མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ར༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་རྒྱ་མཚོ་ལྔ་ཡི་དཀྱིལ་འཁོར་གྱི་གཏོར་བསྔོས་ཆ་ཚང་བ་ཞིག་ལགས་ཏེ་རྒྱུན་ཁྱེར་བྱ་བ་གསང་སྔགས་ནང་གི་གཏོར་མ་ཤིན་ཏུ་བསྡུས་པ།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་རྒྱ་མཚོ་ལྔ་ཡི་དཀྱིལ་འཁོར་གྱི་གཏོར་བསྔོས་ཆ་ཚང་བ་ཞིག་ལགས་ཏེ་རྒྱུན་ཁྱེར་བྱ་བ་གསང་སྔགས་ནང་གི་གཏོར་མ་ཤིན་ཏུ་བསྡུས་པ་བཞུགས་པའི་དབུ་ཕྱོགས་དགེ་ལེགས་འཕེལ།།

[Full Size]

གསང་སྔགས་ནང་གཏོར་བྱིན་གྱིས་བརླབས་པ་ནི། ཨོཾ་ཧཱིཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲི་བ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ༔ སྟོང་པར་གྱུར། སྟོང་པའི་ངང་ལས་རང་གི་ཐུགས་ཀ་ནས་ཡཾ་སྤྲོས་པ་ལས། རླུང་གི་དཀྱིལ་འཁོར་སྔོན་པོ་ཟླ་གམ་བ་དན་དང་ཡཾ་ཡིག་གིས་མཚན་པ། དེའི་སྟེང་དུ་རཾ་སྤོས་པ་ལས། མེའི་དཀྱིལ་འཁོར་དམར་པོ་འབར་བ་རཾ་གྱིས་མཚན་པ། དེ་ལ་ཀེ་གསུམ་སྤྲོས་པ་ལས། ཐོད་པ་སྐམ་པོ་བུམ་རིལ་གྱི་སྒྱེད་པུ་གསུམ་གྱི་སྟེང་དུ། ཨ་སྤྲོས་པ་ལས་ཐོད་པའི་སྣོད་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ།

[Full Size]

དབུས་སུ་མུ་ལས་དྲི་ཆུ་བཻཌཱུརྱ་ལྟ་བུ། ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་རཀྟ་གསེར་བཙོ་མ་ལྟ་བུ། ནུབ་ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་ཀླད་པ་སྟེ་བདུད་རྩི་ལྔ་དང་། སླར་ཡང་དབུས་སུ་ན་ལས་མི་ཡི་ཤ། ཤར་ལྷོར་གོ་ལས་བ་གླང་གི་ཤ །ལྷོ་ནུབ་ཏུ་ཀུ་ལས་ཁྱིའི་ཤ །ནུབ་བྱང་དུ་ད་ལས་གླང་པོ་ཆེའི་ཤ །བྱང་ཤར་དུ་ཧ་ལས་རྟའི་ཤ་སྟེ་ཤ་ལྔའོ། །རླུང་གཡོས་ཤིང་མེ་སྦར་བས་ཐོད་པ་དྲོས་རྫས་རྣམས་ཞུ་བ། ཨོཾ་ཨཱཿཧཱུྃ། གསུང་གི་བདུད་རྩིའི་རང་བཞིན་ཁ་དོག་དམར་པོའོ། །ཨོཾ་ཨཱཿཧཱུྃ། ཐུགས་ཀྱི་བདུད་རྩིའི་

[Full Size]

རང་བཞིན་ཁ་དོག་སྔོན་པོའོ། །ཨོཾ་ཨཱཿཧཱུྃ། སྐུའི་བདུད་རྩིའི་རང་བཞིན་ཁ་དོག་དཀར་པོ་འོ་མའི་རྒྱ་མཚོ་ལྟ་བུར་གྱུར། སྤྱི་གཏོར་བྱིན་རླབས་ནི། ཨོཾ་ཧིཔདྨནྟ་ཀྲི་ཏ་སོགས། སྭ་བྷཱ་ཝས་སྦྱང་། སྟོང་པའི་ངང་ལས་རང་རང་གི་སྤྱོད་ཡུལ་དུ་གྱུར་པའི་སྣོད་རྣམས་སུ། ཨོཾ་ཨཱཿཧཱུྃ་ལས་བྱུང་བ། ལྷ་རྫ་ས་ལས་གྲུབ་པའི་གཏོར་མ་དྭངས་ཤིང་ཐོགས་པ་མེད་པ་ནམ་མཁའ་དང་མཉམ་པར་གྱུར། ཨོཾ་ཨ་ཀཱ་རོ་སོགས། འབར་བའི་ཕྱག་རྒྱ་དཔྲལ་བརབསྐོར་ཞིང་སྤྱན་འདྲེན་པ་ནི། ཕོ་ཕེ་ཕོ། མདུན་གྱི་ནམ་མཁར་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་རྣམས་སྤྲིན་གྱི་ཕུང་པོ་ལྟ་བུར་བཞུགས་པར་གྱུར། ན་མོ་རཏྣ་གུ་རུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བརྗོད་ཚིག་གིས་བསྔོ་བ་ནི། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོར་གྱུར་པ། ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞིའི་འབྱུང་གནས། འཕགས་པའི་དགེ་འདུན་ཐམས་ཅད་ཀྱི་མངའ་བདག །དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་ཞལ་དུ་འབུལ་ལོ། །ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏེ་ལོ་ཤེས་རབ་བཟང་

[Full Size]

པོ། ནཱ་རོ་ཛྙ་ན་སིདྡྷི། མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། དཔལ་ལྡན་དུས་གསུམ་མཁྱེན་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀྵི། ནས། དྲིན་ཆེན་ཆོས་ཀྱི་དབང་ཕྱུག །རྒྱལ་མཆོག་ཆོས་དབྱིངས་རྡོ་རྗེ། དཔལ་ལྡན་ཡེ་ཤེས་སྙིང་པོ་ལ་སོགས་པ་ཟུང་འཇུག་བརྒྱུད་པ་རྣམས་ཀྱི་ཞལ་དུ་འབུལ་ལོ། །ཁྱབ་བདག་རྡོ་རྗེ་འཆང་། བྱང་སེམས་བློ་གྲོས་རིན་ཆེན། བྲམ་ཟེ་ས་ར་ཧ། དཔལ་མགོན་འཕགས་པ་ཀླུ་སྒྲུབ། གྲུབ་ཆེན་ཤ་བ་རི་པ། རྒྱལ་སྲས་མེ་ཏྲི་པ་ལ་སོགས་པ་ཕྱག་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ་སྤྲུལ་སྐུ་པདྨ་འབྱུང་གནས། མ་གཅིག་གྲུབ་པའི་རྒྱལ་མོ། ཏེ་ཕུ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ་ལ་སོགས་པ་ལྷ་ལྔ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །པདྨ་བཛྲ། ཛ་ལེན་དྷ་ར། མེ་ཏྲི་པ། བཛྲ་པཱ་ཎི། བཱ་དན་སུ་མ་ཏི་ཀཱིརྟི་ལ་སོགས་པ་ལྷ་དགུ་བརྒྱུད་པའི་བླ་མ་རྣམས་ཀྱི་ཞལ་དུ་

[Full Size]

འབུལ་ལོ། །ཆོས་སྐུ་ཀུན་ཏུ་བཟང་པོ། དྲུག་པ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། གུ་རུ་ཤྲཱི་སེང་ཧ་ལ་སོགས་པ་རྫོགས་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཌོམ་བྷི་ཧེ་རུ་ཀ །མི་ཏྲ་ཛོ་ཀི །བི་མ་མི་ཏྲ། ཉི་མ་འོད་ཟེར། བིར་ཝ་པ། དམ་པ་རྒྱ་གར། རྒྱ་གར་གྱི་རིག་འཛིན་བརྒྱད། གྲུབ་ཆེན་བརྒྱ་དང་བརྒྱད་ཅུ། རྗེ་འབངས་ཉི་ཤུ་རྩ་ལྔ། ཆོས་རྒྱལ་མེས་དབོན་རྣམ་གསུམ། བདེ་གཤེགས་ཕག་མོ་གྲུ་པ། གྲུབ་ཐོབ་གླིང་རྗེ་རས་པ། འབྲི་གུང་འཇིག་རྟེན་གསུམ་མགོན། སྟག་ལུང་ཐང་པ་ཆེན་པོ། ཇོ་བོ་ཁུ་རྔོག་འབྲོམ་གསུམ། རཏྣ་གླིང་པ། གླིང་པ་བརྒྱད་སོགས་གཏེར་སྟོན་བརྒྱ་དང་རྩ་བརྒྱད། མཁའ་སྤྱོད་ནམ་མཁའ་རྒྱལ་མཚན། ཀརྨ་པ་རབས་བཅུ་གསུམ། ཞྭ་དམར་ཉི་ཤུ་རྩ་གཅིག །སི་ཏུ་གདན་རབས་ཉི་ཤུ་རྩ་གཅིག །དྲུང་པ་རབས་བདུན་ལོ་སོགས་དབང་ལུང་མན་ངག་གང་ལས་བརྒྱུད་པའི་དཔལ་ལྡན་བླ་མ་དམ་པ་ཐམས་ཅད་ཀྱི་ཞལ་དུ་འབུལ་ལོ། །དེ་ལྟ་ཉིད་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་བྱིན་གྱིས་བརླབ་ཏུ་གསོལ། ཡི་དམ་སྔགས་

[Full Size]

ཀྱིས་བསྔོ་བ་ནི། བླ་མ་གཏོར་མ་ནི། ཨོཾ་གུ་རུ་ཨཱ་ཡུསིདྡྷི་ཧཱུྃ་ཧྲཱིཿ ཨ་མཱ་ར་ཎི་ཛཱི་ཝན་ཏི་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། ཨོཾ་བཛྲ་ཝཱ་ར་ཧི་བུདྡྷ་ཌཱཀི་ནཱི་ཡེ། བཛྲ་ཝརྞ་ནཱི་ཡེ། བཛྲ་བེ་རོ་ཙ་ནི་ཡེ་ཧ་རི་ནི་ས་ཧཱུྃ་ཕཊ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་ཨཊྚཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧྲཱིཿ་ཡ་ཧཱུྃ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་མ་ཎི་པདྨེ་ཧཱུྃ་ཧཱུྃ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་མ་ཎི་པདྨེ་ཧཱུྃ། བཻ་ཌཱ་ཀི་ནཱི་ཧ་རི་ནི་ས་ཧཱུྃ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ལོ་ཀི་ཤྭ་རི་སརྦ་ས་པཱ་རི་ཝཱ་ར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱཿཧཱུྃ་ཨརྩིག་ནིརྩིག་ན་མོ་བྷ་ག་བ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་ཧཱུྃ༔ བཛྲ་གུ་རུ་དྷེ་ཝ་ཊཱཀི་ནཱི་སརྦ་སིདྡྷི་ཕ་ལ་ཧཱུྃ་ཨཱ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱཿཧཱུྃ་ཧྲཱིཿ གུ་རུ་པདྨ་བཛྲ་ཌཱཀ་ཙན་དྷ་ལི་ཨཱ་ཡུ་སིདྡྷི་ནི་ཧཱུྃ་ཛཿཧཱུྃ་ཨཱ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་

[Full Size]

གུ་རུ་གྲོ་བོ་ལོད་མ་ཧ་རི་ནི་ས་ལོ་ཀ་སརྦ་སིདྡྷི་ཕ་ལ་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱབཛྲ་དྷཱིཀ་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱམཾ་ཧཱུྃ། ཨི་དཾ་བ་ལོ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཧཱུྃ་ཧ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཏན་ཏྲ་པ་ནི་ཤན་ཏིང་ཀུ་རུ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཝཀྱེ་ཧཱུྃ་དྷེ་ཝི་ཧྲིང་། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཌོམ་བྷི་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱགུ་རུ་མི་ཏྲ་ཛོ་ཀི་ཧཱུྃ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱགུ་རུ་བི་མ་ལ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱ༔གུ་རུ་སུརྱ་རསྨི་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱ་ཀ་མ་ལ་ཤཱི་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ན་མོ་བིར་ཝ་ཀ་སིདྡྷི་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་གུ་རུ་ག་ག་ན་དྷུ་ཛ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨི་ཤྭ་ར་དྷརྨ་ཧཱུྃ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་དྷརྨ་དྷརྟུ་བཛྲ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཡི་དམ་གཏོར་མ་

[Full Size]

ལ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ། ཌཱཀི་ནཱི་ཛཱ་ལ་སཾ་བྷ་རཾ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་ཧཱིཧ་ཧ་ཧཱུྃ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ག་རུ་ཌ་ཙ་ལེ་ཙ་ལེ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཧཱིཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་དེ་ཝ་བི་ཙུ་བཛྲ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཤྲཱི་ཀཱ་ལ་ཙཀྲ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཧཱིཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བུདྡྷ་ཀ་པཱ་ལ་ནི་ཨ་ཧི་ཧེ་ཧཱུྃ་ཕཊ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཧཱིཝཏྟི་ཝི་ཀྲི་ཏཱ་ན་ན་ཧཱུྃ་ཧཱུྃ་ཕཊ་ཕཊསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷོ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རི་བཛྲ་ཀཱི་ལི་ཀཱི་ལ་ཡ། མ་ཧཱ་ཡཀྵ་ཀཱ་ལཱ་རུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་ཁཾ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་མཉྫའི་ཡ་མཱནྟ་ཀ་ཡ་མ་རཱ་ཛ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་

[Full Size]

ཧི་ཁཱ་ཧི། དུ་ཏྲི་ཡ་མ་ར་ཙ། ཡ་མ་རཀྵ། ཀྲོ་ཏ་པ་ཙ་ལ། ཀ་ལ་རུ་པ་ཨ་ཀྲོ་ར་ཙ་ཡ་མ་ར་ཙ་ས་མ་ཡ་ཛ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷན་ཛ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་ལོ་ཀ་ཤྭ་ར་ཀྲོ་དྷ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཨུ་པ་ར་ཙ་མ་མ་ཧཱུྃ་སྭཱ་ཧཱ། ཨི་དཾ་བ་ལོ་ཏ་ཁ་ཁ་ཁཱ་ཧི་ཁཱ་ཧི། ཕཊཧཱུྃ་ཛྙཱ་ན་ཀྲོ་དྷ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཏྲེ་དུ་ཏྲི་ཕུ་ས་མ་ཡ་ཛཿཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བདག་དང་བསྲུང་བྱ་ཐམས་ཅད་ཀྱི་ལུས་ངག་ཡིད་གསུམ་རྡོ་རྗེ་གསུམ་དུ་བྱིན་གྱིས་བརླབ་ཏུ་གསོལ། དེ་ནས་མཁའ་འགྲོའི་གཏོར་མ་ལ། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་བཛྲ་ཌཱཀི་ནཱི་སེང་ཧ་མུ་ཁ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་ཨཱ་ཝེ་ཤ་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀུ་རུ་ཀུལླེ་ཧིསཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་

[Full Size]

པི་ཤ་ཙི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་རི་ཙེ་མཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛྙཱ་ན་ཌཱཀི་ནཱི་སཾ་ག་ར་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བྷོ་ཕཊ་ཧཱུྃ་དུ་ར་ན་ཏྲ་ཏྲ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་ཌཱཀི་ནཱི། བུདྡྷ་ཌཱཀི་ནཱི། རཏྣ་ཌཀི་ནཱི། པདྨ་ཊཱཀི་ནཱི། ཀརྨ་ཊཱཀི་ནཱི། བི་ཤྭ་ཊཱཀི་ནཱི། ལོ་ཀ་ཌཱཀི་ནཱི། ཨི་དཾ་བྷ་ལི་པཱུ་ཛ་ཁཱ་ཧི་གྲིཉྩ་མ་མ་རཀྵ་རཀྵ་ཧཱུྃ་ཧཱུྃ་ཕཊཕཊ་སྭཱ་ཧཱ། ཨོཾ་ཁ་ཁ་ཁཱ་ཧི་ཁཱ་ཧི། །སརྦ་ཡཀྵ་རཀྵ་ས་བྷཱུ་ཏ་པྲ་ཏ་པི་ཤ་ཙ་ཨུཏུ་ད་ཨ་པ་སྨཱ་ར་ཌཱ་ཀ་ཌཱ་ཀི་ནྱ་ད་ཡ། ཨི་དཾ་བ་ལིཾ་ཏ་གྲི་ཧ་ནནྟ་ས་མ་ཡ་རཀྵནྟ་མ་མ་སརྦ་སིདྡྷི་མྨེ་པྲ་ཡཙྪནྟ་ཡ་ཐེ་བི་ཡ་ཐེཏྟཾ་བྷ་ཛ་ཐ་ཛི་གྲུ་ཐ་པི་ཝ་ཐ་མ་ཏི་ཀྲ་མ་ཐ་མ་མ་སརྦ་ཀར་ཏ་ཡ་སད་སུ་ཁཾ་བི་ཤུདྡྷ་ཡེ། ས་ཧ་ཡི་ཀ་བྷ་ཝནྟུ་ཧུཾ་ཧཱུྃ་ཕཊ་ཕཊ་སྭཱ་ཧཱ། ལན་བཞིར་བརྗོད། ཨོཾ་ཧྲཱིཿ་ཧྲཱིཿ་ཧཾ་ཧཾ་ཧེ་ཧེ་ཧི་ཧི་ཕོ་ཕོ། ལན་གསུམ། ཨོཾ་ཨཱཿཧཱུྃ། གསུམ། སངས་རྒྱས་མཁའ་འགྲོ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ། སྣ་ཚོགས་མཁའ་འགྲོ། འཇིག་རྟེན་མཁའ་འགྲོ། གནས་ལས་སྐྱེས་པ། རིགས་ལས་སྐྱེས་པ། ཞིང་

[Full Size]

ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པ། ལྷན་ཅིག་སྐྱེས་པའི་ལྷ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གནས་དང་ཉེ་བའི་གནས། ཞིང་དང་ཉེ་བའི་ཞིང་། ཚན་རྡོ་དང་ཉེ་བའི་ཚན་དྷོ། འདུ་བ་དང་ཉེ་བའི་འདུ་བ། འཐུང་གཅོད་དང་ཉེ་བའི་འཐུང་གཅོད། དུར་ཁྲོད་དང་ཉེ་བའི་དུར་ཁྲོད། གནས་ཉི་ཤུ་རྩ་བཞི། ཡུལ་སུམ་ཅུ་སོ་གཉིས། དུར་ཁྲོད་ཆེན་པོ་བརྒྱད་ལ་སོགས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཕྱོགས་སྐྱོང་བཅུ་ལ་སོགས་པ་འཇིག་རྟེན་སྐྱོང་བ་རྣམས་ཀྱི་ཞལ་དུ་ཨོཾ་ཨཱཎཱཧཱུྃ། རྒྱ་གར་རྡོ་རྗེ་གདན། རྒྱ་ནག་རི་བོ་རྩེ་ལྔ། ནུབ་ཕྱོགས་ཨོཾ་རྒྱན། བྱང་ཕྱོགས་ཤམ་བྷ་ལ། དཔལ་ལྡན་འབྲས་སྤུངས་ཀྱི་མཆོད་རྟེན། ལྷོ་ཕྱོགས་དཔལ་གྱི་རི་ཤྲཱི་ན་ལེན། བི་ཀྲ་མ་ཤི་ལའི་གཙུག་ལག་ཁང་ལ་སོགས་པ་གྲུབ་ཆེན་རྣམས་ཀྱིས་བྱིན་གྱིས་བརླབས་པའི་གནས་རྣམས་སུ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ལྷོ་གྲོ་བོ་ལུང་། འབྲོག་ལ་ཕྱི་ཆུ་བར། ཇོ་མོ་བཀྲ་ཤིས་ཚེ་རིང་མ་མཆེད་ལྔ། ཤར་དྭགས་ལྷ་དཔལ་གྱི་སྒམ་པོ། སྟོད་ལུང་མཚུར་ཕུ། ཀཾ་པོ་གནས་

[Full Size]

ནང་། ཀརྨ་རི་གླིང་། ཤར་ཕྱོགས་སྤུངས་རི། ལྷོ་གནས་མཆོག་དཔལ་གྱི་ཙཱ་རི་ཏྲ། གངས་དཀར་གྱི་རྒྱལ་པོ་ཏི་སེ། མཚོ་མ་ཕམ། བལ་ཡུལ་འཕགས་པ་ཤིང་ཀུན། ཤིང་ཀི་རིའི་མཆོད་རྟེན། རོང་བཙན་ཁ་བ་དཀར་པོ། ཆོས་འཁོར་ལྷ་ས། དཔལ་གྱི་བསམ་ཡས་ལ་སོགས་པ་གངས་རིའི་ཁྲོད་ཀྱི་སྒྲུབ་གནས་བྱིན་རླབས་ཅན་རྣམས་སུ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་འབུལ་ལོ། །གཞན་ཡང་ཡུལ་ལྔ་ལྗོངས་གསུམ་གླིང་གཅིག་སྒྲུབ་གནས་བརྒྱད་གངས་ཉི་ཤུ་རྩ་གཅིག །གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས་ལ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། བདག་ཅག་ལ་རྟེན་འབྲེལ་སྣ་ཚོགས་རྒྱུན་དུ་འཆར་ཞིང་ཕྲིན་ལས་རྣམ་བཞི་ལྷུན་གྱིས་འགྲུབ་པར་མཛད་དུ་གསོལ། རྟ་ནག་གཏོར་མ། ཨོཾ་ཧྲཱིཿབཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཕེ་ཁཾ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་མ་ཧཱ་ཀྲོ་ཏ་ཧྱ་གྲི་ཝ་ཨེ་ཀ་ཙ་ཏི་ཡཀྵ་ཏྲི་ཧཱུྃ་ཧཱུྃ་ཕཊཕཊསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཕྱག་བཞི་པའི་གཏོར་མ། ཨོཾ་བཛྲ་ཀ་ཝུ་ཝ་ཝ་པ་

[Full Size]

ཤ་ཡ་མ་ཧཱ་ཀཱ་ལ་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཨེ་ཀ་ཙ་ཏི་གུ་ཎ་ཧྲཱིཿ་ད་ཧཱུྃ་ཕཊ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀྵ་སྲོག་དུང་དུང་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལི་དྷེ་ཝི་རུ་པི་ནི་ཧཱུྃ་བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཧཱུྃ་ཤྲཱི་ཡ་དེ་ཝི་ཀ་ལི་མ་ཧཱ་ཀཱ་ལི་ཧཱུྃ་བྷོ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བེར་ནག་གཏོར་མ། ཨོཾ་མ་ཧཱ་ཀཱ་ལ་ཡ་ཧཱུྃ་ཕཊསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཏྲག་རཀྵ་མ་ཧེ་དུན་བྱོ༔ མ་ཧཱ་ཡཀཱ། ཏིཥྛ་ཀཱ་ལི་དུན་བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུྃ་བྷོ་ཛ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏཱ་ལི་ཧཱུྃ་ཛ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཕྱག་དྲུག་གཏོར་མ། གུ་རུ་མ་ཧཱ་ཀཱ་ལ་ཧ་རི་ནི་ས་སི་ཏི་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་མ་ཧཱ་ཀཱ་ལ་ཀཱི་ཀཱུ་ཊ་བིག་ནཱན་བི་ན་ཡ་ཀ་ཧཱུྃ་ཧཱུྃ་ཕཊ༔ ཀེ་ཏྲ་པཱ་ལ། ཛི་ན་མི་ཏྲ། ཊཱཀྐི་རཱ་ཛ༔ ཏྲཀཱད་རེ་མ་ཏི། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ག་ན་པ་ཏི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་ནིང་གཏོར་མ། །

[Full Size]

ཨོཾ་ཤྲཱི་མ་ཧཱ་ཀཱ་ལ་ག་ན་གུ་ཧྱ་རཾ་སིདྡྷི་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཏྲཀཱད། མ་ཧཱ་ཀཱ་ལ་སུ་ཏྲི་ཡ་མ་དུ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་ཝཀ་རེ་རེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་མ་ཧཱ་ཀཱ་ལ་རེ་མ་ཏི་ཨ་ཡ་མ་དུ་རུ་ཙ་ཤ་ན། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞིང་སྐྱོང་གཏོར་མ་ལ། ཨོཾ་མ་ཧཱ་ཀཱ་ལ་སིང་ཧ་མུ་ཁ་ཧཱུྃ་ཕཊ༔ ཏྲི་ཧྲིང་ཛ༔ ཌཱ་ཀི་ནཱི་སི་ན་ར་མ་ཧཱུྃ་ཕཊ། ཏྲི་ཧྲིང་ཛ༔ ཡ་མ་ར་ཙ་དུ་ཏྲི་ཕུ་ཏྲི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀཱ་ལ་རཱུ་པ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤ་རི་རུ་མ་བྷྱོཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མགོན་དཀར་ལ། ཨོཾ་གྷི་རཱ་ཛ་གྱི་རཱ་ཛ་ཀུ་མ་ཁུ་མ་ཁུམ་ཐིས་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ར་ལི་པྲ་མ་ཡ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྲིན་མགོན་གཏོར་མ་ལ། བྷ་ག་བ་ཏི་ཏིཥྛ་རཀྵ་རཀྵ་ས་མ་ཡ་ཧཱུྃ་ཧཱུྃ་ཛ་ཛ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀཱ་ལ་ཀཱ་ལ་བི་ཀཱ་ལ་ར་ཏྲི་ཏ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨེ་མཉྫ་ཀུཀྟ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བྲག་མགོན་གཏོར་མ་ལ། ཨོཾ་མ་ཧཱ་ཀཱ་ལ་དུ་རུ་ཧཱུྃ་ཕཊ༔

[Full Size]

ཨོཾ་མ་ཧཱ་ཀཱ་ལ་མ་ཎི་བིར་ཝ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྔགས་བདག་ལ། ཨོཾ་ཕུ་ཏ་ཕུ་ཏ་མ་ཧཱ་ཀྲོ་དྷི་ཧཱུྃ། སིདྡྷི་སིདྡྷི་སྤོ་ཊ་ཡ་ཧཱུྃ་ཕཊ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧྲཱིཿ ཨོཾ་ན་ག་ར་ཙ་ཨ་ཏི་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ནཱ་ག་ར་ཙ་ཨཝ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཚེ་རིང་མ་ལ། ཨོཾ་ཨཉྫི་དྷ་རི་པཉྩ་ཌཱ་ཀི་ནཱི། ཨོཾ་ག་ན་པ་ཏི་སྭཱ་ཧཱ། ཨོཾ་ཡ་མ་ཙ་ར་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་མ་ཧཱ་མ་ཏྲི་དུང་དུང་ཏཱི། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཏྲིག་ན་ཏྲིག་ཛ༔ ཏྲིག་སྨན་རུམ་ཙམ་ཙ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྔགས་སྲུང་གཏོར་མ་ལ། ༀ་ཨེ་ཀ་ཙ་ཏི་བྷོ་ཧྲིང་། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཁྱི་ཁ་ལེ་ནག་མོ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བྷོ་ཤ་ཟ་ཌཱཀི་མ་མོ་ཙིཏྟ་ཧྲིང་ཧྲིང་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷོ་རུ་ཏྲ་ཀཱ་ལི་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཟའ་ཡི་གཏོར་མ་ལ། ཧཱིཤག་རུ་རཀྵ་ཙིཏྟཾ་མ་མ་ཡོ་ཟ་འགྲམ་ཧ་ཧེ་ཡོ་ག་ཤ་ལ་ཛ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྱཱ་གྷི་ཝ་ར་ར་ར་ལི་པྲ་མ་ཡ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧྲཱིཿ་ཧ་ར་ནག་པོ་ས་མ་

[Full Size]

ཡ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨེ་ཧེ་མ་རུ་ཙེ་གུ་ཎ་ཧྲཱིཿ་ཏྲི་ཧཱུྃ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྟ་ལྷའི་གཏོར་མ། ཨོཾ་ཨརྱ་རེ་མནྟ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨ་ཀུ་བེ་ར་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཐང་ལྷ་ལ། ཨོཾ་བཛྲ་ཐང་ཀ་ར་མུན་ཉིད་ཁུ་ཤ་ལི་ཨ་མྲྀ་ཏ་ཁཱ་ཧི་ཁཱ་ཧི་སྭཱ་ཧཱ། ཨོཾ་ནཱ་ག་ར་ཙ་བཛྲ་རཱ་ཛ་ས་མ་ཡ་ཛ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ནཱ་ག་ར་ཙ་ཀྲོ་ཏ་པ་ཙ་ལ་ཏི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ན་ན་ན་ཧི་སྭཱ་ཧཱ། ཨི་དཾ་བ་ལི་ོཏ་ཁ་ཁ་ཁཱ་ཧི་ཁཱ་ཧི། བཙན་གཏོར་ལ། ཨོཾ་ན་ག་ཙན་ཏྲི། ཙ་ར་ར་ཏྲི་གིང་ཀ་ར། ཡཀཱ་ཡཀྵ་ས་མ་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་སརྦ་སུམ་ཏྲི་རི་ཏྲི་ན་ན་ཁ་རེག་བྷཾ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཙཎྜ་པྲ་མ་ནི་དྷ་ར་དྷ་ར་ས་མ་ཡ་ཛ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་དུ་བཻ་ཏྲི་ཤུ་ལ་ནཱ་ག་ར་ཙ་ས་མ་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱིཿ ཡུལ་ལྷའི་གཏོར་མ་ནི། ཨོཾ་ཨཱརུ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཀུ་ལི་མི་ལ་མན་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཐོག་ཀླུ་ཐོག་རྗེ་ཐོག་

[Full Size]

དཀར་ཐོག་བཙན། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་རྒྱལ་པ་ཏཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཕྱི་རྒྱུད་པ་ལ། ཨོཾ་ད་ཤ་དིག་ལོ་ཀ་པ་ལ་མ་མ་ས་པ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། བདག་ཅག་མི་ནོར་འཁོར་དང་བཅས་པའི་མཐུན་རྐྱེན་སྒྲུབས། འགལ་རྐྱེན་སོལ། རྐྱེན་ཕྱི་ནང་གི་བར་ཆད་ཐམས་ཅད་ཉེ་བར་ཞི་བར་མཛོད་ཅིག །གྱེར་གྱིས་བསྔོ་བ་ནི། ཨོཾ། མ་དག་སྣོད་བཅུད་སྟོང་པར་སྦྱངས། །སྟོང་པའི་ངང་ལས་ཡེ་ཤེས་ཀྱི། །རླུང་མེ་ཐོད་སྐྱེད་སྟེང་ཉིད་དུ། །ཐོད་པར་ཤ་ལྔ་བདུད་རྩི་ལྔ། །རླུང་མེས་བསྐོལ་བའི་དམ་ཚིག་གི །བདུད་རྩི་རབ་འབར་འོད་ཉིད་དེས། །ཡེ་ཤེས་བདུད་རྩི་སྤྱན་དྲངས་ནས། །དབྱེར་མེད་ཨོཾ་དང་ཨཱཿཧཱུྃ་གིས། །བྱིན་རླབས་དྲི་རོ་མཚུངས་མེད་གྱུར། །རྩ་བརྒྱུད་བླ་མ་ཡི་དམ་ལྷ་ཚོགས་དང་། །དཔའ་བོ་མཁའ་འགྲོ་ཆོས་སྐྱོང་ཚོགས་སྤྱན་དྲངས། །མདུན་གྱི་ནམ་མཁར་སྤྲིན་བཞིན་གཏིབས་པར་གྱུར། །ཡི་དམ་ཀུན་འདུས་རྩ་བའི་བླ་མ་མཆོད། །དཀོན་མཆོག་ཀུན་འདུས་རྩ་བའི་བླ་མ་མཆོད། །ཆོས་སྐྱོང་ཀུན་འདུས་རྩ་བའི་བླ་མ་མཆོད། །ཁྱད་པར་ཆོས་སྐྱོང་བེར་གྱི་ན་བཟའ་ཅན། །

[Full Size]

དཔལ་ལྡན་ལྷ་མོ་རང་བྱུང་རྒྱལ་མོ་ནི། །མཆེད་ལྕམ་འཁོར་དང་བཅས་ལ་མཆོད་པར་བགྱི། །རྒྱལ་པོ་རྣམ་མང་ཐོས་སྲས་སྔགས་ཀྱི་བདག །རྡོ་རྗེ་ལེགས་པ་སྲིན་མགོན་ཞིང་སྐྱོང་དང་། །མཁར་ནག་རྡོ་རྗེ་རྒྱལ་པོ་ལ་སོགས་པའི། །ཀརྨ་པ་ཡི་བསྟན་པ་སྐྱོང་རྣམས་ལ། །ཟག་མེད་ཤ་ལྔ་བདུད་རྩི་ལྔ་མཆོག་དང་། །གཏོར་མ་རྩ་བརྒྱད་པཉྩ་ཨ་མྲྀ་ཏ། །ཛ་གད་རཀྟའི་ཡོན་ཆབ་མཆོད་པར་བགྱི། །འདོད་ཡོན་ལྔ་དང་གསང་བའི་མཆོད་པ་དང་། །དེ་ཁོ་ན་ཉིད་ཀུན་བཟང་མཆོད་པས་མཆོད། །ཁྱོད་ཀྱི་སྐྱོན་དག་ཡོན་ཏན་རྫོགས་པ་དེའི། །གནས་ཚུལ་ཇི་བཞིན་རྟོགས་པའི་སྒོ་གསུམ་གྱིས། །བསྟོད་པ་མ་ལུས་པ་ཡིས་བསྟོད་པར་བགྱི། །ཁྱོད་ལ་འདོད་དོན་གསོལ་བ་བཏབ་པ་ནི། །༈ བདག་སོགས་ཀུན་ལ་མཆོག་དང་ཐུན་མོང་གི །དངོས་གྲུབ་སྟན་ཐོག་འདི་ལ་སྩོལ་བ་དང་། །ཁྱད་པར་ཚེ་རིང་ནད་མེད་དཔལ་འབྱོར་རྒྱས། །ཡིད་ལ་བསམ་ཚད་སྐད་ཅིག་ཙམ་ཉིད་ལ། །གྲུབ་ནས་ཀརྨ་པ་ཡི་བཞེད་པ་ཀུན། །བདག་གིས་མ་ལུས་མྱུར་དུ་འགྲུབ་པ་དང་། །ཀརྨ་པ་ཡི་བསྟན་ལ་གནོད་བྱེད་རྣམས། །བདག་གིས་ཐལ་བ་བཞིན་དུ་བརླག་

[Full Size]

པ་ཡི། །ནུས་པ་ད་ལྟ་ཉིད་དུ་བསྩལ་དུ་གསོལ། །དེ་ལྟར་མཆོད་བསྟོད་དད་པའི་དགེ་བ་དེས། །མ་གྱུར་འགྲོ་བ་སེམས་ཅན་ཐམས་ཅད་ཀུན། །རྫོགས་པའི་སངས་རྒྱས་གོ་འཕང་ཐོབ་ཕྱིར་བསྔོ། །བྷྱོཿ རིན་ཆེན་ཨིནྡྲ་ནི་ལའི་བུམ་པར་ནི། །འབྲུ་བཅུད་སྟོང་སྦྱར་ཛ་གད་དཔའ་བོས་གཏམས། །གཉིས་མེད་བྱང་ཆུབ་སེམས་ཀྱི་རང་བཞིན་མཆོག ། འཐུང་བས་འཚོ་བའི་ལོངས་སྤྱོད་ཆེན་པོ་འདི། །འབུལ་ནི་ཡེ་ཤེས་དཀྱིལ་འཁོར་ལྷ་ལ་འབུལ། །བསྐང་ནི་མ་མགོན་ལྕམ་དྲལ་ཐུགས་དམ་བསྐང་། །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་མ་ཧཱ་ཀཱ་ལ་ཏྲག་རཀྟ་ཛ་གད་ཁ་རཾ་ཁཱ་ཧི། བྷྱོཿ རཀྟ་ཁྲག་གི་རྒྱ་མཚོ་འཁྱིལ་བ་ལ། །སྣང་སྲིད་ཐམས་ཅད་རྦ་རླབས་ཆི་ལི་ལི། །མཁའ་དབྱིངས་རྒྱལ་བ་མ་ལུས་མཆོད་པ་དང་། །འཕགས་པ་རྣམ་མཆོད་ལྕམ་དྲལ་ཐུགས་དམ་བསྐང་། །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་མ་ཧཱ་ཀཱ་ལ་ཏྲག་རཀྵ་རཀྟ་པི་པ་ཏོ་ཁཱ་ཧི། བྷྱོཿ གཞོང་པ་རྣམ་དག་ཟླ་གམ་དཀྱིལ་འཁོར་དུ། །ཚེ་དང་གལ་གྱི་ཐུན་གཉིས་མཐུན་བསྡེབས་

[Full Size]

ཏེསྟེ། །དཀར་གྱིས་ཐིག་གདབ་དམར་གྱིས་གུར་ཕུབ་པ། །ལོངས་སྤྱོད་རྫས་ཀྱི་མཆོད་པ་ཆེན་པོ་འདི། །འབུལ་ནི་ཡེ་ཤེས་དཀྱིལ་འཁོར་ལྷ་ལ་འབུལ། །བསྐང་ནི་མ་མགོན་ལྕམ་དྲལ་ཐུགས་དམ་བསྐང་། །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་སརྦ་བཛྲ་ཨ་ཙརྱ་ས་པ་རི་ཝཱ་ར་ཨི་དཾ་བ་ལི་སརྦ་བིགྷཱན་སརྦ་ཤ་ཧཱུྃ་མཱ་ར་ཡ་ཁ་ཁ་ཁཱ་ཧི་ཁཱ་ཧི། ༀ་ཨེ་ཨ་རལླི་ཧོ༔ ཤྲཱི་མ་ཧཱ་ཀཱ་ལ་ཁཱ་ཧི། ཏྲག་རཀྟ་ཁཱ་ཧི། ཏྲག་རཀྵ་ཐུན་སྦྱོ་ཁཱ་ཧི། ཏྲག་རཀྵ་རྦད་བློ་ཁཱ་ཧི། དམ་ཅན་མགོན་པོ་ནག་པོ་མཁའ་འགྲོའི་ཚོགས་སུ་གྱུར་པ་རྣམས་ཀྱི་དམ་རྫས་བདུད་རྩིའི་གཏོར་མ་བཞེས་སུ་གསོལ། ཁཱ་ཧི། ་ནཾ༔ གུ་རུ་དྷེ་ཝ་དྷཱ་ཀི་ཧཱུྃ༔ ཡཾ་རཾ་ཀཾ་ལས་རླུང་མེ་ཐོད་སྐྱེད་སྟེང་༔ བྷནྡྷའི་ནང་དུ་ཟག་མེད་བདུད་རྩི་ཡི༔ གཏོར་མ་འདི་ཉིད་འབུལ་བའི་གནས་རྣམས་ནི༔ པད་འབྱུང་སྐུ་ལྔ་མཚན་བརྒྱད་རྗེ་འབངས་མཆོད༔ གུ་རུ་ཞི་བ་དྲག་པོ་བཀའ་བརྒྱད་དང་དགོངས་འདུས་ཕུར་པ་ཡི་དམ་རྒྱ་མཚོ་མཆོད༔ ཡེ་ཤེས་མཚོ་རྒྱལ་རྡོ་རྗེ་ཕག་མོ་སོགས༔ མཁའ་འགྲོའི་ཚོགས་རྣམས་ཐམས་ཅད་མཆོད་པར་

[Full Size]

བགྱི༔ དཔལ་མགོན་མ་ནིང་ཤན་པ་དམར་ནག་སོགས༔ བཀའ་སྲུང་ཆོས་སྐྱོང་ཐམས་ཅད་མཆོད་པར་བགྱི༔ རྣམ་སྲས་ཛ་དམར་ཛཾ་ལྷ་སེར་ནག་སོགས༔ ནོར་ལྷ་རྒྱ་མཚོར་གཏོར་མའི་མཆོད་པ་འབུལ༔ རྡོ་རྗེ་ལེགས་པ་དྲང་སྲོང་ཆེན་པོ་སོགས༔ དམ་ཅན་རྒྱ་མཚོ་ཀུན་ལ་མཆོད་པར་བགྱི༔ བདག་གི་ནད་རིགས་ཀུན་ཞི་ཚེ་བསོད་དཔལ༔ རྒྱས་ཤིང་སྣང་སྲིད་དབང་དུ་འདུ་བར་མཛོད༔ དགྲ་བགེགས་ལོག་འདྲེན་ཆོས་ལོག་དམ་ཉམས་རྣམས༔ སྐད་ཅིག་ཐལ་བའི་རྡུལ་བཞིན་བརླག་ནས་ཀྱང་༔ བདག་གི་བསམ་པ་ཐམས་ཅད་བསྒྲུབ་ཏུ་གསོལ༔ གུ་རུ་དྷེ་ཝ་ཌཱཀྐི་ནི་དྷརྨ་པཱ་ལ་ཨི་དཾ་བ་ལི་ཏ་ཁ་ཁ་ཁཱ་ཧྲཱིཿ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གླུ་ཧྱ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ནག་པ་ཟླ་བའི་ཚེས་བཅུ་ལ་ཨོ་རྒྱན་ཆེན་པོས་དངོས་སུ་གསུངས་སོ༔ དྷཱི༔ དཀྱིལ་འཁོར་དབུས་ཀྱི་བཅོམ་ལྡན་ཡབ་ཡུམ་སྲས༔ རྒྱལ་བ་རིགས་གསུམ་མགོན་པོ་ཐོད་ཕྲེང་རྩལ༔ མགྱོགས་མ་བཞི་དང་བ་ཡབ་ཡུམ་བརྒྱད༔ ཚེ་ཡི་ལྷ་ཚོགས་ཕོ་ཉ་ལས་བྱེད་རྣམས༔ མི་མངོན་དབྱིངས་ནས་འདིར་གཤེགས་མཆོད་གཏོར་བཞེས༔ ཤར་ཕྱོགས་དྲི་ཟའི་ལག་ནས་ཚེ་ཁུག་ཅིག༔ ལྷོ་

[Full Size]

ཕྱོགས་གཤིན་རྗེའི་ལག་ནས་ཚེ་ཁུག་ཅིག༔ ནུབ་ཕྱོགས་ཀླུ་དབང་ལག་ནས་ཚེ་ཁུག་ཅིག༔ བྱང་ཕྱོགས་གནོད་སྦྱིན་ལག་ནས་ཚེ་ཁུག་ཅིག༔ མཚམས་བཞི་ས་བདག་ལག་ནས་ཚེ་ཁུག་ཅིག་ཧྲཱིཿ འཇིག་རྟེན་འདས་དང་མ་འདས་ཚེ་ཡི་བཅུད༔ བདག་དང་བསྲུང་བྱ་རྣམས་ལ་བསྩལ་དུ་གསོལ༔ དུས་མིན་འཆི་བའི་བར་ཆད་བཟློག་ཏུ་གསོལ༔ ཚེ་དབང་ལོངས་སྤྱོད་མངའ་ཐང་རྒྱས་པར་མཛོད༔ ཧྲཱིཿ སྣང་སྲིད་བདེ་ཆེན་གཏོར་གཞོང་དུ༔ རང་བྱུང་འཁོར་འདས་གཏོར་མར་སྦྱར༔ མ་ལུས་འདུས་པའི་ཚོགས་ཆེན་པོ་ཐུགས་རྗེའི་ལྷ་ཚོགས་བཞེས་སུ་གསོལ༔ ཨོཾ་མ་ཎི་པདྨེ་ཧཱུྃ་ཧཱུྃ༔ མ་ཧཱ་བ་ལིཾ་ཏ་ཁ་རཾ་ཁཱ་ཧྲཱིཿ ཧཱུྃ༔ སྣོད་བཅུད་སྣང་སྲིད་དམ་རྫས་གཏོར་ཆེན་པོ༔ འདོད་ཡོན་༈ བརྒྱད་དང་ལོངས་སྤྱོད་སྤྲིན་དུ་གཏིབས༔ རོ་མཆོག་ཡོན་ཏན་བརྒྱད་དང་ལྡན་པ་འདི༔ བླ་མ་ཞི་དྲག་དཀྱིལ་འཁོར་ལྷ་ལ་འབུལ༔ ཨོཾ་མ་ཧཱ་བ་ལི་ཏ་ལ་ཁ་རཾ་ཁཱ་ཧྲཱིཿ ཧཱུྃ་ཧྲཱིཿ པ། རིན་ཆེན་བྷནྡྷ་འབར་བའི་གཏོར་གཞོང་དུ། །བཟའ་དང་བཅའ་བའི་ཚོགས་རྣམས་གཏོར་མར་སྦྱར། །ཤ་མར་དར་སྣ་རིན་ཆེན་རྒྱན་གྱིས་སྤྲས། །བདུད་རྩི་རཀྟ་ལ་སོགས་རླན་

[Full Size]

གྱིས་བརླན། །འདི་ཡང་ཀུན་རྫོབ་རྫས་ཀྱི་གཏོར་མ་སྟེ། །འབྱོར་ཚོགས་བླ་མ་དགོངས་འདུས་ལྷ་ཚོགས་མཆོད། །ཐུགས་དམ་གཉན་པོ་བསྐང་ཕྱིར་བཞེས་སུ་གསོལ། །དུས་གསུམ་བདེ་གཤེགས་རྒྱལ་བ་ཐམས་ཅད་ཀྱི། །སྐུ་གསུང་ཐུགས་དང་ཡོན་ཏན་ཕྲིན་ལས་སོགས། །དགོངས་པ་ཀུན་འདུས་རྩལ་རྫོགས་ལྷ་ཡི་ལྷ། །འགྲོ་འདུལ་མངོན་སུམ་སྣང་ལ་ཕྱག་འཚལ་བསྟོད། །ཧཱུྃ། སྒྲུབ་ཆེན་བཀའ་བརྒྱད་ལྷ་ཚོགས་ཐུགས་དམ་ཅན། །མི་མངོན་དབྱིངས་ནས་གནས་འདིར་སྐུ་བསྐྱོད་ལ། །དམ་རྫས་བདུད་རྩི་འབར་བ་འདི་བཞེས་ལ། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །ཀུན་བཟང་ཐུགས་ཀྱི་འོད་ཟེར་ཆོ་འཕྲུལ་ལས། །ལྷ་ཚོགས་བདུན་བརྒྱ་ཉི་ཤུའི་དཀྱིལ་འཁོར་ཤར། །མཐའ་ཡས་དཔག་མེད་ཡེ་ཤེས་མེ་འོད་འབར། །བར་ཆད་སྡིག་སྒྲིབ་བསྲེགས་ལ་ཕྱག་འཚལ་བསྟོད། །ཧཱུྃ༔ ཁམས་གསུམ་རྣམ་དག་བྷན་དྷའི་དཀྱིལ་འཁོར་དུ༔ སྣང་སྲིད་ཐམས་ཅད་གཏོར་མའི་ཕུང་པོར་གསལ༔ འདོད་ཡོན་སྣ་ཚོགས་ལྷ་མོས་རབ་བརྒྱན་ཏེ༔ དམ་རྫས་བ་ལི་རྒྱན་གྱི་མཆོད་པ་འབུལ༔ གཙོ་དང་འཁོར་བཅས་རྡོ་རྗེ་ཕུར་པའི་ལྷ༔

[Full Size]

ཤྭ་ན་ས་བདག་བདག་ཉིད་སྐྱེས་བུའི་ཚོགས༔ མཐུ་དང་རྫུ་འཕྲུལ་འབྱུང་བའི་དུས་ལ་བབ༔ བ་ལི་རྒྱན་གྱི་གཏོར་མ་བཞེས་སུ་གསོལ༔ མ་ཧཱ་བ་ལིཾ་ཏ་ཁཱ་ཧི་ཁཱ་ཧྲཱིཿ ཨོཾ་ཨཱཿཧཱུྃ༔ ཕྱི་སྣོད་འཇིག་རྟེན་གཏོར་གཞོང་དུ༔ ནང་བཅུད་སེམས་ཅན་གཏོར་མར་བཤམས༔ རྩི་བཅུད་འབྲས་བུ་སྨན་གྱིས་བརྒྱན༔ ཞི་ཁྲོ་སྤྲུལ་པའི་སྐུ་ལ་འབུལ། ཨོཾ་ཨཱཿཧཱུྃ༔ བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷ་ཏུ་ཨཱ༔ ཨོཾ་རུ་ལུ་རུ་ལུ་ཧཱུྃ་བྷོ་ཧཱུྃ༔ ཨི་དཾ་བ་ལིཾ་གྲ་ཧ་ན་ཁ་ཁ་ཁཱ་ཧི་ཁཱ་ཧྲཱིཿ ཨོཾ་གྱིས་མ་དག་སྟོང་པར་སྦྱངས༔ ཨཱཡིས་ཐོད་སྣོད་ཡངས་པའི་ནང་༔ ཧཱུྃ་ལས་དགྲ་བགེགས་ཤ་ཁྲག་གི༔ གཏོར་མ་ཕུན་སུམ་ཚོགས་པ་ཀུན༔ ཧ་ཧོ་ཧྲཱིཿཡིས་སྦྱངས་རྟོགས་སྦར༔ ཡེ་ཤེས་བདུད་རྩིའི་རྒྱ་མཚོར་གྱུར༔ རང་གི་ཐུགས་ཀའི་ཧཱུྃ་ཡིག་གིས༔ མཁའ་འགྲོ་སེང་གདོང་སྤྱན་དྲངས་ནས༔ མདུན་བཞུགས་ལྗགས་ཀྱི་འོད་ཟེར་ལས༔ རྡོ་རྗེ་སྦུ་གུའི་རྣམ་པ་ཡིས༔ གཏོར་མ་གསོལ་བས་དགྱེས་པར་རོལ༔ ཨོཾ་ཤྲཱི་བཛྲ་ཌཀི་ནི་སིང་ཧ་མུ་ཁ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱིཿ དཔལ་ལྡན་རྡོ་རྗེ་ལྷ་མོ་ནི༔ དྲག་མོ་སེང་གེའི་གདོང་པ་ཅན༔ ཡེ་ཤེས་མེ་ཡི་འོད་ཟེར་འཕྲོ༔ སེང་

[Full Size]

གེའི་གདོང་ཅན་ལྷ་མོར་བསྟོད༔ ཁྱེད་ལ་གཏོར་མ་ཕུལ་བའི་མཐུས༔ བསྲུང་བྱའི་སྲིའུ་སྲུང་སྐྱོབ་མཛོད༔ གནོད་བྱེད་མ་ལུས་ཞི་བ་དང་༔ ཅི་བསམ་ཡིད་བཞིན་འགྲུབ་པ་དང་༔ བཤད་སྒྲུབ་བསྟན་པ་རྒྱས་པར་མཛོད༔ ལྕང་ལོར་བཅས་པའི་བྷན་དྷ་རུ༔ དམར་གཏོར་ཤ་དང་ཁྲག་གིས་བརྒྱན༔ ཤ་སྣ་སྙིང་སྣའི་རྒྱལ་མཚན་བཙུགས༔ ཕག་ཁྲོས་སེང་གསུམ་ཐུགས་དམ་བསྐང་༔ རཀྟའི་རྦ་ཀློང་ཕྱུ་ར་ར༔ འོ་མཚོ་དཀར་མདངས་ཀྱི་ལི་ལི༔ ཞག་གི་རྒྱ་མཚོ་མེ་རེ་རེ༔ ཞུན་ཆེན་གསུར་དུད་ཆི་ལི་ལི༔ རྔ་དུང་རོལ་མོ་དི་རི་རི༔ རྐང་གླིང་ཐོད་རྔ་ཁྲོ་ལོ་ལོ༔ དགྲ་བོའི་ཤ་ཁྲག་དམར་ཉི་ལི༔ མཁའ་འགྲོ་འཁོར་བཅས་ཐུགས་དམ་བསྐང་༔ དམ་ཉམས་དགྲ་བགེགས་མྱུར་དུ་སྒྲོལ༔ ཌཱ་ཀི་ནི་བྷ་ར་སང་སིང་ཧ་མུ་ཧ་ཁ་ཀྲོ་ཏི་ཀཱ་ལི༔ མ་ཧཱ་མཾ་ས་རཀྟ་གོ་རོ་ཙ་ན་བ་སུ་ཏ་བ་ལིཾ་ཏ་ཁཱ་ཧྲཱིཿ རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་༔ དྲེགས་པ་འདུལ་ཕྱིར་རྟ་ནག་ཁྲོས་པའི་སྐུ༔ གནོད་བྱེད་ནག་པོ་ཀླུ་དང་རྒྱལ་བསེན་གཤེད༔ བཀའ་ཡི་གཏོར་མ་ཤ་ཁྲག་དམར་གྱིས་བརྒྱན༔ རྔམ་ཞིང་རྔམ་ཞིང་ཞལ་དུ་ཁ་རཾ་ཁཱ་ཧྲཱིཿ ནག་པོ་ཀུན་རྒྱུག་ཞལ་དུ་ཁ་རཾ་

[Full Size]

ཁཱ་ཧྲཱིཿ སྤྲུལ་པ་ནག་པོའི་ཞལ་དུ་ཁ་རཾ་ཁཱ་ཧྲཱིཿ ཆེ་བཙན་ཡོན་ཏན་མ་ལུས་རྫོགས་པའི་སྐུ༔ མཐུ་སྟོབས་རྩལ་ལྡན་ཁྱེད་ལ་ཕྱག་འཚལ་བསྟོད༔ དམ་ཚིག་གཉན་པོའི་ཐུགས་དམ་གནད་ནས་བསྐུལ༔ བདག་གིས་བཅོལ་བའི་ཕྲིན་ལས་འགྲུབ་པར་མཛོད༔ གར་གྱི་དབང་ཕྱུག་ཁྲོ་རྒྱལ་རྟ་མཆོག་དཔལ༔ དོན་གྱི་དབྱིངས་ལས་མཛད་པའི་ཆོ་འཕྲུལ་དུ༔ འཁོར་དུ་སྡེ་བརྒྱད་ཚོགས་ཀྱིས་བསྐོར་ནས་ཀྱང་༔ སངས་རྒྱས་བསྟན་པ་བསྲུང་བའི་ཚུལ་དུ་གནས༔ འདིར་གཤེགས་བརྒྱན་པའི་མཆོད་གཏོར་འདི་བཞེས་ལ༔ ས་བདག་ཀླུ་གཉན་དགྲ་བགེགས་ཕོ་མོ་ཐུལ༔ ཨོཾ་སྭ་བྷ་ཝ་སོགས། རིན་ཆེན་སྣོད་དུ་གཏོར་མ་ཡི་གེ་གསུམ༔ ཨོཾ་དཀར་ཞུ་བས་བཅུད་ཀྱི་དངོས་པོ་སྤེལ༔ ཨཱཿདམར་ཞུ་བས་བདུད་རྩིའི་རྣམ་པར་བསྒྱུར༔ ཧཱུྃ་སྔོན་ཞུ་བས་དྲི་མ་ཐམས་ཅད་དག༔ ཨོྃ་ཨཱ༔ཧཾ༔ གསུམ། རང་གི་ཐུགས་ཀའི་ཧཱུྃ་ལས་འོད་འཕྲོས་པས༔ འགྲོ་དྲུག་སེམས་ཅན་གཏུམ་པོར་རབ་གྱུར་ནས༔ མདུན་གྱི་ནམ་མཁའ་གང་བར་བཞུགས་པ་ཡི༔ ལྗགས་ཀྱི་འོད་ཟེར་སྦུ་གུ་གཏོར་མར་ཟུག༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཨི་དཾ་བ་ལིཾ་ཏ་ཁཱ་ཧི་ཁཱ་ཧྲཱིཿ

[Full Size]

ཨ་ཀཱ་རོ་སོགས་ལན་གསུམ། འོད་ཟེར་སྦུ་གུས་བདུད་རྩི་རབ་དྲངས་ཏེ༔ གསོལ་བས་རབ་ཏུ་མཉེས་ཤིང་ཚིམ་པར་གྱུར༔ སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ༔ བདག་དང་གཞན་གྱི་དཔལ་གྱུར་སྙིང་རྗེ་ཅན༔ བདུད་ལས་རྣམ་རྒྱལ་ཡེ་ཤེས་ལྔ་དང་ལྡན༔ ཕྱག་ན་རྡོ་རྗེ་ཆེ་ལ་ཕྱག་འཚལ་བསྟོད༔ བཅོམ་ལྡན་འཁོར་བཅས་གཏོར་མ་འདི་བཞེས་ལ་བདག་དང་བསྲུང་བྱ་ཀུན་ལ་སྲུང་སྐྱོབ་མཛོད༔ ཧཱུྃ༔ ཁྱེད་ཀྱི་ཐུགས་དམ་དུས་ལ་བབ༔ གསང་བ་གསུམ་གྱི་དཀྱིལ་འཁོར་འདིར༔ ཀིང་ཀང་དམར་ནག་འཇིགས་བྱེད་བློདང་༔ ཁྲོ་ཆུ་དུག་གདོང་འཆར་ཁ་དང་༔ ཚེ་བདག་འབར་བའི་ཚོགས་བཅས་ལ༔ ཁྱད་པར་རྩ་བརྒྱད་སྟོང་ལ་སྔར༔ ངོ་མཚར་རྨད་བྱུང་བདུད་རྩི་དང་༔ དམ་རྫས་བརྒྱན་པའི་གཏོར་ཆེན་པོ༔ འདོད་ཡོན་མ་རྨོངས་ཚོགས་དང་བཅས༔ འཁོར་བ་རྒྱུ་ལས་བསྒྲལ་བའི་ཁྲག༔ མུ་ལ་རཀྟའི་ཚོགས་རྣམས་ཀྱིས༔ དཔལ་ཆེན་འཇམ་དཔལ་གཤིན་རྗེའི་གཤེད༔ ཧ་ལ་ཧ་ལ་ཁྲོ་བོའི་ཚོགས༔ ཞལ་དུ་བསྟབ་བོ་ཁ་རཾ་ཁཱ་ཧི མགུལ་དུ་བསྟིམ་མོ་ཨཱ་ར་ལི༔ བཞེས་ཤིག་རོལ་ཅིག་ཐུགས་དམ་བསྐང་༔ གཞན་ཡང་དཀར་དམར་

[Full Size]

བྱང་ཆུབ་སེམས༔ སྦྱོར་སྒྲོལ་ལྟ་སྤྱོད་ཏིང་འཛིན་དང་༔ ཕྱི་ནང་གསང་བའི་མཆོད་སྤྲིན་རྣམས༔ ཁྲོ་རྒྱལ་གཤིན་རྗེ་འཁོར་དང་བཅས༔ ཐུགས་དམ་བསྐང་ཕྱིར་འབུལ་གྱིས་བཞེས༔ ཨོཾ་མ་ཧཱ་པཉྩ་བྷ་ལི་ཏ་རཀྟ་སརྦ་ག་ན་གུ་ཡ༔ བྷོ་དྷི་ཙིཏྟ་སརྦ་པཱུ་ཙ་ཁ་ཁ་ཁཱ་ཧི་ཧཱུྃ༔ འཁོར་འདས་གཉིས་ཀྱི་སོ་མཚམས་ན༔ རྒྱ་མཚོ་ཆེན་པོ་དྭངས་པའི་ནང་༔ སྦྲུལ་ནག་འཁྱིལ་བའི་ཀློང་དཀྱིལ་ནས༔ རིགས་རྒྱལ་ཀླུ་བདུད་མགོ་དགུ་པ༔ འདིར་གཤེགས་དམ་རྫས་མཆོད་གཏོར་བཞེས༔ གནམ་ནད་ས་བདག་ཀླུ་གཉན་རྣམས་སྐད་ཅིག་ཙམ་གྱིས་འདུལ་བར་མཛོད༔ འཇམ་དཔལ་ཐུགས་ལས་སྤྲུལ་པ་ཡི༔ ཀླུ་བདུད་ནག་པོ་ཁྱོད་ལ་བསྟོད༔ ཅེས་དང་། ཕྱག་བཞི་པ། རྡོ་རྗེ་འཆང་དངོས་འགྲོ་མགོན་བླ་མ་ཡི༔ ཕྲིན་ལས་སྤྲུལ་པ་མ་ཧཱ་ཀཱ་ལའི་ཞབས༔ ཡུམ་ཆེན་ལས་མཁན་སྡེ་བརྒྱད་བཅས་པ་ལ༔ ཀུན་བཟང་མཆོད་སྤྲིན་སྤུངས་པའི་ཞལ་ཟས་དང་༔ སྒོ་གསུམ་ལོངས་སྤྱོད་བཅས་པ་ཕུད་ཀྱིས་མཆོད༔ ཕྱི་ཡི་མཆོད་པ་ངོ་མཚར་སྣང་བ་དང་༔ ནང་གི་མཆོད་པ་ཤ་ཁྲག་ཨ་མྲྀ་ཏ༔ གསང་བའི་མཆོད་པ་བདེ་སྟོང་ཙཀྲ་དང་༔ དེ་ཁོ་ན་ཉིད་

[Full Size]

ཐུགས་དམ་གཅིག་བསྡོམས་པའི༔ རང་རིག་ཡེ་ཤེས་དག་པའི་མཆོད་གཏོར་འབུལ༔ དགྱེས་པ་ཆེན་པོར་བཞེས་ལ་བྱིན་གྱིས་རློབས༔ དབང་བཞི་རྫོགས་ནས་ཕྲིན་ལས་རྣམ་བཞི་སྒྲུབས༔ མཁའ་མཉམ་སེམས་ཅན་བདེ་ལ་འགོད་ནུས་པའི༔ མཆོག་དང་ཐུན་མོང་དངོས་གྲུབ་མ་ལུས་པ༔ སྟན་ཐོག་འདི་ལ་བྱིན་གྱིས་བརླབ་ཏུ་གསོལ༔ དཔལ་ལྡན་མགོན་པོ་བྱ་རོག་མཚན༔ ལྕམ་དྲལ་བཀའ་འཁོར་བཅས་པ་ཡི༔ ཟག་མེད་བདེ་ཆེན་བསྐྱེད་གྱུར་པའི༔ བདུད་རྩི་རོ་མཆོག་མྱོང་མཛད་ལ༔ བསོད་ནམས་ཚོགས་ཆེན་གང་བསགས་དེས༔ རྩ་བརྒྱུད་བླ་མའི་བཀའ་དང་ནི༔ རང་དམ་གཉན་པོ་དགོངས་པ་ལྟར༔ སངས་རྒྱས་བསྟན་དང་སེམས་ཅན་དོན༔ འབད་པ་མེད་པར་སྒྲུབ་མཛད་ཅིང་། ཁྱད་པར་གསོལ་འདེབས་བདག་རྒྱུད་ལ༔ མཆོག་དང་ཐུན་མོང་དངོས་གྲུབ་སྩོལ༔ དེ་ལ་འགལ་རྐྱེན་གང་མཆིས་པ༔ ཕྲིན་ལས་རྣམ་བཞིའི་སྒོ་ནས་ནི༔ ཚར་གཅོད་རྗེས་འཛིན་མཛད་དུ་གསོལ༔ ཕྱོགས་བཅུའི་འཇིག་རྟེན་བདུད་རྩིའི་བཅུད་བསྡུས་ནས། ཟླ་བའི་དཀྱིལ་འཁོར་དག་ལ་ཐིམ་པར་མཛད༔ བདུད་རྩིའི་རླངས་པས་དཀར་པོའི་ཕྱོགས་

[Full Size]

རྣམས་ཀྱི༔ བཞི་བརྒྱ་རྩ་བཞིའི་ནད་རྣམས་རྩད་གཅོད་མ༔ སྨན་གྱི་རྒྱལ་མོ་འདིར་གཤེགས་མཆོད་གཏོར་བཞེས༔ རྣལ་འབྱོར་བདག་དང་བདག་གི་འཁོར་རྣམས་ལ༔ ཞལ་ནས་བདུད་རྩིའི་ཆར་པའི་རྒྱུན་ཕོབ་ལ༔ ནད་སོགས་སྡུག་བསྔལ་ཚོགས་ནི་ཞི་བར་མཛོད༔ ཧཱུྃ༔་ཞབས་གདུབ་དང་བཅས་བི་ན་ཡ་ཀ་མནན༔ ནག་པོ་ཆེན་པོ་སྟག་གི་ཤམ་ཐབས་ཅན༔ ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན༔ གཡས་པས་གྲི་གུག་བར་པས་ཕྲེང་བ་འཛིན༔ ཐ་མས་ཌཱ་མ་རུ་ནི་དྲག་ཏུ་འཁྲོལ༔ གཡོན་པས་ཐོད་ཁྲག་དང་ནི་མདུང་རྩེ་གསུམ༔ དེ་བཞིན་ཞགས་པ་བཟུང་ནས་འཆིང་བར་བྱེད༔ དྲག་པོའི་ཞལ་གདང་མཆེ་བ་རྣམ་པར་གཙིགས༔ སྤྱན་གསུམ་དྲག་པོའི་དབུ་སྐྲ་གྱེན་དུ་འབར༔ དཔྲལ་བར་སིནྡྷ་ར་ཡི་ཐིག་ལེས་བརྒྱན༔ སྤྱི་བོར་མི་བསྐྱོད་རྒྱལ་པོའི་ཅོད་པན་ཅན༔ ཁྲག་འཛག་མི་མགོ་ལྔ་བཅུའི་དོ་ཤལ་ཅན༔ རིན་ཆེན་ཐོད་སྐམ་ལྔ་ཡིས་དབུ་ལ་བརྒྱན༔ ཤིང་ལས་བྱོན་ནས་གཏོར་མ་ལེན་པར་མཛོད༔ བདག་དང་བསྲུང་བྱ་ཐམས་ཅད་ཀྱི༔ བར་ཆད་ཐམས་ཅད་བསལ་དུ་གསོལ༔ མགོན་པོ་ཡིད་བཞིན་ནོར་བུ་ཐུགས་

[Full Size]

རྗེ་ཅན༔ སྐུ་མདོག་གངས་རི་ལྟ་བུར་འོད་ཟེར་འཕྲོ༔ ཞལ་གཅིག་ཕྱག་དྲུག་ཞབས་གཉིས་ནོར་བདག་མནནུ༔ འདིར་གཤེགས་དམ་རྫས་བརྒྱན་པའི་མཆོད་གཏོར་བཞེས༔ བྱང་ཆུབ་བསྒྲུབ་པའི་མཐུན་རྐྱེན་འགྲུབ་པར་མཛོད༔ འགྲོ་བའི་དབུལ་སེལ་ཁྱེད་ལ་ཕྱག་འཚལ་བསྟོད༔ ཇོ་བོ་གཟི་ལྡན་འདིར་གཤེགས་མཆོད་གཏོར་བཞེས༔ བདག་ཅག་དཔོན་སློབ་འཁོར་དང་བཅས་པ་འདི༔ རྫོགས་པའི་བྱང་ཆུབ་བསྒྲུབ་པ་ལ༔ སྦྱིན་པ་ཡོངས་སུ་རྫོགས་བྱའི་ཕྱིར་འབྱོར་པ་ཆེན་པོའི་དངོས་གྲུབ་སྩོལ༔ ཐུགས་རྗེ་བྱམས་དང་ལྡན་ཟློཔའི་དཔལ་ལྷ་མོ༔ ཞི་མཛད་ཞི་གྱུར་ཞི་བའི་ངང་ཚུལ་ཅན༔ ཞི་བའི་འཁོར་གྱིས་བསྐོར་བའི་གཙོ་མོ་ནི༔ རྟགས་ཀྱི་སྐུ་མདོག་དཀར་མོ་ཤིན་ཏུ་དྭངས༔ ཀུན་ཏུ་ཞི་མཛད་མ་ཡིས་མཆོད་གཏོར་བཞེས༔ བདག་གི་ནད་གདོན་དགྲ་རྣམས་ཞི་བར་མཛོད༔ རིན་ཆེན་སྣོད་དམ་བྷན་དྷ་རུ༔ བཤོས་ནག་འབར་བ་ཁྲག་གིས་བྱུག༔ ཙིཏྟ་སྙིང་གི་རྒྱལ་མཚན་བཙུགས༔ གཡག་ལུག་ནག་པོ་ཁྱི་ཡི་མཚན༔ དགྲ་བོའི་ཤ་རུས་ཐོད་ཚིལ་སྤུངས༔ རཀྟ་དམར་གྱི་ཞམ་ཆུ་འབབ༔ དམ་རྫ་ས་གཏོར་ཆེན་འབར་བ་འདིས༔ དཔལ་མགོན་

[Full Size]

མ་ནིང་རིགས་ལྔ་ཡི༔ འཁོར་དང་བཅས་ལ་འབུལ་གྱིས་བཞེས༔ ཧཱུྃ༔ བྷན་ཡངས་པའི་སྣོད་དུ་ནི༔ དགྲ་བགེགས་རྣམས་ཀྱི་ཤ་རུས་ཁྲག༔ དོན་སྙིང་དབང་པོར་བཅས་པ་ཡི༔ མཆོད་གཏོར་དམ་པ་རྒྱ་ཆེན་འདི༔ ཏྲཀླད་ནག་པོ་ཁྱེད་ལ་འབུལ༔་བསྟན་པ་བསྲུང་ཕྱིར་འདིར་གཤེགས་ཤིག༔ མ་མགོན་སྡེ་བརྒྱད་འཁོར་དང་བཅས༔ འདིར་གཤེགས་བཀའ་ཡི་གཏོར་མ་ལོངས༔ སྔོན་གྱི་དམ་ལས་མ་འདའ་བར༔ བདག་ལ་ལོངས་སྤྱོད་ནོར་གྱི་དངོས་གྲུབ་སྩོལ༔ དགོས་འདོད་ཟས་ནོར་ཆར་ལྟར་ཕོབས༔ མགོན་པོ་སེང་གདོང་འཁོར་བཅས་གནས་འདིར་བྱོན༔ དམ་རྫས་བརྒྱན་པའི་མཆོད་གཏོར་འདི་བཞེས་ལ༔ སངས་རྒྱས་བསྟན་པ་དར་ཞིང་རྒྱས་པ་དང་༔ དཀོན་མཆོག་གསུམ་གྱི་དབུ་འཕང་ཆེར་མཐོ་ཞིང་༔ ཆོས་མིན་སྤྱོད་རྣམས་དབང་པོ་ནུབ་པ་དང་༔ བསྟན་འཛིན་སྐྱེས་བུའི་ཕྲིན་ལས་རྒྱས་པར་མཛོད༔ ཆོས་བཞིན་སྤྱོད་རྣམས་སྐུ་ཚེ་རིང་བ་དང་༔ མི་མཐུན་བར་ཆད་ཐམས་ཅད་བསལ་དུ་གསོལ༔ བདག་ཅག་སྒྲུབ་པ་པོ་རྣམས་འཁོར་བཅས་ཀྱི༔ མཐུན་རྐྱེན་དཔལ་དང་འབྱོར་པ་རབ་རྒྱས་ནས༔ དགྲ་

[Full Size]

བགེགས་དཔུང་དང་བཅས་པ་ཕམ་པ་དང་༔ བཅོལ་བའི་ཕྲིན་ལས་མ་ལུས་འགྲུབ་པར་མཛོད༔ མདོར་ན་བདག་གིས་ཇི་ལྟར་བཅོལ་བ་ཡི༔ ལས་ཀྱི་དངོས་གྲུབ་དཔག་ཏུ་མེད་པ་རྣམས༔ བདེ་བླག་ཉིད་དུ་འགྲུབ་ཅིང་ཁྱེད་ཉིད་དང་༔ རྟག་ཏུ་མི་འབྲལ་འགྲོགས་པར་མཛད་དུ་གསོལ༔ ཧཱུྃ༔ དུར་ཁྲོད་བདག་པོ་ཡབ་དང་ཡུམ༔ བོས་པའི་ཚེ་ན་སྙན་མ་སྲ༔ གཡབ་པའི་ཚེ་ན་སྤྱན་མ་རྟུལ༔ ཐུགས་དམ་དབང་གིས་གཤེགས་སུ་གསོལ༔ བསྲུང་བའི་འཁོར་ལོ་སྐྱབས་མ་ཆུང་༔ རྣལ་འབྱོར་བསམ་པ་བསྒྲུབ་པ་དང་༔ ཆོས་སྐྱོང་ཐུགས་དམ་བསྐང་བ་དང་༔ བསོད་ནམས་རྒྱ་ཆེན་བསྐྱེད་པ་དང་༔ སངས་རྒྱས་བསྟན་པ་བསྲུང་བའི་ཕྱིར༔ བཀའ་ཡི་གཏོར་མ་འདི་ལོངས་ལ༔ ཐུགས་དམ་བཞིན་དུ་ཕྲིན་ལས་མཛོད༔ བྷྱོཿ མ་མོ་ནག་མོ་མཐུ་སྟོབས་ཅན༔ མུ་སྟེགས་ལྷ་མོ་རྫུ་འཕྲུལ་བདག༔ ནོར་སྲང་གང་གི་རྗེས་གཅོད་མ༔ ནས་བྲེ་གང་གི་ཕྱིར་འབྲང་མ༔ དཀོར་བདག་ཆེན་མོ་ངན་ནེ་མ༔ འདིར་བྱོན་དམ་རྫས་མཆོད་གཏོར་བཞེས༔ བདག་ཅག་གཞི་བྱེས་རྟ་ཕྱུགས་རྣམས༔ ཇག་རྐུན་ལག་ཏུ་མ་ཤོར་ཅིག༔ དཔལ་ལྡན་འཁོར་ལོ་སྡོམ་

[Full Size]

པའི་དཀྱིལ་འཁོར་འདིར༔ ལེགས་པར་བརྒྱན་ཅིང་བཤམས་པའི་མཆོད་གཏོར་རྣམས༔ མཐུན་རྫས་འདོད་ཡོན་ལོངས་སྤྱོད་བསམ་མི་ཁྱབ༔ དབང་པོ་ལྔ་ཡི་ཚིམ་བྱེད་བདུད་རྩིའི་གཏེར༔ རྒྱ་ཆེན་རྒྱུན་མི་ཆད་པ་ནམ་མཁའི་མཛོད༔ ཟག་མེད་བདེ་བ་སྐྱེད་པའི་མཆོད་སྤྲིན་དུ༔ ཏིང་འཛིན་ཕྱག་རྒྱ་སྔགས་ཀྱིས་བྱིན་བརླབས་ནས༔ རྣལ་འབྱོར་གུས་པའི་ཡིད་ཀྱིས་འབུལ་ལགས་ན༔ སྲིན་མགོན་གཉན་མགོན་དབང་ཕྱུག་སྤྱན་ལམ་དུ༔ ཅི་འདོད་མཁོ་དགུའི་ལོངས་སྤྱོད་སྣ་ཚོགས་པ༔ ཆོས་ཉིད་རྣམ་དག་ལྷག་བསམ་བདེན་པའི་མཐུས༔ རྒྱུན་དུ་ཐོགས་པ་མེད་པར་འབྱུང་གྱུར་ཅིག༔ པོ་ཊ་ལ་ཡི་གནས་མཆོག་དང་༔ བདེ་བ་ཅན་གྱི་ཞིང་ཁམས་ནས༔ ལས་མཁན་མདུང་འཛིན་ཞལ་གཅིག་པ༔ ཕྱག་བཞི་འཇིགས་པའི་ཆ་ལུགས་མདོག༔ མདུང་དར་གཉིས་དང་འོག་རྡོ་རྗེ༔ བྷནྡྷ་འཛིན་ཅིང་རྟ་དང་རླུང་༔ གློག་དམར་ཆིབས་ཤིང་འཇིག་རྟེན་ཉུལ༔ འདིར་གཤེགས་དམ་རྫས་མཆོད་གཏོར་བཞེས༔ ཞི་དང་རྒྱས་ལ་སོགས་པ་ཡི༔ ལས་ཀྱི་དངོས་གྲུབ་བདག་ལ་སྩོལ་ཧཱུྃ༔ བྲག་གི་རྫོང་ནས་བསྐུལ་བ་ནི༔ ཨུ་རྒྱན་ཡུལ་གྱི་

[Full Size]

བྲག་བདག་ས༔ བྲག་ལྷ་མགོན་པོ་ལྷ་དེ་པོ༔ སྐུ་མདོག་ནག་པོ་རྟ་ནག་ཆིབས༔ གཡས་པས་མདུང་དར་གཡོན་ཞགས་པ༔ འདིར་གཤེགས་དམ་རྫས་གཏོར་མ་བཞེས༔ གཅན་སྤྱང་ཇག་རྐུན་བཅིངས་པར་མཛོད༔ ཧཱུྃ༔ ཇོ་བོ་ཚོགས་ཀྱི་བདག་པོ་ནི༔ བདག་གིས་མཆོད་ཅིང་སྒྲུབ་པའི་ཚེ༔ གནས་འདིར་སྤྱན་འདྲེན་མཆོད་གཏོར་བཞེས༔ ཕྱི་ལྟར་ལྷ་སྨན་ཆེན་མོ་ལྔ༔ ནང་ལྟར་ཞིང་སྐྱོང་ཆེན་མོ་ལྔ༔ གསང་བ་རིགས་ཀྱི་ཡུམ་ཆེན་ལྔ༔ དུས་གསུམ་སངས་རྒྱས་བསྐྱེད་པའི་ཡུམ་མཁའ་འགྲོའི་དབང་ཕྱུག་ལྔ་ལ་བསྟོད༔ འདིར་གཤེགས་གཏོར་མ་འདི་བཞེས་ཤིག༔ རྣལ་འབྱོར་བདག་ཅག་ཚེ་རིང་ཞིང་༔ ནད་མེད་འབྱོར་པ་རྒྱས་པ་དང་༔་བསྒྲུབ་པ་མཐའ་རུ་ཕྱིན་པར་མཛོད༔ ཧྲཱི༔ ཀུན་ཏུ་བཟང་པོའི་རྣམ་ཐར་བཞིན༔ ནམ་མཁའ་གང་བའི་མཆོད་གཏོར་རྣམས༔ བདག་གིས་གུས་པས་འབུལ་ལགས་ན༔་ཡུམ་གཅིག་ཁྱོད་ཉིད་དགྱེས་པར་རོལ༔ ཆོས་དང་ཡེ་ཤེས་དམ་ཚིག་ལྡན༔ དབང་གི་ལྷ་མོ་སྤྲུལ་པའི་སྐུ༔ ཤ་ཟ་ལས་ཀྱི་མཁའ་འགྲོ་སྟེ༔ ཕྲིན་ལས་སྣ་ཚོགས་དེ་ལ་འདུད༔ ཀྱེ་མ་ཤེའུ་མཁའ་རིའི་སྐུ༔ ཕྱག་འཚལ་བསྟོད་དོ་

[Full Size]

མཆོད་པ་འབུལ༔ ཁྱེད་ལ་ཕྲིན་ལས་བཅོལ་བ་ནི༔ བདག་དང་སློབ་དཔོན་པདྨ་གཉིས༔ མངོན་སུམ་མྱུར་དུ་སྤྱད་དུ་གསོལ༔ འོན་ཏེ་མངོན་སུམ་མཇལ་བ་ཡི༔ ལས་འཕྲོ་དང་ནི་མི་ལྡན་ན༔ ཉམས་པ་གསལ་བར་མཇལ་བར་མཛོད༔ ཧཱུྃ༔ རི་རབ་ལྷོ་ཕྱོགས་མ་དྲོས་ན༔ རིན་ཆེན་བརྩེགས་པའི་ཁྲི་སྟེང་ནས༔ ཀླུ་ཡི་རྒྱལ་པོ་སོག་མ་མེད༔ མི་མགོན་དཀར་པོ་ཀླུ་བརྒྱད་སོགས༔ ཀླུ་ཆེན་མང་པོའི་འཁོར་དང་བཅས༔ བདག་གི་མཆོད་ཅིང་སྤྱན་འདྲེན་ན༔ དམ་ཚིག་དབང་གིས་གཤེགས་ནས་ཀྱང་༔ རིན་ཆེན་པདྨའི་ཁྲི་སྟེང་དུ་བརྗིད་ཅིང་འགྱིང་བར་བཞུགས་སུ་གསོལ༔ ཡིད་འོང་ལེགས་སྦྱར་རོ་ལྡན་པའི༔ སྦྲང་རྩི་དང་ནི་ཤིང་ཏོག་སོགས༔ ཀླུ་རྒྱལ་རྣམས་ལ་འབུལ་སྒྱུལགས་ན༔ བདག་ཅག་འཁོར་བཅས་བཀྲ་ཤིས་ཤོག༔ བྷྱོཿ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ མ་དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ༔ སྔགས་ཀྱི་སྲུང་མ་ཨེ་ཀ་ཙ་ཏི་མ༔ སྲོག་སྒྲུབ་ཁ་མོ་ཆེ་དང་སྤང་ཞོན་མ༔ འཁོར་དུ་མ་མོ་མཁའ་འགྲོ་འབུམ་གྱིས་བསྐོར༔ ལས་སུ་སངས་རྒྱས་བསྟན་པ་རིན་ཆེན་སྲུང་༔ ཟས་སུ་དམ་

[Full Size]

ཉམས་དགྲ་བོའི་ཤ་ཁྲག་ཟོ༔ མ་འདིར་གཤེགས་བརྒྱན་པའི་གཏོར་མ་འདི་བཞེས་ལ༔ སངས་རྒྱས་བསྟན་པ་བསྲུང་བའི་དུས་ལ་བབ༔ དཀོན་མཆོག་དབུ་འཕང་བསྟོད་པའི་དུས་ལ་བབ༔ རྣལ་འབྱོར་བར་ཆད་བསལ་བའི་དུས་ལ་བབ༔ ཆོས་སྐྱོང་ཕྲིན་ལས་བསྒྲུབ་པའི་དུས་ལ་བབ༔ དེ་བས་མ་མོ་མཁའ་འགྲོ་ཆོས་སྐྱོང་རྣམས༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ གཟའ་བདུད་འཁོར་དང་བཅས་པ་དང་༔ ཧོ་ར་ནག་པོ་ཧབ་ཤ་ལ༔ ཆུ་སྣ་སྟོང་དང་ཁྲག་སྣ་སྟོང་༔ སྨན་སྣ་སྟོང་དང་མེ་ཏོག་སྟོང་༔ འབྲུ་སྣ་སྟོང་གིས་རབ་ཏུ་མཆོད༔ དུག་གི་ཟོར་ཁ་དགྲ་ལ་བསྒྱུར༔ གདུག་པའི་ཁ་རླངས་དགྲ་ལ་བསྒྱུར༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ་ཧྲཱིཿ ཡ་ཡེ༔ བྱང་ཕྱོགས་ཡཀྴ་འདིར་བྱོན་དབུས་གཏོར་བཞུགས༔ འཁོར་ལ་ཡཀྵ་བརྒྱད་ཀྱིས་བསྐོར༔ འཁོར་དང་བཅས་པ་སྐད་ཅིག་བྱོན༔ འཁོར་རྣམས་རང་རང་གཏོར་མར་བཞུགས༔ བོར་ཆད་ཐམས་ཅད་ཞལ་དུ་བསྟབ༔ སྨྱོ་ནད་ཐམས་ཅད་ཞལ་དུ་བསྟབ་རིམས་གྲིབ་ཐམས་ཅད་ཞལ་དུ་བསྟབ༔ བདུད་བཞིའི་གནོད་པ་ཞལ་དུ་བསྟབ༔ བླང་ལེན་འཕྲོག་

[Full Size]

གསུམ་ཞལ་དུ་བསྟབ༔ ཁྲོ་རྒྱལ་ཐམས་ཅད་ཡཀྵ་ཡེ༔ དྷཱི༔ བདེ་ཆེན་གཉིས་མེད་རོ་མེད་ངང་༔ རྟེན་ནས་དག་གྱུར་གིར་ཎི་ཡ༔ ཧཱུྃ༔ གནོད་སྦྱིན་ནོར་ལྷ་ཀུ་བེ་ར༔ སྐུ་མདོག་ནག་པོ་ཞལ་གཅིག་པ༔ ཕྱག་གཡས་པས་ནི་རལ་གྲི་ལ༔ གཡོན་པས་རྟ་ཡི་སྲབ་མདའ་འཛིན༔ སྐུ་ལ་ཁྲབ་རྨོག་བརྗིད་པ་གསོལ༔ ཆིབས་སུ་རྟ་ནག་མདངས་ལྡན་ཆིབས༔ འདིར་གཤེགས་བརྒྱན་པའི་གཏོར་མ་བཞེས༔ རྔོག་ཆགས་སྲུང་བའི་རྫི་བོ་མཛོད༔ རྟ་ནད་ཐམས་ཅད་ཞི་བ་དང་༔ རྔོག་ཆགས་གོད་ཁ་བཟློག་ཏུ་གསོལ༔ ཧཱུྃ༔ དཔག་ཏུ་མེད་པའི་གོང་རོལ་ནས༔ ཀུན་ཏུ་བཟང་པོ་ཞེས་བྱ་བའི༔ སྤྲུལ་པ་ཐུགས་རྗེ་ཆེན་པོ་འཁྲུངས༔ དེ་ཡི་སྤྲུལ་པ་ཨ་པ་ར་ཙིཏྟ་འདིར་གཤེགས་མཆོད་གཏོར་བཞེས༔ སྟོབས་དང་འབྱོར་པའི་དངོས་གྲུབ་སྩོལ༔ ཨོཾ༔ དྲི་ཟའི་རྒྱལ་པོ་ས་བརྒྱད་གནས་པའི་མཆོག༔ སྟོང་གསུམ་གཞི་བདག་ཀུན་གྱི་རྗེ་བོར་གྱུར༔ འཁོར་ཚོགས་དང་བཅས་བརྒྱ་བྱིན་སྲས་མོ་ནི་མཚོ་སྨན་བཅས་པ་འདིར་གཤེགས་གཏོར་མ་བཞེས༔ བདག་གི་བསམ་པ་ཐམས་ཅད་འགྲུབ་པ་དང་༔ བསྟན་པ་འཕེལ་ཞིང་

[Full Size]

འདོད་དགུ་རྒྱ་ཆེར་ལྡན་གདུག་འདྲེའི་ནད་དང་གནོད་པ་ཞི་བ་དང་༔ ཐམས་ཅད་བདེ་དགར་སྤྱོད་པའི་བཀྲ་ཤིས་སྩོལ༔ ཨོཾ་མ་ནུ་ཊེ་གྷནྡྲ་བྷ་ཝ་རཱ་ཛ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧྲཱིཿ ཨོཾ་ཀླུ་ཡི་རྒྱལ་དགེ་བསྙེན་ཆེན་པོ་རྡོ་རྗེ་རྒྱལ༔ དེ་ཡི་ཡུམ་ཆེན་ན་ར་སེང་སྔོན་དང་༔ ཀླུ་ཆེན་མིང་སྲིང་བར་བློན་ཆེན་པོ་དང་༔ སྨྱོ་ཁ་དབྱིས་དོ་མཚོ་ནག་ཀླུ་སྨན་སོགས༔ ས་བདག་གནས་བདག་ཀླུ་བཙན་འཁོར་བཅས་ཀྱིས༔ འདིར་གཤེགས་གཏོར་མ་འབུལ་བ་འདི་བཞེས་ལ༔ བདག་གི་བསམ་པ་འགྲུབ་པའི་སྡོང་གྲོགས་མཛོད་ཁྱད་པར་གྲུབ་མཆོག་ཀརྨ་པཀི་ལ༔ ཕྲིན་ལས་སྒྲུབ་པར་ཁས་བླངས་དམ་བཅས་བཞིན༔ སངས་རྒྱས་བསྟན་པ་དར་ཞིང་རྒྱས་པ་དང་༔ སེམས་ཅན་ཡོངས་ལ་བདེ་སྐྱིད་འབྱུང་བ་དང་༔ ཁྱད་པར་རྣལ་འབྱོར་བདག་ཅག་རྗེས་འཇུག་རྣམས༔ ནད་གདོན་འགལ་རྐྱེན་ཕྱི་ནང་བར་ཆད་ཞི༔ མཐུན་རྐྱེན་ཚེ་དང་བསོད་ནམས་དཔལ་འབྱོར་རྒྱས༔ ཕྲིན་ལས་རྣམ་བཞི་ཐོགས་པ་མེད་པར་སྒྲུབས༔ ཧ་ཅང་ཆར་ཆེ་ཆར་ཆུང་སད་སེར་དང་༔ འབྲུ་རྣམས་ལོངས་སྤྱོད་ཉམས་དང་ནད་ཡམས་དང་༔ རྒྱལ་པོའི་རིམས་ནད་ཆོམ་རྐུན་འཇིགས་པ་

[Full Size]

སྐྱོབས༔ མི་མཐུན་རྐྱེན་རྣམས་ཞི་བའི་ལས་མཛོད་ཅིག༔ སྙིགས་མའི་སྐྱེ་བོ་དམུ་རྒོད་བག་མེད་བཅས༔ ཉོན་མོངས་དབང་གིས་ནོངས་པ་བྱུང་བ་རྣམས་བཟོད་པར་བཞེས་ལ་བསྟན་པའི་སྙིགས་མ་འདིར༔ ཀཀར་བསྟན་བསྲུང་བའི་ལས་ལ་མ་གཡེལ་ཞིག༔ འཇིག་རྟེན་ཐམས་ཅད་བདེ་ཞིང་སྐྱིད་པ་དང་༔ བསྟན་འཛིན་སྐྱེས་བུའི་སྐུ་ཚེ་བརྟན་པ་དང་༔ བདག་ཅག་དཔོན་སློབ་འཁོར་དང་བཅས་པ་ཡི༔ བསམ་དོན་ཐམས་ཅད་ཡིད་བཞིན་འགྲུབ་པར་མཛོད༔་ཧྲཱིཿ སངས་རྒྱས་བསྟན་པ་བསྲུང་བའི་མཐུ་རྩལ་ཅན༔ བཙན་རྒོད་དགེ་བསྙེན་གནོད་སྦྱིན་འདིར་བྱོན་ཞིག༔ དཀར་གསུམ་མངར་གསུམ་ཤ་ཁྲག་ལ་སོགས་པ༔ རང་རང་དགྱེས་པའི་མཆོད་རྫས་གཏོར་མ་འབུལ༔ ཐུགས་དམ་གཉེན་པོ་བསྐང་ཕྱིར་བཞེས་སུ་གསོལ༔ སྤྲུལ་པ་ཡང་སྤྲུལ་ཚོགས་རྣམས་དགྱེས་པར་རོལ༔ ཞི་རྒྱས་དབང་དང་དྲག་པོ་ལ་སོགས་པའི༔ ཕྲིན་ལས་རྣམ་བཞིའི་ལས་རྣམས་འགྲུབ་པར་མཛོད༔ ཀྱེ༔ ལྷ་ཡི་དགེ་བསྙེན་དབྲོ་སྲས་ཐང་ལྷ་འབར༔ ཁྱོད་ལ་འགྲོ་མགོན་ཕག་མོ་གྲུ་པ་ཡིས༔ གསང་བའི་མཚན་དུ་རྡོ་རྗེ་འབར་བ་བཏགས༔ དེང་ནས་

[Full Size]

བཟུང་སྟེ་བཀའ་བརྒྱུད་ཐམས་ཅད་ཀྱི༔ བཀའ་དང་དམ་ལ་བཞག་པའི་དམ་ཚིག་ཅན༔ རྣལ་འབྱོར་ཕྲིན་ལས་བསྒྲུབ་པའི་དྲག་རྩལ་ཅན༔ དགེ་བསྙེན་ཆེན་པོ་འདིར་གཤེགས་མཆོད་གཏོར་བཞེས༔ བདག་གི་འདོད་པའི་དོན་ཀུན་འགྲུབ་པར་མཛོད༔ ཧཱུྃ༔ ལྷག་པར་མོན་ཁམས་མཐིལ་བུའི་ཡུལ༔ བདེ་ཆེན་གནས་ནས་བཙན་རྒོད་རྒྱལ༔ རིག་འཛིན་བླ་མའི་བཀའ་སྐྱོང་བ༔ ཇག་མེ་འདིར་གཤེགས་གཏོར་མ་བཞེས༔ དགྲ་ཇག་ཆོམ་རྐུན་མགོ་སྐོར་ཤིག༔ ཧཱུྃ༔ གུ་རུ་དྲག་སྤྲུལ་ཀླུ་བདུད་བཙན༔ སྔོ་དམར་ནག་པོའི་མདོག་ཅན་ཏེ༔ གཡས་གསུམ་རུ་མཚོན་སྔོ་དམར་ནག༔ གཡོན་གསུམ་སྦྲུལ་ཞགས་མདའ་གཞུ་དང་༔ ཁྲམ་ཤིང་འཛིན་ཏེ་རྟ་ཆིབས་པ༔ སྔོ་དམར་ནག་པོའི་མདོག་དང་ལྡན༔ བཻཌཱུར་བསེ་དང་ལྕགས་ཀྱི་ཁྲབ༔ འཇིགས་པའི་གཟུགས་ཅན་མགྱོགས་པའི་རྟ༔ ཁམས་གསུམ་སྐད་ཅིག་ཉིད་ལ་བསྐོར༔ རྡུལ་ཕྲན་རྣམས་ཀྱང་རྩིས་ལ་འདེབས༔ སྤྲུལ་པ་འབུམ་དང་དུང་ཕྱུར་འགྱེད༔ འདིར་གཤེགས་དམ་རྫས་གཏོར་མ་བཞེས༔ གང་བཅོལ་ལས་རྣམས་མྱུར་འགྲུབ་མཛོད༔ ཡ་ཀི་སྒོ་མོ་བྲག་དམར་ན༔ རིན་ཆེན་མཛེས་

[Full Size]

པའི་བཙན་མཁར་ན༔ སྐྱེས་བུ་ལུང་བཙན་དེ་ན་བཞུགས༔ ཕུད་དང་བཤོས་དང་རྟེན་ལ་བྱོན༔ འདོད་ཡོན་ལོངས་སྤྱོད་མཆོད་གཏོར་བཞེས༔ ལྷང་ལྷང་སྙིང་གཏམ་རྣ་བར་སྨོས༔ སྣང་སྲིད་ཐམས་ཅད་ས་ལེར་སྟོན༔ ཧཱུྃ༔ རྨ་གཉེན་སྤོམ་ར་སྨོན་སྐྱེས་མཆེད་གསུམ་དང་༔ དབྱི་རྒྱལ་ཛོ་རྒྱལ་ཀླུ་རྒྱལ་སྤོ་ཏོ་དང་༔ གོ་རྒྱལ་ཡབ་ཡུམ་གཏམ་རྒྱལ་མདོ་ཟོ་དང་༔ ཡུལ་འདིའི་གཞི་བདག་གནས་འདིར་སྤྱན་འདྲེན་ནོ༔ ཇི་སྲིད་མཆོད་པ་འབུལ་བའི་དུས་དག་ཏུ༔ དགྱེས་པར་བཞུགས་ལ་བདག་གི་མཆོད་གཏོར་བཞེས༔ བདག་གི་ནད་གདོན་བར་ཆད་ཞི་བ་དང་༔ ཚེ་བསོད་དཔལ་འབྱོར་ཐམས་ཅད་རྒྱས་པ་དང་༔ སྣང་སྲིད་དབང་སྡུད་དགྲ་བགེགས་ཚར་གཅོད་མཛོད༔ སངས་རྒྱས་བསྟན་པ་སིལ་མ་རིན་ཆེན་འདི༔ སྲུངས་ཤིང་ཆོས་ལོག་དམ་ཉམས་བརླག་པར་མཛོད༔ དུས་མིན་འཆི་དང་བར་ཆད་བཟློག་ཏུ་གསོལ༔ སློབ་དཔོན་པདྨའི་བསྟན་པ་བསྲུང་བར་མཛོད༔ དགྱེས་པའི་མཆོད་པ་འདི་ཡིས་ཐུགས་དམ་བསྐང་༔ དམ་བཅའ་མ་གཡེལ་མྱུར་དུ་ཕྲིན་ལས་མཛོད༔ ཁྱེད་ལ་མཐུ་རྩལ་ཅི་འདུག་ད་ལྟའོ༔ ཁྱེད་ཀྱི་ཐུགས་དང་འགལ་

[Full Size]

བ་བདག་གིས་བཤགས༔ ་་་་་་་རྒྱལ་རྒྱམ་གསོལ་ཁ་འབྲིང་པོ་བསྡུས་པ་གང་རེད་ཀྱིས། བདག་གི་ཡིད་ལ་འདོད་པ་ཀུན་འགྲུབ་མཛོད། །སངས་རྒྱས་བསྟན་སྲུང་ཕྱིན་ཆད་མཐར་དབྱུང་ངོ་། མཆན། ་་་་་་འདི་ལ་མཇུག་མི་འདུག

ཐུགས་རྗེ་ཆེན་པོ་རྒྱལ་བ་རྒྱ་མཚོའི་གཏོར་བསྔོས་བསྡུས་པ།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོའི་གཏོར་བསྔོས་བསྡུས་པ་བཞུགས་པའི་དབུ་ཕྱོགས་ལགས་སོ། །

[Full Size]

ནང་མཆོད་ལྟར་གཏོར་མ་བྱིན་གྱིས་རླབས་པ་ནི། རང་ཉིད་ལྷ་ཡི་ང་རྒྱལ་གྱིས། ཨོཾ་དྭིཔདྨནྟ་ཀྲྀཏ་བཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་སྭ་བྷ་ཝ་སོགས།། སྟོང་པ་ཉིད་དུ་གྱུར། སྟོང་པའི་ངང་ལས་རང་གི་ཐུགས་ཀ་ནས་ཡཾ་འཕྲོས་པ་ལས་རླུང་གི་དཀྱིལ་འཁོར་སྔོན་པོ་ཟླ་གམ་བ་དན་དང་ཡཾ་ཡིག་གིས་མཚན་པ། དེའི་སྟེང་དུ་རཾ་འཕྲོས་པ་ལས། མེའི་དཀྱིལ་འཁོར་དམར་པོ་འབར་བ་རཾ་གྱིས་མཚན་པ། དེ་ལ་ཀེ་གསུམ་འཕྲོས་པ་ལས་ཐོད་པ་སྐམ་པོ་བུམ་རིལ་གྱི་སྐྱེད་པུ་གསུམ་གྱི་སྟེང་དུ་ཨ་སྤྲོས་པ་ལས་ཐོད་པའི་སྣོད་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། དབུས་སུ་

[Full Size]

མུ་ལས་དྲི་ཆུ་བེཟླུརྱ་ལྟ་བུ། ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་རཀྟ་གསེར་བཙོ་མ་ལྟ་བུ། ནུབ་ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་ཀླད་པ་སྟེ་བདུད་རྩི་ལྔ་དང་། སླར་ཡང་དབུས་སུ་ན་ལས་མིའི་ཤ །ཤར་ལྷོར་གོ་ལས་བ་གླང་གི་ཤ ། ལྷོ་ནུབ་ཏུ་ཀུ་ལས་ཁྱིའི་ཤ །ནུབ་བྱང་དུ་ད་ལས་གླང་པོ་ཆེའི་ཤ །བྱང་ཤར་དུ་ཧ་ལས་རྟའི་ཤ་སྟེ་ཤ་ལྔའོ། །རླུང་གཡོས་ཤིང་མེ་སྦར་བས་ཐོད་པ་དྲོས། རྫས་རྣམས་ཞུ་བ་ཨོཾ་ཨཱཿཧཱུྃ་གསུང་གི་བདུད་རྩིའི་རང་བཞིན་ཁ་དོག་དམར་པོ། ཨོཾ་ཨཱཿཧཱུྃ་ཐུགས་ཀྱི་བདུད་རྩིའི་རང་བཞིན་ཁ་དོག་སྔོན་

[Full Size]

པོ། ཨོཾ་ཨཱཿཧཱུྃ་སྐུ་ཡི་བདུད་རྩིའི་རང་བཞིན་ཁ་དོག་དཀར་པོ་འོ་མའི་རྒྱ་མཚོ་ལྟ་བུར་གྱུར། འབར་བའི་ཕྱག་རྒྱ་དཔྲལ་བར་བསྐོར་ཞིང་སྤྱན་འདྲེན་པ་ནི། ཕོ་ཕེ་ཕོ། མདུན་གྱི་ནམ་མཁར་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་རྣམས་སྤྲིན་གྱི་ཕུང་པོ་གཏིབས་པ་ལྟ་བུར་བཞུགས་པར་གྱུར། རྡོར་ཐལ་ཁ་ཕྱེ་བས། ན་མོ་རཏྣ་གུ་རུ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏེ་ལོ་ཤེས་རབ་བཟང་པོ། ནཱ་རོ་ཛྙ་ན་སིདྡྷི། མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། དཔལ་ལྡན་དུས་གསུམ་མཁྱེན་པ་ལ་སོགས་པ་ཟུང་འཇུག་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མ་གཅིག་གྲུབ་པའི་རྒྱལ་མོ། ཏི་པུ་པ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀྵི། གཉེན་རས་དགེ་འདུན་འབུམ། ཆོས་རྗེ་རང་བྱུང་རྡོ་རྗེ། མཁས་བཙུན་རིན་ཆེན་རྒྱལ་མཚན། མངྒ་ལ་ཀེ་ཏུ། རིན་ཆེན་བཟང་

[Full Size]

པོ། ཀུན་མཁྱེན་མཐོང་བ་དོན་ལྡན། བྱང་སེམས་དཔལ་འབྱོར་དོན་འགྲུབ། རྒྱལ་དབང་ཆོས་གྲགས་རྒྱ་མཚོ། གྲུབ་ཆེན་བཀྲ་ཤིས་དཔལ་འབྱོར། མཚུངས་མེད་མི་བསྐྱོད་རྡོ་རྗེ། རྒྱལ་བ་དཀོན་མཆོག་ཡན་ལག །རྗེ་བཙུན་དབང་ཕྱུག་རྡོ་རྗེ། གར་དབང་ཆོས་ཀྱི་དབང་ཕྱུག །རྒྱལ་མཆོག་ཆོས་དབྱིངས་རྡོ་རྗེ། མཁས་གྲུབ་ཀརྨ་ཆགས་མེད་ལ་སོགས་པ་དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་ཞལ་དུ་འབུལ་ལོ། །འཇིག་རྟེན་དབང་ཕྱུག །པདྨ་བཛྲ། ཛ་ལེན་དྷ་ར། མེ་ཏྲི་པ། བཛྲ་པཱ་ཎི། བཱ་དནྟ། སུ་མ་ཏི་ཀཱིརྟི་ལ་སོགས་པ་ལྷ་དགུ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །བྱིན་གྱིས་བརླབ་པར་མཛད་དུ་གསོལ། ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ༔ དྷུ་མ་གྷ་ཡེ་ནཱ་མ་སྭཱ་ཧཱ༔ ཧ་རི་ནི་ས་ར་ཙ་ཧིཡ་ཧཱུྃ་ཛ༔ ས་པ་རི་ཝཱ་ར་ཨི་དམ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། །བཅོམ་ལྡན་འདས་འཇིག་རྟེན་དབང་ཕྱུག་ཐུགས་རྗེ་ཆེན་པོ་རྒྱལ་བ་རྒྱ་མཚོ། རྡོ་རྗེ་ཕག་མོ། རྡོ་རྗེ་རིགས་ཀྱི་སྤྱན་རས་གཟིགས། །རིན་ཆེན་རིགས་ཀྱི་སྤྱན་རས་གཟིགས། པདྨ་རིགས་ཀྱི་སྤྱན་རས་གཟིགས།

[Full Size]

ལས་ཀྱི་རིགས་ཀྱི་སྤྱན་རས་གཟིགས། ཡུམ་སངས་རྒྱས་སྤྱན་མ། མཱ་མ་ཀི། གོས་དཀར་མོ། དམ་ཚིག་སྒྲོལ་མ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ། རྒྱལ་བ་རྒྱ་མཚོ། དཔའ་བོ་རྒྱ་མཚོ། དཔའ་མོ་རྒྱ་མཚོ། གྲུབ་ཐོབ་རྒྱ་མཚོ། དམ་ཅན་རྒྱ་མཚོའི་ཚོགས་རྣམས་ཀྱི་ཞལ་དུ་འབུལ་ལོ་་།མཆོག་དང་ཐུན་མོང་གི་དངོས་གྲུབ་མ་ལུས་པ་བསྩལ་དུ་གསོལ། ཨོཾ་མ་ཧཱ་ཀཱ་ལ་ཧཱུྃ་ཕཊ་སྭཱ་ཧཱ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཏྲག་རཀྵ་མ་ཧེ་དུན་བྷྱོ༔ མ་ཧཱ་ཡཀྵ་ཏིཀ་ན་ཀཱ་ལི་དུན་བྷྱོ༔་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཔལ་ཡེ་ཤེས་ཀྱི་མགོན་པོ་མ་ཧཱ་ཀཱ་ལ་བདུད་འདུལ་རྡོ་རྗེའི་དེད་དཔོན་འཇིགས་བྱེད་ཆེན་པོ་བེར་ནག་ཅན། དྲེགས་པ་ཕོ་དགུ་མོ་དགུ། ཕྱོགས་སྐྱོང་བའི་མགོན་པོ་བཅུ་དྲེགས་པའི་གཙོ་བོ་བདུན་ཅུ་རྩ་གཉིས། ཡེ་ཤེས་ཀྱི་མགོན་པོའི་ཚོགས། ལས་ཀྱི་མགོན་པོའི་ཚོགས། འཇིག་རྟེན་གྱི་མགོན་པོའི་ཚོགས་རྣམས་དང་། དཔལ་ལྷ་མོ། རང་བྱུང་གི་རྒྱལ་མོ། སྲུང་མ་དཔལ་ལྡན་མ། མ་མོ་བདུན། སྲིང་མོ་བཞི། འབར་མ་དགུ། དུས་བཞིའི་ལྷ་མོ།

[Full Size]

དམག་གི་རྒྱལ་མོ། དབང་ཕྱུག་མ་ཉེར་བརྒྱད་འཁོར་དང་བཅས་པ་རྣམས་དང་། གཞན་ཡང་བཀའ་བརྒྱུད་རིན་པོ་ཆེའི་བསྟན་པ་བསྲུང་བར་ཞལ་གྱིས་བཞེས་པའི་བཀའ་སྲུང་དམ་ཅན་རྒྱ་མཚོའི་ཚོགས་རྣམས་ལ་འབུལ་ལོ། །བསྟན་པ་རིན་པོ་ཆེ་དར་ཞིང་རྒྱས་པ་དང་བདག་གི་ཕྲིན་ལས་རྣམ་བཞི་སྒྲུབ་པ་ལ། བར་ཆད་མི་མཐུན་པའི་ཚོགས་རྣམས་ཐམས་ཅད་བསལ་དུ་གསོལ།། ༈ ཨོཾ། མ་དག་སྣོད་བཅུད་སྟོང་པར་སྦྱངས། །སྟོང་པའི་ངང་ལས་ཡེ་ཤེས་ཀྱི། །རླུང་མེ་ཐོད་སྐྱེད་སྟེང་ཉིད་དུ། །ཐོད་པར་ཤ་ལྔ་བདུད་རྩི་ལྔ། །རླུང་མེས་བསྐོལ་བས་དམ་ཚིག་གིས། །བདུད་རྩི་རབ་འབར་འོད་ཉིད་དེས། །ཡེ་ཤེས་བདུད་རྩི་སྤྱན་དྲངས་ནས། །དབྱེར་མེད་ཨོཾ་དང་ཨཱཿཧཱུྃ་གིས། །བྱིན་རླབས་དྲི་རོ་མཚུངས་མེད་གྱུར། །རྩ་བརྒྱུད་བླ་མ་ཡི་དམ་ལྷ་ཚོགས་དོང་། །དཔའ་བོ་མཁའ་འགྲོ་ཆོས་སྐྱོང་ཚོགས་སྤྱན་དྲངས། །མདུན་གྱི་ནམ་མཁར་སྤྲིན་བཞིན་གཏིབས་པར་གྱུར། །ཡི་དམ་ཀུན་འདུས་རྩ་བའི་བླ་མ་མཆོད། །དཀོན་མཆོག་ཀུན་འདུས་རྩ་བའི་བླ་མ་མཆོད། །ཆོས་སྐྱོང་ཀུན་འདུས་རྩ་བའི་བླ་མ་མཆོད། །ཁྱད་པར་

[Full Size]

ཆོས་སྐྱོང་བེར་གྱི་ན་བཟའ་ཅན། །དཔལ་ལྡན་ལྷ་མོ་རང་བྱུང་རྒྱལ་མོ་ནི། །མཆེད་ལྕམ་འཁོར་དང་བཅས་ལ་མཆོད་པར་བགྱི། །རྒྱལ་པོ་རྣམ་མང་ཐོས་སྲས་སྔགས་ཀྱི་བདག ། རྡོ་རྗེ་ལེགས་པ་སྲིན་མགོན་ཞིང་སྐྱོང་དང་། །མཁར་ནག་རྡོ་རྗེ་རྒྱལ་པོ་ལ་སོགས་པའི། །ཀརྨ་པ་ཡི་བསྟན་པ་སྐྱོང་རྣམས་ལ། །ཟག་མེད་ཤ་ལྔ་བདུད་རྩི་ལྔ་མཆོག་གི །གཏོར་མ་རྩ་བརྒྱད་པཉྩ་ཨ་མྲྀ་ཏ། །ཛ་གད་རཀྟའི་ཡོན་ཆབ་མཆོད་པར་བཞེས། །འདོད་ཡོན་ལྔ་དང་གསང་བའི་མཆོད་པ་དང་། །དེ་ཁོ་ན་ཡི་ཀུན་བཟང་མཆོད་པས་མཆོད། །ཁྱོད་ཀྱི་སྐྱོན་དག་ཡོན་ཏན་རྫོགས་པ་དེའི། །གནས་ཚུལ་ཇི་བཞིན་རྟོགས་པའི་སྒོ་གསུམ་གྱིས། །བསྟོད་པ་མ་ལུས་པ་ཡིས་བསྟོད་པར་བགྱི། །ཁྱོད་ལ་འདོད་དོན་གསོལ་བ་གདབ་པ་ནི། །བདག་སོགས་ཀུན་ལ་མཆོག་དང་ཐུན་མོང་གི །དངོས་གྲུབ་སྟན་ཐོག་འདི་ལ་སྩོལ་བ་དང་། །ཁྱད་པར་ཚེ་རིང་ནད་མེད་དཔལ་འབྱོར་རྒྱས། །ཡིད་ལ་བསམ་ཚད་སྐད་ཅིག་ཙམ་ཉིད་ལ། །གྲུབ་ནས་ཀརྨ་པ་ཡི་བཞེད་པ་ཀུན། །བདག་གིས་མ་ལུས་མྱུར་དུ་འགྲུབ་པ་དང་། །ཀརྨ་པ་ཡི་བསྟན་ལ་གནོད་བྱེད་རྣམས། །བདག་གིས་ཐལ་བ་བཞིན་

[Full Size]

དུ་བརླག་པ་ཡི། །ནུས་པ་ད་ལྟ་ཉིད་དུ་བསྩལ་དུ་གསོལ། །དེ་ལྟར་མཆོད་བསྟོད་བྱས་པའི་དགེ་བ་དེས། །མ་གྱུར་འགྲོ་བ་སེམས་ཅན་ཐམས་ཅད་ཀུན། །རྫོགས་པའི་སངས་རྒྱས་གོ་འཕང་ཐོབ་ཕྱིར་བསྔོ། །ཞེས་པ་འདི་དད་པའི་ནོར་ཅན་རིན་ཆེན་དཔལ་མོས་བསྐུལ་བའི་ངོར་ཀརྨ་པ་མི་བསྐྱོད་རྡོ་རྗེས་བསྩལ་བའོ། ཨོྃ༔ གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་རྩ་གསུམ་སྤྱིའི་གཏོར་བསྔོས་བཞུགས་སོ། གུ་རུ་དྷེ་ཝ་ཌཱཀྐི་ནཱི་ཧཱུྃ། ཨོཾ་ཨཱཿཧཱུྃ༔ ཡཾ་རཾ་ཀཾ་ལས་རླུང་མེ་ཐོད་སྐྱེད་སྟེང་༔ བྷནྡྷའི་སྣོད་དུ་ཟག་མེད་བདུད་རྩི་ཡི༔ གཏོར་མ་འདི་ཉིད་འབུལ་བའི་གནས་རྣམས་ནི། །པད་འབྱུང་སྐུ་ལྔ་མཚན་བརྒྱད་རྗེ་འབངས་མཆོད༔ གུ་རུ་ཞི་བ་དྲག་པོ་བཀའ་བརྒྱད་དང་དགོངས་འདུས་ཕུར་པ་ཡི་དམ་རྒྱ་མཚོ་མཆོད༔ ཡེ་ཤེས་མཚོ་རྒྱལ་རྡོ་རྗེ་ཕག་མོ་སོགས༔ མཁའ་འགྲོའི་ཚོགས་རྣམས་ཐམས་ཅད་མཆོད་པར་བགྱི༔ དཔལ་མགོན་མ་ནིང་ཤན་པ་དམར་ནག་སོགས༔ བཀའ་སྲུང་ཆོས་སྐྱོང་ཐམས་ཅད་མཆོད་པར་བགྱི༔ རྣམ་སྲས་ཛཾ་དམར་ཛཾ་ལྷ་སེར་ནག་སོགས༔ ནོར་ལྷ་རྒྱ་མཚོར་གཏོར་མའི་མཆོད་པ་འབུལ༔ རྡོ་རྗེ་ལེགས་པ་དྲང་སྲོང་ཆེན་པོ་སོགས༔ དམ་ཅན་རྒྱ་མཚོ་

[Full Size]

ཀུན་ལ་མཆོད་པར་བགྱི༔ བདག་གི་ནད་རིགས་ཀུན་ཞི་ཚེ་བསོད་དཔལ༔ རྒྱས་ཤིང་སྣང་སྲིད་དབང་དུ་འདུས་པར་མཛོད༔ དགྲ་བགེགས་ལོག་འདྲེན་ཆོས་ལོག་དམ་ཉམས་རྣམས༔ སྐད་ཅིག་ཐལ་བའི་རྡུལ་བཞིན་བརླགས་ནས་ཀྱང་༔ བདག་གི་བསམ་པ་ཐམས་ཅད་བསྒྲུབ་ཏུ་གསོལ༔ གུ་རུ་དྷེ་ཝ་ཌཱཀྐི་ནི་དྷརྨཱ་པ་ལ་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱིཿ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ནག་པ་ཟླ་བའི་ཚེས་བཅུ་ལ་ཨོ་རྒྱན་རིན་པོ་ཆེས་དངོས་སུ་གསུངས་སོ༔ ༈ ཡེ་ཤེས་མགོན་པོ་ཕྱག་བཞི་པའི་གཏོར་བསྔོས་ནི། ཧཱུྃ། རྡོ་རྗེ་འཆང་དངོས་འགྲོ་མགོན་བླ་མ་ཡི། །ཕྲིན་ལས་སྤྲུལ་པ་མ་ཧཱ་ཀཱ་ལའི་ཞབས། །ཡུམ་ཆེན་ལས་མཁན་སྡེ་བརྒྱད་བཅས་པ་ལ། །ཀུན་བཟང་མཆོད་སྤྲིན་སྤུངས་པའི་ཞལ་ཟས་དང་། །སྒོ་གསུམ་ལོངས་སྤྱོད་བཅས་པའི་ཕུད་ཀྱིས་མཆོད། །ཕྱི་ཡི་མཆོད་པ་ངོ་མཚར་སྣང་བ་དང་། །ནང་གི་མཆོད་པ་ཤ་ཁྲག་ཨ་མྲྀ་ཏ། །གསང་བའི་མཆོད་པ་བདེ་སྟོང་ཙཀྲ་དང་། དེ་ཁོ་ན་ཉིད་ཐུགས་དམ་གཅིག་བསྡོམ་པའི། །རང་རིག་ཡེ་ཤེས་དག་པའི་མཆོད་གཏོར་འབུལ། །དགྱེས་པ་ཆེན་པོར་བཞེས་ནས་བྱིན་གྱིས་

[Full Size]

རློབས། །དབང་བཞི་ཐོབ་ནས་ཕྲིན་ལས་རྣམ་བཞི་བསྒྲུབ། །མཁའ་མཉམ་སེམས་ཅན་བདེ་ལ་བཀོད་ནུས་པའི། །མཆོག་དང་ཐུན་མོང་དངོས་གྲུབ་མ་ལུས་པ་།སྟན་ཐོག་འདི་ལ་བྱིན་གྱིས་བརླབ་ཏུ་གསོལ། །ཞྭ་དམར་ལྔ་པས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དཔལ་འཇིག་རྟེན་དབང་ཕྱུག་གི་གཏོར་བསྔོས།

[Full Size]

དཔལ་འཇིག་རྟེན་དབང་ཕྱུག་གི་གཏོར་བསྔོས་བཞུགས་པའི་དབུ་ལགས་སོ། །

[Full Size]

ཨོཾ་ཧིཔདྨནྟ་ཀྲྀཏ་བཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་སྭ་བྷཱ་ཝ་སོགས། སྟོང་པའི་ངང་ལས་རང་གི་ཐུགས་ཀ་ནས་ཡཾ་འཕྲོས་པ་ལས་རླུང་གི་དཀྱིལ་འཁོར་སྔོན་པོ་ཟླ་གམ་བ་དན་དང་ཡཾ་ཡིག་གིས་མཚན་པ། དེའི་སྟེང་དུ་རཾ་འཕྲོས་པ་ལས། མེའི་དཀྱིལ་འཁོར་དམར་པོ་འབར་བ་རཾ་གྱིས་མཚན་པ། དེ་ལ་ཀེ་གསུམ་འཕྲོས་པ་ལས་ཐོད་པ་སྐམ་པོ་བུམ་རིལ་གྱི་སྐྱེད་པུ་གསུམ་གྱི་སྟེང་དུ་ཨ་སྤྲོས་པ་ལས་ཐོད་པའི་སྣོད་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། དབུས་སུ་མུ་ལས་དྲི་ཆུ་བཻཌཱུརྱ་ལྟ་བུ། ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་

[Full Size]

རཀྟ་གསེར་བཙོ་མ་ལྟ་བུ། ནུབ་ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་ཀླད་པ་སྟེ་བདུད་རྩི་ལྔ་དང་། སླར་ཡང་དབུས་སུ་ན་ལས་མིའི་ཤ །ཤར་ལྷོར་གོ་ལས་བ་གླང་གི་ཤ །ལྷོ་ནུབ་ཏུ་ཀུ་ལས་ཁྱིའི་ཤ །ནུབ་བྱང་དུ་ད་ལས་གླང་པོ་ཆེའི་ཤ །བྱང་ཤར་དུ་ཧ་ལས་རྟའི་ཤ་སྟེ་ཤ་ལྔའོ། །རླུང་གཡོས་ཤིང་མེ་སྦར་བས་ཐོད་པ་དྲོས། རྫས་རྣམས་ཞུ་བ་ཨོཾ་ཨཱཿཧཱུྃ་གསུང་གི་བདུད་རྩིའི་རང་བཞིན་ཁ་དོག་དམར་པོ། ཨོཾ་ཨཱཿཧཱུྃ་ཐུགས་ཀྱི་བདུད་རྩིའི་རང་བཞིན་ཁ་དོག་སྔོན་པོ། ཨོཾ་ཨཱཿཧཱུྃ་སྐུ་ཡི་བདུད་རྩིའི་རང་བཞིན་ཁ་དོག་དཀར་པོ་འོ་མའི་རྒྱ་མཚོ་ལྟ་

[Full Size]

བུར་གྱུར། འབར་བའི་ཕྱག་རྒྱས། ཕེ་ཕོ་ཕོ། མདུན་གྱི་ནམ་མཁར་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་རྣམས་སྤྲིན་གྱི་ཕུང་པོ་ལྟ་བུར་བཞུགས་པར་གྱུར། ཨོཾ་བཛྲ་ཨ་རལླི་ཧོ༔ བཛྲ་ཌཱ་ཀི་ནཱི་ས་མ་སྟེ་དྲི་ཤུ་ཧོ༔ ན་མོ་རཏྣ་བྷེ་གུ་རུ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏེ་ལོ་ཤེས་རབ་བཟང་པོ་སིདྡྷི། མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། དཔལ་ལྡན་དུས་གསུམ་མཁྱེན་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པ། མཁས་གྲུབ་ཨོ་རྒྱན་པ། སེམས་དཔའ་རང་བྱུང་རྡོ་རྗེ། རྒྱལ་བ་གཡུང་སྟོན་པ། འཛམ་གླིང་ཆོས་ཀྱི་གྲགས་པ། རྟོགས་ལྡན་མཁའ་སྤྱོད་དབང་པོ། ཆོས་རྗེ་དེ་བཞིན་ས་པ། རྗེ་བཙུན་རཏྣ་བྷ་དྲ། སྤྲུལ་སྐུ་མཐོང་བ་དོན་ལྡན། ཀུན་མཁྱེན་འཇམ་དཔལ་བཟང་པོ། བྱང་སེམས་དཔལ་འབྱོར་དོན་འགྲུབ། རྒྱལ་དབང་ཆོས་གྲགས་རྒྱ་མཚོ། གྲུབ་ཆེན་བཀྲ་ཤིས་དཔལ་འབྱོར། མཚུངས་མེད་མི་བསྐྱོད་རྡོ་རྗེ། རྒྱལ་བ་དཀོན་མཆོག་ཡན་ལག །རྗེ་བཙུན་དབང་ཕྱུག་རྡོ་རྗེ། གར་དབང་ཆོས་ཀྱི་དབང་

[Full Size]

ཕྱུག །རྒྱལ་མཆོག་ཆོས་དབྱིངས་རྡོ་རྗེ་ལ་སོགས་པ་དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་ཞལ་དུ་ཨི་དཾ་བ་ལི་ཏ་ཁ་ཁ་ཁཱ་ཧི་ལཱ་ཧི། ཁྱབ་བདག་རྡོ་རྗེ་འཆང་། བྱམས་སེམས་བློ་གྲོས་རིན་ཆེན། བྲམ་ཟེ་ས་ར་ཧ། དཔལ་མགོན་འཕགས་པ་ཀླུ་སྒྲུབ། གྲུབ་ཆེན་ཤ་བ་རི་པ། རྒྱལ་བ་མེ་ཏྲི་པ། མར་པ་ཆོས་ཀྱི་བློ་གྲོས་ལ་སོགས་པ་ཕྱག་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མ་གཅིག་གྲུབ་པའི་རྒྱལ་མོ། ཏི་པུ་པ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ། འགྲོ་མགོན་རས་པ་ཆེན་པོ། རྒྱལ་བྱུསྲས་སྤོམ་བྲག་པ། གྲུབ་ཆེན་ཀརྨ་པ། གཉེན་རས་དགེ་འདུན་འབུམ། ཆོས་རྗེ་རང་བྱུང་རྡོ་རྗེ། མཁས་བཙུན་རིན་ཆེན་རྒྱལ་མཚན། མངྒ་ལ་ཀེ་ཏུ། རིན་ཆེན་བཟང་པོ། ཀུན་མཁྱེན་མཐོང་བ་དོན་ལྡན་ལ་སོགས་པ་ལྷ་ལྔ་བརྒྱུད་པའི་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བདག་ལ་བྱིན་གྱིས་བརླབ་པར་མཛད་དུ་གསོལ། འཇིག་

[Full Size]

རྟེན་དབང་ཕྱུག །པདྨ་བཛྲ། ཛ་ལན་དྷ་ར། མེ་ཏྲི་པ། བཛྲ་པཱ་ཎི། སུ་མ་ཏི་ཀཱིརྟི། རས་ཆུང་རྡོ་རྗེ་གྲགས་པ་ལ་སོགས་པ་ལྷ་དགུ་བརྒྱུད་པ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཆོས་སྐུ་ཀུན་ཏུ་བཟང་པོ། དྲུག་པ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། གུ་རུ་ཤི་རི་སིངྷ། འཆི་མེད་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་ཀརྨ་གླིང་པ། ཐུགས་སྲས་ཉི་ཟླ་ཆོས་རྗེ། འགྲོ་མགོན་སུརྱ་ཙཎཱ། བཀའ་བབས་ཆོས་ཀྱི་རྒྱལ་མཚན། སྤྲུལ་སྐུ་ཐུགས་རྗེ་འོད་ཟེར། འཁྲུལ་ཞིག་བུདྡྷ་མངྒ། རིག་འཛིན་ཀུན་དགའ་གྲགས་པ། གར་དབང་ཀུན་དགའ་བསྟན་འཛིན། རྫོགས་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་ཀརྨ་གླིང་པ་རྒྱལ་སྲས་ཚེ་དབང་གྲགས་པ། སྲས་མཆོག་ངག་དབང་གྲགས་པ། རིག་འཛིན་ཀུན་དགའ་གྲགས་པ། གར་དབང་ཀུན་དགའ་བསྟན་འཛིན། རིག་འཛིན་སྦས་པའི་

[Full Size]

རྣལ་འབྱོར། དྲིན་ཆེན་ཀརྨ་ཆགས་མེད་ལ་སོགས་པ་རྙིང་མ་བརྒྱུད་པའི་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཏེར་སྟོན་བརྒྱ་རྩ་བརྒྱད།། རིག་འཛིན་འཇའ་ཚོན་སྙིང་པོ། ཆོས་རྗེ་རིན་པོ་ཆེ་ལ་སོགས་པ་གཏེར་མ་བརྒྱུད་པ་རྣམས་ཀྱི་ཞལ་དུ་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། རྒྱ་གར་གྱི་རིག་འཛིན་བརྒྱད། གྲུབ་ཆེན་བརྒྱད་ཅུ་རྩ་བཞི། བོད་ཀྱི་རྗེ་འབངས་ཉེར་ལྔ་ལ་སོགས་པ་རྒྱ་གར་གྱི་རིག་འཛིན་གྲུབ་ཐོབ་ཐམས་ཅད་ཁྱད་པར་དབང་ལུང་མན་ངག་གང་ལས་བརྒྱུད་པའི་དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ན་མོ་བྷ་ག་ཝ་ཏེ་ཨ་པ་ར་མི་ཏ་ཨ་ཡུརྫ་ན་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱཿཧཱུྃ་ཧཱུྃ༔ ཨོཾ་མ་ཎི་པདྨེ་ཧཱུྃ། ཨོཾ་བཛྲ་ཝཱ་ར་ཧི་བྷུདྡྷ་ཌཱཀི་ནཱི་ཡེ། བཛྲ་ཝརྞ་ནཱི་ཡེ། བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཡ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧྲཱིཿཡ་ཧཱུྃ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛསིདྡྷི་

[Full Size]

ཕ་ལ་ཧཱུྃ་ཨཱ། ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་ཨར་ཙིག་ནེར་ཅིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ། ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མཉྫ་ཤི་ཡ་མཱནྟ་ཀ་ཡ་མ་རཱ་ཙ་ཧཱུྃ་ཕཊ། ས་པ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། དུ་ཏྲི་ཡ་མ་རཱ་ཙ། ཡ་མ་རཀཱ། ཀྲོ་ཏ་པ་ཙ་ལ་ཏི། ཀཱ་ལ་རཱུ་པ། ཨ་ཀྲོ་རཱ་ཙ། ཡ་མ་རཱ་ཙ་ས་མ་ཡ་ཛ་ཛ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱ༔ཧཱུྃ་བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷརྟུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷོ་ཧཱུྃ། ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་མ་ཧཱ་ཀྲོ་དྷ་པདྨ་ཀྲོ་ཏི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཧཱིཧ་ཧ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་བཛྲ་ཌཱ་ཀི་ནཱི་སིདྷ་མུ་ཁ་ས་པ་རི་ཝཱ་ར་ཨི་དཾ་བ་

[Full Size]

ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་ཨཱ་ཝེ་ཤ་ཡ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨེ་བི་མཱ་ཡཱ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱིཿ མགོན་པོ་ཚེ་དང་ཡེ་ཤེས་དཔག་ཏུ་མེད་པ། བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་དབང་ཕྱུག་རྒྱལ་བ་རྒྱ་མཚོ། རྡོ་རྗེ་ཕག་མོ། རྡོ་རྗེ་རིགས་ཀྱི་སྤྱན་རས་གཟིགས། རིན་ཆེན་རིགས་ཀྱི་སྤྱན་རས་གཟིགས། པདྨ་རིགས་ཀྱི་སྤྱན་རས་གཟིགས། ལས་ཀྱི་རིགས་ཀྱི་སྤྱན་རས་གཟིགས། སངས་རྒྱས་སྤྱན་མ། མཱ་མ་ཀི། གོས་དཀར་མོ། དམ་ཚིག་སྒྲོལ་མ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ་རྣམས་ཀྱི་ཞལ་དུ་འབུལ་ལོ། །བཅོམ་ལྡན་འདས་གུ་རུ་ཞི་དྲག །འཇམ་དཔལ་ཀིང་ཀང་། དམར་ནག །ལས་གཤིན་ཁྲོ་ཆུ་དུག་གདོང་། ཁྱབ་བདག་ནཱ་ག་རཀྟ། དབང་ཆེན་རྟ་མགྲིན་ནག་པོ། གསང་བདག་ཁྱུང་གི་ལྷ་ཚོགས། ཞི་ཁྲོ་དམ་པ་རིགས་བརྒྱ། སྒྲུབ་ཆེན་བཀའ་བརྒྱད་ལྷ་ཚོགས། དཔལ་འཁོར་ལོ་སྡོམ་པ། ཡུམ་མཆོག་རྡོ་རྗེ་ཕག་མོ། མཁའ་འགྲོ་སེང་གེའི་གདོང་ཅན། ཐུགས་

[Full Size]

རྗེ་ཁྲོས་མ་ནག་མོ། ཡི་དམ་རྒྱུད་སྡེ་བཞིའི་ལྷ་ཚོགས། རྒྱལ་བ་རྒྱ་མཚོ། དཔའ་བོ་རྒྱ་མཚོ། དཔའ་མོ་རྒྱ་མཚོ། གྲུབ་ཐོབ་རྒྱ་མཚོ། དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་ཞལ་དུ་འབུལ་ལོ། །མཆོག་ཐུན་མོང་གི་དངོས་གྲུབ་བསྩལ་དུ་གསོལ། ཨོཾ་མ་ཧཱ་ཀཱ་ལ་ཡ་ཧཱུྃ་ཕཊསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཏྲཀ་རཀཱ་མ་ཧི་དུན་བློ་མ་ཧཱ་ཡཀཱ་ཏིཀཱ་ཀཱ་ལི་དུན་བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཀ་ཝུ་བ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཧཱུྃ་ཤྲི་ཡ་དེ་ཝི་ཀཱ་ལི་ཀ་ལི་མ་ཧཱ་ཀཱ་ལི་ཧཱུྃ་བྷོ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་མ་ཧཱ་ཀ་ལ་ཀྵ་ཀྵེ་ཊ་པཱ་ལ། བིབྷཱན་བི་ན་ཡ་ཀ་ཧཱུྃ་ཕཊསྭཱ་ཧཱ། ཀེ་ཊ་པཱ་ལ། ཛི་ན་མི་ཏྲ། ཊཀྐི་རཱ་ཛ་ཀ་ལ་ཏྲཀྵད། རེ་མ་ཏི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་མ་ཧཱ་ཀཱ་ལ་གྷ་ན་གྲུ་རྒྱ་རཾ་ཧཱུྃ་ཛ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀཱ་ལ་སིདྷ་མུ་ཁ་ཧཱུྃ་ཕཊ་ཏྲི་ཧྲིང་ཛ༔ ཌཀི་ནཱི་སི་ན་ར་མ་ཧཱུྃ་ཕཊ༔ ཏྲི་ཧཱུྃ་ཛ༔ ཡ་མ་ར་ཙ་དུ་ཏྲི་ཕུ་ཏྲི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་གྷི་རཱ་ཛ་གྷི་རཱ་ཛ་ཀུ་མ་ཀུ་མ་ཁུམ་ཐིས་སྭཱ་ཧཱ། ས་པ་རི་ཝཱ་ར་

[Full Size]

ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ར་ལི་པྲ་མ་ཡ་ཛ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བྷ་ག་ཝ་ཏི་ཏིཥྛ་རཀྵ་རཀྵ་ས་མ་ཡ་ཧཱུྃ་ཛ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཏྲག་རཀྵ་ཁ་མུན་ཏྲ་མུན་ཏྲ་ཨེ་ཛ་ཏི་སྙིང་ཁ་རཀྵ་བྷྱོ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷེ་ཤ་མ་ན་ཡ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཛམྦྷ་ལ་ཛ་ལེནྡྲ་ཡེ་དྷ་ན་མེ་དྷི་ཧིསཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་སཱ་དྷུ་སཱ་མ་ཡ་ཝཀ་ཏྲ་ཀྲྀ་ཤི་ནི་ཀྲ་མ་ནི་ས་མ་ཡ་སཱ་དྷུ་ཏྲི་ཛ༔ ཛཿཧཱུྃ་བཾ་ཧོ༔ ས་པཱ་རི་ཝཱ་ར་ཨི་དཾ་བ་བཛྲ་སཱ་དྷ་ཏྲི་ཤུ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་མ་མ་ལ་ལ་ལི་ལི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨ་ཀ་ནི་ཙ་ལི་མི་ཐུ་ཕྱི་ལི་རེ་སྭཱ་ཧཱ། པཉྩ་ཌཱ་ཀི་ནཱི། ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཀྲོ་དྷ་ཨཱརྱ་རེ་མན་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཕུ་ཏ་ཕུ་ཏ་མ་ཧཱ་ཀྲོ་དྷ་སིདྡྷི་སིདྡྷི་སྤོ་ཊ་ཡ་ཧཱུྃ་ཕཊ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ནཱ་ག་རཱ་ཛ། བཛྲ་ར་ཙ། ས་མ་ཡ་ཛ་ཛ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀེ་ཏ་ཀེ་ཏ་སྭ་

[Full Size]

ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དུ་བཻ་ཏྲི་ཤུ་ལ་ནཱ་ག་རཱ་ཙ་ཧཱུྃ་ཧཱུྃ་ཛཿཧཱུྃ་བཾ་ཧོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨ་ཡ་མ་དུ་རུ་ཙ་ཤ་ན་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲ་ཏ་པི་ཤ་ཙི་ཨུཏྠ་ད་ཨ་པ་སྨཱ་ར་ཌཱ་ཀ་ཌཱཀི་ནྱ་ད་ཡ། ཨི་དཾ་བ་ལི་གྲི་ཧ་ནན་ཏུ། ས་མ་ཡ་རཀྵནྟུ། མ་མ་སརྦ་སིདྡྷི་མེ་པྲ་ཡཙྪནྟུ། ཡ་ཐེ་པཾ། ཡ་ཐེབྦཾ། བྷ་ཛ་ཐ། ཛི་གྷ་ཐ། པི་བ་ཐ། མ་ཏི་ཀྲ་མ་ཐ། མ་མ་སརྦ་ཀརྟ་ཡ་སད་སུ་ཁཾ་བི་ཤུདྡྷེ་ས་ཧ་ཡི་ཀ་བྷ་ཝནྟུ་ཧུཾ་ཧཱུྃ་ཕཊ་ཕཊ་སྭཱ་ཧཱ། དཔལ་ཡེ་ཤེས་ཀྱི་མགོན་པོ། མ་ཧཱ་ཀཱ་ལ་བདུད་འདུལ་རྡོ་རྗེའི་དེད་དཔོན་འཇིགས་བྱེད་ཆེན་པོ་བེར་ནག་ཅན། དྲེགས་པ་ཕོ་དགུ། མོ་དགུ། ཕྱོགས་སྐྱོང་བའི་མགོན་པོ་བཅུ། དྲེགས་པའི་གཙོ་བོ་བདུན་ཅུ་རྩ་གཉིས། ཡེ་ཤེས་ཀྱི་མགོན་པོའི་ཚོགས། །ལས་ཀྱི་མགོན་པོའི་ཚོགས། འཇིག་རྟེན་མགོན་པོའི་ཚོགས་རྣམས་དང་། དཔལ་ལྷ་མོ་རང་བྱུང་གི་རྒྱལ་མོ་སྲུང་མ་དཔལ་ལྡན་མ། མ་མོ་བདུན། སྲིང་མོ་བཞི། འབར་མ་དགུ། དུས་བཞི་ལྷ་མོ། དམག་གི་རྒྱལ་མོ་བཞི། དབང་ཕྱུག་ཉེར་བརྒྱད་འཁོར་དང་བཅས་པ་རྣམས་དང་།

[Full Size]

གཞན་ཡང་བཀའ་བརྒྱུད་རིན་པོ་ཆེའི་བསྟན་པ་བསྲུང་བར་ཞལ་གྱིས་བཞེས་པའི་ཤྲཱི་མ་ཧཱ་ཀཱ་ལ་ཕྱག་བཞི་པ། བྱ་སེང་ཡུམ་གསུམ། ལེགས་ལྡན་ནག་པོ། །ནག་པོ་སྟོང་། ཤ་ཟ་འབུམ། མ་མོ་བྱེ་བ། གནོད་སྦྱིན་ཁྲི། དུད་པའི་སོལ་བ་མ་མ་མོ་བྱེ་བ་འབུམ་སྡེ། མྱུར་མཛད་ཕྱག་དྲུག་པ། རེ་མ་ཏི་དང་གནོད་སྦྱིན་བཞི། དཔལ་མགོན་མ་ནིང་སྡེ་ལྔ། སྲོག་བདུད་དཔལ་འབར་ཡང་ཁོལ་སྡེ་བརྒྱད། དཔལ་དུར་ཁྲོད་བདག་པོ་ཡབ་ཡུམ། དཀོར་བདག་ངན་ནེ་མ། གཉེན་མགོན་སྲིན་མགོན་ཡབ་ཡུམ། སྔགས་ཀྱི་སྲུང་མ་ཕྱི་ནང་གསང་གསུམ། རྒྱལ་ཆེན་རྣམ་སྲས་རིགས་བརྒྱད། གནོད་སྦྱིན་བྱེ་བ་འབུམ་སྡེ། གཏེར་བདག་ཛཾ་བྷ་ལྷ་རིགས་ལྔ། དམ་ཅན་མགར་བ་དམར་ནག །མཆེད་ལྷ་སུམ་བརྒྱ་དྲུག་ཅུ། རྡོ་རྗེ་འོད་འབར་མ་མཆེད་ལྔ། བཀྲ་ཤིས་ཚེ་རིང་མ་མཆེད་ལྔ། ཨཱརྱ་རེ་མན། སྔགས་བདག་ཡེ་ཤེས་ཀླུ་བརྒྱད། སྨྱོ་ཁ་རྡོ་རྗེ་རྒྱལ་པོ། དྲང་སྲོང་ཁྱབ་འཇུག་དམར་ནག །གཏེར་སྲུང་སྤུ་གྲི་མཆེད་གསུམ། དྲེགས་པའི་སྡེ་དཔོན་སུམ་ཅུ། མྱུར་མགྱོགས་དྲེགས་པ་ཉི་ཤུ། སྔགས་བདག་དྲེགས་ཆེན་བཅོ་

[Full Size]

བརྒྱད། ཕྱི་ནང་གསང་བའི་སྡེ་བརྒྱད་ལ་སོགས་པ། བཀའ་སྲུང་དམ་ཅན་རྒྱ་མཚོའི་ཚོགས་རྣམས་ལ་འབུལ་ལོ། །སངས་རྒྱས་མཁའ་འགྲོ། རྡོ་རྗེ་མཁའ་འགྲོ། རིན་ཆེན་། མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ། སྣ་ཚོགས་མཁའ་འགྲོ། འཇིག་རྟེན་མཁའ་འགྲོ། གནས་ལས་སྐྱེས་པ། རིག་ལས་སྐྱེས་པ། ཞིང་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པ། ལྷན་ཅིག་སྐྱེས་པའི་ལྷ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གནས་དང་ཉེ་བའི་གནས། ཞིང་དང་ཉེ་བའི་ཞིང་། ཚནོ་དང་ཉེ་བའི་ཚནོ། འདུ་བ་དང་ཉེ་བའི་འདུ་བ། འཐུང་སྤྱོད་དང་ཉེ་བའི་འཐུང་སྤྱོད། དུར་ཁྲོད་དང་ཉེ་བའི་དུར་ཁྲོད། གནས་ཉི་ཤུ་རྩ་བཞི། ཡུལ་སུམ་ཅུ་སོ་གཉིས། དུར་ཁྲོད་ཆེན་པོ་བརྒྱད་ལ་སོགས་པའི་དཔའ་བོ་མཁའ་འགྲོ་ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཕྱོགས་སྐྱོང་བཅུ་ལ་སོགས་པ་འཇིག་རྟེན་སྐྱོང་བ་རྣམས་ཀྱི་ཞལ་དུ་ཨོཾ་ཨཱཿཧཱུྃ། རྒྱ་གར་རྡོ་རྗེ་གདན། རྒྱ་ནག་རི་བོ་རྩེ་ལྔ། ནུབ་ཕྱོགས་ཨོ་རྒྱན་ཡུལ། བྱང་ཤམ་བྷ་ལ། དཔལ་ལྡན་འབྲས་སྤུང་གི་མཆོད་རྟེན། ལྷོ་ཕྱོགས་དཔལ་གྱི་རི་བོ། བྲི་ན་ལེནྡ། བི་ཀ་

[Full Size]

མ་ལ། ཤི་རིའི་གཙུག་ལག་ཁང་ལ་སོགས་པ་གྲུབ་ཆེན་རྣམས་ཀྱིས་བྱིན་གྱིས་བརླབས་པའི་གནས་རྣམས་སུ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ལྷོ་གྲོ་བོ་ལུང་། འབྲོག་ལ་ཕྱི་ཆུ་བར། ཇོ་མོ་བཀྲ་ཤིས་ཚེ་རིང་མཆེད་ལྔ། ཤར་དྭགས་ལ་དཔལ་གྱི་སྒམ་པོ། སྟོད་ལུང་མཚུར་ཕུ། ཀམ་པོ་གནས་ནང་་ཀརྨ་རི་གླིང་། ཤར་ཕྱོགས་སྤུང་རི། ལྷོ་གནས་མཆོག་དཔལ་གྱི་ཙཱ་རི་ཏྲ། གངས་དཀར་གྱི་རྒྱལ་པོ་ཏི་སེ། མཚོ་མ་ཕམ། བལ་ཡུལ་འཕགས་པ་ཤིང་ཀུན། །ཤིང་ཀི་རིའི་མཆོད་རྟེན། རོང་བཙན་ཁ་བ་དཀར་པོ། ཆོས་འཁོར་ལྷ་ས། དཔལ་གྱི་བསམ་ཡས། ཀུན་ཏུ་བཟང་པོའི་ནགས་ཁྲོད། ལུང་ལྔ་ལྗོངས་གསུམ་གླིང་བཞི། སྒྲུབ་གནས་བརྒྱད། གངས་ཉི་ཤུ་རྩ་གཅིག །གནས་ཆེན་བརྒྱད། གནས་ཕྲན་སྟོང་རྩ་གཉིས་ལ་སོགས་པ་གངས་རི་ཁྲོད་ཀྱི་སྒྲུབ་གནས་བྱིན་རླབས་ཅན་རྣམས་སུ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། བསྟན་པ་རིན་པོ་ཆེ་དར་ཞིང་རྒྱས་པ་དང་། བདག་གི་ཕྲིན་ལས་རྣམ་བཞི་འགྲུབ་པ་དང་། བར་ཆད་མི་མཐུན་པའི་ཕྱོགས་

[Full Size]

རྣམས་བསལ་དུ་གསོལ། འདིར་མི་དག་མ་སོགས་ཚན་གསུམ་འདོན། བླ་མ་རྡོ་རྗེ་སློབ་དཔོན་དང་། །ཡི་དམ་ལྷ་ཚོགས་མ་ལུས་དང་། །ཆོས་སྐྱོང་སྲུང་མ་ཐམས་ཅད་ལ། །མཆོག་གི་གཏོར་མ་འདི་འབུལ་ལོ། །ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །གཟའ་ཆེན་བརྒྱད་པོ་འཁོར་དང་བཅས། །གནོད་སྦྱིན་བརྒྱད་པོ་ང་དང་བཅས། །ཕྱོགས་བཅུ་སྐྱོང་བ་འཁོར་དང་བཅས། །རྒྱལ་ཆེན་བཞི་པོ་འཁོར་དང་བཅས། །རྒྱུ་སྐར་ཉེར་བརྒྱད་འཁོར་དང་བཅས། །བརྟན་མ་བཅུ་གཉིས་འཁོར་དང་བཅས། །།འབུམ་ཕྲག་ཡངས་པའི་ཌཱཀི་དང་། །དྲག་པོ་ཞིང་སྐྱོང་ཉེར་བཞི་དང་། །ཞིང་སྐྱོང་ཆེན་པོ་བརྒྱད་རྣམས་དང་། །མཁའ་འགྲོ་སུམ་ཅུ་སོ་གཉིས་སོགས། །ལྷ་ཀླུ་སྦྱིན་སྲིན་པོ་དང་། །འབྱུང་པོ་ཡི་དྭགས་ཤ་ཟ་སོགས། །སྨྱོ་བྱེད་བརྗེད་བྱེད་མཁའ་འགྲོ་མ། །མ་མོའི་ཚོགས་རྣམས་མ་ལུས་དང་། །སྡེ་བརྒྱད་ཡུལ་ལྷ་གཞི་བདག་དང་། །སྨན་མོ་གནས་བདག་ལ་སོགས་པ། །གཏོར་མགྲོན་ཚོགས་རྣམས་མ་ལུས་ཀུན། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་

[Full Size]

ལོ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་འགྲུབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་དང་། །བདེ་ལེགས་ཕུན་སུམ་ཚོགས་པ་དང་། །ཡིད་ལ་འདོད་པ་ཀུན་འགྲུབ་མཛོད། །སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད། །དགེ་འདུན་སྡེ་སྐྱོང་རྣལ་འབྱོར་སྐུ་ཚེ་སྤེལ། །སྙན་པའི་དར་ལྕོར་གྲགས་པའི་དུང་བུས་ལ། །འཁོར་དང་ལོངས་སྤྱོད་རྒྱས་པ་ཉིད་དུ་མཛོད། །རྒས་མེད་ལང་ཚོ་རྒྱས་པའི་ལུས་སྟོབས་རྒྱས། །མིག་ལ་ཡ་མཚན་ལྟད་མོས་དགའ་བ་དང་། །རྣ་བར་རྟག་ཏུ་སྙན་པའི་གཏམ་ཐོས་ཤིང་། །དྲི་ཞིམ་ངད་པ་སྣ་དང་མི་འབྲལ་བར། །

[Full Size]

ཟས་སྐོམ་འབྱོར་པས་རོ་འཛིན་ཚིམ་བྱེད་ཅིང་། །ལུས་ལ་རེག་བྱ་བདེ་བ་ཁོ་ནས་འཚོ། །ཡིད་ལ་རྣམ་པར་བཀྲ་བའི་ཤེས་རབ་དང་། །ཟག་མེད་བདེ་བས་ནམ་ཡང་ངོམ་པར་མཛོད། །ཁྱོད་གསོལ་ཁྱོད་བརྟེན་ཁྱོད་མཆོད་ཁྱོད་རྦད་ན། །མཐུ་རྩལ་མ་ཆུང་བརྩེ་གདུང་ཆེ་བར་མཛོད། །གཞི་ལ་བཀྲ་ཤིས་ཕུན་ཚོགས་ལོངས་སྤྱོད་ལྡན། །བྱེས་སུ་ལམ་ལྷོ་འཕྲང་ཆུ་ལས་སྒོལ་འདོན་མཛོད། །འཇིགས་པའི་དགྲ་ཇག་ཆོམ་རྐུན་འཚེ་བ་སྐྱོབས། །མདོར་ན་བསམ་དོན་ཡིད་བཞིན་འགྲུབ་པར་མཛོད། །བདག་དང་མཐའ་ཡས་སེམས་ཅན་ཐམས་ཅད་ཀྱི། །བླ་མེད་རྫོགས་པའི་བྱང་ཆུབ་སྒྲུབ་པ་ལ། །འགལ་རྐྱེན་བར་ཆད་མ་ལུས་ཞི་བ་དང་། །མཐུན་རྐྱེན་བསམ་དོན་ལྷུན་གྱིས་འགྲུབ་པར་མཛོད། །སྲིད་ཞིའི་དཔལ་འབྱོར་མ་ལུས་འབྱུང་བའི་གཞི། །ཐུབ་པའི་བསྟན་པ་ཡུན་རིང་གནས་པ་དང་། །དེར་འཛིན་བྱེད་པའི་སྐྱེས་བུ་དམ་པ་རྣམས། །དཔལ་འབྱོར་གྱིས་བརྒྱན་ཡུན་རིང་ཞབས་བརྟན་ཤོག །བདག་ཅག་སློབ་དཔོན་ཡོན་མཆོད་འཁོར་བཅས་ལ། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །དོན་རྣམས་ཐམས་ཅད་ཡིད་བཞིན་འགྲུབ་པ་དང་། །འགྲོ་

[Full Size]

བའི་དོན་ལ་མཐུ་དང་ལྡན་པར་མཛོད། །ཆུ་བཞི་ཉེར་སྤྱོད་རྣམ་ལྔ་རོལ་མོ་དང་། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ནང་གི་མཆོད་པ་རིག་མ་་བཅུ་དྲུག་སོགས། །ཕྱི་ནང་གསང་བའི་མཆོད་པ་དུ་མ་སོགས། །སྐྱེད་ཚལ་གཞལ་མེད་ཁང་པ་དཔག་བསམ་ཤིང་། །གཏེར་གྱི་བུམ་པ་ཁྲུས་རྫིང་པད་མར་བཅས། །འབྲུ་སྨན་རིན་ཆེན་རྩི་བཅུད་བང་མཛོད་དང་། །གོས་དར་ཁྲི་སྟན་བཞོན་པ་བྲན་འཁོར་འབུལ། །ཨོཾ་ཤྲཱི་མན་གུ་རུ་དེ་ཝ་ཌཱ་ཀི་ནཱི་དྷརྨ་པ་ལ་ས་པ་རི་ཝཱ་ར་ཨཧཱུྃ་ནས། ཤཔྟ་སརྦ་པཱུ་ཛ་པྲ་ཏིཙྪ་ཨཱཿཧཱུྃ་སྭཱ་ཧཱ། ཨོཾ་སྐུ་ལ་ཚད་མེད་བགྲང་དུ་མེད། །ནམ་མཁའ་དང་ནི་མཉམ་འབྱུང་ཞིང་། །སྣ་ཚོགས་དབང་ཕྱུག་མི་ཤིགས་པ། །རྡོ་རྗེའི་སྐུ་ལ་ཕྱག་འཚལ་བསྟོད། །ཨཱབརྗོད་དུ་མེད་པའི་ངང་ཉིད་ལས། །ཚངས་པ་ལ་སོགས་སྙན་པའི་དབྱངས། །ཕྱོགས་བཅུ་ཀུན་ཏུ་སྒྲོག་མཛད་པ། །རྣམ་དག་གསུང་ལ་ཕྱག་འཚལ་བསྟོད། །ཧཱུྃ་ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་ལ་སོགས་པའི། །རྟོག་པ་ཀུན་ལས་རྣམ་གྲོལ་བའི། །ཡེ་ཤེས་ཐུགས་ལ་ཕྱག་འཚལ་བསྟོད། །བསྟོད་པར་འོས་པ་ཐམས་

[Full Size]

ཅད་ལ། །སོགས་བརྗོད་པར་བྱའོ། །འདི་ན་གེལ་པ་འདོན། ཞེས་ཀརྨ་ཨཱ་རཱ་གས་སྦྱར་བ་དགེ་ལེགས་འཕེལ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས་འོག་དམ་ཅན་རྒྱ་མཚོའི་གཏོར་འབུལ།

[Full Size]

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས་འོག་དམ་ཅན་རྒྱ་མཚོའི་གཏོར་འབུལ་བཞུགས་སོ།།

[Full Size]

དཀར་གཏོར་དམར་གཏོར་གཉིས་བཤམས། དཀར་གཏོར་གནམ་ཆོས་ལས་བྱུང་བ་ལྟར་བསྔོ་ཞིང་དཀར་ལ་དགའ་བ་ཐམས་ཅད་ལ་དམིགས། དམར་གཏོར་བྲན་ལ། ན་མོ་རྩ་བརྒྱུད་སོགས། ཤ་ཁྲག་བདུད་རྩི་གྱུར་པ་སྲུང་མས་རོལ། ཨོཾ་ཨཱཿཧཱུྃ་ཧ་ཧོ་ཧི་རོ་བཅུད་ནུས་པ་ཕུན་སུམ་ཚོགས་པར་བསམས་ལ། ཨོཾ་མ་ཧཱ་ཀཱ་ལི་ཀཱ་ལི་སརྦ་དྷརྨ་པ་ལ་དགྲ་བགེགས་ཀྱི་སོགས བྷ་ལིཾ་ཏ་ཁཱ་ཧི། ཧཱུྃ། གསོན་ཅིག་མ་ཧཱ་ཀཱ་ལ་ཆེ། གསོན་ཅིག་རྣལ་འབྱོར་དབང་ཕྱུག་མ། །གསོན་ཅིག་གཤིན་རྗེ་ཕོ་མོའི་ཚོགས། །གསོན་ཅིག་ཕོ་རྒྱུད་མོ་རྒྱུད་ཚོགས། །ལྕམ་དྲལ་ཁྱེད་རྣམས་བཀའ་འཁོར་ན། །ཤ་ཟ་ཁྲག་འཐུང་བྱེ་བ་

[Full Size]

སྟོང་། །ཁྱད་པར་སྲོག་གཅོད་ཤན་པ་བརྒྱ། །ཕྱོགས་རྣམས་སྐྱོང་བའི་མགོན་པོ་བཅུ། །དྲེགས་པའི་གཙོ་བོ་བདུན་ཅུ་གཉིས། །ཁྱད་པར་མྱུར་མགྱོགས་རྩལ་ལྡན་གསུམ། །མ་བདུན་སྲིང་བཞི་འབར་མ་དགུ། །དུས་ལ་འཆར་བའི་ལྷ་མོ་བཞི། །དམག་གི་རྒྱལ་མོ་ཆེན་མོ་བཞི། །དབང་ཕྱུག་ཉེར་བརྒྱད་བརྟན་མར་བཅས། །གཞན་ཡང་སྤྲུལ་པ་ཡང་སྤྲུལ་ཚོགས། །ཁྲོ་ཆུ་དུག་གདོང་ལས་གཤིན་དྲུག །ཀིང་ཀང་དམར་ནག་དྲེགས་པའི་ཚོགས། །འཆར་ཁ་ནག་པོ་མ་གཤིན་ཚོགས། །སེང་གདོང་ལྷ་མོ་ཌཱཀྐིའི་ཚོགས། །ཕྱག་བཞི་བྱ་

[Full Size]

སེང་ཡུམ་དང་འཁོར། །མྱུར་མཛད་མགོན་པོ་གནོད་སྦྱིན་བཞི། །མ་ནིང་སྲོག་བདུད་ཏྲཀྐད་བཅས། །སེང་གདོང་ཡབ་ཡུམ་བམ་རོ་བཅས། །སྲིན་མགོན་གཉན་མགོན་དབང་རྒྱུཕྱུག་བཅས། །བྲག་མགོན་མདུང་འཛིན་རྟ་ནག་དྲེགས། །སྔགས་སྲུང་ཤན་པ་དམར་ནག་དང་། །ཁ་མོ་ཆེ་དང་ངན་ནེ་མ། །དུར་ཁྲོད་བདག་པོ་ཡབ་ཡུམ་བཅས། །ཚེ་རིང་མཆེད་ལྔ་ཨ་ཕྱི་མ། །ཚོགས་བདག་སྔགས་བདག་དྲེགས་པ་ཀླུ། །རེ་མ་ཏི་དང་རཱ་ཧུ་ལ། །འབར་བ་སྤུན་བདུན་རྡོ་རྗེ་རྒྱལ། །སྨྱོ་ཁ་མཁའ་རི་ཐང་ལྷ་འབར། །།ཐང་ལྷ་དྲེགས་པ་སུམ་སྒྲིལ་དང་། །ལུང་བཙན་བེག་རྩེ་སྤུ་གྲི་མཆེད། །མ་མགོན་སྡེ་བརྒྱད་ཇག་མེ་དང་། དྲེགས་ཆེན་བཅོ་བརྒྱད་ཨ་ཙ་ར། །དྲེགས་པ་ཉི་ཤུ་རླུང་ལྷར་འཚུབ། །སྡེ་དཔོན་སུམ་ཅུ་སྡེ་འཁོར་བཅས། །དགེ་བསྙེན་ཉེར་གཅིག་སྤྲུལ་པའི་ཚོགས། །བྱ་ནག་ཚོགས་དང་ཁྱི་ནག་ཚོགས། །གཅན་གཟན་མཁའ་ལྡིང་གདུག་པའི་ཚོགས། །ནམ་མཁའ་ས་བགཞི་བར་སྣང་གང་། །འཇིགས་རུང་རྔམ་པའི་ང་རོ་ཅན། །མི་བཟོད་མཚོན་ཆའི་ཆར་པ་འབེབས། །འདིར་གཤེགས་བཀའ་ཡི་གཏོར་མ་ལོངས། །དེ་རིང་དཔལ་ཆེན་དམ་ལ་

[Full Size]

འདུས། །བདེ་གཤེགས་བསྟན་པ་རིན་ཆེན་འདི། །ཁྱོད་ཀྱིས་བསྲུང་བྱ་མ་ཡིན་ནམ། །དམ་ཉམས་ལོག་པར་བལྟ་བ་འདི། །ཁྱོད་ཀྱིས་བསྒྲལ་བྱ་མ་ཡིན་ནམ། །ཆོས་བཞིན་སྤྱོད་པའི་སྒྲུབ་པ་པོ། །ཁྱོད་ཀྱིས་སྐྱོང་བྱ་མ་ཡིན་ནམ། །དམ་རྫ་ས་དམར་གྱི་གཏོར་མ་འདི། ཁྱོད་ཀྱིས་བླང་བྱ་མ་ཡིན་ནམ། །སྔོན་ཚེ་དཔལ་ཆེན་སྤྱན་སྔ་རུ། ཁས་བླངས་དམ་བཅས་མི་དྲན་ནམ། །པདྨ་ཐོད་ཕྲེང་ལ་སོགས་པའི། །རིག་འཛིན་བཀའ་ལ་མི་བརྩི་འམ། །།རྩ་བར་བརྒྱུད་པའི་བླ་མ་ཡི། །བཀའ་དང་དམ་ལ་མི་གནས་སམ། །ད་ལྟ་རྣལ་འབྱོར་བདག་ཅག་གིས། །གདུང་བའི་གསོལ་བཏབ་མི་གསན་ནམ། །ཧཱུྃ། མ་གཡེལ་མ་གཡེལ་ལྷ་ཆེན་པོ། །མ་གཡེལ་མ་གཡེལ་དཔལ་ལྷ་མོ། །མ་གཡེལ་མ་གཡེལ་ཆོས་སྐྱོང་ཚོགས། །མ་གཡེལ་མ་གཡེལ་བཀའ་སྡོད་ཚོགས། །གཡབ་པའི་ཚེ་ན་སྤྱན་མ་རྟུལ། །བོས་པའི་ཚེ་ན་སྙན་མ་སྲ། །བརྟེན་པའི་ཚེ་ན་རྒྱང་མ་རིང་། །བསྐུལ་བའི་ཚེ་ན་མཐུ་མ་ཆུང་། །རྦད་པའི་ཚེ་ན་རྩལ་མ་ཞན། །ད་དུས་སྙིགས་མ་ལྔ་ཡི་དུས། །ནག་པོའི་སྤྱོད་པ་ཁ་དར་བས། །སངས་རྒྱས་བསྟན་པ་

[Full Size]

འཇིག་ལ་ཁད། །དཀོན་མཆོག་དབུ་འཕང་སྨད་ལ་ཐུག །དམ་ཉམས་ལོག་པར་ལྟ་བ་འདིས། །ངན་སོང་གསུམ་གྱི་ས་བོན་སྒྲུབ། །འདི་ལ་ཆོས་སྐྱོང་ཁྱེད་རྣམས་ཀྱིས། །བྱམས་པའི་ཐུགས་ཀྱིས་བཟོད་ཕོད་དམ། །བསྐུལ་ལོ་བསྐུལ་ལོ་ཁྲོས་པར་བསྐུལ། །བཞེངས་ཤིག་བཞེངས་ཤིག་རྔམ་པར་བཞེངས། །རྒྱུག་ཅིག་རྒྱུག་ཅིག་རིངས་པར་རྒྱུགས། །མཛོད་ཅིག་མཛོད་ཅིག་ལས་མཛོད་ཅིག །འབར་བའི་ལྕགས་ཀྱུས་སྙིང་ནས་ཟུངས། །བདུད་ཀྱི་ཞགས་པས་དམ་དུ་ཆིངས། །ལྕགས་སྒྲོག་འབར་བས་གནས་ལྔ་སྡོམས། །དྲིལ་ཆེན་སྒྲ་ཡིས་མྱོས་པར་གྱིས། །ཧཱུྃ། སྲུང་བྱེད་འབར་བའི་ལྕགས་ཁང་ནང་། །འདེབས་བྱེད་ཁྲོ་ཆེན་ཕུར་པའི་དབལ། །དྲག་པོ་གསོད་བྱེད་ཐུན་གྱི་ཆར། །གནོད་བྱེད་དགྲ་བགེགས་མཱ་ར་ཡ། །གཅོད་བྱེད་རལ་གྲི་རྣོ་བའི་མཚོན། །རྡུང་བྱེད་ཐོ་བ་གཏུན་ཤིང་ཚོགས། །འབིགས་བྱེད་མདའ་དང་མདུང་རྣམས་ཀྱིས། །སྡང་བའི་དགྲ་བགེགས་མཱ་ར་ཡ། །ཧཱུྃ། ལྕམ་དྲལ་བཀའ་སྲུང་ཐམས་ཅད་ཀྱིས། །སྡང་བྱེད་དམ་ཉམས་དགྲ་བགེགས་འདིས། །དབང་པོ་ལྔ་ལ་ཁ་རཾ་ཁཱ་ཧི། །རྣམ་ཤེས་བརྒྱད་ལ་ཁ་རཾ་ཁཱ་ཧི།

[Full Size]

འབྱུང་བ་ལྔ་ལ་ཁ་རཾ་ཁཱ་ཧི། །ཤ་ཁྲག་རུས་ལ་ཁ་རཾ་ཁཱ་ཧི། །དོན་སྙིང་ལྔ་ལ་ཁ་རཾ་ཁཱ་ཧི། །སྲོག་དང་དབུགས་ལ་ཁ་རཾ་ཁཱ་ཧི། །སྡང་བྱེད་དགྲ་བོ་བྱད་མ་འདིས། །འགོ་བའི་ལྷ་ལ་ཁ་རཾ་ཁཱ་ཧི། །སྲུང་བའི་མགོན་ལ་ཁ་རཾ་ཁཱ་ཧི། །བྱམས་པའི་ཕ་མ་ལ་ཁ་རཾ་ཁཱ་ཧི། །མཐུན་པའི་ཉེ་དུ་ལ་ཁ་རཾ་ཁཱ་ཧི། །བརྩེ་བའི་གྲོགས་བཤེས་ལ་ཁ་རཾ་ཁཱ་ཧི། །ཕན་པའི་གཉེན་ཡ་ལ་ཁ་རཾ་ཁཱ་ཧི། །འཁོར་བའི་བྲན་གཡོག་ལ་ཁ་རཾ་ཁཱ་ཧི། །ཤ་ལ་དགའ་བའི་སྲུང་མ་རྣམས། །དགྲ་བགེགས་ཤ་ལ་ད་ཟོ་ཅིག །ཁྲག་ལ་རྔམས་པའི་ཕོ་ཉ་རྣམས། །དགྲ་བགེགས་ཁྲག་ལ་ད་འཐུང་ཅིག །གསོད་ལ་དགའ་བའི་ཤན་པ་རྣམས། །གནོད་བྱེད་དགྲ་བགེགས་ད་སོད་ཅིག །གཅོད་ལ་དགའ་བའི་རྔོན་པ་རྣམས། །དགྲ་བགེགས་སྲོག་རྩ་ད་ཆོད་ཅིག །ཧཱུྃ། བྱམས་པ་ཆེན་པོས་བསྒྲལ་བའི་ལས། །འདི་ནི་བྱང་ཆུབ་མཆོག་གི་རྒྱུ། །བསྒྲལ་བར་བྱ་བ་མི་དམིགས་པས། །བསྒྲལ་དང་སྒྲོལ་བྱེད་དབྱིངས་སུ་ཞི། །གཏོར་མ་བཀྱག་གམ་ཕྱིར་བསྒྱུར་ལ། ཐྩོ༔ རྡོ་རྗེ་གར་གྱི་སྐག་ཟློག་མ། །ཤར་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་

[Full Size]

མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །རིན་ཆེན་གར་གྱི་སྐག་ཟློག་མ། །ལྷོ་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །པདྨ་གར་གྱི་སྐག་ཟློག་མ། །ནུབ་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །ལས་ཀྱི་གར་གྱི་སྐག་ཟློག་མ། །བྱང་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །གཞན་གྱིས་ཕུར་ཆེན་འདེབས་པ་ཟློག །ཚེ་ཟོར་ཡུངས་ཟོར་འཕེན་པ་ཟློག །གཤིན་རྗེས་འཁོར་ལོ་བསྐོར་བ་ཟློག །བདུད་ཀྱིས་ཁྲམ་ལ་བཏབ་པ་ཟློག །མ་མོས་ཁྲག་ཟོར་འཕེན་པ་ཟློག །ཀླུ་ཡིས་བྱད་དུ་བཅུག་པ་ཟློག །ཕོ་ཉས་བླ་སྲོག་འཕྲོག་པ་ཟློག །ཐེའུ་རང་ཚེ་ལ་བརྐུ་བ་ཟློག །མུ་སྟེགས་ངན་སྔགས་བྱེད་པ་ཟློག །ཞང་ཞུང་ཇོ་ཟོར་འཕེན་པ་ཟློག །བོན་པོའི་སྔགས་ལོག་བསྒྲུབས་པ་ཟློག །སུམ་པས་གླིང་ཟོར་འཕེན་པ་ཟློག །སྐྱེས་པས་མདའ་ཟོར་འཕེན་པ་ཟློག །བུད་མེད་དམོད་ཟོར་འཕེན་པ་ཟློག །ལྟས་ངན་བརྒྱད་ཅུ་རྩ་གཅིག་

[Full Size]

ཟློག །ཡེ་འདྲོག་སུམ་བརྒྱ་དྲུག་ཅུ་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །བྱིས་པའི་གདོན་ཆེན་བཅོ་ལྔ་ཟློག །བཟློག་གོ་དམར་ཆེན་གཏོར་མས་*ཟློག །བསྒྱུར་རོ་ལྟས་ངན་དགྲ་ལ་སྒྱུར། །གཏོར་མ་ཕྱིར་ཁྱེར་བཅུག་ཅིང་། ཨོཾ་ལོཀ་ཏྲི་པཱ་ལ་ནན། ས་ག་པ་ཤ་ནན། ནཱ་ག་དུ་དུ་ནན། མ་མཾ་མ་མཾ། ཙི་ཙ་ར་ཙི་ཙ་ར། ཐཾ་རུ་ལུ་ཁཾ་རུ་ལུ། རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ། ཧོ་ར་ཧོ་ར། ཙི་དུ་སོད་ཙི་དུ་སོད། ཤིག་ལྷུ་རུ་གཏུབས། ཧ་ལ་པ་ཏི་ནན། འཁོར་བ་དུལ། བདག་གི་གནོད་བྱེད་ཀཱ་ཝཱ་ཙི་བརླག་བརླག །ཅེས་རོལ་མོ་དྲག་ཏུ་བྱའོ། །གཏོར་སྣོད་ཚུར་ལམ་ཁ་ནང་དུ་བསྟན་ཏེ་ཁྱེར་ནས་མདུན་དུ་སྤྲུབ་ལ། ན་མོ་དཀོན་མཆོག་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་བྱད་མ་དམ་སྲི་ཐམས་ཅད་ས་རིམ་པ་དགུ་ཡི་ས་འོག་ལྕགས་སྒྲོམ་གྲུ་གསུམ་མེ་འབར་བའི་ནང་དུ་ཚུད་པའི་སྟེང་དུ་གཏོར་སྣོད་སུམ་རིམ་ལས་རི་རབ་སྣ་ཚོགས་རྡོ་རྗེས་མཚན་པ་གཅིག་གིས་བསྐལ་པའི་བར་དུ་མནན་པར་གྱུར། ཧཱུྃ། ཐུགས་རྗེའི་འགྲོ་འདུལ་དཀྱིལ་འཁོར་དུ། །བར་ཆད་དམ་སྲི་འདུལ་བའི་ལྷ། །ཁྲོ་བོའི་རྒྱལ་པོ་རྟ་མཆོག་དཔལ། །དབང་ཆེན་རྔམས་

[Full Size]

པའི་སྒྲ་སྒྲོག་ཅིང་། །དཔལ་གྱི་རྟ་སྐད་ཙེ་རེ་རེ། །ཁྲོ་བོའི་འབྲུག་སྒྲ་དྷི་རི་རི། །རོལ་པའི་རྟ་བྲོ་ཆེམས་སེ་ཆེམ། །བར་ཆད་དམ་སྲི་རྡུལ་དུ་རློག །ཨོཾ་ཧིཔདྨནྟ་ཀྲི་ཏ་བཛྲ་ཀྲོ་དྷ་བྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ གནོད་བྱེད་དམ་སྲི་སྟམྦྷ་ཡ་ནན། ཞེས་གཏོར་བྲོ་བརྡུང་ལ། གཏོར་གཞོང་ཁ་གྱེན་དུ་ཟེད་ལ་དངོས་གྲུབ་ཀྱིས་གང་བར་བསམས་ལ། སརྦ་སིདྡྷི་ཕ་ལ་ཨ་ལ་ལ་ཧོ། ཞེས་མགོན་པོའི་གཞུང་གི་བསྐུལ་པ་ལ་ལྷ་འགའ་ཞིག་གི་མཚན་རྣམས་བསྣན་པ་དང་། དགྲ་བོ་ཟེར་བ་དགྲ་བགེགས་བསྒྱུར་བ་ཙམ་བྱས་ཏེ་གཏོར་འབུལ་ཉུང་བསྡུས། གོང་གི་བཀུག་གཞུག་བྱང་བདག་ཆེན་པོས་མཛད་པ་དང་། བསྒྲལ་དམིགས་རྟ་མགྲིན་ལས་རིམ་བདུན་པ་ལས་བྱུང་བ་ཚིགས་བཅད་དུ་ཕབ་སྟེ། བླ་མ་དོན་གྲུབ་ནས་བསྐུལ་ངོར་སྔགས་འཆང་རྣལ་འབྱོར་པ། ༧ རཱ་ག་ཨ་སྱས་འཕྲལ་དུ་བྲིས་པ་ལ་འགལ་འཁྲུལ་ཉེས་པ་གང་མཆིས་ལྷ་དང་སྲུང་མའི་ཚོགས་ལ་བཤགས། དགེ་བས་རྒྱལ་བའི་བསྟན་པ་འཕེལ་ཞིང་རྒྱས་པར་གྱུར་ཅིག །སརྦ་མངྒ་ལཾ། དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས་འོག་དམ་ཅན་རྒྱ་མཚོའི་གསོལ་ཁ།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས་འོག་དམ་ཅན་རྒྱ་མཚོའི་གསོལ་ཁ་བཞུགས་སོ།།

[Full Size]

ཨོཾ་ཨ་མྲྀ་ཏེ་ཧཱུྃ་ཕཊ་ཀྱིས་བསངས། ཨོཾ་སྭ་བྷ་ཝ་ཤུདྡྷོསརྦ་དྷརྨ་སྭ་བྷ་ཤུདྡྷོཉཧཾ་གིས་སྦྱངས། སྟོང་པའི་ངང་ལས་ཨ་ལས་བྱུང་བའི་མགོ་བོའི་སྣོད་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔ་ཞུ་ཤིང་། ཡེ་ཤེས་ཀྱི་བདུད་རྩི་དང་གཅིག་ཏུ་འདྲེས་པར་གྱུར་པའི་གཏོར་མ་རྣམས་དང་། །ཧཱུྃ་ཡིག་ནག་པོ་དཔག་ཏུ་མེད་པ་ལས་བྱུང་བའི་སྒྲུབ་པའི་རྫས་མཆོད་པའི་རྫས་བསྐང་བའི་རྫས་རྟེན་པའི་རྫས་ལ་སོགས་པ་མཆོད་པའི་སྤྲིན་རབ་འབྱམས་ནམ་མཁའི་དབྱིངས་དང་མཉམ་པར་གྱུར། ཨོཾ་བཛྲ་ཨགྷཾ་ཨཱཿཧཱུྃ། དེ་བཞིན་ཏུ། པཱདྱཾ༴ པུཥྛ༴ དྷ་པེ༴ ཨཱ་ལོ་ཀེ༴ གནྡྷེ༴ ནེ་ཝི་

[Full Size]

དྱ༴ ཤབྟ་ཨཱཿཧཱུྃ། ཨོཾ་མ་ཧཱ་མཱ་ས། རཀྟ། ཙིཏྟ། བ་སུ་ཏ། མཉྩ་མེ་ཙི། གོ་རོ་ཙ་ན། ཨ་མྲྀ་ཏ། སུ་ར་ཏ། བ་ལི་ཏ། ཀིཾ་ནི་རི་ཏི་ཨོཾ་ཨཱཿཧཱུྃ། ཞེས་བྱིན་གྱིས་བརླབས། ཧཱུྃ། རང་བཞིན་རྣམ་དག་དབྱིངས་ཉིད་ལས། །ཐུགས་རྗེས་རབ་སྤྲུལ་སྤྲུལ་པའི་སྐུ། །སྐྱེ་མེད་ངང་ལས་འཇིགས་ཆེན་སྐུ། །བསྟན་པ་གཉེན་པོ་བསྲུང་བའི་ཕྱིར། །མི་འདའ་ཐུགས་རྗེས་རྩེ་གཅིག་གིས། །དཔལ་ལྡན་མགོན་པོ་ནག་པོ་ཆེ། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །བྱ་རོག་མཚན་ཅན་གནས་འདིར་བྱོན། །དུད་སོལ་ལྷ་མོ་གནས་འདིར་

[Full Size]

བྱོན། །མྱུར་མཛད་མགོན་པོ་གནས་འདིར་བྱོན། །མགོན་དཀར་ཡིད་བཞིན་གནས་འདིར་བྱོན། །བདག་ཅག་གུས་པས་ཕྱག་བགྱི་ཞིང་། །ཕྱི་ནང་མཆོད་པ་རྒྱ་མཚོས་མཆོད། །ཧཱུྃ༔ ཆོས་ཀྱི་དབྱིངས་ཀྱི་ཕོ་བྲང་ནས། །ཡབ་གཅིག་ལེགས་ལྡན་ནག་པོ་ནི། །ཡེ་ཤེས་མགོན་པོའི་ཚོགས་ཀྱིས་བསྐོར། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །བེང་དམར་ཚོགས་བདག་གནས་འདིར་བྱོན། །ཨ་གྷོ་ར་ཡང་གནས་འདིར་བྱོན། །མ་ནིང་རིགས་ལྔ་གནས་འདིར་བྱོན། །རང་བྱུང་རྒྱལ་མོ་གནས་འདིར་བྱོན། །རེ་མ་ཏི་ཡང་གནས་འདིར་བྱོན། །རེ་ཏི་མཆེད་བཞི་གནས་འདིར་བྱོན། །ཨེ་ཀ་ཙ་ཏི་གནས་འདིར་བྱོན། །རྟ་ནག་དྲེགས་པ་གནས་འདིར་བྱོན། །བདག་ཅག་གུས་པས་ཕྱག་བགྱི་ཞིང་། །ཕྱི་ནང་མཆོད་པ་རྒྱ་མཚོས་མཆོད། །ཧཱུྃ། བྱང་ཕྱོགས་དུར་ཁྲོད་ཆེན་པོ་ཡི། །བྲག་སྟེང་གྲུ་གསུམ་གཞལ་ཡས་ནས། །སྲས་མཆོག་ནག་པོ་འཇིགས་པའི་སྐུ། །ཕྱོགས་བཅུ་མགོན་པོའི་དབུས་ནས་བཞེངས། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །གུར་གྱི་མགོན་པོ་གནས་འདིར་བྱོན། །ནག་པོ་འབར་བ་གནས་འདིར་བྱོན། །འདོད་ཁམས་

[Full Size]

གཙོ་མོ་གནས་འདིར་བྱོན། །བདག་ཅག་གུས་པས་ཕྱག་བགྱི་ཞིང་། །ཕྱི་ནང་མཆོད་པ་རྒྱ་མཚོས་མཆོད། །ཧཱུྃ། རི་རབ་མཆོག་གི་ཁོང་སེང་ནས། །འཇིག་རྟེན་མགོན་པོ་གཟི་བརྗིད་ཅན། །མགོ་བརྙན་ཚོགས་བཅས་དབུས་ནས་བཞེངས། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །བདུད་རྒྱལ་ཐོད་ཕྲེང་གནས་འདིར་བྱོན། །སེང་གདོང་ཡབ་ཡུམ་གནས་འདིར་བྱོན། །ཏྲཀྵད་ནག་པོ་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། བྱང་ཕྱོགས་དུར་ཁྲོད་ཆེན་པོ་ཡི། །མི་འགྱུར་བྲག་སྟེང་གྲུ་གསུམ་གྱི། །ཐེམ་སྟེང་མ་ཆགས་པད་མའི་སྟེང་། །དཔལ་ལྡན་སྲས་མཆོག་ནག་པོ་ཆེ། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །ཧཱུྃ་མཛད་ནག་པོ་གནས་འདིར་བྱོན། །གྲི་གུག་མ་ཡང་གནས་འདིར་བྱོན། །ཟངས་གྲི་ཅན་ཡང་གནས་འདིར་བྱོན། །སེང་ཞོན་སྟག་ཞོན་གནས་འདིར་བྱོན། །བྱ་རོག་གདོང་དགུ་གནས་འདིར་བྱོན། །རྩ་འཇིབ་མ་མོ་གནས་འདིར་བྱོན། །འདིར་གཤེགས་བཤམས་

[Full Size]

པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། རྩོད་ལྡན་བསྟན་པ་སྙིགས་དུས་སུ། །བསྟན་པ་སྲུང་བར་ཞལ་བཞེས་པའི། །དམ་ཅན་ཐུགས་བསྐྱེད་ཐུགས་དམ་ཅན། །མ་ཧཱ་ཀཱ་ལ་གནས་འདིར་བྱོན། །གྲི་གུག་འཛིན་པ་གནས་འདིར་བྱོན། །ཐོད་པ་འཆང་བ་གནས་འདིར་བྱོན། །དུར་ཁྲོད་བདག་པོ་གནས་འདིར་བྱོན། །མཁའ་འགྲོའི་གཙོ་མོ་གནས་འདིར་བྱོན། །གཟི་བརྗིད་ཆེན་པོ་གནས་འདིར་བྱོན། །ཡ་མ་རཱ་ཛ་གནས་འདིར་བྱོན། །སྲས་མཆོག་ནག་པོ་གནས་འདིར་བྱོན། །ཀིང་ཀའི་ཚོགས་བཅས་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཤེལ་སྒོང་ནག་པོ་སྤྱི་དཀར་དང་། །མཁའ་ལྡིང་ནག་པོ་གསེར་མིག་དང་། །བདུད་རྩི་རྣམ་ལྔ་སྦྱར་བའི་སྨན། །དམར་ཆེན་ཁྲག་གི་ཨརྒྱུ་དང་། །མེ་ཏོག་བདུག་སྤོས་བྱུག་པ་དང་། །ཁུར་བ་ཤིང་ཐོགས་སྣ་ཚོགས་དང་། །དཔའ་བོ་ཆང་གི་རོ་མཆོག་

[Full Size]

དང་། །སྨན་རྣམས་སྦྱར་བའི་རིལ་བུ་དང་། །རིན་ཆེན་སྣ་ལྔའི་ཕྱེ་མ་དང་། །ཞལ་ཟས་ཚོགས་ཀྱི་མཆོད་པ་དང་། །བ་ལཾ་བཤོས་བུ་ཟུར་གསུམ་དང་། །ཤ་ཁྲག་དམར་གྱི་གཏོར་མ་དང་། །དར་ཚོན་སྣ་ལྔའི་མཆོད་པ་དང་། །ཤ་སྣ་སྙིང་སྣ་ཁྲག་སྣ་དང་། །སྨན་སྣ་སྤོས་སྣ་མེ་ཏོག་དང་། །ཕྱི་ནང་གསང་བ་བླ་མེད་ཀྱི། །མཆོད་པ་ཀུན་གྱིས་ཁྱོད་མཆོད་དོ། །རབ་ཏུ་འགྱོད་པས་ཉེས་ཀུན་བཤགས། །ཐུགས་དང་འགལ་བ་བཟོད་པར་གསོལ། །ཁྱེད་ལ་ཕྲིན་ལས་བཅོལ་བ་ནི། །རྡོ་རྗེ་སློབ་དཔོན་མཚན་ལྡན་དང་། །རྡོ་རྗེ་མཆེད་ལྕམ་དམ་ཚིག་ལྡན། །རྣལ་འབྱོར་བདག་ཅག་འཁོར་བཅས་དང་། །དེ་རིང་རྒྱུ་སྦྱོར་ཡོན་བདག་གི །ནད་གདོན་བར་ཆད་ཞི་བ་དང་། །ཚེ་དང་བསོད་ནམས་རྒྱས་པ་དང་། །འཁོར་དང་ལོངས་སྤྱོད་དབང་སྡུད་དང་། །བདུད་དཔུང་འཇོམས་ཤིང་དགྲ་བགེགས་བཏུལ། །ནད་པ་སྲིའུ་གསོ་བ་དང་། །གཙུག་ལག་ཁང་སྲུང་ཆོས་འཁོར་སྐྱོངས། །ཕ་རོལ་དམག་དཔུང་བཟློག་པ་དང་། །བྱད་མ་རྦོད་གཏོང་བཟློག་པ་དང་། །ནད་རིམས་དལ་ཁ་བསྒྱུར་བ་དང་། །བན་དགྲ་ལོག་ལྟ་རང་གཤེད་

[Full Size]

འབེབས། །བྱོལ་པོ་ཆག་ཆེན་བཟློག་ལ་སོགས། །གང་བཅོལ་ཕྲིན་ལས་ཁྱོད་ཀྱིས་མཛོད། །སངས་རྒྱས་བསྟན་པ་ཁྱོད་ཀྱིས་སྲུངས། །དཀོན་མཆོག་དབུ་འཕང་ཁྱོད་ཀྱིས་བསྟོད། །བླ་མའི་སྐུ་དགྲ་ཁྱོད་ཀྱིས་ཐུལ། །རྣལ་འབྱོར་སྒོས་དགྲ་ཁྱོད་ཀྱིས་སྒྲོལ། །རྗེས་འཇུག་བུ་སློབ་ཁྱོད་ཀྱིས་སྐྱོངས། །དཀོར་དང་རྟེན་མཆོད་ཁྱོད་ཀྱིས་སྲུངས། །ཕོ་ཉ་དོན་བསྒྲུབ་བསུ་སྐྱེལ་གྱིས། །དད་མོས་ཡོན་བདག་ཁྱོད་ཀྱིས་སྐྱོངས། །མི་ནོར་རྟ་ཕྱུགས་ཁྱོད་ཀྱིས་སྲུངས། །བསྒྲུབ་པའི་བར་ཆད་ཁྱོད་ཀྱིས་སོལ། །གསང་སྔགས་བཟླས་རྒྱུན་ཁྱོད་ཀྱིས་ཟུངས། །མི་ནུབ་བསྟན་པའི་རྒྱལ་མཚན་ཕྱོར། །ཐུགས་དམ་ཞལ་བཞེས་མ་གཡེལ་བར། །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འཐུང་། །ལས་སུ་གནོད་བྱེད་དགྲ་བགེགས་སྒྲོལ། །ཧཱུྃ། ཤར་གྱི་མགོན་པོ་གནས་འདིར་བྱོན། །དཔལ་རབ་འཆང་བ་གནས་འདིར་བྱོན། །ཉི་ཚེ་འབྲུག་ཆིབས་གནས་འདིར་བྱོན། །བྱ་ཁྲ་ལྡིང་བ་གནས་འདིར་བྱོན། །སྟག་གཟིག་འབྲང་བ་གནས་འདིར་བྱོན། །ལམ་ལྷའི་རྒྱལ་པོ་གནས་འདིར་བྱོན། །རེ་མནྟ་ཡང་གནས་འདིར་བྱོན། །འཁོར་

[Full Size]

ཚོགས་ལྔ་བརྒྱ་གནས་འདིར་བྱོན། །ཡུལ་འཁོར་སྲུང་བ་གནས་འདིར་བྱོན། །གཏེར་སྲུང་སྤྲོམ་ར་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། ལྷོ་ཡི་མགོན་པོ་གནས་འདིར་བྱོན། །དཔལ་ལྡན་མགོན་པོ་གནས་འདིར་བྱོན། །སེར་ཆེན་འབེབས་པ་གནས་འདིར་བྱོན། །བེང་ཆེན་བསྣམས་པ་གནས་འདིར་བྱོན། །འཕགས་སྐྱེས་པོ་ཡང་གནས་འདིར་བྱོན། །འཆར་ཁ་ནག་པོ་གནས་འདིར་བྱོན། །ཅིག་ཚེར་དམར་པོ་གནས་འདིར་བྱོན། །དམ་ཅན་ཆོས་རྒྱལ་གནས་འདིར་བྱོན། །ལྷ་དམག་འཁོར་བཅས་གནས་འདིར་བྱོན། །ཡཀྵ་ཀ་ལ་གནས་འདིར་བྱོན། །ལྕགས་ཀྱི་བྱ་ཁྲ་བྱ་ཁྱུང་བཞི། །མཁའ་ལྡིང་དམར་ནག་ཁྲ་བོའི་ཚོགས། །བར་སྣང་ཁམས་ནས་གནས་འདིར་བྱོན། །སྟག་གཟིག་དོམ་དྲེད་ཁྱི་བརྒྱད་བཅས། །ས་ཡི་ཕྱེད་ནས་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །

[Full Size]

བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། ནུབ་ཀྱི་མགོན་པོ་གནས་འདིར་བྱོན། །མཚལ་བུ་ཆིབས་པ་གནས་འདིར་བྱོན། །གྲི་གུག་འཛིན་པ་གནས་འདིར་བྱོན། །གྲུ་ཚལ་བསྣམས་པ་གནས་འདིར་བྱོན། །སྟག་གཟིག་མགོ་ཅན་གནས་འདིར་བྱོན། །སྤྱན་མི་བཟང་བ་གནས་འདིར་བྱོན། །མ་ཧཱ་བ་ལ་གནས་འདིར་བྱོན། །ཝ་རུ་ཎ་སེ་གནས་འདིར་བྱོན། །སྨྱོ་ཁ་མཁར་ནག་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། བྱང་གི་མགོན་པོ་གནས་འདིར་བྱོན། །རྣམ་ཐོས་སྲས་པོ་གནས་འདིར་བྱོན། །སེང་གེ་ཆིབས་པ་གནས་འདིར་བྱོན། །གསེར་གྱི་མདོག་ཅན་གནས་འདིར་བྱོན། །གསེར་ཕྲེང་རྒྱན་མཛད་གནས་འདིར་བྱོན། །རྣམ་སྲས་རིགས་དགུ་གནས་འདིར་བྱོན། །མགོན་པོ་འཁོར་བཅས་གནས་འདིར་བྱོན། །ཨ་པར་ཙིཏྟ་གནས་འདིར་བྱོན། །རྡོ་རྗེ་བདུད་འདུལ་གནས་འདིར་བྱོན། །ལྗང་གནས་བཅུ་དྲུག་གནས་

[Full Size]

འདིར་བྱོན། །ཆོས་སྤྱན་སོ་གཉིས་གནས་འདིར་བྱོན། །ཡུལ་སྐྱོང་ལྔ་བརྒྱ་གནས་འདིར་བྱོན། །གནོད་སྦྱིན་བྱེ་བ་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། ཤར་ལྷོའི་མགོན་པོ་གནས་འདིར་བྱོན། །ཛཾ་བྷ་ལ་ཡང་གནས་འདིར་བྱོན། །ནོར་ལྷའི་རྒྱལ་པོ་གནས་འདིར་བྱོན། །ཆུ་རིས་ཆིབས་མཛད་གནས་འདིར་བྱོན། །སྔོ་ཁྲ་རོལ་ཁྲིད་གནས་འདིར་བྱོན། །ངང་པ་ཕྱིར་འགྲོ་གནས་འདི་བྱོན། །ཤིང་ཐོག་བསྣམས་པ་གནས་འདིར་བྱོན། །ནོར་ལྷ་མཆེད་བཅས་གནས་འདིར་བྱོན། །ནོར་རྒྱུན་མཆེད་ལྔ་གནས་འདིར་བྱོན། །གནོད་སྦྱིན་མོ་བརྒྱད་གནས་འདིར་བྱོན། །ཛཾ་ལྷ་རིགས་དགུ་གནས་འདིར་བྱོན། །བྷ་ཝ་ཡ་མེད་གནས་འདིར་བྱོན། །རྡོ་རྗེ་རྒྱལ་མཚན་གནས་འདིར་བྱོན། །གནོད་བྱེད་གང་མཛེས་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་

[Full Size]

ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། ལྷོ་ནུབ་མགོན་པོ་གནས་འདིར་བྱོན། །མཛེས་ལྡན་སྲས་པོ་གནས་འདིར་བྱོན། །ཤུགས་ལྡན་མགོན་པོ་གནས་འདིར་བྱོན། །དར་དཀར་བསྣམས་པ་གནས་འདིར་བྱོན། །སྲིན་མགོན་ཡབ་ཡུམ་གནས་འདིར་བྱོན། །མགོན་པོ་བྲམ་གཟུགས་གནས་འདིར་བྱོན། །མ་ཧཱ་དྷེ་ཝ་གནས་འདིར་བྱོན། །ལྷ་དམག་འཁོར་བཅས་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། ནུབ་བྱང་མགོན་པོ་གནས་འདིར་བྱོན། །ཤ་བ་རི་ཡང་གནས་འདིར་བྱོན། །ནོར་ཕྱུགས་སྐྱོང་མཛད་གནས་འདིར་བྱོན། །བེའུ་ལུག་སྐྱོང་མཛད་གནས་འདིར་བྱོན། །གོད་འདྲེ་འདུལ་མཛད་གནས་འདིར་བྱོན། །གོད་ཡམས་གཅོད་མཛད་གནས་འདིར་བྱོན། །བྲག་ལྷ་མགོན་པོ་གནས་འདིར་བྱོན། །མགོན་པོ་མདུང་འཛིན་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན།། །འདིར་གཤེགས་བཤམས་པའི་གདན་ལ་

[Full Size]

བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། བྱང་ཤར་མགོན་པོ་གནས་འདིར་བྱོན། །རྣམ་སྣང་དབུ་བརྒྱན་གནས་འདིར་བྱོན། །གཙུག་ཏོར་ལྗང་གུ་གནས་འདིར་བྱོན། །འཇོལ་བེར་མནབས་པ་གནས་འདིར་བྱོན། །སྡོང་དྲིལ་བསྣམས་པ་གནས་འདིར་བྱོན། །དམག་དཔོན་ཆེན་པོ་གནས་འདིར་བྱོན། །དགྲ་བོ་གསོད་བྱེད་གནས་འདིར་བྱོན། །གནོད་བྱེད་འདུལ་མཛད་གནས་འདིར་བྱོན། །ལྷ་བདུད་འཇོམས་མཛད་གནས་འདིར་བྱོན། །ཆུང་སྲི་འདུལ་བྱེད་གནས་འདིར་བྱོན། །ཚོགས་བདག་རིགས་ལྔ་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། སྟེང་གི་མགོན་པོ་གནས་འདིར་བྱོན། །གཙུག་ཕུད་ཅན་ཡང་གནས་འདིར་བྱོན། །རལ་གྲི་འཛིན་པ་གནས་འདིར་བྱོན། །ཡ་བདུད་འཇོམས་པ་གནས་འདིར་བྱོན། །མ་ཡམས་ཟློག་བྱེད་གནས་འདིར་བྱོན། །ཚངས་པའི་རྒྱལ་པོ་གནས་འདིར་

[Full Size]

བྱོན། །དྲི་ཟའི་རྒྱལ་པོ་གནས་འདིར་བྱོན། །ལྷ་ཆེན་ཐང་ལྷ་གནས་འདིར་བྱོན། །ཟུར་ཕུད་ལྔ་པ་གནས་འདིར་བྱོན། །གནམ་མཚོའི་རྒྱལ་མོ་གནས་འདིར་བྱོན། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ༔ འོག་གི་མགོན་པོ་གནས་འདིར་བྱོན། །ལྷ་མོ་བརྟན་མ་གནས་འདིར་བྱོན། །བརྟན་མ་བཅུ་གཉིས་གནས་འདིར་བྱོན། །ཚེ་རིང་མཆེད་ལྔ་གནས་འདིར་བྱོན། །ཨ་ཕྱི་མཆེད་ལྔ་གནས་འདིར་བྱོན། །ཕག་གདོང་མཆེད་གསུམ་གནས་འདིར་བྱོན། །ཀུན་འཁྱིལ་མཆེད་གསུམ་གནས་འདིར་བྱོན། །ས་བདག་ནག་མོ་གནས་འདིར་བྱོན། །ཀླུ་མགོན་འཁོར་བཅས་གནས་འདིར་བྱོན། །གཞོན་ནུ་གཏུམ་པོ་གནས་འདིར་བྱོན། །མི་མགོན་དཀར་པོ་གནས་འདིར་བྱོན། །ནོར་རྒྱས་སེར་པོ་གནས་འདིར་བྱོན། །ཀླུ་རྒྱལ་གང་མཛེས་གནས་འདིར་བྱོན། །མ་ཡམས་ཟློག་བྱེད་གནས་འདིར་བྱོན། །སྲིད་ཅན་འདུལ་མཛད་གནས་འདིར་བྱོན། །།མཆོད་ཕྱིར་བསྒྲུབ་ཕྱིར་གནས་འདིར་བྱོན། །འདིར་

[Full Size]

གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །ཧཱུྃ། རྒྱལ་རྗེ་དམངས་གདོལ་བྲམ་ཟེ་བཞི། །ཀླུ་རྣམས་འདུལ་མཛད་གནས་འདིར་བྱོན། །ནཱ་ག་རཀཱ་གནས་འདིར་བྱོན། །བདུད་མོའི་ཚོགས་རྣམས་གནས་འདིར་བྱོན། །ཡ་བདུད་ཚོགས་རྣམས་གནས་འདིར་བྱོན། །སྲོག་སྒྲུབ་ནག་མོ་གནས་འདིར་བྱོན། །ཁ་མོ་ཆེ་ཡང་གནས་འདིར་བྱོན། །བ་ལམ་དྲེལ་སྣ་གནས་འདིར་བྱོན། །སྟག་སྨན་སོར་ལྡེམ་གནས་འདིར་བྱོན། །དབང་ཕྱུག་ཉེར་བརྒྱད་གནས་འདིར་བྱོན། །ལྷ་མོ་ཁོ་ལེ་གནས་འདིར་བྱོན། །མ་མོའི་འཁོར་ཚོགས་གནས་འདིར་བྱོན། །དུར་ཁྲོད་སྲུང་མ་གནས་འདིར་བྱོན། །དུར་ཁྲོད་བདག་པོ་གནས་འདིར་བྱོན། །དུར་ཁྲོད་བདག་མོ་གནས་འདིར་བྱོན། །ངས་ནུས་མ་ཡང་གནས་འདིར་བྱོན། །བསྟན་པ་སྲུང་བྱེད་གནས་འདིར་བྱོན། །དགྲ་བོ་གསོད་བྱེད་གནས་འདིར་བྱོན། །གནོད་བྱེད་འདུལ་མཛད་གནས་འདིར་བྱོན། །ཤ་ལ་སྲེད་རྣམས་གནས་འདིར་བྱོན། །ཁྲག་ལ་མོས་པའི་འཁོར་ཚོགས་རྣམས། །དམ་ཅན་

[Full Size]

ཚོགས་རྣམས་གནས་འདིར་བྱོན། །ཕོ་ཉའི་ཚོགས་རྣམས་གནས་འདིར་བྱོན། །དྲང་སྲོང་ཁྱབ་འཇུག་གནས་འདིར་བྱོན། །བྱ་ཁྲ་ཆིབས་ཤིང་གནས་འདིར་བྱོན། །ཤན་པ་དམར་ནག་གནས་འདིར་བྱོན། །ཁྱུང་དམར་ཆིབས་ཤིང་གནས་འདིར་བྱོན། །དམག་ཟོར་རྒྱལ་མོ་གནས་འདིར་བྱོན། །རབ་བརྟན་མ་ཡང་གནས་འདིར་བྱོན། །དཔལ་གྱི་ལྷ་མོ་གནས་འདིར་བྱོན། །དྲེལ་རྟ་ཆིབས་ཤིང་གནས་འདིར་བྱོན། །སྤྱང་ཞོན་མཆེད་གསུམ་གནས་འདིར་བྱོན། །ལྕགས་སྤྱང་ས་ཡ་དྲུག་འབུམ་ལ། །ཆིབས་པའི་དམག་ཚོགས་གནས་འདིར་བྱོན། །ལས་མགོན་བྱ་ཞོན་གནས་འདིར་བྱོན། །བདུད་བྱ་ནག་པོ་ས་ཡ་ལ། །དྲུག་འབུམ་ཆིབས་རྣམས་གནས་འདིར་བྱོན། །བྱ་ཁྲ་ས་ཡ་དྲུག་འབུམ་ལ། །ཆིབས་པའི་དམག་ཚོགས་གནས་འདིར་བྱོན། །རུས་སྦལ་ས་ཡ་དྲུག་འབུམ་ལ། །ཆིབས་པའི་དམག་ཚོགས་གནས་འདིར་བྱོན། །བདུད་ཕོ་མི་ནག་རྟ་ནག་དང་། །བདུད་ཕོ་མི་དམར་རྟ་དམར་དང་། །བདུད་ཕོ་མི་སྔོན་རྟ་སྔོན་དང་། །སྤུ་གྲི་མཆེད་གསུམ་གདོང་ལྷ་དང་། །འབར་བ་སྤུན་བདུན་ཐང་ལྷ་དང་། །བཙན་རྒྱལ་སྐྱེས་བུ་ལུང་བཙན་དང་། །

[Full Size]

ཇག་པ་མེ་ལེན་བེག་རྩེ་སོགས། །བཀའ་ཉན་ཚོགས་རྣམས་གནས་འདིར་བྱོན། །མཁའ་རི་ལྕམ་དྲལ་ཡེ་ཤེས་གྲགས། །ཨ་ཙར་དགུ་ཐུབ་སྙིང་དྲུང་བཙན། །དམ་ཅན་ཚོགས་རྣམས་གནས་འདིར་བྱོན། །དམ་ཅན་མཆེད་ལྔ་གནས་འདིར་བྱོན། །ཡེ་བརྫུ་མཆེད་ལྔ་གནས་འདིར་བྱོན། །ཕོ་ཉའི་ཚོགས་རྣམས་གནས་འདིར་བྱོན། །མགྱོགས་བྱེད་ཚོགས་རྣམས་གནས་འདིར་བྱོན། །བདུད་པོ་རྡོར་འབར་གནས་འདིར་བྱོན། །རྩ་དུ་མཆེད་ལྔ་གནས་འདིར་བྱོན། །ཚེ་རིང་རོ་ལངས་གནས་འདིར་བྱོན། །ཁ་ལ་ལ་མེ་འབར་གནས་འདིར་བྱོན། །ཐང་ནག་དཔལ་མོ་གནས་འདིར་བྱོན། །མུ་མཐར་ཁྱབ་རྣམས་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །འདོད་ཡོན་ལྔ་ཡི་མཆོད་པ་འབུལ། །བ་ལི་གཏོར་མའི་མཆོད་པ་འབུལ། །དམར་ཆེན་རཀྟའི་མཆོད་པ་འབུལ། །བདུད་རྩི་ཛ་གད་མཆོད་པ་འབུལ། །ཞལ་ཟས་ཚོགས་ཀྱི་མཆོད་པ་འབུལ། །དགྲ་བོའི་ཤ་ཁྲག་མཆོད་པ་འབུལ། །རབ་ཏུ་འགྱོད་པས་ཉེས་ཀུན་

[Full Size]

བཤགས། །ཐུགས་དང་འགལ་བ་བཟོད་པར་གསོལ། །ཁྱེད་ལ་ཕྲིན་ལས་བཅོལ་བ་ནི། །བདག་ཅག་རྣལ་འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མར་བཅས། །རྡོ་རྗེ་མཆེད་ལྕམ་དམ་གནས་དང་། །སྒྲུབ་པའི་རྣལ་འབྱོར་འཁོར་བཅས་དང་། །རྒྱུ་སྦྱོར་ཡོན་བདག་འཁོར་བཅས་ལ། །དུས་རྣམས་ཀུན་ཏུ་སྲུང་བ་དང་། །ནད་གདོན་བར་ཆད་ཞི་བ་དང་། །ཚེ་དང་བསོད་ནམས་རྒྱས་པ་དང་། །འཁོར་དང་ལོངས་སྤྱོད་དབང་སྡུད་ཅིང་། །གདུག་པའི་དགྲ་བགེགས་ཚར་གཅོད་དང་། །ནད་པ་སྲིའུ་གསོ་བ་དང་། །གཙུག་ལག་ཁང་སྲུང་ཆོས་འཁོར་སྐྱོངས། །དམག་དཔུང་གཞོམ་ཞིང་བདག་རྒྱལ་དང་། །རིག་སྔགས་རྒོད་གཏོང་ཟློག་པ་དང་། །བྱད་མ་ཟོད་གཏོང་ཟློག་པ་དང་། །ནད་རིམས་དལ་ཁ་བསྒྱུར་བ་དང་། །ལོག་ལྟ་དབང་སྡུད་ཟིལ་གནོན་སོགས། །ཅི་བཅོལ་ཕྲིན་ལས་ཁྱོད་ཀྱིས་མཛོད། །སངས་རྒྱས་བསྟན་པ་ཁྱོད་ཀྱིས་སྲུངས། །དཀོན་མཆོག་དབུ་འཕང་ཁྱོད་ཀྱིས་བསྟོད། །བླ་མའི་སྐུ་དགྲ་ཁྱོད་ཀྱིས་སྒྲོལ། །མཆེད་ལྕམ་སྐུ་ཚེ་ཁྱོད་ཀྱིས་སྲིངས། །རྣལ་འབྱོར་སྒོས་དགྲ་ཁྱོད་ཀྱིས་སྒྲོལ། །མི་ནུབ་བསྟན་པའི་རྒྱལ་མཚན་

[Full Size]

ཕྱོར། །ཐུགས་དམ་ཞལ་བཞེས་མ་གཡེལ་ཅིག །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འཐུང་། །ལས་སུ་གནོད་བྱེད་དགྲ་བགེགས་སྒྲོལ། །སྤྲོ་ན། ཨོཾ་ཨཱཿཧཱུྃ། བསྟན་སྲུང་མཐར་ཐུག་རྡོ་རྗེ་བེར་ཆེན་དང་། །ཡུམ་ཆེན་དཔལ་ལྡན་ལྷ་མོ་རང་བྱུང་མ། །སྐྱེས་བུ་ཆེན་པོ་རྡོ་རྗེ་ལེགས་པ་དང་། །ཞིང་སྐྱོང་ཆེན་པོ་ཀུན་དགའ་གཞོན་ནུ་སོགས། །ཕོ་ཉ་ལས་མཁན་བསམ་ཡས་གྲངས་འདས་ལ། །མཉེས་རྫས་དྲག་པོའི་རྟག་གཏོར་ཆེན་པོ་དང་། །སྨན་དང་རཀྟ་གསེར་དངུལ་དར་ཟབ་སོགས། །དངོས་འབྱོར་ཡིད་ཀྱིས་སྤྲུལ་ནས་མཆོད་རྫས་འབུལ། །དགྱེས་པར་བཞེས་ལ་ཅི་བསམ་ཕྲིན་ལས་མཛོད། །ཅེས་སོགས་བརྗོད་ཅིང་སྤོས་དང་རོལ་མོ་འབུལ། ཧཱུྃ། བཀའ་བརྒྱད་ཕོ་ཉ་ཡོངས་རྫོགས་ཐུགས་དམ་ཅན། །དམ་རྫས་བདུད་རྩི་འབར་བ་དང་། །འདོད་ཡོན་བརྒྱན་པའི་མཆོད་གཏོར་བཞེས། །ཡིད་ལ་བརྣག་པའི་དགྲ་བགེགས་སྒྲོལ། །དུས་མིན་འཆི་དང་རྦོད་གཏོང་ལྟས་ངན་ཟློག །སརྦ་དྷཀི་ནི་ཧྲིང་ཧྲིང་ཨ་མྲྀ་ཏ་བ་ལི་ཏ་རཀྟ་ཁཱ་ཧི་ཁཱ་ཧི། འདི་ལྟར་བར་གྱི་གསོལ་ཁ་ལ། ཆོས་སྐྱོང་མཐའ་དག་སབ་རུང་བ་ནི། རྒྱུད་ལས། མ་མགོན་

[Full Size]

ལྕམ་དྲལ་གྱི་འཁོར་དང་སྤྲུལ་པ་མིན་པའི་བསྟན་སྲུང་གཅིག་ཀྱང་མི་འབྱུང་བར་གསུངས་པ་དང་། གྲུབ་ཆེན་ཀརྨ་པས་མགོན་པོ་ཉིད་ཀྱི་རྩ་བའི་སྤྲུལ་གཞི་ཡིན་པར་གསུངས་པ་དང་། འདིར་སློབ་དཔོན་ཨརྱ་པའི་མགོན་པོ་སྤྱི་སྒྲུབ་ཡིན་པར་བཤད་པ་དང་། འཇམ་དབྱངས་ཆེན་པོས་བེར་ནག་ཅན་ནང་གི་ཡེ་ཤེས་མགོན་པོ་ཞེས་པ་དེ་ཕྱག་བཞི་པ་ཡིན་པར་གསུངས་པ་དང་། པཀྴིས་གནམ་ལྷ་དང་བེག་རྩེ་སོགས་དྲེགས་པའི་གཙོ་བོ་བདུན་ཅུ་རྩ་གཉིས་ཐམས་ཅད་མ་མགོན་གྱི་སྤྲུལ་པ་ཡིན་པར་གསུངས་པ་དང་། མགོན་པོའི་ཆོས་འབྱུང་ནས་བེར་གུར་གཉིས་ན་བཟའ་ཡོད་མེད་ཙམ་མ་གཏོགས་གཅིག་པར་བཞེད་ཅིང་། འཇིག་རྟེན་མགོན་པོ་དང་ཏྲཀཱད་ཞིང་སྐྱོང་རྣམས་གཅིག་ཚུལ་རྒྱ་ཆེར་གསུངས་པ་ལྟར་མི་རུང་བའི་དོན་ཅི་ཡང་མེད་པས། རྒྱལ་བ་རྒྱ་མཚོའི་དཀྱིལ་འཁོར་ལ་སྦྱར་རྒྱུར། རཱ་ག་ཨ་སྱས་བྲིས་པ་ལ། ཉེས་པ་མཆིས་ན་ལྷ་ལ་བཤགས་ཤིང་། དགེ་བས་བསྟན་པ་དར་གྱུར་ཅིག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོའི་གཏོར་བསྔོས་འབྲིང་དུ་བྱས་པ།

[Full Size]

གཞུང་གི་བདུད་རྩི་བྱིན་རླབས་ལ་འཁྲུགས་ཤིག་གདའ་བ་བཤང་ན་ཀ་ཐེམ་ལྟར་རོ། །ཐུགས་རྗེ་ཆེན་པོ་རྒྱལ་བ་རྒྱ་མཚོའི་གཏོར་བསྔོས་འབྲིང་དུ་བྱས་པ་ཞིག་བཞུགས་སོ། །འདི་ལས་ཉུང་འདོད་ན་སྔགས་སོ་སོ་ཨི་དཾ་སོགས་བཏགས་ལ་ལྷའི་མིང་དང་འབུལ་ལོ། །ཞེས་པ་བསྐུལ་ལོ། །ཨ་རཱ་གས་སོ།

[Full Size]

ༀ་ཧཱུྃཔདྨན་སོགས། ཨོཾ་སྭ་བྷ་ཝ་སོགས། སྟོང་པའི་ངང་ལས་རང་གི་ཐུགས་ཀ་ནས་ཡཾ་འཕྲོས་པ་ལས་རླུང་གི་དཀྱིལ་འཁོར་སྔོན་པོ་ཟླ་གམ་པོ་དན་དང་ཡཾ་ཡིག་གིས་མཚན་པ། དེའི་སྟེང་དུ་རཾ་འཕྲོས་པ་ལས་མེའི་དཀྱིལ་འཁོར་དམར་པོ་འབར་བ་རཾ་གྱིས་མཚན་པ། དེ་ལ་ཀེ་གསུམ་སྤྲོས་པ་ལས་ཐོད་པ་སྐམ་པོ་བུམ་རིལ་གྱིས་སྐྱེད་པུ་གསུམ་གྱི་སྟེང་དུ། ཨ་སྤྲོས་པ་ལས་ཐོད་པའི་སྣོད་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། དབུས་སུ་མུ་ལས་དྲི་ཆུ་བཻཌཱུརྱ་ལྟ་བུ། ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་རཀྟ་གསེར་བཙོ་མ་ལྟ་བུ། ནུབ་

[Full Size]

ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་ཀླད་པ་སྟེ་བདུད་རྩི་ལྔ་དང་། སླར་ཡང་དབུས་སུ་ན་ལས་མིའི་ཤ །ཤར་ལྷོར་གོ་ལས་བ་ལང་གི་ཤ །ལྷོ་ནུབ་ཏུ་ཀུ་ལས་ཁྱིའི་ཤ །ནུབ་བྱང་དུ་ད་ལས་གླང་པོ་ཆེའི་ཤ །བྱང་ཤར་དུ་ཧ་ལས་རྟའི་ཤ་སྟེ་ཤ་ལྔའོ། །རླུང་གཡོས་ཤིང་མེ་སྦར་ཐོད་པ་དྲོས། རྫས་རྣམས་ཞུ་བ་ཨོཾ་ཨཱཿཧཱུྃ། གསུང་གི་བདུད་རྩིའི་རང་བཞིན་ཁ་དོག་དམར་པོའོ། །ཨོཾ་ཨཱཏྟཱཧཱུྃ། ཐུགས་ཀྱི་བདུད་རྩིའི་རང་བཞིན་ཁ་དོག་སྔོན་པོའོ། །ཨོཾ་ཨཱཎཱཧཱུྃ། སྐུའི་བདུད་རྩིའི་རང་བཞིན་ཁ་དོག་དཀར་པོ་འོ་མའི་རྒྱ་མཚོ་ལྟ་བུར་གྱུར། དེ་ལྟར་གཏོར་

[Full Size]

མའི་བདུད་རྩིའི་རྒྱ་མཚོ་ཆེན་པོ་སྟོང་གསུམ་གང་བར་དམིགས་ལ། བདག་བསྐྱེད་རྐྱང་པ་ལས་མ་སོང་ན་འདིར་སྤྱན་འདྲེན་སབ་བོ། །མདུན་བསྐྱེད་སོང་ན་མི་དགོས་ལ། བསྡུ་ན་འབར་བའི་ཕྱག་རྒྱ་དང་སྔགས་འདིར་སྤྱན་འདྲེན་ཚང་སྟེ། ཕེཾ་ཕེཾ་་བཛྲ་ཨཱ་རལླི་ཧོ། ཛཿཧཱུྃ་བཾ་ཧོ༔ བཛྲ་ཌཱཀི་ནཱི་ས་མ་ཡ་སྟྭཾ་དྲི་ཤྱ་ཧོ༔ ཞེས་རང་གི་འོད་ཟེར་གྱིས་གཏོར་མགྲོན་ཐམས་ཅད་སྐད་ཅིག་ལ་སྤྱན་དྲངས་ཏེ། མདུན་གྱི་ནམ་མཁར་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་སྤྲིན་གྱི་ཕུང་པོ་ལྟ་བུར་བཞུགས་པར་གྱུར། ཞེས་བསྒོམ་ལ་རང་གི་ཐུགས་ཀ་ནས་མཆོད་པའི་ལྷ་མོ་བྱེ་བ་དུང་ཕྱུར་ཕྱག་ན་ཀ་པཱ་ལའི་སྐྱོགས་བསྣམས་པ་བདུད་རྩིའི་རྒྱ་མཚོ་ནས་བཅུས་ཏེ་ཐམས་ཅད་སོ་སོར་ཕྱག་ཏུ་བཏང་བས་གསོལ་བར་བསམ་པ་འདི་ལེགས། འོད་ཀྱི་སྤུ་གུ་བསྒོམ་པ་གཏོར་མ་རྒྱུན་དུ་བཞག་རྒྱུ་ལ་མི་རུང་སྟེ་འཇིག་རྟེན་པའི་ཁ་ལྷག་ཕྱིར་དུ་ཡེ་ཤེས་པ་ལ་བསྔོ་བར་འགྱུར། །ན་མོ་རཏྣ་གུ་རུ་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏེ་ལོ་ཤེས་རབ་བཟང་པོ། ནཱ་རོ་ཛྙ་ན་སིདྡྷི། མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། དཔལ་ལྡན་དུས་གསུམ་མཁྱེན་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀྵི། མཁས་གྲུབ་ཨོ་རྒྱན་པ། སེམས་དཔའ་

[Full Size]

རང་བྱུང་རྡོ་རྗེ། རྒྱལ་བ་གཡུང་སྟོན་ཞིག་པོ། འཛམ་གླིང་རོལ་པའི་རྡོ་རྗེ། དཔལ་ལྡན་མཁའ་སྤྱོད་དབང་པོ། ཐུབ་ཆེན་དེ་བཞིན་གཤེགས་པ། རྗེ་བཙུན་རཏྣ་བྷ་དྲ། སྤྲུལ་སྐུ་མཐོང་བ་དོན་ལྡན། ཀུན་མཁྱེན་འཛོམ་དཔལ་བཟང་པོ། བྱང་སེམས་དཔལ་འབྱོར་དོན་གྲུབ། རྒྱལ་དབང་ཆོས་གྲགས་རྒྱ་མཚོ། གྲུབ་ཆེན་བཀྲ་ཤིས་དཔལ་འབྱོར། ཀུན་མཁྱེན་མི་བསྐྱོད་རྡོ་རྗེ། རྗེ་བཙུན་དབང་ཕྱུག་རྡོ་རྗེ། དྲིན་ཆེན་ཆོས་ཀྱི་དབང་ཕྱུག༔ རྒྱལ་མཆོག་ཆོས་དབྱིངས་རྡོ་རྗེ། དཔལ་ལྡན་ཡེ་ཤེས་སྙིང་པོ་ལ་སོགས་པ་ཟུང་འཇུག་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །འདི་རྟོགས་པ་དོན་བརྒྱུད་དང་ཆོས་དྲུག་བརྒྱུད་པ་ཡིན་ལ་སོགས་ཞེས་པ་རང་ལ་ཕྱག་ཆེན་གྱི་རྟོགས་པ་གང་ལ་སྐྱེས་པའི་བླ་མ་ཐམས་ཅད་ཚང་ངོ་། །ཁྱབ་བདག་རྡོ་རྗེ་འཆང་། བྱང་སེམས་བློ་གྲོས་རིན་ཆེན། བྲམ་ཟེ་ས་ར་ཧ། དྭཔལ་མགོན་འཕགས་པ་ཀླུ་སྒྲུབ། གྲུབ་ཆེན་ཤ་བ་རི་པ། རྒྱལ་སྲས་མེ་ཏྲི་པ། མར་པ་ཆོས་ཀྱི་བློ་གྲོས་ལ་སོགས་པ་ཕྱག་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་ཀུན་ཏུ་བཟང་པོ། དྲུག་པ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། རིག་

[Full Size]

འཛིན་དགའ་རབ་རྡོ་རྗེ། གུ་རུ་ཤྲཱི་སིངྷ། འཆི་མེད་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་ཀརྨ་གླིང་པ། ཐུགས་སྲས་ཉི་ཟླ་ཆོས་རྗེ། འགྲོ་མགོན་སཱུརྱ་ཙནྡ། བཀའ་བབ་ཆོས་ཀྱི་རྒྱལ་མཚན། སྤྲུལ་སྐུ་ཐུགས་རྗེ་འོད་ཟེར། འཁྲུལ་ཞིག་བུདྡྷཱ་མངྒ་ལ་སོགས་པ་རྫོགས་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་རཏྣ་གླིང་པ། རྒྱལ་སྲས་ཚེ་དབང་གྲགས་པ། སྲས་མཆོག་ངག་དབང་གྲགས་པ། རིག་འཛིན་ཀུན་དགའ་གྲགས་པ། གར་དབང་ཀུན་དགའ་བསྟན་འཛིན། རྣལ་འབྱོར་ཀརྨ་དོན་ཡོད་ལ་སོགས་པ་གཏེར་མ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །མ་གཅིག་གྲུབ་པའི་རྒྱལ་མོ། ཏི་པུ་པ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ་ལ་སོགས་པ། རྒྱས་པར་སྤྲོ་ན་གྲངས་ཚོལ། ལྷ་ལྔ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །འཇིག་རྟེན་དབང་ཕྱུག །པདྨ་བཛྲ། ཛ་ལེན་ར། མེ་ཏྲི་པ། བཛྲ་པཱ་ཎི། བ་

[Full Size]

དན་སུ་མ་ཏི་ཀཱིརྟི་ལ་སོགས་པ་ལྷ་དགུ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་ཡུམ་ཆེན་མོ། སྟོན་པ་ཤཱཀྱ་ཐུབ་པ། འཇམ་དཔལ་སྨྲ་བའི་སེངྒེ། རྗེ་བཙུན་འཕགས་མ་སྒྲོལ་མ། བྲམ་ཟེ་ཨཱརྱ་དེ་ཝ། ཕ་གཅིག་དམ་པ་སངས་རྒྱས། སྐྱོ་སྟོན་བསོད་ནམས་བླ་མ། མ་གཅིག་ལབ་ཀྱི་སྒྲོན་མ། བཀའ་བབ་བུ་ཆེན་བཅུ་དྲུག་ལ་སོགས་པ་གཅོད་ཡུལ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །དྲུག་པ་རྡོ་རྗེ་འཆང་ཆེན་པོ། གསང་བདག་ཕྱག་ན་རྡོ་རྗེ། ཀླུ་སྒྲུབ་ཨཱརྱ་དེ་ཝ། ཨ་བྱཱ་ཡ་ཀ་ཡར། ཙ་མི་ལོ་ཙཱ། དཔལ་ཆེན་ཧྥ་ལོ། མཁའ་སྤྱོད་ནམ་མཁའ་རྒྱལ་མཚན། སྒམ་པོ་པ་ཆོས་ཀྱི་རྒྱལ་མཚན། བྱ་བྲལ་བ་ཀུན་དགའ་བཀྲ་ཤིས་ལ་སོགས་པ་བཀའ་བབ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །གཞན་ཡང་རྒྱ་གར་རིག་འཛིན་བརྒྱད། མཆོག་གི་གྲུབ་ཆེན་བརྒྱད། རྒྱན་དྲུག་མཆོག་གཉིས་གྲུབ་ཆེན་བརྒྱད་ཅུ་རྩ་ལྔ་ལ་སོགས་པ་རྒྱ་གར་གྱི་རིག་འཛིན་རྣམས་ཀྱི་ཞལ་དུ་འབུལ་ལོ། །ཆོས་རྒྱལ་མེས་དབོན་རྣམ་གསུམ། རིག་འཛིན་གྲུབ་ཐོབ་མི་དགུ། རྗེ་འབངས་ཉི་ཤུ་རྩ་ལྔ། ཁུ་རྔོག་འབྲོམ་གསུམ།

[Full Size]

རྒྱལ་སྲས་སྐུ་མཆེད། ཤ་ར་ཝ། གླང་རི་ཐང་པ། གཡུ་ཐོག་པ། ཟུར་མཁར་གོང་འོག །བཀའ་བརྒྱུད་ཆེ་བཞི་ཆུང་བརྒྱད། ས་སྐྱ་འཇམ་དབྱངས་བདུན་རྒྱུད། འབྲུག་པ་སེངྒེ་དགུ་བརྩེགས། འབྲི་སྟག་ཚལ་གསུམ། ཤང་པ་རིན་ཆེན་རྣམ་བདུན། ཀརྨ་པ་རབས་བཅུ་གསུམ། ཞྭ་དམར་ཉི་ཤུ་རྩ་གཅིག །སི་ཏུ་གདན་རབས་ཉེར་གཅིག །དྲུང་པ་རབས་བདུན་ལ་སོགས་པ་བོད་ཀྱི་གྲུབ་ཆེན་རྣམས་ཀྱི་ཞལ་དུ་འབུལ་ལོ། །མངའ་བདག་ཉང་། གུ་རུ་ཆོས་ཀྱི་དབང་ཕྱུག །གྲྭ་པ་མངོན་ཤེས་ཅན། རིག་འཛིན་རྒོད་ཀྱི་ལྡེམ་འཕྲུ། སྤྲུལ་སྐུ་སངས་རྒྱས་གླིང་པ། པདྨ་ལས་འབྲེལ་རྩལ། མཁས་པ་ཀློང་ཆེན་རབ་འབྱམས། པདྨ་གླིང་པ། ཞིག་པོ་གླིང་པ། རིན་ཆེན་དབང་པོའི་སྡེ། ཧཱུྃ་ནག་མེ་འབར། ནམ་མཁའ་འཇིགས་མེད། དྲི་མེད་སྡེ་ལྔ། གླིང་པ་བརྒྱད་ལ་སོགས་པ་གཏེར་སྟོན་བརྒྱ་དང་རྩ་བརྒྱད་ཀྱི་ཞལ་དུ་འབུལ་ལོ། །བདག་ཅག་དཔོན་སློབ་འཁོར་དང་བཅས་པའི་ཉམས་དང་རྟོགས་པའི་ཡོན་ཏན་ཟླ་བ་ཡར་གྱི་ངོ་ལྟར་འཕེལ་ཞིང་རྒྱས་པ་དང་ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ།

[Full Size]

དབང་ལུང་སོ་སོའི་བརྒྱུད་པ་བགྲང་ན་རྡོར་གཅོད་ལས་མང་བ་གཅིག་འོང་བས། སྤོམ་སྡུད་འདི་ཙམ་ལ་ཐམས་ཅད་འཐུས་སོ། །དེ་ལ་གལ་མི་ཆེ་བ་ནི་གཅིག་ཀྱང་མེད་དོ། །ༀ་གུ་རུ་ཨཱ་ཡུ་སིདྡྷི་ཧཱུྃ་ཧྲཱིཿ ཨ་མཱ་ར་ཎི་ཛཱི་ཝན་ཏི་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཅོམ་ལྡན་འདས་ཚེ་དཔག་ཏུ་མེད་པ་གསང་བ་འདུས་པ། རྡོ་རྗེ་ཕྲེང་བ། ཉི་ཟླ་ཁ་སྦྱོར། གནམ་ལྕགས་རྡོ་རྗེ། རིག་འཛིན་སྲོག་སྒྲུབ། ཚ་བ་དམར་ཐག །མདའ་འཕེལ་མ། འཆི་མེད་འོད་ཟེར་ལྔ་མར། རྔ་སྒྲའི་རྒྱལ་པོ་ལ་སོགས་པ་འཆི་མེད་ཚེའི་ལྷ་ཚོགས་རྣམས་ལ་འབུལ་ལོ། །འཆི་མེད་ཚེའི་དངོས་གྲུབ་བསྩལ་དུ་གསོལ། ཨོཾ་ཨཱཿཧཱུྃ་ཧཱུྃ༔ ཨོཾ་མ་ཎི་པདྨེ་ཧཱུྃ། དྷ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧིཡ་ཧཱུྃ་ཛ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་དབང་ཕྱུག་རྒྱལ་བ་རྒྱ་མཚོ། རྡོ་རྗེ་ཕག་མོ། རྡོ་རྗེ་རིགས་ཀྱི་སྤྱན་རས་གཟིགས། རིན་ཆེན་རིགས་ཀྱི་སྤྱན་རས་གཟིགས། པདྨ་རིགས་ཀྱི་སྤྱན་རས་གཟིགས། ལས་ཀྱི་རིགས་ཀྱི་སྤྱན་རས་གཟིགས། སངས་རྒྱས་སྤྱན་མ། མཱ་མ་ཀི། གོས་དཀར་མོ། དམ་ཚིག་སྒྲོལ་མ། རྡོ་རྗེ་

[Full Size]

མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ། ཐུགས་རྗེ་ཆེན་པོ་གསང་བ་འདུས་པ། འགྲོ་འདུལ་བཅུ་གཅིག་ཞལ། ཕྱག་སྟོང་སྤྱན་སྟོང་། མི་ཏྲ་ལྷ་ལྔ། གསང་སྒྲུབ་ལྷ་བཅུ་གསུམ། འཁོར་བསྐལ་བཟང་གི་སངས་རྒྱས་སྟོང་རྩ་གཉིས་བྱེ་བ་བརྒྱ་ལ་སོགས་པ། རྒྱལ་བ་རྒྱ་མཚོ། དཔའ་བོ་རྒྱ་མཚོ། དཔའ་མོ་རྒྱ་མཚོ། གྲུབ་ཐོབ་རྒྱ་མཚོ། དམ་ཅན་རྒྱ་མཚོའི་ཚོགས་རྣམས་ལ་འབུལ་ལོ། །ཨོཾ་ཨཱ༔ཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མཱ་ཡ་ཛསིདྡྷི་ཕ་ལ་ཧཱུྃ་ཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བླ་མ་སྐུ་གསུམ་ཐོད་ཕྲེང་སྡེ་ལྔ། རིགས་དྲུག་འདུལ་བའི་གུ་རུ་དྲུག །སྤྲུལ་པའི་མཚན་བརྒྱད། འཕྲུལ་མཚན་བཞི་བཅུ། ཨོ་རྒྱན་བྱེ་བ་ཕྲག་བརྒྱ། རྟ་ཕག་ཡབ་ཡུམ། གིང་ཆེན་བཅུ་དྲུག །སྒོ་མ་བཞི་ལ་སོགས་པ་པད་འབྱུང་ཞི་བའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཨ་ཅིག་ནེར་ཅིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གུ་རུ་དྲག་པོ་དམར་ནག་མེ་ཕྲེང་ཅན། ཕྱི་ནང་གསང་བ་ཡང་གསང་ཟིལ་གནོན། ཧཱུྃ་སྒྲུབ་ཀྱི་ལྷ་ཚོགས། གོ་ཆ་ལྷ་ལྔ། ཁྱུང་

[Full Size]

དམར་ནག་ལྕགས་སྡིག་འབར་བ། དྲག་པོ་ལྷ་བཞི། དཔའ་བོ་གིང་བཞི། མཁའ་འགྲོ་སྡེ་བཞི། ཕྲིན་ལས་སྒྲུབ་པའི་ལྷ་བཞི། ཁྲོ་བོ་བཅུ་སྒོ་བ་བཞི་ལ་སོགས་པ། རིག་འཛིན་ཁྲོས་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཧྲཱིཿབཛྲ་གུ་རུ་དྷེ་ཝ་ཌཱཀི་ནཱི་སརྦ་སིདྡྷི་ཕ་ལ་ཧཱུྃ་ཨཱ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། པདྨ་བཛྲ་ལྷ་ཚོགས། མི་བསྐྱོད་རྡོ་རྗེའི་ལྷ་ཚོགས། བུདྡྷ་ཐོད་ཕྲེང་ལྷ་ཚོགས། པདྨ་དབང་ཆེན་ལྷ་ཚོགས། སངས་རྒྱས་ཐོད་པའི་ལྷ་ཚོགས། ཐོད་པ་རྩལ་ཆེན་ལྷ་ཚོགས། ཕྱག་ན་རྡོ་རྗེའི་ལྷ་ཚོགས། དབང་ཆེན་རྟ་མགྲིན་ལྷ་ཚོགས། དྲག་པོ་མེ་ཕྲེང་ལྷ་ཚོགས། དཔའ་བོ་ཉི་ཤུ་རྩ་བཞི། དཔའ་མོ་ཉི་ཤུ་རྩ་བཞི། སྒོ་མཚམས་ལྷ་མོ་བརྒྱད་ལ་སོགས་པ་བླ་མ་དགོངས་འདུས་ཀྱི་ལྷ་ཚོགས་རྣམས་ལ་འབུལ་ལོ། །དེ་ཡན་བླ་མ་གཏོར་མ་ལ་བསྔོ་བའོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ག་རུ་ཊ་ཙ་ལེ་ཙ་ལེ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསང་སྔགས་རིག་སྔགས་ཐམས་ཅད་ཀྱི་བདག་པོ་དཔལ་ཕྱག་ན་རྡོ་རྗེ། ཡུམ་ཡེ་ཤེས་ཀྱི་དབང་ཕྱུག་མ། སྲས་རྡོ་རྗེ་ལག་མྱུར། སྤྲུལ་པ་ཁྱུང་ཆེན་སྡེ་ལྔ། ཁྱུང་ཉི་

[Full Size]

ཤུ་རྩ་གཅིག །རྣམ་པར་འཇོམས་པ། རྡོ་རྗེའི་མཆུ། ཨུ་ཙཱརྱ། འཁོར་གོས་སྔོན་ཅན་ལྔ་བརྒྱ་དང་བཅས་པའི་ཞལ་དུ་འབུལ་ལོ། །ཨོཾ་ཨཱབཛྲ་དྷིཀ་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཕ་རྒྱུད་གསང་བ་འདུས་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཧཱིཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་རྒྱུད་མ་ཧཱ་མཱ་ཡཱའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧ་ཀྵ་མ་ལ་ཝ་ར་ཡཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྤྱི་རྒྱུད་དུས་ཀྱི་འཁོར་ལོའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྙིང་པོ་ཀྱེའི་རྡོ་རྗེའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ༔ ཌཱ་ཀི་ནཱི་ཛཱ་ལ་སཾ་བྷ་རཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡང་སྙིང་འཁོར་ལོ་སྡོམ་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧཱུྃ་ཧ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། རྡོ་རྗེ་གདན་བཞིའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བུདྡྷཱ་ཀ་པཱ་ལ་ཨ་ཧེ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སངས་རྒྱས་ཐོད་པའི་ལྷ་ཚོགས་རྣམས་ཀྱི་ཞལ་དུ་འབུལ་

[Full Size]

ལོ། །ཨོཾ་ཧྲཱིཿལླིཝི་ཊི་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཤིན་རྗེ་དམར་ནག་གདོང་དྲུག་དགྲ་ནག་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧཱིབཛྲ་ཀྲོ་དྷ་བྱ་ཤྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དབང་ཆེན་གསང་བ་འདུས་པ། ཕྱི་ནང་གསང་བ་ཡང་གསང་གི་ལྷ་ཚོགས། གསང་སྒྲུབ་དམར་པོ་ཤྭ་ན་བཞི་སྐོར། རྟ་ཕག་ཡིད་བཞིན་ནོར་བུ། བདེ་མཆོག་དམར་པོ་རྟ་མགྲིན་ནག་པོ་ལྕགས་རལ་ཅན། ཀཱ་ལ་མེ་དཔུང་། མོས་པ་ལྷ་བཞི། ནཱ་ག་ཀླུ་འདུལ། ལྷ་ལྔ་ལ་སོགས་པ་རྟ་མཆོག་རོལ་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀྲོ་ཏ། པདྨ་ཀྲོ་ཏཱི་ཤྭ་རཱི་བཛྲཿ ཀཱི་ལི་ཀཱི་ལ་ཡ༔ མ་ཧཱ་ཡཀྵ༔ ཀཱ་ལ་རཱུ་པ༔ ཀརྨ་རཾ་རཾ༔ ཛྭ་ལ་རཾ་རཾ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཇམ་དཔལ་སྐུའི་ལྷ་ཚོགས། པདྨ་གསུང་གི་ལྷ་ཚོགས། ཡང་དག་ཐུགས་ཀྱི་ལྷ་ཚོགས། ཆེ་མཆོག་ཡོན་ཏན་ལྷ་ཚོགས། ཕྲིན་ལས་ཕུར་པའི་ལྷ་ཚོགས། མ་མོ་རྦོད་གཏོང་ལྷ་ཚོགས། བླ་མ་རིག་འཛིན་ལྷ་ཚོགས། འཇིག་རྟེན་མཆོད་བསྟོད་ལྷ་ཚོགས། དམོད་པ་དྲག་

[Full Size]

སྔགས་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞི་བ་བཞི་བཅུ་རྩ་གཉིས་འབར་བ་ཁྲག་འཐུང་ལྔ་བཅུ། དག་པ་རིག་འཛིན་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བྷིག་ནཱན་ཁཾ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལྷ་མཆོག་རྡོ་རྗེ་གཞོན་ནུ་ཡུམ་འཁོར་ལོ་རྒྱས་འདེབས་མ། སྲས་མཆོག་རིགས་བཞི། ཡེ་ཤེས་ཀྱི་ཁྲོ་བོ་བཅུ། ཁྲོ་མོ་བཅུ། ཁྲ་ཐབས་ཉི་ཤུ་སྒོ་བ་བཞི་ལ་སོགས་པ་བདུད་འདུལ་ཕུར་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་མ་ལྔ་ཤི་ཡ་མཱནྟ་ཀ་ཡ་མ་རཱ་ཙ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཇམ་དཔལ་ཕ་རོལ་རྒོལ་འཇོམས་དམར་ནག །ཡུམ་བེ་ཏ་ཙ་ལི། སྲས་མཆོག་རིགས་བཞི་ཡབ་ཡུམ། བདུད་རྩི་འཁྱིལ་བ་བཅུ། སྟོབས་ཆེན་མ་ཧཱ་བཱ་ལ། ཕྱོགས་བཅུའི་གཤིན་རྗེ་ཡབ་ཡུམ། དྲེགས་པའི་ཚོགས་དང་བཅས་པའི་ཞལ་དུ་འབུལ་ལོ། །དུ་ཏྲི་ཡ་མ་རཱ་ཙ། ཡ་མ་རཀཱ་ཀྲོ་ཏ་པ་ཙ་ལ་ཀཱ་ལ་རཱུ་པ། ཨ་ཀྲོ་རཱ་ཙ༔ ཡ་མ་རཱ་ཙ་ས་མ་ཡ་ཛ༔ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་

[Full Size]

ཧི། འཇམ་དཔལ་ཁྲོ་ཆུ་དུག་གདོང་། ཡུམ་གསང་བ་དུག་ཏི་ནག་མོ། ལས་གཤིན་དྲུག །མོན་པ་སྡེ་བཞི། བདུད་པོ་བཞི། རུ་ཏྲ་སྡེ་བཞི། དྲེགས་པ་སྡེ་བཞི། འཆི་བདག་བཅུ་གཉིས། མོན་ཕོ་དྲུག །མོན་མོ་དྲུག །ཕོ་གཤེད་སུམ་བརྒྱ་དྲུག་ཅུ། མོ་གཤེད་སུམ་བརྒྱ་དྲུག་ཅུ། གཤེད་ཆེན་བདུན་བརྒྱ་ཉི་ཤུ་རྣམས་ཀྱི་ཞལ་དུ་འབུལ་ལོ། །ཨོཾ་ཧཱིཊཱི་ཝི་ཊི་ཏཱ་ན་ན་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཇམ་དཔལ་ཚེ་བདག་ནག་པོ། འཇིགས་བྱེད་མེའི་སྤུ་གྲིའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་གུ་རུ་ཁྲོ་བོ་ལོད་མ་ཧཱ་ཧ་རི་ནི་ས་ལོ་ཀ་སརྦ་སིདྡྷི་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གུ་རུ་རྡོ་རྗེ་གྲོ་ལོད། རིགས་བདག་པདྨ་རྒྱལ་པོ། ཡུམ་རྡོ་རྗེ་ཕག་མོ། མཁའ་འགྲོ་སྡེ་བཞི། གིང་ཆེན་སྡེ་བཞི། རྒྱལ་ཆེན་སྡེ་བཞི་ལ་སོགས་པ། བདུད་འདུལ་རྡོ་རྗེ་གྲོ་ལོད་ཀྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཏན་ཏྲ་པ་ཏི་ཤཱནི་ཀུ་རུ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། དཔལ་རྒྱུད་བདག་རིགས་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཨཱཿཧཱུྃ་ལོ་ཀི་ཤྭ་ར་ཀྲོ་དྷ་ཧཱུྃ་ཕཊ། ཨི་དཾ་བ་ལིཾ་ཏ་

[Full Size]

ཁ་ཁ་ཁཱ་ཧི་ཁཱ་ཧི། ཁྲོ་བོ་རོ་ཟ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་ཨུ་པ་རྭ་ཙ་མ་མ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨུ་པ་རྭ་ཙའི་ཞལ་དུ་འབུལ་ལོ། ཕཊཿཧཱུྃ་ཛྙཱ་ན་ཀྲོ་དྷ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡེ་ཤེས་འཇིགས་བྱེད་ཡབ་ཡུམ་འཁོར་དང་བཅས་པའི་ཞལ་དུ་འབུལ་ལོ། །མཆོག་ཐུན་མོང་གི་དངོས་གྲུབ་དུ་བསྩལ་དུ་གསོལ། དེ་ཡན་ཆད་ཡི་དམ་གཏོར་མ་ལ་བསྔོ་བ་ཡིན་ནོ། །ཨོཾ་བཛྲ་བེ་རོ་ཙ་ནི་ཡེ་ཧ་རི་ནི་ས་ཧཱུྃ་ཧཱུྃ་ཕཊཿསྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། བཅོམ་ལྡན་ལྷན་ཅིག་སྐྱེས་མ་རྡོ་རྗེ་རྣལ་འབྱོར་མ་ལྷ་ལྔ། རྩ་ལྷ་བརྒྱ་དང་བཅུ་དྲུག །འཁོར་གྱི་མཁའ་འགྲོ་བྱེ་བ་འབུམ་སྡེའི་ཞལ་དུ་འབུལ་ལོ། །ཨོཾ་བཛྲ་ཝ་ར་ཧི་ཀྲོ་ཏི་ཀ་ལི་ཧ་རི་ནི་ས་ཨཱ་ཝེ་ཤ་ཡ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཐུགས་རྗེ་ཁྲོས་མ་ནག་མོ་ལྷ་ལྔ་ལྷ་བཅུ་གསུམ་གྱི་ཞལ་དུ་འབུལ་ལོ། །ཨོཾ་ཤྲཱི་བཛྲ་ཌཱཀི་ནཱི་སིདྷ་མུ་ཁ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡེ་ཤེས་ཀྱི་མཁའ་འགྲོ་མ་སེང་གེའི་གདོང་ཅན། གསུང་སྤྲུལ་སྟག་གི་གདོང་ཅན། ཐུགས་སྤྲུལ་དོམ་གྱི་གདོང་ཅན། རིགས་བཞི་ཌཱ་ཀི་སེང་གདོང་ཅན། ཕྲ་མེན་སེང་

[Full Size]

གདོང་མ་བཅུ་བཞི། འཁོར་རི་རབ་སུམ་ཅུ་རྩ་གཉིས་ཀྱི་རྡུལ་གྱི་གྲངས་དང་མཉམ་པའི་མཁའ་འགྲོ་མ་རྣམས་ཀྱི་ཞལ་དུ་འབུལ་ལོ། །ཨོཾ་ཏཱ་རེ་ཏུཏྟ་རེ་ཏུ་རེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཕགས་མ་སྒྲོལ་མ་དཀར་སྔོན་གྱི་ཞལ་དུ་འབུལ་ལོ། །ཨོཾ་མཱ་རི་ཙྩཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལྷ་མོ་འོད་ཟེར་ཅན་གྱི་ལྷ་ཚོགས་ཀྱི་ཞལ་དུ་འབུལ་ལོ། །ཨོཾ་པི་ཤ་ཙི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལོ་མ་གྱོན་མའི་ལྷ་ཚོགས་ཀྱི་ཞལ་དུ་འབུལ་ལོ། །ཨོཾ་ཀུ་རུ་ཀུལླེ་ཧཱུྃསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དབང་གི་དབང་མོ་རིག་བྱེད་མའི་ཞལ་དུ་འབུལ་ལོ། །དེ་དག་རྙིང་མ་བླ་མེད་ལུགས་སོ། །བྷོཕཊ༔ཧཱུྃ་ཏྲ་ཏྲ་ན་དུ་ར་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལས་ཧུར་དྲག་མོ་འཁོར་དང་བཅས་པའི་ཞལ་དུ་འབུལ་ལོ། །ཧྲཱིཿམ་ཧ་རི་ནི་ས་ར་ཙ་ཧྲཱིཿཡ་ཙིཏྟ་ཧྲིང་ཧྲིང་ཛཿཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡུམ་རྡོ་རྗེ་ཕག་མོ། ཡབ་དཔའ་བོ་རྟ་མགྲིན། འཁོར་དཔའ་མོ་འབུམ་ཚོ་ཉི་ཤུའི་ཞལ་དུ་འབུལ་ལོ། །ཨོཾ་བུདྡྷ་ཌཱ་ཀི་ནཱི། བཛྲ་ཌཱ་ཀི་ནཱི། རཏྣ་ཊཱ་ཀི་ནཱི། པདྨ་ཊཱ་ཀི་ནཱི། བི་ཤྭ་ཌཱ་ཀི་ནཱི། ལོ་ཀ་ཌཱ་ཀི་ནཱི། སརྦ་

[Full Size]

ཌཱ་ཀི་ནཱི། ས་མཱ་ཡ་ཌཱ་ཀི་ནཱི། པི་ཤ་ཙི་ཌཱ་ཀི་ནཱི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སངས་རྒྱས་མཁའ་འགྲོ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ་་ལས་ཀྱི་མཁའ་འགྲོ། སྣ་ཚོགས་མཁའ་འགྲོ། འཇིག་རྟེན་མཁའ་འགྲོ། ཐམས་ཅད་མཁའ་འགྲོ། དམ་ཚིག་མཁའ་འགྲོ། ཤ་ཟ་མཁའ་འགྲོ། གནས་ལས་སྐྱེས་པ། རིགས་ལས་སྐྱེས་པ། ཞིང་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པ་ལྷན་ཅིག་སྐྱེས་པའི་ལྷ་རྣམས་ཀྱི་ཞལ་དུ་འབུལ་ལོ། །གནས་དང་ཉེ་བའི་གནས། ཞིང་དང་ཉེ་བའི་ཞིང་། ཚན་བློ་དང་ཉེ་བའི་ཚན་དྷོ། འཐུང་སྤྱོད་དང་ཉེ་བའི་འཐུང་སྤྱོད། གནས་ཉི་ཤུ་རྩ་བཞི། ཡུལ་སུམ་ཅུ་སོ་གཉིས། དུར་ཁྲོད་ཆེན་པོ་བརྒྱད་ལ་སོགས་པའི་མཁའ་འགྲོ་སྲུང་མ་རྣམས་ཀྱི་ཞལ་དུ་འབུལ་ལོ། །ཕྱོགས་སྐྱོང་བཅུ་ལ་སོགས་པ་འཇིག་རྟེན་སྐྱོང་བ་རྣམས་ཀྱི་ཞལ་དུ་འབུལ་ལོ། །རྒྱ་གར་རྡོ་རྗེ་གདན། རྒྱ་ནག་རི་བོ་རྩེ་ལྔ། ནུབ་ཕྱོགས་ཨོ་རྒྱན་ཡུལ། བྱང་ཤམ་བྷ་ལ། དཔལ་ལྡན་འབྲས་སྤུང་གི་མཆོད་རྟེན། ལྷོ་ཕྱོགས་དཔལ་གྱི་རི་བོ། ཤྲི་ནཱ་ལེནྡྲ། བི་ཀྲ་མ་ལ་ཤཱི་ལའི་

[Full Size]

གཙུག་ལག་ཁང་ལ་སོགས་པ། གྲུབ་ཆེན་རྣམས་ཀྱིས་བྱིན་གྱིས་བརླབས་པའི་གནས་རྣམས་སུ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་འབུལ་ལོ། །ལྷོ་གྲོ་བོ་ལུང་། འབྲོག་ལ་ཕྱི་ཆུ་བར། ཇོ་མོ་བཀྲ་ཤིས་ཚེ་རིང་མཆེད་ལྔ། ཤར་དྭགས་ལྷ་དཔལ་གྱི་སྒམ་པོ། སྟོད་ལུང་མཚུར་ཕུ། ཀམ་པོ་གནས་ནང་། ཀརྨ་རི་གླིང་། ཤར་ཕྱོགས་སྤུང་རི། ལྷོ་གནས་མཆོག་དཔལ་གྱི་ཙཱ་རི་ཏྲ། གངས་དཀར་གྱི་རྒྱལ་པོ་ཏི་སེ། མཚོ་མ་ཕམ། བལ་ཡུལ་འཕགས་པ་ཤིང་ཀུན། ཤིང་ཀི་རིའི་མཆོད་རྟེན། རོང་བཙན་ཁ་བ་དཀར་པོ། ཆོས་འཁོར་ལྷ་ས་དཔལ་གྱི་བསམ་ཡས། ཀུན་ཏུ་བཟང་པོའི་ནགས་ཁྲོད་ལ་སོགས་པ་གངས་རིའི་ཁྲོད་ཀྱི་སྒྲུབ་གནས་བྱིན་རླབས་ཅན་རྣམས་སུ་གནས་པའི། དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་འབུལ་ལོ། །གཞན་ཡང་ལུང་ལྔ་གླིང་གཅིག་སྒྲུབ་གནས་བརྒྱུད། གངས་ཉི་ཤུ་རྩ་གཅིག །གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས་ལ་སོགས་པ། ཨོ་རྒྱན་ཆེན་པོའི་བྱིན་གྱིས་རླབས་པའི་གནས་རྣམས་སུ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་འབུལ་

[Full Size]

ལོ། །སྐུ་གསུང་ཐུགས་ཤིན་ཏུ་མཉེས་ནས་སངས་རྒྱས་ཀྱི་བསྟན་པ་དར་བ་དང་། བདག་ཅག་སྒྲུབ་པ་པོ་རྣམས་ཀྱི་མཐུན་རྐྱེན་སྒྲུབས། འགལ་རྐྱེན་སོལ། ཕྲིན་ལས་རྣམ་པ་བཞི་ཐོགས་པ་མེད་པར་འགྲུབ་པ་དང་། འཇིག་རྟེན་གྱི་ཁམས་སུ་ཆར་ཆུ་དུས་སུ་བབས་པ་དང་། ལོ་ཕྱུགས་རྟག་ཏུ་ལེགས་པ་དང་། མི་ནད་དང་ཕྱུགས་ནད་དང་ཡམས་ནད་དང་། མུ་གེ་དང་འཁྲུག་རྩོད་ཐམས་ཅད་ཉེ་བར་ཞི་བར་མཛད་དུ་གསོལ། དེ་ཡན་མཁའ་འགྲོའི་གཏོར་མ་ལ་བསྔོ་རུང་། མཁའ་འགྲོ་སྤྱི་གཏོར་ལོགས་ན་ཡོད་ན། འཇིག་རྟེན་པའི་དཔའ་བོ་མཁའ་འགྲོ་དེ་མི་དམིགས་སོ། །མེད་ཀྱང་གཙོ་མོའི་འཁོར་ཁོ་ན་ཡིན་པས་གཅིག་གིས་ཆོག་གོ །སྐབས་འདིར་ཤ་ཆང་མ་འདྲེས་པའི་ཡི་དམ་གཏོར་མ་ཟུར་དུ་ཡོད་ན་ལོགས་སུ་བསྔོ་སྟེ་བྱིན་རླབས་མི་འདྲ་བ་ཡོད། ཆོས་སྐྱོང་ནི་རབ་སོ་སོའི་གཏོར་ཆོག་ལྟར་འབྲིང་ཕྱག་བཞི་པའི་གཏོར་བསྔོས་སྐབས་སུ་བཙུད། བསྡུ་ན་འདིས་ཆོག་སྟེ། ཨོཾ་མ་ཧཱ་ཀཱ་ལ་ཡ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཏྲག་རཀྵ་མ་ཧི་དུན་མ་ཧཱ་ཡཀྵ་ཏིཀ་ཎ་ཀཱ་ལི་དུན་བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཔལ་ཡེ་ཤེས་ཀྱི་མགོན་པོ་མ་ཧཱ་ཀཱ་ལ་བདུད་འདུལ་རྡོ་རྗེའི་དེད་དཔོན་འཇིགས་བྱེད་ཆེན་པོ་བེར་ནག་ཅན། དྲེགས་པ་ཕོ་དགུ་མོ་

[Full Size]

དགུ། ཕྱོགས་སྐྱོང་བའི་མགོན་པོ་བཅུ། དྲེགས་པའི་གཙོ་བོ་བདུན་ཅུ་རྩ་གཉིས། ཡེ་ཤེས་ཀྱི་མགོན་པོའི་ཚོགས། ལས་ཀྱི་མགོན་པོའི་ཚོགས། འཇིག་རྟེན་གྱི་མགོན་པོའི་ཚོགས་རྣམས་དང་། དཔལ་ལྷ་མོ་རང་བྱུང་གི་རྒྱལ་མོ། སྲུང་མ་དཔལ་ལྡན་མ། མ་མོ་བདུན། སྲིང་མོ་བཞི། འབར་མ་དགུ། དུས་བཞིའི་ལྷ་མོ། །དམག་གི་རྒྱལ་མོ་བཞི། དབང་ཕྱུག་མ་ཉི་ཤུ་རྩ་བརྒྱད། འཁོར་དང་བཅས་པ་རྣམས་དང་གཞན་ཡང་བཀའ་བརྒྱུད་རིན་པོ་ཆེའི་བསྟན་པ་སྲུང་བར་ཞལ་གྱིས་བཞེས་པའི་བཀའ་སྲུང་དམ་ཅན་རྒྱ་མཚོའི་ཚོགས་རྣམས་ལ་འབུལ་ལོ། །བསྟན་པ་རིན་པོ་ཆེ་དར་ཞིང་རྒྱས་པ་དང་། བདག་གི་ཕྲིན་ལས་རྣམ་བཞི་འགྲུབ་པ་དང་། བར་ཆད་མི་མཐུན་པའི་ཕྱོགས་རྣམས་བསལ་དུ་གསོལ། ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡེ་ཤེས་ཀྱི་མགོན་པོ་ཕྱག་བཞི་པ། སྐུ་ལྔ་མགོན་པོ་ཡབ་ཡུམ། ལས་མགོན་བྱ་རོག་གདོང་མཆེད་དགུ། ཐུགས་སྤྲུལ་ཙནྡན་བེང་ཆེན་དམག་དཔོན་བརྒྱད།། ཞིང་སྐྱོང་སེང་གེའི་གདོང་ཅན། དྲག་པོ་ཞིང་སྐྱོང་ཉེར་བཞི། ཡུམ་ཙན་

[Full Size]

ཏེ་རྩ་འཇིབ་རེ་མ་ཏི་མཆེད་བཞི། མཁའ་འགྲོ་བརྒྱད་དྲུག །སྐུ་འཁོར་ནག་པོ་སྟོང་། གསུང་འཁོར་ཤ་ཟ་འབུམ། ཐུགས་འཁོར་མ་མོ་བྱེ་བ། ཡོན་ཏན་གྱི་འཁོར་གནོད་སྦྱིན་ཁྲི། ཕྲིན་ལས་ཀྱི་འཁོར་མཁའ་འགྲོ་བྱེ་བ་ཕྲག་བཅུ་རྣམས་ཀྱི་ཞལ་དུ་འབུལ་ལོ། །ཨོཾ་ཧཱུྃ་ཤི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཔལ་ལྡན་ལྷ་མོ་དུད་པའི་སོལ་བ་མ། སྙིང་འཕྲོག་མ་གསུམ། རིགས་བཞིའི་ལྷ་མོ། དུར་ཁྲོད་ཀྱི་མ་མོ་བརྒྱད། ཕྲ་མེན་མ་བརྒྱད། སྒོ་མ་བཞི་འཁོར་མ་མོ་བྱེ་བ་འབུམ་སྡེའི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀཱ་ལ་ཀཻ་ཀྵེ་ཏྲ་བིག་ནཱན་བི་ན་ཡ་ཀ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མགོན་པོ་བར་ཆད་ཀུན་སེལ། རེ་མ་ཏི་གནོད་སྦྱིན་བཞི། དཔལ་མགོན་བདུན་ཅུའི་ཚོགས་དང་བཅས་པའི་ཞལ་དུ་འབུལ་ལོ། །ཨོཾ་ཤྲཱི་མ་ཧཱ་ཀཱ་ལ་གྷ་ན་གླུ་ཡ་རཾ་སིདྡྷི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཔལ་མགོན་མ་ནིང་སྡེ་ལྔ་༔ སྲོག་བདུད་དཔལ་འབར་མ། ཡང་འཁོར་སྡེ་བརྒྱད། ལྷ་བརྒྱད་ཀླུ་བརྒྱད་གཤིན་རྗེ་བརྒྱད། གནོད་སྦྱིན་བརྒྱད། བདུད་དམག་བྱེ་བ་འབུམ་དང་བཅས་པའི་ཞལ་དུ་

[Full Size]

འབུལ་ལོ། །ཨོཾ་མ་ཧཱ་ཀཱ་ལ་སིང་ཧ་མུ་ཁ་ཧཱུྃ་ཕཊ། ཏྲི་ཧྲིང་ཛ༔ ཌཱ་ཀི་ནཱི་སི་ན་ར་མ་ཧཱུྃ་ཕཊ། ཏྲི་ཧྲིང་ཛ༔ ཡ་མ་རཱ་ཙ་དུ་ཏྲི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞིང་སྐྱོང་ཡབ་ཡུམ། མི་སྲུན་བམ་རོ་ཕོ་མོ། ལས་མཁན་ཤན་པ་སྡེ་བརྒྱད་བདུད་དམག་སྟོང་སྡེའི་ཚོགས་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀྲོ་དྷ་རྒྱ་གྲི་ཝ༔ ཨེ་ཀ་ཙ་ཏི་ཡཀྵ་ཏྲི་ཧཱུྃ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་ཧཱ་ཀཱ་ལ་རྟ་ནག་དྲེགས་པ་ཆེན་པོ། ཡུམ་ཨེ་ཀ་ཙ་ཏི། སྲས་ཤན་པ་དམར་ནག །འཁོར་སྡེ་བརྒྱད་དང་བཅས་པའི་ཞལ་དུ་འབུལ་ལོ། །ཨོཾ་གྷི་རཱ་ཛ་གྱི་རཱ་ཛ་ཀུ་མ་ཀུ་མ་ཁུམ་ཐིས་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མགོན་དཀར་དུར་ཁྲོད་བདག་པོ་ཡབ་ཡུམ་གྱི་ཞལ་་དུ་འབུལ་ལོ། བྷ་ག་ཝ་ཏི་ཏིཥྛ་རཀྵ་རཀྵ་ས་མ་ཡ་ཧཱུྃ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྲིན་མགོན་ཐོད་ཕྲེང་ཡབ་ཡུམ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་མ་ཧཱ་ཀཱ་ལ་བི་ཀ་ལ་ར་ཏྲི་ཏ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཉེན་མགོན་གདོང་བཞི་པ་ཡུམ་བཞི་འཁོར་དང་བཅས་པའི་ཞལ་དུ་འབུལ་ལོ། །ཨོཾ་མ་ཧཱ་ཀཱ་ལ་དུ་རུ་ཧཱུྃ་

[Full Size]

ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བསྟན་སྲུང་བྲག་ལྷ་མགོན་པོ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་མ་ཧཱ་ཀཱ་ལ་མ་ཎི་འབིར་ཝ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མགོན་པོ་མདུང་འཛིན་གློག་ཞོན་འཁོར་དང་བཅས་པའི་ཞལ་དུ་འབུལ་ལོ། །ཨོཾ་མ་ཧཱ་ཀཱ་ལ་ཏྲཀཱད་མ་ཧཱ་ཀཱ་ལ་སིདྡྷི་ཡ་མ་དུ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བདུད་མགོན་སྤུ་གྲི་གཅིག་ཤུར་གྱི་ཞལ་དུ་འབུལ་ལོ། །ཏྲག་རཀྵ་ཁ་མུན་ཏྲ་མུན་ཏྲ་ཨེ་ཀ་ཛཊི་སྙིང་ཁ་རཀྵ་བྷྱོཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྔགས་སྲུང་རལ་གཅིག་མ་འཁོར་སྲིད་པའི་མ་མོ་བདུན་འབུམ་འཁོར་དང་བཅས་པའི་ཞལ་དུ་འབུལ་ལོ། བྷྱོཿ ཤ་ཟ་ཌཱཀི་ནཱི་མ་མོ་ཙིཏྟ་ཧྲིང་ཧྲིང་ཛ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཤ་ཟ་ཁ་མོ་ཆེ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཨ་ཀ་ནི་ཙ་ལི་མི་ཐུམ་ཕྲི་ལི་རེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཇོ་མོ་བཀྲ་ཤིས་ཚེ་རིང་མཆེད་ལྔའི་ཞལ་དུ་འབུལ་ལོ། །ཨོཾ་ཡ་མ་ར་ཙ་ར་ཏི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨ་ཕྱི་ཆོས་སྒྲོན་མཆེད་ལྔའི་ཞལ་དུ་འབུལ་ལོ། །ཨེ་ཧེ་རྨ་རུ་རྩེ་གུ་ན་ཧྲཱིཿ་ཏྲི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གནོད་

[Full Size]

སྦྱིན་ཤན་པ་དམར་ནག་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཀེ་ཏ་ཀེ་ཏ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཟའ་བདུད་དུག་གི་སྤུ་གྲི་གཟའ་བརྒྱད་སྡོང་མོ་བཞི་རྒྱུ་སྐར་ཉི་ཤུ་རྩ་བརྒྱད་དང་བཅས་པའི་ཞལ་དུ་འབུལ་ལོ། །ནཱ་ག་རཱ་ཙ་ཀྲོ་ཏ་པཱ་ཙ་ལ་པ་ཏི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཀླུ་བདུད་དགེ་བསྙེན་སྨྱོ་ཁ་གནས་བརྒྱད་ཀྱི་ཞལ་དུ་འབུལ་ལོ། །དུ་བཻ་ཏྲི་ཤུ་ལ་ནཱ་ག་རཱ་ཙ་ཧཱུྃ་ཧཱུྃ་ཛ༔ཧཱུྃ་བཾ་ཧོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཏེར་སྲུང་སྤུ་གྲི་མཆེད་གསུམ་གྱི་ཞལ་དུ་འབུལ་ལོ། །ཨོཾ་ནཱ་ག་ཙན་ཏྲི་རཱ་ཙ་ར་ཏྲི། གིང་ཀ་ར། ཡཀཱ་ཡཀྵ་ས་མ་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཙན་རྒོད་འབར་བ་སྤུན་བདུན། དགེ་བསྙེན་སྤུན་བདུན་གནོད་སྦྱིན་སྤྱན་བདུན་འཁོར་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀཱ་ལ་ཧཱུྃ་ཕཊ༔ ཨོཾ་བཛྲ་རེ་མ་ཏི་མ་བློ་ཛ༔ ཨ་ཡ་མ་དུ་རུ་ཙ་ཤ་ན་ས་མ་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་བཀའ་སྲུང་མ་མགོན་སྡེ་བརྒྱད་འཁོར་དང་བཅས་པའི་ཞལ་དུ་འབུལ་ལོ། །ཨོཾ་པྲ་ཎི་ཨ་ཏ་མ་ཁྱི་རུ་པུ་རུ་ཥ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྒྲོལ་གིང་བེག་རྩེ་

[Full Size]

འཁོར་དང་བཅས་པའི་ཞོལ་དུ་འབུལ་ལོ། །ཨོཾ་བཛྲ་སུམ་ཏྲི་རི་ཏྲི་ན་ན་ཁ་རེག་བྷཾ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཙན་རྒོད་ཇག་པ་མེ་ལེན་གྱི་ཞལ་དུ་འབུལ་ལོ། །ཙནྡྲ་མ་ནི་དྷ་ར་དྷ་ར་ས་མ་ཡ་ཛཿཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འབྲོ་སྲས་ཐང་སྲས་འབར་བ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཀཱ་ལ་རཱ་པ་ཧཱུྃ་ཕཊ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ལས་གཤིན་ཆོས་རྒྱལ་འཁོར་དང་བཅས་པའི་ཞལ་དུ་འབུལ་ལོ། །བཛྲ་ར་ཏྲི་ཛ༔ བཛྲ་རུ་ཏྲི་ཛ༔ བཛྲ་ཙ་མུན་ཏྲི་ཛ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཀའ་སྲུང་དྲེགས་པ་གསུམ་བསྒྲིལ་གྱི་ཞལ་དུ་འབུལ་ལོ། །ཨོཾ་རཱ་ལི་པྲ་མ་ཡ་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྡོ་རྗེ་ངེ་ནེ་མའི་ཞལ་དུ་འབུལ་ལོ། །ཨོཾ་སརྦ་དྷརྨ་པཱ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཕྱི་ནང་གསང་བ་ཡང་གསང་གི་སྡེ་བརྒྱད་སྔགས་བདག་དྲེགས་པ་བཅོ་བརྒྱད་མྱུར་མགྱོགས་དྲེགས་པ་ཉི་ཤུ། དྲེགས་པའི་སྡེ་དཔོན་སུམ་ཅུ་ལ་སོགས་པ་བཀའ་སྲུང་དམ་ཅན་རྒྱ་མཚོའི་ཚོགས་ཐམས་ཅད་ཀྱི་ཞལ་དུ་འབུལ་ལོ། །དེ་ཡན་ཆོས་སྐྱོང་སྤྱི་གཏོར་གཅིག་ལ་བསྔོ་བའོ། །དེ་ནས་ནོར་ལྷ་སྤྱི་ལ་རེ་རེ་གུད་དུ་ཡོད་དམ། མེད་ན་རྣམ་སྲས་སམ་ཛམ་ལྷའི་གཏོར་མ་ལ་

[Full Size]

མཐེབ་སྒྱུ་གཉིས་གསུམ་གསོས། ནོར་ལྷ་ཐམས་ཅད་ལ་བསྔོའོ། །ཧཱུྃ་ལས་རིན་པོ་ཆེའི་སྣོད་དུ་གཏོར་མ་དཀར་གསུམ་མངར་གསུམ་བདུད་རྩིའི་རྒྱ་མཚོ་ཆེན་པོ་གཅིག་ཏུ་གྱུར། ཨོཾ་ཨ་ཀཱ་རོ་མུ་ཁཾ་སོགས། ཨོཾ་པདྨ་ཀྲོ་དྷ་ཨརྱ་ཛཾ་བྷ་ལ་ཧྲཱིཿ་དཱ་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཕགས་པ་ཛཾ་དཀར་ལྷ་ལྔའི་ཞལ་དུ་འབུལ་ལོ། །ཨོཾ་ཛམྦྷ་ལ་ཛ་ལེནྡྲ་ཡ་དྷ་ན་མེ་དྷི་གྷིསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཛམྦྷ་ལ་དམར་པོ་ཡབ་ཡུམ་གདན་དང་བཅས་པའི་ཞལ་དུ་འབུལ་ལོ། །ཨོཾ་ཛ་ལཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཛམྦྷ་ལ་ནག་པོའི་ཞལ་དུ་འབུལ་ལོ། །ཨོཾ་ཛམྦྷ་ལ་ཛ་ལེནྡྲ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཛམྦྷ་ལ་སེར་པོ་འཁོར་ནོར་ལྷ་མཆེད་བརྒྱད་དང་བཅས་པའི་ཞལ་དུ་འབུལ་ལོ། །ཨོཾ་བཱ་སུ་དྷ་རི་ཎི་སྭཱ་ཧཱ། །ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ནོར་རྒྱུན་མ་མཆེད་ལྔ་ནོར་གྱི་ལྷ་མོ་བརྒྱད་དང་བཅས་པའི་ཞལ་དུ་འབུལ་ལོ། །ཨོཾ་བུདྡྷ་བཛྲ་རཏྣ་པདྨ་ཀརྨ་ཛ་བྷ་ལ་ཛ་ལེནྡྲ་ཡེ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཛམྦྷ་ལ་རིགས་དགུའི་ཞལ་དུ་འབུལ་ལོ། །ཨོཾ་ཧྲཱིཿས་པར་ཙིཏྟ་ཛཿཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཏེར་

[Full Size]

བདག་གནོད་སྦྱིན་གཞན་གྱིས་མི་ཐུབ་པའི་ཞལ་དུ་འབུལ་ལོ། །ཨོཾ་གྷ་ན་པ་ཏི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཇོ་བོ་ཚོགས་ཀྱི་བདག་པོ་རིགས་ལྔའི་ཞལ་དུ་འབུལ་ལོ། །ཨོཾ་ཨཱརྱ་རེ་མནྟ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྟ་ལྷ་རེ་མནྟ་འཁོར་ལྔ་བརྒྱ་དང་བཅས་པའི་ཞལ་དུ་འབུལ་ལོ། །ཨོཾ་ཨཱཀུ་བེ་ར་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྟ་བདག་ཀུ་བེ་ར་འཁོར་སྟོང་དང་བཅས་པའི་ཞལ་དུ་འབུལ་ལོ། །ཨོཾ་ཏིཥྛ་རཡ། བེ་རུ་ཌྷ་ཀ་ཡ། བི་རུ་པཀ་ཡ། བཻ་ཤྲ་མ་ཎ་ཡེ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྒྱལ་པོ་ཆེན་པོ་སྡེ་བཞི་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཨཱཿཧཱུྃ་བཛྲ་ཡཀྵ་དྷ་རི་ནི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གནོད་སྦྱིན་ཕག་གདོང་མ་མཆེད་ལྔའི་ཞལ་དུ་འབུལ་ལོ། །གཞན་ཡང་གནོད་སྦྱིན་གྱི་སྡེ་དཔོན་བཅུ་གཉིས། ལྗོངས་ཆེན་གནས་པ་བཅུ་དྲུག །ཡུལ་འཁོར་སྐྱོང་བ་ལྔ་བརྒྱ། གནོད་སྦྱིན་བྱེ་བ་བདུན་འབུམ། འབྲོག་གནས་མཆེད་ལྔ་འཁོར་དང་བཅས་པ་ལ་སོགས་པ་ནོར་ལྷ་གཏེར་བདག་ཐམས་ཅད་ཀྱི་ཞལ་དུ་འབུལ་ལོ། །ཚེ་དང་བསོད་ནམས་མངའ་ཐང་ལོངས་སྤྱོད་ཐམས་ཅད་དར་ཞིང་རྒྱས་

[Full Size]

པའི་ཕྲིན་ལས་མཛོད་ཅིག །དེའི་བར་ནོར་ལྷ་སྤྱི་གཏོར་ལའོ། །དེ་ནས་ཕྱི་རྒྱུད་གཏོར་མ་ཤ་མ་འདྲེས་པ་ལ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་གཏོར་མ་དཀར་གསུམ་མངར་གསུམ་ཁ་དོག་དྲི་རོ་རེག་བྱ་ཕུན་སུམ་ཚོགས་པ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། ཨོཾ་ཕུ་ཏ་ཕུ་ཏ་མ་ཧཱ་ཀྲོ་དྷ་སིདྡྷི་སྤོ་ཊ་ཡ་ཧཱུྃ་ཕཊ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཇོ་བོ་སྔགས་བདག་སོག་མ་མེད། བཙུན་མོ་སྲས་དང་བཅས་པ་འཁོར་དྲུག་ཁྲིའི་ཚོགས་དང་བཅས་པའི་ཞལ་དུ་འབུལ་ལོ། །ཨོཾ་ནཱ་ག་རཱ་ཙ་ཨ་ཏི་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཀླུ་རྒྱལ་མི་མགོན་དཀར་པོ་ཀླུ་ཆེན་འཁོར་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་ཐང་ཀ་ར་མུན་ཉིད་ཁུ་ཤ་ལི་ཨ་མྲྀ་ཏ་ཁཱ་ཧི་ཁཱ་ཧི། ལྷ་ཆེན་ཐང་ལྷ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ནཱ་ག་རཱ་ཛ་བཛྲ་རཱ་ཛ་ས་མ་ཡ་ཛཿཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མཁར་ནག་རྒྱལ་པོ། ཀླུ་ཆེན་མིང་སྲིང་བར་བློན་ཆེན་པོ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་ཀྲིག་ན་ཏྲིག་ཛ༔ ཏྲིག་སྨན་རུམ་ཙམ་ཙམ་ཛ༔ ཨི་

[Full Size]

དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དགེ་བསྙེན་མཁའ་རི་ལྕམ་དྲལ་དགེ་བསྙེན་ཉི་ཤུ་རྩ་གཅིག་རྣམས་ཀྱི་ཞལ་དུ་འབུལ་ལོ། །ཏྲིའུ་ཏྲིའུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དགེ་བསྙེན་ཡེ་ཤེས་གྲགས་དཀར་པོ་ལྷ་རྒྱལ་སྲིད་པ་གསལ་བྱེད་ཀྱི་ཞལ་དུ་འབུལ་ལོ། །ཨོཾ་བཛྲ་ཀུ་ལི་མུ་མེན་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཏེར་སྲུང་རྨ་རྒྱལ་སྤོམ་ར་རྨ་རིགས་སུམ་བརྒྱ་དྲུག་ཅུའི་ཞལ་དུ་འབུལ་ལོ། །ཨོཾ་ཨ་རུ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཀའ་སྲུང་རྡོ་རྗེའི་མཚན་ཅན་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ནཱ་ག་ན་ཤི་ལི་ཧི་ལི་མི་ལུ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཀའ་སྲུང་རྡོ་རྗེ་བདུད་འཇོམས་ཀྱི་ཞལ་དུ་འབུལ་ལོ། །གཞན་ཡང་དཔལ་མགོན་བདུན་ཅུ། དཀར་པོ་བརྒྱ་ལ་སོགས་པ་སྟོང་གཅིག་པ། སྟོང་གཉིས་པ། སྟོང་གསུམ་པ། མཐོ་བ་ནམ་མཁའ། དམའ་བ་ས་གཞི། རི་རབ་ཆེན་པོའི་ས་བདག །གསེར་གྱི་རི་བདུན། རོལ་པའི་མཚོ་བདུན། གླིང་བཞི་གླིང་ཕྲན་ལ་གནས་པའི་གཞི་བདག །འཛམ་བུ་གླིང་གི་ཟོ་དོར། རྒྱལ་པོ་ཆེན་པོ་སྡེ་བཞི། བོད་ཀྱི་མགུར་ལྷ་བཅུ་གསུམ། སྲིད་པ་ཆགས་པའི་ལྷ་

[Full Size]

དགུ། བོད་ཁམས་སྐྱོང་བའི་བརྟན་མ་བཅུ་གཉིས། སྟོད་མངའ་རིས་སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་སྒང་ལྔར་གནས་པའི་གཞིའི་བདག་པོ། གནས་ཀྱི་བདག་པོ། ཡུལ་གྱི་བདག་པོ་གྲོང་གི་བདག་པོ། གཉུག་མར་གནས་པ་རྣམས་ཀྱི་ཞལ་དུ་འབུལ་ལོ། །གཞན་ཡང་ས་བདག་ས་ཡི་ལྷ་མོ་བརྟན་མ། ས་འཛིན་ལག་པ་ཆེན་པོ། སྤར་ཁ་བརྒྱད། སྨེ་བ་དགུ། ལོ་སྐོར་བཅུ་གཉིས། ས་བདག་གི་རྒྱལ་པོ་ཐེ་སེ་ལ་སོགས་པ། ད་ལོའི་ལོ་ད་ཞག་གི་ཟླ་བ། དེ་རིང་ཉི་མ། ད་ལྟའི་དུས་ཚོད། གཟའ་རྒྱུ་སྐར། དུས་ཚོད་ཚེས་གྲངས་ལ་དབང་བ་རྣམས་ཀྱི་ཞལ་དུ་འབུལ་ལོ། །རྣལ་འབྱོར་པ་བདག་ཅག་སྔོན་ཆད་གང་དུ་སོང་ཞིང་། ཕྱིན་ཆད་གང་དུ་འགྲོ་བ། ད་ལྟ་གང་དུ་འདུག་པའི་གཞི་བདག་རྣམས་ཀྱི་ཞལ་དུ་འབུལ་ལོ། །ཕ་རི་གཡས་ཚུ་རི་གཡོན། འགྲོ་བ་ལམ། སྐྱེ་བ་ཤིང་། འབབ་པ་ཆུ། སྲ་བ་བྲག་གཡོ་བ་རླུང་། བརྟན་པ་མཁར་ལ་སོགས་པ། ས་ཕྱོགས་ཡུལ་ཕྱོགས་དབེན་གནས་སྒྲུབ་གནས་འདི་ཉིད་དུ་གནས་པའི་གཞི་བདག་དཀར་པོའི་ཕྱོགས་ལ་མངོན་པར་

[Full Size]

དགའ་ཞིང་བྱང་ཆུབ་ཀྱི་སེམས་དང་ལྡན་པ་རྣམས་ཀྱི་ཞལ་དུ་འབུལ་ལོ། །སྐུ་རྒྱལ་ཤེ་ནེ། སྨོན་སྐྱེས་གང་ཞུར། ཛོ་རྒྱལ་རི་ཏི། གོ་རྒྱལ་རྡོ་རྗེ་བདུད་འཇོམས། གཏམ་རྒྱལ་མདོ་ཟོ། དབྱི་འབྲོ་གཉེན་པོ། རྒྱལ་མོ་བུ་སྤང་། རྡོ་རྗེ་མོན་པ། དགེ་བསྙེན་དབྱི་དོ། ཀླུ་རྒྱལ་སྤོ་ཏོ། གཡོ་རྫོང་མཚོ་སྨན། གནས་པོ་དཔལ་རི་རྩེ། མ་ཎི་ཤར་ལ་སོགས་པའི་གཞི་བདག་གནས་བདག་རྣམས་ཀྱི་ཞལ་དུ་འབུལ་ལོ། །གཞན་ཡང་སྐྱོབ་པའི་ལྷ་ལྔ། བརྟན་པའི་ལྷ་དགུ། ལ་སོགས་པ་འཇིག་རྟེན་སྲིད་པའི་ཕ་མཚུན་དགྲ་བླ་རྣམས་ཀྱི་ཞལ་དུ་འབུལ་ལོ། །རྣལ་འབྱོར་བདག་ཅག་དཔོན་སློབ་འཁོར་དང་བཅས་པ། འགྲོ་ན་མ་བཟུང་། སྡོད་ན་མ་བསྐྲད། བསམ་པ་མ་ངན། སྦྱོར་བ་མ་རྩུབ། འཚོ་བ་སྦྱོར། ཡོན་བདག་གྱིས། མཐུན་རྐྱེན་སྒྲུབས། འགལ་རྐྱེན་སོལ། རྐྱེན་ཕྱི་ནང་གི་བར་ཆད་ཉེ་བར་ཞི་བར་མཛོད་ཅིག །དེ་ནས་སྤྱི་ཐམས་ཅད་ལ་བསྔོ་བའི་ཚིགས་བཅད་དང་འདོད་གསོལ་ནི། བླ་མ་རྡོ་རྗེ་སློབ་དཔོན་དང་། །ཡི་དམ་ལྷ་ཚོགས་འཁོར་དང་བཅས། །ཆོས་སྐྱོང་སྲུང་མ་མ་ལུས་ལ། །མཆོག་གི་གཏོར་མ་འདི་འབུལ་ལོ། །ཞིང་སྐྱོང་ཆེན་པོ་

[Full Size]

བརྒྱད་རྣམས་དང་། །མཁའ་འགྲོ་སུམ་ཅུ་སོ་གཉིས་སོགས། །ལྷ་ཀླུ་གནོད་སྦྱིན་སྲིན་པོ་དང་། །འབྱུང་པོ་ཡི་དྭགས་ཤ་ཟའི་ཚོགས། །སྨྱོ་བྱེད་བརྗེད་བྱེད་མཁའ་འགྲོ་མ། །མ་མོའི་ཚོགས་རྣམས་མ་ལུས་དང་། །སྡེ་བརྒྱད་ཡུལ་ལྷ་གཞི་བདག་དང་། །སྨན་མོ་གནས་བདག་ལ་སོགས་པའི། །གཏོར་མགྲོན་ཚོགས་རྣམས་མ་ལུས་ཀུན། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཤོག །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཅན་གྱིས་སྟོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་

[Full Size]

དང་། །ཡིད་ལ་འདོད་པ་ཀུན་འགྲུབ་མཛོད། །སངས་རྒྱས་བསྟན་སྲུངས་དཀོན་མཆོག་དབུ་འཕང་བསྟོད། །དགེ་འདུན་སྡེ་སྐྱོང་རྣལ་འབྱོར་ཚེ་དཔལ་སྤེལ། །སྙན་པའི་དར་ཕྱིར་དྲག་པོའི་དུང་བུས་ལ། །འཁོར་དང་ལོངས་སྤྱོད་རྒྱས་པ་ཉིད་དུ་མཛོད། །རྒས་མེད་ལང་ཚོ་རྒྱས་པའི་ལུས་སྟོབས་རྒྱས། །མིག་ལ་ཡ་མཚན་ལྟད་མོ་དགའ་བ་ལ། །རྣ་བར་རྟག་ཏུ་སྙན་པའི་གཏམ་ཐོས་ཤིང་། །དྲི་ཞིམ་ངད་པ་སྣ་དང་མི་འབྲལ་བར། །ཟས་སྐོམ་འབྱོར་པས་རོ་འཛིན་ཚིམ་བྱེད་ཅིང་། །ལུས་ལ་རེག་བྱ་བདེ་བ་ཁོ་ནས་འཚོ། །ཡིད་ལ་རྣམ་པར་བཀྲ་བའི་ཤེས་རབ་དང་། །ཟག་མེད་བདེ་བས་ནམ་ཡང་འབྱོར་བར་མཛོད། །ཁྱོད་གསོལ་ཁྱོད་མཆོད་ཁྱོད་བསྟེན་ཁྱོད་རྦད་ན། །མཐུ་རྩལ་མ་ཆུང་བརྩེ་གདུང་ཆེ་བར་མཛོད། །གཞི་ལ་བཀྲ་ཤིས་ཕུན་ཚོགས་ལོངས་སྤྱོད་ལྡན། །བྱེས་སུ་ལམ་འཕྲང་ཆུ་ལས་སྒྲོལ་འདོན་མཛོད། །འཇིགས་སར་དགྲ་ཇག་ཆོམ་རྐུན་འཚེ་བ་སྐྱོབས། །མདོར་ན་བསམ་དོན་ཡིད་བཞིན་འགྲུབ་པར་མཛོད། །སྲིད་ཞིའི་དཔལ་འབྱོར་མ་ལུས་འབྱུང་བའི་གཞི། །ཐུབ་པའི་བསྟན་པ་ཡུན་རིང་གནས་པ་དང་། །དེར་འཛིན་བྱེད་པའི་སྐྱེས་བུ་དམ་

[Full Size]

པ་རྣམས། །དཔལ་འབྱོར་གྱིས་བརྒྱན་ཡུན་རིང་ཞབས་བརྟན་མཛོད། །བདག་ཅག་སློབ་དཔོན་ཡོན་མཆོད་འཁོར་བཅས་རྣམས། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །དོན་རྣམས་ཐམས་ཅད་ཡིད་བཞིན་འགྲུབ་པ་དང་། །འགྲོ་བའི་དོན་ལ་མཐུ་དང་ལྡན་པར་མཛོད། །ཅེས་འཕྲིན་བཅོལ་ནས། སྤྱི་ལ་མཆོད་ཅིང་བསྟོད་པ་ནི། ཆུ་བཞི་ཉེར་སྤྱོད་ལྔ་དང་རོལ་མཚོ་དང་། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ནང་གི་མཆོད་པ་རིག་མ་བཅུ་དྲུག་སོགས། །ཕྱི་ནང་གསང་བའི་མཆོད་པ་དུ་མས་མཆོད། །སྐྱེད་ཚལ་གཞལ་མེད་ཁང་དང་དཔག་བསམ་ཤིང་། །གཏེར་གྱི་བུམ་པ་ཁྲུས་རྫིང་པདྨར་བཅས། །གོས་དར་ཁྲི་སྟན་བཞོན་པ་བྲན་འཁོར་འབུལ། །གུ་རུ་དྷེ་ཝ་ཌཱཀི་ནི་དྷརྨ་པཱ་ལ་ས་པ་རི་ཝཱ་ར་སརྦ་པཱུ་ཛ་པྲ་ཏིཙྪ་སྭཱ་ཧཱ། དེ་ནས་ཡེ་ཤེས་པ་སྤྱི་ལ་བསྟོད་པ། ཨོཾ་སྐུ་ལ་མཚན་མེད་བགྲང་དུ་མེད། །ནམ་མཁའ་དང་ནི་མཉམ་འབྱུང་ཞིང་། །སྣ་ཚོགས་དབང་ཕྱུག་མི་ཤིགས་པ། །རྡོ་རྗེའི་སྐུ་ལ་ཕྱག་འཚལ་ལོ། །ཨཱབརྗོད་དུ་མེད་པའི་ངང་ཉིད་ལས། །ཚངས་པ་ལ་སོགས་སྙན་པའི་དབྱངས། །ཕྱོགས་བཅུ་ཀུན་ཏུ་གྲོགས་མཛད་པ། །རྣམ་

[Full Size]

དག་གསུང་ལ་ཕྱག་འཚལ་ལོ། །ཧཱུྃ་ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་ལ་སོགས་པ། །རྟོག་པ་ཀུན་ལས་རྣམ་གྲོལ་བའི། །ཡེ་ཤེས་ཐུགས་ལ་ཕྱག་འཚལ་བསྟོད། །འཇིག་རྟེན་པ་སྤྱི་ལ། ཧཱུྃ། པདྨའི་བཀའ་ཉན་ཕྱོགས་ཀུན་ཁྱབ་པར་རྒྱུག །ལ་ལ་ལྷ་རིགས་སངས་རྒྱས་བསྟན་པ་སྲུངས། །ལ་ལ་གཤིན་རྗེ་ལ་སོགས་གནོད་བྱེད་པ། །སྡེ་བརྒྱད་རྣལ་འབྱོར་སྐྱོང་ལ་ཕྱག་འཚལ་བསྟོད། །དེས་གཏོར་བསྔོས་ཚང་ལ། གསོལ་ཁ་བསྡུས་པ་ནི། བསྟན་སྲུང་མཐར་ཐུག་མ་དང་རྡོ་རྗེ་འཆང་དངོས་མ། བསྐང་བ་བསྡུས་པ་བཀའ་བརྒྱུད་བསྐང་ཐུང་མ་དང་གནམ་ཆོས་བསྐང་བ་ཡན། བསྐང་ངོ་བཀའ་བརྒྱུད་སོགས་ནས། ཕྲིན་ལས་རྣམ་བཞི་བསྒྲུབ་ཏུ་གསོལ། །ཞེས་པའི་བར་རོ། །ཞེས་པ་འདི་དོན་གྲུབ་ཀྱིས་བསྐུལ་ཞིང་གཞན་ལ་ཡང་ཕན་ཕྱིར་བཀའ་རྒྱ་གནད་ཀྱི་བཀའ་སྲུང་ཡོ་འགའ་མ་གཏོགས་ཧྲག་བསྡུས་ཚང་བར། སྔགས་འཆང་རཱ་ག་ཨ་སྱས་ཉིན་གཅིག་ལ་ཚར་བ་བྲིས་པ་རྟེན་འབྲེལ་ལེགས་སྙམ། རབ་གནས་ཚར་ནུབ་ཚར་གཅིག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱལ་བ་རྒྱ་མཚོའི་གཏོར་བསྔོས་ཉུང་བསྡུས་རྒྱུན་ཁྱེར་གྱི་དམིགས་རིམ་ཟིན་བྲིས་ཤིན་ཏུ་གསལ་བ།

[Full Size]

རྒྱལ་བ་རྒྱ་མཚོའི་གཏོར་བསྔོས་ཉུང་བསྡུས་རྒྱུན་ཁྱེར་གྱི་དམིགས་རིམ་ཟིན་བྲིས་ཤིན་ཏུ་གསལ་བ་བཞུགས་སོ།།

[Full Size]

ན་མོ་གུ་རུ་དྷེ་ཝ་ཌཱ་ཀི་ནཱི་ཧཱུྃ། རྒྱལ་བ་རྒྱ་མཚོའི་རྒྱུན་ཁྱེར་གཏོར་བསྔོས་ནི། །འདོན་ཆ་ཐམས་ཅད་དམིགས་པ་ཡིན་པའི་ཕྱིར། །ལོགས་ཏུ་དམིགས་རིམ་བྲི་ནི་མི་དགོས་ཀྱང་། །གཞུང་ཚིག་ཅུང་ཟད་ཁ་སྦོམ་བཀྲོལ་བ་ནི། །རྒྱས་པར་བདག་མདུན་ཚང་མ་ཚོགས་བཅས་བྱ། །གལ་ཏེ་ཚོགས་མ་འབྱོར་ཀྱང་རུང་བ་ཡིན། །ཚོགས་ཕུད་ཕུལ་ནས་གཏོར་བསྔོས་ཀཾ་ཚང་ལུགས། །འབྲིང་དུ་བདག་བསྐྱེད་ཚར་ནས་གཏོར་བསྔོས་བྱ། །མ་ཁོམ་དྲན་རྫོགས་བདག་བསྐྱེད་བསྒོམས་ཀྱང་རུང་། །རང་ཉིད་ཡི་དམ་གསལ་བའི་ཐུགས་ཀ་ནས། །ཡི་གེ་ཡཾ་རཾ་ཁཾ་གསུམ་འཕྲོས་པ་ཡིས། །རཾ་

[Full Size]

ལས་མེ་བྱུང་མི་གཙང་དྲི་མ་བསྲེགས། །ཡཾ་ལས་རླུང་བྱུང་ཐ་མལ་བག་ཆགས་གཏོར། །ཁཾ་ལས་ཆུ་བྱུང་གཉིས་འཛིན་དྲི་མ་བཀྲུས། །པདྨན་ཀྲྀཏ་འདོན་ཚེ་བསྒོམ་རྒྱུ་ཡིན། །དེ་ནས་གཏོར་མ་སྣོད་བཅས་སྟོང་པར་བསྒོམ། །།སེམས་ངོ་བལྟ་ཞིང་པྲ་བྷའི་སྔགས་བརྗོད་དོ། །དེ་ནི་བསངས་དང་སྦྱངས་བའི་དམིགས་པའོ། །རང་གི་ཐུགས་ལས་ཡི་གེ་ཡཾ་འཕྲོས་པས། །ངོ་བོ་རླུང་ལ་དབྱིབས་ནི་གཞུ་འདྲ་བ། །གཞུ་རྒྱུན་གནམ་བསྟན་ཆང་ཟུང་ཡཾ་གྱིས་མཚན། །གཞུ་མཆོག་གཉིས་ལ་བ་དན་ལྗང་ཁུ་ནི། །ཟུར་གསུམ་རབ་ཏུ་ཆེ་བ་གཉིས་བཏགས་པ། །དེ་སྟེང་རང་གི་ཐུགས་

[Full Size]

ལས་རཾ་འཕྲོས་པས། །མེ་ཡི་རང་བཞིན་ཟུར་གསུམ་རཾ་གྱིས་མཚན། །དེ་སྟེང་ཀཾ་ཡིག་སྐྱ་བོ་གསུམ་འཕྲོས་པས། །མི་མགོའི་སྒྱེད་པུ་རི་རབ་ཙམ་པ་གསུམ། ཁ་ཕྱིར་བསྟན་ཏེ་ཟུར་གསུམ་སྟེང་དུ་གནས། །དེ་སྟེང་རང་གི་ཐུགས་ལས་ཨ་སྤྲོས་པས། །བྷན་དུམ་གཅིག་དཔྲལ་བ་རང་ལ་བསྟན། །དེ་ཡང་རུས་པའི་བྷན་མ་ཡིན་ཏེ། །ཕྱི་ནི་ཆུ་ཤེལ་ཟླ་བའི་རང་བཞིན་དཀར། །ནང་ནི་མེ་ཤེལ་ཉི་མའི་རང་བཞིན་དམར། །རྒྱ་ནི་སྟོང་གསུམ་འཇིག་རྟེན་ཁྱོན་ཙམ་བསྒོམ། །དེ་ནང་གཞུང་ལྟར་བདུད་རྩི་ལྔ་པོ་ནི། །ངོ་བོ་བདུད་རྩི་ལྔ་པོ་ཡིན་མོད་ཀྱང་། །རྣམ་པ་གཅིན་སྟུག་མི་གཙང་གཟུགས་སུ་མིན། །རྣམ་པ་ཚབ་དང་རཀྟ་འདྲ་བའང་མིན། །རློན་པ་ཆུ་ཡི་རང་བཞིན་ཡིན་ནའང་། །དཔེར་ན་ཆབ་རོམ་ཆེན་པོའི་རི་བོ་བཞིན། །དྲི་ཆུ་བེཊྛར་དྲི་ཆེན་ཤེལ་གྱི་རི། །རཀྟ་གསེར་རི་བྱང་སེམས་དུང་གི་རི། །ཀླད་པ་བྱི་རུ་དཀར་པོའི་རི་འདྲ་བསྒོམ། །ཀུན་ཀྱང་དྲོད་མ་ཡལ་ཞིང་རླངས་པ་ཅན། །བདུད་རྩི་ལྔ་པོ་སྒྲོན་མ་ལྔ་ཞེས་བྱ། །མངོན་ཤེས་ལྔ་པོ་ཐོབ་པའི་དགོས་པ་ཡོད། །གཞུང་ལྟར་མི་ཤ་ལ་སོགས་ཤ་ལྔ་ཡང་། །ལུས་མ་ཚང་བའི་ཤ་གཟུགས་མ་ཡིན་ཏེ། །མི་དང་གླང་སོགས་

[Full Size]

རོ་ནི་ཆེན་པོ་ལྔ། །དྲོད་མ་ཡལ་ཞིང་དབུགས་ནི་སོང་མ་ཐགེ །ཆེ་ཚོ་སེམས་ཅན་སོ་སོའི་བཀྲག་མདངས་ཅན། །རྐང་མགྱོགས་ལ་སོགས་དངོས་གྲུབ་ལྔ་གྲུབ་རྫས། །དེ་ལྟར་ཤ་ལྔ་བདུད་རྩི་ལྔ་པོ་འདི། །རིགས་ལྔ་ཡུམ་ལྔས་བྱིན་གྱིས་བརླབ་པའི་ཕྱིར། །མཐར་ཐུག་དེ་ཡི་གོ་འཕང་ཐོབ་པ་དང་། །གནས་སྐབས་བཅུད་ལེན་ཀུན་གྱི་མཆོག་ཏུ་བཤད། །དགོས་ཆེད་གཙང་བཙོག་རྣམ་རྟོག་འཇོམས་ཕྱིར་ཡིན། །གོ་བ་མི་གཙང་རྫས་ནི་བཅུ་པོ་སྟེ། །སྔགས་དང་ཏིང་འཛིན་བྱིན་རླབས་བདུད་རྩིར་འགྱུར། །དེ་བཞིན་རང་རེ་སེམས་ཅན་ཐ་མལ་རྣམས། །དབང་དང་གདམས་པས་བྱིན་རླབས་སངས་རྒྱས་འགྱུར། །ཞེས་པའི་བརྡའ་དེ་གོ་བའི་ཆེད་ཡིན་ནོ། །གྲུབ་ཐོབ་ཆེན་པོས་དངོས་སུ་དེ་རྣམས་ལ། །བདུད་རྩི་དངོས་སུ་བསྒྱུར་ནས་གསོལ་བ་དང་། །ལྷ་དང་དཀྱིལ་འཁོར་མཆོད་སོགས་དངོས་སུ་མཛད། །དངོས་སུ་བདུད་རྩིར་བསྒྱུར་བ་མི་ནུས་ན། །གཏོར་མར་གཙང་སྦྲ་བྱེད་ཅིང་ཡིད་ཀྱིས་བསྒོམ། །བསྒོམ་པར་ནུས་ན་ཤ་རྒྱན་མེད་ཀྱང་ཆོག །དེ་ཡང་ཕ་རྒྱུད་གསང་འདུས་རྒྱུད་ལས་གསུངས། །དེ་ནས་གཞུ་ཡི་ཆང་བཟུང་ཡཾ་ཡིག་ལས། །རླུང་བྱུང་གཞུ་མཆོག་

[Full Size]

བ་དན་གཉིས་པོ་བསྐྱོད། །དེ་ཡིས་གཡབ་པས་སྟེང་གི་རཾ་ཡིག་ལས། །མེ་འབར་ཐོད་པ་དྲོས་ཤིང་རྫས་རྣམས་ཁོལ། །ཞུ་ཞིང་འཕྱུར་བའི་མི་གཙང་དྲི་མ་རྣམས། །ལྦུ་བའི་ཚུལ་དུ་ཕྱིར་ལུད་ལྷག་མ་རྣམས། །ལྟེམས་སེ་ཞུ་བ་དམ་ཚིག་བདུད་རྩི་ཡིན། །དེ་སྟེང་ཨོཾ་དཀར་ཨཱདམར་ཧཱུྃ་མཐིང་གསུམ། །བརྩེགས་མའམ་ནི་སུམ་ཚོམ་བསྒོམས་ཀྱང་རུང་། །དེ་ལས་འོད་ཟེར་ཕྱོགས་བཅུར་འཕྲོས་པ་ཡིས། །སངས་རྒྱས་ཀུན་གྱི་དཔྲལ་མགྲིན་ཐུགས་ཀ་ནས། །སྐུ་གསུང་ཐུགས་ཀྱི་བདུད་རྩི་དཀར་དམར་མཐིང་། །སྤྱན་དྲངས་ཡིག་འབྲུ་གསུམ་ལ་སོ་སོར་ཐིམ། །དེ་ནི་ཡེ་ཤེས་བདུད་རྩི་སྤྱན་འདྲེན་ཡིན། །དེ་ནས་ཡིག་འབྲུ་གསུམ་པོ་གཅིག་བརྗོད་པས། །ཨཱཡིག་ཞུ་ནས་འོག་ཏུ་ཐིམ་པ་ཡིས། །གསུང་གི་བདུད་རྩི་དམར་དང་ལྟེམས་སེ་གྱུར། །འབྲུ་གསུམ་གཅིག་བརྗོད་ཧཱུྃ་ཡིག་ཞུ་ཐིམ་པས། །ཐུགས་ཀྱི་བདུད་རྩི་སྔོ་དང་ལྟེམས་སེ་སོང་། །འབྲུ་གསུམ་གཅིག་བརྗོད་ཨོཾ་ཡིག་ཞུ་ཐིམ་པས། །སྐུ་ཡི་བདུད་རྩི་དཀར་དང་ལྡེམས་སེ་སོང་། །དམ་ཚིག་ཡེ་ཤེས་བདུད་རྩི་གཉིས་མེད་འདྲེས། །ཁ་དོག་མུ་ཏིག་ཁ་དོག་ལྟ་བུ་སྟེ། །དཀར་ལ་ཅུང་ཟད་སྔོ་ཞིང་དམར་མདངས་ཆགས། །རོ་ནི་སྦྱང་དང་

[Full Size]

བུ་རིམ་ཀ་ར་བཞིན། །ལེགས་པར་བརྟགས་ན་རོ་མཆོག་བརྒྱད་དང་ལྡན། །བཀྲེས་པ་འགྲང་ཞིང་སྐོམ་རྣམས་ངོམ་པ་དང་། །ལུས་ལ་བདེ་བ་སྐྱེ་ཞིང་རིག་པ་གསལ། །དེ་སོགས་ནུས་པ་སྟོང་དང་ལྡན་པར་བསྒོམ། །དེ་ཡི་རླངས་པར་མཆོད་པའི་ལྷ་མོའི་ཚོགས། །མཆོད་རྫས་དུ་མ་འཛིན་པས་བར་སྣང་ཁྱབ། །བདུད་རྩིའི་རྒྱ་མཚོ་དཀྲུགས་པའི་སྒྲ་སྐད་ལ། །རོལ་མོའི་སྒྲ་དང་བསྟོད་དབྱངས་སྣ་ཚོགས་འབྱུང་། །བདུད་རྩིའི་དྲི་ངད་སངས་རྒྱས་ཞིང་ཁམས་ཀུན། །སྤོས་དྲི་སྣ་ཚོགས་རྣམ་པ་དུ་མས་ཁྱབ། །བདུད་རྩི་གཏོར་མ་བསྐྱེད་ལུགས་ཁྱད་མེད་དེ། །བདུད་རྩིའི་ཟེགས་མ་འཐོར་བ་རེག་པས་ཀྱང་། །ལྷ་ལ་ཕོག་ན་ཐུགས་དམ་དབྱིངས་སུ་བསྐང་། །མཆེད་ལྕམ་ལ་ཕོག་ཉམས་ཆག་སྡིག་སྒྲིབ་དག ། དགྲ་དང་བགེགས་ལ་ཕོག་ན་རྡུལ་དུ་བརླག །དམ་སྲི་དམ་ཉམས་ལ་ཕོག་དུག་ཏུ་འགྱུར། །ལྕེ་ལ་བཞག་ན་དངོས་གྲུབ་རྣམ་གཉིས་ཐོབ། །དེ་ནི་གསང་སྔགས་ནང་གཏོར་བསྐྱེད་ཆོག་ཡིན། །ནོར་ལྷ་ཕྱི་རྒྱུད་གཞི་བདག་གཏོར་མ་ནི། །ཧཱུྃ་ལས་རིན་ཆེན་སྣ་ཚོགས་ལས་གྲུབ་སྣོད། །ཡངས་ཤིང་རྒྱ་ཆེ་གླིང་བཞིའི་ཁྱོན་ཙམ་པ། །དེ་ནང་ཨོཾ་ཡིག་གམ་ནི་ཁཾ་ཡིག་ཞུ། །

[Full Size]

དཀར་གསུམ་མངར་གསུམ་འོ་མའི་རྒྱ་མཚོར་བསམ། །ཨ་ཀཱ་རོ་ཡིས་འབྲུ་གསུམ་བྱིན་གྱིས་རློབས། །གཏོར་མ་བྱིན་རླབས་ཀྱི་ལེའུ་སྟེ་དང་པོའོ།། ༈ །།མདུན་བསྐྱེད་བཏོན་ན་སྤྱན་འདྲེན་དེས་འཐུས་ཀྱང་། །འཕྲལ་དུ་སྤྱན་འདྲེན་དམིགས་པ་རྒྱས་འདེབས་སྲོལ། །པད་ཀོར་དང་བཅས་འབར་བའི་ཕྱག་རྒྱ་ནི། །དཔྲལ་བར་བསྐོར་ཞིང་མིག་གཉིས་ནམ་མཁར་བལྟ་།ལུས་ནི་ཙོག་པུར་རྐང་གཡས་གཡོན་པ་མནན། །ཕོ་ཕོ་བརྗོད་པ་སྤྱན་འདྲེན་མཆོག་ཡིན་ཏེ། །གཏོར་མགྲོན་ཐམས་ཅད་སྐད་ཅིག་ཉིད་ལ་འབྱོན། །དེ་ཡང་དཀྱིལ་འཁོར་གཞན་དང་འབྲེལ་བ་ནི། །མདུན་བསྐྱེད་དཀྱིལ་འཁོར་ཕྱི་ཁྱམས་མགྲོན་ཀུན་བཞུགས། །དཀྱིལ་འཁོར་ཤར་སྒོའི་ཁྱམས་དེར་གཏོར་མ་ཡོད། །ལྷ་དགུ་ལྟ་བུ་བདག་བསྐྱེད་དཀྱིལ་འཁོར་དུས། །དཀྱིལ་འཁོར་ཕྱི་ཡི་ཁྱམས་དེར་གཏོར་མ་དང་། །མགྲོན་རྣམས་ཐམས་ཅད་བཞུགས་པར་བྷེ་པ་ཡིན། །འོན་ཀྱང་མདུན་བསྐྱེད་ལྷ་ལྔ་འབྲེལ་བའི་ཚེ། །ཀཐོག་དམ་པ་བདེ་གཤེགས་ཕྱག་ལེན་ལྟར། །གྲུབ་ཆེན་པཀཱིའི་ཐུགས་དམ་མཛད་པ་ཡིན། །རང་རེ་རྣམས་ཀྱིས་རྒྱུན་དུ་འདི་བྱ་སྟེ། །སྟོང་གསུམ་འཇིག་རྟེན་བདུད་རྩིས་ཁྱབ་པའི་སྟེང་། །བར་

[Full Size]

སྣང་མཐོན་པོར་རྒྱལ་བ་རྒྱ་མཚོ་ལ། །ཡི་དམ་ཞི་བའི་ལྷ་ཚོགས་ཀུན་གྱིས་བསྐོར། །གཡས་སུ་རྟ་མགྲིན་ཁྲོ་བོ་ཀུན་གྱིས་བསྐོར། །གཡོན་དུ་གསང་ཡེ་མཁའ་འགྲོ་ཀུན་གྱིས་བསྐོར། །སྟེང་དུ་ཨོ་རྒྱན་བླ་མ་ཀུན་གྱིས་བསྐོར། །འོག་ཏུ་མ་མགོན་ཆོས་སྐྱོང་ཐམས་ཅད་དང་། །ནོར་ལྷ་བཀའ་སྲུང་ཀུན་གྱིས་བསྐོར་བའི་རྒྱབ། །ཡུལ་ལྷ་གཞི་བདག་རིགས་དྲུག་སེམས་ཅན་རྣམས། །རིགས་ལྔའི་དཔའ་བོ་མཁའ་འགྲོའི་སྐུར་གྱུར་བསྒོམ། །དེ་དག་བར་སྣང་ཁམས་སུ་པད་ཉི་སོགས། །རང་རང་གདན་ལ་རྫུ་འཕྲུལ་སྟབས་ཀྱིས་བཞུགས། །སྤྲིན་གྱི་ཕུང་པོ་ཞེས་སོགས་ཚིག་དེ་བརྗོད། །གཏོར་མགྲོན་སྤྱན་འདྲེན་གྱི་ལེའུ་སྟེ་གཉིས་པའོ།། ༈ །།རཏྣ་གུ་རུ་བླ་མ་སྤྱི་ཡི་མཚན། །གཏོར་བསྔོས་འདི་ལ་རྣམ་པ་མང་བ་སྟེ། །བརྗོད་པའི་ཚིག་གིས་བསྔོ་དང་སྔགས་ཀྱིས་བསྔོ། །ཕྱག་རྒྱས་བསྔོ་དང་ཡིད་ཀྱིས་བསྔོ་བ་དང་། །གྱེར་གྱིས་བསྔོ་དང་རྣམ་པ་ལྔ་ཙམ་ལས། །ཕྱོགས་བཅུ་དུས་གསུམ་ཞེས་པ་ནས་བཟུང་སྟེ། །འབུལ་ལོ་ཞེས་པར་ཚིག་གིས་བསྔོ་བ་ཡིན། །ཡི་དམ་སོ་སོའི་སྔགས་ལ་ཨི་དཾ་སོགས། །བརྗོད་པ་དེ་ནི་སྔགས་ཀྱིས་བསྔོ་བ་སྟེ། །ཚིག་དང་སྔགས་

[Full Size]

ཀྱིས་བསྔོ་བའི་ལེའུ་སྟེ་གསུམ་པའོ།། ༈ །།ཕྱག་རྒྱས་བསྔོ་བ་ཐལ་མོ་ཁ་གྱེན་ཕྱེ། །ཨི་དཾ་བ་ལི་ཟེར་དུས་ཡར་བཏེག་ཚུལ། །ཁཱ་ཧི་ཚར་རྗེས་སེ་གོལ་རེ་རེ་རྡེབ། །དམིགས་པས་བསྔོ་བ་རྣམ་པ་གཉིས་ཡོད་དེ། །གཏོར་བསྔོས་ཚར་ནས་གཏོར་མ་བཀྲོལ་ན་ནི། །ལྷ་ཚོགས་ལྗགས་ལས་འོད་ཀྱི་སྦུ་གུ་བྱུང་། །གཏོར་མ་བདུད་རྩིའི་རྒྱ་མཚོ་ལ་ཟུག་ནས། །བདུད་རྩི་དྲངས་ཤིང་གསོལ་བས་མཉེས་པར་བསྒོམ། །འོད་ཀྱི་སྦུ་གུའང་སོ་སོའི་ཕྱག་མཚན་དབྱིབས། །འདི་ནི་གསར་རྙིང་སྒྲུབ་གཞུང་ཀུན་ནས་གསུངས། །འོན་ཀྱང་། གཏོར་མ་བཞག་རྒྱུར་དེ་བསྒོམ་ན། །གཏོར་མ་ལྷག་མར་གྱུར་པ་དེ་རྗེས་ནས། །གཏོར་བསྔོས་བྱེད་པ་ཅུང་ཟད་མི་ལེགས་པས། །རང་གི་ཐུགས་ལས་མཆོད་པའི་ལྷ་མོ་ནི། །གྲངས་མེད་སྤྲོས་ཏེ་ཕྱག་ན་བྷན་ཐོགས། གཏོར་མ་བདུད་རྩིའི་རྒྱ་མཚོ་ནས་བཅུས་ལ། །མགྲོན་རྣམས་སོ་སོའི་མདུན་དུ་ལྷ་མོས་བཏེག །འོད་ཀྱི་སྤུ་གུས་སྔར་ལྟར་གསོལ་བར་དམིགས། །དེ་ནི་ཏིང་ངེ་འཛིན་གྱི་བསྔོ་བ་ཡིན། །གཏོར་བསྔོས་སྤྱི་ཁོག་རྒྱལ་བ་རྒྱ་མཚོ་འདིར། །བླ་མའི་སྐབས་སུ་གང་འདོད་བླ་མ་དང་། །ཡི་དམ་མཁའ་འགྲོ་ཆོས་སྐྱོང་སོ་སོའི་སྐབས། །རང་

[Full Size]

གི་གང་འདོད་བཙུད་པར་རུང་བ་ཡིན། །སྔོན་གྱི་རིག་འཛིན་གོང་མ་རྣམས་ཀྱི་དྲུང་། །གསང་སྔགས་དབང་བསྐུར་ཐོབ་པ་མ་གཏོགས་པའི། །གཞི་བདག་གཏོར་མ་ཕུགས་གཏོར་གྲལ་མི་རུང་། །ནང་མཆོད་ཕྱི་རྒྱུད་གཏོར་མ་བྲན་མི་རུང་། །འོན་ཀྱང་གཞི་བདག་རིགས་དྲུག་སེམས་ཅན་བཅས། །དཔའ་བོ་མཁའ་འགྲོའི་སྐུ་རུ་བསྒོམས་པ་དེས། །ནང་མཆོད་བྲན་རུང་ཕུགས་གཏོར་གྲལ་བཞག་རུང་། །ཕྱག་རྒྱ་ཏིང་ངེ་འཛིན་གྱིས་བསྔོ་བའི་ལེའུ་སྟེ་བཞི་པའོ།། ༈ །།དེ་ནས་གྱེར་གྱི་བསྔོ་བ་ཞེས་བྱ་བ། །སྟོན་པས་གསུངས་པའི་མདོ་སྡེ་རྣམས་ལ་ཡང་། །དང་པོ་ཚིག་ལྷུག་རྒྱས་པར་གསུངས་པའི་རྗེས། །དེ་དོན་བསྡུས་པའི་ཚིགས་བཅད་དབྱངས་སུ་གསུངས། །དེ་བཞིན་ཚིག་ལྷུག་གཏོར་བསྔོས་རྒྱས་པའི་རྗེས། །དེ་དོན་བསྡུས་པའི་གཏོར་བསྔོས་དབྱངས་སུ་གྱེར། །དེ་ལ་གྱེར་གྱིས་བསྔོ་བ་ཞེས་བྱ་སྟེ། །གཏོར་མ་བྱིན་རླབས་རྒྱས་པ་སྔར་སོང་ཡང་། །བསྡུས་པ་དྲན་རྫོགས་སླར་ཡང་གསལ་འདེབས་ཏེ། །ཨོཾ་ཞེས་བརྗོད་པས་གཏོར་སྣོད་གཏོར་མ་རྣམས། །མ་དག་དྲི་མ་སྟོང་པ་ཉིད་དུ་བསམ། །དེ་ནས་མཚུངས་མེད་གྱུར་ཞེས་བྱ་བའི་བར། །གཏོར་མ་བྱིན་རླབས་

[Full Size]

སྔར་ལྟར་དྲན་ཙམ་བསྒོམ། །དེ་ནས་གཏིབས་པར་གྱུར་ཞེས་བྱ་བའི་བར། །གཏོར་མགྲོན་སྤྱན་འདྲེན་དམིགས་པ་དྲན་ཙམ་བསྒོམ། །དེ་ནས་ཚིག་གིས་བསྔོ་བ་འདི་ཉིད་ལས། །ཏིང་ངེ་འཛིན་གྱིས་བསྔོ་བའི་དམིགས་པ་བྱ། །ཡི་དམ་ཀུན་འདུས་བྱ་བའི་དུས་ཀྱི་ཚེ། །ཡི་དམ་དཀྱིལ་འཁོར་ལྷ་ཚོགས་ཐམས་ཅད་མཆོད། །ཀུན་འདུས་རྩ་བའི་བླ་མ་ཟེར་བའི་དོན། །ཡི་དམ་རྒྱུད་སྡེའི་ལྷ་ཚོགས་ཐམས་ཅད་ནི། །རྩ་བའི་བླ་མའི་ཡོན་ཏན་ངོ་བོ་ཡིན། །བླ་མ་མཆོད་ཅེས་བླ་མ་ཐམས་ཅད་མཆོད། །དཀོན་མཆོག་ཀུན་འདུས་ཟེར་བའི་དུས་ཀྱི་ཚེ། །སངས་རྒྱས་དཀོན་མཆོག་ཐམས་ཅད་མཆོད་པར་ཧཱུྃ། །དེ་ནི་བླ་མའི་ཐུགས་ཀྱི་ངོ་བོ་ཡིན། །དམ་ཆོས་དཀོན་མཆོག་ཐམས་ཅད་མཆོད་པར་བྷྱོ༔ །དེ་ནི་བླ་མའི་གསུང་གི་ངོ་བོ་ཡིན། །དགེ་འདུན་དཀོན་མཆོག་ཐམས་ཅད་མཆོད་པར་བསྒོམ། །དེ་ནི་བླ་མའི་སྐུ་ཡི་ངོ་བོ་ཡིན། །དེ་བཞིན་རང་གི་དྲིན་ཐོབ་བླ་མ་མཆོད། །དེ་ལྟར་དཀོན་མཆོག་གསུམ་གྱི་རྩ་བ་སྟེ། །དེ་ཕྱིར་རྩ་བའི་བླ་མ་ཞེས་བྱའོ། །ཆོས་སྐྱོང་ཀུན་ཞེས་ཆོས་སྐྱོང་ཐམས་ཅད་མཆོད། །དེ་ནི་བླ་མའི་ཕྲིན་ལས་ངོ་བོ་ཡིན། །དམིགས་པ་གསལ་ན་སྔོན་གྱི་དམིགས་པ་ལྟར། །སོ་སོར་

[Full Size]

བསྒོམས་ནས་སོ་སོར་མཆོད་པར་བྱ། །སོ་སོར་དམིགས་པ་ཟིན་པར་མ་ཐེབ་ན། །རྒྱལ་བའི་དབང་པོའམ་ནི་ཨོ་རྒྱན་བསྒོམ། །དེ་ལ་ཐམས་ཅད་འདུས་པ་ཤེས་བྱས་ལ། །དེ་ཉིད་མཆོད་པས་ཐམས་ཅད་འཐུས་པ་ཡིན། །ཀུན་འདུས་རྩ་བའི་བླ་མ་མཆོད་སོགས་བརྗོད། །དེ་ནི་རྒྱ་ཆེན་སྤྱི་རུ་བསྔོ་བ་ཡིན། །དེ་ནས་བྱེ་བྲག་སོ་སོར་བསྔོ་བ་ནི། །བེར་ནག་ཅན་དང་དེ་ཡི་མཆེད་གྱུར་པ། །གུར་དང་ཕྱག་བཞི་ཕྱག་དྲུག་ཚོགས་བདག་ཡིན། །དེ་ཡི་སྤྲུལ་པའི་མགོན་ཆེན་བཞི་བཅུ་ལྔ། །དེ་རྣམས་བེར་ནག་ཅན་གྱི་མཆེད་ཡིན་ནོ། །ལྕམ་ནི་རང་བྱུང་རྒྱལ་མོ་དུད་སོལ་མ། །རེ་མ་ཏི་སོགས་ལྷ་མོ་སྟོང་རྩ་བརྒྱད། །དེ་དག་མགོན་པོའི་ལྕམ་དུ་གཏོགས་པ་ཡིན། །དབུགས་ལེན་བཅུ་དྲུག་ཕྱོགས་བཅུའི་མགོན་པོ་བཅུ་།དྲེགས་པའི་གཙོ་བོ་བདུན་ཅུ་རྩ་གཉིས་ཏེ། །དེ་དག་བེར་ནག་ཅན་གྱི་འཁོར་ཡིན་ནོ། །མ་བདུན་སྲིང་མོ་དུས་བཞི་འབར་མ་དགུ། །དུས་བཞི་ལྷ་མོ་དམག་གི་རྒྱལ་མོ་བཞི། །དབང་ཕྱུག་ཉེར་བརྒྱད་བརྟན་མ་བཅུ་གཉིས་དང་། །སྤུ་གྲི་མཆེད་གསུམ་མ་མགོན་གཉིས་ཀའི་འཁོར། །མཆེད་ལྕམ་འཁོར་དང་བཅས་པ་མཆོད་ཟེར་དུས། །དེ་དག་ཐམས་

[Full Size]

ཅད་མཆོད་པར་དམིགས་པར་བྱ། །རྒྱལ་པོ་ཞེས་ནས་ཞིང་སྐྱོང་ཞེས་པའི་བར། །འཁོར་ལྔ་རང་རང་འཁོར་བཅས་མཆོད་པར་དམིགས། །མཁར་ནག་སྤྱིད་ཤོད་ལུང་དུ་གནོད་འཚེ་ཆེ། །དེ་ཕྱིར་མཆོད་པ་བྱེད་མཁན་ཡོད་ནའང་། །ཐང་ལྷ་མཁར་ཆུ་ལ་སོགས་གནས་ཆེན་བརྒྱད། །རྒྱ་གར་གྲོང་ཁྱེར་སྒྲ་སྒྲོག་ཞེས་བྱ་བའི། །ཀླུ་ཡིན་སྟོན་པའི་ཞལ་མཐོང་དམ་ཆོས་ཐོབ། །སྟོན་པ་འདས་དུས་རིང་བསྲེལ་བགོས་པའི་ཚེ། །སངས་རྒྱས་མཆེ་བ་གཡོན་པ་ཁོ་ལ་གནང་། །དུས་ཕྱིས་སོག་ཟམ་མཁར་ནག་བླ་མཚོ་ནས། །འབྲི་གུང་པ་ལ་ཕུལ་བའི་སངས་རྒྱས་ཚེམས། །འབྲི་གུང་མཐིལ་དུ་གདུང་འབུམ་བཞེངས་ནས་ཡོད། །ཀླུ་བདུད་ནག་པོ་མགོ་དགུ་ཞེས་བྱ་བ། །བཀའ་དགོངས་རྒྱུད་སྡེ་ནས་གསུངས་དཀྱིལ་འཁོར་ལྷ། །བྱང་སེམས་ནམ་མཁའི་སྙིང་པོའི་སྤྲུལ་པ་སྟེ། །ས་བརྒྱད་སེམས་དཔའ་ཡིན་པར་ཨོ་རྒྱན་གསུངས། །གྲུབ་ཆེན་པཀཱིར་སྲོག་གི་སྙིང་པོ་ཕུལ། །ཀཾ་ཚང་བསྟན་པ་བསྲུང་བར་དམ་བཅས་པ། །འདི་ཉིད་མི་མཆོད་མི་རུང་མཆོད་དུ་རུང་། །ཤ་ལྔ་བདུད་རྩིའི་མཆོད་རུང་གསང་སྔགས་ལྷ། །ཀརྨ་པ་ཡི་བསྟན་པ་སྐྱོང་རྣམས་ནི། །སྤྱིར་དུ་ཆོས་སྐྱོང་ཐམས་ཅད་ཡིན་མོད་ཀྱི། །ས་བརྒྱད་

[Full Size]

སེམས་དཔའ་སྒམ་པོ་དཔལ་བརྩེགས་དང་། །ཁ་བ་དཀར་པོའི་དགེ་བསྙེན་དྲག་འདུལ་དང་། །ཙཱ་རིའི་སྒམ་པོ་ལྷ་རྩེ་གཡུ་སྒྲོན་མ། །གཉན་ཆེན་ཐང་ལྷ་རོང་ལྷ་རྒྱལ་མཚན་དང་། །ཁྱུང་ཐོ་དུང་རི་དཀར་པོའི་བམ་རྩེ་རི། །དེ་རྣམས་བསྟན་པ་སྐྱོང་བར་ཁས་བླངས་བྱས། །ཀརྨ་པཀྴི་བར་དེར་བཞུགས་པའི་ཚེ། །སྤྱན་རས་གཟིགས་ཀྱིས་འགྲོ་དོན་གྱིས་གསུངས་ཀྱང་། །འགྲོ་དོན་མི་འོང་སྐུ་སྐྱེ་མི་འབྱོན་དགོངས། །དེ་ཚེ་བོད་ཀྱི་བརྟན་མ་བཅུ་གཉིས་དང་། །སྐྱོང་མ་བཅུ་གཉིས་ཡ་མ་བཅུ་གཉིས་ཀྱིས། །།སྐུ་སྐྱེ་བྱོན་དང་བསྟན་པ་སྐྱོང་བ་དང་། །འགྲོ་དོན་འབྱུང་བའི་སྡོང་གྲོགས་ཁས་ལེན་བྱས། །ཁྱད་པར་གཅོད་ཀྱི་བཀའ་བབ་རང་བྱུང་པས། །ཀརྨ་པཀི་པདྨ་ཚུལ་ཁྲིམས་དང་། །ངོམ་རྒྱལ་སྤྱི་འབྱམ་བྱང་གྲགས་ལ་སོགས་པ། །རི་ཆེན་བརྒྱ་ཡི་རྩེར་བཞུགས་གཉན་ཐོག་བཅད། །བསྟན་པ་སྐྱོང་བའི་དགེ་བསྙེན་མིང་རེ་བཏགས། །དེ་དག་ཀུན་གྱིས་གཏོར་མ་ཐོབ་པར་བསྒོམ། །དེ་ནས་སྨན་གཏོར་རཀྟའི་མཆོད་པ་སོགས། །གོ་བར་སླ་བས་འདི་རུ་བཀྲོལ་མི་དགོས། །ཛ་གད་འདི་ལ་འཇུག་པ་མང་ན་ཡང་། །འདི་ཡི་སྐབས་སུ་ཆང་སྣ་བཞི་ལ་འཇུག །གསང་

[Full Size]

བའི་མཆོད་པ་རིག་མ་བཅུ་དྲུག་སྤྲོ། །དེ་ཁོ་ན་ཡི་ཀུན་བཟང་མཆོད་པ་ནི། །མཆོད་པ་དེ་དག་ཟག་བཅས་དངོས་པོ་མིན། །ཟག་མེད་སྟོང་ཉིད་ཕྱག་རྒྱ་ཆེན་པོ་ཡི། །ཉམས་ལེན་ངང་ནས་མཆོད་པའི་སྤྲིན་སྤྲོ་བ། །སངས་རྒྱས་ཞིང་ཀུན་རྒྱས་པར་གང་བ་ཡིན། །གཏོར་མའི་མགྲོན་གྱུར་དེ་དག་ཐམས་ཅད་ལ། །སྐུ་གསུང་ཐུགས་ཀྱི་ཡོན་ཏན་མཐའ་ཡས་པ། །ཤེས་ན་སོ་སོར་བསྟོད་པར་བྷེ་པ་ཡིན། །འདོད་གསོལ་གོ་བར་སླ་ཕྱིར་བཀྲོལ་མི་དགོས། །ཀརྨ་པ་ཡིས་བཞེད་པ་གང་ཡིན་ན། །འགྲོ་དྲུག་སེམས་ཅན་གཅིག་ཀྱང་མ་ལུས་པ། །བླ་མེད་བྱང་ཆུབ་མཆོག་ལ་འགོད་པ་ཡིན། །ཀརྨ་པ་ཡི་བསྟན་ལ་གནོད་བྱེད་རྣམས། །དེ་ལ་བར་དུ་གཅོད་པ་རྣམས་ཡིན་ནོ། །དེ་ལྟར་མཆོད་པའི་དགེ་བའི་རྩ་བ་ནི། །རྫོགས་པའི་སངས་རྒྱས་ཐོབ་པར་ཤོག་ཅིག་བསྒོམ། །དེ་ཡིས་ཀར་ལུགས་གཞུང་གི་གཏོར་བསྔོས་ཚང་། ༈་།དེ་ནས་རྙིང་མ་སྤྱི་འདུས་གཏོར་བསྔོས་ནི། །དམིགས་པ་གོང་ལྟར་རྙིང་མའི་ལྷ་རྣམས་མཆོད། །གུ་རུ་ཞི་དྲག་བཀའ་དགོངས་ཕུར་གསུམ་སོགས། །ཡི་དམ་རྒྱ་མཚོ་ཐེག་པ་དགུ་ཡི་ལྷ། །མཁའ་འགྲོ་ཆོས་སྐྱོང་ཐམས་ཅད་མ་ཚང་མེད། །ནོར་ལྷ་རྒྱ་མཚོ་དམ་ཅན་རྒྱ་མཚོ་

[Full Size]

ལ། །མ་ཚང་རྙིང་མའི་ལྷ་ནི་གཅིག་ཀྱང་མེད། །དེ་ཡིས་རྙིང་མ་སྤྱི་ཡི་གཏོར་བསྔོས་ཚང་། ༈ །ཕྱི་ལྟར་བཅོམ་ལྡན་ཤཱཀྱ་ཐུབ་པ་སྟེ།། །ནང་ལྟར་ཡི་དམ་འཁོར་ལོ་སྡོམ་པ་ཉིད། །གསང་བ་དྲུག་པ་རྡོ་རྗེ་འཆང་ཆེན་དང་། །དེ་ཁོ་ན་ཉིད་ཕག་མོ་གྲུ་པ་ཡིན། །འགྲོ་མགོན་བླ་མ་ཞེས་པ་དེ་ཡིན་ལ། །དེ་ཡི་གདན་སར་འཇིག་རྟེན་གསུམ་མགོན་བཞུགས། །དེ་ཡི་གདན་སར་གླང་ཆེན་དཔལ་སེང་བཞུགས། །སྤྱན་སྔ་གྲགས་པ་འབྱུང་གནས་ཞེས་བྱ་བ། །དེ་ནི་ཕག་གྲུ་སྐྱོབ་པ་གཉིས་ཀ་ཡིན། །གདན་ས་འཛིན་ཅིང་དེ་ཡི་སྐུ་རིང་ལ། །དགེ་འདུན་ཁྲི་ཚོ་བཅོ་བརྒྱད་བྱུང་བ་ཡིན། །ཡེ་ཤེས་མགོན་པོ་དངོས་སུ་འགྲུབ་གྱུར་ཏེ། །དེ་ཡི་སྒོ་ནས་དབང་སྡུད་མཛད་པ་ཡིས། །ས་ཧོར་ཡོན་མཆོད་གཉིས་ཀ་དབང་དུ་བསྡུས། །ཉིད་ཀྱི་དབོན་པོ་དབུས་གཙང་རུ་བཞི་ཡི། །སྤྱི་དཔོན་སྣེ་གདོང་རྩེ་པ་ཞེས་བྱར་བསྐོས། །དེ་ཡི་རྒྱུད་ལ་སྤྱན་སྔ་བརྒྱད་བྱུང་སྟེ། །ལྷ་ཆེན་བརྒྱད་དང་སྒོ་མང་བརྒྱད་ཀྱང་བཞེངས། །དེ་ནས་གདན་ས་ཞྭ་དམར་བཞི་པར་ཕུལ། །མཚན་ཡང་སྤྱན་སྔ་ཆོས་ཀྱི་གྲགས་པར་ཐོག །ཕག་མོ་གྲུ་པ་སེངྒེའི་ཁྲི་ལ་བཞུགས། །ཁྲི་དེར་སུ་ཡིན་བླ་མ་བཞུགས་མི་

[Full Size]

ཕོད། །ཕྱག་བཞི་པ་ཡིས་ཉིན་རེ་ལན་གསུམ་དུ། །སུ་རེད་བཞུགས་དོགས་གྲི་གུག་གཡུག་ཅེས་གྲགས། །དེ་ཕྱིར་ཀརྨ་པ་ཡང་བཞུགས་སྲོལ་མེད། །ཁྲི་དེར་དཀོན་མཆོག་ཡན་ལག་བཞུགས་པའི་དུས། །མགོན་པོས་གྲི་གུག་གཡུག་དང་དུས་མཚུངས་ནས། །ཡེ་ཤེས་མགོན་པོ་དངོས་སུ་ཞལ་གཟིགས་ཏེ། །རྡོ་རྗེ་འཆང་དངོས་མགྲོན་མགོན་བླ་མ་ཞེས། །ཕག་གྲུས་བསྟོད་པ་དང་བཅས་འདི་ཉིད་མཛད། །མདུན་གྱི་ཆོས་སྐྱོང་རྣམས་ཀྱི་གྲལ་དེ་རུ། །མགོན་པོ་འཁོར་བཅས་གསལ་ནི་བཏབ་ནས་ཀྱང་། །གོང་དུ་བཤད་ལྟར་གཏོར་མ་གསོལ་བར་བསྒོམ། །མ་ཧཱ་ཀཱ་ལ་ཞེས་པ་ཕྱག་བཞི་པ། །ཞབས་ཞེས་བྱ་བ་ཞེ་སའི་ཚིག་ཡིན་ནོ། །ཡུམ་ཆེན་དེ་ལ་རྣམ་པ་གསུམ་ཡོད་དེ། །དབྱིངས་ཀྱི་ཡུམ་ནི་ཨེ་ཀ་ཙ་ཏི་མ། །སྦྱོར་བའི་ཡུམ་ནི་ལྷ་མོ་ཙན་ཏི་ཀ །སྒྲོལ་བའི་ཡུམ་ནི་ལྷ་མོ་དུད་སོལ་ཡིན། །ལས་མཁན་དེ་ལ་མང་ཡང་ཚན་བཞིར་འདུས། །བྱ་རོག་གདོང་ཅན་ནག་པོ་སྟོང་དང་བཅས། །སེང་གེའི་གདོང་ཅན་ཤ་ཟ་འབུམ་དང་བཅས། །དམར་མོ་རྩ་འཇིབ་མ་མོ་བྱེ་བའི་ཚོགས། །ལེགས་ལྡན་གནོད་སྦྱིན་ཁྲི་དང་ཁྲབ་ཅན་འབུམ། །སྡེ་བརྒྱད་དཔལ་མགོན་བདུན་ཅུ་བཅས་པའོ། །དེ་

[Full Size]

དག་ཀུན་གྱིས་གཏོར་མ་གསོལ་བར་བསྒོམ། །ཀུན་བཟང་མཆོད་སྤྲིན་སྤུངས་སོགས་ཞེས་པ་ནི། །ཡིད་ཀྱིས་སྤྲུལ་པའི་མཆོད་པས་ནམ་མཁའ་བཀང་། །རང་གི་ལུས་དང་ལོངས་སྤྱོད་བཅས་པ་འབུལ། །མེ་ཏོག་བདུག་སྤོས་ལ་སོགས་ཕྱི་མཆོད་འབུལ། །ཤ་སྣ་སྙིང་སྣ་ཁྲག་སྣ་ཆང་སྣ་དང་། །རིག་མ་བཅུ་དྲུག་ཡིད་ཀྱིས་སྤྲུལ་ལ་མཆོད། །ཐུགས་དང་བསྡོམས་པས་རང་རིག་ཡེ་ཤེས་ནི། །དམིགས་པ་བསྒོམ་ཚེ་སེམས་ངོའི་གཤིས་མ་ཤོར། །བསྐྱེད་རྫོགས་ཟུང་འཇུག་ངང་ནས་བསྒོམ་པ་ཡིན། །འདོད་གསོལ་གཞུང་ལྟར་རྩེ་གཅིག་གསོལ་བ་བཏབ། །དེ་ཡིས་ཞྭ་དམར་ལུགས་ཀྱི་གཏོར་བསྔོས་ཚང་། །གསང་སྔགས་ནང་གཏོར་གྱི་ལེའུ་སྟེ་ལྔ་པའོ།། ༈ །།བསྐང་བ་བཅས་ནས་ཡོད་དམ་ཐང་སྐུའམ། །མེད་ན་གཏོར་མ་ཉིད་ལ་དམིགས་རྟེན་བྱ། །གོང་དུ་བཤད་པའི་བདུད་རྩིའི་རླངས་པ་ལས། །བསྐང་རྫས་སྣ་ཚོགས་འཕྲོ་ཞིང་མཆོད་པར་དམིགས། །ཡིད་ཀྱིས་སྤྲུལ་པ་གླིང་བཞི་རི་རབ་ནི། །ལྷ་མིའི་ལོངས་སྤྱོད་སྲོག་ཚོགས་སྣ་ཚོགས་བཅས། །དངོས་སུ་གྲུབ་པ་གླིང་བཞི་བྱེ་བ་བརྒྱ། །དེ་དག་བློ་ཡིས་བླངས་ཏེ་ཡིད་ཀྱིས་ཕུལ། །དེ་དོན་གྲུབ་ཆེན་

[Full Size]

ཀརྨ་པཀྴི་ཡིས། །མདོས་དང་བསྐང་བ་མཎྜལ་དོན་གཅིག་གསུངས། །དེ་ལྟར་བསྒོམ་ཞིང་བསྐང་ཐུང་ཚར་གཅིག་འདོན། །བཀའ་བརྒྱུད་བསྐང་ཐུང་རང་བྱུང་རྡོ་རྗེས་མཛད། །འདི་གྷལ་རྒྱལ་བ་རྒྱ་མཚོ་ལྷ་ལྔ་དང་། །བེར་ནག་ཅན་གྱི་བསྐང་བ་ཚང་བ་ཡིན། ༈ །གནམ་ཆོས་བསྐང་ཐུང་རྙིང་མ་ཐམས་ཅད་འདུས། །དམ་ཚིག་ཉམས་ཆག་ཕྲ་ཞིབ་བྱུང་བོ་རྣམས། །བསྐང་བ་འདི་ཡིས་དག་པར་གསུངས་པ་ཡིན། །འདུལ་བའི་ལུགས་ལ་གསོ་སྦྱོང་དར་བ་ལྟར། །སྔགས་ཀྱི་ལུགས་ལ་བསྐང་བ་གསུངས་པ་ཡིན། །དམ་ཚིག་ས་ཡ་འབུམ་སྡེ་ཡོད་པའི་ཕྱིར། །ཕྲ་ཞིབ་ཉམས་པ་རང་གིས་མི་ཤེས་པས། །དེ་ཉིད་དག་ཕྱིར་བསྐང་ཐུང་ཆག་མེད་བྱ། །འདི་ནི་སྔགས་ཀྱི་གེགས་སེལ་གནད་ཆེན་ཡིན། །འདི་སྐབས་དམིགས་པ་སྒོམ་པར་འདོད་པ་ན། །ནམ་མཁའ་མཐོན་པོར་སངས་རྒྱས་བྱང་སེམས་ཚོགས། །དཀར་དམར་མཐིང་གསུམ་རིམ་པ་བཞིན་དུ་བསྒོམ། །དེ་ལས་ཡིག་བརྒྱ་དཀར་དམར་མཐིང་གསུམ་འཕྲོས། །ལྷ་ཚོགས་ཀུན་གྱི་གནས་གསུམ་འབྲུ་གསུམ་མཐར། །གཡས་སུ་འཁོར་བས་བདུད་རྩིའི་རྒྱུན་བབས་པས། །སྐུ་ལུས་གང་ཞིང་བཀྲག་མདངས་གཟི་བརྗིད་འབར། །ལྷ་

[Full Size]

ཚོགས་མི་མཉེས་པ་དག་ཐུགས་དགྱེས་བསྒོམ། །ལྷ་ཚོགས་གནས་གསུམ་ཡིག་བརྒྱ་དཀར་དམར་མཐིང་། །འཕྲོས་པས་བདག་དང་བསྲུང་བྱ་ཐམས་ཅད་ཀྱི། །གནས་གསུམ་འབྲུ་གསུམ་མཐའ་རུ་གཡས་སུ་འཁོར། །དེ་ལས་བདུད་རྩིའི་རྒྱུན་བབ་ལུས་གང་བས། །དམ་ཚིག་ཉམས་ཆག་སྡིག་སྒྲིབ་ཉེས་ལྟུང་ཀུན། །འོག་སྒོ་བཤང་ལམ་བ་སྤུ་ནག་ཉིལ་ཐོན། །རང་ལུས་དྲི་མེད་ཤེལ་སྒོང་ལྟ་བུར་བསྒོམ། །ཨོཾ་ས་མ་ཡ༔ ཨཱས་མ་ཡ༔ ཧཱུྃ་ས་མ་ཡ༔ གུ་རུ་དྷེ་ཝ་ཌཱཀི་ནཱི་སརྦ་དྷརྨ་པཱ་ལ། ཨོཾ་བཛྲ་སཏྭ་ས་མ་ཡ༔ ཞེས་སོགས་ཡིག་བརྒྱ་ཅི་རིགས་བརྗོད་བྱ་སྟེ། །ཉམས་ཆག་བསྐང་བའི་སྔགས་དམིགས་ཤིན་ཏུ་ཟབ། །གསར་རྙིང་མགོན་པོའི་སྒྲུབ་སྐོར་རྣམས་ལས་བྱུང་། །བསྐང་ཐུང་འདི་གར་བརྒྱ་རྩ་གསོག་པ་ན། །སྒྲིབ་སྦྱོང་རྐྱེན་ཟློག་གཉིས་ཀའི་མཆོག་ཏུ་འགྱུར། །རྒྱུན་ཁྱེར་བསྐང་ཐུང་གི་ལེའུ་སྟེ་དྲུག་པའོ།། ༈ །།ཕྱི་རྒྱུད་གཞི་བདག་གཏོར་མ་བསྔོ་བ་ནི། །གནམ་ཆོས་སམ་ནི་ཀཾ་ཚང་གཞུང་ལྟར་བྱ། །དེ་ནས་གཏོར་མགྲོན་ཡེ་ཤེས་པ་དེ་རྣམས། །སྐུ་གསུང་ཐུགས་རྟེན་རྣམས་ལ་ཐིམ་པར་དམིགས། །འཇིག་རྟེན་པ་རྣམས་རང་གནས་ཡིད་ཀྱིས་གཤེགས། །

[Full Size]

རྒྱུན་དུ་དེ་ག་ཙམ་གྱིས་ཆོག་པ་སྟེ། །གནས་དེར་མི་འདུག་ཐག་རིང་འགྲོ་དགོས་ན། །རྗེས་ཆོག་རྒྱལ་བ་རྒྱ་མཚོའི་གཞུང་ལྟར་བྱ། །མཚམས་བསྡམས་སྒྲུབ་པ་ལ་སོགས་ཡིན་ན་ཡང་། །ས་གཅིག་ཡུན་རིང་འདུག་ཅིང་བདག་བསྐྱེད་དང་། །བསྙེན་པ་གཏོར་བསྔོས་རྒྱུན་དུ་བྱེད་པ་དེ། །བྱང་ཆུབ་ནར་མར་སྒྲུབ་པ་ཡིན་པའི་ཕྱིར། །རྒྱུན་དུ་རྗེས་ཆོག་མི་དགོས་དེ་ཡི་དོན། །འདི་ནི་གསར་མས་མི་བཞེད་རྙིང་མའི་ལུགས། །དགོན་པ་རྣམས་སུ་གྲྭ་པ་སོ་སོ་ལ། །གཏོར་མ་མེད་ཀྱང་སྤྱི་ཕ་དེར་དམིགས་ནས། །གཏོར་བསྔོས་འདོན་པ་ཆོས་སྡེ་ཀུན་ལ་དར། །སྒར་པ་རྒྱང་རིང་བཀྱག་ཚེ་སྤྱི་ཕ་ལ། །གཏོར་མ་མེད་པས་རྩམ་གཏོར་ཞེས་བྱ་བ། །སྡེར་ཆུང་ངམ་ནི་ཐེབ་ཙེ་གཙང་མའི་ནང་། །མེ་བཤོར་བྱས་པའི་རྩམ་པས་ཕྱུར་བུར་བཀང་། །གྲི་ཡིས་བྱུགས་ཏེ་གྲུ་བཞི་རྩེ་རྒྱལ་བྱས། །ཟུར་དུ་མར་ནི་ཅུང་ཟད་གཅིག་བཞག་སྟེ། །དེ་ཉིད་ནག་ཚང་ཐབ་ཆེན་ཁ་དེར་བཤམས། །ཇ་ཕུད་བྲན་ནས་འཚོགས་པས་གཏོར་བསྔོས་དར། །གྲུ་པ་གཏོར་མར་བརྩོན་པ་ལ་ལ་ཡིས། །ཐེབ་ཙེ་ནང་དུ་དེ་འདྲ་བཤམས་ནས་ཀྱང་། །རང་རང་གཏོར་བསྔོས་ཙོག་པུ་ནང་དུ་བྱེད། །རེས་འགའ་བྲན་པའི་ཆུ་ཡང་རྙེད་དཀའ་

[Full Size]

བས། །ཆུ་ཡི་སྙིང་པོ་ཡིན་ཞེས་ཚྭ་འདེབས་དར། །དེ་ཡང་མ་འཛོམ་མར་དང་ཐུད་དུམ་སོགས། །བྲན་ནས་འདོན་པ་འབྲོག་བླ་སྤྱི་ཡི་ལུགས། །ལ་ལས་ཡིད་ཀྱིས་སྤྲུལ་ནས་མཆོད་ཆོག་ཟེར། །དམིགས་རྟེན་གཏོར་མ་རྫས་ཙམ་མེད་པ་ལ། །ཆོ་ག་གཏོར་བསྔོས་རྒྱས་པ་འདོན་མཁན་གདའ། །རྟོགས་པ་མཐོ་ན་དེ་གས་ཆོག་པ་སྟེ། །ཕྱི་སྣོད་འཇིག་རྟེན་ཐམས་ཅད་གཏོར་གཞོང་ལ། །རི་རབ་གླིང་བཞི་སྐྱེ་འགྲོ་གཏོར་མར་གསུངས། །འོན་ཀྱང་རང་རེར་རྟོགས་པ་དེ་ཙམ་མེད། །གཏོར་མ་མེད་པའི་གཏོར་བསྔོས་གོད་ཀའི་རྒྱུ། །རྗེས་ཆོག་དང་ཞལ་གདམས་ཀྱི་ལེའུ་སྟེ་བདུན་པའོ།། །།དེ་ལྟར་གཏོར་བསྔོས་དམིགས་རིམ་བསྡུས་པ་འདི། །གྲྭ་པ་གསར་བུ་རྣམས་ལ་ཕན་པའི་ཕྱིར། །རཱ་ག་ཨ་སྱས་ཐུན་མཚམས་གཉིས་ལ་སྨྲས། །མཐར་ཕྱིན་ཞེས་བྱས་ཡི་གེར་བཀོད་པའོ།། །།ཤུ་བྷཾ་མ་སྐུ་སརྦ་ཛ་ག་ཏཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྒྱལ་བ་རྒྱ་མཚོའི་གཏོར་མ་འབུམ་ཐེར།

[Full Size]

རྒྱལ་བ་རྒྱ་མཚོའི་གཏོར་མ་འབུམ་ཐེར་བཞུགས་སོ།། རང་ཉིད་ཐུགས་རྗེ་ཆེན་པོར་གསལ། །མདུན་བསྐྱེད་རྒྱལ་བ་རྒྱ་མཚོ་ནི། །སྐུ་ཚད་བསམ་ལས་འདས་པ་ཡི། །ཕྱག་གཡོན་པདྨ་རྒྱ་ཆེ་བ། །ཡལ་ག་མེ་ཏོག་འབྲས་བུ་དམར། །ཟེའུ་འབྲུ་ཤཱཀ་ཐུབ་དཀོན་མཆོག་མགྲོན། །གཡས་སུ་འཇམ་དཔལ་ཡོན་ཏན་མགྲོན། །གཡོན་དུ་ཐུགས་ཆེན་རིགས་དྲུག་མགྲོན། །རྒྱབ་ཏུ་ཕྱག་རྡོར་ལན་ཆགས་མགྲོན། །མདུན་དུ་པད་འབྱུང་ཀླུ་གཞི་བདག །སྟེང་དུ་རྩ་བརྒྱུད་བླ་མར་བཅས། །གནས་གསུམ་འབྲུ་གསུམ་འོད་ཟེར་གྱིས། །འཁོར་བཅས་སྤྱན་དྲངས་གཉིས་མེད་ཐིམ། །དེ་ཡན་ཡིད་ལ་བསྒོམས་ཀྱང་ཆོག །བཛྲ་ས་མཱ་ཛ༔ ཛཿཧཱུྃ་བཾ་ཧོ༔ ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷཱ་ཝ་སོགས། ཧཱུྃ་ལས་རིན་པོ་ཆེ་ཡི་སྣོད། །སྟོང་གསུམ་མཉམ་པ་བདུད་རྩིས་གང་། །ཨོཾ་ཨཱཿཧཱུྃ། གསུམ། རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ལོ། །ཨོཾ་ཨ་རོ་ལི་སྭཱ་ཧཱ། བཅུ་བརྗོད་ནས། མགྲོན་རྣམས་ལྗགས་ལས་འོད་ཟེར་གྱི། །སྦུ་གུས་བདུད་རྩི་དྲངས་ཏེ་གསོལ། །ཐམས་

[Full Size]

ཅད་མཉེས་ཤིང་ཚིམས་པར་གྱུར། །ན་མཿསརྦ་ཏ་ཐཱ་ག་ཏ་ཛྙཱ་ན་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། བདུན། ཨོཾ་མ་ཎི་པདྨེ་ཧཱུྃ། ཨགྷཾ་སོགས། བླ་མའི་དགོངས་པ་རྫོགས་གྱུར་ཅིག །དཀོན་མཆོག་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར་ཅིག །རིགས་དྲུག་འདོད་པ་ཚིམས་གྱུར་ཅིག །བུ་ལོན་ལན་ཆགས་བྱང་གྱུར་ཅིག །ཀླུ་དང་གཞི་བདག་དགའ་གྱུར་ཅིག །རྣམ་བཞིའི་མགྲོན་གྱི་ཚོགས་རྣམས་ལ། །ཚད་མེད་གཏོར་མ་འདི་བསྔོས་པས། །བདག་དང་སེམས་ཅན་ཐམས་ཅད་ཀུན། །།ལོངས་སྤྱོད་ཊྛེལྡན་ཞིང་ཚོགས་རྫོ་གས་ནས། །མྱུར་དུ་སངས་རྒྱས་ཐོབ་པར་ཤོག །མགྲོན་རྣམས་རང་གནས་བཛྲ་མུཿ ཀཿཐོག་དམ་པ་བདེ་གཤེགས་ལུགས་ཀྱི་གྲུབ་ཆེན་པཀིའི་དགོངས་པ་དང་། སི་ཏུ་ཆོས་ཀྱི་གོ་ཆས་མཛད་པ་གཉིས་ཀྱི་དོན་བསྡུས་པ་ ༧ ཀརྨ་ཨ་རཱ་གས་མཛད་པའོ།། །།

རྒྱལ་བ་རྒྱ་མཚོ་ལྷ་ལྔ་རྒྱ་མཚོ་ལྔ་ཡི་དཀྱིལ་འཁོར་གྱི་བཟློག་དཔུང་དགྲ་བགེགས་རླག་བྱེད་ཐོད་རྒོད་འབར་བ།

[Full Size]

རྒྱལ་བ་རྒྱ་མཚོ་ལྷ་ལྔ་རྒྱ་མཚོ་ལྔ་ཡི་དཀྱིལ་འཁོར་གྱི་བཟློག་དཔུང་དགྲ་བགེགས་རླག་བྱེད་ཐོད་རྒོད་འབར་བ་ཞེས་བྱ་བ་བཞུགས་པའི་དབུའོ།།

[Full Size]

སྐད་ཅིག་གིས་བདག་མདུན་རྣམས་གནས་འགྱུར་ཏེ། གཙོ་བོ་རྟ་མགྲིན་ལ་དཔའ་བོ་ཁྲོ་རྒྱལ་རྒྱ་མཚོས་བསྐོར་བ། སྟེང་དུ་སློབ་དཔོན་པདྨ་ལ་གྲུབ་ཐོབ་བརྒྱུད་པའི་བླ་མ་རྣམས་ཁྲོ་ཞིང་གཏུམ་པའི་ཆ་བྱད་ཅན་ཁམས་གསུམ་ཟིལ་གྱིས་གནོན་ནུས་པའི་ཧཱུྃ་སྒྲ་སྒྲོག་པ་དང་། གཡས་ཕྱོགས་སུ་ཐུགས་རྗེ་ཆེན་པོ་ལ་འཕགས་མ་སྒྲོལ་མའི་ཚོགས་ཀྱིས་བསྐོར་ནས་བར་ཆད་སེལ་བ། གཡོན་དུ་གསང་བ་ཡེ་ཤེས་ཀྱི་ཌཱཀི་ལ་ཕོག་ཁྲོས་སེང་གསུམ་སོགས་ཌཱཀི་རྒྱ་མཚོས་བསྐོར་ནས་གདུག་པ་ཅན་དབང་དུ་སྡུད་པ། འོག་ཏུ་དམ་ཅན་རྒྱ་མཚོ་བཀའ་ཉན་གསུང་སྡོད་ཀྱི་ཚུལ་དུ་ཀུན་ཀྱང་

[Full Size]

ཁྲོས་པའི་ཆ་བྱད་ཅན། ཁྲོ་བོའི་དཀྱིལ་འཁོར་ཐམས་ཅད་དང་མཁའ་འགྲོའི་ཚོགས་རྣམས་དང་། རྩ་བརྒྱུད་ཀྱི་བླ་མ་ཐམས་ཅད་དང་ཆོས་སྐྱོང་ཐམས་ཅད་རང་བཞིན་གྱི་གནས་ནས་ཚར་བབས་པ་ལྟར་བྱོན་ནས། བདག་མདུན་སོ་སོ་ལ་ཐིམ་པས་གཟི་བརྗིད་རབ་ཏུ་འབར་བ། པདྨ་དབང་གི་དཀྱིལ་འཁོར་དུ་གདུག་པ་ཅན་ཟིལ་གྱིས་གནོན་ཞིང་ཚར་གཅོད་པའི་རང་བཞིན་ཅན་དུ་གྱུར། ཕཊ༔ སྐད་ཅིག་གིས་གཏོར་སྣོད་བྷནྡྷ་ལྕང་ལོ་ཅན་དབྱིབས་གྲུ་གསུམ་སྟོང་གསུམ་དང་མཉམ་པའི་ནང་གཏོར་མ་དང་ལིངྒ་དང་ཚྭ་དང་ཁྲི་ལས་དགྲ་བགེགས་དངོས་སུ་གསལ་

[Full Size]

བར་གྱུར། ན་མོ་གུ་རུ་པདྨ་འབྱུང་གནས་ཞི་བ་དང་དྲག་པོ་བླ་མ་དགོངས་འདུས་ལ་སོགས་རིག་འཛིན་གྲུབ་ཐོབ་རྒྱུ་མཚོའི་བདེན་པ་དང་། ཐུགས་རྗེ་ཆེན་པོ་རིགས་ལྔའི་སངས་རྒྱས་བསྐལ་བཟང་གི་སངས་རྒྱས་སྟོང་རྩ་གཉིས་འཕགས་མ་སྒྲོལ་མ་བརྒྱ་རྩ་བརྒྱད་ལ་སོགས་པ་དཀོན་མཆོག་གསུམ་གྱི་བདེན་པ་དང་། དཔལ་ཆེན་རྟ་མགྲིན་དྲྭ་བ་སྡོམ་པ་ཆེ་མཆོག་དཔལ་དགུ་ལ་སོགས་པ་དཔའ་བོ་ཁྲོ་རྒྱལ་རྒྱ་མཚོའི་བདེན་པ་དང་། རྡོ་རྗེ་འཇིགས་བྱེད་ཚེ་བདག་ཀིང་ཀཾ་གཤིན་རྗེའི་གཤེད་ཀྱི་ལྷ་ཚོགས་རྣམས་ཀྱི་བདེན་པ་དང་། ནག་པོ་ལྕགས་རལ་རྟ་ནག་དྲེགས་པ་ལ་སོགས་པ་པདྨ་དབང་གི་ལྷ་ཚོགས་རྣམས་ཀྱི་བདེན་པ་དང་། རྡོ་རྗེ་གཏུམ་པོ་ཡེ་ཤེས་འཇིགས་བྱེད་རྡོ་རྗེ་གཞོན་ནུ་ལ་སོགས་པ་རྡོ་རྗེ་ཐུགས་ཀྱི་ཁྲོ་བོ་རྣམས་ཀྱི་བདེན་པ་དང་། གསང་བ་ཡེ་ཤེས་མཁའ་འགྲོ་ཕག་ཁྲོས་སེང་གསུམ་འཇིགས་བྱེད་ཆེན་མོ་ལ་སོགས་པ་དཔའ་མོ་རྒྱ་མཚོའི་བདེན་པ་དང་། ལས་གཤིན་ཁྲོ་ཆུ་འཆར་ཀ་ནག་པོ་མ་མགོན་ལྕམ་དྲལ་ལ་སོགས་པ་དམ་ཅན་རྒྱ་མཚོའི་བདེན་པ་དང་། བདེན་པ་ཆེན་པོའི་མཐུས། སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ། ཁྱད་པར་དུ་བདག་ཅག་དཔོན་སློབ་

[Full Size]

བསྲུང་བྱ་མི་ནོར་ཐམས་ཅད་ལ་གནོད་ཅིང་འཚེ་བར་བྱེད་པའི་དགྲ་བགེགས། ལུས་ལ་ན་ཚ་བཏང་བ། སེམས་ལ་སྡུག་བསྔལ་བཏང་བ། ཚེ་བསོད་ནམས་ལ་བར་དུ་གཅོད་པ། བྱང་ཆུབ་སྒྲུབ་པའི་གེགས་བྱེད་པའི། གདོན་བགེགས་བྱད་མ། ནད་འདྲེ་གཅོང་སྲི། ཟ་འདྲེ་ཤི་སྲི། གོད་འདྲེ་གཅན་སྲི། སྒབ་འདྲེ་དམ་སྲི། བྱད་མ་ལྷ་སྲུང་དང་བཅས་པ། གདོན་རྒྱབ་བརྟེན་དང་བཅས་པ། ནད་སྣ་འདྲེན་དང་བཅས་པ་ཐམས་ཅད་སྐད་ཅིག་རང་དབང་མེད་པར་དྲག་པོ་དམར་གྱི་གཏོར་མ་གཟུགས་ལིངྒ་འདི་ལ་ཁུག་ཅིག །ཨོཾ་བཛྲ་ཨཾ་ཀུ་ཤ་ཛ་ཛ༔ ཆིངས་ཤིག་བཛྲ་པ་ཤ་ཧཱུྃ་ཧཱུྃ། སྡོམས་ཤིག་བཛྲ་ཕོ་ཊ་བཾ་བཾ། མྱོས་ཤིག་བཛྲ་གྷནྡྷེ་ཧོ་ཧོཿ ལྷ་དང་ཕྲོལ་ཅིག་བཛྲ་པྲ་ཝེ་ཤ་ཡ་ཕཊ་ཕཊ༔ དབྱེར་མེད་སྙིམས་ཤིག་བཛྲ་ཨཱ་ཝེ་ཤ་ཡ་ཨ་ཨཱ༔ དེ་ནས་ཕུར་པའམ་མཚོན་ཆ་གདེངས་བའམ་ཡུངས་དཀར་ནག་གིས་གཏོར་མའི་ལིངྒ་བྲབ་ཅིང་། ཀིང་ཀང་གི་སྒོ་ནས་བསྒྲལ་ལས་བསྡུས་པ་ནི། ཧཱུྃ། གཤིན་རྗེ་རོལ་པའི་དུར་ཁྲོད་ཆེན་པོ་ནས། །གཏུམ་དྲག་བདུད་འདུལ་རབ་ཁྲོས་མཐུ་སྟོབས་བདག །ཁྲོ་བོའི་ལྷ་ཚོགས་མ་ལུས་སྐུ་བཞེངས་འཚལ། །གཤེད་མའི་དམག་དཔུང་སྐར་མདའ་

[Full Size]

ཐོག་ལྟར་བསྐྱོད། །གནད་ནས་བསྐུལ་ལོ་དགྲ་བགེགས་ད་ལྟ་ཁུག །འདས་དང་མ་འདས་སྲུང་སྐྱོབ་ལྷ་དང་ཕྲོལ། །མཚོན་ཆའི་ཆར་ཕོབ་ལུས་སེམས་ཕྲོལ་ལ་སོད། །གཤིན་རྗེ་ཀིང་ཀང་དམར་ནག་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་ཞལ་དུ་བསྟབ། །མིང་ཙམ་མེད་པར་རྡུལ་དུ་བརླག་པར་མཛོད། །ཨོཾ་བཛྲ་ཀྲོ་དྷ་བྱ་ཤྲཱི་ཝ་ཧུ་ལུ་ཧུ་ལུ་ཧཱུྃ་ཕཊ་སྭཱ་ཧཱ། ཨོཾ་ཨཱཿཧཱུྃ་ཧཱུྃ་ཨོཾ་མ་ཎི་པདྨེ་ཧཱུྃ། ར་ཙ་ཧིཡ་ཧ་རི་ནི་ས་གནོད་བྱེད་སརྦ་ཤ་ཏུ་ནི་ཏྲི་ཧུར་ཐུ་ཛ་མཱ་ར་ཡ་ཕཊ༔ ཅེས་བསྒྲལ་ནས་ཚེ་བདག་དང་རྡོ་རྗེ་འཇིགས་བྱེད་གཉིས་ཀའི་སྒོ་ནས་བསྟབ་པ་བྱ་སྟེ། ཧཱུྃ། འཇིགས་བྱེད་ཡ་མཱནྟ་ཀ་ནི། །སྲིད་པ་གསུམ་ལ་འཁོར་ལོ་བསྐོར། །འགྲོ་བ་ཀུན་གྱི་སྲོག་དབུགས་ལེན། །ཉམས་པར་གྱུར་པའི་དགྲ་དང་བགེགས། །འདི་ཡི་ལས་ཀྱིས་མཐའ་བསྡུས་ཏེ། །རྡུལ་ཕྲན་བཞིན་དུ་བརླགས་བྱས་ནས། །ཚེ་བདག་ནག་པོའི་ཞལ་དུ་བསྟབ། །བཞེས་ཤིག་རོལ་ཅིག་ཁ་རཾ་ཁཱ་ཧི། །གུ་རུ་དྷེ་ཝཱ་ཌཱཀི་ནཱི་སརྦ་དྷརྨ་པཱ་ལ་གནོད་བྱེད་དགྲ་བགེགས་ཀྱི་གཏི་མུག་ཤའི་བ་ལི་ཏ་ལ་ཁཱ་ཧི། འདོད་ཆགས་ཁྲག་གི་བ་ལི་ཏ་ལ་ཁཱ་ཧི། ཞེ་སྡང་རུས་པའི་བ་ལིཾ་ཏ་ལ་ཁཱ་ཧི། ལན་གསུམ། ཧཱིཿ མ་

[Full Size]

བཅོས་ལྷུན་གྲུབ་བདེ་ཆེན་ཞིང་ཁམས་ནས། །རང་བྱུང་ཡེ་ཤེས་ཐུགས་རྗེའི་ལྷ་ཚོགས་རྣམས། །མ་འགགས་འགྲོ་བ་འདུལ་བར་ཐུགས་དམ་བསྐུལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །རང་བཞིན་རྣམ་པར་དག་པའི་དཀྱིལ་འཁོར་ནས། །ཡེ་ཤེས་ལྔ་ལྡན་རྒྱལ་བ་རིགས་ལྔའི་མཆོག །དུག་ལྔ་རྩད་ནས་གཅོད་པར་ཐུགས་དམ་བསྐུལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཕྱོགས་བཅུའི་བདེ་གཤེགས་འདུས་པའི་དཀྱིལ་འཁོར་ནས། །རྣམ་ཐར་བརྒྱད་ལྡན་བྱང་ཆུབ་སེམས་དཔའི་ཚོགས། །རྣམ་ཤེས་ཚོགས་བརྒྱུད་དག་པར་ཐུགས་དམ་བསྐུལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །འགྲོ་འདུལ་སྤྲུལ་པ་སྐུ་ཡི་ཞིང་ཁམས་ནས། །བཅོམ་ལྡན་ཐུབ་པ་དྲུག་གི་ཐུགས་དམ་བསྐུལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །མཛད་པ་རྨད་དུ་བྱུང་བའི་དཀྱིལ་འཁོར་ནས། །འགྲོ་འདུལ་སངས་རྒྱས་སྟོང་གི་ཐུགས་དམ་བསྐུལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཚད་མེད་རྣམ་པར་ཐར་པའི་སྒོ་བཞི་ནས། །ཁྲོ་རྒྱལ་སྒོ་སྐྱོང་བཞི་ཡི་ཐུགས་དམ་

[Full Size]

བསྐུལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །དཀྱིལ་འཁོར་ཆེན་པོའི་བར་ཁྱམས་འཁོར་ཡུག་ནས། །རིག་འཛིན་བཀའ་སྡོད་ཚོགས་ཀྱི་ཐུགས་དམ་བསྐུལ། རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཧྲཱིཿ ཡེ་ཤེས་མེ་དཔུང་འབར་བའི་ཀློང་དཀྱིལ་ནས། །གདུག་པའི་ཀླུ་རྣམས་བརྩེགས་པའི་ཁྲི་སྟེང་དུ། །ཐུགས་རྗེ་ཆེན་པོ་ཁྲོས་པའི་ཚུལ་བསྟན་པ། །དབང་ཆེན་རྟ་མཆོག་རྒྱལ་པོ་ཧེ་རུ་ཀ །བསྙེལ་བ་མི་མངའ་སྟོབས་བཅུའི་ཤུགས་འཆང་ཞིང་། །མཐུ་རྩལ་རླབས་ཀྱིས་ས་རྣམས་གཅིག་ཆར་བསྒྲོད། །རྟ་སྐད་ཐང་གསུམ་གསང་བའི་ཐུགས་དམ་བསྐུལ། །སྟབས་དགུའི་འགྲོས་ཀྱིས་ཐེག་དགུའི་ལམ་ལ་སྦྱོར། །དྷཱི༔ཡིས་ང་རོས་ལོག་འདྲེན་ཟིལ་གྱིས་གནོན། །རོལ་པའི་རྟ་བྲོས་བདུད་བཞི་ཐལ་བར་རློགས། །ཀུན་ལ་དབང་བྱེད་དབང་མཆོག་རྒྱལ་པོའི་སྐུ། །སྔོན་གྱི་ཞལ་བཞེས་ཐུགས་དམ་རྒྱལ་པོ་ནི། །སྲིད་གསུམ་གདུག་པ་འདུལ་བར་དམ་བཅས་པ། །མ་རུངས་གདུག་པའི་ས་བདག་ཀླུ་གཉན་དང་། །སྒྲུབ་ལ་བར་དུ་གཅོད་པའི་དགྲ་དང་བགེགས། །གནོད་བྱེད་འབྱུང་པོའི་ཚོགས་རྣམས་རྡུལ་དུ་རློགས། །དམ་

[Full Size]

བཅས་མ་གཡེལ་ཕྲིན་ལས་མྱུར་དུ་མཛོད། །ཐུགས་དམ་དུས་ལ་བབ་བོ་ས་མ་ཡཱ། །ཧྲཱིཿ བསྐལ་པ་མེ་ལྟར་འབར་བའི་ཀློང་དཀྱིལ་ནས། །ཀླུ་དང་ས་བདག་བསྣོལ་བའི་ཁྲི་སྟེང་དུ། །ཁྲོ་བོའི་རྒྱལ་པོ་རྟ་མཆོག་དབང་གི་ལྷ། །སྐུ་མདོག་དམར་ནག་ཆེན་པོ་རྔམ་པའི་སྐུ། །ཁྲོ་གཉེར་བསྡུས་ཤིང་སྨིན་མ་གློག་ལྟར་འཁྱུགས། །སྤྱན་གསུམ་སྡང་མིག་ཉི་ཟླའི་འོད་ཟེར་འཁྲུགས། །རྔམ་པའི་ཞལ་གདངས་ལྗགས་འདྲིལ་རྐན་སྒྲ་རྡེབ། །མཆེ་བ་ཟངས་ཡག་ལོག་འདྲེན་དགྲ་བགེགས་སྒྲོལ། །སྨ་ར་ཨག་ཚོམ་དམར་སེར་བདུད་དཔུང་བསྲེགས། །དབུ་སྐྲ་ཁམ་ནག་རལ་པ་གྱེན་དུ་འཁྱིལ། །སྤྱི་བོའི་གཙུག་ཏུ་རྟ་མགོ་ལྗང་ཞུར་འཚེར། །ལྷང་ལྷང་ཙེར་ཙེར་སྣང་སྲིད་འདར་ཞིང་གཡོ། །ཕྱག་མཚན་ཅིར་ཡང་བསྒྱུར་ཞིང་མཚོན་ཆ་བསྣམས། །རིན་ཆེན་རྒྱུན་བཟང་རྣམ་པ་སྣ་ཚོགས་དང་། །གདུག་པ་སྦྲུལ་ཆེན་རིགས་ལྔས་སྐུ་ལ་བརྒྱན། །ན་བཟའ་སྟོད་གཡོགས་དར་གྱི་ཆོས་གོས་གསོལ། །སྐུ་སྨད་དཔའ་བོ་སྟག་གི་ཤམ་ཐབས་དཀྲིས། །ཞབས་གཉིས་བརྐྱང་བསྐུམ་ཆུ་བདག་ཕོ་མོ་བརྫིས། །སྐུ་ལས་སྤྲུལ་པའི་ཁྲོ་ཚོགས་སྐར་ལྟར་འཁྲུགས། །

[Full Size]

དུར་ཁྲོད་འབར་བའི་ཆས་རྣམས་སྐུ་ལ་རྫོགས། །འོད་ཟེར་དྲག་པོ་མེ་དང་ཉི་མ་དང་། །གནམ་ལྕགས་བྱེ་ཚན་ཆར་འབེབས་ཁྲག་དང་དུག༔ ༈ །བྱུ་རུའི་མདོག་འདྲ་ལྗགས་ཀྱི་ཚྭ་ཚྭ་ཡིས། །གདུག་པའི་འཇིག་རྟེན་ཁམས་རྣམས་སྟོངས་པར་མཛད། །ཡེ་ཤེས་མེ་རི་འབར་བའི་ཀློང་དཀྱིལ་ན། །རིག་སྔགས་རྒྱལ་པོ་ཁྲོ་བོ་མང་པོས་བསྐོར། །ཀུན་ཀྱང་རབ་ཏུ་མི་བཟད་འབར་བ་སྟེ། །རྣམ་འགྱུར་ཁྲོས་པའི་སྟངས་སྟབས་ལམས་སེ་ལམ། །དྲག་སྔགས་དབང་གིས་རྟ་སྐད་ཅེ་རེ་རེ། །དཔལ་ཆེན་ཁྲོས་པའི་རྟ་བྲོ་ཁྲིགས་སེ་ཁྲིག །འགྲོ་ལ་ཐུགས་རྗེའི་སྤྲིན་ཚོགས་ཐིབས་སེ་ཐིབ། །གདངས་གསལ་ཡེ་ཤེས་འོད་འབར་ཁྱུགས་སེ་ཁྱུག །ཁྲོ་རྒྱལ་རྔམ་པའི་འབྲུག་སྒྲ་དི་རི་རི། །དྲག་པོའི་གནམ་ལྕགས་ཐོག་འབེབས་ཆེམས་སེ་ཆེམ། །སྲེག་བྱེད་རྡོ་རྗེའི་མེ་འབར་ལྷབས་སེ་ལྷབ། །རྣོ་དབལ་མཚོན་ཆའི་ཆར་པ་སི་ལི་ལི། །ས་བདག་ཀླུ་གཉན་རྒྱལ་བསེན་ཕོ་མོ་དང་། །སྡང་བའི་དགྲ་དང་གནོད་པར་བྱེད་པའི་བགེགས། །སྒྲུབ་ལ་བར་དུ་གཅོད་པ་གང་ཡིན་རྣམས། །རྡུལ་ཕྲན་བཞིན་དུ་ཐལ་བ་རྡུལ་དུ་རློགས། །སྔོན་གྱི་ཐུགས་དམ་ཆེན་པོའི་དུས་ལ་བབ། །ཞལ་

[Full Size]

བཞེས་བཞིན་དུ་དྲག་པོའི་ཕྲིན་ལས་མཛོད། །ཧཱུྃ། གསང་ཆེན་རོལ་པའི་དུར་ཁྲོད་ཆེན་པོ་ནས། །དགུ་ཀློང་འཁྲུགས་པ་ཨེ་ཡི་གཞལ་ཡས་ཁང་། །འབྱུང་བ་རང་འོད་འཁྲུགས་པའི་དཀྱིལ་འཁོར་ནས། །ཡི་དམ་ཞི་ཁྲོའི་ཚོགས་རྣམས་སྐུ་བཞེངས་འཚལ། །བཞེངས་ཤིག་བཞེངས་ཤིག་རང་རང་གནས་ནས་བཞེངས། །བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ། །མཛོད་ཅིག་མཛོད་ཅིག་དྲག་པོའི་ཕྲིན་ལས་མཛོད། །པདྨ་བཛྲ་འཁོར་བཅས་སྐུ་བཞེངས་འཚལ། །བུདྡྷཱ་ཐོད་ཕྲེང་འཁོར་བཅས་སྐུ་བཞེངས་འཚལ། །མི་བསྐྱོད་རྡོ་རྗེ་འཁོར་བཅས་སྐུ་བཞེངས་འཚལ། །པདྨ་དབང་ཆེན་འཁོར་བཅས་སྐུ་བཞེངས་འཚལ། །ཐོད་པ་རྩལ་ཆེན་འཁོར་བཅས་སྐུ་བཞེངས་འཚལ། །དྲག་པོ་མེ་ཕྲེང་འཁོར་བཅས་སྐུ་བཞེངས་འཚལ། །སངས་རྒྱས་དཔའ་བོ་འཁོར་བཅས་སྐུ་བཞེངས་འཚལ། །དབང་ཆེན་རྟ་མགྲིན་འཁོར་བཅས་སྐུ་བཞེངས་འཚལ། །ལག་ན་རྡོ་རྗེ་འཁོར་བཅས་སྐུ་བཞེངས་འཚལ། །རང་རང་གནས་ནས་སྐུ་བཞེངས་འདིར་གཤེགས་ལ། །ཕྲིན་ལས་མྱུར་མགྱོགས་དྲག་པོའི་ལས་མཛོད་ཅིག །ངང་ཉིད་དོན་གྱི་དབྱིངས་

[Full Size]

ལས་མ་གཡོས་ཀྱང་། །གནས་སྐབས་གཟུགས་སྐུས་འགྲོ་བའི་དོན་མཛད་ཅིང་། །གནོད་བྱེད་གདུག་པའི་དགྲ་བགེགས་བསྒྲལ་བའི་ཕྱིར། །རྣམ་འགྱུར་ཁྲོ་ཚུལ་འཇིགས་པའི་ཆ་ལུགས་ལ། །ཞལ་གདངས་ལྗགས་འདྲིལ་མཆེ་གཙིགས་རྐན་སྒྲ་རྡེབ། །།སྤྱན་རྩ་དམར་པོ་གྲུ་གསུམ་སྡང་མིག་བསྒྲད། །སྨིན་མ་ཨག་ཚོམ་མེ་འབར་གྱེན་དུ་འཕྱོ། །དབུ་སྐྲ་རལ་པ་ཁམ་ནག་གཙུག་ཏུ་འཁྱིལ། །ཐོད་སྐམ་རིན་ཆེན་རྩེ་བྲན་སྦྲུལ་གྱིས་དཀྲིས། །གཞན་ཡང་དུར་ཁྲོད་ཆས་དང་རུས་པས་བརྒྱན། །སྣ་ཚོགས་རིན་ཆེན་དར་གྱིས་ལྷབ་ལྷུབ་དཀྲིས། །རྣམ་འགྱུར་འདོར་སྟབས་བད་ཅིང་འགྱིང་བག་ཚུལ། །མི་སྲུན་དྲག་ཤུལ་འབར་བའི་གར་སྟབས་འཁྱུགས། །ཞལ་ནས་དྲག་པོའི་སྔགས་ཀྱི་འབྲུག་སྒྲ་སྒྲོག །ཤ་ཁྲག་དམར་གྱི་གཏོར་མ་འདི་བཞེས་ལ། །གནོད་བྱེད་དགྲ་བགེགས་ཐལ་བ་རྡུལ་དུ་རློགས། །ཧཱུྃ། དྲག་པོ་པདྨ་རྡོ་རྗེ་ཐོད་ཕྲེང་རྩལ། །ཁྱེད་ནི་འགྲོ་བའི་མགོན་གྱུར་སྐྱབས་ཀྱི་མཆོག །བདག་གིས་སྒོ་གསུམ་གུས་པས་ཁྱོད་སྒྲུབ་ཅིང་། །དཀའ་བ་དང་བླངས་ལྗི་བ་ཁུར་དུ་ཁུར། །ལུས་སྲོག་འབེན་བཙུགས་ཤ་ཁྲག་གཟན་དུ་བོར། །མོས་གུས་གཏིང་

[Full Size]

ནས་ཁྱེད་ལ་སྐྱབས་གསོལ་ན། །ཐུགས་རྗེ་མ་ཆུང་སྔོན་གྱི་ཐུགས་དམ་དགོངས། །དུས་ངན་སྙིགས་མའི་དུས་འདིར་བདག་སྐྱེས་ནས། །ཁྱེད་ཀྱི་ཐུགས་རྗེས་བདག་ལ་བྱིན་གྱིས་རློབས། །བདག་སོགས་བླ་མེད་བྱང་ཆུབ་སྒྲུབ་པ་ལ། །ལམ་ལ་བར་དུ་གཅོད་པའི་དགྲ་བགེགས་རྣམས། །དབང་དྲག་པདྨ་འཁོར་དང་བཅས་པ་ཡིས། ཐུགས་རྗེ་དྲག་པོའི་སྟོབས་ཀྱིས་བསྒྲལ་ནས་ཀྱང་། །གྲུ་གསུམ་མཐིང་ནག་འབར་བའི་ཞལ་དུ་སྦྱོངས། །གསུང་དབྱངས་དྲུག་ཅུ་ལྡན་པའི་མགུལ་དུ་བསྒྲིམ། །དོན་དམ་སྐྱེ་མེད་ཐུགས་ཀྱི་དབྱིངས་སུ་བསྟིམ། །རྣལ་འབྱོར་བདག་གི་འདོད་པའི་དོན་རྣམས་ཀུན། །དབང་དྲག་པདྨ་འཁོར་དང་བཅས་པ་ཡིས། །འགྲུབ་པར་མཛོད་ཅིག་བཛྲ་ས་མཱ་ཡ། །གུ་རུ་དྲག་པོའི་ལས་བྱེད་སྡིག་པའི་གཟུགས། །རྟགས་ཀྱི་རྣོ་དབལ་འཇིགས་བྱེད་འབར་བའི་སྐུ། །མགོ་དགུའི་ཁ་ལ་ཁམས་གསུམ་ཟས་སུ་ཟ། །རྭ་ནི་བཅོ་བརྒྱད་སྲིད་གསུམ་ཟིལ་གྱིས་གནོན། །རྐང་ལག་བརྒྱད་ཀྱིས་སྟོང་གསུམ་དབང་དུ་སྡུད། །མེ་ཡི་ཚྭ་ཚྭ་དྲག་པོ་སྐར་ལྟར་འཁྲུགས། །དྲི་མ་མི་ཞིམ་ཤིན་ཏུ་དཔག་ཚད་ཁྱབ། །ཁ་གདངས་མཆེ་གཙིགས་

[Full Size]

རྐན་སྒྲ་བརྡབས་པ་ཡིས། །གནོད་བྱེད་རྒྱལ་འགོང་སྲོག་བདག་ཟས་སུ་ཟ། །ཁ་དགུ་མིག་དགུ་དྲག་པོས་གདུག་པ་འདུལ། །བདུད་འདུལ་ལྕགས་སྡིག་སྐུ་ལ་ཕྱག་འཚལ་བསྟོད། །ལྟཕོ་རིགས་ཀླུ་ལ་ལྕགས་སྡིག་ནག་པོ་བྷྱོ༔ །མོ་རིགས་ཀླུ་ལ་ལྕགས་སྡིག་ནག་པོ་བྷྱོ༔ །དྲག་པོ་གཟའ་ལ་ལྕགས་སྡིག་ནག་པོ་བྷྱོ༔ །གནོད་བྱེད་གདོན་ལ་ལྕགས་སྡིག་ནག་པོ་བྷྱོ༔ སྲོག་བདག་ཐེའུ་རང་ཀུན་ལ་ལྕགས་སྡིག་ནག་པོ་བྷྱོ༔ །དགྲ་བགེགས་ཤ་ཁྲག་གཏོར་མ་འདི་བཞེས་ལ། །མི་མཐུན་ཕྱོགས་རྣམས་ཐལ་བ་རྡུལ་དུ་རློགས། །ཧཱུྃ། མི་ཟླུམངོན་དབྱིངས་ནས་སྐུ་བཞེངས་ཤིག །བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །བསྐུལ་ལོ་བསྐུལ་ལོ་སེམས་ཅན་དོན་ལ་བསྐུལ། །མཛོད་ཅིག་མཛོད་ཅིག་དྲག་པོའི་ལས་མཛོད་ཅིག །བླ་མ་བདེ་མཆོག་དཀྱིལ་འཁོར་ལྷ། །དཔའ་བོ་མཁའ་འགྲོ་དམ་ཅན་ཚོགས། །མཆོད་སྦྱིན་གཏོར་མ་འདི་བཞེས་ལ། །ཞི་རྒྱས་དབང་དྲག་ཕྱིན་ལས་ཀྱི། །ལས་རྣམས་མ་ལུས་འགྲུབ་པར་མཛོད། །ཧཱུྃ། ཁྲོ་རྒྱལ་ཆེན་པོའི་ཐུགས་ཀྱི་དཀྱིལ་འཁོར་ནས། །ཐུགས་མཆོག་འགྱུར་མེད་གསང་བདག་རྡོ་རྗེ་འཛིན། །སྐུ་

[Full Size]

མདོག་མཐིང་ནག་དཔའ་གཏུམ་འཇིགས་པའི་གཟུགས། །ཕྱག་གཡས་རྡོ་རྗེས་དགྲ་དཔུང་ཐལ་བར་བརླགས། །གཡོན་པས་སྡིགས་མཛུབ་མེ་འབར་ཁམས་གསུམ་བསྲེགས། །སངས་རྒྱས་ཀུན་གྱི་ཐུགས་ཀྱི་མཐུ་སྟོབས་བསྡུས། །དགྲ་བགེགས་ཤ་ཁྲག་གཏོར་མ་འདི་བཞེས་ལ། །དམ་ཉམས་དགྲ་བགེགས་རྩད་ནས་བརླག་པར་མཛོད། །ཧཱུྃ། ཆོས་དབྱིངས་མཉམ་ཉིད་རིག་པའི་ཡེ་ཤེས་ལྷ། །བདེ་གཤེགས་སྒྲུབ་པ་བཀའ་བརྒྱད་ལྷ་ཚོགས་རྣམས། །མ་བཅོས་ལྷུན་འགྲུབ་ཛཿཧཱུྃ་བཾ་ཧོ༔ཨཱཿ །ས་མཱ་ཡཿཨཱ་ཝེ་ཤ་ཡ་ཏིཥྛ་ལྷན༔ རང་རིག་ཡེ་ཤེས་ལྷ་ལ་ཕྱག་འཚལ་བསྟོད། །ཧཱུྃ། རང་བྱུང་ཐབས་ཤེས་དབྱེར་མེད་སྨན་གྱིས་མཆོད། །རྒྱུ་རྐྱེན་རྣམ་དག་བདུད་རྩི་གཏོར་མས་མཆོད། །ཆགས་བྲལ་རཀྟ་དམར་ཆེན་རྫས་ཀྱིས་མཆོད། །ཕྱི་ནང་གསང་བ་དེ་བཞིན་ཉིད་ཀྱིས་མཆོད། །གཉིས་མེད་བླང་དོར་མེད་པའི་ངང་དུ་མཆོད། །སརྦ་པཉྩ་ཨ་མྲྀ་ཏ་ལ་ཁཱ་ཧི། མ་ཧཱ་པཱུ་ཛ་ཁཱ་ཧི། མ་ཧཱ་བ་ལིཾ་ཏ་ལ་ཁཱ་ཧི། མ་ཧཱ་མཾ་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ལཱ་

[Full Size]

ཧི། ཧཱུྃ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །ཚོམ་བུ་དགུ་ཡི་ལྷ་ཚོགས་འཁོར་བཅས་ཀྱིས། །དགྲ་བགེགས་ཤ་ཁྲག་རུས་པ་འདི་བཞེས་ལ། །བྱད་མ་དགྲ་བགེགས་གནོད་པའི་སྦྱོར་བ་ཟློག །དགྲ་བགེགས་གཤེད་མ་བྱ་ཁྱུང་རྒྱལ་པོ་ཡིས། །ལྟས་ངན་བཟློག་ཅིང་བསྒྱུར་བའི་ཕྲིན་ལས་མཛོད། །ཧཱུྃ༔ དཔལ་ཆེན་རྡོ་རྗེ་གཞོན་ནུ་ཁྲོ་བོའི་རྒྱལ༔ ཆོས་དབྱིངས་རྣམ་དག་འཁོར་ལོ་རྒྱས་འདེབས་ཡུམ༔ ཐབས་ཤེས་སྐུ་ལས་སྤྲུལ་པའི་ཁྲོ་བོ་བཅུ༔ རང་བཞིན་དབྱིངས་ལས་ཤར་བའི་ཁྲོ་མོ་བར༔ སྤྲུལ་པ་ལས་ལ་མངག་པའི་ཁྲ་ཐབས་ཚོགས༔ ཟ་གསོད་མཆེ་བ་སྟག་གི་གཤོག་པ་ཅན༔ དཀྱིལ་འཁོར་ཕྱོགས་བཞི་སྐྱོང་བའི་སྒོ་མ་བཞི༔ གསོད་པའི་ལས་མཛད་ཕུར་སྲུང་བཅུ་གཉིས་དང་༔ བསེ་ལྕགས་དུང་གི་སྐྱེས་བུ་ལ་སོགས་ཏེ༔ ཕུར་པའི་སྲུང་མར་ཞལ་བཞེས་དམ་བཅས་ཚོགས༔ འདིར་གཤེགས་དགྲ་བགེགས་ཤ་ཁྲག་གཏོར་མ་བཞེས༔ ཁྱེད་ཀྱི་ཐུགས་རྗེ་ཐུགས་དམ་དུས་ལ་བབ༔ མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ དགྲ་བགེགས་བསྣོལ་བའི་གདན་

[Full Size]

སྟེང་ནས༔ རྟ་མགྲིན་ནག་པོ་སྐུ་བཞེངས་ཤིག༔ གནོད་སྦྱིན་ནག་པོ་སྐུ་བཞེངས་ཤིག༔་ལས་མཁན་ནག་པོ་སྐུ་བཞེངས་ཤིག༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ ཧཱུྃ༔ བསྐུལ་ལོ་ཡཀྵ་མཐུ་བོ་ཆེ༔ ཟད་དོ་དྲེགས་པ་སྡེ་བརྒྱད་ཚོགས༔ མ་གཡེལ་སྲུང་མ་ཐུགས་དམ་ཅན༔ དམ་རྫ་ས་གཏོར་མ་འདི་བཞེས་ལ་སངས་རྒྱས་བསྟན་པ་ཁྱོད་ཀྱིས་སྲུངས༔ དཀོན་མཆོག་དབུ་འཕང་ཁྱོད་ཀྱིས་བསྟོད༔ རྣལ་འབྱོར་སྐུ་ཚེ་ཁྱོད་ཀྱིས་སྲིངས༔ བསྲུང་བྱའི་བར་ཆད་ཁྱོད་ཀྱིས་སོལ༔ སྡང་བའི་དགྲ་ལ་རྟགས་ཕྱུངས་ཤིག༔ གནོད་པའི་བགེགས་ལ་ལས་མཛོད་ཅིག༔ དུས་ལ་བབ་བོ་ས་མ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ ཨེཿ དྲག་པོ་ཆོས་དབྱིངས་གཤིན་རྗེའི་གཞལ་ཡས་ནས༔ ཚ་གྲང་མཚོན་ཆ་དུག་ཕུར་བསྐལ་པའི་མེ༔ སྣང་སྲིད་ལྷ་སྲིན་སྡེ་བརྒྱད་ཁྲི་སྟེང་ནས༔ བདེ་གཤེགས་རྒྱལ་བའི་སྐུ་གསུང་ཐུགས་སྤྲུལ་པ༔ འཇམ་དཔལ་གཤིན་རྗེ་རིགས་གསུམ་འདུས་པའི་སྐུ༔ གཤེད་ཆེན་ཤན་པ་སྲོག་བདག་གསུམ་གྱིས་མཚན༔ གཤིན་རྗེ་ཁྲོ་ཆུ་དུག་གདོང་གཤེགས་སུ་གསོལ༔ ཚེ་བདག་འཆི་བདག་

[Full Size]

སྲོག་བདག་གཤེགས་སུ་གསོལ༔ བྷེ་ཝ་ས་ཏ་ཟ་བ་ལྗང་དམར་དང་༔ ཡ་མཱ་རཱ་ཙ་འཁོར་བཅས་གཤེགས་སུ་གསོལ༔ དམ་རྫས་སྨན་རཀ་གཏོར་མའི་མཆོད་པ་འབུལ༔ གསུམ་སྨན་རཀ་གཏོར་མས་ཐུགས་དམ་བསྐང་༔ དགྲ་བགེགས་འཁོར་བཅས་དགྱེས་པར་བཞེས་སུ་གསོལ༔ མ་གཡེལ་མ་གཡེལ་དམ་ཅན་གཤིན་རྗེའི་ཚོགས༔ དགྲ་བགེགས་གནོད་བྱེད་བསྒྲལ་བའི་ཕྲིན་ལས་མཛོད༔ རྐྱེན་ངན་བར་ཆད་བཟློག་པའི་དུས་ལ་བབ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཧཱུྃ༔ ཆོས་དབྱིངས་ལས་གྲུབ་པ་ཡི་རང་བཞིན་ལྷ༔ ཡེ་ཤེས་འཇིགས་བྱེད་ལས་ཧུར་ཡུམ་དང་བཅས༔ ཕོ་བརྒྱད་མོ་བརྒྱད་འཁོར་དང་བཅས་པ་ཀུན༔ འདིར་གཤེགས་གནོད་བྱེད་དགྲ་བགེགས་གདན་ལ་བཞུགས༔ སྨན་གཏོར་རཀྟའི་མཆོད་པས་ཐུགས་དམ་བསྐང་༔ གནོད་བྱེད་དགྲ་བགེགས་མཐུ་སྟོབས་ཤ་ཁྲག་དབུགས༔ ཞལ་དུ་བསྟབ་བོ་བཞེས་ཤིག་ཁཱ་རཾ་ཁཱ་ཧྲཱིཿ ཧཱུྃ་ཧཱུྃ་ཕོ་པེ༔ མ་གཡེལ་མ་སྤངས་མཁའ་འགྲོ་རྣལ་འབྱོར་མ༔ ཆོས་དབྱིངས་ཨེ་ཡི་གཞལ་ཡས་ནས༔ རང་བཞིན་དབྱིངས་ཀྱི་མཁའ་འགྲོ་མ༔ རྡོ་རྗེ་ཕག་མོ་སྐུ་བཞེངས་ཤིག༔

[Full Size]

གསང་བ་ཡེ་ཤེས་སྐུ་བཞེངས་ཤིག༔ འཇིགས་བྱེད་ཆེན་མོ་སྐུ་བཞེངས་ཤིག༔ སེང་གདོང་ཌཀི་སྐུ་བཞེངས་ཤིག༔ ཁྲོས་མ་ནག་མོ་སྐུ་བཞེངས་ཤིག༔ ཀུ་རུ་ཀུལླེ་སྐུ་བཞེངས་ཤིག༔ ལས་ཧུར་དྲག་མོ་སྐུ་བཞེངས་ཤིག༔ ལབ་ཀྱི་སྒྲོན་མ་སྐུ་བཞེངས་ཤིག༔ བདེ་ཆེན་རྒྱལ་མོ་སྐུ་བཞེངས་ཤིག༔ འོད་ཟེར་ཅན་མ་སྐུ་བཞེངས་ཤིག༔ དབྱངས་ཅན་ལྷ་མོ་སྐུ་བཞེངས་ཤིག༔ ལོ་མ་གྱོན་མ་སྐུ་བཞེངས་ཤིག༔ སྒྲོལ་མའི་ལྷ་ཚོགས་སྐུ་བཞེངས་ཤིག༔ ཨ་ཕྱི་ཆོས་སྒྲོན་སྐུ་བཞེངས་ཤིག༔ ཕག་གདོང་མཆེད་ལྔ་སྐུ་བཞེངས་ཤིག༔ ཀུན་འཁྱིལ་མཆེད་གསུམ་སྐུ་བཞེངས་ཤིག༔ བསེ་ཡི་ལྷ་མོ་སྐུ་བཞེངས་ཤིག༔་རི་རབ་ཆེན་པོའི་གླིང་བཞི་དང་༔ ཉི་ཤུ་རྩ་བཞིའི་གནས་མཆོག་ནས་རིགས་བཞི་མཁའ་འགྲོ་ཤུགས་འགྲོ་དང་༔ ཡེ་ཤེས་ལས་གྲུབ་མ་མོའི་ཚོགས༔ ཁྲི་འབུམ་བྱེ་བ་ས་ཡ་རྣམས༔ དར་གྱི་ཅོད་པན་པུ་རུ་རུ༔ སིལ་སྙན་མང་པོ་སི་ལི་ལི༔ རོལ་མོ་མང་པོ་ཏི་རི་རི༔ རྒྱན་ཆ་མང་པོ་ཁྲོ་ལོ་ལོ༔ ཌཱ་རུ་གར་སྟབས་ཤིགས་སེ་ཤིག༔ ཞལ་ནས་སྔགས་སྒྲ་དི་རི་རི༔ ཕཊ་དང་ཕེ་སྒྲ་འུ་རུ་རུ༔ རི་རབ་གླིང་བཞི་ལྡེམས་སེ་ལྡེམ།

[Full Size]

རྒྱ་མཚོ་ཀུན་ཀྱང་ཁྱོམས་སེ་ཁྱོམ༔ སྣང་སྲིད་དབང་སྡུད་ཧྲཱིཿ་ལི་ལི༔ སྡེ་བརྒྱད་བྲན་དུ་ཁྱུགས་སེ་ཁྱུག༔ རྐང་པ་རྡོ་རྗེ་འགྲོས་སྟབས་ཀྱིས༔ མཁའ་ལ་ཐོགས་མེད་བུན་ནེ་བུན༔ བྷལག་པ་གསེར་གྱི་གདུ་བུ་ཅན༔ སྣ་ཚོགས་གར་བྱེད་ཁྱུགས་སེ་ཁྱུག༔ ཆ་ལུགས་རྣམ་པ་སྣ་ཚོགས་ཅན༔ ཕྲིན་ལས་རྣམ་བཞི་ཐོགས་མེད་བསྒྲུབ༔ བསྐུལ་ལོ་ཐུགས་དམ་གནད་ནས་བསྐུལ༔ མཁའ་འགྲོ་དངོས་གྲུབ་མ་གཡེལ་ཞིག༔ ཤུགས་འགྲོ་ལས་ལ་མ་བུལ་ཞིག༔ བསེ་ལམ་མཐུ་སྟོབས་མ་ཆུང་ཞིག༔ བརྒྱན་པའི་གཏོར་མ་འདི་བཞེས་ལ༔ འདོད་པའི་དོན་ལ་གསོལ་འདེབས་ཀྱིས༔ མཆོག་དང་ཐུན་མོང་དངོས་གྲུབ་སྩོལ༔ ཚེ་དབང་ལོངས་སྤྱོད་རྒྱས་པ་དང་༔ རྐྱེན་ངན་བར་ཆད་ཐམས་ཅད་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སངས་རྒྱས་བསྟན་པ་སྲུང་བྱེད་པའི༔ དཀྱིལ་འཁོར་མུ་རན་སྐྱོང་བ་ཡི༔ ཆོས་སྐྱོང་སྲུང་མ་མཐུ་རྩལ་ཅན༔ ཁྱོད་ཀྱི་དམ་ཚིག་དུས་ལ་བབ༔ མ་གཡེལ་མ་གཡེལ་ཆོས་སྐྱོང་ཚོགས༔ བསྟན་པ་བསྲུང་བའི་དུས་ལ་བབ༔ ཕྲིན་ལས་སྒྲུབ་པའི་དུས་ལ་བབ༔ དགྲ་བགེགས་བསྒྲལ་བའི་དུས་ལ་བབ༔ མཐུ་རྩལ་ཕྱུངས་བའི་

[Full Size]

དུས་ལ་བབ༔ འབར་མ་ཕོ་ཉ་རྫུ་འཕྲུལ་ཅན༔ གར་གྱི་དབང་ཕྱུག་ཁྲོ་རྒྱལ་དཔལ༔ རྟ་མཆོག་རྒྱལ་པོ་ཧེ་རུ་ཀ༔ དོན་གྱི་སངས་རྒྱས་ཡིན་མོད་ཀྱང་མཛད་པའི་ཆོ་འཕྲུལ་དུ་མ་ལས༔ རྣམ་པ་སྣ་ཚོགས་ཆ་ལུགས་ཅན༔ བྲན་གྱི་ཚུལ་དུ་བཀའ་སྲུང་མཛད༔ འཁོར་དུ་སྡེ་བརྒྱད་ཚོགས་ཀྱིས་བསྐོར༔ ཡབ་ཡུམ་སྲས་འཁོར་ཡང་སྤྲུལ་བཅས༔ འདིར་གཤེགས་བརྒྱན་པའི་གཏོར་མ་བཞེས༔ བཅོལ་བའི་ཕྲིན་ལས་མ་ལུས་སྒྲུབས༔ ཡཱཿ ལྷོ་ཕྱོགས་གཤིན་རྗེའི་གྲོང་ཁྱེར་ནས༔ རིམ་པ་དགུ་ཡི་ས་འོག་ནས༔ ལྕགས་མཁར་སྒོ་མེད་ནང་ཤེད་ནས༔ ལས་ཀྱི་གཤིན་རྗེ་གཤེགས་སུ་གསོལ༔ ཤ་ཁྲག་བརྒྱན་པའི་གཏོར་མ་བཞེས༔ བྲ་སྲན་ཤ་རམ་ཁྱི་རྟ་ནག༔ བཙས་སུ་མཐུན་རྫས་ཟས་སུ་བཞེས༔ སྨིན་ཕྲག་སྨག་སྨིན་གློག་འགྱུ་བ༔ ལྷ་གདོན་རྡུལ་དུ་བརླག་པར་མཛོད༔ རིགས་གསུམ་མགོན་པོའི་དབུ་རྒྱན་ཅན༔ རྒྱ་བོད་གཉིས་ཀྱི་བྱད་མ་ཟློག༔ ཞལ་གདངས་ཧ་ལའི་སྒྲ་སྒྲོག་པ༔ གནོད་བྱེད་མ་ལུས་ཟས་སུ་ཟོ༔ མོན་ནག་མགུལ་ན་ལྔ་བ་ཅན༔ ཟ་འདྲེ་ཤི་གཤེད་རྡུལ་དུ་རློགས༔ གཅེར་བུ་སྦྲུལ་ལྡག་བཟློག་གྱོན་ཅན༔ བན་

[Full Size]

བོན་མ་ལུས་རྡུལ་དུ་རློགས༔ དགྲ་སྡུས་དགྲ་བོའི་ཙིཏྟ་ཡི༔ ལྟས་ངན་ཐལ་བ་རྡུལ་དུ་རློགས༔ འཆར་ཀ་སྲིད་པའི་འཁོར་ལོ་ཡིས༔ སྲིད་གསུམ་བྱད་མ་རྡུལ་དུ་རློགས༔ ཁྲོ་ཆུ་ཕ་ཝང་འཁོར་ལོ་ཡིས༔ བསྟན་ལ་གནོད་བྱེད་རྡུལ་དུ་རློགས༔ སིར་སིར་གནམ་ལྕགས་ཟེགས་མ་ཅན༔ བསྟན་བཤིག་སྡིག་ཅན་རྡུལ་དུ་རློགས༔ དབལ་གསུམ་མི་མཐུན་རྐྱེན་ངན་ཟློག༔ རྩེ་ཕུར་བྱེད་སྙིང་བརྡོལ་ཏེ་བརྡེག༔ བྱད་མ་ལྷ་སྲུང་རྡུལ་དུ་རློགས༔་དབལ་གསུམ་མེ་ཡིས་འཁོར་ལོ་བསྐོར༔ འགོང་པོ་ཐུལ་ཐུན་ཐལ་བར་རློགས༔ རླུང་ནག་འཚུབ་མ་དཀྱལ་དང་དཀྱིལ༔ མི་ནད་ནོར་ནད་རྡུལ་དུ་རློགས༔ མེ་འབར་ཉམ་ང་ཚ་ཧི་ག༔ སྐྱེ་འགྲོ་དྲུག་གི་གནོད་པ་ཟློག༔ མོན་ནག་ཧ་ལའི་འཁོར་ཚོགས་ཅན༔ ལས་མཁན་ཕོ་ཉ་རྡུལ་དུ་རློགས༔ སྡེ་བརྒྱད་སྣང་སྲིད་ལྷ་འདྲེས་བསྐོར༔ འཇིག་རྟེན་དྲེགས་པ་རྡུལ་དུ་རློགས༔ ཁྱོད་ཀྱི་དུས་ལ་བབ་ལགས་སོ༔ སྲིད་པ་ནག་པོ་ཚ་བོ་ཚ། བདག་ལ་གནོད་བྱེད་འགའ་མཆིས་པས༔ སྤྱི་དགོས་བསྟན་དང་བདག་ཅག་ལ༔ གནོད་བྱེད་ཐལ་བ་རྡུལ་དུ་རློགས༔ ཇི་ལྟར་བྱེད་ཀྱང་ཁྱེད་ཡིན་གྱིས༔ ཁས་བླངས་བཞིན་དུ་

[Full Size]

དམ་ལ་འདུས༔ པདྨ་འབྱུང་གནས་བྷ་ཝི་ལྷ༔ ཨཱརྱ་མཉྫའི་བཀའ་མ་བཅག༔ ད་ལྟ་བཅོལ་བའི་ཕྲིན་ལས་མཛོད༔ བྷྱོ༔ མ་གཡེལ་མ་འདའ་བྱ་རོག་མཚན༔ ཁྱོད་ཀྱི་ཐུགས་དམ་དུས་ལ་བབ༔ བདག་ཅག་སློབ་དཔོན་འཁོར་བཅས་ལ༔ དགྲ་བགེགས་བྱད་ཁ་བྱུང་བ་འདི༔ དམ་ཅན་ཁྱོད་ཀྱིས་མ་ཚོར་རམ༔ ཡེ་ཤེས་སྤྱན་དང་མི་ལྡན་ནམ༔ སྔོན་གྱི་དམ་བཅའ་མི་གཉེར་རམ་རིག་འཛིན་རྣལ་འབྱོར་མི་སྐྱོངས་སམ༔ སངས་རྒྱས་བསྟན་པ་མི་སྲུངས་སམ༔ དམ་ཉམས་ལོག་འདྲེན་མི་འདུལ་ལམ༔ ཁྱོད་ཀྱི་ཐུགས་དམ་དུས་ལ་བབ༔ དགྲ་བགེགས་ཤ་ཁྲག་འདི་བཞེས་ལ༔ བར་ཆད་བཟློག་པའི་དུས་ལ་བབ༔ ཧཱུྃ༔ དམ་ཉམས་བསྟན་པའི་དགྲ་བགེགས་འདི། རྡོ་རྗེ་བེར་ཆེན་ལྕམ་དྲལ་དང་༔ མྱུར་མཛད་མགོན་པོ་དུད་སོལ་མ༔ སྲིན་མགོན་གདོང་བཞི་ལ་སོགས་པ༔ བསྟན་སྐྱོང་བཀའ་སྲུང་འཁོར་བཅས་ཀྱི༔ ལྗགས་དམར་བསྐྱོད་པའི་ཞལ་དུ་འབུལ༔ དགེ་དེས་བསྟན་པ་དར་རྒྱས་ཤོག༔ ཧཱུྃ༔ མེ་དཔུང་འབར་བའི་ཀློང་དཀྱིལ་ནས༔ གཤིན་རྗེ་འཆར་ཀ་ནག་པོ་ནི༔ སྐུ་མདོག་ཆར་སྤྲིན་འཐིབས་པ་

[Full Size]

འདྲ༔ ཞལ་གདངས་སྟག་གཟིག་རྔམ་པ་འདྲ༔ མཆེ་བ་ཚེར་ཕུང་གདེངས་པ་འདྲ༔ ཤངས་ནས་བསྐལ་པའི་རླུང་ནག་འཚུབ༔ སྙན་ནས་སྟོང་གསུམ་འབྲུག་སྒྲ་སྒྲོག༔ ཞལ་ནས་དྲག་པོའི་སྔགས་བཟླས་ཤིང་༔ འོད་ཟེར་ཚྭ་ཚྭ་སྐར་ལྟར་འཁྲུགས༔ ཚྭ་ཚྭ་སྤྲུལ་པའི་ཕོ་ཉ་འགྱེད༔ གནོད་བྱེད་ཤ་ཁྲག་གཏོར་མ་བཞེས༔ དགྲ་བགེགས་ཟློག་པའི་ལས་མཛོད་ཅིག༔ ནད་ཁ་རིམས་ཁ་དགྲ་ལ་སྡིག༔ བྱད་ཁ་ཆོད་གཏོང་ཐམས་ཅད་ཟློག༔ བཀའ་བརྒྱད་ཕོ་ཉ་ཡོངས་རྫོགས་ཐུགས་དམ་ཅན༔ འདོད་ཡོན་བརྒྱན་པའི་མཆོད་གཏོར་འདི་བཞེས་ལ༔ ཡིད་ལ་བརྣག་པའི་དགྲ་བགེགས་ཐམས་ཅད་སྒྲོལ་དུས་མིན་འཆི་དང་རྗོད་ཟོར་ལྟས་ངན་ཟློག༔ ཧཱུྃ༔ ནམ་མཁའ་ས་གཞི་བར་སྣང་གང་༔ ཧབ་ཤ་མ་ལུས་འཁོར་དང་བཅས༔ གཞན་ཡང་སྤྲུལ་པའི་ཕོ་ཉ་སོགས༔ ཐམས་ཅད་མ་ལུས་གནས་འདིར་བྱོན༔ བརྒྱན་གྱི་གཏོར་མ་འདི་བཞེས་ལ༔ བར་ཆད་ཐམས་ཅད་ཞལ་དུ་གསོལ༔ སྨྱོ་ནད་ཐམས་ཅད་བསྲུང་དུ་གསོལ༔ རིམས་གྲིབ་ཐམས་ཅད་བསྒྱུར་དུ་གསོལ༔ བདུད་ཀྱི་གནོད་པ་བཟློག་ཏུ་གསོལ༔ ཁ་སྤྱད་སྣ་རིས་བྱེད་རྣམས་ཟློག༔ བཅོལ་

[Full Size]

བའི་ཕྲིན་ལས་མྱུར་འགྲུབ་མཛོད༔ ཧཱུྃ༔ རི་རབ་བྱང་ཤར་དྲག་པོའི་དཀྱིལ་འཁོར་ནས༔ ད་ལ་ལྗང་ནག་གྲུ་གསུམ་གཞལ་ཡས་ནས༔ ཨུ་ཙ་ལ་ཡི་དུར་ཁྲོད་ཆེན་པོ་ནས༔ བདུད་ཕོ་བདུད་མོའི་གྲོང་ཁྱེར་ཆེན་པོ་ནས༔ དཔལ་ཆེན་ཐུགས་སྤྲུལ་སྲོག་བདུད་ཏྲཀྐད་ནི༔ སྐུ་མདོག་མཐིང་ནག་ཤིན་ཏུ་གཏུམ་ལ་རྔམ༔ ཤ་ཁྲག་ཕུད་ཀྱི་མཆོད་པ་འདི་བཞེས་ལ༔ རྣལ་འབྱོར་སྒྲུབ་མཆོག་དཔོན་སློབ་མི་ནོར་ལ༔ གཟུགས་ཅན་དགྲ་དང་གཟུགས་མེད་བགེགས་ལ་སོགས༔ ཚར་གཅོད་དྲག་པོའི་ཕྲིན་ལས་མཛད་དུ་གསོལ༔ བྱད་ཁ་ཕུར་ཁ་ཟོར་ཁ་དམོད་མོ་རྣམས༔ བཟློག་པའི་ཕྲིན་ལས་དྲག་པོ་མཛད་དུ་གསོལ༔ ༈ ཞིང་སྐྱོང་མགོན་པོའི་དམག་ཚོགས་རྣམས༔ འཇིག་རྟེན་སྲུང་མ་གཉེན་པོ་རྣམས༔ བརྒྱན་པའི་གཏོར་མ་འདི་བཞེས་ལ༔ ད་ལྟ་དགྲ་བོའི་ཟས་ནོར་འཕྲོག༔ ཟིན་ལ་དབང་ལྡན་གནང་དུ་བྱིན༔ ད་ལྟ་དགྲ་ཡི་ར་སྒོ་ཕྱེས༔ ཚང་གསུམ་ནོར་ལ་ནང་བྱོན་གྱིས༔ དགྲ་ཡི་ནོར་རྣམས་ཟིན་ལ་བྱིན༔ རང་གི་མི་ནོར་ཁ་འཛིན་གྱིས༔ དགྲ་དང་བགེགས་ལ་དམག་འདྲེན་པ༔ དམག་མི་རྣམས་ཀྱིས་དམག་དཔུང་བསྐྱེད༔

[Full Size]

བདག་ཅག་དཔོན་སློབ་འཁོར་བཅས་ཀྱི༔ རྒྱུ་རྐྱེན་འབྲས་བུ་ཆུད་མ་གསན༔ དགྲ་དང་གདོན་ལ་དམག་སྣ་དྲོངས༔ གནོད་བྱེད་མི་རྟ་གྲུམ་ཆིང་གྱིས༔ བཅོལ་བའི་ཕྲིན་ལས་མ་གཡེལ་ཅིག༔ རང་གི་མི་རྟ་ཁ་འཛིན་གྱིས༔ དགྲ་བགེགས་བར་ཆད་གློ་བུར་ནད་རྣམས་བཟློག་ཏུ་གསོལ༔ ཀྱེ༔ གླིང་བཞི་རི་རབ་རྩེ་མོ་ནས༔ གནོད་སྦྱིན་ཆེན་པོ་དྲག་རྩལ་ཅན༔ ཆིབས་སུ་ཁྱུང་དམར་རླུང་གཤོག་ཆིབས༔ སྐུ་ལ་དར་དམར་འཇོལ་བེར་གསོལ༔ སྟག་རལ་གཡས་ལ་གཟིག་ཤུབས་གཡོན༔ རྒྱབ་ན་བསེ་ཡི་ཕུར་དམར་གྱོན་ཕྱག་གཡས་མདུང་དར་དགྲ་ལ་འདེབས༔ གཡོན་པས་དགྲ་སྙིང་རྒྱུ་ཞགས་འཛིན༔ བསེ་ཞུ་བསེ་ཁྲབ་སི་ལི་ལི༔ བཀའ་ཉན་འཁོར་བརྒྱད་དང་བཅས་པ༔ དམ་རྫས་གཏོར་མས་ཐུགས་དམ་བསྐང་༔ ཆག་ཆེན་ཉམ་ང་བཟློག་ཏུ་གསོལ༔ བྱད་ཁ་བཟློག་ལ་ཕུར་ཁ་སྒྱུར༔ དགྲ་སྣ་ཇགི་སྣ་དམག་སྣ་ཟློག༔ དམ་ཉམས་དགྲ་ལ་ཟོར་ཁ་སྒྱུར༔ འཁོར་སྲུང་རྐྱེན་ཟློག་བསམ་པ་སྒྲུབས༔ ཕྲིན་ལས་རྣམ་བཞི་བསྒྲུབ་ཏུ་གསོལ༔ ཧཱུྃ༔ གཤིན་རྗེ་མ་མོ་བདུད་བཙན་དབང་ཕྱུག་གཟའ༔ སྡེ་དཔོན་སུམ་ཅུ་དྲེགས་པ་བཅོ་བརྒྱད་

[Full Size]

སོགས༔ འཇིག་རྟེན་འདས་དང་མ་འདས་དྲེགས་པའི་ཚོགས༔ སྐུ་མདོག་ཆ་ལུགས་རྫུ་འཕྲུལ་ཅིར་ཡང་སྟོན༔ རང་རང་ཆུང་མ་བུ་དང་འཁོར་དཔུང་བཅས༔ གྲངས་མེད་ནམ་མཁའ་ཁྱབ་པར་རྒྱུག་པ་རྣམས༔ མགྱོགས་པའི་ཆིབས་ལྡན་སྲ་བའི་གོ་ཆ་གྱོན༔ རྣོ་བའི་མཚོན་ཐོགས་གདུག་པའི་ང་རོ་སྒྲོག༔ གནག་པའི་སེམས་འཆང་དགྲ་འཇོམས་དམག་ཚོགས་བསྟོད༔ སྨན་རཀ་གཏོར་སོགས་ཕྱི་ནང་གསང་མཆོད་འབུལ༔ ཐུགས་དམ་བསྐང་བའི་དམ་རྫས་རྒྱས་པར་བཞེས༔ བསྟན་པ་གཉན་སྲུངས་དཀོན་མཆོག་དབུ་འཕང་བསྟོད༔ རྣལ་འབྱོར་བདག་ཅག་འཁོར་དང་བཅས་པ་ཡི༔ མི་མཐུན་བར་ཆད་ཀུན་སོལ་ཅི་འདོད་སྒྲུབས༔ སྡང་བའི་སེམས་འཆང་གནོད་བྱེད་དགྲ་དང་བགེགས༔ གང་ན་འདུག་ཀྱང་ཐལ་བ་རྡུལ་དུ་རློགས༔ བཅོལ་བའི་ཕྲིན་ལས་མ་ལུས་འགྲུབ་པར་མཛོད༔ དཀྱིལ་འཁོར་མུ་རན་སྐྱོང་མཛད་པའི༔ མ་ཚོགས་དབང་ཕྱུག་ཉེར་བརྒྱད་ཀྱི༔ སྔོན་ཚེ་དཔལ་ཆེན་སྤྱན་སྔ་རུ༔ བསྟན་པ་བསྲུང་བར་ཞལ་བཞེས་པའི༔ དགྲ་བགེགས་བསྒྲལ་བར་དམ་བཅས་པ༔ ཁས་བླངས་དམ་བཅས་མ་གཡེལ་བར༔ བཅོལ་བའི་ལས་

[Full Size]

ལ་མཐུ་མོ་ཆུང་༔ གང་ལ་བྱ་བ་ཁྱོད་ཀྱིས་ཤེས༔ གནག་པའི་དགྲ་བགེགས་ཐམས་ཅད་སྒྲོལ༔ ཕ་རོལ་རྦོད་གཏོང་རྦད་འདྲེ་ཟློག༔ ཆག་ཆེན་ཉམ་ང་ཐམས་ཅད་ཟློག༔ བཟློག་ཅིང་བསྒྱུར་བའི་ལས་མཛོད་ཅིག༔ བྷྱོ༔ མཁའ་འགྲོ་ཆེན་མོ་བཀྲ་ཤིས་ཚེ་རིང་མ༔ དཔོན་གཡོག་ལྔར་བཅས་ཞིང་སྐྱོང་མཁའ་འགྲོ་དང་༔ སྡེ་བརྒྱད་ལ་སོགས་བྲན་གཡོག་ཕོ་ཉའི་ཚོགས༔ ཁྱེད་རྣམས་དོ་ནུབ་མཐུ་དང་དཔུང་བསྐྱེད་ལ༔ རྣལ་འབྱོར་བདག་ཅག་འཁོར་དང་བཅས་པ་ཡི༔ ནད་རིགས་བཞི་བརྒྱ་རྩ་བཞི་ཞི་བ་དང་༔ སྟོང་ཕྲག་བརྒྱད་ཅུའི་བགེགས་ཀྱི་གནོད་པ་ཟློག༔ གཏད་ཁྲམ་ངན་སྔགས་དམོད་མོ་རྦོད་གཏོང་དང་༔ འཇིགས་པ་བརྒྱད་དང་འཐབ་རྩོད་མེད་པར་མཛོད༔ བླ་མའི་སྐུ་དགྲ་བསྟན་པ་བཤིགས་པ་དང་༔ སེམས་ཅན་འཚེ་དང་རྣལ་འབྱོར་བདག་ཅག་ལ༔ སྡང་བའི་དགྲ་དང་གནོད་པའི་བགེགས་ཀྱི་ཚོགས༔ སོད་ཅིག་སྐྱོད་ཅིག་རྨུག་ཅིང་རེངས་པར་མཛོད༔ ཟུངས་ཤིག་གཏུབ་ཅིག་མྱོས་དང་རྨོངས་པར་མཛོད༔ ཤིག་ཅིག་ཆོམས་ཤིག་རྡུལ་ཙམ་མེད་པར་མཛོད༔ ཟོ་ཞིག་འཐུང་ཞིག་ཤ་ཁྲག་ཚོགས་ལ་རོལ༔ བྷྱོ༔ བོད་ཁམས་བརྟན་མ་སྐྱོང་མ་

[Full Size]

འཁོར་བཅས་རྣམས༔ བལ་ཡུལ་ཡང་ལེ་ཤོད་ཀྱི་སྟེང་ཤོད་དུ༔ སྒྲུབ་གནས་ཨ་སུ་ར་ཡི་བྲག་ཕུག་ཏུ༔ པདྨ་འབྱུང་གནས་གླང་ཆེན་དཔལ་སེང་གིས་རུ་ཏྲ་བསྒྲལ་བའི་ཞིང་ཆེན་གདན་ལ་བཞག༔ དམ་ཚིག་བདུད་རྩི་ལྕེ་ལ་བཞག་ནས་ཀྱང་༔ མ་འོངས་ཐར་པ་ཐོབ་པར་ལུང་ཡང་བསྟན༔ རྡོ་རྗེ་འཆང་གི་གྲལ་དུ་བཞག་ནས་ཀྱང་༔ བདག་ཅག་སྒྲུབ་པོ་འཁོར་དང་བཅས་པ་ཡི༔ ནད་དང་གནོད་པ་ཐམས་ཅད་ཞི་བ་དང་༔ དགྲ་བགེགས་ལོག་འདྲེན་ཐམས་ཅད་བསྒྲལ་བ་དང་༔ རྣལ་འབྱོར་རེ་བ་ཐམས་ཅད་བཀང་བ་དང་༔ སྔགས་འཆང་བསམ་པ་ཐམས་ཅད་བསྒྲུབ་བོ་ཞེས༔ ཅི་ལས་གྱུར་པའི་རྐྱེན་རྣམས་ཟློག་པར་མཛོད༔ དམ་ཚིག་རྣམས་ལ་ཁྱེད་རྣམས་མ་འདའ་ཅིག་གལ་ཏེ་བཀའ་དང་དམ་ལས་འདས་ན་ནི༔ དཔལ་ཆེན་བཛྲ་ཡཀ་ཁྲོ་བོ་ཡིས༔ ཁྱེད་རྣམས་སྙིང་གི་དཀྱིལ་ནས་ཁྲག་དྲངས་ནས༔ མྱ་ངན་འོ་དོད་འབོད་པར་གདོན་མི་ཟ༔ དེ་བས་བཀའ་དང་དམ་ལས་མ་འདའ་བར༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ ནད་ཁ་རིམས་ཁ་རྐྱེན་ཁ་བྱད་ཁ་ཟློག༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་

[Full Size]

མཛོད༔ རྒྱ་མཚོ་ལྔ་ཡི་ལྷ་ཚོགས་འཁོར་བཅས་ཀྱིས༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ བདག་ཅག་འཁོར་དང་བཅས་ལ་གནོད་པ་ཡི༔ སྲིད་པའི་ཁྲམ་ཁ་ཐམས་ཅད་དགྲ་ལ་སྒྱུར༔ ལྷ་འདྲེའི་དམག་ཚོགས་མ་ལུས་དགྲ་ལ་དྲོངས༔ ཕ་རོལ་བསམ་སྦྱོར་ངན་པའི་ལས་བརྩམས་པ༔ བྱད་ཁ་ཕུར་ཁ་རྦོད་གཏོང་དྲག་པོ་དང་༔ མཆེ་ཟོར་ཕུང་འདྲེ་ཡུངས་ཟོར་འཕེན་པ་ཟློག༔ ས་བདག་ཀླུ་ཡིས་བྱེད་དུ་བཅུག་པ་དང་༔ ཐེའུ་རང་འགོང་པོའི་སྲིས་རྐུན་ཐམས་ཅད་ཟློག༔ གཤིན་རྗེའི་འཁོར་ལོ་བདུད་ཀྱི་ཁྲམ་འདེབས་དང་༔ མུ་སྟེགས་ངན་པས་བར་ཆད་བྱེད་པ་ཟློག༔ རྒྱལ་བསེན་རྣམས་ཀྱིས་སྨྱོ་འབོག་གཏོང་བ་ཟློག༔ དྲང་སྲོང་གཟའ་དང་ཀླུ་གདོན་གནོད་པ་ཟློག༔ ཞང་ཞུང་ཛོ་ཟོར་སུམ་པའི་གླང་ཟོར་དང་༔ བོན་པོ་རྣམས་ཀྱིས་སྟ་ཟོར་འཕེན་པ་ཟློག༔ བན་དེའི་སྔགས་ཟོར་སྐྱེས་པའི་མདའ་ཟོར་དང་༔ བུད་མེད་རྣམས་ཀྱིས་དམོད་ཟོར་འཕེན་པ་ཟློག༔ བདུད་ཀྱི་གཤེད་བཞི་རོ་ལངས་འབྱུང་པོ་དང་༔ མ་མོ་རྣམས་ཀྱིས་ཁྲག་ཟོར་འཕེན་པ་ཟློག༔ མོ་རྩིས་ངན་དང་རྨི་ལམ་མཚན་མ་ངན༔ ལྟས་ངན་མི་རུང་བརྒྱད་ཅུ་རྩ་

[Full Size]

གཅིག་ཟློག༔ བཞི་བརྒྱ་རྩ་བཞིའི་ནད་རྣམས་མ་ལུས་དང་༔ གདོན་རིགས་ཉི་ཁྲི་གཅིག་སྟོང་ཚོགས་རྣམས་ཟློག༔ སྟོང་ཕྲག་བརྒྱད་ཅུའི་བགེགས་ཚོགས་མ་ལུས་པ༔ ཡེ་འདྲོག་ཆེན་པོ་སུམ་བརྒྱ་དྲུག་ཅུ་ཟློག༔ གདོན་ཆེན་བཅོ་ལྔ་ལོ་ཟླ་ཞག་དུས་སྐག༔ མི་མཐུན་ཕྱོགས་རྣམས་དགྲ་བགེགས་སྟེང་དུ་ཟློག༔ དུས་མིན་འཆི་བའི་འཇིགས་པ་བརྒྱད་རྣམས་དང་༔ ལྟས་ངན་ཆོ་འཕྲུལ་དགྲ་བོའི་སྟེང་དུ་ཟློག༔ དཔའ་བོ་ཌཱཀི་ཆོས་སྐྱོང་མཐུ་རྩལ་ཅན༔ ཡབ་ཡུམ་མི་སྲུན་སྡེ་བརྒྱད་དམག་ཚོགས་བཅས༔ ཕྲིན་ལས་དྲག་པོ་ཤིན་ཏུ་མི་བཟད་པ༔ སོད་ཅིག་ཐུལ་ཅིག་དགྲ་དང་བགེགས་ཀྱི་ཚོགས༔ གཏད་དོ་གཉེར་རོ་སྲུང་མ་མཐུ་རྩལ་ཅན༔ ལེ་ལོ་བཏང་སྙོམས་གཡེལ་བ་མ་མཛད་པར༔ རྟགས་དང་མཚན་མ་མྱུར་དུ་སྟོན་མཛོད་ཅིག༔ རྣལ་འབྱོར་བདག་གིས་བཅོལ་བའི་ཕྲིན་ལས་རྣམས༔ ད་ལྟ་ཉིད་དུ་འགྲུབ་པར་མཛད་དུ་གསོལ༔ ༈ རྡོ་རྗེ་གར་གྱི་བཀའ་ཟློག་མ༔ ཤར་ཕྱོགས་གདོན་གྱི་བཀའ་སྒྱུར་ཅིག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ རིན་ཆེན་གར་གྱི་བཀའ་ཟློག་མ༔ ལྷོ་

[Full Size]

ཕྱོགས་གདོན་གྱི་བཀའ་སྒྱུར་ཅིག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ པདྨ་གར་གྱི་བཀའ་ཟློག་མ༔ ནུབ་ཕྱོགས་གདོན་གྱི་བཀའ་སྒྱུར་ཅིག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ལས་ཀྱི་གར་གྱི་བཀའ་ཟློག་མ༔ བྱང་ཕྱོགས་གདོན་གྱི་བཀའ་སྒྱུར་ཅིག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ གཞན་གྱིས་ཕུར་ཆེན་འདེབས་པ་ཟློག༔་མཚེ་ཟོར་ཡུངས་ཟོར་འཕེན་པ་ཟློག༔ གཤིན་རྗེའི་འཁོར་ལོ་བསྐོར་བ་ཟློག༔ བདུད་ཀྱི་ཁྲམ་ལ་བཏབ་པ་ཟློག༔ མ་མོས་ཐུན་ཟོར་འཕེན་པ་ཟློག༔ ཀླུ་ཡིས་བྱེད་དུ་བཅུག་པ་ཟློག༔ ཕོ་ཉས་བླ་སྲོག་འཕྲོག་པ་ཟློག༔ ཐེའུ་རང་ཚེ་ལ་རྐུ་བ་ཟློག༔ མུ་སྟེགས་བར་ཆད་བྱེད་པ་ཟློག༔ ཞང་ཞུང་ཙོ་དམར་འཕེན་པ་ཟློག༔ བོན་པོས་སྔགས་ལོག་བསྒྲུབས་པ་ཟློག༔ སུམ་པས་གླང་ཟོར་འཕེན་པ་ཟློག༔ སྐྱེས་པས་མདའ་ཟོར་འཕེན་པ་ཟློག༔ བུད་མེད་དམོད་ཟོར་འཕེན་པ་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོག་སུམ་བརྒྱ་དྲུག་ཅུ་ཟློག༔ བགེགས་རིགས་སྟོང་ཕྲག་བརྒྱད་ཅུ་

[Full Size]

ཟློག༔ བྱིསྦའི་གདོན་ཆེན་བཅོ་ལྔ་ཟློག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཧཱུྃ༔ ཁྲོ་རྒྱལ་ཁམས་གསུམ་ཧཱུྃ་སྒྲ་ཅན༔ ཟངས་ཁྲབ་གསོལ་ནས་མདུང་དམར་ཐོགས༔ བ་དན་རྩེ་གསུམ་གཡབ་པའི་ཚེ༔ ལྷ་སྲིན་དབང་སྡུད་དགྲ་བགེགས་གསོད༔ བདུད་དཔུང་འཇོམས་ཤིང་སྲོག་དབུགས་དབང་༔ མདུང་དམར་དབལ་གྱིས་ལོག་འདྲེན་སྒྲོལ༔ དགྲ་བགེགས་ཐམས་ཅད་བཟློག་ཏུ་གསོལ༔ བྷྱོཿབྷྱོཿསྡང་བའི་དགྲ་ལ་བྷྱོཿ བཟློག་བཟློག་གནོད་པའི་བགེགས་ལ་ཟློག༔ ༈ བྷྱོ༔ ཉི་མ་ལྷོ་ཕྱོགས་ཕ་ཀི་ན༔ རིམ་པ་བདུན་གྱི་ས་འོག་ན༔ མཐའ་མེད་རྒྱ་མཚོའི་གཏིང་རུམ་ནས༔ ཀླུ་བདུད་ནག་པོ་ཏི་པ་ཙ༔ ལས་ཀྱི་གཤིན་རྗེའི་དམག་ཚོགས་རྣམས༔ ཁྲི་དང་དྲུག་སྟོང་འཁོར་དང་བཅས༔ རྒྱལ་ཆེན་ཕྱོགས་སྐྱོང་ཕོ་ཉར་འགྱེད༔ ལྷ་འདྲེ་སྟོང་སྡེ་ལས་ལ་འཛུད༔ ཀུན་ཀྱང་འུར་སྒྲ་ཆེམས་སེ་ཆེམ༔ ཕྱག་ན་ཟློག་པའི་ཀོང་ཟོར་དང་༔ རང་རྟགས་མཚོན་ཆ་མེ་ལྟར་འབར་སྔོན་ནས་བྱད་ཟོར་ཟློག་པའི་ལྷ༔ དམར་ཆེན་གཏོར་མ་འདི་བཞེས་ལ༔ དོ་ནུབ་ཟློག་པའི་

[Full Size]

དཔུང་ལ་ཆོས༔ དགྲ་དཔུང་གཡུལ་ངོ་ཟློག་པར་མཛོད༔་གནོད་བྱེད་དགྲ་བགེགས་དམ་སྲི་རྣམས༔ ས་འོག་གཤིན་རྗེའི་ཡུལ་དུ་ཁྱེར༔ རྣམ་པར་སྨིན་པའི་ཆོས་ཤོད་ལ༔ བྱམས་མགོན་བསྟན་པ་མ་བྱུང་བར༔ ནམ་ཡང་སྟེང་དུ་མ་བཏང་ཞིག༔ ཨོཾ་ཀིང་ཀང་ཀ་ལ་དགྲ་བགེགས་ནན༔ རྩ་སྔགས་ལ། སརྦ་ཨ་པ་ན་ཡ་ཟློག་ཟློག༔ ཨོཾ་ལོཀྟི་པཱ་ལ་ནན༔ ས་ག་པཱ་ཤ་ནན༔ ནཱ་ག་དུ་དུ་ནན༔ མ་མཾ་མ་མཾ༔ ཙི་ཙ་ར་ཙི་ཙ་ར༔ རྦད་རུ་ལུ་རྦད་རུ་ལུ༔ རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ༔ ཧོ་ར་ཧོ་ར༔ ཙི་དུ་སོད་ཙི་དུ་སོད༔ ཤིག་ལྷ་རུ་གཏུབ༔ ཧ་ལ་པ་ཏི་ནན༔ འཁོར་བ་དུལ༔ བདག་གི་གནོད་བྱེད་ཀ་བ་ཙི་བརླག་བརླག༔ ཅེས་བརྗོད་མཐར་གསེར་སྐྱེམས་ཡོད་ན་དཀར་གཏོར་གྱིས་སྣ་དྲངས་ལ་ཕྱོགས་གཙང་སར་འབུལ་བཅུག་གོ༔ ཞེས་ཨ་རཱ་གས་འགྲུབ་སྦྱོར་ཉིན་ཡོངས་སུ་རྫོགས་པར་བསྒྲིགས་པའོ།། །།མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

ཐུགས་སྒྲུབ་ཡང་སྙིང་འདུས་པའི་མཁའ་འགྲོ་གསང་བའི་གཏོར་ཟློག་གི་ལྷན་ཐབས་ཟིན་བྲིས་རྗེ་དྲུག་པས་མཛད་པའི་ཐུགས་རྗེ་ཆེན་པོ་རྒྱལ་བ་རྒྱ་མཚོའི་ཆོ་ག་དང་འབྲེལ་བ།

[Full Size]

ཐུགས་སྒྲུབ་ཡང་སྙིང་འདུས་པའི་མཁའ་འགྲོ་གསང་བའི་གཏོར་ཟློག་གི་ལྷན་ཐབས་ཟིན་བྲིས་རྗེ་དྲུག་པས་མཛད་པའི་ཐུགས་རྗེ་ཆེན་པོ་རྒྱལ་བ་རྒྱ་མཚོའི་ཆོ་ག་དང་འབྲེལ་བ་བཞུགས་སོ།།

[Full Size]

ན་མོ་ལོ་ཀི་ཤྭ་ར་ཎཱཀི་ནི་ཧཱུྃ། མཁའ་འགྲོ་གསང་ཟློག་འདི་ཐུགས་སྒྲུབ་ལས་ཚོགས་ཡིན་ཀྱང་ཐུགས་སྒྲུབ་དང་མི་མཐུན་པས་མངོན་རྟོགས་མཛད་ཆོས་མང་། འོན་ཀྱང་ཐུགས་རྗེ་ཆེན་པོ་རྒྱལ་བ་རྒྱ་མཚོ་འདི་ཉིད་ལ་སྦྱར་ཚུལ་ནི། འདིའི་ཚིག་རྣམས་རྒྱུད་ཚིག་ལྟ་བུ་གཅིག་ལགས་ཏེ་ཉང་གི་གཏེར་ཁ་མཁའ་འགྲོ་མའི་གཏོར་ཟློག་དང་སྐུ་མདོག་ཙམ་མ་རྟོགས་ཞུས་དག་ཕེར་བར་འདུག །འདིའི་ལས་ཚོགས་ཁ་བསྒྱུར་བདུན་པ་ནས། བྱད་ཟློག་ལ་ཨཀསརsཙབཟླ་བར་གསུངས་པས། དོན་ལ་མཁའ་འགྲོ་སྤྱིའི་བཟློག་པའི་གཞུང་དུ་སྣང་བས་གཡོན་དཔའ་མོ་རྒྱ་མཚོའི་དཀྱིལ་འཁོར་ལ་སྦྱར་རུང་བ་སྟེ། དེ་ལའང་བཅའ་དང་འདོན་བྱ་གཞུང་འགྲིག་ཆོག་ལྟར་ལ། སྔོན་དུ་རྒྱལ་བ་རྒྱ་མཚོའི་བདག་མདུན་ཚར་བར་བྱས་པས་མངོན་རྟོགས་སྤྱན་

[Full Size]

འདྲེན་མཆོད་བསྟོད་དེས་འཐུས་པ་ཡིན་ནོ། །དེ་ནས་དམིགས་པ་ནི། ཡུམ་གཙོ་ཆེར་སྒྲུབ་པ་ཞེས་བྱ་བའི་མན་ངག་ཉང་གི་གཏེར་ཁ་རས་ཆུང་བ་ནས་བརྒྱུད་པའི་གྲུབ་ཆེན་ཀརྨ་པཀིའི་ཐུགས་དམ་དང་། མཁའ་སྤྱོད་པའི་ཞལ་གདམས་དེ་བཞིན་གཤེགས་པས་ཟིན་བྲིས་མཛད་པ་གཉིས་ཀྱི་དོན་བསྡུས་པ་ནི། རང་ཉིད་རྒྱལ་བ་རྒྱ་མཚོའི་སྐུ་ལས་འོད་ཟེར་ཕྱོགས་བཅུར་འཕྲོས་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཆོས་འབྱུང་དམར་པོ་ཕྱི་དཀར་ལ་ནང་དམར་བ། རྩ་བ་ཕྲ་བ་ཐུར་དུ་ཟུག་པ། ཁ་གདེངས་ཆེ་བ་གྱེན་དུ་བསྟན་པ། བདེ་ཞིང་གསལ་བའི་རང་བཞིན། རྒྱ་ཁྱོན་ནམ་མཁའ་དང་མཉམ་པར་གྱུར། དེའི་

[Full Size]

དབུས་སུ་བདག་མདུན་རྣམས་སྐད་ཅིག་ལ་གནས་འགྱུར་ཏེ་བདག་མདུན་གཉིས་ཀའི་གཙོ་བོ་གསང་བ་ཡེ་ཤེས་ཀྱི་ཌཱཀིར་གནས་པ། རིགས་བཞིའི་ཌཀི་རྒྱ་མཚོའི་དབུས་ན་བཞུགས་པ། གཡས་སུ་རྟ་མགྲིན་ལ་དཔའ་བོ་རྒྱ་མཚོ་དང་བཅས་ནས་བཞུགས་པ། གཡོན་དུ་ཇོ་བོ་ཐུགས་རྗེ་ཆེན་པོ་ལ་བསྐལ་བཟང་གི་སངས་རྒྱས་སྟོང་གིས་བསྐོར་ནས་བཞུགས་པ། སྟེང་ཕྱོགས་སུ་སློབ་དཔོན་པདྨ་སྣང་བ་མཐའ་ཡས་དང་ཐ་མི་དད་པ་ལ་བཀའ་བརྒྱུད་བླ་མ་དང་སངས་རྒྱས་བྱང་སེམས་དཔག་མེད་ཀྱིས་བསྐོར་ནས་བཞུགས་པ། གདན་གྱི་ཞབས་སུ་ཡེ་ཤེས་དང་འཇིག་རྟེན་གྱི་ཆོས་སྐྱོང་རྣམས་དང་འགྲོ་བ་རིགས་དྲུག་གི་སེམས་ཅན་རྣམས་ཀྱང་རིགས་བཞི་ཌཀིའི་ངོ་བོར་གྱུར་ནས། གདན་འདེག་པ་དང་སྣང་སྲིད་དབང་དུ་སྡུད་པ་དང་བཀའ་ཉན་གསུང་སྡོད་ཀྱི་ཚུལ་དུ་གནས་པར་གྱུར། ཨོཾ་དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧྲཱིཿ་ཡ་ཧཱུྃ་ཛ༔ ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། སརྦ་ཨ་པ་ན་ཡ་བཟློག ། ཅེས་བརྗོད་པས། རང་ཉིད་ལྷར་གསལ་བའི་གཡས་སུ་བསྲུང་བྱ་ཕོ་རིགས། གཡོན་དུ་མོ་རིགས། རྒྱབ་ཏུ་རྟ་ཕྱུགས་ཐམས་ཅད། མདུན་དུ་ཟས་ནོར་ཐམས་ཅད་ཡོད་པ། དེའི་

[Full Size]

ཕྱི་རོལ་དུ་མི་མགོ་སྐམ་པོ་བུམ་རིལ་བསྲུབ་མེད་པའི་གུར། དེ་རྒྱབ་དཔའ་བོ་མཁའ་འགྲོ་གྲངས་མེད་པར་ཞལ་ནང་དུ་གཟིགས་པའི་གུར། དེ་རྒྱབ་རྡོ་རྗེའི་ར་བ་གུར་བར་མཚམས་མེད་པ། དེ་རྒྱབ་ཁྲོ་བོ་མཚོན་ཆ་ཐོགས་པ་དཔག་ཏུ་མེད་པ་ཞལ་ཕྱིར་གཟིགས་པའི་གུར། དེ་རྒྱབ་གནམ་ལྕགས་ཀྱི་འཁོར་ལོ་རྩིབས་སྟོང་དང་ལྡན་པ་རལ་གྲི་སོ་གཉིས་ཀྱི་རྩེ་ལྟར་རྣོ་བའི་གུར། དེ་རྒྱབ་ཡེ་ཤེས་ཀྱི་མེ་ཁ་དོག་ལྔ་དང་ལྡན་པ་རབ་ཏུ་འབར་ཞིང་འཚུབ་པའི་གུར་དུ་གྱུར། དེའི་ནང་དུ་བདག་མདུན་རྒྱལ་བ་རྒྱ་མཚོའི་ལྷ་ཚོགས་རྣམས་ཀྱིས་ཨཱ་རལླིའི་སྒྲ་སྒྲོག་ཅིང་གར་བྱས་པས་འོད་ཟེར་མེ་ལྟ་བུ་ཕྱིར་འཕྲོས། ཕྱིའི་གནམ་ལྕགས་ཀྱི་འཁོར་ལོ་ལ་ཕོག་པས་འཁོར་ལོ་དེ་གཡས་སུ་དྲག་ཏུ་འཁོར་བས་གནོད་བྱེད་གདོན་བགེགས་བྱད་མ་ནད་འདྲེ་གཅོང་སྲི་ཐམས་ཅད་གཏུབས་ནས་ཚལ་པར་དམར་ཐ་ར་ར་བཏང་བ། ཕྱིའི་ཡེ་ཤེས་ཀྱི་མེས་གཞོབ་ཐུལ་ཐུལ་བསྲེགས་པས་སྟོང་པར་གྱུར་པར་བསམས་ལ། དེ་ནས་བཀུག་གཞུག་བསྒྲལ་ལས་ཞལ་བསྟབ་བྱ་སྟེ། གནོད་བྱེད་དགྲ་བགེགས་བྱད་མ་ཐམས་ཅད་རང་དབང་མེད་པར་བཀུག་ཅིང་བསྒྲལ་བའི་ཤ་ཁྲག་གཏོར་མ་དང་དབྱེར་མེད་

[Full Size]

པ་དེ། མཁའ་འགྲོ་བྱེ་བ་འབུམ་སྡེས་ཚོགས་འཁོར་བྱས་ནས། གཅན་གཟན་ཤ་ལ་རུབ་པའམ་བྱ་གཅན་ཐེད་ལ་རུབ་པ་ལྟར་ཧབ་ཐོབ་ཏུ་ཟོས། གཙོ་འཁོར་ཐམས་ཅད་ཀྱི་སྐུ་ལས་སྤྲུལ་པའི་མཁའ་འགྲོ་དམར་ནག་གྲི་གུག་དང་ཐོད་ཁྲག་ཐོགས་པ་བྱེ་བ་དུང་ཕྱུར་དཔག་ཏུ་མེད་པ་མེ་དཔུང་རླུང་ནག་འཚུབ་མ་དང་བཅས་ཏེ་སེར་སྐྱོགས་བབས་པ་ལྟར་སོང་བས། བྱད་ཁ་བན་བྱད་བོན་བྱད། ནད་ཁ་རིམས་ཁ། རྐྱེན་ཁ་གདོན་ཁ་ཐམས་ཅད་བྱ་སྤུ་རླུང་གིས་གཏོར་བའམ་སྤྲིན་ནག་རླུང་གིས་དེད་པ་ལྟར་མཐའི་རྒྱ་མཚོའི་ཕ་རོལ་ཏུ་བདས་པར་གྱུར་པར་བསྒོམ་པ་ནི་བཟློག་པ་གཞུང་འདོན་ཆེའོ། །དེ་ནས་འབུལ་བའི་ཚེ། གཏོར་མ་དེ་ཉིད་གནམ་ལྕགས་ཀྱི་རི་བོ་ཟུར་གསུམ་པ། མཚོན་སྣ་ཚོགས་ཀྱི་རྩི་ཤིང་སྐྱེས་པ། ནད་དང་དུག་གི་རླངས་པ་སྔོ་དམར་དུ་བྱུང་བ། གདུག་པའི་མེ་དཔུང་དམར་འུ་རུ་རུ་འབར་བ་དེ། རང་ཉིད་ཡེ་ཤེས་ཀྱི་མཁའ་འགྲོ་དམར་མོས་ཕྱག་གཡས་ཀྱིས་གཏོར་མ་བླངས་ནས། མཐོ་སྲིད་པའི་རྩེ་མོའི་བར་དུ་ཡར་ཕྱར་ནས། གནོད་བྱེད་དགྲ་བགེགས་བྱད་མ་གང་དུ་གནས་པ་དེའི་སྟེང་དུ་འཕངས་བས་ནམ་མཁའ་ནས་ཐོག་བབ་པ་ལྟར་རམ། གྲོག་ཚང་སེར་བས་

[Full Size]

བརྡུང་བའམ། བྱིའུ་ཚང་རྡོག་པས་བརྫིས་པ་ལྟར། ནད་མཚོན་དུག་གསུམ་གྱི་ཆར་གྱིས་བརློག །མེ་དཔུང་གིས་བསྲེགས་ནས་རྗེས་ཀྱང་མེད་པར་གྱུར་པར་དམིགས་ཤིང་། ཕྱིར་ཕུལ་ཚེ་རོལ་མོ་སྔགས་དང་དམིགས་པ་དྲག་ཏུ་གཏད། ཚུར་སླེབས་ནས། གཏོར་གཞོང་རི་རབ་གླིང་བཞིའི་འོག་ཏུ་དམ་སྲི་མནན་པས་བསྐལ་པ་སྟོང་དུའང་མི་ཐར་བར་གྱུར་པར་དམིགས་ལ། ཧཱུྃ༔ ཐུགས་རྗེའི་འགྲོ་འདུལ་སོགས་རྟ་བྲོ་འདོན། དེ་ནས་སྔར་ལྟར་བསྲུང་བའི་དམིགས་རིམ་བསྒོམ་པ་དང་ཚེ་འགུགས་བྱས་ན་ལེགས། རྗེས་ཆོག་བཀྲ་ཤིས་སོགས་རྒྱལ་བ་རྒྱ་མཚོའི་གཞུང་ལྟར་བྱའོ། །ཞེས་བན་ཆུང་བདེ་ཆེན་བྲོ་འཚལ་གྱུར་ནས་གྲིབ་ཆེ་བར་གདའ་ཟེར་བས། བན་ཆུང་སོགས་སྤྱི་རིམ་གྲྭ་མང་གིས་མཁའ་འགྲོ་གཏོར་ཟློག་བརྒྱ་རྩ་བསོག་དགོས་པར་བྱུང་བའི་དུས་དམིགས་པ་སྤྱོད་རྒྱུར། སྔགས་འཆང་རཱ་ག་ཨ་སྱས་རྒྱལ་བ་རྒྱ་མཚོའི་གཞུང་ཆེན་པོ་རྣམས་ནས་མན་ངག་ལག་བླངས་སུ་སྡེབ་པ་སྤྱི། དགེའོ། ཛ་ཡནྟུ། སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཐུགས་རྗེ་ཆེན་པོ་འཕགས་པ་སྤྱན་རས་གཟིགས་རྒྱལ་བ་རྒྱ་མཚོའི་སྒོ་ནས་བྱིན་རླབས་བཀའ་བསྒོ།

[Full Size]

ཐུགས་རྗེ་ཆེན་པོ་འཕགས་པ་སྤྱན་རས་གཟིགས་རྒྱལ་བ་རྒྱ་མཚོའི་སྒོ་ནས་བྱིན་རླབས་བཀའ་བསྒོ་བཞུགས་སོ།།

[Full Size]

འདིའི་ཆོ་ག་བློ་ལ་ཡོད་པ་རྣམས་ཀྱིས་བྱིན་རླབས་བྱེད་དུས་ཡར་མར་བསྒྲིགས་ལུགས་ཡིན་པས་ལེགས་པར་དཔྱད་དང་བཟུང་རྒྱུ་ཆེར་མེད་པས་སླའོ། །རང་ཉིད་སྐད་ཅིག་གིས་བཅོམ་ལྡན་འདས་འཇིག་རྟེན་དབང་ཕྱུག་སྤྱན་རས་གཟིགས་སྐུ་མདོག་དམར་པོ་ཞལ་གཅིག་ཕྱག་གཉིས། གཡས་པདྨ་དང་། གཡོན་བགྲང་ཕྲེང་འཛིན་པ། དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྐུར་གྱུར། ཞེས་བརྗོད་ནད་པ་དང་གདོན་ལ་སྙིང་རྗེ་ཆེན་པོ་བསྒོམ་ཞིང་། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་།

[Full Size]

སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་དབང་ཕྱུག་རྒྱལ་བ་རྒྱ་མཚོའི་དཀྱིལ་འཁོར་གྱི་ལྷ་ཚོགས་རྣམས་ཀྱི་བཀའ་བདེན་པ་དང་། དམ་པ་ཆོས་སྐྱོང་བའི་སྲུང་མ་རྣམས་ཀྱི་བཀའ་བདེན་པའི་མཐུས་གདོན་བགེགས་འབྱུང་པོའི་ཚོགས་རྣམས་སྐད་ཅིག་ཉིད་ལ་འདིར་མ་གནས་པར་གཞན་དུ་དེངས་ཤིག །སོ་སོ་རང་རང་གི་གནས་སུ་སོང་ཞིག །གང་དག་མི་འགྲོ་བ་དེ་དག་ལ་རབ་ཏུ་འབར་བའི་ཡེ་ཤེས་ཀྱི་རྡོ་རྗེ་ཆེན་པོས་མགོ་བོ་ཚལ་པ་བརྒྱར་འགས་

[Full Size]

པར་བྱའོ། །རང་གི་ཐུགས་ཀར་ཧཱིདམར་པོ་ཚེག་དྲག་དང་བཅས་པ་ཡེ་ཤེས་ལྔའི་རང་བཞིན་གྱི་འོད་ཟེར་འཕྲོས་པས། དེའི་འོད་ཟེར་ལས་ཁྲོ་བོའི་རྒྱལ་པོ་རྟ་མགྲིན་ཞལ་གཅིག་ཕྱག་གཉིས་པའི་ཚོགས་དང་། མེ་རི་དང་མཚོན་ཆའི་ཚོགས་འཕྲོས་ཏེ་བགེགས་ཀྱི་ཚོགས་ཐམས་ཅད་ཚར་བཅད། ཨོཾ་ཏིཿཔདྨནྟ་ཀྲྀཏ་བཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨོཾ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ། ༀ་གྲི༔་གྲིཏྟ་ཧཱུྃ་ཧཱུྃ་ཕཊ། ༀ་གྲཧྨཱ་པ་ཡ་གྲཉྫཱ་པ་ཡ་ཧཱུྃ་ཧཱུྃ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་བཱིདྨ་རཱ་ཛ་ཧཱུྃ་ཧཱུྃ་ཕཊ། ཅེས་ཨ་ཙིག་རྣམ་འཇོམས་ཉེ་སྙིང་སོགས་དྲག་སྔགས་ཤེས་ཚད་བརྗོད་ཅིང་ཕྲེང་ལྕག་རྒྱབ། དེ་ནི་བགེགས་བསྐྲད་དོ། །སླར་འོད་ཟེར་ལས་འོག་རྡོ་རྗེའི་ས་གཞི། བར་རྡོ་རྗེའི་རྭ་བ། སྟེང་རྡོ་རྗེའི་གུར་ཁང་དུ་གྱུར། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ། དེ་ནི་སྲུང་འཁོར་རོ། །དེ་ནས་རང་གི་ཐུགས་ཀ་ནས་འོད་ཟེར་འཕྲོས་པས་རྟ་མགྲིན་ཐུགས་རྗེ་ཆེན་པོ་གསང་བ་ཡེ་ཤེས་རྡོ་རྗེ་ཕག་མོ་ཨོ་རྒྱན་ལ་སོགས་པ་བུ་ཡུག་འཚུབ་པ་བཞིན་བྱོན། ཐམས་ཅད་ཀྱིས་བྲོ་བརྡུངས་པས་གནོད་བྱེད་ཐམས་ཅད་བྱ་སྤུ་རླུང་གིས་གཏོར་བ་ལྟར་བྲོས། དཔག་ཚད་ཙམ་དུ་ཡང་མ་ཆགས། ནད་པ་གང་དུ་ན་བ་གཟེར་ཆེ་བའི་སྟེང་དཀྱིལ་དེར་མཁའ་འགྲོ་གསང་བ་ཡེ་ཤེས་སྐུ་ཆུང་ལ་ཡན་ལག་དོད་པ་གཅིག་གིས་གར་ཁྱུག་ཁྱུག་མཛད་པས་སྐུ་ལས་ཡེ་ཤེས་ཀྱི་མེ་འབར་བས་ནད་ཐམས་ཅད་

[Full Size]

གཞོབ་ཐུལ་གྱིས་ཚིག །ལྷ་ཚོགས་ཐམས་ཅད་གསང་བ་ཡེ་ཤེས་དེ་ལ་ཐིམ་པར་བསྒོམ་ཞིང་། ཧཱུྃ། ལྷོ་ནུབ་སྲིན་པོའི་གྲོང་ཁྱེར་ནས། །གྲུབ་ཐོབ་བྱེ་བ་འབུམ་གྱི་དབུས། །སློབ་དཔོན་པདྨ་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །པདྨ་དབང་གི་དཀྱིལ་འཁོར་ནས། །མགོན་པོ་ཚེ་དབང་འོད་དཔག་མེད། །སྤྱན་རས་གཟིགས་དབང་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །མཁའ་སྤྱོད་དག་པའི་གཞལ་ཡས་ནས། །མཁའ་འགྲོ་བྱེ་བ་འབུམ་གྱི་དབུས། །ཡུམ་གཅིག་མཁའ་འགྲོ་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །མེ་དཔུང་འབར་བའི་ཀློང་དཀྱིལ་ནས། །རྟ་མཆོག་རྒྱལ་པོ་ཧེ་རུ་ཀ །དཔའ་བོའི་ཚོགས་བཅས་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །དག་པ་སྐུ་ཡི་གཞལ་ཡས་ནས། །ཆོས་དབྱིངས་ཡེ་ཤེས་ངོ་བོ་ཉིད། །སངས་རྒྱས་མཁའ་འགྲོ་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །མི་འགྱུར་ཐུགས་ཀྱི་གཞལ་ཡས་ནས། །མེ་ལོང་ཡེ་ཤེས་ངོ་བོ་ཉིད། །རྡོ་རྗེ་མཁའ་འགྲོ་གཤེགས་སུ་གསོལ། །དབང་

[Full Size]

བསྐུར་བྱིན་གྱིས་བརླབ་ཏུ་གསོལ། །པདྨ་གསུང་གི་གཞལ་ཡས་ནས། །སོར་རྟོག་ཡེ་ཤེས་ངོ་བོ་ཉིད། །པདྨ་མཁའ་འགྲོ་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །ཡོན་ཏན་རྒྱས་པའི་གཞལ་ཡས་ནས། །མཉམ་ཉིད་ཡེ་ཤེས་ངོ་བོ་ཉིད། །རིན་ཆེན་མཁའ་འགྲོ་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །ཕྲིན་ལས་གྲུབ་པའི་གཞལ་ཡས་ནས། །བྱ་གྲུབ་ཡེ་ཤེས་ངོ་བོ་ཉིད། །ལས་ཀྱི་མཁའ་འགྲོ་གཤེགས་སུ་གསོལ། །དབང་བསྐུར་བྱིན་གྱིས་བརླབ་ཏུ་གསོལ། །འཇིག་རྟེན་དུར་ཁྲོད་གཞལ་ཡས་ནས། །བསམ་གྱིས་མི་ཁྱབ་སྤྲུལ་པའི་ཚོགས། །འཇིག་རྟེན་མཁའ་འགྲོ་གཤེགས་སུ་གསོལ། །ཕྲིན་ལས་རྣམ་བཞི་བསྒྲུབ་ཏུ་གསོལ། །དམ་ཚིག་ཆེན་པོའི་གནས་མཆོག་ནས། །ཆོས་སྐྱོང་མ་མགོན་ལྕམ་དྲལ་ཚོགས། །དམ་ཅན་རྒྱ་མཚོ་གཤེགས་སུ་གསོལ། །ཕོ་ཉ་ལས་མཁན་མཛད་དུ་གསོལ། །ཅེས་པའི་བར་དབྱངས་དང་བཅས་ཏེ། བྱིན་གྱིས་བརླབ་ཏུ་གསོལ་ཟེར་དུས་ཕྲེང་ལྕག་རེ་བརྒྱབ་བོ། །དེ་ནས་རང་ཐུགས་རྗེ་ཆེན་པོ་ཕྱག་གཡས་སོར་མོ་ལྔ་རྒྱལ་བ་རིགས་ལྔར་བསྒོམ། ཕྲེང་བ་བསྐྱིལ་ནས་ཆངས་བར་བཟུང་བ་ཐུགས་རྗེ་ཆེན་པོར་བསྒོམ། དེ་ལས་འོད་ཟེར་ཕྱོགས་

[Full Size]

བཅུར་འཕྲོས་པས་སངས་རྒྱས་སྨན་ལྷ་ལ་སོགས་སངས་རྒྱས་ཐམས་ཅད། ཨོ་རྒྱན་ལ་སོགས་རྩ་བརྒྱུད་བླ་མ། ཡི་དམ་མཁའ་འགྲོ་ཐམས་ཅད་བུ་ཡུག་འཚུབ་པ་ལྟར་བྱོན་ནས་གར་ན་བའི་མཁའ་འགྲོ་གསང་བ་ཡེ་ཤེས་ལ་ཐིམ་པར་བསྒོམ་ཞིང་། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མ་གཅིག་གྲུབ་པའི་རྒྱལ་མོ། ཏི་པུ་པ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀཱི། གཉེན་རས་དགེ་འདུན་འབུམ། ཆོས་རྗེ་རང་བྱུང་རྡོ་རྗེ། མཁས་བཙུན་རིན་ཆེན་རྒྱལ་མཚན། མངྒ་ལ་ཀེ་ཏུ་རིན་ཆེན་བཟང་པོ། ཀུན་མཁྱེན་མཐོང་བ་དོན་ལྡན། བྱང་སེམས་དཔལ་འབྱོར་དོན་གྲུབ། རྒྱལ་དབང་ཆོས་གྲགས་རྒྱ་མཚོ། །གྲུབ་ཆེན་བཀྲ་ཤིས་དཔལ་འབྱོར། མཚུངས་མེད་མི་བསྐྱོད་རྡོ་རྗེ། རྒྱལ་དབང་དཀོན་མཆོག་ཡན་ལག །རྗེ་བཙུན་དབང་ཕྱུག་རྡོ་རྗེ། གར་དབང་ཆོས་ཀྱི་དབང་ཕྱུག །རྒྱལ་མཆོག་ཆོས་དབྱིངས་རྡོ་རྗེ། མཁས་གྲུབ་ལུང་རིགས་ཉི་མ། དྲིན་ཆེན་ཀརྨ་ཆགས་མེད་ལ་སོགས་པ་དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་

[Full Size]

ལྡན་བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །འཇིག་རྟེན་དབང་ཕྱུག །པདྨ་བཛྲ། ཛ་ལེན་དྷ་ར། མེ་ཏྲི་པ། བཛྲ་པཱ་ཎི། བྷ་དན་ཏ་སུ་མ་ཏི་ཀཱིརྟི། རས་ཆུང་རྡོ་རྗེ་གྲགས་པ་རྣམས་ཀྱིས་བྱིན་གྱིས་རློབས་ཤིག །ཐུགས་རྗེ་ཆེན་པོ་འཇིག་རྟེན་དབང་ཕྱུག་རྒྱལ་བ་རྒྱ་མཚོ། རྡོ་རྗེ་ཕག་མོ། རྡོ་རྗེ་རིགས་ཀྱི་སྤྱན་རས་གཟིགས། །རིན་ཆེན་རིགས་ཀྱི་སྤྱན་རས་གཟིགས། པདྨ་རིགས་ཀྱི་སྤྱན་རས་གཟིགས། ལས་ཀྱི་རིགས་ཀྱི་སྤྱན་རས་གཟིགས། ཡུམ་སངས་རྒྱས་སྤྱན་མ། མཱ་མ་ཀི། གོས་དཀར་མོ། དམ་ཚིག་སྒྲོལ་མ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ་རྣམས་ཀྱིས་བྱིན་གྱིས་རློབས་ཤིག །ཕོ་གདོན་རྒྱལ་པོ། མོ་གདོན་ས། བསེན་མོ། ཀླུ་གདོན་ཐེའུ་རང་། སྟེང་གདོན་གཟའ་རྒྱུ་སྐར། འོག་གདོན་ཀླུ་ས་བདག །བར་གདོན་གཉན་ཐེའུ་རང་གི་གནོད་པ་ཐམས་ཅད་ད་ལྟ་ཉིད་དུ་ཞི་བར་བྱིན་གྱིས་རློབས་ཤིག །རླུང་ལས་གྱུར་པ། མཁྲིས་པ་ལས་གྱུར་པ། བད་ཀན་ལས་གྱུར་པ། འདུས་པ་ལས་གྱུར་པའི་ནད་རིགས་བཞི་བརྒྱ་རྩ་བཞི་ཐམས་ཅད་ད་ལྟ་ཉིད་དུ་ཞི་བར་བྱིན་

[Full Size]

གྱིས་རློབས་ཤིག །ཚེ་དང་བསོད་ནམས། དཔལ་དང་འབྱོར་པ་ཐམས་ཅད་ཟླ་བ་ཡར་གྱི་ངོ་བཞིན་རྒྱས་པར་བྱིན་གྱིས་རློབས་ཤིག །ཚེ་དབང་དུ་བྱིན་གྱིས་རློབས་ཤིག །དབང་དངོས་གྲུབ་ཏུ་བྱིན་གྱིས་རློབས་ཤིག །ཚེ་མི་ཤིགས་པ་རྡོ་རྗེ་ལྟ་བུར་བྱིན་གྱིས་རློབས་ཤིག །ཚེ་མི་འགྱུར་པ་གཡུང་དྲུང་ལྟ་བུར་བྱིན་གྱིས་རློབས་ཤིག །འཆི་བ་མེད་པ་ཚེ་ཡི་དངོས་གྲུབ་ཐོབ་པར་བྱིན་གྱིས་རློབས་ཤིག །ཚེ་གཟུངས་ཚར་གཅིག་དང་རྒྱལ་བ་རྒྱ་མཚོའི་སྙིང་པོ་སོགས་ཡི་དམ་སྙིང་པོ་གང་ཤེས་ཐམས་ཅད་ལ། བཛྲ་རཀྵ་རཀྵ༔ ཞེས་སྦྱར་ཞིང་བརྗོད་ནས། རྒྱལ་བ་སྲས་བཅས་བདེན་པའི་བྱིན་རླབས་དང་། །ཡི་དམ་ཐུགས་རྗེ་ཆེན་པོའི་བདེན་པའི་མཐུས། །འགྲོ་བ་འདི་ལ་བདག་གིས་བསྲུངས་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ། དེ་ནས་མཁའ་འགྲོ་གསང་བ་ཡེ་ཤེས་དེ་གཟེར་ས་དེར་ཐིམ་པར་བསྒོམ། མེད་པ་དང་། ནད་གདོན་རང་དང་བཅས་པ་མི་དམིགས་པར་སྟོང་ཉིད་ཉམས་ལེན་གྱི་ངང་ལ་བཞག་ལ། ཕཊ་ཕཊ་ཕཊ༔ ཅེས་དྲག་པོ་བརྗོད་དོ། །འདི་ནི་རྒྱལ་བ་རྒྱ་མཚོའི་ཆོ་ག་བློ་ལ་ཡོད་པ་རྣམས་ཀྱིས་བཟུང་མི་དགོས་པར་གཞུང་ནས་བསྒྲིགས་ཆོག་པའི་དབང་དུ་བྱས་པ་ཡིན་ལ་རྒྱལ་བ་རྒྱ་མཚོའི་གཞུང་གི་ལས་ཚོགས་ནས་ནད་པ

[Full Size]

ལ་བྱིན་བརླབ་བྱ་ཚུལ་གསུངས་པའི་དོན་གསལ་བར་བཀོད་པ་སྟེ། འདིའི་སྔོན་ལ་ཆ་གསུམ་མམ། གླུད་གཏོར་བཏང་ཐོན་ན་དགོས་པར་བཤད་དེ། མ་ཐོན་ཡང་སྐྱོན་ནི་མེད། ཡི་དམ་རྒྱལ་བ་རྒྱ་མཚོ་བྱེད་པའི་མིས་ཤིན་ཏུ་ཕན་ཐོགས་ཆེ་བ་ཡིན་ཏེ། རང་ག་མ་ཡིན་ལས་ཚོགས་ཡིན་ནོ། །གལ་ཆུང་བའམ་ལོང་ཁོམ་མ་བྱུང་ན། ཧཱུྃ། ལྷོ་ནུབ་སྲིན་པོའི་སོགས། སྤྱན་འདྲེན་མ་བྱས་ཀྱང་ཆོག །སྤྱན་འདྲེན་བྱེད་པ་དེ་ཤིན་ཏུ་བྱིན་རླབས་ཆེ་བ་ཡིན་ཏེ། དེའི་དམིགས་པ་ན་སར་ཡུམ་གསང་བ་ཡེ་ཤེས་ཀྱི་མཁའ་འགྲོ་སྒོམ་པ་དེ་ཡང་གཞུང་གི་ལས་ཚོགས་ཉང་གི་གཏེར་མ་དང་། རས་ཆུང་ནས་བརྒྱུད་པའི་གྲུབ་པའི་རྒྱལ་མོའི་གསུང་ཀརྨ་པཀཱིས་མཛད་པ་དང་། ཨོ་རྒྱན་གྱིས་མཛད་པ་དང་། སངས་རྒྱས་གླིང་པའི་གཏེར་མའི་ལུགས་སོགས་མང་པོ་ནས་བཀའ་བསྒོའི་དམིགས་པ་དེ་ཡོད་པ་ཡིན་པས་ཟབ་ལ་བྱིན་རླབས་ཆེ། བདག་ནི་གག་ཐུག་ན་མ་གཏོགས་སུ་ལ་མི་བྱེད་པ་ཡིན་ནོ། །ཞེས་རྟོགས་ལྡན་དོན་དམ་གྱི་དོན་དུ། རཱ་ག་ཨ་སྱས་བསྒྲིགས་པ་འགྲོ་བ་ཀུན་ལ་ཕན་པར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་དཀྱིལ་འཁོར་ལྔའི་སྙིང་པོ།

[Full Size]

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་དཀྱིལ་འཁོར་ལྔའི་སྙིང་པོ་བཞུགས་པའི་དབུ་ཕྱོགས་ལགས་སོ།།

[Full Size]

སློབ་དཔོན་རང་ཉིད་དཀྱིལ་འཁོར་དུ་འཇུག་པའི་དོན་དུ། སྔར་ལྟར་མཎྜལ་ཕུལ་ནས། བླ་མ་དང་དཀྱིལ་འཁོར་གྱི་གཙོ་བོ་དང་དབྱེར་མེད་པས་སློབ་དཔོན་གྱི་བྱ་བ་མཛད་པར་མོས་ལ། འོག་ནས་འབྱུང་བ་ལྟར་དབང་བཞི་རྫོགས་པར་བླངས། རྡོ་རྗེ་དྲིལ་བུ་འཛིན་པས་བདེན་སྟོབས་བརྗོད་པ་ནི། ནམ་མཁའ་ལས་བྱུང་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །རྡོ་རྗེ་འཛིན་པར་བདག་སྒྲུབས་ཤིག །དངོས་གྲུབ་ཆེན་པོ་ཀུན་གྱི་མཆོག ། དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་པ་ཀུན་གྱི་རྒྱལ། །མི་འགྱུར་མཆོག་ཏུ་བདག་སྒྲུབས་ཤིག །ཉེས་པ་མེད་པ་བརྟག་པ་སྟེ། །

[Full Size]

འདོད་ཆགས་ཀུན་གྱི་རྗེས་སུ་ཆགས། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་དེ་ཉིད་བདག་སྒྲུབས་ཤིག །ཤིན་ཏུ་དག་པ་ཀུན་གྱི་མཆོག །གདོད་ནས་གྲོལ་བ་དེ་བཞིན་ཉིད། །ཀུན་ཏུ་བཟང་པོ་ཀུན་བདག་ཉིད། །བྱང་ཆུབ་སེམས་སུ་བདག་སྒྲུབས་ཤིག ། དངོས་གྲུབ་ཆེན་པོ་མཆོག་གི་མཆོག །དབང་ཕྱུག་ཆེན་པོ་རྒྱལ་བའི་རྒྱལ། །གྲུབ་པའི་རྡོ་རྗེ་ཆེར་གསལ་བའི། །རྡོ་རྗེ་སྙེམས་པར་བདག་སྒྲུབས་ཤིག༔ སེམས་ཅན་ཀུན་གྱི་ཡིད་ཁྱབ་པ། །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་ཉིད་དེ། །འདོད་ཆགས་མཉམ་

[Full Size]

པའི་དམ་ཚིག་མཆོག །ཤེས་རབ་ཐབས་དག་དཀྱིལ་འཁོར་གྱི། །བདེན་པའི་བྱིན་རླབས་གང་ཡིན་པ། །མགོན་པོ་ཁྱོད་ཀྱི་བདེན་པ་དེས། །བདག་གི་འདོད་པ་བསྐང་གྱུར་ཅིག །ཅེས་བརྗོད། སློབ་མ་གཞུག་པ་ནི། ཕྱི་རོལ་དུ་ལས་བུམ་གྱི་ཆུས་ཁྲུས་བྱས་ནས་ནང་དུ་འོང་ནས་གྲལ་དུ་འགོད་པ་ལ། བར་ཆད་བསལ་བའི་དོན་དུ་སྔོན་འགྲོའི་གཏོར་མ་བཏང་། ལས་བུམ་ཆུས་བསངས་བའི་གདོང་གཡོགས་དམར་པོ། ཨོཾ་བཛྲ་ཙཀྵ་བྷནྡ་ཝ་ར་མ་ཎ་ཡེ་ཧཱུྃ། ཞེས་བསལ་ཞིང་། ཨོཾ་ཨཱཁཾ་ཝི་ར་ཧཱུྃ། ཞེས་མེ་ཏོག་ཕྲེང་བ་བྱིན། སློབ་མ་སྟ་གོན་གྱི་སྐབས་སུ་འབྱུང་བ་ལྟར་གྱི་མཎྜལ་ལ། སྔོན་དུ་འགྲོ་བ་ལས་སློབ་མ་ལྷག་པར་གནས་པའི་ཆོས་རྣམས་ཞེས་པའི་མལ་དུ། དབང་བཞི་རྫོགས་པར་ཞུ་བའི་དོན་དུ་ཞེས་འདོན་པ་སྤོས་ལ་འབུལ། ཁྱེད་རྣམས་ཐུགས་རྗེ་ཆེན་པོའི་དཀྱིལ་འཁོར་དུ་དབང་ཞུ་བར་འདོད་པ་ཤིན་ཏུ་བཟང་། སངས་རྒྱས་ཀྱིས་གསུངས་པའི་ཆོས་ཐམས་ཅད་ཐེག་པ་ཆེ་ཆུང་གཉིས་དང་། སྡེ་སྣོད་གསུམ་རྒྱུད་སྡེ་བཞིར་གསུངས་པ་ལས། ཐུགས་རྗེ་ཆེན་པོ་འདི་རྒྱུད་སྡེ་བཞིའི་རྩ་བ་ཞག་བདུན་ཙམ་གྱིས་དངོས་གྲུབ་ཐོབ་པར་བྱེད་པ་ཡིན་ཏེ། བྱ་སྤྱོད་ཀྱི་རྒྱུད་དང་མཐུན་པར་ཨ་མོ་གྷ་པ་ཤའི་རྒྱུད་དང་། ཐུགས་རྗེ་ཆེན་པོའི་གཟུངས་དང་རྟོགས་པ་རྣམས་ཡིན། །

[Full Size]

རྣལ་འབྱོར་གྱི་རྒྱུད་དང་མཐུན་པར་ནི། པདྨ་ཅོད་པན་ཅན་གྱི་རྒྱུད་དང་། སྒོ་དྲུག་པ་རྣམས་ཡིན། རྣལ་འབྱོར་བླ་ན་མེད་པའི་རྒྱུད་དང་མཐུན་པ་ནི། ཕ་བླ་ན་མེད་པ་པདྨ་རྒྱལ་པོ་དང་། མ་བླ་ན་མེད་པ་པདྨ་ཟབ་པའི་རྒྱུད་གསུངས་པ་ལས། འདིའི་པདྨ་ཟབ་པའི་རྒྱུད་ལ་བསྟེན་ནས། སློབ་དཔོན་པདྨ་འབྱུང་གནས་ཀྱི་བྷ་ག་ལའི་ཕག་མོ་ལས་བརྒྱུད་དེ་ཤིན་ཏུ་ཟབ་པ་ཡིན་པས། དཀྱིལ་འཁོར་འདིར་འཇུག་པ་ལ་སྔོན་དུ་གསོལ་བ་འདེབས་པའི་རྗེས་ཟློས་མཛོད་ཅིག །བདག་ནི་འཁོར་བའི་ཆོས་ལ་སྐྱོ་བ་སྐྱེས། །འཇིག་རྟེན་བྱ་བ་ཐམས་ཅད་སྤངས་ནས་ནི། །ཐར་པ་ཆེན་པོའི་གྲོང་མཆོག་དམ་པ་འདིར། །མགོན་པོས་བདག་ནི་འཇུག་པར་མཛད་དུ་གསོལ། །ལན་གསུམ། སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་བདག་སྐྱབས་མཆི། །གཙོ་བོ་ལྷ་མོར་བཅས་པ་ཡིས། །ལྷ་རྣམས་ལ་ཡང་ཕྱག་འཚལ་ལོ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་པར་འཚལ། །ཞེས་གསོལ་བ་བཏབ། སློབ་དཔོན་གྱི་དཀྱིལ་འཁོར་དུ་གསོལ་བ་གདབ་པ་ནི། དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་

[Full Size]

གྲོང་ཁྱེར་མཆོག་།སྙིང་པོའི་དཀྱིལ་འཁོར་འདི་རུ་ནི། །བདག་གི་སློབ་མ་གཞུག་པར་བགྱི། །ཁྱེད་རང་རྣམས་དཀྱིལ་འཁོར་གྱི་ཤར་གྱི་སྒོ་ནང་དུ་གནས་པས། ལྷ་ཚོགས་རྣམས་ཀྱི་ཞབས་ལ་གུས་པས་ཕྱག་འཚལ་བར་དམིགས་ལ་ཕྱག་མཛོད་ཅིག །ཨོཾ་མ་ཎི་པདྨེ་ཧཱུྃ༔ ཞེས་སྤྱི་བོར་ཐལ་མོ་སྦྱར་ནས། ནི་མ་ཏེ་ཧཱུྃ༔ མགྲིན་པར། ན་མཿམེ་ཧཱུྃ༔ སྙིང་གར། ན་མོ་ན་མ་ཧཱུྃ༔ སྒོ་དེ་ཉིད་ནས་ཐོན་ཏེ་དཀྱིལ་འཁོར་གྱི་ཕྱིར་གཡས་བསྐོར་གྱིས་སོང་ནས། ལྷོ་སྒོའི་ནང་དུ་གནས་པས། དཀྱིལ་འཁོར་གྱི་ལྷ་ལ་ཕྱག་མཛོད་ཅིག །ཨོཾ་མ་ཎི་པདྨེ་ཧཱུྃ། སླར་སྒོ་དེ་ཉིད་ནས་ཐོན་ཏེ། ནུབ་སྒོ་ནས་དང་། ནུབ་སྒོ་ནས་ཐོན་ཏེ། བྱང་སྒོ་ནས་སྔར་བཞིན་ཕྱག་བྱས་ལ། སླར་ཤར་གྱི་སྒོ་ནང་དུ་གནས་པས། དཀྱིལ་འཁོར་གྱི་ལྷའི་དྲུང་དུ་སྔགས་ཀྱི་དམ་ཚིག་དང་སྡོམ་པ་རྣམས་བླངས་ནས་བསྲུང་སྙམ་པ་མཛོད་ཅིག །སངས་རྒྱས་བྱང་ཆུབ་སེམས་དཔའ་རྣམས། །ཐམས་ཅད་བདག་ལ་དགོངས་སུ་གསོལ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་

[Full Size]

རྣལ་འབྱོར་སྡོམ་པ་ལ། །སྡོམ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་རྣམས། །བདག་གིས་བརྟན་པོར་བཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་བཟུང་བར་བགྱི། །ནམ་དུ་ཡང་ནི་མི་སྤང་ངོ་། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་བཟུང་བར་བགྱི། །སློབ་དཔོན་དག་ཀྱང་བཟུང་བར་བགྱི། །རིན་ཆེན་རིགས་མཆོག་ཆེན་པོ་ལ། །ཉིན་རེ་བཞིན་དུ་དུས་དྲུག་ཏུ། །ཟང་ཟིང་ཆོས་དང་མི་འཇིགས་ཟབ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་མཆོག་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་ཆོས་སོ་སོར་བཟུང་བར་བགྱི། །ལས་ཀྱི་རིགས་མཆོག་བསྡུས་པ་ལ། །སྡོམ་པ་ཐམས་ཅད་ཡང་དག་ལྡན། །ཀུན་ནས་སོ་སོར་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །བདག་གིས་སྡོམ་པ་མ་ལུས་བཟུང་། །

[Full Size]

མ་བརྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་དགྲོལ་བར་བགྱི། །དབུགས་མ་ཕྱུང་རྣམས་དབུགས་དབྱུང་ཞིང་། །འགྲོ་ཀུན་མྱ་ངན་འདས་ལ་འགོད། །ལན་གསུམ། །དེ་ནས་ཁྱེད་རང་རྣམས་སྐད་ཅིག་གིས་བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་དབང་ཕྱུག་རྒྱལ་བ་རྒྱ་མཚོ་སྐུ་མདོག་དམར་པོ་ཞལ་གཅིག་ཕྱག་བཞི་པ་ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་འོག་མས་མེ་ཏོག་པདྨ་དམར་པོའི་ཕྲེང་བ་འཛིན་པ། གཡོན་འོག་མས་མེ་ཏོག་པདྨ་དམར་པོ་འདབ་མ་བརྒྱད་པའི་ཡུ་བ་ནས་འཛིན་པ། དབུ་སྐྲ་རལ་པའི་ཐོར་ཚུགས་གྱེན་དུ་བཅིངས་པ་ལ་དར་གྱི་ཅོད་པན་དང་རིན་པོ་ཆེའི་རྩེ་བྲན་ལྔས་བརྒྱན་པ། རྣམ་བཀྲའི་ལྷའི་དར་གྱི་ན་བཟས་མཛེས་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པར་སྒོམས་ཤིག །རྡོ་རྗེ་དང་བཅས་པའི་ཐལ་མོ་དྲི་ཡི་ཆུ་དང་བཅས་པས། སྤྱི་བོ་མགྲིན་པ་སྙིང་གར་རེག་ཅིང་། དེའི་སྤྱིར་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་སངས་རྒྱས་རྣམས་ཀྱི་སྐུ་གསུང་ཐུགས་ཀྱི་རང་བཞིན་དུ་གྱུར། དེ་ནས་སྔགས་ཀྱིས་རྡོ་རྗེའི་རྣལ་འབྱོར་དུ་སེམས་བསྐྱེད་པའི་ཕྱིར། ཡི་དམ་ལྷའི་ཐུགས་ཀར་ཀུན་རྫོབ་

[Full Size]

བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་ཉ་གང་བའི་སྟེང་དུ། དོན་དམ་པ་བྱང་ཆུབ་སེམས་ཀྱི་ངོ་བོ་རྡོ་རྗེ་སྔོན་པོ་རྩེ་ལྔ་པར་སྒོམས་ཤིག །སྙིང་གར་རྡོ་རྗེ་བཞག །ཨོཾ་སརྦ་ཡོ་ག་ཙིཏྟ་ཨུཏྤ་ད་ཡ་མི། སུ་ར་ཏི་ས་མ་ཡ་སིདྡྷི་བཛྲ་ཡ་ཐཱ་སུ་ཁཾ། དེ་ནས་དམ་ཚིག་བསྒྲག་པ་ལས། དང་པོ་དཀྱིལ་འཁོར་ལྷའི་དམ་ཚིག་བསྒྲག་པ་ནི། རྡོ་རྗེ་སྤྱི་བོར་བཞག ཁྱོད་ནི་རྣལ་འབྱོར་རིགས་སུ་སྐྱེས། །ང་ཡིས་ཡེ་ཤེས་རྡོ་རྗེ་སྦྱིན། །བྱིན་པས་དངོས་གྲུབ་ཐོབ་པར་འགྱུར། །གང་གིས་འདི་འདྲ་མ་མཐོང་བའི། །དྲུང་དུ་སྨྲ་བར་མ་བྱེད་ཅིག འགག་མེད་སྨྲས་ན་ཉམས་པར་འགྱུར། །དེ་བས་ང་རྒྱལ་བཅོམ་ནས་ནི། །བདག་ཉིད་མ་འཁྲུལ་ཤེས་པར་གྱིས། །བདུད་རྩི་ལྔ་ཡི་ཆུ་བླུད་ཅིང་། །འདི་ནི་ཁྱོད་ཀྱི་དམ་ཚིག་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་སརྦ་པཉྩ་ཨ་མྲྀ་ཏ་ཨུ་དྷ་ཀ་ཋ་ཌ་ཧཱུྃ། དེ་ནས་རྡོ་རྗེ་སློབ་།དཔོན་གྱི་བཀའ་ཉན་པའི་དམ་ཚིག་བསྒྲིག་པ་ནི། སྤྱི་བོར་རྡོ་རྗེ་བཞག །དེང་འདི་ནས་ནི་བུ་ཁྱོད་ཀྱི། །རྡོ་རྗེ་འཛིན་པ་ང་ཡིན་གྱིས། །ང་ཡིས་ཇི་ལྟར་བཀའ་བསྩལ་པ། །ཁྱོད་ཀྱིས་སྐྱོ་བ་མེད་

[Full Size]

པར་སྒྲུབས། །གང་ཡང་ང་ལ་མ་གུས་མིན། །དེང་ནས་གུས་པར་མ་བྱས་ན། །བདུད་ཀྱིས་བཅོམ་ནས་ངན་འགྲོར་འགྲོ། །དེ་བས་དམ་ཚིག་གནས་པར་གྱིས། །དེ་དག་ནི་དཀྱིལ་འཁོར་དུ་འཇུག་པའོ། །མཎྜལ་ཕུལ་ནས། སློབ་མ་རྣམས་ལངས་ལ་སྤྱི་བོར་བྱ་ཁྱུང་གི་ཕྱག་རྒྱ་བྱེད་དུ་བཅུག །ཡེ་ཤེས་ཀྱི་དཀྱིལ་འཁོར་དུ་འཇུག་པའི་དམིགས་པ་འདི་ལྟར་མཛོད། ཁྱེད་རྣམས་བཅོམ་ལྡན་འདས་འཇིག་རྟེན་དབང་ཕྱུག་ཏུ་བསྒོམ་པའི་ལུས་ཀྱི་ནང་སྟོང་ཞིང་གསལ་བའི་ལྟེ་བར་པདྨ་འདབ་བཞིའི་སྟེང་དུ་གཡུང་དྲུང་དམར་པོ་གཡོན་དུ་འཁྱིལ་པ་རེ། དེའི་སྟེང་དུ་ཧྲཱིཿལ་སྔགས་ཀྱིས་བསྐོར་བ་ལ་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་རྒྱལ་བ་རྒྱ་མཚོའི་དཀྱིལ་འཁོར་ལ་ཕོག་ཅིང་། འོད་ཟེར་ཚུར་འདུས་ནས་ལྟེ་བའི་ཧྲཱིཿལ་ཐིམ་པས་ལུས་སེམས་ཐམས་ཅད་བདེ་བ་ཆེན་པོའི་ཁྱབ་པར་བསྒོམས་ལ། གསོལ་བ་འདེབས་པའི་རྗེས་ཟློས་མཛོད་ཅིག །ཇོ་བོ་ཐུགས་རྗེ་ཆེན་པོ་བསྐལ་པ་བཟང་པོའི་ཚོགས་དང་བཅས་པས་བྱིན་གྱིས་བརླབ་ཏུ་གསོལ། སློབ་དཔོན་པདྨ་གྲུབ་ཐོབ་བརྒྱུད་པའི་ཚོགས་དང་བཅས་པས་བྱིན་གྱིས་བརླབ་ཏུ་གསོལ། དཔལ་རྟ་མགྲིན་དཔའ་བོ་རྒྱ་མཚོའི་ཚོགས་དང་བཅས་པས་

[Full Size]

བྱིན་གྱིས་བརླབ་ཏུ་གསོལ། གསང་བ་ཡེ་ཤེས་ཀྱི་མཁའ་འགྲོ་མ་མཁའ་འགྲོ་རྒྱ་མཚོའི་ཚོགས་དང་བཅས་པས་བྱིན་གྱིས་བརླབ་ཏུ་གསོལ། དམ་ཅན་ཆོས་སྐྱོང་སྲུང་མ་དང་བཅས་པས་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ་པས་བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མ་དང་བཅས་པ་ཆར་བབ་པ་ལྟར་བྱོན་ནས། རང་གི་ལུས་ངག་ཡིད་གསུམ་ལ་ཐིམ་པའི་མོས་པ་རྩེ་གཅིག་ཏུ་མཛོད། གུ་གུལ་གྱིས་བདུག་རོལ་མོ་དང་བཅས་པས། ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། ཨོཾ་བཛྲ་ཝཱ་ར་ཧི། བྷངྒ་ཏྟཀི་ནི་ཡེ། བཛྲ་ཝརྞ་ནི་ཡེ་སོགས་དང་། ཨ་ཝེ་ཤ་ཡཱ། ཨ་ཝེ་ཤ་ཡཱ། ཨཱ་ཨཱ༔ ཞེས་ཡེ་ཤེས་པ་མ་ཕེབས་ཀྱི་བར་དུ་བརྗོད་ལ། ཕེབས་ནས་ངོ་སྤྲད་པའི་ཕྱིར་རྡོ་རྗེའི་གླུ་བླངས་པ་ནི། ལྟོས་ཤིག་རང་གིས་སེམས་ལ་ལྟོས། །སེམས་ཉིད་ཅི་ཡང་གྲུབ་པ་མེད། །གྲུབ་པ་མེད་པའི་སེམས་ཉིད་ལ། །སྣ་ཚོགས་སྣང་བ་ངོ་མཚར་ཆེ། །སྣང་ཙམ་ཉིད་ནས་སེམས་སུ་འདུས། །སེམས་ཅན་ཀུན་གྱི་སེམས་ཉིད་དེ། །བདེ་བ་ཆེན་པོའི་ཡེ་ཤེས་ཡིན། །རྣམ་པར་མི་རྟོག་བསམ་མི་ཁྱབ། །གསལ་བ་དེ་ཡི་ངོ་བོར་སྣང་། །མོས་པ་དུ་མའི་སེམས་ཅན་ལ། །ཐབས་རྣམས་སྣ་

[Full Size]

ཚོགས་སྟོན་པ་སྟེ། །སྣ་ཚོགས་སྒྱུ་མའི་སྦྱོར་བ་ཡིས། །དཔའ་བོ་སེང་གེ་བཞིན་དུ་སྤྱོད། །བསམ་གྱིས་མི་ཁྱབ་གོ་འཕང་ཐོབ། །སྤྱན་རས་གཟིགས་ཀྱི་བྱིན་རླབས་ཡིན། །བླ་མ་བརྒྱུད་པའི་རིམ་པ་ནི། །སྣ་ཚོགས་ནོར་བུ་ཇི་བཞིན་དུ། །སྐལ་ལྡན་རྣམས་ཀྱི་སྤྱོད་ཡུལ་ཡིན། །སྤྱི་བོར་རྡོ་རྗེ་བཞག་ལ། ཨོཾ་ཏིཥྛ་བཛྲ། མིག་དར་གྱི་འོག་ནས་དཀྱིལ་འཁོར་ལ་ལྟོས་ལ། ཁ་དོག་ཅི་ལྟར་དུ་མཐོང་བར་སྨོས་ཤིག །དེས་ཅི་མཐོང་བཤད་ལ། དཀར་པོ་འདུག་ན་ཞི་བའི་ལས་མཐའ་དག་འགྲུབ་པར་འགྱུར་རོ། །སེར་པོ་ལ་རྒྱས་པ། དམར་པོ་ལ་དབང་། ལྗང་གུའམ་ནག་པོ་ལ་མངོན་སྤྱོད་དྲག་པོ། ཁ་དོག་སྣ་ཚོགས་ལ་ལས་སྣ་ཚོགས་འགྲུབ། ཅེས་བརྗོད། སློབ་དཔོན་གྱིས། ཡང་དག་པདྨའི་དཀྱིལ་འཁོར་འདིར། །བདག་གི་སློབ་མ་གཞུག་པར་བགྱི། །ལྷ་རྣམས་ཀྱིས་ནི་རིགས་ཇི་བཞིན། །ཇི་ལྟར་བསོད་ནམས་དེ་བཞིན་ཤོག །མེ་ཏོག་གི་ཕྲེང་བ་འདི། ཁྱོད་ཀྱི་སྐྱེ་བ་སྔ་མ་ལ། ལས་ཀྱི་འཕྲོ་ཡོད་པའི་ལྷ་གང་ཡིན་པ་ལ་ཕོག་པར་གྱུར་ཅིག །ཅེས་ཡིད་ལ་བྱས་ལ་འདི་སྐད་ཅེས། བདེ་གཤེགས་སྙིང་པོའི་དཀྱིལ་འཁོར་དུ། །རིག་པའི་མེ་ཏོག་འདི་དོར་བས། །སྔོན་ཚེ་གང་ལ་སྦྱོང་བའི་ལྷ། །གང་ཡིན་དེ་ལ་ཕོག་

[Full Size]

པར་ཤོག །པྲ་ཏིཙྪ་བཛྲ་ཧོ། ཞེས་བརྗོད་ལ་དཀྱིལ་འཁོར་དུ་དོར་བཅུག །སློབ་དཔོན་གྱིས་ལྷ་གང་ལ་ཕོག་པ་བརྟག་ལ། མེ་ཏོག་བླངས་ནས་རིགས་གང་ཡིན་པའི་སྤྱན་གཟིགས་མེ་ཏོག་དང་དབྱེར་མེད་པར་སློབ་མའི་སྤྱི་བོར་ཐིམ་པར་བསམས་ལ། སེམས་དཔའ་སྟོབས་ཆེན་ཁྱོད་ཀྱིས་ནི། །འདི་ནི་རབ་ཏུ་བཟུང་བར་གྱིས། །པྲ་ཏི་ཤྲཱི་ཙྪ་ཨི་མཾ་བཱ་ལ་མ་ཧཱ་སཏྭ། ཁྱོད་གཙོ་བོ་འཇིག་རྟེན་དབང་ཕྱུག་གི་རིགས་ཡིན་པས། དཔལ་དགྱེས་པའི་པདྨ་ཞེས་བྱ་བའོ། །ཞེས་པའམ། མི་བསྐྱོད་པ་སྤྱན་རས་གཟིགས་ཀྱི་རིགས་ཡིན་ན་དཔལ་པདྨའི་སྨྱུ་གུ་ཞེས་དང་། རིན་འབྱུང་གི་རིགས་ལ་དཔལ་པདྨ་མཛེས་པ། སྣང་མཐའི་རིགས་ལ་པདྨ་དགྱེས་པ། དོན་གྲུབ་ཀྱི་རིགས་ལ་དཔལ་པདྨ་གཟིགས་པ། མཚམས་ཀྱི་མཁའ་འགྲོའི་རིགས་ལ་དཔལ་པདྨའི་དབང་ཕྱུག་ཅེས་བྱའོ། །མིག་དར་བསལ་བ་ནི། སྤྱན་རས་གཟིགས་དབང་དེང་ཁྱོད་ཀྱི། །མིག་འབྱེད་པ་ནི་བརྩོན་པར་མཛད། །ཕྱེ་བས་ཐམས་ཅད་མཐོང་བར་འགྱུར། །རྡོ་རྗེའི་མིག་ནི་བླ་ན་མེད། །ཨོཾ་ཛྙཱ་ན་ཙཀྵ་བྷི་ཤྭ་དྷ་ཡ་སྭཱ་ཧཱ། དེ་ནས་རྡུལ་ཚོན་གྱི་དཀྱིལ་འཁོར་བསྟན་ལ། ལྟོས་ཤིག་ལྟོས་ཤིག་སེམས་དཔའ་ཆེ། །དཀྱིལ་འཁོར་སྙིང་པོ་འདི་ལ་ལྟོས། །ད་ནི་དད་པ་རབ་ཏུ་བསྐྱེད། །ཁྱོད་ནི་རྣལ་འབྱོར་རིགས་སུ་སྐྱེས། །

[Full Size]

སྔགས་དང་ཕྱག་རྒྱས་བྱིན་གྱིས་རློབས། །འགྲོ་བ་ཕུན་ཚོགས་དངོས་གྲུབ་ཀུན། །ཐམས་ཅད་འདི་ལས་འབྱུང་བས་ན། །དམ་ཚིག་ཐམས་ཅད་སྤྱོད་པ་དང་། །དངོས་གྲུབ་ཐོབ། ཕྱིར་དམ་ཚིག་སྐྱོངས། །གསང་སྔགས་ལ་ཡང་བརྩོན་པར་གྱིས། །རྡུལ་ཚོན་གྱི་དཀྱིལ་འཁོར་བྲིས་པ་འདི་དཔེ་ཡིན་ཏེ། སངས་རྒྱས་ཀྱི་ཡོན་ཏན་ཐམས་ཅད་རྫོགས་པའི་གཞལ་མེད་ཁང་པ་ན། རིགས་ལྔའི་སྤྱན་རས་གཟིགས་དཔའ་བོ་མཁའ་འགྲོའི་ཚོགས་དང་བཅས་པ་འདི་ལྟ་བུ་བསྒོམ་པ་ལ་བརྟེན་ནས་སངས་རྒྱས་ཀྱི་གོ་འཕང་ཐོབ་པ་ཡིན་པས། བསྐྱེད་པའི་རིམ་པ་བསྒོམ་པ་ལུ་བརྩོན་པར་གྱིས་ཤིག །མཎྜལ་ཕུལ་ལ། བུམ་པའི་དབང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། པདྨ་དབང་གི་དཀྱིལ་འཁོར་དུ། །མགོན་པོ་གཟི་བརྗིད་འོད་དཔག་མེད། །རྒྱལ་སྲས་ཚོགས་དང་བཅས་པ་ལ། །དབང་བསྐུར་ཡོངས་སུ་རྫོགས་པ་ལྟར། །དེ་བཞིན་བླ་མ་ཁྱེད་ཀྱིས་ཀྱང་། །བདག་ལ་དབང་བསྐུར་མཛད་དུ་གསོལ། །ལན་གསུམ། ཁྱེད་རང་རྣམས་སྐད་ཅིག་གིས་བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་དབང་ཕྱུག་རྒྱལ་བ་རྒྱ་མཚོ་སྐུ་མདོག་དམར་པོ་ཞལ་གཅིག་

[Full Size]

ཕྱག་བཞི་པ་སོགས་ནས། ཞབས་རྡོ་རྗེ་སྐྱིལ་མོ་ཀྲུང་གིས་བཞུགས་པར་གྱུར་བར་ལ། བུམ་པའི་དབང་བསྐུར་བའི་དོན་དུ། མདུན་གྱི་ནམ་མཁར་ཡེ་ཤེས་ཀྱི་དཀྱིལ་འཁོར་གསལ་བ་དང་། ཕྱོགས་བཅུའི་སངས་རྒྱས་ཐམས་ཅད་དང་། མཁའ་འགྲོ་མའི་ཚོགས་རིན་པོ་ཆེའི་བུམ་པ་ཐོགས་པ་རྣམས་ཀྱིས་བུམ་པའི་དབང་བསྐུར་བའི་མོས་པ་མཛོད་ཅིག །བུམ་པ་སྤྱི་བོར་བཞག །སྤྱན་རས་གཟིགས་དབང་འཇིག་རྟེན་གསུམ་གྱི་མགོན། །སངས་རྒྱས་རྣམས་ཀྱི་བུམ་པའི་དབང་། །རྒྱལ་སྲས་རྣམས་ལ་བསྐུར་བ་ལྟར། །དེང་འདིར་ཁྱོད་ལ་བསྐུར་བར་བྱ། །ཆོས་དབྱིངས་ཡེ་ཤེས་དབང་འདི་ཁྱོད་ཀྱིས་ལོངས། །སྐུ་མཆོག་བུམ་པའི་དབང་འདི་ཡོངས་རྫོགས་ཤོག །ཡི་གེ་བཅུ་པ་དང་། ཨོཾ་བྷུདྡྷ་ཨ་བྷི་ཥིཉྩ་ཨོཾ། བུམ་ཆུས་བཀྲུ་ཞིང་། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཊི་ཀ་ཏེ་ས་མ་ཡ་ཤྲཱི་ཧཱུྃ། དེ་ལྟར་རྣམ་པར་སྣང་མཛད་ཀྱི་ངོ་བོ་བུམ་པའི་དབང་བསྐུར་བས་ཉོན་མོངས་པ་གཏི་མུག་དག །གཟུགས་ཀྱི་ཕུང་པོ་གནས་འགྱུར། ཆོས་དབྱིངས་

[Full Size]

ཡེ་ཤེས་ཐོབ་པར་སྒོམས་ཤིག །དེ་ནས་རྡོ་རྗེ་དབང་བསྐུར་བའི་དོན་དུ། མདུན་གྱི་ནམ་མཁར་ཡེ་ཤེས་ཀྱི་དཀྱིལ་འཁོར་གསལ་བ་དང་། ཕྱོགས་བཅུའི་སངས་རྒྱས་ཐམས་ཅད་དང་། མཁའ་འགྲོ་མའི་ཚོགས་རྣམས་ཀྱིས་རྡོ་རྗེའི་དབང་བསྐུར་བས། རྡོ་རྗེ་འདི་དང་ཐ་དད་མེད་པར་ཐུགས་རྡོ་རྗེ་མི་བསྐྱོད་པའི་ལྷ་ཚོགས་དཔག་ཏུ་མེད་པ་བྱོན་ནས་ཁྱེད་རང་རྣམས་ལ་ཐིམ་པའི་མོས་པ་མཛོད་ཅིག །རྡོ་རྗེ་ལག་གཡས་སུ་བྱིན་ལ། མི་བསྐྱོད་རྒྱལ་པོ་རིགས་ཀྱི་གཙོ། །ཞེ་སྡང་རྣམ་དག་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །མེ་ལོང་ཡེ་ཤེས་དབང་འདི་ཡོངས་རྫོགས་ཤོག །ཡི་གེ་བཅུ་པ་དང་། ཨོཾ་བཛྲ་སཏཱ་ཨ་བྷི་ཥིཉྩ་ཧཱུྃ། དེ་ལྟར་མི་བསྐྱོད་པའི་ངོ་བོ་རྡོ་རྗེའི་དབང་བསྐུར་བས། ཉོན་མོངས་པ་ཞེ་སྡང་དག །རྣམ་པར་ཤེས་པའི་ཕུང་པོ་གནས་འགྱུར། མེ་ལོང་ལྟ་བུའི་ཡེ་ཤེས་ཐོབ་པར་སྒོམས་ཤིག །དེ་ནས་གསུང་མཆོག་གླེགས་བམ་གྱི་དབང་བསྐུར་བའི་དོན་དུ། མདུན་གྱི་ནམ་མཁར་ཡེ་ཤེས་ཀྱི་དཀྱིལ་འཁོར་གསལ་བ་དང་། ཕྱོགས་བཅུའི་སངས་རྒྱས་ཐམས་ཅད་དང་། མཁའ་འགྲོ་མའི་ཚོགས་རྣམས་ཀྱིས་གླེགས་བམ་གྱི་དབང་བསྐུར་བས། གླེགས་བམ་འདི་དང་ཐ་དད་མེད་

[Full Size]

པར་སྣང་བ་མཐའ་ཡས་ཀྱི་ལྷ་ཚོགས་དཔག་ཏུ་མེད་པ་བྱོན་ནས། ཁྱེད་རང་རྣམས་ལ་ཐིམ་པས་གསུང་མི་ཟད་པ་བརྒྱན་གྱི་འཁོར་ལོས་དབང་ཐོབ་པའི་མོས་པ་མཛོད་ཅིག །ཡི་གེ་དྲུག་པའི་གླེགས་བམ་ལག་ཏུ་གཏད་ལ། པདྨ་དབང་གི་དཀྱིལ་འཁོར་དུ། །།འདོད་ཆགས་རྣམ་པར་དག་པ་ཡིས། །སངས་རྒྱས་རྣམས་ཀྱི་གསུང་མཆོག་དབང་། །དེ་རིང་ཁྱོད་ལ་བསྐུར་བར་བྱ། །སོར་རྟོག་ཡེ་ཤེས་དབང་འདི་ཁྱོད་ཀྱིས་ལོངས། །ཡི་གེ་བཅུ་པ་དང་། ཨོཾ་པདྨ་ཨ་བྷི་ཥིཉྩ་ཧཱུྃ༔ དེ་ལྟར་འོད་དཔག་མེད་ཀྱི་ངོ་བོ་གླེགས་བམ་གྱི་དབང་བསྐུར་བས། ཉོན་མོངས་པ་འདོད་ཆགས་དག་་།འདུ་ཤེས་ཀྱི་ཕུང་པོ་གནས་འགྱུར། སོ་སོར་རྟོག་པའི་ཡེ་ཤེས་ཐོབ་པར་སྒོམས་ཤིག །དེ་ནས་དབུ་རྒྱན་གྱི་དབང་བསྐུར་བའི་དོན་དུ། །མདུན་གྱི་ནམ་མཁར་ཡེ་ཤེས་ཀྱི་དཀྱིལ་འཁོར་གསལ་བ་དང་། ཕྱོགས་བཅུའི་སངས་རྒྱས་ཐམས་ཅད་དང་། མཁའ་འགྲོ་མའི་ཚོགས་རྣམས་ཀྱིས་དབུ་རྒྱན་གྱི་དབང་བསྐུར་བས། དབུ་རྒྱན་འདི་དང་ཐ་དད་མེད་པར་རིན་ཆེན་འབྱུང་ལྡན་གྱི་ལྷ་ཚོགས་དཔག་ཏུ་མེད་པ་བྱོན་ནས། ཁྱེད་རང་རྣམས་ལ་ཐིམ་པས་རང་བྱུང་ཡེ་ཤེས་ཀྱི་དབང་ཐོབ་པའི་མོས་པ་མཛོད་

[Full Size]

ཅིག །དབུ་རྒྱན་དང་ཅོད་པན་རིན་པོ་ཆེའི་ཕྲེང་བ་མགོ་བོར་བཅིངས་ལ། རིན་ཆེན་མཆོག་གི་དཀྱིལ་འཁོར་དུ། །ང་རྒྱལ་རྣམ་པར་དག་པ་ཡི། །སངས་རྒྱས་རྣམས་ཀྱི་ཡོན་ཏན་དབང་། །དེ་རིང་ཁྱོད་ལ་བསྐུར་བར་བྱ། །མཉམ་ཉིད་ཡེ་ཤེས་དབང་འདི་ཁྱོད་ཀྱིས་ལོངས། །ཡི་གེ་བཅུ་པ་དང་། ཨོཾ་རཏྟ་ཨ་བྷི་ཥིཉྩ་ཧཱུྃ། དེ་ལྟར་རིན་ཆེན་འབྱུང་ལྡན་གྱི་ངོ་བོ་དབུ་རྒྱན་གྱི་དབང་བསྐུར་བས། ཉོན་མོངས་པ་ང་རྒྱལ་དག །ཚོར་བའི་ཕུང་པོ་གནས་འགྱུར། མཉམ་པ་ཉིད་ཀྱི་ཡེ་ཤེས་ཐོབ་པར་སྒོམས་ཤིག །དེ་ནས་དྲིལ་བུའི་དབང་བསྐུར་བའི་དོན་དུ། མདུན་གྱི་ནམ་མཁར་ཡེ་ཤེས་ཀྱི་དཀྱིལ་འཁོར་གསལ་བ་དང་། ཕྱོགས་བཅུའི་སངས་རྒྱས་ཐམས་ཅད་དང་། མཁའ་འགྲོ་མའི་ཚོགས་རྣམས་ཀྱིས་དྲིལ་བུའི་དབང་བསྐུར་བས། དྲིལ་བུ་འདི་དང་ཐ་དད་མེད་པར་དོན་ཡོད་གྲུབ་པའི་ལྷ་ཚོགས་དཔག་ཏུ་མེད་པ་བྱོན་ནས། ཁྱེད་རང་ལ་ཐིམ་པས་ཕྲིན་ལས་རྣམ་བཞིའི་དབང་ཐོབ་པའི་མོས་པ་མཛོད་ཅིག །ཅེས་དྲིལ་བུ་ལག་པ་གཡོན་དུ་གཏད་ལ། ཕྲིན་ལས་ཡོངས་རྫོགས་དཀྱིལ་འཁོར་དུ། །ཕྲག་དོག་རང་སར་དག་པ་ཡི། །སངས་རྒྱས་རྣམས་ཀྱི་ཕྲིན་ལས་དབང་། །དེ་རིང་ཁྱོད་ལ་བསྐུར་བར་བྱ། །

[Full Size]

བྱ་གྲུབ་ཡེ་ཤེས་དབང་འདི་ཡོངས་རྫོགས་ཤོག །ཡི་གེ་བཅུ་པ་དང་། ཨོཾ་ཀརྨ་ཨ་བྷི་ཥིཉྩ་ཨཱཿ དེ་ལྟར་དོན་ཡོད་གྲུབ་པའི་ངོ་བོ་དྲིལ་བུའི་དབང་བསྐུར་བས། ཉོན་མོངས་པ་ཕྲག་དོག་དག །འདུ་བྱེད་ཀྱི་ཕུང་པོ་གནས་འགྱུར། བྱ་བ་གྲུབ་པའི་ཡེ་ཤེས་ཐོབ་པར་སྒོམས་ཤིག །དེ་ནས་མིང་གི་དབང་བསྐུར་བའི་དོན་དུ། མདུན་གྱི་ནམ་མཁར་ཡེ་ཤེས་ཀྱི་དཀྱིལ་འཁོར་གསལ་བ་དང་། ཕྱོགས་བཅུའི་སངས་རྒྱས་ཐམས་ཅད་དང་། མཁའ་འགྲོ་མའི་ཚོགས་རྣམས་ཀྱིས་རྡོ་རྗེ་མིང་གི་དབང་བསྐུར་བའི་མོས་པ་མཛོད་ཅིག །རྡོ་རྗེ་དྲིལ་བུ་མགོ་ཐོག་ཏུ་བཞག །སངས་རྒྱས་རྣམས་ཀྱི་མིང་གི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཉིད་དུ་རབ་བསྒྲུབ་ཕྱིར། །མིང་གི་དབང་མཆོག་ཆེན་པོ་སྦྱིན། །ཀྱེ་དཔལ་རྡོ་རྗེ་དགྱེས་པའི་པདྨ་ཞེས་བྱའོ། །རྡོ་རྗེའི་བརྟུལ་ཞུགས་ནི། ཕྱོགས་བཅུའི་སངས་རྒྱས་རྣམས་ཀྱིས་རིགས་དྲུག་པའི་རྡོ་རྗེ་སེམས་དཔའི་ངོ་བོ་རྡོ་རྗེའི་བརྟུལ་ཞུགས་བྱིན་པར་མོས་ཤིག །ཅེས་རྡོ་རྗེ་ལག་ཏུ་གཏད་ལ། འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །རྡོ་རྗེ་སེམས་དཔའི་བརྟུལ་

[Full Size]

ཞུགས་བརྟན། །ཨོཾ་ན་མསརྦ་ཏེ་ཐ་གཱ་ཏ་སིདྡྷི་བཛྲ་ས་མ་ཡ་སྟེ། ཨེ་ཥ་དྷ་ར་ཡ་མི་ཧི་ཧི་ཧི་ཧི་ཧཱུྃ། དེ་ལྟར་རྡུལ་ཚོན་གྱི་དཀྱིལ་འཁོར་ལ་བརྟེན་ནས་ལུས་ལ་བུམ་པའི་དབང་བསྐུར་བས། ཉོན་མོངས་པ་ལྔ་དག །ཕུང་པོ་ལྔ་གནས་འགྱུར། ཡེ་ཤེས་ལྔའི་སྤྱན་རས་གཟིགས་བསྒོམ་པ་ལ་དབང་བ་ཡིན་ནོ། །མཎྜལ་ཕུལ་ལ། གསང་བའི་དབང་གི་དོན་དུ་གསོལ་བ་འདེབས་པའི་རྗེས་ཟློས་མཛོད། པདྨ་དབང་གི་དཀྱིལ་འཁོར་དུ། །མགོན་པོ་གཟི་བརྗིད་འོད་དཔག་མེད། །རྒྱལ་སྲས་ཚོགས་དང་བཅས་པ་ལ། །དབང་བསྐུར་ཡོངས་སུ་རྫོགས་པ་ལྟར། །དེ་བཞིན་བླ་མ་ཁྱེད་ཀྱིས་ཀྱང་། །བདག་ལ་དབང་བསྐུར་མཛད་དུ་གསོལ། །གསོལ་བ་བཏབ་ལ། སྔོན་དུ་རྣམ་རྒྱལ་བུམ་པའི་སྟེང་དུ་བཞག་པའི་ཀ་པཱ་ལའི་བདུད་རྩི་དང་བྱང་ཆུབ་ཀྱི་སེམས་དཀར་དམར་སྦྱར་བ་མགྲིན་པར་གཏུགས་ལ། སློབ་དཔོན་བདག་ཉིད་ཀྱི་ཕུང་པོ་ཁམས་དང་སྐྱེ་མཆེད་ཐམས་ཅད་དེ་བཞིན་གཤེགས་པ་རིགས་ལྔའི་སྤྱན་རས་གཟིགས་དང་ཡུམ་བཞི་སེམས་དཔའ་བརྒྱད་སོགས་སུ་རྣམ་པར་དག་པའི་བཅོམ་ལྡན་འདས་འཇིག་རྟེན་དབང་ཕྱུག་དང་། ཡུམ་གསང་བ་ཡེ་ཤེས་ཀྱི་མཁའ་འགྲོ་མ་ཡབ་ཡུམ་གཉིས་སུ་མེད་པར་སྦྱོར་

[Full Size]

བས། བདུད་རྩི་བྱང་སེམས་ཀྱིས་དབང་བསྐུར་བ་ནི། སངས་རྒྱས་རྣམས་ཀྱི་ཐོད་པའི་དབང་། །སངས་རྒྱས་རྣམས་ཀྱིས་རབ་བསྒྲུབ་པ། །དེ་རིང་ཁྱོད་ལ་བསྐུར་བར་བྱ། །གསང་མཆོག་ཐོད་པའི་དབང་འདི་ཡོངས་རྫོགས་ཤོག །ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧྲཱིཿ་ཡ་ཧཱུྃ་ཛ༔ ཨ་བྷི་ཥིཉྩ་ཏུ་མཾ། ཞེས་གཡོན་པའི་མཐེབ་སྲིན་གྱིས་བདུད་རྩི་སློབ་མའི་ལྕེ་ལ་བཞག་ལ། དེ་ལྟར་རྡོ་རྗེ་སློབ་དཔོན་གྱི་ལུས་ཀྱི་དཀྱིལ་འཁོར་ལ་བརྟེན་ནས་ངག་ལ་གསང་བའི་དབང་བསྐུར་བས་ངག་གི་སྒྲིབ་པ་དག་ནས་རླུང་རྡོ་རྗེའི་བཟླས་པ་བསྒོམ་པ་ལ་དབང་བ་ཡིན་ནོ། མཎྜལ་ཕུལ་ལ། ཤེས་རབ་ཡེ་ཤེས་ཀྱི་དབང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། པདྨ་དབང་གི་དཀྱིལ་འཁོར་དུ། །མགོན་པོ་གཟི་བརྗིད་འོད་དཔག་མེད། །རྒྱལ་སྲས་ཚོགས་དང་བཅས་པ་ལ། །དབང་བསྐུར་ཡོངས་སུ་རྫོགས་པ་ལྟར། །དེ་བཞིན་བླ་མ་ཁྱེད་ཀྱིས་ཀྱང་། །བདག་ལ་དབང་བསྐུར་མཛད་དུ་གསོལ། །གསོལ་བ་བཏབ། ཁྱེད་རང་རྣམས་སྐད་ཅིག་གིས་བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་དབང་ཕྱུག་རྒྱལ་བ་རྒྱ་མཚོ་སྐུ་

[Full Size]

མདོག་དམར་པོ་ནས་སོགས། ཞབས་རྡོ་རྗེ་སྐྱིལ་མོ་ཀྲུང་གིས་བཞུགས་པར་གྱུར་པ་ལ། སིནྡྷ་རའི་དཀྱིལ་འཁོར་སྐད་ཅིག་གིས་ཡུམ་གསང་བ་ཡེ་ཤེས་མཁའ་འགྲོ་མ་སྐུ་མདོག་དམར་མོ་ཞལ་གཉིས་ཕྱག་གཉིས་མ། ཕག་ཞལ་དམར་མོ་སྤྱི་གཙུག་ཏུ་ཕྱུང་བ། རྩ་བའི་ཁྲོ་ཞལ་སྤྱན་གསུམ་པ་མཆེ་བ་གཙིགས་པ། དབུ་སྐྲ་གྲོལ་བ་ལ་ཐོད་པ་སྐམ་པོ་ལྔས་བརྒྱན་ཅིང་། ཐོད་པ་རློན་པ་ལྔ་བཅུའི་དོ་ཤལ་བྱས་པ། རུས་པའི་རྒྱན་ཆ་ལྔས་བརྒྱན་པ། ཕྱག་གཡས་རྡོ་རྗེའི་གྲི་གུག་ནམ་མཁར་ཕྱར་བ། གཡོན་པས་ཐོད་ཁྲག་འཛིན་པར་གྱུར། རིག་མ་སྦྱིན་པ་ནི། གཟུང་མ་ཡིད་འོང་འདི་ཁྱོད་ཀྱིས། །བསྟེན་བྱར་སངས་རྒྱས་རྣམས་ཀྱིས་བསྟེན། །འཁོར་ལོ་རིགས་པའི་སྦྱོར་བ་ཡིས། །བདེ་བ་དམ་པ་མྱོང་བར་གྱིས། །ཞེས་སློབ་མ་ལ་བྱིན་ལ། དེས་ཀྱང་གུར་གུམ་ལ་སོགས་པས་དྲི་ཞིམ་པར་བྱས་ཤིང་། ལུས་གོས་དང་བྲལ་བའི་ཆུ་སྐྱེས་སློབ་མ་ལ་མངོན་སུམ་དུ་བྱས་ནས། ཨེ་མ་བདག་གི་པདྨ་འདི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་གས་བསྟེན་བྱེད་པ། །དེ་ཡི་མདུན་ན་བདག་གནས་སོ། །སངས་རྒྱས་བསྟན་པ་ལ་སོགས་པ། །པདྨར་བྱ་བ་ཇི་བཞིན་

[Full Size]

གྱིས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་དུ་ནི་རྟག་ཏུ་བཞུགས། །བྷཉྫམཀོ་ཧོ། དེ་ནས་ཡབ་ཡུམ་ལྷའི་གཟུགས་ཀྱིས་རྡོ་རྗེ་དང་པདྨ། ཧཱུྃ་དང་ཨཱཿལས་སྐྱེས་པའི་ནོར་བུ་དང་། ཟེའུ་འབྲུ་དག་ཨོཾ་དང་ཨཱ༔ལས་བྱུང་བ། རྡོ་རྗེའི་ཁར་ཕཊསེར་པོས་མཚན་པར་གྱུར་པ། སངས་རྒྱས་ཀུན་གྱི་ཤེས་རབ་དབང་། །སངས་རྒྱས་ཀུན་གྱིས་རབ་བསྒྲུབས་པ། །དེ་རིང་ཁྱོད་ལ་བསྐུར་བར་བྱ། །ཤེས་རབ་ཡེ་ཤེས་དབང་འདི་ཡོངས་རྫོགས་ཤོག །ཨོཾ་དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧྲཱིཿ་ཡ་ཧཱུྃ་ཛ༔ ཨ་བྷི་ཥིཉྩ་མཱ། ཞེས་བརྗོད་ལ་སིདྡྷཱ་ར་སྙིང་གར་བྱུག །གསང་བ་ཡེ་ཤེས་མཁའ་འགྲོ་མ་དང་གཉིས་སུ་མེད་པ་ལས། དགའ་བ་བཞིའི་ཡེ་ཤེས་རྒྱུད་ལ་སྐྱེས་པར་མོས་ཤིག །དེ་ལྟར་ཆོས་ཀྱི་འབྱུང་གནས་སིནྡྷ་རའི་དཀྱིལ་འཁོར་ལ་བརྟེན་ནས། སེམས་ལ་ཤེས་རབ་ཡེ་ཤེས་ཀྱི་དབང་བསྐུར་བས། སེམས་ཀྱི་སྒྲིབ་པ་དག་ནས་བྱང་ཆུབ་སེམས་ཀྱི་གདམས་ངག་བསྒོམ་པ་ལ་དབང་བ་ཡིན་ནོ། །མཎྜལ་ཕུལ་ལ། བཞི་པའི་དབང་གི་དོན་དུ་གསོལ་བ་འདེབས་པའི་རྗེས་ཟློས་མཛོད། པདྨ་དབང་གི་དཀྱིལ་འཁོར་དུ། །མགོན་པོ་གཟི་བརྗིད་འོད་དཔག་

[Full Size]

མེད། །རྒྱལ་སྲས་ཚོགས་དང་བཅས་པ་ལ། །དབང་བསྐུར་ཡོངས་སུ་རྫོགས་པ་ལྟར། །དེ་བཞིན་བླ་མ་ཁྱེད་ཀྱིས་ཀྱང་། །བདག་ལ་དབང་བསྐུར་མཛད་དུ་གསོལ། །གསོལ་བ་འདིར་དབང་བཞི་པའི་དོན་དུ། བླ་མའི་ཚིག་གིས་བརྡའ་སྤྱད་པར་བྱ་སྟེ། མེ་ལོང་ཡོངས་སུ་དག་པ་ལ་ཤར་བའི་རྡོ་རྗེ་འཆང་གི་གཟུགས་བརྙན་གང་ལས་ཀྱང་མ་་གནས་པའི་ཚེ་མེ་ལོང་གི་མདུན་རྒྱབ་བམ། རྡུལ་ཕྲ་རབ་དང་འདྲེས་པར་ཡང་མི་གནས་མི་སྣང་བར་གྱུར་པའི་ཚེ་གང་དུའང་བཞུད་པ་མི་དམིགས་ལ། མི་དམིགས་བཞིན་དུ་རྡོ་རྗེ་འཆང་གི་གཟུགས་བརྙན་གསལ་བར་སྣང་བ་ལྟར། རང་གི་ལུས་ཡི་དམ་གྱི་ལྷའི་སྐུ་སྟོང་བཞིན་དུ་ཉེ་བར་སྣང་བ། དེ་བཞིན་གཤེགས་པའི་མཚན་དཔེའི་ཁྱད་པར་དུ་མ་ཅན་ཤིན་ཏུ་འོད་གསལ་བ་ལ། དེ་ཉིད་ཀྱི་ཚེ་ཡང་སྣང་བ་ཉིད་རང་བཞིན་མེད་པའོ། །དེ་བཞིན་དུ་བྲག་ཆ་འབྱུང་བའི་ཕྱོགས་སུ་གསུང་རབ་ཡན་ལག་བཅུ་གཉིས་སོགས་ཀྱི་ཚིགས་སུ་བཅད་པ་དང་། སྔགས་ཀྱི་སྒྲ་དང་བསྟོད་པ་དང་། སྐུར་འདེབས་ལ་སོགས་བརྗོད་པ་ན། བྲག་ཆ་ལས་ཀྱང་དེ་ཉིད་གསལ་བར་བརྗོད་པ་འབྱུང་བ་ན། རང་བཞིན་མི་དམིགས་

[Full Size]

པ་ལྟར་རང་གིས་བརྗོད་པའི་སྒྲ་གྲག་པ་ཉིད་ཀྱི་ཚེ་ནའང་རང་བཞིན་མེད་པར་སྟོང་བཞིན་དུ་ཨཱ་ལི་ཀཱ་ལི་སོགས་སྟོང་པ་ཉིད་ཀྱི་སྒྲ་འབྱུང་བ་སྟེ། མེད་སྣང་རོ་མཉམ་པའོ། །དེ་བཞིན་དུ་སྨིག་སྒྱུ་ཆུ་མེད་པ་ལ་རི་དྭགས་རྣམས་ཀྱིས་ཆུར་འདུ་ཤེས་ནས་སྙེགས་རང་མོད་ཀྱི། དེ་ལས་ནམ་ཡང་ཆུ་མི་རྙེད་དེ་ཉམས་ཉེས་པར་འགྱུར་ལ། སྨིག་སྒྱུ་ཤེས་པ་ན། དེ་ལ་བརྟེན་པའི་ཉོན་མོངས་པ་དང་། ཉམས་ཉེས་པ་མི་འབྱུང་བ་ལྟར། སེམས་རྣམ་པར་གཡོ་བའི་རྒྱུན། སྨིག་སྒྱུ་ལྟར་ཉེ་བར་སྣང་ལ་བྱིས་སྦ་རྣམས་ཀྱི་ངོར། བདེ་སྡུག་འཁོར་འདས་སོགས་ཉེ་བར་དམིགས་ཏེ། སྤང་བླང་སོགས་མཚན་མ་ལ་སྤྱོད་པས་ངལ་བ་ཐོབ་པར་འགྱུར་ལ། རང་གི་སེམས་སྨིག་སྐྱ་ལྟར་སྣང་བ་འདི་ནི་ངེས་པར་རང་བཞིན་མེད་པ་སྟེ། འཁྲུལ་གྲོལ་གྱི་མཚན་མ་རྣམས། རྣམ་པ་ཐམས་ཅད་དུ་མི་དམིགས་པ། ཡིན་མིན་ཡོད་མེད་སོགས་མཐའ་དང་བྲལ་བ་མཉམ་པ་ཉིད་ཆེན་པོའི་དབྱིངས། བདེ་བར་གཤེགས་པའི་ཐུགས་ཤིན་ཏུ་རྣམ་པར་དག་པའི་ཡེ་ཤེས་གཞོམ་དུ་མེད་པ་ཉིད་དུ་བལྟ་བར་བྱའོ། །དེ་ལྟར་སྣང་སྲིད་ཕྱག་རྒྱ་ཆེན་པོའི་དཀྱིལ་འཁོར་ལ་བརྟེན་ནས་སྒོ་གསུམ་ལ་

[Full Size]

བཞི་པའི་དབང་བསྐུར་བས། སྒོ་གསུམ་ཆ་མཉམ་གྱི་སྒྲིབ་པ་དག་ནས་ལམ་ཕྱག་རྒྱ་ཆེན་པོ་བསྒོམ་པ་ལ་དབང་བ་ཡིན་ནོ། །དབང་འདི་རྣམས་ཀྱི་དོན་ཡང་པདྨ་ཟབ་པའི་རྒྱུད་ལས་གསུངས་པ། བུམ་པའི་དབང་ནི་དང་པོ་སྟེ། །གསང་བའི་དབང་ནི་གཉིས་པའོ། །ཤེས་རབ་ཡེ་ཤེས་གསུམ་པ་སྟེ། །ངེས་ཤེས་བསྐྱེད་པ་བཞི་པ་ཡིན། །ལྷ་དང་སྔགས་དང་སྟོང་པ་ཉིད། །བདེ་སྟོང་འདྲེས་པར་བསྒོམ་པ་དབང་། །ཐ་མལ་ལུས་ཀྱི་རྣམ་རྟོག་ནི། །དང་པོ་བུམ་པའི་དབང་གིས་བཅད། །རང་བཞིན་ལྷ་ཡི་རྣམ་པ་བསྒོམ། །ཐ་མལ་ངག་གིས་རྣམ་རྟོག་ནི། །གཉིས་པ་གསང་བའི་དབང་གིས་བཅད། །བཟླས་བརྗོད་རྒྱུན་དུ་བཟླ་བའོ། །ཐ་མལ་སེམས་ཀྱི་རྣམ་རྟོག་ནི། །ཚོགསུམ་པ་ཤེས་རབ་དབང་གིས་བཅད། །བདེ་དང་སྟོང་པའི་དོན་དྲན་བྱ། །འབྲས་བུ་ཐམས་ཅད་བསྡུས་པ་ནི། །བཞི་པ་ཡེ་ཤེས་དབང་ཡིན་ནོ། །ཞེས་གསུངས་པ་ཡིན་ནོ། །མཎྜལ་ཕུལ་ནས། རྡོ་རྗེ་སློབ་དཔོན་གྱི་དབང་གི་དོན་དུ་གསོལ་བ་འདེབས་པའི་རྗེས་ཟློས་མཛོད་ཅིག །གང་གི་བདག་ནི་ཁྱོད་དྲིན་ལས། །རང་དང་གཞན་དོན་ནུས་གྱུར་པ། །རྡོ་རྗེ་སློབ་དཔོན་གྱིས་ནི་དབང་། །ཐུགས་རྗེའི་གཏེར་གྱི་བདག་ལ་སྩོལ། །སློབ་དཔོན་གྱིས་རྡོ་རྗེ་ལག་ཏུ་བླངས་ཏེ། རྡོ་རྗེ་སྟོང་པའི་ངང་ལས་ཧཱུྃ་ལས་སྐྱེས་པའི་རྡོ་རྗེ་སེམས་དཔའི་གཟུགས་སུ་གྱུར། ཐོག་མཐའ་མེད་པའི་སེམས་

[Full Size]

དཔའ་ནི། །རྡོ་རྗེ་སེམས་དཔའི་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་བསྙེམས་མའི་བདག་པོའི་བདག །བཅོམ་ལྡན་འདས་དཔལ་མཆོག་གི་དང་པོའི་སྐྱེས་བུ་ལའོ། །ཞེས་སློབ་མའི་ལག་པ་གཡས་སུ་གཏད་ལ། དེ་ནི་རྡོ་རྗེའི་དམ་ཚིག་གོ །དྲིལ་བུ་སྟོང་པའི་ངང་ལས། ཨཱལས་སྐྱེས་པའི་དྲིལ་བུ། འདི་དེ་སངས་རྒྱས་ཐམས་ཅད་ཀྱིས། །ཤེས་རབ་དབྱངས་ཀྱི་རྗེས་འགྲོལ་བཤད། །བྱང་ཆུབ་མཆོག་ཏུ་རྒྱལ་བས་བཞིད། །ཁྱོད་ཀྱིས་ཀྱང་ནི་རྟག་ཏུ་ཟུངས། །གཡོན་དུ་བཏད། སློབ་མས་ཀྱང་། སྲིད་པ་ངོ་བོ་ཉིད་ཀྱི་དག །ངོ་བོ་ཉིད་ཀྱི་སྲིད་བྲལ་བྱས། །རང་བཞིན་དག་མཆོག་སེམས་དཔའ་ཡིས། །དམ་པའི་སྲིད་པ་བྱེད་པར་འགྱུར། །ཞེས་བརྗོད་ཅིང་བཀྲོལ་ལ་དེ་ནི་དྲིལ་བུའི་དམ་ཚིག་གོ །ཁྱེད་རང་རྣམས་བཅོམ་ལྡན་འདས་འཇིག་རྟེན་དབང་ཕྱུག་སྤྱན་རས་གཟིགས་སུ་གསལ་བ་དང་། ཡེ་ཤེས་ཀྱི་ཕྱག་རྒྱ་ཁ་སྦྱོར་གྱིས་རིམ་པས་བྱིན་གྱིས་བརླབས་པ། འཁྱུད་པའི་ཚུལ་གྱིས། ཡིད་ཀྱི་ལུས་བརྟན་བརྟུལ་ཞུགས་ནི། ཕྱག་རྒྱའི་དམ་ཚིག་རབ་ཏུ་བརྗོད། །གང་གིས་ལུས་ནི་ཐམས་ཅད་བརྟེན། །དེས་ན་ཕྱག་རྒྱ་རབ་ཏུ་བསྒྲགས། །ཞེས་བརྗོད། དེ་

[Full Size]

ནི་ཕྱག་རྒྱའི་དམ་ཚིག་གོ །སློབ་མ་བདག་ཉིད་ཀྱི་ཞལ་དུ་ཞུགས་ཤིང་། སྐུའི་དབྱིབས་བརྒྱུད་དེ། ལྷ་མོའི་པདྨར་གནས་པ། སྟོང་པའི་ངང་ལས་ཧཱུྃ་དང་རྡོ་རྗེ་ལས་བྱུང་བའི་རྡོ་རྗེ་སེམས་དཔའ་དང་ཡེ་ཤེས་སེམས་དཔའ་དབྱེར་མེད་པ་ལ་ཕྱོགས་བཅུ་ན་བཞུགས་པའི་དེ་བཞིན་གཤེགས་པ་རྣམས་དང་། རིག་པའི་ལྷ་མོ་རྣམས་རང་གི་སྙིང་ཁའི་ས་བོན་གྱི་འོད་ཟེར་ལས་བྱུང་བའི་མཆོད་པའི་སྤྲིན་གྱིས་མཆོད་པར་བྱ་བ། ཨོཾ་སརྦ་ཏ་ཐཱ་ག་ཏ་བཛྲ་ཨཧཱུྃ་པྲ་ཏིཙྪ་སྭཱ་ཧཱ། པཱཧུཾ་དྷ་ཤྲཱི༴ སོགས། རྡོ་རྗེ་ཅན་གྱི་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩོལ། །དེ་ལྟར་འདི་ལ་བསྩལ་དུ་གསོལ། །ཞེས་གསོལ་བ་བཏབོ་པས། དེ་བཞིན་གཤེགས་པ་ཤེས་རབ་དང་སྙོམས་པར་ཞུགས་པས། དེ་རྣམས་འདོད་ཆགས་ཆེན་པོས་མེས་ཞུ་བར་གྱུར་ནས། རྣམ་སྣང་གི་སྒོ་ནས་ནང་དུ་ཞུགས་ཏེ། རྡོ་རྗེའི་ལམ་ནས་བྱུང་བའི་ཁུ་བས་དབང་བསྐུར་ནས། སླར་པདྨ་ནས་ཕྱུང་སྟེ་གྲལ་དུ་གནས་པ་ལ། ནམ་མཁའ་གང་བའི་དེ་བཞིན་གཤེགས་པ། སྤྱན་མ་ལ་སོགས་པའི་རིག་མ་དང་བཅས་པས། རྣམ་རྒྱལ་བུམ་པ་དཀར་པོ་བྱང་ཆུབ་སེམས་ཀྱི་བདུད་རྩིས་

[Full Size]

བཀང་བ་ཕྱག་གིས་ཅུང་ཟད་ཡོ་བར་འཛིན་པས། བཀྲ་ཤིས་ཀྱི་ཚིགས་སུ་བཅད་པ་དང་དབང་བསྐུར་བཞིན་པ་དང་། རྣམ་རྒྱལ་གྱི་བུམ་པའི་ཆུ་མི་བསྐྱོད་པའི་བདག་ཉིད་བྱང་ཆུབ་སེམས་ཀྱི་བདུད་རྩིས་དབང་བསྐུར་བར་གྱུར་པ་ནི། བུམ་པ་ཁ་རྒྱན་རྡོ་རྗེ་དང་བཅས་པ་སློབ་མའི་སྤྱི་བོར་རེག་ལ། དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་པ་ཡིས་ཕྱག་བྱས་པ། །རྡོ་རྗེ་གསང་བ་གསུམ་བྱུང་བ། །སངས་རྒྱས་ཀུན་གྱིས་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་ཨཱ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ་སྭཱ་ཧཱ། ཞེས་དབང་བསྐུར་བས། བདེ་བ་ཆེན་པོ་ཕུན་སུམ་ཚོགས་པར་གྱུར་པའི་སྤྱི་བོར་མི་བསྐྱོད་པས་དབུ་བརྒྱན་ཅིང་། དེ་བཞིན་གཤེགས་པ་གཞན་རྣམས་དང་ལྷ་མོ་རྣམས་ཡེ་ཤེས་སེམས་དཔའི་ངོ་བོར་བཅུག་པར་གྱུར༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། མེ་ཏོག་ལ་སོགས་པ་མདུན་དུ་བཤམས་ནས། ཨོཾ་བཛྲ་པུཥཱ་སོགས་ཀྱིས་མཆོད་ལ། འདི་ལྟ་བུ་གོ་བར་བྱ་སྟེ། ཤེས་རབ་བཅུ་དྲུག་ལོན་པ་ལ། །ལག་པ་དག་གིས་ཡང་དག་འཁྱུད། །རྡོ་རྗེ་དྲིལ་བུའི་མཉམ་སྦྱོར་བས། །སློབ་དཔོན་གྱིས་ནི་དབང་དུ་འདོད། །དེ་ལས་གཞལ་ཡས་ཀྱི་ཁང་པ་ནི། དེ་བཞིན་གཤེགས་པ་རྣམ་པར་

[Full Size]

སྣང་མཛད་ཀྱི་རང་བཞིན་ནོ་ཞེས་བྱ་བ་ལ་སོགས་དཀྱིལ་འཁོར་གྱི་དེ་ཁོ་ན་ཉིད་རྣམ་པར་དག་པ་དང་། མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔར་ནི་རབ་ཏུ་བསྒྲགས། །སྐྱེ་མཆེད་ཁམས་དང་དབང་པོ་ནི། །བྱང་ཆུབ་སེམས་ཀྱི་དཀྱིལ་འཁོར་མཆོག །ཅེས་སོགས་ལྷ་རྣམས་ཀྱི་དེ་ཁོ་ན་ཉིད་རྣམ་པར་དག་པ་དང་། དོན་དམ་པར་ནི་དཀྱིལ་འཁོར་ལ་སོགས་པ་རྣམས་ཀྱང་རང་བཞིན་མེད་པའི་བདག་ཉིད་དེ་བཞིན་ཉིད་རྣམ་པར་དག་པ་དང་། དེ་ཉིད་བཅུ་ལ་སོགས་པའི་སློབ་དཔོན་གྱིས་ལས་རིམ་པ་ཇི་སྙེད་པ་དག །འདའ་བར་བྱ་བ་མ་ཡིན་པའི་ངོ་བོ་དམ་ཚིག་དང་། བྱ་བ་དང་བྱ་བ་མ་ཡིན་པའི་བདག་ཉིད་ཅན་གྱིས་སྡོམ་པ་རྣམ་ཤེས་དེ་ཁོ་ན་ཉིད་བཞིན་དུ་མྱུར་དུ་བསྒྲུབ་པར་བྱ་ཞིང་། གཞན་དག་ཀྱང་གཞུག་པར་གྱིས་ཤིག །རྡོ་རྗེ་དྲིལ་བུ་གཏད་ལ། རྡོ་རྗེ་དང་ནི་དྲིལ་བུ་ལོངས། །རྡོ་རྗེ་ལ་ནི་རབ་ཏུ་གནས། །དེ་རིང་རྡོ་རྗེ་སློབ་དཔོན་གྱུར། །སློབ་མ་བསྡུ་བ་ཉིད་དུ་གྱིས། །རིགས་ལྔའི་རྗེས་སུ་གནང་བ་ནི། །ལག་ཏུ་འཁོར་ལོ་གཏད་ལ། བྱང་ཆུབ་མཆོག་གི་ཕྱག་རྒྱས་འཛིན་དུ་བཅུག་ནས། དེ་བཞིན་གཤེགས་པ་རྣམ་པར་སྣང་མཛད་ཀྱི་ཏིང་ངེ་འཛིན་གྱིས། འཇིག་རྟེན་ཁམས་

[Full Size]

ནི་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་གྱུར་པ། །ཆོས་ཀྱི་འཁོར་ལོ་བསྐོར་བར་གྱིས། །ཁྱོད་ཀྱིས་སེམས་ཅན་གཏི་མུག་ཅན་རྣམས་ཀྱི་དོན་གྱིས་ཤིག །རྡོ་རྗེ་ལག་ཏུ་བྱིན་ལ། ས་གནོན་དང་མཉམ་པར་བཞག་ལ། དེ་བཞིན་གཤེགས་པ་མི་བསྐྱོད་པའི་ཏིང་ངེ་འཛིན་གྱིས། འཇིག་རྟེན་ཁམས་ནི་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་གྱུར་པ། །རྡོ་རྗེའི་འཁོར་ལོ་བསྐོར་བར་གྱིས། །ཁྱོད་ཀྱིས་སེམས་ཅན་ཞེ་སྡང་ཅན་རྣམས་ཀྱི་དོན་གྱིས་ཤིག །རིན་པོ་ཆེ་ལག་ཏུ་བྱིན་ལ། མཆོད་སྦྱིན་དང་མཉམ་བཞག་གིས། དེ་བཞིན་གཤེགས་པ་རིན་ཆེན་འབྱུང་ལྡན་གྱི་ཏིང་ངེ་འཛིན་གྱིས། འཇིག་རྟེན་ཁམས་ནི་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་གྱུར་པ། །ནོར་བུའི་འཁོར་ལོ་རབ་ཏུ་བསྐོར། །ཁྱོད་ཀྱིས་སེམས་ཅན་ང་རྒྱལ་ཅན་རྣམས་ཀྱི་དོན་གྱིས་ཤིག །པདྨ་ལག་ཏུ་བྱིན་ལ། མཉམ་བཞག་གི་ཕྱག་རྒྱས། དེ་བཞིན་གཤེགས་པ་སྣང་བ་མཐའ་ཡས་ཀྱི་ཏིང་ངེ་འཛིན་གྱིས། འཇིག་རྟེན་ཁམས་ནི་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །

[Full Size]

ཇི་ལྟར་སྣ་ཚོགས་འདུལ་གྱུར་པ། །པདྨའི་འཁོར་ལོ་རབ་ཏུ་བསྐོར། །ཁྱོད་ཀྱིས་སེམས་ཅན་འདོད་ཆགས་ཅན་རྣམས་ཀྱི་དོན་གྱིས་ཤིག །སྣ་ཚོགས་རྡོ་རྗེ་ལག་ཏུ་བྱིན་ལ། སྐྱབས་སྦྱིན་དང་མཉམ་བཞག་གི་ཕྱག་རྒྱས། དེ་བཞིན་གཤེགས་པ་དོན་ཡོད་གྲུབ་པའི་ཏིང་ངེ་འཛིན་གྱིས། འཇིག་རྟེན་ཁམས་ནི་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་གྱུར་པ། །རྒྱ་གྲམ་འཁོར་ལོ་བསྐོར་བར་གྱིས། །ཁྱོད་ཀྱིས་སེམས་ཅན་ཕྲག་དོག་ཅན་རྣམས་ཀྱི་དོན་གྱིས་ཤིག །སྐུ་གསུང་ཐུགས་ཀྱི་རྗེས་སུ་གནང་བ་ནི། སྤྱི་བོར་སིནྡྷུ་རའི་ཐིག་ལེ་བྱས་ལ། ཁྱོད་རྣམས་ཀྱིས་དུས་རྟག་ཏུ་བླ་མ་རྡོ་རྗེ་འཛིན་པ་སྤྱི་བོར་བསྒོམ་པ་དང་། སངས་རྒྱས་རྣམས་ཀྱི་སྐུའི་ཕྲིན་ལས་སྒྲུབ་པར་གྱིས་ཤིག །སྔགས་གཏད་པའི་དོན་དུ་རྗེས་ཟློས་གྱིས། སྔགས་ཀྱི་དབང་བསྐུར་ཡེ་ཤེས་མཆོག །དངོས་གྲུབ་དམ་པ་བདག་ལ་གསོལ། །ཞེས་བརྗོད། སློབ་དཔོན་གྱི་ཐུགས་ཀའི་ས་བོན་སྔགས་ཀྱིས་བསྐོར་བ་ལས། སྔགས་ཀྱི་ཕྲེང་བ་འཕྲོས་པས་ཞལ་དུ་བརྒྱུད་དེ་རང་གི་ཞལ་དུ་ཞུགས་ནས་སྙིང་ཁའི་ཧྲཱིཿལ་ཐིམ་པར་མོས་ལ་སྔགས་ཟློས་ཤིག །ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་

[Full Size]

སྭཱ་ཧཱ། ཧ་རི་ནི་ས་ར་ཙ་ཧཱིཡ་ཧཱུྃ་ཛ༔ བརྒྱ་རྩ་བརྒྱད་སོགས་བརྗོད་ནས་སློབ་དཔོན་གྱིས་མེ་ཏོག་གཏོར་ཞིང་། བཅོམ་ལྡན་བདག་གིས་སྦྱིན་ལགས་ཀྱིས། །འདི་ལ་ཉེ་བར་མཛད་དུ་གསོལ། །སློབ་མས་ཀྱང་། བཅོམ་ལྡན་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་དུ་གསོལ། །ཞེས་ལན་གསུམ། དེང་ཕྱིན་ཆད་སྔགས་ཀྱི་བཟླས་པ་ལ་བརྩོན་པ་དང་། སངས་རྒྱས་རྣམས་ཀྱི་གསུང་གི་ཕྲིན་ལས་སྒྲུབ་པར་གྱིས་ཤིག །སྙིང་གར་སིནྡྷ་ར་ཕྱུག་ལ། དེང་ནས་བཟུང་སྟེ་སེམས་ཅན་རྣམས་ལ་སྙིང་རྗེ་ཆེན་པོ་བསྐྱེད་དེ། སངས་རྒྱས་རྣམས་ཀྱི་ཐུགས་ཀྱི་ཕྲིན་ལས་སྒྲུབ་པར་གྱིས་ཤིག །སློབ་དཔོན་སྤྲུལ་སྐུའི་ཆ་ལུགས་ལག་པ་གཡོན་དྲིལ་བུ་དང་བཅས་པ་ཆོས་གོས་ཀྱི་གྲྭ་རི་དྭགས་ཀྱི་རྣ་བ་ལྟར་འཛིན་པ་སྙིང་ཁར་བཟུང་བ་དང་། གཡས་རྡོ་རྗེ་དང་བཅས་པ་མི་འཇིགས་པའི་ཕྱག་རྒྱས། དེ་རིང་ངས་ཁྱོད་ལུང་བསྟན་ཏེ། །འོད་དཔག་མེད་པ་དེ་བཞིན་གཤེགས། །སྲིད་པ་ཤིན་ཏུ་དག་པས་ན། །སྲིད་པའི་སྡུག་བསྔལ་ཀུན་ལས་གྲོལ། །ཀྱེ་དཔལ་རྡོ་རྗེ་ཆེ་གེ་མོ། སརྦ་ཏ་ཐཱ་ག་ཏ་སིདྡྷི་ས་མཱ་ཡ་ནྟཾ་བྷར་བྷུ་ཝ་སྭཱ། མ་འོངས་ན་རིགས་ཀྱི་གསང་མཚན་དང་མཐུན་པའི་དེ་བཞིན་གཤེགས་པར་འགྱུར་ཏེ། གང་

[Full Size]

འདི་ལྟར་ལུང་བསྟན་པ་སྟེ། དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པ་ཡིན་ཏེ། སྙིགས་མའི་དུས་ཀྱི་སེམས་ཅན་འདུལ་དཀའ་རྣམས་ཀྱི་དོན་དུ། དེ་བཞིན་གཤེགས་པ་ཐམས་ཅད་གཅིག་ཏུ་བསྡུས་པ་རྡོ་རྗེ་སློབ་དཔོན་གྱི་གཟུགས་སུ་གྱུར་པས་བདེ་བ་ལ་འགོད་པར་གསུངས་པའི་ཕྱིར་རོ། །དེས་ན་ཁྱེད་རྣམས་ཀྱིས་དེང་ཕྱིན་ཆད་བཅོམ་ལྡན་འདས་འཇིག་རྟེན་དབང་ཕྱུག་གི་སྒོ་ནས་འགྲོ་བའི་དོན་རྒྱ་ཆེན་པོ་སྒྲུབས་ཤིག །སློབ་མ་ལ་དབང་བསྐུར་བའི་ཆོ་གའོ། །ལས་ཀྱི་རྡོ་རྗེས་ཕྱག་འཚལ་ནས་ཚོགས་ཀྱི་ཡོ་བྱད་ལ་བྱིན་རླབས་མཛད་པར་ཞུ། ཞེས་གསོལ་བ་བཏབ། ཚོགས་ཀྱི་ཡོ་བྱད་ནང་མཆོད་ལྟར་བྱིན་གྱིས་བརླབས། ན་མོ། ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ་འདི༔ རང་བཞིན་གྱི་རྣམ་པར་དག་པ་སྐྱེ་བ་མེད་པ། ངོ་བོ་རྣམ་པར་དག་པ་ཨཱ་ལི་ཀཱ་ལི་མཚན་ཉིད་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི་འབུལ་བའི་གནས་ནི། བྱིན་རླབས་ཀྱི་རྩ་བ་བཀའ་བརྒྱུད་ཀྱི་བླ་མ་རྣམས་ཀྱི་ཞལ་དུ་ཁཱ་རཾ་ཁཱ་ཧི། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ་ཁ་རཾ་ཁཱ་ཧི། ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་

[Full Size]

རྣམས་ཀྱི་ཞལ་དུ་ཁ་རཾ་ཁཱ་ཧི། ཞེས་ལན་གསུམ། ཧཱུྃ། ཆོས་ཀྱི་དབྱིངས་ཀྱི་ཕོ་བྲང་ནས། །སློབ་དཔོན་པདྨ་དབང་གི་ལྷ། །རྣམ་འཕྲུལ་མཁའ་ལ་སྤྲིན་ལྟར་གཏིབས། །འདིར་གཤེགས་ཚོགས་ཀྱི་མཆོད་པ་བཞེས། །པདྨ་དབང་གི་དཀྱིལ་འཁོར་དུ། །མགོན་པོ་ཚེ་དབང་འོད་དཔག་མེད། །རྒྱལ་བ་རྒྱ་མཚོའི་དབུས་ནས་བཞེངས། །འདིར་གཤེགས་ཚོགས་ཀྱི་མཆོད་པ་བཞེས། །མཁའ་སྤྱོད་དག་པའི་གཞལ་ཡས་ནས། །གསང་བ་ཡེ་ཤེས་ཌཱཀི་མ། །མཁའ་འགྲོ་རྒྱ་མཚོའི་དབུས་ནས་བཞེངས། །འདིར་གཤེགས་ཚོགས་ཀྱི་མཆོད་པ་བཞེས། །མེ་དཔུང་འབར་བའི་དཀྱིལ་འཁོར་ནས། །ཁྲོ་བོའི་རྒྱལ་པོ་རྟ་མཆོག་དཔལ། །དཔའ་བོ་རྒྱ་མཚོའི་དབུས་ནས་བཞེངས། །འདིར་གཤེགས་ཚོགས་ཀྱི་མཆོད་པ་བཞེས། །ས་བླ་ས་འོག་ས་སྟེང་གི །ཉི་ཤུ་རྩ་བཞིའི་གནས་མཆོག་ནས། །དཔའ་བོ་མཁའ་འགྲོའི་ཚོགས་རྣམས་ཀྱང་། །འདིར་གཤེགས་ཚོགས་ཀྱི་མཆོད་པ་བཞེས། །དུར་ཁྲོད་ཆེན་པོ་གནས་བརྒྱད་ནས། །འཇིག་རྟེན་མཁའ་འགྲོ་རྫུ་འཕྲུལ་ཅན། །འདིར་གཤེགས་ཚོགས་ཀྱི་མཆོད་པ་བཞེས། །ཕོ་ཉ་ལས་མཁན་མཛད་

[Full Size]

དུ་གསོལ། །དམ་ཚིག་ཆེན་པོའི་གནས་མཆོག་ནས། །དམ་ཅན་རྒྱ་མཚོ་སྐུ་བསྐྱོད་འཚལ། །འདིར་གཤེགས་ཚོགས་ཀྱི་མཆོད་པ་བཞེས། །ཕྲིན་ལས་རྣམ་བཞི་བསྒྲུབ་ཏུ་གསོལ་།རོལ་མོ་བྱ། ཚོགས་ཀྱི་ཕུད་གཏོར་མ་ལ་བྲན། ༈ བསྡུས་པ་བྱེད་ན་སྔར་ལྟར་གཏོར་མ་བྱིན་གྱིས་བརླབས་ལ་འབུལ། རྒྱས་པར་སྤྲོ་ན། དཔལ་ཡེ་ཤེས་ཀྱི་མགོན་པོ་དང་དཔལ་ལྷ་མོ་རང་བྱུང་གི་རྒྱལ་མོའི་བསྐྱེད་རིམ་སྤྱན་འདྲེན་བཞུགས་གསོལ་ཕྱག་འཚལ་མཆོད་འབུལ་གཏོར་བསྔོས་བསྟོད་པ་རྣམས་ཀྱི་བར་བྱ། ལས་ཀྱི་རྡོ་རྗེས་ལག་པ་གཡས་སུ་ཐབས་ཀྱི་རྫས་ཤ་ལྔ་སོགས། གཡོན་དུ་ཤེས་རབ་ཀྱི་རྫས་ཆང་སྣ་ལྔ་སོགས་བཟུང་ལ། དང་པོ་སློབ་དཔོན་ལ། ཧཱུྃ། དཔའ་བོ་ཆེན་པོ་དགོངས་སུ་གསོལ། །གཟིགས་ཤིག་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱ་མི་རུང་། །བྲམ་ཟེ་ཁྱི་དང་གདོལ་བ་གསུམ། །རང་བཞིན་གཅིག་ཏུ་དགོངས་ཏེ་རོལ། །ཞེས་གུས་པ་དང་བཅས་པས་དྲངས་ལ། སློབ་དཔོན་གྱིས་ཀྱང་པད་ཀོར་དང་བཅས་པས། ཧཱུྃ། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་དྲི་མ་དང་བྲལ་བའི། །གཟུང་དང་འཛིན་པ་རྣམ་པར་སྤངས། །དེ་ཁོ་ན་ཉིད་ལ་བདག་ཕྱག་འཚལ། །ཨ་ཧོཿ སུ་ཁཿ ཞེས་བླངས། གཞན་རྣམས་ལའང་དེ་བཞིན་དུ་ཚོགས་དྲང་ཞིང་ལུས་ལྷ་ངག་

[Full Size]

སྔགས། སེམས་ཏིང་འཛིན་ལྡན་པས་ཕུང་ཁམས་སྐྱེ་མཆེད་ལྷ་ཚོགས་གསལ་བ་ལ་བདུད་རྩིས་མཆོད་པ་ཕུལ་བར་བསམས་ལ་ལོངས་སྤྱོད། ཕུད་དང་ལྷག་མ་ཕྱོགས་གཅིག་ཏུ་བསྡུས་ནས་སློབ་དཔོན་གྱི་ཁ་བཤལ་བའི་ཆང་གིས་བྲན་ལ། ལས་ཀྱི་རྡོ་རྗེས་ཕྱག་འཚལ། ལྷག་མའི་གཏོར་མ་བྱིན་རླབས་མཛད་པར་ཞུ། ཞེས་གསོལ་བ་བཏབ། ཕུད་དང་ལྷག་མའི་གཏོར་མ་བཟང་ཞིང་རྒྱ་ཆེ་བར་གྱུར། ཨོཾ་ཨཱཿཧཱུྃ་ཨུཙྪིཥྛ་བཛྲ་ཨ་ཧ་ཧ་ཧ་ཏྲི་པ་ཏྲི་པཾ། ཞེས་བྱིན་གྱིས་བརླབས། ཧཱུྃ། གཞན་ཡང་ལས་ཀྱི་མཁའ་འགྲོ་མ། །ཤིན་ཏུ་འཇིགས་པ་ཀེང་རུས་གཟུགས། །ཡན་ལག་རུས་པའི་འཁོར་ལོས་བརྒྱན། །སྙིང་ཁྲག་རྔུབ་ཅིང་རྐན་སྒྲ་སྒྲོག །རྐང་མགྱོགས་བརྟུལ་ཞུགས་གདུག་རྩུབ་ཅན། །དམ་ཚིག་ཅན་གྱི་ལས་མཁན་ཡིན། །དམ་ཚིག་ཉམས་པའི་སྲོག་གཅོད་ཡིན། །ཕུད་ལྷག་བཤལ་ཆུའི་གཏོར་མ་བཞེས། །དཀོན་མཆོག་གསུམ་གྱི་བསྟན་པ་སྲུངས། །ད་རེས་ཉུལ་ལ་མེལ་ཚེ་མཛོད། །ཧཱུྃ། འཇིག་རྟེན་མཁའ་འགྲོ་རྫུ་འཕྲུལ་ཅན། །སྲིན་པོའི་གཟུགས་ལ་གཅན་སྤྱང་གདོང་། །སྦྲུལ་ནག་ལྕེ་ལ་སྤྱན་མིག་གློག །ཁ་རླངས་དུག་ལ་ང་རོ་འབྲུག །མི་ལྤགས་གཡབ་མོ་ཕྱོགས་བཅུར་རྡེབ། །རྒྱུ་ཞགས་འདོམ་དགུས་དགྲ་བོ་ཆིངས།

[Full Size]

ཁྲོས་པའི་སྨིན་ཕྲག་སེར་ཆེན་འབེབས། །བྱེ་བ་དུང་ཕྱུར་སཱ་མཱ་ཡ། །བ་སྤུ་མཚོན་ཆ་མེ་ལྟར་འབར། །དམ་ཚིག་ཅན་གྱི་ལས་མཁན་ཡིན། །དམ་ཚིག་ཉམས་པའི་སྲོག་གཅོད་ཡིན། །ཕུད་ལྷག་བཤལ་ཆུའི་གཏོར་མ་བཞེས། །དཀོན་མཆོག་གསུམ་གྱི་བསྟན་པ་སྲུངས། །ད་རེས་ཉུལ་ལ་མེལ་ཚེ་མཛོད། །ཧཱུྃ། ཤ་ཟའི་མཁའ་འགྲོ་ཡང་སྤྲུལ་ཚོགས༔ །ཡི་དྭགས་ལུས་ལ་དུར་བྱའི་གདོང་། །ཆུ་སྲིན་རྒན་ལ་ཐོད་པས་བརྒྱན། །ལུས་ལ་རྣག་ཁྲག་ཆུ་སེར་ལྷག །སྨྲེ་སྔགས་ཚིག་ལ་ངུ་འབོད་དབྱངས། །ཕྱི་ནས་འདྲེ་འཚུབ་སྤྲིན་བཞིན་ལྡང་། །བཀྲ་མི་ཤིས་པའི་རྗེས་ངན་གཏོང་། །རོ་ལངས་རྐང་པས་དུར་ཁྲོད་ཉུལ། །ཕུང་སྲི་ལག་པས་སྲོག་རྩ་གཅོད། །གཟའ་སྲིན་མིག་གི་ཟླ་ཚེས་བལྟ། །དམ་ཚིག་ཅན་གྱི་ལས་མཁན་ཡིན། །དམ་ཚིག་ཉམས་པའི་སྲོག་གཅོད་ཡིན། །ཕུད་ལྷག་བཤལ་ཆུའི་གཏོར་མ་བཞེས། །དཀོན་མཆོག་གསུམ་གྱི་བསྟན་པ་སྲུངས། །ད་རེས་ཉུལ་ལ་མེལ་ཚེ་མཛོད། །ཧཱུྃ། གཞན་ཡང་མཁའ་འགྲོ་ཕོ་ཉའི་ཚོགས། །ལས་ལ་མྱུར་ཞིང་བསྟན་པ་སྲུངས། །གཅན་སྤྱང་མང་པོ་རོལ་དུ་ཁྲིད། །བུ་ཆུང་ལུས་ལ་བྱ་རོག་

[Full Size]

གདོང་། །བཤུགས་གླུའི་དབྱངས་ལ་སྨྲེ་སྔགས་ཚིག །ལ་གསུམ་འགྲིམ་ཞིང་ལུང་གསུམ་བསྐོར། །ཆུ་ལ་ཞོན་ནས་གྲིབ་སོ་འགྲིམ། །དཀྱིལ་འཁོར་མཐའ་ལ་བསྐོར་ཞིང་ཉུལ། །དམ་ཚིག་ཅན་གྱི་ལས་མཁན་ཡིན། །དམ་ཚིག་ཉམས་པའི་སྲོག་གཅོད་ཡིན། །ཕུད་ལྷག་བཤལ་ཆུའི་གཏོར་མ་བཞེས། །དཀོན་མཆོག་གསུམ་གྱི་བསྟན་པ་སྲུངས། །ད་རེས་ཉུལ་ལ་མེལ་ཚེ་མཛོད། །ཨོཾ་སརྦ་ཨུཙྪིཥྛ་བྷ་ཏ་བྷི་ཊཾ་ནཾ་བྷ་ལི་ཏ་ཁ་ཁ་ཁཱ་ཧི་ཁཱ་ཧི། ཞེས་བརྗོད་རོལ་མོ་དང་བཅས་པས་ཕྱི་རོལ་དུ་དོར། ཨོཾ་ཨཱཿཧཱུྃ། མ་མོ་མཁའ་འགྲོ་ཤ་ཟ་དུར་བདག་མོ། །ལྷག་ལ་དབང་བའི་འབྱུང་པོའི་གཏོར་ལེན་མ། །ལྷག་མ་འདི་བཞེས་གནོད་བྱེད་དགྲ་བགེགས་རྣམས། །ཐམས་ཅད་རྡུལ་དུ་བརླག་པའི་ཕྲིན་ལས་མཛོད། །ཧཱུྃ། དགོངས་སྔོན་སྟེང་དང་གངས་རི་གཡའ་རྩེ་དང་། །སྤང་ལྗོངས་སྐྱེད་མོས་ཚལ་དང་ནགས་འདབས་དང་། །ཕྱོགས་མཚམས་སྟེང་འོག་གང་དང་གང་གནས་པ། །བོད་ཁམས་སྐྱོང་བའི་བརྟན་མ་བཅུ་གཉིས་སོགས། །སློབ་དཔོན་པདྨའི་སྤྱན་སྔར་ཁས་བླངས་བཞིན། །རང་རང་གནས་ནས་མྱུར་བར་འདིར་བྱོན་ལ། །ཕུད་ལྷག་

[Full Size]

བཤལ་ཆུའི་གཏོར་མ་འདི་བཞེས་ཤིག ཆུང་ཆད་ཀྱང་རཱ་གའི་གསུང་ཡིན་པར་གྲགས། །བཅོལ་བའི་ལས་རྣམས་མྱུར་དུ་འགྲུབ་པར་མཛོད། གཏོར་མ་ཕུལ་ལ། ཐུགས་རྗེའི་འགྲོ་འདུལ་དཀྱིལ་འཁོར་འདིར། །སོགས། འདིར་ཡིག་ཆུང་ཆད་ཀྱང་རཱ་གའི་གསུང་ཡིན་པར་གྲགས། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལས་དབང་གསུམ་ཤེས་རབ་ཡེ་ཤེས་དབང་གི་ཉམས་ལེན།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལས་དབང་གསུམ་ཤེས་རབ་ཡེ་ཤེས་དབང་གི་ཉམས་ལེན་བཞུགས་སོ།།

[Full Size]

ན་མོ་ཤཱཀྱ་མུ་ན་ཡེ། རྡོ་རྗེ་འཆང་དང་ཤཱཀྱ་ཐུབ། །པདྨ་འབྱུང་གནས་ཞབས་ལ་འདུད། །དེ་རྣམས་གསུངས་ལ་དཔང་པོ་བྱས། །རང་བཟོ་མིན་པའི་ཆོས་ཅིག་བཤད། །གེགས་དང་གོལ་ས་བྱུང་བ་དེ། །ཉམས་ལེན་བྱས་པའི་རྟགས་མཚན་ཡིན། །ཉམས་ལེན་མེད་ལ་ཅི་ཆ་ཡོད། །དེ་ཉིད་མ་གསང་བཤད་པ་དེ། །དམ་ཚིག་གཙང་བའི་དངོས་རྟགས་ཡིན། །ངོས་ལྐོག་མཁན་ལ་ཅི་ཆ་ཡོད། །གེགས་སེལ་བློ་ནས་འཆད་པ་འདི། །གདམས་ངག་ཕྱུག་པའི་དངོས་རྟགས་ཡིན། །དཔེ་རུལ་ཀློག་ལ་ཅི་ཆ་ཡོད། །འདོད་ཁམས་གནས་དྲུག་སེམས་ཅན་ཀུན། །ལུས་འདི་

[Full Size]

འདོད་ཆགས་རྒྱུ་ལས་བྱུང་། །དེ་ཕྱིར་ཤིན་ཏུ་སྤང་དཀའ་གསུངས། །འཁོར་བར་འཁྱམས་པའི་རྩ་བ་ཡིན། །དེ་ཉིད་སྤངས་བ་ཉན་ཐོས་ལམ། །བསྒྱུར་དང་ལམ་ཁྱེར་གསང་སྔགས་ལམ། །སྡོམ་པ་ལ་སོགས་མ་ཞུས་ཀྱང་། །སྐྱེས་པ་བུད་མེད་དུད་འགྲོ་སོགས། །ཆགས་པ་སུ་ཡིས་སྤྱོད་ཀྱང་འདྲ། །རྣམ་པར་སྨིན་པའི་འབྲས་བུ་ཡིས། །ཡི་དྭགས་གནས་སུ་ངེས་པར་སྐྱེ། །དབང་གི་འབྲས་བུ་ཚད་རོང་གི །སྦྲུལ་དང་སྦལ་པ་རྩངས་ཕག་སོགས། །སེམས་ཅན་སྤུ་མེད་རིགས་སུ་སྐྱེ། །རྒྱུ་མཐུན་འབྲས་བུས་བྱི་ལ་དང་། །བོང་བུ་རྟ་གསེབ་ལ་སོགས་པ། །ཆགས་

[Full Size]

པའི་ཟུག་གཟེར་ཅན་དུ་སྐྱེ། །དེ་དག་སྐྱེ་བ་རེ་རེ་མིན། །རྒྱུན་མར་ལྔ་བརྒྱ་རེ་རེ་སྐྱེ། །དེ་ཕྱིར་ཐུབ་པས་བཀག་པ་ཡིན། །སྐྱེ་བོ་ཕལ་པའི་ཆགས་པ་ཡང་། །ཆེ་ཆུང་ཡང་ལྗི་དུ་མ་བཤད། །བླ་མའི་དྲུང་དང་ལྷ་ཁོང་དང་། །མོ་རང་ངོ་ཚ་བསྲུང་དགོས་པའི། །ཉེ་ལོགས་སྤྱད་ན་སྡིག་པ་ཆེ། །ན་བའི་དུས་དང་བསྙེན་གནས་སྲུང་། །ཉི་མཚམས་བརྒྱད་དང་དུས་ཀློབཟང་དང་། །ཁ་དང་གཤང་བར་སྤྱད་པ་དང་། །དེ་དུས་ལྷག་པར་སྡིག་པ་ཆེ། །བརྡུང་དང་དབང་མེད་བཙན་ཐབས་ཀྱིས། །སྤྱད་ན་སྡིག་པ་ཆེ་བར་གསུངས། །གྲངས་ནི་དུས་གཅིག་བདུན་ལས་མང་། །སྤྱད་ན་སྡིག་པ་ལྷག་པར་ཆེ། །མ་དང་སྲིང་མོར་སྤྱད་པ་ན། །སྡིག་པ་དགུ་འགྱུར་ཆེ་བར་བཤད། །དགེ་སློང་མ་ཡི་བཀའ་ཕབ་ན། །མི་བསད་པ་དང་སྡིག་པ་ཉེ། །མཚམས་མེད་ཉེ་བའི་སྡིག་པ་ཡིན། །དེ་དག་མིང་ལ་སྡིག་པ་ཟེར། །སྡོམ་པ་བླངས་བས་དེ་བྱས་ན། །གོང་གི་སྡིག་པ་དེ་ཡི་སྟེང་། །སངས་རྒྱས་བཀའ་བཅག་ཉེས་པ་དང་། །བསྟན་པ་བཤིགས་པའི་ཉེས་པ་མཁན། །སྐྱེ་བོའི་དེ་ལས་འབུམ་གྱུར་ལྗི། །སྔོན་དུ་བཤད་པའི་ལུས་ངན་རྣམས། །སྐྱེ་བ་འབུམ་ཕྲག་བརྒྱ་ལེན་གསུངས། །དེ་ཕྱིར་སྲོག་

[Full Size]

ནི་ཆད་པ་ལས། །སྡོམ་པ་ཤོར་བ་ཐུ་བར་གསུངས། །སྡོམ་བཟུང་ཤི་ཡང་ལུས་བཟང་ལེན། །དེ་ནི་ཤི་ཡང་ཤི་བ་མིན། །སྡོམ་ཤོར་ཤི་བས་ཐར་དུས་མེད། །དེ་ཕྱིར་བུད་མེད་སྤྱོད་པ་ནི། །སྡོམ་ལྡན་རྣམས་ཀྱིས་སྲོག་ལྟར་བསྲུངས། །གྲུབ་པ་ཐོབ་པའི་རྣལ་འབྱོར་པས། །མཚན་ལྡན་བུད་མེད་བསྟེན་ན་ནི། །ཚེ་གཅིག་རྡོ་རྗེ་འཆང་ཆེན་འགྲུབ། །རྒྱ་གར་གྲུབ་ཆེན་ཕལ་ཆེར་བཞིན། །གྲུབ་པ་ཐོབ་པའི་གང་ཟག་གིས། །བུད་མེད་མཚན་ལྡན་མ་རྙེད་ན། །དུད་འགྲོ་མཚན་ལྡན་བསྟེན་རུང་གསུངས། །དཔེར་ན་ཀུ་ཀུ་རས་པ་བཞིན། །གལ་ཏེ་གྲུབ་པའི་སར་གནས་ཀྱང་། །སངས་རྒྱས་བསྟན་ལ་གནོད་དོགས་ནས། །བུད་མེད་བསྟེན་པར་མ་བྱས་ན། །ཚེ་འདིར་སངས་རྒྱས་མི་ཐོབ་སྟེ། །བར་དོར་སངས་རྒྱས་ཐོབ་པར་གསུངས། །དཔེར་ན་ཁ་ཆེ་པཎ་ཆེན་བཞིན། །རྩ་རླུང་རང་དབང་མ་ཐོབ་པས། །རང་འདོད་ཆགས་པའི་དབང་གྱུར་པས། །གལ་ཏེ་བུད་མེད་བསྟེན་པ་ནི། །དམྱལ་བ་ཤལ་མ་རིར་སྐྱེ་ཞིང་། །དེ་ལས་ཐར་ན་མངལ་སྲིན་གྱི། །སྐྱེ་བ་ལྔ་བརྒྱ་ལེན་པར་བཤད། །བུད་མེད་བསྟེན་རུང་ནམ་ཡིན་ན། །རླུང་ནི་སོར་རྩེ་ནས་བུས་པས། །

[Full Size]

ཐལ་བ་གཏོར་བར་ནུས་པ་དང་། །འོ་དཀར་གསང་རྡོར་གྱིས་རྔུབས་ནས། །ཁ་ནས་འཕུད་པར་ནུས་པ་དང་། །རྒྱ་ཁབ་དར་སྐུད་ཁ་ནས་མིད། །གསང་རྡོར་རྩེ་ནས་འདོན་པ་དང་། །གསང་རྡོར་རྩེ་ནས་རླུང་བུས་པས། །རྐང་དུང་དུང་དཀར་ཕེར་བ་ན། །ཕྱག་རྒྱ་བསྟེན་རུང་ཚད་ཡིན་ཏེ། །རིགས་ངན་མིན་པའི་ཌཱཀི་མ། །ལྔ་བརྒྱ་ཙམ་ལ་འབྲེལ་བཞག་ན། །མཆོག་གི་དངོས་གྲུབ་ཐོབ་པར་བཤད། །དེ་འདྲ་རང་རེའི་སྤྱོད་ཡུལ་མིན། །དངོས་སུ་བུད་མེད་མ་སྤྱོད་ཅིང་། །ལུས་ལ་རེག་ཙམ་མ་བྱས་ཀྱང་། །མིག་གིས་བུད་མེད་མཛེས་མ་མཐོང་། །མ་མཐོང་ན་ཡང་སྐད་ཐོས་ན། །སྐད་མ་ཐོས་ཀྱང་ཡིད་ལ་དྲན། །སྐྱེ་བོའི་དུས་སུ་སྤྱོད་བསྐུང་ངམ། །མིན་ཀྱང་གཞན་གྱི་སྤྱོད་ཐོས་དྲན། །དུད་འགྲོ་གཅིག་ལ་གཅིག་སྤྱོད་མཐོང་། །དེ་འདྲ་གང་རུང་རྐྱེན་བྱས་ནས། །རང་ལ་ཆགས་པ་དྲག་པོ་སྐྱེས། །རང་དབང་མེད་པར་ཐིག་ལེ་འཆོར། །དངོས་སུ་ཅི་ཡང་མ་སྤྱད་ཅིང་། །དེ་ཡིས་སྡོམ་པ་མི་འཆོར་ཡང་། །སྡོམ་པ་གཙང་བར་མི་གྱུར་ཞེས། །འཁྲིག་པ་བདུན་པའི་མདོ་ལས་གསུངས། །འདི་དོན་འོག་ནས་འཆད་པ་ཡི། །བུད་མེད་སྦྱོར་བར་སྒོམ་པ་གཉིས། །འདྲའམ་

[Full Size]

སྙམ་ན་མི་འདྲ་སྟེ། །འདི་ནི་ཐ་མལ་འདོད་ཆགས་ཡིན། །འགོ་དེ་ལྷ་ཡི་ཏིང་འཛིན་དང་། །ལྷ་ལ་མཆོད་པར་བྱ་བ་དང་། །ཉམས་རྟོགས་བོགས་སུ་ཐོན་ཕྱིར་རོ། །རབ་ཏུ་བྱུང་བས་དུད་འགྲོ་མོར། །སྤྱོད་པ་གྲུབ་ཐོབ་མ་གཏོགས་པ། །ཁྱེ་འུ་བཙུན་ཆུང་ལ་སོགས་པའི། །ཁ་དང་གཤང་ལམ་སྤྱད་པ་ནི། །རྟེན་ནི་བུད་མེད་མིན་པའི་ཕྱིར། །སྡོམ་པ་འཆོར་ནི་ཨུ་འཆོར་ཏེ། །རྨ་གསུམ་ཁྱད་པར་མེད་གསུངས་ཕྱིར། །ལྟུང་བ་ཤིན་ཏུ་ཚབས་ཆེན་ཡིན། །བརླ་ཡིས་བར་དུ་བཤུད་པ་ཡིས། །བྱང་སེམས་ཉམས་པར་གྱུར་པ་ནི། །བསམ་བཞིན་ཁུ་བ་ཕྱུང་བ་ཞེས། །དགེ་འདུན་ལྷག་མའི་ལྟུང་བ་ཡིན། །སྡོམ་པ་འཆོར་བར་མི་འགྱུར་ཕྱིར། །རྒྱ་བོད་ཆོས་སྡེ་ཀུན་ཏུ་དར། །ལྟུང་བ་ཆེ་ཆུང་ཅི་ཞེ་ན། །བུད་མེད་ལག་པས་རེག་པ་དང་། །དེ་གཉིས་ལྟུང་བ་མཉམ་པར་བཤད། །དེ་ཉིད་སྤང་བར་མི་ནུས་ན། །ལྟུང་བཤགས་ཡིག་བརྒྱ་འབད་པར་གསུངས། །གོང་དུ་བཤད་པའི་ཉེས་དམིགས་ལ། །སྐག་ནས་མི་གཙང་མི་སྤྱོད་ཅིང་། །སངས་རྒྱས་བྱང་སེམས་མངོན་ཤེས་ཅན། །ལྷ་ཀླུ་གཞི་བདག་ལ་སོགས་པ། །ཅེ་རེ་ལྟ་ཞིང་ཀྲོག་གེ་ཉན། །དེ་དག་ཀུན་ལ་ངོ་ཚ་ཞིང་། །

[Full Size]

སྐྲག་འཇིགས་བསམས་ནས་སྤངས་བ་ནི། །ཉན་ཐོས་ལུགས་ཀྱི་གདམས་ངག་ཡིན། །བདག་དང་གཞན་གྱི་ལུས་འདྲ་ཤར། །རྣག་ཁྲག་གཅིན་སྟུག་མི་གཙང་གང་། །འབུ་སྲིན་སུམ་བརྒྱ་དྲུག་ཅུ་ཚང་། །དེ་དག་བསམ་བཞིན་སྐྱུག་བྲོ་ལྟ། །རྒོད་ཀྱིས་ཟོས་པའི་རྩིང་གོག་ལ། །ཅི་ཡོད་རང་གཞན་ལུས་ལ་ཡོད། །དེ་དག་བསྒོམས་པས་ཆགས་པ་ཞི། །འདོད་ཆགས་གཉེན་པོ་མི་སྡུག་པ། །བསྒོམ་པ་མདོ་ཡི་ལུགས་ཡིན་ནོ། །སེམས་ལ་འདོད་ཆགས་སྐྱེས་མ་ཐག །སྭ་བྷཱ་ཝ་ཡི་སྔགས་ཀྱིས་སྟོང་པར་སྦྱངས། །དེ་ཉིད་ཡི་གེ་ཧཱིར་སྒྱུར། །དེ་ཉིད་འདོད་ཆགས་རྣམ་དག་པ། །སྣང་བ་མཐའ་ཡས་ཡབ་ཡུམ་བསྒོམས། །དེ་ལས་འོད་འཕྲོས་འགྲོ་ཀུན་གྱི། །འདོད་ཆགས་ཐམས་ཅད་སྦྱངས་བྱས་ཏེ། །ཚུར་འདུས་འོད་ཞུ་སྟོང་པར་བསམ། །བདག་ནི་ཚེ་རབས་ཐམས་ཅད་དུ། །མཐོང་ཐོས་དྲན་པའི་འགྲོ་བ་རྣམས། །ཉོན་མོངས་འདོད་ཆགས་རྒྱུན་ཆད་ནས། །ཚུལ་ཁྲིམས་ཕུན་སུམ་ཚོགས་པར་ཤོག །ནམ་ཞིག་བདག་ཉིད་སངས་རྒྱས་པའི། །ཞིང་དེར་འདོད་ཆགས་མེད་གྱུར་ཅིག །དེ་ནི་བསྒྱུར་བའི་ལམ་ཞེས་པ། །བསྐྱེད་རིམ་པ་ཡི་གདམས་ངག་ཡིན། །འདོད་ཆགས་རྟོག་པ་སྐྱེས་

[Full Size]

པའི་ཚེ། །དེ་ཡི་ངོ་བོ་རྣམ་རྟོག་ཡིན། །དེ་ཡི་ངོ་བོར་ཧྲིག་གེ་ལྟ། །གཞི་མེད་སྟོང་པ་ཉིད་དུ་ཡལ། །སོ་སོར་རྟོག་པའི་ཡེ་ཤེས་ཡིན། །ཕྱག་རྫོགས་གཉིས་ཀྱི་མན་ངག་གོ །དེ་ལྟར་མན་ངག་མང་བཤད་ཀྱང་། །འདོད་ཆགས་ཤས་ཆེའི་གང་ཟག་ལ། །དེ་དག་གང་གིས་མི་ནོན་ཏེ། །ཆེ་སྟེ་སྡོམ་པ་འཆོར་བའམ། །ཆུང་སྟེ་བྱང་སེམས་ཉམས་པ་ཡིན། །རྩ་རླུང་ཡོན་ཏན་མེད་པར་འགྱུར། །མོ་གདོན་དྲག་པོས་གནོད་པ་ན། །འདོད་ཆགས་དྲག་པོ་མེ་ལྟར་འབར། །གནས་དེར་སྔོན་དུ་སྡོམ་ཤོར་མང་། །གནས་ཀྱི་གྲིབ་ཀྱིས་འདོད་ཆགས་སྐྱེ། །བུད་མེད་ལ་སོགས་འདོད་ཆགས་སྐྱེ། །དེ་འདྲའི་དཀོར་ཟས་བྱུང་བའི་དུས། །ཟས་ཀྱི་གྲིབ་ཀྱིས་འདོད་ཆགས་སྐྱེ། །ན་གཞོན་ཟས་བཅུད་བཟང་བ་ན། །ལུས་ཟུངས་རྒྱས་པས་ཆགས་པ་སྐྱེ། །རྩ་རླུང་འཁྲུལ་འཁོར་འབད་པ་ན། །ཐིག་ལེ་འཕེལ་བས་ཆགས་པ་སྐྱེ། །དེ་དག་གེགས་སེལ་མ་ཤེས་ན། །གནད་ཀྱི་ཏིང་འཛིན་མི་ལྡན་པར། །བསམ་བཞིན་བྱང་སེམས་བཏང་བ་ན། །གསང་སྔགས་རྩ་བའི་ལྟུང་བར་འགྱུར། །ཉམས་རྟོགས་མི་སྐྱེ་ཚེ་བསོད་འགྲིབ། །སྔར་ནས་མི་ཤེས་མིན་པ་ཡི། །བློ་བུར་

[Full Size]

འདོད་ཆགས་དྲག་པོ་སྐྱེས། །ཐིག་ལེ་དབང་མེད་ཡང་ཡང་འཆོར། །ཡིད་ལ་བུད་མེད་ཁོ་ན་དྲན། །གསང་རྡོར་རྩེ་རུ་སྔར་མེད་པའི། །ཐིག་ལེ་སྨེ་བ་ནག་པོ་བྱུང་། །དེ་ནི་འཆི་བའི་རྟགས་ཡིན་ཏེ། །ཚེ་སྔོན་དམ་ཚིག་ཉམས་པའི་ཕྱིར། །རྡོ་རྗེ་དམྱལ་བར་འགྲོ་བར་གསུངས། །ཡིག་བརྒྱ་བསྙེན་ཅིང་ལྟུང་བཤགས་འདོན། །ཞི་ཁྲོའི་བརྒྱ་ཕྱག་ཡང་ཡང་འཚལ། །དེ་ནི་བཤགས་པའི་གེགས་སེལ་གསུངས། །དངོས་སུ་འདོད་ཆགས་ཆེ་བ་དང་། །རྨི་ལམ་བུད་མེད་སྤྱོད་རྨིས་ནས། །ཐིག་ལེ་ཡང་ཡང་འཆོར་བ་ནི། །འདྲེ་མོས་ཚེ་ལ་བརྐུ་བའི་རྟགས། །ཉལ་ཁ་གསང་རྡོར་ལྕགས་སྲེག་གི །ཕུར་པ་རྣོ་ངར་ལྡན་པར་བསྒོམ། །དེ་ཡིས་ཕན་པར་མ་གྱུར་ན། །བདེན་སྟོབས་བཅས་པས་གནོད་བྱེད་བཀུག །རང་དང་ཁ་སྦྱོར་འཁྱུད་པར་བསྒོམ། །ཕྱི་ནས་སྦྲུལ་ནག་སྟོང་གིས་དཀྲིས། །ཇི་སྲིད་བྱང་ཆུབ་མ་ཐོབ་བར། །ང་དང་ཁྱོད་གཉིས་མི་འབྲལ་ཞིང་། །རྟག་ཏུ་ཆུང་མ་བྱའོ་སྨྲ། །གསང་རྡོར་དུག་སྦྲུལ་ནག་པོར་གྱུར། །མོ་ཡི་ཁོག་པར་ཡར་རྒྱུག་ནས། །གློ་སྙིང་ནང་ཁྲོལ་འདྲད་པ་ཡིས། །མོ་ཉིད་སྐད་རན་ཙེར་ཙེར་འདོན། །ད་ནི་ཁོ་མོ་ཐོངས་མཛོད་དང་། །ཕྱིན་ཆད་གནོད་རེ་ན་

[Full Size]

ར་ཀན། །ཐ་ཚིག་ལན་གསུམ་ཕུལ་བར་བསྒོམ། །དེ་ནས་སྦྲུལ་བཅུད་བཤིག་ལ་བཏང་། །སྙིང་རྗེ་ཐུན་གཅིག་སྟོང་ཉིད་བསྒོམ། །དེ་ནི་དམིགས་པའི་གེགས་སེལ་ཡིན། །བུ་མོ་གཙང་མས་བཀལ་བ་ཡི། །སྲུང་སྐུད་དམར་པོ་འདོམ་ཕྱེད་ཙམ། །མདུད་པ་བདུན་རྒྱབ་སྔགས་འདིས་བསྔགས། །ཡིག་དྲུག་གམ་ནི་རྟ་མགྲིན་སོགས། །ཡི་དམ་སྔགས་ཀྱི་ཤམ་བུ་རུ། །ཧཱ་རེ་པཱ་ར་དྷ་ནི་ཤུབ་ཁྲབ་དྷ་ར་ནི་སེ་ཏུར་ཐེ་སྭཱ་ཧཱ། སྲོད་ཀྱི་དུས་སུ་སྐྱེད་པར་བཅིངས། །གདོན་གྱིས་ཐིག་ལེ་འཕྲོག་པར་གསུངས། །ན་གཞོན་ཟས་ཕུད་བཅུད་ཆེ་ལ། །དཀར་ཕྱོགས་སྨྱུང་གནས་བསྲུངས་བས་སེལ། །གཞན་གྱིས་ད་བྱིད་སྦྱིན་པའམ། །ནད་ཀྱིས་རང་དབང་མེད་པ་ལ། །མ་ནུ་སྒ་སྐྱ་བུལ་ཏོག་དང་། །ཡུངས་བ་བཞི་ཡི་ཐང་བཏང་ན། །མེ་ལ་ཆུ་བཞིན་ཆགས་པ་ཞི། །གནས་ཀྱི་གྲིབ་ཀྱིས་གནོད་པ་ལ། །བགེགས་གཏོར་བཏང་ཞིང་མཚམས་གཅོད་བྱ། །སྨེ་བརྩེགས་གཟུངས་ཆུ་ཁྱིམ་དུ་གཏོར། །རྫོག ཁང་པའི་ཕྱི་ལ་མེ་ལོང་ངོས། །ཁང་པར་བྱབ་ཁྲུས་བྱས་པས་ཕན། །ཟས་ཀྱི་གྲིབ་ཀྱིས་གནོད་པ་ལ། །ཟས་ནོར་གང་ཡིན་བྱུང་མ་ཐག །དེ་ཉིད་བྲན་ལ་གཏོར་བསྔོས་བྱ། །ལྷ་ཡི་

[Full Size]

གསོལ་ལྷག་ཟས་དེ་ནི། །དངོས་གྲུབ་བདུད་རྩིའི་ངོ་བོར་བསྒོམ། །དེ་ཡིས་ཟས་གྲིབ་འབྱུང་མི་སྲིད། །དེ་དག་ཐུན་མོང་སྤྱི་ཡི་ལུགས། །དེ་ནས་ཐུན་མོང་མ་ཡིན་པའི། །གསང་སྔགས་ཉམས་ལེན་ཟབ་མོ་འདི། །དམ་ཚིག་ལྡན་པའི་སློབ་མ་དང་། །དམ་ལྡན་མཆེད་གྲོགས་མ་གཏོགས་པ། །གལ་ཏེ་ཟུར་ཙམ་བརྗོད་ན་ཡང་། །མནར་མེད་དམྱལ་བར་འགྲོ་འགྱུར་ཞིང་། །ཚེ་འདིར་མཁའ་འགྲོའི་སྲོག་གཅོད་པར། །བཅོམ་ལྡན་རྡོ་རྗེ་འཆང་གིས་གསུངས། །དེ་ཕྱིར་གསང་བའི་དམ་ཚིག་རྒྱ། །འདོད་ཆགས་ཆེ་བའི་གང་ཟག་ལ། །འདོད་ཆགས་སྤོང་བར་མི་ནུས་ཏེ། །འདོད་ཆགས་ལམ་དུ་ཁྱེར་ཤེས་ན། །འདོད་ཆགས་ཉིད་ཀྱིས་བྱང་ཆུབ་ཐོབ། །དེ་དོན་བརྟག་གཉིས་རྒྱུད་ལས་གསུངས། །དཔེར་ན་མེ་ཡིས་ཚིག་པ་ལ། །སླར་ཞི་མེ་ཡིས་གདུང་བར་བྱ། །དེ་བཞིན་འདོད་ཆགས་མེས་ཚིག་ལ། །འདོད་ཆགས་མེ་ཡིས་གདུང་བར་བྱ། །སྐྱེ་བོ་མི་བཟད་པ་ཡི་ལས། །གང་དང་གང་གིས་འཆིང་གྱུར་པ། །ཐབས་དང་བཅས་པ་དེ་ཉིད་ཀྱི། །སྲིད་པའི་བཅིངས་ལས་གྲོལ་བར་འགྱུར། །ཆགས་པས་འཇིག་རྟེན་འཆིང་གྱུར་ན། །འདོད་ཆགས་ཀྱིས་ནི་འདོད་ཆགས་

[Full Size]

གྲོལ། །བཟློག་པའི་གོམས་པ་འདི་ཉིད་ནི། །སངས་རྒྱས་མུ་སྟེགས་ཅི་མི་ཤེས། །ཞེས་གསུངས་འདི་ནི་བཟློག་བསྒོམ་ཡིན། །གསང་བ་ནོར་བུ་ཐིག་ལེའི་རྒྱུད། །ས་སྐྱ་པཎ་ཆེན་གྱིས་བསྒྱུར་བ། །དོན་འདི་ཁོ་ནའི་གེལ་རྒྱུད་ཡིན། །གཞན་ཡང་དེ་འདྲའི་རྒྱུད་གསུངས་ཚེ། །མཁའ་འགྲོ་དཔག་ཏུ་མེད་པ་ཡིས། །ཡིད་ཀྱིས་སྦྱོར་བ་བྱེད་བསྒོམ་པའི། །བྲན་དང་ཆུང་མར་ཁས་བླངས་ནས། །འཛམ་བུ་གླིང་པ་འདི་ཉིད་ཀྱི། །གནས་ཆེན་ཀུན་ཏུ་དངོས་སུ་བཞུགས། །མཁའ་འགྲོ་མ་ནི་ཐམས་ཅད་ལ། །ལྷ་ཡི་ཏིང་འཛིན་ལྡན་པའི་ཚེ། །རང་གིས་སྦྱོར་བ་བྱེད་བསྒོམས་ན། །མཆོག་དང་ཐུན་མོང་དངོས་གྲུབ་ནི། །ཇི་ལྟར་འདོད་བཞིན་སྩོལ་བར་མཛད། །ཐིག་ལེ་མ་ཉམས་རྟོགས་པ་འཕེལ། །གལ་ཏེ་ཐིག་ལེ་ཉམས་ན་ཡང་། །གསང་བའི་མཆོད་པ་ཡིན་པའི་ཕྱིར། །ལྟུང་བ་བྱུང་བ་མ་ཡིན་ནོ། །འདི་ནི་ཟབ་ཆོས་ཞི་ཁྲོ་ཡི། །འོག་སྒོ་བདེ་ཆེན་རང་གྲོལ་དང་། །ཟབ་ལམ་གསང་བ་འདུས་པ་དང་། །མཁའ་འགྲོ་སྙིང་ཐིག་ལ་སོགས་པ། །ཨོཾ་རྒྱུན་གསུངས་རྣམས་ཤིན་ཏུ་གསལ། །ཕ་རྒྱུད་གསང་བ་འདུས་པ་དང་། །ཐིག་ལེ་ནོར་བུའི་མདོ་དང་ནི། །

[Full Size]

ཟབ་ལམ་རྡོ་རྗེ་ཚིག་འབྱེད་དང་། །བརྟག་གཉིས་ལམ་འབྲས་ལ་སོགས་པ། །གསར་མའི་གཞུང་ལས་ཤིན་ཏུ་གསལ། །དེ་སོགས་ལུང་འདྲེན་བྲི་མི་ནུས། །བྲིས་ཀྱང་བློ་ཆུང་གོ་བར་དཀལ། །འདི་ནི་དམར་འདོན་ལག་ཁྲིད་ཡིན། །དེ་ཕྱིར་ཐེ་ཚོམ་མ་བྱེད་ཅིག །ཡི་དམ་གང་ལ་སྦྱར་ཀྱང་འདྲ། །འོན་ཀྱང་རང་རེའི་ཡི་དམ་ནི། །རྒྱལ་བ་རྒྱ་མཚོ་དང་སྦྱར་སྐྱོ་ནས། །རྒྱལ་བ་རྒྱ་མཚོའི་སྟོང་རེ་དང་། །རླུང་ནི་ཅུང་ཟད་བྱུང་བ་གཅེས། །གསང་སྔགས་བླ་མེད་རྒྱུད་ཀུན་ནས། །མི་སྤང་བ་ཡི་དམ་ཚིག་ལས། །ཉོན་མོངས་འདོད་ཆགས་མི་སྤང་གསུངས། །བྱང་ཆུབ་སེམས་དཔའ་རྣམས་ཀྱིས་ཀྱང་། །འགྲོ་བའི་དོན་དུ་སྤྲུལ་སྐུའི་རྒྱུ། །འདོད་ཆགས་མི་སྤང་བཞག་པར་གསུངས། །ནཱ་རོ་པཎ་ཆེན་ཞལ་ནས་ཀྱང་། །ཉོན་མོངས་ཡེ་ཤེས་ཆེན་པོ་སྟེ། །ནགས་ལ་མེ་བཞིན་རྣམ་པར་འགྲོགས། །བསྟོད་པ་གླུ་བླངས་རྒྱུད་ལས་ཀྱང་། །མཆོད་པ་ཆེན་པོ་འདོད་ཆགས་ཆེ། །གསུངས་ཕྱིར་འདོད་ཆགས་བསྒོམ་པར་བྱ། །རང་གི་མདུན་དུ་ཐ་མལ་གྱི། །བུད་མེད་མཛེས་ཤིང་ཡིད་འོང་ཞིག །ཆགས་པའི་དབང་གིས་བྱུང་བར་བྷེ། །གཟུགས་ལ་བལྟ་ཞིང་དགོད་པར་བསམ། །དེ་ཡིས་ངོ་བོ་

[Full Size]

རང་སེམས་ལྟ། །གཟུགས་ལ་ཚིགས་པ་སྣང་སྟོང་འཆར། །དེ་ནས་ཆགས་པའི་གཏམ་སྨྲ་ཞིང་། །རྩེ་འཇོའི་གཏམ་རྣམས་བརྗོད་པར་བྷེ། །དེ་ནས་དེ་ཡི་ངོ་བོར་ལྟ། །སྒྲ་ལ་ཆགས་པ་གྲག་སྟོང་འཆར། །དེ་ནས་ཚུར་ལ་མོ་ཉེ་ནས། །ཁ་རླངས་སྒྲ་དྲི་ལུས་དྲི་སོགས། །བྲོ་བས་ཆགས་པ་འཕེལ་བར་བསྒོམ། །དེ་ནས་དེ་ཡི་ངོ་བོར་ལྟ། །དྲི་ཡི་ཆགས་པ་ཚོར་སྟོང་འཆར། །དེ་ནས་ཀ་ར་བུ་རམ་དང་། །ཤ་ཆང་ཞིམ་མངར་བཟའ་བཏུང་རྣམས། །སྦྱིན་ནས་བཟའ་བ་བྱེད་པར་བསྒོམ། །དེ་ཡི་ངོ་བོར་དེ་ཡིས་ལྟ། །རོ་ཡི་ངོ་བོ་མྱོང་སྟོང་འཆར། །དེ་ནས་ཕན་ཚུན་གཅིག་ལ་གཅིག །ལུས་པོར་བྱུག་ཅིང་འཕུར་བར་བསྒོམ། །བཞིན་རས་བལྟ་བ་འཕུར་བར་བསྒོམ། །དེ་ནས་དེ་ཡི་ངོ་བོར་བལྟ། །རེག་བྱའི་ངོ་བོ་ཚོར་སྟོང་འཆར། །དེ་ནས་སྐད་ཅིག་གནས་འགྱུར་ཏེ། །རང་ཉིད་རྒྱལ་བ་རྒྱ་མཚོའི་སྐུ། །རྩ་གསུམ་འཁོར་ལོ་ལྔ་དང་བཅས། །ཚངས་བུག་ཡར་སྣེ་སྤྱི་གཙུག་ཏུ། །ཐིག་ལེ་དངུལ་གྱི་མདོག་ལྟ་བུ། །ཧཾ་ཡིག་མགོ་བོ་ཐུར་བསྟན་མཚན། །དབུ་མའི་མར་སྣེ་གསང་རྡོར་གྱི། །བུ་གའི་ནང་དུ་ཧཱུྃ་ཡིག་ནི། །དམར་པོ་སུམ་བརྩེགས་བཀག་པར་བསྒོམ། །དེ་

[Full Size]

ནས་མདུན་གྱི་བུད་མེད་དེ། །མངོན་རྟོགས་བཞིན་དུ་ཕག་མོར་བསྒོམ། །དེ་ཡི་བྷ་གར་པདྨ་ནི། །དམར་པོ་འདབ་མ་གསུམ་པ་ལ། །བུ་གར་ཕཊ༔ཡིག་སེར་པོས་བཀག །རང་གི་གསང་བའི་རྡོ་རྗེ་ཡང་། །རྡོ་རྗེ་དམར་པོ་རྩེ་གཅིག་བསྒོམ། །དེ་ནས་ཡབ་ཡུམ་ཞལ་སྦྱོར་བསྒོམ། །རྡོ་རྗེས་པདྨ་དལ་བུས་དཀྲུག །བྷ་ག་པདྨའི་ཟེ་འབྲུ་ནས། །འདོད་ཆགས་གཏུམ་མོའི་མེ་འབར་ཏེ། །རྡོ་རྗེའི་བུ་ག་ནས་ཡར་ཞུགས། །རང་གི་དབུ་མའི་ནང་དུ་ཡར། །དམར་དང་ཁྱུག་ཁྱུག་འབར་བ་ཡིས། །སྤྱི་བོའི་ཧཾ་ཡིག་དེ་ཞུ་སྟེ། །ཆབ་བྲོམ་ལས་ནི་ཆུ་འབབ་བཞིན། །ཐིག་ལེ་འོ་མ་ལྟ་བུ་ཡིས། །སྤྱི་བོའི་རྩ་འདབ་ཐམས་ཅད་གང་། །མར་བབ་མགྲིན་པའི་རྩ་འདབ་གང་། །ལུས་སེམས་བག་ཙམ་བདེ་བ་འཆར། །དེ་ཡི་ངོ་བོར་བལྟས་པ་ཡིས། །དགའ་བའི་ཡེ་ཤེས་ཞེས་བྱའོ། །སེམས་ཀྱི་སྒྲིབ་པ་དག་པ་དང་། །བུམ་པའི་དབང་ནི་ཐོབ་པ་ཡིན། །དེ་ནས་ཆགས་པའི་སྣང་བ་རྙེད། །འཁྱུག་ཅིང་རྡོ་རྗེས་དཀྲུག་པར་བསྒོམ། །ཐིག་ལེ་མར་བབ་སྙིང་ཁ་ཡི། །རྩ་གནས་ཐམས་ཅད་གང་བ་ཡིས། །ལུས་སེམས་བདེ་ཉམས་རབ་ཅིག་སྐྱེས། །དེ་ཡི་ངོ་བོར་བལྟས་པ་ཡིས། །བདེ་བ་སྟོང་

[Full Size]

པ་དབྱེར་མེད་འདྲེས། །མཆོག་དགའི་ཡེ་ཤེས་ཞེས་བྱའོ། །ངག་གི་སྒྲིབ་པ་དག་པ་དང་། །གསང་བའི་དབང་ནི་ཐོབ་པ་ཡིན། །དེ་ནས་ཆགས་པ་ཆེར་བསྐྱེད་ལ། །འོ་བྱེད་དམ་དུ་འཁྱུད་པ་དང་། །ཆགས་པའི་སྒྲ་སྐད་སྒྲོག་པར་བསྒོམ། །དེ་ནས་ཐིག་ལེ་ཕྱིར་དབབ་པས། །འདོད་ཆགས་རབ་ཏུ་ཆེར་སྐྱེས་པས། །ལུས་སེམས་བདེ་བས་གང་གྱུར་ནས། །རྣམ་རྟོག་རགས་པ་གཞན་ཀུན་འགག །བདེ་དང་མི་བདེའི་བསམ་པའང་མེད། །དེ་ཡི་ངོ་བོར་བལྟས་པ་ཡིས། །དགའ་བྲལ་ཡེ་ཤེས་ཞེས་བྱའོ། །སེམས་ཀྱི་སྒྲིབ་པ་དག་པ་དང་། །ཤེས་རབ་ཡེ་ཤེས་དབང་དངོས་ཐོབ། །དེ་ནས་ཆགས་པ་ཆེར་སྐྱེས་ལ། །བྷ་གའི་དཀྱིལ་དུ་རིག་པ་གཏད། །དེ་ནས་ཐིག་ལེ་ཕྱིར་དབབ་ནས། །གསང་གནས་རྩ་འདབ་གང་བར་བསྒོམ། །དེ་ནས་བདེ་བ་ཚད་མེད་སྐྱེས། །འདོད་ཆགས་བདེ་བ་ཚབ་ཆེ་བས། །རྣམ་རྟོག་ཀུན་འགག་དྲན་སེམས་མེད། །དེ་ཡིས་ངོ་བོ་མ་མཐོང་ན། །ཉོན་མོངས་འདོད་ཆགས་དྲག་པོ་ཡིན། །དེ་ཡི་ངོ་བོར་བལྟས་པ་ཡིས། །བདེ་དང་སྟོང་པ་དབྱེར་མེད་འདྲེས། །ལྷན་ཅིག་སྐྱེས་དགའི་ཡེ་ཤེས་ཞེས། །དཔེ་ཡི་ཕྱག་རྒྱ་ཆེན་པོ་

[Full Size]

ཡིན། །དཔེ་འདི་མཐོང་བར་མ་གྱུར་ན། །དོན་གྱི་ཕྱག་ཆེན་མི་རྟོགས་གསུངས། །འདི་ལྟར་ཐིག་ལེ་འབེབས་པ་ཡང་། །ལུས་ཟུངས་བཟང་ཞིང་ཆགས་པ་ཆེ། །དེ་ལྟར་འཁྲུལ་འཁོར་མི་དགོས་ཏེ། །དམིགས་པ་ཁོ་ནས་ཐིག་ལེ་ཕེབས། །བཙན་ཐབས་དུ་ནི་འཆོར་འགྲོ་བས། །དལ་བུས་ངལ་ནི་བསོ་ཞིང་འབེབས། །དེ་དོན་མི་ལ་རས་ཆེན་གྱིས། །འབེབས་པ་རུས་སྦལ་འགྲོས་ཀྱིས་འབེབས། །གསུངས་པ་དལ་བུས་དགོས་པའི་དོན། །རྩ་རླུང་གོམས་པར་མ་གྱུར་པས། །བདེ་བ་རིབ་ཅིག་སྐྱེས་པ་ན། །བཟློག་དགོས་དེ་མིན་བཟློག་མི་ཐུབ། །བཟློག་པའི་དམིགས་པ་འདི་ལྟར་ཏེ། །རིག་པ་སྤྱི་བོའི་ཧཾ་ལ་གཏད། །གསང་གནས་རྩ་འཁོར་ནས་བཟུང་སྟེ། །ཆུ་ཆེན་རླབས་ནི་གྱེན་ལོགས་བཞིན། །རྩ་འཁོར་རྣམས་ནས་རིམ་པར་བསྡུས། །སྤྱི་བོའི་ཧཾ་ལ་ཐིམ་པར་བསྒོམ། །དེས་ཀྱང་བཟློག་པར་མ་ནུས་ན། །གསང་གནས་རྡོ་རྗེའི་རྩ་བ་ནས། །ཐིག་ལེ་སྐར་མདའ་བརྒྱུགས་པ་བཞིན། །ཡང་ཡང་སྤྱི་བོའི་ཧཾ་ལ་བསྟིམ། །གལ་ཏེ་འཆོར་དོགས་མ་བྱུང་བར། །རང་དབང་ཐོབ་པར་བྱུང་བ་ནི། །གསང་གནས་ཐིག་ལེ་ཡར་ལོགས་ཏེ། །ལྟེ་བའི་རྩ་འདབ་གང་

[Full Size]

བར་བསྒོམ། །དེ་ཡི་ངོ་བོར་བལྟས་པ་ཡིས། །མས་བསྟན་དགའ་བ་གཉིས་པ་ཡིན། །དེ་ནས་ཐིག་ལེ་ཡར་ལ་གོ་བཟློག་སྟེ། །སྙིང་ཁའི་རྩ་འདབ་གང་བར་བསྒོམ༔ །སེམས་རྒྱུད་དགའ་བ་འདྲ་ཅིག་འབྱུང་། །མས་བརྟན་དགའ་བ་གཉིས་པ་ཡིན། །དེ་ནས་ཐིག་ལེ་ཡར་བཟློག་པས། །མགྲིན་པའི་རྩ་འདབ་གང་བར་བསྒོམ། །ལུས་སྟོད་ཚད་འཁྱིལ་འདྲ་བ་འབྱུང་། །མས་བརྟན་དགའ་བ་གསུམ་པ་ཡིན། །དེ་ནས་ཐིག་ལེ་གྱེན་དུ་བཟློག །ཐམས་ཅད་སྤྱི་བོའི་ཧཾ་ལ་བསྟིམ། །འདོད་ཆགས་བདེ་བ་ཐམས་ཅད་ཡལ། །མས་བརྟན་དགའ་བ་བཞི་པ་ཡིན། །གལ་ཏེ་རྩ་རླུང་མ་འབྱོང་ངམ། །ཆགས་པ་ཆེན་པོས་ལུས་ཟུངས་རྒྱས། །མྱུར་དུ་འཁྱོར་གྲབས་བྱུང་བ་ན། །གསང་གནས་རྩ་བའི་ཐིག་ལེ་དེ། །དབུ་མའི་ལམ་ནས་མདའ་འཕང་ལྟར། །ནམ་མཁའ་མཐོན་པོའི་དབྱིངས་སུ་འཕེང་། །ནམ་མཁའ་མཐོན་པོའི་དབྱིངས་དེ་དང་། །སེམས་དང་ཐིག་ལེ་དབྱེར་མེད་བསྲེས། །དེ་ཡི་ངོ་བོར་ཡུན་རིང་ལྟ། །དེ་ནི་བཟློག་ཐབས་དྲག་པོ་ཡིན། །དེ་རྣམས་དམིགས་པའི་བསྐོར་ཡིན་ཏེ། །ལུས་ཟུངས་ཧ་ཅང་མི་བཟང་དང་། །ཆགས་པ་ཆུང་བའི་

[Full Size]

རིགས་ལ་ནི། །དམིགས་པས་ཐིག་ལེ་འབེབས་མི་ནུས། །དམིགས་པ་འཁྲུལ་འཁོར་གཉིས་ཀ་དགོས། །དམིགས་པ་མེད་པའི་འཁྲུལ་འཁོར་ནི། །ཐ་མལ་ཉོན་མོངས་ཡིན་པས་སྤང་། །ཡབ་ཡུམ་འཁྱུད་པར་བསྒོམ་པའི་ཚེ། །སྤྱས་མོ་ཙོག་པུར་གྱེན་དུ་སློང་། །།ཡུམ་ལ་འཁྱུད་པར་བྷེ་ནས་ཀྱང་། །ལག་པས་པུས་མོ་དམ་འཁྱུད་ཅིང་། །ལོང་བུའི་བར་དུ་རྡོ་རྗེ་བཞག །རིག་པ་བྷ་གའི་དཀྱིལ་དུ་གཏད། །འོག་སྒོ་འབྱེད་འཛུམ་འགའ་རེ་བྱ། །དེ་ནི་ཆོས་དྲུག་རྣམས་ནས་བཤད། །དེས་ཀྱང་ཕེབས་པར་མ་གྱུར་ན། །ལག་པ་གཡས་གཡོན་གང་རུང་གི །སོར་མོ་མཁའ་འགྲོ་སྡེ་ལྔར་བསྒོམ། །ཁ་ཡི་ཆབ་ཀྱིས་བརླན་བྱས་ལ། །རྡོ་རྗེ་དལ་བུས་ཉུག་བྱས་ཏེ། །དྲག་ན་མྱུར་དུ་འཁྱོར་ཉན་ཆེ། །རང་གི་ལག་གིས་རྡོ་རྗེ་མཆོག །ཡང་ནས་ཡང་དུ་གསོར་བྱེད་པ། །འདི་དོན་ཟབ་ལམ་གསང་འདུས་དང་། །ཞི་ཁྲོའི་གཞུང་ནས་གསལ་བོར་གསུངས། །ཐིག་ལེ་འབེབས་པའི་འཁྲུལ་འཁོར་ཡིན། །ཧཱུྃ་ཡིག་བསྒོམས་པས་མ་ཁོག་ཅིང་། །ཐིག་ལེ་འཆོར་བ་དོགས་པའི་ཚེ། །ཆུ་སྲིན་གྲེ་འགག་འཁྲུལ་འཁོར་ནི། །ལག་པ་གཡས་གཡོན་གང་བདེ་བའི། །མཛུབ་མོ་གུང་མོ་གཉིས་པོ་

[Full Size]

ཡིས། །འོག་སྒོ་གསང་གནས་གཉིས་ཀྱི་མཚམས། །ཐིག་ལེ་རྒྱུ་བའི་རྩ་བོ་ཆེ། །དྲག་ཏུ་མནན་པས་ཐེམ་འཆར་འདྲ། །ཐིག་ལེ་བཟུང་བའི་འཁྲུལ་འཁོར་ཟབ། །ཐིག་ལེ་བཟློག་པའི་འཁྲུལ་འཁོར་ནི། །འོག་སྒོ་དང་ནི་ཞྭ་བཞི་གློད། །ལྕེ་ནི་ཡ་རྐན་དག་ལ་སྦྱར། །ལྟོ་བ་རྒྱུ་མ་སྒལ་པར་སྦྱར། །མིག་ནི་གྱེན་ལྡོག་ནམ་མཁར་བལྟ། །རླུང་ནི་གྱེན་དུ་འདྲེན་བཞིན་དུ། །ཧཱུྃ་རིང་ཧིང་རིང་ཧྲིང་རིང་བསྒྲང་། །རྡོ་རྗེ་ཞི་བར་མ་གྱུར་བར། །ཆུ་སྲིན་གྲེ་འགག་མི་གཏོང་བསྡམ། །འཁྲུལ་འཁོར་འདི་དག་གཞུང་རྣམས་སུ། །བརྡའ་ཚིག་གོ་བར་དཀའ་བ་སྟེ། །འདི་ནི་རྗེན་བུར་དམར་འདོན་བྲིས། །གང་ཟག་སྐལ་པ་ཞན་པ་དང་། །ཆགས་པ་ཤས་ནི་ཆུང་བ་རྣམས། །ལྷ་ནི་ཡབ་ཡུམ་བསྒོམས་པ་ལ། །ཆགས་པ་སྐྱེས་པར་མི་འགྱུར་ཞིང་། །ཐིག་ལེ་འབེབས་པར་མི་ནུས་པས། །དགའ་བཞི་ཡེ་ཤེས་ངོ་མི་འཕྲོད། །དེ་ལ་གདམས་ངག་འདི་ལྟར་གསུངས། །དང་པོ་བདག་དང་ཡུམ་གཉིས་པོ། །དང་པོ་ཡི་དམ་ཡབ་ཡུམ་བསྒོམ། །དེ་ནས་དེ་ཉིད་འོད་ཞུ་བས། །རང་ཡང་བཙུན་གཟུགས་མ་ཡིན་པའི། །རྣལ་འབྱོར་གྲུབ་ཐོབ་གཟུགས་སུ་བསྒོམ། །ཡུམ་ནི་རང་

[Full Size]

གི་ཡིད་ཡུལ་དུ། །གང་འཐད་ཐ་མལ་བུད་མེད་བསྒོམ། །དེ་བས་སྦྱོར་བའི་དམིགས་པ་རྣམས། །གོང་དུ་བཤད་པ་ལྟ་བུར་བསྒོམ། །འཁྲུལ་འཁོར་གང་དགོས་སྐབས་དང་བསྟུན། །ཐིག་ལེ་བཟློག་པར་ཐུབ་མ་ཐུབ། །ཆུ་སྲིན་གྲེ་འགག་གློད་པའི་དུས། །ལག་པའི་མཐིལ་དུ་རྡོ་རྗེ་བཙིར། །ཐིག་ལེ་ཅི་འདུག་དེར་བླུག་བལྟས། །དཀར་པོ་ཞོ་འམ་སྣབ་འདྲའི་གསེབ་།ཟར་མའི་འབྲུའམ་ཡུངས་དཀར་ཙམ། །དཀར་ལ་སྔོ་བའི་མདང་ཆགས་པ། །ཐར་ཐོར་བྱུང་ན་དྭངས་མའི་བཅུད། །བུད་མེད་ལ་སོགས་སྲིད་འབྱུང་རྒྱུ། །ཉམས་ན་ཉེས་པ་ཆེ་བ་དང་། །བཟུང་ན་ཉམས་རྟོགས་འཕེལ་རྒྱུ་ཡིན། །དེ་འདྲ་མེད་པའི་དཀར་པོ་ནི། །སྣབ་འདྲ་ཅུང་ཟད་སླ་བ་ནི། །དྭངས་མའི་སྙིགས་མ་ཡིན་པར་བཤད། །ཉམས་ཀྱང་ཉེས་པ་ཆུང་བ་དང་། །བཟུང་ཡང་ཤ་ཉམས་རྒྱས་ཙམ་ལས། །ཕན་ཡོན་ཆེན་པོ་མེད་པར་གསུངས། །དཀར་པོ་ལ་སོགས་མདོག་མེད་པར། །བ་གླང་ཁ་ཆུ་འདྲ་བ་ཡི། །ཉག་མ་ཡོད་པའི་བརླན་དེ་ནི། །སྙིགས་མའི་སྙིགས་མ་ཡིན་པ་སྟེ། །བཟུང་ཡང་དེ་ཉིད་མི་ཟིན་ཏེ། །ཤོར་ཡང་ཉེས་པ་མེད་པར་གསུངས། །དེ་ཉིད་མ་གཏོགས་དཀར་པོའི་རིགས། །

[Full Size]

བིགྷ་ནན་ཏ་ཀྲི་ལ་སོགས་བསྔགས། །བཟླས་པས་བྱིན་གྱིས་བརླབས་བྱས་ནས། །དྲོད་མ་ཡལ་བར་བཏུང་བར་བྱ། །དེ་ལ་བཙོག་པའི་འདུ་ཤེས་ན། །གསང་དབང་དམ་ཚིག་རྩ་ལྟུང་ཕོག །དེ་དོན་བརྟག་གཉིས་རྒྱུད་ལས་ནི། །ངེས་པར་བློ་དང་སྟོབས་ཀྱིས་ཕྱིར། །ག་པུར་མཁས་པས་མི་སྤང་སྟེ། །ངེས་པར་བློ་དང་སྟོབས་ཀྱིས་ཕྱིར། །མི་འཆི་ལྕེ་ཡིས་བླངས་ཞེས་གསུངས། །ཅི་ཕྱིར་གསང་བའི་བདུད་རྩི་ཡིན། །གལ་ཏེ་འདོད་ཆགས་ཤུགས་ཆེ་བས། །ཐིག་ལེ་ཐམས་ཅད་ཤོར་ན་ཡང་། །འཐུང་ན་ཉེས་ལྟུང་མེད་པར་གསུངས། །དེ་ཡང་དྲོད་མ་ཡལ་དགོས་ཏེ། །དྲོད་ཡལ་ན་ནི་ནད་དུ་འགྱུར། །དོན་དེ་ཤེས་པས་ནམ་དུ་ཡང་། །འདོད་ཆགས་དྲག་པོས་གདུང་བའི་ཚེ། །ཡབ་ཡུམ་སྦྱོར་བའི་དམིགས་པ་དང་། །འཁྲུལ་འཁོར་བཅས་པས་ཐིག་ལེ་དབབ། །འདོད་ཆགས་འདོད་པས་ཚིམས་བྱས་ཏེ། །ཐིག་ལེ་བཟུང་བཟློག་དམིགས་པ་བྱ། །གལ་ཏེ་མ་ཟིན་མ་བཟློག་ན། །།གང་ལྟར་མ་གུད་བཏུང་བར་བྱ། །ཐིག་ལེ་ཉམས་པའི་ཉེས་པ་དང་། །ལྟུང་བ་གང་གིས་མི་གོས་པས། །གསང་སྔགས་རྒྱུད་གཞུང་ཀུན་ནས་གསུངས། །དེ་ནས་དེ་ཡི་ལས་ཚོགས་

[Full Size]

ནི། །རང་ཉིད་སྤྱན་རས་གཟིགས་དབང་བྷྱོ༔ །སྒྲོལ་མ་དཀར་སྔོན་དམར་མོ་སོགས། །ཡུམ་དུ་བསྒོམས་ནས་སྦྱོར་མཆོད་ཕུལ། །སྦྱོར་མཚམས་བྱང་སེམས་འོད་ཟེར་གྱིས། །སྒྲོལ་མ་དཔག་མེད་འཇིག་རྟེན་བཀང་། །འཇིགས་པ་བཅུ་དྲུག་ཀུན་བསལ་ནས། །ཚུར་འདུས་རང་ཉིད་ཡབ་ཡུམ་ཐིམ། །འཇིགས་པ་བཅུ་དྲུག་ཞི་བར་འགྱུར། །ལོ་མ་ཅན་དང་སྦྱོར་བར་བསྒོམ། །སྦྱོར་མཚམས་ལྷ་མོ་གྲངས་མེད་འཕྲོས། །ཡམས་ནད་རིམས་ནད་ཐམས་ཅད་བཅད། །ཚུར་འདུས་རང་ལ་ཐིམ་བསྒོམས་ན། །མི་ནད་ཕྱུགས་ནད་གཅོད་པའི་ཟླུམཆོག །ཀུ་རུ་ཀུ་ལེར་སྦྱོར་མཆོད་ཕུལ། །སྦྱོར་མཚམས་ལྷ་མོ་གྲངས་མེད་འཕྲོས། །སྣང་སྲིད་ཐམས་ཅད་དབང་དུ་སྡུད། །ཚུར་འདུས་ཡུམ་ལ་ཐིམ་བསམས་པས། །དབང་སྡུད་ཀུན་གྱི་མཆོག་ཏུ་འགྱུར། །ནོར་རྒྱུན་མ་ལ་སྦྱོར་མཆོད་ཕུལ། །སྦྱོར་མཚམས་ལྷ་མོ་གྲངས་མེད་སྤྲོས། །འབྲུ་དང་རིན་ཆེན་ཆར་པ་ཕབ། །ཚུར་འདུས་རང་དང་ཡུམ་ལ་ཐིམ། །དངོས་གྲུབ་ཀུན་གྱི་མཆོག་ཏུ་འགྱུར། །རང་ཉིད་རྟ་མགྲིན་གཙོ་རྐྱང་བསྐྱེད། །གསང་བ་ཡེ་ཤེས་ཡུམ་དང་སྦྱོར། །སྦྱོར་མཚམས་རྟ་མགྲིན་གྲངས་མེད་སྤྲོས། །གནོད་བྱེད་ཐམས་ཅད་

[Full Size]

དབྱུག་ཐོས་བརྡུང་། །མེ་དཔུང་གིས་བསྲེག་རང་ལ་ཐིམ། །དེ་བཞིན་རང་ཉིད་ཕྱག་བཞི་པར། །བསྒོམས་ནས་དུད་སོལ་མ་དང་སྦྱོར། །དེ་ནས་རང་ཉིད་བེར་ནག་ཅན། །རང་བྱུང་རྒྱལ་མོར་སྦྱོར་བར་བསྒོམ། །ལྷ་མོའི་སྒྲུབ་ཐབས་མཆོག་ཏུ་གསུངས། །དཔེར་ན་སྐྱེས་པ་བཞིན་བཟང་བ། །རྡོ་རྗེ་ཆེ་ཞིང་ཤུགས་དྲག་པས། །བུད་མེད་གཞོན་ནུར་སྦྱོར་བྱས་ན། །བུད་མེད་དེ་ནི་དེ་ལ་དགའ། །དེ་བཞིན་རྣལ་འབྱོར་ཏིང་འཛིན་ལྡན། །མཁའ་འགྲོ་རྣམས་ལ་སྦྱོར་བསྒོམས་ན། །མཁའ་འགྲོ་མ་རྣམས་དེ་ལ་མཉེས། །མཆོག་དང་ཐུན་མོང་དངོས་གྲུབ་སྦྱིན། །གསང་མཆོད་མཆོད་པའི་མཆོག་ཡིན་པས། །ཕྱི་ཡི་མཆོད་རྫས་ཅི་བཟང་ཡང་། །རྣལ་འབྱོར་གཞན་ལ་དགའ་བ་མེད། །དེ་དག་དཔེ་དོན་རྒྱ་ཆེར་འགྱུར། །ཐིག་ལེ་ནོར་བུའི་རྒྱུད་ནས་གསུངས། །ཤེས་རབ་ཡེ་ཤེས་དབང་ཐོབ་ནས། །ཞག་པོ་རེ་ལ་ལན་རེ་རེ། །སྦྱོར་བའི་དམིགས་པ་མ་བསྒོམས་ན། །དབང་གི་དམ་ཚིག་ཉམས་པའི་ཕྱིར། །ལྷ་རྣམས་ཞལ་སྦྱོར་བསྒོམ་དགོས་པའི། །གསང་བའི་གནད་འགག་དེ་ཡིན་ནོ། །བཀའ་བརྒྱུད་བདེ་མཆོག་སྙན་བརྒྱུད་དང་། །གསར་མའི་གསང་འདུས་ཆོ་ག་

[Full Size]

ལས། །འདི་དག་རྒྱུན་དུ་འདོན་བྱར་ཡོད། །འོན་ཀྱང་གསང་སྔགས་མི་ཤེས་པས། །འདོན་ཆ་ཆོས་སྤྱོད་ལྟ་བུ་སོགས། །ཁྱད་པར་གནད་ཀྱི་མན་ངག་ཅིག །ཆགས་པ་རིམ་དུ་ཆེ་བ་ཡི། །ཐིག་ལེ་སྟོང་པར་མི་འདོད་ཅིང་། །བཟུང་བའི་བསམ་པ་ཡོད་ན་ཡང་། །བཟུང་བཟློག་གཏན་ནས་མི་ཐུབ་ན། །ཡུམ་གྱི་བྷ་གའི་ནང་དེ་རུ། །ཡི་དམ་དཀྱིལ་འཁོར་ཚང་བར་བསྒོམ། །དེ་ལ་གསང་མཆོད་འབུལ་བར་བསྒོམ། །ཐིག་ལེ་གཞན་དུ་མ་བོ་བར། །རང་གི་ལག་མཐིལ་རྫོགས་པར་གཏོང་། །ཨ་མྲྀ་ཏ་སོགས་སྔགས་ཀྱིས་བཏབ། །གོང་ལྟར་ལྷག་མེད་བཏུང་བྱས་ལ། །རང་གི་རྩ་གནས་མེར་གྱིས་གང་། །གསང་བའི་དབང་མཆོག་ཐོབ་པར་བསྒོམ། །དེ་ཡིས་ལྟུང་བ་མི་འབྱུང་ངེས། །གྲངས་ཀྱི་མང་ཉུང་རུང་མི་རུང་། །གསུམ་པའི་དམ་ཚིག་ནོས་གསུངས་ལྟར། །ཞག་རེ་ལན་རེ་རུང་བ་དང་། །ལྷ་མོའི་དམ་ཚིག་ནས་གསུངས་ཕྱིར། །ལྷ་མོར་བསྒོམ་པ་རེ་ཡང་རུང་། །མང་ཡང་ལྟུང་བ་མི་འབྱུང་སྟེ། །བསྐྱེད་རིམ་དཀྱིལ་འཁོར་གསལ་ཕྱིར་རོ། །འོན་ཀྱང་ཧ་ཅང་མང་བ་ན། །རླུང་ནད་མཁལ་སྲིན་ལྡང་ཉེན་ཡོད། །དཔལ་ལྡན་ལྷ་མོའི་རྒྱུད་རྣམས་ནས། །ཟླ་བ་ཡར་

[Full Size]

མར་ངོ་རེ་ལ། །ལྷ་མོར་སྦྱོར་བའི་དམིགས་པ་མ་བྱས་ན། །དཔལ་ལྡན་ལྷ་མོའི་དམ་ཚིག་ཉམས་པར་གསུངས། །འདི་ལྟར་འདོད་ཆགས་ལམ་དུ་འཁྱེར་བའི་ཚུལ། །འདོད་ཆགས་ཉིད་ཀྱིས་འདོད་ཆགས་འཇོམས་བྱེད་པ། །འདོད་ཆགས་མ་སྤངས་སངས་རྒྱས་ཐོབ་པའི་ཐབས། །འདུལ་ཁྲིམས་སྡོམ་པ་ཞུས་པའི་གང་ཟག་གིས། །སྡོམ་པ་མཐར་ཕྱིན་བསྟན་ལ་ཕན་པའི་ཐབས། །ཉོན་མོངས་འདོད་ཆགས་རྒྱུན་དུ་སྤྱད་བྱས་ནས། །ཉེས་ལྟུང་མི་གོས་ཉམས་རྟོགས་འཕེལ་བའི་ཐབས། །གསར་རྙིང་བླ་མེད་རྒྱུད་ཀྱི་སྙིང་ཁུ་སྟེ། །མ་མོ་མཁའ་འགྲོ་ཀུན་གྱི་སྙིང་ཁྲག་ཡིན། །རྩ་རླུང་རྒྱུས་ཡོད་དམ་ཚིག་གཙང་མ་དང་། །འགྱུར་མེད་དད་པ་མོས་གུས་ལྡན་ལ་སྟོན། །གསང་སྔགས་རྒྱུས་མེད་ཐེག་དམན་ཉན་ཐོས་དང་། །གྲུབ་མཐའ་མི་གཅིག་ལོག་ལྟ་གཤེ་སྐུར་མཁན། །དེ་འདྲར་བསྟན་ན་སྟོན་མཁན་ལྟ་མཁན་གཉིས། །མ་གཅིག་དཔལ་ལྡན་ལྷ་མོ་དཔོན་གཡོག་དང་། །ཤ་ཟ་མཁའ་འགྲོ་ཀུན་གྱིས་ཚོགས་སུ་རོལ། །དམ་ཚིག་མོས་གུས་ལྡན་པའི་རྗེས་འཇུག་གིས། །འདི་ཉིད་ཉམས་སུ་ལེན་པར་བྱེད་པའི་ཚེ། །ཡེ་ཤེས་མཁའ་འགྲོ་ཀུན་གྱིས་བྱིན་གྱིས་རློབས། །ལས་ཀྱི་མཁའ་

[Full Size]

འགྲོ་ཀུན་གྱིས་དངོས་གྲུབ་བྱིན། །འཇིག་རྟེན་མཁའ་འགྲོ་ཀུན་གྱིས་ཕྲིན་ལས་བསྒྲུབ། །རྩ་གནས་མཁའ་འགྲོ་ཀུན་གྱིས་བདེ་སྟོང་སྦྱོར། །ཤ་ཟ་མཁའ་འགྲོ་ཀུན་གྱིས་བསྟན་པ་སྲུང་། །ཁྱད་པར་མ་གཅིག་ལྷ་མོ་དཔོན་གཡོག་གིས། །ལུས་དང་གྲིབ་བཞིན་སྲུང་སྐྱོབས་མེལ་ཚེ་མཛོད། །ཅེས་པ་དགེ་སློང་པདྨ་བསོད་ནམས་ཀྱིས། །ཚེས་བརྒྱད་སྨན་ལྷ་ཆག་མེད་འདོན་པ་ཡི། །ཁས་ལེན་མཎྜལ་དང་བཅས་ཞུས་པའི་ངོར། །སྔགས་འཆང་རྣལ་འབྱོར་རཱ་ག་ཨ་སྱ་ཡིས། །ལུང་འདྲེན་ལ་སོགས་སྤྲོས་པ་ཀུན་བྱས་ཏེ། །ཉིན་གུང་ཐུན་གཅིག་ལ་ནི་རྫོགས་པར་སྨྲས། །སློབ་བུ་དད་ལྡན་པདྨ་ཐབས་མཁས་ཀྱིས། །རྫུ་འཕྲུལ་ལྟ་བུས་རེག་ཟིན་ཉིད་དུ་བྲིས། །འདི་ལ་གསང་སྔགས་སྦ་འོས་གསལ་བཀོད་པའི། །ཉེས་འགལ་མ་མོ་མཁའ་འགྲོའི་ཚོགས་ལ་བཤགས། །དགེ་བས་རྗེས་འཇུག་ཚུལ་ཁྲིམས་མཐར་ཕྱིན་ཤོག །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྫོགས་རིམ་གྱི་མན་ངག་ཟིན་བྲིས་རབ་ཏུ་གསལ་བ་བླ་མེད་རྡོ་རྗེ་ཐེག་པའི་ལམ་རིམ་ཇི་ལྟ་བ་མ་ནོར་བ།

[Full Size]

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྫོགས་རིམ་གྱི་མན་ངག་ཟིན་བྲིས་རབ་ཏུ་གསལ་བ་བླ་མེད་རྡོ་རྗེ་ཐེག་པའི་ལམ་རིམ་ཇི་ལྟ་བ་མ་ནོར་བ་བཞུགས་པའི་དབུ་ཕྱོགས་ལགས་སོ།།

[Full Size]

ན་མོ་ལོ་ཀི་ཤྭ་ར་ཡེ། བླ་མ་ཡི་དམ་དབྱེར་མེད་པའི། །ཐུགས་རྗེ་ཅན་ལ་ཕྱག་འཚལ་ནས། །དེ་ཡི་རྫོགས་རིམ་མན་ངག་འབྲི། ཆོས་བདག་སྲུང་མས་བཀའ་གནོང་ཞིང་། །དགོངས་པ་བཀྲོལ་བར་མཛད་དུ་གསོལ། །དེ་ཡང་པདྨ་ཟབ་པའི་རྒྱུད་ཀྱི་རྒྱལ་པོ་ལས། མཆོག་ནས་མཆོག་གི་སེམས་ཅན་ལ། །ཟབ་དང་རྒྱ་ཆེའི་ཆོས་རྣམས་བསྟན། །ཤེས་རབ་ཕུན་སུམ་ཚོགས་པ་ལ། །ཆོས་ཀྱི་རྣམ་གྲངས་ཆེན་པོ་བསྟན། །ཞེས་གསུངས་པ་ལྟར། དབང་ཐོབ་ཅིང་དམ་ཚིག་དང་ལྡན་པས། བསྐྱེད་རིམ་བརྟན་ཅིང་བསྙེན་སྒྲུབ་ཚད་དུ་འཁྱོལ་བའི་གང་ཟག །རྫོགས་རིམ་

[Full Size]

ཟབ་པ་དང་རྒྱ་ཆེ་བའི་གདམས་པ་འདི་ལ་འཇུག་པར་བྱའོ། །དེ་ཡང་གོ་བར་བྱ་བ་དེ་དང་པོ་གོ་བར་བྱས་ལ། དེ་ནས་ཉམས་སུ་ལེན་རྒྱུ་གང་ཡིན་དེ་ཉམས་སུ་ལེན་དགོས་སོ། །དེ་མ་ཡིན་པར་ཉམས་སུ་བླང་ཡང་འབེན་མ་མཐོང་བའི་མདའ་དང་འདྲ་གར་འགྲོ་ཆ་མེད་ཡིན། དེ་ལ་སྤྱིར་མི་ལུས་ཐོབ་དཀའ། ཁྱད་པར་དལ་འབྱོར་ཆོས་ལྡན་གྱི་ལུས་ཐོབ་དཀའ། བསྐལ་བཟང་སངས་རྒྱས་སྟོང་གི་ནང་ནས་ཀྱང་ཤཱཀྱ་ཐུབ་པའི་བསྟན་པ་འདི་མ་གཏོགས། གསང་སྔགས་བླ་མེད་འདིའི་བསྟན་པ་མི་འབྱུང་། ཅུང་ཟད་འབྱུང་བ་ཡང་གཅིག་བརྒྱུད་ལྟ་བུ་ལས་ཀུན་གྱིས་ཐོབ་པར་མི་

[Full Size]

འགྱུར། གསང་སྔགས་ཉམས་སུ་ལེན་པ་ལ་ཁམས་དྲུག་ལྡན་རྡོ་རྗེའི་ལུས་འཛམ་བུ་གླིང་གི་མི་ལུས་འདི་མིན་པ་མི་འོངས། དུས་ཀྱང་སྙིགས་མ་ལྔའི་དུས་འདིར་གསང་སྔགས་ཉམས་སུ་ལེན་པའི་དུས་ཡིན། བྱང་ཆུབ་སེམས་དཔའ་རྒྱུ་མཚན་ཉིད་ཀྱི་ཆོས་ཀྱིས་བསྐལ་པ་གྲངས་མེད་གསུམ་ན་སངས་རྒྱས། བྱ་རྒྱུད་སྤྱོད་རྒྱུད་མི་ཚེ་དྲུག་ཅུ། རྣལ་འབྱོར་རྒྱུད་མི་ཚེ་བཅུ་དྲུག་ལ་སངས་རྒྱས། བླ་མེད་རྡོ་རྗེ་ཐེག་པ་འདིའི་ཚེ་གཅིག་ལུས་གཅིག་ལ་སངས་རྒྱས། དེའི་ནང་ནས་ཟབ་མོ་རྩ་རླུང་ཐིག་ལེའི་གདམས་པ་བསྒོམས་ནས། རབ་ཀྱིས་རབ་སྐད་ཅིག་བཅུ་དྲུག །རབ་ཀྱི་འབྲིང་ཟླ་བ་དྲུག །རབ་ཀྱི་ཐ་མ་ལོ་གཅིག །འབྲིང་གི་རབ་ལོ་གསུམ། འབྲིང་གི་འབྲིང་ལོ་དྲུག །འབྲིང་གི་ཐ་མ་ལོ་བཅུ་གཉིས། ཐ་མའི་རབ་ཚེ་འདི་ལ། ཐ་མའི་འབྲིང་འཆི་དུས་སམ་བར་དོ། ཐ་མའི་ཐ་མ་སྐྱེ་བ་ཕྱི་མ། ཡང་ཐའི་སྐྱེ་བ་བདུན་ཚུན་ལ་སངས་མི་རྒྱ་མི་སྲིད། དེ་ལ་སངས་མ་རྒྱས་ན་དམ་ཚིག་ཆགས་པའི་རྟགས་ཡིན་ལན་གཅིག་ངན་སོང་དུ་འགྲོ་དགོས། དེར་སྡུག་བསྔལ་ཚབ་ཆེ་ལ་ཡུན་ཐུང་བ་གཅིག་མྱོང་ནས། སླར་ཆོས་འདི་དང་མཇལ་ཏེ། མྱུར་དུ་འབྲས་བུ་ཐོབ། དེའི་དོན་རྣམས་ལ་བསམས་ནས་ཆོས་

[Full Size]

འདི་ལ་སྙིང་རུས་བྱའོ། །དེ་ལ་ཐོག་མར་སྐྱབས་འགྲོ་ནས་བཟུང་སྟེ། ཕྱི་མདོའི་ལུགས་དང་ཅུང་ཟད་མི་འདྲ་བ་སྨོས་ཅི་དགོས། བྱ་སྤྱོད་རྣལ་འབྱོར་རྒྱུད་དང་ཡང་མི་འདྲ་བླ་མེད་བསྐྱེད་རིམ་པའི་ལུགས་དང་ཡང་ཅུང་ཟད་མི་འདྲ་བའི་ཁྱད་ཆོས་རེ་ཡོད་པ་ངེས་ཤེས་དགོས་སོ། །དེ་ལ་དང་པོ་སྐྱབས་འགྲོའི་དུས་སུ་ཆོས་སྤྱིའི་དཀོན་མཆོག་གསུམ་ནི་ཕྱི་ཡི་དཀོན་མཆོག་གསུམ་ཡིན། འདིའི་ལུགས་ནི་ནང་དང་གསང་བའི་དཀོན་མཆོག་གསུམ་ཡིན་པས། རང་གི་རྩ་བའི་བླ་མའི་ཐུགས་མི་ཟད་རྒྱན་གྱི་འཁོར་ལོ་སངས་རྒྱས་དཀོན་མཆོག ། གསུང་མི་ཟད་རྒྱན་གྱི་འཁོར་ལོ་དམ་ཆོས། སྐུ་མི་ཟད་རྒྱན་གྱི་འཁོར་ལོ་དགེ་འདུན། ཡོན་ཏན་དང་དངོས་གྲུབ་མི་ཟད་རྒྱན་གྱི་འཁོར་ལོ་ཡི་དམ། འཕྲིན་ལས་དང་ནུས་མཐུ་མི་ཟད་རྒྱན་གྱི་འཁོར་ལོ་ཆོས་སྐྱོང་སྟེ། དཀོན་མཆོག་ལྔ་ཚོམ་ཡང་བླ་མའི་རོལ་པར་ཤེས་པར་བྱའོ། །སངས་རྒྱས་ཀྱང་མདོ་ལུགས་ཀྱི་ས་བཅུ་གཅིག་པའི་སངས་རྒྱས་དེ་མིན་པར། མ་དག་པའི་རླུང་སེམས་འགགས་ཏེ། རྩ་དབུ་མ་གཙུག་ཏོར་གྱི་བར་དུ་གསལ་བར་རྫོགས་པར་གྲུབ་ནས། མཆོག་ཏུ་མི་འགྱུར་བའི་བདེ་ཆེན་རྣམ་པ་ཀུན་གྱི་མཆོག་དང་ལྡན་པའི་སྟོང་ཉིད་གཉིས་

[Full Size]

སུ་མེད་པའི་ཟུང་འཇུག་གི་སྐུ་ནི་སངས་རྒྱས་དཀོན་མཆོག །དེས་གསུང་པའི་བརྗོད་མེད་ནཱ་དའི་སྒྲ་ནི་དམ་ཆོས། དེའི་སྐུ་ལུས་རྩ་རླུང་ཐིག་ལེ་དྲུག་དཔའ་བོ་མཁའ་འགྲོའི་དཀྱིལ་འཁོར་དུ་བཞུགས་པ་ནི་དགེ་འདུན་ཡིན་པར་ཤེས་པར་བྱའོ། །དེ་ནས་ཉམས་སུ་བླང་བྱ་སྐྱབས་འགྲོ་ནི། མདུན་གྱི་ནམ་མཁར་རིན་པོ་ཆེའི་ཁྲི་ཡངས་ཤིང་རྒྱ་ཆེ་བ་སྣ་ཚོགས་པདྨ་འདབ་མ་སྟོང་ལྡན་དང་ཟླ་བའི་གདན་ལྔ་ཚོམ་ལ། རང་གི་རྩ་བའི་བླ་མ་དེ་ཉིད་སངས་རྒྱས་པདྨ་རབ་རྒྱས་ཞེས་ཀྱང་བྱ། འོད་དཔག་མེད་ཅེས་ཀྱང་བྱ། སྣང་བ་མཐའ་ཡས་ཞེས་ཀྱང་བྱ་བ་དེ་ཉིད་དང་དབྱེར་མེད་པ་ལ། རྣམ་པ་ལོངས་སྤྱོད་རྫོགས་སྐུ་ཚེ་དཔག་མེད་ཡབ་ཡུམ་ཞལ་སྦྱོར་ལ། དབུ་གཙུག་ན་ཡར་བརྒྱུད་པའི་བླ་མ་ཐམས་ཅད་མུ་ཏིག་སྟར་ལ་བརྒྱུས་པ་ལྟ་བུ། འཁོར་དུ་བཀའ་བརྒྱུད་ཀྱི་བླ་མ་ཐམས་ཅད་སྤྲིན་ལྟར་འཁྲིགས་པ་སྟེ། དེ་ཐམས་ཅད་གཅེར་བུ་རུས་པའི་རྒྱན་དྲུག་གསོལ་བ། ཕྱག་གཡས་ཌཱ་མ་རུ་དང་གཡོན་དྲིལ་བུ་འཛིན་པ་ཤ་སྟག་བསྒོམ། །དེའི་གཡས་སུ་སྟོན་པ་ཤཱཀྱ་ཐུབ་པ་ལ་བསྐལ་བཟང་སངས་རྒྱས་སྟོང་ལ་སོགས་སངས་རྒྱས་ཐམས་ཅད་དེ། དེ་ཡང་ཤཱཀྱ་ཐུབ་པ་མ་གཏོགས་ཐམས་ཅད་ལོངས་སྤྱོད་རྫོགས་སྐུ། གཡོན་དུ་

[Full Size]

ཕྱག་ན་རྡོ་རྗེ་ལ་ཉེ་བའི་སྲས་བརྒྱད་དང་གསང་སྔགས་ཀྱི་རིག་འཛིན་ཐམས་ཅད། མདུན་དུ་ཐུགས་རྗེ་ཆེན་པོ་ཡབ་ཡུམ་ཞལ་སྦྱོར་ལ། ཕ་རྒྱུད་མ་རྒྱུད་གཉིས་མེད་རྒྱུད་དང་ཡོ་ག་གསུམ་གྱི་ལྷ་ཚོགས་ཐམས་ཅད། རྒྱབ་ཏུ་ཆོས་སྐུ་ཡུམ་ཆེན་མོ་ལ་བླ་མེད་རྒྱུད་སྡེའི་གླེགས་བམ་ཐམས་ཅད་བརྩེགས་པ། གདན་མཚམས་སུ་དཔའ་བོ་མཁའ་འགྲོ་ཐམས་ཅད་ན་བུན་ལྟར་འཐིབས་པ། འོག་ཏུ་བེར་ནག་ཅན་ཡབ་ཡུམ་ལ་ཡེ་ཤེས་ཀྱི་ཆོས་སྐྱོང་སྲུང་མ་ཐམས་ཅད་ཀྱིས་བསྐོར་བ། དེ་ཐམས་ཅད་ཀྱང་ཡེ་ནས་ཡེ་ཤེས་པ་དང་དམ་ཚིག་པ་དབྱེར་མེད་པའི་ངོ་བོར་བསྒོམས་ལ། དེའི་སྐྱབས་འོག་ཏུ་བདག་དང་སེམས་ཅན་ཐམས་ཅད་ཚུད་པར་བསམས་ཏེ། ཐལ་མོ་སྦྱར་ལ། བདག་གཞན་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཅེས་པ་ནས། ཆོས་སྐྱོང་སྲུང་མའི་ཚོགས་རྣམས་ལ་སྐྱབས་སུ་མཆིའོ། །ཞེས་པའི་བར་རྒྱལ་བ་རྒྱ་མཚོའི་ཆོ་གའི་ནང་གི་སྐྱབས་འགྲོ་དེ་ལན་བདུན་ནམ་ཉེར་གཅིག་ཙམ་བྱ། དེ་ནས་སྐྱབས་ཡུལ་ཐམས་ཅད་འོད་དུ་ཞུ་ནས་རང་ལ་ཐིམ་པས། རང་གི་སེམས་སངས་རྒྱས་དཀོན་མཆོག །ངག་རླུང་གི་རྒྱུ་བ་ཨཱ་ལི་ཀཱ་ལི་སྔགས་ཀྱི་རང་བཞིན་ཆོས་དཀོན་མཆོག་

[Full Size]

ལུས་ཀྱི་རླུང་ཐིག་ལེ་དཔའ་བོ་མཁའ་འགྲོའི་རང་བཞིན་དུ་ཡེ་ནས་གནས་པ་མངོན་དུ་མ་གྱུར་མ་རིག་པའི་སྒྲིབ་པས་བསྒྲིབས་པ་དེ་དག་ནི། དཀོན་མཆོག་གསུམ་རང་ལ་གནས་པ་མངོན་དུ་སྣང་བར་བྱ། ཁྱད་པར་དུ་སེམས་ཀྱི་ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། རྣམ་པ་འགག་མེད་སྤྲུལ་སྐུ། དུས་གསུམ་དབྱེར་མེད་ངོ་བོ་ཉིད་ཀྱི་སྐུར་ཡེ་ནས་ཡོད་པ་དེ་མངོན་སུམ་དུ་རྟོགས་པར་གྱུར་ཏེ། དཀོན་མཆོག་གསུམ་རང་བཞིན་དབྱེར་མེད་ཆུ་ལ་ཆུ་འདྲེས་པ་ལྟར་གྱུར་སྙམ་དུ་སེམས་མ་བཅོས་པ་ཀློད་དེ་བཞག་པའི་ངང་ནས་ཡི་གེ་དྲུག་པ་བཟླས་ཏེ། རྒྱལ་པོ་སྲོང་བཙན་སྒམ་པོས། ཨོཾ་སངས་རྒྱས་ལ་སྐྱབས་སུ་འགྲོ། མ་ཆོས་ལ་སྐྱབས་སུ་འགྲོ། ཎི་དགེ་འདུན་ལ་སྐྱབས་སུ་འགྲོ། པད་བླ་མ་ལ་སྐྱབས་སུ་འགྲོ། མེ་ཡི་དམ་ལ་སྐྱབས་སུ་འགྲོ། ཧཱུྃ་མཁའ་འགྲོ་ལ་སྐྱབས་སུ་འགྲོ། དེ་ལྟར་སྐྱབས་སུ་འགྲོ་བས་ངན་སོང་དང་འཁོར་བ་ལས་སྐྱོབ་པ་ཡང་། ཡི་གེ་དྲུག་པ་བཟླས་པ་ལས་འབྱུང་ངོ་། །ཞེས་གསུངས་པའི་དོན་ནོ། །གོང་གི་དམིགས་པ་བསྒོམ་ཞིང་བཟླ། རེས་འགའ་སྐྱབས་ཡུལ་བསྡུས་ནས་དམིགས་མེད་ངང་ནས་བཟླ་བར་བྱ་སྟེ། སྐྱབས་ཡུལ་དང་སྐྱབས་སུ་འགྲོ་མཁན་

[Full Size]

སྐྱབས་འགྲོ་གསུམ་ཀ་རང་གི་སེམས་ལས་གཞན་དུ་གྲུབ་པ་རྡུལ་ཙམ་ཡང་མེད།། སེམས་ནི་ཡེ་ནས་ཡོད་མེད་དང་། རྟག་ཆད་ལ་སོགས་ཅིའི་ངོ་བོ་ཡང་མ་གྲུབ་པ་སྟོང་པ་ཆོས་སྐུ་སྐྱེ་བ་མེད་པ་ཡིན་ཏེ། དེའི་ངང་ལ་མཉམ་པར་བཞག་པ་ནི་དོན་དམ་པའི་སྐྱབས་འགྲོ་ཡིན་ཏེ། རང་སེམས་སྟོང་པ་ཆོས་ཀྱི་སྐུ་ལ་སྐྱབས་སུ་མཆིའོ། །ཞེས་དང་། རང་ཉིད་སྐྱབས་སུ་ཤེས་པ་ནི་སྐྱབས་ཀྱི་མཆོག་སྟེ། རང་སེམས་སྐྱེ་བ་མེད་པ་འདི་ཡེ་ནས་རྫོགས་པའི་སངས་རྒྱས་ཡིན་པར་ཤེས་པར་བྱ་སྟེ། རྒྱུད་སྡེ་རྣམས་ནས་སེམས་ནི་རྫོགས་པའི་སངས་རྒྱས་ཉིད། །ཅེས་གསུངས་པའི་དོན་རྟོགས་ན། རིག་འབྱུང་འཇུག་གི་ཨཱ་ལི་ཀཱ་ལི་སྔགས་ཀྱི་སྒྲ་དེ་དམ་ཆོས། ལུས་ཀྱི་རྩ་རླུང་ཐིག་ལེ་དཔའ་བོ་དང་ཊཱཀྐིའི་ངོ་བོར་བཞུགས་པ་དེ་དགེ་འདུན་ཡིན་པས། དེ་ལ་དང་པོ་གོ་བ། བར་དུ་མྱོང་། ཐ་མར་དངོས་སུ་རྟོགས་ན་སྐྱབས་འོག་ཏུ་ཚུད་དེ་དཀོན་མཆོག་གསུམ་དང་དབྱེར་མེད་དུ་གྱུར་པ་ཡིན་ནོ། །སྐྱབས་ཡུལ་གསལ་འདེབས་དུས་ཡེ་ཤེས་སྤྱན་འདྲེན་སོགས་མི་དགོས་ཏེ། ནམ་མཁས་གར་ཁྱབ་སངས་རྒྱས་ཀྱི་སྐུ་གསུང་ཐུགས་ཀྱིས་མ་ཁྱབ་པ་མེད་པར་གསུངས་ཤིང་། གཤེགས་དང་བཞུགས་པའི་

[Full Size]

མཚན་མ་མི་མངའ་ཡང་། །ཆུ་ཟླ་བཞིན་དུ་གར་དམིགས་དེར་སྣང་བ། །ཞེས་པའི་དོན་ཡིན་ནོ། །ཚེ་འདིའི་ནད་དང་སྡུག་བསྔལ་འཇིགས་པ་བརྒྱད་དང་བཅུ་དྲུག་སོགས་ལས་ཀྱི་རྣམ་སྨིན་མ་གཏོགས་ཐམས་ཅད་སྐྱབས་འགྲོས་སྐྱོབ་པ་དང་། ཕྱི་སྡོམ་པ་དམ་ཚིག་ཐམས་ཅད་ཀྱི་རྨང་གཞི། ནང་རྩ་རླུང་ཐིག་ལེ་ལ་གེགས་སྐྱོན་མི་འབྱུང་བའི་སྐྱེལ་མ། གསང་བ་ལྟ་སྒོམ་སོགས་ས་ལམ་ལ་གེགས་མི་འབྱུང་བའི་དཔུང་རོགས། ཕྱི་མ་ངན་སོང་དང་འཁོར་བ་ལས་སྐྱོབ་པའི་གྲུ་གཟིངས་ཐམས་ཅད་སྐྱབས་འགྲོ་འདི་ཡིན་པས། ཐུན་རེར་སྐྱབས་འགྲོ་བདུན་ནམ་ཉེར་གཅིག །སྐྱབས་འགྲོའི་སྙིང་པོ་ཡི་གེ་དྲུག་པ་སྟོང་ཕྲག་རེ་བྱེད་ནས། སྔ་དྲོ་ཐུན་གཉིས་ཕྱི་དྲོ་ཐུན་གཉིས། མཚན་ཐུན་གཉིས་དང་ཐུན་དྲུག་རེ་གྱིས་ལ། ཞག་གསུམ་འདི་ཁོ་ན་ལ་ཅིག་དྲིལ་དུ་ཉམས་སུ་ལོངས་མཛོད། རྒྱལ་བ་རྒྱ་མཚོའི་བདག་བསྐྱེད་ཚར་རེ་དང་གཏོར་བསྔོས་རེ་ནི་བྱའོ། །ཆོས་ཐུན་གཅིག་པའོ།། ༈ དེ་ནས་བྱང་ཆུབ་མཆོག་ཏུ་སེམས་བསྐྱེད་པ་ལ། རྒྱུ་མཚན་ཉིད་ཐེག་པའི་སེམས་བསྐྱེད་ཐུན་མོང་བ་ནི། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་འདོད་པའི་བསམ་པ་ནི་སྨོན་པ་སེམས་བསྐྱེད། དེ་

[Full Size]

ཐོབ་པའི་ཕྱིར་ཕར་ཕྱིན་དྲུག་ཉམས་སུ་བླངས་བ་ནི་འཇུག་པ་སེམས་བསྐྱེད་དེ། དེ་གཉིས་ཀུན་རྫོབ་སེམས་བསྐྱེད་ཡིན། དེ་ལྟར་བསྐལ་པ་གྲངས་མེད་གཅིག་ཉམས་སུ་བླངས་བའི་མཐུས། སྟོང་ཉིད་མངོན་སུམ་དུ་རྟོགས་པ་དོན་དམ་སེམས་བསྐྱེད་ཡིན་ནོ། །འདིར་སྔགས་ཀྱི་སེམས་བསྐྱེད་ནི། བཅོམ་ལྡན་འདས་ཤཱཀྱ་ཐུབ་པ་དེ་བྱང་ཆུབ་སེམས་དཔའ་རྒྱལ་བུ་དོན་གྲུབ་ཅེས་བྱ་བར་གྱུར་པའི་ཚེ། བྱང་ཆུབ་ཤིང་གི་དྲུང་དུ་སྐྱིལ་མོ་ཀྲུང་བཅས་ནས་བཞུགས་པའི་ཚེ། དེ་བཞིན་གཤེགས་པ་ཏིལ་གྱི་གང་བུ་ཁ་ཕྱེ་བ་ལྟ་བུ་བྱོན་ནས་ལོངས་སྤྱོད་རྫོགས་པའི་སྐུར་བསྟན་ནས། ཁྱོད་ཅིའི་ཕྱིར་སངས་རྒྱས་ཐམས་ཅད་ཀྱི་དེ་ཁོ་ན་ཉིད་མ་གཏོགས་ནས། དཀའ་བ་སྤྱད་ནས་བྱང་ཆུབ་ཐོབ་པར་བྱ་སྙམ་གསུངས་པས། རྒྱལ་བུ་དོན་གྲུབ་ཀྱིས་ཕྱག་འཚལ་ནས། དེ་ཁོ་ན་ཉིད་ཇི་ལྟར་བསྒྲུབ་ཞུས་པས། སངས་རྒྱས་ཐམས་ཅད་ཀྱིས་གསུང་གཅིག་ཏུ་རིགས་ཀྱི་བུ་རང་གི་སེམས་ལ་མཉམ་པར་ཞོག་ལ་སྔགས་འདི་ཟློས་ཤིག་གསུངས། དེ་ལྟར་བྱས་པས་རང་གི་སྙིང་གར་ཟླ་བའི་དཀྱིལ་འཁོར་ལྟ་བུར་མཐོང་། སླར་ཡང་སེམས་སྦྱང་བ་བྱང་ཆུབ་ཏུ་སེམས་བསྐྱེད་ཕྱིར་སྔགས་ཟློས་གསུངས་ནས་བཟླས་

[Full Size]

པས། རང་གི་སྙིང་གར་ཟླ་བའི་དཀྱིལ་འཁོར་གྱི་སྙིང་པོ་མཐོང་ངོ་། །ད་སེམས་བསྐྱེད་དེ་བརྟན་པར་བྱ་བའི་ཕྱིར་ཟླ་བའི་དཀྱིལ་འཁོར་ལ་རྡོ་རྗེའི་དབྱིབ་སྒོམས་ཤིག་གསུངས་ནས་བསྒོམས་པས། ཟླ་བའི་སྟེང་དུ་རྡོ་རྗེ་མཐོང་། དེ་ནས་སངས་རྒྱས་ཐམས་ཅད་ཀྱིས་སེམས་བསྐྱེད་དེ་བརྟན་པའི་ཕྱིར་སྔགས་གསུངས་པས། སངས་རྒྱས་ཐམས་ཅད་ཀྱི་བྱིན་རླབས་བྱང་ཆུབ་སེམས་དཔའ་དེ་ལ་ཞུགས་ཏེ་དབང་བསྐུར་བས། རང་ཉིད་སངས་རྒྱས་ཀྱི་སྐུར་མཐོང་སྟེ་རྫོགས་པའི་བྱང་ཆུབ་ཏུ་སངས་རྒྱས་པའི་ལོ་རྒྱུས་རྒྱ་ཆེར་རྩ་རྒྱུད་དེ་ཉིད་བསྡུས་པ་སོགས་ནས་ཟློབཤད་པའི་དོན་ཡིན་པས། རང་ཉིད་སྐད་ཅིག་གིས་ཡི་དམ་ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྐུར་སྐད་ཅིག་གིས་བསྒོམས་ལ། ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་ཉ་གང་བ་གཅིག་བསྒོམ། དེ་ཤིན་ཏུ་གསལ་བར་གྱུར་པ་ན། དེའི་སྟེང་དུ་དོན་དམ་པའི་བྱང་ཆུབ་སེམས་ཀྱི་ངོ་བོ་རྡོ་རྗེ་སྔོན་པོ་རྩེ་ལྔ་པ་འགྲེང་ཐབས་སུ་གནས་པ་གཅིག་བསྒོམ་ལ། ནམ་མཁའ་དང་མཉམ་སེམས་ཅན་ཀུན། །བདེ་ལྡན་སྡུག་བསྔལ་ཀུན་བྲལ་ཞིང་། །སྤྱན་རས་གཟིགས་ཀྱི་གོ་འཕང་སླད། །རིམ་གཉིས་ཟབ་མོ་བསྒོམ་པར་བྱའོ། །ཞེས་ལན་བདུན་

[Full Size]

ནམ་གསུམ་བཟླས། དེ་ནས་རྡོ་རྗེའི་རྣལ་འབྱོར་དུ་སེམས་བསྐྱེད་པའི་སྔགས། ཨོཾ་སརྦ་ཡོ་ག་ཙིཏྟ་ཨུརྱ་ཏ་ཡ་མི། ཞེས་དང་། སེམས་བསྐྱེད་དེ་བརྟན་པའི་སྔགས། སུ་ར་སྟེ་ས་མ་ཡ་སྟོ་ཧོ། ཞེས་དང་། བདག་ཉིད་སངས་རྒྱས་ཐམས་ཅད་ཀྱི་ངོ་བོར་གྲུབ་པའི་སྔགས། སིདྡྷི་བཛྲ་ཡ་ཐཱ་སུ་ཁཾ། ཞེས་པའི་སྔགས་དེ་གསུམ་སྦྲེལ་ལ་བརྒྱའམ་ཉེར་གཅིག་བཟླ། དེ་ནས་སེམས་གཞན་དུ་མི་འཕྲོ་བར་སྙིང་ཁའི་ཟླ་བ་རྡོ་རྗེ་གཉིས་ལ་རྩེ་གཅིག་ཏུ་དམིགས་པ་གཏད་དེ། དེ་ཡང་ཟླ་བའི་ཁ་དོག་ཤིན་ཏུ་དཀར་བ་དང་། དབྱིབས་ཟླུམ་པོ་ཉ་གང་བ་དང་། འོད་ཟེར་དཀར་པོ་འཕྲོ་བ་དང་། རྡོ་རྗེ་ཁ་དོག་སྔོ་བ་དང་། ལྟེ་བ་ཟླུམ་པ་དང་། ཡར་རྩེ་ལྔ་དང་མར་རྩེ་ལྔ་དང་དེ་འགྲེང་ཐབས་སུ་གནས་པ་རྣམས་ལ་རིམ་པར་སེམས་བཟུང་། ཟླ་བ་རྡོ་རྗེ་དེ་ཡང་དངོས་པོར་མ་གྲུབ་པ་མེ་ལོང་གི་གཟུགས་བརྙན་ལྟ་བུ། དངོས་པོར་མེད་ཀྱང་ཤིན་ཏུ་གསལ་བར་སེམས་བཟུང་ངོ་། །དེ་ནས་དེ་ལྟར་ཟླ་བ་ནི་ཀུན་རྫོབ་བྱང་ཆུབ་ཀྱི་སེམས་ཡིན་ནོ། །རྡོ་རྗེ་ནི་དོན་དམ་བྱང་ཆུབ་ཀྱི་སེམས་ཡིན་ནོ། །ཟླ་བ་ནི་རང་གི་ལུས་ཀྱི་ཁམས་ཐིག་ལེ་དཀར་པོ་དྭངས་མའི་ངོ་བོ་ཡིན་ནོ། །རྡོ་རྗེ་ནི་རང་གི་སེམས་

[Full Size]

བདེ་གཤགས་སྙིང་པོའི་ངོ་བོ་ཡིན་ནོ་བསམ་དུ་བྱ། དེ་ནི་རང་གི་སེམས་དང་ཟླ་བ་རྡོ་རྗེ་གཉིས་སོ་སོ་ཡིན་ནོ། །གཅིག་རེད་སྙམ་དུ་རྩད་གཅོད་པས། ཟླ་བ་རྡོ་རྗེ་ནི་སེམས་ཀྱིས་བསྒོམ་པ་ཡིན་པས། སེམས་ལས་ལོགས་སུ་སྒྲུབ། དེ་ནས་སེམས་ཀྱིས་སེམས་ལ་ཧྲིག་གེར་བལྟས་པས། གཟུགས་ཁ་དོག་ཅིར་ཡང་མ་གྲུབ། མ་གྲུབ་བཞིན་དུ་ཅིར་ཡང་འཆར་དུ་རུང་བ། ཡོད་པ་མ་ཡིན་པས་དངོས་པོ་མེད་པ། མེད་པ་མ་ཡིན་པས་ཅིར་ཡང་གསལ་བ། དེ་ནི་འདི་འདྲ་ཞིག་གདའ་ཞེས་ངག་ཏུ་བརྗོད་མི་ཤེས་པ། བརྗོད་མི་ཤེས་ཀྱང་ཕྱོགས་འགྲོ་ཙམ་རེ་བརྗོད་ན་ཟད་པམེད་པ། སྨྲ་བསམ་བརྗོད་མེད། ཅེས་དང་། ཚིག་ཏུ་བརྗོད་པ་སྤང་པ་སྟེ། །བརྗོད་པ་ཀུན་གྱི་རྒྱུ་ཡི་མཆོག། །ཅེས་པའི་དོན། དེ་ཉིད་ལ་མཉམ་པར་བཞག་པ་ནི་དོན་དམ་པའི་སེམས་བསྐྱེད་ཡིན། སྔོན་དུ་ཟླ་བ་རྡོ་རྗེ་བསྒོམས་པ་ནི་ཀུན་རྫོབ་སེམས་བསྐྱེད་དེ། སྔགས་ལུགས་འདི་ཐབས་མཁས་པས་རྣམ་པ་ལམ་དུ་བྱེད་པ་ཡིན་ཏེ། དཔེར་ན་དམིགས་རྡེལ་བཞག་པ་ལྟ་བུ་ཡིན་གྱི། སེམས་ལ་ཟླ་བ་འདྲ་བ་ཅིག་མཐོང་རྒྱུ་ཡོད་ཟེར་བ་ནི་མིན་ནོ། །དེ་ལྟར་ཀུན་རྫོབ་ཟླ་བ་རྡོ་རྗེར་བསྒོམ་པ་དང་། དོན་དམ་སྟོང་ཉིད་བསྒོམ་པ་

[Full Size]

གཉིས་རེས་མོས་སུ་བྱེད་ཅིང་། བྱང་ཆུབ་ཏུ་སེམས་བསྐྱེད་པའི་སྙིང་པོ་ཡི་གེ་དྲུག་པ་འདི་བཟླ་སྟེ། སྤྲུལ་པའི་རྒྱལ་པོའི་གསུངས་ལས། ཨོཾ་སྨོན་པ་བྱང་ཆུབ་མཆོག་ཏུ་སེམས་བསྐྱེད། མ་འཇུག་པ་བྱང་ཆུབ་མཆོག་ཏུ་སེམས་བསྐྱེད། ཎི་གཉིས་མེད་བྱང་ཆུབ་མཆོག་ཏུ་སེམས་བསྐྱེད། པད་ཆོས་ཉིད་བྱང་ཆུབ་མཆོག་ཏུ་སེམས་བསྐྱེད། མེ་ཡེ་ཤེས་བྱང་ཆུབ་མཆོག་ཏུ་སེམས་བསྐྱེད། ཧཱུྃ་དོན་དམ་བྱང་ཆུབ་མཆོག་ཏུ་སེམས་བསྐྱེད། བྱང་ཆུབ་མཆོག་ཏུ་སེམས་བསྐྱེད་པ་ཡང་། ཡི་གེ་དྲུག་པ་བཟླས་པ་ལས་འབྱུང་ངོ་། །ཞེས་གསུངས་པའི་དོན་ཡིན་ནོ། །དེ་ལྟར་རྟེན་ཀུན་རྫོབ་རྒྱུའི་བྱང་སེམས་ཐིག་ལེ་དཀར་པོ་དེ་ཉམས་ན། དེ་ལ་བརྟེན་ནས་གནས་པའི་དོན་དམ་བྱང་ཆུབ་ཀྱི་སེམས་བདེ་བ་ཆེན་པོའི་ཡེ་ཤེས་ཉམས་པའི་ཕྱིར། བྱང་སེམས་ཉམས་ན་ཉེས་པ་ཆེ་བ་སྟེ། དྲི་མེད་འོད་ལས། སྡུག་བསྔལ་སྐྱེས་བུ་ཁམས་ཟད་བྱེད། །ཁམས་ཟད་པ་ལས་འཆི་བར་འབྱུང་། །ཞེས་གསུངས། འདུལ་བ་ལས་རྨི་ལམ་དུ་བྱང་སེམས་ཉམས་ཀྱང་ལྟུང་བ་མེད་པར་གསུངས་ལ། དུས་འཁོར་ལུགས་ལ། རྨི་ལམ་དུ་ཉམས་ན་ཡང་རྩ་ལྟུང་དུ་བཤད། འདི་ལྟར་བྱང་སེམས་ཉམས་མི་རུང་བ་

[Full Size]

ནི། པོན་ལུགས་དང་མུ་སྟེགས་པའི་ལུགས་ལ་ཡང་བཤད་པ་ཡོད་པར་སྣང་ན། གསང་སྔགས་བླ་མེད་ལུགས་ལ་ལྟ་སྨོས་ཅི་དགོས། འོན་ཀྱང་དྭངས་སྙིགས་ཀྱི་ཁྱད་པར་དང་། དུས་ཀྱི་གནང་བའི་སྐབས་ཡོད་དེ། དེ་དག་སོ་སོའི་སྐབས་སུ་འཆད་པར་བྱའོ། །དེ་ནས་ཚད་མེད་བཞི་བསྒོམ་པ་ལ་ཡང་། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་ན་ཅི་མ་རུང་དེ་ལྡན་པར་གྱུར་ཅིག་སྙམ་པ་སོགས་ནི་མདོའི་ལུགས་ཡིན། སྔགས་ལུགས་བླ་མེད་ཆགས་ལམ་པའི་སྐབས་སུ་འདོད་ཆགས་བཞི་ལ་ཚད་མེད་བཞི་སྟེ། བལྟ་བ་སྙིང་རྗེ། འཁྱུད་པ་བྱམས་པ། དགའ་བས་མྱོས་པ་དགའ་བ། གཉིས་ཀ་འཚོགས་པ་བཏང་སྙོམས་སུ་སངས་རྒྱས་ཐོད་པའི་རྒྱུད་སོགས་ནས་བཤད་ཀྱང་། འདིར་གྲོལ་ལམ་སྐབས་སུ་དེ་ལྟར་མི་འབབ་པས་འདིར་བསྒོམ་བྱ་ནི། རང་ཉིད་ཐུགས་རྗེ་ཆེན་པོ་རྒྱལ་བ་རྒྱ་མཚོར་སྐད་ཅིག་ལ་བསྒོམས་པའི་ཐུགས་ཀར་ཟླ་བའི་སྟེང་དུ་རྡོ་རྗེ་སྔོན་པོ་རྩེ་ལྔ་པ་གསལ་བཏབ་ལ། དེ་ལས་འོད་ཟེར་སྔོན་པོའམ་དཀར་པོ་འཇིག་རྟེན་ཐམས་ཅད་ཁྱབ་པར་འཕྲོས་པས། སེམས་ཅན་ཐམས་ཅད་བདེ་སྟོང་གཉིས་སུ་མེད་པར་མཆོག་ཏུ་མི་འགྱུར་བའི་བདེ་བ་ཆེན་པོ་དང་། དེ་ཐོབ་པའི་

[Full Size]

རྒྱུད་གསང་སྔགས་རྩ་རླུང་ཐིག་ལེའི་གནད་མ་ཤེས་པས། འཁོར་བའི་སྡུག་བསྔལ་ཐམས་ཅད་བསྐྱེད་པ་དང་། སྡུག་བསྔལ་དེའི་རྒྱུ་ལྷན་ཅིག་སྐྱེས་པའི་མ་རིག་པ་དང་བྲལ་བར་བྱས། ཡང་འོད་ཟེར་དམར་པོ་འཕྲོས་པས། སེམས་ཅན་ཐམས་ཅད་གཉིས་སུ་འཛིན་པའི་སྡུག་བསྔལ་ཐམས་ཅད་དང་བྲལ་བའི་བདེ་བ་དམ་པ། བདེ་སྟོང་གཉིས་མེད་ཀྱི་ཡེ་ཤེས་འགྱུར་མེད་རྟག་པའི་རང་བཞིན་དམ་པ་དང་མི་འབྲལ་བར་བྱས། ཡང་འོད་ཟེར་ལྗང་ཁུ་འཕྲོས་པས། སེམས་ཅན་ཐམས་ཅད་ཀྱི་ལུས་ངག་ཡིད་གསུམ་ཡེ་ནས་སྐུ་གསུང་ཐུགས་རྡོ་རྗེའི་རང་བཞིན་ཆོས་ཀྱི་དབྱིངས་སུ་གཅིག་ཅིང་མཐོ་དམན་ཆེ་ཆུང་མེད་པར་མཉམ་པ་ཡིན་པས། དེ་ཡིན་ལ་ཡིན་བཞིན་དུ་རྟོགས་ཏེ་མཉམ་ཉིད་བདེ་བ་ཆེན་པོའི་རང་བཞིན་དུ་བྱས་པར་བསྒོམ་ལ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཞེས་སོགས་ཆོ་ག་ནང་གི་ཚད་མེད་བཞི་དེ་ཚར་གསུམ་མམ་བདུན་ཙམ་དང་། ཚད་མེད་བཞིའམ་དྲུག་གི་སྙིང་པོ་ཡི་གེ་དྲུག་པ་བཟླས་ཏེ། སྤྲུལ་པའི་རྒྱལ་པོས། ཨོཾ་འགྲོ་དོན་མཉམ་པ་རེས་མེད་ཐུགས་རྗེ་ཚད་མེད་པ། མ་བྱམས་པ་ཚད་མེད་པ། ཎི་སྙིང་རྗེ་ཚད་མེད་པ། པད་དགའ་བ་ཚད་མེད་

[Full Size]

པ། མི་བཏང་སྙོམས་ཚད་མེད་པ། ཧཱུྃ་ཆོས་ཉིད་ཚད་མེད་པའོ། །ཚད་མེད་པ་དྲུག་གིས་འགྲོ་བའི་དོན་བྱེད་པ་ཡང་ཡི་གེ་དྲུག་པ་བཟླས་པས་འགྲུབ་པ་ཡིན་ནོ། །ཞེས་གསུངས་སོ། །དེ་ལྟར་སྔ་དྲོ་སེམས་བསྐྱེད་བསྒོམ། ཕྱི་དྲོ་ཚད་མེད་པ་བཞི་བསྒོམ་པ་ཞག་གསུམ། ཆོས་མཐུན་གཉིས་པ་ཡིན་ནོ།། སྤྱིར་འཁོར་བའི་སྡུག་བསྔལ་ཐམས་ཅད་ཚེ་རབས་སྔ་མ་རྣམས་སུ་སྡིག་པ་མི་དགེ་བ་བྱས་པའི་འབྲས་བུ་ཡིན། དེ་ལ་ཡང་མཐོང་ཆོས་མྱོང་འགྱུར་དང་། སྐྱེས་ནས་མྱོང་འགྱུར་དང་། ལན་གྲངས་གཞན་དུ་མྱོང་འགྱུར་དང་གསུམ་ཡོད་དེ། མཐོང་ཆོས་མྱོང་འགྱུར་ནི་སྐྱེ་བ་འདི་ལ་ངེས་པར་སྨིན་དགོས། སྐྱེས་ནས་མྱོང་གྱུར་སྐྱེ་བ་གཞན་དུ་སྨིན། ལན་གྲངས་གཞན་དུ་མྱོང་གྱུར་ནི། རྣམ་སྨིན་གྱི་ངེས་པ་མེད། །ནད་གདོན་རྐྱེན་དང་འཕྲད་ན་མྱུར་དུ་སྨིན། རྐྱེན་དང་མ་འཕྲད་ན་བསྐལ་པ་མང་པོར་ཡང་མི་སྨིན་ཏེ་དུས་ནམ་ཞིག་ནི་སྨིན་ངེས། དེ་ལྟ་བུའི་སྒྲིབ་པ་དེ་ལས་ཀྱི་སྒྲིབ་པ་ཡིན་ཏེ། ཚེ་སྔ་མ་རྣམས་སུ་རང་གིས་བྱས་པའི་ལས་ཡིན། ཉོན་མོངས་པའི་སྒྲིབ་པ་ནི་ལུས་ངག་གིས་མ་བྱས་ཀྱང་། སེམས་ལ་འདོད་ཆགས་ཞེ་སྡང་གཏི་མུག་གི་རྟོག་པ་ངན་པ་འགྱུར་བ་ཡིན། ཤེས་

[Full Size]

བྱའི་སྒྲིབ་པ་ནི་ཕྱིའི་རིག་པའི་གནས་རྣམས་ལ་མཁས་པས། དེ་དང་དེར་མངོན་པར་ཞེན་པ་སོགས་མདོར་ན་རང་རིག་གི་ཡེ་ཤེས་མ་རྟོགས་པའི་ཀུན་རྫོབ་རྣམས་ཡིན། བག་ཆགས་ཀྱི་སྒྲིབ་པ་ནི། དཔེར་ན། ལུས་ལྷར་བསྒོམས་ནས་བསྐྱེད་རིམ་ལྟ་བུ་གསལ་ན་ཡང་། ད་དུང་ཐ་མལ་པའི་ལུས་ཀྱི་བག་ཆགས་གཅིག་ཡོད་པ་ལྟ་བུ་ཡིན། ཕ་མ་དང་སློབ་དཔོན་བསད་པ་སོགས། སྐྱེ་བ་འདི་བརྗེས་ནས་སྐྱེ་བ་གཞན་གྱིས་བར་མི་ཆོད་པར་སྨིན་པ་ལྟ་བུས་མཚམས་མེད་པའི་ལས་ཡིན། ཚེ་འདི་ལ་རྩ་རླུང་སོགས་གསང་སྔགས་ཟབ་མོའི་བ་གདམས་པ་བསྒོམས་ཀྱང་གེགས་དང་གོལ་ས་འོང་བ་དང་། ལམ་རྟགས་ཀྱི་ཡོན་ཏན་མི་སྐྱེ་བ་རྣམས་ཀྱང་ཚེ་སྔ་མའི་སྡིག་སྒྲིབ་ཡིན། ཚེ་འདི་ལ་སྡིག་ལ་སྡིག་ལྟུང་མེད་སྙམ་ཡང་། སྡོམ་པ་དང་དམ་ཚིག་ལ་ཤེས་བཞིན་དུ་འགལ་བར་བྱས་ནས་མེད་དེ། དམ་ཚིག་སྡོམ་པའི་བཤད་པ་རྣམས་ཡིད་ལ་མེད་པས། ལྟུང་བ་བྱུང་བ་དང་མ་བྱུང་བ་རང་གིས་ངོ་ཤེས་དཀའ་བར་ཡོད། སྡིག་ལྟུང་དེ་དག་བཤགས་ན་མི་འདག་པ་གཅིག་ཀྱང་མེད། མ་བཤགས་ན་བསྐལ་པ་སྟོང་དུ་ཡང་མེད་པར་མི་འགྱུར་བའི་སྟེང་དུ། ཞག་རེ་སོང་ཞིང་སྐྱེད་རེ་འཕེལ། བཤགས་

[Full Size]

པ་ཅུང་ཟད་རེས་རྩ་བ་ནས་མ་དག་ཀྱང་སྐྱེད་མི་འཕེལ་བ་ལ་ཕན། དེས་ན་བཤགས་པ་གལ་ཆེ་སྟེ། དེ་ཡང་རྩ་རླུང་ཅུང་ཟད་བསྒོམ་པ་ལ་མ་ངེས་རྩེ་གཅིག་ཏུ་བསྒོམས་ན། སྒྲིབ་པ་ཆུང་བ་རྣམས་ལ་གེགས་སྐྱོན་ཅི་ཡང་འབྱུང་བ་ལམ་རྟགས་ཀྱི་ཡོན་ཏན་སྤེལ་མར་འབྱུང་། སྒྲིབ་པ་འཐུག་པོའི་རིགས་ལ་དང་པོ་ཡོན་ཏན་ཅི་ཡང་མེད་པར་གེགས་སྐྱོན་ཁོ་ན་འབྱུང་། དེ་ལ་རང་ཉིད་ཡོན་ཏན་ཆེ་བའམ། བླ་མ་མཁས་པས་གེགས་སྐྱོན་བསལ་ཞིང་ཁྲིད་ན་ཡོན་ཏན་མུས་ཀྱིས་སྐྱེ། གེགས་སེལ་མེད་པར་ཨུ་ཚུགས་སུ་བྱས་ན། ནད་ཅན་དང་གདོན་ཅན་དུ་སོང་ནས་སྨྱོ་བའམ་གཅོང་ནད་ཅན་ནམ། ཡང་ན་གློ་བུར་དུ་འཆི་བར་འགྱུར་རོ། །དེ་ལྟར་སྐྱོན་རྣམས་མི་འབྱུང་ཞིང་ཡོན་ཏན་སྐྱེ་བ་ལ་དང་པོ་སྒྲིབ་པ་སྦྱོང་བ་གལ་ཆེ། ལྭ་བ་གཅིག་ཚོས་བྱེད་ན་ཡང་བཀྲུས་ནས་དྲི་མ་མེད་པ་ཅིག་དགོས། དྲི་མ་ཅན་ལ་ཚོས་མི་འགོ་བ་དང་འདྲ་བར་གསུངས། དེ་ལ་མདོ་སྔགས་ཐུན་མོང་གི་སྒྲིབ་སྦྱོང་ཕྱག་འཚལ་བ་དང་། སྔགས་ལུགས་རྡོར་སེམས་སྒོམ་བཟླས་ལ་ཡང་བྱ་སྤྱོད་རྣལ་འབྱོར་རྒྱུད་གསུམ་ཐུན་མོང་བ་ཡབ་རྐྱང་ལ་བདུད་རྩིའི་རྒྱུན་འབབ་པར་བསྒོམ་ལུགས་དང་། བླ་མེད་ཐུན་མོང་མ་ཡིན་པ་ཡབ་ཡུམ་ཞལ་སྦྱོར་ལ།

[Full Size]

བྱང་སེམས་རྒྱུན་འབབས་པར་བསྒོམ་པ་དང་། རང་ཉིད་རྡོར་སེམས་བསྒོམ་པའི་ཐུགས་ཀར་ཧཱུྃ་ལས་བདུད་རྩི་བབ་པར་བསྒོམས་ཏེ་སྒྲིབ་པ་སྦྱོང་ལུགས་མང་དུ་ཡོད་ཀྱང་། སྒྲིབ་སྦྱོང་གི་སྙིང་པོ་ཡི་གེ་དྲུག་པ་ཉིད་ཟབ་པས། དེའི་མན་ངག་བསྒོམ་བྱ་ནི། རང་ཉིད་ཐ་མལ་པར་གནས་པའི་སྤྱི་གཙུག་ཏུ། ངོ་བོ་འཕགས་པ་སྤྱན་རས་གཟིགས་ཉིད་ཡིན་པ་ལ། རྣམ་པ་ཧིཡིག་དཀར་པོ་ཚེག་དྲག་རིང་ཆ་དང་བཅས་འོད་ཟེར་དཀར་པོ་འཕྲོ་ཞིང་བསྒོམ་ལ། ཧྲཱིཿཡིག་དེ་ཉིད་ཀྱང་བླ་མ་ཡི་དམ་སངས་རྒྱས་བྱང་སེམས་ཌཱཀི་ཆོས་སྐྱོང་ཐམས་ཅད་འདུས་པའི་ངོ་བོར་བསྒོམ་ལ། ཆོ་ག་ནང་གི་ཕྱོགས་བཅུ་དུས་གསུམ་བཞུགས་པ་ཡི། །ཞེས་པ་ནས། ལྷན་ཆད་བདག་ནི་མི་བགྱིད་དོ། །ཞེས་པའི་བར་ལན་གསུམ་བརྗོད་དེ། དེའི་དོན་ཡང་ཕྱོགས་བཅུའི་སངས་རྒྱས་བྱང་སེམས་འདས་པ་དང་མ་བྱོན་པ་དང་ད་ལྟའི་སངས་རྒྱས་བྱང་སེམས་བླ་མ་ཡི་དམ་ཐམས་ཅད་དགོངས་སུ་གསོལ། ཞེས་པས་བཤགས་ཡུལ་རྟེན་གྱི་སྟོབས་དེའི་དྲུང་དུ་ཐོག་མེད་ནས་བསགས་པའི་སྡིག་སྒྲིབ་བག་ཆགས་དང་བཅས་པ་དེ་ལ་འགྱོད་ཅིང་གནོང་ཆེ་བའི་བསམ་པས་བཤགས་པ་རྣམ་པར་སུན་འབྱིན་པའི་སྟོབས། ད་ཕྱིན་

[Full Size]

ཆད་སྲོག་བབ་ཀྱང་མི་བགྱིད་པར་དམ་བཅའ་བ་ཆུར་ལོན་གྱི་སྟོབས། ཡི་གེ་དྲུག་པ་སྒྲིབ་པའི་གཉེན་པོ་ཡིན་པས་གཉེན་པོ་ཀུན་ཏུ་སྤྱོད་པའི་སྟོབས་བརྟེན་ནོ། སྟོབས་བཞིའི་སྒོ་ནས་བཤགས་ན། སྡིག་ལྟུང་ཐམས་ཅད་ངེས་པར་འདག་པ་ཡིན་ནོ། །དེ་ལྟར་སྟོབས་བཞི་པོ་ཚང་བའི་སྒོ་ནས་བཤགས་ཚིག་བརྗོད་པས། སྤྱི་བོའི་གྷིཡིག་ལས་བདུད་རྩིའི་རྒྱུན་འོ་མ་ལྟ་བུ་ངང་ན་ར་ར་བབ། རང་གི་སྤྱི་བོའི་ཚངས་བུག་ནས་ཞུགས་ཏེ་ལུས་ཀྱི་ནང་ཐམས་ཅད་བཀྲུས་བ་སྤུའི་བུ་ག་དང་འོག་སྒོ་དང་གསང་སྒྲུབ་དང་རྐང་ཞབས་དང་སེན་མོའི་བར་ནས། སྡིག་སྒྲིབ་དང་དམ་ཚིག་གི་ཆག་ཉམས་ཐམས་ཅད་ནག་ནུ་རུ་རུ་བུད་དེ། ས་འོག་ཏུ་སོང་བས་ལས་ཀྱི་གཤིན་རྗེ་ཁ་གདངས་བའི་ནང་དུ་སོང་ནས། གཤིན་རྗེ་ངོམ་ཞིང་ཚིམས་པས་དུས་མ་ཡིན་པར་འཆི་བ་མེད་པར་བྱས། ཡེ་ཤེས་ཀྱི་བདུད་རྩིས་ལུས་ཐམས་ཅད་དཀར་ལྟེམ་གྱིས་གང་བར་བསྒོམ་མོ། །ཡང་རང་ལ་ནད་ཡོད་ན། ནད་དེ་ཚད་པའི་རིགས་ཡིན་ན་བདུད་རྩི་དེ་ཡང་གངས་ཆུ་ལྟར་བསིལ་བའི་ངད་དང་ལྡན་ཞིང་། ག་པུར་ལྟར་བསིལ་བས་སྡིག་སྒྲིབ་དང་ལྷན་ཅིག་ཏུ་ནད་ཐམས་ཅད་དག་པར་བསྒོམ་པ་དང་། གྲང་བའི་ནད་རིགས་ཡོད་ན། བདུད་རྩི་

[Full Size]

དེ་ཡང་ཁྲོ་ཆུ་ཁོལ་མ་ལྟར་ཤིན་ཏུ་ཚ་བའི་རང་བཞིན་ཅན་གྱིས། ནད་ཐམས་ཅད་བསྲེགས་ཤིང་ཚྭ་ཚྭ་དམར་ཐར་ཐར་ལུས་ཚལ་ཆིལ་ཆིལ་བར་བསྒོམ་པ་དང་། འདུས་པའི་ནད་ལ་བདུད་རྩི་ཁ་དོག་ལྔ་ལྡན་བདེ་བའི་རང་བཞིན་ཅན་གྱི། ལུས་བདེ་ཕྲིལ་ཕྲིལ་བ་དང་། གདོན་གནོད་ན་བདུད་རྩིའི་རྡུལ་ཕྲ་རབ་ཐམས་ཅད་རྟ་མགྲིན་སྐུ་ཆུང་བས་ལུས་གང་སྟེ༔ ཧཱུྃ་ཧཱུྃ་ཕཊ་ཕཊ་སྒྲོགས་པས་གདོན་ཐམས་ཅད་བ་སྤུའི་བུ་ག་ནས། འབུ་སྲིན་དང་སྦལ་སྦྲུལ་གྱི་གཟུགས་སུ་ཐོན་པར་བསྒོམ། དེ་ནས་ཡང་ཧཱུྃཡིག་ལས་འོད་ཟེར་ཁ་དོག་ལྔ་ལྡན་ཉི་མ་འབུམ་གྱི་འོད་ལྟར་འཕྲོས་པས། ལུས་ཀྱི་ནང་གི་སྡིག་སྒྲིབ་ཐམས་ཅད་དག་ནས་མུན་པ་ལ་ཉི་མ་ཤར་བ་ལྟར་གྱུར། ལུས་ཀྱི་ནང་ཐམས་ཅད་འོད་ཟེར་དེས་གང་ནས་འོད་ཟེར་ཁ་དོག་སྣ་ཚོགས་ཕྱིར་འཕྲོས་ནས། སེམས་ཅན་ཐམས་ཅད་ཀྱི་ནད་གདོན་སྡིག་སྒྲིབ་ཐམས་ཅད་དག་པར་བསྒོམ་ཞིང་ཧྲཱིཿཞེས་བརྒྱ་རྩབརྒྱད་དམ་ཅི་རིགས་བཟླ། གཙོ་ཆེར་ཡི་གེ་དྲུག་པ་བཟླ་བར་བྱ་སྟེ། པདྨ་རྒྱལ་པོའི་རྒྱུད་ཆེན་པོ་ལས། ཨོཾ་མ་ཎི་པདྨེ་ཧཱུྃ། ཐེབས་གཅིག་མོས་པས་བརྗོད་པ་ན། །སེམས་ཅན་དམྱལ་བའི་གནས་ལས་ཐར། །ཐེབས་གཉིས་བརྗོད་

[Full Size]

པས་ཡི་དྭགས་ཀྱི། །འགྲོ་བའི་སྒོ་ཡང་འགགས་པར་འགྱུར། །གསུམ་བརྗོད་དུད་འགྲོའི་འགྲོ་བ་འགགས། །འདོད་པའི་ཡོན་ཏན་ལྔ་སྤྱད་ཀྱང་། །འདི་དང་མ་འབྲལ་གཙང་མར་གནས། །ཟས་དང་གོས་དང་བཏུང་བ་ཡང་། །འདི་དག་དྲན་པས་ཉེས་པ་མེད། །ཅེས་གསུངས་སོ། །སྤྲུལ་པའི་རྒྱལ་པོའི་རྡོ་རྗེའི་གསུང་ལས། ཨོཾ་གྱིས་ལུས་ཀྱི་སྒྲིབ་པ་སྦྱངས་མས་ངག་གི་སྒྲིབ་པ་སྦྱངས། ཎིས་ཡིད་ཀྱི་སྒྲིབ་པ་སྦྱངས། པད་ཀྱིས་ཉོན་མོངས་པའི་སྒྲིབ་པ་སྦྱངས། མེས་བག་ཆགས་ཀྱི་སྒྲིབ་པ་སྦྱངས། ཧཱུྃ་གིས་ཤེས་བྱའི་སྒྲིབ་པ་སྦྱངས། སྒྲིབ་པ་དྲུག་གི་རྟེན་སྦྱང་བ་ཡང་ཡི་གེ་དྲུག་པ་བཟླས་པས་སྦྱང་བ་ཡིན་ནོ། །ཞེས་གསུངས་པའི་དོན་ཡིན་ནོ། །དེ་ལྟར་ཐུན་རེ་ལ་ཡིག་དྲུག་སྟོང་ཕྲག་རེ་རེའམ་གསུམ་རེ་ཙམ་བཟླས་ལ། ཐུན་མཚམས་སུ་རང་ལུས་འོད་དུ་ཞུ་ནས་ཧཱི༔ཡིག་དེ་ལ་ཡར་ཐིམ། ཧྲཱིཿཡིག་ར་རྟགས་ཧ་ཁོག་ལ། ཐིག་ལེ་ཚེག་དྲག་ཀྱང་ཧ་ལ། ཧ་གི་གུ་ལ། དེ་ཡང་ནམ་མཁའ་ལ་འཇའ་ཡལ་བ་ལྟར་སྟོང་པ་ཉིད་དུ་ཡལ། དེ་ནས་སེམས་རང་ལུགས་སུ་ཀློད་ལ་མ་བཅོས་པའི་ངང་ལ་མ་ཡེངས་ཙམ་དུ་རང་ངོ་ལ་ཧྲིག་གེ་བལྟས་ཏེ་བཞག །དེའི་ཚེ་བཤགས་བྱ་དང་

[Full Size]

བཤགས་བྱེད་བཤགས་པ་ཐམས་ཅད་དོན་དམ་པར་མ་གྲུབ་སྟེ་སྒྱུ་མ་རྨི་ལམ་ལྟ་བུ། ཐམས་ཅད་རང་གི་སེམས་ཙམ་ཉིད་ཡིན་ཅིང་། སེམས་ནི་ཡེ་གདོད་མ་ནས་ཅིའི་ངོ་བོར་ཡང་མ་གྲུབ་པས། བག་ཆགས་སྡིག་སྒྲིབ་ཐམས་ཅད་ཀྱང་མིང་བཏགས་པ་ཙམ་དང་། དོན་དམ་པར་ན་མོ་གཤམ་གྱི་བུ་དང་། ནམ་མཁའི་མེ་ཏོག་དང་། རི་བོང་གི་རྭ་ལྟ་བུ་སྟེ། མོ་གཤམ་ལ་བུ་མེད་པས། དེའི་དཔའ་རྩལ་རྫུན། ནམ་མཁའི་མེ་ཏོག་མེད་པའི་ཕྱིར། དེའི་བཀྲག་མདངས་རྫུན། རི་བོང་ལ་རྭ་མེད་པའི་ཕྱིར། དེའི་རྣ་བརྟུལ་རྫུན། །ལས་མེད་པའི་ཕྱིར་ལས་ཀྱི་རྣམ་སྨིན་རྫུན། དམ་ཚིག་མེད་པའི་ཕྱིར་ཆག་ཉམས་རྫུན། ཐམས་ཅད་མིང་དུ་བཏགས་པ་ཙམ་སྟེ། དོན་དམ་པར་ནི་ཆོས་ཉིད་སྐྱེ་བ་མེད་པའི་ངོ་བོ་ལས་ཅི་ཡང་མ་གཡོས་བར་རྟོགས་པར་བྱ་སྟེ། འདི་ལྟར་རྟོགས་ན་བཤགས་པའི་མཆོག་ཡིན་ནོ། །དེ་ལྟར་ཐུན་དྲུག་ཏུ་ཉམས་སུ་བླང་བར་བྱའོ། །འདི་ལ་ཞག་གསུམ། ཆོས་ཐུན་གསུམ་པའོ། །སྤྱིར་ཚེ་འདི་དང་ཕྱི་མ་ལ་བདེ་སྐྱིད་ཕུན་སུམ་ཚོགས་པ་འབྱུང་བའི་རྒྱུ་ནི་ཚོགས་བསགས་པ་གལ་ཆེ། ཁྱད་པར་རྩ་རླུང་ཟབ་མོ་བསྒོམ་པ་ལ་ཡང་ཚོགས་བསགས་

[Full Size]

དགོས། ཚོགས་མ་བསགས་པར་གསང་སྔགས་ཀྱི་ལམ་རྟགས་སྐྱེ་བ་ལྟ་ཅི་སྨོས། གོ་བ་ཙམ་ཡང་མི་སྐྱེ། མཐར་སངས་རྒྱས་པའི་ཚེ་ན་ཡང་བསོད་ནམས་ཀྱི་ཚོགས་ལས་གཟུགས་སྐུ་གཉིས་འབྱུང་། ཡེ་ཤེས་ཀྱི་ཚོགས་ལས་ཆོས་སྐུ་འབྱུང་དགོས། ཁྱད་པར་གསང་སྔགས་ལུགས་ལ་ཚོགས་གཉིས་ཟུང་འབྲེལ་དུ་བསགས་དགོས། དེ་ལ་ཡེ་ཤེས་ཀྱི་ཚོགས་ནི་སྟོང་ཉིད་བསྒོམ་པ་ཁོ་ན་ཡིན། བསོད་ནམས་ཀྱི་ཚོགས་བསགས་ལུགས་མང་ན་ཡང་། སྟབས་བདེ་ཞིང་ཕན་ཡོན་ཆེ་བ་ནི་མཎྜལ་ཡིན། མཎྜལ་ལ་ཡང་གསེར་དངུལ་དང་ས་ཤིང་སོགས་ལས་བྱས་པའི་མཎྜལ། འབྲུ་དང་རིན་པོ་ཆེའི་ཚོམ་བུ་བཀོད་དེ་ཕུལ་བ་ཡིན། བྱ་སྤྱོད་རྣལ་འབྱོར་རྒྱུད་ཐུན་མོང་ཕྱིའི་མཎྜལ་ཡིན། འདིར་བླ་མེད་རྒྱུད་ཀྱི་ཐུན་མོང་མ་ཡིན་པ་ནི་ནང་ལུས་ཀྱི་མཎྜལ་འབུལ་བ་ནི། དེའི་རྒྱུ་མཚན་བླ་མེད་རྡོ་རྗེ་ཐེག་པའི་ལུགས་ལ། ནང་བཅུད་ཀྱི་སེམས་ཅན་ཐམས་ཅད་ཕུང་ཁམས་སྐྱེ་མཆེད་ཐམས་ཅད་ཀྱང་། རྡོ་རྗེའི་རི་རབ་དང་མཚོ་དང་གླིང་དང་མཎྜལ་གྱི་མཆོད་པར་མ་གྱུར་པ་མེད་པར་གསུངས་པས། འདིའི་སྐབས་སུ་ལུས་མཎྜལ་དུ་ཕུལ་བ་ཟབ་སྟེ། དེའི་རྒྱུ་མཚན་རང་ལ་གང་རྩིས་ཆེ་བ་དེ་བླ་མ་དཀོན་མཆོག་ལ་ཕུལ་

[Full Size]

བས་ཚོགས་རྫོགས་ཕུལ་ཆེ་བ་ཡིན་པས། རང་གི་ལུས་ལས་གཅེས་ཤིང་འཕངས་བ་ཞིག་ཀྱང་མེད་ལ། ལོངས་སྤྱོད་ལ་སོགས་རྩིས་ཆེ་བ་ཡང་ལུས་གསོ་བའི་ཆེད་དུ་ཡིན་པ་དང་། རྩ་རླུང་བསྒོམ་པའི་རྟེན་ལུས་ཡིན། གེགས་དང་ཡོན་ཏན་གང་འོང་བ་དེ་ལུས་ལས་འོང་བའི་ཕྱིར། ལུས་རང་གིས་བདག་ཏུ་མ་བཟུང་བར་བླ་མ་དཀོན་མཆོག་ལ་ཕུལ་བས་དེ་བླ་མ་དཀོན་མཆོག་གིས་བདག་ཏུ་བཟུང་བ་ལྟར་སོང་ནས་གེགས་མི་འབྱུང་བ་ཡིན་ནོ། དེ་ལ་མཎྜལ་ཕུལ་བའི་ཚོགས་ཞིང་ནི། རང་གི་སྙིང་ཁའི་ཧྲཱིཿལས་འོད་ཟེར་འཕྲོས་པས། བདེ་བ་ཅན་གྱི་ཞིང་ཁམས་ནས། ཞེས་སོགས་དང་། ཧཱུྃ། བཞེངས་ཤིག་བཞེངས་ཤིག་སོགས་ནས། ཨོཾ་པདྨ་ཀཱ་མ་ལྱཱ་ཧཱུྃ་སྭཱ་ཧཱ། ཞེས་དང་། བཅོམ་ལྡན་འདས་རྒྱལ་བ་རྒྱ་མཚོ་ལྷ་ལྔའི་ལྷ་ཚོགས་སྤྱན་དྲངས་ཏེ་ནམ་མཁར་བཞུགས་པར་བསམས་ལ། དེའི་མདུན་དུ་རང་གི་པགས་པ་གསེར་གྱི་ས་གཞི། རྒྱུ་མ་ལྕགས་རི་འཁོར་ཡུག །སྒལ་ཚིགས་རི་བོ་མཆོག་རབ། མགོ་བོ་ལྷ་གནས་རྣམ་པར་རྒྱལ་བའི་ཁང་བཟང་། ལག་གཡས་ཤར་ལུས་འཕགས་པོ། རྐང་གཡས་ལྷོ་འཛམ་བུ་གླིང་། རྐང་པ་གཡོན་ནུབ་བ་གླང་སྤྱོད། ལག་པ་གཡོན་

[Full Size]

བྱང་སྒྲ་མི་སྙན། མིག་གཉིས་ཉི་མ་དང་ཟླ་བ། རྣ་བ་གཉིས་གཟའ་དགྲ་ཅན་དང་དུས་མེ། སྣ་གསེར་གྱི་བུམ་པ། ལྕེ་འདོད་འཇོའི་བ། རྐང་སོར་བཅུ་ཕྱིའི་ལྷ་མོ་བཅུ་སྟེ། མེ་ཏོག་མ། བདུག་སྤོས་མ། མར་མེ་མ། དྲི་ཆབ་མ། ཞལ་ཟས་མ། གཟུགས་མ། སྒྲ་མ། དྲི་མ། རོ་མ། རེག་བྱ་མ་དང་བཅུ། ལག་སོར་བཅུ་ནང་གི་ལྷ་མོ་བཅུ་སྟེ༔ སྒེག་མོ་མ། ཕྲེང་བ་མ། གླུ་མ། གར་མ། ཆོས་འབྱུང་མ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་རིག་མ་ལྔའོ། །ཚིགས་ཆེན་བརྒྱད་བཀྲ་ཤིས་པའི་རྟགས་བརྒྱད། དོན་སྣོད་བདུན་རྒྱལ་སྲིད་སྣ་བདུན། སྐྲ་དང་བ་སྤུ་ལྷ་དང་མིའི་ལོངས་སྤྱོད་ཕུན་སུམ་ཚོགས་པ་མ་ཚང་བ་མེད་པར་རང་བཞིན་ལྷུན་གྲུབ་ཏུ་བསྒོམས་ལ། དེ་རྣམས་བླ་མ་དཀོན་མཆོག་རྒྱུ་མཚོའི་ལྔའི་ལྷ་ཚོགས་ལ་འབུལ་བར་དམིགས་ལ། སྤྱན་རས་གཟིགས་དབང་ཐུགས་རྗེའི་བདག །བླ་མར་བཅས་པ་ཐམས་ཅད་ལ། །བདག་གི་ལུས་འདི་ཕུལ་བ་ཡིས། །ཐེག་པ་དམན་ལ་མི་འཇུག་ཅིང་། །ཐེག་ཆེན་བླ་ན་མེད་པའི་ལམ། །ཟབ་ཅིང་རྒྱ་ཆེ་བསྟན་དུ་གསོལ། །ཞེས་བརྒྱའམ་ཉེར་གཅིག་ཙམ་རེ་བརྗོད་ལ། དེ་ནས་མཎྜལ་ཕུལ་བའི་དམིགས་པ་

[Full Size]

དེ་ཡང་ཡང་བྱེད་ཅིང་ཡི་གེ་དྲུག་པ་བཟླས་ཏེ། སྙིང་པོ་འཛབ་ཀྱི་མཆོད་པ་ཡིན་ཏེ། པདྨ་རྒྱལ་པོའི་རྒྱུད་ལས། ཡི་གེ་དྲུག་པའི་སྒྲ་བསྒྲགས་པས་སངས་རྒྱས་ཆོས་དང་དགེ་འདུན་ལ་མཆོད་པ་ཆེན་པོར་འགྱུར་རོ། །ཞེས་གསུངས་པ་དང་། ཟ་མ་ཏོག་ལས། ཡི་གེ་དྲུག་པ་ལན་གཅིག་བརྗོད་པའི་བསོད་ནམས་ཀྱང་ཚད་མེད་པར་གསུངས་པའི་ཕྱིར། མཆོད་པ་འབུལ་བའི་སྙིང་པོ་དང་བསོད་ནམས་བསགས་པའི་སྙིང་པོ་མཆོག་ཡི་གེ་དྲུག་པ་སྟོང་ཕྲག་གཅིག་གཉིས་ཡན་ཆད་བཟླས་པ་དེ་ནི་བསོད་ནམས་ཀྱི་ཚོགས་ཡིན་ལ། དེ་ནས་ནམ་མཁའི་ལྷ་ཚོགས་ཐམས་ཅད་རང་ལ་བསྟིམ་ལ་མཆོད་ཡུལ་དང་། མཆོད་པ་དང་མཆོད་མཁན་གསུམ་ཀ་མི་དམིགས་པ་སྟོང་ཉིད་ཕྱག་རྒྱ་ཆེན་པོའི་ངང་ལ་མཉམ་པར་བཞག་པ་ནི་ཡེ་ཤེས་ཀྱི་ཚོགས་ཡིན་ནོ། །དེ་ལྟ་བུའི་ཐུན་དྲུག་གམ་བཞིར་བཅད་ལ་ཉམས་སུ་ལེན་ནོ། །དེ་ཡང་གཅོད་ཀྱི་ལུགས་ལྟར་བེམ་རིག་ཕྲལ་ནས་ལུས་འབུལ་བ་ནི་མིན། ལུས་དེ་དག་མི་དམིགས་པར་བྱས་ནས་གླིང་བཞི་རི་རབ་ཏུ་སྤྲུལ་ནས་ཕུལ་བ་ཡང་མ་ཡིན་ནོ། །འོ་ན་ཅི་ཞེ་ན། ཕྱིའི་འཇིག་རྟེན་གླིང་བཞི་རི་རབ་ཐམས་ཅད་རང་གི་ལུས་ལ་ཚང་ནི་ཡོད་ཅིང་། དེ་ཡོད་པའི་

[Full Size]

གནད་ཀྱིས་ཕྱི་རོལ་དུ་གླིང་བཞི་རི་རབ་སོགས་སྣང་བ་ཡིན་པས། ནང་གི་འཇིག་རྟེན་སྣོད་བཅུད་ཐམས་ཅད་ཕུལ་བས། ཕྱི་རོལ་ཡང་ཞོར་ལ་ཕུལ་བར་འགྲོ་སྟེ། དཔེར་ན། མེ་ལོང་ནང་དོད་རྒྱུའི་གཟུགས་དེ་ཕུལ་ན་མེ་ལོང་ནང་དུ་ཤར་བའི་གཟུགས་ཀྱང་ཕུལ་བ་དང་འདྲ་བའི་དོན་གོ་བར་བྱའོ། །དེ་ཡང་རྒྱུད་ཀྱི་རྒྱལ་པོ་པདྨ་ཟབ་པ་ལས། མཎྜལ་འབུལ་དང་མཆོད་པ་དང་། །ལུས་ཀྱི་ལས་རྣམས་ཅི་ནུས་བྱ། །ཞེས་དང་། གཞུང་ལས། བདག་གི་ལུས་འདི་ཕུལ་བ་ཡིས། །ཞེས་སོགས་གསུངས་པའི་དོན་ཡིན་ནོ། །སྔོན་འགྲོའི་ཆོས་འདི་རྣམས་དམིགས་པ་རྣོན་པོ་ལ། ཉི་མ་རེ་རེ་ལ་ཡང་ཚང་བར་བསྒོམ་ཞིང་དངོས་གཞི་རྩ་རླུང་ཡང་བསྒོམ་པ་ནི། ཏིང་ངེ་འཛིན་རྩ་ལ་རྫོགས་པས་བྱ་རུང་གི་ལས་དང་པོ་པས་དེ་རྣམས་དམིགས་པ་ཟིན་དཀའ་ཞིང་། རང་གང་དྲན་ཙམ་རེ་བྱས་ཀྱང་བསོད་ནམས་ནི་ཆེ་མོད་ཀྱང་། ལམ་རྟགས་ཀྱི་ཡོན་ཏན་སྐྱེ་མི་གཏུབ་པས། རིམ་པ་བཞིན་དུ་བློ་ཁ་རྫོགས་ངེས་རེ་བསྒོམས་པས། རིམ་པར་ཡོན་ཏན་སྐྱེ་བས་ཁྲིད་ཟེར་བའི་དོན་ཡང་ཚང་ངེས་འོང་། དེ་ནས་དངོས་གཞི་དུས་སྔོན་འགྲོ་མ་བསྒོམས་ཚེ་ཚོགས་སྐས་ལ་མ་འཛེགས་པར་ཐོག་ཀ་ནས་མཆོངས་ན་སར་སྡེབ་པ་ལས་

[Full Size]

མི་འོང་། སྐས་ལ་རིམ་པར་འཛེགས་པས་བདེ་བླག་ཏུ་ཐར་བ་དང་འདྲ། སྔོན་འགྲོ་མང་བ་ལ་མ་སུན་སོ་སོ་ཐ་དད་དུ་ཕུར་ཚུགས་སུ་སྒོམས་ཤིག །ཞག་གསུམ། ཆོས་ཐུན་བཞི་པའོ།། །།དེ་ནས་བྱིན་རླབས་འཇུག་པ་བླ་མའི་རྣལ་འབྱོར་ནི། སྤྱིར་དགེ་བསྙེན་ཞུས་པའི་སློབ་དཔོན། དགེ་ཚུལ་ཞུས་པའི་མཁན་པོ་དང་སློབ་དཔོན་སོགས་འདུལ་བའི་ལུགས་ཀྱི་བླ་མ་ལྔ་པོ་དེ། མཁན་པོ་ལ་ཕའི་འདུ་ཤེས་བཞག་པར་བྱའོ། །ཞེས་སྙིང་བརྩེ་བ་དང་བཀུར་སྟིའི་ཡུལ་ཙམ་ལས་མ་གསུངས་ཀྱང་། གྲུབ་མཐའ་གཞན་གྱི་ལུགས་ལ་དབང་དང་པོར་ཆོས་སྒོར་བཙུད་པ་དེ་དྲིན་ཆེ་བ། སྐུ་ཕུད་ལེན་མི་དེ་རྩ་བའི་བླ་མར་འཛིན། དེ་ལ་ཞན་ཕོ་རུས་ཀྱི་སྒོ་ནས་དད་འདུན་བྱེད་སྲོལ་སྣང་། བྱང་ཆུབ་སེམས་ཁ་དཔའི་སྡོམ་པ་གནང་མཁན་དེ་དགེ་བའི་བཤེས་གཉེན་ཡིན་པས། དེ་ལ་བཀུར་སྟི་བྱ་བར་གསུངས་པ་ཙམ་ལས་མེད་དེ། དེང་སང་བྱུང་སྡོམ་གྲགས་ཆུང་བར་སྣང་། སྔགས་སྡོམ་ནི་དབང་བཞི་རྫོགས་པར་བསྐུར་མཁན་དེ་ཡིན། གསང་སྔགས་ལུགས་ལ། བླ་མ་དང་ནི་ཡི་དམ་ལྷ། །ཐ་དད་པར་ཡང་མ་ལྟ་ཞིག །ཅེས་བླ་མ་ཡི་དམ་དབྱེར་མེད་དུ་གསུངས། དེ་

[Full Size]

ལ་བསྟན་སྤྱིའི་ལུགས་ལ། སོ་ཐར་བྱང་སྡོམ་སྔགས་སྡོམ་གསུམ་ཀ་བླ་མ་གཅིག་ལ་ཐོབ་ན་དེ་སུམ་ལྡན་རྡོ་རྗེ་འཛིན་པ་ཟེར། སྔགས་ལུགས་ལ་དབང་བསྐུར་བ་དང་། རྒྱུད་བཤད་པ་དང་། མན་ངག་གནང་བ་དང་གསུམ་ཀ་ཚང་ན། སུམ་ལྡན་རྡོ་རྗེ་འཛིན་པ་ཡིན། དེ་གསུམ་གང་གཙོ་ཆེ་ན། ས་ལུགས་སོགས་ལ་དབང་བསྐུར་བ་གཙོ་ཆེ་བར་བཤད་དེ། བཀའ་བརྒྱུད་པའི་ལུགས་ལ་དབང་ནི་གསང་སྔགས་ལ་འཇུག་པའི་སྒོ་ཡིན། རྒྱུད་ནི་བཤད་པ་ཡིན། གསང་སྔགས་ཟབ་མོའི་རང་སེམས་ངོ་སྤྱོད་པས་ཉམས་རྟོགས་གང་ལ་སྐྱེས་པ་དེ་རྩ་བའི་བླ་མར་འཛིན། དེ་ཡང་ཆོས་ཐོབ་གྲངས་མང་བ་དང་ཁྲིད་དབང་ཐོབ་གྲངས་མང་བར་མི་འཛིན། གང་ལ་བསྟེན་ནས་ཕྱག་རྒྱ་ཆེན་པོའི་རྟོགས་པ་མཆོག་སྐྱེས་པ་དེ་རྩ་བའི་བླ་མར་འཛིན། །དེ་ལ་དངོས་སུ་མ་མཇལ་ན་ཡང་དེའི་མཚན་ཐོས་པ་ཙམ་གྱིས་ཐེ་ཚོམ་མེད་པའི་དད་པ་བཟོད་གླགས་མེད་པ་སྐྱེས་ན་དེ་ཉིད་ལ་རྩེ་གཅིག་ཏུ་གསོལ་བ་བཏབ་ན་རྟོགས་པ་སྐྱེ་བས། དྭགས་པོ་དང་དུས་མཁྱེན་རྒོད་ཚང་བ་རྣམས་ཀྱིས་ཀྱང་མ་མཇལ་བ་རྣམས་ཀྱིས་གསོལ་བ་ཐོབ་དང་རྟོགས་པ་སྐྱེ་ཞིང་དེ་རྩ་བའི་བླ་མར་འགྱུར་རོ། །ཞེས་ཞལ་བཞེས་ཡོད་པ་ཡིན་གསུངས། དེའི་

[Full Size]

གནད་ཀྱིས་བདག་གི་མན་ངག་བྱིན་ཀྱང་ཚེ་གཅིག་ལ་མཆོག་གི་དངོས་གྲུབ་སྦྱིན་པའི་ནུས་པ་མེད་པའི་ཕྱིར། ཨོ་རྒྱན་རིན་པོ་ཆེའམ་གྲུབ་ཆེན་ཀརྨ་པཀྵི་གཉིས་ཆོས་འདིའི་བཀའ་བབས་རྩ་བར་སྣང་བས། རྩ་བའི་བླ་མར་ཟུང་ལ་གསོལ་བ་ཐོབ་ཅིག །ཁྱད་པར་ཚེ་འདིར་ཐོས་བསམ་སྒོམ་གསུམ་གྱི་བཀའ་དྲིན་ཐོབ་པའི་བླ་མ་ཐམས་ཅད་ཀྱང་། རྩ་བའི་བླ་མ་དེར་བསྡུས་ཏེ་བསྒོམ་པ་མན་ངག་ཡིན་ནོ། །དེ་ལ་རང་ཉིད་སྐད་ཅིག་དྲན་རྫོགས་སུ་ཡི་གེ་དྲུག་པ་བརྗོད་མ་ཐག་ཐུགས་རྗེ་ཆེན་པོ་རྒྱལ་བ་རྒྱ་མཚོ་ཡབ་རྐྱང་གཙོ་བོ་རྐྱང་པའི་སྐུར་ཝལ་གྱིས་བསྒོམ་པའི། སྤྱི་གཙུག་ཁྲུ་གང་ཙམ་གྱི་ནམ་མཁར་པདྨ་དང་ཟླ་བའི་གདན་ལ་རྩ་བའི་བླ་མ་གྲུབ་ཆེན་ཀརྨ་པ་དང་དབྱེར་མེད་པའི་ཐུགས་རྗེ་ཆེན་པོ་རྒྱལ་བ་རྒྱ་མཚོ་ཡབ་ཡུམ་ཞལ་སྦྱོར༔ དེ་ཡི་སྤྱི་བོར་མཁས་གྲུབ་ལུང་རིགས་ཉི་མ། དེ་ཡི་སྤྱི་བོར་རྒྱལ་མཆོག་ཆོས་དབྱིངས་རྡོ་རྗེ་བསྒོམས་ཏེ། འདི་པ་ལས་ཐུགས་རྗེ་ཆེན་པོའི་བསྒོམ་ལུང་ཐོབ་པའི་ཕྱིར་རོ། །དེའི་སྤྱི་བོར་དྲིན་ཆེན་ཆོས་ཀྱི་དབང་ཕྱུག་ནས་བཟུང་སྟེ་རས་ཆེན་པའི་བར་ཐོ་བརྩེགས་སུ་བསྒོམ། དེ་ཡན་ཁ་ཊོ་ལྟར་རྩེ་གསུམ་དུ་གྱུར་པའི་དབུས་མར། ཟངས་རི་རས་པ། རས་ཆུང་

[Full Size]

བ། ཏེ་ཕུ་པ། གྲུབ་པའི་རྒྱལ་མོ། པདྨ་འབྱུང་གནས། ཐུགས་རྗེ་ཆེན་པོ། སྣང་བ་མཐའ་ཡས་རྣམས་གྱེན་དུ་ཐོ་བརྩེགས། གཡས་ངོས་སུ་རྫོགས་རིམ་སྐུ་གསུམ་ངོ་སྤྲོད་ཀྱི་བརྒྱུད་རིམ་ཡིན་ཏེ། རྗེ་དུས་གསུམ་མཁྱེན་པ། དྭགས་པོ། མི་ལ། མར་པ། ནཱ་རོ། ཏེ་ལོ། རྡོ་རྗེ་འཆང་རྣམས་ཐོ་བརྩེགས། གཡོན་ངོས་སུ། བལ་པོའི་པཎྜི་ཏ་ཨ་སུ། རྒྱ་གར་གྱི་པཎྜི་ཏ་བཛྲ་པཱ་ནི། མེ་ཏྲི་པ། གྲུབ་ཆེན་ཛ་ལེན་དྷ་ར་ཡ། པདྨ་བཛྲ་དེ་རྣམས་ཐོ་བརྩེགས་སུ་བསྒོམ། གཞན་ཡང་མཐའ་སྐོར་དུ་གྲུབ་ཆེན་བརྒྱད་ཅུ་རྗེ་འབངས་ཉེར་ལྔ། གཏེར་སྟོན་བརྒྱ་རྩ་སོགས་རྒྱ་བོད་ཀྱི་རིག་འཛིན་ཐམས་ཅད་སྤྲིན་འཁྲིགས་པ་ལྟར་བསྒོམ། དེ་རྣམས་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་མཐིང་ཁ། དེ་ལས་འོད་འཕྲོས་འོག་མིན་ནམ་བདེ་བ་ཅན་ནས་ཡེ་ཤེས་པ་སྤྱན་དྲངས་ལ། གཉིས་མེད་དུ་སོ་སོ་ལ་ཐིམ་པར་བསམས་ལ། ཧཱུྃ། བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །ཞེས་པ་ནས། ཟབ་ཅིང་རྒྱ་ཆེར་བསྟན་དུ་གསོལ། །ཞེས་པའི་བར་གྱི་དོན་ཡིད་ལ་དྲན་བཞིན་བརྗོད། དེ་ནས་གསོལ་འདེབས་ནི། ཆོས་སྐུ་སྣང་བ་མཐའ་

[Full Size]

ཡས་ལ་གསོལ་བ་འདེབས་སོ། །ནས་རས་ཆུང་རྡོ་རྗེ་གྲགས་པའི་བར་དང་། །འཇིག་རྟེན་དབང་ཕྱུག་ལ་གསོལ་བ་འདེབས་སོ། །ནས་ཟངས་རི་རས་པའི་བར། །དྲུག་པ་རྡོ་རྗེ་འཆང་ལ་གསོལ་བ་འདེབས་སོ། །ནས་འགྲོ་མགོན་རས་པ་ཆེན་པོ་ཡན་ཆད་གཏོར་བསྔོས་ལྟར་གསོལ་བ་འདེབས་ནས། མཚུངས་མེད་མི་བསྐྱོད་རྡོ་རྗེ། གར་དབང་དཀོན་མཆོག་ཡན་ལག །རྗེ་བཙུན་དབང་ཕྱུག་རྡོ་རྗེ། ཀུན་མཁྱེན་ཆོས་ཀྱི་དབང་ཕྱུག །རྒྱལ་མཆོག་ཆོས་དབྱིངས་རྡོ་རྗེ། མཁས་གྲུབ་ལུང་རིགས་ཉི་མ། དྲིན་ཆེན་རྩ་བའི་བླ་མ་ལ་གསོལ་བ་འདེབས་སོ། །ཡི་དམ་རྒྱལ་བ་རྒྱ་མཚོ་ལ་གསོལ་བ་འདེབས་སོ། །མཁའ་འགྲོ་གསང་བ་ཡེ་ཤེས་ལ་གསོལ་བ་འདེབས་སོ། །ཆོས་སྐྱོང་མ་མགོན་ལྕམ་དྲལ་ལ་གསོལ་བ་འདེབས་སོ། །རང་སེམས་གནས་ལུགས་རྟོགས་པར་བྱིན་གྱིས་རློབས་ཤིག །གེགས་དང་གོལ་ས་མེད་པར་བྱིན་གྱིས་རློབས་ཤིག །རྩ་ཁམས་གནས་སུ་དག་པར་བྱིན་གྱིས་རློབས་ཤིག །རྩ་མདུད་རང་སར་གྲོལ་བར་བྱིན་གྱིས་རློབས་ཤིག །རླུང་རྣམས་དྷ་ཏིར་ཚུད་པར་བྱིན་གྱིས་རློབས་ཤིག །བདེ་དྲོད་མེ་ལྟར་འབར་བར་བྱིན་གྱིས་རློབས་ཤིག །འཕོ་མེད་

[Full Size]

བདེ་ཆེན་ཐོབ་པར་བྱིན་གྱིས་རློབས་ཤིག །འཇའ་ལུས་མཁའ་སྤྱོད་འགྲུབ་པར་བྱིན་གྱིས་རློབས་ཤིག །ཚེ་གཅིག་སངས་རྒྱས་ཐོབ་པར་བྱིན་གྱིས་རློབས་ཤིག །ཅེས་པ་འདི་རྒྱས་པར་བླ་མ་རེ་རེ་ནས་སྦྱར། འབྲིང་གསུམ་བཞི་ལྔ་དྲུག་པོ་ན་སྦྱོར། བསྡུས་ན་མཇུག་ཏུ་གཅིག་གིས་ཆོག །དེ་ནས་དབང་ཞུ་བར་གསོལ་བ་གདབ་པ་ནི། པདྨ་དབང་གི་དཀྱིལ་འཁོར་དུ། །མགོན་པོ་གཟི་བརྗིད་འོད་དཔག་མེད། །རྒྱལ་སྲས་ཚོགས་དང་བཅས་པ་ལ། །དབང་བསྐུར་ཡོངས་སུ་རྫོགས་པ་ལྟར། །དེ་བཞིན་བླ་མ་ཁྱེད་རྣམས་ཀྱིས། །བདག་ལ་དབང་བསྐུར་མཛད་དུ་གསོལ། །ཞེས་ལན་གསུམ་གསོལ་བ་བཏབ་པས། བརྒྱུད་པའི་བླ་མ་རྣམས་ཀྱི་སྐུ་ལས། ཟག་མེད་ཡེ་ཤེས་ཀྱི་བདུད་རྩི་བབས་པས། གོང་མ་གོང་མའི་བདུད་རྩི་འོག་མ་འོག་མའི་ཚངས་བུག་ནས་སྐུའི་དབྱིབ་བརྒྱུད་ཅིང་བབས་པས་བརྒྱུད་པ་གསུམ་གྱི་བདུད་རྩི་རས་ཆེན་པའི་སྤྱི་བོ་ནས་ཞུགས། རིམ་པར་བབས་པས་རྩ་བའི་བླ་མ་རྒྱལ་བ་རྒྱ་མཚོའི་སྐུར་གསལ་བའི་སྤྱི་བོ་ནས་ཞུགས། སྐུ་གང་ཞབས་གཡས་ཀྱི་མཐེ་བོང་ནས་ངང་རྒྱང་རྒྱང་བབ་པ་རང་གི་ཚངས་བུག་ནས་ཞུགས་ཏེ། ལུས་ཀྱི་ནང་ཐམས་ཅད་ཡེ་ཤེས་ཀྱི་བདུད་

[Full Size]

རྩིས་གང་། ལུས་ཀྱི་ནད་གདོན་སྡིག་སྒྲིབ་ཐམས་ཅད་ནག་ནུར་གྱིས་འོག་སྒོ་དང་རྐང་མཐིལ་ནས་ཐོན། སྐུ་བུམ་པ་ཆུ་ཡི་དབང་ཐོབ། ཆུའི་ལྷག་མ་ཡར་ལུད་པ་རང་གི་སྤྱི་བོར་རིགས་བདག་འོད་དཔག་མེད་ཀྱི་དབུ་བརྒྱན་པར་བསྒོམ་མོ། །དེའི་བརྒྱུད་པའི་བླ་མ་ཐམས་ཅད་རྩ་བའི་བླ་མ་རྒྱལ་བ་རྒྱ་མཚོའི་སྐུ་ལ་ཐིམ། ཡབ་ཡུམ་སྙོམས་འཇུག་མཛད་པའི་སྒྲས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་སྤྱན་དྲངས་ཏེ་ཞལ་དུ་ཞུགས་ནས་བདུད་རྩི་བྱང་སེམས་ཀྱི་ངོ་བོར་ཞུ་བ། ཡབ་ཀྱི་རྡོ་རྗེའི་སྒྲུབ་ནས་ཡུམ་གྱི་པདྨར་འཕྲོས་པས། ཡུམ་གྱི་སྐུ་ལུས་ཀྱིས་ལྷ་ཚོགས་མཆོད་ཅིང་ཡབ་ཡུམ་བྱང་སེམས་དཀར་དམར་འདྲེས་པའི་རྒྱུན་རང་གི་ཁའི་ནང་དུ་བབས་པས། ལུས་ཀྱི་རྩ་སྟོང་ཕྲག་བདུན་ཅུ་རྩ་གཉིས་གང་། ངག་གི་སྒྲིབ་པ་དག་ནས་གསང་བའི་དབང་ཐོབ་པར་བསྒོམ་མོ། །དེ་ནས་སྤྱི་བོའི་བླ་མ་ཐུགས་རྗེ་ཆེན་པོ་ཡུམ་ཕག་མོ་གཉིས་པ་འཕྲོས་ཏེ། བདག་ཉིད་ཐུགས་རྗེ་ཆེན་པོ་གསལ་བ་ལ་འཁྱུད་ཅིང་། རྡོ་རྗེ་དང་པདྨ་སྦྱོར་བས་བདེ་བ་བསྐུལ་ཏེ། སྤྱི་བོའི་ཧཾ་ཡིག་ལེས་བྱང་སེམས་བབ་སྟེ། སྤྱི་བོ་མགྲིན་པ་སྙིང་ཁ་ལྟེ་བ་བཞིར་དགའ་བ་དང་། མཆོག་དགའ་དང་དགའ་

[Full Size]

བྲལ་གྱི་དགའ་བ་ལྷན་ཅིག་སྐྱེས་པའི་དགའ་བ་མྱོང་། སླར་ཡང་གསང་གནས་ཀྱི་རྩེ་ནས་ཐིག་ལེ་གྱེན་དུ་ལོག་པས་རྩ་གནས་བཞིར་མས་བརྟན་གྱི་དགའ་བ་བཞི་ཉམས་སུ་མྱོང་སྟེ། བདུད་རྩི་དྭངས་མ་སྤྱི་བོའི་ཧཾ་ཡིག་ལ་ཐིམ། དེས་སེམས་ཀྱི་སྒྲིབ་པ་དག་ནས་ཤེས་རབ་ཡེ་ཤེས་ཀྱི་དབང་ཐོབ། དེ་ནས་བླ་མ་ཡབ་ཡུམ་འོད་དུ་ཞུ་ནས་རང་གི་སྨིན་མཚམས་སུ་ཐིམ་པས། རྩ་བ་དང་བརྒྱུད་པའི་བླ་མ་རྣམས་ཀྱི་ཐུགས་གཉིས་སུ་མེད་པའི་ཡེ་ཤེས་དང་། རང་གི་སེམས་མ་བཅོས་པར་མཉམ་པར་བཞག་གོ །འདི་ནི་ཏིང་ངེ་འཛིན་གྱི་དབང་བཞི་ཟབ་མོ་ཡིན་པས་ཐུན་བཞིའམ་དྲུག་ཏུ་བསྒོམ་སྟེ། དེ་དག་བསྒོམ་པའི་ཚེ་གསོལ་འདེབས་ཀྱི་སྙིང་པོ་ཡི་གེ་དྲུག་པ་བཟླས་ཏེ། སྤྲུལ་པའི་རྒྱལ་པོས། ཨོཾ་གྱིས་སྐུ་ལ་གསོལ་བ་འདེབས། མས་གསུང་ལ་གསོལ་བ་འདེབས། ཎིས་ཐུགས་ལ་གསོལ་བ་འདེབས། པད་ཀྱིས་ཡོན་ཏན་ལ་གསོལ་བ་འདེབས། མས་ཕྲིན་ལས་ལ་གསོལ་བ་འདེབས། ཧཱུྃ་གིས་སྐུ་གསུང་ཐུགས་ཡོན་ཏན་ཕྲིན་ལས་ལ་གསོལ་བ་འདེབས་སོ། །བདེ་བར་གཤེགས་པའི་སྐུ་གསུང་ཐུགས་ཡོན་ཏན་ཕྲིན་ལས་ལྔ་ལ་གསོལ་བ་འདེབས་པས་བྱིན་རླབས་ཚུར་ལ་འབྱུང་བ་ཡང་ཡི་གེ་དྲུག་པ་བཟླས་པས་

[Full Size]

འབྱུང་ངོ་། །ཞེས་དང་། ཨོཾ་ལྷ་དབང་ལུས་ལ་དབང་བསྐུར་བར་བྱེད། །མས་གསང་དབང་ངག་ལ་དབང་བསྐུར་བར་བྱེད། །ཎིས་ཆོས་དབང་སེམས་ལ་བསྐུར་བར་བྱེད། །པད་བུམ་དབང་གིས་ལུས་སྨིན་པར་བྱེད། །མེས་གསང་དབང་གིས་ངག་སྨིན་པར་བྱེད། །ཧཱུྃ་ཤེས་རབ་ཡེ་ཤེས་ཀྱི་དབང་གིས་སེམས་སྨིན་པར་བྱེད་དོ། །དེ་ལྟར་དབང་གི་ལུས་ངག་ཡིད་གསུམ་སྨིན་པར་བྱེད་པ་ཡི་གེ་དྲུག་པ་བཟླས་པ་ལས་འབྱུང་ངོ་། །ཞེས་གསུངས་པ་དང་། པདྨ་ཟབ་པའི་རྒྱུད་ཀྱི་རྒྱལ་པོ་ལས་དབང་གི་ལེའུ་དཀྱིལ་ནས། བཟླས་བརྗོད་རྒྱུན་དུ་བཟླས་པའོ། །ཞེས་གསུངས་པ་དང་། དད་པ་དྲག་པོས་བླ་མ་བསྟེན། ཞེས་གསུངས་པའི་དོན་ཡིན། གསང་སྔགས་བྱིན་རླབས་ཀྱི་ལམ། བྱིན་རླབས་མོས་གུས་ཀྱི་ལམ་༔ མོས་གུས་གསོལ་འདེབས་ཀྱི་ལམ། གསོལ་འདེབས་ཀྱི་མན་ངག་བླ་མའི་རྣལ་འབྱོར་ཡིན། བླ་མའི་རྣལ་འབྱོར་ལ་རིགས་མང་ན་ཡང་། འདི་བླ་མེད་ཐུན་མོང་མ་ཡིན་པའི་ལུགས་ཡིན་པས། འདི་ལ་ཐུན་དྲུག་གམ་བཞིར་བསྒོམ་ཞིང་ཞག་གསུམ་བསྒོམ་པར་བྱའོ། །ཆོས་ཐུན་ལྔ་པ་ཡིན་ནོ།། །།བརྩོན་པས་ཉམས་སུ་ལོངས་མཛོད་ཅིག །ད་ནི་

[Full Size]

དངོས་གཞི་ལ་དང་པོ་ཕྱི་ལུས་ཀྱི་སྟོང་ར་བསྒོམ་དགོས་ཏེ། རང་ཡི་དམ་གྱི་ལྷར་བསྒོམ་པ་ལ་ཡང་། བསྐྱེད་རིམ་པ་དང་ཁྱད་ཅིག་ཡོད་དེ། བསྐྱེད་རིམ་པས་རིམ་པར་བསྐྱེད། འདིར་རྫོགས་རིམ་ལུགས་འདི་སྐད་ཅིག་དྲན་རྫོགས་སུ་བསྐྱེད། བསྐྱེད་རིམ་པས། རྡུལ་ཚོན་དང་ཚོམ་བུ་ལ་སོགས་ལྷ་མ་ཡིན་པས་གཅིག་བློས་བཅོས་ནས་བསྒོམས་པས་ཀུན་བརྟགས་ཀྱི་ལྷ་ཟེར་དེའི་གནད་ཀྱིས་ཡེ་ཤེས་སྤྱན་འདྲེན་དབང་བསྐུར་རྒྱས་གདབ་སོགས་མི་དགོས་ཏེ། རྫོགས་རིམ་ལུགས་ལ་རང་ལུས་ཐིག་ལེ་རླུང་གསུམ་པོ་ཡེ་ནས་ལྷའི་དཀྱིལ་འཁོར་དུ་གྲུབ། །གྲུབ་པ་དེ་ཡིན་པ་ལས་ཡིན་པར་གསལ་འདེབས་པས། ཡོངས་གྲུབ་ཀྱི་ལྷ་ཟེར། དེའི་གནད་ཀྱིས་ཡེ་ཤེས་སྤྱན་འདྲེན་དབང་བསྐུར་རྒྱས་གདབ་སོགས་མི་དགོས་ཏེ། ཨོཾ་ཨཱཿཧཱུྃ། ཞེས་པའི་བརྗོད་པ་ཙམ་གྱིས་ལྷར་བསྒོམ་པ་ཡིན་པས། རང་ཉིད་སྐད་ཅིག་གིས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ཡབ་ཡུམ་མམ་གཙོ་བོ་རྐྱང་པར་བསྒོམ། འཁོར་གྱི་གྲངས་ལ་ངོས་བཟུང་མེད་དེ། སྣོད་ཀྱི་འཇིག་རྟེན་གཞལ་ཡས་ཁང་། བཅུད་ཀྱི་སེམས་ཅན་ཐམས་ཅད་ཐུགས་རྗེ་ཆེན་པོའི་ལྷ་ཚོགས་སུ་གསལ་གདབ། དེ་ནས་རང་ཕྱི་ཐུགས་རྗེ་ཆེན་པོའི་སྐུ་དར་དམར་གྱི་གུར་

[Full Size]

ཕུབ་པ་ལྟར་ལམ་མེར་བསྒོམ། ལུས་ཀྱི་ནང་སྟོང་པ་ཕྲུ་མ་ཕུས་བཏབ་པ་ལྟར་སྟོང་སང་ངེ་བར་བསྒོམ། དབུའི་གཙུག་ཏོར་ནས་ཞབས་ཀྱི་སེན་རྩེའི་ནང་ཡན་ཆད་སྟོང་སང་ངེ་བསྒོམ། ཕྱག་མཛུབ་དང་མིག་དང་རྣ་བའི་རྩེ་ཚུན་ཆད་སྟོང་སེང་ངེ་བསྒོམ། རང་གི་མིག་ལམ་དུ་སྣང་བའི་ས་རྡོ་རི་བྲག་ཅི་དང་ཅི་མཐོང་བ་ཐམས་ཅད་ཀྱང་བདག་དང་འདྲ་བར་ནང་སྟོང་སེང་ངེ་བ། ཕྱིའི་གཟུགས་བརྙན་དེ་རྣམས་ཀྱང་འཇའ་ཚོན་གྱི་གཟུགས་ལྟར་དངོས་པོར་མ་གྲུབ་སྙམ་དུ་བྱའོ། །དེ་ལྟར་གསལ་ཐེབ་ནས་རང་ལུས་དེ་ཡང་རེས་འགའ་ཇེ་ཆེ་རི་བྲན་ཙམ། རི་རབ་ཙམ། སྟོང་གསུམ་ཙམ། ནམ་མཁའ་གང་བ་ཙམ་བསྒོམ། རེས་འགའ་ཇེ་ཆུང་རང་ལུས་ཙམ། གྲུ་རེ་ཙམ། མཐོ་རེ་ཙམ། སོར་རེ་ཙམ། ཡུངས་འབྲུ་དང་སྐྲའི་རྩེ་ཙམ་བསྒོམ། དེ་ཐམས་ཅད་ལ་ནང་སྟོང་པ་སྔར་ལྟར་བསྒོམ། དེ་ལྟར་སྟོང་ར་བཅའ་བ་འདིས། དམིགས་པ་མི་གསལ་བ་ཐམས་ཅད་གསལ་བར་བྱེད། དམིགས་པ་མི་ཟིན་པ་ཟིན་པར་བྱེད། སེམས་མི་གནས་པ་གནས་པར་བྱེད། ནང་སྟོང་པ་ཉིད་དང་བདག་མེད་རྟོགས་པའི་རྐྱེན་བྱེད་པ་ཡིན་ནོ། །ཕྱི་ལུས་ཀྱི་སྟོང་ར་འདི་ལ། གསང་ཁྲིད་རིམ་ལྔ་

[Full Size]

དང་རྗེ་དྭགས་པོའི་གསུང་འགའ་ཞིག་ལས། ལྷ་འདི་བསྒོམ་མ་གསུངས་པར་ཐ་མལ་གྱི་ལུས་འདི་ཡེ་ནས་ལྷ་དམ་ཚིག་པ་ཡིན་པར་དགོངས་ནས། ཐ་མལ་གྱི་ལུས་ཉིད་ལ་སྟོང་ར་བསྒོམ་པར་གསུངས། བདེ་མཆོག་ལ་མོས་པས་བདེ་མཆོག །ཕག་མོ་ལ་མོས་པས་ཕག་མོ། དགྱེས་རྡོར་ལ་མོས་པས་དགྱེས་རྡོར་སོགས་རང་གང་མོས་སུ་བསྒོམ་པར་མཛད་དེ། ཆོས་དྲུག་སོགས་ཀྱང་བླ་མེད་རྒྱུད་སྡེ་སྤྱིའི་རྫོགས་རིམ་ཡིན་པའི་དོན་དུ་སྣང་། འོན་ཀྱང་ད་ལམ་གཞན་ལ་ཁ་གཡར་མི་དགོས། རྒྱལ་བ་རྒྱ་མཚོ་ཉིད་ལ་རྫོགས་རིམ་རྩ་རླུང་གི་གདམས་པ་ཟབ་མོ་ཡོད་པས་དེ་ཉིད་ཁོ་ན་བརྗོད། སྐུ་གསུམ་ངོ་སྤྲོད་སོགས་ནི་འདིའི་རྫོགས་རིམ་ཡིན་མོད་ཀྱང་། དུས་ཕྱིས་བཀའ་བརྒྱུད་འདིའི་ཡི་དམ་ཕག་མོ་དར་དྲགས་པས། སྟོང་རའི་སྐབས་སུ་ཕག་མོ་མཛད་འདུག་ཀྱང་། རང་རེ་རྒྱལ་བ་རྒྱ་མཚོ་ཡི་དམ་ཡིན་པས་འདི་ཉིད་བསྒོམ་པ་གལ་ཆེ། སྟོང་ར་ཡི་དམ་གྱི་སྐུ་སྟོང་པ་འོད་ཀྱི་རང་བཞིན་དེ་ཉིད་ཀྱང་། ལན་རེ་ཙམ་གསལ་བས་མི་ཆོག །ནམ་དྲན་དྲན་ལ་ཤིན་ཏུ་གསལ་བ་བར་སྣང་ལ་འཇའ་ཤར་བ་ལྟར་དྲན་རྫོགས་སུ་ལམ་ལམ་མ་བྱུང་གི་བར་དུ་བསྒོམ་དགོས། སྔ་མ་རྣམས་མ་གསལ་བར་ཕྱི་མ་རྣམས་

[Full Size]

བསྒོམས་ཀྱང་། ཟས་མ་ཞུ་བའི་སྟེང་དུ་ཟས་ཟོས་པ་ལྟར་ཕན་པ་མེད་པའི་སྟེང་དུ་གནོད་པ་འོང་། དེས་ན་ཕྱི་ལུས་ཀྱི་སྟོང་ར་འདི་ཡང་ཞག་གསུམ་སྒོམས་ཤིག །བདག་གིས་མགོ་མཇུག་ཐམས་ཅད་དུ། ཡིད་ཆེས་པའི་ལུང་འདྲེན་མང་དུ་ཡོད་ཀྱང་། ལུང་འདྲེན་བྲིས་ན་དགེ་བའི་བཤེས་གཉེན་རྣམས་ཐུགས་དགྱེས། ཐེ་ཚོམ་ཅན་རྣམས་ཐེ་ཚོམ་ཆོད་ཀྱང་། རྨོངས་པ་རྣམས་ལུང་འདྲེན་རང་གིས་བསྒྲིབས་ནས་མི་གོ་བའི་རྐྱེན་དང་། ཧ་ཅང་གླེགས་བམ་ཁ་ལྗིད་པས་སྐྲག་པར་འགྱུར་དོགས་པས། འདིར་ངག་ཁྲིད་ཀྱི་ཚབ་ཤིན་ཏུ་གོ་སླ་བར་བཀོད་པ་ཡིན་ནོ། །དེ་ཡང་རང་གཞུང་ལུགས་ཅུང་ཟད་མ་བྲིས་ན་ཡང་རྩ་བ་འཆུག་དོགས་པའི་སྐྱོན་དུ་འགྱུར་བས། ལུང་ཅུང་ཟད་རེ་ཡང་བཀོད་དེ། པདྨ་རྒྱལ་པོའི་རྒྱུད་ལས་རང་ལུས་ལྷ་རུ་གསལ་བ་དང་། །ང་རྒྱལ་ཕྲ་བ་ཙམ་ཞིག་བསྒོམ། །ཞེས་དང་། པདྨ་ཟབ་པའི་རྒྱུད་ལས། དཀྱིལ་འཁོར་མཎྜལ་ལྟར་བསྒོམ་པ་དང་། དཀྱིལ་འཁོར་དུ་བསྒོམ་པ་དང་། རང་གི་ཕུང་པོ་ལ་བསྒོམ་པ་གསུམ་མཆིས་ན། འདིར་ཇི་ལྟར་བསྒོམ་པར་བྱ། ཞེས་ཞུས་པ་དང་། གཙོ་བོས་བཀའ་སྩལ་པ། འདིར་ནི་རང་གི་ཕུང་པོར་

[Full Size]

བསྒོམ། ཞེས་བཀའ་སྩལ་ཏོ། རང་ཉིད་སྤྱན་རས་གཟིགས་སུ་བསྒོམ། །ཞེས་གསུངས་པའི་དོན་ཡིན་ནོ། །ལྷ་ཡེ་ཤེས་པ་ཕྱི་རོལ་ནས་སྤྱན་འདྲེན་ཅིང་མཆོད་ནས་གཤེགས་པ། བྱ་སྤྱོད་རྣལ་འབྱོར་རྒྱུད་གསུམ་སྟེ་གསང་སྔགས་ཕྱི་པ་ཞེས་བྱ། རང་ལུས་དམ་ཚིག་སེམས་དཔའ་རང་སེམས་ཡེ་ཤེས་སེམས་དཔའ་སྟེ། ཐམས་ཅད་རང་གི་སེམས་ཀྱི་ཆོ་འཕྲུལ་རྩ་རླུང་ཐིག་ལེའི་རྟེན་འབྲེལ་ཁོ་ནར་ཤེས་པས། ལྷ་ཡེ་ཤེས་པ་མ་གཤེགས་པར་སངས་རྒྱས་མ་ཐོབ་ཀྱི་བར་དུ་ཕྱག་རྒྱ་སྒོ་གཅད་དུ་བསྒྲུབ་པ་གསང་སྔགས་ནང་པའི་ལུགས་སོ། །དེ་ནས་རྩ་རླུང་བསྒོམས་པའི་ཐོག་མར། རྩ་རླུང་ཐིག་ལེ་གསུམ་བྱིན་གྱིས་བརླབ་པ་གལ་ཆེ་སྟེ། པདྨ་རྒྱལ་པོའི་རྒྱུད་ལས། བྱིན་གྱིས་བརླབས་པ་ཇི་ལྟ་བུ། །ཁྱེད་ཀྱིས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། ཉོན་ཅིག་འགྲོ་བའི་མགོན་པོ་ཁྱོད། །རྣལ་འབྱོར་རང་ལ་བྱིན་རླབས་པ། །ཆོས་ལ་འཇུག་པའི་དུས་དག་ཏུ། །འདི་ནི་ངག་ཏུ་བརྗོད་པར་གྱིས། །དཔལ་ལྡན་སངས་རྒྱས་སྐུ་འཆང་བ། །ཞེས་སོགས་རྒྱས་པར་གསུངས་པའི་དོན་ཡིན་པས། བདག་ཉིད་སྐད་ཅིག་གིས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ཞལ་

[Full Size]

གཅིག་ཕྱག་བཞི་པའི་སྐུར་ལམ་གྱིས་བསྒོམས་ལ། དེའི་སྤྱི་བོར་ཟླ་བའི་སྟེང་དུ་ཨོཾ་དཀར་པོ། མགྲིན་པར་པདྨའི་སྟེང་དུ་ཨཱཋདམར་པོ། ཐུགས་ཀར་ཉི་མའི་སྟེང་དུ་ཧཱུྃ་སྔོན་པོ་བསྒོམ། རང་གི་དཔྲལ་བའི་ཨོཾ་ལས་འོད་ཟེར་དཀར་པོའི་ཚོགས་སྤྲོས་པས། ཕྱོགས་བཅུ་དུས་གསུམ་གྱི་སངས་རྒྱས་སྐུ་བདེ་གཤེགས་རིགས་ཐམས་ཅད་ནམ་མཁའ་གང་བར་སྤྱན་དྲངས་པས། དེ་ཐམས་ཅད་རྣམ་སྣང་སྤྱན་རས་གཟིགས་སྐུ་མདོག་དམར་ལ་དཀར་མདོག་ཅན། ཡུམ་ཕག་མོ་དང་སྦྱོར་བས་ནམ་མཁའ་བར་སྣང་ཐམས་ཅད་གང་། དེ་ཐམས་ཅད་གཙོ་བོ་གཞན་ལས་སྐུ་ཆེ་བ་གཅིག་གི་དྲུང་དུ་བདག་ཉིད་གནས་པར་བསམས་ལ། ངག་ཏུ། དཔལ་ལྡན་སངས་རྒྱས་སྐུ་འཆང་བ། །རྡོ་རྗེ་མི་ཕྱེད་གསུམ་གྱི་སྐུ། །བདག་ལ་བྱིན་གྱིས་བརླབ་ཏུ་གསོལ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །བདག་ལ་བྱིན་གྱིས་བརླབ་ཏུ་གསོལ། །ཨོཾ་ཞེས་ལན་གསུམ་གསོལ་བ་བཏབ་པས། ཡབ་ཡུམ་ཐམས་ཅད་སྙོམས་པར་ཞུགས་པས་ཐམས་ཅད་བདུད་རྩི་བྱང་སེམས་དཀར་པོའི་རང་བཞིན་དུ་ཞུ་ནས། རང་གི་སྤྱི་བོ་ཚངས་པའི་བུ་གའམ་སྨིན་

[Full Size]

མཚམས་ནས་ཞུགས་ཏེ་ལུས་ཐམས་ཅད་གང་བས། མ་དག་པའི་རྩ་ཁམས་ཐམས་ཅད་དག་ནས་དག་པ་ཡེ་ཤེས་ཀྱི་རྩ་གསུམ་འཁོར་ལོ་བཞི་གསལ་བར་རྫོགས། རྩ་མདུད་ཐམས་ཅད་རང་བཞིན་གྱིས་གྲོལ་ཏེ། རྩ་དག་པ་སྐུ་རྡོ་རྗེའི་གོ་འཕང་ཐོབ་པར་བསྒོམ། ཡང་རང་གི་མགྲིན་པའི་ཨཱལས་འོད་ཟེར་དམར་པོའི་ཚོགས་འཕྲོས་པས། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་དང་གསུང་པདྨའི་རིགས་ཐམས་ཅད་ནམ་མཁའ་གང་བར་སྤྱན་དྲངས་པས། དེ་ཐམས་ཅད་གསུང་པདྨའི་རིགས་ཀྱི་སྤྱན་རས་གཟིགས་རྒྱལ་བ་རྒྱ་མཚོ་ཡབ་ཡུམ་སྐུ་མདོག་དམར་གསལ་གྱིས་ནམ་མཁའ་བར་སྣང་ཐམས་ཅད་གང་། དེ་ཐམས་ཅད་ཀྱི་གཙོ་བོ་གཞན་ལས་སྐུ་ཆེ་བ། གཅིག་གི་དྲུང་དུ་བདག་ཉིད་གནས་པར་བསམས་ལ་ངག་ཏུ། དཔལ་ལྡན་སངས་རྒྱས་གསུང་འཆང་བ། །རྡོ་རྗེ་མི་ཕྱེད་གསུམ་གྱི་གསུང་། །བདག་ལ་བྱིན་གྱིས་བརླབ་ཏུ་གསོལ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །བདག་ལ་བྱིན་གྱིས་བརླབ་ཏུ་གསོལ། །ཨཱཞེས་ལན་གསུམ་གསོལ་བ་བཏབ་པས། དེ་ཐམས་ཅད་ཡབ་ཡུམ་སྦྱོར་བ་མཛད་པས། ཐམས་ཅད་བདུད་རྩི་བྱང་

[Full Size]

སེམས་དམར་པོའི་རྣམ་པར་ཞུ་ནས་རང་གི་ཁ་ནས་ཞུགས་ཏེ་ལུས་ཐམས་ཅད་གང་ནས། མ་དག་པའི་རླུང་སྙིགས་མ་དུག་བཅས་ཐམས་ཅད་སྦྱངས་ནས། དག་པ་ཡེ་ཤེས་ཀྱི་རླུང་དུ་གནས་འགྱུར། རླུང་དག་པ་གསུང་རྡོ་རྗེའི་གོ་འཕང་མངོན་དུ་བྱས་པར་བསྒོམ། ཡང་རང་གི་ཐུགས་ཀའི་ཧཱུྃ་ལས་འོད་ཟེར་སྔོན་པོའི་ཚོགས་འཕྲོས་པས། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་དང་ཐུགས་རྡོ་རྗེ་རིགས་ཀྱི་སངས་རྒྱས་ཐམས་ཅད་སྤྱན་དྲངས་ཏེ། དེ་ཐམས་ཅད་མི་བསྐྱོད་པ་རྡོ་རྗེ་རིགས་ཀྱི་སྤྱན་རས་གཟིགས་ཡབ་ཡུམ་གྱིས་ནམ་མཁའ་བར་སྣང་ཐམས་ཅད་གང་། དེ་ཐམས་ཅད་ཀྱི་དབུས་གཙོ་བོ་གཞན་ལས་སྐུ་ཆེ་བ་གཅིག་གི་དྲུང་དུ་རང་ཉིད་གནས་པར་བསམས་ལ། དཔལ་ལྡན་སངས་རྒྱས་ཐུགས་འཆང་བ། །རྡོ་རྗེ་མི་ཕྱེད་གསུམ་གྱི་ཐུགས། །བདག་ལ་བྱིན་གྱིས་བརླབ་ཏུ་གསོལ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །བདག་ལ་བྱིན་གྱིས་བརླབ་ཏུ་གསོལ། །ཧཱུྃ་ཞེས་ལན་གསུམ་གསོལ་བ་བཏབ་པས། ཐམས་ཅད་ཡབ་ཡུམ་སྦྱོར་བ་མཛད་པས་བདུད་རྩི་བྱང་སེམས་སྔོན་པོའི་རྣམ་པར་ཞུ་སྟེ། རང་གི་སྙིང་ཁ་ནས་

[Full Size]

ཞུགས་ཏེ་ལུས་ཐམས་ཅད་གང་བས། མ་དག་པའི་ཐིག་ལེའི་ཁམས་སྦྱངས་ནས་དག་པ་བདེ་ཆེན་འཛག་བྲལ་གྱི་ཐིག་ལེར་གནས་འགྱུར། ཐིག་ལེ་དག་པ་ཐུགས་རྡོ་རྗེའི་གོ་འཕང་མངོན་དུ་བྱས་པར་བསྒོམ། །གསོལ་འདེབས་ཀྱི་ཚིག་དེ་དག་རྒྱུད་ཚིག་ཡིན་ཅིང་གསང་འདུས་སོགས་ཕ་རྒྱུད་རྣམས་ནས་གནས་གསུམ་བྱིན་རླབས་འདི་འདྲ་ལ་ཁད་ལ། འདི་བས་རྒྱས་ཙམ་འབྱུང་མོད་ཀྱང་། འདི་ནི་བདག་ཐུགས་རྗེ་ཆེན་པོ་རྒྱལ་བ་རྒྱ་མཚོའི་ཆོས་ལ་མོས་འདུན་དྲག་པོ་སྐྱེས་ནས། ཅུང་ཟད་ཙམ་སྒྲུབ་པའི་མགོ་བརྩམས་སྐབས། རྨི་ལམ་དུ་འདི་ལྟར་བསྒོམ་ཞིང་འདི་ལྟར་གསོལ་བ་བཏབ་པས། ཇི་ལྟར་བསྒོམས་པ་དེ་མངོན་སུམ་དུ་གྱུར་ཏེ་སོང་བ་ཤིན་ཏུ་གསལ་བ་ཞིག་རྨིས་པས། ཆོས་ལ་ཞུགས་པའི་ཐོག་མར་རྒྱུད་བྱིན་གྱིས་རླབས་པའི་མཚན་མ་ཡིན་པར་མངོན། དེས་ན་འདི་རྒྱུད་རྒྱ་གཞུང་གི་དོན་ཡང་ཡིན་ལ། བདག་རང་གི་རྟོགས་ཆོས་ཀྱང་ཡིན་བྱིན་རླབས་ཤིན་ཏུ་ཆེ་བ་ཡིན་པས་འདི་ཞག་གསུམ་བསྒོམས་ལ། རྒྱུན་དུ་ཡང་སྐབས་སུ་དམིགས་པ་ཐུན་རེ་བསྒོམས་ན་བར་ཆད་སེལ་ཞིང་བྱིན་རླབས་ངེས་པར་འཇུག་པ་ཡིན་ནོ། །དེ་ཅིའི་ཕྱིར་ཞེ་ན། རྒྱུད་དང་རྒྱ་གཞུང་དང་ཉམས་མྱོང་གི་རྟོགས་ཆོས་དང་

[Full Size]

གསུམ་ཁ་ཡིན་པའི་ཕྱིར་རོ། རྩ་ཐིག་རླུང་གསུམ་བྱིན་གྱིས་བརླབས་པའི་ཆོས་ཐུན་ཏེ། དྲུག་པ་ཡིན་ནོ།། །།དེ་ནས་རྩ་བསྒོམ་པ་འདི་ལ་གོ་བར་གསུང་རྒྱུ་དང་ཉམས་སུ་ལེན་རྒྱུ་གཉིས། དང་པོ་ནི། ཕྱི་སྣོད་འཇིག་རྟེན་ཁམས་ས་ཆ་སྐྱིད་སྡུག་སོགས་སྣ་ཚོགས་སྣང་བ་འདི་ནང་གི་རྩ་ཁམས་དག་མ་དག་གིས་རྟེན་འབྲེལ་ཁོ་ན་ཡིན། ནང་གི་རྩ་ཁམས་རྣམ་པར་དག་ན་ཕྱིའི་ཞིང་ཁམས་ཡང་དག་པར་འགྱུར་ཏེ། སངས་རྒྱས་རྣམས་དམྱལ་བར་བཞུགས་ཀྱང་བདེ་བ་ཅན་ལྟ་བུ་ཞིག་ལས་མི་མཐོང་། བཅོམ་ལྡན་འདས་ཤཱཀྱ་ཐུབ་པས་འཛམ་གླིང་ཞབས་ཀྱིས་བཅགས་ཏེ་ཕེབས་དུས་ས་ཆ་རང་རོང་དང་ཚེར་མ་མཐའ་དང་གད་ཅི་ཡང་མེད་པར་གར་ཕེབས་པའི་ཐད་དེ། ལག་མཐིལ་ལྟར་མཉམ་ཞིང་འཇམ་པར་འགྱུར་ཞིང་ཕེབས་ཚར་རྗེས་སྔར་ལྟར་རི་བྲག་དང་གཡང་ས་རང་མལ་དུ་གྱུར་སྐད་དོ། །རྗེ་མི་ལ་བྲག་དཀར་སྐྱིད་ཕུག་ཏུ་བཞུགས་སྐབས། ཡོན་བདག་གྲྭ་སློབ་རྣམས་གནས་ཤིན་ཏུ་སྡུག་ཅིང་མི་དགའ་བར་མཐོང་ཡང་། མི་ལས་སྐྱིད་པར་མཐོང་བ་ལྟ་བུ་ཡིན། མདོར་ན་རྩ་ནི་ཁྱིམ་དང་འདྲ། ཐིག་ལེ་ནི་ནོར་དང་འདྲ། རླུང་ནི་བདག་པོ་དང་འདྲ། ལུས་ལ་རྩ་བྲན་བྱེ་བ་ཕྲག་

[Full Size]

མང་པོ་ཡོད་ཀྱང་། དེ་རྣམས་ཚུར་བསྡུས་ན་རྩ་གསུམ་འཁོར་ལོ་བཞིའམ་ལྔ་ལ་འདུས། དེ་བསྡུས་ན་རྩའི་གཙོ་བོ་གསུམ་ལ་འདུས། གཞན་དེ་ཐམས་ཅད་དེ་གསུམ་གྱི་འཁོར་ཡིན། ཐབས་ལམ་ཟབ་མོ་བསྒོམས་མི་ཤེས་པའི་གང་ཟག་ལ། རྩ་དེ་གསུམ་དུག་གསུམ་བསྐྱེད་པའི་རྩ་བ་ཡིན། ཐབས་ལམ་སྒོམ་པ་ལ་རྩ་གསུམ་གྱིས་སྐུ་གསུམ་ཐོབ་པར་བྱེད་པའི་རྩ། འཁོར་ལོ་བཞི་ནི་སྐུ་བཞི། འཁོར་ལོ་ལྔ་ནི་ཡེ་ཤེས་ལྔ་བསྐྱེད་པའི་རྩ་ཡིན། དེ་ཡང་རྩ་སྟོང་ཕྲག་བདུན་ཅུ་རྩ་གཉིས་ནི་དབུ་མའི་རིགས་ཏེ། རླུང་རྒྱུ་བ། སྟོང་ཕྲག་བདུན་ཅུ་རྩ་གཉིས་ནི་རཀྟ་རྒྱུ་བ་རོ་མའི་རིགས། སྟོང་ཕྲག་བདུན་ཅུ་རྩ་གཉིས་ནི་ཐིག་ལེ་རྒྱུ་སྟེ་རྐྱང་མའི་རིགས་ཡིན་ནོ། །རྩ་ཡི་གཙོ་བོ་དབུ་མ་ནི་རྙིང་མའི་ལུགས་ལ་ཐབས་ཀྱི་དབུ་མ་གཞུངས་པ། ཤེས་རབ་ཀྱི་དབུ་མ་སྲོག་རྩ་ནག་པོ། ཐབས་ཤེས་དབྱེར་མེད་ཀྱི་དབུ་མ་སྲོག་རྩ་དང་གཞུངས་པའི་བར་ཡོད་པར་ཡང་གསུངས། ཕྱག་ཆེན་ཐིག་ལེའི་རྒྱུད་ཀྱི་རྗེས་འབྲང་ས་སྐྱ་པས་ནི་རྩ་དབུ་མ་དེ་རྩ་མདུད་སུམ་ཅུ་སོ་གཉིས་ཀྱིས་བསྡམས་ནས་ཡོད་པས་གྲོལ་དཀའ་བར་བཞེད། ལ་ལས་སྲོག་རྩའི་དཀྱིལ་ལ་དབུ་མ་ཡོད་ཟེར། ལ་ལས་སྲོག་རྩའི་སུལ་ན་ཡོད་ཟེར། ལ་ལས་སྲོག་རྩ་

[Full Size]

རང་དེ་ཡིན་ཟེར། བླུན་པོ་ལ་ལ་དག་འཁྲུལ་འཁོར་མང་དུ་བརྒྱབས་ནས་ཕོ་བ་སྒལ་པ་ལ་སྦྱར་དུས། ཕོ་བའི་རྒྱུད་དུ་རྩ་གཅིག་ཕྱི་ན་ལྟ་རྒྱུ་ཡོད་པ་དེ་ཡིན་ཟེར་ནས། །དེ་སྟོན་རྒྱུ་རྙེད་པ་གྲུབ་ཐོབ་ཏུ་འདོད། འོན་ཀྱང་སྒྲུབ་བརྒྱུད་འདིའི་ལུགས་ལ། དབུ་མ་རྩ་མདུད་མང་པོའི་བསྡམས་པ་དང་། རོ་རྐྱང་གཉིས་འཁྱོག་པོར་རྩའི་ཡོད་ལུགས་ལ་ཡོད་དེ། བསྒོམ་དུས་འཁྱོག་པོ་དང་མདུད་པས་བསྡམས་པ་ཚོ་བསྒོམ་མི་རུང་། འཁྱོག་པོ་དང་མདུད་པ་རྣམས་ཏིང་ངེ་འཛིན་གྱིས་འཁྱོག་པོ་དྲང་མདུད་པ་དཀྲོལ་དགོས་རྒྱུ་ཡིན་ཞེས། རྗེ་ཐམས་ཅད་མཁྱེན་པ་ཞྭ་དམར་དྲུག་པས་གསུངས། དེ་བཞིན་དུ་དབུ་མའི་རིགས་སམ་རྒྱུ་ནི་སྲོག་རྩ་དེ་ཡིན་གྱི། དངོས་སུ་ལྟ་རྒྱུ་ཡོད་པའི་དབུ་མ་མཚན་ཉིད་བཞི་ལྡན་དེ་འདྲ་བ་མེད། འོན་ཀྱང་བསྒོམས་པའི་སྟོབས་ཀྱིས་སྲོག་རྩ་དེ་ལ་དབུ་མ་འཆར་དགོས་པ་ཡིན་གསུངས། །བསྒོམས་པའི་རྩ་འཁོར་ལོ་བཞིའི་གྲངས་ཁ་ཡང་སྙིང་ཐིག་སོགས་རྫོགས་ཆེན་ལ། སྤྱིར་སུམ་བརྒྱ་དྲུག་ཅུ་ཡོད་ཀྱང་། བཀའ་བརྒྱད་རྒྱུད་བདེ་མཆོག་དགྱེས་རྡོར། ཆོས་དྲུག་སོགས་ཐམས་ཅད་གྲངས་ཁ་མཐུན་པ་ཡིན། དེ་ཡང་རྩ་འཁོར་ལོ་ལྔ་ཡི་མན་ངག་ནི་ལུགས་སུ་བཤད་ཟིན། །

[Full Size]

འདིར་འཁོར་ལོ་བཞི་མ་རྒྱུད་ཀྱི་དགོངས་པ་ཡིན་ཏེ། པདྨ་ཟབ་པའི་རྒྱུད་ཆེན་པོ་ལས། འཁོར་ལོ་ནི་བཞི་སྟེ། བདེ་བའི་འཁོར་ལོ་དང་། ལོངས་སྤྱོད་ཀྱི་འཁོར་ལོ་དང་། ཆོས་ཀྱི་འཁོར་ལོ་དང་། སྤྲུལ་པའི་འཁོར་ལོའོ། །ཞེས་གསུངས། རྩ་བསྒོམ་པའི་མིང་ལ། རིགས་ལྡན་གྱིས་གཞི་བཟུང་བ་ཞེས་ཀྱང་བྱ། དཔག་བསམ་གྱི་ཤིང་འཛུགས་པ་ཞེས་ཀྱང་བྱ། རྩ་ནི་ནང་གི་མཁའ་འགྲོ་མ་ཡིན་ཏེ། རྩ་འཁོར་ལོ་གསུམ་ནི་སྐུ་གསུང་ཐུགས་ཀྱི་ཌཱཀྐི་མ། འཁོར་ལོ་བཞི་ནི་རིགས་བཞིའི་ཌཱཀྐིའི་ཚོགས་ཡིན་པའི་ཕྱིར། ཕྱི་ཡི་ཡུམ་བསྒོམ་ཡང་མི་དགོས་པའི་ཕྱིར། པདྨ་ཟབ་པའི་རྒྱུད་ལས། རྣལ་འབྱོར་པའི་ལུས་འདི་ལ་འཁོར་ལོ་དུ་ལགས་ཞུས་པས། སྐུ་ལ་བཞུགས་པའི་རྡོ་རྗེ་ཕག་མོ་རང་ཉིད་ལ་ཐིམ་ནས་མི་སྣང་བར་གྱུར་ཏོ། །ཞེས་གསུངས་པའི་དོན་ཡང་དེ་ཡིན་ནོ། །དབུ་མའི་ཁ་དོག་ཀྱང་དམར་བ་རྒྱ་སྐག་གི་ཁུ་བ་ལྟ་བུ་ཞེས་ལ་ལས་དམར་པོར་བསྒོམས། ལ་ལས་ཕྱི་དཀར་ནང་དམར་བསྒོམས་་ཀྱང་རང་ལུགས། རྗེ་ཆོས་ཀྱི་དབང་ཕྱུག་གསུངས་འདི་ལེགས་ཏེ། རྩ་གསུམ་སྐུ་ཡིན་པས་སྐུ་གསུམ་སོ་སོའི་ཁ་དོག་དང་། འཁོར་ལོ་བཞི་ཐབས་ཤེས་ཆ་རེ་ཡིན་པས་དཀར་པོ་

[Full Size]

རེ་དང་དམར་པོ་རེ་བསྒོམས་པ་འདི་ཟབ་བོ། །དེ་ལ་བསྒོམ་བྱ་ནི། རང་ལུས་ཐུགས་རྗེ་ཆེན་པོའི་སྐུ་སྟོང་ཞིང་གསལ་བའི་ནང་དབུས་སུ། རྩ་དབུ་མ་སྔོན་པོ་ཁང་སྟོང་དུ་ཀ་བ་བཙུགས་པ་ལྟ་བུ་ཤིན་ཏུ་དྲང་བ། རང་ཉིད་རང་ལུས་ཙམ་དུ་བསྒོམས་པའི་ཚེ། སྦོམ་ཕྲ་གྲོ་སོག་འབྲིང་པོ་ཙམ། ཡར་སྣེ་སྤྱི་བོར་སྣ་ཚོགས་རྡོ་རྗེའི་རྩིབས་ཅན་གྱི་འཁོར་ལོས་སྤྲས་པའི་ཚངས་པའི་བུ་གའི་བར་དང་། མར་སྣེ་གསང་གནས་ཀྱི་རྡོ་རྗེའི་བུ་གར་ཟུག་པ་བསྒོམས། གཡས་རོ་མ་དམར་པོ་དང་། གཡོན་རྐྱང་མ་དཀར་པོ་གཉིས། སྦོམ་ཕྲ་དབུ་མ་དང་མཉམ་པ་གསུམ་ཁ་གཅིག་གིས་གཅིག་ལ་མ་ཐུག་པ། རོ་རྐྱང་གཉིས་ཡར་སྣེ་སྣ་བུག་གཉིས་སུ་ཟུག་པ། མར་སྣེ་ལྟེ་འོག་སོར་བཞི་ནས་གཅིག་ཏུ་གྱུར་པ། སྤྱི་བོ་བདེ་ཆེན་འཁོར་ལོ་རྩ་འདབ་སུམ་ཅུ་སོ་གཉིས་དཀར་པོ་གདུགས་ཀྱི་རྩིབས་མ་ལྟར་ཅུང་ཟད་ཁ་ཐུར་དུ་ལྟ་བ། ཐམས་ཅད་ཟླུམ་པོ་བམ་ཡིག་གི་དབྱིབས་ཅན། མགྲིན་པའི་རྩ་འདབ་བཅུ་དྲུག་དམར་པོ་ཅུང་ཟད་ཁ་གྱེན་དུ་བསྟན། ཐམས་ཅད་བསྡོམས་པའི་དབྱིབས་གྲུ་གསུམ་ཨེ་ཡིག་གི་དབྱིབས་ཅན། སྙིང་ཁའི་རྩ་འདབ་བརྒྱད་སྔོན་པོ་ཅུང་ཟད་རྩ་སྣེ་ཐུར་དུ་ཕྱོགས་པ་ཐམས་ཅད་

[Full Size]

བསྡོམས་པའི་དབྱིབས་ཟླུམ་པོ་བམ་ཡིག་གི་དབྱིབས་ཅན། ལྟེ་བའི་རྩ་འདབ་དྲུག་ཅུ་རེ་བཞི་དམར་པོ་ཅུང་ཟད་རྩ་སྣེ་གྱེན་བསྟན་ཨ་ཡིག་གི་དབྱིབས་ཅན། རྩ་བ་རྣམས་ཐང་ཤིང་གི་ཡལ་ག་ལྟར་དབུ་མ་ལ་ཟུག་པ། རོ་རྐྱང་གཉིས་ལ་མ་རེག་པ། རྩ་སྣེ་ལས་རྩ་ཕྲན་མང་པོ་གྱེས་པ་ཐང་ཤིང་གི་ཡལ་གའི་རྩེ་ལ་འབོལ་ཁབ་ལྟར་ཡོད་པ། རྩ་འཁོར་གྱི་རྩ་རྣམས་གཙོ་མོ་རྣམས་ལས་ཇེ་ཕྲར་སོང་བ། ཐམས་ཅད་སོག་སྒྲུབ་ལྟར་ནང་སྟོང་པར་བསྒོམ་མོ། །དཔེར་ན་ཆུ་འདྲེན་པའི་ཐོག་མར་ཡུར་བ་ལེགས་པོར་བྱ་དགོས། དེ་མ་བྱས་ན་ཆུ་འབོ་བ་དང་། ཡུར་བ་རལ་བར་འགྱུར། དང་པོ་ཡུར་བ་ལེགས་པོར་བཟོས་པས་ཆུ་གར་འདོད་དུ་འགྲོ་བ་དང་འདྲ་བས། རྩ་འདི་ཡང་ཞག་གསུམ་དུ་བསྒོམས་ལ། རྒྱུན་དུ་ནི་བསམ་ཙམ་ནས་རྩ་གསུམ་འཁོར་ལོ་བཞི་གསལ་ཐེབ་པ་གལ་ཆེ། རྩ་ལ་སྦྱང་བ་ནི་རང་ལུས་ཇེ་ཆེར་བསྒོམས་དུས་རྩ་ཡང་དེ་དང་མཚུངས་པར་ཆེ་བ་དང་། རང་ལུས་ཇེ་ཆུང་ལ་བསྒོམས་དུས་རྩ་ཡང་དེའི་ཚོད་ཙམ་དང་། རང་ལུས་ཡུངས་འབྲུ་ཙམ་བསྒོམས་དུས་ཀྱང་རྩ་གསུམ་འཁོར་ལོ་བཞི་ཚང་བར་བསྒོམ་ཐུབ་པར་བྱའོ། །རེས་འགའ་དུས་རྩ་དབུ་མ་དེ་ཇེ་ཆེར་སོང་ནས་ལུས་ཀྱིས་གར་ཁྱབ་དབུ་

[Full Size]

མས་ཁྱབ་པར་བསྒོམས་པས། རླུང་གང་དུ་ཟིན་ཀྱང་དབུ་མར་ཟིན་ནས་ཉམས་རྟོགས་སྐྱེ་བའི་རྟེན་འབྲེལ་དུ་འགྱུར་ཏེ། དབུ་མ་དེ་གདོས་བཅས་ཀྱི་རྩ་མ་ཡིན་ཡེ་ཤེས་ཀྱི་རྩ་དེ་བསྒོམས་པའི་སྟོབས་ལས་བྱུང་བའི་རྩ་ཡིན་པའི་ཕྱིར་རོ། །གཞན་རྩ་འཁོར་བཞིའི་ནང་སྐོར་དུ་རྩ་བཞི་རེ་དང་། ཕྱིའི་ནད་བསྐྱེད་པའི་རྩ་དང་། ལུས་ཀྱི་རྩ་གནས་ཉི་ཤུ་རྩ་བཞིར་གནས་ཡུལ་ཉེར་བཞི་རྩ་སོགས་མང་དུ་ཡོད་ཀྱང་ད་རེས་འདིའི་སྐབས། འཁོར་ལོ་བཞིའི་རྩ་བརྒྱ་དང་ཉི་ཤུ། རྩ་གཙོ་མོ་གསུམ་ལས་གཞན་བསྒོམས་མི་དགོས། འདི་ལྟར་རྩ་བསྒོམས་པས་རྩ་དང་མཁའ་འགྲོ་དོན་གཅིག་པས་མཁའ་འགྲོ་དང་མ་མོ་ཐམས་ཅད་དབང་དུ་འདུས། དེའི་གནད་ཀྱིས་མོ་རིགས་ཐམས་ཅད་དད་ཅིང་གུས། རྩ་དང་ཡུལ་ཁམས་དོན་གཅིག་པས་ཡུལ་ཁམས་ཐམས་ཅད་དབང་དུ་འདུ། རྩའི་ཁམས་དག་པས་ལུས་ལ་ནད་ཉུང་བ་དང་གཟི་མདངས་འབར། རྩ་དང་སྐུ་དོན་གཅིག་པས་སངས་རྒྱས་ཐམས་ཅད་ཀྱི་སྐུའི་བྱིན་རླབས་འཇུག །རྩ་ནི་སྤྲུལ་སྐུའི་ངོ་བོ་ཡིན་པས་ལུས་སྤྲུལ་སྐུར་འགྲུབ་སྟེ། མཐར་ཐུག་རྩ་དག་པ་སྐུ་རྡོ་རྗེའི་གོ་འཕང་ཐོབ་སྟེ། ལུས་སྤྲུལ་བསྒྱུར་ལ་དབང་ཐོབ་ནས། གང་འདུལ་དུ་

[Full Size]

སྤྲུལ་ནས་སེམས་ཅན་གྱི་དོན་བྱ་བ་དང་། སྐྱེ་འཆི་མེད་པ་ཚེའི་དངོས་གྲུབ་དང་སྤྲུལ་པ་སྐད་ཅིག་རེ་ཡང་བྱེ་བ་ཕྲག་བརྒྱར་སྤྲུལ་བའི་ནུས་པ་ཐོབ་པར་བཤད་པ་ཡིན་ནོ། །ཆོས་ཐུན་བརྒྱད་དོ།། །།དེ་ནས་རླུང་བསྒོམས་པ་ལ་གོ་རྒྱུ་དང་ཉམས་སུ་ལེན་རྒྱུ་གཉིས་ལས། ནང་ལུས་ཀྱི་བསྤྲུལ་སྤྱོད་སྲོག་གི་ངོ་བོ་ཡང་རླུང་ཡིན། ཕྱིའི་འཇིག་རྟེན་ཆགས་འཇིག་དར་རྒུད་ཐམས་ཅད་རླུང་གིས་བྱེད། གསང་བ་སེམས་ཀྱི་རྣམ་པར་རྟོག་པ་སྣ་ཚོགས་སུ་འཕྲོ་བ་ཡང་རླུང་གི་རྩལ་ཡིན། དེ་ཕྱིར་རླུང་ལ་དབང་ཐོབ་ན་འཁོར་འདས་ཐམས་ཅད་ལ་རང་དབང་ཐོབ་པ་ཡིན་ཏེ། རླུང་ཞེས་བྱ་བས་ལས་ཀུན་བྱེད། །ཅེས་རྒྱུད་སྡེ་རྣམས་ནས་གསུངས་སོ། །རླུང་བཟུང་བའི་དུས། ཕྱི་ལྟར་ཤིང་དང་ལྕི་བའི་དུད་པ་ཆེན་པོ་ཡོད་དུས་མ་བཟུང་། དུ་བ་རྩ་སྦུབས་སུ་སོང་ན་ནད་འབྱུང་། ནང་ལྟར་སྣ་བུག་གཡས་ནས་རྒྱུ་དུས་མི་བཟུང་། གཡས་པ་ཉི་མ་དུག་གི་རླུང་ཡིན་པས་གེགས་སྣ་ཚོགས་འབྱུང་དུས་ཡིན། སྣ་བུག་གཡོན་ནས་རྒྱུ་བ་ཟླ་བ་བདུད་རྩིའི་རླུང་ཡིན་པས། ཐུན་མོང་གི་དངོས་གྲུབ་སྣ་ཚོགས་འགྲུབ་དུས་ཡིན་པས་བཟུང་། སྣ་བུག་གཉིས་ཀ་ནས་རྒྱུ་དུས་མཉམ་པོར་རྒྱུ་བ་ཡེ་ཤེས་ཀྱི་རླུང་ཡིན་པས། དེ་དུས་

[Full Size]

བཟུང་ན་རླུང་དབུ་མར་ཚུད་དེ་མཆོག་གི་དངོས་གྲུབ་འབྱུང་དུས་ཡིན་པས་བཟུང་། ལུས་ཧ་ཅང་འགྲངས་ཆེས་པའི་དུས་བཟུང་ན་རླུང་མི་ཤོང་བར་རྩ་གནས་ལོག་པར་རླུང་འགྲོ་དོགས་ཡོད་པས་མི་བཟུང་། ཧ་ཅང་ལྟོགས་ཆེས་པའི་དུས་བཟུང་ན་རླུང་སྐྱེ་དོགས་ཡོད་པས་མི་བཟུང་། འགྲངས་ལྟོགས་རན་པའི་སྒྱུ་ལུས་བདེ། །ཞེས་གསུངས་པས་འགྲངས་ལྟོགས་རན་དུས་བཟུང་། འགྲངས་དུས་ལྟོགས་དུས་ཀྱང་འཇམ་རླུང་ཅུང་ཟད་ནི་སྐྱོན་མེད། རྩ་དང་རླུང་གི་སྐབས་སུ་ནངས་སྔའི་དྲི་ཆུ་བར་པ་དེ་ཐོད་པའི་ནང་དུ་བསོགས་སུ་བླུགས་ལ། དེར་སྨེ་བརྩེགས་ཀྱི་སྔགས་ཀྱིས་སྔགས་སམ། ཡང་ན་རང་ལུས་ཤེལ་གྱི་བུམ་པའི་ནང་དུ་རང་སེམས་རྡོ་རྗེ་རྣམ་འཇོམས་སམ། རྡོ་རྗེ་སེམས་དཔར་བསྒོམས། ཐུགས་ཀའི་ཧཱུྃ་ལ་སྔགས་ཀྱིས་བསྐོར་བ་ལས་བདུད་རྩི་བབས་པས་ལུས་གང་། གསང་བའི་རྡོ་རྗེ་བུམ་པའི་མཆུ་ནས་བདུད་རྩི་བབ་པར་བསྒོམས་ལ། དྲི་ཆུ་དང་པོ་དེ་དོར། ཐ་མ་ཡང་དོར། བར་པ་དེའི་ཕུད་དཀོན་མཆོག་མཆོད་པར་བསམས་ལ་ཅུང་ཟད་གཏོར། ལྷག་མ་བདུད་རྩིར་བསམས་ལ་འཁྱོར་གང་བཏུང་། དེ་འཕྲོས་ལུས་ཐམས་ཅད་དག་པར་བཀྲུས། དེ་འདྲ་སྐབས་

[Full Size]

སུ་བྱས་ན། གྲིབ་སེལ། གེགས་མི་འབྱུང་། རིམས་ཀྱང་ཐུབ། ལུས་དྲོད་སྐྱེ་སླ་བ་ཡིན་ནོ། །འབལ་ཁེའི་ནང་དུ་འབལ་ལ་རྡོག་པོ་གཅིག་བལ་གྱིས་བཏུམ་པ་འོག་སྒོའི་ཞབས་སུ་བཞག་པས་འོག་རླུང་རང་བཞིན་གྱིས་ཟིན། ཡང་ན་གོས་ཀྱི་སྣེ་ཟླུམ་པོ་བཞག་པ་གལ་ཆེ། དེ་ནས་ལུས་རྡོ་རྗེ་སྐྱིལ་ཀྲུང་ངམ། སེམས་དཔའི་སྐྱིལ་ཀྲུང་། སྒལ་ཚིགས་ཤིན་ཏུ་དྲང་བར་བྱས། ལག་པ་གཉིས་ཀྱི་མཐེ་བོང་གིས་སྲིན་མཛུབ་ཀྱི་རྩ་བ་མནན་ལ་ཁུ་ཚུར་བཅངས་ནས། བརླ་རྩའི་སྟེང་དུ་བཞག །དེ་ནས་ལག་པ་གཡས་དལ་བུས་ཤད་ཀྱིས་བརྐྱངས་ལ་སྡིགས་མཛུབ་བྱས་པ་ཚུར་བསྐུམས་ལ། སྣ་བུག་གཡས་སྡིགས་མཛུབ་ཀྱིས་བཀག་ལ་སྣ་བུག་གཡོན་ནས་རླུང་དང་པོ་དལ་བུ་གཅིག །དེ་ནས་འབྲིང་གཅིག །དེ་ནས་ཤེད་ཅི་ཡོད་ཀྱིས་ཕྱིར་བུས། ཡང་གཡོན་པས་ལག་པ་དལ་བུས་བརྐྱངས་ལ་ཁུ་ཚུར་བཀུག་ནས། སྡིགས་མཛུབ་ཀྱིས་སྣ་བུག་གཡོན་བཀག །གཡས་ནས་སྔར་ལྟར་ལན་གསུམ་བུས། དེ་ནས་ཁུ་ཚུར་གཉིས་དཔྱི་མགོར་བཟུང་ལ། སྣ་བུག་གཉིས་ཀ་ནས་དང་པོ་དལ་བུས་གཅིག །དེ་ནས་འབྲིང་ཙམ་ཞིག་བུས། དེ་ནས་ཤེད་ཀྱིས་གཅིག་བུས། དེའི་ཚེ་ལུས་ཀྱི་བ་སྤུའི་བུ་ག་

[Full Size]

ཐམས་ཅད་ཁྲོལ་མང་ལྟར་ཡོད་པ་དང་། སྣ་བུག་དང་བ་སྤུའི་སྒོ་ནས་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ནག་ཉིལ་གྱིས་ཕྱིར་ཐོན་ལུས་ཐམས་ཅད་སྟོང་སང་གིས་སངས་དྲི་མ་མེད་པ་ཤེལ་ལྟ་བུ་ལ་སེམས་གཏད། དེ་ནས་རླུང་དལ་ལ་རིང་བ་རྔུབ་སྟེ་སྣའི་ཐད་སོར་བཅུ་དྲུག་གི་ཐད་ཀྱི་བར་སྣང་ནས་རླུང་ཁ་དོག་ལྔ་ལྡན་འོད་ཀྱི་སྐུད་པ་འདྲ་བ་བྱུང་ནས་སྣ་བུག་ནས་ཞུགས། རོ་རྐྱང་གཉིས་ནས་བརྒྱུད་དེ་ལྟེ་འོག་ནས་དབུ་མའི་ནང་དུ་ཞུགས་ཏེ། སྙིང་ཁའི་ཐད་དུ་ཐིམ་པར་བསྒོམས་ལ། ཕོ་བ་ཐེར་ཐེར་བྱས་རླུང་གིས་བཀང་། འོག་རླུང་བསྡམས། སྟེང་རླུང་མགྲིན་པ་མན་དུ་བསྡམས་ལ་འདུག་ཅི་ཐུབ་བྱ། མི་ཐུབ་ནད་བྱུང་ན་རླུང་ཅུང་ཟད་ཅིག་རྡུབ་ཆུང་སྣ་ནས་བྱས་ལ། བ་སྤུའི་བུ་ག་ནས་སྔོ་སང་སང་སོང་བར་བསྒོམས་ལ། ལག་པ་གཡས་ཀྱི་གྲུ་མོ་དང་དཔུང་པ་མཆན་ཁུང་དུ་གསུམ་བརྡབ། གཡོན་པས་དེ་འདྲ་བྱ། མ་ཐུབ་ན་ཡང་རྔུབ་ཆུང་དང་མཆན་བརྡབ་བྱ། དེ་ནས་མ་ཐུབ་ཤོར་ལ་ཁད་བྱུང་ན། དང་པོ་སྣ་བུག་གཉིས་ནས་དལ་བུས་དེ་ནས་ཤད་ཀྱིས་ལྷག་མ་མ་ལུས་པར་བུས། ཡང་སྔར་ལྟར་བཟུང་ངོ་། །དེ་ལ་དང་པོ་རྔུབ་པ་དང་གཅིག །དེ་

[Full Size]

ནས་ཕོ་བར་དགང་པ་དང་གཉིས། དེ་ནས་དབུ་མའི་ནང་ནས་བ་སྤུའི་བུ་གར་གཞིལ་བ་དང་གསུམ། དེ་ནས་མཇུག་ཏུ་སྣ་བུག་ནས་མདའ་ལྟར་འཕེན་པ་དང་བཞི་ལ་སྦྱོར་བ་བཞི་ལྡན་ཟེར་རོ། །མདའ་ལྟར་འཕེན་པའི་སྐབས་སུ་རླུང་དབུ་མ་ནས་སྤྱི་བོར་སྔོ་སང་གིས་ཐོན་པར་བསྒོམས་པ་ཡོད་ཀྱང་། ཚེ་ལ་གནོད་པ་དང་གེགས་མང་བས་རེ་རེ་ཙམ་ལས་མི་བསྒོམ་མོ། །འདི་དག་གི་སྐབས་སུ་ངག་ནས་འདོན་མི་བདེ་ཡང་། ཡི་གེ་དྲུག་པ་ཡིད་ཀྱིས་བཟླས་པ་བྱ་སྟེ། ལུས་འབྱུང་བ་ལྔ་ཡི་དྭངས་མ་རླུང་ལྔའི་སྟོབས་བསྐྱེད་པའི་སྔགས་ནི་ཡི་གེ་དྲུག་པ་ཡིན་ཏེ༔ སྤྲུལ་པའི་རྒྱལ་པོས། ཨོཾ་འབྱུང་བ་ལྔ་འདུས་ཀྱི་དྭངས་མ། མ་སེམས་ཅན་ཐམས་ཅད་ཀྱི་གོ་འབྱེད། ཎིས་སེམས་ཅན་ཐམས་ཅད་ཀྱི་ཤ་དང་རུས་པ་སྨིན་ཅིང་འཁྲངས་བར་བྱེད་༔ པད་ཚ་ཞིང་དྲོ་བར་བྱེད་པས་རྣམ་རྟོག་གི་མཚན་མ་བསྲེགས་ནས་རང་བཞིན་གདུག་པ་འདུལ། མེས་ཁྲག་གི་རླན་ཅིང་མདངས་དང་ལྡན་པར་བྱེད་པ། ཧཱུྃ་སྲོག་འཛིན་ཅིང་ལུས་འདེག་པར་བྱེད་དོ། །ཨོཾ་མ་ཎི་པདྨེ་ཧཱུྃ། ཞེས་གསུངས་སོ། །ཡང་རླུང་བཟུང་བའི་ཚེ་ཡི་གེ་དྲུག་པ་ཚར་མང་པོ་འབྲེལ་བའི་ཕྲེང་བ་སྟོང་སྐུད་ཙམ་སྣ་བུག་གཡོན་ནས་ཞུགས། རྐྱང་

[Full Size]

མའི་ལམ་ནས་བརྒྱུད་དེ་ལྟེ་འོག་ནས་གཡས་རོ་མའི་ནང་དུ་ཞུགས་པར་བསྒོམས་ལ་ཅུང་ཟད་དགང་། དེ་ནས་རླུང་ཕྱིར་འབུད་པས་སྣ་བུག་གཡས་ནས་ཕྱིར་ཐོན། ཡང་རྡུབ་པས་གཡོན་ནས་ཞུགས་པར་བསྒོམས་པ་ལན་ཁ་ཡར་བྱས་པས་རྩ་ལམ་སྦྱང་བ་ཡང་ཡིན་ནོ། །རླུང་རྡོ་རྗེའི་བཟླས་པ་ཡང་ཡིན་ནོ། །ཡང་རང་གི་ཐུགས་དབུས་དབུ་མའི་ནང་དུ་རྟ་མགྲིན་མཐེ་བོང་ཙམ་ཞིག་བསྒོམས། རླུང་ཕྱིར་འབུད་དུས་དེ་ལས་རྟ་མགྲིན་ཡུངས་ཀར་ཙམ་དཔག་ཏུ་མེད་པས་བ་སྤུ་ནས་འཇིག་རྟེན་ཁྱབ་པར་སྤྲོས་པས། བགེགས་ཐམས་ཅད་ཚར་བཅད། ཚུར་རྔུབ་པས་བ་སྤུའི་བུ་ག་ནས་ཚུར་འདུས་ནས་ལུས་ཐམས་ཅད་རྟ་མགྲིན་གྱིས་གང་བར་བསྒོམས་པ་སྲུང་འཁོར་ཡིན་པས་སྐབས་སུ་རེ་རེ་ཙམ་བསྒོམས། གཙོ་ཆེར་རླུང་སྦྱོར་བ་བཞི་ལྡན་རྒྱུན་དུ་བསྒོམས་ལུས་དལ་བར་བྱ། དྲག་ཤུལ་གྱི་ལས་སྤྱངས་ཁ་ཟས་བཅུད་ཆེ་ལ་སྔར་བས་ཅུང་ཟད་ཉུང་བ་རེ་བཟའ། རླུང་སྣ་གཡས་ནས་རྒྱུ་ཚེ་ཐུགས་དམ་ཆག་མེད་གཏོར་བསྔོས་སོགས་བྱ། གཡོན་ནས་ནམ་རྒྱུ་ལ་རླུང་བཟུང་། རླུང་གི་དམིགས་པས་སུན་ན། སེམས་ངོ་རང་བསྒོམ་ཞིང་རླུང་བཟུང་བ་ཡང་མཆོག་ཡིན། དེ་ལྟར་ཞག་བདུན་ཙམ་ཡུན་རིང་

[Full Size]

དུ་བསྒོམས་པས། སྔར་བས་རླུང་ཁུག་པ་ཇེ་རིང་དུ་འགྱུར་ཏེ། རང་སྐྱིལ་ཀྲུང་བཅས་ནས་རླུང་ནང་དུ་བཟུང་ལ། ལག་པ་གཡས་ཀྱིས་པུས་མགོ་གཡས་ལ་རེག་ཙམ་འཕུར། པུས་མགོ་གཡོན་ལ་རེག་ཙམ་འཕུར། དཔྲལ་བར་ལག་མཐིལ་རེག་ཙམ་འཕུར། དེ་ནས་སེ་གོལ་དྲུག་བརྡབ། །དེ་རྣམས་གཅིག་ཏུ་བརྩིས་ལ། ལག་གཡོན་ཕྲེང་བ་བཟུང་ལ་གྲངས་བཟུང་ནས་བརྩིས་པས། སུམ་ཅུ་སོ་དྲུག་གི་བར་རླུང་ནང་དུ་བཟུང་ཐུབ་ན། ཅུང་ཟད་བྱང་བ་ཡིན། དེ་ཡི་གཉིས་འགྱུར་ཏེ་བདུན་ཅུ་དོན་གཉིས་ཐུབ་ན་འབྲིང་། སུམ་འགྱུར་ཏེ་བརྒྱ་རྩ་བརྒྱད་ཐུབ་ན་རབ་ཡིན་ཏེ། སྡོམ་པ་འབྱུང་བ་ལས། བུམ་པ་ཅན་ལ་བསྟེན་བྱས་ནས། །དབྱེ་བ་གསུམ་གྱིས་གཞོམ་པར་བཤད། །ཐ་མ་སུམ་ཅུ་སོ་དྲུག་ཙམ། །དེ་ཡི་གཉིས་འགྱུར་འབྲིང་དེ་བཞིན། །སུམ་འགྱུར་ཆེན་པོར་ཤེས་བྱས་ཏེ། །ཞེས་གསུངས་སོ། །ལུགས་གཅིག་ལ་མི་ནད་མེད་གཅིག་མདུན་དུ་བསྡད་ནས་དེའི་རླུང་དབྱུང་རྔུབ་སོ་དྲུག་སོགས་ཀྱི་ཡུན་ལ་བཟུང་ཐུབ་པ་ལ་ཚད་བཟུང་བ་ཡང་ཡོད་དོ། །འདིའི་དོན་འབྲུག་ལུགས་ཀྱི་རླུང་དེ་ཙམ་འགོགས་ཐུབ་པ་ལ་བུམ་པ་ཅན་ཆེ་འབྲིང་ཆུང་གསུམ་གྱི་དབྱེ་བ་ཡིན་པར་བྱེད་དེ། དེ་ལ་

[Full Size]

མི་བསྐྱོད་ཞབས་ཀྱིས་བཀག་པ་མཛད། རང་ལུགས་རླུང་བུམ་ཅན་ནི་འོག་སྒོ་བསྡམས་ཏེ། མགྲིན་པ་མན་ཆད་གང་བར་བྱས་ལ་མནན་པ་བུམ་ཆེན། སྙིང་ཁ་མན་ཆད་དུ་བཀང་སྟེ་མནན་པ་བུམ་འབྲིང་། ཕོ་བ་ཁོ་ནར་བཟུང་པ་བུམ་ཆུང་སྟེ། འོག་སྒོ་ཅུང་ཟད་བསྡམས། ཕོ་བ་ཐེར་གྱིས་བརྒྱང་སྟེ། ངག་སྨྲས་ཀྱང་བཟོད་དེ། སྟེང་རླུང་རང་བབ་ཏུ་བཞག་པ། བར་རླུང་བཟུང་བ་ཡང་ཟེར། བུམ་ཆུང་ཡང་ཟེར། བར་རླུང་བཟུང་བ་ལ་ནི་དུ་བ་དང་རླུང་སྣ་གཡས་ནས་རྒྱུ་དུས་ཀྱང་བཟུང་རུང་བ་ཡིན་ནོ། །འདི་སྐབས་ཉིན་གུང་སོགས་སྟན་འབོལ་བ་ལ་འདུག་ལ། རྐང་པ་གཉིས་རྡོར་སྐྱིལ་ལམ་སེམས་སྐྱིལ་ལག་པ་གཉིས་ཁུ་ཚུར་པུས་སྟེང་དུ་སྦུབ། རླུང་རོ་བསལ་ནས་རླུང་བཟུང་ལ། ཁུ་ཚུར་གཉིས་མཐེ་བོང་གིས་སྲིན་ལག་གི་རྩ་བ་མནན་པ་དེས། དཔྱི་མགོ་ནས་མཆན་ཞབས་ནས་ཡར་དྲུད་ལ་ལག་པ་གཉིས་ཀས་དཔུང་པ་མགོ་ཐད་མདུན་ངོས་སུ་ཤེད་ཀྱིས་བརྐྱངས། ཚུར་མཉམ་དུ་བསྐུམས་ལ་ཁུ་ཚུར་གཉིས་ཀྱིས་ནུ་མ་གཉིས་ཀྱི་སྟེང་དང་། གྲུ་མོ་གཉིས་ཀྱིས་མཆན་ཞབས་སུ་བརྡབ། ཡང་ཤེད་ཀྱིས་བརྐྱངས་ནས་ཚུར་བརྡབ་པ་ལན་གཉིས་བྱ། དེ་ནས་ལག་མགོ་གཡོན་

[Full Size]

པའི་དཔུང་ནས་སོར་མོའི་རྩེ་བར་དུ། ལག་པ་གཡས་ཀྱི་ཐལ་མོ་ལན་གསུམ་རེ་ཕར་རྒྱབ་ངོས་བྱུག །དེ་བཞིན་དུ་གཡོན་པས་གཡས་པ་ལན་གསུམ་བཤད། དེ་ནས་ལག་མགོ་གཉིས་གཅིག་གིས་གཅིག་ལ་ལན་གསུམ་རེ་འཕུར་ལ། དེ་ནས་ཐལ་མོ་གཉིས་བསྣོལ་ལ་གཅིག་རྣ་བའི་མདུན་ངོས་དང་གཅིག་རྒྱབ་ངོས་སུ་བཞག་ལ་གྱེན་དུ་མགོ་འཕུར་ནས་ལྟག་ཁུང་དུ་ལག་པ་གཉིས་བོར་བ་ལན་གསུམ་དང་། རྣ་བ་གཡོན་ནས་ཀྱང་དེ་ལྟར་ལན་གསུམ་འཕུར་རོ། །ཐལ་མོ་གཅིག་གིས་ཕྲག་གོང་ནས་ལག་པའི་མདུན་ངོས་སེན་རྩེའི་བར་ལན་གསུམ་རེ་ཕར་བྱུག་རྟགཡོན་ལའང་དེ་བཞིན་བྱ། དེ་ནས་ཁུ་ཚུར་གཉིས་བཅངས་ལ་གཅིག་སྐེད་པ་ནས་མདུན་གྱི་བྲང་རུས་གཡོན་ནས་སྒྲོག་རུས་བར་གྱེན་དུ་ལན་གསུམ་ཁུ་ཚུར་གྱིས་འཕུར་བ་དང་མཉམ་པོར། ལག་གཡོན་ཁུ་ཚུར་གྱིས་རྒྱབ་ངོས་སྐེད་པ་ནས་སོག་སྲུབ་གཡས་བར་གྱེན་དུ་ལན་གསུམ་འཕུར། དེ་གཡས་གཡོན་གཉིས་བརྗེས་ལ་ཁ་ཡ་ངོས་ལན་གསུམ་རེ་འཕུར། ཡང་ཁུ་ཚུར་གཡས་ཀྱིས་མདུན་ངོས་སྐྱེད་པ་ནས་དཔྱི་གཡོན་གྱི་ཨོཾང་ཚོས་བར་ཐུར་དུ་ལེན་གསུམ་འཕུར་བ་དང་དུས་མཉམ་དུ། ཁུ་ཚུར་གཡོན་པས་རྒྱབ་ཀྱི་སྐེད་པ་ནས་ཚང་རའི་ཨོཾང་ཚོས་

[Full Size]

གཡས་བར་ལན་གསུམ་འཕུར། དེ་གོ་བརྗེས་ལ་གཡོན་ངོས་ཡང་ལན་གསུམ་འཕུར་རོ། །དེ་ནས་རྐང་པ་གཡས་དང་ལག་པ་གཡས་གཉིས་ཤེད་ཀྱིས་བརྐྱངས་ལ། ལག་པའི་ཐལ་མོ་རྐང་པའི་སེན་རྩེ་ནས་བརླ་རྩ་བར་ཕྱི་ནས་བྱུག །བརླ་རྩ་ནས་སེན་རྩེ་བར་ཡར་ནང་ངོས་ནས་བྱུག་པ་ལན་གསུམ། དེ་ནས་རྐང་ལག་གཡས་གཉིས་མགྱོགས་པོར་བསྐུམས་ལ། གཡོན་གཉིས་ཤེད་ཀྱིས་བརྐྱངས་ལ། སྔར་ལྟར་ལན་གསུམ་བྱུག་གོ །དེའི་རྩ་ཚིག་རྗེ་ཐམས་ཅད་མཁྱེན་པ་དྲུག་པས་བཀའ་སྩལ་པ་ནི། རྐང་པ་དཀྱིལ་ཀྲུང་སྐེད་པ་བསྲང་། །ལག་གཉིས་ཁུ་ཚུར་པུས་སྟེང་བཞག །རླུང་རོ་བསལ་ཞིང་རླུང་བཟུང་ནས། །རྡོ་རྗེའི་ཁུ་ཚུར་བརླ་གཉིས་དང་། །ལྟ་ཟུར་ནས་བརྒྱུད་འོག་ནས་བཞག །དཔུང་པའི་དྲང་ཐད་མདུན་དུ་བརྐྱང་། །ཁུ་ཚུར་གཉིས་ཀྱི་ནུ་སྟེང་ན། །གྲུ་མོས་མཆན་བརྡབ་དུས་མཉམ་གསུམ། །དེ་ནས་ལག་པ་གཡོན་ན་ནི། །གཡས་པའི་ཐལ་མོས་ལན་གསུམ་བཤད། །དེ་བཞིན་གཡས་ལའང་ལན་གསུམ་བཤད། །དེ་ནས་ཐལ་མོ་ལན་གསུམ་མཉེ། །རྣ་བའི་མདུན་རྒྱབ་ཐལ་མོ་གཉིས། །བསྣོལ་ཏེ་འགྲོ་བས་མགོ་བོ་མཉམ། །ཐལ་མོ་གཉིས་ཀྱི་ཕྲག་

[Full Size]

གོང་ནས། །མདུན་དུ་གཡས་གཡོན་གསུམ་རེ་བཤད། །རོ་སྟོད་རྒྱབ་མདུན་ཁུ་ཚུར་གཉིས། །རེས་མོས་སྟོད་དུ་གསུམ་རེ་མཉེ། །དེ་བཞིན་རོ་སྨད་མདུན་རྒྱབ་མཉེ། །དེ་ནས་རྐང་པ་གཡས་བརྐྱངས་ཤིང་། །ལག་པའང་ཤེད་བརྐྱངས་ལུས་སྦྱིན་བྱ། །ཐལ་མོ་རྐང་པའི་སྟེང་འོག་གཉིས། །ལན་གསུམ་བཤད་ཅིང་གཡོན་ལའང་བྱ། །ཞེས་གསུངས་སོ། །ཡན་ལག་ལྔ་སྦྱོང་མི་འདྲ་བ་མང་ནའང་། འདིར་ཀར་ལུགས་མ་འཆུགས་པ་ཡིན་ནོ། །དེ་ཡང་དང་པོ་རླུང་བཟུང་ལ་སྣ་ཁ་གཅིག་གཉིས་མཚམས་སུ་རླུང་བཏང་། ཡང་བཟུང་ལ་འཕྲོ་མ་རྣམས་བྱ། བྱང་ནས་ཡན་ལག་ལྔ་སྦྱོང་ཚར་གཅིག་མ་རྫོགས་བར་དུ་རླུང་མི་བཏང་བར་བྱའོ། །རླུང་མ་བྱུང་བར་ཐིག་ལེ་བསྒོམས་ཀྱང་ནུས་པ་མི་འབྱུང་བས། འདི་ལ་ཞག་བདུན་ཙམ་བསྒོམས་པ་གལ་ཆེའོ། །འདིར་གེགས་སེལ་སོགས་དང་བཤད་པ་མང་ཡང་ལོགས་སུ་སྟོན་པར་བྱའོ། །དངོས་གཞི་རླུང་སྦྱོར་བ་བཞི་ལྡན་དང་འཁྲུལ་འཁོར་ལྔ་པོ་འདི་ལ་ཡུན་རིང་སྒོམས་ཤིག དེ་ནས་ཐིག་ལེ་བསྒོམས་པ་ལ་ཡང་གོ་བར་བྱ་རྒྱུ་དང་ཉམས་སུ་ལེན་རྒྱུ་དང་གཉིས་ལས། དང་པོ་ནི། དབུ་མའི་ཡར་སྣེ་སྤྱི་བོ་ནས་ཐིག་ལེ་དཀར་པོའི་དྭངས་མ་ཡུངས་ཀར་

[Full Size]

ཙམ་ཡོད་དེ། དེ་ནི་ཡབ་ཧེ་རུ་ཀའི་ངོ་བོ་སྟེ། འདི་སྐབས་སུ་ཐུགས་རྗེ་ཆེན་པོའི་ངོ་བོ། སྤྱི་གཙུག་དེ་ཡང་ནང་གི་འོག་མིན་གྱི་གནས། ལྟེ་བར་ཐིག་ལེ་དམར་པོ་ཁྲག་ཐམས་ཅད་ཀྱི་དྭངས་མ་སྲན་མ་ཙམ་ཡོད་པ་དེ་གསུམ་ཕག་མོའི་ངོ་བོ། འདི་སྐབས་སུ་ཡུམ་གསང་བ་ཡེ་ཤེས། ལྟེ་འོག་དེ་ནང་གི་ནུབ་ཕྱོགས་ཨུ་རྒྱན་གྱི་ཡུལ་ཡིན། དེ་གཉིས་གཙོ་བོ་ཡིན་ལ། དེ་ཡི་འཁོར་ལྟ་བུ་རྩ་འཁོར་ལོ་བཞི་ལྟེ་བ་ལ་སྐུ་གསུང་ཐུགས་ཡེ་ཤེས་བཞིའི་ངོ་བོའི་ཐིག་ལེ་བཞི་དང་། རྩ་འདབ་རྣམས་སུ་དེའི་འཁོར་གྱི་ཐིག་ལེ་གནས། དེ་བཞིན་དུ་ལུས་ལ་ཡུལ་ཉེར་བཞིའི་རྩ་གནས་ཀྱི་རྩ་རྣམས་ཡུལ་སོ་སོའི་མཁའ་འགྲོ། རྩ་དེ་ལ་རྒྱུ་བའི་ཐིག་ལེ་ནི་ཡུལ་ཉེར་བཞིའི་དཔའ་བོ་ཡིན། མདོར་ན་རྩ་ཁྱིམ་ལྟ་བུ། རྩ་དང་ཐིག་ལེ་ནོར་ལྟ་བུ། རྩ་དང་ཐིག་ལེ་དེ་རྣམས་ལ་ཡེ་ཤེས་ཀྱི་ལྷ་དང་དཔའ་བོ་མཁའ་འགྲོ་རྣམས་རང་བཞིན་གྱིས་གནས། ཐིག་ལེ་འཕེལ་བས་ཚེ་དང་བསོད་ནམས་ཐམས་ཅད་རང་བཞིན་གྱིས་འཕེལ། ཡེ་ཤེས་རང་བཞིན་གྱིས་སྐྱེ། ཐིག་ལེ་ཉམས་པས་ཡེ་ཤེས་དང་དངོས་གྲུབ་བསོད་ནམས་ཉམས། ཐིག་ལེ་ཡུངས་ཀར་ཙམ་ཉམས་པས་རྩ་གནས་ཀྱི་མཁའ་འགྲོ་མ་སྟོང་རྩ་བརྒྱད་ལ་ཁྲག་

[Full Size]

གི་ཕུར་པ་རེ་རེ་བཏབ་པ་དང་འདྲ་བས། མཁའ་འགྲོ་མ་རྣམས་ངུ་དི་རེ་ཡོད་པར་བཤད། རླུང་བཟུང་བས་དྲོ་སྐྱེ། དེས་བྱང་སེམས་ཞུ་ཞིང་འཕེལ། དེས་བདེ་བ་སྐྱེ། དེས་མི་རྟོག་པའི་ཡེ་ཤེས་ཤུགས་ཀྱིས་འཆར་བས་ཐབས་ཟབ་མོའི་ལམ་ཡིན་ནོ། །དེ་ལ་བསྒོམ་བྱ་རང་ཉིད་ཐུགས་རྗེ་ཆེན་པོ་རྩ་གསུམ་འཁོར་ལོ་བཞི་གསལ་བཏབ་པའི་དབུ་མའི་ཡར་སྣེ་ཚངས་བུག་ནས་ཚུར་བསྲིངས་ནས་དཔྲལ་བའི་སྨིན་མཚམས་སུ་ཟུག་སྨིན་མཚམས་སུ་རུས་གྲུ་གསུམ་གྱི་ནང་དུ། རླུང་སེམས་ཀྱི་ངོ་བོ་ཐིག་ལེ་དཀར་པོ་དཀར་ལ་འཚེར་བ་སྣུམ་ལ་འདྲིལ་བ་བདེ་བའི་ཚོར་བ་དང་ལྡན་པ་ཞིག་བསྒོམས་པ་ལ་གསལ་ཐེབ་པ་དང་། རླུང་བཏང་བ་དང་མཉམ་དུ་སྤྱི་བོར་གནས། རླུང་རྔུབ་པས་དབུ་མའི་ནང་དུ་མར་བྱུང་། རླུང་དགང་བའི་ཚེ་གསང་གནས་ཀྱི་རྩེར་བདེ་ཕྲི་ལེ་གནས་པར་བསྒོམས། རླུང་ཕར་བཏང་བ་དང་མཉམ་དུ་སྤྱི་གཙུག་ཏུ་སོང་སྟེ་སྨིན་མཚམས་སུ་གནས་པར་བསྒོམས། དེ་ལྟར་སྦྱང་བའི་ཐུན་མཚམས་སུ་ཐིག་ལེ་སྨིན་མཚམས་སུ་སོང་ནས་དེར་ཐིམ་པར་བསྒོམས་ལ་མི་དམིགས་པར་བཞག །དེ་ལྟར་བསྒོམས་པས་ལུས་ལ་རང་བཞིན་གྱི་བདེ་བ་བསྐྱེད་པར་གསུངས་པ་ཡིན་ནོ། །ཐིག་ལེ་ལ་གནོད་པའི་

[Full Size]

མེ་དང་ཉི་མ་ལ་ཧ་ཅང་བསྡད་ཆེས་པ་མི་བྱ་སྟེ། དེའི་དོན་ཐིག་ལེའི་ཡོན་ཏན་ལུས་དཀར་ཞིང་བཀྲག་མདངས་བཟང་བར་འོང་རྒྱུ་ལ་མེ་ཉི་མ་བསྡད་ན་དེ་མི་འོང་བ་ཡིན་གྱིས། ཧ་ཅང་མི་རུང་བའི་སྐྱོན་ནི་མེད། ཐིག་ལེ་འཕེལ་བའི་རྫས་ཤ་ཆང་ཅུང་ཟད་བརྟེན་པར་གསུངས་ཏེ། ཚོགས་རྫས་སུ་བྱིན་གྱིས་རླབས་པའི་ཤ་ཆང་ཡིན་གྱི། དེ་མ་ཡིན་པར་བཟའ་བ་ནི་མ་ཡིན་ནོ། །བདེ་བའི་གནད་ཡིན་པས་དཀའ་ཐུབ་ཀྱིས་ལུས་རྒུད་པ་མི་རུང་སྟེ། ལུས་ཉམས་བཟང་ན་ཐིག་ལེ་འཕེལ། དེ་འཕེལ་ན་ཡེ་ཤེས་འཕེལ་ཕྱིར་བཟའ་བཏུང་ལུས་ལ་གང་འཕྲོད་ཚིམ་པར་བྱ་བ་ཡིན་ནོ། །སྙན་བརྒྱུད་རྣམས་ནས་སྟོབས་དང་མྱོས་བྱེད་རྒྱུན་དུ་བརྟེན། ཞེས་པ་དེ་ལའང་དགོངས་པའོ། །གལ་ཏེ་ཐིག་ལེ་བསྒོམས་པ་ཙམ་ནས་ལུས་སེམས་ལ་བདེ་བ་ཁྱད་པར་ཅན་སྐྱེ་ཐུབ་པའི་རིགས་ཀྱང་ཡོད་པས། དེ་ལྟར་བདེ་བ་ཤར་ན་བདེ་བ་ཕལ་པར་ཤོར་ན་འདོད་ཆགས་ཀྱི་དབང་དུ་འགྲོ་བས། བདེ་བའི་ངོ་བོ་ལ་བལྟས་པས་བདེ་སྟོང་དབྱེར་མེད་ཀྱི་ངང་ལ་བཞག་པར་གལ་ཆེའོ། །དེའི་དངོས་གཞི་རྩ་ཐིག་རླུང་གསུམ་བསྒོམ་བྱ་སོགས་ཐིག་ལེ་དེའང་ཞག་གསུམ་བསྒོམ་པར་མཛོད་ཅིག །དེ་ལ་ཆུ་ཟླའི་གར་

[Full Size]

བསྒྱུར་ཞེས་བྱ་བ་སྟེ་ཐིག་ལེའི་དམིགས་རིམ་མོ། །དེ་ལྟར་རྩ་རླུང་ཐིག་ལེ་གསུམ་གྱི་དམིགས་རིམ་རྩ་བ་སོང་ནས། དེའི་བོགས་འདོན་པ་ལ། དང་པོ་དྲོད་ཀྱི་བོགས་འདོན་གཏུམ་མོ་བསྒོམ་པ་ཡིན། རྩ་གསུམ་འདུས་མདོར་མ་ལས་ཐོབ་པའི་རཀྟའི་དྭངས་མ་སྲན་མ་ཙམ་ཡོད་པ་འདི་ཉིད་རླུང་གིས་བསྐུལ་ནས་གྱེན་དུ་འབར་ཞིང་མ་དག་པའི་ཕུང་ཁམས་སྐྱེ་མཆེད་བསྲེགས་ནུས་པ་ཡུམ་རྡོ་རྗེ་ཕག་མོའི་ངོ་བོར་བཞུགས་པ། དེ་གྱེན་དུ་འབར་བ་ནས་སུམ་འཁྱོག་ཨ་ཐུང་ངུའི་གཟུགས་སུ་གནས་པས་ཨ་ཐུང་ཟེར། ཉོན་མོངས་པ་ཐམས་ཅད་གཅོད་པས་གཏུམ། །ཕག་མོའི་ངོ་བོ་ཡིན་པས་མོ་ཞེས་བྱ་སྟེ། དེ་ཉིད་བསྒོམ་པ་ནི། རང་ཉིད་ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྩ་གསུམ་འཁོར་ལོ་བཞི་དང་བཅས་པ་གསལ་བའི། ལྟེ་འོག་སོར་བཞི་མན་ཆད་ནང་གཅིག་ཏུ་གྱུར་པའི་ནང་། ལྟེ་བའི་འོག་གསང་བའི་སྟེང་རྒྱུ་ཞབས་གཉེར་འཚམས་ཀྱི་ཐད་དབུས་མའི་ནང་དུ་མེའི་ཆོས་འབྱུང་གྲུ་གསུམ་གྱི་དབུས་སུ། ཡེ་ཤེས་ཀྱི་གཏུམ་མོ་ཐིག་ལེ་དམར་པོ་སྲན་མ་ཙམ་ཁ་དོག་དམར་ལ་རེག་བྱ་ཚ་བ། ངོ་བོ་སྟོང་པ་ཉིད། རྣམ་པ་བདེ་བ་སྟེ། མཚན་ཉིད་བཞི་དང་ལྡན་པར་བསྒོམས། དེ་ནས་རླུང་བཟུང་བས་རོ་རྐྱང་གཉིས་

[Full Size]

ནས་སོང་བས། མེ་ཁྲོལ་ལ་སྦྱད་པ་བརྒྱབས་པ་ལྟར་རྩེ་ནས་མེ་དམར་གྱུར་གྱིས་འབར་དེར་མེ་དེ་ཡང་གཅན་གཟན་གྱི་སྤུ་ཙམ་རྩེ་མོ་སུམ་འཁྱོག་ཏུ་ཡོད་པ་ལ་སེམས་གཏད། དེ་ནས་ཁབ་ཙམ་སྐད་ཅིག་ཀྱང་མི་སྡོད་པར་གསལ་བ། དེ་ནས་སོར་བཞི་ཙམ་ལ་སེམས་གཏད། དེ་ནས་མེ་དེ་ཡང་རྩ་བ་སྦོམ་པ་རྩེ་མོ་ཕྲ་ཞིང་གཡོ་བ་སྐད་ཅིག་ཀྱང་མི་སྡོད་པར་གཡོ་བ། རྩེ་མོ་དྷུ་ཏིའི་ནང་ན་དམར་ཉུག་ཉུག་བྱེད་པར་བསྒོམ། དེར་རླུང་བཟུང་བས་མེ་ཆེར་འབར་ཏེ། ལྟེ་བའི་རྩ་འདབ་དྲུག་ཅུ་རེ་བཞི་མེས་གང་བར་བསྒོམས་ལ། འཁྲུལ་པའི་འཁོར་དྲུག་པ་བྱ་སྟེ། དང་པོ་རྐང་པ་རྡོར་སྐྱིལ་ལམ་སེམས་སྐྱིལ་བྱ། ལ་ཚིགས་བསྲངས། ལག་གཉིས་ཁུ་ཚུར་སྲིན་ལག་མཐེ་བོང་གིས་མནན་ལཾ། བརླ་རྩ་དཔྱི་ཟུར་དུ་མནན་ལ། སྒལ་ཚིགས་ཆེར་མི་འགུལ་བར་ཕོ་བ་གཡས་སུ་ལན་གསུམ་གཡོན་དུ་ལན་གསུམ་བསྐོར་རོ། །དེས་ལྟེ་བའི་རྩ་མདུད་གྲོལ་ལོ། །དེ་ནས་རླུང་བཟུང་བས་མེ་ཆེར་འབར་སྙིང་ཁའི་རྩ་འདབ་ཐམས་ཅད་མེས་གང་བར་བསྒོམས་ལ། ལག་གཉིས་མཐེ་བོང་སྲིན་རྩ་མནན་ནས་བརླ་རྩ་དཔྱི་ཟུར་ཁུ་ཚུར་གྱིས་མནན། དཔུང་པ་བརྒྱངས་ལ་ངོ་དང་རོ་སྟོད་གཉིས་ག་ཕྱོགས་

[Full Size]

གཅིག་ཏུ་གཡས་སུ་དྲག་གཅུ་གཡོན་དུ་དྲག་གཅུ་བ་གསུམ་རེ་བྱ། དེས་སྙིང་ཁའི་རྩ་མདུད་གྲོལ་བར་བྱེད་དོ། ཡང་རླུང་བཟུང་བས་མགྲིན་པའི་རྩ་འདབ་བཅུ་དྲུག་མེས་གང་བར་བསྒོམས་ལ། ལག་པ་སྔར་བཞིན་ལ། མགྲིན་པ་ལྷོད་ལ་གཡས་བསྐོར་དུ་ལན་གསུམ། གཡོན་བསྐོར་དུ་ལན་གསུམ་བསྐོར་བས། མགྲིན་པའི་རྩ་མདུད་གྲོལ་ལོ། །དེ་ནས་རླུང་བཟུང་བས་ཡེ་ཤེས་ཀྱི་མེ་འབར་སྤྱི་བོའི་རྩ་འདབ་སུམ་ཅུ་སོ་གཉིས་གང་བར་བསྒོམས་ལ། མགོ་འགུགས་པས་མ་ནེ་བྲང་ལ་རྡེབ་མ་ཐག །མགོ་བོ་ཤེད་ཀྱིས་རྒྱབ་ལྟག་ཁུང་དུ་འཕེན། དེ་ལྟར་དགྱེ་དགུ་ལན་གསུམ་གྱིས། སྤྱི་བོའི་རྩ་མདུད་གྲོལ་ལོ། །རླུང་བཟུང་བས་མེ་ཆེར་འབར་ལག་པ་གཡས་དང་རྐང་པ་གཡས་ཀྱི་རྩ་ཐམས་ཅད་གང་བར་བསྒོམས་ལ། རྐང་པ་གཡས་དང་ལག་པ་གཡས་དུས་མཉམ་དུ་སྤྲུག་སྟེ་ཤེད་ཀྱིས་བརྐྱངས། དེ་མ་ཐག་དུས་མཉམ་དུ་དྲག་ཏུ་བསྐུམས་ནས། ཁུ་ཚུར་ནུ་མའི་སྟེང་དུ་གྲུ་མོས་རྩིབ་ལོགས་སྟེང་དང་རྐང་པའི་ཕྱི་རྙིང་གི་ཨོཾང་ཚོས་སྟེང་དུ་དུས་གཅིག་ལ་བརྡབ། དེ་འདྲ་གསུམ་བྱ། ཡང་རླུང་བཟུང་བ་དང་བཅས་མེ་འབར་ནས་རྐང་པ་གཡོན་དང་ལག་པ་གཡོན་གྱི་རྩ་འཁོར་ཐམས་ཅད་མེས་གང་བར་

[Full Size]

བསྒོམས་ལ། ལག་གཡོན་དང་རྐང་གཡོན་དུས་མཉམ་དུ་སྤྲུག་ཅིང་བརྐྱངས། དེ་མ་ཐག་བསྐུམ་པ་ཁུ་ཚུར་དང་གྲུ་མོ་ཕྱི་རྟིང་གསུམ་གྱི་ནུ་མ་རྩིབ་ལོགས་ཨོཾང་ཚོས་གསུམ་ལ་བརྡབ། དེས་ཚིགས་ཀྱི་རྩ་མདུད་གྲོལ་ལོ། །དེ་ནས་རླུང་བཟུང་བས་རྐང་མཐིལ་ཡན་སྤྱི་བོའི་མན་གྱི་ལུས་ཐམས་ཅད་མེས་གང་། བ་སྤུའི་བུ་ག་ནས་མེ་ལྕེ་དམར་ཉུག་ཉུག་བྱུང་བར་བསྒོམས་ལ། རྐང་ལག་གཡས་གཉིས་ཁུ་ཚུར་དང་གྲུ་མོ་ཕྱི་རྟིང་ལ་མི་རྡེབ་པར་བརྐྱང་བསྐུམ་ལན་གསུམ་བྱ། གཡོན་ཡང་དེ་ལྟར་ལན་གསུམ་བྱས་མ་ཐག་གཡས་གཡོན་རོ་སྟོད་ཆ་གཉིས་དལ་དབུས་མདུན་ངོས་སུ་གཡས་གཅུ་གཡོན་གཅུ་བྱས་ལ། དེ་མ་ཐག་ལུས་ཐམས་ཅད་རྟའི་སྤྲུག་གསིག་འདྲ་བ་བྱས་མ་ཐག །ཁ་ནས་ཧཱ་ཧཱ་ཞེས་པ་དང་མཉམ་དུ་རླུང་ཐམས་ཅད་ཁ་ནས་ཕར་ལྷག་མ་མེད་པར་འབུད་དོ། །དེས་རྩ་ཐམས་ཅད་འདུལ་བ་ཡིན་ནོ། །དེ་རྣམས་དང་པོ་འཁྲུལ་འཁོར་རེ་རེ་དང་དམིགས་པ་རེ་རེ་ནས་སྦྱང་དེ། གོམས་ནས་རླུང་མི་བཏང་བར་རླུང་ཁུག་པ་གཅིག་གི་ནང་དུ་འཁྲུལ་འཁོར་དེ་དྲུག་ཐམས་ཅད་རྫོགས་པར་བྱ་བ་ཡིན་ནོ། །དེ་ལྟར་འཁྲུལ་འཁོར་འདི་དྲུག་ཟབ་ཆོས་ཐམས་ཅད་ནས། འཁྲུལ་འཁོར་དྲུག་པ་ཟེར།

[Full Size]

ཆོས་དྲུག་ལྟར་ན་རོ་དྲུག་བསྐོར་དུ་དྲག་སྟེ། འདི་ལ་ཕྱག་ལེན་ཅུང་ཟད་མི་འདྲ་བ་མང་ཡང་རང་ལུགས། རྗེ་ཆོས་ཀྱི་དབང་ཕྱུག་གིས་གསུངས་པའི་རྩ་ཚིག་ནི། ལུས་ཀྱི་སྟོད་སྨད་རང་བབ་ལ། །ཕོ་བ་གཡས་སུ་ལན་གསུམ་བསྐོར། །གཡོན་ལ་ཡང་དེ་བཞིན་བསྐོར་བ་ཡིས། །ལྟེ་བའི་རྩ་མདུད་གྲོལ་བར་བྱེད། །རོ་སྟོད་གཡས་གཡོན་གཅུ་བ་དང་། །བཞིན་ཀྱང་དེ་ཡི་ཕྱོགས་དྲུག་གཅུད། །དེ་ལྟར་ལན་གསུམ་བྱས་པ་ཡིས། །སྙིང་ཁའི་རྩ་མདུད་གྲོལ་བར་བྱེད། །མགྲིན་པའི་རྩོལ་དུ་ལྷོད་ཀློད་ནས། །གཡས་གཡོན་གསུམ་གསུམ་བསྐོར་བ་ཡིས། །མགྲིན་པའི་རྩ་མདུད་གྲོལ་བར་བྱེད། །མགྲིན་པ་རྩོལ་མེད་སྔར་ལྟར་ལ། །ཀོས་ཀོས་བྲང་ལ་བརྡེག་མ་ཐག །མགོ་བོ་རྒྱབ་ཏུ་ཤུགས་ཀྱིས་འཕངས། །དེ་ལྟར་དགྱེ་དགུ་ལན་གསུམ་གྱིས། །སྤྱི་བོའི་རྩ་མདུད་གྲོལ་བར་བྱེད། །གཡས་ཀྱི་རྐང་ལག་སྤྲུག་སྟེ་བརྐྱངས། །ཁུ་ཚུར་ནུ་མའི་སྟེང་དུ་དང་། །གྲུ་མོ་རྩིབ་ལོགས་རྟིང་པ་ཡང་། །འཕོངས་ཚོས་སྟེང་དུ་བརྡབ་པ་གསུམ། །ལྷན་ཅིག་སྦྲག་སྟེ་ལན་གསུམ་བརྡེག །དེ་བཞིན་གཡོན་ལའང་བྱས་པ་ཡིས། །ཚིགས་ཀྱི་རྩ་མདུད་གྲོལ་བར་བྱེད། །ཁུར་ཚུར་རྡེབ་པ་མ་རྟོགས་པ། །

[Full Size]

ལྷག་མ་ལུས་སྦྱོང་རྩ་ཁྲུས་ཀྱིས། །སྐབས་བཞིན་ལན་རེ་བྱས་པའི་མཐར། །གཡས་གཡོན་རོ་སྟོད་མདུན་ཕྱོགས་སུ། །ཐོག་མར་དལ་གྱིས་གཅུ་བྱ་ཞིང་། །དེ་ནས་རྟ་དྲེལ་སྤྲུག་པ་ལྟར། །ལུས་ཀུན་སྤྲུག་ཅིང་རླུང་རྣམས་ཀྱང་། །ཁ་ནས་ཧ་རིང་འདོན་པ་དང་། །ལྷན་ཅིག་ལྷག་མ་མེད་པར་བུས། །དེས་ནི་རྩ་ཀུན་འདུལ་བ་ཡིན། །སྐལ་ལྡན་རྣམས་ཀྱི་ཉམས་སུ་ལོངས། །ཞེས་གསུངས་སོ། །འདི་ལྟར་གཏུམ་མོ་སྒོམ་ཚེ་གོས་ཅུང་ཟད་བསྲབ་པར་བྱ། དེ་ཡང་གོས་སྤུ་ཅན་གྱོན་ན་དྲོད་སྐྱེས་མ་སྐྱེས་མི་ཚོར་བ་ཡིན། དྲོད་ཀྱང་ལུས་སྟོད་སྨད་གང་རུང་ནས་ལག་མཐིལ་ཙམ་ཇེ་ཆེར་སྐྱེ་བ་ཡང་ཡོད། ལུས་ཕྱི་ནས་དྲོད་སྐྱེ་བ་དང་། ནང་ནས་སྐྱེ་བ་ཡང་ཡོད། འདི་སྐབས་ལུས་དྲི་ཆུས་བཀྲུས་རྗེས། སྨན་ཤུ་དག་ནག་པོ་ཞིབ་པར་བཏུལ་ལ་མར་རྙིང་ཁ་ཚ་དང་སྦྱར་ཏེ། ལུས་ལ་བྱུག་དྲོད་སྐྱེ་མྱུར་བར་གསུངས་སོ། །འཁྲུལ་འཁོར་ཉིན་རེ་ཚར་རེ་ཙམ་ལས་མ་འཕྲོད་ནའང་། རྒྱུན་དུ་མེའི་དམིགས་པ་ཁོ་ན་བསྒོམ། ཡང་རླུང་ཁུག་པ་བཅུས་ལྟེ་བའི་རྩ་འཁོར་གང་། དེ་ནས་རླུང་ཁུག་བཅུས་མེ་མར་སོང་རྐང་མཐིལ་ཡན་གང་། བཅུས་སྙིང་ཁ། བཅུས་མགྲིན་པ། བཅུས་སྤྱི་བོ་

[Full Size]

གང་བར་བསྒོམས་ནས་རླུང་དང་སྦྲགསཔས་དྲོད་སྐྱེ་མྱུར། ཐུན་མཚམས་སུ་མེ་ཐམས་ཅད་ལྟེ་བའི་ཐིག་ལེ་ཨ་ཐུང་ལ་ཐིམ་པར་བསྒོམས་ལ་དམིགས་པར་བཞག་གོ །གཏུམ་མོ་བསྒོམས་པས་ཟས་སྔར་ལས་ཞུ་ཆེ་བས་ལྟོགས་སྣང་ཆེ་བ་དང་། གོས་བསྲབས་པས་དྲོས་པ་དང་། ཉེ་ལོགས་ཀྱི་ཆུ་སོགས་ཆེར་མི་འཁེང་བ་དང་། ལུས་ལ་དྲོད་ཆེ་བ་དང་། སྣང་བ་དྲོའུ་རེ་བ་འཁྱག་སྣང་ཆུང་བ་འབྱུང་ངོ་། །སྦ་ལྕག་མའི་གཞུང་ལས། མེ་འབར་ཉོན་མོངས་རབ་བསྲེགས་ནས། །ཞེས་སོགས་རྒྱ་ཆེར་གསུངས་པའི་དོན་གོ་བདེ་བར་བྱས་སོ། །འདི་ལྟར་གཏུམ་མོ་སྒོམ་ཚེ་དྲོད་སྐྱེ་བའི་འཁྲུལ་འཁོར་གྱིས་ལུས་གནད་ཐབ་མགར་གྱི་ཕྱག་རྒྱ་བཅོ་བརྒྱད་ཅེས་ཀྱང་བྱ། མེ་ཐབས་དྲུག་ཆིངས་ཞེས་ཀྱང་བྱ་སྟེ། ལུས་ཙོག་པུར་འདུག །སྒལ་ཚིགས་བསྲངས། ལོང་མོའི་ཐད་རྐང་འགག་གཉིས་སྤུས་མོ་གཉིས་བསླང་བའི་སྟེང་དུ། ལག་པ་གཉིས་བསྣོལ་ཏེ་གྲུ་མོ་གཉིས་སྤུས་མོ་གཉིས་ཀྱི་སྟེང་དུ་བཞག །ལག་མཐིལ་གཉིས་དཔུང་པ་གཡས་གཡོན་སྟེང་དུ་སྦྱར། དེ་རྒྱབ་ནས་བསྒོམ་ཐག་ཡོད་ན་བཅིང་ངོ་། །དེས་རྐང་པ་ཐབ་མགར་གྲུ་གསུམ་པ་གཉིས། ལག་པ་ལ་བཞི་སྟེ་དྲུག །ནང་རྩ་ལ་ཡང་དེ་ལྟར་

[Full Size]

དྲུག །གསང་བ་རླུང་དང་ཐིག་ལེ་ལ་ཡང་དྲུག་ཏུ་འབྱུང་བས་མེ་ཐབ་དྲུག་གསུམ་བཅོ་བརྒྱད་འབྱུང་བ་ཡིན། འདི་འཁྱག་དུས་དང་རྣམ་སྣང་ཆོས་བདུན་མ་ཐུབ་དུས་བྱ། འདི་ལྟར་ནུབ་སྔས་སྤངས་ན་ཡང་འདི་ལྟར་གོམས་ན་ཙོག་པུར་ཉལ་ཆོག་པ་ཡིན། འདི་སྐབས་སུ་རྩ་གསུམ་འཁོར་ལོ་བཞིར་གསལ་བཏབ། ལྟེ་བའི་གཏུམ་མོ་འབར་བས་འཁོར་བའི་སྟོན་བྱེད་པའི་རྩ་ཐམས་ཅད་དང་རྩ་མདུད་ཐམས་ཅད་བསྲེགས། ཡེ་ཤེས་ཀྱི་དབུ་མ་མ་གཏོགས་འཁོར་བའི་དབུ་མ་ཡང་བསྲེགས། མདོར་ན་མ་དག་པའི་ལུས་ཕུང་ཁམས་སྐྱེ་མཆེད་ཞི་ཐམས་ཅད་བསྲེགས་ནས། དག་པ་ཡེ་ཤེས་ཀྱི་ལུས་ཐུགས་རྗེ་ཆེན་པོའི་སྐུར་གྱུར་པའི་ལུས། ཕྱི་ནང་ཐམས་ཅད་ཡེ་ཤེས་ཀྱི་མེ་འབར་བའི་རང་བཞིན་དུ་གྱུར། རེས་འགའ་སྐུ་ལུས་ལས་འབར་བའི་མེ་དཔག་ཚད་ཙམ་གྱིས་བར་དུ་འབར་ཏེ་གནོད་བྱེད་ཐམས་ཅད་བསྲེགས། མེ་ཚུར་འདུས་ཇེ་ཆུང་དུ་ལྟེ་བའི་ཨ་ཐུང་ལ་ཐིམ། ཡང་རླུང་བཟུང་བས་ཇེ་ཆེར་འབར། བ་སྤུའི་བུ་ག་དང་དབང་པོའི་སྒོ་དང་ཚངས་བུག་ནས་ཐོན། ལུས་ཐམས་ཅད་ལ་གོས་ལྟར་དཀྲིས་པར་བསྒོམས་པས་དྲོད་སྐྱེ་བར་གསུངས་སོ། །དེ་ལ་དངོས་སུ་དྲོད་ཕེབ་པ་ལ་རླུང་བཟུང་

[Full Size]

བའི་ངང་ནས་འཁྲུལ་འཁོར་གལ་ཆེ་བས། སྐབས་འདིར་ལུས་སྦྱོང་སོ་བདུན་མ་བྱ་སྟེ། དེའི་སྡོམ་ཚིག་ཞྭ་དམར་དྲུག་པས་བཀའ་སྩལ་པ། ས་ནོན་བྱས་ལ་ཕོ་བ་ནི། །གཡས་གཡོན་གསུམ་གསུམ་བསྐོར་བ་དྲུག །པུས་མོ་གཡས་པར་འཇུས་ནས་ནི། །དེ་བཞིན་དྲུག་དང་གཡོན་ལའང་དྲུག །མཐེ་བོང་སྲིན་རྩ་མནན་ནས་ཀྱང་། །གཡས་གཡོན་ཁུ་ཚུར་ཞགས་འཕེན་དྲུག །གཡས་གཡོན་མདའ་འགེང་བྱེད་པ་དྲུག །གཡས་གཡོན་ལག་པའི་ནང་བཤད་དྲུག །ལུས་ཀུན་སྤྲུག་དང་སོ་བདུན་ནོ། །ཞེས་གསུངས་ཏེ་གོ་སླ་ན་ཡང་། དང་པོ་ལག་པ་གཉིས་པུས་མོའི་སྟེང་དུ་བཀབ་ལ་ཕོ་བ་གཡས་སྐོར་གཡོན་སྐོར་གསུམ་སྟེ་སྒལ་ཚིགས་ཆེར་མི་འགུལ་བར་བྱ། དེ་ནས་ལག་པ་གཉིས་སོར་མོ་བསྣོལ་བས་པུས་མོ་གཡས་ལ་འཇུས་ལ་ཕོ་བ་གཡས་སྐོར་གསུམ་གཡོན་སྐོར་གསུམ། དེ་ནས་མཐེ་བོང་སྲིན་རྩ་མནན་པའི་ཁུ་ཚུར་རེ་རེ། ཡང་ན་སོར་མོ་བརྐྱང་བ་ཤེད་ཀྱིས་བཀུག་སྟེ། སྡུམ་བུ་ཆུ་སྲིན་སྡེར་མོ་འདྲ་བ་བྱས་ལ། ལག་པ་པུས་མོའི་སྟེང་ངོས་ན་ཁྱེར་ཏེ་མགོ་ལ་གཡོན་སྐོར་གཅིག་བྱས་མ་ཐག །ལག་པ་སྤྲུག་ལ་ཤེད་ཀྱིས་གཡས་བརྐྱང་དེ་འདྲ་གསུམ་བྱ། གཡོན་པས་ཀྱང་མགོ་ལ་གཡས་སུ་

[Full Size]

བསྐོར་ཞིང་སྔོན་ལྟར་གསུམ། ལག་གཉིས་ཁུ་ཚུར་བྱས་ལ་མདའ་འཕེན་བཏང་བྱས་ལ། གྲུ་མོས་རྩིབ་ལོགས་ལ་བརྡབ་པ་གསུམ། གཡོན་པས་གཡས་ངོས་ལྟར་ལག་པ་གཞུ་བཟུང་བ་ལྟར་མདའ་འཕེན་བཏང་གསུམ་སྔར་ལྟར། ལག་གཉིས་ཁུ་ཚུར་བྱས་ལ་ལག་གཡོན་བརྐྱང་བའི་ནང་ངོས་གཡས་ཀྱིས་ལན་གསུམ་བཤད། གཡས་ལའང་དེ་ལྟར་གསུམ་བྱ། དེ་ནས་རླུང་རོ་འབུད་པ་དང་མཉམ་དུ་ལུས་རྟའི་སྤུག་གསིགས་ལྟར་ཧྲི་ལི་ལི་སྤྲུག་པ་དང་སོ་བདུན་ཏེ། དང་པོ་སོ་སོར་བྱ། གོམས་ནས་རླུང་ཁུག་པ་གཅིག་གི་སྟེང་དུ་སོ་བདུན་རྫོགས་པར་བྱ་དགོས་པ་ཡིན་ཞེས་རྟོགས་ལྡན་རྣམས་ཀྱིས་གསུངས་སོ། །འཁྲུལ་འཁོར་ལ་བརྩོན་པར་ཞུའོ། །དེ་ནས་བདེ་བའི་བོགས་འདོན་པ་ནི། རང་ཉིད་ཐུགས་རྗེ་ཆེན་པོ་རྩ་གསུམ་འཁོར་ལོ་བཞི་གསལ་བཏབ་ལ། སྤྱི་བོ་བདེ་ཆེན་འཁོར་ལོའི་དབུས་དབུ་མའི་ནང་དུ། བྱང་སེམས་དཀར་པོ་དྭངས་མ་ཐིག་ལེ་དཀར་པོ་དབྱིབས་ཟླ་བ་ཉ་གང་བ་འདྲ་བ་དཀར་ལ་འཚེར་བའི་ལྟེ་བའི། ཡི་གེ་ཧཱུྃ་ཡིག་དཀར་པོ་མགོ་ཐུར་དུ་བསྟན་པ་གཅིག་བསྒོམས། ལྟེ་བ་སྤྲུལ་པའི་འཁོར་ལོའི་དབུས་དྷུ་ཏིའི་ནང་དུ་ཡེ་ཤེས་ཀྱི་གཏུམ་མོ་མེའི་ཐིག་ལེ་དམར་པོ་སྲན་

[Full Size]

མ་ཙམ་བསྒོམས། རླུང་བཟུང་བས་མེ་སོར་གང་ལྷག་ཙམ་འབར་བའི་འོད་དེས། དཔེར་ན་མར་མེའི་རྩེས་ཡ་ཟད་ཀྱི་མར་ཁུ་ཐུབ་པ་ལྟར། ཧཾ་ཡིག་དང་ཟླ་བ་ཅུང་ཟད་རྡུལ་ནས་ཧཾ་ཡིག་རྩེ་ནས་ཟག་ལ་ཁད་དུ་གྱུར། ཡང་རླུང་བཟུང་བས་མེ་སོར་གཉིས་ཙམ་འབར་བས། ཧཾ་ཡིག་གི་རྩེ་ནས་བྱང་སེམས་དཀར་པོ་ཡུངས་ཀར་ཙམ་ཐིག་པ་འཛག་པ་ལྟར་མང་དུ་འཛག་པ་དབུ་མའི་ནང་ནས། མགྲིན་པར་བབ། དེ་ནས་སྙིང་ཁར་བབ། ཡང་རླུང་བཟུང་བས་མེ་སོར་བརྒྱད་ཙམ་འབར་བས་ཐིག་ལེ་མར་བབསནས་གཏུམ་མོའི་མེ་དང་གཉིས་མེད་དུ་འདྲེས་མ་ཐག་་དཀར་ལ་དམར་བའི་མདངས་ཆགས་པའི་ཐིག་ལེའི་ལུས་ཐམས་ཅད་གང་ནས་ལུས་སེམས་ཐམས་ཅད་བདེ་བ་ཆེན་པོའི་ཁྱབ་པོར་བསྒོམས། ཡང་རླུང་བཟུང་བས་གཏུམ་མོའི་མེ་དབུ་མའི་ནང་དུ་ཡར་ནར་གྱིས་སོང་། སྤྱི་བོའི་ཧཾ་ཡིག་ལ་རེག་མ་ཐག་ལུས་ཐམས་ཅད་ཐིག་ལེ་དམར་པོས་གང་། སླར་ཧཾ་ཡིག་ལས་ཐིག་ལེ་དཀར་པོ་བབ་པས་མེ་ཞི་སྟེ་མེ་ལྟེ་བར་སོར་བཞི་ཙམ་དུ་གྱུར་མ་ཐག་ལུས་ཐམས་ཅད་བྱང་སེམས་དཀར་པོས་གང་བས་བདེ་བ་ཚད་མེད་སྐྱེས་པར་བསྒོམས། དེ་ནས་འབྲོས་དེད་ཀྱི་དམིགས་པ་ཞེས་བྱའོ། །དེ་ལྟར་བསྒོམས་པས་

[Full Size]

བདེ་བ་སྐྱེ་མ་ཐུབ་ན། པུས་མོ་གཉིས་སྦྱར་རྐང་མགོ་གཉིས་ཕྱིར་བསྐྱེད་ལག་པ་གཉིས་པུས་མོ་ལ་འཁྱུད་དེ། རླུང་བཟུང་ལ་སྤྱི་བོའི་ཧཾ་ཡིག་ལས་ཐིག་ལེ་ཧཱུྃ་ཡིག་དཀར་པོ་བདེ་བའི་རང་བཞིན་གཅིག་ཚད་དེ་དབུ་མའི་ནང་ནས་མར་བྱུང་། གསང་གནས་རྡོ་རྗེའི་རྩེ་མོར་བདེ་ཕྲི་ལེ་གནས་པར་བསྒོམས་ལ། འོག་རླུང་ཡར་རྔུབ་པ་དང་ཕྱིར་ཕུལ་བའི་ཚུལ་མང་དུ་བྱས་པས་བདེ་བ་སྐྱེ། ཐིག་ལེ་འཆོར་དོགས་ཙམ་ན་ཧཱུྃ་ཡིག་དེ་སྤྱི་བོར་རྒྱངས་ཀྱིས་སོང་ནས་སྤྱི་བོའི་ཧཾ་ལ་ཐིམ། སྤྱི་བོའི་ཚངས་བུག་རྡོ་རྗེ་རྒྱ་གྲམ་དཀར་པོ་ཞིག་གིས་བཀག་པར་བསྒོམས་ལ་ཕྱག་ཆེན་ངང་ལ་བཞག་གོ །བདག་གི་མཁས་གྲུབ་ལུང་རིགས་ཉི་མའི་ཞལ་ནས། གཏུམ་མོ་སྡུག་བསྔལ་གྱི་དུས་སུ་སྙིང་རུས་བསྐྱེད། གཏུམ་མོ་འདོད་ཆགས་ཀྱི་དུས་སུ་སྟོང་ཉིད་ཀྱིས་རྒྱས་གདབ། ཅེས་གསུངས་པས། དང་པོ་རྩ་རྒོད་རླུང་རྒོད་མི་ཆུན། འཁྲུལ་འཁོར་བྱས་པས་ལུས་ངལ་ཅིང་དུབ། དམིགས་པ་མང་བས་མི་ཟིན། སྐྱུར་སྙིང་འདོད་པ་འབྱུང་། དེ་དུས་མི་སྐྱུར་བར་སྙིང་རུས་བསྐྱེད་དགོས། དེ་ནས་བདེ་དྲོད་ཀྱི་ཉམས་ཅུང་ཟད་སྐྱེས་ན་སོ་གཞོན་པའི་སྟེང་དུ་ཐིག་ལེ་འཕེལ་བས་འདོད་ཆགས་ཤས་ཆེ། བུད་མེད་

[Full Size]

སོགས་ཡིད་ལ་འཕྲེང་། དེ་དུས་བདེ་བ་དེའི་ངོ་བོ་ལ་བལྟས་པས་བདེ་བ་དང་སྟོང་པ་འདྲེས་ན་ཏིང་ངེ་འཛིན་བཟང་པོ་འཆར་བ་ཡིན་པར་འདུག །གེགས་སེལ་མང་དུ་གསུངས་ཀྱང་། གྲང་བའི་ནད་ཐམས་ཅད་དང་གདོན་གྱི་གནོད་པ་ཐམས་ཅད་གཏུམ་མོའི་མེ་སྦར་བས་སེལ། ཚད་པའི་ནད་དང་རླུང་ནད་དང་། གློ་མི་བདེ་བའི་ནད་ཐམས་ཅད་ཐིག་ལེ་འབེབས་པའི་དམིགས་པས་སེལ། འདུས་པའི་ནད་ཐམས་ཅད་རླུང་དང་མེ་དང་ཐིག་ལེ་གསུམ་ཆ་སྙོམ་དུ་བསྒོམས་པས་སེལ། བྱིང་རྨུགས་ཐམས་ཅད་རླུང་བཟུང་བས་སེལ། རྣམ་རྟོག་འཕྲོ་རྒོད་ཐམས་ཅད་གཏུམ་མོའི་ཐིག་ལེ་ཁོ་ན་ལ་སེམས་བཟུང་ངོ་། །དེ་ལྟར་ཐིག་ལེའི་དམིགས་པ་འདི་ཡུན་རིང་བསྒོམ། མདོར་ན་རྒྱུན་དུ་རང་ཐུགས་རྗེ་ཆེན་པོ་རྩ་གསུམ་འཁོར་ལོ་བཞིར་གསལ་བཏབ། རླུང་བཟུང་མེ་སྦར་ཐིག་ལེ་དབབ་ངོ་བོ་ལྟ་བ་ཁོ་ན་རྒྱུན་དུ་ཉམས་སུ་ལོངས་ཤིག །དེ་ནས་མི་རྟོག་པའི་བོགས་དབྱུང་བ་ནི། ལུས་རྣམ་སྣང་གི་ཆོས་བདུན་སྤང་ལ་ཕུར་པ་བཏབ་པ་ལྟར་གཡོ་འགུལ་མེད་པར་བཅའ། མིག་ནམ་མཁའ་སྔོ་སང་ངེ་བའི་དཀྱིལ་དུ་ལྕེ་རེ་ལྟ། རླུང་འཇམ་རླུང་ཅུང་ཟད་བཟུང་ལ། མེ་དང་ཐིག་ལེ་དང་རྩ་དང་སྟོང་ར་སོགས་

[Full Size]

གང་ཡང་ཡིད་ལ་མི་བསམ་པར། ལུས་ངག་ཡིད་གསུམ་འདི་བྱ་འདི་བྱེད་མེད་པར་ལྷན་ནེ་བཞག་གོ །དེའི་ཚེ་ཡི་དམ་གྱི་སྐུའམ། རྩ་དང་རླུང་དང་ཐིག་ལེ་དང་། དྲོད་དང་བདེ་བ་ལ་སོགས་པའི་རྣམ་རྟོག་ཤར་ནའང་། གང་ཤར་དེའི་ངོ་བོ་ལ་བཅོས་སླད་མེད་པར་བཞག །ཡང་ཐ་མལ་པའི་རྟོག་པ་ཅིག་འཕྲེང་བྱུང་ན་ཡང་དེའི་ངོ་བོ་ལ་ཅེར་གྱིས་བལྟས་ལ་བཞག །དེ་ལྟར་བཞག་པས་རིག་པ་དྭངས་སེང་ངེ་བ་ཆུ་དྭངས་མ་ལྟ་བུ་དང་། གསལ་སེང་ངེ་བ་མར་མེ་རླུང་གིས་མ་བསྐྱོད་པ་ལྟ་བུ་དང་། རྣམ་རྟོག་ཆེར་མི་སྐྱེ་བ་རྒྱ་མཚོ་རླུང་གིས་མི་བསྐྱོད་པ་ལྟ་བུའི་ཉམས་འཆར་རོ། །དེ་ནས་རྒྱུན་དུ་ནི་སྐད་ཅིག་དྲན་རྫོགས་སུ་ཐུགས་རྗེ་ཆེན་པོ་རྩ་གསུམ་འཁོར་ལོ་བཞི་སྤྱི་བོའི་ཧཾ་དང་ལྟེ་བའི་ཨ་ཐུང་རྣམས་གསལ་བཏབ། རླུང་རོ་བུས་ལ་རླུང་བཟུང་ལྟེ་བའི་གཏུམ་མོ་སྦྱར་བས་སྤྱི་བོའི་ཧཾ་ལས་བྱང་སེམས་བབས་པས་རྩ་གནས་གང་། བདེ་བའི་ཉམས་སྐྱེས་ཙམ་ན་དེའི་ངོ་བོ་ལ་བལྟས་ལ་བདེ་སྟོང་དབྱེར་མེད་དུ་བསྲེ། བདེ་སྟོང་འདྲེས་པའི་ཉམས་དེ་སྐྱེ་ཅི་ཐུབ། གནས་ཅི་ཐུབ། ཡུན་བསྲིང་ཅི་ཐུབ་ལ་འབད། དེ་ཡང་ད་ནངས་སྔ་མོ་རླུང་འབུད་པ་དགུ་སྤྲུག་ཅིག་བྱས་པས་ཁམས་དང་རིག་པ་

[Full Size]

གསལ། དེ་ནས་རྒྱུན་དུ་རླུང་བཟུང་མ་འཕྲོད་ན་ཡང་། དེ་ཉིན་རླུང་ནམ་བཟུང་བཟུང་འབུད་པ་དགུ་སྤྲུག་མི་དགོས། སྣ་གཉིས་ནས་ལན་རེ་འབུད་པས་ཆོག །ལུས་གནད་ཀྱང་རྣམ་སྣང་ཆོས་བདུན་ནམ། མེ་ཐབ་དྲུག་ཆིངས་རླུང་ནམ་བཟུང་ཐུབ་ན་ལེགས། མ་ཐུབ་ན་ཡང་སྒལ་ཚིགས་དེ་དྲང་པོར་བསྲངས་ནས་ལུས་ཇི་ལྟར་བྱས་ཀྱང་བཟུང་རུང་། ཉལ་བའི་ཚེ་ཡང་སྔས་དམའ་བ་ལ་ཧྲིང་ཉལ་བྱས་ཏེ་སྒལ་ཚིགས་དྲང་པོར་ཡོད་ན་འཇམ་རླུང་བཟུང་རུང་བར་གསུངས། ཡང་གཏུམ་མོའི་གནད་ཀྱིས་གོས་བསྲབས་པས་དྲོས་པའི་འཁྲུལ་འཁོར་ནི། སྔས་དམའ་བར་བྱས་ལ་མགོ་བཀུག་ནས། ལག་མཐིལ་གཉིས་ཀྱིས་མཁལ་མ་གཉིས་བཀབ་ལ་རླུང་ཅུང་ཟད་བཟུང་ལ། གཏུམ་མོའི་དམིགས་པས་ལུས་ཐམས་ཅད་མེས་གང་། མེ་ཕྱིར་འཕྲོས་གོས་དང་སྔས་གདན་ཐམས་ཅད་མེའི་ཕུང་པོར་བསྒོམས་ལ་ཉལ། གཉིད་ལ་འགྲོ་ཁ་རླུང་བཏང་ལ་གཉིད་ལོག་གོ །ཡང་ན་ཁྱི་ཉལ་སྒོར་མོ་བྱ་སྟེ། པུས་མོ་གཉིས་བྲང་ལ་སྦྱར་རྐང་མཐིལ་གཡས་པས་བོལགོང་གཡོན་མནན། མ་ནེ་པུས་མགོ་ལ་བརྟེན། ལག་གཡོན་པའི་མཐིལ་གྱིས་མཁལ་མ་བཀབ། ལག་གཡས་འགྲམ་པ་བརྟེན། སྔས་མཐོ་

[Full Size]

དམན་ཅི་བདེར་བྱས་ལ། འཇམ་རླུང་བཟུང་བས་གཏུམ་མོའི་མེ་འབར་ལུས་ཐམས་ཅད་བ་སྤུའི་བུ་ག་ནས་ཕྱིར་འཕྲོས་ཉལ་མལ་གནས་ཁང་དཔག་ཚད་ཙམ་དུ་འབར་བར་བསྒོམས་ལ་དམིགས་པ་རྩེ་གཅིག་ཏུ་གཏད། གཉིད་ལ་འགྲོ་ལ་ཁད་དུ་རླུང་བཏང་ལ་ཉལ་ལོ། །འདི་དག་ནི་གཏུམ་མོ་གོས་སུ་གྱོན་པ་དང་གདན་དུ་འདིང་བའི་གདམས་པ་ཞེས་ཀྱང་བྱའོ། །འདི་ཡན་གྱི་ཐབས་ལམ་གཏུམ་མོའི་དམིགས་རིམ་རྩ་བ་ནི་རྫོགས་སོ། །དེ་ལྟར་བསྒོམས་པས་ནཱ་རོ་ཆོས་དྲུག་དང་། ནི་གུ་ཆོས་དྲུག །གསར་རྙིང་རྒྱུད་སྡེ་བླ་མེད་ལུགས་ཐམས་ཅད་ཀྱི་རྩ་བ་རླུང་གི་གདམས་པ་ཐམས་ཅད་ཀྱི་དོན་ཐམས་ཅད་འཐུས་པ་ཡིན་ནོ། །ད་དུང་འདི་ཡི་གེགས་སེལ། བོགས་འདོན། བསྲེ་བ་སྐོར་གསུམ་སོགས་ནི་ཟད་མེད་པས་མུས་ཀྱིས་ཅི་ནུས་ཞུའོ། །ཞེས་པ་ཨ་རཱ་གས་སློབ་བུ་མཐར་ཕྱིན་ལ་རིམ་བཞིན་ཉམས་ཁྲིད་གདམས་པ་རེ་ཞིག་རྫོགས་སོ།། །།མངྒ་ལཾ། །ཨེ་ཀ་པྲིཙྪ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྫོགས་རིམ་སྐོར་ལས་གཏུམ་མོའི་ཁྲིད་བདེ་ཆེན་རབ་འབར།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྫོགས་རིམ་སྐོར་ལས་གཏུམ་མོའི་ཁྲིད་བདེ་ཆེན་རབ་འབར་ཞེས་བྱ་བ་བཞུགས་སོ།།

[Full Size]

འཕགས་པ་འཇིག་རྟེན་དབང་ཕྱུག་སྤྱན་རས་གཟིགས་རྒྱལ་བ་རྒྱ་མཚོའི་ལྷ་ཚོགས་ལ་ཕྱག་འཚལ་ཞིང་སྐྱབས་སུ་མཆིའོ། །དགོངས་པ་གྲོལ་ཞིང་བྱིན་གྱིས་བརླབ་ཏུ་གསོལ། དེ་ཡང་སྤྱིར་མདོ་སྔགས་ཐམས་ཅད་ནས་སྤྱན་རས་གཟིགས་ལས་སྔགས་རྒྱ་ཆེ་ཞིང་། སངས་རྒྱས་ཐམས་ཅད་སྤྱན་རས་གཟིགས་ཀྱི་སྤྲུལ་པར་གསུངས་པས། རྒྱལ་བ་སྲས་བཅས་ཐམས་ཅད་འདུས་པར་གསུངས་པས་རྒྱལ་བ་རྒྱ་མཚོ་ཞེས་བྱའོ། །དེ་ལ་མདོ་རྒྱུད་ཉི་ཤུ་རྩ་གཅིག་སོགས་སྔ་འགྱུར་དང་། ཕྱི་འགྱུར་རྒྱུད་བཞི་སོགས་ཐམས་ཅད་འདིའི་རྒྱབ་ཆོས་སོ། །ཁྱད་པར་རྟ་མཆོག་རོལ་པའི་རྒྱུད། པདྨ་

[Full Size]

དབང་ཆེན་གྱི་རྒྱུད། མཁའ་འགྲོ་རྒྱ་མཚོའི་རྒྱུད་ལ་བརྟེན་ནས་ཨོ་རྒྱན་ཆེན་པོས་མཚོ་རྒྱལ་ལ་གནང་བ། མངའ་བདག་ཉང་གི་གཏེར་མ་དང་། བལ་པོ་ཤྲཱི་ལ་མཉྫས་རྒྱལ་པོ་སྲོང་བཙན་ལ་གནང་ནས་གཏེར་དུ་སྦས་པ། གྲུབ་ཐོབ་དངོས་གྲུབ་ཀྱི་གཏེར་མ་དང་། པདྨ་ཟབ་པའི་རྒྱུད་ལ་བརྟེན་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་མཛད་པའི་ལྷ་ལྔའི་རྒྱ་གཞུང་ཆ་ལག་དང་བཅས་པ་གྲུབ་པའི་རྒྱལ་མོས་རས་ཆུང་པ་ལ་གནང་བ་དང་། སློབ་དཔོན་ཛ་ལེནྡཱ་རས་མཛད་པའི་རྒྱ་གཞུང་ཆ་ལག་དང་བཅས་པ་མེ་ཏྲི་པ་ནས་བརྒྱུད་པ་དང་། བཀའ་གཏེར་བཞི་པོ་གྲུབ་ཆེན་ཀརྨ་པ་ལ་

[Full Size]

འདུས་སོ། །དེ་ཡང་ཆོས་རྒྱལ་རིན་ཆེན་གླིང་པའི་གཏེར་ཤོག་ལས། མ་འོངས་ལྔ་བརྒྱའི་ཐ་མ་ལ། །མ་འོངས་གདུལ་བྱ་འདུལ་བ་ཡི། །ཐུགས་རྗེ་ཆེན་པོ་སྤྱན་རས་གཟིགས། །རྒྱལ་བ་རྒྱ་མཚོའི་ཕྲིན་ལས་ཀྱིས། །རྒྱ་བོད་ཧོར་གསུམ་འདུ་བ་ཡི། །དུས་གསུམ་མཁྱེན་པ་མཚུར་ཕུ་ཞེས། །གྲགས་པ་ཀརྨའི་མིང་ཅན་འབྱུང་། །ཞེས་སོགས་དང་། པདྨ་ང་དང་གཉིས་སུ་མེད། །མཁའ་མཉམ་འགྲོ་བ་སྐལ་ལྡན་ལ། །གསང་གསུམ་འབྲས་བུ་ངོ་སྤྲོད་ཀྱིས། །བདེ་བ་ཆེན་པོར་འགོད་བྱེད་པ། །བཅོམ་ལྡན་སེང་གེའི་མཚན་དང་ལྡན། །བྱམས་མགོན་ཐུགས་རྗེ་ཆེན་པོའི་སྲས། །འཁོར་བ་དོང་སྤྲུགས་ཞེས་བྱ་བ། །བདེ་བར་གཤེགས་པས་ལུང་བསྟན་ཏེ། །ཞེས་གསུངས་པ་ལྟར་མིང་ཡོངས་སུ་གྲགས་པའི་ཀརྨ་པ་དང་ཐུགས་རྗེ་ཆེན་པོའི་བར་ན་བརྒྱུད་པ་གཞན་ཡོད་ཀྱང་ཉན་མེད་ཀྱང་ཉན་ཞེས་གྲུབ་ཆེན་པཀྵིའི་གསུངས་པ་ལྟར། བརྒྱུད་པ་འདི་ལ་བཀའ་བབས་པ་ལགས་སོ། །ཁྱད་པར་རྫོགས་རིམ་སྐུ་གསུམ་ངོ་སྤྱོད་ནི། ཏེ་ལོ་ནཱ་རོ་ནས་བརྒྱུད་པ་ཡིན་ཀྱང་། འདི་ནི་གཉིས་མེད་དུས་ཀྱི་འཁོར་ལོ་ཡིན་པ་རྗེ་མི་བསྐྱོད་ཞབས་ཀྱིས་རྒྱ་ཆེར་གསུངས་ཤིང་། ཨོ་རྒྱན་ཆེན་པོས་ཀྱང་། རྒྱལ་

[Full Size]

བ་རྒྱ་མཚོའི་ལྷ་ལྔ་འདི། ཐབས་ཤེས་གཉིས་སུ་མེད་པ་པདྨ་ཟབ་པའི་རྒྱུད་ལ་བརྟེན་ནས་མཛད་ཅེས་སངས་རྒྱས་གླིང་པའི་གཏེར་ཁ་ནས་གསུངས་པས། རྒྱུད་སྡེ་ཐམས་ཅད་ཀྱི་མཐོ་ཤོས་རྒྱལ་མཚན་གྱི་ཏོག་ལྟ་བུ་ལགས་སོ། །དེའི་དབང་ལུང་བརྒྱུད་པ་གཏོར་བསྔོས་ལྟར། གཞན་ཡང་མང་དུ་སྣང་མོད་ཀྱི། བྱིན་རླབས་དོན་གྱི་བརྒྱུད་པ་གྲུབ་ཆེན་ཀརྨ་པས་ནས་ཀ་ཊོ་རའི་གང་རྒྱལ་བ་རྒྱ་མཚོའི་སྒྲུབ་ཐབས་སྦ་ལྕག་གིས་དཀྲུགས་ནས། ཨོ་རྒྱན་པའི་དབུ་ལ་བཞག་སྟེ་བྱིན་རླབས་མཛད་པས་རྟོགས་པ་མཆོག་ཏུ་གྱུར་པ་སྐྱེས། སྐུ་གསུམ་ངོ་སྤྱོད་དང་བསྲེ་བའི་ཤོག་དྲིལ་ཞྭ་ནག་རྣམས་གནང་ནས་བརྒྱུད་པ་གཏད། སྤྲུལ་སྐུ་རྒྱབ་མའི་དབུ་འདོན་དགོས་ཚུལ་གསུངས་ནས། རྒྱལ་བ་རྒྱ་མཚོའི་དོན་བརྒྱུད་ཀྱང་ཟུང་འཇུག་བརྒྱུད་པ་ལྟར་ཡིན་ཞེས་ཆོས་སྒོ་བས་གསུངས། འདི་གསང་བའི་ཡི་དམ་ཡིན་པས། བཀའ་ཤིན་ཏུ་གཉན་པས་མང་དུ་སྤེལ་ན་མཁའ་འགྲོའི་ཀོ་ལོང་བསྡོམས་ནས་རང་གི་བསོད་ནམས་ལ་འབྲིང་ཞེས་ཀརྨ་པཀྵིའི་གསུངས་པའི་གནད་ཀྱིས་དབང་ལུང་ཤིན་ཏུ་དཀོན་པར་མཆིས་ནའང་། མཁས་གྲུབ་ཆེན་པོ་ལུང་རིགས་ཉི་མའམ་མཚན་གཞན་རབ་འབྱམས་སྨྲ་བ་ངག་གི་དབང་

[Full Size]

པོའི་བཀའ་དྲིན་ལས་ཡིད་ཆེས་པར་ཐོབ། གཞན་རི་ཁྲོད་པ་ཀརྨ་རྣམ་རོལ། རིག་འཛིན་སྦས་པའི་རྣལ་འབྱོར་པ་ཀརྨ་དོན་ཡོད། སྡེ་སྣོད་འཛིན་པ་ཀརྨ་རྣམ་དག །ཞབས་དྲུང་རིན་པོ་ཆེ་ངག་དབང་བཀྲ་ཤིས་དཔལ་གྲུབ། ལྷོ་རིན་པོ་ཆེ། སྤྲུལ་སྐུ་མི་འགྱུར་རྡོ་རྗེ་སོགས་ལས་སྦྲང་མས་སྦྲང་རྩི་ལེན་པ་ལྟར། འདི་སྐོར་ཐོར་བུ་སོ་སོར་ཐོབ་ཅིང་། དྲུང་སྒམ་པོའི་དྲིས་ལན་ཀརྨ་པ་དེ་བཞིན་གཤེགས་པའི་གསུང་ལས། ངེས་ཤེས་ཆེན་པོ་གྱིས་དང་དངོས་ལས་རྨི་ལམ་དུ་ཐོབ་པ་ལྷག་གསུངས་པ་དང་། ཞབས་དྲུང་རིན་པོ་ཆེས་ཀྱང་དངོས་དང་རྨི་ལམ་ཁྱད་པར་མེད་པའི་བཀའ་ཤོག་གནང་བ་ལྟར་ན། བདག་རཱ་ག་ཨ་སྱས་ཀྱང་རྗེ་ཆོས་ཀྱི་དབང་ཕྱུག་ལས་རྒྱལ་བ་རྒྱ་མཚོའི་ཆོས་སྐོར་བཀའ་རྫོགས་ལུང་རྫོགས་རྨི་ལམ་དུ་ཐོབ་སྙམ་བྱེད་དོ། །རྗེ་ཀརྨ་པཀྵིའི་ཞལ་ནས། འདི་ལ་གྲུབ་པ་ཐོབ་པའི་རྣལ་འབྱོར་པ་རྣམས་ལ་དབང་བསྐུར་རྒྱས་བསྡུས་གཏོར་དབང་ཕྱག་དབང་ལ་སོགས་ཐོབ་ནའང་། བཀའ་གསར་རྙིང་ཞི་ཁྲོ་རབ་འབྱམས་རྒྱལ་བ་རྒྱ་མཚོའི་དབང་བསྐུར་ཐོབ་པ་ཡིན་པའི་ཕྱིར་ན། དབང་བསྐུར་རྒྱས་བསྡུས་བྱིན་རླབས་སྣ་ཚོགས་ཀྱི་དབང་བཀའ་བཅུ་བཞི་སྣ་ཚོགས་གསུངས་པ་ཡང་སོ་སོར་མ་ཐོབ་

[Full Size]

ཀྱང་། འདི་སངས་རྒྱས་ཐམས་ཅད་ཀྱི་སྤྱི་དབང་ཐེག་དགུ་རབ་འབྱམས་སྤྱི་དབང་ཐོབ་པ་ཡིན་པས་དེས་ཆོག །འདི་ལ་གྲུབ་པ་མ་ཐོབ་ཅིང་། སྐུ་བཞི་ངོ་སྤྲོད་ཀྱི་རླུང་སེམས་ལ་རྩ་ལ་མ་རྫོགས་པ་དང་། གྲུབ་རྟགས་སྣ་ཚོགས་འཛམ་གླིང་ཁྱབ་པར་འགྲན་ཟླ་མེད་པར་སྟོན་མི་ནུས་པས། ལོ་བརྒྱ་སྟོང་དུ་ཆོས་དང་དབང་བསྐུར་ཉན་བཤད་བྱས་ཀྱང་བུ་རྩེའི་རྩེད་མོ་དང་འདྲ་ཞེས་གསུངས་པ་ལྟར་ན་ནི། རྒྱལ་བ་ཡབ་སྲས་དབུ་ཞྭ་བཞེས་དུས་ཐུགས་རྗེ་ཆེན་པོའི་སྒོམ་ལུང་གནང་སྲོལ་ཡོད་ནའང་གསུང་གོ་དཀའ་སྟེ་ལན་བཞི་བཅུ་ལྷག་ཙམ་ཐོབ་པ་དང་། རྒྱལ་བ་བཅུ་པས་ཐུགས་རྗེ་ཆེན་པོའི་སྒོམ་ལུང་གནང་བ་ཁྲི་རྩ་ན་ཉན་པས་གསལ་བར་ཐོབ། ཞལ་མཇལ་རིང་དུ་ཏིང་ངེ་འཛིན་གྱི་དབང་བླངས་བ་དང་། ཚེར་ལུང་སྤྲུལ་པའི་སྐུ་ལ་ཡང་གླེགས་བམ་གྱི་དབང་ཞུས་སོ། །དེ་ནས་དོན་བརྒྱུད་པ་ཡབ་སྲས་གཉིས་ནས་བརྒྱུད་པ་ཆོག་སྙམ་མོ། །དེ་ལྟར་རྒྱུད་གཞུང་དབང་ལུང་མན་ངག་དང་བཅས་པ་ཆ་ཚང་བ་བཀའ་བབས་བྱིན་རླབས་ཀྱི་བརྒྱུད་པ་སོ་མ་ཉམས་པ་འདི་ལྟ་བུའི་ཆོས་ཉམས་སུ་ལེན་ཆོག་པ་ནི་བསྐལ་པ་དུ་མར་ཚོགས་བསགས་ཤིང་སྨོན་ལམ་རྣམ་པར་དག་པའི་སྟོབས་ལས་བྱུང་བ་ལྟོགས་པ་

[Full Size]

ཟས་དང་འཕྲད་པ་ལྟར་ཉམས་སུ་ལོངས་ཤིག །འདི་ལ་བསྐྱེད་རྫོགས་རྒྱ་ཆེ་གྲངས་མང་ཡང་། ད་ལམ་རྫོགས་རིམ་གྱི་རྩ་བ་གཏུམ་མོ་ལམ་གྱི་གཞུང་ཤིང་ཞེས་བྱ་བ་དེ་ཁོ་ན་བསྟན་པ་ཡིན། དེ་ཡང་དལ་འབྱོར་མི་ལུས་རིན་པོ་ཆེ་ཐོབ་དཀའ་ཡུན་རིང་མི་གནས་འཆི་ངེས། ཤི་ནས་ལས་འབྲས་དབང་ཆེ་བས། རིགས་དྲུག་གང་དུ་སྐྱེས་ཀྱང་སྡུག་བསྔལ་གྱི་རང་བཞིན་ཡིན་་འཁོར་བའི་རྒྱ་མཚོ་མཐའ་མེད་འདི་ནས་ད་རེས་ཐར་བར་བྱེད་དགོས། དེ་ལ་གློ་སྙིང་བྲང་གསུམ་བླ་མ་དཀོན་མཆོག་གསུམ་ལ་གཏད་ནས་སྐྱབས་ཞུ་དགོས། སེམས་ཅན་ཐམས་ཅད་ཕ་མ་ཤ་སྟག་ཡིན་པས། དེ་རྣམས་སངས་རྒྱས་ཀྱི་ས་ལ་བཀོད་འདོད་པའི་བསམ་པ་བྱང་ཆུབ་མཆོག་ཏུ་སེམས་བསྐྱེད་དགོས། ཚོགས་བསགས་པ་ལ་ཐབས་དུ་མ་ནས་འབད་ཅིང་ཁྱད་པར་ཚེགས་ཆུང་ལ་དོན་ཆེ་བ་མཎྜལ་མང་དུ་འབུལ། བྱིན་རླབས་མ་ཞུགས་ན་ཉམས་རྟོགས་མི་སྐྱེ་བས། བླ་མ་སངས་རྒྱས་ཀུན་འདུས་སུ་སྤྱི་བོར་བསྒོམ་ལ་གསོལ་བ་བཏབ། མཐར་རང་ལ་བསྟིམ། དབང་དང་བྱིན་རླབས་ཐམས་ཅད་དུས་གཅིག་ལ་ཐོབ་པར་བསྒོམ་པ་གལ་ཆེ་བས་ཅི་རིགས་སུ་བསྒོམ་པ་སྔོན་འགྲོ་བཞི་སྦྱོར་རྒྱས་བསྡུས་སྤྱི་ལྟར་

[Full Size]

བསྒོམས་ཏེ། སྔོན་དུ་ཕྱག་ཆེན་སོགས་ཁྲིད་གཞན་ཐོབ་པས་འཐུས་ཤིང་། དེ་ཐམས་ཅད་ཆོས་ཐུན་གཅིག་ཏུ་བསྡུས་པས་ཆོག་གོ། ༈ དེ་ཡང་གདམས་ངག་ཟབ་མོ་བསྒོམ་པ་ལ། དཔེར་ན། ཚོས་བྱེད་ཁ་ལྭ་བ་དེ་ལེགས་པར་བཀྲུས་ནས་དྲི་མ་མེད་པར་བྱས་ན། ཚོས་གང་ཡིན་ཟ་ལ། དྲི་མ་ཅན་གྱིས་ཚོས་མི་ལེན་པ་དང་འདྲ་བས་སྒྲིབ་སྦྱོང་གལ་ཆེ་ཞིང་རྗེ་སྟག་ལུང་ཐང་པ་ཆེན་པོའི་གསུངས་དང་། ཞབས་དྲུང་གིས་གནང་བའི་བཀའ་ཤོག་ལ་ཡང་། རྡོར་སེམས་ཡིག་བརྒྱ་བཟླས་པས་དྲོད་སྐྱེ་སླ་བར་གསུངས་པའི་ཕྱིར། སྔོན་འགྲོའི་ནང་ནས་འདི་གལ་ཆེ་བས། དེའི་རྩ་ཚིག་རྗེ་དཀོན་མཆོག་འབངས་ཀྱིས་མཛད་པ་འདོན་བསྒོམ་བྱའོ། །རང་གི་སྤྱི་བོར་དཔལ་ལྡན་བླ་མ་ཉིད། །རྡོ་རྗེ་སེམས་དཔའི་རྣམ་པར་བཞུགས་པ་ཡི། །ཞབས་གཡས་མཐེ་བོང་དག་ལས་ཡེ་ཤེས་ཀྱི། །བདུད་རྩི་ཚངས་བུག་ནས་ཞུགས་ལུས་གང་བས། །ལས་དང་ཉོན་མོངས་སྒྲིབ་པ་དག་པར་ཤོག །ཨོཾ་བཛྲ་སཏྭ་ས་མ་ཡ་སོགས། ཡིག་བརྒྱའམ་ཡིག་དྲུག་བཟླས། འདིའི་དོན་དྲུང་སྐྱིད་རིན་པོ་ཆེས། ཡི་གེ་བརྒྱ་པ་ལ་བརྟེན་ནས་སྒྲིབ་པ་སྦྱོང་བ་ནི། རིག་པ་གར་ཡང་མི་འགྲོ་རྩེ་

[Full Size]

གཅིག་གི་ངང་ནས། རང་གི་སྤྱི་བོའི་སྟེང་དུ་པད་ཟླའི་གདན་ལ་བླ་མ་རྡོ་རྗེ་སེམས་དཔའ་བཞུགས་པའི་ཞབས་ཀྱི་མཐེ་བོང་ལས་ཡེ་ཤེས་ཀྱི་བདུད་རྩི་བབས། བདག་གི་ཚངས་བུག་ནས་བྷཞུགས་པས་སྒོ་གསུམ་སྡིག་སྒྲིབ་དག་པར་བསྒོམ་ཞིང་ཡི་གེ་བརྒྱ་པ་བརྗོད་པར་བྱའོ། །ཞེས་གསུངས་པ་ལྟར་དམིགས་པ་འདི་གཅིག་པུ་ལ་ཞག་བདུན་ནམ། ལྔ་སོགས་ཅི་རིགས་བྱའམ་རྟགས་ཐོན་བྱའོ། །རྟགས་ནི། རྗེ་རང་བྱུང་རྡོ་རྗེས། དེ་ལྟར་བསྒོམས་པས་ལུས་ངག་ཡིད་གསུམ་གྱི་སྡིག་སྒྲིབ་དག་པའི་རྟགས་ཁྲུས་བྱས་པ་དང་། གོས་དཀར་པོ་དྲི་མ་མེད་པ་གྱོན་པ་ལ་སོགས་པའི་རྨིས་ལྟས་འབྱུང་ཞེས་གསུངས་སོ། །གཞན་ཡང་ནམ་མཁའ་ལ་འཕུར་བ། ཉི་ཟླ་ཤར་བ། ལུས་ལས་རྣག་ཁྲག་མི་གཙང་བ་དང་འབུ་སྲིན་ཐོན་པ། ཤེལ་དང་མཆོད་རྟེན་རྙེད་པ། འོ་མ་བདུད་རྩི་འཐུང་བ། བཤལ་བ། སྐྱུགས་པ་ལ་སོགས་རྨིས་ལྟས་དང་། དངོས་སུ་ཁམས་དྭངས་རིག་པ་གསལ་བ། བློ་བདེ་བ་སོགས་འབྱུང་ངོ་། །གསང་སྔགས་རྒྱལ་པོ་བླ་ན་མེད། །ལྟུང་དང་དྲི་མ་ཐམས་ཅད་ཀྱང་། །ལན་གཅིག་ཙམ་གྱིས་དག་པར་འགྱུར། །ཞེས་ཡིག་བརྒྱའི་ཕན་ཡོན་དང་། ཕྱག་ན་རྡོ་རྗེ་གོས་སྔོན་ཅན་གྱི་

[Full Size]

རྒྱུད་ལས། ཨོཾ་བཛྲ་སཏྭ་ཧཱུྃ། ཞེས་པ་འདི་འབུམ་ཕྲག་གསུམ་གྱིས་དམ་ཚིག་ཆག་ཉམས་སྡིག་སྒྲིབ་དག་ནས་དེར་སྐྱེ་བར་གསུངས་ཏེ། རྩོད་ལྡན་དུས་སུ་བཞི་འགྱུར་དགོས་ཏེ། འབུམ་ཕྲག་བཅུ་གཉིས་བཟླས་ན་ཆག་ཉམས་སྡིག་སྒྲིབ་ངེས་པར་དག་པ་ཡིན་པས་གྲངས་ཀྱི་བསྙེན་པའམ་ཡང་ན་རྟགས་ཐོན་པར་མཛོད། དེ་ནི་ཆོས་ཐུན་གཅིག་གོ། ༈ དེ་ནས་སྐབས་འདིར་དབང་མ་བསྐུར་བར་བཤད་མི་རུང་སྟེ། བཤད་ན་སློབ་དཔོན་ལ་གསང་སྒྲོག་གི་ལྟུང་བ་འབྱུང་། སློབ་མ་ལ་ཊཱཀིའི་བཀའ་ཆད་འོང་བས། དེ་ལ་སྔོན་དུ་རྒྱལ་བ་རྒྱ་མཚོའི་དབང་ཐོབ་ན་དེས་འཐུས། མ་ཐོབ་ན་ཁྲིད་ཞུ་བ་རྣམས་ལ། རབ་རྒྱལ་བ་རྒྱ་མཚོའི་དབང་བཞི་རྒྱས་པ། འབྲིང་ལྷ་ལྔའི་གཏོར་དབང་དཀོན་མཆོག་འབངས་ཀྱིས་མཛད་པ་དེ། ཐ་མའང་ལྷ་ལྔའི་མངོན་རྟོགས་གཅིག་ཤེས་ཀུན་གྲོལ་དུ་བཅུག་པའི་རྗེས་གནང་ཐོབ་པར་བྱེད་པ་རྟག་ཏུ་གལ་ཆེའོ། །དབང་མ་ཐོབ་ན་དངོས་གྲུབ་མེད། །བྱེ་མ་བཙིར་ལ་མར་མེད་བཞིན། །དབང་བསྐུར་མེད་པར་སྟེར་བྱེད་པ། །སློབ་དཔོན་སློབ་མ་ཤི་མ་ཐག །དངོས་གྲུབ་ཐོབ་ཀྱང་དམྱལ་བར་ལྟུང་། །ཞེས་གསུངས་སོ། །ཟབ་མོའི་གདམས་

[Full Size]

ངག་ཞུ་ཙ་ན། །ཚོགས་ཀྱི་འཁོར་ལོ་དགོས་པ་ཡིན། །ཞེས་གསུངས་སོ། །རས་ཆུང་པས། མཁའ་འགྲོ་རྒྱ་མཚོའི་སྲོག་སྙིང་ཡོད། །ཅེས་གསུངས་པ་ནི་འདི་ཡིན་པར་བཤད། བཀའ་རྒྱས་བཏབ་ཅིང་གཉན་པའི་ཕྱིར་བརྒྱུད་པ་འཛིན་པ་རེ་མ་གཏོགས་པ་གཞན་ལ་མི་སྟོན་པ་ལེགས་པར་གདའ། བཀའ་བརྒྱུད་རྣམས་ལ་ཕྱི་ནང་གསང་གསུམ་དེ་ཁོ་ན་ཉིད་ཀྱི་ཡི་དམ་རྣམས་ལས་འདི་གསང་བའི་ཡི་དམ་ལགས་པས་ཤིན་ཏུ་གཉན་ཞིང་ཕྲག་དོག་ཆེ་བའི་ཕྱིར། གཞན་ལ་མི་སྤེལ་བའི་གཏན་ཚིག་དེ་ཡིན་པར་འདུག་གོ །ཞེས་གྲུབ་ཆེན་ཀརྨ་པས་གསུངས་པ་ལས་བཀའ་རྒྱ་གྲོལ་ཕྱིར་དང་། དཔོན་སློབ་རྣམས་ཆོས་དང་མཐུན་པའི་ལོངས་སྤྱོད་ཤུགས་ཀྱིས་འདུ་བའི་གདམས་ངག་མཆོག་ཏུ་གྱུར་པ་ཡང་འདི་ཡིན་པར་གསུངས་པའི་ཕྱིར། ནུབ་མོའི་རིགས་ལ་རྒྱལ་བ་རྒྱ་མཚོའི་ཚོགས་མཆོད་ཅི་འགྲུབ་བྱའོ། །དེ་ནས་དངོས་གཞི་གདམས་པ་ལ། རིན་པོ་ཆེ་ཀརྨ་པས་གདམས་པ་གནད་བཞི་ཆོས་ཀྱི་འཁོར་ལོ་བར་མེད་དུ་བསྐོར་བར་གསུངས་པའི་དོན། པཎ་ཆེན་ནཱ་རོ་པའི་ཞལ་ནས། ལུས་ཀྱི་གནས་ཐབས་སྒོམ་པའི་གནད། །ཅེས་དང་། རིན་པོ་ཆེ་ཀརྨ་པས། འབྱུང་བཞི་ལུས་ཀྱི་འདུག་ཚུལ་ནི།

[Full Size]

བདེ་དང་ཡངས་དང་ལྷོད་དང་གསུམ། །ཞེས་དང་། རྗེ་དཀོན་མཆོག་འབངས་ཀྱིས། ལུས་ཀྱི་འདུ་འཛི་མ་ལུས་རིང་དོར་ནས། །རྐང་པ་སྐྱིལ་ཀྲུང་སྒལ་ཚིགས་མདའ་ལྟར་བསྲངས། །ལག་པ་ས་ནོན་འགུལ་སྤྱོད་རྣམ་པར་སྤངས། །ལུས་ཀྱི་བཅའ་ཐབས་ཚུལ་བཞིན་འབྱོངས་བར་ཤོག །ཅེས་གསུངས་པ་དང་། དྲུང་ཆེན་ཀུན་དགའ་རྣམ་རྒྱལ་བས། དེ་བས་བཅའ་བ་ལུས་ཀྱི་གནད། །ཅེས་དང་། ལུས་རྣམ་པར་དབེན་པ་ས་ནོན་བཏང་སྙོམས་ཀྱི་ཕྱག་རྒྱ་ཅན། ཞེས་གསུངས། རང་བྱུང་རྡོ་རྗེས། ལུས་བཏང་སྙོམས་སྤངས་ལ་རྡོ་རྗེ་སྐྱིལ་ཀྲུང་བྱ། རིག་མ་བཅོས་པར་བཞག །ཚོགས་དྲུག་སྣང་བ་དགའ་སྒྲུབ་མེད་པར་རང་མལ་རིང་ལུགས་ཆོས་ཀྱི་དབྱིངས་ཀྱི་ངང་ལ་མཉམ་པར་བཞག་ཅིང་ཡུན་རིང་དུ་གནས་པ་དང་། རང་གྲོལ་དུ་གནས་པ་ནི་ལུས་གནད་ཡིན། ལག་པ་ས་གནོན་གྱི་ཕྱག་རྒྱ་བྱས་ལ། སེམས་སེམས་ཉིད་ཀྱི་གཤིས། ཆོས་ཆོས་ཉིད་ཀྱི་དབྱིངས་ལ་རང་ལུགས་མཉམ་པར་བཞག་པ་ནི་བཅའ་བ་ལུས་ཀྱི་གནད་དོ། །ཞེས་གསུངས་པ་ལྟར་ཡུན་རིང་དུ་ལུས་གནད་བཅས་ལ། མིག་བར་སྣང་དུ་ཧད་དེ་ལྟ། སེམས་མ་ཡེངས་ཙམ་དུ་ངོ་བོ་སྐྱོང་བ་ཡིན་ཏེ།

[Full Size]

རྒྱུན་དུའང་འདི་ལ་གོམས་ན་སྒོམ་རང་བབས་སུ་འོང་སྟེ། རྟེན་འབྲེལ་ལུས་ལ་བསྒྲིགས་ན་རྟོགས་པ་སེམས་ལ་འཆར་བའི་གནད་དོ། །དེ་ལྟར་ལུས་དྲང་པས་རྩ་དྲང་། རྩེ་དྲང་པས་རླུང་དྲང་། རྩ་རླུང་སྒོམ་པའི་སྣོད་དུ་འགྱུར། དམིགས་པ་གང་སྒོམ་གསལ་ཆ་ཐོན། འཁྲུལ་འཁོར་དུས་མ་གཏོགས་རྒྱུན་དུ་ལུས་གནད་ཁོ་ནའོ། །དེས་ཆོས་ཐུན་གཅིག་གོ། །༈ བླ་མ་ལ་གསོལ་བ་འདེབས་པ་བྱིན་རླབས་ཀྱི་གནད་ནི། གནས་སྤྱི་གཙུག་མའི་གསོལ་འདེབས་རྒྱུན་དུ་བྱའོ། །དེ་ནས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྐུར་བསྒོམ་སྟེ། སྔོན་དུ་བསྐྱེད་རིམ་ལ་གོམས་པ་ཡིན་ན་སྐད་ཅིག་དྲན་རྫོགས་སུ་བསྒོམས་པས་འཐུས། སྔོན་དུ་མི་ཤེས་ན་ལྷ་ལྔ་ནང་གི་གཙོ་བོའི་མངོན་རྟོགས་དེ་ཞིབ་པར་ཡོད་གང་ལྟར་གཙོ་བོ་རྐྱང་པ་ཡབ་རྐྱང་པ་གསལ་བར་བསྒོམས་ཏེ། དེ་ཡང་རྣམ་པ་གསལ་བ་མེ་ལོང་གི་གཟུགས་བརྙན་ལྟ་བུ། སྣང་བ་རང་བཞིན་མེད་པ་ཆུ་ནང་གི་ཟླ་བ་ལྟ་བུ། གསལ་ལ་ངོས་བཟུང་མེད་པ་བར་སྣང་གི་འཇའ་ཚོན་ལྟ་བུར་བསྒོམ་མོ། །འདི་ལ་ཡེ་ཤེས་སྤྱན་འདྲེན་སོགས་མི་དགོས་ཏེ། ལྷ་མིན་ལ་ལྷ་སྒོམ་པ་རྡུལ་ཚོན་གྱི་དཀྱིལ་འཁོར་ལྟ་བུ་མ་ཡིན། རང་གི་ཕུང་ཁམས་སྐྱེ་མཆེད་

[Full Size]

ཐམས་ཅད་ཡེ་ནས་ལྷ་ཡི་དཀྱིལ་འཁོར་དམ་ཚིག་པ་རང་གི་སེམས་ཉིད་ཡེ་ནས་ཆོས་ཀྱི་སྐུ་ཡེ་ཤེས་སེམས་དཔའ་ཡིན་པ་བླ་མེད་ཀྱི་རྒྱུད་སྡེ་ཐམས་ཅད་ནས་རྒྱ་ཆེར་གསུངས་སོ། །དེ་ཡང་ཕྱི་མདོ་ལུགས་ནས་སེམས་སངས་རྒྱས་སུ་གསུངས་ཤིང་། བརྩོན་འགྲུས་དྲག་པོས་འབད་ཀྱང་བསྐལ་པ་གྲངས་མེད་གསུམ་དུ་འགོར་ལ། སྔགས་བླ་མེད་ནས་ཚེ་གཅིག་གིས་སངས་རྒྱས་ཐོབ་པར་གསུངས་པ་ནི། ལུས་སངས་རྒྱས་ཀྱི་རང་བཞིན་དུ་ཤེས་མ་ཤེས་ཀྱི་ཁྱད་པར་ཡིན་པར་གསུངས་སོ། །དེའི་ཕྱིར་རང་ལུས་རྒྱལ་བ་རྒྱ་མཚོ་ཡིན་པ་ལ་ཡིན་པར་གསལ་བས། དེ་མངོན་དུ་གྱུར་པ་དངུལ་རྡོ་བཞུས་པས་དངུལ་འབྱུང་བ་ལྟ་བུ་ཡིན་པས། རེ་ཞིག་ཐུགས་རྗེ་ཆེན་པོ་སྐུ་མདོག་དམར་པོ་མངོན་རྟོགས་ལྟར་མ་གསལ་བར་དུ་རྩེ་གཅིག་ཏུ་བསྒོམ། ཆོས་ཐུན་གཅིག་གོ། ༈ དེ་ནས་ཐུགས་རྗེ་ཆེན་པོའི་སྐུར་གསལ་བའི་ནང་སྟོང་པ་ཕུ་མ་ཕུས་བཏབ་པ་ལྟ་བུ། མིག་དང་རྣ་བ་དང་སོར་མོའི་རྩེ་ཚུན་སྟོང་སང་ངེ་བ། ཕྱི་དར་དམར་གྱི་གུར་ཕུབ་པ་ལྟ་བུ་ལ། ཐུགས་རྗེ་ཆེན་པོ་རྒྱན་ཆ་ལུགས་སྣང་ལ་རང་བཞིན་མེད་པར་སྒོམས་ཤིག །དེ་ནི་རིགས་ལྡན་གཞི་བཟུང་བ་ཕྱི་ལུས་ཀྱི་སྟོང་ར་ཞེས་བྱ།

[Full Size]

དེ་ལ་ཡུན་རིང་གོམས་ན་ཉམས་སྣང་སྣ་ཚོགས་སུ་འཆར་བ་དང་། སྡིག་སྒྲིབ་དག་རྟོགས་ཀྱང་འབྱུང་ངོ་། །འདི་དག་སྔ་མ་ལ་མ་གོམས་ན་ཧབ་ཐུབ་བྱས་རུང་། ལུས་ཐོབ་ཀྱང་དེ་ལས་རྟོགས་པ་མི་སྐྱེ་བས་ཕུར་ཚུགས་སུ་སྒོམས་ཤིག །ཆོས་ཐུན་གཅིག་གོ། །དེ་ནས་དཔག་བསམ་གྱི་ཤིང་འཛུགས་པ་ཞེས་ནང་རྩའི་སྟོང་ར་ནི། རང་ལུས་ཐུགས་རྗེ་ཆེན་པོ་རང་ལུས་ཚད་ཙམ་བསྒོམས་ནས། དབུ་མ་མདའ་སྨྱུག་འབྲིང་པོ་ཙམ། རོ་རྐྱང་དེ་ལས་ཕྲ་ཙམ། རྩ་འདབ་རྣམས་གྲོ་སོག་ཙམ། རང་ལུས་དེ་བས་ཆེ་བ་བསྒོམས་ན་རིགས་པས་དཔག་སྟེ། ལུས་ཀྱི་དབུས་དྲང་པོར་རྩ་དབུ་མ་མཐིང་ག །ཡར་སྣེ་སྤྱི་བོ་ཚངས་པའི་བུ་གར་ཟུག་པ་སྣ་ཚོགས་རྡོ་རྗེས་མཚན་པ། མར་སྣེ་གསང་གནས་དང་ཅུང་ཟད་མ་འབྲེལ་་ཙམ། གཡས་སུ་རོ་མ་དམར་མོ། གཡོན་དུ་རྐྱང་མ་དཀར་མོ་གཉིས་ཡར་སྣེ་སྣ་བུག་གཉིས་དང་། མར་སྣེ་ལྟེ་འོག་སོར་བཞི་ཙམ་ནས་དབུ་མའི་ནང་དུ་རྒྱུ་བ། །སྤྱི་བོ་བདེ་ཆེན་གྱི་འཁོར་ལོའི་རྩ་འདབ་སུམ་ཅུ་སོ་གཉིས་དཀར་པོ་ཁ་ཅུང་ཟད་ཐུར་ལ་ཕྱོགས་པ་གདུགས་ཀྱི་རྩིབས་མ་ལྟ་བུ། མགྲིན་པའི་རྩ་འདབ་བཅུ་དྲུག་དམར་མོ་རྩ་རྩེ་ཅུང་ཟད་གྱེན་དུ་བསྟན་པ། སྙིང་

[Full Size]

གའི་རྩ་འདབ་བརྒྱད་སྔོན་པོ་ཅུང་ཟད་ཁ་ཐུར་དུ་བསྟན་པ། ལྟེ་བའི་རྩ་འདབ་དྲུག་ཅུ་རྩ་གཉིས་སེར་པོ་ཅུང་ཟད་ཁ་གྱེན་དུ་བསྟན་པ། གསང་གནས་རྩ་འདབ་སུམ་ཅུ་རྩ་གཉིས་ལྗང་གུ་ཁ་ཐད་ལྟ་བ་ཐམས་ཅད་སྟོང་པ་གསལ་བ་བསྒོམ། ལུས་གནད་སྔར་ལྟར་ཡུན་རིང་དུ་བསྒོམ། རླུང་རང་བབ་ཏུ་བཞག །རྩ་ཐམས་ཅད་དབུ་མ་ལས་གྱེས་པ། རོ་རྐྱང་དང་མ་འདྲེས་ཤིང་མ་ཐུག་པ་སྟེ། འདི་གནས་ལུགས་ཡིན། སྒོམ་ལུགས་ཡིན་ནོ། །རྩ་མ་འབྱོངས་བར་རླུང་བཟུང་ན་ཡུར་བ་མ་བསལ་བར་ཆུ་དྲངས་པ་བཞིན་གེགས་སྐྱོན་ཐམས་ཅད་འབྱུང་བའི་ཕྱིར་རྩའི་སྟོང་ར་ཡང་ཡུན་བསྲིང་ལ། ནམ་བསྒོམ་ཡང་གཅིག་ཆར་དུ་གསལ་ཐེབ་པར་བྱའོ། །དེའི་དོན་པདྨ་ཟབ་པའི་རྒྱུད་ལས་སྟོན་པས་བཀའ་སྩལ་པ། འཁོར་ལོ་ནི་བཞི་སྟེ། བདེ་བའི་འཁོར་ལོ་དང་། ལོངས་སྤྱོད་ཀྱི་འཁོར་ལོ་དང་། ཆོས་ཀྱི་འཁོར་ལོ་དང་། སྤྲུལ་པའི་འཁོར་ལོ་དང་། ཞེས་དང་། རྒྱ་གཞུང་ལས། གསང་གནས་ནོར་བུའི་འཁོར་ལོ་རུ། །ཞེས་སོགས་གསུངས་པའི་དོན་ནོ། །རྩ་འདི་འབྱོངས་ན་མཁའ་འགྲོ་དང་བུད་མེད་རིགས་བཟང་དབང་དུ་འདུ། བཀྲག་མདངས་རྒྱས། ཡུལ་ཁམས་དང་ས་ཡུལ་

[Full Size]

དབང་དུ་འདུ། ཡེ་ཤེས་ཀྱི་ཌཱཀི་ལུས་དང་གྲིབ་མ་ལྟར་འཁོར་ཏེ། རྩ་ནི་ནང་གི་མཁའ་འགྲོ་མ་ཡིན་པས་དེ་དབང་དུ་འདུས་ན་ཕྱིའི་ཊཱཀི་ཐམས་ཅད་རང་དབང་མེད་པར་དབང་དུ་འགྱུར་རོ། །འབྲས་བུ་སངས་རྒྱས་ཐམས་ཅད་ཀྱི་སྐུ་འགྲུབ་བོ། །དེས་ཆོས་ཐུན་གཅིག་གོ། ༈ རྒྱུད་ཀྱི་རྒྱལ་པོ་མ་ཧཱ་མཱ་ཡཱ་ལས། སྲོག་དང་རྩོལ་བ་འབད་ནས་སུ། །རྣལ་འབྱོར་པ་ཡི་རླུང་རྔུབ་བྱ། །ཞེས་དང་། ཏེ་ལོ་པས། རླུང་གི་གནད་བཟུང་རིག་པ་བཅུད་ལ་བོར། །ལྷ་སྣང་སེམས་འཛིན་ཡན་ལག་དུ་མ་ཡིས། །རིག་པ་དྭངས་མ་ཅི་གནས་བར་དུ་བཅུག །ཅེས་གསུངས་པ་ལྟར། གྲུབ་ཆེན་ཀརྨ་པའི་གདམས་པ་གནད་བཞི་ལས། སྲོག་རྩོལ་རླུང་གི་གནད་ནི། རང་བྱུང་རྡོ་རྗེས། སེམས་ཅན་ཐམས་ཅད་རླུང་གི་རང་བཞིན་གྱི་གནས་པས་ན། རླུང་སྒོམ་མ་ཤེས་ན་གེགས་སྣ་ཚོགས་འབྱུང་བར་གསུངས་ཏེ། དེ་ཡང་། རླུང་ཞེས་བྱ་བས་ལས་ཀུན་བྱེད། །ཅེས་གསུངས་པས་ཤིན་ཏུ་གནད་ཆེ་བ་ཡིན་ནོ། །རླུང་བཟུང་སྟེ་རླུང་གའུ་ཁ་སྦྱོར་དུ་བྱས་ཤིང་འཛིན་པའི་དུས་སུ་མཆིལ་མ་གཅིག་མིད་པ་དང་དུས་མཉམ་པོར་བཟུང་ན་ཡུན་རིང་པོར་སྒོམ་པ་ཡིན། རླུང་བཟུང་ཞིང་རིག་པ་

[Full Size]

གསལ་སྟོང་འཛིན་མེད་འོད་གསལ་བའི་ངང་དུ་མཉམ་པར་བཞག །རླུང་བཏང་བའི་དུས་སུ་སྣ་བུག་གཉིས་ནས་དལ་གྱིས་བཏང་ཞིང་སྡིག་པ་དག་པར་སྒོམ་པ་ནི། དཔེར་ན་སྣོད་ཀྱི་གཡའ་ངན་པ་འཁྲུད་པ་དང་འདྲ་བས། གོང་དུ་བརྗོད་པ་བཞིན་དུ་གཟུང་འཛིན་ལ་སོགས་པ་ཐམས་ཅད་སངས་ཀྱིས་དག་པར་བསམ་པ་ནི། སྲོག་རྩོལ་རླུང་གི་གནད་ཡིན་ནོ། །ཞེས་དང་། དེའི་རྩ་ཚིག་རྗེ་དཀོན་མཆོག་འབངས་ཀྱིས། སྲོག་དང་རྩོལ་བའི་ནུས་པ་འོག་ཏུ་མནན། །ཐུར་སེལ་གྱེན་དུ་བསྟན་པའི་བུམ་ཅན་གྱིས། །རླུང་རྣམས་དབུ་མའི་དབྱིངས་སུ་དག་ནུས་ཏེ། །འགྱུར་མེད་གསུང་གི་རྣལ་འབྱོར་འགྲུབ་པར་ཤོག །ཅེས་དང་། དྲུང་སྐྱིད་རིན་པོ་ཆེས། སྲོག་རོ་རྐྱང་གི་རླུང་རྩོལ་བས་དབུ་མ་ཆེན་པོར་འགོགས་པ་གའུ་ཁ་སྦྱོར་དུ་འཛིན། ཞེས་གསུངས་པ་ལྟར། རླུང་རོ་འབུད་པ་དགུ་སྤྲུགས་བྱས་ཏེ། དལ་བུས་སྣ་བུག་གཉིས་ནས་འཇམ་ལ་རིང་བ་བརྔུབས་ནས། མཆིལ་མ་མིད་པ་དང་མཉམ་དུ་ཕོ་བ་ཐེར་བྱས་པས་ལྟེ་འོག་ཏུ་མནན་ན་རོ་རྐྱང་གཉིས་ནས་དབུ་མའི་ནང་དུ་སྔོ་སིབ་སིབ་སོང་ཞིང་ཐིམ་པར་བསྒོམ་མོ། །གནོན་མི་བདེ་ན་གཡས་བཅག །གཡོན་བཅག །རྔུབ་ཆུང་

[Full Size]

བརྩེག་གོ །མ་ཐུབ་ཙ་ན་སྣ་ནས་ལྷག་མ་མ་ལུས་པར་མདའ་ལྟར་ཤེད་ཀྱིས་བུས་སོ། །རྔུབ་དང་དགང་དང་གཞིལ་བ་དང་། །མདའ་ལྟར་འཕང་དང་རྣམ་པ་བཞི། །རླུང་སྦྱོར་བཞི་ལྡན་མ་ཤེས་ན། །ཡོན་ཏན་སྐྱོན་དུ་གསོལ་བའི་གནད། །ཅེས་གསུངས། གཞིལ་བ་དབུ་མའི་ནང་དུ་བསྟིམ་པ་ནང་གཞིལ་མཆོག་གོ །བ་སྤུའི་བུ་ག་ནས་ཕྱིར་སྔོ་སིབ་སིབ་སོང་བར་བསྒོམས་པས་རླུང་ཁུག་རིང་ངོ་། །དེའི་ཚེ་རྩ་ཁྲུས་ཡན་ལག་ལྔ་སྦྱོང་ནི། རྗེ་ཆོས་ཀྱི་དབང་ཕྱུག་གིས་གསུངས་པའི་རང་ལུགས་རྩ་ཚིག་ནི། རྐང་པ་སྐྱིལ་ཀྲུང་སྐེད་པ་བསྲངས། །ལག་གཉིས་ཁུ་ཚུར་སྤུས་སྟེང་བཞག །རླུང་རོ་བསལ་ཞིང་རླུང་བཟུང་ནས། །རྡོ་རྗེ་ཁུ་ཚུར་བརླ་གཉིས་སྟེང་། །ཟུར་ནས་བརྒྱུད་དེ་འོག་ཏུ་གཞལ། །དཔུང་པའི་དྲང་ཐད་མདུན་དུ་བརྐྱངས། །ཁུ་ཚུར་གཉིས་ཀྱིས་ནུ་སྟེང་དང་། །གྲུ་མོས་མཆན་རྡེབ་དུས་མཉམ་གསུམ། །དེ་ནས་ལག་པ་གཡོན་པ་ནི། །གཡས་ཀྱི་ཐལ་མོས་ལན་གསུམ་བཤད། །དེ་བཞིན་གཡས་ལ་ལན་གསུམ་བཤད། །དེ་བཞིན་ཐལ་མོ་ལན་གསུམ་མཉེ། །རྣ་བའི་རྒྱབ་མདུན་ཐལ་མོ་གཉིས། །བསྣོལ་ཏེ་འགྲོ་བས་མགོ་བོ་མཉེ། །ཐལ་མོ་གཉིས་ཀྱིས་ཕྲག་གོང་

[Full Size]

ནས། །མདུན་དུ་གཡས་གཡོན་གསུམ་རེ་བཤད། །།རོ་སྟོད་རྒྱབ་མདུན་ཁུ་ཚུར་གཉིས། །རེས་མོས་སྟོད་དུ་གསུམ་རེ་མཉེ། །དེ་ནས་རོ་སྨད་མདུན་རྒྱབ་མཉེ། །དེ་ནས་རྐང་པ་གཡས་བརྐྱངས་ཤིང་། །ལག་པའང་ཤེད་བརྐྱང་ལུས་བརྐྱང་བྱ། །ཐལ་མོ་རྐང་པའི་སྟེང་འོག་གཉིས། །ལན་གསུམ་བཤད་ཅིང་གཡོན་ལའང་བྱ། །ཞེས་བཀའ་སྩལ་ཏོ། དེ་ལྟར་ཡུན་རིང་ཉམས་སུ་བླངས་ན་རླུང་ཁུག་རིང་པོ་ཐུབ། ལུས་ཡངས། གཉིད་ཆུང་། འགྲོས་མགྱོགས། རྦབ་གཡང་སོགས་ཀྱིས་ཧ་ཅང་མི་སྐྱོན། སངས་རྒྱས་ཐམས་ཅད་ཀྱི་གསུང་འགྲུབ་སྟེ་བསྙེན་སྒྲུབ་གང་བས་ཀྱང་ལྷག །སྐྱེས་པ་ཐམས་ཅད་དང་ཆོས་སྐྱོང་གཞི་བདག་ཕོ་རིགས་ཐམས་ཅད་དབང་དུ་འདུ། མཐར་ཐུག་ལོངས་སྤྱོད་རྫོགས་སྐུ་ཐོབ་པར་འགྱུར་རོ། །ཆོས་ཐུན་གཅིག་གོ། ༈ དེ་ནས་གཏུམ་མོ་སྒོམ་པ་ནི། རྗེ་དཀོན་མཆོག་འབངས་ཀྱི་རྩ་ཚིག་ལས། སུམ་མདོར་ཤེས་རབ་མེ་ཡི་ཉི་འོད་འབར། །མེ་ཡི་ཚུལ་དུ་བཞུགས་པ་འོད་འབར་བས། །རྣམ་སྨིན་སྒྲིབ་པའི་ཕུང་པོ་ཡང་བསྲེགས་ནས། །མས་བརྟེན་དགའ་བ་བཞི་པོ་མྱོང་བྱས་ཏེ། །དམ་ཚིག་ཕྱག་རྒྱ་སྐྱོན་མེད་འགྲུབ་པར་ཤོག །

[Full Size]

ཅེས་དང་། དྲུང་སྐྱིད་རིན་པོ་ཆེས། ལྟེ་བའི་རཾ་ལས་ཡེ་ཤེས་ཀྱི་མེ་མཚན་ཉིད་བཞི་ལྡན་དུ་འབར་བས་ལུས་ཐམས་ཅད་ཁྱབ་པར་སྒོམ་པ་ཁོ་ནའོ། །རང་བྱུང་རྡོ་རྗེས། ལྟེ་བར་ཡི་གེ་རཾ་ཡོངས་སུ་གྱུར་པ་ལས་ཡེ་ཤེས་ཀྱི་མེ་མཚན་ཉིད་བཞི་དང་ལྡན་པ་བསྒོམས་ནས། མེ་ཇེ་ཆེར་སོང་ནས་དབུ་མའི་ནང་དུ་རོ་རྐྱང་གཉིས་ཀྱི་རྩ་ནང་དུ་སོང་ནས་ལུས་ཐམས་ཅད་ཡེ་ཤེས་ཀྱི་མེར་གྱུར་པ་སྒོམ་ཞིང་ཡུན་རིང་དུ་སྒོམ། །ཞེས་གསུངས་པའི་དོན་ནི། ལྟེ་འོག་སོར་བཞི་རྩ་འདུས་སོར་ཆོས་འབྱུང་གི་དབྱིབས་སུ་ཡོད་པ་ནི་ཡུམ་ཕག་མོའི་དཀྱིལ་འཁོར་མཚོན། དེའི་ནང་དུ་མ་ལས་ཐོབ་པའི་ཁྲག་གི་དྭངས་མ་སྲན་མ་ཙམ་གནས་པ་ནི་ཡུམ་རྡོ་རྗེ་ཕག་མོའི་གསང་བ་ཡེ་ཤེས་དངོས་ཡིན་ལ། དབུ་མའི་ཡར་སྣེ་ཚངས་བུག་གི་འོག་ཏུ་ཕ་ལས་ཐོབ་པའི་ཐིག་ལེ་དཀར་པོའི་དྭངས་མ་དངུལ་ཆུ་ལྟ་བུ་སྲན་མ་ཙམ་གནས་པ་དེ་ཡབ་ཐུགས་རྗེ་ཆེན་པོའམ་ཧེ་རུ་ཀ་དངོས་ཡིན་པར་རྒྱུད་ཐམས་ཅད་ནས་གསུངས་པ་དེ་གཉིས་སྒོམ་པའི་གཞི་ཡིན། དེ་ལ་ཐིག་ལེ་དཀར་པོ་ཧཾ་མགོ་ཐུར་བསྟན་པ་དང་། དམར་པོ་ལ་ཨ་ཡིག་ཐུང་ངུའི་མཚན་པར་བསྒོམ། དེ་རང་ཆས་སུ་ཡོད་པར་བཤད། དེ་ནས་རླུང་བཟུང་བས་རོ་རྐྱང་གཉིས་ནས་ལྟེ་འོག་ཨ་

[Full Size]

ཐུང་ལ་ཕོག་པས། སྐད་ཅིག་ལ་རཾ་ཡིག་དམར་པོར་གྱུར་ཏེ། མེ་ཁྲོལ་ལ་སྦྱད་པ་རྒྱབ་པ་ལྟར་མེ་སོར་གང་ཙམ་འབར་ཏེ། དེ་ཡང་ཁ་དོག་དམར་བ། རེག་བྱ་ཚ་བ། དབྱིབས་སུམ་འཁྱོག་ཨ་ཡིག་འདྲ་བ། ངོ་བོ་བདེ་བ་སྐྱེད་པ་སྐད་ཅིག་ཀྱང་མི་སྡོད་པར་གཡོ་བ་བསྒོམ་པར་བྱའོ། །འདི་དྲན་ཙམ་མི་ཆོག་ཤིན་ཏུ་གསལ་བར་བསྒོམ་མོ། །ཡིད་གཞན་དུ་མ་ཡེངས་པར་མེ་ལ་རྩེ་གཅིག་ཏུ་སེམས་གནས་དགོས། སྔོན་བླ་མ་དྲུང་སྐྱིད་པས་རྟོགས་ལྡན་གསར་པ་ཞིག་ལ་འདི་ཁོ་ན་སྒོམ་བཅུག་པས། ལྟེ་འོག་ཏུ་ཆུ་བུར་མཐེ་བོང་ཙམ་བྱུང་སྐད། དངོས་སུ་ལྟེ་འོག་ཏུ་ལྕགས་སྲེག་དུམ་བུ་ཞིག་ཡོད་ན་ཚིག་སྙམ་བྱེད་དགོས། དེ་འོང་བ་ལ་སེམས་གཞན་དུ་མི་འགྲོ་དེ་ལ་ལྷན་ནེ་གནས་པ་གལ་ཆེའོ། །ཆོས་ཐུན་གཅིག་གོ། ༈ དེ་ནས་རླུང་བཟུང་བས་ལྟེ་བའི་རྩ་འཁོར་མེས་གང་། དེ་ནས་སྙིང་ག །མགྲིན་པ། སྤྱི་བོ། གསང་གནས་དང་། ལུས་ཐམས་ཅད་རིམ་པར་གང་བར་བསྒོམས་ཏེ། རྒྱས་པར་རྩ་འཁོར་རེ་རེ་ལ་ཡང་ཞག་རེར་བསྒོམ། སྐེད་འཁོར་སོགས་འཁྲུལ་འཁོར་སོ་སོར་བྱ་དགོས་རྒྱུ་ཡིན་ཡང་སྐབས་དང་བསྟུན་ཆོག་ཅིང་། འཁྲུལ་འཁོར་དྲུག་པ་

[Full Size]

ནི་རྗེ་ཆོས་ཀྱི་དབང་ཕྱུག་གིས་གསུངས་པ། ནཱ་རོ་དྲུག་སྐོར་ནི། ལག་ལེན་གྱི་སློབ་དཔོན་རྒྱུན་མི་འདྲ་བ་མང་དུ་འདུག་པ་ལ། རང་ལུགས་འཁྲུལ་མེད་གོ་བདེ་བ་སླ་བར་རླུང་སྦྱོར་མན་ཆད་སྔར་ལྟར་ལས། ལུས་ཀྱི་སྟོད་སྨད་སྔར་ལྟར་རང་བབས་ལས། སྐེད་པ་གཡས་སུ་ལན་གསུམ་བསྐོར། །གཡོན་པའང་དེ་བཞིན་ལན་གསུམ་བསྐོར། །ལྟེ་བའི་རྩ་མདུད་གྲོལ་བར་བྱེད། །ཁུ་ཚུར་པུས་སྟེང་བཞག་པ་ཡིས། །ལུས་བསྲངས་ལག་པའང་བསྲང་བཞིན་པ། །རོ་སྟོད་གཡས་གཡོན་གཅུ་བ་དང་། །དེ་བཞིན་དེ་ཕྱོགས་དྲག་ཏུ་གཅུ། །དེ་ལྟར་ལན་གསུམ་བྱས་པ་ཡིས། །སྙིང་གའི་རྩ་མདུད་གྲོལ་བར་བྱེད། །མགྲིན་པ་རྩོལ་མེད་ལྷོད་པ་ནས། །གཡས་གཡོན་གསུམ་གསུམ་བསྐོར་བ་ཡིས། །མགྲིན་པའི་རྩ་མདུད་གྲོལ་བར་བྱེད། །མགྲིན་པ་རྩོལ་མེད་སྔར་ལྟར་ལས། །ཀོས་ཀེ་བྲང་ཁར་རྡེབ་མ་ཐག མགོ་བོ་རྒྱབ་ཏུ་ཤུགས་ཀྱིས་འཕངས། །དེ་ལྟར་དགྱེ་དགུ་ལན་གསུམ་གྱིས། །སྤྱི་བོའི་རྩ་མདུད་གྲོལ་བར་བྱེད། །གཡས་ཀྱི་རྐང་ལག་སྤྲུགས་ཏེ་བརྐྱངས། །ཁུ་ཚུར་ནུ་མའི་སྟེང་དུ་དང་། གྲུ་མོ་རྩིབ་ལོགས་རྟིང་པ་ཡང་། །འཕོངས་ཚོས་སྟེང་དུ་གདབ་པ་གསུམ། །ལྷན་ཅིག་

[Full Size]

སྦྲག་སྟེ་ལན་གསུམ་རྡེག །དེ་བཞིན་གཡོན་ལ་བྱས་པ་ཡིས། །ཚིགས་ཀྱི་རྩ་མདུད་གྲོལ་བར་བྱེད། །ཁུ་ཚུར་རྡེག་པ་མ་གཏོགས་པ། །ལྷག་མ་ལུས་སྦྱོང་རྩ་ཁྲུས་ཀྱི། །སྐབས་བཞིན་ལངས་ཏེ་བྱས་པའི་མཐར། །གཡས་གཡོན་རོ་སྟོད་མདུན་ཕྱོགས་སུ། །ཐོག་མར་དལ་གྱིས་གཅུ་བྱ་ཞིང་། །དེ་ནས་རྟ་དྲེལ་སྤྲུག་པ་ལྟར། །ལུས་ཀུན་སྤྲུག་ཅིང་རླུང་རྣམས་ཀྱང་། །ཁ་ནས་ཧ་རིང་འདོན་པ་དང་། །ལྷན་ཅིག་ལྷག་མ་མེད་པར་བུས། །དེས་ནི་རྩ་ཀུན་འདུལ་བ་ཡིན། །སྐལ་ལྡན་རྣམས་ཀྱིས་ཉམས་སུ་ལོངས། །ཞེས་གསུངས་པ་ལྟར་དམིགས་པ་དང་འཁྲུལ་འཁོར་འབད། ཆོས་ཐུན་གཅིག་གོ། ༈ དེ་ནས་རླུང་བཟུང་ཞིང་ཡེ་ཤེས་མེས་ལུས་ཐམས་ཅད་གང་། བ་སྤུའི་ཁུང་ནས་ཀྱང་མེ་ལྕེ་དམར་རྟ་ཉུག་ཉུག་ལུས་ཕྱི་ནང་ཐམས་ཅད་མེའི་རང་བཞིན་དུ་བསྒོམ་ཞིང་ལུས་སྦྱོང་སོ་བདུན་མ་བྱས་ཏེ། རྩོལ་བས་ལུས་སྦྱངས་གནད་ཅེས་པ། རྗེ་དཀོན་མཆོག་འབངས་ཀྱི་རྩ་ཚིག་ལས། དེ་ཡི་ངང་ལ་གཡས་གཡོན་བསྐོར་བ་དང་། །ཡན་ལག་སྤྲུག་ཅིང་སྤྲུག་པའི་སྦྱོར་བ་ཡིས། །རྩོལ་བ་བསྐྱེད་པ་ལུས་ནི་ལས་རུང་སྟེ། །རྩ་མདུད་ཐམས་ཅད་རབ་ཏུ་གྲོལ་བར་

[Full Size]

ཤོག །ཅེས་དང་། རྗེ་རང་བྱུང་ཞབས་ཀྱིས། སྐེད་པ་གཡས་སྐོར་གཡོན་སྐོར། །ཞེས་དང་། ལུས་སྦྱོང་སུམ་ཅུ་སོ་བདུན་མ་བྱ་ཞིང་སྒོམ། ཞེས་པའི་དོན་ནོ། །རྗེ་ཆོས་ཀྱི་དབང་ཕྱུག་གི་ལུས་སྦྱོང་སོ་བདུན་མ་ནི། རླུང་སྦྱོར་ཡན་ཆད་གོང་ལྟར་ཡིན་ལ། ལག་གཉིས་སྤུས་སྟེང་ས་ནོན་བྱ། །ཕོ་བ་གཡས་སུ་ལན་གསུམ་བསྐོར། །གཡོན་ལའང་དེ་བཞིན་བསྐོར་བས་དྲུག །དེ་ནས་རྡོར་བསྡམས་སྤུས་གཡས་འཁྱུད། །ཕོ་བ་སྔར་བཞིན་བསྐོར་བ་དྲུག །དེ་བཞིན་གཡོན་ལའང་སྦྱོར་བ་དྲུག །མཐེ་བོས་སྲིན་རྩ་མནན་པ་ཡིས། །རྡོ་རྗེ་ཁུ་ཚུར་བཅང་བའམ། །སོར་མོ་སོ་སོར་ཤེད་ཀྱིས་བཀུག །ཆུ་སྲིན་སྡེར་མོ་ལྟར་བྱས་ལ། །ལག་པ་པུས་མོའི་སྟེང་ངོས་ནས་། །ཁྱེར་ཏེ་མགོ་ལ་གཡོན་བསྐོར་བྱ། །སྤྲུགས་ཏེ་བརྐྱངས་པ་ལན་གསུམ་བྱ། །གཡོན་པའང་དེ་བཞིན་བྱས་པས་དྲུག །ལག་གཉིས་རྡོ་རྗེ་ཁུ་ཚུར་བྱས། །མདུན་ནས་བརྩམས་ཏེ་གཡོན་ངོས་སུ། །རྩལ་པོ་ཆེ་ཡིས་མདའ་འགེངས་ལྟར། །བཀང་ནས་གྲུ་མོ་རྩིབ་ལོགས་བསྟན། །དེ་ལྟར་གཡས་གསུམ་གཡོན་གསུམ་དྲུག །ལག་གཉིས་ཁུ་ཚུར་གཡོན་བརྐྱང་བའི། །ངོས་ནས་གཡས་ཀྱིས་ལན་གསུམ་བཤད། །

[Full Size]

དེ་བཞིན་གཡོན་གྱིས་བཤད་པས་དྲུག །དེ་བཞིན་དྲུག་དྲུག་སོ་དྲུག་ནི། །སྟེང་དུ་རླུང་རོ་འབུད་པ་དང་། །ལྷན་ཅིག་ལུས་སྤྲུག་ཁོ་ན་ནི། །སྔར་བཤད་བཞིན་བྱས་སོ་བདུན་ནོ། །ཞེས་བཀའ་བསྩལ་ཏེ། རྗེ་རང་བྱུང་རྡོ་རྗེའི་ལུས་སྦྱོང་སོ་བདུན་མ་བྱ་ཞིང་བསྒོམ་མོ། །དེས་དྲོད་སྐྱེ་བར་འགྱུར། དྲོད་ཆེན་པོ་རབ་ཞག་གཅིག །འབྲིང་ཞག་གསུམ། ཐ་མ་བདུན་ནས་སྐྱེ་ཞིང་། ཇི་ལྟར་ཐ་མར་གྱུར་ཀྱང་ཞིག་ཉི་ཤུ་རྩ་གཅིག་གིས་དྲོད་སྐྱེ་བ་ཡིན་ནོ། །ཞེས་གསུངས། འདི་སྐབས་དམིགས་པ་རླུང་དང་འཁྲུལ་འཁོར་མི་ལྡོག་པ་དང་། ལུས་ཆད་ཅིང་དུབ་པས་སྒྱུར་འདོད་པ་འོང་བ་སྟེ། གཏུམ་མོ་སྡུག་བསྔལ་གྱི་དུས་བྱ་བ་ཡིན་གསུངས། འདི་དུས་སྙིང་རུས་བསྐྱེད་དེ་རང་བྱུང་བའི་འཁྲུལ་འཁོར་བརྒྱ་སྟོང་ལ་སོགས་བྱས་ནས་ཐང་ཆད་པའི་དུས་སུ། རིག་པ་གང་དུའང་མི་འཕྲོ་བར་སལ་ལེ་སེང་ངེ་བའི་ངང་ལ་མཉམ་པར་བཞག་ཅིང་། དེ་ལྟར་དབང་པོ་རབ་ལུས་སྦྱོང་ཚར་གཅིག་གིས་ནང་དུ་འཛིན་པའི་སེམས་སྤངས་ཤིང་ཐམས་ཅད་ཆོས་སྐུར་ཤེས་པ་དང་། དབང་པོ་འབྲིང་ལ་ཟླ་བ་དྲུག་གམ་ལོ་དྲུག་ལ་སོགས་ཆོས་སྐུར་རྟོགས་པ། དབང་པོ་ཐ་མ་ཡང་ཚེ་གཅིག་གིས་སངས་

[Full Size]

རྒྱས་པར་གསུངས་ཏེ། དེ་ཡང་ནཱ་རོ་པའི་ཞལ་ནས་ཟླ་དྲུག་བསྒོམས་པས་རླུང་དྲུག་ཟིན། །གྲངས་མེད་གསུམ་གྱི་ས་ལམ་དེ། །སྐད་ཅིག་སུམ་ཅུ་སོ་བདུན་ལ། །དེ་ཉིད་རྟོགས་པའི་ཡེ་ཤེས་རྙེད། ཅེས་པས་མཚན་ཉིད་ལུགས་ཀྱི་བསྐལ་པ་གྲངས་མེད་གསུམ་དུ་ཚོགས་བསགས་ནས་སངས་རྒྱས་པར་འདོད་པའི་དུས། སྐད་ཅིག་སུམ་ཅུ་སོ་བདུན་ལ་སངས་རྒྱས་པར་འདོད་པ་ཡིན་པས། ལུས་སྦྱོང་བྱ་ཞིང་ཕྱག་རྒྱ་ཆེན་པོ་རྒྱུན་ཆད་མེད་པར་བསྒོམ་པར་བྱའོ། །དེ་ནི་རྩོལ་བ་ལུས་སྦྱོང་གི་གནད་དོ། །ཞེས་གསུངས། དེས་ན་གནས་སྐོར་དང་ཕྱག་དང་སྐོར་བ་ཅི་བྱས་པ་ལས་ཀྱང་འཁྲུལ་འཁོར་འདི་ལྷག་པར་ཤེས་པར་བྱས་ལ་སྙིང་རུས་བྱའོ། །དེ་ནས་ལུས་སྦྱོང་ལ་དྲོད་ཆེན་པོ་སྐྱེས་ནས་ཚ་ཧོབ་དང་། ཟས་ཀྱིས་འགྲངས་པ་དང་། །ཚད་པ་ནའམ་སྙམ་པ་དང་། སེམས་རྒྱུད་སྐམ་སྐམ་ཚིག་ཚིག་པ་བྱུང་ན། གཏུམ་མོ་དྲོད་ཀྱི་དུས་ཡིན། བདེ་བས་རྒྱས་བཏབ་པ་ནི། གཏུམ་མོའི་མེ་སྦར་བས་སྤྱི་བོའི་ཧཾ་ཡིག་ཞུ་སྟེ་བྱང་སེམས་བདུད་རྩི་དཀར་པོ་མར་བབས། སྤྱི་བོ་མགྲིན་པ་སྙིང་ག་ལྟེ་བ་གསང་གནས་གང་། གསང་བའི་རྡོ་རྗེའི་རྩེར་ཐིག་ལེ་ཉུངས་ཀར་ཙམ་ཕྱིར་མ་ཐོན་ཙམ་ལ་སེམས་གཏད།

[Full Size]

ལུས་སེམས་བདེ་བ་ཅུང་ཟད་སྐྱེས་ནས་ཐིག་ལེ་ཐམས་ཅད་ཆུའི་རླབས་གྱེན་དུ་ལོག་པ་ལྟར་སྐྱ་ཆི་ལི་ལི་གྱེན་དུ་ལྡོག་ནས་སྤྱི་བོའི་ཧཾ་ཡིག་ལ་བསྟིམ་མོ། །ཡང་མེ་འབར་བས་ཧཾ་ཡིག་ལས་བྱང་སེམས་ཡུངས་ཀར་ཙམ་པའི་རྒྱུན་བབས། ལྟེ་བའི་མེ་ལ་ཕོག་པས་མེ་ནང་དུ་མར་ཁུ་བླུགས་པ་ལྟར་ཚག་སྒྲ་བཅས་མེ་ཆེར་འབར་བས་མེ་དང་ཐིག་ལེ་འདྲེས་པ་བྱང་སེམས་དཀར་དམར་འདྲེས་པའི་བདུད་རྩིས་ལུས་ཐམས་ཅད་གང་བར་བསྒོམ་མོ། །ཆོས་ཐུན་གཅིག་གོ། ༈ དེ་ནས་ལུས་ལ་བདེ་བ་སྐྱེས་ཏེ་བདེ་བའི་ངོ་བོ་འདོད་ཆགས་ཀྱི་རྣམ་པར་འཆར་བས། འདོད་ཆགས་ཆེ་བུད་མེད་དྲན་པ་སོགས་འབྱུང་ངོ་། །དེ་ནི་གཏུམ་མོ་བདེ་བའི་དུས་ཡིན་པས་སྟོང་ཉིད་ཀྱི་རྒྱས་བཏབ་པ་ནི། འདོད་ཆགས་དང་བདེ་བའི་ངོ་བོ་དེ་ལ་བལྟས་ནས་ཉམས་ལེན་བསྐྱངས་པས། རྣམ་པ་ལུས་སེམས་བདེ་རེ་བ་ལ་ངོ་བོ་སྟོང་པར་རྟོགས་ནས། བདེ་སྟོང་ཕྱག་རྒྱ་ཆེན་པོ་རྡོ་རྗེ་འཆང་གི་དགོངས་པ་ཡང་དག་པའོ། །འདི་སྐབས་ཐིག་ལེ་འཆོར་ན། མིག་གྱེན་ལ་ལྡོག །ལྕེ་རྐན་ལ་སྦྱར། ལྟོ་བ་སྒལ་ཚིགས་ལ་སྦྱར། ཉ་བཞི་ཀློད། ཧིང་རིང་པོས་རླུང་གྱེན་དུ་དྲངས། གསང་གནས་ཀྱི་ཐིག་ལེ་སྐར་

[Full Size]

མདའ་ལྟར་ཁྲ་ཆི་ལེ་སྤྱི་བོའི་ཧཾ་ལ་ཐིམ་པར་བསྒོམ་ཞིང་། ལུས་ཙོག་པུ་ལ་ཐལ་མོ་སྤྱི་བོར་སྦྱར་ལ་ཕྱག་འཚལ་བ་ལྟར་མགོ་བོ་སར་གཏུགས་པ་གསུམ་མམ་བདུན་ཙམ་བྱ། དེ་ནས་བཀྲམ་པ་ནི། ལུས་ཐམས་ཅད་ཐིག་ལེ་དཀར་དམར་གྱིས་གང་བར་བསྒོམས་ལ་མིག་རྣ་བ་ཁ་སྣ་སོར་བཅུས་བཀབ་ལ། ཧ་དྲག་པོ་དང་བཅས་པས་ལུས་སྤྲུག་བྱའོ། །དེ་རྗེས་དམིགས་མེད་ཕྱག་རྒྱ་ཆེན་པོ་ལ་དལ་གཅིག་བཞག་པས་དེས་སེལ་ལོ། །ཆོན་ཐུན་གཅིག་གོ། ༈ དེ་ལྟར་རྒྱུན་གྱི་ཉམས་ལེན་གྲུབ་ཆེན་ཀརྨ་པའི་བསྲེ་བ་སྐོར་གསུམ་བྱ་སྟེ། རྩ་བ་སྟེ། བྱང་ཆུབ་སེམས་དཔའ་རྡོ་རྗེ་སྙིང་པོའི་རྒྱ་གཞུང་ལས། ཕུང་པོའི་སངས་རྒྱས་སྤྱན་དྲངས་རླུང་དང་བསྲེ། །མེ་ལ་བསྟིམས་པས་དབང་བསྐུར་བདེ་ཆེན་བསྐྱེད། །ཅེས་གསུངས་པའི་དོན་ཏེ། རླུང་ཕྱིར་བུས་པས་འོད་ཟེར་ཁ་དོག་སྣ་ལྔར་གྱུར་ཏེ། སངས་རྒྱས་བྱང་སེམས་ཡི་དམ་ཆོས་སྐྱོང་ཐམས་ཅད་ལ་ཕོག །སྐུ་གསུང་ཐུགས་མཉེས་པའི་མཆོད་པར་གྱུར། ཚུར་བརྔུབས་པས་ཐམས་ཅད་ཐུགས་རྗེ་ཆེན་པོའི་རྣམ་པར་བྱོན་ཏེ་དེ་ཐམས་ཅད་འོད་ཁ་དོག་སྣ་ལྔ་བདུད་རྩི་བྱང་སེམས་ཀྱི་ངོ་བོར་ཞུགས་ནས། སྣ་བུག་གཡོན་ནས་ཞུགས་ཏེ་ལྟེ་བའི་མེ་ལ་ཐིམ་

[Full Size]

པར་བསྒོམས་ལ་རླུང་བཟུང་ཞིང་ངོ་བོ་སྐྱོང་། དེ་ནས་གྲུབ་ཆེན་བརྒྱད་ཅུ་སོགས་བླ་མ་རྣམས་དང་བསྲེ་ཞིང་བསྒོམས་པས་རྟོགས་པ་སྐྱེ་སླ་སྟེ། བླ་སྒྲུབ་གང་བས་ཀྱང་ཟབ། རྒྱུད་སྡེ་བཞིའི་ཡི་དམ་གང་འདོད་ལ་བསྲེ་ཞིང་བསྒོམ་པ་དང་། ཕག་ཁྲོས་སེང་གསུམ་མཁའ་འགྲོ་ཐམས་ཅད་དང་། མགོན་ཆེན་བཞི་ལྷ་མོ་དཔོན་གཡོག་སོགས་ལ་བསྲེ་ཞིང་བསྒོམས་པས། གཞན་སྤྲོས་བཅས་ཀྱི་སྒྲུབ་ཐབས་གང་བས་ཀྱང་ཟབ་སྟེ། བསྲེ་བ་སྐོར་གསུམ་ཞེས་ཟབ་ཁྱད་བླ་ན་མེད་པའོ། །རྒྱ་གཞུང་ལས། དམིགས་མེད་ངང་ནས་རླུང་བཟུང་བཙིར་མི་དགོས། །མཁའ་ལྟར་དག་པའི་ཆོས་སྐུ་མངོན་དུ་འགྱུར། །གསུངས་པའི་དོན་རླུང་བཟུང་ཞིང་སེམས་གང་ཤར་གྱི་ངོ་བོ་ལ་བཅོས་སླད་མེད་པར་བཞག་ཅིང་དམིགས་པ་ཅི་ཡང་མི་སྒོམ་པ་ནི། ཕྱག་རྒྱ་ཆེན་པོའི་བོགས་འདོན་རྟོགས་པ་སྐྱེ་ཐབས་བླ་ན་མེད་པའོ། །དེ་ལྟར་ཐིག་ལེ་བསྒོམས་པས་ཟས་ནོར་ཐམས་ཅད་འདུ་བཀྲག་མདངས་རྒྱས་ཤིང་སངས་རྒྱས་ཐམས་ཅད་ཀྱི་ཐུགས་འགྲུབ་པར་འགྱུར་གསུངས་སོ། །ཆོས་ཐུན་གཅིག་གོ། ༈ ད་ནི་རྒྱབ་ཆོས་ཞལ་གདམས་གེགས་སེལ་བོགས་འདོན་ནི། ཐལ་ཚུབ་དང་ཤིང་སོགས་ཀྱི་

[Full Size]

དུད་པ་ཡོད་སར་རླུང་བཟུང་ན། རྩ་ནང་དུ་སོང་ནས་ནད་དུ་འགྱུར་ཞེས་བདག་གི་སློབ་དཔོན་གྱིས་གསུངས། སྣ་བུག་གཡས་ནས་རླུང་རྔུབ་དུས་ཉི་མ་དུག་གི་རླུང་ཡིན་བཟུང་ན་དུག་ལྔ་སྐྱེ། ལུས་ལྟོགས་དྲེག་དུས་བཟུང་ན་རླུང་ནད་སྐྱེ། འགྲངས་བརྒྱག་དུས་བཟུང་ན་རྩ་ལོག་རླུང་ལོག་གེགས་འོང་།། སེམས་ལ་དུག་ལྔ་དང་རྣམ་རྟོག་ངན་པ་རྒྱུ་དུས་བཟུང་ན་གེགས་སུ་འགྲོ། དེ་དུས་རླུང་རོ་བུས་པས་སྐྱོན་སེལ། རླུང་སྣ་བུག་གཡོན་ནས་རྒྱུ་དུས་བཟུང་ན། ཟླ་བ་བདུད་རྩིའི་རླུང་གིས་བདེ་སྐྱིད་འཕེལ། མཉམ་དུ་རྒྱུ་བ་ཡེ་ཤེས་ཀྱི་རླུང་ཡིན་པས་བཟུང་ན་རྟོགས་པ་སྐྱེ། དད་པ་དག་སྣང་སོགས་ཉམས་རྟོགས་བཟང་པོ་སྐྱེ་དུས་བཟུང་ན་ཕན་ཡོན་སོ་སོར་འབྱུང་ངོ་། །རླུང་བཟུང་ནས་ནག་ཐོམ་ཐོམ་འགྲོ་ན་རླུང་དྲག་ཏུ་རྔུབ་པས་ལེན། དལ་བུས་འཇམ་ལ་རིང་བ་རྔུབ། སྟོད་འཚང་འདྲ་བ་སེམས་འཕྱོ་བ། འགྲོ་འདོད་པ་བྱུང་ན། རྐང་མཐིལ་གཉིས་སུ་གསེར་གྱི་མཆོད་རྟེན་ཤིན་ཏུ་བརྗིད་པ་ལ་དམིགས་པ་གཏད། འབེབས་ཆེ་ཆུང་གང་ཐུབ་བྱ། བློ་མི་བདེ་སྟོད་འཚང་ངུ་འདོད་ཚིག་པ་ཟ་ན། ནམ་མཁར་ཟླ་བའི་གདན་ལ་ཧ་ལྗང་གུ་ཞིག་བསྒོམ། རང་གི་ཁོག་ནས་ཧ་ལྗང་གུ་གཅིག་རྗེས་

[Full Size]

ལ་གཅིག་འཕྲོས། ནམ་མཁའའི་ཧ་ལ་ཐིམ་པར་བསྒོམ་ལ། དབུགས་ཐོག་གཅིག་ཏུ་ཧ་ཅི་ནུས་བརྗོད། ཐིག་ལེ་རྒྱས་དྲག་ནས་འཛག་ན་ཡར་འདྲེན་གྱི་དམིགས་པ་བྱ་གདོན་གྱིས་འཛག་ན་གསང་རྡོར་ལྕགས་སྲེག་གི་ཕུར་པར་བསྒོམ། ནད་ཀྱིས་འཆོར་ན་སྡུམ་བུ་བ་ཁ་གཡུ་ལོ་རྩ་ལོ་བརྡུང་བ་འོ་མར་བཏབ་ལ་འཐུང་། རྣ་བ་ཀུ་ཟིང་ལུས་འདར་སྔངས་ལ་སྣུམ་བྱུགས་བྱས་ཤིང་རྩམ་པ་བཏབ་ལ་ཕྱིའི་ལུས་ཐམས་ཅད་ཆུ་འཇམ་གྱིས་བཀྲུ། དེས་རྗེས་རང་གི་དྲི་ཆུས་དག་པར་བཀྲུ། སྨན་ཤུ་དག་ནག་པོ་ཞིབ་པར་བཏགས་ལ་མར་རྙིང་དང་སྦྱར་ནས་ལུས་ཁྱབ་པར་བྱུགས་པས་དྲོད་མྱུར་དུ་སྐྱེ། གོས་ཀྱང་རིམ་པར་སྲབ་བཅུག་ནས་འདྲིས་པ་གལ་ཆེ། སོ་བདུན་མའི་མཇུག་ལ་འབེབས་མང་དུ་བྱས་པས་དྲོད་སྐྱེ་མྱུར་བ་ཡིན་གསུངས་སོ། །བཤད་གྲྭ་རྣམས་རབ་འབྱམས་གྲྭ་སྐོར་བཏང་ཟེར་བའི་ཚབ། སྒོམ་ཆེན་པས་བརྟས་ཀྱང་ལོ་གསུམ་བྱས་ན་རྟོགས་ལྡན་གྱི་དྭངས་རྩེ་ཡིན་པར་བརྩི་སྲོལ་འདུག་གོ །དོན་།དམ་པ་ལ་ཡང་གསང་སྔགས་གསར་རྙིང་བླ་མེད་ཀྱི་རྒྱུ་སྡེ་ཐམས་ཅད་ཀྱི་གཞུང་ཤིང་གཏུམ་མོ་འདི་ཡིན་པར་གདའ། འདི་ལ་རྟགས་ཐོན་ན་ཕྱག་རྒྱ་ཆེན་པོ་ཆེད་དུ་མ་བསྒོམས་ཀྱང་རང་

[Full Size]

བཞིན་ཤུགས་ལ་འཆར་བར་གསུངས་གདའ། འདི་མ་བསྒོམས་པར་སྟོང་ཉིད་ཉམས་ལེན་ཅི་བཟང་ན་ཡང་། མདོ་ཡི་ལུགས་ཀྱི་དབུ་མ་དང་ཕར་ཕྱིན་གྱི་སྟ་གོན་ཡིན་གྱི། གསང་སྔགས་ནས་བཤད་པའི་ཕྱག་རྒྱ་ཆེན་པོ་དེ་མིན་པ་མཁས་གྲུབ་མང་པོས་བཤད་གདལ། ཕྱག་རྒྱ་ཆེན་པོ་མཆོག་གི་དངོས་གྲུབ་དེ་ཐོབ་པར་འདོད་ན་ཆོས་འདི་ལ་རྟགས་ཐོན་པ་མི་བྱེད་ཀ་མེད་དུ་འདུག་གོ །འདིའི་མཐའ་ཆོད་རྒྱས་བཤད་ནི། སྤྱིར་བླ་མེད་རྒྱུད་ཐམས་ཅད་ན་འཐོར་ནས་ཡོད་ཅིང་། ཁྱད་པར་ཀརྨ་པཀྵིའི་གདམས་ངག་རྒྱ་མཚོ་མཐའ་ཡས་བསྲེ་བ་སྐོར་གསུམ་ཆ་ལག་དང་བཅས་པ། རང་བྱུང་བའི་ཟབ་མོ་ནང་དོན་རྩ་འགྲེལ། དྲུང་ན་རིམ་སོ་སོས་མཛད་པའི་རླུང་སེམས་གཉིས་མེད་སྐུ་གསུམ་ངོ་སྤྱོད་རྒྱས་བསྡུས་ཐམས་ཅད་འཐོར་ནས་ཡོད་དོ། །ད་ལམ་གཡེང་བ་མང་བ་དང་། ལྷགས་པ་ཆེ་ན་ཡང་བུ་པདྨ་བཟོད་པ་དང་ཨོ་རྒྱན་གཉིས་ལ་འགྲོ་ཆོས་སུ་གདམས་པ་ཡིན་པས། དོན་འཐུས་གོ་སླ་བར་ཡོད་དེ་སྔོན་དུ་ཁྲིད་མང་པོ་དང་རྩ་ཚིག་གི་ལུང་སོང་བས། འདི་རང་གི་ཉམས་ལེན་དང་གཞན་ལ་སྟོན་ཆོག་ངེས། ཟབ་ཆོས་སྙིང་པོ་འདི་ལ་བཀླག་ལུང་ཁྲོམ་ཆོས་མི་བྱེད་པར་ཉམས་ཁྲིད་དུ་སྐྱོང་བ་གལ་ཆེ། འགྲོ་དོན་

[Full Size]

རྒྱ་ཆེན་པོ་འབྱུང་བར་གྱུར་ཅིག །དམ་ཅན་རྒྱ་མཚོས་ཀྱང་གེགས་མི་འབྱུང་བར་འགྲོ་དོན་གྱི་གྲོགས་མཛོད་ཅིག །ཅེས་ཐུགས་རྗེ་ཆེན་པོའི་རྣལ་འབྱོར་པ་རཱ་ག་ཨ་སྱས་སོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དམིགས་རིམ་རྩ་ཚིག་གནམ་ཆོས་དཀར་ལུགས་ཟུང་འཇུག་བརྒྱུད་པ།

[Full Size]

གནམ་ཆོས་ཀར་ལུགས་ཟུང་འཇུག་པ། །རྒྱལ་བ་རྒྱ་མཚོའི་ལྷ་ལྔ་ཡི། །དམིགས་རིམ་རྩ་ཚིག་བརྗེད་ཐོ་ནི། །ཉམས་ལེན་སྟོང་ཉིད་ལྟ་བའི་ངང་། །རྒྱལ་བ་རྒྱ་མཚོའི་ལྷ་ལྔ་པོ། །མཁའ་ལ་འཇའ་ཤར་བཞིན་དུ་བསྒོམ། །རྣམ་པ་གསལ་ལ་ངོ་བོ་སྟོང་། །བསྐྱེད་རྫོགས་ཟུང་འཇུག་ངང་ཉིད་དུ། །ཐུགས་ཀར་ཟླ་སྟེང་ཧྲཱིཿདམར་ལ། །།ཡིག་དྲུག་གཡས་སུ་འཁོར་བཞིན་ལས། །འོད་ཟེར་ཁ་དོག་སྣ་ཚོགས་འཕྲོས། །ཕྱོགས་བཅུའི་ཞིང་ཁམས་རབ་འབྱམས་ནས། །བཞུགས་པའི་སངས་རྒྱས་བྱང་ཆུབ་སེམས། །བླ་མ་ཡི་དམ་མཁའ་འགྲོའི་ཚོགས། །ཐམས་ཅད་འོད་དེས་མཆོད་པས་མཉེས། །ཐམས་ཅད་ཐུགས་རྗེ་ཆེན་པོ་རུ། །གྱུར་ནས་ཁ་བ་བུ་ཡུག་ལྟར། །བྱོན་ནས་རང་ལ་སིབ་སིབ་ཐིམ། །སླར་ཡང་འོད་ཟེར་འཕྲོས་པ་ཡིས། །སྣོད་ཀྱི་འཇིག་རྟེན་བདེ་བ་ཅན། །རིགས་དྲུག་སེམས་ཅན་ལྷ་ཡི་སྐུ། །ཕོ་རྣམས་ཐམས་ཅད་སྤྱན་རས་གཟིགས། །མོ་རྣམས་གསང་བ་ཡེ་ཤེས་མ། །བདུད་དང་ལོག་འདྲེན་རྟ་མགྲིན་སྐུ། །འཇའ་འོད་ཐིག་ལེ་འཁྲུགས་པའི་ཞིང་། །སྒྲ་སྐད་ཐམས་ཅད་ཡི་གེ་དྲུག །སེམས་ཀྱི་དྲན་རྟོག་ཕྱག་རྒྱ་ཆེ། །སྟོང་གསལ་ཆུ་ཟླ་ལྟ་བུར་

[Full Size]

བསྒོམ། །མ་དག་སྣང་བ་རང་སར་ཞི། །སེམས་ཉིད་ཡེ་ནས་ཆོས་ཀྱི་སྐུ། །མ་རྟོགས་མ་ཤེས་འཁོར་བར་འཁྱམས། །ཤེས་ཤིང་རྟོགས་ནས་གདེང་ཐོབ་ན། །ཡེངས་དང་མ་ཡེངས་ཅི་ཞིག་ཡོད། །ཡེངས་ཡང་ཆོས་སྐུ་འགྱུར་བ་མེད། །མ་ཡེངས་དེ་བས་བཟང་རྒྱུ་མེད། །དེ་ནི་ཕྱ་ལེ་ཡ་ལེ་མཐོང་། །སྒོམ་འདེབས་ཤེས་པ་ཐམས་ཅད་དེ། །བསྒོམ་བཤིག་ཤེས་པ་ངོ་མཚར་ཆེ། །དེ་སྔ་ཕན་ཆད་བསྒོམས་པས་ཕུང་། །ད་ནི་མ་བསྒོམ་འཛིན་པ་ཐོངས། །རང་སེམས་བཟོ་མེད་ལྷུག་པར་ཞོག །དེ་ལྟར་བཞག་པའི་དུས་ཚོད་ལ། །ནང་གི་སེམས་ཉིད་ནམ་མཁའ་ལྟར། །བསྒོམ་བྱ་སྒོམ་བྱེད་སྤུ་ཙམ་མེད། །ཕྱི་ཡི་སྣང་བ་སྣ་ཚོགས་འདི། །ཆུ་ནང་ཤར་བའི་ཟླ་གཟུགས་ལྟར། །རྣམ་པ་གསལ་ཡང་ངོ་བོ་སྟོང་། །འཇའ་ཚོན་མེ་རླུང་གཟུགས་བརྙན་ལྟར། །ཐམས་ཅད་རང་སེམས་ཀློང་དུ་ནི། །རོ་གཅིག་ཆུ་ལ་ཆུ་བཞག་འདྲ། །དེ་ལྟར་མ་རྟོགས་སེམས་ཅན་ལ། །།ཤུགས་འབྱུང་བྱམས་དང་སྙིང་རྗེ་བསྐྱེད། །དེ་ལྟར་རིམ་གཉིས་རྣལ་འབྱོར་ལ། །ཡུན་རིང་སྒོམ་པར་ནུས་སྲིད་ན། །ནམ་ཞིག་བྱིན་རླབས་ཕེབས་པའི་རྟགས། །རྒྱལ་བ་རྒྱ་མཚོའི་སྐུ་གསུང་ཐུགས། །རང་གི་ལུས་

[Full Size]

ངག་ཡིད་གསུམ་དང་། །དབྱེར་མེད་ཆུ་ལ་ཆུ་བཞག་ལྟར། །གོ་བའི་སྐྱ་རིས་མ་ཡིན་པར། །གདེང་ནས་རྟོགས་པའི་ཉམས་ཤིག་ཤར། །སངས་རྒྱས་ཀུན་གྱི་ཐུགས་རྒྱུད་དང་། །སེམས་ཅན་ཀུན་གྱི་སེམས་ཉིད་དང་། །རྣལ་འབྱོར་རང་སེམས་དབྱེར་མེད་འདྲེས། །ལྟ་བ་འཁོར་འདས་དབྱེར་མེད་ཡིན། །ནམ་མཁས་གར་ཁྱབ་སེམས་ཀྱིས་ཁྱབ། །སེམས་ཀྱིས་གར་ཁྱབ་ཆོས་སྐུས་ཁྱབ། །དེ་འདྲའི་ཉམས་རྟོགས་ཤར་བའི་དུས། །ནད་པའམ་ནི་ཚེ་འདས་ལ། །སེམས་ཉིད་བསྲེས་ལ་ཉམས་ལེན་སྐྱོངས། །ནད་གདོན་*་སྡིག་སྒྲིབ་དེ་ཡིས་སེལ། །བསྲེ་བའི་གདམས་པ་ངོ་མཚར་ཆེ། །ཉམས་ལེན་དེའི་ངང་བསྔོ་བ་བྱ། །འཁོར་གསུམ་ཡོངས་དག་བསྔོ་བ་མཆོག །དེ་ངང་མོས་གུས་གསོལ་འདེབས་བྱ། །བླ་མ་ཆོས་སྐུའི་སྒྲུབ་པ་ཡིན། །རང་དང་འབྲེལ་ཚད་འགྲོ་བ་རྣམས། །བདེ་ཆེན་ཞིང་དུ་སྐྱེ་བ་ཡི། །བསྔོ་བ་སྨོན་ལམ་རྒྱུན་དུ་ཐོབ། །དེ་རུ་འགྲོ་བའི་ངེས་ཤེས་བསྒོམ། །ནམ་ཞིག་འཆི་བའི་དུས་ཙམ་ན། །སྤྱི་བོར་འོད་དཔག་མེད་པ་བསྒོམ། །རང་ལུས་རྒྱལ་བ་རྒྱ་མཚོར་གསལ། །རང་སེམས་སྤྱི་བོའི་ཐིག་ལེ་རུ། །འཕོ་བའི་དམིགས་པ་ཉེར་གཅིག་

[Full Size]

ཙམ། །དེ་ནས་ཅི་ཡང་མི་བསྒོམ་པར། །ཉམས་ལེན་ངོ་བོའི་ངང་དུ་བཞག །ཐིམ་རིམ་འཁྲུལ་སྣང་ཅི་ཤར་ཡང་། །གང་ཤར་བཟོ་མེད་ལྷུག་པར་ཞོག །ཕྱི་དབུགས་ཆད་ནས་འོད་གསལ་ནི། །ཚུར་ལ་ཤར་དུས་ངོས་ཟིན་པར། །དེ་སྟེང་བཞག་པས་ཐུགས་དམ་ཟིན། །ལུས་སེམས་བྲལ་ནས་རང་ཉིད་ནི། །ཤི་བར་ཤེས་ཚེ་མ་ཆག་པར། །བདེ་བ་ཅན་དུ་ཏ་ལེར་བྱོན། །རྒྱལ་བ་རྒྱ་མཚོ་སྤྱན་རས་གཟིགས། །རྒྱ་མཚོ་ལྔ་ཡི་ལྷ་ཚོགས་ཀྱི། །ཐུགས་རྗེ་བྱིན་རླབས་བདེན་པའི་མཐུས། །ཀརྨ་ཤེས་རབ་རྒྱ་མཚོ་ཡི། །ནད་གདོན་སྒྲུབ་པའི་བར་ཆད་ཞི། །ཚེ་བསོད་ཉམས་དང་རྟོགས་པ་དང་། །ཚེ་དང་སྒྲུབ་པ་མཐར་ཕྱིན་ནས། །འབྲེལ་ཚད་དོན་དང་ལྡན་ནས་ཀྱང་། །བདེ་བ་ཅན་གྱི་ཞིང་ཁམས་སུ། །བརྫུས་སྐྱེས་སྤྲུལ་སྐུ་ཐོབ་པར་ཤོག །དེ་སྐད་རཱ་ག་ཨ་སྱས་ཡིས། །རྟོགས་ལྡན་དཀའ་བ་ཆེར་དཔྱད་ནས། །ཚ་བ་དགོངས་སུ་རྗེས་འབྲངས་ནས། །ཚག་གླའི་ཚུལ་དུ་བྲིས་པ་དགེ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

པདྨ་ཟབ་པའི་རྫོགས་རིམ་གྱི་སྔོན་འགྲོ་བཞི་སྦྱོར།

[Full Size]

པདྨ་ཟབ་པའི་རྫོགས་རིམ་གྱི་སྔོན་འགྲོ་བཞི་སྦྱོར་བཞུགས་སོ།།

[Full Size]

ན་མོ་ལོ་ཀེ་ཤྭ་ར་ཡེ། བཅོམ་ལྡན་ཐུགས་རྗེ་ཅན་ལ་ཕྱག་འཚལ་ནས། །པདྨ་ཟབ་པ་རྒྱུད་ཀྱི་མན་ངག་བྲི། །ཆོས་བདག་ཌཱཀིས་བཀའ་གནང་བྱིན་གྱིས་རློབས། །འདིར་པདྨ་ཟབ་པའི་རྫོགས་རིམ་གྱི་སྔོན་འགྲོ་བཞི་སྦྱོར་ནི། དང་པོ་སྐྱབས་འགྲོ་སེམས་བསྐྱེད་ནི། པདྨ་ཟབ་པའི་རྒྱུད་ཆེན་པོ་ལས། རྒྱལ་བ་ཤཱཀྱ་ཐུབ་པ་བྱོན་ནས། ཞེས་པ་སངས་རྒྱས་དང་། ང་ཡི་བསྟན་པ་དྲི་མེད་འདི། །ཞེས་པ་ཆོས་དང་། ལམ་ལྔ་ས་བཅུ་ཞེས་པ་ཐེག་ཆེན་དང་། བྱིན་གྱིས་བརླབས་པ་དང་སྡོམ་ལེན་དང་གསོ་སྦྱོང་དང་བཤགས་པ་དང་ཞེས་པ་ཐེག་པ་ཐུན་མོང་གི་དགེ་འདུན་དཀོན་

[Full Size]

མཆོག་བསྟན་ནས། དད་པ་གསུམ་དང་ལྡན་པ་དང་། ཞེས་པས། སངས་རྒྱས་དེ་ཐོབ་འདོད་པའི་མན་ངག་ཆོས་ལ་ཡིད་ཆེས་པ། དགེ་འདུན་ལ་དང་བའི་དད་པ་སྟེ། དེས་སྐྱབས་འགྲོ་ཤུགས་ལ་བསྟན་པ་ཡིན་ཏེ། དེ་ལ་ཡང་ཕྱི་ནང་གསང་གསུམ་ལས། དང་པོ་སངས་རྒྱས་ཀྱི་ཞིང་ཁམས་རྣམ་པར་དག་པ་བདེ་བ་ཅན་ལྟ་བུའི་དབུས། རིན་པོ་ཆེ་ཡི་གཞལ་ཡས་ཁང་ཆེན་པོ་སེང་གེས་བཏེག་པའི་ཁྲི་ལ་སྟོན་པ་ཤཱཀྱ་ཐུབ་པ་ས་གནོན་མཉམ་བཞག་ཅན། གཡས་སུ་པོ་ཏི་གླེགས་བམ། གཡོན་དུ་སྟོན་པ་མཆོག་བརྒྱད་གནས་བརྟན་བཅུ་དྲུག་སོགས་ལྷུང་བཟེད་འཁར་གསིལ་

[Full Size]

ཅན། དེའི་མདུན་དུ་སྐྱབས་འགྲོ་བྱ་སྟེ། སངས་རྒྱས་ལ་སྐྱབས་སུ་མཆིའོ་སོགས་བྱ་བ་ཕྱིའི་སྐྱབས་འགྲོ་དང་། སེམས་བསྐྱེད་ནི། རྒྱུད་ལས། སྙིང་རྗེ་ཆེན་པོས་སེམས་ཅན་བཟུང་། །ཞེས་གསུངས་པའི་དོན། སེམས་ཅན་ཐམས་ཅད་ཕ་མ་ཤ་སྟག་ཡིན་པས། དེ་ཐམས་ཅད་བདེ་བ་ལ་བཀོད། སྡུག་བསྔལ་དང་བྲལ་ནས་སངས་རྒྱས་ཀྱི་ས་ལ་བཀོད་པའི་ཕྱིར་དུ། བདག་གིས་རྫོགས་པའི་སངས་རྒྱས་བཅོམ་ལྡན་འདས་སྤྱན་རས་གཟིགས་ཀྱི་གོ་འཕང་བསྒྲུབ་པར་བྱ་སྙམ་དུ་སེམས་བསྐྱེད་ནས། ཕྱོགས་བཅུ་དུས་གསུམ་བཞུགས་པའི་ཞེས་སོགས་སེམས་བསྐྱེད་བྱའོ།། ༈ ནང་གི་སྐྱབས་འགྲོ་ནི། རྒྱུད་ལས། ཨེ་མ་ཧོ༔ སངས་རྒྱས་སྤྱན་རས་གཟིགས། ཞེས་པའི་ལོངས་སྐུ་རྣམ་དག་གངས་ཅན་མཚོ། ཨེ་མ་ཧོ༔ དམ་ཆོས་ཐུགས་རྗེ་འཆང་། །ཞེས་པ་ཐེག་པ་ཆེན་པོའི་ཆོས། ཨེ་མ་ཧོ༔ གསང་སྔགས་འདུས་རེ་ཆེ། །ཞེས་པ་བྱ་སྤྱོད་རྣལ་འབྱོར་རྒྱུད། ཨེ་མ་ཧོ༔ སྔགས་ཀྱི་དོན་ཆེན་ཡིན། །ཞེས་པ་བླ་མེད་རྒྱུད་སྡེ་ཆོས་དཀོན་མཆོག །ཨེ་མ་ཧོ༔ པདྨ་རིགས་རྣམས་ཀྱང་། ཞེས་པས་བྱང་སེམས་དང་སྔགས་ཀྱི་རྣལ་འབྱོར་བསྟན་ནས། དེ་ལ་སྐྱབས་སུ་འགྲོ་བ་

[Full Size]

ནི། དད་པ་གསུམ་དང་ལྡན་པ་ནི། ཞེས་པས་བསྟན་ཏེ། མདུན་གྱི་ནམ་མཁར་པད་ཉིའི་གདན་ལ་བླ་མ་རྡོ་རྗེ་འཆང་། དེའི་སྟེང་གི་ཆ་ལ་བཀའ་བརྒྱུད་བླ་མ། གཡས་སུ་ཐུབ་པ་གངས་ཅན་མཚོ་ལོངས་སྐུའི་ཆ་ལུགས་ཅན་ལ་སངས་རྒྱས་སྟོང་། རྒྱབ་ཏུ་ཡུམ་ཆེན་མོ་ལ་གླེགས་བམ། གཡོན་དུ་ཉེ་སྲས་བརྒྱད་ལ་དགེ་འདུན། མདུན་དུ་རྒྱལ་བ་རྒྱ་མཚོ་ལ་རྒྱུད་སྡེ་བཞི་ཡི་ལྷ་ཚོགས། འོག་ཏུ་བེར་ནག་ཅན་ལ་ཆོས་སྐྱོང་སྲུང་མས་བསྐོར་བོར་བསྒོམས་ལ། བདག་གཞན་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་སོགས་སྐྱབས་འགྲོ་དང་། ཕྱོགས་བཅུ་དུས་གསུམ་སོགས་སེམས་བསྐྱེད་གཞུང་ལྟར་བྱའོ། །སེམས་བསྐྱེད་ལུང་གི་རྒྱུད་ལས། སྙིང་རྗེ་ཆེན་པོས་སེམས་ཅན་བཟུང་། །ཞེས་གསུངས་པའོ། ༈ །དེ་ནས་གསང་བའི་སྐྱབས་སེམས་ནི། རྒྱུད་ལས། དད་པ་དྲག་པོས་བླ་མ་བསྟེན། །ཞེས་གསུངས་ཏེ། མདུན་གྱི་ནམ་མཁར་རིན་པོ་ཆེའི་ཁྲི་པད་ཉི་ལྔ་ཚོམ་ལ། དབུས་སུ་བླ་མ་ལོངས་སྤྱོད་རྫོགས་སྐུ་བཅོམ་ལྡན་འདས་རྒྱལ་བ་རྒྱ་མཚོའི་ཆ་ལུགས་དང་། རྒྱབ་ཏུ་བླ་མ་ཆོས་སྐུ་སྣང་བ་མཐའ་ཡས། གཡོན་དུ་བླ་མ་སྤྲུལ་སྐུ་པདྨ་འབྱུང་གནས། གཡས་

[Full Size]

སུ་བླ་མ་སངས་རྒྱས་རིན་པོ་ཆེ་ཀརྨ་པའི་སྐུ་བསྒོམས་ལ། བདག་གཞན་ནམ་མཁའི་མཐའ་སོགས་སྐྱབས་སེམས་བྱ་ཞིང་། རྒྱས་པར་ན་སྡོམ་བཟུང་ཡང་བྱ། རྒྱུད་སཾ་བྷ་ཏྲི་ལས། །སྐྱབས་སུ་འགྲོ་བའི་རིམ་པ་ནི། །ཤིན་ཏུ་ལེགས་པར་སྦྱངས་ནས་ནི། །སྔགས་དང་རྒྱུད་ཀྱི་རིམ་པ་ཡི། །གསང་བའི་དེ་ཁོ་ན་ཉིད་བསྒྲགས། །ཞེས་དང་། ཕག་མོའི་རྟོགས་བརྗོད་ལས་གང་ཞིག་སངས་རྒྱས་སྐྱབས་སོང་བར། །དེ་ནི་ངན་འགྲོར་འགྲོ་མི་འགྱུར། །ལྷ་ཡི་ལུས་ནི་སྤངས་ནས་ཀྱང་། །མི་ཡི་ལུས་སུ་སྐྱེ་བར་འགྱུར། །ཆོས་དང་དགེ་འདུན་ལ་ཡང་འགྲེས་སོ། །དཀོན་མཆོག་གསུམ་ལ་སྐྱབས་སུ་སོང་ན་འཇིགས་པ་མེད་པ་ཐོབ་པར་འགྱུར་ཞེས་གསུངས། སྤྱོད་འཇུག་ལས། བྱང་ཆུབ་སེམས་ཀྱི་ཕན་ཡོན་གང་། །གལ་ཏེ་དེ་ལ་གཟུགས་མཆིས་ན། །ནམ་མཁའི་ཁམས་ནི་ཀུན་གང་ནས། །དེ་ནི་དེ་བས་ལྷག་པར་འགྱུར། །ཞེས་གསུངས་སོ། །མཐར་སྐྱབས་ཡུལ་རང་ལ་བསྡུས་ཏེ་མི་དམིགས་པ་དོན་གྱི་སྐྱབས་འགྲོའོ། ༈ །གཉིས་པ་རྡོར་སེམས་སྒོམ་བཟླས་ནི། རྒྱུད་ལས། འདི་ཡི་སྡིག་པ་བཤགས་པའི་མཆོག །ཅེས་དང་། རྒྱུད་སྡེ་རྩེ་མོ་ལས། རིག་པའི་རྒྱལ་པོ་འདི་

[Full Size]

བཟླས་ན། །ལྟུང་དང་དྲི་མ་ཐམས་ཅད་ཀྱང་། །ལན་གཅིག་ཙམ་གྱིས་དག་པར་བྱེད། །ཅེས་དང་། རྟ་མཆོག་རོལ་པའི་རྒྱུད་ལས། གསང་སྔགས་རྒྱལ་པོ་བླ་ན་མེད། །ལན་གཅིག་བརྗོད་པ་ཙམ་གྱིས་ནི། །སྡིག་པ་མ་ལུས་ཟད་བྱེད་ཅིང་། །ལས་རྣམས་མ་ལུས་འགྲུབ་པར་བྱེད། །ཅེས་གསུངས་པ་དང་། རྒྱུད་ལས། ལུས་ངག་དྲི་མ་འཁྲུ་བ་དང་། །གསུམ་ཀའི་དྲི་མ་འཁྲུ་བ་དང་། །ཞེས་གསུངས་པའི་དོན། དེ་བཞིན་གཤེགས་པ་དང་མཚུར་ཕུ་འཇམ་དབྱངས་སོགས་ཀྱིས་ཀྱང་། རྒྱལ་བ་རྒྱ་མཚོའི་བསྐྱེད་རྫོགས་ཀྱི་ཐོག་མར། རྡོར་སེམས་སྒོམ་བཟླས་རྒྱས་པར་གསུངས་པས། རང་གི་སྤྱི་བོར་པད་ཟླ་ལ་ཧཱུྃ་ཡིག་བརྒྱས་བསྐོར་བ་ལས་འོད་འཕྲོས་དོན་གཉིས་བྱས། ཚུར་འདུས་སྔགས་ཕྲེང་གཡས་སུ་འཁོར་བ་ལས་བདུད་རྩིའི་རྒྱུན་བབས་པས་ལུས་གང་སྒྲིབ་པ་དག་པར་བསྒོམས་ལ་ཡིག་བརྒྱ་བཟླས་པ་དང་། སྤྱི་བོར་པད་ཟླ་ལ་རྡོ་རྗེ་དཀར་པོ་རྩེ་ལྔ་པའི་འོད་འཕྲོས་དོན་སོགས་གོང་ལྟར་དང་། སྤྱི་བོར་པད་ཟླར་ཧཱུྃ་ལས་རྡོ་རྗེ་སེམས་དཔའ་ཡབ་རྐྱང་བསྒོམ་པ་དང་། ཡུམ་རྡོ་རྗེ་སྙེམས་མས་འཁྱུད་པ་ཅན་དང་། སྤྱི་བོར་པད་ཟླ་ལྔ་ཚོམ་ལ་བུདྡྷ་སེམས་དཔའ་དཀར་པོ་

[Full Size]

འཁོར་ལོ་དྲིལ་བུ་ཅན་གྱི་ཐུགས་ཀར་ཨོཾ་ལས་བུའི་ཡིག་བརྒྱ། ཤར་རྡོ་རྗེ། ལྷོ་རིན་ཆེན། ནུབ་པདྨ། བྱང་ཀརྨ་སོགས་ལྔ་ཚོམ་བསྒོམ་པའམ། སྤྱི་བོར་པདྨ་འདབ་བཞི་ལྔ་ཚོམ། དབུས་སུ་སངས་རྒྱས་སེམས་དཔའ་རིགས་ལྔ། ཤར་དུ་རྡོ་རྗེ་སེམས་དཔའ་རིགས་ལྔ་སོགས་ཉེར་ལྔ་བསྒོམ་པའམ། ལྔ་ཚོམ་རེ་རེ་བཞིན་སྒོམ་པ་དང་། སྤྱི་བོར་རྡོ་རྗེ་སེམས་དཔའ་དཀར་དམར་མདངས་ལྡན་ལ། རྡོ་རྗེ་རྣལ་འབྱོར་མས་འཁྱུད་པ་དང་། ཕྱོགས་བཞིར་རྡོར་སེམས་རིགས་བཞི་ལ། སྤྱན་མ་སོགས་ཡུམ་བཞི་འཁྱུད་པར་ལྔ་ཚོམ་བསྒོམ་པའམ། །རེ་རེ་ནས་བསྒོམ་པའམ། སྤྱི་བོར་རྡོར་སེམས་ཧེ་རུ་ཀ་སྔོན་པོའམ་དཀར་པོ་ལ་ཕག་མོ་དམར་མོས་འཁྱུད་པའི་ཐུགས་ཀར་ཧཱུྃ་ལ་ཧེ་རུ་ཀའི་ཡིག་བརྒྱས་བསྐོར་བར་བསྒོམས་ལ། དེ་དག་གི་འོད་ཀྱིས་དོན་གཉིས་བྱས། སྔགས་ཕྲེང་དང་སྐུ་ལས་བདུད་རྩི་བབས་པས་བདག་གི་ལུས་གང་སྡིག་སྒྲིབ་དག་པར་བསམས་ལ། སོ་སོའི་ཡིག་བརྒྱ་དང་། ཨོཾ་བཛྲ་སཏྭ་ཧཱུྃ་སོགས་སྙིང་པོ་བཟླས་མཐར་རང་ལ་བསྟིམ་མོ། །ཞར་བྱུང་ཕྱི་ཁྲུས་ནི། པདྨ་རྒྱལ་པོའི་རྒྱུད་ལས། ལུས་ནི་ཁྲུས་ཀྱིས་གཙང་བར་བྱ། །ཞེས་གསུངས་པས། བུམ་པར་ཆུ་གཙང་དྲི་བཟང་

[Full Size]

སྦྱར་བ་བླུགས་ཏེ་རྡོར་སེམས་ཡབ་རྐྱང་ངམ། རིགས་ལྔའི་བསྐྱེད་བསྟིམ་བཟླས་པ་མཆོད་བསྟོད་བྱས་ལ། ཡེ་ཤེས་པ་གཤེགས། དམ་ཚིག་པ་ཞུ་བའི་ཆུས་རང་གཞན་བཀྲུ་བ་ཕྱིའི་ཁྲུས་དང་། བུམ་པ་རྫས་ལྡན་དུ་རྡོར་སེམས་ཡབ་ཡུམ་མམ། སེམས་དཔའ་རིགས་ལྔ་ཡབ་ཡུམ་བསྐྱེད་བསྟིམ་མཆོད་བསྟོད་བྱས། བྱང་སེམས་བབས་པས་བུམ་པ་གང་བར་བསམ། དམ་ཚིག་པ་ཞུ་བས་ཁྲུས་བྱས་ནང་གི་ཁྲུས་དང་། རང་ལུས་གསེར་གྱི་བུམ་པར་སྒོམ་པའི་དབུས་སུ་རང་སེམས་ཧེ་རུ་ཀ་རྡོར་སེམས་ཡབ་ཡུམ་དུ་བསྐྱེད་ནས་སྐུ་ལས་བདུད་རྩི་བབས་པར་བསམས་ལ། ཧེ་རུ་ཀའི་ཡིག་བརྒྱ་བཟླས་ནས་དྲི་ཆུ་བར་པ་ཀ་པཱ་ལར་བླུགས་ནས་ཁྲུས་བྱ་གསང་བ་དང་། ཆོས་ཐམས་ཅད་མི་དམིགས་པའི་ངང་ལ་ཡིག་བརྒྱ་བཟླས་ཏེ། སྡིག་སྒྲིབ་ཉམས་གྲིབ་སོགས་རང་བཞིན་མེད་པར་མཐོང་བ་དེ་ཁོ་ན་ཉིད་ཀྱི་ཁྲུས་སོ། །པདྨ་རྒྱལ་པོའི་རྒྱུད་ལས། ངག་གི་དྲི་མ་བཤགས་ནས་ཀྱང་། །ཞེས་གསུངས་པས། བུམ་པར་རྡོར་སེམས་བསྐྱེད་པའི་བུམ་ཆུས་ནངས་སྔ་བར་བསངས་བར་བྱ་བ་དང་། བཟའ་བཏུང་གི་ཟས་གྲིབ་དང་། ཟས་ནོར་གྱི་གྲིབ་ཆེན་སྲུང་བ་དང་། གཞན་ཉམས་

[Full Size]

གྲིབ་ཅན་ལ་དབང་བྱིན་རླབས་སོགས་བྱ་དགོས་བྱུང་ན་བུམ་ཆུས་རང་ལུས་དངོས་སུ་བཀྲུ་བ་དང་། མ་གྲུབ་ན་ནང་ཁྲུས་བཏུང་བ་དང་། ཁ་བཤལ་བ་དང་། རང་ལུས་མེ་ལོང་ལ་འཆར་བཅུག་ལ་བཟླས་པ་ལ་སོགས་བྱས་པས་ཉམས་གྲིབ་སེལ་ཞིང་། སྒོམ་བཟླས་བྱས་ན་སྡིག་སྒྲིབ་དག་པའི་རྟགས། ལུས་ཡངས། གཉིད་ཆུང་། ཁམས་དྭངས། སྙིང་བདེ་དགའ་བ་སོགས་འབྱུང་། རྨི་ལམ་དུ་ཁྲུས་བྱས། གཅེར་བུར་འབུད་པ། ལུས་ལས་རྣག་ཁྲག་འཛག་པ། འཁྲུ་བ། སྐྱུག་པ་སོགས་དང་། གོས་དཀར་གྱོན་པ་སོགས་འབྱུང་ངོ་། ༈ གསུམ་པ་མཎྜལ་རྒྱུད་ལས། མཎྜལ་མཆོད་དང་འབུལ་བ་དང་། །མཎྜལ་རྒྱུ་མདོག་མི་འདྲ་བ། །བྱེ་བ་འབུམ་ཚོ་ཞེ་དྲུག་ནི། །སངས་རྒྱས་པདྨ་རབ་རྒྱས་དང་། །འཕགས་པ་སྤྱན་རས་གཟིགས་ལ་འབུལ། །ཞེས་གསུངས་པ་དང་། གཤིན་རྗེ་གདོང་དྲུག་རྒྱུད་ལས། འཛམ་བུ་གླིང་དང་གླིང་གཞན་རྣམས། །ནོར་བུ་རིན་ཆེན་གྱིས་བཀང་སྟེ། །སྟོང་གསུམ་ལ་སོགས་མ་ལུས་རྣམས། །ཞུམ་པ་མེད་པར་བྱས་ཏེ་འབུལ། །ཞེས་དང་། མཁན་པོ་དགྲ་ལས་རྒྱལ་བས། ཐུབ་པར་མཎྜལ་ཕུལ་བ་ཡིས། །ཕ་རོལ་ཕྱིན་པ་དྲུག་ཐོབ་ཅིང་།

[Full Size]

གསེར་གྱི་མདོག་ལྟར་འགྱུར་བ་སྟེ། །ནད་རྣམས་ཀུན་དང་བྲལ་བར་འགྱུར། །ཟླ་བ་ལྟར་མཛེས་གསལ་བ་ཡི། །ལྷ་དང་མི་ཡི་རྒྱལ་པོར་སྐྱེ། །ནོར་དང་གསེར་ནི་འབྱོར་བར་འགྱུར། །བདེ་བར་གཤེགས་པ་དམ་པ་ཐོབ། །ཅེས་དང་། འདུལ་བ་ལུང་རྣམ་འབྱེད་ལས། རྩྭ་སྐམ་ཕུང་པོ་རི་བོར་སྤུངས་པ་ཡང་། །མེ་སྟག་ཉུང་འབྲུ་ཙམ་གྱིས་སྲེག་པ་ལྟར། །དཀོན་མཆོག་གསུམ་པོ་མཆོད་པའི་བྱིན་བརླབས་ཀྱིས། །སྡིག་པའི་ཕུང་པོ་མ་ལུས་སྲེག་པར་བྱེད། །ཅེས་གསུངས། ༈ དེ་ནས་མདུན་དུ་སྒྲུབ་པའི་མཎྜལ་ནི། སྐུ་གསུང་ཐུགས་རྟེན་མཆོད་པ་ཅི་འབྱོར་བཤམས་ལ། མདུན་དུ་སེང་ཁྲི་པད་ཟླ་ལྔ་ཚོམ་གྱི་དབུས་སུ། ཤཱཀྱ་ཐུབ་པ་གསེར་མདོག་ཕྱོགས་བཞི་ཐུབ་པ་སྔོན་པོ་དཀར་པོ་དམར་པོ་ལྗང་གུ་རྣམས་རིགས་སོ་སོའི་ཕྱག་རྒྱ་ཅན་ལ། བསྐལ་བཟང་སངས་རྒྱས་སྟོང་དང་། འཕགས་པ་ཉན་ཐོས་རང་རྒྱལ་སོགས་སྤྲུལ་སྐུ་རྒྱ་མཚོས་བསྐོར་བ་ལ། མཆོད་པའི་མཎྜལ་རིན་པོ་ཆེའི་ཚོམ་བུ་བཀོད། མེད་ན་ཕྱག་རྒྱ་བྱས་ལ་ཡིད་ཀྱིས་བཀོད་སྤྲུལ་ཏེ། གླིང་བཞི་རི་རབ་བྱེ་བ་ཕྲག །བཀྲ་ཤིས་རྫས་རྟགས་བརྒྱད། སྐྱེད་ཚལ་ཀུན་དགའ་ར་བ་གཞལ་ཡས་ཁང་།

[Full Size]

གདུགས་བླ་བྲེ་རྒྱལ་མཚན་འཕན། ཁྲི་གདན། འབྲས་ཆན་དང་ལྷའི་ཞལ་ཟས་སོགས་སྤྲུལ་སྐུ་ལ་འོས་པ་ཐམས་ཅད་འབུལ་ལོ། ༈ །མདུན་གྱི་ཁྲི་དབུས་མ་ལ་རྡོ་རྗེ་འཆང་ཆེན་པོ་དེའི་མདུན་དུ་རྒྱལ་བ་རྒྱ་མཚོ་ལ་བླ་མེད་རྒྱུད། གཡས་སུ་རྣམ་སྣང་ལ་རྣལ་འབྱོར་རྒྱུད། རྒྱབ་ཏུ་ཕྱག་རྡོར་འབྱུང་འདུལ་ལ་སྤྱོད་རྒྱུད། གཡོན་དུ་དོན་ཡོད་ཞགས་པ་ལ་བྱ་རྒྱུད་ཀྱི་ལྷ་ཚོགས་བསྒོམས་ལ། གླིང་བཞི་རི་རབ་རྒྱལ་སྲིད་འདོད་ཡོན་ལྔ་མཆོད་པའི་ལྷ་མོ་བཅུ་དྲུག་ལ་སོགས་ལོངས་སྐུ་ལ་འོས་པ་ཐམས་ཅད་འབུལ་ལོ། ༈ །མདུན་གྱི་ཁྲི་དབུས་མ་ལ་རྩ་བའི་བླ་མ་རྒྱན་དྲུག་གསོལ་བ་བཀའ་བརྒྱུད་རྒྱ་མཚོ་རྣམ་སྣང་དབྱེར་མེད་པ། མདུན་དུ་མི་བསྐྱོད་པ་ལ་རྒྱུད་སྡེ་བཞིའི་ལྷ་ཚོགས། གཡས་སུ་རིན་འབྱུང་ལ་དུས་གསུམ་སངས་རྒྱས། །རྒྱབ་ཏུ་སྣང་མཐའ་ལ་གླེགས་བམ། གཡོན་དུ་དོན་གྲུབ་ལ་འཕགས་ཚོགས་ཐམས་ཅད་ཀྱིས་བསྐོར་བ་ལ། རང་གི་ལུས་པགས་པ་ས་གཞི། ཡན་ལག་གླིང་བཞི། མགོ་བོ་རི་རབ། མིག་ཉི་ཟླ། ཤ་ཁྲག་ལྷ་མའི་ལོངས་སྤྱོད་ལ་དམིགས་ཏེ་འབུལ་ལོ། ༈ །གདན་དབུས་མར་ཡུམ་ཆེན་མོ་ལ་སྲས་ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱིས་

[Full Size]

བསྐོར་བར་དམིགས་ལ། དེ་དག་མཆོད་པའི་ཕྱིར་མི་དམིགས་པའི་ངང་ལ་བཞག་པ་དེ་ཁོ་ན་ཉིད་ཀྱི་མཎྜལ་ཏེ། བྱང་ཆུབ་སེམས་དཔའ་སེང་གེའི་མདོ་ལས། སངས་རྒྱས་མཆོད་པ་གང་ཞེ་ན། གང་ལ་སེམས་མེད་པ། སངས་རྒྱས་སུ་འདུ་ཤེས་མེད་པ། ཆོས་སུ་འདུ་ཤེས་མེད་པ་དེ་བཞིན་གཤེགས་པ་ལ་མཆོད་པའོ། །ཞེས་གསུངས། དེ་ཐམས་ཅད་ལ་མཐར་ཚོགས་ཞིང་རང་ལ་བསྟིམས་ལ་མཉམ་པར་བཞག །ཚོགས་རྫོགས་རྟགས་ཁམས་བདེ། ཉམས་བཟང་པོ་སྐྱེ། ཟས་མ་ཟོས་ཀྱང་མི་ལྟོགས། ཤེས་རབ་ཆེན་པོ་སྐྱེ་བར་འགྱུར། ཉམས་དང་རྨི་ལམ་དུ་ཉི་མ་ཤར་བ། གྱེན་ལ་འགྲོ་བ། མེ་ཏོག་གི་ཐང་ལ་ཕྱིན་པ། བུད་མེད་བཟང་པོས་ཟས་སྐོམ་སྟེར་བ། ལྷ་ཁང་ལྟ་བ་སོགས་རྨིའོ། ༈ །དེ་ནས་བཞི་པ་བླ་མའི་རྣལ་འབྱོར་ནི། རྒྱུད་ལས། བླ་མ་ལ་དད་གུས་མཉམ་པར་བལྟ། །ཞེས་གསུངས་པ་ནི། བླ་མ་སངས་རྒྱས་ཀུན་དང་མཉམ་པར་བལྟ། །ཞེས་གསུངས་པའི་དོན་ཏེ། དད་པ་དྲག་པོས་བླ་མ་བསྟེན། །ཞེས་པ་བླ་མའི་རྣལ་འབྱོར་བསྟེན་པ་ཡིན་ཏེ། དེ་དང་མཚུངས་པར་བརྟག་གཉིས་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་

[Full Size]

དུ་ཡང་ནི་མི་སྐྱེ་སྟེ། །བླ་མའི་དུས་ཐབས་བསྟན་པ་དང་། །བདག་གི་བསོད་ནམས་ལས་ཤེས་བྱ། །ཞེས་དང་། གུར་ལས། གང་ཕྱིར་རྡོ་རྗེ་འཛིན་པ་ཞེས། །དེ་ནི་སློབ་དཔོན་གཟུགས་སུ་འཛིན། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་ཚུལ་དུ་གནས། །ཞེས་དང་། བ་ཚྭ་ཅན་གྱི་ཆུ་ཀླུང་གི་མདོ་ལས། ལྔ་བརྒྱ་ཐ་མར་གྱུར་པ་ན། །ཀློང་ཉིད་སློབ་དཔོན་གཟུགས་སུ་འོང་། །ང་ཡིན་བསམ་པའི་ཡིད་བྱོས་ལ། །དེ་ཚེ་དེ་ལ་གུས་པ་བསྐྱེད། །ཅེས་དང་། དམ་ཚིག་བཀོད་པ་ལས། མཚན་དང་དཔེ་བྱད་ལྡན་པའི་ལྷ། །བསྐལ་པ་འབུམ་དུ་བསྒོམས་པ་བས། །བླ་མ་དྲན་པ་འབུམ་ཆར་མིན། །བསྙེན་སྒྲུབ་བཟླས་པ་ས་ཡ་བས། །བླ་མའི་གསོལ་འདེབས་ལན་གཅིག་དགའ། །ཞེས་དང་། །ཨ་ཏི་བཀོད་པ་ལས། དྲིན་དང་ལྡན་པའི་བླ་མ་དེ། །སྙིང་གི་དཀྱིལ་དང་སྤྱི་བོའི་གཙུག །ཡན་ལག་མཐིལ་དུ་གང་བསྒོམས་པ། །སངས་རྒྱས་སྟོང་གི་ཡོན་ཏན་དེ། །གང་ཟག་དེ་ཡིས་འཛིན་པར་འགྱུར། །ཞེས་དང་། སྒྱུ་འཕྲུལ་དྲྭ་བ་ལས། སློབ་དཔོན་ཇི་ལྟར་བལྟ་ཞེ་ན། །བླ་མ་སངས་རྒྱས་ཀུན་དང་མཉམ། །།དེ་ཉིད་རྟག་ཏུ་རྡོ་རྗེ་འཆང་། །དེ་བཞིན་

[Full Size]

གཤེགས་པ་རིན་ཆེན་ཏོག །དེ་ནི་དེ་ཡིས་རྒྱ་མཚོ་ཆེ། །ཡིད་བཞིན་ནོར་བུ་རིན་ཆེན་བཞིན། །ཞེས་དང་། སྡོམ་འབྱུང་ལས། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་འཆང་། །ཀུན་གྱི་བྱེད་པོ་བླ་མ་ཡིན། །ཞེས་དང་། ཡེ་ཤེས་གྲུབ་པ་ལས། གང་ལ་བླ་མའི་དྲིན་ཡོད་དེ། །དེ་ཡིས་དེ་ཉིད་མཆོག་རྙེད་འགྱུར། །བླ་མ་སངས་རྒྱས་ཆོས་འགྱུར་ཞེས། །དགེ་འདུན་ཡང་ནི་དེ་ཉིད་དེ། །དེ་འདྲའི་དྲིན་དེ་ཤེས་གྱུར་པ། །དེ་བས་དཀོན་མཆོག་གསུམ་མཆོག་མིན། །ཞེས་དང་། རྡོ་རྗེ་ཕྲེང་བ་ལས། བླ་མ་དང་ནི་རྡོ་རྗེ་འཛིན། །ཐ་དད་པ་ནི་མི་བལྟའོ། །ཞེས་དང་། སྣང་བ་བསམ་གྱིས་མི་ཁྱབ་པར། །སེམས་ཅན་འདི་དག་མི་ཤེས་ཏེ། །དེ་དག་ཉིད་ལ་སྙིང་རྗེའི་ཕྱིར། །འདྲེན་པའི་ཆོས་སྟོན་མཛད་པ་འདི། །སངས་རྒྱས་རྣམས་ཀྱི་ཐུགས་རྗེ་ཡིན། །ཞེས་དང་། ཡེ་ཤེས་ཐིག་ལེའི་རྒྱུད་ལས། བླ་མ་སྟོན་པ་བླ་མ་མགོན། །བླ་མ་རྡོ་རྗེ་འཛིན་པ་ཉིད། །ཅེས་གསུངས། དེ་ལྟ་བུའི་རྒྱུད་ལུང་དེ་དག་གི་མན་ངག་ཉམས་སུ་ལེན་ཚུལ་ནི། རང་གི་སྤྱི་བོར་པད་ཟླ་ལ་བླ་མ་སྤྲུལ་སྐུ་པདྨ་འབྱུང་གནས་སམ། ཀརྨ་

[Full Size]

པ། དེའི་སྟེང་དུ་བཀའ་བརྒྱུད་བླ་མ། མདུན་དུ་ཡི་དམ་རྒྱལ་བ་རྒྱ་མཚོ། གཡས་སུ་སངས་རྒྱས་ཤཱཀྱ་ཐུབ་པ། རྒྱབ་ཏུ་གླེགས་བམ། གཡོན་དུ་དགེ་འདུན། འོག་ཏུ་ཆོས་སྐྱོང་རྣམས་བསྒོམས་ལ་གསོལ་འདེབས་བྱ་བ་དང་། བླ་མ་ལོངས་སྐུ་གངས་ཅན་མཚོ་དང་། བླ་མ་རྡོ་རྗེ་འཆང་ལ་སོགས་གོང་ལྟར་བསྒོམ་པ་དང་། བླ་མ་འཇམ་དབྱངས་དང་། བླ་མ་ཐུགས་རྗེ་ཆེན་པོ་སྤྱན་རས་གཟིགས་རྒྱལ་བ་རྒྱ་མཚོ། བླ་མ་ཕྱག་ན་རྡོ་རྗེ་བསྒོམ་པ་དང་། བླ་མ་སྒྲོལ་མ་ཡིད་བཞིན་འཁོར་ལོ་དང་། བླ་མ་རྡོ་རྗེ་འཇིགས་བྱེད་དང་རྟ་མགྲིན་སོགས་ཁྲོ་བོ་གང་འདོད་བསྒོམ་པ་དང་། བླ་མ་ཚེ་དཔག་མེད་དང་། འོད་དཔག་མེད་དང་། མི་འཁྲུགས་པ་དང་། སྨན་ལྷ་དང་། བླ་མ་རྡོ་རྗེ་འཆང་དཀར་པོ། དམར་པོ་དང་། །སྔོན་པོ། བླ་མ་རིགས་ལྔ་ལོངས་སྐུ་དང་། རང་གང་མོས་པའི་ཡི་དམ་དུ་བསྒོམ་ལ་གསོལ་བ་བཏབ། འོད་ཟེར་དང་ཆོས་རྒྱུན་གཅིག་མའི་དབང་བླང་རིང་ལ་བསྟིམ། བླ་མ་རྡོ་རྗེ་འཆང་ཡབ་ཡུམ་སངས་རྒྱས་ཀུན་འདུས་ཀྱི་གནས་ལྔར། ཨོཾ་ཧཱུྃ་ཧཱུྃ་ཧཱུྃཨཱལས་འོད་ཟེར་ཡིག་འབྲུ་སྤྲོས་ནས་རང་གི་གནས་ལྔར་ཐིམ་པས། བུམ་པ་ཅོད་པན་རྡོ་རྗེ་དྲིལ་བུའི་དབང་ཐོབ་པས་

[Full Size]

ཉོན་མོངས་པ་ལྔ་དག །རིག་པའི་དབང་ལྔ་ཐོབ། སྐུ་ལྔའི་ས་བོན་བཞག་པར་བསམ་པ་དང་། སྦྱོར་མཚམས་བྱང་སེམས་ཀྱི་རྒྱུན་གསང་དབང་དང་། རང་ཉིད་སྤྱན་རས་གཟིགས་རྒྱལ་བ་རྒྱ་མཚོའི་སྐུར་གྱུར་པ་ལས། བླ་མའི་ཡུམ་ལས་ཕག་མོ་གཅིག་འཕྲོས་ནས་རིག་མར་བསྟེན་པས་དགའ་བཞི་མྱོང་། མཐར་བླ་མ་རང་ལ་བསྟིམས་པས་ཕྱག་ཆེན་རྟོགས་པ་སྐྱེ་བར་བསམས་ལ་མཉམ་པར་བཞག །བླ་མ་བཀའ་བརྒྱུད་ཀུན་འདུས་སྨུག་ནག་རྒྱན་དྲུག་ཅན་ཕག་མོ་ལ་འཁྱུད་ཅིང་ཀླད་ཁྲག་དྲོན་མོ་མི་རྩིབ་ཀྱིས་གསོལ་བཞིན་པ་ལས་སྔར་ལྟར་དབང་བཞི་བླང་། ཟས་ཟ་དུས་བླ་མ་མགྲིན་པར་ཛ་ལྷའི་སྐུར་བསྒོམས་ནས་མཆོད་པར་བསམས་པས་ལོངས་སྤྱོད་འཕེལ་ཞིང་ཚོགས་རྫོགས་པ་དང་། འཇིགས་པའི་ཚེ་བླ་མ་ཐུགས་རྗེ་ཆེན་པོ་སྐྱབས་སྦྱིན་ཅན་རྒྱབ་ཏུ་བསྒོམ། འགྲོ་དུས་བླ་མ་སྒྲོལ་མ་སྐྱབས་སྦྱིན་ཅན་ནམ་མཁར་བསྒོམས་པས་སྐྱབས་འཛིན་ཅིང་འོག་ཏུ་འགྲོ་བས་འཇིགས་པ་སེལ་བ་དང་། འདུག་པའི་ཚེ་བླ་མ་སྟོན་པ་ས་གནོན་ཅན་རྣམ་སྣང་དུ་སྤྱི་བོར་བསྒོམས་ནས་རང་དང་གནས་གཉིས་ཀ་ལ་བསྟིམས་པས་འཕོ་འཕྱུགས་མི་འབྱུང་བ་དང་། ཉལ་དུས་བླ་མ་ཐུགས་རྗེ་ཆེན་པོ་འོད་ཀྱི་སྐུ་

[Full Size]

ཅན་མཐེ་བོང་ཙམ་སྙིང་གར་བསྒོམས་པས་འོད་གསལ་ཟིན་པ་དང་། ནད་ལ་ཡང་གང་ན་སར་བླ་མ་སྨན་ལྷའི་སྐུར་བསྒོམས་ཚ་བ་ལ་ལྷུང་བཟེད་ནས་བདུད་རྩི་གྲང་རེག་ཅན་ག་པུར་གྱི་རང་བཞིན་དང་། གྲང་བ་ལ་ཕྱག་གཡས་པ་ཨ་རུ་ར་ལས་འོད་ཟེར་མེ་ལྟ་བུ་འཕྲོས། འདུས་པ་ལ་འོད་ཟེར་བདུད་རྩིའི་ཆུ་རྒྱུན་ལྟ་བུ་བདེ་བའི་རང་བཞིན་ཅན་བབ་པར་བསྒོམ། བྱིང་རྨུག་དུས་བླ་མའི་སྨིན་མཚམས་སུ་འོད་ཀྱི་སྐུ་ཤེལ་གོང་ལྟ་བུ་དང་འཕྲོ་རྒོད་བླ་མའི་གསང་གནས་སུ་གསེར་ལྟར་ལྕི་བའི་རང་བཞིན་དུ་བསྒོམ་པར་བྱའོ། །དེ་དག་སྤྲོ་ན་གནས་གསུམ་བྱིན་རླབས་ཡེ་ཤེས་པ་སྤྱན་དྲངས་དབང་བསྐུར་རྒྱས་གདབ་འོད་ཟེར་སྤྲོ་བསྡུ། རྒྱལ་བ་རྒྱ་མཚོ་མ་ལུས་པ་བསྟིམ། ཡན་ལག་བདུན་པ། མཎྜལ། གསོལ་འདེབས། འདོད་གསོལ་རྒྱས་པར་བྱའོ། །བསྡུ་ན་སྐད་ཅིག་གཅིག་ལ་བསྐྱེད་ལ་སྐྱབས་ཡུལ་ཐམས་ཅད་བསྟིམས་ནས། གསོལ་འདེབས་མང་ཉུང་ཅི་རིགས་དང་། ཏིང་ངེ་འཛིན་གྱི་དབང་བླང་བ་ཁོ་ནས་ཆོག་གོ །ཤིན་ཏུ་བསྡུས་པ་སྤྲོས་མེད་ལ་དགའ་བས། དེ་ལྟར་སྔོན་འགྲོ་བཞི་པོ་ཐམས་ཅད་ལ་ཡིད་ཀྱིས་དམིགས་པ་རྣམས་གསལ་བོར་བསྒོམ་ཞིང་། ངག་ཡི་གེ་དྲུག་པ་ཁོ་ན་བཟླས་ཀྱང་

[Full Size]

ཆོག་སྟེ། སྤྲུལ་པའི་རྒྱལ་པོས། སྐྱབས་འགྲོ་སེམས་བསྐྱེད་དང་། སྒྲིབ་སྦྱང་ཚོགས་བསགས་དང་། གསོལ་གདབ་ཐམས་ཅད་ལ་ཡི་གེ་དྲུག་པ་ཁོ་ནས་མ་ཚང་བ་མེད་པ་རྒྱ་ཆེར་གསུངས་པའི་ཕྱིར་རོ། །དེ་ནས་པདྨ་ཟབ་པའི་རྒྱུད་ཆེན་གྱི། །རྫོགས་རིམ་སྔོན་འགྲོ་རྣམ་བཞིའི་མན་ངག་འདི། །རྒྱུད་རྒྱལ་ཉིད་ཀྱི་རྡོ་རྗེའི་ཚིག་རྐང་ལས། །མདོ་རྒྱུད་གཞན་གྱི་ལུང་རྒྱབ་འདྲེན་བྱེད་པའི། །རིག་འཛིན་བརྒྱུད་པའི་མན་ངག་གིས་བརྒྱན་ནས། །རང་དང་གཞན་ལ་ཕན་ཕྱིར་གསལ་བར་བྱ། །འདི་བྲིས་འགལ་འཁྲུལ་ཉེས་པའི་ཆ་མཆིས་པ་།རྒྱལ་བ་རྒྱ་མཚོའི་ལྷ་ཚོགས་དྲུང་དུ་བཤགས། །འདི་བྲིས་དགེ་བས་བདག་གཞན་ཚེ་འཕོས་ཚེ། །བདེ་ཆེན་དག་པའི་ཞིང་དུ་བརྫུས་སྐྱེས་ནས། །ས་བཅུ་ཐོབ་ནས་ནམ་མཁའི་མཐར་ཁྱབ་པའི། །སྤྱན་རས་གཟིགས་ཀྱི་ཕྲིན་ལས་སྒྲུབ་བྱེད་ཤོག །ཅེས་པ་ཐུགས་རྗེ་ཆེན་པོའི་རྣལ་འབྱོར་པ་རཱ་ག་ཨ་སྱའི་མིང་ཅན་དེས་ཆོ་འཕྲུལ་ཆེན་པོ་ནག་པའི་ཚེས་གཉིས་ཉིན་པར་རྫོགས་པར་སྦྱར། སརྦ་མངྒ་ལཾ།། །།

[Full Size]

ཤོག་སྟོང་།

ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་དཔལ་ལྡན་ལྷ་མོ་སྦྲགས་བསྒྲུབ་སྤྲོས་མེད་རྫོགས་རིམ་ཤིན་ཏུ་ཟབ་པ།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་དཔལ་ལྡན་ལྷ་མོ་སྦྲགས་བསྒྲུབ་སྤྲོས་མེད་རྫོགས་རིམ་ཤིན་ཏུ་ཟབ་པ་གཅིག་བཞུགས་སོ།།

[Full Size]

ན་མོ་ལོ་ཀི་ཤྭ་ར་དེ་ཝི་ཡེ། སྤྱན་རས་གཟིགས་དབང་ཚེམས་ཀྱི་མཆེ་བ་ལས། །སྤྲུལ་པའི་ལྷ་མོ་དབྱངས་ཅན་དྲག་མོའི་སྐུ། །དུད་པའི་སོལ་བ་མ་ལ་ཕྱག་འཚལ་ལོ། །རྒྱལ་བ་རྒྱ་མཚོ་ཡི་དམ་གཙོར་བྱེད་ཅིང་། །བདུད་རྩི་སྨན་གྱི་རྒྱལ་མོའི་ཞོར་སྒྲུབ་བྲི། །མ་གཅིག་ལྷ་མོའི་བཀའ་གནང་བྱིན་གྱིས་རློབས། །རང་ཉིད་རྒྱལ་བ་རྒྱ་མཚོ་གཞུང་ལྟར་ལས། །ཐུགས་དབུས་ཟླ་སྟེང་ཧྲཱིཿལ་ཡིག་དྲུག་བསྐོར། །དེ་འོག་ཆོས་འབྱུང་ཡངས་ཤིང་རྒྱ་ཆེ་བ། །རྩེ་མོ་ཐུར་བསྟན་ཁ་གཡེར་ཕྱི་ནག་པ། །ནང་དམར་དུར་ཁྲོད་མེ་རླུང་འཚུབ་མའི་དབུས། །སྣ་ཚོགས་པདྨ་ཉི་མའི་གདན་

[Full Size]

གཅིག་བསམ། །རང་གི་ཐུགས་ཀའི་འོད་ཟེར་འཕྲོས་པ་ཡིས། །དུད་སོལ་ལྷ་མོ་འཁོར་བཅས་སྤྱན་དྲངས་བསྒོམ། །རང་གི་མདུན་དུ་ཁྲོམ་ཚོགས་བཞིན་དུ་བཞུགས། །ལྷ་མོའི་སྤྱི་བོར་བུམ་པ་དཀར་པོའི་ནང་། །རྡོ་རྗེ་སེམས་དཔའི་སྐུ་གཅིག་གསལ་བར་བསྐྱེད། །ལྷ་མོའི་ཐུགས་ཀར་ཧཱུྃ་གི་ཟླ་ཚེས་དེ། །ཟླ་བའི་དཀྱིལ་འཁོར་གྱུར་ལས་འོད་ཟེར་འཕྲོས། །ཕྱོགས་བཅུའི་སངས་རྒྱས་དཔའ་བོ་དཔའ་མོ་ཡིས། །ཚེ་ཡི་དངོས་གྲུབ་བདུད་རྩིའི་བཅུད་ཀུན་བསྡུས། །འཇིག་རྟེན་ཀུན་གྱི་རྩི་སྨན་བཅུད་རྣམས་ནི། །ཐམས་ཅད་བསྡུས་ཏེ་བུམ་པ་ལྟེམ་གྱིས་གང་། །བུམ་པ་

[Full Size]

འཕྱུར་བ་ལྷ་མོའི་ཞལ་དུ་ཞུགས། །སྐུ་ལུས་གང་བས་ལྷ་མོ་དཀར་མོར་གྱུར། །ཞལ་ནས་བདུད་རྩི་མ་ཤོང་སྐྱུགས་པའི་ཚུལ། །བདུད་རྩི་ཆུ་བོའི་རྒྱུན་བཞིན་བབ་པ་ཡིས། །བདག་དང་བསྲུང་བྱ་ཀུན་གྱི་ཚངས་བུག་ཞུགས། །ལུས་གང་དམ་ཚིགས་ཆིག་ཉམས་ནད་རིམས་ཀུན། །རླངས་པ་སྔོ་དམར་ཚུལ་དུ་ཕྱིར་ཐོན་ནས། །ནམ་མཁའ་ལ་ནི་འཇའ་བཞིན་ཡལ་བར་གྱུར། །གཙོ་མོའི་བདུད་རྩི་འཁོར་རྣམས་ཞལ་དུ་སོང་། །འཁོར་རྣམས་ཐམས་ཅད་དཀར་མོ་ཞི་བར་གྱུར། །དེ་ལྟར་བསྒོམ་ཚེ་སྔགས་ནི་འདི་ཉིད་བཟླས། །ༀ་ཧཱུྃ་ཤི་ཡ་དེ་ཝི་ཀཱ་ལི་ཀ་ལི་མ་ཧཱ་ཀཱ་ལི་ཧཱུྃ་བྷྱོ༔ དེ་ནི་རྩ་སྔགས་ཡིན་ཞིང་དེ་ལ་ནི། །འབྲུ་བདུན་འདི་བཏགས་ཞག་བདུན་འགྲུབ་གསུངས་པ། །ཨོཾ་ཨ་ར་ལི་ཧྲིང་ཛ་ཛ༔ བདུན་ལས་མི་ཉུང་བརྒྱ་ལས་མི་མང་བཟླས། །དེ་ནས་རང་གི་ཐུགས་ཀའི་འོད་ཕོག་པས། །འཁོར་རྣམས་དབུས་ཀྱི་གཙོ་བོ་ཉིད་ལ་ཐིམ། །གཙོ་མོ་འོད་ཞུ་ཧཱུྃ་ཡིག་དཀར་པོར་གྱུར། །རང་གི་ཤངས་བུག་གཡོན་ཞུགས་དབུ་མ་བརྒྱུད། །ལྟེ་འོག་འབྲུ་གསུམ་ཉི་མའི་སྟེང་བཞུགས་པས། །ལྷ་མོ་གཙོ་འཁོར་སྔ་མ་བཞིན་དུ་གྱུར། །ལྷ་མོའི་དབུ་སྟེང་རྟ་མགྲིན་དམར་པོ་བཞུགས། །དེ་ལས་འོད་

[Full Size]

འཕྲོས་འོད་ཀྱིས་དཔོན་མོ་བསྐུལ། །དཔོན་མོར་འོད་འཕྲོས་གཡོག་མོ་ཐམས་ཅད་བསྐུལ། །གཡོག་མོ་རྣམས་ཀྱི་སོ་སོའི་ཆིབས་པར་བཅས། །གཡས་བསྐོར་ཀྱི་ལི་ལི་ལས་འོད་ཟེར་འཕྲོས། །སངས་རྒྱས་བྱང་སེམས་ཡེ་ཤེས་མ་མོའི་ཚོགས། །འཇིག་རྟེན་ལྷ་ཀླུ་གནོད་སྦྱིན་ཚེ་དབང་གིས། །དངོས་གྲུབ་བསྐུལ་ཏེ་ལྷ་མོའི་ཐུགས་ཀར་ཐིམ། །ལྷ་མོའི་སྐུ་ལུས་བདུད་རྩིས་ལྟེམ་ལྟེམ་གང་། །ཞལ་ནས་བདུད་རྩིས་རྒྱུན་བབ་བདག་ལུས་གང་། །ལྷ་མོའི་སྐུ་གསུང་ཐུགས་དང་རང་ཉིད་ཀྱི། །ལུས་ངག་ཡིད་གསུམ་དབྱེར་མེད་གཅིག་ཏུ་འདྲེས། །འཆི་མེད་ཚེ་དང་ནད་མེད་བདེ་བ་ཐོབ། །མཐར་ནི་འཁོར་རྣམས་འོད་ཞུ་གཙོ་མོར་ཐིམ། །གཙོ་མོ་འོད་ཞུ་རྟ་མགྲིན་ཉིད་ལ་ཐིམ། །རྟ་མགྲིན་འོད་ཞུ་བདག་དང་དབྱེར་མེད་པར། །དམིགས་མེད་ལྟ་བའི་ངང་ལ་ཐུན་གཅིག་བཞག །དམིགས་པ་རྒྱབ་མ་བསྒོམ་ཞིང་ཡིག་དྲུག་བཟླ། །ལྷ་མོ་ཉིད་ཀྱིས་བིརླ་པ་ལ་གནང་། དེ་ཡི་གསང་སྒྲུབ་རྒྱ་གཞུང་ནཱ་རོས་མཛད། །དེ་ཡི་འགྲེལ་བ་མར་པས་མཛད་པ་སོགས། །མདོར་ན་ལྷ་མོའི་སྒྲུབ་ཐབས་ཀུན་གྱི་མཆོག །དོན་ལ་ལྷ་མོའི་ལུགས་ཀྱི་རྫོགས་རིམ་ཡིན། །ཤིན་ཏུ་ཟབ་ཅིང་གཉན་

[Full Size]

པའི་མན་ངག་འདི། །རང་གི་རྒྱུན་ཁྱེར་ཉམས་ལེན་བྱས་པ་ལྟར། །འབྲོང་པ་བླ་མ་པདྨ་ཐབས་མཁས་ལ། །སྙིང་གི་མན་ངག་སྙིང་གཏམ་བྱས་པ་ནི། །རྟ་ལོ་ཐ་སྐར་ཟླ་བའི་དམར་པོའི་ཕྱོགས། །ཚེས་གསུམ་དགོང་ཐུན་རཱ་ག་ཨ་སྱས་སྨྲས། །འཕྲལ་དུ་ཞུ་བ་པོ་ནི་དེ་ཉིད་ཀྱིས། །ལག་པ་རླུང་གི་རྟ་ལ་ཞོན་ནས་བྲིས། །སྦ་འོས་གསལ་བར་བཀོད་པའི་ཉེས་མཆིས་ན། །སྲིད་པའི་མ་མོ་མཁའ་འགྲོ་ཀུན་ལ་བཤགས། །དགེ་བས་བདག་དང་བདག་གི་རྗེས་འཇུག་རྣམས། །ནད་རིམས་ཡམས་ནད་འཚེ་བ་ཀུན་ཞི་ཞིང་། །ནད་མེད་བདེ་བའི་དངོས་གྲུབ་ཐོབ་པར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱལ་བ་རྒྱ་མཚོའི་རྫོགས་རིམ་འཁོར་ལོ་ལྔའི་མན་ངག

[Full Size]

རྒྱལ་བ་རྒྱ་མཚོའི་རྫོགས་རིམ་འཁོར་ལོ་ལྔའི་མན་ངག་བཞུགས་སོ། །

[Full Size]

ན་མོ་ལོ་ཀེ་ཤྭ་ར་ཡེ། བླ་མ་སྤྱན་རས་གཟིགས་དབང་ལ། །སྒོ་གསུམ་གུས་པས་ཕྱག་འཚལ་ནས། །འཁོར་ལོ་ལྔ་ཡི་མན་ངག་བཀོད། །ཡི་དམ་ཌཀིའི་བཀའ་གནང་སྩོལ། །དེ་ཡང་ཐབས་ཤེས་གཉིས་སུ་མེད་པའི་རྒྱུད་ཆེན་པོ་པདྨ་ཟབ་པ་ལས། འཁོར་ལོ་ནི་བཞི་སྟེ། །བདེ་བའི་འཁོར་ལོ་དང་། ལོངས་སྤྱོད་ཀྱི་འཁོར་ལོ་དང་། ཆོས་ཀྱི་འཁོར་ལོ་དང་། སྤྲུལ་པའི་འཁོར་ལོའོ། །ཞེས་དངོས་སུ་འཁོར་ལོ་བཞི་གསུངས་ནས། གྲུབ་ཆེན་རྣམས་ཀྱིས་མན་ངག་གི་འཁོར་ལོ་ལྔ་གསུངས་པ་སྟེ། བྱང་ཆུབ་སེམས་དཔའ་རྡོ་རྗེ་སྙིང་པོས་མཛད་པའི་སྦ་ལྕག་མའི་གཞུང་

[Full Size]

ལས། མེ་ལ་བསྟིམས་པས་ཡེ་ཤེས་སྦྱར། །ཞེས་པས་འཁོར་ལོ་ལྔར་མདོར་བསྟན་ནས། མེ་འབར་ཉོན་མོངས་རིབ་བསྲེགས་ནས། །ཞེས་དང་། དེ་ནས་རང་གི་འདོམས་བར་དང་། །ཡཾ་ལས་རླུང་གིས་ད་ལ་གཡོས། །གསང་གནས་ལྷ་ཚོགས་མེ་འབར་ཏེ། །འཁོར་ལོ་བཞི་ཡི་རྩ་འཁོར་རྣམས། །ལྟོས་ཆགས་མེད་པའི་མེ་སྦར་ཏེ། །ལྟེ་བའི་ཨ་ལས་གཏུམ་མོ་སྦྱར། །སྤྱི་བོའི་ཧཾ་ལ་རེག་པ་ཡིས། །བྱང་ཆུབ་སེམས་ཀྱི་རྒྱུན་བབས་ནས། །འཁོར་ལོ་བཞི་ཡི་ལྷ་ཚོགས་རྣམས། །བདེ་བ་ཆེན་པོར་འབར་བ་དང་། །ཞེས་པ་དང་། བ་མཁལ་མ་ལས། འབྱུང་བ་

[Full Size]

བཞི་ཡིད་དཀྲུག་འཁོར་ལོ་ལྔའི་རིམ་པ་བླ་མའི་ཞལ་ལས་ཤེས་པར་བྱའོ། །ཞེས་གསུངས་པའི་དོན་གྲུབ་ཆེན་ཀརྨ་པས་རྒྱ་ཆེར་གསུངས་པ་རྣམས་ཉམས་སུ་ལེན་ཚུལ་ནི། དབེན་པར་རྩ་བ་གསུམ་དང་ཆོས་སྐྱོང་ལ་གཏོར་མ་ཕུལ། བར་ཆད་མེད་པར་གསོལ་བ་བཏབ་ནས། ལུས་གནད་བཅས་ཏེ། རང་ལུས་དང་ཕྱི་རོལ་གྱི་དངོས་པོ་ཅི་མཐོང་ཚད་ནང་སྟོང་སང་ངེ་བ་བསྒོམ་པ་དང་། རང་དང་དངོས་པོ་ཅི་མཐོང་ཐམས་ཅད་ཆུང་བ་ཡུངས་དཀར་ཙམ་དང་ཆེ་བ་རི་རབ་ཙམ་དང་ནང་སྟོང་པར་བསྒོམ་པ་མ་དག་པའི་སྟོང་ར་དང་། རང་ལུས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་ཆ་ལུགས་ཡོངས་སུ་རྫོགས་པ་ནང་སྟོང་པ་དར་དམར་གྱི་གུར་ཕུབ་པ་ལྟ་བུ། དེ་ཡང་ཤིན་ཏུ་ཆེ་བ་དང་། ཡུངས་འབྲུ་ཙམ་དུ་བསྒོམ་པ་དང་། རང་སེམས་འོད་ལྔའི་གོང་བུར་གྱུར་པ་གཙུག་ཏོར་ནས་ཞབས་མཐིལ་བར་དུ་སེམས་བཟུང་བ་དང་། ཡང་རང་ཉིད་རྡོ་རྗེ་རིགས་ཀྱི་སྤྱན་རས་གཟིགས་སྔོན་པོ། རིན་ཆེན་རིགས་ཀྱི་སེར་པོ། པདྨ་རིགས་ཀྱི་དམར་པོ། ལས་ཀྱི་རིགས་ཀྱི་ལྗང་གུ། དེ་ཡང་ཆེ་བ་ཆུང་བར་བསྒོམ་པ་དང་། རང་ལུས་ཟླུམ་པོ། དཀར་པོ། གྲུ་བཞི། སེར་པོ། ཟླ་གམ། དམར་པོ། ཟུར་

[Full Size]

གསུམ། ནག་པོ་སོགས་སྔོན་པོ་རེ་ལ་ཁ་དོག་ལྔ་ཚང་བར་བསྒོམ་པ་དབྱིབས་དང་ཁ་དོག་ལྔ་ལ་བསླབ་སྟེ། དེ་དག་གིས་སྣང་བརྙན་གྱི་སྐུ་བསྒྲུབ་པའོ། །སྡོམ་འབྱུང་ལས། སྙིང་གའི་ཆུ་སྐྱེས་ལུས་སོན་པ། །ཆུ་ཤིང་མེ་ཏོག་ལྟར་སྟོང་གསལ། །ཧཾ་ནི་འཕྱོ་ཞིང་འོག་ཏུ་བལྟ། །མར་སྣ་མར་མེ་ལྟ་བུས་བརྒྱན། །དེ་འོག་བྱང་སེམས་མ་ཉམས་འབབ། །ཨ་ཝ་དྷུ་ཏི་ཞེས་བྱར་བཤད། །ཅེས་གསུངས་པས། དེ་ནས་རང་ཉིད་རྒྱལ་བ་རྒྱ་མཚོ་དར་གུར་ལྟ་བུའི་དབུས་སུ། ཨ་ཝ་དྷུ་ཏི་གྲོ་སོག་ཙམ་པ་སྤྱི་བོ་ནས་ལྟེ་འོག་གཉིས་པོར་ཆེར་ཟུག་པ། སྔོ་ལ་དྲང་པ། གསལ་ལ་སྟོང་པ་སྟེ་མཚན་ཉིད་བཞི་ལྡན། གཡས་རོ་མ་དམར་པོ། གཡོན་རྐྱང་མ་དཀར་པོ་གཉིས་ཡར་སྣེ་སྣ་བུག་དང་། མར་སྣེ་ལྟེ་འོག་ནས་ཡི་གེ་ཆའི་འཕོང་ལྟར་དབུ་མའི་ནང་དུ་ཆུད་པ། སྤྱི་བོ་བདེ་ཆེན་གྱི་འཁོར་ལོ་རྩ་འདབ་སོ་གཉིས་ནམ་མཁའི་ཁམས་འཁོར་ལོ་དཀར་པོའི་དབྱིབས། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་མེ་ཁམས་པདྨ་དམར་པོའི་དབྱིབས། སྙིང་ཁ་ཆོས་ཀྱི་འཁོར་ལོ་རྩ་འདབ་བརྒྱད་ཆུ་ཁམས་རྡོ་རྗེ་སྔོན་པོའི་དབྱིབས། ལྟེ་བ་སྤྲུལ་པའི་འཁོར་ལོ་རྩ་འདབ་རེ་བཞི་སེར་པོ་ས་

[Full Size]

ཁམས་རིན་པོ་ཆེའི་དབྱིབས། གསང་གནས་བདེ་སྐྱོང་འཁོར་ལོ་རྩ་འདབ་སོ་གཉིས་རླུང་ཁམས་ལྗང་གུ་རལ་གྲིའི་འཁོར་ལོའི་དབྱིབས་གདུགས་དང་གདུགས་འཁྱོགས་ལྟ་བུ། ཡན་ལག་ལྷུ་ཚིགས་བཅུ་གཉིས་སུ་རྩ་འདབ་སུམ་ཅུ་རེ། སོར་ཚིགས་རྣམས་ལ་རྩ་འདབ་དྲུག་རེ་རྣམས་རོ་རྐྱང་ལས་གྱེས་པའི་ཚུལ་ཏེ་ལག་པ་གཡས་ཀྱི་རྩ་ཐམས་ཅད་རླུང་ཁམས་ལྗང་གུ། ལག་གཡོན་མེ་ཁམས་དམར་པོ། རྐང་པ་གཡས་ཆུ་ཁམས་སྔོན་པོ། རྐང་པ་གཡོན་ས་ཁམས་སེར་པོ། གཙོ་བོ་གསུམ་ལས་གྱེས་པའི་རྩ་ཕྲན་སྟོང་ཕྲག་བདུན་ཅུ་རྩ་གཉིས་པ་ཚན་གསུམ་དང་། དེ་ལས་ཕྲ་བའི་རྩ་བྱེ་བ་ཕྲག་ཕྱེད་དང་བཞི་པོ་ཐམས་ཅད་མཚན་ཉིད་བཞི་ལྡན་མོས་པ་ཙམ་དུ་བསྐྱེད། སཾ་བྷུ་ཊི་ལས། ལྟེ་བར་ཨ་ཡིག་གཟུགས་ཀྱིས་ནི། །ཐུར་དུ་རྒྱུ་ནི་རབ་ཏུ་དྲན། །སྙིང་གར་ཡང་ནི་ཧཱུྃ་ཉིད་དེ། །རིང་བ་བ་ལོ་གཉིས་དང་བཅས། །མགྲིན་པར་ཨོཾ་གྱི་གཟུགས་ཀྱིས་ནི། །མ་མ་གསུམ་བརྗོད་པ་ལུ་ཏ། །དཔྲལ་བར་ཧཾ་གྱི་རྣམ་པ་འདི། །སྒྲ་དང་ཚིག་གི་མི་ཤེས་པས། །ཞེས་གསུངས་པས། ལྟེ་བར་ཨཱཿ སྙིང་ཁར་ཧཱུྃ། མགྲིན་པར་ཨོཾ། སྤྱི་བོར་ཧཾ་རྣམས་སྐུ་བཞིའི་ས་བོན་དུ་བསྒོམས་པས་བྱིན་གྱིས་

[Full Size]

བརླབས་ནས། རང་ལུས་དང་རྩ་རྣམས་ཆེ་བ་དང་། ཤིན་ཏུ་ཆེ་བ་དང་། ཆུང་བ་ཤིན་ཏུ་ཆུང་བར་བསྒོམ་པ་ནི། དཔག་བསམ་ཤིང་འཛུགས་པ་ལས། རྩ་བ་ཡལ་ག་དབྱིབས་དང་ཁ་དོག་ལ་བསླབ་པ་རྣམས་རྒྱས་པར་སོ་སོར་ཕྱེའོ། །བརྟག་གཉིས་ལས། ལོ་ལ་རྭ་ས་ཀུནར་མ། ཞེས་སོགས་དང་། རྡོ་རྗེ་ཕྲེང་བར། རྩ་ཡི་འཁོར་ལོ་ལེགས་རྒྱས་པ། །ཞེས་དང་། དྲི་མེད་འོད་ལས། ནང་གི་མཁའ་འགྲོ་མ་ནི་རྩ་བསྒོམ་པ་འདི་དག་ཡིན་ཅིང་། དེས་འཇིགས་པ་བརྒྱད་སོགས་ཞི་བར་བཤད་དེ། རང་བྱུང་བའི་གཞུང་ལས། རྩ་གསུམ་འཁོར་ལོ་ལྔ་གསལ་གདབ། །ཅེས་གསུངས་པའི་དོན་ཡིན་ནོ།། །།གཉིས་པ་རླུང་ནི་རྒྱུད་ལས། འགོག་པ་བཞི་པ་དང་། ཞེས་དང་། བདག་མེད་པའི་ཤེས་རབ་ཡི་གེ་ཕྲ་མོ། དཀར་པོ་དང་དམར་པོ་དང་སྔོན་པོ་དང་སེར་པོ་དང་། ཟིན་པ་བཞི་དང་། ཞེས་གསུངས་ཏེ། །འབྱུང་བ་བཞི་རླུང་འགོག་པ་དང་། ཡི་གེ་ཕྲ་མོ་རླུང་འབྱུང་རྔུབ་རྡོ་རྗེའི་བཟླས་པ་དང་། སྲོག་རྩོལ་བུམ་ཅན་དང་། འབྱུང་བཞིའི་རླུང་གི་ཁ་དོག་ལ་སློབ་པ་རྣམས་བསྟན་ཏེ། རྡོ་རྗེའི་སྙིང་པོས་མཛད་པའི་གཞུང་ལས། རླུང་བཟུང་

[Full Size]

དབང་བསྡུས་བྱང་སེམས་རང་བཞིན་ཞུ། །བརྔུབས་ནས་མེ་ལ་བསྟིམས་པས་ཡེ་ཤེས་འབར། །ཞེས་དང་། བ་མཁལ་མའི་མན་ངག་ལས། རླུང་རོ་ཐང་གསུམ་བུས་ནས་ལས་དང་ཉོན་མོངས་པའི་སྒྲིབ་པ་དང་། ལུས་ངག་ཡིད་གསུམ་གྱི་ནད་གདོན་སངས་ཀྱིས་དག་པར་བསམ། ཚུར་རྔུབ་པ་དལ་གྱིས་བཟུང་ནས། དུས་གསུམ་གྱི་སངས་རྒྱས་བྱང་ཆུབ་སེམས་དཔའ་དཔའ་བོ་མཁའ་འགྲོ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་དངོས་གྲུབ་ཐམས་ཅད་བསྡུས་ནས། རྩ་གཡོན་དུ་ཞུགས་ཏེ་དབུ་མར་ཚུད་པས་ལུས་ཐམས་ཅད་རྒྱས་ནས་བདེ་སྟོང་གི་ཉམས་རྒྱས་པར་བསམ། ཞེས་གསུངས་པ་ལྟར་མྱུར་འགྲོའི་རྩལ་སྦྱངས་པ་ནི། འབུད་པ་དགུ་སྤྲུགས་དང་བཅས་ནད་གདོན་སྡིག་སྒྲིབ་སངས་ཀྱིས་དག་པར་བསྒོམ། དལ་བུས་བརྔུབས་ནས་འཁོར་འདས་ཀྱི་བསོད་ནམས་ཡོན་ཏན་བསྡུས་པར་བསམ་ལ་ལྟེ་འོག་ཏུ་མནན། མི་ཐུབ་པ་ན་ལྷག་མ་མ་ལུས་པ་སངས་ཀྱིས་བཏང་། སྣ་བུག་གཡས་ནས་སྐུའི་ངོ་བོ་ཨོཾ་གྱིས་དབྱུང་། གཡོན་ནས་ཐུགས་ཀྱི་རང་བཞིན་ཧཱུྃ་གིས་རྡུབ། སྲོག་གི་ངོ་བོ་ཨཱལ་གནས་པར་བསམ་པ་དང་། གཡས་ཉི་མ་ཨཱས་དབྱུང་། གཡོན་ཟླ་བ་ཨོཾ་གྱིས་རྡུབ། ནང་དུ་སྒྲ་

[Full Size]

གཅན་ཧཱུྃ་གིས་གནས་པར་བསམ་པ་དང་། ཧཱུྃ་གིས་རྡུབ་ལ་ཨཱས་དབྱུང་། ཨོཾ་གྱིས་གནས་པར་བསམ་པ་དང་། ཨོཾ་གྱིས་རྔུབ་མ་ཎི་པདྨེས་གནས་པ་ཧཱུྃ་གིས་དབྱུང་བ་སྟེ། པདྨ་རྒྱལ་པོའི་རྒྱུད་ལས། ཨོཾ་མ་ཎི་པདྨེ་ཧཱུྃ། རྡོ་རྗེའི་བཟླས་པ་འདི་ཡིན་ནོ། །དེ་ལ་མ་ཡེངས་ངང་དུ་འདུ། །སེམས་ལ་ཡེ་ཤེས་ཆེན་པོ་སྐྱེ། །ཞེས་དང་། རྒྱུད་ལས། །བདག་མེད་པ། ཡི་གེ་ཕྲ་མོའོ། །ཞེས་གསུངས་པའི་དོན་ནི། ཡང་སྙིང་འདུས་པ་ལས། རྡུབ་པ་རླུང་ལ་ཨོཾ་དང་མ། །གནས་པ་རླུང་ལ་མ་ཎི་པད། །འབྱིན་པའི་རླུང་ལ་མེ་ཧཱུྃ་ཧྲཱིཿ ༈ ཡེ་ནས་རང་བྱུང་རང་ལ་རྫོགས། །དེ་དོན་ཤེས་བྱ་རླུང་གི་བཟླས། །ཞེས་གསུངས་སོ། །སྤོས་དུད་ལྟར་བརྔུབས་ནས་སྲོག་རྩོལ་རླུང་རྡོ་རྗེའི་ཐོད་སྦྱོར་ལྟེ་བར་བཟུང་། དེ་ནས་སྙིང་ཁ་དང་མགྲིན་པ་སྤྱི་བོར་བསྒོམ། སྐབས་སུ་བ་སྤུ་ནས་གཞིལ་བ་དང་། ཁ་དོག་ལྔ་ལྡན་ཚངས་བུག་ནས་ལན་རེ་མདའ་ལྟར་འཕང་ངོ་། །སྟེང་སྲོག་རྩོལ་གྱི་རླུང་བུམ་ཅན་དང་། འོག་ཐུར་སེར་གྱི་བུམ་ཅན་དང་། བར་ཐམས་ཅད་ཞལ་གྱི་བུམ་ཅན། གསང་བ་ཞལ་སྦྱོར་གྱི་བུམ་ཅན་བཞི་ལ་ཞལ་བཞི་ཞེས་བྱའོ། །རིན་པོ་ཆེ་ཀརྨ་པས། རྒྱལ་བ་རྒྱ་

[Full Size]

མཚོའི་སྐོར་གསུམ་ལས། སྲོག་རྩོལ་རླུང་རྒྱུན་ཆད་མེད་པར་བསྒོམ་ཞིང་། ཞེས་གསུངས་པའི་དོན་ནོ། །དེ་ནས་བོགས་འདོན་ནི། དེ་ནས་སྣ་བུག་གཉིས་ཀྱི་འོག་ངོས་ནས། ས་རླུང་སེར་པོ་སོར་བཅུ་གཉིས་པ་དང་། སྣའི་ཀ་བའི་ངོས་ནས་ཆུ་རླུང་དཀར་པོ་སོར་བཅུ་གསུམ་པ་དང་། སྣ་མཁལ་ངོས་ནས་མེ་རླུང་དམར་པོ་སོར་བཅུ་གཉིས་པ་དང་། སྟེང་གཉིས་ནས་རླུང་གི་རླུང་ལྗང་གུ་སོར་བཅོ་བརྒྱད་པ་དང་། དབུས་ནམ་མཁའི་རླུང་སྔོན་པོ་སོར་བཅུ་དྲུག་པ། རྒྱུ་བ་ལ་མཉམ་པར་བཞག་གོ །གསང་གནས་སུ་བདེ་བའི་རང་བཞིན་རླུང་ཁ་དོག་དཀར་པོ་སྲན་མ་ཙམ་ནོར་བུའི་རྩེ་ནས། རྩ་བའི་བར་རླུང་གིས་འཐེན་ཕུལ་བྱས་པས་བདེ་ཉམས་སྐྱེ། ས་རླུང་སེར་པོ། ཆུ་རླུང་དཀར་པོ། མེ་རླུང་དམར་པོ། རླུང་གི་རླུང་ལྗང་གུ། ནམ་མཁའི་རླུང་སྔོན་པོ་རྣམས་ཐིག་ལེའི་ཙ་ན་ཀའི་འབྲས་བུ་ཙམ་འཁོར་ལོ་ལྔ་ཀར་བསྒོམ། ས་རླུང་གྲུ་བཞི། ཆུ་རླུང་ཟླུམ་པོ། རླུང་གི་རླུང་ཟླ་གམ། མེ་རླུང་གྲུ་གསུམ། ནམ་མཁའི་རླུང་ཟུར་དྲུག་སོ་སོའི་ཁ་དོག་ཅན། ཀུན་ཁྱབ་འོད་ཀྱི་དཀྱིལ་འཁོར་འབྱུང་བ་ལྔའི་མཚན་ཉིད་ཅན་བསྒོམས་པས་བོགས་དབྱུང་ངོ་། །རྒྱུད་ལས། དཀར་པོ་དང་

[Full Size]

དམར་པོ་དང་སྔོན་པོ་དང་སེར་པོ་བཞི་འབྱུང་བ་བཞིའི་རླུང་དེ་དག་བསྟན་ཅིང་ཟིན་པ་བཞི་དང་ཞེས་པས་འབྱུང་བ་བཞིའི་རླུང་ཟིན་ཅིང་བསྟན་ཏོ། །རྡོ་རྗེ་ཕྲེང་བ་ལས། རྣལ་འབྱོར་པས་ནི་རླུང་བསྒོམས་ན། །མྱུར་དུ་དངོས་གྲུབ་ཐོབ་པར་འགྱུར། །ཅེས་དང་། སྡོམ་འབྱུང་ལས། རླུང་གི་རྣལ་འབྱོར་མི་ཤེས་དང་། །གང་ཞིག་ཤེས་ཀྱང་མི་བསྒོམ་དེ་ནི་སྡུག་བསྔལ་སྣ་ཚོགས་ཀྱིས། །ཉེ་བར་འཁོར་བའི་སྲིན་བུར་གྱུར། །རྡོ་རྗེ་མཁའ་འགྲོ་ལས། དགོངས་པ་ཡི་ནི་ལུས་དག་ནས། །དུག་དང་རིམས་ཀྱིས་རྩ་བ་འཕྲོག ། ཅེས་དང་། སྡོམ་འབྱུང་ལས། ཡང་ན་བུམ་པ་ཅན་སྦྱོར་བས། །ཐམས་ཅད་དུ་ནི་འཆི་ལས་རྒྱལ། །དུས་ཞབས་སྙན་བརྒྱུད་ལས། ཟླ་བ་དྲུག་ཏུ་དབེན་བྱས་པས། །ཞག་རེ་རླུང་རེ་འགགས་འགྱུར་ཏེ། །ཉི་ཁྲི་ཆིག་སྟོང་དྲུག་བརྒྱ་འགགས། །ཞེས་གསུངས་སོ། །ཀྱེའི་རྡོ་རྗེ་ལས། དབྱུང་བ་ཉིད་ཀྱིས་གཏོར་བར་བྱེད། །རྡུབ་པ་ཡིས་ནི་དབང་དུ་བྱེད། །དགང་པ་ཡིས་ནི་འགུགས་པར་བྱེད། །གཞིལ་བ་ཡིས་ནི་རིང་བར་བྱེད། །ཅེས་གསུངས་སོ། །གོང་གི་རྡོར་བཟླས་ནི། དགོངས་པ་ལུང་བསྟན་པ་ལས། ཧཱུྃ་གིས་སེམས་ཅན་ཡང་

[Full Size]

དག་སྤྲོ། །སངས་རྒྱས་ཐུགས་སུ་ཡང་དག་བརྟག །ཨོཾ་གྱིས་སེམས་ཅན་ཡང་དག་སྡུད། །སངས་རྒྱས་སྐུར་ནི་རབ་ཏུ་བརྟག །ཨཱཿཡིས་གནས་པར་འགྱུར་བའོ། །ཞེས་དང་། ཀློག་དང་ཁ་བཏོན་མེད་མོད་ཀྱི། །འོན་ཀྱང་བཟླས་པ་ཡིན་པར་བཤད། །ཅེས་དང་། གསང་འདུས་རྒྱུད་ཕྱི་མར། དང་པོ་ཡི་གེའི་སྦྱོར་བ་ལས། །རྟག་ཏུ་དབུགས་ནི་རྡུབ་པར་བྱེད། །བརྒྱད་པའི་ཐ་མ་དང་ལྡན་པ། །ཡི་གེ་ཧཱུྃ་ནི་ཐིག་ལེར་བཅས། །རྣལ་འབྱོར་པས་དབུགས་གཏོང་བར་བྱེད། །འདིར་ནི་ཅི་དགའི་བཟླས་པར་བཤད། །ཅེས་དང་། བདེ་མཆོག་སྟོད་འགྲེལ་ལས། ཡི་གེའི་བཟླས་གསུམ་སྲོག་ཡན་ལག །ཅེས་དང་། ཉི་མ་སྒྲུབ་པ་ལས། འཇུག་དང་གནས་དང་དབྱུང་བ་གསུམ། །ཡི་གེ་གསུམ་གྱིས་རྩ་ལམ་སྦྱངས། །ཞེས་གསུངས་པའི་དོན་ནོ། །ཀུན་དྷ་ལི་ཆུ་ཟླའི་གར་བསྒྱུར་ནི། རྒྱུད་ལས། བདེ་བའི་གནས་ནས་བདེ་བའི་ལམ། །ཞེས་དང་། རྒྱ་གཞུང་ལས། རླུང་བཟུང་རིག་པ་ཕྱོགས་མེད་སྦྱངས། །ཞེས་གསུངས་སོ། །རྡོ་རྗེ་ཕྲེང་བར། འཁོར་ལོ་དྲུག་གི་རྩ་ཕུག་ན། །ཟླ་བ་ཕྱེད་པའི་ཆ་ལྟ་བུ། །སྟེང་ཉིད་རླུང་གི་འཁོར་ལོར་གནས། །ཕྱེད་མན་

[Full Size]

གང་བ་མེད་པ་དང་། །ཞེས་ནས། བག་ཆགས་ཆུ་ཟླ་བཞི་ཡི་ཐིག་ལེ་ནི། ཞེས་དང་། ནམ་མཁའ་དང་མཉམ་པ་ལས། ཡི་གེ་ཧཾ་གྱི་དབྱིབས་འདྲ་སྟེ། །ནོར་བུ་ཀུ་ཤའི་མདོག་ལྟ་བུ། །དཀར་ལ་འཚེར་དང་གཟི་མདངས་སྣུམ། །ཞེས་པའི་དོན་ནི། དབུ་མའི་ཡར་སྣེ་སྨིན་མཚམས་སུ་སྐྱོགས་པའི་ནང་དུ་ཐིག་ལེ་དཀར་ལ་འཚེར་བ། སྣུམ་ལ་འདྲིལ་བ་ཡུངས་ཀར་ཙམ་བསྒོམ། རླུང་རྔུབ་པས་སེང་སྒྲ་དང་བཅས་པས་བདེ་ཆེན་འཁོར་ལོར་དྲངས། གཞིལ་བས་སྤྱི་བོའི་རྩ་འདབ་སོ་གཉིས་ལ་རེས་མོས་སུ་གཡས་སྐོར་དུ་སྦྱངས། དེ་བཞིན་དུ་འཁོར་ལོ་བཞི་ཀ་ལ་གཡས་སྐོར་དུ་སྦྱངས་ན་ལུགས་འབྱུང་། གཡོན་སྐོར་དུ་སྦྱངས་ན་ལུགས་ལྡོག་གོ །རྔུབ་པས་འཁོར་ལོ་བཞི་ཡི་རྩ་ལ་སོག་ཕྲུག་འོ་མས་གང་བ་ལྟར། གཞིལ་བས་འཁོར་ལོའི་དབུས་སུ་བསྡུ་བ་དང་། ཐིག་ལེ་དབུ་མའི་མར་སྣེ་རྒྱལ་མཚན་གྱི་རྩེར་ལུགས་འབྱུང་ལུགས་ལྡོག་བྱས་སྐབས་སུ་རྡོ་རྗེར་བསྟིམ་ལ་འཇའ་ཡལ་བ་ལྟར་བསམ། སྨིན་ཕྲག་ནས་གསང་གནས་བར་ཐིག་ལེ་དབབ་ལྡོག་དང་། འོག་སྲིན་པོའི་སྒོ་ནས་ཐུར་སེལ་གྱི་རླུང་ལ་བསྟེན་ནས། གསང་གནས་ཀྱི་ཐིག་ལེ་དམར་པོ་བདེ་བའི་ཐིག་ལེ་ལྟར་སྦྱངས་པས་

[Full Size]

གསལ་བའི་ཐིག་ལེ་བོགས་ཐོན་ཞིང་། སྙིང་གར་སྲོག་འཛིན་རླུང་གི་ཐིག་ལེ་དྭངས་མ་ལྔ་འདུས་ཀྱི་གོང་བུ་སྔོན་པོ་མཚན་ཉིད་བཞི་ལྡན་དུ་བསྒོམས་ནས། སྤྱི་བོ་ནས་གསང་གནས་བར་སྦྱངས༔ སྟེང་འོག་བཅིངས་པས་རེས་མོས་སམ་བུམ་ཅན་བཟུང་བས་མི་རྟོགས་པའི་བོགས་དབྱུང་ངོ་། །དེ་ནས་གཏུམ་མོ་བསྒོམ་པ་ནི།། རྒྱུད་ལས། བདེ་དང་སྟོང་པའི་མཚན་ཉིད་ཅན། །ཐབས་དང་ཤེས་རབ་བསྒོམ་ལས་བྱུང་། །ཞེས་པ་བདེ་སྟོང་གི་ཡེ་ཤེས་ཐབས་ལམ་གཏུམ་མོ་དང་། ཤེས་རབ་སྟོང་ཉིད་སྒོམ་པ་ལས་འབྱུང་བར་བསྟན་ནས། བདག་མེད་པའི་ཡི་གེ་ཕྲ་མོ། ཞེས་པའི་སྐབས་སུ། ཨ་ཐུང་དང་། དཀར་པོ་དང་དམར་པོ་དང་སྔོན་པོ་དང་སེར་པོ་ཞེས་པས། དེ་སྐབས་གཏུམ་མོའི་རིགས་བཞི་ལ་འཇུག་སྟེ། རྡོ་རྗེ་སྙིང་པོ་སྦ་ལྕག་མ་ལས། ལྟེ་འོག་བདེ་ཆེན་གཏུམ་མོ་མེ་སྦར་དམིགས། ཞེས་དང་། ཕྱག་ཆེན་ཐིག་ལེར། ཡང་དག་པ་ཡི་ཐིག་ལེར་དབང་པོ་ཤིང་། །དེ་ཡིས་གཏུམ་མོ་སྦྱར་བར་བྱའོ། །ཞེས་དང་། ཞལ་ལུང་ལས། སུམ་མདོར་ཡེ་ཤེས་མེ་སྦར་བས། །ཞེས་སོགས་གསུངས་པའི་དོན་ཏེ། ཡུམ་གསང་བ་ཡེ་ཤེས་ཌཱཀིའི་ངོ་བོ་ཡེ་ཤེས་ཀྱི་མེས་མ་དག་པའི་

[Full Size]

ཕུང་ཁམས་སྐྱེ་མཆེད་ཐམས་ཅད་བསྲེགས་ནས་ཟག་མེད་ཡེ་ཤེས་ཀྱི་སྐུ་ཚེ་གཅིག་ལ་ཐོབ་པར་བྱ་སྙམ་དུ་སེམས་བསྐྱེད་དོ། །མེ་ཐབ་དྲུག་ཆིངས་བྱས་ལ། རང་ཉིད་རྒྱལ་བ་རྒྱ་མཚོའི་སྟོང་ར་རྩ་གསུམ་འཁོར་ལོ་ལྔར་གསལ་བའི་སྤྱི་བོར་པད་ཉི་ལ་བླ་མ་མེ་ཡི་སྐུ་ཅན་ལ་མཆོད་བསྟོད་གསོལ་བ་བཏབ་ནས་རང་ལ་བསྟིམས་པས་དྲོད་སྐྱེ་བར་བསམ། རྩ་གསུམ་འདུས་མདོར་མེ་ཡི་ཆོས་འབྱུང་པད་ཉི་ལ་ཐིག་ལེ་མེ་ཡི་རྣམ་པ་གསང་བ་ཡེ་ཤེས་ཀྱི་ངོ་བོ་ཡུམ་བསྐྱེད་པ་ཙམ་དང་། དེ་ཉི་མའི་དཀྱིལ་འཁོར་ལྟ་བུ་དང་། ཨ་ཟླ་ཚེས་ནོར་བུ་འབར་བ་ལྟ་བུ་དང་། ཨ་ཤད་སྐྱེར་ཚེར་གྱི་དབྱིབས་དང་། ཨ་སུམ་འཁྱོགས་གཅན་གཟན་གྱི་སྤུ་ཙམ་དང་མར་མེ་སོར་གཅིག་ཙམ་དང་། རྩེ་མོ་རྣོ་ཞིང་འགུལ་པ་རྩ་བ་དལ་ཞིང་འཇམ་པ་གཉིས་ལ་རེས་མོས་སུ་སེམས་གཏད་པ་དང་། དཀར་ཞིང་ཟླུམ་པོར་འབར་བས། གྲུ་བཞི་སེར་པོ། ཟླ་གམ་དམར་པོ། ཟུར་གསུམ་ལྗང་གུ་འབར་བ་དང་། ཨ་ཐུང་མེ་ཡི་ཐིག་ལེ་སྲན་མ་ཙམ་ལ་སེམས་གཏད། གསང་བ་ཡེ་ཤེས་ཡུངས་དཀར་ཙམ་ཤིན་ཏུ་གསལ་བ་ལ་སེམས་བཟུང་བ་རྣམས་བསྙེན་པའོ། །དེ་ནས་ལྟེ་བར་འདོད་ཆགས་ཀྱི་ངོ་བོ་རཾ་དམར་པོ། སྙིང་

[Full Size]

གར་ཞེ་སྡང་གི་ངོ་བོ་ཕྲོ་ལྗང་སྔོན། མགྲིན་པར་ཕྲག་དོག་གི་ངོ་བོ་པོ་སྔོན་པོ། སྤྱི་བོར་གཏི་མུག་གི་ངོ་བོ་ཏཾ་དཀར་པོ་བསམ་མོ། །ལྟེ་འོག་ཨ་ཐུང་ལས་མེ་དྲག་ཏུ་འབར། ལྟེ་བའི་རོ་བསྲེགས་ལོངས་སྐུའི་ངོ་བོ་མེ་ལྗང་གུ་རལ་གྲིའི་འཁོར་ལོ་ལྟར་འབར་ལྟེ་བའི་རྩ་འདབ་རེ་བཞི་གང་། རྐང་པའི་རྩ་འདབ་ཐམས་ཅད་དུ་བབ་ལ་བསྲེགས་པས་ཨཱརུ་གྱུར་ཏེ་སྤྲུལ་སྐུའི་ས་བོན་ཐེབ། ཨ་ཐུང་ཆོས་སྐུའི་ངོ་བོ་མཐིང་ཀར་འབར། སྙིང་ཁའི་ཕྲེ་བསྲེགས་ཧཱུྃ་དུ་བསྒྱུར་བས་ཆོས་སྐུ་ཐོབ། སྙིང་ཁའི་རྩ་འདབ་ཏུ་འཁོར་ལོ་རྡོ་རྗེའི་འཁོར་ལོ་ལྟར་འབར་རྩ་ཕྲན་ཁྱབ། །ལག་པ་གཉིས་འབར། ཨ་ཐུང་ལོངས་སྐུའི་ངོ་བོ་དམར་པོ་འབར་པོ་བསྲེགས། ཨོཾ་དུ་གྱུར་པས་ལོངས་སྐུ་ཐོབ། མགྲིན་པའི་འཁོར་ལོའི་པདྨའི་འཁོར་ལོ་ལྟར་འབར་རྩ་ཕྲན་ཁྱབ། ཨ་ཐུང་བདེ་བ་ཆེན་པོའི་ངོ་བོ་དཀར་པོ་འབར་སྤྱི་བོའི་ཏཾ་བསྲེགས། ཧཾ་དུ་གྱུར་པས་བདེ་བ་ཆེན་པོའི་སྐུ་འགྲུབ། ཆོས་ཀྱི་འཁོར་ལོ་ལྟར་འབར་བས་རྩ་ཕྲན་ཁྱབ། རྩ་སྟོང་ཕྲག་བདུན་ཅུ་རྩ་གཉིས་ཚན་གསུམ་དང་། རྩེ་ཕྲན་བྱེ་བ་ཕྱེད་བཞི་འབར། གཏུམ་མོ་གློག་ལྟ་བུས་ལུས་ཁེངས། མཛོད་སྤུ་ནས་ཐོན་མགོ་ལ་ལན་གསུམ་དཀྲིས་ནས་སྣོད་བཅུད་ཐམས་ཅད་བདུད་

[Full Size]

རྩིར་ཞུ་ནས་ཚུར་འདུས་སྤྱི་བོ་ནས་ཞུགས་པས། སྤྱི་བོའི་ཧཾ་ལས་ཐུགས་རྗེ་ཆེན་པོ་དཀར་པོ། མགྲིན་པའི་ཨོཾ་ལས་ཐུགས་རྗེ་ཆེན་པོ་དམར་པོ། སྙིང་གའི་ཧཱུྃ་ལས་ཐུགས་རྗེ་ཆེན་པོ་མཐིང་ག །ལྟེ་བའི་ཨཱལས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྗང་གུར་གྱུར། བདུད་རྩིས་རྩ་གནས་ཐམས་ཅད་ཁེངས་པར་བསམ་པ་ནི་སྐུ་བཞི་འགྲུབ་པའོ། །དེ་ནས་སྤྱི་བོར་གཏི་མུག་གི་ས་བོན་ཨོཾ་དཀར་པོ། མགྲིན་པར་འདོད་ཆགས་ཀྱི་ས་བོན་ཨཱཿདམར་པོ། སྙིང་གར་ཞེ་སྡང་གི་ས་བོན་ཧཱུྃ་མཐིང་ཀ །ལྟེ་བར་ང་རྒྱལ་གྱི་ས་བོན་ཧཱུྃ་སེར་པོ། །གསང་བར་ཕྲག་དོག་གི་ས་བོན་ཨཱལྗང་གུ་བསམ། རླུང་ཚུར་བརྔུབས་ནས་བདག་དང་སེམས་ཅན་ཐམས་ཅད་ཀྱི་དུག་ལྔའི་སྒོ་ནས་བསགས་པའི་ལས་སྒྲིབ་དང་དུག་ལྔ་ཐམས་ཅད་བསྟིམ། གསང་བ་ནས་འོག་ཏུ་རཾ་ཡིག་ལས་གཏུམ་མོ་འབར། ཡི་གེ་ལྔ་བསྲེགས། རིགས་ལྔའི་ཐུགས་རྗེ་ཆེན་པོ་ཡབ་ཡུམ་དུ་བསྐྱེད་ཅིང་རྩ་འདབ་རྣམས་སུ་ཡང་དྷ་ཀི་རང་རང་གི་རིགས་ཅན་གྲི་ཐོད་འཛིན་པ་བསམ། སྤྱི་བོའི་ཧཾ་ཞུ་བ་ལས་བདུད་རྩི་བྱང་སེམས་བབ། ལྷ་ཐམས་ཅད་ཀྱི་ཞལ་དུ་ཞུགས་པས་བདེ་སྟོང་གི་ཡེ་ཤེས་ཆེར་འབར་བར་བསམས་ཏེ། རྒྱས་

[Full Size]

པར་རང་བྱུང་བས་མཛད་པ་ཟབ་ཆོས་རྒྱ་མཚོ་མཐའ་ཡས་ལས་གསུངས་པ་ལྟར་རོ། །རྒྱུད་ལས། སྤྱི་བོར་ཡིག་འབྲུ་བསམས་ནས་ནི། །བྱིན་རླབས་བདེ་བས་ལུས་གང་ངོ་། །ཞེས་དང་། རྡོ་རྗེ་སྙིང་པོའི་གཞུང་ལས། མེ་འབར་ཉོན་མོངས་རབ་བསྲེགས་ནས། །ཞེས་དང་། དེ་ནས་རང་རིག་འདོམས་བར་ནས། །ཡཾ་ལས་རླུང་གི་ད་ལ་གཡོས། །གསང་གནས་ལྷ་ཚོགས་མེ་འབར་ཏེ། །འཁོར་ལོ་བཞི་ཡི་གཙོ་འཁོར་རྣམས། །ལྟོས་ཆགས་མེད་པའི་མེ་སྦར་ཏེ། །ལྟེ་བའི་ཨ་ལས་གཏུམ་མོ་སྦར། །སྤྱི་བོར་ཧཾ་ལ་རེག་པ་ཡིས། །བྱང་ཆུབ་སེམས་ཀྱི་རྒྱུན་བབས་པས། །འཁོར་ལོ་བཞི་ཡི་ལྷ་ཚོགས་རྣམས། །བདེ་བ་ཆེན་པོ་འབར་བ་དང་། །ཞེས་དང་། བ་མཁལ་མ་ལས། འཁོར་ལོ་ལྔའི་རིམ་པ་བླ་མའི་ཞལ་ལས་ཤེས་པར་བྱའོ། །ཞེས་དང་། བརྟག་གཉིས་ལས། ལྟེ་བའི་གཏུམ་མོ་མེ་འབར་བས། །དེ་བཞིན་གཤེགས་པ་ལྔ་བསྲེགས་ནས། །སྤྱན་མ་ལ་སོགས་ཡང་བསྲེགས་ཏེ། །བསྲེགས་པས་རི་བོང་ཅན་ཧཾ་འཛག །ཅེས་གསུངས་པའི་དོན་ཏེ། འདི་ལ་མན་ངག་ཟབ་རྒྱས་མན་ངག་རྒྱ་ཆེར་བཞུགས་པ་ལས་ཤེས་པར་བྱའོ། །དེ་ནས་གཏུམ་མོ་རིགས་ལྔའི་རིགས་

[Full Size]

བརྒྱུད་ནི། རྒྱུད་ལས། བདག་མེད་པ་ཡི་ཡི་གེ་ཕྲ་བོ་དང་། དཀར་པོ་དང་དམར་པོ་དང་སྔོན་པོ་དང་སེར་པོ་དང་ཞེས་པ་འདིའི་སྐབས་གཏུམ་མོ་ཨ་ཐུང་རིགས་བསྒྱུར་བར་འཇུག་ཅིང་། བདེ་གཤེགས་རིགས་ལྔ་ལྟེ་བར་འདུས་པའི་མཚམས་འཁོར་ལོ་གྲུ་གསུམ་དཀར་ཞིང་དམར་བ་ལ། །ཐིག་ལེ་ཁ་དོག་ལྔ་བསམས་ཏེ། །སངས་རྒྱས་ལྔ་རུ་མཚོན་པར་བྱ། །སྲོག་འགང་པ་དང་ལྡན་བྱས་ཏེ། །སྐད་ཅིག་རེ་ལ་འབར་འགྱུར་ཏེ། །འཇིག་རྟེན་ཁམས་ནི་མཆོད་པའི་གནས། །རྡོ་རྗེ་འཛིན་པར་ཉིད་དུ་འགྱུར། །ཞེས་གསུངས་པའི་དོན་ནོ། །རྣམ་སྣང་སྤྱན་རས་གཟིགས་ཀྱི་ངོ་བོ་ཨ་ཐུང་དཀར་པོ་སྲན་མ་ཙམ། དེ་ནས་མི་དཀར་པོ་འབར་བས་ལུས་ཁེངས་གཏི་མུག་དང་གཟུགས་ཕུང་བསྲེགས། སངས་རྒྱས་རིགས་དང་ནམ་མཁའི་བཅུད་བསྡུས། རྣམ་སྣང་སྤྱན་རས་གཟིགས་སུ་གྱུར། རྡོ་རྗེ་སྤྱན་རས་གཟིགས་ཀྱི་ངོ་བོ་ཨ་ཐུང་སྔོན་པོ་ལས་མེ་སྔོན་པོ་འབར། ཞེ་སྡང་དང་རྣམ་ཤེས་སྦྱངས། རྡོ་རྗེ་རིགས་དང་ཆུ་བཅུད་ཐམས་ཅད་བསྡུས། རྡོ་རྗེ་སྤྱན་རས་གཟིགས་སུ་རང་ཉིད་གྱུར། རིན་ཆེན་སྤྱན་རས་གཟིགས་ཀྱི་ངོ་བོ་ཨ་ཐུང་སེར་པོ་ལས་མེ་སེར་པོ་འབར། ང་

[Full Size]

རྒྱལ་དང་ཚོར་ཕུང་སྦྱངས། རིན་ཆེན་རིགས་དང་ས་བཅུད་བསྡུས་རིན་ཆེན་སྤྱན་རས་གཟིགས་སུ་གྱུར། པདྨ་སྤྱན་རས་གཟིགས་ཀྱི་ངོ་བོ་ཨ་ཐུང་དམར་པོ་ལས་མེ་དམར་པོ་འབར། འདོད་ཆགས་དང་འདུ་ཤེས་ཕུང་པོ་སྦྱངས། པདྨ་རིགས་དང་མེ་ཡི་བཅུད་བསྡུས་པདྨ་སྤྱན་རས་གཟིགས་སུ་གྱུར། ཀརྨ་སྤྱན་རིས་གཟིགས་ཀྱི་ངོ་བོ་ཨ་ཐུང་ལྗང་གུ་ལས། བྱ་གྲུབ་ཡེ་ཤེས་ཀྱི་ངོ་བོ་མེ་ལྗང་གུ་འབར། ཕྲག་དོག་དང་འདུ་བྱེད་སྦྱངས་ནས་ལས་ཀྱི་རིགས་ཀྱི་སྤྱན་རས་གཟིགས་ཀྱི་བྱིན་རླབས་དང་རླུང་བཅུད་བསྡུས་ཀརྨ་སྤྱན་རས་གཟིགས་སུ་གནས་འགྱུར། སུམ་མདོར་བྷཾ་ལས་ཆོས་དབྱིངས་ཡེ་ཤེས་ཀྱི་མེ་དཀར་པོ་འབར། ལུས་ཀྱི་ཕྱི་ནང་བརྟན་གཡོ་ཁྱབ་། ལ་་བདག་དང་སེམས་ཅན་ཐམས་ཅད་ཀྱི་གཟུགས་ཕུང་དང་གཏི་མུག་སྦྱངས། སེམས་ཅན་ཐམས་ཅད་རྣམ་སྣང་སྤྱན་རས་གཟིགས་ཀྱི་སར་བཀོད། མེ་ཚུར་འདུས་རང་ཉིད་རྣམ་སྣང་སྤྱན་རས་གཟིགས་དཀར་པོར་གྱུར། །དེ་བཞིན་སུམ་མདོར་ཨོཾ་ལས་མེ་ལོང་ཡེ་ཤེས་ཀྱི་མེ་མཐིང་ཀ་དང་། ཛི་ལས་མཉམ་ཉིད་ཡེ་ཤེས་ཀྱི་མེ་སེར་པོ། ཁཾ་ལས་སོར་རྟོག་ཡེ་ཤེས་ཀྱི་མེ་དམར་པོ། ཧཱུྃ་ལས་བྱ་གྲུབ་ཡེ་ཤེས་ཀྱི་མེ་ལྗང་གུ་སོགས་འགྲེས་ཤེས་པར་བྱའོ། །མེའི་རྡོ་རྗེ་

[Full Size]

སྔོན་པོ་རྩེ་ལྔ་པ་དང་། མེའི་རིན་ཆེན་སེར་པོ་ཆ་དགུ་པ་དང་། མེ་ཡི་པདྨ་དམར་པོ་འདབ་སྟོང་དང་། མེ་ཡི་རལ་གྲི་ལྗང་གུ་འབར་བའི་དབྱིབས་དང་། མེའི་འཁོར་ལོ་དཀར་པོ་རྩིབས་སྟོང་རྣམས་རྩ་གནས་དང་ལུས་ཀྱི་ཕྱི་ནང་འཇིག་རྟེན་ཁམས་ཐམས་ཅད་འབར་བས། རང་གཞན་གྱི་ཕུང་པོ་ལྔ་དུག་ལྔ་སྦྱངས་ནས་སྐུ་ལྔ་ཡེ་ཤེས་ལྔའི་ངོ་བོར་གྱུར་པ། སུམ་མདོར་མེའི་ཆོས་འབྱུང་ཉི་མ་ལ་ཕྱག་རྒྱ་ཆེན་པོའི་ངོ་བོ་ཐིག་ལེ་ཁ་དོག་སྣ་ཚོགས་ལས་མེ་འབར། ཁ་དོག་སྣ་ཚོགས་ལྔ་ལྡན་འབར་བས་ལུས་གང་། རྩ་རླུང་ཐིག་ལེའི་མ་དག་པའི་ཆ་ཐམས་ཅད་བསྲེགས། དྭངས་མ་ཡེ་ཤེས་ཀྱི་རྩ་ཐིག་རླུང་དུ་བསྒྱུར། ལུས་ཕྱི་ནང་འཇིག་རྟེན་ཐམས་ཅད་བསྲེགས། །སྟོང་ཉིད་ནམ་མཁའི་རང་བཞིན་དུ་བྱས། ཚུར་འདུས་དམིགས་མེད་ཕྱག་རྒྱ་ཆེན་པོའི་ངང་དུ་བཞག་གོ །དེ་ནི་བསྒྱུར་སྦྱངས་ཡེ་ཤེས་ཀྱི་འཁོར་ལོ་ཞེས་ཀྱང་བྱའོ། །རྒྱུད་ལས། ལས་ཀྱི་མཁའ་འགྲོས་རྣལ་འབྱོར་གྱི། །སེམས་ལ་བདེ་བ་ཆེན་པོ་སྟེར། །པདྨ་མཁའ་འགྲོས་རབ་དགའ་སྟེར། །རིན་ཆེན་མཁའ་འགྲོས་མཆོག་དགའ་སྟེར། །རྡོ་རྗེ་མཁའ་འགྲོས་བདེ་སྟོང་གཉིས་མེད་སྟེར། །ཞེས་དང་། སྡོམ་འབྱུང་

[Full Size]

ལས། ཤེས་རབ་གཟུགས་ཀྱིས་ལ་ལ་ནི། །རོ་མ་ཐབས་ཀྱི་མན་ངག་གནས། །དེ་དག་དབུས་སུ་གནས་ལྷ་མོ། །ཨ་ཡིག་སྣ་ཚོགས་གཟུགས་ཅན་མ། །ལྷ་མོ་སྐུ་བཞིའི་བདག་ཉིད་མ། དངོས་གྲུབ་ཐམས་ཅད་རབ་སྩོལ་མ། །ཞེས་དང་། སྤྱིར་ཐིག་ལས། རྒོད་མེ་འདྲ་ངོ་བོ་ལ། ཕག་མོ་ཐིག་ལེར་བརྗོད་པ་སྟེ། །ལས་ཀྱི་རླུང་གིས་བསྐུལ་བ་ཡིས། །ལྟེ་བའི་དཀྱིལ་འབོར་དུ་ནི་འབར། །ཞེས་གསུངས་པའི་དོན། སུམ་མདོར་རྡོ་རྗེ་ཊཱཀིའི་ངོ་བོ་ཨ་ཐུང་མཐིང་ཀ་མར་མེ་ཙམ། དེ་ལས་མེ་མཐིང་ཁ་མར་མེ་ཙམ་འབར། ལུས་ཐམས་ཅད་གང་ཕྱིར་འཕྲོས། བདག་དང་སེམས་ཅན་ཐམས་ཅད་ཀྱི་རྣམ་ཤེས་ཕུང་པོ་དང་ཞེ་སྡང་སྦྱངས། སངས་རྒྱས་ཐམས་ཅད་ཀྱི་ཐུགས་ཀྱི་བྱིན་རླབས་དང་ཆུ་བཅུད་བསྡུས། སྤྱི་བོ་ནས་ཞུགས་ལུས་ཁེངས། དེ་བཞིན་དུ་སངས་རྒྱས་ཌཱཀི་དཀར་མོ། རིན་ཆེན་སེར་མོ། པདྨ་དམར་མོ། ལས་ཀྱི་རིགས་ལྗང་གུ་འགྲེས་སུ་བྱའོ། །དེ་ནས་རིགས་དྲུག་གི་གནས་སྦྱང་བ་ནི༔ རྒྱུད་ལས། ལས་དང་ཉོན་མོངས་འགག་པར་བྱ། །སྡུག་བསྔལ་ཆེན་པོ་བདེ་བར་འདྲེན། །ཞེས་དང་། སྦ་ལྕག་མའི་རྒྱ་གཞུང་ལས། སྐྱེ་འགྲོ་སེམས་ཅན་བྱམས་སྡང་

[Full Size]

སོགས། །དུས་དང་གནད་དུ་གང་འགྲོ་བྱ། །རླུང་དང་དབྱེར་མེད་བསྡུས་པར་བསྟིམ། །ཞེས་དང་། འགྲོ་དྲུག་སེམས་ཅན་དབང་བསྡུས་བྱང་སེམས་བསྒོམ། །སྙིང་རྗེ་སྐྱེ་དུས་རླུང་རྔུབ་མེ་ལ་བསྟིམ། །སྤྲུལ་སྐུ་འགྲོ་འདུལ་ཕྲིན་ལས་ཅིར་ཡང་འདུལ། །ཞེས་གསུངས་པའི་མན་ངག་རང་གི་སྤྱི་བོར་དབུས་སུ་ཨ་དཀར་པོ། མགྲིན་པར་སུ་དམར། སྙིང་གར་ནཾ་སྔོ། ལྟེ་བར་ཏྲི་ལྗང་། གསང་བར་པྲ་དམར། འདོམས་བར་དུ་ནག་པོ་རྣམས་ཕོ་མོ་རྟེན་འབྲེལ་དུ་གཉིས་རེ་རིགས་དྲུག་གི་ས་བོན་དུ་བསྒོམ། །སེམས་ཅན་ལ་སྙིང་རྗེ་བསྐྱེད་ལ། རླུང་བརྔུབས་པས་བདག་གཞན་སེམས་ཅན་ཐམས་ཅད་ཀྱི་ཚེ་རབས་ཐོག་མེད་ནས་རིགས་དྲུག་ཏུ་སྐྱེ་བའི་ལས་སྒྲིབ་ཐམས་ཅད་བསྡུས་ཏེ་ས་བོན་སོ་སོ་ལ་ཐིམ་པས། །སྤྱི་བོར་ལྷ། མགྲིན་པར་ལྷ་མ་ཡིན། སྙིང་གར་མི། ལྟེ་བར་དུད་འགྲོ། གསང་བར་ཡི་དྭགས། འདོམས་བར་འོག་སྒོ་དམྱལ་བ་རྣམས་གནས་སྣང་ཇི་ལྟར་སོ་སོའི་སྡུག་བསྔལ་བཅས་པ་གསལ་བཏབ། རླུང་བཟུང་བས་ལྟེ་འོག་ཨ་ཐུང་ལས་མེ་ལྕེ་ཐུར་དུ་སོང་དམྱལ་བ་བསྲེགས། ཧཱུྃ་སྔོན་པོར་གྱུར། །ཡི་དྭགས་བསྲེགས་མེ་དམར་པོར་གྱུར། མེ་ལྕེ་གྱེན་དུ་

[Full Size]

འབར་བས་ལྟེ་བའི་དུད་འགྲོ་བསྲེགས་པས་པད་སེར་པོར་གྱུར། སྙིང་གར་མི་བསྲེགས་པས་ཀྱི་སྔོན་པོ། མགྲིན་པའི་ལྷ་མ་ཡིན་བསྲེགས་པས་མ་དམར་སྐྱ། སྤྱི་བོའི་ལྷ་བསྲེགས་པས་ཨོཾ་དཀར་པོར་གྱུར། ཧཱུྃ་ལས་མེ་འབར་ཡི་གེ་ལྔ་བསྲེགས་ཐིག་ལེ་རང་མདོག་ཏུ་གྱུར་པ་ལས་འོད་འཕྲོས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ལྷ་ཚོགས་ཐམས་ཅད་མཆོད་ཅིང་སྤྱན་དྲངས་སྤྱི་བོའི་སྤྱན་རས་གཟིགས་ཡབ་ཡུམ་དཀར་པོ། མགྲིན་པར་གསུང་གི་དམར་པོ། ཐུགས་ཀར་ཐུགས་ཀྱི་མཐིང་ཀ །ལྟེ་བར་ཡོན་ཏན་སེར། གསང་བར་ཕྲིན་ལས་ལྗང་གུ་གསལ་བཏབ་དེ་དག་གི་ཐུགས་ཀར་ཨོཾ་དང་མ་དང་ཎི་དང་པད་དང་མེ་དང་ཧཱུྃ་ལས་ཡི་གེ་དྲུག་གམ་ཡིག་བཅུས་བསྐོར་བར་བསྒོམས་ལ་ཡིད་བཟླས་བྱའོ། །རྡོ་རྗེ་ཕྲེང་བ་ལས། །གང་ཕྱིར་མཁའ་འགྲོ་རྣམས་སྡུད་པ། །དེ་ཕྱིར་སྡུད་པ་མཁའ་འགྲོར་བརྗོད། །ལྟེ་བའི་དབུས་གནས་རྟག་བཞུགས་པས། །ཉི་མ་སྟོང་དང་མཚུངས་པའི་འོད། །ཡེ་ཤེས་ཆེན་པོའི་མེ་བྱུང་བས། །ཀུན་རྟོག་ཐམས་ཅད་འཇོམས་པར་བྱེད། །འབར་བས་ཕུང་པོའི་རྣམ་རྟོག་འདི། །བསྲེགས་བྱས་བར་ཆད་མེད་པའི་ལུས། །དེ་རྒྱས་ཁམས་ཀྱི་རྣམ་རྟོག་འདི། །

[Full Size]

བསྡུས་ནས་སླར་ཡང་རང་བཞིན་གྱི། །གཟུགས་དང་འཛིན་པ་རྣམས་དང་ནི། །དེ་རྒྱབ་དེ་ནི་སླར་ཡང་སྡུད། །དེ་ལྟར་གང་ལ་བྱིན་རླབས་བཞིན། །འཆིང་བ་ཐམས་ཅད་སྲེག་པར་བྱེད། །རླུང་གིས་དེ་ཉིད་རིག་པ་ཡི། །རྣམ་པར་རྟོག་པ་ཙམ་ཡང་ནི། །བསྲེགས་པ་ཙམ་དུ་ཐེ་ཚོམ་མེད། །ཅེས་གསུངས་པའི་དོན་ཏེ། དེ་ཡན་སྟོད་ལས་བྱང་ཆུབ་སྒྲུབ་པའི་གཏུམ་མོ་ཡིན་ནོ། ༈ །ཕྱག་ཆེན་ཐིག་ལེ་ལས། རླུང་གིས་མེ་ནི་སྦྱར་བའོ། །ཞེས་དང་། འཛུམ་པ་དང་ནི་འབྱེད་པ་ཡི། །རླུང་གི་མེ་ནི་ཁོང་དུ་ཆུད། །ཡང་དག་པ་ཡི་དབང་པོ་ཤིང་། །དེ་ཡིས་གཏུམ་མོ་སྦྱར་བའོ། །ཞེས་དང་། ནམ་མཁའ་དང་མཉམ་པའི་རྒྱུད་བྲོ་འགྱུར་ལས། ཙཎྜ་ལཱི་ཡི་བྱེ་བྲག་རྟགས། །དང་པོ་རང་ནི་ཙཎྜ་ལཱི། །གཉིས་པ་གཏུམ་མོའི་ཙཎྜ་ལཱི། །གསུམ་པ་ཁ་སྦྱོར་ཙཎྜ་ལཱི། །དེ་བཞིན་གཅེར་བུའི་ཙཎྜ་ལཱི། །དེ་ཉིད་ཡང་དག་དབྱེ་བ་བསྟན། །གཅེར་བུ་གཏུམ་མོ་ཤིན་ཏུ་གཏུམ། །ཞེས་གསུངས་པ་དང་། སྦ་ལྕག་མའི་རྒྱ་གཞུང་ལས། ལྟེ་འོག་བདེ་ཆེན་གཏུམ་མོ་མེ་སྦར་དམིགས། ཞེས་གསུངས་པའི་དོན་དྲོད་བསྐྱེད་པའི་དམིགས་པ་ནི། སུམ་མདོར་ཉི་མ་ལ་ཨ་ཡི་

[Full Size]

མཐར་གསལ་བྱེད་སོ་གཉིས་མེའི་ཕྲེང་བར་གཡོན་འཁོར་དང་། སྙིང་གར་པདྨ་འདབ་བརྒྱད་དབུས་སུ་ཨོཾ། ཕྱོགས་བཞིར་ཧཱུྃ་ཧཱུྃ་ཧཱུྃ་ཨཱཿ མཚམས་བཞིར་མཱ་ལཱི་པཾ་ཏཾ་རྣམས་ཕུང་པོ་ལྔ་དང་ཁམས་བཞིའི་རང་བཞིན་དུ་གནས་པ། ལྟེ་འོག་ཉི་གདན་ལ་གཏུམ་མོ་ཧ་ཡིག་གི་དབྱིབས་ཅན་ལས་མེ་དྲག་ཏུ་འབར་ནས་ཡི་གེ་དགུ་བསྲེགས་པ་དང་། སུམ་མདོར་མེ་ཡི་ཆོས་འབྱུང་ལ་མེ་ཡི་གཏུམ་མོ་བྱ་མ་སར་སྒོ་ང་ཙམ་ལས་མེ་འབར་ལུས་གང་བུ་ག་དགུ་ནས་མེ་འཕྲོས་པས་གོས་དང་གནས་མལ་ཁྱིམ་དང་ལུང་པ་འཛམ་གླིང་དང་སྟོང་གསུམ་མེས་གང་བ་དང་། སུམ་མདོར་རླུང་གི་དཀྱིལ་འཁོར་གཞུ་ཡི་དབྱིབས་ཅན། དེའི་སྟེང་དུ་མེ་དཀྱིལ་ཟུར་དྲུག་གཡོན་དུ་འཁོར་བ་ལས། མེ་འབར་ལུས་གང་བ་ལས། བུ་ག་དགུ་ནས་མེ་འཕྲོས་པས་གོས་དང་གནས་མལ་ཁྱིམ་དང་ལུང་པ་འཛམ་གླིང་དང་སྟོང་གསུམ་མེས་གང་བ་དང་། སུམ་མདོར་རླུང་གི་དཀྱིལ་འཁོར་གཞུ་ཡི་དབྱིབས་ཅན། དེའི་སྟེང་དུ་མེ་དཀྱིལ་ཟུར་དྲུག་གཡོན་དུ་འཁོར་བ་ལས་མེ་འབར་སོགས་གོང་ལྟར་དང་། ཆོས་འབྱུང་མ་ནི། ཉལ་ས་མེའི་ཆོས་འབྱུང་ཟུར་གསུམ་གྱི་ཟུར་གསུམ་ལ་རཾ་ལས་མེའི་ཕུང་པོ་གསུམ་བསྒོམ། རཾ་ཕྲེང་མ་ནི། ཡན་ལག་

[Full Size]

དང་ཉིང་ལག་གི་རྩ་གནས་ཐམས་ཅད་རཾ་ཡིག་བསམ་ལ་རླུང་གི་གཡས་གཡོན་དུ་འཚུབ་ཅིང་འབར་བ་དང་། བསྲུབ་ཤིང་མ་ནི། དབུ་མའི་བསྲུབ་ཤིང་ལ་རོ་རྐྱང་གིས་བསྲུབས་པས་མེ་འབར་ཏེ་ལུས་ཕྱི་ནང་གང་བ་དང་། ཏིལ་རྡུང་མ་ནི། སྨད་ཀྱི་མེ་སྟོད་དང་སྟོད་ཀྱི་མེ་སྨད་དུ་འབར་བར་དམིགས་ལ་ཁྲུ་གང་བའི་སྟེང་དུ་བསྡེབ་པ་དང་ལངས་ནས་སྡེབ་པའོ། །ཉི་མ་གུར་ཁང་མ་ནི། ཉི་མའི་གདན་དང་རྒྱབ་ཡོལ་དང་གདུགས་དང་མདུན་དང་གཡས་གཡོན་དུ་ཉི་མའི་གུར་ཁང་བསྒོམ། ཉི་མ་སུམ་བརྩེགས་མ་ནི། མགྲིན་པ་དང་ལྟེ་བ་གདན་གསུམ་ལ་ཉི་མའི་དཀྱིལ་འཁོར་བསྒོམ་པ་དང་། གུར་ཐབས་མ་ནི། ནང་གི་མེ་ལས་འཕྲོས་པའི་ཕྱི་རོལ་དུ་མེའི་རྭ་བ་དེའི་ནང་མེ་ཡི་འཁོར་ལོ་རྩིབས་སྟོང་། དེའི་་ནང་དུ་མེའི་ཟ་མ་ཏོག་མེའི་བླ་རེ་ཡོལ་བ་དྲྭ་བ་དྲྭ་ཕྱེད་འཕྱང་བའི་སྟེང་དུ་བླ་མ་མེའི་རང་བཞིན་ཅན་ཏོག་གི་ཚུལ་དུ་བསྒོམ་པ་དང་། རང་ཡི་དམ་གྱི་ལྟེ་བར་ཉི་གདན་ལ་བླ་མ་མེའི་སྐུ་ཅན་ལས་འོད་ཟེར་འཕྲོས་པས་རྒྱལ་བ་སྲས་བཅས་སྤྱན་དྲངས་ནས་བླ་མར་ཐིམ་པས་མེ་འབར་ནས་ལུས་ཕྱི་ནང་སྣོད་བཅུད་ཐམས་ཅད་བླ་མའི་ཐུགས་རྗེ་ཡེ་ཤེས་མེའི་འོད་ཕུང་བསྒོམ་པ་བླ་མའི་

[Full Size]

གཏུམ་མོའོ། །འཕགས་མན་ནི། ལུས་གཡོ་ཞིང་ལུས་ཀྱི་ཆ་ཤས་ཐམས་ཅད་དུ་ཡེ་ཤེས་ཀྱི་མེ་འབར་བ་དང་འདུ་བར་སེམས་གཏད་དོ། །ཁང་བཟང་མ་ནི། ཨ་ཐུང་ལས་མེ་འབར་བ་སྤུའི་བུ་ག་ཐམས་ཅད་ནས་གཡོན་དུ་འཁྱིལ། བུ་ག་དགུ་ནས་ཁ་དོག་ལྔ་ལྡན་འཕྲོས་ནས་མདུན་རྒྱབ་གཡས་གཡོན་སྟེང་འོག་ཐམས་ཅད་དུ་འཁྲིགས་ཏེ་གཞལ་ཡས་ཁང་དུ་གྱུར། ཇེ་ཆེར་འབར་བས་འཇིག་རྟེན་གྱི་ཁམས་གང་བར་བསྒོམ། རྩ་གནས་ལྔ་པོར་རྩའི་གྲངས་དང་མཉམ། ཐིག་ལེ་སྤྱི་བོར་དཀར་པོ་སོ་གཉིས་སོགས་གཙོ་འཁོར་གྱི་ཚུལ་ཡན་ལག་ཉིང་ལག་རྣམས་སུ་ཐིག་ལེ་སྣ་ཚོགས་བསྒོམས་པ་ལས། མེས་རེག་སྟེང་འོག་ནས་སྙིང་ཁར་འབར་སྙིང་ཁ་ནས་སྟེང་འོག་ཏུ་འབར་བ་དང་། ཐིག་ལེའི་ཚབ་ཏུ་རཾ་ཡིག་བཀོད་ནས་གོང་ལྟར་མེ་འབར་བ་དང་། གསང་བར་ཨེ། སྤྱི་བོར་པཾ། མགྲིན་པར་མ། ལྟེ་བར་ཡ། སྙིང་གར་ཧཱུྃ་བཀོད་པ་ལས་མེ་འབར་བ་དང་། སྟེང་འོག་གཉིས་དང་། ཡང་སྤྱི་བོར་འཁོར་ལོ། སྙིང་གར་རྡོ་རྗེ། མགྲིན་པར་པདྨ། ལྟེ་བར་རིན་པོ་ཆེ། གསང་བར་གྲི་གུག་གམ་རྒྱ་གྲམ་ལས་མེ་སྟེང་དང་འོག་ཏུ་འབར་བ་དང་། སྤྱི་བོར་སྤྱན་མ། མགྲིན་པར་གོས་དཀར། སྙིང་

[Full Size]

གར་དབྱིངས་ཕྱུག་ལྟེ་བར་མཱ་མ་ཀཱི། གསང་བར་དམ་ཚིག་སྒྲོལ་མ་རྣམས་ལས་མེ་སྟེང་འོག་ཏུ་འབར་བར་བསྒོམ་མོ། །དེ་ནས་ཡུམ་གཙོ་བོར་བཏོན་པའི་གཏུམ་མོ་ནི། རྒྱུད་ལས། སྐུ་མདོག་དམར་མོ་སྤྱན་གསུམ་པ། །རུས་པའི་རྒྱན་ཆ་སྣ་ཚོགས་ལྡན། །ཕྱག་གཡས་རྡོ་རྗེའི་གྲི་གུག་འཛིན། །གཡོན་པ་ཐོད་པ་བདེ་བས་གང་། །ཞེས་དང་། རང་བྱུང་བའི་སྐུ་གསུམ་ངོ་སྤྱོད་ལས་ཀྱང་གཏུམ་མོའི་སྐབས་སུ་ཕག་མོ་ཌཱཀི་ལྔ་དང་བཅས་པ་སྒོམ་པར་གསུངས་པ་དང་། སྐུ་གསུམ་ངོ་སྤྲོད་དྲུང་པའི་ཕྱག་བྲིས་ལས་ཀྱང་རང་ཉིད་རྗེ་བཙུན་མར་གསལ་བའི་ལྟེར་བར་རཾ་ལས་ཡེ་ཤེས་ཀྱི་མེ་མཚན་ཉིད་བཞི་ལྡན་དུ་འབར་བས་ལུས་ཐམས་ཅད་ཁྱབ་པར་བསྒོམ་པ་ཁོ་ནའོ། །ཞེས་གསུངས་པས། རང་གི་ཡུམ་གསང་ཡེ་ཕྱག་གཉིས་མར་སྒོམ་པའི་སྟོང་རེ་རྩ་གསུམ་འཁོར་ལོ་བཞི་གསལ་བའི་ལྟེ་བར་ས་ལྗང་གུ་ལ་ས་རེ་བཞིས་སྐོར། དེ་བཞིན་སྙིང་གར་ནི་དགུ། མགྲིན་པར་རི་བཅུ་བདུན། སྤྱི་བོར་ཧ་སོ་གསུམ་རྣམས་རིགས་བཞི་མཁའ་འགྲོའི་ངོ་བོ། གསང་གནས་སུ་ཧྲཱིཿདང་རཾ་ལས་མེ་འབར་འཁོར་ལོ་བཞིའི་ས་བོན་རྣམས་བསྲེག །རང་མདོག་གི་མེ་སོ་སོར་འབར་ཞིང་། ལག་གཡས་

[Full Size]

ཧ་དང་གཡོན་རི། རྐང་པ་གཡས་ནི་གཡོན་ས། ཡན་ལག་ཉིང་ལག་ཐམས་ཅད་དུ་ཡི་གེ་བཞི་ལས་མེ་འབར་ཞིང་འཁྱིལ་བས་ལུས་ནང་ཐམས་ཅད་ཡེ་ཤེས་ཀྱི་མེར་བསྒོམ་པ་ནི་གངས་ཀྱི་སེང་ཆེན་མའོ། །རང་ཉིད་གསང་བ་ཡེ་ཤེས་གསེར་མདོག་གྲི་ཐོད་ཅན་ལ་ཕྱོགས་བཅུའི་རྒྱལ་བ་སྲས་བཅས་རྩ་བ་གསུམ་ཐམས་ཅད་སྤྱན་དྲངས་ལ་རང་ལ་ཐིམ་པས་ལུས་ཕྱི་ནང་ཡེ་ཤེས་ཀྱི་མེ་དཔུང་དུ་གྱུར། སླར་ཡང་སྤྱན་དྲངས་ལ་བསྟིམས་པས་མེ་ཆེར་འབར་སྟོང་གསུམ་འཇིག་རྟེན་ཐམས་ཅད་མེ་ཡི་ཕུང་པོར་གྱུར་པ་ལ་སེམས་གཏད་པ་མེ་དཔུང་འབར་བ་མའོ། །དེ་དག་ནི་གཏུམ་མོ་རབ་ཀྱི་ཆེ་བ་འདོན་པའི་དམིགས་བསྐོར་ཏེ། འདི་སྐབས་རྫས་ཀྱི་གཏུམ་མོ་ནི་གཞན་དུ་ཤེས་སོ། །དེ་ནས་ཕྲིན་ལས་སྒྲུབ་པ་ནི། སམྦུ་ཊི་ལས། ཐབ་ཁུང་ལྟེ་བའི་་དཀྱིལ་འཁོར་ལས། །ལས་ཀྱི་རླུང་གིས་བསྐྱོད་པ་ཡིས། །ཚངས་པའི་མེ་ནི་གཏུམ་མོ་འབར། །ཞེས་དང་། སྡོམ་འབྱུང་ལས། ཨ་ཡིག་སྣ་ཚོགས་གཟུགས་ཅན་ལ། །ལྷ་མོ་སྐུ་བཞིའི་བདག་ཉིད་མ། །དངོས་གྲུབ་ཐམས་ཅད་རབ་སྩོལ་མ། །ཞེས་དང་། ལྷ་མོ་སྣ་ཚོགས་གཟུགས་ཅན་ནོར་བུ་བཞིན། གཞུང་ལས། རྡོ་རྗེ་རིགས་ཀྱི་མཁའ་འགྲོ་མ། །རྡོ་

[Full Size]

རྗེ་ཆོས་ཀྱི་དངོས་གྲུབ་སྩོལ། །རིན་ཆེན་རིགས་ཀྱི་མཁའ་འགྲོ་མ། །ནོར་དང་བསོད་ནམས་དངོས་གྲུབ་སྩོལ། །པདྨ་རིགས་ཀྱི་མཁའ་འགྲོ་མ། །ཆགས་པ་དབང་སྡུད་དངོས་གྲུབ་སྩོལ། །ལས་ཀྱི་རིགས་ཀྱི་མཁའ་འགྲོ་མ། །དགྲ་བགེགས་ཚར་ཆོད་དངོས་གྲུབ་སྩོལ། །ཞེས་པའམ་མན་ངག་ལས། རྩ་གསུམ་འདུས་པར་རླག་བྱེད་ཀྱི་གཏུམ་མོ་ཟླུམ་ཞིང་དཀར་པོའི་མེ་ཐབ་ཏུ། གསང་བ་ཡེ་ཤེས་དཀར་མོ་ཞལ་གྱེན་དུ་གདང་བ་ལ། རླུང་རྔུབ་པའམ། རླུང་རྔུབ་པ་དང་བཟའ་བཏུང་ཏིལ་སོགས་སུ་དམིགས་ཏེ་ཕུལ་བས་ཞི་བའི་ལས་མཛད་པར་བསམ་པ་དང་། བརྟན་བྱེད་གཏུམ་མོ་སེར་པོ་གྲུ་བཞིའི་ཐབས་སུ་གསང་ཡེ་གསེར་མདོག་ལ་དྭཊ་འབྲས་སོགས་ཕུལ་བས་རྒྱས་པའི་ལས་མཛད་པ་དང་། འབར་བའི་ཙཎྜི་ལཱི་ཟླ་གམ་གྱི་མེ་ཐབ་ཏུ་གསང་ཡེ་དམར་མོ་ལ་མེ་ཏོག་ཕུལ་བས་དབང་གི་ལས་སྒྲུབ་པ་དང་། གཡོ་བྱེད་ཙཎྜ་ལཱི་མེ་ཐབ་ལྗང་གུ་གྲུ་གསུམ་དུ་གསང་ཡེ་ལྗང་གུ་ལ། དྲག་པོའི་རྫས་ཕུལ་བས་ཚར་གཅོད་ཀྱི་ལས་སྒྲུབ་པ་དང་། མེའི་ཆོས་འབྱུང་དམར་པོ་ལ་གསང་ཡེ་ནག་པོ་ཞལ་གྱེན་དུ་གདང་བ་ལ། རླུང་རྡུབ་པས་རང་བཞིན་གྱི་སྡིག་སྒྲིབ་སྡིག་པ་རྭ་ཅན་གྱི་རྣམ་པར་

[Full Size]

ཞལ་དུ་བསྟབས་པས་སྡིག་སྒྲིབ་སྦྱངས་བ་དང་། གསང་གནས་མེའི་ཆོས་འབྱུང་མཐིང་ནག་ལ། ཨ་ཐུང་རང་བཞིན་བེར་ནག་ཅན་ནམ་ལྷ་མོའམ་ཕྱག་བཞི་དྲུག་གུར་མགོན་སོགས་ལས་ཀྱི་ལྷ་ཁྲོ་བོ་གང་ཡང་རུང་བ་ཞལ་གྱེན་ལ་བསྒྲད་པ་ལས། རྔུབ་པ་དང་བསྟུན་རྡོ་རྗེ་འཚུབ་མ་དྲག་པོས་དགྲ་བགེགས་ཐམས་ཅད་བསྡུས་ཏེ། རང་གི་ཞལ་བརྒྱུད་གསང་གནས་མགོན་པོའི་ཞལ་དུ་རྐང་མཐིལ་སྐྱ་ལྷག་ལྷག་སོང་བར་བསམས་པས་དྲག་པོའི་ལས་སྒྲུབ་པའོ། །དེ་བཞིན་འབུམ་ལྔར། ལྟེ་བའི་དབུས་གནས་དཔའ་བོ་ནི། །ཟེའུ་འབྲུ་སྦས་པའི་སྤྱོད་ཡུལ་ཅན། །མཉམ་ཕྱིར་ཤེས་རབ་ཐབས་ལྡན་པ། །རྡོ་རྗེ་སེམས་དཔའ་རབ་ཏུ་བཤད། །དེ་ཉིད་འཇིག་རྟེན་གསུམ་འདས་པ། །ཧེ་རུ་ཀ་ནི་ཕྱག་གཉིས་བརྗོད། །ཅེས་དང་། །རྡོ་རྗེ་ཚེ་ཕྲེང་བར། གང་ཕྱིར་མཁའ་འགྲོ་རྣམས་སྡུད་པོ། །དེ་ཕྱིར་སྡུད་པ་མཁའ་འགྲོ་བརྗོད། །ལྟེ་བའི་དབུས་ནས་རྟག་བཞུགས་པ། །ཉི་མ་སྟོང་དང་མཚུངས་པའི་འོད། །ཡེ་ཤེས་ཆེན་པོའི་མེ་བྱུང་བས། །ཀུན་རྟོག་ཐམས་ཅད་འཇོམས་པར་བྱེད། །ཅེས་དང་། རྡོ་རྗེ་སྙིང་པོས། མེ་འབར་ཉོན་མོངས་རབ་བསྲེགས་ནས། །སོགས་གསུངས་པའི་དོན་ནོ། །གོང་

[Full Size]

ལྟར་ལྟེ་བར་གཏུམ་མོའི་ངོ་བོ་ཞི་རྒྱས་དབང་དྲག་གི་ཐབ་ཏུ་རྒྱལ་བ་རྒྱ་མཚོའམ་རིགས་བཞིའི་སྤྱན་རས་གཟིགས་ཡུམ་དང་འཁྲིལ་བ་ཨ་ཐུང་གི་ངོ་བོར་བསྒོམས་ལ་ཏིལ་སོགས་འབུལ་བ་སྔར་ལྟར་བྱས་ལ་ཕྲིན་ལས་བཞི་སྒྲུབ་བོ། །དེ་ནི་སྨད་དུ་ཕྲིན་ལས་བཞི་སྒྲུབ་པའི་མེ་དམིགས་ཡིན་ལ། ལས་རབ་འབྱམས་སྒྲུབ་པ་ནི། གཏུམ་མོ་ཟས་སུ་ཟ་བ་ནི། མགྲིན་པར་བླ་མ། སྙིང་གར་ཡི་དམ། ལྟེ་བར་ཆོས་སྐྱོང་རྣམས་མེའི་རང་བཞིན་ལ་བཟའ་བཏུང་འདོད་ཡོན་ལྔ་དང་ལྡན་པའི་རང་བཞིན་ཕུལ་བས་བདེ་དྲོད་ཉམས་རྟོགས་ཐམས་ཅད་སྐྱེ་བབར་བསྒོམ། ཙཎྜ་ལཱི་གོས་སུ་གྱོན་པ་ནི། སྤྱི་བོར་བླ་མ་མེའི་སྐུ་ཅན་ལ། མེའི་སྟོད་གཡོགས་དང་མེའི་སྨད་གཡོགས་རྒྱན་ཆ་བྱུང་སྟེ་ལུས་ལ་གྱོན་ཞིང་བརྒྱན་པས་ལུས་ཐམས་ཅད་རབ་ཏུ་ཚ་བར་བསམ་མོ། །ཙཎྜ་ལཱི་གདན་དུ་བཏིང་བ་ནི། འོག་ཏུ་མེ་འབར་བ་ནི་མེ་ཡི་རིན་པོ་ཆེའི་ཁྲི་དང་གདན་དང་རྒྱབ་ཡོལ་དུ་བསྒོམ་མོ། །ཙཎྜ་ལཱིའི་རྟ་ཞོན་པ་ནི། རང་ཉིད་ཡི་དམ་མེ་ཡི་རང་བཞིན་ཅན་ལ། རླུང་གི་ལྷ་མོ་མེའི་གཤོག་པ་གཉིས་ཀྱིས་མཆན་ཁུང་ནས་བཏེག །རྐང་འོག་ནས་རླུང་དཀྱིལ་བ་དན་དང་བཅས་མྱུར་དུ་རྒྱུག་པ་ལ་སེམས་གཏད། ཙཎྜ་

[Full Size]

ལཱིས་གོས་ཀྱི་སྲེད་པ་གཅོད་པ་ནི། ཨ་ཐུང་ལ་སེམས་གཏད་པས་མེ་ལྕེས་ལུས་ཕྱི་ནང་གང་ཞིང་མེའི་མཁའ་འགྲོ་མ་མང་པོས་གར་བྱེད་པར་བསམས་ལ་རང་ཡེང་དྲག་ཏུ་འཁྲབ་བོ། །ཙཎྜ་ལཱིས་ཟས་ཀྱི་འཁྲི་བ་གཅོད་པ་ནི། ཧ་སེབ་ཀྱིས་རླུང་ཕོ་བར་བཟུང་ཞིང་རྩ་ཡི་ནང་ཐམས་ཅད་སྒྲུབ་གུ་ཧྲིག་གེ་ཡོད་པའི་ནང་དུ་བདུད་རྩི་རེག་འཇམ་གྱིས་ལུས་གང་ཞིང་དྲོད་དང་ལུས་རྒྱས་པར་བསྒོམ། སྐོམ་ཚད་ཞི་བར་བྱེད་པ་ནི། ལུས་ཀྱི་རྩ་གནས་རྣམས་སུ་ཆུ་ལས་གྲུབ་པའི་རྡོ་རྗེ་ཊཱཀི་གྲངས་མེད་པས་མེར་གྱིས་གང་བར་བསྒོམས་ནས། ཆུ་རླུང་བཟུང་ངོ་། །ཙཎྜ་ལཱིས་དགྲ་བགེགས་ཚར་གཅོད་པ་ནི། སྙིང་གར་མེའི་རང་བཞིན་གར་སྟབས་ཅན་གྱི་འོད་ཟེར་ལས་མེའམ་རལ་གྲི་དང་། གྲི་གུག་དགྲ་སྟ་ལ་སོགས་མཚོན་ཆ་སྣ་ཚོགས་འཕྲོས་ཏེ་གནོད་བྱེད་ཀྱི་མགོ་ལུས་གཏུབས་པས་རྡུལ་དུ་བརླགས་པར་བསྒོམ་མོ། །ཙཎྜ་ལཱི་གནས་མལ་དུ་བཀོད་པ་ནི། ཡུལ་ཕྱོགས་ཐམས་ཅད་མེའི་ཆོས་འབྱུང་དུར་ཁྲོད་རྭ་བ་མེ་རི་དང་བཅས་པའི་གཞལ་ཡས་ཁང་རབ་ཏུ་འབར་བར་བསྒོམ་མོ། །ཙཎྜ་ལཱི་འཁོར་ལོ་མ་ནི། གང་དུ་འདུག་པའི་གནས་མེའི་འཁོར་ལོ་རྩིབས་སྟོང་ཁ་དོག་ལྔ་ལྡན་སྒོམ་པ་དང་། ཙཎྜ་ལཱི་བླང་དོར་

[Full Size]

མ་ནི། འཁོར་ལོ་ཕྱི་ནང་རིམ་པ་ལྔ་པ་ཆ་ཀི་བསམ་གྱིས་མི་ཁྱབ་པས་ཧཱུྃ་སྒྲ་དང་བཅས་ཏེ་སྲུང་བའོ། །མཚམས་བཞི་ཙཎྜ་ལཱི་ནི། སུམ་མདོར་རཾ་ལས་མེ་སྦར་སྣ་བུག་གཡས་ནས་བྱུང་གཡོན་དུ་ཞུགས། རྩ་འཁོར་ཐམས་ཅད་ཁྱབ་པར་བསྒོམ། ཙཎྜ་ལཱིས་ནད་འདོན་པ་ནི། ན་སར་རཾ་ཡིག་ལས་མེ་འབར་བས་ནད་བསྲེགས། མལ་དུ་བདུད་རྩི་གོང་བུ་བླ་མའི་ངོ་བོར་བཞུགས་པར་བསྒོམ། རྩའི་གཏུམ་མོ་ནི། རྩ་གསུམ་པོ་ཁ་དོག་དམར་ཞིང་རེག་བྱ་ཚ་བར་བསྒོམ། རླུང་གི་གཏུམ་མོ་ནི། ལུས་གསལ་སྟོང་ལ་དབུགས་འོགྲོ་འོང་གནས་པ་གསུམ་དྲོ་ཞིང་སྲེག་པའི་རང་བཞིན་དུ་བསམས་ལ་རྡོར་བཟླས་བྱའོ། །ཐིག་ལེའི་གཏུམ་མོ་ནི། ལྟེ་བར་དབུ་མའི་ནང་རཀྟའི་རང་བཞིན་བྱང་སེམས་དམར་པོ་སྲན་མ་ཙམ་དྲོད་ཀྱི་རང་བཞིན་ཅན་བསྒོམ་པའོ། །བདུད་རྩིའི་ཙཎྜ་ལཱི་ནི། ལྟེ་བར་རིན་པོ་ཆེའི་བུམ་པར་པདྨའི་སྣོད་ལས་བྱུང་བའི་བདུད་རྩིའི་རྒྱུན་བབས་ལུས་ངག་ཡིད་གསུམ་ཉམས་རྟོགས་མཐུ་ནུས་སྨིན་པ་དང་འཕེལ་བ་རྒྱས་པའི་ནུས་པ་འབར་བས་འཁོར་ལོ་ཐམས་ཅད་གང་བར་བསམ། ལྟེ་བར་ཙཎྜ་ལཱི་གསང་བ་ཡེ་ཤེས་ཞལ་ཕྱག་རྫོགས་པ་མེ་ཡི་རང་བཞིན་ཅན་དང་། ལྟེ་

[Full Size]

བར་ཧཱིའམ་ཝཾ་གང་རུང་གཏུམ་མོའི་ངོ་བོར་འབར་བསྲེགས་སྨིན་པའི་བདག་ཉིད་ཅན། ཙཎྜ་ལཱི་ལྷའི་སྐུ་སྣ་ཚོགས་ལ་གསལ་གདབ་ཅིང་ལྷའི་སྐུ་བྱེ་བ་མཐའ་ཡས་སྤྲོ་བསྡུ་བྱ་བ་དང་། །དབྱངས་གསལ་བྱེད་དུ་མར་བསམ་ཞིང་སྤྲོ་བསྡུ་དང་། རྡོ་རྗེ་དམར་པོ་སོགས་ཕྱག་མཚན་དུ་མར་བཀོད་ནས་ཕྱག་མཚན་མཐའ་ཡས་སྤྲོ་བསྡུ་བྱ་བ་ནི་སྐུ་གསུང་ཐུགས་ཀྱི་ཙཎྜ་ལཱིའོ། །ཙཎྜ་ལཱི་ཟླ་བའི་ཁ་དོག་ལྟར་འཚེར་བ་དང་། གསེར་བཙོ་མ་དང་། པདྨ་རཱ་ག་དང་། ཨིནྡྲ་ནི་ལའི་མདོག་ཅན་ལ་རང་འོད་ཀྱིས་འཇིག་རྟེན་ཁྱབ་པར་འཕྲོས་པས་གང་ལ་རེག་པས་ཞི་རྒྱས་དབང་དྲག་གི་ལས་འགྲུབ་པར་བསྒོམ་པ། ལས་བཞིའི་གཏུམ་མོ་དང་། གཏུམ་མོ་འབར་བའི་དབུས་སུ་རྡོ་རྗེ་དམར་པོ་རྩེ་ལྔ་པའི་ལྟེ་བར་སངས་རྒྱས་ཚེ་དཔག་མེད་ན་བཟའ་དཀར་མོ་དང་སྦྱོར་བ་ལ། བདེ་གཤེགས་ཐམས་ཅད་ཀྱི་སྐུ་གསུང་ཐུགས་ཡེ་ཤེས་ཀྱི་བདུད་རྩིའི་བཅུད་བསྡུས་པས་འཆི་བདག་འཇོམས་པའོ། །སྐྱོན་བསལ་བ་ནི། །ས་ཁམས་གཏུམ་མོ་གསེར་གྱི་མཆོད་སྡོང་བང་རིམ་ཟུར་བཞི་རྡོ་རྗེ་ཕྱེད་པ་བཞིས་མཚན་པ་གཡོ་བའི་དངོས་པོ་མེད་པར་བྱས་པར་བསམ་པ་དང་། ཆུ་ཁམས་གཏུམ་མོ་བདུད་རྩིའི་མཚོ་ལ་བུམ་པ་དཀར་པོ་ལྔ་

[Full Size]

ཚོམ་གྱིས་བསྲེགས་པའི་དངོས་པོ་ཞི་བར་བསམ་པ་དང་། མེ་ཁམས་གཏུམ་མོ་མེ་ཐབ་འབར་བས་བརླན་པ་ཞི་བ་དང་། རླུང་ཁམས་གཏུམ་མོ་གཞུའི་དབྱིབས་ཅན་ལྗང་ཁུ་བ་དན་གྱིས་མཚན་པས་བརྟན་པ་གཡོ་བར་བྱེད་པ་དང་། ནམ་མཁའི་གཏུམ་མོ་རྩིབས་དྲུག་རྡོ་རྗེས་མཚན་པས་འདུས་པའི་སྐྱོན་བསལ་བར་བསམ་པའོ། །རྫུ་འཕྲུལ་གྱི་གཏུམ་མོ་ནི༔ མགྲིན་པར་ན་ད་དམར་པོ་གཅིག་ཏུ་གཡོ་བ་ལ་སེམས་གཏད་དོ། །གདན་མཚམས་འཛིན་པའི་ཙཎྜ་ལཱི་ནི། སྣ་བུག་འདུས་མདོར་རཾ་ཡིག་ལས་མེ་འབར་བས་གཡས་ནས་ཕྱིར་ཕྱུང་གཡོན་ནས་ནང་དུ་དྲངས་ཏེ་མགོ་མགྲིན་སྙིང་ལྟེ་སོགས་ལུས་ཁྱབ་པར་བསམ་ཞིང་བརྔུབས་ནས་དགང་བར་བྱའོ། །གང་གི་མི་དམིགས་ཐམས་ཅད་ལ་དུས་གསུམ་གྱི་རྟོག་པ་ཕྲལ་ནས་ཕྱག་ཆེན་ངང་དུ་བཞག་པས་མཆོག་གི་གཏུམ་མོ་དང་ཐུན་བསྡུ་བའི་སྐབས་སུ་རྩ་ཐམས་ཅད་མི་དམིགས་ལ་བསྡུས་ནས་བསྔོ་སྨོན་བྱའོ། །སྒྱུ་ལུས་ཀྱི་གཏུམ་མོ་ནི། ལྟེ་བར་ཙཎྜ་ལཱི་སེར་པོ་འབར་བའི་དབྱིབས་ཅན་བསྒོམ། །འོད་གསལ་གྱི་གཏུམ་མོ་ནི། སྙིང་གར་རིན་པོ་ཆེ་སྔོན་པོ་འབར་བའི་དབྱིབས་ཅན། རྨི་ལམ་གྱི་གཏུམ་མོ་ནི། མགྲིན་པར་དམར་པོ་

[Full Size]

འབར་བའི་དབྱིབས་ཅན་བསྒོམ་པ་གནས་སྐབས་བཞིའི་གཏུམ་མོའོ། དེ་ལྟར་བསྒོམས་པས་གནས་སྐབས་སུ་ལུས་ནད་གདོན་གྱིས་མི་ཚུགས་ཤིང་ཕྱི་རོལ་གྲང་བའི་རྐྱེན་ཐམས་ཅད་དང་། བྲལ་ཞིང་བདེ་དྲོད་ཀྱི་ཡོན་ཏན་འབྱུང་བ་ནི་བསྒོམས་འབྲས་ཚད་ལ་དབབ་པའོ། །དེ་ནས་ཐིག་ལེའི་རྣལ་འབྱོར་སྒྲུབ་པ་ཆེན་པོ་ནི། རྒྱུད་ལས། སྤྱི་བོར་ཡིག་འབྲུ་བསམས་ནས་ནི། །བྱིན་རླབས་བདེ་བས་ལུས་གང་ངོ་། །ཞེས་དང་། སྦ་ལྕག་མའི་གཞུང་ལས། རླུང་བཟུང་དབང་བསྡུས་བྱང་སེམས་རང་བཞིན་ཞུ། །ཞེས་དང་། ལྟེ་བའི་ཨ་ལས་གཏུམ་བློམོ་སྦྱར། །སྤྱི་བོའི་ཧཾ་ལ་རེག་པ་ཡིས། །བྱང་ཆུབ་སེམས་ཀྱི་རྒྱུན་བབས་པས། །འཁོར་ལོ་བཞི་ཡི་ལྷ་ཚོགས་རྣམས། །བདེ་བ་ཆེན་པོ་འབར་བ་དང་། །ཞེས་དང་། ཕྱག་ཆེན་ཐིག་ལེ་ལས། དེ་ནས་མེ་འབར་ཡན་ལག་གི །བདེ་ཆེན་འཁོར་ལོ་ཞུ་བར་འགྱུར། །ཞུ་བས་རྩ་ནི་ཐམས་ཅད་ལ། །མཆོག་གི་བདུད་རྩི་འཛག་པའོ། །ཞེས་དང་། ཁ་སྦྱོར་ལས། བདུད་རྩི་རྒྱུན་གཟུགས་ཀྱིས་འཛག་པ། ཞེས་དང་། ཧེ་བཛྲ་ལས། བསྲེགས་པས་རི་བོང་ཅན་ཧཾ་འཛག །ཅེས་དང་། ཙཎྜ་ལཱི་དང་། རྡོ་རྗེ་ཕྲེང་བར། རི་བོང་

[Full Size]

མཚན་མའི་ཆ་འདི་རྣམས། །དགའ་བའི་ཐིག་ལེ་བཅུ་དྲུག་སྟེ། །ཨཱ་ལིའི་ངོ་བོ་ཤེས་པར་བྱ། །ཞེས་གསུངས་པའི་དོན། སྤྱི་བོར་ཟླ་བའི་བླ་མ་བདུད་རྩིའི་རྒྱན་ཆ་ཅན་ལ་གསོལ་བ་བཏབ་ནས་རང་ལ་བསྟིམས་པས་ཟག་མེད་བདེ་ཆེན་གྱི་སྐུ་ཐོབ་པར་བསྒོམ་པ་དང་། སྨིན་ཕྲག་ཏུ་རྩ་གནས་དམར་པོ་ལ་ཐིག་ལེ་དཀར་པོ་ཡུངས་དཀར་ཙམ་མཚན་ཉིད་བཞི་གཡོན་དུ་འཁོར་བ་དང་། སུམ་མདོར་ཨ་ཐུང་སུམ་འཁྱོགས་བདེ་ཆེན་གྱི་འཁོར་ལོ་བྱང་སེམས་ཐིག་ལེའི་མཚན་ཉིད་བཞི་ལྡན་མགོ་ཐུར་བསྟན་དང་། དེའི་རྩ་གནས་སུ་ཨེ་ཝཾ་མ་ཡ་དེ་ལས་འོད་ཟེར་འཕྲོས་པས་འོག་མིན་ནས་ཧེ་རུ་ཀ་ཡབ་ཡུམ་སྦྱོར་མཚམས་ནས་བྱང་སེམས་དཀར་དམར་སྤྱན་དྲངས། དེ་ལ་ཐིམ་མེ་ཅུང་ཟད་འབར་བས་སྤྱི་བོའི་ཐིག་ལེ་ཕྲ་མོ་གཅིག་ཆད། དེ་མེ་ལ་ཐིམ་པས་ཆེར་འབར་བདེ་བ་སྐྱེས། བྱང་སེམས་ལས་བདུད་རྩིའི་རྒྱུན་བ་དག་མང་ཙམ་བབ་སྟེ། རྩ་བའི་མེ་ལ་ཐིམ་པས་དགའ་བདེ་སྐྱེས་པར་བསམ། དེ་ལ་དགའ་བཞིའི་ཡེ་ཤེས་ངོས་བཟུང་བ་ནི། རྒྱུད་ལས། ཐམས་ཅད་བདེ་བའི་རང་བཞིན་ལ། །བདེ་བར་རྟོགས་པ་ཁོ་ནའོ། །བདེ་བ་བཞི་དང་རྒྱུ་དང་འབྲས་ལྡན་པ། །ཞེས་དང་། རྡོ་རྗེ་

[Full Size]

ཕྲེང་བ་ལས། དེ་རྗེས་ལུགས་འབྱུང་བཤད་པར་བྱ་སྟེ། །བདེ་ཆེན་འཁོར་ལོའི་སྤྱི་བོ་ལས། །དེ་ནི་དགའ་བར་བཤད་པ་ཡིན། །ལོངས་སྤྱོད་འཁོར་ལོའི་མཆོག་དགའ་དང་། །དགའ་བྲལ་ཆོས་ཀྱི་འཁོར་ལོ་ནས། །སྤྲུལ་པའི་འཁོར་ལོ་ལྷན་ཅིག་སྐྱེས། །དགའ་བ་ཉམས་སུ་མྱོང་བར་བྱེད། །སྤྲུལ་པའི་འཁོར་ལོ་དགའ་བ་དང་། །མཆོག་དགའ་ཆོས་ཀྱི་འཁོར་ལོ་གནས། །ལོངས་སྤྱོད་བྲལ་བའི་དགའ་བ་དང་། །ལྷན་ཅིག་སྐྱེས་དགའ་བདེ་བ་ཆེ། །མངོན་བརྗོད་ལས། ལྟེ་བ་སྙིང་པད་ཉི་མའི་དབུས། །ལྕེ་རྩ་དང་ནི་མགོ་སྟེང་དུ། །དགའ་བ་དང་ནི་མཆོག་དགའ་ཉིད། །དམ་པར་ལྡན་དང་ལྷན་ཅིག་སྐྱེས། །དང་པོ་འདབ་མ་དྲུག་ཅུ་བཞི། །གཉིས་པ་བརྒྱད་པ་མཆོག་ཡིན་ཏེ། །གསུམ་པ་འདབ་མ་བཅུ་དྲུག་པ། །བཞི་པ་སུམ་ཅུ་སོ་གཉིས་གདབ། །ཕོ་མོ་ལྟེ་བའི་རྩ་གནས་ལ། །ལྷན་ཅིག་སྐྱེས་དགའ་ཁྲག་འཐུང་མཆོག །ཅེས་གསུངས་པའི་དོན་ནི། རང་ཉིད་རྒྱལ་བ་རྒྱ་མཚོའི་རྩ་གནས་ལྔར་རིགས་ལྔའི་ཐུགས་རྗེ་ཆེན་པོ་ཡབ་ཡུམ་འཁོར་རྩ་འདབ་ཀྱི་གྲངས་དང་མཉམ་པའི་རིགས་ཀྱི་ཌཱཀི་དང་བཅས་པ་གསལ་གདབ་ནས་རླུང་བཟུང་བས་ལྟེ་འོག་གི་གཏུམ་མོ་ཡར་མར་

[Full Size]

དུ་འབར། འཁོར་ལོའི་ལྷ་རྣམས་དང་ཉེ་བ་ན་ཐམས་ཅད་རང་མདོག་ཐིག་ལེའི་རྩ་དང་མཉམ་པར་གྱུར། མེ་ཡི་ངད་ཀྱིས་སྤྱི་བོའི་ཧཾ་ལས་བྱང་སེམས་བདུད་རྩིའི་ཆར་ཟིམ་ལྟ་བུ་བབས་པས། ཐིག་ལེ་རྣམས་ལྷའི་སྐུ་སྔར་བས་བཀྲག་མདངས་རྒྱས་པར་གྱུར། ལུས་སེམས་དགའ་བདེ་སྐྱེས་པར་དམིགས་པ་དང་། མེ་ལྕེ་སྤྱི་བོའི་ཧཾ་ཡིག་ལ་རེག་པས་ཧཾ་གི་འོད་ཟེར་ཕྱོགས་བཅུར་འཕྲོས་པས། ཕྱོགས་བཅུའི་རྒྱལ་བ་སྲས་དང་བཅས་པ་བྱང་སེམས་དཀར་དམར་དུ་ཞུ་བ་སྤྱི་བོ་ནས་ཞུགས། ཧཱུྃ་ལས་བདུད་རྩིའི་རྒྱུན་བབས་པས་ལྷ་རྣམས་ཀྱི་ཞལ་དུ་ཞུགས་སྐུ་ལུས་བདེ་བ་རྒྱས་ཤིང་སྤྱི་བོའི་རྩ་འདབ་སོ་གཉིས་གང་བས་དགའ་བའི་ཡེ་ཤེས་སྐྱེས། མགྲིན་པའི་རྩ་འདབ་བཅུ་དྲུག་གང་། མཆོག་དགའི་ཡེ་ཤེས་སྐྱེས། སྙིང་གའི་རྩ་འདབ་བརྒྱད་གང་། དགའ་བྲལ་གྱི་ཡེ་ཤེས་སྐྱེས། ལྟེ་བའི་རྩ་འདབ་རེ་བཞི་གང་། ལྷན་ཅིག་སྐྱེས་དགའི་ཡེ་ཤེས་སྐྱེས། དེ་ནས་གསང་བར་དཀར་དམར་འདྲེས། བདེ་བ་ཁྱད་པར་ཅན་སྐྱེ་བར་བསྒོམ། རྒྱུད་ལས། བདེ་བ་བཟུང་བ་དང་པོ་ཡིན། །བདེ་བ་གནས་པ་གཉིས་པ་ཡིན། །བདེ་བ་མི་འཆོལ་གསུམ་པ་ཡིན། །དེ་ལ་མ་ཆགས་བཞི་པ་

[Full Size]

ཡིན། །ཞེས་གསུངས་པས་རྡོ་རྗེའི་བུ་ག་ཧཱུྃ་དམར་པོས་བཀག་ནས་རིག་པ་སྤྱི་བོའི་ཧཾ་ལ་གཏད་པ་ནི་བཟུང་བ་དང་། བདེ་བའི་ངོ་བོ་ལ་བལྟས་ནས་ཡེ་ཤེས་ངོས་བཟུང་ནས་ཧཱུྃ་རིང་དང་ཁོང་འདྲེན་དྲག་པོས་ཆུའི་རླབས་ལྡོག་པ་ལྟར་སྐྱ་ཆི་ལི་ལི་གྱེན་དུ་རྩ་གནས་རྣམས་ལ་དྲངས་ཏེ། གསང་བ་ནས་ལྟེ་བར་དྲངས་པ་དགའ་བ། སྙིང་གར་མཆོག་ཏུ་དགའ་བ། མགྲིན་པར་དགའ་བྲལ། སྤྱི་བོར་ལྷན་ཅིག་སྐྱེས་དགའི་ཡེ་ཤེས་སྐྱེས། དེ་མ་ཐག་དཀར་དམར་འདྲེས་པའི་བདེ་བ་ཆེན་པོས་ལུས་ཐམས་ཅད་ཁྱབ་པར་བསམ་ལ་ལུས་དྲག་ཏུ་སྤྲུག་གོ །ཡང་སྤྱི་བོར་ཨོཾ་མགོ་ཐུར་བསྟན། ལྟེ་འོག་ཨ་ཐུང་ལས་མེ་ཅུང་ཟད་འབར་བས་དགའ་བཞིའི་འགྲོས་དང་། བདེ་སྟོང་རྒྱས་པར་བསམས་ལ་གོང་བཞིན་ནོ། །ཨོྃ་གྱི་མཐར་ཨཱ་ལི་གཡས་སུ་འཁོར་བ་དང་། ཙཎྜ་ལཱིའི་མཐར་ཀཱ་ལིའི་མེའི་རང་བཞིན་གཡོན་དུ་འཁོར་བ་ལས་མེ་ཅུང་ཟད་འབར་བའི་ངད་ཀྱིས་སྤྱི་བོའི་དབྱངས་ལས་བདུད་རྩི་ཆར་ཟིམ་ལྟ་བུ་བབས་པས་ལྷ་ཐམས་ཅད་རང་ལུས་དང་བཅས་པ། དགའ་བདེའི་ཁྱབ་པ་དང་། བདུད་རྩིའི་རྒྱུན་རྟ་རྔ་ཙམ་བབས་པས་དགའ་བཞིའི་འགྲོས་སྦྱར། སྐུ་བཞིའི་ས་བོན་བཞག་པ་དང་། ལྟེ་བར་ཨ་སྤྱི་བོར་པད་

[Full Size]

ཟླའི་ཨེ་ལས་བྱང་སེམས་འོད་ཟེར་འཕྲོས་པས་སྨིན་མཚམས་དགའ་འཁྱིལ་དུ་གྱུར། གཡོན་དུ་འཁོར་བས་བླ་མ་ཡི་དམ་དཔའ་བོ་དྷ་ཀིའི་བྱིན་རླབས་བསྡུས་ཨ་ལ་ཐིམ་པས་བདེ་སྟོང་སྐྱེས། ཨེ་ལས་མེ་འབར་བའི་ངད་ཀྱིས་ཨེ་ལས་བདུད་རྩི་བབ་པ་ཨ་ལ་ཐིམ་པས་རང་ཉིད་བདེ་ཕྲིལ་ཕྲིལ་དུ་སོང་། ཨ་དང་ཨེ་བརྗེ་རེས་བྱ་བ་དང་། གཏུམ་མོའི་མེ་ཅུང་ཟད་འབར་ཧཱུྃ་ལས་བདུད་རྩི་ཡུངས་འབྲུ་ཙམ་ཆད་ནས་ཨ་ཐུང་ལ་ཐིམ་བདེ་བར་བསམ་པ་འབར་འཛག་དང་། ཨ་ཐུང་འབར་བས་ཧཾ་ལས་བདུད་རྩི་རྟ་རྔ་ཙམ་རྒྱུན་མ་ཆད་པར་བབ་པ་འབྲེལ་ཆགས། གཏུམ་མོ་སྤྱི་བོའི་བར་འབར་ཧཱུྃ་ལས་བདུད་རྩི་བབས་པས་མེ་དེད་པའི་ཚུལ་གསང་བར་སླེབ་པ་འབྲོས་འདེད་དེ། རྩ་འཁོར་ལྔ་དང་རྩ་གནས་ཉེར་བཞི་དང་འཁོར་ལོ་བཅུ་གཉིས་ཚིགས་ཕྲན་དྲུག་ཅུ་བ་སྤུའི་རྩ་བྱེ་བ་ཕྱེད་བཞི་རྣམས་ཀྱི་འབྲོས་དེད་བྱ་གསུངས་སོ། །སྤྱི་བོར་བྱང་སེམས་དཀར་པོ་སྙིང་གར་སླེབ། ལྟེ་བའི་དམར་པོ་སྙིང་གར་སླེབ། ཉི་ཟླ་ཁ་སྦྱོར་བདེ་བ་རང་བཞིན་གྱི་བར་དུ་རང་སེམས་ཧཱུྃ་དུ་བསྒོམ་པ་དང་། གནོད་བྱེད་གདོན་བགེགས་བཀུག་ནས་སྙིང་གའི་བདུད་རྩི་དཀར་དམར་གྱི་དབུས་སུ་བདུད་རྩིས་ཚིམས་ནས་བྱང་ཆུབ་

[Full Size]

སེམས་དང་ལྡན་པར་བསྒོམ་མོ། །ཐུན་མཚམས་ཐིག་ལེ་དཀར་དམར་ཧཱུྃ་དང་ཨ་ཐུང་ལ་བསྡུ་ཞིང་བསྔོ་སྨོན་བྱའོ། །སྤྱི་བོའི་ཧཾ་ལས་ཧཱུྃ་དཀར་པོ་གཅིག་བྱུང་བ་རྒྱལ་མཚན་རྩེར་བསྒོམས་ལ་ཐེན་ཕུལ་བྱ། འཆོར་བར་དོགས་ཚེ་ཀཿདམར་ནག་གིས་བཀག་ལ་ཧཱུྃ་སྤྱི་བོར་བསྡུ་བ་བདེ་བ་ཆེན་པོའི་བོགས་དབྱུང་ངོ་། །བློ་བྲལ་བྱར་མེད་ངང་ལ་བདེ་འབོལ་ལེ་རྗེན་ནེ་བཞག་པས་ལྡོག་བཀྲམ་བཟུང་གསུམ་དུས་གཅིག་ལ་འབྱུང་ཞིང་མི་རྟོག་པའི་བོགས་དབྱུང་ངོ་། །དེ་ལྟར་བསྒོམས་པའི་འབྲས་བུ་ནི། རྒྱུད་ལས། སེམས་ཀྱི་རྣམ་པར་རྟོག་པ་གང་། །གཉིས་སུ་མེད་པའི་ཡེ་ཤེས་ཏེ། །བདེ་དང་སྟོང་པའི་མཚན་ཉིད་ཅན། །ཐབས་དང་ཤེས་རབ་བསྒོམ་ལས་བྱུང་། །ཞེས་གསུངས་པས། སེམས་གཉིས་འཛིན་གྱི་རྟོག་པ་འདི་ཐམས་ཅད་ནི། །བདེ་སྟོང་གཉིས་མེད་ཀྱི་ཡེ་ཤེས་ཡེ་ནས་ཡིན་པ་དེ་ནི། ཐབས་ལམ་ཟབ་མོ་དང་ཤེས་རབ་སྟོང་ཉིད་ཟུང་འཇུག་ཏུ་བསྒོམས་པས་མངོན་འགྱུར་ཞེས་པ་ཡིན་ལ། བདེ་བ་ཆེན་པོའི་སྐུ་འགྲུབ་པ་ཡིན་ཏེ། རྒྱུད་ལས། ཨེ་མ་ཧོ༔ བདེ་བ་ཆེན་པོའི་སྐུ་ཆེན་པོ། །ཞེས་སོགས་དང་། འདིའི་རྟོགས་པ་རྩལ་རྫོགས་ན་འཁོར་འདས་ཐམས་ཅད་བདེ་བ་རོ་འབྱམས་སུ་འཆར་ཏེ།

[Full Size]

རྒྱུད་ལས། འཁོར་བ་མྱ་ངན་འདས་པའི་ཆོས། །དངོས་པོ་རྡུལ་ཙམ་ཡོད་མ་ཡིན། །ཐམས་ཅད་བདེ་བ་ཆེན་པོར་སྦྱངས། །དུས་ཀྱི་ཚད་ནི་སྐད་ཅིག་ལ། །སྡུག་བསྔལ་གྱིས་ནི་བར་ཆད་དུ། །བྱ་བར་ནུས་པ་མ་ཡིན་ནོ། །ཐམས་ཅད་བདེ་བའི་རང་བཞིན་ལ། །བདེ་བར་རྟོགས་པ་ཁོ་ནའོ། །ཞེས་དང་། པདྨའི་རིགས་ཀྱི་གདུལ་བྱ་ཆགས་ཅན་ལ། །པདྨའི་དམ་ཆོས་རྩ་རླུང་ཐིག་ལེ་ཡི། །འདོད་ཆགས་ལམ་ཁྱེར་བཤད་པས། །པདྨའི་རིགས་ཀྱི་སངས་རྒྱས་འོད་དཔག་མེད་ཀྱི་གོ་འཕང་འཐོབ་སྟེ། བདེ་སྟོང་གཉིས་མེད་གར་དབང་རྡོ་རྗེ་འཆང་ལྟ་བུ་འགྱུར་བ་ཡིན་ཏེ། པདྨ་རྒྱལ་པོའི་རྒྱུད་ལས། པདྨའི་རིགས་ཀྱི་གདུལ་བྱ་ལ། །པདྨའི་དམ་ཆོས་ལེགས་བཤད་པས། །པདྨའི་རིགས་ཀྱི་སངས་རྒྱས་འཐོབ། །བདེ་བ་སྟོང་པ་གཉིས་མེད་འཛིན། །ཞེས་དང་། ཐབས་དང་ཤེས་རབ་གཉིས་མེད་སྒོམ། །བདེ་དང་སྟོང་པའི་འབྲས་བུ་ནི། །རྒྱུད་ཆེན་འདི་ཡི་བརྗོད་བྱའོ། །ཞེས་གསུངས་སོ། །དེ་བཞིན་དུ་བྱང་ཆུབ་སེམས་དཔའ་རྡོ་རྗེ་སྙིང་པོའི་རྒྱ་གཞུང་ལས། འཁོར་འདས་གཉིས་མེད་དགོངས་པ་བསྐྱང་བར་བྱའོ། །ཞེས་དང་། དམིགས་མེད་ངང་དུ་རླུང་

[Full Size]

བཟུང་ཅིར་མི་དགོངས། །མཁའ་ལྟར་དག་པ་ཆོས་སྐུ་མངོན་དུ་འགྱུར། །ཞེས་དང་། རྗེ་རང་བྱུང་བས། འཁོར་ལོ་ལྔ་མའི་གཞུང་ཆེན་པོ་ཉིད་ལས། དེ་ལྟར་བསྒོམ་ཞིང་བླ་མའི་མན་ངག་བཞིན་དུ་བསྲེ་བ་དང་བསྲེས་ནས་བསྒོམས་ན། མཆོག་ཐུན་མོང་གི་དངོས་གྲུབ་ཚེ་འདི་ཉིད་ལ་ཐོབ་སྟེ་འོད་གསལ་ཆེན་པོ་འགྲོ་འོང་མེད་པ་མངོན་དུ་གྱུར་ནས་མཁའ་སྤྱོད་ཀྱི་དངོས་གྲུབ་ཐོབ་པར་འགྱུར་རོ། །ཞེས་དང་། འཇམ་དབྱངས་ཆེན་པོས། བདེ་སྟོང་དབྱེར་མེད་བདེ་བ་ཆེན་པོའི་སྐུ་ལ་བདེ་གསལ་ཆེན་པོ་མངོན་དུ་བྱས་པ་འཁོར་ལོ་ལྔ་ཡི་མན་ངག་ཅེས་དང་། ཕྱག་ཆེན་ཐིག་ལེ་ལས། ཇི་ལྟར་བུ་ག་མེད་སྣོད་དུ། །ཆུ་རྣམས་ཟད་པ་མེད་གནས་ལྟར། །དེ་ཡི་བདེ་བ་བརྟན་པར་འགྱུར། །བརྟན་པས་ལྷན་ཅིག་སྐྱེས་པ་དགའ། །དེ་ཕྱིར་སངས་རྒྱས་མི་ཟད་པ། །རྣལ་འབྱོར་པ་ཡིས་ངེས་པར་ཐོབ། །ཅེས་དང་། སཾ་བྷུ་ཊི་ལས། དེ་ཕྱིར་དེ་རྒྱུས་ཅི་ཞིག་བྱ། །མདོར་བསྡུས་པ་ནི་སངས་རྒྱས་ཉིད། །བསྐལ་བ་བྱེ་བ་གྲངས་མེད་པས། །ཇི་སྲིད་སངས་རྒྱས་གང་ཐོབ་པ། །གང་གི་དམ་པ་བདེ་བ་ཁྱོད། །སྐྱེ་བ་འདི་ནས་ཐོབ་པར་འབྱུང་། །རྡོ་རྗེ་མཁའ་འགྲོའི་རྒྱུད་ལས། ཤེས་རབ་ཀྱི་ནི་མི་

[Full Size]

གཡོ་ན། །གང་ཚེ་སེམས་ནི་མི་གཡོ་བ། །དེ་ནི་བྱང་ཆུབ་ཆེན་པོ་ནི། །ངེས་པར་སྟེར་བ་ཉིད་དུ་བཤད། །ཅེས་དང་། བདེ་མཆོག་སྡོམ་འབྱུང་ལས། དགའ་བ་ཡོངས་སུ་ཤེས་པ་ཡི། །ཤེས་རབ་ཕ་རོལ་ཕྱིན་པ་མཆོག །དགའ་བའི་འབྲས་བུ་ལ་གནས་པ། །འདི་ནི་དངོས་མེད་བྱང་ཆུབ་བོ། །གཉིས་པ་དབྱེར་མེད་རོ་གཅིག་པར། །དགའ་བའི་བདེ་བ་ཆེན་པོ་འདི། །ཤེས་རབ་སྙིང་རྗེའི་དབྱེ་བ་ནི། །སྒྲོལ་བ་དང་ནི་འོད་ཟེར་བཞིན། །འདི་གཉིས་མི་ཕྱེད་བདག་ཉིད་དོ། །རོ་གཅིག་དངོས་པོ་སེམས་ཡིན་ནོ། །ཤེས་རབ་ཐབས་ནི་མཉམ་སྦྱོར་བ། །རྫོགས་པའི་བྱང་ཆུབ་སྒྲུབ་བྱེད་པ། །དེ་ཉིད་ལ་ནི་བླ་མེད་པ། །སངས་རྒྱས་ཀུན་དང་རབ་ཏུ་བཞུགས། །དབྱེར་མེད་རྣལ་འབྱོར་ཡན་ལག་རིགས། །གང་གི་གནས་ན་རྡོ་རྗེ་སེམས། །ཇི་སྲིད་རྫོགས་པའི་བྱང་ཆུབ་འགྱུར། །དེ་བས་བསྡད་པར་བྱས་ན་ནི། །སྒྲུབ་པོ་བདེ་མཆོག་རྫོགས་བར་དུ། །ཇི་སྲིད་བར་དུ་མྱོང་བར་འགྱུར། །ཞེས་དང་། གཞན་ཡང་ཐུན་མོང་གི་ཡོན་ཏན་ཐམས་ཅད་ཀྱང་རླུང་མཆོག་ཏུ་གྱུར་པའི་གང་ཟག་རྣམས་ལ་འབྱུང་བར་གསུངས་ཏེ། རྣལ་འབྱོར་གསུམ་གྱི་རྩ་བ་ལས། །

[Full Size]

སྤྱན་ལྔ་མངོན་ཤེས་དྲུག་འབྱུང་སྟེ། །ཆུ་སྲིན་ལ་སོགས་ཁྱིམ་རྣམས་སུ། །མ་རིག་ལ་སོགས་ལུགས་ལྡོག་པས། །ས་ནི་བཅུ་གཉིས་ཐོབ་པར་འགྱུར། །རྟོག་པ་མེད་པའི་ཆོས་ཅན་ཤུལ། །སྐད་ཅིག་གཅིག་ལ་མངོན་སངས་རྒྱས། །ཞེས་དང་། རྡོ་རྗེ་གུར་ལས། མིག་སྨན་དང་ནི་རྐང་མགྱོགས་དང་། །རལ་གྲི་དང་ནི་ས་འོག་འགྲུབ། །རིལ་བུ་དང་ནི་མཁའ་སྤྱོད་ཉིད། མི་སྣང་བ་དང་བཅུད་ཀྱི་ལེན། །ཞེས་དང་། ལྷ་མོ་བཞིས་ཞུས་པ་ལས། རིལ་བུ་མིག་སྨན་དངོས་གྲུབ་དང་། །ས་འོག་རལ་གྲི་དངོས་གྲུབ་ཉིད། །ནམ་མཁའ་འཕུར་དང་མི་སྣང་དང་། །ཤི་བ་མེད་དང་ནད་འཇོམ་མོ། །ཞེས་དང་། གྲུབ་ཆེན་ཀརྨ་པའི་རྒྱ་མཚོ་སྐོར་གསུམ་ལས། རང་བྱུང་ཡེ་ཤེས་ཡི་གེ་ལྔ། །ཨོཾ་མ་ཎི་པདྨེ་ཧཱུྃ་ཧྲཱིཿ ཕྱི་ནང་གསང་གསུམ་དེ་ཁོ་ན་ཉིད་ཀྱི་གནད་དང་མ་བྲལ་བར་ཅི་ནུས་སུ་བཟླ་ཞིང་སྲོག་རྩོལ་རླུང་རྒྱུན་ཆད་མེད་པར་བསྒོམ་ཞིང་གང་དང་གང་ཡིན་ན་ཡང་བྱིན་རླབས་ངག་ནུས་ཕྲིན་ལས་ལོངས་སྤྱོད་རྣམས་སྒྲུབ་པ་ཇི་ལྟར་བྱས་པའི་རྟགས་རབ་འབྲིང་ཐ་གསུམ་མི་འབྱུང་མི་སྲིད་ཕྱིར། ལག་ལེན་ཐམས་ཅད་ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་། ཞེས་དང་། པདྨ་རྒྱལ་པོའི་རྒྱུད་

[Full Size]

ལས། མཆོག་གི་དངོས་གྲུབ་འདོད་པ་ནི། །སྟོང་པ་ཉིད་ལ་ཡང་ཡང་དུ་བདེ་བས་རྒྱས་གདབ་བོ། །ཞེས་གསུངས་སོ། །འདི་ལྟར་འཁོར་ལོ་ལྔ་ཡི་མན་ངག་ནི། །རྒྱུད་ཀྱི་རྩ་ཚིག་རྒྱ་གཞུང་རྡོ་རྗེའི་གསུངས། །ཉམས་ལེན་དམིགས་བསྐོར་གྲུབ་ཆེན་པཀི་ཡིས། །གཉན་རས་ལ་ནི་ཉམས་ཁྲིད་བསྐྱང་བའི་གསུངས། །སང་ག་ལཀྵས་རང་བྱུང་རྗེ་ལ་གདམས། །སེམས་དཔའ་རང་བྱུང་རྡོ་རྗེས་ཡི་གེར་བཀོད། །དེ་ཡི་མན་ངག་བཀའ་བརྒྱུད་རིན་ཆེན་གྱི། །གསུངས་ལས་བྱུང་བ་བརྗེད་ཐོར་མདོར་བསྡུས་ཤིང་། །ངེས་ཤེས་འདྲེན་བྱེད་རྒྱུད་གཞུང་ལུང་རྒྱབ་བཅས། །ལེགས་པར་བཀོད་འདི་རང་གི་ཉམས་ལེན་དུ། །རཱ་གའི་མིང་ཅན་བདག་གིས་བྲིས་པ་ལ། །ཉེས་འགལ་མཆིས་ན་ལྷ་དང་ཌཀིར་བཤགས། །དགེ་བས་བདག་དང་འགྲོ་བ་མ་ལུས་པ། །ཚེ་གཅིག་སྤྱན་རིས་གཟིགས་དབང་སྐུ་འགྲུབ་ཤོག །མངྒ་ལཾ། བྷ་ཝནྟ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྫོགས་རིམ་འཁོར་ལོ་ལྔའི་མན་ངག་གི་དུམ་བུ།

[Full Size]

རྫོགས་རིམ་འཁོར་ལོ་ལྔའི་མན་ངག་གི་དུམ་བུ་བཞུགས་སོ། །

[Full Size]

ན་མོ་ལོ་ཀེ་ཤྭ་ར་ཡེ། བླ་མ་ཐུགས་རྗེ་ཆེན་པོ་ལ་ཕྱག་འཚལ་ལོ། །འཁོར་ལོ་ལྔ་ཡི་མན་ངག་དུམ་བུ་བཀོད། །ཆོས་བདག་ཌཱཀིས་བཀའ་གནང་བྱིན་གྱིས་རློབས། །རང་ཉིད་རྒྱལ་བ་རྒྱ་མཚོའི་སྐུ་སྟོང་ར་རྩ་གསུམ་འཁོར་ལོ་ལྔ་གསལ་བའི་སྤྱི་བོར་ཨོཾ་མགོ་ཐུར་བསྟན་ལ་ཨེ་ཝཾ་མ་ཡ། མགྲིན་པར་ཨཱདམར། སྙིང་ཁར་ཧཱུྃ་མཐིང་། ལྟེ་བར་ཧཱུྃ་སེར་རྣམས་ཨ་ནུ་ཏ་རས་བསྐོར་བ། གསང་གནས་སུ་རླུང་དཀྱིལ་གཞུ་དབྱིབས་སྟེང་དུ་ཆོས་དབྱིངས་ཀྱི་ངོ་བོ་མེའི་ཆོས་འབྱུང་དབུས་སུ་པད་ཉི་ལ་ཧཱིདམར་པོ་ལ་ཧ་རི་ནི་སས་བསྐོར་བ། དེ་རྣམས་ཕྱག་མཚན་བསྒྱུར། དེ་ནས་སྤྱི་བོར་རྣམ་

[Full Size]

སྣང་། མགྲིན་པར་འོད་དཔག་མེད། སྙིང་གར་མི་བསྐྱོད་པ། ལྟེ་བར་རིན་འབྱུང་སྤྱན་རས་གཟིགས། གསང་བར་རྡོ་རྗེ་རྣལ་འབྱོར་མར་བསྒོམ། རྩ་འདབ་འོད་ཀྱིས་ཡེ་ཤེས་པ་བསྟིམ་དབང་བསྐུར་རྒྱས་བཏབ། སྤྲོ་ན་སོ་སོའི་སྔགས་ཨ་དང་སཱ་ཧཱའི་བར་བཅུག་ལ་བཟླས། ཐུན་མཚམས་གཏོར་མ་བསྔོ་ཞིང་འདོད་གསོལ་བྱའོ། །གསོལ་འདེབས་བརྒྱུད་པའི་བླ་མ་ཡི་དམ་ལ་བྱ། དེ་ནས་སྒྱུ་ལུས་ལྟེ་བ། འོད་གསལ་སྙིང་ག །རྨི་ལམ་མགྲིན་པ། གཏུམ་མོ་དུས་ལྟེ་འོག་གི་འཁོར་ལོ་ལ་སེམས་གཏད་པས་ཟིན་སླ་ཞིང་། སྐུ་བཞི་ཡེ་ཤེས་ལྔ་ཕྲིན་ལས་སྒྲུབ་པའི་རྟེན་

[Full Size]

འབྲེལ་དེ། རྒྱུད་ལས། འཁོར་ལོ་ནི་བཞི་སྟེ་ཞེས་དང་། སྐུ་གསུང་ཐུགས། ཞེས་དང་། ཡིག་འབྲུ་བཞི་ཞེས་དང་། ཟིན་པ་བཞི་སོགས་གསུངས་པའི་མན་ངག་གོ། ༈ །དེ་ནས་བླ་སྒྲུབ་བྱིན་རླབས་རྒྱ་མཚོ་ནི། རྒྱུད་ལས། སྤྱི་བོར་བླ་མ་བསྡུས་ནས་ནི། །ཟག་མེད་བདེ་བས་ལུས་དགང་ངོ་། །ཞེས་དང་། དད་པ་དྲག་པོས་བླ་མ་བསྟེན། །ཞེས་གསུངས་པའི་གདམས་པ་ནི། རྣམ་སྣང་སྤྱན་རས་གཟིགས་ཀྱི་དཔྲལ་བར་རྡོ་རྗེ་འཆང་སྔོན་པོ། མགྲིན་པར་དྭགས་པོ་དཀར་སེར་དགེ་སློང་ཆ་ལུགས། ཐུགས་ཀར་དུས་མཁྱེན་དམར་སྨུག །མདུན་དུ་ཏེ་ལོ་དཀར། གཡས་སུ་ནཱ་རོ་སྨུག་ནག །དེ་གཉིས་རྒྱུན་དྲུག །རྒྱབ་ཏུ་མར་པ་དཀར་དམར་སྔགས་ཆས། གཡོན་དུ་མི་ལ་སྔོ་སངས་རྣལ་འབྱོར་པའི་ཆས། དེ་དྲུག་ཀས་བྷནྡྷ་བདུད་རྩིས་གང་བ་རེ་རེ་བསྣམས་པའོ། །ཡེ་ཤེས་པ་བསྟིམ་པ་མཆོད་བསྟོད་གསོལ་བ་གདབ། དེ་དག་ལས་འོད་འཕྲོས་སྣོད་བཅུད་ཐམས་ཅད་ལ་ཁྱབ། ཐམས་ཅད་འོད་དུ་ཞུ་ཚུར་འདུས་བླ་མ་རྣམས་ལ་བསྟིམ། འོད་ཀྱི་རང་བཞིན་དུ་ཞུ་ནས་བདག་ལུས་དབྱེར་མེད་དུ་གྱུར་པས་རང་ལུས་འཇའ་ཡལ་བ་ལྟར་བསྒོམས་ལ་མཉམ་གཞག་གོ །དེ་ལྟར་ཡུན་

[Full Size]

ཅུང་ཟད་བསྒོམས་པས་བྱིན་རླབས་མྱུར་དུ་ཞུགས་པས་ཕྱག་ཆེན་གྱི་རྟོགས་པ་འབད་མེད་དུ་སྐྱེ།། འཇའ་ལུས་རྡོ་རྗེའི་སྐུ་འགྲུབ་པ་སོགས་ཡོན་ཏན་དུ་མ་དང་ལྡན་པའོ། །མགྲིན་པའི་འཁོར་ལོ་ལ་བརྟེན་ནས་ཚེ་སྒྲུབ་པ་ནི། རྒྱུད་ལས། ལོངས་སྤྱོད་འཁོར་ལོ་དང་། ཞེས་དང་། ལྷ་བཞི་དང་། ང་ནི་པདྨ་རྒྱལ་པོ་སངས་རྒྱས་ཡིན། །སངས་རྒྱས་རིགས་ལྔའི་ནང་ནས་ང་མཆོག་ཡིན། །ཞེས་གསུངས་པའི་མན་ངག་ནི། མགྲིན་པར་པདྨ་སྤྱན་རས་གཟིགས་ཀྱི་སྤྱི་བོར་འོད་དཔག་མེད་ཀྱི་ཐུགས་ཀར་ཧཱུྃལས་འོད་འཕྲོས་ཚེ་ཉམས་པ་ཡར་བ་བརྐུས་པ་ཐམས་ཅད་བསྡུས་འོད་དཔག་མེད་དང་སྤྱན་རས་གཟིགས་ལ་ཐིམ་འོད་ཟེར་གྱིས་ལུས་གང་འཆི་མེད་རྡོ་རྗེའི་སྐུར་གྱུར། དེ་བཞིན་ས་ཆུ་མེ་རླུང་ནམ་མཁའི་བཅུད་དང་ལྷ་ཀླུ་མི་བསོད་ནམས་ཅན་གྱི་ཚེ་དཔལ་དང་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཡོན་ཏན་ཐམས་ཅད་བསྡུས་པ་གོང་ལྟར་བསྒོམ་པ་ནི་ཚེ་སྒྲུབ་འཆི་མེད་མཆོག་སྩོལ་ཞེས་བྱའོ། །སྙིང་ག་ཆོས་ཀྱི་འཁོར་ལོ་ལ་བརྟེན་ནས་མཆོག་གི་འོད་གསལ་བསྒོམ་པ་ནི། རྒྱུད་ལས། ཆོས་ཀྱི་འཁོར་ལོ་དང་། ཞེས་དང་། སྟོང་པ་ཉིད་ལ་སྒྲོ་འདོགས་

[Full Size]

སྤངས། །ཞེས་དང་། ཤེས་རབ་ཕུན་སུམ་ཚོགས་པ་ལ། །ཆོས་ཀྱི་རྣམ་གྲངས་ཆེན་པོ་བསྟན། །ཅེས་དང་། རང་བཞིན་སྟོང་པའི་ཡེ་ཤེས་ཀྱིས། །དྲི་མ་ཕྲ་བ་ལུས་པ་མེད། །ཅེས་བ་མཁལ་མའི་གཞུང་ལས། ཆོས་དབྱིངས་ཡེ་ཤེས་དངོས་གྲུབ་སྩོལ། །མ་ཧཱ་མུ་དྲའི་དངོས་གྲུབ་སྩོལ། །ཞེས་དང་། སྦ་ལྕག་མའི་གཞུང་ལས། མཁའ་ལྟར་དག་པས་ཆོས་སྐུ་མངོན་དུ་འགྱུར། །ཞེས་གསུངས། དེའི་མན་ངག་ལ། སྙིང་གར་མི་བསྐྱོད་སྤྱན་རས་གཟིགས་ཀྱི་ཐུགས་ཀར་མེ་ལོང་གཡའ་དག་པ་ལ་བཻཌཱུརྱའི་ཧཱུྃ་ཡིག་དེ་ལས་འོད་ཟེར་འཕྲོས་ཕྱི་སྣོད་ཐམས་ཅད་འོད་ཟེར་དུ་བྱས། ནང་བཅུད་སྣ་ཚོགས་འོད་སྣ་ཚོགས་པར་བསྡུས་ནས་རང་ལ་བསྟིམ། རང་ཉིད་འོད་ཟེར་མཐའ་ཡས་པས་སངས་རྒྱས་ཀྱི་ཞིང་ཁམས་ཐམས་ཅད་ཁྱབ་མཐར་ནམ་མཁའ་ལ་སྤྲིན་དེང་བ་ལྟར་བསྒོམ་ལ་དུས་གསུམ་གྱི་རྟོག་པ་རྒྱུན་བཅད་ནས་ཡིད་ལ་མི་བྱེད་ཕྱག་རྒྱ་ཆེན་པོའི་ངང་དུ་བཞག་པས་མཆོག་སྒྲུབ་སངས་རྒྱས་ལག་འཆང་གི་གདམས་པའོ། །དེ་ནས་སྤྲུལ་པའི་འཁོར་ལོ་ལ་བརྟེན་ནས་ལོངས་སྤྱོད་སྒྲུབ་པ་ནི། རྒྱུད་ལས། སྤྲུལ་པའི་འཁོར་ལོའོ། །ཞེས་དང་། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་

[Full Size]

ཐམས་ཅད་ན། ཆོས་བྱེད་པ་རྣམས་ལ་ལོངས་སྤྱོད་ཀྱི་གཏེར་ཆེན་པོ་དང་འཕྲད་པར་འགྱུར་རོ། །ཞེས་དང་། པདྨ་རྒྱལ་པོའི་རྒྱུད་ལས། ཐུན་མོང་གི་དངོས་གྲུབ་འདོད་པས་ནི་ཡིད་ཆེས་པར་བྱས་ལ་གསོལ་བ་ཉིན་མཚན་དུ་དྲག་པོར་གདབ་བོ། །ཞེས་དང་། གྲུབ་ཆེན་ཀརྨ་པས་རྒྱལ་བ་རྒྱ་མཚོ་སྐོར་གསུམ་ལས། བྱིན་རླབས་ངག་ནུས་ཕྲིན་ལས་ལོངས་སྤྱོད་རྣམས། །སྒྲུབ་པ་ཇི་ལྟར་བྱས་པའི་རྟགས། །ཞེས་དང་། སྦ་ལྕག་མའི་གཞུང་ལས། སྔགས་བཟླས་དུས་སུ་འོད་ཟེར་ལྕགས་ཀྱུའི་དབྱིབས། །མེ་ལྟར་ཚ་ལ་གདུག་པའི་ཚོགས་འཕྲོས་པས། །སྐྱེ་འགྲོའི་སྙིང་ནས་བཟུང་སྟེ་བཀུག་བྱས་ལ། །རིག་པའི་ངོ་བོ་ཐུགས་ཀའི་ཧིལ་ཐིམ། །ལུས་པོ་འོད་དུ་ཞུ་ནས་ལྟེ་བར་བསྡུ། །ཞེས་གསུངས་པའི་མན་ངག་ལ། ལྟེ་བར་རིན་འབྱུང་སྤྱན་རས་གཟིགས་དང་དེ་ཡི་སྤྱི་བོར་རིན་འབྱུང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་སྐྱེ་འགྲོ་ཐམས་ཅད་དབང་དུ་བསྡུས། ཁྱད་པར་བསྒྲུབ་བྱ་ཕོ་ཐམས་ཅད་ལ་རྡོ་རྗེ་ལྕགས་ཀྱུ་སྙིང་གར་བཏབ། མོ་རྣམས་ལ་ཨུཏྤལ་ཞགས་པ་ལྕགས་ཀྱུའི་དབྱིབས་པདྨར་བཏབ་ནས། དེ་ཐམས་ཅད་འོད་ཟེར་གྱི་རྣམ་པར་བསྡུས་ནས་ལྟེ་བའི་ལྷ་ལ་ཐིམ་

[Full Size]

པས། དེའི་ནུས་པས་ལུས་དང་ཁྱིམ་ཐམས་ཅད་འོད་ཟེར་གྱིས་གང་བས་མངའ་ཐང་ལོངས་སྤྱོད་འབྱོར་པ་དབང་ཐང་མངའ་རིས་ནོར་ཕྱུགས་ཟས་ནོར་ལོངས་སྤྱོད་ཐམས་ཅད་བསྡུས། །ཀུནྡའི་འོད་ཀྱིས་སྣོད་བཅུད་ཐམས་ཅད་འོད་ཟེར་སྣ་ཚོགས་ཀྱིས་ཁྱབ་པར་བསམ་པ་ནི་ནོར་སྒྲུབ་དོན་ཡོད་ཞགས་པ་ཞེས་བྱའོ། །དེ་ནས་དྲག་པོའི་ལས་སྒྲུབ་པ་ནི། རྒྱུད་ལས། སྐུ་མདོག་དམར་ལ་སྤྱན་གསུམ་པ། །རུས་པའི་རྒྱན་ཆ་སྣ་ཚོགས་ལྡན། །ཕྱག་གཡས་རྡོ་རྗེ་གྲི་གུག་འཛིན། །གཡོན་ན་ཐོད་པ་བདེ་བས་གང་། །ཞེས་པའི་མན་ངག་ལས། གསང་གནས་སུ་ཕུང་ཁམས་སྐྱེ་མཆེད་ཐམས་ཅད་སྲེག་པར་བྱེད་པ་གཏུམ་མོ་མེའི་རང་བཞིན་ལ། རྣམ་པ་ཡུམ་ཕག་མོ་གསང་ཡེ་སྐུར་ཕྱག་གཉིས་གྲི་ཐོད་ཅན། ཞལ་གྱེན་དུ་གདངས་པ་མེ་དཔུང་འབར་བའི་ཀློང་དུ་བཞུགས་པ་གསལ་བཏབ། དེའི་སྐུ་ལས། འོད་ཟེར་གློག་ལྟ་བུ་འཕྲོས། དགྲ་བགེགས་ཐམས་ཅད་རང་དབང་མེད་པར་བཀུག་ནས་རང་གི་ཞལ་ནས་བརྒྱུད། གསང་བའི་ཌཱཀི་མའི་ཞལ་དུ་རྐང་མཐིལ་སྐྱ་ལྷག་ལྷག་གསོལ་བས། སྐད་ཅིག་ལ་འཇོམས་ཤིང་གསོལ་བས་མེད་པར་བྱས་པས། ཌཀིའི་འོད་ཀྱིས་རང་ལུས་ཕྱི་ནང་ཐམས་

[Full Size]

ཅད་འོད་ཕུང་དུ་གྱུར་པར་བསྒོམ། སྟོང་ཉིད་དུ་བཞག་གོ །དེ་ནི་དྲག་དམིགས་དགྲ་བགེགས་ཀུན་འཇོམས་ཀྱི་དམིགས་རིམ་མོ། །འདི་བྲིས་ཉེས་པ་ཌཱཀིའི་ཚོགས་ལ་བཤགས། །དགེ་བས་དངོས་གྲུབ་རྣམ་གཉིས་མྱུར་ཐོབ་ཤོག །ཅེས་པ་ཨ་རཱ་གས་སོ། །བཀྲ་ཤིས། །ཞལ་དྲོ། ཤུ་བྷཾ། དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་ཟློག་དཔུང་གདུག་པ་ཟིལ་གནོན་དགྲ་བགེགས་ཀུན་འཇོམས་ཀྱི་ཟིན་བྲིས་ཞལ་ཤེས་བི་ཛཱ་ཧ་ར།

[Full Size]

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་ཟློག་དཔུང་གདུག་པ་ཟིལ་གནོན་དགྲ་བགེགས་ཀུན་འཇོམས་ཀྱི་ཟིན་བྲིས་ཞལ་ཤེས་བི་ཛཱ་ཧ་ར།

[Full Size]

ན་མོ་ལོ་ཀེ་ཤྭ་ར་ཡེ། ཐུགས་རྗེ་ཆེན་པོ་རྒྱལ་བ་རྒྱ་མཚོའི་མན་ངག །རིགས་འཕོ་དངོས་གྲུབ་ཀྱི་བཟླས་པ་དང་། པདྨ་དབང་གི་དཀྱིལ་འཁོར་དུ་གདུག་པ་ཅན་ཟིལ་གྱིས་གནོན་ཅིང་ཚར་གཅོད་པའི་མན་ངག །སྲུང་ཟློག་མན་ངག་དང་། བྱབ་གཏོར་གྱི་བར་ཆད་སེལ་ཐབས་རྣམས་ཀྱི་དགོངས་པ་བསྟུན་ཏེ་ཟློག་དཔུང་ཞེས་བྱ་བ་གཏོར་ཟློག་རིགས་ཐམས་ཅད་བསྡུས་ཏེ་བྱ་བའི་མན་ངག །སློབ་དཔོན་རྣམས་ཀྱི་ཕྱག་ལེན་རྙིང་མ་དང་གོ་བསྟུན་ཏེ་བྱ་བ་ནི། བཅའ་ཚོགས་རྒྱས་པར་ལྕགས་འགུ་སོགས་འཇིམ་ཞལ་བྱས་ནས་དམར་གཏོར་ཁྲུ་གང་འཁོར་བརྒྱད་ཤ་ཁྲག་ལིངྒས་བརྒྱན་

[Full Size]

པའི་རྩེར་ཁྱུང་དང་དར་གདུགས། མཐར་རྩང་སྐོར་སྔོ་དམར་སྐུད་པས་དཀྲིས་པ་བྱ། འབྲིང་ཟངས་ལྕགས་སྣོད་དུ་དམར་གཏོར་གཙོ་འཁོར་དགུ་ཤ་ཁྲག་ལིང་གིས་བརྒྱན། ཐ་མ་ཟངས་ལྕགས་སམ་ཁམ་ཕོར་རམ་ཐོད་པ་ཤིང་སྡེར་གང་འཛོམ་དུ་དམར་གཏོར་བཟང་བ་གཅིག་ལ་ཤ་ཁྲག་ལིང་གས་བརྒྱན། ཕུགས་གཏོར་ཚོགས་མཆོད་སོགས་སྤྱི་ལྟར་བཤམས་ནས། བདག་བསྐྱེད་ལྷ་དགུ་ལྷ་ལྔ་གང་རུང་དང་། མདུན་བསྐྱེད་ལྷ་ལྔ་མཆོད་བཞི་བསྟོད་བཞི་ཚོགས་གཏོར་བསྔོས་བསྐང་གསོ་སོགས་བྱ་བ་རྒྱས་པའོ། །འབྲིང་གི་བདག་མདུན་དང་གཏོར་བསྔོས་ཚང་བ། བསྡུས་པ་ལྷ་

[Full Size]

ལྔའི་མངོན་རྟོགས་ཚར་གཅིག་གིས། བདག་མདུན་གཉིས་ཀ་དུས་གཅིག་རྙིང་མའི་ལུགས་ལྟར་བསྐྱེད་སྤྱན་འདྲེན་མཆོད་བསྟོད་བྱ། ཚོགས་མེད་ཀྱང་རུང་ལ་གཏོར་བསྔོས་ལ་བསྐང་སྤུངས་སྦྱར་རོ། །ཡིག་བཅུ་ཅུང་ཟད་བསྙེན་ཚེ་དམིགས་པ་ནི། སྐད་ཅིག་ལ་གནས་འགྱུར་ཏེ་བདག་མདུན་གྱི་གཙོ་བོ་རྟ་མགྲིན་དབུ་སྟོང་ཕྱག་སྟོང་ཕྲག་གཉིས་ཀྱིས་མཚོན་ཆ་སྣ་ཚོགས་ཐོགས་པའམ། མངོན་རྟོགས་ལྟར་ཕྱག་གཉིས་གང་རུང་ལ་འཁོར་བདེ་མཆོག །གཤིན་རྗེ་ཀིང་ཀང་དམར་ནག་འཇིགས་བྱེད་ཚེ་བདག་འཆར་ཀ་ཁྲོ་ཆུ་ལ་སོགས་སྐུ་ཡི་ཁྲོ་བོ་དང་། རྟ་ནག་ལྕགས་རིལ་རྟ་ནག་དྲེགས་པ་ལ་སོགས་གསུང་གི་ཁྲོ་བོ་དང་། ཕྱག་རྡོར་ཡེ་ཤེས་འཇིགས་བྱེད་རྡོ་རྗེ་གཞོན་ནུ་ལ་སོགས་ཐུགས་ཀྱི་ཁྲོ་བོ་དང་། ཆེ་མཆོག་དཔལ་དགུ་ལ་སོགས་ཁྲོ་བོ་རྒྱ་མཚོའི་ཚོགས་ཀྱིས་བསྐོར་བ། སྟེང་དུ་སློབ་དཔོན་པདྨ་ཞི་དྲག་དགོངས་འདུས་ཚོམ་བུ་དགུའི་ལྷ་ཚོགས་ལ་སོགས་གྲུབ་ཐོབ་རྒྱ་མཚོ་བརྒྱུད་པའི་བླ་མ་ཐམས་ཅད་ཁྲོ་ཞིང་གཏུམ་པའི་ཆ་བྱད་ཅན་ཁམས་གསུམ་ཟིལ་གྱིས་གནོན་ནུས་པའི་ཧཱུྃ་སྒྲ་སྒྲོག་པ། གཡས་ཕྱོགས་སུ་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལ་འཇིགས་པ་བརྒྱད་སྐྱོབ་སྒྲོལ་མ་བརྒྱ་རྩ་བརྒྱད་ལ་སོགས་པ་འཕགས་

[Full Size]

མ་སྒྲོལ་མའི་ཚོགས་ཀྱིས་བསྐོར་ནས་བར་ཆད་སེལ་བ། གཡོན་ཕྱོགས་སུ་གསང་བ་ཡེ་ཤེས་ཀྱི་ཌཱཀྐི་ལ་ཕག་ཁྲོས་སེང་གསུམ་སོགས་ཌཀྐི་རྒྱ་མཚོས་བསྐོར་ནས་གདུག་པ་ཅན་དབང་དུ་སྡུད་པ། འོག་ཕྱོགས་སུ་མ་མགོན་ཕྱག་བཞི་གདོང་ལྔ། དུད་སོལ་མ་ནིང་ཏྲིཀྐད་ཞིང་སྐྱོང་ཧབ་ཤ་ཚེ་རིང་མཆེད་ལྔ་བརྟན་མ་བཅུ་གཉིས་ལ་སོགས་དམ་ཅན་རྒྱ་མཚོའི་ཚོགས་རྣམས་བཀའ་ཉན་གསུང་སྡོད་ཀྱི་ཚུལ་དུ་ཀུན་ཀྱང་ཁྲོས་པའི་ཆ་བྱད་ཅན་དུ་བསྒོམ་པར་བྱ་སྟེ། དེ་ནས་ཨོཾ་བཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ་སྭཱ་ཧཱ། ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། ར་ཙ་ཧིཡ་ཧ་རི་ནི་ས་གནོད་བྱེད་སརྦ་མཱ་ར་ཡ་ཧཱུྃ་ཕཊ། ཅེས་བསྙེན་པ་བྱ་ཞིང་སྔགས་བརྗོད་པ་ཙམ་གྱིས་ཁྲོ་བོའི་དཀྱིལ་འཁོར་ཐམས་ཅད་མཁའ་འགྲོ་མའི་ཚོགས་རྣམས་དང་རྩ་བརྒྱུད་ཀྱི་བླ་མ་ཐམས་ཅད་དང་། ཆོས་སྐྱོང་ཐམས་ཅད་རང་བཞིན་གྱི་གནས་ནས་ཆར་བབ་པ་ལྟར་བྱོན་ནས། བདག་མདུན་སོ་སོ་ལ་ཐིམ་པས་གཟི་བརྗིད་རབ་ཏུ་འབར་བའི་དཀྱིལ་འཁོར་དུ་གྱུར་པར་བསྒོམ་ཞིང་རིག་པ་ངར་འདོན་ཞིང་བཟླ་བའོ། ༈ །དེ་ནས་གཏོར་སྣོད་བྷན་གྲུ་གསུམ་སྟོང་གསུམ་དང་མཉམ་པའི་ནང་དུ་གཏོར་མ་ལིངྒ་དགྲ་བགེགས་གནོད་བྱེད་མངོན་སུམ་དུ་

[Full Size]

དམིགས་ལ། ན་མོ། རྩ་བརྒྱུད་བླ་མ་ཞེས་པའམ་བཀུག་གཞུག་གསུམ་བྱས་ལ། བདག་མདུན་ལྷ་ཚོགས་ཐམས་ཅད་ཀྱི་ཐུགས་ཀ་ནས། མཚོན་ཆའི་ཆར་ཆེན་པོ་བབས་པས་གནོད་བྱེད་བསྒྲལ་ཏེ་རྣམ་ཤེས་ཆོས་ཀྱི་དབྱིངས་སུ་བསྟིམ། ཁོ་ཡི་སྟོབས་ནུས་ཚེ་བསོད་འོད་དམར་པོའི་ཚུལ་དུ་རང་ལ་ཐིམ་པར་དམིགས་ལ། ཡུངས་དཀར་ནག་གིས་གཏོར་མ་ལིངྒ་ལ་བྲབ་པའམ། ཕུར་པའམ་གྲི་སོགས་གདེང་ཞིང་། ཨོཾ་བཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ་སྭཱ་ཧཱ། ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། ར་ཙ་ཧིཡ་ཧ་རི་ནི་ས་སརྦ་ཤ་ཏུཾ་རྨི་ཧུར་ཐུ་ཛ༔ མཱ་ར་ཡ་ཕཊ། ཅེས་པའི་སྔགས་བདུན་ཡན་སྐབས་དང་བསྟུན་ལ་བརྗོད། དེ་ནས་གཏོར་མ་ལིངྒ་བཅས་པ་ངོ་བོ་དགྲ་བགེགས་ཀྱི་ཤ་ཁྲག་སྟོབས་ནུས་ཐམས་ཅད་ལ་རྣམ་པ་ཡེ་ཤེས་ཀྱི་བདུད་རྩིའི་རྒྱ་མཚོ་སྟོང་གསུམ་དང་མཉམ་པ་ཁ་དོག་དྲི་རོ་ནུས་པ་ཕུན་སུམ་ཚོགས་པ་དེ་མདུན་བསྐྱེད་ཀྱི་ལྷ་ཚོགས་ཐམས་ཅད་ཀྱི་ཞལ་དུ་བསྟབས་པས་ཧབ་ཆིལ་ཆིལ་གསོལ་བར་བསྒོམས་ལ། །རྒྱས་པར་ལྷ་སོ་སོའི་སྔགས་སམ། བསྡུ་ན་གུ་རུ་དྷེ་ཝ་ཌཱཀྐི་ནཱི་སརྦ་དྷརྨ་པཱ་ལ་གནོད་བྱེད་དགྲ་བགེགས་ཀྱི་གཏི་མུག་ཤ་ཡི་བ་ལི་ཏ་ལ་ཁཱ་ཧི། འདོད་ཆགས་ཁྲག་གི་བ་ལིཾ་ཏ་ཁ་ཁཱ་ཧི། ཞེ་

[Full Size]

སྡང་རུས་པའི་བ་ལིཾ་ཏ་ལ་ཁཱ་ཧི། ཞེས་ལན་གསུམ་གྱིས་བསྔོས་ནས་འོག་གི་བཟློག་གཞུང་འདོན་ཚེ་ཡང་ཤ་ཁྲག་ཞལ་དུ་བསྟབས་པས་དམར་ལྗིབ་ལྡིབ་རྐན་སྒྲ་དང་བཅས་ཏེ་གསོལ་བའི་དམིགས་པ་ཁོ་ན་བྱའོ། །དེ་ཡང་དང་པོ་ཀིང་ཀང་ཡོད་པས་བསྒྲལ་ལས་དོན་བསྡུས་དང་། འཇིགས་བྱེད་ལ་བསྟབས་ནས་འདུས་པ་ལས། དེ་མིན་གོ་རིམ་མེད་ཀྱང་། དེ་ཡང་གོང་གི་བསད་སྔགས་དེས་ཡུངས་དཀར་ནག་སྔགས་ཏེ་ལིངྒ་ལ་བྲབས་ནས་དགྲ་བགེགས་གང་ལ་བྱ་བ་དེ་རེངས་བ་དང་བརྒྱལ་བ་དང་འཆིང་བར་འགྱུར་རོ། །ཞེས་དང་། རྟ་མགྲིན་དབུས་སུ་སྒོམ་པའི་སྔགས་དམིགས་དེས་ཕྲིན་ལས་ཐམས་ཅད་འདི་ཡིས་འགྲུབ་པ་ནི་བྱད་ཁ་ཟློག་ཅིང་སྲུང་འཁོར་བྱེད་པ་དང་། མཛེ་ཕོ་དང་ནད་པ་གསོ་བ་དང་སྨོན་པ་འདུལ་ཞིང་སེར་བ་བསྲུང་བ་དང་། བསད་པ་དང་མནན་པ་དང་བསྐད་པ་ལ་སོགས་པའི་ཕྲིན་ལས་གང་སྒྲུབ་ཀྱང་ཁྲོ་བོའི་དཀྱིལ་འཁོར་དུ་བསྒོམ་ཞིང་སྔགས་སྤེལ་ལ་ཕྲིན་ལས་གང་སྒྲུབ་ཀྱི་ཤམ་བུ་གདག་རེས་བྱའོ། །ཞེས་གསུངས་པ་ཉང་གཏེར་གྱི་ལུགས་པཀིའི་ཐུགས་དམ་མོ། །སྲུང་ཟློག་བྱེད་ན་རང་རྒྱལ་བ་རྒྱ་མཚོ་གོང་ལྟར་རྟ་མགྲིན་དུ་སྒོམ་པའི་ཐུགས་ཀར་ཧཱུྃཿཡིག་ནང་

[Full Size]

ངམ་རང་གི་གཡས་སུ་ཕོ་རིགས། ནོར་ཕྱུགས་ཟས་ནོར་མདུན་དུ་བསྒོམ། དེ་རྒྱབ་མི་མགོ་སྲུབ་མེད་པ་བུམ་རིལ། དེ་རྒྱབ་དཔའ་བོ་མཁའ་འགྲོ། དེ་རྒྱབ་རྡོ་རྗེ་ཁྲོ་བོ་མཚོན་ཆ་སྣ་ཚོགས་ཐོགས་པ། གནམ་ལྕགས་ཀྱི་འཁོར་ལོའི་གུར། དེ་རྒྱབ་མེ་རི་དང་གུར་ལྔ་རིམ། རང་རང་གི་ལྷ་ཚོགས་གར་བྱེད་ཅིང་ཨ་རལླི་ཡི་སྒྲ་བསྒྲོགས་པས་འོད་ཟེར་མེ་ལྟ་བུ་འཕྲོས་པས་འཁོར་ལོ་གཡས་སུ་འཁོར་བ་བྱེད་མ་དགྲ་བགེགས་ཚལ་པ་ཐ་ར་ར་སོང་བར་མེ་ཡི་གུར་གྱིས་བསྲེགས་པར་བསྒོམ་ཞིང་རྩ་སྔགས་ལ་མ་མ་བཛྲ་རཀྵ་རཀྟ་བཏགས། དགོང་ཁ་སརྦ་ཨ་པ་ན་ཡ་བཟློག་ཅེས་བཏགས་སོ། །དེ་ནས་འདོན་བྱ་གཞུང་ནས་ལོགས་སུ་བཀོད་པ་ལྟར་རོ། །འབུལ་དུས་རབ་གསེར་སྐྱེམས་བྱ། མ་གྲུབ་ན་དཀར་གཏོར་བསྔོས་ལ་རྒྱུ་ལྡོག་དང་བསྟུན་ལ་ཕྱི་རོལ་དུ་འབུལ་ལོ། །ཞེས་སྣ་ཚོགས་དབྱིག་གི་ལོ་རྒྱལ་ཟླ་བའི་ཡར་ཚེས་ལ་བླ་མ་རིན་པོ་ཆེ་རཱ་ག་ཨ་སྱས་མན་ངག་སྙན་བརྒྱུད་དུ་གསུངས་པ་བདག་བིརྱ་ས་ག་རས་བྲིས་སོ།། །།སརྦ་མངྒ་ལཾ། །སྤྱི། རྒྱ་རྒྱ་རྒྱ༔ ས་མ་ཡ༔ ཁ་ཐཾ། །

རྒྱལ་བ་རྒྱ་མཚོའི་བོགས་འདོན་བསྲེ་བའི་སྐོར།

[Full Size]

རྒྱལ་བ་རྒྱ་མཚོའི་བོགས་འདོན་བསྲེ་བའི་སྐོར་རྣམས་བཞུགས་སོ།།

[Full Size]

ན་མོ་ལོ་ཀི་ཤྭ་ར་ཡེ། འཕགས་པ་འཇིག་རྟེན་དབང་ཕྱུག་ལ་ཕྱག་འཚལ་ལོ། །འདིར་ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྩ་རླུང་གི་མན་ངག །བོགས་འདོན་གྱི་སྐབས་ནས་བསྲེ་བའི་མན་ངག་མང་པོ་ཞིག་གོ་རིམ་ངེས་པར་བཤད་པར་བྱའོ། །ཆོས་བདག་ཀླུ་ཀིས་བཀའ་ཡི་གནང་བ་སྩལ་དུ་གསོལ། དེ་ལ་རྗེ་གྲུབ་ཆེན་ཀརྨ་པཀྵིའི་མན་ངག་བསྲེ་བ་སྐོར་གསུམ་གྱི་ནང་ནས། རླུང་མཁའ་འགྲོ་དང་བསྲེ་བ་འདི་ད་རེས་དགོས་པར་བྱུང་བས་བསྒོམ་པར་བྱ་སྟེ། རང་ཉིད་ཐུགས་རྗེ་ཆེན་པོ་རྒྱལ་བ་རྒྱ་མཚོ་རྩ་གསུམ་འཁོར་ལོ་བཞི་དང་བཅས་པ་གསལ་བར་བསྒོམ་པའི། ལྟེ་འོག་སོར་

[Full Size]

བཞིའི་ཐད་དབུ་མའི་ནང་རོ་རྐྱང་དབུ་གསུམ་གཅིག་ཏུ་འདུས་པའི་སར། རང་གི་ཐིག་ལེ་དམར་པོའི་དྭངས་མ། ཨ་ཐུང་ཕག་མོའི་ངོ་བོ། སྲིད་པའི་མ་མོ་མཁའ་འགྲོ་ཐམས་ཅད་གཅིག་ཏུ་འདུས་པའི་ངོ་བོ་ཐིག་ལེ་དམར་པོ་སྲན་མ་ཙམ། ལྕགས་སྲེག་ལྟར་རེག་བྱ་ཚ་བ། མེ་སོར་བཞི་ཙམ་གྱེན་དུ་འབར་བར་བསྒོམ། ནམ་མཁའ་དང་བར་སྣང་ཐམས་ཅད་ལྷ་མོ་རི་ཁྲོད་ལོ་མ་གྱོན་མ་སེར་མོ་སེར་དཀར་དམར་བའི་ཞལ་གསུམ་ཁྲོ་ཞིང་བཞད་པ། སྤྱན་དགུས་བགེགས་ལ་གཟིར་བ། ཕྱག་དྲུག་གིས་གཡས་གསུམ་རྡོ་རྗེ་དགྲ་སྟ་མདའ། གཡོན་གསུམ་སྡིགས་མཛུབ་ཞགས་པ་དང་

[Full Size]

བཅས་པ་ཐུགས་ཀར་བསྒྲེང་བ་དང་། ཤིང་གི་ཡལ་ག་དང་རྨ་བྱའི་མདོངས། གཞུ་འཛིན་པ། ཞབས་གཡས་བསྐུམ་གཡོན་བརྐྱངས་པས་པད་ཉི་དང་ནད་བདག་མནན་པ། ཤིང་ལོ་རྨ་བྱའི་མདོངས་ཀྱི་ཤམ་ཐབས་ཅན། རིགས་ལྔས་དབུ་བརྒྱན་ཅིང་། སྐུ་ལ་མེ་དཔུང་འབར་ཞིང་འཚུབས་པས་ཡམས་ནད་རིམས་ནད། ནད་བདག་དང་བཅས་པ་བསྲེགས། དེ་བ་སྐུ་ལས་བདུད་རྩི་ཁ་དོག་ལྔའི་ཆར་འབེབས་པས་རང་དང་བསྲུང་བྱའི་ཡམས་ནད་ཐམས་ཅད་བཀྲུ་བ། དེའི་ཐུགས་ཀར་པཾ་ཡིག་ལ་པི་ཤ་ཙིའི་སྔགས་ཀྱིས་བསྐོར་བ་དང་བཅས་པ། །ཡེ་ཤེས་པ་དང་དམ་ཚིག་པ་དབྱེར་མེད་པས་ནམ་མཁའ་བར་སྣང་གང་བར་བསྒོམ། རླུང་གཅིག་ཚུར་རྩུབ་པས་དེ་ཐམས་ཅད་འོད་ཁ་དོག་ལྔའི་རང་བཞིན་དུ་གྱུར་ནས་སྣ་བུག་ནས་ཞུགས་ཏེ་རོ་རྐྱང་གཉིས་ནས་བརྒྱུད། ལྟེ་འོག་གི་མེ་ལ་ཐིམ་པར་བསྒོམས་ལ་རླུང་ཐུབ་ཏང་དུ་བཟུང་སྟེ། དེ་ཚེ་སེམས་ཅི་ཡང་མི་དམིགས་པ་རང་སེམས་ཀྱི་ངོ་བོ་ལ་བལྟའོ། །སེར་མོ་ཕྱག་དྲུག་མ་འདི་རྒྱུད་སམ་བྷུ་ཊི་དང་སྒྱུ་འཕྲུལ་དྲྭ་བའི་རྒྱུད་ནས་གསུངས་པས་ཤིན་ཏུ་ཁུངས་བཙུན་པས་ལེགས་སོ། ༈ །ཡང་ཞལ་ཕྱག་མང་བ་དེ་དམིགས་པ་ཟིན་དཀའ་ན། སེར་མོ་ཞལ་

[Full Size]

གཅིག་ཕྱག་གཡས་རྡོ་རྗེ་ཕྱར་ཞིང་གཡོན་སྡིགས་མཛུབ་ཐུགས་ཀར་བསྒྲེང་བ་ཞབས་སྐྱིལ་ཀྲུང་པད་ཟླ་ལ་བཞུགས་པ། སྐུ་ལས་མེ་འབར་བས་ཡམས་ནད་བདག་པོ་དང་བཅས་པ་བསྲེག་ཅིང་། བདུད་རྩི་ཁ་དོག་ལྔའི་ཆར་འབེབས་པས། ཡམས་ནད་བཀྲུ་བ་གོང་ལྟར་བསྒོམས་ལ། རླུང་བཟུང་བས་ཐམས་ཅད་འོད་དུ་ཞུ་བ་ལྟེ་འོག་མེ་ལ་བསྟིམས་ལོ་མཉམ་བཞག་བསྒོམ་པར་བྱའོ། ༈ །ཡང་དམིགས་པ་གཅིག་གིས་སུན་ནས། དམིགས་པ་མང་པོ་བསྒོམ་པར་སྤྲོ་ན། ལོ་མ་ཅན་ཞལ་གསུམ་ཕྱག་བཞི་སེར་མོ། གཡས་གཉིས་རྡོ་རྗེ་་དགྲ་སྟ་གཡོན་གཉིས་སྡིགས་མཛུབ་རྨ་བྱའི་མདོངས་འཛིན་པ་དང་། ཡང་ལྗང་མོ་ཞལ་གསུམ་ཕྱག་དྲུག་པ་རྒྱན་ཆ་ལུགས་ཕྱག་མཚན་སོགས། སེར་མོ་ཞལ་གསུམ་ཕྱག་དྲུག་མ་དང་འདྲ་བ་བསྒོམས་ལ་སྤྲོ་བསྡུ་སྔར་ལྟར་བྱ་སྟེ། འདི་དག་གི་སྐབས་སུ་སྔགས་ཡིད་བཟླས་ཡི་གེ་དྲུག་པ་ཁོ་ནས་ཆོག་སྟེ། སྤྲོ་ན་ཐུན་མཇུག་ཏུ་ཡིག་དྲུག་ལ་པི་ཤ་ཙི་ཚར་བདུན་ཙམ་བཏགས་ཀྱང་ལེགས་སོ། ༈ །ཡང་དེ་ཉིད་དྲག་མོར་བསྒོམ་ན། མདུན་དུ་ལྷ་མོ་དུད་སོལ་མ་བསྒོམས་ལ། བཛྲ་ས་མཱ་ཛཿ ཞེས་ཡེ་ཤེས་པ་བསྟིམ་ལྷ་མོའི་ཐུགས་ཀའི་ཧཱུྃ་གི་ཟླ་ཚེས་ཟླ་བའི་དཀྱིལ་

[Full Size]

འཁོར་ལས་འོད་ཟེར་དཀར་པོ་འཕྲོས་པས་ཕྱོགས་བཅུའི་འཇིག་རྟེན་ཐམས་ཅད་ཀྱི་བདུད་རྩིའི་བཅུད་བསྡུས་ཏེ། ལྷ་མོའི་སྤྱི་བོར་བུམ་པ་དཀར་པོའི་ནང་དུ་ཞུགས། བུམ་པ་ནས་བདུད་རྩི་དཀར་པོ་ལྷུད་ལྷུད་བབས་པས་ལྷ་མོའི་ཞལ་དུ་ཞུགས་པས་སྐུ་ལུས་ངང་ལྟེམ་གྱིས་གང་། མ་ཤོང་ནས་སྐྱུགས་པའི་ཚུལ་དུ་ཞལ་ནས་བདུད་རྩིའི་ཆར་བྱུང་བས་རང་དང་བསྲུང་བྱའི་ནད་རིམས་ཐམས་ཅད་བཀྲུས་ནས་ལུས་ཤེལ་སྒང་ལྟར་གྱུར། དེ་ནས་རླུང་བཟུང་བས་ལྷ་མོ་འོད་དུ་ཞུ་བ་སྣ་བུག་ནས་རླུང་དང་མཉམ་དུ་ལྟེ་འོག་གི་གཏུམ་མོའི་མེ་ལ་ཐིམ་པར་བསྒོམས་ནས། །རླུང་ཐུབ་ཐང་དུ་བཟུང་དེའི་ཚེ་སེམས་ཕྱག་རྒྱ་ཆེན་པོའི་ངང་ལ་བཞག་པར་བྱའོ། །ཨོཾ་ཏྲི་ཡེའི་སྔགས་ཡིག་དྲུག་ལ་བཏགས་ལ་བདུན་ཙམ་བཟླས་ཀྱང་རུང་། གཙོ་བོར་ཡིག་དྲུག་ཡིད་བཟླས་བྱའོ། །རིམས་ནད་སེལ་བའི་བསྲེ་བའོ། །ཞེས་ཨ་རཱ་གས་མཐར་ཕྱིན་ལ་གདམས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་དང་ལྷ་ལྔའི་ཟིན་བྲིས།

[Full Size]

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་དང་ལྷ་ལྔའི་ཟིན་བྲིས་ཀྱི་བརྩམས་དོན་བཞུགས་པས་ཀུན་གྱིས་གཟིགས་ཤིང་ཉམས་སུ་ལེན་པར་ཞུ་ལགས།།

[Full Size]

ན་མོ་གུ་རུ་ལོ་ཀེ་ཤྭ་ར་ཡ། བླ་མ་ཡི་དམ་དབྱེར་མེད་པའི། །ལོ་ཀེ་ཤྭ་རའི་ཞབས་ལ་འདུད། །དགེ་སློང་རཱ་ག་ཨ་སྱ་བདག ལོ་བརྒྱད་ལོན་ནས་བསྙེན་སྒྲུབ་བརྩམས། །གསར་རྙིང་དབང་ལུང་རྒྱ་ཆེན་ཐོབ། །ལྷ་ཚོགས་མང་པོའི་གྲངས་བསྙེན་ཐེམ། །དེས་ཀྱང་བློ་ཁ་མ་ཚིམ་པར། །རྒྱལ་བ་རྒྱ་མཚོ་བསྒྲུབ་འདོད་ཀྱང་། །དབང་ལུང་རིན་ཆེན་གསེར་བས་དཀོན། །དབང་མེད་དངོས་གྲུབ་མེད་གསུངས་པས། །བླ་རྒན་ཀརྨ་རྣམ་རོལ་ལ། །དབང་གཉིས་པར་མ་ཡོངས་རྫོགས་ཞུས། །དེ་རྗེས་ལུང་རིགས་ཉི་མ་ལ། །དབང་གཉིས་པར་མ་ཡོངས་རྫོགས་ལུང་། །རྒྱུད་

[Full Size]

གཉིས་ལྷ་དགུའི་རྒྱ་གཞུང་དང་། །སྲོང་བཙན་ལུགས་ཀྱི་སྒྲུབ་ཐབས་གཉིས། །སྐུ་གསུམ་ངོ་སྤྲོད་ཚིགས་བཅད་མ། །བཤད་པ་ཕྱག་ལེན་ཞལ་ཁྲིད་ཐོབ། །དེ་རྗེས་མཇལ་དུས་རང་བྱུང་བའི། །བཟླས་པའི་མན་ངག་ཚན་པ་གཉིས། །སངས་རྒྱས་གླིང་པའི་གཏེར་ཁ་ཡི། །དབང་ལུང་མན་ངག་བཅས་པ་དང་། །སྐུ་གསུམ་ངོ་སྤྲོད་བརྗེད་ཐོ་ནི། །དྲུང་སྐྱིད་ཕྱག་བྲིས་སྟེང་ནས་ཐོབ། །དེ་སོགས་བླ་མ་སུམ་ཅུ་ལས། །འདི་ཡི་ཆོས་འབྲེལ་ཅི་རིགས་ཐོབ། །འོན་ཀྱང་ཀརྨ་པཀི་ཡིས། །འདི་ལ་གྲུབ་པ་མ་ཐོབ་ཅིང་། །སྐུ་བཞི་ངོ་སྤྲོད་རླུང་སེམས་ལ། །རྩལ་རྫོགས་གྲུབ་

[Full Size]

རྟགས་སྣ་ཚོགས་ནི། །འཛམ་གླིང་ཁྱབ་པར་འགྲན་མེད་པར། །སྟོན་པར་མི་ནུས་གང་ཟག་གིས། །ལོ་ནི་བརྒྱ་སྟོང་དབང་བསྐུར་ཞིང་། །ལུང་སོགས་བཤད་ཉན་ཅི་བྱས་ཀྱང་། །བུ་ཚས་རྩེད་མོ་རྩེ་བ་འདྲ། །འདི་ལ་གྲུབ་པ་ཐོབ་པ་ཡི། །དབང་ནི་རྒྱས་པའམ་གཏོར་དབང་ཙམ། །ཕྱག་དབང་ལ་སོགས་ཐོབ་ན་ཡང་། །གསར་རྙིང་ཞི་ཁྲོ་རབ་འབྱམས་དང་། །རྒྱལ་བ་རྒྱ་མཚོའི་དབང་བསྐུར་ཐོབ། །སྣ་ཚོགས་སོ་སོར་མ་ཐོབ་ཀྱང་། །སངས་རྒྱས་ཀུན་གྱི་སྤྱི་དབང་སྟེ། །ཐམས་ཅད་དེ་ཡིས་ཆོག་ཅེས་གསུངས། །བདག་ཀྱང་ལོ་འགའ་སྒར་དུ་བསྡད། །ཡབ་སྲས་གསུམ་ཀའི་ཞྭ་ཞལ་ཡང་། །ལན་གྲངས་བཞི་བཅུ་ཙམ་ཞིག་མཇལ། །རྒྱལ་བ་རྒྱ་མཚོ་ཁྲོམ་ཆོས་ལུང་། །ལན་གྲངས་བཞི་བཅུ་ཞེ་གཉིས་ཐོབ། །ཐུགས་རྗེ་ཆེན་པོའི་སྒོམ་བཟླས་ལུང་། །དངོས་སུ་རྒྱལ་མཆོག་དྲུང་ནས་ཐོབ། །ཕྱག་དབང་ཐོབ་པ་གྲངས་མང་སྟེ། །ཞལ་མཇལ་བརྒྱ་ཕྲག་དུ་མའི་ཚེ། །སངས་རྒྱས་དངོས་ཀྱི་འདུ་ཤེས་ཀྱིས། །སྐུ་ཡི་དཀྱིལ་འཁོར་དེ་ཉིད་ལ། །ཏིང་ངེ་འཛིན་གྱིས་དབང་བཞི་བླངས། །རང་གིས་རྩེ་གཅིག་ཉམས་ལེན་ཆོས། །རྩོལ་མེད་སྙེམ་མེད་ལག་ནས་བྱུང་། །ཆོས་བདག་མཁའ་འགྲོས་

[Full Size]

གཏད་པ་ཡིན། །ལུང་རྒྱུན་མེད་ཀྱང་ཉམས་ལེན་རུང་། །ཨོ་རྒྱན་དྲི་མེད་ཀུན་དགས་གསུངས། །དེ་བཞིན་རྩོལ་མེད་ཕྱོགས་ཕྱོགས་ནས། །རྨི་ལམ་ལྟས་བཟང་དང་བཅས་ནས། །འདི་ཡི་སྒྲུབ་སྐོར་མང་དུ་རྙེད། །མཉམ་མེད་དྭགས་པོའི་མན་ངག་བཞིན། །ཞབས་རྗེས་དྲུང་ནས་ལུང་ཡང་ཞུས། །དེ་ཡིས་ལུང་ཡང་ཐོབ་ངེས་པ། །བྱ་རོག་ཆེན་པོའི་རྒྱུད་ནས་བཤད། །དེ་བཞིན་དགོངས་འདུས་ནས་གསུངས་པའི། །པོ་ཏིའི་ལུང་དབང་ཡང་ཡང་བླངས། །དེ་ཡི་དོན་དེ་ལེགས་རྟོགས་ནས། །དེ་ཡི་ལུང་རྒྱུན་སྤེལ་རུང་བ། །ཨོ་རྒྱན་ཆེན་པོའི་རྡོ་རྗེའི་གསུངས། །རྩེ་གཅིག་སྒྲུབ་སྐབས་རྨི་ལམ་དུ། །ཆོས་ཀྱི་དབང་ཕྱུག་དངོས་ལྟར་མཇལ། །རྒྱལ་བ་རྒྱ་མཚོའི་ཆོས་སྐོར་ནི། །ཡོངས་རྫོགས་དབང་ལུང་ཐོབ་པ་དང་། །ཞབས་དྲུང་བཀྲ་ཤིས་དཔལ་གྲུབ་ཀྱིས། །སྐུ་གསུམ་ངོ་སྤྲོད་ཁྲིད་རྒྱས་པ། །ཁྲིད་དཔེའི་སྟེང་ནས་ལུང་གནང་རྨིས། །རྨི་ལམ་དབང་ལུང་ཐོབ་པ་ལ། །ངེས་ཤེས་བསྐྱེད་ནས་མངོན་སུམ་དུ། །ཐོབ་པ་ལས་ཀྱང་ལྷག་གོ་ཞེས། །ཆོས་རྗེ་དེ་བཞིན་གཤེགས་པས་གསུངས། །དེ་ཕྱིར་བཀའ་བརྒྱུད་གོང་མ་རྣམས། །རྨི་ལམ་ཡུལ་དུ་གསན་པ་

[Full Size]

ཡི། །དབང་རྒྱུན་ལུང་རྒྱུན་མང་དུ་དར། །འོན་ཀྱང་མཚན་ཉིད་དགེ་བཤེས་འགས། །རྨི་ལམ་ཡུལ་དུ་ཐོབ་པ་དེས། །རང་ཉིད་ཉམས་ལེན་རུང་མོད་ཀྱི། །རང་ཉིད་ས་ཐོབ་མིན་། ཝཱན་ནི། །གཞན་ལ་སྤེལ་དུ་མི་རུང་གསུངས། །ཞབས་དྲུང་ཉིད་ལ་ཞུ་ཡིག་ཕུལ། །བདག་གིས་རྨི་ལམ་ཡུལ་ཐོབ་པས། །ཐོབ་གོ་ཆོད་དམ་མི་ཆོད་ཞུས། །དེ་གས་ཐོབ་པའི་གོ་ཆོད་གསུངས། །མངོན་སུམ་ཉིད་ཀྱང་རྨི་ལམ་འདྲ། །བདེན་གྲུབ་མེད་གསུངས་གོ་བ་སྐྱེས། །ཟིན་བྲིས་བདག་གིས་རྩོམ་པའི་ཚིག །གཞན་ལ་སྤེལ་རུང་ཚད་མས་གྲུབ། །བཀའ་ཆད་ལུང་སྡུམ་མི་དགོངས་འཚལ། །འདི་ཡི་རྒྱུད་གཉིས་རྒྱ་གཞུང་སོགས། །རང་བྱུང་རྡོ་རྗེའི་ཐེམ་ཡིག་ལྟར། །ཡབ་སྲས་རྒྱབ་མས་མཛད་པ་རྣམས། །འཇམ་དབྱངས་ཆེན་པོ་དོན་ལྡན་ཞབས། །དཀོན་མཆོག་འབངས་ཀྱི་ཐེམ་ཡིག་ལས། །བྱུང་བ་ཀུན་ལ་ཐོབ་བསམ་བྱས། །གཞན་ཡང་ཉང་ལུགས་རས་ཆེན་ལུགས། །མི་ཏྲ་ལུགས་དང་དམར་པོ་ལུགས། །གཙང་ཆེན་ཆོས་ཀྱི་དབང་ཕྱུག་ལུགས། །སངས་རྒྱས་དབོན་དང་སངས་རྒྱས་གླིང་། །རིཏྠ་ལུགས་དང་གནམ་ཆོས་སོགས། །ཕལ་ཆེར་ཐོབ་ཅིང་ལ་ལ་མཐོང་། །ཐོབ་རྣམས་ཐམས་ཅད་

[Full Size]

ཉམས་སུའང་བླངས། །མཐའ་རྒྱ་མ་ཆོད་ཕུགས་མེད་པའི། །གདམས་ངག་སྣ་རེར་མི་དགོངས་འཚལ། །ཉེར་དགུ་ལོན་ནས་ང་དགུའི་བར། །ཡི་དམ་གཙོ་བོ་འདི་ལ་བྱས། །ལོ་གྲངས་བཅུ་གསུམ་མཚམས་བསྡམས་ནས། །གདན་ཐོག་གཅིག་ཏུ་འདི་ཉིད་བསྒྲུབས། །གཞན་ཡང་འདི་ཡི་སྒྲུབ་ཆེན་དང་། །སྒྲུབ་ཕྲན་ཐོར་བུ་མང་དུ་བྱས། །དངོས་སུ་གྲུབ་རྟགས་མ་ཐོན་ཀྱང་། །ཉམས་དང་རྨི་ལམ་དག་སྣང་དང་། །ངེས་ཤེས་དད་པ་ཉམས་རྟོགས་འཕེལ། །ཡིག་དྲུག་ཡིག་བཅུ་སྔགས་རིང་རྣམས། །འདྲེས་མ་དུང་ཕྱུར་ལྷག་ཙམ་ཐོན། །བྱིན་རླབས་བརྒྱུད་པ་མི་ལྡན་པའི། །དབང་ལུང་ཙམ་པོར་མི་དགོངས་འཚལ། །ཉེར་དགུ་ལོན་ནས་ང་དགུའི་བར། །འདི་ལ་ཐོས་བསམ་སྒོམ་གསུམ་འབད། །ང་དགུ་ལོ་ཡི་ལོ་མགོ་ཙམ། །མཐའ་ཕྱིན་ཐབས་མཁས་མཆེད་གྲོགས་ཀྱིས། །འདི་ཡི་ཟིན་བྲིས་བརྩམ་དགོས་ཟེར། །བདག་ནི་རྩོམ་ལ་ཡིད་མི་ཆེས། །རྒྱ་གཞུང་བོད་གཞུང་ཚད་ལྡན་རྣམས། །གུང་བསྒྲིགས་གཞུང་པོད་བཀོད་ན་བསམ། །རུང་ངམ་མི་རུང་བརྟགས་པའི་ནུབ། །མི་གཞོན་ཁྲོ་གཏུམ་ལྡན་པ་བཞིས། །དེ་འདྲ་བྱེད་འདག་ཡོད་རེད་ཟེར། །ལྕག་

[Full Size]

ཚན་ས་ལ་བརྒྱབས་ནས་ཐལ། །སྲུང་མ་དཔའ་བོ་སྡེ་བཞིའམ། །ཆོས་སྐྱོང་མི་དགའི་རྟགས་སུ་གོ །རས་ཆུང་པ་ཡི་མགུར་ལས་ཀྱང་། །ན་ནིང་ལོ་ལ་དཀའ་དགུ་སྤྱད། །ད་ལོའི་ལོ་ལ་མཚར་དགུ་མཐོང་། །མ་གཅིག་གྲུབ་པའི་རྒྱལ་མོ་མཐོང་། །མཁའ་འགྲོ་རྒྱ་མཚོའི་སྲོག་སྙིང་ཡོད། །གསུངས་པའི་དོན་ཡང་འདི་ཡིན་གསུངས། །བླ་མ་མཁའ་འགྲོའི་བཀའ་རྒྱས་བཏབ། །གཉན་ཕྱིར་གཞན་ལ་མ་བསྟན་ཏེ། །པཀཱིའི་བར་དུ་གཅིག་བརྒྱུད་མཛད། །བཀའ་བརྒྱུད་རྣམས་ལ་ཕྱི་ནང་གསང་། །དེ་ཁོ་ན་ཉིད་ཀྱི་ཡི་དམ་ཡོད། །འདི་ནི་གསང་བའི་ཡི་དམ་ལགས། །ཤིན་ཏུ་གཉན་ཅིང་ཕྲག་དོག་ཆེ། །མི་སྤེལ་རྒྱུ་མཚན་དེ་ཡིན་ཞེས། །ཀརྨ་པཀིས་གསུངས་པ་ལྟར། །ད་རུང་བྱིན་རླབས་བཀའ་མ་ཡལ། །ཤིན་ཏུ་གཉན་པར་འདུག་གོ་བསམ། །བཀའ་རྒྱ་མ་གྲོལ་མི་བརྩམ་སྨྲས། །ཞག་འགར་མྱ་ངན་ཆེན་པོ་བྱེད། །སྨྲེ་སྔགས་མང་པོ་འདོན་ཞིང་འདུག །འདོད་པ་ཆེ་བའི་ཁག་ནི་མེད། །ཆོས་ལ་ཆེ་བ་མེད་ན་ནི། །དམ་ཆོས་ཤི་བའི་རོ་ཡིན་གསུངས། །བཀའ་རྒྱ་གྲོལ་བའི་གསོལ་བ་ཐོབ། །ཕྱག་དང་མཎྜལ་ཕུལ་ཅིག་སྨྲས། །བརྒྱ་ཕྱག་མཎྜལ་བརྒྱ་རྩ་སོགས། །ཁོང་

[Full Size]

གཉིས་ཟླ་གཅིག་ཙམ་དུ་འབད། །བདག་ཀྱང་ལན་གྲངས་བཅུ་གསུམ་ཙམ། །ཚོགས་མཆོད་ཕུལ་ཞིང་གསོལ་བ་བཏབ། །བརྒྱ་ཕྱག་མཎྜལ་བརྒྱ་རྩ་ཕུལ། །ནག་པ་ཟླ་བའི་བཅུ་གསུམ་ནུབ། །ཉལ་ཁའི་ཡིད་ལ་འདི་ལྟར་དྲན། །སྔོན་གྱི་རྒྱ་གཞུང་བོད་གཞུང་རྣམས། །བསྒྲིགས་ན་སྒྲུབ་ཐབས་བྲི་མི་རུང་། །ཆོས་བཤད་ལག་པ་ཁྲག་ཅན་ཟེར། །བཀའ་དཀྲུགས་ཉེས་པས་བཀའ་ཆད་འབྱུང་། །དེ་བས་གཞུང་ཚིག་མ་དཀྲུགས་པར། །ཡིད་ཆེས་ཕྱིར་དུ་ལུང་ཁུངས་སྨོས། །རང་ཚིག་གོ་བདེའི་ཟིན་བྲིས་ཤིག །བརྩམས་ན་རུང་ངམ་བརྟགས་པ་བྱས། །ཕྱིར་ནངས་བཅུ་གསུམ་ཞོགས་པའི་དུས། །གཉིད་པ་མ་ཡིན་ཉམས་སྣང་ལ། །རྒྱལ་བ་རྒྱ་མཚོའི་ཟིན་བྲིས་ནི། །གསར་པ་བྲིས་མ་ཐག་པ་ཞིག །བདག་གི་ལག་ཏུ་བཞག་ནས་བྱུང་། །བརྩམ་དུ་རུང་བའི་རྟགས་ཡིན་ནམ། །ཅི་ཡིན་ཡིད་ལ་འཕྲེང་མ་ཐག །སྐུ་ནི་མི་མཐོང་ནམ་མཁའ་ནས། །ཤིན་ཏུ་སྙན་པའི་དབྱངས་ཤིག་གིས། །སངས་རྒྱས་ཀུན་གྱི་གསུང་གི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་བསྒྲུབ་ཕྱིར། །གསུང་གི་དབང་འདི་ཁྱོད་ཀྱིས་ལོངས། །ཟེར་བའི་སྒྲ་ཞིག་གསལ་

[Full Size]

བར་ཐོས། །ཕྱིར་ནངེས་བཀའ་རྒྱ་གྲོལ་ཡོད་སྨྲས། །འོན་ཀྱང་རེ་ཞིག་མ་སྐབས་པས། །སྐར་མ་བཟང་དུས་དབུ་བཙུགས་སྙམ། །དེ་ནས་སྤྲུལ་སྐུ་བསྙུང་བ་ཐོས། །ཞག་བརྒྱད་ཙམ་ཞིག་སྐུ་རིམ་བསྒྲུབས། །དེ་ནས་སྤྲུལ་སྐུ་གཤེགས་པ་ཐོས། །མྱ་ངན་དྲག་པོས་སེམས་ནོན་ཅིང་། །ཞག་བདུན་འདས་མཆོད་ཆོ་ག་བྱས། །དེ་ནས་ཚེས་ལྔའི་སྲོད་ཀྱི་ཐུན། །ད་ནི་མྱ་ངན་སེམས་འཐོར་བས། །བྲིས་ཀྱང་ལེགས་པོ་ཐོན་པར་དཀའ། །མ་བྲིས་ན་ཡང་རྗེས་འཇུག་ཚོས། །སྒྲུབ་པ་མང་པོ་ཐོན་རྒྱུ་ཡི། །ཆོས་བཤོལ་དགོངས་པ་མི་རྫོགས་སྲིད། །ཅི་དྲག་སྙམ་ནས་བརྟགས་པ་བྱས། །ཐོ་རངས་ཉམས་དང་རྨི་ལམ་མཚམས། །ད་ནི་མགྱོགས་པར་བྲིས་ཟེར་བའི། །སྒྲ་ཞིག་བར་སྣང་ཁམས་ནས་གྲག །ཕྱིར་ནངས་ས་རིས་ལི་ཐོར་བལྟས། །སྐར་མ་རྒྱལ་དང་འཛོམས་ནས་གདའ། །རྟེན་འབྲེལ་འགྲིགས་སྙམ་དབུ་བཙུགས་ནས། །མཚམས་ཀྱི་བུག་སྒོ་ནས་སྨོད་དེ། །དད་ལྡན་སློབ་བུ་མཐར་ཕྱིན་གྱིས། །སེམས་བསྐྱེད་བཟང་པོ་ལྡན་པས་བྲིས། །ལྷ་ལྔའི་གསང་སྒྲུབ་གཉན་པོ་གཉིས། །བྲིས་ནུབ་སྲོད་ཀྱི་ཉམས་རྟགས་ལ། །དེ་རྣམས་མཁའ་འགྲོའི་སྙིང་ཁྲག་དངོས། །གསང་སྔགས་

[Full Size]

དམར་འདོན་བྱས་པ་དེས། །ཆོས་བདག་མཁའ་འགྲོ་མི་དགྱེས་སྲིད། །བདག་དང་སློབ་མ་བརྒྱུད་བཅས་ལ། །འཕྲག་གམ་མི་འཕྲུག་ཤིས་མི་ཤིས། །ཅི་འགྱུར་བརྟགས་པ་བྱས་པའི་ནུབ། །སྲོད་ལ་རང་གི་ཡིན་སྙམ་པའི། །ཁྱི་རྒོད་ལྕགས་ཐག་རིང་པོ་ཅན། །གཉིས་ཤོར་ཁྲོམ་འགའ་འཇུ་གྲབས་ལ། །བུད་མེད་རྒྱན་ལྡན་མཛེས་མ་གཉིས། །ལྕགས་ཐག་བཟུང་ནས་ཁྱི་བཀག་ནས། །ཡང་ཡང་ཤོར་ཀྱང་ཡང་ཡང་བཟུང་། །གཅིག་ཀྱང་སྨྱུག་མ་ཤོར་བ་རྨིས། །དེ་མ་ཐག་ཏུ་གཉིད་སད་པས། །རིན་ཆེན་ཆོས་ཀྱང་དཀོན་པ་དང་། །འཚེ་བ་མང་བར་ཐུབ་པས་གསུངས། །དེ་བཞིན་ཆོས་ཀྱི་སྙིང་པོ་འདི། །བསྒྲུབ་ལ་བདུད་དང་དམ་སྲི་ཡིས། །བར་ཆད་ལོས་ཡོད་ཡོད་ན་ཡང་། །མཁའ་འགྲོས་བར་ཆད་སེལ་བར་གོ །དེ་ནས་གྱེན་ལ་སོང་ཙམ་ན། །རི་ཁྲོད་འདྲ་བའི་ཁང་པ་ན། །མགོན་པོ་བར་ཆད་ཀུན་སེལ་དང་། །ཕྱག་བཞི་པ་ཡི་ལྡེར་སྐུ་གཉིས། །ཆེ་ཆུང་ཁང་རྩག་ཕྱེད་གཉིས་ཙམ། །འཇིགས་ཤིང་བཀྲག་མདངས་ལྡན་པ་མཐོང་། །དེ་ཉིད་སུ་ཡིས་མཐོང་ཚད་རྣམས། །བར་ཆད་ཞི་བ་ཡིན་སྙམ་བྱེད། །དེ་མ་ཐག་ཏུ་རྣལ་སད་པས། །

[Full Size]

འདི་ཉིད་སུ་ཡིས་ཉམས་བླངས་པས། །ཆོས་སྐྱོང་སྲུང་མས་སྐྱོབ་པར་གོ །ཐོ་རངས་ཉམས་ཀྱི་སྣང་བ་ལ། །མདུན་གྱི་བར་སྣང་ཡི་གེ་དོད། །དེ་ཉིད་འདོན་ཅིང་ངག་ཏུ་བརྗོད། །། ཡུངས་དཀར་རྡོ་རྗེའི་རིགས་དེ་སོགས། །བཀྲ་ཤིས་རྫས་བརྒྱུད་ཚིགས་བཅད་རྣམས། །རིམ་པར་དོད་ཅིང་རིམ་པར་བཏོན། །དེ་ནས་ཉམས་དེ་ཡལ་མ་ཐག །འདི་ཉིད་སུ་ཡིས་ཉམས་བླངས་པས། །བཀྲ་ཤིས་བདེ་ལེགས་འབྱུང་བར་གོ །བཅུ་དགུའི་དུས་མཆོད་ཚར་བའི་རྗེས། །རྫོགས་རིམ་སྐུ་གསུམ་ངོ་སྤྲོད་བྲིས། །ཟིན་བྲིས་བསྐྱེད་རྫོགས་ཆ་ཚང་འདི། །ནུབ་བམ་དར་སྲོལ་འབྱུང་ངམ་བརྟགས། །ནམ་ཕྱེད་རང་གི་སྒྲུབ་ཁང་གི །རྒྱལ་བ་རྒྱ་མཚོའི་དཀྱིལ་འཁོར་དྲུང་། །བདག་འདུག་ཉི་མ་དྲོན་པོ་ཤར། །སློབ་བུ་མཐུ་སྟོབས་མིང་ཅན་ལ། །གསང་བདག་ཕྱག་ན་རྡོ་རྗེ་ཡི། །ལོ་རྒྱུས་འགའ་ཞིག་བཤད་པའི་རྗེས། །མཐུ་སྟོབས་མཐུ་སྟོབས་མང་བརྗོད་རྨིས། །ཐོ་རངས་ཉམས་ཀྱི་སྣང་བ་ལ། །ཀ་བཞི་སེང་ཆེན་མགུར་གྱི་མཇུག །བྱ་བྲན་གྱིས་ནམ་མཁའ་གང་བ་རྨིས། །ཟེར་བའི་ཚིག་དེ་ལན་མང་གྱེར། །དེ་ནས་ཉམས་དེ་ཡལ་མ་ཐག ། །སྒྲུབ་མི་མང་པོ་འོང་བར་གོ །ཉི་མ་མ་ཆོད་སོས་

[Full Size]

དལ་གྱི། །རང་གར་བྲིས་པར་མི་དགོངས་འཚལ། །རྩོམ་གཞིའི་ལུང་ཁུངས་སོ་སོར་གསལ། །ཀཾ་ཚང་ནག་རྒྱལ་ཕག་གསུམ་ལ། །མཚུར་ལུགས་རྟོགས་ལྡན་ལུགས་གཉིས་བྱུང་། །མཁའ་སྤྱོད་དབང་པོ་མན་ཆོད་ལ། །གཞུང་གི་དབང་ལུང་དར་ཆེ་ཡང་། །སྙན་བརྒྱུད་ཡི་གེ་མེད་པའི་སྐོར། །ཐམས་ཅད་གཅིག་བརྒྱུད་ཁོ་ན་ལགས། །གཅིག་བརྒྱུད་མི་རབས་བཅུ་གསུམ་ཚང་། །དེ་ནས་མཁའ་སྤྱོད་དབང་པོ་ལ། །རྡོ་རྗེ་ཕག་མོས་ལུང་བསྟན་ནས། །ད་ནི་གཅིག་བརྒྱུད་བཀའ་རྒྱ་གྲོལ། །ཀུན་ལ་སྤེལ་ན་འགྲོ་དོན་ཆེ། །གསུངས་ཕྱིར་རྒྱལ་བ་རྒྱ་མཚོ་ཡི། །སྒྲུབ་སྐོར་སྙན་བརྒྱུད་དམིགས་རིམ་ཀུན། །རྟོགས་ལྡན་མཁའ་སྤྱོད་དབང་པོས་གསུངས། །དེ་བཞིན་གཤེགས་པས་ཡི་གེར་བཀོད། །དེ་ལ་འཇམ་དབྱངས་ཆེན་པོ་ཡིས། །འདི་འདྲ་གཞུང་ལས་མ་བཤད་ཅིང་། །བླ་མ་རྣམས་ཀྱིས་མ་གསུངས་པས། །རང་བཟོའི་གདམས་ངག་འཆལ་གསུངས་བཀག །ནག་རྒྱལ་ཕག་གསུམ་ཐམས་ཅད་ལ། །སྙན་བརྒྱུད་རྣམས་དང་མི་ལྡན་པའི། །གཞུང་རྐྱང་ལུགས་སུ་རྩོམ་པར་མཛད། །རྟོགས་ལྡན་ལུགས་དང་མཚུར་ལུགས་ཞེས། །དེ་སྐབས་ཆོས་ལུགས་

[Full Size]

གཉིས་སུ་གྱེས། །དེ་རྗེས་མཐོང་བ་དོན་ལྡན་སོགས། །ན་རིམ་རྗེས་མ་ཐམས་ཅད་ཀྱིས། །རྟོགས་ལྡན་ལུགས་དེ་སོར་བཞག་མཛད། །མཚུར་ལུགས་ནུབ་ཅིང་བརྒྱུད་པ་ཆད། །དཔལ་ལྡན་མཁའ་སྤྱོད་དབང་པོ་དེས། །བོད་ཡུལ་གྲགས་དང་མ་གྲགས་པའི། །དབང་ལུང་གདམས་ངག་མཐའ་ཡས་པ། །དངོས་དང་ཉམས་དང་རྨི་ལམ་དུ། །མ་ཐོབ་པ་ནི་གཅིག་མེད་གསུངས། །མཁའ་འགྲོའི་ལུང་བསྟན་ཡིན་ཀྱང་སྲིད། །གཏེར་ཁ་དུ་མའི་ཤོག་སེར་ལས། །མཁའ་སྤྱོད་དབང་པོ་འོད་དཔག་མེད། །དེ་བཞིན་གཤེགས་པ་སྤྱན་རས་གཟིགས། །ལུང་བསྟན་ས་ཕག་གྲོས་བྱས་འདྲ། །ཡབ་སྲས་གཉིས་ཀས་མཛད་པ་དེ། །རྒྱ་གཞུང་ཕལ་ལས་མི་ལྷག་གམ། །རྒྱ་གར་གསེར་འདོད་པཎྜི་ཏ། །གསེར་སྒྲུབ་ཕྱིར་དུ་བསྟན་ཆོས་བརྩམས། །ཐུན་མོང་གྲུབ་རྟགས་ཐོན་ཙམ་གྱིས། །མཛད་པའི་རྒྱ་གཞུང་མང་དུ་ཡོད། །དེ་ཕྱིར་རྒྱ་གཞུང་ཡིན་ངེས་འགའ། །བོད་ཀྱི་མཁས་པས་དགག་པ་མང་། །འོན་ཀྱང་ཐེ་ཚོམ་མ་ཞི་ན། །ལྷ་ལྔའི་ནང་སྒྲུབ་མ་གཏོགས་པ། །གཞན་ཀུན་ལུགས་གཉིས་ཁྱད་པར་མེད། །རྒྱལ་བ་རྒྱ་མཚོའི་སྒྲུབ་གཞུང་ཀུན། །བསྐྱེད་རིམ་དབང་སྡུད་ནོར་སྒྲུབ་དང་། །

[Full Size]

ཐབས་ལམ་རྩ་རླུང་གཏུམ་མོ་དང་། །གྲོལ་ལམ་ཕྱག་རྒྱ་ཆེན་པོ་དང་། །ཐམས་ཅད་འདྲེས་མར་གསུངས་པའི་ཕྱིར། །ཕལ་གྱིས་ཉམས་སུ་ལོན་པ་དཀའ། །དེ་ཕྱིར་དཔེ་ཆ་འཛོམ་ན་ཡང་། །སྒྲུབ་པ་ཐོན་མཁན་ཉིན་སྐར་ཙམ། །ཐུན་མོང་དབང་སྡུད་ནོར་སྒྲུབ་ལ། །དམིགས་ནས་སྤྱན་རས་གཟིགས་བསྒྲུབས་ན། །ཙནྡན་སོལ་བ་བྱས་པའམ། །གཡག་རྟ་བེའུ་ལ་བསྒྱུར་བའི་དཔེ། །འོ་ན་ཅི་ཕྱིར་གསུངས་ཞེ་ན། །ས་གནས་སེམས་དཔའ་ཆེན་པོ་རྣམས། །ལྷ་འདྲེ་མི་གསུམ་དབང་བསྡུས་ནས། །བྱང་ཆུབ་ལམ་ལ་འགོད་ཕྱིར་གསུངས། །རང་འདོད་བསམ་པ་ཁོག་བཅུག་ནས། །དེ་དག་བསྒྲུབས་ཀྱང་འགྲུབ་མི་སྲིད། །ཚོད་ཀ་ཅུང་ཟད་འགྲུབ་ན་ཡང་། །འབྲེལ་ཚད་དོན་དང་མི་ལྡན་པས། །ལོག་འཚོའི་ཉེས་པས་ངན་འགྲོར་ལྟུང་། །སྒྲུབ་པའི་རྫས་ཀྱང་རྙེད་དཀའ་སྟེ། །པདྨ་རཀྟ་ཤུ་ཏྲ་དང་། །མོ་གསར་རྟ་གསར་ཁྲུ་མ་དང་། །རིགས་བཟང་གཙང་མར་སྦྱོར་བ་ཡིས། །པདྨ་ནས་བླངས་བྱང་སེམས་གཉིས། །བུད་མེད་དར་མའི་ཙིཏྟ་དང་། །ཞིང་ཆེན་བྲེང་པ་ནལ་བུ་རྐྱལ། །སྦ་ལྕག་བ་མཁལ་འཁོར་ལོ་སོགས། །རྟེན་འབྲེལ་རྫས་སྣ་མ་འཛོམ་ན། །

[Full Size]

རྒྱུན་ཐག་ཆད་པའི་པི་ཝང་བཞིན། །དོན་འབྲས་འགྲུབ་པར་མི་འགྱུར་གསུངས། །དེ་ཕྱིར་འདི་ནི་མཆོག་སྒྲུབ་ཡིན། །མཆོག་སྒྲུབ་ཐབས་ལམ་གྲོལ་ལམ་གཉིས། །ཐབས་ལམ་རྩ་རླུང་ཐིག་ལེ་སྟེ། །རྩ་རླུང་སྒོམ་པའི་གང་ཟག་གིས། །བསམ་བཞིན་བྱང་སེམས་ཉམས་ཤོར་ན། །རྩ་གནས་མཁའ་འགྲོ་བྱེ་བ་འབུམ། །ངུ་དང་དི་རི་བཀའ་ཆད་འབེབས། །རྩ་རླུང་སྒོམ་པའི་བྱིན་རླབས་ཡལ། །གསང་སྔགས་རྩ་བའི་ལྟུང་བ་ཕོག །དམ་ཚིག་ཉམས་པའི་གྲལ་དུ་ཚུད། །རྩ་རླུང་ཉམས་ལེན་མི་བྱེད་ཅིང་། །བསྐྱེད་རིམ་སྒོམ་པའི་གང་ཟག་གིས། །ཉམས་ཀྱང་ཉེས་པ་དེ་ཙམ་མེད། །རྩ་ལྟུང་ཕོག་པར་མི་འགྱུར་གསུངས། །བྱང་སེམས་མི་ཉམས་སྲུང་ཐུབ་ཀྱང་། །རྩ་རླུང་གེགས་མང་ཁེ་ཉེས་ཆེ། །སྲོག་རླུང་འབྱུང་ངམ་སྡོམ་པ་འཆོར། །མཛེ་དང་དམུ་ཆུར་འགྱུར་བར་བཤད། །དེ་ཕྱིར་རྩ་རླུང་འདིར་མ་བཀོད། །བསྐྱེད་རིམ་ལྷ་སྒོམ་སྔགས་བཟླས་དང་། །རྫོགས་རིམ་ངོ་བོ་སྐྱོང་བ་འདི། །ཁེ་ཆེ་ཉེས་ཆུང་ཉམས་ལེན་བདེ། །དེ་ཕྱིར་དེ་ཡི་ལུགས་སུ་བཀོད། །གཞུང་དོན་མ་ཚང་མི་དགོངས་འཚལ། །རྒྱལ་བ་རྒྱ་མཚོའི་སྒྲུབ་ཐབས་འདི། །མཁའ་འགྲོ་རྒྱ་མཚོའི་སྲོག་སྙིང་

[Full Size]

ཡིན། །དངོས་གྲུབ་ཀུན་གྱི་གཏེར་མཛོད་ཡིན། །སློབ་དཔོན་པདྨའི་ཞལ་གདམས་ཡིན། །རྒྱུད་སྡེ་བཞི་ཡི་སྤྱི་སྒྲུབ་ཡིན། །མཆོག་དང་ཐུན་མོང་དངོས་གྲུབ་ཀུན། །ཞག་བདུན་ཙམ་གྱིས་ཐོབ་པ་ཡི། །གདམས་ངག་ཁྱད་པར་འཕགས་པ་ཡིན། །བཀའ་བབས་བྱིན་རླབས་བརྒྱུད་པ་ལྡན། །འགྲུབ་ཐག་ཤིན་ཏུ་ཉེ་བ་ཡིན། །དེ་སྐད་གྲུབ་ཆེན་པཀཱིས་གསུངས། །ཟིན་བྲིས་བརྩམས་པའི་བརྩམ་དོན་འདི། །བརྩམས་ནས་ཞག་པོ་བཅུ་བཞི་ཡི། །དགོང་ཐུན་བརྩམས་པ་ཚར་བའི་དུས། །རཱ་ག་ཨ་སྱས་གདམས་པ་ལྟར། །བླ་མ་པདྨ་མཐར་ཕྱིན་གྱིས། །སེམས་བསྐྱེད་མཐར་ཕྱིན་ཡི་གེར་བཀོད། །དེ་ལྟར་བརྩམས་པ་མཐར་ཕྱིན་པ། །འདི་ལ་ཉེས་པའི་ཆ་མཆིས་ན། །ཐུགས་རྗེ་མཐར་ཕྱིན་ལྷ་ཡི་ལྷ། །ལྷ་དགུ་ལྷ་ལྔའི་ཚོགས་ལ་བཤགས། །འགྲོ་བ་སེམས་ཅན་ཐམས་ཅད་ཀྱི། །སྒྲིབ་སྦྱོང་མཐའ་རུ་ཕྱིན་པར་ཤོག །ཟིན་བྲིས་འདི་བརྩམས་དགེ་བ་དེས། །ཞིང་གཤེགས་གཏེར་སྟོན་སྤྲུལ་པའི་སྐུ། །སྐུ་གསུམ་འབྲས་བུ་མཐར་ཕྱིན་ནས། །སྤྲུལ་སྐུའི་འགྲོ་དོན་མཐར་ཕྱིན་ཤོག །བདག་དང་སློབ་མ་བརྒྱུད་པར་བཅས། །འདི་ཉིད་མཐོང་ཐོས་དྲན་རེག་

[Full Size]

ཚེ་དང་སྒྲུབ་པ་མཐར་ཕྱིན་ནས། །ཚོགས་གཉིས་མཐར་ཕྱིན་བཅོམ་ལྡན་འདས། །རྒྱལ་བ་རྒྱ་མཚོ་སྤྱན་རས་གཟིགས། བདེ་ལེགས་མཐར་ཕྱིན་ཤོག། །།མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས་ཀྱི་སྒྲུབ་ཐབས་རྣམས་ཀྱི་དུས་རྟགས་གྲངས་ཀྱི་བསྙེན་ཚད་ཕན་ཡོན་དང་བཅས་པ་མདོར་བསྡུས་པ།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས་ཀྱི་སྒྲུབ་ཐབས་རྣམས་ཀྱི་དུས་རྟགས་གྲངས་ཀྱི་བསྙེན་ཚད་ཕན་ཡོན་དང་བཅས་པ་མདོར་བསྡུས་པ་བཞུགས་སོ།།

[Full Size]

ན་མོ་གུ་རུ་ལོ་ཀེ་ཤྭ་རཱ་ཡ། རྒྱལ་བ་རྒྱ་མཚོའི་ལྷ་ཚོགས་ཞབས་ལ་འདུད། །རྒྱལ་བ་རྒྱ་མཚོའི་ལྷ་དགུ་ལྷ་ལྔ་གཉིས། །སྒྲུབ་པའི་དུས་རྟགས་གྲངས་ཀྱི་བསྙེན་པའི་ཚད། །ངེས་ཤེས་བསྐྱེད་ཕྱིར་གཞུང་གི་ལུང་འདྲེན་བཀོད། །ལྷ་དགུའི་རྒྱ་གཞུང་གྲུབ་ཆེན་ཛ་ལན་རས་མཛད་པ་ལས། གྲངས་ཀྱི་བསྙེན་པ་འབུམ་ཕྲག་གསུམ་དང་། དུས་ཀྱི་བསྙེན་པ་མཚན་མའི་བསྙེན་པ་ནི། ནམ་མཁའ་དང་ས་གཞི་འོད་དམར་པོས་གང་བར་མེ་ཏོག་དམར་པོ་འཐུ་བ་དང་། གླང་པོ་ཆེ་ལ་ཞོན་ནས་རི་བོ་ཏ་ལར་ཕྱིན་པ་དང་། བུད་མེད་རྒྱུན་གྱིས་བརྒྱན་པས། མེ་ཏོག་བདག་ལ་

[Full Size]

གཏོར་ཞིང་མ་ཎིའི་དབྱངས་སྒྲོགས་པ་དང་། སྤྲིན་ལྡིང་བའི་ཐོག་ཏུ་འདུག་པ་དང་། དེ་བཞིན་གཤེགས་པའི་སྐུའི་མདུན་དུ་ཕྱིན་པ་ལ་སོགས་པ་དང་། རིན་པོ་ཆེའི་སྐས་ལ་འཛེག་པ་ལ་སོགས་པའི་རྨིས་ལྟས་བཟང་པོ་རྣམས་འབྱུང་བའོ། །ཞེས་དང་། ཨོ་རྒྱན་རིན་པོ་ཆེས་མཛད་པའི་རཏྣ་གླིང་པའི་གཏེར་ཁ་ལྷ་དགུ་ལས། སྒྲུབ་པའི་རྟགས་ཕྱིའི་རྟགས་སུ་ལུས་བདེ། ཁམས་དྭངས་རིག་པ་དྭངས། གཏོར་མ་ཁོལ་བ་འབྱུང་། ནང་རྟགས་སུ་ཉམས་དང་རྨི་ལམ་དུ་བུད་མེད་ཀྱི་ཚོགས་འདུ། བདག་ལ་བསྐོར་བ་དང་མཆོད་པ་བྱེད་པ་དང་། གྱེན་ལ་འགྲོ་བ། གནམ་ལ་འཕུར་

[Full Size]

བ། རྒྱན་ཐོགས་པ། ཆུ་བོ་བརྒལ་བ། ཉི་ཟླ་ཤར་བ། གསང་ཚིག་སྨྲ་བ། མེ་ཏོག་དམར་པོ་འཐུ་བ་སོགས་དཔག་མེད་འབྱུང་ངོ་། །བྱུང་ཡང་དགག་སྒྲུབ་མི་བྱ་མཉམ་ཉིད་དུ་བཞག །ཅེས་དང་། བུམ་ཆུ་གཏོར་མ་བྷན་ལ། །གཟུངས་ཆུ་གཟུངས་རིལ་མང་དུ་ནི། །བསྒྲུབས་ནས་འགྲོ་བ་ཡོངས་ལ་སྤེལ། །རིན་ནི་མ་ཎི་འུར་རྒྱག་བླང་། །འདི་ནི་ཡོན་ཏན་བརྗོད་མི་ལོངས། །སྐྱེ་བ་བདུན་ནས་པདྨ་ཅན། །འོད་དཔག་མེད་པའི་སྲས་སུ་འགྱུར། །སྒྲུབ་པ་བྱེད་པའི་རྣལ་འབྱོར་པས། །ཚེ་འདིར་རིག་འཛིན་ཐོབ་པར་འགྱུར། །དང་དུ་ལོངས་ཤིག་སྐལ་པ་ཅན། །ཨེ་མ་རྒྱལ་བ་རྒྱ་མཚོའི་གསང་སྒྲུབ་འདི། །མ་འོངས་དོན་ལ་གཅེས་དགོངས་ནས། །བདག་འདྲ་པདྨས་ཡི་གེར་བཀོད། །ཅེས་དང་། རང་བྱུང་རྡོ་རྗེའི་ལྷ་དགུ་ཚིགས་བཅད་མ་ལས། གྲངས་ཀྱི་བསྙེན་པོ་འབུམ་ཚོ་བཅུ་གཉིས། རྒྱལ་བའི་དཀྱིལ་འཁོར་མཐོང་བར་གསུངས། །ཞེས་དང་། གཉན་རས་ཀྱི་ཞལ་གདམས་རང་བྱུང་བས་ཡི་གེར་བཀོད་པ་ལྷ་དགུའི་དམིགས་རིམ་ལས། དེ་ལྟར་བསྒོམ་ཞིང་བླ་མའི་མན་ངག་བཞིན་བསྲེ་བ་དང་སྦྱར་ནས་བསྒོམས་ན་མཆོག་ཐུན་མོང་གི་དངོས་གྲུབ་ཚེ་འདི་ཉིད་ལ་ཐོབ་སྟེ། འོད་

[Full Size]

གསལ་ཆེན་པོ་འགྲོ་འོང་མེད་པ་མངོན་དུ་གྱུར་ནས། མཁའ་སྤྱོད་ཀྱི་དངོས་གྲུབ་ཐོབ་པར་འགྱུར། ཅེས་གསུངས་སོ། །རང་བྱུང་རྡོ་རྗེའི་ལུས་དཀྱིལ་ཚིགས་བཅད་མ་དང་། པདྨ་ཟབ་པའི་རྒྱུད་གཉིས་ཚིག་དོན་མཐུན་པར། ལུས་ཀྱི་དཀྱིལ་འཁོར་ལེགས་བསྒོམས་པས། །སངས་རྒྱས་སྤྱན་གྱི་རྣལ་འབྱོར་གྱིས། །ལུས་ལ་བདེ་བ་སྟེར་བར་བྱེད། །གོས་དཀར་དྲོད་ལ་བདེ་བ་སྟེར། །མཱ་མ་ཀཱི་ཡིས་ཁྲག་ལའོ། །སྒྲོལ་མས་དབུགས་ལ་བདེ་བ་སྟེར། །ལས་ཀྱི་མཁའ་འགྲོས་བདེ་ཆེན་སྟེར། །པདྨ་མཁའ་འགྲོས་རབ་དགའ་ཉིད། །རིན་ཆེན་མཁའ་འགྲོས་མཆོག་དགའ་འོ། །རྡོ་རྗེ་བདེ་སྟོང་གཉིས་མེད་སྟེར། །གཟུགས་ཀྱི་མཐོང་བ་ཐམས་ཅད་དང་། །སྒྲ་དྲི་རོ་དང་རེག་ལ་སོགས། །ཐམས་ཅད་བདེ་བ་སྟེར་བར་བྱེད། །དེ་ལྟའི་ཡོན་ཏན་ཐོབ་པར་འགྱུར། །ཅེས་གསུངས་སོ། །ལྷ་ལྔའི་སྒྲུབ་ཐབས་གྲུབ་པའི་རྒྱལ་མོས་མཛད་པའི་རྒྱ་སྐད་ཅན་ལ། བསྙེན་རྟགས་ནི། བུད་མེད་གཅེར་བུ་དཔག་མེད་འདུ་བ་དང་། །མཆོད་རྟེན་རྩེ་ལ་བསྡད་པ་དང་། །འོད་དམར་ཁྱིམ་རྣམས་གང་བ་དང་། །སྨན་གྱི་དྲི་ཡིས་ཁྱབ་པ་དང་། །མངོན་པར་ཤེས་པ་འབྱུང་བ་དང་། །འགྲོ་བ་

[Full Size]

ཕོ་མོ་འདུ་བ་དང་། །རྒྱན་ཅན་བུད་མེད་འདུ་བ་དང་། །ཟང་ཟིང་དགོས་འདོད་འབྱུང་བའི་རྟགས། །ལས་སྦྱོར་རྫས་སྨན་དེ་ཉིད་ནི། །གང་དུ་འགྲོ་ལ་སྦྱིན་པར་བྱ། །རྣམ་སྨིན་ཕུང་པོ་ནམ་དོར་བར། །འོད་དཔག་ཞིང་དུ་ཐེ་ཚོམ་མེད། །ཅེས་གསུངས་སོ། །ཉང་གི་གཏེར་ཁ་བ་མཁལ་མའི་གཞུང་ལས། དེ་ལྟར་སྒོམ་བཟླས་བྱས་པའི་རྟགས་ནི། ལུས་བདེ་བ་དང་། ཡང་བ་དང་། སྣང་བ་དང་། འཛིན་པ་ཆུང་བ་དང་། སྣང་བ་སྒྱུ་མ་ལྟར་མཐོང་བ་དང་། འོད་དང་། སྒྲ་དང་། དྲི་ཞིམ་པོ་འབྱུང་ངོ་། །ཞེས་དང་། གྲུབ་པའི་རྒྱལ་མོས་རས་ཆུང་པ་ལ་གནང་བའི་ལྷ་ལྔའི་གསང་སྒྲུབ་གཅིག་བརྒྱུད་མ་ལས། འདི་ནི་སྐད་ཅིག་དྲན་པ་ཙམ་གྱིས་ཀྱང་། །མཆོག་དང་ཐུན་མོང་དངོས་གྲུབ་མྱུར་དུ་ཐོབ། །མཁའ་སྤྱོད་གནས་སུ་ཁྲིད་པར་བྱེད་པའི་རྟགས། །འཆི་ཚེ་རྟགས་དང་མཚན་མ་འཇའ་དང་ནི། །སྐུ་གདུང་རིང་བསྲེལ་ཤ་རི་རམ་ལ་སོགས། །འབྱུང་བར་འགྱུར་ཏེ་ཐེ་ཚོམ་ཡོད་མ་ཡིན། །ཞག་བདུན་གྱིས་ཞལ་མཐོང་བ་དང་། དངོས་གྲུབ་མ་ལུས་པ་འབྱུང་བ་ཡིན་པས། ཤིན་ཏུ་གསང་བར་བྱའོ། །སློབ་དཔོན་དུ་མི་འཛིན་ཅིང་རང་གིས་བརྒྱུད་པ་མིན་པ་ལ་གསང་བར་བྱའོ། །

[Full Size]

ཞེས་དང་། ལྷ་ལྔའི་རྒྱ་གཞུང་ཆེན་པོ་རྡོ་རྗེ་སྙིང་པོས་མཛད་པ་ལས། ལྟས་དང་ཆོ་འཕྲུལ་མཁའ་འགྲོའི་རྟགས། །དངོས་གྲུབ་མཚན་མ་ལ་སོགས་པ། །བཟང་ངན་བྱེ་བྲག་ཅི་ལྟར་ཡང་། །གང་ལ་དགའ་དང་མི་དགའ་བའི། །མཚན་མར་འཛིན་པར་མི་བྱའོ། །དེ་ལྟར་ཞག་བདུན་ཉེར་གཅིག་སོགས། །ཟླ་གསུམ་ཟླ་དྲུག་ལ་སོགས་པར། །མཆོག་དང་ཐུན་མོང་དངོས་གྲུབ་འགྲུབ། །ཅེས་གསུངས་སོ། །ཉང་གི་གཏེར་ཁ་ལྷ་ལྔ་གཙོ་བོ་བསྙེན་པའི་སྐབས་ལས། དེ་ལྟར་དུས་ཀྱི་བསྙེན་པ་ཞག་ཉི་ཤུ་རྩ་གཅིག །གྲངས་ཀྱི་བསྙེན་པ་འབུམ་ཚོ་གསུམ། མཚན་མའི་བསྙེན་པ་རྟགས་བྱིན་ཆེ་བ་དང་། ལུས་བདེ་བ་དང་། ཡང་བ་དང་། སྣང་བ་ལ་འཛིན་པ་ཆུང་བ་དང་། སྣང་བ་སྒྱུ་མ་ལྟར་འབྱངས་བ་དང་། འོད་དང་། སྒྲ་དང་། དྲི་ཞིམ་པ་རྣམས་འབྱུང་། ཞེས་དང་། དེ་ཡི་སྒྲུབ་པའི་སྐབས་ནས། རྟགས་ནི་ལུས་བདེ་བ་དང་། ཡང་བ་དང་། སྣང་བ་ལ་འཛིན་པ་ཆུང་བ་དང་སྣང་བ་སྒྱུ་མ་ལྟར་མཐོང་བ་དང་། འོད་དང་སྒྲ་དང་། དྲི་ཞིམ་པ་རྣམས་འབྱུང་ངོ་། །ཞེས་དང་། ཉང་གི་གཏེར་ཁ་ནང་སྒྲུབ་སྙན་བརྒྱུད་ཡི་གེར་བཀོད་པ་ལས། དེ་ལྟར་

[Full Size]

དུས་ཀྱི་བསྙེན་པ་ཞག་ཉི་ཤུ་རྩ་གཅིག །གྲངས་ཀྱི་བསྙེན་པ་འབུམ་ཚོ་གསུམ། མཚན་མའི་བསྙེན་པའི་རྟགས། བྱིན་ཆེ་བ་དང་། ལུས་བདེ་བ་དང་། ཡང་བ་དང་། སྣང་བ་ལ་འཛིན་པ་ཆུང་བ་དང་། སྣང་བ་སྒྱུ་མ་ལྟར་མཐོང་བ་དང་། འོད་དང་། སྒྲ་དང་། དྲི་ཞིམ་པ་རྣམས་འབྱུང་ངོ་། །ཞེས་དང་། རྒྱལ་བ་རྒྱ་མཚོ་ལྷ་ལྔའི་སྒྲུབ་ཐབས་སངས་རྒྱས་གླིང་པའི་གཏེར་ཁ་ལས། དེ་ལྟ་བུའི་ཚུལ་གྱི་ཏིང་ངེ་འཛིན་བརྟན་ཞིང་བསྙེན་པ་ཐེམ་ནས། གསང་སྔགས་ཕྱི་ནང་གི་བཀའ་ཐམས་ཅད་ལ་བྱན་ཚུད་ནས་ལས་ཚོགས་ཐམས་ཅད་ལ་ཐོགས་ཟློཔ་མེད་པར་འགྱུར་རོ། །ཞེས་དང་། དེའི་ཁྱེར་སོ་གསུམ་གྱི་གདམས་ངག་ལས། ཨེ་མ་ཡི་དམ་ལྷ་སྒྲུབ་བསྙེན་པ་བྱེད་པ་ལས། །ཁྱེར་སོ་གསུམ་ལྟར་ཚུལ་བཞིན་གནས་གྱུར་ན། །མཆོག་དང་ཐུན་མོང་དངོས་གྲུབ་ཚེ་འདིར་འགྲུབ། །ས་མ་ཡ། ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྒྲུབ་པ། ཡབ་ཡུམ་གཉིས་མེད་ཀྱི་རྒྱུད། པདྨ་རྒྱལ་པོ་དང་པདྨ་ཟབ་པའི་རྒྱུད་ལས་བཏུས་ཏེ། དགེ་སློང་པདྨ་འབྱུང་གནས་ཀྱིས་མཛད་པའོ།། །།ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ རྒྱལ་པོ་སྲོང་བཙན་སྒམ་པོ་ལ་མཁའ་འགྲོས་ལུང་བསྟན་པའི་རྒྱལ་བ་རྒྱ་

[Full Size]

མཚོའི་སྒྲུབ་ཐབས་ལ། དེ་ལྟ་བུའི་དུས་ན་རྒྱུན་མི་འཆད་པ་གསུམ་ཡང་འབྱུང་སྟེ། སྣང་བ་ལྷའི་དཀྱིལ་འཁོར་ལ་མི་དང་མི་མ་ཡིན་པ་གང་ཡང་མེད་པས་མཚམས་རྒྱུན་མི་འཆད་པའོ། །གྲག་པ་སྔགས་ཀྱི་དཀྱིལ་འཁོར་ལ། ཨོཾ་མ་ཎི་པདྨེ་ཧཱུྃ། ཞེས་པ་མན་པ་གང་ཡང་མེད་པས། འཛབ་བཟླས་རྒྱུན་མི་འཆད་པའོ། །དེ་ལྟ་བུའི་དུས་ན་འདུ་བ་རྣམ་པ་གསུམ་ཡང་འབྱུང་སྟེ། ལུས་ཐུགས་རྗེ་ཆེན་པོའི་སྐུར་གྱུར་པས། འགྲོ་བ་མི་ཐམས་ཅད་འདུས་ཏེ་མོས་གུས་བྱེད། ངག་ཐུགས་རྗེ་ཆེན་པོའི་གསུང་དུ་འགྲུབ་པས། བཀའ་ཉན་ཅིང་ཅི་སྨྲས་ཆོས་སུ་འགྲོ། སེམས་ཐུགས་རྗེ་ཆེན་པོའི་ཐུགས་སུ་འགྲུབ་པས། ཆོས་ཉིད་ཀྱི་དགོངས་པ་གདེང་ནས་རྟོགས་པ་སྟེ། བྱིན་རླབས་ཀྱི་གཞན་དོན་འགྲུབ་སྟེ་དགོངས་པར་གྲོལ་ལོ། །ཞེས་གསུངས་སོ། །གྲུབ་ཆེན་པཀྵིའི་བཀའ་འབུམ་པོ་ཏི་བརྒྱད་ཀྱི་ནང་ནས། དཀོན་མཆོག་འབངས་ཀྱིས་བཏུས་པ་ནི། དེ་ལྟར་བསྐྱེད་རྫོགས་ཟུང་འཇུག་ཏུ་ཉམས་སུ་བླངས་ན། ཕན་ཡོན་བསམ་གྱིས་མི་ཁྱབ་པ་འབྱུང་སྟེ། གང་གིས་མ་ཎི་པདྨེ་དབྱངས་ལེགས་པར་བསླབས་ནས་རྒྱུན་ཆད་མེད་པར་ཡུལ་ཁམས་ཀུན་ཏུ་དབྱངས་སུ་བླང་ན། དཔའ་བོ་མཁའ་

[Full Size]

འགྲོ་རྒྱ་མཚོ་ཐམས་ཅད་ཀྱིས་བྱིན་གྱིས་བརླབ་ཅིང་རབ་ཏུ་གནས་ནས་སྐུ་བཞི་འདུ་འབྲལ་མེད་པའི་དོན་རྟོགས་ཤིང་། སྐུ་ལྔའི་སངས་རྒྱས་རང་ཉིད་ལ་རྫོགས་པར་འགྱུར་རོ། །ཞེས་པ་དང་། ཁ་པ་ནས། བླ་མ་ཀརྨ་པ་ནི་ཕྱོགས་བཅུར་ཕྲིན་ལས་སྣ་ཚོགས་སྒྲུབ་པ་སྟེ། ཕྱག་རྒྱ་ཆེན་པོ་དང་ཡི་གེ་དྲུག་མས་བྱེད་པ་ཡིན་པས་གདུལ་བྱར་གྱུར་པ་རྣམས་ཀྱང་ཐུགས་རྗེ་ཆེན་པོའི་བསྐྱེད་རྫོགས་གཉིས་ལ་གོམས་ཤིང་གྲུབ་པ་ཐོབ་ནས། འགྲོ་དོན་བསམ་གྱིས་མི་ཁྱབ་ཅིང་སྣང་བ་མཐའ་ཡས་ཀྱི་ཞིང་ཁམས་མཐོང་ཞིང་ས་ལམ་རྫོགས་པར་འགྱུར་རོ། །ཞེས་དང་༔ བླ་མ་རིན་པོ་ཆེ་ཀརྨ་པ་དང་། ཐུགས་རྗེ་ཆེན་པོའི་བར་ན་བརྒྱུད་པ་ཡོད་ཀྱང་ཉན་མེད་ཀྱང་ཉན། ཀུན་གྱིས་བསྒྲུབས་ན་འགྲུབ་ཐག་ཤིན་ཏུ་ཉེ་བ་ཡིན་ནོ། །ཞེས་སོགས་གསུངས་པའི་ཕྱིར་རོ། །ཨོཾ་མ་ཎི་པདྨེ་ཧཱུྃ། རྡོ་རྗེ་འཆང་གི་ལུང་། རང་བྱུང་རྡོ་རྗེའི་གཏམ། འགྲོ་བ་རིགས་དྲུག་བར་དོ་དང་བཅས་པ་ལ་ཟློ་བ། ད་ལྟའི་དུས་འདིར་སེམས་ཅན་ཐམས་ཅད་སྡུག་བསྔལ་ལས་གྲོལ་བར་བྱ་བའི་ཕྱིར། ཐུགས་རྗེ་ཆེན་པོ་རྒྱལ་བ་རྒྱ་མཚོ་འདི་ཀུན་གྱིས་སྒོམས་ཤིག །མ་ཎི་པདྨེ་བགྲངས་ན། སྡུག་བསྔལ་ཐམས་ཅད་ལས་གྲོལ་

[Full Size]

ཞིང་། མཐར་བླ་ན་མེད་པའི་བྱང་ཆུབ་ཐོབ་པའི་ཕྱིར་ན། དེ་ལྟར་ཀུན་གྱིས་གོ་བར་གྱིས། བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །དེ་ལྟར་ལྷ་དགུ་ལྷ་ལྔ་གཉིས་པོ་ཡི། རྟགས་དང་ཕན་ཡོན་དུས་དང་གྲངས་ཀྱི་བསྙེན། །ལུང་འདྲེན་ཁུངས་བཙུན་ཕྱོགས་གཅིག་བསྡུས་པ་འདི། །སྒྲུབ་སྐོར་ཟིན་བྲིས་ཆ་ལག་ཚང་བའི་ཕྱིར། །མེ་ལུག་ས་ག་ཟླ་བའི་བཅོ་བརྒྱད་ཀྱི། །སྔ་དྲོའི་ཆ་ལ་རཱ་ག་ཨ་སྱས་བསྒྲིགས། །ཉེས་འགལ་མེད་ཕྱིར་བཤགས་པ་མ་མཆིས་ཤིང་། །དགེ་བས་སྤྲུལ་སྐུའི་དགོངས་པ་རྫོགས་པ་དང་། །ཞུ་བ་པོ་ཡི་གཙོར་བྱས་འབྲེལ་ཐོགས་ཀུན། །སྤྱན་རས་གཟིགས་དབང་ཚེ་འདིར་འགྲུབ་གྱུར་ཅིག །ཡི་གེ་པ་ནི་སློབ་བུ་མཐར་ཕྱིན་ནོ།། །།མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་ནང་སྒྲུབ་གསང་སྒྲུབ་དྲིལ་སྒྲུབ་གསུམ་གྱི་སྟ་གོན།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་ནང་སྒྲུབ་གསང་སྒྲུབ་དྲིལ་སྒྲུབ་གསུམ་གྱི་སྟ་གོན་བཞུགས་སོ།།

[Full Size]

ན་མོ་གུ་རུ་ཨཱརྱ་པ་ལོ་ཡེ། འཇིག་རྟེན་འདྲེན་པ་འཕགས་པ་སྤྱན་རས་གཟིགས། །ལྷ་དགུའི་ལྷ་ལ་ཕྱག་འཚལ་སྐྱབས་གསོལ་ནས། །ནང་སྒྲུབ་གསང་སྒྲུབ་དྲིལ་སྒྲུབ་གསུམ་པོ་ཡི། །སྟ་གོན་རིམ་པ་ལག་ཏུ་བླངས་བདེར་བཀོད། །དེ་ལ་རྒྱས་འབྲིང་བསྡུས་དང་གསུམ་ཡིན་ཏེ། །རྒྱས་པར་གསར་མའི་གཞུང་ལས་འབྱུང་བ་ལྟར། །ས་སློང་ས་བཟུང་སྟེགས་བུ་ཞ་ལ་དང་། །ལྷ་ཡི་སྟ་གོན་བུམ་པའི་སྟ་གོན་དང་། །ཐིག་ཚོན་བྱིན་རླབས་ཐིག་གདབ་དཀྱིལ་འཁོར་བྲི། །ཐིག་རྩ་དང་བཅས་གཞུང་ན་གསལ་ལྟར་ཡིན། །དཀྱིལ་འཁོར་དབུས་སུ་པདྨ་འདབ་བརྒྱད་སྟེང་། །ལྟེ་བ་དང་ནི་

[Full Size]

ཕྱོགས་བཞིའི་འདབ་མ་དམར། །བྱང་ཤར་སྔོ་དང་ལྷོ་ནུབ་ལྗང་གུ་བྱ། །ཤར་ལྷོ་ནུབ་བྱང་གཉིས་ནི་སེར་པོའོ། །ལྷ་རྣམས་རང་མདོག་ཐིག་ལེ་ཚོན་སྤྱངས་སམ། །ཡང་ན་སོ་སོའི་ཕྱག་མཚན་པདྨ་སོགས། །ཡང་ན་ས་བོན་ཡིག་འབྲུ་རང་མདོག་སྟེ། །ཡབ་ཡུམ་ས་བོན་ཧཱུྃཡིག་ཁ་སྤྱོད་བྲི། །གལ་ཏེ་དཀྱིལ་འཁོར་ཐིག་རྩ་མི་ཤིས་ན། །མུ་ཁྱུད་འོད་ལྔའི་ཁ་དོག་ཟླུམ་པོར་བསྐོར། །དེས་ཀྱང་ཆོག་པར་གསང་བ་སྤྱི་རྒྱུད་གསུང་། །ཁྱམས་གྱི་ཕྱི་རོལ་པདྨའི་ར་བའི་རྒྱབ། །དུར་ཁྲོད་བརྒྱད་བྲི་དེ་ཡི་ཕྱི་རོལ་དུ། །ནོར་བུ་བཀྲ་ཤིས་ཤིང་ལོ་སྤེལ་མར་བྲི། །དེ་ནི་ཞལ་

[Full Size]

གཟིགས་ལུགས་ཡིན་མེད་ཀྱང་ཆོག །དེ་རྒྱབ་རྡོ་རྭ་མེ་རི་སྤྱི་ལྟར་ལས། །ཟུར་བཞི་བུམ་པ་མེ་ཏོག་ཁ་རྒྱན་ཅན། །དངོས་སུ་བཤམ་རྒྱུ་མེད་ན་བྲི་སྲོལ་སྣང་། །རྟ་བུམ་ཞེས་བྱ་རྒྱན་གྱི་བུམ་པའོ། །གསུང་རབ་རྣམས་ནས་བྱ་མ་བུམ་ཞེས་བཤད། །འབྱོར་པ་རབ་དང་དབང་པོ་ཐ་མ་ལ། །རྡུལ་ཚོན་དཀྱིལ་འཁོར་འདི་ནི་གསུངས་པ་ཡིན། །རས་བྲིས་དང་ནི་ཚོམ་བུའི་དཀྱིལ་འཁོར་ལ། །ས་སློང་ལྷ་ཡི་སྟ་གོན་སོགས་མི་དགོས། །སྟེགས་ཀྱི་སྟེང་དུ་རས་བྲིས་དཀྱིལ་འཁོར་བཏིང་། །མེད་ན་ཤོག་བུར་བྲིས་པ་ཙམ་གྱིས་རུང་། །འབྱོར་པ་འབྲིང་དང་དབང་པོ་འབྲིང་རྣམས་ལ། །རས་བྲིས་དཀྱིལ་འཁོར་འདི་ནི་རྒྱལ་བས་གསུངས། །དེ་ཡང་མ་འཛོམ་སྟེགས་བུ་གཙང་མའི་སྟེང་། །འབྲུ་ཡི་པདྨ་འདབ་བརྒྱད་བྲིས་པའི་མཐར། །འབྲུ་ཡི་མུ་ཁྱུད་ཟླུམ་པོར་བསྐོར་བར་བྱ། །དབུས་དང་འདབ་བརྒྱད་ལྷ་གྲངས་ཚོམ་བུ་བཀོད། །སྤྲོ་ན་ཚོམ་བུ་ཚོན་གྱིས་རང་མདོག་བསྒྱུར། །དབང་པོ་རབ་དང་འབྱོར་པ་ཐ་མ་ལ། །ཚོམ་བུའི་དཀྱིལ་འཁོར་འདི་ནི་རྒྱུད་ལས་གསུངས། །དེ་ནས་བུམ་པ་མགུལ་ཆིངས་དམར་པོ་ཅན། །ཆུ་གཙང་སུམ་གཉིས་བཀང་ནས་བུམ་རྫས་བཏབ། །འབྲས་བུ་ཅན་གྱི་ཤིང་གིས་

[Full Size]

ཁ་བརྒྱན་ནས། །དཀྱིལ་འཁོར་དབུས་སུ་སྣོད་གཙང་འབྲུས་བཀང་བའི། །།སྟེང་དུ་བུམ་པ་དེ་ཉིད་བཞག་པའི་སྟེང་། །མཉྫིའམ་ནི་ཤིང་གི་ཁྲིའུའི་སྟེང་། །བྷན་མར་གྱིས་ནང་བྱུགས་ཆང་གིས་བཀང་། །བདུད་རྩི་རིལ་བུ་བཏབ་སྟེ་བཞག་པའི་སྟེང་། །མེ་ལོང་སིནྡྷ་ར་ཡི་དཀྱིལ་འཁོར་བཞག །མེ་ལོང་མཐོ་སྐོར་ལ་སོགས་ཆེར་ཡོད་ན། །གསལ་ངོས་སྣུམ་བྱུགས་དེ་སྟེང་ལི་ཁྲིའམ། །སིནྡཱར་བྱུགས་ལ་གསེར་གྱི་སྨྱུ་གུས་བྲིས། །མ་རྙེད་སྨྱུ་གུར་གོས་ཆེན་གསེར་སྐུད་དཀྲི། །གལ་ཏེ་མེ་ལོང་ཆེན་པོ་མ་རྙེད་ན། །སིནྡྷ་ར་ཡི་ཐིག་ལེ་ལྔ་ཚོམ་བྱ། །ཤོག་བུ་ཟླུམ་པོར་ལི་ཁྲིའམ་སིན་བྱུགས། །མཐར་རུ་ཟླུམ་སྐོར་དེ་ནང་པད་འདབ་བརྒྱད། །དེ་ནང་ཆོས་འབྱུང་ཟུར་དྲུག་བྲིས་པ་ཡི། །ཟུར་དྲུག་ནང་དུ་དགའ་བ་འཁྱིལ་པ་རེ། །ཟུར་དྲུག་མཚམས་དྲུག་གཡུང་དྲུང་གཡས་འཁྱིལ་དྲུག །ཕྱོགས་བཞིའི་འདབ་བཞིར་ཧཱི༔ཡིག་ཁ་སྤྲོད་རེ། །མཚམས་བཞིར་ཧ་རི་ནི་སའི་ཡིག་འབྲུ་རེ། །དབུས་ཀྱི་ལྟེ་བར་ཧྲཱིཿཡིག་ཁ་སྤྲོད་མཐར། །ཡིག་བཅུ་ནས་བཟུང་ལྷ་དགུའི་སྔགས་རིང་མཐར། །ཧ་རི་ནི་ས་ཧཱུྃ་ཕཊཿསྭཱ་ཧཱ་སྤང་། །ཨཱ་བེ་ཤ་ཡ་ཨཱ་བེ་ཤ་ཡ་ཨཱཿ ཨཱཞེས་པ་བྲི། །དེར་དམར་སྟེང་

[Full Size]

བཞག་དེ་སྟེང་མེ་ལོང་བཞག །དེ་སྟེང་གཟུངས་ཐག་རྡོ་རྗེ་ཡོད་ན་བཞག །དེ་སྟེང་དར་རས་དམར་པོ་ཡོད་ན་བཀབ། །འོག་གི་བུམ་པའི་ཕྱོགས་བཞིར་དབང་གི་རྫས། །ཤར་དུ་རྡོ་རྗེ་ལྷོ་རུ་དབུ་རྒྱན་དང་། །མེད་ན་ཕྲེང་བ་བཞག་ཀྱང་ཆོག་པ་ཡིན། །ནུབ་ཏུ་ཟ་མ་ཏོག་སོགས་གླེགས་བམ་མམ། །མེད་ན་སྒྲུབ་ཐབས་དཔེའམ་ཤོག་དྲིལ་བཞག །བྱང་དུ་མར་མེའམ་ནི་དྲིལ་བུ་སྟེ། །དེ་དག་དངོས་སུ་འཛོམ་པར་མ་གྱུར་ན། །དབང་རྫས་ཡིན་ཕྱིར་ཙཀྲི་བཞག་ཀྱང་ཆོག །ལྷ་གྲངས་མཉམ་པའི་མཆོད་པ་བཤམ་གསུངས་པས། །དེ་རྒྱབ་དཀྱིལ་འཁོར་ཕྱོགས་བཞི་མཚམས་བརྒྱད་དུ། །ཤར་ནས་བཟུང་སྟེ་མཆོད་ཡོན་བདུག་སྤོས་སོགས། །ཡབ་ལ་གཡས་སྐོར་ཡུམ་ལ་གཡོན་སྐོར་བཤམ། །རོལ་མོའི་མལ་དུ་ཏིང་ཤག་དྲིལ་བུ་སོགས། །མེད་ན་མཚམས་འཛིན་མེ་ཏོག་ནས་བཤམ་མོ། །དེ་རྒྱབ་ཕྱོགས་བཞིར་རིགས་བཞི་ཡབ་ཡུམ་ལ། །མཆོད་པ་ཆ་བརྒྱད་འཕྲད་དུ་བཤམ་པ་ནི། །ཡབ་རྣམས་གཡོན་ནས་མགོ་བཟུང་གཡས་བསྐོར་ཚུལ། །ཡུམ་རྣམས་གཡས་ནས་མགོ་བཟུང་གཡོན་བསྐོར་ཚུལ། །མཚམས་བཞིར་རིགས་བཞི་མཁའ་འགྲོའི་མཆོད་པ་བཞི། །དབུས་ནས་མགོ་

[Full Size]

བཟུང་ཕྱི་རུ་ཕྲེང་བྱས་བཤམ། །དེ་ཙམ་ཏིང་ཆ་མང་པོ་མ་འཛོམས་ན། །མེ་ཏོག་དངོས་སམ་མར་ལ་གཟུགས་བྱས་བཤམ། །བདུག་སྤོས་སྤོས་རིང་ངམ་ནི་སྤོས་ཤིང་བཙུགས། །དྲི་ཚབ་དུང་ཆོས་སམ་ནི་ལ་ཁྲའི་ནང་། །སྤོས་ཆུའམ་ནི་ཇ་རྒོད་བླུགས་པས་འཐུས། །འཁོར་གྱི་མཆོད་པ་དཀྱིལ་འཁོར་མཐའ་ནས་ཏེ། །གཙོ་བོ་འཁོར་གྱི་མཆོད་པའི་བར་དེ་རུ། །ཕྱོགས་བཞིར་ཕྲིན་ལས་བཞི་ཡི་གཏོར་མ་ནི། །ཤར་དུ་ཟླུམ་པོ་མེ་ཏོག་དཀར་གསུམ་བརྒྱན། །ལྷོ་རུ་གྲུ་བཞི་ནོར་བུ་ཟས་སྣ་སྤུངས། །ནུབ་ཏུ་ཟུར་གཉིས་འབྲི་མོག་ལྕགས་ཀྱུས་བརྒྱན། །བྱང་དུ་ཟུར་གསུམ་མེ་རི་ཤ་ཁྲག་བརྒྱན། །དེ་མིན་སྒྲུབ་པའི་གཏོར་མ་སྨན་རཀ་སོགས། །གསར་མ་ཡིན་ཕྱིར་ནང་དེར་བཤམ་མི་དགོས། །གཏོར་བསྔོས་བྱེད་ས་ཕུགས་གཏོར་ཆ་ཚང་ལ། །ལོགས་སུ་གཏོར་སྒམ་ལ་སོགས་ཡོད་ན་ནི། །འདི་རུ་བཤམ་མི་དགོས་ཤིང་མེད་ན་ནི། །དཀོན་མཆོག་ཆོས་སྐྱོང་གཏོར་མ་བཤམ་གསུངས་ཕྱིར།། ཤར་ལྷོ་བླ་མ་ལྷོ་ནུབ་ཡི་དམ་དང་། །ནུབ་བྱང་མཁའ་འགྲོ་བྱང་ཤར་ཆོས་སྐྱོང་བཤམ། །གཞན་ཡང་རང་གི་ཆག་མེད་འདོན་དགོས་པའི། །ཆོས་སྐྱོང་ནོར་ལྷ་བཀའ་སྲུང་ཕྱི་རྒྱུད་པ། །

[Full Size]

དེ་དག་གཏོར་མའང་བར་མཚམས་རྣམས་སུ་བཤམ། །མདུན་བསྐྱེད་དཀྱིལ་འཁོར་ཕྱི་ཡི་ཁྱམས་དེ་རུ། །གཏོར་མགྲོན་ཐམས་ཅད་བསྒོམ་ནི་དགོས་ཕྱིར་རོ། །མེད་ཀྱང་འགལ་བ་ཅུང་ཟད་ཡོད་པ་མིན། །དེ་ནས་འབྱོར་པ་རྒྱས་པ་ཡོད་ན་ནི། །ཚོན་སྐུད་དྲ་བ་རྒྱལ་མཚན་བཞི་དང་ནི། །བླ་བྲེ་ལ་སོགས་སྒྲུབ་ཆེན་རྫས་རྣམས་སྦྱར། །གསར་མའི་རྔོག་དཀྱིལ་བདུན་ལའང་བཤད་ཕྱིར་རོ། །མེད་ཀྱང་འགལ་བ་ཅུང་ཟད་ཡོད་པ་མིན། །མཆོད་པ་དེ་དག་དམའ་ན་ཁ་གསོ་ཙམ། །དེ་མིན་རྒྱུན་དུ་བརྗེ་སོགས་མི་བྱའོ། །དཀྱིལ་འཁོར་མདུན་དུ་མཆོད་སྟེགས་ལྕོག་ཙེའི་སྟེང་། །མཆོད་ཡོན་བདུག་སྤོས་ལ་སོགས་བརྗེ་རྒྱུ་བཤམ། །དེ་ནི་དུས་བཞིར་ཐུན་བཞི་བརྗེ་བའམ། །མ་གྲུབ་ན་ཡང་ཁ་གསོ་ངེས་པར་དགོས། །ནང་མཆོད་ཚོགས་གཏོར་རྣམས་ཀྱང་དེ་རུ་བཤམ། །གཏོར་བསྔོས་སྐབས་སུ་ཕུགས་གཏོར་གར་ཡོད་པ། །གསོ་བྲན་བྱ་ཞིང་ཚོགས་ཕུད་དེ་རུ་འབུལ། །ལྷ་བཤོས་ལ་སོགས་མཆོད་པ་རྙིང་པ་རྣམས། །སྒྲུབ་པ་མ་ཚར་བར་དུ་ཕྱིར་མི་དབྱུང་། །སྒྲུབ་པ་ཞག་བདུན་ལས་ནི་མི་བྱེད་ན། །སྔོན་འགྲོ་འབུལ་རྒྱུ་ལྕོག་རྡོག་བརྒྱད་དང་ནི། །ལྷ་བཤོས་བརྗེ་རྒྱུ་ཉི་ཤུ་རྩ་དགུ་དང་། །

[Full Size]

ཚོགས་བརྒྱད་མཐེབ་ཀྱུ་དང་བཅས་འཛོམ་པར་བྱ། །གདན་དྲོད་མ་ཡལ་ངག་མཚམས་དམ་པ་དང་། །ཁ་ཡང་མི་བཤལ་སྐྲ་སེན་མི་བྲེགས་པར། །སྒྲུབ་པ་དར་དྲག་ཡུན་ཐུང་ལམ་དུ་འགྲོ། །སྒྲུབ་རོག་མང་པོ་ཡོད་ན་སྔགས་རྒྱུན་བྱ། །འདི་ནི་རྙིང་མའི་ལུགས་ཀྱི་སྒྲུབ་ཆེན་དང་། །གསར་མའི་ལུགས་ཀྱི་སྒྲུབ་མཆོད་དོན་གཅིག་སྟེ། །ཚོགས་དང་མར་མེ་མཆོད་པ་བློ་སྟོབས་བསྐྱེད། །གྱེར་དབྱངས་རོལ་མོ་སོགས་ཀྱང་གང་ཤེས་འབད། །ཅི་ཕྱིར་སྤྲོས་བཅས་གཙོ་བོ་ཡིན་ཕྱིར་རོ། །ལྷ་དགུ་སྒྲུབ་པའི་སྟ་གོན་རིམ་པ་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བའི་ཕྱིར། །ལུག་ལོ་ས་གའི་ཚེས་བདུན་ཕྱི་ཐུན་ལ། །རཱ་ག་ཨ་སྱས་ཇི་ལྟར་སྨྲས་པ་བཞིན། །བླ་མ་མཐར་ཕྱིན་ཞེས་བྱས་ཡི་གེར་བཀོད། །འགལ་འཁྲུལ་ཉེས་པའི་ཆ་མཆིས་མཐོལ་ཞིང་བཤགས། དགེ་བས་སྤྲུལ་སྐུའི་དགོངས་པ་རྫོགས་པ་དང་། །བློ་ཆུང་རྣམས་ལ་ཕན་ཐོགས་རྒྱ་ཆེར་ཤོག། །།མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

རྒྱལ་བ་རྒྱ་མཚོ་ལྷ་དགུའི་བཀོད་ཡིག

[Full Size]

རྒྱལ་བ་རྒྱ་མཚོ་ལྷ་དགུའི་བཀོད་ཡིག་དབུའོ། །རྒྱལ་བ་རྒྱ་མཚོ་ལྷ་དགུའི་བཀོད་ཡིག་ནི། དབུས་གཙོ་བོའི་དབུ་ཕྱག་གཉིས། ཞལ་སྟེང་ཕག་ཞལ་ཅན། དེའི་ཟུར་བཞི་ལ་རིགས་བཞི་ཡབ་ཡུམ། ཡུམ་རྣམས་ཕྱག་བཞི་མ། དང་པོས་ཡབ་ལ་འཁྱུད་པ་འོག་གཉིས་ཕྱག་མཚན་ནོ། །འོག་མ་ཐད་དུ། མཁའ་འགྲོ་བཞི་ཕྲེང་དུ་བསྒྲིགས་ཏེ། སྤྱན་གསུམ་ཞལ་ནི་ཞི་མ་ཁྲོ། ཞབས་ཕྱེད་དཀྱིལ་དུ་བཞུགས་པའོ། །གཙོ་བོའི་དབུ་ཐོག་ཐད་དུ། སངས་རྒྱས་པདྨའི་སྣང་བ་རབ་ཏུ་རྒྱས་པ། དམར་པོ་ཡུམ་མེད་པ། རྒྱ་མཚོ་དང་འདྲ་བ་ལ་ཕྱག་གཡས་རྡོ་རྗེ་དང་། གཡོན་པདྨ། འོག་མ་གཉིས་ཐལ་སྦྱར། དེའི་གཡས་སུ་རྒྱུད་གསུངས་བའི་དབང་པོ་ཤཱཀྱ་ཐུབ་པ། གཡོན་དུ་ཞུ་བ་པོ་སྤྱན་རས་གཟིགས། འཇིག་རྟེན་དབང་ཕྱུག་དཀར་པོ་སྒྲོན་དཀར་འདྲ་བ། དེ་གསུམ་ཐད་ཞལ། དེའི་གཡས་སུ་པདྨ་བཛྲ་ཨོ་རྒྱན་པཎྜི་ཏའི་ཚུལ། སྐུ་སྟོད་གཅེར་བུ་པཎ་ཞྭ་ཅན་ཟུར་ཞལ། གཡོན་དུ་ཛ་ལེན་དྷ་ར་ཏཻ་ལོ་པ་འདྲ་བ། དེའི་འོག་གཙོ་བོའི་དབུ་འོད་ཀྱིས་གཡས་སུ་མེ་ཏྲི་པ། པཎྜི་ཏ་གྲུ་སྐྱོག་ཡོད་པ། གཡོན་གྲུབ་ཆེན་བཛྲ་པ་ཎི་ནཱ་རོ་པ་ལའོ། །དེ་དག་གི་བར་བར་གར་བདེ་རུ།

[Full Size]

ཅུང་ཟད་སྐུ་ཆུང་བ་མཛེས་ཞལ་གར་ཐབས་ཅན། གཟུགས་རྡོ་རྗེ་དཀར་མོ། སྒྲ་རྡོ་རྗེ་སེར་མོ། དྲི་རྡོ་རྗེ་སྔོན་མོ། རོ་རྡོ་རྗེ་དམར་མོ། རེག་བྱ་རྡོ་རྗེ་ལྗང་གུ་དར་དང་རིན་པོ་ཆེས་རྒྱན་ཅན་ནོ། །བཀོད་ལུགས་དེ་ལྟར་བྱས་པའི། །ལྷ་དགུའི་ཆོ་ག་དང་། ལུས་དཀྱིལ་དང་པདྨ་ཟབ་པའི་རྒྱུད་ཀྱི་དགོངས་པ་དང་བརྒྱུད་རིམ་རྣམས་འཐུས་སོ། །རྗེས་ནས་ཐོར་ཙུགས་ཀྱི་ནང་དུ་དབུ་བརྒྱན་པའི་ལྷ་སོ་སོའི་མངོན་རྟོགས་ལྟར་གསེར་རིས་བྱས་ན་ལེགས་ཞེས། །ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུའི་དཀྱིལ་འཁོར་གྱི་དང་པོ་རྩ་བའི་བསྙེན་པ་བྱ་ཚུལ་ཟིན་བྲིས།

[Full Size]

མཚམས་མ་ཐོན་ཀྱང་རྒྱུན་དུ་ཡང་དམིགས་རིམ་འདི་རྣམས་བྱ་རྒྱུ་ཡིན་ནོ། །ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུའི་དཀྱིལ་འཁོར་གྱི་དང་པོ་རྩ་བའི་བསྙེན་པ་བྱ་ཚུལ་ཟིན་བྲིས་བཞུགས་སོ།།

[Full Size]

ན་མོ་གུ་རུ་ལོ་ཀེ་ཤྭ་ར་ཡེ། ཐམས་ཅད་མཁྱེན་པ་དཀོན་མཆོག་འབངས་ཀྱི་གསུང་ལས། རྒྱུད་རྒྱ་གཞུང་ལ་བརྟེན་པ་ལྷ་དགུ་མའི་ཉམས་ལེན། མཐོང་བ་དོན་ལྡན་སོགས་ཀྱིས་མཛད་པའི་ཆོ་གས་གཞུང་བསྲང་། ཉམས་སུ་ལེན་ཅིང་། དེ་ཡང་བསྙེན་ཚད་མ་འཁྱོལ་གྱི་བར་དུ་བདག་བསྐྱེད་འབའ་ཞིག་གཙོ་བོར་བྱེད་དགོས་ཞེས་གསུངས་པའི་དོན། གཏོར་བསྔོས་ཀྱིས་ཕུག་གཏོར་གསོ་རྒྱུ་དང་། སྔོན་འགྲོར་ཕུལ་རྒྱུའི་ལྕོག་རྡོག་དང་། མཆོད་པ་རྣམ་ལྔ་ཁ་གསོ་འགྲུབ་ན་ལེགས། དེ་མིན་པའི་བཅའ་ཚོགས་ཅི་ཡང་མི་དགོས་སོ། །དམིགས་པ་གསལ་བའི་ཕྱིར་ཞལ་ཐང་

[Full Size]

ལེགས་པོ་ཡོད་ན་བཤམས། མེད་ན་མི་དགོས་སོ། །མཚམས་དམ་དུ་བཅད་ལ་རིག་འཁོར་ཡུག་ཏུ་བཅད་ན་བྱིན་རླབས་ཆེའི། ཐུན་མཚམས་སུ་བཏང་ན་ཡང་རུང་ངོ་། །ཐུན་མཚམས་རྣམས་སུ་རང་གི་ཐུགས་དམ་ཆག་མེད་ཀྱི་རིགས་རྣམས་བྱ་སྟེ། གཉིད་སད་ཐོག་ངག་བྱིན་རླབས་བཟླས་བརྗོད་ནུས་པ་སྟོབས་འབྱིན་འདོན་པའམ། དབྱངས་གསལ་བྱེད་ཚར་གསུམ་བཟླས་ན་འགྱུར་ཆེ། མེད་ཀྱང་ཆོག །དེ་ནས་ཆག་མེད་ཀྱི་ཚེ་སྒྲུབ་སྒོམ་བཟླས་བྱ། དེ་ནས་སྒྲོལ་དཀར་སོགས་བསྲུང་བའི་དམིགས་རིམ་དང་། ལོ་མ་ཅན་སོགས་ནད་གདོན་ཞི་བའི་དམིགས་རིམ་བཟླས་པ་ཆག་

[Full Size]

མེད་གང་ཡོད་ཀྱང་བྱ། དེ་ནས་རྒྱལ་བ་རྒྱ་མཚོའི་ཆོ་གའི་མགོ་བཟུང་སྟེ། བདུད་རྩི་བྱིན་བརླབ་བྱ། སྔོན་འགྲོ་གཏོར་མ་ལེགས་པ་གཅིག་བཏང་ནས། ཐུན་གཞན་གསུམ་ལ་སྔོན་འགྲོ་མི་དགོས་སོ། །དེ་ནས་བསྙེན་པའི་བར་དུ་གཞུང་ལྟར་འདོན་ནོ། །དེ་ནས་གཙོ་བོ་དང་འཁོར་རིགས་བཞིའི་སྤྱན་རས་གཟིགས་བཞི་པོ་དང་ཡབ་ལྔ་ཁ་འདྲ་བར་ཐུགས་ཀའི་སྙིང་གི་ཚབ་ཏུ་མེ་ཏོག་པདྨ་དམར་པོ་འདབ་མ་བརྒྱད་པའི་ལྟེ་བ་ཟེ་འབྲུའི་སྟེང་དུ་ཡི་གེ་ཧཱིདམར་པོ་བྱི་རུའི་མདོག་ལྟ་བུ། ལངས་ཏེ་ཡོད་པའི་ཡིག་མགོ་ངོས་ན་ལྟ་ས་དེ་མདུན་ཡིན་པས། རང་གི་སྔོན་ངོས་ན་བརྟན་པར་སྒོམ་པའི་མཐར། མདུན་ནས་བརྩམས་ཏེ་ཨོཾ་ཨཱཙྪཱཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། ཞེས་པའི་ཡི་གེ་ངོ་ཕྱི་ལ་བསྟན་ཏེ་གཡོན་དུ་བསྐོར་ནས་ཡོད་པར་བསྒོམ། རང་གི་ཡུམ་རྡོ་རྗེ་ཕག་མོ་དང་། ཕྱོགས་བཞིའི་ཡུམ་བཞིའི་ཐུགས་ཀ་སྙིང་གི་ཚབ་ཏུ་ཆོས་འབྱུང་ཟུར་གསུམ་གདོན་ཐབས་དམར་པོ་ལ་མུ་རན་དཀར་པོ་ཅན་གྱི་དབུས་སུ་རང་མདོག་ལངས་ཏེ་གནས་པའི་མཐར། ཨོཾ་བཛྲ་ཝཱ་རཱ་ཧི་སརྦ་བུདྡྷ་ཌཱཀི་ནཱི་བཛྲ་ཝརྞ་ནཱི་ཡེ་བཛྲ་བེ་རོ་ཙ་ནི་ཡེ་ཧཱུྃ་ཕཊ། ཞེས་པའི་ཡི་གེའི་ངོ་ནང་དུ་ཧྲཱིཿལ་བསྟན་ཏེ་མདུན་ནས་བརྩམས་ཏེ་གཡས་བསྐོར་དུ་

[Full Size]

བཀོད་ནས་ཡོད་པར་བསྒོམ། མཚམས་ཀྱི་མཁའ་འགྲོ་བཞིའི་ཐུགས་ཀར་སྙིང་གི་མལ་དུ་ཉི་མའི་གདན་རེ་རེ་སྒོམ་སྟེ། དེའི་དབུས་སུ་རྡོ་རྗེ་མཁའ་འགྲོའི་ཐུགས་ཀར་ཧ་སྔོན་པོ་ལངས་ཏེ་ཡོད་པའི་མཐར། ཨོཾ་བཛྲ་ཌཱཀི་ནཱི་ཡེ་ཧཱུྃ་ཕཊ། རིན་ཆེན་མཁའ་འགྲོའི་ཐུགས་ཀར་རི་སེར་པོའི་མཐར། ཨོཾ་རཏྣ་ཊཱཀི་ནཱི་ཡེ་ཧཱུྃ་ཕཊ། པདྨ་མཁའ་འགྲོའི་ཐུགས་ཀར་ནི་དམར་པོའི་མཐར། ཨོཾ་པདྨ་ཊཱཀི་ནཱི་ཡེ་ཧཱུྃ་ཕཊ། ལས་ཀྱི་མཁའ་འགྲོའི་ཐུགས་ཀར་ས་ལྗང་གུའི་མཐར། ཨོཾ་ཀརྨ་ཊཱཀི་ནཱི་ཡེ་ཧཱུྃ་ཕཊ། དེ་ཐམས་ཅད་ཡི་གེའི་ངོ་ནང་གི་ས་བོན་ལ་བསྟན་ནས་གཡས་བསྐོར་དུ་བཀོད་ནས་ཡོད་པར་བསྒོམ། དེ་ཡང་ཡབ་ཡུམ་བཅུའི་ཐུགས་སྲོག་ཧཱུྃབཅུ་དང་མཁའ་འགྲོ་བཞིའི་ཐུགས་སྲོག་ཧ་རི་ནི་ས་སྟེ། ཡིག་འབྲུ་བཅུ་བཞི་པོ་ནམ་ཡང་འགུལ་འཆུག་མེད་པ་མཆོད་རྟེན་ས་ལ་བཞག་པ་ལྟར་བསྒོམས་པས། སེམས་བདེ་བ་དང་འདུག་ཚུགས་པ་ཡིན་ལ་ཐུགས་སྲོག་འཁོར་ན་བློ་མི་བདེ་འདུག་མི་ཚུགས་པའོ། །དེ་ནས་ཡིག་ཕྲེང་མི་འཁོར་བར་ཐུགས་ཀའི་སྔགས་ཕྲེང་དེ་རྣམས་རང་གི་ཡི་གེ་འདོན་པའི་ཚུལ་དུ་དམིགས་པ་གཏད་ལ། ཡི་གེ་བཅུ་པ་ཅུང་ཟད་བཟླ་བ་ནི་བསྙེན་པའོ། །དེ་ནས་ཡིག་ཕྲེང་མི་

[Full Size]

འཁོར་བར་ཡབ་ལྔ་ཀའི་སྔགས་ཕྲེང་ལས་འོད་ཟེར་ཁ་དོག་ལྔ་ལྡན་དམར་པོ་ཤས་ཆེ་བ་ཕྲེང་བ་མི་འཁོར་ཕྲེང་ལུང་འཁོར་བ་ལྟར་གཡས་སུ་ཀྱི་ལི་ལི་དཔེར་ན་མི་རྣམས་ཀྱིས་མཆོད་རྟེན་ལ་སྐོར་བ་བྱེད་པ་ལྟར་འཁོར། ཡུམ་རྣམས་ཀྱི་སྔགས་ཕྲེང་གཡོན་དུ་འཁོར། མཁའ་འགྲོ་བཞིའི་སྔགས་ཕྲེང་ཡང་གཡོན་དུ་འཁོར། དེ་ཡང་དང་པོ་དལ་བུས་འཁོར། དེ་ནས་ཇེ་མགྱོགས་སུ་འཁོར་དེ་ནས་ཤིན་དུ་མགྱོགས་པ་ཨེ་འཁོར་མི་རིག་པ་ཙམ་དུ་འཁོར་བ་ལ་དམིགས་པ་གཏད་ནས།། ཡི་གེ་བཅུ་པ་བཟླ་བ་ནི། ཉེ་བར་བསྙེན་པ་ཞེས་བྱའོ། །ཟླ་སྐར་ཕྲེང་བ་ལྟ་བུའི་བཟླས་པ་ཡང་ཟེར། དེ་ནས་བདག་ཡབ་ཡུམ་གཉིས་ཀྱི་ཐུགས་ཀའི་སྔགས་ཕྲེང་ཧྲཱིཿདང་བཅས་པ་ལས། འོད་ཟེར་ཁ་དོག་དཀར་སེར་དམར་ལྗང་མཐིང་ཁ་འཇའ་ཚོན་ལྟ་བུ། སྟེང་ཕྱོགས་དང་ཕྱོགས་ཐམས་ཅད་དུ་ནམ་མཁའི་མཐའ་ཁྱབ་པར་འཕྲོས་པས། རྒྱ་གར་གྱི་གྲུབ་ཆེན་བརྒྱ་དང་བརྒྱད་ཅུ་རྗེ་འབངས་ཉེར་ལྔ་ལ་སོགས་རྙིང་མའི་རིག་འཛིན་གྲུབ་ཐོབ། བཀའ་བརྒྱུད་ཀྱི་བླ་མ་གྲུབ་ཐོབ་ཐམས་ཅད་འོད་ཟེར་དེས་ཕོག་པས་མཆོད་པར་གྱུར་ཏེ། སྐུ་གསུང་ཐུགས་ཟག་མེད་ཀྱི་བདེ་བ་ཆེན་པོས་ཚིམས་ནས་ཐུགས་མཉེས་པས། དེ་ཐམས་ཅད་སྤྱན་

[Full Size]

རས་གཟིགས་ཡབ་ཡུམ་གྱི་སྐུར་གནས་གྱུར་ནས། ཆར་བབ་པ་ལྟར་བྱོན་ཏེ། རང་གི་ལུས་ངག་ཡིད་གསུམ་ལ་ཐིམ་པས་བླ་མ་གྲུབ་ཐོབ་ཐམས་ཅད་ཀྱི་བྱིན་རླབས་ཞུགས་ནས། ཕྱག་རྒྱ་ཆེན་པོའི་རྟོགས་པ། གྲུབ་ཐོབ་དེ་རྣམས་ཀྱི་ཐུགས་རྒྱུད་ལ་ཅི་ཡོད་གང་ཡོད་པ། རང་གི་སེམས་ལ་ད་ལྟ་ཉིད་དུ་འཆར་བར་བསྒོམ་པ་བླ་མ་དང་བསྲེ་བའོ། འདིར་ཕྱག་ཆེན་རྟོགས་འདོད་ན་ས་ར་ཧ་དང་མི་ལ། རྫོགས་ཆེན་འདོད་ན་དགའ་རབ་རྡོ་རྗེ་བི་མ་ལ། དེ་སོགས་གྲུབ་ཐོབ་དད་པ་གང་ཆེ་དང་བསྲེ་ཆོག །ཡང་འོད་ཟེར་འཕྲོས་པས་ཞིང་ཁམས་ཐམས་ཅད་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་འོད་ཟེར་གྱིས་མཆོད་པས། ཐམས་ཅད་སྤྱན་རས་གཟིགས་སུ་གྱུར་པ་ཆར་ལྟར་བབས་ནས་རང་ལ་ཐིམ་པར་སྒོམ་པ་ནི། སངས་རྒྱས་བྱང་སེམས་དང་བསྲེ་བ་སྟེ། འདིར་ཚེ་བསྲིང་ན་ཚེ་དཔག་མེད་དང་། ནད་ཞི་བར་འདོད་ན་སྨན་བླ། སྡིག་ལྟུང་དག་འདོད་ན་རྡོ་རྗེ་སེམས་དཔའ། ལས་སྒྲིབ་དག་འདོད་ན་མི་འཁྲུགས་པ། ངན་སོང་གི་སྒོ་གཅོད་འདོད་ན་ཀུན་རིག་དང་བསྲེ་བ་ཚན་ཆེར་བྱ་སྟེ། དེའི་གནད་ལ་དང་པོ་སྐད་ཅིག་ལ་ནམ་མཁའ་བར་སྣང་

[Full Size]

ཐམས་ཅད་སངས་རྒྱས་གང་འདོད་དེའི་སྐུ་མང་པོས་ཐེམ་འགགས་ནེམ་འགགས་སུ་བསྒོམ། དེ་ནས་འོད་ཟེར་དེས་མཆོད་པས་མཉེས་ནས་ཐུགས་རྗེ་ཆེན་པོའི་སྐུར་གྱུར་ཏེ། རང་ལ་ཐིམ་པར་སྒོམ་པ་ཡིན་ནོ། །དེ་བཞིན་དུ་བདེ་དགྱེས་གསང་གསུམ་སོགས་ནས་གསར་མའི་རྒྱུད་སྡེའི་ལྷ་ཚོགས། བཀའ་དགོངས་ཕུར་གསུམ་སོགས་རྙིང་མའི་ལྷ་ཚོགས་གང་འདོད་དང་བསྲེ་བ་ནི་ཡི་དམ་དང་བསྲེ་བ་ཞེས་བྱ་སྟེ། འདི་ནི་རྒྱུད་སྡེ་བཞིའི་སྤྱི་སྒྲུབ་ཡིན་པར་གསུངས་པས། བྱ་སྤྱོད་རྣལ་འབྱོར་རྒྱུད་ཀྱི་ལྷ་ཚོགས་ཐམས་ཅད་ལ་དེས་རིགས་འགྲེས་བསྒོམ་རུང་ངོ་། །དེ་བཞིན་དུ་ཕག་ཁྲོས་སེང་གསུམ། སྒྲོལ་མ་བརྒྱ་རྩ་སོགས་ལ་ཡང་དེ་ལྟར་བསྒོམ་སྟེ། ཐུགས་རྗེ་ཆེན་པོ་ཡབ་ཡུམ་ཞལ་སྦྱོར་དུ་གྱུར་ནས་རང་ལ་ཐིམ་པར་བསྒོམ་མོ། །།དེ་བཞིན་དུ་ཕྱག་བཞི་དྲུག་བེར་གུར་སོགས་དང་། དུད་སོལ་མ་རང་བྱུང་མ་སོགས་ཡེ་ཤེས་ཀྱི་ཆོས་སྐྱོང་ཐམས་ཅད་ལ་ཡང་བསྒོམ་མོ། །ཁྱད་པར་རིམས་ནད་དོགས་པ་ཡོད་དུས་ལོ་མ་ཅན་དང་བསྲེ་བ་དེ་ལྟར་བསྒོམས་པས་རིམས་སྲུང་གི་མཆོག་གོ །དེ་ལྟར་རྣམ་གྲངས་མང་པོ་མི་ལྕོགས་པ་དང་། ལྷ་སོ་སོའི་སྐུ་མདོག་ཆ་ལུགས་ཡང་མི་ཤེས་པ་དང་། ཤེས་ཀྱང་དམིགས་པ་ཟིན་དཀའ་

[Full Size]

ན། སངས་རྒྱས་དང་བྱང་ཆུབ་སེམས་དཔའི་བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་སྤྱི་ལ་མཆོད་ཅིང་། ཐམས་ཅད་ཐུགས་རྗེ་ཆེན་པོའི་དཀྱིལ་འཁོར་དུ་གྱུར་པ་ཆར་བཞིན་བབས་ནས་རང་ལ་བསྟིམ་པ་ཁོ་ནས་ཆོག །དེ་ལྟར་བསྒོམ་ཞིང་ཡི་གེ་བཅུ་པ་ཁོ་ན་བཟླ་བ་ནི་སྒྲུབ་པ་ཡིན་ནོ། །དེ་ནས་རང་ཐུགས་རྗེ་ཆེན་པོ་ཡབ་ཡུམ་གྱི་ཐུགས་ཀའི་སྔགས་ཕྲེང་ལས་འོད་ཟེར་ཕྱོགས་བཅུར་འཕྲོས་པས། སྣོད་ཀྱི་འཇིག་རྟེན་ཐམས་ཅད་བདེ་བ་ཅན་གྱི་ཞིང་ཁམས་པདྨ་དབང་གི་དཀྱིལ་འཁོར་དུ་གྱུར། ནང་བཅུད་ཀྱི་སེམས་ཅན་ཐམས་ཅད་ཐུགས་རྗེ་ཆེན་པོའི་ལྷ་ཚོགས་སུ་གྱུར་ཏེ། འགྲོ་བ་རིགས་དྲུག་ལ་འོད་ཟེར་ཕོག་ནས། དམྱལ་བའི་སེམས་ཅན་ཐམས་ཅད་རྡོ་རྗེ་རིགས་ཀྱི་སྤྱན་རས་གཟིགས་ཡབ་ཡུམ། ཡི་དྭགས་ཐམས་ཅད་པདྨ་རིགས་ཀྱི་སྤྱན་རས་གཟིགས་ཡབ་ཡུམ། དུད་འགྲོ་ཐམས་ཅད་བདེ་གཤེགས་རིགས་ཏེ་གཙོ་བོ་ཡབ་ཡུམ། ལྷ་མ་ཡིན་ཐམས་ཅད་ལས་ཀྱི་རིགས་ཀྱི་སྤྱན་རས་གཟིགས་ཡབ་ཡུམ། ལྷ་དང་མི་ཐམས་ཅད་ནི་རིན་ཆེན་རིགས་ཀྱི་སྤྱན་རས་གཟིགས་ཡབ་ཡུམ་གྱི་སྐུ་འབའ་ཞིག་ཏུ་གྱུར་ཏེ། རང་གི་རམ་བུའི་ཚུལ་དུ་ཡི་གེ་བཅུ་པ་འུར་དི་རི་རི་ཡོད་པར་སྒོམ་པ་ནི་

[Full Size]

སྒྲུབ་པ་ཆེན་པོ་སྟེ། རྒྱལ་པོའི་ཕོ་ཉ་ལྟ་བུ་དང་། བུང་བ་ཚང་ཞིག་པ་ལྟ་བུའི་བཟླས་པ་ཞེས་བྱའོ། །དམིགས་པ་དེ་རྣམས་ཐུན་རེ་རེ་ལ་རྫོགས་པར་བསྒོམས་ལ་སྔགས་གྲངས་མང་ཉུང་ནི་སྟོང་ཕྲག་རེའམ། ཅི་ལྕོགས་རང་གིས་ཅི་འདོད་ཆོག་ལ། ཐུན་མཇུག་ཏུ་བླ་མ་ཡི་དམ་མཁའ་འགྲོ་ཆོས་སྐྱོང་གི་ཕུག་གཏོར་རྣམས་གསོ་བྲན་བྱ། གཞུང་ལྟར་གཏོར་མ་བྱིན་རླབས་སྔོན་འགྲོ་ལྟར་བྱ། རྒྱས་པར་འདོད་ན་ཧཱུྃ་ལྷོ་ནུབ་སྲིན་པོའི་སོགས། སྤྱན་འདྲེན་དང་བཞུགས་གསོལ་བྱ། བསྡུ་ན་མི་དགོས་པས། རང་གི་རྐང་པ་གཡས་པས་གཡོན་པའི་རྐང་མཐེབ་མནན། ལུས་ཙོག་པུར་བྱས། ལག་པ་གཉིས་མཐེ་བོང་དང་མཛུབ་མོ་གཉིས་རྩེ་སྤྱད་ལ་མདུད། སོར་མོ་གཞན་གཤོག་པ་ལྟར་བརྐྱངས། མིག་ནམ་མཁར་ལྟ་ཞིང་། ཕྱག་རྒྱ་དེ་དཔྲལ་བའི་ཐད་དུ་གཡོན་དུ་བསྐོར་ཞིང་། ཕོ་ཕོ། ཞེས་བརྗོད་པས་གཏོར་མགྲོན་ཐམས་ཅད་ནམ་མཁའ་གང་བར་སྐད་ཅིག་བྱོན་ནས་སྤྲིན་འཁྲིགས་པ་ལྟར་བཞུགས་པར་བསྒོམས་ལ། རང་གི་ཐུགས་ཀ་ནས་མཆོད་པའི་ལྷ་མོ་ཁ་དོག་སྣ་ཚོགས་ཕྱག་ན་བྷནྡྷའི་སྐྱོགས་ཐོགས་པ་བྱེ་བ་གྲངས་མེད་འཕྲོས་ཏེ། གཏོར་མ་བདུད་རྩིའི་རྒྱ་མཚོ་ནས་བཅུས་ནས་ཐམས་ཅད་ལ་

[Full Size]

དྲངས་བར་བསྒོམ་པའམ། ཡང་ན་ལྷ་སོ་སོའི་ལྗགས་ནས་འོད་ཟེར་གྱི་སྦུ་གུ་གཏོར་མ་བདུད་རྩིའི་རྒྱ་མཚོ་ལ་ཟུག་ནས་དྲངས་ཏེ་གསོལ་བར་བསྒོམ་ཞིང་། བསྡུ་ན་རྒྱལ་བ་རྒྱ་མཚོའི་གཞུང་གི་གཏོར་བསྔོས་དེས་ཆོག་ལ། རྒྱས་པར་མ་དག་མ་དང་བསྐང་ཐུང་སོགས་འགྲིགས་ཆོག་ལྟར་འདོན། བསྡུ་ན་ཨབྷཾ་སོགས། རྒྱས་པར་རྒྱལ་བའི་སྐུ་ལས་ཉོན་མོངས་སོགས། ཧཱུྃ༔ ཐུགས་རྗེ་ཆེན་པོ་འཇིག་རྟེན་དབང་ཕྱུག་ས་ཁམས་རང་བཞིན་སོགས་གང་རུང་གིས་བསྟོད། གཏོར་མགྲོན་ཡེ་ཤེས་པ་ཐམས་ཅད་རང་ལ་ཐིམ་པའམ། ཐང་སྐུ་དང་དཔེ་ཆ་སོགས་རྟེན་ལ་ཐིམ་པར་བསྒོམ། གཤེགས་གསོལ་མི་བྱ། ཆོས་སྐྱོང་རྣམས་ཀྱང་རྟེན་རྫས་སོགས་ལ་ཐིམ་པར་བསྒོམ། འཇིག་རྟེན་གཞི་བདག་སོགས་རང་གནས་སུ་སོང་བར་བསམས་པས་འཐུས། བརྗོད་མི་དགོས། དེ་ནས་ཕྱི་རོལ་གྱི་རྟེན་ཞེས་སོགས་བསྡུ་རིམ་འདོན་ཞིང་བསྒོམ། དོན་དམ་པའི་སྟོང་པ་ཉིད་དོ། །ཞེས་ཉམས་ལེན་སེམས་ངོ་ཐུན་གཅིག་སྐྱོང་། སླར་ཡང་ཞལ་གཅིག་ཕྱག་གཉིས་སོགས་ཟུང་འཇུག་གི་སྐུར་ལྡང་ནས། བདག་གི་དུས་གསུམ་སོགས་གཞུང་གི་བསྔོ་བ་དེ་བྱའོ། །དེ་ནས་ཐུན་མཚམས་དེར་ངག་བཏང་

[Full Size]

དགོས་བྱུང་ན་བཏང་། གཏོར་མ་བཏང་བ་ཕྱག་འཚལ་བ་སོགས་ཆག་མེད་ཀྱི་ཐུགས་དམ་སྔ་དྲོ་བྱ་དགོས་ཡོད་ན་བྱའོ། །ཡང་བདུད་རྩི་བྱིན་བརླབས་ནས་བཟུང་སྟེ། སྔོན་འགྲོ་མ་གཏོགས་ཚར་གཅིག་དང་དམིགས་པ་དང་སྔགས་སྔར་ལྟར། ཡང་གཏོར་བསྔོས་ནས་བསྔོ་བའི་བར། དེ་ནས་དགོང་མོ་དེ་འདྲ་གཅིག་དང་ཐུན་གསུམ། མཚན་ལ་དེ་འདྲ་གཅིག་དང་ཐུན་བཞི་བྱའོ། །དེ་ལ་དུས་ཀྱི་བསྙེན་པ་ནི། རྡོ་རྗེ་སྙིང་པོས། དེ་ལྟར་ཞག་བདུན་ཉེར་གཅིག་སོགས། །ཟླ་གསུམ་ཟླ་དྲུག་ལ་སོགས་པས། །མཆོག་དང་ཐུན་མོང་དངོས་གྲུབ་འགྱུར། །ཞེས་དང་། གྲུབ་པའི་རྒྱལ་མོས། ཞག་བདུན་གྱི་དངོས་གྲུབ་ཐོབ་པར་བྱེད་པ། ཞེས་གསུངས་པས་ཡུན་རིང་ཐུང་གང་འདོད་ཆོག་ལ། གྲངས་ནི་སློབ་དཔོན་ཛ་ལེན་དྷ་རས་རྩ་བའི་བསྙེན་པ་ལ་གྲངས་ཀྱི་བསྙེན་པ་འབུམ་ཕྲག་གསུམ་ཞེས་དང་། རང་བྱུང་རྡོ་རྗེས་གྲངས་ཀྱི་བསྙེན་པ་འབུམ་ཚོ་བཅུས། །རྒྱལ་བའི་དཀྱིལ་འཁོར་མཐོང་བར་གསུངས། ཞེས་གསུངས་པས། ཡི་གེ་བཅུ་པ་འབུམ་ཚོ་བཅུ་ནི་བསྙེན་ཚད་དང་། གསུམ་གྱིས་ཀྱང་ལས་སྦྱོར་རུང་ཙམ་ཡིན་ལ་སྙིགས་དུས་བཞི་འགྱུར་དགོས་པར་གསུངས་པས། འབུམ་ཚོ་བཅུ་

[Full Size]

གཉིས་བཟླས་ན་ཤིན་ཏུ་ལེགས་སོ། །མཚན་མའི་བསྙེན་པ་ནི། ནམ་མཁའ་དང་ས་གཞི་ལ་འོད་དམར་པོས་གང་བ་དང་། མེ་ཏོག་དམར་པོ་འཐུ་བ་དང་། གླང་པོ་ཆེ་ལ་ཞོན་ནས་རི་བོ་པོ་ཏ་ལར་ཕྱིན་པ་དང་། བུད་མེད་རྒྱན་གྱིས་བརྒྱན་པས་མེ་ཏོག་བདག་ལ་གཏོར་ཞིང་མ་ཎིའི་དབྱངས་སྒྲོག་པ་དང་། སྤྲིན་ལྡིང་བའི་ཐོག་ན་འདུག་པ་དང་། དེ་བཞིན་གཤེགས་པའི་སྐུའི་མདུན་དུ་ཕྱིན་པ་ལ་སོགས་པ་དང་། རིན་པོ་ཆེའི་སྐས་ལ་འཛེགས་པ་ལ་སོགས་པ་རྨིས་ལྟས་བཟང་པོ་རྣམས་འབྱུང་བའོ། །ཞེས་ལྷ་དགུ་འདིའི་རྒྱ་གཞུང་ནས་གསུངས་ཏེ། རྒྱས་པ་གསར་རྙིང་གི་རྟགས་ཡིག་སྤྱི་དང་འདྲ་བས་དཔྱད་ཤེས་པར་བྱའོ། །དེ་ཡང་རྡོ་རྗེ་སྙིང་པོས། རྟགས་དང་ཆོ་འཕྲུལ་མཁའ་འགྲོའི་ལྟས། །དངོས་གྲུབ་མཚན་མ་ལ་སོགས་པ། །བཟང་ངན་བྱེ་བྲག་ཅི་ཤར་ཡང་། །རྨི་ལམ་བཟང་དང་ངན་པ་ཡིད། །གང་ལའང་དགའ་དང་མི་དགའ་བའི། །མཚན་མར་འཛིན་པ་མི་བྱའོ། །ཞེས་གསུངས་པ་ལྟར་ངན་པ་ལ་རྣམ་རྟོག་མི་བྱ་སྟོང་ཉིད་ངང་ལ་བཞག །འབྱོར་ན་ཚོགས་དང་གཏོར་བསྔོས་བསྐང་ཐུང་དེ་རྣམས་མང་དུ་གསོགས། བཟང་བ་ལ་རློམ་སེམས་དགའ་བྲོད་མི་བྱ། རྟགས་

[Full Size]

དེ་ཙམ་ལས་འོང་མེ་བུས་རྟགས་དུ་བ་ཡིན་ངའི་ཐུགས་དམ་འདི་ཙམ་ལ་རྟགས་ཆུང་ངུ་ཙམ་སྙམ་དུ་བྱ། རྗེ་གང་བར་མི་བྱ། དེ་ལྟར་བསྙེན་པ་དུས་རྟགས་གྲངས་གསུམ་གང་རུང་ངམ་ཅི་མོས་ཐོན་ནས། མཇུག་གིས་འདི་སྒྲུབ་པ་ཡང་ཡིན། ལས་སྦྱོར་ཡང་ཡིན་པས་ད་ནངས་སྔ་ཐུན་ནམ་ལངས་ནས་བདག་བསྐྱེད་ཚར་གཅིག་འདོན། དེ་ནས་ཡུད་ཙམ་ཁ་ཤར་དུ་བལྟས་ལ། བཟླས་པ་བྱ་སྟེ། བདག་ཡབ་ཡུམ་གྱི་ཐུགས་ཀར་སྔགས་ཕྲེང་འཁོར་བ་སྔར་ལྟར་ལ་ཐུགས་ཀའི་ཧྲུསྔགས་ཕྲེང་དང་བཅས་པ་ལས། འོད་ཟེར་དཀར་པོ་བྱུང་ཡབ་ཡུམ་གཉིས་ཀྱི་ཞལ་ནས་ཐོན། རང་གི་མདུན་དུ་བཞུགས་པའི་རྡོ་རྗེ་རིགས་ཀྱི་སྤྱན་རས་གཟིགས་དང་ཡུམ་མཱ་མ་ཀཱི་གཉིས་ཀའི་ཐུགས་ཀར་ཐིམ་པས་ཐུགས་ཀའི་སྔགས་ཕྲེང་གཉིས་ཀ་དྲག་ཏུ་འཁོར་བས་ཐུགས་རྒྱུད་བསྐུལ། དེ་ཡབ་ཡུམ་གྱི་ཐུགས་ཀའི་ཧྲཱིཿལས་འོད་ཟེར་དཀར་པོ་བྱུང་། བདག་གི་ཐུགས་ཀའི་ཧྲཱིཿལ་ཐིམ་པས། ནད་གདོན་སྡིག་སྒྲིབ་ཐམས་ཅད་ཞི་བར་བསྒོམ། དེ་ཡང་འོད་ཟེར་ཕར་འཕྲོ་དུས་མཆོད་པའི་ཚུལ། འོད་ཟེར་མདུན་གྱི་ཐུགས་ཀར་ཐིམ་པས་ཐུགས་རྒྱུད་བསྐུལ། སྔགས་དྲག་ཏུ་འཁོར་བས་ཞི་བའི་ཕྲིན་ལས་ལ་དགོངས་པ་གཏད། ཐུགས་ཀ་

[Full Size]

ནས་འོད་ཟེར་བྱུང་ཞལ་ནས་ཐོན་པ་དངོས་གྲུབ་ཀྱི་ཚུལ། འོད་ཟེར་དེ་ཚུར་འོང་ཚེ་འོད་ཟེར་དེའི་འོད་ཟླ་བ་ཤར་བ་ལྟ་བུས། སེམས་ཅན་ཐམས་ཅད་ལ་ཕོག་པས་སེམས་ཅན་ཐམས་ཅད་ཀྱི་སྡིག་སྒྲིབ་དག །སངས་རྒྱས་ཐམས་ཅད་ཀྱི་ཞི་བའི་དངོས་གྲུབ་ཀྱང་འོད་ཟེར་དཀར་པོ་དེ་ལ་ཐིམ་ཞིང་། རང་གི་ཐུགས་ཀ་ནས་ཞུགས་ལུས་ཐམས་ཅད་འོད་དེས་ཁྱབ་ནད་གདོན་སྡིག་སྒྲིབ་ཐམས་ཅད་བ་མོ་ལ་ཉི་ཟེར་ཕོག་པ་ལྟར་ཞི། འོད་ཟེར་དེ་ཡང་རང་གི་ཐུགས་ཀའི་ཧྲཱིཿལ་ཐིམ་པས། སེམས་ཀྱི་དུག་ལྔ་དང་ཉོན་མོངས་ཤེས་བྱའི་སྒྲིབ་པ་ཐམས་ཅད་ཞི་བར་གྱུར་ཅིང་། ཞི་བ་ཆེན་པོའི་དངོས་གྲུབ་ཐོབ་པར་བསྒོམ་ཞིང་། ཡི་གེ་བཅུ་པ་ལ་ཨོཾ་བཛྲ་ཝཱ་རཱ་ཧི་སོགས་ནས་ཧ་རི་ནི་ས་ཧཱུྃ་ཕཊ། སྦྱར་བ་ལ་ལྔ་བརྒྱ་ཡན་ཅི་སྒྲུབ་པའོ། །དེ་ནས་བདག་ཡབ་ཡུམ་གྱི་ཐུགས་ཀའི་ཧྲཱིཿགཉིས་ལ་སྔགས་ཕྲེང་གཡས་གཡོན་དུ་འཁོར་བཞིན་པ་ལས། འོད་ཟེར་དཀར་པོ་བྱུང་། ཡབ་ཡུམ་གཉིས་ཀའི་ཞལ་ནས་ཐོན། རང་གི་གཡས་ཟུར་དུ་བཞུགས་པའི་རྡོ་རྗེ་མཁའ་འགྲོའི་ཐུགས་ཀར་ཐིམ་པས་མཆོད་པར་གྱུར་ནས་ཐུགས་མཉེས། དེའི་སྔགས་ཕྲེང་གཡོན་དུ་དྲག་ཏུ་འཁོར་བས་ཐུགས་རྒྱུད་

[Full Size]

བསྐུལ་ཏེ་ཞི་བའི་ལས་ལ་དགོངས་པ་གཏད། ཐུགས་སྲོག་ཧ་ཡིག་སྔགས་ཀྱིས་བསྐོར་བ་ལས་འོད་ཟེར་དཀར་པོ་སྟོན་ཟླའི་མདོག །རེག་བྱ་བདེ་བ་འཕྲོས། ཞལ་ནས་ཐོན་པའི་འོད་ཟླ་བ་ཤར་བ་ལྟ་བུའི་འོད་ཟེར་རང་གི་བསྲུང་བྱ་ཐམས་ཅད་ལ་ཕོག་པས། ནད་གདོན་བར་ཆད་ཐམས་ཅད་སངས་སེ་དག །སངས་རྒྱས་བྱང་སེམས་དཔའ་བོ་མཁའ་འགྲོའི་ཞི་བ་ཆེན་པོའི་དངོས་གྲུབ་ཀྱང་འོད་དེ་ལ་འདུས་ནས། འོད་དེ་རང་གི་ཐུགས་ཀར་ཞུགས་པས་ལུས་ཀྱི་ནང་ཁྱབ་པས་རང་གི་ནད་གདོན་སྡིག་སྒྲིབ་ཐམས་ཅད་མུན་པར་ཉི་མ་ཤར་བ་ལྟར་སངས་སེ་དག །འོད་ཐམས་ཅད་རང་གི་ཐུགས་ཀའི་ཧྲཱིཿལ་ཐིམ་པས་ཞི་བའི་ལས་སྒྲུབ་པ་ལ་ཐོགས་པ་མེད་པའི་དངོས་གྲུབ་ཐོབ་པར་བསྒོམ་ཞིང་། ཨོཾ་ཨཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ༔ ཨོཾ་བཛྲ་ཝཱ་ར་ཧི་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ་བཛྲ་བེ་རོ་ཙ་ནི་ཡེ་ཧ་རི་ནི་ས་ནད་གདོན་སྡིག་སྒྲིབ་སརྦ་ཤཱནྟཾ་ཀུ་རུ་ཡེ་སྭཱ་ཧཱ༔ ཞེས་པ་སུམ་བརྒྱ་ཙམ་བཟླའོ། །དེ་ནས་གཏོར་བསྔོས་བྱ་ཐུན་བསྡུའོ། ༈ །དེ་ནས་ཉི་མ་དྲོས་ཆེན་ལ་བདག་བསྐྱེད་ཚར་གཅིག་བཏང་། རོང་ཁ་ལྷོའམ་བྱང་དུ་ཡུད་ཙམ་གྱུ་ལ་སྔགས་རིང་ཧཱུྃ་ཕཊ་ཅན་གོང་ལྟར་ཅི་འགྲུབ་འདོན་ཏེ་དམིགས་པ་ནི། རང་ཉིད་ཡབ་ཡུམ་

[Full Size]

གྱི་ཐུགས་ཀའི་ཧྲཱིཿསྔགས་ཕྲེང་འཁོར་བཞིན་པ་ལས་འོད་ཟེར་སེར་པོ་གསེར་བཙོ་མ་ལྟ་བུ་འཕྲོས་ཞལ་ནས་ཐོན། རང་གི་གཡས་སུ་བཞུགས་པའི་རིན་ཆེན་རིགས་ཀྱི་སྤྱན་རས་གཟིགས་དང་། སངས་རྒྱས་སྤྱན་མ་ཡབ་ཡུམ་གྱི་ཐུགས་ཀར་ཐིམ་པས་མཆོད་པར་གྱུར་ནས་མཉེས། སྔགས་ཕྲེང་གཉིས་དྲག་ཏུ་འཁོར་བས་ཐུགས་རྒྱུད་བསྐུལ་ཏེ་རྒྱས་པའི་ཀླུབས་ཕྲིན་ལས་ལ་དགོངས་པ་གཏད། ཡབ་ཡུམ་གྱི་ཐུགས་སྲོག་ཧྲཱིཿགཉིས་དང་སྔགས་ཕྲེང་ལས་འོད་ཟེར་སེར་པོ་འཕྲོས་དངོས་གྲུབ་ཀྱི་ཚུལ་དུ་ཞལ་ནས་ཐོན་པས། འོད་ཟེར་སེར་པོ་དེ་ཉིད་ཉི་མ་ཤར་བ་ཙམ་གྱི་འོད་ཀྱིས་རང་གི་བསྲུང་བྱ་ཐམས་ཅད་ལ་ཕོག་པས། ཚེ་དང་བསོད་ནམས་རྒྱས། སངས་རྒྱས་ཐམས་ཅད་ཀྱི་རྒྱས་པའི་དངོས་གྲུབ་ཐམས་ཅད་ཀྱང་འོད་ཟེར་དེ་ལ་ཐིམ་ཞིང་། ཚུར་བྱུང་རང་གི་ཐུགས་ཀར་ཞུགས་ལུས་ཐམས་ཅད་ཁྱབ་པས། རང་གི་ཚེ་དང་བསོད་ནམས་ཉམས་དང་རྟོགས་པའི་ཡེ་ཤེས་ཐམས་ཅད་རྒྱས། འོད་ཟེར་ཐམས་ཅད་རང་གི་ཐུགས་སྲོག་ཧྲཱིཿལ་ཐིམ་པས་རྒྱས་པའི་དངོས་གྲུབ་ཐོབ་པར་བསྒོམ་ཞིང་བཟླ་བ་ནི་སྒྲུབ་པ་ཡིན་ལ། དེ་ནས་རང་ཡབ་ཡུམ་གྱི་ཐུགས་ཀའི་ཧྲཱིཿདང་སྔགས་ཕྲེང་ལས་འོད་ཟེར་གསེར་མདོག་

[Full Size]

འཕྲོས། ཞལ་ནས་ཐོན། རང་གི་གཡས་ཀྱི་རྒྱབ་ཟུར་དུ་བཞུགས་པའི་རིན་ཆེན་མཁའ་འགྲོའི་ཐུགས་ཀར་ཐིམ་པས་མཆོད་པར་གྱུར་ནས་ཐུགས་མཉེས། ཐུགས་སྲོག་རི་ལ་སྔགས་གཡོན་དུ་དྲག་ཏུ་འཁོར་བས་ཐུགས་རྒྱུད་བསྐུལ་ཏེ། རྒྱས་པའི་ཕྲིན་ལས་ལ་ཐུགས་དགོངས་གཏད། ཐུགས་ཀའི་སྔགས་འཁོར་ལས་འོད་ཟེར་གསེར་བཙོ་མའི་མདོག་འཕྲོས། ཞལ་ནས་ཐོན་པས་འོད་ཟེར་དེ་ལས་འོད་ཟེར་སེར་པོ་ཉི་འོད་ཤར་བ་ལྟ་བུས་བསྲུང་བྱ་རྣམས་ལ་ཕོག་པས། ཚེ་དང་བསོད་ནམས་རྒྱས་སངས་རྒྱས་ཐམས་ཅད་ཀྱི་ཐུགས་རྗེ། ཡི་དམ་མཁའ་འགྲོ་ཆོས་སྐྱོང་གི་དངོས་གྲུབ་ཐམས་ཅད་བསྡུས་ནས། འོད་ཀྱི་སྙིང་པོ་གསེར་ལྟ་བུ་ལ་ཐིམ་ཞིང་ཚུར་བྱུང་ནས། རང་གི་ཐུགས་ཀར་ཞུགས་ལུས་གང་བས། རང་ཉིད་ཚེ་དང་བསོད་ནམས་དབང་ཐང་ཉམས་རྟོགས་ཐམས་ཅད་འཕེལ་ཞིང་། ཐམས་ཅད་འོད་རང་གི་ཐུགས་སྲོག་ཧྲཱིཿལ་ཐིམ་པས་རྒྱས་པའི་དངོས་གྲུབ་ཐོབ་པར་བསྒོམ་ཞིང་། གོང་ལྟར་སྔགས་རིང་གི་མཇུག་ཏུ་མ་མ་ཨཱ་ཡུ་པུཎྱེ་ཛྙཱ་ན་པུཎྚི་ཀུ་རུ་ཡེ་སྭཱ་ཧཱ། ཞེས་སུམ་བརྒྱ་ཙམ་བཟླས་ནས། གཏོར་བསྔོས་ཐུན་བསྡུ་བ་བྱའོ། །དེ་ནི་ཕྱེད་ཡོལ་བར་དུ་ཡིན་ལ། ༈ དེ་ནས་དགོང་ཆེན་ལ་

[Full Size]

བདག་བསྐྱེད་ཚར་གཅིག་བཏང་། ཡུད་ཙམ་ཁ་ནུབ་ཏུ་གྱུ་ལ་སྔགས་རིང་ཧཱུྃ་ཕཊ་ཅན་དེ་བཟླ་སྟེ་ལྔ་བརྒྱའམ་སུམ་བརྒྱ་སོགས་ཅི་ཐོན་ཡིན་ངེས་པ་མེད་དོ། །དམིགས་པ་ནི་རང་གི་ཐུགས་ཀའི་ཧྲཱི༔ སྔགས་ཕྲེང་ལས་འོད་ཟེར་དམར་པོ་བྱི་རུ་ལྟ་བུ་འཕྲོས་ཞལ་ནས་ཐོན། རང་གི་ཞལ་དུ་ཞུགས་ནས་ལྟག་ཁུང་ངོས་ནས་སོགས་རང་གི་རྒྱབ་ཏུ་བཞུགས་པའི་པདྨ་རིགས་ཀྱི་སྤྱན་རས་གཟིགས་དང་ཡུམ་ན་བཟའ་དཀར་མོའི་ཐུགས་ཀར་ཐིམ་པས་མཆོད་པར་གྱུར་པས་མཉེས། ཡབ་ཡུམ་སྔགས་འཁོར་མྱུར་བར་འཁོར་བས་ཐུགས་རྒྱུད་བསྐུལ། སྣང་སྲིད་དབང་གི་ཕྲིན་ལས་ལ་དགོངས་པ་གཏད་པས། ཐུགས་ཀའི་ས་བོན་སྔགས་ཕྲེང་བྱི་རུ་ལྟ་བུ་བྱོན། ཞལ་ནས་ཐོན་པས་འོད་དེ་ལས་འོད་ཟེར་དམར་པོ་གློག་ལྟ་བུས་འཇིག་རྟེན་ཁྱབ་སྟེ། སངས་རྒྱས་རྣམས་ཀྱི་བྱིན་རླབས་ཡི་དམ་མཁའ་འགྲོ་ཆོས་སྐྱོང་གི་དངོས་གྲུབ། འཇིག་རྟེན་ཁམས་ཀྱི་བསོད་ནམས་ལོངས་སྤྱོད་ཐམས་ཅད་བསྡུས་ནས་འོད་ལ་ཐིམ་ཞིང་། འོད་དེ་རང་གི་ཐུགས་ཀར་ཞུགས་ནས་ལུས་ཁྱབ་པས། རླུང་སེམས་དབང་དུ་འདུས་ནས་ལས་སུ་རུང་བར་བྱས། འོད་ཐམས་ཅད་ཐུགས་སྲོག་ཧིལ་ཐིམ་པས་སྣང་སྲིད་དབང་དུ་འདུས་པའི་

[Full Size]

དངོས་གྲུབ་ཐོབ་པར་བསྒོམ། དེ་ནས་རང་གི་ཐུགས་ཀ་ནས་འོད་ཟེར་དམར་པོ་འཕྲོས། ཞལ་ནས་ཐོན་ཞལ་དུ་ཞུགས་གཡོན་དུ་སོང་རང་གི་རྒྱབ་ཟུར་གཡོན་དུ་བཞུགས་པའི་པདྨ་མཁའ་འགྲོའི་ཐུགས་ཀར་ཐིམ། ནིའི་མཐར་སྔགས་མགྱོགས་པར་འཁོར་བས་ཐུགས་རྒྱུད་བསྐུལ་ནས་དབང་གི་ཕྲིན་ལས་ལ་ཐུགས་གཏད་པས། སྔགས་ཕྲེང་ལས་འོད་དམར་པོ་བྱོན་ཞལ་ནས་ཐོན། དེའི་འོད་ཟེར་གྱིས་སྣང་སྲིད་ཀྱི་དངོས་གྲུབ་བསྡུས་ནས་འོད་ལ་ཐིམ་ཞིང་། ཚུར་བྱུང་རང་གི་ཐུགས་ཀར་ཐིམ་པས་འཁོར་འདས་དབང་དུ་འདུས་པའི་དངོས་གྲུབ་ཐོབ་པར་བསྒོམ་ཞིང་སྔགས་རིང་ཧ་རི་ནི་ས་སརྦ་སིདྡྷི་པ་ཤང་ཀུ་རུ་ཧཱུྃ་སྭཱ་ཧཱ། ཞེས་སྦྱར་ལ་སུམ་བརྒྱའམ་ཅི་ལྕོགས་བཟླ། དེ་ནས་ཉི་མ་ནུབ་པ་དང་གཏོར་བསྔོས་ཐུན་བསྡུ། ༈ དེ་ནས་མུན་རུབ་ནས་བདག་བསྐྱེད་ཚར་གཅིག་བཏང་ནས། ཡུད་ཙམ་རྟེན་འབྲེལ་གྱིས་ཁ་བྱང་ངམ་ལྷོར་རྒྱུ་ལ། སྔགས་རིང་ཧཱུྃ་ཕཊ་ཡན་ལྔ་བརྒྱའམ་ཅི་ལྕོགས་བཟླ་ཚེ་དམིགས་པ་ནི། རང་ཉིད་ཡབ་ཡུམ་ཐུགས་ཀར་ཧཱིསྔགས་ཕྲེང་གིས་བསྐོར་བཞིན་པ་ལས་འོད་ཟེར་ལྗང་ཁུ་སྤང་མའི་མདོག་འཕྲོས་ཞལ་ནས་ཐོན། རང་གི་གཡོན་དུ་ལས་ཀྱི་སྤྱན་རས་གཟིགས་དང་། ཡུམ་སྒྲོལ་མ་ཞལ་

[Full Size]

སྦྱོར་གྱི་ཐུགས་ཀར་ཕོག་པས་མཆོད་པར་གྱུར་ནས་མཉེས། སྔགས་ཕྲེང་ཅི་མགྱོགས་སུ་འཁོར་བས་ཐུགས་རྒྱུད་བསྐུལ་ནས། དྲག་པོའི་ལས་ལ་དགོངས་པ་གཏད། ཐུགས་སྲོག་ཧཱུྃ༔སྔགས་ཕྲེང་དང་བཅས་པ་ལས། འོད་ཟེར་ལྗང་གུ་བྱུང་། དྲག་པོའི་དངོས་གྲུབ་ཀྱི་ཚུལ་དུ་ཞལ་ནས་ཐོན། འོད་དེ་ལས་འོད་ཟེར་ཆེན་པོ་འཕྲོས་པས། གནོད་བྱེད་དགྲ་བགེགས་ཐམས་ཅད་འོད་དེ་ཚ་བའི་རེག་བྱས་གཞོབ་ཐུལ་གྱིས་བསྲེགས་ཏེ་ཚར་བཅད། ཁྲོ་བོ་ཁྲོ་མོ་ཆོས་སྐྱོང་ཐམས་ཅད་ཀྱི་མཐུ་སྟོབས་བསྡུས་ཤིང་འོད་དེ་ལ་ཐིམ་པ་དང་བཅས་ཏེ། ཚུར་བྱུང་རང་གི་ཐུགས་ཀར་ཞུགས་ལུས་གང་བས། བདུད་བཞི་དང་ཉོན་མོངས་ཚར་བཅད། ཐུགས་སྲོག་ཧྲཱིཿལ་ཐིམ་པས། དྲག་པོའི་དངོས་གྲུབ་ཐོབ་པར་བསྒོམ་པ་སྒྲུབ་པའོ། །ཡང་རང་གི་ཐུགས་ཀ་ནས་འོད་ཟེར་ལྗང་གུ་འཕྲོས་རང་གི་མདུན་ཟུར་གཡོན་དུ་བཞུགས་པའི་ལས་ཀྱི་མཁའ་འགྲོའི་ཐུགས་ཀར་ཐིམ་པས་མཉེས། ཐུགས་སྲོག་ས་ལ་སྔགས་ཕྲེང་གཡོན་དུ་དྲག་ཏུ་འཁོར་བས། ཐུགས་རྒྱུད་བསྐུལ་ཏེ་དགོངས་པ་གཏད་པས་འོད་ལྗང་གུ་དྲག་པོའི་དངོས་གྲུབ་ཞལ་ནས་ཐོན། དེའི་འོད་ཟེར་ཚ་ཞིང་བསྲེགས་པས་རང་དང་བསྲུང་བྱ་ལ་གནོད་པའི་

[Full Size]

དགྲ་བགེགས་ཐམས་ཅད་གཞོབ་ཐུལ་གྱིས་ཚར་བཅད། འཇིག་རྟེན་དྲེགས་པའི་མཐུ་སྟོབས་བསྡུས་འོད་ལ་ཐིམ་ཞིང་ཚུར་བྱུང་རང་གི་ཐུགས་ཀར་ཐིམ་པས། དྲག་པོའི་ཕྲིན་ལས་ཐོགས་པ་མེད་པའི་དངོས་གྲུབ་ཐོབ་པར་བསྒོམས་ལ་སྔགས་རིང་མཇུག་ཧ་རི་ནི་ས་དགྲ་བགེགས་མཱ་ར་ཡ་ཧཱུྃ་ཕཊ། ཅེས་སུམ་བརྒྱའམ་ཅི་ལྕོགས་བཟླ། གཏོར་བསྔོས་བྱ། ཐུན་བསྡུས་ལ་ཉལ་ལོ། །ཐུན་བསྡུ་བའི་དམིགས་པ་དོན་དམ་པའི་སྟོང་པ་ཉིད་དོ། །ཞེས་པ་དེ་ཉལ་བའི་རྣལ་འབྱོར་ཡིན། སླར་ཡང་ཞལ་གཅིག་ཅེས་སོགས་དེ། གཉིད་སད་མ་ཐག་བྱ་བ་ལངས་བའི་རྣལ་འབྱོར་རོ། །དེ་རྣམས་དོན་ནི་ལྷ་དགུའི་རྒྱ་གཞུང་ལས། དེ་ནས་རང་གཞན་གྱི་དོན་བྱ་བའི་ཕྲིན་ལས་བཞི་སྒྲུབ་པའི་ཕྱིར། ཕྲིན་ལས་གང་སྒྲུབ་ཀྱི་དམིགས་པ་སྤོས་ཏེ་སྔགས་ཀྱི་ཤམ་བུ་བསྒྱུར་ལ་བཟླས་པ་བྱའོ། །ཞེས་གསུངས་པའི་དོན་ཡིན་ནོ། །དེ་ལ་ཕྲིན་ལས་བཞིའི་རྟགས་རྨིས་ལྟས་སོགས་ནི་སྤྱི་དང་འདྲ་བས་དཔྱད་ཤེས་པར་བྱའོ། །ཡང་ཕྲིན་ལས་རེ་རེ་ལ་ཞག་བདུན་ཙམ་འབད་ན་རྟགས་ཐོན་པར་འགྱུར་ཏེ། དེ་ལ་དང་པོ་མགོ་བཟུང་དུས་ཞི་བ་ཞོགས་པ་ཁ་ཤར་གྱུ། རྒྱས་པ་ཉིན་ཕྱེད་ལྷོ། དབང་དགོང་ཁ་ནུབ། དྲག་པོ་སྲོད་ལ་བྱང་

[Full Size]

དུ་ཁ་གྱུའི། རྒྱུན་དུ་ནི་མི་དགོས་སོ། །གོང་དུ་བསྙེན་པ་ཐེམ་ནས་རྒྱུན་དུའམ། ཐུགས་དམ་ཆག་མེད་མཁན་མཚམས་མ་ཐོན་ཀྱང་དམིགས་པ་འདི་དག་ཅི་ལྕོགས་སུ་བསྒོམ། བསྐྱེད་རིམ་འབྱོངས་ནས་ཕྲིན་ལས་བཞི་ཁའི་དམིགས་པ་དུས་གཅིག་ལ་བསྒོམ་པར་གསུངས་སོ། །ཞེས་པདྨ་ཡེ་ཤེས་ཀྱི་བསྒྲུབ་པ་བྱ་ཕྱིར་དང་མ་ཕམ་གྱི་དགེ་རྩ་ལ་དམིགས་ནས་ཨ་རཱ་གས་བྲིས་པ་སྟེ་འགྲོ་བ་དཔག་ཏུ་མེད་པ་ལ་ཕན་ཞིང་། བདེ་བ་ཅན་དུ་སྐྱེ་བའི་ལམ་བཟང་ཆེན་པོར་གྱུར་ཅིག །མངྒ་ལཾ། བྷ་ཝནྟུ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

ཤོག་སྟོང་།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ཞེས་བྱ་བ་ལས་ལྷ་དགུ་ཕྱི་ལྟར་སྒྲུབ་པའི་ཟིན་བྲིས།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ཞེས་བྱ་བ་ལས་ལྷ་དགུ་ཕྱི་ལྟར་སྒྲུབ་པའི་ཟིན་བྲིས་བཞུགས་སོ། །

[Full Size]

ན་མོ་གུ་རུ་ལོ་ཀེ་ཤྭ་རཱ་ཡ། འཇིག་རྟེན་འདྲེན་པའི་འཕགས་མཆོག་སྤྱན་རས་གཟིགས། །ལྷ་དགུའི་ལྷ་ལ་ཕྱག་འཚལ་སྐྱབས་སུ་མཆི། །དགོངས་པ་གྲོལ་ཞིང་བྱིན་གྱིས་བརླབ་ཏུ་གསོལ། །རྒྱུད་ལ་བསྟན་པའི་རྒྱ་གཞུང་ཆེན་པོ་དང་། །རང་བྱུང་རྡོ་རྗེའི་ཚིགས་བཅད་ཚིག་ལྷུག་གཉིས། །ཡབ་སྲས་སོ་སོས་མཛད་དང་ཞལ་གདམས་བཅས། །ཆོ་ག་འདི་ཡི་གཞུང་བསྲང་ཉམས་ལེན་ཅིང་། །བསྙེན་ཚད་མ་འཁྱོལ་བར་དུ་བདག་བསྐྱེད་ལ། །གཙོ་བོ་བྱེད་དགོས་དཀོན་མཆོག་འབངས་ཀྱིས་གསུངས། །དེ་ལ་སྒྲུབ་རྫས་དཀྱིལ་འཁོར་སོགས་མི་དགོས། །ཕུག་གཏོར་ནང་

[Full Size]

མཆོད་མཆོད་པ་རྣམ་ལྔ་དང་། །སྔོན་འགྲོ་གཏོར་མ་ཌ་དྲིལ་འཛོམ་པར་བྱ། །ཉིན་རེར་སྔ་མོ་སྔོན་འགྲོ་རེ་རེ་བཏང་། །དེ་མིན་ཐུན་གཞན་སྔོན་འགྲོ་མི་དགོས་སོ། །གསར་བུ་ཡིན་ན་ཐུན་དྲུག་བྱ་བར་བཤད། །ཞོགས་པ་སྔ་དྲོ་ཉིན་གུང་དགོང་ཀ་བཞི། །སྲོད་དང་ཐོ་རངས་ཐུན་དྲུག་བྱ་བའམ། །སྔ་དྲོ་ཉིན་གུང་དགོང་ཀ་སྲོད་དང་བཞི། །ཐུན་མཇུག་གཏོར་བསྔོས་བྱེད་ན་ཐུན་བསྡུ་སྟེ། །ཐུན་མཚམས་དགེ་སྦྱོང་ཆག་མེད་གང་དགོས་བྱ། །ངག་ནི་འཁོར་ཡུག་བཅད་ན་མཆོག་ཡིན་ཏེ། །གལ་ཆེན་བྱུང་ན་ཐུན་མཚམས་བཏང་སྲོལ་གདའ། །བདག་བསྐྱེད་ཚར་རྗེས་བསྙེན་

[Full Size]

པའི་སྐབས་དེ་རུ། །བདག་དང་རིགས་བཞིའི་སྤྱན་རས་གཟིགས་བཞི་ཡི། །ཐུགས་ཀར་པདྨ་དམར་པོ་འདབ་བརྒྱད་པའི། །ཟེའུ་འབྲུར་ཧཱུྃཡིག་དམར་པོ་བྱེ་རུའི་མདོག །འགྲེངས་ཏེ་གནས་པའི་ཡིག་མགོའི་ཕྱོགས་དེ་ནི། །ཡི་གེའི་མདུན་ཡིན་རང་གི་མདུན་ངོས་བལྟ། །དེ་མཐར་མདུན་ནས་བརྩམས་ཏེ་གཡོན་བསྐོར་དུ། །ཡིག་བཅུ་ཡིག་ངོ་ཕྱི་ལ་བསྟན་ཏེ་བཀོད། །ཡུམ་ལྔའི་ཐུགས་ཀར་ཆོས་འབྱུང་གདན་ཐབས་ནི། །དམར་པོ་མུ་རན་དཀར་པོ་ཅན་གྱི་དབུས། །རང་མདོག་བྷིཡིག་ལངས་ཏེ་གནས་པའི་མཐར། །ཧ་རི་ནི་ས་སྤངས་པའི་ཡུམ་སྔགས་ཏེ། །ཡིག་ངོ་ནང་བསྟན་གཡས་སུ་བསྐོར་ལ་བཀོད། །མཚམས་བཞིར་མཁའ་འགྲོ་བཞི་ཡི་ཐུགས་ཀར་རུ། །ཉི་མའི་སྟེང་དུ་ས་བོན་རེ་རེའི་མཐར། །རང་སྔགས་ཡིག་ངོ་ནང་བསྟན་གཡས་བསྐོར་བཀོད། །རྡོ་རྗེ་མཁའ་འགྲོའི་ཐུགས་ཀར་ཧ་སྔོན་མཐར། །ཨོཾ་བཛྲ་ཌཱཀི་ནཱི་ཡེ་ཧཱུྃ་ཕཊ། རིན་ཆེན་མཁའ་འགྲོའི་ཐུགས་ཀར་རི་སེར་མཐར། །ཨོཾ་རཏྣ་ཊྛཀི་ནཱི་ཡེ་ཧཱུྃ་ཕཊ། པདྨ་མཁའ་འགྲོའི་ཐུགས་ཀར་ནི་དམར་མཐར། ཨོཾ་པདྨ་ཊཱཀི་ནཱི་ཡེ་ཧཱུྃ་ཕཊ། །ལས་ཀྱི་མཁའ་འགྲོའི་ཐུགས་ཀར་ས་ལྗང་མཐར། །ཨོཾ་ཀརྨ་ཊཱཀི་ནཱི་ཡེ་ཧཱུྃ་ཕཊ། དེ་

[Full Size]

ནས་ཐུགས་ཀའི་སྔགས་ཕྲེང་རིག་པ་གཏད། །ཀློག་པའི་ཚུལ་དུ་བཟླ་བ་བསྙེན་པའོ། །དེ་ནས་ཡིག་ཕྲེང་རྣམས་ལས་འོད་ཟེར་ནི། །ཁ་དོག་ལྔ་ལྡན་དམར་པོ་ཤས་ཆེ་བ། །ཡིག་འབྲུ་མི་འཁོར་འོད་ཟེར་འཁོར་བར་བསྒོམ། །དེ་ནས་དང་པོ་ཡིག་འབྲུ་དལ་བུས་འཁོར། །ཡབ་རྣམས་གཡས་འཁོར་ཡུམ་རྣམས་གཡོན་དུ་འཁོར། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །དེ་ལྟར་བསྒོམ་ཞིང་བཟླས་པ་ཉེ་བསྙེན་ཏེ། །ཟླ་དཀར་ཕྲེང་བ་ལྟ་བུའི་བཟླས་པ་ཟེར། །དེ་ནས་བདག་ཉིད་ཡབ་ཡུམ་ཐུགས་ཀ་ཡི། །ཧྲཱིཿནི་མི་གཡོ་སྔགས་ཕྲེང་དྲག་འཁོར་བ། །དེ་ལས་འོད་ཟེར་ཁ་དོག་དམར་ཤས་ཆེ། །དཀར་སེར་ལྗང་མཐིང་འཇའ་ཚོན་ལྟ་བུ་ནི། །སྟེང་དང་ཕྱོགས་མཚམས་ནམ་མཁའ་ཁྱབ་པར་འཕྲོས། །གྲུབ་ཆེན་བརྒྱད་ཅུ་རྗེ་འབངས་ཉེར་ལྔ་དང་། །བཀའ་བརྒྱུད་བླ་མ་གྲུབ་ཐོབ་རྒྱ་མཚོ་ལ། །འོད་ཟེར་དེས་ཕོག་མཆོད་པ་ཆེན་པོར་གྱུར། །སྐུ་གསུང་ཐུགས་རྒྱུད་ཟག་མེད་བདེ་བས་མཉེས། །ཀུན་ཀྱང་རྒྱལ་བ་རྒྱ་མཚོ་ཡབ་ཡུམ་སྐུར། །གནས་འགྱུར་ཆར་ལྟར་བབ་བྱོན་བདག་ལ་ཐིམ། །བྱིན་རླབས་ཞུགས་པས་ཉམས་རྟོགས་འབར་བར་བསྒོམ། །བླ་མ་གྲུབ་

[Full Size]

ཐོབ་རྣམས་དང་བསྲེ་བ་སྟེ། ་་བླ་མ་རྒྱ་མཚོ། །ཕྱག་ཆེན་འདོད་ན་དྭགས་པོ་ས་ར་ཧ། །རྫོགས་ཆེན་འདོད་ན་དགའ་རབ་བི་མ་ལ། །ནུས་པ་ཆེ་འདོད་ཨོ་རྒྱན་པཀི་སོགས། །བསྒོམས་པས་བླ་སྒྲུབ་མཆོག་ཏུ་གྱུར་པ་ཡིན། །ཡང་ནི་འོད་ཟེར་ཕྱོགས་བཅུར་འཕྲོས་པ་ཡི། །ཞིང་ཁམས་ཀུན་ན་བཞུགས་པའི་སངས་རྒྱས་དང་། །བྱང་ཆུབ་སེམས་དཔའ་ཐམས་ཅད་འོད་དེས་མཆོད། །ཐམས་ཅད་སྤྱན་རས་གཟིགས་ཀྱི་སྐུར་གྱུར་ནས། །ཆར་ལྟར་བབས་ནས་རང་ལ་ཐིམ་པར་བསྒོམ། ་་་རྒྱལ་བ་རྒྱ་མཚོ། །དེ་ཡང་ཚེ་བསྲིང་འདོད་ན་ཚེ་དཔག་མེད། །ནད་ཞི་འདོད་ན་སངས་རྒྱས་སྨན་གྱི་བླ། །སྡིག་ལྟུང་དག་པར་འདོད་ན་རྡོ་རྗེ་སེམས། །ལས་སྒྲིབ་དག་པར་འདོད་ན་མི་འཁྲུགས་པ། །ངན་སོང་སྒོ་གཅོད་འདོད་ན་ཀུན་རིག་དང་། །གང་འདོད་སོ་སོར་ཚན་ཆེན་བསྲེ་བར་བསྒོམ། །དེ་ཡི་གནད་ལ་དང་པོ་སྐད་ཅིག་ལ། །ནམ་མཁའ་བར་སྣང་གང་འདོད་ལྷ་དེ་ཡི། །སྐུ་ནི་མང་པོས་ཐེམ་འགགས་ནེམ་འགགས་གང་། །དེ་ནས་འོད་ཟེར་དེས་ཕོག་ཐུགས་མཉེས་ནས། །ཐམས་ཅད་ཐུགས་རྗེ་ཆེན་པོའི་སྐུར་གྱུར་ཏེ། །རང་ལ་སིབ་སིབ་ཐིམ་པར་བསྒོམ་པ་ཡིན། །དེ་བཞིན་བདེ་དགྱེས་་་་དཔའ་བོ་རྒྱ་མཚོ།

[Full Size]

གསང་སོགས་གསར་མའི་ལྷ། །བཀའ་དགོངས་ཕུར་གསུམ་ལ་སོགས་རྙིང་མའི་ལྷ། །བྱ་སྤྱོད་རྣལ་འབྱོར་རྒྱུད་ཀྱི་ལྷ་ཚོགས་རྣམས། །གང་འདོད་ཐམས་ཅད་དེ་ལྟར་བསྒོམ་ཆོག་སྟེ། །འདི་ནི་རྒྱུད་སྡེ་བཞི་ཡི་སྤྱི་སྒྲུབ་ཡིན། །ལྷ་གཅིག་སྔགས་གཅིག་བཟླས་པས་ཀུན་འགྲུབ་གསུངས། །དེ་བཞིན་ཕག་ཁྲོས་་་་མཁའ་འགྲོ་རྒྱ་མཚོ། །སེང་གསུམ་སྒྲོལ་མའི་རིགས། །ཐུགས་རྗེ་ཆེན་པོ་ཡབ་ཡུམ་ཞལ་སྦྱོར་དུ། །གྱུར་ནས་རང་ལ་ཐིམ་པར་བསྒོམ་པར་བྱ། །དེ་བཞིན་ཕྱག་བཞི་་་ཆོས་སྐྱོང་རྒྱ་མཚོ། ཕྱག་དྲུག་བར་གུར་སོགས། །མ་ནིང་དུད་སོལ་མ་དང་རང་བྱུང་མ། །ཡི་དམ་ཆོས་སྐྱོང་རྣམས་ལ་བསྲེ་ཞིང་བསྒོམ། །ཁྱད་པར་རིམས་ནད་ཡོད་དུས་ལོ་མ་ཅན། །དགྲ་འཇིགས་ཡོད་དུས་འོད་ཟེར་ཅན་དང་བསྲེ། །དེ་ལྟར་རྣམ་གྲངས་མང་པོ་མི་ལྕོགས་སམ། །ཆ་ལུགས་སྐུ་མདོག་མི་ཤེས་ཟིན་དཀའ་ན། །སངས་རྒྱས་བྱང་སེམས་བླ་མ་ཡི་དམ་དང་། །མཁའ་འགྲོ་ཆོས་སྐྱོང་སྤྱི་ལ་འོད་དེས་མཆོད། །ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས། །ཆར་བཞིན་བབས་ནས་རང་བསྟིམ་ཁོ་ནས་ཆོག །དེ་ལྟར་བསྒོམ་ཞིང་ཡིག་བཅུ་ཁོ་ན་བཟླས། །བྱིན་རླབས་བསྡུ་བའི་དམིགས་པ་སྒྲུབ་

[Full Size]

པ་ཡིན། །དེ་ནས་རང་གི་ཐུགས་ཀའི་སྔགས་ཕྲེང་ལས། །འོད་ཟེར་ཕྱོགས་བཅུའི་ནམ་མཁའ་ཁྱབ་པར་འཕྲོས། །སྣོད་ཀྱི་འཇིག་རྟེན་བདེ་བ་ཅན་གྱི་ཞིང་། །པདྨ་དབང་གི་དཀྱིལ་འཁོར་ཉིད་དུ་གྱུར། །བཅུད་ཀྱི་སེམས་ཅན་ཐམས་ཅད་སྤྱན་རས་གཟིགས། །ཐུགས་རྗེ་ཆེན་པོའི་ལྷ་ཚོགས་རྣམས་སུ་གྱུར། །དམྱལ་བ་རྡོ་རྗེ་རིགས་ཀྱི་སྤྱན་རས་གཟིགས། །ཡབ་ཡུམ་སྐུར་གྱུར་དེ་བཞིན་ཡི་དྭགས་རྣམས། །པདྨ་རིགས་ཀྱི་སྤྱན་རས་གཟིགས་ཡབ་ཡུམ། །དུད་འགྲོ་བདེ་གཤེགས་རིགས་ཀྱི་སྤྱན་རས་གཟིགས། །ལྷ་མིན་ལས་ཀྱི་རིགས་ཀྱི་སྤྱན་རས་གཟིགས། །ལྷ་དང་མི་ནི་རིན་ཆེན་སྤྱན་རས་གཟིགས། །རྒྱན་དང་ཆ་ལུགས་མངོན་རྟོགས་ལྟ་བུའི་སྐུ། །འབའ་ཞིག་གྱུར་ནས་རང་གི་རམ་བུའི་ཚུལ། །ཡིག་བཅུ་འུར་འུར་དིར་དིར་འདོན་པར་བསྒོམ། །དེ་ནི་སྣང་བ་སྐུ་ཡི་ཁྱེར་སོ་དང་། །གྲག་པ་གསུང་གི་ཁྱེར་སོའི་དོན་ཚང་སྟེ། །སྐད་ཅིག་གཅིག་ལ་དུང་ཕྱུར་མང་པོ་འགྲོ། །།ཕྲེང་སྐོར་གཅིག་གིས་ཡི་དམ་འགྲུབ་པའི་གནད། །རྒྱལ་པོའི་ཕོ་ཉ་ལྟ་བུའི་བཟླས་པ་དང་། །བུང་བ་ཚང་ཞིག་ལྟ་བུའི་བཟླས་པའང་ཟེར། །སྒྲུབ་པ་ཆེན་པོའི་དམིགས་པ་ཡིན་པར་བཤད། །དམིགས་པ་དེ་རྣམས་

[Full Size]

རྫོགས་པར་ཐུན་རེ་བསྒོམ། །མི་ལྕོགས་ན་ནི་ཞག་གཅིག་རྫོགས་པས་ཆོག །ཞག་བདུན་བསྒྲུབ་ན་དེ་ཡན་ཞག་དྲུག་བྱ། །དེ་ནས་ཞག་གཅིག་ལས་སྦྱོར་དམིགས་པ་ནི། །ཐུན་གྱི་བཟུང་ལུགས་སྔོན་དང་འདྲ་བ་ལས། །སྔ་ཐུན་ཡུད་ཙམ་ཤར་དུ་ཁ་བལྟས་ལ། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་དཀར་པོ་ཡབ་ཡུམ་ཞལ་ནས་ཐོན། །མདུན་དུ་བཞུགས་པའི་རྡོ་རྗེ་སྤྱན་རས་གཟིགས། །ཡབ་ཡུམ་གཉིས་ཀྱི་ཐུགས་ཀར་ཐིམ་པ་ཡི། །ཐུགས་ཀའི་སྔགས་ཕྲེང་དྲག་འཁོར་ཐུགས་རྒྱུད་བསྐུལ། །ཐུགས་ཀའི་ཧཱུྃལས་འོད་ཟེར་དཀར་པོ་བྱུང་། །ཞལ་ནས་ཐོན་ཅིང་བདག་ཉིད་ཡབ་ཡུམ་གྱི། །ཐུགས་ཀར་ཐིམ་པས་ནད་གདོན་སྡིག་སྒྲིབ་ཞི། །འོད་ཟེར་ཕར་ལ་འཕྲོ་དུས་མཆོད་པའི་ཚུལ། །མདུན་གྱི་ཐུགས་ཀར་ཐིམ་དུས་ཐུགས་རྒྱུད་བསྐུལ། །སྔགས་ཕྲེང་དྲག་འཁོར་ཕྲིན་ལས་དགོངས་པ་གཏད། །འོད་ཟེར་ཞལ་ནས་བྱུང་དུས་དངོས་གྲུབ་ཚུལ། །དེ་ཡི་འོད་ཟེར་ཟླ་བའི་འོད་ལྟ་བུས། །སེམས་ཅན་ཀུན་གྱི་སྡིག་སྒྲིབ་ཐམས་ཅད་ནི། །མུན་པར་ཟླ་ཤར་ལྟ་བུའི་འོད་དེས་གསལ། །སངས་རྒྱས་ཀུན་གྱི་ཞི་བའི་དངོས་གྲུབ་ཀྱང་། །འོད་ཟེར་དེ་ལ་སིབ་

[Full Size]

ཀྱིས་ཐིམ་པ་ལས། །རང་གི་ཐུགས་ཀར་ཐིམ་ཞིང་ལུས་ཁྱབ་པས། །ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །འོད་ཀུན་ཐུགས་ཀའི་ཧྲུལ་ཐིམ་པ་ཡིས། །སེམས་ཀྱི་ཉོན་སྒྲིབ་ཤེས་སྒྲིབ་ཐམས་ཅད་ཞི། །ཞི་བ་ཆེན་པོའི་དངོས་གྲུབ་ཐོབ་པར་བསྒོམ། །སྔགས་རིང་ཧ་རི་ནི་ས་ཧཱུྃ་ཕཊ་ཅན། །ལྔ་བརྒྱ་ལ་སོགས་ཇི་ཙམ་ལྕོགས་པ་བཟླ། །དེ་ནས་བདག་ཉིད་ཡབ་ཡུམ་སྔགས་ཕྲེང་ལས། །འོད་ཟེར་དཀར་པོ་ཡབ་ཡུམ་ཞལ་ནས་ཐོན། །གཡས་ཟུར་རྡོ་རྗེ་མཁའ་འགྲོའི་ཐུགས་ཀར་ཐིམ། །སྔགས་ཕྲེང་གཡོན་འཁོར་ཕྲིན་ལས་དགོངས་པ་གཏད། །མཁའ་འགྲོའི་ཐུགས་ལས་འོད་ཟེར་སྟོན་ཟླའི་མདོག་།བདེ་བའི་རེག་བྱ་ཅན་འཕྲོས་ཞལ་ནས་ཐོན། །བདེ་བའི་འོད་ཟེར་ཟླ་བའི་འོད་ལྟ་བུས། །བསྲུང་བྱ་ཀུན་ལ་ཕོག་པས་ནད་དང་གདོན། །ཐམས་ཅད་བ་མོར་ཉི་ཟེར་ཕོག་ལྟར་དག་།སངས་རྒྱས་བྱང་སེམས་དཔའ་བོ་མཁའ་འགྲོ་ཡི། །ཞི་བ་ཆེན་པོའི་དངོས་གྲུབ་འོད་དེར་འདུས། །རང་གི་ཐུགས་ཀར་ཞུགས་པས་ནད་དང་གདོན། །སྡིག་སྒྲིབ་མུན་པར་ཉི་ཤར་ལྟ་བུར་དག །འོད་དེ་ཐུགས་ཀའི་ཧྲུལ་ཐིམ་པ་ཡིས། །ཞི་བའི་ལས་ཀུན་འགྲུབ་པའི་དངོས་གྲུབ་ཐོབ། །དེ་ལྟར་

[Full Size]

བསྒོམ་ཞིང་སྔགས་རིང་མཇུག་དེ་རུ། །ནད་གདོན་སརྦ་པཱ་པཾ་ཤཱནྟཾ་ཀུ་རུ་ཡེ་སྭཱ་ཧཱ། ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །དེ་ནས་ཉི་མ་དྲོས་ཆེན་དུས་བབ་ཚེ། །བདག་བསྐྱེད་ཚར་གཅིག་བཏང་བ་དེ་ཡི་རྗེས། །ལྷོའམ་བྱང་དུ་ཡུད་ཙམ་ཁ་གྱུས་ནས། །སྔགས་རིང་ནི་ས་ཧཱུྃ་ཕཊ་ཅན་བཟླ་ཞིང་། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་བཙོ་མ་གསེར་གྱི་མདོག་འདྲ་འཕྲོས། །ཡབ་ཡུམ་ཞལ་ནས་ཐོན་ཅིང་གཡས་ཕྱོགས་ཀྱི། །རིན་ཆེན་རིགས་ཀྱི་ཡབ་ཡུམ་ཐུགས་ཀར་ཕོག །མཆོད་པར་གྱུར་པས་མཉེས་ནས་སྔགས་ཕྲེང་འཁོར། །ཐུགས་རྒྱུད་བསྐུལ་ནས་ཕྲིན་ལས་དགོངས་པ་གཏད། །ཡབ་ཡུམ་ཧྲཱིཿལས་འོད་ཟེར་གསེར་མདོག་འཕྲོས། །རྒྱས་པའི་དངོས་གྲུབ་ཚུལ་དུ་ཞལ་ནས་ཐོན། །དེ་ཡི་འོད་ནི་ཉི་མ་ཤར་འདྲ་བའི། །བསྲུང་བྱ་རྣམས་ལ་ཕོག་པས་ཚེ་བསོད་རྒྱས། །འཁོར་འདས་ཀུན་གྱི་ཚེ་བསོད་འོད་དེར་ཐིམ། །ཚུལ་བྱུང་ཐུགས་ཀར་ཞུགས་ནས་ལུས་ཁྱབ་པས། །རང་གི་ཚེ་བསོད་ཉམས་རྟོགས་ཡེ་ཤེས་རྒྱས། །ཐུགས་སྲོག་ཧཱིར་ཐིམ་རྒྱས་པའི་དངོས་གྲུབ་ཐོབ། །དེ་ནས་རང་ཉིད་ཡབ་ཡུམ་ཐུགས་ཀ་ནས། །འོད་ཟེར་

[Full Size]

གསེར་མདོག་འཕྲོས་ཤིང་ཞལ་ནས་ཐོན། །གཡས་ཀྱི་རྒྱབ་ཟུར་རིན་ཆེན་མཁའ་འགྲོ་ཡི། །ཐུགས་ཀར་ཐིམ་པས་མཆོད་པར་གྱུར་ནས་མཉེས། །སྔགས་ཕྲེང་དྲག་འཁོར་ཐུགས་དམ་རྒྱུད་བསྐུལ་ཏེ། །རྒྱས་པའི་ཕྲིན་ལས་སྒྲུབ་ལ་ཐུགས་དགོངས་གཏད། །ཐུགས་ལས་འོད་ཟེར་བཙོ་མ་གསེར་མདོག་འཕྲོས། །ཞལ་ནས་ཐོན་ཚེ་ཉི་མའི་དཀྱིལ་འཁོར་བཞིན། །དེ་ཡི་འོད་ཟེར་ཉི་མའི་འོད་ལྟ་བུ། །བསྲུང་བྱ་རྣམས་ལ་ཕོག་པས་ཚེ་བསོད་རྒྱས། །དཔེར་ན་མེ་ཏོག་པདྨར་ཉི་ཟེར་བཞིན། །ཡི་དམ་མཁའ་འགྲོ་ཆོས་སྐྱོང་དངོས་གྲུབ་ཀུན། །སྦྱར་ལེན་དྭངས་མར་རྡུལ་བཞིན་འོད་དེར་ཐིམ། །ཚུར་བྱོན་ཐུགས་ཀར་ཐིམ་ཞིང་ལུས་གང་བས། །རང་གི་ཚེ་བསོད་དབང་ཐང་ཉམས་རྟོགས་འཕེལ། །ཐུགས་སྲོག་ཧྲཱིཿར་ཐིམ་རྒྱས་པའི་དངོས་གྲུབ་ཐོབ། །སྔགས་རིང་བེ་རོ་ཙ་ནི་ཡེ་ཡི་མཇུག །རི་ནི་ཧ་ས་མ་མ་ཨཱ་ཡུཔུཎྱ་ཛྙཱ་ན་པུཊྚི་ཀུ་རུ་ཡེ་སྭཱ་ཧཱ། ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །དགོང་ཆེན་བདག་བསྐྱེད་ཚར་གཅིག་བཏང་བའི་རྗེས། །ཡུད་ཙམ་ནུབ་ཏུ་ཁ་ཕྱོགས་སྔགས་རིང་ནི། །གཞུང་གི་ཧཱུྃ་ཕཊ་ཅན་དེ་བཟླས་པའི་ཚེ། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །

[Full Size]

འོད་ཟེར་དམར་པོ་བྱུ་རུའི་ཕྲེང་བ་ལྟར། །ཞལ་ནས་ཐོན་ཅིང་རྒྱབ་ཀྱི་ཕྱོགས་སུ་སོང་། །པདྨ་སྤྱན་གཟིགས་ཡབ་ཡུམ་ཐུགས་ཀར་ཐིམ། །སྔགས་ཕྲེང་དྲག་འཁོར་ཐུགས་དམ་རྒྱུད་བསྐུལ་བས། །སྣང་སྲིད་དབང་སྡུད་ལས་ལ་དགོངས་པ་གཏད། །ཐུགས་ཀའི་སྔགས་ཕྲེང་འོད་ཟེར་དམར་པོ་འཕྲོས། །ཞལ་ནས་ཐོན་པས་པདྨ་རཱ་གའི་མདོག །དེ་ལས་འོད་ཟེར་གློག་འདྲ་འཇིག་རྟེན་ཁྱབ། །སངས་རྒྱས་བྱང་སེམས་ཡི་དམ་མཁའ་འགྲོ་དང་། །ཆོས་སྐྱོང་ནོར་ལྷ་ཀུན་གྱི་དངོས་གྲུབ་དང་། །འཇིག་རྟེན་ཁམས་ཀྱི་བསོད་ནམས་ལོངས་སྤྱོད་ཀུན། །བསྡུས་ནས་འོད་དེར་ཐིམ་ཞིང་ཚུར་བྱོན་ནས། །རང་གི་ཐུགས་ཀར་ཞུགས་ཤིང་ལུས་ཁྱབ་པས། །རླུང་སེམས་སྣང་བ་དབང་དུ་འདུས་གྱུར་ནས། །བྷིར་ཐིམ་སྣང་སྲིད་དབང་སྡུད་དངོས་གྲུབ་ཐོབ། །དེ་ནས་རང་གི་ཐུགས་ལས་འོད་དམར་འཕྲོས། །ཞལ་ནས་ཐོན་ཅིང་རྒྱབ་ཟུར་གཡོན་བཞུགས་པའི། །པདྨ་མཁའ་འགྲོའི་ཐུགས་ཐིམ་སྔགས་མྱུར་འཁོར། །དབང་གི་ཕྲིན་ལས་སྒྲུབ་ལ་དགོངས་པ་གཏད། །སྔགས་ལས་འཕྲོས་པའི་འོད་དམར་ཞལ་ནས་ཐོན། །དེ་ཡི་འོད་ཀྱིས་སྣང་སྲིད་འཁོར་འདས་ཀྱི། །གང་འདོད་དངོས་

[Full Size]

གྲུབ་བསྡུ་ཞིང་འོད་དེར་ཐིམ། །ཚུར་བྱོན་རང་གི་ཐུགས་ཀར་ཐིམ་པ་ཡིས། །ཁམས་གསུམ་དབང་དུ་འདུས་པའི་དངོས་གྲུབ་ཐོབ། །སྔགས་རིང་བེ་རོ་ཙ་ནཱི་ཡེ་ཡི་མཇུག །ནི་རི་ཧ་ས་བ་སུ་ན་ན་ཊི་དྷ་སརྦ་སིདྡྷི་པ་ཤཾ་ཀུ་རུ་སྭཱ་ཧཱ། །ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །དེ་ནས་མུན་རུབ་བདག་བསྐྱེད་ཚར་གཅིག་བཏང་། །ཡུད་ཙམ་བྱང་ངམ་ལྷོ་རུ་ཁ་ཕྱོགས་ལ། །སྔགས་རིང་ཧཱུྃ་ཕཊ་ཅན་དེ་བཟླས་བྱས་ཤིང་། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་ལྗང་གུ་སྤང་ཆེན་མདོག་འདྲ་འཕྲོས། །གཡོན་ཕྱོགས་ལས་ཀྱི་སྤྱན་རས་གཟིགས་དང་ནི། །སྒྲོལ་མ་ཞལ་སྦྱོར་བཞུགས་པའི་ཐུགས་ཀར་ཐིམ། །སྔགས་ཕྲེང་དྲག་འཁོར་ལས་ལ་དགོངས་པ་གཏད། །ཐུགས་ཀའི་སྔགས་ལས་དྲག་པོའི་དངོས་གྲུབ་ནི། །འོད་ཟེར་ལྗང་གུའི་ཚུལ་དུ་ཞལ་ནས་ཐོན། །འོད་དེའི་འོད་ཟེར་ལྗང་ནག་ཚ་ལ་རྩུབ། །ཕྱོགས་བཅུར་ཁྱབ་པས་གནོད་བྱེད་དགྲ་བགེགས་ཀུན། །བ་མོར་ཐལ་ཚན་ཕོག་བཞིན་གཞོབ་ཏུ་བསྲེག །ཁྲོ་བོ་ཁྲོ་མོ་ཆོས་སྐྱོང་ཐམས་ཅད་ཀྱི། །མཐུ་སྟོབས་འོད་དེར་ཐིམ་ཞིང་ཚུར་བྱོན་ཏེ། །རང་གི་ཐུགས་ཀར་ཐིམ་ཞིང་ལུས་གང་བས། །བདུད་བཞི་ཉོན་

[Full Size]

མོངས་ལུས་གདོན་ལུས་ཀྱི་ནད། །ཐམས་ཅད་ཚར་བཅད་འོད་ཟེར་ཧིལ་ཐིམ། །དྲག་པོའི་ཕྲིན་ལས་ཐོགས་མེད་དངོས་གྲུབ་ཐོབ། །དེ་ནས་བདག་ཉིད་ཡབ་ཡུམ་ཐུགས་ཀ་ནས། །འོད་ཟེར་ལྗང་ནག་འཕྲོས་པས་ཞལ་ནས་ཐོན། །མདུན་གཡོན་ལས་ཀྱི་མཁའ་འགྲོའི་ཐུགས་ཀར་ཐིམ། །སྔགས་ཕྲེང་དྲག་འཁོར་ལས་ལ་དགོངས་པ་གཏད། །དྲག་པོའི་དངོས་གྲུབ་འོད་ཟེར་ལྗང་གུའི་ཚུལ། །ཞལ་ནས་ཐོན་ཚེ་འོད་དེའི་འོད་ཟེར་ནི། །རབ་ཏུ་རྩུབ་ཅིང་ཚ་ངར་ལྡན་པ་ཡིས། །རང་དང་བསྲུང་བྱ་ལ་གནོད་དགྲ་དང་བགེགས། །བྱ་སྒོ་མེ་ལ་བསྲེགས་བཞིན་ཚར་བཅད་དེ། །འཇིག་རྟེན་དྲེགས་པའི་མཐུ་སྟོབས་ནུས་པ་རྣམས། །བསྡུས་ཤིང་འོད་དེར་ཐིམ་ཞིང་ཚུར་བྱོན་ནས། །རང་གི་ཐུགས་ཀའི་ཧྲུལ་ཐིམ་པ་ཡིས། །དྲེགས་པ་ཚར་གཅོད་དངོས་གྲུབ་ཐོབ་པར་བསྒོམ། །སྔགས་རིང་བེ་རོ་ཙ་ནཱི་ཡེ་ཡི་མཇུག །ས་ནི་རི་ཧ་གནོད་བྱེད་སརྦ་ཤ་ཏུཾ་མཱ་ར་ཡ་ཧཱུྃ་ཕཊ། ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་ཉལ། །ཐུན་བསྡུའི་དམིགས་པ་སྟོང་པ་ཉིད་དོ་ཞེས། །ཟེར་བ་དེ་ནི་ཉལ་བའི་རྣལ་འབྱོར་ཡིན། །མཚམས་སྡོམ་ཞག་བདུན་ཕྱི་སྒྲུབ་ཚང་བ་སྟེ། །བདུན་གཉིས་

[Full Size]

བདུན་གསུམ་ཟླ་སྒྲུབ་ལོ་སྒྲུབ་སོགས། །ཡུན་རིང་སྒྲུབ་ན་ལས་བཞི་རེ་རེ་ལའང་། །དུས་ནི་ཞག་བདུན་སྔགས་གྲངས་འབུམ་ཕྲག་སོགས། །སྒྲུབ་ན་ཕྲིན་ལས་སོ་སོའི་རྟགས་ཐོན་འགྱུར། །དེ་ཚེ་དུས་ཚོད་དང་ནི་ཁ་གྱུ་ཕྱོགས། །དང་པོ་དབུ་འཛུགས་དུས་སུ་བྱས་པས་འཐུས། །ལས་བཞི་རེ་རེའི་ཞག་གྲངས་སྔགས་གྲངས་ཀྱང་། །བསྙེན་སྒྲུབ་ཅི་ཙམ་ཐོན་པའི་བཅུ་ཆ་གཅིག །དེ་ལས་མང་ན་བསྙེན་སྒྲུབ་ནུས་པ་ཉམས། །དེ་ལས་ཉུང་ན་ལས་དེའང་འགྲུབ་པར་དཀའ། །དེ་ནི་མཚམས་སྡོམ་ཕྱི་སྒྲུབ་བྱེད་ཐབས་ཡིན། །མཚམས་མི་སྡོམ་པར་ཕྱི་སྒྲུབ་བྱེད་འདོད་ན། །ད་ནངས་བདག་བསྐྱེད་ཚར་གཅིག་བཏང་བའི་རྗེས། །ཉི་ཐལ་བར་དུ་འགྲོ་སྡོད་གང་གིས་ཚེ། །སྔགས་བཟླས་གོང་གི་དམིགས་པ་དེ་རྣམས་བསྒོམ། །ཉི་མ་ཐལ་ཀའི་དུས་ལ་བབ་ཙམ་ན། །རང་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་ཁ་དོག་བཞི་ལྡན་སྟོང་སྐུད་བཞིན། །འོད་ཟེར་དཀར་པོ་གཉིས་དང་སེར་པོ་གཉིས། །དམར་པོ་གཉིས་དང་དེ་བཞིན་ལྗང་གུ་གཉིས། །ཞལ་ནས་ཐོན་ཞིང་ཕྱོགས་མཚམས་བརྒྱད་དུ་འཕྲོས། །རིགས་བཞི་ཡབ་ཡུམ་རིགས་བཞི་མཁའ་འགྲོ་ཡི། །ཐུགས་ཀར་ཐིམ་པས་

[Full Size]

ཐུགས་དམ་རྒྱུད་བསྐུལ་ཏེ། །ལས་བཞིའི་དངོས་གྲུབ་འོད་ཟེར་ཁ་དོག་བཞིའི། །རྣམ་པར་ཞལ་ནས་ཐོན་ཅིང་བདག་ཉིད་ཀྱི། །ཐུགས་ཀར་ཐིམ་པས་ཕྲིན་ལས་བཞི་འགྲུབ་བསམ། །སྔགས་རིང་ཧཱུྃ་ཕཊཿཅན་དེ་ཅི་འགྲུབ་བཟླ། །འདི་ལྟར་ལས་བཞི་གཅིག་ཆར་བསྒོམ་པ་འདི། །དོན་ལྡན་ཞབས་དང་དཀོན་མཆོག་འབངས་ཀྱིས་གསུངས། །དེ་ནས་གཏོར་བསྔོས་བྱས་ལ་ཐུན་བསྡུ་སྟེ། །གཞུང་ལྟར་བསྔོ་སྨོན་བྱས་རྗེས་མུན་རུབ་ལ། །སྔོན་འགྲོ་མི་དགོས་བདག་བསྐྱེད་ཚར་གཅིག་འདོན། །གོང་ལྟར་དམིགས་པ་རྣམས་བསྒོམ་སྔགས་བཟླས་ཤིང་། །མཇུག་ཏུ་ལས་བཞིའི་སྔགས་དམིགས་ཡུད་ཙམ་བྱེད། །དེ་ནས་གཏོར་བསྔོས་བྱས་ཏེ་ཐུན་བསྡུ་ཉལ། །དེ་ལྟར་ཉིན་མཚན་ཐུན་གཉིས་མ་ཆག་པར། །ཟླ་གྲངས་མང་པོའི་བར་དུ་བྱ་བ་སྟེ། །ཟླ་ཞག་མི་བརྩི་སྔགས་ཀྱི་གྲངས་ལ་རྩི། །འབུམ་ཕྲག་བཅུ་སོགས་འགྲུབ་ན་ཕྱི་སྒྲུབ་ཐེམ། །བྱང་ཆུབ་ནར་མར་སྒྲུབ་པ་ཞེས་བྱ་སྟེ། །གནས་གཅིག་མིན་ཀྱང་གར་ཕྱིན་དེར་སྒྲུབ་ཆོག །དེ་ཡང་མི་ལྕོགས་རྒྱུན་ཁྱེར་ཉམས་ལེན་ནི། །ཉིན་ནུབ་ནམ་འདོད་བདག་བསྐྱེད་ཚར་གཅིག་ནི། །ཡི་དམ་ཡིན་ཕྱིར་ཆག་པའི་ཐབས་མེད་ཅིང་། །དེ་

[Full Size]

བཞིན་གཏོར་བསྔོས་ཚར་གཅིག་མ་ཆག་བྱ། །དེ་མིན་འགྲོ་སྡོད་སྤྱོད་ལམ་ཀུན་གྱི་ཚེ། །གོང་གི་དམིགས་པ་དེ་དག་ཅི་ལྕོགས་བསྒོམ། །སྔགས་བཟླ་རུང་བར་བདེ་མཆོག་རྒྱུད་ལས་གསུངས། །ཉལ་ཁ་ཐུན་བསྡུ་བསྔོ་སྨོན་བྱ་བ་གཅེས། །སྔགས་ཀྱང་རྒྱུད་ཀྱི་དགོངས་པ་ཡི་གེ་དྲུག །རྒྱ་གཞུང་དགོངས་པ་ཡིག་བཅུ་གང་འདོད་ཆོག །རྟགས་དང་བྱིན་རླབས་མྱུར་འདོད་སྔགས་རིང་ཟབ། །དེ་ལྟར་ལྷ་དགུ་ཕྱི་ལྟར་སྒྲུབ་པ་འདི། །རྒྱུད་ཀྱི་དགོངས་པ་རྒྱ་གཞུང་སོར་བཞག་སྟེ། །པོད་གཞུང་རྣམས་ལས་དེ་དག་གསལ་ན་ཡང་། །བློ་ཆུང་རྣམས་ལ་ཕན་ཕྱིར་བསྡུས་ཏེ་བཀོད། །འགལ་འཁྲུལ་ཉེས་པའི་ཆ་མཆིས་ལྷ་ལ་བཤགས། །དགེ་བས་བླ་མའི་དགོངས་པ་རྫོགས་པ་དང་། །ཞུ་བ་པོ་ཡིས་གཙོར་བྱས་འབྲེལ་ཐོགས་ཀུན། །ཚེ་འདིར་ཐུགས་རྗེ་ཆེན་པོ་འགྲུབ་འགྱུར་ཞིང་། །ཕྱི་མ་བདེ་ཆེན་ཞིང་དུ་སྐྱེ་བར་ཤོག །མཐར་ཕྱིན་ཐབས་མཁས་གཉིས་ཀྱིས་ཞུས་པའི་ངོར། །རིག་འཛིན་སྤྲུལ་སྐུའི་དགོངས་རྫོགས་ལ་དམིགས་ཏེ། །ལུག་ལོ་ས་ག་ཟླ་བའི་ཡར་ཚེས་དྲུག །མཆོག་གི་སྤྲུལ་སྐུའི་ཆོས་འཁོར་བསྐོར་བའི་དུས། །རྒྱུ་སྐར་རྒྱལ་ལ་བབ་པའི་སྔ་དྲོའི་ཆར། །རཱ་ག་ཨ་སྱས་ཇི་ལྟར་སྨྲས་པ་

[Full Size]

རྣམས། །པདྨ་མཐར་ཕྱིན་ཞེས་བྱས་ཡི་གེར་བཀོད།། །།མངྒ་ལཾ།། །། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅོས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།