན་ཡང་དཔང་མཛོད་ཅིག༔ བར་གྱི་གཉན་ལ་ཟེར་མི་འཕེན༔ བར་གྱི་གཉན་ཡང་དཔང་མཛོད་ཅིག༔ འགོ་བའི་ལྷ་ལ་ཟོར་མི་འཕེན༔ འགོ་བའི་ལྷ་ཡང་དཔང་མཛོད་ཅིག༔ གཅེས་པའི་སྲུང་མ་རྣམས་ལ་ཟོར་མི་འཕེན༔ གཅེས་པའི་སྲུང་མ་རྣམས་ཀྱང་དཔང་མཛོད་ཅིག༔ ཕྱུགས་ལྷ་རྨ་གཡང་རྣམས་ལ་ཟོར་མི་འཕེན༔ ཕྱུགས་ལྷ་རྨ་གཡང་རྣམས་ཀྱང་དཔང་མཛོད་ཅིག༔ ཡུལ་ལྷ་གཞི་བདག་རྣམས་ལ་ཟོར་མི་འཕེན༔ ཡུལ་ལྷ་གཞི་བདག་རྣམས་ཀྱང་དཔང་མཛོད་ཅིག༔ ཟོར་འཕེན་སྡང་བའི་དགྲ་ལ་འཕེན༔ ཟོར་འཕེན་གནོད་པའི་བགེགས་ལ་འཕེན་དམིགས་པའི་དགྲའ་བོ་འདི་ལ་འཕེན༔ བསྲེ་ཡི་ཐག་པ་ལ༔ གསེར་གྱི་བྲུལ་ཞིག་བཏང་༔ ལྕགས་ཀྱི་མཆོག་མ་ལ༔ ཟངས་ཀྱི་སྣལ་མས་བསྡམས༔ འབྲོང་རྒོད་རྒྱུས་ཀྱིས་སྦས༔ དབང་གི་ཟོར་གཞུ་བྱས༔ ལྷོ་ཁ་མོན་ཡུལ་ནས༔ བསྲེ་སྨྱུག་ལྡེམ་པ་བཏུས༔ ལྕགས་བྲག་གསེར་ཤོད་ནས༔ གནམ་ལྕགས་མདེལ་གྱིས་མཐུད༔ བྲག་བྱ་འུག་པ་དང་༔ རིག་པ་ཕོ་རོག་བསད༔ མདའ་ལ་སྒྲོ་ཡིས་བསྒྲོན༔ འབྲོང་བུའི་སྤྱན་

― CMR017_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བསྡམས༔ གདུག་ཤིང་ཚེར་མ་ཅན༔ ཟུར་གསུམ་རྣོ་པོར་བཞོགས༔ མདའ་ཡི་མདེའུ་བཙུགས༔ བསྲེ་མདའ་རྒྱུས་པས་དཀྲིས༔ བསྲེ་ཡི་སྐྱེས་བུའི་ཕྱག་ཏུ་གཏད༔ མདའ་ཟོར་འཕང་བའི་དུས་ལ་བབ༔ སྡང་བར་བྱེད་པའི་དགྲ་ལ་ཡ༔ གནོད་པར་བྱེད་པའི་བགེགས་ལ་ཡ༔ དམིགས་པའི་དགྲ་བགེགས་འདི་ལ་ཡ༔ མདེའུ་རྩེ་ལ་བཅིངས་སམ༔ གྲོ་ག་ལ་མེ་སྦར་བ་མདེའུ་ལ་བཅིངས་ཏེ༔ ཁཱ་ཁཱ་རཀཱ་མ་མ་བྷྱོ་བྷྱོ༔ བཛྲ་ནག་ཁྲིད་དུཏྟཾ་བྷྱོ༔ ཞེས་འཕང་༔ ཁ་ཤར་དུ་རྒྱུ་མདའ་རྒོད་སྒྲོ་མ་བཀང་ལ་ཧཱུྃ༔ ནམ་མཁའི་འོད་ཀྱི་དཀྱིལ་འཁོར་རྟོ་ནས༔ རྒོད་ཀྱི་མགོ་སྟེ་ཕྲ་མེན་མ༔ ཀྲོ་ཏ་ཧ་ཧ་བརྗོད་ནས་ཀྱང་༔ ཤར་གྱི་ཕྱོགས་སུ་ཁ་བལྟས་ནས༔ རླུང་ཤུགས་དྲག་པོའི་བསྐྱོད་པ་འདི༔ དཀར་ནག་མཚམས་སུ་བརྒྱབས་པ་ཡིས༔ དྲན་པ་མེད་པར་འཆི་བར་ངེས༔ ཤར་དུ་བཀང་ལ་མདུན་གྱི་ལིང་ལ་བརྒྱབ༔ ཀྲི་ཏ་མུ་ཁ་ཛཆུད༔ ཁ་ལྷོར་བལྟས་འུག་སྒྲོ་མ་བཀང་ལ༔ ཧཱུྃ༔ ལྕགས་སྟོང་འབར་བའི་དཀྱིལ་འཁོར་ནས༔ བསྲེ་མདའ་འུག་པའི་མགོ་བོ་ཅན༔ ཧེ་ཧེ་ཐང་གསུམ་བརྗོད་ནས་ཀྱང་༔ ལྷོ་ཡི་ཕྱོགས་སུ་ཁ་བལྟས་ནས༔ གསེར་མིག་གསལ་བའི་མིག་བཙུམས་ནས༔

― CMR017_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

རཱ་ཙ་ཞེས་པའི་སྔག་བཟླས་ནས༔ ལྟོང་དམར་འུག་པས་བསྒྲོན་པའི་མདའ༔ གང་ལ་དམིགས་ཏེ་འཕངས་བྱས་ནས༔ ཐེ་ཚོམ་མེད་པར་འཆི་བར་འགྱུར༔ ལྷོར་བཀང་ནས་ལིངྒར་བརྒྱབ༔ ཧུ་ལུ་མུ་ཁ་མཱ་ར་ཡ་ཧཱུྃ་ཕཊ༔ ནུབ་ཏུ་ཁ་བལྟས་ལ་ཁྲ་སྒྲོ་མ་རྩེ་སྟོང་སྤྱད་ལ༔ ཧཱུྃ༔ ཞེ་སྡང་འབར་བའི་དཀྱིལ་འཁོར་ནས་ལྕགས་ཀྱི་བྱ་ཁྲ་འབར་བ་ལ༔ ནུབ་ཀྱི་ཕྱོགས་སུ་ཁ་བལྟས་ནས༔ སྟོང་དམར་ཁྲ་ཡི་སྒྲོ་བསྒྲོན་འདིས༔ སྡང་དགྲ་གནོད་བྱེད་གང་ཡང་རུང་༔ མཁལ་མ་སྙིང་དང་ནང་ཁྲོལ་རྣམས༔ ཞེ་སྡང་བསྐྱེད་ནས་ལེན་པར་བྱེད༔ ནུབ་ཏུ་བཀང་ནས་ལིངྐར་བརྒྱབ༔ རྭ་ཙ་མུ་ཁ་མཱ་ར་ཡ་ཕཊ་ཆད༔ བྱང་ཏུ་ཁ་བལྟས་བྱ་རོག་སྒྲོ་རྩེ་ལྟོང་སྤྲད་ལ༔ ཧཱུྃ༔ མཐིང་ནག་འབར་བའི་དཀྱིལ་འཁོར་ནས༔ བྱ་རོག་གདོང་སྟེ་ཕྲ་མེན་མ༔ ཀྲོག་སྒྲ་ཐང་གསུམ་བྱས་ནས་ནི༔ བྱང་གི་ཕྱོགས་སུ་ཁ་བལྟས་ནས༔ དང་རུ་གཡས་པས་བསྒྲོན་པའི་མདའ༔ སྡང་བའི་དགྲ་ལ་འཕངས་པའི་ཚེ༔ མཱ་ར་ཡ་ཡི་སྔགས་བཟླས་ཤིང་༔ ཀླད་པའི་སྟེང་དུ་བརྒྱབ་པའི་ཚེ༔ སྨྲ་ཉམས་མེད་པར་འཆི་བར་འགྱུར༔ བྱང་ཏུ་བཀང་ནས་ལིངྒར་བརྒྱབ༔ ཁྭ་ཁ་མུ་ཁ་མཱ་ར་ཡ་ཐུན་ཡ༔ དེ་དག་གི་ཚེ་མདའ་དེ་དག་ཕྲ་

― CMR017_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

མེན་དེ་དག་ཏུ་གྱུར་ནས་ཟང་ཟང་བྱུང་བ་དགྲ་བོའི་སྟེང་དུ་སོང་བར་བསྒོམ་མོ༔ དེ་ནས་མདའ་གཅིག་རྩེ་སྟོང་སྤྲད་ལ༔ བྷྱོ༔ ད་ནི་འཕེན་པའི་དུས་ལ་བབ༔ སྐྱེས་བུ་ཆེན་པོའི་དུས་ལ་བབ༔ དགྲ་བོའི་སྙིང་ལ་མདའ་ཟོར་ཡ༔ བསྲེ་ཡི་སྐྱེས་བུ་གདུག་པ་ཅན༔ ཆིབས་སུ་བསྲེ་རྟ་དམར་པོ་ཆིབས༔ སྐུ་ལ་བསྲེ་ཁྲབ་སྨུག་པོ་གསོལ༔ དབུ་ལ་བསྲེ་ཡི་རྨོག་ཞུ་གསོལ༔ ཕྱག་ན་བསྲེ་ཡི་མདུང་དམར་བསྣམས༔ ཁེངས་པར་བཀང་ལ་ཕོག་པ་རྒྱོབ༔ རྣམ་ཤེས་བརྒྱད་ལ་གཟེར་ཆེན་རྒྱོབ༔ གཞུ་མོའི་རྒྱུད་དུ་བརྡུང་བའི་མདའ༔ དམ་ཉམས་སྙིང་ལ་གཟེར་ཆེན་ཕོབ༔ དེ་ཡི་ཡུམ་ཆེན་གཏུམ་མོ་ནི༔ ནག་མོ་ཁ་ལ་དབང་ཕྱུག་གཙོ༔ རི་རབ་ངོས་ལ་སྐུ་བརྟེན་མ༔ ཕྱག་ནི་སྟོང་ཁམས་ཀུན་ཏུ་ཉུལ༔ ཚེ་དང་སྲོག་གི་བདག་མོ་བྱེད༔ ཞབས་ནི་རྒྱ་མཚོའི་གཏིང་ན་བརྐྱངས༔ ཀླུ་བྲན་རྣམས་དང་དགྱེས་སྡེ་མོ༔ ཁྱོད་ཀྱི་ཐུགས་དམ་དུས་ལ་བབ༔ དམ་ཉམས་དགྲ་བོ་ལས་ངན་གྱི༔ སྙིང་གི་དཀྱིལ་དུ་མདའ་ཟོར་རྒྱོབ༔ བྷྱོ༔ ཞེ་སྡང་རྡོ་རྗེ་མཐུ་མ་ཆུང་༔ འཕྲུལ་གྱི་མེ་ལོང་སྤྱན་མ་བརྟུལ༔ ཕྱག་གཡས་དེ་ནི་ཐེབ་མ་ཞན༔ བསྲེ་ཡི་ལག་འབྲས་བང་མ་བྲེལ༔ སྒང་ནན་སྒང་ཆུང་ནན་

― CMR017_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་ཆུང་༔ ཡུངས་ཀར་རྒྱལ་པོ་མཐུ་མ་ཆུང་༔ གདུག་པའི་ཟོར་མདའ་རྩལ་མ་ཞན༔ བསྲེ་ཡི་གཞུ་སྒྲ་འུ་རུ་རུ༔ ལྕགས་ཀྱི་མདའ་སྒྲ་ཤ་ར་ར༔ གཞུ་རྒྱུད་རྒྱུན་དུ་མ་ཆད་ཅིག༔ མདའ་འཕངས་སླར་ལ་མ་ལྡོག་ཅིག༔ མདེལ་གྱི་རྩེ་ལ་མེ་འབར་བས༔ གཟུགས་ཀྱི་ཕུང་པོ་གཏིང་ནས་སྲེགས༔ སྡང་བའི་དགྲ་ལ་མདའ་ཟོར་ཡ༔ བསམ་པར་བྱེད་པ་སྙིང་ཡིན་པས༔ སྙིང་གི་དཀྱིལ་དུ་མདའ་ཟོར་ཡ༔ ལྟ་བའི་མིག་ལ་མདའ་ཟོར་ཡ༔ ཉན་པའི་རྣ་བར་མདའ་ཟོར་ཡ༔ སྣོམ་པའི་སྣ་ལ་མདའ་ཟོར་ཡ༔ འགྲོ་བྱེད་རྐང་ལ་མདའ་ཟོར་ཡ༔ ཉུལ་བྱེད་ལག་ལ་མདའ་ཟོར་ཡ༔ སྲིད་པའི་ལྟེ་བའི་ནང་དུ་རྒྱོབ༔ ཆགས་པའི་གཞི་མ་དྲུངས་ནས་ཕྱུང་༔ དཔྲལ་བར་སྐུ་ཡི་མཚམས་སུ་རྒྱོབ༔ ཚེ་ཡི་ཕུང་པོ་གཏིང་ནས་ཤིག༔ སྟེང་གི་ཁྱོ་ལ་མདའ་ཟོར་ཡ༔ འོག་གི་ཆུང་མར་མདའ་ཟོར་ཡ༔ ཡུལ་མཁར་ཞིང་ལ་མདའ་ཟོར་ཡ༔ ཁྱད་པར་དམིགས་པའི་དགྲ་བགེགས་འདི་ལ་མདའ་ཟོར་ཡ༔ མཱ་ར་ཡ་བྷྱོ་བྱད་ཁ་ཕུར་ཁ་ཐམས་ཅད་ཟློག་ཅིག༔ ཅེས་རྒྱབ་བོ༔ དེ་ནས་ཀོང་ཟོར་ཐོགས་ལ༔ ཧཱུྃ༔ ང་ནི་རྡོ་རྗེ་གཞོན་ནུ་ཆེ༔ འཁོར་འདས་ཀུན་ལ་དབང་སྒྱུར་

― CMR017_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་༔ ང་ལས་ཆེ་བཙན་སུ་ཡང་མེད༔ སྟེང་འོག་ཕྱོགས་མཚམས་གནས་པ་ཡི༔ སྡེ་རྒྱད་ལྷ་ཀླུ་གཞི་བདག་རྣམས༔ ཀོང་ཟོར་མཚོན་ཆའི་ཟེར་འཕྲོས་པས༔ ལུས་སེམས་དེ་ནི་བརླག་པར་མཆིས༔ ཟོར་ལམ་ཕྱེས་ལ་སྐུ་བཟུར་ཅིག༔ བརྣག་པའི་དགྲ་བགེགས་མ་གཏོགས་པ༔ སེམས་ཅན་ཀུན་ལ་ཟེར་མི་འཕེན༔ ཀུན་ཀྱང་གྲོགས་མཛོད་དམག་དཔུང་བསྐྱེད༔ དམག་དཔུང་སྐྱེད་ལ་རུ་མཚོན་ཕྱོར༔ ཉམས་པའི་དམ་ཉམས་དགྲ་བགེགས་འདི༔ རྡུལ་ཕྲན་བཞིན་དུ་བརླག་པར་མཛོད༔ ཨོཾ་བཛྲ་ཙན་སརྦ་དུཥྚ་ཨེ་ཛ་བྷྱོ་ཧཱུྃ༔ ཞེས་འཕང་ངོ་༔ ཡོད་ན་ཕུར་པ༔ རྡོ་ཟོར༔ མཚེ་ཡུངས༔ ཁྲག་ཟོར་རྣམས་སོ་སོར་འཕངས༔ མེད་ན་གང་རུང་ཞིག་གིས་ཆོག༔ ཧཱུྃ༔ ང་ནི་རྡོ་རྗེ་གཞོན་ནུ་ཆེ༔ ང་ནི་ཁྲོ་རྒྱལ་ཀུན་གྱི་རྗེ༔ ང་ནི་ཁམས་གསུམ་སྙིང་རྗེའི་བདག༔ ང་ནི་གཤིན་རྗེ་ཀུན་གྱི་གཤེད༔ ང་ནི་མ་མོ་ཀུན་གྱི་ཡབ༔ ང་ལས་ཆེ་བཙན་སུ་ཡང་མེད༔ བཀའ་སྡོད་ཕོ་ཉ་ཡོངས་རྫོགས་རྣམས༔ དམག་དཔུང་བསྐྱེད་ལ་རུ་མཚོན་ཕྱོར༔ དམག་སྣ་དགྲ་བོའི་ཡུལ་དུ་དྲོངས༔ དམ་ཅན་དམག་དཔུང་ཉི་ལི་ལི༔ མཚོན་རྩེ་ཕུར་རྩེ་རངས་སེ་རང་༔ གཏོར་ཟོར་རྫོབ་ཏུ་ཉི་ལི་ལི༔ མཚེ་

― CMR017_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུངས་མདའ་ལྟར་ཤ་ར་ར༔ དུག་ཐུན་ཁྲག་རླངས་ཆི་ལི་ལི༔ སྲུང་མ་རྔམས་སྟབས་ཁྱུགས་སེ་ཁྱུག༔ གིང་རྣམས་བཤུག་པ་དི་རི་དི་རི༔ མ་མོའི་ཧབ་སྒྲ་ལྷབས་སེ་ལྷབ༔ ཐམས་ཅད་རུ་མཚོན་ལྷུབས་སེ་ལྷུབ༔ དགྲ་བགེག་སྙིང་ལ་ཕུར་རྡོ་མཆེ་ཡུངས་དུག་ཁྲག་ཟོར་རྒྱོབ༔ ཉམས་པའི་ལྔ་ཕུང་རྡུལ་དུ་རློགས༔ སྤུ་གྲིའི་སྔགས་ཤམ་དུ༔ ཧཱུྃ་ཧཱུྃ་སྤ་ར་བིགྷན་ཚིནྡྷ་ཚིན་ཧཱུྃ་ཕཊ༔ བྷནྡྷ་བྷནྡྷ་ཧཱུྃ་ཕཊ༔ གྷོཥྛ་བྷཾཏྟ་ཧཱུྃ་ཕཊ༔ ཧ་ན་ཧ་ན་ཧཱུྃ་ཕཊ༔ པ་ཙ་པ་ཙ་ཧཱུྃ་ཕཊ༔ བྷནྡྷ་བྷནྡྷ་ཧཱུྃ་ཕཊ༔ དགྲ་བགེག་གནོད་བྱེད་དམ་སྲི་ཧུར་ཐུམ་ཛམཱ་ར་ཡ་རྦད་རྦད༔ བྷྱོ་བྷྱོ༔ ཞེས་འཕང་ངོ་༔ དེ་ནས་ཟློག་མདོས་འདབས་ཀྱི་གཏོར་ཆུང་ཉེར་གཅིག༔ རྒྱས་པར་སོ་སོའི་བསྐུལ་འདོན་ཞིང་འཕངས༔ བསྡུ་ན་སྤུ་གྲིའི་སྔགས་འདོན་ཞིང་འཕང་ངོ་༔ དེ་ནས་ཟོར་ཆེན་ཐོགས་ལ༔ ཀྱེ༔ ཟོར་མེད་ངེས་པའི་རྣལ་འབྱོར་པ༔ བདག་ནི་རིག་འཛིན་སྒྲུབ་པ་པོ༔ འགྲོ་དོན་བྱང་ཆུབ་སྒྲུབ་པ་ལ༔ དམ་ཉམས་དགྲ་་བགེགས་བདུད་ཀྱིས་བརྙས༔ འདི་ཡི་དཔང་དང་གྲོགས་མཛོད་ཅིག༔ རྒྱལ་བ་ཐུགས་དམ་མ་གཡེལ་ཞིག༔ དམ་ཅན་མཐུ་རྩལ་མ་ཆུང་ཞིག༔ སངས་རྒྱས་བསྟན་པ་བཤིག་པ་

― CMR017_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

དང་༔ དཀོན་མཆོག་དབུ་འཕང་སྨད་པ་དང་༔ རྡོ་རྗེ་སློབ་དཔོན་མཆེད་ལྕམ་ལ༔ འཁུ་ཞིང་སྡང་བའི་དགྲ་དང་དང་བགེགས༔ བསྒྲལ་བའི་ཞིང་བཅུ་འདི་དག་ཀུན༔ དུས་འདིར་བརླག་པར་མ་བསྒྲལ་ན༔ རྒྱལ་བ་ཐུགས་རྗེ་མ་ཆུང་ངམ༔ དམ་ཅན་ནུས་མཐུ་མ་ཆུང་ངམ༔ རྣལ་འབྱོར་ཡི་ཡང་མི་ཆད་དམ༔ གནད་ནས་བསྐུལ་ལོ་ཐུགས་དམ་ཅན༔ དུས་ལ་བབ་བོ་ས་མ་ཡ༔ ཧཱུྃ༔ སྐུ་གསུམ་དག་པའི་ཕོ་བྲང་ནས༔ སྐུ་གསུམ་བཀའ་བརྒྱུད་བླ་མ༔ རྒྱལ་བ་དགོངས་པ་བརྒྱུད་པ༔ རིག་འཛིན་བརྡའི་བརྒྱུད་པ༔ གང་ཟག་སྙན་ཁུང་བརྒྱུད་པ༔ གཏེར་ཆོས་སྨོན་ལམ་བརྒྱུད་པ༔ མཁའ་འགྲོ་གཏད་རྒྱ་བརྒྱུད་པ༔ ཐམས་ཅད་ཐུགས་དམ་གནད་ནས་བསྐུལ་ལོ༔ དམ་ཉམས་དགྲ་བགེགས་སྒྲོལ་གི༔ པོའི་ཕྲིན་ལས་མཛོད་ཅིག༔ ཧཱུྃ༔ བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུ་ཡབ་ཡུམ་སྲས་བཞི་ཁྲོ་བཅུ་ཡབ་ཡུམ༔ ཟ་གསོད་ཕྲ་མེན་སྲུང་མ་བཅུ་གཉིས༔ ཕྱག་བརྙན་དང་བཅས་པ༔ ཕུར་པའི་ལྷ་ཚོགས་བདུན་ཅུ་རྩ་བརྒྱད་རྣམས་ཀྱང་༔ ཐུགས་དམ་གནད་ནས་བསྐུལ་ལོ༔ དམ་ཉམས་དགྲ་བགེགས་སྒྲོལ་

― CMR017_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག༔ མངོན་སྤྱོད་དྲག་པོའི་ཕྲིན་ལས་མཛོད་ཅིག༔ སངས་རྒྱས་ཀྱི་བསྟན་པ་སྲུང་བར་ཞལ་གྱིས་བཞེས་པའི༔ ཕྱི་ཡི་ལྷ་མ་སྲིན་སྡེ་བརྒྱད༔ ནང་གི་ལྷ་མ་སྲིན་སྡེ་བརྒྱད༔ གསང་བའི་ལྷ་མ་སྲིན་སྡེ་བརྒྱད༔ སྦས་པའི་ལྷ་མ་སྲིན་སྡེ་བརྒྱད༔ ཡང་གསང་གི་ལྷ་མ་སྲིན་སྡེ་བརྒྱད༔ ལས་མྱུར་མགྱོགས་ཀྱི་ལྷ་སྲིན་སྡེ་བརྒྱད༔ དྲག་པོ་སྔགས་ཀྱི་ལྷ་སྲིན་སྡེ་བརྒྱད༔ བསྟན་པ་སྲུང་བའི་ལྷ་སྲིན་སྡེ་བརྒྱད༔ བཏགས་ཤིང་ཆགས་པའི་ལྷ་སྲིན་སྡེ་བརྒྱད༔ དྲག་པོ་སྔགས་ཀྱི་ལྷ་སྲིན་སྡེ་བརྒྱད༔ བསྟན་པ་སྲུང་བའི་ལྷ་སྲིན་སྡེ་བརྒྱད༔ བཏགས་ཤིང་ཆགས་པའི་ལྷ་སྲིན་སྡེ་བརྒྱད༔ གནོད་སྦྱིན་བྱེ་བྲག་གི་ལྷ་སྲིན་སྡེ་བརྒྱད༔ བླ་མ་བརྒྱད་པའི་སྲུང་མ༔ སློབ་དཔོན་བརྒྱུད་ཀྱི་སྲུང་མ༔ ཕ་མྱེས་བརྒྱུད་ཀྱི་སྲུང་མ༔ དབེན་གནས་གསར་རྙིང་གི་སྲུང་མ༔ ཉ་སྟོང་དུས་དྲུག་གི་སྲུང་མ༔ རིན་ཆེན་གཏེར་གྱི་སྲུང་མ༔ བརྟེན་བསྒྲུབས་མཆོད་ནས་ཆགས་པ༔ རང་བཞིན་ཤུགས་ཀྱིས་ཆགས་པ༔ སྐྱེ་བ་སྔོན་ནས་འབྲེལ་བའི་དམ་ཅན་གྱི་ཚོགས་ཐམས་ཅད༔ ཐུགས་དམ་གནད་ནས་བསྐུལ་ལོ༔ ་དམ་ཚིག་དུས་ལ་བབ་བོ༔ དམ་ཉམས་དགྲ་བགེགས་སྒྲོལ་ཅིག༔ བཅོལ་བའི་ཕྲིན་ལས་མཛོད་ཅིག༔ བསྒྲུབས་པའི་རྟགས་ཕྱུང་ཞིག༔ སྙན་པའི་སྒྲ་སྒྲོགས་ཤིག༔ སུ་ལ་མི་

― CMR017_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་ཁྱོད་ལ་རེའོ༔ སུ་ལ་མི་ལྟོས་ཁྱོད་ལ་ལྟོས་སོ༔ རྒྱལ་མཚན་དུ་ཁྱེད་འཛུགས་སོ༔ དཔའ་དར་དུ་ཁྱེད་ཕྱིར་རོ༔ སྡང་བའི་དགྲ་ཐུལ་ཞིག༔ གནོད་པའི་བགེགས་ཆོམས་ཤིག༔ རྣལ་འབྱོར་པ་དམ་ལྡན་བདག་གི་ཡུལ་དུ་འཁོར་སྲུངས་ཤིག༔ བྱེས་སུ་རྐྱེན་ཟློག་ཅིག༔ བསམ་པ་སྒྲུབས་ལ་རེ་བ་སྐོངས་ཤིག༔ སྤོ་ལ་དར་ཕྱོར་ཅིག༔ ཁྲོམ་དུ་དུང་བུས་ཤིག༔ མི་ནོར་ཕྱུགས་གསུམ་སྲུངས་ཤིག༔ ཆག་ཆེ་ཉམ་ང་ཟློག་ཅིག༔ ཆོད་གཏོང་རྦད་འདྲེ་ཟློག་ཅིག༔ རྨི་ལམ་རྟགས་དང་མཚན་མ་ངན་པ་ཟློག་ཅིག༔ རྣལ་འབྱོར་བདག་གི་འདོད་དོན་རེ་བ་ཡིད་བཞིན་དུ་སྒྲུབས་ཤིག༔ ༈ གཞན་ཡང་སངས་རྒྱས་ཀྱི་བསྟན་པ་བཤིག་པ༔ དཀོན་མཆོག་གི་དབུ་འཕང་སྨད་པ༔ རྡོ་རྗེ་སློབ་དཔོན་གྱི་སྐུ་དགྲ༔ མཆེད་དང་ལྕམ་དྲལ་གྱི་སྤྱི་དག༔ རྣལ་འབྱོར་པ་བདག་གི་སྒོས་དགྲ༔ སྔ་དགྲ་དར་བ༔ ད་དགྲ་བསྡོ་བ༔ ཕྱི་དགྲ་སེམས་པ༔ གཟུགས་ཅན་གྱི་དགྲ༔ གཟུགས་མེད་ཀྱི་བགེགས༔ བསྟན་པ་བཤིག་པའི་དགྲ་བགེགས་ཐམས་ཅད་ཐལ་བ་རྡུལ་དུ་རློགས་ཤིག༔ རྣལ་འབྱོར་པ་བདག་ཅག་འཁོར་དང་བཅས་པས་ནི་ཁ་ཡིས་མ་ལེན་ནོ༔ ལག་

― CMR017_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་མ་ཉེས་སོ༔ དམ་ཉམས་པའི་དགྲ་བགེགས་འདི་རྣམས་ཀྱིས༔ ཆོས་མཛད་ཡོངས་ཀྱི་སྐུ་ལ་བསྡོས་སོ༔ རིགས་ལ་བསྙགས་སོ༔ བསྟན་པ་བཤིག་་གོ༔ དམ་ཉམས་གནོད་བྱེད་དགྲ་བགེགས་འདི༔ ལས་ཀྱི་རླུང་གིས་རྒྱབ་ནས་ཕུལ་ཞིག༔ འཇིགས་པའི་མུན་ནག་གིས་མདུན་ནས་སུས་ཤིག༔ ཚེ་སྲོག་བསོད་ནམས་ཀྱི་ཀླུང་རྟ་སྦུབ་ཅིག༔ ཁ་རུ་ལག་ཆུག་ཅིག༔ ཁོང་ནས་སྙིང་ཕྱུང་ཞིག༔ སྲོག་རྩ་དམར་པོ་ཆོད་ཅིག༔ ལྟག་ནས་བདུད་ཆོད་ཅིག༔ གདོང་ནས་འོད་འཕྲོག་ཅིག༔ གནམ་གྱི་འཇུ་་ཐག་སྟེང་ནས་ཆོད་ཅིག༔ ས་ཡི་རྟེན་ཕུར་འོག་ནས་ཕྱུང་ཞིག༔ དཀོན་པའི་ཚེ་སྲོག་གཉིས་དང་ཕྲོལ་ཞིག༔ ཚེའི་འདུ་བྱེད་སྟུངས་ཤིག༔ ཡར་གྱི་སྲོག་སྒོ་ཕྱེས་ཤིག༔ མར་གྱི་དབུགས་སྒོ་ཕྱེས་ཤིག༔ སྟོད་ནས་ཚ་བ་མེ་ལྟར་འབར་དུ་ཆུག་ཅིག༔ སྨད་ནས་གྲང་བ་ཆུ་ལྟར་ཁོལ་དུ་ཆུག་ཅིག༔ ཚ་གྲང་རླུང་གསུམ་འཐབ་ཏུ་ཆུག་ཅིག༔ རླུང་མཁྲིས་བད་ཀན་འཁྲུགས་སུ་ཆུག་ཅིག༔ ཕོ་ལྷོག་དང་གཟེར་ནད་ཐོང་ཞིག༔ བལ་ནད་དང་གླང་ཐབས་ཐོང་ཞིག༔ མཛེ་ཤུ་དང་ཕོ་མིག་ཐོང་ཞིག༔ འབྲུམ་ནད་དང་ཀླད་གཟེར་ཐོང་

― CMR017_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག༔ གག་ལྷོག་དང་འབྲས་གསུམ་ཐོང་ཞིག༔ འདུ་བ་རྣམ་བཞི་ཁོང་ནས་སློངས་ཤིག༔ དུག་གསུམ་གྱི་ཨར་ལ་གཏོད་ཅིག༔ མདའ་གྲི་དང་མདུང་གྲིས་སོད་ཅིག༔ འཐིབས་གྲི་དང་ལྕེབས་གྲིས་སོད་ཅིག༔ རྟ་གྲི་དང་རྦབ་གྲིས་སོད་ཅིག༔ སྨྱོ་འབོག་དང་བརྒྱལ་ནད་ཐོང་ཞིག༔ འོ་དོད་གནམ་དུ་འབོད་དུ་ཆུག་ཅིག༔ ལག་གཉིས་བྲང་ལ་རྒྱབ་ཏུ་ཆུག་ཅིག༔ སྨྲེ་སྔགས་ཆོ་ངེ་འདེབས་སུ་ཆུག་ཅིག༔ ལུས་ལ་མཚོན་གྱི་བསྐལ་པ་ཕོབ་ཅིག༔ མི་རུང་སྣ་དགུ་འཛོམ་དུ་ཆུག་ཅིག༔ ཁ་ཡི་སོ་རྣམས་སིལ་བུར་ཐོང་ཞིག༔ མིག་འབྲས་གཉིས་ཐང་ལ་ལྷུང་དུ་ཆུག་ཅིག༔ སྙིང་ཁྲག་དྲོན་མོ་ཐང་ལ་ཕོས་ཤིག༔ ཀླད་ཁྲག་དྲོན་མོ་ཞོ་ལྟར་བཞོས་ཤིག༔ འཁོར་ཤིག་ཚང་བྲུས་ཤིག༔ སྒོ་ཡི་ནོར་དང་ཕྲོལ་ཞིག༔ མཆན་གྱི་བུ་དང་ཕྲོལ་ཞིག༔ ཡུལ་གྱི་ཁང་ཁྱིམ་ཞིག་ཅིག༔ ཞིང་གི་སྐྱེ་རྒྱུད་ཆོད་ཅིག༔ ཡར་གྱི་ཕོ་རྒྱུད་རྩད་ནས་ཆོད་ཅིག༔ མར་གྱི་མོ་རྒྱུད་མངལ་ནས་སྐེམ་ཞིག༔ མིག་ལ་གཟའི་བསོར་རྡོ་གྱིས་ཤིག༔ སོ་ལ་ཐེའུ་རང་གིས་ཤཱ་རྡེལ་གྱིས་ཤིག༔ སྙིང་ལ་ཆོས་སྐྱོང་གིས་རྔམས་ཟས་གྱིས་ཤིག༔ གློ་མཆིན་ལ་བདུད་ཀྱིས་ཇུར་མིད་གྱིས་ཤིག༔ རྒྱུ་

― CMR017_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལ་བཙན་གྱིས་ཞགས་པ་གྱིས་ཤིག༔ མཁལ་མ་ལ་འདྲེས་སྲང་རྡོ་གྱིས་ཤིག༔ པགས་པ་ལ་གིང་གིས་གཡང་གཞི་གྱིས་ཤིག༔ རུས་པ་ལ་སྡེ་དཔོན་གྱིས་ཁྲམ་མཁར་གྱིས་ཤིག༔ རྐང་པ་ལ་གཤིན་རྗེའི་དབྱུག་པ་གྱིས་ཤིག༔ ཐོད་པ་ལ་བདུད་པོའི་ཁ་ཕོར་གྱིས་ཤིག༔ རྩད་ནས་ཆོད་ལ་དྲུངས་ནས་ཕྱུང་ཞིག༔ ལྟས་ངན་དང་ཆོ་འཕྲུལ་ཐོང་ཞིག༔ མི་ཁ་དང་སྟབས་སྣོལ་ཐོང་ཞིག༔ ལོ་དང་ཟླ་བར་མ་བཞག༔ ཞག་དང་ཟ་མར་མ་བཞག༔ རྟགས་དང་མཚན་མ་ད་ལྟ་ཕྱུང་ཞིག༔ ནམ་མཁའ་སྟོང་པ་ལ་ཚད་མ་འཛུགས༔ ཚེ་ཕྱི་མ་ལ་དུས་མ་འདེབས༔ སྐྱེ་ཤི་གཉིས་ལ་ཁུང་མ་འབྱིན༔ ལས་ཀྱི་དབང་བཙན་ཞེ་སྙད་མ་འདོགས་པར༔ མྱུར་དུ་རྟགས་དང་མཚན་མ་སྟོན་ཅིག༔ ཁྱེད་ལ་གཏང་རག་གཉན་པོ་གཏང་ངོ་༔ རྣལ་འབྱོར་པ་བདག་གིས་བཅོལ་བའི་ཕྲིན་ལས་གཉན་པོ་མཛོད་ཅིག༔ སྤུ་གྲིའི་སྔགས་བཟླས་ཏེ་ཟོར་ཆེན་འཕངས༔ བཞེས་བཀྱག༔ དར་ནག་བརྡབ༔ ཤིང་ཏུ་གཉན་པས་གར་ཆེ་དུས་ལན་རེ་ཙམ་ལས་མི་རུང་༔ ཡིད་བཞིན་དུ་སྒྲུབས་ཤིག༔ ཡན་གྱིས་ཆོག་གོ༔ དེ་ནས་རལ་གྲི་ཐོགས་ལ༔ རང་ཉིད་ཁྲོ་བོ་བཅུའི་མི་གཡོ་མགོན་པོའི་ང་རྒྱལ་དུ་འཕོས་ཏེ༔ རལ་གྲི་སོ་ལ་ཛཿབྲིས་སམ་

― CMR017_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམས་ལ༔ ཧཱུྃ༔ ང་ནི་མི་གཡོ་མགོན་པོ་སྟེ༔ ཡེ་ཤེས་གློག་གི་རལ་གྲི་འདིས༔ སྐྱེ་ཤི་འཁོར་བ་རྒྱུན་བཅད་ནས༔ བླ་མེད་གནས་སུ་བསྒྲལ་བར་བྱ༔ ཏིག་ཏིག་ཚིན་ཚིན༔ མཱ་ར་ཡ་ཧཱུྃ་ཕཊ༔ ཅེས་རི་བོང་མགོ་དེ་དུམ་བུ་གསུམ་དུ་གཏུབས༔ ཤོག་ལིང་ཡོད་ན་བསྲེགས་ལ་ཐལ་བ་དམར་གཏོར་ཀུན་ལ་གཏོར༔ མགོ་དུམ་བུ་གཅིག་གཏོར་ཟློག་ནང་དུ་འབུལ༔ དུམ་བུ་གཅིག་དུམ་བུ་མང་དུ་བྱས་ལ་དམར་གཏོར་ཀུན་གྱི་ནང་དུ་ཕུལ༔ དུམ་བུ་གཅིག་ས་ལ་དོང་བྲུས་པར་སྦས་ལ་སྟེང་དུ་ས་ལ་རྡོ་རྗེ་རྒྱ་གྲམ་བྲིས་པས་མནན༔ རྗེས་ལ་དེའི་སྟེང་དུ་གཏོར་སྣོད་སྦུབ་ལ་རྟ་བྲོ་བྱའོ༔ རི་བོང་མགོ་དངོས་སམ་ཟན་ནམ་འཇིམ་པ་ལ་བཅའ་བས་ཆོག་གོ༔ དེ་ནས་གཏོར་ཟློག་བཀྱག་ནས༔ ཟློག་ཐུང་ཐུན་གཏོར་དེ་འདོན་ནས༔ གཏོར་མ་རྣམས་རྩེ་ཕར་བསྟན་ལ་བསྒྱེལ་ལོ༔ དེ་ནས་གཏོར་སྣོད་ཐམས་ཅད་སྤྲུབ་པའི་སྟེང་དུ༔ དར་ནག་སྦྲེལ་ལ་བཙུགས༔ གནོད་བྱེད་དམ་སྲི་སྒབ་འདྲེ་ཐམས་ཅད་གཏོར་གཞོང་རི་རབ་འབར་བའི་འོག་ཏུ་ཁུག་ཅིག༔ ཛཿཧཱུྃ་བཾ་ཧོཿ ཧཱུྃ༔ ང་ནི་དཔལ་ཆེན་ཧེ་རུ་ཀ༔ བཅོམ་ལྡན་རྡོ་རྗེ་གཞོན་ནུའི་སྐུ༔ འཁོར་ལོ་རྒྱས་འདེབས་ཡུམ་དང་རོལ༔ ཕྱོགས་བཅུའི་ཁྲོ་རྒྱལ་ཡབ་ཡུམ་བཅས༔ ཕྱག་བརྙན་ཁྲ་ཐབས་སྒོ་མ་དང་༔ སྤྲུལ་པ་ཡང་སྤྲུལ་དཔག་མེད་བསྐོར༔ གཏུམ་ཆེན་དུས་མཐའི་

― CMR017_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ལྟར་འབར༔ ཡེ་ཤེས་ཚྭ་ཚྭ་སྐར་ལྟར་འཁྲུགས༔ ཞལ་གསུམ་ཕྱག་དྲུག་ཞབས་བཞི་བསྒྲད༔ སྐུ་ལ་དུར་ཁྲོད་ཆས་རྣམས་རྫོགས༔ རྡོ་རྗེའི་གཤོག་པ་ཕྱོགས་བཅུར་གདེངས༔ ཧཱུྃ་གི་འབྲུག་སྒྲ་དི་རི་དི་རི༔ ཕཊ་ཀྱི་རྐན་སྒྲ་ཆེམས་སེ་ཆེམ༔ ཁྲོ་བོའི་གར་སྟབས་ཤིགས་སེ་ཤིག༔ རྡོ་རྗེའི་འགྲོས་སྟབས་ལམས་སེ་ལམ༔ གཡས་སུ་བསྐོར་ཏེ་དགྲ་ལ་བརྡུང་༔ དགྲ་ནི་དུམ་བུར་གཏུབས་པའི་བྲོ༔ གཡོན་དུ་བསྐོར་ཏེ་བགེགས་ལ་བརྡུང་༔ བདུད་བགེགས་ཕྱེ་མར་འཐགས་པའི་བྲོ༔ གཡས་གཡོན་ཐབས་ཤེས་སྲི་ལ་བརྡུང་༔ དམ་སྲི་ཐལ་བར་བརླག་པའི་བྲོ༔ བདུད་སྡེ་དཔུང་དང་དྲེགས་པའི་ཚོགས༔ གཞོབ་རྒོད་རྡོག་པས་བརྫིས་པ་བཞིན༔ ཐལ་བ་རྡུལ་དུ་བརླག་པར་བྱ༔ བསྐལ་པའི་མཐའ་རུ་ནྟཾ་བྷ་ཡ༔ ཨོཾ་སུཾ་བྷ་ནི་སོགས་ཧཱུྃ་བཞི་སྔགས་ཀྱི་མཐར། ཨོཾ་ལཾ་ཧཱུཾ་ལཾ་སྟེ་བྷ་ཡ་རཀྟ་མཱ་ར་ཡ་ནཱན༔ དེ་ནས་སློབ་དཔོན་རྗེས་ལ་བསྡད་ཅིང་ཕྱི་མིག་མི་ལྟ་བར་འོང་༔ ཡེ་ཤེས་ཀྱི་བྱ་ཁྱུང་རབ་ཏུ་ཁྲོས་པས་རྗེས་བཅད་པར་གྱུར་པར་བསྒོམ། ཨོཾ་ཁྲོ་གྷ་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ཅེས་བརྗོད་ཅིང་ནང་དུ་འོང་༔ རྒྱས་པར་གྱུར་ན་དགའ་སྟོན་གྱི་ཚོགས་འཁོར་རང་གཞུང་ངམ༔ གཞན་གང་

― CMR017_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་ལྟར་ཚེ་འགུགས་དང་བཀྲ་ཤིས་བརྗོད༔ སྲུང་འཁོར་སྒོམ༔ རྗེས་ཆོག་བསྔོ་བ་སྨོན་ལམ་སོགས་སྤྱི་ལྟ་བྱ་ཞིང་༔ སྟོང་ཉིད་ཀྱི་ཉམས་ལེན་ཐུན་གཅིག་སྐྱོང་༔ ཞེས་བྱ་བ་འདི་ནི་ཕུར་ཟློག་ཁྲོ་རྒྱལ་སྟོབས་འདུས་དང་ཕུར་པའི་དབལ་ཟློག་ཟོར་ཐབས་སུ་བཅའ་བའི་ལུགས་ཡིན་ལ༔ དེ་གཉིས་གང་བྱེད་ཀྱང་གཞུང་གཅིག་པོ་དེ་བསྒྱུར་བ་མ་གཏོགས་འདྲ༔ དབལ་མདོས་མདོས་ཐབས་སུ་བཅའ་ནའང་བཅའ་ཚོགས་གཞུང་འདིའི་ཡིག་ཆུང་ལྟར་སོ་སོར་ཡིན་ཀྱང་འདོན་ལུགས་འདྲ༔ འདི་ལ་འདོན་ཆ་ས་ཕུར་སོགས་དང་༔ གཏེར་ཁ་གཞན་མ་བསྲེས་པར༔ རཏྣའི་རང་གཞུང་བསླད་མེད་ཡིན་པར༔ བཀའ་བརྒྱད་ནས་སབ་དགོས་གཞུང་ན་ཁ་འཕང་བ་ཡང་བཙུད་དེ༔ བལྟས་ཆོག་ཁྱེར་བདེ་བ་ནག་པོ་འགྲོ་ཤེས་སུ་བཀོད་པ་ཡིན་ལ༔ འདི་ཡི་བསྒྲལ་ཆོག་སོགས་གབ་འཁྲུགས་ཆེ་བས་བསྒྲིག་གལ་ཆེ་བར་སྣང་ཡང་༔ བསྒྲིགས་མ་ཁོམ་པར་ལུས༔ ཡོས་ལོ་སྣོན་ཟླ་བའི་ནང་དུ་ཤོར་ལུང་སྔགས་ཆུང་གསར་བུ་པུའི་མིང་ཅན་གྱིས་ཕུར་པ་དོན་དུ་གཉེར་བས༔ ཐག་རིང་ནས་ལན་གཉིས་བྱུང་ཞིང་ནན་གྱིས་བསྐུལ་བ་ལ་བརྟེན་ནས་བསྒྲིག་པ་ལ༔ འགལ་འཁྲུལ་ཉེས་པ་གང་མཆིས་བཤགས་ཤིང་༔ དགེ་བས་འགྲོ་ཀུན་རྡོ་རྗེ་གཞོན་ནུའི་གོ་འཕང་ཐོབ་པའི་ཕྱིར་དུ་བསྔོའོ༔ ཞེས་སྙིགས་དུས་ཀྱི་རིག་སྔགས་འཆང་བའི་རྣལ་འབྱོར་པ་༧ རཱ་ག་ཨ་སྱས་སོ༔ སརྦ་མངྒ་ལཾ། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྩང་གྱེར།

― CMR017_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

རྩང་གྱེར་འདི་བཀའ་བརྒྱད་ནས་ཁོལ་དུ་ཕྱུང་བའོ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ སྤྲུལ་པའི་ཕོ་ཉ་ལས་ལ་མངག་པའི་ཕྱིར༔ ཉོན་མོངས་གདུག་པ་མ་ལུས་བསྒྲལ་བའི་ཕྱིར༔ སྤྲུལ་པའི་ཕྱག་རྒྱ་རྟགས་ཀྱི་ཕྱག་མཚན་གསལ༔ གདུག་པའི་གཙང་ཕུར་ཕྱག་རྟགས་ཉིད་དང་ལྡན༔ ཡར་གྱི་རྩེ་མོས་ཆོས་ཉིད་དབྱིངས་སུ་སླེབས༔ མར་གྱི་རྩེ་མོས་ངན་སོང་གསུམ་ལ་གཟིར༔ སྐེད་པ་རྒྱ་མདུད་ཆོས་ཉིད་འབྱུང་བའི་གནས༔ ཡར་གྱི་རྩེ་མོས་ལྷག་མཐོང་ཡུལ་དུ་འཇུག༔ མར་གྱི་རྩེ་མོས་རྒྱུ་དྲུག་སྙིང་པོ་སྒྲོལ༔ སྐེད་པ་རྒྱ་མདུད་ཁམས་གསུམ་ལྟོས་དང་མཉམ༔ ཡར་གྱི་རྩེ་ལ་གདུག་རྩུབ་མེ་ལྟར་འབར༔ མར་གྱི་རྩེ་ལ་གདུག་པའི་འོད་ཟེར་འཕྲོ༔ སྐེད་པ་རྒྱ་མདུད་མཚོན་ཆའི་གུར་དུ་ཕུབ༔ ཡར་གྱི་རྩེ་ལ་རཾ་གྱི་ཁུ་འཕང་འཕྲོ༔ མར་གྱི་རྩེ་ལ་ཛཡི་བུ་ཡུག་འཚུབ༔ སྐེད་པའི་དཀྱིལ་ན་དམུ་ཡི་ཕོ་བྲང་བཅས༔ ཡར་གྱི་རྩེ་ལ་ཁྲག་གི་བྱ་རྒོད་ལྡིང་༔ མར་གྱི་རྩེ་བསྒྲལ་ལྕགས་ཀྱི་འུག་པ་གྲག༔ སྐེད་པའི་དཀྱིལ་ན་ཟངས་ཀྱི་བྱ་རོག་འགྱེད༔ ཡར་གྱི་རྩེ་ལ་ཁྲག་གི་སྦྲང་བུ་གྲག༔ མར་གྱི་རྩེ་ལ་ལྕགས་ཀྱི་བུང་བ་གྲག༔ སྐེད་པའི་དཀྱིལ་ན་གཡུ་

― CMR017_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་ཁུ་བྱུག་གྲག༔ ཡར་གྱི་རྩེ་ལ་ལྷ་སྲིན་དམར་ནག་འཁྲུགས༔ ཡར་གྱི་རྩེ་ལ་རྒྱ་གྲོག་དམར་ནག་རྒྱུག༔ སྐེད་པའི་དཀྱིལ་ན་གསེར་གྱི་སྦལ་པ་འཁུན༔ ཡར་གྱི་རྩེ་ལ་ཁྲག་གི་ཐིགས་པ་འཛག༔ མར་གྱི་རྩེ་ལ་དུག་གི་ཆུ་བོ་ཁོལ༔ སྐེད་པའི་དཀྱིལ་ན་ཟངས་ཀྱི་ཝ་མོ་བརྒྱལ༔ ཡར་གྱི་རྩེ་ལ་ཟངས་ཀྱི་འཕར་བ་རྒྱག༔ མར་གྱི་རྩེ་ལ་ལྕགས་ཀྱི་རྒྱུག༔ སྐེད་པའི་དཀྱིལ་ན་ཟངས་ཀྱི་ཁྱི་མོ་ཟུག༔ ཡར་གྱི་རྩེ་ལ་བདུད་བྱ་ཀང་ཀ་རྒྱུག༔ མར་གྱི་རྩེ་ལ་དོམ་དང་དྲེད་མོང་འཐབས༔ སྐེད་པའི་དཀྱིལ་ན་སྟག་དང་སེང་གེ་འཐབས༔ སྤྲུལ་པའི་ཕོ་ཉ་དེ་རྣམས་ཀྱང་༔ ཆེ་ཆུང་རྒྱ་གྲོག་དམར་ནག་ཙམ༔ གདུག་པའི་རྟུལ་ཞུགས་སྣ་ཚོགས་ཀྱིས་རི་རབ་ཀུན་ཀྱང་ཚོགས་པོར་འཕེན༔ འཇིགས་པའི་སྒྲ་སྐད་སྣ་ཚོགས་ཀྱིས༔ ཁམས་གསུམ་ཐམས་ཅད་ཟིལ་གྱིས་གནོན༔ མྱུར་མགྱོགས་དྲག་པོས་ཁམས་གསུམ་དབང་དུ་སྡུད༔ ཡང་སྤྲུལ་མངག་གཞུག་དཀྱིལ་འཁོར་གང་༔ འབར་བའི་ཡང་སྤྲུལ་མཐའ་དང་མཉམ༔ དཀྱིལ་འཁོར་ནམ་མཁའི་མཐའ་དང་མཉམ༔ སྤྲུལ་པ་ཀུན་འབྱུང་གདུག་པའི་རྩང་ཕུར་རྣམས༔ གྲུ་གསུམ་གླིང་བཞི་དྲག་པོར་བཅས༔

― CMR017_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཉིད་ཡེ་ཤེས་དྲྭ་བ་མིག་མང་རིས༔ འཁོར་བའི་དྲུ་བ་སྐ་ཤད་འཛིངས་པ་འདྲ༔ ཉོན་མོངས་དྲ་བ་སེམས་ཅན་འཆིང་བའི་རྒྱུ༔ ཤེས་རབ་དྲྭ་བ་མ་རིག་འབྱེད་པའི་སྒོ༔ སྤྲུལ་པའི་དྲྭ་བ་ཅིར་ཡང་བསྒྱུར་བའི་ཐབས༔ གདུག་པའི་དྲྭ་བ་སེམས་ཅན་འཁྱུད་པའི་སྣོད༔ སྤྲུལ་པའི་ཕོ་ཉ་མྱུར་མགྱོགས་རྒྱུག་པའི་སྲང་༔ དམ་ཉམས་དགྲ་བགེགས་ཤོར་བའི་མུ་མཐའ་མེད༔ གདུག་རྩུབ་སྤྲུལ་པའི་དྲྭ་བ་མིག་རེ་ལ༔ གདུག་པའི་དགྲ་བགེགས་སྲོག་རྩ་གཅོད་པར་བྱེད༔ དམ་ཉམས་དགྲ་བོའི་སྲོག་ལ་རྟོད་ཅིང་བློ་འཐབས༔ གྲུ་གསུམ་མཐིང་ནག་འབར་བའི་དཀྱིལ་འཁོར་འདིར༔ གདུག་རྩུབ་དབལ་དྲག་ལྡན་པའི་རྩང་ཕུར་བཞུགས༔ དམ་ཉམས་དགྲ་བོའི་སྙིང་ལ་ཀཱི་ལ་ཡ༔ ཀཱི་ལ་ཡ་ན་ལས་མཛོད༔ བྷྱོ་ཛཿ དམ་ཉམས་དགྲ་བོ་འདུལ་བའི་ཕྱིར༔ སྒྲུབ་པ་བཀའ་བརྒྱད་ལྷ་ཚོགས་རྣམས༔ དྲག་པོའི་སྟོབས་ཀྱིས་རྩང་ཕུར་བཞེངས༔ ཧཱུྃ༔ དབང་དྲག་ཕུར་པའི་ལྷ་ཚོགས་རྣམས༔ དྲག་པོའི་སྟོབས་ཀྱིས་རྩང་ཕུར་བཞེངས༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ དམ་ཉམས་དགྲ་བོ་འདུལ་བའི་ཕྱིར༔

― CMR017_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

མཐིང་ནག་དབལ་གྱི་གདན་སྟེང་དུ༔ དབལ་དྲག་ལྡན་པའི་རྩང་ཕུར་བཞེངས༔ ཡེ་ཤེས་ཕུར་པ་ཀཱི་ལ་ཡ༔ རྫས་ཀྱི་ཕུར་པ་ཀཱི་ལ་ཡ༔ མགོ་བོ་རྒྱ་མདུད་མངའ་གསོལ་ལོ༔ ཡེ་ཤེས་ཐིག་ལེས་མངའ་གསོལ་ལོ༔ ཟུར་བརྒྱད་འབར་བས་མངའ་གསོལ་ལོ༔ ཕྱག་རྒྱ་སྦྱོར་བས་མངའ་གསོལ་ལོ༔ སྐེད་པ་རྒྱ་མདུདོ་མངའ་གསོལ་ལོ༔ རིགས་བཞི་ཕྱག་རྒྱས་མངའ་གསོལ་ལོ༔ གྲུ་གསུམ་འབར་བས་མངའ་གསོལ་ལོ༔ ཛགསུམ་འབར་བས་མངའ་གསོལ་ལོ༔ ངོས་གསུམ་འབར་བས་མངའ་གསོལ་ལོ༔ པདྨ་ར་ཀྟས་མངའ་གསོལ་ལོ༔ ཟུར་གསུམ་འབར་བས་མངའ་གསོལ་ལོ༔ སྣ་ཚོགས་ཛཡིས་མངའ་གསོལ་ལོ༔ རཀྟ་ཁྲག་གིས་ངར་བླུད་ནས༔ སྲིན་པོའི་ཐོད་པ་འདི་ལ་བརྡར༔ ཕུར་པའི་མདའ་ལ་་ཉེ་རིང་མེད༔ དམིགས་པའི་འབེན་ལ་ཆེ་ཆུང་མེད༔ མ་མོའི་ཐུན་ལ་ཉེ་རིང་མེད༔ ཡུངས་ཀར་རྦབ་ལ་གྱེན་ཐུར་མེད༔ ཕོ་ཉའི་ལས་ལ་དཀའ་སླ་མེད༔ ས་མ་ཡ་ཛ་ཛཿ རྩང་གྱེར་རྫོགས་སོ༔

ཐལ་རྡེབ།

― CMR017_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ། དཀོན་མཆོག་གསུམ་དང་རྩ་བ་གསུམ་གྱི་བདེན་པ་དང་། ཁྱད་པར་དུ་ཡི་དམ་རྡོ་རྗེ་གཞོན་ནུ། ཡུམ་མཆོག་འཁོར་ལོ་རྒྱས་འདེབས། སྲས་མཆོག་རིགས་བཞི། ཁྲོ་བཅུ་ཡབ་ཡུམ། ཟ་གསོད་ཕྲ་མེན། སྲུང་མ་བཅུ་གཉིས། སྒོ་མ་བཞི། ཕྱག་བརྙན་དབང་ཕྱུག་མ་དང་བཅས་པ། ཕུར་པའི་ལྷ་ཚོགས་བདུན་ཅུ་རྩ་གཉིས་འཁོར་དང་བཅས་པའི་བཀའ་བདེན་པ་དང་། བདེན་སྟོབས་ཆེན་པོའི་བྱིན་རླབས་ལ་བསྟན་ནས། རྣལ་འབྱོར་པ་བདག་ཅག་ཡོན་མཆོད་མི་ནོར་འཁོར་དང་་བཅས་པ་རྣམས་ལ། སྡང་བྱེད་ཀྱི་དགྲ། གནོད་བྱེད་ཀྱི་བགེགས། བར་གཅོད་ཀྱི་རྐྱེན། ཆག་ཆེན་ཉམ་ང་། གཟུགས་ཅན། གཟུགས་མེད། སྦྱོར་ངན། གདུག་རྩུབ། བྱད་ཟོར། ཕུར་ཁ། གཏད་ཁྲམ་ལ་སོགས་པ་མདོར་ན་མི་མཐུན་པའི་ཕྱོགས་རིས་ངན་པ་ཐམས་ཅད། དགྲ་བོ་གནོད་བྱེད་བྱེད་མ་ཁོ་རང་གི་སྟེང་དུ་ཕྱིར་ཟློག་པར་གྱུར་ཅིག །མེད་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །དེ་དག་ཐམས་ཅད་ཀྱི་མཐུ་བཅིངས་བར་བགྱིའོ། །སྟོབས་བཅིངས་བར་

― CMR017_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

བགྱིའོ། གཟི་བརྗིད་བཅིངས་བར་བགྱིའོ། སྦྱོར་བ་ངན་པ་ཐམས་ཅད་རང་ནུས་རིང་ལ་བཟློག་པར་གྱུར་ཅིག །ཨི་ས་བྷྱོ་ཟློག༔ བགེགས་རིགས་སྟོང་ཕྲག་བརྒྱད་ཅུ་སོགས།

ཟློག་སྔགས་དང་ཐལ་རྡེབ་ཀྱི་ཟློག་པའི་བསྒྱུར་ཁ་།

― CMR017_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག་སྔགས་དང་ཐལ་རྡེབ་ཀྱི་ཟློག་པའི་བསྒྱུར་ཁ་ནི༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཧཱུྃ༔ བདུད་པྲ་མཱ་ར་ཡ་རྦད་ནན༔ ཁ་ལ་ཛ་མ་ལི་རྦད་ནན༔ རཱ་ཙ་དུན་ལིང་ཤག་ཆད་ནན༔ ཤིག་ཤིག་དུ་དུ་ཆད་ནས༔ ཚལ་པ་ཚལ་པ་རྦད་ནན། ཁྲོ་ཁྲོ་བྷྱོ་བྷྱོ་རྦད་ནན༔ རྨུག་སྨུག་ཟད་ནན༔ ཏིར་ཏིར་ཟད་ནན༔ ཚལ་ཚལ་རྦད་ནན༔ བྱོ་བྷྱོ༔ རྣལ་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ཐམས་ཅད་ལ་གནོད་ཅིང་འཚེ་བར་བྱེད་པའི༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་བན་བྱད་དགྲ་ལ་ཟློག༔ བོན་བྱད་དགྲ་ལ་ཟློག༔ ལྷ་འདྲེའི་དམོད་བྱད་དགྲ་ལ་ཟློག༔ ན་ལྟས་ངན་པ་དགྲ་ལ་ཟློག༔ འཆི་ལྟས་ངན་པ་དགྲ་ལ་ཟློག༔ རྨིས་ལྟས་ངན་པ་དགྲ་ལ་ཟློག༔ མོ་ལྟས་ངན་པ་དགྲ་ལ་ཟློག༔ པྲ་ལྟས་ངན་པ་དགྲ་ལ་ཟློག༔ ཐན་ལྟས་ངན་པ་དགྲ་ལ་ཟློག༔ མི་ཁ་དགྲ་ལ་ཟློག༔ གཤེད་ཁ་དགྲ་ལ་ཟློག༔ བྱད་ཁ་དགྲ་་ལ་ཟློག༔ ཟོར་ཁ་དགྲ་ལ་ཟློག༔ ཐུན་ཁ་དགྲ་ལ་ཟློག༔ ཕུར་ཁ་དགྲ་ལ་ཟློག༔ བྱོལ་ཁ་དགྲ་ལ་ཟློག༔ གཏད་ཁྲམ་དགྲ་ལ་ཟློག༔ བྱུར་དང་མི་ཁ་སྙིང་སྟོང་དང་༔ དལ་

― CMR017_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

ཡམས་དུས་འཁྲུག་ནད་བདག་ཡམས་བདག་རིམས་བདག་ལོ་ཀག་ཟླ་ཀག་ཞག་ཀག༔ གང་གནོད་གང་བསྒྲེན་ཆག་ཆེན་ཉམ་ང་ཕ་རོལ་གྱི་བསམ་སྦྱོར་ངན་པ་ཐམས་ཅད་དགྲ་བོ་བྱད་མ་འདྲེ་གདོན་གྱི་སྟེང་དུ་བཟློག་ཅིང་བསྒྱུར་བའི་ཕྲིན་ལས་དམ་པ་མཛོད་ཅིག༔ ཅེས་ཐལ་མོ་བརྡབ་བོ༔ སྔགས་རྣམས་དག་པར་བཟླས་ཤིང་བསྐྱེད་རིམ་དང་ལྡན་ན་རི་གཟར་གྱི་རྦབ་ཀྱང་གྱེན་དུ་བཟློག་ན་གཞན་སྨོས་ཅི་དགོས༔ ཞེས་པ་འདི་སྔགས་འཆང་རཱ་ག་ཨ་སྱས་བྲིས་པ་མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་མ་སྲིན་མོ་ཟ་ལམ།

― CMR017_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་གཏོར་མ་སྲིན་མོ་ཟ་ལམ་ནི༔ གདོན་བགེགས་ཐམས་ཅད་གཏོར་མས་ཟློག་པ་ནི༔ གཏོར་མ་གོམ་པ་བདུན་ཅུའི་སར་ཁྱེར་ལ༔ རྔ་རྡུང་དུང་འབུད་རོལ་མོ་བསྒྲག༔ ཆ་ལང་རྡེབ༔ འོ་དོད་འབོད༔ ཞིང་ལྤགས་གདབ༔ གཡབ་དར་གཡབ་ལ་གསེར་སྐྱེམས་གཏོར་མ་བཏང་སྟེ༔ དེ་ནས་བར་འདིར་སྒོ་དབྱེ་བྱའོ༔ ཧཱུྃ་ཧཱུྃ་ཧཱུྃ༔ བྷྱོ་བྷྱོ་བྷྱོ༔ བྷྱོ་བྷྱོ༔ སྲིན་མོ་ཟ་ལམ་གོམ་པ་བདུན་ཅུ་འདས་པའི་ཕ་རོལ་ན༔ འཇིག་རྟེན་འདས་ཀྱང་འཁོར་བའི་ཆ་ལུགས་འཛིན༔ ཡེ་ཤེས་ལས་གྲུབ་ལས་ཀྱི་མཁའ་འགྲོར་སྟོན༔ རྡོ་རྗེ་མ་མོའི་ལྟས་ངན་བྷྱོ་ཟློག་ཅིག༔ སོ་སོའི་རིགས་དང་མིང་སྲིང་ལྕམ་དྲལ་ཚུལ༔ དམ་ལ་བརྩེར་དགོངས་གནོད་པའི་ཕྱོགས་ཀུན་ཟློག༔ བྷྱོ་བྷྱོ༔ ཟློག་ཟློག་དམར་ཆེན་གཏོར་མས་ཟློག༔ སཱ་མཱ་ཡཱ༔ བྷྱོ༔ སྲིན་མོ་ཤུགས་འཆང་རྡོ་རྗེ་རིགས་་ཀྱི་ལྕམ༔ མིང་པོ་རྒྱལ་པོའི་བཀའ་སྒྱུར་རྒྱལ་ཆགས་ཟློག༔ བྷྱོ༔ སྲིན་མོ་ཤུགས་འཆང་རིན་ཆེན་རིགས་ཀྱི་ཡུམ༔ མིང་པོ་གཤིན་རྗེའི་བཀའ་སྒྱུར་ཁྲམ་ཁ་ཟློག༔ བྷྱོ༔ གར་གྱི་དབང་ཕྱུག་པདྨ་རིགས་ཀྱི་ལྕམ༔ མིང་པོ་ཀླུ་ཡི་བཀའ་བསྒྱུར་ཀླུ་བྱེད་ཟློག༔ བྷྱོ༔ གར་གྱི་དབང་ཕྱུག་ལས་ཀྱི་རིགས་ཀྱི་ལྕམ༔ མིང་པོ་གནོད་སྦྱིན་བཀའ་སྒྱུར་གནོད་སྦྱིན་

― CMR017_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག༔ བྷྱོ༔ དབྱིངས་ཕྱུག་དཔལ་ལྡན་རྡོ་རྗེ་མཁའ་འགྲོ་མ༔ ཀོང་བཙུན་བཀའ་སྒྱུར་མི་སྙིང་བློ་འཕྲོག་ཟློག༔ བྷྱོ༔ སྔགས་སྲུང་ཨེ་ཀ་ཙ་ཏི་རལ་གཅིག་མ༔ སྐོས་རྗེའི་བཀའ་སྒྱུར་བདུད་ཀྱི་ཁྲམ་ཁ་ཟློག༔ བྷྱོ༔ ཨེ་ཀ་ཙ་ཏི་ནམ་མཁའི་གློག་མ་སྤྲིནུ༔ རེ་ལྡེ་མགོ་ཉག་བཀའ་སྒྱུར་བདུད་རྣམས་ཟློག༔ བསྒྱུར་རོ་བདུད་ཀྱི་ཆད་པ་དགྲ་ལ་སྒྱུར༔ བྷྱོ༔ དཀར་མོ་ཆེན་མོ་ཉི་ཟླའི་ཐོད་ཕྲེང་ཅན༔ གནམ་ལྷའི་བཀའ་སྒྱུར་བརྒྱལ་ནད་སྨྱོ་འབོག་ཟློག༔ བྷྱོ༔ མ་མོ་ཨེ་ཀ་ཙ་ཏི་ཐལ་མདོག་མ༔ གྲོང་ཐེལ་བཀའ་སྒྱུར་ཐེའུ་རང་ཡུལ་འབེབས་ཟློག༔ བྷྱོ༔ ཟློག་རྒྱལ་མོ་བཞི་དང་བློན་མོ་བཞི༔ སྤྲུལ་པའི་འོད་ཕྲེང་ལྟས་ངན་ཟློག༔ ཁྲོ་རྒྱལ་ཁམས་གསུམ་ཧཱུཾ་སྒྲ་ཅན༔ ཟངས་ཁྲབ་གསོལ་ནས་མདུང་དམར་ཐོགས༔ བ་དན་རྩེ་གསུམ་གཡབ་པའི་ཚེ༔ ལྷ་སྲིན་དབང་སྡུད་དགྲ་བགེགས་གསོད༔ བདུད་དཔུང་འཇོམས་ཤིང་སྲོག་དབུགས་གཅོད༔ མདུང་དམར་ཅན་གྱི་ལོག་འདྲེན་སྒྲོལ༔ དགྲ་བགེགས་ཐམས་ཅད་བཟློག་ཏུ་གསོལ༔ བྷྱོ་བྷྱོ་སྡང་བའི་དགྲ་ལ་བྷྱོ༔ ཟློག་ཟློག་བ་གནོད་པའི་བགེགས་ལ་ཟློག༔ བྷྱོ༔ ས་བདག་ཆེན་མོ་རལ་གཅིག་མ༔ ས་

― CMR017_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེལ་ནག་པོའི་བཀའ་སྒྱུར་ས་སྲི་ཟློག༔ བྷྱོ༔ གནམ་ལྷ་ཤེས་ལྷ་རེ་མན་ཞེས་བྱ་བ༔ གཟའ་བདུད་བཀའ་སྒྱུར་གཟའ་ཡི་དལ་ཁ་ཟློག༔ བྷྱོ༔ བཙན་ལ་རོལ་པའི་རྡོ་རྗེ་སྨན་གཅིག་མ༔ ཡམ་ཤུད་བཀའ་སྒྱུར་བཙན་གྱི་སྐྱ་བབ་ཟློག༔ བྷྱོ༔ མ་ཆེན་འཇིགས་པ་ཁྲག་གི་རལ་པ་ཅན༔ ཀླུ་སྲིན་ཕོ་མོའི་བཀའ་སྒྱུར་ཀླུ་ནད་ཟློག༔ བྷྱོ༔ དཔལ་ལྡན་ལྷ་མོ་ནག་མོ་རེ་མ་ཏི༔ མགོན་པོའི་བཀའ་སྒྱུར་ནམ་གྲུའི་ཆོ་འཕྲུལ་ཟློག༔ བྷྱོ༔ དཔལ་ལྡན་ལྷ་མོ་ལས་ཀྱི་དབང་མོ་ཆེ༔ སྣང་སྲིད་མ་མོའི་ཁྲམ་ཁ་དགྲ་ལ་ཟློག༔ བྷྱོ༔ དམར་ཆེན་གཏོར་མ་འདི་ཡིས་དགྲ་བགེགས་ཟློག༔ ཆག་ཆེན་ཉམ་ང་ཐམས་ཅད་དགྲ་ལ་ཟློག༔ རྦད་འདྲེ་རྒོད་གཏོང་བྱད་ཁ་ཕུར་ཁ་ཟློག༔ བྷྱོ༔ གཞན་ཡང་བཟློག་ཅིང་བསྒྱུར་བ་ནི༔ ལྷ་ཆེན་དྲག་པོའི་གདུག་རྩུབ་ཟློག༔ ལྷ་ཆད་གནམ་ནས་བབ་པ་ཟློག༔ ལྷ་མ་ཡིན་གྱི་གདུག་རྩུབ་ཟློག༔ སྐེམ་བྱེད་ལྕགས་ཀྱུས་ཟིན་པ་ཟློག༔ དྲང་སྲོང་རྣམས་ཀྱི་དམོད་པ་ཟློག༔ མ་མོའི་ཐུན་སྔགས་དམག་ཚོགས་ཟློག༔ ཕྲ་མེན་མ་ཡི་ཉེ་འབྱེད་ཟློག༔ ས་བདག་ཀླུ་ཡི་གདུག་བྱད་ཟློག༔ ཕོ་ཉའི་རྦོད་གཏོང་འབྱུང་བ་ཟློག༔ ཕུར་

― CMR017_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དབལ་ཁ་འཕེན་པ་ཟློག༔ ཡུངས་བྲོར་མདའ་ལྟར་འཕེན་པ་ཟློག༔ མུ་སྟེགས་བོན་པོའི་བྱད་ཟོར་ཟློག༔ བནྡེའི་ཧོ་སྤར་ངན་པ་ཟློག༔ ཞང་ཞུང་བོན་པོའི་ཇོ་དམར་ཟློག༔ སུམ་པའི་གླང་ཐབས་ལིང་ཀྱང་ཟློག༔ མེ་ཉག་ལྟག་པའི་བག་ལེ་ཟློག༔ ཁྱུང་པོའི་བཙན་དང་ངན་པའི་ཐན༔ ཀླད་ལ་ཐང་ཤ་འགྱེད་པ་ཟློག༔ ཡས་ཀྱི་བདུད་དུ་གཡོས་པ་ཟློག༔ མས་ཀྱི་སྲི་རུ་ལངས་བ་ཟློག༔ ལྟག་པའི་བདུད་དུ་བབ་པ་ཟློག༔ ཕོ་སྲི་མོ་སྲི་ཆུང་སྲི་ཟློག༔ དམ་སྲི་ཕུང་སྲི་དབུལ་སྲི་ཟློག༔ ཕ་མེས་དུར་སྲི་བཙན་སྲི་ཟློག༔ བདུད་ཀྱི་ཞགས་པའི་ལྟས་ངན་ཟློག༔ ཕྱག་ཉེས་ལོ་ཀག་གྱིམ་ཤང་ཟློག༔ ལོ་ཀག་ཟླ་ཀག་ཞག་ཀག་ཟློག༔ ས་ལ་དུས་རྩིས་འདེབས་པ་ཟློག༔ གནམ་ལ་གྲངས་རྩིས་འདེབས་པ་ཟློག༔ གཟའ་སྐར་ལོ་ཀག་ཟླ་ཀག་ཟློག༔ དུས་ཚོད་རྩིས་ལ་འདེབས་པ་ཟློག༔ གཤེད་བཞི་རྦོད་གཏོང་ཐམས་ཅད་ཟློག༔ གནམ་ནས་དལ་ཁ་འབབ་པ་ཟློག༔ ས་ལ་ཡམས་ཁ་བྱུང་བ་ཟློག༔ ཐོག་དང་སེར་བ་འབེབས་པ་ཟློག༔ བྱ་ཉེས་མནའ་གྲིབ་ངན་པ་ཟློག༔ ཡུལ་མི་ཁྱིམ་མཚེས་དམོད་མོ་ཟློག༔ གཡས་ནས་ཕོ་བརྒྱས་མདའ་

― CMR017_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

བདར་ཟློག༔ གཡོན་ནས་མོ་བརྒྱས་དུག་གཡོས་ཟློག༔ མདུན་ནས་རྩང་བཞིན་སྡོད་པ་ཟློག༔ རྒྱབ་ནས་ཁྱི་བཞིན་འབྲང་བ་ཟློག་མོ་ངན་ལ་སོགས་སོག་སྡིག་ཟློག༔ ངོ་ལ་གདོང་ཐུག་བྱེད་པ་ཟློག༔ ལྐོག་ནི་འབུ་བཞིན་གཡེང་བ་ཟློག༔ ལུས་ལ་ན་ཚ་གཏོང་བ་ཟློག༔ སེམས་ལ་སྡུག་བསྔལ་གཏོང་བ་ཟློག༔ ཚེ་ལ་བར་ཆད་བྱེད་པ་ཟློག༔ ཁ་རྗེ་ཟ་ཁ་འགགས་པ་ཟློག༔ མོ་ངན་སོག་དམར་བཏང་བ་ཟློག༔ རྨིས་ལྟས་མཚན་མ་ངན་པ་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོག་སུམ་བརྒྱ་དྲུག་ཅུ་ཟློག༔ གློ་བུར་དགུ་བཅུ་རྩ་གཅིག་ཟློག༔ དུས་མིན་འཆི་བ་རྣམ་བརྒྱད་ཟློག༔ ཕ་ཚན་ནང་གི་རྒྱབ་འདྲེ་ཟློག༔ དར་ཚན་ནང་གི་སྟོང་འདྲེ་ཟློག༔ མ་བུའི་བྱུར་འདྲེ་ཐམས་ཅད་ཟློག༔ ཡས་ཀྱི་ཕུང་འདྲེ་རྒོད་གཏོང་ཟློག༔ བྱུར་གྱི་སྣ་འདྲེ་ངན་པ་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེ་ཉམ་ང་ཐམས་ཅད་ཟློག༔ ཧཱུྃ་བྷྱོ༔ སྡང་དགྲ་གནོད་བྱེད་མ་ལུས་ཀུན༔ དཔལ་ཆེན་འཁོར་དང་བཅས་པ་ཡི༔ ཐམས་ཅད་གཅིག་ཏུ་བསྡུས་ནས་ནི༔ རྡུལ་ཕྲན་བཞིན་དུ་བརླག་པར་མཛོད༔ ཚལ་པ་ཚལ་པ༔ དུམ་

― CMR017_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་དུམ་བུ༔ རྡུལ་ཕྲན་རྡུལ་ཕྲན༔ དགྲ་བགེགས་འབྱུང་པོ་ཐམས་ཅད་བྷྱོ་བྷྱོ་ཟློག་ཟློག༔ ས་མ་ཡ་བྷྱོ་བྷྱོ༔ ཞེས་གཏོར་ཟོར་དགྲ་ཕྱོགས་སུ་འཕང་༔ མཐུ་འདྲེན་བྱེད་པའམ༔ རྦད་འདྲེའི་ཆག་སྒོ་ཤིན་ཏུ་ཆེ་ན་བྱའོ༔ གང་རུང་རུང་བྱས་ན་རང་ལ་ལྡོག༔ རྗེས་ཀྱི་བྱ་བ་ནི་སྒྲུབ་ཆེན་གྱི་ལས་འགྲིགས་བཅོ་བརྒྱད་ཀྱིས་ཁ་བཀང་ངོ་༔ བར་ཆད་ཀུན་སེལ་གཏོར་ཟློག་དྲག་པོ་འདི༔ ཀུན་དང་ཐུན་མོང་མ་ཡིན་རྒྱུད་ལས་བཀོལ་ནས་པདྨ་བདག་གིས་བཀོད༔ ཤེས་རབ་བློ་ལྡན་སྙིང་རྗེ་ཅན་དང་འཕྲད་པར་ཤོག་ས་མ་ཡ༔ རྒྱ་རྒྱ་རྒྱ༔ གུ་རུ་ཆོས་ཀྱི་དབང་ཕྱུག་གིས་གདན་དྲངས་པའོ༔ སརྦ་མངྒ་ལཾ་

རྡོ་རྗེ་ཕུར་པའི་རྗེས་ཆོག

― CMR017_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་རྗེས་ཆོག་བཞུགས་སོ། །ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་སོགས་ཤབྟ་པྲ་ཏིཙྪ་ཨཱཿཧཱུྃ༔ ཧཱུྃ། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཕྲིན་ལས་གཅིག་བསྡུས་དྲག་པོའི་སྐུར་བཞེངས་པ། །འགྱུར་མེད་སྲ་བརྟན་བསྒྲེས་རྒུད་བྲལ་བའི་སྐུ། །བདུད་འདུལ་ཕུར་པའི་ལྷ་ལ་ཕྱག་འཚལ་བསྟོད། །ཡེ་ནས་བདག་དང་དབྱེར་མེད་དོན་གཅིག་ཀྱང་། །མ་རིག་འཁྲུལ་པས་འཁོར་བར་འཁྱམས་པའི་ཚེ། །མི་དགེ་ཉམས་ཆག་འགལ་འཁྲུལ་ཅི་བསགས་པ། །རབ་གནོང་འགྱོད་པའི་སེམས་ཀྱིས་མཐོལ་ལོ་བཤགས། །ཡེ་ཤེས་པ་རྣམས་རང་རང་གནས་སུ་གཤེགས། །འཇིག་རྟེན་སྲུང་མ་སོ་སོའི་གནས་སུ་བཞུད། །མཆོད་བསྟོད་སྤྱན་འདྲེན་དུས་སུ་སླར་ཡང་བྱོན། །བཛྲ་མུཿ ཨོཾ་བཛྲ་སཏཱ་སོགས། ཨ་ཨཱཿཨི་ཨཱིསོགས། ཀ་ཁ་ག་གྷ་ང་སོགས། ཡེ་དྷརྨ་སོགས་ཚར་གསུམ་རེ་བརྗོད། མདུན་བསྐྱེད་ཡེ་ཤེས་པ་དང་འཇིག་རྟེན་པ་ཐམས་ཅད་རང་བཞིན་གནས་སུ་གཤེགས། དམ་ཚིག་པ་རྣམས་བདག་ལ་ཐིམ། སྣོད་བཅུད་ཐམས་ཅད་གཞལ་ཡས་ཁང་ལ་ཐིམ། གཞལ་ཡས་ཁང་དང་འཁོར་རྣམས་བདག་ལ་ཐིམ། བདག་ཧཱུྃ་ལ་

― CMR017_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ༔ ཧཱུྃ་གྱེན་རྫོགས་སུ་ཡལ་ནས་སྟོང་ཉིད་ཆོས་སྐུར་གྱུར། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ སྟོང་པའི་ངང་ལས་བདག་ཉིད་རྡོ་རྗེ་གཞོན་ནུ་ཞལ་གཅིག་ཕྱག་གཉིས་རྒྱན་མེད་པ་སྣང་སྟོང་སྒྱུ་མ་ལྟ་བུར་གྱུར། རྡོ་རྗེའི་གོ་ཁྲབ་ཞུ་ལུབས་སུ་གྱོན་པར་གྱུར། ཧཱུཾ་ཧཱུཾ་བཛྲ་ཀ་ཝཱ་ཙི་ཧཱུྃ༔ དེ་ཡང་མཚོན་ཆ་ལྔ་ཡི་གུར་དང་མེ་དཔུང་གི་ཀློང་ན་བཞུགས་པས་བར་ཆད་གང་གིས་ཀྱང་གླགས་མི་རྙེད་པར་གྱུར། ཨོཾ་བཛྲ་ཙཀྲ་ཏཱིཀ་ཀརྨ་ཀཱི་ལ་ཡ་ཛྭ་ལ་རཾ་ཧཱུྃ་ཕཊ༔ སྨོན་ལམ་བྱ་བ་ནི། འདི་ལྟར་བསྙེན་སྒྲུབ་མཆོད་བསྟོད་བྱས་པ་སོགས། །དུས་གསུམ་བསགས་པའི་དགེ་བ་ཅི་ཡོད་མཐུས། །ཚེ་འདིར་ཚེ་རིང་ནད་མེད་དཔལ་འབྱོར་འཕེལ། །བསྐྱེད་རྫོགས་སྒྲུབ་པ་མཐའ་རུ་ཕྱིན་པ་དང་། །ནམ་ཞིག་འཕོས་ཚེ་བདེ་ཆེན་ཞིང་ཁམས་སུ། །མེ་ཏོག་པདྨ་མཆོག་ལ་བརྫུས་སྐྱེས་ནས།། །གསང་བདག་མཐུ་ཆེན་ཐོབ་དང་མི་འབྲལ་ཞིང་། །ལུས་རྟེན་དེ་ལ་ས་བཅུ་མངོན་གྱུར་ནས། །སྤྲུལ་པས་ཕྱོགས་བཅུར་འགྲོ་བ་འདྲེན་པར་ཤོག་།བཀྲ་ཤིས་ནི། ཧཱུྃ། ཕྱོགས་དུས་རྒྱལ་བ་ཀུན་འདུས་རྡོ་རྗེ་འཆང་། །སྐྱེ་ཤི་བསྒྲེས་རྒུད་བྲལ་བ་རྡོ་རྗེའི་སྐུ། །རིག་འཛིན་པདྨ་འབྱུང་གནས་བཀྲ་ཤིས་

― CMR017_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

གང་། །དེང་འདིར་བདག་ཅག་རྣམས་ལ་བཀྲ་ཤིས་ཤོག །བཅོམ་ལྡན་རྡོ་རྗེ་འཆང་དབང་གསང་བའི་བདག །ནམ་མཁའ་ཇི་སྲིད་བསྒྲེས་མེད་གཞོན་ནུའི་སྐུ། །ཡི་དམ་རྡོ་རྗེ་གཞོན་ནུའི་བཀྲ་ཤིས་གང་། །དེང་འདིར་བདག་ཅག་རྣམས་ལ་བཀྲ་ཤིས་ཤོག །ཨུཏྤལ་བསྣམས་པ་རྒྱལ་བ་ཀུན་གྱི་ཡུམ། །འཇིགས་པ་ཀུན་ལས་སྒྲོལ་མཛད་བཅོམ་ལྡན་མ། །ཡུམ་ཆེན་འཁོར་ལོ་རྒྱས་འདེབས་བཀྲ་ཤིས་གང་། །དེང་འདིར་བདག་ཅག་རྣམས་ལ་བཀྲ་ཤིས་ཤོག །སངས་རྒྱས་རིགས་བཞི་ཁྲོ་བོའི་སྐུར་སྟོན་པ། །ཡེ་ཤེས་བཞི་དངོས་ཕྲིན་ལས་བཞི་ཡི་བདག །སྲས་མཆོག་རིགས་བཞིའི་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག །རྒྱལ་བ་ཀུན་གྱི་སྟོབས་བཅུའི་རང་གཟུགས་ནི། །ཡེ་ཤེས་ཁྲོ་བཅུའི་ཕྱོགས་བཅུའི་འདོན་ཚོགས་འདུལ། །ཁྲོ་བོ་བཅུ་ཡི་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག ། སངས་རྒྱས་ཀུན་གྱིས་སྤྱད་པའི་ཕར་ཕྱིན་བཅུ། །ཁྲོ་མོའི་སྐུར་སྣང་ཡེ་ཤེས་ཁྲོ་མོ་བཅུ། །ཤེས་རབ་ཡུམ་བཅུའི་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་

― CMR017_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་ཤོག །ཁྲོ་བཅུའི་སྤྲུལ་པ་དགྲ་བགེགས་ཟ་བྱེད་བཅུ། །ཁྲོ་མོ་བཅུ་སྤྲུལ་དགྲ་བགེགས་གསོད་བྱེད་བཅུ། །ཁྲ་ཐབས་ཉི་ཤུའི་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག །རྒྱལ་བ་སྲས་བཅས་ཀུན་གྱི་བསྒོམས་པ་ཡི། །སྙིང་རྗེ་བྱམས་པ་དགའ་བ་བཏང་སྙོམས་ཏེ། །སྒོ་སྲུང་བཞི་ཡི་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག །འཇིག་རྟེན་དྲེགས་པའི་གཙོ་བོ་གིང་ཆེན་བཞི། །གདོང་ལྷ་མཆེད་གསུམ་དྲེགས་པ་ལྔ་བསྡུས་སོགས། །ཆོས་སྐྱོང་ཕོ་རྒྱུད་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག །རི་ཏེ་མཆེད་བཞི་ཤྭ་ན་མུ་ཁ་བཞི། །འཛམ་གླིང་ནོར་གྱི་བདག་མོ་བསྲེ་མོ་བཞི། །།མ་རྒྱུད་མཁའ་འགྲོའི་ཟབཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག །ཕུར་ནི་ཆོས་ཉིད་སྟོང་པ་དབྱིངས་ཀྱི་ངང་། །པ་ནི་རྟེན་འབྲེལ་བསླུ་མེད་ཡེ་ཤེས་ལྔ། །ཟུང་འཇུག་འབྲས་བུའི་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག །བཛྲ་ཀཱི་ལི་ཀཱི་ལི་ལ་ཡ་སརྦ་མངྒ་ལཾ་སརྦ་སིདྡྷི་ཨ་ལ་ལ་ཧོ། ཞེས་པ་གཏེར་གཞུང་ན་མི་

― CMR017_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བས་རྗེས་ཆོག་གཅིག་བྲིས་ཞེས་སྔགས་ཆུང་བསོད་ནམས་བསྟན་འཛིན་ཞེས་པས་བསྐུལ་ངོར་རཱ་ག་ཨ་སྱས་བྲིས། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་པའི་གསང་སྒྲུབ་སྤྲོས་མེད་རྒྱུན་ཁྱེར་ལས་བསྐང་ཟློག་རྒྱུན་ཁྱེར་བསྡུས་པ།

― CMR017_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པའི་གསང་སྒྲུབ་སྤྲོས་མེད་རྒྱུན་ཁྱེར་ལས༔ བསྐང་ཟློག་རྒྱུན་ཁྱེར་བསྡུས་པ་བཞུགས་སོ།

― CMR017_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་དང་ལིངྒ་ལ་བཀུག་གཞུག་སྤྱི་ལྟར་བྱས་ཏེ། བླ་མ་རིག་འཛིན་དཀྱིལ་འཁོར་གྱི་ལྷ་ཚོགས་དམ་ཅན་སྲུང་མ་དང་བཅས་པ་ཐམས་ཅད་དྲག་པོ་མངོན་སྤྱོད་ཀྱི་ལས་ལ་བཞེངས་ཤིང་སྤྲུལ་པའི་ཕོ་ཉ་རྣམས་ནམ་མཁའ་གང་བ་སྤྲོ་བར་གྱུར། ཛཿ དཔལ་ཆེན་ཁྲོ་རྒྱལ་རྣམས་ཀྱི་བཀའ་ཉན་ཞིང་༔ བསྟན་པའི་རུ་ཏྲ་སྒྲོལ་བར་དམ་བཅས་པའི༔ ཕུར་པའི་ལས་མཁན་སྲུང་མ་བཅུ་གཉིས་ཚོགས༔ བརྣག་པའི་ལས་ལ་མ་གཡེལ་དམ་ཅན་རྣམས༔ གསང་སྔགས་གཉན་གྱི་སྲུང་མ་མཐུ་མོ་ཆེ༔ དཔལ་གྱི་ཕོ་ཉ་ཤྭ་ན་མཆེད་བཞི་ནི༔ ལྕགས་ཀྱི་སྤྱང་མོ་འཇིགས་པའི་མགོ་དགུ་

― CMR017_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

མ༔ གསེར་གྱི་འཕར་བ་མྱུར་བའི་ལྕེ་བརྒྱད་མ༔ ཟངས་ཀྱི་ཝ་མོ་མགྱོགས་པའི་རྐང་གསུམ་མ༔ གཡུ་ཡི་ཁྱི་མོ་ཟུག་པའི་སྒྲ་སྒྲོགས་མ༔ སྔོན་ཚེ་དཔལ་ཆེན་སྤྱན་སྔར་ཁས་བླངས་བཞིན༔ རྡོ་རྗེ་ཕུར་པའི་ཕྲིན་ལས་དུས་ལ་བབ༔ རྣལ་འབྱོར་བདག་ལ་སྡང་བའི་དགྲ་བྱུང་ན༔ ལས་མཁན་དམར་ནག་དགྲ་བགེགས་སྒྲོལ་ལ་ཤོག༔ ཛཿ དགྲ་བོའི་སྲོག་གཅོད་རི་ཏི་མཆེད་བཞི་ནི༔ འཇིགས་བྱེད་མཐིང་ནག་རྡོ་རྗེ་རེ་མ་ཏི༔ ཟ་བྱེད་དམར་ནག་རྡོ་རྗེ་རེ་མ་ཏཱི༔ གསོད་བྱེད་སེར་ནག་རྡོ་རྗེ་རེ་མ་ཛཿ སྲོག་གཅོད་ལྗང་ནག་རྡོ་རྗེ་རེ་མ་ཛུ༔ སྔོན་ཚེ་དཔལ་

― CMR017_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་སྤྱན་སྔར་ཁས་བླངས་བཞིན༔ རྡོ་རྗེ་ཕུར་པའི་ཕྲིན་ལས་དུས་ལ་བབ༔ རྣལ་འབྱོར་བདག་ལ་སྡང་བའི་དགྲ་བྱུང་ན༔ ལས་མཁན་དམར་ནག་མཐུ་རྩལ་མ་ཆུང་ཞིག༔ ཛཿ སྲོག་གཅོད་མ་མོ་བསྲེ་ཡི་བུ་མོ་བཞི༔ བདུད་ཀྱི་བུ་མོ་ཡ་བྱིན་མཐུ་མོ་ཆེ༔ གཟའ་ཡི་བུ་མོ་དེ་བྱིན་དྲག་རྩལ་ཅན༔ བཙན་གྱི་བུ་མོ་བསྲེ་བྱིན་རྫུ་འཕྲུལ་ཅན༔ ཀླུ་ཡི་བུ་མོ་ཕག་བྱིན་གདུག་རྩུབ་ཅན༔ སྔོན་ཚེ་དཔལ་ཆེན་སྤྱན་སྔར་ཁས་བླངས་བཞིན༔ རྡོ་རྗེ་ཕུར་པའི་ཕྲིན་ལས་དུས་ལ་བབ༔ རྣལ་འབྱོར་བདག་ལ་མ་ཉེས་དགྲ་བྱུང་ན༔ གདུག་རྩུབ་ཅན་རྣམས་ལས་ལ་ད་རྒྱུག་ཅིག༔ ཛཿ མ་མོ་རྣམས་ཀྱི་མིང་པོ་གིང་ཆེན་བཞི༔ འཛིན་གིང་དམར་པོ་འཛིན་པའི་ལྕགས་ཀྱུ་ཐོགས༔ འཆིང་གིང་ནག་པོ་འཆིངས་བའི་ཞགས་པ་ཐོགས༔ སྒྲོལ་གིང་དཀར་པོ་ཤེལ་གྱི་སྤུ་གྲི་ཕྱར༔ ཟ་གིང་སྔོན་པོ་དུག་གི་མཆེ་བ་གཙིགས་མགྱོགས་གིང་རྒྱུག་པའི་གློག་དམར་གདུག་པའི་ཚོགས༔ ལས་བྱེད་དྲག་ཤུལ་ཅན་གྱི་དུས་ལ་བབ༔ ཁྱེད་ཀྱི་མཐུ་རྩལ་འབྱུང་བའི་དུས་ལ་བབ༔ ཕུར་པའི་སྲུང་མ་དམ་ཅན་ལས་མཁན་རྣམས༔ ཐུགས་དམ་གནད་ནས་བསྐུལ་ལོ་མ་གཡེལ་ཅིག༔ བྷྱོ༔ ཉི་

― CMR017_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུ་རྩ་བཞི་དུར་ཁྲོད་གནས་ཀྱི་བདག༔ དཔལ་གྱི་བཀའ་ཉན་དཀྱིལ་འཁོར་མུ་རན་སྐྱོང་༔ དབང་ཕྱུག་ཉེར་བརྒྱད་མཐུ་དང་རྫུ་འཕྲུལ་ཅན༔ རྣལ་འབྱོར་བུ་བཞིན་སྐྱོང་བའི་དམ་ཅན་ཚོགས༔ དགྲ་བགེགས་སྲོག་དབུགས་ལེན་པའི་ལས་མཁན་མ༔ དཔལ་ཆེན་ལས་མཁན་ཚོགས་ཀྱི་དུས་ལ་བབ༔ བདག་ནི་ཕུར་བུ་སྒྲུབ་པའི་རིག་འཛིན་ཏེ༔ ཁྱེད་རྣམས་ཕུར་པའི་སྲུང་མ་ཐུགས་དམ་ཅན༔ སྔོན་ཚེ་སློབ་དཔོན་པདྨའི་བཀའ་བཞིན་དུ༔ ཐུགས་དམ་དུས་ལ་བབ་བོ་ཕྲིན་ལས་མཛོད༔ ཅེས་འགུགས་གཞུག་བྱ། ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མཆེད་བཞི་དུས་ལ་བབ༔ རེ་ཏི་མཆེད་བཞི་དུས་ལ་བབ༔ སྲིན་མོ་མཆེད་བཞི་དུས་ལ་བབ༔ སྐྱེས་བུ་མཆེད་བཞི་དུས་ལ་བབ༔ དབང་མོ་ཉེར་བརྒྱད་དུས་ལ་བབ༔ ཁྱེད་རྣམས་དཔལ་གྱི་ཕོ་ཉ་སྟེ༔ ཆད་ཅིང་བསྐུལ་བ་ང་ཡིས་བྱེད༔ གདུག་ཅིང་སྡང་སེམས་ལྡན་པ་རྣམས༔ ལྷ་འམ་འོན་ཏེ་བདུད་ཀྱང་རུང་། ང་ལ་སྡང་བར་བྱེད་པ་ཡི༔ མཐུ་དང་རྫུ་འཕྲུལ་མེད་པར་བྱོས༔ ཡུད་ཙམ་གྱིས་ནི་

― CMR017_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་བ་དང་༔ ལུས་ངག་རྡུལ་བཞིན་བཤིག་ནས་ཀྱང་༔ སྡུག་བསྔལ་ཉམས་སུ་མྱོང་བར་མཛོད༔ སྔགས་རིང་བཟླས་ཏེ་བསྒྲལ་ནས་ཧོ་ཁུང་ཁེབས་བསལ། ཨོཾ་བཛྲ་རཀྵ་དུ་ཁཾ། ན་མོ། རིག་འཛིན་གྲུབ་ཐོབ་བརྒྱུད་པའི་བླ་མ་རྣམས་ཀྱི་བཀའ་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཆོས་ཉིད་རྣམ་པར་དག་པའི་བདེན་པ་དང་། རྟེན་འབྲེལ་བསླུ་བ་མེད་པའི་བདེན་པ་དང་། ཡི་དམ་རྡོ་རྗེ་གཞོན་ནུ་བདུད་འདུལ་ཕུར་པའི་ལྷ་ཚོགས་ལ་སོགས་པ་རྒྱུད་སྡེ་དྲུག་གི་དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པ་དང་། མ་གཅིག་དཔལ་ལྡན་ལྷ་མོ་རེ་མ་ཏི་མཆེད་བཞི་ལ་སོགས་པ་བཀའ་སྲུང་གཏེར་སྲུང་རྒྱ་མཚོའི་བདེན་པ་དང་། བདེན་པ་ཆེན་པོ་དེ་དག་གི་མཐུས། སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ། ཁྱད་པར་རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པ་ལ། དོ་བསྡོ་ཞིང་འགྲས་ཚོལ་བའི་དགོས་དགྲ། བསམ་ངན་དུག་སྦྱོར་བྱེད་པའི་བྱད་མ། བར་ཆད་བྱེད་པའི་བདུད་བགེགས་དམ་སྲི། ཁྱད་པར་དུའང་བདག་ཅག་དཔོན་སློབ་ཡོན་མཆོད་བསྲུང་བྱར་གྱུར་པའི་མི་ནོར་རྟ་ཕྱུགས་

― CMR017_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱི་ཚེ་ལ་བརྐུ་བ། སྲོག་ལ་འཇབ་པ། བླ་ལ་ཁྱེར་བ། ཡིད་ལ་རློམ་པ། གོད་ཁ་དང་ཆོ་འཕྲུལ་གཏོང་བ། དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ཀྱིས་སྲོག་འཕྲོག་པར་བྱེད་པའི་ནད་འདྲེ་གཅོང་སྲི། ཟ་འདྲེ་ཤི་གཤེད། གོད་འདྲེ་གོད་སྲི། དར་སྲི་ཆུང་སྲི། སྲོག་གཅོད་དབུགས་ལེན། ཚེ་ལེན་བདུད་གཅོད། སྒབ་འདྲེ་ཕུང་འདྲེ། གནོད་ཅིང་འཚེ་བར་བྱེད་པ་གང་ཡིན་པ་ཐམས་ཅད་ཀྱི་བླ་སྲོག་རྣམ་པར་ཤེས་པ་ས་འོག་ས་སྟེང་ས་བླ་སྲིད་པ་གསུམ་གར་ཚགནས་ཀྱང་། རང་དབང་མེད་པར་སྐད་ཅིག་ཡུད་ཙམ་འདི་ཉིད་ལ་གཟུགས་ལིངྒ་མིང་བྱང་བུ་འདི་ལ་ཁུག་ཅིག །ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་འབྱུང་པོ་ཛཧཱུྃ་བཾ་ཧཱུྃ༔ ཧཱུྃ་ཧཱུྃ་ཨཱཿ་ན་ཡ་ཧཱུྃ་ཕྲཊ༔ ལན་གསུམ། ནད་པ་གཤིན་པོ་སོགས་ལ་འཁྲུལ་ཤེས་པར་བྱའོ།། ཧཱུྃ༔ བདག་ནི་རྣལ་འབྱོར་སྒྲུབ་པ་པོ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རྣལ་འབྱོར་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་རྣམས༔ ཁྲོ་

― CMR017_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་ནས་ཀྱང་༔ དཀྱིལ་འཁོར་ལྷ་ཚོགས་ཞལ་དུ་བསྟབ༔ ཕུར་སྲུང་བཅུ་དྲུག་ཞལ་དུ་བསྟ༔ དབང་མོ་ཉེར་བརྒྱད་ཞལ་དུ་བསྟབ༔ ཨོཾ་བཛྲ་ཀཱི་ལི་ཀཱི་ལ་ཡ༔ བྷིནྡྷ་ཡ་བྷིནྡྷ་ཡ༔ དགྲ་བགེགས་ཀྱི་ཤ་ཁྲག་རུས་པ་ལ་ཁཱ་ཧི༔ འབྱུང་བ་ལྔ་ལ་ཁཱ་ཧི༔ ཁམས་ཆེན་བཅོ་བརྒྱད་ལ་ཁཱ་ཧི༔ སྐྱེ་མཆེད་བཅུ་གཉིས་ལ་ཁཱ་ཧི་ཁཱ་ཧི༔ ཞེས་བསྟབས་ནས་ཐུགས་དམ་བསྐང་ཞིང་བཟློག་པའི་ཕྲིན་ལས་བཅོལ་ཏེ་ཧཱུྃ༔ སྣང་སྲིད་ཕུར་བུས་གདབ་པའི་ཕྱིར༔ རྡོ་རྗེ་གཞོན་ནུའི་ཐུགས་དམ་བསྐང་༔ ཁམས་གསུམ་འཁོར་བ་རྒྱས་འདེབས་ཕྱིར༔ འཁོར་ལོ་རྒྱས་འདེབས་ཐུགས་དམ་བསྐང་༔ མི་དགེ་བཅུ་པོ་ཚར་གཅོད་ཕྱིར༔ ཁྲོ་རྒྱལ་ཕ་བཅུའི་ཐུགས་དམ་བསྐང་༔ དགེ་བཅུ་ཕར་ཕྱིན་དྲུག་སྤྱོད་ཕྱིར༔ ཁྲོ་མོ་བཅུ་ཡི་ཐུགས་དམ་བསྐང་༔ ཕྱོགས་བཅུར་སྤྲུལ་པ་འགྱེད་པའི་ཕྱིར༔ ཁྲ་ཐབས་ཉི་ཤུའི་ཐུགས་དམ་བསྐང་༔ གདུག་པའི་དགྲ་བགེགས་ཚར་གཅོད་ཕྱིར༔ སྲས་མཆོག་ཉེར་བརྒྱད་ཐུགས་དམ་བསྐང་༔ ཕྲིན་ལས་རྣམ་བཞི་སྒྲུབ་པའི་ཕྱིར༔ སྒོ་བ་བཞི་ཡི་ཐུགས་དམ་བསྐང་༔

― CMR017_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་དགྲ་བགེགས་ཚར་གཅོད་ཕྱིར༔ ཕུར་སྲུང་བཅུ་གཉིས་ཐུགས་དམ་བསྐང་༔ ལས་རྣམས་མྱུར་དུ་བསྒྲུབ་པའི་ཕྱིར༔ བསྲེ་ལྕགས་དུང་གི་སྐྱེས་བུའི་ཐུགས་དམ་བསྐང་༔ མཐུ་རྩལ་དམག་དཔུང་བསྐྱེད་པའི་ཕྱིར༔ འཁོར་ཚོགས་སྤྲུལ་པའི་ཐུགས་དམ་བསྐང་༔ ཁྲག་ནད་རིམས་ནད་བཟློག་པའི་ཕྱིར༔ དབང་ཕྱུག་ཉེར་བརྒྱད་ཐུགས་དམ་བསྐང་༔ ཕྱི་ནང་འཁྲུག་རྩོད་བཟློག་པའི་ཕྱིར༔ དགེ་བསྙེན་ཉེར་གཅིག་ཐུགས་དམ་བསྐང་༔ དལ་ཡམས་རྐྱེན་ཁ་བཟློག་པའི་ཕྱིར༔ བརྟན་མ་བཅུ་གཉིས་ཐུགས་དམ་བསྐང་༔ མི་ནད་ཕྱུགས་ནད་བཟློག་པའི་ཕྱིར༔ མ་མོ་བཅུ་གཉིས་ཐུགས་དམ་བསྐང་༔ ཟབ་གཏེར་བསྟན་པ་བསྲུང་བའི་ཕྱིར༔ ལྡང་ལྷ་མཆེད་གསུམ་ཐུགས་དམ་བསྐང་༔ དགྲ་ལ་ཆོ་འཕྲུལ་འབེབས་པའི་ཕྱིར༔ དྲེགས་པ་ལྔ་བསྡུས་ཐུགས་དམ་བསྐང་༔ སྣང་སྲིད་གསལ་བར་སྟོན་པའི་ཕྱིར༔ སྙིང་དྲུང་བཙན་པོའི་ཐུགས་དམ་བསྐང་༔ བསྐངས་གྱུར་དབང་དང་དངོས་གྲུབ་སྩོལ༔ ཧཱུྃ༔ སྟོང་གསུམ་སྟོང་གི་འཇིག་རྟེན་ན༔ མཐུ་རྩལ་ཅན་རྣམས་དགོངས་སུ་གསོལ༔ དེ་ལྟར་བསྐྱངས་བསྐངས་གསོལ་གསོལ་ནས༔ ད་

― CMR017_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་ཟློག་པའི་ཕྲིན་ལས་མཛོད༔ རྣལ་འབྱོར་བདག་ཅག་འཁོར་བཅས་ལ༔ ཡས་ཀྱི་བདུད་དུ་གཡོས་པ་ཟློག༔ མས་ཀྱི་སྲི་རུ་ལངས་བ་ཟློག༔ ཉེ་བའི་བྱོལ་གཏོ་ལངས་བ་ཟློག༔ ཟོད་གཏོང་རྦད་འདྲེ་དགྲ་ལ་ཟློག༔ ཕུར་ཁ་གཏད་ཁྲམ་དགྲ་ལ་ཟློག༔ ཁྲག་ཟོར་ནད་ཟོར་དགྲ་ལ་ཟློག༔ ཕ་ཚན་རྒྱབ་འདྲེ་དགྲ་ལ་ཟློག༔ དར་ཚན་སྟོང་འདྲེ་དགྲ་ལ་ཟློག༔ གཤིན་རྗེའི་འཁོར་ལོ་དགྲ་ལ་ཟློག༔ མ་མོའི་དལ་ཡམས་དགྲ་ལ་ཟློག༔ བདུད་ཀྱི་ཁྲམ་ཁ་དགྲ་ལ་ཟློག༔ བཙན་གྱི་རྐྱལ་ཁ་དགྲ་ལ་ཟློག༔ ས་བདག་གདུག་བྱེད་དགྲ་ལ་ཟློག༔ རྒྱལ་པོའི་སྨྱོ་འདྲེ་དགྲ་ལ་ཟློག༔ གཟའ་ཡི་ཀིང་ཀང་དགྲ་ལ་ཟློག༔ མུ་སྟེགས་ངན་སྔགས་དགྲ་ལ་ཟློག༔ ཐེའུ་རང་སྲི་རྐུན་དགྲ་ལ་ཟློག༔ ནད་ཁ་རིམས་ཁ་དགྲ་ལ་ཟློག༔ ལོ་ཀག་ཟླ་ཀག་དགྲ་ལ་ཟློག༔ མོ་ངན་རྨི་ལྟས་ངན་པ་དགྲ་ལ་ཟློག༔ ལྟས་ངན་བརྒྱད་ཅུ་རྩ་གཅིག་དགྲ་ལ་ཟློག༔ ཡེ་འདྲོག་སུམ་བརྒྱ་དྲུག་ཅུ་དགྲ་ལ་ཟློག༔ གློ་བུར་དགུ་བཅུ་རྩ་གཅིག་དགྲ་ལ་ཟློག༔ དུས་མིན་འཆི་བ་རྣམ་བརྒྱད་དགྲ་ལ་ཟློག༔ གཡས་ནས་ཕོ་བརྒྱས་མེདའ་འཕེན་དགྲ་ལ་ཟློག༔ གཡོན་ནས་མོ་བརྒྱས་དུག་གཡོས་དགྲ་ལ་

― CMR017_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག༔ མི་ནག་སྐྱེ་བོའི་ཡ་ཁ་དགྲ་ལ་ཟློག༔ བྲན་གཡོག་ངན་པའི་དམོད་རྩུབ་དགྲ་ལ་ཟློག༔ དགྲ་ལ་བྷྱོ་བཟློག་བསྒྲལ་དུ་གསོལ༔ དགྲ་བགེགས་བྷྱོ་བཟློག་རྡུལ་དུ་རློབས༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཧཱུྃ་བདུད་པྲ་མཱ་ར་ཡ་རྦད་ནན༔ ཁ་ལ་ཛ་མ་ལི་རྦད་ནན༔ ར་ཙ་དུ་ལིང་ཤག་རྦད་ནན༔ ཤིག་ཤིག་དུམ་དུམ་ཆད་ནན༔ ཚལ་པ་ཚལ་པ་རྦད་ནན༔ ཁྲོཾ་ཁྲོཾ་བྷྱོ་རྦད་ནན༔ རྨུག་སྨུག་རྦད་ནན༔ ཏིར་ཏིར་རྦད་ནན༔ ཚལ་ཚལ་རྦད་ནན༔ དེ་ནས་གཏོར་མ་བཏེག་ལ། ཧཱུྃ༔ ང་ནི་རྡོ་རྗེ་གཞོན་ནུ་ཆེ༔ ང་ནི་ཁྲོ་རྒྱལ་ཀུན་གྱི་རྗེ༔ ང་ནི་ཁམས་གསུམ་སྙིང་རྗེའི་བདག༔ ང་ནི་གཤིན་རྗེ་ཀུན་གྱི་གཤེད༔ ང་ནི་མ་མོ་ཀུན་གྱི་ཡབ༔ ང་ལས་ཆེ་བཙན་སུ་ཡང་མེད༔ བཀའ་སྡོད་ཕོ་ཉ་ཡོངས་རྫོགས་རྣམས༔ དམག་དཔུང་བསྐྱེད་ལ་རུ་མཚོན་ཕྱོར༔ དམག་སྣ་དགྲ་བོའི་ཡུལ་དུ་དྲོངས༔ དམ་ཅན་དམག་དཔུང་ཉི་ལི་ལི༔ མཚོན་རྩེ་ཕུར་རྩེ་རངས་སེ་རང་གཏོར་ཟོར་རྦབ་ཏུ་ཉི་ལི་ལི༔ མཚེ་ཡུངས་མདའ་ལྟར་ཤ་ར་ར༔ དུག་ཐུན་ཁྲག་རླངས་ཆི་ལི་ལི༔ སྲུང་མ་རྔམ་སྟབས་ཁྱུགས་སེ་ཁྱུག༔ གིང་རྣམས་བཤུགས་པ་ལྡི་རི་རི༔ མ་

― CMR017_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་ཧབ་སྒྲ་ལྷབས་སེ་ལྷབ༔ ཐམས་ཅད་རུ་མཚོན་ལྷུབས་སེ་ལྷུབ༔ དགྲ་བགེགས་སྙིང་ལ་གཏོར་ཟོར་རྒྱོབ༔ ཉམས་པའི་དགྲ་བགེགས་རྡུལ་དུ་རློགས༔ ཡང་གསང་སྤྱིའི་སྔགས་ཤམ་དུ། ཧཱུྃ་ཧཱུྃ་པ་ར་བི་དན་ཚིནྡྷ་ཚིནྡྷ་ཧཱུྃ་ཕཊ༔ བྷནྡྷ་བྷནྡྷ་ཧཱུྃ་ཕཊ༔ ཧྥཧྥ་གྷཾཏྟ་ཧཱུྃ་ཕཊ༔ ཧ་ན་ཧ་ན་ཧཱུྃ་ཕཊ༔ པ་ཙ་པ་ཙ་ཧཱུྃ་ཕཊ༔ བྷནྡྷ་བྷནྡྷ་ཧཱུྃ་ཕཊ༔ དགྲ་བགེགས་དམ་སྲི་གནོད་བྱེད་ཧུར་ཐུམ་ཛ་མཱ་ར་ཡ་རྦད་རྦད༔ བྷྱོ་བྷྱོ༔ ཞེས་འཕངས་བས་དགྲ་ཡུལ་དུ་བྱ་རྒོད་ཐེད་ལ་རུབ་པ་ལྟར་ཕུང་ཤུལ་རྗེས་མེད་དུ་སོང་བར་བསམ་མོ། །གསང་སྒྲུབ་དང་བསྐང་ཟློག་རྒྱུན་ཁྱེར་བསྡུས་པ་འདི་ནི་བདག་རང་གིས་ཕུར་པ་ལ་འབྲེལ་པ་གཅིག་བཞག་ན་རྟེན་འབྲེལ་ཆེ་བའི་གསུང་དབྱངས་གཅིག་མཐོང་བས། བདག་རང་གི་ཐུགས་དམ་འབྲེལ་པ་ཅུང་ཟད་བྱ་ཕྱིར་གཏེར་གཞུང་ནས་བསྡུས་ཏེ་བསྒྲིགས་པ་ཡིན་ཏེ། མན་ངག་གསང་བར་བྱའོ། །ཞེས་སྔགས་འཆང་རཱ་ག་ཨ་སྱས་བྲིས་པ་སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འཛབ་མཆོད།

― CMR017_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ ཡེ་ཤེས་ཕུར་པའི་ལྷ་ཚོགས་གནས་འདིར་གཤེགས། །འཛབ་དགོངས་གྲངས་ཐེམ་སྨན་གཏོར་མཆོད་ཚོགས་འབུལ། །སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད། །རྩ་བ་ཡན་ལག་དམ་ཚིག་ཉམས་ཆག་བཤགས། །རང་སེམས་དཔང་བཙུགས་བཀའ་བཞིན་བསྒྲུབ་ལགས་ན། སྐུ་གསུང་ཐུགས་ཡོན་དངོས་གྲུབ་མ་ལུས་སྩོལ། ཨོཾ་བཛྲ་ཀཱི་ལི་ཀཱི་ལ་ཡ་ས་པ་རི་ཝཱ་ར་ཨབྷཾ་སོགས། པཉྩ་ཨ་མྲྀ་ཏ་ཁཱ་ཧི། མ་ཧཱ་བྷ་ལིནྟ་ཁཱ་ཧི། མ་ཧཱ་རཀྟ་ཁཱ་ཧི། སརྦ་པཱུ་ཛ་ཁཱ་ཧི། ཧཱུྃ། ཐབས་ཀྱི་སྤྱོད་པའི་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ཕྱིར། །རང་བྱུང་ཡེ་ཤེས་ངང་དུ་ཕྱག་འཚལ་བསྟོད། །ཧཱུཾ་རྡོ་རྗེ་གཞོན་ནུ་རིག་འཛིན་སོགས་དགེ་བ་འདི་ཡིས་སོགས།། །།

― CMR017_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་པའི་གསོལ་འདེབས་བྱིན་རླབས་ཆར་རྒྱུན།

― CMR017_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པའི་གསོལ་འདེབས་བྱིན་རླབས་ཆར་རྒྱུན་ཅེས་བྱ་བ་བཞུགས་སོ།། ཆོས་དབྱིངས་ཀློང་ཡངས་གདལ་ཁྱབ་ཞིང་ཁམས་ན། །དཔལ་ལྡན་ཀུན་ཏུ་བཟང་པོ་ལ་གསོལ་བ་འདེབས་། །ཀ་དག་ཆོས་སྐུ་ཐོབ་པར་བྱིན་གྱིས་རློབས། །སྟོན་པ་རྡོ་རྗེ་སེམས་དཔའ་ལ་གསོལ་བ་འདེབས། །ལྷུན་གྲུབ་ལོངས་སྐུ་ཐོབ་པར་བྱིན་གྱིས་རློབས། །གསང་བདག་ཕྱག་ན་རྡོ་རྗེ་ལ་གསོལ་བ་འདེབས། །གང་འདུལ་སྤྲུལ་སྐུ་ཐོབ་པར་བྱིན་གྱིས་རློབས། །དགེ་སློང་དྲི་མེད་གྲགས་པ་ལ་གསོལ་བ་འདེབས། །ཚེ་འདིར་རིག་འཛིན་ཐོབ་པར་བྱིན་གྱིས་རློབས། །ཆོས་རྒྱལ་ཨིནྡྲ་བོ་དྷི་ལ་གསོལ་བ་འདེབས། །བསྟན་པའི་བཀའ་ཆེན་བབ་པར་བྱིན་གྱིས་རློབས། །རིག་འཛིན་རོ་ལངས་བདེ་བ་ལ་གསོལ་བ་་འདེབས། །ཚེ་གཅིག་སངས་རྒྱས་ཐོབ་པར་བྱིན་གྱིས་རློབས། །དྷ་ན་སཾ་སྐྲྀ་ཏ་ལ་གསོལ་བ་འདེབས། །གསང་སྔགས་ཟབ་དོན་རྟོགས་པར་བྱིན་གྱིས་རློབས། །ཨོ་རྒྱན་པདྨ་འབྱུང་གནས་ལ་གསོལ་བ་འདེབས། །འགྲོ་དོན་ཕྱོགས་མེད་འབྱུང་བར་བྱིན་གྱིས་རློབས། །མཁའ་འགྲོ་ཡེ་ཤེས་མཚོ་རྒྱལ་ལ་གསོལ་བ་འདེབས། །སྨོན་ལམ་ལས་འཕྲོ་

― CMR017_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་པར་བྱིན་གྱིས་རློབས། །ཐུགས་སྲས་རྗེ་འབངས་གྲོགས་ལྔ་ལ་གསོལ་བ་འདེབས། །འཇའ་ལུས་རྡོ་རྗེར་གྲོལ་བར་བྱིན་གྱིས་རློབས། །གུ་རུ་རཏྣ་གླིང་པ་ལ་གསོལ་བ་འདེབས་། །རིགས་དྲུག་སྐྱེ་སྒོ་ཆོད་པར་བྱིན་གྱིས་རློབས། །དྲིན་ཆེན་རྩ་བའི་བླ་མ་ལ་གསོལ་བ་འདེབས། །གནས་ལུགས་རང་ཞལ་མཐོང་བར་བྱིན་གྱིས་རློབས། །ཡི་དམ་ཕུར་པའི་ལྷ་ཚོགས་ལ་གསོལ་བ་འདེབས། །དངོས་གྲུབ་རྣམ་གཉིས་འབྱུང་བར་བྱིན་གྱིས་རློབས། །ཆོས་སྐྱོང་ཕུར་སྲུང་ཚོགས་ལ་གསོལ་བ་འདེབས། །ཕྱི་ནང་བར་ཆད་མེད་པར་བྱིན་གྱིས་རློབས། །བཀའ་བརྒྱུད་བླ་མས་བྱིན་གྱིས་བརླབ་ཏུ་གསོལ། །ཡི་དམ་ལྷ་ཡིས་དངོས་གྲུབ་བསྩལ་དུ་གསོལ། །ཆོས་སྐྱོང་སྲུང་མས་བར་ཆད་བསལ་དུ་གསོལ། །སྒྲུབ་པ་མཐའ་རུ་སྐྱོལ་བར་བྱིན་གྱིས་རློབས། །སྐུ་གསུམ་མངོན་དུ་འགྱུར་བར་བྱིན་གྱིས་རློབས། །དོན་གཉིས་མཐའ་རུ་ཕྱིན་པར་བྱིན་གྱིས་རློབས། །ཞེས་ཕུར་པའི་གསོལ་འདེབས་འདི་ནི་སྲས་མཆོག་ཚེ་དབང་གྲགས་པས་མཛད་པའོ། །སརྦ་མངྒ་ལཾ།། །།

རྡོ་རྗེ་ཕུར་པ་ཡང་གསང་བླ་མེད་ཀྱི་གསང་སྒྲུབ་རྒྱུན་གྱི་ཕྲིན་ལས་རྣམ་རོལ་སྙིང་པོ།

― CMR017_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པ་ཡང་གསང་བླ་མེད་ཀྱི་གསང་སྒྲུབ་རྒྱུན་གྱི་ཕྲིན་ལས་རྣམ་རོལ་སྙིང་པོ་ཞེས་བྱ་བ་བཞུགས་སོ།།

― CMR017_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

མི་གནས་ཡེ་ཤེས་ཆོས་ཀྱི་སྐུ། །སྲིད་པ་རྡོ་རྗེ་གྲུབ་དེ་ལ། །བཏུད་ནས་ཕྲིན་ལས་ལམ་ཁྱེར་ནི། །གོང་མའི་བཞེད་པ་རབ་གསལ་བྱ། །གཏེར་ཆེན་རཏྣ་གླིང་པའི་ཕུར་པ་ཡང་གསང་བླ་མེད་ཀྱི་གསང་སྒྲུབ་ཆེད་དུ་བྱ་བའི་སྐབས་རང་གཞུང་དང་སྔ་ཕྱིའི་ཟིན་བྲིས་རྣམས་ཀྱི་དོན་ལྟར་གཏེར་གཞུང་སོར་བཞག་གི་སྒྲུབ་ཐབས་དང་ལས་བྱང་བསྡེབ་དགོས་ལ། རྒྱུན་ཁྱེར་དང་། དོན་དབང་གི་དབང་སྒྲུབ་སོགས་སྤྲོས་པ་རྒྱས་པ་མི་འཁྱོངས་པའི་སྐབས། སངས་གླིང་ཕུར་པའི་ཕྲིན་ལས་ལམ་ཁྱེར་བསྡུས་པ་ལ་མངོན་རྟོགས་ཚིགས་བཅད་ཆགས་མེད་རིན་པོ་ཆེས་ཉུང་ངུར་བཙུད་པ་ཉིད་སྟབས་བདེ་བར་སྣང་བས་དེ་ལྟར་ན། ཐོག་མར་སྐྱབས་སེམས་ནི། ན་མོ༔ བླ་མ་དཀོན་མཆོག་ཡི་དམ་ལྷ༔ རྒྱལ་བ་རྒྱ་མཚོའི་ཚོགས་བཅས་ལ༔

― CMR017_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་འགྲོ་བ་སེམས་ཅན་རྣམས༔ སྒོ་གསུམ་གུས་པས་སྐྱབས་སུ་མཆི༔ ཀྱེ་མ༔ བདག་གིས་འགྲོ་ཀུན་བསྒྲལ་བྱའི་ཕྱིར༔ ཕྲིན་ལས་ཕུར་པའི་དཀྱིལ་འཁོར་དུ༔ འཁོར་བ་དོང་ནས་སྤྲུགས་པའི་ཕྱིར༔ ཚད་མེད་བཞི་རུ་སེམས་བསྐྱེད་དོ༔ ལན་གསུམ། མཚམས་གཅོད་ནི། ཧཱུྃ༔ རང་བཞིན་ལྷུན་གྲུབ་གཞལ་ཡས་ཆེན་པོ་ལ༔ བགེགས་དང་ལོག་པར་འདྲེན་པའི་མིང་ཡང་མེད༔ དེ་ལྟར་ཡེ་ནས་གསལ་བར་རབ་རྟོགས་པས༔ མཚམས་ཀྱི་དཀྱིལ་འཁོར་རང་བཞིན་ལྷུན་གྱིས་གྲུབ༔ བཤགས་པ་ནི། ཨོཾ༔ བརྡལ་ཁྱབ་ཀ་དག་ཡང་དག་ལྷུན་

― CMR017_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱམས་ལ༔ བཤགས་དང་བཤགས་བྱའི་མཚན་མར་རང་སར་གྲོལ༔ འོན་ཀྱང་མ་རིག་གཟུང་འཛིན་འཁྲུལ་སྲིད་ན༔ རང་བྱུང་སྤྲུལ་པའི་ལྷ་ཚོགས་རྣམས་ལ་བཤགས༔ ས་མ་ཡ་ཨ་ཨཱཿ༔ མཆོད་པ་བྱིན་བརླབ་ནི། གདོད་ནས་རང་བྱུང་རྣམ་དག་བདུད་རྩི་མཆོག༔ རྒྱུད་དྲུག་དབྱིངས་སུ་བསྒྲལ་བའི་དམར་ཆེན་པོ༔ སྣང་སྲིད་གཞིར་བཞེངས་མ་ཧཱ་བ་ལཾ་རྣམ་གསུམ་འཛད་མེད་བཅུད་ཆེན་ཨོཾ་ཨཱཿཿཧཱུྃ༔ ཨོཾ་བཛྲ་པུངྒེ་ནས་ཤབྡ་ཨཱཿཧཱུྃ༔ དམ་ཚིག་པ་བསྐྱེད་པ་ནི། ཧཱུྃ༔ སྣང་བའི་དངོས་པོ་སྣ་ཚོགས་གཞལ་ཡས་ཁང་༔ མཐིང་ནག་གྲུ་གསུམ་འབར་བའི་དཀྱིལ་འཁོར་ན༔ དུར་ཁྲོད་བརྒྱད་ཀྱིས་བསྐོར་བའི་དབུས༔ ཡེ་ཤེས་མེ་དཔུང་འབར་བའི་ཀློང་༔ རང་སྣང་ཡེ་ཤེས་ལས་གྲུབ་པའི༔ གཞལ་ཡས་ཁང་དབུས་པདྨ་དང་༔ ཉི་ཟླ་བདུད་བཞི་བསྣོལ་བའི་སྟེང་༔ མཐིང་ནག་ཧཱུྃ་གི་འཕྲོ་འདུ་ལས༔ བདག་ཉིད་མ་བཅོས་རྫོགས་པའི་སྐུ༔ དཔལ་ཆེན་རྡོ་རྗེ་གཞོན་ནུ་ཆེ༔ མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་ཐབས་བསྒྲད༔ གཡས་དཀར་གཡོན་དམར་དབུས་མཐིང་ནག༔ རིགས་ལྔས་དབུར་བརྒྱན་ཐུགས་སྲོག་ཧཱུྃ༔ སྤྱན་

― CMR017_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་སྡང་མིག་ཕྱོགས་བཅུར་གཟིགས༔ ཞལ་གདངས་ལྗགས་འདྲིལ་མཆེ་བ་གཙིགས༔ གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁཊཾ་འཛིན༔ མཐའ་གཉིས་རི་རབ་ཕུར་པ་འདྲིལ༔ དུར་ཁྲོད་རབ་འཇིགས་ཆས་རྣམས་རྫོགས༔ ཡུམ་ཆེན་འཁོར་རྒྱས་འདེབས་མ༔ མཐིང་སྐྱ་ཞལ་གཅིག་ཕྱག་གཉིས་ཏེ༔ གཡས་པས་ཨུཏྤལ་མགུལ་ནས་འཁྱུད༔ གཡོན་པས་དུང་དམར་ཡབ་ལ་སྟོབ༔ ༈ དཔྲལ་བར་ཧཱུཾ་ཀར་ཡབ་ཡུམ་སྔོ༔ མགྲིན་པར་རྟ་མགྲིན་ཡབ་ཡུམ་དམར༔ ཐུགས་ཀར་གཤིན་རྗེ་་ཡབ་ཡུམ་སྔོ༔ ལྟེ་གོང་བདུད་རྩི་འཁྱིལ་པ་ཡབ་ཡུམ་ལྗང་སེར༔ ལྟེ་བར་མི་གཡོ་ཡབ་ཡུམ་ལྗང་ནག༔ གསང་གནས་སྟོབས་ཆེན་ཡབ་ཡུམ་སྔོ༔ དཔུང་གཡས་རྣམ་རྒྱལ་ཡབ་ཡུམ་དཀར༔ དཔུང་གཡོན་དབྱུག་སྔོན་ཡབ་ཡུམ་སྔོ༔ བརླ་གཡས་འདོད་རྒྱལ་ཡབ་ཡུམ་དམར་སྐྱ༔ བརླ་གཡོན་ཁམས་གསུམ་ཡབ་ཡུམ་སེར་ནག༔ ༈ ཕྱོགས་བཞིར་རིགས་བཞི་རྩིབས་བཅུ་ལ༔ ཁྲོ་བཅུ་ཡབ་ཡུམ་ཟ་གསོད་བཅས༔ དེ་ལྟར་ཁྲོ་བོ་ཉེར་བཞི་རྣམས༔ ཞལ་གསུམ་ཕྱག་དྲུག་ཞབས་བཞི་བསྒྲད༔ རྡོ་རྗེའི་གཤོག་པ་དུར་ཁྲོད་

― CMR017_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

ཆས༔ རང་རྟགས་མཚོན་ཆ་སྣ་ཚོགས་འཛིན༔ སྒོ་བཞིར་སྒོ་མ་གདོང་ཅན་བཞི༔ དཀྱིལ་འཁོར་མུ་རན་ཁོར་ཡུག་ཏུ༔ སྲས་དང་སྤྲུལ་པ་བཀའ་སྡོད་བཅས༔ བདག་ཉིད་གྲྭ་ན་ས་བདག་དང་༔ བསྲེ་ལྕགས་དུང་གི་སྐྱེས་བུའི་ཚོགས༔ གཙོ་འཁོར་ཡོངས་སུ་རྫོགས་པར་བསྐྱེད༔ གཙོ་བོའི་ཐུགས་ཀར་ཉི་མའི་སྟེང་༔ སེམས་དཔའ་ཚོན་གང་ཕུར་པ་འདྲིལ༔ དེ་ཡི་ཐུགས་ཀར་ཉི་མའི་སྟེང་༔ གསེར་གྱི་རྡོ་རྗེ་ནས་འབྲས་ཙམ༔ ལྟེ་བར་ཧཱུྃ་ལ་སྔགས་ཀྱིས་བསྐོར༔ ལྷ་རྣམས་རང་རང་སྤྱི་བོར་ཨོཾ༔ མགྲིན་པར་ཨཱཿདང་ཐུགས་ཀར་ཧཱུྃ༔ ཕྱོགས་བཅུའི་རྒྱལ་བ་ཐམས་ཅད་ཀྱིས༔ དབང་བསྐུར་བྱིན་གྱིས་བརླབས་པ་ཡིས༔ དབང་རྟགས་དོན་ཡོད་གྲུབ་པས་བརྒྱན༔ ཨོཾ་ཧཱུྃ་སྭཱ་ཨཱཿ༔ཧཱ༔ མཱུ་ལཱི་མཱི་པཾ་ཏཱཾ༔ རང་རང་ཐུགས་ཀའི་འོད་ཟེར་གྱིས༔ ཡེ་ཤེས་སེམས་དཔའི་སྤྱན་དྲངས་གྱུར༔ ཡེ་ཤེས་པ་སྤྱན་འདྲེན་པ་ནི༔ ཧཱུྃ༔ སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ རྡོ་རྗེ་གཞོན་ནུ་འཁོར་དང་བཅས་པ་ཡང་༔ ཆོས་ཀྱི་དབྱིངས་ནས་གནས་འདིར་གཤེགས་སུ་གསོལ༔ སྲིད་པ་རྡོ་རྗེ་ཕུར་བུ་བསྒྲུབ་པ་དང༔ དབང་

― CMR017_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དངོས་གྲུབ་མ་ལུས་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བཟང་པོ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་རྒྱལ་འཁོར་བཅས་གཤེགས་སུ་གསོལ༔ ཛཿཧཱུྃ་བཾ་ཧོཿ བཛྲ་ས་མ་ཛཿ ས་མ་ཡ་ཏིཥྛ་ལྷན༔ ཧཱུྃ༔ སྲིད་གསུམ་གདུག་པ་བསྒྲལ་བ་དང་༔ ང་རྒྱལ་ཞེན་པ་གཞོམ་པའི་ཕྱིར༔ རྡོ་རྗེ་སྲིན་པོའི་ཚོགས་བཅས་ལ༔ རྩེ་གཅིག་གུས་པས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏིཙྪ་ཧོཿ ཕྱི་ནང་གསང་མཆོད་འབུལ་བ་ནི༔ ཧཱུྃ༔ ལྷན་ཅིག་སྐྱེས་སྦྱོར་ཕྱི་ནང་གསང་བཀོད་པའི༔ མཆོད་པ་རྣམ་མང་དངོས་འབྱོར་ཡིད་སྤྲུལ་པ༔ རང་བྱུང་སྤྲུལ་པའི་ལྷ་ལ་མཆོད་པ་འབུལ༔ གཉིས་མེད་བླང་དོར་མེད་པར་བཞེས་སུ་གསོལ༔ ཨོཾ་བཛྲ་ཨརྒྱུ་སོགས་ནས་ཤཔྟ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་ཡན་ལག་སྟོང་སྦྱར་སྨན་ཆེན་དང་༔ ཉོན་མོངས་མཁའ་དབྱིངས་གསང་བའི་རཀྟ་མཆོག༔ བཅུད་ཆེན་རྫས་མཆོག་གཏོར་མར་བཅས་ཏེ་འབུལ༔ མ་ཧཱ་པཉྩ་ཨ་མྲྀཏ་རཀྟ་བ་ལིཾ་ཏ་ཁཱ་ཧི༔ ཧཱུྃ༔ གཏི་མུག་ཤ་ཡི་རང་བཞིན་རི་ལྟར་བསྙིལ༔ འདོད་ཆགས་ཁྲག་གི་རྒྱ་མཚོ་

― CMR017_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

རྦ་ཀློང་འཁྲུགས༔ ཞེ་སྡང་རུས་པའི་ཕུང་པོར་བཅས་པ་རྣམས༔ རྡོ་རྗེ་སྲིན་པོ་འཁོར་དང་བཅས་ལ་འབུལ༔ ཨོཾ་ཨཱཿཿཧཱུྃ༔ དེ་ནས་བསྟོད་པ་ནི། ཧཱུྃ༔ དཔལ་ཆེན་རྡོ་རྗེ་གཞོན་ནུ་ཁྲོ་བོའི་རྒྱལ༔ ཆོས་དབྱིངས་རྣམ་དག་འཁོར་ལོ་རྒྱས་འདེབས་ཡུམ༔ ཐབས་ཤེས་སྐུ་ལས་སྤྲུལ་པའི་ཁྲོ་བོ་བཅུ༔ རང་བཞིན་དབྱིངས་ལས་ཤར་བའི་ཁྲོ་མོ་བཙུ༔ སྤྲུལ་པ་ལས་ལ་མངག་པའི་ཁྲ་ཐབས་ཚོགས༔ ཟ་གསོད་མཆེ་བ་རྟགས་ཀྱི་མགོ་བོ་ཅན༔ དཀྱིལ་འཁོར་ཕྱོགས་བཞི་སྐྱོང་བའི་སྒོ་མ་བཞི༔ གསོད་པའི་ལས་མཛད་ཕུར་སྲུང་བཅུ་གཉིས་དང་༔ བསྲེ་ལྕགས་དུང་གི་སྐྱེས་བུ་ལ་སོགས་ཏེ༔ ཕུར་པའི་སྲུང་མར་ཞལ་བཞེས་དམ་ཅན་ཚོགས༔ འཁོར་དང་བཅས་ལ་ཕྱག་འཚལ་བསྟོད་པར་བགྱི༔ ཁྱེད་ཀྱི་ཐུགས་རྗེའི་ཐུགས་དམ་དུས་ལ་བབས༔ མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔ འཛབ་བཟླ་བ་ནི།་ཧཱུྃ༔ དཔལ་ཆེན་རྡོ་རྗེ་གཞོན་ནུ་སྲས་འཁོར་བཅས༔ འཁོར་ལོ་རྒྱས་འདེབས་ཀློང་ནས་ཁྲོ་གར་མཛད༔ གྲག་སྟོང་སྔགས་ཀྱི་འཛབ་དབྱངས་འབྲུག་སྒྲ་སྒྲོགས༔ ཐུགས་དམ་དབྱིངས་ནས་མ་འགྲུབ་བར་དུ་བསྒྲུབ༔ བདག་གི་ཐུགས་སྲོག་སྔགས་ཕྲེང་དང་བཅས་པ་ལས་འོད་ཟེར་

― CMR017_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཅུར་འཕྲོས་པས་རྩ་གསུམ་ལྷའི་ཐུགས་དམ་གནད་ནས་བསྐུལ།་སྐུ་གསུང་ཐུགས་ཀྱི་བྱིན་རླབས་ཐམས་ཅད་ཨོཾ་དཀར་དམར་ཧཱུྃ་མཐིང་གསུམ་གྱི་རྣམ་པར་ཆར་བབས་པ་ལྟར་བྱོན། རང་གི་གནས་གསུམ་དུ་བར་མ་ཆད་པར་ཐིམ། ཡང་རྒྱལ་བ་ཐམས་ཅད་ཀྱི་ཐུགས་རྗེའི་བྱིན་རླབས་ནུས་པ་ཐམས་ཅད་རྡོ་རྗེ་ཕུར་པའི་ལྷ་ཚོགས་ཀྱི་སྐུ་ཆེ་ཕྲ་དཔག་ཏུ་མེད་པ་སིབ་སིབ་བྱོན་ཏེ་རང་ཐིམ་པར་མོས་པ་དང་། ལུས་དཀྱིལ་གྱི་ལྷ་དང་གཞན་ཡང་རྩ་གནས་ཀྱི་ལྷ་ཡབ་ཡུམ་ཏིལ་གོང་ཁ་བྱེ་བ་ལྟ་བུ་རྣམས་དང་། དཀྱིལ་འཁོར་པ་རྣམས་ཀྱིས་སྔགས་སྒྲ་བུང་བ་ཚང་ཞིག་པ་ལྟར་བཟླ་བར་མོས་ཏེ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཾ་ཁཾ་ཧཱུྃ་ཕཊ༔ ཅེས་བཟླ་བ་ནི་བསྙེན་པའོ། །སྔགས་ཕྲེང་ལས་འོད་ཟེར་དང་སྔགས་ཕྲེང་གཉིས་པ་འཕྲོས་ཡབ་ཞལ་ཡུམ་ཞལ་བརྒྱུད། ཡུམ་གྱི་འཁོར་ལོ་བཞིའི་དཔའ་བོ་ཌཱཀི་དཔག་ཏུ་མེད་པས་སྔགས་ཀྱི་རང་སྒྲ་བསྒྲོགས་པས་རྒྱུད་བསྐུལ། ཡུམ་གྱི་གསང་བ་ནས་ཡབ་ཀྱི་རྡོ་རྗེར་ཞུགས། རང་གི་རྩ་གནས་ལྷའི་སྔགས་སྒྲ་སྒྲོགས། སྔགས་ཕྲེང་ཐུགས་ཀར་ཐིམ་པ་བར་མ་ཆད་དུ་བསྒོམ་ཞིང་། ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མཱ་ར་སེ་ན་པྲ་མརྟ་ན་ཡ་སརྦ་བིགྷཾ་ཁཾ་ཧཱུྃ་ཕཊ༔ ཅེས་བཟླ་བ་སྒྲུབ་པ་ལས་སྦྱོར་གཅིག་དྲིལ་ལོ༔ མདུན་བསྐྱེད་སྒྲུབ་དགོས་པའི་ཚེ་ཐོག་མ་ནས་འཛབ་ཁང་དབྱེ་ཞིང་འོད་ཟེར་སྤྲོ་བསྡུ་སོ་སོར་བྱ། སྔགས་ཕྲེང་རང་གི་ཞལ་ནས་ཐོན། །

― CMR017_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་བསྐྱེད་ཀྱི་ཞལ་དང་ལྟེ་བའམ་སྦྱོར་མཚམས་བརྒྱུད་པའི་དོ་ལིའི་བཟླས་པ་བྱ། མཐར་དེ་ལས་འོད་ཟེར་དཀར་སེར་དམར་ལྗང་སྤྲོས་པས་ཕྲིན་ལས་བཞི་སྒྲུབ་པར་དམིགས་པ་ནི་ལས་ལ་སྦྱོར་བའོ། །ཐུན་མཐར་སྟོང་ཚིག་སྤྱི་ལྟར་བྱ། །ཚོགས་མཆོད་འབུལ་ན། ཚོགས་ཀྱི་ཡོ་བྱད་བདུད་རྩིས་བྲན་ལ། ཨོཾ་སརྦ་དྲ་བྱོ་བི་ཤོ་དྷ་ཡ་ཧཱུྃ་ཕཊ༔ ཚོགས་གཞོང་རིན་པོ་ཆེའི་མཆོད་སྡོང་འདབ་མ་སྟོང་ལྡན་གྱི་སྙིང་པོར་ཚོགས་རྫས་རྣམས་ཉི་ཟླ་པདྨ་ལ་གནས་པའི་ཧཱུྃ་མཐིང་ནག་འབར་བ། དེ་ལས་རཾ་ཡཾ་ཁཾ་བྱུང་སྟེ་མ་དག་པའི་དངོས་པོ་བསྲེགས་གཏོར་བཀྲུས། ཧཱུཾ་ཧཱུཾ། ཨོཾ་ལཾ། སཱ་ནཱཾ། ཨཱཿ་པཾ། ཧཱ་ཧཱུྃ། རིགས་ལྔ་ཡབ་ཡུམ་གྱི་དམ་ཚིག་ཆེན་པོའི་རང་བཞིན་འདོད་ཡོན་གྱི་རོལ་མོ་ཅི་ཡང་འཆར་བར་འགྱུར། ཨོཾ་ཨཱཿཧཱུཾ། ལན་གསུམ། ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་བོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཞེས་སྤྱན་དྲངས། ཨོཾ་ཨཱཿཧཱུྃ༔ ཕྱི་ནང་སྣོད་བཅུད་གསང་བར་ཡོངས་བཀོད་པའི༔ ལོངས་སྤྱོད་ག་ཎ་ཙཀྲར་བྱིན་བརླབས་པ༔ དཔལ་ཆེན་ཡབ་ཡུམ་འཁོར་དང་བཅས་པ་དང་༔ ཁྲོ་བཅུ་

― CMR017_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་ཡུམ་ཕུར་སྲུང་བཅས་འབུལ༔ ཐུགས་དམ་དབྱིངས་སུ་བསྐང་ཕྱིར་བཞེས་སུ་གསོལ༔ ག་ཎ་ཙཀྲ་མ་ཧཱ་ཛྷཱ་ན་པཱུ་ཛ་ཧོཿ ཞེས་ཚོགས་ཕུད་འབུལ། ཧཱུྃ༔ བསྐང་ངོ་བསྐལ་པར་ཐུགས་དམ་བསྐང་༔ སྣང་བ་ཡབ་ཀྱི་ཐུགས་དམ་བསྐང་༔ སྟོང་པ་ཡུམ་གྱི་ཐུགས་དམ་བསྐང་༔ གཉིས་མེད་རོལ་པ་ཆེན་པོས་བསྐང་༔ ཧཱུྃ༔ བདག་ནི་ཡེ་ནས་རང་བྱུང་རིག་རྩལ་ངང་༔ འཁྲུལ་མེད་རྟོག་བྲལ་ཉམས་ཆག་རང་སར་གྲོལ༔ སྣང་སེམས་འཛིན་པ་ཞུགས་ན་དབྱིངས་སུ་བཤགས༔ ཞེས་བསྐང་ཞིང་བཤགས། ཚོགས་ཐ་མ་ལ་དམིགས་པ་ཏེ། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུྃ་བཾ་ཧོཿ ཤི་བྷཾ་ཨཱཿ་ན་ཡ་ཧཱུྃ་ཕཊ༔ ཅེས་འགུགས། ཧཱུྃ༔ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་མོའི་དུས་ལ་བབ༔ ས་བདག་ཆེན་མོའི་དུས་ལ་བབ༔ ཁྱོད་ཀྱི་དམ་ཚིག་དུས་ལ་མཐུ་རྩལ་ཕྱུང་བའི་དུས་ལ་བབ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་

― CMR017_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ དངོས་གྲུབ་འཕྲོག་ཅིང་འཚེ་བ་རྣམས༔ ཁྲོ་བོ་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཚུལ་བཞིན་བསྒྲལ་བ་དང་༔ ལུས་ངག་རྡུལ་དུ་བཤིག་ནས་ཀྱང་༔ སྡུག་བསྔལ་ཉམས་སུ་མྱོང་བར་མཛོད༔ ཅེས་བསྐུལ་ཞིང་ཕུར་བུ་སོགས་མཚོན་གྱིས་གདབ་ལ། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་དམ་སྲི་མཱ་ར་ཡ་ཧཱུྃ་ཕཊ༔ ཞལ་བསྟབ་ནི། ཧཱུྃ༔ དཔལ་ཆེན་འཁོར་བཅས་ཞལ་ཕྱེས་ཤིག༔ དགྲ་བགེགས་བསྒྲོལ་བའི་ལྔ་ཕུང་འདི༔ དཔལ་ཆེན་ཡབ་ཡུམ་ཁྲོ་བཅུ་དང་༔ འཁོར་ཚོགས་སྤྲུལ་པའི་ཞལ་དུ་སྟོབ༔ སྡང་དགྲ་གནོད་བྱེད་འཁོར་བཅས་རྣམས༔ རྡུལ་ཕྲན་ཙམ་ཡང་མེད་པར་རོལ་བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི༔ ཚོགས་ལ་རོལ་ནས་ལྷག་མ། ཨོཾ་བཛྲ་ཨ་མྲྀ་ཏ་ཨུཙྪིཥཱ་ཡ་ཧཱུྃ་ཕཊ༔ ཀྱིས་བྱིན་རླབས་ལ། ཧཱུྃ༔ དང་པོ་ཕུད་ཀྱིས་ལྷ་ཚོགས་མཆོད༔ བར་དུ་ཚོགས་ཀྱིས་མཆེད་ལྕམ་བསྐངས༔ ཐ་མ་ལྷག་མའི་གཏོར་མ་འདིས༔ གང་གིས་དབང་བ་ཚིམ་གྱུར་ཅིག༔ ཨོཾ་ཨུ་ཙྪིཥྛ་བྷཀྟ་ཁཱ་ཧི༔ ཞེས་ཕྱིར་བཏང་། ཐུགས་དམ་བསྐུལ་བ་ནི། ཧཱུྃ༔ བཞེངས་ཤིག་

― CMR017_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེངས་ཤིག་དབྱིངས་ནས་བཞེངས༔ བསྐུལ་ལོ་བསྐུལ་ལོ་གནད་ནས་སྐུལ༔ རྡོ་རྗེ་གཞོན་ནུ་འཁོར་བཅས་རྣམས༔ ཞི་རྒྱས་དབང་དྲག་ལས་མཛོད་ཅིག༔ ཆད་མདོ་ནི། ཧཱུྃ་བྷྱོ༔ འཇིག་རྟེན་འདས་དང་མ་འདས་པའི༔ བཀའ་ཡི་སྲུང་མ་དམ་ཚིག་ཅན༔ སྔོན་གྱི་ཐ་ཚིག་རྗེས་དགོངས་ལ༔ གཏོར་མ་ལོངས་ཤིག་ཕྲིན་ལས་མཛོད༔ བརྟན་མ་སྐྱོང་བ་ནི། བྷྱོ༔ སྣང་ཞིང་སྲིད་པའི་འཇིག་རྟེན་ན༔ གནས་པའི་བརྟན་སྐྱོང་གནས་འདིར་བྱོན༔ བརྒྱན་པའི་གཏོར་མ་འདི་བཞེས་ལ༔ བཅོལ་བའི་ལས་རྣམས་འགྲུབ་པར་མཛོད༔ གཏོར་བྲོ་ནི། ཧཱུྃ༔ ཉོན་མོངས་རྒྱུ་དྲུག་རྐྱེན་བཞིའི་ཚོགས༔ མ་རིག་གིས་བསྐྱེད་བག་ཆགས་རྣམས༔ རང་བྱུང་རིག་རྟོག་རི་རབ་འོག༔ གཞི་རྫོགས་བར་མཚམས་མེད་པར་མནན༔ ཨོཾ་ཨཱཿཿཧཱུཾ་ལཾ་སྟམྦྷ་ཡ་ནན༔ མདུན་བསྐྱེད་དང་འབྲེལ་ན་མཆོད་བསྟོད་མདོར་བསྡུས་བྱ། ནོངས་བཤགས་བརྟན་བཞུགས་སྤྱི་ལྟར་དང་། བསྡུ་རིམ། ཐུགས་རྗེ་ཀུན་ཁྱབ་ལྷ་པ་ཚོགས་རྣམས༔ རང་བཞིན་འོད་ལྔའི་ཀློང་དུ་ཐིམ༔ འོད་ལྔ་ལོངས་སྤྱོད་རྫོགས་གསལ་བ༔ སྣོད་བཅུད་ཆོས་སྐུ་ཀློང་དུའོ༔ བསྔོ་བ་ནི། བདག་གཞན་ལུས་ངག་ཡིད་གསུམ་

― CMR017_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས༔ དུས་གསུམ་ཚོགས་གཉིས་ཅི་བསགས་པ༔ བསྒྱུར་རྫོགས་ཡང་དག་ཆེན་པོར་བསྔོ༔ ངོ་བོ་གཉིས་མེད་འབྲས་ཐོབ་ཤོག༔ བཀྲ་ཤིས་ནི། ཨོཾ༔ ཆོས་སྐུ་ཀ་དག་ལྷུན་འབྱམས་བཀྲ་ཤིས་ནི༔ ཨ་ལོངས་སྐུ་རང་བྱུང་འོད་གསལ་ངང་དུ་ཤོག༔ ཧཱུྃ༔ སྤྲུལ་སྐུ་སྣ་ཚོགས་འགྲོ་འདུལ་བཀྲ་ཤིས་ནི༔ ཧཱུྃ༔ ཐབས་མཁས་ཐུགས་རྗེ་སྙིང་རྗེའི་ངང་དུ་ཤོག༔ ཅེས་བརྗོད་ལ་མེ་ཏོག་འཐོར་རོ། །ཚུལ་འདི་ཆགས་མེད་རིན་པོ་ཆེས་འཛབ་བཟླས་ཡན་ཆད་མཛད་ངེས་པར་སྣང་ཞིང་༔ དེ་ཕྱིན་གྲོང་སྔགས་པ་མི་མཁས་པ་འདྲས་སྐོང་ཟློག་བསྡུས་པར་མིང་དུ་བཏགས་པའི་བསྒྲིགས་བརྩམས་ནོར་འཁྲུལ་རྒྱ་འབྱམས་ཅན་དུ་སྣང་བས། ཐུགས་ཀྱི་ཉིང་ཁུའི་གཏེར་གཞུང་དངོས་དང་ཆགས་མེད་གསུང་ཡིན་ངེས་རཏྣ་ལུགས་ཀྱི་གསང་སྒྲུབ་རྒྱུན་ཁྱེར་གཙང་མར་བསྡེབས་ཏེ་དཔལ་སྤུངས་ཡང་ཁྲོད་དེ་བཱི་ཀོ་ཊིར་པདྨ་གར་དབང་རྩལ་གྱིས་བྲིས་པའོ། །བདུད་འདུལ་རྒྱལ་མོའི་གསུང་གི་གསེར་བཟང་ལ། །གསང་སྒྲུབ་གཡུ་ཡི་ཕྲ་ཚོམ་བསྟར་བ་འདིས། །རིག་འཛིན་གཞོན་ནུ་མཛེས་པའི་མགུལ་རྒྱན་དུ། །གྱུར་ནས་མཆོག་བསྟན་ལང་ཚོགས་སར་བཞེད་ཤོག །དགེ་ལེགས་འཕེལ།། །༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྡོ་རྗེ་ཕུར་པའི་གསོལ་མཆོད་བར་ཆད་ཀུན་སེལ་འདོད་དོན་ལྷུན་གྲུབ།

― CMR017_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་གསོལ་མཆོད་བར་ཆད་ཀུན་སེལ་འདོད་དོན་ལྷུན་གྲུབ་བཞུགས་སོ།། ན་མོ་ཤྲཱི་བཛྲ་ཀུ་མཱ་ར། བར་དུ་གཅོད་པ་བདུད་འདུལ་ཞིང་། །བར་ཆད་ཐམས་ཅད་བསལ་བའི་ཕྱིར། །ཕུར་པའི་གསོལ་མཆོད་དོན་བསྡུས་ནི། །གཙང་སྦྱར་བ་ལོ་རྒྱན་ལྡན་དང་། །གསེར་སྐྱེམས་མཆོད་རྫས་ཅི་འབྱོར་བཤམས། །ཕྲིན་ལས་རང་གཞུང་བརྟེན་པ་ཡི། །ཐུན་མཚམས་དག་ཏུ་འདི་ལྟར་བྱ། །དང་པོ་གཏོར་མར་འགུགས་གཞུག་ནི།། ཧཱུྃ། དཀོན་མཆོག་གསུམ་དང་རྩ་བ་གསུམ། །དམ་ཅན་རྒྱ་མཚོའི་བདེན་པ་ཡིས། །གཟུགས་ཅན་གཟུགས་མེད་དགྲ་བགེགས་རྣམས། །བ་ལི་གཏོར་རྫས་འདི་ལ་ཁུག་་ཨངྐུ་ཤ་ཛཿ ཛཡིག་དམར་ནག་ལས་བྱུང་བའི། །ཟངས་ལྕགས་ཙཀྲ་འབར་བ་ཡིས།་།ཤ་ཁྲག་དོན་སྙིང་དམར་ཉིལ་གཏུབས། །རྣམ་ཤེས་དབྱིངས་བསྟིམས་ཚེ་བསོད་ནམས། །རང་ཐིམ་ངོ་བོ་ཤ་ཁྲག་ལ། །རྣམ་པ་ཡེ་ཤེས་བདུད་རྩིར་གྱུར། །ཨོཾ་ཨཱཿཿཧཱུྃ་ཧ་ཧོཧྲཱིཿ ལན་གསུམ་གྱིས་བྱིན་གྱིས་བརླབས།་ཧཱུཾ། སྲིད་པའི་ཕུར་བའི་བསྒྲུབ་ཅིང་དབང་བླང་ཕྱིར། །སྐྱེ་མེད་རྣམ་དག་ཆོས་ཀྱི་དབྱིངས་ཉིད་ནས། །ཡེ་ཤེས་ཕུར་པའི་ལྷ་ཚོགས་སྤྱན་འདྲེན་གཤེགས། །དམ་རྫ་ས་སྨན་རཀ་གཏོར་མའི་མཆོད་པ་འབུལ། །སྐུ་

― CMR017_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ཐུགས་ཡོན་ཕྲིན་ལས་རྫོགས་ལ་བསྟོད། །རྩ་བ་ཡན་ལག་ཉམས་ཆག་འགལ་འཁྲུལ་བཤགས། །ཡེ་ནས་རང་དང་དབྱེར་མེད་སྒྲུབ་ལགས་ན། །སྐུ་གསུང་ཐུགས་ཀྱི་དངོས་གྲུབ་བསྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་ས་པ་རི་ཝཱ་ར་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ཁཱ་ཧི། ཞེས་འབུལ། དེ་ནས་བསྟོད་ཅིང་ཕྲིན་ལས་བཅོལ་བ་ནི། ཧཱུྃ། དཔལ་ཆེན་རྡོ་རྗེ་གཞོན་ནུ་ཁྲོ་བོའི་རྒྱལ། །ཆོས་དབྱིངས་རྣམ་དག་འཁོར་ལོ་རྒྱས་འདེབས་ཡུམ། །ཐབས་ཤེས་སྐུ་ལས་སྤྲུལ་པའི་ཁྲོ་བོ་བཅུ། །རང་བཞིན་དབྱིངས་ལས་ཤར་བའི་ཁྲོ་མོ་བཅུ། །སྤྲུལ་པ་ལས་ལ་མངག་པའི་ཁྲ་ཐབས་ཚོགས། །ཟ་གསོད་མཆེ་བ་སྟག་གི་མགོ་བོ་ཅན། །ཡེ་ཤེས་སྒོ་སྐྱོང་ཚོགས་དང་བཅས་ལ་བསྟོད། །དམ་རྫས་བརྒྱན་པའི་གཏོར་མ་འདི་བཞེས་ལ། །སྲུངས་སྐྱོབས་ཚེ་དབང་མཆོག་གི་དངོས་གྲུབ་སྩོལ།། ཛབྱོ༔ དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་ཆེ། །བཀའ་སྲུང་དམ་ཅན་དཀྱིལ་འཁོར་མུ་རན་སྐྱོང་། །བསྒྲལ་བའི་ལས་མཛད་ཕུར་སྲུང་བཅུ་དྲུག་དང་། །ཤྭ་ན་ས་བདག་རེ་ཏི་དབང་ཕྱུག་ཚོགས། །དགེ་བསྙེན་ཉེར་གཅིག་དམ་ཅན་སྤུན་ལྔ་དང་། །ལྡང་ལྷ་མཆེད་

― CMR017_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བཙན་རྒོད་སྙིང་དྲུང་བཙན། །བསྲེ་ལྕགས་དུང་གི་སྐྱེས་བུ་ལ་སོགས་ཏེ། །ཕུར་པའི་སྲུང་མར་ཞལ་བཞེས་རྣམས་ལ་བསྟོད། །མ་གཡེལ་མ་འཕང་སྒྲུབ་པའི་ལས་མཛོད་ཅིག །བརྒྱན་པའི་མཆོད་གཏོར་དམ་པ་འདི་བཞེས་ལ། །ཕྲིན་ལས་རྣམ་བཞིའི་དངོས་གྲུབ་མྱུར་དུ་སྩོལ། །བདག་ཅག་དཔོན་སློབ་བསྟན་དང་རྗེས་འཇུག་རྣམས། །སྒོ་གསུམ་ལོངས་སྤྱོད་བཅས་པ་སྲུང་བ་དང་། །ནད་གདོན་བར་ཆད་ཀུན་ཞི་ཚེ་བསོད་རྒྱས། །ཁམས་གསུམ་དབང་སྡུད་དགྲ་བགེགས་ཐལ་བར་རློགས། །ཁྱད་ཕུར་ཀུན་ཟློག་བཀྲ་ཤིས་བདེ་ལེགས་སྩོལ། །ཡང་འདོད་གསོལ་ཕུད་བསྐང་ནི། ཧཱུྃ༔ སྐུ་གསུམ་དག་པའི་ཕོ་བྲང་ནས་སྐུ་གསུམ་བརྒྱུད་པ་དྲུག་ལྡན་རིག་འཛིན་བླ་མའི་ལྷ་ཚོགས། དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་ལྷ་ཚོགས། སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་ཐམས་ཅད་ལ་གསོལ་ལོ་མཆོད་དོ་དམ་ཚིག་དུས་ལ་བབ་བོ། །བཅོལ་བའི་ལས་རྣམས་མཛོད་ཅིག །སུ་ལ་མི་རེ་ཁྱོད་ལ་རེའོ། །བསམ་པ་སྒྲུབས་ལ་རེ་བ་སྐོངས་ཤིག །ཕྱི་ནང་གི་བར་ཆད་ཟློག་ཅིག །བསྟན་འཛིན་གྱི་སྐུ་ཚེ་ཕྲིན་ལས་སྤེལ་ཅིག །རྗེས་

― CMR017_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་གི་བུ་སློབ་སྐྱོངས་ཤིག །བསྟན་པ་དར་ཞིང་རྒྱས་པར་མཛོད་ཅིག །རྣལ་འབྱོར་པ་བདག་གི་འདོད་དོན་རེ་བ་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། ཉིན་གྱི་བྱ་ར་དང་མཚན་གྱི་མེལ་ཚེ་མ་གཡེལ་ཞིག །ཅེས་ཕྲིན་ལས་བཅོལ་རོལ་མོ་འུར་བརྡུང་བྱ། དེ་ལྟར་ཕུར་སྲུང་གསོལ་ཁ་རྒྱས་པ་ཡི། །དོན་བསྡུས་རྒྱུན་ཁྱེར་ཉུས་བསྡུས་འདི་ཉིད་ནི། །པདྨ་བསྟན་འཛིན་མཆོག་གི་ཐུགས་བཞེད་ལྟར། །ཆགས་སྤྲུལ་ལྔ་པའི་གྲངས་འཛིན་སྙོམས་ལས་པ། །གསང་སྔགས་བསྟན་འཛིན་ཞེས་བྱས་བསྒྲིགས་པ་ལ། །ཉེས་འགལ་གང་མཆིས་རྩ་གསུམ་དྲུང་དུ་བཤགས། །དགེ་བས་བར་ཆད་བདུད་བཞིའི་གཡུལ་ལས་རྒྱལ། བླ་མེད་བྱང་ཆུབ་གོ་འཕང་ཐོབ་གྱུར་ཅིག །བཀྲ་ཤིས།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཕུར་སྲུང་གི་གསོལ་མཆོད།

― CMR017_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་སྲུང་གི་གསོལ་མཆོད་ནི། ཕུར་སྲུང་དམ་ཅན་བཅུ་གཉིས་ལ་གཏོར་མ་འབུལ་བར་འདོད་ན། བསང་སྦྱང་། ཡེ་ཤེས་ཀྱི་བདུད་རྩིར་བྱིན་གྱིས་བརླབས་ལ། རང་ཉིད་དཔལ་ཆེན་པོར་གསལ་བའི་ཐུགས་ཀའི་ཧཱུྃ་ཡིག་ལས་བྱུང་བའི་འོད་ཟེར་གྱིས་ཕུར་སྲུང་དམ་ཅན་འཁོར་དང་བཅས་པ་སོ་སོའི་གནས་ནས་སྤྱན་དྲངས་པར་བསམས་ལ། རྐང་གླིང་དང་དང་བཤུགས་པས་དྲངས་པའི་རོལ་མོའི་སྒྲ་དང་བཅས་པས། བྷྱོ༔ སློབ་དཔོན་ཆེན་པོ་པདྨ་ཐོད་ཕྲེང་གིས། །སྤྱན་སྔར་ཕུར་པའི་སྲུང་མར་ཞལ་བཞེས་པའི། །ཤཱ་ན་བདག་ཉིད་ས་བདག་བསྲེ་མོ་བཞི། །གྱད་ཆེན་གིང་བཞི་་མ་སྲིང་འབར་མ་སོགས། །དཔལ་གྱི་ཕོ་ཉ་གྲངས་མེད་འཁོར་དང་བཅས། །དམ་ཚིག་དབང་གིས་གནས་འདིར་གཤེགས་སུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་མོ་ཧ་གྷ་ཏ་ཡ་མ་མ་ཤཱི་གྷྲཾ་ཀརྨ་ཀ་ར་ཡེ་ས་པཱ་རི་ཝཱ་ར་བཛྲ་ས་མ་ཛས་སྤྱན་དྲངས། ཨོཾ་བཛྲ་པུལླེ་ནས་ཤརྡ་པྲ་ཏིཙྪ་སྭཱ་ཧཱ། མ་ཧཱ་པཉྩ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། ཞེས་ཉེར་སྤྱོད་སྨན་ཕུད་རཀྟ་བཅས་པས་་མཆོད་ཅིང་། ཨོཾ་བཛྲ་ཀཱི་ལི་ཀཱི་ལ་ཡ་མོ་ཧ་གྷ་ཏ་ཡ་མ་མ་ཤཱི་ཧཱུཾ་ཀརྨ་ཀ་རཱ་ཡ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་རྩ་སྔགས་ལ་གཏོར་སྔགས་བཏགས་པ་ལན་གསུམ་མམ་བདུན་གྱིས་གཏོར་མ་

― CMR017_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་ལ། ཕུར་སྲུང་དམ་ཅན་བཅུ་གཉིས་འཁོར་དང་བཅས་པ་རྣམས་ཀྱིས་མཆོད་པ་དམ་པ་འདི་བཞེས་ལ་སོགས་ཀྱིས་ཕྲིན་ལས་བཅོལ། བསྟོད་པ་ནི། ཧཱུྃ། དཔལ་ཆེན་ཁྲག་འཐུང་ཀཱི་ལ་ཡའི། །བཀའ་ཉན་སྲུང་མ་དམ་ཚིག་ཅན། །ཤྭ་ན་བདག་ཉིད་ས་བདག་མ། །གིང་ཆེན་མ་སྲིང་ཕོ་ཉར་བཅས། །རྔམས་བརྗིད་དུར་ཁྲོད་རྒྱན་ཆ་ཅན། །ཐོགས་མེད་དྲག་རྩལ་ཕྲིན་ལས་བདག །གྲངས་མེད་འཁོར་དང་བཅས་ལ་བསྟོད། །བཅོལ་བའི་ལས་རྣམས་སྒྲུབ་པར་མཛོད། །ཅེས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བྱིན་འབེབས་བགེགས་འདུལ་ཞིང་གཤེགས་པ།

― CMR017_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ སྔོན་གྱི་བསྐལ་པའི་དང་པོ་ལ༔ དུས་གསུམ་བདེ་གཤེགས་དབྱིངས་སྤྲུལ་ལྟར༔ དེང་གི་གནས་མཆོག་དམ་པ་འདིར༔ བྱིན་རླབས་དངོས་གྲུབ་ཆར་ལྟར་ཕོབ༔ མ་གཡེལ་མ་འཕངས་རིག་འཛིན་ཚོགས༔ མ་གཡེལ་མ་གཡེལ་ཕྲིན་ལས་ཚོགས༔ མ་གཡེལ་མ་གཡེལ་མ་མོའི་ཚོགས༔ མ་གཡེལ་མ་གཡེལ་མཁའ་འགྲོའི་ཚོགས༔ མ་གཡེལ་མ་གཡེལ་གིང་གི་ཚོགས༔ རྡོ་རྗེ་གདན་གྱི་ནུབ་བྱང་མཚམས༔ ཨོ་རྒྱན་ཐོར་ཚུགས་ཅན་གྱི་ཡུལ༔ རིགས་ནི་ཟ་ཧོར་རྒྱལ་པོའི་རིགས༔ དགེ་སློང་མིང་ནི་ཤཱཀྱ་འོད༔ སློབ་དཔོན་པྲ་ཆེན་ཧསྟི་རྩལ༔ སྲིད་པའི་ཕུར་བུ་བདག་སྒྲུབ་ཀྱིས༔ བྱིན་གྱིས་བརླབ་ཅིང་གཤེགས་སུ་གསོལ༔ སྲིད་པའི་ཕུར་བུར་བྱིན་ཕོབ་ཅིག༔ ཡུལ་གྱི་མིང་ནི་ཨོ་རྒྱན་ཡུལ༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཀྱིས༔ བྱིན་གྱིས་བརླབ་ཅིང་གཤེགས་སུ་གསོལ༔ སྲིད་པའི་ཕུར་བུར་བྱིན་གྱིས་རློབས༔ ཨོ་རྒྱན་ཡུལ་གྱི་ཤར་ཕྱོགས་ན༔ དུར་ཁྲོད་མིང་ནི་དགའ་བའི་

― CMR017_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ཚལ༔ སློབ་དཔོན་པདྨ་ཐོད་ཕྲེང་རྩལ༔ མཁའ་འགྲོའི་མིང་ནི་ཞི་བ་འཚོ༔ མ་མོ་གསེར་གྱི་རྣ་ཆ་ཅན༔ ཕྱག་ན་མི་རྐང་གླིང་བུ་བསྣམས༔ སྒྲ་བསྒྱུར་མང་པོ་དི་རི་རི༔ རྣལ་འབྱོར་ཕོ་མོ་དམ་རེ་གཙང་༔ མཁའ་འགྲོའི་ཚོགས་རྣམས་དང་རེ་སྤྲོ༔ དུར་ཁྲོད་གནས་མཆོག་ཉམས་རེ་དགའ༔ ཞིང་ཆེན་བླ་རེ་རྒྱན་དང་ལྡན༔ གསུར་ཆེན་དུད་པ་དྲི་རེ་ཞིམ༔ བམ་ཆེན་ཁོག་སྟོད་བཅད་འཕྲོར་ལྡན༔ ཤ་སྣ་སྙིང་སྣ་བསམ་མི་ཁྱབ༔ རྗེ་བཙུན་པདྨ་ཐོད་ཕྲེང་རྩལ༔ དུར་ཁྲོད་གནས་ནས་སྐུ་བསྐྱོད་ལ༔ སྲིད་པའི་ཕུར་བུར་བྱིན་ཕོབ་ཅིག༔ ཧཱུྃ༔ ཡུལ་གྱི་མིང་ནི་རྒྱ་གར་ཡུལ༔ གྲོང་ཁྱེར་མིང་ནི་མ་ག་དྷ༔ དུར་ཁྲོད་མིང་ནི་བསིལ་བའི་ཚལ༔ སློབ་དཔོན་དྷ་ན་སཾ་སྐྲྀ་ཏ༔ སློབ་དཔོན་དྷ་ན་ཨུ་པ་ཡ༔ སློབ་དཔོན་བློ་ལྡན་མཆོག་སྲེད་རྩལ༔ ནམ་མཁའི་དབྱིངས་ནས་སྒྲུབ་པའི་ཚེ༔ གཟའ་དང་རྒྱུ་སྐར་བཏུལ་བ་བཞིན༔ ལྷ་གདོན་བཏུལ་ཞིང་གཤེགས་སུ་གསོལ༔ རྒྱ་མཚོའི་གླིང་ནས་སྒྲུབ་པའི་ཚེ༔ ས་བདག་ཀླུ་གཉན་བཏུལ་བ་བཞིན༔ དམ་སྲི་འདུལ་ཞིང་གཤེགས་སུ་གསོལ༔ བར་སྣང་ཁམས་ནས་སྒྲུབ་པའི་ཚེ༔ ལྷ་སྲིན་སྡེ་བརྒྱད་བཏུལ་བ་བཞིན༔ དགྲ་

― CMR017_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་འདུལ་ཞིང་གཤེགས་སུ་གསོལ༔ སྲིད་པའི་ཕུར་བུ་བདག་སྒྲུབ་ཀྱིས༔ སྲིད་པའི་ཕུར་བུར་བྱིན་ཕོབ་ཅིག༔ རྒྱ་མཚོ་གླིང་གི་མཁའ་འགྲོ་བཞི༔ བལ་མོ་གར་བྱེད་ཁྱུགས་སེ་ཁྱུག༔ སིལ་སྙན་མང་པོ་སི་ལི་ལི༔ རྒྱན་ཆ་མང་པོ་པུ་རུ་རུ༔ སྲིད་པའི་ཕུར་བུར་བྱིན་ཕོབ་ཅིག༔ ཡུལ་གྱི་མིང་ནི་རྒྱ་གར་ཡུལ༔ གྲོང་ཁྱེར་མིང་ནི་ཡངས་པ་ཅན༔ དུར་ཁྲོད་མིང་ནི་སོ་ས་གླིང་༔ སློབ་དཔོན་ཉི་མ་འོད་ཟེར་གྲགས༔ མཁའ་འགྲོའི་མིང་ནི་བདུད་འདུལ་མ༔ བྱིན་གྱིས་བརླབ་ཕྱིར་གཤེགས་སུ་གསོལ༔ སྲིད་་པའི་ཕུར་བུར་བྱིན་ཕོབ་ཅིག༔ ནམ་མཁའི་དབྱིངས་ནས་སྐུ་སྐྱོད་མ༔ རྡོ་རྗེ་རིག་འཛིན་བྱིན་ཕོབ་ཅིག༔ བར་སྣང་ཁམས་ནས་སྐུ་བསྐྱོད་ལ༔ རྡོ་རྗེ་ཕྲ་མེན་བྱིན་ཕོབ་ཅིག༔ བརྒྱ་མཚོའི་གླིང་ནས་སྐུ་བསྐྱོད་ལ༔ རྡོ་རྗེ་མ་མོས་བྱིན་ཕོབ་ཅིག༔ དུར་ཁྲོད་གནས་ནས་སྐུ་བསྐྱོད་ལ༔ རྡོ་རྗེ་མཁའ་འགྲོས་བྱིན་ཕོབ་ཅིག༔ གངས་ཀར་བརྩེགས་པའི་གཞལ་ཡས་ནས༔ རྡོ་རྗེ་གིང་ཆེན་གཤེགས་སུ་གསོལ༔ རྨོངས་པའི་མུན་པ་སེལ་མཛད་པ༔ ཉི་མ་འོད་ཟེར་གཤེགས་སུ་གསོལ༔ ཤེས་བྱ་ཀུན་ལ་མ་རྨོངས་པའི༔ བློ་ལྡན་མཆོག་སྲེད་

― CMR017_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་སུ་གསོལ༔ བདུད་དང་མུ་སྟེགས་ཚར་གཅོད་པའི༔ འཕགས་པ་སེང་གེ་སྒྲ་སྒྲོག་བྱོན༔ མ་ཆགས་སྐྱོན་གྱིས་མ་གོས་པའི༔ པདྨ་འབྱུང་གནས་གཤེགས་སུ་གསོལ༔ བོད་ཡུལ་དབུས་སུ་བྱོན་པའི་ཚེ༔ གསང་མཚན་རྡོ་རྗེ་གྲོ་བོ་ལོད༔ བྱིན་གྱིས་བརླབ་ཕྱིར་གཤེགས་སུ་གསོལ༔ སྔོན་གྱི་ཐུགས་དམ་བརྩེར་དགོངས་ལ༔ སྲིད་པའི་ཕུར་བུ་བདག་སྒྲུབ་ཀྱིས༔ གནས་མཆོག་འདི་རུ་བྱིན་ཕོབ་ཅིག༔ སྒྲུབ་མཆོག་བདག་ལ་དབང་བཞི་སྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ མོས་པའི་བུ་ལ་བྱིན་གྱིས་རློབས༔ ཅི་བསམ་དངོས་གྲུབ་ཆོས་ལྡན་སྩོལ༔ འདོད་པའི་དོན་རྣམས་ཆར་ལྟར་ཕོབ༔ ཨོཾ་ཨཱཿཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ༔ ཧྲིམ་ཧ་རི་ནི་ས༔ ར་ཅི་ཧྲི་ཡ༔ ཨེ་ཨཱཿ་ར་ལི་ཧྲིང་ཧྲིང་༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བྱིན་འབེབས། བླ་མ་རིག་འཛིན་མ།

― CMR017_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་འབེབས་ནི། བླ་མ་རིག་འཛིན་ལྷ་དང་མཁའ་འགྲོ་དམ་ཅན་ཐམས་ཅད་ནམ་མཁར་སྔོན་གྱི་ཐུགས་དམ་དབང་གིས་སྤྲིན་བཞིན་འཐིབ་ནས། དཀྱིལ་འཁོར་གནས་དང་རྣལ་འབྱོར་པ་རྣམས་ལ་བྱིན་ཆེན་འབེབས་ཤིང་ཐུགས་བརྩེ་བ་ཆེན་པོས་དགོངས་པར་གྱུར་པར་མོས་ལ། བཛྲ་ས་མ་ཡ་ཧོཿ ས་མ་ཡ་སཾ༔ ཧཱུྃ༔ དབུས་ཕྱོགས་འོག་མིན་ཆོས་དབྱིངས་ནས༔ བཅོམ་ལྡན་རྡོ་རྗེ་གཞོན་ནུ་དང་༔ ཡུམ་ཆེན་འཁོར་ལོ་རྒྱས་འདེབས་ཀྱིས༔ དཀྱིལ་འཁོར་འདི་ལ་བྱིན་ཆེན་ཕོབ༔ ཕྱོགས་བཅུ་དྲེགས་པའི་གདན་སྟེང་ན༔ ཁྲོ་རྒྱལ་ཡབ་ཡུམ་ཕྲ་མེན་བཅས༔ སྲས་དང་སྤྲུལ་འཁོར་ཐམས་ཅད་ཀྱིས༔ དཀྱིལ་འཁོར་འདི་ལ་བྱིན་ཆེན་ཕོབ༔ ཟླ་གམ་ཨེ་ཡི་དཀྱིལ་འཁོར་ནས༔ སྐུ་གསུང་ཐུགས་ལས་སྤྲུལ་པའི་སྲས༔ མཐུ་ཆེན་ཉི་ཤུ་རྩ་གཅིག་གིས༔ དཀྱིལ་འཁོར་འདི་ལ་བྱིན་ཆེན་ཕོབ༔ དཀྱིལ་འཁོར་སྒོ་བཞི་གྲུ་ཆད་ནས༔ མཐུ་དང་དྲག་རྩལ་བསམ་མི་ཁྱབ༔ ཕྲིན་ལས་རྣམ་བཞི་སྒོ་སྐྱོང་གིས༔ དཀྱིལ་འཁོར་འདི་ལ་བྱིན་ཆེན་ཕོབ༔ དུར་ཁྲོད་གནས་དང་ཕྱོགས་མཚམས་ནས༔ ཤྭ་ན་ས་བདག་བདག་ཉིད་མ༔ བསེ་ལྕགས་དུང་གི་སྐྱེས་ཆེན་གྱིས༔

― CMR017_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་འདི་ལ་བྱིན་ཆེན་ཕོབ༔ དུར་ཁྲོད་གང་དང་དབེན་གནས་ནས༔ གིང་ཆེན་བཅོ་བརྒྱད་ལང་ཀའི་ཚོགས༔ དབང་ཕྱུག་བརྟན་མའི་ཚོགས་བཅས་ཀྱིས༔ དཀྱིལ་འཁོར་འདི་ལ་བྱིན་ཕོབ་ཅིག༔ སྒྲུབ་མཆོག་རྣམས་ལ་དབང་ཆེན་བསྐུར༔ རྟགས་དང་མཚན་མ་བཟང་པོ་སྟོན༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ས་མ་ཡ་ཨཱཿ་བེ་ཤ་ཡ་ཨཱཿ་བེ་ཤ་ཡ་ཨ་ཨཱཿ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕུར་པ་ཡང་གསང་བླ་མེད་དོན་གྱི་སྙིང་པོའི་ལས་བྱང་ཕྲིན་ལས་ཀྱི་སྤུ་གྲི་ཞེས་བྱ་བའི་རྒྱུན་ཁྱེར་ཉམས་སུ་ལེན་ཚུལ་ཟིན་བྲིས་བསྡུས་པ།

― CMR017_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་དོན་གྱི་སྙིང་པོའི་ལས་བྱང་ཕྲིན་ལས་ཀྱི་སྤུ་གྲི་ཞེས་བྱ་བའི་རྒྱུན་ཁྱེར་ཉམས་སུ་ལེན་ཚུལ་ཟིན་བྲིས་བསྡུས་པ་གཅིག་བཞུགས་སོ། །

― CMR017_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤྲཱི་ཀུ་མཱ་ར་ཡེ། དུས་གསུམ་རྒྱལ་བ་ཀུན་གྱི་ཕྲིན་ལས་ནི། །གཅིག་ཏུ་བསྡུས་པ་བདུད་འདུལ་ཕུར་པའི་ལྷ། །བར་ཆད་ཀུན་སེལ་དེ་ལ་ཕྱག་འཚལ་ནས། །ལས་བྱང་རྒྱུན་ཁྱེར་ཉམས་སུ་ལེན་ཚུལ་བརྗོད། །ཕུར་སྲུང་རྣམས་ཀྱིས་བཀའ་ཡི་གནང་བ་སྩོལ། །འདི་ལ་དང་པོ་ཡིད་ཆེས་ཕྱིར་ལོ་རྒྱུས་བཤད་པ། སྤྲོ་བ་འཕེལ་ཕྱིར་ཕན་ཡོན་བཤད། སྟ་གོན་དངོས་གཞི་རྗེས་སོ། །དང་པོ་ནི་ལྷ་ཡི་ངོ་བོ་ངོས་བཟུང་། རྒྱུད་གསུང་ཚུལ། ཕྱོགས་གར་གཏོགས། བཀའ་བབས་ཚུལ་ལོ། །དེ་ཡང་བཅོམ་ལྡན་འདས་རྡོ་རྗེ་གཞོན་ནུ་འདིའི་རྣམ་འཕྲུལ་དུ་མ་གྱུར་པའི་སངས་

― CMR017_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུས་མེད་དོ། །སངས་རྒྱས་ཐམས་ཅད་སྤྲུལ་གཞིའི་བདགཔོ་ཡིན་གསུངས་ཏེ། ཕུར་པ་བྷི་ཏོའི་རྒྱུད་ལས། བདེ་བར་གཤེགས་པ་གར་གྱི་བདག །འདོད་དགུར་གྱུར་པས་གང་ཡང་བདེ། །གར་གྱི་དབང་ཕྱུག་ཆེན་པོ་ལ། །མཁས་པས་ཕྱོགས་རིས་མི་རྟོགས་སོ། །ཞེས་གསུངས་སོ། །ཁྱད་པར་དུ་ཕྱི་ཞི་བའི་དུས་རྡོ་རྗེ་སེམས་དཔའ། བྱ་རྒྱུད་དུས་རྡོ་རྗེ་རྣམ་འཇོམས། །བྱང་ཆུབ་སེམས་དཔའ་དུས་ཕྱག་ན་རྡོ་རྗེ། གསང་སྔགས་རྙིང་མའི་སྐབས་སུ་རྡོ་རྗེ་གཞོན་ནུ་རྣམས་ངོ་བོ་གཅིག་ཡིན་པར་གསུངས་སོ། །དེ་ཡང་གནས་ཕུན་སུམ་ཚོགས་པ་འོག་མིན་གསང་ཆེན་རོལ་པའི་

― CMR017_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

དུར་ཁྲོད་ན། སྟོན་པ་ཕུན་སུམ་ཚོགས་པ་བཅོམ་ལྡན་འདས་ཕྲིན་ལས་ཀྱི་བདག་པོ་རྡོ་རྗེ་གཞོན་ནུ་ཕྲིན་ལས་རོལ་པའི་ཏིང་ངེ་འཛིན་ལ་བཞུགས་པའི་ཚེ། འཁོར་ཕུན་སུམ་ཚོགས་པ་རིགས་ལྔའི་སངས་རྒྱས་ཁྲོ་བོ་ཁྲོ་མོའི་ཚོགས་དཔག་ཏུ་མེད་པ་དང་ཐབས་ཅིག་ཏུ་བཞུགས་པ་ན། བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སོགས་པས་ཞུས་པའི་ངོར། དུས་ཕུན་སུམ་ཚོགས་པ་ཐོགས་མཐའ་མེད་པ་ན། ཆོས་ཕུན་སུམ་ཚོགས་པ་ཕྲིན་ལས་འདུས་པའི་རྟོག་པ་རྡོ་རྗེ་འཁྲོས་པའི་རྒྱུད་འདི་ལ་སོགས་པ། ཕུར་པ་བི་ཏོ་ཏ་མའི་རྒྱུད་འབུམ་སྡེ་གསུངས་སོ། །རྒྱུད་དེ་དག་དཔལ་གསང་བའི་བདག་པོ་དང་། མཁའ་འགྲོ་ལས་ཀྱི་དབང་མོ་ཆེས་བཀའི་བསྡུ་བ་བྱས་ཏེ། འཛམ་བུའི་གླིང་དེར་སྤྱན་དྲངས་ཏེ། མཆོད་རྟེན་བདེ་བྱེད་བརྩེགས་པ་དང་། བསིལ་བ་ཚལ་གྱི་དུག་ཤིང་གི་སྡོང་པོའི་རྩར་གནམ་ལྕགས་ཀྱི་སྒྲོམ་བུ་བཅུག་ནས་གཏེར་དུ་སྦས་སོ། །དེ་ནས་སྟོན་པ་མྱ་ངན་ལས་འདས་རྗེས། རྒྱ་གར་གྱི་རིག་འཛིན་བརྒྱད་དགོངས་པ་བསྟན་ཏེ་མཆོད་རྟེན་བདེ་བྱེད་བརྩེགས་པའི་གཏེར་འདོན་པར་བཞེད་པ་ན། རིག་འཛིན་བརྒྱད་སོ་སོའི་ཕྱག་ཏུ་སྒོམ་བརྒྱད་བབ་པ་ལས། གནམ་ལྕགས་ཀྱི་སྒྲོམ་དང་ཕུར་པ་

― CMR017_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་པའི་རྒྱུད་ཕྲིན་ལས་ཀྱི་སློབ་དཔོན་པྲ་ཆེན་ཧསྟིའི་ཕྱག་ཏུ་བབ་པས། ཕྲིན་ལས་ཀྱི་སློབ་དཔོན་པྲ་ཆེན་ཧསྟི་ཞེས་གྲགས་སོ། །དེ་ལྟར་རིག་འཛིན་བརྒྱད་ཀ་ལ་བཀའ་བརྒྱུད་སོ་སོའི་དབང་ལུང་སློབ་དཔོན་ཆེན་པོ་པདྨ་འབྱུང་གནས་ཀྱིས་གསན་མོད་ཀྱིས། སླར་ཡང་ཨོ་རྒྱན་ཆེན་པོ་དུར་ཁྲོད་བསིལ་བའི་ཚལ་དུ་དགོངས་པ་ལ་བཞུགས་པའི་ཚེ་ན། དུག་ཤིང་གི་སྡོང་པོ་གཅིག་གི་རྩ་ན་ཉིན་མོ་རླུང་ནག་འཚུབ། མཚན་མོ་མེ་དཔུང་འབར་བའི་དཀྱིལ་ན་གནམ་ལྕགས་ཀྱི་སྡིག་པ་ཁ་དགུ་མིག་དགུ་པ་ཞིག་གིས། ངས་སེམས་ཅན་སྐྱབས་མེད་པའི་སྐྱབས་བྱའོ། །མགོན་མེད་པའི་མགོན་བྱའོ། །ཟེར་བ་ཞིག་གཟིགས་ནས། ཕྱིར་ནངས་དེར་བསྐོས་པས་གནམ་ལྕགས་ཀྱི་སྒྲོམ་གྱི་ནང་ནས་ཕུར་པ་བི་ཏོ་ཏ་མ་ལ་འབུམ་སྡེའི་རྒྱུད་རྣམས་བྱུང་ངོ་། །དེ་ནས་ཨོ་རྒྱན་རིན་པོ་ཆེའི་ཟ་ཧོར་གྱི་མཁན་པོ་པྲ་ཆེན་ཧསྟི་ལ་རྡོ་རྗེ་ཕུར་པའི་དབང་བསྐུར་བར་ཞུས་པས། པྲ་ཆེན་ཧསྟིའི་ཞལ་ནས། ངས་ཁྱེད་ལ་རྡོ་རྗེ་ཕུར་པའི་དབང་བསྐུར་པའི་སྐལ་བ་དང་མི་ལྡན། རྒྱ་གར་ཤར་ཕྱོགས་སོ་ས་གླིང་གི་བྱེ་བྲག་ཐོད་པ་བརྩེགས་པའི་མཁར་ན། མཁའ་འགྲོ་མ་བདེ་བའི་འཁོར་ལོ་བྱ་བ་བཞུགས་པས་དེ་ལ་ཞུས་ཤིག་

― CMR017_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་ལུང་བསྟན་པས། དེར་བྱོན་པས་དུར་ཁྲོད་ཀྱི་གཞལ་ཡས་ཁང་གྲུ་གསུམ་མཐིང་ནག་འབར་བའི་གདན་ལ། མཁའ་འགྲོ་མ་ཞལ་གཅིག་ཕྱག་གཉིས་ཁཊ་དང་ཐོད་ཁྲག་བསྣམས་པ་དབུ་སྐྲ་ཁམ་ནག་གྱེན་དུ་བརྫེས་པ། ཞལ་གྲུ་གསུམ་ཧོམ་ཁུང་གདངས་བ་འདྲ་བ། ཞབས་གཉིས་བརྐྱང་བསྐུམས་སུ་བཞུགས་པ། སྟག་ཤམ་དང་གཡང་གཞི་དང་ཐོད་ཕྲེང་དང་རྒྱན་དྲུག་གིས་སྤྱས་ནས། འཁོར་མཁའ་འགྲོ་མ་བྱེ་བ་འབུམ་གྱིས་བསྐོར་ནས། ཀཱི་ལ་ཡའི་སྒྲ་རབ་ཏུ་སྒྲོགས་པ་མཇལ་ནས། ཕུར་པའི་དབང་ཞུས་ནས། སློབ་དཔོན་ཡི་གེ་ཧཱུྃ་དུ་བསྒྱུར་ནས་ཞལ་དུ་མིད་དེ། ཀླད་པ་དུང་ཁང་དུ་ཞག་གཅིག་བཞག་ནས་བུམ་པའི་དབང་བསྐུར། གསང་མཚན་རྡོ་རྗེ་ཐོད་ཕྲེང་རྩལ་དུ་བཏགས། མགྲིན་པར་ཞག་གཅིག་བཞག་ནས་གསང་བའི་དབང་བསྐུར། གསང་མཚན་པདྨ་བཛྲ་རྩལ་དུ་བཏགས།་ཐུགས་ཀར་ཞག་གཅིག་བཞག་ནས་དབང་གསུམ་པ་བསྐུར། གསང་མཚན་རྡོ་རྗེ་ཐོག་མེད་རྩལ་དུ་བཏགས། གསང་གནས་སུ་ཞག་གཅིག་བཞག་ནས་དབང་བཞི་རྫོགས་པར་བསྐུར། གསང་མཚན་རྡོ་རྗེ་མྱུ་གུ་རྩལ་དུ་བཏགས། དེ་ནས་གསང་གནས་ནས་བཏོན་ཏེ། རྡོ་རྗེ་ཕུར་པའི་ཆོས་མ་ལུས་པར་

― CMR017_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད། སྐྱེ་འཆི་མེད་པའི་ཚེ་དང་། ཕྱག་རྒྱ་ཆེན་པོ་ལ་སོགས་པ་རིག་འཛིན་ལ་མངའ་བརྙེས་པར་གྱུར་ཏེ། སླར་ཡང་སློབ་དཔོན་པྲ་ཆེན་ཧསྟི་ལས་ཕུར་པའི་ཆོས་སྐོར་མང་དུ་ཞུས། དེ་ནས་སློབ་དཔོན་བལ་ཡུལ་ཡང་ལེ་ཤོད་ཀྱི་ཕུག་པར་ཡང་དག་མར་མེ་དགུ་པའི་དཀྱིལ་འཁོར་བཞེངས་ནས། ཕྱག་རྒྱ་ཆེན་པོ་མཆོག་གི་དངོས་གྲུབ་སྒྲུབ་པ་ལ། བལ་ཡུལ་གྱི་ལྷ་འདྲེ་གདུག་པ་ཅན་རྣམས་ཀྱིས་བར་ཆད་བྱ་བར་བྱས་ཏེ། ནམ་མཁའ་ལ་ཆར་བཀག་ཐན་པ་ཆེན་པོ་བྱུང་། རྩི་ཤིང་ལོ་ཐོག་ཆུ་མིག་ཡན་ཆད་སྐམ། མུ་གེ་ཆེན་པོས་མི་ཕྱུགས་ཐམས་ཅད་ཁ་དག་པ་བྱུང་ནས། དེ་རྣམས་འདུལ་བའི་ཆེད་དུ་སློབ་དཔོན་གྱིས་བལ་པོ་ཇི་ལ་དང་བ་ར་གསེར་སྦྱིན་གཉིས་ལ། གསེར་ཕྱེ་བྲེ་གང་དང་། གསེར་སྲང་བརྒྱ་ལས་བྱས་པའི་པ་ཏྲ་གཅིག་རྒྱ་གར་རྒྱལ་པོ་ལ་བསྐུར་ནས། རྡོ་རྗེ་ཕུར་པའི་རྒྱུད་ཐམས་ཅད་བཞུགས་ཚད་སྐུར་གཅིག་ཞུས་སོ། །དེར་རྒྱལ་པོ་བི་ཀ་མ་ལ་རྣམ་པར་གནོན་པས་ཤི་ལའི་གཙུག་ལག་ཁང་དུ་་པཎྜི་ཏ་རྣམས་ལ་དེ་སྐད་བསྒོ་བས། དེར་པཎྜི་ཏ་སྟོང་ལྔ་བརྒྱ་བཞུགས་པའི་ནང་ནས། ཇི་ས་དང་ནཱ་ག་ཛུ་ན་གཉིས་ཀྱིས་རྡོ་རྗེ་ཕུར་པའི་རྒྱུད་མི་ཁུར་གཉིས་བརྫངས་ནས། ཡང་ལེ་ཤོད་

― CMR017_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བྲག་ཕུག་ཏུ་ཆོས་དེ་རྣམས་ཕེབས་པ་ཙམ་གྱིས་ནམ་མཁའ་ལ་སྤྲིན་འདུས། ཞལ་ཕྱེ་བ་ཙམ་ནས་ཆར་བབ། ཆུ་མིག་སྐམ་པ་རྣམས་སླར་སྐྱེས། རྩི་ཤིང་ནགས་ཚལ་ལོ་ཐོག་ཐམས་ལྷཅད་དུས་དེ་ཉིད་དུ་སྔོ་ལྷུབས་སེ་སྐྱེས་སོ། །དེར་སློབ་དཔོན་གྱིས་བི་ཏོ་ཏ་མ་ལ་སོགས་པ་རྩ་བ་ལྟ་བུའི་རྒྱུད་བཞི། ཡལ་ག་ལྟ་བུའི་ཁྲོ་བཅུའི་རྒྱུད་ཆུང་བཅུ། དམར་མོ་བསེ་མོའི་རྒྱུད་སོགས་ལོ་མ་ལྟ་བུའི་རྒྱུད་གསུམ། རྣལ་འབྱོར་བླ་མ་ལ་སོགས་པ་མཛེས་པ་མེ་ཏོག་ལྟ་བུའི་རྒྱུད་བཞི། རྡོ་རྗེ་རྩེ་མོ་ལ་སོགས་པ་འབྲས་བུ་ལྟ་བུའི་རྒྱུད་བཞི། སོགས་སུ་ཕྱེས་ནས་རྒྱུད་དེ་དག་ལ་བསྟེན་ནས་སྒྲུབ་ཐབས་མན་ངག་དུ་མ་མཛད་དོ། །དེ་ནས་སློབ་དཔོན་དཔོན་སློབ་གསུམ་ཚ་བ་ཚ་ཤོད་བསེའི་ཡུལ་མེ་ཏོག་དགུན་ཡང་སྐྱེ་བའི་ཡུལ་དུ་བྱོན་ནས་གཟིམ་ཙ་ན། ཆོ་འཕྲུལ་ཆེན་པོ་དབུགས་འཕྲོག་པ་སྙམ་བྱེད་པ་བྱུང་ནས་གཟིགས་པས། མདུན་ན་ནི་མུ་ཕྲུམ་ཕྲུམ་འདུག་པ་ཕྱག་རྒྱ་བཞིས་བསྡམས་ནས་ལྷུང་བཟེད་དུ་བཅུག་ནས་བཞག །ཕྱིར་ནུབ་བྱང་ཆུབ་རིས་ཀྱི་ཆུ་མིག་ཏུ་ཕེབས་ནས་ལྷུང་བཟེད་ཁ་ཕྱེས་ནས། ལྷའི་སྲས་མོ་མཚར་སྡུག་འོད་དུ་འབར་བ་བཞི་འདུག་པས་ངེད་བཞི་ཡུལ་ཚ་བ་ཚ་ཤོད་ཀྱི་རྒྱལ་ཁམས་ལ་དབང་བྱེད་པའི་ས་

― CMR017_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བསྲེའི་བུ་མོ་བཞི་ཡིན་པས། བདག་ཅག་ལ་སེམས་ཅན་ཐམས་ཅད་ཀྱི་སྲོག་དབུགས་ལ་དབང་བྱེད་པའི་དབང་བསྐུར་དུ་གསོལ། ཞེས་ཟེར་བས། སེམས་ཅན་ཐམས་ཅད་ཀྱི་སྲོག་དབུགས་ལ་དབང་བྱེད་པའི་དབང་ནི་མི་བསྐུར། རྡོ་རྗེ་ཕུར་པའི་ཆོས་ཉན་བཤད་དང་། སྒྲུབ་པ་ལ་བར་ཆད་བྱེད་པའི་དགྲ་བགེགས་ཀྱི་ཚེ་སྲོག་ལ་དབང་བྱེད་པའི་དབང་གཅིག་བསྐུར་གསུངས་ཏེ། དམ་ལ་བཏགས་ནས་སྲུང་མར་བསྐོས་སོ། །དེ་ནས་བི་ཀ་མ་ལའི་གཙུག་ལག་ཏུ་བྱོན་ནས་པཎྜི་ཏ་རྣམས་ལ་ཕྱག་དཔེ་སྔ་མ་རྣམས་གཏད། ཕྱིས་བརྩམ་པ་རྣམས་གཟིགས་ཕུལ་བས། ཤིན་ཏུ་རྩོམ་ལེགས་ཤིང་ཡིད་ཆེས་ནས། པཎྜི་ཏ་ཐམས་ཅད་ཀྱིས་ཕྱག་དུས་གཅིག་ལ་གྱང་འགྱེལ་བ་ལྟར་སློབ་དཔོན་ལ་འཚལ། ཕྱིན་ཆད་ཀྱང་གསང་སྔགས་ཀྱི་འགྲེལ་བ་དང་སྒྲུབ་ཐབས་མང་དུ་མཛད་པར་ཞུ་བ་ཕུལ་ཞིང་མངོན་པར་བསྟོད་དོ། །དེ་ནས་སླར་བལ་ཡུལ་ཡང་ལེ་ཤོད་དུ་བྱོན་ནས་སློབ་དཔོན་པདྨ་དང་། བྷི་མ་ལ་མི་ཏྲ་དང་། བལ་པོ་ཤྲཱི་ལ་མཉྫ་གསུམ་གྱིས་རྡོ་རྗེ་ཕུར་པའི་སྒྲུབ་པ་མཛད་པས། ནུབ་དང་པོ་ལ་ཟངས་ཀྱི་ཝ་མོ་འཇའ་བཀུག་པ་འདྲ་བ་དང་། ལུས་གཅིག་ལ་མགོར་དགུར་སྤྲུལ་པ་

― CMR017_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྒྲ་སྐད་ལྷང་ལྷང་སྒྲོགས་པ་དང་། བར་སྣང་ཁམས་ནས་རྐང་པ་གསུམ་ལྟར་གྱི་བཙུགས་པ་དང་། ལྕེ་ཕྱོགས་མཚམས་བརྒྱད་དུ་ཉུག་ཉུག་བྱེད་པ་རྣམས་བྱུང་བས། ལྕགས་ཀྱི་སྤྱང་མོ་ལ་སོགས་བསྐུལ་རྣམས་མཛད། ནུབ་གཉིས་པར་བུད་མེད་མཛེས་སྡུག་འོད་འབར་བ་བཞི་བྱུང་བས་བསྲེའི་བུ་མོ་བཞིའི་བསྐུལ་མཛད། ནུབ་གསུམ་པར་བུད་མེད་ནག་མོ་མགོ་དང་ལུས་མིག་གིས་གང་བ་ཞིག་བྱུང་ནས། རེ་མ་ཏི་མཆེད་བཞིའི་བསྐུལ་མཛད། དེ་ནས་ཕུར་པ་རྣམས་དཀྱིལ་འཁོར་གྱི་སྟེང་དུ་འཁྲབ་པ་བཞིན་དུ་བྱུང་ནས། ཕུར་པ་རྣམས་སྒོ་བར་བཅུག་ཛཿ སྒྲོ་བ་ནམ་མཁའ་ལ་འཕར་ཞིང་ལྡིང་། སྒྲོ་བ་ནང་དུ་ཆོམ་སྒྲ་འུར་སྒྲ་རམ་རམ་བྱུང་ནས་གདབ་པའི་དྲོད་ཚད་ལ་བབ་བོ་གསུངས་ནས། སློབ་དཔོན་པདྨས་རྒྱ་གར་གྱི་རི་མ་ལ་ཡའི་ཙནྡན་གྱི་ནགས་ལ་མེ་ཤོར་བ་ལ་བཏབ་པས་མེ་ཤི་ནས་ཙནྡན་གྱི་ནགས་སྔོ་ལྷུབས་སེ་སོང་། བི་མ་ལས་ཆུ་བོ་གང་གཱ་དང་པཀྵ་དུས་གཅིག་ལ་འབྲུབ་པ་ལ་བཏབ་པས། ཞག་དགུ་གྱེན་ལ་ལྡོག །ཆུ་སྲིན་མི་ཟན་ཐུལ། བལ་པོ་ཤྲཱི་ལ་མཉྫས་བལ་ཡུལ་མནྡཱ་ར་བའི་དཀར་སྒོང་ལ་བྲག་སྲིན་ཆེན་པོ་གནས་པ་ལ་བཏབ་པས། བྲག་སྲིན་ཐུལ་ནས་དཀར་སྒོང་ཡང་ནས་

― CMR017_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ཡོས་ཙམ་དུ་སོང་ངོ་། །།སློབ་དཔོན་དེ་གསུམ་དགོངས་པ་བསྐུར་བས། ཕུར་པ་རྣམ་གསུམ་སྐོར་བྱ་བར་གྲགས་སོ། །དེ་ནས་སློབ་དཔོན་པདྨ་བོད་དུ་བྱོན་ནས་བསམ་ཡས་སུ་ཕུར་པའི་དཀྱིལ་འཁོར་བཞེངས་ཏེ་བསམ་ཡས་ཀྱི་ས་བཏུལ་ལྷ་འདྲེ་དམ་ལ་བཏགས། རྒྱལ་པོ་ཁྲི་སྲོང་ལྡེའུ་བཙན་བློན་འབངས་དང་བཅས་པ་ལ་ཕུར་པའི་དབང་བསྐུར་ནས་གསུངས་པ་ལ། ཕུར་པ་པདྨ་རྒྱལ་པོའི་སྐོར་བྱ་བར་གྲགས། དེར་མངའ་བདག་གིས་ཧས་པོ་རི་ལ་བཏབ་པས་མེ་འབར། ནམ་མཁའི་སྙིང་པོས་མཁར་ཆུའི་བྲག་ལ་བཏབ་པས་ད་ལྟ་ཡོད་། སངས་རྒྱས་ཡེ་ཤེས་ཀྱི་རི་ལ་ཚད་པས་མེ་འབར། བྲག་དམར་མགྲིན་བཟང་དུ་ཕུར་པའི་སྒྲུབ་གཞུང་བཙུགས་ནས། ཤུད་པུ་དཔལ་སེང་གིས་བསམ་ཡས་ཧད་པོ་རི་ལ་དགུན་ཕུར་པ་བཏབ་པས། རྩི་ཤིང་ནགས་ཚལ་སྔོ་ལྷུབ་ཀྱིས་སོང་། རྡོ་རྗེ་བདུད་འཇོམས་ཀྱིས་གཙང་པོ་ལ་ཕུར་པ་བཏབ་པས། ཆུ་འཁྱིལ་ནས་ཉི་མ་ཕྱེད་སྐད་དུ་འགྲོ་མ་ནུས། ཤཱཀྱ་པྲ་བས་ཀྱི་ཤོད་ཀྱི་ནང་རྡོ་རྗེའི་བྲག་ཟངས་ཡག་དམར་པོ་ལ་བཏབ་པས། བྲག་མཁར་ལས་མཐོ་བ་ཡོད་པ་ཧྲལ་གྱིས་རལ། དེ་རྣམས་བོད་ཀྱི་སློབ་དཔོན་གསུམ་ཞེས་བྱའོ། །དེ་ནས་ཇོ་མོ་

― CMR017_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་རྒྱལ་སོགས་ཐུགས་སྲས་ཉེ་བའི་འཁོར་བཅོ་བརྒྱད་བཅས་ཨོ་རྒྱན་རིན་པོ་ཆེ་དབུར་བཞུགས། དེ་རིང་སེང་གེ་རྫོང་གི་གསང་ཕུག་ཆེན་པོར་རྡོ་རྗེ་ཕུར་པའི་སྒྲུབ་པ་ཞག་གཉེར་གཅིག་མཛད་པས། རིག་འཛིན་ཐམས་ཅད་ནམ་མཁའ་གང་། ཡི་དམ་ལྷ་ཚོགས་སྤྲིན་བཞིན་དུ་གཏིབས། མཁའ་འགྲོ་ཆོས་སྐྱོང་བྲན་ལྟར་བྱེད། ཕུར་སྲུང་བཅུ་གཉིས་ཀྱིས་དངོས་གྲུབ་བར་མ་ཆད་དུ་སྐྱེལ། །དགེ་བསྙེན་ཉེར་གཅིག་གིས་ཕྲིན་ལས་བཀའ་བཞིན་ཉན། ལྷ་སྲིན་སྡེ་བརྒྱད་ཀྱིས་རང་རྟགས་སྲོག་གི་སྙིང་པོ་མདང་གསོལ་དུ་ཕུལ་ནམ་མཁར་འཇའ་དང་མེ་ཏོག་གི་དྲྭ་བས་འབྲེལ། ཕུར་པ་རྣམས་ནི་བཞད་ཅིང་འགྱིང་། མཁའ་འགྲོ་རྣམས་ཀྱིས་སྔགས་སྒྲ་སྒྲོགས། འོད་ཟེར་ཕྱོགས་བཅུར་འཕྲོ་བ་སོགས་བྱིན་རླབས་ཀྱི་ལྟས་དཔག་ཏུ་མེད་པ་བྱུང་ངོ་། །ཁྱད་པར་མཚོ་རྒྱལ་ལ་བཀའ་བབ་སྟེ། ཕུར་པ་བྲག་ལ་བཏབ་པ་ནས་ཚེ་ཆུའི་རྒྱུན་བབ་སྟེ་སུས་འཐུང་ཚེའི་བར་ཆད་སེལ་བ་དེང་སང་བར་དུ་ཡོད་པ་དང་། བསད་པའི་མི་རོ་གསོ་བ་སོགས་ཀྱང་མཛད་ཅིང་གཏེར་ཁ་མང་པོར་གཏེར་དུ་ཡང་སྦས་ལ། འཁོན་ཀླུའི་དབང་པོ་སོགས་ནས་བརྒྱུད་པ་བཀའ་མ་དེང་སང་ས་ཕུར་དུ་གྲགས་པ་སོགས་བྱུང་ལ། ཁྱད་པར་

― CMR017_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་དཔོན་སྲིན་ཡུལ་དུ་བྱོན་དུས། མཚོ་རྒྱལ་དང་ལྕོག་རོ་དཔལ་གྱི་མཆོད་གནས་དང་། ཨ་ཙ་ར་ས་ལེ་གསུམ་གྱིས་མང་ཡུལ་བར་དུ་བསྐྱལ་ནས་གདམས་ངག་ཞུས་པ་ན། སློབ་དཔོན་གྱི་ཐུགས་ཀ་ནས་ཁྲོ་བོ་བཅུ་སྤྲུལ་ནས། དབང་ང་ལ་ཞུའམ་ལྷ་ལ་ཞུ་གསུངས་པས། ལྕོག་རོ་བཟས་ལྷ་ལ་ཞུ་ཟེར་བས། ཁྲོ་བོ་བཅུ་སློབ་དཔོན་གྱི་ཐུགས་ཀར་ཐིམ་སྟེ། མོས་དབང་མ་ཐོབ་སྟེ། ཕྱི་བོན་ལུགས་སུ་བཤད་པ་ཕུར་པ་ལྕམ་ལུགས་སོགས་གནང་ཡང་། སྒྲུབ་པའི་ནུས་པ་མ་བྱུང་། སློབ་དཔོན་ལ་ཅུང་ཟད་མ་དད་པའི་ཉེས་པས་དམ་སྲི་མོར་སྐྱེས་སོ། །མཚོ་རྒྱལ་གྱིས་སློབ་དཔོན་ལ་ཞུ་ཟེར་བས། སློབ་དཔོན་གྱི་མགུལ་ནས་ཤོག་དྲིལ་ཕྱུང་སྟེ་གནང་བས་ཕུར་པ་མགུལ་ཁུག་མར་གྲགས། ཁྱེད་ཀྱིས་ཨ་ཙ་ར་ས་ལེ་ལ་ཤོད་ཅིག་གསུངས་སློབ་དཔོན་གཤེགས་སོ། །མཚོ་རྒྱལ་གྱིས་བསྒྲུབས་པས་ཕུར་པ་ཕྱག་ནས་འཕུར་ཏེ་སྐྱེར་ཕུང་ཅིག་ལ་ཟུག་སྟེ་ཁྲག་ཤ་རེ་འདུག་པས། ཕ་མིང་གི་ཟ་འདྲེ་ཐུལ་ཏེ་ཕ་མིང་དར་བས། མཁར་ཆེན་འདྲེ་ཐུབ་རྒྱུད་པར་གྲགས། འོ་བྲན་དཔལ་གྱི་དབང་ཕྱུག་གིས་ཕུར་པ་བསྒྲུབས་ནས་སྲིན་མོ་ཐུལ་བ་སོགས་ཕུར་པའི་གྲུབ་པ་ཐོབ་པ་དཔག་ཏུ་མེད་པ་བྱུང་།

― CMR017_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། འཁོན་ཀླུ་དབང་སྲུང་ནས་ས་ཆེན་ཀུན་སྙིང་ཡན་ཆད་ཕུར་པའི་གྲུབ་ཐོབ་རྒྱུན་མ་ཆད་པར་བྱུང་ངོ་། །དེ་དག་ལས་བརྒྱུད་པའི་ཕུར་པ་བཀའ་གཏེར་རིགས་མི་གཅིག་པ་ནམ་མཁའི་རྒྱུ་སྐར་ཚོགས་ཙམ་ཡོད་ཀྱང་། ཟབ་ཅིང་བྱིན་རླབས་ཁྱད་པར་དུ་འཕགས་པ་རིག་འཛིན་རཏྣ་གླིང་པའི་གཏེར་ཁ་འདི་ཡིན་ཏེ། སྔར་གྱི་གཏེར་རྙིང་གཏེར་ཁ་བརྒྱད་ནས་རཏྣ་གླིང་པ་ལུང་བསྟན་པ་དང་། རྟེན་འབྲེལ་ཐམས་ཅད་འགྲིགས་ཤིང་བར་ཆད་གང་ཡང་མ་བྱུང་བ་ནི་རཏྣ་གླིང་པ་ཙམ་ཡིན་པས་བཀྲ་ཤིས་པ་དང་། གཏེར་རྙིང་ལ་ལ་འགྲོ་དོན་མི་རབས་ཀྱི་གྲངས་དང་ལོ་གྲངས་ཐེབས་པས་བྱིན་རླབས་ཆུང་ལ་རཏྣ་ལུགས་ལ་བསྟན་པ་མཐའ་རྒྱས་སུ་འགྱུར་བར་གསུངས་པ་ལས་རྫོགས་པའི་ལོ་གྲངས་དང་མི་རབས་གྲངས་མེད་པས་རྟེན་འབྲེལ་ལེགས་པ་དང་། འཇམ་དཔལ་རྩ་རྒྱུད་ལས། ཡུལ་གང་དུ་ལྷ་གང་འགྲུབ་གསུངས་པ་དང་། གཏེར་ཆོས་རྣམས་ཀྱང་ས་ཆ་གང་དུ་དར་གྱི་ངེས་པ་ཡོད་པ་ལ་རཏྣ་ལུགས་ནི། མ་འོངས་ཁམས་དང་གཙང་ཕྱོགས་སུ་བསྟན་པ་དར་ཞིང་རྒྱས་པར་འགྱུར་ཞེས་གསུངས་པས། ཁམས་ཕྱོགས་འདིར་བཀའ་བབ་ཀྱི་ཆོས་སྐལ་ལྟ་བུ་ཡིན་པས་སོ། །དེ་ཡང་དྭགས་པོ་གདང་ལྷ་ཁྲ་མོ་བྲག་

― CMR017_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གཏེར་བཏོན་ཏེ། རྒྱལ་སྲས་ཚེ་དབང་གྲགས་པས། རྔོག་པ་ཤཱཀྱ་བཀྲ་ཤིས། མཁར་དྲུང་བསོད་ནམས་བཀྲ་ཤིས་ལ་བརྒྱུད། ཡང་རྒྱལ་སྲས་ཚེ་དབང་གྲགས་པ་ནས། སོ་པ་མགོན་པོ་རྡོ་རྗེ། དྲུང་མདོ་སྡེ་རྒྱ་མཚོ། མཁར་དྲུང་ལ་བརྒྱུད་དེ། མཁར་དྲུང་ནི་ལས་འཕྲོ་གླིང་པ་སོགས་ཀྱིས་གཏེར་ལུང་དུ་མ་ནས་ལུང་བསྟན་ཏེ། གསང་སྔགས་རྙིང་མ་དང་ཁྱད་པར་རྡོ་རྗེ་ཕུར་པའི་རིག་འཛིན་ཨོ་རྒྱན་ཉིད་དང་དབྱེར་མེད་པར་གྲགས། དེའི་སྲས་པདྨ་རྒྱལ་པོ། ཆོས་རྗེ་མཚོ་སྐྱེས་རྡོ་རྗེ། སྤྲུལ་སྐུ་གྲགས་པ་རྣམ་རྒྱལ་ནས། རྗེ་དྲུང་གྲགས་པ་ལ་བརྒྱུད་དེ། རཏྣའི་ཆོས་བདག་སྐྱེས་བུ་བྱེ་བྲག་གི་ལུང་བསྟན་ལས། ད་ལྟའི་གཉག་སྟོན་དབང་གི་རྒྱལ་པོ་ཁྱོད། །འདི་ནས་རྒྱ་བོད་ཁ་འཐོར་ཡུལ་ཁམས་སུ། །དལ་འབྱོར་སྐྱེ་བ་མཐོ་དམན་བཅུ་བདུན་བརྒྱུད། །ལན་གཅིག་ཁམས་ཀྱི་ས་སྟོད་ཆུ་འབབ་བར། །རི་བོར་མིང་གྲགས་ཆོས་འབྱུང་འདྲ་བའི་སར། །གསང་འདུས་དང་ནི་ཡང་ཡུལ༔ གསང་ཕུར་པ་ཡི། །ཆོས་འདི་འཛིན་པའི་ལས་ཅན་སྐྱེས་བུ་ནི། །གྲགས་པའི་མིང་ཅན་སྐུ་ཡི་མཚན་མ་ཅན། །ལས་ཅན་དེ་ཡིས་གསང་སྔགས་མཐའ་དག་དང་། །ཨོ་རྒྱན་ང་ཡི་ཆོས་

― CMR017_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དར་བར་བྱེད། །འབྲེལ་ཚད་དོན་ལྡན་མངོན་དགའི་ཞིང་དུ་འགྲོ། །ཚེ་སྒྲུབ་གསང་འདུས་ཚེ་ཡི་རིལ་བུ་གཏོད། །རྟེན་འབྲེལ་ལེགས་བསྒྲིགས་ཚེ་ཡང་ཡར་འཕེལ་འགྲོ། །གཞན་ཡང་ས་དེར་ལས་ཅན་སྐྱེས་བུ་ནི། །མགོན་པོ་དང་ནི་འབུམ་གྱི་མིང་ཅན་གཉིས། །ཀློང་གསལ་ཐུགས་སྒྲུབ་རྡོ་རྗེ་ཕྲེང་བ་ཡི། །རང་གཞན་དོན་སྤྱོད་བརྒྱུད་པ་འཕེལ་བར་འོང་། །ཐབས་ཀྱི་ཆ་འཛིན་གཞོག་གཡས་སྨེ་བས་མཚན། །དུས་དང་རྟེན་འབྲེལ་ཞིབ་མོ་བསྒྲིགས་པ་ཅེས། །ཞེས་གསུངས་པས་མཁར་དྲུང་ནས་བཟུང་སྟེ་མར་ཐང་གི་གདན་རབས་སྔར་བྱོན་པ་རྒྱུདང་ད་རུང་འབྱོན་པ་རྣམས་ནི། རཏྣ་ལུགས་ཀྱི་ཕུར་པ་འདིའི་བཀའ་བབ་ཆེན་པོ་ཡིན་ནོ། །ཨོ་རྒྱན་རིན་པོ་ཆེའི་ཞལ་ནས། མཚོ་རྒྱལ་ལ་གདམས་པ། ཁྱད་པར་རྡོ་རྗེ་ཕུར་པ་ལས་ལྷག་པའི་ཡི་དམ་མ་མཆིས་པས། ཡི་དམ་གཞན་སྒྲུབ་ཀྱང་རྡོ་རྗེ་གཞོན་ནུ་སྲུང་མའི་ཚུལ་དུ་བསྒྲུབས། ཅིའི་ཕྱིར་ཞེ་ན། སྲུང་མ་རྣམས་ཡེ་ཤེས་དང་འཇིག་རྟེན་གཉིས་ཀ་ཡིན་པ་དང་་་གང་ལ་གང་འདུལ་དུ་ཕྲིན་ལས་མཛད་པའི་ཕྱིར། ཐེག་ཆེན་བླ་མེད་སྒྲུབ་པའི་བར་ཆད་ཐམས་ཅད་རྡོ་རྗེ་གཞོན་ནུས་བསྲུང་བར་འགྱུར་ཏེ། གསང་བ་བསམ་གྱིས་མི་ཁྱབ་པའི་

― CMR017_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་ལས། ཀྱེ་ཕྱག་ན་རྡོ་རྗེ་རྡོ་རྗེ་གཞོན་ནུ་ཡིན་ཁྱོད་ནི་དང་པོར་བྱང་ཆུབ་མཆོག་ཏུ་ཐུགས་བསྐྱེད་ནས། ཐེག་ཆེན་སྲུང་ཚད་ཀྱི་སྲུང་མར་ཞལ་གྱིས་བཞེས་ཏེ། སྒྲུབ་པ་པོ་རྣམས་ཀྱི་ལུས་དང་གྲིབ་མ་བཞིན་དུ་འགྲོགས་ནས་སྐྱོབས་པས། དེའི་ཕྱིར་བསྐུལ་པ་ཙམ་གྱིས་ཕྲིན་ལས་མཛད་ངེས་པས་སྲུང་མར་བསྙེན་སྒྲུབ་བསྐུལ་བས་བར་ཆད་ཐུལ་ནས་མཆོག་ཐུན་མོང་གི་དངོས་གྲུབ་ཐོབ་པའི་དགོས་པ་ཡོད་དོ། །ཞེས་གསུངས་ཏེ། ཕྱག་ན་རྡོ་རྗེ་ཤིན་ཏུ་ཁྲོས་པའི་དཀྱིལ་འཁོར་ཆེན་པོ་ནི་རྡོ་རྗེ་ཕུར་པའི་དཀྱིལ་འཁོར་འདི་ཡིན་པས། འདི་ལ་མཆོད་བསྟོད་བྱས་ན་ཕན་ཡོན་བསམ་ལས་འདས་ཏེ། རིག་པ་མཆོག་གི་རྒྱུད་ལས། གང་གི་དེ་བཞིན་གཤེགས་པ་འབུམ་ཕྲག་གང་གཱའི་ཀླུང་དགུ་བཅུ་རྩ་གཉིས་ཀྱི་བྱེ་མ་སྙེད་ལ་ཕྱག་བྱས་པ་བས། གང་གི་རིག་པའི་རྒྱལ་པོ་ཆེན་པོ་མཆོག་ལག་ན་རྡོ་རྗེ་ལ་ཡིད་ཀྱིས་ཕྱག་བྱས་ན། དེ་ལས་བསོད་ནམས་མང་དུ་བསྐྱེད་དོ། །ཞེས་གསུངས་སོ། །གཞན་ཡང་འདི་ཕྱིའི་དོན་ཐམས་ཅད་འགྲུབ་སྟེ། ཨོ་རྒྱན་རིན་པོ་ཆེའི་གསུངས་ལས། ཕུར་པ་མཁན་པོ་བཀྲ་ཤིས། ཕུར་པ་མཁན་པོ་དཔལ་ཆེ། ཕུར་པ་མཁན་པོ་ཚེ་རིང་། ཕུར་པ་མཁན་པོ་ནོར་

― CMR017_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག༔ ཕུར་པ་མཁན་པོ་འཁོར་རྒྱས། ཕུར་པ་མཁན་པོ་སྲིད་འཕེལ། ཕུར་པ་མཁན་པོ་མཐུ་ཆེ།། ཕུར་པ་མཁན་པོ་མཐའ་བཙན། ཕུར་པ་མཁན་པོ་ཡོན་ཏན་བརྒྱད་དང་ལྡན་ནོ། །ཞེས་དང་། ཡིད་གཉིས་ཐེ་ཚོམ་མེད་པར་མོས་བྱེད་ཅིང་། །སྒྲུབ་པ་སྣ་གཅིག་ཙམ་ཞིག་བྱས་པས་ཀྱང་། །ཡིད་ལ་ཅི་འདོད་འགྲུབ་པར་མ་གྱུར་ན། །ཨོ་རྒྱན་བདག་གིས་ཕྱི་རབས་འགྲོ་བ་བསླུས། །ཞེས་གསུངས་སོ། །དེ་ལ་རབ་དཀྱིལ་འཁོར་མཆོད་པ་སོགས་འཛོམ་ན་རབ་མེད་ན་དམིགས་རྟེན་ཞལ་ཐང་ངམ་གཙོ་ཕུར་བཤམས། ཡང་ན་ལྕགས་ཕུར་སོར་བཞི་གོང་བར་བཏགས། དེ་ཡང་མེད་ན་གཏོར་མ་ལ་བརྟེན་ཏེ། དེ་ཡང་རྩ་བ་གསུམ་གྱི་གཏོར་མ་ཆ་ཚང་། སྨན་རཀ་ཕྱི་མཆོད་རྣམ་ལྔ་བཤམས། དེ་ཡང་མེད་ན་གཏོར་མ་རིན་ཆེན་འབར་བ་གཅིག་ལ་བསྟེན་ཆོག་པས། དེའི་རྩེར་མདུན་བསྐྱེད་ཀྱི་རྟེན་དང་། སྨད་མཆོད་པའི་སྤྲིན་ཕུང་དུ་བསྒོམ་པར་བྱའོ། །དེ་ནས་བགེགས་གཏོར་ལྕོག་རྡོག་གཅིག་བཏང་། རྒྱས་པར་ན་དཀར་བགེགས་གཉིས་ཀ་ཐུགས་སྒྲུབ་ལྟར་རམ། གང་རུང་ལྟར་བཏང་སྟེ། དེ་ཡང་རྒྱུན་དུ་མི་དགོས། དང་པོ་དབུ་འཛུགས་དུས་གཅིག་བཏང་བས་འཐུས་སོ། །བགེགས་

― CMR017_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གཏོར་མས་ཚིམ་སྟེ་རང་གནས་སུ་དེངས་པར་བསྒོམ། སྐྱབས་སེམས་ཐུགས་སྒྲུབ་ལྟར་རམ་རྒྱས་བསྡུས་གང་འདོད། བསྡུ་ན་སངས་རྒྱས་ཆོས་ཚོགས་མ་ཙམ་གྱིས་ཆོག་གོ །དེ་ནས་གྱེར་སྒོམ་སྟེ་ངག་ཏུ་འདོན་པ་དེའི་དོན་ཡིད་ལ་བསྒོམ་ཞིང་ལས་བྱང་འདོན་ཏེ། དེ་ནས་མཚམས་ལྷ་བསྐྱེད་པ་ནི། ཨོཾ་སྭ་བྷཱ་ཝ༔ གཟུང་འཛིན་གྱི་སེམས་རྣམ་པར་དག་པ་སྟོང་པ་ཉིད་དུ་གྱུར། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་ཁཾ་ཧཱུཾ་ཕཊ། བདག་ཉིད་བཛྲ་ཀུ་མཱ་ར་ཞལ་གཅིག་ཕྱག་གཉིས་གཡས་ཕུར་པ་གཡོན་སྡིགས་མཛུབ་གདེངས་བར་གྱུར་ཞེས་བརྗོད་དམ་ཡིད་ལ་བསམས་པས་ཆོག །རང་གི་བ་སྤུའི་བུ་ག་ནས་ཁྲོ་ཆུང་བསམ་གྱིས་མི་ཁྱབ་པ་འཕྲོས། རྡོ་རྗེ་ཕུར་བུ་རྒྱ་གྲམ་ཐོ་བ་ལ་སོགས་པའི་བགེགས་རྣམས་བརྡུང་ཚར་བཅད་ནས་ལྕགས་རིའི་ཕྱིར་བསྐྱོད། ཁྲོ་བོ་རྣམས་ཚུར་ལོག་སྟེ། གཞལ་ཡས་ཕྱི་ནང་བར་གསུམ་བདག་གི་བ་སྤུའི་བུ་ག་ཐམས་ཅད་བལྟམས་ཏེ། ཞལ་ཕྱིར་གཟིགས་ནས་རྔམ་བརྗིད་རམ་རམ་དུ་བསྒོམ་ཞིང་། ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས༔ ཞེས་སོགས། ཨོཾ་སུམ་བྷ་ནིས་ཤར། གྷིནྡྷས་ལྷོ། གྷིཧཱུ་པ་ཡས་ནུབ། ཨཱཿ་ན་ཡས་

― CMR017_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་། བྷ་ག་ཝཱན་གྱིས་སྟེང་། བིད་ར་ཙས་འོག་རྣམས་སྲུང་བར་བསྒོམ་མོ། །སྲུང་འཁོར་འདི་ལ་རིགས་གཉིས་ཡོད་ཀྱང་ལས་བྱང་རང་གཞུང་འདི་ཟབ་པས། རང་གི་སྐུ་ལས་འཕྲོས་པའི་འོད་ཟེར་ལས་བྱུང་བའི། སྟེང་འོག་ཕྱོགས་མཚམས་ཐམས་ཅད་རྡོ་རྗེའི་གུར་ར་བས་ས་གཞི་སྲུབ་མེད་པ། དེ་རྒྱབ་འཁོར་ལོ་དང་། རལ་གྲི་དང་། དབྱུག་ཐོ་དང་། རྒྱ་གྲམ་དང་། མཚོན་ཆ་སྣ་ཚོགས་དང་། མེ་དཔུང་སྟེ་གུར་རིམ་པ་བརྒྱད་བསྒོམ་ཞིང་། ཧཱུྃ༔ ང་ནི་རང་བྱུང་ཁྲོ་རྒྱལ་ཆེན་པོ་སྟེ༔ ཞེས་པ་ནས། ཁཌཱ་ཧཱུཾ་ཕཊ་ཀྱི་བར་འདོན་ནོ། །དེ་ནང་ཁྲོ་བོ་བཅུའི་གུར་དང་དགུ་རིམ་སྟེ། སྟེང་འོག་ཕྱོགས་བཅུར་ཁྲོ་བོ་བཅུ་ཡབ་ཡུམ་ཟ་གསོད་དང་བཅས་པའི་སྐུ་མང་པོས་བར་མཚམས་མེད་པར་གཏམས། ཁྲོ་བཅུ་ཡབ་ཡུམ་སྦྱོར་མཚམས་ནས་ཁྲོ་ཆུང་དཔག་ཏུ་མེད་པ་འཕྲོས་པས་མཚོན་ཆ་སྣ་ཚོགས་གདེངས་ཤིང་ཧཱུཾ་ཕཊ་ཀྱི་སྒྲ་དང་བཅས་པས་རླུང་ལྟར་འཚུབ་པས་བར་ཆད་གདོན་བགེགས་མིང་ཡང་མི་གྲགས་པར་བསྒོམ་ཞིང་། ཧཱུྃ༔ སྟེང་གི་ཕྱོགས་ནས་མཚམས་གཅོད་ཁྲོ་བོའི་རྒྱལ༔ ཞེས་པ་ནས། ཧ་ལ་ཧ་ལ་ཧཱུྃ་ཕཊ་ཀྱི་བར་གྱེར་བསྒོམ་བྱའོ། །སྣང་སྲིད་ཐམས་ཅད་ཡེ་ནས་རྡོ་རྗེ་ཕུར་པའི་

― CMR017_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་ཡིན་པ་ལ། དེ་མ་རྟོགས་པས་འཁོར་བར་འཁྱམས་པས། རང་རིག་རང་གསལ་ཡེ་ཤེས་ཀྱི་སྒོ་ཕྱེའོ་བསམས་པས། ཧཱུྃ༔ སྣང་སྲིད་ནས། པྲ་ཝེ་ཤ་ཡ་བརྗོད། དེ་ལྟར་སྣང་སྲིད་ལྷའི་དཀྱིལ་འཁོར་དེ་ལ་རང་གི་ལུས་ཞིང་གི་རྡུལ་སྙེད་དུ་སྤྲུལ་ནས་ཕྱག་འཚལ་བར་དམིགས་ནས། ཧཱུྃ༔ ཐབས་ཀྱི་སྤྱོད་པའི་ནས་པྲ་ཏི་ཛཧོཿཡི་བར་བརྗོད། བདག་གི་ལུས་ངག་ཡིད་གསུམ་རྡོ་རྗེ་གཞོན་ནུའི་སྐུ་གསུང་ཐུགས་སུ་མ་འགྲུབ་ཀྱི་བར་དུ་སྒྲུབ་ཅིང་། ནམ་ཡང་མི་སྒྱུར་བསམ་པའི་དམ་བཅའ་བྱས་ནས། ཧཱུྃ༔ དམ་བཅའ་འདུ་འབྲལ་མེད་ནས། ས་མ་ཏི་ཧཱུྃ་གི་བར་བརྗོད། རང་གི་ཐུགས་ཀའི་འོད་ཟེར་གྱིས་བསྐུལ་བས་སྔོན་གྱི་ཐུགས་དམ་དབང་གིས་ཟངས་མདོག་དཔལ་གྱི་རི་ནས་ཨོ་རྒྱན་རིན་པོ་ཆེ་ལ་སོགས་པ་ཕུར་པའི་རིག་འཛིན་ཐམས་ཅད་དང་། འོག་མིན་ནས་རྡོ་རྗེ་གཞོན་ནུའི་ལྷ་ཚོགས་ཐམས་ཅད་སྤྲིན་གཏིབས་པ་ལྟར་བྱོན་ཏེ། བདག་དང་དཀྱིལ་འཁོར་དང་མཆོད་པ་ཐམས་ཅད་ལ་བྱིན་ཕབ་ཅིང་ཡེ་ཤེས་ལྔའི་དབང་བསྐུར་བར་བསྒོམ་ཞིང་། ཧཱུྃ༔ ནམ་མཁའི་མཐའ་དང་མཉམ་པའི་དཀྱིལ་འཁོར་ནས༔ སོགས་ནས། ས་མ་ཡ་ཛཡི་བར་བརྗོད། དེ་

― CMR017_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་རྒྱས་པར་ན་བདུད་རྩི་དང་གཏོར་མ་སོ་སོར་བྱིན་རླབས་ཡོད་ཀྱང་ལས་བྱང་རང་གཞུང་བདུད་རྩི་བྱིན་རླབས་ཀྱི་དམིགས་རིམ་དེ་གཏོར་མ་དང་གཉིས་ཀ་དུས་གཅིག་ལ་སོ་སོར་བསྒོམ་ཞིང་། ཨོཾ་སྭ་བྷ་ཝ་ནས། ཨོཾ་ཨཱཿཿཧཱུྃ་གི་བར་དང་། ཁྱད་པར་བྷན་ལྕང་ལོ་ཅན་གྱི་ནམ་མཁར་ལྷ་མོ་གིར་ཏི་མའི་བྷ་ག་ནས་ཡི་གེ་ར་དམར་པོ་ལས་རཀྟའི་རྒྱུན་བབས་པ་རཀྟ་ལ་ཐིམ། དེས་འོད་ཀྱིས་ཁམས་གསུམ་རཀྟའི་བཅུད་བསྡུས་ནས་ཐིམ་པས། ཁམས་གསུམ་འཁོར་བའི་རྒྱུ་བསྒྲལ་བའི་རཀྟའི་རྒྱ་མཚོར་གྱུར། གཞན་ཡང་ཕྱི་ནང་གསང་བའི་མཆོད་པ་དཔག་ཏུ་མེད་པ་ཀུན་ཏུ་བཟང་པོའི་མཆོད་སྤྲིན་ཏེ། བཟང་སྤྱོད་སྨོན་ཐུང་ན་ཡོད་པ་ལྟར་བསམ་ལ་འདས་པར་བསྒོམས་ལ། ཧཱུྃ༔ བླ་མེད་མཆོག་གི་ནས། ཤབྡའི་བར་བརྗོད་དོ། །དེ་ནས་དངོས་གཞི་བསྐྱེད་རྫོགས་བསྒོམ་པ་ལ་མི་དབང་བའི་དམ་ཚིག་ཆོག་ཉམས་ཅི་ཡོད་པ་ཐམས་ཅད་རབ་ཏུ་འགྱོད་པས་མཐོལ་ལོ་བཤགས་སོ་ཞེ་ཐག་པ་ནས་བསམ་ཞིང་། ཧཱུྃ༔ ལྷ་དང་མཁའ་འགྲོ་ཞེས་སོགས་ནས། ཤུདྡྷེ་ཨཱཿའི་བར་བརྗོད་དོ། །འདི་གསར་མའི་ཆོ་ག་རྣམས་ལ་རྡོར་སེམས་སྒོམ་བཟླས་ཡོད་པ་དང་འདྲའོ། །དེ་ནས་དངོས་གཞི་ཐོག་མར་ཏིང་ངེ་འཛིན་

― CMR017_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་གསུམ་འདི་ལ་མདོ་སྔགས་ཐམས་ཅད་ཀྱི་གནད་བསྒོམ་བྱ་ཐམས་ཅད་འདུས་པས། ཚིག་ཙམ་དུ་མ་སོང་བར། རབ་རྟོགས་པ་འབྲིང་ཉམས་མྱོང་ཐ་མ་གོ་བ་ཐེབ་པ་གལ་ཆེ་བས་ཆོས་སྐུའི་རྒྱུ་དེ་བཞིན་ཉིད་ཀྱི་ཏིང་ངེ་འཛིན་རྣམས་ནི། ཕྱི་གཟུང་བའི་ཡུལ། ནང་འཛིན་པའི་སེམས་སྟོང་པ་ཉིད་དེ་ལ་མི་ཤིགས་པའི་རྡོ་རྗེ། ཞེ་སྡང་ལ་སོགས་དུག་ལྔའི་རྟོག་པ་ཤར་ནས། ཁྲོས་པ་སྟེ་ཞེ་སྡང་ཆེན་པོ་རང་གི་ངོ་བོ་ལ་བལྟས་པས་མེ་ལོང་ཡེ་ཤེས་སུ་གཅོད་པའི་མཚོན་ཆ་འབར། ངོ་བོ་སྟོང་ཉིད་ནམ་མཁའི་དཀྱིལ་ལྟ་བུ་སྟོང་ཉིད་ཧད་པོར་མ་སོང་རང་གསལ་གྱི་ཐིག་ལེ། སྲོག་གི་སྒོ་རླུང་སེམས་ལ་ཤར་བ། སྙིང་གི་སྒོ་སྟེ་སེམས་ཀྱིས་བསྒོམ་པ་སྟེ། དོན་ཕྱག་ཆེན་དང་རྫོགས་ཆེན་ཁྲེགས་ཆོད་ཀྱི་ངང་དུ་བཞག་ཅིང་། ཧཱུྃ། རྡོ་རྗེ་འཁྲོས་པས་ཞེ་སྡང་གཅོད། ནས། ཧ་ར་ཎ་ཧཱུྃ་གི་བར་དེ་ནས་ལོངས་སྐུ་འབྱུང་བ་ཀུན་སྣང་གི་ཏིང་ངེ་འཛིན་ནི། དེ་ལྟ་བུའི་དོན་མ་རྟོགས་པའི་སེམས་ཅན་སྙིང་རྗེས་སངས་རྒྱས་ཀྱི་སར་བསྒྲལ་བའི་བསམ་པ་སྐྱེས་སྒྲ་ཀཱི་ལ་ཡ་ཡང་བྲག་ཆ་ཙམ་དང་འོད་ཉི་མ་འབུམ་ལྟ་བུ་བྱུང་བས་སེམས་ཅན་ཐམས་ཅད་རྡོ་རྗེ་ཕུར་པའི་སྐུར་སངས་རྒྱས་པར་བསྒོམ་ཞིང་། ཧཱུྃ་སྙིང་རྗེས་

― CMR017_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲལ་ནས། ཤུདྡྷེ་ཧཱུྃ་བར་བརྗོད། དེ་གཉིས་ནི་སྟོང་ཉིད་སྙིང་རྗེ་གཉིས་ཡིན་པས་ཐམས་ཅད་འདུས་སོ། །དེ་ནས་སྤྲུལ་སྐུ་འབྱུང་བ་རྒྱུའི་ཏིང་ངེ་འཛིན་ནི། རྟེན་འབྲེལ་གྱི་ཆོས་ཐམས་ཅད་འདུས་ཏེ། འོད་ཟེར་དེ་དག་གི་སྣོད་བཅུད་ཐམས་ཅད་འོད་དུ་ཞུ་ཚུར་འདུས་པས། རང་གི་རིག་པ་ཧཱུཾ་སྔོན་པོ་འོད་ཟེར་ལྔ་འཕྲོ་བ་ཞིག་བསྒོམ་མོ། །ཧཱུྃ་དེ་ནམ་མཁའ་སྟོང་པའི་དབྱིངས་སུ་གནས་པ། དེ་ལས་ཨེ་སྔོ་སྐྱ་ཞིག་འོག་ཏུ་ཆད་པས་ནམ་མཁའ་གྲུ་གསུམ་རྩེ་ཐུར་བསྟན་ཀུན་ཏུ་བཟང་མོའི་མཁའ་ཀློང་། ཧཱུྃ་ལས་ཡཾ་སྔོ་སྐྱ་ཆད་པས་ནམ་མཁའ་གྲུ་གསུམ་གྱི་ནང་དུ་རླུང་དཀྱིལ་ཟླ་གམ་ཡུམ་དམ་ཚིག་སྒྲོལ་མའི་མཁའ་ཀློང་། དེ་བཞིན་དུ་ར་དམར་ནག་ཚད་པས། རཀྟའི་རྒྱ་མཚོ་མཱ་མ་ཀཱིའི་མཁའ་སུཾ་ཆད་པས་སའི་དཀྱིལ་འཁོར་གྲུ་བཞི་སངས་རྒྱས་སྤྱན་མའི་མཁའ། ཀིཾ་ཆད་པས་རུས་པའི་རི་རབ་དཔག་ཚད་བརྒྱད་ཁྲི་བཞི་སྟོང་། རཾ་ཆད་པས་ཕྱོགས་མཚམས་མེ་དཔུང་འབར་བ་གོས་དཀར་མོའི་མཁའ་ཀློང་སྟེ། ཡུམ་ལྔའི་རང་བཞིན་དུ་སྒོམ་ཞིང་སྔགས་ཀྱི་བྱིན་རླབས་དང་བཅས་ཏེ། ཧཱུྃ༔ ཆོས་སྐུ་སྐྱེ་བ་ནས། ཧ་ར་ཎ་ཧཱུྃ་གི་བར་བརྗོད་དོ། །དེ་ནས་ཧཱུྃ་ལས་ཧཱུཾ་ཆད་དེ་རི་རབ་ཀྱི་སྟེང་དུ་གནས་པ་ལས། གཞལ་

― CMR017_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

ཡས་ཁང་བསྐྱེད་པ་ནི་ལས་བྱང་གཞུང་དུ་ཁ་གསལ་བ་ལྟར་བསྒོམ་ཞིང་སྔགས་ཀྱིས་བྱིན་གྱིས་བརླབས་པ་སྟེ། ཧཱུཾ་ངང་ཉིད་ནས། ཧ་ར་ཎ་ཧཱུྃ་བར་བརྗོད། འདི་དག་དམིགས་པ་བསྒོམ་ལོང་ཡོད་པའི་ཕྱིར་དལ་བུས་གྱེར་བསྒོམ་བྱ་སྟེ། སིལ་འདོན་མི་བྱའོ། །དེ་ཡང་གསར་མ་ལྟར་བདག་མདུན་སོ་སོར་མངོན་རྟོགས་མི་འདོན་པ་ཁྱད་ཆོས་ཏེ་མངོན་རྟོགས་ཚར་གཅིག་དེས། བདག་བསྐྱེད་ཚང་མ་གཅིག་དང་མདུན་དུ་དཀྱིལ་འཁོར་ཚང་མ་དུས་གཅིག་ཏུ་བསྒོམ་པ་ཡིན་པ་ཤེས་པར་བྱའོ། །དེ་ནས་ནམ་མཁའི་རྒྱུའི་ཡི་གེ་དཀྱིལ་འཁོར་གྱི་དབུས་སུ་བབ་པ། དེ་ལས་འོད་ཟེར་འཕྲོས། སངས་རྒྱས་མཆོད། སེམས་ཅན་གྱི་དོན་བྱས་ཚུར་འདུས་པ་ལས་རྡོ་རྗེ་རྩེ་ལྔ་པར་གྱུར། དེ་ཞུ་བ་ལས་རང་ཉིད་དང་མདུན་བསྐྱེད་གཙོ་བོ་ཡབ་ཡུམ་བསྒོམ་པ་ལས་བྱང་དུ་གསལ་ལྟར་རོ། །ཧཱུྃ༔ ཕོ་བྲང་ཨེ་ཡི་དཀྱིལ་འཁོར་ཞེས་པ་ནས་གཡོན་པས་དུང་དམར་གཙོ་ལ་སྟོབ། ཅེས་པའི་བར་བརྗོད། ཁྱད་པར་གས་ཀར་ཉི་མའི་གདན་ཐེབ་ལོང་ཙམ་གྱི་སྟེང་དུ། ཡེ་ཤེས་སེམས་དཔའ་རང་འདྲ་བའམ་ཞལ་གཅིག་ཕྱག་གཉིས་ཕུར་པ་འདྲིལ་བ་ཚོན་གང་བའི་ཐུགས་ཀར་ཉི་མའི་གདན་སྲན་མ་བཀས་

― CMR017_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཙམ་གྱི་སྟེང་དུ་རྡོ་རྗེ་མཐིང་ནག་ནས་འབྲུ་ཙམ་གྱི་ལྟེ་བར། ཉི་ཟླའི་གདན་ཡུངས་འབྲུ་བཀས་པ་ཙམ་གྱི་སྟེང་དུ་ཧཱུྃ་སྤུས་བྲིས་པ་ཙམ་གྱི་མཐར། ཀཱི་ལ་ཡ་འབྲུ་དགུས་བསྐོར་བར་བསྒོམ་ཡེ་ཤེས་སེམས་དཔའ་དེའི་སྒོ་སྲུང་སྙིང་གི་མདུན་ངོས་སུ་རྟ་མགྲིན་ཡུངས་འབྲུ་ཙམ་ཞིག་བཞུགས་པར་བསྒོམ། དེ་ལྟར་སྐུའི་ཚད་དེ་ལྷ་རང་ལུས་ཙམ་བསྒོམ་པའི་དབང་དུ་ཡིན་པས། སྐུ་ཆེན་པོ་བསྒོམ་ན་དེ་ལས་དཔག་སྟེ་ཡེ་ཤེས་སེམས་དཔའ་ཡང་ཆེན་པོར་བསྒོམ་མོ། །དེ་ནས་ཡབ་ཡུམ་སྦྱོར་མཚམས་ཐུགས་ཀ་ནས་ཧཱུྃ་མཐིང་ནག་བཅུ་སྤྲོས་ཏེ་ཕྱོགས་བཅུར་བཞུགས་པ་ལས་ཁྲོ་བཅུ་ཡབ་ཡུམ་སྲས་བཅས་བསྐྱེད་དེ། དེ་ཡང་བདག་མདུན་མཉམ་དུ་བསྒོམ་མོ། །འདི་སྐབས་ལྷའི་མིང་ཙམ་ལས་སྐུ་མདོག་ཕྱག་མཚན་ལས་བྱང་དུ་མི་གསལ་བས། པྲ་ཁྲིད་ནང་ལྟར་ཡིན་མོད་ཀྱི། པྲ་ཁྲིད་ལ་ཡང་ཞལ་གསུམ་སོ་སོའི་ཁ་དོག་མི་གསལ་བ། གཏེར་གོང་མ་རྣམས་དང་བསྟུན་ཏེ་བརྗོད་པ་ནི། སྟེང་དུ་ཧཱུྃ་ཀཱ་ར་སྔོན་པོ་སྔོ་སེར་དམར་བའི་ཞལ་གསུམ་ཕྱག་དྲུག་གིས། གཡས་གཉིས་མདའ་དང་ཕུར་བུ། གཡོན་གཉིས་གཞུ་དང་ལྕགས་ཀྱུའོ། །མཐའ་མ་གཉིས་ཕུར་བུ་འདྲིལ་བ། ཞབས་བཞི་འདོར་ཐབས་ཕྱོགས་སྐྱོང་སོ་སོའི་གདན་

― CMR017_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པད་ཉི་ལ་བཞུགས་པ། ཁྲོ་བོའི་ཆ་ལུགས་རྫོགས་པ་ནི་ཀུན་ལ་འགྲེས་ཏེ། ཡུམ་སྒྲ་འབྱིན་མ་བེ་ཅོན་ཐོད་ཁྲག་འཁྱུད་པའོ། །གཡས་སུ་ཟ་བྱེད་དང་གཡོན་དུ་གསོད་བྱེད་མགོ་བརྙན་ཅན་ལས་བྱང་ནས་གསལ་ལྟར་ལས་གཡས་ཐམས་ཅད་ཕུར་པ་གཡོན་བྷནྡྷ་ལྕགས་ཀྱུ་མདོག་ནི་ཡབ་ཡུམ་ལྟར་རུང་ངོ་། །ཤར་དུ་རྣམ་རྒྱལ་ཡབ་ཡུམ་དཀར་པོ་དཀར་ལྗང་ལྗང་བའི་ཞལ་གསུམ། གཡས་གཉིས་རྡོ་རྗེ་འཁོར་ལོ། གཡོན་གཉིས་བྷནྡྷ་དྲིལ་བུ། མཐའ་གཉིས་རི་རབ་ཕུར་པ། ཡུམ་རལ་གྲི་ཐོད་ཁྲག །ཤར་ལྷོར་དབྱུག་སྔོན་ཡབ་ཡུམ་སྔོན་པོ་སྔོ་དཀར་དམར་བའི་ཞལ་གསུམ། གཡས་གཉིས་རྡོ་རྗེ་མེ་དཔུང་། གཡོན་གཉིས་བྷན་དབྱུག་ཐོ། མཐའ་གཉིས་རི་རབ་ཕུར་བུ། ཡུམ་ལྕགས་ཀྱུ་ཐོད་ཁྲག་འཁྱུད་པ། ལྷོར་གཤིན་རྗེའི་གཤེད་ཡབ་ཡུམ་སྔོན་པོ་མཐིང་དཀར་དམར་བའི་ཞལ་གསུམ། གཡས་གཉིས་རྡོ་རྗེ་བེ་ཅོན། གཡོན་གཉིས་བྷན་སྟ་མོ། མཐའ་གཉིས་རི་རབ་ཕུར་བུ། ཡུམ་ཐོད་དབྱུག་དུང་ཁྲག་གོ །ལྷོ་ནུབ་ཏུ་མི་གཡོ་བ་ཡབ་ཡུམ་ལྗང་ཁུ་ལྗང་དཀར་སྨུག་པའི་ཞལ་གསུམ། གཡས་གཉིས་རྡོ་རྗེ་ཞགས་པ། གཡོན་གཉིས་བྷན་སྤུ་གྲི། མཐའ་གཉིས་རི་རབ་

― CMR017_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ། ཡུམ་ཐོ་བ་ཐོད་ཁྲག །ནུབ་ཏུ་རྟ་མགྲིན་ཡབ་ཡུམ་དམར་པོ་དམར་དཀར་སྔོ་བའི་ཞལ་གསུམ། གཡས་གཉིས་རྡོ་རྗེ་དང་རྒྱ་གྲམ། གཡོན་གཉིས་བྷན་དབྱུག་ཐོ། མཐའ་གཉིས་རི་རབ་ཕུར་པ། ཡུམ་སྤུ་གྲི་དང་དུང་དམར། ནུབ་བྱང་དུ་འདོད་རྒྱལ་ཡབ་ཡུམ་དམར་སྐྱ་དམར་སྐྱ་སེར་ལྗང་ཞལ་གསུམ། གཡས་གཉིས་རྡོ་རྗེ་ལྕགས་ཀྱུ། གཡོན་གཉིས་བྷནྡྷ་མདུང་ཐུང་། མཐའ་གཉིས་རི་རབ་ཕུར་པ་འདྲིལ་བ། ཡུམ་ཐོ་བ་ཐོད་ཁྲག་གོ །བྱང་དུ་བདུད་རྩི་འཁྱིལ་པ་ཡབ་ཡུམ་ལྗང་སེར་ལྗང་དཀར་དམར་བའི་ཞེལ་གསུམ། གཡས་རྫོགཉིས་རྡོ་རྗེ་རལ་གྲི། གཡོན་གཉིས་བྷནྡྲ་ཞགས་པ། མཐའ་གཉིས་རི་རབ་ཕུར་པ། ཡུམ་དགྲ་སྟ་དུང་དམར། བྱང་ཤར་དུ་ཁམས་གསུམ་རྣམ་རྒྱལ་ཡབ་ཡུམ་སེར་ནག་སེར་དཀར་དམར་བའི་ཞལ་གསུམ། གཡས་གཉིས་རྡོ་རྗེ་སྟ་རེ། གཡོན་གཉིས་བྷན་ཞིགས་པ། མཐའ་གཉིས་རི་རབ་ཕུར་བུ། ཡུམ་གྲི་ཐོད། འོག་ཏུ་སྟོབས་ཆེན་ཡབ་ཡུམ་སྔོན་པོ་རྟོགས་དཀར་དམར་བའི་ཞལ་གསུམ། ཕྱག་གཡས་གཉིས་རྡོ་རྗེ་མདའ། གཡོན་གཉིས་བྷན་གཞུ། མཐའ་གཉིས་རི་རབ་ཕུར་པ། ཡུམ་རྩེ་གསུམ་ཐོད་ཁྲག །ཐམས་ཅད་ཀྱང་རྡོ་རྗེའི་གཤོག་

― CMR017_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གདེངས་བ་སོགས་ཁྲོ་བོའི་ཆ་ལུགས་ཡོངས་སུ་རྫོགས་པ། ཞབས་བཞི་འདོར་ཐབས་མཚམས་གཅོད་དུས་སྐུ་སྨད་གནམ་ལྕགས་ཀྱི་ཕུར་པ་ཚྭ་ཚྭ་འཕྲོ་བའོ། །དེ་ནས་ཁྲོ་བོ་བཅུའི་ནང་གཙོ་བོའི་ཕྱོགས་བཞིར་འཁོར་ལོ་རྩིབས་བཞི་ལ། ཤར་དུ་བཛྲ་ཀཱི་ལ་ཡ་མཐིང་ཁ་མཐིང་དཀར་དམར་བའི་ཞལ་གསུམ། །གཡས་གཉིས་རྡོ་རྗེ་འཁོར་ལོ། གཡོན་གཉིས་ལྕགས་ཀྱུ་ཞགས་པ། མཐའ་གཉིས་རི་རབ་ཕུར་པ། ལྷོར་རཏྣ་ཀཱི་ལ་ཡ་སེར་པོ་སེར་དཀར་དམར་བའི་ཞལ་གསུམ། གཡས་གཉིས་རིན་པོ་ཆེ་དང་སྟ་མོ། གཡོན་གཉིས་ཐོད་ཁྲག་ཞགས་པ། མཐའ་གཉིས་རི་རབ་ཕུར་པ། ནུབ་ཏུ་པདྨ་ཀཱི་ལ་ཡ་དམར་པོ་དམར་དཀར་སྔོ་བའི་ཞལ་གསུམ། གཡས་གཉིས་པདྨ་རལ་གྲི། གཡོན་གཉིས་བྷན་ལྕགས་སྒྲོག་མཐའ་གཉིས་རི་རབ་ཕུར་པ། བྱང་དུ་ཀརྨ་ཀཱི་ལ་ཡ་ལྗང་ཁུ་ལྗང་དཀར་དམར་བའི་ཞལ་གསུམ། ཕྱག་གཡས་གཉིས་རྒྱ་གྲམ་ཐོད་དབྱུག །གཡོན་གཉིས་མེ་དཔུང་དྲིལ་བུ། མཐའ་བགཉིས་རི་རབ་ཕུར་པ། བཞི་ཁ་རྡོ་རྗེའི་གཤོག་པ་དང་དུར་ཁྲོད་ཀྱི་ཆས་རྫོགས་པ་སྐུ་སྨད་ལྕགས་ཕུར་ཟུར་གསུམ་ཚྭ་ཚྭ་འཕྲོ་བ་གྲུ་གསུམ་པད་ཉི་དགྲ་བགེགས་སྟེང་དུ་གཟིར་བའོ། །དེ་ལ་

― CMR017_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་མཆོག་རིགས་བཞི་འདི་ལས་བྱང་མངོན་རྟོགས་སུ་མེད་པ་ནི་ཆད་པ་ནི་མ་ཡིན་ཏེ། གསང་སྔགས་ཐམས་ཅད་ལ་སློབ་དཔོན་མི་བསྟེན་པར་སྐྱེ་བོ་སྤྱི་རྟོལ་ཅན་འཇུག་དོགས་པས་ངག་ནས་ཤེས་པ་འགའ་ཞིག་ཡོད་པ་སྟེ། ལས་བྱང་དུ་དངོས་སུ་མེད་ཀྱང་བསྟོད་པ་ནས་རིགས་བཞི་ལ་ཕྱོགས་གཅིག་ཏུ་བསྟོད་པ་ཅུང་ཟད་ཁ་སྦྲམ་པ་ཞིག་དང་། པྲ་ཁྲིད་ནས་ཤིན་ཏུ་གསལ་ཞིང་དཔེའུ་རིས་རྣམས་ནས་འབྱུང་བས་ངེས་པར་བསྒོམ་ནི་དགོས་ཀྱི། མངོན་རྟོགས་ལ་སབ་པ་སོགས་མི་བྱ་སྟེ་བཅོས་སླད་མི་རུང་བས་སོ། །དེ་དག་གསལ་ལམ་ལམ་སྒོམ་ཞིང་སོ་སོའི་སྔགས་ཀྱང་ཐུགས་ཀར་ཧཱུྃ་གི་མཐར་བཀོད་ཅིང་། ཐབས་དང་ཤེས་རབ་སྦྱོར་བ་ལས༔ ཞེས་པ་ནས། སྤོ་ཊ་སྤོ་ཊ་ཧཱུྃ་ཕཊ༔ ཅེས་པའི་བར་བརྗོད་དོ། །དེ་ནས་ཁྲོ་བོ་བརྒྱད་ཀྱི་ཕྱི་ལ་འཁོར་ལོ་རྩིབས་བཅུ་གཉིས་ལ་ཕུར་སྲུང་བཅུ་གཉིས་ཆ་ལུགས་བསྟོད་པ་ནས་འབྱུང་བ་ལྟར་མོས་པ་ཙམ་དུ་བསྐྱེད། ཤར་སྒོར་ཛལས་པུ་ཤུད་མགོ་ཅན་དཀར་མོ། ལྷོ་སྒོར་ཧཱུྃ་ལས་སྐྱ་ཀའི་མགོ་ཅན་སེར་མོ། ནུབ་སྒོར་པཾ་ལས་སྲིན་བྱའི་མགོ་ཅན་དམར་མོ། བྱང་སྒོར་ཧོལས་ཁྲ་ཡི་མགོ་ཅན་ལྗང་སེར།་གཡས་རྣམས་ཞི་རྒྱས་དབང་དྲག་གི་ཕུར་པ་དང་གཡོན་རྣམས་

― CMR017_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་འཛིན་ཅིང་འདོར་ཐབས་སུ་བཞུགས་པ་བསྒོམ་ཞིང་། དཀྱིལ་འཁོར་ཆེན་པོའི་བར་ཁྱམས་ལ་ཞེས་པ་ནས། པྲ་མརྟ་ན་ཡེ་ཧཱུཾ་ཕཊ༔ ཅེས་པའི་བར་བརྗོད་དོ། །དེ་ནས་དབང་བསྐུར་བ་ནི། བདག་རྡོ་རྗེ་གཞོན་ནུའི་དཔྲལ་བར་ཨོཾ་དཀར་པོ་མགྲིན་པར་ཨཱཿཿདམར་པོ་ཐུགས་ཀར་ཧཱུཾ་སྔོན་པོ་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་བདེ་བར་གཤེགས་པ་ཐམས་ཅད་ལ་མཉེས་པའི་མཆོད་པ་ཕུལ། དེ་རྣམས་ཀྱི་གནས་གསུམ་ནས་འབྲུ་གསུམ་དཔག་མེད་བྱོན་ནས། བདག་མདུན་དཀྱིལ་འཁོར་གཉིས་ཀྱི་ལྷ་ཚོགས་ཐམས་ཅད་ཀྱི་གནས་གསུམ་དུ་ཐིམ་པས་འབྲུ་གསུམ་གྱིས་མཚན་ཏེ། སྐུ་གསུང་ཐུགས་བྱིན་བརླབས་ནས་སྲོག་ཡེ་ཤེས་སུ་དབང་བསྐུར། ཡང་བདག་མདུན་གྱི་ལྷ་ཚོགས་ཐམས་ཅད་ཀྱི་གནས་གསུམ་ནས་འབྲུ་གསུམ་དཔག་ཏུ་མེད་པ་འཕྲོས། ཁམས་གསུམ་གྱི་སེམས་ཅན་ཐམས་ཅད་ཀྱི་གནས་གསུམ་དུ་ཐིམ་པས་རིགས་དྲུག་གི་གནས་ཀྱི་སྡུག་བསྔལ་རྒྱུ་དང་བཅས་པ་སྦྱངས་ནས་རྡོ་རྗེ་གཞོན་ནུའི་གོ་འཕང་ལ་བཞག །གནས་གསུམ་འབྲུ་གསུམ་གྱིས་མཚན་པ་སྲོག་ཡེ་ཤེས་སུ་དབང་བསྐུར། སེམས་ཅན་ཐམས་ཅད་ཀྱི་ཉོན་

― CMR017_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

མོངས་པ་དྲུག་དང་རིགས་དྲུག་གི་ས་བོན་བག་ཆགས་དང་བཅས་པ་ཐམས་ཅད། ཡི་གེ་ཨ་ཀྲྀ་སུ་ཏྲི་པྲ་དུ་དྲུག་ཏུ་གྱུར། དེ་དྲུག་ཡང་འོད་དུ་ཞུ་ནས་ཨོཾ་ཨཱཿཿཧཱུྃ་གསུམ་དུ་གྱུར། འོད་ཟེར་རྣམས་བདག་གི་གནས་གསུམ་དུ་ཐིམ་པར་སྒོམ་པ་ནི་སྐུ་གསུང་ཐུགས་ཀྱི་དངོས་གྲུབ་ཐོབ་པར་བསྒོམ་ཞིང་། ཧཱུྃ༔ སངས་རྒྱས་ཀུན་གྱི་རང་བཞིན་སྐུ༔ ཞེས་པ་ནས། ཨཱཿ ཨའི་བར་བརྗོད། དེ་ཡང་དབྱིངས་རྣམ་པར་དག་པ་ཆོས་ཀྱི་དབྱིངས་ན་སངས་རྒྱས་ཐམས་ཅད་ཀྱི་ཆོས་སྐུ་ནི་གཅིག་པས་གཟུགས་ཁ་དོག་མ་མཆིས་ཀྱང་། རང་གི་དད་པས་ཚོགས་བསག་ཕྱིར་སྤྱན་དྲངས་ནས། སྔོན་གྱི་སྨོན་ལམ་དང་ཐུགས་རྗེས་སངས་རྒྱས་ཐམས་ཅད་རྡོ་རྗེ་གཞོན་ནུའི་དཀྱིལ་འཁོར་ཡོངས་སུ་རྫོགས་པར་སྐུར་བཞེངས་ཏེ་བྱོན་ནས། དཀྱིལ་འཁོར་ཆ་གཉིས་སུ་གྱུར་ཏེ། གཅིག་བདག་དང་གཅིག་མདུན་བསྐྱེད་ཐ་དད་དུ་བྱོན་པར་བསྒོམ་ཞིང་། ཧཱུྃ༔ སྐྱེ་མེད་རྣམ་དག་ཆོས་ཀྱི་ནས། ས་མ་ཡ་ཛའི་བོར་བརྗོད། དེ་ནས་ཆུ་དང་འོ་མ་ལྟར་དབྱེར་མེད་དུ་གཙོ་འཁོར་སོ་སོ་ལ་སོ་སོར་ཐིམ། གཞལ་ཡས་ཁང་ལ་གཞལ་ཡས་ཁང་ཐིམ་པར་བསྒོམ་ཞིང་། ཧཱུྃ་ཁྲོ་རྒྱལ་ནས། ཏིཥྛ་ལྷན་བར་བརྗོད། དེ་ནས་བདག་ལྷའི་ཐུགས་

― CMR017_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་ནས་རང་ཐ་མལ་དུས་ཀྱི་ལུས་ཞིང་གི་རྡུལ་སྙེད་དུ་སྤྲུལ་ཏེ། ཧཱུྃ་སྲིད་གསུམ་ནས་ཕྱག་འཚལ་བའི་བར་བརྗོད་དོ། །ཨ་ཏི་པཱུ་ཧོ་ཞེས་མདུན་བསྐྱེད་དཀྱིལ་འཁོར་ལ་ཕྱག་འཚལ། པྲ་ཏི་ཛཿཧོཿ ཞེས་བདག་བསྐྱེད་ལ་ཕྱག་འཚལ་བར་བསྒོམ། སླར་ཡང་རང་གི་ཐུགས་ཀ་ནས་མཆོད་པའི་ལྷ་མོ་དཔག་ཏུ་མེད་པ་སྤྲུལ་ཏེ། ལ་ལས་བདག་བསྐྱེད་དང་ལ་ལས་མདུན་བསྐྱེད་ལ་མཆོད་ནས། ལྷ་མོ་རྣམས་ལྷ་སོ་སོའི་སྤྱན་སོགས་དབང་པོ་ལྔ་ལ་ཐིམ་པས་ཟག་མེད་ཀྱི་བདེ་བས་ཐུགས་དགྱེས་པར་བསྒོམ་ཞིང་། ཧཱུྃ་འབར་བའི་ནས། ས་མ་ཡ་ཧཱུྃ་བར་བརྗོད། དེ་ནས་རང་གི་ལག་པ་གཡས་མཐེ་བོང་དང་སྲིན་ལག་ལ་ཉི་ཟླའི་དཀྱིལ་འཁོར་བསྒོམས་ལ། བྷནྡྷ་ནས་མཐེབ་སྲིན་གྱིས་བདུད་རྩི་བླངས་བའམ་བླངས་ནས་མཆོད་པར་བསམ་ཞིང་གཏོར་མར་གཏོར་བའི་ཚུལ་བྱས་པས། བདུད་རྩི་མུ་ཏིག་གི་རྡོག་པོ་ལྟར་འཕྲོས་པས་ལྷ་རྣམས་ཀྱི་ལྗགས་ལ་ཐིམ་པས་ཐུགས་དམ་བསྐང་། དགྲ་བགེགས་ལ་ཕོག་པས་ཐོག་གི་ཟེར་མ་ཕོག་པ་ལྟར་ཚར་བཅད། རང་དང་མཆེད་གྲོགས་སོགས་ལ་ཕོག་པས་བ་མོ་ལ་ཉི་ཟེར་ལྟར་དམ་ཚིག་གི་ཆག་ཉམས་དག །དམ་ཅན་ཕུར་སྲུང་རྣམས་ཀྱི་ལྗགས་ལ་ཐིམ་

― CMR017_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དམ་ཚིག་རྡོ་རྗེའི་ཆུར་གྱུར་ཏེ། ཕྲིན་ལས་མི་སྒྲུབ་ན་རང་ཉིད་བརླག་པར་ཤེས་ནས་ཕྲིན་ལས་ཐོགས་མེད་དུ་སྒྲུབ་པར་བསྒོམ་ཞིང་། ཧཱུྃ་རང་བྱུང་གདོད་ནས་སོགས་ནས། མཐོལ་ལོ་བཤགས་ཀྱི་བར་བརྗོད་དོ། །དེ་ནས་བྷནྟའི་ནང་དུ་ལྷ་ཐམས་ཅད་ཀྱི་སྐུ་གསུང་ཐུགས་ཀྱི་དངོས་གྲུབ་ཐམས་ཅད་ཨོཾ་དཀར་ཨཱཿདམར་ཧཱུྃ་མཐིང་གསུམ་གསལ་བ། སྲིན་མཛུབ་ཀྱིས་བླངས་ནས་རང་གི་གནས་གསུམ་དུ་ཐིམ་པར་བསྒོམ་ཞིང་། མུ་ཏིག་དཀར་པོ་ནས། ཙིཏྟ་སིདྡྷི་ཧཱུྃ་ཞེས་བརྗོད། བདུད་རྩིའི་གནས་གསུམ་དུ་ཐིག་ལེ་གྲུབ་ན་ལེགས། མ་གྲུབ་ན་བསྒོམས་པས་འཐུས། དེ་ནས་གཏོར་མ་བྱིན་རླབས་སྔར་ནས་བྱས་པ་དེ་ཉིད་བྷནྡྷ་སྟོང་གསུམ་ཙམ་གྱི་ནང་དུ་བདུད་རྩིའི་རྒྱ་མཚོ་རོ་བརྒྱ་ནུས་པ་སྟོང་དང་ལྡན་པ་ལས་རང་གི་ཐུགས་ཀ་ནས་མཆོད་པའི་ལྷ་མོ་གྲངས་མེད་པ་འཕྲོས་པས། བྷནྡྷའི་སྐྱོགས་ཀྱིས་བདུད་རྩི་བཅུས་ཏེ་ལྷ་ཐམས་ཅད་ལ་དྲངས་བས་མཉེས་ཤིང་ཚིམ་པར་བསྒོམ་ཞིང་། ཧཱུྃ༔ ཁམས་གསུམ་རྣམ་དག་ནས་ཁ་རཾ་ཁཱ་ཧིའི་བར་བརྗོད། རྡོ་རྗེ་གཞོན་ནུ་ཉིད་ཡི་དམ་གཙོ་བོར་བྱེད་ན་སྐབས་འདིར་གཏོར་བསྔོས་བླ་མ་ཡི་དམ་ཆོས་སྐྱོང་གང་དགོས་སྔགས་བསྔོས་སྦྱར་བ་སྟེ། ཡང་གཏོར་བསྔོས་

― CMR017_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ལོགས་སུ་རྒྱས་པར་ཡོད་ན་ནི། འདི་སྦྱར་མི་དགོས། ཕུར་པའི་གཏོར་བསྔོས་ནི་ཚིགས་བཅད་དེ་ལ་འཐུས་པས། ཉབ་ཉོབ་མང་པོ་སྦྱར་བ་མི་ལེགས་ཏེ། བཅོས་སླད་དུ་འགྱུར་ཉན་ཡོད་དོ། །གཏེར་གཞུང་ལ་ཅུང་ཟད་བཅོས་པ་དང་བསྲེ་བསླད་བྱས་ན། བྱིན་རླབས་ཆུང་བ་དང་བར་ཆད་འཇུག་པར་གསུངས་སོ། །དེ་ནས་རང་གི་ལག་ཏུ་ཕུར་པ་འདྲིལ་བའམ་འདྲིལ་བར་བསྒོམས་ལ། གནོད་བྱེད་དགྲ་བགེགས་ཐམས་ཅད་ཀྱི་རྣམ་ཤེས་བླ་དང་བཅས་ཕུར་པའི་རྩེར་ཧྲིལ་གྱིས་འདུས་པར་བསྒོམས་ལ། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུྃ་ཕཊ། ཅེས་བརྗོད་པས། ཁྲག་གི་བྲོད་པ་ཞིག་ཏུ་གྱུར་པ་ལ་ཕུར་པ་བཏབ་པས།་སྟོང་གསུམ་ཐམས་ཅད་ཁྲག་གིས་མེར་གྱིས་གང་བ་ལ་སྤྲུལ་པའི་ལྷ་མོ་རྣམས་ཀྱིས་བྷན་ཐོགས་ཏེ་བཅུས་ནས་ལྷ་རྣམས་ལ་དྲངས་བས་འཁོར་བའི་གནས་སྟོང་པར་བསྒོམ་ཞིང་། ཧཱུྃ་དམ་ཚིག་ཆེན་པོ་ནས། སིདྡྷི་ཕ་ལ་ཧཱུྃ་གི་བར་གྱིས་མཆོད་ཅིང་ཕྲིན་ལས་བཅོལ་དངོས་གྲུབ་ཞུ་བའོ་་།དེ་ལྟར་མཆོད་པས་སྤྲུལ་པའི་ཁྲོ་བོ་གྲངས་མེད་པའི་བྱང་ཆུབ་སྒྲུབ་པ་ལ་བར་དུ་གཅོད་པ་ཐམས་ཅད་སྐད་ཅིག་ལ་བཀུག་ནས་བསྒྲལ་ཏེ་དུག་གསུམ་གྱི་ངོ་བོ་ཤ་ཁྲག་རུས་གསུམ་

― CMR017_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་མདུན་ལྷ་ཚོགས་ཀྱི་ཞལ་དུ་བསྟབས་པས། དུག་གསུམ་རྩད་ནས་བཅད་སྐུ་གསུམ་གྱི་ངོ་བོར་སངས་རྒྱས་པར་བསྒོམ་ཞིང་། ཧཱུྃ་དམ་ཚིག་ཆེན་པོ་ནས། སྤ་ར་ཎ་ཕཊ༔ ཅེས་པའི་བར་བརྗོད། དེ་ནས་བདག་གི་ཐུགས་ཀ་ནས་རིག་མ་བཅུ་དྲུག་དཔག་ཏུ་མེད་པ་སྤྲུལ་ནས། ལྷ་སོ་སོའི་ཡབ་ཡུམ་ལ་ཐིམ་པས་ཡབ་ཡུམ་ལ་སྙོམས་པར་ཞུགས་པས་དགའ་བ་བཞིའི་ཡེ་ཤེས་ཐུགས་དགྱེས་པར་བསྒོམ་ཞིང་། ཧཱུྃ་རང་ཉིད་རྡོ་རྗེ་ནས། ཨིན་ཛ་ལི་ཧོའི་བར་བརྗོད། དེ་ནས་བདག་གི་ཐུགས་ཀ་ནས་མཆོད་པའི་ལྷ་མོ་ཡན་ལག་དྲུག་ཅུའི་དབྱངས་ལྡན་དུ་མར་སྤྲུལ་པ་དང་། ཚངས་དང་བརྒྱ་བྱིན་དབང་ཕྱུག་ཆེན་པོ་ལ་སོགས་འཇིག་རྟེན་སྐྱོང་བ་ཐམས་ཅད་དང་། རིགས་དྲུག་གི་སེམས་ཅན་ཐམས་ཅད་མགྲིན་གཅིག་ཏུ་བདག་དང་དཀྱིལ་འཁོར་གྱི་ལྷ་ལ་བསྟོད་པས། གཟི་བརྗིད་ཆེར་འབར་ཏེ། སྟོང་གསུམ་ན་ཆེ་བཙན་འགྲན་ཟླ་དང་བྲལ་བར་བསྒོམ་ཞིང་། བསྟོད་པ་ཟུར་འགེབས་ལྟར་བསྟོད་དེ། དེ་ཡང་རྒྱས་པར་སྤྲོ་ན་ཕུར་སྲུང་ཡན་ཆད་ཐམས་ཅད་འདོན། འབྲིང་དུ་ན་སྲས་མཆོག་ཡན་འདོན། བསྡུ་ན་སྲས་མཆོག་གི་སྒྲུབ་རྟེན་ཕུར་པ་སོགས་མེད་ཕྱིར་འདོན་མི་དགོས་ཏེ། ཁྲོ་བོ་བཅུའི་བསྟོད་པ་

― CMR017_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་གྱིས་ཆོག་གོ །དེ་ནས་ཧཱུཾ་ཐུགས་དམ་ཆེན་པོའི་དཀྱིལ་འཁོར་དུ་ནས། ཐཾ་ཧཱུཾ་ཕཊ༔ ཡན་གྱི་འཛབ་བསྐུལ་བརྗོད་ལ། དམིགས་པ་ནི་འདི་རྒྱུན་ཁྱེར་ཡིན་པས་གཙོ་བོར་བདག་བསྐྱེད་ཁོ་ན་ལ་བརྟེན་ནས་བསྙེན་སྒྲུབ་བྱ་སྟེ། མདུན་བསྐྱེད་ནི་དཀྱིལ་འཁོར་དང་སྒྲུབ་ཕུར་སོགས་མ་འཛོམས་པས། མཆོད་ཡུལ་དུ་བསྐྱེད་པ་ཙམ་ཡིན་ནོ། །བདག་རྡོ་རྗེ་གཞོན་ནུའི་ཐུགས་ཀར་ཡེ་ཤེས་སེམས་དཔའ། དེའི་ཐུགས་ཀར་རྡོ་རྗེ་མཐིང་ནག་གི་ལྟེ་བའི་ནང་དུ་ཉི་མའི་སྟེང་ཧཱུཾ་མཐིང་ནག་འགྲེང་སྟེ་གནས་པའི་མཐར། འབྲུ་དགུའི་རྩ་སྔགས་མདུན་ནས་བརྩམས་ཏེ་ཡི་གེའི་ངོ་ཕྱིར་བསྟན་ནས་གཡོན་དུ་བསྐོར་ནས་ཡི་གེ་ཐམས་ཅད་ལངས་ནས་ཡོད་པར་བསྒོམ། དང་པོ་ཀློག་པའི་ཚུལ་དུ་ཅུང་ཟད་བཟླས་པས་དེ་ལས་འོད་ཟེར་ཁ་དོག་ལྔ་ལྡན་ཏོང་སྐུད་ལྟར་བྱུང་ནས་འོད་ཟེར་དེ་གཡས་སུ་འཁོར་བར་སྒོམས། དེ་ནས་ཡི་གེ་དེ་རྣམས་གཡས་སྐོར་དུ་ཀྱི་ལི་ལི་དཔེར་ན་མཆོད་རྟེན་གཅིག་ལ་མི་མང་པོས་བསྐོར་བ་ལྟར་དལ་བུས་འཁོར། དེ་ནས་ཇེ་མགྱོགས་ལ་སོང་སྟེ་ཤིན་ཏུ་མགྱོགས་པར་འཁོར་བར་བསྒོམ་སྟེ། དབུས་ཀྱི་ཐུགས་སྲོག་ཧཱུྃ་དེ་མཆོད་རྟེན་ལྟར་གཡོ་འགུལ་མེད་པར་གལ་ཆེ། དེ་ནས་

― CMR017_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཕྲེང་འཁོར་བཞིན་པ་དེ་ལས་འོད་ཟེར་ཁ་དོག་སྣ་ཚོགས་སངས་རྒྱས་ཀྱི་ཞིང་ཐམས་ཅད་ཁྱབ་པར་འཕྲོས་པས། འོད་ཟེར་དེས་སངས་རྒྱས་བྱང་ཆུབ་སེམས་དཔའ་ཡེ་ཤེས་ཀྱི་ཁྲོ་བོ་ཁྲོ་མོ་ཐམས་ཅད་མཉེས་པའི་མཆོད་པར་གྱུར། དེ་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་དང་། དངོས་གྲུབ་ཐམས་ཅད་རྡོ་རྗེ་ཕུར་པའི་ལྷ་ཚོགས་ཀྱི་རྣམ་པར་གྱུར་ནས། འོད་ཟེར་གྱིས་ཚུར་བསྡུས་ནས་ཁ་བ་བུ་ཡུག་ལྟར་བྱོན་ཏེ། བདག་གི་ལུས་ངག་ཡིད་གསུམ་ལ་ཐིམ། ཡང་སྔགས་ཕྲེང་ལས་འོད་ཟེར་མགར་གྱི་ཚྭ་ཚྭ་ལྟར་འཕྲོས་པས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་བྱང་ཆུབ་ལ་བཀོད་དེ། སྣོད་ཀྱི་འཇིག་རྟེན་ཐམས་ཅད་གཞལ་ཡས་ཁང་། བཅུད་ཀྱི་སེམས་ཅན་ཐམས་ཅད་ཕུར་པའི་ལྷ་ཚོགས། ཐམས་ཅད་ཀྱིས་རང་གི་རམ་བུའི་ཚུལ་དུ་སྔགས་སྒྲ་དི་རི་རི་ཡོད་པར་བསྒོམས་ལ། ཨོཾ་རིགས་ལྔ་ཁྲག་འཐུང་། བཛྲ་རྡོ་རྗེ་གཞོན་ནུ་ཡབ་ཡུམ། ཀི་ཁྲོ་བོ་བཅུ། ལི་ཁྲོ་མོ་བཅུ། ཀྭ་ཟ་བྱེད་ཕ་བཅུ། ལ་གསོད་བྱེད་མ་བཅུ། ཡ་སྲས་མཆོག་ཉེར་གཅིག་སྟེ་སྤྲུལ་པ་ཡང་སྤྲུལ། སརྦ་སུམ་སྤྲུལ་ཁྲོ་ཆུང་། ཐིག་ཤྭ་ན་བཞི་དང་སྲོག་བདག །ནཱན་རེ་ཏི་བཞི་དང་བདག་ཉིད། ཐཾ་ས་བདག་བཞི་

― CMR017_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྐྱེས་བུ་བཞི། ཧཱུྃ་གིས་དངོས་གྲུབ་སྡུད། ཕཊ་ཀྱིས་དགྲ་བགེགས་དམ་སྲི་བསྒྲལ་བ་ཡིན་པས། རྩ་སྔགས་འདི་བཟླ་བྱའི་རྩ་བ་ཡིན་པས་ཐུན་རེ་ལ་སྟོང་ངམ་ལྔ་བརྒྱའམ༔ ཐ་མ་བརྒྱ་ཙམ་བསྙེན་ནོ། །དེ་ནས་བསྐྱེད་རིམ་དེ་ལ་རྫོགས་རིམ་གྱིས་རྒྱས་གདབ་སྟེ་ཟུང་འཇུག་ཏུ་བསྒོམ་པ་ནི། ཐུགས་རྣམ་དག་ཅིར་མི་དགོངས་ནམ་མཁའི་རང་བཞིན་ལྟ་བུའི་ངང་ལ། རིག་རྩལ་འགགས་མེད་ཙམ་དུ་རྡོ་རྗེ་ཕུར་པའི་དཀྱིལ་འཁོར་སྣང་ལ་རང་བཞིན་མེད་པ་ནམ་མཁའ་ལ་འཇའ་ལྟར་ཤར། ཤར་ཡང་གསལ་བ་དང་སྟོང་པ་ཟུང་འཇུག་བསྟེ། དེ་ལྟ་བུར་རབ་རྟོགས་པའི་ངང་ལས་རང་ཤར། འབྲིང་སྟོང་ཉིད་ངང་ལས་བསྐྱེད་རིམ་གསལ་བའི་ཉམས་འཆར་བ། ཐ་མ་ཡང་གསལ་སྟོང་ཟུང་འཇུག་གི་དཔེ་འཇའ་ཚོན་དང་ཆུ་ཟླ་སོགས་ལ་བཞག་ནས་དེ་ལྟར་བསྒོམ་ཞིང་། འགྲོ་འདུག་སྤྱོད་ལམ་ཀུན་ཏུ་བསྙེན་པ་བྱའོ། །དེ་ནི་ཆོས་ཉིད་འཛིན་མེད་རང་གྲོལ་དགོངས་བཟླས་ཞེས་བྱ་སྟེ། ཤིན་ཏུ་ཟབ་པའི་་མཐར་ཐུག་གི་བཟླས་པ་གསུངས་སོ། །དེ་ལྟར་ལས་བྱང་ཁོ་ན་ལ་བརྟེན་ནས་མཚམས་བྱེད་ན། ལས་བྱང་དུས་བཞིར་གཏོང་ལ་ཐུན་བཞི་བྱ། རྒྱུན་ཁྱེར་བྱེད་ན་རབ་སྔ་དྲོ་དགོང་མོ་

― CMR017_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ལ་ཚར་རེ་འདོན། ཐ་མ་ཡང་ཉིན་ཞག་ཕྲུག་གཅིག་ལ་ལས་བྱང་འཛབ་བསྐུལ་ཡན་ཚར་རེ་མ་ཆག་པ་གལ་ཆེ་སྟེ། འདི་ནི་བསྐྱེད་པ་མ་ཧཱ་ཡོ་ག་གཙོ་ཆེ་བས་ལས་བྱང་ཤིན་ཏུ་གལ་ཆེ་བ་ཡིན་ནོ། །དེ་དག་གི་ཐུན་མཚམས་སོགས་ལ་ཉམས་ལེན་སེམས་ངོ་སྐྱོང་བདེ་ཡོད་ན། སེམས་ལ་བལྟས་པས་བསྐྱེད་རིམ་རང་བཞིན་མི་དམིགས་པར་སོང་ཚར་ནས། བློས་བྱས་ཀྱི་རྫོགས་རིམ་སོགས་མི་དགོས་ལ། མདུན་བསྐྱེད་ཀྱི་ལྷ་ནི་རྟེན་གསུམ་ཡོད་ན་དེ་ལ་ཐིམ་པའམ། ཕུགས་གཏོར་སོགས་ཀྱི་སྟེང་དུ་མཆོད་ཡུལ་དུ་བཞུགས་ཆོག །བདག་བསྐྱེད་ཡེ་ཤེས་པ་ནི་བྱང་ཆུབ་མ་ཐོབ་བར་དུ་ཕྱག་རྒྱ་སྒོ་བཅད་ཀྱི་སྒྲུབ་པ་ཞེས་བྱ་སྟེ་ནམ་ཡང་མི་གཤེགས་པ་ལེགས་ཤིང་ཟབ་བོ། །དེ་ལ་གྲངས་ནི་རབ་འབྲུ་འབུམ། འབྲིང་བདུན་འབུམ་ཉི་ཁྲི། ཐ་མ་འབུམ་ཕྲག་ལྔའམ། སུམ་འབུམ་ནི་གྲངས་ཡིན་ལ། དེ་ཡང་མཚམས་དང་སྨྲ་བཅད་མ་གྲུབ་ན། གྲངས་དེ་དག་གི་བཞི་འགྱུར་དགོས་པར་སློབ་དཔོན་རྣམས་ཀྱིས་གསུངས་སོ། །དུས་ནི་མཚམས་བྱེད་པའི་དབང་དུ་ཡིན་ཏེ། ཟླ་བ་དྲུག་གམ་གསུམ་མམ་གཅིག །ཞག་ནི་བདུན་གསུམ་མམ་གཉིས་སམ་སྒྲུབ་ཆེན་ཐུན་པ་མང་ན་དངོས་གཞི་ཞག་བདུན་གྱིས་ཆོག་ལ། །

― CMR017_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

འོན་ཀྱང་གང་ཟག་ལས་འཕྲོ་དང་དབང་པོ་དང་ཏིང་ངེ་འཛིན་གསལ་མི་གསལ་གྱི་ཁྱད་པར་གྱིས་དུས་དང་གྲངས་ལ་མ་ངེས་ཏེ། མཚན་མའི་བསྙེན་པ་གཅེས་པ་ནི། མཚན་མ་ཐོན་ནས་དུས་གྲངས་བསྙེན་པ་ཚད་དུ་མ་སོང་ཡང་མི་སྐྱོན་ཏེ། ཞག་གཅིག་ལ་མཚན་མ་རྫོགས་ཀྱང་བསྙེན་སྒྲུབ་རྫོགས་པ་སྟེ། གང་དགོས་ལས་ལ་སྦྱར་བས་འགྲུབ་བོ། །ཞེས་གསུངས་སོ། །དེ་ལ་མཚན་མའི་རྟགས་ནི་སེམས་རྩེ་གཅིག་ཏུ་ཏིང་ངེ་འཛིན་ལ་གནས་ཤིང་གསལ་བ་དང་། བླ་མ་ལ་མོས་གུས་དང་། ཡི་དམ་ལ་དག་སྣང་དང་། སྒྲུབ་ལ་སྤྲོ་ཞིང་བློ་ཤུལ་དཔའ་ངར་གདེང་ཡོད་པ། རྨི་ལམ་དུ་མཆོད་རྟེན་དང་རི་བོའི་རྩེར་འདུག་པ་རྔ་རྡུང་དར་ཕྱར་དུང་འབུད་ཉི་ཟླའི་སྟེང་དུ་འདུག་པ། ལྷའི་ཞལ་མཇལ། ལྷ་མོའི་གཟུགས་སྟོན་པ། དབང་བསྐུར་ཆོས་བཤད། ཁྲི་ཆེན་ལ་འདུག་པ། གྲུ་པ་མཉན་པ། ཁྲོམ་གྱི་ཁ་ལོ་བསྒྱུར་བ་གནས་དང་རི་སོགས་ལ་མེ་འབར་བ། རྡོ་རྗེ་ཕུར་པ་ཁཊ་ལ་སོགས་ཕྱག་མཚན་རྙེད་པ། མེ་ཏོག་སྔོན་པོ་ཐུ་བ། ནམ་མཁའ་ལ་འཕུར་བ། ཆུ་བོ་ལས་བརྒལ་བ། མཚོ་ཆེན་གཤགས་པ། གླང་གཡག་ཞོན་པ། འབག་སེང་ལྷང་བཅོམ། ཁྱི་ནག་བུད་མེད་བརྡུང་བ།

― CMR017_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་སྲིན་རྣམས་ཀྱིས་བཀའ་ཉན་སྲོག་སྙིང་འབུལ་བ། གོ་བཟང་གྱོན་ཞིང་མཚོན་རྣོན་ཐོགས་པ་ལ་སོགས་རྨིས་ལྟས་དང་། རབ་ནི་དངོས་སུ་ཡི་དམ་ཞལ་མཐོང་གསུང་ཐོས་ལུང་སྟོན་པ་བྱུང་ཡང་ཧ་ཅང་རློམ་སེམས་དགའ་བྲོད་མི་བྱ། བསྙེན་སྒྲུབ་བྱས་པས་ནད་གདོན་སོགས་འཚེ་བ་བྱུང་ན་ཚེ་སྔོན་ངན་སོང་སོགས་མུ་མེད་དུ་འཁྱམས་པའི་ལས་སྒྲིབ། བསྙེན་སྒྲུབ་ཟབ་མོས་བྱང་ནས་ད་ལམ་སྡུག་བསྔལ་ཅུང་ཟད་རེས་ངན་སོང་གི་གོ་ཆོད་པའི་སླད་དུ་ཤེས་པར་བྱས་ལ་ལོག་ལྟ་མི་བྱའོ། །དེ་ཡང་སྒྲིབ་པ་འཐུག་ཅིང་བར་ཆད་ཆེན་པོ་ཡོད་ན་དང་པོ་རྟགས་དང་སློང་སོགས་ངན་པ་འབྱུང་ཞིང་ཇེ་ལེགས་འགྲོ་སྒྲིབ་པ་དང་རྐྱེན་ཆགས་འབྲིང་ན་བཟང་ངན་འདྲེས་མར་འོང་ཞིང་ལེགས་སུ་འགྲོ། སྒྲིབ་པ་སྲབ་ཅིང་རྐྱེན་ཆགས་ཆུང་ན་བཟང་རྟགས་ལས་ངན་པ་མི་འབྱུང་བའོ། །བཟང་ངན་གྱི་རྟགས་མཚན་མེད་ཀྱང་ལུས་བདེ་བསམ་པ་འགྲུབ། བློ་ལས་སུ་རུང་ཉམས་རྟོགས་ལ་བོགས་བྱུང་ན་མཆོག་གི་རྟགས་སོ། །ཡང་ལས་དང་པོ་པ། རྫོགས་རིམ་ཕྱག་རྒྱ་ཆེན་པོ་ལ་བློ་ཁ་ཡེ་མ་ཕྱོགས་པ་ཡིན་ན། བསྐྱེད་རིམ་མ་བསྡུས་པར་ཞག་གཅིག་སོང་ན་ཡང་ཨ་འཐས་རྟག་པའི་མཐར་ལྷུང་བའི་ཉེས་པ་ཡོད། ཕྱི་རོལ་སྣོད་བཅུད་སྲུང་

― CMR017_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལ་ཐིམ། དེ་གཞལ་ཡས་ཁང་ལ། གཞལ་ཡས་ཁང་འཁོར་ལ། འཁོར་གཙོ་བོ་ལ། ཡུམ་ཡབ་ལ། ཡབ་ཐུགས་ཀའི་ཡེ་ཤེས་སེམས་དཔའ་ལ། དེ་ཧཱུྃ་ལ་ཐིམ། ཧཱུྃ་ཞབས་ཀྱུ་ནས་གྱེན་རྫོགས་སུ་ཡལ་ནས་ནམ་མཁའ་ལྟར་སྟོང་པ་ཉིད་དུ་གྱུར་པར་བསྒོམས་ལ་དར་ཅིག་བསྡད། སླར་ནམ་མཁའ་ལ་འཇའ་ཤར་བ་ལྟར་སྟོང་པའི་ངང་ལས་སྒྱུ་མའི་སྐུ། རང་ཉིད་རྡོ་རྗེ་གཞོན་ནུ་ཞལ་གཅིག་ཕྱག་གཉིས་པར་རྒྱན་དང་ཕྱག་མཚན་མེད་པར་བསྒོམས་ལ། སྤྱོད་ལམ་ལ་འཇུག་གོ །དངོས་གྲུབ་ལེན་ཆོག་ནི་རྒྱུན་ཁྱེར་ལ་མི་དགོས་ལ། གལ་ཏེ་རྟགས་བཟང་པོ་བྱུང་ན། ཧཱུཾ་རྡོ་རྗེ་གཞོན་ནུ་སོགས་ནས། སརྦ་སིདྡྷི་ཧྲཱིཿའི་བར་བརྗོད་ལ་བདུད་རྩི་ཐིགས་པ་སྲིན་ལག་གིས་ལྕེ་ལ་མྱོང་བ་དང་། གནས་གསུམ་དུ་ཐིག་ལེ་བྱའོ། །ཡང་ཚེས་བཅུ་དགུ་གཏོར་ཡོ་བྱད་འཛོམ་དུས་ཚོགས་བྱ་བར་འདོད་ན། གཞུང་ལྟར་ལས། ཚོགས་ཕུད་ཕུལ་མཚམས་ནས། ཚོགས་ཕུད་ཀྱིས་གཏོར་མ་གསོ་བྲན་བྱས་ལ་zགཏོར་བསྔོས་རྒྱས་པར་སྦྱར་ན་ལེགས། མ་བྱས་ཀྱང་མི་འགལ། བར་པ་བཤགས་པས་བསྐང་གཏོར་མེད་ན་ཕུགས་གཏོར་གསོས་ནས། སྒྲུབ་ཆེན་ན་ཡོད་པའི་བསྐང་ཐུང་དེ་འདོན།།

― CMR017_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སྦྱར་ཀྱང་མི་འགལ། དེ་ནས་གཞུང་གི་བཤགས་ཚིག་འདོན། ཚོགས་ཟན་ལ་ལིངྒ་བཙའམ་མ་གྲུབ་ན། ཤ་དུམ་སྦྱར་ལ་བཀུག་གཞུག་བསྒྲལ་ལས་གཞུང་ལྟར་བྱ། གཏོར་ཟློག་རྒྱས་བསྡུས་འདྲ་བཅས་ཡོད་ན་དེ་ནང་དུ་བསྟབ། མེད་ན་ཡི་དམ་ཆོས་སྐྱོང་གི་གཏོར་མར་འབུལ། ཚོགས་རོལ། ལྷག་མ་བཏང་། དེ་ནས་དཀར་གཏོར་གཅིག་སྤྱི་ལྟར་བསྔོ། དམར་གཏོར་གཅིག་ལ་བཀུག་གཞུག་བསྡུས་པ་ཙམ་བྱས་ལ། སྤྲོ་ན་བསྐུལ་དུག་མདའ་ནག་པོའམ། བསྟོད་པ་མཇུག་གི་ཕུར་སྲུང་བསྐུལ་དང་། ཆད་མདོ་བརྟན་སྐྱོང་བཏོན་ལ། སྒྲུབ་ཆེན་ནང་ནས་འབྱུང་བའི་ཟློག་ཐུང་ལྟ་བུ་སྦྱར་ན་ལེགས། མེད་ཀྱང་རུང་སྟེ་ཕྱི་རོལ་ཕྱོགས་གཙང་སར་ཕུལ། གཏོར་གཞོང་སྒྲུབ་སར་རྟ་བྲོ་ཐུགས་སྒྲུབ་ལྟར་ཐོན་ན་ལེགས། གཞུང་གི་ཚིག་དང་སྔགས་དང་དབྱངས་གསལ་ཡིག་བརྒྱ་སོགས་བརྗོད། ཚེ་འགུགས་གང་དུ་སབ་པར་གསུངས་པ་སབ་ན་སྒྲུབ་ཆེན་ནས་ལེན། མེད་ཀྱང་རུང་ངོ་། །དེ་ལྟར་དང་པོ་དབང་ཐོབ་པ། བར་དུ་མཚམས་བྱེད་དེ། མ་འཕྲོད་ན་ཡང་རྒྱུན་ཁྱེར་ལ་བརྟེན་ནས། གྲངས་སམ་རྟགས་ཀྱི་བསྙེན་པ་མ་ཐེབ་བར་དུ་ལས་ཚོགས་མི་བྱ། བྱས་ཀྱང་མི་འགྲུབ་པའི་སྟེང་དུ་ལྷ་

― CMR017_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱང་དུ་འགྲོ། བསྙེན་སྒྲུབ་རྟགས་ཐོན་ནས། པོད་གཞུང་གི་ལས་ཚོགས་གང་སྒྲུབ་ཀྱང་འགྲུབ་པས། གང་འདོད་ལས་ཚོགས་བྱའོ། །དེ་ལ་མང་དུ་ཡོད་ནའང་རྒྱུན་ཁྱེར་ཉེ་བར་མཁོ་བ་ལ། རང་ཉིད་རྡོ་རྗེ་གཞོན་ནུའི་དཀྱིལ་འཁོར་སྔར་བཤད་པ་ལྟ་བུའི་ཐུགས་ཀར་ཧཱུྃ་ཡིག་དེ་ཉིད་ལྕགས་སྦུབ་བཀུག་པ་ལྟར་ནང་སྟོང་པར་ཡོད་པར་བསྒོམ་སྟེ། དེའི་ཐིག་ལེའི་ནང་དུ་རྩ་བའི་བླ་མ་རྡོ་རྗེ་འཆང་གི་ཆ་ལུགས་སུ་བཞུགས་པ་ལ། བསྲུང་བྱའི་ཡུལ་མཐོ་བའི་བླ་མ་རྣམས་ཀྱིས་བསྐོར། ཧཱུྃ་གི་ཟླ་ཚེས་ནང་དུ་རང་གི་ཡི་དམ་གཞན་གང་ཡོད། འ་ཆུང་ནང་དུ་རང་གི་ཆོས་སྐྱོང་རྣམས་བསྒོམས་པས་ལྷ་དབྱེ་སོགས་ཀྱིས་མི་ཚུགས། ཞབས་ཀྱུས་ནང་དུ་ཨ་ཡ་མ་དུ་རུ་ཙ་ཤ་ན་སྟེ། སྡེ་བརྒྱད་ཀྱི་ས་བོན་མགོ་ཐུར་བསྟན་སྤྱས་བྲིས་པ་ཙམ་བསྒོམས་པས། སྡེ་བརྒྱད་ཀྱི་སྲོག་བཙོན་དུ་བཟུང་ནས་འཁུ་ལྡོག་གནོད་པ་མི་ནུས་སོ། །ཧའི་ཁོག་པའི་དབུས་དེར་རང་གི་བླ་ཚེ་བསོད་ནམས་ཀྱི་ངོ་བོ་ཐིག་ལེ་དཀར་པོ་ནི་ཡིག་ལྗང་ཁུ་བཀྲག་མདངས་དང་ལྡན་པས་མཚན་པར་བསྒོམས་པས། རང་ཉིད་བསྲུང་སྟེ་བླ་སྲོག་བྱེད་མ་དང་། ལྷ་འདྲེས་ཁྱེར་དུ་མེད། དེའི་མཐའ་ལ་གལ་ཆེ་བསྲུང་བྱ་གཡས་སུ་ཕོ་རིགས།

― CMR017_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་དུ་མོ་རིགས། རྒྱབ་ཏུ་སྨྲ་ཞིང་ཁང་། མདུན་དུ་ནོར་རྫས་ཐམས་ཅད་ཚུད་པར་བསྒོམས་པས་སྲུང་བའི་མཆོག་དམ་པའོ། །བསྲུང་བྱའི་དམ་ཚིག་མི་གཙང་བ་དང་། དེ་ཙམ་གལ་ཆེ་མེད་ན། རང་རྡོ་རྗེ་གཞོན་ནུའི་མཐར། སྲས་མཆོག་བཞིའི་ནང་དེར་བསྒོམ། དེ་ཙམ་ཡང་མིན་ན་ཕྱི་ཡི་སྲུང་འཁོར་ནང་དུ་ཚུད་ཙམ་བྱའོ། །ལྷ་འདྲེའི་གནོད་ཚབས་ཆེ་བ་དང་། བྱད་ཁ་ཆེན་པོ་ཡོད་པ་ལ་སྲུང་འཁོར་དམ་པོར་བསྒོམས་ན། གོ་ཆ་མ་ཕིག་བར་དུ་མི་སྨྲས་པ་ལྟར། རང་ཉིད་ལ་ཤིན་ཏུ་རྩུབ་པར་ངེས་པས། ཕ་རོལ་ལ་ནི་ཕན་ཆེ་ནའང་། གལ་ཆེ་ཆུང་བློ་གཏད་ཆེ་ཆུང་ལ་ལེགས་པར་བཏགས་པ་གལ་ཆེ་བར་སྣང་ངོ་། །ཟློག་པའི་དམིགས་རིམ་ནི་སྔོན་མཚམས་གཅོད་དུས་ལྟར། རང་དང་ཁྲོ་བཅུ་ལས་ཁྲོ་ཆུང་མེ་དཔུང་དང་བཅས་པ་རླུང་འཚུབ་སེར་རྒོད་ལྟར་སྤྲོས་པས། བྱད་ཁ་དང་གདོན་རྒོད་ལ་སོགས་རྒྱ་མཚོའི་མཐར་བསྐྲད་ནས། བར་ཆད་སྲུང་འཁོར་དགུ་རིམ་གྱིས་ཆོད། ཁྲོ་ཆུང་རྣམས་ཚུར་འདུས་པ་སྲུང་འཁོར་ལ་ཐིམ་པས་སྲ་ཞིང་བརྟན་པར་གྱུར། ལ་ལ་རང་གི་བ་སྤུའི་བུ་གར་གཏམས་པར་བསྒོམས་ལ། སྤྲོ་ན་རྡོ་ཟློག་གི་སྔགས་རིང་ཅུང་ཟད་བཟླས་ཤིང་སྡོང་དམིགས་དང་སྡིགས་

― CMR017_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

མཛུབ་དང་ཐལ་རྡེབ་བྱ། སྔགས་རིང་མེད་ཀྱང་ཆོག །རྩ་སྔགས་ལ་བདག་དང་བསྲུང་བྱ་ཐམས་ཅད་ལ་བཛྲ་རཀྵ་རཀྟ་ཞེས་ཧཱུྃ་ཕཊ་ཀྱི་གོང་དུ་སྦྱར་ལ་ཅུང་ཟད་བཟླས་པ་སྲུང་སྔགས། རྩ་སྔགས་མཇུག་ཏུ་གནོད་བྱེད་ཐམས་ཅད་མཱ་ར་ཡ་བྷྱོ་བྷྱོ་ཟློག་ཟློག་སྦྱར་ལ་ཟློག་པའོ། །གོང་དུ་བསྙེན་པ་ཐེམས་པས་ཕུར་སྲུང་དམ་ཅན་རྣམས་བསྙེན་པ་ནི། དམར་གཏོར་གཅིག་བཤམས་ལ། རང་ཉིད་རྡོ་རྗེ་གཞོན་ནུའི་དཀྱིལ་འཁོར་གསལ་བཏབ། རང་གི་ཐུགས་ཀ་ནས་འོད་ཟེར་འཇིག་རྟེན་ཐམས་ཅད་ཁྱབ་པར་འཕྲོས་པས། ཕུར་སྲུང་དམ་ཅན་ཚོ་རྣམས་རང་དབང་མེད་པར་འདུས་ནས། དཔའ་བོ་ཆེན་པོ་བདག་ཅིག་གི་ལས་ཅི་བགྱིས་བཀའ་སྩོལ་ཅིག་ཅེས་ཕྲིན་ལས་གང་འདོད་སྒྲུབ་པར་ཁས་བླངས། དམ་བཅས་བསམས་ལ་ཡིད་བཞིན་དུ་སྒྲུབ་པར་བསྒོམ་ཞིང་། ལས་བྱང་ནང་གི་ཛ་ཡེ་བི་ཛ་ཡེ་སོགས་སྔགས་རིང་དེ་བསྙེན་པར་བྱ་བ་ཡིན་ཏེ། དེ་ཡང་རྩ་སྔགས་ལ་བཏགས་ཏེ་སྦྲེལ་མར་བཟླའོ། །དེས་ཕུར་སྲུང་གི་རྟགས་དང་ཆོ་འཕྲུལ་སྣ་ཚོགས་འབྱུང་སྟེ་སྐག་པར་མི་བྱ། གང་འདོད་ཕྲིན་ལས་བཅོལ། བསྟོད་བསྐུལ་བྱ་ཞིང་གཏོར་མ་སྦྱིན་ནོ། །དེ་ལྟར་རྟོགས་བྱུང་ན་སྨད་ལས་དུག་ཕུར་ནག་པོ

― CMR017_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་དྲག་པོའི་ལས་གང་སྒྲུབ་འགྲུབ་ཅིང་བསྙེན་སྒྲུབ་ཚན་ཆེ་ན་ལས་སྦྱོར་མ་བྱས་ཀྱང་། རང་བཞིན་གྱིས་དགྲ་བགེགས་ཚར་གཅོད་པར་འགྱུར་རོ། །ཞེས་པ་ཆམ་ཕུ་དབུ་མཛད་པས་རིང་ནས་བསྐུལ་ཀྱང་མ་སྐབས་གཡེང་བས་ཁྱེར། ད་ལམ་འགྲིམ་བྱུང་བས་འཕྲལ་དུ་བྲིས་པ་ལ། འགལ་འཁྲུལ་བྱུང་ན་ཕུར་སྲུང་ཚོགས་ལ་བཤགས་ཤིང་། དགེ་བས་སེམས་ཅན་ཐམས་ཅད་བདུད་བཞིའི་གཡུལ་ལས་རྣམ་པར་རྒྱལ་ནས་བཅོམ་ལྡན་འདས་རྡོ་རྗེ་གཞོན་ནུའི་གོ་འཕང་ཐོབ་པར་གྱུར་ཅིག །ཅེས་པ་སྔགས་འཆང་རཱ་ག་ཨ་སྱས་བྲིས་པ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕུར་པ་ཡང་གསང་བླ་མེད་དོན་གྱི་སྙིང་པོའི་གསང་སྒྲུབ་ཀྱི་ཟིན་བྲིས་འདོན་སྒོམ་བལྟས་ཆོག་གི་ངག་ཁྲིད་རྒྱས་པར་བཀོད་པ།

― CMR017_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་དོན་གྱི་སྙིང་པོའི་གསང་སྒྲུབ་ཀྱི་ཟིན་བྲིས་འདོན་སྒོམ་བལྟས་ཆོག་གི་ངག་ཁྲིད་རྒྱས་པར་བཀོད་པ་བཞུགས་སོ༔

― CMR017_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་བཛྲ་ཀུ་མཱ་རཱ་ལ་ན་མོ༔ འདི་ལ་སྒྲུབ་ལུགས་མི་འདྲ་བ་ལྔ་ཡོད་དེ༔ སྒྲུབ་ཆེན་ཚོམ་བུ་འབུམ་སྒྲུབ་ནི༔ སྔགས་པ་བཅུ་དྲུག་ལས་མི་ཉུང་བས་སྒྲུབ་ཆེན་ཇི་ལྟ་བ་གཞུང་ལྟར་བྱས་ལ༔ མངོན་རྟོགས་དང་ལས་བྱང་དམིགས་པའི་གཞུང་གསང་སྒྲུབ་ལ་བྱེད་པའོ༔ བྱ་ཚུལ་སྒྲུབ་ཆེན་ཕུར་པ་ལྷ་གྲངས་ཕུར་སྒྲུབ་ཆེན་མོ་གཞུང་ལྟར་རོ༔ ༈ དཔའ་བོ་གཅིག་སྒྲུབ་ནི༔ རྣལ་འབྱོར་པ་གཅིག་གིས་སྒྲུབ་ཆེན་ཇི་ལྟ་བ་བྱས་ལ༔ སྔགས་རྒྱུན་མ་ཆད་པ་མི་ཐུབ་པ་མ་གཏོགས་ཐམས་ཅད་བྱའོ༔ ༈ སྒྲུབ་ཕྲིན་ལྟར་སྒྲུབ་པ༔ སྤྲོས་བཅས་ནི༔ རྡུལ་ཚོན་ནམ་རས་བྲིས་དཀྱིལ་འཁོར་ཕུར་པ་ཞལ་ཕྱག་གཤོག་པ་ཅན་གཅིག་ལ་བརྟེན༔ གཏོར་མཆོད་གཞུང་ལྟར་བཅའ༔ སྒྲུབ་ཆེན་དང་གབ་སྤྲད་མི་དགོས་པར༔ གསང་སྒྲུབ་གཞུང་ལྟར་བསྒྲུབ་

― CMR017_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

བོ༔ སྒྲུབ་ཕྲན་སྤྲོས་མེད་ལྟར་བསྒྲུབས་ན༔ དཀྱིལ་འཁོར་མི་དགོས་གཞིའི་སྟེང་འབྲུའི་ཚོམ་བུ་ལྷ་གྲངས་བཀོད༔ ཡོད་ན་ཕུར་པ་ཁྲོ་ཞལ་ཅན༔ མེད་ན་རབ་གྲི་ལྕགས༔ མ་རྙེད་ནའང་ལྕགས་ཕུར་སོར་བཞི་ལ༔ གྲི་ཁྲག་གིས་བྱུག༔ ཡུངས་ཀར་གྱིས་བྲབ༔ སུམ་བྷ་ནི་བརྗོད༔ གུ་གུལ་གྱིས་བདུག་ལ༔ ཚོམ་བུ་དབུས་སུ་བཅུག་གོ༔ དེའི་སྟེང་དུ་མཉྫིའི་སྟེང་ངམ་ཤིང་ཚོམ་སྟེང་དུ་གཏོར་མ་རིན་ཆེན་འབར་བ་དབང་གཏོར་འདྲ་བ་ཡོད་ན་སྐུ་ཙཀ་བཙུགས༔ མེད་ཀྱང་རུང་དེའི་གཡས་སུ་བདུད་རྩི༔ གཡོན་དུ་རཀྟ༔ མཐའ་བསྐོར་ཤར་དུ་མཆོད་ཡོན༔ ཤར་ལྷོར་ཞབས་བསིལ༔ ལྷོར་མེ་ཏོག༔ ལྷོ་ནུབ་ཏུ་བདུག་སྤོས༔ ནུབ་ཏུ་མར་མེ༔ ནུབ་བྱང་དུ་དྲི་ཆབ༔ བྱང་དུ་ལྷ་བཤོས༔ བྱང་ཤར་དུ་རོལ་མོའི་རིགས་ཤིག་བཤམས༔

― CMR017_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ན་མཚམས་འཛིན་མེ་ཏོག་སྟེ་ནས་ཏིང་གང་བཤམས༔ དེ་རྣམས་དམའ་ན་ཁ་གསོ་བ་མ་གཏོགས་མི་བརྗེ༔ གཏོར་མ་དང་པོ་བྲན་ནས་རྒྱུན་དུ་གསོ་བྲན་མི་དགོས༔ མི་འགུལ་ལྷ་བསྐྱེད་ཡིན༔ ༈ དེ་ནས་འབྱོར་པ་ཆེ་ཞིང་ཁྱིམ་ལེགས་ན༔ སྨན་རཀ་གཏོར་གསུམ་ཕྱིའི་མཆོད་པ་སྣ་བདུན་གྱི་ནང་དེའི་ཤར་དུ་བླ་མ༔ ལྷོར་ཡི་དམ༔ ནུབ་ཏུ་མཁའ་འགྲོ༔ བྱང་དུ་ཆོས་སྐྱོང་སྤྱི༔ མཚམས་བཞིར་དམ་ཅན་སྤུན་ལྔ༔ ལྡང་ལྷ༔ བཙན་སྙིང་དྲུང་སོགས་བཀའ་སྲུང་བཤོས་བུ་དང་༔ རང་གི་ཆོས་སྐྱོང་ཐམས་ཅད་ཀྱི་གཏོར་མ་བཤམས་རྒྱུ་ཡིན་ན་ཡང་༔ མི་འབྱོར་པའམ་ཁྱིམ་ཞན་ན༔ ལོགས་སུ་གཏོར་སྒམ་དུ་ཕུགས་གཏོར་རང་གི་གཞུང་མ་དེ་བཅའ་བའི་གསོ་བྲན་དང་༔ དམ་ཅན་སྤུན་ལྔ་སོགས་བཀའ་སྲུང་ཚོ་ལ་ཡང་ཆད་མདོའི་དཀར་གཏོར་དམར་གཏོར་ལ་ཁ་བསྔོས་ཀྱིས་ཆོག་གི་ལོགས་སུ་བཅའ་མི་དགོས༔ ཕུར་པ་ཡང་ཞལ་ཕྱག་ཅན་མེད་ན༔ ཤིང་ཕུར་ལྕགས་ཕུར་གང་རྙེད་རུང་བ་སྟེ༔ ལྕགས་ཕུར་སོར་བཞི་སྒྲུབ་བརྟེན་བྱས་ལ་མགུལ་དུ་འབྲལ་མེད་དུ་འཆང་བ་འདི་གཏེར་ཁ་མང་པོ་ནས༔ ཟབ་གནད་སྙན་བརྒྱུད་ལྟ་བུར་གསུངས་པས་ལེགས་ཤིང་སྟབས་བདེའོ༔ དེ་ལྟར་སྒྲུབ་ལུགས་གང་བྱེད་ཀྱང་ལས་བྱང་གི་ཁོག་དབུབ་མངོན་རྟོགས་སྒྲུབ་གཞུང་དང་བསྟུན་ལ་པྲ་ཁྲིད་ནས་ཁ་སབ་དགོས་པ་ཡིན་ལ༔ ཐོག་མར་དཀར་གཏོར་ཡུལ་ལྷ་ལ་ཕུལ༔ མ་འཇིགས་མ་སྒྲུག་པར་སྡོང་གྲོགས་གྱིས་བརྗོད༔ བགེགས་གཏོར་བཏང་ནས་སམ་ཐུན་གཏོར་བགེགས་བསྐྲད༔ དེ་ནས་རྒྱུན་དུ་དཀར་བགེགས་མི་

― CMR017_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས༔ སྐྱབས་སེམས་སྤྱི་འགྲོའམ༔ རྙིང་མའི་སྐྱབས་སེམས་སྔོན་འགྲོ་ཉུང་བསྡུས་བྱས་ན་ལེགས༔ དེ་ནས་ལས་བྱང་ཏིང་འཛིན་རྣམས་གསུམ༔ ཙིཏྟ་བཛྲ་ས་མ་ཏི་ཛཿ ཧཱུྃ་བཾ་ཧོས་བར༔ འདི་གཞུང་ལྟར་འདོན་ལ༔ རྙིང་མ་གཞན་ལ་མངོན་རྟོགས་ཚར་གཅིག་གིས་བདག་མདུན་དུས་གཅིག་བསྐྱེད་པ་ཡིན་ཀྱང་༔ འདིའི་བདག་མདུན་གཉིས་བསྐྱེད་ལུགས་མི་གཅིག་པས་སོ་སོར་བསྐྱེད༔ དང་པོ་བདག་བསྐྱེད་ནི་སྒྲུབ་གཞུང་ལྟར་སྤྲ་ཁྲིད་ནས་གབ་སྤྲད་དགོས་པས༔ ནང་འཛིན་པར་བྱེད་པའི་སེམས་དང་༔ ཕྱི་གཟུང་བར་བྱེད་པའི་ཡུལ་གཉིས་མི་དམིགས་པ་སྟོང་པ་ཉིད༔ སྟོང་པ་ཉིད་དེའི་ངང་ལས་སྒྲ་བྲག་ཆ་ཙམ་ཞིག་སད་པས༔ འཇིག་རྟེན་གྱི་ཁམས་ཐམས་ཅད་དུ་ཉི་མ་འབུམ་དུས་གཅིག་ལ་ཤར་བ་ཙམ་གྱིས་འོད་ཀྱིས་གང་༔ འོད་ཟེར་དེ་དག་ཚུར་འདུས་པ་ལས༔ རང་གི་རིག་པ་ཧཱུཾ་སྔོན་པོ་འོད་ཟེར་ལྔ་འཕྲོ་བ༔ ཧཱུྃ་དེ་ལས་འོད་ཟེར་ཕར་འཕྲོས་པས༔ རྒྱལ་བ་ཐམས་ཅད་ལ་མཉེས་པའི་མཆོད་པ་ཕུལ༔ སེམས་ཅན་ཐམས་ཅད་ལ་ཕོག་ལུས་ངག་ཡིད་གསུམ་གྱི་སྡིག་སྒྲིབ་སྦྱང་ཚུར་འདུས་ཧཱུྃ་ལ་ཐིམ༔ སྔར་བས་ཀྱང་གཟི་བརྗིད་ཆེ་བར་གྱུར༔ ཧཱུྃ་དེ་ལས་ཨེ་མཐིང་སྐྱ་ཞིག་འོག་ཏུ་ཆད་པ་ལས༔ གོང་ལྟར་འོད་ཟེར་འཕྲོ་འདུ་མཛད་པས༔ ཡུམ་ཀུན་ཏུ་བཟང་མོའི་མཁའ་ཀློང་༔ ནམ་མཁའ་

― CMR017_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

མཐིང་ནག་གྲུ་གསུམ༔ རྩེ་མོ་ཐུར་ལ་བསྟན་པ༔ ཧཱུྃ་དེ་ལས་ཡཾ་སྔོ་སྐྱ་ཞིག་ཆད་པས༔ ཡང་དེའི་འོད་ཟེར་འཕྲོ་འདུ་ལས༔ ནམ་མཁའ་གྲུ་གསུམ་གྱི་སྟེང་ཡུམ་དམ་ཚིག་སྒྲོལ་མའི་མཁའ་ཀློང་༔ རླུང་གི་དཀྱིལ་འཁོར་ཟླ་གམ་དབལ་ཚ་ཞིང་བསྟན་པ༔ ཧཱུྃ་དེ་ལས་ར་དམར་ནག་ཞིག་འོག་ཕྱོགས་སུ་ཆད་པས༔ དེའི་འཕྲོ་འདུ་ལས༔ རླུང་གི་དཀྱིལ་འཁོར་གྱི་སྟེང་དུ་ཡུམ་མཱ་མ་ཀཱིའི་མཁའ་ཀློང་རཀྟའི་རྒྱ་མཚོ་རྒྱ་ཁྱོན་དཔག་ཏུ་མེད་པ༔ དེའི་སྟེང་དུ་ཧཱུྃ་ལས་སུ་སེར་ནག་ཅིག་ཆད་པ་ལས༔ དེའི་འོད་ཟེར་འཕྲོ་འདུ་ལས༔ ཡུམ་སངས་རྒྱས་སྤྱན་མའི་མཁའ་ཀློང་༔ སའི་དཀྱིལ་འཁོར་གྲུ་བཞི་སེར་པོ་རྒྱ་ཁྱོན་དཔག་ཏུ་མེད་པ༔ ཧཱུྃ་དེ་ལས་སའི་སྟེང་དུ་ཀཾ་དཀར་པོ་ཞིག་ཆད་པས༔ དེའི་འོད་ཟེར་འཕྲོ་འདུ་ལས༔ ཀེང་རུས་ཀྱི་རི་རབ་དཔག་ཚད་བརྒྱད་ཁྲི་དང་ལྡན་པ༔ ཧཱུྃ་དེ་ལས་རཾ་དམར་ནག་གཅིག་ཆད་པས༔ དེའི་འོད་ཟེར་འཕྲོ་འདུ་ལས༔ ཡུམ་གོས་དཀར་མོའི་མཁའ་ཀློང་༔ ཕྱོགས་མཚམས་ཐམས་ཅད་མེའི་དཀྱིལ་འཁོར་གྲུ་གསུམ་དམར་ནག་འབར་ཞིང་འཁྲུགས་པའི་ཀློང་༔ རྒྱུའི་ཧཱུྃ་ལས་ཡི་གེ་ཧཱུཾ་གཅིག་རི་རབ་ཀྱི་སྟེང་དུ་ཆད་པ་ལས༔ དེ་ལས་འོད་ཟེར་འཕྲོ་འདུས་འོད་དུ་ཞུ་བ་ལས༔ དཔལ་

― CMR017_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོའི་གཞལ་ཡས་ཁང་འོག་གཞི་རྡོ་རྗེའི་བྲག་ལས་བྱས་པ༔ བྷརྨ་ཀཾ་རློན་གྱིས་ཕག་ཐབས་སུ་བརྩེགས་པ༔ རཀྟ་རློན་པས་སྤྲིན་ཐབས་སུ་སྦྱར་བ༔ མི་མགོ་རློན་པས་ཁ་བད་བྱས་པ༔ སྤྲུལ་སྔོ་དམར་གྱི་ཆུན་འཕྱངས་ཡོད་པ༔ ཐོད་སྐམ་གྱི་དྲྭ་བ༔ ཐོད་ཚལ་གྱི་དྲྭ་ཕྱེད༔ ཞིང་གི་རྒྱལ་མཚན་ཕྱར་བ༔ ཞིང་ཕྲན་གྱི་འཕན་གདུགས༔ རཀྟའི་ཞམ་ཆུ་འབབས་པ༔ ལྷ་བརྒྱད་ཀ་བ༔ ཀླུ་བརྒྱད་ཀ་གདན་དུ་བྱས་པ༔ གཟའ་བརྒྱད་ཀྱི་གདུང་མ༔ ཉི་ཟླའི་ཀ་ཞུ༔ རྒྱུ་སྐར་གྱི་དྲལ་ཕྱམ་ཞིང་ལྤགས་ཀྱི་ཐོག་ཕུབ་པ་ཟླའི་སྐར་ཁུང་༔ རུས་སྦལ་གྱི་མ་ཐེམ༔ སྦྲུལ་ནག་གི་སྐྱེས་བུ༔ མཁའ་ལྡིང་གི་ཡ་ཐེམ༔ ཆུ་སྲིན་གྱི་ཡ་ཕུབ༔ ག་རུ་ཎའི་ལྡིང་ཁང་༔ ཞིང་ལྤགས་ཀྱི་སྒོ་ཁེབས༔ ཐམས་ཅད་དུ་གནམ་ལྕགས་ཀྱི་གཟེར་གྱིས་བསྡམས་པ༔ སྟག་སྤྱང་དོན་དྲེད་མང་པོ་རྒྱུ་བ༔ ཀང་ཀ་དུར་བྱ་མང་པོ་ལྡིང་བ༔ ཕྱི་ལྕགས་རི་ནག་པོ་ལ་བསྐལ་པའི་མེ་འབར་བ༔ དུར་ཁྲོད་བརྒྱད་ཀྱིས་བསྐོར་བའི་དབུས་སུ༔ རང་སྣང་ཡེ་ཤེས་ལས་གྲུབ་པའི་གཞལ་ཡས་ཁང་གི་དབུས༔ མཐིང་ནག་གྲུ་གསུམ་འབར་བའི་དཀྱིལ་འཁོར༔ ཡེ་ཤེས་ཀྱི་མེ་དཔུང་འབར་བའི་ཀློང་༔

― CMR017_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཉི་ཟླ་བདུད་བཞི་བསྣོལ་བའི་སྟེང་དུ༔ རང་བྱུང་ཆོས་ཀྱི་དབྱིངས་ལས༔ རང་བྱུང་ཡེ་ཤེས་ཀྱི་རང་རྩལ༔ རྒྱུ་ཡི་ཡི་གེ་ཧཱུྃ་མཐིང་ནག་ནམ་མཁའ་ལ་ལྡིང་བ་དེ་ཉིད་ཁྲ་ཐབས་སུ་བབ་སྟེ༔ འཕྲོ་འདུའི་འོད་ཟེར་གྱིས་རྒྱལ་བ་ཐམས་ཅད་ཀྱི་བྱིན་རླབས་བསྡུས༔ ཧཱུཾ་ལ་ཐིམ༔ དེ་ལས་ཀྱང་འཕྲོ་འདུའི་འོད་ཟེར་གྱི་རྡོ་རྗེ་རྩེ་ལྔ་པ་ཞིག་ཏུ་གྱུར༔ ཡོངས་སུ་གྱུར་པ་ལས༔ ཨོཾ་བཛྲ་ཀཱི་ལི་ཀཱི་ལ་ཡ༔ ཞེས་བརྗོད་སྔགས་པས༔ བདག་ཉིད་དཔལ་ཆེན་པོ་རྡོ་རྗེ་གཞོན་ནུ་ཞལ་གསུམ་ཕྱག་དྲུག་པ༔ སྐུ་མདོག་མཐིང་ནག་གཡས་དཀར་གཡོན་དམར་དབུས་མཐིང་ནག༔ དབུ་ལ་ཧེ་རུ་ཀ་ལྔ་དང་ཐོད་སྐམ་ལྔས་མཚན་པ༔ དབུ་སྐྲ་ཁམ་ནག་སྤྱི་བོར་སྦྲུལ་ཆུན་གྱིས་བཅིངས་བ༔ སྤྱན་དགུ་དམར་ཞིང་ཟླུམ་པ༔ མཆེ་བ་ཟླ་ཚེས་སུ་གཙིགས་པ༔ ཞལ་གདངས་ཤིང་ལྗགས་འདྲིལ་བ༔ སྨ་ར་སེར་པོ་ལས་མེ་དང་ཛའི་འོད་ཟེར་དུ་འཕྲོ་བ༔ དཔྲལ་བར་ཐལ་ཆེན་གྱི་ཚོམ་བུ༔ ཁུར་ཚོས་ལ་རཀྟའི་ཐིག་ལེ༔ ཨོག་སྒོ་ལ་ཞག་གི་ཟོ་རིས༔ ཉི་མ་དང་ཟླ་བས་སྙན་གོང་བརྒྱན་པ༔ སྦྲུལ་རྒྱལ་རིགས་དཀར་པོས་དབུ་བརྒྱན་པ༔ རྗེའུ་རིགས་སེར་པོས་སྙན་བརྒྱན་པ༔ བྲམ་ཟེ་དམར་པོས་ཕྱག་གདུབ་ཞབས་གདུབ༔ གདོལ་

― CMR017_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནག་པོས་སེ་རལ་ཁ༔ སྦྲུལ་རིགས་ལྔའི་ཆུན་པོས་སྐ་རགས་བཅིངས་བ༔ ཕྱག་གཡས་དང་པོས་རྡོ་རྗེ་རྩེ་དགུ་ནམ་མཁའ་ལ་འཕྱར་བ༔ བར་པས་རྡོ་རྗེ་རྩེ་ལྔ་གདེངས་བ༔ གཡོན་དང་པོའི་སྡིགས་མཛུབ་ཀྱི་རྩེ་ལ་མེ་འབར་བ༔ བར་པ་ན་ཁཊཾ་རྩེ་གསུམ་འཛིན་པ༔ མཐའ་མ་གཉིས་ཀྱི་རི་རབ་ཕུར་པ་འདྲིལ་བའོ༔ གླང་ཆེན་གྱི་ཀོ་རློན༔ ཞིང་ཆེན་གྱི་གཡང་གཞི༔ སྟག་ལྤགས་ཀྱི་ཤམ་ཐབས༔ བ་སུ་ཏའི་ཞགས་པ༔ རྡོ་རྗེ་དང་རིན་པོ་ཆེའི་གཤོག་པས་ནམ་མཁའ་ཁེབས་པ༔ གཡས་ཀྱི་དང་རུ་ལ་རྡོ་རྗེ་རྩེ་དགུ་པ་ལ་མེ་འབར་བ༔ གཡོན་གྱི་དང་རུ་ལ་རིན་པོ་ཆེ་ལ་མེ་འབར་བ༔ མཇུག་མ་ལ་རྡོ་རྗེ་རྩེ་ལྔ་པ༔ ཐེའུ་ཆུང་སྤུ་བྲན་དང་བཅས་པ་ལ་རྡོ་རྗེ་ཕྱེད་པའི་ཚྭ་ཚྭ་འཕྲོ་བ༔ ཞབས་བཞི་གཡས་བསྐུམ་གཡོན་པའི༔ བརྐྱང་གྱད་ཀྱི་འདོར་ཐབས་སུ་བསྒད་པ༔ ཐོད་པ་སྐམ་པོ་རློན་པ་ར་རི་ཚར་གསུམ་གྱིས་དོ་ཤལ་བྱས་པ༔ དེའི་ཐུགས་ཀར་ཉི་མའི་དཀྱིལ་འཁོར་སོར་བཞི་ཐེབ་ལོང་ཙམ་གྱི་སྟེང་དུ་ཡེ་ཤེས་སེམས་དཔའ་ཚོན་གང་ཞལ་གཅིག་ཕྱག་གཉིས་ཕུར་པ་འདྲིལ་བ༔ དེའི་ཐུགས་ཀར་ཉི་མའི་དལ་སྲན་མའི་གའུ་ཙམ་གྱི་སྟེང་དུ་གསེར་གྱི་རྡོ་རྗེ་ནས་ཙམ༔ དེའི་ལྟེ་བ་ལ་ཉི་ཟླའི་དལ་

― CMR017_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

ཉུངས་འབྲུ་གླེབས་པ་ཙམ་གྱི་སྟེང་དུ༔ ཧཱུྃ་སྤྱས་བྲིས་པ་ཙམ་གྱི་མཐར་ཀཱི་ལ་ཡ་འབྲུ་བཅུ་གསུམ་གྱིས་བསྐོར་བ༔ འདིར་སྤུའི་བྲིས་པ་ཙམ་ཟེར་བ་སོགས༔ ལྷ་རང་རང་གི་ལུས་ཚད་བསྒོམ་ན་ཡིན་གྱི། ཆེན་པོར་བསྒོམ་ན་དེའི་རིག་པས་དཔག་ཤེས་པར་བྱའོ།། ཡེ་ཤེས་སེམས་དཔའི་སྒོ་སྲུང་དཔལ་རྟ་མགྲིན་གྱིས་བྱེད་པར་གྱུར༔ དེ་ཡང་སྙིང་གི་རྩ་སྦུབས་སུ་ཡུངས་ཀར་ཙམ་བསྒོམ་མོ༔ དེའི་མདུན་དུ་ཡུམ་འཁོར་ལོ་རྒྱས་འདེབས་མ་སྐུ་མདོག་མཐིང་སྐྱ་ཞལ་གཅིག་ཕྱག་གཉིས་པ༔ གཡས་ཨུཏྤལ་ལམ་དྲིལ་བུ་ཡབ་ཀྱི་མགུལ་ནས་འཁྱུད་པ༔ གཡོན་པས་དུང་དམར་གཙོ་ལ་སྟོབ་པ༔ གཟིག་གི་ཤམ་ཐབས་དང་རྒྱན་དྲུག་སེ་རལ་ཁར་སྤྲས་པ༔ གཉིས་མེད་དུ་འཁྲིལ་བ་མེ་དཔུང་གི་ཀློང་དུ་བཞུགས་པར་གྱུར༔ བདག་ཉིད་རྩ་བའི་ལྷ་དེའི་དཔྲལ་བར་ཧཱུྃ་ཀཱ་ར་ཡབ་ཡུམ་སྔོན་པོ༔ གཡས་པའི༔ གཉིས་མདའ་དང་ཕུར་བུ༔ གཡོན་གཉིས་གཞུ་དང་ལྕགས་ཀྱུ༔ མཐའ་གཉིས་ཐུགས་ཀར་ཕུར་བུ་འདྲིལ་བ༔ ཞབས་བཞི་འདོར་ཐབས་སུ་བསྒྲད་པ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་བའོ༔ དཔུང་པ་གཡས་སུ་རྣམ་རྒྱལ་ཡབ་ཡུམ་དཀར་པོ༔ གཡས་གཉིས་རྡོ་རྗེ་འཁོར་ལོ༔ གཡོན་གཉིས་བྷན་དྲིལ་བུ༔ མཐའ་གཉིས་རི་རབ་ཕུར་བུ་འདྲིལ་བ༔ དཔུང་པ་

― CMR017_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་དུ་དབྱུག་སྔོན་ཡབ་ཡུམ་སྔོན་པོ༔ གཡས་གཉིས་རྡོ་རྗེ་མེ་དཔུང་༔ གཡོན་གཉིས་བྷན་དབྱུག་ཏོ༔ མཐའ་གཉིས་རི་རབ་ཕུར་བུ་འདྲིལ་བ༔ མགྲིན་པར་རྟ་མགྲིན་ཡབ་ཡུམ་དམར་པོ༔ གཡས་གཉིས་རྡོ་རྗེ་དང་རྒྱ་གྲམ༔ གཡོན་གཉིས་བྷནྡྷ་ཐོད་དབྱུག༔ མཐའ་གཉིས་རི་རབ་ཕུར་བུ་འདྲིལ་བ༔ ཐུགས་ཀའི་ཆ་སྨད་དུ་གཤིན་རྗེའི་གཤེད་ཡབ་ཡུམ་སྔོན་པོ༔ བ་ཡས་གཉིས་རྡོ་རྗེ་བེ་ཅོན༔ གཡོན་གཉིས་བྷནྡྲ་སྟ་མོ༔ མཐའ་གཉིས་རི་རབ་ཕུར་བུ་འདྲིལ་བ༔ སྲིད་ལྟའི་གོང་དུ་བདུད་རྩི་འཁྱིལ་བ་ཡབ་ཡུམ་ལྗང་སེར༔ གཡས་གཉིས་རྡོ་རྗེ་རལ་གྲི༔ གཡོན་གཉིས་བྷནྡྲ་ཞགས་པ༔ མཐའ་གཉིས་རི་རབ་ཕུར་བུ་འདྲིལ་བ༔ ལྟེ་བར་མི་གཡོ་མགོན་པོ་ཡབ་ཡུམ་ལྗང་ནག༔ གཡས་གཉིས་རྡོ་རྗེ་ཞགས་པ༔ གཡོན་གཉིས་བྷནྡ་སྤུ་གྲི༔ མཐའ་གཉིས་རི་རབ་ཕུར་བུ་འདྲིལ་བ༔ བརླ་གཡས་འདོད་རྒྱལ་ཡབ་ཡུམ་དམར་སྐྱ༔ གཡས་གཉིས་རྡོ་རྗེ་ལྕགས་ཀྱུ༔ གཡོན་གཉིས་བྷན་མདུང་ཐུང་༔ མཐ་གཉིས་རི་རབ་ཕུར་བུ་འདྲིལ་བ༔ བརླ་གཡོན་ཁམས་གསུམ་རྣམ་རྒྱལ་ཡབ་ཡུམ་སེར་ནག༔ གཡས་གཉིས་རྡོ་རྗེ་སྟ་རེ༔ གཡོན་གཉིས་བྷན་ཞགས་པ༔ མཐའ་གཉིས་རི་རབ་

― CMR017_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་བུ་འདྲིལ་བ༔ གསང་གནས་སུ་སྟོབས་ཆེན་ཡབ་ཡུམ་སྔོན་པོ༔ གཡས་གཉིས་རྡོ་རྗེ་དང་མདའ༔ གཡོན་གཉིས་བྷན་དང་གཞུ༔ མཐའ་གཉིས་རི་རབ་ཕུར་བུ་འདྲིལ་བ༔ ཀུན་ཀྱང་ཞབས་བཞི་གྱད་ཀྱི་འདོར་ཐབས་སུ་བསྒད་པ༔ རྡོ་རྗེའི་གཤོག་པ་ཕྱོགས་བཅུར་གདེངས་བ༔ དུར་ཁྲོད་ཀྱི་ཆས་བརྒྱད་གསོལ་བ༔ སྐུ་གཟི་བརྗིད་དུ་འབར་བ༔ སྤྱན་གསུམ་དམར་ལ་ཟླུམ་པ༔ ཞལ་གདངས་ལྗགས་འདྲིལ་བ༔ རྣོ་དབལ་གྱི་མཆེ་བ་གཙིགས་པ༔ ཀུན་ཀྱང་འབར་བའི་གར་དང་ལྡན་པ༔ ནང་ཁང་གཙོ་བོའི་ཕྱོགས་བཞིར་རྩིབས་བཞིར་ཞིང་གི་གདན་ལ༔ ཤར་རྩིབས་སུ་བཛྲ་ཀཱི་ལ་ཡོ༔ ཞལ་གསུམ་ཕྱག་དྲུག༔ གཡས་གཉིས་རྡོ་རྗེ་འཁོར་ལོ༔ གཡོན་གཉིས་ལྕགས་ཀྱུ་ཞགས་པ༔ མཐའ་གཉིས་རི་རབ་ཕུར་བུ་འདྲིལ་བ༔ ཞལ་གཡས་དཀར་གཡོན་དམར་དབུས་མཐིང་༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུ་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེ་ཡི་ཚྭ་ཚྭ་འཕྲོ་བ༔ ལྷོའི་རྩིབས་སྟེང་དུ་རཏྣ་ཀཱི་ལ་ཡ༔ ཞལ་གཡས་དམར་གཡོན་སྔོ་དབུས་སེར༔ གཡས་གཉིས་རིན་པོ་ཆེ་དང་སྟ་མོ༔ གཡོན་གཉིས་ཐོད་ཁྲག་ཞགས་པ༔ མཐའ་གཉིས་རི་རབ་ཕུར་བུ་

― CMR017_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲིལ་བ༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུ་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེའི་ཚྭ་ཚྭ་འཕྲོ་བ༔ ནུབ་རྩིབས་སུ་པདྨ་ཀཱི་ལ་ཡ༔ ཞལ་གཡས་དཀར་གཡོན་སྔོ་དབུས་དམར༔ གཡས་གཉིས་པདྨ་རལ་གྲི༔ གཡོན་གཉིས་བྷནྡ་ལྕགས་སྒྲོག་མཐའ་གཉིས་རི་རབ་ཕུར་བུ་འདྲིལ་བ༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུ་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེའི་ཚྭ་ཚྭ་འཕྲོ་བ༔ བྱང་རྩིབས་སུ་ཀརྨ་ཀཱི་ལ་ཡ༔ ཞལ་གཡས་དཀར་གཡོན་དམར་དབུས་ལྗང་༔ གཡས་གཉིས་རྒྱ་གྲམ་ཐོད་དབྱུག༔ གཡོན་གཉིས་མེ་དཔུང་དྲིལ་བུ༔ མཐའ་གཉིས་རི་རབ་ཕུར་བུ་འདྲིལ་བ༔ དབུ་སྐྲ་ཁམ་ནག་ཐོར་ཚུགས་དང་རིགས་ལྔས་དབུ་བརྒྱན་པ༔ སྐུ་སྨད་ལྕགས་ཕུར་ཟུར་གསུམ་མེའི་ཚྭ་ཚྭ་འཕྲོ་བ༔ ཀུན་ཀྱང་དུར་ཁྲོད་ཀྱི་ཆས་བརྒྱད་རྫོགས་པ༔ ཞེས་བདག་བསྐྱེད་ལུས་དཀྱིལ་སྒྲུབ་གཞུང་ན་མི་གསལ༔ པྲ་ཁྲིད་ནས་ཁ་བཀང་གབ་སྤྱད་པ་ཡིན་ཏེ༔ ཁྲོ་བཅུའི་ཞལ་གཡས་གཡོན་ཁ་དོག་པོད་གཞུང་དུ་མིང་མི་གསལ་བས༔ ཞལ་གསུམ་སྐུ་གསུམ་མཚོན་པ་ཡིན་པས༔ དབུས་མཐིང་གཡས་དཀར་གཡོན་དམར༔ དབུས་དམར་གཡས་དཀར་གཡོན་སྔོ་སོགས་རིགས་པས་དཔག་སྟེ༔ རྒྱས་པར་འདོད་ན་གཏེར་ཁ་གཞན་ནམ་

― CMR017_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཕུར་ལ་བལྟའོ༔ ༈ དེ་ནས་མདུན་བསྐྱེད་གཞུང་གི་ལས་བྱང་མངོན་རྟོགས་འདོན་ཏེ་དེ་ལ་སྲས་མཆོག་བཞི་མ་གསུངས་ཀྱང་༔ གསང་སྒྲུབ་དཀྱིལ་འཁོར་དཔེའུ་རིས་ལ༔ རིགས་བཞི་ཁྲོ་བཅུ་སྒོ་བ་དང་བཅས་པ་ཐམས་ཅད་ཡོད་པས༔ མདུན་བསྐྱེད་ལ་རིགས་བཞིའི་ཚིག་མི་སབ་ཀྱང་ཡིད་ཀྱིས་བདག་བསྐྱེད་ལྟར་བསྒོམ་པ་དང་༔ བདག་བསྐྱེད་འཁོར་ཡང་མདུན་བསྐྱེད་ལྟར་ཡིད་ཀྱིས་བསྒོམ་པ་ལེགས་ཀྱི༔ མི་གསལ་ནའང་བདག་བསྐྱེད་ལྷ་ལྔ་རང་བྱས་ཀྱང་ཆོག༔ དེ་ནས་མདུན་བསྐྱེད་དཀྱིལ་འཁོར་དང་༔ ཕུར་པ་དང་༔ གཏོར་མ་གསུམ་དབྱེར་མེད་དུ་བསྒོམ་སྟེ༔ ཧཱུྃ༔ ཆོས་སྐུ་སྐྱེ་བ་མེད་པའི་ཀློང་༔ ཞེས་པ་ནས༔ མངོན་རྟོགས་རྫོགས་ནས༔ པྲ་མརྟ་ན་ཡེ་ཧཱུྃ་ཕཊ༔ གྱི་བར་དེ་ནས༔ དེ་ལྟར་ལྷ་དེ་དག་རང་རང་གི་སྤྱི་བོར་ཨོཾ༔ མགྲིན་པར་ཨཱཿ༔ ཐུགས་ཀར་ཧཱུཾ་གསུམ་གསལ་བར་གྱུར༔ ཨོཾ་ཨཱཿཿཧཱུྃ༔ བདུན་བརྗོད་ནས། ཧཱུྃ༔ སངས་རྒྱས་ཀུན་གྱི་རང་བཞིན་སྐྱ༔ ནས་ས་པ་ཤྭ་རི་ཧཱུྃ་བཾ་ཧོཿ ཞེས་པའི་བར་གྱིས་གནས་གསུམ་བྱིན་གྱིས་བརླབསསོ༔ བདག་དཔལ་ཆེན་པོར་གསལ་བའི་གནས་གསུམ་ལས༔ ཨོཾ་ཨཱཿཿཧཱུྃ་གསུམ་འོད་དུ་འཕྲོས་པ་ལས༔ བདེ་བར་གཤེགས་པ་རྣམས་ལ་མཉེས་པའི་མཆོད་པ་འབུལ༔ ཕྱོགས་བཅུའི་རྒྱལ་བ་ཐམས་ཅད་ཀྱིས་དབང་བསྐུར་བྱིན་གྱིས་རློབས་ཏེ༔ དབང་རྟགས་སུ་ལྷ་རང་རང་གི་སྤྱི་

― CMR017_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

བོར་དོན་ཡོད་གྲུབ་པས་དབུ་བརྒྱན་པར་གྱུར༔ དཀྱིལ་འཁོར་གཉིས་ཀྱི་ལྷ་རྣམས་ཀྱི་གནས་གསུམ་འབྲུ་གསུམ་འཕྲོས་པ་ལས༔ སྲོག་ཡེ་ཤེས་སུ་དབང་བསྐུར༔ སྐུ་གསུང་ཐུགས་བྱིན་གྱིས་བརླབས་པར་གྱུར༔ ཧཱུྃ༔ ཐབས་ཀྱི་སྤྱོད་པའི་སོགས་ནས༔ ཚྭ་ཚྭ་མཱི་པཾ་ཏཱཾ༔ ཞེས་པའི་བར་ལས་བྱང་ལྟར་རོ༔ ལྷ་རང་རང་གི་ཐུགས་ཀའི་ཧཱུྃ་ལས་འོད་ཟེར་འོག་མིན་དང་སྟེང་འོག་ཕྱོགས་བཅུར་འཕྲོས་པས༔ གཙོ་བོ་དང་འཁོར་དང་བཅས་པ་རང་རང་གི་ཡེ་ཤེས་པ་སྤྱན་དྲངས་ཏེ་གཉིས་སུ་མེད་པར་བསྟི༔ དཀྱིལ་འཁོར་དབུས་ཀྱི་གཙོ་བོ་དང་ཕུར་པ་ཡང་གོང་བཞིན་བསྟིམ༔ ཨོཾ་བཛྲ་ནས་ཨཱཿ་ཝེ་ཤ་ཡ་ཨ་ཨཱཿ༔ ཧཱུྃ༔ སྐྱེ་མེད་ནས་ལས་བྱང་གཞུང་ལྟར་སྦྱོར་མཆོད་ཡན་ཆད་འདོན༔ བསྟོད་པ་ཟུར་འགེབས་བཀའ་སྲུང་བསྐུལ་ཡན་འདོན༔ ཧཱུྃ༔ ཐུགས་དམ་ཆེན་པོ་དུས་ལ་ཞེས་སོགས་འཛབ་བསྐུལ་འདོན་ནས་བསྙེན་པ་བྱ་སྟེ༔ དམིགས་པ་ནི་གསང་སྒྲུབ་གཞུང་ལྟར་རོ༔ དེ་ལྟར་གབ་སྤྲོད་པའི་ལས་བྱང་དེ༔ སྔ་དྲོ་ཉིན་ཕྱེད་དགོང་ཀ༔ མཚན་དང་ཐུན་བཞི་ལ་ཚར་རེ༔ ཐ་ན་ཉིན་གཅིག་མཚན་གཅིག་དང་ཚར་གཉིས༔ འབྲིང་སྔ་དྲོ་དགོང་མོ་མཚན་དང་ཐུན་གསུམ་མོ༔ ཚོགས་དང་ཚད་མདོ་ནི་དང་པོ་ནུབ༔ ཚེས་བཅུ་དགུ་གཏོར་དུས༔ གྲོལ་ཁ་དང་དེ་གསུམ་ལ་དགོས་རྒྱུན་དུ་མི་དགོས་སོ༔ ཤ་ཆང་བཟའ་ན་

― CMR017_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་ཡང་རུང་ཚོགས་བྱས་ལ་བཟའི༔ བྱིན་བརླབས་མ་བྱས་པ་མི་རུང་༔ གཞན་ཟས་ལ་བཅད་ཁྲིག་མེད་དོ༔ དུས་དང་རྟགས་དང་གྲངས་ཀྱི་བསྙེན་པ་དང་༔ སྔགས་དང་དམིགས་རིམ་ཐམས་ཅད་གསང་སྒྲུབ་གཞུང་ཁ་གསལ་བས་དེ་ལྟར་བྱས་པས་འཐུས་ལ༔ ནུབ་བམ་དགོང་ཁ་རབ་བཀའ་སྲུང་གསོལ་ཁ་བཤོས་བུ་རྣམས་དཔེའུ་རིས་ལྟར་བཅའ་ལ་གསོ༔ མ་འཛོམས་ན་དམར་གཏོར་གཅིག་གིས་ཀྱང་ཆོག་སྟེ༔ བཀའ་སྲུང་སྤྱི་མཚམས་ལ་གཅིག་བྱས༔ ཕུར་སྲུང་གི་བསྟོད་བསྐུལ་དེ་སྒྲུབ་ཚེ་རྒྱུན་དུ་བྱའོ༔ སྒྲུབ་པ་ཚར་ནས་ཚོགས་དང་བཀའ་སྲུང་གསོལ་ཁ་ཆད་མདོ་བརྟན་སྐྱོང་རྣམས་གཞུང་ལྟར་བྱས་ནས༔ ལས་བྱང་གི་དངོས་གྲུབ་ལེན་ཆོག་དེ་ལན་གསུམ་དབྱངས་དང་བཅས་པས་བྱས་ལ༔ གཏོར་མ་ཕུར་པ་དང་བཅས་པ་རང་གི་གནས་གསུམ་དུ་གཏུག་ཅིང་༔ ཀཱ་ཡ་སིདྡྷི་སོགས་བརྗོད༔ མདུན་བསྐྱེད་ཀྱི་ལྷ་ཚོགས་ཐམས་ཅད་ཕུར་པ་ལ་བསྟིམ༔ དེ་ཉིད་མིས་མ་རིག་པ་རང་ལ་མི་ཟུག་པའི་ཤུབསལེགས་པར་བྱས༔ རྡོ་རྗེ་གཞོན་ནུ་དངོས་སུ་མོས་པ་བྱས་ལ་མགུལ་དུ་འཆང་༔ གལ་ཆེ་བའི་བསྒྲལ་ལས་ཀྱི་ལིང་གའམ་གནོད་པའི་ཕྱོགས་གདོན་རྒོད་དམ་སེར་བ་ལ་གདེངས་ཤིང་ཚད་ཙམ་བྱ་ཞིང་སྦས་སོ༔ རྗེས་སུ་ཆོས་ཉིད་ཀྱི་བདེན་པའོ༔ ཞེས་པ་མན་ཆད་ལས་བྱང་ལྟར༔ བསྔོ་བ་སྨོན་ལམ་བཀྲ་ཤིས་སོགས་བྱའོ༔ རྗེས་ཀྱང་ཞག་བདུན་སོགས་སྒྲུབ་པ་ཁ་གསོ་ཐོན་ན་ཤིན་ཏུ་ལེགས་སོ༔ དེ་ཡན་ཆད་ནི་སྒྲུབ་པ་ཅི་ལྟ་བ་སྟེ་མཚམས་བྱེད་ནས་སྒྲུབ་པའི་ལུགས། ༈ སྤྲོས་བཅས་བསྡུས་

― CMR017_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྒྲུབ་ཕྲན་ལུགས་སོ༔ ཡང་ཤིན་ཏུ་སྤྲོས་མེད་ལྟར་གསང་སྒྲུབ་འདི་ཉམས་སུ་ལེན་པར་འདོད་ན༔ རྫས་དང་མཆོད་གཏོར་ཕུར་པ་ཅི་ཡང་མི་དགོས་ཏེ༔ རང་ལུས་ཡེ་ནས་ལྷའི་དཀྱིལ་འཁོར༔ བཟའ་བཏུང་ནི་མཆོད་གཏོར་དང་༔ སེམས་ཉིད་ཀྱིས་ཀྱང་གཞོམ་དུ་མེད་པ་རྡོ་རྗེ་དེ་ལ་སྐྱེ་ཤི་དང་བསྒྲེས་རྒུད་མེད་པ་གཞོན་ནུའོ༔ དེའི་དོན་རྟོགས་པས་འཁོར་བ་མྱང་འདས་སུ་སྒྲོལ་བའི་དོན་ནི་རྟོགས་པས་བདག་གྲོལ་བ༔ དེ་དོན་མ་གཏོགས་པའི་སེམས་ཅན་ལ་བཅོས་མིན་གྱི་སྙིང་རྗེ་ཤུགས་ལ་སྐྱེས་ནས་འགྲོ་བའི་དོན་བྱེད་པ་ནི༔ ཐུགས་རྗེའི་གཞན་སྒྲོལ་བ་སྟེ༔ དོན་གྱི་ཕུར་པ་ནི་རང་གི་སེམས་ཉིད་ཡིན་པས་ཤེས་པར་བྱ་སྟེ༔ རྒྱུན་དུ་སྐྱབས་སེམས་གང་རུང་བསྡུས་པ་ཙམ་སྔོན་དུ་སོང་ནས༔ གསང་སྒྲུབ་ཀྱི་མངོན་རྟོགས་གོང་གི་དེ་ལ༔ ལས་བྱང་དང་ཚིགས་བཅད་ཁ་མི་སབ་པར༔ ཚིག་ལྷུག་དེ་ཆག་མེད་བྱ༔ དེ་ནི་བདག་བསྐྱེད་ལྷ་ལྔ་རྐྱང་པ་དེ༔ མདུན་བསྐྱེད་མེད་པའི་ཕྱིར་དམིགས་པ་ནི་བདག་གི་ཐུགས་ཀའི་ཧཱུཾ་སྔགས་ཕྲེང་གིས་བསྐོར་བ་ལས་འོད་ཟེར་ཕྱོགས་བཅུར་འཕྲོས༔ ཕྱོགས་བཅུའི་རྒྱལ་བ་ཐམས་ཅད་ཀྱི་ཐུགས་དམ་གནད་ནས་བསྐུལ་ཏེ༔ རྒྱལ་བ་ཐམས་ཅད་ཀྱི་སྐུ་གསུང་ཐུགས་ཀྱི་ཐུགས་རྗེ་དང་བྱིན་རླབས་ཐམས་ཅད༔ ཨོཾ་དཀར་ཨཱཿདམར་ཧཱུྃ་མཐིང་གསུམ་གྱི་ཚུར་དུ་རང་གི་གནས་གསུམ་དུ་བར་མ་ཆད་པར་ཐིམ་པས་རྒྱལ་བ་ཐམས་ཅད་ཀྱི་སྐུ་གསུང་ཐུགས་དང་བྱིན་

― CMR017_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་ནུས་པ་ཐམས་ཅད་རྡོ་རྗེ་ཕུར་པའི་ལྷ་ཚོགས་ཀྱི་ངོ་བོར་བྱོན་སིབ་སིབ་བདག་ལ་ཐིམ༔ གསུངས་པ་འདི་དམིགས་པ་གཉིས་པ་ཡིན་ཏེ༔ གཉའ་དེ་ཡིག་འབྲུའམ་ཕྱག་མཚན་གྱི་རྣམ་པར་ཐི་མ་པ་དང་༔ འོག་དེ་ཕུར་པ་ཁྲོ་བོ་བཅུ་སོགས་ལྷའི་སྐུ་ཆེ་ཕྲ་སྣ་ཚོགས་ཁ་བ་བུ་ཡུག་ལྟར་བྱོན་ནས་ཐིམ་པར་བསྒོམ་ཞིང་བཟླས་པ་བརྒྱའམ་སྟོང་སོགས་ཅི་ནུས་བཟླའོ༔ དེ་ནི་ཡེ་ཤེས་གཞུག་པ་དང་བྱིན་འབེབས་ཀྱང་ཡིན་ཏེ་བྱིན་རླབས་ཤིན་ཏུ་ཆེའོ༔ རང་དང་གོ་ཆའི་ལྷ་ཐམས་ཅད་མདོར་ན་ལུས་ཀྱི་རྩ་གནས་ན་ལྷ་ཐབས་ཤེས་ཡབ་ཡུམ་ནི་ཏིལ་གྱི་གོང་བུ་ཁ་ཕྱེ་བ་ལྟར་གནས་པ་ཐམས་ཅད་ཀཱི་ལ་ཡའི་སྔགས་སྒྲ་བུང་བ་ཚང་ཞིག་པ་ལྟར་དི་རི་རི་བཟླ་བར་དམིགས་ལ༔ རང་གི་ཐུགས་ཀའི་སྔགས་ཕྲེང་ལ་ཀློག་པའི་ཚུལ་དུ་འབྲུ་བཅུ་གསུམ་པ་བཟླ་བར་གསུངས་པ་ནི༔ གོ་ཆའི་ལྷ་ནི་ཁྲོ་བཅུའོ༔ རྩ་གནས་ལྷ་ཐབས་ཤེས་ནི༔ ལུས་སྟོད་སྨད་ཁྲོ་བཅུ་རང་རང་བཞུགས་པའི་གནས་ཐམས་ཅད་ཀྱི་རྩ་བ་སྤུའི་བུ་ག་དང་བཅས་པ་ཁྲོ་བོ་ཡབ་ཡུམ་སྐུ་ཡུངས་འབྲུ་ཙམ་ཏིལ་གྱི་གོང་བུ་ལྟར་གང་ནས་ཀྱང་སྔགས་བཟླ་བ་མོས་པ་ཙམ་གྱིས་ཆོག་གི༔ གཙོ་བོའི་ཐུགས་ཀར་ཧཱུྃ་འགྲེང་ཐབས་ལ་སྔགས་ཕྲེང་ཡིག་འབྲུ་ཐམས་ཅད་ལང་སྟེ་གཡས་སུ་ཀྱི་ལི་ལི་བསྐོར་བ་ལ་རྩེ་གཅིག་ཏུ་དམིགས་ནས་བཟླས་པ་བསྙེན་པ་དངོས་སོ༔ དེ་ལ་བརྒྱའམ་སྟོང་ཅི་ནུས་བཟླ༔ དེ་ནས་བདག་གི་ཐུགས་ཀའི་སྔགས་ཕྲེང་འཁོར་བཞིན་པ་ལས་འོད་ཟེར་དང་སྔགས་ཕྲེང་བྱུང་༔ བདག་ལྷར་གསལ་བའི་ཞལ་ནས་སྔགས་

― CMR017_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཕྲེང་བ་ཡུམ་གྱི་ཞལ་དུ་ཞུགས༔ ཡུམ་གྱི་རྩ་འཁོར་བཞི་ལ་བརྒྱུད་རྩ་གནས་རྣམས་སུ་རིགས་ལྔའི་ཌཱཀྐིའི་ཚོགས་དཔག་ཏུ་མེད་པ་བཞུགས་པར་མོས་པ་ཙམ་གྱིས་ཆོག༔ དེ་རྣམས་སྔགས་ཀྱི་རང་སྒྲ་བསྒྲོགས་པས་རྒྱུད་བསྐུལ་ཏེ༔ ཡུམ་གྱི་བྷ་ག་ནས་རང་གི་རྡོ་རྗེའི་སྦུབས་སུ་ཞུགས༔ རང་གི་ཡང་རྩ་འཁོར་རྒྱུད་ཐུགས་ཀར་ཐིམ་སླར་ཡང་འཕྲོས་ཡུམ་ཞལ་དུ་ཞུགས་པ་སོགས་མགལ་མེའི་འཁོར་ལོ་ལྟར་ཀྱི་ལི་ལི་འཁོར་བར་བསྒོམ༔ གཞི་སྙིང་གཅིག་དྲིལ་སྔགས་དེ་བརྒྱའམ་སྟོང་སོགས་ཅི་ནུས་བཟླ་བ་སྒྲུབ་པའོ༔ སྔགས་དང་དམིགས་པ་དེ་ཉིད་ལས༔ སྔགས་ཕྲེང་ཁ་དོག་དཀར་པོ་ལ༔ ཡུམ་ཞལ་དུ་བརྒྱུད་སྐབས་འོད་ཟེར་ཟླ་བའི་འོད་ལྟར་འཕྲོས་པས༔ སེམས་ཅན་ཐམས་ཅད་ཀྱི་སྡིག་སྒྲིབ་རང་དང་བསྲུང་བྱའི་ནད་གདོན་བར་ཆོད་ཐམས་ཅད་མུན་པ་ལ་ཉི་ཟླ་ཤར་བའམ༔ བ་མོ་ལ་ཉི་ཟེར་ཕོག་པ་ལྟར་ཞི་བའི་དམིགས་པ་སྔ་དྲོ་ལ་བྱ༔ སྔགས་ཕྲེང་སེར་པོ་ལས་འོད་ཟེར་གསེར་བཙོ་མའི་མདོག་ལྟར་འཕྲོས་པས༔ སེམས་ཅན་ཐམས་ཅད་ཀྱི་ཡེ་ཤེས་ཡོན་ཏན་རྒྱས་པ་བདག་དང་བསྲུང་བྱའི་ཚེ་དང་དབང་ཐང་རྒྱས་པར་བྱས༔ སྔགས་ཕྲེང་འོད་ཟེར་དམར་པོས་སེམས་ཅན་ཐམས་ཅད་ཀྱི་རང་སེམས་རང་དབང་ཐོབ་པ་དང་༔ ལྷ་འདྲེ་མི་གསུམ་སྣང་སྲིད་བདག་གི་དབང་དུ་བསྡུས༔ སྔགས་ཕྲེང་དང་འོད་ཟེར་ལྗང་ནག་རེག་བྱ་ཤིན་ཏུ་ཚ་བས་སེམས་ཅན་ཐམས་ཅད་ཀྱི་ཉོན་མོངས་པ་དང་༔ བདག་དང་བསྲུང་བྱའི་བདུད་

― CMR017_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་དགྲ་བགེགས་ཐམས་ཅད་ཚར་བཅད་དེ༔ འོད་ཟེར་ཚ་བས་གཞོབ་ཐུལ་གྱིས་བསྲེགས་པར་བསྒོམས་ལ་བརྒྱ་རྩ་ཙམ་བཟླ་བ་ལས་སྦྱོར་ཡིན་ནོ༔ དེ་ལྟར་བསྙེན་སྒྲུབ་ལས་གསུམ་ཡུད་ཙམ་རེ་ལ་ཚང་བའམ༔ རེ་རེ་ལ་ཟླ་རེ་ཙམ་རྒྱུན་བསྙེན་བྱའོ༔ ཞག་བདུན་ཙམ་རེ་ཡང་ཆོག༔ དེ་ལ་མཚམས་དང་མཆོད་གཏོར་མི་དགོས་པར་ཟས་དེ་བདུད་རྩི་ཨོཾ་ཨཱཿཧཱུྃ་གིས་བྱིན་གྱིས་བརླབས་ནས༔ བདག་བསྐྱེད་མཆོད་པའོ༔ དེ་ལ་ཡང་ཡུན་རིང་ན་སྒྲུབ་གཞུང་གི་རྟགས་རྣམས་འབྱུང་སྟེ༔ རྟགས་རྣམས་བྱུང་ན་བསྙེན་པ་ཐེམ་པར་རྩི་བར་དབང་ཆོག་ནས་གསུངས་སོ༔ འདི་ལ་ཐུན་མཚམས་རྫོགས་རིམ་མཐའ་ནས་དབུས་ཡལ་སྟོང་པ་སོགས་མི་དགོས༔ སྒོམ་མཁན་སེམས་ལ་བལྟ་བས་སྟོང་ཉིད་ལ་ལྟ་བ་དེ་ཟབ༔ ཉམས་ལེན་སྟོང་ཉིད་ཀྱི་རྩི་དང་མ་བྲལ་བར་ལུས་ལྷར་གསལ་བ་ནམ་མཁའ་སྟོང་པ་ལ་འཇའ་ཚོན་ཤར་བ་ལྟར་ཐམས་ཅད་སྒོམ་ཐུབ་ན་བསྐྱེད་རྫོགས་ཟུང་འཇུག་མཆོག་ཡིན་པས༔ ཐུན་གྱི་ངེས་པ་མེད་པར་སྤྱོད་ལམ་ཐམས་ཅད་དུ་ལུས་རྡོ་རྗེ་གཞོན་ནུའི་གོ་ཆ་ཁྲོ་བཅུ་དང་བཅས་པ་གསལ་ལམ་མེར༔ ངག་ཀཱི་ལ་ཡའི་ཆུ་བོའི་རྒྱུན་ལྟར༔ སེམས་སྟོང་པ་ཉིད་ཀྱི་རྩི་དང་མ་བྲལ་བར་བྱུང་ན་ཕུར་པའི་རྣལ་འབྱོར་པ་ཡིན་ནོ༔ དེ་ལ་བཟླ་བྱའི་སྔགས་ནི༔ ཨོཾ་རིགས་ལྔ་ཁྲག་འཐུང་༔ བཛྲ་རྡོ་རྗེ་གཞོན་ནུས་ཡབ་ཡུབ༔ ཀཱི་ཁྲོ་བོ་བཅུ༔ ལི་ཁྲོ་མོ་བཅུ༔ ཀཱི་ཟ་བྱེད་ཕ་བཅུ༔ ལ་གསོད་བྱེད་མ་བཅུ༔ ཡ་སྲས་མཆོག་ཉེར་གཅིག༔ སརྦ་སུམ་སྤྲུལ་ཁྲོ་ཆུང་༔ བིག་ཤོན་བཞི་དང་སྲོག་བདག༔ ནཱ་ན་རེ་ཏི་བཞི་མཆེད་

― CMR017_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་དང་བདག་ཉིད༔ ཐཾ་ས་བདག་བཞི་དང་སྐྱེས་བུ་བཞི༔ ཧཱུྃ་གིས་དངོས་གྲུབ་སྡུད༔ ཕཊ་ཀྱིས་དགྲ་བགེགས་དམ་སྲི་སྒྲོལ་བ་སྟེ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་ཁཾ་ཧཱུྃ་ཕཊ༔ འབྲུ་བཅུ་གསུམ་པ་འདི་རྒྱུན་དུ་བཟླའོ༔ སྒྲུབ་པ་དང་ལས་སྦྱོར་གཉིས་ཀ་ལ་གཞི་སྙིང་གཅིག་ཏུ་དྲིལ་བ་ཁྲོ་རྒྱལ་སྟོབས་འདུས་ཀྱི་དྲག་སྔགས༔ ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ༔ ཨ་ཛི་ཏེ༔ ཨ་པ་རཱ་ཛི་ཏེ༔ མ་ར་སེ་ན༔ པྲ་མརྟ་ན་ཡེ་སརྦ་བིག་ནཱན་བི་ཧཱུྃ་ཕཊ༔ ཅེས་སྔགས་ཤུབ་བུར་བཟླ་གསུངས་པས་སྐད་ཆེ་དྲག་པ་དང་འབྲུ་མི་གསལ་བ་མ་ཡིན་པར་སིལ་བུར་བཟླའོ༔ སྔགས་དེ་གཉིས་དཔེ་་མང་བསྡུར་ནས་དག་པར་ཡོད་དོ༔ འདི་ལ་ཐོག་མར་སེམས་ཅན་ཐམས་ཅད་ཀྱི་དོན་དུ་རྫོགས་པའི་བྱང་ཆུབ་ཐོབ་པའི་ཕྱིར་དུ་འདི་སྒྲུབ་སྙམ་པའི་སེམས་བསྐྱེད་བརྟན་པོར་བྱ༔ དངོས་གཞིའི་ཚེ་བསྐྱེད་རྫོགས་ཟུང་འཇུག༔ རྗེས་བསྔོ་བ་སྨོན་ལམ་གོ་མ་ལོག་པར་བྱས་ན་བྱང་ཆུབ་ཐོབ་པའི་རྒྱུར་འགྱུར་ཞིང་༔ ནུས་མཐུ་ལ་བསམ་གྱིས་མི་ཁྱབ་ཀྱང་ཞོར་ལ་འབྱུང་བ་ཤེས་པར་བྱ་སྟེ༔ ཨོ་རྒྱན་རིན་པོ་ཆེའི་རྡོ་རྗེའི་གསུངས་ལས༔ ཡིད་གཉིས་ཐེ་ཚོམ་མེད་པར་མོས་བྱེད་ཅིང་༔ སྒྲུབ་པ་སྣ་གཅིག་ཙམ་ཞིག་བྱས་པས་ཀྱང་༔ ཡིད་ལ་ཅི་འདོད་འགྲུབ་པར་མ་གྱུར་ན༔ ཨོ་རྒྱན་ང་ཡིས་ཕྱི་རབས་འགྲོ་བ་བསླུ༔ ཞེས་དང་༔ ཕུར་པ་མཁན་པོ་བཀྲ་ཤིས༔ ཕུར་པ་མཁན་པོ་དཔལ་ཆེ༔ ཕུར་པ་མཁན་པོ་ཚེ་རིང་༔ ཕུར་པ་

― CMR017_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

མཁན་པོ་ནོར་ཕྱུག༔ ཕུར་པ་མཁན་པོ་འཁོར་རྒྱས༔ ཕུར་པ་མཁན་པོ་སྲིད་འཕེལ༔ ཕུར་པ་མཁན་པོ་མཐུ་ཆེ༔ ཕུར་པ་མཁན་པོ་མཐའ་བཙན༔ ཕུར་པ་མཁན་པོ་ཡོན་ཏན་བརྒྱད་དང་ལྡན༔ ཞེས་གསུངས་སོ༔ གཞུང་ལས༔ ཐེག་ཆེན་བླ་མེད་སྒྲུབ་པའི་བར་ཆད་ཐམས་ཅད་དཔལ་རྡོ་རྗེ་གཞོན་ནུའི་བསྲུང་བར་འགྱུར་ཏེ༔ ཡི་དམ་གཞན་སྒྲུབ་ཀྱང་རྡོ་རྗེ་གཞོན་ནུས་བསྲུང་བའི་ཚུལ་དུ་སྒྲུབས༔ བྱང་ཆུབ་ནར་མའི་སྒྲུབ་པ་ཞེས་གསུངས་པའི་རྒྱུན་བསྙེན་བྱ་ཚུལ་སྤྲོས་མེད་ལུགས་འདི་ཡིན་ནོ༔ ཞེས་པ་འདི་ནི་མཆོད་གནས་ཀློག་པའི་རྒྱལ་པོ་རིས་ལུས་ལྷ་འདི་ལ་དད་འདུན་ཆེ་བར་འདུག་པས་བསྐུལ་བ་ལ་བརྟེན་ནས༔ ལག་པ་ན་བའི་སྐབས་སུ་ཡོད་ཀྱང་ཕྱི་རབས་ལ་ཕན་པའི་བསམས་པས་རྒྱས་པར་བཀོད་པ་ལ་འཁྲུལ་པའི་ཆ་དང་སྦ་འོས་གསལ་བཀོད་ཀྱི་ཉེས་པ་ཕུར་སྲུང་རྣམས་ལ་བཤགས་ཤིང་༔ ཕྱོགས་འདིར་ཕུར་པའི་བསྟན་པ་ཉེར་དགུའི་སྨག་ལྟར་གྱུར་པ་ལ༔ ཞུན་མར་ཆུང་ངུ་བསྟན་པ་ཙམ་དུ་གྱུར་ནས༔ ཨོ་རྒྱན་རིན་པོ་ཆེའི་དགོངས་པ་རྫོགས་ཤིང་འདི་ཉིད་ཉམས་སུ་བླངས་ན་མཆོག་ཐུན་མོང་གི་དངོས་གྲུབ་མྱུར་དུ་ཐོབ་པར་གྱུར་ཅིག༔ ཅེས་སྔགས་འཆང་ཕུར་པའི་རྣལ་འབྱོར་པ༔ རཱ་ག་ཨ་སྱས་བྲིས་ཏེ༔ བདུད་འདུལ་རྡོ་རྗེས་ལུང་བྱང་ལས་ཀྱང་ཁོ་བོ་ཕུར་པའི་ཆོས་བདག་ཏུ་ལུང་གིས་ཟིན་ཅིང་ཕུར་པ་བྱས་ན་ལེགས་གསུངས་པའི་རྟེན་འབྲེལ་དུ་ཡང་གྱུར་ཅིག༔ སརྦ་མངྒ་ལཾ།། །།

རྡོ་རྗེ་ཕུར་པའི་གསང་སྒྲུབ་སྤྲོས་མེད་ཀྱི་ཞལ་གདམས་ངག་ཁྲིད་ཁྱེར་བདེ།

― CMR017_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་གསང་སྒྲུབ་སྤྲོས་མེད་ཀྱི་ཞལ་གདམས་ངག་ཁྲིད་ཁྱེར་བདེ་བཞུགས་སོ། །

― CMR017_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤྲཱི་བཛྲ་ཀུ་མཱ་རཱ་ཡེ། ཕུར་པའི་གསང་སྒྲུབ་སྤྲོས་མེད་ཁྱེར་བདེ་བ་ནི། ཕུགས་གཏོར་དང་མཆོད་གཏོར་གང་འཛོམ་སྤྱི་ལྟར་གཏོར་ཁང་ངམ་གཏོར་སྒམ་སོགས་ལོགས་སུ་བཅའ། དཀྱིལ་འཁོར་ནི་སྟེགས་བུའམ་གཞི་གཙང་མའི་སྟེང་དུ། ནས་ཀྱི་ཚོམ་བུ་དབུས་སུ་ཆེ་བ་གཅིག །དེ་རྒྱབ་དེ་བས་ཆུང་བ་བཞི། དེ་རྒྱབ་དེ་བས་ཆུང་བ་བཅུ། དེ་རྒྱབ་ཕྱོགས་བཞིར་བཞི་བཀོད། དེའི་དབུས་སུ་བུམ་པར་བུམ་རྫས་བཏབ་པའི་ཆུ་གཙང་གིས་སུམ་གཉིས་བཀང་བ་ཁ་རྒྱན་དང་གཟུངས་ཐག་རྡོ་རྗེ་དང་བཅས་པ་བཤམས། དེའི་སྟེང་དུ་མཉྫིའམ་ཁྲིའུ་སྟེང་དུ་ཕུར་པ་ཁྲོ་ཞལ་གསུམ་པ་

― CMR017_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ཡོད་ན་རབ། མེད་ན་ལྕགས་སམ་སེང་ལྡེང་ངམ་ཐ་ན་ཚེར་ནག་སོགས་དྲག་པོའི་ཤིང་གང་རུང་ལ་ཁྲོ་ཞལ་མེད་པའི་ཕུར་པ་སོར་བཞི་པས་ཆོག་སྟེ། དེ་ལ་གྲི་ཁྲག་རབ། མེད་ན་ཡང་ཁྲག་གང་རུང་དང་བཙན་དུག་བྱུག །གུ་གུལ་བདུག་ལ་སུམ་བྷ་ནིས་སྔགས་ཀྱིས་བགེགས་བསྐྲད། ཡུངས་ཀར་གྱིས་བྲབ། ཕུར་པའི་སྔགས་ཀྱིས་རབ་གནས་བྱས་ལ་དར་རམ་རས་སྐུད་ནག་པོས་སྐེད་པ་ལ་བརྒྱན་པ་བཞག །སྒྲུབ་རྟེན་དངོས་ཡིན། གལ་ཏེ་བུམ་པ་མེད་ན་ཡང་ཕུར་པ་དེས་ཆོག །དེའི་མདུན་དུ་ཟངས་ལྕགས་སམ་ཐོད་པའམ་མེད་ན་ཤིང་སྡེར་དུ་གཏོར་མ་རིན་ཆེན་

― CMR017_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་བ་དབང་གཏོར་འདྲ་བ་དང་། གཡས་སུ་བྷན་བདུད་རྩིས་རིལ་བུ་བཏབ་པ་དང་། གཡོན་དུ་རཀྟ་ལ་རུ་རྩི་བཏབ་པ་བཤམ། དེ་རྒྱབ་ཏིང་ངམ་ཐེབ་ཙེ་ཐོད་ཏིང་གང་རྙེད་ནང་དུ། ཤར་དུ་ཡོན་ཆབ་ཁྲག་ཆུ། ཤར་ལྷོར་ཞབས་བསིལ་ཆུ་ལ་ལྡུམ་བུ་དུན་ཏིང་བཏབ། ལྷོར་མེ་ཏོག་མེད་ན་ནས། ལྷོ་ནུབ་ཏུ་བདུག་སྤོས་མེད་ན་ཚིལ་དུམ། ནུབ་ཏུ་མར་མེ་མེད་ན་རྐང་ཚིལ་བཏབ་པ། ནུབ་བྱང་དུ་དྲི་ཆབ་སྟེ་སྤོས་ཆུའི་ཞག་གམ་ཇ་ཕུད་རུང་། བྱང་དུ་ལྷ་བཤོས་ཟུར་གསུམ། བྱང་ཤར་དུ་ཐོད་པའི་ཌ་མ་རུའམ་རྐང་དུང་ཏིང་ཤག་གང་རྙེད་གཅིག་བཤམས། དེ་རྣམས་སྒྲུབ་པའི་རྫས་ཡིན་པས་སྐབས་རེ་ཁ་གསོ་བ་མ་གཏོགས་མི་བརྗེ། གཏོར་མ་རིན་ཆེན་འབར་བ་ཡང་སྒྲུབ་རྟེན་དང་པོ་བྲན་ནས་གསོ་མི་དགོས་སོ། །འབྲོག་ཡུལ་དུ་ཡང་ཁྱི་དང་བྱི་བས་མི་གནོད་ཕྱིར་ཕྱིང་བ་འདྲའི་གཏོར་ཁང་བྱས་ལ་བཞག །ཕྱེ་མི་དགོས་དེ་རང་གི་མདུན་དུ་བྱང་དང་ངོས་དེ་ཤར་དུ་རྩི། རང་གི་གཡས་ངོས་ནས། གཏོར་སྒམ་མམ་གཏོར་ཁང་བཟོས་པ་ནས་བླ་མ་ཡི་དམ་མཁའ་འགྲོ་ཆོས་སྐྱོང་ནོར་ལྷ་ཕྱི་རྒྱུད་པ་དང་བཅས་པའི་ཕུགས་གཏོར་དང་ནང་མཆོད་བདུད་རྩི་བཤམས། དེའི་མདུན་དུ་ཉིན་རེ་བཞིན་བརྗེ་

― CMR017_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུའི་མཆོད་པ་རྣམ་ལྔ་ཇ་ཕུད་སོགས་དང་། རྒྱུན་དུ་གསོ་རྒྱུའི་མཐེབ་སྐྱུ་མང་པོ་ཐུན་གཏོར། ལྡང་ལྷ་སོགས་ལ་ཟུར་གསུམ་གཏོར་ཆུང་མང་པོ་ལྷ་བཤོས་དང་ཚོགས་ཆུང་། སྔོན་འགྲོ་ལྕོག་རྡོག་མང་པོ་བཅས་ཏེ་གཞོང་པ་སོགས་ནང་དུ་བཀབ་ལ་བཞག་སྟེ་མཆོད་གཡོག་མེད་ན་རང་གི་ལག་པ་བཀྲུ་མི་རུང་བས། མཚམས་མ་གྲོལ་བར་འཁྱོལ་བ་བཅའ་ནས་བཞག་དགོས། དེ་ནས་གནས་ཁང་ཕྱགས་བརྡར་བྱ། གདན་ལེགས་པར་བཏིང་ནས་། དེ་རྗེས་ཕྱགས་མ་མི་རྒྱོབ། གདན་མི་བསྒུལ། གཟུངས་ཆུའམ་ཆུ་གཙང་གིས་ཁྲུས་བྱ། །གནས་དང་གོས་རྣམས་སྤོས་རུམ་བྱ། དེ་ནས་ཆབ་དང་ཁྲུས་མི་རུང་། ཤ་ཚང་བྱུང་ན་ཚོགས་བྱེད་ནས་བཟའ། ཚོགས་མ་བྱས་པའི་ཤ་ཆང་མི་ཟ། མེ་དང་ཉི་མ་མི་འདེ། གཞན་ཟས་ལ་བཅད་ཁྲིག་མི་དགོས་ནམ་འདོད་རུང་ཆབ་བསིལ་དུས་གོས་དང་ཕྲེང་བ་མལ་དུ་བཞག་ལ་གདན་དྲོད་མ་ཡལ་བར་བྱ། ཡོལ་བ་སོགས་བྱས་ལ་མཚམས་གཡོག་སོགས་ལ་ངོ་མི་གཏུག ། མཚམས་མ་གྲོལ་བར་ངག་མི་བཏང་། མཚམས་གཡོག་པས་ཡི་གེ་མི་ཤེས་ན་ངག་གཏམ་ཞེས་ཁ་བཙུམ་ནས་རླངས་པ་མ་ཤོར་བར་ཚིག་སྨྲས་པ་འདྲེས་ནས་གོ་བ་སྟེ། མ་གོ་ཨུ་ཐུག་ན་

― CMR017_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱེད་ངག་ཟེར་བ་སོ་བསྒྲིགས་ནས་སྨྲས་པ་གོ་ཞིང་ངག་ཕྱེད་མ་བཏང་བར་བརྩི། ལྕེའི་ཤ་ནམ་ཡང་མི་ཟ། ཁ་ལ་མཚོན་གྱི་རྩེ་མི་ཚད། མཆིལ་མ་རྡོག་ལམ་དུ་མི་འཕོ། དམ་ཉམས་མཛེ་ཕོ་ཡུགས་ས་སྡིག་ཅན་གྱི་ཟས་ནོར་འཛེམ། ཟས་ཟ་དགོས་བྱུང་ན། ནང་མཆོད་ཀྱིས་བྲན། བདུད་རྩི་བྱིན་རླབས་ལས་བྱང་ལྟར་བྱས་ལ་ཟ། དུས་ནི་དང་པོ་ཡར་ངོ་སྐུར་སྐྱོན་མེད་པའམ། གཟའ་ཕུར་བུ་དར་བ་འགྲིགས་ན་བཟང་བས་ཐོན་ན་བསངས་བྱས་མ་ཐོན་ཀྱང་རུང་། སྒོ་ཡི་རྩ་ན་ཐོ་དཀར་པོ་གཅིག་བརྩེགས། དེ་ལ་དཀར་གཏོར་འབུལ་ཞིང་གནས་བདག་དེ་ལ་ཡང་ཁ་བསྔོས་བྱས་ལ། ང་ཡི་སྒྲུབ་པ་འདི་མ་ཐོན་བར་དུ་ཕྱི་ཡི་བར་ཆད་ནང་དུ་མ་གཏོང་ཞིག །ནང་གི་དངོས་གྲུབ་ཕྱི་ལ་མ་གཏོང་ཞིག་བརྗོད། དེ་ནས་སྔོན་འགྲོ་དཀར་གཏོར་དང་། བགེགས་གཏོར་གཉིས་ཆེ་ལེ་རེ་རེ་བཏང་། སུམ་བྷ་ནིའི་སྔགས་བརྗོད་ཅིང་སྒྲུབ་ཁང་ཡུངས་ཀར་རྡོ་ཐུན་ནམ་ནས་གཏོར། ཡོད་ན་གུ་གུལ་བདུག །དེ་དུས་མཚམས་གཡོག་ཡོད་ན་དེར་འདུག །ངོ་མི་གཏུག་ཁ་མེད་ན་དེ་དུས་ནས་བཞག །མ་ཕྱིན་པ་རྗེས་ནས་མི་གཏུག་ཁ་མེད་ན་མི་དེའི་མིང་བྲིས་པའི་རྡེལ་བུ་བཏུམ་མམ། རྡོ་ལ་བྲིས་པ་མདུན་དུ་

― CMR017_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་ནས་དེ་ཡིན་པར་བསྒོམ་པ་མཚམས་རྡེལ་བཞག་ཟེར་བ་དེ་ཡིན། གང་ཡང་སྣ་གཅིག་མེད་པར་བཞག་ཐབས་ནི་མེད། ཡུན་རིང་འདུག་པའི་དམ་བཅའ་ནི་མི་བྱ། །དེ་ནས་ཡུན་ཇེ་བསྲིངས་བྱས་པས་བར་ཆད་མི་འོང་། ལངས་དགོས་བྱུང་ཡང་བར་ཆད་དུ་མི་འགྱུར། དམ་བཅའ་རིང་ན་བར་ཆད་འོང་། དམ་བཅའ་མ་རྫོགས་པར་ལངས་ན་བར་ཆད་ཆེའོ། །ཉིན་དང་པོར་དཀར་གཏོར་གསེར་སྐྱེམས་བཀའ་བསྒོ་བཏང་ནས་རྒྱུན་དུ་མི་དགོས་སོ། །རང་དོན་ཤས་ཆེ་ན་ཉིན་རེ་བཞིན་བཏང་ན་ལེགས། ཐུན་ལ། རབ་ཀྱིས་ཞོགས་པ། ཉིན་ཕྱེད། དགོང་ཀ །མུན་རུབ། ཉལ་ཁ། ཐོ་རངས་དང་ཐུན་དྲུག །འབྲིང་ཞོགས་པ། ཉིང་གུང་། དགོང་ཀ །མཚན་མོ་དང་ཐུན་བཞི། ཡང་ན་སྔ་དྲོ། དགོང་ཀ །མཚན་དང་ཐུན་གསུམ། ཤིན་ཏུ་བསྡུ་ན་སྔ་དྲོ་ནས་ཉིན་ཐུན་གཅིག །མཚན་ཐུན་གཅིག་སྟེ་ཐུན་གཉིས་བས་ཉུང་ཐབས་མེད། ཐུན་ཟེར་བ་ཅི་ཡིན་ན། ལས་བྱང་ཆོ་ག་ཚར་རེ་འདོན་པ་ཡིན་ལ། མང་ཆེད་ཅི་ཡིན་ན། བསྐྱེད་རིམ་མི་གསལ་ན་གསལ་འདེབས་ཤིག་དགོས་ཕྱིར་ཐུན་མང་དགོས། བསྐྱེད་རིམ་བརྟན་ན་ཐུན་ཇེ་ཉུང་ཆོག །དེ་ཡང་རང་ཤེས་

― CMR017_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཆུང་ན་ལས་བྱུང་ཡོད་ཚུགས་འདོན་ཏེ་བདག་དཀྱིལ་འཁོར་ཚང་མ་བསྐྱེད་པ་དང་། བུམ་པ་གཏོར་མ་རིན་ཆེན་འབར་བ་ནས་ཚོམ་དཀྱིལ་འཁོར་གྱི་རྣམ་པ་དང་གསུམ་ཀ་དབྱེར་མེད་དུ་། མདུན་བསྐྱེད་སྒོམ་པ་དུས་གཅིག་མངོན་རྟོགས་གཅིག་གིས་བྱ། བསྟོད་པ་གཙོ་བོ་མན་ཆད་ནས་སྲས་མཆོག་ཡན་འདོན། དེ་ནས་འཛབ་བསྐུལ་བཏོན་ནས་བསྙེན་པ་བྱ་སྟེ། གསང་སྒྲུབ་ནང་གི་ལུས་ལྷ་ཁྲོ་བཅུ་དང་སྔགས་འཁོར་རྣམས་གསང་སྒྲུབ་ལ་ལྟ་ཞིང་བསྒོམས་ནས་ཐུན་བྱ་ཞིང་བསྙེན་པ་སྟོང་ཕྲག་ལས་མི་ཉུང་བ་ཅི་ཐོན་འདོན། དེ་ནས་ཐུན་མཚམས་སུ་དམར་གཏོར་ཆུང་ངུ་ཞིག་བྲན། དགྲ་བགེགས་སྒྲུབ་པའི་བར་ཆད་རྣམས་བཀུག་གཞུག་གང་འོས་ཤིག་བྱས་ལ། ཤ་ཁྲག་བདུད་རྩིར་བསྒོམས་ནས། བསྟོད་པའི་མཇུག་གི་ཕུར་སྲུང་བསྟོད་བསྐུལ་རྣམས་ཚར་གཅིག་འདོན། དེ་ནས་ཐུན་ཐམས་ཅད་ལ་བྱ། ལྡང་ལྷ་ལ་ཡང་གཏོར་ཆུང་ཉིན་རེ་ལན་རེ་ཕུལ། གཏོར་མ་དེ་རྣམས་ཕྱིར་མི་ཕུལ་བས་ཡར་དཀྱིལ་འཁོར་དྲུང་དུ་ཕུལ་ལ་བཞག་གམ་བསྒྲིགས་ནས་བཞག །དེ་ལྟར་དུས་ཀྱི་བསྙེན་པ་ཞག་བདུན་ལས་ཉུང་ཐབས་མེད། གྲངས་ཀྱི་བསྙེན་པ་འབྲུ་བཅུ་གསུམ་པ་དེ་ཁྲི་ཚོ་སུམ་ཅུ་བས་ཉུང་ཐབས་མེད། རྟགས་

― CMR017_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོན་ན་དེ་བས་ཉུང་ཡང་རུང་སྟེ་རྟགས་གསང་སྒྲུབ་གཞུང་དུ་གསལ། དེ་ནས་བསྙེན་པ་ཞག་བདུན་ཡིན་ན་ལས་སྦྱོར་ཞག་གཉིས་ཏེ་ཞག་དགུ་བྱ། གྲངས་ཁྲི་ཚོ་གསུམ་ལས་ཉུང་ཐབས་མེད། དེ་ཡང་རྟགས་བྱུང་ནས་ཉུང་ཡང་རུང་གསུངས་སོ། །དེ་ཡན་སྤྱིར་བསྙེན་པ་ཇི་ལྟར་བྱས་པའི་བཅུ་ཆ་གཅིག་ལས་སྦྱོར་སྔགས་འདོན་པ་ཡིན། དུས་རིང་ཐུང་གྲངས་མང་ཉུང་སོགས་དེ་ཡན་ཅི་མང་དང་ཅི་རིགས་བཟང་ན་གང་འདོད་ཆོག །རང་ཤེས་རབ་ཆེ་ན་ལས་བྱང་ཏིང་འཛིན་རྣམ་གསུམ་ཚར་ནས་བདག་བསྐྱེད་ནི། པྲ་ཁྲིད་ནང་གི་གཞལ་ཡས་ཁང་བསྐྱེད་འདོན། དེ་ནས་གསང་སྒྲུབ་མངོན་རྟོགས་དང་། པྲ་ཁྲིད་གབ་སྤྱད་ལ་ལྷ་བདག་བསྐྱེད་བྱ། ལས་བྱང་གི་གཞལ་ཡང་ཁང་བསྐྱེད་ནས་ལྷ་བསྐྱེད་ཡན་དེ་མདུན་བསྐྱེད་བྱ། སྤྱན་འདྲེན་མཆོད་བསྟོད་གཅིག་གིས་དུས་གཅིག་གོ་ཆོད་བྱ་རྒྱུ་ཡིན་ཀྱང་དེ་འགྲིགས་དཀའ་བས་གོང་གི་དེས་ཆོག །ཅི་ལྟར་བསྒྲིགས་ཚོད་མི་ཟིན་བར་བསྒྲིགས་ན་བཅོས་སླད་བྱས་པར་འགྲོ་བས་བྱིན་རླབས་ཆུང་། རྟགས་མི་གསལ་ལོ། །སྔགས་འཁོར་ལུགས་དང་བསྒོམ་བྱ་གསང་སྒྲུབ་དང་ནང་སྒྲུབ་ཁ་མི་གསལ་བ་རྣམས་རྩ་བའི་སྒྲུབ་པ་ནས་ཚུར་ཁ་སབ་ནས་སྒོམ་

― CMR017_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོག །ཚིག་མི་བསྲེ་ལས་བྱང་དང་གསང་སྒྲུབ་བསྲེ་བ་དེ་དང་འདྲ། པྲ་ཁྲིད་བསྲེ་བ་ཡང་གསང་སྒྲུབ་བྱེད་ཚེ་མ་ཡིན་གྱི། རྒྱུན་དུ་ལས་བྱང་ལ་བཅོས་སླད་མི་རུང་། དེ་ཡང་ཚོགས་དང་ཆད་ཐོ་ནི་དང་པོའི་ནུབ་དང་གྲོལ་ཁ་དང་། ཚེས་བཅུ་དགུ་གཏོར་དུས་བྱ། རྒྱུན་དུ་མི་དགོས་ཚོགས་ནི་ཤ་ཆང་བླངས་དུས་མ་ཡིན་པར་ཡང་རུང་། དེ་ནས་གྲོལ་ཁ་དཀྱིལ་འཁོར་གྱི་གཏོར་ཁང་བཤུས་ནས་ཕུར་པའི་དཀྱིལ་འཁོར་དངོས་སུ་མོས་གུས་དད་པ་དྲག་པོ་བྱས་ལ། ལས་བྱང་ནང་གི་དངོས་གྲུབ་ལེན་ཆོག་དེ་ཚར་གསུམ་གྱེར་མོ་བྱས། ཕུར་པ་བུམ་པ་གཏོར་མ་གསུམ་ཁ་མཉམ་དུ་བཟུང་ལ་གནས་གསུམ་ལྟེ་བ་དང་བཞིར་གཏུགས་ལ། ཀཱ་ཡ་སིདྡྷི་སོགས་སྔགས་ལན་བདུན་རེ་བརྗོད། བྱིན་རླབས་དངོས་གྲུབ་ཐོབ་པའི་ངེས་ཤེས་བྱས་ལ་ཕུར་པ་དེ་ནམ་ཡང་མི་འབྲལ་བར་མགུལ་དུ་འཆང་། བུམ་པ་ཡོད་ན་བུམ་ཆུ་འཐུང་ཁྲུས་བྱ། གཏོར་མ་ཅུང་ཟད་དངོས་གྲུབ་ཏུ་བཟའ་འོ། །བུམ་ཆུ་གཏོར་མ་སོགས་ཕྱི་མི་ལ་མི་སྦྱིན། མདུན་བསྐྱེད་ཀྱི་ལྷ་ཐམས་ཅད་ཕུར་པ་དེ་ལ་ཐིམ་པར་བསྒོམ་པ་ཡིན། བདག་བསྐྱེད་ཡེ་ཤེས་པ་ནམ་ཡང་མི་གཤེགས་རང་ལ་བསྟིམས། རང་སྟོང་ཉིད་དུ་གནས་པ་ཕྱག་རྒྱ་སྒོ་བཅད་སྒྲུབ་པ་བླ་

― CMR017_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་རྙིང་མའི་ཁྱད་ཆོས་སོ། །རྗེས་ཐམས་ཅད་ལས་བྱང་ལྟར་ཡིན་ལ། དེ་མ་གོ་བ་རྣམས་རང་ལས་བྱང་གི་ནང་དུ་གོ་བ་གང་བྱུང་ཚད་ཐམས་ཅད་པྲ་ཁྲིད་ལ་ལྟོས་དང་གོ་བ་ལོངས། ཚིག་བསྲེ་རྒྱུ་ནི་མིན་ཡང་གོང་དུ་ཐུན་དྲུག་གམ་བཞི་སོགས་འདོན་ཡང་ལས་བྱུང་མང་བས་བསྙེན་པ་མི་འགྲོ་བ་དང་མ་ཐུབ་ན་ཁོ་བོས་བསྒྲིགས་པའི་གསང་སྒྲུབ་རྒྱུན་ཁྱེར་དེ་བཏོན་པས་ཆོག་ལ། ལས་བྱང་ཉིན་ཚར་མཚན་ཚར་རེ་ནི་གཞུང་བསྲང་བ་ཡིན་པས་གལ་ཆེ། ཐུན་མཚམས་གཏོར་ཆུང་སྤྱི་འབུལ་ཡང་ཁོ་བོས་བྱས་པའི་རྒྱུན་ཁྱེར་མཇུག་གི་དེ་ཡོད་ན་འཐུས་པར་ཡོད། དེ་ཡན་ནི་གསང་སྒྲུབ་ངག་ཁྲིད་བསྡུས་པ་ཐལ་ལོ།། ༈་དེ་ནས་རྒྱུན་གྱི་ཉམས་ལེན་ནི། ཕུགས་གཏོར་ཁྱིམ་དུ་རྒྱུན་དུ་བཞག་ལ་གསོ་བྲན་བྱས། ཕྱོགས་སུ་འགྲོ་ཚེ་ཁྱིམ་པ་ལ་དུས་མ་ཡོལ་བར་གསོ་བྲན་བཅུག །དེ་བྱེད་མི་མེད་ན་ཞག་དུ་ཐོག་གི་གྲངས་གསོ་བྲན་བྱེད་པ་ཕོག་རྒྱགས་ཡིན། འབྲོག་པ་ལ་སྦྲ་ཡི་ཟུར་ཕུག་ཏུ་ཕྱིང་པ་ཉག་ལྟེབ་འདྲ་བ་བཏགས་ནས་དེར་ཉིན་རེ་བཞིན་མར་ཕུད་པུ་ལུ་བྲན་ནས་འདོན་ཆོག །གནས་ངེས་མེད་ཡིན་པས་ཐེབ་ཙེའམ་ཐོད་ཏིང་དུ་རྩམ་པ་མེ་ཤེལ་བྱས་སམ། མར་རམ། ཤའམ། ཐུད་

― CMR017_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

དུམ་མམ། ཐེབ་ཀྱིས་བྲན་ནས་ལས་བྱང་འདོན་ཆོག །ཡེ་ཤེས་པ་ལ་གཏོར་མ་མེད་ཀྱང་ཡིད་ཀྱིས་སྤྲུལ་པ་དང་འཇིག་རྟེན་ཁམས་ཀྱི་ལོངས་སྤྱོད་བློས་བླངས་ཏེ་ཕུལ་ཆོག་ཀྱང་། ཕུར་སྲུང་རྣམས་འཇིག་རྟེན་པའི་གདུག་པ་ཅན་ཤས་ཆེ་བས་གཏོར་མ་དམིགས་རྟེན་ཙམ་མེད་མི་རུང་། ཡེ་ཤེས་པ་རྣམས་ལ་ཚོགས་དང་གཏོར་མ། ཇི་ལྟར་ཆེ་ཞིང་བཟང་བས་བསོད་ནམས་ཆེ་༔ ལོངས་སྤྱོད་ཆེ་བ་ཡིན། མེད་ན་ཅུང་ཟད་ཙམ་ཡང་བསམ་པ་རྣམ་པར་དག་ན། རྒན་མོས་ཨ་ཁྲོད་ཕྱི་རྟིང་ནང་དུ་མར་མེ་ཕུལ་བའི་བསོད་ནམས་རྒྱལ་པོའི་མར་ཁུ་མཚོ་ལྟར་འཁྱིལ་ཡང་མ་དོ་བའི་ལོ་རྒྱུས་ལྟར་ཡིན། དེས་ན་ཤ་མར་ཐུད་ཇ་སོགས་ཉ་ར་རྒྱུ་མང་པོ་དང་ཆེན་པོ་བྱུང་ན་ཚོགས་ལ་བསྔོས་བསོད་ནམས་ཚོགས་རྫོགས་ལོངས་སྤྱོད་རྒྱས་པའི་རྟེན་འབྲེལ་ཟབ་བོ། །ཕུར་པའི་བསྐྱེད་པ་མ་ཧཱ་ཡོ་ག་ལྟར་ཡིན་པས། རབ་ཉིན་ནུབ་གཉིས་ཐ་མ་ཡང་ཞག་རེ་ལ་ལས་བྱང་བསྟོད་པ་ཡིན། བཀའ་སྲུང་བསྟོད་པ་ཡི་ཤུལ་ཚར་རེ་མ་ཆག་པ་གལ་ཆེ། གསང་སྒྲུབ་རྒྱུན་ཁྱེར་འདོད་ན། བདག་གིས་བསྒྲིགས་པའི་གསང་སྒྲུབ་རྒྱུན་ཁྱེར་ནི། རྒྱུན་དུ་འདོན་ཞིང་བདག་བསྐྱེད་ཁོ་ན་ལ་བསྙེན་ནས་འགྲོ་འདུག་སྤྱོད་ལམ་ཀུན་ཏུ་བསྙེན་པ་བྱས་ན་

― CMR017_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་ཏུ་ཟབ་པར་ཡོད་དོ། །གཏོར་ཟློག་གི་ཞལ་གདམས་ཁོ་བོས་བསྒྲིགས་གྲུབ་པས་བལྟས་ཆོག་ཡིན། དེ་ལས་ཞལ་གདམས་གཞན་དགོས་པ་མེད་དོ། ༈ །གཞན་ལ་རྐྱེན་སེལ་བྱེད་ན་ཕུར་པའི་མཚམས་གཅོད་འདོན་ཞིང་ནས་ལྕག་གམ་ཕྲེང་བ་བརྡེག །སྤུ་གྲིའི་སྔགས་བརྗོད། དེ་ནས་ཚོགས་ནང་གི་གཏོར་བསྔོས་བླ་མ་བརྒྱུད་པ་དེ་སོགས་བགྲངས་ནས་སྲུང་སྐྱོབ་གང་ཤེས་བརྗོད་དོ། །ཁྱིམ་དུ་ཐུན་གཏོར་བ་དང་ནད་པའི་བགེགས་བསྐྲད་ལ་ཡང་ཕུར་པའི་མཚམས་གཅོད་དེ་བྱའོ། །མི་ཤི་བའི་མགོ་བརྡུང་ལ་ཕུར་ཟློག་བཅའ་ན་ཧོམ་ཁུང་དུ་ཟ་འདྲེའི་ལིང་ག་བཅུག་པས་ཟབ། གཞན་ལྕགས་འདུལ་སོགས་ནི་ཤེས་མི་དགོས་སོ། །བྱིས་པའི་ཆུང་བརྡུང་ལ་ཡང་དེ་དང་འདྲ། གོད་གཅོད་ལ་ཡང་གོད་འདྲེ་བཀུག་གཞུག་དུས་བརྗོད་ཅིང་དམིགས་པས་གཟིར། སྨོན་པ་འདུལ་བ་སྨྱོ་འདྲེ་གཟིར་ཆུང་བརྡུང་ལ་བུ་ཤི་བའི་ཕ་མ་ལ་སྲོག་རླུང་ཅན་དང་། སྨོན་པ་སོགས་ཁོ་རང་ལ་གཏོར་ཟློག་སྟེང་དུ་བརྫོག་པ་གཏོར་ཁ་བཏོན་པ་གཏོར་ཟློག་ནང་དུ་གསལ་ལྟར་བྱ། ལོ་དུས་སྐུ་རིམ་བདེ་རིམ་ལ་གཏོར་སྐྱོང་ལུགས་སུ་རང་གར་ཕུལ་ན་ལེགས། ལར་ཁྱེད་སྔགས་པ་བྱེད་པ་ལ་དབང་ལུང་ཐོབ་ནས།

― CMR017_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་རྒྱ་ལུང་རྒྱ་གལ་ཆུང་། ནུས་པ་ཐོན་པ་གལ་ཆེ། ནུས་པ་འོང་བ་ལ་ཕྲེང་བ་འགའ་ཟུང་འཇམ་པོར་ཐོན་དགོས། བཀྲ་ཤིས་སྒབ་གྲོ་འདོད་ན་དམ་ཚིག་བསྲུང་དགོས། གདུལ་བྱ་ལོངས་སྤྱོད་ཆེ་འདོད་ན་ཚོགས་གཏོར་ལ་བརྩོན་དགོས། ཕྲིན་ལས་གང་བརྩམ་འགྲུབ་འདོད་ན་ཡི་དམ་གསལ་བར་བསྒོམས་ལ་ང་རྒྱལ་བརྟན་དགོས། བྱིན་རླབས་མྱུར་འདོད་ན་བླ་མ་དང་ཡི་དམ་དབྱེར་མེད་མོས་པ་དང་དད་གུས་བསྐྱེད་དགོས། མཐུ་རྩལ་ནུས་པ་ཤུགས་ལ་འོང་འདོད་ན་ཕུར་སྲུང་ལ་གཏོར་མ་དང་མཆོད་བསྟོད་ལ་བརྩོན་དགོས། རྟགས་མཚན་གསལ་འདོད་ན་ངག་འཁོར་ཡུག་ཏུ་བཅད་ལ་མཚམས་དམ་དགོས། མཆོག་གི་དངོས་གྲུབ་ཐོབ་འདོད་ན་བསྐྱེད་རྫོགས་ཟུང་འཇུག་གི་ལྟ་བ་རྒྱུན་དུ་རྐྱང་དགོས། དེ་ལ་ལྟ་བ་གང་ཞེ་ན། རང་ཟོགི་སེམས་ཉིད་རྡོ་རྗེ་གཞོན་ནུར་རྟོགས་དགོས། དེ་ཇི་ལྟར་ཞེ་ན། སེམས་གཞོམ་ཞིག་བྲལ་བ་རྡོ་རྗེ། བསྒྲེས་རྒུད་མེད་པ་གཞོན་ནུ་ཞེས་གསུངས་པའི་དོན་རྟོགས་དགོས། འོ་ན་ཀུན་བཟང་རྡོ་རྗེ་སེམས་དཔའ་ཕྱག་རྡོར་རྡོ་རྗེ་གཞོན་ནུ་རྣམས་གཅིག་པར་གསུངས་ན། ང་ནི་ཐ་མལ་སྙམ་པའོ་མ་གཏོགས་པ་ནི། དོན་ལ་སྣང་སྲིད་འཁོར་འདས་ཀྱིས་བསྡུས་པའི་ཆོས་དང་

― CMR017_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་མིན་སྲིད་ཚད་རྡོ་རྗེ་གཞོན་ནུའི་སྐུ་གསུང་ཐུགས་ཀྱི་རོལ་པ་ལས་གཞན་མ་ཡིན་བར་གོ་དགོས། འོ་ན་སེམས་ཅན་ཐམས་ཅད་འཁོར་བའི་སྡུག་བསྔལ་ཅི་ལ་བྱུང་སྙམ་ན་དེ་ལྟར་མ་གོ་མ་རྟོགས་པས་འཁོར་བར་འཁྱམས་ཏེ། དབུལ་པོའི་སྒྱེད་པུ་གསེར་ཡིན་པས། མ་ཤེས་ནས་ལྟོགས་ཀྱང་མུག་པ་ལྟར་རོ། །དང་པོ་གོ །དེ་ནས་རྟོགས་ན་དེ་འབྲས་བུ་གོ་ཞིང་རྟོགས་ན་སངས་རྒྱས་ཡིན། །ཞེས་གསུངས་པའི་དོན་གོ་བར་མཛོད། ཅེས་སྔགས་ཆུང་པུཎྱ་ཤ་ས་ན་དྷ་རས་བསྐུལ་ནས། ༧ སྔགས་འཆང་རཱ་ག་ཨ་སྱས་གང་དྲན་དུ་བྲིས་པས་གསར་བུ་ཐུགས་རབ་ཆུང་བ་འགའ་ལ་ཕན་པར་གྱུར་ཅིག །རྟ་ལོ་ཟླ་བ་བརྒྱད་པའི་ཚེས་བཅུ་ལ་འགྲུབ་བོ།། །།དགེའོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྡོ་རྗེ་ཕུར་པའི་ལས་ཚོགས་ལས་སྲི་རབས་བཅུ་གསུམ་མནན་ཐབས།

― CMR017_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་ལས་ཚོགས་ལས༔ སྲི་རབས་བཅུ་གསུམ་མནན་ཐབས་བཞུགས་སོ༔

― CMR017_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ༔ ཕུར་པ་ཕྲིན་ལས་ཀྱི་སྲི་རབས་བཅུ་གསུམ་མནན་པ་ནི༔ ལྟས་ངན་བཟློག་པའི་ཐབས་ལ༔ སེམས་ཅན་ཐུན་མོང་གི་ལས་ཀྱིས༔ སྲིད་པ་ཆགས་པའི་དུས་ན༔ རི་རབ་ཀྱི་དབུས་ན་ཤིང་ཡོངས་འདུས་ས་རྟོལ་སྐྱེས་པ་ལས༔ ཤིང་དེའི་ཡས་མན་ན༔ ཡབ་བདུད་ཐོད་པའི་ཕྲེང་བ་དང་༔ མ་བདུད་མེའི་ཁ་རླངས་ཅན་གཉིས་འཚོགས་པ་ལ༔ བུ་གཅིག་སྐྱེས་པ་དེ་ལ་མིང་བཏགས་པ༔ རྒྱལ་པོ་ཕུང་བའི་ཕུང་སྲི༔ བློན་པོ་ཕུང་བའི་ཕུང་སྲི༔ ཡུལ་མའི་ཕུང་བའི་ཕུང་སྲི༔ རྣལ་འབྱོར་དེའི་དམ་སྲི༔ དགྲ་སྲི༔ དམེ་སྲི༔ གོད་སྲི༔ སྒོར་སྲི༔ ཆུང་སྲི༔ དུར་སྲི༔ གཡབ་མོའི་སྲི་དང་བཅུ་གཅིག༔ མ་བུའི་བྱུར་ཡུགས་ཀྱི་སྲི་ནི༔ ལྟས་ངན་ཆོ་འཕྲུལ་བཏང་བ་དང་བཅུ་གསུམ་

― CMR017_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

མོ༔ རྒྱལ་པོ་ཕུང་བའི་ཕུང་སྲི་ནི༔ མོན་པ་ལས་བྱུང་བའི་ཐོད་པ་དང་༔ ཧོར་མོ་སྤྱི་རིང་གི་ཐོད་པ༔ བོད་རིགས་ངན་གྱི་ཐོད་པ་གང་རུང་མནན་པའི་ཆོས་འཁོར་ཆེན་མོའི་དབུས་སམ༔ ལྷ་ཁང་གི་ཐེམ་འོག་མནན༔ བློན་པོ་ཕུང་བའི་ཕུང་སྲི་ནི་སྤྲེའུ་ནེ་ཙོ་རི་བོང་ཐོད་པ་གང་རུང་བ་ནི༔ མི་མང་འཚོགས་སར་མནན༔ ཡུལ་མི་ཕུང་པའི་ཕུང་སྲི་ནི༔ མཛོ་རྟོལ་ལེ་སྦྲུལ་གང་རུང་གི་ཐོད་པ་ཡུལ་དབུས་གྲོང་ཁྱེར་ཆེན་པོའི་དབུས་སུ་མནན༔ དགྲ་སྲི་ནི༔ གཡག་དང་རྟ་ཐོད་ནང་དུ་དགྲ་བྱུང་དོགས་པའི་ལམ་དང་གང་དབུའམ་ལམ་རྒྱ་གྲམ་མམ་ལུང་གསུམ་མདོར་མནན༔ དམེ་སྲི་ནི་འཕར་སྤྱང་གཡི་ཐོད་དུ་གྲོང་ཁྱེར་དབུས་སུ་མནན༔ སྒོར་སྲི་ནི་ཕ་ཁུ་སྲི་ཅན་རིགས་དང་༔ མ་བུའི་བྱུར་ཡུགས་ཀྱི་སྲི་ནི་ཁྱི་ཐོད་རྔ་མོང་ཕག་ཐོད་ནང་དུ་སྒོ་ཐེམ་འོག་ཏུ་

― CMR017_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

མནན༔ ཆུང་སྲི་ནི་བྱི་ལ་སྲེ་མོང་ཐོད་པ་ལམ་གྱི་འོག་ཏུ་མནན༔ དུར་སྲི་ནི་ཞ་གྲུམ་བྱི་བའི་ཐོད་པ་གང་རུང་དུ་དུར་ཞབས་སུ་མནན༔ རྣལ་འབྱོར་པ་ཡི་སྲི་ནི་ཁྱི་ར་ཕག་དང་རབས་ཆད་ཐོད་པ་གང་རུང་མཆོད་རྟེན་བྱིན་རླབས་ཅན་གྱི་འོག་ཏུ་མནན༔ ཚ་ཁང་ཆེན་པོའི་ཞབས་སུ་མནན༔ གོད་སྲི་ནི་ར་ལུགས་སྤྲེའུའི་ཐོད་པར་ར་བའི་དབུས་སུ་མནན༔ མི་ཁ་གཡབ་མོའི་སྲི་ནི་འཕར་བ་རྔ་མོང་རྟ་ཐོད་བུད་མེད་འཕང་རའི་དབུས་སུ་མནན༔ བསེ་རགགཏོང་བའི་སྲི་ནི་འཕར་བའི་ཐོད་པ་ཉི་མ་མི་འཆར་བའི་སར་མནན༔ ད་ནི་སྲི་འགུགས་པའི་ལས་ལ་གང་བྱེད་ཀྱང་དང་པོ་ལིདྨ་བྲི་བ་ནི༔ མི་གཟུགས་ཡན་ལག་ལྕགས་སྒྲོག་ཏུ་བཅུག་པ༔ མགོ་ནི་ཕག་སྦྲུལ་བྱ་ཡི་ངོ་བོ་ལས་གྲུབ་པ༔ ཡན་ལག་བཞིའི་ཚིགས་བཞི་ཛ་ཧཱུཾ་བཾ་ཧོའབྲུ་བཞི་བཀོད་པ་སྤྱི་ལྟར་བྱའོ༔ སྙིང་ཁར་ནི་ཏཱི་ཛབྲིས་པའི་མཐར༔ སྔགས་མགོ་ནང་བསྟན་འདི་བྲིའོ༔ ཨོཾ་སརྦ་ཛ་ཏཱི་ནི་ཧཱུྃ་ཛཿ ན་ཏྲི་སུ་ཏྲི་ནི་ཧཱུྃ་ཛཿ ཤན་ཏཱི་ནི་ཧཱུྃ་ཛཿ ཀ་ཏྲི་ནི་ཧཱུྃ་ཛཿ ཧཱུྃ་ཧཱུྃ་ཧཱུྃ་ཛཿཛཛཧཱུྃ༔ ཞེས་བྲིས༔ ལིང་གའི་སྤྱི་གཙུག་ནས་ཡིག་མགོ་ནང་བསྟན་ལ་འདི་བྲིའོ༔ དར་སྲི༔ འཆི་སྲི༔ དུར་སྲི༔ རྒན་སྲི༔ གཞོན་སྲི༔ དར་མའི་སྲི༔ ལོ་སྲི༔ ཟླ་སྲི༔ ཞག་དུས་ཀྱི་སྲི༔ ཁ་སྨྲས་ཀྱི་སྲི༔ འགོང་སྲི༔ དབུལ་སྲི༔ ཟ་མའི་སྲི༔ དགྲ་སྲི༔ མཚོན་སྲི༔ གོད་སྲི༔ ཕུང་སྲི༔ ཐམས་ཅད་ཧཱུཾ་བྷ་ཡ་ནན༔ སྲིའི་སྣ་འདྲེན་སྲི་བདག་སྲིའི་རིགས་སུ་གྱུར་པ་འདྲེ་གདོན་གནོད་བྱེད་ཐམས་ཅད་ཁུག་ཅིག་ཛཛཿ ཞེས་བསྐོར་ལ་བྲིའོ༔ ལིང་ག་དེ་ཉིད་གན་

― CMR017_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱལ་དུ་བྲུབ་ཁུང་༔ ཡང་ན་ལྕགས་སྣོད་ནང་དུ༔ ཕྱག་ལེན་སྤྱི་ལྟར་གཞུག༔ ཐུན་རྫས་སྣ་ཚོགས་དང་མནན་པའི་ལས་ཉེར་མཁོའི་ཐོད་པ་བཤམ༔ དངོས་གཞི་ལས༔ སྲུང་ཟློག་བསད་གསུམ་མནན་པའི་ལས་དང་བཞིའོ༔ དེ་ལ་དང་པོ་ནི༔ ཡི་དམ་གུ་དྲག་རྟ་མགྲིན་གཤིན་རྗེ་ཕུར་པ་སོགས་ཀྱི་ལས་བྱང་ཆོ་ག་རྒྱས་པར་བྱས་པས་ཚོགས་ཀྱི་ཕྲིན་ལས་གོང་དུ་འདི་བྱའོ༔ དང་པོ་བསྲུང་བ་ནི༔ སྐྱབས་འགྲོ་སེམས་བསྐྱེད་ཚད་མེད་བཞི་བྱ༔ སྭ་བྷ་ཝས་སྦྱངས༔ བདག་དང་སྣང་བ་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་མདུན་གྱི་ནམ་མཁའི་གནས་སུ་གྱད་དང་སེང་གེ་བཞི་བཞིས་བཏེག་པའི་རིན་པོ་ཆེའི་ཁྲི་སྣ་ཚོགས་པདྨ་དང་ཟླ་བའི་གདན་གྱི་སྟེང་དུ་ཨོཾ་ཡིག་སེར་པོ་ཡོངས་སུ་གྱུར་པ་ལས་སྟོན་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་རྒྱལ་བ་ཤཱཀྱ་ཐུབ་པ་སྐུ་མདོག་གསེར་བཙོ་མའི་མདོག་ལྟ་བུ༔ ཞལ་གཅིག་ཕྱག་གཉིས་གཡས་སྐྱབས་སྦྱིན་ཕྱག་རྒྱས་བདག་དང་ཡོན་བདག་འཁོར་དང་བཅས་པ་ལ་བསྲུང་བ་དང་༔ བསྐྱབ་པ་དང་༔ སྦ་བ་དང་༔ བྱིན་གྱིས་རླབས་པར་མཛད་ནས༔ གཡོན་མཉམ་བཞག་གི་སྟེང་ན་ལྷུང་བཟེད་བདུད་རྩིའི་བཅུད་ཀྱིས་བཀང་བ་འཛིན་པས་བདུད་རྩི་ལས་འོད་ཟེར་དཔག་ཏུ་མེད་པ་བྱུང་ནས་བདག་དང་བསྲུང་

― CMR017_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་ལ་ཐིམ་ནས༔ བར་ཆད་མི་མཐུན་པ་ཐམས་ཅད་ཞི་ནས་ཚེ་དང་བསོད་ནམས་ཐམས་ཅད་རྒྱས་པ་དང་༔ དབུ་ལ་གཙུག་ཏོར་ཞབས་ལ་འཁོར་ལོ་སྐུ་ལ་མི་ཆེན་པོས་མཚན་སུམ་ཅུ་རྩ་གཉིས་དཔེ་བྱད་བཟང་པོ་བརྒྱད་ཅུའི་བརྒྱན་པ༔ གསུང་ཡན་ལག་དྲུག་ཅུའི་དབྱངས་དང་ལྡན་པ༔ ཐུགས་ཤེས་བྱ་མ་ལུས་པ་མངོན་སུམ་དུ་མཁྱེན་པ༔ དེའི་གཡས་སུ་ཤཱ་རིའི་བུ༔ གཡོན་དུ་མོ་འགལ་གྱི་བུ༔ མདུན་དུ་ཀུན་དགའ་བོ༔ རྒྱབ་ཏུ་འཕགས་པ་རབ་འབྱོར་ལ་སོགས་པའི་འཁོར་ཉན་ཐོས་ཆེན་པོ་མཆོག་བརྒྱད༔ རང་རྒྱལ་བ་ཆེན་པོ་བཅུ་གཉིས༔ སྐལ་བཟང་གི་སངས་རྒྱས་སྟོང་རྩ་གཉིས༔ གཟུངས་ཆེན་པོ་སྡེ་ལྔའི་ལྷ་ཚོགས་འདས་དང་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཁྲ་སྤངས་སེ་འོད་ཐིབས་སེ་བཞུགས་པ༔ སྟེང་གི་ཆ་ལ་སངས་རྒྱས་དང་བྱང་ཆུབ་སེམས་དཔའི༔ བར་གྱི་ཆ་ལ་ཡི་དམ་དཀྱིལ་འཁོར་གྱི་ལྷ་ཚོགས༔ འོག་གི་ཆ་ལ་བཀའ་སྲུང་ཆོས་སྐྱོང་བའི་སྲུང་མའི་ཚོགས་དང་བཅས་པ་ཐམས་ཅི་མདུན་གྱི་ནམ་མཁའི་བརྟེན་ལ་ཨོཾ་བཛྲ་ས་མཱ་ཛཿ མ་ལུས་སེམས་ཅན་ཀུན་གྱི་མགོན་གྱུར་ཅིང་༔ བདུད་སྡེ་དཔུང་བཅས་

― CMR017_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བཟད་འཇོམས་མཛད་ལྷ༔ དངོས་རྣམས་མ་ལུས་ཇི་བཞིན་མཁྱེན་གྱུར་པའི༔ བཅོམ་ལྡན་འཁོར་བཅས་གནས་འདིར་གཤེགས་སུ་གསོལ༔ བཅོམ་ལྡན་འདིར་ནི་བྱོན་པ་ལེགས༔ བདག་ཅག་བསོད་ནམས་སྐལ་པར་ལྡན༔ བདག་གི་མཆོད་ཡོན་བཞེས་སླད་དུ༔ འདི་ཉིད་དུ་ནི་བཞུགས་སུ་གསོལ༔ པདྨ་ཀཱ་མ་ལྱཱ་སིཾ༔ ཏདྱ་ཐཱ༔ ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ༔ བརྒྱ་སྟོང་ཁྲི་གསུམ་ཅི་ནུས་བཟླས༔ བཅོམ་ལྡན་འདས་བདག་ཅག་འཁོར་དང་བཅས་པ་ལ་བསྲུང་བ་དང་༔ བསྐྱབ་པ་དང་༔ སྦ་བ་དང་བྱིན་གྱིས་རླབས་པ་དམ་པ་མཛད་དུ་གསོལ༔ སྲི་ངན་པ་ཐམས་ཅད་ལས་ཐར་བར་མཛད་དུ་གསོལ༔ བསྟན་པའི་བདག་པོ་དེ་དག་གསལ་བའི་གནམ་ལྕགས་ལས་གྲུབ་པའི་འཁོར་ལོ་རྩིབས་བཅུ་གསུམ་གྱི་ལྟེ་བའི་དབུས་སུ་ཡི་དམ་གང་རུང་བསྒོམ་ལ་བདག་བསྐྱེད་བཟླས་པའི་སྔགས་ཀྱིས་མགོ་དྲངས་ནས༔ དུ་རུ་དུ་རུ་ཙཀྲ༔ བཛྲ་ཡ་བཛྲ་ཡ་ཙཀྲ༔ ཧ་ན་ཧ་ན་ཙཀྲ༔ མཱ་ར་ཡ་མཱ་ར་ཡ་ཙཀྲ༔ བྷིན་དུ་མ་ལེ་ཨེ་ནན༔ ཛྭ་ལ་ཛྭ་ལ་ཙཀྲ༔ ཧཱུྃ་ཧཱུྃ་ཕཊ་ཕཊ་ཙཀྲ༔ སརྦ་ཤ་ག་ནི་ཨ་ཝ་ར་ཎ་ཙཀྲ༔ བྷ་ལ་ཡ་བྷ་ལ་ཡཙཀྲ༔ ན་ག་ཤ་ཡ་ན་

― CMR017_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ག་ཤ་ཡ་ཙཀྲ༔ ཧཱུྃ་ཧཱུྃ་ཕཊ་ཕཊ༔ བྷུ་རུ་བྷུ་རུ་ཙཀྲ༔ བྷ་མ་བྷ་མ་ཙཀྲ༔ ས་མནྟ་ཀ་ར་ཙཀྲ༔ ཏི་ག་ན་ཙཀྲ་ཧཱུཾ་ཕཊ༔ སྦྱར་ལ་བརྒྱ་སྟོང་བཟླའོ༔ སྔགས་བརྒྱ་རེ་ཙམ་སོང་བའི་རྗེས་སུ༔ ཐལ་མོ་བརྡབ་ཅིང་ཚིག་འདི་དམོད་པའོ༔ བོདག་ཅག་འཁོར་དང་བཅས་པ་ལ་ཆོས་མཛད་པ་དང་དཀར་པོའི་ཕྱོགས་མཐའ་ཡས་པ་ལ་གནོད་པའི་དགྲ་བགེགས་འབྱུང་པོ་མི་དང་མི་མ་ཡིན་པའི་ཕྱོགས་ངན་པ་དང་གདུག་པ་ཅན་ཐམས་ཅད་འཇོམས་པར་གྱུར་ཅིག༔ བཟློག་པར་གྱུར་ཅིག༔ བསྒྱུར་བར་གྱུར་ཅིག༔ བསྲུང་བར་གྱུར་ཅིག༔ ཐུབ་པར་གྱུར་ཅིག༔ ཅེས་བཟློག་པ་ཚར་གསུམ་རེ་དང་ཐལ་མོ་བརྡབ་བོ༔ དེ་ནས་རང་ཉིད་ལྷའི་ང་རྒྱལ་ལམ༔ དཔལ་རྡོ་རྗེ་གཞོན་བུ་གསལ་བའི་མདུན་དུ་ལིངྒ་དང་༔ ཐུན་རྫས་ཕྱག་མཚན་སྣ་ཚོགས་མནན་པའི་ལས་ལ་མཁོ་བའི་ཐོད་པ་སོ་སོར་གང་དགོས་ཕུང་རེའམ། ༔ རེ་ནག་ཡས་རྫས་སྣ་ཚོགས་དེ་དག་ཞིང་ལྤགས་གཡང་གཞི་གང་རུང་གི་སྟེང་དུ་བཞག༔ སྔགས་ཆས་གོནནས་འདི་སྐད་དོ༔ ཧཱུྃ་རཾ་ཕཊ་རཾ་ཨེ་རཾ༔ བྲུབ་ཁུང་འདི་ཉིད་གཤིན་རྗེ་ལས་ཀྱི་བཙོན་ཁང་ལྕགས་ཀྱི་ཁང་སྒྲོམ་ཟུར་གསུམ་པ་བང་རིམ་དགུ་དང་ལྡན་པ་ཁ་དོག་ནག་ཅིང་མཐིལ་ཡངས་པ་ཤིན་ཏུ་འཇིགས་ཤིང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་ཏྲི༔ཡོངས་སུ་

― CMR017_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ལས་ལིངྒ་འདི་གནོད་བྱེད་ཕུང་སྲི་ལ་སོགས་སྲི་ལས་གྱུར་པའི་འདྲེ་གདོན་བགེགས་རིགས་མངོན་སུམ་དུ་གསལ་བར་གྱུར༔ དེ་ནས་ཕུང་སྲི་དང་འདྲེ་གདོན་སོགས་ལ་བཀའ་བསྒོ་བ་ནི༔ ཛཿ ཕུང་སྲི་བྱ་བའི་སྡིག་ཅན་ཁྱོད༔ ཚེ་རབས་སྔ་མའི་ལན་ཆགས་ཀྱིས༔ དུས་འདི་ཉིད་དུ་སྲི་རྣམས་བྱུང་༔ རྣལ་འབྱོར་ང་ཡི་གཤེད་མ་བྱུང་༔ ཁྱོད་ནི་བསྒྲལ་བའི་ཞིང་ཡིན་གྱི༔ གསང་བའི་གནས་འདིར་མ་འདུག་ཅིག༔ དམ་ཚིག་ལ་གནས་གཞན་དུ་སོང་༔ ཕྱིན་ཆད་གནོད་པ་མ་བྱེད་ཅིག༔ སྲི་རྣམས་ཀྱིས་སློབ་དཔོན་ལ་བྲད་ནས་ཕྱག་འཚལ་བར་བསམ༔ ༔ ཧཱུྃ༔ སེམས་ཅན་སངས་རྒྱས་ཀུན་གྱི་གཙོ༔ བདེ་གཤེགས་འདུ་འབྲལ་མེད་པའི་ཐུགས༔ དཀྱིལ་འཁོར་ལྷ་དང་སློབ་དཔོན་ལ༔ ལུས་ངག་ཡིད་གསུམ་ཕྱག་བགྱིའོ༔ སློབ་དཔོན་ཁྱེད་ཀྱི་བཀའ་ལས་ནི༔ མི་འདའ་མི་གནོད་ས་མ་ཡ༔ ཞེས་འདྲེ་ཅན་སྲི་ཡི་རིགས་དམ་ཚིག་ཅན་རྣམས་བྱམས་བསྟན་མ་ཤར་བར་དུ་མཐའི་རྒྱ་མཚོའི་ཕ་རོལ་དུ་སོང་བར་བསམས་ལ༔ དེ་ནས་བཀའ་དང་དམ་ལ་མི་གནས་པའི་གནོད་བྱེད་ཕུང་སྲི་ལས་ངན་ཐམས་ཅད་ལིངྒ་ལ་བསྟིམ་པར་བྱའོ༔ རངཉིད་ལྷའི་ང་རྒྱལ་གྱིས་ལག་པ་ལྕགས་ཀྱུས་ཕྱག་རྒྱ་བྱས་ལ༔ ན་མོ་རྗེ་བཙུན་རྩ་བ་སོགས། བདེན་སྟོབས་

― CMR017_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་པའི་མཐར༔ བདག་ཅག་དཔོན་སློབ་མི་ནོར་འཁོར་དང་བཅས་པ་ལ་གནོད་ཅིང་འཚེ་བའི་དགྲ་བགེགས་འབྱུང་པོ་མི་དང་མི་མ་ཡིན་པའི་གདོན་བགེགས་འདྲེ་སྲིན་ཕུང་སྲི་བྱེད་པའི་སྣ་འདྲེན་ནད་སྲི༔ འཆི་སྲི༔ ཆུང་སྲི༔ གདོན་སྲི༔ གོད་སྲི༔ རྟ་སྲི༔ རྒན་སྲི༔ གཞོན་སྲི༔ དར་མའི་སྲི༔ ལོ་སྲི༔ ཟླ་སྲི༔ ཞག་དུས་ཀྱི་སྲི༔ ཁ་སྨྲས་ཀྱི་སྲི༔ ཟ་མའི་སྲི༔ ཡང་ན་སྲི་སོ་སོའི་རྣམ་པའི་མིང་གཟུགས་ལ་བདེན་པ་བདར༔ ལིངྒའི་སྔགས་མཇུག་ཏུ་རྒྱལ་པོ་ཕུང་བའི་སྲི༔ བློན་པོ་ཕུང་བའི་སྲི༔ ཞེས་སོགས་སྲི་ཅན་སོ་སོར་གང་རྣམ་པར་བྲི༔ རྒྱལ་པོ་ཕུང་བའི་སློབ་དཔོན་ཕུང་བའི༔ གདོན་བགེགས་འབྱུང་པོ་འདྲེ་སྲིན་ཕུང་སྲིའི་རིགས་སུ་གྱུར་པ་གང་ཡིན་དེ་དག་ཐམས་ཅད་སྐད་ཅིག་རང་དབང་མེད་པར་སྲིད་རྩེ་ནས་ན་རག་ཡན་ཆད་སྲིད་གསུམ་གང་ན་གནས་ཀྱང་ལིངྒ་འདི་ཉིད་ལ་ཨ་ཀར་ཡ་ཛཿ ཛཿཧཱུྃ་བཾ་ཧོཿ ཞེས་འགུགས་གཞུག་བྱའོ༔ ཕུང་སྲིའི་སྟོབས་དང་རྫུ་འཕྲུལ་འཕྲོག་པ་ནི༔ ཛཿ གནོད་པར་བྱེད་པའི་ཕུང་སྲི་ནི༔ ཚེ་རབས་སྔ་མའི་ལན་ཆགས་ཀྱིས༔ སངས་རྒྱས་བསྟན་པ་འདི་ཡིས་བཤིགས༔ དཀོན་མཆོག་དབུ་འཕང་འདི་ཡིས་སྨད༔ བདག་ཅག་འཁོར་དང་གནོད་པའི་དགྲ་བགེགས་དང་

― CMR017_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་སྲི་ལས་ངན་འདྲེ༔ སྐད་ཅིག་ཙམ་དུ་འདུལ་བའི་ཕྱིར༔ ད་ལྟ་ཉིད་དུ་འདིར་ཁུག་ཅིག༔ ནོར་གྱིས་དོགས་ནས་མིང་རུས་བྲིས༔ བརླགས་ཀྱིས་དོགས་ནས་ལིང་གར་བཅུག༔ ཟགས་ཀྱིས་དོགས་ནས་ཐོད་པར་བཅུག༔ སྲི་ཡི་གནོད་པ་རྡུལ་དུ་རློགས༔ སྔགས་འདི་ཅི་འགྲུབ་བཟླས་སོ༔ ༀ་དུ་རུ་དུ་རུ་ཙཀྲ༔ སོགས༔ ཅེས་བརྒྱའམ་སྟོང་སོགས་དོ་གལ་དང་བསྟུན་ནས་བཟླས་སོ༔ ཤིན་ཏུ་གལ་ཆེ་ན་རང་རྒྱལ་བའི་རྨི་ལྟས་སྲི་དང་མཐུན་པའི་རྟགས་མ་བྱུང་བར་དུ་བཟླས་སོ༔ སྔགས་འདི་ཡུངས་ཀར་ནག་གམ་ཀེ་ཤང་ཟངས་ལྕགས་རྡོ་ཕྱེ་སོགས་ཐུན་རྫས་སྣ་ཚོགས་བཏབ་ནས་སྔགས་བརྒྱ་རྩ་རེ་དང་ལིང་ག་ལ་བྲབ་བོ༔ དེ་བཞིན་ཕྱག་མཚན་རྣམས་ཀྱང་ལིང་ག་ལ་བྲབ་བོ༔ སྔགས་འདིས་ཕྱེ་མར་ལ་རིལ་བུ་བྱས་ལ་བརྒྱ་རྩ་ལ་སོགས་བཏབ་ནས་བྱིས་པའི་ཁ་ལ་བྱིན་ན་སྲི་ལས་ཐར་བར་འགྱུར་རོ༔ གུ་གུལ་དཀར་ནག་ལ་བཏབ་ནས་བདུག་གོ༔ ཡུངས་ཀར་ལ་བསྔགས་ནས་མི་ཕྱུགས་ནད་པ་ལ་བྲབ་ན་ཤི་ཁ་བྱེ་བའི་སྲི་ལས་ཐར༔ ཆུ་གཙང་ལ་བསྔགས་ནས་ཁང་ཁྱིམ་ཞིང་ལ་སོགས་ལ་འཐོར་ན་བཀྲ་མི་ཤིས་པའི་སྲི་ལས་ཐར༔ ཐམས་ཅད་ལ་ཡང་མཚོན་སྣ་ལྔའི་སྐུད་པ་ལ་མདུད་པས་སྔགས་བརྒྱ་རྩ་བརྒྱད་བཏབ་ནས་མགུལ་དུ་བཏགས་པས་བྱད་ཁ་ཕུར་ཁའི་སྲི་ངན་པ་ལས་གྱུར་པའི་གནོད་པ་ཐམས་ཅད་ལས་བསྲུང་བར་འགྱུར་རོ༔ དེ་ནས་སྔགས་པ་རྣམས་ཀྱིས་གཡབ་དར་ཕྱོགས་བཅུ་

― CMR017_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

གཡབ་པས་བདག་དང་ཡོན་བདག་བསྲུང་བྱའི་ལུས་ངག་ཡིད་གསུམ་ལ་ཞུགས་པའི་ནད་གདོན་སྲིའི་གནོད་པ་ཐམས་ཅད་ལིང་ག་ལ་སིབ་སིབ་ཐིམ་པར་བསམ་ཞིང་༔ ཛཿ ཕུང་སྲི་བྱ་བའི་སྡིག་ཅན་ཁྱོད༔ སྲི་ལས་སྣ་འདྲེན་ཆེ་བ་མེད༔ ན་བའི་གཟེར་དང་ཚ་བའི་དབལ་དུ་ཆེ༔ གསོན་གྱི་བདུད་དང་གཤིན་གྱི་གཤེད་པོ་ཆེ༔ ཆེ་སྲི་ཆུང་སྲི་དགྲ་སྲི་མཚོན་སྲི་ཆེ༔ རྒྱལ་སྲི་བློན་སྲི་གཞོན་སྲི་རྗེ་ཁུལ་སྲི༔ མ་སྲི་བུ་སྲི་བུ་མོའི་སྲི༔ ཡོད་སྲི་མེད་སྲི་དབུལ་འཕོང་སྲི༔ ཡུལ་སྲི་དུར་སྲི་གོད་སྲི་སོགས༔ སྲི་རྣམས་ཐམས་ཅད་ཐར་བར་མཛོད༔ བཟློག་པར་གྱུར་ཅིག༔ བསྒྱུར་བར་གྱུར་ཅིག༔ བསྲུང་བར་གྱུར་ཅིག༔ ཅེས་ཚར་གསུམ་ལྔ་བདུན་སོགས་བརྗོད༔ དེ་ལྟར་ལས་གྲུབ་ནས་ཧཾ་ཁུང་གྲུ་གསུམ་ནང་དུ་ཤིང་ཚེར་མ་ཅན་དུག་ཤིང་སྣ་ཚོགས་ཀྱིས་མེ་སྦར་ལིངྒ་སྲེག༔ ཧཱུྃ༔ སྡང་བའི་དགྲ་དང་གནོད་པའི་བགེགས༔ འདྲེ་གདོན་སྲི་ཅན་རྫུ་འཕྲུལ་ཅན༔ ལོག་འདྲེན་གདུག་པའི་ལྟས་ངན་རྣམས༔ ཐམས་ཅད་རྡུལ་དུ་བརླགས་པའི་ཕྱིར༔ དཔལ་ཆེན་འབར་བའི་ཞལ་དུ་བསྟབ༔ མ་མོ་མཁའ་འགྲོའི་ཞལ་དུ་བསྟབ༔ ཆོས་སྐྱོང་སྲུང་མའི་ཞལ་དུ་བསྟབ༔ ཕུང་སྲི་ལས་ངན་ཐམས་ཅད་ཨག་ཡེ་ཛྭ་ལ་རཾ་རཾ་ཧཱུཾ་ཧཱུཾ་ཕཊ་ཕཊ༔ ཨོཾ་སུམྦྷ་ནི་

― CMR017_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས༔ གྲངས་མང་བརྗོད་ལ་མེ་ཡིས་བསྲེགས༔ ཡང་ན་ལིངྒ་མ་སྲེག་ཀྱང་རུང་༔ དེ་ནས་ཐལ་སོལ་དང་ཡས་རྫས་སྣ་ཚོགས་དང་བཅས༔ ཡང་གནོད་བྱེད་སྲི་སོ་སོའི་ཐོད་པར་བཅུག་ནས་རེ་ནག་གིས་དྲིལ་སྔོ་དམར་སྐུད་པས་རྒྱ་གྲམ་དུ་བཅིངས་ནས་སོ་སོའི་གནས་སུ་དོང་གྲུ་གསུམ་བྲུས་ལ་མནན་པའི་ལས་བྱའོ༔ དེ་སྟེང་ས་ཁོད་རིམ་པ་གཅིག་མནན་པའི་སྟེང་༔ གྲོ་གའམ་རོ་གཡམ་ངོས་སོ་ལ་རྡོ་རྗེ་རྒྱ་གྲམ་རི་རབ་གླིང་བཞི་བྲི༔ མྱལ་ཡུལ་ཙམ་དུ་་ཐུར་མནན་སྟེང་༔ རླུང་གི་རྡོ་རྗེ་རྒྱ་གྲམ་འབྱུང་བ་རིམ་བརྩེགས༔ དེ་སྟེང་རི་རབ་གླིང་བཞིས་མནན་པར་བསམ༔ བྱམས་པ་མ་བྱོན་བར་དུ་མ་ལྡང་ཞིག༔ དེ་ནས་ལོངས་ལ་བྱང་ཆུབ་སེམས་བསྐྱེད་ཞུས༔ དེ་བར་མནན་འོག་འདི་ནས་མ་འཕར་ཅིག༔ ཅེས་བརྗོད་ས་རིམ་པ་དགུ་ལ་རྒྱ་གྲམ་ར༔ དེ་སྟེང་མེ་ཁྲོལ༔ དེ་ཡི་སྟེང་ཆུ་ཡང་བླུགས༔ ས་ཡིས་སྐབས་ལ་བཅགས་རྡུང་མི་མངོན་པར་བྱའོ༔ གཏོར་བྲོ་གང་ཤེས་བརྡུང་༔ རྗེས་དམིགས་མེད་བཞག༔ ཡང་ལོགས་ལ་སྒྲུབ་གཏོར་སྐྱོང་༔ སྲུང་འཁོར་བསྒོམ༔ ཚེ་འགུགས་བྱ༔ བཀྲ་ཤིས་བསྔོ་བ་སྨོན་ལམ་རྗེས་ཆོག་རྣམས་གཞུང་ལྟར་བྱའོ༔ ༧ ཞེས་ཨ་རཱ་གས་བྲིས་པ་དགེ་བས་འགྲོ་ཀུན་སྲི་ལས་ཐར་བར་གྱུར་ཅིག༔ དགེའོ༔ དགེའོ༔ དགེའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR017_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཕུར་པ་ཡང་གསང་བླ་མེད་དོན་གྱི་སྙིང་པོའི་སྒྲུབ་པ་དང་ཟློག་མདོས་བཅའ་ཐབས་ཀྱི་ཟིན་བྲིས།

― CMR017_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པ་ཡང་གསང་བླ་མེད་དོན་གྱི་སྙིང་པོའི་སྒྲུབ་པ་དང་ཟློག་མདོས་བཅའ་ཐབས་ཀྱི་ཟིན་བྲིས་བཞུགས་སོ།།

― CMR017_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཆེན་རྡོ་རྗེ་གཞོན་ནུ་ལ་ཕྱག་འཚལ་ལོ། །འདི་ཡི་བཅས་ཀྱི་རིམ་པ་ལ། འགྲུབ་ན་དཀྱིལ་འཁོར་རྡུལ་ཚོན། འབྲིང་རས་བྲིས། ཐ་ན་འབྲུ་ཚོམ་ལྷ་གྲངས་བྱའོ། །དཀྱིལ་འཁོར་དབུས་སུ་སྒྲུབ་རྟེན་དུ་ཕུར་པ་ཁྲོ་ཞལ་ཅན། ཡང་ན་གྲི་ལྕགས་ཀྱི་ཕུར་པ། དེ་ལྟར་མ་གྲུབ་ན་ལྕགས་ཕུར་སོར་བཞི་པ་གྲི་ཁྲག་གིས་བྱུག །ཐ་ནའང་ཤིང་ཕུར་སོར་བཞི་པས་ཆོག །ཞལ་གསུམ་ཡོད་པ་གྲུབ་ན་རབ་སྟེ་མེད་ཀྱང་རྒྱ་མདུད་ཅན་གྱིས་ཆོག །གྲི་ཁྲག་གིས་བྱུགས། ཡུངས་ཀར་གྱིས་བྲབ། གུ་གུལ་གྱིས་བདུག་པ་སོགས་སྒྲུབ་ཁོག་ལྟར་བྱས་ལ་ཚོམ་བུས་དབུས་སུ་འཛུགས། དེའི་

― CMR017_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ་མཉྫིའི་སྟེང་དུ་གཏོར་མ་རིན་ཆེན་འབར་བ་དབང་གཏོར་འདྲ་བར་ཙཀ་ལི་བཙུགས། ཙཀ་ལི་མེད་ཀྱང་རུང་། གཡས་སུ་བདུད་རྩི། གཡོན་དུ་རཀྟ། མཐའ་བསྐོར་དུ་ཤར་དུ་མཆོད་ཡོན་ནས་བཟུང་སྟེ་རིམ་བཞིན་བསྐོར་མཆོད་བྱ། དེ་ལྟར་མ་གྲུབ་ཀྱང་མཚམས་འཛིན་མེ་ཏོག་ནས་བཟུང་སྟེ་རྣམ་ལྔའང་བཤམས་ཆོག༔ ༈ རྒྱས་པར་བྱས་ན་ཤར་དུ་བླ་མ། ལྷོར་ཡི་དམ། ནུབ་ཏུ་མཁའ་འགྲོ། བྱང་དུ་ཆོས་སྐྱོང་སྤྱི་དང་། མཚམས་བཞིར་དམ་ཅན་སྤུན་ལྔ་ལྡང་ལྷ་སྙིང་དྲུང་སོགས་བཀའ་སྲུང་བཤོས་བུ་བཤམས། བསྡུ་ན་ཕུགས་གཏོར་གཞུང་མ་དེ་བཅའ་ནས་

― CMR017_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

གསོ་བྲན་བྱ། དམ་ཅན་སྤྱན་ལྔ་སོགས་བཀའ་སྲུང་སྤྱི་ལ་ཚད་མདོའི་དཀར་གཏོར་དམར་གཏོར་ལ་ཁ་བསྔོས་བྱ་བས་ཆོག །སོ་སོར་བཅའ་མི་དགོས། ༈ གཏོར་མའི་བཅའ་དངོས་ནི༔ རྒྱས་པར་བང་རིམ་གྲུ་བཞི་བརྩེགས་པའི་སྟེང་དུ་གཏོར་མ་སྟོད་ཟུར་ཅན་རིན་ཆེན་འབར་བའི་དབྱིབས་ཅན་པད་འདབ་བཞི་དང་ལྡན་པ། བང་རིམ་སྟེང་དུ་ཁྲོ་བཅུ་ལ་དབྱིབས་གཙོ་བོ་འདྲ་བ་བཅུས་བསྐོར། །མེ་རི་དཀར་རྒྱན་སོགས་མཛེས་པར་བྱའོ། །བསྡུ་ན་གཏོར་མ་རིན་ཆེན་འབར་བ་པད་འདབ་བརྒྱན་པ་བཤམས། ཁྲོ་བཅུ་དང་རི་རབ་བང་རིམ་རྣམས་མི་དགོས་སོ། །ཕུར་པའི་དབལ་མདོས་མདོས་ཐབས་སུ་རྒྱས་པར་བཅའ་ན། ཕུབ་བམ་གཞི་མའི་སྟེང་དུ་རི་རབ་བང་རིམ་བཞི་པ་བྱ། གླིང་བཞི་གླིང་ཕྲན་བརྒྱད་རྣམས་རིམ་པར་བཀོད་། རི་རབ་དབུས་སུ་དཔལ་བཤེས་ཕུར་བུ་གྱེན་དུ་བསླང་བ་འདྲ་བ་ནག་པོ་བཤམས། དེའི་འཁོར་དུ་སྲས་མཆོག་བཞི་ལ་དཔལ་གཏོར་བཞི། དེ་འོག་ཁྲོ་བཅུ་ལ་དམར་གཏོར་བཅུ་བཤམས་ལ་ཕྲ་མེན་མ་དང་ཕུར་སྲུང་རྣམས་བག་ཟན་ལ་གཟུགས་བྱས་བཀོད། དེ་འོག་བང་རིམ་གསུམ་པ་ལ། ཤར་དུ་ཤྭ་ན་མུ་ཁ་ལྕགས་ཀྱི་སྤྱང་མོ་ཞོན་པ་དང་། རེ་མ་ཏི་དྲེལ་རྟ་

― CMR017_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་གསུམ་ཞོན་པ་བཀོད། ལྷོ་རུ་ཤྭ་ན་མུ་ཁ་འཕར་བ་ལ་ཞོན་པ། རེ་མ་ཏི་སྨན་ཤ་ཡུ་མོ་ཞོན་པ་བཀོད། ནུབ་ཏུ་ཤྭ་ན་མུ་ཁ་ཝ་མོ་ཞོན་པ། རེ་མ་ཛ་ཆུ་གླང་ཞོན་པ་བཀོད་༔ བྱང་དུ་སྲི་ལ་མུ་ཁ་ཁྱི་མོ་ཞོན་པ། རེ་མ་ཛུ་རྔ་མོང་ཞོན་པ་བཀོད། དེ་འོག་བང་རིམ་ལ་ཚ་བའི་མ་མོ་བཅུ་གཉིས་ནི། ཤར་དུ་རྡོ་རྗེ་བསྲེ་བྱིན་འབྲུག་ལ་ཆིབས་པ། བདུད་ཀྱི་བུ་མོ་རྟ་ནག་ཆིབས་པ། མོན་མོ་སྤྲེལ་གྱི་མགོ་ཅན་བཀོད། ལྷོ་རུ་རྡོ་རྗེ་དེ་བྱིན་ཆུ་སྲིན་ཆིབས་པ། གཟའ་ཡི་བུ་མོ་གཟའ་རྟ་ཞོན་པ། མོན་མོ་སྦྲུལ་གྱི་མགོ་ཅན་བཀོད། །ནུབ་ཏུ་རྡོ་རྗེ་བསྲེ་བྱིན་གློག་དམར་ཆིབས་པ། བཙན་གྱི་བུ་མོ་བཙན་རྟ་ཞོན་པ། མོན་མོ་སྦལ་པའི་མགོ་ཅན་བཀོད། བྱང་དུ་རྡོ་རྗེ་ཕག་བྱིན་ཀླུ་རྟ་ཆིབས་པ། ཀླུ་ཡི་བུ་མོ་ཆུ་རྟ་སྔོན་པོ་ཆིབས་པ། མོན་མོ་འུག་པའི་མགོ་ཅན་བཀོད། བང་རིམ་ཐ་མ་ལ། ཤར་དུ་སྲིན་མོ་གསེར་གྱི་གྱི་ལིང་ཆིབས་པ། བསྲེ་ཡི་སྤྲེལ་མོ་ངོས་བཞིར་བཀོད། ལྷོ་རུ་གཤིན་རྗེ་བསྲེ་ཡི་ཁྱུང་ཆེན་༄༅ཞོན་པ། མོན་མོ་ལག་རིང་བཀོད། ནུབ་ཏུ་མ་བདུད་རྒྱལ་མོ་བསྲེ་ཡི་བྱ་གླག་ཆིབས་པ། བསྲེ་ཡི་བྱ་ཁྲ་དང་བཅས་པ་བཀོད། བྱང་དུ་གནོད་སྦྱིན་རྒྱལ་པོ་བསྲེ་གཡག་ཁམ་པ་ཆིབས་

― CMR017_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

པ། བསྲེ་ཡི་སྤྱང་མོ་དང་བཅས་པ་བཀོད། ཟོར་དང་ཐུན་རྫས་ཐམས་ཅད་བཤམས། བ་ལིང་དང་ཤ་ཁྲག་གིས་བརྒྱན། མཐར་རྩང་གྲུ་ཚད་ཀྱིས་བསྐོར། ནམ་མཁའ་ཉི་ཤུ་རྩ་བརྒྱད་ནི། དབུས་ཀྱི་དཔལ་གཏོར་ནག་པོ་ལ། དཔལ་གྱི་ནམ་མཁའ་ནག་པོ་བཙུགས། ཤར་དཀར། ལྷོ་སེར། ནུབ་དམར། བྱང་ལྗང་བྱ། ཕུར་སྲུང་རེ་ལ་རེ་རེ་བཙུགས་། གནམ་ལ་འཕུར་དགུ། ས་ལ་འཛུལ་དགུ། ངར་གྱི་མི་ཆུང་བཅུ་གསུམ། ཕོ་གླུད་མདའ་བཀྲ། མོ་གླུད་འཕང་བཀྲ། དཔལ་འབར་ཀོང་བུ་དེ་རྣམས་བཅུ་གསུམ་རེ་བྱའོ། །མདོས་ཀྱི་མཐའ་བསྐོར་གཟུགས་རྣམས་ཁ་ཡི་བལྟ་ཕྱོགས། ཟློག་མདོས་ཁ་ཕྱིར་བསྟན། བསྐང་མདོས་ནང་བསྟན། བསད་ན་འཁོར་ལོ་བཅའ་བ་མན་ངག་བཞིན་བྱ། ༈ བསྡུ་ན་ཀ་ཏོ་རའམ་སྣོད་སྡེར་དབུས་སུ་དཔལ་གཏོར་གྲུ་གང་། ཐ་མར་གཏོར་མ་ཉི་ཤུ་རྩ་གཅིག་གིས་བསྐོར། ཤ་ཁྲག་དང་འཕན་བཟང་པོའི་རྒྱུན་པར་བྱའོ།། ༈ གཏོར་ཟློག་ཁྲོ་རྒྱལ་སྟོབས་འདུས་བཅས་ནི། འབྲུ་ནག་གི་ཕྱེ་མ་ལ་དཔལ་གཏོར་ཕུར་རྩེ་གྱེན་བསླང་འདྲ་བ་གྲུ་གང་པ། གཏོར་བྲན་བཅུ་དང་བཅུ་དགུའི་བསྐོར། རྩེ་ལ་ཁྱུང་བཙུགས། མ་ཏྲ་སྔོ་

― CMR017_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱ་ཡན་ལག་བསྐུམ་པའི་དཀྱིལ་དུ་ཨེ་མཐིང་ནག་ཟླ་གམ་དམར་པོ་འཁོར་ལོ་རྩིབས་བཅུ་སྔོན་པོ་བྲིས་པའི་སྟེང་དུ་བཞག་གོ །གཏོར་མའི་འོག་ཏུ་དགྲ་བགེགས་ལིངྒ་ཟག་རྫས་བཀོད།། ༈ གཏོར་ཟློག་དང་དབལ་མདོས་གཉིས་སྦྲགས་མར་བྱས་ན་ལྕགས་སྣོད་སོགས་གང་རུང་དུ། འཁོར་ལོ་རྩིབས་བཅུ་ལྟེ་བ་གྲུ་གསུམ་དང་རྩིབས་ནག་པོ། ཟླ་གམ་དམར་པོ་བྱས་ལ་རྡུལ་ཚོན་གྱིས་རི་མོ་བྲི། གྲུ་གསུམ་དབུས་མར་ཧོམ་ཁུང་བྲུས་པར་ཟན་ལིང་ངམ་ཤོག་ལིང་བཅུག །དེ་སྟེང་གཏོར་མ་ཟུར་གསུམ་རབ་གྲུ་གང་ཐ་མ་མཐོ་གང་བས་མ་དམན་པ་རྩེ་ལ་མེ་རི་དང་ཁྱུང་གིས་རྒྱན་པ། དར་གདུགས་མཐིང་ནག་ཕུབ། དེ་ནི་གཙོ་བོ་དང་སྲས་བཞིའོ། །དེ་རྒྱབ་དེ་བས་སུམ་ཆའི་ཆུང་བ་གཏོར་མ་ཟུར་གསུམ་བཅུ་ནི་ཁྲོ་བོ་བཅུ་ཡབ་ཡུམ་ཁྲི་ཐབས་དང་བཅས་པའོ། །དེ་རྣམས་ལ་མར་གྱི་མེ་ལྕེ་རེ་དང་ཤ་ཡིས་བརྒྱན། དེ་རྒྱབ་དེ་བས་ཆུང་བའི་ཟུར་གསུམ་རྩེ་གཅིག་ལ་རྒྱུན་མེད་པར་ཅུང་བདུན་རེའམ་གསུམ་རེ་བཙུགས་པ་ནི་ཕུར་སྲུང་བཅུ་དྲུག་དང་ཕྱོགས་བཞིས་དབང་ཕྱུག་བདུན་རེ་ལ་རེ་རེ་བྱས་པའི་ཉི་ཤུ། མ་མོ་བཅུ་གཉིས་ལ་གཅིག་སྟེ་གཏོར་མ་ཉེར་གཅིག་གོ །དེའི་མཚམས་སུ་མཐེབ་སྐྱུ་

― CMR017_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་དུམ་ནི་འཁོར་སྤྲུལ་པ་ཡང་སྤྲུལ་མཆོད་པའོ། །དེ་རྒྱབ་རྩང་མེད་ཀྱང་རུང་། ཡང་ན་རྩང་ཉེར་བརྒྱད་དབང་ཕྱུག་ཉེར་བརྒྱད་དོ། །དེ་རྒྱབ་སྒོ་མ་བཞི་ལ་རྩང་བཞི་བསླང་སྟེ་བཙུགས། བ་སུ་ཏའམ་སྔོ་དམར་སྐུད་པས་དཀྲིས། རང་བདག་བསྐྱེད་ཀྱི་སྙིང་ཁ་བས་མི་མཐོ་བར་མདུན་དུ་དམའ་བར་བཤམས། ཞབས་སུ་གཡང་གཞི་གང་རུང་བཏིང་ཡོད་ན་ཧོམ་ཁུང་དུ་ཤོག་ལིང་བཅུག་པ་ཕུར་པས་གཟིར་ལ་མདོས་འོག་ཏུ་བཞག །མེད་ཀྱང་ཟན་ལིང་བསྒྲལ་བས་འཐུས་སོ།། ༈ ཟོར་རྫས་ནི་མདའ་རྒོད་སྒྲོ་མ། འུག་པའི་སྒྲོ་ཅན། ཁྲ་ཡི་སྒྲོ་ཚེཅན། བྱ་རོག་སྒྲོ་ཅན་སོགས་མདའ་དྲུག་གཞུ་དང་བཅས་པ། ཀོང་ཟོར་གཅིག །ཐོད་ཟོར་གཅིག །ཟོར་ཆེན་རུ་ཏྲའི་སྙིང་ཟོར་དང་བཅས་དགུ་བཅའོ། །རས་སམ་དར་ནག་གིས་ཟོར་རྣམས་བཀབ་ལ་བཞག །ཟོར་གཞུའི་མཆོག་གཉིས་ལ་དར་རམ་རས་བཏགས་སོ།། ༈ ཕུར་སྲུང་གི་བཅས་ལ། ཤྭ་ན་མ་བཞི་ལ་མི་རོ་བཞི། བདག་ཉིད་མ་བཞི་ལ་སྙིང་བཞི། བསྲེ་མོ་བཞི་ལ་ཞག་དང་འོ་མ་མར་ཁུ་ཁྲག་གི་མཚོ་བཞི། གྲི་ཐོགས་གིང་བཞི་ལ་མཁར་ཐབས་སྟེང་དུ་བཤོས་ཟླུམ་དང་། བཙན་བཤོས་གཡོན་དཀྱུས། བདུད་བཤོས་

― CMR017_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་དཀྱུས། ཟུར་གསུམ་རྩེ་རིང་དང་བཞི་བྱའོ། །དབང་ཕྱུག་ཉེར་བརྒྱད་ལ་སྤང་ཆངས་ཉེར་བརྒྱད་དམ་བདུན་ནམ་བཞི་བྱའོ། །དམ་ཅན་སྤུན་ལྔ་ལ་མཁར་ཐབས་སྟེང་དུ་དམར་གཏོར་ལྔའམ། རྩེ་ལྔ་ར་མགོས་མཚན་པ་བྱ། ལྡང་ལྷ་ལ་བཙན་བཤོས་ཟུར་གསུམ་རྩེ་གསུམ་པའམ། ཡང་ན་མཁར་ཐབས་སྟེང་དུ་བཤོས་ཟླུམ་དཀར། ཟུར་གསུམ་ནག་པོ་དང་དམར་པོ་བྱས་ལ་ཞལ་བྱས། སྙིང་དྲུང་བཙན་པོ་ལ་ཟུར་གསུམ་གཡོན་དཀྱུས། ཡང་ན་མཁར་ཐབས་སྟེང་དུ་ཟུར་གསུམ་གཡོན་དཀྱུས་བྱ། དགེ་བསྙེན་ཉེར་གཅིག་ལ་མཐེབ་སྐྱ་ཉེར་གཅིག་གིས་བསྐོར། ཡང་ན་མཁར་ཐབས་སྟེང་དུ་དམར་གཏོར་ཟུར་གསུམ་ར་མགོ་ཅན་བྱའོ། །དེ་རྣམས་ཐམས་ཅད་ལ་མཆོད་གསོལ་དུས་དར་ཟབ་དར་སྣ་འབྲུ་སྣ་སྨན་སྣ་སྤོས་རིན་ཆེན་ཕྱེ་མ་སོགས་ཀྱིས་བརྒྱན། རྦད་བསད་ཀྱི་དུས་སུ་ཤ་ཁྲག་དགྲ་ལིང་སྙིང་དེང་དམར་གྱིས་བརྒྱན་པར་བྱའོ། །ཆད་ཐོ་ལ་དམར་གཏོར་ལེབ་མོ་གསུམ་བྱའོ། །ཡང་ན་དམར་གཏོར་གཅིག་གིས་ཆོག་གོ །བརྟན་མ་ལ་བཤོས་བུ་སྟོད་ཟུར་གསུམ་པ་མདུན་དུ་རིལ་བུ་བཅུ་གཅིག་བརྩེགས་པར་བྱ། བསྡུ་ན་དམར་གཏོར་གཅིག་གིས་ཆོག །གཞན་ཡང་

― CMR017_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཀྱི་ཡོ་བྱད་བཟའ་བཏུང་དང་། གཞི་བདག་ལ་དཀར་གཏོར་སྤྱི་འཚམས། གླུད་གཏོར་བཤོས་བུ་ལ་མར་མེ་ཏིང་ལོ་མཐེབ་སྐྱུ་ཆངས་བུ་བཅས་ཀྱིས་བསྐོར་བ་བྱ། ཕུར་སྲུང་གི་གཏོར་མ་རྣམས་སོ་སོར་མ་གྲུབ་ན་དམར་གཏོར་སྤྱི་འཚམས་བཅས་ཤ་ཁྲག་བ་ལི་ཏ་སྙིང་བཅས་ཀྱིས་བརྒྱན་པ་མཐེབ་ཀྱུའི་བསྐོར་བར་རྒྱུན་དུ་འདོན་ཡང་ཆོག །དེ་ལྟར་མ་གྲུབ་ན་སྤྲོས་བཅས་རྒྱས་པ་སྒྲུབ་ཆེན་ལུགས་དང་། འབྲིང་པོ་སྒྲུབ་ཕྲན་ལུགས་དང་། བསྡུ་ན་སྤྲོས་མེད་ཚིག་ལྷུག་ཁོ་ན་འདོན་ཞིང་ཆོག །ཤིན་ཏུ་སྤྲོས་མེད་ནི། རྫས་དང་མཆོད་གཏོར་ཕུར་པ་ཅི་ཡང་མི་དགོས་རང་ལུས་ལྷ་ཡི་དཀྱིལ་འཁོར། བཟའ་ལྟུང་མཆོད་ཚོགས། སེམས་ཉིད་ཀྱིས་ཀྱང་གཞོམ་དུ་མེད་པའི་རྡོ་རྗེ། དེ་ལ་སྐྱེ་འཆི་བསྒྲེས་རྒུད་མི་མངའ་བ་རྡོ་རྗེ་གཞོན་ནུའོ། །འདི་ཡི་དོན་རྟོགས་པ་ནི། འཁོར་བ་མྱང་འདས་སུ་བསྒྲལ་བ་ནི་རྟོགས་པས་བདག་གྲོལ་ལོ། །དེ་དོན་མ་རྟོགས་པའི་སེམས་ཅན་ལ་བཅོས་མའི་སྙིང་རྗེ་ཤུགས་ལས་སྐྱེས་ནས་འགྲོ་བའི་དོན་བྱེད་པ་ཐུགས་རྗེས་གཞན་བསྒྲལ་བ་སྟེ། དོན་གྱི་ཕུར་པ་ནི་རང་གི་སེམས་ཉིད་ཡིན་པས་ཤེས་པར་བྱས་ལ་སྐྱབས་སེམས་གང་རུང་དང་ཚིག་ལྷུག་གི་མངོན་རྟོགས་གསལ་བའི་ངང་དུ་

― CMR017_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་འཁོར་ཡབ་ཀྱི་ཐུགས་ཀ་ནས་འཁོར་ཞལ་དུ་ཐོན་ཡུམ་གྱི་ཞལ་དུ་ཞུགས། ཡུམ་གྱི་གསང་གནས་ནས་ཡབ་ཀྱི་གསང་བར་ཐིམ་པ་སོགས་དམིགས་ལ། ཨོཾ་རིགས་ལྔ་ཁྲག་འཐུང་། བཛྲ་རྡོ་རྗེ་གཞོན་ནུ་ཡབ་ཡུམ། ཀཱི་ཁྲོ་བཅུ། ལི་ཁྲོ་མོ་བཅུ། ཀྭ་ཟ་བྱེད་ཕ་བཅུ། ལ་གསོད་བྱེད་མ་བཅུ། ཡ་སྲས་མཆོག་ཉེར་གཅིག །སརྦ་སུམ་སྤྲུལ་ཁྲོ་ཆུང་། བྷིག་ཤྭ་ན་མ་བཞི་དང་སྲོག་བདག་མ་བཞི། ནཱན་རེ་ཏི་བཞི་དང་བདག་ཉིད། ཐཾ་ས་བདག་བཞི་དང་སྐྱེས་བུ་བཞི། ཧཱུྃ་གིས་དངོས་གྲུབ་སྡུད། ཕཊཀྱིས་དགྲ་བགེགས་དམ་སྲི་བསྒྲལ་བའོ། །འབྲུ་བཅུ་གསུམ་པ་རྒྱུན་དུ་བགྲངས། ལས་སྦྱོར་གྱི་སོ་སོའི་དམིགས་པས་གཞི་སྙིང་གཅིག་དྲིལ་སྔགས་ཀྱང་བཟླ། མཐར་བསྔོ་སྨོན་གང་ཤེས་དམིགས་མེད་ལ་བརྡའ་བ་སོགས་ལ་འབད་པ་བསྐྱེད་རྫོགས་ཟུང་འཇུག་གོ །ཐེག་ཆེན་བླ་མེད་སྒྲུབ་པའི་བར་ཆད་ཐམས་ཅད་རྡོ་རྗེ་གཞོན་ནུས་བསྲུང་བར་འགྱུར་བས་ཡི་དམ་གཞན་སྒྲུབ་ཀྱང་འདི་ཉིད་རྒྱུན་དུ་སྲུང་མའི་ཚུལ་དུ་སྒྲུབ་པ་གལ་ཆེའོ། །མཆོད་གནས་ཀློག་པའི་རྒྱལ་པོ་རིས་ལུའི་བསྐུལ་ངོར་སྔགས་འཆང་༧རཱ་ག་ཨ་སྱས་བྲིས་པ་ཏེ་བསྟན་པ་སེམས་ཅན་ལ་ཕན་པ་རྒྱ་ཆེན་པོ་

― CMR017_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བའི་རྒྱུར་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕུར་པའི་གཏོར་ཟློག་ཁྲོ་རྒྱལ་སྟོབས་འདུས་ཀྱི་ཟིན་བྲིས།

― CMR017_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པའི་གཏོར་ཟློག་ཁྲོ་རྒྱལ་སྟོབས་འདུས་ཀྱི་ཟིན་བྲིས་བཞུགས་སོ༔

― CMR017_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་བཛྲ་ཀུ་མཱ་རཱ་ལ་ན་མོ༔ ཕུར་པའི་གཏོར་ཟློག་ཁྲོ་རྒྱལ་སྟོབས་འདུས་དང་ཕུར་པའི་དབལ་མདོས་ཟློག་པ་ཆེན་པོ་གཉིས༔ སོ་སོ་ཡིན་པས་རྒྱས་པར་བྱ་བ་ནི༔ སོ་སོའི་གཞུང་ལས་བྱུང་བཞིན་བཅའ་བར་བྱ༔ བསྡུས་པར་གཉིས་ཀ་སྦུག་ཐབས་ནི༔ ལྕགས་སྣོད་སླ་ང་ལྕགས་འགུའམ༔ ཀ་ཏོ་ར་སོགས་ཡོད་ན་ལེགས༔ མེད་ན་བཙོ་མ་སོགས་སུ་ནི༔ ཕུབ་རྒོད་ཐང་ལུད་རིལ་མས་བཀང་༔ སྟེང་དུ་འཇིམ་ཞལ་བྱས་པ་ལ༔ རྡུལ་ཚོན་ནམ་ནི་ཤིང་ཐུར་གྱིས༔ འཁོར་ལོ་རྩིབས་བཅུ་བྲིས་པའི་ལྟེར་གྲུ་གསུམ་བྱས་ལ་རྩིབས་དང་ནི༔ གྲུ་གསུམ་ནག་པོ་ཟླ་གམ་གསུམ༔ དམར་པོ་གྲུབ་ན་ལེགས་པ་ཡིན༔ གྲུ་གསུམ་དབུས་མར་ཧོམ་ཁུང་ངམ༔

― CMR017_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

བྲུས་པར་ཟན་ནམ་ཤོག་ལིང་བཅུག༔ དེ་སྟེང་གཏོར་མ་ཟུར་གསུམ་རབ༔ གྲུ་གང་ཐ་མ་མཐོ་གང་བས༔ མི་ཆུང་བ་ཡི་རྩེ་མོར་ནི༔ མེ་རི་ཁྱུང་བཙུགས་དར་གདུགས་ཕུབ༔ དེ་ནི་གཙོ་བོ་སྲས་བཞི་འོ༔ དེ་རྒྱབ་དེ་བས་སུམ་གཉིས་ཆུང་༔ ཟུར་གསུམ་བཅུ་ནི་ཁྲོ་བཅུ་དང་༔ ཡབ་ཡུམ་ཁྲ་ཐབས་བཅས་པའོ༔ དེ་རྣམས་རྩེ་ལ་མར་གྱིས་ནི༔ མེ་ལྕེ་རེ་དང་ཤ་རྒྱན་བྱ༔ དེ་རྒྱབ་དེ་བས་ཆུང་བ་ཡི༔ ཟུར་གསུམ་ཉི་ཤུ་རྩ་གཅིག་ལ༔ མར་རྒྱན་མེད་པར་རྡུང་བདུན་རེ༔ ཡང་ན་གསུམ་རེ་བཙུགས་པ་ནི༔ ཕུར་སྲུང་བཅུ་དྲུག་ཕྱོགས་བཞི་ཡི༔ དབང་ཕྱུག་མ་བདུན་རེ་རེ་གཅིག་རེ་བྱས་པའི་ཉི་ཤུ་དང་༔ ཚ་བའི་མ་མོ་བཅུ་གཉིས་ལ༔ གཅིག་རེ་གཏོར་

― CMR017_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཉེར་གཅིག་གོ༔ དེ་མཚམས་ཤ་དུམ་མཐེབ་སྐྱུ་བཞག༔ འཁོར་སྤྲུལ་པ་ཡང་སྤྲུལ་མཆོད་པའོ༔ དེ་རྒྱབ་རྩང་ནི་མེད་ཀྱང་རུང་༔ ཡོད་ན་རྩང་ཕུར་ཉེར་བརྒྱད་ནི༔ དབང་ཕྱུག་ཉི་ཤུ་རྩ་བརྒྱད་ཡིན༔ དེ་རྒྱབ་སྒོ་རྩང་བསླང་སྟེ་བཙུགས༔ བ་སུ་ཏའམ་སྔོ་དམར་ཐག་པས་དཀྲིས༔ མདུན་དུ་རང་གི་སྙིང་ཁ་ལས༔ མི་མཐོ་བར་བཤམས་ཞབས་སུ་ནི༔ གོད་ཤུན་ནམ་ནི་ཚར་རུ་འདྲ་བ་ཡི༔ གཡང་གཞི་བཏིང་བ་རུ་ཏྲའི་པགས་པ་ཡིན༔ ཡོད་ན་ཧོམ་ཁུང་ཤོག་ལིང་བཅུག༔ ཕུར་པས་གཟིར་ལ་གཏོར་ཟློག་གི༔ མདུན་ནམ་འོག་ཏུ་བཞག་པར་བྱ༔ མེད་ན་ཟན་ལིང་བཞག་པས་འཐུས༔ གཞན་ནི་ཕུགས་གཏོར་ཚོགས་མཆོད་དང་༔ གཏོར་འབུལ་སོགས་ནི་སྤྱི་ལྟར་ལས༔ ལིང་ཆུང་བསྒྲལ་རྒྱུ་གཏོར་ཆུང་དང་༔ མཐེབ་སྐྱུ་མང་དུ་བཅའ་བར་བྱ༔ ༈ དེ་ནས་སྐྱབས་འགྲོ་སེམས་བསྐྱེད་དང་༔ སྔོན་འགྲོ་ལྷ་གཞུང་སྤྱི་ལྟར་རོ༔ ཕུར་པ་གཙོ་བོ་བྱེད་པ་ན༔ ཕུར་པའི་ལས་བྱང་བསྟོད་པ་དང་༔ བཀའ་སྲུང་མ་གཏོགས་ཡན་ཆད་འདོན༔ འཛབ་བསྐུལ་བཏོན་ནས་བསྙེན་པ་ནི༔ ཅུང་ཞིག་བྱའོ་བསྡུ་ན་ནི༔ ལས་བྱང་དུས་ནས་མདུན་བསྐྱེད་ནི༔ མཉམ་དུ་བསྐྱེད་ནས་སྤྱན་འདྲེན་དང་མཆོད་བསྟོད་གཅིག་གིས་ཆོག་པ་ཡིན༔ རྒྱས་པར་མདུན་བསྐྱེད་འདི་འདོན་ནོ༔ བསྡུ་ན་བདག་བསྐྱེད་གསང་སྒྲུབ་ཀྱི༔ མངོན་རྟོགས་་་་་ལས་བྱང་མི་

― CMR017_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་མཆན། ཉུང་ངུ་དེ་ཡིས་ཆོག༔ ཡི་དམ་གུར་དྲག་ལ་སོགས་ནི༔ གཞན་གྱིས་ཁོག་དབུབ་ཡིན་པ་ན༔ ཡི་དམ་དེ་ཉིད་སྐད་ཅིག་ལ༔ རྡོ་རྗེ་གཞོན་ནུར་གནས་འགྱུར་ནས༔ བདག་བསྐྱེད་ནས་ནི་མདུན་བསྐྱེད་ལ༔ ཕུར་པ་བསྐྱེད་པས་ཆོག་པ་ཡི༔ ཁྱད་པར་གུར་དྲག་རཏྣ་ལུགས༔ ཕྲིན་ལས་སྒྲུབ་པའི་ལྷ་ཡིན་པས༔ རང་ཉིད་གུར་དྲག་བསྐྱེད་ཚུགས་ལ༔ མདུན་བསྐྱེད་འདི་ལྟར་བསྐྱེད་པས་ཆོག༔ གང་ལྟར་ན་ཡང་གཏོར་ཟློག་ནི༔ མདོས་གཞི་གླིང་བཞི་རི་རབ་དང་༔ གཞལ་ཡས་ཁང་དང་རུ་ཏྲ་ཡི༔ ཕོ་བྲང་ལས་ནི་གྲུབ་པར་བསྒོམས༔ གཏོར་མའི་སྟོད་ནི་ལྷ་རུ་བསྐྱེད༔ བར་ནི་མཆོད་པ་སྣ་ཚོགས་སྨད༔ དགྲ་བགེགས་ཤ་ཁྲག་དག་ཏུ་བསྒོམས༔ མདོས་སམ་ཟློག་པ་བདུད་རྩིས་བྲན༔ ཕཊ༔ སྐད་ཅིག་གིས་མདོས་གཞི་སོགས་ནས་ཡེ་ཤེས་ངང་དུ་ཕྱག་འཚལ་བསྟོད༔ སྐབས་འདིར་མདུན་བསྐྱེད་གསལ་གདབ་ཅིང་༔ བསྙེན་པ་མང་ཉུང་སྐབས་དང་བསྟུན༔ དེ་ནས་ཚོགས་ནི་བྲན་བྱས་ནི༔ ཨོཾ་ཨ་མྲྀ་སོགས་ནས། མཆོག་དང་ཐུན་མོང་དངོས་གྲུབ་དེང་འདི་སྩོལ༔ དེ་ནས་ཚོགས་ཕུད་འབུལ་་བ་ནི༔ ཧཱུཾ་དཔལ་ཆེན་སོགས་ནས༔ ཁཱ་ཧིའི་བར་བརྗོད་ལ་ཚོགས་ཕུད་དང་པོ་ཡིས༔ བླ་མ་ཡི་དམ་གཏོར་མ་གསོ༔ བདུད་རྩིས་བྲན་ལ༔ ཨོཾ་ཨཱཿཿཧཱུྃ་སོགས་ནས་མཛད་དུ་གསོལ་ཡན་ཆད་བརྗོད༔ དེ་ནས་བར་པས་

― CMR017_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་བ་གསོ༔ མེད་ན་ཡི་དམ་གཏོར་མ་གསོ་བྲན་བྱ༔ ཧཱུྃ་སྣང་སྲིད་སོགས་ནས་ས་མ་ཡ༔ བར་དུ་འདོན་ནས་ཡིག་བརྒྱ་བཟླ༔ དེ་ནས་བྲུབ་ཁུང་ལིངྒ་དང་༔ བྲུབ་ཁུང་བཅས་པ་ཚུར་མདུན་བཞག༔ མ་བཞག་དེ་ལ་དམིགས་ཀྱང་ཆོག༔ ཟངས་ལྕགས་ཐོད་པའི་སྣོད་དུ་ནི༔ ཟན་ལིང་ཆེ་བ་གཅིག་གམ་ཡང་ན་ནི༔ ལིང་ཆུང་བཅུ་ནི་ཁྲག་གིས་བྲན༔ ཚོགས་ཀྱི་མདུན་དུ་མཉམ་དུ་བཤམས༔ ཆང་རྒོད་དག་གིས་བྲན་བྱས་ལ༔ ཨོཾ་བཛྲ་རཀྵ་དུ་ཁཾ་ནས༔ ཧོ་ཧོའི་བར་བརྗོད་གཏོར་ཆུང་གཅིག༔ བྲན་ལ་དུག་མདའ་ནག་པོ་འདོན༔ བསྡུ་ན་ལེའུ་གཅིག་པོས་ཆོག༔ གཏོར་ཆུང་དེ་ཉིད་བཟློག་མདོས་ཀྱི༔ ཟུར་དུ་ཕུལ་ལ་དེ་ནས་ནི༔ ཕུར་པ་ལ་སོགས་ཐུན་རྫས་སོགས༔ མདུན་དུ་བཞག་ནས་བསྒྲལ་ལས་བྱ༔ ཕོ་ཉ་རྣམས་ཀྱིས་བཀུག་པ་སྟེ༔ ལྷ་དང་ཕྲིལ་བ་འདི་སྐད་དོ༔ ཧཱུྃ་དམ་ཚིག་སོགས་ནས། སྐྱེ་མཆེད་བཅུ་གཉིས་ལ་ཁ་ཁ་ཁཱ་ཧི་ཁཱ་ཧིས་བར༔ ལས་འགྲིགས་བཞིན་དུ་རྫོགས་པར་སྦྱར༔ དེ་ནས་གཏོར་ཟློག་བདུད་རྩིས་བྲན༔ ཧཱུྃ༔ གྲུ་གསུམ་མཐིང་ནག་ཅེས་པ་ནས༔ དམ་ཉམས་དགྲ་ལ་བསྒྱུར་ཞེས་པ་ཕུར་ཟློག་ཁྲོ་རྒྱལ་སྟོབས་འདུས་འདོན༔ དབལ་མདོས་སྦྲེལ་མ་ཡིན་ན་ནི༔ ཧཱུྃ་མ་ནོར་མ་བཅོས་ཞེས་པ་ནས༔ ཕྱེ་མ་ཕྱེ་མ་བྷྱོ་བྷྱོ་ཟློག་ཟློག༔ བར་གྱི་དབལ་མདོས་ཚང་བར་འདོན༔ དེ་ནས་བཀའ་

― CMR017_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཀྱི་ཁྱུང་ཟློག་འདིར་སབ༔ ལས་བྱང་ཚོགས་ལ་རོལ༔ ལྷག་མ་ལས་བྱང་ལྟར་འདོན་ནས་མདོས་ཀྱི་ཟུར་དུ་ཕུལ༔ རྩང་ནི་ཡོད་ན་བཀའ་བརྒྱད་རྩང་གྱེར་འདོན༔ མེད་ཀྱང་ཆོག༔ དེ་ལྟར་ཞག་གྲངས་དུ་བྱེད་ལ༔ ཟློག་གཞུང་ཚར་རེའི་ཆོག་པ་ཡིན༔ ཐུན་བཞིའམ་ནི་དྲུག་ལ་སོགས༔ ཐུན་མགོར་བསྙེན་པ་ཅི་ནུས་བྱེད༔ བདག་བསྐྱེད་ལྷ་རྣམས་ཐམས་ཅད་ཀྱི༔ སྔགས་སྒྲ་དི་རི་རི་སྒྲོག་པར་བསམ༔ སྟོང་ཕྲག་གམ་ནི་ཅི་རིགས་བཟླ༔ ཐུན་གྱི་མཇུག་ཏུ་འདི་ཉིད་ལན༔ ཉེར་གཅིག་གམ་ནི་བདུན་ཙམ་བརྗོད༔ ཨོཾ་བཛྲ་སོགས་ནས་ནན་བར་འདོན༔ དེ་ནས་ཐུན་མཚམས་དམར་གཏོར་ཆུང་ངུ་གཅིག་བྲན་ནས༔ སྟོང་ཚིག་མཆོད་པ་བྱས་པ་སྟེ༔ ཡེ་ཤེས་ཕུར་པའི་ལྷ་ཚོགས་ནས༔ སྐུ་གསུང་ཐུགས་ཡོན་དངོས་གྲུབ་མ་ལུས་སྩོལ༔ ཡང་ན་སྟོང་གསུམ་སྟོང་གི་འཇིག་རྟེན་འདི༔ སོགས་ནས། བགེགས་ལ་བློ་བཟློག་བསྒྲལ་དུ་གསོལ༔ ཞེས་འདོན་གཏོར་ཆུང་མདོས་ནང་འབུལ༔ ཐལ་མོ་རྡེབ་སོགས་ཐུན་མཇུག་གོ༔ དེ་ནས་ཞག་བདུན་ལ་སོགས་ལ༔ བྱས་ནས་གཏོར་སྒྲུབ་བསྙེན་སྒྲུབ་ཀྱི༔ གོ་ཡང་ཆོད་དེ་རྨི་ལམ་དུ༔ གནས་དང་རི་ལ་མེ་འབར་བ༔ ཕུར་པ་རྡོ་རྗེ་ཁཊཾ་སོགས༔ ཕྱག་མཚན་རྙེད་དང་མེ་ཏོག་ནི༔ སྔོན་པོ་འཐུ་བ་ནམ་མཁར་འཕུར༔ ཆུ་བོ་བརྒལ་བ་མཚོ་ཆེན་

― CMR017_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

གཤགས༔ གླང་གཡག་ཞོན་དང་ཞལ་མཇལ་དང་ལུང་སྟོན་མར་མེ་འཛིན་པ་དང་༔ གཏོར་མ་དབྱར་མི་རུལ་དང་དགུན་མི་འཁེང་༔ ནང་མཆོད་ཡོན་ཆབ་འཁྲུགས་སོགས་ལྷ་རྟགས་དང་༔ མཁར་བརྩེགས་ས་བཙན་བཟུང་བ་དང་༔ གོ་ཁྲབ་ལ་སོགས་རེ་བ་དང་༔ རིམ་པ་ལ་སོགས་བསྲུང་རྟགས་ཡིན༔ དམག་དང་རྦབ་དང་སེར་བ་ཟློག༔ ཕུར་པ་དང་ནི་ཟོར་བཅག་པ་༔ དཔའ་སེམས་སྐྱེ་བ་བཟློག་རྟགས་ཡིན༔ སེམས་ཅན་བཀྱིགས་བརྡུང་བསད་པ་དང་༔ ཁ་བསྡམ་པ་དང་ངུ་བ་དང་༔ ཕྱག་འཚལ་སྲོག་སྙིང་འབུལ་བ་ནི༔ ཐུལ་རྟགས་ཡིན་ཏེ་དེ་རྣམས་འབྱུང་༔ ཡང་ན་དགུ་གཏོར་དང་ནི་ཐེབས་ཡོད་བློན། ཉིན་རྫོགས་བྱས་ན་ཆོག་པ་སྟེ༔ གལ་ནི་ཆེ་ན་མདུན་བསྐྱེད་དང་༔ བསྒྲལ་ལས་བསྟབ་པ་གཅིག་བྱས་ཏེ༔ མཐེབ་སྐྱུས་གསོ་བྲན་བདུད་རྩི་བྲན༔ ཟློག་གཞུང་དངོས་ནི་ཚར་གསུམ་སོགས༔ བདུན་དང་དགུ་སོགས་ཅི་ཐོན་འདོན༔ དེ་ནས་ཟོར་ནི་འཕེན་པ་ན༔ མདའ་ལ་འུག་སྒྲོ་སོགས་ནི་གཞུང་ལྟར་དགོས༔ མེད་ན་མདའ་དྲུག་གཞུ་དང་བཅས༔ ཀོང་ཟོར་ཐོད་ཟོར་ཟོར་མན་ནི༔ རུ་ཏྲའི་སྙིང་ཟོར་དང་བཅས་དགུ་དང་ནི༔ རས་སམ་བལ་གྱིས་ཟོར་རྣམས་བཀབ་ལ་བཞག༔ གཞུ་ཡི་མཆོག་གཉིས་ཆང་ཟུང་དང་༔ གསུམ་ལ་རས་སམ་དར་བཏགས་སོ༔ གཏོར་རྫོང་རྒྱུ་ཡི་གཏོར་ཆུང་ནི༔ སུམ་ཅུ་དང་ནི་དཀར་

― CMR017_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་གཅིག༔ ཆད་མདོ་བརྟན་སྐྱོང་གདོང་ལྷ་གསུམ༔ གཞན་ཡང་ཆོས་སྐྱོང་གཏོར་འབུལ་རྒྱུ༔ གཏོར་མ་བཅས་ལ་འབུལ་ཉིན་ནི༔ གཏོར་ཟློག་སྔ་ཚེ་ཚར་གཅིག་འདོན༔ ཚར་ནས་ཟོར་ལམ་ལ་སོགས་ནི༔ བཀའ་བརྒྱུད་ལ་སོགས་གཞུང་ནས་འདིར་བླངས་སོ༔ གསུངས་པས་སྒོ་དབྱེ་སྒོ་རྩང་ཤབ༔ ཧཱུྃ༔ ཤར་གྱི་ཕྱོགས་ཀྱི་སྒོ་མ་ནི༔ སོགས་ནས་པྲ་ཝེ་ཤ་ཡ་ཕཊ༔ བར་དུ་འདོན་ནས་གསེར་སྐྱེམས་གཅིག༔ མཆོད་དེ་ཕུར་པ་རང་གཞུང་ངམ༔ གང་རུང་གཅིག་སྦྱར་གསེར་སྐྱེམས་མཆོད༔ དེ་ནས་མདོས་ཞལ་ཕྱིར་བསྒྱུར་ལ༔ གཏོར་ཆུང་སུམ་ཅུས་བསྐོར་ལ་བཤམས༔ རེ་རེ་ནས་བཟུང་ཕུར་པ་ཡིས༔ བསྟོད་པ་ཟུར་འགེབས་གཙོ་བོ་ཡབ་ཡུམ་གཉིས༔ ཁྲོ་བོ་སྤྱི་དང་ཁྲོ་བཅུ་དང་༔ སྲས་མཆོག་ཕུར་སྲུང་བཅུ་དྲུག་གི༔ བསྟོད་པའི་མཇུག་ཏུ་ཕྱག་འཚལ་བསྟོད༔ དམ་རྫས་བརྒྱན་གྱིས་གཏོར་མ་འདི་བཞེས་ལ་༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཅེས་གཏོར་མའི་རྫོང་བ་བྱས་ནས༔ ཧཱུྃ༔ རྡོ་རྗེ་གཞོན་ནུའི་རིག་འཛིན་ནས༔ མ་ཏི་ཏྲ་མ་ཏི་བར་འདོན༔ ལྷ་་ཚོགས་ཐམས་ཅད་ནམ་མཁའ་ལ༔ བཏེག་ནས་བཞུགས་བསམ་ཐུགས་རྗེ་ཡིས༔ འོད་ཟེར་ཉི་མ་ཤར་བ་ལྟར༔ བདག་དང་ཡོན་བདག་ལ་ཕོག་ནས༔ བར་ཆད་བསལ་དང་དངོས་གྲུབ་ཐོབ་པར་བསྒོམ༔ གཏོར་

― CMR017_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག་གོམ་པ་བདུན་གྱི་སར་དཔག་ལ༔ རཀྟས་བྲན་ཏེ་གཞུང་ནས་ནི༔ ཟ་ལམ་འདོན་ནི་གསུངས་པ་ལྟརཿ༔ སྲིན་མོ་ཟ་ལམ་མ་འདི་འདོར༔ ༈ དེ་ནས་འབུལ་ལུགས་བསྡུས་པ་གཏོར་སྐྱོང་ལུགས༔ འབྲིང་པོ་མདོས་ལུགས་རྒྱུས་པ་ཟོར་ཐབས་ལུགས༔ ཟོར་ཐབས་ལ་ཡང་ཟོར་དང་གཏོར་རྒྱབ་གཉིས༔ དང་པོ་སྨད་ཆ་ཟོར་ལས་འདོན་བྱས་ནས༔ ཕྱོགས་ནི་གཙང་སར་འབུལ་རྒྱུ་བསྐུར༔ དེ་ཚེ་བཟློག་སྔགས་འདོན་ཞིང་རྔ་བརྡུང་ངོ་༔ ཚུར་སླེབ་རྟ་བྲོ་འདོན་པ་གཏོར་སྐྱོང་ལུགས་གཅིག་འཇམ༔ དེ་ཡང་གོམ་པ་བདུན་ཅུ་བས༔ མི་ཉེ་སར་སྐྱེལ་ཉེ་ན་ནི༔ འཁོར་ལ་གནོད་པས་གནད་ཆེན་ཡིན༔ གཉིས་པ་ཕྱོགས་ནི་གཙང་སར་ནི༔ སྔོན་དུ་དཀར་བགེགས་ཁྱེར་བ་དང་༔ དེ་ནས་ཆོས་སྐྱོང་གཏོར་མ་རྣམས༔ དེ་ནས་མདོས་དང་དེར་ནག་ཁྱེར༔ ཐང་བཞག་གསེར་སྐྱེམས་དཀར་གཏོར་ཕུལ༔ དེ་ནས་ཟོར་འཕེན་ཟོར་ལིང་བསྲེགས༔ ཐལ་བ་དམར་གཏོར་ཚོ་ལ་བཏབ༔ ཆད་མདོ་བརྟན་སྐྱོང་ལྡང་ལྷ་དང་༔ ཆོས་སྐྱོང་གང་ཡོད་ཚོ་ལ་གཏོར་མ་ཕུལ༔ དེ་ནས་མདོས་བཀྱག་ཐུན་གཏོར་གྱི༔ བཟློག་ཐུང་འདོན་ལ་ཐང་ལ་བཞག༔ ཅུང་ཤབ་ཕར་ལ་རྩེ་བསྟན་ལ༔ གཏོར་ཟློག་ཕུལ་ལ་གཏོར་མ་རྣམས༔ དངོས་གྲུབ་ཚུལ་བླངས་རྟ་བྲོ་བྱ༔ དེ་ནི་མདོས་ཀྱི་ཕུལ་ལུགས་སོ༔ ཟོར་ཐབས་ལ་ནི་གཞན་འདྲ་བས༔ ཟོར་གྱི་རྗེས་ནས་ཟློག་པ་

― CMR017_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་བསྐོར་གཏོར་ཆུང་ཆུང་ཡོད་པ༔ ཉེར་གཅིག་དེ་ནི་དུག་མདའ་ནག་པོ་ཡི༔ མཇུག་གི་དབང་ཕྱུག་སྤྱི་ལ་གཅིག༔ བདུན་རེར་རེ་རེ་བྱས་པ་བཞི༔ དེ་ནས་བསྟོད་པའི་མཇུག་གི་ནི༔ ཕུར་པའི་སྲུང་མ་བཅུ་དྲུག་ལ༔ གཅིག་བཞི་བཅུ་དྲུག་ཉེར་གཅིག་སྟེ༔ སོ་སོའི་བསྟོད་བསྐུལ་བྱས་ནས་ནི༔ རེ་རེ་བཞིན་ཏུ་འཕང་བ་སྟེ༔ སྤུ་གྲིའི་སྔགས་ནི་ཁོ་ནས་འཕང་༔ དེ་ནས་གཏོར་འབུལ་རྣམས་བྱའོ༔ དེ་ནས་མདོས་ནི་བཀྱགས་བྱས་ལ་ཟློག་ཐུང་འདོན་ནས་ཕར་ལ་བརྫོག༔ ཡང་ན་གཏོར་སྒྲུབ་བྱས་པ་ན༔ ནད་པ་གདོན་ཆེན་ལ་བྱ་སྟེ༔ ཟོར་མི་འཕེན་པར་དཀར་གཏོར་དང་༔ གསེར་སྐྱེམས་ཕུལ་ལ་རང་ཉིད་ནི༔ ཕྱོགས་ནི་གཙང་སར་ཁ་གྱུས་ལ༔ མདུན་དུ་ནད་པ་ཉལ་བཅུག་སྲུང་འཁོར་བཀྲོལ༔ ནད་པའི་རྣམ་ཤེས་ཚེ་བསོད་དང་༔ ཐིག་ལེ་དཀར་པོ་ཡར་ལ་ནི༔ ནམ་མཁར་ཡི་དམ་ཐུགས་ཀར་བསྟིམས༔ ལུས་ནི་ཧོམ་ཁུང་དུ་གྱུར་པའི༔ ནང་དུ་གདོན་དང་བགེགས་རྣམས་བསྒོམ༔ གཏོར་མ་མེ་དཔུང་གྱུར་པས་བརྒྱབ༔ གཞོབ་ཐུལ་དུ་ནི་སོང་བར་བསྒོམས༔ ཆད་མདོ་ལ་སོགས་གཏོར་འབུལ་གྱི༔ ཐམས་ཅད་རིམ་པ་བཞིན་ཏུ་བརྒྱབ༔ ལྷ་ནི་དྲགས་དྲགས་རྗེས་ནས་འདོན༔ དེ་ནས་གོང་ལྟར་གཏོར་ཆུང་ཉེར་གཅིག་བརྒྱབ༔ དེ་ནས་ཁྲོ་བཅུའི་མཚམས་གཅོད་དེ༔ འདོན་ཅིང་གཏོར་མ་བཅུ་པོ་

― CMR017_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱབ༔ དེ་ནས་གཙོ་བོའི་བསྟོད་བསྐུལ་འདོན༔ གཙོ་བོའི་གཏོར་མ་ནད་པ་ཡི༔ སྟེང་དུ་རྩེ་ཕར་བསྟན་ལ་ཕུལ༔ དེ་ནས་རྣམ་ཤེས་ཐིག་ལེ་མར་བསྟིམས་སྲུང་འཁོར་བྷེ༔ ནད་རིམས་ཚད་པ་གཉན་ལ་མི་རུང་ངོ་༔ གདོན་གཟའ་མ་མོ་ཀླུ་དང་གདོལ་པ་ལ༔ མི་རུང་ནད་ནི་རླུང་ནད་ལ༔ སྲོག་རླུང་གཅོང་ནད་གདོན་རྒྱལ་འགོང་༔ ཐེའུ་རང་འདྲེ་མོ་ཕུང་སྲི་དང་༔ ཤི་སྒབ་གཅོད་ལ་ཟབ་པ་ཡིན༔ གལ་ཏེ་ཟོར་འཕེན་གསེར་སྐྱེམས་ནི༔ ཕྱོགས་དེར་གཏོར་ཞིང་ཟོར་ལམ་ཕྱེ༔ ཟོར་ལམ་འགྲིགས་ཆོག་བཞིན་དུ་ནི༔ ཧཱུྃ༔ གཟུ་དང་དཔང་དུ་དཀོན་མཆོག་བཞུགས༔ སོགས་ནས་ཚིན་མཱ་ར་ཡ་ཕཊ༔ གཞུང་བཞིན་གྱེར་ནས་རི་བོང་གི༔ མགོ་དེ་དུམ་བུ་མང་དུ་གཏུབས༔ ཤོག་ལིང་ཡོད་ན་གཏོར་ཟློག་གི༔ མེ་རུ་སྦྱར་ལ་སྲེག་པར་ཁྱེར༔ ཐལ་བ་དམར་གཏོར་ཀུན་ལ་གཏོར༔ མགོ་དུམ་གཅིག་ནི་གཏོར་ཟློག་ནང་དུ་ཕུལ༔ དུམ་གཅིག་དུམ་བུ་མང་བྱས་ལ༔ དམར་གཏོར་ཀུན་གྱི་ནང་དུ་ཕུལ། དུམ་གཅིག་ས་ལ་དོང་བྲུ་སྦས༔ སྟེང་དུ་རྡོ་རྗེ་རྒྱ་གྲམ་བྲི༔ དེ་ནས་གཏོར་ཟློག་བཀྱགས་བྱས་ལ༔ གཏོར་ཟློག་ཐུན་གཏོར་དེ་འདོན་ནས༔ གཏོར་མའི་རྩེ་ནི་ཕར་བསྟན་བསྐྱེལ༔ གོང་གི་རྒྱ་གྲམ་བྲིས་པའི་སྟེང་༔ གཏོར་སྣོད་ཐམས་ཅད་སྒྲུབ་ལ་བཞག༔ སྟེང་དུ་དར་ནག་དྲིལ་ལ་བཙུགས༔ གནོད་བྱེད་སྒབ་འདྲེ་དམ་སྲི་སོགས་

― CMR017_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ནས༔ མཱ་ར་ཡ་ནན་བར་དུ་འདོན༔ དེ་ནས་སློབ་དཔོན་རྗེས་ནས་བསྡད༔ ཕྱི་མིག་མི་ལྟ་བར་ནི་འོང་༔ ཡེ་ཤེས་བྱ་ཁྱུང་རབ་ཏུ་ནི༔ ཁྲོས་པས་རྗེས་ནི་བཅད་པར་བསམ༔ ཨོཾ་བཛྲ་གྷ་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ཅེས་བརྗོད་ནང་དུ་འོང་བར་བྱ༔ རྒྱས་པར་གྲུབ་ན་དགའ་སྟོན་གྱི༔ ཚོགས་འཁོར་གཞུང་ངམ་གང་རུང་བྱ༔ ཚེ་འགུགས་བཀྲ་ཤིས་རྒྱས་པར་བྱ༔ སྲུང་འཁོར་བསྒོམས་་ཤིང་རྗེས་ཆོག་ནི༔ བསྔོ་བ་སྨོན་ལམ་སྤྱི་ལྟར་བྱ༔ བླ་མས་བསྒྲིགས་པའི་རྗེས་ཆོག་ལྟར༔ བྱ་ཞིང་སྟོང་ཉིད་ཉམས་ལེན་འདི༔ ཐུན་གཅིག་སྐྱོངས་ཤིག་མངྒ་ལཾ༔ འདི་ནི་ཕུར་ཟློག་ཁྲོ་རྒྱལ་སྟོབས་འདུས་ཏེ། ཕུར་པའི་དབལ་མདོས་ཟོར་ཐབས་བཅའ་བའི་ལུགས༔ ཡིན་ན་དེ་གཉིས་ཁ་རྐྱང་བྱེད་པ་ལ༔ གཞུང་འདི་གཅིག་པོ་སྒྱུར་བ་མ་གཏོགས་འདྲ༔ དབལ་མདོས་མདོས་ཐབས་བཅའ་ན་ཡང་༔ བཅའ་ཚོགས་གཞུང་གི་ཡིག་ཆུང་ལྟར༔ འདོན་ལུགས་སོགས་ནི་འདི་དང་འདྲ༔ འདི་ནི་འདོན་ཆེ་ས་ཕུར་སོགས༔ གཏེར་ཁ་གཞན་ནས་མ་བསྲེས་པ༔ རཏྣ་རང་གཞུང་སླད་མེད་ཡིན༔ བཀའ་བརྒྱད་ནང་ནས་སབ་དགོས་པས༔ གཞུང་ནས་ཁ་འཕང་བྱས་པ་ཡང་༔ བཙུད་དེ་བལྟས་ཆོག་ཁྱེར་བདེ་བ༔ བླ་མའི་གསུངས་དང་བསྒྲིགས་ཆོག་ལྟར༔ མ་ནོར་ཅི་བཞིན་ཁོ་བོའི་བྲིས༔ ཉེས་འགལ་མཆིས་ན་ལྷ་དང་སྲུང་མར་

― CMR017_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

བཤགས༔ དགེ་བས་འགྲོ་ཀུན་རྡོ་རྗེ་གཞོན་ནུ་ཡི༔ གོ་འཕང་ཐོབ་པའི་ཕྱིར་དུ་བསྔོ༔ སྲུང་མ་དམ་ཅན་རྒྱ་མཚོ་ཡིས༔ དོན་མེད་ལག་ཏུ་མ་ཤོར་ཅིག༔ ཁོ་བོ་སྔགས་ནག་རཱ་གས་བསྒྲིགས༔ ཡི་གེ་པ་ནི་རིག་འཛིན་དབང་ཕྱུག་གོ༔ ས་མཱ་ཡ༔ རཀྵ་རཀྵ༔ སརྦ་མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྡོ་རྗེ་ཕུར་པའི་དབལ་མདོས་ཀྱི་ཟློག་པ་ཆེན་མོའི་ཟིན་བྲིས་རབ་ཏུ་གསལ་བ།

― CMR017_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་དབལ་མདོས་ཀྱི་ཟློག་པ་ཆེན་མོའི་ཟིན་བྲིས་རབ་ཏུ་གསལ་བ་བཞུགས་སོ།།

― CMR017_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མ་ཤྲཱི་བཛྲ་ཀུ་མཱ་རཱ་ཡ། རྡོ་རྗེ་ཕུར་པའི་ལྷ་ལ་ཕྱག་འཚལ་ལོ། །བཀའ་ཡི་གནང་བ་སྩོལ་ལ་བྱིན་གྱིས་རློབས། །རྡོ་རྗེ་ཕུར་པའི་ལས་མཐའ་དབལ་མདོས་ཀྱི་ཟློག་པ་ཆེན་པོ་དང་། འབྲིང་པོ་གཏོར་ཟློག་དབལ་མདོས་སྦྲགས་མ་དང་། བསྡུས་པ་གཏོར་ཟློག་ཁྲོ་རྒྱལ་སྟོབས་འདུས་གསུམ་དུ་ཕྱེ་ན་ཡང་། འདིར་དབལ་མདོས་ཀྱི་ཟློག་པ་ཆེན་མོ་བསྟན་ཏེ། ཕུར་པའི་རྒྱུད་ལུང་མན་ངག་ལས། །དུས་འཁྲུག་མཐའ་དམག་བཙའ་སད་སེར། །མི་ཕྱུགས་ནད་དང་ཤི་སྲི་གཅོད། །ནང་རྒྱས་དྲོད་གཏོང་བཟློག་པའི་ཕྱིར། །དབལ་མདོས་ཟློག་པ་ཆེན་པོ་ནི། །མདའ་འཕང་ཤིང་

― CMR017_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་ནམ་རྒྱང་དང་། །སྐུ་གཟུགས་ཟློག་འཁོར་སྔགས་བྱང་བཅས། །གཞུང་ལྟར་སྟ་གོན་ལེགས་གྲུབ་ནས། །དྲོད་རྟགས་དམ་ཚིག་ལྡན་པ་ཡིས། །གཟའ་སྐར་དྲག་པོའི་ཉི་མ་ལ། །དམར་ནག་དུར་ཁྲོད་རི་བྲག་གམ། །ལྷ་ཀླུ་གཉན་པོ་གནས་པའི་སར། །རྡོ་རྗེ་གཞོན་ནུའི་ང་རྒྱལ་གྱིས། །མདོས་དང་གཏོར་ཟློག་ལེགས་པར་བཅའ། །ཞེས་པས། དབལ་མདོས་ཀྱི་ཟིན་ཐོ་དང་། མདོས་འཕྱངས་སོགས། གཏེར་གཞུང་འགའ་དང་། མཛད་ཆོས་ཕལ་ཆེར་ནས་བྱུང་བ་རྣམས་ཀྱི་དོན་བསྡུས་གོ་བསྟུན་ནས་གཞན་དང་ཡང་མི་འགལ་ཞིང་ལག་བླང་ཁྱེར་བདེ་བར་བཀོད་

― CMR017_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདི་ལྟར་རོ། །དང་པོ་ནི་ཁྱུང་བཅའ་བའམ་བྲིས་སྐུ། ཙཀ་ལི་ཐམས་ཅད་ཤིང་རིས་རྣམས། ཟློག་འཁོར་སྔགས་བྱང་རྣམས། རི་རབ་ཀྱང་རབ་ཤིང་བྲེ་ལྟ་བུ། སྟེང་མ་རྒྱ་ཆེ་བ། དེ་འོག་གཉིས་ཅུང་ཡང་བ། དེ་རྒྱབ་གཉིས་རྒྱུ་ཆུང་བ། རྩག་རྣམས་མཐོ་བ། འཇིམ་པ་ལ་བྱས་ཀྱང་རུང་སྟེ། དེ་ལྟར་གང་བྱེད་ཀྱང་། ཤར་དཀར་ལྷོ་སྔོ་ནུབ་དམར་བྱང་སེར། མདོས་ཁྲི་སྒོ་ཁྲི་ཁྱེར་བདེ་བ་ཕྱོགས་སོ་སོར་མདའ་ཚད་རེའི་དྲག་ཙམ། འབུལ་དུས་དུད་ཆེ་འབྲིང་གི་སྒོ་ལ་ཐར་བའི་ཚད་བྱས་པ། གཞན་རྩང་རིང་ཐུང་། རྒྱལ་མཚན་བཞི༔ འཕན། མདའ་དར་བརྒྱད། ནམ་མཁའ་ཕྱོགས་མདོག་ཉེར་བརྒྱད་རྩིབས་བརྒྱད་གུར་ནམ། བྲུབ་ཁུང་བཅས་པ་སྔ་ཚེ་ནས་འཛོམ་པར་བྱ་དགོས་སོ།། ༈ ནས་བཅའ་གཞི་གཤམ་བཀོད་ཀྱི་རིམ་པ་ནི། རི་རབ་ཤིང་ཡིན་ན་འབྲུ་ཡིས་བཀང་། ས་ལ་འཆོས་པ་ཡིན་ན་ཐང་ལུད་ཕུབ་མ་སོགས་ཀྱིས་བཀང་། ནང་དུ་གསེར་སྐྱེམས་བརྡར། འབྲུ་སྣ་བཏབ། རི་རབ་སྟེང་དུ་གཙོ་བོ་ཡབ་ཡུམ་གྱི་གཏོར་མ་ཁྲུ་གང་། ཁྱུང་སྐུ་མར་རྒྱན་སོགས་ཀྱིས་བརྒྱན་པ་བྱས། ཕྱོགས་བཞིར་གཏོར་མ་མཐོ་རེ་བ་བཞི་སྲས་བཞི། དེ་རྒྱབ་བཅུ་ནི་

― CMR017_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་བོ་བཅུ་ཁྲ་ཐབས་དང་བཅས་པའོ། །བང་རིམ་གཉིས་པ་ལ། ཕྲ་མེན་མ་ལ་དམར་གཏོར་འཁྱུད་རེ་ཙམ་པ་བཅུ། བང་རིམ་གསུམ་པ་ཤྭ་ན་བཞི་ལ་མི་རོ་བཞི། བདག་ཉིད་མ་བཞི་ལ་སྙིང་བཞི། བང་རིམ་བཞི་པ་ལ། བསེ་མོ་བཞི་ལ། ཞག །འོ་མ། ཁྲག་དང་། མར་ཆུའི་མཚོ་ཆུང་བཞི། གིང་བཞི་ལ་བཤོས་བུ་མཁར་ཐབས་བཞི། །བང་རིམ་ཐ་མ་ནི་མདོས་གཞིའི་སྟེང་དེར། བསྲེ་ཡི་གིང་བཞི་ལ་བཤོས་བུ་རྩེ་རིང་བཞི། ཤན་པ་བཞི་ལ་དམར་གཏོར་བཞི། དེ་མཐར་དབང་ཕྱུག་མ་ཉེར་བརྒྱད་ལ་ཀོང་ཟོར་ཉེར་བརྒྱད་།་སྡོམ་ཆངས་ཉེར་བརྒྱད། དམ་ཅན་སྤྱན་ལྔ་ལ་མཁར་ཐབ་རྩེ་ལྔ་ར་མགོ་ཅན། མཐར་ངར་མི་བཅུ་གསུམ། མར་མེ་བཅུ་གསུམ། དེ་རྣམས་ཀྱི་བར་དུ་མཐེབ་སྐྱུ་ཤ་དུམ་གྲངས་མེད་བསྐོར།་ལྕགས་རིའི་ནང་དུ་རས་སམ་ཤོག་གུར་བྲིས་པའམ། མེད་ན་འཇིམ་པ་ལ་གླིང་བཞིའི་གཟུགས་བྱ། ༈ དེ་ནས་རི་རབ་བང་རིམ་དང་པོ་ལ། བཀྲ་ཤིས་རྟགས་བརྒྱད། རྒྱལ་སྲིད་སྣ་བདུན། བྱ་རིགས་སྣ་ཚོགས།་དེ་འོག་གཅན་གཟན། རི་དྭགས། དེ་འོག་གཡག་ལུག་ར་གསུམ་སོགས་གཡུང་དྭགས། དེ་འོག་ཆུ་གནས་

― CMR017_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བར་དུ་ཕྱག་མཚན་སོགས་སྐོང་འབྲས་ཚང་བར་བཙུགས། ༈ གཙོ་བོ་ལ་ཅུང་ཉེར་གཅིག་ཁྲོ་བཅུ་དང་སྲས་བཞི་ལ་བདུན་རེ། འཁོར་གཏོར་ཆུང་ཐམས་ཅད་དང་ཀོང་ཟོར་ཉེར་བརྒྱད་ལ་རྩང་གསུམ་རེ་བཙུགས། གཙོ་བོ་དང་། ཁྲོ་བཅུ་ལ་ཤིང་རིས་དཔེའུ་རིས་ལྟར་བྲིས་པ་རེ། ཙཀླུ་བཅས། ཟློག་འཁོར་དཔེ་རིས་ལྟར་བྲིས་པ་ལྔ་དབུས་དང་ཕྱོགས་བཞིར་བཙུགས། ནམ་མཁའ་ཉེར་བརྒྱད་སོ་སོར་བཙུགས། མཐར་ཤིང་རིས་ཉི་ཤུ་མདའ་འཕང་། རྒྱང་བུ་རྣམས་རབ་བཅུ་གསུམ། འབྲིང་བརྒྱད་རེ། ཐ་མ་བཞི་རེས་བསྐོར་བཅུ་བློ་གསུམ་སོགས་དང་། བརྒྱད་སོགས། བཞི་སོགས། ཟེར། དེ་རྒྱབ་རྩང་བརྒྱ་རྩའམ། དྲུག་ཅུ་རེ་གཅིག་རྩང་ལྷས་བྱས་ནས་བཙུགས། ཕྱོགས་བཞིར་སྒོ་རྩང་བཞི་ཐད་ཀར་བཙུགས་། ཟུར་བཞིར་བྱ་ནག་བཞི་བཙུགས་པ་མདོས་ཀྱི་བསྙབས་པའི་ལག་བཞི། ཕྱོགས་བཞིར་མེ་ལོང་བཞི་བཏགས་པའམ། ཟུར་བཞིར་མར་མེ་བཞི་བཞག་པ་ནི་མདོས་ཀྱི་ལྟ་བའི་མིག་བཞི། ཟུར་བཞིར་རྒྱལ་མཚན་བཞི། ཕྱོགས་བཞིར་མདའ་དར་བཞི། ནམ་གདུགས་སོགས་དང་། དཔལ་བེ་ཉི་ཟླ་ནོར་བུས་བརྒྱན། མདོས་ཁྲིའི་ཟུར་བཞིར་རྡོ་ཆུང་

― CMR017_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིས་བཏེག་པ་མདོས་ཀྱི་འགྲོ་བའི་རྐང་བ་བཞི་ཟེར་རོ། །མདོས་གདན་གོད་ལྤགས་སོགས་གཡང་གཞི་ཆེ་ཆུང་གང་རིགས་བཏིང་བ་དེ་ནི། ཡོན་བདག་ཚང་ན་བཞག་མི་རུང་བ་གཏོར་སྒབ་དྲོ་བའི་གནད་ཟབ་བོ། །ཕུར་སྲུང་གསོལ་ཁ་གཡས་སུ་བཤམ། ཟོར་གཞུང་ལྟར་བཅས་ལ། ཟློག་འཁོར་ཟིན་བྲིས་ནང་ལྟར་སྔགས་བྱང་གིས་ཟོར་མདའ་དྲུག་གཞུ་དང་བཅས་པར་དཀྲིས་ལ། ཟོར་ཁེབས་ཀྱིས་བཀབ་ལ་མདུན་དུ་བཞག །སྣོད་གཞན་གཙང་མི་དགོས་པའི་ནང་དུ། ངར་མི་ཁྲུ་གང་། མར་མེ་གསུམ། ཆངས་བུ། སྦྲང་རམ་སོགས་བླུགས་ལ་བཞག །ཡར་མཆོད་གཞིའི་སྟེང་དུ་ཕུགས་གཏོར་ཆ་ཚང་སྨན་རཀ །མཆོད་པ་སྣ་བདུན། ཚོགས་འབུལ་གཏོར། ༈ མར་མདོས་མདུན་དུ་ཁྲག་གི་ཡོན་ཆབ། དབང་ལྔའི་མེ་ཏོག །ཚིལ་ཆེན་གྱི་བདུག་སྤོས། རྐང་གི་མར་མེ། དུག་གི་དྲི་ཆབ། གཏོར་མ་ཟུར་གསུམ་ཤས་བརྒྱན་པའི་ཞལ་ཟས། རྐང་གླིང་གི་རོལ་མོ། སྨན་རཀ་སོགས་གཏོར་ཆུང་སུམ་ཅུ། ལིང་ག་བཅུ། བསྒྲལ་ཆས་སོགས་བཤམས་པ་དེས་ནི། དབལ་མདོས་ཀྱི་ཟློག་པ་ཆེན་མོ་ལེགས་པར་འགྲུབ་བོ།། ༈ གཉིས་པ་འདོན་

― CMR017_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲིགས་ནི། དང་པོ་སྐྱབས་སེམས་དཀར་བགེགས། ཐུགས་སྒྲུབ་དང་། ཡི་དམ་གཙོ་བོ་གང་ཡིན་དེའམ། ཁྱད་པར་གུར་དྲག་རཏཱ་ལུགས་འདི་ནི་ཕུར་པ་ཕྲིན་ལས་སྒྲུབ་པའི་ལྷ་ཡིན་པས། དྲག་པོའི་ལས་བྱང་གཞུང་བསྲང་ལ། བདག་བསྐྱེད་གུར་དྲག་བསྐྱེད་ལ། མདུན་བསྐྱེད་ཕུར་པ་ལྟར་བསྐྱེད་པས་ཆོག་ཀྱང་། ཕུར་པ་རང་གཞུང་བསྲང་བ་གལ་ཆེ་བས། །ཕུར་པའི་ལས་བྱང་བསྟོད་པ་ཡན་འདོན། བསྙེན་པ་ཅི་ནུས་བྱ། གཞན་རང་གི་ཆོས་སྲུང་སོགས་ལྷ་གཞུང་བསྲང་། དེ་ནས་མདུན་བསྐྱེད་གཞུང་བསྲང་དང་། ཚོགས་བཤམས་ལ་ཚོགས་བྱ། སྐོང་བ་མང་ཉུང་གང་ལྕོགས་དང་། མདོས་འཕྱངས་ཕུར་སྲུང་གསོལ་ཁ་འདོན། ༈ དེ་ནས་མདུན་དུ་ལིང་སྣོད་གྲུ་གསུམ་མམ། ཟངས་ལྕགས་སྣོད་དུ། ཟན་ལིང་ཆེ་བ་གཅིག་དང་། ལིང་ཆུང་བཅུ་ཤ་ཁྲག་གིས་སྦགས་པ་ཚོགས་དུམ། གཏོར་ཆུང་ཉེར་གཅིག་བཤམ། མདོས་འོག་གི་བྲུབ་ཁུང་ཡང་ཁ་ཕྱེས་ལ་བཞག །གཙོ་འཁོར་གྱི་ཕུར་པ་ལྷ་གྲངས་སམ། གདབ་ཕུར་རལ་གྲི་ཕོ་རོག་དང་འུག་སྒྲོ་ཚོན་སྐུད་དང་། ཐོ་བ་སོགས་འཁོ་བའི་ཡོ་བྱད་ཐམས་ཅད་བཤམ། ལིང་ག་ཆང་རྒོད་དམ་ཁྲག་གིས་བྲན་ལ། ཨོཾ་བཛྲ་

― CMR017_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

རཀ་དུ་ཁ་སོགས་ཧོ་བསྐྱེད་དང་། འགུགས་གཞུག་ལན་གསུམ་བྱ། དེ་ནས་འགུགས་ལས། བདག་གི་ཐུགས་ཀ་ནས་ཡི་གེ་ཛཿཧཱུྃ་བཾ་ཧོཿ སྤྲོས་སོགས་འདོན་ཚིག །བསམ་རྒྱུད་དང་འབྲེལ་བས། བབ་བརྒྱད་བསྐུལ་ཏེ་ལིང་ག་ལ་བསྟིམས་ལ། གཏོར་ཆུང་བྲན་ལ་སྐུལ་བྱང་དུག་མདའ་ནག་པོ་ཚར་གཅིག་འདོན། དེ་ནས་ལྷ་དབྱེ་ནས་བཟུང་སྟེ་གཟུགས་ལ་དབབ། བྱད་དུ་བཅུག །སྨྱོ་རུ་གཞུག་པ་སོགས་བྱ། དེ་ནས་གཙོ་བོའི་ཕུར་འདེབས་ནས་བཟུང་སྟེ། གསལ་བ་གསུམ། འཚེངས་བ་གསུམ། གདེང་གསུམ། ཚེ་ཁྲུས་ཀྱི་གནད་ཟབ་དང་ལྡན་པས། སྔགས་པ་ཧོམ་ཁུང་ཁ་ནས་སངས་རྒྱས་པར་གསུང་བའི་དོན་ཁ་ཙམ་མ་ཡིན་པའི་ཚུལ་དང་ལྡན་པའི་ངང་ནས་ཕུར་འདེབས་བསྒྲལ་ལས་གཏུན་རྡུངས་ཞལ་བསྟབ་སོགས་བྱ། ༈ དེ་ནས་མདོས་བདུད་རྩིས་བྲན་ལ། གཏོར་ཟློག་ཁྲོ་རྒྱལ་སྟོབས་འདུས་འདོན། ༈ དེ་ནས་མདོས་མཐེབ་སྐྱུ་འབྲུ་སྣ་སོགས་ཀྱིས་གསོ་བྲན་བྱས་ལ། དབལ་མདོས་ཚང་བར་འདོན་ལ། ཟློག་བྱང་གི་ཚིག་མཚམས་རྣམས་སུ་གཏོར་ཆུང་སོ་སོར་འབུལ། དེ་ནས་ཁྱུང་ཟློག་འདོན། ཚོགས་ལ་རོལ། ལྷག་མ་མདོས་ཟུར་ལྕགས་

― CMR017_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

རིའི་ནང་དུ་བླུགས་ལ་རྩང་གྱེར་འདོན། ཟློག་སྔགས་བརྒྱའམ་ཉེར་གཅིག་སོགས་ཅི་རིགས་བཟླ་གཏོར་ཆུང་བཤམས་ལ། ཧཱུྃ། ཡེ་ཤེས་ཕུར་པའི་ལྷ་ཚོགས་གནས་འདིར་གཤེགས། །སོགས་ཟློག་ཐུང་འདོན་ལ་ཐལ་མོ་ལན་གསུམ་བརྡབ་བོ། །དེ་ལྟར་ཞིག་དགུ་བདུན་སོགས་བྱས་ན་གཏོར་སྒྲུབ་ཀྱི་གོ་ཆོད་དེ། སྲུང་ཟློག་གི་རྟགས་མཚན་འོང་བ་གཞུང་གསལ་སྨོས་མ་དགོས་སོ།།་༈ གསུམ་པ་མདོས་འབུལ་བའི་ལས་འགྲིགས་མདོས་སྔ་མོ་ནས་ཚར་གཅིག་འདོན་ཚར་བར་བྱས་ལ། གཞུང་ལྟར་སྒོ་དབྱེ་བྱ་སྒོ་རྩང་བཞི་ཤབ། དེ་ནས་གསེར་སྐྱེམས་དཀར་གཏོར་རང་གཞུང་ངམ་གཞན་སྤྱི་འགྲོས་ལྟར་བྱ། དེ་ནས་མདོས་ཅུང་ཞིག་ཕྱིར་དཔག་ལ། གཏོར་ཆུང་སུམ་ཅུས་བསྐོར་ཞིང་བཤམས་ལ། བསྟོད་པ་ཟུར་འགེབས། །བཀའ་སྲུང་བསྐུལ་ཡན་ལ་རེ་རེ་བཞིན་འབུལ། དེ་ནས་འཕྱངས་ནང་གི། ༈ ཧཱུཾ། བདུད་འདུལ་ཕུར་པའི་ལྷ་ཚོགས་ལ་སོགས་རྫོངས་འདེབས་བྱ། ༈ དེ་ནས། ཧཱུྃ། དེ་རིང་སྲིད་པའི་མདོས་ཆེན་ལ་སོགས། གཡང་ལེན་དང་ཕུར་གཞུང་གི་དངོས་གྲུབ་ལེན་ཆོག་དང་། དེ་ནས་དབང་བསྐུར་འདོན། ༈ དེ་ནས་སྔོན་དུ་ཁྱེར་རྒྱུའི་དཀར་གཏོར། དེ་རྗེས་སུ་ངར་གླུད་བཞག །དེ་རྗེས་མདོས་ཞལ་ཕྱིར་བསྒྱུར་

― CMR017_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ༈ ཧཱུྃ། ད་ནི་མདོས་ཀྱི་ཞལ་བསྒྱུར་རོ། །སོགས་དང་། ལམ་སྟོན་དང་། ཤི་ས་བསྟན་པ་འདོན། དེ་ནས་མཁའ་འགྲོ་རྒྱུ་ལྡོག །གཟའ་བིཊྚི། སྒྲ་གཅན་སོགས་ཞིབ་པར་བརྩིས་ལ། གདོང་མ་ཐུག་པར་གོམ་པ་བདུན་ཅུ་བས་མི་ཉེ་བའི་སར་ཁྱེར། སྔོན་དུ་དཀར་བགེགས། དེ་ནས་ཟོར་རྣམས་དང་ཆོས་སྐྱོང་གི་གཏོར་མ་རྣམས། དེ་ནས་མདོས་དང་དར་ནག་ཁྱེར། ཐང་དུ་བཞག་ལ་དཀར་གཏོར་གསེར་སྐྱེམས་འབུལ། བགེགས་གཏོར་འབུལ། དེ་ནས་ལིང་ག་ལ་འགུགས་གཞུག་བྱས་ལ་ཟོར་རྣམས་འཕེན། ཟོར་ལ་ལིང་བསྲེགས་ལ་དམར་གཏོར་ཚོ་ལ་བཏབ། ཆོས་སྐྱོང་གི་གཏོར་འབུལ་ཆད་མདོ་བརྟན་སྐྱོང་རྣམས་རིམ་པར་འབུལ། ༈ དེ་ནས་མདོས་བཀྱག་ལ་ཟློག་ཐུང་དང་། སྤུ་གྲིའི་སྔགས་འདོན་ཞིང་ཕུལ་ལ་དར་ནག་བརྡབ་བོ། །རལ་གྲིའི་སོ་ལ་ཛབྲིས་ནས་རི་བོང་མགོ་དེ་དུམ་བུ་གསུམ་དུ་གཏུབས་པ་སོགས་གཞུང་དུ་གསལ་ལོ། །མདོས་གདན་གཏོར་སྣོད་སྦྱབ་པའི་སྟེང་དུ་དར་ནག་བསྒྲིལ་ལ་བཟུང་རྟ་བྲོ་བརྡུང་། ནང་དུ་ལོག་ལ་གཏང་རིག་ཚོགས་དང་། ཚེ་འགུགས་དང་། རྗེས་ཆོག་སོགས་མཐོང་བ་བརྒྱུད་པ་ལྟར་རོ། །ཞེས་པ་རྡོ་རྗེ་ཕུར་པའི་

― CMR017_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

དབལ་མདོས་ཀྱི་ཟིན་ཐོ་དང་། མདོས་འཕྱངས་སོགས་ཚན་གསུམ་པོ་འདི་ནི། རིག་སྔགས་འཆང་བ་ཨཱཿ་ཡུའི་མཚན་ཅན་གྱིས་བསྐུལ་ཕྱིར། སྔགས་འཆང་རཱ་ག་ཨ་སྱས་སྦྱར་བའི་དགེ་བས་གསང་སྔགས་རྡོ་རྗེ་ཐེག་པའི་བསྟན་པ་ཕྱོགས་དུས་གནས་སྐབས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པ་དང་། བསྟན་འཛིན་སྐྱེས་བུ་དམ་པ་རྣམས་སྐུ་ཚེ་རི་བོ་ལྟར་བརྟན་ཅིང་བར་ཆད་བདུད་བཞིའི་གཡུལ་ལས་རྒྱལ་བར་གྱུར་ཅིག །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྡོ་རྗེ་ཕུར་པའི་ཟློག་འཁོར་སྔགས་བྱང་མདོས་ཆས་གཞན་མན་ངག་ཟུར་གསལ་དུ་བྲིས་པ་ལག་ལེན་ཞིབ་བཀོད།

― CMR017_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཕུར་པའི་ཟློག་འཁོར་སྔགས་བྱང་མདོས་ཆས་གཞན་མན་ངག་ཟུར་གསལ་དུ་བྲིས་པ་ལག་ལེན་ཞིབ་བཀོད་ལགས་སོ།

― CMR017_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཆེན་རྡོ་རྗེ་གཞོན་ནུ་ལ་ཕྱག་འཚལ་ལོ། །འདིར་རྡོ་རྗེ་ཕུར་པའི་དཔལ་མདོས་ཀྱིརྣོ་སོ། གབ་པའི་འཕྱངས་དྲུག་ཅེས་པ་ནས་བྱད་མ་རྦོད་གཏོང་ཟློག་བསད་ཀྱི་ཙཀྲའི་གབ་པ་འཁོར་ལོའི་ངར་འདོགས་རྫས་ཀྱི་གབ་པ། དགྲ་བགེགས་བསད་པ་ཟོར་སྔགས་ཀྱི་གབ་པ། ཞེས་པ་རྣམས་གབ་སྦས་འཁྲུགས་སོགས་བསལ་ནས་ལག་ལེན་ལྟ་བདེ་བའི་ཕྱིར་བཀོད་པར་བྱའོ། །དང་པོ་བྲི་གཞི་ནི། དུག་ཤོག་ལ་དུག་ཁྲག་བསྲེས་པའི་སྣག་ཚ་གཙང་མས། དབུས་སུ་རྡོ་རྗེ་གཞོན་ནུ་ལ། ལྟེ་བ་ལ་ཧཱུྃ་གི་མཐར་ཡིག་མགོ་ནང་དུ་བསྟན་ལ། བྱད་ཁ་ཕུར་ཁ་རྦད་འདྲེ་རྒོད་གཏོང་མི་ཁ་བྲ་མཆུ་ལོ་ཟླ་ཞག་གི་རྩིས་རྩུབ་ཚིག་ཆེ་བ་ཉམ་ང་བ་ཐམས་ཅད་དགྲ་བགེགས་བྱད་མའི་སྟེང་དུ་བྷྱོ་བྷྱོ་ཟློག་ཟློག །

― CMR017_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིབས་བཞི་ལ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བི་ཧཱུྃ་དགྲ་བགེགས་མཱ་ར་ཡ་ཧཱུྃ་ཕཊ། ཕྱི་རིམ་མུ་ཁྱུད་ལ། བཛྲ་ཀཱི་ལི་ཀཱི་ལ་ཡ། ཛཧཱུྃ་ཨཱཿ མ་རཀྵ། ཡཀྵེ། ཀཱ་ལ་རཱུ་པ། སྙིང་རྩ་ལ་ཡཾ་ཡཾ།་སྙིང་ལ་ཕྲིལ་ཕྲིལ། སྲོག་ལ་ཆུ་ཆུ། ཙིཏྟ་ལ་ཏུང་ཏུང་། སྙིང་ཁྲག་ཤད་ཛ། ཐུ་རི་ལི་ལི། སྙིང་ཙེག་ཙེག །འུར་འུར། ཤིག་ཤིག །གྷལ་གྷལ། མྱག་མྱག །སོད་སོད།་རྡ་ཏི་མ་མ་ཀརྨ། བྷི་ཀྲྀ་ཀ་ར་ཡ། མ་ར་སེ་ན༔ པྲ་མར་ཏ་ན་ཡེ་ཧཱུྃ་ཕཊ༔ ཅེས་བྲི། ཕྱི་རིམ་མེ་རི་གཡས་བསྐོར་བྱ། སྲས་བཞི་སོགས་ལའང་དེ་ལྟར་བྲི་བར་བྱ། རྩིབས་སྔགས་ལ། བཛྲ། རཏྣ། པདྨ།

― CMR017_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

ཀརྨ། ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ། རིགས་འགྲེས་སུ་བྲི། རྩིབས་དང་ལྟེ་བ་ནི་ལྷ་སོ་སོའི་རང་མདོག །མུ་ཁྱུད་སེར་པོ། རྩིབས་མཆན་དམར་པོ། མེ་རི་སྣ་ཚོགས་མདོག་བྱའོ། །ཁྲོ་བཅུ་ལ། ཧཱུྃ་ཀཱ་ར་ལ་དབུས་སུ་ཧཱུྃ་གི་མཐར། སྟེང་ཚངས་པ་ལྷ་ཡི་བྱད་ཕུར་རྦོད་གཏོང་ལོ་ཟླ་ཞག་གི་སྐག་རིགས་མི་མཐུན་པའི་ཕྱོགས་ཐམས་ཅད་ཟློག །དེ་ལྟར་ཤར་དྲི་ཟ། ཤར་ལྷོ་མེ་ལྷ། ལྷོར་གཤིན་རྗེ༔ ལྷོ་ནུབ་སྲིན་པོ། ནུབ་ཆུ་ལྷ། ནུབ་བྱང་རླུང་ལྷ། བྱང་གནོད་སྦྱིན། བྱང་ཤར་དབང་ལྡན། འོག་ཕྱོགས་ས་བདག་གི་བྱད་ཕུར་དྲོད་གཏོང་ལོ་ཟླ་ཞག་གི་སྐག་རིགས་མཐུན་པའི་ཕྱོགས་ཐམས་ཅད་མཱ་ར་ཡ་བྷྱོ་བྷྱོ་ཟློག་ཟློག །དེ་ལྟར་རིགས་འགྲེ། རྩིབས་རྣམས་སོ་སོར་ལྷ་སོ་སོའི་སྔགས། ཧཱུྃ་ཀཱ་ར་ལ། ཨོཾ་བཛྲ་ཀྲོ་ཏ་ཧཱུྃ་ཀཱ་ར་ཧཱུཾ་གརྫ་གརྫོ་དགྲ་བགེགས་མཱ་ར་ཡ་ཧཱུྃ་ཕཊ། སོགས།་དེ་ལྟར་ཁྲོ་བོ་བཅུ་ལ་བྲི། དེ་ལྟར་བྲིས་པའི་ཙཀྲ་བཅོ་ལྔ་པོ་མེ་ལོང་ངོས་ལ་ཁྲུས་བྱ། མེ་རླུང་ལ་གཡུགས་ལ། བོང་ང་། ཐང་ཕྲོམ། གྲི་ཁྲག །གུ་གུལ། ཐལ་ཆེན་བྱུག །རང་རང་ཙཀྲའི་སྔགས་རྣམས་བརྒྱའམ་སྟོང་རེའི་སྔགས་ལ། ཡེ་དྷརྨཱས་རབ་གནས་བྱའོ། །བདག་རང་ལོ་ཆུང་ངུའི་དུས་སུ་རྡོ་རྗེ་བྲག་པ་མཇལ་དུས་ཕུར་པའི་མདོས་ཆེན་བཅའ་བའི་སྐབས་དང་ཐུག་པས། ལག་ལེན་བཤམ་བཀོད་སོགས་ཀྱི་ཕྱག་ལེན་ཞིབ་པར་བལྟས་པ་

― CMR017_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། པར་ལ་བཏབ་ནས་མཚོན་སོགས་གོང་ལྟར་བྱས་ནས་ཙཀཱི་ལྟར་འཛུགས་ཏེ། འབུལ་དུས་གཏོར་ཟློག་དང་མཉམ་དུ་མེ་ལ་སྲེག་པར་འདུག་སྟེ། རང་རེས་རྒྱུན་དུ་བཅའ་དུས་མི་འཁྱོང་ཞིང་ཙཀཱི་ལྟར་བྱས་ན་སྟབས་བདེ་་བ་ལགས་སོ། །མདའ་ཟོར་སོགས་ཀྱི་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ། སུ་རུ་སུ་རུ། པྲ་སུ་རུ་པྲ་སུ་རུ། ཨ་དྷི་ཏིཥྛ་མུག་མུག་ཧ་ལ་ཧ་ལ་དགྲ་བགེགས་འབྱུང་པོའི་ཙིཏྟ་མྱོག་མཱ་ར་ཡ་ཧཱུྃ་ཕཊ་མདའ་ཟོར་གྱི་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ། མུ་གུ་ཏ་ལ། མུ་གུ་ཏ་ལ། པྲ་ཏ་ལ། པྲ་ཏ་ལ། བྷི་ཤྭ་ཧཱུྃ་པ་ར་ཙ་ཧཱུྃ་ཕཊ། དགྲ་བགེགས་འབྱུང་པོ་མཱ་ར་ཡ་ཧཱུྃ་ཕཊ། གཞུ་ལ་དཀྲི། ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཨ་ན་ཛཿ སརྦ་ཏ་ཐཱ་ཧཱུྃ་ཕཊ། རཀཱ་རཀ་དགྲ་བགེགས་པ་ཤང་ཀུ་རུ་མཱ་ར་ཡ་ཕཊ། དེ་ལྟར་དུག་ཁྲག་གིས་བྲིས་ལ་མདའ་ཟོར་དྲུག་གོང་གསལ་ལྟར་དཀྲི། །ཀཿཐོག་སྔགས་པ་རྣམས་ཀྱིས་ནི་སྤུ་གྲིའི་སྔགས་བྲི་ནས་དཀྲི་བ་མཐོང་ཡང་རྡོར་བྲག་ཕྱག་ལེན་ཡིན་པས་གོང་ལྟར་ལེགས། ༈ དེ་ནས་མདོས་ཆས་སོགས་དང་ཤིང་བཀྲའི་ཟིན་བྲིས་ནི། དང་པོ་ཤིང་རབ་མདའ་ཚད། འབྲིང་ཁྲུ་གང་སོར་བཞི། ཐ་མ་ལ་རྐང་གང་བས་ཐུང་ཐབས་མེད་པའི་ཤིང་གི་གཞི་དངོས་སུམ་ཅུ་སོ་བདུན་ཁྲམ་ཤིང་བྲིས་པ་བཞི་དང་ཞེ་གཅིག་ལ་ཁྲི་བ་ནི། དང་པོ་སོ་

― CMR017_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་པོ་ལ། ནོར་བུ་ཉི་ཟླ་སྐར་གསུམ། དར་དཔྱངས། ཐོད་པ་སྐམ་རློན་བྲི་བ་འདྲ། དེ་འོག་རྡོ་རྗེ་ཕུར་པ། བྷནྡྷ། ཁྱུང་འབྲུག་སེང་གསུམ། མཚམས་རྣམས་སུ་བཅད་ས་རི་མོ་གང་ཤོང་། བར་དུ་ཁྲམ་རིས་རེ། བཞི་ལ་རྡོ་རྗེ། རིན་ཆེན། པདྨ། རྒྱ་གྲམ་ཕུར་པ་རེ། བྱ་རིགས་རྣམས་བྲི་བ་དེ་ལྔ་ནི། རྡོ་རྗེ་གཞོན་ནུ་ཡབ་ཡུམ་སྲས་བཞི་ཚང་བ་ཡིན་དེ་ལྔ་གཏོར་གདོང་དབུས་སུ་འཛུགས། །ཤར་དུ་རྡོ་རྗེ་ཕུར་བུ་ལྕགས་ཀྱུ། སྟག་གཟིག་དོམ་གསུམ། ཤར་ལྷོར་མེ་དཔུང་སྟ་མོ་ཕུར་བུ། ཕག་དང་ཁྱི་གུ། ལྷོར་བེ་ཅོན་བྷནྡ།་ཤ་གནའ་དགོ་གསུམ། ལྷོ་ནུབ་ཏུ་ཞགས་པ། སྤུ་གྲི་གཡའ་ལུག་ར་གསུམ། ནུབ་ཏུ་རྡོར་དབྱུག །རྒྱ་གྲམ་ཕུར་བུ། ཆུ་གནས། ནུབ་བྱང་དུ་རྡོ་རྗེ། མདུང་། འཁོར་ལོ། ཕུར་བུ། མི་གཟུགས། བྱང་དུ་རལ་གྲི་ཞགས་པ། ཕུར་བུ། དབང་པོ་རྣམ་ལྔ། བྱང་ཤར་དུ་རྡོ་རྗེ། ཞགས་པ། ཕུར་བུ་ཁྲབ་རྨོག །སྟེང་དུ་རྡོ་རྗེ་ལྕགས་ཀྱུ། གཡས་གཡོན་དུ་མདའ་གཞུ། འཇའ་འོད། ཆར་སྤྲིན། འོག་ཏུ་སྟ་རེ། ཞགས་པ་ཕུར་བུ། རྟ་རྐྱང་། དྲེའུ་སོགས་བྲི་བ་སྟེ། ཁྲོ་བཅུ་ཡབ་ཡུམ་ཁྲ་ཐབས་ཟ་གསོད་

― CMR017_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པ་ཚང་བ་ཡིན་ནོ། །དེ་མཐར་བཅུ་གསུམ་པོ་ལ་གོང་ལྟར་ནོར་བུ་ཉི་ཟླ། དར་དཔྱངས། ཐོད་པ་སྐམ་རློན་ཡན་བྲི་བ་གོང་དང་མཚུངས། ཤྭ་ན་མ་བཞི་ལ་མི་རོ་བཞི། བདག་ཉིད་མ་བཞི་ལ་སྙིང་བཞི། བསྲེ་མོ་བཞི་ལ་ཞག་འོ་མ་ཁྲག་མར་ཁུའི་མཚོ་བཞི་བྲི། དེ་འོག་ཤར་དུ་ཧ་ལོ་རིས་དང་བཙུན་གཟུགས། ཤར་ལྷོར་སྟག་སོ་རིས་དང་སྔགས་པའི་གཟུགས། ལྷོར་ཁྲམ་རིས་དང་བོན་པོའི་གཟུགས། ལྷོ་ནུབ་ཏུ་འཇའ་ཚོན་རིས་དང་མཁར་ཐབས་གཟུགས། ནུབ་ཏུ་ཉ་མིག་རིས་དང་དམག་དཔོན་མདུང་ཐོགས། ནུབ་བྱང་དུ་སེན་ཐབས་སྟག་སྤྱོད་རིས་དང་སྐྱེས་པ་འཁོར་གསུམ་ཅན། བྱང་དུ་ཟླ་ཚེས་རིས་དང་བྱིས་པའི་གཟུགས། བྱང་ཤར་དུ་རྩིས་གཞི་རིས་དང་བག་མ་རྒྱན་ཅན། སྟེང་དུ་སྟག་གཟིག་རིས་དང་སྤྲིན་རིས། འོག་ཏུ་ཉ་མིག་རིས་དང་ཆུ་མིག་རིས་བྲི་བ་ནི་དཔེའུ་རིས་ལྟར་མ་ནོར་བར་བཀོད། གཞན་ཕོ་ཐོང་མོ་ཐོང་བུ་ཐོང་གསུམ། ཁྲམ་ཤིང་དཀར་སེར་དམར་ལྗང་བཞི། མདའ་འཕང་རྒྱང་བུ་རྣམས་རབ་བཅུ་གསུམ། འབྲིང་བརྒྱད། ཐ་མ་བཞི་གང་འཛོམ་བྱའོ། །ཤིང་རིས་རྣམས་ཀྱི་མཐར། དབུས་ཀྱི་ཤིང་རིས་ལ། རྡོ་རྗེ་གཞོན་ནུ་

― CMR017_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་ཡུམ་ལ་མདོས་འདི་འབུལ་ལོ། །སོགས་དང་། མཐའི་ལྕགས་རིའི་ཤིང་རིས་བཅུ་གསུམ་པོ་ལ་ཤར་ནས་བཟུང་སྟེ། ལྷའི་ཚོགས་ལ་མདོས་འབུལ་ལོ། །དྲི་ཟའི་ཁྲམ་ཁ་དགྲ་ལ་ཟློག །ཅེས་བྲི། །ཤིང་རིས་མཐར་མ་ཤོང་ན་ཕྱི་རུ་བྲིས་པས་ཆོག་པར་གདའ། ༈ མདོས་འོག་བྲུབ་ཁུང་དེ་ཡང་སྨད་ལས་དུག་ཕུར་དང་དགྲ་བགེགས་བསད་པ་ཧོམ་ནང་ལིངྒ་གབ་པ། བསད་རྫས་ཐུན་གྱི་གབ་པ་སོགས་ལ་ཡོད་པ་ལྟར། མི་བསད་ས། གཡུལ་འགྱེད་ས། སེར་རྒོད་ཀྱིས་ལོ་བརྡུངས་པའི་ས་དེ་རྣམས་ཕུང་ཤུལ་ས་ཡིན་པས། དེ་ལ་དུར་ཁྲོད་ཀྱི་ས་ནག །རེ་ལྕགས། བོང་བུའི་ཆུ་དང་སྦྱར་ལ། བྲུབ་ཁུང་གྱེན་ཐད་དུ་མཐོ་རེ་ཡོད་པ་ཕྱི་རུ་རོ་སོལ། ནང་དུ་དུག་ཁྲག་གིས་བྱུག །རོ་གཡམ་རྡོ་རྗེ་རྒྱ་གྲམ་བྲིས་པས་ཁ་བཅད་ཐ་མར་རྩང་གིས་བསྐོར། ནང་དུ་ལིང་བསད་འཁོར་དུ་ཐུམ་ལ། གན་རྐྱལ་དུ་བཞག་གོ །རོ་རས་དུག་ཤོག་སོགས་ལ་ཙཀྲ་རྩིབས་དགུ། མུ་ཁྱུད་ཅན། ལྟེ་བ་ཆེ་བ་བྱས་ལ། མཐའི་མུ་ཁྱུད་ནང་དུ་སྤུ་གྲིའི་སྔགས༔ རྩིབས་ནང་དུ་བསྟན་པ་ལ་ཀཱི་ལ་ཡ་འབྲུ་དགུ་བྲི། ལིངྒ་ནི་དུག་ཤོག་ལ། དུག་ཁྲག་ནི་ཁྱི་དཀར་ཐིག་མེད་པའི་ཁྲག་ལ་དུག་སྣ་བཏབ་པ། མ་རྙེད་ན་ཁྱི་གང་རུང་ཁྲག་ལ་

― CMR017_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

དུག་རྫས་བཏབ་པའི་ལིངྒ་སྐྱེ་མཆེད་དོད་པ། ཁ་ལང་ལང་། མིག་ལ་ལོང་ལོང་། རྣ་བར་འོན་འོན། རྐང་པར་ཞི་ཞ་དང་བི་ཧོཿ ལག་པར་ཆག་ཆག་དང་ཞེ་ན་་དང་ཛཧཱུྃ། བླ་ལ་བླ་དྭགས་མ་ཤེས་ན་ཚ་བྲི། དཔྲལ་བར་རུས་མ་ཤེས་ན། ག་བྷ་བྲི། སྙིང་ཁར་འཁོར་ལོ་རྩིབས་བརྒྱད་ལ་ལྟེ་བར་རྨི་ཏྲ་ཛཙཡི་མཐར་དགྲ་བགེགས་གང་ལ་གཟིར་བའི་མིང་དང་ལུས་ངག་ཡིད་གསུམ་ཁུག་ཅིག་ཛཛདང་། རྩིབས་རྩེ་ནང་དུ་བསྟན་པ་བརྒྱད་པ་ལ་སྤུ་གྲིའི་སྔགས་མགོ་ནང་དུ་བསྟན་པ་བྲི། མཐའ་མར་ཛཁྲོ་གྱིས་བསྐོར་བ་ནི་ལིངྒ་ཧོ་གྱི་ཞལ་གདམས་སྤྱི། དེ་ལྟར་ལིངྒ་དེ་ལ་ལིང་ཁྲུས་གཞུང་ལྟར། མནོལ་འབེབས་ནི་ལིངྒ་དྲིལ་ལ། དགྲ་ལ་མི་ཐེབས་མི་སྲིད་པའི་གནད་རང་འཐག་ཏུ་ཆོས་སྐོར་ལན་གསུམ་བསྐོར་གཞན་ལ་འབྱམས་མི་སྲིད་པའི་གནད་ནི་གཡག་ཤིའི་བུག་པར་ལན་གསུམ་བསྐོར། རང་ལ་མི་ལྡོག་པའི་གནད་ནི་རང་གི་བརླ་གཡས་ལ་ལན་གསུམ་བསྐོར། རང་གི་འཁོར་ཀྵལ་མི་ལྡོག་པའི་གནད་ནི་མ་ཐེམ་ལ་ལན་གསུམ་བསྐོར། ནོར་ལ་མི་ལྡོག་པའི་གནད་ནི་ཁྱི་གུའི་སྦོ་ནས་ལན་གསུམ་དྲང་། དེ་ཚེ་སརྦ་ཟིད་ཀ་ཤི། སརྦ་རྦད་ཀ་ཤི། ཅེས་བརྗོད།

― CMR017_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྱངས་དྲུག་ལས་བསད་རྫ་ས་གབ་པ་ལ། ཕྱེ་གསུམ། འབྲུ་གསུམ། སྣ་གསུམ་གྱི་རྫས་ལ། ལྷ་སྔགས་ཤམ་དུ་གཟིར་བྱེད་འབྲུ་གཉིས། འཕྲོག་བྱེད་འབྲུ་བཞི།་གཅོད་བྱེད་འབྲུ་བཞི་ཡི་སྔགས་ཀྱིས་གདེང་གསུམ། གསལ་གསུམ། འཚེངས་གསུམ་དང་ལྡན་པས་རྣལ་འབྱོར་པས་ཨ་མུ་ཀའི་སྙིང་གར་བརྡེག་པར་བྱ་ཞེས་པ་སྟེ། ལྕགས་ཕྱེ། ཟངས་ཕྱེ། རྡོ་ཕྱེ་ནི་ཕྱེ་གསུམ།་ཡུངས་ཀར་ཀེ་ཚེ་ཤང་ཚེ་འབྲུ་གསུམ། དུག་སྣ་ཁྲག་སྣ་ས་སྣ་ནི་སྣ་གསུམ་གྱི་ཐུན་ལ། ཀཱི་ལ་སྤུ་གྲིའི་སྔགས་ཤམ་དུ། དགྲ་བགེགས་ཏྲིག་ནན། དགྲ་བགེགས་ཨེ་ཧུར་ཤྲཱི་ཛཿ དགྲ་བགེགས་མཱ་ར་ཡ་ཟད། སྔགས་ཀྱི་ངར་བླུད་པར་བྱའོ། །གདེང་གསུམ་ནི། ཡི་དམ་ལྷ་ཡི་བསྐྱེད་རིམ་གྱི་གདེང་། རྫོགས་རིམ་སེམས་ཀྱི་ལྟ་བའི་གདེང་། དྲག་པོ་སྔགས་ཀྱི་རྣོ་སོའི་གདེང་ངོ་། །གསལ་བ་གསུམ་ནི། བདག་ཉིད་རྡོ་རྗེ་གཞོན་ནུར་གསལ་བ། ཕུར་པ་སྲས་སུ་གསལ་བ། ལིངྒ་དགྲ་བགེགས་སུ་གསལ་བའོ།་།འཚེངས་གསུམ་པ་ནི། ཁོའི་ཚེ་བསོད་རང་གིས་ཐོབ་པས་བདག་འཚེངས། ཁོའི་དུག་ལྔའི་སྡིག་སྒྲིབ་དག་པས་ཁོ་འཚེངས། ཁོའི་ཤ་ཁྲག་ཚོགས་སུ་རོལ་པས་སྲུང་མ་འཚེངས་ཞེས་ཟེར། དེ་

― CMR017_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་གྱི་ཧོམ་ཁུང་ལིངྒ་ཐུན་རྫས་ཕལ་ཆེར་ནི་རང་དོན་མ་གཏོགས་གཞན་དོན་གྲོང་ཆོག་སོགས་ལ་ལྕགས་ཧོམ་དུ་སྤྱི་ལིང་བྲིས་པས་ཀྱང་ཆོག །སྔོན་གྱི་སྔགས་རྒན་རྣམས་དང་། བདག་རང་གིས་ཀྱང་དབུས་གཙང་ཁམས་གསུམ་ཁྱད་པར་གདན་ས་ཆེན་པོ་རི་བོ་ཆེ། །བཀྲ་ཤིས་ཟུར་མང་ལ་སོགས་པ་ནས། ཕྱག་ལེན་ཕལ་ཆེར་བསླབ་པ་དང་། མན་ངག་སྙན་དུ་བརྒྱུད་པ་རྣམས་རང་གི་བརྒྱུད་འཛིན་བུ་སློབ་རྣམས་ལ་ཕན་ཕྱིར་ཟིན་བྲིས་ཚན་གཉིས་མདོས་འཕྱངས་དང་ཚན་གསུམ་པོ་འདི་ནི། ཨ་རཱ་གས་སྦྱར་བ་ཉེས་འགལ་མཆིས་ན་རྡོ་རྗེ་ཕུར་པའི་ཆོས་སྲུང་དམ་ཅན་དང་བཅས་པ་ལ་བཤགས་ཤིང་། དགེ་བས་སངས་རྒྱས་ཀྱི་བསྟན་པ་གངྒཱའི་རྒྱུན་ལྟར་རིང་བར་གྱུར་ཅིག །དགེའོ།། །། ༧ ཁམས་སྟོད་ནང་ཆེན་འབང་སྐང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།