མཁས་གྲུབ་ཆེན་པོ་ཀརྨ་ཆགས་མེད་ཀྱི་གསུང་འབུམ་ངོ་མཚར་ནོར་བུའི་བང་མཛོད།

པོད་དང་པོ། ཚ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སྒྲོལ་མའི་བསྟོད་པ།

[Full Size]

ན་མོ་ཨརྱ་ཏཱ་རེ་ཡེ། བདེ་བ་ཅན་གྱི་ཞིང་ཁམས་དང་། །པོ་ཊ་ལ་ཡི་གནས་མཆོག་ནས། །འཕགས་པའི་སྤྱན་ཆབས་ལས་འཁྲུངས་ཤིང་། །དུས་གསུམ་རྒྱལ་ཚོ་བའི་ཕྲིན་ལས་མ། །ཡིད་བཞིན་འཁོར་ལོས་གཙོར་བྱས་པའི། །སྒྲོལ་མ་ཉི་ཤུ་རྩ་གཅིག་པོ། །གནས་འདིར་མྱུར་དུ་གཤེགས་སུ་གསོལ། །བདག་དང་བསྲུང་བྱ་ཐམས་ཅད་ཀྱི། །ནམ་མཁར་པད་ཟླའི་གདན་ལ་བཞུགས། །ལུས་དང་ལོངས་སྤྱོད་དགེ་རྩར་བཅས། །འཕགས་མའི་ཚོགས་ལ་མཆོད་པ་འབུལ། །འཇིགས་པ་ཀུན་ལས་བསྐྱབ་ཏུ་གསོལ། །སྟོན་ཟླའི་མདོག་ཅན་ཞལ་གཅིག་མ། །ཕྱག་གཉིས་མཆོག་སྦྱིན་ཨུཏྤལ་བསྣམས། །ཁྱེད་ལ་ཕྱག་འཚལ་གསོལ་བ་འདེབས། །དམར་མོ་ཞལ་གཅིག་ཕྱག་བརྒྱད་མ། །རྡོར་དྲིལ་སྤྱིར་བསྣམས་མདའ་གཞུ་དང་། །འཁོར་ལོ་རལ་གྲི་དུང་ཞིགས་བསྣམས། །རབ་ཏུ་དཔའ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །དཀར་སེར་དམར་བའི་ཞལ་གསུམ་མ། །བཅུ་གཉིས་ཕྱག་གི་མཉམ་བཞག་དང་། །ཁ་ཊཾ་འཁོར་ལོ་ནོར་བུ་དང་། །རྡོ་རྗེ་མེ་ཏོག་ཕྲེང་བ་གཡས། །རིལ་བ་ཨུཏྤལ་དྲིལ་བུ་

[Full Size]

དང་། །བུམ་པ་པོ་ཏི་གཡོན་ན་བསྣམས། །དཀར་མོ་ཟླ་མདངས་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །མདོག་སེར་པདྨ་ཉི་མའི་སྟེང་། །ཕྱག་བཅུར་ཐུགས་ཀར་ཕྲེང་བ་དང་། །རལ་གྲི་མདའ་དང་རྩེ་ལྔ་དང་། །དབྱུག་གུ་གཡས་ན་བསྣམས་པ་དང་། །དར་དཔྱང་ཞགས་པ་པདྨ་དང་། །དྲིལ་བུ་གཞུ་ནི་གཡོན་ན་བསྣམས། །གསེར་མདོག་ཅན་གྱི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །གསེར་མདོག་ཕྱག་ནི་བཅུ་གཉིས་ཀྱི། །དང་པོ་གཉིས་ནི་མཉམ་བཞག་སྟེ། །ཁ་ཊཱ་འཁོར་ལོ་ནོར་བུ་དང་། །རྡོ་རྗེ་གཡས་ན་བསྣམས་པ་སྟེ། །མེ་ཏོག་ཕྲེང་བ་སྤྱི་བླུགས་དང་། །ཨུཏྤལ་དྲིལ་བུ་བུམ་པ་དང་། །པུ་སྟི་གཡོན་པའི་ཕྱག་ན་བསྣམས། །གཙུག་ཏོར་རྒྱལ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །གསེར་མདོག་ཞལ་གཅིག་ཕྱག་གཉིས་མ། །སྐྱབས་སྦྱིན་པདྨ་སེར་པོ་འཛིན། །མ་རུངས་འདུལ་ཞིང་ཧཱུཾ་སྒྲ་སྒྲོག ། གསེར་གྱི་མདངས་ལྡན་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །ཆུ་སྐྱེས་དམར་དང་ཉི་མའི་སྟེང་། །རཱ་གའི་མདོག་ཅན་ཕྱག་བཞི་མ། །རལ་གྲི་ཞགས་པ་སྡིག་

[Full Size]

མཛུབ་ཞགས། །རྣམས་པར་གསལ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །ཁྲོ་མོ་ནག་མོ་ན་བཟའ་སེར། །ཕྱག་བཞི་འཁོར་ལོ་རལ་གྲི་དང་། །ཞགས་པ་སྡིགས་མཛུབ་རིབ་ཏུ་གདེངས། །སྦྲུལ་གྱི་བརྒྱན་ཅིང་འདོར་སྟབས་བསྒྲད། །རྒོལ་བ་འཇོམས་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །པདྨ་དམར་དང་ཆུ་སྲིན་སྟེང་། །གསེར་མདོག་སྐྱིལ་ཀྲུང་ཕྱེད་པས་བཞུགས། །ཁྲོ་མོའི་ཕྱག་ནི་བཞི་པ་ནི། །མྱ་ངན་མེད་པའི་ཡལ་ག་དང་། །རིན་ཆེན་པདྨ་བུམ་པ་འཛིན་། །དབང་མཆོག་སྟེར་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །ལྗང་མོ་ཞལ་གཅིག་ཕྱག་གཉིས་མ། །མཆོག་སྦྱིན་སྐྱབས་སྦྱིན་ཨུཏྤལ་བསྣམས། །བརྐྱང་བསྐུམ་རོལ་སྟབས་པད་ཟླར་བཞུགས། །སེང་ལྡེང་ནགས་ཀྱི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །དམར་མོ་ཞལ་གཅིག་ཕྱག་བཞི་མ། །དང་པོ་སྤྱི་བོར་ཐལ་མོ་སྦྱར། །རལ་གྲི་མྱ་ངན་མེད་ཤིང་འོག །རོལ་སྟབས་ཟླ་བ་པད་དམར་སྟེང་། །མྱ་ངན་མེད་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །མདོག་

[Full Size]

ནག་ཁྲོ་མོ་ཞལ་གཅིག་མ། །ཕྱག་གཉིས་ལྕགས་ཀྱུ་ཞགས་པ་བསྣམས། །པདྨ་ཉི་སྟེང་གཡས་བརྐྱང་འགྱིང་། །འགྲོ་བ་འགུགས་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །གསེར་མདོག་ཞལ་གཅིག་རྡོལ་སྐྱིལ་བཞུགས། །ཕྱག་བརྒྱད་རྩེ་གསུམ་ལྕགས་ཀྱུ་དང་། །རྡོ་རྗེ་རལ་གྲི་གཡས་ན་བསྣམས། །ནོར་བུ་ལྕགས་ཀྱུ་དབྱུག་བུམ་གཡོན། །བཀྲ་ཤིས་སྣང་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །མདོག་དམར་ཞལ་གཅིག་ཕྱག་བཞི་མ། །རལ་གྲི་འཁོར་ལོ་མདའ་གཞུ་བསྣམས་། །ཁྲོ་མོ་མེ་འབར་ཉི་མའི་སྟེང་། །སྨིན་པར་བྱེད་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །ནག་མོ་གཡས་བརྐྱང་མི་རོ་མནན། །གཡས་དཀར་གཡོན་དམར་རྒྱུ་མ་གསོལ། །རལ་གྲི་དབྱུག་གུ་ལྕགས་ཀྱུ་གཡས། །ཐོད་པ་ཞགས་པ་ཚངས་པའི་བུ། །གཡོན་བསྣམས་ཁྲོ་མོའི་ཆ་ལུགས་རྫོགས། །ཁྲོ་གཉེར་གཡོ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །ཟླ་མདོག་རྡོ་རྗེའི་སྐྱིལ་ཀྲུང་བཞུགས། །ཞལ་གཅིག་ཕྱག་ནི་དྲུག་མ་སྟེ། །བགྲང་ཕྲེང་མཆོག་སྦྱིན་དབྱུག་གུ་

[Full Size]

གཡས། །པདྨ་དྲིལ་བུ་ཨུཏྤལ་ཏེ། །པོ་ཏི་འཛིན་ཅིང་པད་ཟླར་བཞུགས། །བདེ་ལེགས་ཞི་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །མདོག་དམར་ཞལ་གཅིག་སྤྱན་གསུམ་མ། །ཕྱག་གཉིས་ཤིང་འབྲས་སྡིགས་མཛུབ་ཕྱར། །དམར་སེར་པདྨ་ཉི་མའི་གདན། །སེམས་དཔའི་སྐྱིལ་ཀྲུང་བཅས་མཛད་མ། །ཆགས་པ་འཇོམས་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །དམར་གསལ་ཞལ་གཅིག་ཕྱག་གཉིས་མ། །ཕྱག་གཉིས་འཇིགས་པའི་ཕྱག་རྒྱ་ཡིས། །ཟླ་བ་ཐུགས་ཀར་རབ་ཏུ་བསྣམས། །བདེ་བ་ཀུན་སྒྲུབ་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །པད་དཀར་ཟླ་བ་ངང་པའི་སྟེང་། །དུང་མདོག་སེམས་དཔའི་སྐྱིལ་ཀྲུང་བཞུགས། །ཕྱག་གཉིས་སྤྱི་བོར་ལྕགས་ཀྱུ་འཛིན། །མཆོག་སྦྱིན་གཡོན་པས་ཨུཏྤལ་སྟེང་། །པོ་ཏི་འཛིན་ཅིང་རྒྱན་དང་བཅས། །རྣམ་པར་རྒྱལ་བའི་སྒྲོལ་མ་ལ། ། གསོལ་བ་འདེབས་སོ་ཐུགས་རྗེས་ཟུང་། །པད་དཀར་ཉི་སྟེང་སེམས་སྐྱིལ་བཞུགས། །མདོག་དཀར་ཕྱག་གཉིས་ཐུགས་ཀ་རུ། །མེ་ཐབ་བསྣམས་པས་སྡུག་བསྔལ་བསྲེགས། །

[Full Size]

སྡུག་བསྔལ་སྲེག་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །ཁྱུ་མཆོག་པདྨ་ཟླ་བའི་སྟེང་། །ཕྱེད་སྐྱིལ་རོལ་སྟབས་སྐུ་མདོག་དཀར། །སྤྱན་གསུམ་སྟག་ཤམ་དུར་ཁྲོད་ཆས། །རྩེ་གསུམ་མེ་ཏོག་ཕྲེང་བ་བསྣམས། །ཡོངས་སུ་རྫོགས་བྱེད་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུང་། །གཙོ་བོ་ཡིད་བཞིན་འཁོར་ལོ་དང་། །སྒྲོལ་མ་ཉི་ཤུ་རྩ་གཅིག་ལ། །གསོལ་བ་འདེབས་སོ་ཐུགས་རྗེས་ཟུང་། །སྤྱིར་དུ་སེམས་ཅན་ཐམས་ཅད་དང་། །ཁྱད་པར་བདག་ཅག་བརྒྱུད་པར་བཅས། །འཁོར་བའི་སྡུག་བསྔལ་ཐམས་ཅད་དང་། །ཁྱད་པར་དུས་ངན་སྙིགས་མ་ཡི། །འཇིགས་པ་བརྒྱུད་དང་བཅུ་དྲུག་ལས། །སྐྱོབ་པར་མཛོད་ཅིག་ཐུགས་རྗེ་ཅན། །འཇིག་རྟེན་མགོན་པོའི་སྤྱན་ཆབ་ལས། །ལྷ་མོ་ཁྱོད་ནི་འཁྲུངས་མ་ཐག །གང་དག་འཇིགས་པས་སུས་སྐྲག་པ། །ང་ཡིས་སྐྱོབས་ཞེས་ཞལ་བཞེས་པའི། །ཐུགས་དམ་ཞལ་བཞེས་མ་གཡེལ་བར། །ད་ནི་ཐུགས་རྗེས་བསྐྱབ་ཏུ་གསོལ། །ཞེས་པ་ཞག་བདུན་ལ་སྒྲོལ་དཀར་བསྙེན་དུས་རྨི་ལམ་དུ་མདུན་བསྐྱེད་ནམ་མཁར་སྒྲོལ་མ་དཀར་མོ་སྒྲོལ་མ་ཉེར་གཅིག་གིས་བསྐོར་བ་གསལ་བཏབ་ལ། ཡིད་རྩེ་གཅིག་ཏུ་གཏད་ནས་ཞགས་

[Full Size]

པས་བཅིངས་པ་ལ་སོགས་པ་འཇིགས་པ་ཐམས་ཅད་ལས་ཐར་ཟེར་བའི་སྒྲ་གྲགས་པས་རྟེན་འབྲེལ་བྱས་ནས་བྲིས་སོ། །བླ་མ་དོན་གྲུབ་ཀྱིས་གཏོར་བསྔོས་བྲིས་ཟེར་ནས་ཤོག་དྲིལ་གཏད་པས་ཤོག་ལྷག་བྱུང་བས་ཀརྨ་ཨ་རཱ་གས་བྲིས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གཙོ་བོ་འཕོ་བའི་རིགས་པས་སེང་ལྡེང་ནགས་སྒྲོལ་གྱི་བདག་བསྐྱེད།

[Full Size]

གཙོ་བོ་འཕོ་བའི་རིགས་པས་སེང་ལྡེང་ནགས་སྒྲོལ་གྱི་བདག་བསྐྱེད་བྱེད་ན། ཨོཾ་ཤུ་ནྱ་ཏཱ་སོགས། སྟོང་པའི་ངང་ལས་པདྨ་ཟླ་བའི་སྟེང་། །ཏཱཾ་ཡིག་ལྗང་གུའི་འོད་ཀྱིས་འཕགས་པ་མཆོད་། །སེམས་ཅན་དོན་བྱས་ཚུར་འདུས་ཡོངས་གྱུར་ལས། །རང་ཉིད་སྒྲོལ་མ་ལྗང་གུ་འཛུམ་ཞལ་གཅིག །ཕྱག་གཉིས་གཡས་པས་མཆོག་སྦྱིན་གཡོན་པ་ཡི། །མཐེབ་སྲིན་སྦྱར་བས་ཨུཏྤལ་སྔོན་པོ་འཛིན། །བཅུ་དྲུག་ལོན་པའི་ལང་ཚོ་རབ་ཏུ་རྒྱས། །པདྨའི་འདབ་ལྟར་ཡངས་པའི་སྤྱན་དང་ལྡན། །དབུ་སྐྲ་མཐོན་མཐིང་སྤྱི་བོར་བཅིངས་ཤིང་གྲོལ། །རིན་ཆེན་དབུ་རྒྱན་ལོངས་སྤྱོད་ཆས་ཀུན་རྫོགས། །དབང་པོའི་གཞུ་འདྲའི་ལྷ་རྫས་ཤམ་ཐབས་དང་། །དར་གྱི་སྟོད་གཡོགས་ཞབས་གཉིས་གཡས་བརྐྱང་པའི། །སྐྱིལ་ཀྲུང་ཕྱེད་པས་བཞུགས་པའི་གནས་གསུམ་པོ། །འབྲུ་གསུམ་སོགས་གཞུང་ལྟར་བརྗོད། །བཟླས་པའི་སྐབས། ཐུགས་ཀར་ཟླ་བའི་སྟེང་དུ་ཧཱུྃ་ཡིག་མཐར། །སྔགས་ཀྱིས་བསྐོར་ལས་འོད་འཕྲོས་སངས་རྒྱས་དང་། །བྱང་སེམས་རྣམས་ཀྱི་བྱིན་རླབས་འཁོར་འདས་ཀྱི། །དྭངས་བཅུ་བསྡུས་ནས་བདག་ལ་ཐིམ་པར་གྱུར། །ཅེས་པ་བསྙེན་བྱ།

[Full Size]

ཤོག་སྟོང་།

མདུན་བསྐྱེད་སེང་ལྡེང་ནགས་ཀྱི་སྒྲོལ་མ་གཙོ་མོ་སྒྲོལ་མ་ཉེར་གཅིག་གིས་བསྐོར་བ་སྐད་ཅིག་དྲན་རྫོགས་ཀྱི་ཏིང་འཛིན།

[Full Size]

མདུན་བསྐྱེད་སེང་ལྡེང་ནགས་ཀྱི་སྒྲོལ་མ་གཙོ་མོ་སྒྲོལ་མ་ཉེར་གཅིག་གིས་བསྐོར་བ་སྐད་ཅིག་དྲན་རྫོགས་ཀྱི་ཏིང་འཛིན་ནི། ཨོཾ་བཛྲ་ཨ་མྲྀ་ཏ་སོགས། ཨོཾ་ཤུ་ནྱ་ཏ་སོགས། སྟོང་པའི་ངང་ལས་འབྱུང་བ་རིམ་བརྩེགས་སྟེང་། །སོགས་ནས། བདུད་རྩིའི་རྒྱ་མཚོ་པདྨ་ཟླ་བའི་སྟེང་། །ཏཱཾ་ཡིག་ལྗང་གུའི་འོད་ཀྱིས་འཕགས་པ་མཆོད། །སེམས་ཅན་དོན་བྱས་ཚུར་འདུས་ཡོངས་གྱུར་ལས། །བཅོམ་ལྡན་སྒྲོལ་མ་ལྗང་གུ་འཛུམ་ཞལ་གཅིག །ཕྱག་གཉིས་གཡས་པས་མཆོག་སྦྱིན་གཡོན་པ་ཡི། །མཐེབ་སྲིན་སྦྱར་བས་ཨུཏྤལ་སྔོན་པོ་འཛིན། །བཅུ་དྲུག་ལོན་པའི་ལང་ཚོ་རབ་ཏུ་རྒྱས། །པདྨའི་འདབ་ལྟར་ཡངས་བའི་སྤྱན་དང་ལྡན། །དབུ་སྐྲ་མཐོན་མཐིང་སྤྱི་བོར་བཅིངས་ཤིང་གྲོལ། །རིན་ཆེན་དབུ་རྒྱན་ལོངས་སྤྱོད་ཆོས་ཀུན་རྫོ་གས། །དབང་པོའི་གཞུ་འདྲའི་ལྷ་རྫས་ཤམ་ཐབས་དང་། །དར་གྱི་སྟོད་གཡོགས་ཞབས་གཉིས་གཡས་བརྐྱང་བའི། །སྐྱིལ་ཀྲུང་ཕྱེད་པའི་སྟབས་ཀྱིས་བཞུགས་པ་ཡི། །མཐའ་སྐོར་པད་མའི་འདབ་མ་ཉི་ཤུ་ལ། །ཟླ་བའི་དཀྱིལ་འཁོར་རེ་རེའི་གདན་གྱི་སྟེང་། །མྱུར་ཞིང་དཔའ་དང་ཟླ་མདངས་གསེར་མདོག་ཅན། །གཙུག་ཏོར་རྒྱལ་མ་ཧཱུཾ་སྒྲོག་ཁམས་གསུམ་རྒྱལ། །རྒོལ་

[Full Size]

འཇོམས་དབང་མཆོག་སྟེར་དང་འཁོར་ལོས་སྒྱུར། །འདོད་སྟེར་མྱ་ངན་སེལ་དང་འགྲོ་བ་འགུགས། །བཀྲ་ཤིས་སྦྱིན་མ་སྨིན་བྱེད་ཁྲོ་གཉེར་ཅན། །ཞི་བ་དགེ་དང་ཆགས་འཇོམས་བདེ་བ་བསྒྲུབས། །རྣལ་འབྱོར་རྒྱལ་མ་སྡུག་བསྔལ་ཐམས་ཅད་བསྲེགས། །དངོས་གྲུབ་འབྱུང་གནས་ཡོངས་སུ་རྫོགས་བྱེད་སོགས། །རང་རང་སྐུ་མདོག་ཕྱག་མཚན་སྣ་ཚོགས་ཅན་། རྒྱན་དང་ཆ་ལུགས་གཙོ་མོ་དང་མཚུངས་པའི། །སྒྲོལ་མ་ཉེར་གཅིག་བསྐོར་བའི་གནས་གསུམ་དུ། །སོགས་གཞུང་གི་ཚིག་ལ་འཇུག །བསྙེན་དམིགས་ནི། ལྷ་ཚོགས་ཐུགས་ཀར་ཟླ་སྟེང་ཧཱུྃ་ཡིག་མཐར། །སོ་སོའི་སྔགས་ཀྱིས་བསྐོར་ལས་འོད་ཟེར་འཕྲོས། །འཕགས་པ་རྣམས་མཆོད་འགྲོ་བའི་སྒྲིབ་གཉིས་སྦྱངས། །འཇིགས་པ་ཀུན་ཞི་ཚེ་དཔལ་ཉམས་རྟོགས་རྒྱས། །ཀུན་ཀྱང་རྗེ་བཙུན་སྒྲོལ་མའི་གོ་འཕང་ཐོབ། །དོན་གཉིས་མཐའ་དག་ལྷུན་གྱིས་གྲུབ་པར་གྱུར། །བསྙེན་པ་བཟླས། །

སེང་ལྡེང་ནགས་ཀྱི་སྒྲོལ་མའི་རྗེས་གནང་།

[Full Size]

སེང་ལྡེང་ནགས་ཀྱི་སྒྲོལ་མའི་རྗེས་གནང་བཞུགས་སོ། །

[Full Size]

ཐོག་མར་དབང་སྒྲུབ་ནི། ན་མོ་ལོ་ཀེ་ཤྭ་རཱ་ཡེ། །གཞི་སྟེང་འབྲུ་ཡི་ཚོམ་བུ་འདབ་བརྒྱད་བཀོད། །བུམ་པ་དབང་གཏོར་བཤམས་མཐར་མཆོད་པ་བཤམ། །སྔོན་འགྲོ་ལྕོག་རྡོག་བཤམས་བྲན་འདི་སྐད་དོ། །ཧཱུཾ་ལས་རིན་ཆེན་སྣོད་དུ་གཏོར་མ་ནི། །དཀར་གསུམ་མངར་གསུམ་བདུད་རྩིའི་རྒྱ་མཚོར་གྱུར། །ཨོཾ་ཨཱཧཱུྃ༔ རང་ཉིད་སྐད་ཅིག་ཡི་དམ་ལྷརཾ་གསལ་བའི། །ཐུགས་ཀའི་འོད་ཀྱིས་བགེགས་དང་གཞི་བདག་རྣམས། །སྤྱན་དྲངས་གཏོར་མ་གསོལ་བས་ཚིམ་པར་གྱུར། །ཨོཾ་སརྦ་ལོ་ཀ་པཱ་ལ་སརྦ་བིགྷཱན་ཛཿཧཱུྃ་བཾ་ཧོ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། ཨོཾ་བཛྲ་ཨརྒྱུ་སོགས། གང་དག་

[Full Size]

སྒྲོལ་མའི་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་སྡེ་བརྒྱད་སོགས། །མ་ལུས་འཁོར་བཅས་འདིར་བྱོན་ནས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་

[Full Size]

མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །གང་དག་གསང་སྔགས་ཀྱི་ཆོ་ག་ཟབ་མོ་མཐོང་བ་དང་ཐོས་པར་མི་དབང་བ་རྣམས། གཏོར་མ་འདིས་ཚིམ་པར་གྱིས་ལ་རང་རང་སོ་སོའི་གནས་སུ་དེངས་ཤིག །གལ་ཏེ་མི་འགྲོ་ན་ཁྲོ་བོ་རབ་ཏུ་འབར་བའི་ཡེ་ཤེས་ཀྱི་རྡོ་རྗེས་མགོ་བོ་འགེམས་པར་བྱེད་དོ། །ཨོཾ་སུ་བྷ་ནི་སུམྦྷ་ཧཱུཾ། སྩ་གྲིཉྩ་ཧཱུཾ། གྲཉྫཱ་པ་ཡ་གྲཉྫཱ་པ་ཡ་ཧཱུྃ། ཨཱ་ན་ཡ་ཧོ༔བྷ་ག་ཝན་བིརཱུ་རཱ་ཛ་ཀྲོ་དྷ་ཡ་ཧཱུྃ་ཕཊ། རོལ་མོ་བྱ། སྟེང་འོག་ཐམས་ཅད་རྡོ་རྗེའི་རྭ་གུར་ཡེ་ཤེས་ཀྱི་མེ་འབར་བའི་སྲུང་འཁོར་དུ་གྱུར། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཨ་མྲྀ་ཏེ་ཧཱུཾ་ཕཊ། ཨོཾ་སྭ་བྷཱ་ཝས་སྦྱངས། ཧཱུཾ་ལས་རིན་ཆེན་སྣོད་དུ་ནི། །ཧཱུྃ་ལས་མཆོད་རྫས་དཔག་མེད་པ། །ཀུན་བཟང་མཆོད་སྤྲིན་ལྟ་བུར་གྱུར། །ཨོཾ་བཛྲ་སྤྱི་ར་ཎ་ཁཾ། འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །

[Full Size]

རྟག་པར་བདག་ནི་སྐྱབས་སུ་མཆི། །ཤེས་རབ་སྙིང་བརྩེ་དང་བཅས་པས། །བརྩོན་པས་སེམས་ཅན་ཀུན་དོན་བདག །སངས་རྒྱས་མདུན་དུ་གནས་བྱས་ནས་། །རྫོགས་པའི་བྱང་ཆུབ་སེམས་བསྐྱེད་དོ། །ལན་གསུམ། རང་གི་སྙིང་གར་པདྨ་དང་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་ལྗང་གུ་ལས་འོད་ཟེར་ལྗང་གུ་འཕྲོས་པས། མདུན་གྱི་ནམ་མཁའི་གནས་སུ་རྗེ་བཙུན་འཕགས་མ་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ། བླ་མ་རིགས་བདག་གི་རྣམ་པ་དབུའི་ཆ་ལ་བཞུགས་པ་སྤྱན་དྲངས། བཛྲ་ས་མཱ་ཛཿ རང་གི་སྙིང་ག་ནས་སྤྲུལ་པའི་མཆོད་པའི་ལྷ་མོ་རྣམས་ཀྱིས་མཆོད་པར་གྱུར། ཨོཾ་བཛྲ་ཨརྒྱུ། པཱཧཱུྃ། ནས། ཤབྡ་པྲ་ཏཱིཙྪ་སྭཱ་ཧཱ། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་

[Full Size]

བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག ། ལན་གསུམ། སེམས་ཅན་བདེ་དང་ལྡན་གྱུར་ནས། །སྡུག་བསྔལ་དག་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །ལན་གསུམ། ཚོགས་ཞིང་རང་གི་སྙིང་གར་ཐིམ་པར་གྱུར། སྭ་བྷ་ཝས་སྦྱངས། སྟོང་པའི་ངང་ལས་པཾ་ཡིག་ལྗང་སེར་ལས་བྱུང་བའི་སྣ་ཚོགས་པདྨའི་ལྟེ་བར་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཏཱཾ་ལྗང་གུ་དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས་རང་ཉིད་རྗེ་བཙུན་སྒྲོལ་མ་ལྗང་གུ་མར་གད་གྱི་ཕུང་པོ་ལྟ་བུ་ཞལ་གཅིག་ཕྱག་གཉིས་མ་གཡས་མཆོག་སྦྱིན་གྱི་ཕྱག་རྒྱ་མཛད་ཅིང་། གཡོན་པའི་མཐེབ་སྲིན་སྦྱར་བས་ཨུཏྤ་ལ་སྔོན་པོ་མེ་ཏོག་རབ་ཏུ་རྒྱས་པ་ཡིད་དུ་འོང་བ་སྡོང་བུ་བཅས་པ་ཐུགས་དཀར་འཛིན་པ། བཅུ་དྲུག་ལོན་པའི་ལང་ཚོ་དར་བ། ནུ་མའི་དཀྱིལ་འཁོར་རྒྱས་ཤིང་མཁྲེགས་པ། འཛུམ་པའི་ཞལ་དང་། པདྨའི་འདབ་མ་ལྟར་ཡངས་པའི་

[Full Size]

སྤྱན་དང་ལྡན་ཞིང་། རྣམ་པར་བཀྲ་བའི་ལྷའི་དར་གྱི་ཤམ་ཐབས་དང་སྟོད་གཡོགས་གསོལ་བ། དབུ་སྐྲ་མཐོན་མཐིང་སྤྱི་བོར་བཅིངས་ཤིང་རིན་པོ་ཆེའི་དབུ་རྒྱན། །སྙན་རྒྱན། མགུལ་རྒྱན། སྐ་རགས། དོ་ཤལ་རྣམས་དང་གསེར་གྱི་གདུབ་བུས་མཛེས་པ། ཡིད་དུ་འོང་ཞིང་འོད་ཟེར་འཕྲོ་བ། ཞབས་གཉིས་གཡས་བརྐྱང་བ་སྐྱིལ་ཀྲུང་ཕྱེད་པས་བཞུགས་པའི་མདུན་ཕྱོགས་སུ་འོད་ཟེར་ཅན་སེར་མོ་རྡོ་རྗེ་དང་ཨ་ཤོ་ཀའི་ཡལ་ག་འཛིན་པ། གཡས་སུ་རལ་གཅིག་མ་ཁྲོས་མའི་ཉམས་ཅན་གྲི་གུག་དང་ཐོད་པ་འཛིན་པ། རྒྱབ་ཏུ་རྨ་བྱ་ཆེན་མོ་སེར་མོ་རྔ་ཡབ་དང་རྨ་བྱའི་མདངས་འཛིན་པ། གཡོན་དུ་དུག་སེལ་མ་ལྗང་གུ་མཆོག་སྦྱིན་དང་སྦྲུལ་འཛིན་པ་སྟེ། བཞི་ཀའང་དར་དང་རིན་པོ་ཆེ་སོགས་རྒྱན་དུ་མས་སྤྱས་པའོ། །བདག་ཉིད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་མཐིང་སྔོན་དང་། ཐུགས་ཀའི་དབུས་སུ་ས་བོན་དེ་ལས་འོད་ཟེར་འཕྲོས་པས་བསྒོམ་པ་དང་འདྲ་བའི་ཡེ་ཤེས་པ་སྤྱན་དྲངས། བཛྲ་ས་མཱ་ཛཿ ཨརྒྷཾ་སོགས། ཛཿཧཱུྃ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་

[Full Size]

འཕྲོས་དབང་གི་ལྷ་རྣམས་སྤྱན་དྲངས། པཉྩ་ཀུ་ལ་ས་པཱ་རི་ཝཱ་ར་བཛྲ་ས་མཱ་ཛཿ ཨརྒྷཾ་སོགས། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡི། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུཾ། ཞེས་དབང་བསྐུར་སྐུ་གང་། དྲི་མ་དག །ཆུའི་ལྷག་མ་སྤྱི་བོར་འཁྱིལ་བ་ལས་རིགས་ཀྱི་བདག་པོ་འོད་དཔག་མེད་པས། དབུ་བརྒྱན་པར་གྱུར། ཨརྒྷཾ་སོགས་ཀྱིས་མཆོད། མཆོད་ཅིང་སོ་སོའི་བསྟོད་པའམ། སེང་ལྡེང་ཕོ་བྲང་འཇིགས་པའི་གནས་མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག་།བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་ཡུམ་སྒྲོལ་མ་ཁྱོད་ལ་ཕྱག་འཚལ་བསྟོད། །རང་གི་སྙིང་གར་ཟླ་བའི་གདན་གྱི་སྟེང་དུ་ཧཱུྃ་ལྗང་གུ་ལ་སྔགས་ཕྲེང་གིས་བསྐོར་བ་ལས་འོད་འཕྲོས་སེམས་ཅན་གྱི་ཁམས་སྦྱངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད་ནས། དེ་རྣམས་ཀྱི་ཐུགས་གཉིས་སུ་མེད་པའི་ཡེ་ཤེས་སྔགས་ཕྲེང་དེ་ཉིད་ཀྱི་རྣམ་

[Full Size]

པར་སྤྱན་དྲངས་ཏེ་རང་གི་སྙིང་གར་ཐིམ་པར་གྱུར། ཅེས་བསྙེན་པ་ཕྲེང་བསྐོར་གཅིག་བྱའོ། །ཨོཾ་ཨ་མྲྀ་ཏེ་ཧཱུཾ་ཕཊ། སྭ་བྷ་ཝས་སྦྱངས། སྟོང་པའི་ངང་ལས་ཧཱུཾ་ལས་མཚན་ཉིད་ཐམས་ཅད་ཡོངས་སུ་རྫོགས་པའི་རྣམ་རྒྱལ་བུམ་པའི་ནང་དུ་མཎྜལ་གྱི་དབུས་སུ་པཾ་ལས་པདྨ། ཨ་ལས་ཟླ་བའི་སྟེང་དུ། ཏཱ་ལྗང་གུ་ལས་འོད་ཟེར་འཕྲོས། འཕགས་པ་མཆོད༔ སེམས་ཅན་གྱི་དོན་བྱས་ཚུར་འདུས་ཡོངས་སུ་གྱུར་པ་ལས། བུམ་བསྐྱེད་མདུན་བསྐྱེད་གཉིས་དུས་གཅིག་ལ་བསྐྱེད། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ། ༈ ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུྃ་ལྗང་གུ་ལས་འོད་ཟེར་འཕྲོས་པས་བསྒོམ་པ་དང་འདྲ་བའི་ཡེ་ཤེས་པ་སྤྱན་དྲངས། བཛྲ་ས་མཱ་ཛཿ ཨརྒྷཾ་སོགས། ཛཿཧཱུྃ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་དབང་གི་ལྷ་རྣམས་སྤྱན་དྲངས། པཉྩ་ཀུ་ལ་ས་པ་རི་ཝཱ་ར་བཛྲ་ས་མཱ་ཛཿ ཨནྡྷཾ་སོགས། དེ་བཞིན་གཤེགས་པ་ཐམས་ཅད་ཀྱིས་བུམ་བསྐྱེད་དང་མདུན་བསྐྱེད་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་

[Full Size]

ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡི། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུཾ། ཞེས་དབང་བསྐུར་སྐུ་གང་། དྲི་མ་དག །ཆུའི་ལྷག་མ་སྤྱི་བོར་འཁྱིལ་བ་ལས་རིགས་ཀྱི་བདག་པོ་འོད་དཔག་པས་དབུ་བརྒྱན་པར་གྱུར། ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས་ནས། ཤབྡ་པྲ་ཏཱིཙྪ་སྭཱ་ཧཱ། བསྟོད་བ་ནི། སེང་ལྡེང་ཕོ་བྲང་འཇིགས་པའི་གནས་མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག །བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་ཡུམ་སྒྲོལ་མ་ཁྱོད་ལ་ཕྱག་འཚལ་ལོ། །ཞེས་པས་བསྟོད། བདག་གི་ཐུགས་ཀ་ནས་སྔགས་ཕྲེང་གཟུངས་ཐག་ལ་ཞོན་ཏེ་སོང་། བུམ་བསྐྱེད་ལྷའི་ཐུགས་ཀར་ཕོག །ཟག་མེད་ཀྱི་བདེ་བས་ཐུགས་དགྱེས་། སྐུ་ལས་ཡེ་ཤེས་ཀྱི་བདུད་རྩིའི་རྒྱུན་འཛག་པས་བུམ་པ་ཁེངས་པར་གྱུར། ཨོཾ་ཏཱ་རེ་ཏུཏྟ་རེ་ཏུ་རེ་སྭཱ་ཧཱ། ཞེས་བསྙེན་པ་བརྒྱ་རྩ་བརྒྱད་བྱ། བུམ་ལྷ་ཞུ་བ་བུམ་པའི་ཆུར་གྱུར། ལས་བུམ་གྱི་ནང་དུ་སྐད་ཅིག་གིས་ཧཱུྃ་ལས་བདུད་རྩི་འཁྱིལ་པ་ལྗང་ནག་རྒྱ་གྲམ་དང་སྡིགས་མཛུབ་མཛད་པ་གསལ་བར་གྱུར། ཨོཾ་ཨ་མྲྀ་ཏེ་ཧཱུྃ་ཕཊ། ཅེས་བརྒྱའམ་ཉེར་གཅིག་བཟླ།

[Full Size]

ཨརྒྷཾ་སོགས། ཧཱུྃ། འཇིགས་པའི་ཧཱུཾ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བདུད་རྩི་འཁྱིལ་ལ་ཕྱག་འཚལ་བསྟོད། །ལས་བུམ་གྱི་ཁྲོ་བོས་བར་ཆད་ཀྱི་བགེགས་ཐམས་ཅད་བཟློག་པའི་ཕྲིན་ལས་མཛོད་ཅིག །རང་གི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ལྷའི་ཐུགས་རྒྱུད་བསྐུལ། ཐུགས་ཀའི་འོད་ཟེར་གྱིས་སངས་རྒྱས་བྱང་སེམས་ཐམས་ཅད་ཀྱི་བྱིན་རླབས་བསྡུས་ཏེ་བདག་ལ་ཐིམ་པར་གྱུར། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བསྙེན་པ་བྱ། རྗེ་བཙུན་འཕགས་མ་སྒྲོལ་མ་དང་ལྷ་རྣམས་ཀྱིས་བདག་གི་སློབ་མ་ལ་དབང་བསྐུར་བར་མཛད་དུ་གསོལ། ཞེས་གསོལ་བ་བཏབ་པས། སྐབས་འདིར་རྒྱས་པར་སྤྲོ་ན་བདག་འཇུག་བླངས་ཏེ། སློབ་མ་ལ་ལ་དབང་བསྐུར་བ་ལྟར་རང་ལ་དབང་རྫོགས་པར་སྐུར། བསྡུ་ན་ཏིང་ངེ་འཛིན་གྱིས་དབང་བླངས་ཏེ་ངག་ཏུ་བརྗོད་པའམ་ཡིད་ཀྱིས་བསྒོམས་ཀྱང་རུང་སྟེ། ༈ སློབ་མ་རྣམས་གྲལ་དུ་འཁོད་ལ། སློབ་དཔོན་གྱི་སྔོན་འགྲོ་ལྕོག་རྡོག་བཤམ་བྲན་འདི་སྐད་དོ། །ཧཱུཾ་ལས་རིན་ཆེན་སྣོད་དུ་གཏོར་མ་ནི།། །།དཀར་གསུམ་མངར་གསུམ་བདུད་རྩིའི་རྒྱ་མཚོར་གྱུར། །ཨོཾ་ཨཱཧཱུཾ། རང་ཉིད་སྐད་ཅིག་ཡི་དམ་ལྷར་གསལ་བའི། །

[Full Size]

ཐུགས་ཀའི་འོད་ཀྱིས་བགེགས་དང་གཞི་བདག་རྣམས། །སྤྱན་དྲངས་གཏོར་མ་གསོལ་བས་ཚིམ་པར་གྱུར། །ཨོཾ་སརྦ་ལོ་ཀ་པཱ་ལ་སརྦ་བིགྷཱན་ཛཿཧཱུྃ་བཾ་ཧོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། ཨོཾ་བཛྲ་ཨརྒྷཾ་སོགས། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་སྡེ་བརྒྱད་སོགས། །མ་ལུས་འཁོར་བཅས་འདིར་བྱོན་ནས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཚེཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །གང་དག་གསང་སྔགས་ཀྱི་ཆོ་ག་ཟབ་

[Full Size]

མོ་མཐོང་བ་དང་ཐོས་པར་མི་དབང་བ་རྣམས། གཏོར་མ་འདིས་ཚིམ་པར་གྱིས་ལ་རང་རང་སོ་སོའི་གནས་སུ་དེངས་ཤིག །གལ་ཏེ་མི་འགྲོ་ན་ཁྲོ་བོ་རབ་ཏུ་འབར་བའི་ཡེ་ཤེས་ཀྱི་རྡོ་རྗེས་མགོ་བོ་འགེམས་པར་བྱེད་དོ། །ཨོཾ་སུཾ་བྷ་ནི་སུམྦྷ་ཧཱུྃ། གྲཤྩ་གྲིཉྩ་ཧཱུྃ། གྲཧྨཱ་པ་ཡ་གྲིསྟཱ་པ་ཡ་ཧཱུྃ། ཨཱ་ན་ཡ་ཧོ༔ བྷ་ག་ཝན་བིརཱུ་རཱ་ཛ་ཀྲོ་དྷ་ཡ་ཧཱུྃ་ཕཊ། རོལ་མོ་བྱ། སྟེང་འོག་ཐམས་ཅད་རྡོ་རྗེའི་རྭ་གུར་ཡེ་ཤེས་ཀྱི་མེ་འབར་བའི་སྲུང་འཁོར་དུ་གྱུར། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཕཊ་སྭཱ་ཧཱ། ལས་བུམ་གྱི་ཆུས་ཁྲུས་བྱས། ཆབ་བླངས། འོ། ནམ་མཁའ་དང་མཉམ་པའི་སེམས་ཅན་ཐམས་ཅད། རྫོགས་པའི་སངས་རྒྱ་ཀྱི་གོ་འཕང་དམ་པ་ཅི་ནས་ཀྱང་ཐོབ་པར་བྱ། དེའི་ཕྱིར་དུ་ད་ལམ་ཁྱེད་རྣམས་ལ་རྗེ་བཙུན་འཕགས་མ་སྒྲོལ་མའི་དབང་བསྐུར་བ་ཡིན་ཏེ། དེ་ཡང་། སྔོན་ཐོག་མ་མེད་པའི་དུས་སུ་འཇིག་རྟེན་གྱི་ཁམས་སྣ་ཚོགས་པའི་འོད་ཅེས་བྱ་བར། དེ་བཞིན་གཤེགས་པ་རྔ་སྒྲ་ཞེས་བྱ་བ་བྱུང་། །དེའི་དུས་སུ་རྒྱལ་པོའི་བུ་མོ་ཡེ་ཤེས་ཟླ་བ་ཞེས་བྱ་བ་དེ་བཞིན་གཤེགས་པ་རྔ་སྒྲ་ལ་དད་པ་ཆེར་སྐྱེས་ཏེ། སངས་རྒྱས་དེ་འཁོར་བྱང་ཆུབ་སེམས་དཔའ་དང་། དགྲ་བཅོམ་པའི་ཚོགས་

[Full Size]

དཔག་ཏུ་མེད་པ་རྣམས་ལོ་བྱེ་བ་བརྒྱ་སྟོང་གི་བར་དུ་བསྙེན་བཀུར་བྱས་པའི་མཐར། བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ། །དེའི་ཚེ་དགེ་སློང་རྣམས་ཀྱིས་ལུས་འདི་ཁོ་ན་སྐྱེ་བར་གྱུར་ནས་བསྟན་པ་ལ་བྱ་བ་བྱེད་པར་སྨོན་ལམ་བཏབ་ན་དེ་བཞིན་དུ་འགྱུར་བའི་ཕྱིར། དེ་ལྟར་བྱེད་པར་རིགས་སོ་ཞེས་རྒྱལ་པོའི་བུ་མོ་ལ་སྨྲས་པས། དེའི་ལན་དུ། འདི་ན་སྐྱེས་པ་མེད་ཅིང་བུད་མེད་མེད། །བདག་མེད་གང་ཟག་མེད་ཅིང་རྣམ་རིག་མེད། །ཕོ་མོར་བཏགས་པ་འདི་ནི་ཡ་མ་བརླ། །འཇིག་རྟེན་རྨོངས་པ་རྣམ་པར་འཁྲུལ་པ་ཡིན། །ཞེས་ཟེར་ཞིང་། སྐྱེས་པའི་རྟེན་ལ་བླ་ན་མེད་པའི་བྱངཆུབ་ཐོབ་པར་འདོད་པ་ནི་མང་ན། བུད་མེད་ཀྱི་རྟེན་ལ་འགྲོ་བའི་དོན་སྤྱོད་ནི་འགའ་ཡང་མེད་དོ། །དེའི་ཕྱིར་བདག་ནི་འཁོར་བ་མ་སྟོངས་ཀྱི་བར་དུ་བུད་མེད་ཀྱི་རྟེན་ཁོ་ནས་འགྲོ་བའི་དོན་སྤྱོད་པར་གྱུར་ཅིག་ཅེས་སྨོན་ལམ་བཏབ་བོ། །དེ་ནས་རྒྱལ་པོའི་བུ་མོས་ཕོ་བྲང་དུ་ལོ་བྱེ་བ་བརྒྱ་སྟོང་གི་བར་དུ་ཏིང་ངེ་འཛིན་བསྒོམས་པས་མི་སྐྱེ་བའི་ཆོས་ལ་བཟོད་པ་ཐོབ། དེ་ནས་འགྲོ་བ་ཐམས་ཅད་ཡོངས་སུ་སྒྲོལ་བ་ཞེས་བྱ་བའི་ཏིང་ངེ་འཛིན་བསྒྲུབས་པས། ཏིང་ངེ་འཛིན་དེའི་མཐུ་ལས།

[Full Size]

སྔ་དྲོ་སེམས་ཅན་བྱེ་བ་བརྒྱ་སྟོང་རེ་འཇིག་རྟེན་པས་སེམས་ལས་བསྒྲལ་ཏེ་བཟོད་པ་ཐོབ་པ་ལ་འགོད། དེ་མ་གྲུབ་ཀྱི་བར་དུ་ཟས་ཀྱང་མི་ཟ། ཕྱི་དྲོ་ཡང་དེ་སྙེད་རེ་བཀོད་པས་སྒྲོལ་མ་ཞེས་གྲགས། དེ་ནས་བསྐལ་པ་རྣམ་པར་རྒྱལ་པ་ཞེས་བྱ་བ་ལ། དེ་བཞིན་གཤེགས་པ་དོན་ཡོད་གྲུབ་པའི་དྲུང་དུ། ཕྱོགས་བཅུའི་ཞིང་རབ་འབྱམས་ཀྱི་སེམས་ཅན་ཐམས་ཅད་ཉེ་བར་འཚེ་བས་ལས་སྐྱོབ་པར་དམ་བཅས་ཤིང་། བདུད་ཐམས་ཅད་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་པས། ཉིན་རེ་བཞིན་འགྲོ་བའི་གཙོ་བོ་བྱེ་བ་བརྒྱ་སྟོང་འབུམ་ཕྲག་རེ་བསམ་གཏན་གྱི་ཏིང་ངེ་འཛིན་ལ་བཀོད། མཚན་རེ་བཞིན་གཞན་འཕྲུལ་དབང་བྱེད་ཀྱི་བདག་པོ་བྱེ་བ་བརྒྱ་སྟོང་སྟེ་ཚུལ་བས་མྱུར་མ་དང་། དཔའ་ཞེས་མཚན་གྲགས། དེ་ནས་བསྐལ་པ་ཐོག་མ་མེད་པ་ཞེས་བྱ་བ་ལ། དགེ་སློང་དྲི་མ་མེད་པའི་འོད་ཅེས་བྱ་བ་ལ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་རྗེ་ཆེན་པོའི་འོད་ཟེར་གྱི་དབང་བསྐུར་བས་འཕགས་པ་སྤྱན་རས་གཟིགས་སུ་གྱུར། ཡང་དེ་ཉིད་ལས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་མཁྱེན་པའི་

[Full Size]

ཡེ་ཤེས་ཀྱི་ངོ་བོར་གྱུར་པའི་འོད་ཟེར་ཆེན་པོའི་དབང་བསྐུར་བས། འོད་ཟེར་སྔ་ཕྱི་གཉིས་པོ་ཕ་མ་ལྟ་བུའི་ཚུལ་གྱིས་འདྲེས་པར་གྱུར་ལས་སྒྲོལ་མར་གྱུར་པ། འཕགས་པ་འཇིག་རྟེན་དབང་ཕྱུག་གི་ཐུགས་ཀ་ནས་བྱུང་ནས། སེམས་ཅན་རྣམས་འཇིགས་པ་ཆེན་པ་བརྒྱད་དང་བཅུ་དྲུག་ལས་སྐྱོབ་པར་མཛད་པ་ཡིན་ནོ། །བསྐལ་པ་འདི་ཉིད་ལ། རི་བོ་ཏ་ལར་སངས་རྒྱས་བྱང་ཆུབ་སེམས་དཔའ་ཐམས་ཅད་དང་། རིག་པ་འཛིན་པ་གྲངས་མེད་པའི་དབུས་སུ་འཕགས་པ་སྤྱན་རས་གཟིགས་དབང་ཕྱུག་གིས་སྒྲོལ་མའི་སྔགས་རྒྱུད་འབུམ་ཕྲག་བརྒྱ་གསུངས་སོ། །ཇོ་བོ་ནཱ་རོ་ཏ་པ་ནི་སྒྲོལ་མ་འབྱུང་བའི་རྒྱུད་འདིའི་མངའ་བདག་ལྟ་བུ་ཡིན་མོད། ལྷོ་བྲག་མར་པའི་སྐབས་སུ་བོད་འདིར་འགྱུར་བ་མང་དུ་བྱུང་འདུག་ཅིང་། ཇོ་བོ་ཆེན་པོ་ཨ་ཏི་ཤ་ཡང་རྒྱུད་འདིའི་མངའ་བདག་ཡིན་ཅིང་རྒྱུད་འགྲེལ་ཡང་ཡོད་འདུག་མོད། བོད་རྣམས་ཀྱིས་ཇོ་བོ་ལ་གསང་སྔགས་འཆད་དུ་མ་བཅུག་པས་སྤེལ་བར་མ་བྱུང་འདུག་ཅིང་། དུས་ཕྱིས་གྲུབ་ཆེན་ཞི་བའི་ཞབས་ཀྱི་སློབ་མ་རྣམས་ཀྱི་དྲུང་ནས་ཇོ་ནང་རྗེ་བཙུན་གྱིས་བོད་འདིར་དར་རྒྱས་སུ་མཛད་པ་འདི་ཀའོ། །དེ་ལྟར་རྗེ་བཙུན་སྒྲོལ་མའི་སྒྲུབ་ཐབས་

[Full Size]

རྒྱས་པ་དཀྱིལ་འཁོར་གྱི་ཚུལ་གྱིས་སྒྲུབ་པ། སྒྲོལ་མ་རྣལ་འབྱོར་མའི་རྒྱུད་ལ་བརྟེན་པའི་དཀྱིལ་འཁོར་དང་། རྡོ་རྗེ་གུར་ནས་གསུངས་པའི་རྡོ་རྗེ་སྒྲོལ་མའི་དཀྱིལ་འཁོར་ཕྲེང་བའི་ནང་ན་བཞུགས་པ་དང་། ཉི་མ་སྦས་པའི་ལུགས་ཀྱི་སྒྲོལ་མ་ཉི་ཤུ་རྩ་གཅིག་དཀྱིལ་འཁོར་དུ་བཀོད་པ་སྒྲོལ་མ་བླ་མེད་དུ་གྲགས་པའི་སྒྲུབ་ཐབས་སོགས་སྒྲུབ་ཐབས་རྒྱས་པའི་རིགས་རྣམ་གྲངས་མང་པོ་དང་། སྒྲུབ་ཐབས་བསྡུས་པའི་རིགས་ཀྱང་མཐའ་ཡས་པ་ཞིག་བཞུགས་པ་ལས་འདི་ནི་དཔལ་མགོན་ཀླུ་སྒྲུབ་ཀྱི་ཐུགས་དམ་དངུལ་ཆུ་བེ་རོར་གྲགས་པ་དེ་ལ་རྗེ་ཀརྨ་པ་ཆེན་པོ་དུས་གསུམ་མཁྱེན་པས་ཞུས་པའི་ཐུགས་དམ་ལྔ་ཚན་ལྔ་ཡི་ནང་ཚན་སེང་ལྡེང་ནགས་སྒྲོལ་ལྷ་ལྔའི་དབང་བསྐུར་བ་ལ་བླ་མ་བརྒྱུད་པི་རིམ་པ་ནི། རྗེ་བཙུན་སྒྲོལ་མ། ཀླུ་སྒྲུབ། ཀླུའི་བྱང་ཆུབ། དགའ་བའི་རྡོ་རྗེ། རྡོ་རྗེ་གདན་པ། ཨ་བྷ་ཡ་ཀ་ར། དངུལ་ཆུ་བེ་རོ། རྗེ་དུས་གསུམ་མཁྱེན་པ། རས་ཆེན་པ་ནས་བདག་གི་འདྲེན་མཆོག་དྲིན་ཆེན་རྩ་བའི་བླ་མའི་བར་དུ་རིམ་པར་བརྒྱུད་པ་ཡིན་ཅིང་། དེ་ལྟ་བུའི་དབང་ཟབ་མོ་ཞུ་བའི་ཕྱིར་ཁྱེད་རང་སློབ་མ་རྣམས་ཀྱི་ངོ་སྐལ་དུ་གྱུར་པ་ཐོག་མར་མཎྜལ་

[Full Size]

ཕུལ་བར་ཞུ། མཎྜལ་ཕུལ། བླ་མ་བཅོམ་ལྡན་འདས་མ་ཐ་མི་དད་པའི་དྲུང་དུ་དབང་ཟབ་མོ་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །དཔལ་ལྡན་བླ་མའི་བཀའ་དྲིན་གྱིས། །བདག་ལ་རྗེ་བཙུན་སྒྲོལ་མ་ཡི། །དབང་དང་རྗེས་གནང་བསྩལ་དུ་གསོལ། །ལན་གསུམ། ་ཁྱེད་རང་སློབ་མ་རྣམས་རྒྱུད་དག་པར་བྱ་བའི་ཕྱིར་དུ་བླ་མ་དང་ཡི་དམ་དབྱེར་མེད་པའི་དྲུང་དུ་སྐྱབས་སུ་འགྲོ་བ་དང་བྱང་ཆུབ་མཆོག་ཏུ་སེམས་བསྐྱེད་པ་འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། ལས་བུམ་གྱི་ཀུ་

[Full Size]

ཤས་སློབ་མ་བྲན་ལ། ཨོཾ་ཨ་མྲྀ་ཏེ་ཧཱུཾ་ཕཊ། ཀྱིས་བསངས། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཁྱེད་རང་རྣམས། སྣ་ཚོགས་པདྨ་དང་ཟླ་བའི་དཀྱིལ་འཁོར་གྱི་སྟེང་དུ་རྗེ་བཙུན་སྒྲོལ་མ་ལྗང་གུ་མར་གད་གྱི་ཕུང་པོ་ལྟ་བུ་ཞལ་གཅིག་ཕྱག་གཉིས་མ་གཡས་མཆོག་སྦྱིན་གྱི་ཕྱག་རྒྱ་མཛད་ཅིང་། གཡོན་པའི་མཐེབ་སྲིན་སྦྱར་བས་ཨུཏྤ་ལ་སྔོན་པོ་མེ་ཏོག་རབ་ཏུ་རྒྱས་པ་ཡིད་དུ་འོང་བ་སྡོང་བུ་བཅས་པ་ཐུགས་ཀར་འཛིན་པ། བཅུ་དྲུག་ལོན་པའི་ལང་ཚོ་དར་བ། ནུ་མའི་དཀྱིལ་འཁོར་རྒྱས་ཤིང་མཁྲེགས་པ། འཛུམ་པའི་ཞལ་དང་། པདྨའི་འདབ་མ་ལྟར་ཡངས་པའི་སྤྱན་དང་ལྡན་ཞིང་། རྣམ་པར་བཀྲ་བའི་ལྷའི་དར་གྱི་ཤམ་ཐབས་དང་སྟོད་གཡོགས་གསོལ་བ། དབུ་སྐྲ་མཐོན་མཐིང་སྤྱི་བོར་བཅིངས་ཤིང་རིན་པོ་ཆེའི་དབུ་རྒྱན། སྙན་རྒྱན། མགུལ་རྒྱན། སྐ་རགས། དོ་ཤལ་རྣམས་དང་གསེར་གྱི་གདུབ་བུས་མཛེས་པ། ཡིད་དུ་འོང་ཞིང་འོད་ཟེར་འཕྲོ་བ། ཞབས་གཉིས་གཡས་བརྐྱང་བ་སྐྱིལ་ཀྲུང་ཕྱེད་པས་བཞུགས་པའི་མདུན་ཕྱོགས་སུ་འོད་ཟེར་ཅན་སེར་མོ་རྡོ་རྗེ་དང་ཨ་ཤོ་ཀའི་ཡལ་ག་འཛིན་པ། གཡས་སུ་རལ་གཅིག་མ་ཁྲོས་མའི་ཉམས་ཅན་གྲི་གུག་དང་ཐོད་པ་འཛིན་

[Full Size]

པ། རྒྱབ་ཏུ་རྨ་བྱ་ཆེན་མོ་སེར་མོ་རྔ་ཡབ་དང་རྨ་བྱའི་མདངས་འཛིན་པ། གཡོན་དུ་དུག་སེལ་མ་ལྗང་གུ་མཆོག་སྦྱིན་དང་སྦྲུལ་འཛིན་པ་སྟེ། བཞི་ཀའང་དར་དང་རིན་པོ་ཆེ་སོགས་ལྟརྒྱུན་དུ་མས་སྤྲས་པའོ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་སྔོན་པོས་མཚན་པར་གྱུར། ད་ཁྱེད་རང་དབང་ལེན་པ་པོ་རྣམས་ཡི་དམ་རྗེ་བཙུན་སྒྲོལ་མའི་སྐུ་གསལ་བཏབ་ནས། གང་ལ་དབང་བླངས་བའི་ཡུལ་གསལ་གདབ་པ་ནི། ཁྱེད་རང་གི་མདུན་དུ་བཤམས་པའི་མདུན་བསྐྱེད་ཀྱི་དམིགས་རྟེན་མཎྜལ་དབུས་ཀྱི་ཚོམ་བུ་སྐུ་བརྙན། འདིར་བཤམས་པའི་བུམ་པ་གཏོར་མ་དང་བཅས་པ་འདི་ཡང་སྐད་ཅིག་གིས་ཡི་དམ་བཅོམ་ལྡན་འདས་མ་གནས་གསུམ་ཡི་གེ་གསུམ་དང་བཅས་པ་གསལ་ཐོབ་ལ། སློབ་དཔོན་ཡང་དེར་གསལ་བ་ལ་མོས་འདུན་རྩེ་གཅིག་ཏུ་བྱས་པས། སློབ་དཔོན་དང་མདུན་བསྐྱེད་ཀྱི་སྐུའི་གནས་ཐམས་ཅད་ནས་འོད་ཟེར་ཁ་དོག་སྣ་ཚོགས་འཕྲོས། ཡི་དམ་བཅོམ་ལྡན་འདས་མའི་ལྷ་ཚོགས་བསྒོམས་པ་དང་འདྲ་བ་དཔག་ཏུ་མེད་པ་ཁ་བ་བུ་ཡུག་འཚུབ་པ་ལྟར་སྤྱན་དྲངས། ཁྱེད་རང་རྣམས་ལ་སིབ་སིབ་ཐིམ་པས་ཁྱེད་རང་རྣམས་ཀྱི་སྒོ་

[Full Size]

གསུམ་དང་རྗེ་བཙུན་འཕགས་མ་སྒྲོལ་མའི་སྐུ་གསུང་ཐུགས་དབྱེར་མི་ཕྱེད་པར་གྱུར་ཅིང་ཡེ་ཤེས་པ་ཕེབས་བྱུང་སྙམ་པ་གྱིས་ལ་སེམས་རང་བབས་སུ་ཞོག །རོལ་མོ་དང་བཅས་ཨོཾ་ཏཱ་རེ་ཏུཏྟ་རེ་ཏུ་རེ་སྭཱ་ཧཱ། ཨཱ་བེ་ཤ་ཡ་ཨཱ་བེ་ཤ་ཡ་ཨ་ཨཱ། སྤོས་བསྲེགས་ལ་ཡུན་རིང་བརྗོད། རྡོ་རྗེ་མེ་ཏོག་དང་བཅས་སྤྱི་བོར་བཞག་ལ། ཏིཥྛ་བཛྲ། ཞེས་བརྟན་པར་བྱའོ། །ད་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྗེས་གནང་ལྔ་ལས། དང་པོ་སྐུའི་རྗེས་གནང་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །སྐུ་ཡི་རྡོ་རྗེ་སློབ་དཔོན་གྱིས། །བདག་ལ་འཕགས་མ་སྒྲོལ་མ་ཡི། །སྐུ་ཡི་དབང་མཆོག་བསྩལ་དུ་གསོལ། །གསུམ་མམ་གཅིག །དེ་ལྟར་གསོལ་བ་བཏབ་པས་སློབ་དཔོན་དང་མདུན་བསྐྱེད་ཁྱེད་རང་དང་བཅས་པའི་ཐུགས་ཀ་ནས་འོད་ཟེར་འཕྲོས། དབང་ལྷ་རྣམས་སྤྱན་དྲངས་ནས་དབང་བསྐུར་བར་གྱུར། བུམ་པ་ལག་ཏུ་ཐོགས་ནས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །བུམ་པ་མགོར་བཞག་ལ། ཨོཾ་ཏཱ་རེ་ཏུཏྟ་རེ་ཏུ་

[Full Size]

རེ་སྭཱ་ཧཱ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། བུམ་ཆུ་བླུད། ཀུ་ཤས་སྤྱི་བོར་གཏོར་ཞིང་། དབང་བསྐུར་སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ཀྱི་བདག་པོ་འོད་དཔག་མེད་ཀྱིས་དབུ་བརྒྱན་པར་གྱུར། སེང་ལྡེང་ཕོ་བྲང་འཇིགས་པའི་གནས་མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག །བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་ཡུམ་སྒྲོལ་མ་ཁྱེད་ཀྱི་སྐུ་ཡི་བཀྲ་ཤིས་ཤོག །ནས་འཐོར། དེས་ཁྱེད་རང་རྣམས་ཀྱིས་ལུས་ཀྱི་སྒོ་ནས་བསགས་པའི་སྡིག་སྒྲིབ་དག །ལུས་ལ་གནོད་པའི་ནད་གདོན་ཐམས་ཅད་ཞི། ལུས་ལྷའི་སྐུར་བསྒོམ་པར་དབང་། འབྲས་བུ་སྤྲུལ་པའི་སྐུ་འགྲུབ་པའི་སྐལ་པ་ཅན་དུ་བྱས་པ་དེ་སྐུའི་རྗེས་གནང་ཡིན། །གཉིས་པ་གསུང་གི་རྗེས་གནང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །གསུང་གི་རྡོ་རྗེ་སློབ་དཔོན་གྱི། །བདག་ལ་འཕགས་མ་སྒྲོལ་ཡི། །གསུང་གི་དབང་བསྐུར་བསྩལ་དུ་གསོལ། །གསུམ་མམ་གཅིག །དེ་ལྟར་གསོལ་བ་བཏབ་པས་སློབ་དཔོན་དང་མདུན་བསྐྱེད་ཀྱི་ཐུགས་ཀ་ནས་སྔགས་ཕྲེང་འཕྲོས། ཁྱེད་རང་

[Full Size]

རྣམས་ཀྱི་ཞལ་དུ་ཞུགས་ནས་ཐུགས་ཀར་འཁོར་བར་བསྒོམས་ལ་འདིའི་རྗེས་ཟློས་མཛོད། ཨོཾ་ཏཱ་རེ་ཏུཏྟ་རེ་ཏུ་རེ་སྭཱ་ཧཱ། ལན་གསུམ་བཟླས་ཕྲེང་བ་གཏད། ད་ཁྱེད་རང་རྣམས་ཀྱིས་མེ་ཏོག་གི་ཕྲེང་བ་རེ་སློབ་དཔོན་ལ་ཕུལ་བར་བསམས་ལ་འདིའི་རྗེས་ཟློས་མཛོད། བཅོམ་ལྡན་བདག་གིས་བཟུང་ལགས་ཀྱི། །བདག་ལ་འགོ་བར་མཛད་དུ་གསོལ། །གཅིག་གམ་གསུམ། སྔགས་ཀྱི་ཕྲེང་བ་དེ་ཉིད་མེ་ཏོག་གི་ཕྲེང་བར་བྱས་ནས་ཁྱེད་རང་རྣམས་ཀྱི་སྤྱི་བོར་བཅིངས་པའི་མོས་པ་མཛོད། དྲིལ་བུ་གསིལ་ཞིང་ཕྲེང་བ་མགོར་བཞག་ལ། ཨོཾ་བཅོམ་ལྡན་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་བསྩལ་དུ་གསོལ། །ཕྲིན་ལས་རྫོགས་པར་མཛད་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རིག་པ་འཛིན་པ་འདི་རྣམས་ཀྱི་རྒྱུད་ལ། རྗེ་བཙུན་འཕགས་མ་སྒྲོལ་མའི་སྐུ་གསུང་ཐུགས་ཀྱི་བྱིན་རླབས་ཐམས་ཅད་འཇུག་ཅིང་བརྟན་པར་གྱུར་ཅི །བཀྲ་ཤིས་ནི། སེང་ལྡེང་ཕོ་བྲང་འཇིགས་པའི་གནས་མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག །བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་

[Full Size]

ཡུམ་སྒྲོལ་མ་ཁྱེད་ཀྱི་གསུང་གི་བཀྲ་ཤིས་ཤོག །ནས་འཐོར། དེས་ཁྱེད་རང་རྣམས་ཀྱིས་ངག་གི་སྒོ་ནས་བསགས་པའི་སྡིག་སྒྲིབ་དག །ངག་ལ་གནོད་ཅིང་འཚེ་བའི་འགལ་རྐྱེན་ཞི། ངག་སྔགས་བཟླ་བར་དབང་། འབྲས་བུ་གསུང་དབྱངས་དྲུག་ཅུ་དང་ལྡན་པ་ལོངས་སྤྱོད་རྫོགས་པའི་སྐུ་ཐོབ་པའི་སྐལ་པ་ཅན་དུ་བྱས་པ་གསུང་གི་རྗེས་གནང་ངོ་། གསུམ་པ་ཐུགས་ཀྱི་རྗེས་གནང་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །ཐུགས་ཀྱི་རྡོ་རྗེ་སློབ་དཔོན་གྱི། །བདག་ལ་འཕགས་མ་སྒྲོལ་མ་ཡི། །ཐུགས་ཀྱི་དབང་བསྐུར་བསྩལ་དུ་གསོལ། །གསུམ་མམ་གཅིག །དེ་ལྟར་གསོལ་བ་བཏབ་པས་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ལྷའི་ཐུགས་ཀར་ཕོག །དེའི་ཐུགས་ཀ་ནས་ཕྱག་མཚན་དུ་མ་འཕྲོས། ཁྱེད་རང་རྣམས་ཀྱི་སྙིང་གར་ཐིམ་པས། རྗེ་བཙུན་མའི་་ཐུགས་ཀྱི་དངོས་གྲུབ་ཐོབ་སྙམ་པ་གྱིས་ལ་ཕྱག་རྒྱ་ཆེན་པོའི་ངང་ལ་མཉམ་པར་ཞོག །རྡོ་རྗེ་ཐོགས་ལ། དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་

[Full Size]

གྱི། །གནས་ལས་བྱུང་བ་སྦྱིན་པར་བྱ། །རྡོ་རྗེ་སློབ་མའི་སྙིང་གར་བཞག་ཅིང་། ས་མ་ཡ་སྟེ། བཀྲ་ཤིས་ནི། སེང་ལྡེང་ཕོ་བྲང་འཇིགས་པའི་གནས་མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག །བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་ཡུམ་སྒྲོལ་མ་ཁྱེད་ཀྱི་ཐུགས་ཀྱི་བཀྲ་ཤིས་ཤོག །ནས་འཐོར། དེས་ཁྱེད་རང་རྣམས་ཀྱིས་ཡིད་ཀྱི་སྒོ་ནས་བསགས་པའི་སྡིག་སྒྲིབ་དག །ཡིད་ལ་གནོད་ཅིང་འཚེ་བའི་འགལ་རྐྱེན་ཐམས་ཅད་ཞི། ཡིད་ཏིང་ངེ་འཛིན་བསྒོམ་པ་ལ་དབང་། འབྲས་བུ་ཆོས་སྐུའི་ས་བོན་རྒྱུད་ལ་བཞག་པ་དེ་ཐུགས་ཀྱི་རྗེས་གནང་ཡིན་ནོ། །བཞི་པ་ཡོན་ཏན་གྱི་རྗེས་གནང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །ཡོན་ཏན་རྡོ་རྗེ་སློབ་དཔོན་གྱི། །བདག་ལ་འཕགས་མ་སྒྲོལ་མ་ཡི། །ཡོན་ཏན་དབང་བསྐུར་བསྩལ་དུ་གསོལ། །གསུམ་མམ་གཅིག །སློབ་དཔོན་གྱིས། དེ་ལྟར་གསོལ་བ་བཏབ་པས། ཁྱེད་རང་རྣམས་འཕགས་མ་སྒྲོལ་མའི་སྐུར་གསལ་བ་ལ། སློབ་དཔོན་ཡང་དེར་གསལ་བས་ཕྱག་མཚན་འདི་གཏད་པས་ལྷ་འདི་དང་། སངས་རྒྱས་ཐམས་ཅད་ཀྱི་

[Full Size]

ཡོན་ཏན་གྱི་དངོས་གྲུབ་ཐོབ་སྙམ་པ་གྱིས། འདི་ནི་འཕགས་མའི་ཕྱག་མཚན་ཏེ། །ཁྱོད་ཀྱིས་རྟག་ཏུ་བཅང་བས་ན། །ཐབས་ཤེས་ཟུང་དུ་འཇུག་པ་དང་། །དུས་གསུམ་སངས་རྒྱས་ཐམས་ཅད་ཀྱི། །ཡོན་ཏན་ཀུན་གྱི་སྣོད་གྱུར་ཏེ། །མཐར་ཐུག་སངས་རྒྱས་ཐོབ་པར་ཤོག །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། གུ་ཎ་ཨ་བྷི་ཥིཉྩཧི༔ ཞེས་ཕྱག་མཚན་སློབ་མའི་ལག་གཡས་གཡོན་དུ་བཞག །བཀྲ་ཤིས་ནི། སེང་ལྡེང་ཕོ་བྲང་འཇིགས་པའི་གནས་མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག །བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་ཡུམ་སྒྲོལ་མ་ཁྱེད་ཀྱི་ཡོན་ཏན་བཀྲ་ཤིས་ཤོག །ནས་འཐོར། དེས་བསགས་པ་སྙོམས་འཇུག་གི་སྒྲིབ་པ་དག །སྒོ་གསུམ་ཆ་མཉམ་ལ་གནོད་ཅིང་འཚེ་བ་ཐམས་ཅད་ཞི། །གནས་སྐབས་ལམ་གྱི་ཡོན་ཏན་ཐམས་ཅད་བསྒྲུབ་པ་ལ་དབང་། མཐར་ཐུག་བྲལ་བ་དང་། རྣམ་པར་སྨིན་པའི་ཡོན་ཏན་དྲུག་ཅུ་རྩ་བཞི་ལ་དབང་བའི་སྐལ་པ་ཅན་དུ་བྱས་པ་དེ་ཡོན་ཏན་གྱི་རྗེས་གནང་ངོ་། །ལྔ་པ་ཕྲིན་ལས་ཀྱི་རྗེས་གནང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །ཕྲིན་

[Full Size]

ལས་རྡོ་རྗེ་སློབ་དཔོན་གྱིས། །བདག་ལ་འཕགས་མ་སྒྲོལ་མ་ཡི། །ཕྲིན་ལས་དབང་བསྐུར་བསྩལ་དུ་གསོལ། །གསུམ་མམ་གཅིག །སློབ་དཔོན་གྱིས། དེ་ལྟར་གསོལ་བ་བཏབ་པས་བླ་མ་དང་མདུན་བསྐྱེད་དབྱེར་མེད་པའི་དཔྲལ་བ་ནས་ཞི་བའི་འོད་ཟེར་དཀར་པོ། མགྲིན་པ་ནས་དབང་གི་འོད་ཟེར་དམར་པོ། ཐུགས་ཀ་ནས་དྲག་པོའི་འོད་ཟེར་མཐིང་ག །ལྟེ་བ་ནས་རྒྱས་པའི་འོད་ཟེར་སེར་པོ། གསང་བ་ནས་ལས་སྣ་ཚོགས་ཀྱི་འོད་ཟེར་ལྗང་གུ་རྣམས་འཕྲོས། ཁྱེད་རང་རྣམས་ཀྱི་གནས་ལྔར་ཐིམ་པས། ནད་༡ གདོན་བར་ཆད་ཐམས་ཅད་ཞི། ཚེ་དང་བསོད་ནམས་ཐམས་ཅད་རྒྱས། སྣང་སྲིད་དབང་དུ་འདུས། དགྲ་བགེགས་ཐམས་ཅད་ཚར་བཅད། སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ་པར་སྒོམས་ཤིག །སངས་རྒྱས་ཀུན་གྱི་ཕྲིན་ལས་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་གྱིས་རབ་བསྒྲུབ་ཕྱིར། །ཕྲིན་ལས་དབང་འདི་ཁྱོད་ཀྱིས་ལོངས། །ལས་བཞིའི་ཙཀ་ལི་གཏད་པའམ། མེད་ན་གཏོར་མ་མགོར་བཞག །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཀརྨ་ཨ་བྷི་ཥིཉྩ་ཨཱ བཀྲ་ཤིས་ནི། སེང་ལྡེང་ཕོ་བྲང་འཇིགས་པའི་གནས་

[Full Size]

མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག །བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་ཡུམ་སྒྲོལ་མ་ཁྱེད་ཀྱི་གསུང་གི་བཀྲ་ཤིས་ཤོག །ནས་འཐོར། །དེས་སྒོ་གསུམ་ཆ་མཉམ་གྱི་སྡིག་སྒྲིབ་དག །སྒོ་གསུམ་ལ་གནོད་པའི་འགལ་རྐྱེན་ཞི། ལས་རབ་འབྱམས་བསྒྲུབ་པར་དབང་། འབྲས་བུ་སངས་རྒྱས་ཀྱི་ཕྲིན་ལས་ཁྱབ་པ་དང་རྟག་པའི་བདག་ཉིད་ལ་དབང་འབྱོར་བའི་སྐལ་པ་ཅན་དུ་བྱས་པ་དེ་ཕྲིན་ལས་ཀྱི་དབང་ཡིན། བྱ་སྤྱོད་རྒྱུད་ལ་གཏོར་དབང་མ་གསུངས་ཀྱང་བླ་མ་རྣམས་ཀྱིས་ཕྱག་ལེན་ལ་ཡོད། ད་གཏོར་མ་འདི་ཉིད་རྒྱས་པར་མངོན་རྟོགས་བརྗོད་ལ། བསྡུ་ན་འདི་ཞེས་བྱ་བར། གསལ་ཐོབ་ལ་དེའི་སྟེང་གི་ཆ་ལ་བཀའ་བརྒྱུད་ཀྱི་བླ་མ། བར་གྱི་ཆ་ལ་ཡི་དམ་ལྷ་ཚོགས། འོག་གི་ཆ་ལ་ཆོས་སྐྱོང་སྲུང་མའི་ཚོགས་དང་བཅས་པ་སྤྲིན་འཁྲིགས་པ་ལྟར་ཁྱེད་རང་གི་སྤྱི་བོར་བྱོན་ནས་ངེད་ཀྱི་གསོལ་བ་ཇི་ལྟར་བཏབ་པ་ལྟར་བྱིན་རླབས་དང་དངོས་གྲུབ་ཐམས་ཅད་ཐོབ་བྱུང་སྙམ་པའི་མོས་འདུན་རྩེ་གཅིག་ཏུ་མཛོད་ཅིག །ཅེས་གཏོར་མ་ལག་ཏུ་ཐོགས་ལ། དུས་གསུམ་སངས་རྒྱས་ཐམས་ཅད་ཀྱིས། །སྐུ་གསུང་ཐུགས་ཀྱི་བྱིན་རླབས་ཤིང་། །དངོས་གྲུབ་རྣམ་གཉིས་

[Full Size]

འབྱུང་བའི་གནས། །གཏོར་མའི་དབང་བསྐུར་ཆེན་པོ་སྦྱིན། །ཛཿཧཱུྃ་བཾ་ཧོཿ སློབ་མ་ཉུང་ན་འདི་ཡན་མགོར་བཞག །ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏེ་ལོ་ཤེས་རབ་བཟང་པོ། ནཱ་རོ་ཛྙ་ན་སིདྡྷི། མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། དཔལ་ལྡན་དུས་གསུམ་མཁྱེན་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀྵི་ལ་སོགས་པ་དོན་བརྒྱུད་ཀྱི་དཔལ་ལྡན་བླ་མ་དམ་པ་རྣམས་དང་། ཁྱད་པར་དུ་ཆོས་འདི་ཉིད་གང་ལས་བརྒྱུད་པའི་དཔལ་ལྡན་བླ་མ་ཐམས་ཅད་དང་། རྗེ་བཙུན་མ་འཕགས་མ་སྒྲོལ་མའི་ལྷ་ཚོགས་མ་ལུས་ཤིང་ལུས་པ་མེད་པ་ཐམས་ཅད་ཀྱིས། རྡོ་རྗེའི་སློབ་མ་འདི་རྣམས་ལ་སྐུ་གསུང་ཐུགས་ཀྱི་སྒོ་ནས་བྱིན་གྱིས་བརླབ་པ་དང་། དབང་བསྐུར་བར་མཛད་དུ་གསོལ། འདི་རྣམས་ལ་གནོད་ཅིང་འཚེ་བར་བྱེད་པའི་ནད་རིགས་བཞི་བརྒྱ་རྩ་བཞི། བགེགས་རིགས་སྟོང་ཕྲག་བརྒྱུད་ཅུ། གདོན་རིགས་སུམ་བརྒྱ་དྲུག་ཅུ། སྟེང་གདོན་གཟའ་དང་རྒྱུ་སྐར། འོག་གདོན་ཀླུ་དང་ས་བདག །བར་གདོན་གཉན་དང་ཐེའུ་རང་གི་གནོད་པ་ཐམས་ཅད་ཞི་བར་བྱིན་

[Full Size]

གྱིས་རློབས་ཤིག །ཚེ་དང་བསོད་ནམས་དཔལ་དང་འབྱོར་པ་ཡེ་ཤེས་ཡོན་ཏན་ཐམས་ཅད་རྒྱས་པར་བྱིན་གྱིས་རློབས་ཤིག །འཆི་མེད་ཚེའི་དངོས་གྲུབ་ཐམས་ཅད་དབང་དུ་འདུས་པར་བྱིན་གྱིས་རློབས་ཤིག །བདུད་བགེགས་ལོག་འདྲེན་གདུག་པ་ཅན་ཐམས་ཅད་དྲག་པོའི་སྒོ་ནས་ཚར་གཅོད་པར་བྱིན་གྱིས་རློབས་ཤིག །སྐྱེ་བ་འདི་ནས་བཟུང་སྟེ་ཚེ་རབས་ཐམས་ཅད་དུ་རྗེའི། རྡོ་རྗེ་སློབ་མ་འདི་རྣམས་ཀྱི་ལྷག་པའི་ལྷ་མཛོད། ཉིན་གསུམ་གྱི་བྱ་ར་མཛོད། མཚན་གསུམ་གྱི་མེལ་ཚེ་མཛོད། འཁོར་བ་དང་ངན་སོང་གི་སྡུག་བསྔལ་ཐམས་ཅད་ལས་བསྐྱབ་ཏུ་གསོལ། སོ་སོའི་སྔགས་གསུམ་མམ་གྲངས་ཅི་རིགས་བརྗོད་ལ། སློབ་མ་ཉུང་ཙམ་ལ་རེ་རེའི་མགོར། དུས་གསུམ་སངས་རྒྱས་ཐམས་ཅད་ཀྱི། །སོགས་དང་ཤོ་ལོ་ཀ་དང་སྔགས་བརྗོད། ཁྲོམ་མང་ལརེ་རེའི་མགོར་སྔགས་ཚར་རེའོ། རྒྱལ་བ་སྲས་བཅས་བདེན་པའི་བྱིན་རླབས་དང་། །བཅོམ་ལྡན་འཕགས་མ་སྒྲོལ་མའི་བདེན་པ་ཡིས། །འགྲོ་བ་འདི་དག་བདག་གིས་བསྲུངས་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཨོཾ་བཛྲ་རཀྵ་ཧཱུྃ། གཏོར་མ་ལྷར་གསལ་བ་འོད་དུ་ཞུ་ནས་ཁྱེད་རང་རྣམས་ལ་ཐིམ་པས། ཁྱེད་རང་རྣམས་

[Full Size]

ཀྱི་ལུས་ངག་ཡིད་གསུམ་དང་རྗེ་བཙུན་མའི་སྐུ་གསུང་ཐུགས་དབྱེར་མེད་དུ་འདྲེས་པར་གྱུར་སྙམ་དུ་བསྒོམ། བཀྲ་ཤིས་ནི། སེང་ལྡེང་ཕོ་བྲང་འཇིགས་པའི་གནས་མཆོག་ཏུ། །སྐྱེ་མེད་ཐུགས་རྗེའི་མཚོ་ལས་མརྒད་མདོག །བུད་མེད་རིན་ཆེན་ཡིད་འོང་བརྒྱན་ལྡན་མ། །རྒྱལ་ཡུམ་སྒྲོལ་མ་ཁྱེད་ཀྱི་བཀྲ་ཤིས་ཤོག །ནས་འཐོར། འོ་དེས་འཕགས་མ་སྒྲོལ་མའི་དབང་ལེགས་པར་ཐོབ་པ་ཡིན་པས་དེང་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ་ཡི་དམ་གྱི་ལྷར་བཟུང་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །དེང་ནས་བརྩམས་ཏེ་བདག་བྲན་དུ། །ཁྱོད་ལ་བདག་ནི་འབུལ་ལགས་ན། །ཁྱོད་ཀྱི་སློབ་མར་བཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །ཅེས་བརྗོད་བཅུག །དེ་ལྟར་དབང་ཐོབ་པའི་གཏང་རག་ཏུ་མཎྜལ་ཕུལ། ས་གཞི་སྤོས་ཆུས་སོགས་བརྗོད། སློབ་མ་རྣམས་གྱེས་སོ། །རྗེ་དབང་ཕྱུག་རྡོ་རྗེས་བསྩལ་བའི་དབང་གཅིག་ཤེས་ཀུན་࿄ གྲོལ་འབྲིང་པོ་ལ། ཅུང་ཟད་ཞིག་ཕྱག་ལེན་གྱིས་རྒྱས་པར་བྱས་ཤིང་ཁྱེར་བདེ་བར། དགེ་སློང་ཀརྨ་ཨ་རཱ་གས་ཁོལ་དུ་ཕྱུང་བ་ལ་ཉེས་པ་མཆིས་ན་བཤགས་ཤིང་དགེ་བས་འགྲོ་ཀུན་སྨིན་ཅིང་གྲོལ་ནས་ཁྱད་པར་འདི་ལ་འབྲེལ་པ་ཐོབ་ཚད་བདེ་

[Full Size]

བ་ཅན་དུ་སྐྱེ་བར་གྱུར་ཅིག །མངྒ་ལཾ།། དགེའོ།། ༧ འདི་ནི་དཔེ་གསར་པ་འདི་འདྲ་གཅིག་ལགས་སོན་བྱུང་བས་ཕལ་ཆེར་མངོན་རྟོགས་དང་ལོ་རྒྱུས་མ་གཏོགས་གཅིག་ཤེས་ཀུན་གྲོལ་ནས་ཁོལ་ཕྱུང་ཡིན་པ་འདྲ་འདུག་ཞུ། ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྒྲོལ་མ་ཉེར་གཅིག་གི་བྲི་ཡིག་གོ་བདེ་བའི་ངག་འདོན།

[Full Size]

སྒྲོལ་མ་ཉེར་གཅིག་གི་བྲི་ཡིག་གོ་བདེ་བའི་ངག་འདོན་བྱ་བའོ། །འདི་ནི་གྲུབ་ཆེན་ཉི་མ་སྦས་པའི་རྒྱ་གཞུང་དང་། མི་ཏྲ་ཛ་ཀིའི་དཀྱིལ་ཆོག་རྒྱ་གཞུང་དེ་རྣམས་ཀྱི་དོན་གཞུང་མཐོང་བས་རབ་གསལ་ཞེས་བྱ་བ་བཞུགས་སོ།།

[Full Size]

ན་མོ་ཨཱརྱ་ཏཱ་རེ། བཅོམ་ལྡན་འཕགས་པ་འཇིག་རྟེན་དབང་ཕྱུག་གིས། །འགྲོ་དྲུག་སྡུག་བསྔལ་གཟིགས་ལ་ཐུགས་བརྩེ་ནས། །སྤྱན་ཆབ་བསིལ་ལ་མེ་ཏོག་པདྨ་གཉིས། །ཁ་བྱེའི་ནང་ནས་ལྷ་མོ་གཉིས་བྱུང་སྟེ། །འཇིག་རྟེན་དག་ན་འཇིགས་པས་སུ་སྐྲག་པ། །ང་ཡིས་སྐྱབས་ཞེས་གསུང་གི་ཐོག་མར་སྨྲས། །གང་དུ་འཇིགས་པ་བརྒྱད་དང་བཅུ་དྲུག་པོ། །གང་དེར་བྱུང་དེར་ལྷ་མོ་དེར་ཕེབས་ཏེ། །གང་གིས་སྐྱབས་ཞུས་ངེས་པར་སྐྱོབ་པ་ཞེས། །དམ་བཅའ་ཐུགས་དམ་གཡེལ་མེད་ལྷ་མོ་མཆོག །དཀར་དང་ལྗང་བའི་ཁ་དོག་འཛིན་པ་སྟེ། །ངོ་བོ་གཅིག་ལ་སྤྲུལ་པ་ཉི་ཤུ་

[Full Size]

གཅིག །སྒྲོལ་མ་ཉི་ཤུ་རྩ་གཅིག་མཚན་འཆང་བ། །སྙིགས་དུས་བདག་སོགས་འགྲོ་རྣམས་འཇིགས་པས་མནར། །ལྷ་མོ་ཁྱོད་ལ་བདག་གིས་གསོལ་འདེབས་ན། །སྐད་ཅིག་གློག་ལྟར་མྱུར་བས་འདིར་བྱོན་ལ། །མདུན་གྱི་ནམ་མཁའི་པད་ཟླའི་གདན་ལ་བཞུགས། །ལུས་ངག་ཡིད་གསུམ་གུས་པས་ཕྱག་འཚལ་ལོ། །འཇིག་རྟེན་འདིའམ་འཇིག་རྟེན་གཞན་དག་གིས། །ལྷ་མའི་དཔལ་འབྱོར་བློ་ཡིས་བླངས་ཏེ་འབུལ། །འགྲོ་ཀུན་ཚོགས་གཉིས་རྫོགས་ཕྱིར་བཞེས་སུ་གསོལ། །ཐོག་མེད་དུས་བསགས་སྡིག་ལྟུང་ཉེས་ཀུན་བཤགས། །དུས་གསུམ་དགེ་བསགས་ཀུན་ལ་རྗེས་

[Full Size]

ཡི་རང་། །ཡང་ཟབ་རྒྱ་ཆེན་ཆོས་འཁོར་རབ་བསྐོར་ཞིང་། །གཟུགས་སྐུ་གཡོ་མེད་བཞུགས་པར་གསོལ་བ་འདེབས། །དུས་གསུམ་དགེ་བ་མཁའ་མཉམ་ཡོངས་ལ་བསྔོ། །མཚམས་སྦྱར་བའོ།། ༈ སངས་རྒྱས་ཀུན་གྱི་སྤྱི་གཟུགས་ཐུགས་རྗེའི་བདག །སྟོན་ཟླའི་མདོག་ཅན་ཞལ་གཅིག་ཕྱག་བཞི་པ། །ཐལ་སྦྱར་ཕྲེང་བ་པད་དཀར་ཕྱག་ན་བསྣམས། །དར་དང་རིན་ཆེན་རྒྱན་སྤྲས་སྐྱིལ་ཀྲུང་བཞུགས། །སྤྲུལ་གཞི་སྤྱན་རས་གཟིགས་ལ་ཕྱལ་འཚལ་ལོ། ༈ །ཚེ་དཔག་མེད་ཀྱི་ཡུམ་མཆོག་གོས་དཀར་མོ། །དཀར་གསལ་ཞི་འཛུམ་སྐུ་ལུས་དྲང་པོར་བསྲང་། །དཔྲལ་བའི་གསུམ་དང་ཕྱག་ཞབས་མཐིལ་དུ་སྤྱན། །གཡས་པས་མཆོག་སྦྱིན་གཡོན་པས་ཨུཏྤལ་དཀར། །རྩེ་མོ་གསུམ་ལྡན་འབྲས་བུ་མེ་ཏོག་ནི། །ཁ་མ་བྱེ་བ་དུས་གསུམ་སངས་རྒྱས་མཚོན། །དར་དང་རིན་ཆེན་རྒྱུན་ལྡན་རྡོར་སྐྱིལ་གྱིས། །ཟླ་བ་པད་གདན་ལ་བཞུགས་ཟླ་བ་ཡི། །རྒྱབ་ཡོལ་མངའ་བའི་ལྷ་མོ་ཚེ་འཕེལ་མ། །ཁྱེད་ཀྱི་སྐུ་གཟུགས་སྟོང་སོགས་བྲིས་པ་ནི། །ཚེ་ཟད་འཆི་བ་བཟློག་པར་ཞལ་གྱིས་བཞེས། །ཁྱོད་ལ་ཕྱག་འཚལ་མཆོད་འབུལ་སྐྱབས་སུ་མཆི། །དུས་མིན་འཆི་བའི་བར་ཆད་བསལ་དུ་གསོལ། །

[Full Size]

ལྗང་སྔོན་ཞལ་གཅིག་ཕྱག་གཉིས་འཛུམ་པའི་ཞལ། །གཡས་པས་མཆོག་སྦྱིན་གཡོན་པས་ཨུཏྤལ་འཛིན། །ཞབས་གཡོན་བསྐུམ་ཞིང་གཡས་པ་ཅུང་ཟད་བརྐྱངས། །རོལ་སྟབས་འགྱིང་བག་པདྨ་ཟླ་བའི་སྟེང་། །དར་དང་རིན་ཆེན་སྣ་ཚོགས་རྒྱན་ལྡན་མ། །འཇིགས་པ་ཀུན་སྐྱོབ་སེང་ལྡེང་ནགས་ཀྱི་ནི། །སྒྲོལ་མ་ཁྱེད་ལ་ཕྱག་འཚལ་མཆོད་པ་འབུལ། །སྐྱབས་སུ་མཆིའོ་འཇིགས་པ་ཐམས་ཅད་སོལ། ༼༢༽ །རབ་ཏུ་དཔའ་བའི་སྒྲོལ་མ་མཚལ་གྱི་མདོག །ཞལ་གཅིག་ཞི་འཛུམ་ཞབས་གཉིས་རྡོར་སྐྱིལ་བཞུགས། །ཕྱག་བརྒྱད་དང་པོ་རྡོ་དྲིལ་སྤྱི་བོར་བསྣོལ། །དེ་འོག་གཉིས་ཀྱི་མདའ་གཞུ་བཀང་བ་འཛིན། །དེ་འོག་འཁོར་ལོ་ཕྱིར་ཞིང་དུང་ཐུགས་ཀར། །བཞི་པས་རལ་གྲི་འདེབས་ཚུལ་ཞགས་པ་བསྣམས། །དར་དང་རིན་ཆེན་སྣ་ཚོགས་རྒྱུན་ལྡན་ཞིང་། །གསེར་མདོག་པདྨ་དང་ནི་ཟླ་སྟེང་བཞུགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །འཇིགས་པ་ཀུན་སོལ་དངོས་གྲུབ་རྣམ་གཉིས་སྩོལ། ༼༣༽ །དཀར་མོ་ཟླ་མདོག་སྒྲོལ་མ་སྐུ་མདོག་དཀར། །ཞལ་གསུམ་གཡས་སྔོ་གཡོན་སེར་ཞི་བའི་ཞལ། །ཕྱག་ནི་བཅུ་གཉིས་དང་པོ་མཉམ་བཞག་མཛད། །གཉིས་

[Full Size]

པ་གཉིས་ན་ཁ་ཊཾ་སྤྱི་བླུགས་འཛིན། །གསུམ་པ་གཉིས་ན་འཁོར་ལོ་ཨུཏྤལ་ལ། །བཞི་པ་གཉིས་ན་ནོར་བུ་བུམ་པ་སྟེ། །ལྔ་པ་གཉིས་ན་རྡོ་རྗེ་དྲིལ་བུ་འཁྲོལ། །དྲུག་པ་མེ་ཏོག་ཕྲེང་བ་པོ་ཏི་འཛིན། །པད་ཟླའི་སྟེང་ན་སྐྱིལ་ཀྲུང་ཞི་ཆས་རྫོགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །མིག་ནད་ལ་སོགས་འཇིགས་པ་ཐམས་ཅད་སོལ། །ཐུན་མོང་མཆོག་གི་དངོས་གྲུབ་བསྩལ་དུ་གསོལ། ༼༤༽ །གསེར་མདོག་ཅན་གྱི་སྒྲོལ་མ་སྐུ་མདོག་སེར། །ཞལ་གཅིག་ཞི་འཛུམ་ཞི་བའི་རྒྱན་སྐུ་རྫོགས། །རྡོ་རྗེའི་སྐྱིལ་ཀྲུང་སྣ་ཚོགས་པད་ཉིའི་སྟེང་། །ཕྱག་བཅུ་དང་པོའི་གཡས་གཡོན་ཕྱག་གཉིས་ན། །ཕྲེང་བ་དང་ནི་དར་དཔྱངས་ཐུགས་ཀར་འཛིན། །གཉིས་པ་གཉིས་ན་རལ་གྲི་ཞགས་པ་སྟེ། །གསུམ་པ་གཉིས་ན་མདའ་གཞུ་སོ་སོར་འཛིན། །བཞི་པ་གཉིས་ན་རྡོ་རྗེ་དྲིལ་བུ་འཁྲོལ། །ལྔ་པ་གཉིས་ན་དབྱུག་གུ་པདྨ་བསྣམས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །འདོད་དགུ་ཀུན་སྩོལ་འཇིགས་པ་ཐམས་ཅད་སོལ། ༼༥༽ །གཙུག་ཏོར་རྒྱལ་བའི་སྒྲོལ་མ་གསེར་གྱི་མདོག །ཞལ་གཅིག་ཞི་འཛུམ་ཞི་བའི་རྒྱན་ཀུན་རྫོགས། །ཕྱག་གཉིས་སྐྱབས་སྦྱིན་པདྨ་སེར་

[Full Size]

པོ་བསྣམས། །ཡང་ན་ཕྱག་བཞི་དང་པོ་གཉིས་ན་ནི། །མཆོག་སྦྱིན་གཡས་རྡོར་དབྱུག་པ་ལྟེ་ཐད་འཛིན། །འོག་གཉིས་བགྲང་ཕྲེང་རིན་ཆེན་བེ་ཅོན་བསྣམས། །ཞབས་གཉིས་ཟླ་བའི་སྟེང་དུ་ཞབས་འོག་གཉིས། །ཅུང་ཟད་བསྣོལ་མ་ཙམ་གྱི་སྐྱིལ་ཀྲུང་བཞུགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །བར་ཆད་ཀུན་སོལ་དངོས་གྲུབ་མྱུར་དུ་སྩོལ། ༦༽ །རྣམ་པར་རྒྱལ་བའི་སྒྲོལ་མ་སྐུ་མདོག་དམར། །ཞལ་གཅིག་ཞི་འཛུམ་དར་དང་རཏྣས་བརྒྱན། །ཕྱག་བཞི་གཡས་གཉིས་རྡོ་རྗེ་རལ་གྲི་ཕྱར། །གཡོན་པ་གཉིས་ན་སྡིགས་མཛུབ་ཞགས་པ་བསྣམས། །སེམས་དཔའི་སྐྱིལ་ཀྲུང་ཉི་མའི་དཀྱིལ་འཁོར་དང་། །པདྨ་དམར་པོའི་གདན་ལ་བཞུགས་མཛད་མ། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །འཇིགས་པ་ཀུན་ལས་རྒྱལ་ཞིང་དངོས་གྲུབ་སྩོལ། ༼༧༽ །རྒོལ་བ་འཇོམས་པའི་སྒྲོལ་མ་ཁྲོ་མོ་མཐིང་། །དབུ་སྐྲ་གྱེན་བརྫེས་སྦྲུལ་དང་རིན་ཆེན་བརྒྱན། །ཕྱག་ཞབས་གདུབ་བུ་རྣམས་ཀྱང་རིན་པོ་ཆེ། །ཕྱག་བཞི་གཡས་གཉིས་འཁོར་ལོ་རལ་གྲི་ཕྱར། །གཡོན་གྱི་ཞགས་པ་གསང་གནས་ཐད་དུ་འཛིན། །འོག་མ་སྡིགས་མཛུབ་རབ་ཏུ་གདེངས་

[Full Size]

བའོ། །སྟོད་གཡོགས་དར་དཔྱངས་སེར་ཞིང་སྟག་ཤམ་ཅན། །གཡས་བསྐུམ་གཡོན་བརྐྱང་ཉི་མའི་གདན་ལ་ནི། །པདྨ་སེར་པོའི་སྟེང་ན་འགྱིང་མཛད་མ། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །ཕ་རོལ་རྒོལ་བ་ཐམས་ཅད་བཟློག་ཏུ་གསོལ། ༼༨༽ །དབང་མཆོག་སྟེར་བའི་སྒྲོལ་མ་གསེར་གྱི་མདོག །ཞལ་གཅིག་ཁྲོ་གཉེར་ལྡན་ཞིང་ཕྱག་བཞི་ཡི། །དང་པོ་མྱ་ངན་མེད་ཤིང་པདྨ་དང་། །འོག་མ་གཉིས་ན་རིན་ཆེན་བུམ་པ་འཛིན། །པདྨ་དམར་དང་ཆུ་སྲིན་གདན་སྟེང་ན། །སྐྱིལ་ཀྲུང་ཕྱེད་པས་བཞུགས་ཤིང་ཞི་ཆས་རྫོགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །མངའ་ཐང་དབང་ཐང་འཕེལ་བར་མཛད་དུ་གསོལ། ༼༩༽ །མྱ་ངན་མེད་པའི་སྒྲོལ་མ་སྐུ་མདོག་དམར། །ཞལ་གཅིག་ཞི་འཛུམ་དར་དང་རིན་ཆེན་བརྒྱན། །ཕྱག་བཞི་དང་པོས་སྤྱི་བོར་ཐལ་མོ་སྦྱར། །འོག་གཉིས་རལ་གྲི་མྱ་ངན་མེད་པ་འི་ཤིང་། །རོལ་པའི་སྟབས་ཀྱིས་ཟླ་བའི་དཀྱིལ་འཁོར་དང་། །པདྨ་དམར་པོའི་སྟེང་ན་བཞུགས་མཛད་མ། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །མྱ་ངན་སྡུག་བསྔལ་ཐམས་ཅད་མེད་པར་མཛོད། ༼༡༠༽ །འགྲོ་བ་

[Full Size]

འགུགས་པའི་སྒྲོལ་མ་སྐུ་མདོག་ནག །ཕྱག་གཉིས་ལྕགས་ཀྱུ་དང་ནི་ཞགས་པ་བསྣམས། །འགྱིང་བག་ཞབས་གཡས་ཅུང་ཟད་སྐྱོང་མཛད་དེ། །གཡོན་པ་བསྐུམ་པའི་རོལ་པ་ཉི་མ་དང་། །པདྨ་དམར་པོའི་གདན་ལ་བཞུགས་མཛད་དེ། །ཁྲོ་འཛུམ་དར་དང་རིན་ཆེན་ཞི་ཆས་བརྒྱན། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །ཕོངས་པ་ཀུན་སོལ་ནོར་གྱི་དངོས་གྲུབ་སྩོལ། ༼ ༡༡༽ །བཀྲ་ཤིས་སྣང་བའི་སྒྲོལ་མ་སྐུ་མདོག་སེར། །ཞི་འཛུམ་ཞལ་གཅིག་དར་དང་རིན་ཆེན་སྤྲས། །ཕྱག་བརྒྱད་དང་པོ་ཁ་ཊཾ་ནོར་བུ་སྟེ། །གཉིས་པ་གཡས་གཡོན་ལྕགས་ཀྱུ་ཞགས་པ་བསྣམས། །གསུམ་པ་རྡོ་རྗེ་དང་ནི་དབྱུག་པ་སྟེ། །བཞི་པ་གཉིས་ཀྱིས་རལ་གྲི་བུམ་པ་བསྣམས། །ཟླ་ཚེས་དབུ་བརྒྱན་རྡོ་རྗེ་སྐྱིལ་ཀྲུང་གིས། །སྣ་ཚོགས་པདྨ་ཟླ་བའི་གདན་ལ་བཞུགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །བཀྲ་ཤིས་བདེ་ལེགས་ཐམས་ཅད་བསྩལ་དུ་གསོལ། ༼༡༢༽ །སྨིན་བྱེད་སྒྲོལ་མ་དམར་མོ་ཞལ་གཅིག་མ། །ཁྲོ་བོའི་ཞལ་སྟེ་ཕྱག་བཞི་དང་པོ་གཉིས། །རལ་གྲི་འཁོར་ལོ་འོག་གཉིས་མདའ་དང་གཞུ། །བཞེངས་ཏེ་གཡས་བརྐྱང་གཡོན་བསྐུམ་འདོར་ཐབས་

[Full Size]

ཀྱིས། །མེ་དཔུང་ནང་བཞུགས་དར་དང་རིན་ཆེན་བརྒྱན། །པདྨ་དམར་དང་ཉི་མའི་གདན་ལ་བཞུགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །ཕ་རོལ་དགྲ་ཡི་དཔུང་ཚོགས་བཟློག་ཏུ་གསོལ། ༼༡༣༽ །ཁྲོ་གཉེར་གཡོ་བའི་སྒྲོལ་མ་མཐིང་ནག་འབར། །ཞལ་གསུམ་རབ་ཁྲོས་གཡས་དཀར་གཡོན་དམར་ཞལ། །ཐོད་པ་སྐམ་རློན་རིན་ཆེན་རྒྱན་དང་ལྡན། །ཕྱག་དྲུག་གཡས་གསུམ་རོལ་གྲི་དབྱུག་ཐོ་ལྕགས་ཀྱུ་དང་། །གཡོན་གསུམ་ཐོད་ཁྲག་ཞགས་པ་ཚངས་པའི་མགོ། །གཡས་བརྐྱང་གཡོན་བསྐུམ་མི་རོའི་གདན་དང་ནི། །པདྨ་དམར་དང་ཉི་མའི་གདན་ལ་འགྱིང་། །ཐོད་ཁྲག་ནང་ནས་མི་རྒྱུ་ཞལ་དུ་འདྲེན། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །དགྲ་དང་བགེགས་ཀྱི་གནོད་པ་བཟློག་ཏུ་གསོལ། ༼༡༤༽ །བདེ་ལེགས་ཞི་བའི་སྒྲོལ་མ་དུང་ལྟར་དཀར། །ཞལ་གཅིག་ཞི་འཛུམ་དར་དང་རིན་ཆེན་བརྒྱན། །པད་དཀར་ཟླ་སྟེང་རྡོ་རྗེའི་སྐྱིལ་ཀྲུང་བཞུགས། །ཕྱག་དྲུག་གཡས་ཀྱི་ཕྲེང་བ་ཐུགས་ཀར་འཛིན། །གཉིས་པ་མཆོག་སྦྱིན་གསུམ་པ་དབྱུག་གུ་འཛིན། །གཡོན་པས་པདྨ་དང་ནི་རིལ་བ་དང་། །ཨུཏྤལ་སྟེང་དུ་པོ་ཏི་ཞགས་པ་འཛིན། །ཁྱེད་ལ་

[Full Size]

ཕྱག་འཚལ་མཆོད་འབུལ་སྐྱབས་སུ་མཆི། །སྡིག་པ་གང་མཆིས་ཐམས་ཅད་དག་པར་མཛོད། ༼༡༥༽ །ཆགས་པ་འཇོམས་པའི་སྒྲོལ་མ་བྱི་རུའི་མདོག །ཞལ་གཅིག་སྤྱན་གསུམ་ཞི་བའི་ཚུལ་ཅན་ལ། །ཕྱག་གཡས་ཁ་ཊཾ་རྩེ་གསུམ་ཐུགས་ཀར་འཛིན། །གཡོན་པས་སྡིགས་མཛུབ་འབྲས་བུས་ངད་ཅན་ཤིང་། །ཕྱར་བའི་སྟབས་འཛིན་དར་དང་རིན་ཆེན་སྤྲས། །སེམས་དཔའི་སྐྱིལ་ཀྲུང་ཉི་མའི་དཀྱིལ་འཁོར་དང་། །པདྨ་དམར་སེར་གདན་ལ་བཞུགས་མཛད་མ། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །གང་་འདོད་དངོས་གྲུབ་སྩོལ་ལ་དགྲ་རྣམས་བཟློག ༼༡༦༽ །བདེ་བ་བསྒྲུབ་པའི་སྒྲོལ་མ་དམར་སེར་ཏེ། །ཞལ་གཅིག་ཞི་འཛུམ་དར་དང་རིན་ཆེན་སྤྲས། །ཕྱག་གཉིས་ཐུགས་ཀར་མཐེབ་སྲིན་བར་དུ་ནི། །ཟླ་བའི་དཀྱིལ་འཁོར་ཉ་རྒྱས་འཛིན་པར་མཛད། །པད་དཀར་ཉི་མའི་དཀྱིལ་ན་སེམས་སྐྱིལ་བཞུགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །བདེ་སྐྱིད་ཕུན་སུམ་ཚོགས་པའི་དངོས་གྲུབ་སྩོལ། ༼༡༧༽ །རྣམ་པར་རྒྱལ་མའི་སྒྲོལ་མ་སྐུ་མདོག་དཀར། །ཞལ་གཅིག་ཞི་འཛུམ་དར་དང་རིན་ཆེན་བརྒྱན། །ཕྱག་བཞི་དང་པོ་

[Full Size]

གཉིས་ནི་སྤྱི་བོར་ན། །སྒྲོལ་བའི་སྟབས་ཀྱིས་ལྕགས་ཀྱུ་གཅིག་ལ་འཛིན། །འོག་གཉིས་མཆོག་སྦྱིན་ཨུཏྤལ་པོ་ཏི་མཚན། །པད་དཀར་ཟླ་བ་ཆུ་བྱ་ངང་པའི་སྟེང་། །སེམས་དཔའི་སྐྱིལ་མོ་ཀྲུང་གིས་བཞུགས་མཛད་མ། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །སྦྱར་དུག་ལ་སོགས་དུག་རིགས་གནོད་པ་སོལ། ༼༡༨༽ །སྡུག་བསྔལ་སེལ་བའི་སྒྲོལ་མ་སྟོན་ཟླའི་མདོག །ཞི་འཛུམ་དར་དང་རིན་ཆེན་རྒྱན་གྱིས་བཀླུབས། །ཕྱག་གཉིས་ཐུགས་ཀར་མེ་ཐབས་མེ་འབར་འཛིན། །པད་དཀར་ཉི་སྟེང་སེམས་སྐྱིལ་གཡོན་ཅུང་བརྐྱང་། །འགྱིང་བག་སྐུ་ལ་འོད་ཟེར་དཀར་དམར་འཕྲོ། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །འགྲོ་བའི་སྡིག་དང་སྡུག་བསྔལ་བསྲེག་པར་མཛོད། ༼༡༩༽ །དངོས་གྲུབ་འབྱུང་བའི་སྒྲོལ་མ་ལི་ཁྲིའི་མདོག །ཞི་འཛུམ་ཞལ་གཅིག་ཞི་བའི་རྒྱུན་ཀུན་ལྡན། །ཕྱག་གཉིས་ཐུགས་ཀར་གསེར་གྱི་བུམ་པ་འཛིན། །པད་དཀར་ཟླ་སྟེང་སེམས་པའི་སྐྱིལ་ཀྲུང་བཞུགས་། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །ཡིད་ཀྱིས་ཅི་འདོད་དངོས་གྲུབ་ཐམས་ཅད་སྩོལ། ༼༢༠༽ །ཧཱུཾ་སྒྲ་སྒྲོག་པའི་སྒྲོལ་མ་གསེར་གྱི་མདོག །ཞལ་

[Full Size]

གཅིག་ཞི་ཞལ་དར་དང་ཞི་ཆས་རྫོགས། །ཕྱག་གཡས་སྐྱབས་སྦྱིན་གཡོན་པ་པདྨ་སེར། །པད་ཟླའི་གདན་ལ་རྡོ་རྗེའི་སྐྱིལ་ཀྲུང་བཞུགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །དགྲ་བགེགས་བར་ཆད་གཡུལ་ལས་རྒྱལ་བར་མཛོད། ༼༢༡༽ །ཡོངས་རྫོགས་སྒྲོལ་མ་དཀར་མོ་ཞལ་གཅིག་པ། །སྤྱན་གསུམ་ཞལ་གདངས་དབུ་སྐྲ་དམར་སེར་འབར། །ཕྱག་གཡས་ཁ་ཊཾ་གཡོན་པས་མེ་ཏོག་འཕྲེང་། །དར་དང་རིན་ཆེན་རྒྱན་ལྡན་སྟག་ཤམ་བཅིངས། །པད་ཟླ་མ་ཧེའི་སྟེང་ན་ཕྱེད་སྐྱིལ་བཞུགས། །ཁྱེད་ལ་ཕྱག་འཚལ་མཆོད་འབུལ་སྐྱབས་སུ་མཆི། །བསམ་པའི་དོན་ཀུན་གེགས་མེད་མཐར་ཕྱིན་མཛོད། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། སྒྲོལ་མ་ཉེར་གཅིག་སྐུ་ལས་འོད་ཟེར་འཕྲོས། །རང་ལ་ཐིམ་པས་དངོས་གྲུབ་ཐོབ་པར་བསྒོམ། །འདི་ལྟར་སྒྲོལ་མ་ཉི་ཤུ་རྩ་གཅིག་གི །བཀོད་པ་བྲིས་ནས་བར་ཆད་ཀུན་ཞི་ཞིང་། །གང་འདོད་དངོས་གྲུབ་མ་ལུས་འབྱུང་བ་དང་། །ཁྱད་པར་བྱང་ཆུབ་སེམས་དང་ལྡན་པ་ཡི། །སྡེ་ཆེན་བླ་དཔོན་ཀུན་གྱིས་སྐུ་རིམ་ལ། །མཆོག་ཏུ་བསྔགས་ཕྱིར་བྲི་སྲོལ་ཆེ་བ་ལགས། །ནོར་དང་རིགས་རྒྱུད་འདོད་པའི་བུད་མེད་ཀྱིས། །

[Full Size]

བཞེངས་ན་ཡིད་ལ་འདོད་པ་འབྱུང་བར་བཤད། །གྲུབ་ཆེན་ཉི་མ་སྦས་པའི་རྒྱ་གཞུང་དང་། །མི་ཏྲ་ཛཱ་ཀིའི་དཀྱིལ་ཆོག་རྒྱ་གཞུང་དང་། །སྔར་གྱི་ཞལ་ཐང་གོང་མ་གོ་བསྟུན་ཏེ། །གོ་ཏྟཱ བར་སླ་ཞིང་ངག་འདོན་བྱ་ཆོག་པའི། །སྒྲོལ་མ་ཉེར་གཅིག་བཀོད་པའི་ཡི་གེ་འདི། །བུ་སློབ་དད་པ་ཅན་གྱིས་བསྐུལ་བྱས་པས། །དགེ་སློང་༧རཱ་ག་ཨ་སྱས་བཀོད་པ་ཡིན། །དབུས་སྒྱུ་མའི་གཙུག་ཏུ་རིགས་བདག་འོད་དཔག་མེད། །སྤྲུལ་གཞི་སྤྱན་རས་གཟིགས་དང་སྒྲོལ་དཀར་དང་། །སྦྱིན་བདག་རང་གི་གཟུགས་ཀྱིས་མཆོད་འབུལ་ཚུལ། །ལྷ་གྲངས་ཉི་ཤུ་རྩ་ལྔ་ལེགས་པའོ། །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཌཱཀི་སེང་ཧ་མུ་ཁའི་བརྒྱུད་པའི་གསོལ་འདེབས།

[Full Size]

ཌཱཀི་སེང་ཧ་མུ་ཁའི་བརྒྱུད་པའི་གསོལ་འདེབས་ནི། ན་མོ་བཛྲ་ཌཱ་ཀི་སེ་ཧ་མུ་ཁ་ཡེ། །སྔོན་ཚེ་བཅོམ་ལྡན་རྡོ་རྗེ་རྣལ་འབྱོར་མས། ཤ་ཟ་མཁའ་འགྲོ་སྡེ་བརྒྱད་འདུལ་བའི་ཕྱིར། །ཐུགས་བསྐྱེད་སྨོན་ལམ་དམོད་པ་བོར་བའི་མོད། །སེང་གེའི་གདོང་མར་གྱུར་ལ་གསོལ་བ་འདེབས། །དྲེགས་པ་དབང་བསྡུས་སྲོག་གི་སྙིང་པོ་བླངས། །རི་རབ་སོ་གཉིས་རྡུལ་མཉམ་མཁའ་འགྲོ་ཡི། །སྲོག་སྙིང་བསྡུས་ནས་ཡིག་འབྲུ་བཅུ་བཞི་པོ། །ཉིད་ཀྱི་ཐུགས་ཀར་བཀོད་དེར་གསོལ་བ་འདེབས། །ཀྱེ་ཡི་རྡོ་རྗེ་གོའུ་རིའི་ལེའུར་གྲགས། །དུས་ཀྱི་འཁོར་ལོའི་རྡོ་རྗེའི་ལུས་སྲུང་དང་། །སྒེལ་རྒྱུད་དྲག་མོ་ཐོག་གི་རྒྱུད་ཅེས་གྲགས། །རྩོད་མེད་རྒྱུད་མཆོག་མངའ་དེར་གསོལ་བ་འདེབས། །རྫུ་འཕྲུལ་སྟོབས་ཀྱིས་ཨོ་རྒྱན་གནས་སུ་བྱོན། །ཀྱེ་རྡོར་འབུམ་ཕྲག་སུམ་ཅུའི་བཅུད་བསྡུས་ནས། །མཁའ་འགྲོའི་སྒྲུབ་ཐབས་མི་ཡུལ་སྣང་མཛད་པ། །དཔལ་ལྡན་ཀླུ་སྒྲུབ་ཞབས་ལ་གསོལ་བ་འདེབས། །བདུད་འདུལ་མཁའ་འགྲོས་ཆོས་ཀྱི་སྒྲོམ་ཕུལ་ནས། །དྲག་མོའི་རྒྱུད་མཆོག་ཐུགས་སུ་ཆུད་པའི་མཐུས། །མུ་སྟེགས་ལྔ་བརྒྱ་ཐོག་གིས་བསྒྲལ་མཛད་པ། །པད་

[Full Size]

འབྱུང་འཆི་བ་མེད་དེར་གསོལ་བ་འདེབས། །ཡེ་ཤེས་མཁའ་འགྲོ་མངོན་སུམ་ཞལ་མཐོང་ནས། །སྒྲོམ་བུ་དགུ་བསྐོར་གཏེར་ཁ་གཏད་པའི་མཐུས། །མུ་སྟེགས་སྐལ་ལྡན་རྒྱལ་པོ་བསྒྲལ་མཛད་པ། །བ་རི་ལོ་ཙཱའི་ཞབས་ལ་གསོལ་བ་འདེབས། །ཡེ་ཤེས་ཌཱཀྐིས་དུས་གསུམ་བྱིན་གྱིས་བརླབས། །བཻ་རོའི་སྦས་པའི་རྡོ་རྗེ་མཁའ་འགྲོ་ཡི། །སྒྲུབ་སྐོར་གཏེར་ནས་ཕྱུངས་ཏེ་སྤེལ་མཛད་པ། །དུས་གསུམ་མཁྱེན་པའི་ཞབས་ལ་གསོལ་བ་འདེབས། །ཟམ་བུ་ལུང་དང་མཁའ་འགྲོའི་གསང་ཕུག་ཏུ། །ལོ་གསུམ་བར་དུ་ཡེངས་མེད་སྒྲུབ་པའི་མཐུས། །མཛེས་གསལ་ཞལ་གཟིགས་འཇའ་ལུས་ཆོས་སྐུ་ཐོབ། །སངས་རྒྱས་མགོན་པོའི་ཞབས་ལ་གསོལ་བ་འདེབས། །དབང་གིས་རབ་སྨིན་རྒྱུད་གཞུང་གདམས་པ་རྟོགས་།བསྙེན་ཅིང་བསྒྲུབས་པས་དྲོད་རྟགས་མངོན་དུ་ཕྱུངས། །སྣོད་ལྡན་བུ་ལ་གདམས་ངག་རྗེས་སུ་བསྟན། །བརྒྱུད་པའི་བླ་མ་རྣམས་ལ་གསོལ་བ་འདེབས། །གདོད་ནས་མཁའ་འགྲོའི་དབང་ཕྱུག་དཀྱིལ་འཁོར་གཙོ། །བརྟན་གཡོའི་བདག་པོ་དཔལ་ལྡན་ཧེ་རུ་ཀ། །ཁྲག་འཐུང་རྒྱལ་པོ་དྷརྨེ་ཤཱ་རེ་ཞེས། །རྡོ་རྗེ་སློབ་དཔོན་དེ་ལ་གསོལ་བ་

[Full Size]

འདེབས། །རི་རབ་སུམ་ཅུ་གཉིས་དང་རྡུལ་ཕྲན་དང་། །གྲངས་མཉམ་ཡེ་ཤེས་ལས་དང་འཇིག་རྟེན་གྱི། །སྲུང་མ་མཁའ་འགྲོའི་ཚོགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །དཀར་མོའི་ཏིང་འཛིན་འབྲུ་བརྒྱད་གསང་སྔགས་ཀྱི། །སྒྲུབ་པའི་བར་ཆད་བསྲུང་བར་བྱིན་གྱིས་རློབས། །ནག་མོའི་ཏིང་འཛིན་བཅུ་ཡི་གསང་སྔགས་ཀྱིས། །ལུས་སྲོག་བར་ཆད་བཟློག་པར་བྱིན་གྱིས་རློབས། །ཨེ་ཡིག་ཏིང་འཛིན་བཅུ་ཡི་བསད་སྔགས་ཀྱིས། །རྒྱལ་བའི་བསྟན་པ་བསྲུང་བར་བྱིན་གྱིས་རློབས། །རྩ་གསུམ་འཁོར་ལོ་བཞི་ཡི་ཏིང་འཛིན་གྱིས། །སྲོག་རྩོལ་བརྟན་པ་ཐོབ་པར་བྱིན་གྱིས་རློབས། །ལྟེ་དབུས་ཌཀྐི་དམར་མོའི་ཏིང་འཛིན་གྱིས། །ལུས་ལ་བདེ་དྲོད་འབར་བར་བྱིན་གྱིས་རློབས། །སྤྱི་བོའི་ཌཱཀྐི་དཀར་མོའི་ཏིང་འཛིན་གྱིས། །སེམས་ལ་བདེ་སྟོང་འཆར་བར་བྱིན་གྱིས་རློབས། །འཆི་ཚེ་མཁའ་འགྲོ་རྣམས་ཀྱིས་རབ་བསུས་ནས། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་པ་འདི་དཔལ་ཧེ་རུ་ཀ་དང་ཐ་མི་དད་པ་རྗེ་ཆོས་ཀྱི་དབང་ཕྱུག་གི་ཞལ་སྔ་ནས། སེང་གདོང་མའི་ཟློག་པའི་ལུང་ལེགས་པར་ཐོབ་པའི་བཀའ་དྲིན་དྲན་ནས་

[Full Size]

ཤོག་སྟོང་།

འགྲེས་བྱང་།

[Full Size]

དཀོན་མཆོག་གསུམ་བཟུང་མི་སྤང་སྒྲུབ། །རྡོ་རྗེ་རིགས་ཀྱི་དམ་ཚིག་ཡིན། །རྡོ་རྗེ་དྲིལ་བུའི་ཕྱག་རྒྱ་དང་། །བྱང་ཆུབ་སེམས་ནི་སྤང་མི་བྱ། །རྡོ་རྗེ་རིགས་ཀྱི་དམ་ཚིག་ལས། །རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །རིན་ཆེན་རིགས་ཀྱི་དམ་ཚིག་ཡིན། །པདྨ་རིགས་ཀྱི་དམ་ཚིག་ཏུ། །ཐེག་པ་གསུམ་གྱི་ཀྵ ཆོས་རྣམས་བཤད། །པདྨ་རིགས་ཀྱི་དམ་ཚིག་ཡིན། །ལས་ཀྱི་རིགས་ཀྱི་དམ་ཚིག་ཏུ། །འགྲོ་བའི་དོན་ལ་བརྩོན་པར་བྱ། །ལས་ཀྱི་རིགས་ཀྱི་དམ་ཚིག་ཡིན། །ཚོགས་ཞིང་རྣམས་རང་གི་སྙིང་ཁར་ཞེས།

[Full Size]

ཤོག་སྟོང་།

མཁའ་འགྲོ་སེང་གདོང་མའི་སྒྲུབ་ཐབས་དངོས་གྲུབ་ཀུན་འབྱུང་།

[Full Size]

རྒྱ་གར་སྐད་དུ། ཊཀྐི་སེང་ཧ་མུ་ཁ་ས་དྷ་ན་མ། བོད་སྐད་དུ། མཁའ་འགྲོ་མ་སེང་གེའི་གདོང་པ་ཅན་གྱི་སྒྲུབ་ཐབས་ཞེས་བྱ་བ་མཁའ་འགྲོ་སེང་གདོང་མའི་བདག་བསྐྱེད་སྲུང་འཁོར་དང་བཅས་པ་སྟེ། ཕྱི་སྒྲུབ་བསྙེན་པའི་ལས་རིམ་བལྟས་ཆོག་བཞུགས་སོ། །དངོས་གྲུབ་ཀུན་འབྱུང་ཞེས་བྱ་བ་སྟེ་རྩ་བའི་མན་ངག་གོ །སེང་གེ་ཁ་འཐབ་ལ་སོགས་གཞན་དུ་ཤེས་སོ། །

[Full Size]

ན་མོ་བཛྲ་ཌཀྐི་ཡེ། གནས་གསུམ་མཁའ་འགྲོའི་ཚོགས་ལ་ཕྱག་འཚལ་ནས། །ཡེ་ཤེས་ཌཱཀྐིའི་སྒྲུབ་ཐབས་གསལ་བཀོད་བྱ་། །ཌཱཀྐིའི་ཚོགས་ཀྱིས་བཀའ་གནང་བྱིན་གྱིས་རློབས། །དེ་ལ་རྟེན་གྱི་གང་ཟག་འདི་ཡི་དབང་ཐོབ་ཅིང་། གསང་སྔགས་ཀྱི་དམ་ཚིག་སྤྱི་དང་ཁྱད་པར་དུ་འདི་ཞུས་པའི་སློབ་དཔོན་ལ་སྐུར་པ་ཅུང་ཟད་ཙམ་མི་གདབ་ཅིང་ཐུགས་དང་མི་འགལ་བ་གལ་ཆེ། སློབ་དཔོན་དང་འགལ་ན། མཁའ་འགྲོའི་བཀའ་ཆད་ཀྱིས་རང་སྲོག་གཅོད་དོ། །དྲེའུ་དང་བོང་བུའི་ཤ་མི་ཟ་བ་དམ་ཚིག་ཡིན་ནོ། །དེ་ནས་གནས་དབེན་པར་མཆོད་པའི་མཎྜལ་བྱས་པའི་སྟེང་དུ། ཐོད་པའམ་ཟངས་ལྕགས་ཀྱི་སྣོད་དུ། གཏོར་མ་ཟུར་གསུམ་རྩེ་མོ་རྣོ་བ་ཉི་ཤུ་རྩ་གཅིག་གིས། མཐར་

[Full Size]

མཐེབ་ཀྱུས་བཅད་ཁ་བཞི་ཡིས་བསྐོར། དཀར་དམར་གྱིས་བརྒྱན་ཅིང་། མཐར་མཆོད་པ་རྣམ་ལྔ་དང་སྨན་རཀ་བཤམས། རང་ཉིད་སྟན་བདེ་བ་ལ་འདུག་ཅིང་། ཌཱ་དྲིལ་མདུན་དུ་བཀོད། དེ་ནས་གནས་བདག་ལ་དཀར་གཏོར་བྱིན་ལ། མ་སྒྲིག་མ་བསྔངས་བར་བདག་གི་གྲོགས་གྱིས་ཤིག །ཅེས་བཀའ་བསྒོའོ། །བགེགས་ལ་གཏོར་མ་བྱིན་ལ། སུ་བྷས་བསྐྲད། དེ་ནས་མཆོད་པ་རྣམས། ཨོཾ་བྷི་ཤྭ་ཌཱ་ཀི་ནི་ཧཱུཾ་ཕཊ། ཅེས་བསངས། ཨོཾ་སྭ་བྷ་ཝས་སྦྱང་། སྟོང་པ་ཉིད་དུ་གྱུར། སྟོང་པའི་ངང་ལས་ཨ་ལས་ཐོད་པའི་སྣོད་རྣམས་སུ་ཧཱུཾ་ལས་བྱུང་བའི་མཆོད་རྫས་ཀུན་ཏུ་བཟང་པོའི་མཆོད་སྤྲིན་ལྟ་བུར་གྱུར། ཨོཾ་བཛྲ་སྤ་ར་ཎ་ཁཾ། བདག་དང་སེམས་

[Full Size]

ཅན་ཐམས་ཅད། ཕ་དྲིན་ཅན་རྩ་བརྒྱུད་བླ་མ་རྣམས་ལ་སྐྱབས་སུ་མཆིའོ། །ཡི་དམ་རྒྱུད་སྡེ་བཞིའི་ལྷ་ཚོགས་རྣམས་ལ་སྐྱབས་སུ་མཆིའོ། །སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །མ་ཆོས་སྐུ་ཡེ་ཤེས་ཀྱི་མཁའ་འགྲོ་མ་ལ་སྐྱབས་སུ་མཆིའོ། །ལོངས་སྐུ་ཡེ་ཤེས་ཀྱི་མཁའ་འགྲོ་མ་ལ་སྐྱབས་སུ་མཆིའོ། །སྤྲུལ་སྐུ་ཡེ་ཤེས་ཀྱི་མཁའ་འགྲོ་མ་ལ་སྐྱབས་སུ་མཆིའོ། །མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཚེ་གཅིག་ལུས་གཅིག་ལ་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་འགོད་པར་བྱ། དེའི་ཆེད་དུ་བདག་གིས་བཅོམ་ལྡན་འདས་མ་རྡོ་རྗེ་མཁའ་འགྲོ་མ་བསྒྲུབ་པར་བྱའོ། །རང་ཐ་མལ་པར་གནས་པའི་སྤྱི་བོར་པད་ཟླའི་གདན་ལ་ཧཱུྃ་དཀར་པོ་ལས་འོད་ཟེར་འཕྲོས་པས་རྩ་བརྒྱུད་ཀྱི་བླ་མ་ཡི་དམ་སངས་རྒྱས་བྱང་སེམས་གནས་གསུམ་གྱི་དཔའ་བོ་ཌཀིའི་ཚོགས་ཐམས་ཅད་སྤྱན་དྲངས་ཧཱུྃ་ལ་ཐིམ་ཡོངས་སུ་གྱུར་པ་ལས། བླ་མ་རྡོ་རྗེ་སེམས་དཔའ་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་ཅིང་རོལ་པའི་སྟབས་ཀྱིས། ཡུམ་རྡོ་

[Full Size]

རྗེ་སྙེམས་མ་དཀར་མོ་གྲི་གུག་དང་ཐོད་པ་འཛིན་པ་ལ་འཁྱུད་པ་དར་དང་རིན་པོ་ཆེའི་རྒྱན་གྱིས་བརྒྱན་པའི་ཐུགས་ཀར་ཧཱུྃ་ལ་ཡི་གེ་བརྒྱ་པའི་སྔགས་ཕྲེང་མུ་ཏིག་གི་ཕྲེང་བ་ལྟར་འཁོད་པ་ལས་བདུད་རྩིའི་རྒྱུན་བབས་རང་གི་ཚངས་བུག་ནས་ཞུགས་ཤིང་ལུས་ཀྱི་ཕྱི་ནང་གཉིས་ཀ་བཀྲུས་པས་སྡིག་སྒྲིབ་ཉམས་ཆག་ཐམས་ཅད་བྱང་ཞིང་དག །ལུས་ཤེལ་སྒོང་གཡའ་དག་པ་ལྟར་གྱུར་པར་བསམས་ལ། ཨོཾ་བཛྲ་སཏཱ་ས་མ་ཡ་སོགས་ཡི་གེ་བརྒྱ་པ་ཅི་ནུས་བཟླའོ། །རྡོ་རྗེ་སེམས་དཔའ་འོད་དུ་ཞུ་ནས་རང་ལ་ཐིམ་པས་ནད་གདོན་སྡིག་སྒྲིབ་དག་།གདོས་བཅས་ཤ་ཁྲག་གི་ལུས་འདི་ལྕགས་ལ་གསེར་འགྱུར་གྱི་རྩིས་རེག་པ་ལྟར་སྐད་ཅིག་གིས་རང་ཉིད་ཏྟཀི་སེང་གདོང་མའི་སྐུར་གྱུར་པའི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་འོག་མིན་མཁའ་སྤྱོད་ཀྱི་གནས་ནས་མཁའ་འགྲོ་མ་སེང་གེའི་གདོང་པ་ཅན་ལ་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོའི་ཚོགས་དཔག་ཏུ་མེད་པས་བསྐོར་བ་མདུན་གྱི་ནམ་མཁར་སྤྱན་དྲངས། བཛྲ་ས་མཱ་ཛ་ཛཿ གུ་རུ་དྷེ་ཝ་ཌཀྐི་ནཱི་སེང་ཧ་མུ་ཁ་ཨནྡྷཾ་སོགས་ནས། ཤབྡ་པྲ་ཏིཙྪ་ཡེ་སྭཱ་ཧཱ། སངས་རྒྱས་ཀུན་གྱི་རང་བཞིན་སྐུ། །སློབ་

[Full Size]

དཔོན་ལ་ནི་བདག་སྐྱབས་མཆི། །དང་པོར་མེ་ཏོག་ཕོག་པའི་ལྷ། །དཀྱིལ་འཁོར་ལྷ་ཚོགས་རྣམས་ལ་འདུད། །དཔལ་ལྡན་རྡོ་།དྲག་མོ་སེང་གེའི་གདོང་པ་ཅན། །ཡེ་ཤེས་མེ་ཡི་འོད་ཟེར་འཕྲོ། །སེང་གེའི་གདོང་ཅན་ལྷ་མོར་འདུད། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་བྷྱོ ཕྱིར་། །བྱང་ཆུབ་མཆོག་གི་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱི་ཞིང་། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབསྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །སྤྲོ་ན་རིགས་ལྔའི་སྡོམ་བཟུང་ཡང་བྱའོ། །ཚོགས་ཞིང་རྣམས་རང་གི་སྙིང་གར་ཐིམ་པར་གྱུར། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ཅེས་སོགས་ཚད་མེད་བཞི་བསྒོམ། ཨོཾ་སྭ་བྷ་ཝ༔ ཆོས་ཐམས་ཅད་སྟོང་ཞིང་བདག་མེད་པའི་སྟོང་པ་ཉིད་དུ་

[Full Size]

གྱུར། སྟོང་པའི་ངང་ལས་རང་གི་རྣམ་པར་ཤེས་པའི་ངོ་བོ་ཡི་གེ་ཧཱུྃ་མཐིང་ནག་ཅིག་ཏུ་གྱུར། ཧཱུཾ་དེ་ལས་འོད་ཟེར་ཁ་དོག་སྣ་ཚོགས་རིམ་པ་ལྟར་འཕྲོས་པ་ལས། །གནམ་ལྕགས་ཀྱི་འཁོར་ལོ་གུར་ཐབས་རྩིབས་སྟོང་རྣོ་བའི་ངར་དང་ལྡན་པ། དེ་ཡི་ཕྱི་རོལ་དུ་སྣ་ཚོགས་རྡོ་རྗེ་ཁ་གདེངས་བ་གསོར་ལོ་ལྟར་འཁོར་བ་བར་མཚམས་མེད་པའི་གུར། དེ་ཡི་ཕྱི་རོལ་དུ་ལས་བྱེད་ཀྱི་མཁའ་འགྲོ་མ་སྐུ་མདོག་སྣ་ཚོགས་འཇིགས་སུ་རུང་བ་ཞལ་ཕྱིར་གཟིགས་ནས་ཧཱུྃ་ཕཊ་དང་མཱ་ར་ཡའི་སྒྲ་འབྲུག་ལྟར་སྒྲོག་ཅིང་མཚོན་ཆ་སྣ་ཚོགས་ཐོགས་པས་བར་མཚམས་མེད་པར་གཏམས་པའི་གུར། དེ་ཡི་ཕྱི་རོལ་དུ་རྡོ་རྗེའི་གྲི་གུག་འབར་བ་སོ་འཐབས་པས་དགྲ་བགེགས་ཐམས་ཅད་དམྱལ་དམྱལ་གཏུབ་པར་བྱེད་པའི་གུར་ཁང་། དེ་ཡི་ཕྱི་རོལ་དུ་སྐུ་སྟོད་མཁའ་འགྲོ་མ་སེངྒེའི་གདོང་པ་ཅན་གྲི་གུག་ཐོད་པ་འཛིན་པ་སྐུ་སྨད་གནམ་ལྕགས་ཀྱི་ཕུར་པ་རྣོ་དབལ་དང་ལྡན་པ་དྲག་པོའི་ཚྭ་ཚྭ་འཁོར་བ། དེ་ལྟ་བུའི་བར་མཚམས་མེད་པས་གཏམས་པའི་གུར་ཁང་། དེ་ཡི་ཕྱི་རོལ་དུ་དགྲ་སྟ་འབར་བ་སོ་འཐབ་པའི་བར་དུ་དགྲ་བགེགས་བྱད་མ་ཐམས་ཅད་རྦད་རྦད་གཅོད་པར་བྱེད་པའི་གུར་ཁང་། དེ་

[Full Size]

ཡི་ཕྱི་རོལ་དུ་ཁ་ཊཾ་འབར་བ་རྩེ་ཕྱིར་བསྟན་པའི་གུར། དེ་ཡི་ཕྱི་རོལ་དུ་རལ་གྲི་བསམ་ཆོད་འབར་བའི་གུར། དེ་ཡི་ཕྱི་རོལ་དུ་ཡེ་ཤེས་ཀྱི་མེ་རི་མེ་དཔུང་དམར་ནག་འུ་རུ་རུ་འབར་བ་དུམ་བུ་གཅིག་ཏུ་གྱུར་པའོ། །དེ་ལྟར་གུར་ཁང་དགུ་རིམ་གྱི་དབུས་སུ་འཁོར་ལོའི་ལྟེ་བར་གནམ་ལྕགས་འབར་བའི་གཞལ་ཡས་ཁང་གྲུ་བཞི་སྒོ་མེད་པ་རྒྱ་ཆེ་བ་དཔངས་མཐོ་བ་ལྕགས་སྲེག་འབར་བའི་རང་བཞིན་དམར་བ་ལེ་འདུག་པ་ལ། དྲག་པོའི་ཚྭ་ཚྭ་དང་མེ་དཔུང་འཕྲོ་བས་བྱད་མ་གནོད་བྱེད་ཐམས་ཅད་གཞོབ་བུན་བུན་སྲེག་པར་བྱེད་པ། དེ་ཡི་ནང་དུ་གནམ་ལྕགས་ལས་གྲུབ་པའི་བདུད་འདུལ་མཆོད་རྟེན་ཁྲི་འཕང་དགུ་པ་འོད་ཟེར་འཕྲོ་བ། དེ་ཡི་ནང་དུ་གསེར་གྱི་རྡོ་རྗེ་ཡར་རྩེ་ལྷ་གནས་སུ་སླེབ་པ། མར་རྩེ་དབང་ཆེན་གསེར་གྱི་ས་གཞི་ལ་ཟུག་པའི་ལྟེ་བ་ཡངས་ཤིང་རྒྱ་ཆེ་བའི་ནང་དུ། སྟེང་ཟླ་བ་འོག་ཉི་མ་གཉིས་ཁ་སྦྱོར་བའི་གུར་ཁང་། དེ་ཡི་ནང་དུ་འོད་ཟེར་ལྗང་ཁུ་དང་དམར་པོ་དང་སེར་པོ་དང་དཀར་པོ་དང་མཐིང་གའི་གུར་ཁང་ལྔ་རིམ། དེ་ཡི་ནང་དུ་ཨེ་ལས་ཆོས་ཀྱི་འབྱུང་གནས་གྲུ་གསུམ་པ་རྩ་བ་ཕྲ་བ་ཐུར་དུ་ཟུག་པ་ཁ་གདེངས་ཆེ་བ་གྱེན་དུ་བསྟན་པ་ཕྱི་དཀར་ལ་ནང་

[Full Size]

མཐིང་ནག་ཡངས་ཤིང་རྒྱ་ཆེ་བའི་གཞལ་ཡས་ཁང་གི་དབུས་སུ་པཾ་ལས་སྣ་ཚོགས་པདྨ་དང་། ཨ་ལས་ཟླ་བ། རཾ་ལས་ཉི་མའི་སྟེང་དུ་དགྲ་བགེགས་ཕོ་མོ་བསྣོལ་བ་དང་ཨུ་མ་བསྐྱེལ་བའི་སྙིང་ཁར་རང་གི་རྣམ་པར་ཤེས་པའི་ངོ་བོ་རྒྱུའི་ཡི་གེ་ཧཱུྃ་མཐིང་ནག་བབ་ཅིང་། དེ་ལས་འོད་ཟེར་དམར་ནག་འཕྲོས། དགྲ་བགེགས་བྱད་མ་སྡེ་དཔུང་བཅས་པ་བསྒྲལ་ནས་རྒྱལ་བའི་ཡུམ་གྱི་གོ་འཕང་ལ་བཀོད། མཁའ་འགྲོ་ཆོས་སྐྱོང་ལྷ་སྲིན་དྲེགས་པ་ཅན་ཐམས་ཅད་ཀྱི་མཐུ་སྟོབས་བསྡུས་ཧཱུྃ་ལ་ཐིམ། དེ་འོད་དུ་ཞུ་ཡོངས་སུ་གྱུར་པ་ལས། རང་ཉིད་སྐད་ཅིག་གིས་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་སྐུ་མདོག་མཐིང་ནག་མི་བཟད་པའི་འོད་ཟེར་འཕྲོ་བ། སེང་གེའི་ཞལ་ཟླ་བ་ལྟར་དཀར་བ་གཡས་སུ་ཕྱོགས་པ་ལ་གཡུ་རལ་སྤྲིན་ལྟར་གཏིབས་པ། དམར་ལ་ཟླུམ་པའི་སྤྱན་གསུམ་མེ་སྟག་ཕུང་པོ་ལྟར་བསྒྲུད་ཅིང་སྡང་མིག་ཏུ་གཟིགས་པས་དགྲ་བགེགས་ཀྱི་ཚོགས་སྐྲག་པར་བྱེད་པ། ཟླ་ཚེས་ལྟར་མཆེ་བ་གཙིགས་ཤིང་ལྗགས་གློག་ལྟར་འཁྱུག་པ། ཞལ་ནས་དུག་གི་ཁ་རླངས་འཕྱུར་ཞིང་སེང་གེའི་ང་རོས་སྲིད་པ་གསུམ་གཡོ་བར་བྱེད་པ་ཕྱག་གཡས་རྡོ་

[Full Size]

རྗེས་མཚན་པའི་གྲི་གུག་ནམ་མཁའ་ལ་འཕྱར་བའི་འོད་ཀྱིས་འཇིག་རྟེན་གསལ་ཞིང་། གཡོན་བདུད་བཞིའི་ཁྲག་གིས་བཀང་བའི་ཐོད་པ་ཐུགས་ཀར་འཛིན་པ། ཞབས་གཡས་བསྐུམ་པའི་རྟིང་པས་བྷ་ག་མནན་ཞིང་། གཡོན་བརྐྱངས་བས་ཨུ་མའི་སྙིང་ཁར་མནན་པ། གྲུ་མོ་གཡོན་ན་ཡབ་ཧེ་རུ་ཀ་མཚོན་པའི་ཁ་ཊཾ་ག་གྱེན་དུ་བསྒྲེངས་པ་ལ་ཌ་མ་རུ་དང་དར་སྣ་ལྔ་ཡི་ཅོད་པན་དང་གཡེར་ཁ་འཆང་བ། རིན་པོ་ཆེའི་རྩེ་བྲན་དང་བཅས་པའི་ཐོད་སྐམ་ལྔ་ཡི་དབུ་རྒྱན་དང་། རྒྱུ་མས་སྦྲེལ་ཞིང་ཁྲག་འཛག་པའི་ཐོད་རློན་ལྔ་བཅུའི་ཕྱེ་རལ་ཁར་འཕྱང་བ། སྦྲུལ་དང་རིན་པོ་ཆེའི་གདུ་བུ་དང་། དོ་ཤལ་དང་། རུས་པའི་རྒྱན་ཆ་ལྔས་བརྒྱན་པ། རྡོ་རྗེའི་གོ་ཁྲབ་དང་། ཞིང་ལྤགས་དང་། གླང་ཀོའི་སྟེང་ན་དར་ནག་གི་གོ་ཟུ་གསོལ་ཞིང་སྟག་གི་པགས་པ་རློན་པས་སྨད་དཀྲིས་པ། གཞོན་ཚུལ་བདེ་བའི་ཉམས་དུ་མ་དང་ལྡན་ཞིང་ཁམས་གསུམ་ལས་རྣམ་པར་རྒྱལ་བའི་སྐུ་ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པར་གྱུར། ཕུང་ཁམས་སྐྱེ་མཆེད་ཀྱི་ལྷ་དེ་དག་དེ་དང་དེ་ཡིན་བསམ་པ་ཙམ་གྱིས་ཆོག །དེ་ཡི་དཔྲལ་བར་གཟུགས་ཀྱི་ཕུང་པོ་དང་ནམ་མཁའི་ཁམས་རྣམ་པར་དག་པ།

[Full Size]

སངས་རྒྱས་རིགས་ཀྱི་སེང་གདོང་མ་དཀར་མོ་འཁོར་ལོས་མཚན་པའི་གྲི་ཐོད་འཛིན་ཅིང་རྣམ་སྣང་གི་དབུ་རྒྱན་ཅན། །མགྲིན་པར་འདུ་ཤེས་ཀྱི་ཕུང་པོ་དང་མེ་ཁམས་རྣམ་པར་དག་པ། པདྨ་རིགས་ཀྱི་སེང་གདོང་མ་དམར་མོ་པདྨས་མཚན་པའི་གྲི་ཐོད་འཛིན་ཅིང་སྣང་མཐའི་དབུ་རྒྱན་ཅན། སྙིང་ཁར་རྣམ་ཤེས་ཀྱི་ཕུང་པོ་དང་། ཆུ་ཁམས་རྣམ་པར་དག་པ། རྡོ་རྗེ་རིགས་ཀྱི་སེང་གདོང་མ་མཐིང་ཀ་རྡོ་རྗེས་མཚན་པའི་གྲི་ཐོད་འཛིན་ཅིང་མི་བསྐྱོད་པའི་དབུ་རྒྱན་ཅན། ལྟེ་བར་ཚོར་བའི་ཕུང་པོ་དང་། ས་ཁམས་རྣམ་པར་དག་པ། རིན་ཆེན་རིགས་ཀྱི་སེང་གདོང་མ་སེར་མོ། རིན་པོ་ཆེའི་མཚན་པའི་གྲི་ཐོད་འཛིན་ཅིང་རིན་འབྱུང་གི་དབུ་རྒྱན་ཅན། གསང་བར་འདུ་བྱེད་ཀྱི་ཕུང་པོ་དང་རླུང་ཁམས་རྣམ་པར་དག་པ་ལས་ཀྱི་རིགས་ཀྱི་སེང་གདོང་མ་ལྗང་མོ། རྒྱ་གྲམ་གྱིས་མཚན་པའི་གྲི་ཐོད་འཛིན་ཅིང་དོན་གྲུབ་ཀྱི་དབུ་རྒྱན་ཅན། མིག་ཏུ་གཟུགས་རྡོ་རྗེ་མ་དཀར་མོ་སེང་གེའི་གདོང་པ་ཅན། རྣ་བར་སྒྲ་རྡོ་རྗེ་མ་ནག་མོ་སེང་གེའི་གདོང་པ་ཅན། སྣ་ལ་དྲི་རྡོ་རྗེ་མ་སེར་མོ་སེང་གེའི་གདོང་པ་ཅན། ལྕེ་ལ་རོ་རྡོ་རྗེ་མ་དམར་མོ་སེང་གེའི་གདོང་པ་ཅན། དཔྲལ་

[Full Size]

བར་རེག་རྡོ་རྗེ་མ་ལྗང་མོ་སེང་གེའི་གདོང་པ་ཅན། བ་སྤུ་ཐམས་ཅད་ཀྱང་སྤྲུལ་པ་ཡང་སྤྲུལ་གྱི་མཁའ་འགྲོ་མ་སེང་གེའི་གདོང་པ་ཅན་ཡུངས་ཀར་གྱི་འབྲུ་ཙམ་པ། དེ་དག་ཐམས་ཅད་ཀྱི་ཁ་ཊཾ་དང་གྲི་གུག་ཐོད་ཁྲག་བསྣམས་པ། གཡས་སུ་ཡེ་ཤེས་ཀྱི་མཁའ་འགྲོ་མ་སྟག་གི་གདོང་པ་ཅན། གཡོན་དུ་ཡེ་ཤེས་ཀྱི་མཁའ་འགྲོ་མ་དོམ་གྱི་གདོང་པ་ཅན། དེ་གཉིས་ཀྱང་ཁྲོ་རྔམ་དང་ལྡན་པས་ཕྱག་གཉིས་ཉི་ཟླའི་ཆ་ལང་རྡེབ་པ། ཤར་དུ་རྡོ་རྗེ་མཁའ་འགྲོ་མ་བདེ་ཆེན་དཀར་མོ་སེང་གེའི་གདོང་པ་ཅན། ལྷོར་རིན་ཆེན་མཁའ་འགྲོ་མ་སེར་མོ་དོན་འགྲུབ་སེང་གེའི་གདོང་པ་ཅན། ནུབ་ཏུ་པདྨ་མཁའ་འགྲོ་མ་དམར་མོ་སྒྲ་སྒྲོགས་སེང་གེའི་གདོང་པ་ཅན། བྱང་དུ་ལས་ཀྱི་མཁའ་འགྲོ་མ་སྣ་ཚོགས་མཐར་ཕྱིན་ལྗང་མོ་སེང་གེའི་གདོང་པ་ཅན། འཁོར་རང་དང་འདྲ་བའི་མཁའ་འགྲོ་མ་གྲི་གུག་དང་ཐོད་ཁྲག་འཛིན་པ་བྱེ་བ་འབུམ་དང་བཅས་པའོ། །བདག་ཉིད་ཀྱི་དཔྲལ་བར་སྐུ་རྡོ་རྗེའི་ངོ་བོ་ཨོཾ་དཀར་པོ། མགྲིན་པར་གསུང་རྡོ་རྗེའི་ངོ་བོ་ཨཱདམར་པོ། ཐུགས་ཀར་ཐུགས་རྡོ་རྗེའི་ངོ་བོ་ཧཱུྃ་མཐིང་ནག །ཐུགས་ཀའི་ཧཱུཾ་ལས་འོད་ཟེར་ལྕགས་ཀྱུ་ལྟ་བུ་འཕྲོས་པས་མཁའ་སྤྱོད་དག་པའི་

[Full Size]

གནས་དང་། ཨོ་རྒྱན་གྱི་ཡུལ་རབ་ཏུ་འབར་བ་འཁྲིགས་པའི་དུར་ཁྲོད་ནས་མ་ཡེ་ཤེས་ཀྱི་ཌཱཀྐི་སེང་གེའི་གདོང་ཅན་མའི་ལྷ་ཚོགས་སྤྱན་དྲངས། རྐང་གླིང་ཌཱ་དྲིལ་རོལ་མོ་བསྒྲོགས། ཧཱུྃ་བྷྱོ༔ འོག་མིན་མཁའ་སྤྱོད་ཞིང་ཁམས་ཨོ་རྒྱན་ཡུལ། །རབ་ཏུ་འབར་བ་འཁྲིགས་པའི་དུར་ཁྲོད་ནས། །རྒྱལ་བའི་བསྐྱེད་ཡུམ་ཌཀྐི་སེང་གདོང་མ། །རྣལ་འབྱོར་བྱིན་གྱིས་བརླབ་ཕྱིར་གཤེགས་སུ་གསོལ། །ཨོཾ་བཛྲ་ཌཱཀྐི་སེང་ཧ་མུ་ཁ་བཛྲ་ས་མཱ་ཛཿ ཨརྒྷཾ་སོགས། ཛཿཧཱུྃ་བཾ་ཧོཿ དམ་ཚིག་པ་དང་དབྱེར་མེད་དུ་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས། དབང་ལྷ་རིགས་ལྔ་སྤྱན་དྲངས། བཛྲ་ས་མཱ་ཛཿ ཕྱག་ན་ཡེ་ཤེས་ཀྱི་བདུད་རྩིས་གང་བའི་བུམ་པས་སྤྱི་བོ་ནས་དབང་བསྐུར་བས། སྒོ་གསུམ་གྱི་དྲི་མ་དག །ཆུའི་ལྷག་མ་ཡར་ལུད་པ་ལས། མི་བསྐྱོད་པ་གཙོ་བོར་གྱུར་པའི་རིགས་ལྔས་དབུ་བརྒྱན་པར་གྱུར། རང་གི་ཐུགས་ཀར་པདྨ་དམར་པོ་འདབ་མ་བཅུ་བཞིའི་ལྟེ་བར། ཉི་མའི་དཀྱིལ་འཁོར། དེའི་སྟེང་དུ་འཁོར་ལོ་དམར་པོ་རྩིབས་བཅུ་བཞིའི་ལྟེ་བར། ཧཱུྃ་མཐིང་ནག་རྩིབས་རྣམས་ཀྱི་སྟེང་དུ་མ་རེག་པའི་ཚུལ་དུ་མདུན་ནས་གཡས་སུ་

[Full Size]

བཀོད་དེ། ཨ༔ཀ༔ར༔མ༔ཤ༔ད༔ར༔ས༔མ༔ར༔ཡ༔ཕཊ༔ ཅེས་པ་རྣམས་ཁ་དོག་མཐིང་ནག་དམར་མདངས་ཆགས་པའོ། །དང་པོའི་ཡིག་འབྲུ་དེ་དག་ཀློག་པའི་ཚུལ་དུ་ཅུང་ཟད་བཟླས་ཏེ། རྣམ་བཅད་ཡོད་པའི་ཕྱིར་དྲག་པོར་བཅད་དེ་འབྲུ་རེ་རེ་དུམ་བུར་བཀླག་གོ །དེ་ནས་ཡིག་འབྲུ་དེ་རྣམས་ལས་འོད་ཟེར་ཁ་དོག་ལྔ་ལྡན་འཇའ་ཚོན་ལྟ་བུར་བྱུང་སྟེ། འོད་ཟེར་གཡོན་དུ་ཀྱི་ལི་ལི་འཁོར་བར་གྱུར། ཡིག་འབྲུ་བཅུ་བཞི་ཅུང་ཟད་བཟླས། སླར་ཡང་ཐུགས་སྲོག་ཧཱུྃ་ཡིག་མི་གཡོ་ཞིང་། སྔགས་ཕྲེང་རྣམས་གཡོན་དུ་ཀྱི་ལི་ལི་འཁོར་ཞིང་དེ་ལས་འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲུང་མ་ཐམས་ཅད་མཆོད་ཅིང་སྐུ་གསུང་ཐུགས་ཀྱི་བྱིན་རླབས་ནུས་མཐུ་ཐམས་ཅད་བསྡུས་ནས་རང་ཉིད་ལ་བསྟིམ། །སྔགས་བདུན་ཕྲག་ཙམ། ཡང་འོད་ཟེར་མཐིང་ནག་དམར་མདངས་ཅན་ཚ་ལ་རྩུབ་པ་འཕྲོས། བདུད་དང་ལོག་འདྲེན་བྱེད་མ་གནོད་བྱེད་ཐམས་ཅད་ཚར་བཅད་ཅིང་དེ་དག་གི་མཐུ་སྟོབས་ནུས་པ་ཐམས་ཅད་ཚུར་བསྡུས་ནས་རང་ཉིད་ལ་བསྟིམ། ཡང་འོད་ཟེར་འཕྲོས་པས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་སངས་རྒྱས་ཀྱི་གོ་འཕང་ལ་བཀོད། འཇིག་

[Full Size]

རྟེན་ཁམས་ཀྱི་ཚེ་བསོད་དཔལ་འབྱོར་ཐམས་ཅད་འོད་ཟེར་གྱི་རྣམ་པར་བསྡུས་ནས་རང་ཉིད་ལ་ཐིམ་པས་གཟི་བརྗིད་ནུས་མཐུ་ཕུན་སུམ་ཚོགས་པར་གྱུར། དེ་ལྟར་དམིགས་པ་དང་ལྡན་པས་བསྙེན་པ་བྱའོ། །དེ་ནས་ཐུན་མཇུག་ཏུ་རྫོགས་རིམ་བསྒོམ་པ་ནི། རང་ཉིད་ཡེ་ཤེས་ཀྱི་མཁའ་འགྲོ་མར་གསལ་བའི་ལུས་ཀྱི་ནང་སྟོང་ཞིང་སྒྲིབ་པ་མེད་པའི་ནང་དུ། རྩ་གསུམ་འཁོར་ལོ་བཞི་ལྡན་གསལ་བའི་སྤྱི་བོར་སེང་གདོང་མ་དཀར་མོ་ཚོན་གང་བ་ལ། ལྟེ་འོག་སུམ་མདོར་སེང་གདོང་མ་དམར་མོ་ཚོན་གང་བ་ལ་རླུང་བཟུང་བས་རོ་རྐྱང་ནས་བརྒྱུད་དབུ་མའི་ནང་དུ་ཞུགས་པས་མེ་ལ་སྦྱད་པ་རྒྱབ་པ་ལྟར་སེང་གདོང་མ་དམར་མོ་ལས་མེ་ལྕེ་ནར་གྱིས་འབར། རྩ་གནས་ཐམས་ཅད་མེ་ཡིས་གང་བས་དྲོད་སྐྱེས། སྤྱི་བོར་སེང་གདོང་མ་དཀར་མོ་ལས་བདུད་རྩི་བྱང་སེམས་དཀར་པོའི་རྒྱུན་བྱུང་མགྲིན་པར་གང་བས་དགའ་བའི་ཡེ་ཤེས་སྐྱེས། སྙིང་ཁར་བབས་པས་མཆོག་གི་དགའ་བ། ལྟེ་བར་བབས་པས་དགའ་བྲལ་གྱི་དགའ་བ། ལུས་ཀྱི་སྤྱི་བོ་ནས་རྐང་མཐིལ་གྱི་བར་ཐམས་ཅད་གང་བས་ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེས། བདེ་བ་དང་སྟོང་པ་དབྱེར་མེད་པའི་རྟོགས་པ་ཁྱད་པར་

[Full Size]

ཅན་རྒྱུད་ལ་སྐྱེས་པར་གྱུར། ཞེས་རླུང་བཟུང་ནས་ཅི་ནུས་སུ་བསྒོམ། བཟའ་བཏུང་གི་ཆེ། སྟོང་པའི་ངང་ལས་ཐོད་པའི་སྣོད་དུ་བཟའ་བཏུང་ཤ་ལྔ་བདུད་རྩི་ལྔ་ཞུ་བའི་ཡེ་ཤེས་ཀྱི་བདུད་རྩིར་གྱུར༔ རང་ཉིད་སེང་གདོང་མར་གསལ་ཞིང་། གཏུམ་མོའི་མེ་སྦར་བས་རྩ་གནས་ལྔར་སེང་གདོང་མ་རིགས་ལྔ་གསལ་བ་ཁ་ཐབ་ཁུང་ལག་པ་དགང་གཟར་བླུགས་སུ་ཡེ་ནས་གནས་པས་སྦྱིན་སྲེག་བྱས་པས་བསོད་ནམས་ཀྱི་ཚོགས་འཕེལ་བར་འགྱུར། ཨོཾ་ཨཱཧཱུྃ་ཧ་ཧོ་ཧི༔ ཞེས་བརྗོད་ཅིང་ལོངས་སྤྱོད་ལ། རང་ལུས་རྒྱལ་བའི་དཀྱིལ་འཁོར་སོགས། བསྔོ་བ་བྱ། ཐུན་མཚམས་སུ་གཏོར་མ་བྲན་ལ། ཨོཾ་བི་ཤྭ་ཌཱཀྐི་ནཱི་ཧཱུྃ་ཕཊ། ཨོཾ་སྭ་བྷཱ་ཝ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་ཐོད་སྐྱེད་གསུམ་གྱི་སྟེང་དུ། ཨ་ལས་ཀ་པཱ་ལ་ཡངས་ཤིང་རྒྱ་ཆེ་བ། ཤ་ལྔ་བདུད་རྩི་ལྔ་ས་བོན་དང་བཅས་པ། རླུང་གཡོས་མེ་སྦར་ཐོད་པ་དྲོས་རྫས་རྣམས་ཞུ་བས་དམ་ཚིག་གི་བདུད་རྩི་དང་འོག་མིན་ནས་ཡེ་ཤེས་ཀྱི་བདུད་རྩི་སྤྱན་དྲངས་ནས་གཉིས་སུ་མེད་པར་གྱུར། ཨོཾ་ཨཱཧཱུཾ། རང་གི་ཐུགས་ཀའི་ཧཱུྃ་ལས་འོད་ཟེར་ལྕགས་ཀྱུ་ལྟ་བུ་འཕྲོས་པས་གཏོར་མགྲོན་རྣམས་སྤྱན་དྲངས་པར་གྱུར། ཧཱུཾ་བྷྱོ༔ འོག་མིན་གནས་དང་འཐུག་པོ་

[Full Size]

བཀོད། །མངོན་དགའི་ཞིང་དང་དཔལ་ལྡན་ཞིང་། །བདེ་བ་ཅན་དང་རྔ་སྒྲ་ཅན། །མཁའ་སྤྱོད་ཞིང་དང་ཨོ་རྒྱན་གནས། །ཤམ་བྷ་ལ་དང་དུར་ཁྲོད་བརྒྱུད། །ཡུལ་ཆེན་ཉི་ཤུ་རྩ་བཞི་ནས། །རིག་འཛིན་བརྒྱུད་པའི་བླ་མ་རྣམས། །ཡེ་ཤེས་ཌཱཀྐི་སེང་གདོང་མ། །སྐུ་གསུང་ཐུགས་ཀྱི་འཁོར་ལོ་ནས། །རི་རབ་སོ་གཉིས་རྡུལ་མཉམ་པའི། །མཁའ་འགྲོའི་ཚོགས་རྣམས་མ་ལུས་ཀུན། །སྐལ་ལྡན་བྱིན་གྱིས་བརླབ་པ་དང་། །མཆོད་པ་འབུལ་ཞིང་བཞེས་སླད་དུ། །མཁའ་ལ་རང་བཞིན་ཤུགས་ཀྱིས་ནི། །གློག་ལྟར་མྱུར་བའི་རྫུ་འཕྲུལ་གྱིས། །སྐད་ཅིག་ཙམ་གྱིས་གཤེགས་སུ་གསོལ། །ཞེས་མཐེབ་མཛུབ་གཉིས་ལུ་གུ་རྒྱུད་དུ་བྱས་ལ་རྩེ་སྦྱར་ལྷག་མ་འབར་བར་ལྟར་བྱས་པ་དཔྲལ་བར་གཡོན་དུ་བསྐོར་ཞིང་མིག་གིས་ནམ་མཁར་བལྟས་ཤིང་རྐང་པ་གཡས་པས་གཡོན་པ་མནན་ལ། ཕོ་ལེ་ཝེ། བཛྲ་ཨཱ་ར་ལི་ཧོཿ ཛཿཧཱུྃ་བཾ་ཧོཿ བཛྲ་ཌཱཀྐི་ནི་ས་མ་ཡ་སྟེ། དྲྀ་ཤྱ་ཧོ༔ བཛྲ་ཨནྡྷཾ་སོགས། ན་མོ་རཏྣ་གུ་རུ་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་བཛྲ་ཌཱཀྐི་སེང་ཧ་མུ་ཁ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བུདྡྷ་ཌཱཀྐི་ནཱི། བཛྲ་ཌཀྐི་ནཱི། རཏྣ་ཊཱཀྐི་ནཱི། པདྨ་ཌཱཀྐི་ནཱི། ཀརྨ་ཊཱཀྐི་ནཱི། བི་ཤྭ་ཌཱཀྐི་

[Full Size]

ནི། ལོ་ཀ་ཌཀྐི་ནཱི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་བཛྲ་ཌཱཀྐི་སེང་ཧ་མུ་ཁ་ས་པཱ་རི་ཝཱ་ར་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། ཞེས་བདུད་རྩི་མཆོད། དེ་ནས་བདུད་རྩི་མཆོད་པ་དང་། གཏོར་བསྔོས་གཉིས་ཀ་མཉམ་དུ་བྱ་སྟེ། ཨོཾ་ཨཱཧཱུཾ། རྡོ་རྗེ་འཆང་ཆེན་རྡོ་རྗེ་རྣལ་འབྱོར་མ། །དཔལ་མགོན་ཀླུ་སྒྲུབ་བྲམ་ཟེ་ཨཱརྱ་དེ། །པདྨ་འབྱུང་གནས་པཎ་ཆེན་རྡོ་རྗེ་གདན། །བ་རི་བ་སོགས་རིང་བརྒྱུད་བླ་མ་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །ཡེ་ཤེས་མཁའ་འགྲོ་རྡོ་རྗེ་གདན་པ་དང་། །བ་རི་ལོ་ཙཱ་ས་ཆེན་ཀུན་དགའ་སྙིང་། །བསོད་ནམས་རྩེ་མོ་གྲགས་པ་རྒྱལ་མཚན་ཞབས། །ས་པཎ་ལ་སོགས་ཉེ་བརྒྱུད་བླ་མ་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །ཡེ་ཤེས་མཁའ་འགྲོ་བླ་མ་བཻ་རོའི་ཞབས། །དུས་གསུམ་མཁྱེན་པ་ཀཾ་ཚང་དོན་གྱི་བརྒྱུད། །རྒྱལ་བ་ཀུན་དངོས་ཆོས་ཀྱི་དབང་ཕྱུག་ཞབས། །ཐུགས་རྗེ་མཚུངས་མེད་རཱ་ག་ཨ་སྱ་སོགས། །བཀའ་བབས་བྱིན་རླབས་བརྒྱུད་པའི་བླ་མ་ལ། །དམ་རྫས་བདུད་རྩི་

[Full Size]

གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །ཀུན་བཟང་ཡབ་ཡུམ་མཁའ་འགྲོ་སེང་གདོང་མ། །པད་འབྱུང་སངས་རྒྱས་མགོན་པོ་ཀུན་དགའ་དར། །བྱམས་པ་ཆོས་ཉིད་པདྨ་གར་དབང་སོགས། །ཞལ་གཟིགས་རིག་འཛིན་བརྒྱུད་པའི་བླ་མ་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །བཅོམ་ལྡན་རྡོ་རྗེ་ཕག་མོ་གསང་བའི་བདག །ལས་ཀྱི་དབང་མོ་ཆེ་དང་པདྨ་འབྱུང་། །མཚོ་རྒྱལ་རཏ་གླིང་འཇའ་ཚོན་སྙིང་པོ་སོགས། །ཟབ་གཏེར་བརྒྱུད་པའི་བླ་མ་ཐམས་ཅད་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །དུས་གསུམ་རྒྱལ་བ་མ་ལུས་བསྐྱེད་པའི་ཡུམ། །ནམ་མཁའི་མདོག་ཅན་གནས་གསུམ་མཁའ་འགྲོའི་གཙོ། །བརྟན་དང་གཡོ་བའི་བདག་ཉིད་བདེ་ཆེན་སྐུ། །རྡོ་རྗེ་མཁའ་འགྲོ་སེང་གེའི་གདོང་ཅན་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །སྐུ་ལས་

[Full Size]

སྤྲུལ་པའི་རབ་གཏུམ་སྟག་གདོང་མ། །གསུང་ལས་སྤྲུལ་པའི་རབ་འཇིགས་དོམ་གདོང་མ། །རིགས་བཞིའི་མཁའ་འགྲོ་སེང་གེའི་གདོང་ཅན་བཞི། །ཕྱོགས་བཞི་མཚམས་བཞི་སྟེང་འོག་མཁའ་འགྲོ་མ། །རང་འདྲའི་འཁོར་ཚོགས་འབུམ་ཕྲག་བཅས་རྣམས་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །དམ་ཚིག་མཁའ་འགྲོ་འཇིག་རྟེན་མཁའ་འགྲོ་དང་། །སྣ་ཚོགས་མཁའ་འགྲོ་ཐམས་ཅད་མཁའ་འགྲོ་རྣམས། །སེང་གེའི་གདོང་ཅན་རང་འདྲ་འབུམ་དང་བཅས། །སྒོ་མ་བཞི་དང་ཕྲ་མེན་བཅུ་བཞི་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་བྱིན་རླབས་དངོས་གྲུབ་སྩོལ། །ཕྱི་ནང་གསང་བའི་ཌཱཀྐི་སེང་གདོང་མ། །རི་རབ་སོ་གཉིས་རྡུལ་མཉམ་ཌཱཀྐིའི་ཚོགས། །བཀའ་སྡོད་སྲིད་པའི་མ་མོ་བྱེ་བ་འབུམ། །གནས་དང་ཡུལ་གྱི་ཌཱཀྐི་ཐམས་ཅད་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །གནོད་སྦྱིན་ཆེན་པོ་རྡོ་རྗེ་རྒྱལ་མཚན་དང་། །ཨེ་ཀ་ཙ་ཏི་ཤན་

[Full Size]

པ་དམར་ནག་དང་། །དགེ་བསྙེན་སྨྱོ་ཁ་མཁའ་རི་ལྕམ་དྲལ་སོགས། །ཆོས་བདག་བཀའ་སྲུང་དམ་ཅན་རྒྱ་མཚོ་ལ། །དམ་རྫས་བདུད་རྩི་གཏོར་མའི་མཉེས་མཆོད་འབུལ། །དམ་ཚིག་རྗེས་བསྐང་ཕྲིན་ལས་རྣམ་བཞི་བསྒྲུབ། །ཌཀྐི་སེང་གེའི་གདོང་ཅན་འཁོར་བཅས་ཀྱིས། །དམ་རྫས་བདུད་རྩི་གཏོར་མ་འདི་བཞེས་ལ། །བདག་ཅག་དཔོན་སློབ་བསྲུང་བྱ་འཁོར་བཅས་ལ། །ལུས་ངག་ཡིད་གསུམ་སྲུང་ཞིང་སྐྱོབ་པ་དང་། །ནད་གདོན་འཇིགས་པ་བརྒྱད་སོགས་ཞི་བར་མཛོད། །ཚེ་དང་བསོད་ནམས་དཔལ་འབྱོར་རྒྱས་པ་དང་། །ཁམས་གསུམ་སྲིད་གསུམ་དབང་དུ་འདུ་བར་མཛོད། །དགྲ་བགེགས་བྱད་མ་ལོག་ལྟ་བསྒྲལ་བར་མཛོད། །མཆོག་ཐུན་དངོས་གྲུབ་རྒྱ་ཆེན་སྩོལ་བར་མཛོད་། །འཁོར་འདས་སྣང་སྲིད་དབང་དུ་འདུ་བ་དང་། །འདུ་བ་རྣམ་གསུམ་མྱུར་དུ་འདུ་བར་མཛོད། །ཚུགས་པ་རྣམ་གསུམ་མྱུར་དུ་ཚུགས་པར་མཛོད། །བྱད་ཀ་དྲོད་གཏོང་གནོད་པ་ཟློག་པ་དང་། །བདག་ལ་སྡང་བའི་དགྲ་བགེགས་ཚར་གཅོད་མཛོད། །བདག་དང་མཐའ་ཡས་སེམས་ཅན་མ་ལུས་པ། །ཡེ་ཤེས་ཌཱཀིས་རྟག་ཏུ་རྗེས་བཟུང་ལ། །

[Full Size]

རང་རིག་སྐྱེ་མེད་ཆོས་སྐུའི་དོན་རྟོགས་ནས། །འཇའ་ལུས་མཁའ་སྤྱོད་ཚེ་འདིར་འགྲུབ་པར་མཛོད། །ནམ་ཞིག་འཕོས་ཚེ་གནས་གསུམ་ཌཀྐི་ཡིས། །བདེ་ཆེན་དག་པའི་ཞིང་དེར་ལམ་སྣ་དྲོངས། །དམ་རྫས་བརྒྱན་པའི་གཏོར་མ་འདི་བཞེས་ལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། ཅེས་ཕུལ། དེ་ནས་བསྟོད་པ་ནི། ཨེ་མ་ཧོ༔ ཆོས་སྐུ་སྐྱེ་བ་མེད་པ་ལ། །གང་འདུལ་སྒྱུ་མའི་བཀོད་པ་ཅན། །དུས་གསུམ་རྒྱལ་བའི་ཕྲིན་ལས་མཛད། །རྩ་བརྒྱུད་བླ་མར་ཕྱག་འཚལ་བསྟོད། །རྒྱལ་དང་རྒྱལ་སྲས་ཀུན་གྱི་ཡུམ། ། འཁོར་འདས་སྣང་སྲིད་ཀུན་གྱི་གཞི། །ཆོས་སྐུ་ཡེ་ཤེས་མཁའ་འགྲོ་མ། །སེང་གེའི་གདོང་ཅན་ཕྱག་འཚལ་བསྟོད། །འཇའ་ཚོན་ལྟ་བུའི་སྐུ་གཟུགས་ཀྱི། །ཧེ་རུ་ཀ་དཔལ་ལྔ་དང་སྦྱོར། །ལོངས་སྐུ་ཡེ་ཤེས་མཁའ་འགྲོ་མ། །སེང་གདོང་མཁའ་འགྲོར་ཕྱག་འཚལ་བསྟོད། །ཨོ་རྒྱན་སྤྲུལ་པའི་ཞིང་ཁམས་ནས། །གནས་གསུམ་མཁའ་འགྲོའི་གཙོ་མོ་མཛད་། །སྤྲུལ་སྐུ་ཡེ་ཤེས་མཁའ་འགྲོ་མ། །ཕྱག་འཚལ་སེང་གདོང་ལྷ་མོ་ལ། །འབྱུང་བཞི་གནས་དག་ཡེ་ཤེས་བཞི། །ཕྲིན་ལས་རྣམ་བཞིས་འགྲོ་བ་འདུལ། །འཁོར་ནི་བྱེ་

[Full Size]

བ་བསམ་མཐའ་ཡས། །རིགས་བཞི་མཁའ་འགྲོར་ཕྱག་འཚལ་བསྟོད། གཙོ་མོའི་བཀའ་ཉན་དམ་ཚིག་ཅན། །དུར་ཁྲོད་འགྲིམ་ཞིང་རྣལ་འབྱོར་སྐྱོང་། །ལེགས་ཉེས་ཀུན་གྱི་སྟངས་འཛིན་མཁན། །ཕྱག་འཚལ་སྲུང་མ་རྒྱ་མཚོ་ལ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་བསྟོད། །མ་འབྱོར་པ་དང་ཉམས་པ་དང་སོགས་ཡིག་བརྒྱ་བརྗོད། གཏོར་མགྲོན་གྱི་ཡེ་ཤེས་པ་རང་ཉིད་ལ་ཐིམ། འཇིག་རྟེན་པ་རྣམས་རང་གནས་སུ་བཛྲ་མུཿ དེ་ནས་ཐུན་བསྡུ་བ་ནི། ་རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་སྣོད་བཅུད་ཞུ་ནས་སྲུང་འཁོར་ལ་ཐིམ། དེ་ཡང་རིམ་བཞིན་ཕྱི་མ་ནང་མ་ལ་ཐིམ། མཐར་རང་ཉིད་ཐུགས་ཀའི་ཧཱུཾ་ལ་ཐིམ། དེ་ཡང་ཞབས་ཀྱུ་ནས་གྱེན་དུ་ཡལ་ཏེ་སྐུ་ཡི་རྩེ་མོ་བརྒྱར་གཤགས་པ་ཙམ་དང་། དེ་ཡང་མི་དམིགས་པ་སྟོང་གསལ་ནམ་མཁའ་གཡའ་དང་བྲལ་བ་ལྟ་བུར་གྱུར། ཞེས་གསལ་གདབ་ནས། བཟོ་བཅོས་མེད་པར་ལྷུག་པར་བཞག་གོ །ཉལ་བའི་ཚེ་ཡང་དེ་ལྟ་བུའི་ངང་ནས་ཉལ་བས་འོད་གསལ་ཟིན་པར་བཤད་ཅིང་། འཆི་ཚེ་ཡང་དེ་ལྟ་བུའི་ངང་ནས་འཆི་བཅུག་པས་

[Full Size]

གཞིའི་འོད་གསལ་ཟིན་པར་གསུངས་སོ། །དེ་ནས་ཐུན་མཚམས་སུ། འདི་ལྟར་བསྐྱེད་རྫོགས་སྒོམ་བཟླས་བྱས་པ་དང་། །དུས་གསུམ་བསགས་པའི་དགེ་བ་ཅི་མཆིས་པ། །ནམ་མཁའི་མཐའ་ཀླས་གྱུར་པའི་འགྲོ་བ་རྣམས། །ཟུང་འཇུག་རྡོ་རྗེ་འཆང་གི་སྐུ་འགྲུབ་ཤོག །སྒྲུབ་པ་པོ་ལ་རྟག་ཏུ་བུ་བཞིན་བརྩེ། །མཆོག་དང་ཐུན་མོང་དངོས་གྲུབ་ཆར་ལྟར་འབེབས། །རྒྱལ་བའི་ཡུམ་གཅིག་མཁའ་འགྲོ་སེང་ཞལ་ཅན། །གནས་གསུམ་ཌཱཀྐིའི་ཚོགས་ཀྱི་བཀྲ་ཤིས་ཤོག །ཅེས་བརྗོད་ལ། སྟོང་པའི་ངང་ལས་ཟུང་འཇུག་སྒྱུ་མ་ལྟ་བུའི་སྐུ་སེང་གདོང་མ་རྒྱན་སྤངས་པ་ཅིག་ཏུ་གྱུར་ནས་འགྲོ་བའི་དོན་བྱའོ། །ཞེས་སྤྱོད་ལམ་ལ་འཇུག་གོ །དེ་ལྟ་བུའི་ཐུན་དང་ཐུན་དུ་བཅད་ཅིང་། བསྙེན་པ་མི་ཚིག་གིས་བར་མ་ཆོད་པར་བཟླས་ཏེ། དུས་ནི་རབ་ཟླ་བ་དྲུག་གམ་གསུམ། འབྲིང་ཟླ་བ་གཅིག་གམ་ཞག་ཉེར་གཅིག །ཐ་མ་ཞིག་པོ་བཅུའམ་བདུན་ནོ། །གྲངས་ནི་རབ་འབུམ་ཕྲག་བཅུ་བདུན་ནམ་བཅུ་བཞི། འབྲིང་འབུམ་ཕྲག་བཅུའམ་གསུམ། ཐ་མ་འབུམ་ཕྲག་གཉིས་སམ་གཅིག །ཡང་ཐ་སྟོང་ཕྲག་སུམ་ཅུ་བཟླས་པས་ལས་སྦྱོར་རུང་གསུངས་སོ། །རྟགས་ནི་རབ་དངོས་འབྲིང་ཉམས་སྣང་། ཐ་ན་རྨི་ལམ་དུ་འབྱུང་སྟེ། ཞལ་མཇལ་ལུང་སྟོན་དབང་བསྐུར་བ། མ་སྲིང་དང་བུད་མེད་ཆས་བཟང་མང་པོ་འདུ་བ། གླུ་ལེན་བྲོ་འཁྲབ། བདུད་རྩི་དང་

[Full Size]

དཀར་གསུམ་བྱིན་པ། གསང་ཚིག་སྨྲ་བ། བརྡ་སྟོན་པ། པོཏི། རྡོ་དྲིལ། ཌཱ་མ་རུ། ཐོད་པ། གྲི་གུག་རྣམས་བྱིན་པ་རྙེད་པ། ཕྱག་མཚན་དང་། རྒྱན་དྲུག་རྙེད་པ། གོ་ཆ་གྱོན་པ། མཚོན་ཐོགས་པ། རྫོང་བརྩེགས་པ། གོ་ཁྲབ་གྱོན་པ། ལུས་ལས་རྣག་ཁྲག་འཛག་པ། ཆུ་བོ་ལས་བརྒལ་བ། ནམ་མཁའ་ལ་འཕུར་བ་ལ་སོགས་འབྱུང་ངོ་། །ཡང་བུད་མེད་ལ་མཛེ་བྱུང་བ། དུ་བ་རྒྱན་ཆ་བཏོག་པ། བྲང་བརྡུང་བ་སོགས་བྱུང་བ། དམ་སེལ་དང་བར་ཆད་ཡོད་པས། རྡོར་སེམས་སྒོམ་བཟླས་ལ་འབད། ཚོགས་དང་བསྐང་བ་བྱའོ། །བུད་མེད་ཁ་ཤོ་མ་བྱུང་ན་གྲུབ་པའི་རྟགས་མཚན་གཞན་ལ་མི་སྨྲ་བར་གསང་ངོ་། །ཡང་འདི་སྒྲུབ་དུས་སྔགས་འདི་རྩུབ་པས། སྙིང་མི་དགའ་བ་ཡོང་སྲོལ་ཡོད་པས། སྐབས་སུ་རང་གི་སྙིང་གའི་དཀྱིལ་དུ་ཁཾ་ཡིག་དཀར་པོ་ལས་བདུད་རྩིའི་རྒྱུན་བབ་པས་ལུས་ཐམས་ཅད་ཁེངས་པར་བསྒོམས་པས་སེལ་ལོ། །ཡང་ན་གོང་དུ་བཤད་པའི་ཐིག་ལེ་དབབ་པའི་དམིགས་པ་འདི་ལ་འབད་ཅིང་། ཚོགས་དང་གཏོར་མ་བསྐང་གསོ་ལ་བརྩོན་པར་བྱའོ། །ཨེ་མ་ཧོ༔ ཡེ་ཤེས་མཁའ་འགྲོ་སེང་གདོང་སྒྲུབ་པའི་ཐབས། །བཀའ་གཏེར་གཞུང་དང་མན་ངག་རྒྱ་མཚོའི་བཅུད། །དོན་གསལ་ཁྱེར་བདེ་ཆ་ལག་མ་ཚང་མེད། །བསྙེན་པའི་རིམ་པ་བལྟས་ཆོག་གསལ་བཀོད་འདི། །རང་དང་གཞན་ལ་ཕན་པའི་བསམས་པས་བཀོད། །འོན་ཀྱང་འགལ་འཁྲུལ་ཉེས་པའི་ཆ་མཆིས་ན། །ཡེ་ཤེས་ཌཱཀྐི་འཁོར་དང་བཅས་ལ་བཤགས། །འདི་ཕྱི་

[Full Size]

སྒྲིབ་མེད་ཚངས་པའི་དངོས་གྲུབ་སྩོལ། །འདི་བྲིས་དགེ་བས་འདི་ཉིད་ཉམས་བླངས་པ། །བདག་དང་སློབ་མ་བརྒྱུད་པར་བཅས་པ་དང་། །དེ་ལ་འཚོ་བ་སྦྱོར་བའི་སྦྱིན་བདག་རྣམས། །བར་ཆད་བདུད་བགེགས་བྱད་ཁས་མི་ཚུགས་ཤིང་། །མཆོག་དང་ཐུན་མོང་དངོས་གྲུབ་མྱུར་ཐོབ་ནས། །ནམ་ཞིག་འཕོས་ཚེ་ནུབ་ཕྱོགས་བདེ་བ་ཅན། །གནས་གསུམ་ཌཱཀྐིའི་ཚོགས་ཀྱིས་བསུ་བར་ཤོག །དེ་སྐད་སྨྲ་བ་རཱ་གའི་མིང་འཛིན་པའི། །དགེ་སྦྱོང་ཚུལ་འཆང་རིག་སྔགས་མཁན་དེས་བྲིས། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སེང་གདོང་མའི་སྔགས་ཤམ་མན་ངག་སྤུ་གྲི་རེག་གཅོད།

[Full Size]

སེང་གདོང་མའི་སྔགས་ཤམ་མན་ངག་སྤུ་གྲི་རེག་གཅོད་བཞུགས་སོ།། བཛྲ་ཌཱཀི་སེང་ཧ་མུ་ཁ་ཡེ་ན་མོ། སེང་གདོང་མ་ཡི་སྔགས་ཤམ་ཤིན་ཏུ་སྦབ་པ་ནི། བསྲུང་སྔགས་ནི། ཨ༔ཀ༔ས༔མ༔ར༔ཙ༔ཤ༔ཕཊ། འབྲུ་བརྒྱད་པ་འདི་ཅི་ནུས་བཟླས་པའི་མཇུག་ཏུ་ཤམ་བུ་འདི་ཅུང་ཟད་སྦྱར་ལ་བཟླའོ། །ཨེ་ཀ་དུ་ན་རཀྟ༔ མ་ཧཱ་དུ་ན་རཀྟ༔ ཙ་ཏུར་སྙིང་ན་རཀྟ༔ ར་ཙ་དུ་ན་རཀྵ༔ སུཾ་ཏྲེ་དུ་ན་རཀྟ༔ མ་ར་དུ་ན་རཀྵ༔ ཞེས་སྦྱར་ནི་ཟབ་བོ། ཨྠྀི༔ ༈ བཟློག་སྔགས་རྩ་སྔགས་ནི། ཨཀ༔ས༔མ༔ར༔ཙཤདརསར༔ཡ༔ཕཊ༔ ཅེས་འབྲུ་བཅུ་བཞི་པོ་འདི་ལ་ཟློག་པ་དུས་ཅི་ནུས་བཟླས་ལ་མཇུག་ཏུ་ཤམ་བུ་འདི་རྣམས་གང་དགོས་ཅུང་ཟད་སྦྱར་ན་ཟབ་བོ། །དེ་ནས་བོན་པོ་ལ་འགྲས་ན། ཨེ་དཾ་ནན༔ ལོཀྟི་པཱ་ལ་ནན་རྦད༔ ཅེས་སྦྱར་ཟབ་བོ། །སྔགས་པ་ལ་འགྲས་ན། ཨེ་དུ་ཀ་ནན༔ ཁ་ཐུན་ཆད་བློ་ཟློག༔ ཅེས་སྦྱར་ཟབ་བོ། །བན་དེ་དང་འགྲས་ན༔ ཨེ་ཀ་ཡ་མ་དུ་ཏྲི་ཆད་བློ་ཟློག༔ ཅེས་སྦྱར་ཟབ་བོ། །ལྷ་སྲིན་སྡེ་བརྒྱད་ཀྱི་གནོད་པ་བྱུང་ན། མ་ཤི་དུ༔ ཨ་ཤི་ལ་ནན༔ ཙ་ཏུཏྟཱ་ཡ་རྦད༔ ཅེས་སྦྱར་ཟབ་བོ། །ཀླུ་གཉན་དང་ས་བདག་གི་གནོད་པ་བྱུང་ན། ན་ག་རཀྟ་པེ་ལཾ་ནཱ་ག་ཟློག༔ ཅེས་སྦྱར་ཟབ་བོ། །གཟའི་གནོད་པ་བྱུང་ན། ནཱ་ག་ན་ས་པ་ཏི་སརྦ་དྷ་དྷན་ཁ་ཊ་ཁ་རུ་ཊ་ཡེ་སྭཱ་

[Full Size]

ཧཱཿ ཟབ་བོ། །སྤྱིར་བྱེད་ཁ་དང་རྐྱེན་ངན་ཐམས་ཅད་ལ། ཨེ་ཀ་དུ་ན་ཟློག༔ མ་ཧཱ་དུ་ན་ཟློག༔ ཙ་ཏུར་སྙིང་ན་ཟློག༔ ར་ཙ་དུ་ན་ཟློག༔ སུཾ་ཏྲེ་དུ་ན་ཟློག༔ མ་ར་དུ་ན་ཟློག༔ ཅེས་སྦྱར་ཟབ་བོ།། ཨེ་མ༔ ཡེ་ཤེས་ཌཱཀིའི་མན་ངག་སྔགས་ཤམ་འདི༔ དམ་ལྡན་སྙིང་གི་བུ་རེ་མ་གཏོགས་པ༔ གཞན་ལ་སྤེལ་ན་ཌཱཀིའི་བཀའ་ཆད་བརྡེག༔ སངས་རྒྱས་བསྟན་ལ་རབ་ཏུ་གནོད་པ་ཆེ༔ ཅི་ཕྱིར་གཞན་གྱི་ནུས་པ་བཅོམ་ཕྱིར་རོ༔ དེ་ཕྱིར་པི་ར་གྱི་ཁ་བཞིན་བསྡམ་པར་བྱ༔ འོན་ཀྱང་ཊཱཀི་སེང་ཧའི་མན་ངག་རྣམས༔ གབ་སྦས་ཆེ་ཕྱིར་ཤིན་ཏུ་རྟོགས་དཀའ་བས༔ ཤཱཀ་ཐུབ་བསྟན་པའི་ནུས་པ་གསལ་བྱའི་ཕྱིར༔ རཱ་གའི་མིང་ཅན་བདག་གིས་གསལ་བར་བཀོད༔ འདི་ལ་འགལ་འཁྲུལ་ཉེས་པ་ཅི་མཆིས་པ༔ ཡེ་ཤེས་ཌཱཀི་འཁོར་དང་བཅས་ལ་བཤགས༔ དགེ་བས་བསྟན་འཛིན་རྣམས་ཀྱི་ཞབས་བརྟན་ཤོག ཨྠྀི༔ མངྒ་ལཾ།། །།

སེང་གདོང་མའི་ཚོགས་བྱིན་རླབས།

[Full Size]

ཚོགས་བྱིན་རླབས་ནི། ཨོཾ་ཨཱབིགྷཱནྟ་ཀྲིཏ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀོ་ལས་ཐོད་པའི་སྐྱེད་པུ་གསུམ་གྱི་སྟེང་དུ། ཨ་ཡོངས་སུ་གྱུར་པ་ལས། ཀཱ་པ་ལ་རྒྱ་ཁྱོན་ཆོས་ཀྱི་དབྱིངས་དང་མཉམ་པ། དེའི་ནང་དུ་ཤ་ལྔ་བདུད་རྩི་ལྔ་རང་རང་གི་ས་བོན་གྱིས་མཚན་པ། རླུང་ཤྩ གཡོས་མེ་སྦར་ཐོད་པ་དྲོས། རྫས་རྣམས་ཞུ་ཞིང་ཁོལ་བ། དམ་ཚིག་གི་བདུད་རྩི་དང་གཉིས་སུ་མེད་པའི་ཚོགས་ཀྱི་མཆོད་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཧཱུཾ། ལན་གསུམ། ན་མོ། ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ་འདི་རང་བཞིན་རྣམ་པར་དག་པ། སྐྱེ་བ་མེད་པ། ངོ་བོ་རྣམ་པར་དག་པ་ཨཱ་ལི་ཀཱ་ལི། མཚན་ཉིད་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི། འབུལ་བའི་གནས་སུ་གྱུར་པ་ནི། བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་ཞལ་དུ་ཁ་རཾ་ཁཱ་ཧི༔ དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ་ཁ་རཾ་ཁཱ་ཧི། ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་ཞལ་དུ་ཁ་རཾ་ཁཱ་ཧི། པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། ག་

[Full Size]

ཤོག་སྟོང་།

སེང་གདོང་མའི་ཚོགས་མཆོད་བསྡུས་པ་འདོད་དགུའི་བང་མཛོད།

[Full Size]

སེང་གདོང་མའི་ཚོགས་མཆོད་བསྡུས་པ་འདོད་དགུའི་བང་མཛོད་བཞུགས་སོ།།

[Full Size]

ན་མོ་བཛྲ་ཌཱཀི་ཡེ། འདིར་སེང་གདོང་མའི་བསྙེན་སྒྲུབ་ལས་སྦྱོར་གང་བྱེད་ཀྱང་ཚོགས་དང་གཏོར་མ་ལ་བརྟེན་ནས་བསྐང་བཤགས་གལ་ཆེ་སྟེ། དམ་ཚིག་འཁུ་ལྡོག་བསྐང་བ་དང་ཕྲིན་ལས་གང་བཅོལ་ཡང་ཚོགས་གཏོར་གལ་ཆེ། དེ་ནས་སྙིང་མི་དགའ་བ་དང་ཚིག་པ་ཟ་བ་དང་། གློ་བུར་དུ་གློ་དང་གཟེར་གཉིས་སྦྲག་པ་དང་། ཤེས་པ་བྱིང་འཐིབས་པའམ་རྒོད་ཅིང་བློ་སྣ་མང་བ་དང་། རྨི་ལམ་དུ་བུད་མེད་གོས་ཧྲུལ་གྱོན་པ་སྡང་སེམས་ཀྱིས་གཏམ་སྨྲ་བ་དང་། ངུ་འབོད་རྩེར་སྐད་འདོན་པ་མཚན་མ་ནས་ཁྲག་འབྱིན་པ་དང་། གོས་ཤམ་ཀློག་ནས་གྱོན་པ་དང་། ཀྱི་ཧུད་ཀྱི་སྐད་འདོན་ཅིང་ཐལ་མོ་རྡེབ་པ་དང་། བཟའ་བཏུང་སྟེར་སྟེར་འདྲ་ལ་མི་སྟེར་བ་དང་། རང་གི་བླ་མ་མཆེད་གྲོགས་དང་བུད་མེད་ལ་མཛེ་བྱུང་བ་དང་། སྒྲུབ་ཁང་

[Full Size]

ཞིག་རལ་གཏོར་མ་འགྱེལ་བ་དང་། རང་ཉིད་གོས་ནག་གྱོན་ཞིང་གཡང་ལ་ཤོར་བ་དང་། ཕྲེང་ཐག་ཆད་ཅིང་ཕྲེང་བ་འཐོར་ནས་མ་རྙེད་པ་དངོས་སམ་རྨི་ལམ་རྣམས་སུ་བྱུང་ན། བསྙེན་སྒྲུབ་ལས་སྦྱོར་གང་བྱེད་ཀྱང་རུང་། དངོས་ཉམས་རྨི་ལམ་དུ་བྱུང་ན་ངེས་པར་འཁུ་ལྡོག་ཡིན་པས་ཚོགས་གཏོར་བསྐང་བཤགས་ལ་འབད་པར་བྱའོ། །དེ་ཡང་ཚོགས་གཏོར་ཟླུམ་པོ་ཤ་ཆང་བཅས་པ་སྤྱི་ལྟར་བཤམས་ནས་བྲན་པ་དང་། བྱིན་རླབས་སྤྱི་ལྟར་བྱས་ལ། ཧཱུྃ། མཁའ་སྤྱོད་བདེ་ཆེན་ཞིང་ཁམས་ནས། །རྩ་བརྒྱུད་བླ་མ་རིག་འཛིན་རྣམས། །སྐུ་མདོག་དཀར་དམར་མདངས་དང་ལྡན། །དབུ་སྐྲ་ཐོར་ཙུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རུས་པའི་

[Full Size]

རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་གྱིས་རློབས། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བདག་ལ་དབང་ཞིག་བསྐུར། །འདིར་ཚོགས་སྐལ་ལྡན་ཐམས་ཅད་ཀུན། །དཔའ་བོ་དཔའ་མོར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །ཧཱུྃ། མཁའ་སྤྱོད་དག་པའི་ཞིང་ཁམས་ན། །ཡི་དམ་ལྷ་ཚོགས་འཁོར་བཅས་རྣམས། །དབུ་སྐྲ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་གྱིས་རློབས། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བདག་ལ་དབང་ཞིག་བསྐུར། །འདིར་ཚོགས་སྐལ་ལྡན་ཐམས་ཅད་ཀུན། །དཔའ་བོ་དཔའ་མོར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །ཧཱུྃ། ཨོ་རྒྱན་སྤྲུལ་པའི་ཞིང་ཁམས་ནས། །

[Full Size]

ཡེ་ཤེས་མཁའ་འགྲོ་སེང་བ་གདོང་མ། །མཁའ་འགྲོ་བྱེ་བ་འབུམ་དང་བཅས། །དབུ་སྐྲ་ཐོར་ཙུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་ཚོགས་ཀྱི་མཆོད་པ་བཞེས། གནས་ཁང་འདི་ལ་བྱིན་གྱིས་རློབས། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བདག་ལ་དབང་ཞིག་བསྐུར། །འདིར་ཚོགས་སྐལ་ལྡན་ཐམས་ཅད་ཀུན། །དཔའ་བོ་དཔའ་མོར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །ཧཱུྃ། ཨོ་རྒྱན་ཡུལ་གྱི་ཤར་ཕྱོགས་ན། །དཀར་མོ་སེང་གེའི་གདོང་པ་ཅན། །ཌཀྐི་དཀར་མོ་འབུམ་དང་བཅས། །དབུ་སྐྲ་ཐོར་ཙུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་སྙི གར་བྱེད་ཁྱུགས་སེ་ཁྱུག །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་གྱིས་རློབས། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བདག་ལ་

[Full Size]

དབང་ཞིག་བསྐུར། །འདིར་ཚོགས་སྐལ་ལྡན་ཐམས་ཅད་ཀུན། །དཔའ་བོ་དཔའ་མོར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །ཧཱུྃ། ཨོ་རྒྱན་ཡུལ་གྱི་ལྷོ་ཕྱོགས་ན། །སེར་མོ་སེང་གེའི་གདོང་ཅན་མ། །ཊཱཀྐི་སེར་མོ་འབུམ་དང་བཅས། །དབུ་སྐྲ་ཐོར་ཙུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་ཟླུ གྱིས་རློབས། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བདག་ལ་དབང་ཞིག་བསྐུར། །འདིར་ཚོགས་སྐལ་ལྡན་ཐམས་ཅད་ཀུན། །དཔའ་བོ་དཔའ་མོར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །ཧཱུྃ། ཨོ་རྒྱན་ཡུལ་གྱི་ནུབ་ཕྱོགས་ན། །དམར་མོ་སེང་གེའི་གདོང་ཅན་མ། །ཌཱ་ཀི་དམར་མོ་འབུམ་དང་བཅས། །དབུ་སྐྲ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་གར་བྱེད་

[Full Size]

ཁྱུགས་སེ་ཁྱུག །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་གྱིས་རློབས། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བདག་ལ་དབང་ཞིག་བསྐུར། །འདིར་ཚོགས་སྐལ་ལྡན་ཐམས་ཅད་ཀུན། །དཔའ་བོ་དཔའ་མོར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །ཧཱུྃ། ཨོ་རྒྱན་ཡུལ་གྱི་བྱང་ཕྱོགས་ནས། །ལྗང་མོ་སེང་གེའི་གདོང་ཅན་མ། །ཌ་ཀི་ལྗང་མོ་འབུམ་གྱིས་བསྐོར། །དབུ་སྐྲ་ཐོར་ཙུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་ཚོགས་ཀྱི་མཆོད་པ་བཞེས། །གནས་9 ཁང་འདི་ལ་བྱིན་གྱིས་རློབས། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བདག་ལ་དབང་ཞིག་བསྐུར། །འདིར་ཚོགས་སྐལ་ལྡན་ཐམས་ཅད་ཀུན། །དཔའ་བོ་དཔའ་མོར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །མ་ཨོ་རྒྱན་ཡུལ་གྱི་མཁའ་འགྲོ་མ། །ཌཱ་ཀི་གསེར་གྱི་རྣ་ཆ་ཅན། །མཁའ་འགྲོའི་བརྡ་སྐད་ལྡབ་མ་

[Full Size]

ལྡིབ། །མ་ཨོ་རྒྱན་ཡུལ་ནས་སྤྱན་འདྲེན་ན། །དབུ་སྐྲ་ཐོར་ཙུགས་ལྡེམས་སེ་ལྡེམ། །རིན་ཆེན་རྒྱན་ཆ་སི་ལི་ལི། །གསེར་གྱི་གདུབ་བུ་སྒ་ར་ར། །དངུལ་གྱི་སོར་གདུབ་སི་ལི་ལི། །ཕྱག་ལག་པས་གར་བྱེད་ཁྱུགས་སེ་ཁྱུག །ཞབས་རྐང་པས་བྲོ་རྡུང་ཁྲིགས་སེ་ཁྲིག །མ་འདིར་གཤེགས་ཚོགས་ཀྱི་མཆོད་པ་འབུལ། །སྐལ་ལྡན་བསམ་པའི་དོན་རྣམས་སྒྲུབས། །བདག་དང་ཡོན་བདག་བར་ཆད་སོལ། །དེམ་སྲི་གནོད་བྱེད་རྡུལ་དུ་རློགས། །སྡང་བའི་དགྲ་བོ་ཚོགས་སུ་རོལ། །མ་རྒྱ་གར་ཡུལ་གྱི་མཁའ་འགྲོ་མ། །རྒྱ་མོ་གསེར་གྱི་རྣ་ཆ་ཅན། །རྒྱ་སྐད་མང་པོ་ལྡབ་མ་ལྡིབ། །མ་རྒྱ་གར་ཡུལ་ནས་སྤྱན་འདྲེན་ན། །དབུ་སྐྲ་ཐོར་ཚུགས་ལྡེམས་སེ་ལྡེམ། །རིན་ཆེན་རྒྱན་ཆ་སི་ལི་ལི། །གསེར་གྱི་གདུབ་བུ་སྒ་ར་ར། །དངུལ་གྱི་སོར་གདུབ་སི་ལི་ལི། །ཕྱག་ལག་པས་གར་བྱེད་ཁྱུགས་སེ་ཁྱུག །ཞབས་རྐང་པས་བྲོ་རྡུང་ཁྲིགས་སེ་ཁྲིག །མ་འདིར་གཤེགས་ཚོགས་ཀྱི་མཆོད་པ་འབུལ། །སྐལ་ལྡན་བསམ་པའི་དོན་རྣམས་སྒྲུབས། །བདག་དང་ཡོན་བདག་བར་ཆད་སོལ། །དམ་སྲི་གནོད་བྱེད་རྡུལ་དུ་རློགས། །སྡང་བའི་དགྲ་བོ་ཚོགས་སུ་

[Full Size]

རོལ། །མ་བལ་པོ་ཡུལ་གྱི་མཁའ་འགྲོ་མ། །བལ་མོ་གསེར་གྱི་རྣ་ཆ་ཅན། །བལ་སྐད་མང་པོ་ལྡབ་མ་ལྡིབ། །མ་བལ་པོའི་ཡུལ་ནས་སྤྱན་འདྲེན་ན། །དབུ་སྐྲ་ཐོར་ཙུགས་ལྡེམས་སེ་ལྡེམ། །རིན་ཆེན་རྒྱན་ཆ་སི་ལི་ལི། །གསེར་གྱི་གདུབ་བུ་སྒ་ར་ར། །དངུལ་གྱི་སོར་གདུབ་སི་ལི་ལི། །ཕྱག་ལག་པས་གར་བྱེད་ཁྱུགས་སེ་ཁྱུག །ཞབས་རྐང་པས་བྲོ་རྡུང་ཁྲིགས་སེ་ཁྲིག །མ་འདིར་གཤེགས་ཚོགས་ཀྱི་མཆོད་པ་འབུལ། །སྐལ་ལྡན་བསམ་པའི་དོན་རྣམས་སྒྲུབས། །བདག་དང་ཡོན་བདག་བར་ཆད་སོལ། །དམ་སྲི་གནོད་བྱེད་རྡུལ་དུ་རློགས། །སྡང་བའི་དགྲ་བོ་ཚོགས་སུ་རོལ། །མ་བོད་ཁམས་ཡུལ་གྱི་མཁའ་འགྲོ་མ། །བོད་མོ་རིན་ཆེན་རྣ་ཆ་ཅན། །བོད་སྐད་མང་པོ་དབ་མ་9 དིབ་། །མ་བོད་ཀྱི་ཡུལ་ནས་སྤྱན་འདྲེན་ན། །དབུ་སྐྲ་ཐོར་ཚུགས་ལྡེམས་སེ་ལྡེམ། །རིན་ཆེན་རྒྱན་ཆ་སི་ལི་ལི། །གསེར་གྱི་གདུབ་བུ་སྒ་ར་ར། །དངུལ་གྱི་སོར་གདུབ་སི་ལི་ལི། །ཕྱག་ལག་པས་གར་བྱེད་ཁྱུགས་སེ་ཁྱུག །ཞབས་རྐང་པས་བྲོ་རྡུང་ཁྲིགས་སེ་ཁྲིག །མ་འདིར་གཤེགས་ཚོགས་ཀྱི་མཆོད་པ་འབུལ། །སྐལ་ལྡན་བསམ་པའི་དོན་རྣམས་

[Full Size]

སྒྲུབས། །བདག་དང་ཡོན་བདག་བར་ཆད་སོལ། །དམ་སྲི་གནོད་བྱེད་རྡུལ་དུ་རློགས། །སྡང་བའི་དགྲ་བོ་ཚོགས་སུ་རོལ། །དེ་ནས་ཚོགས་བཏེག་ལ་འཆམ་ཞིང་། གནས་སྤྱི་གཙུག་པད་ཟླའི་གདན་སྟེང་ན། །དྲིན་ཅན་རྩ་བརྒྱུད་བླ་མ་ལ། །བདག་གསོལ་འདེབས་གསོལ་བ་ཡང་ཡང་འདེབས། །བདག་གསོལ་འདེབས་ཀྱི་བུ་སློབ་ལ་བྱིན་གྱིས་རློབས། །གནས་མཁའ་སྤྱོད་དག་པའི་ཞིང་ཁམས་ནས། །མ་ཡེ་ཤེས་ཀྱི་མཁའ་འགྲོ་སེང་གདོང་མ། །བདག་གསོལ་འདེབས་གསོལ་བ་ཡང་ཡང་འདེབས། །བདག་གསོལ་འདེབས་ཀྱི་བུ་སློབ་ལ་བྱིན་གྱིས་རློབས། །གནས་ནུབ་ཕྱོགས་ཨོ་རྒྱན་གྱི་ཞིང་ཁམས་ན། །མ་མཁའ་འགྲོ་བྱེ་བ་འབུམ་ཕྲག་ལ། །བདག་གསོལ་འདེབས་གསོལ་བ་ཡང་ཡང་འདེབས། །བདག་གསོལ་འདེབས་ཀྱི་བུ་སློབ་ལ་བྱིན་གྱིས་རློབས། །རྡོ་རྗེ་སྤུན་ཚོགས་གར་གྱི་སྟབས། །གར་སྟབས་ཀྱི་གར་བྱེད་ཁྱུགས་སེ་ཁྱུག །ཡབ་དཔའ་བོ་དང་མཐུན་པར་སྤྱོད་པ་ལ། །གཡས་བརྐྱང་གི་གར་ཐབས་ཤིགས་སེ་ཤིག །ཡུམ་དཔའ་མོ་དང་མཐུན་པར་སྤྱོད་པ་ལ། །གཡོན་བརྐྱང་གི་འགྱིང་བག་ལྡེམས་སེ་ལྡེམ། །མཉམ་ཉིད་ཀྱི་བྲོ་ར་ཡངས་པ་

[Full Size]

ལ། །གཉིས་མེད་ཀྱི་བྲོ་རྡུང་ཁྲིགས་སེ་ཁྲིག །བདེ་ཆེན་གྱི་ཐང་ལ་བཏེག་པ་ལ། །ཨེ་མ་ཧོ། རྣལ་འབྱོར་ཕོ་མོ་ཨ་ལ་ལ། ཨེ་མ་ཧོ། རྡོ་རྗེ་སྤྱན་ཚོགས་ཨ་ལ་ལ། ཨེ་མ་ཧོ། ཚོགས་ཀྱི་མཆོད་པ་ཨ་ལ་ལ། ཨེ་མ་ཧོ། ཚོགས་ཀྱི་སྟོན་མོ་ཨ་ལ་ལ། ཨེ་མ་ཧོ། ཚོགས་ཀྱི་ཞལ་ཟས་ཨ་ལ་ལ། ཨེ་མ་ཧོ། ཚོགས་ཀྱི་འདོད་ཡོན་ཨ་ལ་ལ། ཨེ་མ་ཧོ། ཚོགས་ཀྱི་ཡོ་བྱད་ཨ་ལ་ལ། ཨེ་མ་ཧོ། ཚོགས་ཀྱི་གཏོར་མ་ཨ་ལ་ལ། །ཚོགས་མཆོད་པ་རྩ་བརྒྱུད་བླ་མ་མཆོད། །དོན་རང་སེམས་དང་གཉིས་སུ་མེད་པར་མཆོད། །ཨོཾ་ཨཱཿཧཱུྃ་ཨ་ལ་ལ་ཧོ། །ཚོགས་མཆོད་པ་སེང་གདོང་ཌཱ་ཀི་མཆོད། །དོན་རང་ལུས་དང་གཉིས་སུ་མེད་པར་མཆོད། །ཨོཾ་ཨཱཿཧཱུྃ་ཨ་ལ་ལ་ཧོ། །ཚོགས་མཆོད་པ་གནས་གསུམ་མཁའ་འགྲོ་མཆོད། །དོན་རང་སྣང་དང་གཉིས་སུ་མེད་པར་མཆོད། །ཨོཾ་ཨཱཿཧཱུྃ་ཨ་ལ་ལ་ཧོ། །ཚོགས་མཆོད་པ་འདིར་ཚོགས་མགྲོན་རྣམས་མཆོད་། །དོན་འཁོར་འདས་དང་གཉིས་སུ་མེད་པར་མཆོད། །ཨོཾ་ཨཱཿཧཱུྃ་ཨ་ལ་ལ་ཧོ། །འདི་ལ་སྐྲག་པར་མ་བྱེད་ཅིག །བྲམ་ཟེར་ཁྱི་གདོལ་མཉམ་པར་རོལ། །ཨོཾ་ཨཱཿཧཱུཾ་ཨ་

[Full Size]

ལ་ལ་ཧོ། །ལ་ལ་ཕྱི་ཡི་ཚོགས་ལ་རོལ། །ཨོཾ་ཨཱཿཧཱུྃ་ཨ་ལ་ལ་ཧོ། །ལ་ལ་ནང་གི་ཚོགས་ལ་རོལ། །ཨོཾ་ཨཱཿཧཱུྃ་ཨ་ལ་ལ་ཧོ། །ལ་ལ་གསང་བའི་ཚོགས་ལ་རོལ། །ཨོཾ་ཨཱཿཧཱུཾ་ཨ་ལ་ལ་ཧོ། །ལ་ལ་དེ་ཉིད་ཀྱི་ཚོགས་ལ་རོལ། །ཨོཾ་ཨཱཿཧཱུྃ་ཨ་ལ་ལ་ཧོ། །ཨ་ལ་ལ་ཏེ་བཞེས་སུ་གསོལ། །ཨ་ལ་ལ་ཏེ་ཚིམ་པར་རོལ། །འདིར་ཚོགས་ཕུད་ཕུལ་ལ་གཏོར་བསྔོས་གཞུང་ལྟར་བྱ་ཞིང་གཟིགས་མཛེས་ཀྱིས་དྲངས་ལ་རོལ་ཏེ་ལྷག་མ་བྲན་ལ། ཨོཾ་ཨཱཧཱུཾ། ཚོགས་ལྷག་བདུད་རྩི་རྒྱ་མཚོ་ཆེན་པོར་གྱུར། ཧཱུཾ། ཚོགས་ཁང་དཀྱིལ་འཁོར་ཆེན་པོ་ཡི། །བར་ཁྱམས་ཁོར་ཡུག་ལ་གནས་པའི། །ཌཱ་ཀི་རྣམས་ཀྱི་རྗེས་འབྲང་བ། །ཕུད་ལ་རོལ་པའི་སྐལ་མེད་ཅིང་། །ལྷག་མ་ལ་དབང་བྲན་མོའི་ཚོགས། །དུར་ཁྲོད་འགྲིམ་ཞིང་ཚོགས་ཁང་ཉུལ། །བསྟན་པ་སྲུང་ཞིང་རྣལ་འབྱོར་སྐྱོང་། །སྲིད་པའི་རླུང་བཞིན་ཀུན་ཏུ་རྒྱུག །མི་ཤ་ཁྲག་གི་དྲི་ཚོར་ནས། །དཔག་ཚད་བརྒྱད་ཁྲི་བཞི་སྟོང་ཡང་། །སྐད་ཅིག་ཙམ་གྱིས་བགྲོད་བྱེད་མ་། །ཚོགས་ལྷག་བཀའ་ཡི་ཕ་འབེབ་འདི། །སྡང་བའི་དགྲ་དང་མཉམ་དུ་བཞེས། །བདག་དང་ཡོན་བདག་བར་ཆད་སོལ། །བཅོལ་བའི་ཕྲིན་ལས་འགྲུབ་པར་མཛོད། །

[Full Size]

ཨོཾ་ཨུཙྪིཥྛ་བྷཀྵ་སི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་སྭཱ་ཧཱ། སྣོད་བཤལ་ལ། ཧཱུྃ། ཚོགས་ཁང་དུར་ཁྲོད་གཞལ་ཡས་ཀྱི། །ཕྱི་ཁྱམས་ཕྱོགས་མཚམས་ལ་གནས་པའི། །ཕུད་དང་ལྷག་ལ་མི་དབང་ཞིང་། །བཤལ་ཆུ་ལ་དབང་འབྱུང་པོའི་ཚོགས། །བདུད་རྩིའི་བཤལ་ཆུའི་མཆོད་སྦྱིན་འདི། །ཚེ་དང་སྲོག་གི་གླུད་དུ་འབུལ། །ཆག་ཆེན་ཉམ་ང་བཟློག་ཏུ་གསོལ། །ཨོཾ་ཨུཙིཏྟ་བྷཀྵ་སི་གཙྪ། དེ་ནས་རྗེས་ཆོག་སྤྱི་ལྟར་བྱའོ། །ཞེས་པ་འདི་རྟོགས་ལྡན་སངས་རྒྱས་མགོན་པོའི་ཕྱག་བཞེས་ལྟར་སེང་གདོང་མའི་ཚོགས་མཆོད་རྒྱས་པ། འདོད་དགུའི་བང་མཛོད་ཀྱི་དོན་བསྡུས་ཏེ། ཨ་རཱ་གས་སྦྱར་བའོ། །འདི་བྲིས་ཉེས་བཤགས་དགེ་བ་བྱང་ཆུབ་བསྔོ། །དགེ་ལེགས་ཆོས་འཕེལ་བཀྲ་ཤིས་རྒྱས་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཌཱཀི་སེང་གདོང་མའི་ཚོགས་མཆོད་བསྡུས་པ་བཟའ་བཏུང་ལམ་ཁྱེར།

[Full Size]

ཌཱཀི་སེང་གདོང་མའི་ཚོགས་མཆོད་བསྡུས་པ་བཟའ་བཏུང་ལམ་ཁྱེར་བཞུགས་སོ།།

[Full Size]

ན་མོ་ཌཱཀི་སེང་ཧ་མུ་ཁ་ཡེ། སེང་གདོང་ལྷ་མོའི་ཚོགས་འཁོར་བྱེད་འདོད་པས། རབ་ཏུ་ཚེ་བཅུད་ཚེ་ཟན་འབྱོར་ཚོགས་བསག །འབྲིང་དུ་ནམ་འདོད་ཤ་ཆང་ཟན་གསུམ་བསག །ཐ་མ་རྒྱུན་གྱི་ཟན་ལའང་རུང་བ་སྟེ། །རབ་ཏུ་བདག་མདུན་གཉིས་པོ་ཚང་བར་འདོན། །འབྲིང་དུ་བདག་བསྐྱེད་ཉིད་ལ་ཚོགས་འཁོར་སྦྱར། །ཐ་མ་བསྐྱེད་རིམ་སྐད་ཅིག་དྲན་རྫོགས་བསྒོམ། །དབྱངས་སྙན་རོལ་མོ་དང་བཅས་གྱེར་བསྒོམ་སྦྲག །ཧཱུྃ། རང་ཉིད་ཊཱཀིའི་སྐུར་གསལ་བའི། །ཐུགས་ཀ་ནས་རཾ་ཡཾ་ཁཾ་གསུམ་འཕྲོས་།ཚོགས་རྫས་ཀྱི་ཉེས་སྐྱོན་བསྲེགས་གཏོར་བཀྲུས། །སྣོད་དག་པ་ཡེ་ཤེས་ཀྱི་ཀ་པཱ་ལ། །བཅུད་དག་པ་ཤ་ལྔ་བདུད་རྩི་ལྔ། །དེ་ཨོཾ་

[Full Size]

ཨཱཿཧཱུྃ་གིས་བྱིན་གྱིས་བརླབས། །ཡེ་ཤེས་ཀྱི་བདུད་རྩིའི་ཆར་རྒྱུན་འབེབས། །ཕུད་རླངས་ལ་མཆོད་པའི་ལྷ་མོ་སྤྲོས། །ཀུན་བཟང་གི་མཆོད་སྤྲིན་ནམ་མཁའ་ཁྱབ། །གནས་འོག་མིན་ཆོས་དབྱིངས་ཞིང་ཁམས་ནས། །ཕ་རྩེ་བརྒྱུད་ཀྱི་གྲུབ་ཐོབ་རྒྱ་མཚོ་རྣམས། །སྐུ་དགྱེས་པའི་གར་སྟབས་ལིངས་སེ་ལིང་། །གསུང་ཉམས་དབྱངས་ཀྱི་མགུར་མ་འུ་རུ་རུ། །ཐུགས་འོད་གསལ་གྱི་རྟོགས་པ་ས་ལ་ལ། །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །ཆོས་ཕྱག་ཆེན་གྱི་དངོས་གྲུབ་གནང་ནས་ཀྱང་། །ཕ་ཁྱེད་དང་མཉམ་པར་བྱིན་གྱིས་རློབས། །གནས་

[Full Size]

ཨོ་རྒྱན་གསང་བའི་དུར་ཁྲོད་ནས། །མ་ཡེ་ཤེས་ཌཱ་ཀི་སེང་གདོང་མ། །སྐུ་གར་གྱི་ཉམས་དགུ་ཁྱུགས་སེ་ཁྱུག །གསུང་ཧཱུྃ་ཕཊ་འབྲུག་སྒྲ་འུ་རུ་རུ། །ཐུགས་ཡེ་ཤེས་ལྔ་ལྡན་ཏ་ལ་ལ། །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །མཆོག་ཐུན་མོང་དངོས་གྲུབ་གནང་ནས་ཀྱང་། །ཡུམ་ཁྱེད་དང་མཉམ་པར་བྱིན་གྱིས་རློབས། །གནས་ཕྱོགས་བཞི་འཇིགས་པའི་དུར་ཁྲོད་ནས། །མ་རིགས་བཞིའི་མཁའ་འགྲོ་སེང་གདོང་ཅན། །སྐུ་འགྱིང་བག་གར་སྟབས་ཁྱུགས་སེ་ཁྱུག །གསུང་གསང་སྔགས་ཆོས་སྒྲ་དི་རི་རི། །ཐུགས་ཐོགས་མེད་མངོན་ཤེས་ཧྲིགས་སེ་ཧྲིག །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །ལས་རྣམ་བཞིའི་དངོས་གྲུབ་གནང་ནས་ཀྱང་། །མ་ཁྱེད་དང་མཉམ་པར་བྱིན་གྱིས་རློབས་། །ཡུལ་ཉི་ཤུ་རྩ་བཞིའི་གནས་མཆོག་ནས། །འཁོར་དཔའ་བོ་མཁའ་འགྲོ་བསམ་མི་ཁྱབ། །སྐུ་རྒྱན་ལྡན་འཇའ་འོད་ཁྱུགས་སེ་ཁྱུག །གསུང་མཁའ་འགྲོའི་བརྡ་སྐད་སངས་སེ་སང་། །ཐུགས་དམ་ཚིག་ཅན་ལ་དུངས་སེ་དུང་། །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །བདག་འདོད་པའི་དངོས་གྲུབ་གནང་ནས་ཀྱང་། །རྐྱེན་བར་ཆད་ཞི་

[Full Size]

བར་བྱིན་གྱིས་རློབས། །གནས་དམ་ཚིག་ཆེན་པོའི་ཕོ་བྲང་ནས། །དཔལ་མ་མགོན་ལྕམ་དྲལ་དམ་ཅན་ཚོགས། །སྐུ་འཇིགས་ཚུལ་མེ་འབར་ལམས་སེ་ལམ། །གསུང་དྲག་སྔགས་འབྲུག་སྒྲ་ཆེམས་སེ་ཆེམ། །ཐུགས་མི་བཟོད་ཆོ་འཕྲུལ་ཟིངས་སེ་ཟིང་། །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །བསྟན་དར་བའི་དངོས་གྲུབ་གནང་ནས་ཀྱང་། །བདུད་དགྲ་བགེགས་ཞི་བར་བྱིན་གྱིས་རློབས། །དེ་ནས་རྒྱས་པར་ཚོགས་ཕུད་རིམ་གསུམ་ཕུལ། བསྡུ་ན་གཅིག་ཕུལ་བདུད་རྩིའི་བྲན་ནས་ཀྱང་། རྗེ་བླ་མ་ཡི་དམ་མཁའ་འགྲོ་ལ། །ཞལ་ཟས་ཀྱི་ཚོགས་ཕུད་ཡར་ལ་ཕུལ། །ཚེ་ཐོག་མེད་ནས་བསགས་སྡིག་ལྟུང་རྣམས། །རྒྱུ་ག་ཎ་ཙཀྲས་བསྐང་ཞིང་བཤགས། །མི་བདག་ལ་སྡང་བའི་དགྲ་དང་བགེགས། །དེ་སྤྱི་ཚོགས་སུ་རོལ་ཅིག་ཏྰཀི་མ། །ཨོཾ་ཨཱཿཧཱུྃ་ཧྲི༔ གུ་རུ་དེ་ཝ་ཌཱཀྐི་ནཱི་ག་ཎ་ཙཀྲ་པཱུ་ཛ་ལ་ཁ་ཁ་ཁཱ་ཧི་ཁཱ་ཧི། དེ་ནས་འདོན་བསྒོམ་སྦྲག་ལ་ཚོགས་ལ་རོལ། བདག་རྡོ་རྗེ་ལུས་ཀྱི་གནས་ཚུལ་ལ། །རྩ་འཁོར་ལོ་ལྔ་དབུས་ཌཀི་ལྔ། །རྩ་འཁོར་ཕྲན་གྲངས་མཉམ་ཌཀིའི་འཁོར། །ལུས་གནས་ཡུལ་རྩ་གནས་མཁའ་འགྲོའི་ཚོགས། །ཡེ་གདོད་ནས་དམ་ཡེ་དབྱེར་མི་

[Full Size]

ཕྱེད། །ཕྱག་གཡས་སོར་མཆོད་པའི་ལྷ་མོ་ལྔ། །ཕྱག་གཡོན་སོར་འདོད་ཡོན་ལྷ་མོ་ལྔ། །ཚོགས་བདུད་རྩིའི་ལྷ་མོ་བདག་ལུས་མཆོད། །དོན་ཕྱི་ནང་གཞན་གསུམ་དབྱེར་མེད་ཕྱིར། །བདག་ཚིམ་པར་མཁའ་འགྲོ་ཐམས་ཅད་ཚིམ། །དེ་ཚིམ་པས་ཚོགས་རྫས་དངོས་གྲུབ་ཐོབ། །ཐབས་ཟབ་མོའི་མཆོད་པ་ཨ་ལ་ལ། །ཆོས་གསང་སྔགས་ལ་ཐེ་ཚོམ་མ་བྱེད་ཅིག །མ་ཧཱ་སིདྡྷི་ཧོ༔ དེ་ནས་ལྷག་མ་བཤམས་ལ་བདུད་རྩིས་བྲན། ཨཱ པད་སྣོད་ནང་དུ་ལྷག་མ་རྣམས། །ༀ་ཞུ་བས་ཟག་མེད་བདུད་རྩིར་གྱུར། །ཧཱུཾ་སེང་གདོང་ལྷ་མོའི་ལས་མཁན་མ། །ཡུལ་ཉི་ཤུ་རྩ་བཞིའི་ཕོ་ཉ་མ། །གནས་དུར་ཁྲོད་བརྒྱད་ཀྱི་ཤ་ཟ་མ། །གྲངས་བྱེ་བ་ས་ཡ་དུང་ཕྱུར་ཏེ། །མདོག་དཀར་སེར་དམར་ལྗང་མཐིང་དང་སྨུག །ལུས་མེ་བ་འབར་དུད་འཐུལ་རླུང་ནག་འཚུབ། །ངག་གླུ་དབྱངས་བཤུགས་གླུས་བླ་ཡིད་འཕྲོག །ཡིད་སྲིད་པ་གསུམ་པོ་ཞེ་ལ་གནོན། །མཐོ་དགུང་སྔོན་དབྱིངས་ནས་བྱ་ར་བྱེད། །གནས་གཉན་ས་དུར་ཁྲོད་ཀུན་ཏུ་རྒྱུག །ནད་བཞི་བརྒྱ་རྩ་བཞི་ཀུན་གྱི་བདག །གདོན་སྟོང་ཕྲག་བརྒྱད་ཅུ་འཁོར་དུ་བསྐོར། །ལས་བསྟན་པ་སྲུང་ཞིང་རྣལ་འབྱོར་སྐྱོང་། །སྲིང་ཁྱེད་

[Full Size]

རྣམས་དགའ་བའི་ལྷག་གཏོར་འབུལ། །བདག་སྐལ་ལྡན་དགའ་བའི་དངོས་གྲུབ་བྱིན། །རྐྱེན་རིམས་ཁ་དལ་ཡམས་དགྲ་ལ་སྒྱུར། །བདག་མིང་པོས་ལས་བཅོལ་སྲིང་གིས་མཛོད། །ཨོཾ་ཨུཙྪིཥྛ་བྷ་ལིཏྟ་ཁཱ་ཧི། ཞེས་གཙང་སར་དོར་རོ། །རང་ལུས་རྒྱལ་བའི་དཀྱིལ་འཁོར་ལ། །ཚོགས་ཀྱི་འཁོར་ལོས་མཆོད་པ་ཡིས། སོགས་བསྔོ་བ་བྱ་ཞིང་། མདུན་བསྐྱེད་བྱས་ན་རྗེས་ཆོག་རྣམས་གཞུང་ལྟར་བྱ་ཞིང་། མདུན་བསྐྱེད་མེད་ན་འདི་བརྗོད་པས་འཐུས་སོ། །ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ཤལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །འདི་ལྟར་ཉམས་བླངས་ཚོགས་རྫོགས་ཉམས་ཆག་བསྐང་། །གྱུར རྒྱུད་གཞུང་མན་ངག་དུ་མའི་བཅུད་བླངས་ནས། །རང་བཟོའི་ཆོ་ག་ཡིན་པར་མི་དགོངས་འཚལ། །མི་དབང་ཆེན་པོའི་གསུང་གིས་བསྐུལ་བྱས་ནས། ༧། །རཱ་གའི་མིང་ཅན་རི་བོའི་ཁྲོད་གནས་པའི། །ཆུ་སྦྲུལ་ཟླ་བ་བཅུ་གཉིས་ཉིན་པར་བསྒྲིགས། །བརྩམས་ཉེས་ནོངས་པ་གང་མཆིས་ཌཱ་ཀིར་བཤགས། །དགེ་བས་འདི་ཉིད་མཐོང་ཐོས་འབྲེལ་ཐོགས་རྣམས། །ཚེ་འདིར་ཕྲིན་ལས་རྣམ་བཞི་ཐོགས་མེད་ཅིང་། །འཕོས་མ་ཐག་ཏུ་གནས་གསུམ་མཁའ་འགྲོ་ཡིས། །མཆོད་

[Full Size]

པའི་སྤྲིན་གྱིས་བདེ་ཆེན་ཞིང་བགྲོད་ཤོག །ཞིང་དེར་ས་བཅུ་པོ་ལ་གནས་ནས་ཀྱང་། །བྱང་ཆུབ་སྤྱོད་པ་རྒྱ་ཆེན་སྤྱོད་གྱུར་ཅིག །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

རང་ལུས་རྒྱལ་བའི་དཀྱིལ་འཁོར་ལ། །བཟའ་བ་ཕུལ་བའི་བསོད་ནམས་ཀྱིས། །ཁ་དོག་སྟོབས་དང་ལྡན་གྱུར་ཏེ། །རོ་བརྒྱ་ལྡན་པའི་ཟས་རྙེད་ནས། །བསམ་གཏན་ཟས་ཀྱིས་འཚོ་བར་ཤོག །བཏུང་བ་ཕུལ་བའི་བསོད་ནམས་ཀྱིས། །ཉོན་མོངས་བཀྲེས་སྐོམ་སེལ་བ་དང་། །སྦྱིན་སོགས་ཡོན་ཏན་ལྡན་པ་ཡིས། །སྐོམ་དད་མེད་པར་སྐྱེ་བར་ཤོག །གང་གིས་སྦྱིན་པ་གང་ལ་སྦྱིན། །སྦྱིན་པ་ཇི་ལྟར་མི་རྟོག་པ། །སྦྱིན་པ་མཉམ་པ་དེ་ཉིད་ཀྱིས། །སྦྱིན་བདག་དེ་ལ་ཡོངས་རྫོགས་ཤོག །རྒྱལ་པོ་སྦྱིན་༧ གཏོང་ཉིད་དང་ཡང་། །སེམས་ཅན་ཕོངས་པ་གཞན་དག་ཀྱང་། །ཚེ་རིང་ནད་མེད་ཕུན་སུམ་ཚོགས། །རྟག་ཏུ་བདེ་བ་ཐོབ་པར་ཤོག །བསོད་ནམས་སྟོབས་ཆེན་འདི་ཡི་= བྱས མཐུས། །སྦྱིན་བདག་འཁོར་དང་བཅས་རྣམས་ལ། །ཚེ་འདིར་བསམ་པའི་དོན་འགྲུབ་ཅིང་། །བར་ཆད་ཞི་ནས་བཀྲ་ཤིས་ལྡན། །བསམ་པ་ཆོས་ལྡན་འགྲུབ་གྱུར་ཅིག །བླ་མེད་བླ་མའི་ཐུགས་རྗེ་དང་། །རྒྱལ་དང་རྒྱལ་སྲས་རང་རྒྱལ་དང་། །དགྲ་བཅོམ་བདེན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་གྱུར་ཅིག །བཅོམ་ལྡན་

[Full Size]

འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྔོ་བ་དང་སྨོན་ལམ་ལ་ངེས་པར་དབང་བའི་རྒྱལ་པོ་ལ་ཕྱག་འཚལ་ལོ། ཨཱོཾ་དྷ་རེ་དྷ་རེ་བྷནྡྷ་རེ་སྭཱ་ཧཱ།། །།

མཁའ་འགྲོ་སེང་གདོང་མའི་མན་ངག་སྲུང་ཟློག་བསད་གསུམ་གྱི་གདམས་པ་རྡོ་རྗེའི་གོ་མཚོན།

[Full Size]

མཁའ་འགྲོ་སེང་གདོང་མའི་མན་ངག་སྲུང་ཟློག་བསད་གསུམ་གྱི་གདམས་པ་རྡོ་རྗེའི་གོ་མཚོན་ཞེས་བྱ་བ་བཞུགས་སོ། །

[Full Size]

ན་མོ་བཛྲ་ཌཱ་ཀི་ཡེ། གནས་གསུམ་མཁའ་འགྲོའི་ཚོགས་ལ་ཕྱག་འཚལ་ནས། །ཡེ་ཤེས་ཌཱཀིའི་སྒྲུབ་ཐབས་གསལ་བཀོད་བྱ། །ཀི་རྣམས་ཀྱིས་བཀའ་གནང་བྱིན་གྱིས་རློབས། །འདིར་མཁའ་འགྲོ་སེང་གེའི་གདོང་ཅན་གྱི་བསྙེན་པ་དང་སྲུང་ཟློག་བསད་གསུམ་གྱི་གནད་བསྡུས་མན་ངག་ཟབ་མོ་བཀའ་གཏེར་ཟུང་འཇུག་གི་ཉམས་ལེན་ཐུན་མོང་མ་ཡིན་པ་ནི། དཀོན་མཆོག་གསུམ་ལ་སྐྱབས་མཆི་ཞིང་། །འགྲོ་བའི་དོན་དུ་བྱང་ཆུབ་བསྒྲུབ། །ཨོཾ་སྭ་བྷ་བ་སོགས། རང་སེམས་ཧཱུྃ་གི་འཕྲོ་འདུ་ལས་། །སྟེང་འོག་ཕྱོགས་མཚམས་ཐམས་ཅད་ཀུན། །གནམ་ལྕགས་འཁོར་ལོ་རྩིབས་སྟོང་དང་། །རྒྱ་གྲམ་འཁོར་ལོ་གྲི་གུག་དང་། །ཕུར་

[Full Size]

པ་དགྲ་སྟ་ཁ་ཊཾ་དང་། །རལ་གྲི་མེ་དཔུང་འབར་བའི་གུར། །བར་མཚམས་ལས་བྱེད་མཁའ་འགྲོས་གང་། །བར་ཆད་དགྲ་བགེགས་ཐལ་བར་བརླག །དེ་དབུས་གནམ་ལྕགས་སྒོ་མེད་མཁར། །གྲུ་བཞི་མེ་དཔུང་ཚྭ་ཚྭ་འཕྲོ། །དེ་ནང་གནམ་ལྕགས་མཆོད་རྟེན་དབུས། །གསེར་གྱི་རྡོ་རྗེའི་ལྟེ་བ་རུ། །ཉི་ཟླའི་ནང་དུ་འོད་ལྔའི་གུར། །དེ་དབུས་ཆོས་འབྱུང་པད་ཉི་རོ་ཡི་སྟེང་། །རང་ཉིད་ཡེ་ཤེས་མཁའ་འགྲོ་སྐུ་མདོག་མཐིང་། །སེང་ཞལ་དཀར་ཁྲོ་སྤྱན་གསུམ་གཡུ་རལ་སྔོ། །གྲི་ཐོད་ཁ་ཊཾ་འཛིན་ཅིང་གར་སྟབས་འགྱིང་། །རྡོར་ཁྲབ་དུར་ཁྲོད་

[Full Size]

ཆས་བརྒྱད་དར་ནག་གསོལ། །ཕུང་ཁམས་སྐྱེ་མཆེད་བ་སྤུ་མཁའ་འགྲོས་གཏམས། །གནས་གསུམ་འབྲུ་གསུམ་ཧཱུྃ་ལས་འོད་འཕྲོས་པས། །ཡེ་ཤེས་པ་དང་དབང་ལྷ་སྤྱན་དྲངས་ཏེ། །ཛཿཧཱུྃ་བཾ་ཧོཿགཉིས་སུ་མེད་པར་གྱུར། །དབང་ལྷས་དབང་བསྐུར་མི་བསྐྱོད་རྒྱས་གདབ་པའི། །ཐུགས་ཀར་ཉི་སྟེང་འཁོར་ལོའི་ལྟེ་བར་ཧཱུྃ། །བཅུ་བཞིའི་རྩིབས་སྟེང་སྔགས་ཕྲེང་གཡོན་དུ་འཁོར། །ཨ༔ཀ༔ས༔མ༔ར༔ཙ༔ཤ༔ད༔རཾ༔ས༔མ༔ར༔ཡ༔ཕཊ༔ ཨནྡྷཾ་སོགས། ཤཔྟ་ཨཱཿཧཱུཾ། དཔལ་ལྡན་རྡོ་རྗེ་ལྷ་མོ་ནི། །དྲག་མོ་སེང་གེའི་གདོང་པ་ཅན། །ཡེ་ཤེས་མེ་ཡི་འོད་ཟེར་འཕྲོ། །སེང་གེའི་གདོང་ཅན་ལྷ་མོར་འདུད། །བསྟོད་པ་གང་རུང་བྱ། དེ་ནས་སྲུང་བའི་དམིགས་རིམ་ནི། །རྩིབས་ནང་དཀར་མོ་སྟོང་གིས་ནང་གཟིགས་སྲུང་། །གནས་གསུམ་འོད་ཀྱིས་འཁོར་འདས་མཐུ་བྱིན་བསྡུས། །བསྲུང་བྱ་ལ་ཐིམ་གཟི་བརྗིད་ནུས་མཐུ་རྒྱས། །ཨ༔ཀ༔ས༔མ༔ར༔ཙ༔ཤ༔ད༔རཾ༔ས༔མ༔ར༔ཡ༔ཕཊ༔ དེ་ནས་ཟློག་པའི་དམིགས་རིམ་ནི། རྩིབས་ནང་ནག་མོ་སྟོང་གིས་ཕྱིར་གཟིགས་ཟློག །གཟུགས་སྣང་མཁའ་འགྲོ་སྒྲ་གྲག་བཅུ་བཞི་པ། །སྲིད་གསུམ་གཡོ་འགུལ་དྲེགས་པ་སྔངས་ཤིང་

[Full Size]

བརྒྱལ། །ལས་བྱེད་མཁའ་འགྲོས་བྱེད་མ་ལྷ་སྲུང་བཀུག །མཚོན་ཆོའི་བར་བསྐྱུར་མཚོན་ཆ་གཡོན་དུ་འཁོར། །ཤ་ཁྲག་ཕྱེ་མར་སོང་བ་མཁའ་འགྲོས་གསོལ། །མཐེ་བོང་ཟངས་གྲི་མཛུབ་མོ་གདབ་པའི་བར། །དགྲ་མགོ་བྲེགས་པ་ཧོམ་ནང་ག ། །ལག་གཡས་ཉི་མ་རྩིབས་སྟོང་མེ་དཔུང་འབར། །གཡོན་པས་ཟླ་བ་རྩིབས་སྟོང་ཆུ་བོ་འབྲུབ། །བརྡབ་པས་བཙོ་བསྲེག་བཀྲུས་ཐལ་གཤིན་རྗེས་ཟོས། ཕཊ༔ཡ༔ར༔མ༔ས༔ར༔ད༔ཙ༔ར༔མ༔ས༔ཀ༔ཨ༔ དེ་ནས་བསད་པའི་དམིགས་རིམ་ནི། འོག་ཕྱོགས་བསད་ཁང་གྲུ་གསུམ་མེ་འབར་ནང་། །མཁའ་འགྲོས་དགྲ་བགེགས་བཀུག་ཅིང་མཚོན་ཆར་ཕབ། །རྣམ་ཤེས་ནག་ཐུམ་བསད་ཅིང་ལུས་སྲོག་གཏུབ། །ཡ༔མ༔རུ༔ཊ༔ཤ༔ད༔ར༔ས༔ཐ༔ར༔ཡ༔ཕཊ༔ སོད་སོད༔ དེ་ནས་མཐར་རྫོགས་རིམ་བསྒོམ་པ་ནི། རང་ལུས་རྩ་གསུམ་འཁོར་ལོ་བཞི་ལྡན་པའི། །སུམ་མདོར་ཉི་སྟེང་མཁའ་འགྲོ་ཚོན་གང་དམར། །དེ་ལས་མེ་བྱུང་སྤྱི་བོའི་དཀར་མོར་ཕོག །དེ་ལས་བདུད་རྩིའི་རྒྱུན་བབས་དགའ་བཞི་མྱོང་། །སྣོད་བཅུད་ཧཱུྃ་ཐིམ་དེ་ཡང་མི་དམིགས་པ། །སྟོང་གསལ་ཡེ་དྭངས་ཉིད་དེ་ནམ་མཁའ་

[Full Size]

འདྲ། །དགེ་བས་འགྲོ་ཀུན་རྡོ་རྗེ་འཆང་འགྲུབ་ཤོག །ཨེ་མ་ཧོ། ཡེ་ཤེས་ཌཱཀི་སེང་གེའི་གདོང་ཅན་གྱི། །བསྙེན་དང་སྲུང་ཟློག་བསད་གསུམ་མན་ངག་འདི། །བཀའ་གཏེར་གཞུང་དང་མན་ངག་གསུམ་པོའི་བཅུད། །དོན་གསལ་ཁྱེར་བདེ་ཆ་ལག་མ་ཚང་མེད། །ལྷ་འདྲེ་ཤིན་ཏུ་དོ་གསང་ཆེ་བ་ལ། །སྲུང་ཟློག་བསད་གསུམ་སྔགས་ཀྱི་ཁ་སྒྱུར་བཅོས། །གཞན་དུ་ཟུར་བཀོད་བཞིན་དུ་འདི་འདྲ་ལྟར། །རྒྱུན་ཁྱེར་བྱ་ཐབས་འདི་ལ་མ་ཚང་མེད། །འདིའི་དོན་ཆེན་མ་ལུས་བསྒྲུབ་པ་ལ། །འདི་ལས་ལྷག་པ་གཞན་ལས་བསྒྲུབ་རྒྱུ་མེད། །ཁྱད་པར་སྒྲུབ་ལ་བར་ཆད་མི་འབྱུང་ཞིང་། །གནམ་ལྕགས་རྡོ་རྗེ་ལྟ་བུ་སོག་ལེ་འདྲ། །དེ་ཕྱིར་འདི་ཡི་སྲུང་ཟློག་ཀུན་གྱི་མཆོག །ནད་གདོན་འབྱུང་པོ་བགེགས་དང་རྐྱེན་ངན་སོགས། །འཇིགས་པ་བརྒྱད་སོགས་ཉེར་འཚེ་ཀུན་ལས་གྲོལ། །ལྷ་འདྲེ་མི་གསུམ་བན་བོན་མུ་སྟེགས་སོགས། །ཕྱི་ནང་ཀུན་གྱི་བྱད་ཁ་ཐམས་ཅད་ལ། །འདི་ལས་ཟབ་པའི་མན་ངག་བྱ་བ་གཅེས། །རང་གཤེད་ལ་རང་ལ་ཟློག་པའི་མཆོག་ཡིན་ནོ། །ཚེ་སྒྲུབ་ནོར་སྒྲུབ་ཀུན་ལ་འདི་ནི་མཆོག །རྩ་གསུམ་བཅུད་ལེན་གཏུམ་མོ་འཕོ་བ་སོགས། །འདི་ཕྱི་དོན་ཆེན་འགྲུབ་པའི་ལས་མཐའ་མང་། །སྔོན་ཚེ་སློབ་དཔོན་པདྨ་འབྱུང་གནས་ཀྱིས། །བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་ལ། །རྒྱུད་དང་མན་ངག་བརྒྱ་རྩ་བསྒྱུར་བའི་ནང་། །ལྷ་འདྲེ་མི་གསུམ་མུ་སྟེགས་བན་བོན་དང་། །བྱད་ཁ་ཕུར་ཁ་མ་ལུས་ཟློག་པ་ལ། །ཟློག་པའི་ཡང་ཟློག་འདི་ལས་ཟབ་མ་རྙེད། །དེ་ཕྱིར་འདི་ཡི་སྲུང་ཟློག་

[Full Size]

གཙོ་བོར་ཟུང་། །གཞན་ལ་མ་སྤེལ་སྙིང་གི་དཀྱིལ་དུ་སྒྲོས། །མང་དུ་སྤེལ་ན་མཁའ་འགྲོས་བཀའ་ཆད་འོང་། །དེ་ཕྱིར་འདི་བསྙེན་གདམས་པ་འཚོ་ཤེས་གྱིས། །འདི་ཉིད་ཉམས་སུ་ལེན་པ་བཅའ་ནན་རྣམས། །བར་ཆད་བདུད་བགེགས་བྱད་ཀས་མི་ཚུགས་ཤིང་། །མཆོག་དང་ཐུན་མོང་དངོས་གྲུབ་ཀུན་ཐོབ་ནས། །ནམ་ཞིག་ཚེ་འཕོས་ནུབ་ཕྱོགས་བདེ་བ་ཅན། །གནས་གསུམ་ཌཱཀྐིའི་ཚོགས་ཀྱིས་བསུ་བར་ཤོག །དེ་སྐད་སྨྲས་པ་རཱ་ག་ཨ་སྱས་ཡིས། །རང་གི་ཐུགས་དམ་དོན་དུ་བྲིས། གསང་རྒྱ་ཐོན། སྦས་རྒྱ། སྤེལ་བའི་གནས་མེད་དོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

[Full Size]

སེང་གདོང་མའི་སྒྲུབ་ཐབས་བཞུག་སོ། །དཀོན་མཆོག་གསུམ་ལ་སྐྱབས་མཆི་ཞིང་། །འགྲོ་བའི་དོན་དུ་བྱང་ཆུབ་བསྒྲུབ། །ཨོཾ་སྭ་བྷཱ་ཝ༴ །རང་སེམས་ཧཱུྃ་གི་འཕྲོ་འདུ་ལས། །སྟེང་འོག་ཕྱོགས་མཚམས་ཐམས་ཅད་ཀུན། །གནས་ལྕགས་འཁོར་ལོ་རྩིབས་སྟོང་དང་། །རྒྱ་གྲམ་མཁའ་འགྲོ་གྲི་གུག་དང་། །ཕུར་པ་དགྲ་སྟ་ཁ་ཊཾ་དང་། །རལ་གྲི་མེ་དཔུང་འབར་བའི་གུར། །བར་མཚམས་ལས་བྱེད་མཁའ་འགྲོས་གང་། །བར་ཆད་དགྲ་བགེགས་ཐལ་བར་བརླག །དེ་དབུས་གནམ་ལྕགས་སྒོ་མེད་མཁར། །གྲུ་བཞི་མེ་༣ དཔུང་ཚྭ་ཚྭ་འཕྲོ། །དེ་ནང་གནམ་ལྕགས་མཆོད་རྟེན་དབུས། །གསེར་གྱི་རྡོ་རྗེའི་ལྟེ་བ་རུ། །ཉི་ཟླའི་ནང་དུ་འོད་ལྔའི་གུར། །དེ་དབུས་ཆོས་འབྱུང་པད་ཉི་རོ་ཡི་སྟེང་། །རང་ཉིད་ཡེ་ཤེས་མཁའ་འགྲོ་སྐུ་མདོག་མཐིང་། །སེང་ཞལ་དཀར་ཁྲོ་སྤྱན་གསུམ་གཡུ་རལ་སྔོ། །གྲི་ཐོད་ཁ་ཊཾ་བསྣམས་ཤིང་གར་སྟབས་འགྱིང་། །རྡོར་ཁྲག་དུར་ཁྲོད་ཆས་བརྒྱད་དར་ནག་གསོལ། །ཕུང་ཁམས་སྐྱེ་མཆེད་བ་སྤུ་མཁའ་འགྲོས་གཏམས། །གནས་གསུམ་འབྲུ་གསུམ་ཧཱུཾ་ལས་འོད་འཕྲོས་པས། །ཡེ་ཤེས་པ་དང་དབང་ལྷ་སྤྱན་དྲངས་ཏེ། །

[Full Size]

ཛཿཧཱུྃ་བཾ་ཧོ༔གཉིས་སུ་མེད་པར་གྱུར། །དབང་ལྷས་དབང་བསྐུར་མི་བསྐྱོད་རྒྱས་གདབ་པའི། །ཐུགས་ཀར་ཉི་སྟེང་འཁོར་ལོའི་ལྟེ་བར་ཧཱུཾ། །བཅུ་བཞིའི་རྩིབས་སྟེང་སྔགས་ཕྲེང་གཡོན་དུ་འཁོར། །ཨ༔ཀ༔ས༔མ༔ར༔ཙ༔ཤ༔ད༔རཾ༔ས༔མ༔ར༔ཡ༔ཕཊ༔ ཨརྒྷཾ་སོགས། དཔལ་ལྡན་རྡོ་རྗེ་ལྷ་མོ་ནི། སོགས་བསྟོད་པ་གང་རུང་བྱ། རྩིབས་ནང་དཀར་མོ་སྟོང་གིས་ནང་གཟིགས་སྲུང་། །གནས་གསུམ་འོད་ཀྱིས་འཁོར་འདས་མཐུ་བྱིན་བསྡུས། །བསྲུང་བྱ་ལ་ཐིམ་གཟི་བརྗིད་ནུས་མཐུ་རྒྱས། །ཨ༔ཀ༔ས༔མ༔ར༔ཙ༔ཤ༔ཕཊ༔ རྩིབས་ནང་ནག་མོ་ཚོསྟོང་གིས་ཕྱིར་གཟིགས་ཟློག །གཟུགས་སྣང་མཁའ་འགྲོ་སྒྲ་གྲག་བཅུ་བཞི་པ། །སྲིདགསུམ་གཡོ་འགུལ་དྲེགས་པ་སྔངས་ཤིང་བརྒྱལ། །ལས་བྱེད་མཁའ་འགྲོས་བྱད་མ་ལྷ་སྲུང་བཀུག །མཚོན་ཆའི་བར་བསྒྱུར་མཚོན་ཆ་གཡོན་དུ་འཁོར། །ཤ་ཁྲག་ཕྱེ་མར་སོང་བ་མཁའ་འགྲོས་གསོལ། །མཐེ་བོང་ཟངས་གྲི་མཛུབ་མོ་གཏན་པའི་བར། །དགྲ་མགོ་བྲེགས་པ་ཧོམ་ནང་གཤིན་རྗེས་མིད། །ལག་གཡས་ཉི་མ་རྩིབས་སྟོང་མེ་དཔུང་འབར། །གཡོན་པས་ཟླ་བ་རྩིབས་སྟོང་ཆུ་བོ་འབྲུབ། །བརྡབ་པས་བཅིར་བསྲེགས་བཀྲུས་ཐལ་

[Full Size]

གཤིན་རྗེས་ཟོས། །སྔགས་བཅུ་བཞི་སོགས། འོག་ཕྱོགས་བསད་ཁང་གྲུ་གསུམ་མེ་འབར་ནང་། །མཁའ་འགྲོས་དགྲ་བགེགས་བཀུག་ཅིང་མཚོན་ཆར་ཕབ། རྣམ་ཤེས་ནག་ཐུམ་བསད་ཅིང་ལུས་སྲོག་གཏུབ། །ཡ༔མ༔རུ༔ཊ༔ཤ༔ད༔ར༔ས༔མ༔ར༔ཡ༔ཕཊ༔སོདསོད༔ རང་ལུས་རྩ་གསུམ་འཁོར་ལོ་བཞི་ལྡན་པའི། །སུམ་མདོར་ཉི་སྟེང་མཁའ་ཤུ་འགྲོ་སོར་གང་དམར། །དེ་ལས་མེ་བྱུང་སྤྱི་བོའི་དཀར་མོར་ཕོག །དེ་ལས་བདུད་རྩིའི་རྒྱུན་བབས་དགའ་བཞི་མྱོང་། །སྣོད་བཅུད་ཧཱུྃ་ཐིམ་དེ་ཡང་མི་དམིགས་པ། །སྟོང་གསལ་དེ་དྭངས་ཉིད་དེ་ནམ་མཁའ་འདྲ། །དགེ་བས་འགྲོ་ཀུན་རྡོ་རྗེ་འཆང་འགྲུབ་ཤོག །ཅེས་པ་འདིའི་གཞུང་ལུགས་མན་ངག་ཡུན་རིང་དུ་གོམས་པར་བྱས་པ་ཀརྨ་ཨ་རཱ་གས་སྦྱར་ཞིང་རང་གིས་ཀྱང་ཉམས་སུ་མྱོང་བར་བྱས་སོ། །ཨྠྀི། ཧྲིཧཱུྃ་བྷྱོ་ཟློག་ཕཊཡརམས༔ར༔དཤདཙརམསཀཨ༔ ཡ་མ་རུ་ཊ་ཤ་ད་ར་ས་མ་ར་ཡ་ཕཊསོད་སོད༔ ཨེ་ཀ་དུ་ན་རཀྟ། མ་ཧཱ་དུ་ན་རཀྟ། ཙ་དུར་སྙིང་ན་རཀྟ། ར་ཙ་དུ་ན་རིཀ། སུ་ཏྲི་དུ་ན་རཀྟ། མ་ར་དུ་ན་རཀྟ། ཨེ་ཀ་དུ་ན་ཟློག །མ་ཧཱ་དུ་ན་ཟློག །ཙ་དུར་སྙིང་ན་ཟློག །ར་ཙ་དུ་ན་ཟློག །སུ་ཏྲེ་དུ་ན་ཟློག །

[Full Size]

མ་ར་དུ་ན་ཟློག། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སེང་གདོང་མའི་སྒྲུབ་ཐབས་ཟིན་བྲིས།

[Full Size]

སེང་གདོང་མའི་སྒྲུབ་ཐབས་ཟིན་བྲིས་བཞུགས་པ་ལེགས་སོ།

[Full Size]

ན་མོ་དྷཀཱི་སེང་ཧ་མུ་ཁ་ཡེ། འདིར་སེང་གདོང་མའི་སྒྲུབ་ཐབས་བརྗེད་ཐོ་ཙམ་བྲི་བ་ནི། བསྙེན་པ་སྤྱི་དང་མཐུན་ལ་གཏོར་སྒྲུབ་བམ་མདུན་བསྐྱེད་ནང་སྒྲུབ་ཀྱི་བྱ་བ་ནི། དུར་ཁྲོད་དམ་དབེན་པའི་གནས་སུ་དལ་འདོམ་གང་གྲུ་བཞི་ལ་གྲི་ཁྲག་དང་རྟ་ཁྲག་གིས་བྱུགས། དྲི་བཟང་གིས་ཆག་ཆག་གདབ་ལ། མེ་རི་དང་རྡོ་རྗེའི་རྭ་བའི་ནང་དུ་ཆོས་འབྱུང་ནག་པོ་གཉིས་བརྩེགས་ཟུར་དྲུག་པའི་ལྟེ་བར། སྣ་ཚོགས་པདྨ་འདབ་བརྒྱད་དང་ཉི་མའི་གདན་ལ་ཧཱུཾ་མཐིང་ནག་བྲིས་པའི་སྟེང་དུ་མཉྫིའི་ཁར་ཟངས་ལྕགས་སམ་བྷནྡྷའི་སྣོད་དུ་འབྲུ་སྣ་ཚོགས་ལས་བྱས་པའི་གཏོར་མ་ཟུར་གསུམ་པ་

[Full Size]

གཏོར་ཆུང་བཞི་དང་བཅད་ཁམས་ཀྱིས་བསྐོར། མར་དང་ཤ་ཁྲག་གིས་བརྒྱན་ཙཀླི་བཙུགས། སྦྲང་ཀ་ར་བུ་རམ་ཤ་མར་ཐུད་ཤིང་ཐོག་སྣ་ཚོགས་པས་བརྒྱན། མདའ་རྒོད་སྒྲོ་མ་མེས་མ་བཞུར་བ་ལ་དར་ནག་བཏགས་པ་དང་། དྷཀྐིའི་ཕྱིར་དར་དང་ཞལ་ཐང་སོགས་ཀྱང་གཏོར་མའི་རྒྱབ་ཕྱོགས་ནས་ཚུར་བཤམས། མདའ་དར་གཏོར་མར་བཙུགས་ཀྱང་རུང་། དེའི་མདུན་དུའམ་གང་བདེར། དྷཱཀྐིའི་རྒྱུན་གཏོར་དང་མཁའ་འགྲོ་སྤྱི་གཏོར་གཉིས་སོ་སོར་བཤམས། གཞན་ཡང་རྩ་གསུམ་སྤྱིའི་གཏོར་མ་དང་། སྨན་རཀ་དང་དྲག་པོའི་མཆོད་པ་རྣམ་ལྔས་བསྐོར། དེ་ནས་བདག་

[Full Size]

བསྐྱེད་མདུན་བསྐྱེད་མཆོད་བསྟོད་སོགས་སྤྱི་དང་མཐུན་པ་ལས། ཕྲེང་རྡོག་རྣམས་ཧཱུྃ་རེ་རེ་ཞུ་བ་ལས་དྷཱཀྐིའི་སྐུར་བསམས་ལ། ཨོཾ་རུ་ཙི་ར་མ་ཎི་པྲ་ཝར་དྷ་ཡེ་སྭཱ་ཧཱ། ཞེས་བྱིན་གྱིས་བརླབས་ནས་མདུན་བསྐྱེད་རྟེན་གཏོར་སེང་གདོང་མར་གསལ་བའི་ཐུགས་ཀར་ཧཱུྃ་མཐིང་ནག་གི་མཐར་སྔགས་ཕྲེང་གཡོན་དུ་འཁོར་བ་ལས་འོད་ཟེར་འཕྲོས། ཕྱི་སྣོད་གཞལ་ཡས་ཁང་ནང་བཅུད་སེམས་ཅན་ཐམས་ཅད་སེང་གདོང་མར་གྱུར་ནས་དེ་ཐམས་ཅད་ཀྱི་ཐུགས་ཀར་ཧཱུཾ་ཡིག་སྔགས་ཕྲེང་གིས་བསྐོར་བ་ལས་འོད་ཟེར་ཕུར་བུའི་ཚྭ་ཚྭ་ལྕགས་ཀྱུ་དམར་པོ་ཛདང་བཅས་པ་དཔག་ཏུ་མེད་པ་འཕྲོས་པས་བདག་ཅག་འཁོར་དང་བཅེས་པའི་རྐྱེན་ཕྱི་ནང་གི་བར་ཆད་ཐམས་ཅད་སྲུང་བ་དང་ཟློག་པ་དང་། ཉམས་རྟོགས་ཏིང་ངེ་འཛིན་ཚེ་བསོད་ནམས་འཁོར་སློབ་འགྲོ་དོན་ཐམས་ཅད་འཕེལ་ཞིང་རྒྱས་པ་དང་ལྷ་འདྲེ་མི་གསུམ་འབྲུ་བཅུད་བདེ་ལེགས་ཐམས་ཅད་དབང་དུ་བསྡུ་བ་དང་། དགྲ་བགེགས་ལོག་འདྲེན་དམ་སྲི་ཐམས་ཅད་ཚར་བཅད་པར་བསམ་སྟེ་ཐོ་རངས་ཚེ་སྒྲུབ། ཉི་ཤར་ཞི་བ་སྔ་དྲོ་རྒྱས་པ་ཉིན་གུང་མཆོག་སྒྲུབ། ཕྱི་དྲོ་དབང་སྲོད་ལ་དྲག་པོའི་བཟླས་པ་བྱ་སྟེ། སྔགས་ཀྱི་ཁ་དོག་ལས་བཞི་དང་བསྟུན་ཞིང་ཐམས་ཅད་

[Full Size]

གཡོན་དུ་འཁོར་བར་དམིགས་ལ་བཟླས་པའི་སྒྲ་གོང་རྩེར་ཚོར་བ་ཙམ་ལས་མི་ཆེ་མི་ཆུང་བར་བཟླས་ཏེ། བསྐྱེད་རིམ་སྣང་སྟོང་རྫོགས་རིམ་ཀ་དག་གཉིས་མེད་ཟུང་། འཇུག་གི་ངང་ནས་གཟུགས་སྣང་ཐམས་ཅད་སེང་གདོང་དྷཱཀཱི། སྒྲ་གྲག་ཐམས་ཅད་བཅུ་བཞི་པའི་སྒྲ། དྲན་རིག་ཐམས་ཅད་ཀུན་ཏུ་བཟང་མོའི་སེང་ཧ་མུ་ཁའི་ཐུགས་ཆོས་ཉིད་ཀྱི་རང་བཞིན་ཁྱེར་སོ་གསུམ་དང་མ་བྲལ་བར་བྱའོ། །ཐུན་མཚམས་སུ་རྒྱུན་གཏོར་བསྔོ་བ་དང་ནུབ་མོ་ཐུན་གཏོར་རེ་ཡང་འབུལ། བསྐང་བ་ཡང་བྱའོ། །ཡང་སྐབས་སུ་ཉམས་ཆག་བསྐང་ཕྱིར་ཏིང་ངེ་འཛིན་གྱིས་དབང་བླང་ངོ་། མདུན་གྱི་རྟེན་གཏོར་དེ་རྩ་བའི་ཡི་དམ་དང་དབྱེར་མེད་པའི་སེང་གདོང་མར་གསལ་བཏབ་ལ། དེ་ལས་འོད་ཟེར་དཔག་ཏུ་མེད་པ་ཕྱོགས་བཅུར་འཕྲོས་པས། ནུབ་ཕྱོགས་ཨུ་རྒྱུན་གྱི་དུར་ཁྲོད་རབ་ཏུ་འབར་བ་འཁྲིགས་པ་དང་འོག་མིན་མཁའ་སྤྱོད་གནས་སུམ་ཅུ་སོ་བདུན་ཡུལ་ཤུ་རྩ་བཞི་དུར་ཁྲོད་ཆེན་པོ་བརྒྱད་རྣམས་ནས་ཡེ་ཤེས་ཀྱི་མཁའ་འགྲོ་སེང་གདོང་མའི་ཚོགས་དཔའ་བོ་རྣལ་འབྱོར་མ་ཐམས་ཅད་ཁ་བ་བུག་ལྟར་སྤྱན་དྲངས་ནས་མདུན་བསྐྱེད་ལ་བསྟིམ། མདུན་བསྐྱེད་ཀྱི་སྐུ་ལས་སེང་གདོང་མའི་སྐུ་ཆེ་ཆུང་སྣ་

[Full Size]

ཚོགས་པ་འཕྲོས་པས་རང་གི་ལུས་ལ་སིབ་སིབ་ཐིམ། ཐུགས་ཀ་ནས་སྔགས་ཕྲེང་ལ་སྔགས་ཕྲེང་འཕྲོས་མགྲིན་པར་ཐིམ། ཐུགས་ཀ་ནས་རྡོ་རྗེ་དྲིལ་བུ་ཌ་མ་རུ་ཁ་ཊཾ་གྲི་གུག་རལ་གྲི་དགྲ་སྟ་བུམ་པ་སོགས་འཕྲོས་ནས་སྙིང་གར་ཐིམ། ཁྱད་པར་སྐུ་ཡི་གནས་ལྔ་ནས་སེང་གདོང་དཀར་དམར་མཐིང་སེར་ལྗང་གུའི་ཚོགས་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་ཡི་གེ་བཅུ་བཞི་པའི་སྔགས་སྒྲ་དང་བཅས་པ་བྱོན་ནས་རང་གི་གནས་ལྔར་ཐིམ་པས་དབང་དང་དངོས་གྲུབ་ཐོབ་ཉམས་ཆག་སྡིག་སྒྲིབ་ཐམས་ཅད་དག་པར་བསྒོམས་མོ། །སྔགས་ནི་ཡི་གེ་བཅུ་བཞི་པ་རྩ་བའི་སྔགས་དང་། ཨོཾ་བཛྲ་དྷཱཀཱི་སེང་ཧ་མུ་ཁ་ཧཱུྃ་ཧཱུྃ་ཕཊ༔ ཅེས་སྙིང་པོ་དང་། ཨོཾ་ཛྙཱ་ན་དྷཱཀཱི་སརྦ་སིདྡྷི་ཕ་ལ་ཧོ༔ ཞེས་ལས་སྔགས་ཏེ་བདུན་ཉེར་གཅིག་སོགས་དུས་དང་། འབྲུ་འབུམ་གྱི་སྟེང་དུ་ཁ་སྐོང་འབུམ་ཕྲག་གསུམ་དང་། བཅུ་བདུན་ནམ། འབུམ་ཕྲག་བཞི་དང་། འབུམ་ཕྲག་གཉིས་དང་། ཡང་ཁྲི་ཕྲག་གསུམ་གྱིས་བསྙེན་ཚད་འགྲུབ་པར་གསུངས་སོ། །རྟགས་ནི་བུད་མེད་མང་པོ་འདུ་བ་སོགས་མཁའ་འགྲོའི་རྟགས་ཡིག་སྤྱི་ལྟར་ཤེས་པར་བྱའོ། །བདག་མདུན་བར་དུ་འོད་ཟེར་འཁོར་བ་སོགས་དམིགས་པ་གཞན་སྤྱི་དང་འདྲ་ཞིང་

[Full Size]

བསྒྲུབས་ཚར་ནས་རྗེས་ཀྱང་སྤྱི་དང་འདྲ་ལ་དངོས་གྲུབ་ལེན་ཆོག་དུས་རྗེས་གནང་ལྟར་བདག་འཇུག་བླངས་ན་ཤིན་ཏུ་ལེགས་ཤིང་མ་ཐུབ་ན་གོང་ལྟར་ཏིང་ངེ་འཛིན་གྱིས་དབང་བླངས་བས་ཀྱང་འཐུས་སོ། འདི་ནི་རྟེན་གཏོར་བྱེད་པར་འདོད་རིན་པོ་ཆེའི་ཐོད་པ་གོང་ལྟར་བཅས་ལ་རྒྱས་པར་ན་ནང་དུ། སྟོད་དུ་བླ་མ་བརྒྱུད་པ། བར་དུ་སེང་གདོང་མ། དྷཀཱི་སེང་གདོང་ཆོས་སྐྱོང་གི་སྔགས་བཅུག་ནས་གཡོ་འགུལ་མེད་པར་བཤམས་ནས་སྟོད་ཆ་སེང་གདོང་མ་ལ་སྨད་ཆ་མཆོད་པའི་སྤྲིན་སྤུང་དུར་ཁྲོད་ཀྱི་རྫ་ས་སུ་བསམས་ལ། རྒྱུན་དུ་གསོས་ཤིང་མཆོད་བསྟོད་དང་། བསྙེན་པ་འབུལ། བར་ཆད་གློ་བུར་གྱི་དགྲ་སོགས་བྱུང་ན་བསྐུལ་པ་དྲག་པོ་བྱས་ལ་ཟོར་དུ་འཕངས་ལ་ཡང་སྔར་ལྟར་བཅའོ། །སྒྲུབ་པ་འདི་མཆོག་སྒྲུབ་སྒྲིབ་བྱང་ཐུགས་ཀྱི་འཁོར་ལོ་དང་། སྲུང་ཟློག་ལ་སྐུ་གསུང་ཐུགས་ཡོན་ཏན་གྱི་འཁོར་ལོ་རྒྱབ་ཡིག་ཅན་དང་། ཚེ་སྒྲུབ་ན་ཚེ་སྒྲུབ་ཀྱི་འཁོར་ལོ་བཏགས་ཐུབ་ན་ཤིན་ཏུ་ལེགས་ཤིང་། བ་རི་ལུགས་ཀྱི་གཞུང་ན་ཡོད་པའི་ཚེ་སྒྲུབ་དང་ནོར་སྒྲུབ་དང་སྲུང་ཟློག་སོགས་ལས་ཕྲན་བུ་སྒྲུབ་པ་ལ་ཡང་འདི་ལྟར་བདག་མདུན་སོ་སོར་བྱེད་ཅིང་། བསྟོད་བསྐུལ་ཕྲིན་ལས་བཅོལ་བ་

[Full Size]

སོགས་འགྲུབ་ན་ཤིན་ཏུ་ལེགས་པས་དེ་དག་གི་བྱེད་ཚུལ་མན་ངག་འཁྲུལ་དམིགས་རྣམས་སློབ་དཔོན་གྱིས་ཞལ་ཁྲིད་ཟབ་མོ་ལ་བརྟེན་ཏེ་ཤེས་པར་བྱའོ། །དེ་ལྟར་བསྒྲུབས་ཚར་དཀྱིལ་འཁོར་བསྡུ་བ་སོགས། བཀྲ་ཤིས་སྨོན་ལམ་དང་བཅས་པ་ནས། དཔོན་སློབ་ཐམས་ཅད་ཀྱི་ལུས་གནས་རྣམས་ཡི་གེ་བཅུ་བཞི་པ་བསྲུང་བའི་གོ་བགོ་བར་བྱ་སྟེ། སྤྱི་བོར་ཨཀ༔༔ མགྲིན་པར་ས༔ནུ་མ་གཉིས་ལ༔ར༔ ལྟེ་བར་ཤ༔ད༔ གསང་གནས་ལ་ར༔ས༔ བརླ་གཉིས་ལ་མ༔ར༔ ངོ་གདོང་གཉིས་ལ་ཡ༔ཕཊ༔ ཅེས་པ་རྣམས་ཁ་དོག་དམར་པོ་འོད་ཟེར་འཕྲོ་བས་བསྲུང་བར་བསྒོམ། གཞན་ཡང་སྤྱི་དང་མཐུན་ནོ། །ཞེས་བརྗེད་ཐོ་འདི་བྲིས་པས་ནོངས་པ་ཐམས་ཅད་མཐོལ་ལོ་བཤགས་ཤིང་དགེ་བ་བྱང་ཆུབ་ཆེན་པོར་བསྔོ་བར་བགྱིའོ། །ཞེས་ཨ་རཱ་གས་སོ། །དགེའོ།། །།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཁའ་འགྲོ་སེང་གདོང་མའི་མངོན་རྟོགས་ཀྱི་ཆོ་ག་རྡོ་རྗེའི་གོ་མཚོན།

[Full Size]

མཁའ་འགྲོ་སེང་གདོང་མའི་མངོན་རྟོགས་ཀྱི་ཆོ་ག་རྡོ་རྗེའི་གོ་མཚོན་ཞེས་བྱ་བ་བཞུགས་སོ། །

[Full Size]

བསྙེན་སྒྲུབ་ཀྱི་རིམ་པའི་སྟན་བདེ་བ་ལ་འཁོད་པས། བདག་དང་ནམ་མཁའི་མཐའ་དང་མཉམ་པའི་སོགས། སྐྱབས་འགྲོ་དང་། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །སོགས་ཚད་མེད་བཞི་བསྒོམས། ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ། ཆོས་ཀུན་རང་བཞིན་རྣམ་དག་སྟོང་པར་གྱུར། །དེ་ཡི་ངང་ལས་གནམ་ལྕགས་ཆོས་འབྱུང་སྟེ། །གྲུ་གསུམ་མཐིང་ནག་ཡངས་ཤིང་རྒྱ་ཆེ་བ། །ཕྱི་རོལ་འོད་ཟེར་བསྐལ་པའི་མེ་ལྟར་འབར། །དེ་དབུས་པཾ་ལས་སྣ་ཚོགས་པདྨའི་སྟེང་། །རཾ་ལས་ཉི་མའི་དཀྱིལ་འཁོར་རྒྱུ་ཡིག་ལས། །དགྲ་བགེགས་ཕོ་མོ་བསྣོལ་བའི་སྙིང་ཁར་

[Full Size]

ནི། །ཧཱུྃ་ལས་རྡོ་རྗེ་གྲི་གུག་ཡུ་བ་ལས། །ཧཱུྃ་ཡིག་མཐིང་ནག་འབར་བས་རབ་མཚན་པ། །དེ་ལས་འོད་ཟེར་དམར་ནག་ཕྱོགས་བཅུར་འཕྲོས། །འཇིག་རྟེན་ཁམས་ཀྱི་དགྲ་བགེགས་ཐམས་ཅད་བསྒྲལ། །ཚུར་འདུས་གྲི་གུག་ཧཱུྃ་བཅས་ཡོངས་གྱུར་པས། །བདག་ཉིད་ཡེ་ཤེས་མཁའ་འགྲོ་སེང་གདོང་མ། །སྐུ་མདོག་མཐིང་ནག་ཆར་སྤྲིན་ལྟར་གནག་ཅིང་། །འོད་ཟེར་དམར་ནག་དཔག་ཏུ་མེད་པ་འཕྲོས། །བཟོད་པར་དཀའ་བའི་གཟི་བརྗིད་དང་ལྡན་པ། །ཞལ་གཅིག་ཕྱག་གཉིས་སྐུ་ཡི་མགྲིན་པ་ཡན། །སེང་གེའི་ཞལ་ནི་ཟླ་བ་ལྟ་བུར་དཀར། །རྔམ་ཞིང་ཁྲོས་

[Full Size]

པ་དྲག་ཅིང་དཔའ་བའི་ཉམས། །མེ་སྟག་ལྟར་དམར་སྤྱན་གསུམ་ཕྱོགས་བཅུར་བསྒྲད། །མཆེ་གཙིགས་ཞལ་གདངས་ལྗགས་དམར་གློག་ལྟར་འཁྱུགས། །རལ་པ་སྔོ་སྐྱ་གཟེངས་ཤིང་གྱེན་ཐུར་བསྐྱོད། །མི་མགོ་སྐམ་པོ་ལྔ་ཡི་དབུ་རྒྱན་ཅན། །རློན་པ་ལྔ་བཅུའི་དོ་ཤལ་འཕྲག་པར་འཕྱང་། །ཕྱག་གཡས་རྡོ་རྗེའི་གྲི་གུག་ནམ་མཁར་ཕྱར། །གཡོན་པས་ཐོད་པ་ཁྲག་བཀང་ཐུགས་ཀར་བསྣམས། །དཀར་འཛིན་རྒྱས་པའི་གྲུ་མོ་གཡོན་ཕྱོགས་སུ། །རྡོ་རྗེ་ནག་པོས་མཚན་པའི་ཁ་ཊཾ་ག །བརྟེན་ཅིང་ཞབས་གཡས་བསྐུམ་པའི་མཐེ་བོང་ནི། །གཡོན་པ་ཅུང་ཟད་བརྐྱངས་བའི་བརླ་ལ་གཏད། གར་གྱི་རོལ་པ་སྦོམ་ཐུང་གསུས་ཁྱིམ་འཕྱང་། །བ་སྤུ་མཐའ་དག་མཚོན་ཆའི་རང་བཞིན་ལ། །སྐུ་ལ་མེ་ཡི་ཚྭ་ཚྭ་རྣམ་པར་འཕྲོ། །བདག་མེད་སེང་གེའི་ང་རོ་འབྲུག་ལྟར་སྒྲོག །རུས་པའི་རྒྱན་ཆ་ལྔ་ལ་སོགས་པ་ཡི། །ཁྲོ་མོའི་ཆ་ལུགས་དཔག་ཏུ་མེད་པས་སྤྲས། །ཡེ་ཤེས་མེ་དཔུང་འབར་བའི་དབུས་ན་བཞུགས། །དེ་ཡི་དཔྲལ་བར་ཨོཾ་དཀར་མགྲིན་པར་ཨཱ། །དམར་པོ་ཐུགས་ཀར་ཧཱུྃ་ཡིག་ནག་པོས་མཚན། །དེ་ལས་འོད་འཕྲོས་མཁའ་སྤྱོད་ཞིང་ཁམས་ནས། །སེང་

[Full Size]

གདོང་ཊཱཀྐི་རྒྱལ་བ་སྲས་བཅས་ཀྱིས། །བསྐོར་བ་མདུན་གྱི་ནམ་མཁར་སྤྱན་དྲངས་གྱུར། །བཛྲ་ས་མ་ཡ་ཛཿ ཨོཾ་བཛྲ་ཨརྒྱུ་པཱདྱཾ་པུཎྜེ་དྷུ་པེ་ཨཱ་ལོ་ཀེ་གནྡྷེ་ནེ་ཝི་དྱ་པྲ་ཤདྡཏཱིཙྪ་སྭཱ་ཧཱ། རྒྱལ་བ་ཀུན་གྱི་ཐུགས་ཀྱི་རྡོ་རྗེ་དངོས། །བརྟན་དང་གཡོ་བའི་ཁྱབ་བདག་བདེ་ཆེན་སྐུ། །ནམ་མཁའི་མདོག་ཅན་ཌཀྐི་བྱོ་བའི་གཙོ། །དཔལ་ལྡན་རྡོ་རྗེ་མཁའ་འགྲོ་མ་ལ་འདུད། །ཛཿཧཱུྃ་བཾ་ཧོཿདམ་ཡེ་དབྱེར་མེད་ཅིང་། །སླར་ཡང་འོད་འཕྲོས་དབང་ལྷ་སྤྱན་དྲངས་ཏེ། །དབང་བསྐུར་མི་བསྐྱོད་པ་ཡིས་དབུ་བརྒྱན་གྱུར་། །སྙིང་གར་པདྨ་འདབ་མ་བཅུ་བཞིའི་སྟེང་། །ཉི་མའི་དཀྱིལ་འཁོར་དབུས་སུ་ཧཱུྃ་མཐིང་ནག །མཐའ་མར་མདུན་ནས་བརྩམས་ཏེ་གཡས་བསྐོར་དུ། །ཨ༔ཀ༔ས༔མ༔ར༔ཙ༔ཤ༔ད༔རཾ༔ས༔མ༔ར༔ཡ༔ཕཊ༔ ཡི་གེ་བཅུ་བཞི་མཐིང་ག་འོད་ལྔ་འཕྲོས། །ཞི་རྒྱས་དབང་དྲག་ཕྲིན་ལས་ཀུན་འགྲུབ་ཅིང་། །ཁྱད་པར་རང་ལ་གནོད་པའི་དགྲ་བགེགས་རྣམས། །རྨོངས་རེངས་བཅིངས་ཤིང་བསད་བཅད་བསྲེགས་པ་དང་། །གཟིར་མནན་ལ་སོགས་ཕྲིན་ལས་འགྲུབ་པར་གྱུར། །ཞེས་གོང་གི་སྔགས་ཅི་ཙམ་ནུས་པ་བཟླས། ཨ༔ཀ༔

[Full Size]

ས༔མ༔ར༔ཙ༔ཤ༔ད༔རཾ༔ས༔མ༔ར༔ཡ༔ཕཊ༔ བསྙེན་ཚད་ཁྲི་ཚོ་གསུམ་མོ། །དེ་ནས་ཉི་མ་ནུབ་རིའི་རྩེར་འགྲོ་བའི་ཚེ། ཁ་ནུབ་ཏུ་ཕྱོགས་པས། རང་ཉིད་སེང་གདོང་མར་གསལ་ཐུགས་ཀ་ནས། །སྔགས་ཀྱི་འོད་ཟེར་ཚ་ལ་རྩུབ་པ་ཡིས། །གནོད་བྱེད་ཐམས་ཅད་རང་དབང་མེད་པར་བཀུག །ཆོས་འབྱུང་ཕྱི་ཡི་གྲྭ་ཟུར་རྩེ་མོར་བཞག །བསྲུང་བྱའི་ཚོགས་རྣམས་ཆོས་འབྱུང་ནང་དུ་བཅུག །ཆོས་འབྱུང་ཕྱི་ནས་མེ་ལྕེ་དྲག་ཏུ་འབར། །གནོད་བྱེད་གཞོབ་ཏུ་བསྲེགས་ཤིང་རྣམ་པར་གཏོར། །གོང་གི་སྔགས་དང་། ཕཊ༔ཡ༔ར༔༔ས༔ར༔ད༔ཤ༔ཙ༔ར༔མ༔ས༔ཀ༔ ཨ ཞེས་ཕྲེང་བ་འདྲེན་ན་ཕྱི་བསྒྱུར་ལ་བགྲང་། ཉི་མ་ནུབ་མ་ཐག་ཏུ་རྒྱས་པར་སྤྲོ་ན། ན་མོ་བླ་མ་སངས་རྒྱས་ཆོས་ཚོགས་དང་། །ཡི་དམ་དཔའ་བོ་མཁའ་འགྲོ་ཆོས་སྐྱོང་དང་། །ཡེ་ཤེས་སྤྱན་ལྡན་ཀུན་གྱི་བདེན་པ་དང་། །ཆོས་ཉིད་རང་བཞིན་རྣམ་པར་དག་པ་དང་། །ཆོས་ཅན་རྒྱུ་འབྲས་བསླུ་མེད་བདེན་པ་དང་། །ཁྱད་པར་སེང་གདོང་ཊཀྐིའི་བདེན་པ་དང་། །ཁྱོད་ཀྱི་རིག་སྔགས་བཟླས་པའི་མཐུ་ནུས་ཀྱིས། །བདག་ཅག་རྣམས་ལ་སྔོན་གྱི་ལས་དང་ནི། །འཕྲལ་གྱི་རྐྱེན་ལས་གྱུར་པའི་སྡིག་སྒྲིབ་ཀྱིས། །ལུས་ལ་ན་ཚ་སེམས་ལ་སྡུག་བསྔལ་

[Full Size]

དང་། །ནད་གདོན་བགེགས་དང་གཟུགས་ཅན་མི་ཡི་དགྲ། །གཟུགས་མེད་ལྷ་འདྲེའི་བྱད་ཁ་ཕུར་ཁ་དང་། །ཐུན་ཟོར་གཏད་ཁྲམ་མནན་ཞིང་བསྲེགས་པ་དང་། །འདྲེ་ལ་གཏད་ཅིང་དྲོད་གཏོང་དམོད་པ་དང་། །ལྟས་ངན་མཚན་མ་རྨི་ལམ་ངན་པ་དང་། །བཀྲ་མི་ཤིས་དང་མོ་ངན་འཁོན་གྲིབ་དང་། །བདུད་ཀྱི་ཞགས་པ་གཤིན་རྗེའི་ཕོ་ཉ་དང་། །མཚན་མོ་གདོན་དང་བྱུར་དང་སྐལ་པ་ངན། །ལོ་ཟླ་ཞག་དུས་བྱུར་དང་ཕྱོགས་ངན་དང་། །སྲི་ལང་ངག་མནན་བསྐྲད་འཁོར་རེངས་དང་རྨོངས། །གཟའ་སྐར་སྦྱོར་བྱེད་དུས་ཚོད་ངན་པ་སོགས། །མདོར་ན་སྒོ་གསུམ་ལོངས་སྤྱོད་དང་བཅས་ཏེ། །གནོད་ཅིང་འཚེ་བའི་མི་མཐུན་ཕྱོགས་རྣམས་ཀུན། །བྱད་མ་རང་གི་ལྷ་དང་བཅས་པ་་ཀུན་། །ཟློག་པར་གྱུར་ཅིག་གཏན་ནས་བརླག་གྱུར་ཅིག །མེད་པར་གྱུར་ཅིག་རབ་ཏུ་ཞི་གྱུར་ཅིག །བསྡུ་ན། མཁའ་འགྲོ་མ་སེང་གེའི་གདོང་པ་ཅན། ཁྱོད་ཀྱི་རིག་སྔགས་བཟླས་པའི་མཐུ་དང་ནུས་པ་ལ་བརྟེན་ནས་བདག་ཅག་དཔོན་སློབ་འཁོར་དང་བཅས་པ་རྣམས་ལ་སྡང་བར་བྱེད་པའི་དགྲ། གནོད་པར་བྱེད་པའི་བགེགས། བར་དུ་གཅོད་པའི་

[Full Size]

རྐྱེན། མདོར་ན་བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་ཕྱིར་ཟློག་པར་གྱུར་ཅིག །ཅེས་པའི་མཐར། ཁྲོ་མོ་འབར་བའི་ཚོགས་རྣམས་ཀྱིས། །དགྲ་བགེགས་བྱད་མ་༣ ཐམས་ཅད་ཀྱི། །ལུས་ངག་ཐལ་བ་རྡུལ་དུ་རློགས། །རྣམ་ཤེས་ཆོས་ཀྱི་དབྱིངས་སུ་སྒྲོལ། །ཞེས་ཐལ་མོ་ཉི་ཟླར་གསལ་བའི་བར་དུ་གདོན་ཐམས་ཅད་དམར་ཆལ་ཆལ་སོང་བར་དམིགས་ནས་ཐལ་མོ་བརྡབ། ཐུན་མཚམས་སུ་གཏོར་མ་ཟླུམ་པོ་མར་དང་ཤ་ཆང་གིས་བརྒྱན་པ་བཤམ། བསངས་སྦྱངས་བྱས་ལ། ཨོཾ་གྱིས་མ་དག་སྟོང་པར་སྦྱངས། །ཨཱཡིས་ཐོད་སྣོད་ཡངས་པའི་ནང་། །ཧཱུྃ་ལས་དགྲ་བགེགས་ཤ་ཁྲག་གི །གཏོར་མ་ཕུན་སུམ་ཚོགས་པ་ཀུན། །ཧ་ཧོ་ཧིཡིས་སྦྱངས་རྟོགས་སྦར། །ཡེ་ཤེས་བདུད་རྩིའི་རྒྱ་མཚོར་གྱུར། །རང་གི་ཐུགས་ཀའི་ཧཱུཾ་ཡིག་གིས། །མཁའ་འགྲོ་སེང་གདོང་སྤྱན་དྲངས་ནས། །མདུན་བཞུགས་ལྗགས་ཀྱི་འོད་ཟེར་ནི། །རྡོ་རྗེའི་སྦུ་གུའི་རྣམ་པ་ཡིས། །གཏོར་མ་དྲངས་ནས་དགྱེས་པར་བཞེས། །ཨོཾ་ཤྲཱི་བཛྲ་ཌཱཀྐི་ནཱི་ས་པཱ་རི་ཝཱ་ར་ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨ་ཀཱ་རོ་མུ་ཁཾ་སརྦ་དྷརྨཎཾ་ཨདུནུཏྤན་ན་ཏཱིཏ་ཨོཾ་ཨཱཿཧཱུྃཕཊ་སྭཱ་ཧཱ། ཨོཾ་ཨཱཧཱུཾ། ཞེས་ལྔའམ་བདུན་གྱིས་འབུལ། ཨརྒྱུ་སོགས། ཤཔྟ་

[Full Size]

པྲ་ཏིཙྪ་སྭཱ་ཧཱ། སྤྲོ་ན། དཔལ་ལྡན་རྡོ་རྗེ་མཁའ་འགྲོ་མ། །དྲག་མོ་སེངྒེའི་གདོང་པ་ཅན། །ཡེ་ཤེས་མེ་ཡི་འོད་ཟེར་འཕྲོ། །སེངྒེའི་གདོང་ཅན་ལྷ་མོར་འདུད། །ཁྱོད་ལ་གཏོར་མ་ཕུལ་བའི་མཐུས། །གནོད་བྱེད་མ་ལུས་ཞི་བ་དང་། །ཅི་བསམ་ཡིད་བཞིན་འགྲུབ་པ་དང་། །བཤད་སྒྲུབ་བསྟན་པ་རྒྱས་པར་ཤོག །ལྷ་གཅིག་ཁྱོད་ལ་གསོལ་བཏབ་པས། །སངས་རྒྱས་བསྟན་པའི་མངའ་བདག་མཆོག །དཔལ་ལྡན་ཀརྨ་པ་ཆེན་པོའི། །ཕྲིན་ལས་ཕྱོགས་མཐར་ཁྱབ་གྱུར་ཅིག །བཛྲ་མུ་ཡི་ཡེ་ཤེས་གཤེགས། །དམ་ཚིག་པ་རྣམས་རང་ལ་ཐིམ། །དགེ་བ་འདི་ཡིས་མྱུར་དུ་བདག །ཡི་དམ་ལྷ་མཆོག་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག་ཅེས་ཉམས་སུ་ལེན་པར་བྱའོ། །བཟླས་པའི་ཚེ་སྔགས་གཞན་འདྲེན་པ་བཞིན་སྦྲེལ་ནས་མི་འདོན་པར་ཡིག་འབྲུ་རྣམས་དུམ་བུར་ཆད་ཆད་བཅད་ནས་འདོན་ཞིང་ངག་བཅད་པར་བྱའོ། །ཞེས་རྒྱལ་བའི་དབང་པོས་རྗེས་སུ་གནང་ཞིང་བཀའ་ཡིས་བསྐུལ་བའི་ཕྱིར་ཤཱཀྱའི་དགེ་སློང་དཀོན་མཆོག་འབངས་ཀྱིས་སྦྱར་བའོ། །ཤུ་བྷཾ། བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །མངྒ་ལཾ། །

[Full Size]

༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཁའ་འགྲོ་སེང་གདོང་མའི་ཆོ་ག་རྡོ་རྗེ་གོ་མཚོན་ཟིན་བྲིས།

[Full Size]

མཁའ་འགྲོ་སེང་གདོང་མའི་ཆོ་ག་རྡོ་རྗེ་གོ་མཚོན་ཟིན་བྲིས་བཞུགས་སོ། །ཕྱི་སྒྲུབ་བསྙེན་པའི་རིམ་པའོ།།

[Full Size]

ན་མོ་གུ་རུ་སེང་ཧ་མུ་ཁ་ཡེ། སེང་གདོང་ལྷ་མོ་དངོས་སུ་གྲུབ་པ་ཡི། །རྒྱ་གར་གྲུབ་ཆེན་གོས་མེད་ཀུ་ཀུ་ར། །མཚན་མོ་ལུས་ལ་མེ་དཔུང་འབར་དེ་ནི། །བོད་དུ་སྐུ་འཁྲུངས་ཞྭ་དམར་ཅོད་པན་ཅན། །ཆོས་ཀྱི་དབང་ཕྱུག་སྤྱི་བོའི་གཙུག་བཀོད་ནས། །མཁའ་འགྲོ་སེང་གེའི་གདོང་ཅན་སྒྲུབ་པའི་ཐབས། །རྡོ་རྗེའི་གོ་མཚོན་ཟིན་བྲིས་ཅུང་ཞིག་བཀོད། །བླ་མ་ཌཱཀིས་བཀའ་གནང་བྱིན་གྱིས་རློབས། །འདི་ལ་བསྙེན་སྒྲུབ་ལས་སྦྱོར་རྫོགས་རིམ་བཞི། །དང་པོ་གནས་རྣམས་གཙང་ཞིང་དབེན་པའི་སར། །གཞི་བདག་གཏོར་མ་ཕུལ་ལ་བཀའ་བསྒོ་བྱ། །བགེགས་གཏོར་

[Full Size]

བྱིན་རླབས་བགེགས་བསྐྲད་སྲུང་འཁོར་བསྒོམ། །ཟངས་ལྕགས་སྣོད་དམ་ཐོད་ནང་དུ། །གཏོར་མ་སྨད་ནི་ཟླུམ་པོ་རྩེ་ཟུར་གསུམ། །དཀར་རྒྱན་མཛེས་ཤིང་ཤ་ཆང་བརྒྱན་པ་བཤམས། །གཞུང་ལྟར་སྐྱབས་འགྲོ་ནས་བཟུང་མངོན་རྟོགས་བསྒོམ། །རང་གི་སྙིང་དེ་པདྨ་དམར་པོ་ནི། །འདབ་མ་བཅུའམ་བཅུ་བཞིའི་ཟེའུ་འབྲུའི་སྟེང་། །ཉི་མའི་དཀྱིལ་འཁོར་གདན་ཐབས་གཏིང་བའི་དབུས། །ཧཱུྃ་ཡིག་ནག་པོ་འགྲེང་སྟེ་གནས་པ་ནི། ཡིག་མགོར་ལྟ་ས་ངོས་ནི་ཡི་གེའི་མདུན། །དེ་ནི་རང་གི་མདུན་གྱི་ཕྱོགས་སུ་ལ། །དེ་མཐར་མདུན་ནས་བརྩམ་སྟེ་གཡས་བསྐོར་དུ། །ཡི་གེ་བཅུ་

[Full Size]

བཞི་ཡིག་ངོ་ནང་བསྟན་བཀོད། །ཡི་གེ་བཅུ་བཞི་ཚེག་དྲག་དང་བཅས་པ། །མཐིང་ནག་ཁ་དོག་ལྔ་ཡི་འོད་ཟེར་འཕྲོས། །ཕྱི་ཡི་སྐུ་དང་ནང་གི་སྔགས་གསལ་བཏབ། །སྔོན་དུ་ལྷ་གཞན་བསྙེན་སྒྲུབ་མ་ཐེམས་ན། །སྔགས་ཕྲེང་ནང་དེར་མཚན་སྔགས་གོང་ལྟར་བཀོད། །མཚན་སྔགས་དེ་བཞིན་འབུམ་ཕྲག་བཟླས་ན་འཇམ། ཨོཾ་བཛྲ་ཌཱཀི་སེང་ཧ་མུ་ཁ་ཧཱུྃ་ཧཱུྃ་ཕཊ། དུས་ནི་ཞག་བདུན་གྲངས་ནི་འབུམ་ཕྲག་གཅིག །བཟླས་པས་རྒྱུད་འཇམ་ལྷོང་སོགས་མི་འབྱུང་ངོ་། །དེ་ལྟར་མིན་ན་ཡི་གེ་བཅུ་བཞི་ནི། །སྡེ་བརྒྱད་སྲོག་སྔགས་ཡིན་པས་རྩུབ་པ་སྟེ། །རྗེ བློ་སེམས་མི་བདེ་ལ་སོགས་ལྷོང་འབྱུང་སྲིད། །ལྷ་གཞན་བསྙེན་པ་ཐོན་ན་མི་བྱེད་ཆོག །མི་བྱེད་ན་ནི་ཐུགས་ཀར་མཚན་སྔགས་ཀྱི། །སྔགས་ཕྲེང་སྙིང་ཁར་བཀོད་པ་མི་དགོས་སོ། །དང་པོ་ཐུགས་ཀའི་སྔགས་ཀྱི་ཕྲེང་བ་དེ། །ཀློག་པའི་ཚུལ་དུ་བཟླས་པ་ཅུང་ཞིག་བྱ། །དེ་ནས་ཡིག་འབྲུ་རྣམས་ནི་མི་འཁོར་བ། །ཕྲེང་བ་མི་འཁོར་ཕྲེང་ལུང་འཁོར་བ་ལྟར། །འོད་ཟེར་ཁ་དོག་ལྔ་ལྡན་གཡོན་དུ་འཁོར། །དཔེར་ན་མཆོད་རྟེན་གཅིག་ལ་མི་བཅུ་བཞིས། །བོན་སྐོར་བྱེད་པ་བཞིན་དུ་འཁོར་བ་སྟེ། །དང་པོ་གཡས་བསྐོར་ཡིག་ངོ་ནང་བསྟན་པས། །

[Full Size]

གཡོན་དུ་བསྐོར་སྟབས་ཤིན་ཏུ་བདེ་བ་ཡིན། །གནད་དེ་མ་གོ་ལོག་པར་གྱུར་པ་མང་། །སྒྲུབ་ཐབས་རྣམས་ནས་གཡས་སུ་བསྐོར་གསུངས་པས། །བཀོད་ལུགས་ཡིན་གྱི་འཁོར་ལུགས་མ་ཡིན་ཏེ། །མ་རྒྱུད་སྔགས་ཕྲེང་གཡས་སུ་འཁོར་མི་སྲིད། །དང་པོ་ཡིག་འབྲུ་དལ་བུས་གཡོན་དུ་འཁོར། །དེ་ནས་ཇེ་མགྱོགས་གཡོན་དུ་དྲག་ཏུ་འཁོར། །ཕོག་ཐུག་འགྲོ་བས་སྔགས་སྒྲ་ཚེ་མི་རུང་། །སྔགས་འབྲུ་མི་གསལ་ནུས་པ་མི་འབྱུང་བས། །བུང་བའི་སྐད་ཙམ་སིལ་བུར་བཟླས་བྱ་སྟེ། །ཡིག་འབྲུ་རེ་ལ་རྣམ་བཅད་རེ་ཡོད་ཕྱིར། །འབྲེལ་མ་འཇམ་ཡིག་ལྟར་དུ་མི་འདོན་པར། །དྲག་པོ་རྦད་རྦད་བཅད་ཅིང་སིལ་བུར་བཟླས། །དེ་ནི་འདི་ཡི་བསྙེན་པའི་མན་ངག་གོ ༈ །ཐུགས་ཀའི་སྔགས་ཕྲེང་དེ་ཉིད་ལས། །འོད་ཟེར་ཁ་དོག་ལྔ་ལྡན་ཕྱོགས་བཅུར་འཕྲོས། །ཕྱོགས་བཅུར་བཞུགས་པའི་བླ་མ་ཡི་དམ་དང་། །དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས། །སྐུ་གསུང་ཐུགས་རྒྱུད་མཉེས་པའི་མཆོད་པར་གྱུར། །ཐམས་ཅད་སེང་གདོང་ལྷ་མོའི་སྐུར་གྱུར་ནས། །ཁ་བ་བུ་ཡུག་འཚུབ་པ་ལྟ་བུར་བྱོན། །མཚོ་ལ་ཆར་བབ་ལྟ་བུར་བདག་ལ་བསྟིམ། །ཁྱད་པར་རྒྱ་གར་ནུབ་

[Full Size]

ཕྱོགས་ཨོ་རྒྱན་ཡུལ། །རབ་ཏུ་འབར་བ་འཁྲིགས་པའི་དུར་ཁྲོད་ནས། །སེང་གདོང་ལྷ་མོ་ཆེ་བ་རི་རབ་ཙམ། །ཆུང་བ་ཡུངས་ཀར་འབྲུ་ཙམ་གྲངས་མེད་པ། །རྒྱུན་ཆད་མེད་པར་ཆེར་བཞིན་བདག་ལ་ཐིམ། །དེ་ལྟར་བསྒོམ་ཞིང་བཟླས་པ་ཉེ་བསྙེན་ཡིན། །དེ་ནས་རང་གི་ཐུགས་ཀའི་སྔགས་ཕྲེང་ལས། །འོད་ཟེར་དཀར་པོ་ཟླ་བའི་འོད་ལྟར་འཕྲོས། །ལུས་ངག་སྡིག་སྒྲིབ་ཉམས་ཆག་ནད་གདོན་བསལ། །འོད་ཟེར་ཕྱིར་འཕྲོས་སེམས་ཅན་ཐམས་ཅད་ཁྱབ། །སེམས་ཅན་ཀུན་གྱི་སྡིག་སྒྲིབ་སྡུག་བསྔལ་དང་། །བསྲུང་བྱ་ཀུན་གྱི་ནད་གདོན་བར་ཆད་ཀུན། །བ་མོར་ཉི་ཟེར་ཕོག་ལྟར་ཞི་བར་བྱས། །རྒྱལ་བ་ཀུན་གྱི་ཞི་བའི་དངོས་གྲུབ་ཀུན། །འོད་ཟེར་བསྡུས་ནས་ཚུར་འདུས་རང་ལ་ཐིམ། །ཞི་བ་ལྷུན་གྱིས་གྲུབ་པའི་དངོས་གྲུབ་ཐོབ། །སླར་ཡང་རང་གི་ཐུགས་ཀའི་སྔགས་ཕྲེང་ལས། །འོད་ཟེར་གསེར་མདོག་ཉི་མའི་འོད་བཞིན་འཕྲོས། །ལུས་གང་ཚེ་དང་བསོད་ནམས་ཉམས་རྟོགས་རྒྱས། །འོད་ཟེར་འཇིག་རྟེན་ཁྱབ་པར་ཕྱིར་འཕྲོས་པས། །སེམས་ཅན་ཀུན་གྱི་བསོད་ནམས་ཡེ་ཤེས་རྒྱས། །བསྲུང་བྱ་ཀུན་གྱི་བསོད་ནམས་མངའ་ཐང་སྟོབས། །པདྨ་ཆུ་ཡིས་བྲན་ལྟར་རྒྱས་བྱས་

[Full Size]

ནས། །འོད་དེས་རྒྱལ་བ་སྲས་བཅས་ཐམས་ཅད་ཀྱི། །རྒྱས་པའི་དངོས་གྲུབ་ཚུར་བསྡུས་རང་ལ་ཐིམ། །བསོད་ནམས་ཡེ་ཤེས་ཚོགས་གཉིས་ཡོངས་སུ་རྫོགས། ༈ །ཐུགས་ཀའི་སྔགས་ལས་གློག་འདྲའི་འོད་དམར་འཕྲོས། །ལུས་ངག་ནང་གི་རླུང་སེམས་རང་དབང་ཐོབ། །ཕྱིར་འཕྲོས་ལྷ་འདྲེ་མི་གསུམ་བཀྲག་གཟི་མདངས། །ཡི་དམ་མཁའ་འགྲོའི་དབང་གི་དངོས་གྲུབ་ཀུན། །ཁབ་ལེན་རྡོ་ཡིས་ལྕགས་ཕྱེ་བླངས་པ་ལྟར། །སིལ་སིལ་བསྡུས་ནས་རང་ལ་ཐིམ་པ་ཡིས། །སྣང་སྲིད་དབང་དུ་འདུས་པའི་དངོས་གྲུབ་ཐོབ། །༈ །སླར་ཡང་སྔགས་ལས་འོད་ཟེར་ལྗང་ནག་ནི། །ཚ་ཞིང་སྲེག་པའི་རེག་བྱ་ཅན་འཕྲོས་པས། །ནང་གི་ཉོན་མོངས་དུག་ལྔའི་རྣམ་རྟོག་བསྲེགས། །ཕྱིར་འཕྲོས་འགྲོ་བ་ཀུན་གྱི་སྡུག་བསྔལ་དང་། །རང་དང་བསྲུང་བྱ་ལ་གདོན་དགྲ་དང་བགེགས། །བྱ་སྤུ་མེ་ལ་བསྲེགས་བཞིན་རྗེས་མེད་བསྲེག །ཁྲོ་བོ་ཁྲོ་མོ་ཀུན་གྱི་མཐུ་སྟོབས་དང་། །དྲག་སྔགས་མཐུ་ཡི་དངོས་གྲུབ་འོད་དེས་བསྡུས། །རང་ཐིམ་ཕྲིན་ལས་ཐོགས་མེད་དངོས་གྲུབ་ཐོབ། །དེ་ལྟར་བསྒོམ་ཞིང་བཟླས་པ་སྒྲུབ་པ་ཡིན། ༈ །སླར་ཡང་སྔགས་ལས་འོད་ཟེར་སྨུག་ནག་འཕྲོས། །

[Full Size]

གནོད་བྱེད་ཐམས་ཅད་དབང་པོ་བྱིང་འཐིབས་བྱས། །ཡིད་ནི་རྨོངས་པས་དྲན་མེད་བདེ་བ་རྒྱས། ༈ །འོད་ཟེར་སེར་སྐྱ་འཕྲོས་པས་གནོད་བྱེད་ཀུན། །ལུས་ནི་ཤིང་ལྟར་རེངས་ཏེ་གཡོ་འགུལ་བྲལ། །ངག་ནི་རེངས་ཏེ་པི་ཝང་རྒྱུན་ཆད་ལྟར། ༈ །འོད་ཟེར་ནག་པོ་ཐག་ཞགས་ལྟ་བུར་འཕྲོས། །གནོད་བྱེད་རྣམས་ཀྱི་ཡན་ལག་ལན་དགུར་བཅིངས། ༈ །འོད་ཟེར་དུད་ཁ་རླུང་ཐོག་ལྟ་བུར་འཕྲོས། །གདོན་བགེགས་ཐམས་ཅད་བྱ་སྤུ་རླུང་གཏོར་ལྟར། །ཕྱི་ཡི་ལྕགས་རི་ནག་པོའི་ཕྱི་ལ་བསྐྲད། ༈ །སྣང་ཞིང་སྲིད་པའི་ལྷ་འདྲེ་དྲེགས་པའི་ཚོགས་། །རང་ཉིད་ཁྲོ་མོའི་གཟི་བརྗིད་ཆེན་པོས་གཟིར། །སྐྱག་བསྔངས་འདར་ནས་མིག་རྩ་ཧྲིག་ཧྲིག་གིས། །ཐལ་སྦྱར་ཅི་བགྱིའི་བཀའ་ཉན་སྲོག་སྙིང་ཕུལ། ༈ །རང་ཉིད་སེང་གདོང་ལྷ་མོས་ཞབས་བརྡབས་པས། །སྟོང་གསུམ་རི་རབ་གླིང་བཞི་ཡོམ་ཡོམ་གཡོ། །སྒྲུབ་པའི་བར་ཆད་བགེགས་དང་དམ་སྲིའི་ཚོགས། །ས་འོག་རིམ་པ་དགུ་ཡི་ས་འོག་ཏུ། །ས་འབོལ་ནང་དུ་ཁབ་བརྡབས་ལྟ་བུར་སོང་། །དེ་སྟེང་རང་གི་ཕོ་བྲང་གདན་གྱིས་མནན། ༈ སླར་ཡང་རང་གི་སྐུ་ལས་འོད་ཟེར་ནི། །དམར་ནག་ཐོག་ཟེར་ལྟར་འཕྲོས་གནོད་བྱེད་

[Full Size]

བསད། །སླར་ཡང་མེ་དཔུང་འཕྲོས་པས་རྗེས་མེད་བསྲེགས། །དེ་ལྟར་བསྒོམ་ཞིང་ཡི་གེ་བཅུ་བཞི་བཟླས། །དེ་ནི་སྒྲུབ་པ་ཆེན་པོའི་དམིགས་རིམ་མོ། ༈ །དེ་ནས་ཐུན་མཇུག་གཏོར་མ་དེ་ཉིད་བྲན། །གཞུང་ནས་བཤད་པའི་གཏོར་བསྔོས་མཆོད་བསྟོད་བྱ། །གཞུང་ལྟར་གཏོར་མགྲོན་ཡེ་ཤེས་པ་ནི་གཤེགས། །བདག་བསྐྱེད་ཡེ་ཤེས་ནམ་ཡང་མི་གཤེགས་ཏེ། །ཕྱག་རྒྱ་སྒོ་བཅད་སྒྲུབ་པ་བླ་མེད་ལུགས། །རབ་ལ་དེ་དག་བསྐྱེད་རྫོགས་ཟུང་འཇུག་ཏུ། །སེམས་ངོ་མ་ཤོར་ངང་ནས་སྒོམ་ན་རབ། །མེད་ན་བདག་བསྐྱེད་མཐའ་ནས་དབུས་སུ་ཡལ། །སྟོང་པར་བསྡུས་ནས་སེམས་ངོ་ཡུད་ཙམ་སྐྱོང་། །གཞུང་གི་བསྔོ་བ་ཤོ་ལོ་ཀ་དེ་བྱ། །ངག་ནི་རྒྱུན་དུ་བཅད་ནི་མཆོག་ཡིན་ཏེ། །གཏོང་དགོས་བྱུང་ན་ཐུན་མཚམས་འདི་རུ་གཏོང་། །བརྒྱ་ཕྱག་གཏོར་མ་བརྒྱ་རྩ་ལ་སོགས་པ། །ཆོག་མེད་ཡིན་པའི་ཆོས་སྤྱོད་གང་འོས་སྐྱོང་། །དེ་ནས་ཉིན་གུང་ཐུན་ཡང་སྔོན་ལྟར་ཏེ། །ཐུན་མཚམས་གཏོར་མ་བཅའ་སོགས་གང་དགོས་བསྒྲུབ། །དགོང་མོའི་ཐུན་ལ་སྔོན་དང་ཁྱད་མེད་དེ། །ཐུན་མཚམས་མཚལ་མའི་གསང་སྔགས་ནང་གཏོར་སོགས། །རང་གི་ཆག་མེད་གཏོར་བསྔོས་གང་

[Full Size]

དགོས་བྱ། །ཁྱད་པར་མཁའ་འགྲོ་སྤྱི་གཏོར་གལ་ཆེ་སྟེ། །མཁའ་འགྲོ་ཐམས་ཅད་དེ་ཡི་འཁོར་ཡིན་ནོ། །མདོ་སྒྲུབ་ཆག་མེད་ཡིན་ན་སྐབས་དེར་འདོན། །དེ་ནས་མཚན་མོའི་ཐུན་ཡང་སྔར་བཞིན་ཏེ། །མཇུག་ཏུ་བསྔོ་སྨོན་ཆག་མེད་གང་ཡོད་འདོན། །སླར་ཡང་དྲན་རྫོགས་སེང་གདོང་མར་བསྒོམས་ནས། །ཐུགས་དབུས་ཧཱུྃ་ཡིག་མར་མེ་ལྟར་གསལ་བ། །དེ་ལ་རིག་པ་གཏད་ལ་ཉལ་བར་བྱས། །དེ་ལྟར་ཞག་བདུན་བཅུ་གཅིག་ཉེར་གཅིག་གམ། །གྲངས་ནི་འབུམ་ཕྲག་བཅུ་བཞི་བདུན་འབུམ་མམ། །གཅིག་འབུམ་ཉིས་ཁྲི་བཟླས་ཀྱང་རུང་བར་གསུངས་། །དེ་ཉིད་ཡི་དམ་གཙོ་བོ་བྱེད་ན་ནི། །ཟླ་བ་གསུམ་དང་དྲུག་སོགས་བསྒྲུབ་པར་གསུངས། །རབ་དངོས་འབྲིང་ཉམས་ཐ་མ་རྨི་ལམ་དུ། །ཞལ་མཇལ་ལུང་སྟོན་དབང་བསྐུར་ཆོས་བཤད་དང་། །མ་སྲིང་བུད་མེད་ཚེས་བཟང་མང་པོ་འདུ། །གླུ་ལེན་བྲོ་འཁྲབ་བརྡ་སྟོན་གསང་ཚིག་སྨྲ། །བདུད་རྩི་དཀར་གསུམ་པོ་ཏི་རྡོ་དྲིལ་བྱིན། །ཕྱག་མཚན་རྒྱུན་དྲུག་ལ་སོགས་རྙེད་པ་རྨིས། །མཛེ་མོ་ཡུགས་ས་བྲང་རྡུང་རྒྱན་ཆ་གཏོར། །དམ་ཚིག་སེལ་ལམ་བར་ཚད་ཡོད་རྟོགས་ཏེ། །འདི་ལ་རྫས་དང་སྔགས་སོགས་ཅི་ཡང་མེད། །ཕན་

[Full Size]

ཐོགས་ཆེ་བ་ལན་མང་མྱོང་བས་འགྲུབ། །རང་གནས་སུ་ལ་བསྒོམ་ཡང་ཕན་པར་ངེས། །རྡོར་སེམས་སྒོམ་བཟླས་ཚོགས་དང་བསྐང་བ་བྱ། །གལ་ཏེ་བུད་མེད་ཁ་ཤོ་བྱུང་བ་ན། །རྟགས་མཚན་གཞན་ལ་མི་སྨྲ་གསང་དམ་བཅའ། །ལེགས་པའི་རྟགས་བྱུང་རྟགས་ཐོན་བསྙེན་པ་མཆོག །སྔགས་འདི་རྩུབ་པས་བློ་སེམས་མི་བདེ་སྲོལ། །རང་གི་སྙིང་དབུས་བམ་ཡིག་དཀར་པོ་ལས། །བདུད་རྩི་འོ་མ་ལྟར་བབས་སྙིང་ཁེངས་བསྒོམ། །དམིགས་པ་གསལ་ན་ཕྲལ་དུ་ཕན་པར་ངེས། །དེ་ལྟར་སྔོན་དུ་བསྙེན་པ་མ་ཐེམ་པར། །བཟློག་པ་ཐལ་རྡེབ་བྱས་ན་མི་ལེགས་ཏེ། །བསྙེན་པ་མ་ཐེམས་ལས་སྦྱོར་དོན་མི་འགྲུབ། །རྗེས་ནས་སྒྲུབ་ཐག་རིང་བར་བཤད། །དེ་ལྟར་དཀོན་མཆོག་འབངས་ཀྱིས་མཛད་པ་སྟེ། །སྒྲུབ་ཐབས་རྡོ་རྗེའི་གོ་མཚོན་འདི་ཉིད་ཀྱི། །བདག་བསྐྱེད་ལ་བརྟེན་བསྙེན་པ་བྱ་བའི་ཕྱིར། །བདུད་མོ་བླ་མ་ཀརྨ་དར་རྒྱས་ཀྱིས། །བསྐུལ་ཕྱིར་སྔགས་རྒན་རཱ་ག་ཨ་སྱ་ཡིས། །ཕག་ལོ་ཟླ་བའི་ཡར་ཚེས་བཅུ་གཅིག་ཉིན། །ངག་ནས་བཅོལ་གཏམ་ཆལ་ཆོལ་སྨྲས་པ་རྣམས། །དགེ་སློང་ཀ་ལའི་མིང་ཅན་དེ་ཡིས་བྲིས། །ཉེས་འགལ་གང་མཆིས་བླ་མ་ལྷ་ལ་བཤགས། །

[Full Size]

དགེ་བས་ཚེ་འདིར་བདུད་བཞིའི་གཡུལ་ལས་རྒྱལ། །ཕྱི་མ་ཡེ་ཤེས་ཌཱཀི་སེང་གདོང་མས། །བདེ་ཆེན་དག་པའི་ཞིང་དུ་འཁྲིད་པར་ཤོག། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སེང་གདོང་མའི་བསྐྱེད་རྫོགས་མན་ངག་

[Full Size]

སེང་གདོང་མའི་བསྐྱེད་རྫོགས་མན་ངག་བཞུགས་སོ།

[Full Size]

ན་མོ་ཌཱཀི་སེང་ཧ་མུ་ཁ་ཡེ། སེང་གདོང་མའི་བསྐྱེད་རྫོགས་ཉམས་ལེན་ནི། དང་པོ་སྐད་ཅིག་ལ་སེང་གདོང་མའི་བསྐྱེད་རིམ་སྒོ་ནས་ཕྱི་སྣོད་ཀྱི་འཇིག་རྟེན་ནང་ལུས་ཀྱི་རྩ་གཞན་ཆོས་འབྱུང་གྲུ་གསུམ་གཞལ་ཡས་ཁང་གི་རྣམ་པ་དེ་གསུམ་དབྱེར་མེད་པར་ཤེས་པ་དང་། ནང་བཅུད་ཀྱི་སེམས་ཅན་རྩ་གནས་ནང་གི་ཐིག་ལེ་གཞན་གནས་ཡུལ་གྱི་ཌཱཀི་མ་རྣམས་ཀྱང་དབྱེར་མེད་པ་དང་། ཁྱད་པར་རང་གི་མིག་དང་གཟུགས་སའི་སྙིང་པོ་ཡབ་ཡུམ། རྣ་བ་དང་སྒྲ་ཕྱག་ན་རྡོ་རྗེ་ཡབ་ཡུམ། སྣ་དང་དྲི་ནམ་མཁའི་སྙིང་པོ་ཡབ་ཡུམ། ལྕེ་དང་རོ་འཇིག་རྟེན་དབང་ཕྱུག་ཡབ་ཡུམ། ལུས་

[Full Size]

དང་རེག་བྱ་སྒྲིབ་པ་རྣམ་སེལ་ཡབ་ཡུམ། ཡིད་དང་ཆོས་འཇམ་དཔལ་ཡབ་ཡུམ། ཚིགས་ཀུན་ཏུ་བཟང་པོ་ཡབ་ཡུམ། རྩོ་རྒྱུས་བྱམས་པ་ཡབ་ཡུམ། ལག་པ་གཡས་གཤིན་རྗེ་གཤེད་ཡབ་ཡུམ། གཡོན་གཞན་གྱིས་མི་ཐུབ་པ་ཡབ་ཡུམ། ལྕེར་རྟ་མགྲིན་ཡབ་ཡུམ། གསང་བར་བགེགས་མཐར་བྱེད་ཡབ་ཡུམ། དཔུང་པ་གཡས་མི་གཡོ་བ་ཡབ་ཡུམ། གཡོན་འདོད་རྒྱལ་ཡབ་ཡུམ། པུས་མོ་གཡས་དབྱུག་སྔོན་ཡབ་ཡུམ། གཡོན་སྟོབས་པོ་ཆེ་ཡབ་ཡུམ། སྤྱི་གཙུག་ཏུ་གཙུག་ཏོར་འཁོར་ལོས་སྒྱུར་བ་ཡབ་ཡུམ། རྐང་མཐིལ་གཉིས་སུ་གནོད་མཛེས་ཡབ་ཡུམ། གཟུགས་

[Full Size]

ཀྱི་ཕུང་པོ་རྣམ་སྣང་ནམ་མཁའི་ཁམས་དབང་ཕྱུག་མ་གཉིས་ཡབ་ཡུམ། ཚོར་བའི་ཕུང་པོ་རིན་འབྱུང་དང་སའི་ཁམས་སངས་རྒྱས་སྤྱན་མ། འདུ་ཤེས་འོད་དཔག་མེད་དང་མེ་ཁམས་གོས་དཀར་མོ། འདུ་བྱེད་དོན་གྲུབ་དང་རླུང་ཁམས་དམ་ཚིག་སྒྲོལ་མ། རྣམ་ཤེས་མི་བསྐྱོད་པ་དང་ཆུ་ཁམས་མཱ་མ་ཀི། །དེ་ཐམས་ཅད་བསྡུས་པ་ནི་ཀུན་བཟང་ཡབ་ཡུམ། དཔྲལ་བར་སྐུ་རྡོ་རྗེ་མ། མགྲིན་པར་གསུང་རྡོ་རྗེ་མ། ཐུགས་ཀར་ཐུགས་རྡོ་རྗེ་མ་སྟེ། དེ་ཐམས་ཅད་ཀྱང་རང་བཞིན་ལྷུན་གྱིས་གྲུབ་པའི་དྭངས་མ་མི་ཤིགས་པ་བདེ་བ་ཆེན་པོའི་ངོ་བོར་གྱུར་པའི་ལྷ་ཐམས་ཅད་ཀྱི་ཐུགས་ཀར་པད་ཉིའི་སྟེང་དུ་ཡེ་ཤེས་སེམས་དཔའ་རང་འདྲ་བ་དམར་པོ། དེའི་ཐུགས་ཀར་ཟླ་བའི་སྟེང་དུ་ཏིང་འཛིན་སེམས་དཔའ་ཧཱུྃ་རེ་རེ་གནས་པ་སྟེ། གསལ་སྟོང་བདེ་བ་ཆེན་པོའི་ངོ་བོ་ཡེ་ནས་དག་པར་གྱུར། རང་གི་ཐུགས་དབུས་ཡེ་ཤེས་སེམས་དཔའི་ཐུགས་ཀར་ཧཱུྃ་གི་མཐའ་བསྐོར་དུ་ཡི་གེ་བཅུ་བཞི་པ་དང་། ཨོཾ་བཛྲ་ཌཱཀི་སེང་ཧ་མུ་ཁ་ཧཱུྃ་ཧཱུྃ་ཕཊ༔ ཅེས་སྙིང་པོ་དང་། ཨོཾ་ཛྙཱ་ན་ཌཱ་ཀི་སརྦ་སིདྡྷི་ཕ་ལ་ཧོ༔ ཞེས་ལས་སྔགས་ཅི་ནུས་བཟླས་ཏེ། ཞི་རྒྱས་དབང་དྲག་གི་ལས་གང་བྱེད་དཀར་སེར་དམར་ནག་གི་སྔགས་ཕྲེང་དང་འོད་ཟེར་སྤྲོ་

[Full Size]

བསྡུ་བྱའོ། །དེ་ནས་ལུས་དཀྱིལ་གྱི་ལྷ་ཚོགས་གཞིའི་ལུས་ལ་བསྟིམས་ནས། རང་ཉིད་སེང་གདོང་མའི་སྐུའི་ནང་སྟོང་སེང་ངེ་བའི་དབུས་སུ་རྩ་གསུམ་དང་འཁོར་ལོ་༈ བཞི་གསལ་བཏབ་པའི་སུམ་མདོར་ཉི་གདན་ལ་རཾ། ལྟེ་བར་ཨོཾ། སྙིང་གར་ཧཱུཾ། མགྲིན་པར་ཨོ། སྤྱི་བོར་ཧཾ། སྙིང་གའི་རྩ་འདབ་བརྒྱད་ལ། ཨ༔ཀ༔ས༔མ༔ར༔ཙ༔ཤ༔ད༔ བརྒྱད་སྔོན་པོ་ཧཱུྃ་དང་བཅས་པ་མགོ་ཐུར་བསྟན། མགྲིན་པའི་རྩ་འདབ་བཅུ་དྲུག་ལ། རྩ་སྔགས་ཚར་གཅིག་དང་། ཨཀགཉིས་དང་བཅུ་དྲུག་དམར་པོ་མགོ་གྱེན་བསྟན། སྤྱི་བོའི་རྩ་འདབ་སོ་གཉིས་ལ་རྩ་སྔགས་ཚར་གཉིས་དང་། ཨ༔ཀ༔ས༔མ༔ བཞི་དང་པོ་གཉིས་དཀར་པོ་བདེ་བའི་རང་བཞིན་ཐུར་བསྟན། ལྟེ་བའི་རྩ་འདབ་རེ་གཉིས་ལ་རྩ་སྔགས་ཚར་བཞི་དང་། ཨཀསམརིཙདྲུག་དང་རེ་གཉིས་དམར་པོ་དྲོད་ཀྱི་རང་བཞིན་མགོ་གྱེན་བསྟན། བཤང་སྒོའི་ནང་དུ་ཡཾ་ལས་རླུང་གི་དཀྱིལ་འཁོར་གཞུ་ཡི་དབྱིབས་ཅན་གྱེན་དུ་སྐྱོད་པར་གསལ་བཏབ་ནས། རླུང་རོ་བུས་ཏེ་རླུང་བཟུང་བས་རོ་རྐྱང་གི་རླུང་ཐུར་དང་། བཟླས་པས་དབུ་མ་ན་རྩེ་འཕྲད་ནས་རཾ་ཡིག་བུས་པས་རཾ་ལས་མེ་འབར་བས་ལྟེ་བའི་ཨ་ཐུང་ཡིག་འབྲུ་དང་

[Full Size]

བཅས་པ་ལས། ཡི་གེ་བཅུ་བཞི་པའི་རང་སྒྲར་མེ་ཚ་ཞིང་རྩུབ་པར་འབར་བས་སྙིང་གའི་ཧཱུྃ་དང་ཡིག་འབྲུ་ལ་ཕོག་པས་བདུད་རྩིའི་རྒྱུན་དངུལ་ཆུ་ལྟ་བུར་ཡི་གེ་བརྒྱད་ཀྱི་རང་སྒྲ་བབས་པས་བདེ་སྟོང་གི་ཡེ་ཤེས་སྐྱེ་བར་བསྒོམ། དེ་བཞིན་དུ་སྤྱི་མགྲིན་གཉིས་ལ་ཡང་བསྒོམ་པར་བྱ་ཞིང་བདེ་སྟོང་གཉིས་སུ་མེད་པ་ལ་མཉམ་པར་བཞག་ཅིང་། དེ་ནས་རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས། སྣོད་བཅུད་ཐམས་ཅད་འོད་དུ་ཞུ་ནས་སྲུང་འཁོར་དང་ཆོས་འབྱུང་གཞལ་ཡས་ཁང་ལ་ཐིམ། དེ་བདག་ཉིད་ལ། བདག་ཉིད་ཐུགས་ཀའི་ཧཱུྃ་ལ། ཧཱུྃ་ཡང་ཞབས་ཀྱུ་ནས་རིམ་པར་ཡར་ཐིམ་ནས་ནཱ་ད་ཙམ་དང་། དེ་ནས་དམིགས་མེད་བློ་འདས་ཕྱག་རྒྱ་ཆེན་པོ་ལ་ཡུན་རིང་དུ་མཉམ་པར་བཞག །སླར་ཡང་སེང་གདོང་མ་གཅེར་བུ་རྒྱན་མེད་པའི་སྐུ་སྒྱུ་མ་ལྟ་བུར་བཞེངས་ནས་བསྔོ་བ་དང་སྨོན་ལམ་དང་། ཐུན་མཚམས་ཀྱི་བྱ་བ་ལ་འཇུག་གོ །གོང་དུ་བཟླས་པའི་གོང་དུ་ཕྲེང་བ། བསང་སྦྱང་ཧཱུཾ་ཡིག་བརྒྱ་རྩ་བརྒྱད་ཞུ་བ་ལས་བྱུང་བའི་སེང་གདོང་མའི་སྐུ་ཆུང་ངུ་རེ་རེར་གྱུར་པར་བསམ་ལ། ཨོཾ་རུ་ཙི་ར་མ་ནི་པྲ་བར་དྷ་ཡེ་སྭཱ་ཧཱ། ཅི་མང་བཟླས་ལག་པ་དབྱངས་གསལ་ཉི་ཟླའི་བར་དུ་ཕྲེང་བ་ཕུས་གདབ་པས་ཕྲེང་

[Full Size]

བ་ནུས་པ་དང་ལྡན་པར་བསམས་པས་ཕྲེང་བ་བྱིན་བརླབས་སོ། །ཐུན་མཚམས་ཀྱི་སྤྱོད་ལམ་ནི་ཁ་ཟས་སྲེག་བླུགས་དང་། འགྲོ་འདུག་བསྐོར་བ་ལ་ཉལ་བ། འོད་གསལ་འཛིན་པའི་རྣལ་འབྱོར་སྤྱི་དང་མཐུན་ནོ། །བསྐྱེད་རྫོགས་ཀྱི་ཟབ་གནད་བརྗེད་ཐོ་འདི་ཡང་རཱ་གའི་མིང་ཅན་བདག་གིས་བྲིས་ཏེ། འདི་བྲིས་ཉེས་པ་ཌཱཀིའི་ཚོགས་ལ་བཤགས། །དགེ་བས་རྡོ་རྗེ་འཆང་ཆེན་ཚེ་འདིར་འགྲུབ་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

སེང་གདོང་མའི་ལས་སྦྱོར་འཁོར་ལོའི་མན་ངག་མདོར་བསྡུས་པ།

[Full Size]

སེང་གདོང་མའི་ལས་སྦྱོར་འཁོར་ལོའི་མན་ངག་མདོར་བསྡུས་པ་བཞུགས་སོ།།

[Full Size]

ཌཱཀི་ནཱི་སེང་ཧ་མུ་ཁ་ཡ་ན་མ། ལས་ཚོགས་ཐམས་ཅད་སྒྲུབ་པའི་འཁོར་ལོ་ནི། ཚེས་བཅོ་ལྔ་རྒྱལ་ཕུར་འཛོམས་པའི་དུས་ཁ་ནུབ་ཏུ་ཕྱོགས་ལ། རྡོ་རྗེའི་སྐྱིལ་ཀྲུང་གིས་འདུག་ལ། བྲི་གཞི་རྒྱ་ཤོག་མི་ལྤགས་ཀྱི་གཡང་གཞི་དང་། སྨྱུ་གུ་སེང་གདོང་མའི་མཆེ་བ་དང་། ཡིག་འབྲུ་སེང་གདོང་མའི་སྐུར་བསྒོམ་ཞིང་ཁ་ཆེ། གྷི་ཝཾ། གུ་གུལ། གླ་རྩི། སྨན་ཆེན། བྱང་སེམས་དཀར་དམར་རྣམས་སྦྱར་བའི་སྣག་ཚས་གནས་མུན་ཁང་དུ་བྲི་སྟེ། མུ་ཁྱུད་ཆ་ཕྲན་རེ་རིམ་པ་བཞི་བསྐོར་བའི་ལྟེ་བར་ཆ་ཆེན་གཅིག་བྱ། དེའི་ནང་དུ་གྲུ་བཞིའི་ཟུར་མུ་ཁྱུད་ནང་མ་ལ་རེག་ཙམ་བྱ།

[Full Size]

དེའི་དབུས་སུ་ཡང་གྲུ་བཞི་ཆ་ཆེན་གཅིག་ལྟེ་བའོ། །དེའི་མདུན་རྒྱབ་ལིང་ཚེ་བཞི་བཞི་རེ། གཡས་སུ་ལིང་ཚེ་ལྔ་སྦྲག་གཉིས། གཡོན་དུ་ཡང་དེ་དང་འདྲ་བར་བྱས། ལྟེ་བར་ཨོཾ་མགོ་ནུབ་བསྟན། ལྟེ་བའི་མཐར་བྱང་ཤར་དུ་ཨོ། ནུབ་བྱང་དུ་ཨཱཿ ལྷོ་ནུབ་ཏུ་ཧཱུཾ། ཤར་ལྷོར་ས༔ སྟེང་དུ་ཧོ༔ འོག་ཏུ་ཧཱུྃརྣམས་ཡིག་མགོ་ཕྱིར་བསྟན། མདུན་ཤར་ངོས་ཀྱི་རེ་མིག་བཞི་ལ་གཡས་བསྐོར་དུ་ཡིག་འབྲུ་མགོ་སྤྲོད་དུ། སཤདར༔ རྒྱབ་ཀྱི་ལིང་ཚེ་བཞི་ལ། མཱརཡཕཊ༔ ལྷོ་ཡི་ལིང་ཚེ་ནང་མ་གསུམ་ལ། ཨཀས༔ བྱང་གི་ནང་མ་གསུམ་ལ། མ༔ར༔ཙ༔ དེ་དྲུག་མགོ་

[Full Size]

ནང་བསྟན། ཕྱིའི་ལྷོ་ཕྱོགས་ཀྱི་རེའུ་མིག་ལྔ་ལ། ཨསཀརབྱང་གི་རེའུ་མིག་ལ། ཙདཤསར༔ བཅུ་པོ་ཡིག་མགོ་ཕྱིར་བསྟན་ནོ། །ནང་གི་རེའུ་མིག་གི་མཚམས་བཞི་ལ། ལྷོ་ནུབ་ནས་གཡས་བསྐོར་དུ། མཱ་ར་ཡ་ཕཊ། ཅེས་མགོ་ནང་བསྟན་ཏེ་རེའུ་མིག་ཉེར་བརྒྱད་པོ་ཐམས་ཅད་ལ་ཡིག་འབྲུའི་གཡས་སུ་རཾ། གཡོན་དུ་ཕཊ་བྲིའོ། མུ་ཁྱུད་དང་ལིང་ཚེའི་བར་དུ་གླིང་བཞི་གླིང་ཕྲན་བཅུ་གཉིས་གཟུགས་ཁ་དོག་དང་བཅས་པ་བྲིའོ། །དེའི་མུ་ཁྱུད་ལ་བྱང་ཤར་ནས་གཡས་བསྐོར་དུ་རྩ་སྔགས་བཅུ་བཞི་པ་ཚར་གཉིས་རེ་བྲི། དེ་རྒྱབ་མུ་ཁྱུད་ལ། དབྱངས་ཡིག་བཅུ་དྲུག་གི་མཇུག་ཏུ། བདག་གི་དབང་དུ་འགྲོ་བ་ཕོར་སྣང་བ་ཐམས་ཅད་བསྡུས་བསྡུས་ཁུག་ཁུག་ཛར༔ མུ་ཁྱུད་གསུམ་པ་ལ་གསལ་བྱེད་སོ་གཉིས་པའི་མཇུག་ཏུ། བདག་གི་དབང་དུ་འགྲོ་བ་མོར་སྣང་བ་ཐམས་ཅད་བསྡུས་བསྡུས་ཁུག་ཁུག་ཛཛཿ དེ་རྒྱབ་མུ་ཁྱུད་བཞི་པའི་ཕྱོགས་བཞིར་རྡོ་རྗེ་དང་། དེའི་བར་རྣམས་སུ་མི་མགོ་སྐམ་རློན་གྱི་ཕྲེང་བ། དེ་མཐར་མུ་ཁྱུད་ལ་མེ་རི་ཁ་དོག་སྣ་ཚོགས་གཡོན་བསྐོར་བྲི། ཚོན་སྐུད་ཀྱིས་འབྱུང་བ་རིམ་བརྩེགས་ལྟར་ལྗང་དམར་སྔོ་སེར་ནག་རྣམས་ཀྱིས་རིམ་པར་དཀྲིས་ལ།

[Full Size]

བསྲུང་བྱའི་གནས་རྣམས་སུ་འཁོར་ལོ་དེས་རེག་ཅིང་དབང་བསྐུར་ཏེ། སྤྱི་བོ་དཔྲལ་བ་མགྲིན་པ་སྙིང་ག་ལྟེ་བ་གསང་གནས་དྲུག་ཏུ་རིམ་པ་ལྟར། ར༔ ཕཊ ས༔ ར༔ ཞེས་དྲུག་དང་། རྣ་བ་སྣ་མིག་ཁ་དཔུང་པ་ལག་མཐིལ་རྐང་མཐིལ་རྣམས་སུ་རིམ་པ་ལྟར། ཀ༔ ཡ ད༔ མ༔ ས༔ ཨ ར༔ རྣམས་སོ། །རྣ་ལྟག །དཔུང་པ། དཔྱི་མགོ་རྣམས་ལ་རྣ་ལྟག་གཡས་ནས་རིམ་པ་ལྟར། ཨ༔ ཀ༔ ས༔ མས་ནས་ཡར། ར༔ ལ༔ ཞེས་གོ་བགོ་ཞིང་དབང་བསྐུར་ནས་ཟངས་དམར་གྱི་གའུར་བཅུག་ལ་མཆན་ཁུང་གཡོན་དུ་འཆང་ངོ་། །སྣང་བ་དབང་སྡུད་འཁོར་ལོ་འདིས། །སྣང་བ་ཐམས་ཅད་དབང་དུ་འདུ། །ཟབ་པའི་གནད་ཡིག་འཁོར་ལོའོ། །ལྟེ་བའི་ཤར་ནུབ་ཡིག་འབྲུ་བརྒྱད། །ཤར་གྱི་བཞི་པོ་དབང་སྡུད་ཡིན། །ནུབ་ཀྱི་བཞི་པོ་ཟློག་སྔགས་ཡིན། །ལྷོ་བྱང་ཕྱི་ཡི་ཡིག་འབྲུ་བཅུ། །ཕོ་མོར་སྣང་བའི་འགྲོ་བ་ཀུན། །ཐམས་ཅད་དབང་དུ་འདུ་བར་འགྱུར། །མཚམས་བཞིར་བཀོད་པའི་ཡིག་འབྲུ་བཞིས། །དགྲ་རྣམས་ཐམས་ཅད་གསོད་བྱེད་ཅིང་། །བདུད་རིགས་བར་ཆད་བཟློག་པར་འགྱུར། །རྫ་ས་སྣ་བདུན་པོས་ཁམས་གསུམ་གྱི། །མི་ནོར་

[Full Size]

ཟས་གསུམ་དབང་དུ་སྡུད། །སྣང་བ་སྐུ་ཡི་འཁོར་ལོའོ། །སྔགས་ཀྱི་ཁ་བསྒྱུར་མ་གཏོགས་པ། །འོག་མ་ཐམས་ཅད་འདི་དང་མཚུངས། །ཨྠྀི། །དབང་སྡུད་གསུང་གི་འཁོར་ལོ་ནི། ལྟེ་བར་ཨོཾ་གྱི་ཚབ་ཏུ་ཨཱཿབྲི། དབྱངས་གསལ་མཇུག་ཏུ་སྣང་གྲག་ཐམས་ཅད་བདག་གི་དབང་དུ་བསྡུས་བསྡུས་ཁུག་ཁུག་ཛཛ ཞེས་བྲི། གཞན་གོང་ལྟར་རོ། །ཨྠྀི། །སྒྲིབ་སྦྱོང་ཐུགས་ཀྱི་འཁོར་ལོ་ནི། ལྟེ་བར་ཧཱུྃ་བྲི། དབྱངས་གསལ་མཇུག་ཏུ་བདག་ཅག་འཁོར་དང་བཅས་པའི་སྡིག་སྒྲིབ་ཉེས་ལྟུང་ཐམས་ཅད་བྱང་ཞིང་དག་པར་གྱུར་ཅིག་བྲི། གཞན་གོང་ལྟར་རོ། སྤྱི།། ཟློག་བྱེད་མཚོན་ཆའི་འཁོར་ལོ་ནི། ལྟེ་བར་ཕཊདང་དབྱངས་གསལ་མཇུག་ཏུ་བདག་ཅག་འཁོར་དང་བཅས་པ་ལ། བྱད་ཟོར་གཏད་མནན་ཕུར་ཁ་རྨིས་ལྟས་མཚན་མ་ངན་པ་ཐམས་ཅད་ཕྱིར་བཟློག་པར་གྱུར་ཅིག་བྲི། གཞན་གོང་ལྟར་རོ། །ཨྠྀི། །ཐོག་སྲུང་གནམ་ལྕགས་འཁོར་ལོ་ནི། ལྟེ་བར་ཆོས་འབྱུང་བསྣོལ་མའི་ལྟེ་བར་ཨཱཿ མགོ་གཏུགས་བཞིའི་དབུས་སུ་ཨཱགཅིག །རྩིབས་དྲུག་ལ་སྔར་གྱི་ཡིག་འབྲུ་དྲུག་བཀོད། དབྱངས་གསལ་མཇུག་ཏུ་བདག་ཅག་འཁོར་དང་བཅས་པར་གནམ་གདོན་ཐོག་འཁྱུག་གི་གནོད་པ་།

[Full Size]

ཐམས་ཅད་ལས་སྲུངས་ཤིག་རཀྵ གཞན་གོང་དང་འདྲ། །ཨྠྀི། །ཚེ་སྒྲུབ་སྲོག་གི་འཁོར་ལོ་ནི། ལྟེ་བར་ཧྲིམུ་ཁྱུད་དབྱངས་གསལ་མཇུག་ཏུ། བདག་ཅག་འཁོར་དང་བཅས་པ་ཚེ་རིང་ཞིང་རྒྱས་པ་དང་། ཚེའི་བར་ཆད་ཐམས་ཅད་ཉེ་བར་ཞི་ནས་ཚེ་མཐར་ཕྱིན་པར་གྱུར་ཅིག །གཞན་གོང་ལྟར་རོ། །ཨྠྀི། །གཉན་ནད་འཇོམས་པའི་འཁོར་ལོ་ནི། ལྟེ་བར་རཾ་དང་། མུ་ཁྱུད་དབྱངས་གསལ་མཇུག་ཏུ། བདག་ཅག་འཁོར་དང་བཅས་པའི་གཉན་ཤུ་མཛེ་ཕོལ་གྱི་ནད་ཐམས་ཅད་ཉེ་བར་ཞི་བར་གྱུར་ཅིག །གཞན་གོང་ལྟར་རོ། །ཨྠྀི། །ཞོ་ཆང་ལེགས་པའི་འཁོར་ལོ་ནི། ལྟེ་བར་ཡཾ་དང་། མུ་ཁྱུད་དབྱངས་གསལ་མཇུག་ཏུ། བདག་ཅག་འཁོར་དང་བཅས་པའི་ཞོའམ་ཆང་གི་བཅུད་ཕེབས་ཤིང་རོ་བཅུད་དང་ལྡན་པ་དང་། འདྲེ་ཚོགས་ཁ་ལ་རྒྱུ་བའི་གནོད་པ་ལས་སྲུངས་ཤིག་རཀྟ། འཁོར་ལོ་གླང་མ་དང་སྟག་པའི་བྱང་བུ་མིག་དྲུག་མ་དང་། སེ་བ་སྐྱེར་པའི་བྱང་བུ་མིག་དྲུག་དེ་རྣམས་ཀྱི་ནང་ལོགས་ལ་སྔར་བཤད་པའི་རྫས་དྲུག་གིས་ཞོ་ཉེས་བཟློག་པར་གྱུར་ཅིག །བྲིས་ནས་རྒྱ་གྲམ་དུ་བཏགས་ལ་ཚོན་རྐུད་སྣ་ལྔས་སྔར་ལྟར་བཅིངས་ཤིང་སྟག་ལྤགས་ཀྱིས་བཏུམས་

[Full Size]

ནས་རབ་གནས་ལེགས་པར་བྱས་ཏེ་ཞོའམ་ཆང་གི་རྫ་མ་ལ་བཏགས་སོ། །ཨྠྀི། ལོ་ལེགས་ལོངས་སྤྱོད་འཁོར་ལོ་ནི། ལྟེ་བར་ཧཾ་དང་མུ་ཁྱུད་དབྱངས་གསལ་གྱི་མཇུག་ཏུ་བདག་ཅག་འཁོར་དང་བཅས་པའི་སོ་ནམ་ཞིང་ལས་འབྲུ་བཅུད་འཕེལ་ཞིང་ལོ་ལེགས་འབྱུང་བ་ལ་སད་སེར་དང་བྲལ་བར་གྱུར་ཅིག །ཚོན་སྐུད་སྣ་ལྔས་དཀྲིས། མི་ལྤགས་ཀྱིས་བཏུམ། ལ་ཆས་དྲིལ་ཏེ་རྫའི་གའུར་བཅུག་སྟེ་ཞིང་དཀྱིལ་དུ་སྦས་ལ་རབ་གནས་བྱའོ། །ཨྠྀི། ༈ །སྲིས་སྨེ་གཡང་སྒྲུབ་འཁོར་ལོ་ནི། ལྟེ་བར་ཛོ་དང་། མུ་ཁྱུད་དབྱངས་གསལ་མཇུག་ཏུ་བདག་ཅག་འཁོར་དང་བཅས་པའི་ལོངས་སྤྱོད་རྣམས་སྲིས་སྨེ་ཞིང་འཕེལ་བ་དང་། སྲིས་རྐུན་གྱི་གནོད་པ་ཐམས་ཅད་ལས་སྲུངས་ཤིག་རཀྟ། ཁྲོམ་ཆེན་པོ་འཚོགས་པའི་གོས་ཀྱི་སྤུ་རྡུལ། འབྲུ་སྣ་ཚོགས། གོས་དར་སྣ་ཚོགས། རིན་པོ་ཆེ་སྣ་ཚོགས། ཟས་སྣ་ཚོགས། བླ་མ་དགེ་བཤེས་མི་དབང་བསོད་ནམས་ཅན་གྱི་གསོལ་རས་རྣམས་དང་། འཁོར་ལོ་སྟག་ཕྲུག་དར་མའི་གླུད་བུར་བཅུག་སྟེ། སྔར་གྱི་རྫས་དྲུག་འདྲེས་པའི་སྣག་ཚས། ཨོཾ་ནིག་ནལ། ནིག་ནལ། པྲ་མོ་ཐུན། པྲ་མོ་ཐུན། དབང་པོ་དཀྲུག །དབང་པོ་དཀྲུག །སེམས་རྩ་

[Full Size]

མྱོས། སེམས་རྩ་མྱོས། ཁུག་ཁུག་ཛཛ ཨོཾ་བྷ་ཝན་བྱ་ཤ་ན། ཧཱུཾ་རཀྟི་ནན། རུག་ཏི་ནན། ཨོཾ་དོར་ཕུད་དོར་ཕུད། སེམས་རྩ་སྒུལ། སེམས་རྩ་སྒུལ། མངལ་གྱི་གྲོང་ཁྱེར་དཀྲུག་།ཡ་ཡ་ཕུད་ཕུད་སྭཱ་ཧཱ། ཨོཾ་རེ་ཡ་ལེ། ཉོལ་ཉོལ་ཕུད་ཕུད་སྭཱ་ཧཱ། སྔགས་འདི་སྟག་ཕྲུག་གི་མགྲིན་པ་ལ་གཏད་ནས་བྲིས། རབ་གནས་བྱས་ནས་ནོར་མཛོད་ཀྱི་སྒོ་རྒྱབ་བམ། སྣོད་སྤྱད་གང་རུང་གི་སྐེ་ལ་མིས་མ་མཐོང་བར་བཏགས་ན་སྲིས་སྨེ་ཞིང་ནོར་འདུའོ། །ཨྠྀི། གཉན་ནད་འབྲུམ་སྲུང་འཁོར་ལོ་ནི། དབུས་སུ་རཀ་། མུ་ཁྱུད་དབྱངས་གསལ་མཇུག་ཏུ། བདག་ཅག་འཁོར་དང་བཅས་པའི་ཀླུ་དང་ས་བདག་ལས་བྱུང་བའི་འབྲུམ་ནད་ཀྱི་གནོད་པ་ལས་སྲུངས་ཤིག་ཐར་བར་གྱུར་ཅིག །གླ་རྐང་། གྲ་མ། སྐྱེར་པ། སེ་བ། སྐྱེ་བ། གཟེ་མ། སྤྱང་ཚེར། མཛོ་མོ་ཤིང་། དེ་རྣམས་ཀྱི་རྩེ་མོ་མ་ཉམས་པ་ཚོན་སྐུད་ཀྱིས་རྩེ་མོ་བཞི་བཞི་ཕྱིར་བསྟན་ལ་བསྡོམས་ནས། ལུག་ཐུག་ནག་པོ་སྙིང་དཀར་གྱི་སྙིང་ཤུན་ལ་དྲིལ་ནས་རབ་ཏུ་གནས་ཏེ་སྤྱི་བོར་བཏགས་ན་འབྲུམ་ནད་ཀྱི་གནོད་པ་ལས་ཐར་རོ། །ཨྠྀི། འདྲེ་འདུལ་མནན་པའི་འཁོར་ལོ་

[Full Size]

ནི། ལྟེ་བར་རྡོ་རྗེ་རྒྱ་གྲམ་གྱི་ལྟེ་བར་ཏྲི་ནག་པོ་ལྟེ་བའི་ཟུར་བཞི་སྟེང་འོག་ཏུ་ཡིག་འབྲུ་དྲུག །མུ་ཁྱུད་དབྱངས་གསལ་མཇུག་ཏུ། གནོད་ཅིང་འཚེ་བར་བྱེད་པའི་འབྱུང་པོ་འདྲེ་གདོན་མཁའ་ལ་རྒྱུ་བའི་ཚོགས་ཐམས་ཅད་དང་། རྒེ་མོ་མཱ་ར་ཡ་ནན། བྷནྡྷ་ཧཱུཾ་བྷ་ཡ་ནན། ཚོན་སྐུད་སྣ་ལྔས་བསྡམས། རབས་ཆད་མོའི་དོར་རྟ་དང་རེ་ནག་གིས་བསྙུམ། རང་འཐག་ཁ་སྦྱར་དུ་བཅུག །རོ་ཐག་གིས་རྒྱ་གྲམ་དུ་བཅིངས་ནས་ཐེམ་འོག་གམ་ལམ་རྒྱ་གྲམ་མམ། གཏུན་གྱི་འོག་ཏུ་འགུགས་གཞུག་སོགས་བྱའོ། །ཨཱི། །འབྲུམ་སྲུང་ཡང་གསང་ནི། གླ་བའི་སྙིང་ཤུན་ལ། ནཱ་ག་གེ་སར། རྟ་བོན། གུ་གུལ། བཙན་དུག །ཤུ་དག །ཤིང་ཀུན། ཁ་ཆེ། གི་ཝཾ། གླ་རྩི་རྣམས་སྦྱར་བའི་ཁུ་བ་ཁྱི་ཕག་ར་དང་ཕོ་རོག་བཞིའི་ཁྲག་དང་སྦྱར་ལ་གླིང་བཞིའི་གཟུགས་ཕན་ཆོད་བྲི་ལུགས་གོང་ལྟར་ལས། དབུས་ཀྱི་རེའུ་མིག་བདུན་པ་ལྔ་ཕྲེང་གི་དབུས་ཕྲེང་ལ། འབྲུམ་ནད་ལས་ནི་རྒྱལ་གྱུར་ཅིག །འོག་གི་རེ་མིག་བདུན་ལ། ཕཊ ཀྵ ད ར༔ པ༔ དེ་ཚར་གཉིས་མགོ་སྤྱོད་སྟེང་གི་བདུན་ལ། ར༔ ས༔ ར༔ ཡ ས༔ ཀ༔ ཨ དེ་རྣམས་ཚར་གཉིས་མགོ་སྤྱོད་བྱ། གཡོགས་ནག་པོ་

[Full Size]

བྱས་ཤིང་ལྕགས་ཀྱི་གའུར་བཅུག་ལ་བཏགས་ན་འབྲུམ་ནད་ཐམས་ཅད་ལས་ཐར་བར་འགྱུར་ཏེ། འདིའི་དབྱངས་གསལ་མཇུག་ཏུ། བདག་ཅག་འཁོར་དང་བཅས་པ་ཀུན། །ཀླུ་གཉེན་ལས་བྱུང་འབྲུམ་ནད་རིགས། །ཀུན་ལས་སྲུངས་ཤིག་ཐར་གྱུར་ཅིག །ཅེས་བྲི། གཞན་ཐམས་ཅད་ནི་སྐུ་ཡི་འཁོར་ལོ་དང་ཁྱད་པར་མེད་དོ། །ཨྠྀི། དོན་རྒྱལ་བའི་འཁོར་ལོ་ལ། ལིང་ཚེ་དབུས་མ་བདུན་ལ། བདག་གི་དོན་རྒྱལ་བར་གྱུར་ཅིག །དབྱངས་གསལ་ལ་ཡང་དེ་སྦྱར། མདུན་རྒྱབ་ལིང་ཚེ་ལ། །མ༔མ༔ར༔ར༔ར༔ས༔མ༔ད༔ཨ༔ཀ༔ཤ༔ཕཊཡ དུང་མགྲོན་བུ་ར་གན་ཟངས་ལི་ཞ་ཉེ་དྲུག་ནང་དུ་བཏུམ་པའམ་ཕྱིར་བཏགས། གནས་མུན་ནག །དུས་བཅོ་ལྔ་སོགས་དང་རབ་གནས་སྐུ་ཡི་འཁོར་ལོ་དང་ཁྱད་པར་མེད་དོ། སྤྱི། ༈ །ཤོ་རྒྱལ་བའི་འཁོར་ལོ་ནི། བདག་གི་ཤོ་རྒྱལ་བར་གྱུར་ཅིག །ཅེས་དབུས་དང་དབྱངས་གསལ་ལའོ། ཤ༔ཀ༔ཡ༔ད༔མ༔ས༔ཨ༔ར༔མ༔ར༔ས༔ཀ༔ཕཊ༔ར༔ ནས་སྲན་མ། ཡུངས་ཀར། གྲོ། བྱང་སེམས་དཀར་དམར་དང་བཅས་བཅོ་ལྔ་སོགས་དུས་དང་། ནུབ་ཏུ་ཁ་གྲུ་བ་སོགས་རབ་གནས་སྐུའི་འཁོར་

[Full Size]

ལོ་དང་འདྲ་བ་ལས་གྲྭ་ལག་པ་གཡས་གཡོན་གང་གིས་རྒྱབ་པའི་མཆན་ཁུང་འོག་ཏུ་བཏགས་སོ། །ཨྠྀི། ༈ །རྒྱན་རྒྱལ་འཁོར་ལོ་ནི། ལིང་ཚེ་དབུས་མ་དང་དབྱངས་གསལ་ལ། བདག་གི་རྒྱན་རྒྱལ་བར་གྱུར་ཅིག །ཕྱི་ནང་གི་ལིང་ཚེ་ལ། དཤམwཡས༔ཀ༔ཙརཕཊརཐམར༔ར༔ རྫས་ནི་གསེར་གཡུ་ར་གན་མུ་ཏིག་མུ་མེན་བྱི་རུ་དང་བཅས། དུས་གཟའ་སྐར་རབ་སོགས་སྐུའི་འཁོར་ལོ་ལྟར་རོ། (སྤྱི། །ལས་སྦྱོར་འཁོར་ལོ་དཀྲུག་སྔགས་ཀྱི་རིམ་པ་ཨ་རཱ་གས་བཀོད་པ་རེ་ཞིག་རྫོགས་སོ། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྲུང་འཁོར་གྱི་ཟིན་བྲིས།

[Full Size]

སྲུང་འཁོར་གྱི་ཟིན་བྲིས་བཞུགས་སོ། ན་མོ་ཀརྨ་ཊཱཀི་སེང་ཧ་མུ་ཁ་ཡེ། རྡོ་རྗེའི་གོ་མཚོན་ལས་སྦྱོར་ཅུང་ཞིག་བྲི། །ཆོས་བདག་མཁའ་འགྲོ་སྲུང་མས་བཀའ་གནང་སྩོལ། །དང་པོ་དབང་ལུང་མན་ངག་རྫོགས་པར་ཞུས། །ཞུས་པའི་སློབ་དཔོན་ཐུགས་དང་མ་འགལ་བྱ། །འགལ་བ་མཁའ་འགྲོའི་བཀའ་ཆད་རང་སྲོག་གཅོད། །རྟེའུ་བོང་བུའི་ཤ་ནི་ཟ་མི་རུང་། །དེ་རྣམས་དམ་ཚིག་ཡིན་པས་ཐུབ་པར་སྲུངས། །དེ་ནས་འདི་ཡི་བསྙེན་སྒྲུབ་ཐེམ་པར་བྱ། །བསྙེན་སྒྲུབ་མ་ཐེམ་ལས་སྦྱོར་དོན་མི་འགྲུབ། །ལྷ་དང་སྔགས་ལ་ལོག་ལྟ་དམ་སྲི་ཞུགས། །དབང་ཐོབ་དམ་ལྡན་བསྙེན་སྒྲུབ་ཐེམ་པའི་མིས། །ལས་སྦྱོར་གང་བྱས་འབྲས་བུ་སྔོན་དུ་འབྱིན། །གལ་ཏེ་མ་འགྲུབ་ལན་གསུམ་བསྐྱར་ལ་བསྒྲུབ། །འདིས་མ་འགྲུབ་ན་ལོག་ལྟ་མི་བྱ་སྟེ། །ལས་ཀྱི་རྣམ་པར་སྨིན་པ་ཟློག་ཐབས་མེད། །ཐུབ་པས་གསུངས་པ་དེ་ཉིད་ཡིད་ལ་བྱ། །འདི་ཡི་ལས་སྦྱོར་མི་འདྲ་མཐའ་ཡས་ཀྱང་། །ལས་སྦྱོར་གཙོ་བོ་སྲུང་ཟློག་གཉིས་པོ་ཡིན། །སྲུང་ཟློག་གཉིས་པོ་མི་འདྲ་གྲངས་མང་ཡང་། །སྔགས་དང་དམིགས་པའི་སྲུང་ཟློག་གཙོ་བོ་ཡིན། །སྔ་དྲོའི་ཆ་ལ་བསྲུང་བ་བྱ་བ་སྟེ། །རྡོ་རྗེའི་གོ་མཚོན་བདག་

[Full Size]

བསྐྱེད་ཚར་གཅིག་བཏོན། །དེ་ནས་སྔགས་བཟླས་སྲུང་འཁོར་རྒྱས་བསྡུས་བསྒོམ། །རང་གི་སྐུ་ལས་འཕྲོས་པའི་འོད་ཟེར་ལས། །ཕྱི་རོལ་ཡེ་ཤེས་མེ་རི་ཁ་དོག་ལྔ། །འབར་བ་དུམ་བུ་གཅིག་ཏུ་གྱུར་པའི་གུར། །དེ་ནང་རལ་གྲི་བསམ་གཅོད་འབར་བའི་གུར། །དེ་ནང་ཁ་ཊཾ་རྩེ་མོ་ཕྱིར་བསྟན་གུར། །དེ་ནང་དགྲ་སྟ་འབར་བ་སོ་འཐབ་གུར། །དེ་ནང་སྐུ་སྟོད་མཁའ་འགྲོ་གྲི་ཐོད་ཅན། །སྐུ་སྨད་ཕུར་བུ་རྣོ་ངར་ལྡན་པའི་གུར། །དེ་ནང་གྲི་གུག་སོ་འཐབ་དགྲ་སྟ་གུར། །དེ་ནང་མཁའ་འགྲོ་འཇིགས་གཟུགས་སྣ་ཚོགས་མདོག །མཚོན་ཐོགས་ཕྱིར་གཟིགས་ཧཱུཾ་ཕཊ་སྒྲ་སྒྲོག་གུར། །དེ་ནང་སྣ་ཚོགས་རྡོ་རྗེ་ཁ་གདེངས་པ། །གསོར་ལྟར་འཁོར་བ་བར་མཚམས་མེད་པའི་གུར། །དེ་ནང་གནམ་ལྕགས་འཁོར་ལོ་གུར་ཐབས་ནི། །རྩིབས་སྟོང་རྣོ་དབལ་ངར་དང་ལྡན་པའི་གུར། །དེ་ནང་གནམ་ལྕགས་འབར་བའི་གཞལ་ཡས་ཁང་། །གྲུ་བཞི་སྒོ་མེད་མེ་འབར་ཚྭ་ཚྭ་འཕྲོ། །དེ་ནང་གནམ་ལྕགས་བདུད་འདུལ་མཆོད་རྟེན་ནི།། །།ཁྲི་འཕང་དགུ་པ་དེ་ཡི་བུམ་པའི་ནང་། །གསེར་གྱི་རྡོ་རྗེ་ཡར་རྩེ་ལྷ་གནས་སླེབས། །རྩེ་མོ་གསེར་གྱི་ས་གཞི་ལ་ཟུག་པའི། །ལྟེ་བ་ཡངས་ཤིང་རྒྱ་ཆེ་དེ་ཡི་ནང་། །སྟེང་

[Full Size]

དུ་ཟླ་བ་འོག་ཏུ་ཉི་མ་གཉིས། །གའུ་ཁ་སྦྱོར་ཡངས་ཤིང་རྒྱ་ཆེའི་ནང་། །འོད་ཟེར་ལྗང་གུ་དམར་པོ་སེར་པོ་དང་། །དཀར་པོ་མཐིང་གའི་གུར་ཁང་ལྔ་རིམ་ནང་། གཞུང་ནས་གསུངས་པའི་ཆོས་འབྱུང་གྲུ་གསུམ་ནང་། །ཕྱི་ནས་མེ་འབར་ངན་སྔགས་གནོད་པ་བསྲེགས། །ཕྱི་ཡི་འཁོར་ལོ་རྩིབས་སྟོང་ནང་དུ་ནི། །སེང་གདོང་དཀར་མོ་སྟོང་གི་ཞལ་ཕྱིར་གཟིགས། །བསྲུང་བྱ་ཐམས་ཅད་སྲུང་བའི་དགོངས་པ་གཏད། །ཆོས་འབྱུང་ནང་དུ་རིགས་བཞི་མཁའ་འགྲོ་བཞི། །སེང་གེའི་དབུ་ཅན་འབུམ་ཕྲག་ཚོ་བཞི་ཡིས། །ནང་དུ་ཞལ་འི གཟིགས་སྲུང་སྔགས་དི་རི་རི། །རང་ཉིད་གཙོ་མོ་སྐུ་མདོག་དཀར་མོ་ལ། །གསེར་གྱི་གྲི་གུག་བདུད་རྩིའི་ཐོད་པ་འཛིན། །དེ་ཡི་ཐུགས་ཀར་ཉི་མའི་གའུ་ནང་། །རང་སྙིང་པདྨ་དམར་པོ་འདབ་བརྒྱད་པའི། །འདབ་མ་བརྒྱད་ལ་སྲུང་སྔགས་ཡིག་འབྲུ་བརྒྱུད། །གཡོན་དུ་བཀོད་ནས་གཡས་སུ་འཁོར་བ་ཡིན། །པདྨའི་ལྟེ་བར་ཡི་གེ་དཀར་པོ་ནི། །སྔོ་བའི་མདངས་ཆགས་འོད་ཟེར་སྣ་ལྔ་འཕྲོས། །ཧཱུྃ་ཡིག་ཤན་མཆུ་གཞུག་ལྟར་སྦུབས་སྟོང་པ། །ཐིག་ལེའི་ནང་དུ་བླ་མ་རྡོ་རྗེ་འཆང་། །དེ་ལ་བསྲུང་བྱ་བླ་མ་རྣམས་ཀྱིས་བསྐོར། །ཟླ་ཚེས་

[Full Size]

ནང་དུ་རང་གི་ཡི་དམ་རྣམས། །འ་འདོགས་ནང་དུ་རང་གི་ཆོས་སྐྱོང་རྣམས། །དེ་ནི་ལྷ་དབྱེའི་གནོད་པས་མི་ཚུགས་གནད། །ཧ་ཁོག་ནང་དུ་རང་གི་ཐ་མལ་ལུས། །རིན་ཆེན་སྣ་ཚོགས་ལས་ནི་གྲུབ་པར་བསམ། །དེ་ཡི་གཡས་སུ་བསྲུང་བྱ་ཕོ་རིགས་རྣམས། །གཡོན་དུ་མོ་རིགས་རྒྱབ་ཏུ་ཞིང་ཁང་སྦ། །མདུན་དུ་ནོར་ཕྱུགས་བྲན་གཡོག་གལ་ཆེའི་རིགས། རང་ལ་ངོ་ལོག་བྱ་དོགས་མེད་རྣམས་བསྒོམ། །རང་ཉིད་མཁའ་འགྲོ་གཡས་གཡོན་ཆོས་འབྱུང་ནང་། །གཡས་སུ་ཕོ་རིགས་གཡོན་དུ་མོ་རིགས་དང་། །རྒྱབ་ཏུ་ཞིང་ཁང་སྦྲ་ཁྱིམ་མདུན་དུ་ནི། །བྲན་དང་ནོར་ཕྱུགས་བསྲུང་བྱར་གྱུར་རྣམས་བསྒོམ། །རང་གི་ཐུགས་ལས་འོད་ཟེར་སྣ་ཚོགས་འཕྲོས། །བླ་མ་ཡི་དམ་སངས་རྒྱས་བྱང་སེམས་དང་། །མཁའ་འགྲོ་ཆོས་སྐྱོང་རྣམས་ཀྱི་བྱིན་རླབས་དང་། །ལྷ་སྲིན་སྡེ་བརྒྱད་འཇིག་རྟེན་སྐྱོང་རྣམས་ཀྱི། །མཐུ་སྟོབས་འབྱུང་བ་ལྔ་དང་རིན་ཆེན་བཅུད། །སྐྱེས་བུའི་བསོད་ནམས་དཔལ་འབྱོར་ཐམས་ཅད་ཀུན། །འོད་ཀྱི་རྣམ་པར་བསྡུས་ནས་རང་ལུས་དང་། །བསྲུང་བྱ་ལ་ཐིམ་བཀྲག་མདངས་གཟི་བརྗིད་འབར། །དམིགས་པ་དེ་ཙམ་རྒྱས་པར་མ་ཟིན་ན། །ཕྱི་རོལ་རྩིབས་སྟོང་སེང་གདོང་དཀར་

[Full Size]

མོ་སྟོང་། །ཕྱི་རོལ་རྡོ་ར་མེ་རི་བསྒོམས་པས་འཐུས། །བློ་ཆུང་དེ་ཡང་བསྒོམ་པར་མ་ཐུབ་ན། །གཞུང་ནས་བཤད་པའི་ཆོས་འབྱུང་མེ་འབར་བསྒོམ། །དེ་ལྟར་རྒྱས་བསྡུས་གང་བསྒོམ་ཡང་། །བཟླ་བྱའི་སྔགས་ནི་སྲུང་སྔགས་འབྲུ་བརྒྱད་རེ། །ཨ༔ཀ༔ས༔མ༔ར༔ཙ༔ཕཊ༔ཅེས། ཅི་ལྕོགས་བཟླས་རྗེས་ཐུན་མཚམས་གཏོར་མ་བསྔོ། །བྱད་ཁ་ཟུབ་ཟུག་རྐྱེན་ཁ་ཆོད་དུས་སུ། །ཞག་ནི་གསུམ་ལྔ་བདུན་སོགས་མཚམས་བྱས་བསྒྲུབ། །གོ་ཆ་གྱོན་དང་རྫོང་བརྩེགས་ཉི་ཟླ་ཤར། །རང་ཉིད་བཙན་པའི་མཁར་དང་ཕྲག་ན་འདུག ། གཞན་གྱི་སྲོག་སྐྱབས་བྱ་རྨིས་འགྲུབ་པའི་རྟགས། །རྒྱུན་ཁྱེར་ལ་ནི་སྔ་དྲོ་ཐུན་རེས་ཆོག །རྡོ་རྗེའི་གོ་མཚོན་སྲུང་བའི་མན་ངག་འདི། །གསེར་ཆོས་ཟབ་མོ་སྤེལ་བར་ཕོངས་པ་སྟེ། །རིན་ཐང་རང་གི་སྲོག་དང་མཉམ་པ་ཡིན། །ཨི་ཐི་གུ་བྱ་དྷ་ཐིམ་ས་མ་ཡ། །དེ་ཡང་ཕག་ལོ་རྒྱལ་ཟླའི་བཅུ་གསུམ་གྱི། །ཕྱི་དྲོའི་ཆ་ལ་རཱ་ག་ཨ་སྱས་སྨྲས། །དགེ་བའི་མིང་ཅན་དགེ་སློང་དེ་ཡིས་བྲིས། །ཉེས་འགལ་མཆིས་ན་བཤགས་ཤིང་དགེ་བ་འདིས། །བྱང་ཆུབ་སྒྲུབ་ལ་བར་ཆད་མེད་པར་ཤོག །མངྒ་ལཾ།། །།

[Full Size]

ཤོག་སྟོང་།

གཏེར་སྲུང་སེང་གདོང་མའི་བསྐང་ཟློག་འདོན་འགྲིགས་ཀྱི་ཟིན་བྲིས།

[Full Size]

གཏེར་སྲུང་སེང་གདོང་མའི་བསྐང་ཟློག་འདོན་འགྲིགས་ཀྱི་ཟིན་བྲིས་བཞུགས་སོ།། ཨོཾ་བི་ཤྭ་ཌཱཀི་ནཱི་སོགས། །ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་ཐོད་པའི་སྣོད་སུ་ཧཱུཾ་ལས་བྱུང་བའི་མཆོད་རྫས་སོགས་ནས་ཁྱད་པར་ཅན་རྒྱུད་ལ་སྐྱེ་བར་གྱུར་བར་འདོན། དེ་ནས་བསྐང་བཟློག་ནས། སྭ་བྷ་ཝ་དང་། སྟོང་པའི་ངང་ལས་མདོས་ཀྱི་སྨད་ཆ་དགྲ་ཀྵ བགེགས་བསྒྲལ་བའི་སོགས་ནས། པྲ་ཏི་ཛ་ཧོ༔ བསྙེན་པ་བཟླ། ཚོགས་གོང་དུ། བཀའ་སྲུང་རྡོ་རྗེ་རྒྱལ་མཚན་ནི། ཧཱུཾ། རྒྱལ་བའི་བསྐྱེད་ཡུམ་ཌཱཀྐི་སེང་གདོང་མའི་སོགས་ནས། ཨོཾ་མ་ཧཱ་ཀཱ་ལ་བཛྲ་རྡོ་ཛ་ན་ཕྲཊ ཡན་བརྗོད། དེ་ནས་ཚོགས་བྱ། སེང་གདོང་མའི་བདག་བསྐྱེད་སྲུང་འཁོར་ནས་གཏོར་མ་བསྔོས་ལ་བསྐང་མདོས་བྲན་ལ། སྟོང་པའི་ངང་ལས་ཡཾ་ལས་སོགས་ནས། ཕྱག་འཚལ་སྲུང་། མ་རྒྱ་མཚོ་ལ་ཡན་འདོན། དེ་ནས་བསྐང་བ་ནི། ཧཱུྃ། དངོས་སུ་འབྱོར་དང་ཡིད་ལས་སོགས་ནས། མི་སྒྲིབ་ཚངས་པའི་དངོས་གྲུབ་སྩོལ་བར་འདོན། །ཡིག་བརྒྱ་བརྗོད། དེ་ནས་བྲུབ་ཁུང་བསྐྱེད་པཆོག །དེ་ནས་བསྒྲལ་ལས། དེ་ནས་ཟློག་པ། དེ་ནས་དམག་འགྱེད། དེ་ནས་གཏོར་མ་མདོས་སུ་འབུལ། བཟློག་སྔགས་བཟླས། ཐུན་གཏོར་ཕུལ། དེ་ནས་རྩང་། དེ་ནས་ལྷག་མ་ཕུལ། དེ་ནས་རྡོ་རྗེ་རྒྱལ་མཚན་

[Full Size]

བསྐུལ། གཏོང་མར་མེ་རུ་བཙུགས་ལ་བསྐུལ། གཏོར་མ་ཕྱི་རོལ་ཕུལ། བསྡུ་ཆོག །མ་འབྱོར་པ་ནས་འགྲོ་བའི་དོན་བྱའོ། །དེ་ནས་འབུལ་ཉིན་སྒོ་དབྱེ་ནི། ཧཱུྃ་བྷྱོ༔ བཅོམ་ལྡན་ཌཱཀི་སེང་གདོང་བུ་མའི་སོགས་ནས་ཕྱོགས་བཞི་ནས་སྒོ་རྩང་བཞི་ཤབ། དེ་ནས་གསེར་སྐྱེམས་མཆོད། ཧཱུྃ། སྣང་ཞིང་སྲིད་པའི་ལྷ་དང་འདྲེ་སོགས། བཅོལ་བའི་ཕྲིན་ལས་འགྲུབ་པར་མཛོད། །བར་བརྗོད། ཕྲ་མེན་བཅུ་བཞི་བསྐུལ་པ་ལ། གཏོར་ཆུང་ལྷ་གྲངས་མདོས་སུ་ཕུལ། དེ་ནས་ལིང་ག་ལ་ཟློག་གཞུང་གི་བྲུབ་ཁུང་བསྐྱེད་ཆོག་དང་འགུགས་གཞུག་བྱ། ཟོར་ལས་ལ། ཧཱུྃ་བྷྱོ༔ མྱུར་མགྱོགས་ཕོ་ཉ་སོགས་ནས་གནམ་རྡོ་རྒྱོབ་ཡན་སྔགས་བཟླས་མདའ་ཟོར་འཕེན། དེ་ནས་ཟློག་པ་བཏེག་ལ། ཧོ༔ དགོངས་སུ་གསོལ་ནས་བཞེས་ཤིག །བར་སོགས་སྔགས་བཟླས། མདོས་ཕུལ། རྟ་བྲོ་བྱ། ཁྱིམ་དུ་ལོག་ལ། ཚེ་འགུགས་བྱ། ཚེ་རིལ་ཚེ་ཆང་བཏུང་། བཀྲ་ཤིས་བརྗོད་བསྡུ་རིམ་རྗེས་ཆོག་གཞུང་བཞིན་བསྔོ་སྨོན་བྱ། ཞེས་རཱ་ག་ཨ་སྱས་སོ། །མངྒ་ལཾ།། །།

ཡེ་ཤེས་ཌཱཀི་སེང་གདོང་མའི་བསྐང་བཟློག་སྤྲུག་མའི་གཏོར་མདོས།

[Full Size]

ཡེ་ཤེས་ཌཱཀི་སེང་གདོང་མའི་བསྐང་བཟློག་སྤྲུག་མའི་གཏོར་མདོས་བཞུགས་སོ།།

[Full Size]

ན་མོ་ཌཱ་ཀི་སེང་ཧ་མུ་ཁ་ཡེ། ཡེ་ཤེས་མཁའ་འགྲོའི་ཚོགས་ལ་གུས་བཏུད་ནས། །ཉམས་ཆག་བསྐང་དང་རྐྱེན་དབང་བཟློག་པའི་ཕྱིར། །བསྐང་ཟློག་སྦྲག་མའི་བྱ་ཚུལ་འདིར་བཀོད་བྱ། །ཆོས་བདག་ཊཱཀིས་བཀའ་གནང་བྱིན་གྱིས་རློབས། །སྣོད་ནང་ཉིད་དུ་འབྲིའམ་སྟེགས་བུའི་སྟེང་། །མ་ཏྲ་ཁོག་པར་རྡོ་ར་མེ་རི་དང་། །འཁོར་ལོ་རྩིབས་བརྒྱད་ལྟེ་བར་ཆོས་འབྱུང་བསྣོལ། །དེ་སྟེང་གཏོར་མ་ཟུར་གསུམ་ཆེ་བ་གཅིག །སྨད་ཆ་བཅད་ནང་ལིང་ག་བཅུག་ལ་སྦྱར། །གཡས་གཡོན་དེ་ལས་ཆུང་བའི་གཏོར་མ་རེ། །རྩིབས་བརྒྱད་སྟེང་དུ་དམར་གཏོར་རེ་རེ་དང་། །རྩིབས་མཆན་མཐེབ་ཀྱུ་རེ་རེ་ཁ་ཕྱིར་བསྟན། །གཏོར་མ་རེ་ལ་ལིང་ག་ཤ་དམར་བརྒྱན། །

[Full Size]

དར་གདུགས་མདའ་དར་རྩང་སོགས་འབྱོར་ན་བཙུགས། །བསྐང་འབྲས་རྣམས་ཀྱང་གཏོར་མའི་རྩེ་ལ་བཙུགས། །བདག་བསྐྱེད་སེང་གདོང་གཙོ་རྐྱང་བསྒོམས་བྱས་ལ། །མདོས་གཏོར་ཆུ་ཆང་བདུད་རྩིས་བྲན་ནས་ཀྱང་། །ཨོཾ་བི་ཤྭ་ཌཀི་ནི་ཧཱུཾ་ཕཊ། ཨོཾ་སྭ་བྷ་སོགས། སྟོང་པ་ཉིད་དུ་གྱུར། སྟོང་པའི་ངང་ལས། གཏོར་མདོས་ཀྱི་སྨད་ཆ། དགྲ་བགེགས་བསྒྲལ་བའི་ཤ་ཁྲག་བདུད་རྩིའི་རྒྱ་མཚོ་འདོད་པའི་ཡོན་ཏན་ལྔ་མཆོད་པའི་སྤྲིན་ཕུང་བསམ་གྱིས་མི་ཁྱབ་པའི་དབུས་སུ། མེ་རི་དང་རྡོ་རྗེའི་ཕྲེང་བས་བསྐོར་བའི་ནང་། དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་དབུས་སུ། བྷྲཱུཾ་ལས་གཞལ་ཡས་

[Full Size]

ཁང་གྲུ་བཞི་སྒོ་བཞི་པ་ཕྱི་རིན་པོ་ཆེ་ལ། ནང་དུར་ཁྲོད་ཐོད་མཁར་འབར་བ་འཇིགས་སུ་རུང་བའི་ནང་དུ་འཁོར་ལོ་ནག་པོ་རྩིབས་བརྒྱད་པའི་ལྟེ་བར་ཆོས་འབྱུང་མཐིང་ནག་གྲུ་གསུམ་པ་ཉམས་དགའ་བ་དེའི་དབུས་ན། པདྨ་ཉི་མ་རོའི་གདན་ལ་ཡི་གེ་ཧཱུྃ་མཐིང་ནག །དེ་ལས་འོད་ཟེར་འཕྲོས་གདོན་བགེགས་ལོག་འདྲེན་ཐམས་ཅད་བསྲེགས། ཡེ་ཤེས་ཀྱི་མཁའ་འགྲོ་མའི་གོ་འཕང་ལ་བཀོད། ཚུར་འདུས་ཧཱུྃ་ལ་ཐིམ། དེ་ཡོངས་སུ་གྱུར་པ་ལས་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན། སྐུ་མདོག་མཐིང་ནག་ཞལ་གཅིག་ཕྱག་གཉིས་པ་གཡས་གྲི་གུག་ནམ་མཁར་ཕྱར་ཞིང་གཡོན་ཐོད་ཁྲག་ཐུགས་ཀར་བསྣམས་པ། གྲུ་མོར་སྐུ་ཡི་ཚད་དང་མཉམ་པའི་ཁ་ཊཾ་ག་ལ་དྲིལ་བུ་དང་དར་འཕན་རྩེ་གསུམ་པ་འཕྱང་བ། སེང་ཞལ་གནམ་དུ་གདངས་བའི་ཁ་ནས་དུག་གི་ཁ་རླངས་འཐུལ་བས་གདུག་པ་ཅན་ཐམས་ཅད་མྱོས་པར་བྱེད་པ། མི་མགོ་སྐམ་པོ་ལྔ་ཡི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། རུས་པའི་རྒྱན་ཆ་ལྔས་བརྒྱན་པ། ལྗགས་འདྲིལ་ཞིང་མཆེ་བ་གཙིགས་པ། སྨིན་མ་དང་དབུ་སྐྲ་གྱེན་དུ་འབར་ཞིང་ཐུར་དུ་འཕྱང་བ། སྤྱན་གསུམ་དམར་ལ་ཟླུམ་

[Full Size]

པ། ཞབས་གཡོན་བརྐྱངས་བའི་བརླ་ལ་གཡས་བསྐུམས་པའི་སོར་མོ་རྣམས་གཏད་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པ། དེ་ཡི་གཡས་སུ་ཡེ་ཤེས་ཀྱི་མཁའ་འགྲོ་མ་སྟག་གི་གདོང་པ་ཅན། གཡོན་དུ་ཡེ་ཤེས་ཀྱི་མཁའ་འགྲོ་མ་དོམ་གྱི་གདོང་པ་ཅན་གཉིས་ཀའང་སྐུ་མདོག་སྔོན་པོ་ཕྱག་གཉིས་ཉི་ཟླའི་ཆ་ལང་རྡེབ་པ། འཁོར་ལོའི་རྩིབས་བརྒྱད་ལ་ཤར་དུ་སངས་རྒྱས་མཁའ་འགྲོ་དཀར་མོ་གྲི་གུག་དང་བྷནྡྷ། བྱང་དུ་ལས་ཀྱི་མཁའ་འགྲོ་མ་ལྗང་མོ་རྒྱ་གྲམ་དང་བྷནྡཱ། ནུབ་ཏུ་པདྨ་མཁའ་འགྲོ་མ་དམར་མོ་ལྕགས་ཀྱུ་དང་བུམ་པ་བསྣམས་པ། ལྷོར་རིན་ཆེན་མཁའ་འགྲོ་མ་སེར་མོ་རིན་པོ་ཆེ་དང་ནེའུ་ལེ་བསྣམས་པ། ཤར་ལྷོར་དམ་ཚིག་མཁའ་འགྲོ་ནག་མོ། ལྷོ་ནུབ་ཏུ་འཇིག་རྟེན་མཁའ་འགྲོ་དམར་མོ། ནུབ་བྱང་དུ་སྣ་ཚོགས་མཁའ་འགྲོ་སེར་མོ། བྱང་ཤར་དུ་ཐམས་ཅད་མཁའ་འགྲོ་ལྗང་མོ། དེ་ཐམས་ཅད་ཀྱང་སེང་གེའི་གདོང་པ་ཅན་གྲི་གུག་དང་ཐོད་༄ཁྲག་བསྣམས་པ། རུས་པའི་རྒྱན་དྲུག་གིས་སྤྱས་ཤིང་ཁ་ཊཾ་ག་དང་ལྡན་པ། རང་འདྲ་བའི་མཁའ་འགྲོ་འབུམ་གྱིས་བསྐོར་བའོ། །ཤར་སྒོར་ལྔ་གདོང་མ་དཀར་མོ། ལྷོ་སྒོར་

[Full Size]

འུག་གདོང་མ་ལྗང་ཁུ། ནུབ་སྒོར་ཁྱི་གདོང་མ་དམར་མོ། བྱང་སྒོར་ཕག་གདོང་མ་སེར་མོ་བཞི་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་བསྣམས་པ། དེ་དག་གི་བར་ཁྱམས་ཁོར་། ཡུག་རྣམས་སུ་ཕྱི་ནང་གསང་བ་ཡང་གསང་གི་སེང་གདོང་མའི་ཚོགས་ཐམས་ཅད་དང་། དམག་འདུལ་རྒྱལ་མོ་ལ་སོགས་པ་ཕྲ་མེན་གྱི་སེང་གདོང་མ་བཅུ་བཞི། ཕྱིའི་དུར་ཁྲོད་ལ་གོ་རི་ནག་མོ་སེང་གདོང་མ་ལ་སོགས་ཕྲ་མེན་ཆེན་མོ་བརྒྱད། མདོར་ན་རི་རབ་སོ་གཉིས་ཀྱི་རྡུལ་གྱི་གྲངས་དང་མཉམ་པའི་མཁའ་འགྲོ་མ་ཐམས་ཅད་རྒྱན་ཆ་ལུགས་མ་ངེས་སྣ་ཚོགས་འཛིན་པ། བཀའ་སྡོད་སྲིད་པའི་མ་མོ་བྱེ་བ་འབུམ་དང་བཅས་པ་ཐམས་ཅད་ཀྱི། སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། དེ་ལས་འོད་ཟེར་འཕྲོས་པས་མཁའ་སྤྱོད་དག་པའི་ཞིང་ཁམས་ཡུལ་ཉི་ཤུ་རྩ་བཞི་གནས་སུམ་ཅུ་སོ་གཉིས། དུར་ཁྲོད་ཆེན་པོའི་ཚལ་བརྒྱད། ཁྱད་པར་དུ་ནུབ་ཕྱོགས་ཨོ་རྒྱན་གྱི་ཡུལ་རབ་ཏུ་འབར་བ་འཁྲིགས་པའི་དུར་ཁྲོད་ནས། མ་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་འཁོར་དང་བཅས་པ་སྤྱན་དྲངས་བཛྲ་ས་མཱ་ཡ་ཛ་ཛཿ ཧཱུྃ་བྷྱོ༔ གདོད་ནས་རྣམ་དག་ཆོས་དབྱིངས་ཕོ་བྲང་ནས། །

[Full Size]

ཆོས་སྐུ་ཡེ་ཤེས་མཁའ་འགྲོ་སེང་གདོང་མ། །གཤེགས་དང་བཞུགས་པའི་མཚན་མ་མི་མངའ་ཡང་། །ཆུ་ཟླ་བཞིན་དུ་གནས་འདིར་སྣང་བར་མཛོད། །འཐུག་པོ་བཀོད་སོགས་དག་པའི་ཞིང་ཁམས་ནས། །ལོངས་སྐུ་ཡེ་ཤེས་མཁའ་འགྲོ་སེང་གདོང་མ། །གཤེགས་དང་བཞུགས་པའི་རྟོག་པ་མི་མངའ་ཡང་། །ཐུགས་རྗེའི་སྨོན་ལམ་དབང་གིས་གནས་འདིར་གཤེགས། །ཨོ་རྒྱན་རབ་ཏུ་འབར་བའི་དུར་ཁྲོད་ནས། །སྤྲུལ་སྐུ་ཡེ་ཤེས་མཁའ་འགྲོ་སེང་གདོང་མ། གཤེགས་དང་བཞུགས་པའི་རྟོག་པ་མི་མངའ་ཡང་། །ཐུགས་རྗེའི་ཐུགས་དམ་དབང་གིས་གཤེགས་སུ་གསོལ། །ཨོ་རྒྱན་ཡུལ་གྱི་ཕྱོགས་མཚམས་དུར་ཁྲོད་ནས། །རིགས་བཞི་མཁའ་འགྲོ་སེང་གེའི་གདོང་པ་ཅན། །དམ་ཚིག་ལས་དང་སྣ་ཚོགས་མཁའ་འགྲོ་མ། །སྒོ་སྲུང་ཕྲ་མེན་ཚོགས་བཅས་གཤེགས་སུ་གསོལ། །ཡུལ་ཆེན་ཉེར་བཞི་གནས་ཆེན་སུམ་ཅུ་གཉིས། །རབ་འཇིགས་དུར་ཁྲོད་ཆེན་པོ་བརྒྱད་རྣམས་ནས། །སེང་གདོང་ཌཱཀིའི་བཀའ་ཉན་དམ་ཚིག་ཅན། །མ་མོ་མཁའ་འགྲོ་མ་ལུས་གཤེགས་སུ་གསོལ། །ཨོཾ་བཛྲ་ཌཱཀི་སེང་ཧ་མུ་ཁ་ས་པཱ་རི་ཝཱ་ར་བཛྲ་ས་མཱ་ཛཿ ཧཱུྃ་

[Full Size]

བྷྱོ༔ འབྱུང་བ་རིམ་བརྩེགས་རིན་ཆེན་ཕོ་བྲང་དབུས། །འཇིགས་སུ་རུང་བ་ཐོད་པའི་སྐུ་མཁར་ནང་། །གནམ་ལྕགས་འཁོར་ལོ་ཆེ་ཆུང་པད་ཉིའི་སྟེང་། །དགྲ་བགེགས་རུ་ཏྲ་བསྣོལ་བའི་བོ་བརྩེགས་ལ། །ཡེ་ཤེས་ཌཱ་ཀི་སེང་གདོང་གཙོ་དང་འཁོར། །དགྱེས་ཤིང་བརྟན་པའི་ཚུལ་གྱིས་བཞུགས་སུ་གསོལ། །ཨོཾ་བཛྲ་ཌཱཀི་སེང་ཧ་མུ་ཁ་ས་པཱ་རི་ཝཱ་ར་ས་མ་ཡ་ཏིཥྛ་ལྷན། ཛཿཧཱུྃ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་དབང་ལྷ་སྤྱན་དྲངས་དབང་བསྐུར་སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་གཙོ་མོ་ལ་མི་ཚོ བསྐྱོད་པ། འཁོར་རྣམས་ལ་ཕྱོགས་སོ་སོའི་རིགས་ཀྱི་བདག་པོས་དབུ་བརྒྱན་པར་གྱུར། ཧཱུཾ་བྷྱོ༔ རྒྱལ་བ་ཀུན་གྱི་ཐུགས་ཀྱི་རྡོ་རྗེ་དངོས། །བརྟན་དང་གཡོ་བའི་ཁྱབ་བདག་བདེ་ཆེན་སྐུ། །ནམ་མཁའི་མདོག་ཅན་ཌཱཀི་བྱེ་བའི་གཙོ། །དཔལ་ལྡན་རྡོ་རྗེ་མཁའ་འགྲོ་མོ་ལ་འདུད། །སྤྲུལ་པའི་འཁོར་ཚོགས་ཀི་བྱེ་བ་འབུམ། །ལེགས་ཉེས་སྟངས་འཛིན་དམ་ཚིག་རྗེས་གཅོད་མཁན། །རྫུ་འཕྲུལ་མྱུར་མགྱོགས་མཐུ་སྟོབས་བསམ་མི་ཁྱབ། །སེང་གདོང་ལྷ་མོའི་ཚོགས་ལ་ཕྱག་འཚལ་བསྟོད། །ཨོཾ་བཛྲ་ཌཱཀི་ནཱི་སེང་ཧ་མུ་ཁ་ས་

[Full Size]

པཱ་རི་ཝཱ་ར་ཨ་ཏི་པཱུ་ཧོ༔ པྲ་ཏི་ཛཧོ༔ སྤྲོ་ན་སྐབས་འདིར་ཚོགས་མཆོད་བདུད་རྩི་སྤྲིན་སྤུང་བསྡུས་པ་འདོད་དགུའི་བང་མཛོད་ཅེས་བྱ་བ་ཚོགས་གཏོར་ཟླུམ་པོ་ཤ་ཆང་དང་བཅས་པ་བྲན་ལ། །སེང་གདོང་མའི་བསྐང་བ་ནི། ཧཱུྃ་བྷྱོ༔ དངོས་སུ་འབྱོར་དང་ཡིད་ལས་བྱུང་བ་ཡི། །མཆོད་ཡོན་མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོའི་བྱེ་བྲག་ཅི་མཆིས་པ། །ནམ་མཁའ་གང་བར་སེམས་ཀྱིས་མངོན་སྤྲུལ་ནས། །སེང་གདོང་ཌཀི་འཁོར་དང་བཅས་ལ་འབུལ། །མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །གཟུགས་སྡུག་སྒྲ་སྙན་དྲི་ཞིམ་རོ་མངར་དང་། །རེག་འཇམ་ན་བཟའི་བྱེ་བྲག་ཅི་མཆིས་པ། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །ནམ་མཁའ་གང་བར་སེམས་ཀྱིས་མངོན་སྤྲུལ་ནས། །སེང་གདོང་ལྗཀི་འཁོར་དང་བཅས་ལ་འབུལ། །མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །སྟོང་གསུམ་རབ་འབྱམས་འཇིག་རྟེན་ཞིང་ཁམས་ནས། །གླིང་བཞི་རི་རབ་ཉི་ཟླ་རིན་ཆེན་གཏེར། །རིན་ཆེན་རི་བོ་རྣམས་དང་དཔག་བསམ་ཤིང་། །དད་པའི་སེམས་ཀྱིས་བློ་ཡིས་ལེགས་བླངས་ཏེ། །སེང་གདོང་ཌཱཀི་འཁོར་དང་བཅས་ལ་འབུལ། །

[Full Size]

མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །རི་རབ་གླིང་བཞི་མཛེས་པའི་སྟེང་ཤོད་ན། །འདབ་ཆགས་གཡུང་དྭགས་རི་དྭགས་ཆུ་གནས་སོགས། །བྱ་ནག་ཁྱི་ནག་གཡག་ནག་མཐུན་པའི་རྫས། །བློ་ཡིས་བླངས་ཏེ་ཡིད་ཀྱིས་མངོན་སྤྲུལ་ནས། །སེང་གདོང་ཌའི་འཁོར་དང་བཅས་ལ་འབུལ། །མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །རིན་ཆེན་དར་ཟབ་གོ་མཚོན་སྨན་དང་འབྲུ། །རྟེན་རྫས་སྒྲུབ་རྫས་བསྐང་རྫས་མཆོད་པའི་རྫས། །ཕྱག་མཚན་རྒྱན་ཆ་གཡང་གཞི་མཐུན་རྫ་ས་ཚོགས། །ནམ་མཁའ་གློ གང་བར་སེམས་ཀྱིས་མངོན་སྤྲུལ་ནས། །སེང་གདོང་ཌཱཀི་འཁོར་དང་བཅས་ལ་འབུལ། །མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །རང་བྱུང་སྣོད་མཆོག་དུམ་གཅིག་མཛེས་པའི་ནང་། །ཤ་ལྔ་བདུད་རྩི་ལྔ་དང་ཡིག་འབྲུ་ལྔ། །སྦྱངས་སྤེལ་བསྒྱུར་བའི་ཡེ་ཤེས་བདུད་རྩི་མཆོག །རྩ་བརྒྱད་ཡན་ལག་སྟོང་སྦྱར་ཨ་མྲྀ་ཏ། །ནམ་མཁའ་གང་བར་སེམས་ཀྱིས་མངོན་སྤྲུལ་ནས། །སེང་གདོང་ཌཱཀི་འཁོར་དང་བཅས་ལུ་འབུལ། །མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །དམ་ཉམས་དགྲ་བགེགས་བསྒྲལ་

[Full Size]

བའི་བྷནྡྷ་རུ། །པདྨ་རཀྟ་མུ་ལ་རཀྟ་དང་། །ཨཉྫ་རཀྟ་ལ་སོགས་ཁྲག་སྣ་སྟོང་། །འཁོར་བ་དབྱིངས་སུ་དག་པའི་མཆོད་པ་འདི། །ནམ་མཁའ་གང་བར་སེམས་ཀྱིས་མངོན་སྤྲུལ་ནས། །སེང་གདོང་ཌཱ་ཀི་འཁོར་དང་བཅས་ལ་འབུལ། །མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །སྟོང་གསུམ་འཇིག་རྟེན་མཉམ་པའི་གཏོར་གཞོང་དུ། །འདོད་ཡོན་ལྔ་ལྡན་གཏོར་མ་རི་རབ་ཙམ། །ངོ་བོ་དགྲ་བགེགས་ཤ་ཁྲག་བླ་ཚེ་སྲོག །རྣམ་པ་ཟག་མེད་བདུད་རྩིའི་རྒྱ་མཚོ་འདི། །ནམ་མཁའ་གང་བར་སེམས་ཀྱིས་མངོན་སྤྲུལ་ནས། །སེང་གདོང་ཊྛཀི་འཁོར་དང་བཅས་ལ་འབུལ། །མཁའ་འགྲོ་འཁོར་བཅས་ཐུགས་དམ་བསྐང་གྱུར་ཅིག །ཨོཾ་བཛྲ་ཌཱཀི་སེང་ཧ་མུ་ཁ་ཧཱུྃ་ཧཱུྃ་ཕཊ༔ ས་པཱ་རི་ཝཱ་ར་པཉྩ་ཨ་མྲྀ་ཏ་བྷ་ལི་ཏ་རཀྟ་ཁ་ཁ་ཁཱ་ཧི་ཁཱ་ཧི། ཧཱུཾ་བྷྱོ༔ དྲག་མོ་སེང་གེའི་གདོང་པ་ཅན། །རྡོ་རྗེ་མཁའ་འགྲོའི་ཐུགས་དམ་བསྐང་། །སྐུ་ལས་སྤྲུལ་པའི་མཁའ་འགྲོ་མ། །སྟག་གདོང་མ་ཡི་ཐུགས་དམ་བསྐང་། །གསུང་ལས་སྤྲུལ་པའི་མཁའ་འགྲོ་མ། དོམ་གདོང་མ་ཡི་ཐུགས་དམ་བསྐང་། །དཀར་མོ་སེང་གེའི་གདོང་པ་ཅན། །སངས་

[Full Size]

རྒྱས་མཁའ་འགྲོའི་ཐུགས་དམ་བསྐང་། །སེར་མོ་སེང་གེའི་གདོང་པ་ཅན། །རིན་ཆེན་མཁའ་འགྲོའི་ཐུགས་དམ་བསྐང་། །དམར་མོ་སེང་གེའི་གདོང་པ་ཅན། །པདྨ་མཁའ་འགྲོའི་ཐུགས་དམ་བསྐང་། །ལྗང་མོ་སེང་གེའི་གདོང་པ་ཅན། །ལས་ཀྱི་མཁའ་འགྲོའི་ཐུགས་དམ་བསྐང་། །ནག་མོ་སེང་གེའི་གདོང་པ་ཅན། །དམ་ཚིག་མཁའ་འགྲོའི་ཐུགས་དམ་བསྐང་། །དམར་ནག་སེང་གེའི་གདོང་པ་ཅན། །འཇིག་རྟེན་མཁའ་འགྲོའི་ཐུགས་དམ་བསྐང་། །སེར་ནག་སེང་གེའི་གདོང་པ་ཅན། །སྣ་ཚོགས་མཁའ་འགྲོའི་ཐུགས་དམ་བསྐང་། །ལྗང་ནག་སེང་གེའི་གདོང་པ་ཅན། །ཐམས་ཅད་མཁའ་འགྲོའི་ཐུགས་དམ་བསྐང་། །ལྕགས་ཀྱུ་ཞགས་པ་ལྕགས་སྒྲོག་དྲིལ། །སྒོ་མ་བཞི་ཡི་ཐུགས་དམ་པ བསྐང་། །གཟའ་འདུལ་ལ་སོགས་སེང་གདོང་མ། །ཕྲ་མེན་བཅུ་བཞིའི་ཐུགས་དམ་བསྐང་། །གོ་རི་སེང་གེའི་གདོང་ཅན་སོགས། །དུར་ཁྲོད་མ་མོའི་ཐུགས་དམ་བསྐང་། །སྲུང་བྱེད་སེང་གདོང་དཀར་མོ་སོགས། །ལྷ་མོ་བཅུ་བཞིའི་ཐུགས་དམ་བསྐང་། །སེང་གདོང་ཌཱ་ཀི་འབུམ་ཕྲག་སོགས། །ཊཱཀི་བྱེ་བའི་ཐུགས་དམ་བསྐང་། །འཇིག་རྟེན་སེང་

[Full Size]

གདོང་དམར་མོ་སོགས། །མ་མོ་བྱེ་བའི་ཐུགས་དམ་བསྐང་། །ཐུགས་དམ་གཉན་པོ་བསྐངས་གྱུར་ནས། །བདག་གིས་གཡར་དམ་སོལ་སྩོལ་ཅིག །མཆོག་དང་ཐུན་མོང་དངོས་གྲུབ་སྩོལ། ། ཧཱུྃ་བྷྱོ༔ དུས་གསུམ་སངས་རྒྱས་བསྐྱེད་པའི་ཡུམ། །ཡེ་ཤེས་ཌཱཀི་སེང་གདོང་མ། །འཁོར་དང་བཅས་པ་མ་ལུས་ཀུན། །བརྩེ་བའི་ཐུགས་རྗེས་དགོངས་སུ་གསོལ། །བདག་ནི་ཉོན་མོངས་དབང་གྱུར་ཏེ། །རྩ་བ་ཡན་ལག་དམ་ཚིག་རྣམས། །ཉམས་ཆག་འགལ་འཁྲུལ་ཅི་མཆིས་པ། །གནོང་ངོ་འགྱོད་དོ་མཐོལ་ཞིང་བཤགས། །ཕྱིན་ཆད་དེ་ལྟར་མི་བགྱིད་དོ། །མཐོལ་བཤགས་དང་དུ་ཡར་བཞེས་ལ། །མི་སྒྲིབ་ཚངས་པའི་དངོས་གྲུབ་སྩོལ། །ཅེས་ཡིག་བརྒྱ་མན་ངག་ལྟར་བཟླས། ཉ་བོ་ཟན་ལིང་ཚོགས་དུམ་བྲན་ལ། མདུན་དུ་བྲུབ་ཁུང་ལས་ཀྱི་བཙོན་དོང་མེ་འབར་བའི་ནང་དུ། ནཱི་དང་ཏྲི་ལས་སྐྱེས་པའི་དགྲ་བགེགས་བྱད་མའི་ཕུང་ཁམས་སྐྱེ་མཆེད་ཇི་ལྟ་བ་མངོན་སུམ་ལྟ་བུར་གསལ་བར་གྱུར། ན་མོ། སངས་རྒྱས་ཆོས་དང་དགེ་འདུན་གསུམ། །བླ་མ་ཡི་དམ་མཁའ་འགྲོ་དང་། །མ་མོ་བདེ་གཤེགས་འདུས་པའི་སྐུ། །སེང་གེའི་གདོང་ཅན་

[Full Size]

ཌཀིའི་ཚོགས། །འཁོར་དང་བཅས་པའི་བདེན་པའི་མཐུས། །གནོད་ཅིང་འཚེ་བའི་དགྲ་དང་བགེགས། །བསམ་སྦྱོར་ངན་པའི་བྱད་མ་རྣམས། །རང་དབང་མེད་པར་འདིར་༣ ཁུག་ཅིག །ལན་གསུམ། ཕོ་ཉ་བསྐུལ་བ་ནི། ཧཱུྃ། ལས་ཀྱི་མཁའ་འགྲོ་བྱེ་བ་འབུམ། །ཀུན་ཀྱང་སྲོག་དང་དབུགས་ཀྱི་བདག །སྙིང་ནས་ཟུངས་ཤིག་ལྕགས་ཀྱུ་མ། །མགུལ་ནས་ཆིངས་ཤིག་ཞགས་པ་མ། །ཡན་ལག་སྡོམས་ཤིག་ལྕགས་སྒྲོག་མ། །མྱོས་པར་གྱིས་ཤིག་དྲིལ་བུ་མ། །ལྷ་དང་ཕྱེས་ཤིག་ཕྲ་མེན་མ། །ཤ་རུས་གཏུབ་ཅིག་ཞིང་སྐྱོང་མ། །སྐད་ཅིག་ཉིད་ལ་གཟུགས་ལ་ཕོབ། །ནི་ཏྲི་ཨང་ཀུ་ཤ་ཛཿ ཛཿཧཱུྃ་བཾ་ཧོཿ ཧཱུྃ་བྱོ༔ བདེ་གཤེགས་ཀུན་འདུས་ཁྲོ་མོའི་རྒྱལ། །ཁམས་གསུམ་ཟ་བྱེད་སེང་གེའི་༈ གདོང་། །བདུད་ཀྱི་བུ་མོ་དྲག་ཤུལ་ཅན། །གསོད་ལ་དགའ་བའི་ཤན་པ་མོ། །སྲོག་ལ་རྔམས་པའི་ཤ་ཟ་མོ། །ཕྱག་ན་སྲོག་གཅོད་གྲི་གུག་བསྣམས། །ཡར་རྩེ་རྡོ་རྗེ་རྩེ་ལྔ་ནི། ཡེ་ཤེས་ལྔ་ཡི་དབང་རྟགས་ཡིན། །མར་གྱི་ཟངས་གྲི་འབར་བ་ནི། །དུག་ལྔ་གཅོད་པའི་རྒྱ་ཟོར་ཡིན། །ཆང་བཟུང་ཆུ་སྲིན་རྒྱ་མདུད་ནི། །འཁོར་འདས་གཅིག་ཏུ་

[Full Size]

འདུས་པ་ཡིན། །བཏབ་ན་ལྷ་ཡང་རླག་པར་བྱེད། །དགྲ་དང་བགེགས་ལ་སྨོས་ཅི་དགོས། །ཡེ་ཤེས་ཌཱཀིའི་བཀའ་བྱུང་གིས། །ལས་མཁན་མཁའ་འགྲོས་ལས་མཛོད་ཅིག །སརྦ་ཌཱཀི་ནི་ཏྲི་མཱ་ར་ཡ་ཕཊ༔ ཅེས་བསྒྲལ། ཧཱུྃ་བྷྱོ༔ སྣང་སྲིད་མ་མོ་ཌཱཀིའི་གཙོ། །ཟ་བྱེད་ཆེན་མོ་སེང་གེའི་གདོང་། །གནམ་ས་ཙམ་གྱི་ཞལ་ཕྱེས་ལ། །གངས་རི་ཙམ་གྱིས་མཆེ་བ་གཙིགས། །གློག་དམར་ཙམ་གྱི་ལྗགས་བརྐྱངས་ལ། །དགྲ་བགེགས་ཤ་ཁྲག་བླ་ཚེ་སྲོག །ལྷག་མ་མེད་པར་ཞལ་དུ་བསྟབ། །རིགས་བཞི་ཊཀིའི་ཞལ་དུ་བསྟབ། །མཚམས་བཞི་ཌཀིའི་ཞལ་དུ་བསྟབ། །སྒོ་བཞི་ཌཀིའི་ཞལ་དུ་བསྟབ། །དུར་ཁྲོད་ཌཱཀིའི་ཞལ་དུ་བསྟབ། །ཊཱཀི་བྱེ་བའི་ཞལ་དུ་བསྟབ། །མ་མོ་བྱེ་བའི་ཞལ་དུ་བསྟབ། །སྤྲུལ་པ་ཡང་སྤྲུལ་ཞལ་དུ་བསྟབ། །ཤ་ལ་ཆེམ་ཆེམ་དགྱེས་པར་རོལ། །ཁྲག་ལ་རྫིབ་རྫིབ་དགྱེས་པར་རོལ། །རུས་ལ་ཀྲུམ་ཀྲུམ་དགྱེས་པར་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ཨཱ་ར་ལི། །ལྷག་མ་མེད་པར་བཞེས་སུ་གསོལ། །རྣམ་ཤེས་མཁའ་སྤྱོད་གནས་སུ་དྲོངས། །འཁྲུལ་མེད་མངོན་སངས་རྒྱས་

[Full Size]

པར་མཛོད། །ཨོཾ་བཛྲ་ཌཱཀི་ནཱི་སེང་ཧ་མུ་ཁ་ས་པཱ་རི་ཝཱ་ར་དགྲ་བགེགས་ཀྱི་མ་ཧཱ་མཾ་ས་ལ་ཁཱ་ཧི། རཀྟ་ལ་ཁཱ་ཧི། ཙིཏྟ་ལ་ཁཱ་ཧི། ཀེ་ནི་རི་ཏི་ལ་ཁ་རཾ་ཁཱ་ཧི། ཞེས་ཕུལ། དེ་ནས་མཁའ་འགྲོ་ལ་ཟློག་པའི་ཕྲིན་ལས་བཅོལ་བ་ནི། ཧཱུཾ་བྷྱོ༔ ནུབ་ཕྱོགས་ཨོ་རྒྱན་སྤྲུལ་པའི་ཞིང་ཁམས་ནས། །རབ་འཇིགས་དུར་ཁྲོད་བརྒྱད་ཀྱིས་བསྐོར་བའི་དབུས། །རིན་ཆེན་སྣ་ལྔ་ཐོད་པའི་གཞལ་ཡས་ཁང་། །ཆོས་འབྱུང་པད་ཉི་རུ་ཏྲ་བསྣོལ་བའི་སྟེང་། །རྒྱལ་བའི་བསྐྱེད་ཡུམ་རྡོ་རྗེ་མཁའ་འགྲོ་མ། །སྐུ་མདོག་མཐིང་ནག་ཆར་སྤྲིན་གཏིབས་པ་འདྲ། །མ་རིག་འཁོར་བའི་བག་ཆགས་བཟློག་ཏུ་གསོལ། །ཟིལ་གནོན་སེང་ཞལ་དཀར་པོ་གཡས་སུ་ཕྱོགས། །ཁྲོ་བོ་ཁྲོ་མོའི་ཟིལ་གནོན་བཟློག་ཏུ་གསོལ། །སྤྱན་གསུམ་དུས་མཐའི་མེ་ལྟར་འབར་བ་ནི། །སྲིད་གསུམ་ལྷ་འདྲེའི་གནོད་པ་བཟློག་ཏུ་གསོལ། །ཞལ་གདངས་ལྗགས་འདྲིལ་མཆེ་བཞི་གཙིགས་པ་ནི། །བར་ཆད་བདུད་བཞིའི་དམག་དཔུང་བཟློག་ཏུ་གསོལ། །ལྕགས་རལ་གསེབ་ནས་ཁྲོ་ཆུང་ཕྱོགས་བཅུར་འགྱེད། །ཕྱོགས་སྐྱོང་བཅུ་ཡི་གདོན་ཚོགས་བཟློག་ཏུ་གསོལ། །ཐོད་སྐམ་ལྔ་ཡིས་དབུ་ལ་བརྒྱན་པ་ནི། ཉོན་མོངས་

[Full Size]

དུག་ལྔའི་དམག་དཔུང་བཟློག་ཏུ་གསོལ། །ཐོད་རློན་ལྔ་བཅུས་དོ་ཤལ་བྱས་པ་ནི། །ལྟས་ངན་བརྒྱད་ཅུ་རྩ་གཅིག་བཟློག་ཏུ་གསོལ། །སྦྲུལ་རིགས་ལྔ་ཡིས་སྐུ་ལ་བརྒྱན་པ་ནི། །ཀླུ་དང་ས་བདག་གནོད་པ་བཟློག་ཏུ་གསོལ། །གླང་ཀོ་ཞིང་ལྤགས་སྟག་ཤམ་བརྗིད་པ་ནི། །ལས་ཀྱི་གཤིན་རྗེའི་ཕོ་ཉ་བཟློག་ཏུ་གསོལ། །རུས་པའི་རྒྱན་དྲུག་སྐུ་ལ་གསོལ་བ་ནི། །མ་མོ་མཁའ་འགྲོའི་གནོད་པ་བཟློག་ཏུ་གསོལ། །ཕྱག་གཡས་རྡོ་རྗེ་གྲི་གུག་ཕྱར་བ་ནི། །གཟའ་དང་རྒྱུ་སྐར་གནོད་པ་བཟློག་ཏུ་གསོལ། །ཕྱག་གཡོན་ཐོད་ཁྲག་ཐུགས་ཀར་བསྣམས་པ་ནི། །མ་མོའི་ཁྲག་ནད་དལ་ཡམས་བཟློག་ཏུ་གསོལ། །ཁ་ཊཾ་རྩེ་གསུམ་མཆན་དུ་བསྒྲེང་བ་ནི། །ཕོ་རྒྱུད་མགོན་པོ་རྣམས་ཀྱི་གནོད་པ་བཟློག་ཏུ་ནི་གསོལ། །དར་ནག་སྟོད་གཡོགས་སྨད་དཀྲིས་བྱས་པ་ནི། །ནག་པོ་བདུད་ཀྱི་དམག་དཔུང་བཟློག་ཏུ་གསོལ། །བདུད་ཀྱི་ཁྲམ་ཤིང་མཚན་དུ་བཅུག་པ་ནི། །བདུད་དང་གཤིན་རྗེའི་ཁྲམ་ཁོ་བཟློག་ཏུ་གསོལ། །རིན་ཆེན་དབུ་རྒྱན་ཕྱག་གདུབ་བྱས་པ་ནི། །དཀོར་བདག་རྒྱལ་འགོང་གནོད་པ་བཟློག་ཏུ་གསོལ། །ཞབས་གཉིས་བརྐྱང་བསྐུམ་གར་སྟབས

[Full Size]

མཛད་པ་ནི། །འཇིག་རྟེན་མཁའ་འགྲོའི་སུན་མ་བཟློག་ཏུ་གསོལ། །ཡེ་ཤེས་མེ་རླུང་དབུས་ན་བཞུགས་པ་ནི། །ངན་སྔགས་བྱད་སྟེམས་ཐམས་ཅད་བཟློག་ཏུ་གསོལ། །གཡས་ན་རབ་གཏུམ་མཁའ་འགྲོ་སྟག་གི་གདོང་། །བོན་གྱི་བྱད་ཁ་ཆོད་གཏོང་བཟློག་ཏུ་གསོལ། །གཡོན་ན་རབ་འཇིགས་མཁའ་འགྲོ་དོམ་གྱི་གདོང་། །མུ་སྟེགས་དམོད་པའི་ངན་སྔགས་བཟློག་ཏུ་གསོལ། །ཤར་ནས་སངས་རྒྱས་མཁའ་འགྲོ་སེང་གདོང་མས། །དྲི་ཟ་ལ་སོགས་ཤར་གྱི་དགྲ་བགེགས་ཟློག །ལྷོ་ནས་རིན་ཆེན་མཁའ་འགྲོ་སེང་གདོང་མས། །གཤིན་རྗེ་ལ་སོགས་ལྷོ་ཡི་དགྲ་བགེགས་ཟློག །ནུབ་ནས་པདྨ་མཁའ་འགྲོ་སེང་གདོང་མས། །ཆུ་ལྷ་ལ་སོགས་ནུབ་ཀྱི་དགྲ་བགེགས་ཟློག །བྱང་ནས་ལས་ཀྱི་མཁའ་འགྲོ་སེང་གདོང་མས། །གནོད་སྦྱིན་ལ་སོགས་བྱང་གི་དགྲ་བགེགས་ཟློག །ཤར་ལྷོར་དམ་ཚིག་མཁའ་འགྲོ་སེང་གདོང་མས། །མེ་ལྷ་ལ་སོགས་ཤར་ལྷོའི་དགྲ་བགེགས་ཟློག ། ལྷོ་ནུབ་འཇིག་རྟེན་མཁའ་འགྲོ་སེང་གདོང་མས། །སྲིན་པོ་ལ་སོགས་ལྷོ་ནུབ་དགྲ་བགེགས་ཟློག །ནུབ་བྱང་སྣ་ཚོགས་མཁའ་འགྲོ་སེང་གདོང་མས། །རླུང་ལྷ་ལ་སོགས་ནུབ་བྱང་

[Full Size]

དགྲ་བགེགས་ཟློག །བྱང་ཤར་ཐམས་ཅད་མཁའ་འགྲོ་སེང་གདོང་མས། །ལོག་འདྲེན་ལ་སོགས་བྱང་ཤར་དགྲ་བགེགས་ཟློག །རང་འདྲའི་འཁོར་ཚོགས་སེང་གདོང་འབུམ་ཕྲག་བཅུ། །སྟོང་ཕྲག་བརྒྱད་ཅུའི་བགེགས་ཀྱི་གནོད་པ་ཟློག །ཁུ་གདོང་འུག་གདོང་ཁྱི་གདོང་ཕག་གདོང་མས། །ཕྲ་མེན་མ་ཡི་ཉེས་བྱེད་ཆོད་གཏོང་ཟློག །དཀར་མོ་སྲུང་བྱེད་སེང་གེའི་གདོང་ཅན་མས། །ནད་རིགས་བཞི་བརྒྱ་རྩ་བཞི་བཟློག་ཏུ་གསོལ། །དབང་སྡུད་རྒྱལ་མོ་སེང་གདོང་མཆེད་ལྔ་ཡིས། །ཟ་འདྲེ་ལྟོག་འགོང་དབུལ་སྲི་བཟློག་ཏུ་གསོལ། །ཚེ་སྒྲུབ་རྒྱལ་མོ་སེང་གདོང་མཆེད་ལྔ་ཡིས། །དུས་མིན་འཆི་བ་རྣམ་བརྒྱད་བཟློག་ཏུ་གསོལ། །སེང་གདོང་ཞལ་གསུམ་ཕྱག་དྲུག་མཆེད་ལྔ་ཡིས། །དྲག་སྔགས་རྦོད་གཏོང་གནོད་པ་བཟློག་ཏུ་གསོལ། །གཅེར་བུ་ཁྲོས་ནག་སེང་གེའི་གདོང་ཅན་གྱིས། །བྱད་ཁ་ཕུར་ཁ་ཐམས་ཅད་བཟློག་ཏུ་གསོལ། །ཕྲ་མེན་གཟའ་འདུལ་རྒྱལ་མོ་སེང་གདོང་མས། །གཟའ་དང་རྒྱུ་སྐར་གནོད་པ་བཟློག་ཏུ་གསོལ། །ཕྲ་མེན་ཀླུ་འདུལ་རྒྱལ་མོ་སེང་གདོང་མས། །ཀླུ་དང་ས་བདག་གནོད་པ་བཟློག་ཏུ་གསོལ། །ཕྲ་མེན་རྒྱལ་

[Full Size]

འདུལ་རྒྱལ་མོ་སེང་གདོང་མས། །བརྒྱལ་ནད་སྨྱོ་འབོག་གླེང་བཞི་བཟློག་ཏུ་གསོལ། །ཕྲ་མེན་བཙན་འདུལ་རྒྱལ་མོ་སེང་གདོང་མས། །བཙན་གྱི་རྟ་ནད་འཚེར་རྩུབ་བཟློག་ཏུ་གསོལ། །ཕྲ་མེན་མ་མོ་འདུལ་བྱེད་སེང་གདོང་མས། །མ་མོའི་རིམས་ནད་དལ་ཡམས་བཟློག་ཏུ་གསོལ། །ཕྲ་མེན་སྐག་བཟློག་རྒྱལ་མོ་སེང་གདོང་མས། །སྐག་རིགས་སུམ་བརྒྱ་དྲུག་ཅུ་བཟློག་ཏུ་གསོལ། །ཕྲ་མེན་སྲི་བཟློག་སེང་གེའི་གདོང་ཅན་མས། །དར་སྲི་ཆུང་སྲི་ཐམས་ཅད་བཟློག་ཏུ་གསོལ། །ཕྲ་མེན་ཀེང་རུས་སེང་གེའི་གདོང་ཅན་མས། །ཚེ རྨིས་ལྟས་མཚན་མ་ངན་པ་བཟློག་ཏུ་གསོལ། །གནོད་སྦྱིན་དབང་སྡུད་སེང་གེའི་གདོང་ཅན་མས། །གནོད་སྦྱིན་རྣམས་ཀྱི་གཟེར་ནད་བཟློག་ཏུ་གསོལ། །ཕྲ་མེན་ལྷ་དབང་འདུལ་བྱེད་སེང་གདོང་མས། །ལྷ་ཡི་བཀའ་ཆད་འབེབས་པ་བཟློག་ཏུ་གསོལ། །སྡེ་བརྒྱད་སྤྱི་འདུལ་སེང་གེའི་གདོང་ཅན་མས། །སྡེ་བརྒྱད་གདུག་པ་ཐམས་ཅད་བཟློག་ཏུ་གསོལ། །ངན་པ་ཀུན་བཟློག་རྒྱལ་མོ་སེང་གདོང་མས། །ལྟས་ངན་བརྒྱད་ཅུ་རྩ་གཅིག་བཟློག་ཏུ་གསོལ། །གཅེར་བུ་ཁྲོས་ནག་སེང་གེའི་གདོང་ཅན་མས། །བྱད་ཁ་གཏད་

[Full Size]

གནན་ཐམས་ཅད་བཟློག་ཏུ་གསོལ། །གོ་རི་ནག་མོ་སེང་གེའི་གདོང་ཅན་མས། །དུར་ཁྲོད་མ་མོའི་གནོད་པ་བཟློག་ཏུ་གསོལ། །རི་རབ་སོ་གཉིས་རྡུལ་མཉམ་ཊཱཀིའི་ཚོགས། །ཆག་ཆེན་ཉམ་ང་ཐམས་ཅད་བཟློག་ཏུ་གསོལ། །སྲིད་པའི་མ་མོ་བྱེ་བ་དུང་ཕྱུར་ཚོགས། །སྣང་སྲིད་ལྷ་འདྲེའི་དལ་ཁ་བཟློག་ཏུ་གསོལ། །སེང་གདོང་ཌཱཀིའི་ཀླུ བཀའ་ཉན་བྲན་གྱི་ཚོགས། །སྣང་སྲིད་མ་མོའི་བཟློག་བསྒྱུར་དུས་ལ་བབ། །སྲིན་མོའི་ཤུགས་འཆང་རྡོ་རྗེ་རིགས་ཀྱི་ལྕམ། །མིང་པོ་དྲི་ཟའི་སྐག་བསྒྱུར་ལྷ་གདོན་ཟློག །སྲིན་མོའི་ཤུགས་འཆང་རིན་ཆེན་རིགས་ཀྱི་ལྕམ། །མིང་པོ་གཤིན་རྗེའི་བཀའ་བསྒྱུར་ཁྲམ་ཁ་ཟློག །སྲིན་མོའི་ཤུགས་འཆང་པདྨ་རིགས་ཀྱི་ལྕམ། །མིང་པོ་ཀླུ་ཡི་བཀའ་བསྒྱུར་ཀླུ་བྱད་ཟློག །སྲིན་མོའི་ཤུགས་འཆང་ལས་ཀྱི་རིགས་ཀྱི་ལྕམ། །མིང་པོ་གནོད་སྦྱིན་བཀའ་བསྒྱུར་གནོད་སྦྱིན་བཟློག །ཧཱུྃ་བྷྱོ༔ སྣང་སྲིད་དབང་བསྒྱུར་ཌཱཀི་མ། །དཔའ་གཏུམ་སེང་གེའི་གདོང་པ་ཅན། །དགའ་རབ་དབང་ཕྱུག་བུ་མོ་སྟེ། །ཤ་ཟ་ལས་ཀྱི་ཤན་པ་མོ། །སྲིན་མོ་ཟངས་ཀྱི་མགོ་ཅན་མ། །ཕར་བཏང་ཚུར་ལ་ལྡོག་མི་ཤེས། །ཁྱོད་ཀྱི་

[Full Size]

ཐུགས་དམ་དུས་ལ་བབ། །བཟློག་བསྒྱུར་ཕྲིན་ལས་དུས་ལ་བབ། །ཕོ་རྒྱུད་མགོན་པོའི་དྲག་སྔགས་ཟློག །མོ་རྒྱུད་མ་མོའི་དྲག་སྔགས་ཟློག །དྲང་སྲོང་གཟའ་ཡི་གདོང་གཏོད་འུ། ཟློག །དཀོར་བདག་འགོང་པོའི་ཆོ་འཕྲུལ་ཟློག །ཀླུ་གཉན་ས་བདག་གཏད་ཁྲམ་ཟློག །ཕྲ་མེན་མ་ཡི་ཉེ་འབྱེད་ཟློག །གཤིན་རྗེ་དྲེགས་པའི་འཁོར་ལོ་ཟློག །དྲང་སྲོང་ཁྲོ་བོའི་སྦྱིན་སྲེག་ཟློག །ངག་མནན་བསྐྱོད་འཁོར་བཅས་པ་ཟློག །སེལ་དང་ཕུང་ཤིག་རྫས་སྦྱོར་ཟློག །གཏོར་ཁ་རྒོད་གཏོང་བྱེད་པ་ཟློག །སྐག་རིགས་སུམ་བརྒྱ་ཉི་ཤུ་ཟློག །ནད་རིགས་བཞི་བརྒྱ་རྩ་གཅིག་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །ལྟས་ངན་བརྒྱད་ཅུ་རྩ་གཅིག་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག །དུས་མིན་འཆི་བ་རྣམ་བརྒྱད་ཟློག །དགྲ་སྣ་དམག་སྣ་ཇག་སྣ་ཟློག །ནད་སྣ་རིམས་སྣ་ཡམས་སྣ་ཟློག །མ་ཉེས་ཁ་ཡོག་ངན་པ་ཟློག །མོ་ངན་མཚན་ལྟས་ངན་པ་ཟློག །རྨིས་ལྟས་པྲ་བརྟག་། ངན་པ་ཟློག །མི་ཁ་བྲ་མཆུ་ངན་པ་ཟློག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་བསྒྱུར། །བཟློག་གོ་བསྒྱུར་རོ་ས་མ་ཡ། །བྷྱོ༔བྷྱོ༔ཐུན་ཐུན་

[Full Size]

དགྲ་ལ་བྷྱོ༔ རྦད་རྦད་ཐུན་ཐུན་དགྲ་ལ་རྦད༔ རཀྟ་སི་མཱ་ར་ཡ་ཕཊསྭཱ་ཧཱ། གཏོར་མ་སྟེང་ཟངས་དང་འོག་ལྕགས་སྲེག་ལས་གྲུབ་པའི་འཁོར་ལོ་སྤུ་གྲིའི་སོ་ལྟར་རྣོ་བ་གཉིས། སྟེང་མ་གཡས་དང་འོག་མ་གཡོན་དུ་འཁོར་བས་སོ་འཐབ་ཀྱི་བར་དུ་དགྲ་བགེགས་དམར་ཉ་ལ་ལ་གཏུབ་ནས་ཤ་ཁྲག་ཊཱ་ཀི་རྣམས་ཀྱིས་ཧབ་ཐོབ་ཏུ་གསོལ་བར་བསམས་ལ། ཡི་གེ་བཅུ་བཞི་པ་བཟླས་པས་རྟགས་འབྱུང་ངོ་། ༈ དེ་ནས་དམག་འགྱེད་བྱ་བ་ནི། ཧཱུྃ་བྷྱོ༔ མེ་རི་རྡོ་ར་དུར་ཁྲོད་བརྒྱད། །ཁྲག་མཚོ་པདྨ་ཆོས་འབྱུང་སྟེང་། །གནམ་ལྕགས་འཁོར་ལོ་རྩིབས་བཞིའི་དབུས། །བདུད་བཞི་རུ་ཏྲ་བསྣོལ་བའི་ཤཱི སྟེང་། །ཌཀི་གཡུལ་ལས་རྣམ་རྒྱལ་མ། །རལ་གྲི་ཧཱུྃ་ལས་བྱུང་བའི་སྐུ། །དོ་ནུབ་མྱུར་དུ་དམག་ལ་ཆོས། །སྐུ་མདོག་སྔོ་ནག་འབར་བ་ལ། །སེང་ཞལ་དཀར་པོ་རབ་ཏུ་ཁྲོས། །ཕྱག་ན་རལ་གྲི་མདའ་གཞུ་བསྣམས། །སྐུ་ལ་བསེ་རྨོག་བསེ་ཁྲབ་དང་། །བསེ་ཕུབ་རྔ་ཞོལ་དམར་པོ་གསོལ། །དར་མདུང་དམར་པོ་མཚན་དུ་བསྒྲེངས། །ཞབས་ལ་སོག་ལྷམ་སྔོན་པོ་གསོལ། །གཡས་བསྐུམ་གཡོན་བརྐྱངས་མེ་དཔུང་དབུས། །རང་འདྲའི་དམག་ཚོགས་དཔག་མེད་འགྱེད། །བརྒྱན་པའི་གཏོར་མ་འདི་བཞེས་ལ། །

[Full Size]

བྷྱོ༔བྷྱོ༔སྡང་བའི་དགྲ་ལ་བྷྱོ། །དགྲ་དཔུང་མ་ལུས་ཆམ་ལ་ཕོབ། །བཅོལ་བའི་ཕྲིན་ལས་འགྲུབ་པར་མཛོད། །ཤར་གྱི་ཕྱོགས་ནས་དམག་འདྲེན་ན། །ཊཱཀི་བདུད་དཔུང་འཇོམས་བྱེད་མ། །སྐུ་མདོག་དཀར་ནག་སེང་ཞལ་སྔོ། །ཕྱག་ན་རལ་གྲི་མདའ་གཞུ་བསྣམས། །སྐུ་ལ་བསེ་རྨོག་ཤེལ་ཁྲབ་གསོལ། །བསེ་ཕུབ་རྔ་ཞོལ་དཀར་པོས་བརྒྱན། །དར་མདུང་དཀར་པོ་མཚན་དུ་བསྒྲེངས། །ཞབས་ལ་སག་ལྷམ་སྔོན་པོ་གསོལ། །གཡས་བསྐུམ་གཡོན་བརྐྱངས་མེ་དཔུང་དབུས། །རང་འདྲའི་དམག་དཔུང་དཔག་མེད་འགྱེད། །བརྒྱན་པའི་གཏོར་མ་འདི་བཞེས་ལ། །བྷྱོ་བྷྱོ་སྡང་བའི་དགྲ་ལ་བྷྱོ། །དགྲ་དཔུང་ཟློག་པའི་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ལྷོ་ཡི་ཕྱོགས་ནས་དམག་འདྲེན་ན། །ཌཀི་བདུད་དཔུང་འཐོར་བྱེད་མ། །སྐུ་དང་སེང་ཞལ་སེར་ནག་ལ། །ཕྱག་གཡས་གསེར་གྱི་རལ་གྲི་ཕྱར། །གཡོན་པས་མདའ་གཞུ་དགྲ་ལ་སྡིགས། །སྐུ་ལ་བསེ་རྨོག་བསེ་ཁྲབ་གསོལ། །བསེ་ཕུབ་རྔ་ཞོལ་སེར་པོས་བརྒྱན། །མཆན་ཁུང་མདུང་དམར་བ་དན་སེར། །ཞབས་ལ་སག་ལྷམ་སྔོན་པོ་གསོལ། །གཡས་

[Full Size]

བསྐུམ་གཡོན་བརྐྱངས་མེ་དཔུང་དབུས། །རང་འདྲའི་དམག་ཚོགས་དཔག་མེད་འགྱེད། །བརྒྱན་པའི་གཏོར་མ་འདི་བཞེས་ལ། །བྷྱོ་བྷྱོ་སྡང་བའི་དགྲ་ལ་བྷྱོ། དགྲ་དཔུང་བཟློག་པའི་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ནུབ་ཀྱི་ཕྱོགས་ནས་དམག་འདྲེན་ན། །འགུགས་བྱེད་དམར་ནག་སེང་གེའི་གདོང་། །ཕྱག་ན་ཟངས་རལ་མདའ་གཞུ་འགེངས། །སྐུ་ལ་བསེ་རྨོག་ཟངས་ཁྲབ་གསོལ། །བསེ་ཕུབ་རྔ་ཞོལ་དམར་པོས་བརྒྱན། །བ་དན་དམར་པོ་མཆན་དུ་བཅུག །ཞབས་ལ་སག་ལྷམ་སྔོན་པོ་གསོལ། །གཡས་བསྐུམ་གཡོན་བརྐྱངས་མེ་དཔུང་དབུས། །རང་འདྲའི་དམག་ཚོགས་དཔག་མེད་འགྱེད། །བརྒྱན་པའི་གཏོར་མ་འདི་བཞེས་ལ། །བྷྱོ་བྷྱོ་སྡང་བའི་ས དགྲ་ལ་བྷྱོ། །དགྲ་དཔུང་བཟློག་པའི་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །བྱང་གི་ཕྱོགས་ནས་དམག་འདྲེན་ན། །འབེབས་པ་ལྗང་ནག་སེང་གེའི་གདོང་།སྐུ་ལ་བསེ་རྨོག་ལྕགས་ཁྲབ་གསོལ། །བསེ་ཕུབ་རྔ་ཞོལ་སྔོན་པོས་བརྒྱན། །མདུང་དམར་བ་དན་སྔོན་པོ་ཕྱར། །གནམ་ལྕགས་རལ་གྲི་མདའ་གཞུ་ཐོགས། །

[Full Size]

སག་ལྷམ་གསོལ་ཞིང་བརྐྱངས་བསྐུམས་བསྒྲད། །རང་འདྲའི་དམག་ཚོགས་དཔག་མེད་འགྱེད། །བརྒྱན་པའི་གཏོར་མ་འདི་བཞེས་ལ། །བྷྱོ་བྷྱོ་སྡང་བའི་དགྲ་ལ་བྷྱོ། །དགྲ་དཔུང་མ་ལུས་ཆམ་ལ་ཕོབ། །བཅོལ་བའི་ཕྲིན་ལས་འགྲུབ་པར་མཛོད། །ཡི་གེ་བཅུ་བཞི་པ་བཟླ་ཞིང་རོལ་མོ་བྱའོ།། ཧཱུྃ། དབུས་ནས་སངས་རྒྱས་མཁའ་འགྲོ་མ། །མཐིང་ནག་ཞལ་གསུམ་ཕྱག་དྲུག་པ། །དཀར་སྔོ་དམར་བའི་ཞལ་གསུམ་ནི། །སེང་གླང་སྤྲེའུའི་གདོང་པ་ཅན། །ཤར་ནས་རྡོ་རྗེ་མཁའ་འགྲོ་མ། །དཀར་མོ་ཞལ་གསུམ་ཕྱག་དྲུག་སྟེ། །ལྗང་སྔོ་དམར་བའི་ཞལ་གསུམ་ནི། །སེང་གེ་གླང་ཆེན་སྤྲེའུའི་ཞལ། །བྱང་ནས་ལས་ཀྱི་མཁའ་འགྲོ་མ། །ལྗང་ནག་ཞལ་གསུམ་ཕྱག་དྲུག་པ། །མཐིང་སྔོ་དམར་བའི་ཞལ་གསུམ་ནི། །སེངྒེ་གླང་ཆེན་སྤྲེའུའི་ཞལ། །ནུབ་ནས་པདྨ་མཁའ་འགྲོ་མ། །དམར་ནག་ཞལ་གསུམ་ཕྱག་དྲུག་པ། །སེར་སྔོ་དམར་བའི་ཞལ་གསུམ་ནི། །སེངྒེ་གླང་ཆེན་སྤྲེའུའི་ཞལ། །ལྷོ་ནས་རིན་ཆེན་མཁའ་འགྲོ་མ། །སེར་མོ་ཞལ་གསུམ་ཕྱག་དྲུག་པ། །དམར་སྔོ་དཀར་བའི་ཞལ་གསུམ་ནི། །སེང་གེ་གླང་ཆེན་སྤྲེའུའི་གདོང་། །རང་རང་རིགས་

[Full Size]

མཐུན་རིན་ཆེན་གྱི། །རལ་པ་སྤྲུགས་པས་ཕུར་ཆར་འབེབས། །ཀུན་ཀྱང་ཆ་ལུགས་མཐུན་པར་ནི། །དང་པོས་གྲི་ཐོད་ཐུགས་ཀར་འཛིན། །བར་པས་རལ་གྲི་དགྲ་སྟ་ཕྱར། །ཐ་མས་ལྕགས་ཀྱུ་སེང་ཞལ་ཅན། །རྡོ་རྗེས་མཚན་པའི་ཞགས་པ་བསྣམས། །མཆེ་གཙིགས་ལྗགས་འདྲིལ་སྨྲ་ར་འབར། །དབུ་གསུམ་གཙུག་ན་རྟ་ཞལ་གསུམ། །ལྗང་ཞུར་རྟ་སྐད་རབ་ཏུ་འཚེར། །ཟེ་རྔོག་ཡེ་ཤེས་མེ་དཔུང་འབར། །ལྟེ་བར་ཁྲོ་ཞལ་རབ་ཏུ་གདངས། །བདུད་དང་ལོག་འདྲེན་ཟ་བར་བྱེད། །སྐུ་སྨད་ཕུར་བུ་ཟུར་གསུམ་གྱིས། །དགྲ་བགེགས་སྙིང་ལ་རབ་ཏུ་གཟིར། །འཁོར་དུ་ཤ་ཟ་ཁྲག་འཐུང་མ། །དབུགས་ལེན་སྲོག་གཅོད་མཁའ་འགྲོས་བསྐོར། །གསང་བའི་ཌཀི་མཆེད་ལྔ་པོ། །བརྒྱན་པའི་གཏོར་མ་འདི་བཞེས་ལ། །དོ་ནུབ་སྡང་བའི་དགྲ་ལ་ཆོས། །དགྲ་བགེགས་ཐལ་བ་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། ཕཊ༔ཡ༔ར༔མ༔ས༔ར༔ད༔ཤ༔ཙ༔ར༔མ༔ས༔ཀ༔ས༔ ཡི་གེ་བཅུ་བཞི་པ་གོ་ཟློག་གོ །ཨོཾ་བཛྲ་ཌཱཀི་སེང་ཧ་མུ་ཁ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ༔ ས་པཱ་རི་ཝཱ་ར་དགྲ་བགེགས་ཀྱི་ཤ་ཁྲག་ལ་ཁཱ་ཧི་ཁཱ་

[Full Size]

ཧི། སྐབས་འདིར་སེང་གདོང་ཕྲ་མེན་བཅུ་བཞིའི་བསྐུལ་རིང་ལ་གཏོར་ཆུང་རེ་ཕུལ་ནས་གཏོར་རྫོངས་བྱའོ། །སེང་གདོང་ཞལ་གསུམ་ཕྱག་དྲུག་མ། འདི་ཡི་མདུན་དུ་བཀའ་སྡོད་དུ་སྐད་ཅིག་ལ་སྤྱན་དྲངས་ལ་གཏོར་མ་ཕུལ། ཕྲིན་ལས་བཅོལ་བ་སྟེ། འདི་བདག་བསྐྱེད་ལུགས་ལ་མེད་དོ། ༈ །སེང་གདོང་མའི་ཕྲ་མེན་བཅུ་བཞིའི་བསྐུལ་རིང་ནི། ཧཱུྃ་བྷྱོ༔ ཆོས་འབྱུང་པད་ཉིར་ཁྱབ་འཇུག་སྟེང་། །ཆུ་སྲིན་རྒྱལ་མཚན་ཧཱུཾ་ཡིག་ལས། །བྱུང་བའི་གཟའ་འདུལ་རྒྱལ་མོ་ནི། །དུང་མདོག་སེང་ཞལ་དཀར་ལ་ཁྲོ། །སྦྲུལ་ནག་རལ་པའི་སྐྲ་གསེབ་ནས། །སྡོམ་སྡིག་སྦལ་ལྕོང་ཐོག་སེར་འཕྲོས། །སྐུ་ལ་ཎྞཾ སྤྱན་མིག་བྱེ་བས་གཏམས། །ཉི་ཟླ་སྐར་གསུམ་འོད་ཟེར་འཕྲོས། །ཕྱག་གཡས་ཆུ་སྲིན་རྒྱལ་མཚན་ཕྱར། །སྟེང་གདོན་གནོད་པ་ཟློག་པར་མཛད། །གཡོན་པས་ར་ཡི་མདའ་གཞུ་ནི། །ཐུར་དུ་སྡིགས་པས་འོག་གདོན་འདུལ། །གཡས་བརྐྱང་མེ་དཔུང་ཀློང་ན་བཞུགས། །དམར་གྱི་གཏོར་མ་འདི་བཞེས་ལ། །གཟའ་གདོན་ཐལ་བ་རྡུལ་དུ་རློགས། །བྱད་མ་རང་གཤེད་རང་ལ་ཕོབ། །བཅོལ་བའི་ཕྲིན་ལས་འགྲུབ་པར་མཛོད། །སསམཤར༔དམཀར༠ཡཕཊཙརཨ༔ དགྲ་བགེགས་ཀྱི་ཤ་ཁྲག་ལ་ཁཱ་ཧི་ཁཱ་ཧི། ཧཱུྃ་

[Full Size]

བྷྱོ༔ ཆོས་འབྱུང་པད་ཉི་རུ་ཏྲའི་སྟེང་། །ཧཱུཾ་དང་ཕུར་བུ་ལས་སྐྱེས་པའི། །ཕྲ་མེན་ཀླུ་འདུལ་རྒྱལ་མོ་ནི། །དུང་མདོག་སེང་ཞལ་དཀར་ལ་རྔམོས། །སྦྲུལ་རལ་ཕྱེད་བཅིངས་ལྷག་མ་གྲོལ། །སྐུ་ལ་མི་ལྤགས་རློད་བུ་ནི། །མཇུག་མ་སློག་སྟེ་གསོལ་བའི་སྟེང་། །སྡོམ་སྡིག་སྦལ་སྦྲུལ་སྐེ་རགས་བཅིངས། །ཕྱག་གཡས་ཕུར་བུ་ནམ་མཁར་ཕྱར། །ཕུར་བུའི་ཆར་གྱིས་ཀླུ་གཉན་འདུལ། །ཕྱག་གཡོན་ཆུ་གནས་སྣ་ཚོགས་གསོལ། །གཡས་བརྐྱང་མེ་དཔུང་ཀློང་ན་བཞུགས། །བརྒྱན་པའི་གཏོར་མ་འདི་བཞེས་༡ ལ། །ཀླུ་གཉན་ས་བདག་གནོད་པ་བཟློག །གཏད་ཁྲམ་མཛེ་ནད་དགྲ་ལ་བསྒྱུར། །བཅོལ་བའི་ཕྲིན་ལས་འགྲུབ་པར་མཛོད། །ར༔ཕ༔ཊ༔ས༔ད༔ར༔ཀ༔མ༔ར༔ཙ༔མ༔ས༔ཨ༔ཡ༔ཤ༔ ཨི་དཾ་བྷ་ལིནྟ་ཁཱ་ཧི་ཁཱ་ཧི། ཧཱུྃ་བྷྱོ༔ ཆོས་འབྱུང་པད་ཉི་དམ་སྲིའི་སྟེང་། །ཧཱུྃ་དང་འཁར་གསིལ་ལས་བྱུང་བའི། །ཕྲ་མེན་རྒྱལ་འདུལ་ནག་མོ་ཆེ། །སེང་ཞལ་དཀར་པོ་བསེ་ཐེབ་གསོལ། །སྐུ་ལ་ཆོས་གོས་ཤམ་ཐབས་གསོལ། །ཕྱག་གཡས་འཁར་གསིལ་ནམ་མཁར་ཕྱར། །གཡོན་པས་ལྷུང་བཟེད་ཁྲག་བཀང་འཛིན། །བརྐྱང་བསྐུམ་གར་

[Full Size]

གྱིས་རོལ་པར་མཛད། །དམར་གྱི་གཏོར་མ་འདི་བཞེས་ལ། །བརྒྱལ་ནད་སྨྱོ་འབོག་བཟློག་ཏུ་གསོལ། །དམ་སྲི་ཐལ་བ་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད་། །ཤ༔ར༔མ༔ཡ༔ཙ༔ས༔ར༔ས༔མ༔ར༔ས༔ཕཊ༔ཀ༔ས༔ ཨི་དཾ་བྷ་ལིརྟ་ཁཱ་ཧི་ཁཱ་ཧི། ཧཱུྃ་ཡིག་མཐིང་ནག་ལས་སྐྱེས་པའི། །ཕྲ་མེན་བཙན་འདུལ་རྒྱལ་མོ་ནི། སེང་ཞལ་དུང་མདོག་རབ་ཏུ་འཇིགས། །སྐུ་ལ་བསེ་ཁྲབ་བསེ་རྨོག་གསོལ། །ཕྱག་གཡས་མདུང་དམར་བ་དན་ཕྱིར། །བཙན་དམག་འབུམ་གྱི་ཁ་ལོ་བསྒྱུར། །གཡོན་པས་བཙན་ཞགས་མདའ་ལྟར་འཕེན། །དགྲ་བགེགས་གདུག་པའི་ཡན་ལག་བཅིངས། །མེ་དཔུང་ཀློང་ནི་གར་སྟབས་བཞུགས། །དམར་གྱི་གཏོར་མ་འདི་བཞེས་ལ། །བཙན་གྱི་ཇག་སྣ་བཟློག་ཏུ་གསོལ། །རྟ་ནད་འཚེར་བཅུ་དགྲ་ལ་བསྒྱུར། །བཅོལ་བའི་ཕྲིན་ལས་འགྲུབ་པར་མཛོད། །ཙརམཡཤསརདམརསཕཊཀཨ ཨི་དཾ་བྷ་ལིཏྟ་ཁཱ་ཧི་ཁཱ་ཧི། ཧཱུྃ་བྷྱོ༔ གྲུ་མཚོན་ཧཱུྃ་ཡིག་ལས་བྱུང་བའི། །ཕྲ་མེན་མ་མོ་འདུལ་བྱེད་མ། །མཐིང་ནག་སེང་ཞལ་ཀུནྣའི་མདོག །ཕྱག་གཡས་མ་མོའི་ཁྲམ་ཤིང་ཕྱིར། །

[Full Size]

གཡོན་པས་ཐོད་ཁྲག་ཐུགས་ཀར་འཛིན། །དབུ་སྐྲ་གྱེན་གཟིངས་ཐུར་དུ་འཐིབ། །སྐུ་སྟོད་རེ་ལྡེ་ནག་པོ་ལ། །སྐུ་སྨད་སྟག་གི་ཤམ་ཐབས་ཅན། །ཁྲག་ཞག་ཐལ་ཆེན་ཚོམ་བུས་བརྒྱན། །གཡས་བརྐྱང་གཡོན་བསྐུམ་གར་སྟབས་ཀྱིས། །སྲིད་པའི་མ་མོ་དབང་དུ་སྡུད། །སྐུ་ལ་ཡེ་ཤེས་མེ་དཔུང་འབར། །དམར་ཆེན་གཏོར་མ་འདི་བཞེས་ལ། །མ་མོའི་རིམས་ཁ་བཟློག་ཏུ་གསོལ། །ཁྲག་ནད་རྒྱུ་གཟེར་དགྲ་ལ་བསྒྱུར། །བཅོལ་བའི་ཕྲིན་ལས་འགྲུབ་པར་མཛོད། །ཨ༔ཀ༔ཕཊ༔ས༔ར༔ས༔མ༔ར༔ས༔ཤ༔ས༔མ༔ར༔ཙ༔ དགྲ་བགེགས་ཀྱི་ཤ་ཁྲག་ལ་ཁཱ་ཧི་ཁཱ་ཧི། ཧཱུྃ་བྷྱོ༔ ཆོས་འབྱུང་པད་ཉི་རུ་ཏྲའི་སྟེང་། །རི་རབ་ཧཱུྃ་གིས་མཚན་པ་ལས། །བྱུང་བའི་ཕྲ་མེན་སྐག་བཟློག་མ། །མཐིང་ནག་སེང་ཞལ་དཀར་ལ་ཁྲོ། །སྤྱན་ནས་མེ་ཡི་ཚྭ་ཚྭ་འཕྲོས། །སྨྲ་ར་དབུ་སྐྲ་ཁམ་སེར་བརྗེས། །ཐུབ་པ་རིགས་དྲུག་དབུ་ལ་བརྒྱན། །གཡང་གཞིའི་སྟོད་གཡོགས་སྟག་ཤམ་ཅན། །ཕྱག་གཉིས་རི་རབ་བང་རིམ་གསུམ། །སྣ་ཚོགས་རྡོ་རྗེས་མཚན་པ་ཕྱར། །ཞབས་གཉིས་བསྒྲད་པའི་འོག་ཏུ་ནི། །རི་རབ་བང་རིམ་གསུམ་པ་རེ། །དེ་འོག་

[Full Size]

ལྕགས་ཁང་གྲུ་གསུམ་རེ། །དེ་ནང་སྐག་ངན་མ་ལུས་པ། །བཅུག་ནས་རབ་ཏུ་མནན་མཛད་མ། །བརྒྱན་པའི་གཏོར་མ་འདི་བཞེས་ལ། །སྐག་ཆེན་བདུན་བརྒྱ་ཉི་ཤུ་རྣམས། །བཟློག་ཅིང་བསྒྱུར་བའི་ཕྲིན་ལས་མཛོད། །སྐག་ངན་ཐམས་ཅད་ཟློག་སྒྱུར་ཅིག །སར༔ས༔ཤམར༔ཨརིརཡཀམཕཊ ད༔ ཨི་དཾ་བྷ་ལི་ཏ་ཁཱ་ཧི་ཁཱ་ཧི། ཧཱུྃ་བྷྱོ༔ ཆོས་འབྱུང་པད་ཉི་ཆུང་སྲི་དང་། །རུ་སྦལ་སྟེང་དུ་ཧཱུྃ་མཐིང་ལས། །ཕྲ་མེན་སྲི་བཟློག་རྒྱལ་མོ་ནི། །མཐིང་ནག་སེང་ཞལ་རབ་ཏུ་བརྗིད། །དབུ་སྐྲ་སྨིན་མ་དམར་སེར་འབར། །གསེར་གྱི་རུ་སྦལ་དབུ་རྒྱན་ཅན། །ཕྱག་གཡས་གྲི་གུག་སྲི་སྲོག་གཅོད། །གཡོན་པས་ཐོད་ཁྲག་གི་རུ་སྦལ་འཛིན། །ལོ་སྐོར་བཅུ་གཉིས་གོ་ཁྲབ་ལ། །ལོ་རྒན་དྲུག་ཅུས་ཁྲབ་ཤམ་བྱས་། །རྒྱུ་སྐར་ཉེར་བརྒྱུད་སྐེ་རགས་བཅིངས། །གཡས་བརྐྱང་མེ་དཔུང་དབུས་ན་འགྱིང་། །བརྒྱན་པའི་གཏོར་མ་འདི་བཞེས་ལ། །དམ་སྲི་ཆུང་སྲི་རྡུལ་དུ་རློགས། །ནད་སྲི་དགྲ་སྲི་བཟློག་ཏུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། །ཨཕཊཙཀ༔ཡམས་རམསར༔ཤརད༔ ཨི་དཾ་བྷ་ལི་ཏ་ཁཱ་ཧི་ཁཱ་ཧི། ཧཱུྃ་བྷྱོ༔ ཧཱུྃ་དང་ཀེང་

[Full Size]

རུས་རྒྱལ་མཚན་ལས། །རྨི་ལམ་ངན་པ་ཟློག་བྱེད་པའི། །ཀེང་རུས་འབར་མ་སེང་གེའི་གདོང་། །སྐུ་ནི་ཤ་མེད་ཀེང་རུས་ལ། །ཕྱག་གཡས་ཀེང་རུས་རྒྱལ་མཚན་ཕྱར། །གཡོན་པས་མི་མགོ་ཐུར་དུ་བསྒྲིལ། །སྐུ་ལ་ཀེང་རུས་དཔག་མེད་འཕྲོ། །ཞབས་གཉིས་རྡོ་རྗེའི་བྲོ་རྡུང་ཞིང་། །ཡེ་ཤེས་མེ་དཔུང་དབུས་ན་རོལ། །བརྒྱན་པའི་གཏོར་མ་འདི་བཞེས་ལ། །རྨི་ལམ་ངན་པ་བཟློག་ཏུ་གསོལ། །མཚན་ལྟས་ངན་པ་དགྲ་ལ་བསྒྱུར། །བཅོལ་བའི་ཕྲིན་ལས་འགྲུབ་པར་མཛོད། །ཕཊ༔ཡ༔ར༔མ༔ས༔ར༔ད༔ཤ༔ར༔མ༔ས༔ཀ༔ཨ༔ ཨི་དཾ་བྷ་ལིཾ་ཏ་ཁཱ་ཧི་ཁཱ་ཧི། ཧཱུྃ་བྷྱོ༔ ཧཱུྃ་དང་རལ་གྲི་ལས་སྐྱེས་པའི། །གནོད་སྦྱིན་དབང་འདུལ་རྒྱལ་མོ་ནི། །མཐིང་ནག་སེང་ཞལ་ཟླ་ལྟར་དཀར། །དུང་རལ་གྱེན་གཟིངས་ཚྭ་ཚྭ་འཕྲོ། །གཡང་གཞི་སྟག་ཤམ་སྐུ་ལ་གསོལ། །རལ་གྲི་ཕྱར་ཞིང་རྒྱལ་མཚན་འཁྱུད། །ཕྱག་གཡོན་ནེའུ་ལེ་རབ་ཏུ་འཛིན། །བརྐྱང་བསྐུམ་གར་གྱིས་མེ་ཀློང་བཞུགས། །གནོད་སྦྱིན་བྱེ་བ་དབང་དུ་སྡུད། །བརྒྱན་པའི་གཏོར་མ་འདི་བཞེས་ལ། །གནོད་སྦྱིན་གདུག་པ་དགྲ་ལ་བསྒྱུར། །འཛད་མེད་ནོར་གྱི་

[Full Size]

དངོས་གྲུབ་སྩོལ། །བཅོལ་བའི་ཕྲིན་ལས་འགྲུབ་པར་མཛོད། །སརསཤམཙཨར༔ར༔ཡཀམཕཊཅད ཨི་དཾ་བྷ་ལི་ཏ་ཁཱ་ཧི་ཁཱ་ཧི། ཧཱུཾ་བྷྱོ༔ མཐིང་ནག་ཧཱུྃ་ལས་བྱུང་བའི་སྐུ། །ཕྲ་མེན་ལྷ་འདུལ་ཕྱིར་བཟློག་མ། །ཞལ་གཅིག་ཕྱག་གཉིས་སེང་གེའི་གདོང་། །རིན་ཆེན་སྣ་ལྔའི་དབུ་སྐྲ་ནི། །ཕྱེད་བཅིངས་ལྷག་མས་སྐུ་རྒྱབ་ནོན། །ཕྱག་གཡས་དར་དཀར་བ་དན་ཕྱར། །གཡོན་ཐོད་བདུད་རྩི་ཐུགས་ཀར་འཛིན། །སྐུ་ལ་བྱ་རྒོད་ཐུལ་པ་གསོལ། །ཞབས་གཉིས་གར་ཐབས་མེ་དཔུང་འབར། །ལྷ་དམག་འབུམ་གྱི་འཁོར་དང་བཅས། །བརྒྱན་པའི་གཏོར་མ་འདི་བཞེས་ལ། །ལྷ་བདུད་གདུག་པ་དགྲ་ལ་བསྒྱུར། །ལྷ་ཡི་བཀའ་ཆད་བབ་པ་ཟློག །བཅོལ་བའི་ཕྲིན་ལས་འགྲུབ་པར་མཛོད། །ས༔ར༔ས༔ཤ༔མ༔ཙ༔ཨ༔ར༔ར༔ཡ༔ཀ༔མ༔ཕཊ༔ད༔ ཨི་དཾ་བྷ་ལི་ཏ་ཁཱ་ཧི་ཁཱ་ཧི། ཧཱུྃ་བྷྱོ༔ ཆོས་འབྱུང་འཁོར་ལོ་རྩིབས་བརྒྱད་དབུས། །པད་ཉི་རལ་གྲི་ཧཱུྃ་ཡིག་ལས། །ཕྲ་མེན་སྡེ་བརྒྱད་སྤྱི་འདུལ་མ། །མཐིང་ནག་སེང་ཞལ་དཀར་ལ་འཚེར། །དབུ་སྐྲ་ཁམ་སེར་གྱེན་བརྫེས་ཤིང་། །ཆུ་ཤེལ་ལས་གྲུབ་མཆོད་རྟེན་ནི། །རྩེ་མོ་ལྔ་པས་དབུ་ལ་བརྒྱན། །

[Full Size]

སྐུ་ལ་མི་ལྤགས་གཡང་གཞིའི་སྟེང་། །རལ་གྲིའི་ཁྲབ་ལ་སྦྲུལ་སྐེད་བཅིངས། །ཕྱག་གཡས་རལ་གྲི་མེ་འབར་ཕྱར། །སྡེ་བརྒྱད་གདུག་པ་ཟློག་པར་མཛད། །གཡོན་པས་རིན་ཆེན་ཆུ་ཤེལ་གྱིས། །མཆོད་རྟེན་མགོ་ལྔ་ཐུགས་ཀར་འཛིན། །གཡས་བརྐྱང་མེ་དཔུང་དབུས་ན་འགྱིང་། །ལྷ་སྲིན་སྡེ་བརྒྱད་འཁོར་གྱིས་བསྐོར། །དམར་གྱི་གཏོར་མ་འདི་བཞེས་ལ། །སྡེ་བརྒྱུད་གདུག་པ་བཟློག་ཏུ་གསོལ། །གཏད་མནན་གཟིར་གསུམ་དགྲ་ལ་བསྒྱུར། །བཅོལ་བའི་ཕྲིན་ལས་འགྲུབ་པར་མཛོད། །ཙ༔ར༔མ༔ཡ༔ས༔ར༔ད༔མ༔ར༔ས༔ཕཊ༔ཀ༔ཨ༔ ཨོཾ་ལོ་ཀ་ལོ་ཀཱི་ཌཀྐི་སེདྷ་མུ་ཁ་བཛྲ་ཧཱུྃ་ཧཱུྃ་ཕཊ༔ ཨ་ཡེ་མ་དུ་རུ་ཙ་ཤ་ན༔ ཨི་དཾ་བྷ་ལིཾ་ཏ་ཁཱ་ཧི་ཁཱ་ཧི། ཧཱུྃ་བྷྱོ༔ མཐིང་ནག་ཧཱུྃ་ལས་བྱུང་བའི་སྐུ། །གཅེར་བུ་ཁྲོས་ནག་སེང་གེའི་གདོང་། །ངན་པ་ཀུན་བཟློག་རྒྱལ་མོ་ནི། །ལྕགས་རལ་སྤྲུགས་པའི་སྐྲ་གསེབ་ནས། །མེ་སྟག་ཕུར་བུ་ཐོག་སེར་འབེབས། །དགྲ་བགེགས་གདུག་པ་བརླག་པར་མཛད། །སྐུ་ལ་སྤྱན་མིག་བྱེ་བས་གཏམས། །ཕྱག་གཉིས་མི་ལྤགས་གཡང་གཞི་ནི། །མགོ་མཇུག་བཟློག་སྟེ་ནམ་མཁར་ཕྱར། །ཀླད་ལ་བསྐོར་

[Full Size]

ཞིང་དགྲ་བགེགས་གཟེར། །ཞབས་གཉིས་རྣམ་པར་བསྒྲད་པ་ཡིས། །རི་རབ་གླིང་བཞི་ཉི་ཟླ་མནན། །ཡེ་ཤེས་མེ་དཔུང་དབུས་ན་བཞུགས། །བརྒྱན་པའི་གཏོར་མ་འདི་བཞེས་ལ། །ལྟས་ངན་བརྒྱད་ཅུ་རྩ་གཅིག་བཟློག །མོ་ངན་པྲ་ངན་དགྲ་ལ་བསྒྱུར། །བཅོལ་བའི་ཕྲིན་ལས་འགྲུབ་པར་མཛོད། །ཕཊ༔ཡ༔ར༔མ༔ས༔ར༔ད༔ཤ༔ཙ༔ར༔མ༔ས༔ཀ༔ཨ༔ ཨི་དཾ་བ་ལིཾ་ཏ་ཁཱ་ཧི་ཁཱ་ཧི། ཧཱུཾ་བྷྱོ༔ ཆོས་འབྱུང་པད་ཉི་རུ་ཏྲའི་སྟེང་།ཧཱུྃ་དང་སྣ་ཚོགས་རྡོ་རྗེ་ལས། །བྷི་ཤྭ་ཌཱཀི་སེང་ཞལ་ལྗང་། །མུ་མེན་རལ་པའི་སྐྲ་གསེབ་ནས། །མེ་སྟག་ཕུར་བུའི་ཚྭ་ཚྭ་འཕྲོ། །ཕྱག་གཡས་སྣ་ཚོགས་རྡོ་རྗེ་ཕྱར། །གཡོན་པས་བདུད་རྩིའི་ཐོད་པ་བསྣམས། །ཁ་ཊཾ་དང་བཅས་གར་སྟབས་འགྱིང་། །བརྒྱན་པའི་ས གཏོར་མ་འདི་བཞེས་ལ། །མི་གཙང་གྲིབ་སོགས་དག་པར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །ཨཀསམཐར༔ཙཤདརསམར༠ཡཐཕཊ༔ ཨོཾ་བཛྲ་ཌཱ་ཀི་སེང་ཧ་མུ་ཁ་བྷི་ཤྭ་ཙཀྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨི་དཾ་བྷ་ལིཾ་ཏ་ཁཱ་ཧི་ཁཱ་ཧི། ཧཱུྃ་བྷྱོ༔ གཅེར་བུ་ཁྲོས་ནག་སེང་གེའི་གདོང་། །ཕྱག་གཉིས་ཉི་ཟླ་ཁ་སྦྱོར་བར། །

[Full Size]

ཕུར་བུ་འདྲིལ་བས་དགྲ་བགེགས་འདུལ། །སྐུ་ལུས་སྤྱན་གྱིས་ཁེངས་པ་ལ། །དམར་ནག་ཁྲག་གི་མཆི་མ་འཛག །ལྕགས་རལ་སྤྲུགས་པའི་སྐྲ་གསེབ་ནས། །ཕུར་བུ་ཐོག་སེར་ཆར་དུ་འབེབས། །སྐུ་སྨད་རྡོ་རྗེ་ཕུར་པ་ནི། །ཟུར་གསུམ་རྣོ་བའི་ངར་དང་ལྡན། །བརྒྱན་པའི་གཏོར་མ་འདི་བཞེས་ལ། །གནོད་བྱེད་དགྲ་བགེགས་རྡུལ་དུ་རྫོགས་། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་བཛྲ་ཌཱཀི་སེང་ཧ་མུ་ཁ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ་ཕཊ༔ ཕཊ༔ཡ༔ར༔མ༔ས༔ར༔ད༔ཤ༔ཙ༔ར༔མ༔ས༔ཀ༔ཨ ཤ་ཏྲི་ཛཿ ནྲྀ་ཏྲི་ཁུག །དགྲ་བགེགས་འབྱུང་པོའི་སེམས་དང་བག་ཆགས་ངན་པ་མཱ་ར་ཡ་ཕཊ༔ ཨི་དཾ་བྷ་ལིཾ་ཏ་ཁཱ་ཧི་ཁཱ་ཧི། ཞེས་ཕྲ་མེན་བཅུ་བཞིའི་བསྐུལ་རིང་ལགས་སོ།། ༈ །དེ་ནས་སྒོ་དབྱེ་བྱ་བ་ནི། ཧཱུྃ་བྷྱོ༔ བཅོམ་ལྡན་ཌཱཀི་སེང་གདོང་མའི། །ཕོ་བྲང་ཤར་གྱི་སྒོ་མ་ནི། །ཕྲ་མེན་དཀར་མོ་ལྭ་གདོང་མ། །ཕྱག་མཚན་ལྕགས་ཀྱུ་ཐོད་ཁྲག་བསྣམས། །གསེར་སྐྱེམས་མཆོད་པ་འདི་བཞེས་ལ། །ཤར་ཕྱོགས་དུང་སྒྲོ་དཀར་པོ་ཕྱེས། །གཏོར་ལམ་དགྲ་བགེགས་སྟེང་དུ་སྟོན། །འཇིགས་བརྒྱད་ཞི་བའི་ཕྲིན་ལས་མཛོད། ། ཧཱུྃ་བྷྱོ༔ དཔལ་ཆེན་ཌཱཀི་སེང་

[Full Size]

གདོང་མའི། །གཞལ་ཡས་ལྷོ་ཡི་སྒོ་སྲུང་མ། །ཕྲ་མེན་སེར་མོ་ཕག་གདོང་མ། །ཕྱག་མཚན་ཞགས་པ་ཐོ་བ་འཛིན། །གསེར་སྐྱེམས་མཆོད་པ་འདི་བཞེས་ལ། །ལྷོ་ཕྱོགས་གསེར་སྒོ་སེར་པོ་ཕྱེས། །གཏོར་ལམ་དགྲ་དང་བགེགས་ལ་སྟོན། །འབྱོར་དྲུག་རྒྱས་པའི་ཕྲིན་ལས་མཛོད། །ཧཱུྃ་བྷྱོ༔ དབང་ཕྱུག་ཊཱཀི་སེང་གདོང་མའི། །དཀྱིལ་འཁོར་ནུབ་ཀྱི་སྒོ་སྐྱོང་བ། །ཕྲ་མེན་དམར་མོ་ཁྱི་གདོང་མ། །ཕྱག་མཚན་ལྕགས་སྒྲོག་གཡང་གཞི་ཐོགས། །གསེར་སྐྱེམས་མཆོད་པ་འདི་བཞེས་ལ། །ནུབ་ཕྱོགས་ཟངས་སྒོ་དམར་པོ་ཕྱེས། །གཏོར་ཁ་དགྲ་དང་བགེགས་ལ་སྟོན། །མོས་བཞི་འདུལ་བའི་ཕྲིན་ལས་མཛོད། །ཧཱུྃ་བྷྱོ་དྲག་མོ་སེང་གེའི་གདོང་ཅན་མའི། །ཐོད་མཁར་བྱང་གི་སྒོ་གཉེར་ནི། །ཕྲ་མེན་ལྗང་མོ་འུག་གདོང་མ། །ཕྱག་མཚན་དྲིལ་བུ་དགྲ་སྟ་ཕྱར། །གསེར་སྐྱེམས་མཆོད་པ་འདི་བཞེས་ལ། །བྱང་ཕྱོགས་གཡུ་སྒོ་སྔོན་པོ་ཕྱེས། །གཏོར་ཟོར་དགྲ་དང་བགེགས་ལ་རྒྱོབ། །བདུད་དགྲ་ཚར་གཅོད་ཕྲིན་ལས་མཛོད། །ཅེས་གསེར་སྐྱེམས་གཏོར་མདོས་ཀྱི་ཕྱོགས་བཞིར་ཅུང་ཟད་མཆོད། ནང་གི་སྒོ་བཞི་ཕྱེས་པར་བསམ་ཞིང་རོལ་མོ་བྱ། ༈ །དེ་ནས་ཕྱིར་ཁྱེར་ལ་

[Full Size]

གསེར་སྐྱེམས་འཐོར་ཞིང་། ཧཱུཾ་བྷྱོ༔ སྣང་ཞིང་སྲིད་པའི་ལྷ་དང་འདྲེ། །ཐམས་ཅད་བདག་ལ་སྙན་གསན་འཚལ། །རིན་ཆེན་ལས་གྲུབ་ཕུད་སྐྱོགས་སུ། །རོ་བཅུད་ཟས་མཆོག་མོ་ད་ན། །ས་ཡི་སྙིང་པོ་རིན་ཆེན་གསེར། །རྡོ་ཡི་སྙིང་པོ་རིན་ཆེན་དངུལ། །བཀྲག་མདངས་རྒྱས་པའི་མཚོ་རོ་གཡུ། །སྔོན་མོ་འཕེལ་ཆེན་འབྲུ་མཆོག་ནས། །གཅིག་ཏུ་སྦྱར་བའི་གསེར་སྐྱེམས་འདི། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་དཔལ་མགོན་རྣམས་ལ་འབུལ། །རྣལ་འབྱོར་བདག་གི་རྒྱབ་རྟེན་མཛོད། །ཕྱི་ནང་གསང་བའི་ལྷ་མ་སྲིན། །ལོ་ཟླ་ཞག་དུས་འབྱུང་བའི་ལྷ། །ཡུལ་ལྷ་གཞི་བདག་མཐུ་ཆེན་རྣམས། །གསེར་སྐྱེམས་མཆོད་པ་འདི་བཞེས་ལ། །རྣལ་འབྱོར་བདག་གི་སྡོང་གྲོགས་མཛོད། །ཁྱད་པར་ཡུལ་དང་གྲོང་གི་བདག །གཉུག་མར་གནས་པ་མ་ལུས་དང་། །གཏོར་ལམ་འདིར་གནས་འབྱུང་པོའི་ཚོགས། །གསེར་སྐྱེམས་མཆོད་པ་འདི་བཞེས་ལ། །མཐོ་བ་རྣམས་ཀྱིས་ཞབས་ཡར་སྐུམས། །དམའ་བ་རྣམས་ཀྱིས་དབུ་མར་ཁུག །བར་མ་རྣམས་ཀྱིས་སྐུ་བཟུར་ཅིག །ཡས་ལམ་སོལ་ལ་མདོས་ལམ་ཕྱེས། །བཅོལ་བའི་ཕྲིན་

[Full Size]

ལས་འགྲུབ་པར་མཛོད། །དེ་ནས་ཟོར་ནི། ཟོར་ཆེན་མདའ་དང་གཞུ་སོགས་ཟོར་རྫ་ས་གང་འཛོམ་དང་། ཁྱད་པར་ལུག་སྤྱང་ཀིས་བསད་པའི་བལ་ལ་ཚོན་སྐུད་སྣ་ལྔ་བྱས་ལ་དེ་དགུ་བསྒྲིལ་བྱས་པའི་འུར་རྡོ། ཞིང་ལྤགས་ཀྱི་འུར་མཐིལ། ཡུགས་ས་མའི་སྐྲའི་ཚག་ལྕེ་བྱས་པ་དང་། རོ་རྡོའམ་རྡོ་ནག་ཟུར་གསུམ་པ་དགུའམ་གསུམ་ལ་དུག་སྣ་དང་ཁྲག་སྣ་སྦྱར་བས་རྡོ་ལ་བྱོབཟློག་བྲིས་པ་རྣམས་རེ་བའི་ཁར་བཞག་པར་བྱའོ། །དེ་ནས་འཕེན་ཏེ། ཧཱུྃ་བྷྱོ༔ མྱུར་མགྱོགས་ཕོ་ཉ་དགུ་སྒྲིལ་འདི། །ཀླད་ལ་གཡུག་ཅིང་ཐོག་ལྟར་འཕེན། །འབྲུག་ལྟར་གྲག་ཅིང་དགྲ་ཁམས་འཇོམས། །ཆོ་འཕྲུལ་གནམ་རྡོ་དགྲ་ལ་རྒྱོབ། །ཕཊ༔ཡ༔ར༔མ༔ས༔ར༔ད༔ཙ༔ར༔མ༔ས༔ཀ༔ས༔ ཧཱུྃ་བྷྱོ༔ གཞུ་ནི་ཁྲོ་རྒྱལ་ཧེ་རུ་ཀ། །རྒྱུད་ནི་ཡུམ་ཆེན་སེང་གདོང་མ། །མདའ་ནི་ཡབ་ཡུམ་འཆོལ་པའི་སྲས། །ཤ་ཟ་བདུད་མོ་སེང་གེའི་གདོང་། །གཟའ་རྒོད་མཁའ་ལ་རྒྱུག་པ་ལྟར། །དགྲ་བོའི་སྲོག་ལ་མཱ་ར་ཡ༔ །ཕཊ ཡར༔མསརདqཙརམས༔ཀ༔ས༔ ཞེས་མདའ་ཟོར་འཕང་། སེང་གདོང་མའི་ཟོར་ཆེན་ནི། ཧཱུཾ་བྷྱོ། དམར་གྱི་གཏོར་མ་ཆེན་པོ་འདི། །མཁའ་འགྲོ་དམ་ཅན་མཆོད་པའི་རྫ་ས། །དམ་ཉམས་དམ་སྲི་བསྒྲལ་བའི་མཚོན། །ནད་དང་རིམས་ཀྱི་ན་བུན་འཐུལ། །

[Full Size]

གནམ་ལྕགས་ཐོག་གི་ཚྭ་ཚྭ་འཕྲོ། །བསྟན་པ་བཤིགས་པའི་དམ་ཉམས་དགྲ། །བར་ཆད་བྱེད་པའི་གདོན་བགེགས་ལ། །ཕོབ་ཅིག་རྒྱོབ་ཅིག་མཱ་ར་ཡ། །དགྲ་བགེགས་ཐལ་བ་རྡུལ་དུ་རློགས། །ཞེས་ཟོར་ཆེན་བསྐུལ་ལོ། །དེ་ནས་གཏོར་འབུལ་རྣམས་བྱ། སྤྲོ་ན་ཟ་ལམ་བྱ། དེ་ནས་གཏོར་ཟློག་བཏེག་ལ། ཧཱུྃ། མཁའ་འགྲོ་སེང་གདོང་མཐུ་མ་ཆུང་། །རིགས་བཞི་མཁའ་འགྲོ་བང་མ་བུལ། །སྡེ་བརྒྱད་མཁའ་འགྲོ་རྩལ་མ་ཞེན། །འབུམ་ཕྲག་བྱེ་བ་ས་ཡ་བྷྱོ། །སེང་ཞལ་ཕྱོགས་བཅུར་ངུར་བ་ལས། །ཁམས་གསུམ་མ་མོའི་ཁེངས་པ་བྷྱོ། །རུས་པའི་རྒྱན་དྲུག་གསོལ་བ་ལས། །རྒྱུ་སྐར་སེར་ལྟར་འདྲིལ་བ་བྷྱོ། །བྷནྡྷ་ཁྲག་བཀང་གསོལ་བ་ལས། །རི་ཀླུང་ཁྲག་མཚོ་དགྲ་ལ་བྷྱོ། །གྲི་གུག་རྔམས་པར་ཕྱར་བ་ལ། །མཚོན་ཆའི་ཆར་པ་དགྲ་ལ་བྷྱོ། །ཞིང་ཆེན་གླང་ཀོ་སྤྲུགས་པ་ལས། །གནམ་ས་སྣང་སྲིད་འཁྲུགས་པ་བྷྱོ། །ཞལ་ནས་ཧཱུྃ་ཕཊ་སྒྲ་སྒྲོག་ལས། །འབྱུང་པོ་ཕོ་མོའི་སྲོག་ལ་བྷྱོ། །སྤྱན་བསྒྲད་དམར་ཟླུམ་སྤྲུགས་པ་ལས། །ཉི་ཟླ་ཚོགས་པོར་ལྐོགས་ཤིང་བྷྱོ། །དབུ་སྐྲ་གཡུ་རིལ་བསིགས་པ་ལས། །སྤྲིན་ནག་ཐོག་སེར་དགྲ་ལ་བྷྱོ།

[Full Size]

མེ་དཔུང་ཚྭ་ཚྭ་འཕྲོ་བ་ལས། །བསྐལ་པ་མེ་ཡིས་བསྲེགས་པ་བྷྱོ། །མི་མགོའི་ཕྲེང་བ་འཁྲོལ་བ་ལས། །འཛམ་གླིང་གཡོ་འགུལ་བསྐྱོད་ཅིང་བྷྱོ། །ཞབས་གཉིས་གར་གྱི་རོལ་པ་ལས། །ས་གཞི་རི་བོ་ལྡེམས་ཤིང་སྦྱོ། །འབུམ་ཕྲག་མཁའ་འགྲོ་ཉི་ཤུ་ལས། །སྟོང་གསུམ་དམག་གི་འཁྲུག་པ་སྦྱོ། །གཟི་བརྗིད་རབ་ཏུ་འཁྲུག་པ་ལས། །ལྷ་འདྲེ་ཐམས་ཅད་དགྲ་ལ་བྷྱོ། །ཧཱུྃ་ཧཱུྃ་ཕེ་ཕོ། མ་གཡེལ་མ་འཕང་མཁའ་འགྲོའི་ཚོགས། །ཆོས་དབྱིངས་ཨེ་ཡི་གཞལ་ཡས་ནས། །རང་བཞིན་དབྱིངས་ཀྱི་མཁའ་འགྲོ་མ། །སེངྒེའི་གདོང་ཅན་སྐུ་བཞེངས་ཤིག །སྤྲུལ་པ་ཌཱཀི་སྐུ་བཞེངས་ཤིག །འཁོར་གྱི་མཁའ་འགྲོ་སྐུ་བཞེངས་ཤིག །རི་རབ་ཆེན་པོའི་གླིང་བཞི་ནས། །རིགས་བཞི་མཁའ་འགྲོ་ཤུགས་འགྲོ་དང་། །ཡེ་ཤེས་ལས་ཀྱི་མ་མོའི་ཚོགས། །ཁྲི་འབུམ་བྱེ་བ་ས་ཡ་རྣམས། །དར་གྱི་ཅོད་པན་པུ་རུ་རུ། །སིལ་སྙན་མང་པོ་སི་ལི་ལི། །རོལ་མོ་མང་པོ་ཏི་རི་རི། །རྒྱན་ཆ་མང་པོ་ཁྲོ་ལོ་ལོ། །ཌཱ་རུ་གར་ཐབས་ཤིགས་སེ་ཤིག །ཞལ་ནས་སྔགས་སྒྲ་དི་རི་རི། །ཕཊ་དང་ཕོ་སྒྲ་འུ་རུ་རུ། །ཆ་ལུགས་རྣམ་པ་སྣ་ཚོགས་ཀྱིས། །ཕྲིན་ལས་རྣམ་བཞི་

[Full Size]

ཐོགས་མེད་བསྒྲུབ། །བསྐུལ་ལོ་ཐུགས་དམ་གནད་ནས་བསྐུལ། །མཁའ་འགྲོའི་དངོས་གྲུབ་མ་གཡེལ་ཅིག །དམ་ཅན་མཐུ་སྟོབས་མི་ཆུང་ཞིག །བརྒྱན་པའི་གཏོར་མ་འདི་བཞེས་ལ། །འདོད་པའི་དོན་ལ་གསོལ་འདེབས་ཀྱི། །མཆོག་དང་ཐུན་མོང་དངོས་གྲུབ་སྩོལ། །ཚེ་དབང་ལོངས་སྤྱོད་རྒྱས་པ་དང་། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་དགོངས་གསོལ་བཞེས་འབོད་ནི། དེ་ནས་ཟོར་ཆེན་ཐོགས་ལ། ༈ ཧོ་དགོངས་སུ་གསོལ་ལོ། །ཉི་མ་ནུབ་ཕྱོགས་ཨོ་རྒྱན་སྤྲུལ་པའི་ཞིང་ཁམས། རབ་ཏུ་འབར་བ་འཁྲིགས་པའི་དུར་ཁྲོད་ནས། དཔལ་ཡེ་ཤེས་ཀྱི་ཌཱཀི་དྲག་མོ་སེང་གེའི་གདོང་པ་ཅན། སྐུ་སྤྲུལ་སྟག་གི་གདོང་པ་ཅན། གསུང་སྤྲུལ་དོམ་གྱི་གདོང་པ་ཅན། རིགས་བཞིའི་ཌཱཀི་སེང་གདོང་མ། དམ་ཚིག་དང་འཇིག་རྟེན་གྱི་ཌཱཀི་སེང་གདོང་མ། སྣ་ཚོགས་ཐམས་ཅད་ཌཀི་སེང་གདོང་མ། སྒོ་མ་གདོང་ཅན་བཞི། འཇིག་རྟེན་ཕྲ་མེན་གྱི་ཊཱཀི་ང སེང་གེའི་གདོང་པ་ཅན་བཅུ་བཞི། རི་རབ་སུམ་ཅུ་སོ་གཉིས་ཀྱི་རྡུལ་དང་མཉམ་པའི་ཏྟཀི་མ། བཀའ་སྡོད་སྲིད་པའི་མ་མོ་བྱེ་བ་འབུམ་སྡེ། ཤ་ལ་དགའ་ཞིང་ཁྲག་ལ་རྔམ་པ།

[Full Size]

གསོད་ལ་དགའ་ཞིང་སྲོག་ལ་རྔམ་པ། སྲིད་པ་གསུམ་གྱི་སྲོག་དང་དབུགས་ཀྱི་བདག་མོ་ཁྱེད་རྣམས་ཀྱིས། གནམ་ས་ཙམ་གྱི་ཞལ་གདངས། གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་བརྐྱངས་ལ། སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ། དོ་བསྡོ་ཞིང་འགྲས་ཚོལ་བ། རྣལ་འབྱོར་པ་བདག་གི་སྒོས་དགྲ། གནོད་ཅིང་འཚེ་བའི་གདོན་བབ་དེགས། བསམ་ངན་འཆང་བའི་བྱད་མ། ཡ་བོ་བཟུང་བ། མཐུ་བུ་ལོན་བཞིན་དུ་བསྙག་པ། དགྲ་ཡ་དང་གྱོད་ཡ་བྱེད་པ། འཛིང་ཡ་དང་འཁོན་ཡ་བྱེད་པ། །ཚེའགྲས་ཡ་དང་རྩོད་ཡ་བྱས་པ། ཁ་འོ་མ་ལས་འཇམ་པ། སྙིང་ཚེར་མ་ལས་རྩུབ་པ། སྲུང་བའི་ལེ་གུ་ལྷ་ལོག །བཅོས་པའི་ནད་པ་སོས་ལོག །བསླབ་པའི་སློབ་བུ་དམ་ལོག །བཞག་པའི་བྲན་འཁོར་སྙིང་རིང་། རུས་ཀྱི་ཕ་ཚན་རྒྱབ་ལོག །གཏམ་པའི་ཤག་རོགས་མནའ་ཟན། འགྲུལ་བའི་མཛའ་རོགས་སྙིང་རིང་། དམག་སྣ་ཇག་སྣ་རྐུན་སྣ་སྟོན་པ། ངོ་ལོག་རྒྱབ་གཏད་བྱེད་པ། ངོས་བསྟོད་ལྐོག་སྨད་བྱས་པ། བཀའ་ལ་འཁུ་བ། དམ་ལ་ལོག་པ། གཟུགས་ལིང་ག་ལ་བྲིས་པ། བླ་འཁོར་ལོ་ལ་བསྐོར་

[Full Size]

བ། མིང་བྱང་བུ་ལ་བཏབ་པ། དམ་ཉམས་ཡིད་ལ་མནག་པའི་དགྲ་བོ་འདི་རྣམས་ཀྱི་བླ་ཚེ་སྲོག་དབུགས་ཁ་རྗེ་དབང་ཐང་དང་བཅས་པ། ལོ་དང་ཟླ་བར་མ་བཞག །ཞག་དང་ཟ་མར་མ་འགྱང་བར། དྲག་པོ་ཐུན་གྱི་གཏོར་མ་འདི་དང་མཉམ་དུ་ད་ལྟ་ཉིད་དུ་བཞེས་ཤིག །ཕཊ༔ཡ༔ར༔མ༔ས༔ར༔ད༔ཤ༔ར༔མ༔ས༔ཀ༔ས༔ ཞེས་བརྗོད་ཅིང་འཕང་། མདུན་དུ་བྲུབ་ཁུང་མེ་རླུང་མཚོན་ཆ་འཁྲུགས་པའི་ནང་དུ་དགྲ་བགེགས་དམིགས་བྱ་དངོས་སུ་བསམ་ལ། གཏོར་ཟོར་དུག་ལྕགས་ཁྲོ་ཆུ་ཁོལ་མ་ལས་གྲུབ་པའི་མཚོན་ཆའི་ཕུང་པོར་དམིགས་ལ་བརྒྱབ་པས་རྡུལ་དུ་བརླག །རྣམ་ཤེས་ཧཱུྃ་དུ་གྱུར་པས་མཁའ་སྤྱོད་དུ་འཕང་བར་དམིགས་ལ་འཕང་། ༈ །དེ་ནས་གཏོར་གཞོང་སྣ་ཚོགས་རྡོ་རྗེ་རི་རབ་དང་བཅས་པའི་འོག་ཏུ། དམ་སྲི་མནན་པས་བསྐལ་པ་འབུམ་ཕྲག་བརྒྱར་ཐར་བ་མེད་པར་བསམ་ལ། ཧཱུྃ་བྷྱོ༔ གཅེར་བུ་ཁྲོས་ནག་སེང་གདོང་མ། །ཕྱག་མཚན་གྲི་གུག་ཐོད་ཁྲག་དང་། །ཁ་ཊཾ་ལྕགས་ཀྱུས་བརྒྱན་པ་བསྣམས། །ལྕགས་རལ་གསེབ་ནས་ཕུར་ཆེར་འབེབས། །རང་འདྲ་མཁའ་འགྲོ་བརྒྱད་དང་བཅས། །ཀུན་ཀྱང་བྲོ་རྡུང་ཁྲིགས་སེ་ཁྲིག །དམ་སྲི་ཐལ་བ་རྡུལ་དུ་རློགས། །རི་རབ་གླིང་བཞིའི་འོག་ཏུ་ནོན། །འགྱུར་བ་མེད་པའི་རྒྱས་བཏབ་བོ། །

[Full Size]

ཕཊ༔ཡ༔ར༔མ༔ས༔ར༔ད༔ཤ༔ཙ༔ར༔མ༔ས༔ཀ༔ས༔ ཤ་ཏྲི་ཛཱནཾ་ཏྲི་ཁུག དགྲ་བགེགས་འབྱུང་པོའི་སེམས་དང་བག་ཆགས་ངན་པ་མཱ་ར་ཡ་ནན། ཛཾ་བྷ་ཡ་ནན། ཧཱུཾ་བྷ་ཡ་ནན༔ དེ་ནས་ནང་དུ་ལོག་ལ་ཚེ་འགུགས་ནི། ཧཱུཾ་བྷྱོ༔ རྡོ་ར་མེ་རི་དམར་ཆེན་མཚོ། །ཆོས་འབྱུང་པད་ཉིར་ལྕགས་ཀྱུ་དང་། །ཧཱུྃ་ལས་བྱུང་བའི་ལྷ་མོ་ནི། །དམར་མོ་སེང་གེའི་གདོང་པ་ཅན་། །ཕྱོགས་བཞིར་རིགས་ཀྱི་ཌཱཀི་བཞི། །དཀར་སེར་དམར་ལྗང་སེང་གེའི་གདོང་། །རིན་ཆེན་རལ་པའི་སྐྲ་གསེབ་ནས། །མེ་སྟག་ཕུར་བུའི་ཚྭ་ཚྭ་འཕྲོ། །དུར་ཁྲོད་ཆས་ལྡན་མེ་དཔུང་དབུས། །ཀུན་ཀྱང་གར་སྟབས་ཁ་ཊཾ་བརྟེན། །ཕྱག་གཡས་ལྕགས་ཀྱུ་སེང་ཞལ་ཅན། །ཚེ་སྲོག་ཡར་བ་བཀུག་ཏུ་གསོལ། །ཕྱག་གཡོན་ཚེ་ཡི་བུམ་པ་འཛིན། །འཆི་མེད་ཚེ་ཡི་དངོས་གྲུབ་སྩོལ། །སྐྱེ་འཆི་མེད་པའི་རྒྱས་ཐོབ་ཅིག །ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ མ་མ་ཨཱ་ཡུ་ཛྷ་ན་སིདྡྷི་ཧཱུྃ། པདྨ་ཌཀི་སེང་ཧ་མུ་ཁ་ཨཱ་ཡུཛྙཱ་ན་སིདྡྷི་ཕ་ལ་ཡཱ་ཧོ། ཞེས་ཚེ་རིལ་དང་ཚེ་ཆང་ལ་རོལ། ཧཱུྃ་བྷྱོ༔ མེ་རི་མཚོན་ཆ་རྡོ་རྗེའི་གུར། །དུར་ཁྲོད་བརྒྱད་པོ་ཕྱི་དང་ནང་། །རིན་ཆེན་གཞལ་ཡས་གཉིས་རིམ་དབུས། །

[Full Size]

ཆོས་འབྱུང་ཁ་སྦྱོར་པདྨའི་ལྟེར། །ཆོས་འབྱུང་པད་ཉི་ནོར་ལྷའི་གདན། །ཕོ་བྲང་འབར་བའི་བཀྲ་ཤིས་ཤོག །ཧཱུྃ། དམར་སེར་བསིལ་བྱེད་རྒྱལ་མཚན་ལས། །སེང་གདོང་དམར་མོ་སེང་ཞལ་སེར། །བསིལ་བྱེད་རྒྱལ་མཚན་ལྷུང་བཟེད་བསྣམས། །བྱེ་བའི་སྤྱན་མངའ་ཕྱེད་སྐྱིལ་བཞུགས། །ཏི་རའི་རྒྱལ་མཚན་པོ་ཏི་མཚན། །དབང་སྡུད་ཊཱཀིའི་བཀྲ་ཤིས་ཤོག །ཤར་ནས་སྔོ་ནག་སེང་ཞལ་སེར། །བསེ་ཁྲབ་རྨོག་ཞུ་བསེ་ཕུབ་བསྣམས། །རལ་གྲི་མདའ་གཞུ་བ་དན་བསྣམས། །གཡུལ་རྒྱལ་ཀིའི་བཀྲ་ཤིས་ཤོག །ལྷོ་ནས་སེར་ནག་སེང་ཞལ་སེར། །གྲུ་མཚོན་ནད་ཀྱི་ཕོར་པ་བསྣམས། །ཞིང་གི་རྒྱལ་མཚན་མཆན་དུ་སྒྲེང་། །དཔལ་བསྐྱེད་ཊཱཀིའི་བཀྲ་ཤིས་ཤོག །ནུབ་ནས་དམར་ནག་སེང་ཞལ་དམར། །མྱོས་བྱེད་རྫས་དང་ཞགས་པ་བསྣམས། །བདུད་ཀྱི་ཁྲམ་ཤིང་ནམ་མཁར་ཕྱར། །སྲིད་གསུམ་དབང་སྡུད་བཀྲ་ཤིས་ཤོག། །བྱང་ནས་ལྗང་ནག་སེང་གདོང་མ། །ཅང་ཏེལ་ཁྲོལ་ཞིང་དུང་ཆེན་འབུད། །བདུད་ཀྱི་ཁྲམ་ཤིང་དྲག་ཏུ་གཡུག །སྡེ་བརྒྱད་དབང་སྡུད་བཀྲ་ཤིས་ཤོག །ཀུན་ཀྱང་རིན་ཆེན་སྐྲ་གསེབ་ནས། །

[Full Size]

ལས་ཀྱི་མཁའ་འགྲོ་གྲངས་མེད་འགྱེད། །སྒོ་སྲུང་སེང་གདོང་མཆེད་བཞི་སོགས། །འཁོར་དང་བཅས་པའི་བཀྲ་ཤིས་ཤོག །ཁམས་གསུམ་དབང་སྡུད་བཀྲ་ཤིས་ཤོག །སྲིད་གསུམ་ཟིལ་གནོན་བཀྲ་ཤིས་ཤོག །བདེ་སྐྱིད་ཕུན་ཚོགས་བཀྲ་ཤིས་ཤོག །ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ ཚྭ་ཧཱུཾ་ཧ་རི་ནི་ས་སི་ན་ར་མ་ཁུག་ཁུག་ཛཛཿ ཞེས་མེ་ཏོག་འཐོར་རོ། །ཨོཾ་བཛྲ་ཌཱ་ཀི་སེང་ཧ་མུ་ཁ་ས་པཱ་རི་ཝཱ་ར་ཨརྒྱུ་སོགས་དང་། དཔལ་ལྡན་རྡོ་རྗེ་ལྷ་མོ་ནི། སོགས་དང་། མ་འབྱོར་པ་དང་ཉམས་པ་དང་། སོགས་ནས་ཡིག་བརྒྱ་བརྗོད། །ཨཱོཾ། ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སེམས་ཅན་རྣམས་ཀྱི་དོན་སླད་དུ། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཞེས་ཡེ་ཤེས་པ་གཤེགས། དམ་ཚིག་པ་རང་ལ་བསྡུ། དེ་ནས་ཡང་མཐའ་ནས་དབུས་སུ་ཡལ་ཏེ་མི་དམིགས་པ་བྱས་ནས། དགེ་བ་འདི་ཡིས་མྱུར་དུ་བདག །ཡེ་ཤེས་མཁའ་འགྲོ་འགྲུབ་གྱུར་ནས། །བདུད་བཞིའི་ལས་ལས་རྒྱལ་གྱུར་ཅིག །ཞེས་བསྔོ་བས་རྒྱས་བཏབ་བོ། །ཞེས་པ་འདི་ནི་བ་རི་ལུགས་

[Full Size]

ཀྱི་གཏོར་མ་ལ་བརྟེན་ནས་བཟློག་པ་དང་། རྫས་གཅིག་གི་སྦྱིན་སྲེག་གཉིས་ཕྱོགས་མཐུན་དུ་གསུངས་པ་དང་། སངས་རྒྱས་གླིང་པའི་ལུགས་ཀྱི་གཏོར་སྒྲུབ་དང་། མཁའ་འགྲོ་མ་ལྕགས་ཀྱི་སྨེ་བ་ཅན་ནས་རྒྱལ་ཚབ་གོང་མ་ལ་བརྒྱུད་པའི་མན་ངག །གཏོར་མ་ལ་བརྟེན་ནས་བསད་བཟློག་བྱ་ཐབས་གསུངས་པ་དང་། ཨོ་རྒྱན་རིན་པོ་ཆེས་རྟོགས་ལྡན་སངས་རྒྱས་མགོན་པོ་ལ་གསུངས་པའི་མན་ངག་སྙན་དུ་བརྒྱུད་པ་ཉེ་ཕྱིར་འཇམ་དབྱངས་པདྨ་གར་དབང་པས་ཡི་གེར་བཀོད་པའི། ལྷ་བཅུ་གསུམ་མའི་བསྐང་མདོས་བཟློག་པ་ཕྱོགས་གཅིག་ཏུ་གསུངས་པ་ནི་ཤིན་ཏུ་རྒྱས་པ། བསྒྲལ་ལས་བསྟབ་པ་གཏོར་འབུལ་དང་བཅས་པ་དང་། ནང་སྒྲུབ་སེང་གདོང་དམར་མོའི་བསྐང་བ་ཟློག་པ་བསྐུལ་དང་བཅས་པ་རྒྱས་པ་དང་། སེང་གདོང་མ་ལྷ་ལྔའི་བསྐང་ཟློག་བསྐུལ་དང་བཅས་པ་དང་། སེང་གདོང་གཅེར་བུ་ཁྲོས་ནག་གཙོ་རྐྱང་དང་། ལྷ་དགུའི་བསྐང་བ་གཏོར་སྒྲུབ་ཟློག་པ། བསྐུལ་པ་དང་ཟོར་ལས་དང་བཅས་པ། གཏོར་ཟོར་དང་བཅས་པ་དང་། གསང་སྒྲུབ་ཞལ་གསུམ་ཕྱག་དྲུག་ཕུར་ཞལ་ཅན་ལྷ་ལྔའི་བསྐང་བ་ཟློག་པ་སྐུལ་དང་བཅས་པ་དང་། ཕྲ་མེན་སེང་གདོང་གཟའ་འདུལ་རྒྱལ་མོའི་མདོས་ཐབས་དང་བཅའ་ཐབས་ལ་སོགས་པ་ཐམས་ཅད་ཀྱི་རྗེས་སུ་འབྲང་སྟེ། བསྐང་བ་དང་ཟློག་པ་སྦྲགས་མ་འདི་ལེགས་པར་སྦྱར་བ་ཡིན་ཏེ། འདི་ནི་སེང་གདོང་མའི་བསྙེན་སྒྲུབ་ལས་སྦྱོར་དུས་སུ་འཁུ་ལྡོག་བྱུང་ངམ། གཞན་ཡང་རང་གཞན་གྱི་རྐྱེན་དང་བར་ཆད་ཐམས་ཅད་བཟློག་པའི་ཕྱིར་དུ་འདི་དག་ལ་བརྩོན་པར

[Full Size]

བྱའོ། །འདི་ལ་བརྟེན་ནས་བསད་ལས་བྱ་ཐབས་ཤིན་ཏུ་ཟབ་པ་ཞིག་ཡོད་པ་ཐུགས་ལ་གབ་བོ། །འདི་ལ་རྡོ་རྗེའི་གོ་མཚོན་ནས། བདག་གིས་བྱས་པའི་སྲུང་འཁོར་རམ། རྒྱལ་དབང་དགུ་པས་མཛད་པའི་མངོན་རྟོགས་སོགས། མདོར་ན་སེང་གདོང་གཙོ་རྐྱང་ལྷན་ཅིག་སྐྱེས་མའི་མངོན་རྟོགས་གང་རུང་ཞིག་གིས་བདག་བསྐྱེད་བྱས་ནས། མདུན་བསྐྱེད་ལྷ་མང་འདི་བཞིན་དུ་བསྒོམ་པར་བྱའོ། །ཡང་མཁའ་འགྲོའི་གཏོར་ཟློག་ལས་ཚོགས་ཁ་བསྒྱུར་བདུན་མ་དང་བཅས་པ་འདི་ནི་ཕག་ཁྲོས་སེང་གསུམ་སྤྱིའི་ཟློག་གཞུང་ཡིན་ཏེ། ཉང་གི་གཏེར་མའི་ཁྲོས་མའི་ཟློག་གཞུང་ཡང་འདི་རང་ཡིན་ཅིང་། འདིའི་ཁ་བསྒྱུར་སྔགས་ལ་ཡང་བཛྲ་བྷ་ར་ཧི་ཀྲོ་ཏི་ཀཱ་ལི་འབྱུང་བའི་ཕྱིར་དང་། སེང་གདོང་མ་ཡང་ཡིན་ཏེ། ཁ་བསྒྱུར་སྔགས་ལ་ཡི་གེ་བཅུ་བཞི་པ་འདི་ཉིད་གསལ་བར་གསུངས་པའི་ཕྱིར་ཏེ། ཚིག་ཅུང་ཟད་བསྒྱུར་འོས་རྣམས་བསྒྱུར་ཤེས་པར་བྱ་ཞིང་། མཁའ་འགྲོའི་གཏོར་ཟློག་འདི་ནི་གཉན་པས་རང་དོན་མ་གཏོགས་གཞན་གྱི་དོན་དུ་བཅའ་མི་རུང་ངོ་། །བསྐང་ཟློག་སྦྲགས་མ་འདི་ནི་གཞན་དོན་དུ་རུང་སྟེ། སྐབས་དང་བསྟུན་ནོ། །ཨེ་མ་ཧོ། ཡེ་ཤེས་ཌཱཀི་དྲག་མོ་སེང་གདོང་མ། །ཟློག་པ་ཀུན་གྱི་མཆོག་ཏུ་ཡོངས་གྲགས་ཀྱང་། །འདི་ཡི་ཟློག་པའི་ཕྱག་ལེན་དེང་སང་དཀོན། །དེ་ཕྱིར་བསྐང་ཟློག་སྦྲགས་མའི་མདོར་བསྡུས་འདི། །རང་དང་གཞན་ལ་ཕན་པའི་སེམས་ཀྱིས་བཀོད། །འདི་བྲིས་འགལ་འཁྲུལ་ཉེས་སྐྱོན་གང་མཆིས་པ། །ཡེ་ཤེས་ལས་དང་འཇིག་རྟེན་ཌཱཀྐིའི་ཚོགས། །ཆོས་བདག་སྲུང་མ་

[Full Size]

འཁོར་དང་བཅས་ལ་བཤགས། །འདི་བྲིས་དགེ་བའི་རྩ་བ་གང་མཆིས་དེས། །བདག་ཅག་དཔོན་སློབ་ཡོན་མཆོད་འཁོར་དང་བཅས། །འདི་ཉིད་མཐོང་ཐོས་ཉམས་སུ་ལེན་པ་དང་། །འདི་ལ་འབྲེལ་ཐོགས་སྦྱིན་བདག་བཅས་པ་རྣམས། །ཚེ་འདིར་བར་ཆད་ཀུན་ཞི་ཚེ་བསོད་རྒྱས། །ནམ་ཞིག་འཕོས་ཚེ་མཁའ་འགྲོའི་ཚོགས་རྣམས་ཀྱིས། །སྣ་ཚོགས་མཆོད་པས་དེ་ཡི་སྔོན་བསུ་ཞིང་། །འཇའ་འོད་ས་གཡོས་མེ་ཏོག་ཆར་འབེབས་ཤིང་། །མཁའ་སྤྱོད་བདེ་ཆེན་ཞིང་དེར་ཁྲིད་བྱེད་ཤོག །འོད་དཔག་མེད་མགོན་མཆོད་པས་མཉེས་བྱེད་ཅིང་། །བྱང་ཆུབ་སྤྱོད་པ་རྒྱ་ཆེན་སྤྱོད་པར་ཤོག །ཅེས་གསང་སྔགས་འཆང་བའི་རྣལ་འབྱོར་པ། ། ༧ ཀརྨ་ཨ་རཱ་གས་ལེགས་པར་བཀོད་པའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

སེང་གདོང་བཀའ་སྲུང་རྡོ་རྗེ་རྒྱལ་མཚན་གསོལ་མཆོད།

[Full Size]

སེང་གདོང་བཀའ་སྲུང་རྡོ་རྗེ་རྒྱལ་མཚན་གསོལ་མཆོད་བཞུགས་སོ།།

[Full Size]

ན་མོ་ཌཱཀི་སེང་ཧ་མུ་ཁ་ཡེ། ཡེ་ཤེས་མཁའ་འགྲོ་དྲག་མོ་སེང་གདོང་མའི། །བཀའ་སྲུང་ཆོས་བདག་མཆོད་པའི་གོ་ཆ་ནི། །ཤ་ཁྲག་བརྒྱན་པའི་དམར་གཏོར་བཟང་དུ་བཤམས། །རང་ཉིད་ཌཱཀི་སེང་གདོང་ང་རྒྱལ་གྱིས། །དགྲ་བགེགས་བླ་སྲོག་བཀུག་ལ་གཏོར་མར་བསྟིམ། །ཨོཾ་ཨཱཧཱུྃ་གིས་ཡེ་ཤེས་བདུད་རྩིར་བསམ། །རང་ཉིད་ཐུགས་ཀའི་ཧཱུྃ་གི་འོད་ཟེར་གྱིས། །རང་བཞིན་གནས་ནས་སྤྱན་འདྲེན་མདུན་བཞུགས་བསམ། །དྲེགས་པ་རང་རྒྱུད་དམ་ཚིག་བསྐྱེད་མི་དགོས། །ཧཱུཾ། རྒྱལ་བའི་བསྐྱེད་ཡུམ་ཌཱཀི་སེང་གདོང་མའི། །བཀའ་སྲུང་ཆོས་ཀྱི་བདག་པོ་དམ་ཚིག་ཅན། །གནོད་སྦྱིན་ཆེན་པོ་རྡོ་རྗེ་རྒྱལ་མཚན་ཁྱོད། །བསྟན་པ་བསྲུང་ཕྱིར་གནས་འདིར་

[Full Size]

གཤེགས་སུ་གསོལ། །སྟོང་གསུམ་གླིང་བཞི་འཛམ་གླིང་རྒྱ་བོད་དང་། །གནས་ཆེན་གཙུག་ལག་ཆོས་འཁོར་གར་བཞུགས་ཀྱང་། །དེ་ཉིད་སྒྲུབ་པའི་རྣལ་འབྱོར་གྱིས་བོས་ཚེ། །ཐོགས་མེད་ཡིད་ལྟར་མྱུར་བའི་རྫུ་འཕྲུལ་གྱིས། །མཆོད་པའི་གནས་འདིར་ད་ལྟ་ཉིད་དུ་བྱོན། །པད་ཉི་དགྲ་བགེགས་ཅང་ཤེས་ཁྲི་སྟེང་དུ། །དགྱེས་ཤིང་བརྟན་པའི་ཚུལ་གྱིས་བཞུགས་ནས་ཀྱང་། །ཡེ་ཤེས་ཌཱ་ཀི་ཀླུ་སྒྲུབ་པད་འབྱུང་དང་། །རིན་ཆེན་གྲགས་པ་སངས་རྒྱས་མགོན་པོ་སོགས། །རིག་འཛིན་བརྒྱུད་པའི་བཀའ་བསྒོས་དྲན་མཛོད་ལ། །ཌཱཀྐི་སྒྲུབ་པོ་བདག་གི་

[Full Size]

སྡོང་གྲོགས་མཛོད། །བཛྲ་དྷ་ཛ་ཡཀྵ་བཛྲ་ས་མ་ཛཿ ཛཿཧཱུྃ་བཾ་ཧོཿ ཏིཥྛ་ལྷན། ས་མ་ཡ་ཧོ། མཆོད་པ་ནི། ཧཱུྃ། སྲུང་མ་གནོད་སྦྱིན་རྡོ་རྗེ་རྒྱལ་མཚན་ལ། །མཆོད་ཡོན་ཞབས་བསིལ་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་རོལ་མོ་དང་། །གཟུགས་སྒྲ་དྲི་རོ་རེག་བྱ་ལ་སོགས་པ། །བཀྲ་ཤིས་རྫས་རྟགས་རྒྱལ་སྲིད་རིན་ཆེན་བདུན་། །ཅང་ཤེས་རིག་པ་རྟིང་དཀར་དར་སྣས་བརྒྱན། །བསེ་ཁྲབ་བསེ་རྨོག་དར་དམར་བེར་ཆེན་དང་། །མདུང་དར་དམར་པོ་ཞགས་པ་ལྕགས་ཀྱུས་མཚན། །མདའ་དར་དམར་པོ་སྐུ་གཟུགས་སྲོག་སྔགས་བཅས། །སྨན་རཀ་གཏོར་མ་ཤ་ཁྲག་ཟས་སྣས་བརྒྱན། །དངོས་འབྱོར་ཡིད་སྤྲུལ་མཆོད་པ་དཔག་མེད་འབུལ། །བཛྲ་དྷ་ཛ་ཡཀྵ་སརྦ་ཨརྡོ་སོགས། ཤབྷ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཧཱུཾ། རུ་པ་ཤརྡ་ར་ས་སྤརྗེ་སོགས་ཀྱིས་མཆོད། ཨོཾ་བཛྲ་དྷ་ཛ་ཡཀྵ་ས་པ་རི་ཝཱ་ར་ཨི་དཾ༴ བཏགས་པ་སོགས་ལན་གསུམ་བྱ། བསྟོད་པ་ནི། ཧཱུྃ། གནོད་སྦྱིན་ཆེན་པོ་པདྨ་རཱ་གའི་མདོག །སྤྱན་གསུམ་ཞལ་གདངས་མཆེ་གཙིགས་ལྗགས་དམར་འཁྱུག །དར་དམར་བེར་དང་བསེ་རྨོག་བསེ་ཁྲབ་

[Full Size]

གསོལ། །ཕྱག་གཡས་མདུང་དམར་བ་དན་དམར་པོ་ཕྱར། །དར་དམར་ཕྱར་བས་རྣལ་འབྱོར་སྙན་པ་སྒྲོག །གཡོན་པས་ཞོགས་པ་འདེབས་པས་དགྲ་བགེགས་འཆིང་། །སྟག་རལ་གཟིག་ཤུབས་དཔའ་བོའི་ཆས་རྣམས་རྫོགས། །རླུང་གི་ཤུགས་འཆང་རག་པ་རྟིང་དཀར་ཆིབས། །བྱ་དམར་ཀླད་ལྡིང་བཙན་ཁྱི་རོལ་དུ་འབྲང་། །མེ་རླུང་གསེབ་ནས་སྐད་ཅིག་སྟོང་གསུམ་བསྐོར། །བསྟན་སྲུང་དགྲ་འདུལ་ཁྱོད་ལ་བདག་བསྟོད་དོ། །དམ་རྫས་བརྒྱན་པའི་གཏོར་མ་འདི་བཞེས་ལ། །སེང་གདོང་ལྷ་མོའི་དམ་ཆོས་རྒྱས་པ་དང་། །དེ་ཉིད་སྒྲུབ་པའི་རྣལ་འབྱོར་ཐམས་ཅད་ཀྱི། །མི་མཐུན་བར་ཆད་རྐྱེན་རྣམས་ཞི་བ་དང་། །མཐུན་རྐྱེན་ཚེ་བསོད་དཔལ་འབྱོར་རྒྱས་པ་དང་། །གང་བརྩམ་ལས་རྣམས་འགྲུབ་པའི་གྲོགས་མཛོད་ཅིག །བདག་གི་ཐུགས་ཀའི་ཧཱུཾ་ལས་འོད་ཟེར་འཕྲོས། །མདུན་བསྐྱེད་རྒྱུད་བསྐུལ་ཐུགས་ཀར་ཉི་མའི་སྟེང་། །ཧཱུྃ་དམར་སྔགས་ཀྱི་གཡས་བསྐོར་འོད་ཟེར་ནི། །ལས་མཐུན་འཕྲོས་པས་གང་བཅོལ་འགྲུབ་པར་བསམ། །ཨོཾ་མ་ཧཱ་ཀཱ་ལ་ཡ་བཛྲ་དྷ་ཛ་ཡཀྵ་པྲ་བྷ་ཛཱ་ལ་ཧཱུྃ་སརྦ་དུཏྟཾ་མཱ་ར་ཡ་ཕཊ༔ ཅེས་པ་ཅི་ནུས་བཟླས་ལ་གཏོར་མ་

[Full Size]

བཏེག། མེ་རུ་བཙུགས་ལ་ལས་བསྐུལ་འདི་སྐད་དོ།། ཧཱུྃ་བྷྱོ༔ ཡེ་ཤེས་ཌཱཀྐི་སེང་གདོང་མའི། །བཀའ་བྱུང་བཀའ་སྲུང་དམ་ལ་འདུས། །རིག་འཛིན་བརྒྱུད་པའི་བླ་མ་ཡི། །སྤྱན་སྔར་ཁས་བླངས་བརྗེད་དམ་ཅི། །དམ་ཉམས་དགྲ་བགེགས་ལས་ངན་འདིས། །རྡོ་རྗེ་སློབ་དཔོན་ངན་དུ་སྨྲས། །གསང་སྔགས་ཐེག་པ་ཁྱད་དུ་བསད། །གནོད་སྦྱིན་ཁྱོད་ལ་མཐུ་མེད་ཟེར། །སྒྲུབ་པ་པོ་ལ་དོ་རུ་བསྡོས། །མ་གཡེལ་ལས་མཛོད་དམ་ཚིག་ཅན། །མ་ཧཱ་ཀཱ་ལ་ལས་ལ་བྷྱོ། །གནོད་སྦྱིན་ཆེན་པོ་ད་རྒྱུགས་ཤིག །རྡོ་རྗེ་རྒྱལ་མཚན་དུས་ལ་བབ། །རག་པ་རྟིང་དཀར་མྱུར་བར་བསྟོད། །བཙན་ཞགས་དམར་པོ་མདའ་ལྟར་ཕོངས། །དམ་དུ་ཆིངས་ལ་མྱུར་དུ་ཁུག །མདུང་དམར་དགྲ་བགེགས་སྙིང་ལ་ཡཱ། །ཁྲོ་གཏུམ་མེ་ལྟར་རབ་འབར་བས། །གློ་སྙིང་ཆེམ་ཆེམ་ད་རོལ་ཅིག །སྙིང་ཁྲག་ཧུབ་ཀྱིས་ད་འཐུངས་ཤིག །བྱད་མ་དགྲ་བགེགས་མིག་འབྲས་ཕྱུངས། །བཙན་ཁྱིས་དགྲ་རུས་ཀྲུམ་ཀྲུམ་འཆོས། །མེ་རླུང་འཚུབ་མའི་ཐོག་སེར་གྱིས། །དགྲ་བགེགས་བདུན་རྒྱུད་རྩད་ནས་ཆོད། །མཐུ་རྩལ་ཅི་འདུག་ད་ལྟའོ། །ད་ལྟ་ཉིད་དུ་ལས་མཛོད་ཅིག །བཅོལ་

[Full Size]

བའི་ཕྲིན་ལས་འགྲུབ་པར་མཛོད། ཅེས་བརྗོད་ལ་གཏོར་མ་དགྲ་ཕྱོགས་སུ་འབུལ། རྒྱུ་ལྡོག་འགྲིགས་ན་ཟོར་དུ་འཕང་། །ཆོས་སྐྱོང་དགྲ་བགེགས་སྟེང་སོང་བསམ། །སེང་གདོང་ཡི་དམ་གཙོར་བྱེད་ན། །འདི་ཉིད་རྟག་ཏུ་གཏོར་ཁ་བརྟེན། །མིན་ཀྱང་སྒྲུབ་པའི་དུས་སུ་ནི། །འདི་ཉིད་མཆོད་ན་བར་ཆད་ཞི། །ཕྲིན་ལས་གང་བརྩམས་འགྲུབ་པར་འགྱུར། །༧ རཱ་གའི་མིང་ཅན་དེས་བྲིས་པས། །ཉེས་མཆིས་ཉེས་བཤགས་དགེ་བ་དེས། །ཊཱཀིའི་དམ་ཆོས་རབ་རྒྱས་ཤོག །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

[Full Size]

ཤོག་སྟོང་།

སེང་གདོང་མའི་བདུད་བཟློག

[Full Size]

སེང་གདོང་མའི་བདུད་བཟློག་ནི། ཨ་ཀ་ས་མ་ར་ཙ་ཤ་ད་ར་ས་མ་ར་ཡ་ཕཊ༔ ཅི་འགྲུབ་བཟླས། མཁའ་འགྲོ་མ་སེང་གེའི་གདོང་པ་ཅན་ཁྱོད་ཀྱི་རིག་སྔགས་བཟླས་པའི་མཐུ་དང་ནུས་པ་ལ་བརྟེན་ནས། བདག་ཅག་དཔོན་སློབ་ཡོན་མཆོད་བསྲུང་བྱ་མི་ནོར་རྟ་ཕྱུགས་ཞིང་ཁང་དང་བཅས་པ་ཐམས་ཅད་ལ། ཉི་མ་ཕྱོགས་བཞི་མཚམས་བརྒྱད་ཀྱི་བྱད་ཁ་སྟོན་པའི་བྱད་མ་བན་ཁྱད་བོན་བྱད་རླུང་འཁོར་ཕྲ་མེན་ངན་སྔགས་རྫས་མཐུ་བྱད་ཟོར་ཕུར་ཁ་གཏད་ཁ་ཁྲམ་ཁ་བསམ་ངན་སྦྱོར་རྩུབ་གཏོར་ཁ་ཟོར་ཁ་སྟོན་པའི་བྱད་མ་ཞིང་བཅུ་ཚང་བའི་བྱད་་མ་ཚེ་བསོད་ཁ་རྗེ་དབང་ཐང་སྲོག་ལུས་རླུང་རྟ་ལ་གནོད་པར་བྱེད་པ། ཉིན་གསུམ་གྱི་ལྟས་ངན་པ་མཚན་གསུམ་གྱི་རྨི་ལམ་ངན་པ་ཕུག་གི་ལྷ་ལ་གནོད་པ་བར་གྱི་མི་ལ་གནོད་པ་སྒོའི་ནོར་ལ་གནོད་པ་ཁྱིམ་སྒོ་ལམ་གསུམ་དུ་གནོད་པ་ནད་འདྲེ་ནད་སྲི་ཟ་འདྲེ་ཤི་སྲི་གོད་འདྲེ་གོད་སྲི་དགྲ་བགེགས་གནོད་བྱེད་བསེ་རག་སྒབ་འདྲེ་མདོར་ན་བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་མཁའ་འགྲོ་མ་བྱེ་བ་འབུམ་གྱི་བཀའ་ཡི་བདེན་པས་ཕྱིར་བཟློག་པར་གྱུར་ཅིག །མེད་པར་གྱུར་ཅིག །རབ་ཏུ་ཞི་བར་གྱུར་ཅིག །ཞལ་ལས་ཤེས། ཁྲོ་མོ་

[Full Size]

འབར༔ ལྷ་གཅིག རྒྱལ་དབང༔ ཨེ་ས་བྷྱོ་བཟློག །ཐལ་མོ་བརྡབ། བགེགས་རིགས་༴ སྣང་བ༴ བླ་མ༴ སེམས་དཔའ་རང་བྱུང་རྡོ་རྗེ་ནི། སོགས་བརྗོད། དཔལ་འབར་འཛམ་གླིང་རྒྱན་དུ་ཤོག། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སེང་གདོང་མའི་ཡང་ཟློག་ནམ་མཁའི་སྒྱོགས་ཆེན།

[Full Size]

སེང་གདོང་མའི་ཡང་ཟློག་ནམ་མཁའི་སྒྱོགས་ཆེན་བཞུགས་སོ། བཛྲ་ཊཱཀི་སེང་ཧ་མུ་ཁ་ཡེ་ན་མོ། སེང་གདོང་མའི་ཡང་ཟློག་གི་མན་ངག་ནི། གཟའ་དང་དབང་ཕྱུག་སྡེ་བརྒྱད་རྣམས་ཀྱི་ཐེབས་ཡོད་ཅིང་། ཉི་ནག་དང་མེ་དུད་སོགས་གཟའ་སྐར་རྩུབ་པའི་ནུབ་མོ་སྲོད་ཀྱི་དུས་སུ། ལྕོག་ཙེ་ལྟ་བུའི་སྟེང་དུ་བཞག་པའམ། ཀ་བ་ལ་བཅིང་ཡང་རུང་སྟེ། རབ་སྟོན་པའམ་རྡོ་རྗེ་འཆང་གི་སྐུ་གཅིག །བདུད་འདུལ་བའི་མཆོད་རྟེན་ནམ་པཱུ་རི་གཅིག །མདོའམ་རྒྱུད་ཞལ་ནས་གསུངས་པའི་པོ་ཏི་གཅིག་དང་གསུམ་བཤམ། མེད་ན་མཆོད་རྟེན་སྐུ་གང་རུང་གཅིག་བཤམས་ལ། གོས་མགོ་མཇུག་ལྡོག་ལ་གོན། །ཐུགས་ཀའི་སྔགས་ཕྲེང་གཡོན་དུ་འཁོར་བར་བསམ། རང་སེང་གདོང་མའི་བསྐྱེད་རིམ་བརྟན་པོས། མཐེ་བོང་གསེར་གྱི་སྤུ་གྲི་དང་། མཛུབ་མོ་གསེར་གྱི་གཏན་པའི་བར་དུ། དགྲ་བགེགས་བྱད་མའི་མགོ་རྦད་རྦད་བཅད་པར་དམིགས་ལ། ཕྲེང་བ་ཕྱིར་འདྲེན་ཅིང་མཆོད་རྟེན་ནམ་ལྷ་སྐུ་ལ་བསྐོར་བ་གཡོན་སྐོར་དུ་བྱེད་ཅིང་། ཕྲེང་སྐོར་ཚང་བ་དང་། རང་གི་ཕྱག་གཡས་ནམ་མཁའི་མཐིལ་དུ་ཉི་མ། གཡོན་དུ་སའི་མཐིལ་དུ་ཟླ་བའི་བར་དུ། འོད་ཟེར་གྱིས་གནོད་བྱེད་ཐམས་

[Full Size]

ཅད་བསྡུས་ནས། གནམ་ས་ཉི་ཟླའི་བར་དུ་བརྡབས་ནས་ཐལ་བ་བུན་བུན་སོང་བར་བསྒོམ། ཤིན་ཏུ་གལ་ཆེ་ན་གོས་གོང་བ་ནས་བཟུང་ལ་ལན་བདུན་བསྟན་ནོ། །དེ་ལྟར་བྱས་པས་རྨིས་ལྟས་སུ་བུད་མེད་མང་པོ་འདུ་བ་དང་། བུད་མེད་མང་པོས་རང་ལ་ཞུ་བ་བྱེད་པ་འོང་། ཟླ་བ་མི་འགྱང་བར་དགྲ་འཆིའོ། །འདི་བས་ཟབ་པའི་བཟློག་པ་བོད་དུ་འགྱུར་བ་མེད་གསུངས་། ཡང་བུད་མེད་ཀྱིས་དགྲ་ཕྱོགས་སུ་གཏད་ནས་ངུ་བ་རྒོད་པ་བྲང་རྡུང་བ། ཐལ་མོ་རྡེབ་པ་ཟོར་འཕེན་པ། གཡབ་མོ་རྡེབ་པ་ཁྲག་གཏོར་བ་ཆུ་འདེབས་པ་སོགས་འབྱུང་ཚུངོ་། །འདི་བྱེད་དུས་དམར་གཏོར་སེང་གདོང་མ་ལ་འབུལ་བ་གལ་ཆེའོ། །བསྐོར་བའི་གྲངས་ནི་ལྔ་བདུན་བཅུ་བཞི་སོགས་ཡིན་ནོ། །འདི་ཤིན་ཏུ་ནས་ཀྱང་གཉན་པས་མི་རུང་ངོ་། །ཡང་ཁ་ཆད་སྤར་བའི་མཐུ་འདྲེན་ཡོད་ན་རྟགས་མ་བྱུང་བར་དུ་རྒྱུན་དུ་བྱ། རྟོགས་བྱུང་ནས་འཕྲོ་བཅད་དོ། །འདི་ནི་བྱད་ཁ་ནད་གདོན་གང་ཡང་ཟློག་པའི་མཆོག་ཡིན་ནོ། །སྔགས་ནི་ཡི་གེ་བཅུ་བཞི་པ་ཉིད་ཡིན་ནོ། །བྱེད་ཁའམ་ནད་གདོན་གང་ཟློག་དམིགས་པ་ཁ་བསྒྱུར་བས་འཐུས་སོ། །འདི་ལ་ཞལ་ཤེས་གཅིག་ཡོད་དོ། །འདི་བྲིས་ཉེས་པ་ཌཱཀིའི་

[Full Size]

ཚོགས་ལ་བཤགས། །དགེ་བས་བདག་དང་སློབ་མ་བརྒྱུད་པར་བཅས། །བར་ཆད་བདུད་ལས་རྣམ་པར་རྒྱལ་བར་ཤོག །འདི་ནི་བཀའ་རྒྱ་དམ་པས་མང་དུ་སྤེལ་ན་ཌཀིའི་ཆད་པ་འོང་ངོ་། །སྔགས་འཆང་ཨ་རཱ་གས་ལེགས་པར་བཀོད་པ་ཨཱི་ས་མ་ཡ། རྒྱ། མངྒ་ལཾ་བྷ་ཝནྟུ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཡེ་ཤེས་ཌཱཀི་སེང་གདོང་མའི་རྩང་བསྟོད།

[Full Size]

ཡེ་ཤེས་ཌཱཀི་སེང་གདོང་མའི་རྩང་བསྟོད་བཞུགས་པའི་དབུ་ཕྱོགས་ལགས་སོ། །ཧཱུྃ་བྷྱོ༔ སྣང་སྲིད་དབང་བསྒྱུར་ཌཱཀི་མ། །ཟློག་སྒྱུར་བྱེད་པའི་བདག་མོ་ཡིན། །ཉོན་ཅིག་སྣང་སྲིད་ལྷ་འདྲེ་ཉོན། །བྷྱོ༔ དྲག་པོ་རྩང་དང་ཕུར་པའི་ལྷ། །སྲིད་པ་ལས་ཀྱི་མདོས་བཤམས་ན། །ཐ་མ་ལྕགས་རི་མུ་ཁྱུད་ལ། །དྲག་པོ་ལས་ཀྱི་རྩང་ཕུར་བཙུགས། །ཞེ་སྡང་མཚོན་ཆར་བྱིན་གྱིས་བརླབས། །རྩང་སྟོད་མེ་འབར་ལྷབས་སེ་ལྷབ། །བཙན་གྱི་དམག་འགྱེད་ཤ་ར་ར། །རྩང་སྨད་མུན་ནག་ཐིབས་སེ་ཐིབ། །བདུད་དམག་བྲོ་རྡུང་ཁྲིགས་སེ་ཁྲིག །བདུད་བཙན་དམག་སྣ་དགྲ་ལ་འགྱེད། །སྐེད་པ་རྒྱ་མདུད་ཁོང་གསེང་ན། །ཁྲོས་པའི་འབྲུག་སྒྲ་འུ་རུ་རུ། །ལས་ཀྱི་རྩང་ཕུར་གཤེགས་སུ་གསོལ། །ཞེ་སྡང་རྩང་ཕུར་ཟུར་གསུམ་ལ། །ཛདང་བྷྱོཡི་ཡི་གེ་བྲིས། །གྲུ་གསུམ་མཐིང་ནག་ལྕགས་རི་ལ། །རྣལ་འབྱོར་སྔགས་འཆང་ལས་གྲུབ་པའི། །སྤྲུལ་པའི་ཕོ་ཉར་བྱིན་གྱིས་བརླབས། །ཁྲོ་མོ་ཆེན་པོ་ཡང་དག་པའི། །མཚོན་གྱིས་སྤྲུལ་པའི་ཕྱག་རྒྱ་གསལ། །གདུག་པ་འདུལ་ཕྱིར་དབལ་དང་ལྡན། །རྩེ་མོ་ཆོས་ཉིད་དབྱིངས་སུ་

[Full Size]

འཕྱོ། །རྩ་བ་དུག་གསུམ་གནས་སུ་ཐུག །རྐེད་པར་ཕོ་ཉ་ལས་ལ་འགྱེད། །རྩེ་མོར་གྲི་ཁྲག་དམར་པོ་བྱུགས། །བསྐལ་པའི་མེ་འབར་ལྷབས་སེ་ལྷབ། །རྩ་བར་དུར་ཁྲོད་སོལ་བས་བྱུགས། །འཇིགས་པའི་མུན་ནག་ཐིབས་སེ་ཐིབ། །དེ་འདྲའི་རྩང་ཕུར་བཞེངས་སུ་གསོལ། །ཡར་གྱི་རྩེ་མོ་ལྷ་ཡི་གནས་སུ་འཕྱོ། །ལྷ་མ་ཡིན་གྱི་ཁ་རླངས་གཏོང་པ་དང་། །ལྷ་མ་ཡིན་གྱི་ཆོ་འཕྲུལ་བཟློག་ཏུ་གསོལ། །མར་གྱི་རྩེ་མོ་དུར་ཁྲོད་གནས་སུ་ཟུག །དུར་ཁྲོད་ཤ་ཟའི་གནོད་པ་གཏོང་བ་དང་། །ནད་སྣ་ཡམས་སྣ་དལ་སྣ་བཟློག་ཏུ་བྷྱོ།གསོལ། །མནག་པའི་དགྲ་བོ་མི་ནོར་ལ། །ཡུལ་མཁར་རྨིང་ལ་རྩང་ཕུར་ཡ། །སྒོ་ཡི་ནོར་ལ་རྩང་ཕུར་ཡ། །མཚན་གྱི་བུ་ལ་རྩང་ཕུར་ཡ། །དམ་ཉམས་དགྲ་བགེགས་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །ས༔ར༔ས༔མ༔ཙ༔ཨ༔ར༔ད༔ཡ༔ཀ༔མ༔ཕཊ༔ ཅེས་རཱ་ག་ཨ་སྱས་སྦྱར་བའོ།། །།

ཡེ་ཤེས་མཁའ་འགྲོ་སེང་ཧ་མུ་ཁའི་དྲག་པོ་རྩང་གི་ཟློག་པ།

[Full Size]

ཡེ་ཤེས་མཁའ་འགྲོ་སེང་ཧ་མུ་ཁའི་དྲག་པོ་རྩང་གི་ཟློག་པ་བཞུགས་སོ།།

[Full Size]

ཧཱུྃ་བྷྱོ༔ མཁའ་འགྲོ་སེང་གེའི་གདོང་ཅན་གཏོར་ཆེན་གྱི། །ཕྱི་རིམ་ལྕགས་རིའི་དཀྱིལ་འཁོར་མུ་རན་ལ། །དངུལ་ལམ་དཀར་པོའི་ཤིང་ལས་བྱས་པ་ཡི། །ཤར་ཕྱོགས་ཞི་བའི་ལས་མཛད་རྩང་ཕུར་བདུན། །ཞི་བའི་རྩང་བཙུགས་ཟླུམ་པོ་ཨ་ལོང་རིས། །ཡར་གྱི་རྩེ་ལ་དུང་སེང་རལ་པ་སྤྲུགས། །མར་གྱི་རྩེ་ལ་ཆུ་སྲིན་མཆེ་བ་གཙིགས། །སྐེད་པ་རྒྱ་མདུད་ཟླུམ་པོ་གཞལ་ཡས་ཁང་། །ཞི་བའི་ལས་མཛད་ཤར་གྱི་མ་བདུན་གནས། །ནད་གདོན་བརྒྱད་སོགས་འཇིགས་པ་ཞི་བ་དང་། །ཤར་གྱི་དགྲ་བགེགས་བཟློག་པའི་ཕྲིན་ལས་མཛོད། །གསེར་རམ་

[Full Size]

རྒྱས་པའི་ཤིང་ལས་བྱས་པ་ཡི། །རྒྱས་པའི་ལས་མཛད་ལྷོ་ཡི་རྩང་ཕུར་བདུན། །རྒྱས་པའི་རྩང་བཙུགས་གྲུ་བཞི་མིག་མང་རིས། །ཡར་གྱི་རྩེ་ལ་རྒྱུ་སྟག་འཛུམ་དྲུག་རྒྱས། །མར་གྱི་རྩེ་ལ་ཕག་རྒོད་མཆེ་བ་གཙིགས། །སྐེད་པ་རྒྱ་མདུད་གྲུ་བཞི་གཞལ་ཡས་ཁང་། །རྒྱས་པའི་ལས་མཛད་ལྷོ་ཡི་སྲིང་བདུན་བཞུགས། །ཚེ་བསོད་འབྱོར་པ་དྲུག་པོ་རྒྱས་པ་དང་། །ལྷོ་ཡི་དགྲ་བགེགས་བཟློག་པའི་ཕྲིན་ལས་མཛོད། །ཟངས་སམ་དབང་གི་ཤིང་ལས་བྱས་པ་ཡི། །དབང་གི་ལས་མཛད་ནུབ་ཀྱི་རྩང་ཕུར་བདུན། །དབང་གི་རྩང་བཙུགས་ཟླ་ཕྱེད་ཟླ་

[Full Size]

གམ་རིས། །ཡར་གྱི་རྩེ་ལ་གཟིག་ཆེན་ཐིག་ལེ་བཀྲ། །མར་གྱི་རྩེ་ལ་དོམ་ནག་མཆེ་བ་གཙིགས། །སྐེད་པ་རྒྱ་མདུད་ཟླ་གམ་གཞལ་ཡས་ཁང་། །དབང་གི་ལས་མཛད་ནུབ་ཀྱི་མཛའ་བདུན་གནས། །སྣང་སྲིད་མ་ལུས་དབང་དུ་བསྡུ་བ་དང་། །ནུབ་ཀྱི་དགྲ་བགེགས་བཟློག་པའི་ཕྲིན་ལས་མཛོད། །ལྕགས་སམ་དྲག་པོའི་ཤིང་ལས་བྱས་པ་ཡི། །དྲག་པོའི་ལས་མཛད་བྱང་གི་རྩང་ཕུར་བདུན། །དྲག་པོའི་རྩང་བཙུགས་ཟུར་གསུམ་ཕུར་སོ་རིས། །ཡར་གྱི་རྩེ་ལ་བསེ་ཡི་བྱ་གླག་འཇུམ། །མར་གྱི་རྩེ་ལ་ལྕགས་ཀྱི་ཕོ་རོག་གྲག ། སྐེད་པ་རྒྱ་མདུད་གྲུ་གསུམ་གཞལ་ཡས་ཁང་། །དྲག་པོའི་ལས་མཛད་བྱང་གི་བྲན་བདུན་གནས། །བདུད་བཞིའི་དགྲ་བགེགས་དམ་སྲི་བསྒྲལ་བ་དང་། །བྱང་གི་དགྲ་བགེགས་བཟློག་པའི་ཕྲིན་ལས་མཛོད། ། བྷྱོ༔ དཀྱིལ་འཁོར་མཐའ་སྐྱོང་དབང་མོ་ཉེར་བརྒྱད་ཀྱི། །རྩང་ཕུར་ཉེར་བརྒྱད་འཚུབ་མ་རིས་སུ་བཙུགས། །ཡར་རྩེ་ཟུར་གསུམ་མཁའ་ལ་ཟངས་སེ་ཟང་། །སྟེང་ཕྱོགས་གཟའ་དང་རྒྱུ་སྐར་དབལ་ཟེར་ཟློག །མར་རྩེ་ཟུར་གསུམ་ངན་སོང་སྙིང་ལ་གཟེར། །འོག་ཕྱོགས་ཀླུ་དང་ས་བདག་གདུག་པ་ཟློག །སྐེད་པ་རྒྱ་

[Full Size]

མདུད་བར་ན་ཁྲིགས་སེ་ཁྲིག །བར་ཕྱོགས་ལྷ་སྲིན་སྡེ་བརྒྱད་གདུག་པ་ཟློག །རྩང་སྟོད་དམར་པོ་མེ་འབར་ལྷབས་སེ་ལྷབ། །དམར་པོ་བཙན་གྱི་རྟ་རྒྱུག་ཤ་ར་ར་། །བཙན་གྱི་གྲི་ཐབས་ཟོར་ཁ་དགྲ་ལ་ཟློག །ཅུང་སྨད་ནག་པོ་མུན་ནག་ཐིབས་སེ་ཐིབ། །ནག་པོ་བདུད་ཀྱི་བྲོ་རྡུང་ཁྲིགས་སེ་ཁྲིག །བདུད་ཀྱི་ཞགས་པ་ཡེ་འདྲོགས་དགྲ་ཟླ་ལ་ཟློག །རྩང་མེད་རྒྱ་མདུད་རྒྱ་གྲམ་ཁྲམ་ཤིང་རིས། །གཤིན་རྗེའི་ཁྲམ་ཐོགས་སྲོག་ལན་ཉེ་རེ་རེ། །འཆི་བདག་གཤིན་རྗེའི་ཁྲམ་ཁ་དགྲ་ལ་ཟློག །རྩང་ཕུར་སྨད་ནི་སྲིན་མོ་སྤྱི་འགྲོས་སུ་བཙུགས། །སྲིན་མོ་བླ་རྐུན་ཚོགས་ནི་ཞུངས་སེ་ཞུང་། །མ་མོ་མཁའ་འགྲོའི་དལ་ཡམས་དགྲ་ལ་ཟློག །ཆུང་སྐྱེད་དྲྭ་མིག་མཁའ་འགྲོ་དྲྭ་བར་བསྡམས། །དཔའ་བོ་ཌཀིའི་གར་བྱེད་ཁྱུགས་སེ་ཁྱུག །གནས་ཡུལ་མཁའ་འགྲོའི་སུན་མ་དགྲ་ལ་ཟློག །རྩང་རྩེ་ཤ་དང་ལིངྒས་བརྒྱན་པ་ནི། །ཤ་ཟ་ཞིང་སྐྱོང་དལ་ཡམས་དགྲ་ལ་ཟློག །བ་སུ་ཏ་དང་སྔོ་དམར་ཞགས་པས་དཀྲིས། །རྒྱུ་གཟེར་ནད་དང་སྔོ་དམར་དགྲ་ལ་ཟློག །བྷྱོ། །དམར་ནག་རྩེང་གི་ཕུར་པ་ཉི་ཤུ་བརྒྱད། །དྲག་པོའི་རྩང་ཕུར་མདའ་ལ་ཉེ་རིང་མེད། །

[Full Size]

ཐུན་རྫས་ཡུངས་ཀར་རྦབ་ལ་གྱེན་ཐུར་མེད། །ཕོ་ཉ་བཀའ་སྡོད་ལས་ལ་དཀའ་སླ་མེད། །དྲག་སྔགས་དམིགས་པའི་འབེན་ལ་ཆེ་ཆུང་མེད། །སྡང་བའི་དགྲ་བགེགས་མ་རུངས་བྷ འབྱུང་པོ་རྣམས། །དྲག་པོ་རྩང་གི་ཕུར་པས་རྡུལ་དུ་རློགས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ དགྲ་བོ་བྱད་མ་ལྷ་སྲུང་དང་བཅས་པ་ནི་ཏྲི་མཱ་ར་ཡ་བྷྱོ་བྷྱོ་ཟློག་ཟློག །ཅེས་བཟླ་ཞིང་ཐལ་མོ་བརྡབ་བོ། །དེ་ནས་མདུན་བསྐྱེད་མཁའ་འགྲོ་མའི་སྐུ་ལས་མཚོན་ཆའི་ཆར་དང་གྲི་གུག་གི་ཆར་བབ་ནས་དགྲ་བགེགས་ཤ་ཁྲག་དམར་ཉི་ལི་ལི་བྱེད་པར་བསམ་ཞིང་ཤ་ཁྲག་རྣམས་མཁའ་འགྲོ་མས་གསོལ་བས་དགྱེས་པར་བསམ། ཉི་ཟླའི་བར་ཆལ་ཆལ་དུ་སོང་བར་བསམ། འབུལ་ཉིན་བར་མདུན་བསྐྱེད་གཏོར་མའི་རྩེར་བཞུགས་པར་དམིགས། སེང་གདོང་མ་འཁོར་བཅས་རྣམས་བདག་གིས་་་མཐའ་མི་གསལ་འདུག

མཁའ་འགྲོའི་རྩང་བསྟོད་རྩང་བསྐུལ།

[Full Size]

མཁའ་འགྲོའི་རྩང་བསྟོད་རྩང་བསྐུལ་བཞུགས་སོ།།

[Full Size]

ཧཱུྃ་བྷྱོ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །དགྲ་བགེགས་བྱད་མ་བསྒྲལ་བའི་ཁྲི་སྟེང་ན། །དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ། །ཡེ་ཤེས་མཁའ་འགྲོ་སྟོང་གི་གཙོ་མོ་བཞུགས། །རིགས་ལྔ་མཁའ་འགྲོས་འགྲོ་དོན་ཐ་དད་བསྒྲུབ། །ལས་བྱེད་མཁའ་འགྲོས་དགྲ་བགེགས་བྱད་མ་བསྒྲལ། །ཕྱི་ཡི་དུར་ཁྲོད་ལྕགས་རི་ཆེན་མོ་ལ། །དམར་ནག་རྩང་ཕུར་སྲིན་མོ་འགྲོས་སུ་བཙུགས། །དེ་ལ་མ་མོ་མཁའ་འགྲོ་ཕོ་ཉ་བཞུགས། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །

[Full Size]

ཡར་གྱི་རྩེ་མོ་ཆོས་ཉིད་དབྱིངས་སུ་སླེབས། །མར་གྱི་རྩེ་མོར་འཁོར་བའི་རྒྱ་མཚོ་སྐེམ། །རྐེད་པ་རྒྱ་མདུད་འཁོར་བ་དབྱིངས་སུ་སྒྲོལ། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་མོ་སྲིད་པའི་རྩེ་ལ་ཁྱབ། །མར་གྱི་རྩེ་མོར་ངན་སོང་ན་རཀ་སྐེམ། །རྐེད་པ་རྒྱ་མདུད་ཆོས་ཀྱི་འཁོར་ལོ་བསྐོར། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་མོ་རི་རབ་རྩེ་དང་མཉམ། །མར་གྱི་རྩེ་མོ་རྒྱ་མཚོའི་གཏིང་ན་ཟུག །རྐེད་པ་རྒྱ་མདུད་རི་རབ་

[Full Size]

གསེང་དང་མཉམ། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ། གདུག་པའི་རྩང་ཕུར་རྩེ་མོ་གཉིས དང་ལྡན། །ཡར་གྱི་རྩེ་ལ་ཛ་ཡི་ཆར་པ་འབེབས། །མར་གྱི་རྩེ་ལ་རཾ་གྱི་ཚྭ་ཚྭ་འཕྲོ། །རྐེད་པ་རྒྱ་མདུད་ཕག་གི་ངུར་སྒྲ་སྒྲོག །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ་གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་སེང་ཆེན་རལ་པ་གསིག །མར་གྱི་རྩེ་ལ་སྟག་མོས་མཆོང་རྒྱུག་བྱེད། །རྐེད་པ་རྒྱ་མདུད་གཟིག་ཆེན་ང་རོ་སྒྲོག །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུཾ། གདུག་ཀླུཔའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་གནམ་ལྕགས་འབྲུག་སྒྲ་ལྡིར། །མར་གྱི་རྩེ་ལ་མེ་གློག་དམར་པོ་འཁྱུག །རྐེད་པ་རྒྱ་མདུད་དོམ་དང་དྲེད་མོང་འཐབ། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ཁུ་བྱུག་སྔོན་མོ་གྲག །མར་གྱི་རྩེ་ལ་རྒྱ་གྲོག་དམར་ནག་འཐབ་། །རྐེད་པ་རྒྱ་མདུད་ཟངས་ཀྱི་ཝ་མོ་འཁངས། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་དུང་

[Full Size]

གི་ལྷོ་སྤྲིན་འཁྲིགས། །མར་གྱི་རྩེ་ལ་གསེར་གྱི་སྦྲང་བུ་ལྡིང་། །རྐེད་པ་རྒྱ་མདུད་བསེ་ཡི་འཕར་བ་འཁངས། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ༔ གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་དུང་གི་སེར་བ་འབེབས། །མར་གྱི་རྩེ་ལ་ནད་ཀྱི་ན་བུན་འཐིབས། །རྐེད་པ་རྒྱ་མདུད་མཚོན་ཆའི་ཆར་པ་འབེབས། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་གསེར་གྱི་འུག་པ་རྒོད། །མར་གྱི་རྩེ་ལ་བསེ་ཡི་ཤ་བ་རྒྱུག །རྐེད་པ་རྒྱ་མདུད་སྟག་དང་ཁུ་མུག་འཐབ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་བྱ་རྒོད་ནམ་མཁའ་འགེང་། །མར་གྱི་རྩེ་ལ་གཡག་རྒོད་ངར་ཞིང་ངུར། །རྐེད་པ་རྒྱ་མདུད་ཀང་ཀ་རོ་ལ་རོལ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ལྟས་ངན་པུ་ཤུད་འཇུམ། །མར་གྱི་རྩེ་ལ་ལྕགས་ཀྱི་ཕོ་རོག་གྲག །རྐེད་པ་རྒྱ་མདུད་དུང་གི་བྱི་བ་མཆོང་། །དགྲ་བགེགས་བྱད་

[Full Size]

མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་སེང་ཆེན་རལ་པ་གསིགས། །མར་གྱི་རྩེ་ལ་མཁའ་འགྲོའི་བགེགས་དཔུང་འཇོམས། །རྐེད་པ་རྒྱ་མདུད་རོ་ལངས་ཐལ་མོ་རྡེབ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ལྷ་དབང་རྒྱལ་པོ་འགྱིང་། །མར་གྱི་རྩེ་ལ་བཙན་རྣམས་རྡེའུ་འཐོར། །རྐེད་པ་རྒྱ་མདུད་གཟའ་ཆེན་རྔམ་སྟབས་སྟོན། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ཁྲག་གི་རྦ་ཀློང་འཁྲུགས། །མར་གྱི་རྩེ་ལ་བསྐལ་པའི་མེ་ཆེན་འབར། །རྐེད་པ་རྒྱ་མདུད་འབྱུང་བའི་རླུང་ཆེན་གཡོ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་མཁའ་འགྲོས་གར་སྟབས་སྟོན། །མར་གྱི་རྩེ་ལ་མ་མོས་བགེགས་ཚོགས་འདུལ། །རྐེད་པ་རྒྱ་མདུད་ལྷ་སྲིན་ཕོ་ཉ་འགྱེད། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་

[Full Size]

གྱི་རྩེ་ལ་ལྷ་དང་ལྷ་མིན་འཐབ། །མར་གྱི་རྩེ་ལ་འབྱུང་པོས་ས་གཞི་གང་། །རྐེད་པ་རྒྱ་མདུད་ཐོག་གི་བུ་ཡུག་འཚུབ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་འཁོར་འདས་དག་པར་སྟོན། །མར་གྱི་རྩེ་ལ་སྤྲུལ་པའི་ཕོ་ཉ་འགྱེད། །རྐེད་པ་རྒྱ་མདུད་གཡག་རྒོད་ངར་ཞིང་འགྱིང་། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། རྩང་གི་དྲ་མིག་རེ་རེ་ལ། །མ་རུངས་ཕོ་ཉ་དུ་མ་རྒྱུག །ཆེ་ཆུང་ཚད་ནི་རྒྱ་གྲོག་དམར་པོ་ཙམ། །རྔམ་བརྗིད་དྲག་པོས་ཚོགས་པོར་འཕེན། །འཇིགས་པའི་ཚུལ་གྱིས་ལོག་འདྲེན་འབྱུང་པོ་འདུལ། །དགྲ་བགེགས་གདུག་པའི་ཚོགས་རྣམས་ཚར་ཆོད་ཅིག་།ༀ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་བཛྲ་ཌཱ་ཀི་ནཱི་ཨ་ཝེ་ཤ་ཡ་ཧཱུྃ་ཕཊ། ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ ཚྭ་ཏྲི་ཤ་ཅུ་མཱ་ར་ཡ་ཕཊ༔ ཅེས་མཁའ་འགྲོ་སེང་གདོང་མའི་རྩང་བསྟོད་ཨ་རཱ་གས་སྦྱར་བའོ།། །།

[Full Size]

ཤོག་སྟོང་།

མཁའ་འགྲོ་སེང་གེའི་གདོང་པ་ཅན་གྱི་ཟོར་ཟློག་དང་རྩང་གྱེར།

[Full Size]

མཁའ་འགྲོ་སེང་གེའི་གདོང་པ་ཅན་གྱི་ཟོར་ཟློག་དང་རྩང་གྱེར་བཞུགས་པའི་དབུ་ཕྱོགས་ལགས་སོ།།

[Full Size]

བྷྱོ༔ རྒྱལ་བའི་ཡུམ་ཆེན་དྲག་མོ་སེང་གདོང་མ། །སྐུ་མདོག་མཐིང་ནག་ཆོས་ཉིད་འགྱུར་བ་མེད། །མ་རིག་འཁོར་བའི་བག་ཆགས་བཟློག་ཏུ་གསོལ། །སེང་གེའི་ཞལ་གདངས་ངར་སྒྲ་སྒྲོག་པ་ཡིས། །བོན་དང་མུ་སྟེགས་དམག་ཚོགས་བཟློག་ཏུ་གསོལ། །ལོངས་སྤྱོད་རྫོགས་སྐུའི་ཆས་རྣམས་རྫོགས་པ་ཡིས། །མུ་སྟེགས་ལྟོག་འགོང་དབུལ་སྲི་བཟློག་ཏུ་གསོལ། །ཕྱག་གཡས་གྲི་གུག་ནམ་མཁར་ཕྱར་བ་ཡིས་། །ལས་བྱེད་སྲོག་གཅོད་དབུགས་ལེན་བཟློག་ཏུ་གསོལ། །གཡོན་པས་ཐོད་ཁྲག་ཐུགས་ཀར་འཛིན་པ་ཡིས། །མ་མོའི་ཁྲག་ནད་དལ་

[Full Size]

ཡམས་བཟློག་ཏུ་གསོལ། །ཁ་ཊཾ་རྩེ་གསུམ་མཆན་དུ་བཅུག་པ་ཡིས། །དུག་གསུམ་ནད་གསུམ་གདོན་གསུམ་བཟློག་ཏུ་གསོལ། །རུས་རྒྱུན་མེ་ལོང་དྲིལ་བུ་གཡེར་ཁ་ཡིས། །དཔའ་བོ་ཌཱ་ཀིའི་སུན་མ་བཟློག་ཏུ་གསོལ། །ཡེ་ཤེས་མེ་དཔུང་སྐུ་ལ་འབར་བ་ཡིས། །གཟུང་འཛིན་མི་གཙང་དྲི་མ་བཟློག་ཏུ་གསོལ། །གར་སྟབས་པད་ཉི་རོ་སྟེང་འགྱིང་བ་ཡིས། །སྣང་ཞིང་སྲིད་པའི་གདོན་ཚོགས་བཟློག་ཏུ་གསོལ། །སྐུ་སྤྲུལ་མཁའ་འགྲོ་སེང་གདོང་དཀར་མོ་ཡིས། །བན་གྱི་བྱད་ཁ་རྒོད་གཏོང་བཟློག་ཏུ་གསོལ། །གསུང་སྤྲུལ་དམར་མོ་སྟག་གི་གདོང་ཅན་

[Full Size]

གྱིས། །བོན་གྱི་ངན་སྔགས་བྱད་ཀ་བཟློག་ཏུ་གསོལ། །ཐུགས་སྤྲུལ་ནག་མོ་དོམ་གྱི་གདོང་ཅན་གྱིས། །མུ་སྟེགས་ངན་སྦྱོར་ངན་སྔགས་བཟློག་ཏུ་གསོལ། །ཕྲིན་ལས་སྤྲུལ་པ་། མ་མོ་འབུམ་སྡེ་ཡིས། །མ་མོའི་དལ་ཁ་རིམས་ཡམས་བཟློག་ཏུ་གསོལ། །ཡང་སྤྲུལ་རི་རབ་སོ་གཉིས་རྡུལ་མཉམ་གྲངས། །དགྲ་འདྲེ་ལྟས་ངན་ཡེ་འདྲོག་བཟློག་ཏུ་གསོལ། །ཧཱུཾ་བྷྱོ༔ ཡེ་ཤེས་མཁའ་འགྲོ་དྲག་མོ་སེང་གདོང་མའི། །ཕྱི་རིམ་ལྕགས་རིའི་དཀྱིལ་འཁོར་མུ་རན་ལ། །དམར་ནག་རྩང་ཕུར་ཉི་ཤུ་རྩ་བརྒྱད་བཀོད། །དངུལ་ལམ་དཀར་པོའི་ཚེ ཤིང་ལ་བྱས་པ་ཡི། །ཤར་ཕྱོགས་ཞི་བའི་ལས་མཛད་རྩང་ཕུར་བདུན། །ཞི་བའི་ལས་མཛད་རྩང་ཕུར་ཨ་ལོང་རིས། །ཡར་གྱི་རྩེ་ལ་དུང་སེང་རལ་པ་གསིགས། །མར་གྱི་རྩེ་ལ་ཆུ་སྲིན་མཆེ་བ་གཙིགས། །སྐེད་པ་རྒྱ་མདུད་ཟླུམ་པོའི་གཞལ་ཡས་ཁང་། །ཞི་བའི་ལས་མཛད་ཤར་གྱི་མ་བདུན་གནས། །ནད་གདོན་འཇིགས་པ་བརྒྱད་སོགས་ཞི་བ་དང་། །ཤར་གྱི་དགྲ་བགེགས་བཟློག་པའི་ཕྲིན་ལས་མཛོད། །གསེར་རམ་རྒྱས་པའི་ཤིང་ལས་བྱས་པ་ཡི། །རྒྱས་པའི་ལས་མཛད་ལྷོ་ཡི་རྩང་ཕུར་བདུན། །རྒྱས་པའི་རྩང་

[Full Size]

ཕུར་གྲུ་བཞི་ཨ་ཁང་རིས། །ཡར་གྱི་རྩེ་ལ་རྒྱ་སྟག་འཛུམ་དྲུག་རྒྱས། །མར་གྱི་རྩེ་ལ་ཕག་རྒོད་མཆེ་བ་གཙིགས། །སྐེད་པ་རྒྱ་མདུད་གྲུ་བཞི་གཞལ་ཡས་ཁང་། །རྒྱས་པའི་ལས་མཛད་ལྷོ་ཡི་སྲིང་བདུན་བཞུགས། །ཚེ་བསོད་འབྱོར་པ་དྲུག་རྣམས་རྒྱས་པ་དང་། །ལྷོ་ཡི་དགྲ་བགེགས་བཟློག་པའི་ཕྲིན་ལས་མཛོད། །ཟངས་སམ་དབང་གི་ཤིང་ལ་བྱས་པ་ཡི། །དབང་གི་ལས་མཛད་ནུབ་ཀྱི་རྩང་ཕུར་བདུན། །དབང་གི་རྩང་ཕུར་ཟླ་ཕྱེད་ཟླ་གམ་རིས། །ཡར་གྱི་རྩེ་ལ་གཟིག་ཆེན་ཐིག་ལེ་རིས། །མར་གྱི་རྩེ་ལ་དོམ་ནག་མཆེ་བ་གཙིགས། །སྐེད་པ་རྒྱ་མདུད་ཟླ་གམ་གཞལ་ཡས་ཁང་། །དབང་གི་ལས་མཛད་ནུབ་ཀྱི་མ་བདུན་གནས། །སྣང་སྲིད་མ་ལུས་དབང་དུ་སྡུད་པ་དང་། །ནུབ་ཀྱི་དགྲ་བགེགས་བཟློག་པའི་ཕྲིན་ལས་མཛོད། །ལྕགས་སམ་དྲག་པོའི་ཤིང་ལ་བྱས་པ་ཡི། །དྲག་པོའི་ལས་མཛད་བྱང་གི་རྩང་ཕུར་བདུན། །དྲག་པོའི་རྩང་ཕུར་ཟུར་གསུམ་ཕུར་པ་རིས། །ཡར་གྱི་རྩེ་ལ་བསེ་ཡི་བྱ་གླག་འཛུམ། །མར་གྱི་རྩེ་ལ་ལྕགས་ཀྱི་ཕོ་རོག་གྲག །སྐེད་པ་རྒྱ་མདུད་གྲུ་གསུམ་གཞལ་ཡས་ཁང་། །དྲག་པོའི་ལས་མཛད་

[Full Size]

བྱང་གི་བྲན་བདུན་གནས། །བདུད་བཞིའི་དམ་སྲི་དགྲ་བགེགས་བསྒྲལ་བ་དང་། །བྱང་གི་དགྲ་བགེགས་བཟློག་པའི་ཕྲིན་ལས་མཛོད། ། བྷྱོ༔ དཀྱིལ་འཁོར་མཐའ་སྐྱོང་དབང་མོ་ཉེར་བརྒྱད་ཀྱི། །རྩང་ཕུར་ཉེར་བརྒྱུད་འཚུབ་མ་རིས་སུ་བཙུགས། །ཡར་རྩེ་ཟུར་གསུམ་མཁའ་ལ་ཟངས་སེ་ཟང་། །སྟེང་ཕྱོགས་གཟའ་དང་རྒྱུ་སྐར་དེལ་ཟེར་ཟློག ། མར་རྩེ་ཟུར་གསུམ་ངན་སོང་སྙིང་ལ་གཟེར། །འོག་ཕྱོགས་ཀླུ་དང་ས་བདག་གནོད་པ་ཟློག །སྐེད་པ་རྒྱ་མདུད་བར་ན་ཁྲིགས་སེ་ཁྲིག །བར་ཕྱོགས་ལྷ་སྲིན་སྡེ་བརྒྱད་གདུག་པ་ཟློག །རྩང་སྟོད་དམར་པོ་མེ་འབར་ལྷབས་སེ་ལྷབ། །དམར་པོའི་བཙན་དམག་རྟ་རྒྱུག་ཤ་ར་ར། །བཙན་གྱི་གྲི་ཐབས་གཟེར་ནད་དགྲ་ལ་ཟློག །རྩང་སྨད་ནག་པོ་མུན་ནག་སེ ཐེབས་སེ་ཐེབ། །ནག་པོ་བདུད་དམག་བྲོ་རྡུང་ཁྲིགས་སེ་ཁྲིག །བདུད་ཀྱི་ཞགས་པ་ཡེ་འདྲོག་དགྲ་ལ་ཟློག །རྩང་སྐད་རྒྱ་མདུད་རྒྱ་གྲམ་ཁྲམ་ཤིང་རིས། །གཤིན་རྗེའི་ཁྲམ་ཐོགས་སྲོག་ལན་ཡེ་རེ་རེ། །འཆི་བདག་གཤིན་རྗེའི་ཁྲམ་ཁ་དགྲ་ལ་ཟློག །རྩང་ཕུར་སྤྱད་ནི་སྲིན་མོ་འགྲོས་སུ་བཙུགས། །སྲིན་མོ་བླ་རྐུན་ཚོགས་ནི་ཞུངས་སེ་ཞུང་། །མ་མོ་

[Full Size]

སྲིན་མོའི་དལ་ཡམས་དྭགྲ་ལ་ཟློག །རྩང་སྐེད་དྲྭ་མིག་མཁའ་འགྲོ་དྲྭ་བར་བསྡམས། །དཔའ་བོ་ཌཱཀིས་གར་བྱེད་ཁྱུགས་སེ་ཁྱུག །གནས་དང་ཡུལ་གྱི་མཁའ་འགྲོའི་སུན་པ་ཟློག །རྩང་རྩེ་ཤ་དང་ལིངྒས་བརྒྱན་པ་ནི། །ཤ་ཟ་ཞིང་སྐྱོང་རྣམས་ཀྱི་དལ་ཁ་ཟློག །བ་སུ་ཏ་དང་སྔོ་དམར་ཞགས་པས་དཀྲིས། །རྒྱུ་གཟེར་ནད་དང་སྔོ་དམར་དགྲ་ལ་ཟློག །དམར་ནག་རྩང་གི་ཕུར་པ་ཉི་ཤུ་བརྒྱད། །དྲག་པོའི་རྩང་ཕུར་མདའ་ལ་ཉེ་རིང་མེད། །ཐུན་རྫས་ཡུངས་ཀར་བྲབ་ལ་གྱེན་ཐུར་མེད། །ཕོ་ཉ་བཀའ་སྡོད་ལས་ལ་༧ དཀའ་སླ་མེད། །དྲག་སྔགས་དམིགས་པའི་འབེན་ལ་ཆེ་ཆུང་མེད། །སྡང་བའི་དགྲ་བགེགས་འབྱུང་པོ་གནོད་བྱེད་རྣམས། །དྲག་པོ་རྩང་གི་ཕུར་པས་རྡུལ་དུ་རློགས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་རྒ་དབོན་པོས་བསྐུལ་ནས་ཨ་རཱ་གས་འཕྲལ་དུ་བྲིས་པ་ཉེས་འགལ་གང་མཆིས་ལྷ་དང་སྲུང་མ་ལ་བཤགས་ཤིང་། དགེ་བས་སྔགས་པ་རྣམས་ཀྱི་བསྟན་པ་དར་གྱུར་ཅིག། །

[Full Size]

ཤོག་སྟོང་།

ཌཱ་གི་སེང་གེའི་གདོང་པ་ཅན་གྱི་ཡང་ཟློག་གི་ཙཀྲ་ཟབ་མོ།

[Full Size]

ཌཱ་གི་སེང་གེའི་གདོང་པ་ཅན་གྱི་ཡང་ཟློག་གི་ཙཀྲ་ཟབ་མོ་བཞུགས་སོ།

[Full Size]

ན་མོ་ཌཱཀི་ནཱི་སེང་ཧ་མུ་ཁ་ཡེ། མཁའ་འགྲོ་སེང་གེའི་གདོང་ཅན་མ་ལ་ཕྱག་འཚལ་ནས། དེའི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་ཙཀྲ་བྲི་ཐབས་གསལ་བར་འདིར་བཀོད་ན། མཁའ་འགྲོ་སེང་གདོང་བཀའ་གནང་བདག་ལ་སྲུངས། །གྲོ་ག་ཤོག་གུ་གང་ཡང་རུང་བ་ལ། རབ་གསེར་འབྲིང་དངུལ་ཐ་མ་ཟངས་མས་བྲིས། མ་རྙེད་ན་མཚལ་ལམ་རྒྱ་སྣག་གིས་བྲིས། དང་པོ་སྐུའི་འཁོར་ལོའི་ལྟེ་བར་ཨོ། དེ་རྒྱབ་རྩིབས་ལྔ་ལ་ཛི་ཧང་ཀ་རི་ནི། ཡིག་འབྲུ་རེ་རེ་བྲི། རྩིབས་མཆན་ལ་ཕཊ་རེ། དེ་རྒྱབ་མུ་ཁྱུད་ལ། ཨོཾ་ཇི་ཝཾ་ཧཾ་ཀ་རི་ཎི་མ་དྷརྨཱ་ཀ་ར་སྱ་ཀ་ཡ་བྱེད་དུ་བཅུག་པ་

[Full Size]

ཐམས་ཅད་གྲོལ་བར་གྱུར་ཅིག །བདག་འཆང་བ་པོ་ལ་སྲུངས་ཤིག་རཀྵ་རཀྵ་སྭཱ་ཧཱ། ཞེས་བྲིས་སོ། །གསུང་གི་འཁོར་ལོའི་ལྟེ་བར་དེ་རྒྱབ་རྩིབས་ལྔ་ལ། བྷི་ན་ཡ་ཀི་ནི། རྩིབས་མཆན་ལྔ་ལ་ཕཊ༔ དེ་རྒྱབ་མུ་ཁྱུད་ལ་ཨ་བྷི་ན་ཡ་ཀི་ནི་མ་མ་དྷརྨ་ཀ་ར་སྱ་ཝཱཀ་བྱེད་དུ་བཅུག་པ་ཐམས་ཅད་གྲོལ་བར་གྱུར་ཅིག །བདག་ལ་སྲུངས་ཤིག་རཀྵ་རཀྟ་ཡེ་སྭཱ་ཧཱ། ཞེས་བྲིས། ཐུགས་ཀྱི་འཁོར་ལོའི་ལྟེ་བར་ཧཱུྃ། རྩིབས་ལྔ་ལ། ཡ་མ་དྷུ་ཏི་ནི། རྩིབས་མཆན་ལྔ་ལ་ཕཊ༔ མུ་ཁྱུད་ལ་ཧཱུྃ་ཡ་མ་དྷུ་ཏི་ནི་མ་མ་དྷརྨཱ་ཀ་ར་སྱ་ཙིཏྟ་བྱེད་དུ་བཅུག་པ་ཐམས་ཅད་གྲོལ་བར་གྱུར་

[Full Size]

ཅིག །བདག་ལ་སྲུངས་ཤིག་རཀྵ་རཀྵ། ཞེས་བྲི། སྦས་པ་ཡོན་ཏན་གྱི་འཁོར་ལོའི་ལྟེ་བར་ཧཾ། རྩིབས་ལྔ་ལ། ཨ་ཨི་ཨུ་རི་ལི། རྩིབས་མཆན་ལྔར། ཀ་ཙ་ཏྲ་པ་ཏ་དེ་རྒྱབ་མུ་ཁྱུད་ལ། རྡོ་རྗེ་གཉིས། རིན་ཆེན་གཉིས། པདྨ་གཉིས། རྒྱ་གྲམ་གཉིས། འཁོར་ལོ་གཉིས་རྣམས་བྲིའོ། །ཡང་བཅིངས་པ་གྲོལ་བའི་འཁོར་ལོའི་ལྟེ་བར། ཨོཾ་ཧྲིབཛྲ་སརྦ་ཀརྨ་བདག་འཆང་བ་པོའི་ལུས་ངག་ཡིད་གསུམ་ལ་སྲུངས་ཤིག་།ཅེས་གཡས་བསྐོར་དུ་བྲི། དེ་རྒྱབ་མུ་ཁྱུད་ལ། ཨོཾ་མ་མ་སརྦ་བྷི་དྷ་བདག་གི་ལུས་ངག་ཡིད་གསུམ་ལ་སྲུངས་ཤིག་རཀྵ་རཀྵ། ཞེས་བྲིས། དེ་རྒྱབ་མུ་ཁྱུད་ལ། བདག་གི་ལུས་ངག་ཡིད་གསུམ་ལ་བྷི་རི་ནི་སྭཱ་ཧཱ། ཞེས་བྲིས་སོ། །རྩིབས་བརྒྱད་ལ། ཧཱུྃ་ཨོྃ་བཛྲ་བྷི་དྷ་ཡ་ཧ་ན་ཧཱུྃ་ཙོ ཕཊ༔ ཅེས་བྲིས། དེ་རྒྱབ་མུ་ཁྱུད་ལ་དབྱངས་ཡིག་བཅུ་དྲུག་བྲིས། དེ་རྒྱབ་མུ་ཁྱུད་ལ། ཀཱ་ལི་སོ་བཞི་བྲིའོ། སྐུ་གསུང་ཐུགས་ཀྱི་རྒྱབ་ཐུམ་གྱི་འཁོར་ལོ་ནི། ལྟེ་བར་སེང་གདོང་མའི་སྐུ་ཚོན་གང་ཙམ་བྲི། དེ་རྒྱབ་མུ་ཁྱུད་ལ། ཏ་དུ་ཨོཾ་ཨཱུ བྷི་ན་ཡ་ཀ་མ་ཀ་སེ་ཀ་ཝཱཀྐ་བྱད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག །བྲི། དེ་རྒྱབ་མུ་ཁྱུད་ལ། ཧཱུྃ་

[Full Size]

ཡ་མ་དྷུ་ཏི་མ་མ་ཀ་སེ་ཙིཏྟ་བྱེད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག །རཀྵ་རཀྟ་སྲུངས་ཤིག །ཅེས་བྲིས། དེ་རྒྱབ་མུ་ཁྱུད་ལ། ཨོཾ་ཇི་ཧཾ་ཀ་ནི་ཀ་སེ་ཀ་ཡ་བྱད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག །རཀྟ་རཀྟ་སྲུངས་ཤིག །ཅེས་བྲིས། དེ་རྒྱབ་རྒྱས་པ་བྱེད་ན་རྩིབས་བཅུ་ལ། ༀ་ཛི་ཧཾ་ཀ་ར་ནི་བྱད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག །རཀ་རཀྟ་སྲུངས་ཤིག་།ཅེས་རྩིབས་རེ་ལ་ཚར་རེ་བྲི། བསྡུ་ན་རྩིབས་དྲུག་བྱས་ལ་རྩིབས་རེ་ལ་དུ་ཏྲི་རེ་བྲིའོ། རྩིབས་སུ་བྱེད་ཀྱང་། རྩིབས་མཆན་ལ་ཐ་རེ་བྲིའོ། དེ་རྒྱབ་མུ་ཁྱུད་ལ། བྷྱོ་བྷྱོ་བཟློག་བཟློག་མཱ་ར་ཡ་ཕཊ༔ ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ ཅེས་ཚར་གང་མང་དང་རང་གི་ཡི་དམ་སྔགས་དང་འཆང་བ་པོ་ལ་སྲུངས་ཤིག །རཀྵ་རཀྟ་ཞེས་བྲིས། དེ་རྒྱབ་ཕྱོགས་བཞི་མཚམས་བཞིར་རྡོ་རྗེ་བཞི། ཐོད་སྐམ་བཞི། དེ་སྒྲུབ་མེ་རི་བྲིས་ཏེ་དྲུག་ཁའི་མེ་རི་གཡོན་བསྐོར་ཡིན་ནོ། །དེ་རྒྱབ་ཆོས་འབྱུང་བྲིས་ལ་ཟུར་གསུམ་དུ་ཨོ། ལོགས་གསུམ་དུ་ཨཱརེ་བྲིས། ཆོས་འབྱུང་གི་ཟུར་ནས་དབུས་སུ་ཡི་གེ་བཅུ་བཞི་ཐོ་བརྩེགས། ཟུར་ནས་གཡས་གཡོན་དུ་མཐའ་བསྐོར་ལ་ཡི་གེ་བཅུ་

[Full Size]

གཉིས་ཐོ་བརྩེགས། ཆོས་འབྱུང་མུ་རན་ལ། ཐོད་སྐམ་ཁ་ཕྱིར་བསྟན་པའི་ཕྲེང་བ། ཆོས་འབྱུང་རྒྱབ་ཏུ་མེ་རི་བྲིའོ། དེ་ལྟར་འཁོར་ལོ་དྲུག་ཁའི་སྔགས་མགོ་ཐམས་ཅད་ཕྱིར་བསྟན་ཡིན་ནོ། །འཁོར་ལོ་འདིའི་ལྟེ་བ་ནག །རྩིབས་སེར། རྩིབས་མཆན་སྔོ། ཆོས་འབྱུང་གི་ནང་དམར་པོ། སྐུའི་རྩིབས་དང་ལྟེ་བ་དཀར། གསུང་དམར། ཐུགས་མཐིང་། ཡོན་ཏན་སེར། བཅིངས་གྲོལ་འཁོར་ལོ་ལྗང་། གཞན་མཛེས་ཚོན་བྱའོ། །དེ་ནས་སྐུ་གསུང་ཐུགས་ཡོན་ཏན་བཅིངས་གྲོལ་འཁོར་ལོ་དང་ལྔ་པོ་དེ་ལ་ཆ་གཉིས་རེ་བྲིས་ལ། ཆ་གཅིག་ལ་རྟེན་འབྲེལ་སྙིང་པོ་དང་རང་སྔགས་ཅི་ནུས་བཟླས། ཡི་གེ་བཅུ་བཞི་པ་ཡང་བཟླས་ལ་མེ་ཏོག་འཐོར། དེ་ནས་འཁོར་ལོ་ལྔ་པོ་སོ་སོར་ལྟེབ་ལ། དེའི་རྒྱབ་ནས་འཁོར་ལོ་ཆེ་བས་བཏུམ་ལ་ཅི་བདེར་ལྟེབ་ལ་ལུས་ལ་བཅང་། འདིའི་རབ་གནས་དང་རྫས་ལ་ཚང་དགོས་པ་དང་། གནད་ཅིག་ཞལ་ལས་ཤེས་སོ། །ཨྠྀི། འདིའི་བྲི་ལུགས་འཁྲུགས་པ་བསལ་ནས་བལྟས་ཆོག་ཏུ་བཀོད་པ་ཡིན་ལ། བན་བོན་ནུས་པ་རྡུགས་པས་བསྟན་པ་ལ་གནོད་དོགས་ནས། མན་ངག་གཅིག་ཞལ་ཤེས་སུ་བཞག་པ་ཡིན་ནོ། །འདིའི་ཕན་ཡོན་ནི་རང་ཉིད་བྱད་མས་

[Full Size]

གནོད་པ་དང་། །ཕ་རོལ་ནུས་པ་བཤིགས་པ་དང་། །བྱད་ཟློག་གནམ་ལྕགས་འཁོར་ལོ་དང་། །རྡོ་རྗེའི་མཁར་དུ་ཞུགས་པ་དང་། །སྲུང་ཟློག་གཉིས་ཀྱི་འཁོར་ལོ་དང་། །བསད་པ་གནམ་ལྕགས་འཐབ་པ་ནི། །བྱད་མ་སྲོག་གི་སྤུ་གྲི་སྲུང་ཟློག་གསད་གསུམ་གྱི་མན་ངག །སྲུང་བའི་འཁོར་ལོ་ཞེས་དང་། རང་ལུས་རྡོ་རྗེའི་ལུས་སུ་གྱུར། ཕྱི་པ་ནང་པ་དག་གི་བྱེད། །སླར་ཡང་ཁོ་རང་ཉིད་ལ་ལྡོག །ལག་ལེན་མང་བྱས་ཐེ་ཚོམ་མེད། །བསྟན་ལ་གནོད་ཕྱིར་ཤིན་ཏུ་གསང་། །ཡང་ཟློག་བོད་ལ་མང་ཡོད་ཀྱང་། །འདི་ལས་ཟབ་པ་ཡོད་རེ་ཀན། མང་དུ་སྤེལ་ན་མཁའ་འགྲོའི་བཀའ་ཆད་འབྱུང་བས་དམ་དུ་སྦ། ས་མ་ཡ། རྒྱ་རྒྱ་རྒྱ། ཞེས་དང་། འདིའི་ཡོན་ལ་གསེར་སྲང་གསུམ། འཁོར་ལོ་སྦས་པར་བྱ་ཡང་ཟློག་བྱེད་པ་མང་ཡོད་ཀྱང་། །འདི་ལས་ཟབ་པ་ཡོད་རེ་ཀན། །མང་དུ་སྤེལ་ན་མཁའ་འགྲོའི་བཀའ་ཆད་འབྱུང་བས་དམ་དུ་བྱ། ས་མ་ཡ། རྒྱ་རྒྱ་རྒྱ། ཞེས་གསུངས་སོ། །ཡང་ཟློག་མན་ངག་བལྟས་ཆོག་ཏུ་བྱས་པ་ལ་ཉེས་གྱུར་ཌཱཀིའི་ཚོགས་ལ་བཤགས་ཤིང་དགེ་བས་རྡོ་རྗེ་འཆང་གི་སྐུ་འགྲུབ་པར་གྱུར་ཅིག །ཅེས་རཱ་ག་ཨ་སྱས་བྲིས་པའོ། །འཁོར་

[Full Size]

ལོ་ལྟེབ་དུས་བཅིངས་པ་གྲོལ་བའི་འཁོར་ལོ་ནང་ངོས་སུ་བཞག །ཡོན་ཏན་ཚུ་གྲུབ། སྐུ་གསུང་ཐུགས་ཀྱི་འཁོར་ལོ་བར་དུ་བཞག །དེ་རྒྱབ་འཁོར་ལོ་ཆེ་བས་བཏུམ་ལ་ཅི་བདེར་ལྟེབ། འཁོར་ལོ་ལྔ་པོ་སོ་སོར་ལྟེབ་ནས་དེ་རྒྱབ་ཆེ་བས་གཏུམ་མོ། །ཨྠྀི། སེང་གདོང་མའི་འཁོར་ལོ་སྒྲུབ་ཐབས་ནི། དང་པོ་སྐུའི་འཁོར་ལོ་ནི། ༀ་ཛི་ཧཾ་ཀ་ར་ཎི་མ་མ་ཀ་སྤྱི་ཀཱ་ཡ་བྱད་དུ་བཅུག་པ་ཐམས་ཅད་གྲོལ་བར་གྱུར་ཅིག །བདག་འཆང་བ་པོ་ལ་སྲུངས་ཤི པ། །རཀྵ་རཀྵ་སྭཱ་ཧཱ། ཨོཾ་ཡེ་དྷསྨཱ་སོགས། གསུང་གི་འཁོར་ལོ་ནི། ཨ་བྷ་ན་ཡ་ཀི་ནི་མ་མ་ཀཱ་སྱ་ཝཱཀ་བྱད་དུ་བཅུག་པ་ཐམས་ཅད་གྲོལ་བར་གྱུར་ཅིག །བདག་འཆང་བ་པོ་ལ་སྲུངས་ཤིག །རཀྵ་རཀྵ། ཡེ་དྷམ་སོགས། ཐུགས་ཀྱི་འཁོར་ལོ་ནི། ཧཱུཾ་ཡ་མ་བྷུ་ཏི་ནི་མ་མ་ཀ་སྱ་ཙིཏྟ་བྱད་དུ་བཅུག་པ་ཐམས་ཅད་གྲོལ་བར་གྱུར་ཅིག །བདག་འཆང་བ་པོ་ལ་སྲུངས་ཤིག །རཀྵ་རཀྟ། ཡེ་དྷརྨ་སོགས། ཡོན་ཏན་གྱི་འཁོར་ལོ་ནི། ཧཾ་ཀཱ ཨ་ཨཱི ཨུ་རེ་ལཾ། ཀ་ཙ་ཏྲ་པ་ཏ་བཅིངས་པ་གྲོལ་བའི་འཁོར་ལོ་ནི། ཨོཾ་ཧྲིབཛྲ་ཀརྨ་བདག་འཆང་བ་པོའི་ལུས་ངག་ཡིད་གསུམ་ལ་སྲུངས་ཤིག །ཡེ་དྷརྨ་སོགས། ཨོཾ་མ་མ་སརྦ་བྷི་དྷ་བདག་འཆང་བ་པོའི་

[Full Size]

ལུས་ངག་ཡིད་གསུམ་ལ་སྲུངས་ཤིག །རཀྵ་རཀྵ་ཡེ་དྷརྨཱ་སོགས། བདག་འཆང་བ་པོའི་ལུས་ངག་ཡིད་ལ་བྷི་རི་ནི་སྭཱ་ཧཱ། ཨོཾ་བཛྲ་བྷི་ན་ཡ་ཧ་ན་ཧཱུྃ་ཕཊ༔ ཨོཾ་ཨཱ། ཨི་ཨཱི། ཨུ་ཨཱུ། རི་རཱི། ལི་ལཱི། ཨེ་ཨཻ། ཨོཾ་ཨཽ། ཨཾ་ཨཱ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་དྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧཀྵ། ཡེ་དྷརྨ་སོགས། སྐུ་གསུང་ཐུགས་ཀྱི་རྒྱབ་ཐུམ་གྱི་འཁོར་ལོ་ནི། ཨོཾ་ཨཱབྷི་ན་ཡ་ཀ་མ་མ་ཀ་སེ་ཀ་ཝཱཀ་བྱད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག ཧཱུཾ་ཡ་མ་དྷ་ཏི་མ་མ་ཀ་མྱ་ཙིཏྟ་བྱེད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག །རཀྟ་རཀྟ་སྲུངས་ཤིག །ཡེ་དྷརྨ་སོགས། ཨེ་ཛི་ཧཾ་ཀ་ནི་ཀ་སེ་ཀཱ་ཡ་བྱད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག །རཀྵ་རཀྟ་སྲུངས་ཤིག །ཡེ་དྷརྨཱ་སོགས། ཨོཾ་ཇི་ཧཾ་ཀ་རཱ་ནི་བྱད་དུ་བཅུག་པ་ཐམས་ཅད་ལས་གྲོལ་བར་གྱུར་ཅིག །རཀྵ་རཀྟ་སྲུངས་ཤིག །ཡེ་དྷརྨ་སོགས། བྷྱོ་བྷྱོ་བཟློག་བཟློག་མཱ་ར་ཡ་ཕཊ། ཨཀ༔ས༔མ༔ར༔ཙཤད༔ར༔ས༔མ༔ར༔ཡ༔ཕཊ༔ ཨོཾ་ཨཱཿཧཱུྃ་ཨ་ཙིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ། ཨ་ཧཱུཾ་ཧཱུཾ་ཕཊ། འཆང་

[Full Size]

བ་པོ་ལ་སྲུངས་ཤིག །རཀྵ་རཀྵ། ཡེ་དྷརྨཱ་སོགས་བརྗོད། སེང་གདོང་མའི་ཡང་ཟློག་གི་བུ་ཡིག་སྤུ་གྲི་འབར་བ་ཞེས་བྱ་བ་སྤྱི། ན་མོ་ཌཱཀི་སེང་ཧ་མུ་ཁ་ཡེ། ཡང་ཟློག་སྤུ་གྲི་འབར་བ་འདི་ཡི་བྱ་ཐབས་ལ། གྲོ་གའམ་ཤོག་གུ་ལ། རྒྱ་སྣག་གིས་བྲིས་ཤིང་ཞུ་དག་བྱས་ལ་ཤིན་ཏུ་དག་པར་བྱ། ཡི་གེ་ལ་བ་དམར་སྐྱའི་མར་བྱུག །མ་རྙེད་ན་བ་གང་རུང་གིས་ཆོག ཨ་རུ་ར་དང་ཐ་སྐར་རྡོ་རྗེ་དུམ་བུ་སྐྲ་རྩེ་ཙམ་རེ་གཏུམས་ལ་འཕྲད་དུ་ལྟེབ་ལ། སྲུང་བ་མཇུག་ནས་ཡར་དྲིལ། གཞན་གཉིས་མགོ་ནས་མར་དྲིལ། དེ་ནས་འདི་ལ་ཟ་ལུགས་ཚེ ནི། དགུན་ཉི་ལོག་གོང་མགོ་ཟླ་བའི། ཚེས་དགུའམ། བཅུའམ། ཉི་ཤུ་དགུ་གང་རུང་ལ་སྔ་དྲོ་སྲུང་བ། ཉིན་ཕྱེད་ཕ་རོལ་ནུས་པ་བཤིག་པ། དགོང་མོ་ཟློག་པའི་ཟ་ཡིག་གསུམ་པོ་གྱུར་མིད་བྱའོ། །དེས་ནི་ལོ་གཅིག་གི་བར་དུ་བྱེད་ཁ་དྲོད་གཏོང་ཐམས་ཅད་ཐུབ། ཁྱད་པར་ཀླུ་གདོན་དང་། མནན་པ་གཏད་ཁྲམ་ཐམས་ཅད་བཟློག་པའི་མཆོག་གོ །སྦེ་ཡང་ལོ་དུས་སུ་བསྐྱར་རོ་ཟབ་བོ། །ཡང་སེང་གདོང་མའི་སྐུ་གསུང་ཐུགས་ཡོན་ཏན་སོགས། འཁོར་ལོ་ལྔ་ཡི་རྒྱབ་ཐུམ་དང་བཅས་པ་རྣམས་བཏགས། འཁོར་ལོ་ལྔ་པོ་ཆ་

[Full Size]

གཅིག་ཞལ་ཤེས་ལྟར་བྱ། དེ་ནས་ལུག་སྨོན་ཟླ་བ་མ་གཏོགས་ཟླ་བ་གང་ཡང་རུང་བའི་ཚེས་དགུའམ། བཅུ་དགུའམ། ཉི་ཤུ་དགུ་ལ་འཁོར་ལོ་དེ་ཕུད་ལ་སྟེགས་ཀྱི་ཁར་བཞག་ལ། ཟ་ཡིག་གསུམ་པོ་མར་གྱིས་བཏུམ་ནས། སྔ་དྲོ་སྲུང་བའི་རྦ་ཡིག་གྱུར་མིད་ནམ་མཁའ་ལ་བལྟ་ཞིང་ཟ། །དེ་ནས་སྲུང་བའི་འཁོར་ལོ་དེ་ལ་གཡས་སྐོར་གསུམ་བྱེད་ནས་བསྐོར་བ་བྱ། སེང་གདོང་ལྷ་མོ་བཅུ་གཉིས་བདག་ལ་སྲུངས་ཤིག་རཀྵ་རཀྵ ཞེས་བརྗོད། ཉིན་ཕྱེད་གཞན་གྱི་ནུས་པ་འཇོམས་པའི་ཟ་ཡིག །ཁ་ལྷོ་ཕྱོགས་རི་རྩེ་ལ་བལྟ་ཞིང་གྱུར་མིད་བྱ། བོན་བསྐོར་གསུམ་བྱའོ། །ཊཱཀི་སེང་གདོང་མ་མཁའ་འགྲོ་བྱེ་བ་འབུམ་སྡེའི་ཚོགས་དང་བཅས་པས་གནོད་བྱེད་བྱེད་མའི་སྟོབས་ནུས་ཐམས་ཅད་བཤིག་ཏུ་གསོལ། ཕ་རོལ་གྱི་མནན་བཏད་བཅིངས་པ་ཐམས་ཅད་ཁྲོལ་ཅིག །ཅེས་བརྗོད། དེ་ནས་ཟློག་པའི་ཟ་ཡིག་ཁ་བྱང་དུ་བལྟ་ཞིང་ཟོས་ལ་སྲུང་འཁོར་དེ་ལ་བོན་བསྐོར་གསུམ་བྱས་ལ། མཁའ་འགྲོ་མ་སེང་གེའི་གདོང་པ་ཅན་རི་རབ་སོ་གཉིས་ཀྱི་རྡུལ་དང་མཉམ་པའི། ཌཱཀི་མ་རྣམས་ཀྱིས་ཕ་རོལ་གྱི་བྱེད་ཁ་དྲོད་གཏོང་བསམ་ངན་སྦྱོར་རྩུབ་ཐམས་ཅད་ཕྱིར་ཟློག་ཅིག་སྒྱུར་ཅིག །བྷྱོ་བྷྱོ་

[Full Size]

ཟློག་ཟློག །ཅེས་བརྗོད། དེ་ནས་སླར་ཡང་སྲུང་འཁོར་བཏགས་སོ། །འདི་ལྟར་འཁོར་ལོ་དྲུག་པོ་སྦྲགས་ལ་བཏགས་པ་དང་། འཁོར་ལོ་ལྔ་པོ་ཞལ་ཤེས་ལྟར་བྱེད་པ་དང་། ཟ་ཡིག་གསུམ་པོ་ཟོས། རྟེན་འབྲེལ་བསྐོར་བ་བྱ་བ་དང་། འདི་རྣམས་བྱས་ན་བྱད་མ་སྔགས་ནག་སྟོང་དང་འགྲས་ཀྱང་ཉམ་མི་ང་སྟེ། ཅིའི་ཕྱིར་ཞེ་ན། རི་རབ་སོ་གཉིས་ཀྱི་གྲངས་དང་མཉམ་པའི་ཌཱ་ཀི་མ་རྣམས་ནི་རིག་སྔགས་ཐམས་ཅད་ཀྱི་བདག་མོ་ཡིན་ལ། དེ་བསྡུ་ན་མཁའ་འགྲོ་མ་བྱེ་བ་འབུམ་ལ་འདུས། དེ་བསྡུ་ན་ཡི་གེ་བཅུ་བཞིའི་ངོ་བོ་ལྷ་མོ་བཅུ་བཞི་ལ་རྒྱུའདུས། དེ་བསྡུ་ན་སྐུ་གསུང་ཐུགས་ཀྱི་ལྷ་མོ་སྟག་གདོང་མ། དོམ་གདོང་མ། སེང་གདོང་མ་གསུམ་ཡིན། དེ་ལ་དོམ་གདོང་མ་མུ་སྟེགས་ཀྱི་ལྷ་མོ་སྟེ་ནང་པའི་བྱད་བཟློག་པ་ལ་སཾ་རྣོ་སྟག་གདོང་མ་བོན་གྱི་མཁའ་འགྲོ་མ་དེ་བན་གྱི་བྱད་ཁ་བཟློག་པ་ལ་རྣོ། སེང་གདོང་མ་ནི་ནང་པའི་མཁའ་འགྲོ་མ་ཡིན་ཏེ་ཕྱི་པ་དང་བོན་གྱི་བྱད་བཟློག་པ་ལ་རྣོ། དེ་གསུམ་ཡང་སེང་གདོང་མ་ཉིད་ཀྱི་སྐུ་གསུང་ཐུགས་ཀྱི་ངོ་བོ་ཡིན་པས། ཕྱི་པ་ནང་པ་བན་བོན་གསར་རྙིང་གང་ལ་ཡང་སེང་གདོང་མ་ལས་ཟབ་པའི་བྱད་ཟློག་གི་གདམས་པ་གཞན་མེད་དོ། །ཡང་

[Full Size]

ཟློག་བྱེད་པ་མང་ཡོད་ཀྱང་། །འདི་ལས་ཟབ་པ་ཡོད་རེ་ཀན། །འདི་ཡི་ཡོན་ལ་གསེར་སྲང་གསུམ། །མ་བྱུང་འཁོར་ལོའི་ཞལ་ཤེས་སྦ། །མང་དུ་སྤེལ་ན་མཁའ་འགྲོ་ཡི། །བཀའ་ཆད་འབྱུང་བས་དམ་པར་བྱ། །ཞེས་གསུངས་པས་ཤིན་ཏུ་གསང་ཞིང་སྦ་བར་བྱ་བ་སྟེ། དེ་ཅིའི་ཕྱིར་ཞེ་ན། བན་བོན་གྱི་སྔགས་ཀྱི་ནུས་པ་ཐམས་ཅད་ཁྱད་དུ་གསོད་པར་འགྱུར་བས་བསྟན་པ་ལ་གནོད་པ་ཆེ་བ་དང་། ལྷ་དང་ཆོས་སྐྱོང་ཐམས་ཅད་ཀྱི་སྟོབས་ནུས་འཆིང་བར་འགྱུར་བས་ཉེས་པ་ཤིན་ཏུ་ཆེ་བའི་ཕྱིར་རོ། །དེ་ལྟར་འཁོར་ལོ་དྲུག་ཝཾ སྦྲགས་བཏགས་པ་དང་གཅིག །འཁོར་ལོ་ལྔ་པོ་ཆ་གཅིག་ཞལ་ཤེས་ལྟར་བྱ་བ་དང་གཉིས། ཟ་ཡིག་རྫས་ལྡན་གསུམ་པོ་རྟེན་འབྲེལ་སྐོར་བ་བྱེད་པ་དང་། འདོད་གསོལ་བྱ་བ་འདི་རྣམས་ནི་བ་རི་ལུགས་དང་རཏྣ་ལུགས་སོགས་ཀྱི་གཞུང་རྣམས་སུ་རགས་རིམ་ཙམ་བསྟན་ཞིང་ཞིབ་ཆ་རྣམས་སྙན་བརྒྱུད་དུ་ཡོད་པ་ལས། ད་ལམ་ཞལ་ཤེས་གཅིག་མ་གཏོགས་གསལ་བར་བཀོད་པ་འདི། སྔགས་ནག་རཱ་ག་ཨ་སྱས་སྦ་འོས་གསལ་བཀོད་ཉེས་པ་ཆ་ཀིའི་ཚོགས་ལ་བཤགས་སོ། །དགེ་བས་འགྲོ་ཀུན་རྡོ་རྗེའི་སྐུ་ཐོབ་ཤོག །ཤུ་བྷཾ།

[Full Size]

ཤོག་སྟོང་།

མཁའ་འགྲོ་སེང་གེའི་གདོང་ཅན་གྱི་ཙཀྲའི་ཞལ་ཤེས།

[Full Size]

མཁའ་འགྲོ་སེང་གེའི་གདོང་ཅན་གྱི་ཙཀྲའི་ཞལ་ཤེས་བཞུགས་སོ།། ན་མོ་ཌཱཀི་ནི་བྷྱ༔ ཡེ་ཤེས་ཀྱི་མཁའ་འགྲོ་སེང་གདོང་མའི་སྲུང་བའི་འཁོར་ལོ་བྲི་ཐབས་བསྟན་། དགེ་སློང་སྡོམ་ལྡན། ཡང་ན་སྔགས་པ་དམ་ཚིག་ལྡན་པ་གཙང་མས་གོས་གསར་པ་གྱོན་ནས་རྒྱན་གྱིས་སྤྲས། སྨྲ་བ་བཅད་ནས་དག་པར་བྲི། །བྲིས་ཡོན་ཟབ་པ་ཕུལ་བ་གཅེས། །མཆོད་པ་རྣམ་ལྔ་བཤམ་པར་བྱ། །དེ་ནས་བྲི་གཞི་རས་སམ་ཤོག་གུ་གང་འཐད་ལ། མཚལ་དང་རྒྱ་སྣག་རྣམས་གང་ཡང་རུང་བས་བྲི། ཡི་གེ་ཚེག་མེད་དག་པར་བྲི་བ་༈ གཅེས། །གོང་གི་འཁོར་ལོ་རྣམ་པ་ལྔ། །རྒྱ་སྣག་དག་གིས་ལེགས་པར་བྲིས། །ལུག་ཚིལ་ཞུན་ཆེན་མེ་ལ་འཁོར་ལོ་བསྲེག །དེ་ཡི་ཐལ་བ་ཆང་ལ་སྦྱར། །ལྟོ་སྟོང་དག་ལ་འཐུང་གྱུར་ན། །དེས་ལུས་རྡོ་རྗེ་ལྟ་བུར་འགྱུར། །ཕྱི་པ་དག་དང་ནང་པའི་བྱད། །ཐེབ་སྟོང་བཅུག་ཀྱང་གླགས་མི་རྙེད། །སླར་ཡང་ཁོ་རང་ཉིད་ལ་ཟློག །རབ་གནས་ལེགས་པར་བྱས་ལྕི་པ་ཡི། །འཁོར་ལོ་ཆ་གཅིག་ལུས་ལ་བཏགས། །ཞལ་ཤེས་ཡང་དག་ཡིན་པའོ། །བསྟན་ལ་གནོད་བྱེད་ཤིན་ཏུ་གསང་། །ཨྠྀི། འགྲོ་རྣམས་དག་གི་ཕྲུ་མ་ལ། །སྐུ་གསུང་ཐུགས་

[Full Size]

ཀྱི་ཡི་གེ་བདུན། །རྒྱ་སྣག་དག་གིས་བྲི་བར་བྱ། །བྲི་གཞི་ཤོག་གུ་དག་ལ་ནི། །བྱང་སེམས་དཀར་དམར་སྟག་ལོ་མའི། །སྲིན་ལག་ཁྲག་གིས་ལེགས་པར་བྱུགས། །ཡང་ན་དོམ་མཁྲིས་གྷི་ཝཾ་དང་། །གླ་རྩི་དག་གིས་བྱུགས་ཀྱང་རུང་། སངས་རྒྱས་སྟོང་གི་བྱིན་རླབས་ཀྱི། །ཡིག་རྒོད་བརྒྱད་ཅུ་རྩ་བརྒྱུད་འདི། །ཚག་མེད་ཤོག་གུ་ལ་བྲིས་ནས། །དྲི་བཟང་དག་གིས་བྱུགས་ནས་ནི། །ལྟེབ་ལ་སྐུ་འཁོགས་ནང་གབ་སྤྲད། །ཨཧཧཧསཏསཏཀིཚརྩིརལིངསཔར ཁྱད༔ ཁརཔརནོམཁོདམགོརཧལ ནིངངཡནི༔ ༀདཀྲུགལེཏྲིསྭཱཧཱ། ཀཔལསེངམས་ཧྲིམསངཙཨནིཀུལཡེ སྭཱཧཱཿ ཀམཁརཚངབལིདེནསནསསགགསུམཨཀླདེགྲིངསཱདྷཱ ཞེས་ཕྲེང་གཅིག་བྱའོ། །རྫས་ནི། དོམ་མཁྲིས། བཟང་དྲུག །ག་པུར་། གྷི་ཝཾ། གུ་གུལ། ཙནྡན་དཀར་དམར། ཨ་ག་རུ། གླ་རྩི་དག་ནི་བྱུག་པར་བྱའོ། །གཡོགས་ནི་ར་ཐུག་འབྲས་བུའི་པགས་པ། དང་པོ་དར་སྔོན་པོས་དྲིལ། དེ་ནས་དཀར་པོ། དམར་པོ། སེར་པོ། ལྗང་གུ་དང་ལྔས་དྲིལ་ལ་སྐུད་པ་སྣ་ཚོགས་ཀྱིས་དཀྲིས་བའོ། ལུག་མར་དུད་པས་བདུག་གོ། །དེ་ཡི་ཞལ་ཤེས་རྫོགས་སོ།།

[Full Size]

ཙཀྲའི་རྒྱབ་ཡིག་དང་ཟ་ཡིག་ཟུར་གབ་ཀྱི་ཨུ་པ་དེ་ཤ་བཞུགས་སོ། །བཛྲ་ཌཱཀི་སེང་ཧ་མུ་ཁ་ཡེ་ན་མ༔ མན་ངག་གུད་དུ་བཀོལ་བ། །མར་གྱིས་དྲིལ་ལ་འཁོར་ལོ་བཏགས་ཁར་ཟ་ཞེས་པ་ཙཀྲུ་གསུམ་པོའི་རྒྱབ་ཏུ་མ་ནོར་བར་བྲིའོ། །སྐུའི་ཙཀྲའི་རྒྱབ་ཡིག་ནི། གསུང་གི་འཁོར་ལོའི་རྒྱབ་ཡིག ཐུགས་ཀྱི་འཁོར་ལོའི་རྒྱབ་ཡིག ནུས་པ་བསྐྱེད་ཕྱིར་ཟན་དྲིལ་བཏགས་ཚེ་ཟ། ཟ་ཡིག་གསུམ་ཟ་ཆེ་གདན་དང་ལྟ་ཕྱོགས་རྫས་རྣམས་ཞལ་ལས་ཤེས། ཤིན་ཏུ་ཟབ། སྤྱི། ཤས་དྲིལ་ལ་ཙཀྲ་བཏགས་ཚར་དུས་སྦྱིན་བྱད་མ་ཁ་ཕུང་དུ་འགྲོ། སྲུང་བ་རྡོ་རྗེའི་གོ་ཆའི་ཟ་ཡིག་ནི། མཐའ་ནས་ཡར་དྲིལ་མར་གྱིས་བཏུམ་ལ་

[Full Size]

མིག་ནམ་མཁར་ལྟ་ཞིང་ཚེས་གཅིག་ཉི་ཤར་དུས་གོམ་པ་དགུ་བོར་ལ་ཟའོ། བཟློག་པ་བར་གྱི་སྐྱོགས་རྡོ་འདི་མགོ་ནས་ཕྱིར་དྲིལ་མར་ནང་བཏུམ་ལ་མིག་བར་སྣང་ལ་ལྷོ་ཕྱོགས་སུ་གོམ་པ་དགུ་བོར་ལ་ཚེས་བཅོ་ལྔ་ཉིན་ཕྱེད་ལ་ཟའོ། བསད་པ་དམ་ཉམས་སྲོག་གི་སྤུ་གྲི་མགོ་ནས་མར་དྲིལ་མར་གྱིས་བཏུམ་མིག་ས་གཞིར་བསྒྲད་ལ་བྱང་དུ་གོམ་པ་དགུ་བོར་ལ་ཉེར་དགུའི་དགོང་མོ་ཉི་མ་ཟེར་རེ་རེ་བའི་དུས་མིད་དོ། སྲུང་ཟློག་བསད་པའི་ཟ་ཡིག་འདི་གསུམ་རྒྱ་ཤོག་གཙང་མ་ལ་རྒྱ་སྣག་གིས་བྲིས་ལ་མཇུག་ནས་ཡར་དྲིལ་ལ་ཟའོ། །སྲུང་ཟློག་བསད་གསུམ་གྱི་ཟ་ཡིག་བཟའ་བ་དང་། སེང་གདོང་མའི་སྲུང་ཟློག་བསད་པའི་སྒོ་ནས་རྣལ་འབྱོར་བསྒོམ་པ་དང་འབྲེལ་བར་བྱ་ཞིང་དྲག་སྔགས་ཡི་གེ་བཅུ་བཞི་པ་ལ་སྲུང་ཟློག་

[Full Size]

བསད་གསུམ་ཤམ་བུ་སྦྲེལ་བ་བཟླ་བཞིན་པས་ཟ་སྟེ། ཞལ་ཤེས་བཀའ་རྒྱ་མའོ། དམ་མེད་ལ་གསང་ངོ་། །སྐུའི་ཟ་ཡིག་ཟླ་བ་གང་རུང་གི་ཚེས་གཅིག་ལ་ཟ་སྟེ་ལུས་བྱད་དུ་བཅུག་པ་ལས་གྲོལ། །གསུང་གི་ཟ་ཡིག་ཟླ་བ་གང་རུང་གི་ཚེས་བཅོ་ལྔ་ལ་ཟ་སྟེ་ངག་བྱེད་དུ་བཅུག་པ་ལས་གྲོལ། ཐུགས་ཀྱི་ཟ་ཡིག་ཟླ་བ་གང་རུང་གི་ཉེར་དགུ་ལ་ཟ་སྟེ་ཡིད་བྱེད་དུ་བཅུག་པ་ལས་གྲོལ། སེང་གདོང་མའི་ཡང་ཟློག་བྱེད་མ་འབུམ་རྡུགས་ཀྱི་ཟ་ཡིག་སྟེ། བན་བོན་མུ་སྟེགས་ཀྱི་བྱད་ཁ་དྲོད་གཏོང་། མཐུ་གཏད། རླུང་འཁོར། སྦྱིན་སྲེག །ཐུན་ཟོར། མི་ཁ། བྲ་

[Full Size]

མཆུ་། ལྷ་འདྲེའི་གདོང་ཚུགས་སོགས་མདོར་ན་བྱེད་ཀ་ཐམས་ཅད་ལས་གྲོལ་བར་འགྱུར་རོ། །འདི་ལྟའི་ཟབ་དགུ་མན་ངག་ནི། །རྟ་རྨིག་ལྕགས་ཀྱིས་བཏུམས་ནས་སུ། །འཇིག་རྟེན་གསུམ་དུ་བཙལ་གྱུར་ཀྱང་། །རྙེད་པར་འགྱུར་བ་མ་ཡིན་ནོ། །ཌཱཀིའི་སྙིང་ཁྲག་དྭངས་མའི་བཅུད། །ཤིན་ཏུ་ཟབ་མོ་ཕྱུངས་ཏེ་གཏད། །ཅེས་གསུངས་ནས་བླ་མ་རྡོ་རྗེ་གདན་པས་བ་རི་ལོ་ཙཱ་བ་ལ་གདམས་པ། གསེར་སྲང་གསུམ་གྱི་ཕྱག་རྟེན་མེད་པ་ལ་མན་ངག་མིང་ཙམ་ཡང་མི་སྟོན་པའི་བཀའ་རྒྱ་ལན་གསུམ་གདམ་མོ། །སྣོད་མེད་ལ་གསང་ངོ་། །གཉྫི་རྫོར་། ཁ་ཐཾ། ཟབ། སྤྱི། ༈ འདི་ལ་བསམ་གཏན་གྱི་ཟིན་བྲིས་བཞིན་བྲིས་པ་ཡིན། ཀར་ལུགས་དཔལ་ལུགས་སོགས་ཕྱོགས་ཐམས་ཅད་ན་ཆགས་མེད་ཀྱི་ལུགས་དེ་ཁོ་ན་ལྟར་ཡིན་འདུག་པ། དེ་གཉིས་རྫས་དང་ལྟེབ་ལུགས་སོགས་ཕྲན་བུ་མི་འདྲ་འདུག་ཀྱང་། རང་རང་གི་བཞེད་པ་ཁོ་ནས་དོན་འགྲུབ་པ་ཡིན་གསུངས་བླ་མ་ཚེ་དབང་ཀུན་ཁྱབ་ཀྱིས། གངས་དཀར་རྡོ་རྗེ་གདན་གྱི་དཔོན་སློབ་མཁས་པ་ཞིག་ལས་གསན། དེས་བསམ་གཏན་ལ། དེས་ཀརྨ་བདེ་ཆེན། དེས་བདག་ལའོ། །དེ་དང་ཞྭ་ལུ་གསེར་ལྡིང་མཁན་པོ་ལས། སློབ་དཔོན་ཞི་བ་ལྷས་གསན་པ་གཉིས་མཚུངས་པར། དེའི་ནང་ནས། ཞེས་སོགས་ནག་པོ། སརྒ་པ། རྒྱལ་པོ་ཡུངས་ཀར་ཏེ་ཁྲོ་ཞལ་ཅན་འབྲུ་བདུན་

[Full Size]

འཇོག་གསུངས། ཙིཏྟ་རཀྟ་ནི་སྙིང་ཁྲག །ཞལ་ཤེས་གནད་བཀྲོལ་ཤེར་ཕྱིན། རྡོར་གཅོད་མན་ངག་བཞིན་བསྲེག་ཐལ། ཚིལ་ཆེན་ནམ། གྲི་ཤ་སུ་རྙེད། དཔའ་བོ་གཡུལ་ཤིའི་ཁྲག་དང་བཅས། རྫས་སྣ་ལྔ་ལ་ཟློག་སྔགས་ཀྱིས་ངར་བླུད། ཙཀྲ་རྣམས་ཀྱི་ལྟེ་བར་ཚུམ་རེ་བླུག །འདི་སྐུ་ཞབས་ཞི་བ་ལྷས། སྐུ་ཞབས་འཕགས་སྤྲུལ་རིན་པོ་ཆེར་བརྒྱུད་པའི་ཞལ་ཤེས་གཅིག་བརྒྱུད་དམ་ཚིག་དང་འདི་ཕྱི་ཐུབ་པར་ཞུས་པ་ཡིན། འཁོར་ལོའི་རྫ་ས་ནི་གློ་བུར་དུ་བསད་པའི་རྒོད་སྤུ། གྲི་ཤ། གྲི་ཁྲག །སིམར། ཡུངས་ཀར། འཁོར་ལོ་བསྲེགས་ཐལ། ལུག་དོན་པོ་སྟོད་ནག་སྤྱང་ཀིས་བསད་པའི་རྩིབ་མ་གཉིས་མཚམས་ཚིལ་ཁུ། རས་དྲིལ་གྱི་མེ། ཞེས་རྒྱ་ཤོག་ལ་བྲིས་པས་དཀྲི་གསུངས༈ སྡོང་བུ་ལ། དགྲ་བགེགས་མཱ་ར་ཡ་ཛྭ་ལ་རཾ། མ་རྙེད་ན་མན་ངག་གྲི་ཚིལ་དེས་འཁོར་ལོ་གྲོག །ཕྱི་ཐུམ་བཅས། ཕྱེད་ཆང་ལ་བཏབ་ནས་བཏུང་། ཐབས་ཤེས་ཟེར་བ་ཆ་གཉིས་ཡིན། འཁོར་ལོ་བཏགས་ཚར་སྐབས་སུ་དེ་ལ་རབ་གནས་དང་ལུག་རོ་ཆང་བཏབ་འཐུང་བས་འགྲུབ། ཕྱི་ཐུམ་འཁོར་ལོ་རང་བསྲུང་སྐབས་སུ། ཟུར་གསུམ་དབུས་མའི་རྩ་སྔགས་ལ། མཐིང་ཤོག་གསེར་གྱིས་བྲིས་པ་ཡི། རྩ་སྔགས་ཞལ་སྦྱོར་སྦྱར་ན་ཟབ། གཞན་སྡོང་བུ་ལ། དགྲ་བགེགས་མཱ་ར་ཡ་ཛྭ་ལ་རཾ། ཞེས་ཤོག་གུ་ལ་དཀྲི་གསུངས། འདོགས་ལ་མི་དགོས་གསུངས། འདི་རྣམས་མཁྱེན་གཟིགས། རིན་ཆེན་ལྕི་སྟོད་བསྟན་འཛིན་རབ་རྒྱས་ལ་གནང་བ་དང་ཡང་མཐུན་པར་ཁུངས་བཙུན་ངེས་

[Full Size]

ཤོག་སྟོང་།

སེང་གདོང་མའི་དྲག་སྔགས་ཡན་ལག་ཟིན་བྲིས།

[Full Size]

སེང་གདོང་མའི་དྲག་སྔགས་ཡན་ལག་ཟིན་བྲིས་བཞུགས་སོ།།

[Full Size]

ན་མོ་ཌཱཀི་སེདྷ་མུ་ཁ་ཡེ། དྲག་མོ་སེང་གེའི་གདོང་ཅན་ལ། །རབ་ཏུ་གུས་པས་ཕྱག་འཚལ་ནས། །སངས་རྒྱས་བསྟན་པ་བསྲུང་བའི་ཕྱིར། །དྲག་སྔགས་ཡན་ལག་ཅུང་ཟད་བཤད། །ཤ་ཟ་ཌཱཀིས་བཀའ་གནང་སྩོལ། །རྒྱལ་བའི་བསྟན་དང་བླ་མའི་སྐུ། །རྣལ་འབྱོར་བདག་ལ་སྡང་བའི་དགྲ། །དམ་ཉམས་ཆམ་ལ་འབེབས་པའི་ཕྱིར། །གློ་བུར་གཟའ་ནད་བཏང་བ་ནི། །ཁྱི་ལྤགས་འཁྱུད་སྒོར་མ་ལ། མཛེ་པོ། བོང་བུ། ཕག །མི་གཟའ་ནད་ཀྱིས་ཤི་བ། དེ་རྣམས་ཀྱི་ཤ་དང་ཁྲག་ལ་དུག་རིགས་གང་འཛོམ་དང་མུ་ཟི་ཤིང་ཀུན་སྦྱར་ལ། ལིང་ཚེ་དགུ་པ་མཐའ་

[Full Size]

མུ་ཁྱུད་གཉིས་རིམ་གྱིས་བསྐོར་བའི་དབུས་སུ་ཨ རེའུ་མིག་ཤར་དུ་ཡ༔ ལྷོར་མ ནུབ་ཏུ་ཏྲི བྱང་དུ་དུ༔ ཤར་ལྷོར་ཏྲི ལྷོ་ནུབ་ཏུ་ཤ ནུབ་བྱང་དུ་ན༔ བྱང་ཤར་དུ་ལི དེ་རེ་རེའི་གཤམ་དུ། དམ་ཉམས་དགྲ་ལ་གཟའ་ནད་སྨྱོ་འབོག་མྱུར་དུ་ཐོངས། ཞེས་དགུ་ཁ་ལ་བྲི། མུ་ཁྱུད་ནང་མ་ལ་ལྷ་འདྲེ་གཉན་དགུའི་མིང་བྲིས་ཤིང་། གོང་ལྟར་དམ་ཉམས་སོགས། མུ་ཁྱུད་ཕྱི་མ་ལ། ཀ༔ཙདཤམརས༔ར༔ས༔ ཡམར༔ས༔ཕཊ༔ ཅེས་ཚར་གསུམ་གྱི་མཇུག་ཏུ་དམ་ཉམས་སོགས་གོང་ལྟར། དགྲ་བོའི་དྲི་ཆེན་དྲི་ཆུ་སྐྲ་སེན་རྣམས་བཅུག་ཅིང་རབས་ཡུགས་ས་

[Full Size]

གཉིས་ཀྱི་དོར་རྟ་དང་ལ་ཆས་བཏུམ་སྟེ། གཟའ་བདུད་གཟའ་རྒྱལ་གནས་ངེས་པའི་སར་སྦས་ན་མྱུར་དུ་རྟགས་ཐོན་པར་འགྱུར་རོ། །འདིའི་གནད་མན་ངག་ཞལ་ལས་ཤེས་སོ། །ཟབ། སྤྱི། ༈ ཡང་དགྲ་ལ་མི་ཁ་བཏང་བ་ནི། སྲོག་ཆགས་གང་རུང་གང་རྙེད་ཀྱི་ལྕེ་དང་སྦྱང་སྨོན་དུག་རིགས་ཀུན་སྨན་ཚང་མའི་དྲི་ཆུ་དང་སྦྱར་ཏེ། ལིང་ག་ཞལ་ཤེས་ལྟར་བྲིས་པའི་དཔྲལ་བར། ཨཀ༔དམ་ཉམས་དགྲ་ལ་མི་ཁ་ཐོངས། དེ་བཞིན་དུ། མགྲིན་པར་སམ སྙིང་གར་ལྟེ་བར་ཤད གསང་བར་རས༔ རྐང་པ་གཡས་ལ་མར༔ རྐང་པ་གཡོན་ལ་ཡཕཊ༔ ལག་པ་གཡས་ལ་ཨཎིཏཱི༔ གཡོན་ལ་ལོག་ཏྲི་པ་ལ་ཏྲི་དཾ༔ དམ་ཉམས་དགྲ་ལ་མི་ཁ་ཐོངས། ཞེས་ཐམས་ཅད་ལ་འགྲེས་སུ་བྲིས་ལ། བོང་བུའི་ཀླད་རྒྱུ། རབས་ཆད་མའི་དོར་རྟ་ལ་ཆ་རྣམས་ཀྱིས་བཏུམ་ནས་བྲག་ཟུར་གྱི་མཆོད་རྟེན་འགྲམ་འོག་ཏུ་སྦས་ན་མྱུར་དུ་རྟགས་ཐོན་པར་ངེས་ཏེ། འདི་ལ་ཞལ་ཤེས་ཟབ་མོ་ཐུགས་ལ་གབ་བོ། སྤྱི། རྒྱ༔ ༈ ཡང་དགྲ་ལ་གཉན་ནད་བཏང་བ་ནི། སྦལ་སྦྲུལ། སྡོམ་སྡིག །ཉ་ལྕོང་རྣམས་ཀྱི་ཤ་ཁྲག་དང་མཛེ་ཕོའི་ཀླད་པ་ཁྲག་དྲི་ཆེན་དྲི་ཆུ་གཉན་ནད་ཀྱིས་ཤི་

[Full Size]

བའི་ཤ་རུས་དམིགས་བྱའི་དྲི་མ་སྐྲ་སེན་དྲི་ཆུ་རྐང་རྗེས་ཀྱི་ས་རྣམས་སྦྱར་བ་མཛེ་པོའི་རྐང་དུ་བླུག་སྟེ། མི་ཁྱི་ཕག་གསུམ་གྱི་བྲུན་གྱིས་ཁ་བཅད། ལ་ཆས་དྲིལ་ནས་ཀླུ་གནས་ངེས་པའི་ཆུ་མིག་ཏུ་སྦས་ན་དོན་མྱུར་དུ་འགྲུབ་སྟེ། འདི་ལ་ཞལ་ཤེས་ཟབ་མོ་གཅིག་ཡོད་དེ། མ་ཤེས་ན་རང་ལ་ནད་འབྱུང་ངོ་། །ཨྠྀི། ༈ ཡང་དགྲ་ལ་ཤུ་བའི་ནད་བཏང་བ་ནི། མཇེ་ཕོའི་ཀླད་རྒྱའི་ནང་དུ་བཙན་དུག །རེ་ལྕག་ཐར་ནུ་བོང་དུག་པ། སྤྱང་དུག་པ། བྱ་རྒོད་སྤོས། བྱ་དུག་མི། གླ་རྩི། ཐང་ཕྲོམ་འབྲས་བུ། ཉ་སྦྲུལ། སྡོམ་སྡིག །སྦལ་ལྕོང་གི་ཤ་ཁྲག །མཛེ་ཕོའི་དྲི་མ་ཆེ་ཆུང་། རཀྟ་ཀླད་པ་གཉན་ཤུའི་ནད་ཀྱིས་ཤི་བའི་ཤ་རུས། དགྲ་བོའི་དྲི་མ་རྗེས་ས་རྣམས་བསྲེས་ཏེ། ཡུགས་ས་མོ། རབས་བཏོ། ཆད་མོ། མཛེ་ཕོ་རྣམས་ཀྱི་སྐུ་ཡི་སྲད་བུ་དགུ་སྒྲིལ་བྱས་ལ་ཁ་བཅིང་། ལ་ཆས་བཏུམ་ནས་ཀླུ་གནས་ངེས་པའི་ཆུ་མིག་ཏུ་སྦས་ན་དོན་འགྲུབ་སྟེ། ཞལ་ཤེས་གལ་ཆེ། དེ་མིན་ན་རང་ལ་གོད་ཁ་དང་ནད་འབྱུང་ངོ་གཟོབས་ཤིག །ཨྠྀི། ༈ ཡང་དགྲ་བོ་བྱང་སེམས་འཛག་པའི་ནད་ཀྱིས་གསོད་པ་ནི། །སྲིན་བྱ་འུག་པ་ཕོ་རོག་རྣམས་ཀྱི་ཀླད་པ་དང་ཁྲག་དང་མཛེ་ཀླད་སྦྱར་

[Full Size]

ཏེ། ཟས་གང་རུང་དང་སྦྱར་ཏེ་བྱིན་ན་དེ་ཞུ་མ་ཐག་ཏུ་བྱང་སེམས་འཛག་གོ །འདི་ལ་ཞལ་ཤེས་ཡོད་ཨང་། སྤྱི། ༈ བུད་མེད་མ་རུངས་པ་དག་གི་ཟླ་མཚན་འཛག་པས་བསྒྲལ་ལྷན༔ སྦལ་པ། སྦྲུལ། སྡིག་ནག །འདི་རྣམས་ཀྱི་ཤ་ཁྲག་ཀླད་པ་གསུམ་མཛེ་ཀླད་དང་སྦྱར་བ་གོང་ལྟར་བཏང་ན་ངེས་ཏེ། འདི་ལ་ཞལ་ཤེས་གཅིག་ཡོད་དོ། །ཨྠྀི། ༈ ཡང་མི་ཕོ་མོ་སྐྲན་ནད་ཀྱིས་ཤི་བའི་སྐྲུན། དམུ་ཆུས་ཤི་བའི་གློ་སྙིང་། སེམས་ཅན་གང་རུང་གི་མཆིན་པ་སྐྲུན་ཁྱེར་རྣམས་མཛེ་ཀླད་དང་སྦྱར་ཏེ་བཏང་ན། དགྲ་བོ་སྐྲན་ནད་ཀྱིས་མཱ་ར་ཡ། །འདི་ལ་རྫས་གབ་ཆུང་ཡོད་དོ། །ཨྠྀི། མངྒ་ལཾ་ཤུ་བྷཾ། དཔལ་རི་རྩེའི་ཕྱག་དཔེ་དཔེ་རྙིང་ཁུངས་མ་ལས་བཤུས་ཤིང་ཞུས་དག ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྡོ་རྗེའི་གོ་མཚོན་གྱི་སྲུང་བ་མན་ངག་གསེར་ཆོས་ཟབ་མོའི་ལས་སྦྱོར།

[Full Size]

རྡོ་རྗེའི་གོ་མཚོན་གྱི་སྲུང་བ་མན་ངག་གསེར་ཆོས་ཟབ་མོའི་ལས་སྦྱོར་བཞུགས་སོ།།

[Full Size]

ན་མོ་ཀརྨཌཀི་སེང་ཧ་མུ་ཁ་ཡེ། རྡོ་རྗེའི་གོ་མཚོན་ལས་སྦྱོར་ཅུང་ཞིག་བྲི། །ཆོས་བདག་མཁའ་འགྲོ་སྲུང་མས་བཀའ་གནང་སྩོལ། །དང་པོ་དབང་ལུང་མན་ངག་རྫོགས་པར་ཞུས། །ཞུ་བའི་སློབ་དཔོན་ཐུགས་དང་མ་འགལ་བྱ། །འགལ་ན་མཁའ་འགྲོའི་བཀའ་ཆད་རང་སྲོག་གཅོད། །དྲེའུ་བོང་བུའི་ཤ་ནི་ཟ་མི་རུང་། །དེ་རྣམས་དམ་ཚིག་ཡིན་པས་ཐུབ་པར་སྲུངས་། །དེ་ནས་འདི་ཡི་བསྙེན་པ་ཐེམས་པར་བྱས། །བསྙེན་སྒྲུབ་མ་ཐེམ་ལས་སྦྱོར་དོན་མི་འགྲུབ། །ལྷ་དང་སྔགས་ལ་ལོག་ལྟ་དམ་སེལ་ཞུགས། །དབང་ཐོབ་དམ་ལྡན་བསྙེན་སྒྲུབ་ཐེམ་པའི་མིས། །ལས་

[Full Size]

སྦྱོར་གང་བྱས་འབྲས་བུ་སྔོན་དུ་འབྱིན། །གལ་ཏེ་མ་འགྲུབ་ལན་གསུམ་བསྐྱར་ལ་བསྒྲུབ། །དེས་མ་འགྲུབ་ན་ལོག་ལྟ་མི་བྱ་སྟེ། །ལས་ཀྱི་རྣམ་པར་སྨིན་པ་བཟློག་ཐབས་མེད། ༈ །ཐུབ་པས་གསུང་པ་དེ་ཉིད་ཡིད་ལ་བྱ། །འདི་ཡི་ལས་སྦྱོར་མི་འདྲ་མཐའ་ཡས་ཀྱང་། །ལས་སྦྱོར་གཙོ་བོར་སྲུང་ཟློག་གཉིས་པོ་ཡིན། །སྲུང་ཟློག་གཉིས་པོ་མི་འདྲ་གྲངས་མང་ཡང་། །སྔགས་དང་དམིགས་པའི་གཙོ་བོ་སྲུང་ཟློག་ཡིན། །སྔ་དྲོའི་ཆ་ལ་སྲུང་བ་བྱ་བ་སྟེ། ༈་།རྡོ་རྗེའི་གོ་མཚོན་བདག་བསྐྱེད་ཚར་གཅིག་འདོན། །དེ་ནས་སྔགས་བཟླས་སྲུང་འཁོར་རྒྱས་བསྡུས་

[Full Size]

བསྒོམ། །རང་གི་སྐུ་ལས་འཕྲོས་པའི་འོད་ཟེར་ལས། །ཕྱི་རོལ་ཡེ་ཤེས་མེ་རི་ཁ་དོག་ལྔ། །འབར་བ་དུམ་བུ་གཅིག་ཏུ་གྱུར་པའི་གུར། །དེས་ནང་རལ་གྲི་བསམ་ཆོད་འབར་བའི་གུར། །དེ་ནང་ཁཊཾ་རྩེ་མོ་ཕྱིར་བསྟན་གུར། །དེ་ནང་དགྲ་སྟ་འབར་བ་སོ་འཐབ་གུར། །དེ་ནང་སྐུ་སྟོད་མཁའ་འགྲོ་གྲི་ཐོད་ཅན། །སྐུ་སྨད་ཕུར་པ་རྣོ་དབལ་ལྡན་པའི་གུར། །དེ་ནང་གྲི་གུག་སོ་འཐབ་དགྲ་སྟུའི་གུར། །དེ་ནང་མཁའ་འགྲོ་འཇིགས་གཟུགས་སྣ་ཚོགས་མདོག །མཚོན་ཐོགས་ཕྱིར་གཟིགས་ཧཱུྃ་ཕཊ་སྒྲ་སྒྲོག་གུར། །དེ་ནང་སྣ་ཚོགས་རྡོ་རྗེ་ཁ་གདེངས་བ། །གསོར་ལྟར་འཁོར་ནས་བར་མཚམས་མེད་པའི་གུར། །དེ་ནང་གནམ་ལྕགས་འཁོར་ལོ་གུར་ཐབས་ནི། །རྩིབས་སྟོང་རྣོ་དབལ་ངར་དང་ལྡན་པའི་གུར། །དེ་ནང་གནམ་ལྕགས་འབར་བའི་གཞལ་ཡས་ནི། །གྲུ་བཞི་སྒོ་མེད་མེ་འབར་ཚྭ་ཚྭ་འཕྲོ། །དེ་ནང་གནམ་ལྕགས་བདུད་འདུལ་མཆོད་རྟེན་ནི། །ཁྲི་འཕང་དགུ་པ་དེ་ཡི་བུམ་པའི་ནང་། །གསེར་གྱི་རྡོ་རྗེ་ཡར་རྩེ་ལྷ་གནས་སླེབ། །མར་རྩེ་གསེར་གྱི་ས་གཞི་ལ་ཟུག་པའི། །ལྟེ་བ་ཡངས་ཤིང་རྒྱ་ཆེ་དེ་ཡི་ནང་། །སྟེང་དུ་ཟླ་བ་འོག་ཏུ་ཉི་མ་གཉིས། །གཱའུ་ཁ་སྦྱོར་ཡངས་ཤིང་རྒྱ་ཆེའི་

[Full Size]

ནང་། །འོད་ཟེར་ལྗང་གུ་དམར་པོ་སེར་པོ་དང་། །དཀར་པོ་མཐིང་ཀའི་གུར་ཁང་ལྔ་རིམ་ནང་། །གཞུང་ནས་གསུང་པའི་ཆོས་འབྱུང་གྲུ་གསུམ་གྱི། །ཕྱི་ནས་མེ་འབར་ངན་སྔགས་གནོད་པ་སྲེག །ཕྱི་ཡི་འཁོར་ལོ་རྩིབས་སྟོང་ནང་དུ་ནི། །སེང་གདོང་དཀར་མོ་སྟོང་གི་ཞལ་ཕྱིར་གཟིགས། །བསྲུང་བྱ་ཐམས་ཅད་སྲུང་བའི་དགོངས་པ་གཏད། །ཆོས་འབྱུང་ནང་དུ་རིགས་བཞི་མཁའ་འགྲོ་བཞི། །སེང་གེའི་དབུ་ཅན་འབུམ་ཕྲག་ཚན་བཞི་ཡིས། །ནང་དུ་ཞལ་གཟིགས་སྲུང་སྔགས་ཏི་རི་རི། །རང་ཉིད་གཙོ་མོ་སྐུ་མདོག་དཀར་མོ་ལ། །གསེར་གྱི་གྲི་གུག་བདུད་རྩི་ཐོད་པ་འཛིན། །དེ་ཡི་ཐུགས་ཀར་ཉི་ཟླའི་གྲྭའུ་ནང་། །རང་ཉིད་པདྨ་དམར་པོ་འདབ་བརྒྱད་པའི། །འདབ་མ་བརྒྱད་ལ་སྲུང་སྔགས་ཡིག་འབྲུ་བརྒྱད་། །གཡོན་དུ་བཀོད་ནས་གཡས་སུ་འཁོར་བ་ཡིན། །པདྨའི་ལྟེ་བར་ཧཱུྃ་ཡིག་དཀར་པོ་ནི། །སྔོ་བའི་མདང་ཆགས་འོད་ཟེར་སྣ་ལྔ་འཕྲོ། །ཧཱུྃ་ཡིག་ཤན་མཆུ་བཀུག་ལྟར་ནང་སྟོང་པ། །ཐིག་ལེའི་ནང་དུ་བླ་མ་རྡོ་རྗེ་འཆང་། །དེ་ལ་བསྲུང་བྱ་བླ་མ་རྣམས་ཀྱིས་བསྐོར། །ཟླ་ཚེས་ནང་དུ་རང་གི་ཡི་དམ་རྣམས། །འ་འདོགས་ནང་དུ་རང་གི་ཆོས་སྐྱོང་རྣམས། །

[Full Size]

དེ་ནི་ལྷ་དབྱེའི་གནོད་པ་མི་ཚུགས་གནད། །ཧ་ཁོག་ནང་དུ་རང་ཉིད་ཐ་མལ་ལུས། །རིན་ཆེན་སྣ་ཚོགས་ལས་ནི་གྲུབ་པར་བསམ། །དེ་ཡི་གཡས་སུ་བསྲུང་བྱ་ཕོ་རིགས་རྣམས། །གཡོན་དུ་མོ་རིགས་རྒྱབ་ཏུ་ཞིང་ཁང་སྦྲ། །མདུན་དུ་ནོར་ཕྱུགས་བྲན་གཡོག་གལ་ཆེ་རིམ། །རང་ལ་ངོ་ལོག་བྱེད་དོགས་མེད་རྣམས་བསྒོམ། །རང་ཉིད་མཁའ་འགྲོས་གཡས་གཡོན་ཆོས་འབྱུང་ནང་། །གཡས་སུ་ཕོ་རིགས་གཡོན་དུ་མོ་རིགས་རྣམས། །རྒྱབ་ཏུ་ཞིང་ཁང་སྦྲ་ཁྱིམ་མདུན་དུ་ནི། །བྲན་དང་ནོར་ཕྱུགས་བསྲུང་བྱར་གྱུར་རྣམས་བྷེ། །རང་གི་ཐུགས་ལས་འོད་ཟེར་སྣ་ཚོགས་འཕྲོས། །བླ་མ་ཡི་དམ་སངས་རྒྱས་བྱང་སེམས་དང་། །མཁའ་འགྲོ་ཆོས་སྐྱོང་རྣམས་ཀྱི་བྱིན་རླབས་དང་། །ལྷ་སྲིན་སྡེ་བརྒྱད་འཇིག་རྟེན་སྐྱོང་རྣམས་ཀྱི། །མཐུ་སྟོབས་འབྱུང་བ་ལྔ་དང་རིན་ཆེན་བཅུད། །སྐྱེས་བུའི་བསོད་ནམས་དཔལ་འབྱོར་ཐམས་ཅད་ཀུན། །འོད་ཟེར་རྣམ་པར་བསྡུས་ནས་རང་ལུས་དང་། །བསྲུང་བྱ་ལ་ཐིམ་བཀྲག་མདངས་གཟི་བརྗིད་འབར། །དམིགས་པ་དེ་ཙམ་རྒྱས་པར་མ་ཟིན་ན། །ཕྱི་རོལ་རྩིབས་སྟོང་སེང་གདོང་དཀར་མོ་སྟོང་། །ཕྱི་རོལ་རྡོ་ར་མེ་རི་བསྒོམས་པས་འཐུས། ༈ །བློ་ཆུང་དེ་

[Full Size]

ཡང་བསྒོམ་པར་མ་ཐུབ་ན། །གཞུང་ནས་བཤད་པའི་ཆོས་འབྱུང་མེ་འབར་བསྒོམ། །དེ་ལྟར་རྒྱས་བསྡུས་གསུམ་པོ་གང་བསྒོམས་ཀྱང་། །བཟླ་བྱའི་སྔགས་ནི་སྲུང་སྔགས་འབྲུ་བརྒྱད་དེ། །ཨ༔ཀ༔ས༔མ༔ར༔ཙ༔ཤ༔ཕཊ༔ ཅི་ལྕོགས་བཟླས་རྗེས་ཐུན་མཚམས་གཏོར་མ་བསྔོ། །བྱད་ཁ་ཟུག་གམ་རྐྱེན་ཁ་ཆེ་དུས་སུ། །ཞག་ནི་གསུམ་ལྔ་བདུན་སོགས་མཚམས་བྱས་བསྒྲུབ། །གོ་ཆ་གྱོན་དང་རྫོང་བརྩེགས་ཉི་ཟླ་ཤར། །རང་ཉིད་བཙན་པོའི་མཁར་དང་བྲག་ལ་འདུག །གཞན་གྱི་སྲོག་སྐྱབས་བྱས་རྨིས་འགྲུབ་པའི་རྟགས། །རྒྱུན་ཁྱེར་ལ་ནི་སྔ་དྲོ་ཐུན་རེས་ཆོག །རྡོ་རྗེའི་གོ་མཚོན་སྲུང་བའི་མན་ངག་འདི། །གསེར་ཆོས་ཟབ་མོ་སྤེལ་བར་འཕང་བ་སྟེ། །རིན་ཐང་རང་གི་སྲོག་དང་མཉམ་པ་ཡིན། སྤྱི་གུ་ཧྱ་དྷ་ཐིམ་ས་མཱ་ཡ༔ འདི་ཡང་ཕག་ལོ་རྒྱལ་ཟླའི་བཅུ་གསུམ་ཉིན། །ཕྱི་དྲོའི་ཆ་ལ་རཱ་ག་ཨ་སྱས་མཛད་པ་ལ། །བསྟན་པའི་བརྩས་སུ་ཟིན་བྲིས་འདི་ཉིད་བྲིས། །ཉེས་འགལ་མཆིས་ན་བཤགས་ཤིང་དགེ་བ་འདིས། །བྱང་ཆུབ་བསྒྲུབ་པའི་བར་ཆད་མེད་པར་ཤོག །མངྒ་ལཾ།།

[Full Size]

ཤོག་སྟོང་།

རྡོ་རྗེ་གོ་མཚོན་གྱི་ཟློག་པ་ཡོད་པས་ཆོག་པ་བྱེད་མ་འབུམ་རྡུགས་བྱད་ཟློག་གི་ཟིན་བྲིས།

[Full Size]

རྡོ་རྗེ་གོ་མཚོན་གྱི་ཟློག་པ་ཡོད་པས་ཆོག་པ་བྱེད་མ་འབུམ་རྡུགས་བྱད་ཟློག་གི་ཟིན་བྲིས་བཞུགས་སོ།།

[Full Size]

ན་མོ་གུ་རུ་ཌཱཀྐི་ནཱི་ཡེ། བླ་མ་ལྷ་དང་མཁའ་འགྲོའི་ཚོགས་ལ་ཕྱག་འཚལ་ནས། །རྡོ་རྗེ་གོ་མཚོན་ཟློག་པའི་ཟིན་བྲིས་བཀོད། །ཆོས་བདག་མཁའ་འགྲོའི་ཚོགས་ཀྱིས་བཀའ་གནང་སྩོལ། །འདི་ལ་རྒྱས་འབྲིང་བསྡུས་གསུམ་ཡང་ཟློག་བཞི། །དུས་ནི་དགོང་ཆུང་སྤྲེའུ་དུས་ཚོད་ནས་། །སྲོད་ཀྱི་དུས་བར་ནམ་ཡང་རུང་བ་སྟེ། །ཁ་ནི་ནུབ་བམ་གནོད་པའི་ཕྱོགས་སུ་གྱུ། །མདུན་དུ་དམར་གཏོར་གཅིག་ཀྱང་བཤམས་ལ་བཞག ། རྡོ་རྗེའི་གོ་མཚོན་མངོན་རྟོགས་ཚར་གཅིག་འདོན། །ཕྱི་རོལ་འཁོར་ལོའི་རྩིབས་སྟོང་ནང་དུ་ནི། །རང་འདྲ་སྟོང་གིས་ཕྱིར་གཟིགས་ཟློག་སྔགས་

[Full Size]

གསུང་། །རང་གི་རལ་པ་ཤིང་ལོ་རྒྱུས་ལྟར་སྤྲུག །དེ་ལ་རང་འདྲའི་སྤྲུལ་པས་འཇིག་རྟེན་གང་། །དེ་ཀུན་འབྲུག་སྟོང་ལྡིར་བཞིན་སྔགས་བཟླས་ནས། །རྒྱ་མཚོ་ཁྲོམ་ཁྱོམ་རི་རབ་ལྡིག་ལྡིག་འགུལ། །འུར་སྒྲ་ཐུག་ཆོམ་ས་ཡང་རྣམ་དྲུག་གཡོས། །འཇིག་རྟེན་དྲེགས་པ་ཐམས་ཅད་འདར་ཞིང་བསྔང་། །ཐལ་སྦྱར་བཀའ་ཉན་གསུང་སྡོད་ཟེར་བ་བསྒོམ། །མཁའ་འགྲོ་རྣམས་ཀྱིས་བྱད་མ་ལྷ་སྲུང་བཅས། །གནོད་བྱེད་ཐམས་ཅད་བསད་བཅད་ཤ་ཁྲག་རོལ། །འགའ་ཞིག་བཀུག་ནས་སྲུང་འཁོར་མཚོན་ཆའི་བར། །བསྐུལ་ནས་མཚོན་ཆ་གཡོན་དུ་དྲག་ཏུ་འཁོར། །ཤ་ཁྲག་ཕྱེ་

[Full Size]

མར་གཏུབ་རྣམས་མཁའ་འགྲོས་གསོལ། །སྲུང་འཁོར་མེ་དཔུང་གཡོན་དུ་འཁྱིལ་ཞིང་འབར། །ཐུགས་ཀའི་སྔགས་ཕྲེང་གཡོན་དུ་འཁོར་བསྒོམ་ཞིང་། །ཡི་གེ་བཅུ་བཞི་གཏུམ་གཅོད་དྲག་ཏུ་གཅོད། །ལག་གཡས་མཛུབ་མོ་གནམ་ལྕགས་ལྡན་པའི་སྟེང་། །མཐེ་བོང་ཟངས་ཀྱི་སྤུ་གྲི་འབར་བ་ཡིས། །བྱེད་མའི་སྐྱེ་ནི་རྡོག་རྡོག་བཅད་པར་བསྒོམ། །ཕྲེང་རྡོག་ཕར་ལ་བཅད་ཅིང་བགྲང་བའི་ཚེ། །མདུན་དུ་ས་དོང་གྲུ་གསུམ་གཏིང་ཟབ་པ། །དམྱལ་བའི་ཡུལ་དུ་ཟུག་པའི་ནང་དེ་ནས། །ལས་ཀྱི་གཤིན་རྗེའི་ལྟོ་བ་རི་རབ་ཙམ། །ཁ་གདངས་མཆེ་གཙིགས་ལྗགས་ནི་བརྐྱང་པའི་ནང་། །དགྲ་མགོ་ཧྲུག་ཧྲུག་སོང་བར་བསྒོམ་ཞིང་བཟླས། །ཕྲེང་སྐོར་རྫོགས་ནས་རང་གི་ལག་གཡས་མཐིལ། །མེ་ཡི་དཀྱིལ་འཁོར་རྩིབས་སྟོང་ལྟེ་བ་ལ། །ཉི་མས་མཚན་ཞིང་བསྐལ་པའི་མེ་དཔུང་འབར། །ལག་གཡོན་ཆུ་ཡི་དཀྱིལ་འཁོར་ཟླ་བས་མཚན། །བསྐལ་པའི་ཆུ་བོ་རབ་ཏུ་འཁྲུགས་པར་བསྒོམ། །རང་གི་སྣ་བུག་གཡས་ནས་རླུང་བུས་པས། །ནད་ཡམས་རླུང་དམར་འཚུབ་མར་གྱུར་ཏེ་སོང་། །བྱད་མ་ལྷར་བཅས་རང་དབང་མེད་པར་བཀུག །རང་གི་ལག་པའི་བར་དུ་གནས་པར་བསྒོམ། ༈

[Full Size]

ན་མོ་བླ་མ་སངས་རྒྱས་ཆོས་ཚོགས་ནས། །རབ་ཏུ་ཞི་བར་གྱུར་ཅིག་བར་བརྗོད་ནས། །ཐལ་མོ་ལན་གསུམ་བརྡབས་པར་བྱས་པའི་ཚེ། །བྱད་མ་ལྷ་བཅས་སྲུང་མ་མཐུ་ནུས་བཅས། །མེས་བསྲེགས་ཆུས་བཀྲུས་པ་ཡི་ཐལ་འཇིམ་དེ། །མདུན་འོག་གྲུ་གསུམ་གཤིན་རྗེའི་ཁར་སོང་བས། །གཤིན་རྗེ་ཚིམས་ནས་ཁ་བསྡམ་དམྱལ་ཡུལ་སོང་། །རླུང་མེ་ཆུ་ས་ཆགས་པའི་དོང་ཡང་གསུབ། །དེ་ནས་དམར་གཏོར་དེ་ཉིད་བྲན་བྱས་ལ། །མགོན་པོའི་ཐུན་གཏོར་འགུག་གཞུག་དེ་བྱ་སྟེ། །དེ་བཞིན་ཉིད་ཀྱི་བདེན་པ་དང་མཚམས་ལ། །ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་གྱི་འཁོར་རི་རབ་སུམ་ཅུ་སོ་གཉིས་ཀྱི་རྡུལ་གྲངས་དང་མཉམ་པའི་མཁའ་འགྲོ་མ་རྣམས་ཀྱི་བདེན་པ་དང་། །ཞེས་པ་སྦྱར་ལ་བཀུག་གཞུག་བྱས་པའི་རྗེས། ཨོཾ་ཤྲཱི་བཛྲ་ཌཱ་ཀི་ནཱི་སེང་ཧ་མུ་ཁ་ས་པཱ་རི་ཝཱ་ར་གནོད་བྱེད་དགྲ་བགེགས་བྱད་མའི། མ་ཧཱ་མཾ་ས་ལ་ཁ་རཾ་ཁཱ་ཧི་ནས་བསྐང་བའི་མཇུག་ལྟར་ཁ་རཾ་ཁཱ་ཧི། ཞེས་ཞིང་སྐྱོང་ཡུམ་དང་ཐུགས་རྒྱུད་གཅིག་པའི་ཕྱིར། དཔའ་བོ་རྣམ་རོལ་ནང་གི་ཟློག་པ་སྦྱར། ༈ མཁའ་འགྲོ་སེང་གེའི་གདོང་ཅན་འཁོར་བཅས་ཀྱིས། །ཤ་ཁྲག་དམར་གྱི་གཏོར་མ་འདི་

[Full Size]

བཞེས་ལ། །བདག་ཅག་འཁོར་དང་བཅས་ལ་གནོད་བྱེད་པའི། །སྲིད་པའི་ཁྲམ་ཁ་ཞེས་པ་ནས་བཟུང་སྟེ། །ཆོ་འཕྲུལ་དགྲ་བོའི་སྟེང་དུ་བཟློག་བར་འདོན། །དེ་ནས་རྡོ་རྗེ་གར་གྱི་། ཝཱ་སྐག་ཟློག་སྦྱར། །འདི་ནི་སྲིན་མོ་ཟ་ལམ་དོན་བསྡུས་ཏེ། །གཏོར་ཟློག་ཀུན་ལ་སྦྱར་དུ་རུང་བ་ཡི། །དེ་ནས་རྒྱུ་དུས་འགྲིགས་ན་ཟོར་དུ་འཕང་། ༈ ། བྷྱོ༔ ཡེ་ཤེས་མཁའ་འགྲོའི་ཚོགས་ལ་ཕྱག་འཚལ་ལོ། །འགྲོ་མགོན་སྐྱོབ་པ་ཞེས་སོགས་བརྗོད་ལ་འཕང་། །རྒྱུ་ཕྱོགས་མ་འགྲིགས་ན་ནི་འབུལ་རྒྱུ་བསྐུར། །དེ་ནས་དམིགས་མེད་སྟོང་པའི་རྒྱ་ཡིས་གདབ། །རྡོ་རྗེའི་གོ་མཚོན་ཟློག་པ་རྒྱས་པ་ཡིན། །འབྲིང་ནི་མངོན་རྟོགས་ད་ནངས་ཚང་བས་འཐུས། །སྲུང་འཁོར་དམིགས་པ་ཡང་ནི་ཟིན་མི་དགོས། །དྲན་རྫོགས་རང་ཉིད་མཁའ་འགྲོ་སེང་གདོང་མ། །སྐུ་ནི་རི་རབ་ཀྱང་ནི་སུམ་འགྱུར་ཆེ། །གསུང་ནི་སྔགས་སྒྲ་འབྲུག་སྟོང་ལྡིར་བ་ཙམ། །གར་སྟབས་བསྒྱུར་ནས་སྟོང་གསུམ་ཤིག་ཤིག་གཡོ། །རལ་པ་སྤྲུགས་པས་རང་འདྲས་འཇིག་རྟེན་གང་། །ལག་གཡས་གནམ་གྱི་དཀྱིལ་དུ་ཉི་མ་དང་། །གཡོན་པས་ས་ཡི་མཐིལ་དུ་ཟླ་བས་མཚན། །གནམ་ས་བརྡབ་པའི་བར་དུ་གནོད་བྱེད་རྣམས། །

[Full Size]

སྒོ་ང་ལྤགས་བཅིར་དམར་ཆར་སོང་བར་བསྒོམ། །ཡང་ན་ལག་གཡས་གསེར་དང་གཡོན་པ་ཟངས། །འཁོར་ལོ་རྩིབས་སྟོང་བརྡབ་པར་བསྒོམ་ཡང་འདྲ། ༈ ན་མོ་བླ་མ་སངས་རྒྱས་ཆོས་ཚོགས་སོགས་ཞེས་པ་ནས། །ཞི་གྱུར་ཅིག་བར་བརྗོད་ལ་ཐལ་མོ་བརྡབ། །རྡོ་རྗེའི་གོ་མཚོན་ཟློག་པ་འབྲིང་པོ་ཡིན། ༈ །ད་ནངས་མངོན་རྟོགས་བཏོན་རུང་མ་བཏོན་རུང་། །རང་ཉིད་དྲན་རྫོགས་སེང་གདོང་མར་གསལ་བའི། །ཕྱག་གཉིས་ཉི་ཟླའི་ཆ་ལང་ཕྱར་ཐབས་འཛིན། །ཉི་ཟླ་བརྡབས་པས་གནོད་བྱེད་དགྲ་བགེགས་ཀུན། །དམར་དང་ཆལ་ཆལ་སོང་བསྒོམ་ཐལ་མོ་བརྡབ། །བདེན་བདར་ཡང་ནི་མཆོད་བསྟོད་ནང་ལྟར་ཆོག །རྣམ་ཤེས་ཆོས་ཀྱི་དབྱིངས་སུ་སྒྲོལ་ཟེར་དུས། །དམིགས་པ་སྒོམ་མཁན་སེམས་ཀྱི་ངོ་བོ་བལྟ། །སྔགས་གྲངས་བརྒྱའམ་ཉེར་གཅིག་བདུན་གྱིས་ཆོག །ཤིན་ཏུ་རྐྱེན་ཁ་ཆེ་ན་སྟོང་རེ་བྱ། །ཕ་རོལ་ནུས་པ་ཅན་གྱི་སྔགས་ནག་དང་། །ཁ་ཆད་སྤར་བའི་མཐུ་འདྲེན་ཡོད་ན་ནི། །དགོང་མོ་རེ་ལ་བརྒྱ་ཚོ་ཉེར་གཅིག་བཟླས། །ཟློག་སྔགས་ཞག་རེར་དེ་བས་མང་མི་རུང་། །རྐྱེན་ཆག་ཆེའམ་བྱད་ཁ་རྒྱུན་ཡོད་ན། །རྒྱུན་དུ་ཆག་མེད་བརྒྱ་རེ་

[Full Size]

བྱ་བ་དང་། །ཐེབས་ཆེན་ཡོད་ཅིང་རྒྱུ་ལྡོག་འགྲིག་པའི་དུས། །དམར་གཏོར་བསྐུལ་དང་བཅས་ཏེ་དགྲ་ཕྱོགས་འཕང་། །གཞུང་གི་ཡིག་འབྲུ་བཅུ་བཞི་གོ་ལྡོག་འདི། །སྔགས་པ་ནང་བྷ འགྲས་བྱུང་ན་བྱ་རྒྱུ་ཡིན། །དེ་མིན་ཕལ་པར་བྱ་བ་མ་བཤད་དེ། །འོན་ཀྱང་ཕ་རོལ་སྔགས་པས་ཤེས་སྲིད་པས། །བརྒྱ་རེའི་མཇུག་ཏུ་བདུན་རེ་སྦྱར་སྲོལ་འདུག །ཧ་ཀྱང་མང་ན་རུང་བ་མ་ཡིན་ཏེ། །དེ་ཚེ་སྔགས་མཆིལ་ཁོག་ཏུ་འགྲོ་མི་རུང་། །མཐུ་འདྲེན་ཡོད་དམ་རྐྱེན་ཆག་ཆེ་བའི་དུས། །བཟློག་རྟགས་མ་བྱུང་བར་དུ་འབད་བྱ་སྟེ། །རྒྱུན་དུ་སྔགས་འབྲུ་བདུན་རེས་ཆོག་པར་བཤད། །རྟགས་ནི་དངོས་སུ་དོན་མེད་དཔའ་སེམས་སྐྱེ། །ཉམས་དང་རྨི་ལམ་མེ་ཆེར་བསད་པ་དང་། །བཤའ་དང་ཆུ་བསྒྱུར་ཟིབ་དང་སེར་བ་བཟློག །ཟོར་དང་དམར་གཏོར་བཤིག་དང་ཕུར་པ་བཅག །མདའ་གཞུ་བཙག་དང་རང་ཉིད་གཡུལ་ལས་རྒྱལ། །དུད་འགྲོའི་ཁ་བཅིང་མཆེ་བ་རྭ་ཅོ་བཅག །དེ་ལྟར་བཟློག་པའི་རྟགས་མཚན་གསལ་གྱུར་ན། །དམིགས་པ་ལྷོད་ཅིང་སྔགས་གྲངས་ཇེ་ཉུང་བྱ། །དེ་ལྟར་རྡོ་རྗེའི་གོ་མཚོན་ཟིན་བྲིས་འདི། །བདུད་མོ་ཀརྨ་དར་རྒྱས་ཀྱིས་བསྐུལ་བས། །ཚོགས་དང་མཎྜལ་མང་པོ་

[Full Size]

ཕུལ་བྱས་ཤིང་། །ཕྱི་ནང་གསང་གསུམ་སྲུང་འཁོར་ཡན་ཆད་བྲིས། །དེ་ཚེ་མཁའ་འགྲོ་འདུ་བའི་རྨིས་ལྟས་བྱུང་། །དེ་ནས་ཕྱིར་ནངས་ཟློག་པ་བྲི་བསམ་ཛ། །མཁའ་འགྲོས་མ་གནང་བཀག་པའི་རྨི་ལྟས་བྱུང་། །ཞུ་བ་པོ་ཉིད་བསྙུང་བའང་ཤིན་ཏུ་ཐུ། །དེ་ཕྱིར་ཞག་པོ་བཅུ་ལྷག་ཙམ་ཞིག་བསྒྱུར། །ཚོགས་འཁོར་ལན་མང་ཕུལ་ཞིང་གནང་བ་ཞུས། །དེ་ནས་ཟློག་པ་ལ་སོགས་ལས་ཚོགས་བྲི། །རྡོ་རྗེའི་གོ་མཚོན་ནང་གི་ཚིག་རིས་ལ། །ཆོས་འབྱུང་ཕྱི་ཡི་གྲྭ་ཟུར་རྩེ་མོར་བཞག །ཞེས་སོགས་ཚིག་འབྲུ་དྲུག་ནི་དོན་བཀྲོལ་ནས་། །བསད་ལས་ཐོགས་མེད་གནམ་ལྕགས་ཐོག་འདྲ་བ། །སྔགས་འབྲུ་བཅུ་བཞི་གོ་ལྡོག་འདི་ཡི་དོན། །པང་ཟློག་བྱད་མ་མཐུ་ཆེན་བསྒྲལ་བའི་ཐབས། །བེར་ནག་ཅན་གྱི་སྒྲོལ་གིང་ནག་པོ་ནི། །སྔ་དྲོ་བྱས་ན་ཕྱི་དྲོ་རྟགས་འབྱུང་ཐབས། །དེ་གསུམ་ཟིན་བྲིས་ལག་ཏུ་ལོན་ངེས་ཤིག །བྲིས་ན་རུང་ངམ་བརྟག་པ་བྱས་པའི་ནུབ། །གཉིད་པ་མ་ཡིན་ཉམས་ཀྱི་སྣང་བ་ལ། །རྡོ་རྗེ་དམྱལ་བར་སྐྱེ་འོ་ཟེར་བའི་སྒྲ། །གསལ་པོར་ཐོས་པས་བྲི་བའི་སྤོབས་པ་ཟད། །རྡོ་རྗེ་དམྱལ་བར་སྐྱེས་ན་ཅི་ཚུགས་བྱེད། །གཅིག་རྒྱུད་ངག་ཁྲིད་ཙམ་ཡང་མི་སྨྲ་

[Full Size]

བའི་། །ཞེ་བཅད་དམ་བཅའ་རང་གིས་རང་ལ་བྱས། །བཟློག་དམིགས་འདི་ཚོ་ཤིན་ཏུ་བཙོག་འདུག་སྟེ། །ཉེ་བར་མཁོ་ཞིང་གཞུང་དོན་མི་ཚང་དོགས། །བྲི་བར་ཡིད་འདོད་བཞིན་དུ་བྲིས་པ་ཡིན། །བསྟན་པའི་ཆགས་ཕྱིར་རང་ལ་བློ་གཏད་པའི། །རང་དང་འདྲ་བ་འགའ་རེ་མ་གཏོགས་པ། །མང་དུ་སྤེལ་ན་མཁའ་འགྲོའི་བཀའ་ཆད་འབྱུང་། །དོན་ཆུང་ལས་ཀྱིས་རང་ཉིད་དམྱལ་བར་འཕེན། །དེ་ནས་གདམས་ངག་ངོམས་འདོད་མ་ཆེ་བར། །རྐུན་ནོར་བཞིན་དུ་ཕུགས་སུ་སྦ་བར་གྱིས། །ཞེས་པ་ཕག་ལོ་ཆོ་འཕྲུལ་ཆེན་པོ་ཡི། །ཡར་ཚེས་གཉིས་ཀྱི་སྔ་དྲོའི་ཉིན་གྱི་ཚེ། །སྔགས་ནག་རཱ་ག་ཨ་སྱས་སྨྲས་པ་ལྟར། །བསྟན་པ་འཛིན་པའི་བུ་ཡིས་ལེགས་པར་བྲིས། །སྦ་འོས་གསལ་བར་བཀོད་པའི་ཉེས་པ་རྣམས། །ཌཱ་ཀི་བྱེ་བ་འབུམ་གྱི་དྲུང་དུ་བཤགས། །དགེ་བས་སངས་རྒྱས་བསྟན་དང་བསྟན་འཛིན་ལ། །བར་དུ་གཅོད་པའི་དགྲ་བགེགས་ཀུན་བཟློག་ནས། །བསྟན་འཛིན་རྣམས་ནི་བསྙུང་བྲལ་སྐུ་ཚེ་བསྟན། །སྒྲུབ་བརྒྱུད་བསྟན་པའི་ཉི་མ་གསལ་བར་ཤོག །མངྒ་ལཾ།། །།

རྡོ་རྗེ་གོ་མཚོན་གྱི་བསད་པའི་ཟིན་བྲིས།

[Full Size]

རྡོ་རྗེ་གོ་མཚོན་གྱི་བསད་པའི་ཟིན་བྲིས་བཞུགས་སོ། །

[Full Size]

ན་མོ་གུ་རུ་ཌཱཀྐི་ནཱི་ཡེ། བླ་མ་ཡི་དམ་མཁའ་འགྲོའི་ཚོགས་ལ་ཕྱག་འཚལ་ནས། །རྡོ་རྗེ་གོ་མཚོན་བསད་པའི་ཟིན་བྲིས་ལ། །དུས་ནི་དགོང་ཆུང་སྤྲེའུ་ཡི་དུས་ཚོད་ལ། །སྲོད་ཀྱི་དུས་དང་ནམ་གུང་ནམ་ཡང་རུང་། །ཁ་ནི་ནུབ་བམ་གནོད་པའི་ཕྱོགས་སུ་བལྟ། །རང་ཉིད་མཁའ་འགྲོ་སེང་གེའི་གདོང་པ་ཅན། །སྐུ་མདོག་དམར་མོ་ཞལ་གཅིག་ཕྱག་གཉིས་མ། །ལག་གཡས་མཛུབ་མོ་གནམ་ལྕོགས་ལྡན་པའི་སྟེང་། །མཐེ་བོང་ཆུ་གྲི་སྤུ་གྲི་འབར་བ་ཡིས། །བྱད་མའི་སྐེ་ནི་རྡོག་རྡོག་བཅད་པར་བསམ། །ཕྲེང་རྡོག་ཕར་ལ་བཅད་ཅིང་བགྲང་བའི་ཚེ། །མདུན་དུ་ས་དོང་གྲུ་

[Full Size]

གསུམ་གཏིང་ཟབ་པ། །དམྱལ་བའི་ཡུལ་དུ་ཟུག་པའི་ནང་དེ་ནས། །ལས་ཀྱི་གཤིན་རྗེའི་ལྟོ་བ་རི་རབ་ཙམ། །ཁ་གདངས་མཆེ་གཙིགས་ལྗགས་ནི་བརྐྱངས་པའི་ནང་། །དགྲ་མགོ་དྲུག་སྡུག་སོང་བར་བསྒོམ་ཞིང་བཟླས། །ཕཊ༔ཡ༔ར༔མ༔ས༔ར༔ད༔ཤ༔ཙ༔ར༔མ༔ས༔ཀ༔ཨ༔ གཡོན་ཐོད་ཁྲག་ཁ་ཊཾ་གྲི་ཁུག་ན་བསྣམས་པ། སྐུ་སྨད་ཟངས་ཀྱི་ཕུར་བུས་དགྲ་བོའི་སྙིང་ཁ་ནས་་གཟིར་བ། དེ་ཡི་ཕྱི་རོལ་དུ་ཡེ་ཤེས་ཀྱི་མེ་ཁ་དོག་ལྔ་གཡོན་དུ་འཁྱིལ་བར་བསྒོམ། མདུན་དུ་བྱད་མ་ལྷ་སྲུང་བསྐྱེད་ལ། རང་གི་ཐུགས་ཀ་ནས་གནམ་ལྕགས་ཀྱི་འཁོར་ལོ་རྩིབས་དགུ་པ་གཅིག་སྤྲོས་

[Full Size]

པས། བྱད་མ་ལྷ་སྲུང་ལ་ཕོག་པས། མཁར་ལ་གནམ་ལྕགས་ཕོག་པ་བཞིན་ནག་ཆོམ་ཆོམ་སོང་བར་བསམ། དེ་ནས་ཡང་འཁོར་ལོ་སྤྱི་བོའི་གཙུག་མན་ཆོད་བཀབ་ནས། རང་གི་ཐུགས་ཀ་ནས་བདུད་བཙན་གཤིན་རྗེ་བོང་ཚང་ཁ་ཕྱེས་པ་བཞིན་དུ་འཕྲོས་པས། བྱད་མའི་ཤ་ཟོས་ཁྲག་འཐུང་བར་བྷེ། སྔགས་བསད་པའི་དུས་སུ་རང་གི་ཕུང་ཁམས་སྐྱེ་མཆེད་བ་སྤྱིའི་བུ་ག་ནས། མཁའ་འགྲོ་མ་སྟོང་རྩ་བརྒྱད་ལུས་གོ་ཁྲབ་གྱོན་པ་བཞིན་ཁྲིགས་སེ་བྷེ། དེ་རྣམས་ཀྱིས་དགྲ་བོ་བསད་པའི་སྔགས་དི་རི་རི་བྱས་པར་བསྒོམ། ལག་གཡས་པའི་མཐེ་བོང་ཟངས་མའི་གྲི་གུག །མཛུབ་མོ་གནམ་ལྕགས་ཀྱི་གདན་ལ། དེ་གཉིས་བར་དུ་སྐྱེ་རྦད་རྦད་བཅད་པར་བསྒོམ། དགྲ་བོ་བྱད་མའི་མགོ་བོ་ཕྲེང་རྡོག་ཕར་ལ་བཅད་ཅིང་བགྲང་བའི་ཚེ། མདུན་དུ་སོ་དོང་གྲུ་གསུམ་གཏིང་ཟབ་པ། དམྱལ་བའི་ཡུལ་དུ་ཟུག་པའི་ནང་དེ་ན། ལས་ཀྱི་གཤིན་རྗེ་ལྟོ་བ་རི་རབ་ཙམ། ཁ་གདངས་མཆེ་གཙིགས་ལྗགས་ནི་བརྐྱང་པའི་ནང་དུ། དགྲ་བོའི་མགོ་བོ་ཧྲུག་ཧྲུག་སོང་བར་བསྒོམ་ཞིང་གཤིན་རྗེ་ཚིམས་ནས་ཁ་བསྡམ་དམྱལ་ཡུལ་སོང་བར་བསམ། མཁའ་འགྲོ་མའི་མན་ངག་བཅུ་བཞིའི་ལུགས་གཅིག་ལ། རང་ཉིད་མཁའ་

[Full Size]

འགྲོ་ཌཱཀྐི་མ་སྐུ་མདོག་ནག་མོ། སེང་གེའི་གདོང་ཅན་ཕྱག་གཉིས་མ། རལ་པའི་ཐོར་ཅོག་སྤྱི་བོར་བཅིངས་བ། ལྷག་མ་སྐུ་ལུས་ཁྱབ་པའོ། །རལ་ཉག་རེ་རེ་ལ་ཤིང་དང་གྲི་ལྕགས་མི་རྐང་ལས་བྱས་པའི་ཕུར་པ་ཁྲག་བྱུག་པ་རེ་རེ་བཏགས་པས་ཐོག་སེར་འབེབས་པ། སྟོད་ལ་དར་ནག་གི་སྨད་ཤམ་གཡོགས་ཤིང་། རྐེད་པ་ལ་དུག་སྤྲུལ་རབ་ཏུ་བཅིངས་བ། ཕྱག་གཡས་གནམ་ལྕགས་ལས་གྲུབ་པའི་རྡོ་རྗེ་གྲི་གུག་ལ་མེ་འབར་ཞིང་། གཡོན་བདུད་ཀྱི་ཁྲམ་ཤིང་ཁྲ་བོ་བསྣམས་པ། ཞལ་ནས་ཁྲག་དང་དུག་སྣ་སྐྱུག་པ། ཞལ་གདངས་མཆེ་བ་དམར་ནག་རབ་ཏུ་གཙིགས་པ། སྤྱན་གསུམ་མེ་ལྟར་འབར་བ་ལ། ཁྲག་གིས་མཆི་མ་འཛག་ཅིང་། ལྕགས་སྡིག་འོད་ལྟར་འཕྲོ་བ། བསད་སྔགས་བཟླས་ཤིང་། །ཕཊཙཡར༔མས༔ར༔ས༔ཤརམསཀ༔ དགྲ་བོའི་ཙིཏྟ་ལ་རྦད་རྦད། པྲཏིགིརཚྭབྷཏུཛལསྲྀཏུཧཱུྃ ཕཊ ཡག མ ཁྲེན༔ བཟློག༔ མ༔ ཁྲེན༔ བཟློག༔ ཌཱཀྐི༔ ཀ༔ བཟློག༔ ཌཱ་ཀི་ཁྲེན༔ བཟློག༔ བཟླས་པའི་རྟགས་ནི་བུད་མེད་ཚོགས། །ངུ་དང་རྒོད་པ་བྲང་བརྡུང་དང་། །ཐལ་བརྡབ་ཟོར་འཕེན་གཡབ་བརྡུང་བྱེད། །ཅི་

[Full Size]

རིགས་བྱུང་ན་རིག་པས་བརྟག དེ་ལྟར་རྨི་ལམ་བྱུང་ནི་མགོ་ལ། ཨོཾ་སྦྱར་ཕཊ་མ་ཁྲེན་བཟློག །འོག་མའི་སྔགས་གསུམ་ཁོ་ན་བགྲང་། །བསད་ཟློག་དྲག་ཟློག་གཉིས་ལ་བྱ། ཨྠྀི༔ འདི་རབ་གསེར་འབྲིང་དངུལ་ཐ་མ་མཚལ་དང་རྒྱ་སྣག་གིས་བྲིས། ༈ ལོ་གཅིག་གིས་ཆོག །ཚེས་གཅིག་ལ་སྲུང་བ། ལྔ་ལ་ཟློག་པ། ཉེར་དགུ་ལ་བསད་པ། བསྲུང་བའི་དུས་སུ་རང་ཉིད་ཤ་དང་ལྤགས་པ་གསེར་གྱི་ས་གཞི། གྲུབ་ཚད་སེམས་ཅན་ཐམས་ཅད་མཁའ་འགྲོར་བྷེ། ༈ སྲུང་བ་མགོ་ཕར་བསྟན། མཇུག་ཡར་བསྟན། དེ་ནས་མཁའ་འགྲོ་མ་

[Full Size]

རྣམས་ཀྱིས་ཞལ་དུ་བྱད་མ་ལྷ་དང་བཅས་གསོལ་སྐྱིད་པར་བསམ། ཟློག་བསད་མགོ་རང་ལ་བསྟན། མཇུག་ཕར་བསྟན་ལ་དུས་གཅིག་ལ་མྱིད། ཨྠྀི༔ ཁ་ཐཾ༔ ས་མ་ཡ། ༈ །ཨེ་མ་ཌཱཀི་སེང་གེའི་གདོང་ཅན་གྱི། །བསྙེན་དང་སྲུང་ཟློག་བསད་གསུམ་མན་ངག་འདི། །བཀའ་གཏེར་གཞུང་ལུགས་མན་ངག་རྒྱ་མཚོའི་བཅུད། །དོན་གསལ་ཁྱེར་བདེ་ཆ་ལག་མ་ཚང་མེད། །གལ་ཏེ་ཤིན་ཏུ་དོ་གལ་ཆེ་བ་ན། །སྲུང་ཟློག་བསད་གསུམ་ལས་ཀྱི་ཁར་བསྒྱུར་བཅས། །གཞན་དུ་ཟུར་བཀོད་བཞིན་དུ་འདི་ལ་སྦྱར། །རྒྱུན་ཁྱེར་བྱ་ཐབས་འདི་ལ་མ་ཚང་མེད། །འདི་ཕྱིའི་དོན་ཆེན་མ་ལུས་འགྲུབ་པ་ལ། །འདི་ལས་ལྷག་པའི་བསྒྲུབ་རྒྱུ་གཞན་ན་མེད། །ཁྱད་པར་སྒྲུབ་ལ་བར་ཆད་མི་འབྱུང་ཞིང་། །གནམ་ལྕགས་རྡོ་རྗེ་ཕ་ལམ་གོ་ཁྲབ་འདྲ། །དེ་ཕྱིར་འདི་ནི་སྲུང་ཟློག་ཀུན་གྱི་མཆོག །ནད་གདོན་འབྱུང་པོ་བགེགས་དང་སྐལ་ངན་དང་། །འཇིགས་པ་བརྒྱད་སོགས་ཉེར་འཚེ་ཀུན་ལས་གྲོལ། །ལྷ་འདྲེ་མི་གསུམ་བན་བོན་མུ་སྟེགས་སོགས། །ཕྱི་ནང་ཀུན་གྱི་བྱད་མ་ཐམས་ཅད་ལ། །འདི་ལས་ཟབ་པའི་མན་ངག་མ་མཆིས་སོ། །རང་བྱད་རང་ལ་ཟློག་པའི་མཆོག་

[Full Size]

ཡིན་ནོ། །ཚེ་སྒྲུབ་ནོར་སྒྲུབ་ཀུན་ལ་འདི་ཉིད་མཆོག །ཙ་རླུང་བཅུད་ལེན་གཏུམ་མོ་འཕོ་བ་སོགས། །འདི་ཕྱིའི་དོན་ཆེན་སྒྲུབ་པའི་ལས་མཐའ་མང་། །སྔོན་ཚེ་སློབ་དཔོན་པདྨ་འབྱུང་གནས་དང་། །བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས། །རྒྱུད་དང་མན་ངག་བརྒྱ་རྩ་བསྒྱུར་བའི་ནང་། །ལྷ་འདྲེ་མི་གསུམ་བན་བོན་མུ་སྟེགས་སོགས། །བྱད་ཁ་ཕུར་ཁ་མ་ལུས་བཟློག་པ་ལ། །ཟློག་པའི་ཡང་ཟློག་འདི་ལས་ཟབ་མ་རྙེད། །དེ་ཕྱིར་འདི་ལ་སྲུང་ཟློག་གཙོ་བོར་ཟུངས། །གཞན་ལ་མ་སྤེལ་སྙིང་གི་དཀྱིལ་དུ་སྦོས། །མང་དུ་སྤེལ་ན་མཁའ་འགྲོའི་བཀའ་ཆད་འོང་། །དེ་ཕྱིར་འདི་ལ་གདམས་པ་འཚོ་ཤེས་གྱིས། །འདི་ཉིད་ཉམས་སུ་ལེན་པའི་སྐལ་ལྡན་ལ། །བར་ཆད་བདུད་བགེགས་བྱད་མས་མི་ཚུགས་ཤིང་། །མཆོག་དང་ཐུན་མོང་དངོས་གྲུབ་ཀུན་ཐོབ་ནས། །ནམ་ཞིག་འཕོས་ཚེ་ནུབ་ཕྱོགས་བདེ་ཅན་དུ། །གནས་གསུམ་མཁའ་འགྲོའི་ཚོགས་ཀྱིས་བསུ་བར་ཤོག །ཞེས་པ་དེ་སྐད་རཱ་ག་ཨ་སྱ་ཡིས། །རང་གི་ཐུགས་དམ་དོན་དུ་བྲིས་པའོ། །གསང་རྒྱ ཟབ་རྒྱ བཀྲ་ཤིས། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཁའ་འགྲོ་སེང་གེའི་གདོང་པ་ཅན་གྱི་སྲུང་ཟློག་བསད་གསུམ་གྱི་རླུང་འཁོར་ལག་ཁྲིད།

[Full Size]

མཁའ་འགྲོ་སེང་གེའི་གདོང་པ་ཅན་གྱི་སྲུང་ཟློག་བསད་གསུམ་གྱི་རླུང་འཁོར་ལག་ཁྲིད་བཞུགས་སོ།།

[Full Size]

འདིར་མཁའ་འགྲོ་མ་སེང་གེའི་གདོང་པ་ཅན་གྱི་སྲུང་ཟློག་བསད་གསུམ་གྱི་རླུང་འཁོར་ཟབ་མོ་འབྲི་བར་བྱའོ། །ཆོས་བདག་མཁའ་འགྲོའི་ཚོགས་ལ་ཕྱག་འཚལ་ལོ། །འཁོར་ལོ་སྟེང་འོག་གཉིས་ཀར་མུ་ཁྱུད་ལྔ་ལྔས་བསྐོར་བ་ལ། སྲུང་འཁོར་ལ། སྟེང་འོག་མུ་ཁྱུད་དང་པོ་ལ། ཡིག་མགོ་ནང་བསྟན་གྱིས། ཨ༔ཀ༔སམར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ དེ་བཞིན་དུ། ཨ༔ཀ༔ས༔མ༔ར༔ས༔ ནད་གདོན་བགེགས་བར་ཆད་མཱ་ར་ཡ་ཕཊ༔ ཅེས་པ་བྲི། གསུམ་པ་ལ་སྔགས་ཚར་གཉིས་བྲི། བཞི་པ་ལ་སྔགས་ཚར་གསུམ་བྲི། ལྔ་པ་ལ་ནད་བཞི་བརྒྱ་རྩ་བཞི་བགེགས་

[Full Size]

རིགས་སྟོང་ཕྲག་བརྒྱད་ཅུ་གདོན་རིགས་སུམ་བརྒྱ་དྲུག་ཅུ་རྐྱེན་ཉི་ཁྲི་ཆིག་སྟོང་ལྟས་ངན་མི་མཐུན་པའི་ཕྱོགས་ངན་པ་ཐམས་ཅད་སྲུང་བར་གྱུར་ཅིག །ཞི་བར་གྱུར་ཅིག་སརྦ་རཀྵ་ཀུ་རུ་སྭཱ་ཧཱ། འོག་འཁོར་ནི་གོང་དང་འདྲ་ལ་ཡིག་མགོ་ཕྱིར་བསྟན་བྱ་བ་གང་མང་དུ་ཨ་ཐམས་ཅད་ཞལ་སྦྱར་ལ་། རྫས་ནི་སིན་དྷུ་ར་འཁྲུལ་མེད། གླ་རྩི། ཁ་ཆེ། གུར་གུམ། ཛཱ་ཏི། ལི་ཤི། ཨ་རུ་ར། བ་རུ། །སྐྱུ་རུ། གི་ཝང་། དམ་རྫས་བྱིན་ཅན་བཅས་ཁྱབ་པར་བྱུགས། འོག་པདྨ་འདབ་བརྒྱད། གནམ་འཁོར་ལོ་རྩིབས་བརྒྱད་བཅས་བྲིས། དར་ནག་གིས་བཏུམ་ལ་རབ་གནས་

[Full Size]

དང་ལྡན་པར་རླུང་ཁང་དུ་ཆོས་སྐོར་ལ་བསྐོར་བས་ནད་གདོན་བགེགས་དང་མི་མཐུན་པའི་ཕྱོགས་ངན་པ་ཐམས་ཅད་སྲུང་ཞིང་ཞི་བར་འགྱུར་རོ། །ཟློག་པ་ནི། སྟེང་འོག་གཉིས་ཀར་མུ་ལྷཁྱུད་ལྔ་ལྔས་བསྐོར་བ་གོང་དང་མཚུངས་པ་ལ། སྟེང་འཁོར་མུ་ཁྱུད་དང་པོ་ལ་སྔགས་ཚར་གཅིག་བྲི། གཉིས་པ་ལ། ཨ༔ཀ༔ས༔མ༔ར༔ཙ༔ཤ༔ད༔ར༔ས༔ ཕ་རོལ་པོའི་རྦོད་གཏོང་མཐུ་གཏད་མཱ༔ར༔ཡ༔ཕཊ༔ མུ་ཁྱུད་གསུམ་པ་ལ་སྔགས་ཚར་གཉིས་བྲི། བཞི་པ་ལ་སྔགས་ཚར་གསུམ་བྲི། མུ་ཁྱུད་ལྔ་པ་ལ། བྱད་ཁ་ཕུར་ཁ་ཟོར་ཁ་གཏད་ཁྲམ་ཕྲ་མེན་འགོང་ཆོག་སྡེ་ཤོར་རླུང་གསུམ་དབྱེ་རྨོངས་བསྐད་གཟིར་ཧོམ་ཟོར་མཐུ་མདོ་སྒྲུབ་མནན་སྲེག་འཕང་གསུམ་ཆག་ཆེན་ཉམ་ང་རྨིས་ལྟས་མཚན་མ་ངན་པ་དགྲ་བོ་བྱད་མ་ལྷ་སྲུང་དང་བཅས་པ་མཱ་ར་ཡ་ཟློག ། ཅེས་བྲི། སྟེང་འོག་གོང་དང་འདྲ་བ་ལས། སྟེང་འཁོར་ཡིག་མགོ་ནང་བསྟན་དང་། འོག་འཁོར་ཡིག་མགོ་ཕྱི་ལ་བསྟན། བརྒྱའམ་ཉེར་ལྔ་ལས་མགོ་ཕྱོགས་གཅིག་ཏུ་བརྩེགས། སྟེང་འོག་གོང་དང་འདྲའོ། །རྫས་ལ་གུ་གུལ་ནག་པོ། མུ་ཟི་ནག་པོ། ཤུ་དག །སྤྲུ་ནག །སྨན་ཆེན། བོང་ནག །ལྡོང་རོས། ཡུང་བ། གླ་རྩི། འབྲོང་གི་སྙིང་ཁྲག་

[Full Size]

བཅས་ཞིབ་བཏགས་འཁོར་ལོ་ལ་ཁྱབ་པར་བྱུགས། མེ་རི་ལ་དུག་ཁྲག་བྱུགས་ལ་རབ་གནས་བསྐྱེད་ཆོག་དང་ལྡན་རླུང་ཁང་དུ་བོན་སྐོར་བྱེད་དོ། །བསད་པ་འདོད་ན། མུ་ཁྱུད་ལྔ་གོང་དང་འདྲ་བ་ལ། གཉིས་པ་ལ། ཨ༔ཀ༔ར༔ཙ༔ཤ༔ད༔ར༔ས༔དགྲ་བོ་ཧྥེ་མོ་སརྦ་མཱ་ར་ཡ་ཕཊ༔ ཅེས་བྲི། གཞན་མ་གོང་དང་འདྲའོ། །མུ་ཁྱུད་ལྔ་པོ་སྡང་བའི་དགྲ་བོ་མི་ནོར་རིགས་རྒྱུད་འཁོར་བཅས་སྐད་ཅིག་ཉིད་ལ་ཐལ་བར་བརླག་པར་གྱུར་ཅིག །མེད་པར་གྱུར་ཅིག །དངོས་པོ་མེད་པར་གྱུར་ཅིག །ཡུལ་མཁར་མི་ནོར་ཕྱུགས་གསུམ་ཕུང་བརླག་གྱུར་ཅིག་མཱ་ར་ཡ་ཕཊ༔ འཁོར་ལོ་ཞལ་སྦྱར་བའི་ཡར་མར་གཉིས་ལ། ལྟེ་བར་ཆོས་འབྱུང་དང་། ཐ་མར་མུ་ཁྱུད་ཀྱིས་བསྐོར་བ། ཆོས་འབྱུང་གི་ལྟེ་བར་སྔགས་བཅུ་བཞི་པས་བསྐོར། མུ་ཁྱུད་ལ། དགྲ་བོ་གདུག་པ་ཅན་མིང་རུས་འདི་ཞེས་བྱ་བའི་མི་ནོར་རིགས་རྒྱུད་དང་བཅས་པ་སྐད་ཅིག་ཡུད་ཙམ་ལ་ཐལ་བའི་རྡུལ་ཕྲན་དུ་བརླག་པར་གྱུར་ཅིག །མེད་པར་གྱུར་ཅིག་པས་བསྟིམ། མེས་ཚིག །རླུང་གིས་གཡེངས། ཆུས་ཁྱེར། མེད་པར་གྱུར་ཅིག །ཆོས་འབྱུང་བར་དུ་ལིངྒ་སྐྱེ་མཆེད་དོད་པ་བྲིས་ལ། ལྟེ་བར་མིང་

[Full Size]

རུས། དབང་པོ་ལ། འོན། ལོང་། འགགས། ཞོ། སྙིང་གར་ནཾ། ཡན་ལག་བཞི། ཛཿཧཱུྃ་བཾ་ཧོ༔ ཆིངས། ཐ་མར་དགྲ་བོ་གདུག་པ་ཅན་ཞེས་པ་ནས། ནུས་པ་བརླག་པར་གྱུར་ཅིག །སྡོད་གནས་བརླག་པར་གྱུར་ཅིག །རང་གཤེད་རིང་ལ་ཕོབ་ཅིག །རང་ནུས་རང་ལ་ཟློག་ཅིག །རང་སྲོག་རང་གིས་ཆོད་ཅིག །སརྦ་པྲ་ཝེར་རཀཱ་མཱ་ར་ཡ་ཕཊ ཅེས་པའི་དམོད་ངན་དང་། འདིའི་རྫས་ལ་མི་གྲིས་བསད་ཀྱི་ཁྲག་རྣག་སྣག་ཚར་བསྲེས་ལ་འཁོར་ལོ་བྲིས། གླ་རྩི། མུ་ཟི་ནག་པོ། གུ་གུལ་ནག་པོ། ཤུ་དག་ནག་པོ། །སྤུ་ནག །བོང་ང་ནག་པོ། ཡུང་བ། ཐལ་ཆེན། རོ་སོལ། ཡུགས་སའི་སྐེ་རགས་བཅས་ལྷན་དུ་ཞིབ་པར་བཏགས་ལ་འཁོར་ལོར་ཁྱབ་པར་བྱུགས། སྲོག་ཤིང་གི་ཁོང་པར་བྱུགས་། ཕུང་ས་གསུམ་ལིང་ག་ལ་བྱུགས་སོ། །དགྲ་ཕོ་མོ་ནང་མི་བཟའ་ཚང་གང་ཡོད་རུང་ལིང་ག་སོ་སོར་བཀོད་ལ་གོང་ལྟར་བྱས་ལ་མིང་རུས་བཀོད། ལིང་ག་ཡུགས་སའི་སྐས་རྒྱ་གྲམ་དུ་བཅིངས་ལ་འཁོར་ལོའི་བར་དུ་སྟེམས། ཡིག་མགོ་ལྟ་ཕྱོགས་དང་སྟེང་འོག་རྣམས་འོག་འཁོར་ནི། ཟློག་འཁོར་བསད་འཁོར་གང་བྱེད་ཀྱང་། སྟེང་འཁོར་ལྟར་ཡིག་མགོ་ནང་

[Full Size]

བསྟན་དུ་བྲིས་པ་གང་མང་། ཡབ་ཀྱི་འཁོར་ལོ་དཔེ་ཆུང་ལྟར་བྲིས་པ་སྟེང་དང་། ཡུམ་གྱི་འཁོར་ལོ་དཔེ་ཆུང་བྲིས་པ་འོག་ཏུ་བཅུག །བསད་ཟློག་གཉིས་བོན་སྐོར་དུ་རླུང་ཁང་དུ་བསྐོར་བས། ཆད་འདྲེ་རྒོད་གཏོང་མཐུ་གཏད་ངན་སྔགས་མི་མཐུན་པའི་ཕྱོགས་ཐམས་ཅད་འཕྲལ་དུ་བཟློག །ནུས་པ་བསམ་མི་ཁྱབ། བསད་པ་ནི་དགྲ་གང་ཡིན་ཀྱང་འཕྲལ་དུ་རྟགས་དང་མཚན་མ་གྲུབ་པ་དང་། རིགས་རྒྱུད་གཏོང་། ཡུལ་ཞིང་ས་མཁར་ཕུང་བརླག་ཏུ་འགྲོ་བའི་མཐུ་ནུས་དང་ལྡན་པའོ། །སྲུང་འཁོར་ནི། ནད་གདོན་བར་ཆད་མི་མཐུན་ཕྱོགས་ཐམས་ཅད་བསྲུང་ཞིང་ཞི་བར་འགྱུར་རོ། །སྲུང་ཟློག་བསད་གསུམ་གྱི་རབ་གནས་ནི། རང་ཡེ་ཤེས་ཀྱི་མཁའ་འགྲོ་མར་བསྒོམ། མདུན་དུ་མཆོད་གཏོར་བཤམས་པ་ལ། མཆོད་གཏོར་ཕྲིན་ལས་བཟླས་པ་ཚོགས་བར་དང་འཁོར་ལོ་མཎྜལ་གྱི་སྟེང་དུ་བཞག །སྦྱར་སྤོས་དང་གུ་གུལ་གྱིས་བདུག །བགེགས་བསྐྲད་ལ་ཕཊ་ཀྱི་སྒྲ་ཡི་རིག་པ་ངར་དང་ལྡན་པས་བཟླས་པ་ལྔ་སྟོང་བྱ། རང་ལྷར་གསལ་བའི་ཐུགས་ཀའི་ས་བོན་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་རྣམས་ལ་ཕོག །ཐུགས་རྒྱུད་བསྐུལ་ཏེ་དེ་རྣམས་ཀྱི་འོད་

[Full Size]

ཟེར་དཀར་དམར་མཐིང་གསུམ་འཕྲོས། མདུན་གྱི་འཁོར་ལོ་ལ་ཐིམ་པས་ཡིག་འབྲུ་རྣམས་འོད་ཟེར་མེའི་ཚྭ་ཚྭ་འཕྲོ་བར་བསྐྱེད། རང་སྔགས་དང་རྟེན་འབྲེལ་སྙིང་པོས་རབ་གནས་བྱ། །སླར་ཡང་རང་ཉིད་ལྷར་གསལ་བའི་ཐུགས་ཀའི་ས་བོན་ལས་འོད་ཟེར་འཕྲོས་པས། འོག་མིན་ལ་སོགས་རང་བཞིན་གྱི་གནས་ནས་ཡེ་ཤེས་ཀྱི་མཁའ་འགྲོ་མ་སྤྱན་དྲངས། འཁོར་ལོའི་ཡིག་འབྲུ་རྣམས་ལ་བསྟིམ། ཡིག་འབྲུ་རྣམས་སེང་གདོང་མར་བསྐྱེད་ལ། ཡིག་འབྲུ་བཅུ་བཞིའི་བཟླས་པ་བརྒྱ་རྩ་སོགས་བྱེད། སེང་གདོང་མ་འོད་དུ་ཞུ་ནས་ཡིག་འབྲུའི་རྣམ་པར་བསམ་ལ་མཆོད་བསྟོད་དང་། ཡེ་དྷརྨཱ་དང་སུ་པྲ་ཏིཥྛའི་རབ་གནས་བཞུགས་གསོལ་བཀྲ་ཤིས་དང་བཅས་པའི་མཇུག་ཏུ། འདོད་དོན་གསོལ་བ་བཏབ་པ་ནི། སྲུང་ཟློག་གཉིས་ཀྱི་རབ་གནས་སོ། །བསད་པའི་རབ་གནས་ནི། འཁོར་ལོ་རེ་བ་ནག་པོས་བཏུམ། གུ་གུལ། ཤ་ཆེན། ར་ནག་གི་ཤ །ཤུ་དག །ཤིང་ཀུན་གྱིས་བདུག །བདེན་བདར་གྱིས་དགྲ་བོ་གང་ཡིན་མིང་ནས་སྨོས་ལ་ལན་དགུ་འགུགས་གཞུག་བྱེད། འཁོར་ལོའི་བར་གྱི་ལིངྒ་གཉིས་མེད་དུ་བསྟིམ། བཟླས་ལ། ཨ༔ཀ༔ས༔མ༔ར༔ཙ༔ཤ༔ད༔ར༔ས༔ མི་འདི་ཞེས་བྱ་བའི་

[Full Size]

ལུས་ངག་ཡིད་གསུམ་མཱ༔ར༔ཡ༔ཕཊ༔ ཡང་མི་ནོར་རིགས་རྒྱུད་དང་བསོད་ནམས། ཨ༔ཀ༔ས༔མ༔ར༔ཙ༔ཤ༔ད༔ར༔ས༔ མི་འདི་ཞེས་བྱ་བའི་མི་ནོར་རིགས་རྒྱུད་དང་བཅས་པ་ཐམས་ཅད་མཱར༔ཡ༔ཕཊ དེ་བཞིན་དུ་བཟའ་ཚང་སྤུན་ཟླ་ཡུལ་མཁར་ཞིང་གསུམ། མི་ནོར་རྫས་གསུམ་སོགས་གང་ལ་གང་དགོས་བསྒྱུར་ཤེས་པར་བྱའོ། །བསྐྱེད་རིམ་གསལ། བཟླས་པ་ལྔ་སྟོང་ལྔ་བརྒྱའི་བར་སྒྲུབ། འདོད་གསོལ་ཁ་བསྒྱུར་སོགས་གང་དགོས་རིགས་པས་དཔྱད། དགྲ་བོ་མི་ནོར་འཁོར་བཅས་རྗེས་ཤུལ་ཙམ་ཡང་མེད་པར་བསམ་ལ། རབ་གནས་ཟློག་འཁོར་དང་མཚུངས། བསད་ཟློག་གཉིས་ཀྱི་དམོད་མོ་ནི། ཕོ་མོ་དགྲ་བགེགས་འདི་ཞེས་བྱ་བའི་མི་ནོར་འཁོར་དང་བཅས་པ་སྐད་ཅིག་གིས་ཐལ་བའི་རྡུལ་ཕྲན་བཞིན་དུ་བརླག་པར་གྱུར་ཅིག །མེད་པར་གྱུར་ཅིག །སས་རྟིབས། མེས་ཚིག །རླུང་གིས་གཡེངས། ཆུས་ཁྱེར། ནུས་པ་ཐམས་ཅད་བརླག་པར་གྱུར་ཅིག །སྡོད་གནས་ཤོ་བརླག་པར་གྱུར་ཅིག །བྱེད་དང་རིག་སྔགས་ཀྱི་སྦྱོར་བ་དང་། རྫས་སྔགས་ཀྱི་ནུས་པ་ཐམས་ཅད་དང་། འཇིག་རྟེན་གྱི་མཐུ་དང་ནུས་པ། སྡེ་བརྒྱད་བསྐུལ་བའི་ནུས་པ། བྱད་

[Full Size]

སྟེམས་མཐུ་གཏད་མདོ་སྒྲུབ་ལ་སོགས་པ་ཐམས་ཅད། བྱེད་མ་ལྷ་སྲུང་དང་བཅས་པ་ཁོ་རང་གི་གཤེད་དུ་ཕོབ་ཅིག །བདུད་དུ་ཕོབ་ཅིག་།རང་སྲོག་རང་གིས་ཆོད་ཅིག །དགྲ་བོ་ཁོ་རང་གི་ལུས་ངག་ཡིད་གསུམ་ཁོ་རང་གིས་བརླག་པར་གྱུར་ཅིག །ཅེས་ཟློག་པ་དགུ་རྒྱབ། དམིགས་པ་གསལ། སྲུང་ཟློག་གཉིས་ཀྱི་དམིགས་པ་ནི། རང་གི་ཆོས་སྐྱོང་ལྷ་ལ་བཤོས་བུ་གསེར་སྐྱེམས་ཕུལ། ཕྲིན་ལས་བཅོལ། ཡུལ་བདག་ལ་བཤོས་གཙང་གསེར་སྐྱེམས་ཕུལ། རབ་གནས་རང་སྔགས་བརྒྱ་རྩ་དང་། རྟེན་འབྲེལ་སྙིང་པོ་ཉེར་གཅིག་ཙམ་དང་བཞུགས་གསོལ་བཀྲ་ཤིས་སྨོན་ལམ་བརྗོད་ལ་རང་གི་ཁང་ཐོག་ཏུ་བཞུགས། ཡང་ན་ཆུ་མིག་ཏུ་གོང་ལྟར་བྱས་ཏེ། ཀླུ་ལ་ཀླུ་གཏོར་དང་ཀླུ་སྨན་དཀར་གསུམ་མངར་གསུམ་གྱི་གཏོར་མ་ཕུལ། ཕྲིན་ལས་བཅོལ། ཡང་ན་རི་ཆེན་པོའི་རྩེ་རུ་བསྐོར་ཏེ། ཡུལ་ལྷ་ལ་གསེར་སྐྱེམས་ཕུལ། ཕྲིན་ལས་བཅོལ་ཡང་བསད་འཁོར་ནི། བྲག་རི་ནག་པོ་བྱང་དུ་བལྟ་བའི་རླུང་ལམ་ཡོད་པའི་བར། རབས་ཆད་ཁྲུ་བར་རླུང་ཁང་བཅོལ་ཏེ་ནང་དུ་བསྐོར། བདུད་བཙན་ལ་རི་ནག་ཤ་དང་གསེར་སྐྱེམས་སམ་གཏོར་མ་བཤོས་བུས་མཆོད་ལ་ཕྲིན་ལས་བཅོལ།

[Full Size]

ཡུལ་ཆུ་མིག་གདོལ་པ་གནས་སར་ཀླུ་བཤོས་འབྲུ་སྣ་དཀཾར་གསུམ་མངར་གསུམ་རིན་ཆེན་ཕུལ་ལ་ཕྲིན་ལས་བཅོལ། ཡང་གནམ་ས་གྲུ་གསུམ་དུ་གཟའ་བདུད་རཱ་ཧུ་ལ་ལ་ར་ཤ་ར་ཁྲག་ཉ་ཤ་བཤོས་བུ་གསེར་སྐྱེམས་ཕུལ་ལ་ཕྲིན་ལས་བཅོལ། དེ་ལྟར་ལྷ་འདྲེ་མི་གསུམ་སུས་ཀྱང་མ་རིག་པ་དང་། རླུང་ལམ་འཕོག་ཅིང་གསང་རྒྱ་ཤིན་ཏུ་དམ་པ་གཅེས་སོ། །འདིར་ནི་བླ་མ་རྡོ་རྗེ་གདན་པ་ནས་བརྒྱུད། བ་རི་ལོ་ཙཱ་བའི་སྲུང་ཟློག་བསད་པ་ཁུངས་མར་གྲགས་པ་ཡིན་པས་གཅེས་སྤྲས་ཆེན་པོ་མཛོད། སྲུང་ཟློག་བསད་པའི་ནུས་པ་དང་རྟགས་ཐོན་པ་མང་པོ་བྱུང་བ་ཡིན་པས་ལོ་རྒྱུས་གཞན་དུ་གསལ། སྐལ་མེད་གནོད་བྱེད་སྡིག་ཅན་གྱི་ལག་ཏུ་མ་ཤོར་དམ་པར་མཛོད། སྐལ་ལྡན་ལས་ཅན་སྣོད་ལྡན་གྱིས་སངས་རྒྱས་བསྟན་པ་སྲུང་སྤྱོད་ཡུལ་དུ་བསྟན་པའོ། །འདི་ནི་རླུང་ལས་ཞུ་དྲགས་པ་དང་། ཆུ་ལས་རྦ་དྲགས་པའི་ལས། མེ་ལས་དབལ་ཚ་བའི་གདམས་པ། སྡང་དགྲ་གནོད་བྱེད་རྡུལ་དུ་བརླག་པ་དང་ཁ་ཕུང་དུ་འགྲོ་བའི་ལག་ལེན་མ། ཨྠྀི་།ཤུ་བྷཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

སེང་གདོང་མའི་རླུང་བསྐོར་རྦོད་གཏོང་ཚར་གཅོད།

[Full Size]

སེང་གདོང་མའི་རླུང་བསྐོར་རྦོད་གཏོང་ཚར་གཅོད་ཡོད། །

[Full Size]

ཡེ་ཤེས་མཁའ་འགྲོའི་ཚོགས་ལ་ཕྱག་འཚལ་ལོ། །སེང་གདོང་མའི་བཟློག་འཁོར་འདི་ལ། སྟེང་འོག་གི་འཁོར་ལོ་གཉིས། བར་དུ་དམོད་མོ་གཉིས་བྱ། སྟེང་གི་འཁོར་ལོ་ལ་མུ་ཁྱུད་རིམ་པ་ལྔ། མུ་ཁྱུད་དང་པོ་ལ། ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ གཉིས་པ་ལ། ཨ༔ཀ༔ར༔ཙཤདརས༔ བདག་ལ་ཕ་རོལ་པོའི་བྱད་ཁ་བྱེད་པ་མར༔ཡ༔ཕཊ༔ ཅེས་བྲི། གསུམ་པ་ལ་སྔགས་ཚར་གཉིས་བྲིས་། མུ་ཁྱུད་བཞི་པ་ལ་སྔགས་ཚར་གསུམ་བྲིས། མུ་ཁྱུད་ལྔ་པ་ལ། བདག་ཁང་ཁྱིམ་འདི་ཡི་མི་ནོར་རྫས་གསུམ་བཏབ་པའི་ལོ་ཏོག་དང་བཅས་

[Full Size]

པ་ལ་ཕ་རོལ་བྱད་མ་མཁན་རྣམས་ཀྱིས་རིག་སྔགས་དྲག་པོ་དང་རྫས་སྦྱོར་ངན་པ་གང་བྱེད་པ་ཐམས་ཅད་དགྲ་བོ་བྱད་མ་ཁོ་རང་གི་སྟེང་དུ་ཟློག་ཅིག ཅེས་བྲིས། བསད་པར་འདོད་ན། མུ་ཁྱུད་རིམ་པ་ལ། ཨ༔ཀ༔ས༔མ༔ར༔མ༔ཤ༔ད༔ར༔ས༔ རྗེ་མ༔ར༔ཡ༔ཕཊ༔ བྱ་བ་བྲིས། མུ་ཁྱུད་ལྔ་པ་ལ། རྨི་མོ་མི་ནོར་འཁོར་དང་བཅས་པ་སྐད་ཅིག་ཉིད་ལ་བརླག་པར་གྱུར་ཅིག་མེད་པར་གྱུར་ཅིག །ཅེས་དམོད་མོ་གང་ཤེས་བྲིས། དེ་རྣམས་ཡིག་མགོ་ཕྱི་ལ་བསྟན། ༈ འོག་འཁོར་ནི། བཟློག་བསད་འཁོར་ལོ་གང་བྱེད་ཀྱང་། སྟེང་འཁོར་ལུགས་བཞིན་ལ། ཡིག་མགོ་ནང་དུ་

[Full Size]

བསྟན་པ་གང་མང་བྲིས། ཡབ་ཀྱི་འཁོར་ལོ་དཔེའུ་ཆུང་ལྟར་བྲིས་པའི་སྟེང་དང་། ཡུམ་གྱི་འཁོར་ལོ་དཔེའུ་ཆུང་ལྟར་བྲིས་པའི་སྟེང་འོག་གི་བར་དུ་སེང་གདོང་མའི་འཁོར་ལོ་འཇུག་པ་གལ་ཆེའོ། །སེང་གདོང་མའི་འཁོར་ལོ་ལ་མུ་ཁྱུད་རིམ་པ་ལྔ་བསྐོར་ལ་སྟེང་འཁོར་གནམ་ལྟ་ཡིག་མགོ་ནང་དང་། འོག་འཁོར་ས་ལྟ་ཡིག་མགོ་ཕྱིར་བསྟན་དེ་གཉིས་ཀྱི་ལྟོ་བ་ལ། །ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ ཅེས་བྲིས། དེའི་ཕྱི་མ་ལ། ཨ༔ཀ༔ས༔མ༔ར༔ཙ༔ཤ༔ད༔ར༔ས༔ བདག་ལ་ཕ་རོལ་གྱིས་བྱད་ཁ་ཕུར་ཁ་མཐུ་གཏད་ཆོད་གཏོང་རིག་སྔགས་ཐམས་ཅད་མ༔ར༔ཡ༔ཕཊ༔ ཅེས་བྲི། དེའི་ཕྱིའི་མུ་ཁྱུད་ལ། བདག་ལ་ཕ་རོལ་གྱིས་བསམ་སྦྱོར་ངན་པས་ལུས་བཅིངས་པ་ངག་མནན་པ་ཡིད་བཅིངས་པ་ཐམས་ཅད་ཁྲོལ། །རིག་སྔགས་ཀྱིས་བསམ་སྦྱོར་ངན་པ་སྒྲ་མོ་མ༔ར༔ཡ༔ཕཊ༔ ཅེས་པ་རྣམས་གཉིས་ཀ་ལ་བྲིས་ལ་ཡབ་ཡུམ་སོ་སོར་སྒྲིགས་སོ། །བོན་སྐོར་བྱེད་ན་ཡབ་ཀྱི་ཡིག་མགོ་ནང་། ཡུམ་གྱི་ཡིག་མགོ་ཕྱིར་བསྟན་ནོ། །དེ་བཞིན་བྱས་པས་དྲོད་གཏོང་སོགས་བཟློག་བསད་གང་བྱེད་ཀྱང་ནུས་པ་བསམ་གྱིས་མི་ཁྱབ་བོ། ༈ །འཁོར་ལོ་ལ་རབ་གནས་བྱ་བ་ནི། རང་ཉིད་ཡི་དམ་

[Full Size]

གང་བྱེད་དུ་བསྒོམ། འཁོར་ལོ་རྣམས་ཀྱི་མདུན་དུ་མཆོད་པ་རྣམས་བཤམས་ལ། བསམ་བྱ་ནི། རང་ཡི་དམ་ལྷའི་ཐུགས་ཀའི་ས་བོན་ལས་འོད་ཟེར་འཕྲོས་ཡེ་ཤེས་པ་སྤྱན་དྲངས། འཁོར་ལོའི་ཡིག་འབྲུ་རྣམས་མཁའ་འགྲོ་མ་སེང་གེའི་གདོང་ཅན་དུ་བསྐྱེད་ལ་བསྟིམ། སྐུ་མདོག་མཐིང་ནག་ཞལ་གཅིག་ཕྱག་གཉིས་མ། །གྲི་ཐོད་ཁ་ཊཾ་རུས་པའི་རྒྱན་གྱིས་བརྒྱན། །གཡས་བརྐྱང་གཡོན་བསྐུམ་མེ་དཔུང་དབུས་ན་བཞུགས། །སེང་གདོང་མཁའ་འགྲོའི་སོགས་ལ་ཕྱག་འཚལ་ལོ། །ཨ་ཀ་ས་མ་ར་ཙ་ཤ་ད་ར་ས་མ་ར་ཡ་ཕཊ༔ ཅེས་བཟླས་མཆོད་བསྟོད་བྱ། སེང་གདོང་འོད་དུ་ཞུ། ཡིག་འབྲུའི་རྣམས་པར་ཐིམ། སླར་ཡང་ཐུགས་ཀའི་ས་བོན་ལས་འོད་ཟེར་འཕྲོས། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་པ་འཁོར་དང་བཅས་པ་མདུན་གྱི་འཁོར་ལོ་ལ་བསྟིམ། ཡེ་དྷམ་བཟླས་ལ་རབ་གནས་བྱའོ། །བསད་པའི་འཁོར་ལོ་ཞལ་ལས་ཤེས། འདི་བ་རི་ལོ་ཙཱ་བས་ཕྱིར་བཟློག་གོང་ཁུག་མ་རུ་གྲགས་སོ། །འདིའི་སྲུང་ཟློག་གཉིས་ཀྱི་རྟགས་ཐོན་པ་མང་དུ་ཡོད། བསད་པའི་འཁོར་ལོའི་གནད། བར་དུ་ཟག་རྫས་དྲི་མ་གང་རྙེད་བྱུགས་པ་སོགས་

[Full Size]

ཞལ་ལས་ཤེས་སོ། །འདིའི་དམོད་མོ་ནི། ཁོ་བོ་མིང་འདི་ཞེས་བྱ་བའི་མི་ནོར་འཁོར་དང་བཅས་པ་སྐད་ཅིག་ཉིད་ལ་ཐལ་བ་རྡུལ་ཕྲན་བཞིན་དུ་བརླག་པར་གྱུར་ཅིག །བྱེད་དང་རིག་སྔགས་ཀྱི་སྦྱོར་བ་རྫས་ཀྱི་ནུས་པ་དང་། ཏིང་ངེ་འཛིན་གྱི་ནུས་མཐུ་དང་། སྡེ་བརྒྱད་བསྐུལ་བའི་ནུས་པ་དང་། བྱད་སྟེམས་ངན་པ་ཐམས་ཅད་བྱེད་མ་མཁན་ཁོ་རང་གི་སྟེང་དུ་སརྦ་སྟེམ་གྱི་ར་ར། ཞེས་པ་འདི་བསད་བཟློག་གཉིས་ཀ་ལ་བྱའོ།། ༈ སེང་གདོང་འཁོར་ལོའི་དགྲ་སྡབ་ལས། སྟེང་འཁོར་ཡབ། འོག་འཁོར་ཡུམ། དེ་གཉིས་རྒྱབ་ལ། སྟེང་ཚེའཁོར་རྒྱབ་ལ་རྡོ་རྗེ་རྒྱ་གྲམ་བྲི། འོག་འཁོར་རྒྱབ་ཏུ་པདྨ་འདབ་བརྒྱད་བྲི། གཞན་ལ་ཤོག་རིལ་དཔེ་ཆུང་ལྟར་དུ་བྲིས། ཡང་འཁོར་ལོ་མུ་ཁྱུད་བཞི་རུ་བསྐོར། འཁོར་ལོ་འདི་ཡིག་མགོ་ནང་དུ་བསྟན། དབུས་ཀྱི་ལྟེ་བ་ལ། ཨོཾ་བཛྲ་ས་ཏྭ་སྭཱ་ཧཱ། ཞེས་པ་བཞི་བྲིས། དེའི་ཕྱི་ཡི་རྩིབས་བཞི་ལ། ཨོཾ་ཨ་མོ་གྷ་སིདྡྷི་སྭཱ་ཧཱ། ཨོཾ་རཏྣ་སགྷཾ་ཝ་སྭཱ་ཧཱ། ཨོཾ་བེ་རོ་ཙཱ་ན་སྭ་ཧཱ། ཨོཾ་ཨ་མི་ཏ་སྭཱ་ཧཱ། རྩིབས་མཆན་ལ། བིཞིཐརྦད། ཅེས་པ་རེ་རེ་བྲི། དེའི་ཕྱི་མུ་ཁྱུད་ལ་ཨཱ་ལི་ཀཱ་ལི་བྲིས། དེའི་ཕྱིར་ཡེ་དྷརྨ་ཚར་གཉིས་བྲིའོ། ༈ །ཡང་འཁོར་ལོ་མུ་ཁྱུད་

[Full Size]

བཞི་པ་ཡིག་མགོ་ཕྱིར་བསྟན་ལ། དབུས་ཀྱི་ལྟེ་བ་ལ། ཨོཾ་བཛྲ་དྷ་རི་ཏྲི་ཤྭ་རི་མུ་ཞེས་པ་བཞི་བྲིས། དེའི་ཕྱི་རིམ་པདྨ་འདབ་མ་བཞི་ལ། ཨོཾ་མ་མ་ཀི་རི་ཀི་རི་སྭཱ་ཧཱ། ཨོཾ་ཏ་རེ་ཏ་རེ་སྭཱ་ཧཱ། ཨོཾ་པཎཱ་རེ་ཝ་མི་ཝར་ཏེ་སྭཱ་ཧཱ། ཨོཾ་ལོ་རྩ་ནི་བ་སུ་ཏུ་སྭཱ་ཧཱ། ཞེས་བྲིས། དེའི་ཕྱི་མ་ལ་ཨཱ་ལི་ཀཱ་ལི་བྲིས། དེའི་ཕྱི་མ་ལ་ཡེ་དྷརྨ་ཚར་གཉིས་བྲིས། གཙོ་བོ་རྣམས་ཡི་གེ་དབུ་ཅན་གཟབ་པར་བྲིས། ལྷག་ཆད་མེད་པར་བྲིས་གསུབ་མེད་པར་གཅེས། པདྨའི་འཁོར་ལོ་ཡུམ་དང་ཁ་སྦྱོར། རྩིབས་ཀྱི་འཁོར་ལོ་ཡབ་དང་ཁ་སྦྱོར། དེའི་བར་དུ་སེང་གདོང་མའི་འཁོར་ལོ་བཅུག་ལ་ཆོས་སྐོར་དུ་བསྐོར་བས། རྩོད་གཏོང་བྱད་མ་མཁན་ཐམས་ཅད་ཀྱི་བསམ་སྦྱོར་ངན་པ་ཁོ་རང་ལ་བཟློག །འདབ་ཤོག་གཅིག་ལ། མཾ་མཾ་མ་ཏྲི་ཛ་འབྱུང་བ་རླུང་གི་ལས་འདི་འགྲུབ་པར་གྱུར་ཅིག །དེ་བཞིན་དུ་དེའི་རྒྱབ་ལ། ཡཾ་ཡཾ་ཡ་ཏྲི་ཛ་འབྱུང་བ་རླུང་ཀུན་འདྲེ། ཡང་དེའི་རྒྱབ་ལ། རཱ་ཛ་པུ་རུ་ཛ་འབྱུང་། ཡང་དེའི་རྒྱབ་ལ། བུ་བུ་བུ་ཏྲི་ཛ་འབྱུང་། ཞེས་བྲིས་སོ། །སེར་བ་སྲུང་ན་གཞན་གྱིས་སེར་གཏའ་བཅུག་པ་མཐོ་གནོན་གསུང་གསུང་པའི་ཟབ། ཨྠྀི། སེང་གདོང་མའི་རླུང་བསྐོར་བསྐོར་ཐབས་ཟབ་མོ་རྫོགས་

[Full Size]

སོ། །ས་མ་ཡ། རྒྱ་རྒྱ་རྒྱ། བཀྲ་ཤིས། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཁའ་འགྲོ་སེང་གདོང་མའི་བསྙེན་ཐབས་ཀྱི་དམིགས་རིམ།

[Full Size]

མཁའ་འགྲོ་སེང་གདོང་མའི་བསྙེན་ཐབས་ཀྱི་དམིགས་རིམ་ཅུང་ཟད། འདི་དབང་ལུང་མ་ཐོབ་པར་བལྟས་ན་མྱུར་དུ་སྲོག་ལ་རྒོལ་བས་སུ་ཐོད་ཐོད་ཀྱིས་ལྟ་བར་མི་བྱའོ། ས་མ་ཡ༔ རྒྱ་རྒྱ་རྒྱ༔

[Full Size]

ན་མོ་ཌཱཀི་ནཱི་སེང་ཧ་མུ་ཁ་ཡེ། རྡོ་རྗེ་གོ་མཚོན་ཞལ་ཤེས་ཅུང་ཟད་བྲི། ཐུགས་ཀར་པད་མ་དམར་པོ་འདབ་མ་ནི། །བཅུ་བཞི་ཟེའུ་འབྲུ་ཉི་སྟེང་ཧཱུཾ་མཐིང་ནག །འདབ་མ་རེ་རེའི་སྟེང་དུ་ཡི་གེ་རེ། །ཡིག་ངོ་ནང་བསྟན་གཡས་སུ་འཁོར་བ་ལས། །དེ་ཉིད་ཀློག་པའི་ཚུལ་དུ་ཅུང་ཞིག་བཟླ་།ཡིག་འབྲུ་རྣམས་ལས་འོད་ཟེར་ཁ་དོག་ལྔ། །སྟོང་སྐུད་འདྲ་བ་འོད་ཟེར་གཡོན་དུ་འཁོར། །དེ་ནས་ཡིག་འབྲུ་དལ་བུས་གཡོན་དུ་འཁོར། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །དེ་ལྟར་འཁོར་བཞིན་པ་ལས་འོད་ཟེར་ནི། །དཀར་པོ་ཟླ་ཤར་འདྲ་བ་ཕྱོགས་

[Full Size]

བཅུར་འཕྲོས། །བདག་དང་བསྲུང་བྱ་ཀུན་གྱི་ནད་དང་གདོན། །སེམས་ཅན་ཀུན་གྱི་སྡིག་སྒྲིབ་སྡུག་བསྔལ་ཀུན། །མུན་པར་ཟླ་བ་ཤར་ལྟར་ཞི་བར་གྱུར། །དེ་རྗེས་འོད་ཟེར་གསེར་མདོག་ཕྱོགས་བཅུར་འཕྲོས། །བདག་དང་བསྲུང་བྱའི་ཚེ་བསོད་དབང་ཐང་དང་། །འགྲོ་བ་ཀུན་ཀྱི་ཡེ་ཤེས་རྒྱས་པར་བྱས། །དེ་རྗེས་འོད་ཟེར་དམར་པོ་གློག་ཞགས་ལྟར། །འཕྲོས་པས་རྒྱལ་བློན་ཡུལ་འཁོར་རྒྱལ་ཁམས་ཀུན། །རང་དབང་མེད་པར་བདག་གི་དབང་དུ་བསྡུས། །དེ་རྗེས་འོད་ཟེར་དམར་ནག་ཚ་ངར་ཅན། །འཕྲོས་པས་བདུད་བཞི་ལོག་འདྲེན་གཞོབ་ཏུ་

[Full Size]

སྲེག །ཐམས་ཅད་ཟིལ་གནོན་དམ་ལ་ཐོགས་པར་གྱུར། །དེ་རྗེས་འོད་ཟེར་སྣ་ཚོགས་འཕྲོས་པ་ནི། །ལྗང་གུ་འཕྲོས་པས་སྣ་ཚོགས་ལས་གྲུབ་ཅིང་། །ནག་པོ་འཕྲོས་པས་༣ གནོད་བྱེད་དགྲ་བགེགས་བཀུག །དབང་པོ་ནག་ཐིབས་དྲན་མེད་རྨོངས་པ་དང་། །རྐང་ལག་འོད་ཟེར་གྱིས་བཅིངས་ཤིང་ལྟར་ཧྲེངས།། །།ཕྱི་ནང་རླུང་གི་རྒྱུ་བ་བཅད་དེ་བསད། །འོད་ཟེར་དུད་ཁ་རླུང་འཚུབ་ལྟ་བུ་ཡིས། །བལ་འདབ་རླུང་གིས་ཁྱེར་ལྟར་རིངས་པར་བསྐྲད། །དེ་ནི་བསྙེན་སྒྲུབ་དུས་ཀྱི་དམིགས་པ་སྟེ། །འདི་ཡི་ལུགས་ཀྱི་སྲུང་ཟློག་དམིགས་པ་ནི། །བསྲུང་བྱ་ཐམས་ཅད་ཆོས་འབྱུང་ནང་དུ་ཚུད། །ཆོས་འབྱུང་གནམ་ལྕགས་མཁར་འདྲ་འཇིགས་པ་བྲལ། །གནོད་བྱེད་བྱད་མ་འོད་ཟེར་ནག་པོས་བསྡུས། །འོག་གཞི་ཆོས་འབྱུང་ཕུར་པའི་ཙཀྲས་གཟིར། །ཆོས་འབྱུང་ཕྱི་ནས་མེ་ལྕེས་གཞོབ་ཏུ་བསྲེག །ཐལ་བ་བསྐལ་པའི་རླུང་བྱུང་རྗེས་མེད་གཏོར། ༈ །དེ་ནི་སྲུང་ཟློག་དམིགས་རིམ་བསྡུས་པ་ལ། །དེ་ལ་ཡི་གེ་བཅུ་བཞིའི་བཟླས་ཆོག་གི །གོ་ལྡོག་ནང་འགྲས་མིན་པ་མི་དགོས་སོ། །དགོང་མོ་ནུབ་ཏུ་ཁ་བལྟས་ཕྲེང་བ་ནི། །ཕྱིར་ལ་བཅད་ཅིང་དམིགས་པ་བྱ་ཚུལ་ནི། །ཕྲེང་བ་དགྲ་བོ་དངོས་སུ་དམིགས་བྱས་ལ། །མཐེ་བོང་

[Full Size]

ཟངས་ཀྱི་སྤུ་གྲི་རྣོ་ངར་ཅན། །གུང་མཛུབ་གསེར་གྱི་ཙག་གདན་ཡིན་པའི་བར། །དགྲ་མགོ་ཧྲུག་ཧྲུག་བཅད་ནས་འཕང་བ་དེ། །མདུན་དུ་ས་དོང་གྲུ་གསུམ་རྒྱ་ཆེ་བ་། །དེ་ནང་ལས་ཀྱི་གཤིན་རྗེ་ཁ་གདངས་པའི། །ནང་དུ་དགྲ་མགོ་ཧྲུག་ཧྲུག་སོང་བར་བསམ། །དེ་ནི་རྒྱུན་གྱི་ཟློག་པ་ཡིན་མོད་ཀྱི། ན་མོ་བླ་མ་སངས་རྒྱས་ཆོས་སོགས་བདེན་བདར་རྗེས། སྤྲོ་ན། བྱད་ཁ་དྲག་པོ་ཡོད་པ་ལྟ་བུ་ལ། །ཉེར་དགུ་ལ་སོགས་ཐེབ་ནི་དྲག་པོའི་དུས། །སྐུ་གསུང་ཐུགས་རྟེན་ཀ་བའི་ལོགས་ལ་བཅིངས། །དེ་ནས་བསྐོར་བ་གཡོན་དུ་བྱ་བཞིན་དུ། །གོས་ཀྱང་མགོ་མཇུག་ལྡོག་ནས་གྱོན་བྱ་ཞིང་། །ཕྲེང་བ་ཕྱིར་བཅད་དམིགས་པ་དེ་བསྒོམ་ཞིང་། །ཡི་གེ་བཅུ་བཞི་པ་ཡི་སྔགས་ཤམ་དུ། ཧྲཱིཿཧཱུྃ་བྷྱོ༔བཟློག་ཕཊ༔ཡ༔ར༔མ༔ས༔ར༔ད༔ཙ༔ར༔མ༔ས༔ཀ༔ཨ༔ དེ་ནས་བདེན་བདར་རྒྱས་བསྡུས་གང་རུང་མཇུག །ཕྱག་གཡས་གནམ་ལྕགས་འཁོར་ལོ་རྩིབས་སྟོང་པ། །ལྟེ་བར་ཉི་མས་མཚན་ཞིང་མེ་དཔུང་འབར། །གཡོན་པའང་རྩིབས་སྟོང་མཐིལ་དུ་ཟླ་བོས་མཚན། །དེ་ལས་བསྐལ་པའི་ཆུ་བོ་རྦ་རླབས་འཁྲུགས། །རང་གི་ཤངས་ནས་རླུང་ནག་འཚུབ་མ་འཕྲོས། །གནོད་བྱེད་ཀུན་བཀུག་ལག་མཐིལ་གཡོན་དུ་བཞག །ཉི་ཟླ་བརྡབས་པས་ཤ་སྐྱོ་ཁྲག་སྐྱོར་གྱུར། །བསྐལ་པའི་

[Full Size]

མེས་བསྲེགས་ཆུས་བཀྲུས་ཐལ་འཛིམས་དེ། །མདུན་དུ་དོང་ནང་གཤིན་རྗེའི་ཁར་སོང་དམིགས། །འདི་ནི་གཉན་པས་མང་དུ་མི་རུང་གསུངས། །དེ་ནི་ཟློག་པའི་དམིགས་རིམ་མདོར་བསྡུས་ཏེ། །དགྲ་བོ་བསད་དང་བརླགས་དང་རྣམ་པ་གཉིས། །མདུན་དུ་ཤི་ང་རྡུལ་ནང་དུ་ཤིང་བུ་ཡི། ཧཱིཧཾ་བྷྱོ་བཟློག་ཚར་གསུམ་བྲིས་ནས་ཀྱང་། །དེ་ཉིད་དགྲ་བོ་མི་ནོར་འཁོར་བཅས་དམིགས། །ཡི་གེ་བཅུ་བཞི་པ་ཡི་མཇུག་ཉིད་དུ། །ཧཱུྃཧཱུྃ་བྷྱོབཟློག་སྦྱར་བ་ཚར་བརྒྱ་བཟླས། །ཕུ་བྱས་ཡི་གེ་དེ་ཉིད་བསྣོག་པའི་ཚེ། །དགྲ་བོ་མི་ནོར་འཁོར་དང་བཅས་པ་རྣམས། །ཐལ་བ་རླུང་གིས་གཏོར་ལྟར་རྗེས་མེད་བསམ། །དེ་ནི་དགྲ་བོ་རྗེས་མེད་བརླག་ཐབས་སོ། །རང་ཉིད་ཌཱཀིར་གསལ་བའི་འོག་ཕྱོགས་སུ། །གནམ་ལྕགས་ཧོམ་ཁུང་གྲུ་གསུམ་མེ་འབར་ནང་། །སྤྲུལ་པའི་མཁའ་འགྲོ་མང་པོས་དགྲ་བོ་བཀུག །མཚོན་ཆའི་ཆར་ཕབ་ལུས་ནི་དུམ་བུར་གཏུབ། །སྲོག་དང་རྣམ་ཤེས་མར་མེ་བསད་པ་ལྟར། །ནག་དང་སྐེམ་ལ་མེད་སོང་ཡང་ཡང་དམིགས། །ཡི་གེ་བཅུ་བཞི་པ་ཡི་སྔགས་ཤམ་དུ། ཡམར༔ཏྲ༔ཤདརསམར༔ ཡཕཊ༔ སོད་སོད། ཅེས་བཟླས་སྔགས་དམིགས་ཁོ་ནས་ཆོག་པ་སྟེ། །འདི་ཡི་ལུགས་ཀྱི་བསད་ལས་གཙོ་བོ་ཡིན། །སྨྱོན་པ་ལ་སོགས་གདོན་ཆེན་འདུལ་འདོད་ན། །ཕཊ༔ཅེས་བརྗོད་པས་སྐད་ཅིག་དྲན་

[Full Size]

རྫོགས་སུ། །ངོ་བོ་སེང་གདོང་ལྷ་མོ་ཡིན་པ་ལ། །རང་ཉིད་གནམ་ལྕགས་སྡིག་པ་མགོ་དགུ་པ། །རྭ་ནི་བཅོ་བརྒྱད་ལུས་པོ་གཉེར་མས་གང་། །གཉེར་མའི་གསེབ་ནས་ཁ་གདངས་མཆེ་བ་གཙིགས། །མགོ་བོ་རེ་ལ་སྤྱན་གསུམ་སྡང་མིག་བགྲད། །བ་སྤུ་ཐམས་ཅད་དུག་གི་ཚེར་མ་ཅན། །དྲི་མ་མི་ཞིམ་དཔག་ཚད་རྒྱང་གྲགས་ཁྱབ། །ལུས་ཀྱང་ཆེ་བ་རི་རབ་ཙམ་དུ་བསམ། །དེ་ལས་སྡིག་པ་ཆུང་ངུ་གྲངས་མེད་འཕྲོས། །གནོད་བྱེད་གདོན་དེ་བཀུག་ཅིང་གཏུབ་ནས་ཀྱང་། །ཤིན་ཏུ་ཐུལ་དཀའ་སྨྱོ་རྒོད་ལ་སོགས་པ། །སྡིག་པ་འོག་སྒོར་ཞུགས་ནས་ཁོག་པ་བརྐྱང་། །རྭ་གཉིས་ཕྲག་པ་གཡས་གཡོན་གཉིས་ནས་ཕུད། །མགོ་དེས་སྙིང་ནས་འདྲད་ཅིང་ཟ་བར་བསྒོམ། །དམིགས་པ་འདི་ཉིད་དྲག་ཏུ་བསྒོམས་པ་ཡིས། །ཞག་གསུམ་ནང་ནས་ཐུལ་རྟགས་ལག་བླངས་ཡིན། །བསྙེན་པའི་སྔགས་ནི་ཡི་གེ་བཅུ་བཞི་པ། །གནོད་བྱེད་མཱ་ར་ཡ་ཕཊབཏགས་ལ་བཟླས། །རྡོ་རྗེ་གོ་མཚོན་ཟབ་གནད་ཞལ་ཤེས་འདི། །དཔལ་ལྡན་བླ་མ་དྲུང་པ་ཚེར་ལུང་པ། །ཀརྨ་སྒྲུབ་བརྒྱུད་བསྟན་པ་རྣམ་རྒྱལ་གྱི། །གསུང་གིས་བསྐུལ་ཕྱིར་རཱ་ག་ཨ་སྱས་བྲིས།།

[Full Size]

ཤོག་སྟོང་།

སྔགས་ཤམ་གྱི་མན་ངག་ལས་ཀྱི་སྤུ་གྲི།

[Full Size]

སྔགས་ཤམ་གྱི་མན་ངག་ལས་ཀྱི་སྤུ་གྲི་བཞུགས་སོ། །བཛྲ་ཌཱཀི་ནཱི་སེང་ཧ་མུ་ཁ་ཡེ་ན་མོ། སེང་གདོང་མའི་སྔགས་ཤམ་ཤིན་ཏུ་སྦས་པ་ནི། སྲུང་སྔགས་ནི། ཨ༔ཀ༔ས༔མ༔ར༔ཙ༔ཤ༔ཕཊ༔ འབྲུ་བརྒྱད་འདི་ཅི་ནུས་བཟླས་མཇུག་ཏུ་ཤམ་བུ་འདི་ཅུང་ཟད་བཟླས་ཟབ་བོ༔ ཨེ་ཀ་དུ་ན་རཀྟ། ཙ་དུར་སྙིང་ན་རཀྟ། ར་ཙ་དུ་ན་རཀྟ། སུམ་ཏྲི་དུ་ན་རཀྟ། མ་ར་དུ་ན་རཀྟ། །ཨྠྀི ཟློག་སྔགས་རྩ་སྔགས་ནི། ཨ༔ཀ༔ས༔མ༔ར༔མ༔ཤ༔ད༔ར༔ས༔མ༔ར༔ཡ༔ཕཊ༔ འབྲུ་བཅུ་བཞི་འདི་ལ་ཟློག་པའི་དུས་ཅི་ནུས་བཟླས་ལ་མཇུག་ཏུ་ཤམ་བུ་འདི་རྣམས་གང་དགོས་ཅུང་ཟད་རེ་སྦྱར་ན་ཟབ་བོ། །དེ་སྐུ་ནས་བོན་པོ་དང་འགྲས་ན། ཨེ་ཤ་ནན། མ་ཏྲི་ས་མ་ནན་རྦད། ཅེས་སྦྱར་ན་ཟབ་བོ། །སྔགས་པ་དང་འགྲས་ན། ཨི་དུ་ཀ་ནན། ཀ་ཐུན་རྦད་བཟློག །ཅེས་སྦྱར་ན་ཟབ་བོ། །བན་དེ་དང་འགྲས་ན༔ ཨེ་ཀ་ཡ་མ་དུ་ཏྲི་རྦད། བློ་བཟློག །ཅེས་སྦྱར་ན་ཟབ་བོ། །ལྷ་སྲིན་སྡེ་བརྒྱད་ཀྱི་གནོད་པ་བྱུང་ན། མ་ཤི་དུ། ཨ་ཤི་ལ་ནན། ཙ་དུར་བྷན་གྷ་ཡ་རྦད། ཅེས་སྦྱར་ན་ཟབ་བོ། །༔ གཟའི་གནོད་པ་བྱུང་ན། ན་ག་ན་པ་ཏི་སརྦ་དྷ་དྷན་ཁ་ཊ་ཁོ་རུ་ཊ་ཡེ་སྭཱ་ཧཱ། ཞེས་སྦྱར་ན་ཟབ་བོ། །ཀླུ་གཉན་ས་བདག་གི་གནོད་པ་བྱུང་ན། ནཱ་ག་རཀྟ་ཕེ་ཝཾ་ནཱ་ག་བཟློག །ཅེས་སྦྱར་ན་ཟབ་བོ།། ༈

[Full Size]

སྤྱིར་བྱད་ཁ་དང་རྐྱེན་ཆག་བཟློག་ན། ཀེ་ཀ་དུ་ན་ཟློག །མ་ཧཱ་དུ་ན་ཟློག །ཙ་དུར་སྙིང་ན་ཟློག །ར་ཙ་དུ་ན་ཟློག །སུཾ་ཏྲེ་དུ་ན་ཟློག །མཱ་ར་དུ་ན་ཟློག །ཅེས་སྦྱར་ན་ཟབ་བོ། །ཨེ་མ་ཡེ་ཤེས་ཌཱཀིའི་སྔགས་ཤམ་མན་ངག་འདི། །དམ་ལྡན་སྙིང་གི་བུ་རེ་མ་གཏོགས་པ། །གཞན་ལ་སྤེལ་ན་ཌཀིའི་བཀའ་ཆད་སྡིགས། །སངས་རྒྱས་བསྟན་ལ་རབ་ཏུ་གནོད་པ་ཆེ། །ཅི་ཕྱིར་གཞན་གྱིས་ནུས་པ་བཅོམ་ཕྱིར་རོ། །དེ་ཕྱིར་པིར་གྱི་ཁ་བཞིན་བསྡམ་པར་བྱ། །འོན་ཀྱང་ཊཱཀི་སེང་ཧའི་མན་ངག་རྣམས། །གབ་སྦས་ཆེ་ཕྱིར་ཤིན་ཏུ་རྟོགས་པར་དཀའ། །ཤཱཀ་ཐུབ་བསྟན་པའི་ནུས་པ་གསལ་བའི་ཕྱིར། །རཱ་གའི་མིང་ཅན་བདག་གིས་གསལ་བར་བཀོད། །འདི་ལ་འགལ་འཁྲུལ་ཉེས་པ་ཅི་མཆིས་པ། །ཡེ་ཤེས་ཌཱཀི་འཁོར་དང་བཅས་ལ་བཤགས། །དགེ་བས་བསྟན་འཛིན་རྣམས་ཀྱི་ཞབས་བརྟན་ཤོག ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྔགས་ཤམ།

[Full Size]

ཧཱུྃ་ཧྲཱི་བཛྲ་དྷུ་ར་ན་མ་སྭཱ་ཧཱ། རང་ཉིད་ཊཱཀི་སེང་གདོང་དཀར་མོར་བསྒོམ། །ལུས་ཀྱི་གང་ལ་རྐྱེན་ཆག་བྱུང་བའི་སར། །གསེར་གྱི་འཁོར་ལོ་རྩིབས་བརྒྱད་ཅིག་ཏུ་བསྒོམ་ལ། དབུས་སུ་ཧཱུྃ། རྩིབས་བརྒྱད་སྟེང་དུ་ཧཱིབཛྲ་དྷུ་ར་ན་མ་སྭཱ་ཧཱ། འཁོར་ལོ་གཡས་བསྐོར་སྔགས་རྣམས་གཡོན་དུ་འཁོར། །གནོད་བྱེད་བགེགས་རིགས་གང་གནོད་འོད་ཟེར་གྱིས། །གཞན་དུ་བསད་ནས་སངས་ཀྱིས་དག་པར་བསྒོམ། །བདག་འདྲ་སྔགས་འཆང་པདྨ་ཡིས། །མཁའ་འགྲོའི་ཡང་སྙིང་ཟློག་པ་སྟོང་། །ཆར་གསང་རྒྱུད་ལས་བཏུས་ནས་ཀྱང་། །གཏེར་ཁ་དཔག་མེད་སྦས་ནས་བཞག །གསང་བའི་ཡིག་འབྲུ་ཉི་ཤུ་རྩ་གཅིག་འདི། །འདི་འདྲའི་ནུས་པ་བསམ་མི་ཁྱབ། །གནམ་ལྕགས་འབར་བའི་ཐོག་དང་འདྲ། །སྔགས་ནག་སྟོང་གི་ནུས་པ་ཡང་། །འདི་ཡིས་འཇོམས་པར་ཐེ་ཚོམ་མེད། །ས་མ་ཡ། རྒྱ་རྒྱ་རྒྱ། ཡང་ལུས་ལ་སྲུང་བ་འདོགས་ན། མཐིང་ཤོག་ལ་གསེར་གྱིས་བྲིས་ཏེ། མགུལ་ལམ་མཆན་ཁུང་དུ་བཅང་ངོ་། །ཞེས་དང་། སྔགས་ཀྱི་བདག་པོའི་རྒྱུད་ནས་བྱུང་བའི་ཞུས་ཡི་གེ་ཐེམས་ཡིག་མེད་པའི་སྐོར་བཅས་རྒྱས་བཏབ་པ་སྐལ་ལྡན་སྙིང་གི་བུ་མཆོག་འགའ་རེ་ལས་སུ་ལ་མི་སྤེལ་སྙིང་དཀྱིལ་འཆང་ངོ་རྒྱ།།

[Full Size]

ཤོག་སྟོང་།

སེང་གདོང་མ་ཡི་ཐུན་མོང་མ་ཡིན་པའི་སྦྱིན་སྲེག་མེའི་སྤུ་གྲི།

[Full Size]

སེང་གདོང་མ་ཡི་ཐུན་མོང་མ་ཡིན་པའི་སྦྱིན་སྲེག་མེའི་སྤུ་གྲི་བཞུགས་སོ། །

[Full Size]

མཁའ་འགྲོ་སེང་གདོང་མ་ལ་ཕྱག་འཚལ་ལོ། །མཁའ་འགྲོ་སེང་གེའི་གདོང་པ་ཅན་གྱི་ཨུ་པ་དེ་ཤ། རང་ཉིད་སེང་གདོང་མ་བསྐྱེད་རིམ་གསལ་བར་བསྒོམས་པའི་མདུན་དུ། སྣོད་ཟངས་ལྕགས་སམ་མེད་ན་གང་རུང་མེ་ཁྲོལ་དམར་འུར་རེ་བ་བླུག་ལ་བཞག །ཐོད་སྟེང་ངམ་ཟངས་ལྕགས་ཀྱི་སྣོད་དུ་ཐེབ་ཙེའི་ནང་དུ་ཡུངས་ཀར་བཤམས། མེ་དང་ཡུངས་ཀར་བྲན་ལ། ན་མོ་དཀོན་མཆོག་གསུམ་གྱི་བདེན་པ་དང་། ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་མ་འཁོར་དང་བཅས་པའི་བདེན་པས་གནོད་ཅིང་འཚེ་བའི་བྱད་མ་རྦོད་གཏོང་དང་བཅས་པ་ཡུངས་ཀར་འདི་ལ་ཁུག་ཅིག །ཛཿཧཱུྃ་བཾ་ཧོཿ ཞེས་བརྒྱ་རྩ་བརྒྱད་ཉེར་གཅིག་འགུགས་

[Full Size]

གཞུག་བྱས་ལ་བསྟིམ། ཨོཾ་བཱི་ཤཱ་ཌཱཀི་ནི་ཧཱུྃ་ཕཊ༔ ཨོཾ་སྭ་བྷ་ཝས་སྦྱངས། སྟོང་པའི་ངང་ལས་མེ་ཁྲོལ་མི་དམིགས་པ་ལས་དྲག་པོའི་ཐབ་ཁུང་གྲུ་གསུམ་ཁ་ཁྱེར་རལ་གྲིས་མཚན་པ། བསྐལ་པའི་མེ་དཔུང་རབ་ཏུ་འབར་བའི་དབུས་སུ་ཧཱུྃ་མཐིང་ནག་ཡོངས་སུ་གྱུར་པ་ལས་མེ་ལྷ་སེང་གདོང་མ་སྐུ་མདོག་དམར་ནག་གྲི་གུག་ཐོད་ཁྲག་ཁ་ཊཾ་བསྣམས་ནས་གར་སྟབས་སུ་རོལ་བ། དེ་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས་གཉིས་སུ་མེད་པར་གྱུར། །ཛཿཧཱུྃ་བཾ་ཧོཿ དེ་ནས་ཡུངས་ཀར་འབྲུ་རེ་རེ་མཐེབ་སྲིན་གྱིས་བཟུང་ལ། མེ་ཁྲོལ་གྱི་ཁ་བསྐོར་ལ། ཨ༔ཀ༔ས༔མ༔ར༔ཙཤདར༔ས༔མ༔

[Full Size]

ར༔ཡ༔ཕཊ༔ བྱེད་མ་མཱ་ར་ཡ་ཕཊ༔ ཅེས་ཡུངས་ཀར་བྱད་མ་དངོས་སུ་གསལ་བར་བསམ། སེང་ཞལ་གནམ་ས་ཙམ་གདངས་པ་མེ་འབར་བའི་ནང་དུ་འཕང་བར་དམིགས། །གྲངས་བརྒྱ་རྩ་བརྒྱད་སོང་ནས། བཛྲ་ཌཱཀི་སེང་ཧ་མུ་ཁ་ཨཧཱུྃ༴ སོགས། པཉྩ་ཨ་མྲྀ་ཏ་ཨོཾ་ཨཱཧཱུཾ། དཔལ་ལྡན་རྡོ་རྗེ་ལྷ་མོ་ནི། སོགས་ཀྱིས་བསྟོད། མཐར་མེ་ལྷ་འོད་དུ་ཞུ་ནས་རང་གི་སྙིང་གར་ཐིམ་པར་གྱུར། སྟོང་ཉིད་ཀྱི་རྒྱས་བཏབ་འདི་ཉེར་དགུ་གལ་ཆེ་དུས་ལན་རེ་བྱའོ། །ཡང་གཏོར་མ་སྙིང་ལ་ཟུར་བཏོད་པ་ལྟ་བུའི་འོག་ཏུ། བྱད་མའི་ལིངྒ་ཞལ་ཤེས་ལྟར་བཞག་གཏོར་མ་བྱད་མའི་ཤ་ཁྲག་ཏུ་དམིགས་ལ། མཁའ་འགྲོའི་ཞལ་དུ་དམར་ཆིལ་ཆིལ་གསོལ་བར་ཟླུ བསམ། ཡི་གེ་བཅུ་བཞི་པའི་ཤམ་དུ། བྱད་མ་གནོད་བྱེད་ཚེའི་ཤ་ཁྲག་རུས་གསུམ་ལ་ཁ་ཁ་ཁཱ་ཧི་ཁཱ་ཧི། ཚྭ་ས་ལ་ཁཱ་ཧི། རཀྟ་ལ་ཁཱ་ཧི། ཙིཏྟ་ལ་ཁཱ་ཧི། བཞེས་ཤིག་རོལ་ཅིག །དེ་ལྟར་གཏོར་མ་ཕུལ་ཞིང་ཞག་བདུན་སྦྱིན་སྲེག་བྱས་ན། བྱད་མ་དེ་ཉིད་རྡུལ་དུ་བརླག་པར་ཐེ་ཚོམ་མེད། འདི་ལ་ཞལ་ཤེས་གསུམ་ཡོད་པ་གསེར་གྱིས་བསླུ་བར་བྱའོ། །འདི་མ་སྤེལ་ཅིག །སྤེལ་ན་མཁའ་འགྲོའི་ཆད་པ་འོང་། ཞེས་པ་འདི་རཱ་ག་ཨ་སྱས་སྨྲས་སོ། །སརྦ་མངྒ་ལཾ། །བྷ་ཝནྟུ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སེང་གདོང་ཌཱཀིའི་ཟློག་པའི་ལས་མཐའ་སྦྱིན་སྲེག་ཞལ་ཤེས།

[Full Size]

ན་མོ་ཌཱཀི་སེང་ཧ་མུ་ཁ་ཡེ། སེང་གདོང་ཊཱཀིའི་ཟློག་པའི་ལས་མཐའ་ནི། །སྦྱིན་སྲེག་མེ་ཡི་སྤུ་གྲིའི་ཞལ་ཤེས་རྣམས། །སྔོན་ཆད་ཡི་གེ་མེད་པ་ཡི་གེར་བཀོད། །ཆོས་བདག་ཌཱཀིས་བཀའ་ཡིས་གནང་བ་སྩོལ། །ཟངས་ལྕགས་སྣོད་དུ་གཏོར་མ་ཟུར་གསུམ་ནི། །བྲ་སྲན་འབྲུ་ནག་བསྲེས་པའི་ཟན་ལ་བཅལ། །དེ་ཡི་སུམ་གཉིས་འཕྲད་དུ་བཅད་བྱས་ལ། །སྨད་དེ་གྲུ་གསུམ་ཧོ་ཁུང་གཟུགས་སུ་བྱས། །དེ་ནང་ལིངྒ་དཔེའུ་རིས་ལྟར་བཅུག །སྟོད་སྨད་མཚམས་སྦྱར་ཁྲག་གིས་དམར་ནག་བྱུགས། །ཕྱོགས་བཞིར་གཏོར་ཆུང་ཟུར་གསུམ་བཞི་ཡང་བཞག །ཤ་ཁྲག་མར་རྒྱན་མེ་རི་བཅས་པ་བྱ། །དབུ་ཕྱག་གྲངས་ཀྱི་རྩང་ཐུར་བཙུགས་བྱས་ལ། །མཚེ་དང་ཡུངས་དཀར་ནག་གིས་བརྒྱན་པར་བྱ། །མདུན་དུ་སྟེགས་སམ་གང་བདེའི་ས་རུ་བཞག །གཏོར་མའི་རྩེ་ནི་ལྷ་མོ་གཙོ་འཁོར་ལ། །སྐེད་པ་དྲག་པོའི་མཆོད་སྤྲིན་རྒྱ་མཚོར་དམིགས། །སྨད་ནི་གྲུ་གསུམ་ལྕགས་ཁང་འབར་བའི་ནང་། །ལིངྒ་བྱད་མ་མགོ་ཐུར་མནན་པར་དམིགས། །བཀུག་གཞུག་སྤྱི་ལྟར་ཡང་ཡང་བྱས་པའི་རྗེས། །དམིགས་པ་བདག་མདུན་ལྷ་མོའི་འོད་ཟེར་ལས། །ཕཊ་ཡིག་བྱོན་ཏེ་ཁོ་ཡི་གསང་ལམ་

[Full Size]

ཞུགས། །སྙིང་ཁར་ཕྱིན་པས་གནམ་ལྕགས་འཁོང་ལོའི་སྟེང་། །འོག་མ་ཟངས་ལས་གྲུབ་པའི་འཁོར་ལོ་གཉིས། །རྩིབས་ནི་བཅུ་བཞི་རྣོ་ངར་སྤུ་གྲི་འདྲ། །སྟེང་མ་གཡས་དང་འོག་མ་གཡོན་དུ་འཁོར། །དང་པོ་འཁོར་ལོ་ཆུང་ངུ་གཉིས་ཡིན་པ། །ཁོ་ཡི་སྲོག་རྩྭ་ལྗང་མིག་ནང་དུ་འཁོར། །ཚིགས་མིག་ཆད་པས་འཁོར་ལོ་ཇེ་ཆེར་བསྐྱེད། །ཤ་ཁྲག་དོན་སྙིང་དབང་པོ་ཐམས་ཅད་གཏུབ། །དམར་ཉིལ་སོང་བ་གཏོར་མའི་སྨད་དང་འདྲེས། །སེང་གདོང་ལྷ་མོ་ཌཱཀི་བྱེ་བ་ཡིས། །བྱ་རྒོད་ཐེད་ལ་རུབ་བཞིན་གསོལ་བར་བསམ། །ཡི་གེ་བཅུ་བཞི་པ་ཡི་སྔགས་ཤམ་དུ། །གཞུང་གི་ཁཱ་ཧིའི་སྔགས་ཀྱིས་གཏོར་མ་བསྔོ། །དེ་དག་ཞག་གྲངས་ཚང་ངམ་རྟགས་ཐོན་དུས། །རྒྱུ་ལྡོག་ལེགས་པར་བརྩིས་ལ་དགྲ་ཕྱོགས་སུ། །གཏོར་མ་འཕང་ཞིང་དམོད་བཅོལ་གང་ཤེས་བྱ། །ལིང་རོ་དེ་ཉིད་མནན་པ་བྱ་བའམ། །ཡང་ན་ཡུངས་ཀར་སྦྱིན་སྲེག་ནང་དུ་ཕུལ། །དེ་ནི་གཏོར་མའི་ཞལ་གདམས་ཨྠྀིནརྒྱ། ༈ དེ་ནས་ལིངྒ་བྲི་ཚུལ་སྤྱི་ལྟར་ལ། །ཤོག་བུ་ལ་ནི་བོང་ང་སྐམ་པོ་བྱུག །དེ་སྟེང་སྣག་ཚ་གཙང་མའི་ནང་དུ་ནི། །བཙན་དུག་གྲི་ཁྲག་ཞད་ཙམ་བསྲེས་བྱས་ལ། །ལིངྒ་བྲི་ཚུལ་སྤྱི་དང་མཚུངས་པ་

[Full Size]

ལགས། །སྙིང་ཁར་ནི་ཡིག་ཆེན་པོ་གཅིག་གི་ནི། །ཀྲྀ་ཡི་མིག་ཏུ་འཁོར་ལོ་རྩིབས་བཅུ་བཞི། །བརྡ་མཚོན་སེན་མོ་ཙམ་ཞིག་བྲིས་པའི་དབུས། །ཡི་གེ་ཕཊ་ནི་ནག་པོ་བྲི་བར་བྱ། །ནི་མཐར་མིང་ཡིག་གང་དགོས་བྲི་བ་དང་། །དམིགས་ཡུལ་ངེས་པ་མེད་ན་སྤྱི་མིང་སྟེ། །གནོད་བྱེད་དགྲ་བགེགས་བྱད་མ་ཞེས་པའམ། །ཚེ་བསོད་སྲོག་ལ་བར་དུ་གཅོད་པ་ཡི། །སྒབ་འདྲེ་དམ་སྲི་ལ་སོགས་སྤྱི་མིང་བྲི། །དེ་རྒྱབ་བླ་ཤ་རེ་མ་ཏི་ལ་སོགས། །བླ་འགུགས་སྤྱི་ཡི་སྔགས་ཀྱིས་བསྐོར་བར་བྱ། །ཡན་ལག་འབྲུ་བཞི་ལ་སོགས་སྤྱི་དང་མཚུངས། །ལིངྒའི་རྒྱབ་ནས་ཡི་གེ་མགོ་ནང་བསྟན། །བསད་སྔགས་ཡིག་འབྲུ་བཅུ་བཞི་པ་དེ་ཉིད། །བཅུད་གཅིག་མ་འཁོར་བར་དུ་ཤོང་བར་བྲི། །དེ་རྒྱབ་ཛཿདང་ཁྲམ་གྱིས་འཁོར་བར་བསྐོར། །ལིང་ཁྲུས་འགུགས་གཞུག་ལྷ་དབྱེ་ལྟེབ་ཆག་སྤྱི་དང་མཚུངས། །ཚོན་སྐུད་ཤི་སྐྲ་ཁྱི་རའི་སྐུད་པ་གསུམ། །གང་འཛོམ་རྒྱ་གྲམ་བཅིང་ལ་གཏོར་མར་བཅུག །དེ་ནས་ལིངྒའི་ཞལ་གདམསཨྠྀི་རྒྱ། ༈ །སྔགས་ནི་རིམ་གྲོ་སྲུང་ཟློག་ཁོ་ན་ལ། །གཞུང་ལྟར་ཡི་གེ་བཅུ་བཞི་པ་ཡི་མཇུག །གནོད་བྱེད་དགྲ་བགེགས་བྱད་མ་མཱ་ར་ཡ་ཕཊ༔ ཅེས་པ་

[Full Size]

ཁོ་ན་བགྲངས་བས་ཆོག་པ་ཡིན། །ལྷ་མོ་འདི་ཉིད་ཡི་དམ་བྱས་པ་ཡི། །སྔགས་པ་གཞན་དང་ནང་འགྲས་བྱུང་བ་ན། ཨ༔ཀ༔ས༔མ༔ར༔ཙ༔གཞུང་ལྟར་དང་། །དེ་མཐར་ཕཊཡར༔མསསོགས་གོ་ལྡོག་དང་། །གནོད་བྱེད་བྱེད་མ་མཱ་ར་ཡ་ཕཊ ཋསོགས་སྔགས་ཚན་གསུམ། །སྦྲེལ་མར་བཟླས་པ་དེ་ནི་མན་ངག་ཡིན། །དེ་དག་བཟློག་པ་ཁོ་ན་གཙོ་བོ་སྟེ། །བསད་པ་ཉིད་ལ་གཙོ་བོ་བྱེད་འདོད་ན། །དགོང་མོ་ནས་ནི་བསད་སྔགས་འདི་ཉིད་བཟླས། །ཡམརུཎ༔ཤདར༔ས༔མ༔ར༔ཡ༔ཕཊསོདསོད༔ སོད་སོད་གོང་དུ་གནོད་བྱེད་དགྲ་བགེགས་སོགས། །མིང་སྤེལ་བཅས་པ་བཟླ་བ་མན་ངག་ཡིན། །དམིགས་པ་གོང་གི་འཁོར་ལོ་བསྐོར་དམིགས་གཉིས། །དེ་ནི་སྔགས་ཀྱི་ཞལ་ཤེསཨྠྀི་རྒྱ། །དེ་དག་ངེས་པར་རྟགས་ཐོན་བྱེད་ན་སྟེ། །དེ་མིན་རང་གི་སྲུང་ཟློག་ཙམ་ལ་ནི། །གཏོར་མ་ལིངྒ་མི་དགོས་སྦྱིན་སྲེག་ཆོག །དེ་ཡང་བཟློག་ནི་མེད་པའི་དུས་སུ་སྟེ། །ཉི་ནག་མེད་དུས་ལ་སོགས་དྲག་པོའི་དུས། །ཉིན་གཅིག་ལ་ཡང་ཚར་གྲངས་དུ་ཐོན་བླུག །ཡུངས་ཀར་བརྒྱ་རྩ་མཆོད་བསྟོད་རྩི་བྱ་སྟེ། །སྦྱིན་སྲེག་ཚར་གཅིག་ཡིན་པ་ཤེས་པར་བྱ། །མང་དུ་བླུགས་ན་མཐར་

[Full Size]

ཡང་མི་བསྡུ་བཞག །མཐར་ནི་རང་ལ་བསྟིམ་སོགས་གཞུང་ལྟར་རོ། །དེ་ནི་ཞལ་ཤེས་ཡོངས་སུ་རྫོགས་པའོ། །སྦ་འོས་གསལ་བཀོད་ཉེས་པ་ལྷ་ལ་བཤགས། །དགེ་བས་དཀོན་མཆོག་དབུ་འཕང་མཐོ་བ་དང་། །བསྟན་འཛིན་སྐྱེས་བུ་སྐུ་ཚེ་བརྟན་གྱུར་ཅིག །འབྲི་གུང་ལུགས་ནས་རཱ་ག་ཨ་སྱས་བྲིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

མཁའ་འགྲོ་སེང་གདོང་མ་སྒྲུབ་པའི་བགེགས་བཟློག་ཐབས།

[Full Size]

མཁའ་འགྲོ་སེང་གདོང་མ་སྒྲུབ་པའི་བགེགས་བཟློག་ཐབས་བཞུགས་སོ།།

[Full Size]

ན་མོ་སེང་ཧ་མུ་ཁ་ཡེ། སེང་གདོང་མ་སོགས་ཡི་དམ་གང་རུང་སྒྲུབ་ཀྱང་སྒབ་འདྲེ་མནན་པ་གལ་ཆེའོ། །ཁྱད་པར་སེང་གདོང་མའི་དབང་སྡུད་བྱ་བ་དང་། ལྷ་དབང་ཕྱུག་ཆེན་པོ་སྒྲུབ་པ་འདི་གལ་ཆེའོ། །མི་ལ་བླ་རྐུན་བྱིས་པའི་གཟུགས། ཕུང་འདྲེ་བསེ་རག་རི་བོང་མགོ །ཟ་ཁ་ལ་གནོད་སྲིན་མོའི་གཟུགས། །གོད་འདྲེ་དོམ་གྱི་མགོ་ཅན་བཞི། །ལིངྒ་མགོ་བསྣོལ་བཞི་ཙམ་བྲི། །སྣག་ཚ་གཙང་བ་གལ་ཆེའོ། །བུད་མེད་བྱིས་པའི་སྙིང་གར་ཏྲི། །རི་བོང་དོམ་གྱི་སྙིང་གར་དྲི། །ཡན་ལག་བཞི་ལ་ཛཿཧཱུྃ་བཾ་ཧོབཞི། །སྤྱི་བོར་ནན་དང་རྐང་ཞབས་ཡཾ། །རྐང་ལག་ལྕགས་སྒྲོག་གིས་བསྡོམ། ས་བོན་གྱི་མཐར་སོ་སོའི་མིང་དང་ཁུག་ཛ་མཱ་ར་ཡ་ནན་བྲིས། ལིངྒ་བཞིའི་འདུས་སོ་སྤྱི་བོར་རྒྱ་གྲམ་བྲིས་པའི་ལྟེ་བར་ཧཱུྃ་སྣུམ་བྷ་ཡ་ནན་ལཾ་

[Full Size]

བྲིས། ལིངྒ་བཞིའི་ཕྱི་རོལ་ནས་སྔགས་མགོ་ཕྱིར་བསྟན་པ་ལ། ཨོཾ་མི་ལ་ཀུ་རུ། སོགས་སྔགས་རིང་ཚར་གཉིས་གསུམ་གྱིས་བསྐོར། དེ་ནས་འགུགས་གཞུག་བརྒྱའམ་ཉེར་གཅིག་བྱས་ལ་ཁྱི་རའི་སྐུད་པས་རྒྱ་གྲམ་དུ་བཅིངས་ནས་ཧིཾ་ཁུང་དུ་བཅུག་ནས་དུས་གསུམ་མམ་དྲུག་ཏུ་འགུགས་གཞུག་བྱེད་ཅིང་ཞག་གསུམ་བསྒྲུབ། གལ་ཏེ་མཚམས་བྱེད་ན་སྒྲུབ་པ་ཁོ་ན་ཞག་བདུན་ནམ་རྟགས་མ་བྱུང་བར་ཉིན་རེ་འགུགས་གཞུག་དུས་གསུམ་དང་། དུས་སུ་སྔགས་རེ་བཟླས། རང་ཉིད་ཡི་དམ་རྟ་མགྲིན་ཕྱག་རྡོར་སོགས་ཁྲོ་བོ་གང་རུང་བསྐྱེད་ལ་དེའི་སྔགས་ཤམ་དུ་སྔགས་འདི་བཏགས་ལ་བཟླས་ནས་ཡུངས་ཀར་ལ་ཕུ་བཏབ་མཆིལ་མ་མ་སོང་བར་བྲུབ་ཁུང་གི་ལིངྒ་བྲན། བྲན་ཆར་ནས་ཁ་བཅད་ལ། མཆོད་རྟེན་གསེར་སྐུའམ། མེད་ན་ཚ་ཚས་མནན་ལ་

[Full Size]

བཞག །སྔགས་ལ། ཨོཾ་མི་ལ་ཀུ་རུ་ནན། བསེ་རག་ཤ་ཏྲི་ནན། གོད་འདྲེ་ཙཀྲ་ནན། བསེན་མོ་རུ་ཊི་ནན། ཀ་ལ་ཤན་ཏཱི་ནན། གནོད་བྱེད་མཱ་ར་ཡ་ནན། ཨོཾ་སརྦ་མ་ཀི་ཏྲི་གནོད་བྱེད་སྤྱན་བཞིའི་སྲོག་ལ་མཱ་ར་ཡ་ནན། ཞེས་བཟླས་པས་རྟགས་ནི་སེམས་ཅན་བསད་པ་དང་། བཀྱིག་པ་དང་ཁ་བསྡམས་པ་དང་། དོང་ནང་དུ་བཅུག་པ་དང་། མཆུ་དང་མཚེ་བ་བཅག་པ་དང་། བརྡུང་བཙོག་བྱས་པ་རྨིས་ན་སུས་ཀྱང་མ་ཚོར་བར་སྒོ་ཐེམ་འོག་ཏུ་དོང་གྲུ་གསུམ་བྲུས་པར་འགུགས་གཞུག་བྱས་ལ་ཐལ་བ་མེ་ཁྲོལ་ཆུ་ཐིགས་བླུགས། རོ་གཡམ་ལ་རྡོ་རྗེ་རྒྱ་གྲམ་རི་རབ་གླིང་བཞི་བྲིས་པས་མནན་པ་དབྱིབས་སྟེང་དུ་གཏོར་བྲོ་གང་རུང་ཞིག་བརྡུང་། འདི་འདྲའི་གདམས་ངག་མ་ཤེས་ན། །ཡི་དམ་སྤྱི་དང་ཁྱད་པར་དུ། །སེང་གདོང་དབང་ཕྱུག་སྒྲུབ་པ་རྣམས། །དངོས་གྲུབ་མི་འབྱུང་བཀྲ་མི་ཤིས། །མི་ལ་བླ་རྐུན་བྱིས་པའི་གཟུགས། །ཚེ་ཐུང་རིགས་རྒྱུད་འཕེལ་མི་ཟ འཇུག །ཡུལ་འདྲེ་བསེ་རག་རི་བོང་མགོས། །ནོར་དབུལ་ལྟོག་འགོང་དབུལ་སྲི་བྱེད། །ཟ་ཁ་ལ་གནོད་སྲིན་མོའི་གཟུགས། །ཟ་ཁ་བགགས་ཤིང་འགྲོ་དོན་འགྲིབ། །གོད་འདྲེ་དོམ་གྱི་མགོ་ཅན་གྱིས། །རྟ་ཕྱུགས་ནོར་རྣམས་འཆི་བར་བྱེད། །དེ་ཕྱིར་མནན་པ་ཤིན་ཏུ་གཅེས། །མནན་པས་བཀྲ་ཤིས་དངོས་གྲུབ་འཕེལ། །ཁ་སྨྲས་གོད་ཁ་ཞི་བར་བྱེད། །ཕྱིས་ཀྱང་གནོད་འཚེ་འབྱུང་སྲིད་ན། །ཉི་མ་ཐལ་ཁ་སྔགས་བརྒྱ་རྩ་བརྒྱད་བཟླས་ལ། ཐལ་མོ་བརྡབས་པས་

[Full Size]

ཞི། མནན་ཐབས་ཡིན། སྤྱི། འདི་ལ་རི་བོང་མགོ་ཅན་ལྟག་ཁུང་དུ་མདའ་བརྒྱབ་པའི་གཟུགས་ཤིག་ལྟོར་རྩི་བས་མུ་ཁྱུད་ལིངྒ་མགོ་བསྣོལ་བྲི་བ་དང་། སྔགས་འདྲ་མིན་མང་དུ་བྱུང་བ་རྣམས། དབང་ཕྱུག་ལ་སོགས་ལྷ་གཞན་སྒབ་འདྲེ་སེང་གདོང་ལུགས་ཀྱང་བཞི་མགོ་སྤྱོད་དང་། སྔགས་འདྲ་མིན་མེད་པོར་མ་ནོར་བར་བྱའོ། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

སེང་གདོང་མའི་ཆ་ལག་ལས་དུས་ཏྲི་ནག་མོ་བཅིངས་པའི་ཐབས།

[Full Size]

སེང་གདོང་མའི་ཆ་ལག་ལས་དུས་ཏྲི་ནག་མོ་བཅིངས་པའི་ཐབས་ཡོད། སེང་གདོང་མ་འདི་སྒྲུབ་པའི་ཚེ། དུས་ཏྲི་ནག་མོ་བརྩི་མ་ཤེས་ན། འགྲུབ་དཀའ་ཞིང་ལྷ་མི་ལྟར་བརྫུས་པས། ལྷ་རྟགས་གདོན་རྟགས་འབྱེད་དཀའ་བ་དང་། སྙིང་མི་དགའ་བ་དང་། གོད་འདྲེ་ལ་སོགས་འབྱུང་བས། དུག་ཤོག་ལ་དུག་ཁྲག་ར་ཁྲག་གིས་ལིངྒ་བུད་མེད་ནག་མོ་སྐུ་བཤལ་བ་ཡན་ལག་ལྕགས་སུ་བཅུག་པ་བྲིས་ལ། སྙིང་གར་དྲི་ཛའི་མཐར་སྒྲུབ་ལ་བར་དུ་གཅོད་པའི་གནོད་བྱེད་དུས་ཏྲི་ནག་མོ་ཁུག་མཱ་ར་ཡ་ཛ། ཞེས་བྲིས་པའི་ཡན་ལག་བཞི་ལ་ཛཿཧཱུྃ་བཾ་ཧོ༔ རྐང་ཞབས་སུ་ཡཾ། སྤྱི་བོར་ནན་བྲིས་ལ་ལིངྒ་འདི་མཐར་སྔགས་མགོ་ཕྱིར་བསྟན་ལ། གནོད་བྱེད་དུས་ཏྲི་ནག་མོའི་ལུས་ངག་ཡིད་གསུམ་ཆིངས་ཤིག་མཱ་ར་ཡ་ཧཱུཾ་བྷ་ཡ་ནན། དམན་མོ་ཏྲི་སྲོག་ཐུན། མཱ་ཡ་ར་ཤ་ཧཱུཾ་མཱ་ར་ཡ་རྦད་ནན། ཐུམ་རིལ་རྦད་ནན། སྒབ་འདྲེ་ཧཱུཾ་བྷ་ཡ་ཧུར་ཐུམ་མཱ་ར་ཡ་ནན། ཞེས་བྲིས། དེ་རྒྱབ་ཛཁཾ་གྱིས་བསྐོར་དེ་ལ་འགུགས་གཞུག་མང་དུ་བྱས་ལ་ལྟེབས་ནས། ཡུགས་ས་མའི་སྐྲ་ཤད་དམ་ཁྱི་རའི་སྐུད་པས་རྒྱ་གྲམ་དུ་བཅིངས་ལ་བྲུབ་ཁུང་དུ་བཅུག་ལ་སྟེང་མཆོད་རྟེན་བུམ་རིལ་ལམ་ཚྭ་ཚྭས་མནན་ལ་རང་

[Full Size]

འདུག་པའི་རྒྱབ་ཕྱོགས་སུ་བཞག །རབ་ཤིང་སྤྱམ་ནག་གམ་མེད་ན་ཤིང་གང་རུང་ལ་ཆ་རུའི་གཟུགས་ཆུང་ཆུང་མང་དུ་བཟོས་ལ་ཚགས་བྱས་ལ། སེང་གདོང་མའི་བསྙེན་པ་ཁྲི་ཚོ་ཐོན་དུས་ཧཾ་ཁུང་ནང་དུ་ལིངྒ་སྟེང་དེར་ཤིང་གི་ཚ་དུ་རེ་འཕངས། དེ་ལྟར་སེང་གདོང་མའི་སྒྲུབ་པ་མ་ཐོན་བར་དུ་བྱེད། སྒྲུབ་པ་ཚར་ནས་སྒོ་ཐེམ་ཞབས་སུ་ལིངྒ་དང་ཆ་རུ་བཅས་པ་མནན། སྟེང་དུ་བྲོ་བརྡུང་། དེ་སྒྲུབ་ཚེ་བར་ཆད་དང་བསླུ་བ་མི་འོང་བ་ཟབ་བོ། །ཧཱུཾ། །དེ་ཕྱིར་རཱ་ག་ཨ་སྱས་སྦྱར་བའོ། །ཁ་ཐཾ། བཀྲ་ཤིས། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཌཱ་ཀི་སེང་ཧ་མུ་ཁའི་གཏོར་བསྔོས་སྔགས་བསྟོད་ཕྱིར་ཟློག

[Full Size]

ཌཱ་ཀི་སེང་ཧ་མུ་ཁའི་གཏོར་བསྔོས་སྔགས་བསྟོད་ཕྱིར་ཟློག་བཅས་བཞུགས་སོ།།

[Full Size]

ཡང་རྒྱུན་ཁྱེར་གྱི་གཏོར་བསྔོས་ནི། གཏོར་མ་ཤ་ཁྲག་གིས་བརྒྱན་པ་བཤམས་ནས། །ཨོཾ་གྱིས་མ་དག་སྟོང་པར་སྦྱངས། །ཨཱཡིས་ཐོད་སྣོད་ཡངས་པའི་ནང་། །ཧཱུྃ་གིས་དགྲ་བགེགས་ཤ་ཁྲག་གི །གཏོར་མ་ཕུན་སུམ་ཚོགས་པར་བསྐྱེད། །ཧ་ཧོ་ཧི༔ཡིས་སྦྱངས་རྟོག་སྦྱར། །ཡེ་ཤེས་བདུད་རྩིའི་གཏོར་མར་གྱུར། །རང་གི་ཐུགས་ཀའི་ཧཱུཾ་ཡིག་གིས། །མཁའ་འགྲོ་སེང་གདོང་སྤྱན་དྲངས་ནས། །མདུན་བཞུགས་ལྗགས་ཀྱི་འོད་ཟེར་ནི། རྡོ་རྗེ་སྦུ་གུའི་རྣམ་པ་ཡིས། །གཏོར་མ་དྲངས་ཏེ་དགྱེས་པར་བཞེས། །ༀ་ཤྲཱི་བཛྲ་ཌཱ་ཀི་སེང་ཧ་མུ་ཁ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི།

[Full Size]

ལན་གསུམ་མམ་བདུན་དང་། ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ བྱད་མ་གནོད་བྱེད་ཀྱི་མ་ཧཱ་ནཱཾ་ས་ལ་ཁཱ་ཧི། རཀྟ་ལ་ལཱ་ཧི་། ཙིཏྟ་ལ་ཁཱ་ཧི། ཀེ་ནི་རི་ཏི་ལ་ཀཱ་ཧི། ཨོཾ་ཤྲཱི་བཛྲ་ཌཱཀི་སེང་ཧ་མུ་ཁ་ས་པཱ་རི་ཝཱ་ར་ཨརྒྱུ་སོགས། ཨསྤེལ་ཤེར་ཕྱིན་ཡི་གེ་གཅིག་མའི་དངོས། །ཀ༔དག་སྤྲོས་པ་རྣམ་དག་ཆོས་ཀྱི་སྐུ། །བཅུའི་དབང་ཕྱུག་བཅུ་དྲུག་ས་གནས་མ། །མལུས་རྒྱལ་བ་ཀུན་བསྐྱེད་མ་ལ་འདུད། །རཝ་ཉི་མའི་དབུས་ན་ཉིད་ཀྱི་སྐུ། །ཙམུན་ཏྲི་སོགས་རྩལ་ལྡན་ཕོ་ཉ་དང་། །ཤཟ་ཁྲག་འཐུང་ཟ་བྱེད་སྤྲུལ་པར་བཅས། །དེ༔ལྟ་རྣམ་འཕྲུལ་

[Full Size]

དུ་མ་སྟོན་ལ་འདུད། །རབ་དྲྭ་བ་རྡོ་རྗེའི་གུར་གྱི་ནང་། །སགསུམ་བགེགས་དཔུང་སྲེག་པའི་མེ་དཔུང་ཀློང་། །མམོ་མཁའ་འགྲོ་ཡོངས་ཀྱི་འཕྲོ་འདུ་ལས། །ར༔རི་མིན་པར་རབ་གཏུམ་ཁྱོད་ལ་བསྟོད། །ཡམ་འཆི་བདག་བདུད་འཇོམས་འཆི་མེད་སྩོལ། །ཕཊ༔བྷྱོ་ཧཱུྃ་ཕཊཙསྒྲ་ཡིས་སྐྲག་མཛད་ཅིང་། །སེང་གེའི་གདོང་ཅན་ཌཱཀི་ཡུམ་ཆེན་མོ། །རིགས་བཞི་ས་ལ་ལས་བཞིའི་མཁའ་འགྲོ་མ། །གནས་གསུམ་སྐྱོང་ཞིང་འཇིག་རྟེན་མ་མོའི་འཁོར། །བྱེ་བ་འབུམ་གྱི་ཕོ་ཉ་འགྱེད་ལ་བསྟོད། །དམ་རྫས་ཤ་ཁྲག་གཏོར་མ་འདི་བཞེས་ལ། །བདག་ལ་དངོས་གྲུབ་ཐམས་ཅད་བསྩལ་དུ་གསོལ། །དེ་ནས་ཕྱིར་བཟློག་ཕྲིན་ལས་བཅོལ་བ་ནི། ཧཱུཾ་བྷྱོ༔ དཔལ་མོ་རབ་འཇིགས་སེངྒེའི་གདོང་པ་ཅན། །ཆོ་འཕྲུལ་བསམ་ཡས་མཁའ་འགྲོ་འཁོར་བཅས་ཀྱིས། །མཐུ་དང་ནུས་པ་རྫུ་འཕྲུལ་ཆེར་བསྐྱེད་ལ། །བཟློག་སྒྱུར་བཅོལ་བའི་ཕྲིན་ལས་འགྲུབ་པར་མཛོད། །མི་དང་མི་མིན་སུ་དང་གང་གིས་རུང་། །ངན་སྔགས་བྱད་སྟེམས་མནན་གཏད་འཁོར་ལོ་སོགས། །ངན་པ་བརྩམ་པའི་སྦྱོར་བ་མཐའ་དག་པ། །བྱེད་མཁན་ཁོ་རང་ཉིད་ལ་ལྡོག་པར་མཛོད། །ནམ་མཁའ་གང་

[Full Size]

བ་ལྷ་ཡི་ཆོ་འཕྲུལ་དང་། །བར་སྣང་ཁྱབ་པ་གཉན་གྱི་གདུབ་རྩུབ་དང་། །ས་གཞི་གཡོ་བའི་ཀླུ་ཡི་གནོད་པ་རྣམས། །ཐམས་ཅད་བཟློག་ཅིང་བསྒྱུར་བའི་ཕྲིན་ལས་མཛོད། །སྔོན་གྱི་ལས་ངན་དབང་གིས་སྣ་དྲངས་ནས། །ལྷ་སྲིན་སྡེ་བརྒྱད་གདུག་པའི་གནོད་པ་ཡིས། །ནད་དང་གདོན་དང་བར་ཆད་ཅི་མཆིས་པ། །མཁའ་འགྲོའི་ཚོགས་ཀྱིས་བཟློག་ཅིང་བསྒྱུར་བར་མཛོད། །བྱང་ཆུབ་སྒྲུབ་པའི་གེགས་སུ་གྱུར་པ་ཡི། །འགལ་རྐྱེན་ཆོས་དང་མི་མཐུན་ཐོག་ཏུ་ཕབ། །བསམ་པར་བར་དུ་གཅོད་པ་ཐམས་ཅད་ཀྱང་། །ཁྱོད་ཀྱི་ནུས་པས་མྱུར་དུ་བཟློག་ཏུ་གསོལ། །བདག་དང་མཐའ་ཡས་གང་ཟག་ཐམས་ཅད་དང་། །སྦྱིན་པའི་བདག་པོ་ཕན་སེམས་ལྡན་པ་ལ། །གནོད་ཅིང་འཚེ་བའི་ལོག་འདྲེན་བགེགས་ཀྱི་ཚོགས། །མ་ལུས་བཟློག་ཅིང་བསྒྲལ་བའི་ཕྲིན་ལས་མཛོད། །མདོར་ན་བསམ་ངན་སྦྱོར་རྩུབ་གང་བརྩམ་པ། །དེ་དག་ཁོ་རང་ཉིད་ལ་བཟློག་པ་དང་། །མཁའ་ལ་སྤྲིན་ལྟར་མེད་པར་མཛད་དུ་གསོལ། །འདོད་པའི་དོན་ཀུན་ཐམས་ཅད་འགྲུབ་པར་མཛོད། །ཅེས་པའང་རྡོ་རྗེ་གོ་མཚོན་ནས་འབྱུང་བ་ལྟར། ཁྱོད་ལ་གཏོར་མ་ཕུལ་བའི་

[Full Size]

མཐུས། །གནོད་བྱེད་མ་ལུས་ཞི་བ་དང་། །ཅི་བསམ་ཡིད་བཞིན་འགྲུབ་པ་དང་། །བཤད་སྒྲུབ་བསྟན་པ་རྒྱས་པར་མཛོད། །ལྷ་གཅིག་ཁྱེད་ལ་གསོལ་བཏབ་པས། །སངས་རྒྱས་བསྟན་པའི་མངའ་བདག་མཆོག །དཔལ་ལྡན་ཀརྨ་པ་ཆེན་པོའི། །ཕྲིན་ལས་ཕྱོགས་མཐར་ཁྱབ་གྱུར་ཅིག །བཛྲ་མུཿ འདོད་གསོལ་བྱས་པས་འགྲུབ་པར་འགྱུར། །འདི་ནི་དམ་ཆོས་ཉེ་བར་མཁོ་བའི་དཔོན་པོ་གང་དེས་བསྐུལ་བའི་ཕྱིར་དུ། རྡོ་རྗེའི་གོ་མཚོན་ནས་བྱུང་བ་ལྟར་གཏོར་བསྔོས་ཆ་ལག་སྔགས་བསྟོད་སོགས་ཀྱིས་བརྒྱན་པ་འདི་ནི་རྣལ་འབྱོར་པ་རཱ་ག་ཨ་སྱས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཁའ་འགྲོ་སེང་གདོང་མའི་མི་ཁ་དགྲ་ཟློག

[Full Size]

མཁའ་འགྲོ་སེང་གདོང་མའི་མི་ཁ་དགྲ་ཟློག་བཞུགས་སོ།། ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ མཁའ་འགྲོ་སེང་གདོང་བྱིན་རླབས་ནུས་མཐུ་ཡིས། །བདག་ལ་ཁ་དགྲ་བྱེད་པའི་མི་ཁ་ཟློག་ཅིག །མི་ཁ་ངན་པ་ཐམས་ཅད་ཟློག་ཅིག །མི་ཁ་ལྷ་དང་བསྡོངས་བ་ཟློག་ཅིག །མི་ཁ་བཙན་དང་བསྡོངས་བ་ཟློག་ཅིག །མི་ཁ་གཤིན་རྗེ་དང་བསྡོངས་བ་ཟློག་ཅིག །མི་ཁ་ཐེའུ་རང་དང་བསྡོངས་བ་ཟློག་ཅིག །མི་ཁ་རྒྱལ་པོ་དང་བསྡོངས་བ་ཟློག་ཅིག །མི་ཁ་འགོང་པོ་དང་བསྡོངས་བ་ཟློག་ཅིག །མི་ཁ་ཕོ་འདྲེ་པས་དང་བསྡོངས་བ་ཟློག་ཅིག །མི་ཁ་མོ་འདྲེ་དང་བསྡོངས་བ་ཟློག་ཅིག །མི་ཁ་སྲིན་མོ་དང་བསྡོངས་བ་ཟློག་ཅིག །མི་ཁ་ཀླུ་དང་བསྡོངས་བ་ཟློག་ཅིག །མི་ཁ་འདྲེ་དང་བསྡོངས་བ་ཟློག་ཅིག །མི་ཁ་བགེགས་དང་བསྡོངས་བ་ཟློག་ཅིག །མི་ཁ་བྱུར་དང་བསྡོངས་བ་ཟློག་ཅིག །སྟེང་ལྷ་ཡི་མི་ཁ་དགྲ་ལ་ཟློག་ཅིག །བླ་མའི་ཆོས་ར་ན་གླེང་བའི་མི་ཁ་དགྲ་ཅིག །མི་དཔོན་གྱི་ཁྲིམས་ར་ན་གླེང་བའི་མི་ཁ་དགྲ་ལ་ཟློག་ཅིག །བོན་པོའི་དབང་ར་ན་གླེང་བའི་མི་ཁ་དགྲ་ལ་ཟློག་ཅིག །བན་དེའི་ཚོགས་གྲལ་ན་གླེང་བའི་མི་ཁ་

[Full Size]

དགྲ་ལ་ཟློག་ཅིག །སྐྱེ་བོའི་མདའ་ར་ན་གླེང་བའི་མི་ཁ་དགྲ་ལ་ཟློག་ཅིག །བུད་མེད་ཀྱི་འཕང་ར་ན་གླེང་བའི་མི་ཁ་དགྲ་ལ་ཟློག་ཅིག །རྒན་པོའི་བྷི་ར་ན་གླེང་བའི་མི་ཁ་དགྲ་ལ་ཟློག་ཅིག །མགར་བའི་མགར་ཚང་ན་གླེང་བའི་མི་ཁ་དགྲ་ལ་ཟློག་ཅིག །གཡོག་མོའི་ཆུ་ལེན་བར་གླེང་བའི་མི་ཁ་དགྲ་ལ་ཟློག་ཅིག །རྫི་བོའི་རྫི་གྲལ་ན་གླེང་བའི་མི་ཁ་དགྲ་ལ་ཟློག་ཅིག །སྤྲང་པོའི་སྤྲང་འདུས་ཚོགས་པའི་ཚོགས་གྲལ་ན་གླེང་བའི་མི་ཁ་དགྲ་ལ་ཟློག་ཅིག །ཚོང་པའི་ཚོང་གྲལ་ན་གླེང་བའི་མི་ཁ་དགྲ་ལ་ཟློག་ཅིག །བཟང་བྱས་ངན་དུ་མཐོང་བའི་མི་ཁ་དགྲ་ལ་ཟློག་ཅིག །བྱམས་པ་ཕར་ལ་བྱས་ན་སྡང་བ་ཚུར་ལ་བསྟན་པའི་མི་ཁ་དགྲ་ལ་ཟློག་ཅིག །མ་ལེན་པ་ལ་ཁ་ཡོག་འཕང་བའི་མི་ཁ་དགྲ་ལ་ཟློག་ཅིག་། ཕུགས་ནས་རྒྱུ་ཟས་ལ་སྡང་བའི་མི་ཁ་དགྲ་ལ་ཟློག་ཅིག །བར་ནས་མི་ལ་སྡང་བའི་མི་ཁ་དགྲ་ལ་ཟློག་ཅིག །སྒོ་ཡི་ཟོག་ལ་སྡང་བའི་མི་ཁ་དགྲ་ལ་ཟློག་ཅིག །རི་ཡི་ཞིང་ལ་སྡང་བའི་མི་ཁ་དགྲ་ལ་ཟློག་ཅིག །མི་ཡི་ཁྱིམ་ལ་སྔ་མའི་ལན་ཆགས་ད་ལྟའི་འཕྲལ་རྐྱེན་ལས་བྱུང་བའི་མི་ཁ་དགྲ་ལ་ཟློག་ཅིག །ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་

[Full Size]

བཅུ་ནས་བྱུང་བའི་མི་ཁ་དགྲ་ལ་ཟློག་ཅིག །ཁྱད་པར་དུ་ཡང་དྲག་མོ་སེང་གེའི་གདོང་པ་ཅན་གྱི་བྱིན་རླབས་ནུས་མཐུ་ལ་བརྟེན་ནས་བདག་ལ་དགྲ་སྣ་གྱོད་སྣ་རྐུན་སྣ་ཐན་སྣ་རིམས་སྣ་ཡམས་སྣ་དང་བཅས་པ་དགྲ་ལ་སྒྱུར་ཅིག །ཁ་མཆུ་དང་གཏམ་ལབ་བྱས་པ་ཐམས་ཅད་དགྲ་ལ་ཕར་ཟློག་ཅིག །ཕྱིན་ཆད་མི་སྡང་བར་མཁའ་འགྲོ་གཙོ་འཁོར་རྣམས་ཀྱིས་གཟུ་དང་དཔང་མཛོད་ཅིག །བདག་ལ་ཁ་མཆུ་དང་མི་ཁ་ལས་རྒྱལ་བར་གྱུར་ཅིག །ཞི་བ་ཤཱནྟཾ་ཀུ་རུ་ཡེ་སྭཱ་ཧཱ། འདི་ཡང་གཏེར་བློན་རཱ་ག་ཨ་སྱས་སྦྱར་བའོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྡོ་རྗེ་གོ་མཚོན་གྱི་ཐལ་མོ་བརྡབ་ཆོག་གི་གཏོར་སྐུལ་གྱི་ཟློག་པའི་འདོན་འགྲིགས།

[Full Size]

རྡོ་རྗེ་གོ་མཚོན་གྱི་ཐལ་མོ་བརྡབ་ཆོག་གི་གཏོར་སྐུལ་གྱི་ཟློག་པའི་འདོན་འགྲིགས་བཞུགས་སོ།།

[Full Size]

དེ་ནས་དམར་གཏོར་ཕུད་རྒོད་དམ་ཆུ་གཙང་གིས་བྲན་ལ། ཨོཾ་བི་ཤྭ་ཌཱཀི་ནི་ཨོཾ་སྭ་བྷ་ཝ༴ སྟོང་པ་ཉིད་དུ་གྱུར། སྟོང་པའི་ངང་ལས་སྐད་ཅིག་གིས་ཐུན་གཏོར་གནམ་ལྕགས་ལས་གྲུབ་པའི་ཏྲི་ཤུ་ནག་པོ་ཁ་གྱེན་དུ་བལྟ་བ། རྩ་བ་རབ་ཏུ་བརྟན་པ། །དེའི་མགུལ་དུ་གནམ་ལྕགས་ལས་གྲུབ་པའི་འཁོར་ལོ་ནག་པོ་རྩིབས་བརྒྱད་པ། རྣོ་བའི་ངར་དང་ལྡན་པ། གཅོད་པའི་དབལ་དང་ལྡན་པ། གཡོན་དུ་སྒ་ར་ར་འཁོར་བའི་རྩིབས་བར་དུ་དགྲ་བགེགས་བྱད་མ་ཐམས་ཅད་མངོན་སུམ་དུ་གསལ་བར་གྱུར། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་

[Full Size]

མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང་། ཆོས་ཉིད་དེ་བཞིན་ཉིད་ཀྱི་བཀའ་བདེན་པ་དང་། མ་ཡེ་ཤེས་ཀྱི་མཁའ་འགྲོ་སེང་གེའི་གདོང་པ་ཅན་འཁོར་རི་རབ་སུམ་ཅུ་སོ་གཉིས་ཀྱི་རྡུལ་གྱི་གྲངས་དང་མཉམ་པའི་མཁའ་འགྲོ་མ་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་མཐུས། སྤྱིར་སངས་རྒྱས་ཀྱི་བསྟན་པ་བཤིག་པ།

[Full Size]

དཀོན་མཆོག་གི་དབུ་འཕང་སྨད་པ། བླ་མའི་སྐུ་ལ་བསྡོ་བ། རིག་འཛིན་གྱི་བརྒྱུད་པ་གཅོད་པ། དགེ་འདུན་གྱི་སྡེ་བཤིག་པ། དབེན་རི་གཉན་པོ་བཅོམ་པ། མཚམས་མེད་པ་ལྔ་ལ་སྤྱོད་པ། མི་དགེ་བ་བཅུ་ལ་རྔམ་པ། ཁྱད་པར་དུ་ཡང་རྣལ་འབྱོར་པ་བདག་ཅག་འཁོར་དང་བཅས་པ་རྣམས་ལ། ཕོད་བཙུགས་པ། དོ་བསྡོ་བ། འགྲས་ཚོལ་བ། །གླགས་ལྟ་བ། ཡ་བོ་བཟུང་བ། སྔ་དགྲ་ལག་གིས་བརྡར་བ། ཕྱི་དགྲ་ཡིད་ལ་སེམས་པ། ད་དགྲ་ཐད་དུ་ལང་བའི་དགྲ་བགེགས་བྱད་མ་རྦོད་གཏོང་དང་བཅས་པའི་བླ་སྲོག་རྣམ་པར་ཤེས་པ་སྲིད་པ་གསུམ་གང་དུ་གནས་ཀྱང་སྐད་ཅིག་རང་དབང་མེད་པར་དྲག་པོ་དམར་གྱི་གཏོར་མ་འདི་ལ་ཁུག་ཅིག །བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྤོ་ཊ་ཐཾ༔ བཛྲ་གནྡྷེ་ཧོ༔ ལན་གསུམ་དང་ཞེས་པས་བཀུག་ལ། དེ་ཡི་སྙིང་གར་པདྨ་འདབ་མ་བརྒྱད་པའི་འདབ་མ་རྣམས་ལ་ཤ་ལྔ་བདུད་རྩི་ལྔ་ས་བོན་དང་བཅས་པ་བསམ་ལ། མཁའ་འགྲོ་མའི་ཤངས་ནས་ཧཱུྃ་འཕྲོས། བསྒྲུབ་བྱའི་དྲི་འཛིན་ལས་ཞུགས་ཁོལ་ཏེ་སྙིང་གར་པདྨའི་ལྟེ་བར་གྲི་གུག་གི་འཁོར་ལོར་གྱུར་པས་དུམ་བུར་གཏུབ་ཅིང་སྔགས་ལས་གྲུབ་པའི་མཚོན་

[Full Size]

ཆས་ཕྱི་ནང་གཏུབས་པས། ཁྲག་ཁོལ་ཏེ་ཁྲག་གི་རྒྱ་མཚོ། ཤ་རུས་ཏིལ་ཙམ་དུ་ཞུ་བ་དམ་ཚིག་གི་བདུད་རྩི་དང་། སྙིང་གི་ཤ་ལྔ་བདུད་རྩི་ལྔ་ས་བོན་དང་བཅས་པ་ཞུ་ཞིང་འདྲེས་པའི་ཡེ་ཤེས་ཀྱི་བདུད་རྩི་དབྱེར་མེད་དུ་གྱུར་པས་མཁའ་འགྲོ་མ་འཁོར་དང་བཅས་པས་གསོལ་བར་བསམ། ཡང་བསྡུས་པ་ནི། གཏོར་མར་བསྒྲུབ་བྱ་བཀུག་ལ་རྣམ་ཤེས་སྤར་བ། ཕྱག་གཡོན་པའི་ཐོད་པར་བཅུག །གཡས་ཀྱི་གྲི་གུག་གིས་གཏུབས་ནས་ཤ་ཁྲག་གི་རྒྱ་མཚོར་གྱུར་པ་མཁའ་འགྲོ་མ་རྣམས་ཀྱིས་གསོལ་བར་བསམ་ཞིང་། ཨོཾ་ཌཀི་ནཱི་སེང་ཧ་མུ་ཁ་ས་པཱ་རི་ཝཱ་ར་གནོད་བྱེད་དགྲ་བགེགས་བྱད་མའི་མ་ཧཱ་ནཱཾ་ས་ལ་ཁ་རཾ་ཁཱ་ཧི། དེ་བཞིན་དུ། རཀྟ༔ ཙིཏྟ གོ་རོ་ཙ་ན༔ བ་ལི་ཏ༔ ཀིང་ནི་རི་ཏི་ལ༴ ཞེས་ཞིང་སྐྱོང་ཡུམ་དང་ཐུགས་རྒྱུད་གཅིག་པའི་ཕྱིར། །དཔའ་བོ་རྣམ་རོལ་ནང་གི་ཟློག་པ་སྦྱར། ཧཱུཾ། མཁའ་འགྲོ་སེང་གེའི་གདོང་ཅན་འཁོར་བཅས་ཀྱིས། །ཤ་ཁྲག་དམར་གྱི་གཏོར་མ་འདི་བཞེས་ལ། །བདག་ཅག་འཁོར་དང་བཅས་ལ་གནོད་པ་ཡི། །སྲིད་པའི་ཁྲམ་ཁ་ཐམས་ཅད་དགྲ་སྒྱུར། །ལྷ་འདྲེའི་དམག་ཚོགས་མ་ལུས་དགྲ་ལ་དྲོངས། །ཕ་རོལ་བསམ་སྦྱོར་ངན་

[Full Size]

པའི་ལས་བརྩམས་པ། །བྱད་ཁ་ཕུར་ཁ་རྦོད་གཏོང་དྲག་པོ་དང་། །ཚེ་ཟོར་རྦད་འདྲེ་ཡུངས་ཟོར་འཕེན་པ་ཟློག །ས་བདག་ཀླུ་ཡིས་བྱེད་དུ་བཅུག་པ་དང་། །ཐེའུ་རང་འབྱུང་པོའི་སྲི་རྐུན་ཐམས་ཅད་ཟློག །གཤིན་རྗེའི་འཁོར་ལོ་བདུད་ཀྱིས་ཁྲམ་འདེབས་དང་། །མུ་སྟེགས་ངན་པས་བར་ཆད་བྱེད་པ་ཟློག །རྒྱལ་བསེན་རྣམས་ཀྱི་སྨྱོ་འབོག་གཏོང་བ་དང་། །དྲང་སྲོང་གཟའ་དང་ཀླུ་གདོན་གནོད་པ་ཟློག །ཞང་ཞུང་ཇོ་ཟོར་སུམ་པའི་གླང་ཟོར་དང་། །བོན་པོ་རྣམས་ཀྱིས་བརྡ་ཟོར་འཕེན་པ་ཟློག །བནེའི་སྔགས་ཟོར་སྐྱེས་པའི་མདའ་ཟོར་དང་། །བུད་མེད་རྣམས་ཀྱིས་དམོད་ཟོར་འཕེན་པ་ཟློག །བདུད་ཀྱི་གཤེད་བཞི་རོ་ལངས་འབྱུང་པོ་དང་། །མ་མོ་རྣམས་ཀྱིས་ཁྲག་ཟོར་འཕེན་པ་ཟློག །མོ་རྩིས་ངན་དང་རྨི་ལམ་མཚན་མ་ངན། །ལྟས་ངན་མི་རུང་བརྒྱད་ཅུ་རྩ་གཅིག་ཟློག །བཞི་བརྒྱ་རྩ་བཞིའི་ནད་རྣམས་མ་ལུས་དང་། །གདོན་རིགས་ཉི་ཁྲི་ཆིག་སྟོང་ཚོགས་རྣམས་ཟློག་སྟོང་ཕྲག་བརྒྱད་ཅུའི་བགེགས་ཚོགས་མ་ལུས་དང་། །ཡེ་འདྲོགས་ཆེན་པོ་སུམ་བརྒྱ་དྲུག་ཅུ་ཟློག །གདོན་ཆེན་བཅོ་ལྔ་ལོ་ཟླ་ཞག་དུས་སྐགེ །མི་མཐུན་ཕྱོགས་རྣམས་

[Full Size]

དགྲ་བགེགས་སྟེང་དུ་ཟློག །དུས་མིན་འཆི་བའི་འཇིགས་པ་བརྒྱད་རྣམས་དང་། །ལྟས་ངན་ཆོ་འཕྲུལ་དགྲ་བོའི་སྟེང་དུ་ཟློག །རྡོ་རྗེ་གར་གྱི་སྐག་ཟློག་མ། །ཤར་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །རིན་ཆེན་གར་གྱི་སྐག་ཟློག་མ། །ལྷོ་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །པདྨ་གར་གྱི་སྐག་བཟློག་མ། །ནུབ་ཕྱོགས་གདོན་གྱི་སྐག་སྒྱུར་ཅིག ། བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །ལས་ཀྱི་གར་གྱི་སྐག་ཟློག་མ། །བྱང་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །གཞན་གྱིས་ཕུར་ཟོར་འཕེན་པ་ཟློག །མཆེ་ཟོར་ཡུངས་ཟོར་འཕེན་པ་ཟློག །གཤིན་རྗེས་འཁོར་ལོ་བསྐོར་བ་ཟློག །བདུད་ཀྱི་ཁྲམ་ལ་བཏབ་པ་ཟློག །མ་མོས་ཐུན་ཟོར་འཕེན་པ་ཟློག །ཀླུ་ཡི་བྱད་དུ་བཅུག་པ་ཟློག །ཕོ་ཉས་བླ་སྲོག་འཕྲོག་པ་ཟློག །ཐེའུ་རང་ཚེ་ལ་བརྐུབ་ཟློག །མུ་སྟེགས་

[Full Size]

ངན་སྔགས་བྱེད་པ་ཟློག །ཞང་ཞུང་ཇོ་དམར་འཕེན་པ་ཟློག །བོན་པོས་སྔགས་ལོག་སྒྲུབ་པ་ཟློག །སུམ་པས་གླང་ཟོར་འཕེན་པ་ཟློག །སྐྱེས་པས་མདའ་ཟོར་ཟོར་འཕེན་པ་ཟློག་བུད་མེད་དམོད་ཟོར་འཕེན་པ་ཟློག །ལྟས་ངན་བརྒྱད་ཅུ་རྩ་གཅིག་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །བྱིས་པའི་གདོན་ཆེན་བཅོ་ལྔ་ཟློག །བཟློག་གོ་དམར་ཆེན་གཏོར་མས་ཟློག །བ་བསྒྱུར་རོ་ལྟས་ངན་དགྲ་ལ་སྒྱུར། །སྐག་ཟློག་གོ །འདི་ནི་སྲིན་མོ་ཟ་ལམ་དོན་བསྡུས་ཏེ། །གཏོར་ཟློག་ཀུན་ལ་སྦྱར་དུ་རུང་བ་ཡིན། །དེས་ན་རྒྱུ་ལྡོག་འགྲིགས་ན་ཟོར་དུ་འཕང་། །གཏོར་མ་ཕྱིར་ཁྱེར་བཅུག་ལ། །བྷྱོ། ཡེ་ཤེས་མཁའ་འགྲོའི་ཚོགས་ལ་ཕྱག་འཚལ་ལོ། །འགྲོ་མགོན་སྐྱོབ་པ་རྣམས་ཀྱི་བཀའ་བཞིན་དུ། །ཕྲིན་ལས་ཚུལ་བཞིན་སྒྲུབ་པའི་བཀའ་ཉན་མ། །རྫུ་འཕྲུལ་སྟོབས་དང་ལྡན་ཞིང་མ་ཐོགས་པར། །ཕྲིན་ལས་སྣ་ཚོགས་སྒྲུབ་པའི་ལས་མཛོད་ཅིག །དཔེར་ན་རྔོན་པས་རི་དྭགས་བཤོར་བ་བཞིན། །བསད་པ་དོན་དུ་གཉེར་བའི་ལས་མཛད་མ། །གསོད་པ་དོན་དུ་གཉེར་བའི་ལས་མཛོད་ཅིག །ཨོཾ་ཧཱུྃ་ཏྲིག་ཁྲོ་བྷྱོ༔ མ་ནི་མཱ་ར་ནི་བྷྱོ མཱ་ར་དུ་ན་

[Full Size]

བྷྱོ༔ རཀྵ་རཀཱན་བྷྱོ ཏིང་ཡ་རཀྵ་བྷྱོ༔ དགྲ་བགེགས་བྱད་མ་མཱ་ར་ཡ། ཡ་མ་རཱ་ཛ་ཀཱི་ལ་ཡ་བྷྱོ༔ ཞེས་སོགས་བརྗོད་ལ་འཕང་། རྒྱུ་ཕྱོགས་མ་འགྲིགས་ན་ནི་འབུལ་རྒྱུ་བསྐུར། །དེ་ནས་དམིགས་མེད་སྟོང་པའི་རྒྱ་ཡིས་གདབ། །རྡོ་རྗེའི་གོ་མཚོན་ཟློག་པ་རྒྱས་པ་ཡིན། །ཕག་ལོ་ཆོ་འཕྲུལ་ཆེན་པོའི་ཡར་ཚེས་གཉིས་ཀྱི་སྔ་དྲོའི་ཉིན་ཚེར་ཡོད་ཆོག་བྱད་མ་འབུམ་རྡུགས་ཀྱི་བཟློག་པའི་ཟིན་བྲིས་བཅས། ༢ སྔགས་རྒན་རཱ་ག་ཨ་སྱས་སྨྲས་ལྟར། བརྒྱུད་འཛིན་བུ་ཡིས་ལེགས་པར་བྲིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

[Full Size]

ཤོག་སྟོང་།

སེང་གདོང་མའི་ཆད་བསྟན་དང་རྗེས་ཆོག

[Full Size]

ཅེས་རྗེས་ཆོག་སྤྱི་ལྟར་བྱའོ་གསུངས་པ་ལྟར་འདི་མན་ཡོད་པར་གོ་ནས་ལྷར་སབ་པ་ཡིན། དེ་ནས་ཆད་མདོ་འདི་ལྟར་བསྒྲགས་ལ་དཔལ་འབར་འཛུགས་ཤིང་འདི་སྐད་དོ། ། ཧཱུྃ་བྷྱོ༔ བསྐལ་པ་བརྒྱད་ཁྲི་བཞི་སྟོང་སྔོན་རོལ་དུ། །འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། །སྤྲོས་བྲལ་བདེ་ཆེན་ཀུན་ཏུ་བཟང་མོ་ཡིས། །བྱ་རྩོལ་བྲལ་བ་ཡིད་ཆེས་བསྟན་པའི་ཚེ། །རིགས་ལྔ་བདེ་ཆེན་མཁའ་དབྱིངས་བཀོད་པའི་ཚོགས། །ཇི་ལྟར་ཁས་བླངས་དམ་ཚིག་ཕོག་ནས་སུ། །བཀའ་ཡི་གཏོར་མ་ལེན་པར་མ་ཆད་དམ། །ཡོན་བདག་བར་ཆད་བཟློག་༣ པར་མ་ཆད་དམ། །ཇི་ལྟར་ཁས་བླངས་བཞིན་དུ་གཏོར་མ་ལོངས། །དེ་ལྟར་དམ་བཅའ་བཞིན་དུ་ཕྲིན་ལས་བཛོད། །ཧཱུྃ་བྷྱོ༔ དེ་འོག་སྙིགས་མའི་དུས་ལ་བབ་པའི་ཚེ། །དུད་ཁྲོད་རོ་ལངས་བསིལ་བའི་ཚལ་ཆེན་དུ། །མཁའ་འགྲོའི་གཙོ་མོ་ལས་ཀྱི་དབང་མོ་ཆེ། །གསང་སྔགས་རྒྱུད་སྡེ་གཏེར་དུ་སྦས་པའི་ཚེ། །སྣང་སྲིད་འཇིག་རྟེན་ལྷ་སྲིན་སྡེ་བརྒྱད་ཀྱི། །སོ་སོའི་སྐུ་གསུང་ཐུགས་མཆོག་བསྟན་ནས་ཀྱང་། །སངས་རྒྱས་བསྟན་པ་བསྲུང་བར་མ་ཆད་དམ། །དཀོན་མཆོག་དབུ་འཕང་བསྟོད་པར་མ་ཆད་དམ། །བླ་མའི་

[Full Size]

ཐུགས་དགོངས་བསྒྲུབ་པར་མ་ཚད་དམ། །རྣལ་འབྱོར་སྐུ་ཚེ་བསྲིང་བར་མ་ཆད་དམ། །དམར་ཆེན་གཏོར་མ་ལེན་པར་མ་ཆད་དམ། །སྔོན་ཚེ་ཞལ་བཞེས་དམ་བཅའ་དེ་བཞིན་དུ། །མཆོད་གཏོར་བཞེས་ནས་ཕྲིན་ལས་བསྒྲུབ་པར་མཛོད། ། ཧཱུྃ་བྷྱོ༔ དེ་འོག་གཅོད་པའི་དུས་ལ་བབ་པའི་ཚེ། །མཆོད་རྟེན་ཆེན་པོ་བདེ་བྱེད་བརྩེགས་པའི་ཚར། །གྲུབ་པ་བརྙེས་པའི་རིག་འཛིན་བརྒྱུད་རྣམས་ཀྱི། །གུང་ཐང་དགོངས་པ་མཛད་ནས་གཟིགས་པའི་ཚེ། །མཁའ་འགྲོ་ཤུགས་འགྲོའི་གཏེར་སྒོམ་གཏད་ནས་ཀྱང་། །སོ་སོའི་སྐུ་གསུང་ཐུགས་མཆོག་བསྟན་ནས་ཀྱང་། །སངས་རྒྱས་བསྟན་པ་བསྲུང་བར་མ་ཆད་དམ། །དཀོན་མཆོག་དབུ་འཕང་བསྟོད་པར་མ་ཆད་དམ། །བླ་མའི་ཐུགས་དགོངས་བསྒྲུབ་པར་མ་ཟ ཆད་དམ། །རྣལ་འབྱོར་སྐུ་ཚེ་བསྲིང་བར་མ་ཆད་དམ། །དམར་ཆེན་གཏོར་མ་ལེན་པར་མ་ཆད་དམ། །སྔོན་ཚེ་ཞལ་བཞེས་དམ་བཅའ་དེ་བཞིན་དུ། །མཆོད་གཏོར་བཞེས་ནས་ཕྲིན་ལས་བསྒྲུབ་པར་མཛོད། ། ཧཱུྃ་བྷྱོ༔ དེ་འོག་འདུལ་བའི་དུས་ལ་བབ་པའི་ཚེ། །བོད་ཡུལ་ཁ་བ་ཅན་གྱི་ཡུལ་ལྗོངས་སུ། །སློབ་དཔོན་ཆེན་པོ་པདྨ་བྱོན་པའི་ཚེ། །

[Full Size]

བོད་ཀྱི་ལྷ་སྲིན་སྡེ་བརྒྱད་འཁོར་དང་བཅས། །རང་རང་སོ་སོའི་གཟུགས་མཆོག་བསྟན་ནས་ཀྱང་། །སངས་རྒྱས་བསྟན་པ་བསྲུང་བར་མ་ཆད་དམ། །དཀོན་མཆོག་དབུ་འཕང་བསྟོད་པར་མ་ཆད་དམ། །བླ་མའི་ཐུགས་དགོངས་བསྒྲུབ་པར་མ་ཚད་དམ། །རྣལ་འབྱོར་སྐུ་ཚེ་བསྲིང་བར་མ་ཆད་དམ། །དམར་ཆེན་གཏོར་མ་ལེན་པར་མ་ཆད་དམ། །སྔོན་ཚེ་ཞལ་བཞེས་དམ་བཅའ་དེ་བཞིན་དུ། །མཆོད་གཏོར་བཞེས་ནས་ཕྲིན་ལས་བསྒྲུབ་པར་མཛོད། །ཧཱུྃ་བྷྱོ༔ ད་དུས་སྙིགས་མ་ལྔ་བདོའི་དུས་འདི་རུ། །པདྨའི་ཡང་སྤྲུལ་གཏེར་སྟོན་ཆེན་པོ་ཡིས། །ཟབ་གཏེར་མཐའ་དག་གཏེར་ནས་བཏོན་པའི་ཚེ། །བོད་ཀྱི་ལྷ་སྲིན་གདུག་པ་ཅན་རྣམས་ཀྱིས། །རང་རང་སོ་སོའི་གཟུགས་མཆོག་བསྟན་ནས་ཀྱང་། །སངས་རྒྱས་བསྟན་པ་བསྲུང་བར་མ་ཆད་དམ། །དཀོན་མཆོག་དབུ་འཕང་བསྟོད་པར་མ་ཆད་དམ། །བླ་མའི་ཐུགས་དགོངས་བསྒྲུབ་པར་མ་ཆད་དམ།། རྣལ་འབྱོར་སྐུ་ཚེ་བསྲིང་བར་མ་ཆད་དམ། །དམར་ཆེན་གཏོར་མ་ལེན་པར་མ་ཆད་དམ། །སྔོན་ཚེ་ཞལ་བཞེས་དམ་བཅའ་དེ་བཞིན་དུ། །མཆོད་གཏོར་བཞེས་ནས་ཕྲིན་ལས་

[Full Size]

བསྒྲུབ་པར་མཛོད། །ཧཱུྃ་བྷྱོ ད་ལྟ་བསྒྲུབ་པའི་རྣལ་འབྱོར་བདག་ཅག་གིས། །མཁའ་འགྲོ་དམ་ལ་འདུལ་བའི་གནས་མཆོག་ཏུ། །ཚེ་འདིར་སངས་རྒྱས་སྐུ་གསུམ་བསྒྲུབ་པའི་ཕྱིར། །མ་རྒྱུད་མཁའ་འགྲོའི་དཀྱིལ་འཁོར་ཞལ་ཕྱེས་ཚེ། །བཀའ་ཡི་སྲུང་མ་དམ་ཅན་རྒྱ་མཚོ་ཡིས། །སོ་སོའི་གཟུགས་མཆོག་དམ་པ་བསྟན་ནས་ཀྱང་། །སངས་རྒྱས་བསྟན་པ་བསྲུང་བར་མ་ཆད་དམ། །དཀོན་མཆོག་དབུ་འཕང་བསྟོད་པར་མ་ཆད་དམ། །བླ་མའི་ཐུགས་དགོངས་བསྒྲུབ་པར་མ་ཆད་དམ། །རྣལ་འབྱོར་སྐུ་ཚེ་བསྲིང་བར་མ་ཆད་དམ། །དམར་ཆེན་གཏོར་མ་ལེན་པར་མ་ཆད་དམ། །ཇི་ལྟར་ཁས་བླངས་དམ་བཅས་དེ་བཞིན་དུ། །མཆོད་གཏོར་བཞེས་ལ་ཕྲིན་ལས་འགྲུབ་པར་མཛོད། །དེ་ནས་གཏོར་ཞལ་སློབ་དཔོན་མདུན་ལ་བསྟན་ནས་ཕུལ། དང་པོ་ཐུགས་དམ་གནད་ནས་བསྐུལ་བ་ནི། གཏོར་ཟོར་ལ་དཔལ་འབར་འཛུགས་ལ་རཀྟས་བྲན་ལ་ཡི་དམ་མཁའ་འགྲོའི་ང་རྒྱས་གྱིས་སྐད་དོ།། ཧཱུྃ། བཞེངས་ཤིག་ཆོས་ཀྱི་དབྱིངས་ནས་བཞེངས། །ཡི་དམ་རྒྱལ་བ་སྐུ་བཞེངས་ཤིག །བསྐུལ་ལོ་ཐུགས་དམ་གནད་ནས་བསྐུལ། །མཛོད་ཅིག་སེམས་ཅན་དོན་མཛོད་ཅིག །བྷྱོ༔ བཞེངས་ཤིག་

[Full Size]

མཁའ་འགྲོ་དབྱིངས་ནས་བཞེངས། །རྒྱལ་ཡུལ་གཙོ་མོ་སེང་གདོང་མ། །མཐུ་དང་ནུས་པ་བསམ་མི་ཁྱབ། །སྐུ་མདོག་མཐིང་ནག་གར་སྟབས་རོལ། །སྤྱན་གསུམ་སྡང་མིག་ཧྲིགས་སེ་ཧྲིག །གཡུ་ཡི་རལ་པ་ཤ་ར་ར། །ཐུན་དང་དུག་རླངས་ཆི་ལི་ལི། །ཞལ་ནས་སྦྱོ་བཟློག་ཏི་རི་རི། །རུ་ལུའི་སྒྲ་སྐད་འུ་རུ་རུ། །བསྐུལ་ལོ་མཁའ་འགྲོ་ལས་ལ་བསྐུལ། །དམ་ཉམས་དགྲ་ལ་ར་མདའ་མཛོད། །དམར་གྱི་གཏོར་མ་འདི་བཞེས་ལ། །ཤར་ཕྱོགས་དཀར་མོ་སེང་གདོང་མ། །ཡུལ་འཁོར་དྲུག་གི་བཀའ་སྒྱུར་མ། །དྲི་ཟའི་དམག་ཚོགས་དགྲ་ལ་སྒྱུར། །ནད་ཡམས་དལ་ཁ་ཤར་དུ་སྒྱུར། །ལྷོ་ཕྱོགས་སེར་མོ་སེང་གདོང་མ། །འཕགས་སྐྱེས་པོ་ཡི་བཀའ་སྒྱུར་མ། །གཤིན་རྗེའི་དམག་ཚོགས་དགྲ་ལ་སྒྱུར། །ནད་ཡམས་དལ་ཁ་ལྷོ་རུ་སྒྱུར། །ནུབ་ཕྱོགས་དམར་མོ་སེང་གདོང་མ། །སྤྱན་མི་བཟང་གིས་བཀའ་སྒྱུར་མ། །ཀླུ་གདོན་དམག་ཚོགས་དགྲ་ལ་སྒྱུར། །ནད་ཡམས་དལ་ཁ་ནུབ་ཏུ་སྒྱུར། །བྱང་ནས་ལྗང་མོ་སེང་གདོང་མ། །རྣམ་ཐོས་སྲས་ཀྱི་བཀའ་སྒྱུར་མ། །གནོད་སྦྱིན་དམག་ཚོགས་དགྲ་ལ་སྒྱུར། །ནད་ཡམས་དལ་ཁ་

[Full Size]

བྱང་དུ་སྒྱུར། །ཁྲོ་མོའི་སྤྲུལ་པའི་མཁའ་འགྲོ་ནི། །སྤྲུལ་པ་ཡང་སྤྲུལ་བསམ་མི་ཁྱབ། །ཤུགས་འགྲོ་བྲན་གཡོག་འཁོར་དང་བཅས། །ཐམས་ཅད་རུ་མཚོན་རངས་སེ་རང་། མ་མོའི་དཔུང་ཚོགས་ཉི་ལི་ལི། །བདག་དང་རྒྱུ་སྦྱོར་འཁོར་དང་བཅས། །བྱད་ཁ་ཕུར་ཁ་བཟློག་ཏུ་གསོལ། །ཆག་ཆེ་ཉམ་ང་བཟློག་ཏུ་གསོལ། །བར་ཆད་འགལ་རྐྱེན་བཟློག་ཏུ་གསོལ། །དལ་ཁ་ཡམས་ཁ་བཟློག་ཏུ་གསོལ། །རྦོད་གཏོང་རྦད་འདྲེ་བཟློག་ཏུ་གསོལ། །བྱད་ཁ་ཟོར་ཁ་བཟློག་ཏུ་གསོལ། །གཏད་ཁ་ཕུང་སེལ་ཐམས་ཅད་བཟློག་ཏུ་གསོལ། །ཕྲ་མེན་རླུང་འཁོར་ཐམས་ཅད་བཟློག་ཏུ་གསོལ། །རྨི་ལྟས་མཚན་ངན་ཐམས་ཅད་བཟློག་ཏུ་གསོལ། ། བྷྱོ༔ ད་ནི་འཇིག་རྟེན་གཡོ་ཞིང་འགུལ། །ད་ནི་སྲིད་གསུམ་ཁྱོམ་ཞིང་ལྡེག །སྣང་སྲིད་ཐམས་ཅད་གཡོ་ཞིང་འགུལ། །མ་བདུད་ཆེན་མོ་སྐུ་བཞེངས་ཤིག །ཟོར་བདག་ཆེན་མོ་བསྐྱོད་པའི་ཚེ། །འཁོར་གྱི་མ་མོ་ཅི་ལ་སྡང་། །རྣལ་འབྱོར་ཡོན་མཆོད་འཁོར་བཅས་ཀྱིས། །བྱད་ཁ་ཕུར་ཟོར་ཐམས་ཅད་དང་། །མ་མོ་ཁྱོད་ཀྱིས་ད་ཤུལ་ལ། །དྲག་པོའི་ཟོར་དང་བཅས་ནས་ནི། །སྡང་བའི་དགྲ་དང་

[Full Size]

བགེགས་ལ་འཕེན། །ཟ་བའི་འདྲེ་དང་སྲི་ལ་འཕོངས། །བརྣག་པའི་དགྲ་བགེགས་སྟེང་དུ་འཕོངས། །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །བཟློག་གོ་བསྒྱུར་རོ་ས་མ་ཡཱ། །བྷྱོ་བྷྱོ་ཐུན་ཐུན་དགྲ་ལ་བྷྱོ། རྦད་རྦད་ཐུན་ཐུན་དགྲ་ལ་རྦད། །ཅེས་ཡེ་ཤེས་པ་ནམ་མཁའ་ལ་བཏེག་ནས་བཞུགས། འཇིག་རྟེན་པ་འོད་དུ་ཞུ་ནས་གཏོར་མ་དུག་གི་སྡོང་པོ། མཚོན་ཆ་མེའི་ཕུང་པོས་དགྲ་བགེགས་རྩི་སྐྱ་ལ་ཐོག་ཕོག་པ་ལྟར་དམིགས་མེད་དུ་གྱུར་པར་བསམ། དེ་ནས་བརྟན་མ་སྐྱོང་ལ་བག་ཡོད་ཁས་བླངས་དགོངས་པ་ལྟར་ལ། བྷྱོ ཡུལ་གྱི་མིང་ནི་གདོང་དམར་བོད། །དཀར་ཕྱོགས་སྐྱོང་བའི་བརྟན་མ་ནི། །རྡོ་རྗེ་ཀུན་བཟང་ཀུན་གྲགས་མ། །ཡ་མ་སྐྱོང་དང་བགེགས་ཀྱི་གཙོ། །སྤྱན་གཅིག་ཀླུ་མོ་དཔལ་གྱི་ཡུམ། །གྲགས་མོ་རྒྱལ་དང་བོད་ཁམས་སྐྱོང་། །སྨན་གཅིག་གཟུགས་ལེགས་དབྱར་མོ་བསིལ། །རེ་རེའང་འཁོར་ནི་སྨན་བཙུན་འབུམ། །ལྷབ་ལྷུབ་སིལ་སྙན་སྒྲ་དང་བཅས། །སྔོན་ཚེ་རྒྱལ་བའི་བཀའ་ལུང་བཞིན། །གཏོར་མ་བཤལ་ཆུ་འདི་བཞེས་ལ། །བཀའ་བརྒྱུད་བསྟན་པ་ཡུན་དུ་གནས། །བོད་ཁམས་བདེ་ལ་འགོད་པའི་ཕྱིར། །རྣལ་འབྱོར་བཅོལ་

[Full Size]

བའི་ཕྲིན་ལས་མཛོད། །དེ་ནས་གཏོར་མ་ཕུལ་ནས་གཏོར་གཞུང་ཐམས་ཅད་ཁ་མར་བསྐོར། འོག་ཏུ་བྱེད་མ་དམ་སྲི་ཚུད་ནས་རི་རབ་ཀྱིས་མནན། སྟེང་དུ་ཁྲོ་བོ་ཁྲོ་མོའི་བྲོ་འཁྲབ་ལ་མི་ཐར་བར་བསམ་ལ། ཧཱུྃ་གཏེར་བུ་ཁྲོས་ནག་སེང་གེའི་གདོང་། །ཕྱག་མཚན་གྲི་ཁུག་ཐོད་ཁྲག་དང་། །ཁ་ཊཾ་ལྕགས་ཀྱུའི་བརྒྱན་པ་རྣམས། །ལྕགས་རལ་གསེབ་ནས་ཕུར་ཆར་འབེབས། །རང་འདྲ་མཁའ་འགྲོ་བརྒྱ་དང་བཅས། །ཀུན་ཀྱང་བྲོ་རྡུང་ཁྲིགས་སེ་ཁྲིག །དམ་སྲི་ཐལ་བ་རྡུལ་དུ་རློགས། །རི་རབ་གླིང་བཞིའི་འོག་ཏུ་མནན། །འགྱུར་བ་མེད་པའི་རྒྱས་གདབ་བོ། །ཕཊ་ཡརམསརདཏ༔མ༔རམས༔ཀཨ༔ ཤ་ཏྲི་ཛནི་ཏྲི་ཁུག །དགྲ་བགེགས་འབྱུང་པོའི་སེམས་དང་བག་ཆགས་ངན་པ་མཱ་ར་ཡ་ནན། ཛཾ་བྷ་ཡ་ནན། ཙཱ་བྷ་ཡ་ནན། ཞེས་ཕྲིན་འགེབ་ལྟར་བྱའོ། །དང་པོ་གཏོར་གཞུང་ཁ་ཡར་ཟེད་ལ་མེ་ཏོག་འཐོར། དེ་ནས་གཏང་རག་གི་མཆོད་བསྟོད་ནི། ཧཱུྃ་བྷྱོ༔ དངོས་སུ་འབྱོར་དང་ཡིད་ལས་བྱུང་བ་ཡི། །མཆོད་ཡོན་མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོའི་བྱེ་བྲག་ཅི་མཆིས་པ། །ནམ་མཁའ་གང་བ་སེམས་ཀྱིས་དངོས་སྤྲུལ་ནས། །སེང་གདོང་ཌཱ་ཀི་འཁོར་དང་བཅས་ལ་འབུལ། །མཁའ་འགྲོ་

[Full Size]

འཁོར་བཅས་ཐུགས་དམ་བསྐང་གྱུར་ཅིག །ༀ་བཛྲ་ཌཱཀི་སེང་ཧ་མུ་ཁ་ས་པཱ་རི་ཝཱ་ར་ཨརྒྷཾ་ཨཱཧཱུྃ། སོགས་ནས། ཤཔྟ་ཨཱཎཱཧཱུཾ། བར་དང་། སརྦ་པཉྩ་ཨ་མྲྀ་ཏ་རཀྟ་བྷ་ལིང་ཏ་ཁ་རཾ་ཁཱ་ཧི། བསྟོད་པ་ནི། ཧཱུཾ་བྷྱོ༔ རྒྱལ་བ་ཀུན་གྱི་ཐུགས་ཀྱི་རྡོ་རྗེ་དངོས། །བསྟན་དང་གཡོ་བའི་ཁྱབ་བདག་བདེ་ཆེན་སྐུ། །ནམ་མཁའི་མདོག་ཅན་ཌཀི་བྱེ་བའི་གཙོ། །དཔལ་ལྡན་འཁོར་དང་བཅས་ལ་ཕྱག་འཚལ་སྟོད། །བསྟོད་པ་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། །ཡི་གེ་བརྒྱ་པ་བཟློས་ལ་བཟོད་གསོལ་ནི། མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་རྩལ་བ། །དེ་ཀུན་མགོན་པོའི་བཟོད་པར་གསོལ། །དེ་ནས་དངོས་གྲུབ་ལེན་པ་ལ་གཙོ་གཏོར་དང་སྨན་རཀ་ཕྱག་ཏུ་ཐོགས་ནས། བྷྱོ༔ རང་བཞིན་གདོད་ནས་རྣམ་པར་དག །འཆི་མེད་རང་བྱུང་བདུད་རྩིའི་མཆོད། །གསང་བ་ཡོངས་རྫོགས་དངོས་གྲུབ་ཞུ། །ཁམས་གསུམ་དབང་བསྡུས་སྲིད་གསུམ་འགྲན་ཟླ་བྲལ། །གནས་གསུམ་ཌཱཀི་ཚོགས་ཀྱིས་དངོས་གྲུབ་སྩོལ། །

[Full Size]

གཞན་གྱིས་མི་ཐུབ་མཐུ་རྩལ་དྲག་པོ་ནི། །དྲག་མོ་སེང་གདོང་ལྷ་མོའི་དངོས་གྲུབ་སྩོལ། །མདོ་སྔགས་རྒྱུད་འཛིན་གཞན་དོན་ལྷུན་གྲུབ་པའི། །ཚེ་ཡི་ལྷ་མོའི་དངོས་གྲུབ་བསྩལ་དུ་གསོལ། །ཨོཾ་ཨཱཧཱུྃཀཱ་ཡ་སིདྡྷི་ཧཱུཾ། ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུཾ། སརྦ་སིདྡྷི་ཧོ། དེ་ནས་བདུད་རྩིར་ལོངས་སྤྱོད་གཏོར་མ་རང་གི་གནས་བཞིར་འཇོག་དངོས་གྲུབ་ཐམས་ཅད་ཐོབ་སྙམ་པའི་མོས་གུས་བྱའོ། །དང་པོ་བཀྲ་ཤིས་བྱ་བ་ནི། ཉི་ཤུ་རྩ་བཞིའི་གནས་མཆོག་དང་། །ཁྱད་པར་ཨུ་རྒྱན་དབེན་གནས་སུ། །དམ་ཚིག་ཅན་རྣམས་སྐྱོང་མཛད་མ། །མཁའ་འགྲོ་མ་རྣམས་བཀྲ་ཤིས་ཤོག །དེ་ནས་བདག་བསྐྱེད་མདུན་བསྐྱེད་རྫོགས་རིམ་བསྡུས་པ་ནི། ཨོཾ་ཁྱེད་ཀྱིས་སེམས་ཅན་དོན་ཀུན་མཛོད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །བཀྲ་ཤིས་སྨོན་ལམ་གྱིས་རྒྱས་འདེབས་ཤིང་དགེ་བ་སེམས་ཅན་དོན་དུ་བསྔོ། ཞེས་ལས་ཀྱི་རིམ་པ་མ་རྒྱུད་ཌཀིའི་ཚོགས་ལས་འདི། མདོ་སྔགས་ཟུང་འཇུག་འདི་ནི། །བ་རི་ལུགས་ཀྱི་ལས་ཚོགས་སངས་རྒྱས་གླིང་པའི་གཏེར་ཁ་མཁའ་འགྲོ་ལྤགས་ཀྱི་སྨེ་བ་ཅན་གྱི་ལུགས་དང་། བླ་མ་རྒྱལ་ཚབ་པའི་ལུགས་འཇམ་དབྱངས་པདྨ་གར་དབང་ལུགས་ཀྱི་སྙན་བརྒྱུད་དང་། མངའ་བདག་མྱང་གི་གཏེར་ཁ་སོགས་

[Full Size]

ཐམས་ཅད་ཀྱི་དོན་གཅིག་ཏུ་དྲིལ་བ་བྱས་ནས་ཕྱོགས་གཅིག་ཏུ་སབ་ཕྲི་གང་དགོས་སོགས་ནི་གོང་མ་རྣམས་ཀྱིས་མཛད་སྲོལ་ལྟར་དུ། མཁའ་འགྲོའི་བཀའ་གནང་ལ་བརྟེན་ནས། དོན་གསལ་ཁྱེར་བདེ་བ་ལག་ལེན་འགྲིགས་ཆགས་སུ་བཀོད་པ་བདག་འདྲ་རྨོངས་པ་རྣམས་ལ་ཕན་སྙམ་ནས་བཀོད། འདི་བྲིས་འགལ་འཁྲུལ་ཉེས་སྐྱོན་ཅི་མཆིས་པ་ཐམས་ཅད་བླ་མ་དང་ཡེ་ཤེས་མཁའ་འགྲོ་དབྱེར་མ་མཆིས་ཌཱཀིའི་ཚོགས་ཀྱི་བདག་མོ་འཁོར་དང་བཅས་པ་ཆོས་བདག་སྲུང་མའི་ལྷ་ཚོགས་འཁོར་དང་བཅས་པ་ལ་བཤགས་སོ། །དགེ་བས་འདི་ཉིད་ཉམས་སུ་ལེན་མི་དང་། །བདག་དང་བུ་སློབ་དམ་ཚིག་ལྡན་པ་དང་། །དེ་ལ་མཐུན་རྐྱེན་བསྒྲུབ་པའི་སྦྱིན་བདག་རྣམས། །རྐྱེན་ངན་བར་ཆད་དབང་དུ་མི་འགྲོ་ཞིང་། །སུན་མ་བྱད་ཁ་ཕུར་ཁས་མི་ཚུགས་ཤིག །ཅི་འདོད་འདོད་འཇོ་བ་ལས་བྱུང་བ་བཞིན། །མཆོག་ཐུན་དངོས་གྲུབ་ཚེ་འདིར་མྱུར་ཐོབ་ནས། །འབྱུང་བཞི་བསྡུས་ནས་ཚེ་འཕོས་གྱུར་པའི་ཚེ། །ནུབ་ཕྱོགས་ཞིང་ཁམས་བདེ་ཆེན་ཕོ་བྲང་ནས། །གནས་གསུམ་མཁའ་འགྲོའི་ཚོགས་ཀྱིས་བསུ་བར་ཤོག །ཞིང་དེར་ཆོས་འཁོར་བསྐོར་བསྐོར་ཞིང་བཞུགས་གྱུར་ཅིག །དེ་སྐད་སྨྲ་བ་སྔགས་འཆངས་ཨ་རཱ་པ། །རྣལ་འབྱོར་རིག་པ་འཛིན་དེས་བྲིས་པའོ། །མངྒ་ལཾ། ཤུ་བྷཾ། །

[Full Size]

ཤོག་སྟོང་།

དུས་མིན་འཆི་བ་བཟློག་ཐབས་དཀར་མོ་སྐུའི་ཌཱཀིའི་ཚེ་སྒྲུབ།

[Full Size]

དུས་མིན་འཆི་བ་བཟློག་ཐབས་དཀར་མོ་སྐུའི་ཌཱཀིའི་ཚེ་སྒྲུབ་བཞུགས་སོ།།

[Full Size]

ན་མོ་ཛྙཱ་ན་ཌཱཀི་ཡེ། དཀར་མོ་སྐུ་ཡི་ཌཱ་ཀི་ལ་བརྟེན་ནས་ཚེ་སྒྲུབ་པ་ནི། གནས་དབེན་པར་མཎྜལ་འདབ་བཞི། མཆོད་པ་རྣམ་ལྔ་དང་། སྨན་རཀ་བཤམས། གཏོར་མ་ཚེ་བུམ་གཟུགས་ལ་རྩེ་ལ་མར་གྱི་སེང་ཞལ། ཉི་ཟླ་ནོར་བུས་མཚན་པ། མཐར་ཚེ་རིལ་གྱིས་བསྐོར་བ་དང་། འཛོམ་ན་ཚེ་ཆང་དང་། ཚེའི་མདའ་དར་བཤམས། སྐྱབས་འགྲོ་སེམས་བསྐྱེད་བྱ། སྭ་བྷ་ཝས་སྦྱང་། སྟོང་པའི་ངང་ལས་སོགས་རྒྱས་པར་སྲུང་འཁོར་ཡོངས་རྫོགས་སམ་བསྡུ་ན་འདི་རང་གི་ཡང་འཐུས་ཏེ། གསེར་གྱི་རྡོ་རྗེ་རྩེ་ལྔ་པ་ཡར་རྩེ་ཚངས་པའི་གནས་སུ་སླེབ་པ། མར་རྩེ་དབང་ཆེན་གསེར་གྱི་ས་གཞི་ལ་ཟུགས་པ། སྲ་ཞིང་བརྟན་པའི་ལྟེ་བ་ཡངས་ཤིང་རྒྱ་ཆེ་བའི་ནང་

[Full Size]

དུ། སྟེང་ཟླ་བ་དང་འོག་ཉི་མའི་གྲྭའུ་ཁ་སྦྱོར་རྒྱ་ཆེ་བའི་ནང་དུ། འོད་ཁ་དོག་རིམ་པ་དཀར་སེར་དམར་ལྗང་མཐིང་ཁ་ལྔའི་གུར་ཁང་གི་དབུས། སྣ་ཚོགས་པདྨ་ཟླ་བའི་གདན་ལ། རང་ཉིད་སྐད་ཅིག་བརྫུས་སྐྱེས་དྲན་རྫོགས་སུ། མཁའ་འགྲོ་མ་སེང་གེའི་གདོང་པ་ཅན། །སྐུ་མདོག་དཀར་མོ་ཞལ་གདངས་ཤིང་མཆེ་བ་གཙིགས་པ། གཡུ་རལ་གཞན་འཕྲུལ་དབང་བྱེད་དུ་སླེབས་ཤིང་སྤྲུག་པའི་གསེབ་ནས་ཌཱཀིའི་ཚོགས་དཔག་ཏུ་མེད་པ་འཕྲོ་བ། ཐོད་པ་སྐམ་རློན་དང་དུར་ཁྲོད་ཀྱི་ཆས་ཐམས་ཅད་ཀྱིས་བརྒྱན་པ། ཕྱག་གཡས་གསེར་གྱི་གྲི་གུག་དང་གཡོན་ཐོད་པ་

[Full Size]

ཚེ་ཡི་བདུད་རྩིས་བཀང་བ་བསྣམས་པ། གྲུ་མོ་ན་ནོར་བུ་ཁཊཾ་བརྟེན་ཞིང་གར་ཐབས་ཀྱིས་ཨུ་མའི་སྙིང་ཁར་མནན་པ། སྐུ་ལ་ཡེ་ཤེས་ཀྱི་མེ་འབར་ཞིང་བ་སྤུའི་གསེབ་ནས་རང་འདྲའི་སྤྲུལ་པ་དུ་མ་འཕྲོ་བའི་གནས་གསུམ་ཡི་གེ་གསུམ་གྱིས་མཚན་པ་ལས་འོད་འཕྲོས། ཡེ་ཤེས་པ་སྤྱན་དྲངས་ལ་བསྟིམ། དབང་ལྷ་སྤྱན་དྲངས་དབང་བསྐུར་རྣམ་སྣང་གིས་དབུ་བརྒྱན་། ཨགྷོ་པཱཏྱཾ་སོགས་ཀྱིས་མཆོད། དཔལ་ལྡན་སངས་རྒྱས་ལྷ་མོ་ནི། །དྲག་མོ་སེང་གེའི་སོགས་ཀྱིས་བསྟོད། རང་གི་ཐུགས་ཀར་ཟླ་བའི་གདན་ལ་ཧི༔ཡིག་དཀར་ལ་དམར་མདངས་ཅན་གྱི་མཐར་སྔགས་ཕྲེང་གཡོན་དུ་འཁོར་བ་ལས་འོད་ཟེར་འཕྲོས་པས། །བ་སྤུའི་བུ་ག་ནས་སེང་གདོང་མ་སྐུ་ཆུང་ལ་ཡན་ལག་དོད་པ། གཡས་ལྕགས་ཀྱུ་དང་གཡོན་ཚེ་བུམ་ཐོགས་པ་འཇིག་རྟེན་ཁྱབ་པར་འཕྲོས་ནས། རང་གི་བླ་ཚེ་ཡར་བ་བརྐུས་པ་འཕྲོག་པ་ཐམས་ཅད་དང་། སྟེང་ལྷ་འོག་ཀླུ་བར་མི་ལྷ་འདྲེ་སྡེ་བརྒྱད་ཐམས་ཅད་ཀྱི་ཚེ་བསོད་ནམས་བཀྲག་གཟི་མདངས་ཐམས་ཅད་དང་། འབྱུང་བ་བཞི་དང་ནོར་བུ་དང་རྩི་སྨན་གྱི་ནུས་པ་ཐམས་ཅད་ལྕགས་ཀྱུས་བཀུག་ནས་ཚེ་བུམ་དུ་བླུགས་ནས་ཕྱུར་བུར་བཀང་སྟེ། མྱུར་

[Full Size]

བར་ཁྱེར་འོང་སྟེ་བདག་གི་སྤྱི་གཙུག་ཏུ་བླུགས་པས་ཚངས་བུག་ནས་ཞུགས། ལུས་ཐམས་ཅད་བདུད་རྩིས་གང་འཆི་མེད་ཚེ་ཡི་དངོས་གྲུབ་ཐོབ་པར་བསྒོམས་ལ། ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ ཨོཾ་ཨཱཧཱུྃ ཨཱཡུ་ཛྙཱ་ན་སིདྡྷི་ཧཱུྃ་སྭཱ་ཧཱ། ཞེས་བཟླའོ། །ཐུན་མཚམས་སུ་རང་གི་ཐུགས་ཀ་ནས་འོད་ཟེར་འཕྲོས་པས་ཨོ་རྒྱན་གྱི་གནས་ནས་སེང་གདོང་དཀར་མོ་ལ་འཁོར་རིགས་བཞིའི་ཌཱཀི་སེང་གདོང་ཅན་རེ་རེ་ལ་ཡང་རང་འདྲ་བ་འབུམ་འབུམ་གྱིས་བསྐོར་བ་སྐད་ཅིག་ལ་སྤྱན་དྲངས་ལ། མདུན་གྱི་མཎྜལ་དབུས་སུ་བཞུགས་པ་ལ་གཏོར་མ་བདུད་རྩིར་བྱིན་རླབས་ལ་འབུལ། གཏོར་མ་བསྔོ་ལུགས་རྡོ་རྗེ་གོ་མཚོན་ལྟར་བྱས་ཀྱང་རུང་སྟེ། འདོད་གསོལ་ལ་མཇུག་ཏུ། ཅི་བསམ་ཡིད་བཞིན་འགྲུབ་པ་དང་། །འཆི་མེད་ཚེ་ཡི་དངོས་གྲུབ་སྩོལ། །ཅེས་བརྗོད། ཨརྒྱུ་སོགས་ཀྱིས་མཆོད། དཔལ་ལྡན་སྐུ་ཡི་ལྷ་མོ་ནི། །དྲག་མོ་སེང་གེའི་སོགས་ཀྱིས་བསྟོད། དེ་ལྟར་ཞག་བདུན་ལ་སྔགས་འབུམ་ཕྲག་གཅིག་གམ། ཡང་ན་རྒྱུན་བསྙེན་པས་རུང་སྟེ། རྨི་ལམ་ཉི་ཟླ་ཤར་བ་མཁར་རྩིག་པ། བཙན་པའི་མཁར་ན་འདུག་པ། །འོ་མ་དང་བདུད་རྩི་འཐུང་བ། གོ་ཆ་གྱོན་པ། ཚེ་ཡི་ལུང་སྟོན་པ་ལ་སོགས་དང་། དངོས་སུ་ཁམས་བདེ་རིག་པ་དངས་ནད་ཉུང་བ་སོགས་འབྱུང་ངོ་། །དེ་ནས་ཚོགས་འཁོར་བྱ་འཇིག་རྟེན་པ་གཤེགས། ཡེ་ཤེས་པ་རང་ལ་བསྟིམས་ནས་མི་

[Full Size]

དམིགས་པར་བྱའོ། །དེས་ནི་ཚེ་ཡི་བར་ཆད་སེལ་བར་ཐེ་ཚོམ་མེད་དོ། །ཨྠྀི། ཡང་ལུགས་གཅིག་ལ་གཞན་འདོན་ལུགས་ཐམས་ཅད་གོང་དང་འདྲ་བ་ལས། རང་ཉིད་སེང་གདོང་མ་དཀར་མོ་གོང་ལྟར་ལས། གཡས་ཚེ་འགུགས་པའི་ལྕགས་ཀྱུ་ཕྱར་ཞིང་། གཡོན་ཚེ་ཡི་བུམ་པ་འཛིན་པར་བསྒོམ། དམིགས་པ་གོང་ལྟར་ལས། ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཐ༔ཕཊ༔ བྷྲཱུཾ་ཌཱ་ཀི་ཕ་ལ་ཨ་བྷི་ཥིཉྩ་མཱཾ༔ ཞེས་བཟླས་གཏོར་བསྔོས་རྟགས་ཡིག །རྗེས་ཆོག་གོང་ལྟར་བྱའོ། །གཞུང་གི་ཚེ་འཁོར་བཏགས་གྲུབ་ན་བཟང་ངོ་། །ཞེས་ཨ་རཱ་གས་སྦྱར་བ་ཉེས་བཤགས་དགེ་བས་ཚེ་དཔག་མེད་འགྲུབ་པར་ཤོག། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཚོན་ཟློག་མདོར་བསྡུས།

[Full Size]

མཚོན་ཟློག་མདོར་བསྡུས། ན་མོ་ཌཱཀི་སེང་ཧ་མུ་ཁ་ཡེ། ཡེ་ཤེས་མཁའ་འགྲོའི་ཚོགས་ལ་གུས་བཏུད་ནས། །དེ་ཡི་ལས་ཚོགས་མན་ངག་མང་པོ་ཞིག །གབ་འཁྲུགས་བསལ་ནས་གསལ་དག་འདིར་འགོད་ན། །ཡེ་ཤེས་ཌཱཀིས་བྱིན་རློབས་བཀའ་གནང་སྩོལ། །དེ་ལ་སེང་གདོང་མའི་བསྙེན་སྒྲུབ་ཚད་དུ་འཁྱོལ་ཞིང་རྟགས་ཐོན་པའི་རྣལ་འབྱོར་པས། ལས་ཚོགས་གང་འདོད་སྒྲུབ་པ་ནི། །མཚོན་གྱི་གནོད་པ་སྲུང་བ་ནི། །རང་ལུས་གསེར་གྱི་རྡོ་རྗེར་བསྒོམ་ལ། དེ་ཡང་རྣམ་པ་གསེར་གྱི་རྡོ་རྗེ་ལ་ངོ་བོ་སེང་གདོང་མར་བསམ། ཨཀ༔ས༔ མར༔ཙཤདར༔ས༔མ༔ར༔ཡ༔ཕཊ༔ རྣོ་མཚོན་གྱི་གནོད་པ་ཟློག་ཅིག །ཅེས་མང་དུ་བཟླས་ལ་མཆིལ་མ་སྙིང་ཁར་བྱུག །ལུས་རྣམས་ཕུ་མཆིལ་བཏབ་བོ། །དེས་ལུས་ལ་མཚོན་མི་འཁོར་བ་དང་། གལ་ཏེ་ཁྱད་དུ་བརྒྱབ་ཀྱང་རབ་མི་ཕིག་ཐ་མ་ཡང་སྨྲས་ཚབས་ཆུང་ངེས་སོ། །ཨྠྀི། ཡང་འཁྲུག་གྲལ་དུ་འགྲོ་ན་རྐང་པ་གཡོན་གྱི་འོག་ནས་ས་བླང་ལ་གོང་གི་བ་དང་། སྔགས་དེས་སྔགས་ལ་དགྲ་ཕྱོགས་སུ་གཏོར་ན་རང་ལ་མཚོན་མི་འཁོར་བ་དང་ཕ་རོལ་གྱི་མདའ་ཚབ་ཉམས་པར་འགྱུར་རོ། །དེས་རང་གཅིག་པུ་མི་ཚད་ཕྱོགས་ཐམས་ཅད་ཐུབ་གསུངས། །

[Full Size]

རང་ཕྱོགས་ཀྱི་གོ་ཆ་རྣམས་ལ་གོང་གི་སྔགས་དེས་སྔགས་པའམ། ཆུ་ལ་བཟླས་ཏེ་གཏོར་ན་གོ་ཆ་སྲ་བར་འགྱུར་རོ། །ཨྠྀི། གཞན་མཚོན་སྲུང་བཏགས་ན། རིབ་མཐིང་ཤོག་ལ་གསེར་གྱི་བྲི། འབྲིང་མཚལ། ཐ་མ་རྒྱ་ཤོག་ལ་རྒྱ་སྣག་སྨྱུག་གིས་བྲིས་ཏེ། ཨཀསམར༔ཙཤདར༔སམར༔ཡཕཊ༔ ནན་ཏ་ཕེ་ཁྲོམ་ཁྲོ་ཨོཾ་ཨོཾ་ཁྲོ་ཁྲོ་ཕེ་ཏ་ནན༔ ཞེས་བྲིས་ལ་གོང་གི་ཡི་གེ་བཅུ་བཞི་པ་ཤམ་བུ་ཅན་དེ་དང་ཁྲོ་ཁྲོ་ཕེ་ཏ་ཟེར་བའི་སྔགས་དེ་གཉིས་ཀས་སྔགས་ལ། ཨོཾ་གཉིས་མཚམས་ནས་ལྟེབས་ལ་སྔགས་ཁ་སྦྱོར་བྱས་ཏེ་དེ་ནས་ཅི་བདེར་ལྟེབས་ལ་བཏགས་ཤིང་། བསྲུང་བྱ་རྣམས་ལ་སྲུང་འཁོར་ཡང་རང་གིས་བསྒོམ་ན་མཚོན་མི་འཁོར་བས་སྲུང་བར་གསུངས་སོ། །ཨྠྀི། །གཡུལ་རྒྱལ་བར་འདོད་ན་རྩ་སྔགས་འདི་ལྟར་ལྟག་སྤྲོད་དུ་དར་རས་སོགས་ལ་བྲིས་ཏེ་དམག་དཔོན་སོགས་ཀྱི་མདུང་དར་ལ་བཏགས། དེ་ཉིད་སེང་གདོང་དམག་འདུལ་རྒྱལ་མོའམ་ཡང་ན་སེང་གདོང་གཞུང་ལྟར་བསྒོམ་ལ་རབ་གནས་བྱ། སེང་གདོང་མ་ལ་གཏོར་འབུལ་གཡུལ་རྒྱལ་བའི་བཀའ་བསྒོ་དམར་གཏོར་ལ་བཀུག་གཞུག་བྱས་ལ་

[Full Size]

སེང་གདོང་མའི་བསྐུལ་པ་གང་ཤེས་དང་། ཁྱད་པར་དམག་འདུལ་རྒྱལ་མོའི་བསྐུལ་པ་བྱས་ལ་དགྲ་ཕྱོགས་ཟོར་འཕང་ངོ་། །དེས་གཡུལ་ལས་རྒྱལ་ལོ། །འདིའི་མན་ངག་ཡི་གེ་བཅུ་བཞི་པ་ཚེག་དྲག་བཅུ་བཞི་ཡོད་མེད་གཉིས་ག་ལྟར་ལྟག་སྤྲོད་བྲིས་ཏེ་བཏགས་ན་བཟང་ངོ་། །འདིས་མདུང་རབ་གནས་དང་། རང་དང་དམག་དཔོན་བསྒོམ་བྱ་ནི། སྟོང་པའི་ངང་ལས་མེ་རི་རྡོ་རྭ་དུར་ཁྲོད་བརྒྱད་ཀྱི་དབུས་སུ། ཁྲག་མཚོ་རྦ་རླབས་འཁྲུགས་པའི་དབུས་སུ་སྣ་ཚོགས་པདྨའི་ལྟེ་བར་ཆོས་འབྱུང་གདན་ཐབས་མཐིང་ནག་གི་སྟེང་དུ་གནམ་ལྕགས་ཀྱི་་འཁོར་ལོ་རྩིབས་བཞི་པའི་སྟེང་དུ་བདུད་བཞི་དང་རུ་ཏྲའི་གདན་ལ། རལ་གྲི་ཧཱུྃ་གིས་མཚན་པ་ལས་འོད་འཕྲོས། དགྲ་བགེགས་བདུད་སྡེ་བཅོམ་ཡེ་ཤེས་ཀྱི་ཁྲོ་བོ་དང་བདུད་དང་ལྷ་སྲིན་ཐམས་ཅད་ཀྱི་ནུས་པ་བསྡུས་ཡོངས་སུ་གྱུར་པ་ལས། ཀི་གཡུལ་ལས་རྣམ་རྒྱལ་མ། སྐུ་མདོག་སྔོ་ནག་སེང་ཞལ་དཀར་པོ་རབ་ཏུ་ཁྲོས་ཤིང་རྔམ་པའི་ངར་སྒྲ་འབྱིན་པ། ཤར་དུ་བདུད་དཔུང་འཇོམས་བྱེད་མ་སྐུ་མདོག་དཀར་ནག་སེང་ཞལ་སྔོན་མོ། །ལྷོར་བདུད་དཔུང་མཐར་བྱེད་མ་མ་སྐུ་དང་སེང་ཞལ་སེང་ནག །ནུབ་ཏུ་འགུགས་བྱེད་མ་མ་དམར་ནག་སེང་གེའི་གདོང་

[Full Size]

ཅན་ཟངས་ཁྲབ་ཅན། བྱང་དུ་འབེད་མ་སེང་གེའི་གདོང་ཅན་ལྕགས་ཁྲབ་ཅན། གཞན་རྣམས་བསེ་ཁྲབ་དང་། ཐམས་ཅད་ཀྱང་བསེ་རྨོག་དང་བསེ་ཕུབ་ལ་རྔ་ཞོལ་ཕྱོགས་མདོག་ཅན༔ དར་མདུང་དམར་པོ་ལ་བ་དན་ཕྱོགས་མདོག་ཅན། མཆན་ཁུང་གཡོན་ནས་བསྒྲེང་བ། ཕྱག་གཡས་རང་མདོག་གི་རིན་པོ་ཆེའི་རལ་གྲི་འཛིན་བཞིན་པས་གནམ་ལྕགས་ཀྱི་མདའ་གཞུ་དགྲ་ཕྱོགས་སུ་འགེང་བ་སག་ལྷམ་དང་བཅས་པའི་ཞབས་གར་ཐབས་སུ་འགྱིང་ཞིང་། རང་དང་འདྲ་བའི་དམག་དཔུང་དཔག་ཏུ་མེད་པ་འགྱེད་པར་བསྒོམ་ལ། གནས་གསུམ་བྱིན་རླབས་ཡེ་ཤེས་པ་སྤྱན་དྲངས་བསྟིམ་ལ། ཁྲག་འཐུང་རིགས་སོ་སོས་དབུ་བརྒྱན་པར་བསམས་ལ། ཨརྒྷཾ་སོགས་ཀྱིས་མཆོད། དཔལ་ལྡན་རྡོ་རྗེ་སོགས་ཀྱིས་བསྟོད། །དམར་གཏོར་བཀུག་གཞུག་བྱས་ལ་ཟློག་པའི་གཞུང་གི་དམག་འགྱེད་གྱེར་ལ་གཏོར་ཟོར་བྱའོ། །ཡི་གེ་བཅུ་བཞི་པ་རྣོ་མཚོན་ཟློག་ཅིག་པའི་ཤམ་བུ་ཅན་མང་དུ་བཟླའོ། །མཚོན་གྲི་ཟློག་པ་མདོར་བསྡུས་ཨ་རཱ་གས་བཀོད་པས་སེམས་ཅན་ཐམས་ཅད་བདེ་བར་གྱུར་ཅིག །མངྒ་ལཾ།། །།

སེང་གདོང་མའི་ཟློག་པ་རྡོ་རྗེའི་ཕ་ལམ།

[Full Size]

སེང་གདོང་མའི་ཟློག་པ་རྡོ་རྗེའི་ཕ་ལམ་བཞུགས་སོ། ༈ ན་མོ་སེདྷ་བཛྲ་མུ་ཁ་ཡེ། ཟློག་པའི་མན་ངག་བསྐྱེད་རིམ་སྲུང་འཁོར་གཞུང་ལྟར་ལས། དགོང་མོའི་ཐུན་ལ། རང་ཉིད་སེང་གདོང་སྐུ་མདོག་ནག་མོ་རལ་པ་ཤིང་ལོ་རྒྱས་པ་ལྟར་སྤྲུགས་ནས་མཁའ་འགྲོ་བྱེ་བ་ས་ཡ་འགྱེད་པ། ཕྱི་རོལ་འཁོར་ལོ་རྩིབས་སྟོང་གི་ནང་དུ་རང་འདྲ་བའི་སེང་༡ གདོང་མ་ནག་མོ་སྟོང་ཞལ་ཕྱིར་གཟིགས་ནས་ཟློག་པའི་ལས་མཛད་པ། གཞན་ཡང་སྤྲུལ་པའི་སེང་གདོང་མའི་ཚོགས་དཔག་ཏུ་མེད་པས་འཇིག་རྟེན་གྱི་ཁམས་ཐམས་ཅད་གང་ནས་ཡི་གེ་བཅུ་བཞི་པའི་སྒྲ་འབྲུག་ལྡིར་བ་ལྟར་གྲག་ལ། ཨཀསསོགས། སྟོང་གསུམ་འུར་འུར་རྒྱ་མཚོ་ཁྱོམ་ཁྱོམ་རི་རབ་ལྡིག་ལྡིག་གནོད་བྱེད་སྡེ་བརྒྱད་དྲེགས་པ་ཅན་ཐམས་ཅད་འདིར་ཡོད་ཡེད་བཀའ་ཉན་གསུང་སྡོད་པར་བསམ། མཁའ་འགྲོ་མ་དེ་རྣམས་ཀྱིས་བྱད་མ་ལྷ་སྲུང་དང་བཅས་པ་གནོད་བྱེད་འབྱུང་པོ་ཐམས་ཅད་བསད་བཅད་ཤ་ཁྲག་ཚོགས་སུ་རོལ། འགའ་ཞིག་བཀུག་ནས། སྲུང་འཁོར་མཚོན་ཆའི་བར་བསྐྱུར་ནས་མཚོན་ཆ་རྣམས་གཡོན་དུ་འཁོར་བས་ཤ་ཁྲག་ཕྱེ་མར་གཏུབས་པས་མཁའ་འགྲོ་མ་རྣམས་ཀྱིས་ལྷག་མེད་དུ་གསོལ་བར་བསྒོམ། ཕྱི་

[Full Size]

རོལ་དུ་སྲུང་འཁོར་གྱི་མེ་དཔུང་གཡོན་དུ་འཁྱིལ་ཞིང་འབར་བ་དང་ཐུགས་ཀའི་སྔགས་ཕྲེང་གཡས་སུ་འཁོར་པར་བསྒོམ། ཨཀསོགས། ཞེས་གཏུབ་གཅོད་དྲག་ཏུ་བཟླས། ལག་པ་གཡས་ཀྱི་མཛུབ་མོ་ག༽མེ་ལྕགས་ཀྱི་གདན་ལ། མཐེ་བོང་ཟངས་ཀྱི་སྤུ་གྲིས་བྱེད་མའི་སྐེ་རྦད་རྦད་བཅད་པར་བསྒོམ་ལ། ཕྲེང་རྡོག་ཕར་ལ་བཅད་ལ་མདུན་དུ་དོང་གྲུ་གསུམ་གཏིང་ཟབ་པ་དམྱལ་ཁམས་སུ་ཟུག་པའི་ནང་ནས། ལས་ཀྱི་གཤིན་རྗེའི་ལྟོ་བ་རི་རབ་ཙམ་ཞལ་གདང་བ། མཆེ་བ་གཙིགས་པ་ལས་ལྗགས་བརྐྱང་བའི་ཁ་ནང་དུ་དགྲ་བོ་མགོ་མཇུག་སོང་བར་བསྒོམ་ཞིང་། ཕྲེང་བ་ཕྱིར་འདྲེན་ཅིང་ཕྲེང་སྐོར་སོང་ནས་རང་གི་ལག་མཐིལ་གཡས་ཉི་མའི་དཀྱིལ་འཁོར་རྩིབས་སྟོང་དང་ལྡན་པ་ལ་སྲེག་བྱེད་བསྐལ་པའི་མེ་དཔུང་འབར་བ། ལག་གཡོན་ཟླ་བའི་དཀྱིལ་འཁོར་རྩིབས་སྟོང་དང་ལྡན་པ་ལ་བསྐལ་པའི་ཆུ་བྲུབ་པ། རང་གི་སྣ་བུག་ནས་རླུང་གཉིས་བུས་པས་ཡེ་ཤེས་ཀྱི་རླུང་རབ་ཏུ་འཚུབ་པས་བྱད་མ་ལྷ་སྲུང་དང་བཅས་པ་རང་དབང་མེད་པར་ལག་པའི་ནང་དུ་བཀུག་ནས་བདེན་སྟོབས་བརྗོད་ཅིང་ཐལ་མོ་ལན་གསུམ་བརྡབས་པས་མེས་བསྲེག །ཆུས་བཤིག །ཐལ་བ་གཏོར། མདུན་འོག་གྲུ་གསུམ་ནང་

[Full Size]

དུ་ལས་ཀྱི་གཤིན་རྗེའི་ཞལ་དུ་ལྷག་མ་མེད་པ་སོང་བར་བསྒོམ་ལ་སྟོང་ཉིད་ཀྱི་རྒྱས་འདེབས། སྔགས་གྲངས་བརྒྱའམ་ཉེར་གཅིག་གང་རུང་གིས་ཆོག །དུས་ནི་དགོང་ཆུང་སྤྲེའུ་དུས་ནས་ཉི་མ་ཐལ་བའི་བར་མི་བྱའོ། །ཉི་མ་ཐལ་ནས་སྲོད་ཚུན་ལ་རུང་། ཤིན་ཏུ་གལ་ཆེ་ན་སྟོང་ཚར་ནུས་པ་ཆེ་ནས་ཁ་ཆད་མཐུ་འགྲས་ཡོད་ན་བརྒྱའམ་ཉེར་གཅིག་རེ་བཟློག་པའི་རྟགས་མ་བྱུང་བར་དུ་བགྲང་ངོ་། །རྟགས་ནི་དངོས་སུ་སེམས་དཔའ་སྐྱེ་བའམ། རྨི་ལམ་དུ་མེ་མཆེད་པ་བསད་པ། བཤའ་བ་ཆུ་རྒྱུར་བ་རྦབ་དང་སེར་བ་བཟློག་པ། གཏོར་མ་དང་ཟོར་བཤིག་པ། ཕུར་པའམ་མདའ་གཞུ་བཅག་པ། འཐབ་མོ་གཡུལ་ལས་རྒྱལ་བ། གཅན་གཟན་ཁ་བཅིང་བ་ལ་སོགས་རྨིས་ལྟས་བྱུང་ན་སྔར་གྱི་གྲངས་ལས་ཉུང་ཙམ་ལས་མི་བཟླ་། རྐྱེན་སྐག་ཆེ་བ་དང་རྦོད་གཏོང་རྒྱུན་དུ་ཡོད་པ་ན་བརྒྱ་རེ་མ་ཆག་པར་བཟླའོ། །ཐེབ་ཆེན་ཡོད་ཅིང་རྒྱུ་དུས་འཛོམ་པ་ལ་སོགས་དུས། དམར་གཏོར་བསྐུལ་པ་དང་བཅས་ཏེ་ཕ་རོལ་གྱི་ཕྱོགས་སུ་འཕང་ངོ་། །དེ་ནི་ཟློག་པའི་ལས་རིམ་རྒྱས་པའོ།། ༈ བསྡུས་པ་ལག་པ་གཡས་གསེར་དང་གཡོན་ཟངས་ཀྱི་འཁོར་ལོ་རྩིབས་སྟོང་བསྒོམ། ལག་གཡས་

[Full Size]

ཟླ་བ་གཡོན་ཉི་མའི་དཀྱིལ་འཁོར་རཾ། ལག་གཡས་ནམ་མཁའི་མཐིལ་དུ་ཉི་མ། གཡོན་སའི་མཐིལ་དུ་ཟླ་བ། དེ་གཉིས་བརྡབ་པའི་བར་དུ་གནོད་བྱེད་སྒོང་ལྤགས་བཙིར་བ་ལྟར་དམར་ཆལ་གྱིས་སོང་བར་བསམ། འདི་ནི་གཙོ་ཆེ་བྱད་ཟློག་དང་། ནད་ཀྱི་རིགས་དང་གདོན་གྱི་རིགས། བར་ཆད་རྐྱེན་གྱི་རིགས་ལྟས་ནང་ཆོ་འཕྲུལ་རྨིས་ལྟས་ངན་པ་མོ་ངན་ལ་སོགས་ལྟས་སྡིག་གང་ཟློག་འདོད་པ་དེ་དམིགས་པའི་བསྒྱུར་ཁ་བྱས་ན་མི་ཟློག་པ་གཅིག་ཀྱང་མེད། ཟློག་པའི་མན་ངག་གསལ་བར་བཀོད། ཉེས་འགལ་མཆིས་ན་ཌཱཀྐིའི་ཚོགས་ལ་བཤགས། །དགེ་བས་འགྲོ་ཀུན་བདུད་བཞིའི་གཡུལ་རྒྱལ་ཤོག །སྔགས་འཆང་རཱ་ག་ཨ་སྱས་སྦྱར་བའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བསད་སྔགས།

[Full Size]

བསད་སྔགས་ནི༔ ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ དགྲ་བོའི་རྣམ་ཤེས་སྲོག་སྙིང་ལ་མ་མ་ཡ་ཛ་ཛཿ རྦད་རྦད༔ བྱད་མའི་ཚེ་བསོད་ནམས་ལ་མཱ་ར་ཡ་ཛཿཛཿ རྦད་རྦད༔ ཨེ་ཀ་ཡ་མ་དུ་རུ་ཙཀྲས་སོད༔ ཨེ་ཀ་ཡ་མ་དུ་རུ་ཙཀྲས་སོད༔ གྲི་བྷ་ཡ་མ་དུ་རུ་ཙཀྲས་སོད༔ སརྦ་ཙིཏྟ་གཟེར་ཐུམ་བིག་ནན་ཏྲིག་ནན་རྦད་སོད་ཤ་རྒྱུད་སྙིང་ལ་མཱ་ར་ཡ་སོད༔ ཁྲག་རྒྱུད་རྩ་ལ་མཱ་ར་ཡ་སོད༔ དབུགས་རྒྱུད་རྩ་ལ་མཱ་ར་ཡ་སོད༔ རྡོ་ཟོར་སྔགས་ནི༔ ཨ༔ཀ༔ས༔མ༔ར༔ཙཤདརསརཡཕཊ༔ རྗེ་གནོད་བྱེད་མཱ་ར་ཡ་ཛཛཿ གནོད་བྱེད་ལུས་ངག་ཡིད་གསུམ་དུམ་བུ་དུམ་བུ་ཆད་རྦད༔ ཚལ་པ་ཚལ་པ་རྦད་རྦད༔ རྨུག་སྨུག དུམ་དུམ་ཤིག་ཤིག༔ ཏིར་ཏིར་རྦད་རྦད་ཕྱེ་མ་ཕྱེ་མ༔ རྡུལ་ཕྲན་རྡུལ་ཕྲན༔ མཱ་ར་ཡ་རྦད་རྦད༔ ཛཛཿ ༈ ཨ་ལ་ལ་ཕྲ་མོ་ཡིས་བཟློག་གོ༔ ཀཾ་ས་མཱ་ར་ཡ་བྷྱོ༔ བཟློག༔ ཀི་ས་ཀི་ཡ་བྱ་མ་ཧྥེ་མཱ་ར་ཡ་ཆད་ཀུ་ལམ་ལམ༔ ཧེར་ཧེར་ཤཱ་ཏྲི་བྷྱོཟློག བྷ་ཏྲི་རྦ་ཏྲི་བྷྱོ་ཟློག༔ སུམ་ཏྲི་རཀྟ་བྱད་མ་རྨེ་སྲོག་ལ་མཱ་ར་ཡ་ཆད༔ བྱད་མའི་མགོ་ལ་ཕུར་ནི་ཏྲི་སི༔ བྱད་མ་སྒྲེའི་ལུས་ངག་ཡིད་གསུམ་

[Full Size]

སྟཱམྦྷ་ཡ་ནན༔ ཞེས་ཤིན་ཏུ་ཟབ་རྒྱ་བླ་མ་ལ་ཞུས་སོ༔ རྒྱ༔ སརྦ་མངྒ་ལཾ།།

རྡོ་རྗེའི་གོ་ཁྲབ་བདག་བསྐྱེད་ཡི་གེ་དཀྱུས་ལྟར་འདོན་འགྲིགས།

[Full Size]

རྡོ་རྗེའི་གོ་ཁྲབ་བདག་བསྐྱེད་ཡི་གེ་དཀྱུས་ལྟར་ལ། ཕུན་སུམ་ཚོགས་པར་གྱུར་པ་དང་། བསྙེན་པ་བྱ། བསྐང་ཟློག་འོག་ནས་པྲ་ཏིཙྪ་ཛ་ཧོ་བར། མདུན་བསྐྱེད་བསྙེན་པ་བྱ། གཏོར་བསྔོས་བྱིན་རླབས། ཨོཾ་ཨཱཧཱུྃ་བར། བཀའ་སྲུང་རྡོ་རྗེ་རྒྱལ་མཚན་ནང་། ཧཱུཾ། རྒྱལ་བའི་སྐྱེད་ཡུམ་ཌཱཀྐིའི་སོགས། དྷ་ཛ་ནི་ཕཊ༔ བར་བརྗོད། ཧཱུཾ། མཁའ་སྤྱོད་བདེ་ཆེན་ཞིང་ཁམས་སོགས་གནས༔ ཨ་ལ་ལ་སྟེ་ཚིམ་པར་མཛོད་བར། བདག་བསྐྱེད་གཏོར་བསྔོས་བྱིན་རླབས་ནས་བཟུང་། ཕྱག་འཚལ་སྲུང་མ་རྒྱ་མཚོ་ལའོ། །བར་བྱ། བསྐང་བ། ཧཱུྃ་བྷྱོ༔ དངོས་སུ་འབྱོར་དང་། ཡིད་ལས་སྤྲུལ་སོགས་བསྐང་བ། བསྒྲལ་ལས་ཟློག་པ་གཞུང་ལྟར་མཱ་ར་ཡ་ཕཊ་སྭཱ་ཧཱ། ཟློག་སྔགས་བྱ། གྲངས་བཟུང་བ་ལྟར་གསོ་བྲན་བྱ། ཧཱུྃ་བྷྱོ༔ ནུབ་ཕྱོགས་ཨོ་རྒྱན་སོགས། རཀྟ་མཱ་ར་ཡ་ཕཊསྭཱ་ཧི༔ ཟློག་སྔགས་ནི། གཏོར་ཆུང་ལྔ་བཤམས་ལ་དམག་འགྱེད་བྱ། གཏོར་ཆུང་མདོས་ནང་དུ་ཕུལ། ཧཱུྃ། དབུས་ནས་སོགས། མ་ཧཱ་བར། ཕྲ་མེན་བཅུ་བཞིའི་བསྐུལ་པ་འདོན། གཏོར་ཆུང་བཅུ་བཞི་ཙཱ་དམག་འགྱེད་ལྟར་ཕུལ། ལྷག་མ་བཏང་སྤྱི་འདུས་རྩང་སབ། དེ་ནས་དཀར་གཏོར་བྱིན་བརླབས་བྱས་ལ། གནམ་ཆོས་དཀར་གཏོར་བསྔོ། ན་མོ་རྩ་བརྒྱུད་སོགས་བྱ། གཏོར་འབུལ་རྣམས་རིམ་བཞིན་བཤམས་ལ་ཕུལ།

[Full Size]

བཀའ་སྲུང་རྡོ་རྗེ་རྒྱལ་མཚན་བསྐུལ་པ་གཏོར་འབུལ་བྱ། གཏོར་སྣོད་སྒྲུབ་ལ་འགུགས་གཞུག་བྱ། རྟ་བྲོ་ལ་གཅེར་བུ་ཁྲོས་ནག་སོགས་བྱ། ཚེ་འགུགས་བརྗོད། ཨ་རཱ་གས་ནག་པོ་འགྲོ་ཤེས་བཀོད་པ་ཆད་བརྟན་སོགས་སྤྱི་འདུས་ཕྱོགས་གང་བདེ་བྱ། ཨོཾ་བཛྲ་ཌཱཀི་སོགས་ནས་སེངྒེའི་གདོང་ཅན་ལྷ་མོར་འདུད་བར་མཆོད་བསྟོད་བྱ། བདག་བསྐྱེད་མཐའ་ནས་མ་འབྱོར་བ་སོགས་ནས་ཡིག་བརྒྱ་བརྗོད། རང་གི་ཐུགས་ཀའི་ཧཱུྃ་ལས་སོགས། ནམ་མཁའ་གཡའ་བྲལ་ལྟ་བུར་གྱུར་པར་བསམ། འདི་ལྟར་བསྐྱེད་རྫོགས་སྒོམ་པ་གསུམ་སོགས་ནས། བཀྲ་ཤིས་ཤོག ༈ སྟོང་པའི་ངང་ལས་སོགས། དོན་བྱའོ། དགེ་བ་འདི་ཡིས་སོགས། དེ་ནས་གྲོལ་ཉིན་རུང་གི་མཚམས་ནས། དཀར་གཏོར་གསེར་སྐྱེམས་བྱ། སྒོ་དབྱེ། བཅོམ་ལྡན་ཌཱཀི་སེང་གདོང་སོགས་ཕྲིན་ལས་མཛོད། བར་གཞུང་ལྟར་བྱ། མདོས་དཔག་ལ། ཧཱུྃ། སྣང་སྲིད་སྒོ་ཆུང་སོགས། གཏོར་ཆུང་བཅུ་བཞི་དུས་གཅིག་བཤམས་ལ་བྱིན་རླབས་བྱ། ཕྲ་མེན་བཅུ་བཞི་གཏོར་རྫོང་བྱ། དེ་ནས་ལིངྒ་བྲན་ལ་བསྒྲལ་ལས་གོང་གི་བྲུབ་ཁུང་བསྐྱེད་ཆོག་འགུག་གཞུག་བྱའོ། །གཏོར་འབུལ་བཤམས་ལ་ན་མོ་རྩ་བརྒྱུད་སོགས། བྱིན་བརླབས་བྱས། །དྲང་སྲོང་རྡོ་རྗེ་རྒྱལ་མཚན་གཏོར་འབུལ་ནང་ཡོད། གླུ་མོ་ཟོར་འཕེན་ན། ཧཱུྃ་བྷྱོ༔ མྱུར་མགྱོགས་སོགས། ནས་འཕེན་ཟློག་པ་བཀྱག་ལ། ཧོ་དགོངས་སུ་གསོལ་

[Full Size]

ལོ་སོགས། བཞེས་ཤིག །མདོས་བཀྱག །ཟློག་སྔགས། ཐལ་རྡེབ་གསུམ་བྱ། དམར་གཏོར་གཅིག་བཤམས་ལ་ཧ་ཧོ་ཧྲིསོགས་བྱིན་རླབས་བྱ། ཁྱད་པར་སློབ་དཔོན་སོགས། གྲོལ་བར་མཛོད་བར། གཏོར་མ་འབུལ། བཤལ་ཆུ་ནམ་མཁར་མཆོད། གཏོར་སྣོད་བྲུབ་ཁུང་འགུགས། རྟ་བྲོ་བྱ། ཧཱུྃ་བྷྱོ༔ གཅེར་བུ་ཁྲོའི་སོགས། རྗེས་ཆོག་ཚེ་འགུགས་ནས་བཟུང་མཆོད་བསྟོད་བཟོད་གསོལ་གཞུང་ལྟར་ཚང་བར་བྱའོ། །མངྒ་ལཾ། ཨ་རཱ་གས་བྲིས་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བདག་གི་བསད་པའི་སྲུང་འཁོར་སོགས་ཞལ་ཤེས།

[Full Size]

བདག་གི་བསད་པའི་སྲུང་འཁོར་རམ། རྒྱལ་དབང་དགུ་པས་མཛད་པའི་མངོན་རྟོགས་སོགས། མདོར་ན་སེང་གདོང་གཙོ་རྐྱང་ལྷན་ཅིག་སྐྱེས་མའི་མངོན་རྟོགས་གཅིག་གིས་བདག་བསྐྱེད་བྱས་ནས་མདུན་བསྐྱེད་ལྷ་མང་འདི་བཞིན་བསྒོམ་པར་བྱའོ། །ཡང་མཁའ་འགྲོའི་གཏོར་ཟློག་ལས་ཚོགས་ཁ་སྒྱུར་བདུན་དུ་བཅས་པ་འདི་ནི། ཕག་ཁྲོས་སེང་གསུམ་སྤྱིའི་ཟློག་གཞུང་འདི་བཞིན་ཡིན། ཉང་གི་གཏེར་མ་ཁྲོས་མའི་ཟློག་གཞུང་ཡང་འདི་རང་ཡིན་ཅིང་། འདིའི་སྔགས་ལ་ཡང་བཛྲ་བྷ་ར་ཧི་ཀྲོ་དྷེ་ཀ་ལི་འབྱུང་བའི་ཕྱིར་དང་། སེང་གདོང་མ་ཡང་ཡིན་ཏེ་ཁ་སྦྱོར་སྔགས་ལ་ཡི་གེ་བཅུ་བཞི་པ་འདི་ཉིད་གསལ་བར་གསུང་པའི་ཕྱིར་ཏེ། ཚིག་ཅུང་ཟད་བསྒྱུར་འོས་རྣམས་བསྒྱུར་ཤེས་པར་བྱ་ཞིང་། མཁའ་འགྲོའི་གཏོར་ཟློག་འདི་ནི་གཉན་པས་རང་དོན་མ་གཏོགས་གཞན་དུ་མི་རུང་ངོ་། བསྐང་ཟློག་སྦུག་མ་འདི་ནི་གཞན་དུ་རུང་སྟེ་སྐབས་དང་བསྟུན་ནོ།། ༄༅། །གཏེར་གཞུང་ལས། གཏོར་མ་འཕང་བའི་ཚེ་ལྷ་ཚོགས་ཁྲོས་འཁྲུག་རྔམས་པ་ནམ་མཁར་བཞུགས། གཏོར་མ་ལ་རང་དང་། སྒྲུབ་བྱའི་ཆག་ཆེན་ཉམ་ང་བྱད་ཕུར་དྲོད་གཏོང་སོགས་མི་མཐུན་བསྟིམ་པ་དེ་ཉིད་དུག་མཚོན་མེ་

[Full Size]

ཕུང་ཐོག་སེར་དུ་གྱུར་ཏོ། །བཏེག་པས་ལྷ་ཚོགས་རྣམས་དང་ལྷན་ཅིག་དགྲ་བོའི་ཡུལ་དུ་སོང་བས་དགྲ་བགེགས་ཐམས་ཅད་ཤུལ་མེད་རྗེས་མེད་དུ་བརླག་པར་བསམ་མོ།། ༈ ཐུན་ལ་བརྟེན་ནས་བསད་པ་ལ། ལྕགས་ཕྱེ། ཟངས་ཕྱེ། ཡུངས་ཀར། ཡུངས་ནག །སྐེ་ཚེ། ཤང་ཚེ། ཟི་ར་ནག་པོ། རྡོ་ཕྱེ། ཕུང་ས། ལན་ཚྭ། ཚྭ་བ་གསུམ། ཐང་ཕྲོམ་གཞན་ཡང་དུག་སྣ། ཁྲག་སྣ་བཅས་རང་གི་དྲི་མས་མ་ཕོག་པར་བྱས་ལ་ལྕགས་ཧོམ་དུ་བླུག །ཐུན་སྣོད་ཨེ་སྒྲོམ་འབར་བའི་དབུས་སུ་ཐུན་རྫོ་ས་ནད་མཚོན་དུག་གི་དངོས་པོ་རླངས་ཚེ པ་སྔོ་དམར་འཚུབ་པ་དགྲ་བོ་ཁ་ཕུང་རྗེས་མེད་དུ་བཏང་བའི་ནུས་པ་དང་ལྡན་པར་བསམ་ལ། ཨོཾ་བཛྲ་མ་ཧཱ་གུ་རུ་སརྦ་ཀྲོ་དྷ་ཏྲིག་ནན་ཨེ་ཧུར་ཐུ་ཛཿ གཟིར་ནན་ཀཱ་བ་ཙི་ཁཾ་ཤག་ལིང་མྱོག་པ་རྦད་རྦད༔ ཅེས་པས་བསྒྲུབས་ཏེ་བསད་ལས་ཀྱི་དུས་སུ་བརྡེག་གོ །སརྦ་མངྒ་ལཾ།། ཞལ་ཤེས།

བཅའ་བཤམ་འདོན་ཟིན།

[Full Size]

སྐྱབས་རྗེ་རིག་པ་འཛིན་པ་ཀརྨ་མནྡ་གུ་ཧུ་ཤ་ས་ན་དྷ་ལ་ཕྱག་འཚལ་ལོ། །བ་རི་ལུགས་ཀྱི་སེང་གདོང་མའི་བཅའ་བཤམ་འདོན་ཟིན་ནི། ཐོག་མར། ཕུགས་གཏོར་བླ་མ་ཡི་དམ་གྱི་གཏོར་མ་ཆ་ཚང་། གཏོར་ཟློག་ལ་གྲུ་བཞི་བསྣོལ་མ་བྲིས་པའི་ཟུར་བརྒྱད་གཏོར་ཆུང་བརྒྱད། ཆོས་འབྱུང་ཟུར་དྲུག་བྲིས་པའི་གཡས་གཡོན་ཟུར་གཉིས་ལ་དམར་གཏོར་གཉིས། དབུས་སུ་དམར་གཏོར་ཕུར་རྩེ་འདྲ་བ་ཆེ་ལེགས་གཅིག་བཞག །ཚོགས་གཏོར་འབུལ་གཏོར་རིགས་གཞུང་ལྟར་བཅའོ། ༈ འདོན་འགྲིགས། དང་པོ་གསང་སྔགས་རྙིང་མའི་སྔོན་འགྲོ། ཞི་དྲག་སེང་གསུམ་སོགས་ནས། བདག་བསྐྱེད་ཨོཾ་བི་ཤྭ་ཌཱཀྐི་ནཱི་སོགས་ནས་བསྙེན་པའི་བར་བཏང་། དེ་ནས་མདུན་བསྐྱེད་བསྙེན་པ་ཡན་བྱ། གཏོར་བསྔོས་ནང་གི་བྱིན་རླབས་དེ་བཏང་ནས་ཚོགས་ཀྱི་ཧཱུྃ་མཁའ་སྤྱོད་ཟ སོགས་ནས་ཚིམ་པར་མཛོད་བར་བཏང་། རང་ལུགས་ཀྱི་གཏོར་བསྔོས་དང་གོང་གི་གཏོར་བསྔོས་དེ་བཏང་། བསྐང་བ། ཧཱུྃ་བྷྱོ། དངོས་སུ་འབྱོར་སོགས་ནས། དངོས་གྲུབ་བསྩལ་དུ་གསོལ་བར་བཏང་། བྲུབ་ཁུང་བསྐྱེད་ཆོག་ནས་བསྒྲལ་ལས་ཟློག་པ་ནང་། ཟློག་སྔགས་ཡན་བཏང་། གཏོར་

[Full Size]

ཆུང་ལྔ་བཤམ་དམག་འདུལ་མཆེད་ལྔ་ནི། བྷྱོ༔ མེ་རི་རྡོ་ར་སོགས་ནས། ཁཱ་ཧིའི་བར་འདོན། གཟིགས་ཤིག་མཛེས་ལྡན་ཞེས་ནས་ཚོགས་ལ་རོལ། ལྷག་མ་ཨོཾ་ཨཱཿཧཱུྃ་གིས་བདུད་རྩི་སོགས་ནས། བ་གཙྪའི་བར་བཏང་། དཀར་གཏོར་གཅིག་བཤམ་གནམ་ཆོས་དཀར་གཏོར་འདོན། ཡང་དམར་གཏོར་གཅིག་བཤམས་རྡོ་རྗེ་རྒྱལ་མཚན་འདོན། རྟ་བྲོ། ཧཱུཾ་བྷྱོ། གཅེར་བུ་སོགས་ནས། ནན་བར་དང་ཚེ་འགུགས་བཏང་། ཨརྒྷཾ་སོགས་དང་། ཧཱུཾ་དཔལ་ཆེན་རྡོ་རྗེ་སོགས། བསྟོད་བར། བསྟོད་པར་འོས་པ། མ་འབྱོར་པ། ཡིག་བརྒྱ་དང་། རང་གི་ཐུགས་ཀའི་ཧཱུཾ་ལས་སོགས་བསྡུ་ལྡང་ནས་ལྟ་བུར་གྱུར་བར། སྟོང་པའི་ངང་ལས་སོགས། དོན་བྱའོ། །དེ་ལྟར་བསྐྱེད་རྫོགས་བསྒོམ་བཟླས་སོགས་ནས། སྐུ་འགྲུབ་ཤོག་བར། ཧཱུཾ་བྷྱོ། མེ་རི་སོགས། ཕུན་སུམ་ཚོགས་པའི་བཀྲ་ཤིས་ཤོག །བར་བཏང་། ༈ འབུལ་ཉིན་ལྷག་མ་བཏང་ནས་གནམ་ཆོས་དཀར་གཏོར། གསེར་སྐྱེམས་ཡེ་ཐོག་མ། སྒོ་དབྱེ་གསེར་སྐྱེམས། ཧཱུྃ་བྷྱོ༔ བཅོམ་ལྡན་ཌཱཀྐི་སོགས་ནས། གསེར་སྐྱེམས་ཕུལ་ཞིང་། སྒོ་རྩང་བཞི་ཤབ། ཧཱུྃ་བྷྱོ༔ སྣང་ཞིང་སྲིད་པའི་ལྷ་དང་

[Full Size]

འདྲེ། སོགས་ཀྱིས་གསེར་སྐྱེམས་ཕུལ་ལ་གཏོར་ཟློག་ཕྱིར་དཔགས། ན་མོ་རྩ་བརྒྱུད་འདོན་གཏོར་ཆུང་བཅུ་བཞི་བཤམས་བདུད་རྩིས་བྲན། ཕྲ་མེན་བཅུ་བཞིའི་སྐུལ་རིང་འདོན་གཏོར་རྫོང་བྱའོ། །གཟའ་གཏོར། གཟའ་འདོན། རྡོ་རྗེ་རྒྱལ་མཚན་འདོན། གཤང་གཏོར་རྒྱས་བསྡུས་གང་རིགས་འདོན། ཟོར་ལས་དགོས་ན་གསེར་སྐྱེམས་བདུད་རྩི་འཁྱིལ་བ་དང་། བསྒྲལ་ལས་ནང་གི། ན་མོ་སངས་རྒྱས་ཆོས་དང་༴ སོགས་འགུག་གཞུག་ལན་གསུམ། ཧཱུྃ་བྷྱོ༔ མྱུར་མགྱོགས་སོགས་ཟོར་རྣམས་རྡེག །གཏོར་ཟློག་བཏེགས་ནས། བཞེད་འབོད་འདོན་མེ་ནང་ཕུལ། རྟ་བྲོ་བྱ་ནང་དུ་ལོག །ཚེ་འགུགས་འདོན་ཚེ་རིལ་ཚེ་ཆང་ལ་རོལ། རྗེས་ཆོག་གོང་ལྟར་རོ། །གསེར་འགྱུར་མ་བཏང་ངོ་། །༈ གཞུ་ཆེན་ཁ་ཚང་དོན་འདྲིལ་ཐོག་མདའ་ལ། །ཕྱག་ལེན་འདོན་འགྲིགས་མན་ངག་གཞུ་བཀང་ནས། །གཉིས་སྣང་འཁྲུལ་བའི་ཕ་རོལ་བྱད་མ་ལ། །ཐོག་མདའི་མཚོན་ཆ་བདུད་བགེགས་སྙིང་ལ་རྒྱབ། །ཅེས་པའང་རིགས་རྒྱུད་པའི་ཕྱག་བཞེས་ལྟར་ཆོས་ཀྱི་བཟང་པོས་བཀོད་པའོ།།

[Full Size]

ཤོག་སྟོང་།

སེང་གདོང་མའི་བསྟོད་སྐུལ།

[Full Size]

སེང་གདོང་མའི་བསྟོད་སྐུལ་ནི། བྷྱོ། སྐུ་མདོག་མཐིང་ཁ་རི་དྭགས་རྒྱལ་པོའི་ཞལ། །ཕྱག་གཡས་གནམ་ལྕགས་ལས་གྲུབ་གྲི་གུག་ནམ་མཁར་ཕྱར། །གཡོན་པས་བདུད་ཀྱི་ཐོད་པ་ཁྲག་བཀང་བསྣམས། །བདུད་དཔུང་འཇོམས་མཛད་ཁྲོ་མོའི་རྒྱལ་ལ་བསྟོད། །སྐུ་ཡི་འོད་ཟེར་ཕ་རོལ་དམག་དཔུང་འཇོམས། །གསུང་གི་ང་རོས་བགེགས་དཔུང་སྲེག་པར་མཛད། །ཐུགས་ཀྱི་ཡེ་ཤེས་འགྲོ་རྣམས་རྗེས་སུ་འཛིན། །ཁྲོ་རྒྱལ་ནག་མོའི་སྐུ་ལ་ཕྱག་འཚལ་བསྟོད། །དམ་རྫས་བརྒྱན་པའི་གཏོར་མ་འདི་བཞེས་ལ། །རྣལ་སྐུ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་པའང་ཚངས་གསར་སྐུ་མཆེད་ནས་བསྐུལ་ངོར་ཨ་རཱ་གས་དབའ་སྒོར་བྲིས་པའོ།། །།

[Full Size]

ཤོག་སྟོང་།

དམར་མོ་གསུང་གི་ཌཱཀི་སེང་གདོང་མའི་སྒོ་ནས་དབང་སྡུད་ཟབ་པའི་མན་ངག་བསྐལ་པ་ཟློག་ཐབས།

[Full Size]

དམར་མོ་གསུང་གི་ཌཱཀི་སེང་གདོང་མའི་སྒོ་ནས་དབང་སྡུད་ཟབ་པའི་མན་ངག་བསྐལ་པ་ཟློག་ཐབས་བཞུགས་སོ།།

[Full Size]

ཟོང་བྷི་ར་སི་ཐུ། ཐུགས་དམ་མན་ངག་རིན་ཆེན་བང་མཛོད་ཀྱིས༔ ལྷ་འདྲེ་མི་གསུམ་དབང་དུ་བསྡུས་ནས་ཀྱང་༔ ཕོངས་པ་མེད་པ་ནོར་གྱི་དངོས་གྲུབ་འབྱུང་༔ དབང་སྡུད་འབྱུང་བའི་ལྷ་ལ་ཕྱག་འཚལ་ལོ༔ བསམ་ཡས་མཆིམས་ཕུའི་དབེན་གནས་སུ༔ སློབ་དཔོན་པདྨ་འབྱུང་གནས་དང་༔ སྤྲུལ་བློན་འབངས་གསུམ་དང་༔ ཡེ་ཤེས་མཚོ་རྒྱལ་བཞུགས་པའི་དུས༔ ཡེ་ཤེས་མཚོ་རྒྱལ་གྱིས་སྣོད་དགུའི་ནང་དུ༔ བདུད་རྩི་ཆང་གིས་བཀང་ནས་སློབ་དཔོན་པདྨ་ལ་ཞུས་པ༔ ཀྱེ༔ སློབ་དཔོན་ཆེན་པོ་ལགས༔ ཁྱེད་ཀྱི་གཏེར་ཆོས་ཐམས་ཅད་གཏེར་ནས་བཏོན་ཅིང་༔ འགྲོ་

[Full Size]

བ་སེམས་ཅན་ཐམས་ཅད་ཀྱི་འགྲོ་དོན་མཛད་པ་ལ། མི་རྣམས་དད་པ་ཆུང་བས་འཐབ་རྩོད་བྱེད་ཅིང་བསྐུར་བ་ཞུས༔ ནོར་རྫས་ཐམས་ཅད་དགྲ་དང་གཉེན་ལ་བསྐུར༔ ཆོས་ཕྱོགས་སུ་མི་བཏང་བློ་སྣ་སྡིག་ལ་གཏད་པའི་དུས༔ འགྲོ་བ་སེམས་ཅན་རྣམས་ལ་དབང་སྡུད་ཟབ་མོར་གྱུར་པའི་མན་ངག་གཅིག་ཞུ་ལགས་ཞེས་ཞུས་པས༔ སློབ་དཔོན་གྱི་ཞལ་ནས༔ དེ་ཤིན་ཏུ་ཁྱོད་བདེན༔ སེམས་ཅན་འདི་རྣམས་ལ་དབང་སྡུད་མ་བྱས་ན༔ རང་ལ་དད་གུས་དཀའ་བ་ཡིན༔ དེ་དུས་དབང་སྡུད་ཟབ་མོ་འདི་དགོས་པ་ཡིན༔ དང་པོ་བདག་གིས་དབང་སྡུད་བྱེད་པ་ལ༔ ཆེ་བ་

[Full Size]

དབང་ཕྱུག་ཆེན་པོ་རླུང་གི་ཞགས་པ་ལ་རིགས་མི་འདྲ་བ་གསུམ་མཛད༔ འཆི་མེད་སྣ་ནམ་རྡོ་རྗེའི་སྤྲས་པ་ཁྱོད་ལ་གདམས་པ་ཡིན༔ འབྲིང་ཤ་ཟ་རལ་པ་ཅན་སྒྲུབ་པ་ལ་རིགས་མི་འདྲ་བ་༣ གསུམ་ཡོད༔ མཁའ་འགྲོ་མ་ལྔའི་སྒྲུབ་པ་ཡང་ཡོད༔ ཆུང་བ་ནོར་བུ་སྐོར་གསུམ་དབང་ཕྱུག་མཆེད་གསུམ་དང་༔ ཚོགས་བདག་གི་སྒྲུབ་པ་དང་༔ རྫས་ཀྱི་སྒྲུབ་པ་དང་༔ སྔགས་ཀྱི་སྒྲུབ་པ་དང་༔ མན་ངག་རིགས་མི་འདྲ་བ་དུ་མ་བྱས་ཏེ༔ དེ་རྣམས་ཐམས་ཅད་ཕྱི་ཡི་སྒྲུབ་པ་ཡིན༔ འདི་ནི་ནང་སྒྲུབ་སྙིང་དང་འདྲ་བ་ཡིན༔ དེ་སྔ་གཞན་གང་ལའང་གདམས་ངག་མེད་ཅིང་གཏེར་དུ་སྦས་པ་མེད༔ དེའི་ནང་འདི་ད་ལྟ་ཉིད་དུ་ཡི་གེར་ཐོབ་ལ་གཏེར་དུ་སྦོས་ཤིག༔ གསུངས་ནས་ཡེ་ཤེས་མཚོ་རྒྱལ་ལ་སོགས་རྒྱལ་བློན་འབངས་གསུམ་ལ༔ རྒྱ་རིམ་པ་གསུམ་གྱིས་བཏབ་ནས་གནང་བའོ༔ དེ་ནི་ཡིད་ཆེས་ཤིང་ཁུངས་བཙུན་པའི་ལོ་རྒྱུས་སོ༔ ད་ནི་གདམས་པ་དངོས་ནི༔ དོན་རྣམ་པ་བཅུས་བསྟན་ནོ༔ དང་པོ་རྫས་བསག་པ་དང་གཅིག ལྷ་སྒོམ་སྔགས་བཟླས་ཤིང་བསྙེན་པ་དང་གཉིས༔ འཁོར་ལོ་ལུས་ལ་བཏགས་པ་དང་གསུམ༔ སྲུང་འཁོར་དང་བཞི༔ དུང་ལ་སྔགས་པ་དང་ལྔ༔ བསང་དུད་ལ་བྱེད་པ་

[Full Size]

དང་དྲུག༔ བདུད་རྩི་ཆང་གི་ནང་བཏབ་ནས་བླུད་པ་དང་བདུན༔ དམིགས་པ་གཏད་པ་དང་བརྒྱད༔ ཡུངས་ཀར་ལ་སྔགས་ནས་འགུགས་པ་དང་དགུ༔ མི་ཁ་ལྡང་ན་ལོག་ནོན་བསྟན་པ་དང་བཅུའོ༔ དེ་ལ་དང་པོ་རྫས་བསག་པ་ནི༔ གཞན་གྱིས་སེམས་པར་བྱེད་པ་གོ་བོའི་བྲུན༔ ཡིད་དུ་འོང་བར་བྱེད་པ་སེ་བའི་མེ་ཏོག༔ ཡིད་འགུགས་པར་བྱེད་པ་ཕུར་མོང་མེ་ཏོག༔ རྟག་ཏུ་སེམས་བརྩེ་བར་བྱེད་པ་ནས་ཟན་ཀླད་པ༔ བླ་མ་དབང་དུ་སྡུད་པར་བྱེད་པ་གསེར༔ མི་དཔོན་དབང་དུ་སྡུད་པར་བྱེད་པ་ཕ་ཝང་དྲེག་པ༔ བཙུན་མོ་ལ་ཟངས་ཀྱི་ཕྱེ་མ༔ དགེ་བཤེས་ལི་ཁྲི༔ སྔགས་པ་མཚལ༔ དེ་རྣམས་ཞིབ་ཏུ་བརྡུངས་ལ་རིལ་བུ་སྲན་མ་ཙམ་བྱས་ཏེ་དེའི་ནང་དུ་ཡུངས་ཀར་ཅི་མང་བླུགས་ལ༔ སྨྱུག་ཚིགས་ནང་དུ་བླུག་ལ་དར་དམར་པོས་ཁ་བཅད་ཅིང་༔ གླང་མས་ཁ་འདན་བྱེད༔ ཕུག་རོན་དང་རུའི་རྒྱུད་ནས་ཕུ་འདེབས་སོ༔ ཟངས་གཞུ་རང་གི་མཛུབ་གང་བ་གཅིག་ལ་བྱང་སེམས་དཀར་པོ་བྱུག༔ ཟངས་ཀྱི་མདའ་མཁྱུད་གང་པ་གཅིག་ལ་པདྨ་རཀྟ་བྱུག༔ བྱ་རྒོད་ཀྱི་དྲི་རྒྱུས་ཀྱིས་གཞུ་རྒྱུད་བྱ༔ དར་དམར་པོས་དྲིལ༔ གཞན་གྱིས་མ་མཐོང་བར་རང་གི་ལུས་ལ་

[Full Size]

བཏགས༔ དེ་ནི་རྫས་ཀྱི་རིམ་པའོ༔ ༈ གཉིས་པ་ལྷ་བསྒོམ་ཞིང་སྔགས་བཟླ་བ་ནི༔ སྟོང་པའི་ངང་ལས་རང་ཉིད་སྐད་ཅིག་གིས་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་ཞལ་བྷ གཅིག་ཕྱག་གཉིས་ཕྱག་གཡས་ཟངས་ཀྱི་ལྕགས་ཀྱུ་དམར་པོ་བསྣམས་པ་ལས༔ ལྕགས་ཀྱུ་གྲངས་མེད་པ་འཕྲོས་གང་ལ་དམིགས་པའི་མི་ནོར་ཟས་གསུམ་ཐམས་ཅད་བཟུང་ནས༔ རང་གི་སྙིང་ཁར་ཐིམ་པར་བསམ༔ གཡོན་པས་ཞགས་པ་དམར་པོ་བཟུང་བ་ལས་ཞགས་པ་གྲངས་མེད་པ་འཕྲོས་པས་འགྲོ་བ་ཕོ་མོ་ཐམས་ཅད་བཟུང་ནས་བདག་གི་མདུན་དུ་བྱུང་བར་བསྒོམ༔ སྐུ་མདོག་དམར་པོ་དབང་གི་རང་བཞིན་ལས་ཐམས་ཅད་འགྲུབ་པར་བསམ་མོ༔ རལ་པ་དམར་པོ་ལས་འོད་ཟེར་འཕྲོས་པས་ཡུལ་ཁམས་ཀྱི་མི་ནོར་ཟས་གསུམ་ཐམས་ཅད་སེམས་ཆགས་ནས་མིག་གིས་ཡང་ཡང་བལྟ་བར་བསམ༔ རང་གི་སྤྱི་བོར་ཨོ་རྒྱན་པདྨ་རྒྱན་ཆ་ལུགས་སྤྱི་དང་མཐུན་པར་བསྒོམ་པ་ནི་མན་ངག་གོ༔ རང་གི་གསང་གནས་སུ་དབང་ཕྱུག་ཆེན་པོ་སྐུ་མདོག་དམར་པོ་མདའ་གང་ཙམ་ལང་བ་ཕྱག་གཉིས་ཀྱིས་མདའ་གཞུ་བཀང་བར་བསྒོམ་བ་སྤུ་དམར་པོ་འདབ་ལྟར་ལང་བ་བསྒོམ་པ་ལས་འོད་ཟེར་

[Full Size]

འཕྲོས་དམིགས་བྱ་ཐམས་ཅད་རང་དབང་མེད་པར་ཚུར་འདུས་པར་བསམ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ བཻ་སེང་ཧ་ཌཀི་ནི༔ ཧ་རི་ནི་ས༔ ཀ་བྷི་ར་ཀོ་བྷི་ར༔ ཧཱུྃ་ཧཱུྃ་ཛ་ཛཿ ཧ་རི་ནི་ས༔ ར་ཙ་ཧྲིཡ་ནི་ཛ་ཛཿ ཙིཏྟ་འདུས་འདུས༔ འདིར་ཁུག་འདིར་ཁུག༔ ནིག་ནལ་ནིག་ནལ༔ ལྷ་འདྲེ་མི་གསུམ་བདག་གི་དབང་དུ་སྡུས་ཤིག༔ ཝ་ཤཾ་ཀུ་རུ་ཧཱུྃ་ཧཱུྃ་ཛ་ཛཿ ཞེས་ཞག་བདུན་སྒྲུབ་པའོ། །དེ་ནས་ལས་སྦྱོར་དུས་སུ་གཞུའི་ཡི་གེ་ཡཾ་གྱིས་མཚན་པ༔ མདའི་ཡི་གེ་རཾ་གྱིས་མཚན་པ་ལས༔ ཡཾ་ལས་རླུང་བྱུང་བ་རཾ་ལ་ཕོག་རཾ་ལས་མེ་འབར་བས་རཾ་དམར་པོ་ཆད་པས་ཕོ་མོ་རྣམས་ཀྱི་སྙིང་ནང་དུ་ཕོག་པས༔ ཕོ་མོ་རྣམས་སྙིང་སེམས་གཡོ་འགུལ་འདར་ནས་ཁམས་དམར་པོ་དམར་ལྷད་ལྷད་བྱས་ཀླུནས་མར་བབ་སྟེ་རང་ལ་ཐིམ་པར་བསྒོམ༔ སྲིད་པ་ཕོ་རྒྱུད་ཐམས་ཅད་གཡས་བསྐོར་དུ་སྒ་ར་ར་འཁོར་བར་བསམ༔ མོ་རྒྱུད་ཐམས་ཅད་གཡོན་དུ་ཀྱི་ལི་ལི་འཁོར་བར་བསྒོམ༔ དམིགས་བྱ་ཐམས་ཅད་འཕར་ཁྱུག་ཁྱུག་སྡང་ཡང་ཡེང་བྱུང་ནས་རང་དབང་མེད་པར་རང་ལ་དད་པ་དང་གུས་པར་བསྒོམ༔ སྔགས་འདི་བཟླའོ། །ༀ་མ་ཧཱ་དེ་ཝ་ཧཱུྃ༔ ཨུ་མ་དེ་ཝ་

[Full Size]

ཧྲཱིཿ བུད་མེད་ཐམས་ཅད་མངལ་གྱི་སྲིན་བུ་སློང་སློང་ཨ་མོ་ལམ་ལམ་སྟོད་དུ་ལམ་ལ༔ ཨ་ཏི་ཁོལ་ཁོལ་སྨད་ནས་ཁོལ་ཁོལ སེམས་ཀྱི་འདོད་ཆགས་འབྱུང་བ་དཀྲུགས་ལ་ཤོག༔ རླུང་གི་ཞགས་པས་དེད་ལ་ཤོག༔ དྲྀ་ཏྲི་ཨ་ཀརྱ་ཡ་ཤྲཱི་ཧཱུྃ་ཛ་ཛཿ ཞེས་ཞག་བདུན་བཟླས༔ རྫས་དེ་རྣམས་དང་མདའ་གཞུ་རྣམས་སྔགས་སོ༔ དབང་སྡུད་ལ་འདི་གཅིག་པུས་ཆོག་གོ༔ རྣོ་ལ་མྱུར་བའི་གདམས་པ་འདི་ཁོ་ནའོ༔ ་གཉིས་པ་འཁོར་ལོ་ལ་བརྟེན་ནས་དབང་དུ་སྡུད་པ་ནི༔ ཟིལ་གནོན་སེང་གེའི་ཙཀྲ་དང་གཅིག༔ མཛེས་བྱེད་རྨ་བྱའི་ཙཀྲ་དང་གཉིས༔ བསྙེན་བྱེད་དུང་གི་ཙཀྲ་དང་གསུམ་ཡོད༔ རེ་རེ་ལ་ཡང་མུ་ཁྱུད་བཞི་རུ་བསྐོར༔ སེང་གེའི་ཙཀྲའི་ལྟེ་བར་བུད་མེད་བསྣོལ་བའི་སྟེང་དུ་རང་ཉིད་ཀྱི་གཟུགས་བྲིས ཕྱི་རིམ་མུ་ཁྱུད་ལ་ལྷ་འདྲེ་མི་གསུམ་ཐམས་ཅད་འགྲོ་བ་ཕོ་མོ་འདི་ཞེས་བྱ་བ༔ རང་གི་དམིགས་ཡུལ་ཐམས་ཅད་བདག་གི་དབང་དུ་སྡུས་ཤིག༔ མྱུར་དུ་ཁུག་ཅིག དེའི་ཕྱི་རིམ་དུ་ཨོཾ་ཙཀྐ་རྩེར་ལྡེམ་གུམ་ཆ་་མོ་བདག་གི་དབང་དུ་སྡུས་ཤིག ཅེས་བྲི༔ དེའི་ཕྱི་རིམ་དུ་རྩིབས་བདུན་ལ༔ ཨི་ནི་ཡ་མ་དུ་ཧཱུྃ་ཛཿ ཡི་གེ་རེ་རེ་བྲིའོ༔ རྩིབས་

[Full Size]

མཆན་ལ་ཡང་ཆ་་ཡིད་དུ་འོང་བའམ༔ ཡུལ་དེའི་རྒྱལ་པོ་དང་བཙུན་མོ་ཐམས་ཅད་ཀྱིས་རང་ལ་གུས་པ་དང་དད་པའི་ཚུལ་བྱ༔ རེ་རེའི་ཕྱི་རིམ༔ ཤ་ཤ་སྤྲ་ཏི་ཙི་ཏྲ་ཅི་ཤོག་མོས་ཤོག་ཙག་ཙག་མེ་འབར་ལྷང་ལྷང་སྒྲེ་མོ་ཐམས་ཅད་བདག་གི་དབང་དུ་སྡུས་ཤིག་སྭཱ་ཧཱཿ ཞེས་བྲི༔ དེའི་ཕྱི་རོལ་ཨཱ་ལི་ཀཱ་ལི་དང་ཡེ་དྷརྨ་བྲིའོ༔ ༈ མཛེས་བྱེད་རྨ་བྱའི་ཙཀྲའི་ལྟེ་བར་བུད་མེད་ཁ་སྦྱོར་བྱས་པའི་གཟུགས་བྲི༔ དེའི་ཕྱི་རིམ་རྩིབས་བདུན་གོང་དང་འདྲ༔ རྩིབས་མཆན་ཡང་གོང་དང་འདྲ༔ ཨོཾ་ཤ་ཤ་སོགས་ཚང་བར་བྲི༔ དེའི་ཕྱི་རིམ་ཨཱ་ལི་ཀཱ་ལི་ཡེ་དྷརྨཱ་གོང་དང་འདྲ༔ བསྙེན་བྱེད་དུང་གི་ཙཀྲའི་ལྟེ་བར་རང་ལ་ཆེ་དང་རྒྱལ་པོ་གུས་པའི་ཚུལ་དུ་བྲིའོ༔ གཞན་ཐམས་ཅད་གོང་དང་འདྲ༔ བསྙེན་པ་གོང་མའི་ཤམ་དུ༔ ཨོཾ་ཙཀྲ་ཤུ་ལ༔ ༀ་ནི་ཤ་ཤ་སྦྲེལ་མ་སྔགས༔ རྫས་གོང་མ་རྣམས་འཁོར་ལོའི་ལྟེ་བ་ལ་བྱུག་གོ༔ སེང་གེའི་ཙཀྲ་གཡས༔ རྨ་བྱའི་ཙཀྲ་གཡོན༔ དུང་དབུས་སུ་བ བཏགས་སོ༔ དེ་ལྟར་བྱས་པས་ལྷ་འདྲེ་མི་གསུམ་ཐམས་ཅད་རང་དབང་མེད་པར་འདུས་སོ༔ དེ་ལ་སྔགས་གོང་མ་གཅིག་པུས་ཀྱང་འགྲུབ་བོ༔ བར་མ་གཅིག་པུས་ཀྱང་འགྲུབ་

[Full Size]

བོ༔ འོག་མ་གཅིག་པུས་ཀྱང་འགྲུབ་བོ༔ དབང་སྡུད་ལས་ཀྱི་ཡང་འཁོར་འདི་ཟབ་པ་གཞན་ན་མེད༔ དབང་སྡུད་ལས་ཀྱི་ཡང་སྙིང་ཡིན་ནོ༔ འདི་གཅིག་པུས་ཆོག་པས་ས་མ་ཡ་རྒྱ་རྒྱ་རྒྱ༔ ཟབ་བོ༔ ༈ བཞི་པ་འབྱུང་བ་རླུང་ལས་བཅོལ་བ་ནི༔ རླུང་འཁོར་སྟེང་འོག་གཉིས་བྲི༔ མུ་ཁྱུད་གསུམ་རེ་བྱེད༔ ལྟེ་བ་ལ་བུག་པ༔ དེའི་ཕྱི་རིམ་མུ་ཁྱུད་ལ་ཨོཾ་ཙག་ཤུ་རྩེར་ལྡེམ་གུམ༔ འགྲོ་བ་ཕོ་མོ་ཐམས་ཅད་དབང་དུ་སྡུས་ཤིག༔ བྲིའོ༔ ཕོ་གཡས་སུ་འཁོར་བ མོ་གཡོན་དུ་འཁོར་བ་བྲིའོ༔ ཨོཾ་སྟེང་ཞབས་བྱའོ༔ བར་དུ་འཁོར་ལོ་མང་ན་བརྒྱ་རྩ༔ འབྲིང་ལྔ་བཅུ། ཐ་མ་ཉི་ཤུ་རྩ་གཅིག་བྱས་པས་སྟེང་མ་ཐམས་ཅད་ཡིག་མགོ་ཕྱི་ལ་བསྟན༔ འོག་མ་ཐམས་ཅད་ཡིག་མགོ་ནང་དུ་བསྟན་ལ༔ སྔགས་འདི་རྣམས་ལྷག་ཆད་མེད་པར་བྲི་བར་བྱའོ༔ ཨོཾ་ཆུ་ལྷུད་ལྷུད་འདར་ཡེད་ཡེད་སྟོད་ལ་ཁུག་ཁུག་ཙ་ལ་གྲི་གྲི༔ འདོད་ཆགས་དར་རྒྱས་ལ་སྭཱ་ཧཱཿ མིང་བཅུག་ལ། ཨོཾ་ཨ་ཏི་ཁོལ་ཁོལ་སྟོད་ནས་ཁོལ ཨ་མོ་ནན་ནན་སྨད་ནས་ནན༔ འདོད་ཆགས་ཀྱི་རྩ་བ་གཏིང་ནས་དཀྲུག༔ བྷིརྟི་ཆུག་ཙིཏྟ་ཕྱུང་༔ སྣང་རྒྱལ་རྣམས་ཟད་ཟད༔ ཕུལ་ཕུལ༔

[Full Size]

ལྷང་ལྷང་ལྷ་མོ་མྱུར་དུ་ཁུག ཡུངས་ཀར་མ་མོའི་དབང་པོ་ཤིག མིང་བཅུག ཨོཾ་ཡ་ཁ་གཟིར་གཟིར་ན་ཏུལ་ཏུལ༔ དམ་ལ་ཤོག་ཆུ་ཁྲིད་འདོད་ཆགས་ཀྱི་མཚན་མ་གཏིང་ནས་དཀྲུག༔ སྲིན་བུ་མགོ་མང་གི་ཚང་ཤིག༔ ཕག་ཆོ་ལེ་ལུས་ལ་ཕོག་སྭཱ་ཧཱ མིང་བཙུག་ལ༔ ཡ་མ་འཛུར་འཛུར༔ ཧྲི་ཧྲི་ཧྲིང་ཧྲིང་༔ ས་བདག་མོའི་ཙིཏྟ་ཁུག་ཁུག་སྭཱ་ཧཱཿ མིང་བཅུག༔ ཨོཾ་ཏྲི་ལ་དཀར་ཆོག་ཆོག༔ ཏྲི་ལ་པ་ཤམ་དུ་ན་ཁ་ལ་མྱོང་མྱོང་༔ མོ་ཧ་འཛུབ་འཛུབ༔ ཧྲིང་ཧྲིང་ལྷོང་བྷ་ཤ་ཁུག༔ མིང་བཅུག༔ ཨོཾ་འཛབ་འཛབ་འཛུབ་འཛུབ་བྲིང་ཧྲིང་སློང་ཚྭ་ཛསྭཱ་ཧཱུ བྷ་ཤ་ཁོལ་ཁོལ་ཙག་ཙག་དུང་དུང་ཡེད་ཡེད་ལྷ་འདྲེ་མི་གསུམ་ཐམས་ཅད་བདག་གི་དབང་དུ་སྡུས་ཤིག༔ ཅེས་བྲིའོ༔ དབང་སྡུད་ཐམས་ཅད་ཀྱི་ཡང་སྙིང་ཟབ་པའི་མཐར་ཐུག་འདི་ཡི་གེ་ཕྱི་ནང་གང་ཤོང་ཤོང་ལྷག་ཆད་མེད་པར་བྲིའོ༔ བར་དུ་རྒྱའི་ཡུལ་ཁམས་རྨི་དམིགས་བྱ་གང་ཡིན་གྱི་མིང་ཐམས་ཅད་བཅུག་ལ་བདག་གི་དབང་དུ་སྡུས་ཤིག ཅེས་བྲིའོ༔ འཁོར་ལོ་དེ་རྣམས་ལ་གོང་གི་རྫས་རྣམས་བྱུག་གོ༔ བཀྲ་ཤིས་པའི་ཉི་མ་ལ་ཐེབ་ཡོད་པའི་དུས་ལ་རང་གི་ཁྱིམ་གྱི་ཕྱོགས་ནས་ཁམས་དང་

[Full Size]

བསྟུན་ལ་མདུན་ཕྱོགས་སུ་བཙུགས་སོ འཁོར་ལོའི་ཐོག་ཏུ་བྱིན་རླབས་ཅན་གྱི་གདུང་རིང་བསྲེལ་གོང་ནོན་དུ་བཞུགས་སུ་གསོལ༔ རླུང་ཁང་བྲ་མའམ༔ འོ་མ་བུ་གང་བདེ་བྱེད༔ མཁའ་འགྲོ་ཆོས་སྐྱོང་ལ་ཚོགས་དང་གཏོར་མ་བཅུག༔ བཀྲ་ཤིས་བརྗོད༔ གཞི་བདག་ལ་བཀའ་བསྒོ་བྱ༔ གཏོར་མ་བྱིན༔ གསེར་སྐྱེམས་དངོས་གྲུབ་སྟེར་བའི་ཕྲིན་ལས་ཞུ གཞན་ལ་མེད་པའི་དབང་སྡུད་ཀྱི་རླུང་འཁོར་འདི་ལས་ཟབ་པ་རྒྱལ་ཁམས་གཞན་ལ་ཡོད་རེ་ཀན༔ གཞན་ཚོ་ཕྱི་ཡི་དབང་སྡུད་ཡིན༔ འདི་ནི་ནང་གི་དབང་སྡུད་ཡིན་པས་ཟབ་བོ༔ ༈ ལྔ་པ་དུང་ལ་སྔགས་པ་དུང་སྐད་གང་ཚོར་ཐམས་ཅད་ཀྱི་སེམས་གཏོར་ཞིང་རང་དབང་མེད་པར་འདུས་པའི་གདམས་ངག་ལ གོང་འོག་གི་སྔགས་ཐམས་ཅད་ཀྱིས་དུང་སྔགས་ལ་ཡུལ་ཕྱོགས་སུ་གང་དབང་དུ་འདོད་པའི་ཕྱོགས་སུ་ཁ་གཏད་ལ་འབུད༔ དུང་སྐད་གང་ཚོར་ཐམས་ཅད་རང་དུང་ལ་གཞན་གྱིས་རེག་པ་དང་ཁ་གཏད་མི་བཅུག་གོ༔ དུང་གི་རིགས་གང་རེད་ཀྱང་ཉར་ཆོག༔ ༈ དྲུག་པ་དབང་སྡུད་ལ་བརྟེན་ནས་ཡུལ་ཁམས་དབང་དུ་བསྡུ་བ་ནི༔ གོང་གི་རྫས་རྣམས་ཕྱེ་མར་ནང་དུ་བླུགས་ནས༔ དུག་ཤིང་མ་ཡིན་པའི་ཤིང་

[Full Size]

རྩེ་མེར་སྲེག་བཟང་ཤིང་སྣ་ཚོགས་དང་བསྲེས་ཏེ་བསང་དུད་བཏང་བའི་དུད་པ་གང་ཕོག་གི་ལྷ་འདྲེ་མི་གསུམ་ཐམས་ཅད་དབང་དུ་འདུས་སོ༔ ཁྱད་པར་དུ་ཡང་ལྷ་འདྲེ་དང་ཡུལ་ལྷ་ཐམས་ཅད་རང་ལ་གུས་ཤིང་སྙན་གྲགས་སོ༔ ཟབ་པའི་མཐར་ཐུག་གོ༔ རྣོ་བའི་རལ་གྲིའོ༔ བྲེག་པའི་ཟོར་བའོ༔ ༈ བདུན་པ་ཆང་གི་ནང་དུ་བཏབ་ནས་ཁ་ལ་གང་རེག་ཐམས་ཅད་དབང་དུ་འདུ་བར་བྱེད་པ་ལ༔ གོང་གི་རྫས་རྣམས་སྔགས་ལ༔ ཐོད་པ་ལ་སོགས་པ་ནང་གི་བདུད་རྩི་དང་བསྲེས་ལ་ཆང་ནང་དུ་བཏབ་སྟེ་གསོལ་འདེབས་ཉམས་མགུར་ཚོགས་བསྐང་དང་བསྟུན་ཏེ༔ ཐིག་པ་ཁར་བཞག་པས་རྐང་པ་སྟོན་ཅིང་སར་སྡོད་མི་ཚུགས་པར༔ བབ་ཆགས་པའི་ཉམས་སྐྱེས་ནས༔ འཕོང་སེམས་མེད་པར་ནོར་རྫས་ཐམས་ཅད་རང་དབང་མེད་པར་རང་ལ་འབུལ་ལོ༔ མཉམ་པའི་རྟོགས་པ་སྐྱེས་ན་དབང་དུ་འདུ་བའི་གདམས་པ་ཟབ་མོ༔ སྤྱི་རྒྱ་རྒྱ་རྒྱ༔ ༈ བརྒྱད་པ་དམིགས་པ་གཏད་ནས་ཐམས་ཅད་རང་དབང་མེད་པར་བཀུག་པ་ནི༔ རང་ཉིད་མཁའ་འགྲོ་མ་སེངྒེའི་གདོང་པ་ཅན་བསྒོམ་པ་གོང་དང་འགྲེ༔ སྔགས་རྣམས་རྒྱུན་ཆད་མེད་པར་བརྒྱ་རེ་བཟླས་སོ༔ རྫས་ཀྱི་ཁ་

[Full Size]

གསོ༔ ཁྲོམ་ལ་ནས་ལ་སྔགས་ནས་གཏོར་བས་དབང་སྡུད་དུ་འགྱུར་བ་རྣམས་འགྱུར་ལྡོག་མེད་པ་དང་༔ འཕྲོས་ཐམས་ཅད་མོས་པ་བརྟན་པར་འགྱུར་རོ༔ རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་གྲངས་མེད་དུ་འཕྲོས་ནས་དམིགས་བྱ་ཐམས་ཅད་ཀྱི་གནས་གསུམ་དུ་ཐིམ་པར་བསྒོམ་པ་མན་ངག་གོ༔ དམིགས་པའི་གདམས་པ་ཟབ་བོ༔ ༈ དགུ་པ་ཡུངས་ཀར་ལ་བརྟེན་ནས་ཧྥེ་རེ་རེ་འགུགས་པ་ནི༔ ཡུངས་ཀར་མོའི་སྤྱི་བོའམ་སྙིང་ཁ་གང་རུང་དུ་བཏབ་པས་ཐམས་ཅད་རང་དབང་མེད་པར་འགུགས་སོ༔ ལོག་ནོན་ཆུས་ཁ་ཕྲུ་བའམ་རིང་བར་ཆུས་ཆོད་ན་ལོག་ནོན་དུ་འགྱུར་རོ༔ ཟབ་བོ༔ ་༈ བཅུ་པ་རང་ལ་མི་ཁ་འཇམ་ཞིང་༔ རང་ལ་མི་ལྡོག་པ་ནི༔ དུས་རྟག་ཏུ་དབང་དུ་འདུ་བ་དང་༔ གཞན་གྱི་དབང་དུ་མི་འགྲོ་བའི་གདམས་པ་ནི༔ མི་ལས་གོས་ཀྱི་ལྷམ་བུ་བྱས་པའི་ནང་དུ་གོང་གི་རྫས་རྣམས་དང་༔ ཁྱི་མོ་ནག་མོའི་སྟུ་ཤ་དང་ར་རྒྱ་བོའི་རླིག་ཚིལ་བུད་མེད་འཆོར་མོའི་ཆུ་ཤུལ་གྱི་ས་རྣམས་བླུག་ལ༔ བུད་མེད་དང་རྒྱལ་པོ་བཙུན་མོ་གང་ལ་བྱེད་པ་དེའི་རུས་ལ་བྲིས མཐར་རླུང་གི་འཁོར་ལོའི་སྔགས་རིང་མིང་སྤེལ་དང་བཅས་པ་བྲིའོ༔ ཕོ་མོ་གཉིས་ཁ་སྦྱོར་ལ་

[Full Size]

ལྷམ་བུའི་ནང་དུ་བཅུག་ལ༔ གོང་འོག་སྔགས་རིང་ཐུང་བརྒྱ་རེའམ༔ ཉི་ཤུ་རྩ་གཅིག་རེ་མ་ཆག་པར་དམ་བཅའ་བཟུང་ལ་བཟླའོ༔ ལོག་ནོན་གཟེར་བུས་མན་ངག་གོ༔ གཞན་རྣལ་འབྱོར་པས་ནོར་སྒྲུབ་དབང་སྡུད་འགུགས་སྔགས་ཅི་རིགས་པ་རྣམས་ཤེས་ནའང་༔ རླུང་འཁོར་བྲིས་ལ་འདོད་དོན་གསོལ་བ་གདབ་བོ༔ མུ་སྟེགས་ལ་སོགས་ཕྱི་པའི་སྔགས་ནི་མི་བཅུག་གོ༔ དེ་ལྟར་ནོར་དང་དབང་སྡུད་འགུགས་སྔགས་ཐམས་ཅད་ཕྱོགས་གཅིག་ཏུ་འོང་བའི་གདམས་པ་ཟབ་མོ་འདི་ནི་འགྲུབ་སླ་ལ་དོན་ཆེན་པོ་ཡོད་པས༔ མན་ངག་འདི་ཁམས་གསུམ་དབང་སྡུད་ཡིན༔ སྲིད་གསུམ་ཟིལ་གནོན་ཡིན་འགྲོ་བ་ཕོ་མོ་ཐམས་ཅད་རང་གི་ཁྱི་ཁྲིད་པའམ༔ བུ་ཆུང་གིས་མ་མཐོང་བ་ལྟ་བུའོ༔ འདི་མ་བྱུང་པདྨ་ང་ཉིད་ཀྱིས་སེམས་ཅན་ཐམས་ཅད་བསླུས་པར་འགྱུར་རོ༔ བདེན་རྫུན་ལག་ཏུ་ལོངས་དང་གསལ་ལོ༔ དཀོན་མོད་རྒྱལ་ཁམས་འགྲིམ་ན་མངོན༔ གོང་འོག་བར་གསུམ་རེ་རེ་ནས༔ འགྲུབ་པའི་མན་ངག་དམ་པ་འདི༔ སུ་ཡིན་ལ་སྤེལ་ན་ནོར་ལྷ་དང་མཁའ་འགྲོ་མ་རྣམས་ཀྱི་ཐུགས་ཁྲོས་ནས་རང་ལ་དངོས་གྲུབ་མི་འབྱུང་བའི་གནད་ཡོད་དོ༔ འདི་ཡི་ལུང་ཞུ་བའི་དུས་སུ་རྒྱུ་རིན་པོ་ཆེ་

[Full Size]

དང་ནོར་ཟས་ཡིད་ཆགས་པ་འབུལ་བ་གནད་ཡིན་ནོ༔ དེ་མ་ཕུལ་ན་དངོས་གྲུབ་མི་འབྱུང་ངོ་༔ རང་ཡིད་ཆགས་པའི་ནོར་རྫས་ཕུལ་ན་དངོས་གྲུབ་མྱུར་ཞིང་བར་ཆད་མི་འབྱུང་ངོ་༔ འགྲོ་བ་དབང་སྡུད་མན་ངག་འདི༔ མ་འོངས་སེམས་ཅན་དོན་ཆེད་དུ༔ པདྨ་ང་ཡིས་གཏེར་དུ་སྦས༔ ཀླུ་བདུད་ནག་པོ་ཁྱོད་ལ་གཏད༔ ཁྱོད་ཀྱིས་གཏེར་འདི་ཐུབ་པར་སྲུངས༔ ལས་ཅན་གཅིག་ལ་ཁྱོད་ཀྱིས་གཏོད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ གཏད་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ ཨྠྀི༔ ཤམ༔ ཧིཐཋཱ༔ ཅེས་རྐང་པོ་རྒྱ་ལ་གཤིན་རྗེའི་དབལ་ཁ་ནས་ཆོས་རྒྱལ་ཐུགས་ཀ་ནས་གཏེར་ནས་བཏོན་པའོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གསང་རྒྱ གཏད་རྒྱ་རྒྱ་རྒྱ་རྒྱ། ཤམབློམ༔ གཏེར་སྟོན་སངས་རྒྱས་གླིང་པས་སྤྱན་དྲངས་པའོ༔ ༄༅། །མོ་འཁོར་ལ༔ ཨེ་མཉྫཀུཀྟ་ཀོ་བྷི་ར་ཙག་ཙག་བྱ༔ ཙག་ཙག་སད་སད་ཁུག་ཁུག་ལིང་ལིང་སེང་སེང་ཡེན་ཡེན༔ རྩེ་མོ་འདོད་པ་གཡོས་ས་མ་ཡ་ཁུག་ཛཿ ཨེ་སོགས་སྒྱེ་མོ་ཨཾ་ཀུ་ཤ་ཡ་ཛཿ ༈ ཕོ་འཁོར་ལ ཨེ་མཉྫ་ཀུཀ་ཀོ་བྷི་ར་ཧྲིང་ཧྲིང་ཛ་ཛཿ

[Full Size]

ངྒེ་མོ་ཨཾ་ཀུ་ཤ་ཡ་ཛཿ ཧ་རི་ནི་ས་འགུལ་འགུལ༔ མ་མ་ཧྲི་ཧཱུྃ༔ མ་མ་ཁ་ཤི་མི་སྙིང་བསྒུལ་བསྒུལ༔ མི་འགྲམ་ཆོག་ཆོག མི་ལག་བསྒུལ་བསྐུལ༔ མི་སེམས་དཀྲུག་དཀྲུག་ཧཱུྃ་ཧཱུྃ་བསྡུས་བསྡུས༔ མ་མ་ཁ་ཤི་སརྦ་ན་ན་ཁ་དྷེ་སིདྡྷི་བསྡུས་བསྡུས་སྭཱ་ཧཱཿ ༄༅། ། །ན་མོ་ཀི་ཡེ༔ དམར་མོ་གསུང་གི་ཌཀིའི་སྒོ་ནས་དབང་སྡུད་ནི༔ མཎྜལ་དམར་པོ་ལ་ཙནྡན་དམར་པོ་བྱུག་པ་འདབ་བཞིའི་མཐར༔ མཆོད་པས་བསྐོར་གཏོར་མ་སྟོད་ཟུར་གཉིས་པདྨས་བསྐོར་བ་ལ༔ སྨུག་རྩི་བྱུག་པ༔ མེ་ཏོག་གིས་བརྒྱན་པ༔ མདའ་དར་དམར་པོ་དང་ཚོགས་འཁོར་རྒྱས་པར་བཤམས༔ འགྲོ་བ་ཐམས་ཅད་དབང་དུ་བྱས༔ བླ་ན་མེད་པའི་བྱུང་ཚུབ་ལ་འགོད་པར་སེམས་བསྐྱེད་སྙིང་ཐག་པས་བྱས་ནས༔ སྐྱབས་སེམས་སོགས་གཞུང་ལྟར་ལས༔ སྟོང་པའི་ངང་ལས་སྐད་ཅིག་དྲན་རྫོགས་སུ༔ མཁའ་འགྲོ་མ་སེང་གེའི་གདོང་པ་ཅན་སྐུ་མདོག་པདྨ་རཱ་ག་ལྟར་དམར་ཞིང་ཉི་ལྟར་འོད་འབར་བ༔ ཕྱག་གཡས་ལྕགས་ཀྱུ་དམར་པོ་ཁྱེར་ཞིང་༔ གཡོན་ཞགས་པ་དམར་པོ་འདེབསཐབས་སུ་བསྣམས་པ་སེང་ཞལ་ཁྲོ་ཞིང་བཞད་པ༔ རལ་པ་དམར་སེར་སྤྲུགས་པས་ནམ་མཁའ་ཁྱབ་པ༔ དུར་ཁྲོད་ཀྱི་ཆོས་བརྒྱུད་དང་མེ་ཏོག་དམར་པོའི་ཕྲེང་བས་བརྒྱན་པ༔

[Full Size]

གར་ཐབས་སུ་འོད་ཟེར་དམར་པོ་འཁྲུགས་པའི་ཀློང་ན་བཞུགས་པར་བསྒོམ༔ རང་གི་གསང་བའི་གནས་ཀྱི་དབང་རྟགས་སུ་དེ་ཡོངས་སུ་མིང་བཅུག་པ་མན་ངག་གོ༔ དེ་ལྟར་ཞག་བདུན་ནམ་སྔགས་འབུམ་ཕྲག་གཅིག ཡང་ན་རྒྱུན་བསྙེན་བྱ་སྟེ༔ དམིགས་པས་གཟིར་ན་མངོན་རྟོགས་ངག་ཏུ་བརྗོད་མི་དགོས༔ དེ་རྨི་ལམ་དུ་མེ་ཏོག་དམར་པོའི་ཆར་བབས་པ་དང་༔ འོད་དམར་པོ་འཁྱུག་པ་དང་༔ ཁྲོམ་འདུས་པས་ཕྱག་འཚལ་བ༔ གོས་གསར་པ་གྱོན་པ་དང་༔ མེ་ཏོག་གིས་རང་བརྒྱན་པ༔ རོལ་མོ་འབུད་དཀྲོལ་བྱེད་པ རང་ཉིད་རྒྱལ་པོར་གྱུར་པ་སོགས་བྱུང་ན་འབྱུང་ངོ་༔ ཟབ་བོ༔ ཨྠྀི༔ གཞན་ཐམས་ཅད་གོང་ལྟར་ལ༔ ཡིད་འགུགས་པར་བྱེད་པ་སུར་དཀར་ལོ་མ་མེ་ཏོག སེམས་ཟིན་པར་བྱེད་པ་གོ་བོའི་བྲུན༔ ཡིད་གཡོ་བར་བྱེད་པ་ཕུར་མོང་གི་མེ་ཏོག སེམས་བརྩེ་བར་བྱེད་པ་ནས་ཟན་ཀླད་པ༔ ཁྲོམ་དབང་དུ་འདུ་བར་བྱེད་པ་བྱ་རྒོད་ཤ༔ ཕོ་དབང་དུ་འདུ་བར་འདོད་ན་ལྕགས་རིགས༔ མོ་དབང་དུ་འདུ་བར་བྱེད་པ་ཁུག་རྟའི་བྲུན༔ བླ་མ་དབང་དུ་འདུ་བར་བྱེད་པ་གསེར༔ མི་དཔོན་དབང་དུ་འདུ་བར་བྱེད་ཕ་ཝང་དྲེག་པ༔ བཙུན་མོ་དབང་དུ་འདུ་བར་ཟངས་ཕྱེ༔ དགེ་བཤེས་ལ་ལི་ཁྲི༔ སྔགས་པ་ལ་མཚལ ལྷ་འདྲེ་ལ་ཕ་ཝང་ལོང་བུ༔ དེ་རྣམས་རིལ་བུ་སྲན་མ་ཙམ་བྱས་ལ་ཡུངས་ཀར་དང་མཉམ་དུ་སྨྱུག་ཚོགས་ནང་དུ་བླུག༔ དར་དམར་པོས་ཁ་བཅད༔ གླང་མས་ཁ་འདོན་བྱེད༔ ཕུག་རོན་དང་རུའི་རྒྱུད་ནས་ཕུ་འདེབས༔

[Full Size]

ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ བཻ་སེང་ཧ་ཌཱཀི་ནཱི༔ ཧ་རི་ནི་ས༔ ཀ་བྷི་ར་ཀོ་བྷི་ར༔ ཧཱུྃ་ཧཱུྃ་ཛ་ཛཿ ཧ་རི་ནི་ས༔ ར་ཙ་ཧྲི༔ཡ་ནཱི་ཛ་ཛ ཙིཏྟ་འདུས་འདུས༔ འདིར་ཁུག་འདིར་ཁུག ནིག་ནལ་ནིག་ནལ ལྷ་འདྲེ་མི་གསུམ་བདག་གི་དབང་དུ་སྡུས་ཤིག་སྭཱ་ཧཱཿ ཝ་ཤཾ་ཀུ་རུ་ཧྲི་ཧྲི་ཛ་ཛཿ ཞེས་ཞག་བདུན་སོགས་བརྗོད་སྔགས་གྲངས་མེད༔ ༈ ཡང་བུད་མེད་རེ་རེ་ཁོ་ན་དབང་དུ་བསྡུ་བར་བྱེད་ན༔ སྔགས་འདི་གཙོ་ཆེར་བཟླའོ༔ ཨོཾ་མ་ཧཱ་དེ་ཝ་ཧཱུྃ༔ ཨུ་མ་དེ་ཝ་ཧྲི༔ བུད་མེད་ཐམས་ཅད་ཀྱི་མངལ་ཞུགས་ཀྱི་སྲིན་བུ་སློང་སློང་༔ ཨ་མོ་ལམ་ལམ་སྟོད་དུ་ལམ་ལམ༔ ཨ་ཏི་ཁོལ་ཁོལ་སྨད་ནས་ཁོལ་ཁོལ༔ སེམས་ཀྱི་འདོད་ཆགས་འབྱུང་བས་དཀྲུགས་ལ་ཤོག༔ རླུང་གི་ཞགས་པས་དེད་ལ་ཤོག༔ དྲྀ་ཏྲི་ཨ་ཀརླུ་ཡ་ཧྲི་ཧྲི་ཛ་ཛཿ ཞེས་ཞག་བདུན་ཙམ་བཟླས་སོ༔ རྫས་ལ་ཕུ་བཏབ་ཅིང་རང་ཉིད་སེང་གདོང་མའི་གསང་གནས་དབང་ཕྱུག་ཆེན་པོ་དང་བཅས་པ་ལས་འོད་ཟེར་དམར་པོ་འཕྲོས་པས་འགྲོ་བ་ཐམས་ཅད་ལ་ཕོག༔ སྲིད་པ་ཕོ་རྒྱུད་ཐམས་ཅད་གཡས་སུ་སྒ་ར་ར་འཁོར༔ མོ་རྒྱུད་ཐམས་ཅད་གཡོན་དུ་ཀྱི་ལི་ལི་འཁོར་འོད་ཟེར་སྙིང་ནང་དུ་ཞུགས་ནས་ལུས་འདར་སེམས་

[Full Size]

གཡོས༔ ཕོ་རྣམས་ཀྱི་བྱང་སེམས་དཀར་པོ་དང་༔ བུད་མེད་རྣམས་དམར་པོ་ལྷད་ལྷད་ལུས་ལས་ཐོན་ཏེ་རང་ལ་ཐིམ་པར་བསྒོམ་ཞིང་བཟླའོ༔ དེ་ལྟར་སྒྲུབ་པ་ཐོན་པའི་རིལ་བུ་ལས་ལ་སྦྱར་བ་ནི༔ ཆང་གི་ནང་དུ་བཏབ་ནས་ཁར་རིག་པ་ཐམས་ཅད་དབང་དུ་བྱེད་དོ༔ ཐོད་པའི་བདུད་རྩིའི་ནང་དུ་བཏབ་ལ་ཚོགས་ཆང་དུ་བླུག རྗེས་དྲི་བཟང་སྣ་ཚོགས་བསྲེགས་པའི་བསང་གི་ནང་དུ་བཏབ་པས་དུད་པ་ཕོག་ཚད་ལྷ་འདྲེ་དབང་དུ་འདུས་ནས་བཀའ་ཉན་སྙན་གྲགས་པར་བྱེད་དོ༔ ཤིན་ཏུ་ཟབ་བོ་སི༔ ཡང་དུང་དཀར་རམ་གླིང་བུའམ༔ རྒོད་གླིང་ངམ༔ རྐང་གླིང་ལ་རྫས་བྱུག༔ སྔགས་གོང་གི་དེས་སྔགས་ལ་ཡུལ་ཕྱོགས་དབང་དུ་གར་བྱས་ལ་ཁར་གཏད་འབུད་པས་དུང་སྐད་གོ་ཚད་སེམས་བསླང་ཞིང་འདུ་སྟེ་དམ་ཚིག་ཏུ་རིང་འབུད་པ་ལས་དུང་གཞན་གྱིས་ཁ་གཏད་འབུད་མི་འཇུག་པ་གལ་ཆེའོ༔ ༔ ༈ རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་གྲངས་མེད་པ་འཕྲོས་པས་དམིགས་བྱ་ཐམས་ཅད་ཀྱི་སྙིང་གའི་ནང་དུ་ཞུགས་ནས་ལུས་སེམས་གཡོས་ཏེ༔ ལུས་ངག་ཡིད་གསུམ་འོད་དམར་པོའི་རྣམ་པར་ཞུ་ནས་རང་ལ་ཐིམ་པར་བསྒོམ་ཞིང་སྔགས་བརྒྱ་རྩ་སོགས་མ་ཆག་པར་བྱ་བ་ནི་རྒྱུན་བསྙེན་ནོ༔ དམིགས་རིམ་གསལ་བར་བྱས་ལ་ཁྲོམ་ལ་ནས་སྔགས་ནས་གཏོར་ན་དབང་དུ་འགྱུར་ཞིང་དད་གུས་འགྱུར་བ་མེད་པར་འགྱུར་རོ༔ ཨྠྀི༔ ༈ གོང་དུ་བསྒྲུབས་པའི་ཡུངས་

[Full Size]

ཀར་རེ་རེས་བུད་མེད་རེ་ཁུག་སྟེ༔ དམིགས་པ་དང་བཅས་འོག་མ་མང་དུ་བཟླས་ལ་ཁ་གསོས་ལ་ཡུངས་ཀར་མོའི་སྤྱི་བོར་རམ་སྙིང་ཁར་འདེབས་པས་རང་དབང་མེད་པར་ཁུག་གོ༔ བཀྲོལ་ན་ཆུའི་ཁ་ཕྲུ་བཏབ་པའམ༔ རང་དང་མོའི་བར་དུ་ཆུས་ཐོར་བྲབ་བོ༔ ཨྠྀི༔ ཡང་ན་ཟངས་མདའ་ཁྱུད་གང་པ་ལ་སྔགས་ནས་པདྨ་རཀྟ་བྱུག༔ ཟངས་ཀྱི་གཞུ་མཛུབ་གང་ལ་སྔགས་ནས་བྱང་སེམས་དཀར་པོ་བྱུག༔ གྲི་རྒྱུས་སམ་བྱ་རྒོད་རུས་པས་གཞུ་རྒྱུད་བྱས སྔགས་ཤོག་དྲིལ་དུ་བྲིས་པ་ཆང་བཟུང་ལ་དཀྲིས་ནས་དར་དམར་པོས་དྲིལ་གཞན་གྱིས་མ་མཐོང་བར་རང་གི་མཆན་གཡོན་དུ་བཞག་ལ༔ བསྐྱེད་རིམ་གོང་ལྟར་བསྒོམ༔ གཞུ་མདའ་གཉིས་གསང་གནས་དབང་ཕྱུག་གི་ཕྱག་མཚན་དུ་བསམ་ལ གཞུ་ལ་ཡཾ་གྱིས་མཚན་པ་ལས་རླུང་གཡོས༔ མདའ་ལ་རཾ་གྱིས་མཚན་པ་ལ་ཕོག༔ རཾ་ལས་མེ་འབར་ཞིང་རོ་མང་པོ་འཕྲོས་ཏེ༔ ཕོ་མོ་ཐམས་ཅད་ཀྱི་སྙིང་ནང་དུ་ཞུགས་ལུས་སེམས་གཡོས་ནས་འདར་ཡེང་ཡེང་འཕར་ལྷད་ལྷད་རང་ལ་དབང་མེད་པར་བདག་གི་དབང་དུ་གྱུར་པར་བསྒོམ་ཞིང་༔ སྔགས་སྤྱི་ལ་གང་མང་དང་༔ བུད་མེད་ལ་སྔགས་འོག་མ་ཞག་བདུན་ཙམ་བཟླས༔ མདའ་གཞུ་ལ་སྔགས༔ དབང་དུ་བྱ་བའི་ཡུལ་ཕྱོགས་བསམ༔ དམིགས་ཡུལ་ལ་ཚད་བྱ༔ མདའ་གཞུ་བཀང་གཏད་བྱ་ཞིང་དམིགས་པ་བྱས་པས་དབང་དུ་འགྱུར་རོ༔ ཨྠྀི༔ ༈ ཡང་དར་དམར་ལ་རྒྱ་སྣག་གམ་མཚལ་གྱིས༔ ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡཕཊ༔ ནི་ལ་བཛྲ་ཌཱ་ཀི་

[Full Size]

ནི་བརྡ་ཀ་ཧཱུྃ༔ ཞེས་བྲིས༔ སྔགས་དེས་མང་དུ་སྔགས་ལ་མཆན་ཁུང་གཡོན་དུ་བཏགས་ན་ཐམས་ཅད་ཀུན་གྱི་ཡིད་དུ་འོང་ཞིང་དབང་དུ་འདུས་སོ༔ ཨྠྀི༔ ༈ ཡང་ཟངས་གཞུ་ཟངས་མདེལ་ལ་རྡོ་ཁབ་ལེན་སྦྱར་ནས་མཆོད་གཏོར་བཤམས༔ རང་ཉིད་སེང་གདོང་མ་དམར་མོ་གྲི་གུག་ཐོད་ཁྲག་ཅན་ཁཊཾ་ག་ལ་འཁྱུད་ཅིང་གར་བྱེད་པ་འཁོར་ཌཀྐི་བཞི་སེང་གདོང་མ་བཅས་པ་བསྐྱེད༔ ཡེ་ཤེས་པ་བསྟིམ་པ་དང་དབང་བསྐུར་བ་ལ་བདེ་མཆོག་གིས་དབུ་བརྒྱན་པར་བསམ་ལ༔ ཨཧཱུྃ་སོགས་ཀྱིས་མཆོད༔ དཔལ་ལྡན་པདྨ་ལྷ་མོ་ནི་སོགས་ཀྱིས་བསྟོད༔ རང་ཉིད་ཐུགས་ཀའི་ཛཾ་ལས་སྔགས་ཕྲེང་གཡོན་དུ་འཁོར་བ་ལས་འོད་ཟེར་དམར་པོ་ལྕགས་ཀྱུའི་རྣམ་པས་རྒྱལ་བློན་བཙུན་མོ་ཡུལ་འཁོར་ནོར་རྫས་སོགས་ཅི་འདོད་པ་བཀུག་མདུན་དུ་འདར་ལྡི་ལི་ལི་འདུག་པ་འོད་དམར་པོར་ཞུ་ནས་རང་ལ་ཐིམ་པར་ཡང་ཡང་བསྒོམ་ཞིང་༔ ཨོཀསམརཙཤདརསརཡཕཊ༔ ཨོཾ་ཨོཾ་ལ་དི་རི་དི་རི་ཡན་ཏ་མི་དི་ཐ་སྭཱ་ཧཱཿ ཨོཾ་གྷ་མི་ཙ་ནི་ར་ཙ་ཡེ་སྭཱ་ཧཱཿ ནཾ་ཨ་ཀར་ཡ་ཧྲི་ཧཱུྃ༔ ཨ་ཀར་ཡ་ཛ་ཛཿ ཚྭ་ཝ་ཤཾ་ཀུ་རུ་ཡེ་སྭཱ་ཧཱཿ མི་སྙིང་སྒུལ་སྦྲུལ༔ ཞེས་དང་ཕོ་དབང་དུ་བསྡུས་པ་དང་༔ ཨ༔ཀ༔ས༔མ༔ར༔ཙ༔ཤ༔ད༔ར༔ས༔མརཡཕཊ༔ བཾ་

[Full Size]

ཧ་རི་ནི་ཧཱུཾ༔ ནིག་ནལ་ནིག་ནལ༔ པྲ་མོ་ཐུན་ཕྲ་མོ་ཐུན༔ ལུས་སྒུལ༔ སེམས་གཡོས༔ དབང་པོ་དཀྲུག་དཀྲུག༔ སེམས་རྩ་གཡོས་སེམས་རྩ་གཡོས རཏྣ་སིདྡྷི་ཁུག་ཁུག་ཛ་ཛཿ ཨོཾ་བྷི་ཤ་ནན་རཀྟི་ནན༔ རུ་ཏི་ནན༔ དོར་ཕུ་དོར་ཕུ༔ སེམས་རྩ་དཀྲུག་སེམས་རྩ་དཀྲུག༔ མངལ་གྱི་གྲོང་ཁྱེར་དཀྲུག༔ ཡང་ཡང་ཕུད ཨ་ར་ལི་རྐོ་རྐོ་ཕུད་སྭཱ་ཧཱཿ ཨོཾ་པདྨ་ཚེ་ཁྲི་ཁྲི་ཚུར་ཚུར་ཤག་ཤག༔ ཡེད་ཡེད་སེང་སེང་༔ ཀུ་སྲིང་ཀུ་སྲིང་གྷནྡྷ་གྷནྡྷ་སྭཱ་ཧཱཿ ཨོཾ་མ་ཧཱ་ར་ཙ་ཧཱུྃ༔ ཨོཾ་པྲ་བྷ་ར་ཙ་ཧཱུྃ༔ ཨོཾ་ཀ་མ་ར་ཙ་ཧཱུྃ༔ ཨོཾ་མ་ཧཱ་དེ་ཝ་ཧཱུྃ༔ སེམས་ཅན་རྒྱལ་པོ་མིང་ཆིང་གང་ཟག་གི་སེམས་བསྒུལ ལས་ལ་སྦྱོར་དུས་དྲི་མ་ནོར་གྱི་དངོས་གྲུབ་སྩོལ༔ ཞེས་བཟླས་ཤིང་ཟངས་ཀྱི་མདའ་གཞུ་སྔགས༔ ཐུན་མཚམས་གཏོར་མ་གོང་ལྟར་འབུལ༔ སྔགས་ནི་གྲངས་མེད་ཞག་བདུན་ཙམ་བཟླས༔ མི་མང་ཕྱག་འཚལ༔ ཟས་སྐོམ་འབུལ་བ་དང་༔ འོད་འཐིལ་ཞིང་མེ་ཏོག་གི་འོད་དམར་པོ་རྒྱལ་པོར་གྱུར་པ་རྨིས་ན་འགྲུབ་རྟགས་སོ༔ དེ་ནས་ལས་ལ་སྦྱར་ནས༔ བུད་མེད་འགུགས་ན་ནངས་པར་ཐོ་རངས་སྐར་མ་རྒྱས་ནས་བཟུང་སྟེ༔ དགོང་མོ་སྐར་མ་མ་ཤར་བར་དུ་དམིགས་པ་དང་ལྡན་པས་སྔགས་གོང་མ་བཟླས་ཤིང་མདའ་གཞུ་དམིགས་བྱའི་ཕྱོགས་སུ་བརྒྱབ་

[Full Size]

སྟངས་ཀྱིས་འགེང་ཚུལ་གསང་བྱས་ན་མོ་དྲ་ཁུག་ནོ༔ འདི་ནི་འཇིག་རྟེན་གྱི་སེང་གདོང་མ་ཡིན༔ ཨི་་་༈ ཡང་འདི་དང་འབྲེལ་བའི་ལས་ཚོགས་ལ༔ རབ་བུ་མོ་མཚན་ལྡན་མགོ་གཙང་༔ འབྲིང་མོ་བསྐལ ཐ་མ་སྨད་ཚོང་མའི་པདྨ་རཀྟ༔ ཙན་དན་དམར་པོ༔ གི་ཝང་༔ སྤང་རྒྱན་དཀར་པོ༔ དེ་རྣམས་ཞིབ་པར་བཏགས་པའི་ཐུམ་པོ་བྱས༔ རིན་པོ་ཆེའི་སྣོད་དུ་བཞག་ལ༔ མཎྜལ་འདབ་བཞིའི་དབུས་སུ་བཞག༔ དེ་ཡང་སེང་གདོང་དམར་མོ་བསྐྱེད་བསྟིམ་བྱས་ལ་ཞག་གསུམ་སྨྲ་བ་བཅད་ལ་སྔགས་སོ༔ ཨཀསམར༔ཙཤདརསམརཡཕཊ༔ ཨོཾ་ཛ་བྷི་ཏྲི་ཏ་ཡེ་སྭཱ་ཧཱཿ ཞེས་མང་དུ་བཟླས མཐར་སྔགས་འདི་ཅུང་ཟད་࿄ བཟླས་ཏེ་སྔགས༔ ཨོཾ་ན་མོ་བྷ་ག་ཝ་ཏེ༔ ཨོཾ་ཨུབྷི་ཥ་དྷ་ར་དྷ་རི་དྷེ་སྭཱ་ཧཱཿ ཞེས་སྔགས༔ གཏོར་མས་འདོད་དོན་གསོལ་ལོ༔ དེ་ལྷ་གཞུང་རྫས་ལ་བསྟིམ་སྟེ་ཚགས་བྱའོ༔ ལས་ལ་སྦྱར་བ་ནི་རྒྱལ་པོའི་ཕོ་བྲང་དང་གྲོང་ཁྱེར་དང་ཚོང་འདུས་སོགས་མང་དུ་འདུས་པར་ཕྱུག་པོ་དང་སྨད་ཚོང་གང་རུང་གི་མེ་བླངས་པའི་ལྕི་བ་དང་བསྲེས་ལ་བསྲེག༔ ཡང་ན་སྤོས་དང་བསྲེས་ནས་མེ་ཡི་ནང་དེར་ལྷ་གཙོ་འཁོར་ལྔ་བསྒོམ་སྟེ་བདུད་རྩི་རིལ་བུ་བཏབ་པའི་ནང་མཆོད་ཀྱིས་ཅུང་ཟད་མཆོད་པར་བསམ་ལ་བྲན༔ དེ་ནས་སྤོས་བསྐོར་བྱས་ནས་སྤོས་སྣར་སོང་ཚད་དབང་དུ་འདུ་བར་གསུངས་སོ༔ ཨྠྀི༔ ༈ རང་ཉིད་དམར་མོ་སེང་གདོང་མ་དེ་བསྒོམ་ལ༔ གྷི་ཝང་

[Full Size]

ལག་གཡས་པའི་མཐིལ་དུ་བཞག་ལ༔ གཡོན་པའི་སྲིན་མཛུབ་གིས་མཉེས་ལ༔ ཨཀསམསོགས། ཨོཾ་ཛ་བྷི་མོ་དྷི་ཏ་ཡེ་སྭཱ་ཧཱཿ ཞེས་སྟོད་ཀྱི་སྔགས་གཉིས་ལ༔ ཨོཾ་ཨུབྷི་ཥ་ཤ་ཡ་དྷ་ར་དྷ་རི་དྷ་སྭཱ་ཧ ཅུང་ཟད་བཏགས་པས༔ ཐུམ་པོ་བྱས་ལ་ཚགས་བྱའོ༔ དེ་ནམ་དགོས་དུས་སྲིན་ལག་གིས་མཉེས་ཤིང་སྔགས་ཁ་གསོ་ལ་སྔགས་ནས་དཔྲལ་བར་ཐིག་ལེ་བྱས་ཐམས་ཅད་བདག་ལ་དགའ་ཞིང་ཆགས་པར་འགྱུར་རོ༔ སྐྱེས་པ་བུད་མེད་གཞན་མ་ལ་བྱུག་ན་བདག་ལ་ཆགས་ཤིང་དགའ་ལ་མ་སླང་བར་ཟས་སྟེར་རོ༔ གྷི་ཝཾ་ལ་བརྟེན་ནས་ཡིད་འཕྲོག་པའི་མན་ངག་གོ༔ ཡང་རྣལ་འབྱོར་པ་ཕྱོགས་མེད་དུ་འགྲོ་ན་ཟས་རྙེད་པའི་ཐབས་ནི༔ ནངས་སྔ་བྱ་རོག་མ་གྲག་པར་རང་སེང་གདོང་དམར་མོ་བསྒོམ༔ ཨཀསམསོགས༔ ཨོཾ་ཅི་རིགས་བཟླས༔ དེ་ནས་སྤྱི་བོར་སེང་གདོང་མ་སྔོན་མོ༔ དེའི་སྟེང་དུ་པདྨ་འདབ་བཞིའི་ལྟེ་བར་ཐཾ་སྔོན་པོ་ལས་སེང་གདོང་མ་སྔོན་མོ་ཕྱག་གཡས་ཐོད་པ་བདུད་རྩི་གཡོན་རིན་པོ་ཆེའི་སྙེ་མ་འཛིན་པ༔ དེའི་སྤྱི་བོར་རྩ་བའི་བླ་མ་གཅེར་བུ་རུས་པའི་རྒྱན་ཅན་ཌ་མ་རུ་དང་སྡིགས་མཛུབ་ཅ༔ པད་འདབ་ལྔ་ལ་ཌཱ་ཀི་གཙོ་མོ་འདྲ་བ་བཞི་བཞེངས་སྟབས་ཅན་གཡས་ལྕགས་ཀྱུ་གཡོན་རིན་པོ་ཆེའི་སྙེ་མ་འཛིན་པ་ཅན་ཡང་༔ གཅེར་བུ་རུས་རྒྱན་ཅན་བསྒོམ༔ ཡེ་ཤེས་པ་བསྟིམ༔

[Full Size]

ཡན་ལག་བདུན་པ་གཅིག་འབུལ༔ ཨོཾ་ཛ་བྷི་མ་ཧེ་ཧྲི་ཏ་ཡེ་སྭཱ་ཧཱཿ ཞེས་བརྒྱ་རྩ་བརྗོད༔ ཕྱོགས་བཅུ་དུས་གསུམ་བཞུགས་པ་ཡི༔ སངས་རྒྱས་བྱང་ཆུབ་སེམས་དཔའ་དང་༔ བླ་མ་རྡོ་རྗེ་སློབ་དཔོན་དང་༔ ཡི་དམ་ཌཀི་སེང་གདོང་མ༔ གནས་གསུམ་ཌཱཀིའི་ཚོགས་རྣམས་ཀྱིས༔ བདག་ལ་ཟས་ཀྱི་དངོས་གྲུབ་སྩོལ༔ འགྲོ་ཀུན་དབང་དུ་འདུ་བ་དང་༔ བདག་ལ་དགའ་ཞིང་ཆགས་པར་མཛོད༔ ཅེས་ལན་གསུམ་གསོལ་བ་བཏབ་པ་དང་༔ ཆུ་ཁྱོར་གང་སྔགས་ལ་འཐུང་༔ སླར་ཡང་ལག་གཡོན་ཆུ་བླུག་པར༔ སེང་གདོང་དམར་མོ་རུས་རྒྱན་ཅན༔ ཕྱག་གཡས་བདུད་རྩི་ཀ་པ་ལ་གཡོན་ལྕགས་ཀྱུ་བསྣམས་ནས་ཟས་ཀྱི་དངོས་གྲུབ་བསྡུས་པ་བསྐྱེད་ལ་སྔགས་བརྒྱ་རྩ་བརྒྱད་བཟླས༔ ཨོཾ་ཛཾ་བྷི་མ་ཧེ་ཧྲི་ཏ་ཡེ་སྭཱ་ཧཱཿ ཨོཾ་ན་མོ་བྷ་ག་ཝ་ཏེ༔ ཨོཾ་ཨུཏྟཱི་ཥ་ཤ་ཡ་དྷ་ར་དྷ་ར་དྷི་རི་དྷི་རི་སྭཱ་ཧཱཿ ཞེས་བཏབ་འཐུང་ནས་གང་འགྲོ ན་ཡང་སྔགས་བཟླས་ཤིང་སོང་ན་ཟས་འདོད་ཚད་འདུ་བར་ཐེ་ཚོམ་མེད་ཅིང་༔ ནད་རིགས་ལམ་དུ་ཡོད་ཀྱང་མི་འགོས་པ་དང་༔ དགྲ་དང་ཆོམ་རྐུན་ལམ་དུ་མི་འབྱུང་ངོ་༔ གཞན་ཡང་དམར་མོ་གསུང་གི་སྒྲུབ་པ་འདི་ལ་འབད་ཚེ་འདི་ལ་བསོད་ནམས་ལོངས་སྤྱོད་རྒྱས་པ་དང་སྣང་བ་ཐམས་ཅད་དབང་དུ་འདུས་ནས༔ འགྲོ་བ་ཆོས་ལ་འཁོད་ནུས་པ་དང་༔ ཕྱག་རྒྱ་ཆེན་པོའི་རྟོགས་པ་ཤུགས་ལ་འཆར་བའང་༔ མཆོག་ཐུན་མོང་གི་དངོས་གྲུབ་

[Full Size]

གང་འདོད་འབྱུང་གནས་གསུངས༔ ༈ ཡང་མཎྜལ་དམར་པོའི་སྟེང་དུ་མེ་ཐབ་ཟླ་གམ་བྲིས་པའི་དབུས་སུ་ཆོས་འབྱུང་དམར་པོ་དེའི་དབུས་སུ་པདྨ་འདབ་བཞིའི་དབུས་སུ་གཡུང་དྲུང་དམར་པོ་དང་༔ ཁ་ཁྱེར་རིན་པོ་ཆེ་འབར་བ་བྲིས་པའི་སྟེང་དུ་ཤུག་པ་སོགས་བཟང་ཤིང་ཟླ་གམ་དུ་བརྩེགས་པ་དང་༔ མེ་འབར་བའི་དབུས་སུ་སེང་གདོང་དམར་མོ་གཙོ་འཁོར་ལྔས་བསྐོར༔ ཡེ་ཤེས་པ་བསྟིམ་ལ༔ ཕྱེ་མར་ཟས་སྣ་ཚོགས་བསྲེས༔ སོར་མོ་ལྔ་མཁའ་འགྲོ་ལྔར་བསྒོམ༔ ཨོཾ་བཻ་ཌཱཀི་ནཱི་སེང་ཧ་མུ་ཁ་ཧ་རི་ནི་ས་ཨག་ཎི་ཡེ་པུ་ཛ་ཁ་རཾ་ཁཱ་ཧི༔ ཞེས་བརྒྱ་རྩ་ལ་འབུལ༔ ཨརྒྷཾ་སོགས། དཔལ་ལྡན་པདྨ་ལྷ་མོ་ནི༔ སོགས་ཀྱིས་བསྟོད༔ མེ་ལྷ་གཤེགས་པར་བསམ༔ ཐཾ་ཧ་རི་ནི་ས་བཛྲ་མུཿ བརྗོད་དོ༔ དེ་ལྟར་རྒྱུན་ཁྱེར་མེ་ལ་ཡང་རུང་ངོ་༔ རྒྱས་པར་འདོད་ན་སྦྱིན་སྲེག་སྤྱི་ལྟར་རྒྱས་པར་དབང་གི་སྦྱིན་སྲེག་བྱའོ༔ དམར་མོ་གསུང་གི་ཌཀི་མའི་གདམས་པ་ཅུང་ཟད་བསྡུས་པ་གསལ་བར་བྱས༔ འདི་ལ་ཉེས་འགལ་ལྷ་ལ་བཤགས༔ དགེ་བས་སྡིག་སྤྱོད་འགྲོ་བ་རྣམས༔ དམ་པའི་ཆོས་ལ་བློ་ཕྱོགས་ནས༔ རྣམ་མཁྱེན་ས་ལ་འགོད་པར་ཤོག༔ དེ་སྐད་བྱ་བཏང་རི་སུལ་པ༔ རཱ་གའི་མིང་ཅན་དེ་ཡིས་བྲིས ཅུང་ཟད་ངག་ནས་ཤེས་པར་བྱོས༔ ཆོས་ཀྱི་ཆ་ལག་ཚང་ཕྱིར་ཡིན༔ འདོད་ཆགས་

[Full Size]

ཆེ་བར་མི་དགོངས་ཤིང་༔ ངན་སྔགས་མཁན་དུ་མི་དགོངས་འཚལ༔ ཁྱིམ་སྤངས་རབ་ཏུ་བྱུང་བ་བདག༔ མུ་འདྲའི་འགུགས་སྔགས་དགོས་པ་མེད༔ ཆགས་ལྡན་རྣམས་ལ་ཕན་པར་སྙམ༔ ཤིན་ཏུ་གསལ་བ་མངྒ་ལཾ༔ ལས་སྦྱར་ཟངས་གཞུ་མ་བཞུགས་སོ། །༈ བླ་མ་དམ་པ་རྣམས་ལ་ཕྱག་འཚལ་ལོ༔ གདམས་ངག་འདི་ལ་སྔགས་དང་རྫས་གཉིས་ལས༔ རྫས་ལ་ཟངས་མའི་མདའ་སོར་བཞི༔ གཞུ་མཁྱུད་གང་པ་ཞིག་བྱས མདའ་སྒྲོ་རྨ་བྱའི་སྒྲོ་བྱ༔ རྡོ་ཁབ་ལེན་ལ་མདེའུ་བྱས༔ གྲི་རྒྱུས་ལ་གཞུ་རྒྱུན་བྱས༔ བྱང་སེམས་དཀར་པོ་མདའ་ལྟོང་ལ་བསྐུ༔ པདྨ་རཀྟ་མདེའུ་ལ་བསྐུ དེ་ནི་རྫས་ཀྱི་བྱེ་བྲག་གོ༔ དེ་ནས་སེམས་བསྐྱེད་སྔོན་དུ་བཏང་བས༔ རང་ཉིད་མཁའ་འགྲོ་མ་སེང་གེའི་གདོང་པ་ཅན་སྐུ་མདོག་དམར་མོ་ཞལ་གཅིག་ཕྱག་གཉིས་མ༔ ཕྱག་གཡས་ལྕགས་ཀྱུ་དམར་པོ་བསྣམས་པ༔ འོད་ཟེར་དམར་པོ་དང་ཞགས་པ་དམར་པོའི་ཚོགས་དཔག་ཏུ་མེད་པ་འཕྲོས་པས༔ འགྲོ་བ་ཕོ་མོ་ཐམས་ཅད་དབང་དུ་བསྡུས་པར་བསམ་མོ༔ ཨོཾ་སེང་ཧ་ཧ་རི་ནི་ས་སརྦ་སིདྡྷིཧཱུྃ་ཛཿ ཞེས་སྔགས་འདི་མང་དུ་བཟླས༔ དེ་ནས༔ རང་ཉིད་སེང་གདོང་མའི་ཐུགས་ཀར་དབང་ཕྱུག་ཆེན་པོ་སྐུ་མདོག་དམར་པོ་ཞལ་གཅིག་ཕྱག་གཉིས་པ༔ ཡུམ་ཨུ་མ་དྷེ་ཝ་དང་མཉམ་པར་སྦྱོར་བ༔ ཡབ་ཡུམ་གཉིས་ཀའི་

[Full Size]

ཕྱག་གཡས་ལྕགས་ཀྱུ་དམར་པོ༔ གཡོན་ཞགས་པ་དམར་པོ་བསྣམས་པ༔ རང་གི་ལུས་ལས་འོད་ཟེར་དམར་པོ་འཕྲོས་པས༔ ཁམས་གསུམ་གྱི་ལྷ་འདྲེ་མི་གསུམ་དབང་དུ་བསྡུས་པར་བསྒོམ༔ ཨོཾ་མ་ཧཱ་དེ་ཝ་ཧཱུྃ༔ ཨུ་མ་དེ་ཝ་ཧྲི༔ ཧ་རི་ནི་ས༔ བུད་མེད་ཐམས་ཅད་ཀྱི་མངལ་གྱི་སྲིན་བུ་སྨད་དུ་སློང་སློང་༔ ཨ་ཏི་ཁོལ་ཁོལ་སྨད་དུ་ཁོལ་ཁོལ༔ སེམས་ཀྱི་འདོད་ཆགས་འབྱུང་བ་དཀྲུག་དཀྲུག རླུང་གི་ཞགས་པས་དེད་ལ་ཤོག༔ ནཱཾ་ཨ་ཀརྨ་ཡ་ཧྲིང་ཧྲིང་ཛ་ཛཿ ལས་སྦྱོར་སྔགས་བརྒྱ་རྩ་བརྒྱད་ཀྱིས་མདའ་སྔགས་ནས༔ དམིགས་ཡུལ་ཚད༔ རང་ཉིད་དབང་ཕྱུག་ཏུ་བསྒོམ༔ མདའ་གཞུ་གུ་ལང་དུ་བསྒོམ༔ གཞུ་ཡཾ་ལྗང་གུས་མཚན་པ༔ མདའི་མདེལ་རྩེ་རཾ་དམར་པོས་མཚན་པ༔ ཕོ་ཡི་སྙིང་ཁར། མོ་ཡི་མངལ་སྒོ་ལ་དྲག་ཏུ་བྱ༔ ཚོན་སྐུད་སྔོ་དམར་གྱིས་བཅིང་༔ རང་གི་ལུས་གཡོན་དུ་འཆང་༔ གཙོ་བསྙེན་འབུམ་ཚོ་བྱ༔ དེ་ནས་ལས་སྦྱོར་དུས་བཏགས༔ ༈ སྒབ་འདྲེ་མནན་ཐབས་ལ༔ མི་ལ་བླ་རྐུན་བུ་ཆུང་གི་གཟུགས༔ ཕུང་བྱེད་བསེ་རག་རི་ཝང་གཟུགས གོད་འདྲེ་གནོད་བྱེད་དོམ་གྱི་གཟུགས༔ ཟས་ལ་གནོད་བྱེད་བསེན་མོའི་གཟུགས༔ ཨ་མ་ལ་ཀུ་རུ་ནན༔ བསེ་རག་ན་ཏྲི་ན་ཏྲི་ནན༔ གོད་འདྲེ་ཙན་ཏྲི་ནན༔

[Full Size]

བསེ་མོ་རུ་ཏྲི་ནན༔ གནོད་བྱེད་དམ་སྒབ་འདྲེ་དམ་སྲི་མཱ་ར་ཡ་ཧཱུཾ་བྷ་ཡ་ནན༔ དབང་ཕྱུག་ཆེན་པོ་སྐུ་མདོག་དམར་པོ་ཕོ་མཚན་དམར་པོ་གྱེན་དུ་བསྒྲེང་བ་སྤྱི་བོའི་གཙུག་ཏུ་ཡིད་བཞིན་གྱི་ནོར་བུ་འོད་འབར་བར་བསྒོམ༔ ཨཱི༔ སྒྲུབ་དུས་ཟས་ཚོར་ཅན་མི་ཟ་བ་དམ་ཚིག་ཡིན༔ ཕྱི་རབས་རྗེས་འཇུག་རྣམས་འདི་ཡི་ཡིག་ཆུང་ཤེས་པར་གྱིས༔ གདམས་པ་འདི་དང་ལྡན་གྱུར་ན༔ རལ་གྲི་འཛིན་དང་གཙུག་ལག་འཛིན༔ གཅིག་འགྲོས་རྒྱལ་ཁམས་བསྐོར་བ་ན༔ ཇི་ལྟར་བྱས་ཀྱང་ཇི་ལྟར་འཕེལ༔ སྲོག་མཐུན་ལས་ཀྱི་རྣམ་སྨིན་འབྱུང་༔ འདི་ལ་ལས་ཀྱི་རྣམ་སྨིན་མེད༔ བསྟན་པ་བསྲུང་ཞིང་ཆེ་བ་འདོན༔ ༈ དེ་ནི་མན་ངག་གསང་གནད་ལ འཁོར་ལོའི་ནང་མ་ལ་སྔགས་འདི་རྣམས་བྲི༔ ཨོཾ་ཆུ་ལྷུང་ལྷུང་འདར་ཡེང་ཡེང་༔ སྟོད་ལ་ཁུག་ཁུག༔ ཙ་ལ་ཁྲིག་དར་རྒྱས་སྭཱ་ཧཱཿ འཇིག་རྟེན་ཁམས་ཀྱི་འགྲོ་བ་ཕོ་མོ་ཐམས་ཅད་དང་ཟས་ནོར་གོས་གསུམ་ཐམས་ཅད་བདག་གི་དབང་དུ་སྡུས་ཤིག་སྭཱ་ཧཱཿ ཨོཾ་ཨ་ཏི་ཁོལ་ཁོལ་སྟོད་ལ་ཁོལ་ཁོལ༔ ཨ་མོ་ནན་ནན་སྨད་ནས་ནན་ནན༔ འདོད་ཆགས་རྩ་བ་གཏིང་ནས་དཀྲུག༔ གྷི་ཏི་ཁུག༔ ཙིཏྟ་ཕྱུང་སྣང་རྒྱལ་རྣམས་ཟད་ཟད་ཕུལ་ཕུལ་ལྷང་ལྷང་ལྷ་མོ་མྱུར་དུ་ཁུག་ཅིག ཡུངས་ཀར་ཕོ་ཉ་མྱུར་ཤིག༔ མིང་བཅུག༔ ཨོཾ་གཟིར་

[Full Size]

གཟིར་བཏུར་བཏུར་དམ་ལ་ཤོག༔ ཆུ་ཁྲིག་འདོད་ཆགས་ཀྱི་མཚོ་མོ་གཏིང་ནས་དཀྲུག་སྲིན་བུ་མགོ་མང་ཚང་ཤིགས༔ རྨི་མོའི་ལུས་ལ་ནད་ཕོག མིང་བཅུག༔ ཨོཾ་མ་མ་འཛུར་འཛུར་ཧྲིང་ཧྲིང་མ་མ་ཧྲིང་ཧྲིང་༔ བདག་འཆང་བ་པོ་ལ་བུད་མེད་དམར་མོའི་ཙིཏྟ་ཁུག་སྭཱ་ཧཱཿ ཨོཾ་ནི་ཨ་དཀར་པོ་ཆོལ་ཆོལ་དྲི་ལ་ས་ལ་ཤང་དུམ་བུ་ལ་མྱོང་མྱོང་མ་ཧཱ་འཛུབ་འཛུབ་བྲིང་ཧྲིང་སློང་བྱེད་ཤ་ཁུག་སྭཱ་ཧཱཿ ཨོཾ་འཛབ་འཛབ་འཛུབ་འཛུབ་ཧྲི་ཧྲི་པདྨོ་དྷ་ཤ་ཁུག་སྭཱ་ཧཱཿ ཨོཾ་འཛབ་འཛབ་འཛུབ་འཛུབ་པདྨོ་བྷ་ཤ་ཁུག་ཚྭ་ཁུག་ཛ་སྭཱ་ཧཱཿ བྷ་ཤ་ཁུག་ཁོལ་ཙག་ཙག་དུང་དུང་ཡང་ཡེང་ལྷ་འདྲེ་མི་གསུམ་བདག་གི་དབང་དུ་སྡུས་ཤིག་སྭཱ་ཧཱཿ ཕྱི་ནང་གང་ཤོང་བྲི། ལས་ལྡན་ཕྱག་རྒྱ་དབང་དུ་བསྡུ་བ་ལ༔ ཡུངས་ཀར་དང་བྱང་སེམས་ལ་བཟླས་ཏེ་བྱིན་ན་ཁྱི་བཞིན་དུ་རྗེས་སུ་འབྲང་ངོ་༔ གྲོལ་བར་འདོད་ན་ཆུ་ལ་སྔགས་མགོ་མཇུག་ལྡོག་ལ་བཟླས་ནས་གྲོལ་བར་འགྱུར་རོ༔ ཨོཾ་སྲིན་བུ་གྱུར་ལ་མ་ཡེང་ཡེང་ལྷ་མོ་མྱོས་ནི་ལ་མ་སྭཱ་ཧཱཿ མ་ཡིན་མྱོས་མོ་ལྷ་མོ་ཡེང་ཡེང་པའི གྱུར་བུ་སྲིན་ཨོཾ་སྭཱ་ཧཱཿ ཞེས་སྔགས་པས་གྲོལ་ལོ༔ ༈་སྐྱེས་པ་དབང་སྡུད་བུད་མེད་རཀྟ་སིནྡྷ་ར་ཡུངས་ཀར་གསུམ་ལ་སྔགས་བཟླས༔ ཨ་ཧ་རི་ནི་ས་ཨུཙྪིཥཧཱུྃ་ཕཊ༔ གང་འདོད་ལ་བཏབ་ཐམས་ཅད་དབང་དུ་

[Full Size]

འདུའོ༔ ཇུ་ཤིང་ཡིད་འཕྲོག་མན་ངག་ནི༔ ཨོཾ་ཛྷ་ཛྷ་མ་རི་ཏི་སྭཱ་ཧཱ ཤེས་རབ་ལོ་མ་མཚལ་དང་སྦྱར། སྟོང་བཟླས་སྨིན་མཚམས་སུ་བྱུག་གོ། ༈ ཀུན་ལ་བྱམས་པའི་སྔགས་ལ། ན་མ་པྲ་ནི་ཏ་ཡེ་སྭཱ་ཧཱཿ རྐུན་འགྲུབ་ལ་བཏབ་སྐར་མ་རྒྱུས་ལ་ཟོས་ན་ཐམས་ཅད་ཀྱིས་བྱམས་པར་འགྱུར་རོ༔ དཔེ་འདི་སུ་ལ་མི་སྟོན་དམ་ཚིག་ཡིན། དགེའོ། བཀྲ་ཤིས། ཞལ་དྲོ། ཚེ་རིང་བར་ཤོག། ། ༄༅། །ན་མོ་པདྨ་སེང་ཧ་མུ་ཁ་ཡེ༔ སེང་གདོང་དམར་མོ་དང་དབང་ཕྱུག་རླུང་ཞགས་གཉིས་ཀྱི་སྦྲགས་སྒྲུབ་གོང་དུ་མ་གསལ་བ་ཅུང་ཟད་ནི༔ དང་པོ་སྐྱབས་སེམས་སོགས་རྡོ་རྗེ་གོ་མཚོན་ལྟར་ལ༔ མངོན་རྟོགས་གོང་གི་གནས་མདོ་རིན་པོ་ཆེས་བསྒྲིགས་རིམ་ལྟར༔ སྔགས་ནི་བསྙེན་པ་དེའི༔ ཨོཾ་ཨཱཧཱུྃ་བཛྲ་གུ་རུ་སོགས་ནས༔ ཀ་བྷི་རི་ནས་ཧྲིང་ཧྲིང་ཛ་ཛཿ བར་ཞག་བདུན་ནམ རྟགས་ཐོན་དེ་ནས་བསྒྲུབ་པའི༔ གོང་གི་བསྙེན་པའི་མཇུག་ཏུ། ཧ་རི་ནི་ས་སོགས་ནས། ཝ་ཤཾ་ཀུ་རུ་ཧྲིང་ཧྲིང་ཛ་ཛཿ ཞེས་འདི་ཡན་ཆད་བསྙེན་སྒྲུབ་བོ༔ དེ་ནས་ལས་སྦྱོར་ནི་འདི་སྐབས་གཙོ་ཆེར་ནི༔ ཕྱག་རྒྱ་དབང་བསྡུད་ཡིན་ཏེ༔ ཨོཾ་མ་ཧཱ་དེ་ཝ་སོགས་ནས༔ ཨ་ཀར་ཡ་ཛ་ཛཿ བར་གྱི་ཡུངས་ཀར་སྔགས་པ་གཞུང་ལྟར་རོ༔ གཞན་ཡང་འཁོར་ལོ་རླུང་འཁོར་སོགས་གཏེར་གཞུང་ནས་འབྱུང་བ་ལྟར་རོ༔ དེ་ནི་གཞུང་གི་ཞལ་ཤེས་ལྟ་བུ་ཡིན་ལ༔

[Full Size]

རྒྱུན་ཁྱེར་ནི་དབང་སྡུད་ཀྱི་བསང་ཡིག་ལས༔ ན་མོ་པད་འབྱུང་སེང་གདོང་སོགས་ནས༔ དྲན་རྫོགས་གསལ་བར་དང་༔ གོང་གི་བསྙེན་སྒྲུབ་ལས་གསུམ་སོ་སོའམ༔ དྲིལ་ཏེ་བཟླའོ༔ དེ་ཡང་གོང་བཞིན་བསྐྱེད་རིམ་གོང་ལྟར་གྱི་སྐབས་སུ༔ སྤྱི་བོར་པད་འབྱུང་སྐུ་མདོག་དམར་གསལ་ཕྱག་གཡས་རྡོ་རྗེ་དང་བཅས་པ་ལྕགས་ཀྱུ་འདེབས་ཐབས་སུ་འཛིན་པ༔ གཡོན་པ་བྷནྡྷ་དང་བཅས་པས་ཞགས་པ་དམར་པོ་བསྣམས་པ༔ ཐུགས་ཀར་ཧཱིདམར་པོ་ལ་བཛྲ་གུ་རུའི་སྔགས་ཕྲེང་གཡས་སུ་འཁོར་བ༔ སེང་གདོང་མའི་ཐུགས་ཀར་བོ་དམར་པོ་ལ་སེང་ཧ་ཌཱཀི་ནཱི་གཡོན་དུ་འཁོར་བ༔ གསང་བ་ལྷ་ཆེན་ཐུགས་ཀར་ཧཱུྃ་དམར་པོ་ལ་ཀ་བྷི་ར་སོགས་ནས་ཛ་ཛཿ བར་གཡས་སུ་འཁོར་བ་དེ་ནི་བསྙེན་པའི་སྐབས་སོ༔ སྒྲུབ་པ་དང་ལས་སྦྱོར་གྱི་དམིགས་པ་ནི་གཞུང་གསལ་ལྟར༔ དེ་དག་ནི་གནས་མདོ་རིན་པོ་ཆེས་ཅུང་ཟད་ངག་ནས་ཤེས་པར་བྱ༔ གསུངས་པའི་དོན་ནི༔ ཡང་རླུང་འཁོར་གྱི་ལུགས་ལ༔ དགོངས་འདུས་ཕོ་ཉ་མྱུར་མགྱོགས་ལས༔ སྡུག་གིས་དོགས་ན་དམོད་བཅོལ་བྲི༔ འཁྱམས་པར་དོགས་ན་མིང་རུས་བྲི༔ སོགས་གསུངས་པའི་དོན་

[Full Size]

ནི༔ ཤོག་བུ་ལ་ལས་བྱེད་ཀྱི་འཁོར་ལོ་ཚད་དང་མཉམ་པ་ལ་མུ་ཁྱུད་གསུམ་བྲིས ལྟེ་བར་རྨི་ལ་ཨེ་མཉྫ་ཀུག་སོགས་ཛ་ཛཿ དམིགས་བྱ་གང་ཡིན་གྱི་མིང་དང་ཨཾ་ཀུ་ཤ་ཛ་ཛཿ བྲིས༔ དེ་ཡི་ཕྱི་རིམ་མུ་ཁྱུད་ལ་དམིགས་བྱ་ཕོ་མོ་གང་ཡིན་གྱི་གཟུགས་མཛེས་པར་དར་དང་རིན་པོ་ཆེའི་རྒྱན་གྱིས་བརྒྱན་པ་ཤིན་ཏུ་ཆགས་པའི་ཉམས་ཅན་བྲི༔ དེ་ཡི་ཕྱི་རིམ་མུ་ཁྱུད་ལ༔ ཕོ་ཡིན་ན་ཀ་བྷི་ར་སོགས་ནས་ཛ་ཛཿ བསེ་ལམ་མཁའ་འགྲོ་དབང་སྡུད་ཧ་རི་ནི་ས་སོགས་ནས་ཐཾ་སྭཱ་ཧཱའི་བར་བྲི༔ དེ་བཞིན་མོ་ལིང་ལའང་ཀོ་བྷི་རའི་མཇུག་ཏུ་རྨེ་མོ་ཙག་ཙག་གཡབ༔ ཙག་ཙག་སད་སད་ཁུག་ཁུག་ཛ་ཛཿ ལིང་ལིང་འུར་འུར་སེང་སེང་ཡེང་ཡེང་རྗེ་མོ་འདོད་པ་གཡོས་ས་མ་ཡ་ཁུག་ཁུག་ཛཿ ཞེས་སྔགས་མགོ་ཕྱི་ནས་བཟུང་༔ སྔགས་མཇུག་ནང་དུ་ཕུད༔ ཕོ་འཁོར་ས་ལྟ༔ མོ་འཁོར་གནམ་ལྟ༔ མ་ནོར་བ་བྲིས༔ རྫས་ནི་སྤྱི་དང་བླ་ཤིང་བླ་རྡོ༔ འགུགས་བྱེད་ཀྱི་དྲི་མ་ཟག་རྫས་རྣམས་དང་པཅས་པ་གོང་འཁོར་ལོའི་ནང་དུ་བལྟམས་ནས་བསྐོར་ན་ཕོ་རྐྱང་མོ་རྐྱང་གཉིས་ཀྱི་མན་ངག་རླུང་འཁོར་ཡིན་པས་གཞུང་ནས་བཤད་པ་ཐེ་མི་ཚོམ༔ ཨཱི༔ རླུང་འཁོར་གྱི་

[Full Size]

བུ་ཡིག་འདི་ཡང་ངེས་དོན་གྱི་བསྟན་པ་རིན་པོ་ཆེའི་ཞབས་འདེབས་སུ་བསམས་ནས་འབྲི་སྟོད་བར་ཁྱིམ་སྔགས་རྒན་དབང་གི་མིང་ཅན་གྱིས༔ ས་སྤོ་འཁོར་ལོའི་ལྟེ་བར་བཀོད་པ༔ ཡི་གེ་པ་ནི་པདྨ་དབང་ཕྱུག་ཚུལ་གྱིས་བགྱིས་པས་སུ་ཛ་ཡ༔ བཀྲ་ཤིས༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དཔེ་སྣ་ཀུན་ཐུབ།

[Full Size]

རི་མོ་ཡོད།
དཔེ་སྣ་ཀུན་ཐུབ་རཱ་ག་ཨ་སྱས་སྦྱར་བའོ། །ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ སེང་གདོང་མ་བཀའ་འཁོར་གྱི་དཔེ་སྣ་ངན་པ་སྲུངས་ཤིག་སྭཱ་ཧཱཿ

[Full Size]

བཀའ་ཡི་རྒྱལ་མོ་ཌཱ་ཀཱི་མའི་སྔགས་འདིས་བདག་མི་ནོར་འཁོར་དང་བཅས་པ་ལ་ཡིག་སྣ་ངན་པའི་བ་ནོད་པ་ཐམས་ཅད་ལས་སྲུང་ཤིག་རཀྵ་རཀྵ༔ བཀའ་ཡི་རྒྱལ་མོ་ཌཱ་ཀི་མའི་སྔགས་འདིས་བདག་རི་རེའུ་མིག་ཡོད།
ཀརྨ་ཆགས་མེད་ཀྱི་ཆོས་བརྒྱུད་འཛིན་པའི་མི་ནོར་ཐམས་ཅད་ཀྱི་ཡིག་སྣ་ངན་པའི་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། རཱ་ག་ཨ་སྱས་སྦྱར་བ་མངྒ་ལཾ། འོག་མ་ཡིན།

ཐུགས་རྗེ་ཁྲོས་མ་ནག་མོ་ལྷ་བཅུ་གསུམ་མའི་རྒྱུན་ཁྱེར་ལས་བྱང་བསྡུས་པ་བྱིན་རླབས་མྱུར་འགྲུབ།

[Full Size]

ཐུགས་རྗེ་ཁྲོས་མ་ནག་མོ་ལྷ་བཅུ་གསུམ་མའི་རྒྱུན་ཁྱེར་ལས་བྱང་བསྡུས་པ་བྱིན་རླབས་མྱུར་འགྲུབ་ཅེས་བྱ་བ་བཞུགས་སོ།།

[Full Size]

ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །འདི་རུ་མ་འདུག་གཞན་དུ་དེངས། །རྡོ་རྗེའི་ར་གུར་མེ་རི་ཡིས། །སྟེང་འོག་ཕྱོགས་མཚམས་ཁྱབ་པར་གཏམས། །ཨོཾ་བཛྲ་རཀྵ་རཀྵ་ཧཱུཾ། ཧཱུཾ། བདག་ཉིད་དག་པའི་གནས་མཆོག་འདིར། །དུར་ཁྲོད་བདག་མོ་འཁོར་བཅས་ཀྱིས། །མཆོད་རྫས་བདུད་རྩི་བྱིན་གྱིས་རློབས། །ཕྱི་ནང་གསང་མཆོད་ལྷུན་གྱིས་གྲུབ། །ཨོཾ་ཨཱཿཧཱུྃ་ཧ་ཧོ་ཧ༔ འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་ཏུ་བདག་ནི་སྐྱབས་སུ་མཆི། །

[Full Size]

ཤེས་རབ་སྙིང་བརྩེ་དང་བཅས་པས། །བརྩོན་པས་སེམས་ཅན་དོན་དུ་བདག །སངས་རྒྱས་མདུན་དུ་གནས་བྱས་ནས། །རྫོགས་པའི་བྱང་ཆུབ་སེམས་བསྐྱེད་དོ། །རང་ཉིད་སྐད་ཅིག་ཁྲོས་མར་གསལ། །ཐུགས་ལས་འོད་ཟེར་འཕྲོས་པ་ཡིས། །སོ་ས་གླིང་ནས་རྗེ་བཙུན་མ། །འཁོར་བཅས་སྤྱན་དྲངས་ནམ་མཁར་བཞུགས། །ཕྱག་འཚལ་མཆོད་ཅིང་སྡིག་པ་བཤགས། །དགེ་ལ་ཡི་རང་ཆོས་འཁོར་བསྐོར། །བཞུགས་གསོལ་དགེ་བ་བྱང་ཆུབ་བསྔོ། །ཚོགས་ཞིང་རང་གི་སྙིང་ཁར་ཐིམ། །འགྲོ་ཀུན་བདེ་ལྡན་སྡུག་བསྔལ་བྲལ། །བདེ་ལས་ཉམས་མེད་

[Full Size]

བཏང་སྙོམས་ཤོག །ཨོཾ་སྭ་བྷ་ཝས་སྦྱང་། སྟོང་པའི་ངང་ལས་བདག་དང་མདུན་གྱི་དཀྱིལ་འཁོར་མེ་རི་རྡོ་རྗེའི་ཕྲེང་བ་དུར་ཁྲོད་བརྒྱད་ཀྱིས་བསྐོར་བའི་དབུས་སུ། དུར་ཁྲོད་ཀྱི་རྒྱུ གཞལ་ཡས་ཁང་པ་གྲུ་བཞི་སྒོ་བཞི་རྒྱན་རྟ་བབས་མཚན་ཉིད་ཡོངས་སུ་རྫོགས་པ། དེ་ཡི་དབུས་སུ་ཨེ་ལས་ཆོས་ཀྱི་འབྱུང་གནས་གདེངས་ཀ་གྱེན་དུ་བསྟན་པའི་དབུས་སུ་པདྨ་འདབ་བཞི་དང་། འདབ་བརྒྱད། ཉི་མའི་གདན་ལ། ཨ་མཐིང་ནག་ལས་འོད་འཕྲོས་དོན་གཉིས་བྱས་ཡོངས་སུ་གྱུར་པ་ལས། དབུས་སུ་རྗེ་བཙུན་ཁྲོས་མ་ནག་མོ་ཞལ་གཅིག་ཕྱག་གཉིས། གཡས་གྲི་གུག་དང་གཡོན་ཐོད་ཁྲག་འཛིན་པ། ཁ་ཊཾ་ག་དཀུར་བརྟེན་པ། དུར་ཁྲོད་ཀྱི་ཆས་ཀྱིས་བརྒྱན་པ། རལ་པ་དམར་ནག་སྤྲིན་ལྟར་གཏིབས་ཤིང་། ཐོད་སྐམ་ལྔ་ཡིས་དབུ་ལ་བརྒྱན་པ། སྤྱི་གཙུག་རལ་པའི་སྐྲ་གསེབ་ནས་ཕག་ཞལ་གྱེན་དུ་ངུར་བ། རོའི་གདན་ལ་ཞབས་གཡས་བསྐུམ་ཞིང་གཡོན་བརྐྱང་བའི་ཚུལ་གྱིས་བཞུགས་པར་གྱུར་དེའི་ཤར་གྱི་འདབ་མ་ལ་བདེ་ཆེན་དཀར་མོ། ལྷོའི་འདབ་མ་ལ་སེར་མོ་དོན་གྲུབ། ནུབ་ཀྱི་འདབ་མ་ལ་དམར་མོ་སྒྲ་སྒྲོག །བྱང་གི་འདབ་མ་ལ་སྣ་ཚོགས་མཐར་

[Full Size]

ཕྱིན། ཕྱོགས་བཞིར་རིགས་བཞིའི་མཁའ་འགྲོ་ཕྱོགས་མདོག །ཤར་ལྷོར་དམ་ཚིག་མཁའ་འགྲོ། ལྷོ་ནུབ་སྣ་ཚོགས་མཁའ་འགྲོ། ནུབ་བྱང་ཐམས་ཅད་མཁའ་འགྲོ། བྱང་ཤར་འཇིག་རྟེན་མཁའ་འགྲོ་དེ་ཐམས་ཅད་མཁའ་འགྲོ་མ་ལོ་བཅུ་དྲུག་ལོན་པའི་ན་ཚོད་ལྟར་སྒེག་པ་ཞི་བ་བཞད་པ་གར་གྱི་ཉམས་དགུ་དང་ལྡན་པ། དབུ་སྐྲ་སྣུམ་ལ་གྲོལ་བ་སྐྱེད་པའི་ཨན་མན་ཆད་སླེབ་པ། ཐོད་པ་སྐམ་པོ་ལྔས་དབུ་ལ་བརྒྱན་པ། ཐོད་རློན་ལྔ་བཅུ་རྩ་གཅིག་གིས་དོ་ཤལ་བྱས་པ། རུས་པའི་རྒྱན་དྲུག་སྐུ་ལ་གསོལ་བ། སྐུ་སྟོད་སེང་གེ་ལྟར་འགྱིང་བ་། སྐུ་སྨད་དུང་ལྟར་འཁྱིལ་བ། གྲི་གུག་དང་ཐོད་ཁྲག་བསྣམས་པ། ཁ་ཊཾ་ག་ལ་འཁྱུད་ཅིང་གཙོ་མོ་ལ་གུས་པའི་ཚུལ་གྱིས་གར་བྱེད་པའོ། །བདག་ལུས་རང་བྱུང་གཞལ་ཡས་ཁང་དུ་གྲུབ་པའི་རྩ་གསུམ་འཁོར་ལོ་ལྔའི་དབུས་སུ་ཕག་མོ་རིགས་ལྔ། རྩ་འདབ་རྣམས་སུ་རང་འདྲའི་ཌཱཀྐི་མ་རང་རང་གི་ས་བོན་གྱིས་མཚན་པ་དང་། མདུན་གྱི་ལྷ་ཚོགས་ཀྱི་གནས་གསུམ་དུ་ཡི་གེ་གསུམ་ལས་འོད་ཟེར་འཕྲོས་པས། ནུབ་ཕྱོགས་ཨོ་རྒྱན་གྱི་ཡུལ། དུར་ཁྲོད་སོ་ས་གླིང་ནས་ཁྲོས་མའི་ལྷ་ཚོགས་

[Full Size]

དཔག་ཏུ་མེད་པ་སྤྱན་དྲངས། ཧཱུྃ། མཚན་མོ་སྒྲ་སྒྲོག་གཅེར་བུར་གནས། །རྐང་པས་བགེགས་མནན་སྟེང་དུ་ལྟ། །གྱེན་དུ་ཕག་སྐད་སྒྲ་སྒྲོག་ཅིང་། །མཁའ་འགྲོ་འཁོར་དང་བཅས་པ་རྣམས། །ཕོ་ཕོ་བཛྲ་ས་མ་ཡ་ཛཿ ཛཿཧཱུྃ་བཾ་ཧོ༔གཉིས་མེད་གྱུར། །དབང་ལྷ་སྤྱན་དྲངས་དབང་བསྐུར་བས། །གཙོ་མོར་རྟ་མགྲིན་ཡབ་ཡུམ་དང་། །འཁོར་རྣམས་གཙོ་མོས་དབུ་བརྒྱན་གྱུར། །བདག་གི་ཐུགས་ལས་སྤྲུལ་པ་ཡིས། །མཆོད་པའི་ལྷ་མོ་དཔག་མེད་ཀྱིས། །མཆོད་ཅིང་བསྟོད་པ་བྱེད་པར་གྱུར། །ཧཱུྃ། གཙང་ཞིང་གཙང་མར་སྦྱར་བ་ཡི། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་མར་མེ་དྲི་ཆབ་དང་། །ཞལ་ཟས་རོལ་མོ་དམ་པ་འདི། །ཁྲོས་མ་འཁོར་དང་བཅས་ལ་* འབུལ། །འབྲས་རྒུན་བུ་རམ་བཅོས་པའི་ཆང་། །ཚོགས་དང་ལོངས་སྤྱོད་དབང་པོ་ལྔ། །རྩ་བརྒྱད་སྟོང་ལ་སྦྱར་བའི་སྨན། །རིགས་ལྔ་ཡེ་ཤེས་བདུད་རྩི་འདི། །ཁྲོས་མའི་ལྷ་ཚོགས་རྣམས་ལ་འབུལ། །ཐབས་དང་ཤེས་རབ་རང་བཞིན་གྱིས། །དགའ་བ་ཆེན་པོ་བྱང་ཆུབ་སེམས། །ཉོན་མོངས་དུག་ལྔ་ལས་བྱུང་བའི། །ཡེ་ཤེས་ལྔ་ཡི་མཆོད་པ་

[Full Size]

འདི། །ཁྲོས་མ་འཁོར་དང་བཅས་ལ་འབུལ། །ཨོཾ་བཛྲ་བྷ་ར་ཧི་ས་པཱ་རི་ཝཱ་ར་ཨརྒྷཾ་སོགས། ཤརྡ་སརྦ་པཱུ་ཙ་ཨ་མྲྀ་ཏ་བྷ་ལིཾ་ཏ་རཀྟ་ཁཱ་ཧི། ཧཱུྃ། སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ། །རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ། །བྱིན་རླབས་དངོས་གྲུབ་ཐམས་ཅད་འབྱུང་བའི་གནས། །ཐུགས་རྗེ་ཁྲོས་མའི་སྐུ་ལ་ཕྱག་འཚལ་ལོ། །བདེ་ཆེན་དཀར་མོས་འཇིགས་པ་ཀུན་ལས་གྲོལ། །སེར་མོ་དོན་གྲུབ་ཚེ་དབང་རྒྱས་པར་མཛད། །དམར་མོ་སྒྲ་སྒྲོག་ཁམས་གསུམ་དབང་དུ་སྡུད། །སྣ་ཚོགས་མཐར་ཕྱིན་མངོན་སྤྱོད་ལས་རྣམས་མཛད། །མཁའ་འགྲོ་སྡེ་བརྒྱད་ཕྲིན་ལས་སྣ་ཚོགས་བསྒྲུབ། །བདེ་སྟོང་མཁའ་འགྲོའི་ཚོགས་ལ་ཕྱག་འཚལ་བསྟོད། །དེ་དག་བདག་མདུན་ལྷ་ཚོགས་ཐམས་ཅད་ཀྱི། །སྤྱི་བོར་སྐུ་སྔགས་བཛྲ་བྷ་ར་ཧི། །མགྲིན་པར་གསུང་སྔགས་ཀྲོ་ཏི་ཀཱ་ལི་དང་། །སྙིང་ཁར་ཐུགས་སྔགས་ཧ་རི་ནི་ས་དང་། །ལྟེ་བར་ཨ་བེ་ཤ་ཡ་ཡོན་ཏན་སྔགས། །གསང་བར་སརྦ་ཀརྨ་སྔགས་རྣམས་ལས། །འོད་འཕྲོས་ཨོཾ་རྒྱུན་གནས་ནས་མཁའ་འགྲོ་མའི། །སྐུ་དང་ཕྱག་མཚན་བྱང་སེམས་དཀར་དམར་ཚོགས། །དཔག་མེད་

[Full Size]

སྤྱན་དྲངས་བདག་མདུན་སོ་སོར་ཐིམ། ༣ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱ་བེ་ཤ་ཡ་ཨཱཿ ཞེས་བཟླའོ། །དེ་ནས་སྐུ་ལ་འཁོར་ལོ་བཞིའི་རྒྱས་གདབ་སྟེ། སྤྱི་བོ་མགྲིན་པ་སྙིང་ཁ་ལྟེ་བ་དང་། དེ་ལྟར་རྩ་འཁོར་བཞི་ལ་པདྨ་འདབ་མ་བཞི་རེ། དབུས་སུ་པདྨའི་སྟེང་དུ་ཨཱཿ སྤྱི་བོའི་འདབ་མར་བཛྲ་བྷ་ར་ཧི། མགྲིན་པར་ཀྲོ་ཏི་ཀཱ་ལི། ཐུགས་ཀར་ཧ་རི་ནི་ས། ལྟེ་བར་ཨ་ཝེ་ཤ་ཡ། དེ་རྣམས་པད་འདབ་རེ་རེ་ལ་བཀོད། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨ་ཝེ་ཤ་ཡ་སརྦ་ཀརྨ་ཧྲིང་ཧྲིང་སྭ་ཧཱ། ཞེས་བཟླས་པས་སྤྱི་བོའི་ཡི་གེ་ལས་འོད་ཟེར་དཀར་པོ་འཕྲོས། མགྲིན་པར་དམར་པོ། སྙིང་ཁར་མཐིང་ནག །ལྟེ་བ་ནས་སྣ་ཚོགས་འཕྲོས་ཚེ པས། ཕྱི་སྣོད་འཇིག་རྟེན་གཞལ་ཡས་ཁང་། ནང་བཅུད་སེམས་ཅན་རྡོ་རྗེ་ཕག་མོར་གྱུར། དེ་ལྟར་སྣང་བ་ཐམས་ཅད་རྡོ་རྗེ་ཕག་མོའི་སྐུ། སྒྲ་གྲག་ཐམས་ཅད་རྡོ་རྗེ་ཕག་མོའི་གསུང་། སེམས་ཀྱི་དྲན་རྟོག་ཐམས་ཅད་ཕག་མོའི་ཐུགས༔ སྣང་སྲིད་ཐམས་ཅད་རྡོ་རྗེ་ཕག་མོའི་ཀ་ཝཱ་ཙི་ལམ་ལམ་དུ་བསྒོམ་ལ་བཟླས་པ་བྱའོ། །དེ་བཟླས་པས་རབ་སྐུའི་ཞལ་མཐོང་། འབྲིང་གསུང་གིས་ལུང་སྟོན། ཐ་མར་སྣང་བ་འགྱུར་བའོ། །དུས་རྒྱུན་ཆད་མེད་པར་རྡོ་རྗེ་ཕག་མོའི་ཀཱ་ཝཱ་ཙིའི་ང་རྒྱལ་དང་མི་འབྲལ་བར་བྱའོ། །དེ་ལྟར་ཟླ་བ་དྲུག་གིས་འགྲུབ་སྟེ། མཆོག་ཐུན་མོང་གི་དངོས་གྲུབ་ཐམས་ཅད་ཚེ་འདི་ཉིད་ལ་ཐོབ་པར་ཐེ་ཚོམ་མེད་དོ།། ༈ དེ་ནས་ལས་སྦྱོར་སྔགས་རྣམས། ཨོཾ་བཛྲ་བྷ་ར་ཧི་

[Full Size]

ཀྲོ་ཏི་ཀཱ་ལི་ཧ་རི་ནི་ས་ཧྲི་ཡ་ཨ་ཀར་ཤ་ཡ་ཧཱུྃ་ཛཿ ཛྲ་པ་ཤཾ་ཀུ་རུ་ཧཱུྃ་ཧཱུྃ༔ ཨོཾ་འགུལ་འགུལ་མ་མ་ཧྲིང་ཧྲིང་༔ མ་མ་ཁཱ་ཧི་ནི་མི་སྙིང་སྤྲུལ་སྤྲུལ། མི་འགྲམ་ཆོག་ཆོག་ཧྲིང་ཧྲིང་བསྡུས་བསྡུས། མ་མ་ཧི་སྭཱ་ཧཱ། དབང་སྡུད་སྔགས་ནི། ཀྲོ་ཏི་ནི་ཀཱ་ལི། ཐོག་སེར་བ་གཅོད་འདོད་ན། བདག་ཉིད་ཕག་མོ་ནག་མོར་བསྒོམ། ཐལ་ཆེན་ཡུངས་ཀར་ལ་སྔགས་འདི་བཟླས། ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་མུ་ཡུ་ཧཱུྃ་ཕཊ། ཀི་ལི་མི་ལི་ཧཱུཾ་ཕཊ། ཛ་ཡེ་བྲ་བ་ཧཱུྃ་ཕཊ། ཐུ་རི་ལི་ལི་ཤར་བྷྱོ་ཆད༔ ཅེས་པ་དྲག་ཏུ་བཟླ་བར་བྱ། སྡིགས་མཛུབ་བསྟན་ཅིང་སྔགས། །མེ་དཔུང་འོད་ཀྱིས་བཞུས་པར་བསམ། །སྤྲིན་ལ་གཏད་ཅིང་བཟླས་པས་ཐུལ། །གདོང་ཟློག་མན་ངག་གསང་བར་བྱ། །ཨྠྀི། རྒྱ་རྒྱ་རྒྱ། ཐུན་མཇུག་སྨོན་ལམ་བཏབ་པ་ནི། ཧོ། དགོངས་སུ་གསོལ་ལོ་བཀའ་བརྒྱུད་ཀྱི་བླ་མ། ཡི་དམ་ལྷ་ཚོགས། མ་རྒྱུད་མཁའ་འགྲོ། ཆོས་སྐྱོང་སྲུང་མ་རྣམས་དང་། ཁྱད་པར་དུ་ཐུགས་རྗེ་ཁྲོས་མ་ནག་མོ། ཡི་དམ་ལྷ་ཚོགས་བདག་ལ་དགོངས་སུ་གསོལ། ཁྱེད་རྣམས་སྐུ་གསུང་ཐུགས་ཀྱི་བྱིན་རླབས་ཀྱིས་བདག་གི་ལུས་ངག་ཡིད་གསུམ་གྲོལ་བར་མཛད་དུ་གསོལ། བྱིན་གྱིས་རླབས་པར་མཛད་དུ་གསོལ། བསམ་པ་ཡིད་

[Full Size]

བཞིན་དུ་འགྲུབ་པར་མཛད་དུ་གསོལ། ནད་གདོན་སྡིག་སྒྲིབ་ཐམས་ཅད་ཞི་བ་སྟེ་ཞི་བའི་ཕྲིན་ལས་ཐམས་ཅད་འགྲུབ་པར་མཛད་དུ་གསོལ། ཚེ་དང་བསོད་ནམས་ཐམས་ཅད་རྒྱས་པ་སྟེ་རྒྱས་པའི་ཕྲིན་ལས་ཐམས་ཅད་འགྲུབ་པར་མཛད་དུ་གསོལ། སྣང་བ་ཐམས་ཅད་དབང་དུ་འདུ་བ་སྟེ། དབང་གི་ཕྲིན་ལས་ཐམས་ཅད་འགྲུབ་པར་མཛད་དུ་གསོལ། དགྲ་བགེགས་ཐམས་ཅད་ཚར་གཅོད་པ་སྟེ་དྲག་པོ་མངོན་སྤྱོད་ཀྱི་ཕྲིན་ལས་ཐམས་ཅད་འགྲུབ་པར་མཛད་དུ་གསོལ། རྐྱེན་ཕྱི་ནང་གི་བར་ཆད་ཞི་ནས། ཚེ་འདིར་ཕྱག་རྒྱ་ཆེན་པོ་མཆོག་བློགི་དངོས་གྲུབ་ཐོབ་པར་མཛད་དུ་གསོལ། ཅེས་སྨོན་ལམ་བཏབ། ཨཱ་ལི་ཀཱ་ལི་ཡེ་དྷརྨཱ་བརྗོད། སྟོང་པའི་ངང་ལ་བཞག །ཅེས་པ་རྡོ་རྗེ་ཕག་མོ་ཁྲོས་མ་ནག་མོའི་སྒོམ་ཟླས་ཨོ་རྒྱན་པདྨ་འབྱུང་གནས་ཀྱིས་མཛད་པའི་བཅུད་བསྡུས་རྒྱུན་ཁྱེར་ཉུང་ངུ་འདི་ཡང་སྔགས་འཆོང་རཱ་ག་ཨ་སྱས་སྦྱར་བའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཁྲོས་མ་ལྷ་ལྔའི་དབང་ཇོ་མོ་དང་གནམ་ཆོས་གཉིས་བཀའ་གཏེར་ཟུང་འབྲེལ།

[Full Size]

ཁྲོས་མ་ལྷ་ལྔའི་དབང་ཇོ་མོ་དང་གནམ་ཆོས་གཉིས་བཀའ་གཏེར་ཟུང་འབྲེལ་བཞུགས་སོ།།

[Full Size]

ན་མོ་གུ་རུ་ཀྲོ་དྷི་ཀཱ་ལི་ཡེ། ཁྲོས་མ་ལྷ་ལྔའི་མགྱོགས་དབང་ནི། ཆོས་འབྱུང་བསྣོལ་མ་མཐིང་ཁའི་དབུས་སུ་འདབ་བཞི་བྲིས་པའམ། འབྲུའི་ཚོམ་བུ་ལྔ་བཀོད་པའི་དབུས་སུ་བུམ་པ་གཏོར་མ་སོགས་དབང་རྫས་བཤམས། སྐྱབས་སེམས་ད་ནངས་སོང་བས་འཐུས། སྐད་ཅིག་དྲན་རྫོགས་དམ་ཡེ་དབྱེར་མེད་དུ་བསྒོམ་སྟེ། བདག་ཉིད་དང་མདུན་བསྐྱེད་བུམ་ལྷ་གཏོར་མ་རྣམས་སོ་སོར་ཁྲོས་མ་ནག་མོ་གཡས་གྲི་གུག་གཡོན་ཐོད་ཁྲག་གྲུ་མོ་ན་ཁ་ཊཾ་ག་བཅུག་པ། སྤྱི་བོ་ནས་ཕག་ཞལ་ངུར་བ། ཞབས་གར་ཐབས་སུ་བཞུགས་པ་ཡེ་ཤེས་ཀྱི་མེ་དཔུང་གི་ཀློང་ན་བཞུགས་པར་བསྐྱེད། དེའི་ཤར་དུ་རྡོ་རྗེ་མཁའ་འགྲོ། ལྷོར་རིན་ཆེན་མཁའ་

[Full Size]

འགྲོ། ནུབ་ཏུ་པདྨ་མཁའ་འགྲོ། བྱང་དུ་ལས་ཀྱི་མཁའ་འགྲོ་རྣམས་གཙོ་བོ་ལྟར་ལ་གཡས་རང་རྟགས་དང་གཡོན་ཐོད་ཁྲག་འཛིན་པ། གྲུ་མོ་ན་ཁ་ཊཾ་ག་བསླང་བ་གཙོ་འཁོར་ཐམས་ཅད་ཁྲོ་མོའི་ཆ་བྱད་ཅན། དེ་ཐམས་ཅད་ཀྱི་གནས་གསུམ་ཡིག་འབྲུ་གསུམ་དང་། གཙོ་མོའི་ཐུགས་ཀར་ཨ་མཐིང་ག་ལ་སྔགས་གཡོན་བསྐོར་དུ་འཁོར་བ། འཁོར་བཞིའི་ཐུགས་ཀར་ཧ་རི་ནི་ས་དེ་རྣམས་ལས་འོད་ཟེར་འཕྲོས་པས། ཨོ་རྒྱན་གྱི་གནས་ནས་ཁྲོས་མ་རིགས་ལྔ་ཁ་བ་བུ་ཡུག་ལྟར་བྱོན་ནས་བདག་མདུན་བུམ་ལྷ་ལ་ཐིམ་པས་བུམ་པ་གང་བར་གྱུར། ཨོཾ་བཛྲ་བྷ་ར་ཧི་ཀྲོ་དྷི་

[Full Size]

ཀཱ་ལི་ཧ་རི་ནི་ས་ཧཱུཾ་ཧཱུཾ་ཕཊ། ཅེས་བརྒྱ་རྩ་ཡན་བཟླ། ཨོཾ་བཛྲ་བྷ་ར་ཧཱུྃ་ཀྲོ་དྷི་ཀཱ་ལི་ཧ་རི་ནི་ས་ཨརྒྷཾ་སོགས་ཀྱིས་མཆོད། བསྟོད་པ་ནི། ཧཱུྃ། སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཐུགས་རྗེ་ཁྲོས་མ་ལྷ་ལྔའི་སྐུ་ལ་བསྟོད༔ ཡང་འདི་ཡི་དམ་དུ་བྱས་ན་མངོན་རྟོགས་འདི་ཉིད་བཏོན་ཡང་རུང་། ཡིད་ཀྱིས་དྲན་རྫོགས་བྱས་པས་ཆོག །སྔགས་འདི་ཉིད་ཨ་ཧ་རི་ནི་ས་རྟགས་ཐོན་བསྒྲུབ། དབང་བསྐུར་ན་སློབ་མས་མཎྜལ་ཕུལ། འོ་ན་ད་ལམ་ཁྱེད་རྣམས་ལ་ཁྲོས་མ་ལྷ་ལྔའི་དབང་བསྐུར་བ་ཡིན་ཏེ༔ ཕྱི་ལྟར་ན་འཕགས་མ་སྒྲོལ་མ༔ ནང་ལྟར་ན་ཡུམ་ཆེན་མོ༔ གསང་བ་ལྟར་ན་རྡོ་རྗེ་ཕག་མོ༔ ཡང་གསང་ལྟར་ན་ཁྲོས་མ་ནག་མོ་ཡིན༔ བཅོམ་ལྡན་འདས་ཧེ་རུ་ཀ་ནས་གསུངས་པའི་ཁྲོས་མའི་རྩ་རྒྱུད་ལེའུ་བཅུ་གཅིག་སོགས་བདེ་མཆོག་གི་རྒྱུད་དང་རྟག་པར་བཤད་ཁྲོས་མ་ལྷ་ལྔ་འདི་ལ་མ་གཅིག་ལབ་ཀྱི་སྒྲོལ་མའི་ཐུགས་དམ་ཇོ་མོའི་ལུགས་དང་གློ་འོ་རབ་འབྱམས་པའི་ལུགས་མཁའ་འགྲོ་ཡིད་བཞིན་ནོར་བུ་དང་། སངས་རྒྱས་གླིང་པ་དང་། རཏྣ་གླིང་པ༔ བདུད་འདུལ་རྡོ་རྗེ་སོགས་ཀྱི་གཏེར་མ་དང་༔

[Full Size]

དགོངས་གཏེར་སོགས་རིགས་མང་ན་ཡང་། །དེ་དག་ཕལ་ཆེར་ཅི་རིགས་མང་དུ་ཐོབ་པས་བྱིན་རླབས་ཀྱི་བརྒྱུད་པ་གཅིག་ཏུ་འདྲེས་པ་ཡིན་ལ༔ ཁྱད་པར་ད་རེས་འདི་ནི་དགོངས་གཏེར་དང་ཇོ་མོའི་ལུགས་གཉིས་བཀའ་གཏེར་ཟུང་དུ་འབྲེལ་བ་ཡིན༔ འདི་ཡི་དབང་ཐོབ་ན་དོན་གྱི་ཐོབ་པའི་ཕན་ཡོན་ནི༔ ཁྲོས་མའི་རྩ་རྒྱུད་ལས༔ འདི་ཡི་དབང་རྫོགས་གང་ཟག་དེ༔ བདེ་བར་གཤེགས་པ་རྣམས་ཀྱི་སྲས་ཡིན་ཏེ༔ མཁྱེན་པ་བདེ་གཤེགས་རྣམས་དང་མཉམ༔ མཐུ་སྟོབས་ཁྲོ་རྒྱལ་རྣམས་དང་མཉམ༔ ཚེ་ཚད་ཉི་ཟླ་གཉིས་དང་མཉམ༔ དང་པོའི་ལས་ཅན་རྣམས་དང་མཉམ༔ ས་བརྒྱད་ལ་ནི་རབ་ཏུ་གནས༔ ཞེས་གསུངས་སོ། །འདིའི་དབང་ཐོབ་ནས་ཉམས་སུ་བླངས་ན་རྣལ་འབྱོར་པ་ལུས་རྒྱ་བྲལ་བའི་དུས་སུ་རྣམ་པར་ཤེས་པ་མཁའ་སྤྱོད་གནས་སུ་ལྷ་དང་ལྷ་མོ་དཔའ་བོ་མཁའ་འགྲོས་བསུ་ཞིང་བར་དོ་མེད་པར་སངས་རྒྱས། ལྷག་མ་ཕུང་པོ་སྐུ་གདུང་རིང་བསྲེལ་སྤུང་ངེར་དུ་འགྲོ་སྟེ་ལུས་ལྷ་བསྐྱེད་པ་ལ་གོམས་པས། རྡོ་རྗེ་ཕག་མོའི་སྐུ་མི་འབྱོན་མི་སྲིད་དོ༔ གཞན་ཡང་ཤ་ལས་གྲུབ་པའི་རིང་བསྲེལ་སེར་པོ༔ ཁྲག་ལས་དམར་པོ། རུས་

[Full Size]

པ་ལས་དཀར་པོ། སྐྲ་དང་བ་སྤུ་ལས་ལྗང་ཁུ། ཐིག་ལེ་ལས་ཤེལ་དཀར་ལྟ་བུ་འབྱུང་སྟེ། སེམས་དག་པའི་སྣང་བ་སྦྱངས་བས་ནམ་མཁའ་གཡའ་དག་པ་ལྟ་བུ་འབྱུང་། རྩ་འཁོར་ལོ་དག་ནས་ནམ་མཁའ་འཇའ་ཡིས་གང་། ཡེ་ཤེས་ཀྱི་མཁའ་འགྲོ་མས་བསུ་བ་དང་མེ་ཏོག་གིས་ཚར་ཆེན་པོ་འབེབས་པར་འགྱུར། ཞེས་གསུངས་སོ། །དེ་ལྟ་བུའི་དབང་ཞུ་བའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། ཁྲོས་མའི་ལྷ་ཚོགས་འཁོར་བཅས་ལ༔ གསོལ་བ་འདེབས་སོ་དབང་བསྐུར་སྩོལ། །ལན་གསུམ། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོད་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་གཉིས་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་

[Full Size]

སངས་རྒྱས་འགྲུབ་པར་ཤོག །དེ་ནས་ཁྱེད་རང་སློབ་མ་ལྷར་བསྐྱེད་པའི་དོན་དུ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་ཁྱེད་རང་རྣམས་ཁྲོས་མ་ནག་མོ་གཡས་གྲི་གུག །གཡོན་ཐོད་ཁྲག་གྲུ་མོར་ཁ་ཊཾ་ག་བཅུག་པ་སྤྱི་བོ་ནས་ཕག་ཞལ་ངུར་བ་ཞབས་གཉིས་གར་ཐབས་སུ་འཁྱུད་པ། ཡེ་ཤེས་མེ་དཔུང་གི་ཀློང་ན་བཞུགས་པ། དེའི་ཤར་དུ་རྡོ་རྗེ་མཁའ་འགྲོ། ལྷོར་རིན་ཆེན་མཁའ་འགྲོ། ནུབ་ཏུ་པདྨ་མཁའ་འགྲོ། བྱང་དུ་ལས་ཀྱི་མཁའ་འགྲོ་རྣམས་གཙོ་མོ་ལྟ་བུ་ལ་གཡས་རང་རྟགས་དང་གཡོན་ཐོད་ཁྲག་འཛིན་པ་གྲུ་མོ་ན་ཁ་ཊཾ་ག་བསླང་བ། གཙོ་འཁོར་ཐམས་ཅད་ཁྲོ་མོའི་ཆ་བྱད་ཅན་དེ་རྣམས་ཀྱི་གནས་གསུམ་ཡི་གེ་གསུམ་ལས་འོད་ཟེར་འཕྲོས་པས། ཨོ་རྒྱན་གྱི་གནས་ནས་ཁྲོས་མ་ལྷ་ལྔའི་སྐུ་ཆེ་ཕྲ་ཅི་རིགས་པ། ཁ་བ་བུ་ཡུག་ལྟར་སྤྱན་དྲངས་ནས་སློབ་མ་ལ་སིབ་སིབ་ཐིམ་པར་གྱུར༔ ཧཱུྃ༔ ཁྲོས་མ་ལྷ་ལྔའི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ སྔགས་ཀྱི་མཐར། ཨཱ་བེ་ཤ་ཡ་ཨ་ཨཱཿ རྡོ་རྗེ་མགོ་བོར་

[Full Size]

བཞག་ལ། ཏིཥྛ་བཛ྄ བུམ་པ་འདིའི་ནང་ན་ཁྲོས་མ་ལྷ་ལྔ་བཞུགས་པའི་སྐུ་ལས་བདུད་རྩི་བབས། སྤྱི་བོ་ཚངས་པའི་བུ་ག་ནས་ཞུགས། སྤྱི་བོ་བདེ་ཆེན་གྱི་འཁོར་ལོ་གང་བས་བུམ་དབང་ཐོབ། མགྲིན་པ་ལོངས་སྤྱོད་ཀྱི་འཁོར་ལོ་པ་དང་བས་གསང་དབང་ཐོབ། སྙིང་ག་ཆོས་ཀྱི་འཁོར་ལོ་གང་བས་ཤེས་རབ་ཡེ་ཤེས་ཀྱི་དབང་ཐོབ། ལྟེ་བ་སྤྲུལ་པའི་འཁོར་ལོ་གང་བས་ཚིག་དབང་རིན་པོ་ཆེ་ཐོབ། རྐང་མཐིལ་ཡན་ཆད་སྤྱི་གཙུག་མན་ཆད་གང་བས་རིག་པའི་རྩལ་དབང་ཐོབ། བུམ་པ་སྤྱི་བོར་བཞག་པས་ལུས་ལ་བདེ་བ་སྐྱེས། བུམ་ཆུ་ངག་ལ་བླུད་པས་ངག་ལ་ནུས་པ་འབར། ཆུའི་ལྷག་མ་ཡར་ལུད་པ་ལས་གུ་རུ་པདྨ་འབྱུང་གནས་རྡོ་རྗེ་འཆང་གི་ཆ་ལུགས་ཅན་གྱི་དབུ་བརྒྱན་པས་སེམས་ལ་རྟོགས་པ་འཆར་བར་སྒོམས་ཤིག །བུམ་པ་ལག་ཏུ་ཐོགས། ཧཱུྃ༔ བུམ་པ་འདིའི་ནང་ཁྲོས་མ་ཡི༔ ལྷ་ཚོགས་མ་ལུས་བཞུགས་པ་ཡིན༔ ཁྱོད་ཀྱི་མགོ་ལ་བཞག་པ་ཡིས༔ དབང་བཞི་ཡོངས་རྫོགས་ཐོབ་པར་ཤོག༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ༔ ཞེས་བུམ་པས་དབང་བསྐུར། དེ་ནས་གྲི་གུག་ཐོགས་ལ། ཧཱུྃ༔ མ་གཅིག་ཁྲོས་མ་ནག་མོ་ཡི༔ སྐུ་གསུང་

[Full Size]

ཐུགས་ཀྱི་བྱིན་རླབས་ལས༔ རྟགས་ཀྱི་ཕྱག་མཚན་གྲི་གུག་འདི༔ སྐལ་ལྡན་ཁྱོད་ཀྱིས་བཅང་གྱུར་ན༔ དངོས་གྲུབ་ཐམས་ཅད་ཐོབ་པར་འགྱུར༔ ཁྲོས་མ་ནག་མོའི་དབང་ཐོབ་ཤོག༔ ཨོཾ་བཛྲ་བྷ་ར་ཧི་ཀྲོ་དྷི་ཀཱ་ལི་ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩ་ཧཱུྃ༔ བླ་མ་ཡི་དམ་ལས་བྱུང་བའི༔ རྩ་གསུམ་འགྲུབ་པའི་བཀྲ་ཤིས་ཤོག༔ དེས་ཁྲོས་མ་ནག་མོའི་དབང་ཐོབ༔ འདིའི་བསྙེན་སྒྲུབ་བྱ་བར་དབང་༔ མཆོག་གི་དངོས་གྲུབ་ཐོབ་པའི་སྐལ་བ་དང་ལྡན་པའོ། །དེ་ནས་རྡོ་རྗེ་དཔྲལ་བར་བཞག་ལ། ཧཱུྃ༔ སྐུ་མཆོག་རྡོ་རྗེ་མཁའ་འགྲོ་ཡི༔ སྐུ་གསུང་ཐུགས་ཀྱི་བྱིན་རླབས་ལས༔ རྟགས་ཀྱི་ཕྱག་མཚན་རྡོ་རྗེ་འདི༔ སྐལ་ལྡན་ཁྱོད་ཀྱིས་བཅང་གྱུར་ན༔ དངོས་གྲུབ་ཐམས་ཅད་ཐོབ་པར་འགྱུར༔ རྡོ་རྗེ་མཁའ་འགྲོའི་དབང་ཐོབ་ཤོག༔ ཨོཾ་ཧ་བཛྲ་ཌཱཀི་ནི་ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩ་ཧཱུྃ༔ རྡོ་རྗེ་མཁའ་འགྲོས་ལེགས་བྱིན་པའི༔ བྱང་ཆུབ་སེམས་ཀྱི་བཀྲ་ཤིས་ཤོག༔ དེས་ཞེ་སྡང་གི་སྒྲིབ་པ་དག༔ རྡོ་རྗེ་མཁའ་འགྲོའི་དབང་ཐོབ་མེ་ལོང་ཡེ་ཤེས་ཀྱི་ས་བོན་ཐེབས༔ ཞི་བའི་ལས་ཀུན་འགྲུབ་པར་འགྱུར༔ དེ་ནས་རིན་ཆེན་ལྟེ་བར་བཞག་ལ། ཧཱུྃ་ཡོན་ཏན་རིན་།

[Full Size]

ཆེན་མཁའ་འགྲོ་ཡི༔ སྐུ་གསུང་ཐུགས་ཀྱི་བྱིན་རླབས་ལས༔ རྟགས་ཀྱི་ཕྱག་མཚན་རིན་ཆེན་འདི༔ སྐལ་ལྡན་ཁྱོད་ཀྱིས་བཅང་གྱུར་ན༔ དངོས་གྲུབ་ཐམས་ཅད་ཐོབ་པར་འགྱུར༔ རིན་ཆེན་མཁའ་འགྲོའི་དབང་ཐོབ་ཤོག༔ ཨོཾ་རི་རཏྣ་ཊཱཀི་ནི་ཀཱ་ཡ༔ གོང་ལྟར། རིན་ཆེན་མཁའ་འགྲོས་ལེགས་བྱིན་པའི༔ དབང་བསྐུར་མཆོག་གི་བཀྲ་ཤིས་ཤོག༔ དེས་ང་རྒྱལ་གྱི་དྲི་མ་དག་རིན་ཆེན་མཁའ་འགྲོའི་དབང་ཐོབ༔ མཉམ་ཉིད་ཡེ་ཤེས་ཀྱི་ས་བོན་ཐེབས༔ རྒྱས་པའི་ལས་རྣམས་འགྲུབ་པར་འགྱུར༔ དེ་ནས་པདྨ་མགྲིན་པར་བཞག་ལ། ཧཱུྃ༔ གསུང་མཆོག་པདྨ་མཁའ་འགྲོ་ནི༔ སྐུ་གསུང་ཐུགས་ཀྱི་བྱིན་རླབས་ལས༔ རྟགས་ཀྱི་ཕྱག་མཚན་པདྨ་འདི༔ སྐལ་ལྡན་ཁྱོད་ཀྱིས་བཅང་གྱུར་ན༔ དངོས་གྲུབ་ཐམས་ཅད་ཐོབ་པར་འགྱུར༔ པདྨ་མཁའ་འགྲོའི་དབང་ཐོབ་ཤོག༔ ཨོཾ་ནི་པདྨ་ཊཱཀི་ནཱི་ཀཱ་ཡ༔ པདྨ་མཁའ་འགྲོས་ལེགས་བྱིན་པའི༔ ཤེར་རབ་མཆོག་གི་བཀྲ་ཤིས་ཤོག༔ དེས་འདོད་ཆགས་ཀྱི་སྒྲིབ་པ་དག༔ པདྨ་མཁའ་འགྲོའི་དབང་ཐོབ༔ སོ་སོར་རྟོག་པའི་ཡེ་ཤེས་ཀྱི་ས་བོན་ཐེབས༔ དབང་གི་ལས་རྣམས་འགྲུབ་པར་འགྱུར༔ དེ་ནས་རལ་གྲི་གསང་བར་

[Full Size]

བཞག་ལ། ཧཱུྃ༔ ཕྲིན་ལས་ཀརྨ་མཁའ་འགྲོ་ཡི༔ སྐུ་གསུང་ཐུགས་ཀྱི་བྱིན་རླབས་ལས༔ རྟགས་ཀྱི་ཕྱག་མཚན་རལ་གྲི་འདི༔ སྐལ་ལྡན་ཁྱོད་ཀྱིས་བཅང་གྱུར་ན༔ དངོས་གྲུབ་ཐམས་ཅད་ཐོབ་པར་འགྱུར༔ ལས་ཀྱི་མཁའ་འགྲོའི་དབང་ཐོབ་ཤོག༔ ཨོཾ་ས་ཀརྨ་ཊཱཀི་ནི་ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩ་ཧཱུྃ༔ ལས་ཀྱི་མཁའ་འགྲོས་ལེགས་བྱིན་པའི༔ ཐོག་མ་མེད་པའི་བཀྲ་ཤིས་ཤོག༔ དེས་ཕྲག་དོག་གི་དྲི་མ་དག་།ལས་ཀྱི་མཁའ་འགྲོའི་དབང་ཐོབ། བྱ་གྲུབ་ཡེ་ཤེས་ཀྱི་ས་བོན་ཐེབས༔ ཕྲིན་ལས་སྣ་ཚོགས་འགྲུབ་པར་འགྱུར་རོ༔ དེ་ནས་ཐམས་ཅད་བསྡུས་ཏེ་སྤྱི་བོར་བཞག་གོ །ཙཀ་ལི་གཅིག་ལ་ཕྱག་མཚན་ལྔ་བྲིས་པ་ཐོགས་ལ། ཧཱུྃ༔ སངས་རྒྱས་ཀུན་གྱི་ཡུམ་གྱུར་མཁའ་འགྲོ་མ༔ རིགས་ལྔ་ཌཱཀིའི་དབང་མཆོག་མ་ལུས་པ༔ སྐལ་ལྡན་ཁྱོད་ལ་དེང་འདིར་ཡོངས་རྫོགས་ཤོག༔ ཡེ་ཤེས་ལྔ་རྫོགས་དུག་ལྔ་ཞི་གྱུར་ཅིག༔ ཨ་ཧ་རི་ནི་ས་ཨ་བྷི་ཥིཉྩ་མཱི༔ སངས་རྒྱས་ཀུན་གྱིས་ལེགས་བྱིན་པའི༔ བླ་མ་མཆོག་གི་བཀྲ་ཤིས་ཤོག༔ དེས་གཏི་མུག་གི་སྒྲིབ་པ་དག༔ སངས་རྒྱས་མཁའ་འགྲོའི་དབང་ཐོབ༔ དེས་ཆོས་དབྱིངས་ཡེ་ཤེས་ཀྱི་ས་བོན་ཐེབས༔ གྲུབ་

[Full Size]

ཆེན་བརྒྱད་འགྲུབ་པའི་སྐལ་བ་དང་ལྡན་པར་འགྱུར༔ བཀྲ་ཤིས་རྫས་བརྒྱད་ཐོགས་ལ། ཡང་མཁའ་འགྲོ་རྩ་རྒྱུད་ལས། བཀྲ་ཤིས་རྫས་བརྒྱད་ཀྱི་དབང་རྣམས་རྫོགས་པར་བསྐུར༔ ཞེས་གསུངས་པ་ལྟར། ཧཱུྃ༔ མེ་ལོང་ཡེ་ཤེས་རྒྱ་མཚོ་ཆེན་པོ་སྟེ༔ ཀུན་མཁྱེན་ཀུན་གཟིགས་ཆོས་ལ་དབང་ཐོབ་ཤོག༔ ཨ་ཧ་རི་ནི་ས་རཏྣ་ཨ་བྷི་ཥིཉྩ་ཧཱུྃ༔ ཧཱུྃ༔ ཡུངས་ཀར་རྒྱལ་པོ་རྫས་མཆོག་དམ་པ་འདི༔ བར་ཆད་ནད་གདོན་བགེགས་ཞི་བཀྲ་ཤིས་ཤོག༔ ཨ་ཧ་རི་ནི་ས་ཛ་ཐུམ་ཨ་བྷི་ཥིཉྩ་ཧཱུྃ༔ ཧཱུྃ༔ རྩ་མཆོག་དྭར་བས་ཚེ་ཡི་དངོས་གྲུབ་སྟེར་འཆི་མེད་བསོད་ནམས་ཚེ་ཡི་དབང་ཐོབ་ཤོག༔ ཨ་ཧ་རི་ནི་ས་ཨ་ཡུ་ཥེ་ཨ་བྷི་ཥིཉྩ་ཧཱུྃ༔ ཧཱུྃ༔ མཆོད་རྫས་བིལ་བས་བཀྲ་ཤིས་རྫས་འདུ་སྟེ༔ དངོས་གྲུབ་རྣམ་གཉིས་ཚེ་འདིར་ཐོབ་པར་ཤོག༔ ཨ་ཧ་རི་ནི་ས་བི་ཛ་པུ་ར་ཨ་བྷི་ཥིཉྩ་ཧཱུྃ༔ ཧཱུྃ༔ ལི་ཁྲི་མཚལ་ཆེན་དབང་གི་རང་བཞིན་ཏེ༔ ཁམས་གསུམ་འགྲོ་བ་དབང་དུ་འདུ་བར་ཤོག༔ ཨ་ཧ་རི་ནི་ས་པདྨ་ལི་ཁྲི་ཨ་བྷི་ཥིཉྩ་ཧཱུྃ༔ ཧཱུྃ༔ གི་ཝང་དུག་གསུམ་འཇོམས་པ་སྨན་གྱི་མཆོག༔ རྒྱུ་འབྲས་ནད་རྣམས་ཞི་བའི་དབང་ཐོབ་ཤོག༔ ཨ་ཧ་རི་ནི་ས་དུཁ་ཤཱནྟི་ཀུ་རུ་ཡེ་སྭཱ་ཧཱ་ཨ་བྷི་

[Full Size]

ཥིཉྩ་ཧཱུྃ༔ ཧཱུྃ༔ འོ་མ་ཞོ་ནི་བཅུད་མཆོག་དམ་པ་སྟེ༔ ཡོན་ཏན་ཀུན་གྱི་སྙིང་པོ་ལེན་པར་ཤོག༔ ཨ་ཧ་རི་ནི་ས་ཧཱུཾ་དྷ་ཨ་བྷི་ཥིཉྩ་ཧཱུྃ༔ ཧཱུྃ༔ ཆོས་དུང་དཀར་པོས་སྙན་པའི་ས་གསུམ་གཡོ༔ དམ་ཆོས་སྒྲ་ཆེན་ཡོངས་ལ་ཁྱབ་པར་ཤོག༔ ཨ་ཧ་རི་ནི་ས་ན་མ་སརྦ་ཨ་བྷི་ཥིཉྩ་ཧཱུྃ༔ དེ་ནས་གཏོར་མ་ཐོགས་ལ་འདི་སྐད་དོ། གཏོར་མ་འདིའི་དམིགས་པ་ལ། ངོ་བོར་ཁྲོས་མ་ནག་མོ་འཁོར་རིགས་བཞི་དང་བཅས་པ་འུར་འུར་ཐུག་ཐུག་ཆོམ་ཆོམ་ཕཊ་སྐད་སྟོང་གསུམ་གྲག་པ། དུར་ངུར་སྟོང་གསུམ་འུར་འུར་རྒྱ་མཚོ་ཁྱོམ་ཁྱོམ་རི་རབ་ལྡེག་ལྡེག་དྲག་ཤུལ་དང་ལྡན་པ་ཁྱེད་རྣམས་ཀྱི་སྤྱི་བོར་བྱོན་ནས་གོང་གི་ནུས་པ་ཡོངས་སུ་རྫོགས་པར་དབང་བསྐུར་ལ། ཀླུ་དང་ས་བདག་རྒྱལ་བསེན་དམ་སྲི་འབྱུང་པོ། སྡེ་བརྒྱད་ཐམས་ཅད་ཁ་འདར་སྙིང་འདིར་བརྒྱལ་འབོག་མྱོས་ཀུན་རེང་འདར་ཡེད་ཡེད་མིག་ཧྲིག་ཧྲིག་བཀའ་ཉན་ལས་བྱེད་བྲོ་བོར་དམ་ལས་མི་འདའ་བར་གྱུར༔ འགའ་ཞིག་རྒྱ་མཚོའི་འགྲམ་དུ་བྲོས་ཏེ༔ ཕྱིར་མི་ལྡོག་པ༔ བར་མཚོན་ཆ་འཁོར་ལོ་དང་མེ་དཔུང་གིས་ཆོད་པར་སྒོམས༔ ཧཱུྃ༔ མཚན་མོ་སྒྲ་སྒྲོག་གཅེར་བུ་མ༔ གར་མཛད་དགྱེས་པའི་གད་རྒྱངས་

[Full Size]

ཅན༔ བདུད་བཅོམ་དྲག་མོའི་ཆ་ལུགས་ཅན༔ དབང་བསྐུར་ཕག་གདོང་མ་ལ་བསྟོད༔ བསྐུལ་ལོ་ཁྲོ་གཏུམ་ནག་མོའི་ཚོགས༔ ནད་གདོན་བར་ཆད་ཚར་བཅད་ཅིང་དབང་བསྐུར་བྱིན་གྱིས་བརླབ་ཏུ་གསོལ༔ གཏོར་མ་མགོར་བཞག༔ ཨོཾ་བཛྲ་བྷ་ར་ཧི་ཀྲོ་དྷི་ཀཱ་ལི་ཧ་རི་ནི་ས་ཧཱུཾ་ཧཱུྃ་ཕཊ༔ རྩ་སྔགས་བརྗོད་ཅེས་དང་། ཕཊ་དྲག་པོ་བརྗོད་པར་བྱའོ༔ འོ་དེས་ཇོ་མོ་ལུགས་དང་དགོངས་གཏེར་ཟུང་འཇུག་ཁྲོས་མ་ལྷ་ལྔའི་དབང་ལེགས་པར་ཐོབ་པ་ཡིན་པས་འདི་ཡི་དམ་དུ་འཛིན་སྙམ་པའི་མོས་པས་རྗེས་ཟློས་མཛོད༔ གཙོ་བོས་ཇི་ལྟར་སོགས། །མཎྜལ་ཞིག་འབུལ་བར་ཞུ། ཞེས་དགོངས་གཏེར་རྡོ་རྗེ་གསུམ་གྱི་དོན་གཏེར་སློབ་རཱ་ག་ཨ་སྱས་ཕྱག་ལེན་གཏན་ལ་ཕབ་པའི་ཡི་གེ་པ་ནི་དགེ་སློང་བརྩོན་འགྲུས་ཏེ། ཉེས་འགལ་མཆིས་ན་ཁྲོས་མའི་ཚོགས་ལ་བཤགས་ཤིང་དགེ་བས་སོ༔ འགྲོ་བ་དཔག་མེད་སྨིན་ཅིང་གྲོལ་བར་གྱུར་ཅིག༔ ཧཱུྃ༔ འཇིགས་པ་བརྒྱད་སྐྱོབ་ཞི་བའི་དངོས་གྲུབ་སྩོལ༔ འབྱོར་བ་དྲུག་ལྡན་རྒྱས་པའི་དངོས་གྲུབ་སྩོལ༔ མོས་པ་རྣམ་བཞི་དབང་གི་དངོས་གྲུབ་སྩོལ༔ དགྲ་བགེགས་ཚར་གཅོད་དྲག་པོའི་དངོས་གྲུབ་སྩོལ༔ ལས་བཞི་ལྷུན་གྱིས་གྲུབ་པའི་དངོས་གྲུབ་སྩོལ༔ ཀཱ་ཡ་སིདྡྷི་ཨོ། ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ། སྐུ་

[Full Size]

གསུང་ཐུགས་ཀྱི་དངོས་གྲུབ་ཚེ་འདི་ཉིད་ལ་བསྩལ་དུ་གསོལ། ཅེས་པ་བཀྲ་ཤིས་རྒྱས་བསྡུས་གང་འོས་ཤིག་བརྗོད་པར་བྱའོ། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཐུགས་རྗེ་ཁྲོས་མ་ནག་མོའི་མངོན་རྟོགས་རྒྱུན་ཁྱེར་བདེ་བར་བཀོད་པ།

[Full Size]

ཐུགས་རྗེ་ཁྲོས་མ་ནག་མོའི་མངོན་རྟོགས་རྒྱུན་ཁྱེར་བདེ་བར་བཀོད་པ་བཞུགས་སོ༔

[Full Size]

ཐུགས་རྗེ་ཁྲོས་མ་ལ་ཕྱག་འཚལ་ལོ༔ མཚམས་གཅོད་ནི༔ ཧཱུྃ་བྷྱོ༔ ཉོན་ཅིག་བགེགས་དང་ལོག་འདྲེན་ཚོགས༔ འདི་རུ་མ་འདུག་གཞན་དུ་དེངས༔ རྡོ་རྗེའི་ར་གུར་མེ་རིས་བསྐོར༔ ཕྱོགས་མཚམས་སྲུང་བའི་གུར་དུ་གྱུར༔ ཨོཾ་བཛྲ་རཀྵ་རཀྵ་ཧཱུྃ༔ བྱིན་རླབས་ནི༔ ཧཱུྃ༔ བདག་ཉིད་དག་པའི་གནས་མཆོག་ནས༔ དུར་ཁྲོད་བདག་མོ་འཁོར་བཅས་ཀྱིས༔ མཆོད་པ་བྱིན་གྱིས་བརླབ་ཏུ་གསོལ༔ ཕྱི་ནང་གསང་མཆོད་ལྷུན་གྱིས་གྲུབ༔ ཨོཾ་ཨཱཿཧཱུྃ་ཧ་ཧོ་ཧྲཱིཿ སྐྱབས་སེམས་ནི༔ འགྲོ་རྣམས་བསྒྲལ་འདོད་བསམ་པ་ཡིས༔ སངས་རྒྱས་ཆོས་དང་དགེ་

[Full Size]

འདུན་ལ༔ བྱང་ཆུབ་སྙིང་པོར་མཆིས་ཀྱི་བར༔ རྟོག་པར་བདག་ནི་སྐྱབས་སུ་མཆི༔ ཤེས་རབ་སྙིང་བརྩེ་དང་ལྡན་པར༔ བརྩོན་པས་སེམས་ཅན་དོན་སླད་དུ༔ སངས་རྒྱས་མདུན་དུ་གནས་བྱས་ནས༔ རྫོགས་པའི་བྱང་ཆུབ་སེམས་བསྐྱེད་བགྱི༔ ཚོགས་ཞིང་ནི༔ སྐད་ཅིག་བདག་ཉིད་ཁྲོས་མར་གསལ༔ ཐུགས་ལས་འོད་ཟེར་འཕྲོས་པ་ཡིས༔ སོ་སོའི་གླིང་ནས་རྗེ་བཙུན་མ༔ སྤྱན་དྲངས་ནམ་མཁར་བཞུགས་པར་གྱུར༔ ཕྱག་འཚལ་མཆོད་ཅིང་སྡིག་པ་བཤགས༔ དགེ་ལ་ཡི་རང་ཆོས་འཁོར་བསྐོར༔ བཞུགས་གསོལ་དགེ་བ་བྱང་ཆུབ་བསྔོ༔

[Full Size]

ཚོགས་ཞིང་རང་གི་སྙིང་ཁར་ཐིམ༔ འགྲོ་ཀུན་བདེ་ལྡན་སྡུག་བསྔལ་བྲལ༔ བདེ་ལས་ཉམས་མེད་བཏང་སྙོམས་ཤོག༔ ཚོགས་ཞིང་སྙིང་ཁར་བསྡུས་ལ་ཚད་མེད་བཞི་བསྒོམ༔ བདག་མདུན་དུས་གཅིག་ལ་བསྐྱེད་པ་གསང་སྔགས་རྙིང་མའི་ལུགས་སོ༔ ཨོཾ་སྭ་བྷ་ཝས་སྦྱང་༔ སྟོང་པ་ཉིད་དུ་གྱུར༔ སྟོང་པའི་ངང་ལས་བདག་མདུན་གྱི་དཀྱིལ་འཁོར་་་་་་བདག་བསྐྱེད་རྐྱང་པའི་སྐབས་འདི་དོར་མཆན། མེ་རི་རྡོ་རྗེའི་ཕྲེང་བ་དུར་ཁྲོད་བརྒྱད་ཀྱིས་བསྐོར་བའི་དབུས་སུ༔ དུར་ཁྲོད་ཀྱི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས་མཚན་ཉིད་ཡོངས་སུ་རྫོགས་པར་གྱུར༔ དེ་ཡི་ནང་དུ་ཨེ་ལས་ཆོས་ཀྱི་འབྱུང་གནས་གདེངས་ཀ་ཆེ་བ་གྱེན་དུ་བསྟན་པའི་དབུས་སུ༔ འདབ་མ་བརྒྱད་པ་དང་འདབ་མ་བཞི་པ་ཉི་མའི་གདན་ལ༔ ཨ་མཐིང་ནག་ལས་འོད་ཟེར་འཕྲོས་པས༔ དོན་གཉིས་བྱས༔ ཚུར་འདུས་ཡོངས་སུ་གྱུར་པ་ལས༔ དབུས་སུ་རྗེ་བཙུན་མ་ཁྲོས་མ་ནག་མོ་ཞལ་གཅིག་ཕྱག་གཉིས༔ གཡས་གྲི་གུག་དང་གཡོན་ཐོད་ཁྲག་བསྣམས་པ༔ ཁ་ཊཾ་ག་དཀུར་བརྟེན་པ༔ དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ༔ རལ་པ་དམར་ནག་སྤྲིན་ལྟར་གཏིབ་ཅིང་༔ ཐོད་སྐམ་ལྔ་ཡིས་དབུ་ལ་བརྒྱན་པ༔ སྤྱི་

[Full Size]

གཙུག་རལ་པའི་གསེབ་ནས་ཕག་ཞལ་གྱེན་དུ་ངུར་བ༔ རོའི་གདན་ལ་ཞབས་གཡས་བསྐུམ་ཞིང་གཡོན་བརྐྱང་བའི་ཚུལ་གྱིས་བཞུགས་པར་གྱུར༔ དེའི་ཤར་གྱི་འདབ་མ་ལ་བདེ་ཆེན་དཀར་མོ༔ ལྷོའི་འདབ་མ་ལ་སེར་མོ་དོན་གྲུབ༔ ནུབ་ཀྱི་འདབ་མ་ལ་དམར་མོ་སྒྲ་སྒྲོག༔ བྱང་གི་འདབ་མ་ལ་སྣ་ཚོགས་མཐར་ཕྱིན༔ ཕྱོགས་བཞིར་རིགས་བཞིའི་མཁའ་འགྲོ་ཕྱོགས་མདོག༔ ཤར་ལྷོར་དམ་ཚིག་མཁའ་འགྲོ༔ ལྷོ་ནུབ་ཏུ་སྣ་ཚོགས་མཁའ་འགྲོ༔ ནུབ་བྱང་དུ་ཐམས་ཅད་མཁའ་འགྲོ༔ བྱང་ཤར་དུ་འཇིག་རྟེན་མཁའ་འགྲོ༔ དེ་ཐམས་ཅད་ཀྱང་མཁའ་འགྲོ་མ་ལོ་བཅུ་དྲུག་ལོན་པའི་ན་ཚོད་ལྟར་སྒེག་པ༔ ཞི་བ་བཞད་པ་གར་གྱི་ཉམས་དགུ་དང་ལྡན་པ༔ དབུ་སྐྲ་སྣུམ་ལ་སིལ་ལེར་གྲོལ་ནས༔ སྐེད་པའི་ཨརྒ་ཡན་ཆད་སླེབ་པ༔ ཐོད་པ་སྐམ་པོ་ལྔས་དབུ་ལ་བརྒྱན་པ༔ ཐོད་རློན་ལྔ་བཅུས་དོ་ཤལ་བྱས་པ༔ རུས་པའི་རྒྱན་དྲུག་སྐུ་ལ་གསོལ་བ༔ སྐུ་སྟོད་སེང་གེ་ལྟར་འགྱིང་བ༔ སྐུ་སྨད་དུང་ལྟར་འཁྱིལ་བ༔ གྲི་གུག་དང་ཐོད་ཁྲག་བསྣམས་པ༔ ཁ་ཊཾ་ག་ལ་འཁྱུད་ཅིང་གཙོ་མོ་ལ་གུས་པའི་ཚུལ་གྱིས་གར་བྱེད་པའོ༔ བདག་ལུས་རང་བྱུང་

[Full Size]

གཞལ་ཡས་ཁང་དུ་གྲུབ་པའི་རྩ་གསུམ་འཁོར་ལོ་ལྔའི་དབུས་སུ་ཕག་མོ་རིགས་ལྔ༔ རྩ་འདབ་མ་རྣམས་སུ་རང་འདྲའི་ཌཱཀྐི་མ་རང་རང་གི་ས་བོན་གྱིས་མཚན་པའོ༔ སྤྱན་འདྲེན་པ་ནི༔ མདུན་བསྐྱེད་སྐབས༔ མདུན་གྱི་ཞེས་བསྒྱུར༔ ལྷ་རྣམས་ཀྱི་གསང་གསུམ་ལས་འོད་ཟེར་འཕྲོས་པས་ནུབ་ཕྱོགས་ཨོ་རྒྱན་གྱི་ཡུལ་དུར་ཁྲོད་ཆེན་པོ་སོ་སའི་གླིང་ནས་ཁྲོས་མའི་ལྷ་ཚོགས་འཁོར་དང་བཅས་པ་སྤྱན་དྲངས་པར་བསམ༔ ཧཱུྃ༔ མཚན་མོ་སྒྲ་སྒྲོག་གཅེར་བུ་མ༔ རྐང་པས་བགེགས་མནན་སྟེང་དུ་བལྟ༔ གྱེན་དུ་ཕག་སྐད་སྒྲ་སྒྲོག་ཅིང་༔ མཁའ་འགྲོ་འཁོར་དང་བཅས་པ་རྣམས༔ ཕོ་ཕོ་བཛྲ་ས་མ་ཡ་ཛཿ ཛཿཧཱུྃ་བཾ་ཧོཿགཉིས་སུ་མེད་པར་གྱུར༔ དབང་ལྷ་སྤྱན་དྲངས་དབང་བསྐུར་ནས༔ གཙོ་མོར་རྟ་མགྲིན་ཡབ་ཡུམ་དང་༔ འཁོར་རྣམས་གཙོ་མོས་དབུ་བརྒྱན་གྱུར༔ བདག་གི་ཐུགས་ལས་སྤྲུལ་པ་ཡི༔ མཆོད་པའི་ལྷ་མོ་དཔག་མེད་ཀྱིས༔ བདག་མདུན་བུམ་ལྷ་སོ་སོ་ལ༔ མཆོད་ཅིང་བསྟོད་པ་བྱེད་པར་གྱུར༔ མཆོད་པ་འབུལ་བ་ནི༔ ཧཱུྃ༔ གཙང་ཞིང་གཙང་མར་སྦྱར་བ་ཡི༔ མཆོད་ཡོན་ཞབས་བསིལ་མེ་ཏོག་དང་༔ བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་

[Full Size]

ལ་སོགས་འདི༔ ཁྲོས་མ་འཁོར་དང་བཅས་ལ་འབུལ༔ འབྲས་རྒུན་བུ་རམ་བཅོས་པའི་ཆང་༔ ཚོགས་དང་ལོངས་སྤྱོད་དབང་པོ་ལྔ༔ རྩ་བརྒྱད་སྟོང་ལ་སྦྱར་བའི་སྨན༔ རིགས་ལྔ་ཡེ་ཤེས་བདུད་རྩི་འདི༔ ཁྲོས་མའི་ལྷ་ཚོགས་རྣམས་ལ་འབུལ་ཐབས་དང་ཤེས་རབ་རང་བཞིན་གྱི༔ དགའ་བ་ཆེན་པོའི་བྱང་ཆུབ་སེམས༔ ཉོན་མོངས་དུག་ལྔ་ལས་བྱུང་བའི༔ ཡེ་ཤེས་ལྔ་ཡི་མཆོད་པ་འདི༔ ཁྲོས་མ་འཁོར་དང་བཅས་ལ་འབུལ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ས་པཱ་རི་ཝཱ་ར་ཨརྒྷཾ་སོགས། ཤརྡ་སརྦ་པཱུ་ཛ་པཉྩ་ཨ་མྲྀ་ཏ་རཀྟ་བྷ་ལཾ་ཏ་ཁ་རཾ་ཁཱ་ཧི། བསྟོད་པ་ནི༔ ཧཱུྃ༔ སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ༔ རྒྱལ་བའི་སྐྱེད་ཡུམ་རྡོ་རྗེ་རྣལ་འབྱོར་མ༔ བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཐུགས་རྗེ་ཁྲོས་མའི་སྐུ་ལ་ཕྱག་འཚལ་བསྟོད༔ བདེ་ཆེན་དཀར་མོས་འཇིགས་པ་ཀུན་ལས་གྲོལ༔ སེར་མོ་དོན་གྲུབ་ཚེ་དབང་རྒྱས་པར་མཛད༔ དམར་མོ་སྒྲ་སྒྲོག་ཁམས་གསུམ་དབང་དུ་སྡུད༔ སྣ་ཚོགས་མཐར་ཕྱིན་མངོན་སྤྱོད་ལས་རྣམས་མཛད༔ མཁའ་འགྲོ་སྡེ་བརྒྱད་ཕྲིན་ལས་སྣ་ཚོགས་བསྒྲུབ༔ བདེ་

[Full Size]

སྟོང་མཁའ་འགྲོའི་ཚོགས་ལ་ཕྱག་འཚལ་བསྟོད༔ དེ་དག་བདག་མདུན་ལྷ་ཚོགས་ཐམས་ཅད་ཀྱི༔ སྤྱི་བོར་སྐུ་སྔགས་བཛྲ་བྷ་ར་ཧི༔ མགྲིན་པར་གསུང་སྔགས་ཀྲོ་ཏི་ཀཱ་ལི་དང་༔ ཐུགས་ཀར་ཐུགས་སྔགས་ཧ་རི་ནི་ས་དང་༔ ལྟེ་བར་ཨ་བེ་ཤ་ཡ་ཡོན་ཏན་སྔགས༔ གསང་བར་སརྦ་ཀརྨ་ཕྲིན་ལས་ལྔ༔ འོད་འཕྲོས་ཨོ་རྒྱན་གནས་ནས་ཁྲོས་མ་དེ༔ སྐུ་དང་ཕྱག་མཚན་བྱང་སེམས་དཀར་དམར་ཚོགས༔ དཔག་མེད་སྤྱན་དྲངས་བདག་མདུན་སོ་སོར་ཐིམ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱ་བེ་ཤ་ཡ་ཨཱཿ ཞེས་བཟླའོ༔ དེ་ནས་སྐུ་ལ་འཁོར་ལོ་བཞིའི་རྒྱས་བཏབ༔ སྤྱི་བོ་མགྲིན་པ་སྙིང་ཁ་ལྟེ་བ་བཞི་སྟེ༔ འཁོར་ལོ་བཞི་ལ་པདྨ་འདབ་མ་བཞི་པ་རེ་རེ། དབུས་སུ་ཨ༔ སྤྱི་བོར་བཛྲ་བྷ་ར་ཧི༔ མགྲིན་པར་ཀྲོ་ཏི་ཀཱ་ལི༔ ཐུགས་ཀར་ཧ་རི་ནི་ས༔ ལྟེ་བར་ཨ་ཝེ་ཤ་ཡ༔ དེ་རྣམས་པདྨ་འདབ་མ་རེ་རེ་ལ་བཀོད་དོ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨ་ཝེ་ཤ་ཡ་སརྦ་ཀརྨ་ཧཱུྃ་ཕཊ༔ ཅེས་བཟླས་པས་སྤྱི་བོའི་ཡི་གེ་ལས་འོད་ཟེར་དཀར་པོ་འཕྲོས༔ མགྲིན་པའི་ཡི་གེ་ལས་དམར་པོ༔ སྙིང་ཁ་ནས་མཐིང་ནག༔ ལྟེ་བ་ནས་སྣ་ཚོགས་འཕྲོས་པས༔ ཕྱི་སྣོད་འཇིག་རྟེན་གཞལ་ཡས་ཁང་༔ ནང་བཅུད་སེམས་ཅན་རྡོ་རྗེ་ཕག་མོར་གྱུར༔ དེ་ལྟར་སྣང་བ་ཐམས་ཅད་རྡོ་རྗེ་ཕག་མོའི་སྐུ༔ སྒྲ་གྲག་པ་ཐམས་ཅད་རྡོ་

[Full Size]

རྗེ་ཕག་མོའི་གསུང་༔ སེམས་ཀྱི་དྲན་རྟོག་ཐམས་ཅད་རྡོ་རྗེ་ཕག་མོའི་ཐུགས༔ སྣང་སྲིད་ཐམས་ཅད་རྡོ་རྗེ་ཕག་མོའི་དཀྱིལ་འཁོར་དུ་བསམ་ལ་བཟླས་པ་བྱ༔ དེ་ལྟར་བཟླས་པས་རབ་སྐུའི་ཞལ་མཐོང་༔ འབྲིང་གསུང་གི་ལུང་སྟོན༔ ཐ་མ་ཡང་ཐུགས་ཀྱི་རྟགས་སྣང་བ་འགྱུར་བར་བྱེད༔ དེ་ལྟར་ཟླ་བ་དྲུག་གིས་འགྲུབ་སྟེ༔ མཆོག་ཐུན་མོང་གི་དངོས་གྲུབ་ཐམས་ཅད་ཚེ་འདི་ཉིད་ལ་འཐོབ་པར་ཐེ་ཚོམ་མེད་དོ༔ མཐར་མཆོད་བསྟོད་བྱེད་པར་སྤྲོ་ན༔ ཨོཾ་བཛྲ་བྷ་ར་ཧི་ས་པཱ་རི་ཝཱ་ར་ཨརྒྷཾ་སོགས༔ ཧཱུྃ༔ མཚན་མོ་སྐུ་གྲོལ་གཅེར་བུ་མ༔ གར་མཛད་དགྱེས་པའི་གད་རྒྱངས་ཅན༔ བདུད་འཇོམས་དྲག་མོའི་ཆ་ལུགས་ཅན། དབང་བསྒྱུར་ཕག་གདོང་མ་ལ་བསྟོད༔ མ་འབྱོར་པ་དང་སོགས༔ མཆོད་སྦྱིན་གནས་འདིར་སོགས། ཡེ་ཤེས་པ་བཛྲ་མུཿ དམ་ཚིག་པ་རང་གི་སྙིང་ཁར་ཨོཾ་ཨཱཿཧཱུྃ༔ འཇིག་རྟེན་པ་གཙྪ༔ བླ་མ་རིག་འཛིན་རྣམས་ཀྱི་བཀྲ་ཤིས་ཤོག༔ ཡི་དམ་རྡོ་རྗེ་ཕག་མོའི་བཀྲ་ཤིས་ཤོག༔ དཔའ་བོ་མཁའ་འགྲོ་རྣམས་ཀྱི་བཀྲ་ཤིས་ཤོག༔ ཆོས་སྲུང་དམ་ཅན་རྒྱ་མཚོའི་བཀྲ་ཤིས་ཤོག༔ ཅེས་རྡོ་རྗེ་ཕག་མོ་ཁྲོས་མ་ནག་མོའི་སྒོམ་ཟླས༔ སློབ་དཔོན་པདྨས་མཛད་པ་ལས་རྒྱུན་ཁྱེར་བདེ་བར་བྱེད་པ་པོ་ཨ་རཱ་གས་སོ༔

[Full Size]

ཤོག་སྟོང་།

ཁྲོས་ནག་རྒྱུན་ཁྱེར་བསྡུས་པ།

[Full Size]

ཁྲོས་ནག་རྒྱུན་ཁྱེར་བསྡུས་པ། རང་ཉིད་སྐད་ཅིག་གིས་ཁྲོས་མ་ནག་མོ་སྐུ་མདོག་མཐིང་ནག༔ གཡས་གྲི་གུག་དང་གཡོན་ཐོད་ཁྲག་བསྣམས་པ༔ ཁ་ཊཾ་མཆན་ཁུང་དུ་བཅུག་པ༔ སྤྱི་བོ་ནས་ཕག་ཞལ་ངུར་བ༔ ཞབས་གར་ཐབས་སུ་འཁྱུག་པ༔ ཡེ་ཤེས་ཀྱི་མེ་དཔུང་དབུས་ན་བཞུགས་པ༔ དེའི་ཤར་དུ་རྡོ་རྗེ་མཁའ་འགྲོ་དང་༔ ལྷོ་རུ་རིན་ཆེན་མཁའ་འགྲོ༔ ནུབ་ཏུ་པདྨ་མཁའ་འགྲོ༔ བྱང་དུ་ལས་ཀྱི་མཁའ་འགྲོ་རྣམས་གཡས་རང་རྟགས་ཀྱི་གྲི་གུག་དང་གཡོན་ཐོད་ཁྲག་འཛིན་པ་གཙོ་འཁོར་ཐམས་ཅད་ཁྲོ་མོའི་ཆ་ལུགས་ཅན༔ དེ་རྣམས་ཀྱི་གནས་གསུམ་ཡི་གེ་གསུམ་དང་གཙོ་མོའི་ཐུགས་ཀར་ཨ་མཐིང་ནག་ལ་སྔགས་ཕྲེང་གཡོན་དུ་འཁོར་བའི་ཐུགས་ཀར་ཧ་རི་ནི་ས་དེ་རྣམས་ལས་འོད་ཟེར་འཕྲོས་པས༔ ནུབ་ཕྱོགས་ཨོ་རྒྱན་གྱི་ཡུལ་ནས་ཁྲོས་མ་རིགས་ལྔ་ཁ་བ་བུ་ཡུག་འཚུབ་པ་ལྟར་བྱོན་ནས་རང་དང་མདུན་བསྐྱེད་ལ་སིབ་སིབ་ཐིམ་པར་སྒོམས་ཤིག༔ དེ་ནས་བཟླས་པ་བྱ་བ་ནི། ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཧཱུཾ་ཧཱུཾ་ཕཊ༔ བརྒྱ་སྟོང་ཅི་འགྲུབ་སྐབས་དང་སྦྱར་ལ། ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས༔ ཨརྒྷཾ་སོགས༔ ཤརྡ་པྲ་ཏིཙྪ་ཡེ་སྭཱ་ཧཱཿ དེ་ནས་

[Full Size]

བསྟོད་པ་བྱ་བ་ནི། ཧཱུྃ༔ སྟོང་ཉིད་སྙིང་རྗེའི་ངང་ལས་གཟུགས་ཀྱི་སྐུ༔ རྒྱལ་བའི་སྐྱེད་ཡུམ་རྡོ་རྗེ་རྣལ་འབྱོར་བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཁྲོས་མ་ལྷ་ལྔའི་སྐུ་ལ་ཕྱག་འཚལ་བསྟོད༔ ཧཱུྃ༔ དཔལ་ལྡན་རྡོ་རྗེ་ཕག་མོ་ནི༔ ཞལ་གཅིག་ཕྱག་གཉིས་སྐུ་མདོག་ནག༔ གྲི་གུག་གཡས་ལ་ཐོད་ཁྲུག་གཡོན༔ ཁ་ཊཾ་ག་ནི་ཐུགས་ཀར་གཏད༔ དུར་ཁྲོད་རྒྱན་གྱིས་ལེགས་པར་བརྒྱན༔ རལ་པ་དམར་ནག་སྤྲིན་ལྟར་གཏིབས༔ ཐོད་སྐམ་ལྔ་ཡིས་དབུ་རྒྱན་བྱས༔ སྤྱི་གཙུག་ཕག་ཞལ་ནམ་མཁར་དུར༔ རྟོག་མེད་རོ་ཡི་གདན་སྟེང་ནས༔ བརྐྱང་བསྐུམ་ཚུལ་གྱི་འགྱིང་བག་ཅན༔ ཁྲོ་མོ་ཟིལ་གནོན་ཁྲོས་མའི་སྐུ༔ རྡོ་རྗེ་ཕག་མོའི་སྐུ་ལ་ཕྱག་འཚལ་བསྟོད༔ ཅེས་པ་རྒྱུན་ཁྱེར་ཉུང་ངུ་འདི། ཨ་རཱ་གས་སྦྱར་བའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕས་རྒོལ་དབང་དུ་བསྡུ་བའི་མན་ངག་བླ་མ་དགོངས་པ་འདུས་པའི་ལས་ཚོགས་དང་དགོངས་གཏེར་ཁྲོས་མ་ལྷ་ལྔ་སྦྱར་ཏེ་འདོན་ཆ་ཤིན་ཏུ་བསྡུས་པ།

[Full Size]

ཕས་རྒོལ་དབང་དུ་བསྡུ་བའི་མན་ངག་བླ་མ་དགོངས་པ་འདུས་པའི་ལས་ཚོགས་དང་དགོངས་གཏེར་ཁྲོས་མ་ལྷ་ལྔ་སྦྱར་ཏེ་འདོན་ཆ་ཤིན་ཏུ་བསྡུས་པ་བཞུགས་སོ།།

[Full Size]

ན་མོ་གུ་རུ་དྷེ་ཝ་ཌཱ་ཀི་ནི་ཧཱུྃ༔ རྩ་གསུམ་ལྷ་ལ་ཕྱག་འཚལ་ལོ༔ སྐྱབས་སུ་མཆིའོ༔ འདིར་ཉེར་མཁོའི་ལས་སྦྱོར་འགྲིགས་ཆགས་སུ་ལག་ཏུ་བླང་བདེ་བར་འགོད་པ་ལ། ཆོས་བདག་ཇགས་དགོངས་པ་གྲོལ་ཞིང་ཐུགས་བརྩེ་མཆོག་གིས་རྗེས་སུ་གནང་བ་དང་བྱིན་གྱིས་བརླབ་ཏུ་གསོལ། འདིར་བླ་མ་དགོངས་འདུས་ལས་མཁའ་འགྲོའི་ལས་ཚོགས་མན་ངག་གསུངས་པ་ཡིན་ནའང་། ཕག་ཁྲོས་སེང་གསུམ་སོགས་མཁའ་འགྲོ་སྤྱིའི་ལས་ཚོགས་སུ་སྣང་བས། འདི་བརྒྱུད་པ་ཉེ་བའི་རྣོ་ཆད་དང་སྦྲགས་ཏེ། དགོངས་གཏེར་ཁྲོས་མ་ལྷ་ལྔ་དང་སྦྱར་ཏེ་འགོད་པར་བྱའོ། །དེ་ལ་གཞུང་དང་བྱ་ཚུལ་རྒྱུད་ཚིག་ལྟ་བུ་ལས་འདོན་ཆ་ཁྱེར་བདེ་མི་སྣང་བས་འདིར་ཤིན་ཏུ་བསྡུས་པའི་འདོན་ཆ་འགོད་པར་བྱའོ། །དེའང་དུས་སྙིགས་མའི་སྐབས་སུ་བདུད་ཀྱི་

[Full Size]

སྤྲུལ་པ་མི་ཡི་ལུས་སུ་གྱུར་པ་དང་། བདུད་མ་ཡིན་ཀྱང་བདུད་སྙིང་ལ་ཞུགས་པའི་མི་སྟོབས་མངའ་ཐང་ཆེ་བ་དག་གིས་སྤྱིར་བསྟན་པ་དང་སེམས་ཅན་ཁྱད་པར་ཆོས་སྒྲུབ་པ་དང་རྣལ་འབྱོར་པ་རང་ཉིད་ལའང་གནོད་འཚེ་དང་བར་ཆད་བྱེད་ཉེན་ཆེ་བས། དེའི་གནོད་པ་ཞི་ཞིང་མི་འབྱུང་བའི་ཐབས་ནི་འཛོམ་ན་མཆོད་པ་སྤྱི་ལྟར་ལེགས་པར་བཤམ། དམར་གཏོར་གཅིག་ཀྱང་བཤམ། མ་འཛོམ་ན་མཁའ་འགྲོའི་གཏོར་མ་གསོ་བས་འཐུས། རབ་ཀ་པཱ་ལ་མཚན་བཟང་། མ་རྙེད་ཀྱང་ལེགས་པ་ཞིག་ཆང་གིས་བཀང་། ཨ་མྲྀ་ཏའི་ཕྱེ་མ་བཏབ། དེ་མདུན་དུ་བཞག་ལ། ན་མོ་གུ་རུ་མཁའ་འགྲོའི་ཚོགས་དང་བཅས་པ་ལ་སྐྱབས་སུ་མཆིའོ༔ བསྟན་པ་དང་སེམས་ཅན་གྱི་དོན་དུ་བདུད་འདུལ་ཁྲོས་མ་ལྷ་ལྔ་བསྒྲུབ་

[Full Size]

པར་བྱའོ༔ སྐད་ཅིག་དྲན་རྫོགས་སུ་དམ་ཚིག་པ་དང་ཡེ་ཤེས་པ་དབྱེར་མེད་པའི་རང་ཉིད་ཁྲོས་མ་ནག་མོ་གཡས་གྲི་གུག་གཡོན་ཐོད་ཁྲག་གྲུ་མོ་ན་ཁ་ཊཾ་ག་བཅུག་པ༔ སྤྱི་བོ་ན་ཕག་ཞལ་ངུར་པ༔ གར་སྟབས་འཁྱུག་པ༔ ཡེ་ཤེས་ཀྱི་མེ་འབར་བའི་ཀློང་ན་བཞུགས་པ༔ དེའི་ཤར་དུ་རྡོ་རྗེ་མཁའ་འགྲོ༔ ལྷོར་རིན་ཆེན་མཁའ་འགྲོ༔ ནུབ་ཏུ་པདྨ་མཁའ་འགྲོ༔ བྱང་དུ་ལས་ཀྱི་མཁའ་འགྲོ་རྣམས་གཙོ་མོ་ལྟ་བུ་ལ་གཡས་རང་རྟགས་དང་གཡོན་ཐོད་ཁྲག་འཛིན་པ༔ གྲུ་མོར་ཁ་ཊཾ་ག་བསླངས་པ༔ གཙོ་འཁོར་ཐམས་ཅད་ཁྲོ་མོའི་ཆ་བྱད་ཅན༔ གཙོ་མོའི་ཐུགས་ཀར་ཧཱུཾངམ་ཨ་མཐིང་ནག་ལས་སྔགས་ཕྲེང་གཡོན་དུ་འཁོར་བས༔ འཁོར་བཞིའི་ཐུགས་ཀར་རང་རང་གི་ས་བོན་གསལ་བར་གྱུར༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཧཱུཾ་ཧཱུྃ་ཕཊ༔ ཅེས་བརྒྱ་རྩ་བརྒྱད་བཟླས་ནས༔ ཐུན་བསྡུའོ༔ ནང་མཆོད་ལ་དམིགས་ནས༔ ཨོཾ་ཀརྨ་ཊཱཀི་ནི་ཧཱུཾ་ཕཊ་ཀྱིས་བསང་། ཨོཾ་སྭ་བྷ་ཝས་སྦྱང་། སྟོང་པའི་ངང་ལས་ཡཾ་རཾ་ཀཾ་ལས་རླུང་མེ་ཐོད་སྐྱེད་ཀྱི་སྟེང་དུ༔ ཀ་པ་ལ་རྒྱ་ཆེ་བའི་ནང་དུ༔ ཤ་ལྔ་བདུད་རྩི་ལྔ་སོ་སོའི་ཡིག་འབྲུས་མཚན་པེ༔ རླུང་གཡོས་ཤིང་མེ་སྦར༔ ཁོལ་བས་ཞུ་བའི་སྟེང་ཧཱུཾ་

[Full Size]

ཨཱཿཨོཾ་གསུམ་བརྩེགས་པ་རིམ་བཞིན་ཞུ་བས་བདུད་རྩི་མཐིང་དམར་དཀར་པོས་ཁེངས་པར་གྱུར༔ ཨོཾ་ཨཱཙྪཧཱུྃ་ཧ་ཧོ་ཧི༔ ཐོད་པའི་བདུད་རྩི་ཁ་དོག་དྲི་རོ་ནུས་པ་ཕུན་སུམ་ཚོགས་པའི་སྟེང་དུ་པདྨ་འདབ་བཞི་ཉི་ཟླའི་སྟེང་དུ་ཨཱཧ་རི་ནི་ས་ལས་འོད་འཕྲོས་བདུད་ཐམས་ཅད་བཅོམ༔ ཁྲོ་བོ་ཁྲོ་མོའི་ནུས་པ་བསྡུས་ཡོངས་སུ་གྱུར་པ་ལས༔ དབུས་སུ་ཁྲོས་མ་ནག་མོ༔ ཤར་དུ་རྡོ་རྗེ་མཁའ་འགྲོ་དཀར་མོ༔ ལྷོར་རིན་ཆེན་མཁའ་འགྲོ་སེར་མོ༔ ནུབ་ཏུ་པདྨ་མཁའ་འགྲོ་དམར་མོ༔ བྱང་དུ་ལས་ཀྱི་མཁའ་འགྲོ་ལྗང་མོ༔ རྒྱན་ཆ་ལུགས་ཡོངས་སུ་རྫོགས་པར་གསལ་བའི་གནས་གསུམ་དང་སོ་སོའི་ས་བོན་ལས་འོད་འཕྲོས༔ ཨོ་རྒྱན་གྱི་གནས་ནས་ཡེ་ཤེས་ཀྱི་ཌཱཀི་རིགས་ལྔ་དཔག་ཏུ་མེད་པ་སྤྱན་དྲངས༔ ཏྟཀི་ནཱི་ཧ་རི་ནི་ས༔ ཨེ་ཨ་རལླི་ཧྲི་ཧྲི་ཕོ་ཕེ༔ ཛཿཧཱུྃ་བཾ་ཧོཿ གཉིས་སུ་མེད་པར་གྱུར༔ ཨོཾ་བཛྲ་བྷ་རུ་ཧི་ཀྲོ་ཏི་ཀ་ལི་ཧརིནིས༔ ཨརྒྷཾ་པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནེ་ཝི་དྱ་ཤབྷ་རཱུ་པ་ཤརྡ་གནྡྷེ་ ར་ས་སྤངྒེ་མ་ཧཱ་པཱུ་ཛ་པཉྩ་ཨ་མྲྀ་ཏ་པཱུ་ཛ་ཁཱ་ཧི་ཁཱ་ཧི༔ དཔལ་ལྡན་རྡོ་རྗེ་མཁའ་འགྲོ་མ༔ མཁའ་འགྲོ་མ་ཡི་འཁོར་ལོས་

[Full Size]

སྒྱུར༔ ཡེ་ཤེས་ལྔ་དང་སྐུ་གསུང་ཐུགས༔ འགྲོ་བ་སྐྱོབ་ལ་ཕྱག་འཚལ་བསྟོད༔ བསྟོད་པར་འོས་པ་སོགས། ཡེ་ཤེས་ཀྱི་མཁའ་འགྲོ་མ་རང་གི་ཐུགས་ཀར་ཐིམ༔ དམ་ཚིག་པ་འོད་དུ་ཞུ་བ་བདུད་རྩི་ལ་ཐིམ༔ ཡེ་ཤེས་ཀྱི་བདུད་རྩི་དེ་གང་གིས་མྱོང་བ་ཐམས་ཅད་བླ་མེད་བདེ་ཆེན་སངས་རྒྱས་ཀྱི་སར་འགོད་ནུས་པའི་རང་བཞིན་ཅན་དུ་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲི་ཋཱ༔ དེ་ནས་སྲིན་ལག་གམ་རྔ་ཡབ་ཀྱིས་གཏོར་ཞིང་༔ ནམ་མཁའ་བར་སྣང་ཐམས་ཅད་རྩ་བ་གསུམ་གྱི་ལྷ་ཚོགས་ཀྱིས་གང་བར་དམིགས་ལ་བླ་མ་སྐུ་ལྔ་མཚན་བརྒྱད་ཞལ་དུ་སརྦ་པཉྩ་ཨ་མྲྀ་ཏ་། ལ་ཁ་རཾ་ཁཱ་ཧི༔ ཡི་དམ་བཀའ་དགོངས་ཕུར་གསུམ་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ མཁའ་འགྲོ་བྱེ་བ་འབུམ་སྡེའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཆོས་སྐྱོང་མ་ནིང་སྡེ་ལྔའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ བཀའ་སྲུང་དམ་ཅན་རྒྱ་མཚོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ བདུད་རྩིས་གཏོར་མ་བྲན་ལ༔ དེ་ནས་དངོས་སུ་རབ༔ མེད་ན་ཡིད་ཀྱིས་གནོད་བྱེད་དེ་ལ་ལྕེ་ཐོག་ཏུ་བྱིན་པར་བསྒོམ་ལ་གཞན་གྱིས་མ་ཐོས་པར་མིང་རྣམས་སྨོས་པ་གལ་ཆེ་ལ༔ སརྦ་པཉྩ་ཨ་མྲྀ་ཏ་སྦྱིན་ནོ་ཁ་རཾ་ཁཱ་ཧི༔ ཞེས་མིང་སོ་སོ་ལ་བསྒྲགས་ཏེ་དམིགས་བྱའི་ལྕེ་ཐོག་ཏུ་སླེབས་པ་རྣམས་

[Full Size]

ཀྱིས་མཁའ་འགྲོ་མ་རྣམས་ཁོའི་ལྕེའི་དབང་པོ་ལ་ཐིམ་པས༔ རོ་མྱང་བས་ཤེས་པ་བསྒྱུར༔ གནོད་བྱེད་གདུག་པའི་བསམ་པ་ཞི་ནས་ཕན་བདེ་བྱང་ཆུབ་ཀྱི་སེམས་རྒྱུད་ལ་སྐྱེས་ནས༔ བདག་གི་མངའ་རིས་སུ་གྱུར་ནས་བཀའ་ཉན་པར་བསྒོམ་ཏེ༔ དམིགས་པ་གསལ་བར་ནན་ཏན་དུ་བྱའོ༔ དེ་ལྟར་དུ་འགྱུར་རོ་གསུངས་སོ༔ གཏོར་མ་ལ༔ ཨོཾ་ཨཱཿཧཱུྃ་ཧ་ཧོ་ཧཱུྃ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཧཱུཾ་ཧཱུྃ་ཕཊ༔ ཨི་དཾ་བ་ལིང་ཏ་ཁ་ཁ་ཁཱ་ཧི་ཁཱ་ཧི༔ བདུད་འདུལ་ཁྲོས་མ་འཁོར་དང་བཅས་པས་དམ་རྫས་བདུད་རྩིའི་གཏོར་མ་འདི་བཞེས་ལ༔ བདུད་དང་བདུད་ཀྱི་རིགས་དང་བདུད་ཀྱི་སྡེ་ཐམས་ཅད་ཀྱི་གནོད་འཚེའི་གདུག་རྩུབ་བསམ་སྦྱོར་ངན་པ་ཐམས་ཅད་ཞི་ནས༔ ཕན་བདེ་བྱང་ཆུབ་ཀྱི་སེམས་རྒྱུད་ལ་སྐྱེ་བའི་ཕྲིན་ལས་རྒྱ་ཆེན་པོ་མྱུར་དུ་མཛད་དུ་གསོལ༔ ཞེས་པ་བརྒྱ་རྩའམ་རྒྱས་པར་སྤྲོ་ན་དམར་གཏོར་གཅིག་ལ་འགུགས་གཞུག་བྱས་ལ་དགོངས་འདུས་མཁའ་འགྲོའི་སྐུལ་འབུམ་ནང་ལྟར༔ མཁའ་འགྲོ་སྙིང་ཐིག་གི་སྐུལ་བ་རྣམས་སམ༔ ཁྲོས་མ་སེང་གདོང་མ་སོགས་མཁའ་འགྲོའི་བསྐུལ་བ་གང་འདོད་སྦྱར་ལ༔ གཏོར་མ་ཡང་གནོད་བྱེད་ཕྱོགས་སུ་ཕུལ་ལོ༔ གདམས་པ་འདི་ལ་རིགས་ལྔ་ཙམ་སྣང་ཡང་སྟབས་བདེ་ཞིང་ལག་ལེན་བདེ་བ་འདི་ལས་མི་སྣང་ལ༔ རྒྱས་པ་དགོངས་འདུས་ལས་མཁའ་འགྲོའི་ལས་བྱང་དང་འབྲེལ་དགོས་རྒྱུ་ཡིན་ནའང་བསྡུས་པ་འདིས་

[Full Size]

ཀྱང་དོན་འགྲུབ་ངེས་པས༔ སྤྲུལ་སྐུའི་ཐུགས་དམ་བྱ་ཕྱིར་རཱ་ག་ཨ་སྱས་བསྒྲིགས་པ་སྟེ། འདི་ནི་དགྲ་མནན་སོགས་དང་མི་འདྲ་བར་ཕ་རོལ་པོ་ལ་མི་གནོད་ཅིང་རང་ལའང་ཕན་པ་ཁུངས་བཙུན་ཕུགས་ཆེའོ། སློབ་མ་དམ་ལྡན་མ་གཏོགས་མ་སྤེལ་བཀའ་རྒྱའོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་བསྔོས།

[Full Size]

ཕུད་གཏོར་ལ་ཚོགས་ཀྱི་ཕུད་གཏོར་མའི་ནང་དུ་བླུགས་ནས། དཀྱིལ་འཁོར་གྱི་ལྷ་ལ་འབུལ་བ་ནི། གཏོར་མ་ལྔ་པོ། ཨོཾ་ཨཱབིགྷན་ཏ་ཀྲྀ་ཏ་ཧཱུཾ་ཕཊ། ཨོཾ་སྭ་བྷ་ཝ་སོགས། སྟོང་པ་ཉིད་དུ་། གྱུར༔ སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སོགས། ཨོཾ་ཨཱཿཧཱུྃ་གི་བར་སྔགས་ལྟ་བུས་བྱིན་གྱིས་བརླབས་ལ། ཝེ་ཕེ་ཕོ། ཞེས་པས་གཏོར་མགྲོན་དུ་རྡོ་རྗེ་རྣལ་འབྱོར་མའི་དཀྱིལ་འཁོར་སྤྱན་དྲངས་ཤིང་གསལ་བཏབ་ཅིང་། པད་ཀོར་ཐལ་མོ་ཁ་ཕྱེ་བ་དང་། མཐར་སེ་གོལ་བརྡབ་ཅིང་། ཨོཾ་བཛྲ་ཨ་ར་ལི་ཧོ༔ ཞེས་པའི་སྔགས་གསུམ་མམ། བཞིའམ་ལྔར་བརྗོད་ལ། དེའི་རྗེས་སུ། ཨོཾ་བཛྲ་བེ་རོ་ཙ་ནི་ཡེ་ཧ་རི་ནི་ས་ཨི་དཾ་བ་ལིཾ་པཱུ་ཛ་ཁཱ་ཧི་ཁཱ་ཧི་གྲྭ་སྦ་མ་མ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། བཛྲ་ཌཱཀི་ནཱི། བུདྡྷ་ཌཱཀི་ནཱི། རཏྣ་ཊཱཀི་ནཱི།། པདྨ་ཊཱཀི་ནཱི། ཀརྨ་ཊཱཀི་ནཱི། བི་ཤྭ་ཆ་ཀི་ནི། ལོ་ཀ་ཏྟཀི་ནཱི། ཨི་དཾ་བ་ལིཾ་པཱ་ཛ་སོགས་གསུམ་མམ་བདུན་ལ་སོགས་པས་གཙོ་འཁོར་དཔའ་བོ་རྣལ་འབྱོར་མ་རྣམས་ལ་ཕུལ་ཏེ། ལྷ་ཚོགས་རྣམས་ཀྱི་ལྗགས་ཧཱུྃ་ལས་བྱུང་བའི་རྡོ་རྗེ་དམར་པོའི་འོད་ཀྱི་སྦུ་གུས་བདུད་རྩི་གཏོར་མ་གསོལ་བས་སྐུ་གསུང་ཐུགས་ཤིན་ཏུ་མཉེས་པར་འགྱུར་རོ། །ཨོཾ་བཛྲ་ཨནྡྷཾ་སོགས་དང་། པཉྩ་ཨ་མྲྀ་ཏ། མ་ཏིངྒ་ཨཱཧཱུཾ། ལ་སོགས་པས་མཆོད། ཨོ། བཅོམ་ལྡན་རྣམ་ཀུན་རྡོ་རྗེ་ཕག་མོ་

[Full Size]

ཆེ། །འཇིག་རྟེན་གསུམ་གཞན་རྒོལ་བས་མི་ཚུགས་ཤིང་། །འབྱུང་པོའི་འཇིགས་པ་མ་ལུས་རྡོ་རྗེ་ཕག་མོས་འཇོམས། །རྡོ་རྗེ་གདན་བཞུགས་ཚངས་པ་ལས་རྒྱལ་ཞིང་། །བདུད་ཀྱི་འཇིགས་པ་མ་ལུས་སྐེམ་ཞིང་ཕམ་མཛད་མ། །སྐྱེ་གནས་འབྱུང་བ་ཀུན་གྱི་རང་བཞིན་གཟུགས། །ས་གསུམ་དབང་ཕྱུག་ཆོས་རྣམས་ཡོངས་རྫོགས་མཛད། །རྣལ་འབྱོར་འདོད་པའི་དབང་ཕྱུག་མ་ལ་འདུད༔ ཅེས་པས་བསྟོད། ཕྱོགས་སྐྱོང་དང་ཞིང་སྐྱོང་ལ་སོགས་པའི་འབྱུང་པོ་རྣམས་ལ། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཱཀྵ་ས་བྷཱུ་ཏ་པྲ་ཏ་པི་ཤ་ཙ་ཨུན་ད་ཨ་པ་སྨྲ་ར་ཎཱ་ཀ་ཌཱ་ཀི་ནྱ་ད་ཡ། ཨི་དཾ་བ་ལིཾ་གྲོསྙན་ས་མ་ཡ། རཀྟན་མ་མ་སརྦ་སིདྡྷི་མྨེཔྲ་ཡཙྪན་ཡ་ཐེ་པཾ་ཡ་ཐེཎྞཾབྷུཉྫ་ཐ་ཛི་གྷ་ཐ་པི་པ་ཐ་མ་ཏི་ཀྲ་མ་ཐ། མ་མ་སརྦ་ཀ་ར་ཏ་ཡ་སད་སུ་ཁཾ་བི་ཤུདྡྷ་ཡེ། སཱ་ཧཱ་ཡི་ཀ་བྷ་ཝནྟུ་ཧུཾ་ཧཱུྃ་ཕཊ་ཕཊ་སྭཱ་ཧཱ། ལན་བཞི། ཨོཾ་ཧྲི་ཧྲི་ཧཾ་ཧཾ་ཧེ་ཧེ་ཧི་ཧི་པེ་པེ། ཞེས་པ་གསུམ་སོགས་ཀྱིས་ལས་ཀྱི་མཁའ་འགྲོ་མ་རྣམས་ལ་འབུལ་ལོ། །ཞིང་སྐྱོང་ཆེན་པོ་བརྒྱད་རྣམས་དང་། །མཁའ་འགྲོ་སུམ་ཅུ་སོ་གཉིས་སོགས། །མ་ལུས་འཁོར་བཅས་འདིར་བྱོན་ཞིང་། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་

[Full Size]

ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི་། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་དང་། །བདེ་ལེགས་ཕུན་སུམ་ཚོགས་པ་དང་། །ཡིད་ལ་འདོད་པ་ཀུན་འགྲུབ་མཛོད།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

མ་གཅིག་ཁྲོས་མ་ནག་མོའི་གཏོར་ཟློག

[Full Size]

མ་གཅིག་ཁྲོས་མ་ནག་མོའི་གཏོར་ཟློག་གི་དབུ་ཕྱོགས་བཞུགས་སོ།།

[Full Size]

མ་གཅིག་ཁྲོས་མ་ནག་མོ་ལ་ཕྱག་འཚལ་ལོ༔ འདི་ཉིད་ཀྱི་གཏོར་ཟློག་བྱེད་པར་སྤྲོ་ན༔ ལྕགས་ལ་སོགས་པ་དྲག་པོའི་སྣོད་དུ་མདོས་གདན་གྲུ་བཞི་གཉིས་བརྩེགས་སྟེང་དུ༔ གཙོ་མོའི་གཏོར་མ་ཟུར་གསུམ་ཆེ་བ་ཕག་མགོས་མཚན་པ་ལ༔ ཅུང་ཉེར་གཅིག་གམདབུ་ཕྱག་གི་གྲངས་ལིངྒ་ལ་ཤ་ཁྲག་གིས་བརྒྱན་པ༔ ནང་དང་སོ་ཟུར་གསུམ་བཞི༔ གཉིས་པ་ལ་བཞི་དང་གཙོ་འཁོར་དགུའམ་བཅུ་གང་ཡིན་མཐར་མཐེབ་སྐྱུ་ཤ་དུམ་རྩང་ཉེར་བརྒྱད་ཀྱིས་བསྐོར༔ སྟེང་དུ་དར་ནག་གི་གདུགས་ཕུབ་ལ་བཤམས༔ ཁྲག་གི་ཨརྒྷཾ་སོགས་མཆོད་པ་སྣ་བདུན་བཤམས༔ མཁའ་འགྲོ་འབུམ་བསྐུལ་གཏོར་ཆུང་བཅུ༔ མདུན་དུ་ལྕགས་སྣོད་དུ་ལིངྒ་ཆེ་བ་གཅིག་ལ་ཕུར་པ་གྲི་གུག་ཐུན་རྫས་བསྒྲལ་ཆས་དང་ཉེར་མཁོའི་ཡོ་བྱད་བཤམས་ནས་ཆུ་གཙང་

[Full Size]

གིས་བྲན༔ རྐང་གླིང་འབུད་རོལ་མོ་རྣམས་བརྡུང་ལ་འདི་སྐད་དོ༔ ཕཊ༔ རང་ཉིད་ཁྲོས་མར་གསལ་བའི་མདུན་དུ་ཨེ་ལས་ལྕགས་ཁང་ནག་པོ་ཁ་རུབ་ལ་གཏིང་ཟབ་པ་བང་རིམ་གསུམ་དང་ལྡན་པ༔ ཁྲག་མཚོ་ཁོལ་ཞིང་མཚོན་ཆའི་ཆར་འབེབས་པ༔ ཕོ་ཉ་དྲེགས་པ་ཅན་རྡུལ་ལྟར་འཚུབ་པ་དེའི་དབུས་སུ་ནི༔ཏྲིའཕྲོ་འདུ་ལས༔ དམ་ཉམས་པའི་དགྲ་བགེགས་གཟུགས་ཕུང་མྱ་ངན་ལུས༔ ཕུང་ཁམས་ཡོངས་སུ་རྫོགས་པ་སྨྲེ་སྔགས་འདོནུ༔ སྒྲ་གཟེང་པ༔ ཡན་ལག་འཆིང་ཞིང་སྡོམ་པ་ཞིག་ཏུ་གྱུར༔ དེ་ནས་འགུགས་གཞུག་བྱ་བ་ནི༔ ཛཿ ན་མོ༔ དཀོན་མཆོག་གསུམ་དང་རྩ་

[Full Size]

བ་གསུམ༔ ཐུགས་རྗེ་ཁྲོས་མའི་ལྷ་ཚོགས་བདེན་པའི་མཐུས༔ བསྟན་པའི་སྤྱི་དགྲ་རྣལ་འབྱོར་སྒོས་དགྲ་དང་༔ བདག་དང་བསྲུང་བྱ་ལ་གནོད་དགྲ་དང་བགེགས༔ ཕོ་བདུད་མོ་འདྲེ་གསོན་བདུད་ཤི་གཤེད་དང་༔ ལྟས་ངན་མ་རུངས་ཐན་ལྟས་གཏོང་བ་རྣམས༔ གནོད་བྱེད་འདྲེ་གདོན་སྲི་ཡི་རིགས་རྣམས་ཀུན༔ ལིང་ག་འདི་ལ་ཛཿཧཱུྃ་བཾ་ཧོས་ཁུག༔ དེ་ནས་ཚོགས་ལིང་ཡིན་ན་ཚོགས་དུམ་ཤ་ཁྲག་གིས་སྦག་ལ༔ ཧཱུྃ་བྷྱོ༔ མ་ཁྲག་འཐུང་ཁྲོས་མའི་ཐུགས་ཀ་ནས༔ ལས་ཀྱི་ཌཱཀྐིས་སྟོང་གསུམ་གང་༔ གནོད་ཅིང་འཚེ་བའི་དགྲ་བགེགས་ཚོགས༔ གང་ལ་བྱ་བ་ཁྱོད་ཀྱིས་ཤེས༔ ཁུག་ཅིག་རྡོ་རྗེ་ལྕགས་ཀྱུ་མ༔ ཆིངས་ཤིག་རྡོ་རྗེ་ཞགས་པ་མ༔ སྡོམས་ཤིག་རྡོ་རྗེ་ལྕགས་སྒྲོག་མ༔ མྱོས་པར་གྱིས་ཤིག་དྲིལ་བུ་མ། ལྷ་དང་ཕྲོལ་ཅིག་ཕྲ་མེན་མ༔ བདུད་དང་སྤྱོད་ཅིག་ཤ་ཟ་མ༔ དབུགས་དང་ཕྲོལ་ཅིག་དབུགས་ལེན་མ༔ རྣམ་ཤེས་སྤྱོར་ཅིག་ཌཱཀྐི་མ༔ ཤ་རུས་ཕྱེས་ཤིག་ཞིང་སྐྱོང་མ༔ དྲག་པོའི་ཕྲིན་ལས་མྱུར་དུ་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་གྲི་གུག་ཐོགས་ལ༔ ཧཱུྃ་བྷྱོ༔ ང་ནི་ཁྲོས་མ་ནག་མོའི་སྐུ༔ ཕྱག་ན་སྲོག་གཅོད་གྲི་གུག་བསྣམས༔

[Full Size]

ཡར་རྩེ་རྡོ་རྗེ་རྩེ་ལྔ་ནི༔ ཡེ་ཤེས་ལྔ་ལྡན་དུག་ལྔ་སྒོལ༔ ཚངས་ཟུང་ཆུ་སྲིན་རྒྱ་མདུད་ནི༔ འཁོར་འདས་གཅིག་ཏུ་འདུས་པ་ཡིན༔ མར་གྱི་ཟངས་གྲི་འབར་བ་འདིས༔ སྲིད་པའི་འདྲེ་གདོན་སྐྱེ་ཤི་གཅོད༔ བཏབ་ན་ལྷ་ཡང་རླག་པར་བྱེད༔ དགྲ་དང་བགེགས་ལ་སྨོས་ཅི་དགོས༔ ཡེ་ཤེས་ཌཱཀྐིའི་བཀའ་བྱུང་གི༔ ལས་ཀྱི་མཁའ་འགྲོས་ལས་མཛོད་ཅིག༔ དགྲ་བགེགས་སྲོག་ལ་མཱ་ར་ཡ༔ ཨོཾ་བཛྲ་ཝཱ་ར་ཧི་ཀྲོ་ཏི་ཀཱ་ལི་ཧ༔རི༔ནི༔ས༔ལོ་ཀ་ཌཀི་ནཱི་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔ ཞེས་ཕུར་པ་བཏབ་ལ་ལིང་རོ་ཤ་དུམ་བྷནྡྷའི་སྣོད་དུ་བཅུག་ནས་གཏོར་མར་བསྟཔ་ལ༔ ཧཱུྃ་བྷྱོ༔ འཇིགས་བྱེད་ཁྲོས་མའི་ལྷ་ཚོགས་རྣམས༔ གནམ་ས་ཙམ་གྱི་ཞལ་ཕྱེས་ལ༔ གངས་རི་ཙམ་གྱི་མཆེ་བ་གཙིགས༔ གློག་དམར་ཙམ་གྱི་ལྗགས་བརྐྱང་ལ༔ བདག་ལ་སྡང་བའི་དགྲ་དང་བགེགས་ཚོགས་སུ་རོལ་ཅིག་ཁྲོས་མའི་ཚོགས༔ བཞེས་ཤིག་རོལ་ཅིག་མཁའ་འགྲོ་མ༔ རྣམ་ཤེས་མཁའ་སྤྱོད་གནས་སུ་དྲོངས༔ འཁྲུལ་མེད་མངོན་སངས་རྒྱས་པར་མཛོད༔ ཨོཾ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་ཌཱཀྐི་ནི་དགྲ་བགེགས་ཀྱི་ཤ་ཁྲག་ལ་ཁཱ་རཾ་ཁཱ་ཧི་ཁཱ་ཧི༔

[Full Size]

ཞེས་ལིང་རོས་བཟློག་གཏོར་གསོ་ལ་བདུད་རྩིས་བྲན༔ དམར་གཏོར་ཡང་བྲན་ལ༔ སྤྲོ་ན་མཁའ་འགྲོ་འབུམ་བསྐུལ་བྱ་ཏེ༔ མཁའ་འགྲོ་འབུམ་བསྐུལ་ནི་འདི་སྐད་དོ༔ ཧཱུྃ་བྷྱོ་ཕྱོགས་ཕྱོགས་དེ་ནི་ཕ་ཀི་ན༔ རི་བོ་ཆེན་པོའི་བྱང་ཕྱོགས་ན༔ རྩུབ་འགྱུར་ཚལ་གྱིས་ནུབ་བྱང་ན༔ རི་བོ་ཐམས་ཅད་རུས་པའི་རི༔ རྩི་ཤིང་ཐམས་ཅད་མདའ་དང་མདུང་ཆུ་ཀླུང་ཐམས་ཅད་ཁྲག་དང་རྣག༔ སྒྲ་སྐད་ཐམས་ཅད་སོད་དང་གྱོབ༔ རབ་ཏུ་འཇིགས་པའི་གནས་མཆོག་དེར༔ རིགས་ལྔའི་སངས་རྒྱས་སྐྲག་པའི་གནས་ཕྱག་ན་རྡོ་རྗེ་འཇིགས་པའི་ས༔ ཁྲོ་བཅུ་རྒྱུ་བར་མི་ནུས་པའི༔ རབ་འཇིགས་གཏུམ་པོའི་གནས་མཆོག་དེར༔ གཙོ་མཆོག་ཁྲོས་མ་དེ་ན་བཞུགས༔ ཁྲོས་མ་རིགས་ལྔ་དེ་ན་བཞུགས༔ མཁའ་འགྲོ་སྡེ་བརྒྱད་དེ་ན་བཞུགས་༈ ཧཱུྃ༔ རྟོག་མེད་ཕག་མོའི་ཞལ་དུ་བྱུང་བ་ལས༔ དོན་དམ་སྟོང་ཉིད་རྟོགས་པའི་མཁའ་འགྲོ་འབུམ༔ དབུ་སྐྲ་དམར་ནག་སྤྲིན་ལྟར་གཏིབས་པ་ལས༔ ཐུགས་རྗེ་ཆར་ལྟར་འབེབས་པའི་མཁའ་འགྲོ་འབུམ༔ ཐོད་སྐམ་ལྔ་ཡིས་དབུ་ལ་བརྒྱན་པ་ནི༔ རིགས་ལྔས་འགྲོ་དོན་མཛད་པའི་མཁའ་འགྲོ་འབུམ༔ སྤྱན་གསུམ་སྡང་མིག་རབ་ཏུ་གཟིགས་པ་

[Full Size]

ལས༔ དུག་གསུམ་རྩད་ནས་གཅོད་པའི་མཁའ་འགྲོ་འབུམ༔ ཞལ་གྱི་ཁྲོ་གཉེར་ལྔ་དང་ལྡན་པ་ལས༔ དུག་ལྔ་རང་སར་གྲོལ་བའི་མཁའ་འགྲོ་འབུམ༔ ཞལ་གདངས་ལྗགས་ཀྱང་རབ་ཏུ་བརྐྱངས་པ་ལས༔ སྤྲུལ་པ་གློག་ལྟར་འཁྱུག་པའི་མཁའ་འགྲོ་འབུམ༔ འཇིགས་པའི་མཆེ་བ་རབ་ཏུ་གཙིགས་པ་ཡིས༔ སྐྱེ་འཆི་རྩད་ནས་གཅོད་པའི་མཁའ་འགྲོ་འབུམ༔ དགྱེས་པའི་གད་མོ་ཧི་ཧི་བཞད་པ་ལས༔ འཁོར་བ་སྐམ་སར་འདོན་པའི་མཁའ་འགྲོ་འབུམ༔ ཁྲོས་པའི་གད་མོ་ཧ་ཧིའི་སྒྲོག་པ་ལས༔ བདུད་སྲིན་ཐལ་བར་བརླག་པའི་མཁའ་འགྲོ་འབུམ༔ ཕྱག་གཡས་གྲི་གུག་རབ་ཏུ་འབར་བ་ལས༔ སྲོག་གཅོད་དབུགས་ལེན་བྱེད་པའི་མཁའ་འགྲོ་འབུམ༔ གཡོན་གྱི་ཐོད་ཁྲག་དམར་པོ་གསོལ་བ་ལས༔ དམ་ཉམས་སྙིང་ཁྲག་འཇིབས་པའི་མཁའ་འགྲོ་འབུམ༔ ཁ་ཊཾ་ག་ནི་རྩེ་གསུམ་བསྣམས་པ་ལས༔ དུག་གསུམ་རྩད་ནས་གཅོད་པའི་མཁའ་འགྲོ་འབུམ༔ ཐོད་པ་སྐམ་རློན་གསུམ་གྱིས་བརྒྱན་པ་ལས༔ ཁམས་གསུམ་དབང་དུ་བསྡུས་པའི་མཁའ་འགྲོ་འབུམ༔ མཐིང་ནག་དར་གྱི་ཅོད་པན་འཕུར་བ་ལས༔ སྲིད་གསུམ་ཟིལ་གྱིས་གནོན་པའི་།

[Full Size]

མཁའ་འགྲོ་འབུམ༔ ཌཱ་རུ་གསེར་གྱི་རྡེའུ་ཆུང་འཁྲོལ་བ་ལས༔ སྙན་བརྒྱུད་གསང་བ་འཛིན་པའི་མཁའ་འགྲོ་འབུམ་དྲང་ཞིང་ཡུ་བ་དཀར་པོ་འདྲིལ་བ་ལས༔ ལྷ་མིན་གཡུལ་ངོ་བཟློག་པའི་མཁའ་འགྲོ་འབུ༔ སྙན་ཆ་མགུལ་ཆུན་རབ་ཏུ་མཛེས་པ་ལས༔ ཡབ་ལ་བསྙེན་བཀུར་བྱེད་པའི་མཁའ་འགྲོ་འབུམ༔ ཕྱག་རྒྱ་དྲུག་གིས་རབ་ཏུ་བརྒྱན་པ་ལས༔ ཕ་རོལ་ཕྱིན་དྲུག་རྫོགས་པའི་ཡཁའ་འགྲོ་འབུམ༔ གདུག་པ་སྦྲུལ་གྱི་ག་ཤལ་མཛེས་པ་ལས༔ མཛེ་ནད་ཁྲག་སྐྱག་གཏོང་བའི་མཁའ་འགྲོ་འབུམ༔ ཐོད་རློན་ལྔ་བཅུའི་དོ་ཤལ་བྱེད་པ་ལས་འདུ་བྱེད་ལྔ་བཅུ་དག་པའི་མཁའ་འགྲོ་འབུ༔ ང་རྒྱལ་སྟག་གི་ཤམ་ཐབས་བྱེད་པ་ལ༔ སྡིག་ཅན་ཟིལ་གྱིས་གནོན་པའི་མཁའ་འགྲོ་འབུམ༔ གཅེར་བུ་སྐུ་གྲོལ་གར་གྱིས་བཞུགས་པ་ལས༔ ལེགས་ཉེས་ཞལ་ལྕེ་གཅོད་པའི་མཁའ་འགྲོ་འབུམ༔ གཡས་བསྐུམ་གཡོན་བརྐྱང་ཚུལ་གྱིས་བཞུགས་པ་ལས༔ རྟོག་མེད་ཉམས་དང་ལྡན་པའི་མཁའ་འགྲོ་འབུམ༔ མེ་རི་མེ་དཔུང་དབུས་ན་བཞུགས་པ་ལས༔ ཐ་དད་རྟོག་པ་བསྲེགས་པའི་མཁའ་འགྲོ་འབུམ༔ རྟོག་མེད་རོ་ཡི་གདན་ལ་བཞུགས་པ་ལས༔ དུར་ཁྲོད་ཤ་

[Full Size]

ལ་རོལ་བའི་མཁའ་འགྲོ་འབུམ༔ སྐུ་མདོག་མཐིང་ག་རབ་ཏུ་རྔམས་པ་ལས༔ གཏི་མུག་རྩད་ནས་གཅོད་པའི་མཁའ་འགྲོ་འབུམ། སྐུ་སྤྲུལ་མཁའ་འགྲོ་འབུམ་ཚོ་ཉི་ཤུ་དྲུག༔ མཁའ་འགྲོའི་བརྡ་སྐད་དི་རི་རི༔ དམར་གྱི་གཏོར་མ་འདི་བཞེས་ལ༔ དོ་ནུབ་སྡང་བའི་དགྲ་ལ་ཡ༔ བར་ཆད་བྱེད་པའི་བགེགས་ལ་ཡ༔ སྐུ་མདོག་དཀར་མོ་རབ་ཏུ་འཚེར་བ་ལས༔ ཞེ་སྡང་རྩད་ནས་གཅོད་པའི་མཁའ་འགྲོ་འབུམ༔ སྐུ་མདོག་སེར་མོ་རབ་ཏུ་མཛེས་པ་ལས༔ ང་རྒྱལ་རྩད་ནས་གཅོད་པའི་མཁའ་འགྲོ་འབུམ༔ སྐུ་མདོག་དམར་མོ་མདངས་དང་ལྡན་པ་ལས༔ འདོད་ཆགས་རང་སར་གྲོལ་བའི་མཁའ་འགྲོ་འབུམ༔ སྐུ་མདོག་ལྗང་གུ་རབ་ཏུ་བརྗིད་པ་ལས༔ ཕྲག་དོག་རྩད་ནས་གཅོད་པའི་མཁའ་འགྲོ་འབུམ༔ ཧཱུྃ་ཤར་གྱི་ཕྱོགས་ཀྱི་དུར་ཁྲོད་ནས༔ རྡོ་རྗེ་རིགས་ཀྱི་མཁའ་འགྲོ་འབུམ༔ ལྷོ་ཡི་ཕྱོགས་ཀྱི་དུར་ཁྲོད་ནས༔ རིན་ཆེན་རིགས་ཀྱི་མཁའ་འགྲོ་འབུམ༔ ནུབ་ཀྱི་ཕྱོགས་ཀྱི་དུར་ཁྲོད་ནས༔ པདྨ་རིགས་ཀྱི་མཁའ་འགྲོ་འབུམ༔ བྱང་གི་ཕྱོགས་ཀྱི་དུར་ཁྲོད་ནས༔ ལས་ཀྱི་རིགས་ཀྱི་མཁའ་འགྲོ་འབུམ༔ ཤར་ལྷོའི་ཕྱོགས་

[Full Size]

ཀྱི་དུར་ཁྲོད་ནས༔ དམ་ཚིག་རིགས་ཀྱི་མཁའ་འགྲོ་འབུམ༔ ལྷོ་ནུབ་ཕྱོགས་ཀྱི་དུར་ཁྲོད་ནས༔ སྣ་ཚོགས་རིགས་ཀྱི་མཁའ་འགྲོ་འབུམ༔ ནུབ་བྱང་ཕྱོགས་ཀྱི་དུར་ཁྲོད་ནས༔ ཐམས་ཅད་རིགས་ཀྱི་མཁའ་འགྲོ་འབུམ༔ བྱང་ཤར་ཕྱོགས་ཀྱི་དུར་ཁྲོད་ནས༔ འཇིག་རྟེན་རིགས་ཀྱི་མཁའ་འགྲོ་འབུམ༔ འཁོར་གྱི་མཁའ་འགྲོ་འབུམ་ཚོ་ལྔ་བཅུའི་ཚོགས༔ མཁའ་འགྲོའི་བརྡ་སྐད་དི་རི་རི༔ དམར་གྱི་གཏོར་མ་འདི་བཞེས་ལ༔ དོ་ནུབ་སྡང་བའི་དགྲ་ལ་ཡ༔ བར་ཆད་བྱེད་པའི་བགེགས་ལ་ཡ༔ དམ་ཉམས་དགྲ་བོ་བསྒྲལ་བའི་དུས་ལ་བབ༔ བར་ཆད་བགེགས་རྣམས་བཟློག་པའི་དུས་ལ་བབ༔ ཅེས་བསྐུལ་ལ་གཏོར་ཆུང་བརྒྱད་མདོས་ནང་དུ་འབུལ༔ དེ་ནས་ཟློག་པ་ནི༔ མ་མོ་མཁའ་འགྲོ་ཐམས་ཅད་དགྲ་བོའི་སྟེང་དུ་ཆས་པར་བསྒོམ་ལ༔ དགྲ་བགེགས་བྱད་མ་ལྟས་ངན་ཐམས་ཅད་བཟློག་པར་བསམ་ལ་འདི་སྐད་དོ༔ ཧཱུྃ་བྷྱོ༔ ནུབ་ཕྱོགས་ཨོ་རྒྱན་སྤྲུལ་པའི་ཞིང་ཁམས་ནས༔ རབ་འཇིགས་དུར་ཁྲོད་བརྒྱད་ཀྱིས་བསྐོར་བའི་དབུས༔ རིན་ཆེན་སྣ་ལྔ་ཐོད་པའི་གཞལ་ཡས་དབུས༔ ཆོས་འབྱུང་པད་ཉི་རུ་ཏྲ་བསྣོལ་བའི་སྟེང་༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ༔ སྐུ་མདོག་མཐིང་ནག་ཆར་སྤྲིན་

[Full Size]

གཏིབས་པ་འདྲ༔ མ་རིག་འཁོར་བའི་བག་ཆགས་བཟློག་ཏུ་གསོལ༔ ཟིལ་གནོན་ཕག་ཞལ་ནག་མོ་ངུར་པ་ཡིས༔ ཁྲོ་བོ་ཁྲོ་མོའི་ཟིལ་གནོན་བཟློག་ཏུ་གསོལ༔ སྤྱན་གསུམ་བསྐལ་པའི་མེ་ལྟར་འབར་བ་ཡི༔ སྲིད་གསུམ་ལྷ་འདྲེའི་གནོད་པ་བཟློག་ཏུ་གསོལ༔ ཞལ་གདངས་ལྗགས་འདྲིལ་མཆེ་བ་གཙིགས་པ་ནི༔ བར་ཆད་བདུད་ཀྱི་དམག་དཔུང་བཟློག་ཏུ་གསོལ༔ རལ་པའི་གསེབ་ནས་ཁྲོ་ཆུང་ཕྱོགས་བཅུར་འགྱེད༔ ཕྱོགས་སྐྱོང་བཅུ་ཡི་གདོན་ཚོགས་བཟློག་ཏུ་གསོལ༔ ཐོད་སྐམ་ལྔ་ཡིས་དབུ་ལ་བརྒྱན་པ་ནི༔ ཉོན་མོངས་དུག་ལྔའི་དམག་དཔུང་བཟློག་ཏུ་གསོལ༔ ཐོད་རློན་ལྔ་བཅུས་དོ་ཤལ་བྱས་པ་ལས༔ ལྟས་ངན་བརྒྱད་ཅུ་རྩ་བརྒྱད་བཟློག་ཏུ་གསོལ༔ སྦྲུལ་རིགས་ལྔ་ཡིས་སྐུ་ལ་བརྒྱན་པ་ནི༔ ཀླུ་དང་ས་བདག་གནོད་པ་བཟློག་ཏུ་གསོལ༔ གླང་ཀོ་ཞིང་ལྤགས་སྟག་ཤམ་བརྒྱན་པ་ནི༔ ལས་ཀྱི་གཤིན་རྗེའི་ཕོ་ཉ་བཟློག་ཏུ་གསོལ༔ རུས་པའི་རྒྱན་དྲུག་སྐུ་ལ་གསོལ་བ་ནི༔ མ་མོ་མཁའ་འགྲོའི་གནོད་པ་བཟློག་ཏུ་གསོལ༔ ཕྱག་གཡས་རྡོ་རྗེའི་གྲི་གུག་ཕྱར་བ་ཡིས༔ གཟའ་དང་རྒྱུ་སྐར་གནོད་པ་བཟློག་ཏུ་གསོལ༔ ཕྱག་གཡོན་

[Full Size]

ཐོད་ཁྲག་ཐུགས་ཀར་འཛིན་པ་ནི༔ མ་མོ་མཁའ་འགྲོའི་ཁྲག་ནད་དལ་ཡམས་ཟློག༔ ཁ་ཊཾ་རྩེ་གསུམ་མཆན་དུ་བསྒྲེང་བ་ནི༔ ཕོ་རྒྱུད་རྣམས་ཀྱི་གནོད་པ་བཟློག་ཏུ་གསོལ༔ དར་ནག་སྟོད་གཡོགས་སྨད་དཀྲིས་བྱས་པ་ནི༔ ནག་མོ་བདུད་ཀྱི་དམག་དཔུང་བཟློག་ཏུ་གསོལ༔ བདུད་ཀྱི་ཁྲམ་ཤིང་མཆན་དུ་བཅུག་པ་ནི༔ བདུད་དང་གཤིན་རྗེའི་ཁྲམ་ཁ་བཟློག་ཏུ་གསོལ༔ རིན་ཆེན་དབུ་རྒྱན་ཕྱག་གདུབ་བྱས་པ་ནི༔ དཀོར་བདག་འགོང་པོའི་གནོད་པ་བཟློག་ཏུ་གསོལ༔ ཞབས་གཉིས་བརྐྱང་བསྐུམ་གར་སྟབས་བསྒྲད་པ་ནི༔ འཇིག་རྟེན་མཁའ་འགྲོའི་སུན་མ་བཟློག་ཏུ་གསོལ༔ ཡེ་ཤེས་མེ་རླུང་དབུས་ན་བཞུགས་པ་ནི༔ ངན་སྔགས་བྱད་སྟེམས་ཐམས་ཅད་བཟློག་ཏུ་གསོལ༔ ཧཱུྃ༔ སྐུ་ཡི་སྤྲུལ་པ་བདེ་ཆེན་དཀར་མོ་ལ༔ གཏི་མུག་རྩད་གཅོད་ཁྲོ་མོ་དཀར་མོ་འབུམ༔ གཟུགས་སྣང་མཁའ་འགྲོ་འབུམ་ཕྲག་དབང་དུ་སྡུད༔ དམ་ཉམས་དགྲ་བགེགས་ཤ་ཁྲག་འདི་བཞེས་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཡོན་ཏན་སྤྲུལ་པ་སེར་མོ་དོན་གྲུབ་ལ༔ ང་རྒྱལ་རྩད་གཅོད་ཁྲོ་མོ་སེར་མོ་འབུམ༔ རྫུ་འཕྲུལ་མཁའ་འགྲོ་འབུམ་ཕྲག་དབང་དུ་སྡུད༔

[Full Size]

དམ་ཉམས་དགྲ་བགེགས་ཤ་ཁྲག་འདི་བཞེས་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ གསུང་གི་སྤྲུལ་པ་དམར་མོ་སྒྲ་སྒྲོག་མ༔ འདོད་ཆགས་རྩད་གཅོད་ཁྲོ་མོ་དམར་མོ་འབུམ༔ སྐད་སྒྲོག་མཁའ་འགྲོ་འབུམ་ཕྲག་དབང་དུ་སྡུད༔ དམ་ཉམས་དགྲ་བགེགས་ཤ་ཁྲག་འདི་བཞེས་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཕྲིན་ལས་སྤྲུལ་པ་སྣ་ཚོགས་མཐར་ཕྱིན་མ༔ ཕྲག་དོག་རྩད་གཅོད་ཁྲོ་མོ་ནག་མོ་འབུམ༔ བརྟུལ་ཞུགས་མཁའ་འགྲོ་འབུམ་ཕྲག་དབང་དུ་སྡུད༔ དམ་ཉམས་དགྲ་བགེགས་ཤ་ཁྲག་འདི་བཞེས་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཧཱུྃ་ཧཱུྃ༔ ནུབ་ཕྱོགས་ཨོ་རྒྱན་དུར་ཁྲོད་ནས༔ བདེ་གཤེགས་རྡོ་རྗེ་ཕག་མོ་ཡི༔ མ་མོ་མཁའ་འགྲོའི་རིམས་ཁ་དགྲ་ལ་ཟློག༔ བྷྱོ༔ ཤར་ཕྱོགས་གཏུམ་དྲག་དུར་ཁྲོད་ནས༔ རྡོ་རྗེ་མཁའ་འགྲོ་འཇིགས་ཚུལ་ཅན༔ གིང་གི་ལྟས་ངན་དགྲ་ལ་ཟློག༔ ལྷོ་ཕྱོགས་གད་རྒྱངས་དུར་ཁྲོད་ནས༔ རིན་ཆེན་མཁའ་འགྲོ་གཟི་བརྗིད་ཅན༔ གཤིན་རྗེའི་ལྟས་ངན་དགྲ་ལ་ཟློག༔ ནུབ་ཕྱོགས་པདྨ་འཁྱིལ་བའི་དུར་ཁྲོད་ནས༔ པད་མ་མཁའ་འགྲོ་དྲི་མེད་

[Full Size]

མས༔ བཙན་གྱི་ལྟས་ངན་དགྲ་ལ་ཟློག༔ བྱང་ཕྱོགས་ཀཱི་ལ་སྒྲོག་པའི་དུར་ཁྲོད་ནས༔ ལས་ཀྱི་མཁའ་འགྲོ་བདེ་བ་ཅན༔ གནོད་སྦྱིན་ལྟས་ངན་དགྲ་ལ་ཟློག༔ ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་དམིགས་པ་ཅན༔ ཀླུ་ཡི་ལྟས་ངན་དགྲ་ལ་ཟློག༔ ལྷོ་ནུབ་གཏུམ་པོའི་དུར་ཁྲོད་ནས༔ སྣ་ཚོགས་མཁའ་འགྲོ་མི་ཐུབ་མས༔ གཟའ་ཡི་ལྟས་ངན་དགྲ་ལ་ཟློག༔ ནུབ་བྱང་རབ་གཏུམ་དུར་ཁྲོད་ནས༔ ཐམས་ཅད་མཁའ་འགྲོ་ཀུན་རྒྱུ་མས༔ སྲིན་པོའི་ལྟས་ངན་དགྲ་ལ་ཟློག༔ བྱང་ཤར་རྒྱུག་བྱེད་དུར་ཁྲོད་ནས༔ རྒྱུད་འཛིན་འཇིག་རྟེན་མཁའ་འགྲོ་མས༔ མ་མོའི་ལྟས་ངན་དགྲ་ལ་ཟློག༔ བྷྱོ༔ ཤར་གྱི་སྒོ་མ་ཁཱ་གདོང་མས༔ འགུགས་བྱེད་མ་ཚོགས་དབང་སྡུད་ལ༔ ལྕགས་ཀྱུ་ཅན་གྱི་གནོད་པ་དགྲ་ལ་ཟློག༔ ལྷོ་ཡི་སྒོ་མ་ཕག་གདོང་མ༔ འཆིང་བྱེད་མ་ཚོགས་དབང་སྡུད་ལ༔ ཞགས་པ་ཅན་གྱི་ཕོ་ཉ་དགྲ་ལ་ཟློག༔ ནུབ་ཀྱི་སྒོ་མ་ཁྱི་གདོང་མ༔ སྡོམ་བྱེད་མ་ཚོགས་དབང་སྡུད་ལ༔ ལྕགས་སྒྲོག་ཅན་གྱི་བྱད་ཁ་དགྲ་ལ་ཟློག༔ བྱང་གི་སྒོ་མ་འུག་གདོང་མ༔ འདེགས་བྱེད་མ་ཚོགས་དབང་སྡུད་ལ༔ དྲིལ་བུ་ཅན་གྱི་

[Full Size]

ཆོ་འཕྲུལ་དགྲ་ལ་ཟློག༔ ལས་ཀྱི་མཁའ་འགྲོ་ནག་མོ་འབུམ༔ འདུ་བ་རྣམ་བཞི་དགྲ་ལ་ཟློག༔ བད་ཀན་དམུ་ཆུ་དགྲ་ལ་ཟློག༔ མཁྲིས་པ་བཤལ་ནད་དགྲ་ལ་ཟློག༔ རླུང་ནད་སྨྱོ་འབོགས་དགྲ་ལ་ཟློག༔ ཁྲག་ནད་དམར་བཤལ་དགྲ་ལ་ཟློག༔ བྷྱོ༔ ལས་ཀྱི་མཁའ་འགྲོ་དཀར་མོ་འབུམ༔ སྨྱོ་བ་ཉེར་ལྔ་དགྲ་ལ་ཟློག༔ སྨྱོ་འབོགས་བརྒྱལ་ནད་དགྲ་ལ་ཟློག༔ ལྐུགས་དང་འདར་བུ་དགྲ་ལ་ཟློག༔ རླུང་སྨྱོ་ཚན་པོ་དགྲ་ལ་ཟློག༔ བྷྱོ༔ ལས་ཀྱི་མཁའ་འགྲོ་སེར་མོ་འབུམ༔ མཛེ་རིགས་བཅོ་བརྒྱད་དགྲ་ལ་ཟློག༔ མཛེ་ནད་འབྲུམ་ནད་དགྲ་ལ་ཟློག༔ སིབ་དང་བས་ལྡག་དགྲ་ལ་ཟློག༔ དྲེག་དང་གྲུམ་བུ་དགྲ་ལ་ཟློག༔ ལྷོག་པ་འབྲས་ཆེན་དགྲ་ལ་ཟློག༔ སྐེམ་པ་གཡེམ་པ་དགྲ་ལ་ཟློག༔ ཤུ་བ་རྒྱ་ཐོར་དགྲ་ལ་ཟློག༔ རླུང་སྐམ་འབྲས་ཆེན་དགྲ་ལ་ཟློག༔ ཕོལ་མིག་རྐང་ནད་དགྲ་ལ་ཟློག༔ ཚ་བ་གྲང་བ་དགྲ་ལ་ཟློག༔ བྷྱོ༔ ལས་ཀྱི་མཁའ་འགྲོ་དམར་མོ་འབུམ༔ རིམས་ནད་དལ་ཡམས་དགྲ་ལ་ཟློག༔ གློ་སྙིང་མཆིན་གཟེར་དགྲ་ལ་ཟློག༔ རྒྱུ་གཟེར་ཁྲག་ནད་དགྲོ་ལ་ཟློག་དམར་བཤལ་སྐྱ་བཤལ་དགྲ་ལ་ཟློག༔

[Full Size]

བྷྱོ༔ ལས་ཀྱི་མཁའ་འགྲོ་ལྗང་མོ་འབུམ༔ མཚོན་འཁྲུག་སྣ་བདུན་དགྲ་ལ་ཟློག༔ མདའ་མདུང་རལ་གྲི་དགྲ་ལ་ཟློག༔ ཁ་ཊཾ་ཏྲི་ཤུལ་དགྲ་ལ་ཟློག༔ སྐྱོགས་དང་འཕྲུལ་འཁོར་དགྲ་ལ་ཟློག༔ དགྲ་སྟ་ཐོ་བ་དགྲ་ལ་ཟློག༔ གྲི་སྟོང་བེར་དབྱུག་དགྲ་ལ་ཟློག༔ གཏུན་ཤིང་མདུང་སྟོང་དགུ་ལ་ཟློག༔ སོག་ལེ་འཁོར་ལོ་དགྲ་ལ་ཟློག༔ མཚོན་འཁྲུག་བསྐལ་པ་དགྲ་ལ་ཟློག༔ སརྦ་ཊཱཀྐི་ནཱི་བྷྱོ་བྷྱོ་བཟློག་བཟློག༔ དེ་ནས་ཟློག་སྒྱུར་ནི༔ ཧཱུཾ་བྷྱོ་གཞན་ཡང་ཟློག་ཅིང་སྒྱུར་བ་ནི༔ ཆག་ཆེན་ཉམ་ང་དགྲ་ལ་སྒྱུར༔ ལོ་སྐག་ཟླ་སྐག་དགྲ་ལ་སྒྱུར༔ ཟ་མའི་བདུན་ཟུར་དགྲ་ལ་སྒྱུར༔ ཟོད་གཏོང་རྦད་འདྲེ་དགྲ་ལ་སྒྱུར༔ འབྱུང་བའི་གཙུག་ལག་ངན་པ་སྒྱུར༔ ལོ་དང་རྟེན་འབྲེལ་ངན་པ་དགྲ་ལ་སྒྱུར༔ རྨིས་ལྟས་མཚན་མ་ངན་པ་དགྲ་ལ་སྒྱུར༔ ཐན་དང་ལྟས་ངན་ཆོ་འཕྲུལ་དགྲ་ལ་སྒྱུར༔ ཡས་ཀྱི་བདུད་གཡོས་དགྲ་ལ་སྒྱུར༔ མས་ཀྱི་སྲི་ལངས་དགྲ་ལ་སྒྱུར༔ བར་གྱི་བཙན་འཕྲོས་དགྲ་ལ་སྒྱུར༔ ཕ་ཚན་རྒྱབ་འདྲེ་དགྲ་ལ་སྒྱུར༔ དར་ཚན་སྟོང་འདྲེ་དགྲ་ལ་སྒྱུར༔ མ་བུའི་བྱུར་འདྲེ་དགྲ་ལ་སྒྱུར༔ ཕུ་ནུས་རུས་འདྲེ་དགྲ་ལ་སྒྱུར༔ ཕྱུགས་ཀྱི་

[Full Size]

གོད་འདྲེ་དགྲ་ལ་སྒྱུར༔ ཆེ་སྲི་ཆུང་སྲི་དགྲ་ལ་སྒྱུར༔ ཟ་འདྲེ་ཤི་བ་གཤེད་དགྲ་ལ་སྒྱུར་ལྟག་པའི་བདུད་བབས་དགྲ་ལ་སྒྱུར༔ དཔྲལ་བའི་གཤེད་འཁོར་དགྲ་ལ་སྒྱུར༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ སྔགས་པའི་བྱད་ཟོར་ཕུར་ཁ་དགྲ་ལ་སྒྱུར་བནྡྷེའི་གཏོར་གྲྭ་ལ་སྒྱུར༔ བོན་གྱི་བྱད་ཟོར་གཏད་མནན་དགྲ་ལ་སྒྱུར༔ ཕུར་པའི་དབལ་ཟོར་དགྲ་ལ་སྒྱུར༔ དྲང་སྲོང་དམོད་མོ་དགྲ་ལ་སྒྱུར༔ རང་གཤེད་རང་འཁོར་དགྲ་ལ་སྒྱུར༔ མི་ནད་ཕྱུགས་ནད་དགྲ་ལ་སྒྱུར༔ ནད་རིགས་བཞི་བརྒྱ་རྩ་བཞི་དགྲ་ལ་སྒྱུར༔ བགེགས་རིགས་སྟོང་ཕྲག་བརྒྱད་ཅུ་དགྲ་ལ་སྒྱུར༔ ཡེ་འདྲོག་སུམ་བརྒྱ་དྲུག་ཅུ་དགྲ་ལ་སྒྱུར༔ བྱིས་པའི་གདོན་ཆེན་བཅོ་ལྔ་དགྲ་ལ་སྒྱུར༔ རྟ་ནད་མཚེར་བཅུ་ཐམས་ཅད་དགྲ་ལ་སྒྱུར༔ ཕྱུགས་ཀྱི་གོད་ཡམས་ཐམས་ཅད་དགྲ་ལ་སྒྱུར༔ ཕྱུགས་ལ་ལྟས་ངན་འཁྲི་བ་དགྲ་ལ་སྒྱུར༔ བསེ་རག་སྲི་ལ་རྐུ་བ་དགྲ་ལ་སྒྱུར༔ གློ་བུར་བརྒྱད་ཅུ་རྩ་གཅིག་དགྲ་ལ་སྒྱུར༔ སྐག་རིགས་བདུན་བརྒྱ་ཉི་ཤུ་དགྲ་ལ་སྒྱུར༔ དུས་མིན་འཆི་བ་རྣམ་བརྒྱད་དགྲ་ལ་

[Full Size]

སྒྱུར༔ རླུང་གི་འཁོར་ལོ་ངན་པ་དགྲ་ལ་སྒྱུར༔ སིལ་གྱི་ཕུང་ཤིག་ཐམས་ཅད་དགྲ་ལ་སྒྱུར༔ ལྟས་ངན་ཉི་ཁྲི་ཆིག་སྟོང་དགྲ་ལ་སྒྱུར༔ མི་མཐུན་ཕྱོགས་རྣམས་ཐམས་ཅད་དགྲ་ལ་སྒྱུར༔ བཟློག་གོ་ཆག་ཆེན་ཉམས་ང་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ སྡང་དགྲ་དམ་ཉམས་སྟེང་དུ་བྷྱོ་བྷྱོ༔ བཟློག་བཟློག་སྒྱུར་སྒྱུར༔ མཱ་ར་ཡ་དགྲ་བོ་བྱད་མའི་སྟེང་དུ་བློ་བྷྱོ་ཟློག་ཟློག༔ ཨོཾ་ཧ་དྷེ་མོ་ཧ་ཧཱིཏ་ཡ༔ སི་ཏི་ཧ་རི་ཏ་ཡཱ༔ ཟློག་ཟློག༔ ཁ་ལིང་ཏ་ཡཱ༔ མཱ་ར་ཡཱ་ནན༔ ཧཱུྃ་ཧཱུྃ༔ ཕཊཕཊ༔ བྷྱོ་བྷྱོ༔ ས་མ་ཡ་ཟློག་ཟློག༔ ཨ་ལ་ལ་པྲ་མོ་ཧེ་བྷྱོ་ཨ་ཏི་ཀྲ་མ་ཟློག་ཟློག༔ རྦད་འདྲེ་དྲོད་གཏོང་ཐམས་ཅད་ཟློག་ཟློག༔ ཅེས་ཟློག་སྔགས་ཅི་མང་བཟླས༔ ཐལ་མོ་བརྡབ༔ དེ་ནས་རྩང་གྱེར་འདོན༔ རྩང་རྒྱས་བསྡུས་གང་ལྕོགས་འདོན་དུ་རུང་ངོ་༔ འདིར་འདུག་གི་བསྡུས་པ་ཁོ་ནས་ཆོག༔ སྟོང་ཉིད་ཁྲོས་མ་ནག་མོའི་རྩང་གྱེར་བསྡུས་པ་ཐན་ཟློག་བཞུགས་སོ༔ ཧཱུྃ༔ ཤར་ཕྱོགས་རྡོ་རྗེ་མ་བདུན་ནི༔ མིང་པོ་ཚངས་པ་ལ་སོགས་ཏེ༔ རྣལ་འབྱོར་ཀུན་གྱི་ཡུམ་གཅིག་མ༔ ཁྱད་པར་རྣལ་འབྱོར་ཀུན་གྱི་ཡུམ༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་

[Full Size]

སྲོག་གི་གཤེད་མ་མཛད་དུ་གསོལ༔ ཧཱུྃ༔ ལྷོ་ཕྱོགས་རིན་ཆེན་མ་བདུན་ནི༔ མིང་པོ་གཤིན་རྗེ་ལ་སོགས་ཏེ༔ རྣལ་འབྱོར་ཀུན་གྱི་སྲིང་གཅིག་མ༔ ཁྱད་པར་རྣལ་འབྱོར་བདག་གི་སྲིང་༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་གཤེད་མ་མཛད་དུ་གསོལ༔ ཧཱུྃ༔ ནུབ་ཕྱོགས་པད་མའི་མ་བདུན་ནི༔ མིང་པོ་ཀླུ་དབང་ལ་སོགས་ཏེ༔ རྣལ་འབྱོར་ཀུན་གྱི་གྲོགས་གཅིག་མ༔ ཁྱད་པར་རྣལ་འབྱོར་བདག་གི་གྲོགས༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་གཤེད་མ་མཛད་དུ་གསོལ༔ ཧཱུྃ༔ བྱང་ཕྱོགས་ལས་ཀྱི་མ་བདུན་ནི༔ མིང་པོ་ད་སྦྱིན་ལ་སོགས་ཏེ༔ རྣལ་འབྱོར་ཀུན་གྱི་བྲན་གཅིག་མ༔ ཁྱད་པར་རྣལ་འབྱོར་བདག་གི་བྲན༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་གཤེད་མ་མཛད་དུ་གསོལ༔ བྷྱོ༔ དབང་ཕྱུག་ཆེན་མོ་ཉི་ཤུ་བརྒྱད༔ བུད་མེད་ལུས་ལ་མགོ་བརྙན་ཅན༔ གཅེར་བུ་ལུས་ལ་དུར་ཁྲོད་

[Full Size]

ཆས༔ ལག་ན་མཚོན་ཆ་སྣ་ཚོགས་ཐོགས༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་ཆུང་དང་གཉིས་སུ་མེད༔ དགྲ་བོའི་སྲོག་གི་གཤེད་མ་མཛད་དུ་གསོལ༔ ཧཱུྃ༔ ཤར་གྱི་ཕྱོགས་ནས་ཅུང་བཙུགས་པ༔ རྡོ་རྗེ་མཁའ་འགྲོ་སྒྲུབ་པའི་ཆུང་༔ དཀར་མོ་ཞི་བའི་ལས་བྱེད་བདུན༔ སྐེད་པ་རྒྱ་མདུད་བྷྱོལས་སྐྱེས༔ ཡར་གྱི་རྩེ་ལ་བྱ་རྒོད་ལྡིང་༔ མར་གྱི་རྩེ་ལ་སྟག་གཟིག་རྔམ༔ རྩང་གི་དྲ་མིག་ཐམས་ཅད་ལ༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བགེགས་མ་ཤོར་ཀཱི་ལ་ཡ༔ ཧཱུྃ་ལྷོ་ཡི་ཕྱོགས་ནས་ཅུང་བཙུགས་པ༔ རིན་ཆེན་མཁའ་འགྲོ་སྒྲུབ་པའི་རྡུང་༔ སེར་མོ་རྒྱས་པའི་ལས་བྱེད་བདུན༔ སྐེད་པ་རྒྱ་མདུད་ལམ་ལས་སྐྱེས༔ ཡར་གྱི་རྩེ་ལ་ལུག་པ་གྲག༔ མར་གྱི་རྩེ་ལ་དྲིད་མོང་རྔམ༔ རྩང་གི་དྲ་མིག་ཐམས་ཅད་ལ༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བགེགས་མ་ཤོར་ཀཱི་ལ་ཡ༔ ཧཱུྃ༔ ནུབ་ཀྱི་ཕྱོགས་ནས་ཅུང་བཙུགས་པ༔ པདྨ་མཁའ་འགྲོ་སྒྲུབ་པའི་རྩང་༔ དམར་མོ་དབང་གི་ལས་བྱེད་བདུན༔ སྐེད་པ་རྒྱ་མདུད་མམ་ལས་སྐྱེས༔ ཡར་གྱི་རྩེ་ལ་གསེར་གྱི་ཉ་མོ་འཕྱོ༔ མར་གྱི་རྩེ་ལ་

[Full Size]

ཆུ་སྲིན་རྔམ༔ རྩང་གི་དྲ་མིག་ཐམས་ཅད་ལས༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བགེགས་མ་ཤོར་ཀཱི་ལ་ཡ༔ ཧཱུྃ༔ བྱང་གི་ཕྱོགས་ནས་ཅུང་བཙུགས་པ༔ ལས་ཀྱི་མཁའ་འགྲོ་སྒྲུབ་པའི་རྡུང་༔ མཐིང་ནག་དྲག་མོའི་ལས་བྱེད་བདུན༔ སྐེད་པ་རྒྱ་མདུད་ཧཱུྃ་ལས་སྐྱེས༔ ཡར་རྩེར་ཁྲག་གི་བྱ་རྒོད་ལྡིང་༔ མར་གྱི་རྩེ་ལ་ལྕགས་ཀྱི་སྦྲང་མ་འཚུབ༔ རྩང་གི་དྲ་མིག་ཐམས་ཅད་ལ༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བགེགས་མ་ཤོར་ཀཱི་ལ་ཡ༔ རྩང་ལ་གནས་པའི་ཕོ་ཉ་རྣམས༔ རྫུ་འཕྲུལ་མྱུར་མགྱོགས་གློག་ལྟར་འཁྱུག༔ དགྲ་བགེགས་མ་ཤོར་ཀཱི་ལ་ཡ༔ རྣལ་འབྱོར་བཅོལ་བའི་ཕྲིན་ལས་མཛོད༔ ཧཱུྃ༔ ང་ནི་ཁྲོས་མ་ནག་མོའི་སྐུ༔ སྐུ་ཡི་མངའ་བདག་འགྲོ་བའི་མགོན༔ དུས་གསུམ་སངས་རྒྱས་ཀུན་གྱི་ཡུམ༔ གསུང་གི་དབང་ཕྱུག་འགྲོ་བའི་མགོན༔ བཀའ་ལ་མི་གནས་གང་ཡང་མེད༔ ཐུགས་ནི་སྣོད་བཅུད་ཀུན་ལ་ཁྱབ༔ ང་ཡིས་མི་འདུལ་གང་ཡང་མེད༔ འབྱུང་བ་ལྔ་དང་སྣང་སྲིད་དང་༔ ཕྱི་ནང་སྣོད་བཅུད་དྲེགས་པ་ཀུན༔ ང་ཡིས་མི་འདུལ་གང་ཡང་མེད༔ བཟློག་པས་མི་བཟློག་གང་ཡང་མེད༔

[Full Size]

སྣང་སྲིད་ལྷ་འདྲེའི་དྲག་ཤུལ་ཟློག༔ སྔོ་དམར་སྣལ་མས་དཀྲིས་པ་འདིས༔ མི་ནད་ཕྱུགས་ནད་ཡམས་ནད་ཟློག༔ བྱད་ཁ་རྦོད་གཏོང་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ བཟློག་ཅིག་བསྒྱུར་ཅིག་བདེན་པའི་བཀའ༔ ད་ནི་བཟློག་བསྒྱུར་དུས་ལ་བབ༔ དགྲ་བགེགས་བསྒྲལ་བའི་དུས་ལ་བབ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ་བྷྱོ༔ གདུག་རྩུབ་དྲག་པོའི་རྩང་ཕུར་གྱིས༔ ད་ནི་བཟློག་བསྒྱུར་དུས་ལ་བབ༔ སྟེང་ཕྱོགས་ལྷ་ཡི་གདུག་པ་ཡང་༔ དམར་ནག་རྩང་གིས་བཟློག་ཏུ་གསོལ༔ འོག་ཕྱོགས་ཀླུ་ཡི་གདུག་པ་ཡང་༔ དམར་ནག་རྩང་གིས་བཟློག་ཏུ་གསོལ༔ བར་སྣང་གཉན་གྱི་གདུག་རྩུབ་རྣམས༔ དམར་ནག་རྩང་གིས་བཟློག་ཏུ་གསོལ༔ གནམ་ལོ་རྒྱལ་པོའི་སྒེག་བབ་དེ༔ དམར་ནག་རྩང་གིས་བཟློག་ཏུ་གསོལ༔ ཟླ་བ་བློན་པོའི་རྩིབས་མཚལ་ཡང་༔ དམར་ནག་རྩང་གིས་བཟློག་ཏུ་གསོལ༔ ཞག་གི་དམག་མའི་སྣ་དྲངས་ཡང་༔ དམར་ནག་རྩང་གིས་བཟློག་ཏུ་གསོལ༔ དུས་ཚོད་མཚོན་ཆའི་བདུད་གཅོད་ཡང་༔ དམར་ནག་རྩང་གིས་བཟློག་ཏུ་གསོལ༔ སྤར་ཁ་རུས་པའི་སྟེང་བབ་ཀྱང་༔

[Full Size]

དམར་ནག་རྩང་གིས་བཟློག་ཏུ་གསོལ༔ སྨེ་བ་ཤ་ཡི་རྒྱ་རལ་ཡང་༔ དམར་ནག་རྩང་གིས་བཟློག་ཏུ་གསོལ༔ དར་རྒུད་ལྤགས་པ་རལ་བ་ཡང་༔ དམར་ནག་རྩང་གིས་བཟློག་ཏུ་པ་གསོལ༔ ཤ་དོར་འབྱུང་བ་ལྔ་ཡི་ས་བདག་ཀྱང་༔ དམར་ནག་རྩང་གིས་བཟློག་ཏུ་གསོལ༔ སྣང་སྲིད་ལྷ་འདྲེ་ཐམས་ཅད་ཀྱི༔ བསམ་སྦྱོར་གདུག་རྩུབ་ངན་པ་རྣམས༔་དམར་ནག་རྩང་གིས་བཟློག་ཏུ་གསོལ༔ ནད་རིགས་བཞི་བརྒྱ་རྩ་བཞི་ཡང་༔ དམར་ནག་རྩང་གིས་བཟློག་ཏུ་གསོལ༔ ཡེ་འདྲོག་སུམ་བརྒྱ་དྲུག་ཅུ་ཡང་དམར་ནག་རྩང་གིས་བཟློག་ཏུ་གསོལ༔ དགྲ་འདྲེ་བྱུར་གསུམ་མི་ཁ་དེ༔ དམར་ནག་རྩང་གིས་བཟློག་ཏུ་གསོལ༔ སྲེ་མོང་ཁ་ཡི་བྱི་རོ་དེ༔ ནལ་ཕྲུག་ཡོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ རྨོས་གླང་རོལ་ནས་འཁུན་པ་དེ༔ ས་བདག་གནོད་པའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ སྦྲ་ཡི་གུང་ཤིང་ཆག་པ་དེ༔ ལྷ་འདྲེ་འཁྲུག་པའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ རི་དྭགས་ཁྱིམ་སྒོར་འོང་བ་དེ༔ མ་དང་བུ་མོས་བཙོག་ནལ་ཡིན༔ དམར་ནག་རྩང་གིས་

[Full Size]

བཟློག་ཏུ་གསོལ༔ ར་ལུག་ཤྭ་འོད་ཁྱེར་བ་དེ༔ ཡུལ་བུད་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ སྦལ་སྦྲུལ་ཁྱིམ་དུ་འོང་བ་དེ༔ བུ་སྲིང་བྱེ་ཡུགས་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ དྲེལ་རྟས་རྔ་རྔོག་འཆའ་བ་དེ༔ མཚོན་ཆ་འཁྲུག་པའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ ལུག་ཤ་ལག་འགྲམ་ངན་པ་དེ༔ ར་ལུག་ཤི་ཆད་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ སོག་པའི་མེ་ལོང་རྡོལ་བ་དེ༔ རིམས་ནད་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ ཕ་སྤུན་ཟེར་ཁ་མང་བ་དེ༔ བྱེ་བྲལ་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ འུག་པ་སྒོ་ནས་རྒོད་པ་དང་༔ སྲིན་བྱ་ཉིན་པར་ཁུན་འདེབས་དེ༔ བྱེ་བྲལ་ཁྱིམ་ཕུག་ཤོར་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ སྒོ་ཁྱི་ངུ་ཟུག་བྱེད་པ་དེ༔ བུ་ཚ་ད་ཕྲུག་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ བྱི་ལོང་ལམ་ཁར་ལོང་བ་དང་༔ བུད་མེད་ནག་མོའི་ཅོ་འཛིང་ནི༔ ཉེ་བ་ཀུན་གྱི་ལྟས་

[Full Size]

ངན་ཡིན༔ ལྟས་ངན་ཐམས་ཅད་རྩང་གིས་ཟློག༔ སྐྱེས་པ་ཕོ་ཡི་རུས་འདྲེ་ཟློག༔ ཟ་མ་མོ་ཡི་སྐག་འདྲེ་ཟློག༔ གཉེན་ཕྱོགས་གཉེན་འདྲེ་འཁོར་བ་ཟློག༔ ཕ་མྱེས་བསྒེན་འདྲེ་ཐམས་ཅད་ཟློག༔ ལྟས་ངན་ཆེ་དགུ་ཐམས་ཅད་ཟློག༔ ཁང་ཁྱིམ་བཀྲག་མདངས་ཤོར་བ་ཟློག༔ དུར་སར་ཝ་མོ་བརྒྱལ་བ་ཟློག༔ རྟ་ཕོ་སྲོད་ལ་འཚེར་བ་ཟློག༔ ཐོ་རས་སྒོ་ཁྱི་ངུ་བ་ཟློག༔ ཕུ་ཡི་ཤ་ཕོ་རུ་འཛིང་ཟློག༔ མདའ་ཡི་ཉ་མོ་རྔ་འཛིང་ཟློག༔ བར་གྱི་ཕོ་རོག་སྡེར་འཛིང་ཟློག༔ ཁང་ཁྱིམ་འུག་པ་རྒོད་པ་ཟློག༔ སྲིན་བྱས་ཕུང་ཕུང་ཟེར་བ་ཟློག༔ སྦྲུལ་ནག་ལམ་ཁར་ཉལ་བ་ཟློག༔ ཕྱུགས་ཀྱི་འགྲམ་འཁྲུག་ངན་པ་ཟློག༔ མཚེ་མ་བུ་ཕྱུགས་ངན་པ་ཟློག༔ ཁང་ཁྱིམ་སྲིན་བྱས་ཚང་བཅས་ཟློག༔ དེ་ལ་སོགས་པའི་སྐག་ཆེན་དང་ལྟས་ངན་སྣ་ཚོགས་བསྒྱུར་དུ་གསོལ༔ བཟློག་བསྒྱུར་ཆེན་པོའི་དུས་ལ་བབ༔ ས་མ་ཡཱ༔ བྷྱོ་བྷྱོ༔ ཟློག་ཟློག་ཟློག༔ དེ་ནས་ཐབས་ཤེས་རྫ་ས་རྣམས་དྲངས་ཤིང་༔ ཀྱི་དཔའ་བོ་ཆེན་པོ་དགོངས་སུ་གསོལ༔ འདིར་གཤེགས་ཆོས་རྣམས་ཟད་པ་སྟེ༔ འདུས་པ་རྣམས་ལ་ཐེ་ཚོམ་བྲལ༔ བྲམ་ཟེ་ཁྱི་དང་གདོལ་པ་

[Full Size]

ཡང་༔ རང་བཞིན་གཅིག་ཏུ་དགོངས་ཏེ་རོལ༔ པད་ཀོར་གྱིས་བླངས་ཏེ༔ ཨ་ཧོ་མ་ཧཱ་སུ་ཁཾ༔ ཞེས་ལོངས་སྤྱོད་ལ༔ ལྷག་མ་གོང་ལྟར་ཕུལ༔ ༈ དེ་ནས་ལྷག་མ་བྲན་ཏེ༔ ཨོཾ་ཨཱཿཧཱུྃ་ཧ་ཧོ་ཧྲཱིཿ ལྷག་གཏོར་འདོད་ཡོན་ཟད་མི་ཤེས་པར་གྱུར༔ ཧཱུྃ༔ ཕྱི་རོལ་དུར་ཁྲོད་ཆེན་པོ་གནས་བརྒྱད་ནས༔ མཁའ་འགྲོ་ཤུགས་འགྲོ་ཞིང་སྐྱོང་ཕྲ་མེན་མ༔ དབང་ཕྱུག་གིང་དང་ལང་ཀ་མཁའ་འགྲོའི་ཚོགས༔ ནམ་མཁའི་ལུས་ཅན་གར་ཡང་ཐོགས་མེད་ཅིང་༔ འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེ༔ རབ་ཏུ་འཇིགས་ཤིང་རྔམ་བྱེད་སྲིན་མོའི་ཚོགས༔ ཤ་ཟ་ཁྲག་འཐུང་རུས་འཆའ་ལས་བྱེད་མ༔ མྱུར་མགྱོགས་རྫུ་འཕྲུལ་སྟོབས་ལྡན་དབང་མོ་ཆེ༔ སྣ་ཚོགས་ལས་བྱེད་སྤྲུལ་པ་འཁོར་དང་བཅས༔ དཔལ་གྱི་ཕ་འབབ་ལྷག་མ་འདི་བཞེས་ལ༔ ཞི་དང་རྒྱུས་དང་མངོན་སྤྱོད་ལ་སོགས་པའི༔ ཅི་ལྟར་ནུས་པའི་ཕྲིན་ལས་སོ་སོ་མཛོད༔ ཨོཾ་ཨུ་ཙི་སརྦ་ཌཀྐི་ནཱི་པྲ་ཏི་ཛཿ བྷ་ལིཾ་ཏ་ཁ་རཾ་ཁཱ་ཧི༔ ཞེས་ཕྱིར་དོར༔ ལྷག་མ་བཙུད་པ་ཡིན་མཚན༔ ན་མོ༔ དཀོན་མཆོག་གསུམ་དང་རྩ་བ་གསུམ་སོགས་ནས༔ ཤ་ཁྲག་ལ་ཁཱ་ཧི༔ བར་བརྗོད་ནས༔ ལས་ལ་བསྐུལ་བ་ནི༔ ཧཱུྃ༔ རང་བཞིན་གདོད་

[Full Size]

ནས་ཅི་ཡང་མ་གྲུབ་ཀྱང་༔ ནས་འགྲུབ་པར་མཛོད༔ བར་བྱའོ༔ སྒོ་དབྱེ་ནི་ཕྱོགས་བཞིའི་སྒོ་རྩང་བཞི་ཤབ་ཅིང་༔ ཧཱུྃ༔ དཀྱིལ་འཁོར་ཡོངས་ཀྱི་ཕྱི་སྒོ་སྐྱོང་༔ རྒྱལ་ཆེན་བཞི་དང་ཕྱོགས་སྐྱོང་བས༔ གསེར་སྐྱེམས་མཆོད་པ་འདི་བཞེས་ལ༔ སྐུ་ཟུར་སྤྱན་ཡོལ་དམག་དཔུང་བསྐྱེད༔ སྡང་དགྲ་གནོད་བྱེད་ཐོག་ཏུ་བྷྱོ༔ ཕྱོགས་བཞིའི་སྒོ་མ་ཆེན་མོ་བཞི༔ ཕྱག་མཚན་བཞི་ཡི་ཕྱག་རྒྱ་ཡིས༔ དཀྱིལ་འཁོར་ཕྱོགས་བཞིའི་སྒོ་རྣམས་ཕྱེས༔ གསེར་སྐྱེམས་གཉན་པོ་འདི་གསོལ་ལ༔ གཏོར་མའི་ཐོར་ལམ་དགྲ་ལ་སྟོན༔ བཛྲ་རཏྣ་པདྨ་ཀརྨ་པྲ་ཝེ་ཤ་ཡ་ཕཊ༔ ཅེས་གསེར་སྐྱེམས་གཏོར་མདོས་ཀྱི་ཕྱོགས་བཞི་ལ་མཆོད༔ དེ་ནས་སྒོ་ཕྱི་ལ་ཁྱེར་ནས་གསེར་སྐྱེམས་འཐོར་ལ་འདི་སྐད་དོ༔ ཧཱུྃ༔ སྣང་ཞིང་སྲིད་པའི་ལྷ་འདྲེ་རྣམས༔ ཐམས་ཅད་བདག་ལ་སྙན་གསོན་འཚལ༔ རིན་ཆེན་ལས་གྲུབ་ཕུད་སྐྱོགས་སུ༔ རོ་མཆོག་ཟས་མཆོག་དུ་མ་ནི༔ ས་ཡི་སྙིང་པོ་རིན་ཆེན་གསེར༔ རྡོ་ཡི་སྙིང་པོ་རིན་ཆེན་དངུལ༔ བཀྲག་མདངས་རྒྱས་པ་མཚོ་རོ་གཡུ༔ སྔོན་མོ་འཕེལ་ཆེན་འབྲུ་མཆོག་དང་༔ གཉིས་མེད་སྦྱར་བའི་གསེར་སྐྱེམས་འདི༔ བླ་མ་ཡི་དམ་མཁའ་འགྲོ་དང་༔ ཆོས་

[Full Size]

སྐྱོང་དཔལ་མགོན་རྣམས་ལ་འབུལ༔ རྣལ་འབྱོར་བདག་གི་རྒྱབ་རྟེན་མཛོད༔ ཕྱི་ནང་གསང་བའི་ལྷ་མ་སྲིན༔ ལོ་ཟླ་ཞག་དུས་འབྱུང་བའི་ཚོགས༔ ཡུལ་ལྷ་གཞི་བདག་མཐུ་ཆེན་རྣམས༔ གསེར་སྐྱེམས་མཆོད་གཏོར་འདི་བཞེས་ལ༔ རྣལ་འབྱོར་བདག་ལ་སྡོང་གྲོགས་མཛོད༔ ཁྱད་པར་ཡུལ་དང་གྲོང་གི་བདག༔ གཉུག་མར་གནས་པ་མ་ལུས་པ༔ གཏོར་ལམ་འདིར་གནས་འབྱུང་པོའི་ཚོགས༔ གསེར་སྐྱེམས་མཆོད་གཏོར་འདི་བཞེས་ལ༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་མར་ཆུམས༔ བར་པ་རྣམས་ཀྱིས་སྐུ་བཟུར་ཅིག༔ ཡས་ལམ་སོལ་ལ་ཟོར་ལམ་ཕྱེས༔ བཅོལ་བའི་ཕྲིན་ལས་འགྲུབ་པར་མཛོད༔ གསེར་སྐྱེམས་མཆོད༔ དཀར་གཏོར་འབུལ་ལོ༔ དེ་ནས་ཟ་ལམ་ལ་དཔལ་འབར་བཙུགས་ནས་གོམ་པ་བདུན་གྱི་སར་བཏེགས་ནས་བདུད་རྩིས་བྲན་ལ༔ བྷྱོ༔ སྲིན་མོ་བྲ་ལམ་གོམ་པ་བདུན་ཅུ་འདས་པའི་ཕ་རོལ་ན༔ དཔག་ཚད་བརྒྱད་ཁྲི་བཞི་སྟོང་ནི༔ དུར་ཁྲོད་ཆེན་པོའི་གནས་བརྒྱད་ནས༔ མཁའ་འགྲོ་ཕོ་མོ་གཏོར་ལེན་གཤེགས་སུ་གསོལ༔ ཧཱུྃ༔ སྒྲུབ་མཆོག་བདག་གིས་རྔ་ཆེན་བརྡུང་བ་འདི༔ ཐོད་པ་ལྟག་སྤྱོད་ལས་ཀྱི་ཕྱག་རྒྱ་ལ༔

[Full Size]

ཞིང་ཆེན་ཞིང་ཆུང་བསྒྲལ་བའི་ཤུན་པས་གཡོགས༔ སྐྱེས་བུ་ཆེན་པོའི་ལག་པ་གཡས་པ་ཡིས༔ མི་རྐང་སོར་མོས་ཕོ་བརྡོས་བསྐོས་ཞིང་བརྡུངས༔ མ་མོ་མཁའ་འགྲོའི་ཚོགས་རྣམས་གཤེགས་སུ་གསོལ༔ དམ་རྫས་གཏོར་མ་དམར་གྱི་ཨརྒྱུས་བརྒྱན༔ དམར་གྱི་དྲི་ལ་སྣོམ་ཞིང་གཤེགས་སུ་གསོལ༔ གསལ་བའི་སྒྲོན་མེ་ཡེ་ཤེས་སྤྱན་གྱི་ཡུལ༔ མེ་ཡི་འོད་ལ་གཟིགས་ཏེ་གཤེགས་སུ་གསོལ༔ དམ་རྫས་བདུད་རྩི་དམ་ཚིག་གཉེན་གྱི་ཆུ༔ དམ་ཚིག་གཉན་པོར་དགོངས་ཏེ་གཤེགས་སུ་གསོལ༔ ཧཱུྃ༔ མཁའ་འགྲོ་གཏོར་ལེན་ཕོ་ཉའི་ཚོགས༔ གཏོར་མ་ལེན་ཕྱིར་གཤེགས་སུ་གསོལ༔ རིགས་བཞི་མཁའ་འགྲོའི་གཏོར་ལེན་མ༔ ཕྱོགས་བཞིའི་གནས་ནས་གཤེགས་སུ་གསོལ༔ དཀར་སེར་དམར་ལྗང་གཤོག་པ་ཅན༔ ལག་ན་རིན་ཆེན་གཞོང་པ་ཐོགས༔ རིགས་བཞིའི་མཁའ་འགྲོ་གཤེགས་སུ་གསོལ༔ དམ་རྫས་གཏོར་མ་འདི་ལོངས་ལ༔ རིགས་བཞི་མཁའ་འགྲོས་བཀའ་སྒྱུར་ཅིག༔ ཕྱོགས་བཞིའི་གདོན་ཚོགས་བཟློག་ཅིང་སྒྱུར༔ རྣལ་འབྱོར་བདག་ཅག་འཁོར་བཅས་ལ༔ ནད་མེད་གདོན་དང་བར་ཆད་ཟློག༔ ཚེ་དང་

[Full Size]

དབང་ཐང་རྒྱས་པ་སྤེལ༔ བཅོལ་བའི་ཕྲིན་ལས་འགྲུབ་པར་མཛོད༔ རིགས་བཞིའི་གཤོག་པ་བརྡབ་པ་ཡིས༔ དཔག་ཚད་བརྒྱད་ཁྲི་བཞི་སྟོང་ཡང་སྐད་ཅིག་ཡུད་ཀྱིས་བསྒོད་པར་བྱེད༔ གཏོར་མ་ཁྱེར་ནས་གནས་སུ་གཤེགས༔ ཞེསཟ་ལམ་དུ་བཟློག་བསྒྱུར་བྱས་ནས༔ གཏོར་ལེན་རྣམས་གཏོར་མའི་བཅུད་ཁྱེར་ནས་མཁའ་འགྲོའི་གནས་སུ་མཆོད་པའི་སྤྲིན་དུ་གྱུར༔ ལྷག་མ་མེ་དཔུང་མཚོན་ཆའི་ཆར་དུ་གྱུར་པར་བསམ༔ དེ་ཡི་གཏོར་ཟོར་སྤྱི་ཡི་བསྐུལ་པ་ནི༔ ཧཱུྃ༔ མ་གཡེལ་མ་གཡེལ་རིག་འཛིན་ཚོགས༔ མ་གཡེལ་མ་གཡེལ་ཡི་དམ་ཚོགས༔ མ་གཡེལ་མ་གཡེལ་མཁའ་འགྲོའི་ཚོགས༔ ཐམས་ཅད་ཐུགས་དམ་གནད་ནས་བསྐུལ༔ རང་རང་གནས་ནས་སྐུ་བཞེངས་འཚལ༔ དམར་ཆེན་གཏོར་མ་འདི་བཞེས་ལ༔ དེ་རིང་བདག་གི་དཔུང་གྲོགས་མཛོད༔ ཐུགས་དམ་གཉན་པོའི་དུས་ལ་བབ༔ ཧཱུྃ༔ མཚན་མོ་སྒྲ་སྒྲོག་གཅེར་བུའི་ལུས་གར་མཛད་དགྱེས་པའི་གད་རྒྱངས་ཅན༔ བདུད་འཇོམས་དྲག་མོའི་ཆ་ལུགས་ཅན༔ དབང་བསྒྱུར་མཁའ་འགྲོའི་སྐུ་ལ་ཕྱག་འཚལ་བསྟོད༔ བསྐུལ་ལོ་མ་མོ་མཁའ་འགྲོའི་ཚོགས༔ རྦད་དོ་ཤ་ཟ་ཌཀྐི་མ༔ བཅོལ་བའི་ཕྲིན་ལས་འགྲུབ་པར་

[Full Size]

མཛོད༔ དེ་ནས་ཟོར་འཕེན་པ་ནི༔ ཧཱུྃ༔ དམར་གྱི་གཏོར་མ་ཆེན་པོ་འདི༔ མཁའ་འགྲོ་དམ་ཅན་མཆོད་པའི་རྫས༔ དགྲ་བགེགས་དམ་སྲི་བསྒྲལ་བའི་མཚོན༔ ནད་དང་རིམས་ཀྱི་ན་བུན་འཐུལ༔ མཚོན་དང་ཐུན་གྱི་ཆར་དུ་འབེབས༔ བསྟན་པ་བཤིག་པའི་དགྲ་བགེགས་ལ༔ མཚོན་གྱི་ཆར་པ་དེ་ལ་ཕོབ༔ ནད་དང་རིམས་ནད་དེ་ལ་ཕོབས༔ ཐུན་ཟོར་སྔགས་ཟོར་དེ་ལ་རྒྱོབ༔ སྡང་བའི་དགྲ་ལ་གཏོར་ཟོར་རྒྱོབ༔ གནོད་པའི་བགེགས་ལ་གཏོར་ཟོར་རྒྱོབ༔ བར་ཆད་བདུད་ལ་གཏོར་ཟོར་རྒྱོབ༔ ཕུང་བའི་སྲི་ལ་གཏོར་ཟོར་རྒྱོབ༔ ཟ་བའི་འདྲེ་ལ་གཏོར་ཟོར་རྒྱོབ༔ དགྲ་བགེགས་ཐལ་བ་རྡུལ་དུ་རློགས༔ རྩ་སྔགས་མཇུག་ཏུ་དགྲ་བགེགས་མཱ་ར་ཡ་ཧཱུྃ་ཕཊ༔ ཅེས་དེ་ནས་ཟོར་དུ་འཕང་བའམ་དམིགས་པའི་ཕྱོགས་སུ་བསྐྱལ་ལོ༔ དེ་ནས་གཏོར་མདོས་བསྐུལ་ཞིང་ལག་ཏུ་ཐོགས་ལ་འདི་སྐད་དོ༔ ཧཱུྃ༔ ནུབ་ཕྱོགས་པདྨ་དབང་གི་དཀྱིལ་འཁོར་ནས༔ དཔལ་ཆེན་རྟ་མགྲིན་ཡབ་ཡུམ་དགྲ་ལ་བྷྱོ༔ དུར་ཁྲོད་སོ་ས་གླིང་གི་དཀྱིལ་འཁོར་ནས༔ ཐུགས་རྗེ་ཁྲོས་མ་ནག་མོ་དགྲ་ལ་བྷྱོ༔ ཞེ་སྡང་མེ་ལྟར་འབར་བའི་ཀློང་དཀྱིལ་ནས༔ རྡོ་རྗེ་མཁའ་འགྲོའི་ཚོགས་རྣམས་དགྲ་ལ་བྷྱོ༔

[Full Size]

ང་རྒྱལ་རི་ལྟར་ཉིལ་བའི་ཀློང་དཀྱིལ་ནས༔ རིན་ཆེན་མཁའ་འགྲོའི་ཚོགས་རྣམས་དགྲ་ལ་བྷྱོ༔ འདོད་ཆགས་ཆུ་ལྟར་ཁོལ་བའི་ཀློང་དཀྱིལ་ནས༔ པདྨ་མཁའ་འགྲོའི་ཚོགས་རྣམས་དགྲ་ལ་བྷྱོ༔ ཕྲག་དོག་རླུང་ལྟར་འཚུབ་པའི་ཀློང་དཀྱིལ་ནས༔ ལས་ཀྱི་མཁའ་འགྲོའི་ཚོགས་རྣམས་དགྲ་ལ་བྷྱོ༔ གཏི་མུག་མུན་ལྟར་གཏིབས་པའི་ཀློང་དཀྱིལ་ནས༔ སངས་རྒྱས་མཁའ་འགྲོའི་ཚོགས་རྣམས་དགྲ་ལ་བྷྱོ༔ བསིལ་བ་ཚལ་གྱི་དུར་ཁྲོད་ཆེན་པོ་ནས༔ དཔལ་ལྡན་ནག་པོ་ཆེན་པོ་དགྲ་ལ་བྷྱོ༔ ཐོད་མཁར་མེ་རླུང་འཚུབ་པའི་ཀློང་དཀྱིལ་ནས༔ དཔལ་ལྡན་ལྷ་མོ་ཆེན་མོ་དགྲ་ལ་བྷྱོ༔ བྱང་ཕྱོགས་ལྕང་ལོ་ཅན་གྱི་ཕོ་བྲང་ནས༔ ཆོས་སྐྱོང་རྣམ་སྲས་འཁོར་བཅས་དགྲ་ལ་བྷྱོ༔ ཟངས་རི་འཁྱིལ་པའི་ཕོ་བྲང་དམ་པ་ནས༔ འབར་བ་བཙན་རྒོད་སྤུན་བདུན་དགྲ་ལ་བྷྱོ༔ ཨོ་རྒྱན་སྨུག་ནག་འཁྱིལ་བའི་དུར་ཁྲོད་ནས༔ བསྟན་སྲུང་མ་མོ་མཆེད་གསུམ་དགྲ་ལ་བྷྱོ༔ ཉོན་མོངས་ཆུ་ལྟར་ཁོལ་བའི་ཕོ་བྲང་ནས༔ གནས་པོ་ལྷ་སྲིན་སྡེ་བརྒྱད་དགྲ་ལ་བྷྱོ་བར་སྣང་གློག་མདའ་འབྲུག་གིས་བསྐུར་བ་བཞིན༔ རྫུ་འཕྲུལ་རྩལ་དང་བཅས་པ་ད་རྒྱུགས་ཤིག༔ འདི་ཤིན་ཏུ་

[Full Size]

གཉན་པས་གར་ཐོད་ཐོད་དུ་མི་བྱའོ༔ མཁའ་འགྲོའི་བཀའ་ཆད་འོང་༔ རྒྱུན་ཁྱེར་ནི༔ རྗེ་དགུ་པས་མཛད་པའི་མཁའ་འགྲོའི་སྤྱི་སྐུལ་ནི༔ བྷྱོ༔ མཁའ་འགྲོ་ཆོས་སྐྱོང་ཡེ་ཤེས་སྤྱན་ལྡན་གང་༔ ལེགས་ཉེས་ཤན་འབྱེད་ཉམས་པའི་སྲོག་གཅོད་མ༔ མྱུར་མགྱོགས་མཐུ་དང་ལྡན་པ་ཁྱེད་རྣམས་ཀྱིས༔ བདག་ལ་སྡང་བའི་དགྲ་བགེགས་འབྱུང་པོ་རྣམས༔ ལྷག་མ་རྗེས་ཤུལ་ཙམ་ཡང་མེད་པར་མཛོད༔ མ་གཡེལ་མ་གཡེལ་བཀའ་སྡོད་རྒྱ་མཚོའི་ཚོགས༔ འབོད་དོ་སྙན་མ་སྲ་ལ་རྒྱང་མ་རིང་༔ བཅོམ་ལྡན་སྤྱན་སྔར་ཞལ་བཞེས་མ་གཡེལ་བ༔ དགྲ་བགེགས་མྱུར་དུ་བསྒྲལ་བའི་ལས་མཛོད་ཅིག༔ གཏོར་མ་བསྐུལ་ལ་རྒྱབ་བོ༔ སླར་སྤྲོ་ན་གཏོར་གཞོང་ཆུས་བཤལ་ལ་བརྟན་མར་ཕུལ༔ དེ་ནས་གཏོར་གཞོང་ཁ་སྦུབས་ལ་འགུགས་གཞུག་བྱས་ལ༔ ཧཱུྃ༔ ཐུགས་རྗེ་ཁྲོས་མའི་གཟི་བརྗིད་ཀྱིས༔ བགེགས་དང་དམ་སྲི་བར་ཆད་རྣམས༔ རི་རབ་ཆེན་པོས་འོག་ཏུ་མནན༔ ཌཱཀྐི་སྡེ་ལྔའི་བྲོ་ར་བཙུགས༔ དཔའ་བོའི་བྲོ་རྡུང་ཁྲིགས་སེ་ཁྲིག༔ དཔའ་མོས་གར་བྱེད་ཁྱུགས་སེ་ཁྱུག༔ ཡེ་ཤེས་ལྔ་ཡི་བྲོ་བརྡུང་བས༔ དུག་ལྔའི་ཕུང་པོ་གཏན་ནས་བརླག༔ བདུད་དགྲ་ཐལ་བ་རྡུལ་དུ་རློགས༔ ༀ་ལཾ་ཨ་ལཾ་ཧཱུཾ་ལཾ་ཧཱུཾ་བྷ་ཡ་

[Full Size]

ནན༔ རྗེས་ཆོག་གོང་བཞིན་དང་མཆོད་བསྟོད་བར༔ ཨགྣི་ཀྱིས་མཆོད་ཡིག་བརྒྱ་བཟླས་གཤེགས་གསོལ་གོང་བཞིན་བྱའོ༔ བཀྲ་ཤིས་ནི༔ ཧཱུྃ༔ བཀའ་བརྒྱུད་བླ་མ་རྣམས་ཀྱི་བཀྲ་ཤིས་ཤོག༔ ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག༔ སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ་བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཐུགས་རྗེ་ཁྲོས་མའི་ལྷ་ཚོགས་བཀྲ་ཤིས་ཤོག༔ ཞི་རྒྱས་དབང་དྲག་ལས་གྲུབ་མ༔ མཁའ་འགྲོ་སྡེ་ལྔའི་བཀྲ་ཤིས་ཤོག༔ དཔའ་བོ་མཁའ་འགྲོ་རྣམས་ཀྱི་བཀྲ་ཤིས་ཤོག༔ ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག༔ ནོར་ལྷ་གཏེར་བདག་རྣམས་ཀྱི་བཀྲ་ཤིས་ཤོག༔ བཀའ་སྲུང་དམ་ཅན་རྣམས་ཀྱི་བཀྲ་ཤིས་ཤོག༔ དཀར་ཕྱོགས་སྐྱོང་བའི་གཞི་བདག་རྣམས་ཀྱི་བཀྲ་ཤིས་ཤོག༔ གནས་འདིར་ཉིན་མོ་བདེ་ལེགས་མཚན་སོགས། ཕྱག་འཚལ་བ་དང་༴ སོགས་ནས། དགེ་བ་འདི་ཡིས་མྱུར་གཅོད་ཡུལ་ཕྱག་རྒྱ་སོགས། ཞེས་པ་ལས་སྦྱོར་སྐུལ་དང་གཏོར་ཟློག་ལ༔ ཚིག་ཉུང་དོན་འཐུས་ཁྱེར་བདེ་འདི༔ གཅོད་ཡུལ་ཉམས་ལེན་བྱེད་རྣམས་ལ༔ ཕན་པར་བསམས་ནས་འབད་པས་བྲིས༔ ཉེས་འོགལ་ཆོས་བདག་རྣམས་ལ་བཤགས༔ དགེ་

[Full Size]

བས་ནམ་ཞིག་འཕོ་བའི་ཚེ༔ མཁའ་འགྲོས་བདེ་ཆེན་ཞིང་ཁྲིད་ཤོག༔ ཅེས་པ་འདི་རཱ་ག་ཨ་སྱས་བསྒྲིགས་པ་ལ་ཉེ་གནས་བརྩོན་འགྲུས་རྒྱ་མཚོས་ཡི་གེར་བཀོད་པ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཁྲོས་མ་ལྷ་ལྔའི་སྒོ་ནས་རྡོ་བསྐུལ་གནམ་ལྕགས་ཐོག་མདའ་ཟ་འདྲེ་ཚར་གཅོད།

[Full Size]

ཁྲོས་མ་ལྷ་ལྔའི་སྒོ་ནས་རྡོ་བསྐུལ་གནམ་ལྕགས་ཐོག་མདའ་ཟ་འདྲེ་ཚར་གཅོད་བཞུགས་སོ། །

[Full Size]

ན་མོ་གུ་རུ་དྷེ་ཝ་ཌཱཀྐི་ནཱི་ཧཱུྃ། ཧཱུྃ། གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །མ་གཅིག་ཁྲོས་མའི་ལྷ་ཚོགས་དབྱིངས་ནས་བཞེངས། །གནོད་བྱེད་གདོན་བགེགས་ཐལ་བ་རྡུལ་དུ་རློགས། །ལན་གསུམ་རྡོ་བཀྲབ་ཅིང་། ཧཱུྃ། ཡུམ་ཆེན་ཁྲོས་མའི་རྡོ་བྱུང་གང་ནས་བྱུང་། གང་དགོས་ཁ་བསྒྱུར་མཆན། སྟོང་གསུམ་སྟོང་གི་འཇིག་རྟེན་ན། །སྲིད་པ་ཆགས་པའི་དབྱིངས་རུམ་ནས། །ཞི་རྒྱས་དབང་དྲག་ཕྲིན་ལས་འགྲུབ་པའི་རྡོ། །ཡུམ་ཆེན་ཁྲོས་མས་བྱིན་གྱིས་བརླབས་པའི་རྡོ། །ས་བདག་ཀླུ་གཉན་འདུལ་བྱེད་ཞི་བའི་རྡོ། །ལྷ་སྲིན་སྡེ་བརྒྱད་འདུལ་བྱེད་རྒྱས་པའི་

[Full Size]

རྡོ། །ཟ་འདྲེ་ཤི་གཤེད་འདུལ་བྱེད་དབང་གི་རྡོ། །དྲེགས་པ་དགྲ་བགེགས་ཚར་གཅོད་དྲག་པོའི་རྡོ། །དུག་ལྔ་དུག་གསུམ་འཇོམས་བྱེད་སྣ་ཚོགས་རྡོ། །ཧཱུྃ། དང་པོ་རྡོ་བྱུང་གང་ནས་བྱུང་། །ཕྱོགས་བཞི་སྟེང་གི་འཇིག་རྟེན་ན། །ཤར་ཕྱོགས་བདེ་ཆེན་དཀར་མོ་ནི། །ཁྲོས་པའི་ཆ་བྱད་དཀར་ནག་འབུམ་གྱིས་བསྐོར། །ལྷོ་ཕྱོགས་སེར་མོ་དོན་འགྲུབ་མ། །ཁྲོས་པའི་ཆ་བྱད་སེར་ནག་འབུམ་གྱིས་བསྐོར། །ནུབ་ཕྱོགས་དམར་མོ་སྒྲ་སྒྲོག་ནི། །ཁྲོས་པའི་ཆ་བྱད་དམར་ནག་འབུམ་གྱིས་བསྐོར། །བྱང་ཕྱོགས་སྣ་ཚོགས་མཐར་ཕྱིན་ནི། །ཁྲོས་པའི་ཆ་

[Full Size]

བྱད་ལྗང་ནག་འབུམ་གྱིས་བསྐོར། །ཐམས་ཅད་ཞལ་གདངས་མཆེ་གཙིགས་རྐན་སྒྲ་རྡེབས། །འཇིགས་པའི་འཆམ་རྔམ་མེ་དཔུང་ཀློང་ན་འགྱིངས། །ཞི་རྒྱས་དབང་དྲག་ལས་རྣམས་འགྲུབ་པའི་རྡོ། །བདག་དང་ཡོན་བདག་འདི་དག་ལ། །སྟེང་གི་ལྷ་གདོན་འདུལ་བའི་དུས་ལ་བབ། །འོག་གི་ཀླུ་གདོན་འདུལ་བའི་དུས་ལ་བབ། །བར་གྱི་སྡེ་བརྒྱད་འདུལ་བའི་དུས་ལ་བབ། །སྡང་བྱེད་དགྲ་བོ་འདུལ་བའི་དུས་ལ་བབ། །གནོད་བྱེད་བགེགས་རྣམས་འདུལ་བའི་དུས་ལ་བབ། །བར་ཆད་རྐྱེན་རྣམས་འདུལ་བའི་དུས་ལ་བབ། །ཁྲམ་ཐག་བཅད་པའི་དུས་ལ་བབ། །གཤེད་ཁ་བཟློག་པའི་དུས་ལ་བབ། །ཤྭ་རྒྱན་བཟློག་པའི་དུས་ལ་བབ། །རྩིས་ཁ་གཏོར་བའི་དུས་ལ་བབ། །འཆི་རྐྱེན་བཟློག་པའི་དུས་ལ་བབ། །ནད་འདྲེ་གདོན་བགེགས་བཟློག་པའི་དུས་ལ་བབ། །དགྲ་འདྲེ་དགྲ་སྲི་བཟློག་པའི་དུས་ལ་བབ། །ཟ་འདྲེ་ཤི་གཤེད་བཟློག་པའི་དུས་ལ་བབ། །གོད་འདྲེ་ཆུང་སྲི་བཟློག་པའི་དུས་ལ་བབ། །ཆང་འདྲེ་འོ་འདྲེ་བཟློག་པའི་དུས་ལ་བབ། །དུས་ལ་བབ་བོ་ས་མ་ཡ། །ཕཊ༔ ཧཱུྃ། དྲག་པོའི་རྡོ་ཟོར་མེ་འབར་འདི། །ཕོ་གདོན་

[Full Size]

འབྱུང་པོའི་སྟེང་དུ་ཤ་ར་ར། །མོ་གདོན་སྲིན་མོའི་སྟེང་དུ་ཤ་ར་ར། །དྲི་ཟ་གཤེད་འཁྱམ་སྟེང་དུ་ཤ་ར་ར། །ཚེ་ལེན་སྲོག་གཅོད་སྟེང་དུ་ཤ་ར་ར། །ཟ་འདྲེ་ཤི་། བདུད་སྟེང་དུ་ཤ་ར་ར། །གོད་འདྲེ་བླ་འཁྱམས་སྟེང་དུ་ཤ་ར་ར། །དབུལ་འདྲེ་བསེ་རག་སྟེང་དུ་ཤ་ར་ར། །ཤི་འདྲེ་ཤི་བདུད་སྟེང་དུ་ཤ་ར་ར། །ནད་འདྲེ་གདོན་བགེགས་སྟེང་དུ་ཤ་ར་ར། །གོད་འདྲེ་གོད་སྲིའི་སྟེང་དུ་ཤ་ར་ར། །ཡུལ་འདྲེ་འཁྱམས་པོའི་སྟེང་དུ་ཤ་ར་ར། །ཟ་འདྲེ་བསེ་རག་སྟེང་དུ་ཤ་ར་ར། །ཆུང་སྲི་ཁ་ནག་སྟེང་དུ་ཤ་ར་ར། །བྱེ་འདྲེ་ཁ་འཐོར་སྟེང་དུ་ཤ་ར་ར། །གཉའ་འདྲེ་ཐག་ཤལ་སྟེང་དུ་ཤ་ར་ར། །རྡུང་གྲི་རུ་དམར་སྟེང་དུ་ཤ་ར་ར། །ཆུ་གྲི་འདར་གཤང་སྟེང་དུ་ཤ་ར་ར། །དུག་གྲི་ཁྱམ་ནག་སྟེང་དུ་ཤ་ར་ར། །སྲིད་པའི་འདྲེ་དགུའི་སྟེང་དུ་ཤ་ར་ར། །གྲི་མོ་གོ་མོའི་སྟེང་དུ་ཤ་ར་ར། །ཕཊཕཊཕཊ༔ རང་ཉིད་ལྷའི་ང་རྒྱལ་དྲག་པོས་རྡོ་ཟོར་མེ་དམར་ལྷབ་ལྷབ་འབར་བ་འཐོར་བས་ཁྱིམ་དེའི་ནད་འདྲེ་གདོན་བགེགས་ཐམས་ཅད་སྦྲང་བུ་དང་རི་ནག་སེར་བས་བརྡུང་བའམ་བྱིའུ་ཁྲུས་བརྡས་པ་ལྟར་མཐའ་ཡི་རྒྱ་མཚོའི་ཕ་རོལ་དུ་བྱ་སྤུ་རླུང་གིས་ཁྱེར་བ་ལྟར་བརྡསོ་ནས་བར་མཚམས་མེ་རི་དང་མཚོན་ཆས་བཅད་ནས་ཡོད་པར་བསམ་ཞིང་ངག་ཏུ། ན་

[Full Size]

མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། ཁྱད་པར་དུ་ཡི་དམ་ཁྲོས་མ་ལྷ་ལྔ་འཁོར་དང་བཅས་པའི་བདེན་པའི་མཐུས།། བདག་ཅག་དཔོན་སློབ་ཡོན་མཆོད་འཁོར་དང་བཅས་པའི། སྟེང་གི་མི་ལ་གནོད་པ། སྒོ་ཡི་ཞིང་ལ་གནོད་པ། ཕོ་ཤི་གྲི་བོའི་གནོད་པ། མོ་ཤི་གྲི་མོའི་གནོད་པ། བན་ཤི་རྒྱལ་འགོང་གནོད་པ། ཁྱད་པར་དུ་ཚེ་ལས་འདས་པ་རྗེ་མོ་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ཀྱི་སྲོག་འཕྲོག་པར་བྱེད་པའི་ཟ་འདྲེ་ཤི་གཤེད། སྲོག་གཅོད་དབུགས་ལེན་ཚེ་ལེན་མདངས་འཕྲོག་གསོན་བདུད་གཤིན་ལྕགས་ལ་སོགས་གྲི་རིགས་སུམ་བརྒྱ་དྲུག་ཅུའི་གནོད་པ་ཐམས་ཅད་སརྦ་ཨུ་ཙ་ཏ་ཡ་ཕཊ༔ ཨོཾ་བཛྲ་ཝ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨ་ཝེ་ཤ་ཡ་སརྦ་ཀརྨ་ཧཱུྃ་ཕཊ༔ གནོད་བྱེད་གསོན་བདུད་གཤིན་ལྕགས་བླ་ཁྱེར་ཐམས་ཅད་སརྦ་ཨུ་ཙ་ཏ་ཡ་ཕཊ༔ ཅེས་བརྗོད་ཅིང་ཆུ་ཟོར་འཕང་། དྲག་པོ་འཕྲུལ་གྱི་ཆུ་ཟོར་སོགས་ནས་མཐོང་བརྒྱུད་ལྟར་ལ། སྟག་ཡོས་ལོ་པ་ཤི་བའི་གཤེད། །བྱ་སྤྲེལ་ལོ་པས་གྲི་དེད་བྱ། །རྟ་སྦྲུལ་ལོ་པ་ཤི་བའི་གཤེད། །བྱི་ཕག་ལོ་པས་ཆུ་ཟོར་དེད། །བྱ་སྤྲེལ་ལོ་པ་ཤི་བའི་གཤེད། །རྟ་སྦྲུལ་ལོ་པས་མེ་

[Full Size]

ཟོར་དེད། །ཁྱི་འབྲུག་གླང་ལུག་ཤི་བའི་གཤེད། །སྟག་ཡོས་ལོ་པས་ཚེར་ལྕག་དེད། །བྱི་ཕག་ལོ་པ་ཤི་བའི་གཤེད། །མཚམས་བཞི་ལོ་པས་ས་གཏོར་དེད།། །།དེ་དག་རྟ་མགྲིན་དང་འབྲེལ་གཏོ་བཅོས་རཱ་གའི་ལུགས་དགེའོ།། །། ༄༅། །ཧཱུྃ། ང་ནི་ཁྲོས་མ་ནག་མོ་སྟེ། །དྲག་པོ་འཕྲུལ་གྱི་མེ་ཟོར་འདི། །སྟེང་གི་ལྷ་ལ་ཟོར་མི་འཕེན། །འོག་གི་ཀླུ་ལ་ཟོར་མི་འཕེན། །དཔའ་བོ་རྣམས་ཀྱིས་གོ་གྱོན་ཅིག །དཔའ་མོ་རྣམས་ཀྱིས་མཚོན་ཐོགས་ཤིག །ནད་འདྲེ་གཅོང་སྲིའི་སྟེང་དུ་ཟོར་འདི་འཕེན། །ཟ་འདྲེ་ཤི་གཤེད་སྟེང་དུ་ཟོར་འདི་འཕེན། །གོད་འདྲེ་བསེ་རག་སྟེང་དུ་ཟོར་འདི་འཕེན། །ཆུང་སྲི་སྒབ་འདྲེའི་སྟེང་དུ་ཟོར་འདི་འཕེན། །གཉིས་འཛིན་འཁྲུལ་སྣང་བག་ཆགས་རྡུལ་དུ་རློགས། །ༀ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་གནོད་བྱེད་མཱ་ར་ཡ་ཕཊ། སརྦ་མངྒ་ལཾ། དགེའོ། །༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཉང་གཏེར་ཁྲོས་མ་ནག་མོའི་སྒོ་ནས་བགེགས་བསྐྲད།

[Full Size]

ཉང་གཏེར་ཁྲོས་མ་ནག་མོའི་སྒོ་ནས་བགེགས་བསྐྲད། ཨ་རཱ་གའི་གསུང་བཞུགས་སོ། །

[Full Size]

ཕཊ༔ རང་ཉིད་སྐད་ཅིག་གིས་ཁྲོས་མ་ནག་མོ་ཞལ་གཅིག་ཕྱག་གཉིས་གཡས་གྲི་གུག་དང་། གཡོན་ཐོད་ཁྲག་འཛིན་པ། ཁ་ཊཾ་ག་ཐུགས་ཀར་གཏད་པ། དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། རལ་པ་དམར་ནག་སྤྲིན་ལྟར་གཏིབས་པ། ཐོད་སྐམ་ལྔས་དབུ་ལ་བརྒྱན་པ། སྤྱི་གཙུག་རལ་པའི་གསེབ་ནས་ཕག་ཞལ་གྱེན་དུ་ངུར་བ། རོའི་གདན་ལ་ཞབས་གཡས་བསྐུམ་ཞིང་གཡོན་བརྐྱང་བའི་ཚུལ་གྱིས་བཞུགས་པར་གྱུར། ཨོཾ་བཛྲ་བྷ་ར་ཧི༔ ཀྲོ་ཏི་ཀཱ་ལི༔ ཧ་རི་ནི་ཕ༔ ཨ་ཝེ་ཤ་ཡ་ཨ༔ ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་

[Full Size]

དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། གསང་སྔགས་དང་། རིག་སྔགས་དང་། གཟུངས་སྔགས་དང། སྙིང་པོ་དང་། ཕྱག་རྒྱ་དང་། ཏིང་ངེ་འཛིན་དང་། དུར་ཁྲོད་ཀྱི་བདག་མོ་ཁྲོས་མ་ནག་མོའི་ལྷ་ཚོགས་འཁོར་དང་བཅས་པ་རྣམས་ཀྱི་སྐུའི་བདེན་པ། གསུང་གི་བདེན་པ། ཐུགས་ཀྱི་བདེན་པ། ཡོན་ཏན་གྱི་བདེན་པ། ཕྲིན་ལས་ཀྱི་བདེན་པ། བདེན་པ་ཆེན་པོའི་མཐུ་སྟོབས་ནུས་པ་ལ་བརྟེན་ནས། བསྲུང་

[Full Size]

བྱ་འདི་ལ་གནོད་ཅིང་འཚེ་བར་བྱེད་པའི་ཕོ་གདོན་རྒྱལ་པོ། མོ་གདོན་འདྲེ་མོ། ཟ་འདྲེ་ཤི་གཤེད། རོ་བག་གཤེད་འཁྱམས། ཚེ་ལ་བརྐུ་བ། སྲོག་ལ་འཇབ་པ། ནད་གདོན་བགེགས་ཀྱི་རིགས་གང་ཡིན་པ་ཐམས་ཅད་འདིར་མ་གནས་པར་གཞན་དུ་སོང་ཞིག །གལ་ཏེ་འགྲོ་བར་མི་བྱེད་ན་ཡེ་ཤེས་ཀྱི་མེ་རབ་ཏུ་འབར་བས་བསྲེག་ཅིང་རྣམ་པར་འཇོམས་པ་གདོན་མི་ཟ། ཨོཾ་སུམྦྷ་ནི་སུམྦྷ་ནི་ཧཱུཾ། སོགས། ཧཱུཾ། བདག་ཉིད་དག་པའི་གནས་མཆོག་ནས། །དུར་ཁྲོད་བདག་མོ་འཁོར་བཅས་ཀྱིས། །དུར་ཁྲོད་གནས་འདིར་བྱིན་གྱིས་རློབས། །བར་དུ་གཅོད་པ་དབང་དུ་སྡུས། །ལོག་པར་འདྲེན་པ་རྡུལ་དུ་རློགས། །དེ་བས་རང་རང་གནས་སུ་དེངས། །ཨོཾ་ཧཱིགྷ་གྷ་ཏ་ཡ་གནོད་བྱེད་ཨུ་ཙ་ཏ་ཡ་ཕཊ༔ ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས། །ང་ནི་ཁྲོས་མ་ནག་མོའི་སྐུ། །ང་ནི་བདེ་ཆེན་དཀར་མོའི་སྐུ། །ང་ནི་སེར་མོ་དོན་གྲུབ་སྐུ། །ང་ནི་དམར་མོ་སྒྲ་སྒྲོག་སྐུ། །ང་ནི་སྣ་ཚོགས་མཐར་ཕྱིན་སྐུ། །ང་ཡི་བཀའ་ལས་མ་འདའ་བར། །འདི་རུ་མ་འདུག་གཞན་དུ་དེངས། །ཅི་སྟེ་མི་འགྲོ་འདུག་གྱུར་ན། །རིགས་ལྔ་མཁའ་འགྲོ་

[Full Size]

ཐུགས་ཁྲོས་ནས། །ཕྱག་མཚན་སོ་སོ་འབར་བ་ཡིས། །བགེགས་ཀྱི་ལུས་ངག་ཡིད་གསུམ་ཡང་། །རྡུལ་ཕྲན་བཞིན་དུ་བརླག་པར་འགྱུར། །དེ་བས་རང་རང་གནས་སུ་དེངས། །ཨོཾ་ཨཱབུདྡྷ་ཌཱཀི་ནཱི༔ ཧི་བཛྲ་ཌཱཀི་ནཱི༔ རི་རཏྣ་ཊཱཀི་ནཱི༔ ནི་པདྨ་ཊཱཀི་ནཱི༔ ས་ཀརྨ་ཊཱཀི་ནཱི༔ གནོད་བྱེད་ཨུ་ཙ་ཏ་ཡ་ཧཱུྃ་ཕཊ༔ ཧཱུྃ། ཉོན་ཅིག་བགེགས་དང་ལོག་འདྲེན་ཚོགས༔ ང་ནི་རང་བྱུང་ཁྲོས་མ་ནག་མོའི་སྐུ༔ སྐུ་ཡི་ཆ་ལུགས་ཟ་བྱེད་རྔམ་སྟབས་ཅན༔ གསུང་གི་རིག་སྔགས་ཧཱུྃ་ཕཊ་འབྲུག་སྒྲ་སྒྲོག༔ ཐུགས་ནི་ཆོས་ཉིད་ཞི་བའི་ངང་ལ་གནས༔ རྡེག་པའི་མཚོན་ཆ་སྲེག་པའི་མེ་རི་འབར༔ འོད་ཟེར་རྡོ་རྗེའི་ཐོག་དང་སེར་ཆེན་འབེབས༔ རྐན་སྒྲ་གློག་དང་དགྲ་བགེགས་བསྒྲལ་མཚམས་༔ གཅོད༔ ལྷ་ཀླུ་ལ་སོགས་བགེགས་ཚོགས་ཀུན་ཉོན་ཅིག༔ ང་ནི་གནས་འདིར་ཁྲོས་མའི་ཕོ་བྲང་འདིར༔ བརྟུལ་ཞུགས་སྤྱོད་པ་འདུག་པའི་གནས་མེད་པས༔ མྱུར་བ་ཉིད་དུ་སོ་སོའི་གནས་སུ་དེངས༔ ཅི་སྟེ་མི་འགྲོ་འདུག་གྱུར་ན༔ ཁྲོ་མོའི་ཚོགས་སྤྲོས་མཚོན་གྱི་ཆར་པ་འབེབས༔ བགེགས་ཀྱི་ལུས་ངག་ཡིད་གསུམ་ཡང་༔ རྡུལ་ཕྲན་བཞིན་དུ་རླག་པར་

[Full Size]

བྱེད༔ དེ་བས་རང་རང་གནས་སུ་དེངས༔ ཨོཾ་བཛྲ་བྷ་ར་ཧི༔ ཀྲོ་ཏི་ཀཱ་ལི༔ ཧ་རི་ནི་ས༔ ཨ་ཝེ་ཤ་ཡ་ཨ༔ སྒོ་མ་རྣམས་ཀྱིས་སྒོ་སྡོམས་ལ༔ མཚམས་མ་རྣམས་ཀྱིས་མཚམས་སྡོམས་ཤིག༔ ཕྱི་ནང་བར་ཆད་ཐམས་ཅད་བཟློག་ཏུ་གསོལ༔ འོག་ཐམས་ཅད་རྡོ་རྗེའི་ས་གཞི༔ བར་ཐམས་ཅད་རྡོ་རྗེའི་ར་བ༔ སྟེང་ཐམས་ཅད་རྡོ་རྗེའི་དྲྭ་བ་དང་གུར་བླ་བྲེས་སུ་གྱུར༔ བཀའ་བརྒྱུད་བླ་མ་རྣམས་ཀྱི་བྱིན་རླབས་དང་༔ ཐུགས་རྗེ་ཁྲོས་མ་ནག་མོའི་བདེན་སྟོབས་ཀྱིས༔ བདག་གི་བསྲུང་བྱ་འདི་ལ་སུས་ཀྱང་གནོད་པ་མ་བྱེད་ཚེཅིག༔ ཨོཾ་བཛྲ་རཀྵ་རཀྵ་སྭཱ་ཧཱཿ ཧཱུྃ། ལྷུན་གྲུབ་ཡེ་ཤེས་ཕོ་བྲང་ནས༔ དག་སྣང་བཀའ་བརྒྱུད་རིན་པོ་ཆེ༔ གནས་གསུམ་མཁའ་འགྲོའི་སྤྲིན་ཚོགས་བཅས༔ རྗེ་བཙུན་བླ་མ་རྣམས་ཀྱི་བཀྲ་ཤིས་ཤོག༔ ཧཱུྃ༔ སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ༔ བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཐུགས་རྗེ་ཁྲོས་མའི་སྐུ་ཡི་བཀྲ་ཤིས་ཤོག༔ བདེ་ཆེན་དཀར་མོས་འཇིགས་པ་ཀུན་ལས་སྒྲོལ༔ སེར་མོ་དོན་གྲུབ་ཚེ་དབང་རྒྱས་པར་མཛད༔ དམར་མོ་སྒྲ་སྒྲོག་ཁམས་

[Full Size]

གསུམ་དབང་དུ་སྡུད༔ སྣ་ཚོགས་མཐར་ཕྱིན་མངོན་སྤྱོད་ལས་ཀུན་མཛད༔ མཁའ་འགྲོ་སྡེ་བརྒྱད་ཕྲིན་ལས་སྣ་ཚོགས་འགྲུབ༔ བདེ་སྟོང་མཁའ་འགྲོའི་ཚོགས་ཀྱི་བཀྲ་ཤིས་ཤོག༔ མི་འགྱུར་ལྷུན་པོ་སྐུ་ཡི་བཀྲ་ཤིས་ཤོག༔ སོགས༔ གནས་འདིར་ཉིན་མོ་བདེ་ལེགས་མཚན་བདེ་ལེགས་སོགས་ཀྱིས་འགྲུབ་བོ། །ཞེས་པ་འདི་ནི་གྲུབ་ཆེན་ཆགས་མེད་རིན་པོ་ཆེས་མཛད་པར་གྲགས་ཀྱང་རང་ལུགས་ཞལ་རྒྱུན་ཙམ་ལ་འཁྲུལ་མེད་ཡི་གེར་བྲིས་ཏེ། སླར་ཡང་ཉང་གཏེར་ཁྲོས་མའི་གཞུང་པོད་འདོན་ཆ་ལས་དག་པར་བྱས། ཐམས་ཅད་དགེ་ཞིང་བཀྲ་ཤིས་པར་གྱུར་ཅིག། །སརྦ་མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

གསང་སྒྲུབ་ཁྲོ་མོ་རོལ་པའི་གཏོར་ཟློག

[Full Size]

བཅོམ་་་ཨོ་རྒྱན་གྱིས་མཛད། ལྡན་འདས་་་་ཅིག་སྒྲུབ། རྡོ་རྗེ་ཕག་མོ་ཁྲོས་མ་གསང་བ་ལྷ་ལྔ། ནག་མོའི་གསང་སྒྲུབ་་་མཁའ་འགྲོའི་བླ་རྡོ་བཅང་བ། ཁྲོ་མོ་་་ལྷ་བཅུ་གསུམ་མ་རཏྣ་གླིང་པས་བྱས་པའི་ཉང་གཏེང་མན་ངག་ཁ་བཀང་། རོལ་པའི་གཏོར་ཟློག་ལེའུ་བཅུ་གསུམ་པ་ཟབ་པའི་མཐར་ཐུགག་བཞུགས་སོ༔ ཤིན་ཏུ་དྲག་པོའི་ལས་ཕྱིར་བཅའ་ཤེས་པ་དགོས། གསང་ལ་སྤྱོད་དང་དངོས་གྲུབ་ལེགས་པ་ཐོབ། མནྡྷ་གུ་ཧུ་ཞེས་པའི་བརྡ་སྦྱར་བའོ༔ ཟབ་པའི་སྔགས་བླ་མེད་དོ༔

[Full Size]

ཨུ་རྒྱན་སྐད་དུ༔ མ་ཏྲི་ཛིན་མུ་ཏྲ་ས་ན་དྷ༔ མཁའ་འགྲོའི་བརྡ་སྐད་དུ༔ མ་ཧོ་ཀ་ལི་མ་ལ་ནི༔ རྒྱ་གར་སྐད་དུ༔ བཛྲ་དྷཱ་ཀི་ནཱི་བྷ་ར་ཧི་ཀྲོ་ཏི་ཀཱ་ལི་གུ་ཧྱ་སནྡྷ་སརྦ་ཡཀྵ་ཟློག་ལ་ཧི་ན་མ༔ བོད་ཡུལ་དུ༔ རྡོ་རྗེ་ཕག་མོ་ཁྲོས་མ་ནག་མོའི་གསང་སྒྲུབ་གཏོར་ཟློག་ཆེན་མོ་ཞེས་བྱ་བ༔ ཨུ་རྒྱན་མཁའ་འགྲོ་མ་སྲིང་རྣམས་ལ་ཕྱག་འཚལ་ལོ༔ ད་ཡང་སྐལ་པ་དང་ལྡན་པའི་རྣལ་འབྱོར་པས་ཡེ་ཤེས་ཀྱི་མཁའ་འགྲོ་མ་རྣམས་གསང་བ་ལྟར་རྡོ་རྗེ་ཕག་མོའི་སྒྲུབ་པ་ལ༔ ཁྲོ་མོ་རོལ་པའི་གཏོར་སྒྲུབ་ཡིད་བཞིན་ནོར་བུ་འདི་ལ་གསུམ་སྟེ༔ དང་པོ་དུར་ཁྲོད་དམ༔ རི་ཁྲོད་དབེན་པའི་གནས་སུ་དལ་

[Full Size]

མདའ་གང་གི་དབུས་སུ༔ ཆོས་འབྱུང་གཉིས་བརྩེགས་ཀྱི་དབུས་སུ་ཨེ༔ ཟུར་རྣམས་སུ་གྲི་གུག་གྲུ་ཆེད་དུ་གཡུ་དྲུང་མཐར་མེ་ཏོག་སྔོན་པོས་ཚོམ་བུས་བསྐོར་བའི་དབུས་སུ༔ ཐོད་པ་དུམ་བུ་གཅིག་པ་ཚང་གིས་བཀང་བའི་ནང་དུ་ཨ་མི་ཏ་དང་༔ སིནྡྷ་ར་དང་༔ བྱང་སེམས་དཀར་དམར་སྦྱར་བ་བླུག་གོ༔ དེའི་སྟེང་དུ་མེ་ལོང་ཁ་ཆང་གིས་རླན༔ སིནྡྷ་ར་བརྩེགས་པ་ལ་སྙིང་པོ་རྣམས་བཀོད༔ དེའི་སྟེང་དུ་ཁྲོས་མའི་སྐུ་བཞག་གོ༔ མཐའ་བསྐོར་དུ་གཏོར་ཚོགས་གཞུང་བཞིན་བཀྲམ༔ ཐོད་པ་ལྟག་སྤྲོད་ཀྱི་རྔ་ནི་ཤིན་ཏུ་དོ་གལ་ཆེ༔ དེ་ནི་མཁའ་འགྲོ་སྒྲུབ་པར་གཅེས་སོ༔ སྤྲོས་མེད་བླ་རྡོ་མཆན་དུ་བཅང་ལ་སྲོག་གི་བླ་རྡོ་བསྟན་པ་ནི༔ ཤོག་བུ་བཟང་པོ་ལ་སྐར་མ་རྒྱལ་གྱི་ཉིན་པར༔ རབ་གསེར༔ འབྲིང་མཚལ༔ ཐ་མ་རྒྱ་སྣག༔ རབ་བུ་མོ་མདའ་

[Full Size]

མ་ཕོག་པའི་དྲི་ལ་སྦྱར༔ འབྲིང་ཆང་གར་ཁུ་བས་འདུལ་ལ་མུ་ཁྱུད་གསུམ་གྱི་ལྟེ་བར། མཏྲིཧཱཕེཛཿ མཁའའགྲོམཐམསཅདདབངདུསྡུསཤིག༔ བཀའཉནལསབྱེདཔརགྱུརཅིག༔ རྩིབས་བཞི་ལ༔ ཧརིནིས༔ རྩིབས་མཆན་བཞི་ལ༔ བཛྲརཏྣཔདྨཀརྨ༔ ཀིནིཧཱུྃཛ༔ དེ་ཡི་ཕྱི་རིམ་མུ་ཁྱུད་ལ༔ རྩ་སྔགས་ལས་སྦྱོར་བཅས་པ་བྲི༔ དེ་རྒྱབ་སྐག་དང་པདྨ་རཀྟ་བྱུག༔ མཁའ་འགྲོ་བསྐྱེད་བསྟིམ་རབ་གནས་ལེགས་པར་བྱས་ལ༔ ནང་རྟེན་དུ་སིནྡྷ་ར་དང་མུ་མེན་དང་བཅས་པ་ཚོན་སྐུད་ཀྱིས་བཅིངས༔ དེ་དར་སྣ་ལྔས་དཀྲིས་ལ་ཕག་མོ་ནག་མོའི་པགས་པས་དྲིལ་ཏེ་མཆན་ཁུང་གཡོན་དུ་བཅང་ངོ་༔ ལུས་དང་གྲིབ་མ་བཞིན་དུ་ལེགས་པར་འགྲོགས་སོ༔ འཁུ་ལྡོག་མེད་ཅིང་བསྒོ་བའི་བཀའ་ཉན་ནོ༔ འདི་སྙིང་དང་འདྲ་བའི་སྔགས་འཆང་མིན་པ་ལ་གསང་ངོ་༔ ས་མ་ཡ༔ རྒྱ་རྒྱ་རྒྱ༔ ༈ བདག་བསྐྱེད་གསང་སྒྲུབ་དངོས་གཞིའི་རིམ་པ་ནི༔ བདེ་བའི་སྟན་ལ་འདུག་སྟེ༔ དཔྲལ་བར་སིན་ར་ཡི་ཐིག་ལེ་བྱུག་ལ་སྨྲ་བཅད་ལ༔ དེ་ནས་སྐྱབས་འགྲོ་སེམས་བསྐྱེད་སྔོན་དུ་སོང་ནས༔ ཨོཾ་མ་ཧཱ་ཤཱ་རྱ་ཏ་བཛྲ་ཛྷ་ན་སྭ་བྷ་ཝ་ཨཏྨ་ཀོཉཧཾ༔ སྣང་སྲིད་ཆོས་དབྱིངས་སྟོང་པའི་ངང་ལས༔ དུར་ཁྲོད་ཆེན་པོ་འབར་བའི་དབུས་སུ༔ ཆོས་འབྱུང་ཟུར་དྲུག་ཨེ་གྲུ་གསུམ་མེ་དཔུང་དམར་ནག་རབ་ཏུ་འབར་བའི་དབུས་སུ་པཾ་ལས་རོ་གདན་གྱི་སྟེང་དུ་སྐད་ཅིག་གིས་དྲན་རྫོགས་སུ་ཧཱུཾ་ལས་ཕག་

[Full Size]

མོ་ཁྲོས་མ་ཞལ་གཅིག་ཕྱག་གཉིས༔ སྐུ་མདོག་མཐིང་ནག་སྤྱན་གསུམ་དམར་ལ་ཟླུམ་པ་མཆེ་བ་གཙིགས་པ༔ དབུ་སྐྲ་ཁམ་སེར་སྐུ་རྒྱབ་ནས་མར་འཕྱོ་བ༔ སྤྱི་གཙུག་ན་ཕག་ཞལ་ངུར་སྒྲ་སྒྲོགས་པས་སྣང་སྲིད་དབང་དུ་སྡུད་ཅིང་ཁམས་གསུམ་ཟིལ་གྱིས་མནན་པ༔ མ་མོ་མཁའ་འགྲོ་ཐམས་ཅད་རང་དབང་མེད་པར་དབང་དུ་འདུ་བ༔ ཕྱག་གཡས་གྲི་གུག་ནམ་མཁའ་ལ་ཕྱར་བ༔ གཡོན་པས་ཐོད་ཁྲག་ཐུགས་ཀར་འཛིན་པ༔ ཁ་ཊཾ་རྩེ་གསུམ་གྲུ་མོར་བརྟེན་པ༔ ཞབས་གཡས་བསྐུམས་པས་མཚན་མ་ལ་གཏད་པ། གཡོན་བརྐྱང་བས་རོ་ཡི་སྙིང་ཁ་ནས་མནན་པ༔ ནུ་མ་དང་བྷ་ག་རྒྱས་པ༔ གླང་ཆེན་ཀོ་བ་དང་ཞིང་ཆེན་གཡང་གཞིའི་སྟོད་གཡོགས་དང་༔ སྟག་གི་ཤམ་ཐབས་སྦྲུལ་ཆུན་མི་མགོ་ཁྲག་འཛག་པ་ལྔ་བཅུའི་དོ་ཤལ་ཅན༔ སྐུའི་བ་སྤུ་རེ་རེ་ནས་མཁའ་འགྲོ་མ་རང་འདྲ་བ་ཚོན་གང་བ་ལ༔ མེ་ཡི་ཚྭ་ཚྭ་སྐར་ལྟར་འཕྲོ་ཞིང་ཕཊ་དང་ཕོ་གྱི་སྒྲ་སྒྲོག་པ་དེ་ཡི་སྤྱི་བོ་ན༔ རྡོ་རྗེ་མཁའ་འགྲོ་མ་སྐུ་མདོག་དཀར་མོ་རང་འདྲ་གཙོ་འཁོར་སུམ་བརྒྱ་དང་དྲུག་ཅུ༔ གཡས་ཐམས་ཅད་རྡོ་རྗེ་གྲི་གུག༔ གཡོན་ཐམས་ཅད་ཐོད་ཁྲག་བསྣམས་པ༔ མགྲིན་པར་རིན་

[Full Size]

ཆེན་མཁའ་འགྲོ་མ་སྐུ་མདོག་སེར་མོ་གཙོ་འཁོར་བཅུ་དྲུག༔ གཡས་ཐམས་ཅད་རིན་ཆེན་གྲི་གུག༔ གཡོན་ཐམས་ཅད་ཐོད་ཁྲག་བསྣམས་པ༔ ཐུགས་ཀར་སངས་རྒྱས་མཁའ་འགྲོ་མ་མཐིང་ནག་གཙོ་འཁོར་སུམ་ཅུ་རྩ་གཉིས༔ གཡས་ཐམས་ཅད་འཁོར་ལོ་གྲི་གུག༔ གཡོན་ཐམས་ཅད་ཐོད་ཁྲག་བསྣམས་པ༔ ལྟེ་བར་པདྨ་མཁའ་འགྲོ་མ་སྐུ་མདོག་དམར་མོ༔ གཙོ་འཁོར་དྲུག་ཅུ་རྩ་བཞི༔ གཡས་ཐམས་ཅད་པདྨའི་གྲི་གུག་གཡོན་ཐམས་ཅད་ཐོད་ཁྲག་བསྣམས་པ༔ གསང་གནས་སུ་ལས་ཀྱི་མཁའ་འགྲོ་མ་སྐུ་མདོག་ལྗང་ཁུ་གཙོ་འཁོར་ཉི་ཤུ་རྩ་བརྒྱད་གཡས་ཐམས་ཅད་རྒྱ་གྲམ་གྲི་གུག་གཡོན་ཐམས་ཅད་ཐོད་ཁྲག་བསྣམས་པའོ༔ དེ་ལྟར་གསལ་བའི་བདག་ཉིད་ཀྱི་སྙིང་གྱེན་དུ་ལོག་པའི་དབུས་སུ་པདྨ་ཕྱོགས་མཐུན་འདབ་བཞིའི་ལྟེ་བར་གསང་བ་ཐུགས་ཀྱི་ཕག་མོ་ལྷ་ལྔ་བསྐྱེད་དེ༔ པདྨའི་ཟེའུ་འབྲུར་སངས་རྒྱས་མཁའ་འགྲོ་མ་མཐིང་ཀ༔ མདུན་དུ་རྡོ་རྗེ་མཁའ་འགྲོ་མ་དཀར་མོ༔ གཡས་སུ་རིན་ཆེན་མཁའ་འགྲོ་མ་སེར་མོ༔ རྒྱབ་ཏུ་པདྨ་མཁའ་འགྲོ་མ་དམར་མོ༔ གཡོན་དུ་ལས་ཀྱི་མཁའ་འགྲོ་མ་ལྗང་གུ་དེ་རྣམས་ཀྱང་གཡས་གྲི་གུག་དང་༔ གཡོན་

[Full Size]

ཐོད་ཁྲག༔ རྒྱན་ཆ་ལུགས་རྣམས་གཙོ་མོ་དང་མཚུངས་པའོ༔ དེ་དག་ཐམས་ཅད་ཀྱི་ཐུགས་ཀར་ཉི་ཟླའི་དཀྱིལ་འཁོར་མཚན་པ་རེ་རེའི་དབུས་སུ་སངས་རྒྱས་མཁའ་འགྲོ་མ་ཧཱུྃ་དང་མ༔ རྡོ་རྗེ་མཁའ་འགྲོ་མ་ཧ༔ རིན་ཆེན་མཁའ་འགྲོ་མ་རི༔ པདྨ་མཁའ་འགྲོ་མ་ནི༔ ལས་ཀྱི་མཁའ་འགྲོ་མ་ས༔ དེ་རྣམས་རེ་རེ་ལའང་རང་རང་གི་ས་བོན་ལ་སྔགས་ཀྱིས་བསྐོར་བར་བསྒོམ་མོ༔ དེ་ལྟར་གསལ་བ་ནན་གྱིས་བསྐྱེད་ནས༔ ངག་ཏུ༔ ཧཱུྃ་ཧཱུྃ་ཧཱུྃ༔ མ་ཧ་རི་ནི་ས་ཕེ་ཕོ་ས་མ་ཡ་ཛ་ཛཿ ཞེས་བརྗོད་པས༔ ལྷ་རང་རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས༔ འོག་མིན་གནས་ནས་ཡེ་ཤེས་ཀྱི་ལྷ་དང་མཁའ་འགྲོ་རྣམས་ཀྱང་རང་སྒྲ་ཏི་རི་རི་ནམ་མཁའ་ལ་བྱོན་ནས་སླར་བདག་དམ་ཚིག་པ་ལ་སོ་སོར་དབྱེར་མེད་དུ་ཐུགས་ཀྱི་བྱིན་གྱིས་བརླབས༔ ཡེ་ཤེས་ལྔ་ཡི་དབང་བསྐུར་བས་ལྷ་ཐམས་ཅད་ཀྱིས་ཕག་སྐད་དུས་གཅིག་ལ་བསྒྲགས་པས་སྟོང་གསུམ་ཐམས་ཅད་འུར་འུར་ཆོམ་ཆོམ་ལྡིག་ལྡོག་དུ་གྱུར་ནས་རང་དབང་མེད་པར་བདག་གི་དབང་དུ་འདུས་ཤིང་༔ མཁའ་འགྲོ་མ་རྣམས་ཀྱིས་ཕྲིན་ལས་རྣམ་བཞི་དུས་གཅིག་ལ་སྒྲུབ་ཅིང་༔ ལྷ་སྲིན་སྡེ་བརྒྱད་ཀྱིས་

[Full Size]

བཀའ་ཉན་ལས་བྱེད་སྙིང་པོ་ཕུལ་བར་གྱུར་པར་བསམ་མོ༔ གཞལ་ཡས་ཁང་དང་རང་གི་རྩ་གནས་ཐམས་ཅད་ནས་མཁའ་འགྲོ་མ་ཏིལ་གྱི་སྒང་བུ་ཁ་བྱེ་བ་ལྟར་གནས་པར་བསམ་མོ༔ དེ་ཡང་ཤིན་ཏུ་ཟབ་པའི་སྔགས་བཟླ་བར་བྱའོ༔ སྟེང་རླུང་བར་རླུང་ཕོ་སྨད་དུ་བཟུང་བར་བྱ་སྟེ༔ ལྟོ་བ་རྒྱང་སྐེད་པ་ཅུང་ཟད་ཉག་ཁ་བྱས་ནས་སྟེང་རླུང་དང་འོག་རླུང་རང་སོར་བཞག་ཅིང་དམིགས་པ་སྙིང་གི་ཕག་མོ་ལྔ་ལ་གཏད་ཅིང་རླུང་རབ་ཏུ་སྦྱངས་བ་ཡིན་ན་འཁོར་ལོ་དང་རྩ་གནས་ཀྱི་མཁའ་འགྲོ་མ་ཐམས་ཅད་རབ་ཏུ་གཅུན་པས་ཀུན་གྱིས་སྔགས་དི་རི་རི་བཟླ་བར་བསམ་མོ༔ ཨོཾ་བཛྲ་བྷ་ར་ཧི༔ ཀྲོ་ཏི་ཀཱ་ལི་ཧ་རི་ནི་ས༔ ཨཱ་ཝེ་ཤ་ཡ་ཙིཏྟ་ཧཱུྃ་ཧཱུྃ་ཛ་ཛཿ ཞེས་བཟླས་པས་རྟགས་དང་བྱིན་རླབས་བསམ་གྱིས་མི་ཁྱབ་པ་འབྱུང་ཞིང་སྐབས་སུ་བར་རླུང་བཟུང་བའི་ངང་ནས་སྐེད་པ་གཡས་དང་གཡོན་དུ་བསྐོར་ནས་ལྷ་རྣམས་ཀྱང་དེ་བཞིན་འཁོར་ཞིང་གནད་ནས་བསྐུལ་བས་རང་སྔགས་ཏི་རི་རི་བཟླ་བར་བསྒོམས་ལ་རྟགས་དང་ཡོན་ཏན་བསམ་གྱིས་མི་ཁྱབ་སྟེ་མྱུར་དུ་འགྲུབ་པར་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ མནྡྷ༔ ཀླུ་བྱ་ཁ་ཐཾ༔ མངྒ་ལཾ༔ ཨོཾ༔ ན་མ་ཤི་ཀྲོ་ཏི་ཀཱ་ལི་ཡེ༔ རྡོ་རྗེ་ཕག་མོ་ཉིད་ལ་གུས་བཏུད་ནས༔ ཁྲོས་མ་ནག་མོའི་ཁྲོ་མོ་རོལ་པའི་གཏོར་ཟློག་བྲི༔ མཁའ་འགྲོའི་བཀའ་གནང་སྲུང་མས་མཐུན་རྐྱེན་སྒྲུབས༔ སྦྱོར་དངོས་རྗེས་གསུམ་ཟིན་བྲིས་འདི་ལྟར་རོ༔ དེ་ལའང་རྣལ་འབྱོར་པ་གང་གིས་ཀྱང་འདི་

[Full Size]

ཉམས་སུ་ལེན་ན་འདི་ལྟར་རོ༔ ཡེ་ཤེས་མཁའ་འགྲོའི་གསང་སྒྲུབ་ཀྱི་དབང་བཀའ་ལུང་ལེགས་པར་མནོས་ཤིང་༔ དམ་ཚིག་གཞུང་ལྟར་བསྲུང་ནུས་ཤིང་བསྙེན་སྒྲུབ་རྟགས་མཚན་ལྡན་པས་བྱར་གཏུབ་བོ༔ རབ་བསྙེན་སྒྲུབ་ལྟ་བུའམ༔ འབྲིང་ཟློག་ཐབས་སམ༔ ཐ་མ་ཟོར་ཐབས་ཙམ་གྱིས་ཁྲོ་མོ་རོལ་པའི་གཏོར་ཟློག་བྱ་སྟེ༔ དང་པོ་སྦྱོར་བ༔ གཉིས་པ་སྟ་གོན༔ གསུམ་པ་མདུན་བསྐྱེད་སྒྲུབ་པ༔ བཞི་པ་ཚོགས་ཀྱིས་དགྱེས་པར་བྱ་བ༔ ལྔ་པ་བསྐུལ་པ༔ དྲུག་པ་བསྒྲལ་བ༔ བདུན་པ་ཟློག་པའི་གཞུང་བསྲང་བ༔ བརྒྱད་པ་ཁ་བསྒྱུར་བྱ་བ༔ དགུ་པ་གནད་གདམ་དགུ་བསྟན་པ༔ བཅུ་པ་ཆད་ཐོ་སྲུང་མ་བསྐུལ་བ༔ བཅུ་གཅིག་བརྟན་མ་སྐྱོང་བ༔ བཅུ་གཉིས་པ་ཟོར་བརྡེག་ཅིང་ལས་ལ་ཆད་པ༔ བཅུ་གསུམ་པ་རྟ་བྲོ་དང་རྗེས་ཀྱི་བྱ་བ་དང་བཅས་པའོ༔ དོན་བཅུ་གསུམ་པ་དང་པོའི་སྦྱོར་བ་ལ༔ ཐོག་མར་བླ་མ་ཡི་དམ་མཁའ་འགྲོ་ཆོས་སྐྱོང་ནོར་ལྷ་སྤྱི་གཏོར་སོགས་གོང་དང་འདྲ་བ་རྒྱས་པར་བཤམས་ལ༔ གཏོར་ཟློག་གི་དངོས་གཞི་ལ༔ ཟངས་ལྕགས་བྷནྡྷའི་སྣོད་དུ་དུར་ཁྲོད་ཀྱི་སས་བཀང་ལ་དཀྱིལ་འཁོར་དཔེའུ་རིས་ལྟར་བྲིས་ལ༔ ལྷ་བཅུ་གསུམ་གྱི་གཏོར་མ་གྲུ་གང་ཡན་ཆད་ལེགས་པར་ཁྲག་སྣས་བསྣོས༔ དེ་ལ་བསྐང་འབྲས་ཁྲག་ཀྱུ་བདུད་རྩི་གཏོར་མ་ལ་རྩང་བཅུ་གསུམ་ཡན་ཆད་ཀྱིས་བརྒྱན་པ་ཟློག་བྱང་ཙཀྲ་གནད་གདམ་དང་བཅས་པ་རྣམས་གཟུགས་སོ༔ ཉ་བོ་མིང་རུས་སམ་གཟུགས༔ ཤ་ཁྲག་གཏོར་མ་མང་དུ་བཤམས་ལ༔ བཀའ་སྲུང་བསྐུལ་པའི་ཟུར་གསུམ༔

[Full Size]

དཀར་གཏོར་ལྔ༔ གཞི་བདག་བརྟན་སྐྱོང་རྣམས་བྱ༔ ཟོར་ཆུང་བརྒྱ་ལས་མི་ཉུང་བ་ཁྲག་གིས་སྣོས༔ དེ་དག་ལ་དར་ནག་གིས་གདུགས་ཕུབ་ལ་ཞིང་གི་གདན་བཏིང་༔ སྤྱན་གཟིགས་སྐུ་གསུང་ཐུགས་རྟེན་བཀྲམ༔ ཐོད་རྔ་ཆ་ལང་རྐང་གླིང་ཌཱ་དྲིལ་ལ་སོགས་རོལ་མོ་དུ་མ་འཁྲོལ༔ གཉིས་པ་སྟ་གོན་བྱ་བ་ནི༔ གཞི་བདག་དང་བགེགས་ལ་སྤྱི་ལྟར་བཀའ་སྒོས༔ སྲུང་འཁོར་བསྒོམ་ལ༔ བདག་བསྐྱེད་ཡི་དམ་ཞི་དྲག་གང་རུང་མཁའ་འགྲོས་ལས་གཞུང་བསྲང་༔ ཆོས་སྐྱོང་རྣམས་རྫོགས་ནས་བདག་བསྐྱེད་གོང་གི་ཕག་མོའི་གསང་སྒྲུབ་བསྙེན་ཚད་དང་ལྡན་པར་བྱས་ལ༔ གསུམ་པ་མདུན་བསྐྱེད་མཆོད་རྫས་བསངས་སྦྱངས་བྱས་ལ༔ རང་ཉིད་ཁྲོས་མར་གསལ་བཏབ་ལ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝས་སྦྱང་༔ སྟོང་པའི་ངང་ལས་ཕྱི་ནང་གསང་བའི་མཆོད་རྫས་རྣམས་ལ་བསྒྲུབ་རྫས་བསྐང་རྫ་ས་ཐམས་ཅད་དྭངས་ཤིང་ཐོགས་པ་མེད་པ་ས་དང་ནམ་མཁའ་བར་སྣང་ཐམས་ཅད་ཁྱབ་པ༔ ངོ་བོ་སྟོང་ཞིང་རྣམ་པ་མཆོད་རྫས་སོ་སོར་སྣང་བ་བྱེད་ལས་དབང་པོ་དྲུག་གི་སྤྱོད་ཡུལ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པ་རྣམས་སུ་གྱུར༔ མཆོད་པའི་སྔགས་རྣམས་བརྗོད་ལ༔ ཕྱི་རོལ་དུ། རྡོ་རྗེ། འཁོར་ལོ། རལ་གྲི། དབྱུག་ཐོ། རྒྱ་གྲམ། མེ་དཔུང་གི་བླ་བྲེ་ར་བ་ས་གཞིའི་གུར་ཁང་ཆེན་པོ་གནོད་བྱེད་ཀྱིས་ལྟ་ཡང་མི་བཟོད་པ་

[Full Size]

ཡངས་ཤིང་རྒྱ་ཆེ་བར་གྱུར༔ སྔགས་རྣམས་ཤེས་པར་བྱའོ༔ དེ་ཡི་དབུས་སུ་སྣ་ཚོགས་རྡོ་རྗེ་རྩེ་དགུ་དགུ་ཡོད་པའི་འོད་ཟེར་གྱིས་བདུད་དཔུང་ཐམས་ཅད་ཟིལ་གྱིས་གནོན་པ༔ ལྟེ་བ་ཡངས་ཤིང་རྒྱ་ཆེ་བའི་དབུས་སུ༔ ཨེ་མཎྜལ་ལ་བྷཾ༔ སྐད་ཅིག་གིས་སྟོང་གསལ་ཆེན་པོའི་ངང་ལས་བདག་ཉིད་ཡེ་ཤེས་ཀྱི་མཁའ་འགྲོ་མའི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ཀྱི་དཀྱིལ་འཁོར་མ་ཏྲ་དངོས་སུ་གསལ་བ་ལ་ཁཾམས་གསུམ་གྱི་དུག་ལྔ་བསྡུས་ནས་ཐིམ་པ་ལས༔ རང་ཉིད་ཀྱི་ཐུགས་ཀ་ནས་མཚོན་ཆའི་ཆར་བབ་པ་ལས༔ བསྒྲལ་བྱའི་ཕུང་པོ་དེ་ཉིད་ཡུལ་རྣམ་པར་དག་པ་ཨོ་རྒྱན་རང་བྱུང་གི་དུར་ཁྲོད་དབྱིབས་ཆོས་འབྱུང་ཟུར་གསུམ་པ༔ སྣང་བ་ཐམས་ཅད་འོད་ཀྱི་དཀྱིལ་འཁོར་འོད་ཟེར་དམར་པོའི་རྦ་བ་ཏུ་འཁྲུགས་པ༔ སྣང་སྲིད་འཁོར་འདས་ཐམས་ཅད་འོད་དང་གཟུགས་བརྙན་རྣམས་དངོས་སུ་འཆར་བའོ༔ ལུས་རྣམ་པར་དག་པ་གཞལ་ཡས་ཁང་དུར་ཁྲོད་ཀྱི་བཀོད་པ༔ བཾ་གསར་རྙིང་དང་བྷནྡྷ་སྐམ་རློན་གྱི་བརྩེགས་པ་ལས་གནམ་ལྕགས་ཀྱི་གཟེར་བཏབ་པ༔ ལྷ་བརྒྱད་ཀྱི་ཀ་བ་བྱས་པ༔ ཀླུ་བརྒྱད་ཀྱི་ཀ་གདན་བྱས་པ༔ གཟའ་བརྒྱད་ཀྱི་ཀ་ཞུ་

[Full Size]

བྱས་པ༔ མཆོག་ཆེན་གྱི་གདུང་ལ༔ མཆོག་ཕྲན་གྱི་གྲལ་ཕྱམ༔ ཞིང་ཆེན་གྱི་ཐོག་ཕུབ༔ ཉི་ཟླའི་མཐོང་སྐར༔ མི་ལྤགས་ཀྱི་བླ་བྲེ༔ ཙིཏྟའི་ཕོ་ལོང་འཕྱང་བ༔ འཇའ་ཚོན་སྣ་ལྔའི་ཞིང་ཁམས་གསལ་བ་ལ་རཀྟའི་རྦ་ཀློང་འཕྱོ་བ༔ གསུར་ཆེན་གྱི་དུད་པ་འཁྲིགས་པ༔ ཉིན་བཞིན་དུ་རླུང་འཚུབ་པ༔ མཚན་བཞིན་དུ་མེ་འབར་བ༔ སྒོ་སྟོད་ལ་སེང་གེ་དང་གཡས་གཡོན་དུ་སྟག་གཟིག་རྔམ་ཞིང་རྒྱུག་པ༔ སྒོ་ཐེམ་ལ་ཞིང་དང་རུས་སྦལ་གྱི་ཕྲ་བཏབ་པ༔ སྒོ་ཁང་དུ་གིང་ཕོ་མོས་རང་སྐད་སྒྲོག་པ༔ འཇིགས་སུ་རུང་བ་ཨུ་ཙ་ལའི་དུར་ཁྲོད་ཀྱི་གཞལ་ཡས་ཁང་དེ་ཡི་ཕྱོགས་མཚམས་དུར་ཁྲོད་བརྒྱད༔ ཤིང་བརྒྱད༔ ཞིང་སྐྱོང་གི་མཁའ་འགྲོ་མ་བརྒྱད༔ མཆོད་རྟེན་བརྒྱད༔ ཕྱོགས་སྐྱོང་བརྒྱད༔ སྒྲུབ་པ་པོ་བྲམ་ཟེ་ལྟ་བུ་བརྒྱད༔ མཚོ་བརྒྱད༔ ཀླུ་བརྒྱད༔ རི་རབ་བརྒྱད༔ སྤྲིན་བརྒྱད༔ མཆོད་པའི་ལྷ་མོ་བརྒྱད༔ རོ་ལངས་བརྒྱད༔ ཕྲ་མེན་བརྒྱད༔ མེ་བརྒྱད༔ ལས་ཀྱི་མཁའ་འགྲོ་མ་བརྒྱད༔ ནགས་ཚལ་བརྒྱད༔ ཕོ་བྲང་བརྒྱུད། རྣལ་འབྱོར་ཕོ་མོའི་ཚོགས་འཁོར་དང་བཅས་པས་ཚོགས་ཀྱི་འཁོར་ལོ་བསྐོར་བའོ༔ དེ་ཡི་ཕྱི་

[Full Size]

རོལ་དུ་པདྨ་དང་ཐོད་པ་སྐམ་རློན་གྱི་གུར༔ རྡོ་རྗེ་སྣ་ཚོགས་ཀྱི་གུར༔ གནམ་ལྕགས་ཁྲོ་ཆུ་ལས་གྲུབ་པའི་རྡོ་རྗེ་ཕ་ལམ་གྱི་འཁོར་ལོའི་གུར༔ མདའ་དར་རལ་གྲི་དབྱུག་ཐོ་ཁ་ཊཾ་ཕུར་པ་མེ་དཔུང་དུམ་བུ་གཅིག་ཏུ་གྱུར༔ གཞལ་ཡས་ཁང་དེ་ཡི་དབུས་སུ༔ ཨེ་ལས་ཆོས་ཀྱི་འབྱུང་གནས་གདེངས་ཀ་ཆེ་བ་གྱེན་དུ་འཕྱོ་བ༔ རྩེ་མོ་ཕྲ་བ་ཐུར་དུ་ཟུག་པ༔ དེའི་དབུས་སུ་སྣ་ཚོགས་པདྨ་འདབ་མ་བརྒྱད་པ༔ རང་མདོག་གིས་མཛེས་པ༔ དེའི་ལྟེ་བར་འཁོར་ལོ་རྩིབས་བཞི་པ༔ ཕྱོགས་བཞིར་དཀར་སེར་དམར་ལྗང་འབར་བ༔ དཀྱིལ་འཁོར་དབུས་ལྟེ་བར་ཉི་དཀྱིལ་དུ་རང་སེམས་ཡི་གེ་ཧཱུྃ་མཐིང་ག་ལས་འོད་ཟེར་སྤྲོ་བསྡུའི་བདག་ཉིད་མ༔ ལས་ཀྱི་མཁའ་འགྲོ་རྡོ་རྗེ་ཕག་མོ་ཁྲོས་མ་ནག་མོ་སྐུ་ཆེ་ལ་ཡན་ལག་རགས་པ༔ སྐུ་མདོག་མཐིང་ནག་ལ་འོད་ཟེར་དམར་པོ་འཕྲོ་བས་སྣང་སྲིད་ཟིལ་གྱིས་གནོན་པ༔ ཞལ་གཅིག་ཕྱག་གཉིས་འཇིགས་སུ་རུང་བ༔ ཕྱག་གཡས་གྲི་གུག་ནམ་པ། མཁའ་ལ་ཕྱར་བ༔ གཡོན་ཐོད་ཁྲག་ཐུགས་ཀར་འཛིན་པ༔ ཁ་ཊཾ་ག་གཡོན་དུ་འཁྱུད་པ༔ ཞབས་གཡས་བསྐུམ་པའི་རྟིང་པ་བྷ་ག་ལ་གཏད་པ༔ གཡོན་བརྐྱང་བ་རོ་ཡི་སྙིང་

[Full Size]

གར་མནན་པ༔ སྐུ་འཇིགས་ཤིང་རབ་ཏུ་ཁྲོས་པ༔ སྦྲུལ་གྱི་ག་ཤལ༔ སྟག་གི་ཤམ་ཐབས༔ ཐོད་པའི་ཕྲེང་བ༔ རཀྟའི་ཐིག་ལེ༔ ཞག་གི་ཟོ་རིས༔ གླང་ཆེན་གྱི་ཀོ་རློནུ༔ ཞིང་གི་གཡང་གཞི༔ ཐོད་སྐམ་རིགས་ལྔའི་དབུ་རྒྱན༔ རུས་པའི་རྒྱན་དྲུག་གསོལ་བ༔ རལ་པ་དམར་ནག་གྱེན་དུ་འཕྱོ་བ༔ སྤྱི་གཙུག་རལ་པའི་གསེབ་ནས་ཕག་ཞལ་མཐིང་ནག་གྱེན་དུ་ངུར་བའི་ཟེ་བ་ནས་ཡེ་ཤེས་ཀྱི་མེ་འབར་བ༔ ཞལ་གྱི་ཁྲོ་གཉེར་བསྡུས་ཤིང་སྤྱན་གསུམ་དམར་ལ་ཟླུམ་པ༔ ཞལ་གདངས་ལྗགས་འདྲིལ་མཆེ་བ་བཞི་གཙིགས་པ༔ དྲག་པོའི་སྙན་སྒྲ་རྡེབ་ཅིང་ཨ་རལླི་ཕོ་ཕེ་ཛཧ་ཧ་ཧེ་ཧེ་ཕཊ་ཕཊཀྱི་སྒྲ་དང་གད་མོ་སྒྲོག་པ༔ སྐུ་ལས་ཡེ་ཤེས་ཀྱི་མེ་འབར་ཞིང་ཁྲོ་མོའི་ཚྭ་ཚྭ་འཕྲོ་བ༔ ཞབས་བརྡབས་པ་ཙམ་གྱིས་སྲིད་གསུམ་གཡོ་ཞིང་ཁམས་གསུམ་འགུལ་བ༔ སྟོང་གསུམ་ཟིལ་གྱིས་གནོན་པ་ཞིག་ཏུ་གྱུར༔ ཤར་གྱི་རྩིབས་ལ་བདེ་ཆེན་དཀར་མོ༔ ལྷོ་ཡི་རྩིབས་ལ་སེར་མོ་དོན་གྲུབ༔ ནུབ་ཀྱི་རྩིབས་ལ་དམར་མོ་སྒྲ་སྒྲོག༔ བྱང་གི་རྩིབས་ལ་སྣ་ཚོགས་མཐར་ཕྱིན༔ དེ་ཐམས་ཅད་ཀྱང་ཡེ་ཤེས་ཀྱི་མཁའ་འགྲོ་མ་ལོ་བཅུ་དྲུག་ལོན་པའི་ན་ཚོད་

[Full Size]

ལྟར་གར་གྱི་ཉམས་དགུ་དང་ལྡན་པ༔ སྐུ་གྲོལ་སྐུ་སྟོད་ཁེབས་པ༔ ཐོད་སྐམ་དབུ་རྒྱན་ཐོད་རློན་དོ་ཤལ༔ རུས་པའི་རྒྱན་དྲུག་ཅན༔ སྐུ་སྟོད་སེང་གེ་ལྟར་འགྱིང་བ༔ སྐུ་སྨད་དུང་ལྟར་འཁྱིལ་བ༔ སྐུ་སྐེད་རྡོ་རྗེ་ལྟར་འཁྲིལ་བ༔ རང་རྟགས་ཕྱག་མཚན་གྲི་ཐོད་བསྣམས་པ༔ ཕག་ཞལ་རང་མདོག་སྤྱི་གཙུག་ཏུ་ངུར་བའོ༔ ཁ་ཊཾ་ག་ལ་འཁྱུད་ཅིང་གཙོ་མོ་ལ་གུས་པའི་ཚུལ་གྱིས་གར་བྱེད་པའོ༔ ཕྱི་རོལ་པད་འདབ་བརྒྱད་ལ༔ ཤར་དུ་རྡོ་རྗེ་མཁའ་འགྲོ་དཀར་མོ༔ ལྷོར་རིན་ཆེན་མཁའ་འགྲོ་སེར་མོ༔ ནུབ་ཏུ་པདྨ་མཁའ་འགྲོ་དམར་མོ༔ བྱང་དུ་ལས་ཀྱི་མཁའ་འགྲོ་ལྗང་གུ༔ ཤར་ལྷོར་དམ་ཚིག་མཁའ་འགྲོ་དཀར་སེར༔ ལྷོ་ནུབ་ཏུ་སྣ་ཚོགས་མཁའ་འགྲོ་སེར་དམར༔ ནུབ་བྱང་དུ་ཐམས་ཅད་མཁའ་འགྲོ་དམར་ལྗང་༔ བྱང་ཤར་དུ་འཇིག་རྟེན་མཁའ་འགྲོ་དཀར་ལྗང་༔ དེ་བརྒྱད་ཀྱང་རང་མདོག་དང་རིགས་ཀྱི་ཕྱག་མཚན་གྲི་ཐོད་བསྣམས་པ༔ རུས་པ་དང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ༔ ཁ་ཊཾ་ག་ལ་གར་སྟབས་ཀྱིས་འཁྱུད་ཅིང་རོ་ཡི་གདན་ལ་བརྐྱང་བསྐུམ་གྱིས་འགྱིང་བའོ༔ ཕྱིའི་ཁྱམས་སུ་ཡེ་ཤེས་དང་ལས་ལ་གྲུབ་པའི་

[Full Size]

འཇིག་རྟེན་གྱི་ཤ་ཟ་དང་ཤུགས་འགྲོ་བསམ་གྱིས་མི་ཁྱབ་པས་བསྐོར་བ༔ སྒོ་ལ་སྒོ་སྐྱོང་བཞི་དང་ཆུང་རྣམས་དབང་ཕྱུག་ཉེར་བརྒྱད་དུ་ཡེ་ནས་ལྷུན་གྱིས་གྲུབ་པའི་སྐུར་གསལ་བར་གྱུར༔ དེ་དག་ཐམས་ཅད་ཀྱི་ཐུགས་ཀར་ཧཱུྃ་དང་རང་རང་གི་ས་བོན་ལས་འོད་ཟེར་འཕྲོས་པས་ནུབ་ཕྱོགས་ཨུ་ཙ་ལ་མི་བཟད་པ་རབ་ཏུ་འཇིགས་པའི་དུར་ཁྲོད་ནས༔ རྗེ་བཙུན་ཐུགས་རྗེ་ཁྲོས་མ་ནག་མོ་འཁོར་དང་བཅས་པ་སྤྱན་དྲངས༔ བཛྲ་ས་མ་ཡ་ཛཛཿ ཞེས་སྤྱན་དྲངས་ལ་སྤོས་དང་ཤ་ཆེན་བསྲེག༔ རྐང་གླིང་རོལ་མོའི་སྒྲ་སྒྲོག་ལ༔ རྔམས་བརྗིད་ཁྲོས་པའི་ང་རོས་གསང་བའི་དབྱངས་ཀྱིས༔ ཧཱུྃ་ཕེ་ཛཿ འོག་མིན་ཆོས་དབྱིངས་ཞིང་ཁམས་ནས༔ རིག་འཛིན་གྲུབ་ཐོབ་གནས་འདིར་བྱོན༔ སྐུ་དང་ཡེ་ཤེས་དཀྱིལ་འཁོར་ནས༔ ཡི་དམ་ལྷ་ཚོགས་གནས་འདིར་བྱོན༔ སྟོང་ཉིད་ཆོས་སྐུའི་ཀློང་ཡངས་ནས༔ རྒྱལ་བའི་ཡུམ་ཆེན་གཤེགས་སུ་གསོལ༔ དག་པ་མཁའ་སྤྱོད་ཕོ་བྲང་ནས༔ རྡོ་རྗེ་ཕག་མོ་གཤེགས་སུ་གསོལ༔ ཨུ་ཙ་ལ་ཡི་དུར་ཁྲོད་ནས༔ ཐུགས་རྗེ་ཁྲོས་མ་གཤེགས་སུ་གསོལ༔ ཆོས་འབྱུང་ཨེ་དབུས་འབར་བ་ནས༔ གསང་བའི་ཁྲོ་མོ་གཤེགས་སུ་གསོལ༔ རང་རིག་མི་འགྱུར་གནས་པ་

[Full Size]

ནས༔ བདེ་ཆེན་དཀར་མོ་གཤེགས་སུ་གསོལ༔ གཏེར་འབྱུང་ཡིད་བཞིན་འཁྱིལ་བ་ནས༔ སེར་མོ་དོན་གྲུབ་གཤེགས་སུ་གསོལ༔ ཤེས་རབ་བཙུན་མོའི་མཁའ་དབྱིངས་ནས༔ དམར་མོ་སྒྲ་སྒྲོག་གཤེགས་སུ་གསོལ༔ མཐུ་རྩལ་མངོན་སྤྱོད་ཐོགས་མེད་ནས༔ སྣ་ཚོགས་མཐར་ཕྱིན་གཤེགས་སུ་གསོལ༔ ཤར་ཁྲོ་གཏུམ་རྔམ་སྒྲོག་དུར་ཁྲོད་ནས༔ རྡོ་རྗེ་མཁའ་འགྲོ་གཤེགས་སུ་གསོལ༔ ལྷོ་གད་རྒྱངས་ཧ་ཧའི་དུར་ཁྲོད་ནས༔ རིན་ཆེན་མཁའ་འགྲོ་གཤེགས་སུ་གསོལ༔ ནུབ་གསང་ཆེན་རོལ་པའི་དུར་ཁྲོད་ནས༔ པདྨ་མཁོའ་འགྲོ་གཤེགས་སུ་གསོལ༔ བྱང་ཀཱི་ལིའི་ཚང་ཚིང་དུར་ཁྲོད་ནས༔ ལས་ཀྱི་མཁའ་འགྲོ་གཤེགས་སུ་གསོལ༔ ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་གཤེགས་སུ་གསོལ༔ ལྷོ་ནུབ་གཏུམ་པའི་དུར་ཁྲོད་ནས༔ སྣ་ཚོགས་མཁའ་འགྲོ་གཤེགས་སུ་གསོལ༔ ནུབ་བྱང་རབ་རྒྱུའི་དུར་ཁྲོད་ནས༔ ཐམས་ཅད་མཁའ་འགྲོ་གཤེགས་སུ་གསོལ༔ བྱང་ཤར་དྲག་ཤུལ་དུར་ཁྲོད་ནས༔ འཇིག་རྟེན་མཁའ་འགྲོ་གཤེགས་སུ་གསོལ༔ གནས་ཆེན་ཉི་ཤུ་རྩ་བཞི་ནས༔ ཡེ་ཤེས་མཁའ་འགྲོ་གཤེགས་སུ་

[Full Size]

གསོལ༔ ཡུལ་ཆེན་སུམ་ཅུ་རྩ་བཞི་ནས༔ ལས་ཀྱི་མཁའ་འགྲོ་གཤེགས་སུ་གསོལ༔ རྒྱ་བོད་བལ་ཡུལ་ཐམས་ཅད་ནས༔ ཤ་ཟ་མཁའ་འགྲོ་གཤེགས་སུ་གསོལ༔ དུར་ཁྲོད་ཆེན་པོ་སོ་སོ་ནས༔ མཁའ་འགྲོ་མ་ཚོགས་གཤེགས་སུ་གསོལ༔ དཀྱིལ་འཁོར་ཀུན་གྱི་མཐའ་གནས་པ༔ དབང་ཕྱུག་ཉེར་བརྒྱད་གཤེགས་སུ་གསོལ༔ བཀའ་དང་དམ་ཚིག་ཕོ་བྲང་ནས༔ མ་རྒྱུད་སྲུང་མ་གཤེགས་སུ་གསོལ༔ མཁའ་འགྲོའི་ཚོགས་རྣམས་གཤེགས་སུ་གསོལ༔ རིན་ཆེན་རུས་རྒྱན་སི་ལི་ལི༔ དབུ་སྐྲ་ཐོར་ཙུགས་ལྡེམས་སེ་ལྡེམ༔ དུར་ཁྲོད་ཆས་བརྒྱད་ཁྲོ་ལོ་ལོ༔ གླུ་ལེན་གར་བྱེད་ཁྱུགས་སེ་ཁྱུག། ཧཱུྃ་ཕཊ་ཕོ་སྒྲ་དི་རི་རི༔ བྱིན་རླབས་དངོས་གྲུབ་ཐིབས་སེ་ཐིབ༔ བར་ཆད་སེལ་ཕྱིར་གཤེགས་སུ་གསོལ། རྐྱེན་ངན་བཟློག་ཕྱིར་གཤེགས་སུ་གསོལ༔ ཤྲཱི་བཛྲ་ཌཱཀི་ནཱི་སརྦ་ས་མ་ཡ་ཛ་ཛཿ ཛཿཧཱུྃ་བཾ་ཧོཿ ཨེ་ཨ་རལླི་ཕེ་ཕོ༔ བཞུགས་སུ་གསོལ་བ་ནི༔ ཧཱུྃ༔ དུར་ཁྲོད་མེ་དཔུང་བཻ་རོ་པདྨའི་སྟེང་༔ ཐུགས་རྗེ་ཁྲོས་མ་འཁོར་དང་བཅས་པ་རྣམས༔ གཟུགས་སྐུས་འགྲོ་དོན་སྣ་ཚོགས་མཛད་པའི་ཕྱིར༔ དམ་ཡེ་དབྱེར་མེད་རོ་གཅིག་བརྟན་པར་བཞུགས༔ བཛྲ་

[Full Size]

ཏིཥྛ་ལྷན༔ ཕྱག་འཚལ་བ་ནི༔ ཧཱུྃ༔ ལྷུན་གྲུབ་ཡེ་ཤེས་ཕོ་བྲང་ནས་དག་སྣང་བཀའ་བརྒྱུད་རིན་པོ་ཆེ༔ གནས་གསུམ་ཌཱཀིའི་སྤྲིན་ཚོགས་བཅས༔ རྗེ་གུ་རུ་རྣམས་ལ་ཕྱག་འཚལ་ལོ༔ སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ༔ བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཕག་མོ་འཇིགས་བྱེད་ཁྲོས་མར་ཕྱག་འཚལ་ལོ༔ བདེ་ཆེན་དཀར་མོས་འཇིགས་བརྒྱད་བཅུ་དྲུག་སྒྲོལ༔ སེར་མོ་དོན་གྲུབ་དཔལ་འབྱོར་ཚེ་དབང་རྒྱས༔ དམར་མོ་སྒྲ་སྒྲོག་ཁམས་གསུམ་དབང་དུ་བསྡུས༔ ལྗང་མོ་མཐར་ཕྱིན་མངོན་སྤྱོད་ཕྲིན་ལས་སྒྲུབ༔ མཁའ་འགྲོ་སྡེ་བརྒྱད་ཕྲིན་ལས་སྣ་ཚོགས་སྒྲུབ༔ བདེ་སྟོང་མཁའ་འགྲོ་རྣམས་ལ་ཕྱག་འཚལ་ལོ༔ ཕྱི་ནང་གསང་མཆོད་འབུལ་བ་ནི༔ ཧཱིཧཾ༔ མ་དང་ཊཱའི་མཁའ་འགྲོ་རྒྱ་མཚོ་ལ༔ མེ་ཏོག་བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་ཕྱི་མཆོད་ཇི་སྙེད་འབུལ༔ གཟུགས་མཛེས་སྒྲ་སྙན་དྲི་ཞིམ་རོ་མངར་བ༔ རེག་འཇམ་ཆོས་ཡིད་དགྱེས་པའི་ནང་མཆོད་འབུལ༔ དཔའ་བོ་རྟ་མགྲིན་གིང་ཆེན་སྡེ་བཞི་དང་༔ ཐབས་ཀྱི་རྡོ་རྗེ་བདེ་ཆེན་སྦྱོར༔ ལྷ་

[Full Size]

ཚོགས་མཉེས་པའི་གསང་མཆོད་འབུལ༔ ཨོཾ་ཤྲཱི་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་སརྦ་པཱུ་ཙ་པཱ༴ སོགས། རྭ་པ་ནས་བྷྱོ་དྷི་ཙིཏྟ་སརྦ་པཱུ་ཛ་ཧོ༔ སྨན་རཀ་གཏོར་མ་འབུལ་བ་ནི༔ ཧཱུྃ༔ འབྲས་རྒུན་བུར་སྦྲང་རྫས་སྦྱར་ཆང་༔ ཤེས་རབ་ཛ་གད་བདུད་རྩི་འབུལ༔ ཐིག་ལེ་རྐང་དང་ཁུ་བ་ཞག༔ མུ་ལ་ལེན་ཛ་རཀྟ་འབུལ༔ དོན་སྙིང་དབང་པོ་ཤ་ཁྲག་བརྒྱན༔ འདོད་ཡོན་ལོངས་སྤྱོད་གཏོར་མ་འབུལ༔ དྲི་ལྔ་སྨན་ལྔ་བདུད་རྩི་ལྔ༔ སྙིང་པོ་ལྔ་ལྡན་ནང་མཆོད་འབུལ༔ ཤ་རུས་ཀླད་ཁྲག་སྙིང་ལ་སོགས༔ དུག་ལྔའི་ཕུང་པོ་དབྱིངས་སུ་རོལ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ མ་ཧཱ་སུ་ཁ་པུ་ཙ་ཧོ༔ སྦྱོར་སྒྲོལ་དེ་ཁོ་ན་ཉིད་ཀྱི་མཆོད་པ་ནི༔ ཧཱུྃ༔ ཐབས་ཤེས་ཡབ་ཡུམ་སྲུབ་སྤྱོད་སྦྱོར༔ དགའ་བདེ་བྱང་སེམས་ཡིད་ཀྱིས་མགུ༔ ལྷན་སྐྱེས་རང་བཞིན་སྦྱོར་མཆོད་འདི༔ མཁའ་འགྲོ་གཙོ་འཁོར་བཅས་ལ་འབུལ༔ ཀུན་གྱི་དོན་རྟོགས་རྣལ་འབྱོར་པས༔ དུག་གསུམ་སྐུ་གསུང་ཐུགས་སུ་སྒྲོལ༔ དུག་ལྔ་ཡེ་ཤེས་ལྔ་རུ་སྒྲོལ༔ སྣང་སྲིད་ཕྱག་རྒྱ་ཆེན་པོར་སྒྲོལ༔ མ་རིག་སྟོང་པ་བདེ་ཆེན་འདི༔ གྲུབ་ཐོབ་བརྒྱུད་པས་བཞེས་སུ་གསོལ༔ ཉོན་མོངས་ལྔ་པོ་ཡེ་ཤེས་

[Full Size]

ལྔ༔ ཁྲོས་མ་ལྷ་ལྔས་བཞེས་སུ་གསོལ༔ རྣམ་ཤེས་ཚོགས་བརྒྱུད་རྣམ་དག་པའི༔ མཁའ་འགྲོ་སྡེ་བརྒྱད་བཞེས་སུ་གསོལ༔ ཕུང་ཁམས་སྐྱེ་མཆེད་ཡོངས་རྫོགས་འདི༔ ཌཱཀི་རྒྱ་མཚོས་བཞེས་སུ་གསོལ༔ སྐུ་གསུང་ཐུགས་ཀྱི་ཀློང་དུ་རོལ༔ མཆོག་ཐུན་དངོས་གྲུབ་བསྩལ་དུ་གསོལ༔ གསང་སྒྲུབ་ལྟར༔ ཐུན་མཚམས་པ།ཏོར་མ་འབུལ་བ་ནི༔ མེ་རླུང་གི་སྦྱོར་བས་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ཏེ༔ ཐོད་རྔ་སྒྲོག་ཅིང་༔ ཨེ་ལས་ནམ་མཁའ་ཡཾ་ལས་རླུང་གི་དཀྱིལ༔ རཾ་ལས་མེ་ཐབ་ཀཾ་ལས་ཐོད་སྐྱེད་སྟེང་༔ ཨ་ལས་ཡེ་ཤེས་ཀ་པཱ་ལ་ཡི་ནང་༔ ཤ་ལྔ་དྲི་ལྔ་སྨན་ལྔ་བདུད་རྩི་ལྔ༔ ཤ་ཁྲག་ཀླད་རུས་དབང་པོ་ནང་ཁྲོལ་བཅས༔ རླུང་གིས་མེ་སྦར་ཐོད་ནང་ཞུ་ཞིང་ཁོལ༔ མི་གཙང་ཕྱིར་ལུད་ཡེ་ཤེས་བདུད་རྩིར་གྱུར༔ རྩ་བརྒྱད་སྟོང་སྦྱར་ར་ས་ཡ་ན་དང་༔ འདུ་འབྲལ་མེད་པའི་པཉྩ་ཨ་མྲྀ་ཏ༔ གདོད་ནས་རྣམ་དག་ཡེ་ཤེས་བདུད་རྩིར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧཱི༔ ཕོ་ཛཿཧཱུྃ༔ རྣམ་དག་ཆོས་དབྱིངས་བྷནྡྷ་རུ༔ ཤ་ཁྲག་དམར་དང་ལོངས་སྤྱོད་བརྒྱན༔ ཡེ་ཤེས་བདུད་རྩི་རོ་མཆོག་ལྡནུ༔ འདོད་ཡོན་མཆོད་པ་སྤྲིན་ལྟར་གཏིབས༔ སྤོས་

[Full Size]

གསུར་དྲི་ངད་ཀྱི་ལི་ལི༔ ཁྲག་ཞག་ཞུ་ཆེན་མེ་རེ་རེ༔ ཚོགས་བསྐང་ལོངས་སྤྱོད་ཀྱི་ལི་ལི༔ དཔལ་གཏོར་བརྗིད་མདངས་ཡ་ལ་ལ༔ རཀྟ་ཞུ་ཆེན་རྦ་རླབས་འཕྱོ༔ ཡེ་ཤེས་བདུད་རྩི་ངོ་རེ་མཚར༔ རྟག་ཏུ་མི་ཟད་རྒྱུན་རེ་རིང་༔ མཁའ་འགྲོའི་གཏོར་ལེན་དྭངས་རེ་སྤྲོ༔ མཆོད་བཞེས་དམ་བསྐང་དབང་དང་དངོས་གྲུབ་སྩོལ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་བཛྲ་རཏྣ་པདྨ་ཀརྨ་སརྦ་ཙིཏྟ་ཧྲི་ཧྲི་སིདྡྷི་ཕ་ལ་ཧོ༔ ཨིན་པྲ་མ་ནི་མ་ཧཱ་བ་ལིཾ་ཏ་ཁཱ་ཧི་ཁཱ་ཧི༔ ཞེས་སྔགས་ཚར་གསུམ་མམ་བདུན་གྱིས་ཕུལ༔ ཐུན་མཚམས་སུ་བསྟོད་པ་བྱ་ཞིང་ཐུགས་དམ་བསྐུལ༔ དངོས་གྲུབ་ལེན་ཞིང་ཤ་ཆེན་དང་སྤོས་དང་གུ་གུལ་བསྲེགས༔ ངོ་ཆེན་དང་ཐོད་རྔ་འཁྲོལ་ཞིང་དབྱངས་སྙན་པོས༔ ཧཱུྃ༔ ཆོས་ཀྱི་དབྱིངས་ནས་སྒྱུ་མའི་སྐུར་བཞེངས་པ༔ རྒྱལ་བའི་ཡུམ་མཆོག་རྡོ་རྗེ་ཕག་མོ་ནི༔ ཆགས་མེད་བརྗོད་བྲལ་བཅོམ་ལྡན་ཁྲོས་མའི་སྐུ༔ བདེ་གཤེགས་ཁྲོས་མའི་སྐུ་ལ་ཕྱག་འཚལ་བསྟོད༔ ཆོས་འབྱུང་འབར་བ་ཨེ་ཡི་དཀྱིལ་འཁོར་ནས༔ ཡེ་ཤེས་བསྐལ་པ་མེ་དཔུང་འབར་བའི་ཀློང་༔ གར་དགུའི་ཉམས་ལྡན་ཁྲོ་གཏུམ་རྔམས་པའི་སྐུ༔ ཕ་རོལ་ཕྱིན་དྲུག་རྫོགས་ལ་ཕྱག་འཚལ་བསྟོད༔ ཞལ་གཅིག་ཕྱག་གཉིས་མཐོང་

[Full Size]

ནག་འབར་བའི་སྐུ༔ སྤྱན་གསུམ་སྡང་མིག་དམར་ཟླུམ་རབ་ཏུ་གཡོ༔ མཆེ་བ་བཞི་གཙིགས་ཁྲོ་གཉེར་འགྱིངས་བག་ལྡན༔ མཁའ་འགྲོ་གཙོ་མོའི་སྐུ་ལ་ཕྱག་འཚལ་བསྟོད༔ གཡས་པས་གྲི་གུག་སྐྱེ་ཤི་རྩད་ནས་གཅོད༔ གཡོན་པས་རྟོག་མེད་བྷན་ཁྲག་བཀང་གསོལ་གཡས་བསྐུམ་གཡོན་བརྐྱང་རོ་ཡི་གདན་ལ་བཞུགས༔ དཔའ་མོ་ཆེན་མོ་ཁྱོད་ལ་ཕྱག་འཚལ་བསྟོད༔ ཕག་སྐད་གྱེན་ངུར་སྒྲ་ཆེན་རབོ་སྒྲོག་ཅིང་༔ ཁམས་གསུམ་སྲིད་གསུམ་དབང་དུ་སྡུད་པར་བྱེད༔ ཕག་སྐད་ངར་ངར་ཕྱོགས་བཅུའི་སྟོང་ཁམས་ཁེངས༔ སྡེ་བརྒྱད་དབང་སྡུད་རྔམས་ལ་ཕྱག་འཚལ་བསྟོད༔ ཕག་སྐད་ངུར་ངུར་འོག་ཏུ་ཆེམ་ཆེམ་སྒྲོག༔ ས་བདག་ཀླུ་གཉན་ཟིལ་གྱིས་གནོན་པར་བྱེད༔ ཕཊ་ཕེ་ཨཱ་རལླི་ཛཞལ་ནས་སྒྲོག༔ ཆེ་བའི་ཡོན་ཏན་རྫོགས་ལ་ཕྱག་འཚལ་བསྟོད༔ དབུ་སྐྲ་ཁམ་སེར་རིགས་ལྔ་སྤྱི་བོར་བཅིངས༔ སྙན་ཆ་མགུལ་གྱི་གདུ་བུས་རབ་ཏུ་མཛེས༔ ཁ་ཊཾ་མཆན་བཅུག་དུག་གསུམ་རྩད་ནས་གཅོད༔ ཡེ་ཤེས་ཁྲོས་མའི་སྐུ་ལ་ཕྱག་འཚལ་བསྟོད༔ འདུ་བྱེད་རྣམ་དག་མགོ་ཕྲེང་རྒྱུ་མས་སྦྲེལ༔ གཡང་གཞི་སྟག་ཤམ་རུས་པའི་རྒྱན་ཏུ་

[Full Size]

སྤྲས༔ ཁྲག་དང་ཞུན་ཆེན་ཐལ་བས་སྐུ་ལ་བརྒྱན༔ སྐུ་ཡི་རྒྱན་རྣམས་རྫོགས་ལ་ཕྱག་འཚལ་བསྟོད༔ སྐུ་ཡི་གནས་ལྔར་མཁའ་འགྲོའི་དཀྱིལ་འཁོར་རྫོགས༔ གསང་བ་ཐུགས་ཀྱི་ཡེ་ཤེས་ཕག་ལྔ་རྫོགས༔ རྩ་རྣམས་འཁོར་ལོ་མཁའ་འགྲོའི་སྔགས་སྒྲ་སྒྲོག༔ ཕྲིན་ལས་རྣམ་བཞི་རྫོགས་ལ་ཕྱག་འཚལ་བསྟོད༔ ཅེས་བསྟོད༔ དེ་ནས་མདུན་བསྐྱེད་སྒྲུབ་པ་ནི༔ འཁོར་་ལོ་ལྔ་ལ་སྔགས་བཀོད་དེ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱ་ཝེ་ཤ་ཡ་ཨཱཿ ཏིང་འཛིན་སྤྲོ་བསྡུའི་འཁོར་ལོ་བསྐོར་ལ་བསྙེན་ནོ༔ བཞི་པ་ཚོགས་ཀྱི་དགྱེས་པར་བྱ་བ་ནི༔ བསྐང་བའི་རྫས་དང་༔ ཚོགས་ཀྱི་ཡོ་བྱད་དུ་མ་བཀྲམ་ལ༔ དང་པོ་སྦྱངས་སྤེལ་བྱིན་རླབས་རྣམས་ཡི་དམ་གྱི་སྤྱི་གཞུང་ལྟར་ལ༔ ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས་ང་ནི་ཁྲོས་མ་ནག་མོའི་སྐུ༔ ང་ཡི་བཀའ་ལས་མ་འདའ་བར༔ འདི་རུ་མ་འདུག་གཞན་དུ་དེངས༔ ཅི་སྟེ་མི་འགྲོ་འདུག་གྱུར་ན༔ ཁྲོས་མ་ནག་མོ་ཐུགས་ཁྲོས་ནས༔ རྡོ་རྗེ་གྲི་གུག་མཚོན་ཆ་ཡིས༔ ཁྱོད་ཀྱི་ལུས་ངག་ཡིད་གསུམ་རྣམས༔ རྡུལ་ཕྲན་བཞིན་དུ་རློག་པར་བྱེད༔ དེ་བས་རང་གི་གནས་སུ་དེངས༔ ཨོཾ་ཨཱབུདྡྷ་ཌཱཀི་ནི་གནོད་བྱེད་ཨུ་ཙ་ཏ་ཡ་ཧཱུྃ་ཕཊ༔ ཨ་ཧ་རི་ནི་ས༔ ཨོཾ་

[Full Size]

ཙཀྲ་རཀྵ་རཀྟ་ཧཱུྃ༔ ཨོཾ་སྭ་བྷ་ཝས་སྦྱང་༔ སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་གཞུ་བརྡུང་བའི་དབྱིབས་ཅན་ལྗང་སྔོན་གཡོ་བའི་ཆང་བཟུང་ལ་ཡཾ་དང་མཆོག་མ་ལ་བ་དན་གྱིས་མཚན་པ༔ དེ་ཡི་སྟེང་དུ་རཾ་ལས་མེ་ཡི་དཀྱིལ་འཁོར་དམར་པོ་གྲུ་གསུམ་རཾ་གྱིས་མཚན་པ༔ ཟུར་གསུམ་དུ་ཀཾ་ལས་མི་མགོའི་སྒྱེད་པུ་གསུམ་གྱི་སྟེང་དུ་ཨ་ལས་ཡེ་ཤེས་ཀྱི་ཀ་པཱ་ལ་ཕྱི་དཀར་ལ་ནང་དམར་བ་དུམ་བུ་གཅིག་པ༔ དཔྲལ་བ་རང་ལ་བསྟན་པ་ཡངས་ཤིང་རྒྱ་ཆེ་བའི་དབུས་སུ་ཨོཾ་ཨཱཧཱུྃ་གི་ཚོགས་དཔག་ཏུ་མེད་པ་སྤྱན་དྲངས་ནས་དམ་ཚིག་ཡེ་ཤེས་གཉིས་སུ་མེད་པའི་བདུད་རྩི་ཁ་དོག་དྲི་རོ་ནུས་པ་ཕུན་སུམ་ཚོགས་པ་ཟག་པ་མེད་པའི་བདེ་བ་ཆེན་པོ་དང་ལྡན་པར་གྱུར་ཅིག༔ བསམ་ལ༔ ཨོཾ་ཨཱཧཱུྃ༔ ཉེར་གཅིག་གིས་བྱིན་བརླབ་བོ༔ ༈ ཚོགས་མགྲོན་སྤྱན་འདྲེན་པ་ནི༔ ཧཱུྃ༔ ཆོས་འབྱུང་ཨེ་ཡི་གཞལ་ཡས་སུ༔ ཡུམ་ཆེན་ཁྲོས་མ་འཁོར་དང་བཅས༔ མཁའ་འགྲོ་བྱེ་བ་འབུམ་གྱིས་བསྐོར༔ འདིར་གཤེགས་ཚོགས་ཀྱི་མཆོད་པ་འབུལ༔ གནས་ཁང་བྱིན་རློབས་ཚོགས་བཅུད་སྤེལ༔ སྐལ་ལྡན་རྣམས་ལ་དངོས་གྲུབ་སྩོལ༔ ཚོགས་ཕུད་གསུམ་དུ་སྤྲོས་ལ༔ ཧཱུྃ༔ རང་

[Full Size]

བཞིན་རྣམ་དག་ལྷུན་གྲུབ་ཞིང་ཁམས་དང་༔ སྟོང་ཉིད་བཅོ་བརྒྱད་ཡེ་ཤེས་དཀྱིལ་འཁོར་དང་༔ ཕྱོགས་མཚམས་དུར་ཁྲོད་འབར་བའི་ཀློང་ཡངས་ནས༔ འགྲོ་བའི་དོན་མཛད་ཐུགས་རྗེའི་སྤྲུལ་པའི་སྐུ༔ མཁའ་འགྲོའི་གཙོ་མོ་པདྨ་ཐོད་ཕྲེང་རྩལ༔ ཕྲིན་ལས་རིག་འཛིན་མཁའ་འགྲོ་རྒྱ་མཚོའི་ཚོགས༔ དུས་གསུམ་སངས་རྒྱས་ཀུན་གྱི་ཡུམ་ཆེན་མོ་བཅོམ་ལྡན་རྡོ་རྗེ་ཕག་མོ་ཁྲོས་མ་ལ༔ ཞི་རྒྱས་དབང་དྲག་སྐུ་གསུང་ཐུགས་ཡོན་ཕྲིན༔ ཐུགས་སྲས་རིགས་བཞི་སྡེ་བརྒྱད་མཁའ་འགྲོའི་ཚོགས༔ རྫུ་འཕྲུལ་ནམ་མཁའི་སྤྲིན་ལྟར་གཏིབས་ནས་ཀྱང་༔ རིན་ཆེན་རུས་པའི་རྒྱན་ཆ་ཁྲ་ལ་ལ༔ རོལ་མོ་སྒྲ་སྙན་མང་པོ་སི་ལི་ལི༔ སྣ་ཚོགས་གླུ་ལེན་གར་བྱེད་ཁྱུགས་སེ་ཁྱུག༔ འདིར་གཤེགས་དམ་བསྐང་ཚོགས་ཀྱི་མཆོད་པ་བཞེས༔ ཨ་ལ་ལ་སྟེ་དགྱེས་པར་དགོངས་ནས་ཀྱང་༔ མཆོག་དང་ཐུན་མོང་དངོས་གྲུབ་སྩོལ་མཛད་གསོལ། ཞེས་མཆོད་ཅིང་བསྐང་བ་ནི༔ ཧཱུྃ༔ དབང་པོའི་མེ་ཏོག་ཚིལ་ཆེན་བདུག་སྤོས་དང་༔ ཞུན་ཆེན་མར་མེ་ཤ་ཆེན་ཞལ་ཟས་དང་༔ རྐང་གླིང་རོལ་མོ་གཟུགས་མཛེས་སྒྲ་སྙན་པ༔ དྲི་ཞིམ་རོ་མངར་རེག་འཇམ་ཆོས་ཡིད་ཚིམས༔

[Full Size]

ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ དཔའ་བོ་ཡབ་ཡུམ་དགའ་བདེ་བྱང་སེམས་བཅུད༔ རྩ་བརྒྱད་བདུད་རྩི་རྣམ་ལྔ་དང་༔ དམ་རྫས་འབྲུ་བཅུད་མ་ཧཱ་བ་ལིཾ་ཏ༔ མཁའ་དབྱིངས་ཉོན་མོངས་བསྒྲལ་བའི་རཀྟའི་མཚོ༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ འབྲུ་བཅུད་སྟོང་སྦྱར་ཛ་གད་དཔའ་བོ་དང་༔ འདོད་ཡོན་ལོངས་སྤྱོད་ཚོགས་ཀྱི་རྒྱ་མཚོའི་ཚོགས༔ ཤ་ལྔ་བདུད་རྩི་ཕུན་སུམ་ཚོགས་པ་དང་༔ མཆོག་ཆེན་མཆོག་ཕྲན་བམ་ཆེན་མཾ་ས་འདི༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ རི་གླིང་རོལ་མཚོ་མུ་ཁྱུད་ཉི་ཟླ་བཅས༔ མཁའ་ལྡིང་སྡེར་ཆགས་རི་དྭགས་དུད་འགྲོའི་ཚོགས༔ རྟ་ནག་གཡག་ནག་ཁྱི་ནག་གཟུགས་འགྲོས་བཅས༔ འཇིག་རྟེན་ཁམས་ཀྱི་བཀོད་པ་དུ་མའི་ཚོགས༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ སྟོང་གསུམ་འདིའམ་འཇིག་རྟེན་ཐམས་ཅད་དུ༔ རྒྱལ་སྲིད་སྣ་

[Full Size]

བདུན་བཀྲ་ཤིས་རྫས་རྟགས་བརྒྱད༔ ལྷ་མིའི་དཔལ་འབྱོར་ལོངས་སྤྱོད་དཔག་མེད་རྣམས༔ མོས་བློས་བླངས་ཏེ་གནམ་ས་བར་སྣང་བཀང་༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཀིའི་ལྷ་ཚོགས་ཐུགས་དམ་བསྐང་༔ སྣོད་ཀྱི་འཇིག་རྟེན་བྷན་ཡངས་པའི་ནང་༔ སྣང་སྲིད་འབྱུང་བ་ཐམས་ཅད་ཟག་མེད་ཀྱི༔ གཏོར་མ་འབྲུ་བཅུད་རིན་ཆེན་དུ་མས་སྤྲས༔ འཛམ་གླིང་སྤྱོད་བྱེད་དཀར་དམར་ཐིགས་པ་གནས༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཆ་ཀིའི་ལྷ་ཚོགས་ཐུགས་དམ་བསྐང་༔ བཅུད་ཀྱི་སྐྱེ་འགྲོ་དུར་ཁྲོད་གཞལ་ཡས་ཁང་༔ ཕུང་ཁམས་སྐྱེ་མཆེད་ལྷུན་གྲུབ་ཕོ་བྲང་བརྩེགས༔ རྣམ་ཤེས་དཔའ་བོ་དཔའ་མོའི་གླུ་བྲོ་གར༔ གཞལ་ཡས་ཁང་ཆེན་ཡོངས་སུ་རྫོགས་པ་འདི༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ དུར་ཁྲོད་བཀོད་ལེགས་ཕོ་བྲང་བཤམས་པ་འདི༔ ཕྱི་ལྟར་མཁའ་འགྲོའི་དཀྱིལ་འཁོར་བསམ་ལས་འདས༔ ནང་ལྟར་དགྲ་བགེགས་ཤ་ཁྲག་གཏོར་མ་བཤམས༔ གསང་བ་ཡེ་ཤེས་ལྷ་དང་གཉིས་སུ་མེད༔ ཐུགས་རྗེ་ཁྲོས་མ་གཙོ་

[Full Size]

འཁོར་བཅས་ལ་འབུལ༔ གསང་བ་ཌཀིའི་ལྷ་ཚོགས་ཐུགས་དམ་བསྐང་༔ དངོས་སུ་བཤམས་དང་ཡིད་སྤྲུལ་མཆོད་སྦྱིན་ཚོགས༔ རྒྱ་ཆེན་རྒྱུན་མི་འཆད་ཅིང་ཟག་མེད་བདེ༔ ཀུན་བཟང་ལས་བྱུང་དགྱེས་པའི་ལོངས་སྤྱོད་རྫོགས༔ གླུ་དབྱངས་བརྡ་གར་ལྷག་བསམ་བསྐང་རྫ་ས་འདི༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་རྒྱབ་ཆ་ཀིའི་ལྷ་ཚོགས་ཐུགས་དམ་བསྐང་༔ ཞེས་ཚོགས་ཕུད་ཕུལ་ལ༔ ཧཱུྃ༔ བཅོམ་ལྡན་རྡོ་རྗེ་ཕག་མོ་སྟོང་ཉིད་ངང་༔ ཐུགས་རྗེ་ཁྲོས་མའི་ཐུགས་དམ་བསྐང་༔ སྐུ་ཡིས་མཚན་དཔེས་འཇིགས་ཀུན་སྒྲོལ༔ བདེ་ཆེན་དཀར་མོའི་ཐུགས་དམ་བསྐང་༔ ཡོན་ཏན་རེ་བསྐངས་དངོས་གྲུབ་བདག༔ སེར་མོ་དོན་གྲུབ་ཐུགས་དམ་བསྐང་༔ གསུང་གིས་ཁམས་གསུམ་དབང་དུ་སྡུད༔ དམར་མོ་སྒྲ་སྒྲོགས་ཐུགས་དམ་བསྐང་༔ ཕྲིན་ལས་བཞི་ཡི་མངོན་སྤྱོད་མཛད༔ སྣ་ཚོགས་མཐར་ཕྱིན་ཐུགས་དམ་བསྐང་༔ རྡོ་རྗེ་མཁའ་འགྲོ་འཇིགས་ཚུལ་ཅན༔ དཀར་མོ་འབུམ་སྡེའི་ཐུགས་དམ་བསྐང་༔ རིན་ཆེན་མཁའ་འགྲོ་གཟི་བརྗིད་ཅན༔ སེར་མོ་འབུམ་སྡེའི་ཐུགས་དམ་བསྐང་༔ པདྨ་མཁའ་འགྲོ་དྲི་མེད་མ༔

[Full Size]

དམར་མོ་འབུམ་སྡེའི་ཐུགས་དམ་བསྐང་༔ ལས་ཀྱི་མཁའ་འགྲོ་བདེ་བ་ཅན༔ ལྗང་མོ་འབུམ་སྡེའི་ཐུགས་དམ་བསྐང་༔ དམ་ཚིག་མཁའ་འགྲོ་དམིགས་པ་ཅན༔ མ་མོ་འབུམ་སྡེའི་ཐུགས་དམ་བསྐང་༔ སྣ་ཚོགས་མཁའ་འགྲོ་མི་ཐུབ་མ༔ དཔའ་མོ་འབུམ་སྡེའི་ཐུགས་དམ་བསྐང་༔ ཐམས་ཅད་མཁའ་འགྲོ་ཀུན་རྒྱུའི་བདག༔ རྗེས་གཅོད་འབུམ་སྡེའི་ཐུགས་དམ་བསྐང་༔ འཇིག་རྟེན་མཁའ་འགྲོ་དུར་ཁྲོད་བདག༔ ཤ་ཟ་འབུམ་སྡེའི་ཐུགས་དམ་བསྐང་༔ གནས་ཆེན་ཉེར་བཞི་ཡུལ་སོ་གཉིས༔ བྱེ་བ་འབུམ་སྡེའི་ཐུགས་དམ་བསྐང་༔ ཡེ་ཤེས་སྐུ་ཡི་དཀྱིལ་འཁོར་ནས༔ མཁའ་འགྲོ་འབུམ་འབུམ་ཐུགས་དམ་བསྐང་༔ ཐུགས་དམ་གཉེན་པོ་བསྐངས་གྱུར་ནས༔ གཡར་དམ་གཉེན་པོ་ཁྱོད་ཀྱིས་སྩོལ༔ བཤགས་པ་ནི༔ ཧཱུྃ༔ མཁའ་འགྲོ་འཁོར་བཅས་དགོངས་སུ་གསོལ༔ བདག་ནི་མ་རིག་འཁྲུལ་པ་ཡིས༔ རྩ་བ་ཡན་ལག་དམ་ཚིག་ལ༔ ཉམས་ཆག་འགལ་འཁྲུལ་མཐོལ་ལོ་བཤགས༔ བཛྲ་ཌཱཀི་ནཱི་སརྦ་ས་མ་ཡ་ཤུདྡྷེ་ཨ་ཨཱཿ དེ་ནས་མཆེད་ལྕམ་རྣམས་ཚོགས་ལ་རོལ་པ་ནི༔ ཀྱེ་དཔའ་བོ་ཆེན་པོ་དགོངས་སུ་གསོལ༔ འདི་ནི་ཆོས་རྣམས་བཟང་པོར་

[Full Size]

སྟོན༔ འདུས་པའི་དྲི་བྲལ་གཙང་སྨེ་གཉིས༔ རང་བཞིན་གཅིག་ཏུ་ངེས་དགོངས་རོལ༔ ཞེས་དྲངས་སོ༔ བདེ་གཤེགས་ཆོས་སྐུ་དྲི་མ་མེད༔ གཟུང་འཛིན་བླང་དོར་མེད་པའི་ངང་༔ བླ་མེད་དམ་རྫས་དངོས་གྲུབ་ཉིད༔ དད་གུས་དགྱེས་པའི་ཨ་ལ་ལ་ཧོ༔ ཞེས་བླང་ལ་རོལ༔ ལྷག་མ་བསྡུས་ལ་བྲན༔ ཧཱུྃ༔ དང་པོ་ཕུད་ཀྱིས་མཁའ་འགྲོ་མཆོད༔ བར་དུ་ཚོགས་ཀྱིས་འདིར་ཚོགས་དགྱེས༔ ཐ་མ་ལྷག་མས་གནོད་བྱེད་ཚིམས༔ རྣམ་གསུམ་གཅིག་བསྲེས་རྒྱུ་འབྲས་གཅིག༔ ཁ་ཆུས་བྲན་པས་དམ་ཚིག་འདྲེས༔ ལས་བྱེད་ཤུགས་འགྲོ་ལྷག་ལ་འདུས༔ ཧཱུཾ་བྷྱོ༔ ཕྱི་རོལ་དུར་ཁྲོད་ཆེན་པོའི་གནས་བརྒྱད་ནས༔ མཁའ་འགྲོ་ཤུགས་འགྲོ་ཞིང་སྐྱོང་དང་༔ དབང་ཕྱུག་གིང་ལང་ཕྲ་མེན་མ༔ མཁའ་རྒྱུ་གར་ཡང་ཐོགས་མེད་ཅིང་༔ འདོད་དགུའི་གཟུགས་ཅན་འཕྲུལ་མོ་ཆེ༔ རབ་འཇིགས་རྔམ་བྱེད་སྲིན་མོའི་ཚོགས༔ ཤ་ཟ་ཁྲག་འཐུང་རུས་འཆའ་མོ༔ མྱུར་མགྱོགས་རྫུ་འཕྲུལ་སྟོབས་ལྡན་མ༔ སྣ་ཚོགས་ལས་བྱེད་སྤྲུལ་འཁོར་བཅས༔ བརྡ་ཐོས་རྒྱུ་བའི་ཚོགས་ཁང་འགྲིམ༔ ལྷག་སྡུད་དྲོད་ཉུལ་རྣལ་འབྱོར་སྐྱོང་༔ གླུ་ལེན་གར་བྱེད་ཁྱུགས་སེ་

[Full Size]

ཁྱུག༔ གཏོར་ལེན་བྲོ་རྡུང་ཁྲིགས་སེ་ཁྲིག༔ ཤ་ཟའི་མཆེ་བ་ཆེམས་སེ་ཆེམ༔ ཁྲག་འཐུང་ལྕེ་སྤྱང་སྤུངས་སེ་སྤུང་༔ རུས་མུར་སོ་སྒྲ་ཁྲོ་ལོ་ལོ༔ རྐང་འཇིབ་རྐན་སྒྲ་ཐགས་སེ་ཐག༔ ཆང་འཐུང་བཞད་གད་ཡ་ལ་ལ༔ ཕྱི་འཁོར་སྐྱོང་བའི་མཁའ་འགྲོ་རྣམས༔ ཚོགས་ལྷག་ཉིད་དང་ལྷན་ཅིག་ཏ༔ སྡང་དགྲ་གནོད་བྱེད་བགེགས་འབུལ་བཞེས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ལྷག་མ་ཕྱི་རོལ་དུ་དོར༔ ལྔ་པ་མཁའ་འགྲོ་འཁོར་བཅས་ཀྱི་ཐུགས་དམ་གནད་ནས་བསྐུལ་ཏེ༔ ཐོད་སྣོད་རྐང་གི་གཟར་བུས་ཤ་ཁྲག་གཏོར་མ་ལ་ལེགས་པར་མཆོད་ལ༔ རྔ་གླིང་རོལ་མོ་དང་བཅས་པས་བྷྱོ༔ མཚན་མོ་སྒྲ་སྒྲོག་གཅེར་བུ་མ༔ རྐང་པས་བགེགས་མནན་སྟེང་དུ་ལ༔ གྱེན་དུ་ཕག་ངུར་སྣང་སྲིད་འདུས༔ མཁའ་འགྲོ་འཁོར་བཅས་དུས་ལ་བབ༔ མ་བཅོས་རྫོགས་པའི་ཁྲོས་མ་ནག་མོ་ནི༔ མཐིང་ནག་འབར་བ་ཕག་ཞལ་ངུར་སྒྲ་སྒྲོག༔ ཞལ་གཅིག་ཕྱག་གཉིས་ཁྲོ་མོའི་ཆ་བྱད་ཅནེ༔ ཁྲོ་གཉེར་སྤྱན་གསུམ་མཆེ་བ་རབ་ཏུ་གཙིགས༔ གྲི་གུག་ཐོད་ཁྲག་གཡས་གཡོན་ཕྱག་ན་བསྣམས༔ ཕྱག་མཚན་ཁ་ཊཾ་ག་ནི་གྲུ་མོར་བརྟེན༔ ཕྱག་རྒྱ་ལྔ་དང་དུར་ཁྲོད་ཆས་ཀྱིས་བརྒྱན༔ མེ་

[Full Size]

དཔུང་ཀློང་ན་ཞབས་གཉིས་བརྐྱང་བསྐུམ་འགྱིངས༔ གར་དགུའི་ཉམས་ལྡན་མཉེན་ལྕུག་བརྗིད་བའི་སྐུ༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཧཱུྃ༔ ཆོས་ཉིད་རང་སྒྲ་འབྲུག་སྟོང་ལྡིར་བ་ཡི༔ དབྱངས་གསལ་ཨཱ་ར་ལི་ཕོ་ཧཱུཾ་སྒྲ་སྒྲོག༔ བློ་ཟློག་ཕཊ་བཞད་ང་རོས་བདུད་དཔུང་འདུལ༔ སྤྱི་གཙུག་ཕག་ཞལ་ངུར་ངུར་ཕྱོགས་བཅུར་སྒྲོག༔ སྣང་སྲིད་དབང་སྡུད་མཁའ་འགྲོ་ཕོ་ཉར་འགྱེད༔ གསུང་དབྱངས་དྲུག་ཅུས་འཁོར་བ་དོང་ནས་སྤྲུགས༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཧཱུྃ༔ དོན་དམ་སྐྱེ་མེད་སྤྲོས་བྲལ་ཀློང་ཡངས་ཐུགས༔ ཤེས་རབ་ཕར་ཕྱིན་དྲུག་དང་ཐེག་དགུའི་མཛོད༔ བརྗོད་ལས་རང་བྱུང་མཐའ་བྲལ་སྟོང་ཉིད་ངང་༔ འགྲོ་ལ་བརྩེར་བཟུང་དངོས་གྲུབ་ཀུན་འབྱུང་གནས༔ འོད་གསལ་འོད་སྟོང་སྙིང་རྗེའི་ཡུལ་དུ་འཇུག༔ ཡེ་ཤེས་ལྔ་ལྡན་ཉོན་མོངས་དྲི་འཇོམས་ཐུགས༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཧཱུྃ༔ རྟོག་མེད་ལྷུན་གྲུབ་ཁྲོ་མོ་

[Full Size]

ཁྲག་འཐུང་ཁྲོས༔ ཡེ་ཤེས་ལོངས་སྤྱོད་རྫོགས་སྐུའི་དཀྱིལ་འཁོར་ནས༔ མཁའ་འགྲོ་འབུམ་ཕྲག་ཉི་ཤུ་རྩ་བཞི་སྤྲུལ༔ མཁའ་ལ་འཇའ་ཤར་ལྟ་བུས་འགྲོ་དོན་མཛོད༔ འདོད་དགུ་ཐོགས་མེད་ཕུན་སུམ་ཚོགས་པ་ཡི༔ ཕྱོགས་བཅུའི་སངས་རྒྱས་ཞིང་ཁམས་ཚོགས་ཀྱིས་གང་༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས། ཧཱུྃ༔ གང་འདུལ་ཐབས་མཁས་བདུད་སྡེའི་དཔུང་འཇོམས་ཕྱིར༔ སྤྱི་མགྲིན་སྙིང་ལྟེ་གསང་གནས་འཁོར་ལོ་ལྔ༔ མཁའ་འགྲོ་སྡེ་ལྔའི་དཀྱིལ་འཁོར་སྤྲུལ་པ་བཅས༔ འབུམ་ཕྲག་བྱེ་བ་ས་ཡས་འདྲེ་དཔུང་འདུལ༔ ཀུན་ཀྱང་གཙོ་མོ་རང་འདྲ་ཁྲོ་མོའི་གཟུགས༔ ཕྲིན་ལས་དུ་མས་བདུད་སྡེ་དཔུང་བཅས་འཇོམས༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཞེས་བསྐུལ་ལོ༔ དྲུག་པ་མངོན་སྤྱོད་དྲག་པོས་དགྲ་བགེགས་ཚར་གཅོད་པ་ལ༔ མདུན་དུ་དགྲ་བགེགས་གང་གནོད་ལིངྒ་བཅས་པ་བཤམ༔ གྲི་གུག་ཕུར་པ་ཐུན་ཟོར་ཐོགས་ལ༔ ཨེ་ལས་དུག་གསུམ་བཙོན་ཁང་རབ་འབར་ནང་༔ ཏྲི་ལས་གནོད་བྱེད་གཟུགས་ཕུང་དངོས་སུ་གསལ༔ འདིའི་མཚམས་སུ་བདེན་བདར་དང་

[Full Size]

བཀུག་གཞུག་དྲག་ཏུ་བྱའོ༔ བྷྱོ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ཌཱཀི་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ ཁྲོས་མ་ཡོངས་རྫོགས་དྲག་པོའི་ཕྲིན་ལས་མཛོད༔ སངས་རྒྱས་བསྟན་པ་བཤིག་པ་དང་༔ བླ་མའི་སྐུ་ལ་བསྡོ་བ་དང་༔ བདག་དང་མཆེད་ལ་འཚེ་བ་ཡི༔ སྡང་བའི་དགྲ་དང་གནོད་པའི་བགེགས༔ དབང་དུ་བསྡུས་ལ་རྡུལ་དུ་རློགས༔ བཛྲ་ཨངྐུ་ཤ་ཛཿ རཏྣ་པཱ་ཤ་ཧཱུྃ༔ པདྨ་སྤོ་ཊ་ཐཾ༔ ཀརྨ་གནྡྷེ་ཧོ༔ བྷྱོ༔ དམ་ཚིག་ཆེན་པོའི་དུས་ལ་བབ། ལས་ཀྱི་མཁའ་འགྲོ་རྫུ་འཕྲུལ་ཅན༔ གདུག་ཅིང་སྡང་སེམས་ལྡན་པ་རྣམས༔ ལྷ་དང་ཕྱེས་ལ་མྱོས་སུ་ཆུགས༔ སརྦ་ཀརྨ་ཊཱཀི་ནི་ཀྲོ་ཏི་སརྦ་ཤ་ཏུཾ་པྲ་ཝེ་ཤ་ཡ་ཕཊ༔ གྲི་གུག་ཐོགས་ལ༔ ཚེ་ཁྲུས་ཀྱི་དགོངས་པ་དང་ལྡན་པས་དགྲ་བགེགས་རྣམ་ཤེས་སྤར༔ ཧཱུྃ༔ ང་ནི་ཁྲོས་མ་ནག་མོའི་སྐུ༔ སྲས་དང་སྤྲུལ་པ་བྱེ་བ་འབུམ༔ མཁའ་འགྲོ་རབ་འཇིགས་ཕོ་ཉར་འགྱེད༔ ཁྲོ་མོ་ཡོངས་རྫོགས་དུས་ལ་བབ༔ ཀུན་ཀྱང་སྲོག་གི་བདག་མོ་སྟེ༔ གཡས་ཀྱི་ཕྱག་ན་གྲི་གུག་བསྣམས༔ ཡར་རྩེ་རྡོ་རྗེ་རྩེ་ལྔ་འདི༔ ཡེ་ཤེས་ལྔ་ལྡན་དུག་ལྔ་བསྒྲལ༔ སྐེད་པ་

[Full Size]

ཆུ་སྲིན་འབར་བ་འདི༔ མ་རིག་སྡུག་བསྔལ་དབྱིངས་སུ་བསྒྲལ༔ མར་རྩེ་ཟངས་གྲི་རྣོན་པོ་འདིས༔ སྲིད་པའི་འདྲེ་གདོན་སྐྱེ་ཤི་གཅོད༔ ཉམས་པའི་སྲོག་ལ་མཱ་ར་ཡ༔ ཨོཾ་ཤྲཱི་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས༔ བཛྲ་ཌཱཀི་ནཱི་ཨཱ་ཝེ་ཤ་ཡ་གནོད་བྱེད་དགྲ་བགེགས་ཐམས་ཅད་སརྦ་ཤ་ཏུཾ་མཱ་ར་ཡ་ཕཊ༔ ཅེས་བསྒྲལ་ཞིང་གཏུབ་ལ༔ བྷྱོ༔ མཁའ་འགྲོའི་ལྷ་ཚོགས་དུས་ལ་བབ༔ དམ་ཉམས་དགྲ་བགེགས་ཕུང་པོ་ལ༔ ཕུར་པ་རལ་གྲི་དགྲ་སྟ་དང་༔ ཡུངས་དཀར་མདའ་རྡོ་ཁྲག་ལ་སོགས༔ སྣ་ཚོགས་མཚོན་ཆར་དགྲ་ལ་ཕོབ༔ དགྲ་བགེགས་ཐལ་བ་རྡུལ་དུ་རློགས༔ ཨོཾ་བཛྲ་ཀྲོ་ཏི་སརྦ་ཀརྨ་ཡཀྵ་ཡ་མ་ཐ་དུ་རཀྟ་པ་ཏྲེ་སརྦ་ཀརྨ་བློ་བྷྱོ༔ ཞལ་དུ་བསྟབ་པ་ནི༔ བྷྱོ༔ མཁའ་འགྲོ་ཁྲོས་མ་འཁོར་དང་བཅས༔ དགྲ་བགེགས་ཕུང་པོ་ཞལ་དུ་བསྟབ༔ ལྷག་མ་མེད་པར་ཁ་རཾ་ཁཱ་ཧི༔ དགྱེས་པར་རོལ་ཅིག་ཨཱ་ར་ལི༔ སརྦ་ཌཱཀི་ནི་ཁ་ཁ་ཁཱ་ཧི་ཁཱ་ཧི༔ ཞེས་ཕུལ༔ བདུན་པ་ཟློག་པའི་གཞུང་དངོས་ལ་འདི་སྐད་དོ༔ དེ་ནས་གྱེར་དབྱངས་དང་བཅས༔་ཧཱུྃ་བྷྱོ༔ གདོད་ནས་རྣམ་དག་ཆོས་འབྱུང་ལྷུན་གྲུབ་དབུས༔ བཅོམ་ལྡན་རྡོ་རྗེ་ཕག་མོ་ཁྲོས་མའི་སྐུ༔ སྐུ་མདོག་སྨུག་ནག་འཇིག་

[Full Size]

རྟེན་གསུམ་པོ་འདུལ༔ སྤྱི་གཙུག་ཕག་ཞལ་ངུར་སྒྲས་སྟོང་གསུམ་སྡུད༔ ཁྲོ་གཉེར་རབ་བསྡུས་ཁམས་གསུམ་ཟིལ་གྱིས་གནོན༔ སྤྱན་བསྒྲད་ཞལ་གདངས་སྲིད་གསུམ་གདུག་པ་འདུལ༔ གཏུམ་ཆེན་ཁྲོ་མོའི་ཐུགས་དམ་གནད་ནས་སྐུལ༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཁྲོ་མོ་རོལ་པའི་གཏོར་ཟློག་ལས་ཀྱང་༔ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ རི་བོ་ཆེན་པོའི་བྱང་ཕྱོགས་ན༔ རྩུབ་གྱུར་ཚལ་གྱི་དུར་ཁྲོད་ན༔ རི་བོ་ཐམས་ཅད་རུས་པའི་རི༔ ཆུ་རྣམས་ཐམས་ཅད་ཁྲག་དང་རྣག༔ རྩི་ཤིང་ཐམས་ཅད་མདའ་དང་མདུང་༔ སྒྲ་སྐད་ཐམས་ཅད་སྔགས་ཀྱི་སྒྲ༔ རབ་ཏུ་འཇིགས་པའི་གནས་མཆོག་ནས༔ དུས་གསུམ་སངས་རྒྱས་ཡ་ང་བ༔ ཕྱག་ན་རྡོ་རྗེ་འཇིགས་པའི་ས༔ ཁྲོ་བཅུ་རྒྱུ་བར་མི་ནུས་ཤིང་༔ ཨུ་ཙ་ལ་ཡི་དུར་ཁྲོད་དེར༔ རབ་འཇིགས་གཏུམ་པོ་འབར་བ་རུ༔ རྡོ་རྗེ་ཕག་མོའི་ཕོ་བྲང་དུ༔ ཁྲོས་མ་ནག་མོ་དེ་ན་བཞུགས༔ གསང་བའི་ཕག་ལྔ་དེ་ན་བཞུགས༔ མཁའ་འགྲོ་སྡེ་བརྒྱད་དེ་ན་བཞུགས༔ ཧཱུྃ་དད་པ་དང་ནི་དམ་ཚིག་གིས༔ སྐུ་

[Full Size]

གསུང་ཐུགས་རྒྱུད་བསྐུལ་བའི་ཚེ༔ ཁྲོས་མའི་ཞལ་ནས་བྱུང་བ་ནི༔ སྟོང་ཉིད་དོན་རྟོགས་ཁྲོ་མོ་འབུམ༔ དམ་ཉམས་དགྲ་བགེགས་གཏོར་མ་བཞེས༔ སྲིད་པའི་འདྲེ་གདོན་དགྲ་ལ་ཟློག༔ དབུ་སྐྲ་དམར་སེར་སྤྲིན་གཏིབས་ལ༔ ཐུགས་རྗེའི་ཆར་འབེབས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཐོད་སྐམ་ལྔ་ཡིས་དབུ་བརྒྱན་ལ༔ རིགས་ལྔའི་འགྲོ་དོན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ་སྲིད་པའི་འདྲེ་གདོན་དགྲ་ལ་ཟློག༔ སྤྱན་གསུམ་སྡང་མིག་རབ་བསྒད་པས༔ དུག་གསུམ་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཞལ་གྱི་ཁྲོ་གཉེར་ལྔ་ལྡན་ལ༔ དུག་ལྔ་རང་གྲོལ་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཞལ་གདངས་ལྗགས་འདྲིལ་རྔམས་པ་ལ༔ སྤྲུལ་པ་གློག་འཁྱུགས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ་སྲིད་པའི་འདྲེ་གདོན་དགྲ་ལ་ཟློག༔ མཆེ་བཞི་རྣོ་དཀར་གཙིགས་པ་ལ༔ སྐྱེ་འཆི་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔

[Full Size]

སྲིད་པའི་འདྲེ་གདོན་དགྲ་ལ་ཟློག་དགྱེས་པས་ཨཱ་ར་ལི་སྒྲོག་པ༔ འཁོར་བ་དོང་སྤྲུག་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་དགྲ་ལ་ཟློག༔ ཁྲོས་པས་མཱ་ར་ཡ་སྒྲོག་པའི༔ ལོག་འདྲེན་ཐལ་བརླག་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཕྱག་གཡས་གྲི་གུག་འབར་བ་ལས༔ སྲོག་གཅོད་དབུགས་ལེན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གཡོན་པས་ཐོད་པ་ཁྲག་བཀང་གསོལ༔ དམ་ཉམས་སྙིང་འདྲེན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཁ་ཊཾ་རྩེ་གསུམ་མཆན་དུ་འཁྱུད༔ དུག་གསུམ་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཐོད་པ་སྐམ་རློན་སུམ་བརྩེགས་ལ༔ ཁམས་གསུམ་དབང་སྡུད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ མཐིང་ནག་ཅོད་པན་འཕུར་པ་ལ༔ སྲིད་གསུམ་ཟིལ་གནོན་ཁྲོ་མོ་འབུམ༔ དམ་ཉམས་ཤ་

[Full Size]

ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གསེར་གྱི་ཌཱ་རུ་འཁྲོལ་བ་ལ༔ སྙན་བརྒྱུད་གསང་མཛོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ དྲང་ཞིང་ཡུ་བ་དཀར་པོ་ལ༔ ལྷ་མིན་གཡུལ་བཟློག་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ་སྲིད་པའི་འདྲེ་གདོན་དགྲ་ལ་ཟློག་སྙན་ཆ་མགུལ་རྒྱན་མཛེས་པ་ལ༔ ཀུན་གྱི་ཡིད་འགུགས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཕྱག་རྒྱ་དྲུག་གིས་རབ་ཏུ་བརྒྱན༔ ཕར་ཕྱིན་དྲུག་ལྡན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གདུག་པ་སྦྲུལ་གྱི་ག་ཤལ་ལ༔ དགྲ་ལ་དུག་འབེབས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཐོད་རློན་ལྔ་བཅུའི་དོ་ཤལ་ལ༔ འདུ་བྱེད་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ང་རྒྱལ་སྟག་གི་ཤམ་ཐབས་ལ༔ སྡིག་ཅན་ཟིལ་གནོན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་

[Full Size]

གདོན་དགྲ་ལ་ཟློག༔ གཅེར་བུ་སྐྲ་གྲོལ་གར་ཐབས་རོལ༔ རྟོག་མེད་ཉམས་ལྡན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གཡས་བསྐུམ་གཡོན་བརྐྱང་འགྱིང་བ་ལ༔ ལེགས་ཉེས་སྟངས་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ བམ་རོ་བདུད་བཞི་གདན་རོལ་ལ༔ དུར་ཁྲོད་ཤ་ཟ་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ སྐུ་མདོག་རབ་རྔམ་མཐིང་ནག་ལ༔ ཞེ་སྡང་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ སྤྱི་གཙུག་ཕག་ཞལ་དུར་བ་ལ༔ སྡེ་བརྒྱད་དབང་སྡུད་ཁྲོ་མོ་འབུམ༔ ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཧཱུྃ༔ དུང་ཁང་རྩ་འཁོར་སུམ་བརྒྱ་དྲུག་ཅུ་ལ༔ རྡོ་རྗེ་རིགས་ཀྱི་ཁྲོ་མོ་དཀར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ ཤ་ཟན་འབུམ་ཕྲག་དབང་དུ་སྡུད་པ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔

[Full Size]

མགྲིན་པར་རྩ་འཁོར་བཅུ་དྲུག་རྒྱས་པ་ལ༔ རིན་ཆེན་རིགས་ཀྱི་ཁྲོ་མོ་སེར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ རུས་མུར་འབུམ་ཁྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཐུགས་ཀར་རྩ་འཁོར་སུམ་ཅུ་རྩ་གཉིས་ལ༔ སངས་རྒྱས་རིགས་ཀྱི་མཁའ་འགྲོ་མཐིང་ནག་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ ཀླད་བཅོམ་འབུམ་ཕྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ལྟེ་བ་རྩ་འཁོར་དྲུག་ཅུ་རྩ་བཞི་ལ༔ པདྨ་རིགས་ཀྱི་ཁྲོ་མོ་དམར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ ཁྲག་འཐུང་འབུམ་ཕྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ གསང་གནས་རྩ་འཁོར་ཉི་ཤུ་རྩ་བརྒྱད་ལ༔ ལས་ཀྱི་རིགས་ཀྱི་ཁྲོ་མོ་ལྗང་ནག་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ དབུགས་འཕྲོག་འབུམ་ཕྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་

[Full Size]

ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ སྐུ་ཡི་སྤྲུལ་པ་བདེ་ཆེན་དཀར་མོ་ལ༔ གཏི་མུག་རྩད་གཅོད་ཁྲོ་མོ་དཀར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ གཟུགས་སྣང་མཁའ་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ མི་ཡོན་ཏན་སྤྲུལ་པ་སེར་མོ་དོན་གྲུབ་མ༔ ང་རྒྱལ་རྩད་གཅོད་ཁྲོ་མོ་སེར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ རྫུ་འཕྲུལ་མཁའ་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ གསུང་ལས་སྤྲུལ་པའི་དམར་མོ་སྒྲ་སྒྲོགས་མ༔ འདོད་ཆགས་རྩད་གཅོད་ཁྲོ་མོ་དམར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ སྐད་སྒྲོག་མཁའ་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཕྲིན་ལས་སྤྲུལ་པ་སྣ་ཚོགས་མཐར་ཕྱིན་མ༔ ཕྲག་དོག་རྩད་གཅོད་ཁྲོ་མོ་ནག་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ བརྟུལ་

[Full Size]

ཞུགས་མཔའི་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་བུ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ༈ ཤར་ཕྱོགས་གཏུམ་དྲག་དུར་ཁྲོད་ནས༔ རྡོ་རྗེ་མཁའ་འགྲོ་དཀར་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ དྲི་ཟའི་གདུག་པ་དགྲ་ལ་ཟློག༔ ལྷོ་ཕྱོགས་གད་རྒྱངས་དུར་ཁྲོད་ནས༔ རིན་ཆེན་མཁའ་འགྲོ་སེར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གྲུ་བུམ་གདུག་པ་དགྲ་ལ་ཟློག༔ ནུབ་ཕྱོགས་པདྨའི་དུར་ཁྲོད་ནས༔ པདྨ་མཁའ་འགྲོ་དམར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ཀླུ་ཡི་གདུག་པ་དགྲ་ལ་ཟློག༔ བྱང་ཕྱོགས་ཀཱི་ལ་སྒྲོག་པ་ནས༔ ལས་ཀྱི་མཁའ་འགྲོ་ལྗང་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གནོད་སྦྱིན་གདུག་པ་དགྲ་ལ་ཟློག༔ ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་དཀར་སེར་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ དྲང་སྲོང་གདུག་པ་དགྲ་ལ་ཟློག༔ ལྷོ་ནུབ་གཏུམ་པའི་དུར་ཁྲོད་ནས༔ སྣ་ཚོགས་མཁའ་འགྲོ་སེར་དམར་འབུམ༔ དམ་ཉམས་དགྲ་བགེགས་

[Full Size]

ཤ་ཁྲག་འདི་ལ་རོལ༔ སྲིན་པོའི་གདུག་པ་དགྲ་ལ་ཟློག༔ ནུབ་བྱང་རབ་རྒྱུའི་དུར་ཁྲོད་ནས༔ ཐམས་ཅད་མཁའ་འགྲོ་དམར་ལྗང་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ རླུང་ལྷའི་གདུག་པ་དགྲ་ལ་ཟློག༔ བྱང་ཤར་དྲག་ཤུལ་དུར་ཁྲོད་ནས༔ འཇིག་རྟེན་མཁའ་འགྲོ་ཤ་ཟ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ བགེགས་ཀྱི་གདུག་པ་དགྲ་ལ་ཟློག༔ སྟེང་ཕྱོགས་འཇའ་ལུས་དུར་ཁྲོད་ནས༔ མཁའ་སྤྱོད་མཁའ་འགྲོ་དམར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ལྷ་ཡི་གདུག་པ་དགྲ་ལ་ཟློག༔ འོག་ཕྱོགས་ས་གཞིའི་དུར་ཁྲོད་ནས༔ ས་སྤྱོད་མཁའ་འགྲོ་སེར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ས་བདག་གདུག་པ་དགྲ་ལ་ཟློག༔ དཀྱིལ་འཁོར་མུ་རན་སྐྱོང་བ་ཡི༔ དབང་ཕྱུག་ཉི་ཤུ་རྩ་བརྒྱད་ཀྱང་༔ རྩང་གི་ལྷ་སྟེ་རྩང་ལ་གནས༔ མ་མོ་བྱེ་བ་ས་ཡ་རྣམས་གཙོ་མཆོག་ཁྲོས་མའི་བཀའ་བཞིན་དུ༔ ཞི་རྒྱས་དབང་དྲག་བསྒྲུབ་སླད་དུ༔ ལས་ཀྱི་ཕོ་བྲང་འདིར་གཤེགས་ལ༔ དམ་ཉམས་ཤ་ཁྲག་འདི་ལ་རོལ༔ ལྷ་ཆེན་ཉེར་བརྒྱད་

[Full Size]

གདུག་རྩུབ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ སྔགས་ཀྱིས་སྦྱར་བ་ནི༔ ཨོཾ་བཛྲ་པྲ་མོ་ཧ་བྷ་ར་ཧི་ཀྲོ་ཏི་ཀཱ་ལི་ནི་སརྦ་ཌཱཀི་ནཱི་ཧེ་དུན་བློ་བློ་ཟློག་ཟློག༔ ཡུངས་དཀར་ལ་སྔགས་བཏབ་ཟོར་དུ་བླུགས༔ བརྒྱད་པ་ཁ་བསྒྱུར་བྱ་བ་ནི༔ སྤྱི་དང་བྱེ་བྲག་གཉིས་ལས༔ སྤྱི་ལ་ལིངྒ་དང་བཅས་པ་ཤ་ཁྲག་གཏོར་མ་མདོས་སུ་ཕུལ་ནས་བྷྱོ༔ རྗེ་བཙུན་ཁྲོས་མ་འཁོར་བཅས་ཀྱིས༔ བཀའ་ཡི་གཏོར་མ་འདི་བཞེས་ལ༔ ཁྲོ་མོ་ཁྱེད་ཀྱི་འདུལ་སྐལ་འདི༔ རྟགས་མཚན་དངོས་ཕྱུངས་འདུལ་བར་མཛོད༔ ཅེས་སྤྱི་དང་༔ བྱེ་བྲག་ཏུ༔ སྲི་འབྱམས་པ་ལ༔ ཕོ་སྲི་གདུག་པ་བཟློག་ཏུ་གསོལ༔ མོ་སྲི་གདུག་པ་བཟློག་ཏུ་གསོལ༔ ཆུང་སྲི་གདུག་པ་བཟློག་ཏུ་གསོལ༔ རྒས་སྲིའི་གདུག་པ་བཟློག་ཏུ་གསོལ༔ གཞོན་སྲིའི་གདུག་པ་བཟློག་ཏུ་གསོལ༔ དར་སྲིའི་གདུག་པ་བཟློག་ཏུ་གསོལ་གྲི་སྲིའི་གདུག་པ་བཟློག་ཏུ་གསོལ༔ ཐབ་སྲིའི་གདུག་པ་བཟློག་ཏུ་གསོལ༔ གོད་སྲིའི་གདུག་པ་བཟློག་ཏུ་གསོལ༔ ཕུང་སྲིའི་གདུག་པ་བཟློག་ཏུ་གསོལ༔ བྱུར་འདྲེའི་གདུག་པ་བཟློག་ཏུ་གསོལ༔ ཟ་འདྲེའི་གདུག་པ་བཟློག་ཏུ་གསོལ༔ མངལ་འབྱམས་གདུག་པ་བཟློག་ཏུ་གསོལ༔ སུན་མ་བཟློག་ན༔ གླུད་དང་སུན་

[Full Size]

ཐག་བཀྲོལ་ལ་༈ ཡེ་ཤེས་མཁའ་འགྲོའི་སུན་མ་ཟློག༔ ལས་ཀྱི་མཁའ་འགྲོའི་སུན་མ་ཟློག༔ རིགས་ཀྱི་མཁའ་འགྲོའི་སུན་མ་ཟློག༔ འཇིག་རྟེན་མཁའ་འགྲོའི་སུན་མ་ཟློག༔ ཤ་ཟ་མཁའ་འགྲོའི་སུན་མ་ཟློག༔ ཁྲག་འཐུང་མཁའ་འགྲོའི་སུན་མ་ཟློག༔ རུས་མུར་མཁའ་འགྲོའི་སུན་མ་ཟློག༔ རྐང་ལྡག་མཁའ་འགྲོའི་སུན་མ་ཟློག༔ སྟེ་དབུགས་འཕྲོག་མཁའ་འགྲོའི་སུན་མ་ཟློག༔ མདངས་འཕྲོག་མཁའ་འགྲོའི་སུན་མ་ཟློག༔ སྡེ་བརྒྱད་མཁའ་འགྲོའི་སུན་མ་ཟློག༔ བརྟན་མ་བཅུ་གཉིས་སུན་མ་ཟློག༔ མ་མོ་སྨན་མོའི་སུན་མ་ཟློག༔ སུན་གླུད་འདི་དང་ལུས་བརྗེས་ལ༔ སུན་ཐག་གྲུ་གུ་ལྡོག་ཏུ་གསོལ༔ སུན་ལམ་དར་དཀར་དྲིལ་དུ་གསོལ༔ འཁོར་བཅས་རང་རང་ཡུལ་དུ་སོང་བཅོལ་བའི་ཕྲིན་ལས་འགྲུབ་པར་མཛོད༔ སྨྱོ་འདུལ་ན༔ འབྱུང་བ་ལྔ་དང་ཟོར་ཀོང་ལོ་གྲངས་ལ༔ སྲིད་པ་ལྷ་ཡི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ སྲིད་པ་གཤིན༔ སྨྱོ་འདྲེ་ཐུལ༔ གནོད་བྱེད་འབྱུང་པོའི་སྲོག་ལ་བྷྱོ༔ སྣང་སྲིད་མ་མོའི་སྨྱོ་འདྲེ་ཐུལ༔ གནོད་བྱེད་འབྱུང་པོའི་སྲོག་ལ་བྷྱོ༔ སྲིད་པ་བདུད་ཀྱི་སྨྱོ་འདྲེ་ཐུལ༔ གནོད་བྱེད་འབྱུང་

[Full Size]

པོའི་སྲོག་ལ་བྷྱོ༔ སྲིད་པ་བཙན་གྱི་སྨྱོ་འདྲེ་ཐུལ༔ གནོད་བྱེད་འབྱུང་པོའི་སྲོག་ལ་བྷྱོ༔ དཀོར་བདག་རྒྱལ་འགོང་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ སྒབ་འདྲེ་གནོད་སྦྱིན་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ འཐམས་པ་ཀླུ་བདུད་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ དྲང་སྲོང་གཟའ་ཡི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ སྣང་སྲིད་ཐེའུ་རང་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ གྲོང་རྒྱུན་འདྲེ་མོའི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ ཡུལ་འདྲེ་འགགས་འདྲེའི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ ཚེ་སྲོག་བླ་ཡིད་བརྐུ་བའི་བགེགས༔ ལུས་ངག་ཡིད་ལ་གནོད་བྱེད་པའི༔ བཀའ་འདས་དམ་ལས་འགལ་བ་འདི༔ མགོ་ལུས་ཚལ་པ་བརྒྱར་ཐོངས་ཤིག༔ མ་གཡེལ་མཁའ་འགྲོའི་ཕྲིན་ལས་མཛོད༔ གྲི་བོ་འདུལ་ན༔ བྱང་ལིང་ལ་བཀུག་ལ༔ གྲི་སྲི་ཤ་བའི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ མདའ་གྲི་ཤིང་རྟའི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔

[Full Size]

གནོད་སེམས་ནུས་པ་བརླག་པར་མཛོད༔ མེ་གྲི་ཕག་གི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ ཆུ་གྲི་ཉ་ཡི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ ལྟེབ་གྲི་སྤྲེལ་གྱི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ དབབ་ཧྲི་ཀེང་རུས་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ སྣེལ་གྲི་གླང་གི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ མདུང་གྲི་ཕུ་ཤུད་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ གཏིབ་གྲི་དོམ་གྱི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ དམེ་གྲི་སྤྱང་ཀིའི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ མཁར་ཅན་གྲི་བོ་བཅུ་གསུམ་འདི༔ ཕྱོགས་བཅུའི་ཞིང་ནས་ཁུག་ལ་

[Full Size]

ཐུལ༔ གནོད་སེམས་ནུས་པ་བརླག་པར་མཛོད༔ ནད་རིམས་འདུལ་བ་ནི༔ རྫས་དང་སྔགས་དང་སྲུང་ཟློག་བཅས༔ བྷྱོ༔ རྗེ་བཙུན་ཁྲོ་མོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌའི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ ཁྲོས་མ་ནག་མོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས་འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ བདེ་ཆེན་དཀར་མོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཀླུའི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་

[Full Size]

ཐོག་ཏུ་བྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ སེར་མོ་དོན་གྲུབ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྨྲ་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ དམར་མོ་སྒྲ་སྒྲོག་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ སྣ་ཚོགས་མཐར་ཕྱིན་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔

[Full Size]

འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ སྡེ་བརྒྱད་མཁའ་འགྲོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ འབུམ་ཕྲག་མཁའ་འགྲོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ དབང་ཕྱུག་ཉེར་བརྒྱུད་མཐུ་རྩལ་ཅན༔ སྐུ་གསུང་

[Full Size]

ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཚོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ ཅེས་དཀྲོལ་ལོ༔ ༈ སྦྱིན་སྲེག་བྱེད་ན༔ བསྲེག་རྫས་མཆོད་པ་མེ་སྦར་ཞིང་༔ ཧཱུྃ༔ རྣམ་དག་ཆོས་འབྱུང་པད་ཉི་བཻ་རོའི་སྟེང་༔ ཆོས་དབྱིངས་མཐིང་ནག་ཧོམ་ཁུང་ཀློང་ཡངས་སུ༔ གསང་བའི་ཁྲོ་མོ་ཁྲོས་མ་ནག་མོ་ལ་དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད། མེ་ལོང་དཀར་གསལ་ཧོམ་ཁུང་ཀློང་ཡངས་སུ༔ གསང་བའི་ཕག་མོ་བདེ་ཆེན་དཀར་མོ་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ མཉམ་ཉིད་སེར་གསལ་ཧོམ་ཁུང་ཀློང་ཡངས་སུ༔ གསང་བའི་ཕག་མོ་སེར་མོ་དོན་གྲུབ་ལ༔ དམ་

[Full Size]

རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ སོར་རྟོག་དམར་ནག་ཧོམ་ཁུང་ཀློང་ཡངས་སུ༔ གསང་བ་དབང་སྡུད་དམར་མོ་སྒྲ་སྒྲོག་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ བྱ་གྲུབ་ལྗང་ནག་ཧོམ་ཁུང་ཀློང་ཡངས་སུ༔ གསང་བ་དྲག་མོ་སྣ་ཚོགས་མཐར་ཕྱིན་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ཤར་ཕྱོགས་གཏུམ་དྲག་དུར་ཁྲོད་ནས༔ རྡོ་རྗེ་མཁའ་འགྲོ་འཁོར་བཅས་ལ་དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ལྷོ་ཕྱོགས་གད་གྲངས་དུར་ཁྲོད་ནས༔ རིན་ཆེན་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་

[Full Size]

ནུས་པས་ཕྲིན་ལས་འགྲུབ་པར་མཛོད༔ ནུབ་ཕྱོགས་པད་འཁྱིལ་དུར་ཁྲོད་ནས༔ པདྨ་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ བྱང་ཕྱོགས་ཀི་ལ་སྒྲོགས་པའི་དུར་ཁྲོད་ནས༔ ལས་ཀྱི་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད། །ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ལྷོ་ནུབ་གཏུམ་པོའི་དུར་ཁྲོད་ནས༔ སྣ་ཚོགས་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ནུབ་བྱང་རབ་རྒྱུའི་དུར་ཁྲོད་ནས༔ ཐམས་ཅད་མཁའ་འགྲོ་

[Full Size]

འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ བྱང་ཤར་དྲག་ཤུལ་དུར་ཁྲོད་ནས༔ འཇིག་རྟེན་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ རྩ་དང་གནས་ཡུལ་དུར་ཁྲོད་ནས༔ མཁའ་འགྲོ་བྱེ་བ་ས་ཡ་རྣམས༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ཅེས་བརྗོད་ཅིང་མཆོད༔ དགུ་པ་མན་ངག་གནད་ཀྱི་གདམས་པ་ནི༔ གོང་གི་ཁ་བསྒྱུར་དྲུག་ལ༔ དར་སྲི་འཁྱམས་ན་མནན་སྲེག་འཕང་གསུམ་བྱའོ༔ སུན་ཟློག་ལ་མདོས་ཐབས་སུ་ཁྱེར་ལ་བྱེད་ལ་ཕྱི་རྗེས་བཅད༔ སྨྱོ་འདུལ་མེའི་སྦྱིན་སྲེག་དང་༔ ཆུའི་ལྕག་དང་༔ ཤིང་གི་མཚོན་ཆ༔ ས་ཡི་ཧོམ་ཁུང་ནང་དུ་འདྲེ་བཅུག་ལ་དེ་ལ་སྦུབ༔ ལྕགས་ཀྱི་གྲི་གུག་ཕུར་བུ་རྣམས་དང་༔ ཁྲག་གི་ཟོར་ནད་པའི་ལོ་གྲངས་ལ་དཔལ་འབར་བཙུགས༔ རྩང་མཚེ་ཡུངས་ཀར་གྱིས་བརྒྱན༔ གྲི་བོ་འདུལ་ན་གཏོར་ཟློག་ལ་ཁྲོ་ཞལ་ཆེ་བ་དང་༔ འཁོར་ལོ་གཅིག་བཙུགས༔ ཧོམ་ཁུང་ལིངྒ་

[Full Size]

གཅིག་དང་བྱང་བུ་དང་རང་གཟུགས་བཅུག་ལ་བྲིས་ལ་བཙུགས༔ དེ་རྣམས་ལ་གདབ་ཆོག་ལེགས་པར་བྱ༔ རྗེས་ལ་མནན་སྲེག་བྱ༔ སྦྱིན་སྲེག་དུར་ཁྲོད་ས་ལ་མངོན་རྟོགས་ལྟར་དཀྱིལ་འཁོར་བྲི༔ ཟོར་ཆུང་བཅུ་གསུམ་བསྐོར༔ མར་མེ་ལྔ་བཀོད༔ སྲེག་རྫས༔ གཏོར་ཆུང་༔ ཕྱེ་མར༔ འབྲུ་སྣ༔ མར་ཁུ་རྣམས་ཚོ་བཅོ་ལྔ་ཙམ་བཤམ༔ ཆ་གཅིག་མེ་ལྷ་ལ་འབུལ༔ མེ་བཞིག་བརྐྱང་༔ མཐར་དཀྱིལ་འཁོར་བསྡུ༔ བཀྲ་ཤིས་དང་སྨོན་ལམ་བྱའོ༔ ༈ སྒོ་དབྱེ་བྱ་བ་ནི༔ བྷྱོ༔ དཀྱི་ལ་འཁོར་ཡོངས་ཀྱི་ཕྱི་སྒོ་སྐྱོང་༔ རྒྱལ་ཆེན་སྡེ་བཞི་ཕྱོགས་སྐྱོང་བཅུ༔ གསེར་སྐྱེམས་མཆོད་པ་འདི་བཞེས་ལ༔ སྐུ་གཟུར་སྤྱན་གཡོལ་དམག་དཔུང་བསྐྱེད༔ སྡང་དགྲ་གནོད་བྱེད་ཐོག་ཏུ་བྷྱོ༔ ཧཱུྃ༔ བཅོམ་ལྡན་ཕག་མོ་ཁྲོས་མ་ཡིས༔ བཀའ་ཉན་མཁའ་འགྲོ་བྱེ་བ་འབུམ༔ གསེར་སྐྱེམས་མཆོད་པ་འདི་བཞེས་ལ༔ སྒོ་མས་སྒོ་ཕྱེས་འཕྲང་སོལ་ཅིག༔ དམག་དཔུང་དགྲ་བགེགས་ཐོག་ཏུ་བྱོ༔ ཧཱུྃ༔ ང་ནི་ཁྲོས་མ་ཕག་གདོང་ཡིན༔ མཁའ་འགྲོ་མ་ཚོགས་དགྲ་ལ་བྷྱོ༔ བཀའ་ཡི་ལྷ་སྲིན་སྡེ་བརྒྱད་རྣམས༔ གསེར་སྐྱེམས་མཆོད་པ་འདི་བཞེས་ལ༔ དགྲ་བགེགས་ཐལ་བ་རྡུལ་དུ་རློགས༔ ཞེས་ཟོར་སྣ་ཕྱིར་བསྒྱུར་ལ༔ གསེར་སྐྱེམས་ནས༔ བཅོམ་ལྡན་ཁྲོས་མའི་བར་གྱི་

[Full Size]

སྲུང་མ་རྣམས་གོ་ལྡོག་ལ་བཤམས༔ བཅུ་པ་ཆད་མདོ་སྲུང་མ་བསྐུལ་པ་ནི༔ དང་པོ་ཡེ་ཤེས་མཁའ་འགྲོ་བཅོམ་ལྡན་ཁྲོས་མའི་འབུམ་བསྐུལ་ནི༔ ཧཱུྃ་བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ནུབ་བྱུང་ཕ་ཀི་ན༔ རྡོ་རྗེ་གདན་གྱི་ནུབ་ངོས་སུ༔ ཨུ་ཙ་ལ་ཡི་དུར་ཁྲོད་ནས༔ རི་བོ་རུས་པ་རྩི་ཤིང་མདུང་ཆུ་ཀླུང་ཁྲག་ཞག་སྒྲ་སྐད་ལྡིར༔ རབ་འཇིགས་ཁྲོ་བཅུ་རྒྱུ་མི་ནུས༔ ཤིན་ཏུ་ཡ་ངའི་གནས་མཆོག་དེར༔ དུས་གསུམ་སངས་རྒྱས་བསྐྱེད་ཡུམ་ནི༔ རྡོ་རྗེ་ཕག་མོ་རབ་ཁྲོས་པའི༔ ཁྲོ་མོ་ཆེན་མོ་དེ་ན་བཞུགས༔ སྤྱི་གཙུག་ཕག་ཞལ་དུར་བ་ལས༔ ཆོས་ཉིད་འགྱུར་བ་མེད་པའི་མཁའ་འགྲོ་འབུམ༔ ལྷ་སྲིན་སྡེ་བརྒྱད་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྐུ་མདོག་མཐིང་ནག་རྔམས་པ་ལ༔ ཕྱོགས་བཅུའི་ཞིང་འདུལ་མཁའ་འགྲོ་འབུམ༔ འཇིག་རྟེན་དྲེགས་པ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཞལ་གདངས་མཆེ་བ་རབ་གཙིགས་པས༔ བདུད་བཞི་བཅོམ་པའི་མཁའ་འགྲོ་འབུམ༔ བདུད་དཔུང་མ་ལུས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ དབུ་ལ་ཕག་གི་སྤྱན་དྲུག་ལ༔ མངོན་ཤེས་དྲུག་ལྡན་མཁའ་འགྲོ་

[Full Size]

འབུམ་རིགས་དྲུག་གདུག་པ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཐོད་སྐམ་ལྔ་ཡི་དབུ་རྒྱུན་ལ༔ རིགས་ལྔའི་དོན་མཛད་མཁའ་འགྲོ་འབུ༔ རྒྱུད་ལྔའི་འགྲོ་བ་དབང་དུ་སྡུས༔ མཁའ་འགྲོའི་བཀའ་ཚད་དགྲ་ལ་བྷྱོ༔ དབུ་སྐྲ་སིལ་བུ་གཏིབས་པ་ལ༔ ཐུགས་རྗེ་ཆར་ལྟར་འབེབས་པའི་མཁའ་འགྲོ་འབུམ་སྣང་སྲིད་ལྷ་འདྲེ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཕྱག་གཡས་གྲི་གུག་ཕྱུར་བ་ལས༔ སྲོག་ལ་རྔམས་པའི་མཁའ་འགྲོ་འབུམ༔ སྲོག་གཅོད་གཤིན་རྗེ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཕྱག་གཡོན་ཐོད་ཁྲག་གསོལ་བ་ལ༔ ནད་བདག་འགྱེད་བསྡུའི་མཁའ་འགྲོ་འབུམ༔ མ་མོ་སྡེ་བརྒྱད་དབང་དུ་སྡུས། ། མཁའ་འགྲོའི་བཀའ་ཆད་དགྲ་ལ་བྱོ༔ ཁ་ཊཾ་རྩེ་གསུམ་བསྣམས་པ་ལ༔ ཁམས་གསུམ་དབང་སྡུད་མཁའ་འགྲོ་འབུམ༔ སྟོང་གསུམ་ལྷ་འདྲེ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ དྲང་འདྲིལ་ཡུ་དཀར་ལྡེམ་པ་ལ༔ ལྷ་མིན་གཡུལ་རྒྱལ་མཁའ་འགྲོ་འབུམ༔ གླིང་བཞི་ཕྲན་བརྒྱད་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་

[Full Size]

བྷྱོ༔ རྡོ་རྗེ་རྩེ་ལྔས་བརྒྱན་པ་ལ༔ སྲིད་གསུམ་ཟིལ་གནོན་མཁའ་འགྲོ་འབུམ༔ སྣང་སྲིད་འགྲོ་བ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ དར་གྱི་འཕུར་ལྕེས་བརྒྱན་པ་ལ༔ བདུད་སྡེའི་གླིང་འཇོམས་མཁའ་འགྲོ་འབུམ༔ མཐའ་འཁོབ་དམག་དཔུང་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཌཱ་རུ་དྲིལ་ཆུང་ཏིང་ཤག་སྒྲས༔ སྙན་བརྒྱུད་མཛོད་འཛིན་མཁའ་འགྲོ་འབུམ༔ ཌཱཀིའི་སྡེ་ཚོགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ བུམ་པས་རབ་བརྒྱན་བདུད་རྩི་འཁྱིལ༔ ཡོན་ཏན་ལྷུན་གྲུབ་མཁའ་འགྲོ་འབུམ༔ པཎྜི་ཏ་རྣམས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྣ་ཚོགས་རྡོ་རྗེ་རྒྱ་གྲམ་ལ༔ ཕྲིན་ལས་ཐོགས་མེད་མཁའ་འགྲོ་འབུམ༔ གང་འདུལ་འགྲོ་བ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ མི་མགོ་ལྔ་བཅུའི་དོ་ཤལ་ལ༔ འདུ་བྱེད་དག་པའི་མཁའ་འགྲོ་འབུམ༔ འཇིག་རྟེན་ཁམས་རྣམས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ རུས་པའི་རྒྱན་དྲུག་མཛེས་པ་ལ༔ ཕྱིན་དྲུག་རྫོགས་པའི་མཁའ་འགྲོ་འབུམ༔ འབྱུང་དྲུག་ལྷ་འདྲེ་དབང་

[Full Size]

དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཞབས་གཉིས་བརྐྱང་བསྐུམ་གར་རོལ་པ༔ བདེ་ཆེན་ཉམས་ལྡན་མཁའ་འགྲོ་འབུམ༔ བར་སྣང་རྒྱུ་བ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ རྟོག་མེད་རོ་ཡི་གདན་ལ་བཞུགས༔ ཐབས་ཤེས་ཟུང་འཇུག་མཁའ་འགྲོ་འབུམ༔ དུར་ཁྲོད་མཁའ་འགྲོ་དབང་དུ་སྡུས། མཁའ་འགྲོའི་བཀའ་ཆད་དགྲ་ལ་བྱོ༔ དུར་ཁྲོད་ཆས་བརྒྱད་ལྡན་པ་ལ༔ ཉོན་མོངས་རྣམ་དག་མཁའ་འགྲོ་འབུམ༔ ཕ་རོལ་བྱད་མ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྤྱི་བོ་བདེ་ཆེན་འཁོར་ལོ་ལ༔ པྲ་མོ་སིདྡྷི་མཁའ་འགྲོ་འབུམ༔ དཀར་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ མགྲིན་པ་ལོངས་སྤྱོད་འཁོར་ལོ་ལ༔ རཏྣ་སིདྡྷི་མཁའ་འགྲོ་འབུམ༔ སེར་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྙིང་ག་ཆོས་ཀྱི་འཁོར་ལོ་ལ༔ བུདྡྷཱ་སིདྡྷི་མཁའ་འགྲོ་འབུམ༔ སྔོན་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ལྟེ་བ་སྤྲུལ་པའི་འཁོར་ལོ་ལ༔ པདྨ་སིདྡྷི་མཁའ་འགྲོ་འབུམ༔ དམར་མོའི་

[Full Size]

སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ གསང་གནས་བདེ་སྐྱོང་འཁོར་ལོ་ལ༔ ལོ་ཀ་དྷཀི་མཁའ་འགྲོ་འབུམ༔ ལྗང་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཕྲིན་ལས་རྣམ་བཞིའི་འཁོར་ལོ་ལ༔ ལས་བྱེད་མཁའ་འགྲོ་འབུམ་ཕྲག་བཞི༔ རིགས་བཞིའི་མཁའ་འགྲོའི་མ་ཚོགས་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཤ་ཁྲག་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ འཁོར་གྱི་ཌཀིའི་བསྐུལ་པ་ནི༔ ཧཱུྃ༔ ཕྱོགས་བཞིའི་འཁོར་ལོ་རྩིབས་བཞི་ལ༔ སྐུ་གསུང་ཐུགས་ཡོན་ཕྲིན་ལས་ཀྱི༔ སྤྲུལ་པའི་བདེ་ཆེན་དཀར་མོ་དང་༔ སེར་མོ་དོན་གྲུབ་དམར་མོ་སྒྲ༔ སྣ་ཚོགས་མཐར་ཕྱིན་རྣམ་བཞི་ནི༔ ཉོན་མོངས་རྣམ་དག་ཡེ་ཤེས་སྐུ༔ ཞི་རྒྱས་དབང་དྲག་ལས་མཛད་པ༔ དཀར་སེར་དམར་ལྗང་རིགས་ཀྱི་གཙོ༔ རིགས་ཀྱི་དབུ་རྒྱན་ཐོར་ཚུགས་ཅན༔ རང་རྟགས་གྲི་ཐོད་ཕྱག་ན་བསྣམས༔ དུག་ལྔ་རྩད་གཅོད་ཞལ་དུ་གསོལ༔ བཅུ་དྲུག་ན་ཚོད་ཁ་ཊཾ་བརྟེན༔ གཅེར་བུ་རུས་རྒྱན་དུར་ཁྲོད་བརྒྱན༔ ཞབས་གཉིས་རོ་ཡི་གདན་ལ་རོལ༔ རང་སྔགས་སིདྡྷི་

[Full Size]

སྒྲ་འབྱིན་ཅིང་༔ མཁའ་འགྲོ་འབུམ་ཕྲག་རེ་རེས་བསྐོར༔ བསྐུལ་ལོ་ཐུགས་དམ་དུས་ལ་བབ༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཤ་ཁྲག་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ ཕྱོགས་བཞི་མཚམས་བརྒྱད་དུར་ཁྲོད་ནས༔ མི་ཕྱེད་རྡོ་རྗེ་མཁའ་འགྲོ་བྷྱོ༔ གཟི་ལྡན་རིན་ཆེན་མཁའ་འགྲོ་བྷེ༔ དྲི་མེད་པདྨ་མཁའ་འགྲོ་བྱོ༔ བདེ་ཆེན་ལས་ཀྱི་མཁའ་འགྲོ་བྱོ༔ མི་འདའ་དམ་ཚིག་མཁའ་འགྲོ་བྷྱོ༔ མི་ནུབ་སྣ་ཚོགས་མཁའ་འགྲོ་བྱོ༔ ཀུན་རྒྱུ་ཐམས་ཅད་མཁའ་འགྲོ་བྷྱོ༔ རྒྱུད་འཛིན་འཇིག་རྟེན་མཁའ་འགྲོ་བྷྱོ༔ རེ་རེའི་འཁོར་དུ་འབུམ་ཕྲག་རེ༔ དུར་ཁྲོད་མཁའ་འགྲོ་དགྲ་ལ་བྷྱོ༔ ཤ་ཁྲག་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ སྲུང་མ་བསྐུལ་པ་ནི༔ ཧཱུྃ་བྷྱོ༔ ང་ནི་ཁྲོས་མ་ནག་མོ་ཡིན༔ སྡེ་བརྒྱད་མཁའ་འགྲོ་ལས་ལ་འདུས༔ གནས་ཆེན་ཉེར་བཞི་ཡུལ་སོ་གཉིས༔ ཞིང་སྐྱོང་མཁའ་འགྲོ་ལས་ལ་འདུས༔ འཛམ་གླིང་དུར་ཁྲོད་སོ་ས་ནས༔ ཤ་ཟ་མཁའ་འགྲོ་ལས་ལ་འདུས༔ ཤ་ཁྲག་གཏོར་མ་འདི་བཞེས་ལ༔ དོ་ནུབ་སྡང་བའི་དགྲ་ལ་བྷྱོ༔ བྷྱོ༔

[Full Size]

འཇིགས་རུང་དུར་ཁྲོད་ཆེན་པོ་ནས༔ འབྱུང་དྲུག་དུག་གསུམ་རབ་ཏུ་འཁྲུགས༔ ཐོད་པ་སྣ་ཚོགས་མཁར་ནང་ནས༔ ཁྲོས་མའི་བཀའ་ཉན་མཐུ་མོ་ཆེ༔ མ་མོ་གྲི་ཐོད་སྙིང་ཟན་ནག༔ ལྕགས་སྤྱང་མགོ་དགུ་ཆིབས་ལ་རྒྱུག་གཡས་ནས་དམར་མོ་བཙན་ཞགས་འཕེན༔ མཚལ་སྟག་མགོ་དགུ་ཆིབས་ལ་རྒྱུག༔ གཡོན་ན་སྔོན་མོ་བདུད་ཞགས་འཕེན༔ ཟངས་འཕར་མགོ་དགུ་ཆིབས་ལ་རྒྱུག༔ ཐམས་ཅད་གཅེར་བུ་རལ་པ་ཅན༔ ཁྲོས་ཞལ་ཨམ་གཙིགས་རབ་ཏུ་བསྒྲད༔ འབྱུང་བ་འཁྲུགས་པའི་ཀློང་དུ་རྒྱུ༔ སྤྱང་ཞོན་མཆེད་གསུམ་འཁོར་དང་བཅས༔ རྗེ་བཙུན་ཁྲོས་མའི་དམ་བཞག་ལྟར༔ བདག་ཅག་གང་བཅོལ་བསྒྲུབ་པ་དང་༔ ཕྱི་ནང་གསང་བའི་རྐྱེན་བསལ་ཕྱིར༔ ཤ་ཁྲག་གཏོར་མ་འདི་། བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ མཚན་མོ་སྐུ་གྲོལ་གཅེར་བུ་མ༔ གར་མཛད་དགྱེས་པའི་གད་རྒྱངས་ཚུལ༔ བདུད་འཇོམས་ཁྲོ་མོའི་ཆ་ལུགས་ཅན༔ འཇིག་རྟེན་དབང་ཕྱུག་ཕག་གདོང་མ༔ དུར་ཁྲོད་ཤ་ཟ་མཁའ་འགྲོའི་ཚོགས༔ འབུམ་ཕྲག་བརྒྱད་ཀྱི་འཁོར་དང་བཅས༔ ཀུན་ལ་རྒྱུ་བའི་འཕྲུལ་མོ་ཆེ༔ ཕག་མོ་ཁྲོས་

[Full Size]

མའི་བཀའ་སྲུང་གིས༔ དམ་རྫས་འདི་བཞེས་དགྲ་བགེགས་སྒྲོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སྟོང་ཁམས་འདི་ན་དྲེགས་པའི་ཚོགས༔ གཟའ་བདུད་དམག་ཚོགས་དགྲ་ལ་བྷྱོ༔ ཟངས་རི་མཁར་དམར་གནས་པ་ཡི༔ བཙན་རྒོད་དམག་ཚོགས་དགྲ་ལ་བྷྱོ༔ འཇིག་རྟེན་བོད་ཁམས་སྐྱོང་བ་ཡི༔ ་བརྟན་མའི་དམག་ཚོགས་དགྲ་ལ་བྷྱོ༔ ཕྱོགས་བཞི་འཇིག་རྟེན་སྐྱོང་མཛད་པའི༔ རྒྱལ་ཆེན་སྡེ་བཞི་དགྲ་ལ་བྷྱོ༔ ཏི་སེ་གངས་རི་ཞིང་སྐྱོང་དང་༔ མངའ་རིས་སྐོར་གསུམ་ལྷ་འདྲེ་བྷྱོ༔ ཐང་ལྷ་ཡར་བཞུད་གཉན་ཆེན་པོ༔ དབུས་གཙང་རུ་བཞིའི་ལྷ་འདྲེ་བྷྱོ༔ རྨ་རྒྱལ་སྐུ་རྒྱལ་འཁོར་དང་བཅས༔ མདོ་ཁམས་སྒང་དྲུག་ཡུལ་ལྷ་བྷྱོ༔ འཛམ་གླིང་བོད་ན་གནས་པ་ཡི༔ སྣང་སྲིད་ལྷ་འདྲེ་སྡེ་བརྒྱད་རྣམས༔ སློབ་དཔོན་པདྨ་འབྱུང་གནས་དང་༔ རྗེ་བཙུན་ཁྲོས་མོ་མཁའ་འགྲོའི་ཚོགས༔ གྲུབ་ཐོབ་ཀ་མ་ལ་ཤི་དང་༔ མཁའ་འགྲོ་མ་རྒྱུད་སྤྲུལ་པའི་འཁོར༔ སྤྱན་སྔར་ཁས་བླངས་དམ་བཅས་ལྟར༔ བཀའ་དང་དམ་ལས་མ་འདའ་བར༔ ཤ་ཁྲག་གཏོར་མ་འདི་བཞེས་ལ༔ སྡང་དགྲ་གནོད་བྱེད་ཐོག་ཏུ་

[Full Size]

བྷྱོ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གཏོར་ཟོར་རྣམས་འཕང་ལ༔ བཅུ་གཅིག་པ་གཏོར་མ་སྐྱོང་བ་ནི༔ གཏོར་ཟློག་བཏེག་ལ༔ ཧཱུྃ་བྷྱོ༔ ཟ་ལམ་བདུན་ཅུ་འདས་པའི་་མཐར༔ དུར་ཁྲོད་ཆེན་པོའི་གནས་བརྒྱད་ནས༔ མཁའ་འགྲོ་ཕག་མོ་འཁོར་དང་བཅས༔ དོ་ནུབ་གཏོར་མ་ལེན་ཕྱིར་འདུས༔ རྣལ་འབྱོར་གཏོར་མ་ལེན་ཕྱིར་འདུས༔ རྣལ་འབྱོར་ཏིང་འཛིན་གནད་ནས་དྲངས༔ ཐུགས་རྗེས་དགོངས་ཤིག་དོ་ནུབ་འདུས༔ རྔ་དུང་རྐང་གླིང་དབྱངས་ཀྱིས་དྲོངས༔ སྙན་གྱིས་གསོན་ལ་དོ་ནུབ་འདུས༔ སྣང་གསལ་མར་མེ་སྤྱན་གྱིས་གཟིགས༔ དྲི་ཞིམ་བདུག་སྤོས་ཤངས་ཀྱིས་སྣོམས༔ དམ་ཉམས་ཤ་ཁྲག་ཞོལ་དུ་གསོལ༔ སྡེ་བརྒྱད་མཁའ་འགྲོ་གཏོར་ལེན་མ༔ དུར་ཁྲོད་གནས་ནས་དོ་ནུབ་འདུས༔ སྣ་ཚོགས་ཀུན་བསྐྱོད་གཤོག་པ་ཅན༔ རིན་ཆེན་གཞོང་ཐོགས་གར་གྱིས་རྒྱུག༔ དམ་རྫས་གཏོར་མ་འདི་ལོངས་ལ༔ རང་རང་སོ་སོའི་སྐག་སྒྱུར་ཅིག༔ སྡེ་བརྒྱད་གདོན་ཚོགས་བཟློག་ཅིང་སྒྱུར༔ བདག་ལ་གནོད་པའི་དགྲ་བོ་སྒྲོལ༔ ནད་གདོན་བར་ཆད་བྱད་སྦྱོར་ཟློག༔ ཕྲིན་ལས་རྣམ་བཞི་མ་ལུས་སྒྲུབས༔ གཤོག་པ་རྡོབས་ལ་རང་

[Full Size]

གནས་གཤེགས༔ བཅུ་གཉིས་པ་ཟོར་བརྡེག་པ་ནི༔ ཧཱུྃ༔ དམར་གྱི་གཏོར་མ་ཆེན་པོ་འདི༔ མཁའ་འགྲོ་དམ་ཅན་མཆོད་པའི་རྫས༔ དགྲ་བགེགས་དམ་སྲི་བསྒྲལ་བའི་མཚོན༔ ནད་དང་རིམས་ཀྱི་ན་བུན་འཐུལ༔ གནམ་ལྕགས་ཐོག་གི་ཚྭ་ཚྭ་འཕྲོ༔ བསྟན་པ་བཤིགས་པའི་དམ་ཉམས་དགྲ༔ བར་ཆད་བྱེད་པའི་གདོན་བགེགས་ལ༔ ཕོབ་ཅིག་རྒྱོབ་ཅིག་མཱ་ར་ཡ༔ དགྲ་བགེགས་ཐལ་བ་རྡུལ་དུ་རློགས༔ གཏོར་ཟོར་ལོ་གྲངས་སོགས་འཕང་ལ་དེ་ནས་གཏོར་ཟློག་བསྐྱོད་ཅིང་གཏོར་མདོས་རང་ཉིད་ཀྱིས་བཏེག་ཡི་དམ་གྱི་ཏིང་འཛིན་དང་ལྡན་པས་འདི་སྐད་དོ༔ བྷྱོ༔ ཐུགས་རྗེ་ཁྲོས་མ་མཐུ་མ་ཆུང་༔ རིགས་བཞིའི་མཁའ་འགྲོ་བང་མ་བུལ༔ སྡེ་བརྒྱད་མཁའ་འགྲོ་རྩལ་མ་ཞན༔ འབུམ་ཕྲག་བྱེ་བ་ས་ཡ་བྷྱོ༔ གདོད་ནས་མ་གྲུབ་ཡུམ་ཆེན་མོ༔ འགགས་མེད་རིག་རྩལ་རྡོ་རྗེ་ཕག༔ ལས་ལ་ཐོགས་མེད་ཁྲོ་མོ་རོལ༔ ནམ་མཁའ་ལྟ་བུར་སྐུ་བཞེངས་ལ༔ རུས་པའི་རྒྱན་དྲུག་གསོལ་བ་་ལས༔ རྒྱུ་སྐར་སེར་ལྟར་འདྲིལ་བ་བྷྱོ༔ ཕག་ཞལ་ཕྱོགས་བཅུར་ངུར་བ་ལས༔ ཁམས་གསུམ་མ་མོས་ཁེངས་པ་བྷྱོ༔ བྷནྡ་ཁྲག་བཀང་གསོལ་བ་ལས༔ རི་རླུང་ཁྲག་མཚོ་

[Full Size]

དགྲ་ལ་བྷྱོ༔ གྲི་གུག་རྔམ་རྔམ་ཕྱར་བ་ལས༔ མཚོན་ཆའི་ཆར་པ་དགྲ་ལ་བྷྱོ༔ ཞིང་ཆེན་གླང་ཀོ་སྤྲུགས་པ་ལས༔ གནམ་ས་སྣང་སྲིད་གདུག་གཅེར་བྷྱོ༔ ཞལ་ནས་ཧཱུྃ་ཕཊ་སྒྲ་སྒྲོགས་པས༔ འབྱུང་པོ་ཕོ་མོས་སྲོག་ལ་བྷྱོ༔ སྤྱན་བསྒྲད་དམར་ཟླུམ་འཁྲུགས་པ་ལ༔ ཉི་ཟླ་ཚོགས་པོར་བཀོག་ཤིང་བྱོ༔ དབུ་སྐྲ་ཁམ་ནག་གསིག་པ་ལས༔ སྤྲིན་ནག་ཐོག་སེར་དགྲ་ལ་བྷྱོ༔ མེ་དཔུང་ཚྭ་ཚྭ་སྤྲོས་པ་ལས༔ བསྐལ་པ་མེ་ཡིས་བསྲེག་པ་བྷྱོ༔ མི་མགོའི་ཕྲེང་བ་འཁྲོལ་བ་ལས༔ འཛམ་གླིང་གཡོ་འགུལ་སྐྱོད་ཅིང་བྷྱོ༔ ཞབས་གཉིས་གར་གྱིས་རོལ་པ་ལས༔ ས་གཞི་རི་བོ་ལྡིག་འཁྱོམས་བྷྱོ༔ འབུམ་ཕྲག་མཁའ་འགྲོ་ཉི་ཤུ་ལས༔ སྟོང་གསུམ་དམག་གིས་འཁྲུག་པ་བྷྱོ༔ གཟི་བརྗིད་རབ་ཏུ་འབར་བ་ལས༔ ལྷ་སྲིན་ཐམས་ཅད་དགྲ་ལ་བྷྱོ༔ ཧཱུྃ་ཧཱུྃ་ཕོ་ཕི༔ མ་གཡེལ་མ་འཕང་རྣལ་འབྱོར་མ༔ ཆོས་དབྱིངས་ཨེ་ཡི་གཞལ་ཡས་ནས༔ རང་བཞིན་དབྱིངས་ཀྱི་མཁའ་འགྲོ་མ༔ རྡོ་རྗེ་ཕག་མོ་སྐུ་བཞེངས་ཤིག༔ རྗེ་བཙུན་ཁྲོས་མ་སྐུ་བཞེངས་ཤིག༔ འཁོར་གྱི་མཁའ་འགྲོ་སྐུ་བཞེངས་ཤིག༔ རི་རབ་ཆེན་པོའི་གླིང་བཞི་ནས༔ ཉི་ཤུ་རྩ་བཞིའི་གནས་མཆོག་ནས༔

[Full Size]

རིགས་བཞིའི་མཁའ་འགྲོ་ཤུགས་འགྲོ་དང་༔ ཡེ་ཤེས་ལས་ཀྱི་མ་མོའི་ཚོགས༔ ཁྲི་འབུམ་བྱེ་བ་ས་ཡ་རྣམས༔ དར་གྱི་ཅོད་པན་པུ་རུ་རུ༔ སིལ་སྙན་མང་པོ་སི་ལི་ལི༔ རོལ་མོ་མང་པོ་ཏི་རི་རི༔ རྒྱན་ཆ་མང་པོ་ཁྲོ་ལོ་ལོ༔ ཌ་རུ་གར་ཐབས་ཤིགས་སེ་ཤིག༔ ཞལ་ནས་སྔགས་སྒྲ་དི་རི་རི༔ ཕཊ་དང་ཕོ་སྒྲ་འུ་རུ་རུ༔ རི་རབ་གླིང་བཞི་ལྡེམས་སེ་ལྡེམ༔ རྒྱ་མཚོ་ཀུན་ཀྱང་ཆོམས་སེ་ཆོམ༔ སྣང་སྲིད་དབང་སྡུད་ཧྲི་ལི་ལི༔ སྡེ་བརྒྱད་བྲན་དུ་ཁྱུགས་སེ་ཁྱུག༔ རྐང་པ་རྡོ་རྗེ་གར་འགྲོས་ཀྱིས་ཐོགས་མེད་མཁའ་་ལ་བུན་ནེ་བུན༔ ལག་པ་གསེར་གྱི་གདུ་བུ་ལ༔ སྣ་ཚོགས་གར་བྱེད་ཁྱུགས་སེ་ཁྱུག༔ ཆ་ལུགས་རྣམ་པ་སྣ་ཚོགས་ཀྱིས༔ ཕྲིན་ལས་རྣམ་བཞི་ཐོགས་མེད་སྒྲུབས༔ བསྐུལ་ལོ་ཐུགས་དམ་དབྱིངས་ནས་བསྐུལ༔ མཁའ་འགྲོའི་དངོས་གྲུབ་མ་གཡེལ་ཅིག༔ ཤུགས་འགྲོ་ལས་ལ་མ་གཡེལ་ཅིག༔ བསེ་ལམ་མཐུ་སྟོབས་མ་ཆུང་ཅིག༔ བརྒྱན་པའི་གཏོར་མ་འདི་བཞེས་ལ༔ འདོད་པའི་དོན་ལ་གསོལ་འདེབས་ཀྱིས༔ མཆོག་དང་ཐུན་མོང་དངོས་གྲུབ་སྩོལ༔ ཚེ་དབང་ལོངས་སྤྱོད་རྒྱས་པ་དང་༔ བཅོལ་བའི་ཕྲིན་ལས་

[Full Size]

འགྲུབ་པར་མཛོད༔ ཅེས་ཐུགས་དམ་བསྐུལ་ལ་བདག་བསྐྱེད་མདུན་བསྐྱེད་ཐམས་ཅད་གསལ་བས་ཕག་མོའི་ངུར་དབྱངས་ཀྱིས་བསྐུལ་བས་གནད་ནས་དྲངས༔ བསྐྱེད་རིམ་གྱིས་གཟེར་གདབ༔ སྔགས་ཀྱིས་དབང་དུ་བསྡུས། ཐུགས་དམ་གནད་ནས་བསྐུལ་ན་གང་བསམ་ཐོགས་པ་མེད་པར་འགྲུབ་བོ༔ དེ་ནས་བཅུ་གསུམ་པ་རྟ་བྲོ་བརྡུང་བ་ནི༔ གཏོར་སྣོད་སྦུབ་ལ་དམ་སྲི་རྒབ་འདྲེ་ཐམས་ཅད་བཀུག་གཞུག་བྱ༔ ཧཱུྃ༔ བཞེངས་ཤིག་དཔའ་བོ་དཔའ་མོ་རྣམས༔ གཉིས་མེད་སྦྱོར་བའི་བྱིན་རླབས་ཀྱིས༔ བདེ་བ་ཆེན་པོའི་བྲོ་གཅིག་བརྡུང་༔ ཉོན་མོངས་དུག་ལྔའི་ས་གཞི་ལ༔ དགྲ་བགེགས་བར་ཆད་དམ་སྲིའི་སྟེང་༔ ཐུགས་རྗེ་ཁྲོས་མའི་བྲོ་ཞིག་བརྡུང་༔ ཌཱཀིའི་ཚོགས་ཀྱིས་གླུ་ཞིག་ལེན༔ འབུམ་ཕྲག་བྱེ་བའི་གར་ཞིག་བྱེད༔ དཔའ་བོའི་བྲོ་རྡུང་ཁྲིགས་སེ་ཁྲིག༔ དཔའ་མོའི་གླུ་ལེན་ཀྱུ་རུ་རུ༔ ཐབས་ཀྱི་གར་བྱེད་ཤིགས་སེ་ཤིག༔ ཤེས་རབ་ཅང་ཏེའུ་ཁྲོ་ལོ་ལོ༔ བདེ་བ་ཆེན་པོ་ཡ་ལ་ལ༔ སྟོང་པ་ཆེན་པོ་ཡ་ལ་ལ༔ ཡེ་ཤེས་མཐའ་དབུས་མེད་པར་རྒྱས༔ དུག་ལྔའི་ཕུང་པོ་གཏན་ནས་བརླག༔ གླུ་བྲོ་གར་གསུམ་ཡེ་ཤེས་བརྡ༔ དགྲ་བགེགས་ཐལ་བརླག་ཕྱེ་མར་འཐག༔ དེ་ཕྱིར་གླུ་བྲོ་རྒྱུན་མི་འཆད༔ ཧཱུཾ་ཧཱུཾ་ཧཱུཾ་བྷ་ཡ་ནན༔ ཞེས་མནན་

[Full Size]

ནོ༔ དེ་ནས་རྗེས་ཀྱི་བྱ་བ་རྣམས་གསང་སྔགས་སྤྱི་ཁོག་ལྟར་བྱའོ༔ ལས་ཅན་གཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ཡེ་ཤེས་མཁའ་འགྲོ་གསང་བ་སྒྲུབ་པའི་ཐབས༔ གཅིག་ཆོག་ཡང་ཞུན་གསང་བའི་སྙིང་པོ་འདི༔ མཚོ་རྒྱལ་བདག་གི་མི་ལོ་ཉི་ཤུའི་ཚེ༔ ཏི་སྒྲོ་བྲག་ལ་མཁའ་འགྲོའི་ལུང་བསྟན་བྱུང་༔ རྒྱལ་བ་ཀུན་གྱི་སྤྲུལ་སྐུ་ཨོ་རྒྱན་ལ༔ མཁའ་འགྲོའི་སྒྲུབ་ཐབས་ཡང་གསང་དཔག་མེད་ཞུས༔ བསམ་ཡས་མཆིམས་ཕུ་གདང་ལྷ་སྦྱར་རྗེས་དང་༔ མཁར་ཆུ་བྲག་དང་སྟག་ཚང་ལ་སོགས་སུ༔ མཁའ་འགྲོའི་སྒྲུབ་སྐོར་དཔག་ཏུ་མེད་པ་སྦས༔ འོན་ཀྱང་ཟབ་དྲིལ་སྙིང་ཁྲག་ལྟ་བུ་འདི༔ གནམ་སྐས་བྲག་ལ་གཅེས་པར་བསམ་སྟེ་བཞག༔ ལན་གཅིག་ཕྱི་མ་འབྱུང་བ་དུས་ཀྱི་ཚེ༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ རྒྱ་རྒྱ་རྒྱ༔ ཁོ་བོ་རཏྣ་གླིང་པ་ངས༔ གནམ་སྐས་བྲག་ནས་ཕྱུང་བ་ཡིན༔ ཤིན་ཏུ་གསང་བའི་བཀའ་རྒྱ་མ༔ ཤེལ་དཀར་བཟའ་ཡི་ཕྱག་ཡིག་འདི༔ ཤོག་སེར་ཞེང་ནི་སོར་བཞི་པ༔ དཀྱུས་སུ་མཐོ་གསུམ་པ་ཞིག་ལ༔ ལུག་ལོ་ཁྱི་ཟླའི་ཚེས་གཅིག་ལ༔ བདེ་ཆེན་གླིང་དུ་བཤུས་པའོ༔ ཞེས་པ་རཏྣ་གླིང་པས་བཏོན༔ མཁའ་འགྲོའི་གསང་སྒྲུབ་འདི་ཉིད་ལ༔ ཁོག་ཕུབ་མངའ་བདག་ཉང་གི་གཏེར༔ ཁྲོ་མོ་རོལ་པའི་གཏོར་སྒྲུབ་གཉིས༔ ལེགས་པར་མཚམས་སྦྱར་ཞིབ་ཏུ་བཀོད༔ ཕྱི་ལྟར་གཏོར་ཟློག་སྒྲུབ་དཀྱིལ་མཚོན༔ ནང་ལྟར་ཕག་མོའི་མཆོད་སྒྲུབ་

[Full Size]

མཚོན༔ གསང་བ་ལུས་དཀྱིལ་མན་ངག་མཚོན༔ ཡང་གསང་ཁྲོས་མའི་གསང་སྒྲུབ་མཚོན༔ བླ་མེད་གདམས་ངག་ཟུར་བརྒྱན་མཛེས༔ འདི་མཚུངས་སྨྲས་པའི་རྣལ་འབྱོར་པ༔ རཱ་ག་ཨ་སྱ་ཞེས་བྱ་བས༔ ལེགས་སྦྱར་འདི་ལ་ཉེས་འགལ་གྱི༔ ནོངས་པ་མཁའ་འགྲོའི་ཚོགས་ལ་བཤགས༔ མཁྱེན་ལྡན་པད་འབྱུང་ལྷ་ལ་བཟོད༔ མི་སྒྲིབ་ཚངས་པའི་དངོས་གྲུབ་སྩོལ༔ ཤིན་ཏུ་ཟབ་ངེས་གསང་བ་འདི༔ མཁའ་འགྲོས་ཀོ་ལོང་མི་བསྡམ་ཞུ༔ ལོག་ལྟ་ཅན་གྱི་རུ་ཏྲ་ལ༔ མ་སྟོན་བཀའ་རྒྱ་གསང་རྒྱས་གདམས༔ སྣོད་ལྡན་ཆིག་རྒྱུད་ཉམས་སུ་ལོངས༔ གསང་སྔགས་མི་ནུབ་མཐའ་རྒྱས་སྨོན༔ བཀྲ་ཤིས་དགེ་ལེགས་རྒྱན་དུ་ཤོག༔ མཁའ་འགྲོའི་གསང་སྒྲུབ་ཁྲོ་མོ་རོལ་པའི་གཏོར་ཟློག༔ གསང་སྔགས་གནད་ཀྱི་གདམས་པ་ལེའུ་བཅུ་གསུམ་པ་རྫོགས་སོ༔ མངྒ་ལཾ༔ ༈ ཆོས་དབྱིངས་ལྷུན་གྱིས་གྲུབ་པ་ཡི༔ རྡོ་རྗེ་ཕག་མོའི་བཀྲ་ཤིས་ཤོག༔ ཕྲིན་ལས་རྣམ་བཞི་ཀུན་སྒྲུབ་པའི༔ ཁྲོས་མ་ནག་མོའི་བཀྲ་ཤིས་ཤོག༔ འགྱུར་བ་མེད་པ་རྡོ་རྗེ་མཁའ་འགྲོའི་བཀྲ་ཤིས་ཤོག༔ དགོས་འདོད་ཀུན་འབྱུང་རིན་ཆེན་མཁའ་འགྲོའི་བཀྲ་ཤིས་ཤོག༔ སྐྱོན་གྱིས་མ་གོས་པདྨ་མཁའ་འགྲོའི་བཀྲ་ཤིས་ཤོག༔ ཐམས་ཅད་ལྷུན་གྲུབ་ལས་ཀྱི་མཁའ་འགྲོའི་བཀྲ་ཤིས་ཤོག༔ དམ་ཚིག་ལ་གནས་འཇིག་རྟེན་མཁའ་འགྲོའི་བཀྲ་ཤིས་ཤོག༔ བར་ཆད་ཀུན་སེལ་

[Full Size]

ཆོས་སྐྱོང་སྲུང་མའི་བཀྲ་ཤིས་ཤོག་ལས་དང་འཇིག་རྟེན་མཁའ་འགྲོའི་ཚོགས༔ ཤ་ཟ་དམ་ཚིག་མཁའ་འགྲོ་མ༔ འཇིག་རྟེན་ཆོས་སྐྱོང་སྲུང་མ་རྣམས༔ ཁྱོད་ཀྱིས་སེམས་ཅན་དོན་ཀུན་མཛད༔ རྗེས་སུ་མཐུན་པའི་དངོས་གྲུབ་སྩོལ༔ སོ་སོའི་ཡུལ་དུ་གཤེགས་སུ་གསོལ༔ སོ་སོའི་ཡུལ་དུ་གཤེགས་ནས་ཀྱང་༔ སེམས་ཅན་རྣམས་ཀྱི་དོན་སླད་དུ༔ སླར་ཡང་འབྱོན་པར་མཛད་དུ་གསོལ༔ བཛྲ་མུཿ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

སྲི་འདུལ་བ་དགྲ་བྲུབ་པ་གཤེད་འདུལ་སོགས་ཐ་ན་ལིངྒ་དགོས་ཚད་སྦྱར་རྒྱུའི་ལིངྒ་བྲི་གྱེར།

[Full Size]

སྲི་འདུལ་བ་དགྲ་བྲུབ་པ་གཤེད་འདུལ་སོགས་ཐ་ན་ལིངྒ་དགོས་ཚད་སྦྱར་རྒྱུའི་ལིངྒ་བྲི་གྱེར་རཱ་གས་མཛད་པ།།

[Full Size]

ལིདྨ་བྲི་གྱེར་བྱ་བ་ནི༔ སླ་ང་ལ་སོགས་སུ་གྲི་གྲུ་གསུམ་དུ་བཞག་ལིངྒ་བྲི་བའི་ཤོག་གུ་ལིང་གདན་ལིང་ཁེབས་སྨྱུ་གུ་ཁྲག་སྣ་རྣམས་སླ་ངར་བཞག་ལ༔ སྟེང་གྲི་ཐབས་སྟེང་དུ་དཀར་གཏོར་དམར་གཏོར༔ བགེགས་གཏོར་གསེར་སྐྱེམས་སོགས་བཞུག་ལ་དང་པོ་དཀར་གཏོར་བཏང་ནས་འདི་སྐད་དོ༔ ཧཱུྃ༔ ཆེ་མཆོག་རྒྱལ་པོའི་བཀའ་བྱུང་བ༔ ལྷ་ཆེན་ཚངས་པ་བརྒྱ་བྱིན་དང་༔ གཟུགས་ཁམས་འདོད་ཁམས་ལྷ་རྣམས་ཀྱི༔ རྒྱལ་བློན་ཕོ་ཉ་ལས་མཁན་ལ་རང་མཐུན་འདོད་ཡོན་གཏོར་མ་དང་༔ རྩི་སྨན་ཨརྒུ་གསེར་སྐྱེམས་འབུལ༔ ཐ་ཚིག་བསྲུང་ཕྱིར་བཞེས་སུ་གསོལ༔ དགྲ་བགེགས་འགུགས་པའི་ལས་མཛོད་ཅིག༔ ངས་

[Full Size]