མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ལ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་དྲིལ་སྒྲུབ་ཀྱི་ཟིན་བྲིས།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་དྲིལ་སྒྲུབ་ཀྱི་ཟིན་བྲིས་བཞུགས་སོ། །

[Full Size]

ན་མོ་གུ་རུ་ལོ་ཀེ་ཤྭ་རཱ་པཉྩ་ཡེ། འཇིག་རྟེན་དབང་ཕྱུག་ལྷ་དགུའི་ཞབས་ལ་འདུད། །དགོངས་པ་གྲོལ་ཞིང་བྱིན་རླབས་དངོས་གྲུབ་སྩོལ། །ལྷ་དགུ་དྲིལ་ཏེ་སྒྲུབ་པའི་གདམས་པ་ནི། །སྔོན་དུ་ཕྱི་ནང་གསང་གསུམ་སྒྲུབ་ཐོན་ལེགས། །མ་ཐོན་ན་ཡང་གསུམ་ཀ་འདི་ལ་ཚང་། བཙན་ཐབས་མྱུར་དུ་བསྒྲུབ་ཕྱིར་རླུང་སྒྲུབ་ཟེར། །སྟ་གོན་ཚར་རྗེས་བདག་མདུན་ཚར་གཅིག་འདོན། །དེ་ནས་བདག་མདུན་ཐུགས་ཀར་པདྨའི་སྟེང་། །ཡབ་ཀྱི་ཐུགས་ཀར་ཧྲཱི༔མཐར་ཡིག་བཅུས་བསྐོར། །ཡུམ་གྱི་ཐུགས་ཀར་ཆོས་འབྱུང་ཧྲིམཐར་ཡུམ་སྔགས་བསྐོར། །བདག་བསྐྱེད་ཡབ་ཡུམ་ཐུགས་

[Full Size]

ཀར་སྔགས་ཕྲེང་ལས། །འོད་ཟེར་སྣ་ཚོགས་འཇའ་སྤྲིན་ལྟ་བུར་འཕྲོས། །འོད་ཟེར་དེ་དག་ཕྱི་ནང་གསང་བ་ཡི། །མཆོད་སྤྲིན་གྱུར་ནས་མདུན་བསྐྱེད་ལྷ་ཚོགས་མཆོད། །མདུན་བསྐྱེད་གཙོ་འཁོར་ཀུན་གྱི་ཐུགས་ཀ་ཡི། །སྔགས་ཕྲེང་དྲེག་འཁོར་འོད་ཟེར་སྣ་ཚོགས་པ། །འཇའ་ཚོན་ལྟ་བུ་ཕྱོགས་བཅུར་ཁྱབ་པར་འཕྲོས། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི། །སྐུ་གསུང་ཐུགས་ཀྱི་བྱིན་རླབས་མ་ལུས་པ། །འོད་ཀྱི་རྣམ་པར་བསྡུས་ནས་མདུན་བསྐྱེད་ཀྱི། །ལྷ་ཚོགས་རྣམས་དང་དབྱེར་མེད་གཅིག་ཏུ་གྱུར། །མདུན་བསྐྱེད་ལྷ་ཚོགས་རྣམས་ལས་བྱིན་

[Full Size]

རླབས་དང་། །དངོས་གྲུབ་འོད་ཟེར་ཁ་དོག་སྣ་ཚོགས་པ། །འཇའ་སྤྲིན་ལྟར་འཕྲོས་རང་ལ་ཐིམ་པར་བསམ། །འདི་ནི་འདི་ཡི་ལུགས་ཀྱི་བསྙེན་པ་ཡིན། །དེ་ནས་རང་གི་ཐུགས་ཀའི་སྔགས་འཁོར་ལས། །འོད་ཟེར་དམར་པོ་འོད་ལྔའི་མདངས་ལྡན་པ། །རང་གི་ཞལ་ཐོན་མདུན་བསྐྱེད་ཞལ་དུ་ཞུགས། །མཆོད་པར་གྱུར་ཏེ་ཟག་མེད་བདེ་བས་དགྱེས། །ཐུགས་ཀར་ཐིམ་པས་སྔགས་ཕྲེང་དྲག་ཏུ་འཁོར། །སྔོན་གྱི་ཐུགས་བསྐྱེད་སྨོན་ལམ་དམ་བཅའ་དྲན། །ཐུགས་རྗེ་བྱིན་རླབས་དངོས་གྲུབ་མ་ལུས་པ། །འོད་ཟེར་ཚུལ་དུ་འཕྲོས་ནས་སྦྱོར་མཚམས་ཐོན། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །སྙིང་གར་ཐིམ་པས་ཐུགས་རྗེ་བྱིན་རླབས་ཞུགས། །དེ་ནས་འོད་ཟེར་དེ་ཡང་སྔགས་ཕྲེང་གྱུར། །དེ་ལྟར་སྔགས་ཕྲེང་མགལ་མེའི་འཁོར་ལོ་ལྟར། །རྒྱུན་ཆད་མེད་པར་ཀྱི་ལི་ལི་འཁོར་བས། །འོད་ཟེར་དེ་དང་མདུན་བསྐྱེད་ལྷ་ཚོགས་ལས། །འོད་ཟེར་འཇའ་ཡི་ཟེར་ལྟར་ཕྱོགས་བཅུར་འཕྲོས། །ཞིང་ཁམས་རྒྱ་མཚོར་བཞུགས་པའི་རྒྱལ་བ་ལ། །ཕྱི་ནང་གསང་བའི་མཆོད་པར་གྱུར་པས་མཉེས། །འགྲོ་བ་ཀུན་གྱི་སྒྲིབ་གཉིས་བག་ཆགས་སྦྱངས། །རྒྱལ་བ་ཀུན་གྱི་ཐུགས་རྗེ་བྱིན་

[Full Size]

རླབས་དང་། །འགྲོ་བའི་བསོད་ནམས་འབྱུང་བའི་བཅུད་ལ་སོགས། །འོད་ཀྱི་རྣམ་པར་ཚུར་བསྡུས་མདུན་བསྐྱེད་ཐིམ། །བྱིན་རླབས་བཅུད་དང་འོད་ཟེར་དབྱེར་མེད་པ། །ཚུར་བྱུང་རང་ལ་ཐིམ་པས་དངོས་གྲུབ་ཐོབ། །དེ་ལྟར་བསྒོམ་ཞིང་སྔགས་རིང་བཟླ་བ་ནི། །འདི་ཡི་ལུགས་ཀྱི་ཉེ་བར་བསྙེན་པ་ཡིན། །དེ་ནས་བདག་མདུན་གཙོ་བོའི་སྐུ་ཡི་ནང་། །སྟོང་གསལ་ཕྲུ་མ་ཕུས་བཏབ་ལྟ་བུའི་ནང་། །རྩ་གསུམ་འཁོར་ལོ་ལྔ་པོ་གསལ་བཏབ་སྟེ། །སྤྱི་བོར་ཨོཾ་དཀར་མགྲིན་པར་ཧིདམར་པོ། །ཐུགས་ཀར་ཧཱུྃ་སྔོན་ལྟེ་བར་རཾ་སེར་པོ། །གསང་གནས་ཨཱཿལྗང་རྣམས་ལས་འོད་འཕྲོས་པས། །བདག་དང་འགྲོ་བའི་དུག་ལྔའི་སྒྲིབ་པ་ཀུན། །ཁབ་ལེན་རྡོ་ཡིས་ལྕགས་ཕྱེ་བསྡུས་བཞིན་ཐིམ། །དབུ་མའི་ཡར་སྣེ་ཐུགས་རྗེ་ཆེན་པོ་ཡི། །ངོ་བོ་ཐིག་ལེ་དཀར་པོ་ཧཱུྃ་ཡིག་མཚན། །དབུ་མའི་མར་སྣེ་ཕག་མོའི་ངོ་བོ་ནི། །ཐིག་ལེ་དམར་པོ་རྩེ་མོ་སུམ་འཁྱོག་གཡོ། །བར་རླུང་ཞེས་པ་གསུས་པ་ཐེར་བྱས་པས། །ཐིག་ལེ་དམར་པོ་གཏུམ་མོའི་མེ་འབར་ནས། །དུག་ལྔའི་ས་བོན་ཡི་གེ་བཅུ་པོ་བསྲེགས། །རིགས་ལྔ་སྤྱན་གཟིགས་ཡབ་ཡུམ་བཅུ་པོ་ལ། །རིགས་ལྔ་སོ་སོའི་དབུ་རྒྱན་

[Full Size]

རང་ཆས་ཅན། །རྒྱན་དང་ཆ་ལུགས་ཡོངས་རྫོགས་གཞུང་ལྟར་རོ། །རྩ་འདབ་གྲངས་མཉམ་ཌཱཀི་ཐམས་ཅད་ཀྱང་། །རང་རྟགས་སྐུ་མདོག་ཕྱག་མཚན་གྲི་ཐོད་འཛིན། །གཙོ་ལ་ཞལ་གཟིགས་གར་སྟབས་ཟླ་སྟེང་བཞུགས། །བདག་མདུན་ཡབ་བཅུའི་ཐུགས་ཀར་པད་ཟླའི་སྟེང་། །རང་མདོག་ཧྲུལ་ཡིག་བཅུ་གཡས་སུ་འཁོར། །ཡུམ་བཅུའི་ཐུགས་ཀར་ཆོས་འབྱུང་རྐྱང་པའི་སྟེང་། །རང་མདོག་ཧྲིམཐར་ཡུམ་སྔགས་གཡོན་དུ་འཁོར། །འཁོར་རྣམས་ཐུགས་ཀར་ཧ་རི་ནི་ས་དང་། །སྤྱི་བོའི་འཁོར་རྣམས་ཐུགས་ཀར་ཧཱིདཀར་རེ། །བདག་གི་ཐུགས་ཀར་སྔགས་འཁོར་དྲག་འཁོར་ལས། །སྔགས་ཕྲེང་རྩེ་ལས་སྔགས་ཀྱི་ཕྲེང་བ་འཕྲོས། །ཐུགས་ཀྱི་སྤྱན་རས་གཟིགས་ཀྱི་ཞལ་ནས་ཐོན། །མགྲིན་པའི་ཡབ་ཡུམ་སྦྱོར་མཚམས་ནས་ཞུགས་ཏེ། །ཡབ་ཀྱི་ཐུགས་ཀའི་སྔགས་ལས་གཡས་བསྐོར་བྱ། །དཔེར་ན་སྦྲུལ་ནི་གཅུད་ཅིང་འགྲོ་བ་ལྟར། །ཞལ་ནས་ཐོན་ཏེ་སྤྱི་བོའི་ཡབ་ཡུམ་གྱི། །སྦྱོར་མཚམས་ནས་ཞུགས་ཡབ་ཀྱི་ཐུགས་ཀར་གཅུད། །ཞལ་ནས་ཐོན་ཏེ་ཕྱིར་བྱུང་རང་ཉིད་ཀྱི། །ཞལ་ནས་ཐོན་ཏེ་མདུན་བསྐྱེད་ཞལ་དུ་ཞུགས། །ཡར་བྱོན་སྤྱི་བོའི་ཡབ་ཀྱི་ཞལ་ཞུགས་ཏེ། །ཐུགས་

[Full Size]

ཀར་གཡས་སུ་བསྐོར་ཞིང་སྦྱོར་མཚམས་ཐོན། །མར་བྱུང་མགྲིན་པའི་ཡབ་ཀྱི་ཞལ་དུ་ཞུགས། །ཐུགས་ཀར་གཡས་སུ་འཁོར་ནས་སྦྱོར་མཚམས་ཐོན། །མར་བྱུང་ཐུགས་ཀའི་ཡབ་ཀྱི་ཞལ་དུ་ཞུགས། །ཐུགས་ཀར་གཡས་སུ་འཁོར་ནས་སྦྱོར་མཚམས་ནས། །ཐོན་ཏེ་ལྟེ་བའི་ཡབ་ཀྱི་ཞལ་དུ་ཞུགས། །ཐུགས་ཀར་གཡས་འཁོར་སྦྱོར་མཚམས་ནས་ཐོན་པ། །གསང་བའི་ཡབ་ཀྱི་ཞལ་ཞུགས་ཐུགས་ཀར་བསྐོར། །སྦྱོར་མཚམས་ནས་ཐོན་མདུན་གྱི་སྦྱོར་མཚམས་ནས། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །གསང་བའི་སྦྱོར་མཚམས་ནས་ཞུགས་ཐུགས་ཀར་འཁོར། །ཞལ་ནས་ཐོན་ཏེ་ལྟེ་བའི་སྦྱོར་མཚམས་ཞུགས། །ཐུགས་ཀར་གཡས་བསྐོར་ཞལ་ནས་ཐོན་པ་དེ། །ཐུགས་ཀའི་ལྷ་ཡི་སྦྱོར་མཚམས་ནས་ཞུགས་ཏེ། །ཐུགས་དབུས་སྔགས་ལ་གཡས་བསྐོར་གཅིག་བྱས་ནས། །ཐུགས་སྲོག་ཧཱུྃཡིག་མཐིང་ཀ་ལ་ཐིམ་ནས། །སྤྱན་རས་གཟིགས་དབང་རིགས་ལྔའི་བྱིན་རླབས་དང་། །དངོས་གྲུབ་ཐམས་ཅད་བདག་གིས་ཐོབ་པར་བསྒོམ། །དེ་ལྟར་སྔགས་རིང་བརྒྱ་སྟོང་སྦྲེལ་བ་ཡིས། །ཕྲེང་བ་གཅུད་བཅུ་བརྒྱབ་ཅིང་འཁོར་བ་ནི། །དཔེར་ན་སྲོག་ཆགས་

[Full Size]

སྦྲུལ་གྱི་འགྲོས་ལྟ་བུ། །མྱུར་བའི་ཚད་ནི་མགལ་མེའི་འཁོར་ལོ་བཞིན། །གཅུད་བརྒྱབ་ནུས་པས་བདག་མདུན་བཅུ་པོ་ཡི། །ཐུགས་ལས་འོད་ཟེར་སྣ་ཚོགས་ཕྱོགས་བཅུར་འཕྲོས། །ཕྱོགས་བཅུའི་བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཐམས་ཅད་འོད་དེས་མཆོད། །དེ་དག་སྐུ་ལས་སྤྱན་གཟིགས་ཡབ་ཡུམ་སྐུ། །དཀར་སེར་དམར་ལྗང་མཐིང་ཀ་ཆེ་ཕྲའི་ཚོགས། །གསུང་ལས་སྔགས་ཕྲེང་ཨཱཿ་ལི་ཀཱ་ལི་དང་། །ཐུགས་ལས་ཕྱག་མཚན་པདྨ་ཤཱིས་མཚན་པ། །བུན་ནེ་ཆིལ་ལེ་ཕྱོགས་བཅུ་ཀུན་ནས་བྱོན། །མཚོ་ལ་ཆར་དྲག་བབས་ཟློབཞིན་བདག་མདུན་ལ། །སིབ་སིབ་ཐིམ་པས་བྱིན་རླབས་དངོས་གྲུབ་ཐོབ། །དེ་ནི་སྒྲུབ་པའི་དམིགས་རིམ་གཙོ་བོ་ཡིན། །དེ་ནས་སྔགས་ཕྲེང་དེ་ཉིད་འཁོར་བཞིན་ལས། །འོད་ཟེར་སྣ་ཚོགས་ཕྱོགས་བཅུ་ཁྱབ་པར་འཕྲོས། །སྣོད་ཀྱི་འཇིག་རྟེན་ཐམས་ཅད་གཞལ་ཡས་ཁང་། །ཐུགས་རྗེ་ཆེན་པོའི་དཀྱིལ་འཁོར་ངོ་བོར་གྱུར། །བཅུད་ཀྱི་སེམས་ཅན་ཐམས་ཅད་ཡི་དམ་ལྷ། །རྒྱལ་བ་རྒྱ་མཚོ་ལྷ་དགུའི་ཚོགས་སུ་གྱུར། །ཀུན་གྱིས་བདག་གི་རམ་བུ་བཀྱག་བྱེད་ཅིང་། །འབྱུང་བའི་སྒྲ་སོགས་སྒྲ་ཀུན་སྔགས་ཀྱི་སྒྲ། །བུང་བ་ཚང་ཞིག་ལྟ་བུ་ཟི་རི་

[Full Size]

རི། །དེ་ལྟར་སྒོམ་མཁན་རྣམས་ཀྱང་རང་གི་སེམས། །སེམས་འདི་ཡེ་ནས་འགྱུར་མེད་ཆོས་ཀྱི་སྐུ། །ཡིན་ལ་ཡིན་པར་ཤེས་པའི་གདེང་ལྡན་པས། །འདི་ནི་སྒྲུབ་པ་ཀུན་གྱི་སྤྱི་འགྲོས་གསུངས། །དེ་ལྟར་བསྒོམ་པ་སྒྲུབ་པ་ཆེན་པོའོ། །ཟབ་ཁྱད་སྔགས་རིང་བེ་རོ་ཙ་ནི་ཡེ། །ཧ་རི་ནི་ས། རི་ནི་ཧ་ས། ནི་རི་ས་ཧ། ས་ནི་རི་ཧ། ཧཱུྃ་ཕཊ་སྭཱ་ཧཱ༔ ཞེས་བཟླས་དེ་རྣམས་ཐུན་རེར་རྫོགས་པར་བྱ། །དགོང་མོ་ཐུན་མཚམས་ཚོགས་མཆོད་འབུལ་བ་དང་། །ཐུན་གཞན་གསུམ་ལ་ཐུན་མཚམས་གཏོར་བསྔོས་བྱ། །ཐུན་བསྡུ་རྫོགས་རིམ་བསྔོ་སྨོན་ཚར་བའི་རྗེས། །ཐུན་མཚམས་དགེ་སྦྱོར་ཆག་མེད་རིགས་རྣམས་བྱ། །དེ་ལྟར་ཐུན་བཞིར་ཞག་དྲུག་བསྒྲུབས་པའི་རྗེས། །སྔ་ཐུན་བདག་མདུན་ཚར་རྗེས་གོང་ལྟར་དུ། །སྔགས་ཕྲེང་མུ་ཏིག་ཕྲེང་བ་ལྟར་འཁོར་བས། །སྐུ་ལས་འོད་ཟེར་དཀར་པོ་སྟོན་ཟླའི་མདོག །ཤི་སོས་བདུད་རྩི་ལྟ་བུར་བྱིན་རླབས་ཅན། །འཕྲོས་པས་བདག་དང་སེམས་ཅན་ཐམས་ཅད་ཀྱི། །སྡིག་སྒྲིབ་སྡུག་བསྔལ་ཡིད་མི་བདེ་བ་ཀུན། །མུན་པར་ཟླ་ཤར་ལྟ་བུར་སངས་སེ་དག །འོད་ཟེར་དཀར་པོས་ཞི་བའི་དངོས་གྲུབ་ཀུན། །བསྡུས་ནས་བདག་

[Full Size]

དང་བསྲུང་བྱ་ལ་ཐིམ་པས། །ཞི་བ་ཆེན་པོའི་དངོས་གྲུབ་ཐོབ་པར་བསྒོམ། །སྔགས་རིང་ཧ་རི་ནི་སའི་མཇུག་དེ་རུ། །འཇིགས་པ་བརྒྱད་རྣམས་ཤཱནྟཾ་ཀུ་རུ་སྭཱ་ཧཱ། ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །དྲོས་ཆེན་ནས་བཟུང་བདག་མདུན་ཚར་གཅིག་རྗེས། །བདག་མདུན་བར་དུ་སྔགས་ཕྲེང་འཁོར་བཞིན་ལས། །སྔགས་ཕྲེང་སེར་པོ་རྨ་བྱའི་སྒྲོ་ཆུན་བཞིན། །ཁ་དོག་ལྔ་ཡི་མདངས་དང་ལྡན་པར་འཁོར། །དེ་མཐུས་བདག་མདུན་ལྷ་རྣམས་ཐུགས་རྒྱུད་བསྐུལ། །ལྷ་ཚོགས་ཀུན་ལས་བཙོ་མ་གསེར་མདོག་འཕྲོས། །སྤྲིན་མེད་ཉི་མའི་འོད་བཞིན་ཕྱོགས་ཀུན་ཁྱབ། །བདག་དང་འགྲོ་བའི་བསོད་ནམས་ཡེ་ཤེས་རྒྱས། །འོད་ཟེར་ཚུར་འདུས་བདག་དང་བསྲུང་བྱར་ཐིམ། །དཔལ་འབྱོར་ཉམས་རྟོགས་ཡོན་ཏན་རྒྱས་པར་བསྒོམ། །སྔགས་རིང་བེ་རོ་ཙ་ནི་ཡེ་ཡི་མཇུག །རི་ནི་ཧ་ས་འབྱོར་པ་དྲུག་པུཊྚི་ཀུ་རུ་སྭཱ་ཧཱ། །ཅི་ནུས་བཟླས་རྗེས་གཏོར་བསྔོས་ཐུན་བསྡུ་བྱ། །དེ་ནས་དགོང་མོ་བདག་མདུན་ཚར་གཅིག་རྗེས། །སྔགས་ཕྲེང་བྱུ་རུའི་མདོག་ཅན་ལྕགས་སྒྲོག་དབྱིབས། །འཁྱོག་ཅིང་གུག་པའི་ཚུལ་དུ་འཁོར་བ་ལས། །བདག་མདུན་ལྷ་ཚོགས་ཀུན་ལས་འོད་ཟེར་ནི། །དམར་པོ་

[Full Size]

ལྕགས་ཀྱུའི་དབྱིབས་ཅན་ཕྱོགས་བཅུར་འཕྲོས། །སྣོད་བཅུད་འཁོར་འདས་ཀུན་གྱི་དངོས་གྲུབ་བཅུད། །སིབས་སེ་བསྡུས་ནས་བདག་ལ་ཐིམ་པ་ཡིས། །ཕྲིན་ལས་འགྲོ་དོན་ལྷུན་གྲུབ་དངོས་གྲུབ་ཐོབ། །སྔགས་རིང་བེ་རོ་ཙ་ནི་ཡེ་ཡི་མཇུག །ནི་རི་ཧ་ས་ཁམས་གསུམ་པ་ཤཾ་ཀུ་རུ་སྭཱ་ཧཱ། ཞེས་བཟླས་གཏོར་བསྔོས་ཐུན་བསྡུ་གོང་ལྟར་རོ། །མུན་རུབ་སླར་ཡང་བདག་མདུན་ཚར་གཅིག་རྗེས། །བདག་མདུན་བར་དུ་སྔགས་ཕྲེང་གོང་ལྟར་ལས། །སྔགས་ཕྲེང་ལྗང་ནག་ཐག་འཁྱུག་ལྟ་བུ་དེས། །བདག་མདུན་ཀུན་གྱི་ཐུགས་དམ་རྒྱུད་བསྐུལ་བས། །འོད་ཟེར་སྔོན་པོའམ་ལྗང་ནག་ཕྱོགས་བཅུར་འཕྲོས། །འོད་ཟེར་རྩུབ་ཅིང་ཚ་བའི་རེག་བྱ་ཡིས། །བདུད་བཞི་ལོག་འདྲེན་དགྲ་བགེགས་ཐམས་ཅད་ནི། །བ་མོར་ཉི་ཟེར་ཕོག་བཞིན་ཚར་བཅད་དེ། །འོད་རྣམས་ཚུར་འདུས་བདག་ལ་ཐིམ་པ་ཡིས། །མཐུ་རྩལ་ནུས་པ་ཐོགས་མེད་དངོས་གྲུབ་ཐོབ། །སྔགས་རིང་བེ་རོ་ཙ་ནི་ཡེ་ཡི་མཇུག །ས་ནི་རི་ཧ་དགྲ་བགེགས་མཱ་ར་ཡ་ཧཱུྃ་ཕཊ། དེ་ནས་གཏོར་བསྔོས་ཐུན་བསྡུ་ཉལ་བ་ཡིན། །ཕྱིར་ནངེས་བདག་མདུན་ཚར་གཅིག་ཚར་བའི་རྗེས། །ཕུན་སུམ་ཚོགས་པའི་སྦྱིན་སྲེག་གྲུབ་ན་

[Full Size]

རབ། །མ་ཐོན་ན་ཡང་ཆད་པའི་སྐྱོན་ནི་མེད། །དེ་ལྟར་ནང་སྒྲུབ་གསང་སྒྲུབ་དྲིལ་སྒྲུབ་གསུམ། །མདུན་བསྐྱེད་གཙོ་བོ་སྤྲོས་བཅས་ཡིན་པའི་ཕྱིར། །མཆོད་པ་ཚོགས་གཏོར་གཟབ་པ་གལ་ཆེ་ཞིང་། །སྒྲུབ་པ་དར་དྲག་ཡུན་ཐུང་བརྩོན་འགྲུས་བསྐྱེད། །གལ་ཏེ་དྲིལ་སྒྲུབ་ཟླ་གཅིག་བྱེད་འདོད་ན། །དངོས་གཞི་བདུན་གསུམ་ལས་སྦྱོར་ཞག་བདུན་བྱ། །ཞག་གཅིག་སྦྱིན་སྲེག་ཞག་གཅིག་བདག་འཇུག་དང་། །ཚོགས་མཆོད་རྗེས་ཆོག་ལ་སོགས་བྱ་བ་ཡིན། །ཕྱི་ནང་གསང་གསུམ་དྲིལ་ཏེ་སྒྲུབ་པའི་ཐབས། །ཟབ་ཅིང་མྱུར་བའི་རླུང་སྒྲུབ་གདམས་པ་ནི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བ་དང་། །རིག་འཛིན་སྤྲུལ་སྐུའི་དགོངས་པ་རྫོགས་པའི་ཕྱིར། །ལུག་ལོ་ས་ག་ཟླ་བའི་ཚེས་དགུ་ཡི། །སྔ་དྲོའི་ཐུན་ལ་རཱ་ག་ཨ་སྱས་གདམས། །ཡི་གེ་པ་ནི་སློབ་བུ་མཐར་ཕྱིན་ནོ། །འདི་བྲིས་འགལ་འཁྲུལ་ཉེས་པ་ལྷ་ལ་བཤགས། །དགེ་བས་སྤྲུལ་སྐུའི་ཟག་མེད་ཐུགས་དགོངས་རྫོགས། །འདི་ལ་འབྲེལ་བ་ཐོགས་ཚད་འགྲོ་བ་རྣམས། །ཐུགས་རྗེ་ཆེན་པོ་དངོས་སུ་འགྲུབ་གྱུར་ཏེ། །འབྲེལ་ཚད་དོན་ལྡན་མངོན་པར་སངས་རྒྱས་ཤོག། །།སརྦ་མངྒ་ལཾ།།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་བའི་ལམ་ཆེན་ལས། ལྷ་དགུའི་ནང་སྒྲུབ་གྱི་ཟིན་བྲིས།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་བའི་ལམ་ཆེན་ལས། ལྷ་དགུའི་ནང་སྒྲུབ་གྱི་ཟིན་བྲིས་བཞུགས་པའི་དབུ་ཕྱོགས་ལགས་སོ།།

[Full Size]

ན་མོ་གུ་རུ་ཨཱཿརྱ་ལོ་ཀེ་ཤྭ་རཱཡ། འཕགས་པ་འཇིག་རྟེན་དབང་ཕྱུག་ལྷ་དགུ་ལ། །ཕྱག་འཚལ་སྐྱབས་སུ་མཆིའོ་བྱིན་གྱིས་རློབས། །འདི་ནི་ནང་སྒྲུབ་སྟ་གོན་ཚར་བའི་རྗེས། །ཐུན་བཞི་བདག་མདུན་གཉིས་ཀ་ཚར་རེ་འདོན། །བསྙེན་པ་ཅི་ནུས་བྱས་རྗེས་གཏོར་བསྔོས་དང་། །ཐུན་བསྡུ་བསྔོ་སྨོན་ཐུན་རྣམས་ཀུན་ལ་འགྲེས། །དགོང་མོའི་ཐུན་ལ་ཚོགས་མཆོད་རེ་རེ་བྱ། །དངོས་གཞི་ཐུན་སྐབས་སྒོམ་པའི་དམིགས་རིམ་ནི། །བདག་དང་མདུན་བསྐྱེད་གཉིས་ཀའི་ཐུགས་ཀ་རུ། །པདྨ་ཉི་མ་ཟླ་བ་བརྩེགས་པའི་སྟེང་། །རང་འདྲའི་ཡེ་ཤེས་སེམས་དཔའ་ཡུམ་དང་བཅས། །

[Full Size]

གཟི་བརྗིད་འོད་དང་ལྡན་པའི་ཐུགས་ཀ་རུ། །སྣ་ཚོགས་པདྨ་ཟླ་བའི་གདན་གྱི་སྟེང་། །ཏིང་འཛིན་སེམས་དཔའ་པདྨ་དམར་པོ་ནི། །ཅུང་ཟད་ཁ་ནི་བྱེ་བའི་ཟེའུ་འབྲུའི་སྟེང་། །བྷིཡིག་བྱུ་རུའི་མདོག་ཅན་འགྲེངས་ཐབས་གནས། །ཕྱག་མཚན་པདྨས་མཐའ་བསྐོར་ཟླ་བའི་སྟེང་། །ཡིག་བཅུ་སྔགས་ཕྲེང་གཡས་སུ་འཁོར་བར་བསྒོམ། །བདག་མདུན་རིགས་ཀྱི་ཡབ་བཞིའི་ཐུགས་ཀ་རུ། །པད་ཟླའི་སྟེང་དུ་ཧྲིམཐར་ཡིག་བཅུས་བསྐོར། །བདག་མདུན་ཕྱི་ནང་ཡུམ་དྲུག་ཐུགས་ཀ་རུ། །ཆོས་འབྱུང་རྐྱང་པ་རྩེ་མོ་ཐུར་བསྟན་ལ། །ཁ་ནི་གྱེན་བསྟན་ཕྱི་དཀར་ནང་དམར་བ། །

[Full Size]

ནང་ནི་སྟོང་པ་ཕྱེད་མན་འོད་ཀྱིས་གང་། །དེ་སྟེང་ཧྲིམཐར་སྔགས་ཕྲེང་གཡོན་དུ་འཁོར། །བདག་མདུན་རིགས་བཞིའི་མཁའ་འགྲོའི་ཐུགས་ཀ་རུ། །ཧ་རི་ནི་སའི་ཡིག་འབྲུ་རེ་རེ་ལ། །རང་རང་མཚན་སྔགས་གཡོན་དུ་འཁོར་བའོ། །རང་བྱུང་རྡོ་རྗེའི་ལྷ་དགུ་ཚིག་ལྷུག་མར། །མདུན་དུའང་བདག་བསྐྱེད་ལྟར་བསྒོམ་ཞིང་། །ལས་དང་མཐུན་པའི་འོད་ཀྱིས་སྤྲོ་བསྡུ་དང་། །སྔགས་ཀྱི་ཤམ་བུ་བཏགས་ལ་བསྒྲུབ་པར་བྱ། །གསུངས་པའི་དོན་དེ་རང་གི་ཐུགས་ཀ་ནས། །འོད་ཟེར་དམར་པོ་འོད་ལྔའི་མདངས་ལྡན་པ། །རང་གི་ཐུགས་ཀའི་སྔགས་ཕྲེང་ལས་འཕྲོས་ཏེ། །ཡེ་ཤེས་སེམས་དཔའི་ཞལ་ནས་ཐོན་ནས་ཀྱང་། །རང་གི་ཞལ་ནས་ཐོན་ཅིང་ཕར་འཕྲོས་ནས། །མདུན་བསྐྱེད་ཞལ་ཞུགས་དེ་ཡང་ཐུགས་ཀ་ཡི། །ཡེ་ཤེས་སེམས་དཔའི་ཞལ་ཞུགས་ཐུགས་ཀར་ཐིམ། །ཐུགས་དམ་རྒྱུད་བསྐུལ་སྔགས་ཕྲེང་དྲག་ཏུ་འཁོར། །སྔགས་ཕྲེང་དེ་ལས་འོད་ཟེར་འཕྲོས་པ་ཡིས། །ཡེ་ཤེས་སེམས་དཔའ་ཡབ་ཡུམ་སྦྱོར་མཚམས་ནས། །མར་སོང་སྦྱོར་མཚམས་རྡོ་རྗེའི་སྦུབས་ནས་ཐོན། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །ཡར་སོང་ཐུགས་ཀའི་ཡེ་ཤེས་སེམས་དཔའ་ཡི། སྦྱོར་

[Full Size]

མཚམས་རྡོ་རྗེའི་སྦུབས་ནས་ཐུགས་ཀར་ཐིམ། །རང་གི་སྔགས་ཕྲེང་ཡང་ནི་དྲག་ཏུ་འཁོར། །ཕར་ལ་མཆོད་པ་ཚུར་ལ་དངོས་གྲུབ་ཚུལ། །མགལ་མེའི་འཁོར་ལོ་བཞིན་དུ་རྒྱུན་དུ་འཁོར། །འདི་ནི་འདི་ཡི་ལུགས་ཀྱི་བསྙེན་པ་ཡིན། །དེ་ལྟར་འཁོར་ནས་མདུན་བསྐྱེད་སྔགས་ཕྲེང་ལས། །འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་དང་། །བླ་མ་ཡི་དམ་མཁའ་འགྲོ་ཆོས་སྐྱོང་མཆོད། །དེ་ཀུན་ཐུགས་རྗེ་ཆེན་པོ་ཡབ་ཡུམ་གྱི། །སྐུར་གྱུར་ཆར་ལྟར་བབས་ནས་མདུན་བསྐྱེད་ཐིམ། །དེ་དག་ཀུན་གྱི་བྱིན་རླབས་དངོས་གྲུབ་ནི། །འོད་ཟེར་ཚུལ་དུ་གོང་ལྟར་ཚུར་བྱུང་ནས། །ཐུགས་ཀར་ཞུགས་ཤིང་ཐིམ་པས་དངོས་གྲུབ་ཐོབ། །དེ་ནི་ཉེ་བར་བསྙེན་པའི་དམིགས་པ་ཡིན། །དེ་ནས་འོད་ཟེར་དེ་ཉིད་སྔགས་ཕྲེང་གྱུར། །སྔགས་ཕྲེང་བདག་མདུན་བར་དུ་སྔོན་ལྟར་འཁོར། །སྔགས་ཕྲེང་འཁོར་བས་མདུན་གྱི་ཐུགས་རྒྱུད་བསྐུལ། །མདུན་གྱི་སྔགས་ལས་འོད་ཟེར་དཔག་མེད་པ། །སྟེང་འོག་ཕྱོགས་མཚམས་ནམ་མཁའ་ཁྱབ་པར་འཕྲོས། །ཁམས་གསུམ་སེམས་ཅན་ཀུན་ལ་འོད་དེས་ཕོག །ལུས་ངག་ཡིད་གསུམ་

[Full Size]

སྒྲིབ་པ་ཀུན་དག་ནས། །ཀུན་ཀྱང་ཐུགས་རྗེ་ཆེན་པོ་ཡབ་ཡུམ་གྱི། །སྐུར་གྱུར་སྔགས་སྒྲ་དིར་དིར་སྒྲོག་པར་བསམ། །དེ་བཞིན་སྒྲ་སྐད་ཐམས་ཅད་ཡིག་བཅུའི་སྒྲ། །གཟུགས་སུ་སྣང་བ་ཐམས་ཅད་སྤྱན་རས་གཟིགས། །དེ་ལྟར་བསྒོམ་སོགས་ཡིད་ཀྱི་དྲན་རྟོག་ཀུན། །གདོད་ནས་འགྱུར་མེད་ཆོས་སྐུ་ཡིན་པར་བསམ། །དེ་ནི་ཁྱེར་སོ་གསུམ་གྱི་དོན་བསྡུས་དང་། །བུང་བ་ཚང་ཞིག་ལྟ་བུའི་བཟླས་པ་སྟེ། །འདི་ཡི་ལུགས་ཀྱི་སྒྲུབ་པའི་དམིགས་པ་ཡིན། །ལས་སྦྱོར་ཕྱོགས་གཏོགས་སྒྲུབ་པ་ཆེན་པོ་ནི། །སྔ་དྲོའི་ཐུན་མཇུག་སྔགས་ཕྲེང་དཀར་པོར་བསྒོམ། །བདག་དང་འགྲོ་བའི་སྡིག་སྒྲིབ་ཞི་བར་བསམ། །ཉིན་གུང་ཐུན་མཇུག་སྔགས་ཕྲེང་སེར་པོར་བསྒོམ། །བདག་དང་འགྲོ་བའི་བསོད་ནམས་ཡེ་ཤེས་རྒྱས། །དགོང་མོའི་ཐུན་མཇུག་སྔགས་ཕྲེང་དམར་པོར་བསྒོམ། །རླུང་སེམས་སྣང་བ་དབང་དུ་འདུས་པར་བསམ། །སྲོད་ཀྱི་དུས་ལ་སྔགས་ཕྲེང་ལྗང་ནག་འཕྲོས། །ཉོན་མོངས་བདུད་བཞི་ལོག་འདྲེན་ཚར་ཆོད་བསྒོམ། །དེ་དག་ཀུན་ལ་སྔགས་རིང་ཧཱུྃ་ཕཊཿཅན། །རྒྱ་གཞུང་དགོངས་པ་ཡིན་པས་བཟླས་པ་ཟབ། །ཞག་བདུན་སྒྲུབ་ན་ཞག་དྲུག་དེ་ལྟར་སྟེ། །ཞག་བདུན་ཉིན་པར་སྔ་དྲོའི་

[Full Size]

ཐུན་ལ་ནི། །རང་གི་ཐུགས་ཀའི་སྔགས་ཕྲེང་སྔར་ལྟར་དུ། །དཀར་པོ་འཕྲོས་པས་མདུན་དུ་བསྐྱེད་པ་ཡི། །རྡོ་རྗེ་སྤྱན་རས་གཟིགས་དེ་ཚུར་ཞལ་གཟིགས། །ཡབ་ཡུམ་གཉིས་ཀའི་ཞལ་དུ་སྔགས་ཕྲེང་ཞུགས། །ཐུགས་ཀར་ཐིམ་པས་ཡབ་ཡུམ་གཉིས་ཀ་ཡི། །སྔགས་ཕྲེང་གཡས་གཡོན་དྲག་འཁོར་ཐུགས་རྒྱུད་བསྐུལ། །གཉིས་ཀའི་སྔགས་ལས་རང་སྔགས་དངོས་གྲུབ་ཚུལ། །སྦྱོར་མཚམས་ནས་ཐོན་སྔགས་ཕྲེང་གཅིག་ཏུ་གྱུར། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །རྡོ་རྗེའི་སྦུབས་ནས་རང་གི་ཐུགས་ཀ་ཡི། །ཡེ་ཤེས་སེམས་དཔའི་སྦྱོར་མཚམས་གསང་སྦུབས་ནས། །ཞུགས་ནས་ཐུགས་སྲོག་ཧཱིར་ཐིམ་དངོས་གྲུབ་ཐོབ། །དེ་ལྟར་བདག་མདུན་བར་དུ་སྔགས་ཕྲེང་ནི། །ཤེལ་དཀར་ཕྲེང་བ་བསྐོར་འདྲ་ཀྱི་ལི་ལི། །དེ་ལྟར་འཁོར་བས་རྡོ་རྗེ་སྤྱན་རས་གཟིགས། །ཡབ་ཡུམ་སྐུ་ལས་འོད་ཟེར་དཀར་པོ་ནི། །བདེ་བའི་རེག་བྱ་ལྡན་པ་ཕྱོགས་བཅུར་འཕྲོས། །ཞིང་ཁམས་ཕྱོགས་བཅུར་བཞུགས་པའི་རྒྱལ་བ་ལ། །དཀར་གསུམ་མངར་གསུམ་མེ་ཏོག་བདུག་སྤོས་སོགས། །ཞི་བའི་མཆོད་པ་རྒྱ་མཚོར་གྱུར་པས་མཉེས། །སངས་རྒྱས་ཀུན་གྱི་ཞི་བའི་དངོས་

[Full Size]

གྲུབ་ནི། །འོད་ཟེར་དཀར་པོར་བསྡུས་ནས་མདུན་ལ་ཐིམ། །དེ་ཉིད་སྔགས་ཕྲེང་དཀར་པོའི་རྣམ་པར་འཕྲོས། །སྔར་ལྟར་རང་གི་ལུས་ཁྱབ་ཐུགས་ཀར་ཐིམ། །ཞི་བ་ཆེན་པོའི་དངོས་གྲུབ་ཐོབ་པར་གྱུར། །དེ་བཞིན་མདུན་གྱི་ཐུགས་ཀའི་འོད་ཟེར་ནི། །སྟོན་ཟླའི་མདོག་འདྲ་ཕྱོགས་བཅུར་ཁྱབ་པར་འཕྲོས། །འབྲེལ་ཐོགས་གཙོར་བྱས་སེམས་ཅན་ཐམས་ཅད་ཀྱི། །སྡིག་སྒྲིབ་ཉེས་ལྟུང་དྲི་མའི་ཚོགས་རྣམས་ཀུན། །བ་མོར་ཉི་ཟེར་ཕོག་ལྟར་དག་པར་བསྒོམ། །དེ་ནི་སྔ་དྲོའི་ཐུན་གྱི་ཕྱེད་ཡན་ཡིན། །དེ་ནས་སྔར་ལྟར་རང་གི་ཐུགས་ཀ་ནས། །སྔགས་ཕྲེང་དཀར་པོ་ནར་གྱིས་ཐོན་པ་སྟེ། །མདུན་བསྐྱེད་རྡོ་རྗེ་མཁའ་འགྲོའི་ཚུར་གཟིགས་པའི། །ཞལ་ཞུགས་ཐུགས་ཀར་ཐིམ་པས་སྔགས་མྱུར་འཁོར། །ཐུགས་རྒྱུད་བསྐུལ་བས་སྔགས་ལས་སྔགས་ཕྲེང་འཕྲོས། །བྷ་ག་ནས་ཐོན་རང་གི་སྦྱོར་མཚམས་ནས། །རྡོ་རྗེའི་སྦུབས་ཞུགས་ཐུགས་སྲོག་ཧིལ་ཐིམ། །ཕར་ལ་མཆོད་པ་ཚུར་ལ་དངོས་གྲུབ་ཚུལ། །སྔགས་ཕྲེང་མུ་ཏིག་ཕྲེང་བ་འཁོར་བ་བཞིན། །རྒྱུན་དུ་འཁོར་བས་མཁའ་འགྲོའི་ཐུགས་རྒྱུད་བསྐུལ། །སྐུ་ལས་འོད་ཟེར་སྟོན་ཀའི་ཟླ་བའི་མདོག །བསིལ་ཞིང་བདེ་བའི་

[Full Size]

རེག་བྱ་ཅན་འཕྲོས་པས། །བདག་དང་བསྲུང་བྱའི་ནད་གདོན་སྡིག་སྒྲིབ་རྣམས། །མུན་པར་ཟླ་བ་ཤར་ལྟར་གསལ་བར་བསམ། །དེ་ལྟར་ཐུན་ནི་གོང་འོག་གཉིས་ཀ་ལ། །སྔགས་རིང་ཧ་རི་ནི་སའི་མཇུག་ཏུ་ནི། །ནད་གདོན་སརྦ་པཱ་པཾ་ཤཱནཾ་ཀུ་རུ་སྭཱ་ཧཱ། ཞེས་པ་བཏགས་ལ་ཅི་ལྕོགས་བཟླས་པ་བྱ། །དེ་ནས་ཐུན་མཚམས་གཏོར་མ་བསྔོ་བའི་ཚེ། །ཤར་གྱི་ཞི་བའི་གཏོར་མ་བྲན་བྱས་ལ། །གཏོར་མ་བྱིན་རླབས་འདོན་ཆ་གཞུང་ལྟར་ལ། །གཏོར་སྣོད་ཤེལ་དཀར་བྷན་རྒྱ་ཆེ་བར། །ངོ་བོ་གཞུང་ལྟར་ཤ་ལྔ་བདུད་རྩི་སོགས། །རྣམ་པ་སྐུ་ཡི་བདུད་རྩི་འོ་མའི་མཚོ། །ཀ་ར་སྦྲང་རྩིའི་རོ་ལྡན་བསམ་ལ་འབུལ། །ཐུན་བསྡུ་རྫོགས་རིམ་དགོངས་པ་གཞུང་ལྟར་བྱ། །དེ་ནས་ཉིན་གུང་བདག་མདུན་ཚར་གཅིག་རྗེས། །གི་ཐུགས་ལས་སྔགས་ཕྲེང་གསེར་གྱི་མདོག །ནར་གྱིས་ཐོན་ནས་མདུན་གྱི་དཀྱིལ་འཁོར་གྱི། །རིན་ཆེན་སྤྱན་གཟིགས་ཡབ་ཡུམ་ཞལ་དུ་ཞུགས། །ཐུགས་རྒྱུད་བསྐུལ་བས་སྔགས་ཕྲེང་གཡས་གཡོན་འཁོར། །སྔགས་ལས་སྔགས་ཕྲེང་འཕྲོས་པ་སྦྱོར་མཚམས་ནས། །སྔགས་ཕྲེང་གཅིག་གྱུར་ཚུར་བྱུང་རང་ཉིད་ཀྱི། །སྦྱོར་མཚམས་གསང་སྦུབས་ནས་ཞུགས་

[Full Size]

ཐུགས་ཀར་ཐིམ། །དེ་ལྟར་བདག་མདུན་བར་དུ་སྔགས་ཕྲེང་ནི། །སྤོས་ཤེལ་ཞགས་པ་བསྐོར་འདྲ་ཀྱི་ལི་ལི། །དེ་ལྟར་འཁོར་བས་རིན་ཆེན་སྤྱན་རས་གཟིགས། །ཡབ་ཡུམ་གཉིས་ཀྱི་ཐུགས་དམ་རྒྱུད་བསྐུལ་ནས། །ཐུགས་ལས་འོད་ཟེར་ཛམ་བུ་ཆུ་གསེར་མདོག །ཕྱོགས་བཅུ་ནམ་མཁའ་ཁྱབ་པར་འཕྲོས་པ་ཡིས། །རབ་འབྱམས་ཞིང་དུ་བཞུགས་པའི་རྒྱལ་བ་ལ། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །ལྷ་མིའི་ལོངས་སྤྱོད་དཔག་མེད་མཆོད་པར་གྱུར། །བསོད་ནམས་ཚོགས་རྫོགས་རྒྱས་པའི་དངོས་གྲུབ་ཀུན། །འོད་ཟེར་སེར་པོའི་རྣམ་པར་མདུན་བསྐྱེད་ཐིམ། །དེ་ཉིད་སྔགས་ཕྲེང་དུ་གྱུར་རང་ལ་བསྟིམ། །བསོད་ནམས་ཡེ་ཤེས་རྒྱས་པའི་དངོས་གྲུབ་ཐོབ། །སླར་ཡང་མདུན་བསྐྱེད་སྐུ་ལས་འོད་སེར་པོ། །ཉི་མ་ཤར་འདྲ་ནམ་མཁའ་ཁྱབ་པར་འཕྲོས། །འོད་དེས་རེག་པ་ཙམ་གྱིས་འགྲོ་ཀུན་གྱི། །བསོད་ནམས་ཡེ་ཤེས་ཚོགས་གཉིས་རྫོགས་པར་བསྒོམ། །དེ་ནི་གུང་ཐུན་ཕྱེད་ཡན་དམིགས་པ་སྟེ། །དེ་ནས་རང་གི་ཞལ་གྱི་སྔགས་ཕྲེང་དེ། །རིན་ཆེན་མཁའ་འགྲོའི་ཞལ་ཞུགས་ཐུགས་རྒྱུད་བསྐུལ། །བྷ་ག་ནས་ཐོན་རང་གི་སྦྱོར་མཚམས་ནས། །ཐུགས་ཀར་ཐིམ་

[Full Size]

ཞིང་འཁོར་བ་སྔར་དང་འདྲ། །རིན་ཆེན་མཁའ་འགྲོའི་ཐུགས་དམ་རྒྱུད་བསྐུལ་བས། །སྐུ་ལས་འོད་ཟེར་བཙོ་མ་གསེར་གྱི་མདོག །བདེ་བའི་རེག་བྱ་ལྡན་པ་ཕྱོགས། བཅུར་འཕྲོས། །བདག་དང་བསྲུང་བྱ་ཀུན་ལ་འོད་དེ་ཕོག །དཔེར་ན་པདྨ་ཆུ་ཡིས་བྲན་པ་བཞིན། །ཚེ་བསོད་ཉམས་རྟོགས་ཡོན་ཏན་རྒྱས་པར་བསྒོམ། །སྔགས་རིང་བེ་རོ་ཙ་ནི་ཡེ་ཡི་མཇུག །རི་ནི་ཧ་ས་མ་མ་ཨཱཿཡུ་པུཎྱེ་ཛྙཱ་ན་པུཏྟིཾ་ཀུ་རུ་སྭཱ་ཧཱ། ཅི་ལྕོགས་བཟླས་རྗེས་གཏོར་བསྔོས་གཞུང་ལྟར་ལས། །དམིགས་པ་གསེར་གྱི་བྷན་སྟོང་གསུམ་མཉམ། །གཏོར་མ་བདུད་རྩི་གསེར་མདོག་རྒྱ་མཚོ་ནི། །རོ་བརྒྱ་ནུས་པ་སྟོང་དང་ལྡན་པ་ལ། །རླངས་པ་འདོད་ཡོན་སྣ་ཚོགས་སྤྲིན་སྤུང་འཁྲིགས། །དེ་ལྟར་བསྒོམ་ཞིང་རྒྱས་པའི་གཏོར་མ་བསྔོ། །ཐུན་བསྡུ་རྫོགས་རིམ་བསྒོམ་སོགས་གཞུང་ལྟར་བྱ། །དེ་ནས་དགོང་མོ་བདག་མདུན་ཚར་གཅིག་རྗེས། །བདག་གི་ཐུགས་ལས་སྔགས་ཕྲེང་དམར་པོ་ནི། །བྱུ་རུའི་ཕྲེང་བ་ལྟ་བུ་ནར་གྱིས་འཕྲོས། །མདུན་བསྐྱེད་པདྨ་སྤྱན་གཟིགས་ཡབ་ཡུམ་གྱིས། །ཞལ་ཞུགས་ཐུགས་ཀའི་སྔགས་ཕྲེང་གཡས་གཡོན་འཁོར། །སྔགས་ཕྲེང་གཉིས་ལས་སྔགས་ཕྲེང་སོ་སོར་འཕྲོས། །

[Full Size]

སྦྱོར་མཚམས་ནས་ཐོན་གཅིག་གྱུར་ཚུར་བྱོན་ཏེ། །རང་གི་སྦྱོར་མཚམས་རྡོ་རྗེའི་སྦུབས་ནས་ཞུགས། །ཐུགས་ཀའི་ཧཱིར་ཐིམ་དབང་གི་དངོས་གྲུབ་ཐོབ། །སྔགས་ཕྲེང་མགལ་མེའི་བྱུ་རུའི་ཕྲེང་བ་ལྟར། །རྒྱུན་དུ་འཁོར་བས་མདུན་གྱི་ཐུགས་རྒྱུད་བསྐུལ། །སྐུ་ལས་འོད་ཟེར་པདྨ་རཱ་གའི་མདོག །ཉི་མ་འཆར་ཀའི་འོད་བཞིན་ཕྱོགས་བཅུར་ཁྱབ། །རབ་འབྱམས་ཞིང་གི་རྒྱལ་བ་སྲས་བཅས་ལ། །མཆོད་པའི་ལྷ་མོ་བཅུ་དྲུག་འདོད་ཡོན་ལྔ། །མཆོད་པར་གྱུར་པས་ཟག་མེད་བདེ་བས་དགྱེས། །སྣང་སྲིད་དབང་གི་དངོས་གྲུབ་འོད་དམར་པོ། །ཚུར་བསྡུས་བདག་བསྐྱེད་ལ་ཐིམ་སྔགས་ཕྲེང་གི་།རྣམ་པར་གྱུར་ནས་ཚུར་བྱོན་རང་ཐིམ་པས། །རླུང་སེམས་སྣང་བ་དབང་འདུས་དངོས་གྲུབ་ཐོབ། །སླར་ཡང་མདུན་ལས་འོད་ཟེར་དམར་པོ་འཕྲོས།། །འོད་དེས་རེག་པས་སེམས་ཅན་ཐམས་ཅད་ཀྱང་། །རང་རང་རླུང་སེམས་རང་དབང་འདུས་པར་བསམ། །དེ་ནི་དགོང་ཐུན་ཕྱེད་ཡན་དམིགས་པ་སྟེ། །དེ་ནས་རང་གི་ཞལ་གྱི་སྔགས་ཕྲེང་དེ། །པདྨ་མཁའ་འགྲོའི་ཞལ་ཞུགས་ཐུགས་རྒྱུད་བསྐུལ། །སྔགས་ཕྲེང་དྲག་འཁོར་དེ་ལས་སྔགས་ཕྲེང་འཕྲོས། །བྷ་ག་ནས་ཐོན་རང་གི་སྦྱོར་མཚམས་ཞུགས། །

[Full Size]

ཐུགས་ཀའི་ཧཱིར་ཐིམ་དབང་གི་དངོས་གྲུབ་ཐོབ། །དེ་ལྟར་སྔགས་ཕྲེང་མགལ་མེ་ལྟར་འཁོར་བས། །པདྨ་མཁའ་འགྲོའི་ཐུགས་དམ་རྒྱུད་བསྐུལ་ནས། །སྐུ་ལས་འོད་ཟེར་དམར་པོ་གློག་ལྟ་བུ། །ཕྱོགས་བཅུ་འཇིག་རྟེན་ཁྱབ་པར་འཕྲོས་པ་ཡི། །ཆོས་དང་ལོངས་སྤྱོད་མཆོག་དང་ཐུན་མོང་གི །དངོས་གྲུབ་ཐམས་ཅད་འོད་ཟེར་དེས་བསྡུས་ཏེ། །པདྨ་མཁའ་འགྲོ་ལ་ཐིམ་གཟི་བརྗིད་འབར། །དངོས་གྲུབ་སྔགས་ཕྲེང་རྣམ་པར་ཚུར་བྱུང་སྟེ། །རང་གི་སྦྱོར་མཚམས་ནས་ཞུགས་ཐུགས་ཀར་ཐིམ། །སྣང་སྲིད་འཁོར་འདས་དབང་དུ་འདུས་པར་བསྒོམ། །སྔགས་རིང་བེ་རོ་ཙ་ནི་ཡེ་ཡི་མཇུག །ནི་རི་ཧ་ས་བ་སུ་ན་ན་ཁེ་དྷ་སརྦ་སིདྡྷི་པ་ཤཾ་ཀུ་རུ་སྭཱ་ཧཱ། ཞེས་པ་བཏགས་ལ་ཅི་འགྲུབ་བཟླས་པ་བྱ། །དེ་ནས་སྐབས་འདིར་ཚོགས་འཁོར་གཞུང་ལྟར་བྱ། །ཚོགས་ཕུད་ཕུལ་ལ་ནུབ་ཀྱི་གཏོར་མ་བྲན། །གཏོར་བསྔོས་གཞུང་ལྟར་འདོན་ཅིང་དམིགས་པ་ནི། །པདྨ་རཱ་གའི་བྷན་རྒྱ་ཆེའི་ནང་། །གཏོར་མ་གསུང་གི་བདུད་རྩི་དམར་ལྟེམ་མེ། །རོ་བཅུད་ཞིམ་མངར་ཕུན་ཚོགས་དམིགས་ལ་འབུལ། །ཚོགས་ལ་ལོངས་སྤྱོད་ལྷག་མ་གཞུང་ལྟར་འབུལ། །ཐུན་བསྡུ་རྫོགས་རིམ་བསྔོ་སྨོན་

[Full Size]

གཞུང་ལྟར་རོ། །ཐུན་མཚམས་དགེ་སྦྱོར་ཆག་མེད་གང་དགོས་བྱ། །ཐུན་གྱི་དཀྱིལ་དུ་འདོན་པ་གཞན་མི་བསྲེ། །དེ་ནས་མུན་རུབ་བདག་མདུན་ཚར་གཅིག་འདོན། །བདག་གི་ཐུགས་ཀའི་སྔགས་ཕྲེང་དེ་ཉིད་ལས། །སྔགས་ཕྲེང་གཡུའམ་མར་གད་མདོག་ཅན་འཕྲོས། །མདུན་བསྐྱེད་ལས་ཀྱི་སྤྱན་གཟིགས་ཡབ་ཡུམ་གྱི། །ཞལ་ཞུགས་སྔགས་ཕྲེང་གཡས་གཡོན་དྲག་ཏུ་འཁོར། །ཐུགས་རྒྱུད་བསྐུལ་ནས་སྔགས་ལས་སྔགས་ཕྲེང་འཕྲོས། །སྦྱོར་མཚམས་ནས་ཐོན་སྔགས་ཕྲེང་གཅིག་གྱུར་ཏེ། །ཚུར་བྱོན་རང་གི་སྦྱོར་མཚམས་གསང་སྦུབས་ཞུགས། །ཐུགས་ཀའི་ཧཱིར་ཐིམ་དྲག་པོའི་དངོས་གྲུབ་ཐོབ། །དེ་ལྟར་བདག་མདུན་བར་དུ་སྔགས་ཕྲེང་ནི། །གཡུ་ཕྲེང་འཁོར་འདྲ་ཀྱི་ལི་ལི་འཁོར་བས། །ལས་ཀྱི་སྤྱན་གཟིགས་ཡབ་ཡུམ་ཐུགས་རྒྱུད་བསྐུལ། །སྐུ་ལས་འོད་ཟེར་ལྗང་གུ་སྤང་རྗེན་མདོག །ཕྱོགས་བཅུར་འཕྲོས་པས་ཁྲོ་བོ་ཁྲོ་མོ་དང་། །དཔའ་བོ་མཁའ་འགྲོ་ཆོས་སྐྱོང་ཐམས་ཅད་ལ། །ཤ་ལྔ་བདུད་རྩི་ལྔ་དང་ཤ་ཁྲག་རུས། །ཤ་ཆེན་བདུག་སྤོས་ཞུན་ཆེན་མར་མེ་སོགས། །དྲག་པོའི་མཆོད་པ་སྣ་ཚོགས་མཆོད་པས་མཉེས། །དེ་དག་ཀུན་གྱི་མཐུ་སྟོབས་ནུས་པ་རྣམས། །

[Full Size]

འོད་ཟེར་ལྗང་གུར་བསྡུས་ནས་མདུན་བསྐྱེད་ཐིམ། །དེ་ཉིད་སྔགས་ཕྲེང་ཚུལ་དུ་ཚུར་བྱོན་ནས། །བདག་ཐིམ་མཐུ་སྟོབས་ནུས་མཐུའི་དངོས་གྲུབ་ཐོབ། །སླར་ཡང་མདུན་བསྐྱེད་སྐུ་ལས་འོད་ལྗང་གུ། །རྩུབ་ཅིང་ཚ་ངད་ལྡན་པ་འཕྲོས་པ་ཡིས། །བདག་དང་བསྲུང་བྱ་ལ་གནོད་བདུད་བགེགས་རྣམས། །གཞོབ་ཐུལ་བསྲེགས་པས་བདུད་བཞི་ལས་རྒྱལ་བསམ། །དེ་ནི་སྲོད་ཐུན་ཕྱེད་ཡན་དམིགས་པ་སྟེ། །དེ་ནས་རང་གི་ཞལ་གྱི་སྔགས་ཕྲེང་དེ། །ཅུང་ཟད་ལྗང་ནག་ཐག་འཁྱུག་ལྟར་འཕྲོས་པས། །ལས་ཀྱི་མཁའ་འགྲོའི་ཞལ་ཞུགས་ཐུགས་རྒྱུད་བསྐུལ། །བྷ་ག་ནས་ཐོན་རང་གི་སྦྱོར་མཚམས་ནས། །ཐུགས་ཀར་ཐིམ་པས་དྲག་པོའི་དངོས་གྲུབ་ཐོབ། །སྔགས་ཕྲེང་ལྗང་ནག་དྲག་ཏུ་འཁོར་བ་དེས། །ལས་ཀྱི་མཁའ་འགྲོ་རང་དབང་མེད་པར་བསྐུལ། །ལས་ཀྱི་མཁའ་འགྲོའི་སྐུ་ལས་འོད་ལྗང་ནག །རྣམ་པ་མེ་ཡི་རེག་བྱ་ཅན་འཕྲོས་པས། །བདག་དང་བསྲུང་བྱ་ལ་གནོད་ནད་གདོན་དགྲ། །ཐམས་ཅད་བྱ་སྒྲོ་མེ་ལ་བསྲེགས་ལྟར་བཅོམ། །དེ་ལྟར་སྔགས་རིང་བེ་རོ་ཙ་ནཱིའི་མཇུག །ཧ་རི་ནི་ས་གནོད་བྱེད་སརྦ་ཤ་ཏུཾ་མཱ་ར་ཡ་ཧཱུྃ་ཕཊ། ཅི་ལྕོགས་བཟླས་རྗེས་བྱང་གི་གཏོར་མ་

[Full Size]

བྲན། །གཏོར་བསྔོས་བྱེད་ཚེ་དམིགས་པའི་བསྒྱུར་ཁ་ནི། །བྷན་རློན་པ་ལྕང་ལོ་དང་བཅས་པ། །ཡངས་ཤིང་རྒྱ་ཆེའི་ནང་དུ་གཏོར་མ་དེ། །ངོ་བོ་དགྲ་བགེགས་གནོད་བྱེད་ཤ་ཁྲག་ལ། །རྣམ་པ་ཐུགས་ཀྱི་བདུད་རྩི་སྔོ་ལྟེམ་མེ། །བསྒྲེ་སྣུམ་ཤ་ཁྲོག་རོ་ལྡན་དམིགས་ལ་འབུལ། །འདི་དག་རྣམས་ཀྱི་རྩ་བ་གང་ཞེ་ན། །ཛ་ལནྡྷ་རའི་ལྷ་དགུའི་རྒྱ་གཞུང་ལས། །དེ་ནས་རང་དང་གཞན་གྱི་དོན་བྱ་ཕྱིར། །ཕྲིན་ལས་རྣམ་པ་བཞི་པོ་སྒྲུབ་པའི་ཕྱིར། །ཕྲིན་ལས་གང་སྒྲུབ་དམིགས་པ་སྤོ་བ་སྟེ། །སྔགས་ཀྱི་ཤམ་བུ་བསྒྱུར་ལ་བཟླ་བར་བྱ། །ཞེས་གསུངས་ཐེ་ཚོམ་སྤོང་ལ་བསྒྲུབ་པར་བྱ། །གལ་ཏེ་ཟླ་གཅིག་ནང་སྒྲུབ་འདི་བྱེད་ན། །བདུན་གསུམ་ཙམ་ལ་གོང་གི་བསྙེན་བསྒྲུབ་བྱ། །ཞག་བདུན་ལས་བཞི་གོང་ལྟར་དུས་བཞིར་བྱ། །དེ་ནས་ཞག་གཅིག་སྔ་དྲོ་དགོང་ཞོགས་སོགས། །དུས་བཞི་ལས་བཞིའི་སྦྱིན་སྲེག་བྱ་བ་ཡིན། །དེ་ནས་ཞག་གཅིག་དངོས་གྲུབ་ལེན་ཆོག་ཚུལ། །བུམ་བསྐྱེད་བཏོན་ལ་བདག་འཇུག་ལེན་པ་དང་། །དགའ་སྟོན་ཚོགས་འཁོར་རྗེས་ཆོག་རྫོགས་པར་བྱ། །གལ་ཏེ་ཞག་བདུན་སྒྲུབ་རྗེས་གསང་སྒྲུབ་དང་། །སྦྲེལ་ནས་སྒྲུབ་ན་བདག་འཇུག་འདིར་མི་བྱ། །མཆོད་

[Full Size]

པ་ཁ་གསོ་གསང་སྒྲུབ་ཉིད་ལ་འཇུག །ཞག་བདུན་ཁོ་ན་ལས་ནི་མི་སྒྲུབ་ན། །སྒྲུབ་རྫས་རྣམས་ཀྱིས་བདག་འཇུག་ལེན་པ་དང་། །ཚོགས་འཁོར་རྗེས་ཆོག་རྣམས་ནི་གཞུང་ལྟར་ཏེ། །ཞི་བའི་སྦྱིན་སྲེག་གཅིག་ཙམ་འགྲུབ་ན་ལེགས། །མ་འགྲུབ་ན་ཡང་ཆད་པའི་སྐྱོན་ནི་མེད། །དེ་ལྟར་ལྷ་དགུའི་ནང་སྒྲུབ་ཟིན་བྲིས་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བ་དང་། །རིག་འཛིན་སྤྲུལ་སྐུའི་དགོངས་རྫོགས་ལ་དམིགས་ནས། །ལུག་ལོ་ས་ག་ཟླ་བའི་ཚེ་བདུན་གྱི། །སྔ་དྲོའི་ཆ་ལ་རཱ་ག་ཨ་སྱ་ཡིས། །རྒྱུད་དང་རྒྱ་གཞུང་བོད་གཞུང་ཞལ་གདམས་ཚོགས། །རང་གི་མྱོང་བ་དང་བསྟུན་གསལ་བར་བཀོད། །འདི་ལ་འགལ་འཁྲུལ་ཉེས་པའི་ཆ་མཆིས་ན། །ལྷ་དགུའི་ལྷ་དང་སྲུང་མའི་ཚོགས་ལ་བཤགས། །འདི་བྲིས་དགེ་བའི་རྩ་བ་གང་མཆིས་དེས། །གཏེར་སྟོན་སྤྲུལ་སྐུའི་དགོངས་པ་རྫོགས་པ་དང་། །བདག་དང་བདག་ལ་འབྲེལ་ཐོགས་འགྲོ་བ་ཀུན། །ནམ་ཞིག་འདི་ནས་ཚེ་འཕོས་གྱུར་མ་ཐག །སྐྱེ་བ་གཞན་གྱིས་བར་མ་ཆོད་པ་རུ། །བདེ་བ་ཅན་གྱི་ཞིང་དུ་རྫུས་སྐྱེས་ནས། །སྤྱན་རས་གཟིགས་དང་ནམ་ཡང་འབྲལ་མེད་ཤོག །ཡི་གེ་པ་ནི་བྷ་ཏ་ཧོར་གྱི་རིགས། །

[Full Size]

དགེ་བཤེགས་པདྨ་མཐར་ཕྱིན་ཞེས་བྱས་བྲིས། །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་བའི་ལམ་ཆེན་ལས། ལྷ་དགུའི་གསང་སྒྲུབ་ཀྱི་ཟིན་བྲིས།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་བའི་ལམ་ཆེན་ལས། ལྷ་དགུའི་གསང་སྒྲུབ་ཀྱི་ཟིན་བྲིས་བཞུགས་སོ།།

[Full Size]

ན་མོ་ལོ་ཀེ་ཤྭ་ར་པཉྩ་ཡེ། རིགས་ལྔའི་སྤྱན་རས་གཟིགས་དབང་ཡབ་ཡུམ་ལ། །གུས་པས་ཕྱག་འཚལ་བཀའ་གནང་བྱིན་གྱིས་རློབས། །འདི་ཡི་གསང་སྒྲུབ་སྟ་གོན་ཚར་བའི་རྗེས། །བདག་མདུན་མངོན་རྟོགས་རེག་བྱ་རྡོ་རྗེའི་མཚམས། །བདག་མདུན་ལུས་ལྷའམ་མོས་པ་ཙམ་ཞིག་བསྒོམ། །བདག་མདུན་ཚར་རྗེས་བསྙེན་པའི་སྐབས་དེ་རུ། །བསྙེན་པ་བྱ་ཞིང་དམིགས་པ་གསལ་བཏབ་སྟེ། །བདག་དང་མདུན་བསྐྱེད་གཙོ་བོ་ཡབ་ཀྱི་སྐུ། །སྤྱི་ནི་དར་དམར་གུར་ཕུབ་ལྟ་བུ་ལ། །ནང་ནི་སྟོང་པ་ཕྲུ་མ་ཕུས་བཏབ་བཞིན། །དེ་དབུས་དབུ་མ་ཁང་སྟོང་ཀ་བ་ལྟར། །

[Full Size]

ཡར་སྣེ་སྤྱི་བོ་མར་སྣེ་གསང་གནས་ཟུག །ཡར་སྣེ་ཧཾ་དཀར་མགོ་བོ་ཐུར་བསྟན་དང་། །མར་སྣེ་ཨ་དམར་ལྕགས་སྲེག་མདོག་གིས་མཚན། །དབུ་མ་མཐིང་གསལ་དྲང་ཞིང་སྟོང་སང་ངེ་། །གཡོན་གཡས་རྐྱང་མ་དཀར་དང་རོ་མ་དམར། །ཡར་སྣེ་ཚངས་བུག་མར་སྣེ་ལྟེ་འོག་ཟུག་།འཁོར་ལོ་ལྔ་ཡི་རྩ་འདབ་གདུགས་རྩིབས་ལྟར། །སྤྱི་བོའི་རྩ་འདབ་སུམ་ཅུ་སོ་གཉིས་དཀར། །མགྲིན་པའི་རྩ་འདབ་བཅུ་དྲུག་དམར་པོ་སྟེ། །སྙིང་ཁའི་རྩ་འདབ་བརྒྱད་པོ་མཐིང་ཀའོ། །ལྟེ་བའི་དྲུག་ཅུ་རྩ་བཞི་སེར་པོ་སྟེ། །གསང་གནས་སོ་གཉིས་སམ་ནི་ཉེར་བརྒྱད་ལྗང་། །

[Full Size]

བདག་མདུན་དབུ་མའི་ནང་གི་རྩ་འཁོར་དབུས། །སྤྱི་བོར་གཏི་མུག་ངོ་བོ་ཨོཾ་དཀར་པོ། །མགྲིན་པར་འདོད་ཆགས་ངོ་བོ་ཧྲིདམར་པོ། །སྙིང་ཁར་ཞེ་སྡང་ངོ་བོ་ཧཱུྃ་མཐིང་ཁ། །ལྟེ་བར་ང་རྒྱལ་ངོ་བོ་ཧཱུྃ་སེར་པོ། །གསང་བར་ཕྲག་དོག་ངོ་བོ་ཨཱཿལྗང་གུ། །དེ་དག་རྣམས་ལས་འོད་ཟེར་ཕྱོགས་བཅུར་འཕྲོས། །བདག་དང་འགྲོ་བ་སེམས་ཅན་ཐམས་ཅད་ཀྱིས། །དུག་ལྔའི་སྒོ་ནས་བསགས་པའི་སྡིག་སྒྲིབ་དང་། །ལམ་རྒྱུད་ལྔ་རུ་སྐྱེ་བའི་ས་བོན་རྣམས། །འོད་ཀྱིས་བསྡུས་ནས་ཡིག་འབྲུ་བཅུ་ལ་བསྟིམ། །བར་རླུང་གསུས་པ་ཐེར་ཙམ་བྱས་པ་ཡིས། །དབུ་མའི་མར་སྣེ་ཨཱཿཡིག་དམར་པོ་ལས། །གཏུམ་མོ་ཡེ་ཤེས་མེ་ལྕེ་ནར་གྱིས་འབར། །ཡིག་འབྲུ་བཅུ་བསྲེག་དུག་ལྔ་སྦྱངས་བའི་འབྲས། །རིགས་ལྔ་སྤྱན་རས་གཟིགས་ཀྱི་སྐུར་གྱུར་ཏེ། །སྤྱི་བོར་རྣམ་སྣང་སྤྱན་གཟིགས་ཡབ་ཡུམ་དཀར། །མགྲིན་པར་པདྨ་སྤྱན་གཟིགས་ཡབ་ཡུམ་དམར། །ཐུགས་ཀར་རྡོ་རྗེ་སྤྱན་གཟིགས་ཡབ་ཡུམ་མཐིང་། །ལྟེ་བར་རིན་ཆེན་སྤྱན་གཟིགས་ཡབ་ཡུམ་སེར། །གསང་བར་ཀརྨ་སྤྱན་གཟིགས་ཡབ་ཡུམ་ལྗང་། །ཀུན་ཀྱང་ཞལ་གཅིག་ཕྱག་བཞི་གཞུང་ལྟར་ལས། །པདྨ་ཟླ་བའི་གདན་ལ་སྐྱིལ་ཀྲུང་

[Full Size]

བཞུགས། །ཡབ་ཡུམ་རིགས་ལྔ་སོ་སོའི་དབུ་བརྒྱན་བསམ། །རྩ་འདབ་གྲོངས་མཉམ་ཌཀི་ཐམས་ཅད་ནི། །རུས་པའི་རྒྱན་ལྡན་གར་སྟབས་ཟླ་སྟེང་བཞུགས། སྤྱི་བོར་སོ་གཉིས་འཁོར་ལོ་གྲི་ཐོད་དཀར། །མགྲིན་པར་བཅུ་དྲུག་པདྨ་གྲི་ཐོད་དམར། །སྙིང་གར་རྡོ་རྗེ་གྲི་ཐོད་འཛིན་བརྒྱད་མཐིང་། །ལྟེ་བར་རེ་བཞི་རིན་ཆེན་གྲི་ཐོད་སེར། །གསང་བར་སོ་གཉིས་རྒྱ་གྲམ་གྲི་ཐོད་ལྗང་། །འཁོར་རྣམས་ཐུགས་ཀར་ཟླ་སྟེང་ས་བོན་ཧྲཱིཿ །སྤྱི་བོའི་ཐུགས་ཀར་ཧཱུྃཡིག་དཀར་པོ་རེ། །གཞན་རྣམས་ཧ་རི་ནི་སའི་ཡིག་འབྲུ་རེ། །གཙོ་བོ་ལྔ་ཡི་ཐུགས་ཀར་པད་ཉིའི་སྟེང་། །ཏིཿཡིག་རང་མདོག་ཡིག་བཅུ་གཡས་སུ་འཁོར། །ཡུམ་ལྔའི་ཐུགས་ཀར་ཆོས་འབྱུང་རྐྱང་པའི་སྟེང་། །ཧཱུྃཡིག་མཐའ་མར་ཡུམ་སྔགས་གཡོན་དུ་འཁོར། །དེ་རྣམས་གསལ་བཏབ་བཟླས་པ་བསྙེན་པའོ། །དེ་ནས་ཐུགས་ཀའི་ཡབ་ཡུམ་སྔགས་འཁོར་ལས། །འོད་ཟེར་བྱུང་བ་ཡབ་ཡུམ་ཞལ་ནས་ཐོན། །མགྲིན་པའི་ཡབ་ཡུམ་སྦྱོར་མཚམས་ནས་ཞུགས་ཏེ། །ཐུགས་ཀའི་སྔགས་ཕྲེང་བརྒྱུད་ཅིང་ཞལ་ནས་ཐོན། །སྤྱི་བོའི་ཡབ་ཡུམ་སྦྱོར་མཚམས་ནས་ཞུགས་ཏེ། །ཐུགས་ཀའི་སྔགས་ཕྲེང་བརྒྱུད་དེ་ཞལ་ནས་

[Full Size]

ཐོན། །མར་བྱུང་རང་གི་ཞལ་ནས་ཕྱིར་ཐོན་པས། །ཁ་དོག་ལྔ་ལྡན་སྟོང་སྐུད་ཆུན་པོ་བཞིན། མདུན་བསྐྱེད་ཞལ་ཞུགས་ཡར་སོང་སྤྱི་བོ་ཡི། །ཡབ་ཡུམ་ཞལ་ཞུགས་སྐུ་ཡི་དབྱིབས་བརྒྱུད་ནས། །སྦྱོར་མཚམས་ནས་ཐོན་མགྲིན་པའི་ཞལ་དུ་ཞུགས། །སྐུ་བརྒྱུད་སྦྱོར་མཚམས་ནས་ཐོན་ཐུགས་ཀ་ཡི། །ཡབ་ཡུམ་ཞལ་ཞུགས་སྔགས་ཕྲེང་དྲག་ཏུ་འཁོར། །སྦྱོར་མཚམས་ནས་ཐོན་ལྟེ་བའི་ཡབ་ཡུམ་གྱི། །ཞལ་ཞུགས་སྐུ་ལུས་བརྒྱུད་ཅིང་སྦྱོར་མཚམས་ཐོན། །གསང་གནས་ཡབ་ཡུམ་ཞལ་ཞུགས་སྐུ་ལུས་བརྒྱུད། །སྦྱོར་མཚམས་ནས་ཐོན་མདུན་ཚུབསྐྱེད་སྦྱོར་མཚམས་ནས། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །བདག་བསྐྱེད་གསང་གནས་ཡབ་ཡུམ་སྦྱོར་མཚམས་ཞུགས། །སྐུ་ཡི་དབྱིབས་བརྒྱུད་ཡབ་ཡུམ་ཞལ་ནས་ཐོན། །ལྟེ་བའི་ཡབ་ཡུམ་སྦྱོར་མཚམས་ནས་ཞུགས་ཏེ། །སྐུ་ལུས་བརྒྱུད་དེ་ཡབ་ཡུམ་ཞལ་ནས་ཐོན། །ཐུགས་ཀའི་ཡབ་ཡུམ་སྦྱོར་མཚམས་ནས་ཞུགས་ཏེ། །སྐུ་ལུས་བརྒྱུད་དེ་ཡབ་ཡུམ་ཞལ་ནས་ཐོན། །ཐུགས་ཀའི་ཡབ་ཡུམ་སྦྱོར་མཚམས་ནས་ཞུགས་ཏེ། །ཐུགས་ཀའི་སྔགས་འཁོར་ས་བོན་ལ་ཐིམ་པས། །སྐུ་ལྔ་ཡེ་ཤེས་ལྔ་ཡི་དངོས་གྲུབ་ཐོབ། །དེ་ལྟར་འོད་

[Full Size]

ཟེར་ཁ་དོག་ལྔ་ལྡན་པ། །དཔེར་ན་སྟོང་སྐུད་ཆུན་པོའི་བསྐོར་བ་བཞིན། །བདག་མདུན་བར་དུ་ཀྱི་ལི་ལི་འཁོར་བས། །བདག་མདུན་ཡབ་ཡུམ་སྔགས་ཕྲེང་ཉི་ཤུ་པོ། །ཡབ་བཅུ་གཡས་འཁོར་ཡུམ་བཅུ་གཡོན་དུ་འཁོར། །དེ་ཡང་ཇེ་མགྱོགས་དྲག་ཏུ་འཁོར་བ་ཡིས། །མདུན་བསྐྱེད་ཡབ་ཡུམ་བཅུ་ཡི་སྔགས་ཕྲེང་ལས། །འོད་ཟེར་སྣ་ཚོགས་ནམ་མཁའ་ཁྱབ་པར་འཕྲོས། །མཁའ་ཁྱབ་འགྲོ་བ་མ་ལུས་ཐམས་ཅད་ཀྱིས། །དུག་ལྔའི་སྒོ་ནས་བསགས་པའི་སྡིག་སྒྲིབ་དག །མཆོག་གི་ཡོན་ཏན་མ་ལུས་ཐོབ་པར་གྱུར། །སླར་ཡང་འོད་ཟེར་ཕྱོགས་བཅུའི་ཞིང་ཁྱབ་པས། །རིགས་ལྔའི་རྒྱལ་བ་སྲས་བཅས་ཐམས་ཅད་མཆོད། །སྐུ་ལྔ་ཡེ་ཤེས་ལྔ་ཡི་དངོས་གྲུབ་བཅུད། །འོད་ལྔའི་རྣམ་པར་བསྡུས་ཏེ་མདུན་བསྐྱེད་ཐིམ། །དེ་ཉིད་སྔགས་ཕྲེང་དེ་དང་དབྱེར་མེད་དུ། །ཚུར་བྱོན་རང་ལ་ཐིམ་པས་དངོས་གྲུབ་ཐོབ། །དེ་ལྟར་བསྒོམ་ཞིང་བཟླས་པ་ཉེ་བསྙེན་ཡིན། །དེ་དག་ཆེ་ནི་གཞུང་གི་སྔགས་རིང་བཟླ། །དེ་ནས་འོད་ཟེར་དེ་ཉིད་སྔགས་ཕྲེང་གྱུར། །བདག་མདུན་བར་དུ་སྔར་ལྟར་འཁོར་བ་ལས། །བདག་མདུན་བར་གྱི་སྔགས་ཕྲེང་དེ་ཉིད་ལས། །འོད་ཟེར་སྣ་ཚོགས་ནམ་

[Full Size]

མཁའ་ཁྱབ་པར་འཕྲོས། །ཕྱོགས་བཅུ་དུས་གསུམ་བཞུགས་པའི་བླ་མ་དང་། །སངས་རྒྱས་བྱང་སེམས་ཡི་དམ་མཁའ་འགྲོའི་ཚོགས། །ཐམས་ཅད་འོད་དེས་མཆོད་པས་ཐུགས་མཉེས་ནས། །དེ་དག་རྣམས་ཀྱི་སྐུ་གསུང་ཐུགས་རྣམས་ལས། །ཐུགས་རྗེ་ཆེན་པོ་ཡབ་ཡུམ་སྐུ་ཆེ་ཕྲ། །ཆེ་བ་རི་རབ་ཙམ་དང་ཆུང་བ་ནི། །ཡུངས་འབྲུའི་ཚད་ཙམ་གསུང་ལས་སྔགས་ཀྱི་ཕྲེང་། །ཨཱཿ་ལི་དམར་པོ་ཀཱ་ལི་དཀར་པོའི་ཕྲེང་། །ཐུགས་ནི་ཕྱག་མཚན་རྡོ་རྗེ་འཁོར་ལོ་དང་། །རིན་ཆེན་པདྨ་རྒྱ་གྲམ་ཧཱིས་མཚན་པ། །ཆེ་ཕྲ་སྣ་ཚོགས་ཁ་བ་བུ་ཡུག་བཞིན། །སིལ་སིལ་ཆིལ་ཆིལ་ལྷུག་ལྷུག་བབས་གྱུར་ཏེ། །མཚོ་ལ་ཆར་བཞིན་བདག་མདུན་རྣམས་ལ་ཐིམ། སངས་རྒྱས་ཀུན་གྱི་སྐུ་གསུང་ཐུགས་དང་ནི། །ཡོན་ཏན་ཕྲིན་ལས་དངོས་གྲུབ་ཐོབ་པར་བསྒོམ། །དེ་ནི་སྒྲུབ་པའི་དམིགས་པ་གཙོ་བོ་ཡིན། །དེ་ནས་སྔགས་ཕྲེང་སྔར་ལྟར་འཁོར་བཞིན་ལས། །མདུན་བསྐྱེད་སྤྱི་བོའི་སྔགས་ཕྲེང་དམིགས་པ་གཏད། །དེ་ལས་འོད་ཟེར་དཀར་པོ་ཕྱོགས་བཅུར་འཕྲོས། །སེམས་ཅན་ཀུན་གྱི་གཏི་མུག་སྒྲིབ་པ་སྦྱངས། །ཀུན་ཀྱང་བདེ་གཤེགས་རིགས་ཀྱི་སྤྱན་རིས་གཟིགས། །ཡབ་ཡུམ་སྐུ་མདོག་དཀར་པོ་ཤ་སྟག་

[Full Size]

གྱུར། །དེ་བཞིན་མདུན་བསྐྱེད་མགྲིན་པའི་ཡབ་ཡུམ་གྱི། །སྔགས་ཕྲེང་དྲག་འཁོར་འོད་ཟེར་དམར་པོ་འཕྲོས། །འགྲོ་བ་ཀུན་གྱི་འདོད་ཆགས་སྒྲིབ་པ་སྦྱངས། །ཀུན་ཀྱང་པདྨ་རིགས་ཀྱི་སྤྱན་རས་གཟིགས། །ཡབ་ཡུམ་སྐུ་མདོག་དམར་པོ་ཤ་སྟག་གྱུར། །དེ་བཞིན་མདུན་བསྐྱེད་ཐུགས་ཀའི་ཡབ་ཡུམ་གྱི། །སྔགས་ཕྲེང་དྲག་འཁོར་འོད་ཟེར་མཐིང་ཀ་འཕྲོས། །འགྲོ་བ་ཀུན་གྱི་ཞེ་སྡང་སྒྲིབ་པ་སྦྱངས། །ཐམས་ཅད་རྡོ་རྗེ་རིགས་ཀྱི་སྤྱན་རས་གཟིགས། །ཡབ་ཡུམ་སྐུ་མདོག་མཐིང་ཀ་ཤ་སྟག་གྱུར། །དེ་ནས་མདུན་བསྐྱེད་ལྟེ་བའི་ཡབ་ཡུམ་གྱི། །སྔགས་ཕྲེང་དྲག་འཁོར་འོད་ཟེར་གསེར་མདོག་འཕྲོས། །འགྲོ་བ་ཀུན་གྱི་ང་རྒྱལ་སྒྲིབ་པ་སྦྱངས། །ཐམས་ཅད་རིན་ཆེན་རིགས་ཀྱི་སྤྱན་རས་གཟིགས། །ཡབ་ཡུམ་གསེར་མདོག་ཤ་སྟག་སྐུ་རུ་གྱུར། །ཡང་ནི་མདུན་བསྐྱེད་གསང་གནས་ཡབ་ཡུམ་གྱི། །སྔགས་ཕྲེང་དྲག་འཁོར་འོད་ཟེར་ལྗང་གུ་འཕྲོས། །འགྲོ་བ་ཀུན་གྱི་ཕྲག་དོག་སྒྲིབ་པ་སྦྱངས། །ཐམས་ཅད་ལས་ཀྱི་རིགས་ཀྱི་སྤྱན་རས་གཟིགས། །ཀུན་ཀྱང་ཡབ་ཡུམ་ལྗང་གུའི་སྐུ་རུ་གྱུར། །དེ་ལྟར་འགྲོ་བ་སེམས་ཅན་ཐམས་ཅད་ཀྱང་། །སོ་སོའི་དུག་ལྔ་གང་ཆེ་དེ་སྦྱངས་པས། །

[Full Size]

སྦྱངས་འབྲས་རིགས་ལྔ་སོ་སོའི་སྤྱན་རས་གཟིགས། །དམྱལ་བ་རྡོ་རྗེ་ཡི་དྭགས་པདྨའི་རིགས། །དུད་འགྲོ་བདེ་གཤེགས་ལྷ་མིན་ལས་ཀྱི་རིགས། །ལྷ་མི་རིན་ཆེན་རིགས་ཀྱི་སྤྱན་རས་གཟིགས། །དེ་ལྟར་རིགས་དྲུག་འཁོར་བ་དོང་སྤྲུགས་ནས། །ཀུན་ཀྱང་རང་གི་རམ་བུ་བཀྱག་པའི་ཚུལ། །སྔགས་སྒྲ་འུར་ཆོམ་འབྲུག་སྟོང་དུས་གཅིག་བཞིན། །ནམ་མཁའི་མཐར་ཐུག་སྔགས་ཀྱི་སྒྲས་ཁྱབ་པས། །འགྲོ་བ་རིགས་དྲུག་ལུས་ཀྱང་མ་བླངས་པའི། །ནམ་མཁའ་གང་བའི་རྣམ་ཤེས་འཁྱམ་པོའི་ཚོགས། །དེ་དག་ཀུན་གྱི་སྒྲིབ་གཉིས་བག་ཆགས་དག །ཀུན་ཀྱང་འཕགས་པའི་གོ་འཕང་ཐོབ་པར་བསྒོམ། །དེ་ནི་སྒྲུབ་པ་ཆེན་པོའི་དམིགས་པ་ཡིན། །སྔགས་རིང་ཧ་རི་ནི་སའི་མཇུག་དེ་རུ། །རི་ནི་ཧ་ས། ནི་རི་ཧ་ས། ས་ནི་རི་ཧ། །ཧཱུྃ་ཕཊ་སྭཱ་ཧཱ། སྦྱར་བཟླས་རྟགས་མྱུར་ཟབ། དམིགས་པ་དེ་རྣམས་ཐུན་རེ་རྫོགས་པར་བྱ། །ཐུན་མགོར་བདག་མདུན་ཚོར་རེ་འདོན་པ་དང་། །ཐུན་མཇུག་གཏོར་བསྔོས་ཐུན་བསྡུ་བསྔོ་སྨོན་བྱ། །དེ་ལྟར་ཞག་པོ་དྲུག་ལས་མི་ཉུང་བསྒྲུབ། །ཞག་བདུན་ཉིན་པར་སྔ་དྲོའི་ཐུན་ལ་ནི། །གོང་ལྟར་བདག་མདུན་སྔགས་ཕྲེང་འཁོར་བ་ཡི། །མདུན་བསྐྱེད་སྤྱི་བོའི་སྔགས་

[Full Size]

འཁོར་དྲག་འཁོར་བས། །ཐུགས་རྒྱུད་བསྐུལ་ནས་སྤྱི་བོའི་གཙོ་འཁོར་ནི། །ཀུན་ལས་འོད་ཟེར་དཀར་པོ་ཟླ་བའི་མདོག །ཤི་སོས་བདུད་རྩི་ལྟ་བུ་ཕྱོགས་བཅུར་འཕྲོས། །འགྲོ་བའི་སྒྲིབ་གཉིས་མུན་ལ་ཟླ་ལྟར་གསལ། །འོད་ཟེར་བདག་དང་བསྲུང་བྱ་ལ་ཐིམ་པས། །ནད་གདོན་སྡིག་སྒྲིབ་ཐམས་ཅད་ཞི་བར་བསྒོམ། །སྔགས་རིང་ཧ་རི་ནི་སའི་མཇུག་དེ་རུ། །ནད་གདོན་སརྦ་པཱ་པཾ་ཤཱནྟི་ཀུ་རུ་ཡེ་སྭཱ་ཧཱ། །རང་ལ་གདོན་དང་ནད་ཀྱིས་གནོད་གྱུར་ན། །སརྦ་ཛཱ་ར་ནི་ཏྲ་ཧཱུྃ་ཕཊ་སྭ་ཧཱ་སྦྱར། ཅི་ནུས་བཟླས་རྗེས་གཏོར་བསྔོས་ཐུན་བསྡུ་བྱ། །སླར་ཡང་བདག་མདུན་བཏང་རྗེས་དམིགས་པ་ནི། །བདག་མདུན་བར་དུ་སྔགས་ཕྲེང་འཁོར་བ་དེས། །མདུན་བསྐྱེད་ལྟེ་བའི་ལྷ་ཚོགས་ཐུགས་རྒྱུད་བསྐུལ། །འོད་ཟེར་གསེར་མདོག་ནམ་མཁའ་ཁྱབ་པར་འཕྲོས། །འགྲོ་བའི་བསོད་ནམས་ཡེ་ཤེས་ཡོན་ཏན་ཚོགས། །པདྨར་ཉི་ཟེར་ཕོག་ལྟར་རྒྱས་པར་བྱས། །འོད་ཟེར་ཚུར་འདུས་བདག་དང་བསྲུང་བྱར་ཐིམ། །ཚེ་དང་བསོད་ནམས་ཡེ་ཤེས་ཡོན་ཏན་ཚོགས། །པདྨ་ཆུ་ཡིས་བྲན་ལྟར་བཀྲག་མདངས་རྒྱས། །སྔགས་རིང་བེ་རོ་ཙ་ནི་ཡེ་ཡི་མཇུག །རི་ནི་ཧ་ས་མ་མ་ཨཱཿ་ཡུ༔པུཎེ་

[Full Size]

ཛྙཱ་ན་པུཎྚི་ཀུ་རུ་སྭཱ་ཧཱ། ཅི་ནུས་བཟླས་རྗེས་གཏོར་བསྔོས་ཐུན་བསྡུ་བྱ། །ཕྱེད་ཡོལ་ནས་བཟུང་བདག་མདུན་ཚར་གཅིག་རྗེས། །བདག་མདུན་བར་དུ་སྔགས་ཕྲེང་སྔར་ལྟར་འཁོར། །མདུན་བསྐྱེད་ཐུགས་ཀའི་ལྷ་ཚོགས་ཐུགས་རྒྱུད་བསྐུལ། །སྔགས་ཕྲེང་དྲག་འཁོར་འོད་ཟེར་བེཟླུའི་མདོག །ཕྱོགས་བཅུའི་ནམ་མཁའ་ཁྱབ་པར་འཕྲོས་པ་ཡིས། །རྒྱལ་བ་སྲས་བཅས་དཔའ་བོ་མཁའ་འགྲོ་ཡི། །མཆོག་གི་དངོས་གྲུབ་ཉམས་རྟོགས་ཡོན་ཏན་ཀུན། །འོད་ཟེར་མཐིང་གར་བསྡུས་ཏེ་བདག་ཉིད་ཀྱི། །སྙིང་གར་ཐིམ་པས་ཉམས་རྟོགས་མཆོག་ཐོབ་བསྒོམ། །སྔགས་རིང་ཧ་རི་ནི་སའི་མཇུག་དེ་རུ། །ཨཱཿ་ཝེ་ཤ་ཡ་ཨཱཿ་ཝེ་ཤ་ཡ་ཨཱཿཨཱཿ །ཞེས་པ་བཏགས་ལ་ཅི་ལྕོགས་བཟླས་པ་བྱ། །གཏོར་བསྔོས་ཐུན་བསྡུ་བྱས་རྗེས་བདག་མདུན་འདོན། །བདག་མདུན་བར་གྱི་སྔགས་ཕྲེང་སྔར་ལྟར་འཁོར། །དགོང་ཀ་ནས་བཟུང་མུན་རུབ་བར་དུ་སྟེ། །མདུན་བསྐྱེད་མགྲིན་པའི་ལྷ་ཚོགས་ཐུགས་རྒྱུད་བསྐུལ། །སྐུ་ལས་འོད་ཟེར་ཉི་མ་འཆར་ཁའི་མདོག །ཕྱོགས་བཅུར་འཕྲོས་པས་འོད་དེས་རེག་ཙམ་གྱིས། །འགྲོ་ཀུན་སོ་སོའི་རླུང་སེམས་རང་དབང་ཐོབ། །འོད་ཟེར་ཚུར་འདུས་པདྨ་རཱ་གའི་མདོག །རང་

[Full Size]

ལ་ཐིམ་པས་སྣང་སྲིད་འཁོར་འདས་ཀུན། །དབང་སྡུད་ཟིལ་གནོན་དངོས་གྲུབ་ཐོབ་པར་བསྒོམ། །སྔགས་རིང་བེ་རོ་ཙ་ནི་ཡེ་ཡི་མཇུག །ནི་རི་ས་ཧ་བ་སུ་ན་ན་ཁ་དྷེ་སརྦ་སིདྡྷི་པ་ཤོ་ཀུ་རུ་ཡེ་སྭཱ་ཧཱ། ཅི་ནུས་བཟླས་རྗེས་གཏོར་བསྔོས་ཐུན་བསྡུ་བྱ། །ཐུན་མཚམས་རྣམས་སུ་ཆག་མེད་རིགས་རྣམས་བྱ། །མུན་རུབ་བདག་མདུན་ཚར་གཅིག་བཏང་བའི་རྗེས། །བདག་མདུན་བར་དུ་སྔགས་ཕྲེང་སྔར་ལྟར་འཁོར། །སྔགས་ཕྲེང་དྲག་འཁོར་གསང་གནས་ལྷ་ཚོགས་ཀྱི། །སྐུ་ལས་འོད་ཟེར་ལྗང་ནག་ཕྱོགས་བཅུར་འཕྲོས། །འོད་ཀྱི་ཟེར་མ་མཚོན་ཆའི་དབྱིབས་འདྲ་བས། །ཚ་ཞིང་རྩུབ་པའི་རེག་བྱ་དང་ལྡན་པ། །འགྲོ་བ་ཀུན་གྱི་བདུད་དང་ཐར་པའི་གེགས། །བ་མོར་ཉི་ཟེར་ཕོག་བཞིན་ཚར་བཅད་དེ། །འོད་ཟེར་ཚུར་འདུས་བདེ་བའི་རེག་བྱ་བཅས། །བདག་དང་བསྲུང་བྱ་རྣམས་ལ་ཐིམ་པ་ཡིས། །ནད་གདོན་བར་ཆད་ཐམས་ཅད་ཚར་བཅད་བསམ། །སྔགས་རིང་བེ་རོ་ཙ་ནི་ཡེ་ཡི་མཇུག །ས་ནི་རི་ཧ་གནོད་བྱེད་སརྦ་ཤ་ཏུཾ་མཱ་ར་ཡ་ཧཱུྃ་ཕཊ། ཅི་ནུས་བཟླས་རྗེས་གཏོར་བསྔོས་ཐུན་བསྡུ་ཉལ། །ཕྱིར་ནངས་བདག་མདུན་ཚར་གཅིག་བདག་འཇུག་བླངས། །དགའ་སྟོན་ཚོགས་

[Full Size]

འཁོར་རྗེས་ཆོག་གཞུང་ལྟར་རོ། །དེ་ལྟར་ཞག་བདུན་གསང་སྒྲུབ་ཚང་བ་ཡིན། །གལ་ཏེ་གསང་སྒྲུབ་ཟླ་གཅིག་བྱེད་འདོད་ན། །བདུན་གསུམ་སྒྲུབ་པ་བདུན་གཅིག་ལས་སྦྱོར་དང་། །ཞག་གཅིག་དུས་བཞིར་ལས་བཞིའི་སྦྱིན་བསྲེག་བྱ། །དེ་རྗེས་ཞག་གཅིག་བདག་འཇུག་རྗེས་ཆོག་ཡིན། །གལ་ཏེ་གསང་སྒྲུབ་དྲིལ་སྒྲུབ་སྦྲེལ་འདོད་ན། །བདག་འཇུག་མི་བྱ་མཆོད་པ་ཁ་གསོས་ལ། །དེ་ནས་དྲིལ་སྒྲུབ་གཞུང་ལྟར་བྱས་པས་འཐུས། །ལྷ་དགུའི་མན་ངག་པཀཱིའི་སྙན་བརྒྱུད་ནི། །གཉན་རས་སང་གྷ་ལཀྵས་གསུངས་པ་བཞིན། །རང་བྱུང་རྡོ་རྗེས་ཡི་གེར་བཀོད་པ་ལས། །འདི་ནི་ཤིན་ཏུ་གསང་ཞིང་སྦས་གསུངས་ལྟར། །གསང་སྒྲུབ་ཡང་གསང་སྒྲུབ་པའི་རྩ་བ་ཡིན། །བསྐྱེད་རྫོགས་གཉིས་ཀའི་དོན་ཡང་འདིར་འདུས་ཏེ། །འདི་བ་ནི་བསྐྱེད་རིམ་གཙོ་བོ་བྱས་པ་ཡིན། །གཞན་ཡང་རང་བྱུང་རྒྱལ་བས་མཛད་པ་ཡི། །ལྷ་དགུ་ཚིགས་བཅད་མ་ཡི་གཞུང་ལས་ཀྱང་། །མདུན་དུའང་དེ་ལྟར་ལེགས་བསྐྱེད་ནས། །ལྟར་རང་རང་ཐུགས་ཀར་ནི། །པདྨའི་སྟེང་དུ་ཡི་གེ་ཧཱུཾ། སྙིང་པོར་བཅས་པ་འགོད་པར་བྱ། །ཨོཾ་ཨཱཿཧཱུྃ་ཧི༔ ཨོཾ་མ་ཎི་པདྨེ་ཧཱུྃ། ཨོཾ་བཛྲ་ཝཱ་རཱ་ཧི། སརྦ་བུདྡྷ་ཌཱ་ཀི་ནཱི་ཡེ། བཛྲ་

[Full Size]

ཝརྞ་ནཱི་ཡེ། བཛྲ་བཻ་རོ་ཙ་ནཱི་ཡེ་སྭཱ་ཧཱ། ཧ་རི་ནི་ས། གསང་སྔགས་འོད་ཟེར་སྤྲོ་བསྡུ་ཡིས། །ཡེ་ཤེས་སྤྱན་འདྲེན་ལེགས་པར་མཆོད། །དབང་བསྐུར་རྒྱས་གདབ་དབུ་ཡང་བརྒྱན། །མཁའ་ཁྱབ་འགྲོ་བ་མ་ལུས་ཀུན། །མཆོག་གི་ཡོན་ཏན་ཐོབ་པར་བསམ། །འདི་ལ་སྤྲོ་བསྡུས་བཟླས་པའམ། །རྡོ་རྗེའི་བཟླས་པ་གང་རུང་གིས། །མདུན་བསྐྱེད་དེ་ལ་ལེགས་བསྟིམས་ནས། །ཞེས་གསུངས། དེ་བཞིན་ཞལ་གདམས་ཡི་གེ་ལས། །རྩ་གསུམ་འཁོར་ལོ་ལྔ་གསལ་གདབ། །ཅེས་སོགས་རྒྱ་ཆེར་གསུངས་པའི་དོན་ཡིན་སྤྱི་ནོ། །འདི་ནི་ལུང་འདྲེན་སྤངས་ཏེ་གོ་བདེ་བར། །ཐབས་མཁས་མཐར་ཕྱིན་གཉིས་ཀྱིས་བསྐུལ་བའི་ཕྱིར། །སྤྲུལ་སྐུ་གཤེགས་པའི་དགོངས་རྫོགས་ལ་དམིགས་ཏེ། །ལུག་ལོ་ས་ག་ཟླ་བའི་ཚེས་དགུ་ཡི། །སྔ་དྲོའི་ཆ་ལ་རཱ་ག་ཨ་སྱ་ཡིས། །ཇི་ལྟར་སྨྲས་བཞིན་མཐར་ཕྱིན་ཞེས་བྱས་བྲིས། །འདི་ལ་འགལ་འཁྲུལ་ཉེས་པའི་ཆ་མཆིས་ན། །ལྷ་དགུའི་ལྷ་ཚོགས་སྲུང་མར་བཅས་ལ་བཤགས། །འདི་བྲིས་རབ་དཀར་དགེ་བ་གང་མཆིས་དེས། །སྤྲུལ་སྐུ་ཆེན་པོའི་དགོངས་པ་རྫོགས་པ་དང་། །འདི་ཉིད་མཐོང་ཐོས་འབྲེལ་ཐོགས་འགྲོ་བ་ཀུན། །ཚེ་

[Full Size]

གཅིག་ཐུགས་རྗེ་ཆེན་པོའི་སྐུ་འགྲུབ་ཤོག །སརྦ་མངྒ་ལཾ། དགེའོ། །དགེའོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་ཡང་གསང་སྒྲུབ་པའི་ཟིན་བྲིས།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་ཡང་གསང་སྒྲུབ་པའི་ཟིན་བྲིས་བཞུགས་སོ།།

[Full Size]

ན་མོ་ལོ་ཀེ་ཤྭ་ར་དྷེ་ཝ་པཉྩཡེ། རྒྱལ་བ་རྒྱ་མཚོ་ལྷ་དགུའི་ལྷ་ཚོགས་ལ། །གུས་པས་ཕྱག་འཚལ་བཀང་གནང་བྱིན་གྱིས་རློབས། །ཡང་གསང་འཁོར་ལོ་ལྔ་ཡི་སྒྲུབ་པ་ལ། །སྒྲུབ་པའི་ལུགས་དང་ཁྲིད་ཀྱི་རིམ་པ་གཉིས། །ཁྲིད་རིམ་རྩ་རླུང་བསྒོམ་ལུགས་གཞན་དུ་གསལ། །འདིར་ནི་བསྐྱེད་རིམ་བསྙེན་སྒྲུབ་བྱ་བའི་ཚུལ། །མཚམས་བཅད་མི་དགོས་གང་དགར་བསྒོམས་པས་མཆོག །བདག་བསྐྱེད་འདོན་པའི་ཆས་ཙམ་མ་གཏོགས་པ། །སྒྲུབ་པའི་རྫས་ནི་ཅི་ཡང་མི་དགོས་སོ། །ད་ནངས་བདག་བསྐྱེད་ཚར་གཅིག་ཐོན་ཕྱི་ནས། །སྤྱོད་ལམ་ཀུན་ཏུ་སྔགས་བཟླ་དམིགས་པ་

[Full Size]

བསྒོམ། །དགོང་མོ་གཏོར་བསྔོས་རྒྱས་བསྡུས་ཅི་རིགས་དང་།། །ཉལ་ཁ་ཐུན་བསྡུ་བསྔོ་སྨོན་རྒྱ་ཡིས་གདབ། །དེ་ལྟར་ཞག་བདུན་ཡན་ཆད་ལོ་ཟླའི་བར། །ཉམས་སུ་ལེན་པ་ཡང་གསང་སྒྲུབ་པ་ཉིད། །དེ་ཚེ་བསྒོམ་བྱ་དམིགས་པའི་རིམ་པ་ནི། །བདག་ཉིད་རྒྱལ་བ་རྒྱ་མཚོ་ཡབ་ཡུམ་སྐུ། །ཕྱི་ནི་དར་དམར་གུར་ཕུབ་ལྟ་བུ་ལ། །ནང་ནི་སྟོང་གསལ་ཕྲུ་མ་ཕུས་བཏབ་བཞིན། །དེས་དབུས་ཨ་ཝ་དྷུ་ཏི་མཐིང་གསལ་དྲང་། །ཡར་སྣ་ཧཾ་ཡིག་ཐིག་ལེ་དངུལ་ཆུའི་མདོག །མར་སྣ་ཨ་ཤད་ཐིག་ལེ་དམར་པོས་མཚན། །གཡས་གཡོན་རོ་མ་དམར་དང་རྐྱང་མ་དཀར། །ཡར་སྣེ་

[Full Size]

སྣ་བུག་མར་སྣེ་ལྟེ་འོག་ཟུག །འཁོར་ལོ་ལྔ་ཡི་རྩ་འདབ་གདུགས་རྩིབས་བཞིན། །སྤྱི་བོར་རྩ་འདབ་སུམ་ཅུ་སོ་གཉིས་དཀར། །མགྲིན་པའི་བཅུ་དྲུག་དམར་པོ་ཁ་ཡར་ཕྱོགས། །སྙིང་ཁའི་རྩ་བརྒྱད་མཐིང་ཀ་ཅུང་ཟད་སྒྲུབ། །ལྟེ་བའི་རེ་བཞི་སེར་པོ་ཁ་ཡར་ཕྱོགས། །གསང་གནས་སོ་གཉིས་ཉེར་བརྒྱད་ལྗང་ཁུ་དྲང་། །འཁོར་ལོ་ལྔ་ཡི་རྩ་མདུད་དབུ་མའི་ནང་། སྤྱི་བོར་གཏི་མུག་ངོ་བོ་ཨོཾ་དཀར་པོ། །མགྲིན་པར་འདོད་ཆགས་ངོ་བོ་ཧྲཱི༔དམར་པོ། །སྙིང་གར་ཞེ་སྡང་ངོ་བོ་ཧཱུྃ་མཐིང་ཁ། །ལྟེ་བར་ང་རྒྱལ་ངོ་བོ་ཧཱུྃ་སེར་པོ། །གསང་གནས་ཕྲག་དོག་ངོ་བོ་ཨཱཿཋལྗང་གུ། །དེ་དག་རྣམས་ལས་འོད་ཟེར་ཕྱོགས་བཅུར་འཕྲོས། །བདག་དང་འབྲེལ་ཐོགས་གཙོར་བྱས་འགྲོ་ཀུན་གྱི། །དུག་ལྔའི་སྒོ་ནས་བསགས་པའི་སྡིག་སྒྲིབ་དང་། ལམ་རྒྱུད་ལྔ་རུ་སྐྱེ་བའི་ས་བོན་རྣམས། །འོད་ཟེར་དེས་བསྡུས་ཡིག་འབྲུ་ལྔ་ལ་ཐིམ། །བར་རླུང་གསུས་པ་ཐེར་ཙམ་བསྒོངས་པ་ཡིས། །དབུ་མའི་ཡར་སྣེ་གཏུམ་མོ་ཡེ་ཤེས་མེ། །ནར་གྱིས་འབར་ཏེ་དུག་ལྔའི་ས་བོན་བསྲེགས། །ཡེ་ཤེས་ལྔ་ཡི་སྤྱན་རས་གཟིགས་གྱུར་ཏེ། །སྤྱི་བོའི་སྐུ་ཡི་སྤྱན་གཟིགས་ཡབ་ཡུམ་དཀར། །འཁོར་ནི་ཌཀི་དཀར་མོ་རྩ་འདབ་

[Full Size]

གྲངས། །ཐུགས་ཀར་ཧྲཱི༔ཡིག་དཀར་པོ་རེ་རེས་མཚན། །མགྲིན་པར་གསུང་གི་སྤྱན་གཟིགས་ཡབ་ཡུམ་དམར། །དམར་མོ་བཅུ་དྲུག་ཐུགས་ཀར་ནི་ཡིག་མཚན། །སྙིང་གར་ཐུགས་ཀྱི་སྤྱན་གཟིགས་ཡབ་ཡུམ་མཐིང་། །འཁོར་བརྒྱད་སྔོན་མོའི་ཐུགས་ཀར་ཧ་ཡིག་རེ། །ལྟེ་བར་ཡོན་ཏན་སྤྱན་གཟིགས་ཡབ་ཡུམ་སེར། །སེར་མོ་རེ་བཞིའི་ཐུགས་ཀར་རི་ཡིག་རེ། །གསང་བར་ཕྲིན་ལས་སྤྱན་གཟིགས་ཡབ་ཡུམ་ལྗང་། །རྩ་འདབ་གྲངས་མཉམ་ཌཱཀིའི་ཐུགས་ཀར་ས། །འཁོར་རྣམས་རང་རྟགས་གྲི་ཐོད་ཁ་ཊཾ་ག །ཡབ་ལྔའི་ཐུགས་ཀར་པདྨ་ཟླ་བའི་སྟེང་། །རང་མདོག་ཧྲུལ་ཡིག་བཅུ་གཡས་སུ་འཁོར། །ཡུམ་ལྔའི་ཐུགས་ཀར་ཆོས་འབྱུང་རྐྱང་པའི་སྟེང་། །རང་མདོག་ཧྲུལ་ཡུམ་སྔགས་གཡོན་དུ་འཁོར། །དེ་ནས་བར་རླུང་ཐེར་ཙམ་བཟུང་བ་ཡིས། །གསང་གནས་ཨ་ཤད་གཏུམ་མོའི་མེ་འབར་ཏེ། །རྩ་གནས་མེས་གང་སྤྱི་བོར་ཧཾ་ལ་རེག །བདུད་རྩི་བྱང་སེམས་འོ་མའི་རྒྱུན་བཞིན་བབ། །ལྷ་ཚོགས་ཀུན་གྱི་ཞལ་ཞུགས་སྐུ་ལུས་གང་། །བདེ་བས་ཐུགས་དགྱེས་བདེ་སྟོང་ཡེ་ཤེས་འབར། །སྔོན་ལས་བཀྲག་མདངས་གཟི་བརྗིད་རྒྱས་པར་བསྒོམ། །ཡིག་བཅུའམ་ཡིག་དྲུག་

[Full Size]

བཟླས་པ་བསྙེན་པ་ཡིན། །དེ་ནས་ཡབ་ཡུམ་སྔགས་འཁོར་བཅུ་པོ་ལ། །འོད་ཟེར་སྣ་ཚོགས་ནམ་མཁའ་ཁྱབ་པར་འཕྲོས། །ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་དང་། །བླ་མ་ཡི་དམ་མཁའ་འགྲོ་ཐམས་ཅད་ལ། །འོད་དེས་མཆོད་པའི་སྤྲིན་དུ་གྱུར་པས་མཉེས། །ཐམས་ཅད་ཐུགས་རྗེ་ཆེན་པོ་ཡབ་ཡུམ་སྐུར། །གནས་འགྱུར་ཁ་བ་བུ་ཡུག་འཚུབ་བཞིན་བྱོན། །མཚོ་ལ་ཆར་བཞིན་བདག་ལ་སིབ་སིབ་ཐིམ། །དབང་དང་བྱིན་རླབས་དངོས་གྲུབ་ཐོབ་པར་བསྒོམ། །དེ་ནི་ཉེ་བར་བསྙེན་པའི་དམིགས་པ་ཡིན། །དེ་ནས་སྔགས་འཁོར་བཅུ་པོ་འཁོར་བཞིན་ལས། །སྤྱི་བོའི་ཡབ་ཡུམ་སྔགས་འཁོར་དྲག་ཏུ་འཁོར། །དེ་ལས་འོད་ཟེར་དཀར་པོ་ཕྱོགས་བཅུར་འཕྲོས། །བདེ་གཤེགས་རིགས་ཀྱི་སངས་རྒྱས་བྱང་སེམས་དང་། །སྐུ་ཡི་རིགས་ཀྱི་ལྷ་ཚོགས་ཐམས་ཅད་མཆོད། །དེ་ཀུན་སྤྱན་གཟིགས་ཡབ་ཡུམ་དཀར་པོའི་སྐུར། །གནས་འགྱུར་ཆར་བཞིན་བབས་ནས་བདག་ལ་ཐིམ། །འགྱུར་མེད་སྐུ་ཡི་དངོས་གྲུབ་ཐོབ་པ་དང་། །རང་གི་གཟུགས་ཀྱི་ཕུང་པོ་འདི་ཉིད་ནི། །བདེ་གཤེགས་སྤྱན་གཟིགས་ཡབ་ཡུམ་ངོ་བོར་གྱུར། །ཆོས་དབྱིངས་ཡེ་ཤེས་མངོན་དུ་བྱས་པར་བསྒོམ།

[Full Size]

མགྲིན་པའི་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་དམར་པོ་ཕྱོགས་བཅུ་ཁྱབ་པར་འཕྲོས། །པདྨ་རིགས་ཀྱི་སངས་རྒྱས་བྱང་སེམས་དང་། །གསུང་གི་ལྷ་ཚོགས་ཐམས་ཅད་མཆོད་པས་མཉེས། །ཐམས་ཅད་སྤྱན་གཟིགས་ཡབ་ཡུམ་དམར་པོའི་སྐུ། །གནས་འགྱུར་ཆེར་བཞིན་བབས་ནས་བདག་ལ་ཐིམ། །འགགས་མེད་གསུང་གི་དངོས་གྲུབ་ཐོབ་པ་དང་། །འདུ་ཤེས་པདྨ་སྤྱན་གཟིགས་ངོ་བོར་གྱུར། །སོར་རྟོག་ཡེ་ཤེས་མངོན་དུ་བྱས་པར་བསྒོམ། །ཐུགས་ཀའི་ཡབ་ཡུམ་སྔགས་ཕྲེང་དྲག་ཏུ་འཁོར། །དེ་ལས་འོད་ཟེར་མཐིང་མདོག་ཕྱོགས་བཅུར་འཕྲོས། །རྡོ་རྗེ་རིགས་ཀྱི་སངས་རྒྱས་བྱང་སེམས་དང་། །ཐུགས་ཀྱི་ལྷ་ཚོགས་ཐམས་ཅད་མཆོད་པས་མཉེས། །ཐམས་ཅད་སྤྱན་གཟིགས་ཡབ་ཡུམ་མཐིང་ཀའི་སྐུར། །གནས་འགྱུར་བུ་ཡུག་འཚུབ་བཞིན་བདག་ལ་ཐིམ། །འཁྲུལ་མེད་ཐུགས་ཀྱི་དངོས་གྲུབ་ཐོབ་པ་དང་། །རྣམ་ཤེས་རྡོ་རྗེ་སྤྱན་གཟིགས་ངོ་བོར་གྱུར། །མེ་ལོང་ཡེ་ཤེས་མངོན་དུ་བྱས་པར་བསྒོམ། །ལྟེ་བའི་ཡབ་ཡུམ་སྔགས་ཕྲེང་མྱུར་བར་འཁོར། །དེ་ལས་འོད་ཟེར་གསེར་མདོག་ཕྱོགས་བཅུར་འཕྲོས། །རིན་ཆེན་རིགས་ཀྱི་སངས་རྒྱས་བྱང་

[Full Size]

སེམས་དང་། །ཡོན་ཏན་ལྷ་ཚོགས་ཀུན་ལ་མཆོད་པས་མཉེས། །དེ་ཀུན་སྤྱན་གཟིགས་ཡབ་ཡུམ་གསེར་མདོག་སྐུ། །གནས་འགྱུར་ཆར་བཞིན་བབས་ནས་བདག་ལ་ཐིམ། །ཡོན་ཏན་ལྷུན་གྱིས་གྲུབ་པའི་དངོས་གྲུབ་ཐོབ། །ཚོར་བ་རིན་ཆེན་སྤྱན་གཟིགས་ངོ་བོར་གྱུར། །མཉམ་ཉིད་ཡེ་ཤེས་མངོན་དུ་བྱས་པར་བསྒོམ། །གསང་གནས་ཡབ་ཡུམ་སྔགས་ཕྲེང་མྱུར་བར་འཁོར། །དེ་ལས་འོད་ཟེར་ལྕགས་ཀྱུ་ཕྱོགས་བཅུར་འཕྲོས། །ལས་ཀྱི་རིགས་ཀྱི་སངས་རྒྱས་བྱང་སེམས་དང་། །ཕྲིན་ལས་རིགས་ཀྱི་ལྷ་ཚོགས་ཐམས་ཅད་མཆོད། །དེ་ཀུན་སྤྱན་གཟིགས་ཡབ་ཡུམ་ལྗང་གུ་གྱུར། །བུན་ནེ་ཆིལ་ལེ་བྱོན་ནས་བདག་ལ་ཐིམ། །ཕྲིན་ལས་འགྲོ་བ་འདུལ་བའི་དངོས་གྲུབ་ཐོབ། །འདུ་བྱེད་ཀརྨ་སྤྱན་གཟིགས་ངོ་བོར་གྱུར། །བྱ་གྲུབ་ཡེ་ཤེས་མངོན་དུ་བྱས་པར་བསྒོམ། །དེ་ལྟར་བསྒོམ་ཞིང་བཟླས་པ་སྒྲུབ་པ་ཡིན། །དེ་ནས་སྤྱི་བོའི་ཡབ་ཡུམ་སྔགས་ཕྲེང་ལས། །འོད་ཟེར་དཀར་པོ་ཟླ་བ་ཤར་འདྲ་འཕྲོས། །རང་གི་ལུས་ཀྱི་ནང་ཀུན་དཀར་གསལ་ཁྱབ། །ནད་གདོན་གཏི་མུག་སྡིག་སྒྲིབ་སངས་སེ་དག །འོད་དེ་ཕྱིར་འཕྲོས་འོད་དཀར་འཇིག་རྟེན་ཁྱབ། །དུད་འགྲོ་ལ་སོགས་གཏི་མུག་ལྡན་

[Full Size]

རྣམས་ཀྱིས། །གཏི་མུག་སྒོ་ནས་བསགས་པའི་སྡིག་སྒྲིབ་དང་། །བག་ཆགས་བཅས་པ་དག་ནས་ཐམས་ཅད་ཀྱང་། །སྤྱན་གཟིགས་ཡབ་ཡུམ་དཀར་པོའི་སྐུ་རུ་གྱུར། །དེ་བཞིན་མགྲིན་པའི་ཡབ་ཡུམ་སྔགས་འཁོར་ནི། །དྲག་ཏུ་འཁོར་ནས་འོད་ཟེར་དམར་པོ་འཕྲོས། །ལུས་ཁྱབ་ནད་གདོན་འདོད་ཆགས་སྒྲིབ་པ་དག །ཕྱིར་འཕྲོས་ཉི་མ་འཆར་ཁའི་འོད་བཞིན་དུ། །ནམ་མཁའ་ཁྱབ་འཕྲོས་ཡི་དྭགས་ལ་སོགས་པ། །འདོད་ཆགས་སེར་སྣ་ཅན་རྣམས་སྒྲིབ་པ་སྦྱངས། །ཐམས་ཅད་སྤྱན་གཟིགས་ཡབ་ཡུམ་དམར་པོར་གྱུར། །ཐུགས་ཀའི་ཡབ་ཡུམ་སྔགས་འཁོར་དྲག་འཁོར་ལས། །འོད་ཟེར་མཐིང་མདོག་འཕྲོས་པ་བདག་ལུས་ཁྱབ། །ནད་གདོན་ཞེ་སྡང་སྡིག་སྒྲིབ་སངས་སེ་དག །འོད་ཟེར་ནམ་མཁའ་དྭངས་བའི་མདོག་ལྟ་བུ། །ཕྱོགས་ཀུན་ཁྱབ་པས་དམྱལ་བ་ལ་སོགས་པ། །ཞེ་སྡང་ཅན་རྣམས་ཀུན་གྱི་སྡིག་སྒྲིབ་སྦྱངས། །ཐམས་ཅད་སྤྱན་གཟིགས་ཡབ་ཡུམ་མཐིང་གར་གྱུར། །ལྟེ་བའི་ཡབ་ཡུམ་སྔགས་འཁོར་དྲག་འཁོར་ལས། །འོད་ཟེར་གསེར་མདོག་འཕྲོས་པས་བདག་ལུས་ཁྱབ། །ང་རྒྱལ་སྡིག་སྒྲིབ་དྲི་མ་སངས་སེ་དག །འོད་ཟེར་ཕྱིར་འཕྲོས་

[Full Size]

སྤྲིན་མེད་ཉི་ཤར་བཞིན། །འོད་ཀྱི་ཕྱོགས་ཁྱབ་ལྷ་མི་ལ་སོགས་པ། །ང་རྒྱལ་ཅན་རྣམས་ཀུན་གྱི་སྡིག་སྒྲིབ་སྦྱངས། །ཀུན་ཀྱང་སྤྱན་གཟིགས་སེར་པོ་ཡབ་ཡུམ་གྱུར། །གསང་གནས་ཡབ་ཡུམ་སྔགས་འཁོར་མྱུར་འཁོར་བས། །འོད་ཟེར་ལྗང་གུ་འཕྲོས་པས་བདག་ལུས་ཁྱབ། །ནད་གདོན་ཕྲག་དོག་བག་ཆགས་སྒྲིབ་པ་དག །འོད་ཟེར་ཕྱིར་འཕྲོས་འོད་ལྗང་འཇིག་རྟེན་ཁྱབ། །ལྷ་མིན་ལ་སོགས་ཕྲག་དོག་ཅན་རྣམས་ཀྱི། །སྒྲིབ་སྦྱངས་སྤྱན་གཟིགས་ལྗང་གུ་ཡབ་ཡུམ་གྱུར། །དེ་ནས་གནས་ལྔའི་ཡབ་ཡུམ་སྔགས་འཁོར་ལས། །འོད་ཟེར་ཁ་དོག་སྣ་ཚོགས་བདག་ལུས་ཁྱབ། །ཐ་མལ་ལུས་ངག་ཡིད་ཀྱི་སྡིག་སྒྲིབ་སྦྱངས། །འཕགས་པའི་སྐུ་གསུང་ཐུགས་ཀྱི་ངོ་བོར་གྱུར། །འོད་ཟེར་འཇའ་ཚོན་ལྟ་བུ་ཕྱིར་འཕྲོས་པས། །ཐ་མལ་ཐོགདོས་བཅས་འབྱུང་བཞིར་འཛིན་པ་སྦྱངས། །ཡེ་ཤེས་གཞལ་ཡས་ཁང་གི་ངོ་བོར་གྱུར། །དེ་ལྟར་སྣོད་ཀྱི་འཇིག་རྟེན་གཞལ་ཡས་ཁང་། །བཅུད་ཀྱི་སེམས་ཅན་གཅིག་ཀྱང་མ་ལུས་པ། །རིགས་ལྔའི་སྤྱན་གཟིགས་ཡབ་ཡུམ་ཤ་སྟག་གྱུར། །ཀུན་ཀྱང་རང་གི་རམ་བུ་བཀྱག་པའི་ཚུལ། སྔགས་སྒྲ་འུར་ཆོམ་འཇིག་རྟེན་གཡོ་བ་བསྒོམ། །དེ་ནི་སྒྲུབ་པ་ཆེན་པོའི་

[Full Size]

དམིགས་པའོ། །ཡིག་དྲུག་ཡིག་བཅུ་གང་རུང་བཟླ་ཆོག་སྟེ། །སྔགས་རིང་བཟླས་ན་རྟགས་དང་བྱིན་རླབས་མྱུར། །དམིགས་པ་དེ་དག་ཐུན་རེར་རྫོགས་པའམ། །ཞག་པོ་རེ་ལ་རྫོགས་པར་བྱས་ཀྱང་རུང་། །གལ་ཏེ་མཚམས་བསྡམས་རྩེ་གཅིག་སྒྲུབ་ན་ནི། །ཐུན་བཞིར་ཐུན་མཚམས་གཏོར་བསྔོས་ཐུན་བསྡུ་བྱ། །དེ་མིན་དགོང་ཀ་ནམ་འདོད་གཏོར་བསྔོས་གཅིག །དེ་ཚེ་སྤྲོ་ན་མདུན་བསྐྱེད་འདོན་ཡང་རུང་། །དེ་མིན་སྐད་ཅིག་གཏོར་མགྲོན་སྤྱན་དྲངས་ལ། །གཏོར་མ་བསྔོས་རྗེས་གཏོར་མགྲོན་ཡེ་ཤེས་པ། །རྟེན་ལ་བསྟིམ་མམ་མེད་ན་རང་ལ་བསྟིམ། །འཇིག་རྟེན་པ་རྣམས་རང་གནས་སོང་བར་དམིགས། །ཉལ་ཁ་ཐུན་བསྡུ་བསྔོ་སྨོན་གང་འདོད་བྱ། །དེ་ལྟར་མཚམས་བསྡམས་སྒྲུབ་ན་ཞག་དྲུག་གམ། །རྒྱུན་བསྙེན་ཡིན་ན་ཟླ་གཅིག་སོགས་འགྲུབ་ནས། །ཚེས་གཅིག་ནམ་ལངས་ཤར་དུ་ཁ་གྱུས་ལ། །དང་པོ་མགོ་བཙུགས་དེ་ནས་ནམ་འདོད་ཡིན། །སྤྱི་བོའི་ཡབ་ཡུམ་ཐུགས་ཀའི་སྔགས་འཁོར་ལས། །འོད་ཟེར་དཀར་པོ་ཕྱོགས་བཅུར་ཁྱབ་པར་འཕྲོས། །ཕྱོགས་བཅུར་བཞུགས་པའི་སངས་རྒྱས་བྱང་སེམས་དང་། །བླ་མ་ཡི་དམ་མཁའ་འགྲོ་ཐམས་ཅད་

[Full Size]

ལ། །དཀར་གསུམ་མངར་གསུམ་ལ་སོགས་ཞི་བ་ཡིས། །འོད་དེས་མཆོད་རྫས་དཔག་མེད་གྱུར་པས་མཆོད། །ཞི་བ་ཆེན་པོའི་དངོས་གྲུབ་ཐམས་ཅད་ནི། །འོད་ཟེར་སྟོན་ཟླའི་མདོག་ཏུ་ཚུར་བསྡུས་ནས། །སྤྱི་བོའི་ཡབ་ཡུམ་སྐུ་ལ་ཐིམ་པ་ཡིས། །བདག་ཉིད་མཐོང་ཐོས་དྲན་རེག་འགྲོ་ཀུན་གྱི། །ནད་གདོན་སྡིག་སྒྲིབ་ཞི་ནས་དངོས་གྲུབ་ཐོབ། །སླར་ཡང་སྤྱི་བོའི་ཡབ་ཡུམ་སྔགས་འཁོར་ལས། །འོད་ཟེར་དཀར་པོ་ཤི་སོས་བདུད་རྩི་བཞིན། །བདག་ལུས་གང་བས་ནད་གདོན་སྡིག་སྒྲིབ་རྣམས། །བ་སྤུའི་སྒོ་ནས་ནག་ཉིལ་ཕྱིར་ཐོན་ཏེ། །བདག་ལུས་བདེ་དྲོད་ཡེ་ཤེས་འབར་བར་གྱུར། །འོད་ཟེར་ཕྱིར་འཕྲོས་བསྲུང་བྱ་འབྲེལ་ཐོགས་ཀྱི། །ནད་གདོན་སྡིག་ལྟུང་དྲི་མ་དག་པར་བསྒོམ། །སྔགས་རིང་ཧ་རི་ནི་སའི་མཇུག་དེ་རུ་། །ནད་གདོན་སརྦ་པཱ་པཾ་ཤཱནཾ་ཀུ་རུ་སྭཱ་ཧཱ། །རྒྱུན་ཁྱེར་ཡིན་ན་བརྒྱ་སྟོང་ཅི་འགྲུབ་སྟེ། །རྟགས་ཐོན་བྱེད་ན་ཞག་བདུན་ཁྲི་འབུམ་སོགས། །གང་འདོད་རང་གིས་ཉམས་དང་བསྟུན་པས་ཆོག །དེ་བཞིན་དང་པོ་རྒྱས་པའི་དབུ་འཛུགས་ཚེ། །བཅོ་ལྔའི་ཉིན་ཕྱེད་ལྷོའམ་བྱང་དུ་བལྟས། །ལྟེ་བའི་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་སེར་པོ་ཕྱོགས་

[Full Size]

བཅུ་ཁྱབ་པར་འཕྲོས། །ཕྱོགས་བཅུའི་རྒྱལ་བ་སྲས་བཅས་ཐམས་ཅད་དང་། །བླ་མ་ཡི་དམ་མཁའ་འགྲོ་ནོར་ལྷའི་ཚོགས། །ཀུན་ལ་རྒྱལ་སྲིད་སྣ་བདུན་རིན་ཆེན་ལྔ། །རྒྱས་པའི་མཆོད་སྤྲིན་རྒྱ་མཚོར་གྱུར་པས་མཆོད། །བསོད་ནམས་ཡེ་ཤེས་རྒྱས་པའི་དངོས་གྲུབ་ཀུན། །འོད་ཟེར་བཙོ་མ་གསེར་གྱི་མདོག་ལྟ་བུ། །བསྡུས་ནས་ལྟེ་བའི་ཡབ་ཡུམ་ཐུགས་ཀར་ཐིམ། །ཡོན་ཏན་ལྷུན་གྱིས་གྲུབ་པའི་དངོས་གྲུབ་ཐོབ། །སླར་ཡང་ཡབ་ཡུམ་འཁོར་བཅས་སྐུ་ལུས་ལས། །འོད་ཟེར་འཛམ་བུ་ཆུ་གསེར་མདོག་ཅན་འཕྲོས། །བདག་ལུས་ཁྱབ་པས་ཚེ་བསོད་ཉམས་རྟོགས་རྒྱས། །འོད་ཟེར་ཕྱིར་འཕྲོས་སྤྲིན་མེད་ཉི་འོད་བཞིན། །འོད་དེས་དམིགས་ཡུལ་རྣམས་ལ་རེག་ཙམ་གྱིས། །དཔལ་འབྱོར་བདེ་སྐྱིད་བསོད་ནམས་རྒྱས་པར་བསྒོམ། །སྔགས་རིང་བེ་རོ་ཙ་ནི་ཡེ་ཡི་མཇུག །རི་ནི་ཧ་ས་མ་མ་ཨཱཿ་ཡུཔུཎྱེ་ཛྙཱ་ན་པུཎྚི་ཀུ་རུ་སྭཱ་ཧཱ། ཞེས་པ་གོང་ལྟར་མང་ཉུང་ཅི་འགྲུབ་བཟླ། །ཉེར་གསུམ་དགོང་ཀ་ནུབ་ཏུ་ཁ་ཕྱོགས་ལ། །མགྲིན་པའི་ཡབ་ཡུམ་སྔགས་འཁོར་མྱུར་བར་འཁོར། །འོད་ཟེར་དམར་ཆེམ་ཕྱོགས་བཅུར་འཕྲོས་པ་ཡིས། །ཕྱོགས་བཅུའི་སངས་རྒྱས་རྩ་གསུམ་ལྷ་

[Full Size]

ཚོགས་ལ། །འདོད་ཡོན་ལྔ་དང་ཆང་སྣ་བཞི་ལ་སོགས། །དབང་གི་མཆོད་པ་རྒྱ་མཚོར་གྱུར་པས་མཆོད། །དབང་གི་དངོས་གྲུབ་བཅུད་རྣམས་འོད་ཟེར་ནི། །བྱུ་རུའི་མདོག་འདྲར་བསྡུས་ཏེ་མགྲིན་པར་ཐིམ། །བཀའ་བཙན་བདེན་ཚིག་འགྲུབ་པའི་དངོས་གྲུབ་ཐོབ། །མགྲིན་པའི་གཙོ་འཁོར་ཀུན་གྱི་སྐུ་ལས་ནི། །འོད་ཟེར་པདྨ་རཱ་གའི་མདོག་འདྲ་འཕྲོས། །བདག་ལུས་ཁྱབ་པས་རླུང་སེམས་རང་དབང་ཐོབ། །འོད་ཟེར་ཕྱིར་འཕྲོས་གློག་སྟོང་འཁྱུག་འདྲ་བས། །འཇིག་རྟེན་ཁམས་ཀྱི་ཚེ་བསོད་དཔལ་འབྱོར་དང་། །མཆོག་ཐུན་དངོས་གྲུབ་ཀུན་ཐོབ་བདག་ལ་ཐིམ། །སྔགས་རིང་བེ་རོ་ཙ་ནི་ཡེ་ཡི་མཇུག །ནི་རི་ཧ་ས་བཱ་སུ་ན་ན་ཁ་དྷེ་སརྦ་སིདྡྷི་པ་ཤང་ཀུ་རུ་སྭཱ་ཧཱ། ཅི་ལྕོགས་བཟླས་རྗེས་གོང་དང་འདྲ་བ་ཡིན། །ཉེར་དགུ་མུན་རུབ་ལྷོའམ་བྱང་བལྟས་ལ། །གསང་གནས་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་ལྗང་ནག་ཕྱོགས་བཅུ་ཁྱབ་པར་འཕྲོས། །ཕྱོགས་བཅུར་བཞུགས་པའི་རྩ་གསུམ་ལྷ་ཚོགས་ལ། །ཤ་ལྔ་ཤ་ཆེན་སྤོས་དང་ཚིལ་ཆེན་གསུར། །དྲག་པོའི་མཆོད་པ་དཔག་མེད་གྱུར་པས་མཆོད། །དེ་དག་ཀུན་གྱི་མཐུ་སྟོབས་ནུས་པ་ཀུན། །འོད་ཟེར་ལྗང་གུར་གྱུར་ཏེ་

[Full Size]

གསང་གནས་ཀྱི། །ལྷ་ལ་ཐིམ་པས་བཀྲག་མདངས་ཕུན་སུམ་ཚོགས། །ཕྲིན་ལས་གང་བརྩམ་ཐོགས་མེད་དངོས་གྲུབ་ཐོབ། །གསང་གནས་ལྷ་ཚོགས་གཙོ་འཁོར་ཐམས་ཅད་ལས། །འོད་ཟེར་ལྗང་གུ་འཕྲོས་པས་བདག་ལུས་ཁྱབ། །ལུས་ཀྱི་ནད་གདོན་སེམས་ཀྱི་དུག་ལྔ་རྣམས། །འོད་དེས་བ་མོར་ཉི་ཟེར་ཕོག་ལྟར་བཅོམ། །འོད་ལྗང་ཕྱིར་འཕྲོས་མཚོན་ཆའི་དབྱིབས་འདྲ་བ། །དམྱལ་བའི་མེ་ལྟར་ཚ་ངར་ལྡན་པ་དེས། །གནོད་བྱེད་དགྲ་བགེགས་བདུད་བཞི་གཞོབ་ཐུལ་བསྲེགས། །རྩ་སྔགས་བེ་རོ་ཙ་ནི་ཡེ་ཡི་མཇུག་། ས་ནི་རི་ཧ་གནོན་བྱེད་སརྦ་ཤ་ཏྲོ་མཱ་ར་ཡ་ཧཱུྃ་ཕཊ། ཅེས་པ་ཐུན་མོང་ཕྲིན་ལས་བཞི་སྒྲུབ་ཡིན། །མཆོག་སྒྲུབ་ཡར་མར་ཚེས་བཅུ་ཉི་ཤར་དུས། །བྱང་ཤར་དབང་ལྡན་ཕྱོགས་སུ་ཁ་གྲུ་ལ། །ཐུགས་ཀའི་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་བེཟླུར་མདོག་ཅན་ཕྱོགས་བཅུར་འཕྲོས། །ཕྱོགས་བཅུའི་བཀའ་བརྒྱུད་གྲུབ་ཐོབ་རྒྱ་མཚོའི་ཚོགས། །ཡི་དམ་སངས་རྒྱས་བྱང་སེམས་ཐམས་ཅད་ལ། །རིག་མ་བཅུ་དྲུག་བྱང་སེམས་དཀར་དམར་སོགས། །བདེ་སྟོང་མཆོད་པར་གྱུར་པས་ཐུགས་རྒྱུད་མཉེས། །ཐུགས་ཀྱི་ཡེ་ཤེས་ཉམས་རྟོགས་

[Full Size]

དངོས་གྲུབ་ཀུན། །འོད་ཟེར་ནམ་མཁའ་དྭངས་བའི་མདོག་ལྟ་བུ། །ཚུར་བསྡུས་ཐུགས་ཀའི་སྔགས་འཁོར་ཧྲིལ་ཐིམ། །དགོངས་པ་རྒྱལ་བ་ཀུན་དང་མཉམ་པ་དང་། །གཞན་རྒྱུད་བྱིན་གྱིས་རླབས་ནུས་དངོས་གྲུབ་ཐོབ། །སླར་ཡང་ཐུགས་ཀའི་གཙོ་འཁོར་ཐམས་ཅད་ལས། །འོད་ཟེར་ནམ་མཁའ་དྭངས་བ་ལྟར་འཕྲོས་པས། །བདག་དང་འབྲེལ་ཐོགས་འགྲོ་བ་ཐམས་ཅད་ལ། །ཉམས་རྟོགས་ཕུན་སུམ་ཚོགས་པ་སྐྱེ་བར་གྱུར། །སྔགས་རིང་ཧ་རི་ནི་སའི་མཇུག་དེ་རུ། །རི་ནི་ཧ་ས། ནི་རི་ཧ་ས། ས་ནི་རི་ཧ། ཨཱཿ་ཝེ་ཤ་ཡ་ཨཱཿ་ཝེ་ཤ་ཡ་ཨཱཿ ཨཱཿ ཉམས་རྟོགས་སྐྱེ་འདོད་འདི་ཉིད་ཅི་མང་བཟླ། །ཞག་དང་དུས་ཚོད་ཁ་ཡི་རྒྱུ་ཕྱོགས་སོགས། །དབུ་འཛུགས་དུས་ཡིན་རྒྱུན་དུ་མི་དགོས་སོ། །ཞག་དྲུག་སྒྲུབ་པའི་་་་ལས་བཞི་འདི་རྣམས་སོ་སོར་ཞག་དྲུག་གམ་བདུན་ལ་སྒྲུབ་གསུངས། མཇུག་ཏུ་ཡིན་ན་ནི། །ཞག་གཅིག་དུས་ཚོད་ཁ་ཡི་རྒྱུ་ཕྱོགས་བརྩི། །ཚེས་ཀྱི་གྲངས་ཀ་དེ་ལ་བརྩི་རྒྱུ་མེད། །ཡུན་རིང་རྟགས་ཐོན་སྒྲུབ་ན་སོ་སོའི་མཚམས། །ལས་བཞི་སོ་སོའི་སྦྱིན་སྲེག་གྲུབ་ན་ལེགས། །སྦྱིན་སྲེག་མ་གྲུབ་མ་ཚང་སྐྱོན་ནི་མེད། །དེ་ལྟར་ཡང་གསང་སྒྲུབ་པ་སྙན་བརྒྱུད་འདི། །གཉན་རས་ཡན་ལ་ཡི་གེར་

[Full Size]

བཀོད་པ་མེད། །རང་བྱུང་རྡོ་རྗེས་རྩ་ཚིག་ཡི་གེར་བཀོད། །འདི་ཡི་རྒྱས་བཤད་གྲུབ་ཆེན་པཀཱིས་གསུངས། །གདམས་ངག་རྒྱ་མཚོ་མཐའ་ཡས་གཞུང་ཆེན་དང་། །ཟབ་ཆོས་རྒྱ་མཚོ་མཐའ་ཡས་རྒྱས་པ་དང་། །འཁོར་ལོ་ལྔ་ཡི་མན་ངག་མ་བུའི་སྐོར། །དེ་དག་རྣམས་སུ་འཐོར་ནས་སྦས་ཏེ་བཞུགས། །ལུང་འདྲེན་བྲིས་ན་པོ་ཏིར་ལོང་བ་ཙམ། །གཙོ་ཆེར་རྩ་རླུང་ཁོ་ན་ཡིན་ན་ཡང་། །རླུང་བཟུང་སྔགས་བཟླ་གང་འདོད་བྱ་གསུངས་ཕྱིར། །འདིར་ནི་བསྐྱེད་རིམ་སྔགས་བཟླ་གཙོ་བོར་བྱས། །འདི་ལ་ཡུན་རིང་འབད་ཅིང་རྟོགས་ཐོན་ན། །ཕྱི་ཡི་དཀྱིལ་འཁོར་སྒྲུབ་རྫས་སྦྱིན་སྲེག་སོགས། །ཅི་ཡང་མི་དགོས་མཆོག་ཐུན་དངོས་གྲུབ་རྣམས། །འདི་ཉིད་ཁོ་ནས་འགྲུབ་པར་པཀཱིས་གསུངས། །ཚེ་འདིར་མཆོག་ཐུན་དངོས་གྲུབ་ཀུན་ཐོབ་སྟེ། །འོད་གསལ་ཆེན་པོ་མངོན་ཏུ་གྱུར་ནས་ཀྱང་། །མཁའ་སྤྱོད་འགྲུབ་པར་རང་བྱུང་རྡོ་རྗེས་གསུངས། །བདག་ཀྱང་ཡུན་རིང་འདི་ལ་ཉམས་ལེན་བྱས། །རྗེས་འཇུག་རྣམས་ཀྱང་དེ་ལྟར་ཉམས་སུ་ལོངས། །མཐར་ཕྱིན་ཐབས་མཁས་གཉིས་ཀྱིས་བསྐུལ་བའི་ཕྱིར། །དྲིན་ཆེན་སྤྲུལ་སྐུའི་དགོངས་རྫོགས་ལ་དམིགས་ནས། །མེ་ལུག་ས་གའི་

[Full Size]

བཅུ་གཅིག་སྔ་དྲོའི་ཐུན། །རཱ་ག་ཨ་སྱས་ཇི་ལྟར་གདམས་པ་ལྟར། །ཧོར་གྱི་བཙུན་པ་མཐར་ཕྱིན་ཞེས་བྱས་བྲིས། །འདི་ལ་འགལ་འཁྲུལ་ཉེས་པའི་ཆ་མཆིས་ན། །ཡི་དམ་ལྷ་དང་སྲུང་མའི་ཚོགས་ལ་བཤགས། །དགེ་བས་སྤྲུལ་སྐུའི་ཟག་མེད་ཐུགས་དགོངས་རྫོགས། །འབྲེལ་ཐོགས་འགྲོ་ཀུན་བདེ་ཆེན་ཞིང་བགྲོད་ཤོག །མངྒ་ལཾ་བྷ་བཅུ་ཤུ་བྷཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་སྒྲུབ་པའི་རྗེས་ཆོག་གི་ཟིན་བྲིས།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་སྒྲུབ་པའི་རྗེས་ཆོག་གི་ཟིན་བྲིས་བཞུགས་སོ།།

[Full Size]

ན་མོ་གུ་རུ་ལོ་ཀེ་ཤྭ་རཱ་ཡ། ཐུགས་རྗེ་ཆེན་པོར་ཕྱག་འཚལ་བཀའ་གནང་སྩོལ། །ལྷ་དགུའི་ནང་སྒྲུབ་གསང་སྒྲུབ་དྲིལ་སྒྲུབ་ཚེ། །དཀྱིལ་འཁོར་བུམ་པ་བྷན་དབྱེར་མེད་པ། །མདུན་བསྐྱེད་གཞལ་ཡས་ཁང་གཅིག་བསྒོམ་པ་ཡིན། །བུམ་ཆུ་བདུད་རྩི་མདུན་བསྐྱེད་ལྷ་དབྱེར་མེད། །སྒྲུབ་པའི་ཞག་གྲངས་ཐེམ་པའི་ཕྱིར་ནངས་ལ། །བདག་མདུན་བུམ་གསུམ་ཚར་གཅིག་འདོན་པའི་ཚེ། །གཞུང་ལྟར་བུམ་བསྐྱེད་མདུན་བསྐྱེད་སོ་སོར་བསམ། །གཙོ་བོའི་མདུན་དུ་རྣམ་རྒྱལ་བུམ་པའི་ནང་། །ལྷ་དགུ་བསྒོམ་ཚུལ་བུམ་བསྐྱེད་གཞུང་ལྟར་ཡིན། །མདུན་བསྐྱེད་སྦྱོར་མཚམས་བྱང་

[Full Size]

སེམས་དཀར་དམར་རྒྱུན། །འོད་ཟེར་ཚུལ་དུ་བྷནྡྷའི་བདུད་རྩིར་བསྟིམ། །བུམ་བསྐྱེད་ལ་དམིགས་བསྙེན་པ་ཅི་འགྲུབ་བྱ། །དེ་ནས་དངོས་གྲུབ་ལེན་ཆོག་ཚུལ་དུ་ནི། །བདག་འཇུག་རྒྱས་པར་རང་གིས་བླང་བར་བྱ། །སྐབས་འདིར་གལ་ཆེན་གཞན་ལ་བསྐུར་ན་ནི། །སྒྲུབ་དབང་ཡིན་ཕྱིར་བྱིན་རླབས་དཔག་ཏུ་མེད། །གལ་ཏེ་བདག་འཇུག་ལེན་པར་མི་ཤེས་སམ། །ཤེས་ཀྱང་ལེན་ལོང་མེད་པར་གྲོལ་དགོས་ན། །མདུན་བསྐྱེད་ལྷ་ཚོགས་ཀུན་གྱི་དཔྲལ་བ་དང་། །མགྲིན་པ་ཐུགས་ཀ་ལྟེ་བ་བཞི་པོ་ནས། །ཨོཾ་དཀར་ཨཱཿདམར་ཧཱུྃ་མཐིང་ཧྲིལྗང་གུ། །ཐིག་ལེ་འོད་

[Full Size]

དང་བཅས་པ་དཔག་མེད་བྱོན། །རང་གི་གནས་བཞིར་ཐིམ་པས་སྒྲིབ་བཞི་དག །དགའ་བ་བཞི་སྐྱེས་སྐུ་བཞིའི་ས་བོན་བཞག །དབང་བཞི་ཡོངས་སུ་རྫོགས་པ་ཐོབ་བསྒོམ་ཞིང་། །སྔགས་རིང་ཧ་རི་ནི་སའི་མཇུག་དེ་རུ། །ཀཱ་ཡ་སིདྡྷི་ཨོཾ། ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ། སརྦ་སིདྡྷི་ཧཱུྃ༔ ཞེས་བཏགས་བརྒྱ་ལས་མི་ཉུང་ཙམ་ཞིག་བཟླས། །བུམ་པ་རྡོ་རྗེ་དབུ་རྒྱན་གླེགས་བམ་དང་། །དྲིལ་བུ་རྣམས་ནི་རང་གི་གནས་བཞིར་གཏུགས། །བུམ་ཆུ་ཅུང་ཟད་བཏུང་ཞིང་སྤྱི་བོར་བླུག །ཐོད་པ་གནས་བཞིར་གཏུགས་ཤིང་བདུད་རྩི་བཏུང་། །མེ་ལོང་སྙིང་གར་གཏུགས་ཤིང་སིནྡྷུ་རས། །སྤྱི་མགྲིན་སྙིང་ག་གསུམ་དུ་ཐིག་ལེ་བྱ། །སྐབས་འདིར་སྦྱིན་སྲེག་གྲུབ་ན་ལེགས་པ་སྟེ། །འཇིག་རྟེན་མེ་ལྷ་འོད་ཞུ་མེ་དཔུང་གྱུར། །དེ་ནང་གཞལ་ཡས་ཁང་ཞིག་སྒོམ་པའི་ནང་། །དཀྱིལ་འཁོར་དབུས་ནས་ཚོམ་བུ་མེ་ནང་བཏབ། །བཛྲ་ས་མཱ་ཛཞེས་བརྗོད་བྱས་པས། །མདུན་བསྐྱེད་ལྷ་རྣམས་སྤྱན་དྲངས་བཞུགས་བསམ་ལ། །བསྲེག་རྫས་ཕུལ་བས་ཆོག་པར་བཤད་པ་ཡིན། །སྦྱིན་སྲེག་ཚར་ནས་ལྷ་རྣམས་དཀྱིལ་འཁོར་བཞུགས། །འཇིག་རྟེན་མེ་ལྷ་གཤེགས་གསོལ་སྤྱི་དང་མཚུངས། །དེ་ནས་

[Full Size]

དགའ་སྟོན་ཚོགས་ཀྱི་འཁོར་ལོ་དང་། །རྗེས་ཆོག་རྣམས་ནི་གཞུང་དུ་གསལ་ལྟར་ལས། །མདུན་བསྐྱེད་རྟེན་ལ་བསྟིམ་མམ་གཤེགས་གསོལ་བྱ། །བདག་བསྐྱེད་ནམ་ཡང་མི་གཤེགས་ཐུན་བསྡུའོ། །དེ་ལྟརབསྒྲུབས་པ་བྱས་པའི་དགེ་རྩ་དང་། བདེ་བ་ཅན་གྱི་ཞིང་དུ་སྐྱེ་བ་སོགས། །མ་ཡེངས་རྩེ་གཅིག་སྨོན་ལམ་གང་བཏབ་པ། །ཐེ་ཚོམ་མེད་པར་འགྲུབ་པར་བཤད་པ་ཡིན། །སྦྱིན་སྲེག་རྗེས་ནས་བྱས་ཀྱང་ཆོག་པ་སྟེ། །དེ་ལྟར་བྱེད་ན་བྱེད་ཚུལ་སྤྱི་དང་མཚུངས། །རྡུལ་ཚོན་རྒྱས་པར་གཞུང་ལྟར་ཡོད་ན་ནི། །ཆུ་ལ་སྐྱེལ་སོགས་གཞུང་དུ་གསལ་ལྟར་བྱ། །རྡུལ་ཚོན་བསྡུས་པའམ་ཚོམ་བུ་ཡིན་ན་ནི། །མཐའ་ནས་དབུས་བསྡུས་ཅུང་ཟད་སྤྱི་བོར་བླུག །དེ་འཕྲོ་བྱིན་རླབས་རྟེན་དུ་སྦྱིན་པའང་རུང་། །བུམ་བ་ཆུ་བདུད་རྩི་ལྷག་མ་གང་འདུག་པ། །ནང་འཁོར་རྣམས་ལ་ཅུང་ཟད་སྦྱིན་པ་དང་། །དེ་འཕྲོ་རྟེན་འདུས་རིལ་བུའི་རུ་རྩི་བྱ། །རག་ཚད་སྐྱེ་བ་བདུན་གྱི་འོག་རོལ་དུ། །པདྨ་ཅན་གྱི་ཞིང་དུ་སྐྱེ་འགྱུར་ཞེས། །ཨོ་རྒྱན་གྱིས་མཛད་ལྷ་དགུའི་གཞུང་ནས་གསུངས། །ཐུགས་རྗེ་ཆེན་པོ་འགྲོ་དོན་ལྷ་ཡིན་ཕྱིར། །དངོས་གྲུབ་ཉམས་དོགས་སེར་སྣ་མི་བྱའོ། །དེ་ནས་གསང་

[Full Size]

སྔགས་གསང་བའི་རྟེན་འབྲེལ་དུ། །དཀྱིལ་འཁོར་སོགས་བསྡུ་རྗེས་མི་མངོན་པར་བྱ། །སྒྲུབ་པ་ཡུན་རིང་བྱས་པ་ཡིན་ན་ནི། །ཞག་གསུམ་ཐག་རིང་མི་འགྲོ་གནས་བསྲུང་བྱ། །ཚེ་ཉམས་ལེན་སྟོང་ཉིད་གཙོ་ཆེར་བསྒོམ། །དེ་ལྟར་ལྷ་དགུ་སྒྲུབ་པའི་རྗེས་ཆོག་ཚུལ། །ཕྱི་སྒྲུབ་ཡང་གསང་སྒྲུབ་པ་ལུས་དཀྱིལ་ལ། །སྒྲུབ་པ་ཡུན་རིང་རྒྱུན་ཁྱེར་ཡིན་ཀྱང་རུང་། །སྤྲོ་ན་རྗེས་ཆོག་བྱས་ཚུལ་གོང་དང་མཚུངས། །རྗེས་ཆོག་མ་བྱས་ན་ཡང་ཉེས་སྐྱོན་མེད། །ལྷ་དགུའི་སྒྲུབ་སྐོར་ཟིན་བྲིས་ཆ་ཚང་ཕྱིར། །ཐབས་མཁས་མཐར་ཕྱིན་གཉིས་ཀྱིས་བསྐུལ་བ་དང་། །དྲིན་ཆེན་རིག་འཛིན་མཆོག་གི་དགོངས་རྫོགས་ཕྱིར། །མེ་ལུག་ས་ག་ཟླ་བའི་བཅུ་གཅིག་གི་།དགོང་མོའི་ཐུན་ལ་རཱ་ག་ཨ་སྱས་གདམས། །སློབ་བུ་མཐར་ཕྱིན་ཞེས་བྱ་ཡི་གེ་པ། །འདི་བྲིས་ཉེས་འགལ་ལྷ་དང་སྲུང་མར་བཤགས། །འདི་བྲིས་དགེ་བས་རིག་འཛིན་ཆེན་པོ་ཡི། །ཟག་མེད་ཐུགས་ཀྱི་དགོངས་པ་ཡོངས་རྫོགས་ཤིང་། །འདི་ལ་འབྲེལ་པ་ཐོགས་ཚད་འགྲོ་བ་ཀུན། །ནུབ་ཕྱོགས་བདེ་བ་ཅན་གྱི་ཞིང་ཁམས་སུ། །མེ་ཏོག་པདྨའི་སྟེང་དུ་བརྫུས་སྐྱེས་ནས། །སྤྱན་རས་གཟིགས་དང་ནམ་ཡང་འབྲལ་མེད་ཤོག །སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་བའི་ལམ་ཆེན་ལས། ལུས་དཀྱིལ་གྱི་ཟིན་བྲིས།

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་བའི་ལམ་ཆེན་ལས། ལུས་དཀྱིལ་གྱི་ཟིན་བྲིས་བཞུགས་སོ།།

[Full Size]

ན་མོ་ལོ་ཀེ་ཤྭ་ར་ཀཱ་ཡ་མཎྜལ་ལཱ་ཡ། སྤྱན་རས་གཟིགས་དབང་ལུས་དཀྱིལ་གྱི། །ལྷ་ཚོགས་རྣམས་ལ་ཕྱག་འཚལ་ལོ། །འདི་ལ་བདག་བསྐྱེད་ཆས་ཙམ་ལས། །སྒྲུབ་རྫས་གཞན་ནི་མི་དགོས་ཏེ། །རང་བྱུང་རྡོ་རྗེའི་ལུས་དཀྱིལ་ལས། །ལུས་ཀྱི་དཀྱིལ་འཁོར་བསྒོམ་པ་ནི། །སྔོན་འགྲོའི་རིམ་པ་ཡོངས་རྫོགས་ནས། །གསུངས་ཕྱིར་བདག་བསྐྱེད་གཞུང་ལྟར་འདོན། །རེག་གི་རྡོ་རྗེ་ཞེས་བྱའི་མཚམས། །ལུས་ལྷ་རྣམས་ཀྱང་ཝལ་ཙམ་བསྒོམ། །རང་བྱུང་རྡོ་རྗེའི་ལུས་དཀྱིལ་ནས། །གནས་གསུམ་བྱིན་རླབས་དབང་བསྐུར་བ། །ལ་སོགས་རིམ་པ་ཤེས་པར་བྱ། །

[Full Size]

གསུངས་ཕྱིར་གཞུང་ལྟར་འདོན་པ་སྟེ། །རིགས་བདག་པདྨ་རྣམ་རྒྱལ་ནི། །གཡས་འོག་རྡོ་རྗེ་འཛིན་པ་ཙམ། །མ་གཏོགས་བདག་ཉིད་ཡབ་ཡུམ་མཚུངས། །བདག་ཡུམ་རིགས་བདག་རྣམ་སྣང་སྟེ། །གནས་བཞིའི་ཡུམ་བཞིའི་རིགས་བདག་ནི། །རྒྱལ་བ་རིགས་བཞི་སོ་སོར་བསམ། །དེ་ནི་དབང་བསྐུར་སྐབས་སུ་སྟེ། །བསྙེན་པའི་སྐབས་སུ་དམིགས་པ་ནི། །རང་ལུས་སྟོང་ཞིང་གསལ་བའི་ནང་། །དཔྲལ་བར་སངས་རྒྱས་སྤྱན་མ་སེར། །གཡས་འོག་འཁོར་ལོ་དཀར་པོ་འཛིན། །མགྲིན་པར་གོས་དཀར་དམར་མོ་ནི། །གཡས་འོག་པདྨ་དཀར་པོ་འཛིན། །

[Full Size]

སྙིང་གི་ཆ་སྨད་མཱ་མ་ཀཱི། །མཐིང་ག་གཡས་འོག་རིན་ཆེན་སྔོ། །ལྟེ་བར་སྒྲོལ་མ་ལྗང་གུ་ནི། །གཡས་འོག་ཨུཏྤལ་ལྗང་གུ་འཛིན། །བཞི་ཀ་པདྨ་ཟླ་བའི་སྟེང་། །རྡོ་རྗེའི་སྐྱིལ་མོ་ཀྲུང་གིས་བཞུགས། །དཔྲལ་བའི་མཛོད་པུའི་ཐད་ནང་དུ། །རྡོ་རྗེ་མཁའ་འགྲོ་སྐུ་མདོག་མཐིང་། །གཡས་འོག་རྡོ་རྗེ་འཛིན་པའོ། །རྐན་ཕུག་པདྨ་མཁའ་འགྲོ་དམར། །གཡས་འོག་པདྨ་དམར་པོ་འཛིན། །ལྟེ་བར་རིན་ཆེན་མཁའ་འགྲོ་སེར། །གཡས་འོག་ནོར་བུ་གསེར་མདོག་འཛིན། །གསང་བར་ལས་ཀྱི་མཁའ་འགྲོ་ལྗང་། །གཡས་འོག་རལ་གྲི་ལྗང་ནག་འཛིན། །མིག་གཉིས་གཟུགས་ཀྱི་རྡོ་རྗེ་དཀར། །གཡས་འོག་དངུལ་དཀར་མེ་ལོང་འཛིན། །རྣ་གཉིས་སྒྲ་ཡི་རྡོ་རྗེ་སྤྲོ། །གཡས་འོག་གླིང་བུ་འཛིན་པའོ། །སྣ་བུག་གཉིས་སུ་དྲི་རྡོ་རྗེ། །གཡས་འོག་པད་སྣོད་བདུག་སྤོས་འཛིན། །ལྕེ་ལ་རོ་ཡི་རྡོ་རྗེ་དམར། །གཡས་འོག་ཟངས་གཞོང་ཟས་བཅུད་བཀང་། །སྐུ་གཡོན་རིགས་ཀྱི་རྡོ་རྗེ་ལྗང་། །གཡས་འོག་ལྷ་རྫས་ན་བཟའ་འཛིན། །ལྷ་མོ་དེ་རྣམས་པད་ཟླའི་སྟེང་། །གཡས་བརྐྱང་གཡོན་བསྐུམ་འདོར་ཐབས་བཞེངས། །ཀུན་ཀྱང་ཞལ་གཅིག་ཕྱག་བཞི་ལ། །དང་པོ་ཐུགས་ཀར་ཐལ་མོ་

[Full Size]

སྦྱར། །གཡོན་འོག་པདྨ་དམར་པོ་འཛིན། །ཡུམ་བཞི་མཆོད་པའི་ལྷ་མོ་རྣམས། །ཞི་འཛུམ་དར་དང་རིན་ཆེན་བརྒྱན། །མཁའ་འགྲོ་བཞི་པོ་ཅུང་ཞིག་འཁྲོས། །སྤྱན་གསུམ་གཅེར་བུ་རུས་པས་བརྒྱན། །གྲུ་མོར་ཁཊ་གྱེན་དུ་བསྒྲེང་། །ཀུན་ཀྱང་དབུ་རྒྱན་ཐོར་ཚུགས་ཅན། །རང་གི་སྙིང་དཀྱིལ་སྟོད་ཀྱི་ཆར། །པདྨ་ཉི་མ་ཟླ་བའི་སྟེང་། །ཧྲིལ་དང་པོ་ཡིག་དྲུག་བསྐོར། །དེ་རྒྱབ་ཡིག་བཅུ་དེ་རྒྱབ་ཏུ། །ཡིག་བཅུ་སྔགས་རིང་སྦྲེལ་མས་བསྐོར། །ཀུན་གྱི་སྔགས་ནི་གཅིག་ཏུ་བསྡུ། །དེ་སྐད་རྒྱུད་ལས་གསུངས་ཕྱིར་རོ། །ལྷ་མོ་ཀུན་གྱི་ཐུགས་ཀ་རུ། །ས་བོན་ཡིག་འབྲུ་རེ་རེ་སྟེ། །ཡུམ་བཞིར་ཚྭ་ཚྭ་ཛྭ་ཏྭཾ་མོ། །ཧ་རི་ནི་ས་མཁའ་འགྲོ་བཞི། །ལྷ་མོ་ཀུན་ལ་བ་ཡིག་རེ། །ལུས་ལྷ་རྣམས་ཀྱིས་སྔགས་བཟླས་པས། །ཐུགས་ཀའི་སྔགས་ཕྲེང་གཡས་སུ་འཁོར། །སྔགས་ཕྲེང་འོད་ཟེར་སྤྱི་བོར་སོང་། །རིགས་བདག་ལ་ཕོག་སྔགས་གསུངས་པས། །བདག་དང་རིགས་བདག་བཅས་པ་ལས། །འོད་ཟེར་དམར་པོ་ཕྱོགས་བཅུར་འཕྲོས། །ཞིང་ཁམས་རྒྱ་མཚོར་བཞུགས་པ་ཡི། །རྫོགས་པའི་སངས་རྒྱས་ཐམས་ཅད་ནི། །འགྲོ་བ་སེམས་ཅན་དོན་ལ་བསྐུལ། །རང་

[Full Size]

ཉིད་ཞལ་ནས་སྔགས་གསུང་ཞིང་། །འོད་ཟེར་ཕྱོགས་བཅུར་འཕྲོས་པ་ཡིས། །ས་ལ་གནས་པའི་སེམས་དཔའ་རྣམས། །མ་ལུས་སེམས་ཅན་དོན་དུ་བསྐུལ། །རང་ཡུམ་ཕག་མོས་སྔགས་གསུངས་པས། །རི་རབ་སུམ་ཅུ་སོ་གཉིས་ཀྱི། །རྡུལ་གྱི་གྲངས་མཉམ་མཁའ་འགྲོའི་ཚོགས། །ཐམས་ཅད་སེམས་ཅན་དོན་ལ་བསྐུལ། །ཡུམ་བཞིའི་ཞལ་ནས་སྔགས་གསུང་ཞིང་། །འོད་ཟེར་ཕྱོགས་བཅུར་འཕྲོས་པ་དེས། །འབྲེལ་ཐོགས་གཙོར་བྱས་འགྲོ་ཀུན་ལ། །ཤེས་རབ་སྒོ་ཕྱེ་ཕར་ཕྱིན་རྟོགས། །མཁའ་འགྲོ་སྡེ་བཞིས་སྔགས་གསུངས་པས། །ས་དང་ལམ་ལ་གནས་པ་དང་། །རང་ལ་འབྲེལ་ཐོགས་ཐམས་ཅད་ཀྱི། །སེམས་ལ་ཡེ་ཤེས་ཇེ་ཆེར་འབར། །མཆོད་པའི་ལྷ་མོས་སྔགས་གསུང་ཞིང་། །འོད་ཟེར་ཕྱོགས་བཅུར་འཕྲོས་པ་ཡིས། །འོད་ཟེར་དེ་ཡི་ཟེགས་མ་ལས། །འདོད་ཡོན་ཟད་མེད་ཆར་པ་བབ། །ཟས་འདོད་ཟས་དང་གོས་འདོད་གོས། །བཞོན་པ་སྐྱེད་ཚལ་ཁང་བཟང་དང་། །འཇིགས་པ་རྣམས་ལས་སྐྱབས་པ་སོགས། །དགོས་འདོད་ལོངས་སྤྱོད་ཕུན་ཚོགས་ཐོབ། །འོད་ཟེར་དེ་ཡིས་རེག་ཙམ་གྱིས། །སྨྱོན་པ་རྣམས་ཀྱང་དྲན་པ་རྙེད། །ལོང་བ་རྣམས་ཀྱིས་མིག་གསལ་

[Full Size]

ཞིང་། །འོན་པ་རྣམས་ཀྱིས་སྒྲ་རྣམས་ཐོས། །ལོག་ལྟ་ཅན་རྣམས་དད་པ་སྐྱེས། །སྡིག་ཅན་རྣམས་ཀྱང་ཆོས་ལ་སྤྱོད། །འགྲོ་དྲུག་ཁ་ལོ་ཆོས་ལ་བསྒྱུར། །ཐམས་ཅད་བྱང་ཆུབ་ལམ་ལ་ཞུགས། །སྤྱན་རས་གཟིགས་ཀྱི་ཕྲིན་ལས་ནི། །ཐམས་ཅད་བདག་གིས་འགྲུབ་པར་བསྒོམ། །མཆོད་པའི་ལྷ་མོས་སྔགས་གསུང་ཞིང་། །འོད་ཟེར་ཕྱོགས་བཅུར་འཕྲོས་པ་ཡིས། །སྟོང་གསུམ་འཇིག་རྟེན་ཐམས་ཅད་ཀྱི། །གཟུགས་ཀུན་གཟུགས་ཀྱི་རྡོ་རྗེ་མར། །གྱུར་ནས་རྒྱལ་ཀུན་སྤྱན་ལ་མཆོད། །སྒྲ་ཀུན་སྒྲ་ཡི་རྡོ་རྗེ་མར། །གྱུར། །ནས་རྒྱལ་ཀུན་སྙན་ལ་མཆོད། །དྲི་ཀུན་དྲི་ཡི་རྡོ་རྗེ་མར། །གྱུར་ནས་རྒྱལ་ཀུན་ཤངས་ལ་མཆོད། །རོ་ཀུན་རོ་ཡི་རྡོ་རྗེ་མར། །གྱུར་ནས་རྒྱལ་ཀུན་ལྗགས་ལ་མཆོད། །རེག་ཀུན་རེག་གི་རྡོ་རྗེ་མར། །གྱུར་ནས་རྒྱལ་ཀུན་སྐུ་ལ་མཆོད། །ལྷ་མོ་སྤྱན་སོགས་སོ་སོར་ཐིམ། །ཟག་མེད་བདེ་བས་ཐུགས་དགྱེས་ནས། །སྐུ་ལས་འོད་ཟེར་སྣ་ཚོགས་ནི། །འཇའ་སྤྲིན་བཞིན་དུ་འཐིབས་ནས་བྱོན། །བདག་གི་ལུས་ངག་ཡིད་ལ་ཐིམ། །སྣང་སྟོང་གྲག་སྟོང་ཚོར་སྟོང་དང་། །མྱང་སྟོང་བདེ་སྟོང་ཏིང་འཛིན་སྐྱེས། །ཡུམ་བཞིའི་སྔགས་གསུང་འོད་འཕྲོས་

[Full Size]

པས། །རིགས་བཞིའི་རིགས་གྱུར་ལྷ་མོའི་ཚོགས། །ཀུན་ལ་བདེ་སྟོང་མཆོད་པར་གྱུར། །དེ་དག་སྐུ་ལས་འོད་འཕྲོས་པས། །འབྱུང་བཞི་ཀུན་གྱི་བཅུད་བསྡུས་ཏེ། །འོད་ཟེར་ཁ་དོག་རྣམ་པ་བཞིའི། །རྣམ་པར་བསྡུས་ནས་བདག་ལ་ཐིམ། །ཤ་ཁྲག་དྲོད་དབུགས་རྣམ་བཞི་ལ། །ནད་མེད་བདེ་བའི་དངོས་གྲུབ་ཐོབ། །དེ་བཞིན་འོད་ཀྱི་མཁའ་འགྲོའི་ཚོགས། །མཆོད་པ་ཟག་མེད་བདེ་བས་དགྱེས། །དཔའ་བོ་མཁའ་འགྲོ་ཐམས་ཅད་ཀྱི། །བྱང་སེམས་དཀར་དམར་འོད་ཟེར་ཚུལ། །བསྡུས་ནས་བདག་ལ་ཐིམ་པ་ཡིས། །དགའ་བཞིའི་ཡེ་ཤེས་སྐྱེས་པར་བསྒོམ། །དེ་ནི་བསྙེན་པའི་དམིགས་པ་སྟེ། །རྒྱུད་ཀྱི་དགོངས་པ་ཡིག་དྲུག་བཟླ། །དེ་ནས་ཐུགས་ཀའི་སྔགས་ཕྲེང་ལས། །འོད་ཟེར་དམར་པོ་ཕྱོགས་བཅུར་འཕྲོས། །སངས་རྒྱས་ཀུན་ལ་འོད་དེས་ཕོག །སྔོན་གྱི་ཐུགས་བསྐྱེད་ཐུགས་རྒྱུད་བསྐུལ། །ཀུན་ཀྱང་ཐུགས་རྗེ་ཆེན་པོར་གྱུར། །ཆར་བཞིན་བྱོན་ནས་བདག་ལ་ཐིམ། །འོད་འཕྲོས་ས་བཅུ་སོ་སོ་ལ། །བཞུགས་པའི་སེམས་དཔའ་ཀུན་ལ་ཕོག །སྒྲིབ་གཉིས་ཕྲ་མོ་གང་ཡོད་སྦྱངས། །རྡོ་རྗེ་ལྟ་བུའི་ཏིང་འཛིན་སྐྱེས། །མངོན་པར་རྫོགས་པར་སངས་རྒྱས་

[Full Size]

ནས། །འགྲོ་བའི་དོན་དུ་ཆོས་འཁོར་བསྐོར། །སླར་ཡང་འོད་འཕྲོས་ཉན་ཐོས་དང་། །རང་རྒྱལ་ཀུན་ལ་འོད་དེས་ཕོག །རང་དོན་ཞི་བདེའི་ས་ནས་སླངས། །བྱང་ཆུབ་མཆོག་ཏུ་སེམས་བསྐྱེད་ནས། །འགྲོ་བ་སེམས་ཅན་དོན་མཛད་གྱུར། །སླར་ཡང་འོད་འཕྲོས་ཁམས་གསུམ་གྱི། །སེམས་ཅན་ཀུན་ལ་འོད་དེས་ཕོག་བསྔལ་ཀུན་སྦྱངས་ནས། །སྡུག་བསྔལ་ཀུན་བྲལ་བདེ་བ་ཐོབ། །འོད་ཟེར་ཐམས་ཅད་ཚུར་འདུས་ནས། །ཐམས་ཅད་བདག་ལ་ཐིམ་པ་ཡིས། །ལུས་ངག་ཡིད་གསུམ་དྲི་མ་དག ། ཡེ་ཤེས་རང་གསལ་དོན་རྟོགས་གྱུར། །ཡིག་བཅུ་བཟླས་པ་ཉེ་བསྙེན་ཡིན། །རང་གི་ཐུགས་ཀའི་སྔགས་ཕྲེང་དེ། །གཡས་སུ་དྲག་ཏུ་འཁོར་བ་ལས། །འོད་ཟེར་དམར་པོ་ཕྱིར་འཕྲོས་ཏེ། །རང་གི་རྡོ་རྗེའི་བུ་ག་ནས། །ཡུམ་གྱི་པདྨར་བྱོན་པ་དེ། །ཡུམ་གྱི་ཐུགས་ཀར་ཆོས་འབྱུང་དེར། །ཧཱུྃཡིག་མཐའ་ལ་གཡོན་བསྐོར་བྱས། །ཡུམ་གྱི་ཞལ་ནས་ཡབ་ཞལ་ཞུགས། །རང་གི་ཐུགས་ཀའི་ཧྲིལ་ཐིམ། །དེ་ལྟར་མགལ་མེའི་འཁོར་ལོ་ལྟར། །འཁོར་བར་བསྒོམ་ཞིང་དེ་རྗེས་ནི། །འོད་ཟེར་དེ་ཉིད་སྔགས་ཕྲེང་གྱུར། །གོང་ལྟར་རྒྱུན་ཏུ་

[Full Size]

འཁོར་བར་དམིགས། །དེ་ཡིས་བདེ་སྟོང་ཡེ་ཤེས་འཆར། །ཡང་ནི་རང་གི་ཐུགས་ཀ་ཡིས། །སྔགས་ཕྲེང་དེ་ལས་སྔགས་ཕྲེང་འཕྲོས། །རང་གི་སྣ་བུག་གཡས་ནས་ཐོན། །རྒྱལ་བ་རྒྱ་མཚོའི་ལྷ་ཚོགས་གྱུར། །འགྲོ་བ་སེམས་ཅན་དོན་མཛད་ནས། །ཚུར་འདུས་སྔགས་ཕྲེང་རྣམ་པར་གྱུར། །སྣ་བུག་གཡོན་ཞུགས་ཐུགས་ཀར་ཐིམ། །དེ་གཉིས་སྒྲུབ་པའི་དམིགས་པ་ཡིན་་་་དེ་ལས་དཀྱིལ་འཁོར་ལྷ་ཚོགས་དཔག་མེད་འཕྲོས། །འགྲོ་ཀུན་སེམས་ཅན་ཡོངས་ལ་ཁྱབ་པར་བསམ། མཆན། །ཡིག་བཅུ་སྔགས་རིང་གང་འདོད་བཟླ། །དེ་ནས་ལུས་ཀྱི་ལྷ་རྣམས་ལས། །འོད་ཟེར་ཕར་འཕྲོས་སྤྱི་བོ་ཡི། །རིགས་བདག་ལ་ཕོག་ཐུགས་རྒྱུད་བསྐུལ། །དེ་ལས་འོད་དམར་ནམ་མཁའ་ཁྱབ། །ཕྱི་སྣོད་འཇིག་རྟེན་ལ་ཕོག་པས། །གཞལ་ཡས་གྲུ་བཞི་སྒོ་བཞི་པ། །ཕྱི་གསལ་ནང་གསལ་དྲི་མ་མེད། །ཕྱི་ནང་འདོད་ཡོན་དུ་མས་གང་། །ནང་དུ་པདྨ་འདབ་སྟོང་ལྡན། །དེ་འདྲ་ཆེ་ཕྲ་གྲངས་མེད་གྱུར། །དེ་ནང་ནང་བཅུད་སེམས་ཅན་ཀུན། །ཕོ་རྣམས་ཐམས་ཅད་སྤྱན་རས་གཟིགས། །མོ་རྣམས་ཡུམ་མཆོག་གསང་ཡེ་མ། །ཐུགས་རྗེ་ཆེན་པོའི་དཀྱིལ་འཁོར་ནི། །ཆ་ཚང་གྲངས་མེད་གཞལ་མེད་དེ། །ནམ་མཁའི་མཐར་ཐུག་

[Full Size]

ཞིང་ཀུན་ཁྱབ། །ཀུན་ཀྱང་རང་གི་རམ་བུའི་ཚུལ། །སྔགས་སྒྲ་འུར་ཆེམ་ཁམས་གསུམ་གཡོ། །སྒྲུབ་པ་ཆེན་པོའི་དམིགས་པའོ། །དེ་ནས་དུས་ལ་ངེས་མེད་པར། །ཐུན་མཇུག་ལས་བཞིའི་དམིགས་པ་ནི། །ཡུམ་གྱི་ཐུགས་ཀར་སྔགས་གཡོན་འཁོར། །ཧ་རི་ནི་ས་འབྱར་བ་ཡབ། །བཟླ་བྱའི་སྔགས་བཞིན་དཀྲུགས་ལ་བསྒོམ། །རང་གི་ཐུགས་ལས་འོད་དཀར་འཕྲོས། །རང་གི་ཞལ་ཐོན་ཡུམ་ཞལ་ཞུགས། །ཐུགས་ཐིམ་སྐུ་བརྒྱུད་བྷ་གར་ཐོན། །རྡོ་རྗེའི་སྦུབས་ནས་ཐུགས་ཀར་ཐིམ། །མུ་ཏིག་ཕྲེང་བ་ལྟར་འཁོར་བས། །རང་གི་ནད་གདོན་བར་ཆད་ཞི། །སྔགས་རིང་ཧ་རི་ནི་སའི་མཇུག །ནད་གདོན་སརྦ་པཱ་པཾ་ཤཱནྟཾ་ཀུ་རུ་སྭཱ་ཧཱ། འོད་ཟེར་སེར་པོ་འོད་ལྔའི་མདངས། །རྨ་བྱའི་སྒྲོན་ཆུན་ལྟ་བུར་འཁོར། །ཚེ་བསོད་ཡེ་ཤེས་རྒྱས་པར་བསྒོམ། །བེ་རོ་ཙ་ནི་ཡེ་ཡི་མཇུག །རི་ནི་ཧ་ས་མ་མ་ཨཱཿ་ཡུཔུཎྱ་ཛྙཱ་ན་པུཎྚི་ཀུ་རུ་སྭཱ་ཧཱ། འོད་ཟེར་དམར་པོ་ལྕགས་སྒྲོག་དབྱིབས། །ཅུང་ཟད་འཁྱོག་ཅིང་གུག་པ་ནི། །མགལ་མེའི་འཁོར་ལོ་བཞིན་དུ་འཁོར། །རླུང་སེམས་སྣང་བ་དབང་འདུས་བསམ། །བེ་རོ་ཙ་ནི་ཡེ་ཡི་མཇུག །ནི་རི་ས་ཧ་བ་སུ་ན་ན་ཁ་དྷེ་སརྦ་སིདྡྷི་པ་ཤཾ་

[Full Size]

ཀུ་རུ་སྭཱ་ཧཱ། འོད་ཟེར་མཐིང་ནག་ཐག་འཁྱུག་བཞིན། །འཁོར་བས་བདུད་བཞི་ཚར་གཅོད་བསྒོམ། །བེ་རོ་ཙ་ནི་ཡེ་ཡི་མཇུག །ས་ནི་རི་ཧ་གནོད་བྱེད་སརྦ་ཤ་ཏུཾ་མཱ་ར་ཡ་ཧཱུྃ་ཕཊ། དེ་ལྟར་ལས་བཞིའི་སྔགས་དམིགས་ནི། །མང་ཉུང་རང་གིས་ཅི་འདོད་ཆོག །དེ་ནས་འགོག་པའི་བཟླས་པ་ནི། །ཡབ་ཡུམ་ཐུགས་ཀའི་ཧཱུྃཡིག་ལས།། །འོད་ཟེར་དམར་པོས་ལུས་ཀུན་ཁྱབ། །ཕན་ཚུན་འོད་ཟེར་གཅིག་འདྲེས་པས། །ཡབ་ཡུམ་གཉིས་ཀྱི་སྐུ་གསུང་ཐུགས། །འོད་ཀྱི་ཕུང་པོར་གྱུར་པ་དེ། །སྐུ་ཡི་རྣམ་པ་གསལ་བ་ལ། །མཁའ་ལ་འཇའ་ཚོན་ཤར་ཀློབ་བཞིན། །སྒྱུ་མ་ཆུ་ཟླ་ལྟ་བུར་བསྒོམ། །ཐུན་མཚམས་གང་བདེར་གཏོར་བསྔོས་དང་། །ཉལ་ཁ་ཐུན་བསྡུས་སྟོང་པར་བྱ། །དེ་ལ་རང་བྱུང་རྡོ་རྗེའི་གསུང་། །ལྷ་ཡང་བསྡུས་ལ་གྷིཡང་ནི། །ལྷན་ཅིག་སྐྱེས་པའི་རྒྱས་གདབ་བོ། །འཁོར་དང་མྱ་ངན་འདས་པའི་ཆོས། །དངོས་པོ་རྡུལ་ཙམ་ཡོད་མ་ཡིན། །གསུངས་པ་ལྟར་དུ་མཉམ་པར་བཞག །རྗེས་ནས་བསྔོ་སྨོན་རྒྱ་ཡིས་གདབ། །ལུས་དཀྱིལ་འདི་ལ་ཕན་ཡོན་ནི། །རྒྱ་ཆེར་རྒྱུད་ལས་གསུངས་པ་ལྟར། །རང་བྱུང་བས་ཀྱང་དེ་ལྟར་གསུངས། །མཐར་ཕྱིན་དང་ནི་ཐབས་མཁས་

[Full Size]

ཀྱིས། །ཡུན་རིང་གསོལ་གདབ་བསྐུལ་བ་དང་། །དྲིན་ཆེན་སྤྲུལ་སྐུའི་དགོངས་རྫོགས་ཕྱིར། །ལུག་ལོ་ས་གའི་བཅུ་གཅིག་གི །ཕྱི་དྲོའི་ཐུན་ལ་བབ་པའི་ཚེ། ། ༧ རཱ་ག་ཨ་སྱས་གདམས་པ་ལྟར། །བཙུན་པ་མཐར་ཕྱིན་ཞེས་བྱས་བྲིས། །འགལ་འཁྲུལ་ཉེས་པའི་ཆ་མཆིས་ན། །ཡི་དམ་ཌཀིའི་ཚོགས་ལ་བཤགས། །དགེ་བས་ཞིང་གཤེགས་སྤྲུལ་སྐུ་ཡི། །ས་ལམ་ཡོན་ཏན་གོང་དུ་འཕེལ། །འདི་ཉིད་མཐོང་ཐོས་དྲན་རེག་འགྲོ་བ་རྣམས། །འབྲེལ་ཚད་དོན་དང་ལྡན་པ་ཡི། །ཐུགས་རྗེ་ཆེན་པོ་མྱུར་འགྲུབ་ཤོག། །སརྦ་མངྒ་ལཾ།། །།དགེའོ། །དགེའོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོའི་ཞལ་གདམས་དམིགས་རིམ་ཤིན་ཏུ་གནད་ཟབ།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོའི་ཞལ་གདམས་དམིགས་རིམ་ཤིན་ཏུ་གནད་ཟབ་བཞུགས་སོ།།

[Full Size]

ན་མོ་ལོ་ཀེ་ཤྭ་རཱ་ཡེ། ཕ་རྒྱུད་པདྨ་རྒྱལ་པོ་དང་། །མ་རྒྱུད་པདྨ་ཟབ་པའི་རྒྱུད། །གཉིས་མེད་དུས་འཁོར་རྒྱུད་ཡིན་པས། །ཨོ་རྒྱན་རྗེ་དང་ཀརྨ་པ། །མེ་ལོང་རྡོ་རྗེས་བཞེད་པ་ཡིན། །རྒྱུད་དེའི་མན་ངག་རྒྱ་གཞུང་ནི། །གྲུབ་ཆེན་ཛ་ལེན་དྷ་ར་ཡིས། མཛད་པའི་ལྷ་དགུའི་རྒྱ་གཞུང་དང་། །དེ་ཡི་དབང་ཆོག་བཅས་པ་ནི། །བལ་པོའི་ཡུལ་གྱི་པཎྜི་ཏ། །སུ་མ་ཀཱིརྟི་ནས་བརྒྱུད་དེ། །རས་ཆུང་པ་ཡིས་ལྷ་སར་ཞུས། །ལྷ་ལྔ་འདི་ལ་རྒྱ་གཞུང་མང་། །སེམས་དཔའ་རྡོ་རྗེ་སྙིང་པོས་མཛད། །གྲུབ་པའི་རྒྱལ་མོས་མཛད་པ་རྣམས། །རས་ཆུང་པ་ཡིས་ཐོབ་པའོ། །ཨོཾ་

[Full Size]

རྒྱུན་ཆེན་པོས་མཛད་པ་དང་། །སྲོང་བཙན་སྒམ་པོས་མཛད་པ་ཡི། །གྲུབ་ཐོབ་དངོས་གྲུབ་ཅེས་བྱ་དང་། །ཉང་གིས་གཏེར་ནས་བཏོན་པ་རྣམས། །རས་ཆུང་པ་ཡིས་ཉང་ལ་ཞུས། །དེ་རྣམས་བརྒྱུད་པ་གཅིག་ལ་འདུས། །གྲུབ་ཆེན་ཀརྨ་པཀྴི་ཡི། །ཡི་དམ་གཙོ་བོ་འདི་རང་ལགས། །དེ་ནས་བཟུང་སྟེ་ད་ལྟའི་བར། །བརྒྱུད་པ་དམ་སེལ་མ་བཅད་གཅིག །བཀའ་བབས་བྱིན་རླབས་ལྡན་པ་སྟེ། །ཀུན་གྱི་དོན་བསྡུས་ཆོ་ག་འདི། །མཐོང་བ་དོན་ལྡན་ཀརྨ་པ། །རྒྱལ་བ་རྒྱ་མཚོའི་དཀྱིལ་འཁོར་ནི། །ཞལ་གཟིགས་བྱུང་དུས་མཛད་པ་ཡིན། །འདི་ཡི་དམིགས་རིམ་

[Full Size]

དཔག་མེད་ཀྱང་། །ཉེར་མཁོ་རྒྱུན་ཁྱེར་བསྡུས་པ་ནི། །རང་ཉིད་ལྷ་དགུའི་བདག་བསྐྱེད་བསྒོམ། །ཐུགས་ཀར་ཧྲིམཐར་སྔགས་འཁོར་བས། །འོད་ཟེར་སྣ་ཚོགས་ཕྱོགས་བཅུར་འཕྲོས། །སངས་རྒྱས་ཞིང་ཁམས་ཐམས་ཅད་ན། །བཞུགས་པའི་བླ་མ་ཡི་དམ་ལྷ། །སངས་རྒྱས་བྱང་སེམས་མཁའ་འགྲོ་དང་། །ཡེ་ཤེས་ཆོས་སྐྱོང་སྲུང་མའི་ཚོགས། །ཐམས་ཅད་འོད་ཟེར་དེ་ཉིད་ཀྱིས། །རེག་པ་ཙམ་གྱིས་མཆོད་པར་གྱུར། །སྐུ་གསུང་ཐུགས་རྣམས་ཟག་མེད་ཀྱི། །བདེ་བས་ཐུགས་རྒྱུད་ཤིན་ཏུ་མཉེས། །དེ་དག་ཐམས་ཅད་མ་ལུས་པ། །ཐུགས་རྗེ་ཆེན་པོའི་སྐུར་གྱུར་ནས། །ཁ་བ་བུ་ཡུག་འཚུབ་བཞིན་བྱོན། །རང་གི་ལུས་ངག་ཡིད་གསུམ་ལ། །མཚོ་ལ་ཆར་བཞིན་དབྱེར་མེད་ཐིམ། །དབང་དང་བྱིན་རླབས་དངོས་གྲུབ་ཐོབ། །དམིགས་པ་ཀུན་གྱི་རྩ་བ་སྟེ། །བྱིན་རླབས་བསྡུ་བའི་དམིགས་པ་ཡིན། །བསྲེ་བ་སྐོར་གསུམ་རྩ་བ་སྟེ། །ཀརྨ་པཀྵིའི་ཁྱད་ཆོས་ཡིན། །པདྨ་རྒྱལ་པོའི་རྒྱུད་དང་གསུམ། །འདི་ཉིད་བསྒོམ་ཞིང་ཡིག་བཅུ་བཟླས། །ངོ་མཚར་དག་སྣང་དཔག་མེད་འབྱུང་། །ཉམས་དང་རྟོགས་པ་འཕེལ་བར་ངེས། །འདི་ལས་ཟབ་པའི་དམིགས་རིམ་ནི། །

[Full Size]

བདག་གིས་བསྟན་དུ་ཡོད་རེ་ཀན། །མདུན་དུ་ལྷ་ལྔ་བསྒོམ་པ་ཡང་། །ལྷ་ལྔ་ཟེར་བ་གཙོ་བོ་ལྔ། །འཁོར་ནི་རྒྱ་མཚོ་ལྔ་ཞེས་ཟེར། །སངས་རྒྱས་སྟོང་ལ་སོགས་པ་ཡི། །ཡེ་ཤེས་ལྷ་ཚོགས་ཐམས་ཅད་དང་། །འཇིག་རྟེན་བཀའ་སྲུང་ཆོས་སྐྱོང་ཚོགས། །རིགས་དྲུག་སེམས་ཅན་ཡན་ཆད་དུ། །འདི་ལ་མ་འདུས་གཅིག་ཀྱང་མེད། །གཏོར་མགྲོན་མཆོད་ཡུལ་རྒྱ་ཆེ་བ། །དཀྱིལ་འཁོར་འདི་འདྲ་གཞན་ན་མེད། །བདག་མེད་ཐུགས་ལས་འོད་ཟེར་ནི། །ཁ་དོག་ལྔ་དང་ལྡན་པ་ལ། །རྩ་བ་གཅིག་ལ་རྩེ་མོ་ལྔ། །མདུན་གྱི་ལྷ་ལྔའི་སྐུ་ལ་ཕོག །ལྷ་ལྔའི་སྐུ་ལས་འོད་ཟེར་ནི། །ཕུང་པོ་འཇིག་རྟེན་ཁྱབ་པར་འཕྲོས། །ཐུགས་རྗེ་ཆེན་པོའི་འོད་ཟེར་དེས། །སངས་རྒྱས་བྱང་སེམས་ཐམས་ཅད་ཀྱི། །བྱིན་རླབས་བསྡུས་ནས་ཐུགས་ཀར་ཐིམ། །རྟ་མགྲིན་འོད་ཟེར་ཚུར་འདུས་ལྷ། །ཁྲོ་བོ་ཀུན་གྱི་བྱིན་རླབས་བསྡུས། །གསང་ཡེ་འོད་ཀྱི་མཁའ་འགྲོ་དང་། །ཨོ་རྒྱན་འོད་ཀྱིས་གྲུབ་ཐོབ་ཀུན། །འོག་གི་བེར་ཅན་འོད་ཟེར་གྱིས། །ཆོས་སྐྱོང་ཀུན་གྱི་མཐུ་སྟོབས་བསྡུས། །དེ་ཀུན་མདུན་བསྐྱེད་སོ་སོར་ཐིམ། །གཙོ་བོའི་ཐུགས་ནས་བྱིན་རླབས་ཀུན། །འོད་ཟེར་ཚུར་

[Full Size]

འདུས་རང་ལ་ཐིམ། །དེ་ལྟར་བསྒོམ་ཞིང་ཡིག་བཅུ་དང་། །དྷུ་མ་གྷ་ཡེ་སྦྱར་བ་བསྙེན། །བདག་མདུན་དམིགས་རིམ་མདོར་བསྡུས་ཡིན། །དེ་ནས་རྫོགས་རིམ་རྩ་རླུང་ནི། །རང་ཉིད་རྒྱལ་པ་རྒྱ་མཚོ་ནི། །གཙོ་བོ་སྐད་ཅིག་དྲན་རྫོགས་བསྒོམ། །རྩ་གསུམ་འཁོར་ལོ་ལྔ་པོ་ནི། །རྫོགས་རིམ་ཇི་ལྟར་བསྒོམ་པ་ནི། །འཁོར་ལོ་ལྔ་ཡི་རྩ་མདུད་དབུས། །ཉོན་མོངས་དུག་ལྔའི་ས་བོན་རུ། །སྤྱི་བོར་ཨོཾ་དཀར་གཏི་མུག་ལ། །མགྲིན་པར་འདོད་ཆགས་ཧྲིདམར་པོ། །སྙིང་གར་ཞེ་སྡང་ཧཱུྃ་མཐིང་ནག །ལྟེ་བར་ང་རྒྱལ་ཏཱཾ་སེར་པོ། །གསང་བར་ཕྲག་དོག་ཨཱཿཋལྗང་ལ། །བདག་དང་སེམས་ཅན་ཐམས་ཅད་ཀྱི། །དུག་ལྔའི་སྡིག་སྒྲིབ་ཐམས་ཅད་བསྟིམ། །རླུང་རོ་བུས་ནས་རླུང་བཟུང་བས། །གསང་གནས་འོག་གི་འདོམས་བར་ནས། །གཏུམ་མོའི་རཾ་ཡིག་དམར་པོ་ལས། །ཡེ་ཤེས་མེ་ནི་ཡར་ལ་འབར། །དུག་ལྔའི་ས་བོན་ཡིག་འབྲུ་བསྲེགས། །གནས་ལྔར་རིགས་ལྔའི་སྤྱན་རས་གཟིགས། །སྤྱི་བོར་དཀར་ལ་མགྲིན་པར་དམར། །ཐུགས་ཀར་མཐིང་ལ་ལྟེ་བར་སེར། །གསང་བར་ལྗང་བའི་སྐུ་མདོག་བསྒོམ། །ཀུན་ཀྱང་རང་རང་ཡུམ་དང་བཅས། །ལྷ་དགུའི་མངོན་རྟོགས་སྐབས་

[Full Size]

ལྟར་བསྒོམ། །རྩ་འདབ་རེ་རེའི་ནང་ན་ཡང་། །མཁའ་འགྲོ་གྲི་གུག་ཐོད་ཁྲག་ཅན། །སྐུ་མདོག་གཙོ་བོ་ལྟ་བུ་ལ། །གར་སྟབས་མཛད་པ་རེ་རེ་སྟེ། །སྤྱི་བོར་སོ་གཉིས་རྩ་ཡི་གྲངས། །མགྲིན་པར་བཅུ་དྲུག་སྙིང་གར་བརྒྱད། །ལྟེ་བར་རེ་བཞི་གསང་གནས་ནང་། །ཉི་ཤུ་རྩ་བརྒྱད་བསྒོམ་པར་བྱ། །སླར་ཡང་མེ་འབར་རྩ་གནས་གང་། །ཚངས་བུག་ཧཱུྃ་ཡིག་དཀར་པོ་ནི། །མགོ་བོ་ཐུར་དུ་བསྟན་པ་ལས། །བདུད་རྩི་བྱང་སེམས་དཀར་པོ་བབ། །རིམ་བཞིན་རྩ་གནས་ཐམས་ཅད་གང་། །ལུས་གང་བདེ་བ་རྒྱས་པར་བསྒོམ། །དེ་ལྟར་དྲོད་ཀྱི་བདེ་བ་སྐྱེས། །ངོ་བོར་བལྟས་པས་བདེ་སྟོང་འདྲེས། །བདེ་སྟོང་ཟུང་འཇུག་རྡོ་རྗེ་འཆང་། །ཚེ་གཅིག་སྒྲུབ་པའི་ཐབས་ལམ་ཟབ། །དེ་ལྟར་བསྐྱེད་རིམ་རྩ་རླུང་སོགས། །དམིགས་པ་སོ་སོར་གསལ་ན་ཡང་། །ངོ་བོ་སྟོང་ཉིད་སེམས་ངོའི་ངང་། །དཔེར་ན་ནམ་མཁའི་འཇའ་ཚོན་བཞིན། །བསྐྱེད་རྫོགས་ཟུང་དུ་འཇུག་པ་ཡིན། །དེ་ལ་གོམས་ནས་སྣོད་བཅུད་ཀུན། །ཚུ་ནང་ཟླ་བ་ཤར་བ་བཞིན། །གསལ་སྟོང་རང་བཞིན་ཤུགས་ལ་འཆར། །འདི་སྒོམ་གཏད་སོ་མེད་པ་ན། །སྣང་བ་ཕྱི་ན་མ་ལུས་ཤིང་། །

[Full Size]

སེམས་ཉིད་ངོ་བོ་མ་ལུས་པ། །སངས་རྒྱས་ཐུགས་དང་འགྲོ་དྲུག་སེམས། །རང་སེམས་དབྱེར་མེད་གཅིག་ཏུ་འདྲེས། །བསྒོམ་དང་མ་བསྒོམས་ཡེངས་མ་ཡེངས། །ཁྱད་མེད་ངོ་བོ་རྗེན་པར་རྟོགས། །དེ་ལྟར་མ་རྟོགས་སེམས་ཅན་ལ། །ཤུགས་འབྱུང་སྙིང་རྗེས་མཆི་མ་འཁྲུགས། །དེ་ལྟར་རྟོགས་པར་གྱུར་པ་ནི། །རྟོགས་ལྡན་རྣལ་འབྱོར་ཡིན་ཞེས་བྱ། །ཉོན་མོངས་དུག་ལྔ་གང་ཤར་ཡང་། །ཆུ་རླབས་ཆུ་ལ་ཐིམ་པ་ལྟར། །ཤར་གྲོལ་དུས་མཉམ་སྟོང་པར་ཡལ། །འདུས་བྱས་དགེ་བ་མི་སྤོང་བར། །ཕྱག་དང་བསྐོར་བ་གཏོར་མ་དང་། །ཡི་དམ་ཆོ་ག་གཏོར་བསྔོས་དང་། །ཆོས་སྤྱོད་བསྔོ་བ་སྨོན་ལམ་ཡང་། །ཉམས་ལེན་ངང་ལ་གང་འགྲུབ་བརྩོན། །སྤྱོད་པ་རྩིང་ན་བདུད་ཀྱིས་ཁྱེར། །རྩ་བ་བཞི་པོ་སྲོག་ལྟར་སྲུངས། །ཕྲ་ཞིབ་ཉམས་ཆག་བཤགས་པར་འབད། །རེས་འགའ་གཅིག་པུར་མཚམས་བསྡམས་བསྒོམ། །རེས་འགའ་ཁྲོམ་དང་གཡེང་བར་བསྲེ། །འགྲོ་འདུག་སྤྱོད་ལམ་ཐམས་ཅད་དུ། །ཉམས་ལེན་མ་བརྗེད་ངོ་བོ་སྐྱོང་། །ཡིག་དྲུག་ཆུ་བོའི་རྒྱུན་བཞིན་བཟླས། །འབྲེལ་ཚད་བདེ་ཆེན་ཞིང་ཁམས་སུ། །འཁྲིད་པའི་སེམས་བསྐྱེད་སྨོན་ལམ་གདབ། །དེ་

[Full Size]

ལྟར་ཉམས་སུ་ལེན་མཛོད་ཅིག །རྟོགས་ལྡན་དོན་ལྡན་ཞེས་བྱ་ལ། །རཱ་ག་ཨ་སྱས་གདམས་པ་དགེ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྒྱུན་བསྙེན་ཟིན་བྲིས་མདོར་བསྡུས།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྒྱུན་བསྙེན་ཟིན་བྲིས་མདོར་བསྡུས་བཞུགས་སོ།།

[Full Size]

ན་མོ་ཨཱཿརྱ་ལོ་ཀེ་ཤྭ་ར་ཡེ། འཕགས་མཆོག་ཐུགས་རྗེ་ཅན་ལ་གུས་བཏུད་ནས། རྒྱལ་བ་རྒྱ་མཚོ་རྒྱུན་བསྙེན་ཚུལ་དུ་ནི། །ཇི་ལྟར་ཉམས་སུ་ལེན་ཚུལ་མདོར་བསྡུས་བྲི། །ཆོས་བདག་སྲུང་མས་བཀའ་ཡི་གནང་བ་སྩོལ། །དེ་ལ་རྒྱལ་བ་རྒྱ་མཚོ་འདི་བཀའ་བརྒྱུད་རིན་པོ་ཆེ་ཡི་གསང་བའི་ཡི་དམ་ཡིན་པས་ཤིན་ཏུ་ཟབ་ཅིང་གཉན་པར་གསུངས་པས། རང་ག་ཡིག་དྲུག་འདོན་པ་དང་མི་འདྲ་བས། མཚམས་སྒྲུབ་སོགས་ལ་ལེ་ལོ་ཚོད་ཡོད་མི་བྱ་བར་ཉམས་སུ་བླངས་ན་བྱིན་རླབས་དངོས་གྲུབ་བསམ་གྱིས་མི་ཁྱབ་བོ། །འདི་ལ་ཉམས་སུ་ལེན་ལུགས་མང་ན་ཡང་། བསྡུས་པ་ལག་ཏུ་

[Full Size]

བླངས་བདེར་བཤད་ན། བླ་མ་ཡི་དམ་མཁའ་འགྲོ་ཆོས་སྐྱོང་གི་ཕུགས་གཏོར། ནང་མཆོད་བདུད་རྩི་རིལ་བུ་བཏབ་པ། རྒྱུན་དུ་གསོ་རྒྱུ་མཐེབ་སྐྱུ་མང་པོ། །ཅོག་རྡོག་རྣམས་ཚག་བྱ། ལྷ་བཤོས་མར་མེ་སོགས་བཤམས། རྒྱུན་དུ་མེད་ཀྱང་གཅིག་བཤམས་ནས་བཞག་ཆོག ། དེ་ནས་བདུད་རྩི་བྱིན་རླབས་འདོན། ཅོག་རྡོག་མེད་ན་མཐེབ་སྐྱུ་བྲན་ལ་སྔོན་འགྲོ་འདོན་ནས་ཕྱིར་དོར། དེ་ནས་བདག་བསྐྱེད་འདོན་ཚར་ནས་བསྙེན་དུས་དམིགས་པ་ནི། རང་ཉིད་ཐུགས་རྗེ་ཆེན་པོར་སྒོམ་པའི་ཐུགས་པདྨ་དམར་པོ་འདབ་མ་བརྒྱད་པའི་ལྟེ་བར་ཧཱུྃཡིག་དམར་པོ་ལངས་ཏེ་གནས་གཡོ་

[Full Size]

འགུལ་མེད་པ། དེའི་མཐའ་བསྐོར་དུ་ཨོཾ་ཨཱཿཧཱུྃ་ཧི༔ ཨོཾ་མ་ཎི་པདྨེ་ཧཱུྃ། ཞེས་ཡི་གེ་བཅུ་པ་ཞལ་ཕྱིར་བསྟན་ཏེ་མདུན་ནས་གཡས་བསྐོར་དུ་བསྐོར་ནས་ཡོད་པ། ཡུམ་གྱི་ཐུགས་ཆོས་འབྱུང་ཟུར་གསུམ་གདན་ཐབས་དམར་པོའི་དབུས་སུ་ཧྲིདམར་པོ་ལངས་ཏེ་གནས་པའི་མཐར། ཨོཾ་བཛྲ་ཝཱ་རཱ་ཧི་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ་བཛྲ་བེ་རོ་ཙ་ནི་ཡེ་ཧཱུྃ་ཕཊ་སྭཱ་ཧཱ། ཞེས་པ་གཡོན་དུ་འཁོར་བར་བསྒོམ། དང་པོ་སྔགས་ཕྲེང་ལས་ཡི་གེ་བཅུ་པ་དེ་རང་གིས་ཀློག་པའི་ཚུལ་དུ་སྔགས་ཡི་གེ་བཅུ་པ་བརྒྱ་ཙམ་གྱིས་ཐོག་དྲངས་ཡིག་དྲུག་སྟོང་ཙམ་འདོན། དེ་ནས་རང་གི་ཐུགས་ཀའི་སྔགས་ཕྲེང་གཡས་སུ་འཁོར། ཡུམ་གྱི་ཐུགས་ཀའི་སྔགས་ཕྲེང་གཡོན་དུ་ཀྱི་ལི་ལི་འཁོར། ཧཱིཡིག་གཉིས་པོ་ནམ་ཡང་མི་འཁོར་བར་བསྒོམ་ལ་སྔགས་སྟོང་ཙམ་འདོན། །དེ་ནས་བདག་བསྐྱེད་ཡབ་ཡུམ་གྱི་ཐུགས་ཀའི་ཧིདང་སྔགས་ཕྲེང་ལས་འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས་པས་ཕྱོགས་བཅུའི་སངས་རྒྱས་བྱང་སེམས་བླ་མ་ཡི་དམ་མཁའ་འགྲོ་ཐམས་ཅད་ལ་འོད་ཟེར་དེས་མཆོད་པ་ཕུལ་བས་ཐམས་ཅད་ཐུགས་ཤིན་ཏུ་དགྱེས་ཏེ་དེ་ཐམས་ཅད་ཐུགས་རྗེ་ཆེན་པོའི་སྐུ་ཤ་སྟག་ཏུ་གྱུར་ཏེ། སྟེང་འོག་ཕྱོགས་མཚམས་ཐམས་ཅད་ནས་ཁ་

[Full Size]

བ་བུ་ཡུག་ཆར་དྲག་བབ་པ་ལྟར་བྱོན་ནས་རང་གི་ལུས་ངག་ཡིད་གསུམ་ལ་སིབ་སིབ་ཐིམ་པར་བསྒོམས་ལ་སྔགས་སྟོང་ཕྲག་ཙམ་འདོན་ནོ། །དེ་ནས་གཏོར་མ་གསོས་ལ་གཏོར་བསྔོས་ཚར་གཅིག་བྱེད། ཕྱི་རོལ་གྱི་རྟེན་སྣོད་ཅེས་སོགས་རྫོགས་རིམ་དང་། བདག་གི་དུས་གསུམ་སོགས་གཞུང་གི་བསྔོ་བ་བྱེད། དེ་ནས་ཐུན་བཏང་ལ། ཉི་མ་ཤར་དྲོས་དེར་ངག་བཏང་དགོས་ན་བཏང་། གཏོར་མ་གཏོང་བ་བཅའ་བ། ཕྱག་འཚལ་བ་སོགས་གང་དགོས་བྱེད། དེ་ནས་ཡང་སྔར་ལྟར་བདུད་རྩི་བྱིན་རླབས་སྔོན་འགྲོ་ནས་བཟུང་སྟེ་སྔར་ལྟར་ཚར་གཅིག་བྱེད་པ་ཉི་མ་ཕྱེད་ཐུན། དགོང་ཀ་འདིར་ངག་བཏང་དགོས་བྱུང་ན་བཏང་། དེ་ནས་དགོང་ཀ་ཡང་སྔར་བཞིན་བདུད་རྩི་བྱིན་རླབས་ནས་བཟུང་སྟེ་བསྙེན་པའི་བར་བྱེད། འདིར་མདུན་བསྐྱེད་སྦྱར་འདོད་ན་སྦྱར་བ་ལེགས་པས་མདུན་བསྐྱེད་འདོན། དེ་ནས་པདྨ་འོད་འབར་གུ་དྲག །སེང་གདོང་མ་རྣམས་འདོན། ཚོགས་ཆུང་ཡོད་ན་ཚོགས་བྱས་ལ། ཚོགས་ཕུད་ཀྱིས་གཏོར་མ་གསོས་ལ་གཏོར་བསྔོས་རྒྱས་པར་བྱ། ཚོགས་མེད་ན་ཡང་མཐེབ་སྐྱུས་གསོས་ལ་གཏོར་བསྔོས་རྒྱས་པར་བྱ། དེའི་མཇུག་ཏུ་གཞི་བདག་གཏོར་མ་ཡང་འདོན་

[Full Size]

ནོ། །དེ་ནས་ཚེས་བཅུ་དང་དགུ་གཏོར་དུས་ཡིན་ན། འོད་འབར་མཇུག་གི་གཏོར་འབུལ་དེ་དང་། དྲག་པོ་སེང་གདོང་མའི་མཇུག་གི་བསྐུལ་ཉུང་ངུ་ཡང་འདོན། དེ་ཞོར་གཞི་བདག་ལ་དཀར་གཏོར་གསར་པ་ཞིག་ཕུལ་རྒྱུ་ཡོད་ན་ལེགས་པས་དེ་དམར་གཏོར་སྔོན་ལ་འདོན་ལ། དེ་གཉིས་མཉམ་དུ་ཕུལ། དེ་ནས་རྒྱལ་བ་རྒྱ་མཚོའི་རྗེས་ཆོག་བཀྲ་ཤིས་ཡན་རྫོགས་པར་བྱ། ཕྱི་རོལ་གྱི་རྟེན་ཞེས་སོགས་རྫོགས་རིམ་བསྒོམ། བདག་གིས་ཞེས་སོགས་གཞུང་གི་བསྔོ་བ་བྱ། དེ་ནས་བཟང་སྤྱོད་བདེ་སྨོན་སོགས་འདོན་ཐུབ་ན་འདོན་ཏེ་ཉལ་ལོ། །མདུན་བསྐྱེད་མི་སྦྱར་ན་རྗེས་ཆོག་མི་དགོས་སོ། །ནངས་པར་ཡང་སྔར་ཉིན་ལྟར་ཐུན་གསུམ་བྱས་ལ། བྱེད་ལུགས་སྔོན་དང་འདྲ། དེ་ལྟར་ཟླ་བ་གཅིག་གམ་གསུམ་མམ་དྲུག་སོགས་བསྙེན། གྲངས་ནི་ཡི་གེ་བཅུ་པ་ལ་བྱེ་བ་གཅིག་འདོན། ཡི་གེ་བཅུ་པ་བརྒྱ་རེས་སྣ་དྲངས་ནས་ཡིག་དྲུག་འདོན་ནའང་རྒྱུད་ཀྱི་དགོངས་པ་ཡིན་པས་རུང་། ཡིག་དྲུག་བྱེ་བ་གཉིས་ཡན་གང་འགྲུབ་བོ། །རྟགས་ནི་རབ་དངོས་འབྲིང་ཉམས་ཐ་མ་རྨི་ལམ་དུ་ཁྲུས་བྱེད། གོས་དཀར་དྲི་མ་མེད་པ་གྱོན་པ། འཁྲུ་བ། སྐྱུག་པ། ལུས་ལས་རྣག་ཁྲག་ཐོན་པ་སོགས་སྡིག་

[Full Size]

སྒྲིབ་དག་རྟོགས་དང་། དར་ཕྱར་དུང་འབུད། རི་མཐོན་པོའི་རྩེ་ལ་ཕྱིན། ཁྲི་ལ་འདུག །ཆོས་བཤད། དབང་བསྐུར། ཁྲོམ་འདུ། གོས་བཟང་གྱོན། རིན་པོ་ཆེའི་རྒྱན་བཏགས། ཁང་པ་བཟང་པོ་བརྩེགས་པ་སོགས་བསོད་ནམས་འཕེལ་རྟགས་དང་། དུང་འབུད་རོལ་མོ་བཀྲོལ། མེ་ཏོག་འཐུ། དཀར་གསུམ་དང་རིན་པོ་ཆེ་ཕུལ་བ་བུད་མེད་རྒྱན་ཅན་འདུ་བ་སོགས་སྣང་སྲིད་དབང་དུ་འདུ་རྟགས་དང་། མེ་ཏོག་གི་ཆར་འབེབས། ཡིག་དྲུག་བསྐུལ། རི་བོ་ཏ་ལ་དང་བདེ་བ་ཅན་དུ་ཕྱིན། སངས་རྒྱས་བྱང་སེམས་ཞལ་མཐོང་། ལུང་སྟོན། ཆོས་གསུངས་པ་སོགས་བྱིན་རླབས་ཞུགས་རྟགས་དང་། ཉམས་རྟོགས་བཟང་པོ་ཤུགས་ལ་སྐྱེ། འཆི་བ་དྲན། ཅིས་ཀྱང་དགོས་མེད་སྙམ་པའི་བློ་སྐྱེས། བླ་མ་ལ་དད་པ། མཆེད་གྲོགས་ལ་དག་སྣང་། ཆོས་ལ་ངེས་ཤེས་སྐྱེ་བ་རྣམས་མཆོག་གི་དངོས་གྲུབ་ཐོབ་པའི་སྔ་ལྟས་སོ། །དེ་ལྟར་བསྙེན་པ་ཐོན་ནས་མཚམས་གྲོལ་ལུགས་ནི་སྤྱི་དང་འདྲ། མཚམས་གྲོལ་ནས་ཀྱང་རྟག་ཏུ་བདག་བསྐྱེད་མ་ཆག་པ་དང་། ནུབ་པདྨ་འོད་འབར་གཏོར་བསྔོས་རྒྱུན་དུ་བྱ། རྒྱུན་གྱི་བསྙེན་པའང་ཡི་གེ་དྲུག་པ་ཁོ་ན་བྱའོ། །

[Full Size]

དགོང་ཀ་ཟབ་མདོ་དང་། སེང་གདོང་མའི་བཟློག་པ་དང་། ནུབ་བཛྲ་གུ་རུ་ཕྲེང་སྐོར་ཙམ་མ་ཆག་པར་བྱའོ། །དེ་དག་ནི་ཐུན་དང་ཐུན་མཚམས་ལ་ངེས་པ་མེད་པར་ནམ་དྲན་ལ་སེམས་ཀྱི་ངོ་བོ་ལ་ཅེ་རེ་ལྟ། རེས་བསྐྱེད་རིམ་དམིགས་པ་བསྒོམ་ཞིང་ཡིག་དྲུག་འདོན། རེས་ཅི་ཡང་མི་བསྒོམ་པར་རང་སེམས་ལ་བྱ་ར་བྱེད་ཅིང་ཡིག་དྲུག་འདོན། རེས་བསྐྱེད་རིམ་མ་ཡེངས་ངང་པའི་ནས་སེམས་ངོ་ལ་བལྟ། རེས་སྟོང་ཉིད་སྒོམ་པའི་རྩི་མ་ཤོར་བའི་ངང་ནས་བསྐྱེད་རིམ་ཐུགས་རྗེ་ཆེན་པོ་བསྒོམ། ཐུགས་རྗེ་ཆེན་པོ་དེ་ཡང་རེས་འགའ་ཆེན་པོ་རི་རབ་ཙམ་ནས་ནམ་མཁའ་ཁེངས་པར་བསྒོམ། རེས་འགའ་རང་ལུས་ཙམ་རེས་ཇེ་ཆུང་ཡུངས་ཀར་ཙམ་དུ་བསྒོམ། དེ་ལྟར་རྩལ་ཅི་འབྱོན་བྱེད་ཅིང་ཡིག་དྲུག་འབྲུ་མེད་ཡིད་འདོན་ཡང་མིན་པར་ལྕེ་ཐོག་ཏུ་འབྲུ་དག་ལ་གསལ་བར་བྱ། གསང་སྔགས་ཡིན་པས་སྐད་ཆེན་པོ་ཡང་མི་འདོན་ནོ། །ཞེས་བྱམས་པ་སྐྱབས་ཀྱི་བློ་ཚོད་དང་བསྟུན་ཏེ། ༧ ཨ་རཱ་གས་འཕྲལ་དུ་བྲིས་སོ།། །། མངྒ་ལཾ།། །།

རྒྱལ་བ་རྒྱ་མཚོ་དང་མ་མགོན་གྱི་དྲིལ་སྒྲུབ་སྤྲོས་མེད་རྒྱུན་ཁྱེར་གྲུབ་ཆེན་ཀརྨ་པའི་ཁྱད་ཆོས།

[Full Size]

རྒྱལ་བ་རྒྱ་མཚོ་དང་མ་མགོན་གྱི་དྲིལ་སྒྲུབ་སྤྲོས་མེད་རྒྱུན་ཁྱེར་གྲུབ་ཆེན་ཀརྨ་པའི་ཁྱད་ཆོས་བཞུགས་སོ།།

[Full Size]

ན་མོ་གུ་རུ་མ་ཧཱ་ཀཱ་ལ་ཡེ། བླ་མ་མགོན་པོ་དབྱེར་མེད་སྤྱན་རས་གཟིགས། །རྒྱལ་བ་རྒྱ་མཚོའི་ཞབས་ལ་ཕྱག་འཚལ་ལོ། །མ་མགོན་རྒྱུད་གཞུང་ཆུ་གཏེར་འཇིགས་རུང་ལས། །མན་ངག་ཟབ་མོ་འོ་མའི་སྙིང་པོའི་བཅུད། །བདག་གིས་བློ་གྲོས་ངང་པའི་མཆུས་བླངས་ཏེ། །རྒྱུན་འཛིན་ངང་ཕྲུག་བ་ལ་སྦྱིན་པ་འདི། །མ་མགོན་སྲུང་མས་བཀའ་གནང་བྱིན་གྱིས་རློབས། །པད་འབྱུང་སད་ན་ལེགས་ནས་པཀཱིའི་བར། །མ་མགོན་སྒྲུབ་པའི་རིག་འཛིན་རྒྱུན་མ་ཆད། །དྲག་པོའི་ལྷ་རྒྱུད་གསང་བ་ཆེན་པོ་དང་། །རིན་ཆེན་དཔུང་རྒྱན་རྒྱུད་ལས་གསུངས་པའི་དོན། །ཌོམྦྷི་ཧེ་

[Full Size]

རུ་ཀ་ཡི་རྒྱ་གཞུང་དང་། །ཀརྨ་པཀིའི་མཛད་པའི་ཞལ་སྦྱོར་གྱི། །སྒྲུབ་ཐབས་འདི་ལ་བསྐྱེད་རིམ་རྫོགས་རིམ་གཉིས། །འདིར་ནི་སྤྲོས་མེད་རྫོགས་རིམ་གཙོ་བོར་སྟོན། །སྔགས་བཟླས་དམིགས་པ་ཁོ་ན་སྒོམ་པ་ལ། །ངག་ཏུ་མངོན་རྟོགས་ཙམ་ཡང་འདོན་མི་དགོས། །གཙོ་བོ་རྒྱལ་བ་རྒྱ་མཚོ་ཡི་དམ་བྱེད། །མ་མགོན་གཉིས་ཀྱང་ཞོར་ལ་སྒྲུབ་འདོད་ན། །རང་ཉིད་སྐད་ཅིག་མགོན་པོ་བེར་ནག་ཅན། །གྲི་གུག་འཕྱར་ཞིང་ཐོད་ཁྲག་ཡུམ་ལ་འཁྱུད། །ཞབས་གཡས་བརྐྱང་ཞིང་ཞབས་གཡོན་ཡུམ་ལ་འཁྱུད། །ཡུམ་ནི་རང་བྱུང་རྒྱལ་མོ་ནམ་མཁའི་མདོག །ཕྱག་བཞི་

[Full Size]

གཡས་གཉིས་ཁ་ཊཾ་ཕུར་བུ་དང་། །གཡོན་གཉིས་མེ་ལོང་སྦྲུལ་གྱི་ཞགས་པ་འཛིན། །ཞབས་གཉིས་ཕྱེད་སྐྱིལ་དྲེལ་སྔོན་སྟེང་ན་བཞུགས། །ཡབ་ཡུམ་གཉིས་ཀ་དར་ནག་བེར་ལ་སོགས། །མགོན་པོ་ལྷ་མོ་ཆ་ལུགས་ཡོངས་སུ་རྫོགས། །འཁོར་དུ་རང་འདྲ་བརྒྱད་ཀྱིས་བསྐོར་བའམ། །ཡང་ན་གཙོ་རྐྱང་བསྒོམས་ཀྱང་རུང་བ་ཡིན། །རང་གི་སྤྱི་བོར་གྲུབ་ཆེན་ཀརྨ་པ། །དགེ་སློང་ཆ་ལུགས་ཞྭ་ནག་གསེར་མདངས་ཅན། །ཕྱག་གཉིས་ས་གནོན་སྤྱན་གཉིས་ནམ་མཁར་གཟིགས། །སྐུ་མདོག་སྨུག་ནག་ཨག་ཚོམ་ཟུར་གསུམ་ལྡན། །སྣང་སྲིད་ཐམས་ཅད་ཟིལ་གྱིས་གནོན་པར་བསྒོམ། །རང་གི་ཐུགས་ཀའི་སྟེང་དུ་པད་ཟླའི་སྟེང་། །ཡི་དམ་རྒྱལ་བ་རྒྱ་མཚོ་སྤྱན་རས་གཟིགས། །ཡབ་རྐྱང་ཆ་ལུགས་གཞུང་དང་མཐུན་པར་བསྒོམ། །དེ་ཡི་ཐུགས་ཀར་ཟླ་བའི་དཀྱིལ་འཁོར་སྟེང་། །ཧྲིདམར་མཐའ་ལ་ཡིག་དྲུག་གཡས་སུ་འཁོར། །རང་གི་ཐུགས་ཀར་པདྨ་ཟླ་བའི་སྟེང་། །ཧཱུྃ་མཐིང་མཐའ་ལ་ཡབ་སྔགས་གཡས་སུ་འཁོར། །ཡུམ་གྱི་ཐུགས་ཀར་ཉི་མའི་དཀྱིལ་འཁོར་སྟེང་། །བྷྱོ་སྔོན་མཐའ་མར་ཡུམ་སྔགས་གཡོན་དུ་འཁོར། །སྔགས་འཁོར་གསུམ་ལས་འོད་ཟེར་དཔག་མེད་འཕྲོས། །

[Full Size]

ཕྱོགས་བཅུའི་བླ་མ་ཡི་དམ་ཆོས་སྐྱོང་མཆོད། །དེ་ཀུན་བསྒོམ་པའི་ལྷ་བཞིའི་སྐུར་གྱུར་ཏེ། །ཁ་བ་བུ་ཡུག་འཚུབ་པ་བཞིན་དུ་བྱོན། །རྒྱ་བོད་གྲུབ་ཐོབ་རིག་འཛིན་ཐམས་ཅད་ཀུན། །སྤྱི་བོའི་ཀརྨ་པཀྵིའི་སྐུ་ལ་ཐིམ། །ཡི་དམ་རྒྱུད་སྡེ་བཞིའི་ལྷ་ཚོགས་ཀུན། །སྙིང་ཁའི་རྒྱལ་བ་རྒྱ་མཚོའི་སྐུ་ལ་ཐིམ། །ཡེ་ཤེས་ཆོས་སྐྱོང་ཕོ་རྒྱུད་ཐམས་ཅད་ཀུན། །བདག་ཉིད་མགོན་པོ་བེར་གྱི་སྐུ་ལ་ཐིམ། །ཡེ་ཤེས་ལྷ་མོ་མོ་རྒྱུད་ཐམས་ཅད་ཀུན། །ཡུམ་གཅིག་རང་བྱུང་རྒྱལ་མོའི་སྐུ་ལ་ཐིམ། །དེ་དག་ཀུན་གྱི་བྱིན་རླབས་དངོས་གྲུབ་ཀུན། །རང་གིས་ཐོབ་དམིགས་ཡིག་དྲུག་ཡིག་བཅུ་བསྙེན། །དེ་ནས་རང་ཉིད་མགོན་པོའི་ཐུགས་ཀ་ནས། །འོད་ཟེར་འཕྲོས་པ་ཡུམ་གྱི་ཞལ་དུ་ཞུགས། །ཡུམ་གྱི་སྐུ་བརྒྱུད་བྷ་ག་ནས་ཐོན་ཏེ། །བདག་གི་ཐུགས་ཀའི་ཧཱུྃ་ལ་ཐིམ་པར་བསྒོམ། །དེ་ལྟར་འོད་ཟེར་འཁོར་བས་ལྷ་མོ་མཉེས། །ལྷ་མོས་བདག་ལ་ཁྱོ་ཡི་འདུ་ཤེས་སྐྱེས། །རྟག་ཏུ་མི་འབྲལ་བརྩེ་གདུང་ལྡན་པར་བསྒོམ། །ཨོཾ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུྃ་མ་བྷྱོ་ཛཛཿ མགོན་པོ་ལ་བསྟེན་ལྷ་མོའི་སྒྲུབ་ཐབས་ཟབ། །དེ་ནས་རང་ཉིད་ལྷ་མོ་ཡིན་པར་བསྒོམ། །རང་གི་ཞལ་ནས་འོད་ཟེར་འཕྲོས་པ་

[Full Size]

ཡི། །མགོན་པོའི་ཞལ་ཞུགས་ཐུགས་ཀྱི་བརྒྱུད་བསྐུལ་ནས། །རྡོ་རྗེའི་ལམ་ནས་རང་གི་བྷ་གར་ཞུགས། །ཐུགས་ཀར་ཐིམ་པས་མགོན་པོའི་དངོས་གྲུབ་ཐོབ། །མགོན་པོ་བདག་ལ་ཤིན་ཏུ་ཆགས་པར་བསྒོམ། །ཨོཾ་མ་ཧཱ་ཀཱ་ལ་གུ་ཎ་ཧྲཱི་དཱ་ཧཱུྃ་ཕཊ༔ ལྷ་མོ་ལ་བསྟེན་མགོན་པོའི་སྒྲུབ་ཐབས་ཟབ། །གཙོ་བོ་ཡིག་དྲུག་ཁོ་ན་བཟླ་བྱ་ཞིང་། །ཐུན་མཇུག་མགོན་པོ་ལྷ་མོའི་སྔགས་གཉིས་པོ། །བདུན་ལས་མི་ཉུང་བརྒྱ་ལས་མི་མང་ཙམ། །བཟླས་པ་ཁོ་ནས་ཞོར་ལ་འགྲུབ་པ་ཡིན། །བར་ཆད་སེལ་བའི་དམིགས་པ་དགོས་པའི་དུས། །རང་ཉིད་གོང་ལྟར་མགོན་པོར་བསྒོམ་པ་ཡི། །ཕྲག་གོང་གཉིས་སུ་བྱ་རོག་ནག་པོ་ནི། །ཤིན་ཏུ་ཆེ་བ་དམར་མདངས་ཅན་གཉིས་བསྒོམ། །དེ་ལས་དེ་འདྲ་འཇིག་རྟེན་གང་བར་འཕྲོས། །གནོད་ཅིང་འཚེ་བའི་དགྲ་བགེགས་བྱད་མ་ཀུན། །བྱིའུས་འབུ་སྲིན་བསྡུས་པ་བཞིན་དུ་ཟོས། །ཚུར་འདུས་རྩ་བའི་བྱ་རོག་གཉིས་ལ་ཐིམ། །རྗེས་ནས་ནམ་ཡང་གཤེགས་གསོལ་མི་བྱ་ཞིང་། །བསྐྱེད་རིམ་བསྡུ་བ་ལ་སོགས་མི་དགོས་ཏེ། །བསྒོམ་མཁན་ངོ་བོར་ལྟ་བ་ཁོ་ནས་ཆོག །བླ་མ་ཡི་དམ་མ་མགོན་དྲིལ་སྒྲུབ་འདི། །གྲུབ་ཆེན་པཀིའི་ཁྱད་ཆོས་ཁོ་ན་སྟེ། །

[Full Size]

ཁྱད་པར་མ་མགོན་གཉིས་ཀྱི་སྔགས་འདི་གཉིས། །མ་མགོན་སྔགས་རྣམས་ཀུན་ལས་ཕན་ཡོན་ཆེ། །འདི་ཉིད་བེར་ཆེན་ཡབ་ཡུམ་སྔགས་ཡིན་པས། །གཞན་ལ་མ་གྲགས་པཀཱིའི་ཁྱད་ཆོས་ཡིན། །མ་མགོན་རྒྱལ་བ་རྒྱ་མཚོའི་དྲིལ་སྒྲུབ་སྟེ། །ཐུན་དེར་རྒྱུན་དུ་ཉམས་སུ་ལེན་པ་དང་། །ནུབ་མོ་རབ་ནི་གཏོར་བསྔོས་རྒྱས་པའམ། །འབྲིང་ལ་མ་དག་མ་ཙམ་མ་ཆག་བྱ། །ཐ་མ་རང་གི་བཟའ་བཏུང་གང་ཡིན་པ། །ཨོཾ་ཨཱཿཧཱུྃ་གིས་བདུད་རྩིར་བྱིན་བརླབས་ནས། །བདག་བསྐྱེད་མཆོད་པར་བསྒོམས་ནས་ཟོས་པས་འདུས། །མ་མགོན་སྒྲུབ་ཐབས་ཀུན་གྱི་སྙིང་པོ་འདི། །རང་གི་རྒྱུན་ཁྱེར་ཉམས་སུ་བླངས་པ་བཞིན། །བརྒྱུད་པ་འདིར་མོས་རཱ་ག་ཨ་སྱ་ཡི། །སློབ་བུ་པདྨ་མཐར་ཕྱིན་ཞེས་བྱར་གདམས། །སྙན་བརྒྱུད་་ཡི་གེར་བྲིས་ལ་འགལ་མཆིས་ན། །མ་མགོན་ལྕམ་དྲལ་འཁོར་དང་བཅས་ལ་བཤགས། །དགེ་བས་སྒྲུབ་བརྒྱུད་བསྟན་པར་དར་རྒྱས་ཤོག །ཤུ་བྷཾ། སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་མགོན་པོ་མ་ནིང་དྲིལ་སྒྲུབ་འཁུ་ལྡོག་མེད་ཅིང་བཀྲ་ཤིས་པའི་གདམས་པ།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་མགོན་པོ་མ་ནིང་དྲིལ་སྒྲུབ་འཁུ་ལྡོག་མེད་ཅིང་བཀྲ་ཤིས་པའི་གདམས་པ་བཞུགས་སོ།།

[Full Size]

ན་མོ་གུ་རུ་མ་ཧཱ་ཀཱ་ལ་ཡེ། ཀུན་བཟང་ཆེ་མཆོག་ཁྲོས་པ་ཁྲོ་བོའི་རྒྱལ། །ཡོན་ཏན་བྱེ་བ་ཕྲག་བརྒྱའི་བཀའ་སྲུང་བ། །ཡེ་ཤེས་མགོན་པོ་སྤྲོས་མེད་སྒྲུབ་པའི་ཐབས། །འཁུ་ལྡོག་མེད་པ་ནང་གི་སྒྲུབ་པ་འདི། །ཡི་དམ་གང་དང་བསྟུན་ཀྱང་རུང་མོད་ཀྱི། །འདི་ནི་རྒྱལ་བ་རྒྱ་མཚོ་དང་སྦྱར་ཏེ། །རང་ཉིད་རྒྱལ་བ་རྒྱ་མཚོ་སྤྱན་རིས་གཟིགས། །གཞུང་ལྟར་སྐུ་ཚད་བསམ་ལས་འདས་པར་བྷཻཾ།། །ནང་ནི་སྟོང་པ་ཕྲུ་མ་ཕུས་བཏབ་བཞིན།ལྟེ་འོག་རཾ་ལས་ཁྲག་མཚོ་དམར་ཀྱི་ལི། །དེ་ནང་གཏུམ་མོའི་ངོ་བོ་རཾ་ཡིག་ལས། །བསྐལ་པའི་མེ་འབར་ཡཾ་ལས་རླུང་ནག་འཚུབ། །དེ་

[Full Size]

ནང་ཐོད་མཁར་གྲུ་གསུམ་རིམ་པ་གསུམ། །ཕྱི་སྐམ་ནང་རློན་བམས་པོ་རལ་རིལ་བརྩེགས། །སྙིང་ག་མན་ཆད་མི་ལྤགས་གཡང་གཞི་ནི། །སུམ་རིམ་ཐོག་ཕུབ་སྟེང་དུ་རང་གི་སྙིང་། །རྡོ་རྗེ་སྔོན་པོ་རྩེ་ལྔ་འགྲེངས་ཐབས་བསྒོམ། །རྡོ་རྗེའི་ལྟེ་བ་ཡངས་ཤིང་རྒྱ་ཆེའི་དབུས། །ཡི་དམ་རྟ་མགྲིན་དམར་པོ་ཕྱག་གཉིས་པ། །ཌཱ་རུ་དྲིལ་བུ་འཛིན་པའི་ཐུགས་ཀ་རུ། །ཉི་སྟེང་ཧཱུྃ་དམར་མཐའ་ལ་ཡིག་དྲུག་ལ། །དེ་རྒྱབ་རྟ་མགྲིན་སྔགས་ཀྱིས་བསྐོར་བར་བྷོ། །སྙིང་ཉིད་རྡོ་རྗེ་ལས་ཟུག་སྲོག་རྩ་གསུམ། །ཐོད་མཁར་ནང་དུ་ཟུག་པའི་དབུ་མའི་ནང་། །ཧཱུྃ་ལས་མ་ནིང་ནག་པོ་ཆ་

[Full Size]

ལུགས་རྫོགས། །རྩ་གཡས་ནང་དུ་རཾ་ལས་སྲོག་བདུད་ནག །རྩ་གཡོན་ནང་དུ་བྷྱོ་ལས་དཔལ་འབར་ནག །གསུམ་ཀའི་ཐུགས་ཀར་ས་བོན་རང་སྔགས་བསྐོར། །ཡི་དམ་རྟ་མགྲིན་ཧཱུྃ་ལས་སྔགས་ཕྲེང་བྱུང་། །ཞབས་ཀྱུ་ནས་བརྒྱུད་གསང་བའི་གནས་ནས་ཐོན། །མགོན་པོའི་ཞལ་ཞུགས་ཐུགས་ཀའི་སྔགས་འཁོར་ཐིམ། །མགོན་པོའི་ཧཱུྃ་གི་འོད་ཟེར་ཞབས་ཀྱུ་ནས། །གཡས་གཡོན་གཉིས་འཕྲོས་ཡུམ་དང་ལས་མགོན་ཕོག །རཾ་དང་བྷྱོ་ལས་འོད་ཟེར་ཕྱོགས་བཅུར་འཕྲོས། །འཇིག་རྟེན་དྲེགས་བྱེད་རྣམས་ཀྱི་མཐུ་སྟོབས་བསྡུས། །མགོན་པོའི་ཐུགས་ཀའི་ཧཱུྃ་གི་ཞབས་ཀྱུ་ནས། །གྱེན་དུ་མགོན་པོའི་ཚངས་བུག་ནས་བྱུང་སྟེ། །རྟ་མགྲིན་གསང་བ་ནས་ཞུགས་ཧཱུྃ་ལ་ཐིམ། །འོད་ཟེར་དམར་ནག་དེ་ལྟར་སྤྲོ་བསྡུ་བསྒོམ། །ཨོཾ་ཤྲཱི་མ་ཧཱ་ཀཱ་ལ་ག་ན་གུ་ཡ་རཾ་སིདྡྷི་ཧཱུྃ་ཛཿ དེ་ནས་གཙོ་བོའི་སྔགས་དེ་བཟླ་བྱ་ཡིན། ཨོཾ་མ་ཧཱ་ཀཱ་ལ་ཏྲི་ཡཾ་རུ་ཏྲ་ཧཱུྃ་ཛཿ ཏྲི་ལིང་གིང་ཀ་ར་ར་ཏྲི་སུ་ཏྲི་ཛ་ཛཿ སྲོག་བདུད་སྔགས་དེ་རཾ་ལས་གཡས་བསྐོར་བསྒོམ། །ཨོཾ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུྃ་མ་བྷྱོ་ཛ་ཛཿ ལྷ་མོའི་སྔགས་དེ་བྷྱོ་ལས་གཡོན་བསྐོར་བསྒོམ། །གཉིས་པོ་བཟླ་ནི་མི་དགོས་བསྒོམས་པས་

[Full Size]

འཐུས། །ཐུན་མཚམས་རྩ་ནི་རོ་རྐྱང་དབུ་མ་གསུམ། །ལྷོ་གསུམ་ཐིམ་བསྒོམ་མི་དམིགས་ངང་ལ་བཞག །འདི་ནི་ཆོས་དབང་ལུགས་དང་རཏྣའི་ལུགས། །གཉིས་ཀ་ནས་གསུངས་ནང་གི་སྒྲུབ་པ་སྟེ། །འདི་ནི་ཚིག་ཉུང་དོན་གསལ་གོ་བདེར་བཀོད། །ས་མ་ཡ་རྒྱ་རྒྱ་རྒྱ། །ཨྠྀི། གལ་ཏེ་མཚམས་དང་སྒྲུབ་པ་བྱེད་པའི་དུས། །དེ་ཡི་བར་ཆད་མགོན་པོས་སྲུང་བའི་ཐབས། །མ་ནིང་གཏོར་མ་བཟང་པོ་གཅིག་བཤམས་བྲན། །གཏོར་སྣོད་ཁྲག་མཚོར་མེ་རླུང་འཁྲུགས་པའི་དབུས། །གཏོར་མ་ཐོད་མཁར་གྲུ་གསུམ་འབར་བའི་ནང་། །མགོན་པོ་མ་ནིང་གཞུང་བཞིན་བསྒོམ་པ་ཡིན། །ཞབས་ཀྱི་འོག་ཏུ་གནོད་བྱེད་ཐམས་ཅད་མནན། །གཏོར་གསོལ་དགྲ་བགེགས་ཤ་ཁྲག་ཞལ་དུ་གསོལ། །བདག་གི་བཀའ་ཉེན་སྲུང་སྡོད་བྱེད་པ་དང་། །སྒྲུབ་པའི་བར་ཆད་ཐོམས་ཅད་སྲུང་བར་བསྒོམ། །བར་ཆད་སྲུང་ཞེས་བཀའ་བསྒོ་གང་དགོས་བྱ། །ཨོཾ་ཤྲཱི་མ་ཧཱ་ཀཱ་ལ་ག་ན་གུ་ཡ་རཾ་སིདྡྷི་ཧཱུྃ་ཕཊ། ཤ་ཏྲི་ཛཿ ནི་ཏྲི་ཁུག །དགྲ་བགེགས་འབྱུང་པོའི་སེམས་དང་བག་ཆགས་ངན་པ་མཱ་ར་ཡ་ཧཱུྃ་ཕཊ། ཐུན་གྱི་མཇུག་ལ་ཉེར་གཅིག་བཟླ་བའམ། །ཡང་ན་ཞག་རེ་བརྒྱ་བརྒྱད་ཙམ་རེ་བཟླ། །

[Full Size]

གཏོར་མ་དེའམ་ཡང་ན་མགོན་པོ་ཡི། །དར་སྐུ་བྲིས་སྐུ་འདེར་སྐུ་གང་འཛོམ་ལ། །མགོན་པོ་དངོས་སུ་མངའ་གསོལ་བྱས་ལ་བཞུགས། །དགུ་གཏོར་ལ་སོགས་དུས་བཟང་མཆོད་པར་བྱ། །དགྲ་དང་བགེགས་ཀྱི་བསམ་སྦྱོར་ངན་པ་ཞི། །སྒྲུབ་པའི་བར་ཆད་འོང་བར་མི་སྲིད་གསུངས། །དེ་ནི་ཀློང་གསལ་མ་ནིང་སྒྲུབ་པ་ལས། །གུ་རུའི་གསུང་གི་དོན་བསྡུས་གོ་བདེར་བཀོད། །རང་གི་རྒྱུན་གྱི་ཉམས་ལེན་ཟབ་མོའི་གནད། །གཉེན་ཞིང་ཟབ་པ་ཙིཏྟ་ཉིད་དང་མཚུངས། །དེ་སྐད་རྟ་ལོ་ཐ་སྐར་དམར་པོའི་ཕྱོགས། །ཚེས་གཉིས་ཉིན་པར་རཱ་ག་ཨ་སྱ་ཡིས། །རྗེས་འཇུག་རྣམས་ལ་ཕན་པའི་སེམས་ཀྱིས་སྨྲས། །སྦ་འོས་གསལ་བཀོད་ཉེས་པ་གང་མཆིས་རྣམས། །སྲོག་བདུད་བདུད་དམག་བྱེ་བ་འབུམ་ལ་བཤགས། །དགེ་བས་ཟབ་གཏེར་བསྟན་པ་རྒྱས་གྱུར་ཅིག །ཞུ་བ་པོ་དང་ཡི་གེ་གཅིག་པ་སྟེ། །འབྲོང་པ་དགེ་བཤེས་ཐབས་མཁས་ཡིན་ལགས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱལ་བ་རྒྱ་མཚོའི་བསྐྱེད་རིམ་སྒྱུ་མ་ལྷ་སྐུ།

[Full Size]

རྒྱལ་བ་རྒྱ་མཚོའི་བསྐྱེད་རིམ་སྒྱུ་མ་ལྷ་སྐུ་བཞུགས་སོ། །

[Full Size]

ན་མོ་ལོ་ཀེ་ཤྭ་ར་ཡེ། ཐུགས་རྗེ་ཅན་ལ་ཕྱག་འཚལ་ནས། །དེ་ཉིད་རྒྱལ་བ་རྒྱ་མཚོ་ཡི། །བསྐྱེད་རིམ་སྒྱུ་མ་ལྷ་སྐུ་ཡི། །མན་ངག་ཅུང་ཟད་བཀོད་པ་ལ། །ལྷ་དང་ཌཱཀིས་བཀའ་གནང་སྩོལ། །དེ་ཡང་རྒྱུད་ཆེན་པོ་པདྨ་ཟབ་པ་ལས། སྤྱན་རས་གཟིགས་ཐམས་ཅད་ཐལ་མོ་སྦྱར་བའོ། །གཡས་ཕྲེང་བ་གཡོན་པདྨའོ། །ཞེས་དང་། པདྨ་རྒྱལ་པོའི་རྒྱུད་ལས། སྣང་བ་རང་བཞིན་མེད་པར་མཐོང་། །སྒྱུ་མ་ལྷ་རུ་བསྡུས་པ་ཡིན། །ཞེས་པའི་དོན་ནོ། །རྡོ་རྗེའི་གུར་ལས། སངས་རྒྱས་མཐོང་དང་རྣམ་བྲལ་བ། །མེ་ལོང་གཟུགས་བརྙན་ཇི་བཞིན་དུ། །དེ་ཡིས་

[Full Size]

བདག་ཉིད་སྣང་བར་བྱས། །ཞེས་དང་། རིམ་ལྔ་ལས། མེ་ལོང་ནང་གི་གཟུགས་བརྙན་བཞིན། །སྒྱུ་མའི་ལུས་ནི་ཤེས་པར་བྱ། །ཁ་དོག་རྣམས་ནི་འཇའ་ལྟ་བུ། །ཁྱབ་པ་ཆུ་ཡི་ཟླ་བ་ཡི། །ཞེས་དང་། བདག་བྱིན་གྱིས་བརླབ་པ་ལས། ཡན་ལག་ཀུན་དང་ལྡན་པ་ཡི། །མེ་ལོང་ནང་གི་གཟུགས་བརྙན་ནི། །ཇི་ལྟར་གསལ་བར་བཞུགས་པ་གཟུགས་ནི་རབ་ཏུ་སྣང་། །དཔེ་བྱད་བཟང་པོ་བརྒྱད་ཅུའི་མཚན་རྣམས་རབ་ཏུ་རྫོགས། །ཞེས་དང་། བདག་བྱིན་གྱིས་བརླབ་པ་ནི། སྒྱུ་མའི་དཔེ་ནི་བཅུ་གཉིས་སོ། །རྒྱས་པར་བཅུ་གཉིས་མཚན་ཉིད་གཅིག །དེ་ལ་ཁྱད་

[Full Size]

པར་གསལ་ངོས་གང་། །ལྷ་དང་དམིགས་པའི་རྒྱུ་མཚན་གང་། །སྒྱུ་མ་གསུམ་ནི་ཡན་ལག་བསྟན། །འབད་པ་དེ་ནི་བསྒྲག་པར་བྱ། །མེ་ལོང་གི་བརྙན་ཟླ་བརྙན་དང་། །དེ་ལས་གཞན་ཡང་དབང་པོའི་གཞུ། །གསུམ་པ་ཆུ་ཡི་ཟླ་བ་སྟེ། །དེ་དག་ལྟར་ནི་སྐུ་རྡོ་རྗེ། །མདོ་རྒྱུད་དག་ཏུ་གང་བསྟན་པ། །སངས་རྒྱས་ལྔ་ཡི་རིགས་ཆེན་པོ། །དེ་བཞིན་རིགས་ལྔ་ལས་བྱུང་བས། །ལྷ་དང་ལྷ་མོ་སོ་སོར་མཉེས། །ཕོ་ཉ་ཕོ་མོ་དེ་བཞིན་ཁྲོ། །བྲན་ཕོ་བྲན་མོ་ཅི་བགྱིས་དག །དེ་མེད་ཡང་ཡོད་མ་ཡིན་ནོ། །སེམས་ཅན་དོན་དུ་རབ་ཏུ་བསྟན། །འདི་དག་རྣལ་འབྱོར་པས་སྤྲོ་ཞིང་། །བདག་ཉིད་ཀྱིས་ནི་བསྡུ་བར་བྱ། །སྒྱུ་མ་ལྟ་བུའི་ཏིང་འཛིན་གནས། །དཀྱིལ་འཁོར་དག་ཀྱང་རྒྱས་པར་བྱ། །ཞེས་དང་། སྤྱོད་འཇུག་ལས་འཇའ་ཚོན་ལྟ་བུར་སྐུ་དག་ནི། །དེ་ཉིད་བསྒོམས་པས་མཐོང་བར་འགྱུར། །མཁའ་འགྲོ་རྒྱ་མཚོ་ལས། ལྷ་ཡི་རྣམ་པའི་རྣལ་འབྱོར་བདག །སྐད་ཅིག་མངོན་སུམ་བྱེད་པ་པོ། །ཞེས་གསུངས་ཤིང་། སྒྱུ་མ་ལམ་རིམ་ལས། བསྟན་དང་གཡོ་བ་ཇི་སྙེད་པ། །སྒོ་ལྔའི་ཡུལ་དུ་གང་སྣང་ཀུན། །ཐམས་ཅད་སྣང་སྟོང་ལྷ་ཡི་སྐུ། །ལྷ་སྐུ་མཐའ་བྲལ་སྒྱུ་མ་

[Full Size]

སྟེ། །ཞེས་གསུངས་པའི་དོན་ནི། མེ་ལོང་གསལ་པོ་གཅིག་ལ་རྒྱལ་བ་རྒྱ་མཚོའི་རས་བྲིས་བཀོད་པ་ལེགས་པོ་འཆར་བཅུག་ལ། དེ་ལ་དཔེ་བྱས་རང་ལུས་ལྷ་ཡི་སྐུ་དེ་ལྟར་བསྒོམ། ཕྱི་རོལ་གྱི་རི་རབ་ཁང་ཁྱིམ་རྣམས་གཞལ་མེད་ཁང་སེམས་ཅན་ཐམས་ཅད་རྒྱལ་བ་རྒྱ་མཚོའི་སྐུར་བསྒོམ། འབྱུང་བཞིའི་སྒྲ་དང་སྐྱེ་འགྲོའི་སྐད་ཐམས་ཅད་བྲག་ཆ་ལྟ་བུ་ཡི་གེ་བཅུའམ་དྲུག་པ་བསྒོམ། ཡིད་ཀྱི་བདེ་སྡུག་ཐམས་ཅད་རོ་སྙོམས་ནས་རང་གྲོལ་བློ་འདས་སུ་བཞག་གོ །དེ་ལྟར་ཉམས་སུ་བླངས་པ་ལ་ས་ལམ་གྱི་ཡོན་ཏན་ཐམས་ཅད་རིམ་པར་འཆར་ཏེ། སྒྱུ་མ་ལམ་རིམ་ལས། བྱང་ཆུབ་ཕྱོགས་ཆོས་ཐམས་ཅད་དང་། །ལྷ་སྐུ་སྒྱུ་མ་དབྱེར་མེད་པས། །མཁས་པས་ཉམས་སུ་བླང་བར་བྱ། །ཞེས་དང་། དེ་ཉིད་བྱང་ཆུབ་ཕྱོགས་ཆོས་དང་སྦྱར་བའི་བཤད་པ་རྒྱ་ཆེར་གསུངས་པ་དང་། རྒྱུད་ལས། ཚུལ་ཁྲིམས་ཐམས་ཅད་དམ་ཚིག་སྟེ། །ལམ་ལྔ་སྨིན་པའི་དབང་ལ་ཚང་། །ས་བཅུ་ལྷ་ཡི་སྐུ་བྷཻཾ་པས། །ཞེས་ས་བཅུ་དང་སྦྱར་བའི་བཤད་པ་རྒྱ་ཆེར་གསུངས་པ་ཡིན་ནོ། །དེས་སྒྱུ་མ་ལྷ་སྐུ་སོང་ནས། པདྨ་རྒྱལ་པོའི་རྒྱུད་ལས། སྣང་ལ་རང་བཞིན་མེད་པར་མཐོང་། །སྒྱུ་མ་ལྟ་བུར་

[Full Size]

བསྡུས་པ་ཡིན། །ཞེས་པས་བསྐྱེད་རིམ་ལྷའི་སྣང་བ་ཉིད་བསྡུས་ནས། ཐུན་མཚམས་སྒྱུ་མའི་སྐྱེས་བུ་བྱ་སྟེ། ཡབ་སྲས་མཇལ་བའི་མདོ་ལས། སྒྱུ་མ་མཁན་པོའི་སྐུ་སྤྲུལ་ནས། །སྒྱུ་མ་ལེགས་པར་འཚལ་བ་ན། །དེ་ལ་རྨོངས་པར་འགྱུར་མ་ལགས། །ཁྱེད་ཀྱིས་འགྲོ་ཀུན་དེ་ཉིད་གཟིགས། །ཐམས་ཅད་མཁྱེན་ལ་ཕྱག་འཚལ་ལོ། །ཞེས་དང་། རྡོ་རྗེ་མཁའ་འགྲོ་ལས། ཁམས་གསུམ་པ་ནི་མ་ལུས་པའི། །འགྲོ་ཀུན་སྒྱུ་མ་ལྟ་བུ་ཡིན། །ཞེས་དང་། མེ་ལོང་ནང་གི་གཟུགས་བརྙན་དང་། །རྨི་ལམ་སྒྱུ་མའི་དྲི་ཟའི་གྲོང་། །མིག་འཕྲུལ་མཚུངས་པར་གང་གིས་མཐོང་། །རྡོ་རྗེ་ཐེག་པ་འདི་ལས་ནི། །དེ་ནི་གཙོ་བོ་ཡིན་པར་བརྗོད། །ཅེས་དང་། སཾ་བྷུ་ཏྲི་ལས། དྲི་ཟའི་གྲོང་ཁྱེར་ལྟ་བུ་དང་། །སྒྱུ་མ་སྨིག་རྒྱུ་ལྟ་བུ་དང་། །འཕྲོག་མ་ཟླ་བའི་གྲངས་མཚུངས་པ། །རྨི་ལམ་བརྩེ་བ་ལྟ་བུར་བལྟ། །རིམ་ལྔ་ལས། དཀྱིལ་འཁོར་ལ་སོགས་རྣལ་ལྡོག་དང་། །སྦྱིན་སྲེག་གཏོར་མ་ལ་སོགས་ཀུན། །རྟག་ཏུ་སྒྱུ་མ་བཞིན་དུ་བྱ། །ཞི་བ་དང་ནི་རྒྱས་པ་དང་། །དེ་བཞིན་དབང་དང་མངོན་སྤྱོད་དང་། །དགུང་སོགས་གང་ཅི་ཡང་རུང་ཀུན། །དོང་པོ་གཞུང་དང་མཚུངས་པར་བྱ། །

[Full Size]

རྟག་ཏུ་སྒྱུ་མ་བཞིན་དུ་བྱ། །ཞེས་སོགས་དང་། རྡོ་རྗེ་ཐེག་པ་འདི་ཉིད་དུ། །འདི་ནི་མང་དུ་བཤད་མི་དགོས། །རྣལ་འབྱོར་པ་ནི་གང་ཡང་དམིགས། །དེ་ནི་སྒྱུ་མ་བཞིན་དུ་རྟོགས། །ཞེས་དང་། བྱང་ཆུབ་སེམས་དཔའ་འདྲེས་པས། མ་རིག་ནས་བཙལ་རྒ་ཤིའི་བར། །མཐར་ཡང་ཡན་ལག་བཅུ་གཉིས་བགྱི། །བསྟན་གནས་འབྱུང་བར་བྱ་བ་ཡིན། །ཁོ་བོ་རྨི་ལམ་སྒྱུ་འདྲར་བརྗོད། །ཅེས་གསུངས་པའི་དོན། སྤྱི་བོར་བླ་མ་སྒྱུ་ལུས་ཀྱི་རང་བཞིན་ཅན་ལ་མཆོད་དོ་གསོལ་བ་བཏབ་ནས་རང་ལ་བསྟིམ། ཐུན་མཚམས་སུ་ཆོས་ཐམས་ཅད་མེད་བཞིན་དུ་སྣང་བ་རྨི་ལམ་དང་སྒྱུ་མའི་སྤྲུལ་པ། འཚོགས་པ་ལས་བྱུང་བ་པེ་ཝཾ། རེ་རེ་བཞིན་མི་རྟག་པ་རྩྭ་རྩེའི་ཟིལ་པ། སྐད་ཅིག་ལ་སྐྱེ་ཞིང་འཇིགས་པ་ཆུའི་ལྦུ་བ། མེད་བཞིན་དུ་སྣང་བ་མེ་ལོང་ནང་གི་གཟུགས་བརྙན། འཁྲུལ་པའི་བློ་ལས་བདེན་པར་ཞེན་པ་རྨི་ལམ། འབྲེལ་པ་མེད་པ་ཆུ་ཟླ་ལྟར་བྷཻཾ། མདོར་ན་ཆོས་ཐམས་ཅད་རྒྱུ་རྐྱེན་ལས་བྱུང་བ་སྒྱུ་མ། གཡོ་བ་དང་བཅས་པ་སྨིག་རྒྱུ། གནས་དང་ལོངས་སྤྱོད་མེད་བཞིན་སྣང་བ་དྲི་ཟའི་གྲོང་ཁྱེར། སྣང་ལ་རང་བཞིན་མེད་པ་འཇའ་ཚོན། གསལ་ལ་རྫོགས་པ་མེ་

[Full Size]

ལོང་གི་གཟུགས་བརྙན། ཀུན་ལ་ཁྱབ་པ་ཆུ་ཟླ། རང་ཡིན་ཡང་གཞན་དུ་སྣང་བ་བྲག་ཆ། སེམས་དང་བཅས་པའི་རྨི་ལམ། མི་རྟག་འགྱུར་བས་གློག །མེད་བཞིན་སྣང་བས་མིག་ཡོར། གཅིག་ཀྱང་དུ་མར་འབྱུང་བ་སྤྲིན། གཟུགས་སྣ་ཚོགས་སུ་སྤྲུལ་པ་སྟེ། སྒྱུ་མའི་དཔེ་བཅུ་གཉིས་པོ་ལྟར་ཆོས་ཐམས་ཅད་བདེན་མེད་སྒྱུ་མ་ལྟ་བུར་ཡིན་སྙམ་དུ་བྷཻཾ་ཞིང་། སྒྱུ་མའི་སྐྱེས་བུས་སྒྱུ་མར་སྤྱོད་པ་ལྟར། ཐུན་མཚམས་སུ་ཆོས་སྤྱོད་སོགས། ཐམས་ཅད་རང་ཉིད་ཐུགས་རྗེ་ཆེན་པོ་ཕྱག་གཉིས་པའི་ང་རྒྱལ་བྱ་ཞིང་། མི་དགེ་བ་མཐའ་དག་ཀྱང་སྤང་། རྒྱུད་ལས། རང་ཉིད་ལྷ་རུ་ངོ་ཤེས་ནུས། །ཐ་མལ་སྤྱོད་པ་དྲན་ཀྱང་སྤང་། སྒྱུ་མའི་ལམ་རིམ་ལས། སྡིག་པ་ཆུང་ཡང་སྤང་བྱེད་ཅིང་། །དགེ་བ་རྣམས་ནི་དང་དུ་ལེན། །ཆོས་ཉིད་སྒྱུ་མ་ཐོག་དོན་དུ། །ཚོགས་སོགས་པས་ནི་ཚོགས་ལམ་མོ། །ཞེས་གསུངས་སོ། །དེ་ལྟར་སྒྱུ་མ་ལྷ་སྐུ་དག་པའི་སྒྱུ་ལུས་བྷཻཾ་པ་དང་། ཐུན་མཚམས་སྒྱུ་མ་ལྟ་བུའི་སྤྱོད་པ་བྱས་པའི་ཡོན་ཏན་ནི། བདག་བྱིན་གྱིས་བརླབས་པའི་རིམ་པ་ལས། མྱ་ངན་འཇིགས་བྲལ་ཆགས་བྲལ་དང་། །འཇིགས་དང་དེ་བཞིན་ཉམས་པ་དང་། །སྡུག་བསྔལ་ཡིད་མི་བདེ་བ་དང་། །

[Full Size]

ངེས་པ་མཐོང་དང་དེ་བཞིན་ཐོས། །སྲི་ངན་དང་ནི་ནོར་ངན་དང་། །ངན་རིགས་པ་ནི་གང་བྱུང་བ།། །ངེས་པའི་རང་བཞིན་དེ་དང་དེར། །བདག་བྱིན་བརླབས་པས་སྦྱང་བར་བྱ། །གཤང་བ་ལྕི་བ་འབྱུང་བ་དང་། །རིམས་དང་ནད་ལ་སོགས་པ་དང་། །རང་བཞིན་རྒས་པ་ལ་སོགས་པ། །ཐམས་ཅད་སྒྱུ་མས་གསོ་བར་བྱ། །ཞེས་དང་། སྒྱུ་མ་ལྟ་བུའི་ཏིང་འཛིན་ནི། །རྟག་ཏུ་རྣལ་འབྱོར་པས་མྱོང་བྱ། །རྣལ་འབྱོར་རྒྱུད་དུ་བརྟེན་པ་ཡི། །བརྡ་ལ་སོགས་པ་རྒྱས་པ་གང་། །སྒྱུ་མ་ཉིད་དུ་དམིགས་བྱས་ནས། །དེ་དག་ལ་ནི་འཇུག་པར་བྱ། །མི་འཇུག་པ་དང་འབྱེད་པ་དང་། །རྒོད་དང་སྨྲ་དང་དེ་བཞིན་དུ། །འགྲོ་དང་འདུག་དང་ཉལ་དང་ཟ། །སྒྱུ་མའི་ལས་ནི་དྲན་པར་བྱ། །ཞེས་དང་། བསམ་གཏན་ཆོ་ག་དཔག་མེད་ཀྱི། །སྔགས་དང་སྐུ་ཡི་ཏིང་ངེ་འཛིན། །གལ་ཏེ་སྒྱུ་མ་མ་རྙེད་ན། །བྱས་པ་ཐམས་ཅད་འབྲས་བུ་བྲལ། །ཞེས་དང་། རིམ་ལྔ་ལས། སྒྱུ་མ་ལྟ་བུའི་ཏིང་འཛིན་གནས། །ཐམས་ཅད་དེ་དང་འདྲ་བར་མཐོང་། །ཞེས་དང་། ཉོན་མོངས་ལས་ནི་ལམ་གྱི་ལུས། །བྱེད་པ་པོ་དང་འབྲས་བུ་ནི། །སྨིག་རྒྱུ་རྨི་ལམ་ལྟ་བུ་དང་། །དྲི་ཟའི་

[Full Size]

གྲོང་ཁྱེར་ངེས་པར་མཚུངས། །ཏིང་འཛིན་འདི་ནི་མི་ཤེས་པས། །ཀུན་རྫོབ་ལ་ནི་ཉེར་དམིགས་ནས། །རྣམ་པ་སྣ་ཚོགས་ནད་རྣམས་སྐྱེ། །དེ་རྣམས་རྒྱུ་མིན་སྨན་གྱི་ཚོགས། །ཞེས་དང་། སྡོམ་འབྱུང་ལས། སྒྱུ་མ་ལྟ་བུའི་ཏིང་འཛིན་ནི། །རབ་ཏུ་མི་ཤེས་མི་རྣམས་ནི། །ཐོགས་མེད་དུག་ཅན་ཉོན་མོངས་ཀྱི། །བག་ཆགས་རབ་ཏུ་བསགས་བྱས་ལ། །དེ་དག་སྔོན་བསགས་ལས་ཀྱིས་ནི། །རྐྱེན་དང་འཆི་བ་ཡང་དག་འབྱུང་། །ཞེས་དང་། བྱང་ཆུབ་སེམས་འགྲེལ་ལས། དེ་ཕྱིར་ཆོས་རྣམས་ཀུན་གྱི་གཞི། །ཞི་ཞིང་སྒྱུ་མ་དང་མཚུངས་པ། །གཞི་མེད་སྡིག་པས་འཇིགས་བྱེད་པའི། །སྟོང་པ་ཉིད་ནི་རབ་ཏུ་བྷཻཾ། །ཞེས་དང་། མཁའ་འགྲོ་རྒྱ་མཚོའི་རྒྱུད་ལས། ལྷ་ཡི་རྣམ་པའི་རྣལ་འབྱོར་བདག །སྐད་ཅིག་མངོན་སུམ་བྱེད་པ་པོ། །ལུང་མ་ལ་སོགས་རྣལ་འབྱོར་གྱི། །རྣལ་འབྱོར་བྱས་པའི་དབྱིབས་སུ་འགྱུར། །སྟོང་ཉིད་རྣལ་འབྱོར་རང་ཉིད་གཟུགས། །བདག་བྱིན་བརླབས་པའི་མཚན་ཉིད་དོ། །བདག་བྱིན་བརླབས་འབྲས་རྣལ་འབྱོར་པས། །སྣུམ་སྐོག་དུམ་བུ་བཞིན་ཤེས་བྱ། །འདི་འདྲའི་མཚན་ཉིད་བཀོད་གྱུར་པ། །སྐྱེ་བོ་ཕྱུགས་རྣམས་ཀྱིས་མི་ཤེས། །དེ་ཕྱིར་སྒྱུ་

[Full Size]

འཕྲུལ་འདི་བསྒོམས་ན། །བླ་ན་མེད་པའི་གོ་འཕང་ཐོབ། །རིམ་ལྔ་ལས། ལུས་དང་ལོངས་སྤྱོད་གནད་དག་དང་། །ས་དང་ཕ་རོལ་ཕྱིན་ལ་སོགས། །སངས་རྒྱས་སྒྱུ་འཕྲུལ་ཆོ་འཕྲུལ་སོགས། །ཐམས་ཅད་སྒྱུ་མའི་རྣམ་འཕྲུལ་ལོ། །སྒྱུ་མ་ལྟ་བུའི་ཏིང་འཛིན་གནས། །ཡང་དག་མཐའ་ནི་རྣམ་པར་སྦྱངས། །ཞེས་དང་། སྒྱུ་མ་ལམ་རིམ་ལས། ཆོས་རྣམས་སྒྱུ་མ་ལྟ་བུ་ལ། །དད་བརྩོན་གུས་པས་མཆོག་ལྡན་པས། །སྒྱུ་མ་ལྟ་བུར་བྷཻཾ་བྱས་ནས། །སྒྱུ་མ་ལྟ་བུ་མངོན་སངས་རྒྱས། །ཞེས་གསུངས་ཤིང་། སྒྱུ་མ་ལྟ་བུའི་ཏིང་ངེ་འཛིན་སྒོམ་པ་ལ་བརྟེན་ནས། གནས་སྐབས་སུ་འཇིག་རྟེན་པའི་ཆོས་བརྒྱད་པོ་རོ་སྙོམས་པ་དང་། གྲུབ་པ་ཆེན་པོ་བརྒྱད་དང་། བསད་ཕྱིར་གསོ་བ་དང་ལུས་མི་སྣང་བར་སྦ་བ་སོགས་འཕྲལ་གྱི་ཡོན་ཏན་དང་མཐར་ཐུག་འབྲས་བུ་ནི་རྫོགས་པའི་སངས་རྒྱས་ཉིད་ཐོབ་པར་གསུངས་སོ། །འདི་ལྟར། བཅོམ་ལྡན་རྒྱལ་བ་རྒྱ་མཚོ་ཡི། །བསྐྱེད་རིམ་ལྷ་སྐུ་སྒྱུ་མ་དང་། །ཐུན་མཚམས་སྒྱུ་མའི་སྐྱེས་བུ་བྱ་བའི་ཚུལ། །རྒྱུད་ཀྱི་རྡོ་རྗེའི་ཚིག་རྐང་གཞིར་བྱས་ཏེ། །ངེས་ཤེས་བསྐྱེད་ཕྱིར་མདོ་རྒྱུད་ལུང་དང་བཅས། །མན་ངག་བརྒྱུད་པས་གདམས་

[Full Size]

པས་ལེགས་བརྒྱན་ཏེ། །ལེགས་པར་སྦྱར་བ་འདི་ལ་ཉེས་མཆིས་ན། །རྒྱལ་བ་རྒྱ་མཚོ་ལྷ་དང་ཌཱཀིར་བཤགས། །དགེ་བས་འགྲོ་ཀུན་ཏིང་འཛིན་མཆོག་ཐོབ་ནས། །མྱུར་དུ་འཇའ་ལུས་རྡོ་རྗེའི་སྐུ་འགྲུབ་ཤོག །དེ་སྐད་སྨྲས་གང་ཐུགས་རྗེ་ཆེན་པོ་ཡི། །རྣལ་འབྱོར་ཚེ་གཅིག་བརྩོན་ལྡན་དགེ་སློང་ནི། །རཱ་ག་ཨ་སྱ་ཞེས་བྱས་སྦྱར་བའོ། །བཀྲ་ཤིས་དཔལ་འབར་ཆོས་འདི་དར་རྒྱས་ཤོག། །།སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱལ་བ་རྒྱ་མཚོའི་ནུབ་མོ་ཉལ་བའི་རྣལ་འབྱོར།

[Full Size]

རྒྱལ་བ་རྒྱ་མཚོའི་ནུབ་མོ་ཉལ་བའི་རྣལ་འབྱོར་བཞུགས་སོ།།

[Full Size]

ན་མོ་ལོ་ཀེ་ཤྭ་ར་ཡེ། རྒྱལ་བ་རྒྱ་མཚོ་ལ་བཏུད་ནས། །དེ་ཉིད་སྒྲུབ་པའི་རྣལ་འབྱོར་པ། །ཉལ་བའི་རྣལ་འབྱོར་བཤད་པར་བྱ། །ཆོས་བདག་ཌཀིའི་བཀའ་གནོང་བྱིན་གྱིས་རློབས། །དེ་ཡང་། རྒྱུད་ལས། ཤེས་རབ་ཕུན་སུམ་ཚོགས་པ་ལ། །ཆོས་ཀྱི་རྣམ་གྲངས་ཆེན་པོ་བསྟན། །ཞེས་དང་། ལོངས་སྤྱོད་ཀྱི་འཁོར་ལོ་དང་། ཆོས་ཀྱི་འཁོར་ལོ་སྟེ། ཡིག་འབྲུ་བཞི་དང་། ཟིན་པ་བཞི་དང་། ཞེས་གསུངས་པས། ལོངས་སྤྱོད་ཀྱི་འཁོར་ལོ་ལ་བསྟེན་ནས་རྨི་ལམ་བཟུང་བ། ཆོས་ཀྱི་འཁོར་ལོ་ལ་བསྟེན་ནས་འོད་གསལ་བཟུང་བ་ཡིན་ལ། ཡིག་འབྲུ ཨ

[Full Size]

ནུ་ཏ ར བཞི་ཟིན་ལ། །ཟིན་པ་གཉིད་འོད་གསལ་ཟིན་པ། རྨི་ལམ་ཟིན་པ། རྨི་ལམ་སྤྲུལ་བསྒྱུར་ཟིན་པ། རྨི་ལམ་འོད་གསལ་ཟིན་པ་དང་བཞིའོ། །འབུམ་ལྔ་ལས། མགྲིན་པ་ལོངས་སྤྱོད་འཁོར་ལོ་ལ། །མགོན་པོ་འོད་དཔག་མེད་པ་བཤད། །དེ་ཉིད་གསུང་གི་རྡོ་རྗེར་བཤད། །དེ་བཞིན་གཤེགས་པ་པདྨའི་ཕྱག །དེ་ཉིད་མཆོག་ཏུ་དགའ་བར་བཤད། །སྐྱེས་བུ་བྱེད་པར་ཡང་བརྗོད་དེ། །ལུགས་སུ་འབྱུང་བའི་ལུགས་ཡིན་ཏེ། །རྨི་ལམ་གནས་སྐབས་གེགས་བྱེད་པ། །དེ་ཉིད་ལོངས་སྤྱོད་རྫོགས་པའི་སྐུ། །སངས་རྒྱས་རྣམས་ཀྱི་ཆོས་སྟོན་བྱ། །དེ་

[Full Size]

ཉིད་བྱང་ཆུབ་ཆེན་པོར་བརྗོད། །ཅེས་དང་། །བརྟག་གཉིས་ལས། ཡེ་ཤེས་ཆེན་པོ་རོས་གང་བ། །གཉིད་ནི་སྤངས་བར་མི་བྱ་སྟེ། །དབང་པོ་རྣམས་ཀྱང་མི་དགག་གོ །གསང་འདུས་ལས། ཆོས་རྣམས་རྨི་ལམ་ལྟ་བུ་སྟེ། །རང་བཞིན་དག་པ་དེ་ཉིད་ལ། །འཁྲུལ་པའི་རྡོ་རྗེ་རབ་ཏུ་གསུངས། །དེ་ལ་ཉལ་དུས་མགོ་བྱང་། རྐང་པ་ལྷོ། རྒྱབ་ཤར། ཁ་ནུབ་ཏུ་བསྟན། མགྲིན་པར་པདྨ་དཀར་པོ་ལ་བཅོམ་ལྡན་འདས་འོད་དཔག་མེད་མཐེ་བོང་ཙམ་གྱི་མགྲིན་པའི་དབུས་སུ་ཐིག་ལེ་དམར་པོ་ཡུངས་འབྲུ་ཙམ་ལ་སེམས་གཏད་དེ་ཉལ་ལོ། །མགྲིན་པའི་པདྨའི་དབུས་སུ་ཨོཾ་དཀར་པོ། འདབ་བཞིའི་ཤར་དུ་ཨ་སྔོན་པོ། ལྷོར་ནུ་སེར་པོ། རྒྱབ་ཏུ་ཏེ་དམར་པོ། གཡོན་དུ་ར་ལྗང་གུ་རྣམས་ལ་རིམ་པར་སེམས་བཟུང་བ་དང་དེ་བཞིན་གཡས་གཡོན་གང་རུང་དུ་འཁོར་བར་བསམས་ལ་ཡི་གེ་ལྔ་བཟླ་བར་བྱའོ། །ཡི་གེ་ལྔ་པོ་ལ་སེམས་བཟུང་ནས་རིགས་ལྔའི་ཞིང་ཁམས་བལྟ་བ་དང་། ཨོཾ་ལ་སེམས་གཏད་ནས་ཨོཾ་རྒྱུན་དུ་གསང་བ་ཡེ་ཤེས་མཇལ་བ་དང་སོགས་གནས་ཉེར་བཞིར་བལྟ་བ་དང་། སྤྲུལ་བསྒྱུར་སོགས་བྱའོ། །ལག་གཉིས་སུ་ཉི་ཟླ་བསམས་པས་ཉི་ཟླ་ལ་འཇུ་ནུས་པ་དང་། ཉི་ཟླ་

[Full Size]

གདན་དུ་བསམས་པས་ཉི་ཟླའི་སྟེང་དུ་འདུག་ནུས་པ་དང་། ཆུའི་ཆོ་འཕྲུལ་ཆེ་ན་གཏུམ་མོ་སྦྱར་ལ་བྱང་སེམས་བསྲེག །མེ་ལ་བྱང་སེམས་ཀྱིས་བཀང་། རླུང་ལ་རྩ་གནས་ཐམས་ཅད་གསེར་གྱི་རྡོ་རྗེ་རྒྱ་གྲམ་གྱི་བར་མེད་དུ་དཀྲིག །གཡང་ས་ལ་བསྐལ་པའི་རླུང་གིས་ཕྱི་རོལ་གྱི་རི་རབ་ཁང་ཁྱིམ་ནམ་མཁར་གཏོར་བར་བསམ་པ་དང་། གཅན་གཟན་སེང་གེའི་གདོན་ལ་ཁྲོ་བོ་སོགས་དེའི་གཉེན་པོར་བསྒོམས་པས་སེལ་ལོ། །ཉལ་ཁ་རྨི་ལམ་ཟིན་པ་བྱ་སྙམ་པའི་འདུན་པ་གཙོ་ཆེའོ། །རྨི་ལམ་ཟིན་ན་ལྷ་སྐུར་བསྒྱུར་བ་དང་འོད་གསལ་སྒོམ་པ་སོགས་བྱའོ།། ༈ རྨི་ལམ་འོད་གསལ་འཛིན་པ་ནི། རྒྱུད་ལས། ཟིན་པ་བཞི་གསུངས་པ་དང་། པདྨ་རྒྱལ་པོའི་རྒྱུད་ལས། གསལ་ལ་མི་རྟོག་འོད་གསལ་ལོ། །ཐམས་ཅད་སྤྲོས་པ་མེད་པར་རྟོགས། །འབུམ་ལྔར། གང་གི་བྱང་ཆུབ་གནས་སྐབས་ནི། །སྙིང་གི་པདྨར་ཡང་དག་གནས། །ཧཱུྃ་ཡིག་དེ་བཞིན་སེམས་དཔར་བརྗོད། །ཅེས་དང་། རིམ་ལྔ་བསྡུས་གསལ་ལས། རང་བཞིན་ཤེས་པའི་བསམ་གཏན་ལ། །ཐབས་ལས་མ་སྐྱེས་ཏིང་འཛིན་ནི། །རང་གསལ་ངོ་བོ་མི་རྟོག་པ། །འོད་གསལ་དོན་དམ་རིག་

[Full Size]

པའོ། །དེ་ལ་སེང་གེའི་ཉལ་སྟབས་ཀྱིས་ཉལ་བ་སོགས་གོང་ལྟར་ལ། སྙིང་པདྨ་འདབ་བཞིའི་དབུས་སུ་ཧཱུྃ་སྔོན་པོ་འདབ་མ་བཞི་ལས་ཨ་ནུ་ཏ་ར་བསམ། ཧཱུྃ་གི་འོད་ཀྱི་བརྟན་གཡོ་བསྡུ། རིམ་པར་ཞུ་བ་ལས། དེ་ཡང་ཐིག་ལེ་སྲན་མ་ཙམ་དུ་སེམས་བཟུང་ནས་གཉིད་པས། ས་ཆུ་ལ་ཐིམ་པས་ལུས་ལྗིད་ཁ་ཆུ་འབྱུང་། ཆུ་མེ་ལ་ཐིམ་པས་ཐོད་པ་ཚ་འུབས་སེ་བ་མིག་ཆུ་ཆེར་འགྲོ། མེ་རླུང་ལ་ཐིམ་པས་སྣ་བུག་སུར་སུར་འོང་། རླུང་རྣམ་ཤེས་ལ་ཐིམ་པས་ཉིན་མོའི་རྟོགས་པ་འགགས། རྨི་ལམ་མ་བྱུང་གི་བར་དེར་གཏུམ་མོ་ཆོས་སྐུའི་འོད་གསལ་ནམ་མཁའ་གཡའ་དག་པ་ལྟ་བུ་འབྱུང་ངོ་། །སྙིང་ཁར་བླ་མ་ཉི་ཟླ་འབུམ་གྱི་གཟི་ཅན་ལ་གསོལ་བ་བཏབ་རང་ལ་བསྟིམས་ནས་བཟུང་བ་དང་། སྙིང་གར་ཟླ་བའི་གདན་དང་རྒྱབ་ཡོལ་ལ་བླ་མའི་སྐུ་ལ་ཞལ་ཕྱག་རྫོགས་པར་གསལ་བར་དང་། གནས་ཕྱི་ནང་ཐམས་ཅད་རིན་པོ་ཆེ་སྣ་ཚོགས་ལས་གྲུབ་པའི་སངས་རྒྱས་ཀྱི་ཞིང་ཁམས་གཞལ་ཡས་ཁང་སངས་རྒྱས་བྱང་སེམས་རྒྱ་མཚོ་བཞུགས་པ་ལས་རླུང་དང་བསྟུན་འོད་ཟེར་འཕྲོ་འདུས་སྣ་བུག་ནས་ལུས་ཀྱི་ནང་ཁེངས་པས། རང་ཉིད་རྒྱལ་བ་རྒྱ་མཚོར་གསལ་བའི་སྤྱི་བོར་ཐིག་ལེ་ཟླ་བ་ལྟ་བུའི་འོད་ཀྱིས་

[Full Size]

ཁེངས་འོད་ཟེར་བ་སྤུའི་བུ་ག་ནས་ཕྱིར་འཕྲོས་ཡུལ་ཁམས་ཐམས་ཅད་གསལ་བར་བྱས་པ་དང་། རང་ཉིད་རྒྱལ་བ་རྒྱ་མཚོ་སྟོང་རའི་དབུས་སུ་དྷ་ཏི་སྔོ་སངས་མདའ་སྨྱུག་ཙམ་ལ་ཤེས་པ་གཏད་པ་དང་། སྙིང་གར་མི་བསྐྱོད་པ་སྤྱན་རས་གཟིགས་སམ། དེའི་སྤྱི་བོར་མི་བསྐྱོད་པའི་ཐུགས་ཀར་ཧཱུྃ་སྔོན་པོ་སྤུས་བྲིས་པ་ཙམ་ལ་སེམས་བཟུང་བས་ཟིན་ནོ། འཇམ་དཔལ་ཞལ་ལུང་ལས། ཆོས་སྐུར་རབ་དགའ་མཁའ་མཉམ་པ། །ཤི་དང་བརྒྱལ་དང་གཉིད་ལོག་དང་། །གླལ་དང་འཁྲིག་དུས་སྐད་ཅིག་ཙམ། །མྱུར་བར་འགྱུར་བ་རབ་གོམས་ན། །ལུས་ཅན་རྣམས་ནི་ཡིད་ལ་སྦྱངས། །ཞེས་གསུངས་པ་ལྟར་གཉིད་འོད་གསལ་འཛིན་པ་ལ་བསླབ་པར་བྱའོ། །དེ་ལྟར་བཅོམ་ལྡན་རྒྱལ་བ་རྒྱ་མཚོ་ཡི། །ཉལ་བའི་རྣལ་འབྱོར་ཆོ་གའི་གཞུང་ལས་གསུངས། །དེ་ཉིད་རྒྱུད་དང་རྒྱ་གཞུང་ལུང་རྣམས་དང་། །མན་ངག་གིས་བརྒྱན་ཉུང་བསྡུས་བཅང་བདེར་བྱས། །འདི་ལ་འགལ་འཁྲུལ་ཉེས་པའི་ཆ་མཆིས་པ། །རྒྱལ་བ་རྒྱ་མཚོ་ཆོས་སྐྱོང་བཅས་ལ་བཤགས། །དགེ་བས་བདག་དང་སེམས་ཅན་མ་ལུས་པ། །གཏི་མུག་འཁྲུལ་པའི་རབ་རིབ་ཀུན་སངས་ནས། །ཡེ་ཤེས་འོད་གསལ་སྣང་བ་

[Full Size]

ཆེར་འབར་བས། །ལ་བ་པ་ལྟར་ཚེ་གཅིག་སངས་རྒྱས་ཤོག །དེ་སྐད་ཐུགས་རྗེ་ཆེན་པོའི་རྣལ་འབྱོར་པས། །རྩེ་གཅིག་སྒྲུབ་པའི་ཁོངས་སུ་སྦྱར་བའོ།། སོ།། །།མངྒ་ལཾ། །བཀྲ་ཤིས།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྒྱལ་བ་རྒྱ་མཚོའི་འཆི་བ་ལམ་ཁྱེར།

[Full Size]

རྒྱལ་བ་རྒྱ་མཚོའི་འཆི་བ་ལམ་ཁྱེར་བཞུགས་སོ། །

[Full Size]

ན་མོ་ལོ་ཀེ་ཤྭ་ར་ཡ། འཇིག་རྟེན་དབང་ཕྱུག་ལ་བཏུད་ནས། །དེ་ཡི་མན་ངག་ཁྱད་པར་ཅན། །འཆི་བ་ལམ་ཁྱེར་བརྗོད་པ་ལ། །ཌཀི་སྲུང་མས་བཀའ་གནང་སྩོལ། །དེའང་རྒྱུད་ལས། གསང་སྔགས་ཀུན་གྱི་ཡང་སྙིང་འདི། །དཀའ་བ་ཆེན་མཛད་ནན་ཏན་དུ། །བརྗོད་པར་དཀའ་བ་ཅན་གྱི་རིགས། །སྒྲིབ་པ་ཐམས་ཅད་ཟད་ནས་ཀྱང་། །བདེ་བའི་གནས་སུ་ཁྲིད་པ་ཡི། །དོན་འདི་ཟབ་དང་རྒྱ་ཆེ་བའི། །ང་ཡིས་ཁྱོད་ལ་བརྗོད་པར་བྱ། །ཞེས་དང་། ལེགས་སོ་ལེགས་སོ་སྟོན་པ་ཁྱོད། །ལས་དང་ཉོན་མོངས་དགག་པར་བྱ། །སྡུག་བསྔལ་བདེ་བ་ཆེན་པོར་

[Full Size]

འདྲེས། །ཞེས་དང་། བདེ་བའི་གནས་ན་བདེ་བའི་ལམ། །བདེ་བའི་འབྲས་བུ་བླ་ན་མེད། །ཅེས་པས་འཕོ་བ་དང་བར་དོ་བསྟན་ཏེ། འཕོ་བ་ཐེབས་ན་སྡིག་པོ་ཆེ་ཡིན་ཡང་ལས་ཉོན་གྱི་སྡིག་སྒྲིབ་འགགས་ནས། ངན་སོང་གི་སྡུག་བསྔལ་མྱོང་རྒྱུ་ཡང་བདེ་བ་ཆེན་པོའི་ཞིང་དུ་འདྲེན་པ་དང་། འོད་གསལ་དང་སྒྱུ་ལུས་ཀྱི་ནུས་པས་ལས་སྒྲིབ་ཐམས་ཅད་དེར་ཟད་ནས་བདེ་བ་ཅན་གྱི་ཞིང་ཁམས་སུ་ཁྲིད་པ་བར་དོ་གསུམ་གྱི་གདམས་པ་ཟབ་པ་དང་། རྒྱ་ཆེ་བར་བསྟན་ཏོ། །བདེ་དྲོད་གཏུམ་མོའི་གནས་ལྟེ་བ་ནས། བདེ་སྟོང་ཕྱག་རྒྱ་ཆེན་པོ་ནི་ངོ་བོ་དབུ་མའི་ལམ་ནས་བདེ་

[Full Size]

བ་ཅན་དུ་འབྲས་བུ་བླ་མེད་ཀྱི་སངས་རྒྱས་འོད་དཔག་མེད་ཀྱི་ཐུགས་ཀར་འཕོ་བའོ། །དེ་ལ་རབ་འོད་གསལ་ངོས་བཟུང་བ་དང་ཆོས་སྐུའི་འཕོ་བ་དོན་གཅིག་སྟེ། འཇམ་དཔལ་ཞལ་ལུང་ལས་བདག་སེམས་དབྱིངས་སུ་ཞུགས་པའི་ཚེ། །གསལ་ཞིང་རབ་དགའ་མཁའ་འདྲ་རྟོགས། །ཞེས་དང་། བཀའ་ངེས་ལས། ཐིམ་པའི་རྗེས་ལ་གོམས་པ་ཡི། །རང་བཞིན་གྱིས་ནི་འོད་གསལ་འབར། །ཞེས་དང་། གདན་བཞི་ལས། གང་གི་སྐྱེ་ན་ཀུན་རྫོབ་བདེན་ཞེས་ཏེ། །འཆི་བའི་མིང་ཡང་དོན་དམ་བདེན་པ་ཡིན། །རིམ་གཉིས་དེ་དག་བླ་མའི་དྲིན་གྱིས་ནི། །རྙེད་པ་དེ་ནི་མ་འོངས་སངས་རྒྱས་ཡིན། །ཞེས་དང་། ཡེ་ཤེས་ཐིག་ལེའི་མདོ་ལས། ཡང་ན་ལུས་འདི་སྤང་མ་ཐག །བརྩོན་པ་མི་ལྡན་པས་ཀྱང་འགྲུབ། །ཅེས་གསུངས་སོ། །དེ་ལ་འཆི་ཁ་ཆགས་ཞེན་བྱེད་དང་སེམས་སྤངས་ལ། སེམས་ཅན་ཐམས་ཅད་ཀྱི་དོན་དུ་འཆི་བ་ཆོས་སྐུར་སངས་རྒྱས་ནས་འགྲོ་བའི་དོན་འབད་མེད་ལྷུན་གྲུབ་ཏུ་བྱ་བར་སེམས་བསྐྱེད་ལ། རང་ཉིད་རྒྱལ་བ་རྒྱ་མཚོའི་སྤྱི་བོར་བླ་མ་འོད་དཔག་མེད་ལ་གསོལ་བ་བཏབ་པས་གཞིའི་འོད་གསལ་ཟིན་པར་གསོལ་བ་བཏབ་ནུས་ན་ཊྛཀི་ཆོས་སྐྱོང་ལ་གཏོར་མ་གཏོང་

[Full Size]

ལ་ཕྲིན་ལས་བཅོལ། མ་ནུས་ན་གསོལ་བ་བཏབ། སྙིང་གར་པདྨ་འདབ་བཞིའི་དབུས་སུ། ཧཱུྃ་དང་ཨ་ནུ་ཏ་རའམ། ཧཱུྃ་ཁོ་ན་བྷཻཾ་ཀྱང་ཆོག་སྟེ། དེ་ལས་འོད་འཕྲོས་རྟེན་གཡོ་སྣོད་བཅུད་ཐམས་ཅད་རང་ལ་བསྡུ། རང་གི་ཡི་གེ་ཧཱུྃ་དེ་གྱེན་དུ་བསྡུས་ནས་ནཱ་ད་སྟོང་ཉིད་ལ་བཞག །དུས་གསུམ་གྱི་རྟོག་པ་སྣང་མཆེད་ཐོབ་པ་སོགས་ཅི་ཤར་ཡང་རིག་པ་སྐད་ཅིག་མའི་ཐོག་ཏུ་བསྒོམ་བྱ་སྒོམ་བྱེད་བྲལ་བའི་ངང་ལ་མཉམ་པར་བཞག་པས། རླུང་རྣམ་ཤེས་ལ་ཐིམ་རྗེས་གཞིའི་འོད་གསལ་ཟིན་ཏེ། ཕུང་པོ་བཀྲག་བཟང་བ་ནམ་མཁའ་གཡའ་དག་པ་ཨཱཿདང་ཧཱུྃ་དང་རིང་བསྲེལ་སོགས་འབྱུང་། དེ་ཚེ་གདེང་མེད་ན་ཆོས་སྐུར་འཕོ་སྟེ། རྒྱུད་ལས། སྤྱི་བོར་བླ་མ་རབ་ཏུ་བྷཻཾ། །རང་ལུས་ལྷ་ཡི་རྣལ་འབྱོར་གསལ། །ཞེས་པས་རང་ཉིད་རྒྱལ་བ་རྒྱ་མཚོ་རྩ་གསུམ་འཁོར་ལོ་གསལ་བཏབ། སྒོ་དགུ་ཧྲུས་བཀག །སྤྱི་བོར་འོད་དཔག་མེད་སྐྱབས་གནས་ཀུན་འདུས་སུ་བྷཻཾ། ལྟེ་འོག་ཏུ་རླུང་སེམས་འདུས་པའི་ངོ་བོ་ཐིག་ལེ་དཀར་པོ་སྲན་མ་ཙམ་འཕར་ལིང་ལིང་བྱེད་པ་ཧིག་ཅེས་པས་འཕར་ལ་བླ་མའི་ཞབས་ལ་རེག །ཀ་ཞེས་མར་ཕབ་པའོ། །འབྱོངས་རྟགས་བྱུང་ན་བླ་མར་བསྟིམ།

[Full Size]

འཆི་ལྟས་ཚང་ན་སྒལ་ཚིགས་དབྱུག་པ་ལ་བཀན་ལ་ཀ་ཞེས་དྲག་པོས་བླ་མའི་ཐུགས་ཀར་འཕང་ངོ་། །ཡང་རྡོ་ཁབ་ལེན་མགྲོན་བུ་བསྲེག་ཐལ་སྦྱང་རྒོད་སྦྱར་བ་ཚངས་བུག་ལ་བྱུགས་པས་རྟེན་འབྲེལ་རྫས་འཕོའོ། །རྡོ་རྗེ་མཁའ་འགྲོ་མས། ཉིན་རེ་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་དང་། །རྐུན་འཕྲོག་འདོད་པ་སྤྱོད་པ་དང་། །ལམ་ལམ་དེ་ཡི་དག་གྱུར་ཅིང་། །སྡིག་པས་གོས་པར་མི་འགྱུར་ཞིང་། །སྲིད་པའི་སྐྱོན་ལས་རིང་དུ་འགྲོ། །ཞེས་དང་། གདན་བཞི་ལས། དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་པར་འགྱུར། །དེ་བས་ལུས་ལ་མཚན་མ་རྣམས། །མཐོང་ན་མཁས་པས་སྦྱར་བ་བརྩམ། །ཞེས་དང་། སཾ་བྷུ་ཊི་ལས། མཚན་ཉིད་ལྟེ་བར་འདོད་པ་ཅན། །མཐོ་རིས་ཐེག་ལེ་གཟུགས་ཅན་ལུས། །།སྟེང་ནས་སྟེང་དུ་གནས་པ་ཡིན། །འགྲོ་བ་དག་ཏུ་འོང་བ་དག །སྣང་བས་གནོད་སྦྱིན་དག་ཏུ་འགྱུར། །རྣ་བ་དག་ཏུ་གྲུབ་པའི་ལྷ། །གལ་ཏེ་མིག་ལས་ཤེས་འགྲོ་ན། །མི་རྣམས་ཀྱིས་ནི་རྒྱལ་པོར་འགྱུར། །སྲིད་པའི་སྒོ་ལས་ཡི་དྭགས་ཏེ། །ལྟེ་བ་དེ་བཞིན་བྱོལ་སོང་ངོ་། །དམྱལ་བ་བརྒྱད་དུ་ལྟུང་མིན་ལས། །ཞེས་གསུངས། ལུས་

[Full Size]

ལས། ལྟེ་བར་འདོད་ཁམས་བདེ་འགྲོ་སྟེ། །ཐིག་ལེ་ལས་ནི་གཟུགས་ཅན་ལུས། །སྟེང་ནས་ཟླ་མེད་རྣམ་གསུམ་སྟེ། །དེས་ནི་བདེ་འགྲོ་བྱེད་པའོ། །སྣ་ལ་གནོད་སྦྱིན་གནས་སུ་སྐྱེ། །རྣ་བ་ལས་ནི་མིའམ་ཅི། །ལྷ་མོ་གལ་ཏེ་མིག་ལས་ནི། །མི་རྣམས་ཀྱིས་ནི་རྒྱལ་པོར་འགྱུར། །ཁ་ཡི་སྒོ་ནས་ཡི་དྭགས་རྣམས། །གཅི་བས་དེ་བཞིན་དུད་འགྲོའོ། །བཤང་བ་ལས་ནི་དམྱལ་བར་འགྲོ། །གལ་ཏེ་འོད་གསལ་མ་ཟིན་པ་དང་། །འཕོ་བ་མ་ཐེབ་ན་བར་དོར་འཆར་ཏེ། འཇམ་དཔལ་ལུང་ལས། དེ་ནས་རྫུ་འཕྲུལ་ཤུགས་ལྡན་པས། །ལོ་ལྔ་ལོན་པའི་བྱིས་པའི་གཟུགས། །འགྲུབ་ཚེ་དཔེ་མེད་བདེ་རྫོགས་ཤོག །ཅེས་དང་། རིམ་ལྔ་ལས། རྣམ་ཤེས་གསུམ་པོ་སླར་ཡང་ནི། །རྣལ་འབྱོར་པ་ཡི་ལུས་སུ་འགྱུར། །སྒྱུ་མ་ལུས་ཞེས་དེ་ལས་བཤད། །ཅེས་དང་། རིམ་ལྟར། ཀུན་རྫོབ་བདེན་པས་སྒྱུ་མ་ནི། །ལོངས་སྤྱོད་རྫོགས་པའི་སྐུ་ཡང་དེ། །དེ་ཉིད་དྲི་ཟའི་སེམས་ཅན་འབྱུང་། །རྡོ་རྗེའི་སྐུ་ཡང་དེ་བཞིན་ཡིན། །ཞེས་དང་། སྡོམ་འབྱུང་ལས། འཚོགས་པ་མ་རྙེད་དེ་སྲིད་དུ། །ཞག་བདུན་སྲིད་པ་བར་དོར་གནས། །སྲིད་པ་བར་དོའི་སེམས་

[Full Size]

ཅན་ནི། །ཐོག་མེད་བསྒྲོད་པ་ཇི་བཞིན་དུ། །འདི་ལྟར་ལས་ཀྱི་ཞགས་པ་ཡིས། །འགྲོ་བ་དྲུག་ཏུ་རབ་ཏུ་སྐྱེ། །ཞེས་དང་། འཇམ་དཔལ་ཞལ་ལུང་ལས། །ཡིད་ནི་རྡོ་རྗེའི་སྐུ་གྱུར་པའི། །བར་དོ་ལས་ནི་གྲོལ་བར་འགྱུར། །ཞེས་གསུངས་པ་དང་། བར་དོ་ངོ་ཤེས་ནས། རང་ཉིད་རྒྱལ་བ་རྒྱ་མཚོའི་སྐུ་སྣང་ལ་རང་བཞིན་མེད་པར་བྷཻཾ་སྟེ། དེ་བསྟེན་ནས། ཕྱག་ཆེན་བསྐྱེད་རྫོགས་ཟུང་འཇུག་བསྒོམས་པས་སངས་རྒྱས་པར་འགྱུར་ལ། སྤྲུལ་སྐུ་འོད་དཔག་མེད་དུ་བྱས་ལ་བར་དོའི་སེམས་ཅན་ལ་མི་འཇིགས་པ་ཆོས་སྦྱིན་གྱི་ཐར་ལམ་ལ་བཀོད་པ་དང་། འོག་མིན་དུ་རྡོ་རྗེ་འཆང་དང་དགའ་ལྡན་དུ་བྱམས་པ་དང་བདེ་བ་ཅན་དུ་ཆོས་ཞུ་བ་དང་། འཇིག་རྟེན་ལས་འདས་ཡུལ་ཉེར་བཞིའི་བདེ་མཆོག་གི་དཀྱིལ་འཁོར་དུ་འཇུག་པ་དང་ཚོགས་ལ་རོལ། རང་ལུས་དེ་བཞིན་གཤེགས་པ་སངས་རྒྱས་སྟོང་དུ་སྤྲུལ་པ་དང་། བར་དོའི་སེམས་ཅན་ལ་རང་གི་ཡིད་ཀྱིས་སྤྲུལ་པའི་ཁང་བཟང་དང་འདོད་ཡོན་ལྔ་ཕུལ་ནས་བྱིན་པ་དང་། དམྱལ་བོར་རིན་པོ་ཆེའི་ཁང་བཟང་མེ་ཏོག་གི་ཆར་ལྷ་དང་ལྷ་མོའི་རང་བཞིན་གྱིས་དམྱལ་བའི་སེམས་ཅན་འདྲེན་པ་དང་། བཟའ་བཏུང་བགོ་བ་ལ་སོགས་ཡི་དྭགས་

[Full Size]

སྦྱང་བ་དང་། དེ་བཞིན་དུ་དུད་འགྲོ་ལྷ་མིན་ལ་སོགས་གང་འདུལ་སྤྲུལ་ནས་འགྲོ་དོན་རྒྱ་ཆེན་བྱེད་པ་སྟེ། འདི་དག་ད་ལྟ་ནས་བར་དོ་ཡིན་པར་བྷཻཾ་ནས་དམིགས་པ་སྦྱངས་ཏེ་བར་དོར་རྩལ་རྫོགས་པར་བྱའོ། །གལ་ཏེ་མངལ་དུ་སྐྱེ་བར་ཆུད་ན་ཕ་མ་བླ་མ་ཡབ་ཡུམ་མམ་རྒྱལ་བ་རྒྱ་མཚོ་ཡབ་ཡུམ་དུ་བྷཻཾ་པས་ཆགས་སྡང་མི་སྐྱེ་མངལ་སྒོ་ཁེག་གོ །དེ་ནས་བདེ་བ་ཅན་དུ་ཐོགས་པ་མེད་པར་སོང་ནས་རིགས་བདག་ལས་ཆོས་ཉན། མེ་ཏོག་པདྨའི་སྡོང་པོ་གཅིག་བདག་གིས་བྱས་པས་བརྫུས་ཏེ་སྐྱེའོ། །འཆི་མེད་རྔ་སྒྲའི་གཟུངས་ལས། སུ་ཞིག་དེ་ཡི་མཚན་འཛིན་པ། །དེ་ནི་དེ་རུ་སྐྱེ་བར་འགྱུར། །ཞེས་སོགས་དང་། ཡི་གེ་དྲུག་པ་ཡི་དམ་དུ་བྱས་པས། དེར་སྐྱེ་བར་ཟ་མ་ཏོག་ནས་རྒྱ་ཆེར་གསུངས་པ་མདོ་རྒྱུད་དུ་མ་ནས་གསུངས་སོ། །དེ་ལྟར་བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་གདམས་པ། འཆི་བ་ལམ་དུ་ཁྱེར་བ་རྒྱུད་རྡོ་རྗེའི་གསུངས་ལས་རྒྱུད་སྡེ་གཞན་གྱི་ལུང་རྒྱབ་གསལ་བ་འགའ་ཟུང་དང་བཅས། བླ་མ་བརྒྱུད་པའི་མན་ངག་ཡི་གེ་དང་སྙན་དུ་བརྒྱུད་པ་ཐམས་ཅད་ཀྱི་གནད་འགག་ཚིག་ཉུང་དོན་ཆེ་བཟུང་བདེ་བར་ཐུགས་རྗེ་ཆེན་པོའི་རྣལ་འབྱོར་པ། ༧ རཱ་ག་ཨ་

[Full Size]

སྱས་སྦྱར་བའོ།། །།འདི་བྲིས་ཉེས་འགལ་ཅི་མཆིས་ཡི་དམ་ཌཀིའི་ཚོགས་ལ་བཤགས་ཤིང་། དགེ་བས་འགྲོ་བ་ཐམས་ཅད་འཆི་མེད་རྡོ་རྗེའི་སྐུ་འགྲུབ་པར་གྱུར་ཅིག། །། ༧་ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྷ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ནང་སྒྲུབ་གསང་སྒྲུབ་ཡང་གསང་སྒྲུབ་པའི་སྟ་གོན་གྱི་ཟིན་བྲིས།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྷ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ནང་སྒྲུབ་གསང་སྒྲུབ་ཡང་གསང་སྒྲུབ་པའི་སྟ་གོན་གྱི་ཟིན་བྲིས་སོ།།

[Full Size]

ན་མོ་ལོ་ཀེ་ཤྭ་ར་དྷེ་ཝ་པཉྩ་ཡེ། རྒྱ་མཚོ་ལྔ་ཡི་ལྷ་ལ་ཕྱག་འཚལ་ལོ། །བཀའ་གནང་བྱིན་གྱིས་བརླབ་པར་མཛད་དུ་གསོལ། །རྒྱལ་བ་རྒྱ་མཚོ་ལྷ་ལྔའི་ནང་སྒྲུབ་དང་། །གསང་སྒྲུབ་ཡང་གསང་སྒྲུབ་པའི་སྟ་གོན་ནི། །བྱིན་རླབས་ལྡན་པའི་གནས་རི་ཡིན་ན་རབ། །གངས་རི་བྲག་རི་ས་གཙང་གནས་རི་འབྲིང་། །ཐ་མ་དབེན་ཞིང་མཐུན་རྐྱེན་འཛོམ་ས་རུ། །དཀྱིལ་འཁོར་རྒྱས་འབྲིང་བསྡུས་དང་རྣམ་པ་གསུམ། །རྒྱས་པར་ས་བསླང་སྟེགས་བུ་བརྩེགས་པའམ། །ཡང་ན་ཐིག་ཚོན་རྡུལ་ཚོན་བཀོད་པ་སྟེ། །ཐིག་རྩ་དང་བཅས་གཞུང་དུ་གསལ་ལྟར་ལས། །ལྟེ་བར་ཆོས་

[Full Size]

འབྱུང་བསྣོལ་མ་ཕྱི་དཀར་ལ། །ནང་དམར་ཉི་སྟེང་ཧཱུྃཡིག་དམར་པོ་བྲི། །ཆོས་འབྱུང་ཟུར་དྲུག་དགའ་འཁྱིལ་གཡོན་སྐོར་རེ། །མཚམས་དྲུག་གཡུང་དྲུང་དཀར་པོ་གཡོན་སྐོར་རེ། །ཆོས་འབྱུང་རྒྱབ་དེར་སྣ་ཚོགས་པདྨ་ནི། །ལྟེ་བ་དམར་པོ་མུ་ཁྱུད་སེར་པོ་ལ། །འདབ་བཞིར་ཤར་སྔོ་ལྷོ་སེར་ནུབ་དམར་བ། །བྱང་ལྗང་མཚམས་དང་མུ་ཁྱུད་མཛེས་ཚོན་ནོ། །དེ་རྒྱབ་རྒྱས་པར་གྲུ་བཞི་སྒོ་བཞི་སྟེ། །བསྡུ་ན་རྡོ་རྗེའི་རྭ་བ་སེར་པོ་དང་། །མེ་རི་སྣ་ཚོགས་མདོག་ཅན་གཡས་སྐོར་བྲི། །འབྲིང་དུ་ས་བསླང་སྟེགས་བུ་བརྩེགས་མི་དགོས། །མཆོད་སྟེགས་སྟེང་དུ་རས་བྲིས་དཀྱིལ་

[Full Size]

འཁོར་བཏིང་། །མ་འཛོམ་ཤོག་བྲིས་ཆུ་ཚོན་བྱས་པའང་རུང་། །བསྡུས་པར་འབྲུ་ལ་ཚོན་གྱིས་ཁ་དོག་བསྒྱུར། །ཆོས་འབྱུང་ཟུར་དྲུག་དབུས་སུ་ཚོམ་བུ་དམར། །ཟུར་དྲུག་ནང་དུ་ཚོམ་བུ་དཀར་པོ་རེ། །ཕྱོགས་བཞི་ཕྱོགས་མདོག་ཚོམ་བུ་རེ་དང་ནི། །མཚམས་བཞི་ནས་ཀྱིས་རང་མདོག་ཚོམ་བུ་བཞི། །དེ་རྒྱབ་མུ་ཁྱུད་དམར་པོ་ཟླུམ་པོར་སྐོར། །དེ་ནས་འབྲུ་ཡིས་རང་མདོག་ཟླུམ་པོར་སྐོར། །དེ་ནི་མེ་རི་རྡོ་རྭའི་མཚོན་བྱེད་ཡིན། །དེ་ནས་གཞུང་ནས་བཤད་པའི་སྒྲུབ་རྗེ་ས་ནི། །སྦ་ལྕག་རི་ལུ་འཁོར་ལོ་བ་མཁལ་སོགས། །དབང་སྡུད་ལས་སྦྱོར་སྒྲུབ་པའི་རྫས་ཡིན་ཕྱིར། །མཆོག་བསྒྲུབ་འདི་ལ་དེ་རྣམས་མི་དགོས་པས། །གཏེར་སྟོན་གར་གྱི་དབང་ཕྱུག་ཐུགས་དམ་རྒྱུད། །དཀོན་མཆོག་འབངས་ཀྱིས་མཛད་པའི་སྒྲུབ་ཐབས་ལས། །སྒྲུབ་རྫས་དེ་རྣམས་གང་ཡང་མ་གསུངས་སོ། །དཀྱིལ་འཁོར་དབུས་སུ་མཉྫི་ཡོད་ན་བཞག །དེ་སྟེང་བུམ་པ་ཆུ་ཆང་བསྲེས་པའི་ནང་། །བུམ་སྨན་དང་ནི་བདུད་རྩི་རིལ་བུ་བཏབ། །ཁ་རྒྱན་མགུལ་ཆིངས་ལ་སོགས་སྤྱི་ལྟར་བཤམས། །དེ་སྟེང་ཁྲིའུའམ་མཎྜིརྐང་རིང་སྟེང་། །ཐོད་པ་མར་གྱིས་བྱུག་ནང་ཆང་གིས་བཀང་། །བདུད་རྩི་རིལ་བུ་བཏབ་

[Full Size]

ལོ་དར་དམར་བཀབ། །དར་དམར་བཀབ་སྟེང་མེ་ལོང་སིནྡྲ་བྱུག །དབུས་སུ་ཧྲིམཐར་ཡིག་བཅུ་དྷ་མའི་སྔགས། །དེ་རྒྱབ་ཟུར་དྲུག་ཟུར་ལ་དགའ་འཁྱིལ་རེ། །དེ་རྒྱབ་ཟླུམ་སྐོར་ཕྱི་ལ་འདབ་མ་བཞི། །ཤར་དུ་ཧ་ར་ལྷོ་རུ་རི་ཙ་དང་། །ནུབ་ཏུ་ནི་ཧྲུབྱང་དུ་ས་ཡ་སྟེ། །ཡིག་མགོ་ཐམས་ཅད་ཕྱིར་བསྟན་བྲིས་ལ་བཞག །མེ་ལོང་ཆུང་ན་ཤོག་བུར་ཟླུམ་པོར་བྲིས། །དེ་ཡི་སྟེང་དུ་མེ་ལོང་སིན་བཞག །དར་རས་དམར་པོས་གུར་གྱི་ཚུལ་དུ་བཀབ། །འདི་ནི་རྙིང་མའི་ལུགས་ཉིད་གཙོ་ཆེ་ཕྱིར། །བུམ་པའི་གཡས་གཡོན་སྨན་དང་རཀྟ་དང་། །བུམ་པའི་སྟེང་ངམ་མདུན་གྱི་གང་འཐད་དུ། །སྒྲུབ་གཏོར་རིན་ཆེན་འབར་བ་ལྔ་ཚོམ་གཅིག །ཐོད་པ་རིན་ཆེན་སྣོད་དམ་སྡེར་གྱི་ནང་། །དབང་གཏོར་ཇི་བཞིན་ལེགས་ཤིང་རྒྱན་ལྡན་བཤམས། །དཀྱིལ་འཁོར་ནུབ་ནས་ཚུར་ལ་ཁ་གྱུ་བར། །ལྷ་ལྔའི་གཏོར་མ་ཤ་མར་རྒྱན་ལྡན་ལྔ། །ནོར་ལྷ་ཕྱི་རྒྱུད་གཉིས་དང་བདུན་ཚར་བཤམས། །དཀྱིལ་འཁོར་མཐའ་བསྐོར་གཙོ་བོའི་མཆོད་པ་ནི། །ཤར་ནས་གཡས་སྐོར་ཕྱོགས་མཚམས་བརྒྱད་དུ་བཤམས། །དེ་རྒྱབ་ཕྱོགས་བཞིར་འཁོར་བཞིའི་མཆོད་པ་ནི། །ཆ་བཞི་བཤམས་ཏེ་མེད་ཀྱང་

[Full Size]

འགལ་བ་མེད། །ནང་གི་ཕྱོགས་བཞིར་ཤར་དུ་རྡོ་རྗེ་དང་། །ལྷོ་རུ་དབུ་རྒྱུན་ནམ་ནི་བགྲང་ཕྲེང་སྟེ། །ནུབ་ཏུ་གླེགས་བམ་མམ་ནི་སྒྲུབ་ཡིག་དཔེ། །བྱང་དུ་དྲིལ་བུའམ་ནི་མར་མེ་བཤམས། །གཙོ་བོའི་ཙཀ་ལི་ཡོད་ན་སྒྲུབ་གཏོར་བཙུགས། །རིགས་ལྔའི་ཕྱག་མཚན་ཙཀ་ལི་ཡོད་ནའང་། །རིགས་ལྔ་རང་རང་གནས་སུ་བཀོད་པར་བྱ། །ཕུག་གཏོར་ལོགས་སུ་མེད་ན་རང་ཉིད་ཀྱིས། །ཆག་མེད་འདོན་པར་དགོས་པའི་ཆོས་སྐྱོང་དང་། །བཀའ་སྲུང་ནོར་ལྷ་རྣམས་ཀྱི་གཏོར་མ་ཡང་། །དཀྱིལ་འཁོར་ཕྱི་ཡི་བར་ཁྱམས་གང་བདེར་བཤམས། །ཚོན་སྐུད་བླ་བྲེ་སྒྲུབ་སྐོར་རྒྱལ་མཚན་སོགས། །རྙིང་མ་ཡིན་ཕྱིར་ཡོད་ན་ལེགས་མོད་ཀྱི། །མེད་ཀྱང་གཞུང་ནས་མ་གསུངས་ཕྱིར་མི་དགོས། །མཆོད་པ་རྣམས་ནི་ཁ་གསོ་ཙམ་མ་གཏོགས། །སྒྲུབ་རྫས་ཡིན་ཕྱིར་བརྗེ་བ་མི་དགོས་སོ། །ཕུག་གཏོར་གཞན་ཡོད་གསོ་བྲན་མི་དགོས་ན། །ཁྲ་བྱིལ་གནོད་དོགས་ཡོལ་བས་དཀྲིས་ཀྱང་རུང་། །དཀྱིལ་འཁོར་མདུན་དུ་མཆོད་སྟེགས་གཅིག་གི་སྟེང་། །རྒྱུན་དུ་བརྗེ་རྒྱུའི་མཆོད་པ་སྣ་བདུན་དང་། །ལག་མཆོད་བདུད་རྩི་ཚོགས་འཁོར་ཆོས་རྣམས་བཤམས། །ཞག་བདུན་བསྒྲུབ་ན་ཐུན་བཞིར་བརྗེ་རྒྱུ་

[Full Size]

ནི། །ལྷ་བཤོས་སུམ་ཅུ་སྔོན་འགྲོ་གཏོར་མ་བརྒྱད། །ཚོགས་བརྒྱད་དེ་ཡི་ཚོགས་ཤ་ཚོགས་ཆང་དང་། །མཐེབ་སྐྱུ་མང་པོ་སྤོས་རིང་འབུལ་རྒྱུ་སོགས། །ཅི་འབྱོར་མཆོད་གཏོར་མར་མེ་ལ་སོགས་གཟབ། །རོལ་མོ་གྱེར་དབྱངས་རྣམས་ཀྱང་གང་ཤེས་གཟབ། །སྒྲུབ་པ་འདི་གསུམ་སྤྲོས་བཅས་གཙོ་བོ་ཡིན། །སྒྲུབ་ཡུན་ཐུང་བ་ཞག་བདུན་རྫོགས་པ་སྟེ༔ །ཟླ་སྒྲུབ་ལོ་སྒྲུབ་ལ་སོགས་སྐབས་དང་བསྟུན། །སྒྲུབ་གྲོགས་མང་པོ་ཡོད་ན་སྔགས་རྒྱུན་བྱ། །དེ་ལ་ཚོམ་བུ་འབུམ་བསྒྲུབ་མིང་དུ་བཏགས། །གཅིག་གིས་བསྒྲུབ་ན་ཐུན་བཞིར་སྤྱི་ཅི་ནུས་འབད། །ཐུན་མཚམས་དགེ་སྦྱོར་ཆག་མེད་གང་དགོས་བྱ། །དེ་ནི་དཔའ་བོ་གཅིག་སྒྲུབ་ཅེས་བྱའོ། །ལར་ནི་སྤྲོས་བཅས་སྒྲུབ་པ་མང་པོ་འདི། །དར་དྲག་ཡུན་ཐུང་བསྒྲུབས་ན་ལམ་དུ་འགྲོ། །དེ་ལྟར་ལྷ་ལྔ་སྒྲུབ་པའི་སྟ་གོན་འདི། །སྒྲུབ་པ་ལག་ལེན་བདེ་བར་བྱ་བའི་ཕྱིར། །མཐར་ཕྱིན་ཐབས་མཁས་གཉིས་ཀྱིས་རིང་ནས་བསྐུལ། དྲིན་ཆེན་གཏེར་སྟོན་བླ་མའི་དགོངས་རྫོགས་ཕྱིར། །ལུག་ལོ་ས་ག་ཟླ་བའི་བཅུ་གཉིས་ཀྱི། །ཉིན་གུང་ཐུན་ལ་རཱ་ག་ཨ་སྱས་གདམས། །ཡི་གེ་པ་ནི་སློབ་བུ་མཐར་ཕྱིན་ནོ། །འདི་བྲིས་ཉེས་འགལ་ལྷ་

[Full Size]

ལྔའི་ལྷ་ལ་བཤགས། །དགེ་བས་སྤྲུལ་སྐུའི་ཟག་མེད་ཐུགས་དགོངས་རྫོགས། །འགྲོ་ཀུན་བདེ་ཆེན་ཞིང་དུ་སྐྱེ་ཕྱིར་བསྔོ།། །།མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔ་ཕྱི་ལྟར་སྒྲུབ་པའི་ཟིན་བྲིས།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔ་ཕྱི་ལྟར་སྒྲུབ་པའི་ཟིན་བྲིས་བཞུགས་སོ།།

[Full Size]

ན་མོ་ལོ་ཀེ་ཤྭ་ར་དྷེ་ཝ་པཉྩཡེ། རྒྱ་མཚོ་ལྔ་ཡི་ལྷ་ལ་ཕྱག་འཚལ་ལོ། །བཀའ་ཡི་གནང་བ་སྩོལ་ལ་བྱིན་གྱིས་རློབས། །ལྷ་ལྔ་ཕྱི་ལྟར་སྒྲུབ་པའི་གདམས་པ་ནི། །སེམས་དཔའ་རྡོ་རྗེ་སྙིང་པོའི་རྒྱ་གཞུང་དང་། །ཨོ་རྒྱན་ཆེན་པོས་མཛད་པའི་གཞུང་དང་ནི། །གྲུབ་པའི་རྒྱལ་མོས་མཛད་དང་པཀཱིས་མཛད། །རང་བྱུང་རྡོ་རྗེས་མཛད་སོགས་ཀུན་གྱི་དོན། །དོན་ལྡན་ཞབས་ཀྱིས་མཛད་པའི་རྩ་བ་སྟེ། །བདག་བསྐྱེད་འདོན་པའི་ཆས་ཙམ་མ་གཏོགས་པ། །སྒྲུབ་རྫས་མི་དགོས་རྒྱ་གཞུང་ཉིད་ནས་གསུངས། །མཚམས་སྒྲུབ་བྱེད་དམ་རྒྱུན་ཁྱེར་བྱེད་ཀྱང་རུང་། །རྒྱུན་ཁྱེར་བྱེད་ཚེ་

[Full Size]

ཚོགས་དང་དུས་མཆོད་དུས། །མདུན་བསྐྱེད་གཏོར་མའི་རྩེ་རུ་བསྐྱེད་པ་ལས། །དཀྱིལ་འཁོར་ལ་སོགས་མི་དགོས་གཞུང་ནས་གསུངས། །ལྷ་ལྔའི་ཕྱི་སྒྲུབ་འདི་ཉིད་བྱེད་པ་ལ། །གལ་ཏེ་དབང་བཞི་རྒྱས་པར་མ་ཐོབ་ཀྱང་། །གཏོར་དབང་ཙམ་ཞིག་ཐོབ་ན་བསྒྲུབ་རུང་གསུངས། །ཆོ་ག་བསྡུས་པ་གཞུང་ན་ཡོད་ལྟར་ཏེ། །རྒྱས་པར་སྤྲོ་ན་སྲུང་འཁོར་རྡོར་སེམས་སོགས། །ཁ་སབ་གུད་དུ་བཀོད་པ་རྣམས་ཀྱང་སབ། །དེ་མིན་ལྷ་ལྔའི་བདག་བསྐྱེད་གཞུང་ལྟར་འདོན། །དེ་ནས་བཟླས་པའི་སྐབས་ལ་བབ་པའི་ཚེ། །བདག་དང་གསང་ཡེ་རྟ་མགྲིན་པད་འབྱུང་གི །

[Full Size]

ཐུགས་ཀར་པདྨ་ཉི་ཟླ་བརྩེགས་པའི་སྟེང་། །རང་མདོག་ཧྲིམཐར་རང་སྔགས་གཡས་བསྐོར་བ། །ཡབ་གསུམ་མདུན་ནས་བརྩམས་ནས་གཡས་བསྐོར་དུ། །ཡིག་ངོ་ཕྱི་ལ་བསྟན་ཏེ་ལངས་ནས་བཀོད། །བདག་གི་ཐུགས་ཀར་ཡི་གེ་བཅུ་པ་སྟེ། །རྟ་མགྲིན་ཐུགས་ཀར་རྟ་མགྲིན་ཉིད་ཀྱི་སྔགས། །པད་འབྱུང་ཐུགས་ཀར་འདི་ལུགས་པད་འབྱུང་སྔགས། །ཨོཾ་གུ་རུ་པདྨ་བཛྲ་སིདྡྷི་ཧཱུྃ། །གསང་ཡེ་ཐུགས་ཀར་རྒྱུ་མ་གྷ་ཡེ་སྔགས། །ཡིག་ངོ་ནང་བསྟན་མདུན་ནས་གཡས་སྐོར་ཏེ། །བཟླ་དུས་མེད་ཀྱང་བསྒོམ་དུས་ཨོཾ་ཡིག་སྦྱར། །འོག་གི་ཆོས་སྐྱོང་གཙོ་བོ་གང་མཛད་ཀྱི། །རང་རང་ཐུགས་སྲོག་རང་རང་སྙིང་པོས་བསྐོར། །དེ་མིན་འོག་ཕྱོགས་དཔའ་བོ་མཁའ་འགྲོའི་ཚོགས། །རང་རང་ཐུགས་ཀར་རང་སྲོག་ཡིག་འབྲུ་དང་། །རྡོ་རྗེ་མཁའ་འགྲོ་རྣམས་ཀྱི་ཐུགས་ཀར་ཧ། །རྡོ་རྗེ་དཔའ་བོ་རྣམས་ཀྱི་ཐུགས་ཀར་ར། །སྐུ་མདོག་དཀར་པོའམ་སྔོན་པོའི་ཚོགས་སུ་བསྒོམ། །ཕྱོགས་ནི་ཤར་ཏེ་མདུན་ངོས་ཁྱབ་པར་འཚོགས། །རིན་ཆེན་མཁའ་འགྲོ་རྣམས་ཀྱི་ཐུགས་ཀར་རི། །རིན་ཆེན་དཔའ་བོ་རྣམས་ཀྱི་ཐུགས་ཀར་ཙ། །སྐུ་མདོག་སེར་པོ་གཡས་འོག་ཁྱབ་པར་འཚོགས། །པདྨ་མཁའ་འགྲོ་

[Full Size]

རྣམས་ཀྱི་ཐུགས་ཀར་ནི། །པདྨ་དཔའ་བོ་གིང་ཆེན་ཐུགས་ཀར་ཧཱི། །སྐུ་མདོག་དམར་པོས་གཡས་ཀྱི་འོག་ཕྱོགས་ཁྱབ། །ལས་ཀྱི་མཁའ་འགྲོ་རྣམས་ཀྱི་ཐུགས་ཀར་ས། །ཀརྨ་དཔའ་བོ་གིང་གི་ཐུགས་ཀར་ཡ། །སྐུ་མདོག་ལྗང་གུ་གཡོན་འོག་ཁྱབ་པར་འཚོགས། །ཀུན་ཀྱང་གྲི་གུག་ཐོད་ཁྲག་ཁཊཾ་ཅན། །རུས་པའི་རྒྱན་སོགས་དུར་ཁྲོད་ཆས་ཀྱིས་བརྒྱན། །ཡེ་ཤེས་ལས་དང་འཇིག་རྟེན་སྲུང་མའི་ཚོགས། །ཐམས་ཅད་དཔའ་བོ་མཁའ་འགྲོའི་སྐུ་རུ་གྱུར། །དེ་ནས་ཐུགས་ཀའི་སྔགས་ཕྲེང་ཀློག་པའི་ཚུལ། །རང་གིས་སྔགས་བཟླས་གཙོ་འཁོར་ཀུན་གྱིས་བཟླས། །འོག་གི་དམ་ཅན་རྒྱ་མཚོ་ཐམས་ཅད་ལ། །བཀའ་བསྒོའི་ཚུལ་དུ་ཞལ་ནས་སྔགས་བཟླས་པས། །ཀུན་གྱིས་གུས་འདུད་བཀའ་ཉན་གསུང་སྡོད་ཡབྷེ་། །དེ་ནས་ཡབ་རྣམས་སྔགས་ཕྲེང་གཡོས་སུ་འཁོར། །ཡུམ་རྣམས་སྔགས་ཕྲེང་གཡོན་དུ་འཁོར་བ་ལས། །འོད་ཟེར་དམར་པོ་ནམ་མཁའ་ཁྱབ་པར་འཕྲོས། །འོད་དེས་རྒྱལ་བ་སྲས་བཅས་ཐམས་ཅད་མཆོད། །ཐུགས་རྗེ་ཆེན་པོ་རྒྱལ་བ་སྲས་བཅས་ཀྱིས། །བྱིན་རླབས་འོད་དེས་བསྡུས་ནས་རང་ལ་ཐིམ། །སླར་ཡང་འོད་འཕྲོས་འགྲོ་བ་སེམས་ཅན་གྱི། །

[Full Size]

སྡུག་བསྔལ་སྡིག་སྒྲིབ་ཀུན་སྦྱངས་བདེ་བར་ལྡན། །དེ་ལྟར་བསྒོམ་ཞིང་ཡི་གེ་བཅུ་པ་བཟླས། །དེ་ནི་འདི་ཡི་ལུགས་ཀྱི་བསྙེན་པ་ཡིན། །གཙོ་འཁོར་ཀུན་གྱི་སྔགས་ནི་བཟླ་བཞིན་ལས། །སྐུ་ལས་འོད་ཟེར་དམར་པོ་ཕྱོགས་བཅུར་འཕྲོས། །ཕྱོགས་བཅུའི་བདེ་གཤེགས་རྒྱལ་བ་རྣམས་ལ་ཕོག །དེ་ཀུན་འགྲོ་བ་སེམས་ཅན་དོན་ལ་བསྐུལ། །ཕྱོགས་བཅུའི་བྱང་ཆུབ་སེམས་དཔའ་རྣམས་ལ་ཕོག །ཤེས་བྱའི་སྒྲིབ་པ་ཕྲ་མོ་གང་ཡོད་སྦྱངས། །ཁམས་གསུམ་སེམས་ཅན་ཀུན་ལ་འོད་དེས་ཕོག །ལས་དང་ཉོན་མོངས་སྒྲིབ་པ་ཐམས་ཅད་སྦྱངས། །བདེ་སྐྱིད་ལོངས་སྤྱོད་ཕུན་སུམ་ཚོགས་ཐོབ་ནས། །འཕགས་པའི་གོ་འཕང་ཐོབ་པའི་སྐལ་ལྡན་གྱུར། །དེ་ལྟར་བསྒོམ་ཞིང་བཟླ་བ་ཉེ་བསྙེན་ཡིན། །དེ་ནས་སྔགས་ཕྲེང་དྲག་ཏུ་འཁོར་བཞིན་ལས། །ཞལ་ནས་སྔགས་བཟླས་སྒྲ་ཡིས་བསྐུལ་བ་དང་། །སྔགས་ལས་འོད་ཟེར་ཕྱོགས་བཅུར་འཕྲོས་པ་དེས། །ཕྱི་ནང་གསང་བའི་མཆོད་པའི་སྤྲིན་གྱུར་ཏེ། །རབ་འབྱམས་ཞིང་ཁམས་ཀུན་ན་བཞུགས་པ་ཡི། །བླ་མ་ཡི་དམ་སངས་རྒྱས་བྱང་སེམས་དང་། །དཔའ་བོ་མཁའ་འགྲོ་ཆོས་སྐྱོང་ཐམས་ཅད་མཆོད། །དེ་ཀུན་ཐུགས་རྗེ་ཆེན་པོའི་ལྷ་ཚོགས་སུ། །

[Full Size]

གནས་འགྱུར་ཕྱོགས་བཅུ་ཀུན་ནས་ཆར་བཞིན་བབ། །རང་གི་ལུས་ངག་ཡིད་ལ་སིབ་སིབ་ཐིམ། །སྡིག་སྒྲིབ་ཀུན་དག་ཚོགས་རྫོགས་དབང་བཞི་ཐོབ། །སླར་ཡང་འོད་ཟེར་དམར་པོ་འོད་ལྔའི་མདངས། །ཕྱོགས་བཅུར་འཕྲོས་པས་རེག་དང་སྔགས་ཀྱིས་བསྐུལ། །སངས་རྒྱས་རྣམས་ཀྱིས་འཁོར་བ་མ་སྟོངས་བར། །ཆོས་ཀྱི་འཁོར་ལོ་རྒྱུན་དུ་བསྐོར་བར་བྱས། །བྱང་ཆུབ་སེམས་དཔའ་ཐམས་ཅད་འོད་ཟེར་དང་། །སྔགས་ཀྱི་སྒྲ་དབྱངས་དེ་ཡིས་བསྐུལ་བ་ཡི། །བྱང་ཆུབ་ཆེན་པོ་མངོན་དུ་མཛད་བཞིན་བཞུགས། །འཕགས་པ་ཉན་རང་ཐམས་ཅད་སྔགས་སྒྲ་དང་། །འོད་དེས་བསྐུལ་བའི་ཐེག་ཆེན་ལམ་ཞུགས་ནས། །བྱང་ཆུབ་སེམས་དཔའི་ས་ལམ་བགྲོད་པར་གྱུར། །འོད་ཟེར་ཚུར་འདུས་རང་ལ་ཐིམ་པ་ཡིས། །ལུས་ངག་ཡིད་གསུམ་སྒྲིབ་པ་ཐམས་ཅད་དག །ཡེ་ཤེས་རང་གསལ་རྟོགས་པ་སྐྱེས་པར་བསྒོམ། །དེ་ཚེ་ཡིག་བཅུ་བཟླ་བ་སྒྲུབ་པ་ཡིན། །དེ་ནས་བདག་གི་སྔགས་ཕྲེང་འོད་ཟེར་ནི། །འོད་ཟེར་དམར་པོ་འོད་ལྔའི་མདངས་ལྡན་པ། །ནམ་མཁའ་ཁྱབ་པར་ཕྱོགས་བཅུ་ཀུན་ཏུ་འཕྲོས། །འོད་ཟེར་དེ་ཡིས་རེག་པ་ཙམ་གྱིས་ནི། །སྣོད་ཀྱི་འཇིག་རྟེན་ཐམས་ཅད་

[Full Size]

གཞལ་ཡས་ཁང་། །ནང་བཅུད་འགྲོ་དྲུག་སེམས་ཅན་དཀྱིལ་འཁོར་ལྷ། །ཕོ་རྣམས་ཐམས་ཅད་འཕགས་པ་སྤྱན་རས་གཟིགས། །མོ་རྣམས་གསང་བ་ཡེ་ཤེས་མཁའ་འགྲོ་མ། །བདུད་དང་ལོག་འདྲེན་རྣམས་ཀྱང་རྟ་མགྲིན་སྐུ། །རྒྱལ་བ་རྒྱ་མཚོའི་ལྷ་ཚོགས་ཤ་སྟག་སྟེ། །འཇའ་དང་འོད་དང་མེ་དཔུང་རབ་འབར་ཞིང་། །གཟུགས་སུ་སྣང་བ་ཐམས་ཅད་ལྷ་ཡི་སྐུ། །སྒྲ་རུ་གྲག་པ་ཐམས་ཅད་སྔགས་ཀྱི་སྒྲ། །སེམས་ཀྱི་དྲན་རྟོག་ཐམས་ཅད་ཆོས་སྐུའི་ངང་། །སྟོང་གསལ་ཆུ་ཟླ་འཇའ་ཚོན་བཞིན་དུ་བསྒོམ། །ཡིག་བཅུ་ནས་བཟུང་ཧཱུྃ་ཛཡན་གྱི་བར། །བཟླ་བ་སྒྲུབ་པ་ཆེན་པོའི་སྔགས་དམིགས་སོ། །དེ་རྣམས་ཐུན་རེར་དམིགས་པ་རྫོགས་པར་བྱ། །རྒྱུན་ཁྱེར་ཡིན་ན་ཞག་རེར་རྫོགས་ཀྱང་ཆོག་།ཐུན་མཚམས་ཐུན་བསྡུ་གཏོར་བསྔོས་གཞུང་ལྟར་རོ། །མཚམས་བྱེད་རྩེ་གཅིག་སྒྲུབ་ན་ཐུན་བཞིར་བྱ། །མཚམས་བྱས་ཞག་དྲུག་བསྒྲུབས་པའི་ཕྱིར་ནངས་སམ། །ཡུན་རིང་རྒྱུན་བསྒྲུབས་བྱས་པའི་མཇུག་ཏུ་ནི། །ལས་སྦྱོར་གཙོ་བོ་རང་གི་སྒྲིབ་སྦྱངས་ཤིང་། །བསོད་ནམས་ཡེ་ཤེས་ཚོགས་གཉིས་རྫོགས་ཐབས་ཏེ། །རང་གི་ཐུགས་ཀའི་སྔགས་ཕྲེང་འོད་ཟེར་ནི། །ཕྱོགས་བཅུར་འཕྲོས་

[Full Size]

པས་སངས་རྒྱས་ཐམས་ཅད་མཆོད། །ཐུགས་རྒྱུད་མཉེས་ནས་བྱིན་རླབས་དངོས་གྲུབ་ཀུན། །འོད་ཟེར་ཁ་དོག་སྣ་ལྔའི་རྣམ་པ་རུ། །བསྡུས་ནས་བདག་ལ་ཐིམ་པས་སྒྲིབ་གཉིས་དག །བསོད་ནམས་ཡེ་ཤེས་ཚོགས་གཉིས་རྫོགས་པར་བསྒོམ། །ཡིག་དྲུག་གམ་ནི་ཡིག་བཅུ་གང་རུང་ཤུམ། །ཚོགས་རྫོགས་སྒྲིབ་པ་སྦྱང་པའི་སྔགས་རིང་བཟླ། །འདི་ནི་སྒོམ་དང་བཟླས་པ་ཙམ་གྱིས་ཀྱང་། །སྒྲིབ་པ་ཀུན་དག་ཚོགས་གཉིས་རྫོགས་པར་གསུངས། །ཞག་གཅིག་གམ་ནི་ཡུན་རིང་རྒྱུན་བསྙེན་སོགས། །མང་ཉུང་རིང་ཐུང་རང་གིས་ཅི་འདོད་ཆོག །རྩེ་གཅིག་བསྒྲུབས་པ་བྱས་པའི་རྗེས་སུའམ། །ཡུན་རིང་རྒྱུན་བསྙེན་བྱས་པའི་སྐབས་ཤིག་ཏུ། །སྒྲིབ་སྦྱང་ཞི་བའི་སྦྱིན་སྲེག་གྲུབ་ན་ལེགས། །མ་གྲུབ་ན་ཡང་འགལ་བ་ཡོད་པ་མིན། །ཕྱི་སྒྲུབ་འདི་ལ་ཡུན་རིང་འབད་པ་ན། །འཕགས་པ་འཇིག་རྟེན་དབང་ཕྱུག་གོ་འཕང་ནི། །ཚེ་གཅིག་ལུས་གཅིག་ཉིད་ལ་འགྲུབ་པར་གསུངས། །འདི་ནི་ཞལ་གཟིགས་ཡིན་པར་བཞེད་ན་ཡང་། །པདྨ་ཟབ་པའི་རྒྱུད་ལས་གསུངས་པ་ཡི། །དཀྱིལ་འཁོར་མཎྜལ་ལྟར་དུ་བསྒོམ་པ་ཞེས། །ཞིང་བཀོད་ལྟར་དུ་སྒྲུབ་པ་ཡིན་པར་གསུངས། །

[Full Size]

གཞན་ཡང་རྟ་མཆོག་རོལ་པའི་རྒྱུད་དང་ནི། །དེ་བཞིན་པདྨ་དབང་ཆེན་རྒྱུད་དང་ནི། །མཁའ་འགྲོ་རྒྱ་མཚོའི་རྒྱུད་ལ་བརྟེན་ནས་ནི། །གུ་རུ་པདྨ་འབྱུང་གནས་ཀྱིས་མཛད་པའི། །རྒྱལ་བ་རྒྱ་མཚོ་འདི་ཡི་སྒྲུབ་ཐབས་ནི། །གྲངས་མེད་ནམ་མཁའི་སྐར་མ་ཙམ་ཡོད་གསུངས། །གཞན་ཡང་གྲུབ་པའི་རྒྱལ་མོས་མཛད་པ་ཡི། །རྒྱ་སྐད་ཡོད་མེད་གཞུང་ནས་འགའ་འབྱུང་བ། །ཀུན་གྱི་རྩ་བ་འདི་ལ་འདུས་པ་ཡིན། །འདི་ལ་བསྙེན་པ་ཚན་ཆེན་ཐོན་ན་ནི། །དེ་ནས་ལས་ཚོགས་རྣམས་ཀྱང་བསྒྲུབ་ན་འགྲུབ། །དེ་ཕྱིར་འདི་ལ་རྒྱུན་དུ་ཉམས་ལེན་གཅེས། །མཐར་ཕྱིན་ཐབས་མཁས་གཉིས་ཀྱིས་བསྐུལ་བ་དང་། །དྲིན་ཆེན་སྤྲུལ་སྐུའི་དགོངས་རྫོགས་ལ་དམིགས་ནས། །ལུག་ལོ་ས་ག་ཟླ་བའི་བཅུ་གཉིས་ཀྱི། །སྔ་དྲོའི་ཐུན་ལ་རཱ་ག་ཨ་སྱ་ཡིས། །ངག་ནས་སྨྲས་བཞིན་མཐར་ཕྱིན་ཞེས་བྱས་བྲིས། །འདི་ལ་འགལ་འཁྲུལ་གང་མཆིས་ལྷ་ལ་བཤགས། །དགེ་བས་སྤྲུལ་སྐུའི་དགོངས་པ་རྫོགས་པ་དང་། །འགྲོ་ཀུན་བདེ་ཆེན་ཞིང་དུ་སྐྱེ་ཕྱིར་བསྔོ།། །།མངྒ་ལཾ།། །།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ནང་སྒྲུབ་ཀྱི་ཟིན་བྲིས།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ནང་སྒྲུབ་ཀྱི་ཟིན་བྲིས་བཞུགས་པའི་དབུའོ།།

[Full Size]

ན་མོ་གུ་རུ་ལོ་ཀེ་ཤྭ་ར་དྷེ་ཝ་པཉྩ་ཡེ། རྒྱ་མཚོ་ལྔ་ཡི་ལྷ་ལ་ཕྱག་འཚལ་ལོ། །བཀའ་ཡི་གནང་བ་སྩོལ་ལ་བྱིན་གྱིས་རློབས། །ནང་སྒྲུབ་རྡོ་རྗེ་སྙིང་པོའི་རྒྱ་གཞུང་དོན། །མཁའ་སྤྱོད་དབང་པོའི་ཞལ་གདམས་ཅི་བཞིན་དུ། །དེ་བཞིན་གཤེགས་པའི་ཟིན་བྲིས་རྒྱས་པ་ལས། །ཚིག་ཉུང་དོན་འཐུས་ཉམས་སུ་བླངས་བདེ་ནི། །སྟ་གོན་ཚར་ནས་ལྷ་ལྔའི་བདག་བསྐྱེད་ནི། །དམ་ཅན་རྒྱ་མཚོའི་དཀྱིལ་འཁོར་རོ་ཡི་བར། །གཞུང་ལྟར་འདོན་ཅིང་མཚམས་དེར་ངལ་བསོས་ལ། །ལུས་ལ་ལྷ་བཀོད་འདི་དག་ཡིད་ཀྱིས་བསྒོམ། །བདག་ཉིད་རྒྱལ་བ་རྒྱ་མཚོའི་སྐུ་ཡི་ནང་། །སྟོང་རའི་

[Full Size]

རྣམ་པ་འོད་ཀྱི་རང་བཞིན་ཅན། །ཐུགས་ཀར་པད་ཉི་ཟླ་སྟེང་རྟ་མགྲིན་ནི། །དམར་ནག་དུར་ཁྲོད་ཆས་བརྒྱད་སྐུ་ལ་བརྒྱན། །ཕྱག་གཡས་དབང་སྡུད་ཕྱག་རྒྱ་དང་བཅས་ཏེ། །པདྨ་རཱ་གའི་ཕྲེང་བ་ཕྱག་སྟབས་འདྲེན། །ཞགས་པ་དམར་པོ་ཨུཏྤལ་ལས་མཚན་པ། །ཕྱག་གཡོན་སྡིགས་མཛུབ་དང་བཅས་དཀུ་ལ་བརྟེན། །དར་དང་རིན་ཆེན་གྱིས་བརྒྱན་རྟ་དབུ་འཚེར། །གཡས་བརྐྱང་གཡོན་བསྐུམ་མེ་དཔུང་ཀློང་ན་བཞུགས། །ལྟེ་བར་པདྨ་དམར་པོའི་ཟེའུ་འབྲུར། །གསེར་གྱི་རྡོ་རྗེ་རྒྱ་གྲམ་གདན་ཐབས་སྟེང་། །ཆོས་འབྱུང་ཟུར་དྲུག་དགའ་འཁྱིལ་བཅས་པའི་དབུས། །པད་

[Full Size]

ཉི་རོ་སྟེང་གསང་བ་ཡེ་ཤེས་ནི། །སྐུ་མདོག་རབ་དམར་ཞལ་གཅིག་ཕྱག་བཞི་ན། །དང་པོའི་ཕྱག་གཉིས་གྲི་ཐོད་ཐུགས་ཀར་བརྩེགས། །འོག་གཉིས་རལ་གྲི་ཁ་ཊ་བསྒྲེང་སྟེ་འཛིན། །དར་དང་རིན་ཆེན་རུས་པའི་རྒྱན་གྱིས་སྤྲས། །ཐོད་པ་སྐམ་རློན་རྒྱུན་ལྡན་གར་སྟབས་འགྱིང་། །གསང་བའི་གནས་སུ་པདྨ་འདབ་བཞིའི་སྟེང་། །གིང་ཆེན་སྡེ་བཞི་ཌཱཀི་སྡེ་བཞི་|རྣམས། །ཞལ་སྦྱོར་གྲི་ཐོད་འཛིན་ཅིང་འདོར་ཐབས་བཞུགས། །མགྲིན་པར་འཇིག་རྟེན་དབང་ཕྱུག་སྐུ་མདོག་དམར། །ཞི་བའི་ངང་ཚུལ་བགྲང་ཕྲེང་པདྨ་འཛིན། །དར་དང་རིན་ཆེན་རྒྱུན་ལྡན་བཞེངས་ཐབས་ཀྱིས། །པདྨ་ཟླ་བའི་གདན་ལ་བཞུགས་པའོ། །དབུ་ནང་སྣང་བ་མཐའ་ཡས་དབྱེར་མེད་པའི། །པདྨ་འབྱུང་གནས་མཐིང་ནག་རྒྱན་དྲུག་གསོལ། །ཌཱ་དྲིལ་འཛིན་ཅིང་འགྱིང་སྟབས་སེམས་དཀྱིལ་གྱིས། །པདྨ་ཉི་ཟླའི་གདན་ལ་བཞུགས་པར་སྒོམ། །དེ་ནས་གཞུང་ལྟར་དཔྲལ་བར་ཨོཾ་སོགས་ནས། །བཟླས་པའི་བར་ནི་ཆོ་ག་གཞུང་ལྟར་འདོན། ༈ །དེ་ནས་འཛབ་དགོངས་དམིགས་པ་འཕྲོ་འདུ་ནི། །ཐུགས་དབུས་རྟ་མགྲིན་ཐུགས་ཀར་པད་ཉིའི་སྟེང་། །ཧྲིལ་སྔགས་ཕྲེང་གཡས་སུ་འཁོར་བ་ལས། །འོད་

[Full Size]

འཕྲོས་རང་གི་ཤངས་བུག་གཡས་ནས་ཐོན། །མཆོད་པར་གྱུར་ཏེ་བ་གཡས་ཀྱི་རྟ་མགྲིན་མཆོད། །དེ་ལས་འོད་འཕྲོས་སངས་རྒྱས་ཡི་དམ་ལྷ། །ཀུན་གྱིས་ཡོན་ཏན་མཆོག་ཐུན་དངོས་གྲུབ་རྣམས། །འོད་ཀྱིས་བསྡུས་ནས་གཡས་ཀྱི་རྟ་མགྲིན་ཐིམ། །དེ་ལས་བྱིན་རླབས་དངོས་གྲུབ་འོད་ཟེར་ཚུལ། །བདག་གི་ཤངས་བུག་ནས་ཞུགས་སྐུ་གཡས་བརྒྱུད། །ཐུགས་ཀའི་རྟ་མགྲིན་ལ་ཐིམ་དངོས་གྲུབ་ཐོབ། །ལྟེ་བའི་གསང་བ་ཡེ་ཤེས་སྐུ་ལས་ནི། །འོད་བྱུང་སྐུ་གཡོན་བརྒྱུད་ནས་ཤངས་གཡོན་ཐོན། །མཆོད་པའི་སྤྲིན་གྱུར་གཡོན་གྱི་གསང་ཡེ་མཆོད། །དེ་ལས་འོད་འཕྲོས་འོད་ཟེར་ལས་བྱུང་བའི། །མཆོད་པས་ཞིང་ཁམས་ཀུན་གྱི་སངས་རྒྱས་དང་། །ཡེ་ཤེས་མཁའ་འགྲོའི་ཚོགས་རྣམས་ཐམས་ཅད་མཆོད། །དེ་དག་རྣམས་ཀྱི་སྐུ་གསུང་ཐུགས་ཡོན་དང་། །ཕྲིན་ལས་མཆོག་ཐུན་དངོས་གྲུབ་འོད་ཀྱིས་བསྡུས། །གཡོན་གྱི་གསང་ཡེ་ལ་ཐིམ་དེ་ཡི་འོད། །བདག་གི་ཤངས་བུག་གཡོན་ཞུགས་སྐུ་གཡོན་བརྒྱུད། །ལྟེ་བའི་གསང་བ་ཡེ་ཤེས་སྐུ་ལ་ཐིམ། །མགྲིན་པའི་འཇིག་རྟེན་དབང་ཕྱུག་སྐུ་ལས་ནི། །འོད་ཟེར་འཕྲོས་པ་རང་གི་སྨིན་མཚམས་ཐོན། །འཁོར་གྱི་བསྐལ་བཟང་

[Full Size]

སངས་རྒྱས་རྣམས་ལ་མཆོད། །དེ་ལས་འོད་འཕྲོས་མཆོད་པའི་སྤྲིན་ཕུང་གིས། །ཕྱོགས་བཅུའི་སངས་རྒྱས་མ་ལུས་ཐམས་ཅད་མཆོད། །དེ་ཀུན་བྱིན་རླབས་བསྡུས་ཏེ་འཁོར་གྱི་ནི། །བསྐལ་བཟང་སངས་རྒྱས་སྟོང་རྩ་རྣམས་ལ་ཐིམ། །དེ་དག་སྐུ་ལས་འོད་ཟེར་བྱིན་རླབས་ཚུལ། །སྨིན་མཚམས་ནས་ཞུགས་མགྲིན་པའི་ལྷ་ལ་ཐིམ། །དུང་ཁང་ནང་བཞུགས་སློབ་དཔོན་པདྨ་ལ། །འོད་ཟེར་འཕྲོས་པ་མཛོད་སྤུ་ནས་ཐོན་ཏེ། །སྤྱི་གཙུག་ནམ་མཁའི་ཨོ་རྒྱན་སྐུ་ལ་མཆོད། །དེ་ལས་འོད་འཕྲོས་མཆོད་པའི་སྤྲིན་གྱུར་ཏེ། །རྒྱ་བོད་གྲུབ་ཐོབ་རིག་འཛིན་རྒྱ་མཚོ་མཆོད། །བྱིན་རླབས་ཚུར་བསྡུས་པད་འབྱུང་སྐུ་ལ་ཐིམ། །དེ་ཡི་བྱིན་རླབས་འོད་ཟེར་སྨིན་མཚམས་ཞུགས། །དབུ་ནང་བཞུགས་པའི་པད་འབྱུང་སྐུ་ལ་ཐིམ། །གསང་གནས་འཀི་ཡབ་ཡུམ་སྐུ་ལས་ནི། །འོད་ཟེར་ལྟེ་བའི་ཁུང་ནས་འཕྲོས་པ་དེས། །འོག་གི་དམ་ཅན་རྒྱ་མཚོ་ཐམས་ཅད་མཆོད། །དེ་ལས་འོད་འཕྲོས་མཆོད་པའི་སྤྲིན་གྱུར་ཏེ། །ཡེ་ཤེས་འཇིག་རྟེན་ཆོས་སྐྱོང་ཐམས་ཅད་མཆོད། །དེ་ཀུན་བྱིན་རླབས་མཐུ་སྟོབས་ཚུར་བསྡུས་ནས། །འོག་གི་ཌཱཀི་ཆོས་སྐྱོང་རྣམས་ལ་ཐིམ། །དེ་ཡི་མཐུ་སྟོབས་འོད་ཟེར་རྣམ་པ་རུ། །ལྟེ་བ་

[Full Size]

ནས་ཞུགས་གསང་གནས་ལྷ་ལ་ཐིམ། །དེ་ཚེ་ཡིག་བཅུ་བཟླ་བ་བསྙེན་པ་ཡིན། །སླར་ཡང་ཐུགས་ཀའི་རྟ་མགྲིན་འོད་ཟེར་འཕྲོས། །སྐུ་གཡས་བརྒྱུད་དེ་ཤངས་བུག་གཡས་ནས་ཐོན། །གཡས་ཀྱི་རྟ་མགྲིན་ལ་མཆོད་དེ་ཡི་འོད། །ཕྱོགས་བཅུའི་སངས་རྒྱས་ཀུན་མཆོད་དེ་ཡི་འོད། །བྱིན་རླབས་བསྡུས་ནས་གཡས་ཀྱི་རྟ་མགྲིན་ཐིམ། །རྟ་མགྲིན་དཔའ་བོ་རྒྱ་མཚོ་འོད་དུ་ཞུ། །ཤངས་བུག་གཡས་ཞུགས་སྐུ་གཡས་བརྒྱུད་བྱས་ཏེ། །ཐུགས་ཀའི་རྟ་མགྲིན་ལ་ཐིམ་དངོས་གྲུབ་ཐོབ། །ལྟེ་བའི་གསང་ཡེའི་འོད་ཟེར་སྐུ་གཡོན་བརྒྱུད། །ཤངས་བུག་གཡོན་ཐོན་གཡོན་གྱི་གསང་ཡེ་མཆོད། །དེ་ཡི་འོད་ཟེར་ཕྱོགས་བཅུར་འཕྲོས་པ་ཡིས། །དེ་བཞིན་གཤེགས་མ་ཀུན་མཆོད་བྱིན་རླབས་བསྡུས། །གསང་ཡེ་ལ་ཐིམ་དཔའ་མོ་རྒྱ་མཚོར་བཅས། །འོད་ཞུ་ཤངས་བུག་གཡོན་ཞུགས་སྐུ་གཡོན་བརྒྱུད། །ལྟེ་བའི་གསང་ཡེ་ལ་ཐིམ་དངོས་གྲུབ་ཐོབ། །མགྲིན་པའི་འཇིག་རྟེན་དབང་ཕྱུག་འོད་ཟེར་ནི། །སྨིན་མཚམས་ནས་ཐོན་འཁོར་གྱི་སངས་རྒྱས་མཆོད། །དེ་ལས་འོད་འཕྲོས་ཕྱོགས་བཅུ་དུས་གསུམ་གྱི། །སངས་རྒྱས་སྟོང་རྩ་བྱེ་བ་ཕྲག་བརྒྱ་མཆོད། །བྱིན་རླབས་ཀུན་བསྡུས་འཁོར་གྱི་

[Full Size]

སངས་རྒྱས་ཐིམ། །འཁོར་གྱི་སངས་རྒྱས་སྟོང་རྩ་འོད་དུ་ཞུ། །སྨིན་མཚམས་ནས་ཞུགས་མགྲིན་པའི་ལྷ་ལ་ཐིམ། །སྤྱི་བོའི་ནང་བཞུགས་པད་འབྱུང་འོད་ཟེར་ནི། །སྨིན་མཚམས་ནས་ཐོན་སྟེང་གི་པད་འབྱུང་མཆོད། །དེ་ལས་འོད་འཕྲོས་མཁའ་སྤྱོད་ཞིང་བཞུགས་པའི། །རིག་འཛིན་གྲུབ་ཐོབ་ཀུན་མཆོད་བྱིན་རླབས་བསྡུས། །པད་འབྱུང་ལ་ཐིམ་གྲུབ་ཐོབ་རྒྱ་མཚོ་བཅས། །འོད་ཞུ་སྨིན་མཚམས་ནས་ཞུགས་པད་འབྱུང་ཐིམ། །གསང་གནས་ཌཱཀིར་འོད་འཕྲོས་ལྟེ་བར་ཐོན། །འོག་གི་ཆོས་སྐྱོང་ཌོཀི་ཐམས་ཅད་མཆོད། །དེ་ལས་འོད་འཕྲོས་སྟོང་གསུམ་རབ་འབྱམས་ཀྱི། །མཁའ་འགྲོ་ཆོས་སྐྱོང་ཀུན་མཆོད་མཐུ་སྟོབས་བསྡུས། །ཆོས་སྐྱོང་ལ་ཐིམ་དམ་ཅན་རྒྱ་མཚོ་བཅས། །འོད་དུ་ཞུ་ནས་ལྟེ་བའི་ཁུང་ཞུགས་ཏེ། །གསང་བའི་ཌཱཀི་ཡབ་ཡུམ་རྣམས་ལ་ཐིམ། །དེ་ནི་ནང་དུ་འཇུག་པའི་སྒོམ་བཟླས་ཏེ། །འོད་ཟེར་ཐམས་ཅད་དམར་པོ་ཡིན་པར་བཤད། །དེ་ནས་བདག་ཉིད་གནས་པའི་ས་ཕྱོགས་འདི། །ཞིང་ཁམས་རྣམ་དག་བདེ་བ་ཅན་ལྟ་བུ། །བེཟླུར་ས་གཞི་ལག་མཐིལ་ལྟར་མཉམ་པ། །རིན་ཆེན་རི་བོ་རྣམས་དང་པདྨའི་ཚལ། །དཔག་བསམ་ལྗོན་ཤིང་ཕྲེང་བ་བདུད་རྩིའི་རྫོང་། །

[Full Size]

མེ་ཏོག་ཆར་འབེབས་དྲི་བཟང་ངད་པ་ལྡང་། །འདོད་པའི་ཡོན་ཏན་སྣ་ཚོགས་ལྷུན་གྱིས་གྲུབ། །མཆོད་པའི་ལྷ་མོའི་ཚོགས་རྣམས་བསྟོད་དབྱངས་སྒྲོག །མཐའ་བསྐོར་འོད་ཀྱི་ཕྲེང་བ་ཀུན་ཏུ་འཁྲིགས། །དེ་ལྟར་བདག་གི་ཞིང་ཁམས་མཆོག་དེ་ལས། །འོད་ཟེར་ཕྱོགས་ཀུན་འཕྲོས་པས་ཞིང་ཀུན་ཁྱབ། །ཕྱོགས་བཅུའི་སངས་རྒྱས་ཀུན་གྱི་ཞིང་ཁམས་ཀྱི། །རྒྱན་དང་ཡོན་ཏན་བཀྲ་ཤིས་འོད་ཀྱིས་བསྡུས། །བདག་གི་ཞིང་ཁམས་ལ་ཐིམ་སྔོན་ལས་ཀྱང་། །འོད་མདངས་གཟི་བརྗིད་ཆེས་ཆེར་འབར་གྱུར་ནས། །སངས་རྒྱས་བྱང་སེམས་ཀུན་གྱི་ཞིང་ཁམས་ཀྱི། །ཡོན་ཏན་བདག་གི་ཞིང་ལ་ཚང་བར་བསྒོམ། །དེ་ནི་ཞིང་ཁམས་ཏིང་འཛིན་སྦྱང་ཞེས་བྱ། །དེ་ནས་བདག་ཉིད་གནས་པའི་ཁང་པ་ཡང་། །གཞལ་ཡས་ཁང་པ་གྲུ་བཞི་སྒོ་བཞི་པ། །དཀྱིལ་འཁོར་མཚན་ཉིད་ཡོངས་སུ་རྫོགས་པ་ལས། །འོད་འཕྲོས་སངས་རྒྱས་བྱང་སེམས་ཐམས་ཅད་ཀྱི། །གཞལ་ཡས་ལ་ཁྱབ་དེ་ཀུན་བྱིན་རླབས་བསྡུས། །བདག་གི་གནས་ཁང་གཞལ་ཡས་ཁང་ལ་ཐིམ། །སྔོན་ལས་བཀྲག་མདངས་གཟི་བརྗིད་ཇེ་ཆེར་འབར། །སངས་རྒྱས་བྱང་སེམས་ཀུན་གྱི་གཞལ་ཡས་ཀྱི། །ཡོན་

[Full Size]

ཏན་བདག་གི་གཞལ་ཡས་ལ་ལྡན་བསྒོམ། །དེ་ནི་གཞལ་མེད་ཁང་གི་ཏིང་འཛིན་ནོ། །བདག་གི་གདན་ནི་རིན་ཆེན་སེངྒེའི་ཁྲི། །དར་དང་པདྨ་ཉི་ཟླ་བརྩེགས་པ་ལས། །འོད་འཕྲོས་སངས་རྒྱས་བྱང་སེམས་ཐམས་ཅད་ཀྱི། །གདན་ཁྲི་ལ་ཁྱབ་ཡོན་ཏན་བདེ་ལེགས་ཀུན། །འོད་ཀྱིས་བསྡུས་ནས་རང་གི་གདན་ཁྲིར་ཐིམ། །སྔར་ལས་མཐོ་ཞིང་གཟི་བརྗིད་འོད་དུ་འབར། །སངས་རྒྱས་བྱང་སེམས་ཀུན་གྱི་གདན་ཁྲི་ཡི། །བཀྲ་ཤིས་བདེ་ལེགས་ཀུན་དང་ལྡན་པར་བསྒོམ། །དེ་ནི་གདན་ཁྲིའི་ཏིང་ངེ་འཛིན་ཡིན་ནོ། །དེ་སྟེང་བདག་ཉིད་བཅོམ་ལྡན་སྤྱན་རས་གཟིགས། །ཞབས་གཉིས་རྡོ་རྗེའི་སྐྱིལ་ཀྲུང་བཅས་ཙམ་གྱིས། །ས་ཆེན་རྣམ་པ་དྲུག་ཏུ་གཡོས་གྱུར་ཏེ། །འུར་སྒྲ་ཐུག་ཆོམ་འཇིག་རྟེན་འོད་ཀྱིས་ཁྱབ། །ཚངས་པ་བརྒྱ་བྱིན་འཁོར་ལོས་སྒྱུར་རྒྱལ་དང་། །རྒྱལ་ཆེན་བཞི་སོགས་འདུས་ཏེ་དད་ཅིང་གུས། །ཕྱག་འཚལ་ཞབས་ལ་དབུ་གཏུགས་གདན་ཁྲི་བཏེག །དེ་ནི་བཞུགས་སྟངས་ཏིང་ངེ་འཛིན་ཞེས་བྱ། །ཕྱག་གཉིས་ཐུགས་ཀར་ཐལ་མོ་སྦྱར་བའི་བར། །གསེར་གྱི་རྡོ་རྗེ་རྩེ་ལྔའི་ལྟེ་བའི་ནང་། །རིགས་ལྔའི་ཕོ་བྲང་མེ་ལོང་གཟུགས་བརྙན་ལྟར། །དེ་ལས་རྒྱལ་བ་རིགས་ལྔ་གྲངས་

[Full Size]

མེད་འཕྲོས། །འཇིག་རྟེན་ཐམས་ཅད་རྒྱལ་བ་རིགས་ལྔས་གང་། །ཚུར་འདུས་རྡོ་རྗེའི་ལྟེ་བའི་ལྷ་ལ་ཐིམ། །ཕྱག་གཡས་འོག་མས་བགྲང་ཕྲེང་འཛིན་པ་ཡི། །ཕྲེང་རྡོག་རེ་རེའི་འོད་ཀྱི་གོང་བུའི་ནང་། །དྷཱི༔ཡིག་སྔགས་ཕྲེང་ཨཱཿ་ལི་ཀཱ་ལིས་བསྐོར། །དེ་ལས་གྷིཡིག་སྔགས་ཕྲེང་རང་སྒྲ་བཅས། །འཇིག་རྟེན་ཁམས་གང་འགྲོ་བའི་སྒྲིབ་པ་སྦྱངས། །ཕྱག་གཡོན་འོག་མས་པདྨའི་སྡོང་པོ་ནི། །འདབ་མ་སྟོང་ལྡན་འཛིན་པའི་འདབ་རེའི་སྟེང་། །བསྐལ་བཟང་སངས་རྒྱས་རེ་རེ་བཞུགས་པ་ལས། །བསྐལ་བཟང་སངས་རྒྱས་གྲངས་མེད་འཕྲོས་པ་ཡིས། །འཇིག་རྟེན་ཁམས་གང་འཁོར་བ་ཇི་སྲིད་དུ། །སེམས་ཅན་དོན་ནི་མཐའ་ཡས་མཛད་པར་གྱུར། །དེ་གསུམ་ཕྱག་རྒྱའི་ཏིང་ངེ་འཛིན་ཞེས་བྱ། །རང་གི་ཞལ་ནས་ཡིག་བཅུ་སྔགས་ཀྱི་སྒྲ། །གཞན་ཡང་གསང་སྔགས་བླ་མེད་ཆོས་སྒྲའི་དབྱངས། །ལྷ་ཡི་རྔ་སྒྲ་ལྟ་བུར་ཟད་མེད་པ། །ནམ་མཁའ་མཐའ་ཀླས་གསུང་དབྱངས་སྙན་པོས་ཁྱབ། །བདག་ཚིག་སེམས་ཅན་གང་གིས་ཐོས་གྱུར་པ། །བླ་མེད་བྱང་ཆུབ་ཐོབ་པའི་སྐལ་ལྡན་གྱུར། །དེ་ནི་གསུང་དབྱངས་ཏིང་ངེ་འཛིན་ཡིན་ནོ། །བདག་ཉིད་རྒྱལ་བ་རྒྱ་མཚོའི་སྐུར་གསལ་བའི། །

[Full Size]

སྤྱན་གཉིས་ཨུཏྤལ་འདབ་མ་ལྟར་ཡངས་ཤིང་། །དཀྱུས་རིང་མཆོག་ཏུ་རྣམ་དག་ཞི་བས་གཟིགས། །སྤྱན་གྱི་ལམ་དུ་ཉེ་བར་སྣང་བ་ཡི། །སེམས་ཅན་གང་དག་སྤྱན་གྱིས་གཟིགས་ཚད་རྣམས། །བླ་ན་མེད་པའི་བྱང་ཆུབ་ལམ་ལས་ནི། །ཕྱིར་མི་ལྡོག་པའི་སྐལ་བ་ཅན་དུ་གྱུར། །དེ་ནི་གཟིགས་སྟངས་ཏིང་ངེ་འཛིན་ཞེས་བྱ། །བདག་གི་རྒྱན་ནི་རིན་ཆེན་དུ་མས་སྤྱས། །དབུ་རྒྱན་ཕྱག་གདུབ་ཞབས་གདུབ་དོ་ཤལ་སོགས། །སྟོད་གཡོགས་སྨད་དཀྲིས་དར་དཔྱངས་ཅོད་པན་ལས། །འོད་འཕྲོས་ཕྱོགས་བཅུའི་སངས་རྒྱས་བྱང་སེམས་ཀྱི། །རྒྱན་ལ་ཁྱབ་ཅིང་དེ་དག་ཡོན་ཏན་བསྡུས། །བདག་གི་རྒྱན་ལ་ཐིམ་པས་སྔོན་ལས་ཀྱང་། །འོད་མདངས་གཟི་བརྗིད་ལྷག་པར་གསལ་གྱུར་ཏེ། །སངས་རྒྱས་ཀུན་གྱི་རྒྱན་དང་ན་བཟའ་ཡི༔ །བྱིན་རླབས་ཡོན་ཏན་ཀུན་དང་ལྡན་པར་བསྒོམ། །ཡིག་བཅུ་ནས་བཟུང་ཧཱུྃ་ཛཡན་གྱི་བར། ་།ཡིག་འབྲུ་ཉེར་བརྒྱད་བཟླ་བ་སྒྲུབ་པ་སྟེ། །སྔ་ཐུན་ཕྱེད་ཡན་དམིགས་པ་དེ་རྫོགས་ནས། ༈ །མདུན་བསྐྱེད་ལྷ་ལྔ་ལུས་ལྷ་དང་བཅས་པ། །སྔར་ལྟར་བསྒོམས་ནས་སྤྱན་འདྲེན་དབང་བསྐུར་དང་། །མཆོད་བཞི་བསྟོད་བཞི་ཚང་བར་བྱས་པའི་མཇུག །

[Full Size]

ལས་སྦྱོར་ཚུལ་དུ་ཡི་གེ་བཅུ་པའི་མཇུག །ཚོགས་བསགས་སྒྲིབ་པ་སྦྱངས་བའི་སྔགས་རིང་བཟླ། །རང་གི་ཐུགས་ལས་འོད་ཟེར་སྣ་ཚོགས་འཕྲོས། །མདུན་བསྐྱེད་གཙོ་བོའི་ཐུགས་ཀར་ཐིམ་པ་ཡིས། །དེ་ཡི་བྱིན་རླབས་འོད་ཟེར་རྣམ་པར་བསྡུས། །བདག་གི་ཐུགས་ཀར་ཐིམ་པས་སྒྲིབ་གཉིས་དག །བསོད་ནམས་ཡེ་ཤེས་ཚོགས་གཉིས་རྫོགས་པར་བསྒོམ། །དེ་བཞིན་བདག་གི་ཐུགས་ཀའི་འོད་ཟེར་ནི། །མདུན་བསྐྱེད་རྟ་མགྲིན་ལ་ཐིམ་བྱིན་རླབས་བསྡུས། །རང་གི་ཐུགས་ཐིམ་ཚོགས་གཉིས་སྒྲིབ་པ་སྦྱངས། །འོད་འཕྲོས་མདུན་གྱི་གསང་ཡེའི་བྱིན་རླབས་བསྡུས། །འོད་འཕྲོས་སྟེང་གི་པད་འབྱུང་བྱིན་རླབས་བསྡུས། །འོད་འཕྲོས་འོག་གི་ཌཱཀི་ཆོས་སྐྱོང་གི །བྱིན་རླབས་བསྡུས་ཏེ་རང་ཐིམ་བསྒོམས་བྱས་ཤིང་། །སྔགས་རིང་དྲོས་ཆེན་བར་དུ་ཅི་ལྕོགས་བཟླ། །དེ་ནས་གཏོར་བསྔོས་བྱས་རྗེས་མདུན་བསྐྱེད་རྣམས། །བུམ་ཆུ་བདུད་རྩི་གཏོར་མ་རྣམས་ལ་ཐིམ། །བདག་བསྐྱེད་ཐུན་བསྡུ་ཐུན་གྱི་མཚམས་རྣམས་སུ། །ཆག་མེད་དགེ་སྦྱོར་གཞན་རྣམས་གང་དགོས་བྱ། ༈ །དེ་ནས་གུང་ཐུན་བདག་བསྐྱེད་ཚར་གཅིག་ནི། །ལུས་ལྷ་བཅས་པ་སྔར་ལྟར་བསྒོམ་པར་བྱ། །

[Full Size]

དེ་ནས་ལྷ་ལྔའི་སྔགས་རིང་བཟླ་བཞིན་དུ། །རང་གི་དབུ་ནང་པད་འབྱུང་སྐུ་ལས་ནི། །འོད་འཕྲོས་སྟེང་གི་པད་འབྱུང་སྐུ་ལ་ཐིམ། །དེ་ལས་དེ་འདྲའི་སྐུ་ཚོགས་གྲངས་མེད་འཕྲོས། །འཇིག་རྟེན་ཐམས་ཅད་པད་འབྱུང་སྐུ་ཡིས་གང་། །འགྲོ་བའི་དོན་མཛད་རིག་འཛིན་ཐམས་ཅད་ཀྱི། །སྐུ་ཡི་བྱིན་རླབས་བསྡུས་ཏེ་ཚུར་འདུས་ནས། །དུང་ཁང་ནང་གི་པད་འབྱུང་དཔྲལ་བར་ཐིམ། །དབུ་གཙུག་པད་འབྱུང་ཐུགས་ལས་ཧྲིགཅིག་འཕྲོས། །དེ་ལ་གྷིཡིག་སྔགས་ཀྱི་རང་སྒྲ་ཅན། །འཇིག་རྟེན་གང་བས་འགྲོ་བའི་སྒྲིབ་པ་སྦྱངས། །རིག་འཛིན་ཀུན་གྱི་གསུང་གི་ནུས་མཐུ་བསྡུས། །དཔྲལ་བའི་པད་འབྱུང་མགྲིན་པར་ཐིམ་པར་བསྒོམ། །སྤྱི་གཙུག་ནམ་མཁའི་པད་འབྱུང་ཐུགས་ཀ་ནས། །པདྨ་དམར་པོ་འདབ་བརྒྱད་ཟེའུ་འབྲུ་ལ། །གསེར་གྱི་རྡོ་རྗེ་ཕྱེད་པས་མཚན་པར་འཕྲོས། །དེ་ལ་དེ་འདྲ་མང་འཕྲོ་ཞིང་ཀུན་ཁྱབ། །འོད་ཀྱི་འགྲོ་བ་ཀུན་ལ་ཉམས་རྟོགས་བསྐྱེད། །གྲུབ་ཐོབ་ཀུན་གྱི་རྟོགས་པའི་ཡོན་ཏན་བསྡུས། དཔྲལ་བའི་པད་འབྱུང་ཐུགས་ཀར་ཐིམ་པར་བསྒོམ། །འཁོར་གྱི་སངས་རྒྱས་སྟོང་རྩ་གསལ་བཏབ་ལ། །རང་གི་མགྲིན་པའི་འཇིག་རྟེན་དབང་ཕྱུག་ལས། །འོད་འཕྲོས་དེ་དག་རྣམས་

[Full Size]

ལ་ཐིམ་པ་ཡིས། །དེ་དག་སྐུ་ལས་གསེར་མདོག་སངས་རྒྱས་སྐུ། །གྲངས་མེད་འཕྲོས་པས་འཇིག་རྟེན་སེར་ལྟེམ་གང་། །འགྲོ་བ་ཀུན་གྱི་ལུས་ཀྱི་སྒྲིབ་པ་སྦྱངས། །རྒྱལ་བ་ཀུན་གྱི་སྐུ་ཡི་བྱིན་རླབས་བསྡུས། །ཐམས་ཅད་འོད་ཞུ་ཚུར་འདུས་རང་ཉིད་ཀྱི། །མགྲིན་པའི་འཇིག་རྟེན་དབང་ཕྱུག་དཔྲལ་བར་ཐིམ། །སངས་རྒྱས་སྟོང་གི་ཐུགས་ལས་ཧཱུྃཡིག་རེ། །མདུན་དུ་ཆད་ལས་སྔགས་ཀྱི་རང་སྒྲ་བཅས། །འཇིག་རྟེན་ཁྱབ་པས་འགྲོ་བའི་ངག་སྒྲིབ་སྦྱངས། །རྒྱལ་བ་ཀུན་གྱི་གསུང་གི་བྱིན་རླབས་བསྡུས། །ཚུར་འདུས་མགྲིན་པའི་ལྷ་ཡི་ལྗགས་ལ་ཐིམ། །བསྐལ་བཟང་སངས་རྒྱས་སྟོང་གི་ཐུགས་ཀ་ནས། །གསེར་གྱི་པདྨ་ཧྲི༔ཡིག་གིས་མཚན་པ། །རེ་རེ་འཕྲོས་ཤིང་ཡང་འཕྲོས་འཇིག་རྟེན་ཁྱབ། །སེམས་ཅན་ཀུན་གྱི་ཡིད་ཀྱི་སྒྲིབ་པ་སྦྱངས། །ཚུར་འདུས་མགྲིན་པའི་ལྷ་ཡི་ཐུགས་ཀར་ཐིམ། །བདག་གི་ཐུགས་ཀའི་རྟ་མགྲིན་འོད་ཟེར་ནི། །གཡས་ཀྱི་རྟ་མགྲིན་སྐུ་ལ་ཐིམ་མ་ཐག །རྟ་མགྲིན་གྲངས་མེད་འཕྲོས་པས་འཇིག་རྟེན་གང་། །འགྲོ་བའི་བདུད་བཞི་ཉོན་མོངས་ཚར་གཅོད་ཅིང་། །དཔའ་བོ་ཁྲོ་རྒྱལ་ཀུན་གྱི་མཐུ་སྟོབས་བསྡུས། །འོད་ཞུ་ཚུར་འདུས་རང་གི་

[Full Size]

ཐུགས་ཀ་རུ། །རྟ་མགྲིན་བཞུགས་པའི་དཔྲལ་བར་ཐིམ་པར་བསྒོམ། །དེ་བཞིན་འོད་འཕྲོས་གཡས་ཀྱི་རྟ་མགྲིན་གྱི། །མགྲིན་པའི་གནས་ནས་ཧཱིཝཡིག་གིས་མཚན་པའི། །ཅང་ཏེའུ་སྔགས་སྒྲར་བཅས་པས་འཇིག་རྟེན་གང་། །བདུད་བགེགས་ཀུན་གྱི་ངག་གི་ནུས་པ་བཅོམ། །ཁྲོ་རྒྱལ་ཀུན་གྱི་གསུང་གི་ནུས་མཐུ་བསྡུས། །ཚུར་འདུས་ཐུགས་ཀའི་རྟ་མགྲིན་ལྗགས་ལ་ཐིམ། །འོད་འཕྲོས་གཡས་ཀྱི་རྟ་མགྲིན་ཐུགས་ཀ་ནས། །གསེར་གྱི་རྡོ་རྗེ་ཁ་གདེངས་བ་གཅིག་འཕྲོས། །དེ་འདྲ་གྲངས་མེད་འཇིག་རྟེན་ཁྱབ་པ་དེས། །བདུད་བགེགས་ཀུན་གྱི་སེམས་ཀྱི་གདུག་རྩུབ་བཅོམ། །རྒྱལ་བ་ཀུན་གྱི་སྟོབས་བཅུའི་སྟོབས་བསྡུས་ཏེ། །རང་གི་ཐུགས་ཀའི་རྟ་མགྲིན་ཐུགས་ལ་ཐིམ། །ལྟེ་བའི་གསང་ཡེའི་སྐུ་ལས་འོད་འཕྲོས་པ། གཡོན་གྱི་གསང་ཡེ་ལ་ཐིམ་དེ་མ་ཐག །གསང་ཡེ་དཔག་མེད་འཕྲོས་པས་འཇིག་རྟེན་ཁྱབ། །སྣང་སྲིད་འགྲོ་བའི་ལུས་ཀུན་དབང་དུ་བསྡུས། །ས་འོག་ས་སྟེང་ས་བླར་གནས་པ་ཡི། །ཊྛཀི་ཀུན་གྱི་སྐུ་ཡི་བྱིན་རླབས་བསྡུས། །ཚུར་འདུས་ལྟེ་བའི་ལྷ་ཡི་དཔྲལ་བར་ཐིམ། །སླར་ཡང་འོད་འཕྲོས་གཡོན་གྱི་གསང་ཡེ་ལས། །ཧྲི༔ཡིག་སྔགས་རིང་གིས་བསྐོར་རང་སྒྲ་

[Full Size]

བཅས། །འཇིག་རྟེན་ཁྱབ་པས་སྐྱེ་འགྲོ་ཐམས་ཅད་ཀྱི། །ངག་རྣམས་དབང་བསྡུས་གནས་གསུམ་ཌཱཀི་ཡི། །གསུང་གི་ནུས་པ་བསྡུས་ཏེ་འོད་དུ་ཞུ། །ཚུར་འདུས་ལྟེ་བའི་ལྷ་ཡི་མགྲིན་པར་ཐིམ། །སླར་ཡང་འོད་འཕྲོས་གཡོན་གྱི་གསང་ཡེ་ལས། །ཕྱག་མཚན་གྲི་ཐོད་བརྩེགས་པ་གྲངས་མེད་འཕྲོས། །སེམས་ཅན་ཀུན་གྱི་སེམས་རྒྱུད་དབང་དུ་་བསྡུས། །མ་རྒྱུད་མཁའ་འགྲོའི་ཐུགས་ཀྱི་ཡེ་ཤེས་བཅས། །འོད་ཞུ་ཚུར་འདུས་གསང་ཡེའི་ཐུགས་ཀར་ཐིམ། །གསང་གནས་རིགས་བཞིའི་ཌཱཀི་ཡབ་ཡུམ་ལས། །འོད་ཟེར་ལྟེ་བ་ནས་འཕྲོས་འོག་ཕྱོགས་ཀྱི། །མ་མགོན་དཔའ་བོ་ཌཱཀི་རྣམས་ལ་ཐིམ། །དེ་དག་རྣམས་ལས་མ་མགོན་ལྕམ་དྲལ་དང་། །རིགས་བཞིའི་དཔའ་བོ་ཌཱཀི་གྲངས་མེད་འཕྲོས། །ལུས་ལ་སགནོད་པའི་དགྲ་བགེགས་ཚར་བཅད་ཅིང་། །སྐྱེ་འགྲོ་ཀུན་གྱི་ལུས་ཀྱི་གཟི་བརྗིད་བསྡུས། །ཚུར་འདུས་གསང་གནས་ལྷ་ཡི་དཔྲལ་བར་ཐིམ། །སླར་ཡང་འོད་འཕྲོས་འོག་གི་ཆོས་སྐྱོང་ལས། །རང་སྲོག་ས་བོན་སྔགས་ཀྱི་རང་སྒྲ་ཅན། །སྟོང་གསུམ་འཇིག་རྟེན་ཁྱབ་པར་འཕྲོས་པ་ཡིས། །ངག་ལ་གནོད་པའི་དགྲ་བགེགས་ཚར་བཅད་ཅིང་། །སྐྱེ་འགྲོ་ཀུན་གྱི་ངག་གི་

[Full Size]

ནུས་པ་བསྡུས། །ཚུར་འདུས་གསང་གནས་ལྷ་ཡི་མགྲིན་པར་ཐིམ། །སླར་ཡང་འོད་འཕྲོས་འོག་གི་ལྷ་རྣམས་ལས། །རྡོ་རྗེ་རིན་ཆེན་པདྨ་རྒྱ་གྲམ་གྱིས། །མཚན་པའི་གྲི་གུག་ཁ་ཊཱ་གྲངས་མེད་འཕྲོས། །སེམས་ལ་གནོད་པའི་དགྲ་བགེགས་ཚར་བཅད་དེ། །སྣང་སྲིད་སྐྱེ་འགྲོའི་མཐུ་སྟོབས་ནུས་པ་བསྡུས། །ཚུར་འདུས་གསང་གནས་ལྷ་ཡི་ཐུགས་ཀར་ཐིམ། །དེ་ནི་རྣམ་གསུམ་སྙིང་པོ་བཟླ་བའོ། ༈ །དེ་ནས་མདུན་བསྐྱེད་ལུས་ཀྱི་ལྷ་དང་བཅས། །སྔར་ལྟར་མཆོད་ཅིང་སྤྱན་འདྲེན་མཆོད་བསྟོད་སོགས། །མཆོད་བཞི་བསྟོད་བཞི་ཚང་བར་བྱས་པའི་རྗེས། །ཚོགས་བསགས་སྒྲིབ་སྦྱང་སྔགས་རིང་འདོན་བཞིན་དུ། །བདག་གི་ཐུགས་དབུས་རྟ་མགྲིན་ཐུགས་ཀར་ནི། །ཧྲིལ་སྔགས་ཕྲེང་འཁོར་ལས་འོད་ཟེར་འཕྲོས། །བདག་ཉིད་གཡས་ཀྱི་རྟ་མགྲིན་སྐུ་ལ་ཕོག །དེ་ནས་འོད་འཕྲོས་མདུན་གྱི་རྟ་མགྲིན་ཐིམ། །དེ་ལས་འོད་འཕྲོས་མདུན་གྱི་གཙོ་བོ་ལས། །དེ་ལས་འོད་འཕྲོས་ཕྱོགས་བཅུའི་ཞིང་ཁྱབ་པས། །འོད་ཟེར་ལས་བྱུང་མཆོད་པའི་སྤྲིན་ཕུང་གིས། །སངས་རྒྱས་བྱང་སེམས་ཁྲོ་རྒྱལ་ཐམས་ཅད་མཆོད། །སྐུ་གསུང་ཐུགས་ཡོན་ཕྲིན་ལས་བྱིན་རླབས་ཀུན། །འོད་ཀྱིས་བསྡུས་

[Full Size]

ཏེ་མདུན་བསྐྱེད་གཙོ་བོར་ཐིམ། །དེ་ལས་བྱིན་རླབས་དངོས་གྲུབ་འོད་ཟེར་ཚུལ། །མདུན་གཡས་རྟ་མགྲིན་ལ་བརྒྱུད་བདག་ཉིད་ཀྱི། །གཡས་ཀྱི་རྟ་མགྲིན་ནས་བརྒྱུད་བདག་ལ་ཐིམ། །སྒྲིབ་གཉིས་དག་ཅིང་ཚོགས་གཉིས་རྫོ་གས་པར་བསྒོམ། །དེ་བཞིན་བདག་གི་འོད་ཟེར་གཡོན་ཕྱོགས་ཀྱི། །གསང་ཡེ་ནས་བརྒྱུད་མདུན་གྱི་གསང་ཡེ་ནས། །གཙོ་བོ་ལ་ཕོག་འོད་ཟེར་ཕྱོགས་བཅུར་འཕྲོས། །མཆོད་པའི་སྤྲིན་དུ་གྱུར་ནས་ཕྱོགས་བཅུ་ཡི། །དེ་བཞིན་གཤེགས་མ་སེམས་མ་ཌཱཀིའི་ཚོགས། །ཀུན་མཆོད་བྱིན་རླབས་དངོས་གྲུབ་འོད་དུ་བསྡུས། །མདུན་བསྐྱེད་ལ་ཐིམ་གཡོན་གྱི་གསང་ཡེ་ནས། །བདག་གཡོན་གསང་ཡེ་ནས་བརྒྱུད་བདག་ལ་ཐིམ། །བདག་ཐུགས་འོད་ཟེར་སྟེང་ཕྱོགས་པད་འབྱུང་ལ། །དེ་ཡི་འོད་ཟེར་མདུན་སྟེང་པད་འབྱུང་ལ། །ཕོག་ཅིང་པད་འབྱུང་འོད་ཟེར་གཙོ་བོར་ཕོག །གཙོ་བོའི་འོད་ཟེར་རྩེ་ལ་མཆོད་པའི་སྤྲིན། །སྤྲོས་ཏེ་ཞིང་ཁམས་ཀུན་ན་བཞུགས་པ་ཡི། །རིག་འཛིན་གྲུབ་ཐོབ་རྒྱ་མཚོ་ཐམས་ཅད་མཆོད། །ཉམས་རྟོགས་བྱིན་རླབས་ཀུན་བསྡུས་གཙོ་བོར་ཐིམ། །ཡར་འཕྲོས་ནམ་མཁའི་པད་འབྱུང་ནས་བརྒྱུད་དེ། །བདག་བསྐྱེད་པད་འབྱུང་

[Full Size]

ནས་བརྒྱུད་བདག་ལ་ཐིམ། །ཉམས་དང་རྟོགས་པ་ཆེས་ཆེར་འབར་བར་བསྒོམ། །བདག་གི་ཐུགས་ཀའི་འོད་ཟེར་འོག་ཕྱོགས་ཀྱི། །ཆོས་སྐྱོང་ནས་བརྒྱུད་མདུན་གྱི་ཆོས་སྐྱོང་ནས། །མདུན་བསྐྱེད་གཙོ་བོ་ལ་ཐིམ་དེ་ཡི་འོད། །རང་རང་མཐུན་རྫས་མཆོད་པས་འཇིག་རྟེན་ཁྱབ། །ཡེ་ཤེས་འཇིག་རྟེན་ཆོས་སྐྱོང་ཐམས་ཅད་མཆོད། །མཐུ་སྟོབས་ནུས་པ་ཀུན་བསྡུས་མདུན་བསྐྱེད་ནས། །བདག་བསྐྱེད་ཆོས་སྐྱོང་ནས་བརྒྱུད་བདག་ལ་ཐིམ། །མཐུ་སྟོབས་ནུས་པ་ཕུན་ཚོགས་ཐོབ་པར་བསྒོམ། །ཕྱོགས་རེ་བ་ཡི་དམིགས་པ་ཞེས་བྱ་ཡིན། །དེ་རྗེས་གཏོར་བསྔོས་གཞུང་ལྟར་བྱ་བ་ཡིན། །གཏོར་བསྔོས་རྗེས་སུ་འདོད་དོན་ཀུན་འགྲུབ་པའི། །སྔགས་རིང་བདུན་ནམ་ཉེར་གཅིག་བརྒྱ་རྩ་ཙམ། །བཟླ་བ་གོང་འོག་གཏོར་བསྔོས་ཀུན་ལ་འགྲེས། །མདུན་བསྐྱེད་བུམ་ཆུ་བདུད་རྩི་གཏོར་མར་བསྟིམ། །བདག་བསྐྱེད་ཐུན་བསྡུ་ལ་སོགས་གཞུང་ལྟར་རོ། །དགོང་ཀ་བདག་བསྐྱེད་འདོན་དང་ལུས་ལྷ་བསྒོམ། །བཟླས་པའི་བར་དུ་བདག་བསྐྱེད་གོང་ལྟར་ལ། །རིགས་འཕྲོ་ཞེས་བྱ་གཙོ་བོ་རེས་མོས་ཏེ། །བདག་ཉིད་གཙོ་བོ་དེ་ཡི་ང་རྒྱལ་བཟུང་། །དང་པོ་སྤྱན་རས་གཟིགས་ནི་གཙོ་བོ་སྟེ། །སྒྱུ་མ་ལྟ་བུ་

[Full Size]

སྐད་ཅིག་སྐད་ཅིག་ལ། །གནས་འགྱུར་རང་ཉིད་ཁྲོ་བོ་རྟ་མགྲིན་ཏེ། །དཔའ་བོ་རྒྱ་མཚོས་བསྐོར་བ་དབུས་སུ་བསྒོམ། །དེ་ཚེ་རྒྱལ་བ་རྒྱ་མཚོ་སྤྱན་རས་གཟིགས། །སངས་རྒྱས་སྟོང་གིས་བསྐོར་བ་གཡས་ཕྱོགས་བཞུགས། །རང་ཉིད་གསང་བ་ཡེ་ཤེས་དཔའ་མོའི་ཚོགས། །དབུས་སུ་སྒོམ་ཚེ་སྤྱན་རས་གཟིགས་དབང་ནི། །སངས་རྒྱས་སྟོང་བཅས་ཆ་གཡོན་དུ་བཞུགས་པར་བསམ། །རང་ཉིད་སློབ་དཔོན་པདྨ་གྲུབ་ཐོབ་འཁོར། །འབུམ་སྡེའི་བསྐོར་བ་སྒོམ་ཚེ་སྟེང་གི་ཕྱོགས། །སྤྱན་རས་གཟིགས་དབང་སངས་རྒྱས་སྟོང་བཅས་བཞུགས། །རང་ཉིད་མ་མགོན་དཔའ་བོ་མཁའ་འགྲོའི་ཚོགས། །ང་རྒྱལ་བཟུང་ཚེ་སྟེང་གི་གཡས་གཡོན་བར། །ནམ་མཁའ་དང་བཅས་དཀྱིལ་འཁོར་བཞི་ཁ་ཡང་། །རང་ཉིད་ཡིན་པར་མཉམ་པ་ཉིད་དུ་བྷཻཾ། །འདི་དག་རིགས་འཕྲོ་དངོས་གྲུབ་བཟླས་པ་ཟེར། །དེ་ནས་ལྷ་ལྔ་གཞུང་ལྟར་བསྒོམས་པ་ལས། །རིམ་བཞིན་འོད་ཟེར་འཕྲོས་པས་གཡས་གཡོན་དང་། །སྟེང་འོག་དཀྱིལ་འཁོར་དང་བཅས་ལྔ་ཁ་ཡང་། །བདག་ཉིད་ཇི་བཞིན་སྤྱན་རས་གཟིགས་དབང་ལ། །སངས་རྒྱས་སྟོང་གིས་བསྐོར་བ་ལྔ་ཚོམ་བསྒོམ། །གཙོ་བོའི་མལ་དུ་

[Full Size]

རྟ་མགྲིན་སོགས། །རིམ་བཞིན་གཙོ་འཁོར་རེས་མོས་བསྐོར། །དེ་ནས་བདག་ཉིད་སྐད་ཅིག་རྟ་མགྲིན་གསལ། །དེ་ལས་འོད་ཟེར་སྟེང་འོག་གཡས་གཡོན་འཕྲོས། །རྟ་མགྲིན་དཔའ་བོ་རྒྱ་མཚོས་བསྐོར་བ་ཡི། །ཁྲོ་བོའི་དཀྱིལ་འཁོར་ལྔ་ཚོམ་གྱུར་པ་བསྒོམ། །དེ་ནས་རང་ཉིད་གསང་ཡེ་ང་རྒྱལ་བསྒོམ། །འོད་ཟེར་སྟེང་འོག་གཡས་གཡོན་འཕྲོས་པ་ཡིས། །མཁའ་འགྲོའི་དཀྱིལ་འཁོར་ལྔ་ཚོམ་གྱུར་པར་བསྒོམ། །དེ་ནས་བདག་ཉིད་པད་འབྱུང་ང་རྒྱལ་བཟུང་། །འོད་འཕྲོས་དཀྱིལ་འཁོར་ལྔ་པོ་ཐམས་ཅད་ཀྱང་། །པད་འབྱུང་གྲུབ་ཐོབ་རྒྱ་མཚོའི་དཀྱིལ་འཁོར་བསྒོམ། །བདག་ཉིད་མ་མགོན་དཔའ་བོ་ཌཱཀི་བསྒོམ། །འོད་འཕྲོས་དཀྱིལ་འཁོར་ལྔ་པོ་ཐམས་ཅད་ཀྱང་། །དམ་ཅན་རྒྱ་མཚོའི་དཀྱིལ་འཁོར་ཉིད་དུ་བསྒོམ། །རིགས་བསྒྱུར་ཏིང་ངེ་འཛིན་གྱི་བཟླས་པ་ཡིན། །དེ་ནས་རང་ཉིད་ལྷ་ལྔ་གཞུང་ལྟར་བསྒོམ། །དེ་ཚེ་སྔགས་རིང་ཉེར་བརྒྱད་པ་ཉིད་བཟླ། །དེ་ནས་མདུན་བསྐྱེད་ལུས་ཀྱི་ལྷར་བཅས་པ་། །གོང་ལྟར་བསྐྱེད་བསྟིམ་མཆོད་བཞི་བསྟོད་བཞི་བྱ། །དེ་ནས་ཚོགས་བསགས་སྒྲིབ་སྦྱང་སྔགས་རིང་བཟླ། །བདག་གི་ཐུགས་ཀའི་སྔགས་འཁོར་འོད་ཟེར་ལས། །འོད་ཟེར་རྩ་

[Full Size]

བ་གཅིག་ལ་རྩེ་མོ་ལྔ། །རྩེ་མོ་རེ་ལ་མཆོད་པའི་སྤྲིན་འཕྲོ་བ། །སྤྲོས་ཏེ་མདུན་བསྐྱེད་ལྷ་ལྔའི་ལྷ་ཚོགས་མཆོད། །འོད་ཟེར་རྩེ་ལྔས་ལྷ་ལྔའི་བྱིན་རླབས་ཀུན། །བསྡུས་ཏེ་རང་གི་ཐུགས་ཀར་བསྟིམ་པ་ནི། །དཔེར་ནི་ལག་པས་བསྙབ་པ་ལྟ་བུའོ། །དེ་ནས་སྐབས་འདིར་ལག་མཆོད་བྱ་བ་ནི། །ལག་མཆོད་ཚོགས་དང་འབྲེལ་མ་ཡིན་ཕྱིར་རོ། །ལག་མཆོད་དེ་ཡིས་ཚོགས་བྲན་ཚོགས་གྱེར་ལ། །ཚོགས་ཕུད་ཕུལ་ལ་རང་གི་གཏོར་བསྔོས་དང་། །ཡི་དམ་ཆོས་སྐྱོང་ཆག་མེད་རིགས་རྣམས་ཀྱི། །གཏོར་བསྔོས་གང་དགོས་སྐབས་འདིར་སྦྱར་བར་བྱ། །ཚོགས་ལ་རོལ་ཞིང་ལྷག་མ་བཏང་ནས་ཀྱང་། །མདུན་བསྐྱེད་འོད་ཞུ་བུམ་ཆུ་བདུད་རྩིར་བསྟིམ། །བདག་བསྐྱེད་ཐུན་བསྡུ་བསྔོ་སྨོན་གཞུང་ལྟར་རོ། ༈ །དེ་ནས་མུན་རུབ་བདག་བསྐྱེད་ལུས་ལྷར་བཅས། །བདག་བསྐྱེད་ཚར་རྗེས་ལྷ་ལྔའི་སྔགས་བཟླས་ཤིང་། །དམིགས་པ་རང་གི་ལུས་ཀྱི་ནང་དུ་ནི། །དབུ་མའི་ཡར་སྣེ་སྤྱི་བོར་ཧཾ་ཡིག་མཚན། །མར་སྣེ་གསང་གནས་ཌཱཀི་བཞི་ཡི་མཚན། །ལྟེ་འོག་སུམ་མདོར་གཏུམ་མོའི་ཡེ་ཤེས་མེ། །ཨ་ཐུང་རྣམ་པ་མེ་ཡང་སོར་བཞི་འབར། །སྤྱི་བོར་པད་འབྱུང་མགྲིན་པར་སྤྱན་

[Full Size]

རས་གཟིགས། །སྙིང་གར་རྟ་མགྲིན་ལྟེ་བར་གསང་ཡེ་རྣམས། །སྐུ་ཆུང་དབུ་མའི་ནང་དུ་ཚུད་པར་བསྒོམ། །གཡས་གཡོན་རོ་རྐྱང་གཉིས་དང་འཁོར་ལོ་ལྔ། །རྩ་འདབ་དེ་དག་མོས་པ་ཙམ་ཞིག་བསྒོམ། །དེ་ནས་བར་རླུང་གསུས་པ་ཐེར་བྱས་པས། །གཏུམ་མོའི་མེ་འབར་སྤྱི་བོའི་ཧཾ་ཡིག་ཞུ། །བདུད་རྩི་བྱང་སེམས་ཆར་ཟིམ་ལྟ་བུར་བབ། །སྤྱི་མགྲིན་སྙིང་ཁ་ལྟེ་བ་གསང་གནས་ཀྱི། །ལྷ་ཚོགས་རྣམས་ལ་མཆོད་པར་གྱུར་པས་མཉེས། །བཀྲག་མདངས་རྒྱས་ཤིང་འོད་ཟེར་སྣ་ཚོགས་འཕྲོས། །ཕྱི་རོལ་སྣོད་བཅུད་ཀུན་ལ་ཕོག་པ་ཡིས། །ཐམས་ཅད་བྱང་སེམས་དཀར་དམར་རྣམ་པར་ཞུ། །བདུད་རྩི་འོ་མའི་རྒྱ་མཚོ་ལྟ་བུར་གྱུར། །རླུང་ནི་ནང་དུ་རྔུབ་པ་དང་བསྟུན་ནས། །ཐམས་ཅད་ཚུར་འདུས་བདག་ལུས་ལ་ཐིམ་པས། །ཟག་མེད་ཏིང་འཛིན་བདེ་སྟོང་རྒྱས་པར་བྷོ། །བདེ་ཆེན་རྡོ་རྗེའི་བཟླས་པ་ཞེས་བྱའོ། །རླུང་ནི་ཕྱིར་ལ་ཕྱུང་བ་དང་བསྟུན་ཏེ། །བདག་གི་སྐུ་ལས་འོད་ཟེར་སྣ་ཚོགས་འཕྲོས། །ཕྱི་སྣོད་འཇིག་རྟེན་གཞལ་ཡས་ཁང་དུ་གྱུར། །ནང་བཅུད་སེམས་ཅན་ཐམས་ཅད་རིགས་ལྔ་དང་། །ཡུམ་ལྔའི་ཚོགས་སུ་གྱུར་པ་གསལ་བ་སྟེ། །རླུང་ནི་ནང་དུ་འཇུག་པ་དང་བསྟུན་ནས། །

[Full Size]

ཐམས་ཅད་བདག་ལ་ཐིམ་པར་བསྒོམས་པ་ནི། །ལོངས་སྐུ་རྡོ་རྗེའི་བཟླས་པ་ཞེས་བྱའོ། །སླར་ཡང་ལུས་ལྷ་བཅས་པ་སྔར་ལྟར་ལས། །རླུང་ནི་ཕྱིར་ལ་ཕྱུང་བ་དང་བསྟུན་ནས། །འོད་ཟེར་སྣ་ཚོགས་འཕྲོ་བའི་རྩེ་མོ་ལས། །ཟས་འདོད་ཟས་དང་གོས་འདོད་རྣམས་ལ་གོས། །གང་ལ་གང་འདོད་ལོངས་སྤྱོད་ཆར་ལྟར་བབས། །འགྲོ་ཀུན་བདེ་སྐྱིད་ཕུན་སུམ་ཚོགས་པར་བསྒོམ། །དེ་ནི་སྤྲུལ་སྐུ་རྡོ་རྗེའི་བཟླས་པའོ། ༈ །དེ་ནས་དམིགས་པ་ཅི་ཡང་མི་བསྒོམ་པར། །སེམས་ལ་གང་ཤར་བཅོས་སླད་མེད་པ་རུ། །ངོ་བོ་རྗེན་པའི་སྟེང་དུ་མཉམ་པར་བཞག །དེ་ནི་ཆོས་སྐུ་རྡོ་རྗེའི་བཟླས་པའོ། ༈ །དེ་ནས་སྔར་ལྟར་མདུན་བསྐྱེད་ལུས་ལྷར་བཅས། །བསྐྱེད་ཅིང་སྤྱན་འདྲེན་མཆོད་བཞི་བསྟོད་བཞི་བྱ། །དེ་ནས་ལས་སྦྱོར་ཚུལ་གྱིས་དམིགས་པ་ནི། །བདག་མདུན་ཐུགས་ལས་འོད་ཟེར་དམར་པོ་ནི། །ལྕགས་ཀྱུའི་དབྱིབས་ཅན་ལྟ་བུ་གྲངས་མེད་འཕྲོས། །སེམས་ཅན་ཀུན་གྱི་སྙིང་ག་ནས་བཀུག་སྟེ། །ཐམས་ཅད་ཡི་དམ་ལྷ་ཡི་སྐུར་གསལ་བ། །ལུས་ནི་འོད་ཞུ་ལྟེ་བའི་གསང་ཡེར་ཐིམ། །སེམས་ནི་སྡིགྱུར་རང་གི་ཐུགས་ཀ་ཡི། །རྟ་མགྲིན་ཐུགས་སྲོག་

[Full Size]

ཧྲཱིཿལ་ཐིམ་པར་བསྒོམ། །དེ་ནི་སྤྱི་ཁྱབ་དབང་གི་བཟླས་པའོ། །དེ་ཚེ་སྒྲིབ་སྦྱངས་སྔགས་རིང་བཟླས་པའམ། །ལྷ་ལྔའི་སྔགས་གཉིས་གང་བདེ་སྐབས་དང་བསྟུན། །དེ་ནས་གཏོར་བསྔོས་ཐུན་བསྡུ་གོང་དང་འདྲ། །ལས་སྦྱོར་ཡང་ནི་དེ་ལ་འདུས་པའོ། །དེ་ལྟར་ཞག་བདུན་ལས་ནི་མི་ཉུང་བར། །བསྒྲུབས་རྗེས་རྗེས་ཆོག་བྱས་ལ་མཚམས་བཀྲོལ་ལམ། །གསང་སྒྲུབ་སྦྲེལ་ན་རྗེས་ཆོག་མི་བྱ་བར། །མཆོད་པ་ཁ་གསོ་བྱས་ལ་གསང་སྒྲུབ་བྱ། །དེ་ལྟར་ནང་སྒྲུབ་མཁའ་སྤྱོད་དབང་པོས་གསུངས། །དམིགས་པ་ཐམས་ཅད་ཕྱོགས་གཅིག་གསུང་མོད་ཀྱིས། །ཐུན་རེར་དེ་དག་ཐམས་ཅད་རྫོགས་དཀའ་བས། །འདི་རྣམས་གང་རུང་བྱས་ལ་བསྒྲུབ་གསུངས་པས། །ཞག་གཅིག་ནང་དུ་དམིགས་པ་རྫོགས་པ་ཡིན། །གོ་རིམ་གཞུང་ནས་དཀྲུགས་ནི་གསུངས་ན་ཡང་། །སྔ་དྲོའི་བསྐྱེད་རིམ་ཉིན་གུང་རྩལ་སྦྱང་དང་། །དགོང་མོའི་རྫོགས་རིམ་འདི་ལྟར་བསྒོམ་པ་ལེགས། །སྐུ་བཞིའི་བཟླས་པ་རླུང་བཟུང་གཙོ་ཆེ་ཡང་། །སྔགས་བཟླས་རླུང་བཟུང་གང་གོམས་ཆོག་གསུངས་པས། །འདིར་ནི་སྔགས་བཟླས་གཙོ་བོ་བྱས་པ་ཡིན། །འཇམ་དབྱངས་ཆེན་པོའི་གསུང་ལེན་ལ་སོགས་པ། །འདི་རུ་མི་

[Full Size]

བརྗོད་གཞན་དུ་གསལ་བར་བྱ། །ལུས་ལ་ལྷ་བཀོད་ནང་སྒྲུབ་ཟིན་བྲིས་འདི། །ཐབས་མཁས་མཐར་ཕྱིན་གཉིས་ཀྱིས་བསྐུལ་བ་དང་། །དྲིན་ཆེན་རིག་འཛིན་སྤྲུལ་སྐུའི་དགོངས་རྫོགས་ལ། །དམིགས་ནས་ལུག་ལོ་ས་གའི་བཅུ་དྲུག་ལ། །རཱ་ག་ཨ་སྱས་ཚིགས་བཅད་གོ་བདེར་བསྒྲིགས། །ཡི་གེ་པ་ནི་པདྨ་མཐར་ཕྱིན་ནོ། །འདི་བྲིས་ཉེས་འགེལ་ནང་སྒྲུབ་ལྷ་ལ་བཤགས། །དགེ་བས་སྤྲུལ་སྐུའི་ཟག་མེད་ཐུགས་དགོངས་རྫོགས། །བདག་དང་སློབ་མ་བརྒྱུད་པར་བཅས་པ་ལ། །འབྲེལ་ཐོགས་མཐོང་ཐོས་དྲན་རེག་འགྲོ་བ་ཀུན། །འཕོས་མ་ཐག་ཏུ་བདེ་ཆེན་ཞིང་སྐྱེས་ནས། །འཕགས་པ་སྤྱན་རིས་གཟིགས་དང་འབྲལ་མེད་ཤོག། །མངྒ་ལཾ། །བྷ་ཝནྟུ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་གསང་སྒྲུབ་བླ་ན་མེད་པའི་ཟིན་བྲིས།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་གསང་སྒྲུབ་བླ་ན་མེད་པའི་ཟིན་བྲིས་སོ།།

[Full Size]

ན་མོ་ལོ་ཀེ་ཤྭ་ར་གུ་བྱ་དྷེ་ཝ་པཉྩཡེ། གསང་སྒྲུབ་ཐུགས་རྗེའི་ལྷ་ལ་ཕྱག་འཚལ་ལོ། །བཀའ་གནང་བྱིན་གྱིས་བརླབ་པར་མཛད་དུ་གསོལ། །སེམས་དཔའ་རྡོ་རྗེ་སྙིང་པོའི་རྒྱ་གཞུང་དོན། །མཁའ་སྤྱོད་དབང་པོའི་ཞལ་གདམས་སྙན་བརྒྱུད་ནི། །དེ་བཞིན་གཤེགས་པས་རྒྱས་པར་མཛད་པ་དང་། །དཀོན་མཆོག་འབངས་ཀྱིས་ཅུང་ཞིག་བསྡུས་པ་རྣམས། །ཆོ་ག་འདི་དང་བསྟུན་ཏེ་ཉམས་ལེན་ཐབས། །སྟ་གོན་ཚར་རྗེས་ལྷ་ལྔའི་བདག་བསྐྱེད་ནི། །དམ་ཅན་རྒྱ་མཚོའི་དཀྱིལ་འཁོར་རེ་རེའི་བར། །ཅུང་ཞིག་ངལ་བསོས་ལྷ་བསྐྱེད་ཁྱད་པར་འདི། །སྐད་ཅིག་ཉིད་ལ་གནས་གྱུར་

[Full Size]

གསལ་གདབ་སྟེ། །རང་ཉིད་གཙོ་བོ་གཡས་བརྐྱང་གཡོན་བསྐུམ་བཞེངས། །ཕྱག་གཉིས་པད་ཕྲེང་འཛིན་པ་ཡུམ་ལ་འཁྱུད། དར་གྱི་ཤམ་ཐབས་ཅུང་ཟད་གྲོལ་བ་ཙམ། །མ་གཏོགས་ཞི་ཉམས་རྒྱན་སོགས་སྔོན་དང་འདྲ། །ཡུམ་ནི་ཟངས་གྲི་ཕྱར་ཞིང་ཐོད་ཁྲག་འཁྱུད། གཡོན་བརྐྱང་གཡས་བསྐུམ་ཡབ་དང་འཁྲིལ་བའོ། །དར་དང་རིན་ཆེན་རུས་པའི་རྒྱན་དང་ལྡན། །གཡས་ཀྱི་རྟ་མགྲིན་ཕག་མོ་ཡུམ་ལ་འཁྱུད། །གཡོན་གྱི་གསང་ཡེའི་སྐུ་ལ་རྟ་མགྲིན་སྦྱོར། །སྟེང་གི་པད་འབྱུང་ན་བཟའ་དཀར་མོས་འཁྱུད། །འོག་གི་མ་མགོན་ཞལ་སྦྱོར་མཐའ་སྐོར་དུ། །

[Full Size]

རིགས་བཞིའི་ཌཀི་ཡབ་ཡུམ་ཞལ་སྦྱོར་རོ། །གཙོ་བོའི་སྐུ་ལས་ཕྱི་ནང་སྒྲིབ་མེད་པ། །སྟོང་པ་འོད་ཀྱི་རང་བཞིན་ཅན་གྱི་དབུས། །རྩ་གསུམ་འཁོར་ལོ་ལྔ་པོ་གསལ་གདབ་སྟེ། །དྷུ་ཏི་རོ་རྐྱང་མཐིང་དམར་དཀར་གསལ་དྲང་། །སྤྱི་བོའི་རྩ་འདབ་སུམ་ཅུ་སོ་གཉིས་དཀར། །མགྲིན་པའི་རྩ་འདབ་བཅུ་དྲུག་དམར་པོ་སྟེ། །སྙིང་ཁའི་བརྒྱད་མཐིང་ལྟེ་བའི་རེ་བཞི་སེར། །གསང་བའི་བཞི་ལྗང་ཀུན་ཀྱང་པད་འདབ་དབྱིབས། །རྩ་མདུད་དབུས་ལྔར་པད་ཟླའི་གདན་ལྔ་ལ། །སྤྱི་བོར་བདེ་གཤེགས་རིགས་ཀྱི་སྤྱན་རས་གཟིགས། །ཞལ་གཅིག་ཕྱག་གཉིས་འཁོར་ལོ་པད་མཚན་དྲིལ། །ཡུམ་ནི་དཀར་མོ་འཁོར་ལོ་གྲི་ཐོད་འཁྱུད། །རྩ་འདབ་སོ་གཉིས་ཡུམ་འདྲའི་ཊཱཀི་དཀར། །མགྲིན་པར་པདྨ་རིགས་ཀྱི་སྤྱན་གཟིགས་དམར། །པདྨ་དྲིལ་འཛིན་ཌའི་དམར་མོས་འཁྱུད། །སྙིང་ཁར་རྡོ་རྗེ་རིགས་ཀྱི་སྤྱན་གཟིགས་སྔོ། །རྡོ་རྗེ་དྲིལ་འཛིན་རང་འོད་ཡུམ་དང་སྦྱོར། །ལྟེ་བར་རིན་ཆེན་རིགས་ཀྱི་སྤྱན་གཟིགས་སེར། །རིན་ཆེན་དྲིལ་འཛིན་ཡུམ་ནི་སེར་མོ་སྦྱོར། །གསང་བར་ལས་ཀྱི་རིགས་ཀྱི་སྤྱན་གཟིགས་ལྗང་། །རྒྱ་གྲམ་དྲིལ་འཛིན་ཌཱཀི་ལྗང་མོ་འཁྲིལ། །ལྔ་ཀ་བཞེངས་སྟབས་

[Full Size]

གཡས་བརྐྱང་གཡོན་བསྐུམ་སྟེ། །ཀུན་ཀྱང་དར་དང་རིན་ཆེན་རུས་པས་བརྒྱན། །ཡུམ་རྣམས་གཡས་བསྐུམ་གཡོན་བརྐྱང་གཉིས་མེད་འཁྲིལ། །རྩ་འདབ་ཌཀི་རྣམས་ཀྱང་ཡུམ་དང་མཚུངས། །རང་རྟགས་གྲི་ཐོད་འཛིན་ཅིང་འདོར་ཐབས་བཞེངས། །སྙིང་གའི་རྡོ་རྗེ་རིགས་ཀྱི་སྤྱན་གཟིགས་ཀྱི། །ཐུགས་ཀར་རྟ་མགྲིན་ཡབ་རྐྱང་གསལ་བ་དང་། །ཡུམ་གྱི་ཐུགས་ཀར་ཕག་མོ་ཞལ་གཉིས་མ། ཕྱིའི་་།སྤྱི་བོའི་བདེ་གཤེགས་རིགས་ཀྱི་སྤྱན་གཟིགས་ཀྱི། སྤྱི་བོའི་ནང་གི་སྤྱི་བོར་པདྨ་འབྱུང་གནས་ཡབ་རྐྱང་དང་། །ཡུམ་གྱི་སྤྱི་བོར་ཡུམ་མཆོག་ན་བཟའ་དཀར་་་་་ཕྱིའི། ལྟེ་བའི་རིན་ཆེན་རིགས་ཀྱི་སྤྱན་གཟིགས་ཀྱི། །ལྟེ་བའི་རིགས་བཞི་དཔའ་བོ་ཡབ་རྐྱང་དང་། ཕྱི་་་་།ཡུམ་གྱི་ལྟེ་བར་རིགས་བཞི་དཔའ་མོ་རྣམས། །དེ་དག་ཕན་ཚུན་ཐབས་ཤེས་ཚུལ་དུ་བཞུགས། །སྙིང་པོ་བཀོད་པ་རྒྱན་གྱི་ལྷ་ཞེས་བྱ། །དེ་ནས་འབྲུ་གསུམ་བཀོད་དང་སྤྱན་འདྲེན་དང་། །དབང་བསྐུར་རྒྱས་གདབ་ཆོ་གའི་གཞུང་བཞིན་ནོ། །དེ་ནས་བདག་བསྐྱེད་བཟླས་པའི་སྐབས་དེ་རུ། །ལས་ཀྱི་སྤྱན་རས་གཟིགས་ཀྱི་འོག་དེ་རུ། །ཡཾ་ཡིག་ལྗང་གུའི་སྟེང་དུ་རཾ་ཡིག་དམར། །སྤྱི་བོའི་བདེ་

[Full Size]

གཤེགས་སྤྱན་གཟིགས་དབུ་གཙུག་ཏུ། །ཧཾ་ཡིག་དཀར་པོ་མགོ་བོ་ཐུར་བསྟན་དཀར། །འདི་རུ་བུམ་ཅན་རླུང་ནི་བཟུང་བའམ། །སྔགས་བཟླས་རླུང་བཟུང་གང་གོམས་ཆོག་གསུངས་པས། །བར་རླུང་གསུས་པ་ཐེར་ཙམ་བྱས་པ་ཡིས། །ཡཾ་ལས་རླུང་བྱུང་རཾ་ལས་མེ་འབར་ཏེ། །ཆུ་གནས་ཐམས་ཅད་གཏུམ་མོའི་མེ་ཡིས་གང་། །རྩ་གནས་ལྷ་ཚོགས་ཐམས་ཅད་འོད་དུ་ཞུ། །ལྷ་གྲངས་མཉམ་པའི་ཐིག་ལེ་རང་མདོག་གྱུར། །སྤྱི་བོའི་ཧཾ་ལས་བདུད་རྩིའི་ཆར་ཟིམ་ལྟར། །བབས་པས་ཐིག་ལེ་རྣམས་ལ་རེག་མ་ཐག །རྩ་གནས་ལྷ་ཀུན་སྔར་ལྟར་གསལ་བ་ལས། །སྔར་ལས་བཀྲག་མདངས་གཟི་བརྗིད་ཆེ་བར་བསྒོམ། །དེ་ནི་ཉི་ཟླ་ཁ་སྦྱོར་བཟླས་པའོ། །སྙིང་དབུས་རྟ་མགྲིན་ཐུགས་ཀར་པད་ཉིའི་སྟེང་། །ཧིམཐར་ཡི་གེ་བཅུ་པས་བསྐོར་བ་ལས། །དང་པོ་གཡས་སྐོར་དལ་བུས་འཁོར་བ་དང་། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །དེ་ལས་བཟླ་བྱའི་སྔགས་ཕྲེང་ཟད་མེད་འཕྲོས། །སྐུ་ཡི་ནང་བརྒྱུད་རྟ་དབུའི་སྨིན་མཚམས་ཐོན། །རྡོ་རྗེ་སྤྱན་གཟིགས་དབུ་གཙུག་ནས་ཐོན་ཏེ། །པདྨ་སྤྱན་གཟིགས་སྐུ་ཡི་ནང་དུ་ཞུགས། །ཞལ་ནས་ཕྱུང་ཞིང་བདག་གི་ཞལ་ནས་ཐོན། །

[Full Size]

ཡུམ་གྱི་ཞལ་ཞུགས་སྐུ་ཡི་ནང་བརྒྱུད་ནས། །ཐུགས་ཀའི་ཕག་མོའི་ཕག་ཞལ་སྨིན་མཚམས་ཞུགས། །ས་བོན་ཧྲིལ་གཡོན་སྐོར་གཅིག་བྱས་པས། །སྔར་མེད་ཡུམ་སྔགས་ཕྲེང་བ་གཡོན་སྐོར་བསམ། །དེ་ལས་སྔགས་ཕྲེང་འཕྲོས་པ་བྷ་གར་ཐོན། །ལྟེ་བའི་རིགས་བཞི་དཔའ་མོའི་དབུས་སུ་ཞུགས། །ཡུམ་གྱི་ལྟེ་བ་ནས་ཐོན་བདག་ཉིད་ཀྱི། །ལྟེ་བ་ནས་ཞུགས་རིན་ཆེན་སྤྱན་གཟིགས་ཀྱི། །ལྟེ་བར་རིགས་བཞི་དཔའ་བོའི་དབུས་སུ་ཞུགས། །དབུ་གཙུག་ནས་ཐོན་རྡོ་རྗེ་སྤྱན་གཟིགས་ཀྱི། །སྐུ་ཡི་ནང་བརྒྱུད་རྟ་མགྲིན་སྔགས་ལ་ཐིམ། །དེ་ལྟར་རྟ་མགྲིན་ཐུགས་ཀར་སྔགས་གཡས་འཁོར། །ཞལ་གཉིས་མ་ཡི་ཐུགས་ཀར་སྔགས་གཡོན་འཁོར། །བདག་ཞལ་ཡུམ་ཞལ་ཡུམ་ལྟེ་བདག་གི་ལྟེ། །སྔགས་ཕྲེང་མགལ་མེའི་འཁོར་ལོ་ལྟར་བསྐོར་ཞིང་། །ངག་ཏུ་ཡི་གེ་བཅུ་པ་བཟླ་གསུངས་ཏེ། །འདི་ནི་གསང་སྔགས་འབྱིན་འཇུག་བཟླས་པའོ། །དེ་ནས་རང་ཉིད་ཡབ་ཀྱི་གསང་བ་ནི། །རྡོ་རྗེ་རྩེ་ལྔ་ལྟེ་བ་ཧཱུྃ་གིས་མཚན། །ཡུམ་གྱི་གསང་བར་པདྨ་འདབ་བཞི་དམར། །ཟེའུ་འབྲུ་ལ་ཨ་ཡིག་དམར་པོས་མཚན། །གཉིས་ཀའི་བུ་ག་ཕཊ༔ཡིག་དམར་ནག་བཀག །ཡབ་ཡུམ་

[Full Size]

སྦྱོར་བ་བདེ་བ་ཆེན་པོའི་སྒྲ། །ཧ་ཧ་སི་སི་ཀུན་དྷུར་བཛྲ་དྷིཀ། །ཞེས་པའི་སྒྲ་ཡིས་ཕྱོགས་བཅུའི་ཞིང་ཁྱབ་པས། །རྒྱལ་བ་སྲས་བཅས་སྤྱན་དྲངས་བདག་ལ་ཐིམ། །བདུད་རྩི་བྱང་སེམས་གྱུར་ནས་བདག་ལུས་གང་། །བདུད་རྩིའི་ཟེགས་མ་བ་དག་ལྟ་བུ་ཞིག །རྡོ་རྗེའི་ཁོང་གསེང་དུ་ཆད་རྡོ་རྗེའི་རྩེར། །ཐིག་ལེ་དཀོར་པོ་ཡུངས་དཀར་རྡོག་པོ་ཙམ། །དེ་ནང་དཀྱིལ་འཁོར་མཚན་ཉིད་ཡོངས་རྫོགས་པ། །མེ་ལོང་ནང་གི་གཟུགས་བརྙན་ལྟ་བུར་བསྒོམ། །དེ་ནི་བྱིན་རླབས་གསང་བའི་བཟླས་པའོ། །དེ་ནས་རང་གི་སྐུ་ལས་འོད་འཕྲོས་པས། །འོག་མིན་མཁའ་སྤྱོད་ཉི་ཤུ་རྩ་བཞི་དང་། །རང་བཞིན་དག་པའི་གནས་མཆོག་ཐམས་ཅད་ནས། །རིགས་ཀྱི་དཔའ་བོ་ཌཱཀི་ཐམས་ཅད་ནི། །དཀར་མོའི་ཚོགས་དང་དེ་བཞིན་དམར་མོའི་ཚོགས། །སྔོན་མོ་སེར་མོ་ལྗང་མོའི་སྡེ་ཚན་རྣམས། །བུན་ནེ་ཆིལ་ལེ་དཔུང་དཔུང་ཐིབ་ཐིབ་བྱོན། །དཀར་པོ་ཐམས་ཅད་སྤྱི་བོའི་སྤྱན་གཟིགས་ཐིམ། །དམར་པོ་མགྲིན་པ་སྔོན་པོ་ཐུགས་ཀར་དང་། །སེར་པོ་ལྟེ་བ་ལྗང་གུ་གསང་བར་ཐིམ། །དེ་ནི་བདེ་མཆོག་དབང་བསྒྱུར་བཟླས་པའོ། །དེ་ནས་གསང་གནས་གཏུམ་མོའི་མེ་འབར་ནས། །སྤྱི་

[Full Size]

བོའི་ཧཾ་ཞུ་བྱང་སེམས་བདུད་རྩིའི་རྒྱུན། །སྤྱི་བོའི་རྩ་འདབ་གང་ཞིང་མགྲིན་པར་བབས། །དགའ་བའི་ཡེ་ཤེས་རྒྱུད་ལ་སྐྱེ་བར་བསམ། །མགྲིན་པ་གང་ཞིང་སྙིང་གར་བབ་པ་ཡིས། །མཆོག་ཏུ་དགའ་བའི་ཡེ་ཤེས་རྒྱུད་ལ་སྐྱེས། །སྙིང་ག་གང་ཞིང་ལྟེ་བར་བབ་པ་ཡིས། །ཁྱད་པར་ཅན་གྱི་དགའ་བའི་ཡེ་ཤེས་སྐྱེས། །ལྟེ་བ་གང་ཞིང་གསང་བར་བབ་པ་ཡིས། །ལྷན་ཅིག་སྐྱེས་པའི་དགའ་བའི་ཡེ་ཤེས་སྐྱེས། །དགའ་བ་ཞེས་བྱ་ལུས་སེམས་བདེ་བ་སྟེ། །ངོ་བོ་སྟོང་པར་རྟོགས་པ་ཡེ་ཤེས་ཡིན། །བདེ་སྟོང་ཟུང་དུ་འཇུག་པ་ཕྱག་ྋརྒྱ་ཆེན་པོའོ། །དེ་ནས་རིག་པ་སྤྱི་བོའི་ཧཾ་ལ་གཏད། །ཐིག་ལེ་ཆུ་ཡི་རླབས་བཞིན་གྱེན་དུ་ལོག །རྩ་གནས་བཞི་ལ་མས་བརྟན་དགའ་བཞི་མྱོང་། །ཐིག་ལེའི་དྭངས་མ་སྤྱི་བོའི་ཧཾ་ལ་འདུས། །དེ་ནི་དབང་བཞི་གཅིག་རྫོགས་བཟླས་པའོ། །དེ་ནས་མི་དམིགས་ངང་དུ་ཡུད་ཙམ་བཞག །དེ་ནས་མདུན་བསྐྱེད་ལུས་ལྷར་བཅས་པ་ནི། །གསལ་བཏབ་མཆོད་བཞི་བསྟོད་བཞི་གཞུང་ལྟར་བྱ། །བདག་མདུན་རྟ་མགྲིན་ཐུགས་ཀར་པད་ཉིའི་སྟེང་། །ཧིམཐར་ལྷ་ལྔའི་སྔགས་རིང་གཡས་སུ་འཁོར། །དེ་ལས་འོད་ཟེར་དམར་པོ་འོད་ལྔའི་མདངས། །

[Full Size]

རྟ་མགྲིན་སྐུ་བརྒྱུད་རྟ་ཞལ་སྨིན་མཚམས་ཐོན། །རྡོ་རྗེ་སྤྱན་གཟིགས་སྤྱི་གཙུག་ནས་ཐོན་ཏེ། །པདྨ་སྤྱན་གཟིགས་སྐུར་ཞུགས་ཞལ་ནས་ཐོན། །བདག་གི་ཞལ་ནས་མདུན་བསྐྱེད་ཞལ་དུ་ཞུགས། །མདུན་བསྐྱེད་མགྲིན་པ་ཐུགས་ཀའི་ལྷ་བརྒྱུད་ནས། །མདུན་བསྐྱེད་ལྟེ་བའི་ལྷ་བརྒྱུད་རང་ཉིད་ཀྱི། །ལྟེ་བ་ནས་ཞུགས་ཐུགས་ཀར་ཐིམ་པར་བསམ། །དེ་ལྟར་འོད་ཟེར་མགལ་མེའི་འཁོར་ལོ་ལྟར། །དེ་ནས་འོད་ཟེར་དེ་ཡང་སྔགས་ཕྲེང་བསྒྱུར། །དེ་ལས་འོད་ཟེར་ཕྱོགས་བཅུར་འཕྲོས་པ་ཡིས། །བླ་མ་ཡི་དམ་སངས་རྒྱས་བྱང་སེམས་དང་། །དཔའ་བོ་མཁའ་འགྲོ་ཐམས་ཅད་མཆོད་པས་མཉེས། །དེ་ཀུན་ཐུགས་རྗེ་ཆེན་པོ་ཡབ་ཡུམ་དང་། །རིགས་ལྔའི་མཁའ་འགྲོའི་ཚོགས་ཀྱི་སྐུར་གྱུར་ཏེ། །སྡེ་ཚན་སྡེ་ཚན་ཆར་དྲག་བཞིན་དུ་བབ། །བདག་མདུན་གནས་ལྔ་སོ་སོར་སིབ་སིབ་ཐིམ། །ཚོགས་རྫོགས་སྒྲིབ་སྦྱང་དངོས་གྲུབ་ཐོབ་པར་བསྒོམ། །ཡིག་བཅུ་སྒྲིབ་སྦྱང་སྔགས་རིང་བཅས་པ་བཟླ། །དེ་ནས་ལག་མཆོད་ཚོགས་དང་གཏོར་བསྔོས་དང་། །ཆག་མེད་གཏོར་བསྔོས་གང་དགོས་དེ་རུ་བྱ། །ཐུན་བསྡུ་བསྔོ་སྨོན་དེ་རུ་བྱ་བ་ཡིན། །དེ་ལྟར་ཐུན་བཞིར་ཉམས་ལེན་ཁྱད་མེད་དེ། །ཚོགས་

[Full Size]

ནི་ཐུན་བཞི་མ་ལྕོགས་དགོང་མོ་ཆོག །དེ་ལྟར་ཞག་པོ་བདུན་ལས་མི་ཉུང་བྱ། །དེ་ནས་དངོས་གྲུབ་བླང་ཞིང་རྗེས་ཆོག་བྱ། །སྦྱིན་སྲེག་འགྲུབ་ན་ལེགས་ཤིང་མ་འགྲུབ་རུང་། །རྡོ་རྗེ་སྙིང་པོས་མཛད་པའི་གསང་སྒྲུབ་ཀྱི། །ཉམས་ལེན་ཚིག་ཉུང་དོན་གསལ་གོ་བདེ་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བ་དང་། །གཏེར་སྟོན་སྤྲུལ་སྐུའི་དགོངས་རྫོགས་ལ་དམིགས་ནས། །མེ་ལུག་ས་ག་ཟླ་བའི་བཅུ་བདུན་གྱི། །སྔ་དྲོའི་ཐུན་ལ་རཱ་ག་ཨ་སྱས་གདམས། །ཡི་གེ་པ་ནི་དགེ་བཤེས་མཐར་ཕྱིན་ནོ། །འདི་ལ་ཉེས་འགལ་གསང་སྒྲུབ་ལྷ་ལ་བཤགས། །དགེ་བས་འགྲོ་ཀུན་སྤྱན་རས་གཟིགས་འགྲུབ་ཤོག། །།མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ཕྱི་ནང་གསང་བ་ཡང་གསང་སྒྲུབ་པའི་ཁ་བཀང་གི་ཟིན་བྲིས་བལྟས་ཆོག་ཏུ་བཀོད་པ།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ཕྱི་ནང་གསང་བ་ཡང་གསང་སྒྲུབ་པའི་ཁ་བཀང་གི་ཟིན་བྲིས་བལྟས་ཆོག་ཏུ་བཀོད་པ་བཞུགས།།

[Full Size]

ན་མོ་གུ་རུ་ལོ་ཀེ་ཤྭ་ར་དྷེ་ཝ་པཉྩཡེ། རྒྱལ་བ་རྒྱ་མཚོ་ལྔ་ཡི་ལྷ་ཚོགས་ལ། ཕྱག་འཚལ་སྐྱབས་མཆི་བྱིན་རླབས་བཀའ་གནང་སྩོལ། །ཕྱི་ནང་གསང་བ་ཡོང་གསང་གང་བསྒྲུབ་ཀྱང་། །བསྡུས་པ་ཆོ་ག་གཞུང་གིས་འཐུས་མོད་ཀྱིས། །རྒྱས་པར་སྤྲོ་ན་ཁ་བཀང་འདི་རྣམས་སབ། །སྐྱབས་འགྲོའི་རྗེས་ལ་རྡོར་སེམས་སྒོམ་བཟླས་ནི། །མཁའ་སྤྱོད་དབང་པོ་དེ་བཞིན་གཤེགས་པ་དང་། །དཀོན་མཆོག་ཡན་ལག་རྣམས་ཀྱིས་དགོས་གསུངས་ཕྱིར། །རིམ་གཉིས་ཟབ་མོ་བསྒོམ་པར་བྱ་བའི་རྗེས། །རང་གི་སྤྱི་བོར་པད་ཟླའི་སྟེང་། །དཔལ་ལྡན་བླ་མ་རྡོ་རྗེ་སེམས། །སྐུ་མདོག་དཀར་པོ་ཞལ་གཅིག་པ། །ཕྱག་གཉིས་རྡོ་རྗེ་དྲིལ་བུ་འཛིན། །

[Full Size]

མཚན་དཔེ་རིན་ཆེན་རྒྱན་གྱིས་སྤྲས། །ཞབས་གཉིས་སེམས་དཔའི་སྐྱིལ་ཀྲུང་བཞུགས། །རང་འདྲའི་ཡུམ་གྱིས་རྣམ་པར་འཁྱུད། །ཐུགས་ཀར་ཟླ་སྟེང་ཧཱུྃ་གི་མཐར། །ཡི་གེ་བརྒྱ་པས་བསྐོར་བར་གྱུར། །ཡིག་ཕྲེང་དེ་ལས་འོད་འཕྲོས་པས། །ཕྱོགས་བཅུའི་སངས་རྒྱས་བྱང་སེམས་རྣམས། །སྤྱན་དྲངས་རྡོར་སེམས་ལ་ཐིམ་པས། །སངས་རྒྱས་ཀུན་འདུས་སྐུ་རུ་གྱུར། །མགོན་པོ་བདག་ནི་མི་ཤེས་རྨོངས་པ་ཡིས། །དམ་ཚིག་ལ་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་

[Full Size]

ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྤྲོ་ན་ལུས་ཀྱི་ལས་ནི་རྣམ་པ་གསུམ། །འདོད་ཆགས་ཞེ་སྡང་གཏི་མུག་དབང་གིས་ནི། །མཚམས་མེད་ལྔ་པོ་བདག་གི་སྡིག་པ་སོགས། །བདག་སོགས་སེམས་ཅན་ཀུན་གྱི་ཐོག་མེད་ནས། །ད་ལྟ་ཡན་གྱི་སྡིག་སྒྲིབ་ཉེས་ལྟུང་ཀུན། །མཐོལ་ལོ་བཤགས་སོ་ཕྱིན་ཆད་སྡོམ་ལགས་པས། །འདི་ཕྱིའི་སྒྲིབ་པར་མི་འགྱུར་དངོས་གྲུབ་སྩོལ། །ཞེས་གསོལ་མོད་ལ་སྔགས་ལས་བདུད་རྩི་བབ། །སྐུ་ཡི་དབྱིབས་བརྒྱུད་སྦྱོར་མཚམས་ནས་བབ་སྟེ། །སྤྱི་བོ་ནས་ཞུགས་ལུས་ངག་སྡིག་སྒྲིབ་བསལ། །བདུད་རྩིས་ལུས་ཀྱི་ནང་གང་སྤྱི་བོར་རེག །ཨོཾ་བཛྲ་སཏཱ་ས་མ་ཡ་སོགས། ཡིག་བརྒྱ་དང་ནི་ཡིག་དྲུག་བཟླས། །རྡོར་སེམས་ཡབ་ཡུམ་ཞལ་ནས་བུ་ཁྱོད་ཀྱི། །སྡིག་སྒྲིབ་དག་གོ་གསུངས་ནས་དགྱེས་བཞིན་དུ། །འོད་ཞུ་རང་ལ་ཐིམ་པས་རང་ཉིད་དང་། །རྡོ་རྗེ་སེམས་དཔའ་དབྱེར་མེད་རོ་གཅིག་གྱུར། །སྒོམ་བཟླས་དེ་ནི་དབང་ཕྱུག་རྡོ་རྗེའི་གསུངས། །དེ་ནས་རང་ཉིད་སྐད་ཅིག་གིས་ལ་སོགས། །བགེགས་ཀྱི་ཚོགས་རྣམས་ཚར་བཅད་ནས་ཀྱི་མཚམས། ༈ །ཕྱི་རོལ་དུ་གནམ་ལྕགས་ཀྱི་འཁོར་ལོ་རྩིབས་བྱེ་བ་གྲངས་མེད་པ་སྤུ་གྲི་ལྟར་རྣོ་བ། སྟེང་འོག་གཡས་གཡོན་དུ་དྲག་ཏུ་འཁོར་

[Full Size]

བས། གནོད་བྱེད་དམྱལ་དམྱལ་གཏུབས་པ། དེའི་ནང་དུ་ཡེ་ཤེས་ཀྱི་མེ་ཁ་དོག་ལྔ་ལྡན་འཚུབ་ཅིང་འབར་བ། དུམ་བུ་གཅིག་ཏུ་གྱུར་པའི་གུར། དེའི་ནང་དུ་མཚོན་ཆ་སྣ་ཚོགས་རྩེ་ཕྱིར་བསྟན་པ་རྩ་བ་གཅིག་ཏུ་གྱུར་པ་རྣོ་ངར་དང་ལྡན་པའི་གུར། དེའི་ནང་དུ་ཕུར་བུ་སོ་ཕྱིར་བསྟན་པ་ཚྭ་ཚྭ་འཕྲོ་བའི་གུར། དེའི་ནང་དུ་རྡོ་རྗེ་རྒྱ་གྲམ་ལྗང་གུ་ཁ་གདེངས་བ་རྣོ་ངར་དང་ལྡན་པ་དྲག་ཏུ་འཁོར་བའི་གུར། དེའི་ནང་དུ་པདྨ་དམར་པོས་མཚན་པའི་ཐོད་དབྱུག་རྒྱ་གྲམ་ཐབས་སུ་དྲ་བ་དྲ་ཕྱེད་དུ་གྱུར་པའི་གུར། དེའི་ནང་དུ་རིན་པོ་ཆེ་སེར་པོས་ཡུ་བ་བྱས་པའི་རལ་གྲི་རྣོ་ངར་དང་ལྡན་པ་རྩེ་མོ་ཕྱིར་བསྟན་ཞིང་རྩ་བ་གཅིག་ཏུ་གྱུར་ནས་གཡོན་དུ་འཁོར་བའི་གུར། དེའི་ནང་དུ་གསེར་གྱི་འཁོར་ལོ་རྩིབས་བྱེ་བ་དུང་ཕྱུར་རྣོ་ངར་དང་ལྡན་པ་དྲག་ཏུ་འཁོར་བས་མི་མངོན་པ་ལྟ་བུའི་གུར། དེའི་ནང་དུ་ཁྲོ་བོ་ནག་པོ་མཚོན་ཆ་སྣ་ཚོགས་ཐོགས་པ་ཞལ་ཕྱིར་གྱུ་ནས་ཟློག་པའི་ལས་མཛད་པའི་གུར། །དེའི་ནང་དུ་ཁྲོ་བོ་རྟ་མགྲིན་དམར་པོ་ཞལ་གསུམ་ཕྱག་དྲུག་ཞལ་ནང་དུ་རྒྱུ་ནས་བསྲུང་བའི་ལས་མཛད་པའི་གུར། དེའི་ནང་དུ། སླར་འོད་ཟེར་ལས་འོག་རྡོ་རྗེའི་ས་གཞི་སོགས་ནས། སྨོན་ཐུང་

[Full Size]

མཇུག་གི་བྱང་ཆུབ་ཕྱིར་བསྔོའོ་ཡན་བར། ༈ སྤྲོ་ན་མཎྜལ་རྒྱས་པ་འབུལ་བའམ། དཀོན་མཆོག་འབངས་ཀྱིས་ཚིགས་བཅད་ཀྱིས་ཆོག་གསུངས། ཕྱོགས་བཅུ་དུས་གསུམ་བཞུགས་པ་ཡི། །སངས་རྒྱས་བྱུང་ཆུབ་སེམས་དཔའ་དང་། །བླ་མ་རྡོ་རྗེ་སློབ་དཔོན་དང་། །ཡི་དམ་ལྷ་ཚོགས་འཁོར་དང་བཅས། །དུས་གསུམ་བདེ་གཤེགས་མ་ལུས་ལ། །གླིང་བཞི་རི་རབ་བཅས་པ་དང་། །གླིང་བཞི་བྱེ་བ་ཕྲག་བརྒྱ་དང་། །བྱེ་བ་འབུམ་དང་དུང་ཕྱུར་བཅས། །མཎྜལ་གཅིག་ཏུ་བསྡུས་ནས་ནི། །མོས་བློས་གོང་མ་རྣམས་ལ་འབུལ། །ཐུགས་རྗེས་བརྩེར་དགོངས་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །གུ་རུ་ཨི་དཾ་མཎྜལ་ལ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། དཀོན་མཆོག་འབངས་ཀྱིས་མཛད་པའི་གསོལ་འདེབས་ནི། ༈ ། ཆོས་སྐུ་སྣང་བ་མཐའ་ཡས་ལ་གསོལ་བ་འདེབས་སོ། །ལོངས་སྐུ་ཐུགས་རྗེ་ཆེན་པོ་ལ་གསོལ་བ་འདེབས་སོ། །སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས་སོ། །མ་གཅིག་གྲུབ་པའི་རྒྱལ་མོ་ལ་གསོལ་བ་འདེབས་སོ། །ཏི་པུ་དྲི་མེད་བཤེས་གཉེན་ལ་གསོལ་བ་འདེབས་སོ། །རས་ཆུང་རྡོ་རྗེ་གྲགས་པ་ལ་གསོལ་བ་འདེབས་སོ། །བླ་མ་ཟངས་རི་རས་

[Full Size]

པ་ལ་གསོལ་བ་འདེབས་སོ། །འགྲོ་མགོན་རས་པ་ཆེན་པོ་ལ་གསོལ་བ་འདེབས་སོ། །རྒྱས་སྲས་པུདྡྷེ་བཛྲ་ལ་གསོལ་བ་འདེབས་སོ། །གྲུབ་ཆེན་ཀརྨ་པཀཱི་ལ་གསོལ་བ་འདེབས་སོ། །གཉན་རིས་སང་གྷ་ལཀྵ་ལ་གསོལ་བ་འདེབས་སོ། །ཆོས་རྗེ་རང་བྱུང་རྡོ་རྗེ་ལ་གསོལ་བ་འདེབས་སོ། །མཁས་བཙུན་གྲགས་པ་སེང་གེ་ལ་གསོལ་བ་འདེབས་སོ། །རྟོགས་ལྡན་མགོན་པོ་རྒྱལ་མཚན་ལ་གསོལ་བ་འདེབས་སོ། །རང་བྱུང་རོལ་པའི་རྡོ་རྗེ་ལ་གསོལ་བ་འདེབས་སོ། །དཔལ་ལྡན་མཁའ་སྤྱོད་དབང་པོ་ལ་གསོལ་བ་འདེབས་སོ། །ཆོས་རྗེ་དེ་བཞིན་གཤེགས་པ་ལ་གསོལ་བ་འདེབས་སོ། །སོག་དབོན་རིག་པའི་རལ་གྲི་ལ་གསོལ་བ་འདེབས་སོ། །ཀུན་མཁྱེན་མཐོང་བ་དོན་ལྡན་ལ་གསོལ་བ་༈ འདེབས་སོ། །བྱང་སེམས་དཔལ་འབྱོར་དོན་གྲུབ་ལ་གསོལ་བ་འདེབས་སོ། །རྒྱལ་དབང་ཆོས་གྲགས་རྒྱ་མཚོ་ལ་གསོལ་བ་འདེབས་སོ། །གྲུབ་ཆེན་བཀྲ་ཤིས་དཔའ་འབྱོར་ལ་གསོལ་བ་འདེབས་སོ། །མཚུངས་མེད་མི་བསྐྱོད་རྡོ་རྗེ་ལ་གསོལ་བ་འདེབས་སོ། །སྤྲུལ་སྐུ་དཀོན་མཆོག་ཡན་ལག་ལ་གསོལ་བ་འདེབས་སོ། །རྗེ་བཙུན་དབང་ཕྱུག་རྡོ་རྗེ་ལ་

[Full Size]

གསོལ་བ་འདེབས་སོ། །གར་དབང་ཆོས་ཀྱི་དབང་ཕྱུག་ལ་གསོལ་བ་འདེབས་སོ། །རྒྱལ་མཆོག་ཆོས་དབྱིངས་རྡོ་རྗེ་ལ་གསོལ་བ་འདེབས་སོ། །རྗེ་བཙུན་ཀརྨ་ཆགས་མེད་ལ་གསོལ་བ་འདེབས་སོ། །དཔལ་ལྡན་ཡེ་ཤེས་སྙིང་པོ་ལ་གསོལ་བ་འདེབས་སོ། །དྲིན་ཆེན་རྩ་བའི་བླ་མ་ལ་གསོལ་བ་འདེབས་སོ། །ཡི་དམ་རྒྱལ་བ་རྒྱ་མཚོ་ལ་གསོལ་བ་འདེབས་སོ། །རྟ་མགྲིན་དཔའ་བོ་རྒྱ་མཚོ་ལ་གསོལ་བ་འདེབས་སོ། །གསང་ཡེ་མཁའ་འགྲོ་རྒྱ་མཚོ་ལ་གསོལ་བ་འདེབས་སོ། །པད་འབྱུང་གྲུབ་ཐོབ་རྒྱ་མཚོ་ལ་གསོལ་བ་འདེབས་སོ། །མ་མགོན་དམ་ཅན་རྒྱ་མཚོ་ལ་གསོལ་བ་འདེབས་སོ། །དེ་ལྟར་གསོལ་བ་བཏབ་པས་ལྷ་ཚོགས་རྣམས་ཀྱི་སྐུ་ལས་འོད་ཟེར་དཀར་དམར་མཐིང་ཁྲ་བཞི་འཕྲོས་ནས། བདག་གི་གནས་བཞིར་ཐིམ་པས་སྒྲིབ་པ་བཞི་དག་ནས་དབང་བཞི་ཐོབ་སྟེ། སྐུ་བཞིའི་ས་བོན་རྒྱུད་ལ་བཞག་པར་གྱུར། སེམས་ཅན་ཐམས་ཅད་བདེ་བ་དང་སོགས། དེ་རྣམས་བདག་བསྐྱེད་སྐབས་སུ་སབ་པ་ཡིན། མདུན་བསྐྱེད་ལྷ་ལྔའི་ཆོ་ག་གཞུང་ལྟར་ཏེ། །དཀྱིལ་འཁོར་བུམ་པ་བྷནྡྷ་དབྱེར་མེད་པ། །མདུན་བསྐྱེད་གཞལ་ཡས་ཁང་ཞིག་བསྐྱེད་པ་ཡིན། །ཚོམ་བུ་བུམ་ཆུ་བདུད་རྩི་སྒྲུབ་གཏོར་

[Full Size]

རྣམས། །དབྱེར་མེད་མདུན་བསྐྱེད་ལྷ་རུ་བསྒོམ་པ་ཡིན། །བུམ་བསྐྱེད་གཏོར་བསྐྱེད་ཐ་དད་བྱ་བ་མིན། །བསྐྱེད་རིམ་ལྷ་ཡི་འཁོར་ལོ་བསྒོམ་པ་དང་། །བཟླས་པ་སྔགས་ཀྱི་འཁོར་ལོ་བསྒོམ་དང་བཟླ། །སེམས་ཉིད་སྟོང་པའི་འཁོར་ལོ་ལྟ་བའི་གདེང་། །ཀུན་གྱི་སྤྱི་འགྲོས་གདམས་པ་ཡིན་གསུངས་ཕྱིར། །བསྐྱེད་རྫོགས་ཟུང་དུ་འཇུག་ན་རབ་ཡིན་ཏེ། །བསྐྱེད་རིམ་དམིགས་པ་བསྒོམ་དང་ངོ་བོ་སྐྱོང་། །གང་བདེ་རེས་མོས་བྱེད་པ་འབྲིང་ཡིན་ནོ། །ཐུན་གྱི་དངོས་གཞི་བསྐྱེད་རིམ་གཙོ་བོར་བསྒོམ། །ཐུན་བསྡུ་མཇུག་ཏུ་ཡུད་ཙམ་ངོ་བོ་སྐྱོང་། །དེ་ནི་གསར་བུའི་ལུགས་ཏེ་ཐ་མ་ཡིན། །ཐུན་བཞིར་གཏོར་བསྔོས་རྒྱས་པའི་མཇུག་དེ་རུ། །བླ་མ་ཡི་དམ་མཁའ་འགྲོ་བདེ་གཤེགས་ལ། །གསོལ་བ་འདེབས་པའི་སྔགས་འདི་བརྒྱ་རྩའམ། །བདུན་ནམ་ཉེར་གཅིག་ཙམ་རེ་བརྗོད་བྱས་པས། །ཡིད་ལ་གང་འདོད་གསོལ་བ་གང་བཏབ་པ། །ངེས་པར་འགྲུབ་པའི་གནད་ཟབ་གདམས་པ་ཡིན། །ཨོཾ་སརྦ་ཏ་ཐཱ་ག་ཏ་བྷ། པཱུ་ཛ་པེ་ས། ཏ་རེ་ཏ་ར་ཧཱུྃ། ཨོཾ་མ་ཎི་ཀ་ནི་སྭཱ་ཧཱ། ཨོཾ་བཛྲ་རཏྣ་གུ་རུ་ས་མ་ཡ་སིདྡྷི་མེ་པྲ་ཡཙྪ། ཨོཾ་སརྦ་ཏ་ཐཱ་ག་ཏ་ཨ་དྷིཥྛ་ན།། ཙི་ཏ་ས་རཀྟ་ན། བཛྲ་ན་ཧཱུྃ་ཧཱུྃ། ཨོཾ་བྷི་ནུ་ཡུན་མ་ཎི། ཧ་ན་ཧ་ར་ཧཱུྃ། །ར་བྷི་ར་ཛེ། ག་ག་ན་བྷ་ཧེ་ལ། ཧུ་ལུ་ཧུ་ལུ་ཧཱུྃ་ཧཱུྃ། གུ་ཧྱ་ཛྙཱ་ན་ཌཱཀྐི་ནཱི། མེ་ཙེ་ཏ་ཤྲི་ཡེ་ཀུ་རུ་ཧཱུྃ་ཧཱུྃ་ཧཱུྃ། དེ་ནས་དངོས་གཞི་སྒྲུབ་པ་ཆེན་པོའི་

[Full Size]

སྐབས། །སྡིག་སྒྲིབ་ཀུན་འཇོམས་སྔགས་རིང་འདི་ཉིད་ནི། །གཞུང་ལས་ཡིག་དྲུག་ཉིད་ལ་བཏགས་གསུངས་ཀྱང་། །རང་བྱུང་རྡོ་རྗེས་ཡིག་བཅུར་བཏགས་འདུག་པས། །ཡིག་བཅུའི་མཇུག་ཏུ་སྔགས་རིང་འདི་བཏགས་བཟླས། །ལྟཨོཾ་པདྨ་ཚིནྡྷ་མ་ཎི་ཛཱ་ལ་ཧཱུྃ་ཧིཛཿ བི་པུ་ལ་གནྡྷེ་མ་ཎི་པྲ་བྷཻཾ། ཏ་ཐཱ་ག་ཏ་ནི། ཏི་རི་གི་ནི། མ་ཎི་མ་ཎི། སུ་པྲ་བྷི་མ་ལེ། ས་ག་ར། གཾ་བྷི་ར་ཧཱུྃ་ཧཱུྃ། ཛྭ་ལ་ཛྭ་ལ། བྷུ་ཏ་བྷི་ལོ་ཀི་ནི་དེ། གུ་ཧྱ་ཨ་དྷིཥྛ་ཏེ་གནྡྷེ་སྭཱ་ཧཱ། པདྨ་དྷ་ར། ཨ་མོ་གྷ། ཛ་ཡ་ཏེ། ཙུ་རུ་ཙུ་རུ་སྭཱ་ཧཱ། འདི་ནི་བསྒོམ་དང་བཟླས་པ་ཙམ་གྱིས་ཀྱང་། །སྒྲིབ་པ་ཀུན་བྱང་ཚོགས་གཉིས་རྫོགས་གསུངས་ཕྱིར། །རང་དོན་སྒྲུབ་པ་ཚོགས་བསགས་སྒྲིབ་སྦྱང་ལ། །འདི་ཉིད་ཅི་མང་བཟླས་པ་ཤིན་ཏུ་ཟབ། །ལྷ་ལྔ་ཕྱི་ནང་གསང་བ་ཡང་གསང་གི །སྒྲུབ་པའི་ཁ་བཀང་འདི་ཉིད་བྱ་བའི་ཚུལ། །པོད་གཞུང་རྣམས་སུ་ཡང་ཡང་གསལ་བར་གསུངས། །འོན་ཀྱང་ཕྱོགས་གཅིག་བསྒྲིགས་པ་མི་འདུག་ཕྱིར། །རྗེས་འཇུག་རྣམས་ཀྱིས་གབ་ཀྱང་འཕྲོད་དཀའ་བས། །ཧོར་གྱི་དགེ་བཤེས་པདྨ་མཐར་ཕྱིན་དང་། །འཕེན་ཤུལ་དགེ་བཤེས་ཐབས་མཁས་མཆེད་གྲོགས་ཀྱིས། །ཡང་ཡང་ནན་གྱིས་བསྐུལ་བ་དོན་ཡོད་ཅིང་། །གཏེར་སྟོན་རིག་འཛིན་སྤྲུལ་པའི་སྐུ་མཆོག་ཀྱང་། །སྤྲུལ་པ་ཆོས་ཀྱི་དབྱིངས་སུ་ཐིམ་ཐོས་པས། །དེ་ཡི་དགོངས་རྫོགས་མཆོད་པར་དམིགས་བྱས་ཏེ། །ལུག་ལོ་ས་ག་ཟླ་བའི་བཅུ་གཉིས་

[Full Size]

ཀྱི། །ཕྱི་དྲོའི་ཐུན་ལ་རཱ་ག་ཨ་སྱས་གདམས། །ཡི་གེ་པ་ཡང་ཞུ་བ་པོ་ཉིད་ཀྱིས། །ཕྱི་རབས་བསྟན་འགྲོའི་དོན་ལ་དམིགས་ནས་གཟབ། །འདི་ལ་འགལ་འཁྲུལ་ཉེས་པའི་ཆ་མཆིས་ན། །རྒྱ་མཚོ་ལྔ་ཡི་ལྷ་ཚོགས་རྣམས་ལ་བོཤགས། །དགེ་བས་སྤྲུལ་སྐུ་ཆེན་པོའི་དགོངས་པ་རྫོགས། །བར་དོའི་སྐབས་འདིར་སྐུ་གསུམ་མངོན་དུ་མཛད། །སྤྲུལ་སྐུ་ཉིད་དང་འདི་ཉིད་མཐོང་ཐོས་ཀུན། །སྤྱན་རས་གཟིགས་དང་དབྱེར་མེད་གཅིག་གྱུར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། བདུད་རྩི་ལག་མཆོད་ཀྱི་ཟིན་བྲིས་བལྟས་ཆོག་ཏུ་བཀོད་པ།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། བདུད་རྩི་ལག་མཆོད་ཀྱི་ཟིན་བྲིས་བལྟས་ཆོག་ཏུ་བཀོད་པ་བཞུགས་སོ།།

[Full Size]

ན་མོ་ལོ་ཀེ་ཤྭ་ར་ཌཱཀི་ཡེ། སྤྱན་རས་གཟིགས་དབང་མཁའ་འགྲོའི་ཚོགས་བཅས་ལ། ཕྱག་འཚལ་སྐྱབས་སུ་མཆིའོ་བཀའ་གནང་སྩོལ། །སྒྲུབ་པའི་དུས་སམ་དུས་བཟང་ཚོགས་མཆོད་དུས། །སྡེར་སོགས་འབྲུ་ཡིས་བཀང་སྟེ་ཐོད་པ་ནི། །སྐྱོན་མེད་མར་གྱིས་བྱུག་ནང་ཆང་ཕུད་བཀང་། །བདུད་རྩི་རིལ་བུ་མེད་ན་སིནྡྷར་བཏབ། །རང་གི་མདུན་བཞག་བདག་བསྐྱེད་གསལ་བཏབ་ནས། །པདྨནྟ་ཀྲྀཏ་སྔགས་ཀྱིས་མ་དག་སྦྱངས། །ཤུ་ནྱ་ཏཱ་ཡི་སྔགས་ཀྱིས་སྟོང་པར་བསམ། །སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཕྱི་དཀར་བ་ཟླ་བའི་རང་བཞིན། ནང་དམར་བ་ཉི་མའི་རང་བཞིན་ཡངས་ཤིང་རྒྱ་ཆེ་བའི་ནང་དུ། གོ་ཀུ་དྷ་ཧ་ན་ལས་

[Full Size]

ཤ་ལྔ་དབུགས་དང་བྲལ་མ་ཐག །བྷི་མུ་མ་ར་ཤུ་ལས་བདུད་རྩི་ལྔ། །རླངས་པ་མ་ཡལ་བ། དེའི་སྟེང་དུ་ཡེ་ཤེས་ལྔའི་རང་བཞིན་ཨོཾ་བྷཾ་ཨོཾ་ཛི་ཁཾ་དེ་རྣམས་འོད་དུ་ཞུ་ནས། དམ་ཚིག་གི་བདུད་རྩི་མུ་ཏིག་མདོག་ལ་སྦྲང་རྩིའི་རོ་དང་ལྡན་པ་འོ་མའི་རྒྱ་མཚོ་ལྟ་བུར་གྱུར། ཨོཾ་ཨཱཿཧཱུྃ་ཧ་ཧོ་ཧིཿ དེ་ནས་སྲིན་ལག་གཡོན་པས་ཐོད་པའི་ཁར་ཟླུམ་སྐོར་བྱ་ཞིང་། ཨོཾ་སྭ་བྷ་ཝ་སོགས། རང་བཞིན་སྟོང་པ་ཉིད་དུ་གྱུར། ཡང་སྲིན་ལག་གིས་དེའི་སྟེང་དུ་གྲུ་གསུམ་བྲི་ཚུལ་བྱ་ཞིང་། ཨོཾ་ཨཱཿཧཱུྃ་ངོ་བོ་བདེ་བ་ཆེན་པོར་གྱུར། དེའི་ནང་དུ་རོའི་ལྷ་མོ་ཀྲོ་དྷི་སེར་མོའི་ལྟེ་བ་ཡན་ཆད་ཆང་གི་སྟེང་དུ་ཐོན་པ། རྒྱན་

[Full Size]

ཐམས་ཅད་ཀྱིས་བརྒྱན་ཅིང་ཕྱག་གཉིས་བདུད་རྩིའི་ཐོད་པ་ཐོགས་ནས་ལྷ་རྣམས་ལ་མཆོད་པའི་སྤྲིན་སྤྲོ་བའོ། །སྲིན་ལག་གཉིས་ཀྱིས་ལག་པ་གཉིས་ལ་ཆང་གཏོར་ཞིང་། ཨོཾ་ཧྲིཔདྨན་སོགས། བརྗོད་ཅིང་ལག་གཉིས་བསྣོལ་ཏེ་ནུ་མ་གཉིས་ཀྱི་ཐད་དུ་ཕྱིའོ། །སྲིན་ལག་གཡས་ཆང་ལ་བསྒྲེས་ནས་ལག་མཐིལ་གཡོན་དུ་ཟླུམ་སྐོར་བྲི་ཞིང་། ཨོཾ་སྭ་བྷ་ཝ་སོགས། གཡོན་སྐོར་དུ་ཆོས་འབྱུང་བྲི་ཞིང་། ཨོཾ་ཨཱཿཧཱུྃ། ལག་མཐིལ་གཡོན་དུ་ཐིག་ལེ་ལྔ་བྱ་ཞིང་། དབུས་སུ་ཐུགས་རྗེ་ཆེན་པོ་ཡབ་ཡུམ། ཤར་དུ་པད་འབྱུང་ཡབ་ཡུམ། ལྷོར་རྟ་མགྲིན་ཡབ་ཡུམ། ནུབ་ཏུ་གསང་ཡེ་ཡབ་ཡུམ། བྱང་དུ་ཆོས་སྐྱོང་ཡབ་ཡུམ་རྣམས་གསལ་བ་ལས། འོད་འཕྲོས་ཡེ་ཤེས་པ་ནམ་མཁར་སྤྱན་དྲངས། ༈ ཧཱུྃ། རང་བཞིན་རྣམ་དག་ཕོ་བྲང་ནས། །མགོན་པོ་ཚེ་དབང་འོད་དཔག་མེད། །སྤྱན་རས་གཟིགས་དབང་འཁོར་དང་བཅས། །འགྲོ་བའི་དོན་དུ་སྤྱན་འདྲེན་ན། །ཐུགས་རྗེས་དགོངས་ནས་གཤེགས་སུ་གསོལ། །ཨོཾ་བཛྲ་གུ་རུ་པདྨ་སིདྡྷི་ཧཱུྃ། ཨོཾ་ཨཱཿཧཱུྃ་ཧི༔ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧཱིཡ། ཨེ་ཨཱཿ་ར་ལླི་ཧྲཱི་ཧཱུྃ། ཨ་ཀརྨ་ཡ་ས་མ་ཡ་ཛ་ཛཿ ཕོ་ཕོ་ལཾ། ཛཧཱུྃ་བཾ་ཧོ༔ དམ་ཚིག་སེམས་

[Full Size]

དཔའ་དང་གཉིས་སུ་མེད་པར་གྱུར། ཨགྷཾ་སོགས། རཱུ་པ༴ ཤབྡ༴ གདྡྷེ༴ རྭ་ས༴ སྤརྴེ་པྲ་ཏིཙྪ་པུ་ཛ་ཧོ། མ་ཧཱ་སུ་ཁ་པཱུ་ཛ་ཧོ༔ པཉྩ་ཨ་མྲྀ་ཏ་ཨོཾ་ཨཱཿཧཱུྃ། ༈ །ཧཱུྃ༔ ཆོས་སྐུ་སྐྱེ་འགག་མེད་པ་ལ། །འཇའ་ཚོན་ལྟ་བུའི་གཟུགས་ཀྱི་སྐུ། །ལོངས་སྐུ་མཚན་དང་དཔེ་བྱད་ལྡན། །གང་ལ་གང་འདུལ་སྐུར་སྤྲུལ་ནས། །འགྲོ་བ་མ་ལུས་འདྲེན་མཛད་པའི། །སྤྱན་རས་གཟིགས་ལ་ཕྱག་འཚལ་བསྟོད། །སྐྱེ་བ་མེད་པའི་རང་བཞིན་ལས། །འགག་པ་མེད་པའི་སྐུར་སྟོན་པ། །གནས་པ་མེད་པའི་རྣལ་འབྱོར་ལས། །ཆགས་པ་མེད་པར་འགྲོ་དོན་མཛད། །འགྱུར་བ་མེད་པའི་དངོས་གྲུབ་སྩོལ། །ཌཱཀི་མ་ལ་ཕྱག་འཚལ་བསྟོད། །རྡོ་རྗེ་རིགས་དང་རིན་ཆེན་རིགས། །པདྨའི་རིགས་དང་ལས་ཀྱི་རིགས། །རིགས་བཞིའི་དཔའ་བོ་དཔའ་མོ་ལ། །གུས་པའི་ཚུལ་གྱིས་ཕྱག་འཚལ་བསྟོད། །མཆོག་དང་ཐུན་མོང་དངོས་གྲུབ་ནི། །མྱུར་བ་ཉིད་དུ་བསྩལ་དུ་གསོལ། །ལག་པ་གཉིས་ཆོས་འབྱུང་གི་ཕྱག་རྒྱ་བདུད་རྩིའི་སྟེང་དུ་སྒྲུབ་ལ་གཡོན་དུ་དལ་གྱིས་བསྐོར་ཞིང་། ཡབ་ཡུམ་སྙོམས་འཇུག་གི་སྦྱོར་མཚམས་ནས་ཡེ་ཤེས་ཀྱི་བདུད་རྩི་བབས་ནས་ཐོད་པར་ཐིམ་

[Full Size]

པར་གྱུར། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧཱུྃ། ལག་པའི་ལྷ་ཚོགས་རང་ལ་ཐིམ་པར་གྱུར། ཅེས་ལག་པ་གཡོན་སྤྱི་བོར་བྱུག །སྲིན་ལག་གཡོན་གྱིས་བདུད་རྩི་ལན་གསུམ་དཀྲུག་ཚུལ་བྱ་ཞིང་། དམ་ཚིག་གི་བདུད་རྩི་དང་ཡེ་ཤེས་ཀྱི་བདུད་རྩི་གཉིས་སུ་མེད་པར་གྱུར། ཨོཾ་ཨཱཿཧཱུྃ། གཡོན་གྱི་སྲིན་ལག་གིས་བདུད་རྩི་བླངས་ལ། ནམ་མཁར་གཏོར་ཞིང་། བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཞེས་མཆོད་པའི་སྤྲིན་དུ་གྱུར་པར་བསམ་ཞིང་། བར་སྣང་དུ་གཏོར་ལ། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། རང་གི་ཐད་དུ་གཏོར་ལ། ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་རྣམས་ཀྱི་ཞལ་དུ་ཨོཾ་ཨཱཿཎཱཧཱུྃ། བདུད་རྩིའི་ཟེགས་མ་རྟ་མགྲིན་གྱི་ཚོགས་སུ་གྱུར་པས་བགེགས་ཐམས་ཅད་བསྐྲད་པར་གྱུར། དྭིཔདྨནྟ་ཀྲྀཏ་གནོད་བྱེད་ཨུ་ཙ་ཏ་ཡ་ཕཊ༔ གཡས་གཡོན་དུ་གཏོར་ཞིང་། འཁོར་དུ་འཚོགས་པ་ཐམས་ཅད་དཔའ་བོ་དཔའ་མོར་གྱུར། མཆོད་རྫས་ཐམས་ཅད་བདུད་རྩི་ལོངས་སྤྱོད་མཆོད་པའི་སྤྲིན་ཕུང་དུ་གྱུར། གནས་ཁང་དང་རང་གི་བ་སྤུའི་བུ་ག་ཐམས་ཅད་ཁྲོ་ཆུང་གིས་གཏམས་པར་གྱུར། སྤྱི་བོ་མགྲིན་པ་ཐུགས་ཀ་ལྟེ་བར་ཐིག་ལེ་བྱ་ཞིང་ལྕེ་ལ་ཡང་བཞག །ལུས་ཀྱི་ལྷ་རྣམས་མཆོད་པས་

[Full Size]

མཉེས་ནས་དངོས་གྲུབ་ཐོབ་པར་གྱུར། ཀཱ་ཡ་སིདྡྷི་ཨོཾ། ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ། སརྦ་སིདྡྷི་ཧྲཱི༔ བདུད་རྩི་དེ་ཡིས་ཚོགས་བྲན་ཚོགས་བྱ་ཞིང་། །གཏོར་བསྔོས་དུས་སུ་བདུད་རྩི་དེ་ཡིས་བྲན། །དཀར་བགེགས་ལ་སོགས་དེ་ཡིས་བྲན་མི་རུང་། །བཀུག་གཞུག་མ་ཚར་བར་དུ་ཐུན་གཏོར་ཡང་། །དེ་ཡིས་བྲན་པར་བྱ་བ་མ་ཡིན་ནོ། །རྒྱུན་དུ་དཀྱིལ་འཁོར་མདུན་གྱི་མཆོད་སྟེགས་ཁར། །བཞག་སྟེ་ཁ་ཆོད་ལེགས་པར་བརྒྱབས་བྱས་ནས། །ཤིན་ཏུ་གཙང་བར་བྱ་བ་གལ་ཆེའོ། །དེ་ལྟར་རྒྱལ་བ་རྒྱ་མཚོའི་ལག་མཆོད་འདི། །རོལ་པའི་རྡོ་རྗེ་དེ་བཞིན་གཤེགས་པ་དང་། །དཀོན་མཆོག་འབངས་ཀྱིས་མཛད་དང་ཚན་པ་གསུམ། །ཉང་གི་གཏེར་དང་སངས་རྒྱས་གླིང་པའི་གཏེར། །ཀུན་གྱི་དོན་བསྡུས་ལག་ཏུ་བླངས་བདེར་བྱས། །རྐྱེན་ངན་བར་ཆད་ཐམས་ཅད་ཞི་བ་དང་། །དངོས་གྲུབ་རྣམ་གཉིས་ཐོབ་པར་ཨོ་རྒྱན་གསུངས། །རྒྱུན་དུ་བདག་བསྐྱེད་གསལ་བར་བྱས་པའི་རྗེས། །འདི་ཉིད་དམིགས་པ་གསལ་བས་ཇི་བཞིན་བྱ། །ཆང་བཞིན་མ་འདྲེས་བྷནྡྷའི་ཆང་དེ་ཉིད། །ལུས་ལྷ་མཆོད་པར་དམིགས་ནས་བཏུང་བྱས་པ། །ཆང་འཐུང་བ་ཡིས་ཉེས་པ་མི་འབྱུང་ངོ་། །གསང་སྔགས་ཐབས་ནི་མང་པའི་ཁྱད་པར་ལགས། །ཚོགས་ཆེན་ལ་སོགས་རྒྱས་པའི་ཆང་ལ་ཡང་། །ལག་མཆོད་བདུད་རྩི་བསྲེས་པས་ཉེས་པ་ཁེགས། །དམ་རྫས་དངོས་གྲུབ་ཐོབ་པའི་རྒྱུ་རུ་འགྱུར། །དུག་ཉིད་བདུད་རྩིར་བསྒྱུར་བའི་གདམས་པ་ཟབ། །རྒྱལ་བ་རྒྱ་མཚོའི་

[Full Size]

ཟིན་བྲིས་ཆ་ཚང་ཕྱིར། །མཐར་ཕྱིན་ཐབས་མཁས་གཉིས་ཀྱིས་བསྐུལ་བ་དང་། །དྲིན་ཆེན་སྤྲུལ་སྐུའི་དགོངས་རྫོགས་ལ་དམིགས་ནས། །མེ་ལུག་ས་ག་ཟླ་བའི་བཅུ་དྲུག་གི་་།དགོང་མོའི་ཐུན་ལ་རཱ་ག་ཨ་སྱས་གདམས། །ཡི་གེ་པ་ནི་སློབ་བུ་མཐར་ཕྱིན་ནོ། །འདི་བྲིས་ཉེས་འགལ་ལྷ་དང་ཌཀིར་བཤགས། །དགེ་བས་མཆོད་པའི་སྤྲིན་ཕུང་དུ་གྱུར་ནས། །སྐུ་གསུམ་དག་པའི་ཞིང་ཁམས་གར་བཞུགས་ཀྱང་། །སྤྲུལ་པའི་སྐུ་ཡི་དགོངས་པ་རྫོགས་བྱེད་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས། ཡབ་ཡུམ་དྲིལ་སྒྲུབ་རྒྱུན་ཁྱེར་གྱི་ཟིན་བྲིས།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས། ཡབ་ཡུམ་དྲིལ་སྒྲུབ་རྒྱུན་ཁྱེར་གྱི་ཟིན་བྲིས་ཐུན་མོང་མ་ཡིན་པ་མན་ངག་འདི་སྣོད་ལྡན་རེ་རེ་མ་གཏོགས་སྐལ་མེད་དང་ལོག་ལྟ་ཅན་མང་པོ་ལ་སྤེལ་ན་མཁའ་འགྲོ་མས་རང་གི་ཚེ་སྲོག་དང་ལོངས་སྤྱོད་ལ་འབྲིད་གསུངས་པས་སྙིང་འདྲ་མ་གཏོགས་ལ་གསང་བར་བྱའོ། །ཨྠྀི།

[Full Size]

ན་མོ་གུ་རུ་ལོ་ཀེ་ཤྭ་ར་གུ་ཧྱ་ཛྙཱ་ན་ཌཱཀྐི་ཡེ། ཡེ་ཤེས་མཁའ་འགྲོ་རྣམས་ཀྱིས་བདག་ལ་སྲུངས། །བྱིན་རླབས་བཀའ་ཡི་གནང་བ་བསྩལ་དུ་གསོལ། །ཐུགས་རྗེ་ཆེན་པོ་རྒྱལ་བ་རྒྱ་མཚོ་ཡི། །ཡབ་ཡུམ་གཉིས་ཀ་ཟུང་འཇུག་རྒྱུན་ཁྱེར་དུ། །མཆོག་ཐུན་དངོས་གྲུབ་དུས་གཅིག་ཐོབ་པའི་ཐབས། །སློབ་དཔོན་པདྨས་མཛད་པ་ཉང་གི་གཏེར། །པཀཱིས་ཐུགས་དམ་བཀའ་འབུམ་ནས་བྱུང་དོན། །བདག་བསྐྱེད་ཆས་ཙམ་མ་གཏོགས་རྫས་མི་དགོས། །ལྷ་ལྔའི་བདག་བསྐྱེད་གཞུང་ལྟར་ཚར་བའི་རྗེས། །རང་གི་ཐུགས་ཀར་པདྨའི་ཟེའུ་འབྲུ་ལ། །ཧཱིམཐར་ཡིག་བཅུ་གཡས་སུ་

[Full Size]

འཁོར་བ་ལས། །འོད་ཟེར་དམར་པོ་ཕྱོགས་བཅུ་ཀུན་ཏུ་འཕྲོས། །ཕྱོགས་བཅུའི་ཞིང་བཞུགས་བླ་མ་ཡི་དམ་དང་། །སངས་རྒྱས་བྱང་སེམས་དཔའ་བོ་མཁའ་འགྲོ་ལ། །ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །དེ་དག་ཀུན་གྱི་སྐུ་གསུང་ཐུགས་རྒྱུད་བསྐུལ། །སོ་སོའི་དཔྲལ་བ་མགྲིན་པ་ཐུགས་ཀ་ནས། །ཐུགས་རྗེ་ཆེན་པོའི་སྐུ་དང་སྔགས་ཕྲེང་དང་། །པདྨ་དམར་པོ་གྷིཡིག་གིས་མཚན་པ། །ཆེ་བ་རི་ཙམ་ཆུང་བ་ཡུངས་འབྲུ་ཙམ། །ཁ་བ་བུ་ཡུག་འཚུབ་པ་ལྟ་བུར་བྱོན། །ལྷུག་ལྷུག་ཆིལ་ཆིལ་ཆར་དྲག་བབས་པ་བཞིན། །མཚོ་ལ་ཆར་ལྟར་བདག་ལ་སིབ་སིབ་

[Full Size]

ཐིམ། །སྡིག་སྒྲིབ་ཀུན་དག་ཚོགས་རྫོགས་དབང་བཞི་ཐོབ། །ཉམས་རྟོགས་ཡོན་ཏན་ཇེ་ཆེར་འཕེལ་བར་བྷཻཾ། །སྔ་དྲོའི་ཆ་ལ་དེ་ཉིད་ཁོ་ན་བྷཻཾ། །སླར་ཡང་ཐུགས་ཀའི་སྔགས་ལས། འོད་ཟེར་འཕྲོས། །ཕྱི་སྣོད་འཇིག་རྟེན་གཞལ་ཡས་ཁང་དུ་གྱུར། །ནང་བཅུད་སེམས་ཅན་ཀུན་ལ་འོད་དེས་ཕོག །ཕོ་རྣམས་ཐམས་ཅད་སྤྱན་རས་གཟིགས་སུ་གྱུར། །མོ་རྣམས་ཐམས་ཅད་གསང་ཡེ་མཁའ་འགྲོ་མ། །བདུད་དང་ལོག་འདྲེན་ཀུན་ཀྱང་རྟ་མགྲིན་སྐུ། །ཐམས་ཅད་རྒྱལ་བ་རྒྱ་མཚོའི་ལྷ་ཚོགས་ཏེ། །གཟུགས་སུ་སྣང་བ་ལྷ་ཡི་རང་བཞིན་ལ། །འཇའ་འོད་མེ་དཔུང་ཐིག་ལེ་ཐིག་ཕྲན་འཁྲིགས། །སྒྲ་རུ་གྲག་ཚད་ཡིག་བཅུ་སྔགས་ཀྱི་སྒྲ། །སེམས་ཀྱི་དྲན་རྟོག་ཀུན་ཀྱང་ཆོས་སྐུའི་ངང་། །གདོད་ནས་རྒྱལ་བའི་དགོངས་པ་རྗེན་པ་ཉིད། །དམིགས་མེད་ལྟ་བའི་ངང་ནས་དམིགས་པར་བྷཻཾ། །དགོང་ཀའི་བར་དུ་ཡིག་བཅུ་ཁོ་ན་ལས། །དེ་ནས་བདག་གི་ཐུགས་ཀའི་སྔགས་ཕྲེང་ལས། །འོད་ཟེར་དམར་པོ་མེ་ལྟར་ཚ་བ་ལས། །ལྕགས་ཀྱུའི་དབྱིབས་ཅན་གློག་འོད་ལྟ་བུའི་ཚོགས། །ཕྱོགས་བཅུར་འཕྲོས་པས་སེམས་ཅན་ཀུན་ལ་ཕོག །དེ་དག་ཀུན་གྱི་ལུས་ངག་ཡིད་དང་བཅས། །རང་དབང་

[Full Size]

མེད་པར་དབང་དུ་འདུས་གྱུར་ཏེ། །འོད་ཞུ་བདག་གི་འོད་ཟེར་དེ་ལ་ཐིམ། །འོད་ཟེར་ཚུར་འདུས་བདག་ལ་ཐིམ་པ་ཡི། །སྣང་སྲིད་ཐམས་ཅད་དབང་དུ་འདུས་པར་བསམ། །སྐབས་སུ་བྱམས་དང་སྙིང་རྗེ་དྲག་ཏུ་བྷཻཾ། །སྤྱི་བོའི་གྲུབ་ཐོབ་རྒྱ་མཚོའི་གཙོ་བོ་ཡང་། །ཨོ་རྒྱན་སྣང་མཐའ་གང་འདོད་བསྒོམ་པ་དང་། །འོག་གི་དམ་ཅན་རྒྱ་མཚོ་གཙོ་བོ་ཟླཡང་། །རང་གི་ཆོས་སྐྱོང་གང་འདོད་བསྒོམ་ཆོག་པར། །རྒྱ་གཞུང་རྣམས་ནས་གསལ་བར་གསུངས་པ་ཡིན། །རང་ཉིད་ཕྱོགས་ནི་གང་དུ་འགྲོ་ན་ཡང་། །འོག་གི་དཔའ་བོ་མཁའ་འགྲོ་སྡེ་བཞི་དང་། །ཆོས་སྐྱོང་རྣམས་ཀྱིས་བཏེག་ནས་ཁྱེར་བ་དང་། །སྣང་སྲིད་དབང་སྡུད་ཟིལ་གྱིས་གནོན་པར་བྷཻཾ། །དམིགས་པ་དེ་དག་སྒོམ་པའི་ཚེ་ན་ཡང་། །གཞུང་གི་སྔགས་རིང་ཉེར་བརྒྱད་པ་ཉིད་བཟླ། །དེ་ཡིས་ཉིན་པར་ཡབ་ཀྱི་བསྙེན་སྒྲུབ་ཚང་། །ཏིང་འཛིན་བརྟན་ཞིང་སྔགས་བསྙེན་མཐར་ཕྱིན་ན། །བྱིན་རླབས་ཡོན་ཏན་སློབ་དཔོན་པདྨ་དང་། །མཉམ་པར་འགྱུར་ཞེས་གྲུབ་ཆེན་པཀཱིས་གསུངས། །དེ་ནས་མཚན་མོའི་ཐུན་ལ་བབ་པའི་ཚེ། །བདག་བསྐྱེད་གསང་བ་ཡེ་ཤེས་དབུས་སུ་བྷཻཾ། །ཐུགས་རྗེ་ཆེན་པོའི་ལྷ་ཚོགས་གཡོན་དུ་

[Full Size]

བསྒོམ། །རང་ཉིད་གསང་བ་ཡེ་ཤེས་ང་རྒྱལ་བཟུང་། །གསང་ཡེ་ཐུགས་ཆེན་རྟ་མགྲིན་ཐུགས་ཀ་རུ། །ཧཱིམཐར་རང་རང་སྔགས་ཀྱི་ཕྲེང་བས་བསྐོར། །རང་ཉིད་ཐུགས་ཀའི་སྔགས་ཕྲེང་གཡོན་དུ་འཁོར། །དེ་ལས་འོད་ཟེར་དམར་པོ་ཕྱོགས་བཅུར་འཕྲོས། །བླ་མ་ཡི་དམ་སངས་རྒྱས་བྱང་སེམས་དང་། །དཔའ་བོ་མཁའ་འགྲོ་ཆོས་སྐྱོང་ཐམས་ཅད་ཀྱི། །སྐུ་གསུང་ཐུགས་རྒྱུད་རང་དབང་མེད་པར་བསྐུལ། །སྐུ་གསུང་ཐུགས་ཀྱི་བྱིན་རླབས་དངོས་གྲུབ་ཀུན། །འོད་ཟེར་དམར་པོར་བསྡུས་ནས་བདག་ལ་ཐིམ། །སླར་ཡང་སྔགས་ཕྲེང་འོད་ཟེར་དམར་པོ་འཕྲོས། །སྣོད་ཀྱི་འཇིག་རྟེན་ས་ཆུ་མེ་རླུང་བཅུད། །རིན་ཆེན་གཏེར་ཁ་ཉི་ཟླ་ནོར་བུ་ཡི། །བཅུད་དང་ཡོན་ཏན་དངོས་གྲུབ་བདག་ལ་བསྟིམ། །སླར་ཡང་འོད་ཟེར་དམར་པོ་ལྕགས་ཀྱུའི་དབྱིབས། །མེ་ལྟར་ཚ་ཞིང་གདུང་བའི་ཚོགས་འཕྲོས་པས། །སྐྱེ་འགྲོ་ཀུན་གྱི་སྙིང་ནས་བཟུང་སྟེ་བཀུག །དེ་དག་ངོ་བོ་བྱང་སེམས་དཀར་དམར་ལ། །རྣམ་པ་འོད་ཕུང་དཀར་དམར་མདངས་ལྡན་པ། །རེག་ནས་བདེ་བའི་རང་བཞིན་ཅན་དུ་ཞུ། །རིག་པའི་ངོ་བོ་རང་གི་ཧྲིལ་ཐིམ། །ལུས་པོ་འོད་ཞུ་རང་གི་ལྟེ་བར་བསྟིམ། །སྐབས་སུ་བྱམས་དང་སྙིང་།

[Full Size]

རྗེ་དྲག་ཏུ་བསྒོམ། །ཨོཾ་དྷུ་མ་གྷ་ཡེ་ན་མསྭཱ་ཧཱ། ཧ་རི་ནི་ས་ར་ཙ་ཧིཡ་ཧཱུྃ་ཛཿ ཨོཾ་ཨཱཿཧཱུྃ་ཧི༔ ཨོཾ་མ་ཎི་པདྨེ་ཧཱུྃ། བཱ་སུ་སི་ཏི་ན་ན་ཌ་དྷེ་སི་ཏི་སརྦ་སི་ཏི་ཕ་ལ་ཧཱུྃ། སི་ཏི་སི་ཏི་ས་མཱ་ཡ་སྡུས་སྡུས་ཧཱུྃ་ཧཱུྃ། སྔགས་དམིགས་དེ་དག་མཚན་མོ་རྒྱུན་དུ་བྱ། །དེ་བྱས་གསང་བ་ཡེ་ཤེས་མཁའ་འགྲོ་དང་། །བྱིན་རླབས་ཡོན་ཏན་མཉམ་པར་གུ་རུས་གསུངས། །ཉིན་མཚན་གཉིས་ལ་ཡབ་ཡུམ་སྒྲུབ་པ་རྫོགས། །སྔ་དྲོ་དགོང་མོ་མཚན་མོ་ནམ་འདོད་ལ། །གཏོར་བསྔོས་མ་ཆག་པ་ནི་གལ་ཆེ་ཞིང་། །ཚེས་བཅུ་ལ་སོགས་དུས་ནི་བཟང་དུས་སམ། །ཤུགས་འབྱུང་ཤ་ཆང་ལ་སོགས་ནམ་འཛོམ་དུས། །ཚོགས་གཏོར་མེ་མཆོད་བརྩོན་པ་དམ་ཚིག་ཡིན། །དེ་ལྟར་ཡབ་ཡུམ་དྲིལ་སྒྲུབ་རྒྱུན་ཁྱེར་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བའི་ཕྱིར། །མེ་ལུག་ས་གའི་དམར་པོའི་ཚེས་དྲུག་གི །སྔ་དྲོའི་ཐུན་ལ་རཱ་ག་ཨ་སྱས་གདམས། །སྦ་འོས་གསལ་བཀོད་ཉེས་པ་ལྷ་ལ་བཤགས། །དགེ་བས་བདག་དང་སློབ་མ་བརྒྱུད་པར་བཅས། །མཆོག་ཐུན་དངོས་གྲུབ་གཉིས་ལ་མངའ་བརྙེས་ཤོག །ཡི་གེ་པ་ནི་བླ་མ་མཐར་ཕྱིན་ནོ། །བཀྲ་ཤིས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས། ཡབ་ཡུམ་དྲིལ་སྒྲུབ་རྒྱུན་ཁྱེར་གྱི་བུ་ཡིག

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས། ཡབ་ཡུམ་དྲིལ་སྒྲུབ་རྒྱུན་ཁྱེར་གྱི་བུ་ཡིག་བཞུགས་སོ།།

[Full Size]

ན་མོ་གུ་རུ་ལོ་ཀེ་ཤྭ་ར་ཡེ། རྒྱལ་བ་རྒྱ་མཚོ་རྒྱུན་ཁྱེར་བྱེད་པའི་དུས། །དུས་བཟང་ངམ་ནི་མཆོད་རྫས་འཛོམ་པའི་ཚེ། །ཚོགས་ཀྱི་འཁོར་ལོ་གཞུང་ལྟར་ཚར་བའི་རྗེས། །མདུན་གྱི་ནམ་མཁའི་ཚོགས་མགྲོན་ལྷ་རྣམས་ཀྱི། །དཔྲལ་མགྲིན་ཐུགས་ཀ་ལྟེ་བ་གསང་གནས་ནས། །འོད་ཟེར་དཀར་དམར་མཐིང་སེར་ལྗང་གུ་དང་། །སྐུ་དང་སྔགས་ཕྲེང་ཕྱག་མཚན་དཔག་མེད་འཕྲོས། །རང་གི་ལུས་ཀྱི་གནས་ལྔར་ཐིམ་པ་ཡིས། །སྐུ་གསུང་ཐུགས་ཡོན་ཕྲིན་ལས་བྱིན་རླབས་དང་། །དབང་དང་དངོས་གྲུབ་ཐམས་ཅད་ཐོབ་པར་བསྒོམ། །རོལ་མོ་དབྱངས་བཅས་སྤྱན་འདྲེན་ཚར་

[Full Size]

གཅིག་རྗེས། །སྔགས་རིང་མཇུག་ཏུ་འདི་སྦྱར་གསུམ་བདུན་བརྗོད། །ཀཱ་ཡ་ཝཱཀ་ཙིཏྟ་གུརྦ་ཀརྨ་སིདྡྷི་ཧཱུྃ། དེས་ནི་རྒྱུན་སྒྲུབ་དངོས་གྲུབ་ལེན་ཆོག་དང་། །བདག་འཇུག་བསྡུས་པའི་དོན་ཡང་ཚང་བ་སྟེ། །སྔོན་གྱི་ཕྱག་ལེན་རྒྱུན་ལ་ཡོད་དོ་ཞེས། །མཚུར་ཕུ་འཇམ་དབྱངས་ཆེན་པོའི་ཞལ་གདམས་ཡིན། །འདི་ཡི་ལས་སྦྱོར་གཙོ་བོ་སྦྱིན་སྲེག་སྟེ། །དཀར་གསུམ་མངར་གསུམ་ཤ་ཕུད་བཟང་སྨན་དང་། །གང་འདོད་ཟས་སྣ་འབྲུ་སྣ་གང་རྙེད་དང་། །དར་ཟབ་ཕྲུག་གི་དུམ་བུ་རྙེད་ཚད་བསྲེ། །སྒྲུབ་རྫས་རིལ་བུ་རྙེད་ན་མཆོག་ཡིན་ཏེ། །མ་རྙེད་བདུད་རྩི་རིལ་བུའམ་སིནྡྷཱར་

[Full Size]

བཏབ། །གུར་གུམའམ་ཆང་ཕུད་གཙང་མ་བླུག་ལ་སྒྲོགས། །དེ་ནང་ཕྱུར་བ་ཕྱེ་མར་ཅི་མང་བསྲེ། །མང་དུ་བྱས་ལ་སྣོད་གཙང་ནང་དུ་འཚག །ཤུག་པའམ་ཙནྡན་རྙེད་ན་མཆོག་ཡིན་ཏེ། །འདི་ལ་ཐབ་སོགས་བྲིས་པ་མེད་ཀྱང་ཆོག །མདུན་མེའམ་ནི་ཐབ་ཀྱི་མེ་ལའང་རུང་། །མེ་དབུས་སྐད་ཅིག་མཁའ་འགྲོ་གཙོ་འཁོར་ནི། །ཐུགས་ཀའི་འཇིག་རྟེན་དབང་ཕྱུག་བཅས་པ་བསྐྱེད། །སྤྱན་འདྲེན་ནང་ནས་རྟ་མགྲིན་ཆོས་སྐྱོང་བསྒྱུར། །དབང་བསྐུར་མི་དགོས་བཞུགས་གསོལ་བྱས་པས་འཐུས། །ཨོཾ། མཆོད་ཡོན་བདུག་སྤོས་ལ་སོགས་ཚིགས་ཟློབཅད་དང་། །ཨརྒྱུ་ལ་སོགས་སྔགས་ཀྱིས་མཆོད་བྱས་ལ། །བསྲེག་རྫས་སྡེར་གང་ཙམ་ཞིག་བྲན་བྱས་ལ། །ཨ་ཀཱ་རོ་ཡི་སྔགས་ཀྱིས་བྱིན་གྱིས་བརླབས། །ལྷ་ལྔའི་སྔགས་རིང་ཉེར་བརྒྱད་ཧཱུྃ་ཛའི་མཐར། །བཱ་སུ་ན་ན་ཥ་དྷེ་པུཎྚི་ཀུ་རུ་ཡེ་སྭཱ་ཧཱ། རྫོ་ས་རེ་འདེབས་དང་སྔགས་རེ་སྤྲད་བྱ་སྟེ། །བརྒྱ་དང་རྩ་བརྒྱད་བར་དུ་ཕུལ་བ་ཡིས། །མཉེས་ནས་དགོས་འདོད་ཆར་ལྟར་འབེབས་པར་བསམ། །ཡུམ་གྱི་བསྟོད་པ་ཚང་བར་བྱེད་པ་ཡིན། །དེས་ནི་སྦྱིན་སྲེག་ཚར་གཅིག་ཚང་བ་སྟེ། །གཅིག་གསུམ་ལྔ་བདུན་ལ་སོགས་ཅི་ལྕོགས་བྱ། །རྗེས་ཆོག་ཨརྒྷཾ་

[Full Size]

སོགས་ཀྱིས་མཆོད་བྱས་ཤིང་། །བསྟོད་པར་འོས་པ་ལ་སོགས་ཤོ་ལོས་བསྟོད། །དེ་ནས་ལྷ་རྣམས་འོད་ཞུ་བདག་ལ་བསྟིམ། །གནས་བཟང་དུས་བཟང་རྫས་སྣ་འཛོམ་ན་ཟབ། །སྔོན་དུ་ལྷ་ལྔའི་བསྙེན་པ་མང་ཐེམས་ནས། །དེས་ནི་རྣོ་མྱུར་དགོས་འདོད་འཕྲལ་དུ་འབྱུང་། །གོང་དུ་བསྙེན་སྒྲུབ་ཅི་ཡང་མ་ཐེམ་པར། །ལས་སྦྱོར་བྱས་པས་འབྲས་བུ་ག་ལ་འབྱུང་། །འདི་ཉིད་ཉམས་སུ་བླངས་པའི་ཕན་ཡོན་ནི། །ཡེ་ཤེས་མཁའ་འགྲོ་ཉིད་དང་མཉམ་པར་གསུངས། །དེ་ལྟར་ཡབ་ཡུམ་དྲིལ་སྒྲུབ་ཞལ་གདམས་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བའི་ཕྱིར། ༧ རཱ་ག་ཨ་སྱས་འཕྲལ་དུ་གདམས་པ་ལྟར། །མཐར་ཕྱིན་ཞེས་བྱས་འཕྲལ་དུ་ཡི་གེར་བཏབ། །ཉེས་པ་མཆིས་བཤགས་དགེ་བ་བྱང་པ་ཆུབ་བསྔོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱལ་བ་རྒྱ་མཚོ་ལྷ་ལྔ་ལས་རྟ་མགྲིན་གཙོ་འཁོར་སྒྲུབ་པ་པདྨ་དབང་གི་དཀྱིལ་འཁོར་དུ་གདུག་པ་ཅན་ཟིལ་གྱིས་གནོན་ཅིང་ཚར་གཅོད་པའི་མན་ངག་གི་ཟིན་བྲིས།

[Full Size]

རྒྱལ་བ་རྒྱ་མཚོ་ལྷ་ལྔ་ལས་རྟ་མགྲིན་གཙོ་འཁོར་སྒྲུབ་པ་པདྨ་དབང་གི་དཀྱིལ་འཁོར་དུ་གདུག་པ་ཅན་ཟིལ་གྱིས་གནོན་ཅིང་ཚར་གཅོད་པའི་མན་ངག་གི་ཟིན་བྲིས་བཞུགས་སོ།།

[Full Size]

ན་མོ་གུ་རུ་རྒྱ་གྲི་ཝ་ཡེ། པདྨ་ཧེ་རུ་ཀ་ལ་ཕྱག་འཚལ་ལོ། །བཀའ་ཡི་གནང་བ་སྩོལ་ལ་བར་ཆད་སོལ། །རྟ་མགྲིན་དངོས་ཉིད་པདྨ་འབྱུང་གནས་ཀྱི། །པདྨ་དབང་གི་དཀྱིལ་འཁོར་འདི་ཉིད་དུ། །གདུག་པ་ཅན་ཀུན་ཟིལ་གནོན་ཚར་གཅོད་པའི། །གདམས་པ་མཁར་ཆེན་མཚོ་རྒྱལ་ཞེས་ཀྱང་བྱ། །བྷ་ག་ལ་ཡི་ཕག་མོ་ཞེས་བྱར་གནང་། །ཕྱིས་སུ་གྲུབ་ཆེན་པཀཱིས་ཐུགས་དམ་མཛད། །དེ་ཕྱིར་བཀའ་འབུམ་ནང་དུའང་བཞུགས་པ་ཡིན། །ཆོ་ག་འདི་དང་སྦྲེལ་བར་ཉམས་ལེན་ཐབས། །རྫ་ཤིང་ཟངས་ལྕགས་ལ་སོགས་སྣོད་གཙང་ནང་། །གཏོར་མ་རབ་ཏུ་གྲུ་གང་

[Full Size]

འབྲིང་རྐང་གང་། །ཐ་མ་མཐོ་གང་ལས་ནི་མི་ཆུང་བ། །ཟུར་གསུམ་བྱས་པའི་སྨད་དེ་ཕྱིར་བཅད་ལ། །སྨད་ནང་ཧོམ་ཁུང་བྲུས་ལ་ཁྲག་གིས་བྱུག །ཕྱི་ནི་སོལ་བ་ཁྲག་བསྲེས་སྨུག་ནག་བྱ། །དེ་ནང་གྲོ་ཤོག་གཙང་མར་གང་གནོད་ཀྱི། །ལིངྒ་མིང་བཅས་སྤྱི་མཐུན་བྲིས་པ་དེ་། །མེ་ཁྲུས་རླུང་ཁྲུས་མེ་ལོང་ཆུ་གཙང་བཀྲུ། །དེ་ལ་འགུགས་གཞུག་བརྒྱ་རྩ་སོགས་བྱས་ལ། །ཁྱི་སྤུ་ར་བལ་སྐུད་པའམ་ཚོན་སྐུད་ཀྱིས། །བཅིངས་པ་དེ་ཡི་ནང་དུ་བཅུག་བྱས་ཏེ། །དེ་སྟེང་དམར་གཏོར་དེ་ཡིས་ཁ་བཅད་བཞག །ཟུར་གསུམ་རྩང་གསུམ་ལོགས་གསུམ་ཤ་རྒྱན་གསུམ། །

[Full Size]

རྩེ་ལ་མར་གྱི་རྡོ་རྗེ་མེ་རི་འབར། །འཛོམ་ན་ཙཀྐི་དར་གདུགས་དམར་པོ་བཙུགས། །མཚེ་དང་ཡུངས་དཀར་སྒང་བུ་ཡོད་ན་བཙུགས། །མིང་ཡིག་ཤོག་དྲིལ་བཅུག་པའི་ལིང་གསུམ། །ཟུར་གསུམ་རྩང་གི་འོག་ཏུ་མགོ་ཐུར་བཙུགས། །ལོགས་གསུམ་འདབས་གསུམ་ཐོད་སྐམ་གསུམ་བྱས་བཞག །སྨད་ཀྱི་ལྕགས་ཁང་ནང་དུ་དགྲ་བགེགས་བཙུད། །སྟོད་ནི་མདུན་བསྐྱེད་རྟ་མགྲིན་དངོས་སུ་བསམ། །དེ་ནི་རང་གི་མདུན་ཕྱོགས་གར་བདེར་བཞག །ཕུག་གཏོར་མཆོད་པ་སྣ་བདུན་ཚོགས་མཆོད་དང་། །ཐུན་གཏོར་ལིང་ཆུང་པར་མ་མང་དུ་བསགས། །འདི་ནི་རྙིང་མ་ཁོ་ན་ཡིན་པའི་ཕྱིར། །མངོན་རྟོགས་གཅིག་གིས་བདག་མདུན་དུས་གཅིག་ཆོག །ལྷ་ལྔའི་མཆོད་བཞི་བསྟོད་བཞི་ཚར་བའི་རྗེས། །བསྙེན་པ་བྱེད་ཚེ་དམིགས་པའི་འཕྲོ་འདུ་ནི། །བདག་མདུན་རྟ་མགྲིན་དཀྱིལ་འཁོར་དབུས་སུ་བཞག །ཐུགས་རྗེ་ཆེན་པོ་གཡས་སུ་བཞུགས་པ་ལ། །འཕགས་མ་སྒྲོལ་མའི་ཚོགས་ཀྱིས་བསྐོར་ནས་ཀྱང་། །འཇིགས་པ་བཅུ་དྲུག་བར་ཆད་སེལ་བར་མཛད། །གཡོན་དུ་གསང་བ་ཡེ་ཤེས་ཌཱཀིའི་ཚོགས། །གདུག་པ་ཅན་རྣམས་དབང་དུ་བསྡུ་བར་མཛད། །སྟེང་དུ་པད་འབྱུང་གྲུབ་

[Full Size]

ཐོབ་རྒྱ་མཚོ་རྣམས། །ཤིན་ཏུ་ཁྲོ་ཞིང་གཏུམ་པའི་ཆ་བྱད་ཀྱིས། །ཁམས་གསུམ་ཟིལ་གྱིས་གནོན་པའི་ཧཱུྃ་སྒྲ་སྒྲོག །འོག་ཏུ་དམ་ཅན་རྒྱ་མཚོ་ཐམས་ཅད་ཀྱང་། །ཤིན་ཏུ་ཁྲོ་གཏུམ་ཕྲིན་ལས་ཀུན་བསྒྲུབ་བསྒོམ། །དེ་དག་གདུག་པ་ཟིལ་གནོན་དམིགས་པ་ཡིན། །དེ་ནས་རྟ་མགྲིན་ཁྲོ་བོའི་ཏིང་འཛིན་བརྒྱད། །ས་ཕྱོགས་འདི་ཡང་རབ་འཇིགས་དུར་ཁྲོད་ནི། །མེ་འབར་རླུང་འཚུབ་ཐོག་སེར་འབྲུག་སྒྲ་ལྡིར། །གནས་ཁང་ཐོད་པ་སྐམ་རློན་རྙིང་གསུམ་བརྩེགས། །གྲུ་བཞི་སྒོ་བཞི་ཁྲོ་བོའི་དཀྱིལ་འཁོར་རྫོགས། །གདན་བཞི་པད་ཉི་གས་པ་བདུད་བཞི་བསྣོལ། །དེ་སྟེང་རང་ཉིད་རྟ་མགྲིན་གསལ་བ་ཡིས། །འདོར་ཐབས་བརྫིས་པས་སྟོང་གསུམ་ཤིག་ཤིག་གཡོས། །ཕྱག་གཡས་གནམ་ལྕགས་རྡོ་རྗེ་ཕྱར་བ་ལས། །རྡོ་རྗེའི་ཐོག་ཆེན་འཕྲོས་པས་དགྲ་བགེགས་བརླག །ཕྱག་གཡོན་སྡིགས་མཛུབ་རྩེ་དང་སྐུ་ལུས་ལས། །མེ་འབར་གནོད་བྱེད་ཐམས་ཅད་གཞོབ་ཐུལ་བསྲེགས། །དབུ་གཙུག་རྟ་དབུ་ལན་གསུམ་འཚེར་བ་ཡིས། །དང་པོས་ཁམས་གསུམ་ཐམས་ཅད་དབང་དུ་བསྡུས། །གཉིས་པས་སྲིད་གསུམ་ཐམས་ཅད་ཟིལ་གྱིས་གནོན། །གསུམ་པས་དྲེགས་པ་

[Full Size]

ཐམས་ཅད་བྲན་དུ་ཁོལ། །སྤྱན་གསུམ་དམར་ཟླུམ་གནོད་བྱེད་བགེགས་རིགས་ལ། །སྡང་མིག་གཟིགས་པས་འདར་ཞིང་ས་ལ་འགྱེལ། །བརྒྱལ་ཞིང་འགྲེ་ལོག་བྱེད་པ་ཁོ་ནར་གྱུར། དེ་ནས་གཟི་བརྗིད་བསྐྱེད་པའི་ཏིང་ངེ་འཛིན། །བདག་གི་ཐུགས་ཀར་པདྨ་ཉི་མའི་སྟེང་། །ཏིཿཡིག་དམར་པོ་བྱི་རུའི་སྡོང་པོ་འདྲ། །དེ་ལས་སྔགས་ཕྲེང་གཡས་སུ་འཁོར་བ་ལས། །འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། །ཡེ་ཤེས་ཁྲོ་བོའི་ཚོགས་དང་ཁྲོ་མོའི་ཚོགས། །གྲུབ་ཐོབ་རྒྱ་མཚོ་སངས་རྒྱས་བྱང་སེམས་དང་། །ཡེ་ཤེས་ཆོས་སྐྱོང་སྲུང་མ་ཐམས་ཅད་ཀྱི། །སྐུ་གསུང་ཐུགས་ཀྱི་བྱིན་རླབས་ནུས་མཐུ་ཀུན། །འོད་ཀྱི་ཐིག་ལེ་ཁ་དོག་སྣ་ཚོགས་པའི། །རྣམ་པར་ཆར་དྲག་བཞིན་དུ་བབས་ནས་ཀྱང་། །བདག་མདུན་ལ་ཐིམ་གཟི་བརྗིད་རབ་ཏུ་འབར། །རང་དང་ལྷ་གཉིས་དབྱེར་མེད་ངེས་ཤེས་ཀྱིས། །ཉམ་ང་བག་ཚ་མེད་པའི་བརྟུལ་ཞུགས་བསྐྱེད། །ཨོཾ་བཛྲ་ཀྲོ་དྷ་རྒྱ་ཤྲཱི་ཝ་ཧུ་ལུ་ཧུ་ལུ་ཧཱུྃ་ཕཊ་སྭཱ་ཧཱ། ཨོཾ་ཨཱཿཧཱུྃ་ཨོཾ་མ་ཎི་པདྨེ་ཧཱུྃ། རྭ་ཙ་བཱིཡ། ཧ་རི་ནི་ས། ཧཱུྃ་ཛཿ དེ་ལྟར་བཟླ་བོ་བསྙེན་པའི་དམིགས་པའོ། །རང་གི་ཐུགས་ཀའི་ཧྲིདང་སྔགས་ཕྲེང་ལས། །མེ་འབར་རང་གི་ལུས་ཀྱི་

[Full Size]

ནང་ཀུན་གང་། །ལུས་གདོན་ནད་དང་བཅས་པ་གཞོབ་ཐུལ་བསྲེགས། །ཐལ་སོལ་བ་སྤུའི་སྒོ་ནས་ཕྱིར་ཐོན་པ། །སྐུ་ལས་འབར་བའི་མེ་ཡིས་རྗེས་མེད་བསྲེགས། །རང་གི་སྐུ་ལུས་མེ་དང་དབྱེར་མེད་པ། །མེ་སྒྲ་སྔགས་སྒྲ་སྒྲོག་པར་བསྒོམས་པ་ནི། །ནམ་མཁའ་གནམ་ལྕགས་ཏིང་ངེ་འཛིན་ཞེས་བྱ། །རང་གི་ཐུགས་ཀའི་ས་བོན་སྔགས་ཕྲེང་ལས། །ཁ་དོག་ལྔ་ལྡན་དམར་ནག་ཤས་ཆེ་བའི། །མེ་འབར་ལུས་ཀྱི་རྩ་གནས་ཐམས་ཅད་གང་། །རྩ་གནས་བཞུགས་པའི་ནད་གདོན་ཐམས་ཅད་བསྲེགས། །མེ་ལྕེ་སྤྱི་གཙུག་བཤང་ལམ་གསུམ་ནས་ཐོན། །རྩེ་འཕྲད་ལུས་གཏུམ་མེ་དཔུང་ཇེ་ཆེར་འབར། །ལུས་གདོན་གནས་གདོན་སྟོང་གསུམ་འཇིག་རྟེན་བསྲེགས། །སྟོང་པར་གྱུར་ནས་ཚུར་འདུས་ཐུགས་ཀར་ཐིམ། །མེ་འབར་ཀློང་ཆེན་ཏིང་ངེ་འཛིན་ཞེས་བྱ། །རང་གི་ཐུགས་ཀའི་སྔགས་ཀྱི་ཕྲེང་བ་ལས། །རང་འདྲའི་ཁྲོ་ཆུང་བྱེ་བ་གྲངས་མེད་པ། །བ་སྤུའི་བུ་ག་རྣམས་ནས་ཕྱིར་འཕྲོས་པས། །ཁམས་གསུམ་འགྲོ་བའི་བདུད་བཞི་དུག་ལྔའི་ཚོགས། །བསད་བཅད་གཏུབ་དང་གསོལ་ཞིང་མེ་ཡིས་བསྲེགས། །ཁྲོ་ཆུང་ཚུར་འདུས་བདག་ཐིམ་མཐུ་སྟོབས་རྒྱས། །རང་གི་བ་སྤུའི་བུ་

[Full Size]

ག་ཐམས་ཅད་ནས། །གསེར་གྱི་རྡོ་རྗེ་ནས་འབྲས་ཙམ་གྱིས་གཏམས། །འདུ་འཕྲོ་ཁྲོ་བོའི་ཏིང་ངེ་འཛིན་ཅེས་བྱ། །རང་གི་སྐུ་ལས་འོད་ཟེར་རིམ་པར་འཕྲོས། །མདུན་བསྐྱེད་ལ་ཕོག་མདུན་བསྐྱེད་དཔྲལ་བ་ནས། །རྟ་མགྲིན་སྐུ་ནི་བྱེ་བ་གྲངས་མེད་འཕྲོས། །དགྲ་བགེགས་ཀུན་གྱི་ལུས་ཀྱི་གཟི་བརྗིད་བཅོམ། །འཁོར་འདས་ཀུན་གྱི་སྐུ་ཡི་གཟི་བརྗིད་བསྡུས། །ཐམས་ཅད་ཚུར་འདུས་བདག་གི་དཔྲལ་བར་ཐིམ། །མདུན་བསྐྱེད་མགྲིན་པའི་ལྗགས་ལས་ཧྲི༔ཡིག་འཕྲོས། །སྔགས་ཀྱི་རང་སྒྲ་དང་བཅས་འཇིག་རྟེན་གང་། །དགྲ་བགེགས་ཀུན་གྱི་ངག་གི་ནུས་པ་བཅོམ། །འཁོར་འདས་ཀུན་གྱི་གསུང་གི་ནུས་མཐུ་བསྡུས། །ཚུར་འདུས་བདག་ཉིད་རྟ་མགྲིན་ལྗགས་ལ་ཐིམ། །མདུན་བསྐྱེད་ཐུགས་ལས་པདྨ་རཱ་ག་ཡི། །དྲག་པོའི་རྡོ་རྗེ་རྩེ་གསུམ་ཁ་གདེངས་འཕྲོས། །དེ་ལས་དེ་འདྲ་གྲངས་མེད་འཇིག་རྟེན་ཁྱབ། །དགྲ་བགེགས་ཀུན་གྱི་སེམས་ཀྱི་གདུག་རྩུབ་བཅོམ། །འཁོར་འདས་ཀུན་གྱི་ཐུགས་ཀྱི་མཐུ་སྟོབས་བསྡུས། །ཚུར་འདུས་བདག་ཉིད་རྟ་མགྲིན་ཐུགས་ཀར་ཐིམ། །དེ་ནི་རྣམ་གསུམ་སྙིང་པོའི་བཟླས་པར་གསུངས། །དེ་ནས་བདག་གི་ཐུགས་ཀའི་སྔགས་ཕྲེང་ལས། །འོད་ཟེར་

[Full Size]

དམར་ནག་འཕྲོས་པ་ཞལ་ནས་ཐོན། །མདུན་གྱི་ཞལ་ཞུགས་སྔགས་ཕྲེང་དྲག་ཏུ་འཁོར། །ལྟེ་བ་ནས་ཐོན་བདག་གི་ལྟེ་བ་ནས། །ཐུགས་ཀར་ཐིམ་ཞིང་མགལ་མེ་ལྟ་བུར་འཁོར། །དེ་ནས་འོད་ཟེར་དེ་ཡང་སྔགས་ཕྲེང་གྱུར། །སྔགས་ཕྲེང་དེ་ལས་འོད་ཟེར་ཕྱོགས་བཅུར་འཕྲོས། །སྟེང་ཕྱོགས་དུར་ཁྲོད་མེ་རི་འབར་བ་སོགས། །མཁའ་སྤྱོད་ཞིང་བཞུགས་ཁྲོ་བོ་ཐམས་ཅད་མཆོད། །དེ་དག་སྐུ་ལས་རྟ་མགྲིན་སྐུ་དང་ནི། །གསུང་ལས་སྔགས་ཕྲེང་ཐུགས་ལས་རྡོ་རྗེའི་ཚོགས། །གྲངས་མེད་ཆར་དྲག་བབ་པ་ལྟ་བུར་བྱོན། །བདག་མདུན་རྣམས་ལ་སིབ་སིབ་ཐིམ་པར་བསྒོམ། །མགལ་མེ་ཀླད་ལ་བསྐོར་འདྲའི་བཟླས་པའོ། །གོང་གི་ཧ་རི་ནི་སའི་མཇུག་དེ་རུ། །གནོད་བྱེད་སརྔ་མཱ་ར་ཡ་ཧཱུྃ་ཕཊ། ཅེས་བཏགས་བཟླས་པས་རང་གི་ནད་གདོན་སེལ། །དེ་རྣམས་སྒྲུབ་པའི་སྔགས་དམིགས་ཡིན་པའོ། །དེ་ནས་བདག་མདུན་གཙོ་བོའི་སྐུ་ལས་ནི། །འོད་འཕྲོས་གཡས་གཡོན་སྟེང་འོག་རྣམས་ལ་ཕོག །བདག་མདུན་དཀྱིལ་འཁོར་བཅུ་པོ་ཐམས་ཅད་ཀྱི། །རྟ་མགྲིན་ཁྲོས་པའི་དཀྱིལ་འཁོར་བཅུ་རུ་གྱུར། །ཀུན་ཀྱང་སྔགས་སྒྲ་འབྲུག་སྟོང་ལྟར་སྒྲོག་བསྒོམ། །དེ་ནི་རིགས་

[Full Size]

བསྒྱུར་ཏིང་ངེ་འཛིན་ཞེས་བྱ། །བདག་མདུན་སྐུ་ལས་སྤྲུལ་པའི་ཁྲོ་ཆུང་ཚོགས། །རླུང་ནག་མེ་དཔུང་འཚུབ་མ་དང་བཅས་པ། །བསྐལ་པའི་རླུང་ཐོག་སེར་དྲག་ལྟ་བུར་འཕྲོས། །བདག་དང་བསྲུང་བྱ་ལ་གནོད་གདོན་བགེགས་རྣམས། །དྲག་པོའི་རླུང་གིས་བྱ་སྤུ་གཏོར་བ་བཞིན། །སྟོང་གསུམ་ནམ་མཁའི་ཕ་མཐར་བསྐྲད་པར་བསམ། །སྔགས་རིང་ཧ་རི་ནི་སའི་མཇུག་དེ་རུ། །གནོད་བྱེད་ཨུ་ཙ་ཏ་ཡ་སྤ་ར་ཎ་ཕཊ༔ ཕྲེང་སྐོར་ཙམ་བཟླ་སྒྲུབ་པའི་གེགས་སེལ་འགྱུར། །ནད་པ་སྲིའུ་གསོ་དང་མཛེ་ཕོ་བཅོས། །སྨྱོན་པ་འདུལ་དང་ཁྱིམ་གྱི་གདོན་ཕུད་ན། །དམིགས་པ་གྲངས་མང་ཝིག་ཅིང་སྔགས་མང་བཟླ། །མཐར་ནི་ཁྲོ་ཆུང་ཚུར་འདུས་བདག་ལ་བསྟིམ། །རང་ཉིད་རྟ་མགྲིན་ང་རྒྱལ་གསལ་བ་ཡི། །བསྲུང་བྱ་ཕོ་གཡས་མོ་གཡོན་དུད་འགྲོ་རྒྱབ། །ཟས་ནོར་ཐམས་ཅད་མདུན་དུ་ཡོད་པར་བསྒོམ། །བདག་མདུན་སྐུ་ལས་འོད་ཟེར་འཕྲོས་པ་ཡིས། །སྟེང་འོག་ཕྱོགས་མཚམས་ཐོད་པ་སྐམ་པོའི་གུར། །དུང་མདོག་ཁ་ཕྱིར་བསྟན་ཅིང་སོ་ཡང་རྡེབ། །སྣ་མིག་དམར་དང་ཧ་རེ་ཚྭ་ཚྭ་འཕྲོ། །དེ་རྒྱབ་རིགས་བཞི་དཔའ་བོའི་གུར་ཁང་ནི། །ཤར་ཕྱོགས་ཐམས་ཅད་རྡོ་རྗེ་དཔའ་བོ་དཀར། །ལྷོ་

[Full Size]

ཕྱོགས་ཐམས་ཅད་རིན་ཆེན་དཔའ་བོ་སེར། །ནུབ་ཕྱོགས་ཐམས་ཅད་པདྨ་དཔའ་བོ་དམར། །བྱང་ཕྱོགས་ཐམས་ཅད་ཀརྨ་དཔའ་བོ་ལྗང་། །སྟེང་འོག་ཐམས་ཅད་སངས་རྒྱས་དཔའ་བོ་མཐིང་། །དེ་རྒྱབ་མཁའ་འགྲོའི་གུར་ཁང་བསྒོམ་པ་ནི། །ཤར་ཕྱོགས་ཐམས་ཅད་རྡོ་རྗེ་མཁའ་འགྲོ་མཐིང་། །ལྷོ་ཕྱོགས་ཐམས་ཅད་རིན་ཆེན་མཁའ་འགྲོ་སེར།ནུབ་ཕྱོགས་ཐམས་ཅད་པདྨ་མཁའ་འགྲོ་དམར། །བྱང་ཕྱོགས་ཐམས་ཅད་ཀརྨ་མཁའ་འགྲོ་ལྗང་། །སྟེང་འོག་ཐམས་ཅད་སངས་རྒྱས་མཁའ་འགྲོ་དཀར། །དེ་ལྟར་དཔའ་བོ་མཁའ་འགྲོ་ཐམས་ཅད་ཀྱང་། །རང་རྟགས་གྲི་གུག་ཐོད་ཁྲག་ཁ་ཊཾ་འཛིན། །ནང་དུ་ཞལ་གཟིགས་སྲུང་བའི་སྔགས་དམིགས་མཛད། །དེ་རྒྱབ་འོག་ཕྱོགས་རྡོ་རྗེའི་ས་གཞི་བརྡལ། །མཐའ་བསྐོར་རྡོ་རྗེའི་རྭ་བས་ཟླུམ་པོར་བསྐོར། །དེ་ནང་རྡོ་རྗེའི་གུར་ཆེན་ཕུབ་པ་ལས། །ནང་ལོགས་རྡོ་རྗེའི་རྭ་བ་དྲུ་བ་དང་། །སྟེང་དུ་རྡོ་རྗེའི་བླ་བྲེ་བྲེས་པའོ།། །དེ་རྒྱབ་སྤྲུལ་པའི་ཁྲོ་བོ་འཆོལ་བའི་གུར། །ཁ་དོག་སྣ་ཚོགས་མཚོན་ཆ་སྣ་ཚོགས་ཐོགས། །རབ་ཁྲོས་ཕྱིར་གཟིགས་ཟློག་པའི་ཕྲིན་ལས་མཛད། །དེ་རྒྱབ་སྟེང་འོག་གནམ་ལྕགས་འཁོར་ལོ་ནི། །སྟེང་

[Full Size]

འོག་གའུ་ཁ་སྦྱོར་ལྟ་བུའི་གུར། །སྟེང་འོག་སོ་འཐབ་སྤུ་གྲི་ལྟར་རྣོ་བ། །དེ་རྒྱབ་ཡེ་ཤེས་མེ་ཡི་གུར་ཁང་ནི། །ཁ་དོག་ལྔ་ལྡན་དུམ་བུ་གཅིག་ཏུ་འབར། །བསྲུང་བྱ་ཐམས་ཅད་སྲུང་འཁོར་ནང་ཚུད་པས། །བར་ཆད་གང་གིས་བརླག་མི་རྙེད་པར་བྷོ། །གོང་གི་ཧ་རི་ནི་སའི་སྔགས་མཇུག་ཏུ། །བསྲུང་བྱ་མ་མ་རཀྵ་རཀྵ་ཀུ་རུ་ཡེ་སྭཱ་ཧཱ། གལ་ཏེ་ཡུལ་གྱི་སེར་བ་སྲུང་ན་ཡང་། །སྲུང་འཁོར་ནང་དུ་ཚུད་པར་བྷཻཾ་པ་ཡིན། །གདོང་ཟློག་བྱེད་ཚེ་སྐུ་ལས་མེ་ཆེན་འབར། །སེར་བ་སེར་བྱེད་གཞོབ་ཐུལ་བསྲེག་པར་བསྒོམ། །ཨ་པཱ་ན་ཡ་བཟློག་གི་སྔགས་མཇུག་ཏུ། །ཆར་ནི་ཆུར་ནི་སྭཱ་ཧཱ་དྲག་ཏུ་བརྗོད། །བསྲུང་ཁ་བཟུང་བའི་ཡོན་བདག་ནོར་ཕྱུགས་སོགས། །གོང་དུ་བཤད་ལྟར་རང་གི་གཡས་གཡོན་བསྒོམ། །བླ་མའམ་དམ་ཚིག་གཅིག་པའི་མཆེད་གྲོགས་སོགས། །ཤིན་ཏུ་གལ་ཆེན་ཐུགས་ཀའི་ཧཱུྃནང་བཙུད། །སྔགས་ཀྱི་མང་ཉུང་གལ་ནི་ཆེ་ཆུང་བསྟུན། །བདག་མདུན་ཁྲོ་བོའི་ལྷ་ཚོགས་ཐམས་ཅད་ཀྱིས། གར་མཛད་ཨ་ར་ལླི་ཡིས་སྒྲ་བསྒྲགས་པས། །འོད་ཟེར་མེ་ཡི་མདོག་ཅན་ཕྱིར་འཕྲོས་ཏེ། །ཕྱི་རོལ་གནམ་ལྕགས་འཁོར་ལོ་ལ་ཕོག་པས། །སྟེང་མ་གཡས་དང་འོག་མ་གཡོན་དུ་

[Full Size]

འཁོར། །གནོད་ཅིང་འཚེ་བའི་དགྲ་བགེགས་བྱད་མ་རྣམས། །འཁོར་ལོ་སྤུ་གྲི་ལྟར་རྣོ་སོ་འཐབས་པས། །ཚར་པ་དུམ་བུ་དམར་དང་ཐར་ཐར་བཏང་། །ནང་དུ་བྲུལ་བ་ཁྲོ་བོ་རྣམས་ཀྱིས་ཟོས། །ཕྱི་རུ་འཐོར་བ་མེ་ཡི་གུར་གྱིས་བསྲེགས། །གཞུང་སྔགས་ཧ་རི་ནི་སའི་མཇུག་དེ་རུ། །སརྦ་ཨ་པཱ་ཡ་ན་ཟློག་ཅེས་བཏགས། །ཕྲེང་བ་ཕྱིར་བཅད་ཕྲེང་སྐོར་ཙམ་བཟླས་ནས། །ཆོ་གའི་མགོ་ཡི་བདེན་སྟོབས་བརྗོད་པའི་མཇུག །བྱད་ཁ་ཟློག་ཅེས་བརྗོད་ལ་ཐལ་མོ་བརྡབ། །བྱད་ཁའི་དོགས་པ་ཆེ་ན་ཚར་མང་ཝིག །སླར་ཡང་བདག་མདུན་བར་དུ་སྔགས་ཕྲེང་འཁོར། །ཐུགས་རྒྱུད་བསྐུལ་ནས་མདུན་བསྐྱེད་ལྷ་རྣམས་ཀྱིས། །སྐུ་ལས་སྤྲུལ་པའི་ཁྲོ་བོ་ཁྲོ་མོ་དང་། །མེ་ཡི་བྱ་ཁྱུང་གནམ་ལྕགས་སྡིག་པའི་ཚོགས།མེ་རླུང་འཚུབ་མ་དང་བཅས་འཇིག་རྟེན་ཁྱབ། །གནོད་ཅིང་འཚེ་བའི་གདོན་བགེགས་ཐམས་ཅད་ནི། །ཁྲོ་བོ་ཁྲོ་མོ་རྣམས་ཀྱི་མཚོན་ཆས་གཏུབ། །བྱ་ཁྱུང་ལྕགས་སྡིག་རྣམས་ཀྱིས་ཤ་ཁྲག་ཟོས། །ལྷག་མ་མེས་བསྲེགས་རླུང་གཏོར་རྗེས་མེད་གྱུར། །སྔགས་རིང་ཧ་རི་ནི་སའི་མཇུག་དེ་རུ། །གནོད་བྱེད་སརྦ་མཱ་ར་ཡ་ཧཱུྃ་ཕཊབཏགས། །འདི་ནི་དངོས་

[Full Size]

གཞི་ཡིན་པས་ཅི་མང་བཟླ། །དེ་ནས་ཐུན་གཏོར་ལིང་ཆུང་དང་བཅས་བཤམས། །རང་གི་སྒྲུབ་པ་ཡིན་ན་དགྲ་བགེགས་དང་། །ནད་འདྲེ་ཀླུ་གདོན་སྨྱོ་འབོག་གོད་འདྲེ་དང་། །ཟ་འདྲེ་ཤི་གཤེད་བྱད་མ་རྦོད་གཏོང་སོགས། །གང་དམིགས་དེ་ཉིད་བཀུག་གཞུག་ལན་གསུམ་བྱ། །ཐུན་གཏོར་སྨད་དང་གཏོར་མའི་སྨད་ཆ་རྣམས། །གནམ་ལྕགས་ཁང་སྒྲོམ་ཟུར་གསུམ་མེ་འབར་ནང་། །གནོད་བྱེད་བཀུག་སྟེ་སྤྱི་བོའི་གཙུག་ཏུ་གནས། །བདག་དང་མདུན་བསྐྱེད་རྟ་མགྲིན་ཐུགས་ཀ་ནས། །ཡི་གེ་ཛཡིག་དམར་ནག་གཉིས་འཕྲོས་པས། །ཁོ་ཡི་སྤྱི་གཙུག་བཤང་ལམ་གཉིས་ནས་ཞུགས། །སྙིང་ཁར་ཕྱིན་པས་ཟངས་དང་གནམ་ལྕགས་ཀྱི། །འཁོར་ལོ་རྩིབས་བརྒྱད་རྣོ་ངར་ལྡན་པ་གཉིས། །སྟེང་མ་ལྕགས་ནི་གཡས་འཁོར་ཟངས་གཡོན་འཁོར། །ཇེ་ཆེར་གྱུར་ཅིང་ཤུགས་དྲག་འཁོར་བ་དེ། །དོན་སྙིང་ནང་ཁྲོལ་ཤ་ཁྲག་དམར་ཉིལ་གཏུབ། །ཐུན་རྫས་རྣམས་ཀྱང་མཚོན་ཆ་སྣ་ཚོགས་ཀྱི། །ཚར་དུ་གྱུར་ནས་དགྲ་བགེགས་བླ་སྲོག་ལུས། །ཤ་མོང་ལ་ནི་སེར་དྲག་ཕོག་ལྟར་བསྒོམ། །ཡུངས་དཀར་ཡུངས་ནག་ལྕགས་ཕྱེ་ཟངས་ཕྱེ་དང་། །ཀེ་ཚེ་ཤངས་ཚེ་ཟབ་རྒོད་རྡོ་ཕྱེ་སོགས། །ཐུན་

[Full Size]

རྫས་གང་འཛོམ་ཐོད་ཏིང་ཟངས་ལྕགས་སྣོད། །བཞག་ལ་ཁ་རླངས་མ་སོང་ཕུས་མི་གདབ། །གཏོར་མའི་སྨད་དང་ཐུན་གཏོར་ལིངྒ་བྲན། །གོང་གི་སྔགས་རིང་ཧ་རི་ནི་སའི་མཇུག །གནོད་བྱེད་སརྦ་ཤ་ཏྲི་ནི་སྲིད་ཧུར་ཐུ་ཛ་མཱ་ར་ཡ་ཕཊ༔ མང་ཉུང་གལ་དང་བསྟུན་ཞིང་བཟླ་བཞིན་བྲབ། །དགྲ་བགེགས་གང་ལ་བྱས་པ་རེངས་པ་དང་། །བརྒྱལ་དང་འཆི་བར་འགྱུར་བར་གསུངས་པ་ཡིན། །དེ་ལྟར་བསྙེན་སྒྲུབ་སྦྱོར་གསུམ་སྲུང་ཟློག་བསད། །ཐུན་གཅིག་ལ་ནི་རྫོགས་པར་བྱས་པའི་རྗེས། །ཐུན་གཏོར་དེ་ཉིད་བདུད་རྩིས་བྲན་བྱས་པ་ལ། །བྷན་རློན་པ་ལྕང་ལོར་བཅས་པའི་ནང་། །དགྲ་བགེགས་ཤ་ཁྲག་རུས་པ་ནང་ཁྲོལ་རྣམས། །དཀར་དམར་མདངས་ལྡན་དྲོད་དང་རླངས་པར་བཅས། །བསྒྲེ་སྣུམ་བཅུད་ལྡན་ངོ་བོ་བདུད་རྩིར་བསམ། །ཧ་ཧོ་ཧྲིདང་ཨོཾ་ཨཱཿཧཱུྃ་གསུམ་བརྗོད། །རྩ་སྔགས་ཧ་རི་ནི་སའི་མཇུག་དེ་རུ། །གནོད་བྱེད་དགྲ་བགེགས་ཀྱི་གཏི་མུག་ཤ་ཡི་བ་ལིཾ་ཏ་ལ་ཁཱ་ཧི། འདོད་ཆགས་ཁྲག་གི་བ་ལི་ཏ་ལ་ཁཱ་ཧི། ཞེ་སྡང་རུས་པའི་བ་ལིཾ་ཏ་ལ་ཁཱ་ཧི། ལན་གསུམ་བརྗོད་རྗེས་རོལ་མོ་དབྱངས་དང་བཅས། །ཡབ་བསྟོད་ཚར་རྗེས་འདོད་གསོལ་ཚིག་འདི་སྦྱར། ༈ །

[Full Size]

དམ་རྫས་བརྒྱན་པའི་གཏོར་མ་འདི་བཞེས་ལ། །གནོད་བྱེད་དགྲ་བགེགས་ཐལ་བ་རྡུལ་དུ་རློགས། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །ཅེས་བརྗོད་མདུན་བསྐྱེད་དཀྱིལ་འཁོར་ལྔ་པོ་ཀུན། །གནམ་ས་ཙམ་གྱི་ཞལ་གདངས་མཆེ་བ་གཙིགས། །ལྗགས་ནི་གློག་ལྟར་འཁྱུགས་པའི་ཞལ་དུ་བསྟབ། །རྐན་སྒྲ་དང་བཅས་ཆེམས་ཆེམས་གསོལ་བར་དམིགས། །སྒྲུབ་པ་མ་ཚར་བར་དུ་ཐུན་མི་བསྡུ། །རྗེས་མའི་ཐུན་ལ་བྷཻཾ་ཝིག་བྱས་པ་ཡིན། །རྩེ་གཅིག་སྒྲུབ་པ་བྱེད་ན་ཐུན་བཞི་སྟེ། །ཞག་ནི་གསུམ་ལྔ་བདུན་དགུ་རྟགས་དང་བསྟུན། །རྒྱུན་ཁྱེར་བྱེད་ན་དགོང་མོ་ཐུན་རེས་ཆོག །ཞག་རེ་ནམ་དགར་ཚོགས་དང་གཏོར་བསྔོས་བྱ། །ལུས་གོས་ཕྲེང་བར་མེ་འབར་རྟ་སྐད་འབྱིན། །གནས་དང་གཏོར་མ་མེ་འབར་འོད་འཕྲོ་སོགས། །བསྙེན་སྒྲུབ་ལྷ་ཡི་རྟགས་མཚན་སྤྱི་དང་མཐུན། །ལུས་ལས་རྣག་ཁྲག་འབུ་སྲིན་མི་གཙང་ཐོན། །ཁྲུས་བྱས་གོས་སར་གྱོན་སོགས་ནད་བུད་རྟོགས། །གཡུལ་རྒྱལ་སེར་བ་བཟློག་དང་ཆུ་བསྒྱུར་དང་། །ཟོར་དང་གཏོར་མ་བཀྱག་སོགས་བྱད་བཟློག་རྟོགས། །རྫོང་བཟུང་གོ་ཁྲབ་གྱོན་སོགས་བསྲུང་བའི་རྟགས། །བནྡེ་བུད་མེད་ཆུ་གནས་

[Full Size]

དུད་འགྲོ་དང་། །ཁྱི་དང་གཅན་གཟན་བསད་བརྡུང་གདོན་ཐུལ་རྟགས། །རྟགས་ནི་ལན་གསུམ་བྱུང་ན་མང་མི་རུང་། །རྟགས་ཐོན་པའམ་ཞག་གྲངས་ཚང་བའི་དུས། །བདག་མདུན་ཆོ་ག་ཚར་གཅིག་ཚར་བའི་རྗེས། །གཏོར་མའི་ལྷ་བསྐྱེད་ནམ་མཁར་བཏེག་ལ་བཞུགས། །གཏོར་མའི་སྟོད་དེ་ཟངས་ལྕགས་སྣོད་དུ་བཞག །སྨད་ནི་གྲུ་གསུམ་ལིངྐར་བཅས་པ་དེ། །རྒྱུ་ལྡོག་བརྩིས་ལ་ཕྱོགས་ཀྱི་གཙང་ས་རུ། །ཕྱར་བ་ནག་པོའི་སྟེང་དུ་བཞག་པའི་ནང་། །གཏོར་མའི་ལིངྒ་གསུམ་ཡང་བླངས་བཞག་བྲན། །དེ་ལ་འགུགས་གཞུག་དྲག་པོ་ལན་གསུམ་བྱ། །གོང་གི་གཏོར་མ་གསོ་བྲན་ལེགས་བྱས་ནས། །གོང་གི་ཐུན་གཏོར་བཞིན་དུ་དམིགས་ལ་བསྔོ། །ཡབ་བསྟོད་འདོད་གསོལ་བཅས་པ་ཚར་བའི་མཇུག །ཐུན་བརྡེག་དུས་ཀྱི་ཕཊ་རིང་དྲུག་བརྗོད་ཅིང་། །གཏོར་མ་གནམ་ལྕགས་རྡོ་རྗེ་ཁ་གདེང་བ། །བསྐལ་པའི་མེ་དཔུང་རབ་ཏུ་འབར་བ་དེ། །རང་ཉིད་རྟ་མགྲིན་གསལ་བའི་ཕྱག་གཡས་ཀྱི། །ལིངྒ་གནོད་བྱེད་དངོས་སུ་གསལ་བའི་སྟེང་། །འཕངས་པས་དཔེར་ན་རྩྭ་ཕུང་ཆེན་པོའི་སྟེང་། །མེ་ཡི་ཐོག་བརྒྱབ་བཞིན་དུ་རྗེས་མེད་བསྒོམ། །དར་ནག་གམ་

[Full Size]

ནི་ཆོས་གོས་མཐུ་བ་བརྡབ། །དེ་ནས་ཡུད་ཙམ་མི་དམིགས་ངང་ལ་བཞག །དེ་ནས་ཤོག་ལིང་རྐང་པ་གཡོན་ནས་གཏུབ། །འཛོམ་ན་ལིང་ཆུང་པར་མ་གསར་པ་རེ། །ཤོག་ལིང་དུམ་བུ་ཤི་དུམ་ཁྲག་ཐིགས་སྦྲག །མང་ཉུང་མེད་པར་བརྒྱ་དང་ཉེར་བརྒྱད་བྱ། །གལ་ཏེ་ཤོག་ལིང་དེ་ཡིས་མ་ཐེམ་ན། །མིང་ཡིག་ཡོད་པའི་ཟན་ལིང་གསུམ་པོ་གཏུབ། །གལ་ཏེ་ལིང་པར་མ་མ་འཛོམ་ན། །ཟན་ལིང་ཆེན་པོ་གཅིག་ལ་འགུགས་གཞུག་བྱ། །དེ་ཉིད་གཏུབ་པའི་ཟན་དུམ་ཁྲག་ཐིགས་སྦྲག །མེ་ལྷ་གཏོར་མ་ཟུར་གསུམ་གཉིས་ལ་སོགས། །དྲག་པོའི་སྦྱིན་སྲེག་ཇི་ལྟར་ཤེས་བྱས་ལ། །མེ་ལྷ་འོད་ཞུ་མེ་དཔུང་གྱུར་པའི་དཀྱིལ། །མདུན་བསྐྱེད་ལྷ་ལྔ་བསྐྱེད་དང་སྤྱན་འདྲེན་སོགས། །མཆོད་བཞི་བསྟོད་བཞི་ཚང་བར་འགྲུབ་ན་རབ། །བསྡུ་ན་མཆོད་ཡོན་བདུག་སྤོས་ཞེས་སོགས་མཆོད། །ལྷ་ལྔའི་དཀྱིལ་འཁོར་རྟ་མགྲིན་ལྔ་རུ་བསྒྱུར། །རྩ་སྔགས་ཧ་རི་ནི་སའི་མཇུག་དེ་རུ། །བསྲེག་རྫས་སོ་སོའི་སྔགས་བཏགས་འབུལ་བ་སྟེ། །ཡམ་ཤིང་མར་ཁུ་བདུན་ལས་ཉུང་ཐབས་མེད། །དེ་རྗེས་ཐུན་བརྡེག་པ་ཡི་སྔགས་མཇུག་ཏུ། །ཛྭ་ལ་རཾ་ཁཱ་ཧི་བཏགས་ལ་ལིངྒ་ནི། །བརྒྱ་རྩ་རང་གིས་ལག་པས་རིམ་

[Full Size]

པར་འཕང་། །དེ་ཉིད་ཁོ་ནས་ཀྱང་ནི་ཆོག་པ་སྟེ། །བར་ཆད་ཞི་བར་བྱེད་ན་ཡུངས་དཀར་དང་། །ཤི་སྒབ་གཅོད་ན་དཱུར་བ་ཅི་མང་འབུལ། །ནད་པའི་རིམ་གྲོར་སྨན་སྣ་འབུལ་བ་དང་། །གོད་གཅོད་ལ་ནི་སོ་བ་ཅི་མང་སྟེ། །སྔགས་ནི་བསྒྱུར་བ་སྦྱིན་སྲེག་སྤྱི་ལྟར་རོ། །གཏོར་མ་ཐུན་གཏོར་བཞིན་དུ་རྟ་མགྲིན་འབུལ། །རྟ་མགྲིན་གཤེགས་རྗེས་མེ་ལྷ་གསལ་བཏབ་ལ། །མེ་ལྷའི་གཏོར་མ་བསྲེག་རྫས་ལྷག་ཀུན་འབུལ། །གཏོར་ཆེན་མ་གཏོགས་གཏོར་ཆུང་ཧོམ་ཁུང་སོགས། །མེ་དེར་བསྲེག་གམ་ཕྱོགས་ཀྱི་གཙང་སར་ལ་དོར། །མེ་དེ་བརྫུ་མ་སྟེ་སླ་ང་སོགས་ཀྱིས་སྒྲུབ། །དེ་སྟེང་གཏོར་ཆེན་བཞག་སའི་སྣོད་དེ་སྦུབ། །གནོད་བྱེད་དམ་སྲི་དེ་འོག་འགུགས་གཞུག་བྱ། །གདོན་བགེགས་དམ་སྲི་སྒབ་འདྲེ་ཐམས་ཅད་ནི། །གཉའ་དགུགས་སྤྱི་བོའི་ཐོག་ཏུ་རྐང་གཉིས་བསྣོལ། །སྤྱི་བོ་རྐང་མཐིལ་སར་བཙུགས་གནས་པའི་སྟེང་། །རང་ཉིད་རྟ་མགྲིན་ཞབས་གཉིས་སྲ་ཞིང་མཁྲེགས། །སྣ་ཚོགས་རྡོ་རྗེ་རྒྱ་གྲམ་མཚན་པ་དེས། །དྲག་ཏུ་བརྡབས་པས་ས་འབོལ་ཁབ་བདས་བཞིན། །རིམ་དགུ་ས་ཡི་འོག་ཏུ་ཏ་ལེར་སོང་། །བྱམས་མགོན་མ་བྱོན་བར་དུ་མི་ལྡང་བསམ།

[Full Size]

ཧཱུྃ༔ ཐུགས་རྗེའི་འགྲོ་འདུལ་དཀྱིལ་འཁོར་འདིར། །བར་ཆད་དམ་སྲི་འདུལ་བའི་ལྷ། །ཁྲོ་བོའི་རྒྱལ་པོ་རྟ་མཆོག་དཔལ། །གཏུམ་ཆེན་རྔམ་པའི་སྒྲ་སྒྲོག་ཅིང་། །དཔལ་གྱི་རྟ་སྐད་ཅེ་རི་རི། །ཁྲོ་བོའི་འབྲུག་སྒྲ་འུ་རུ་རུ། །རོལ་པའི་རྟ་བྲོ་ཆེམས་སེ་ཆེམ། །དགྲ་བགེགས་འབྱུང་པོ་རྡུལ་དུ་རློགས། །ཨོཾ་བཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ སོགས་ནས་ཧ་རི་ནི་སའི་སྔགས་མཇུག་ཏུ། །གནོད་བྱེད་ཐམས་ཅད་སྟེ་བྷ་ཡ་ནན། །ཇི་སྲིད་བྱམས་མགོན་བསྟན་པ་མ་བྱོན་བར། །ནམ་ཡང་སྟེང་དུ་ལྡང་བར་མ་བྱེད་ཅིག །རྟ་མགྲིན་ཁྲོ་བོའི་ཚོགས་ཀྱིས་རྒྱས་གདབ་བོ། །རྒྱུ་ལ་དམ་ལ་མ་འདའ་ས་མ་ཡ་རྒྱ་རྒྱ། །རྐང་པ་གཡས་གསུམ་གཡོན་གསུམ་མཉམ་དུ་གསུམ། །སྟེང་དུ་བཞག་རྗེས་མེ་ནི་ཞི་བའི་ཚེ། །ཐལ་བ་མཁའ་འགྲོའི་གདོང་དང་མ་ཐུག་པར། །རྒྱ་གྲམ་ལམ་མམ་རི་སྣ་ཚྭ་ཁང་འོག །བླུག་བཅུག་ལས་སྦྱོར་མནན་སྲེག་འཕང་གསུམ་ཚང་། །གནོད་བྱེད་དོན་དུ་ཡིག་དྲུག་མང་དུ་བགྲང་། །བྱམས་པ་བྱོན་དུས་ས་ཡི་སྟེང་ལངས་ནས། །བྱང་ཆུབ་སེམས་བསྐྱེད་ཐོབ་པའི་སྨོན་ལམ་གདབ། །དགའ་སྟོན་ཚོགས་དང་རྗེས་ཆོག་གཞུང་ལྟར་བྱ། །གཏོར་ཆེན་མར་རྒྱན་བཅས་པ་

[Full Size]

གཏོར་བདུག་རུང་། །ཟ་འདྲེ་ཆུང་སྲི་འདུལ་དང་གོད་གཅོད་དང་། །སྲུང་ཟློག་རིམ་གྲོར་འདི་ལས་ཟབ་པ་མེད། །གཙོ་བོར་ངག་གི་ནུས་པ་སྒྲུབ་པ་སྟེ། །མཆོག་གི་དངོས་གྲུབ་ཞོར་ལ་འབྱུང་བ་ཡིན། །པཀཱིའི་བཀའ་འབུམ་ནས་བྱུང་པད་འབྱུང་གསུངས། །རྒྱལ་བ་རྒྱ་མཚོའི་སྒྲུབ་གཞུང་ཐམས་ཅད་ནས། །ཁ་བཀང་དགོས་པའི་སྔགས་དང་དམིགས་པ་བསྣན། །ཤིན་ཏུ་ཟབ་ཅིང་ལག་ཏུ་བླངས་བདེ་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བའི་ཕྱིར། །མེ་ལུག་ས་གའི་དམར་པོའི་ཚེས་ལྔ་ཡི། །སྔ་དྲོའི་ཐུན་ལ་རཱ་ག་ཨ་སྱས་གདམས། །ཧོར་རིགས་བཤེས་གཉེན་མཐའ་རུ་ཕྱིན་པས་བྲིས། །ཉེས་འགལ་མཆིས་ན་ལྷ་དང་སྲུང་མར་བཤགས། །དགེ་བས་ཞིང་གཤེགས་རིག་འཛིན་སྤྲུལ་པའི་སྐུ། །བདུད་བཞིའི་དགྲ་ལས་རྣམ་པར་རྒྱལ་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

སྤྲུལ་པའི་རྒྱལ་པོ་སྲོང་བཙན་སྒམ་པོ་ལ་ཡེ་ཤེས་མཁའ་འགྲོས་ལུང་བསྟན་པའི་རྒྱལ་བ་རྒྱ་མཚོའི་མཁའ་འགྲོ་གསང་སྐོར་གྱི་ཟིན་བྲིས།

[Full Size]

སྤྲུལ་པའི་རྒྱལ་པོ་སྲོང་བཙན་སྒམ་པོ་ལ་ཡེ་ཤེས་མཁའ་འགྲོས་ལུང་བསྟན་པའི་རྒྱལ་བ་རྒྱ་མཚོའི་མཁའ་འགྲོ་གསང་སྐོར་གྱི་ཟིན་བྲིས་བཞུགས་སོ།།

[Full Size]

ན་མོ་ཨཱཿརྱ་པ་ལོ་དྷརྨ་རཱ་ཛཱ་ཡ། སྲོང་བཙན་སྒམ་པོ་མཁའ་འགྲོའི་ཚོགས་བཅས་ལ། །ཕྱག་འཚལ་སྐྱབས་མཆི་བཀའ་ཡི་གནང་བ་སྩོལ། །ཆོས་ཀྱི་རྒྱལ་པོ་སྲོང་བཙན་སྒམ་པོ་དེས། །གུ་རུ་པདྨ་འབྱུང་གནས་དངོས་སློབ་ནི། །བལ་པོ་ཤྲི་ལ་མཉྫ་སྤྱན་དྲངས་ནས། །ཐུགས་རྗེ་ཆེན་པོའི་མདོ་རྒྱུད་ཉེར་གཅིག་བསྒྱུར། །དེ་ཚེ་ཡེ་ཤེས་མཁའ་འགྲོས་ལུང་བསྟན་ནས། །སྒྲུབ་ཐབས་འདི་གནང་ཉིད་ཀྱིས་ཐུགས་དམ་མཛད། །རྒྱལ་བ་རྒྱ་མཚོ་ལྷ་ལྔའི་སྒྲུབ་སྐོར་དང་། །འདི་དག་སློབ་དཔོན་ཐོན་མི་སམ་བྷྱོ་ཊས། །དར་དཀར་ཆུ་དར་ངོས་ལ་ཡི་གེ་བཀོད། །ཇོ་བོ་བཅུ་གཅིག་

[Full Size]

ཞལ་གྱི་དྲུང་དུ་སྦས། །གྲུབ་ཐོབ་དངོས་གྲུབ་ཅེས་བྱས་གཏེར་ནས་བཏོན། །མངའ་བདག་ཉང་དང་དམ་པ་བདེ་གཤེགས་དང་། །གཙང་སྟོན་པ་དང་ཀཐོག་བྱམས་པ་འབུམ། །དེ་ལས་སྐྱེས་མཆོག་ཀརྨ་པཀཱིས་གསན། །བྱིན་རླབས་བརྒྱུད་པ་གཅིག་ཏུ་གྱུར་པ་ཡིན། །ཆོ་ག་འདི་དང་སྦྱར་ཏེ་ཉམས་ལེན་ན། །བདག་བསྐྱེད་མཆོད་པ་གཏོར་བསྔོས་གཏོར་མ་བཤམས། །བདག་བསྐྱེད་ལྷ་ལྔ་གཞུང་དང་མཚུངས་པ་ལ། །དམ་ཅན་རྒྱ་མཚོའི་དཀྱིལ་འཁོར་རོ་བར་འདོན། །སྐབས་དེར་ངལ་གསོའི་ལྷ་རྣམས་གསལ་གདབ་སྟེ། །གཙོ་བོའི་ཞལ་ནི་ཅུང་ཟད་ཁྲོ་འཛུམ་སྟེ། །ཕྱག་

[Full Size]

གཡོན་འོག་མས་པདྨ་དཀར་པོ་བསྣམས། །སྐུ་ལས་འོད་ཟེར་རྣམ་ལྔ་འཕྲོ་བའོ། །སྐུ་ཡི་ནང་ནི་སྟོང་ཞིང་གསལ་བ་ཡི། །སྤྱི་བོ་དུང་ཁང་གཞལ་ཡས་ནང་དུ་ནི། །སྐུ་ཡི་ཐུགས་རྗེ་ཆེན་པོ་སྐུ་མདོག་དཀར། །ཞལ་གཅིག་ཕྱག་གཉིས་མཉམ་བཞག་འཁོར་ལོ་བསྣམས། །འཁོར་དུ་སྐུ་ཡི་དཔའ་བོ་དཔའ་མོ་ནི། །འཁོར་ལོ་ཐོགས་པ་བརྒྱ་རྩ་བརྒྱད་ཀྱིས་བསྐོར། །མགྲིན་པར་གསུང་གི་ཐུགས་རྗེ་ཆེན་པོ་དམར། །ཞལ་གཅིག་ཕྱག་གཉིས་མཉམ་བཞག་པདྨ་བསྣམས། །འཁོར་དུ་གསུང་གི་དཔའ་བོ་དཔའ་མོ་ནི། །པདྨ་ཐོགས་པ་བརྒྱ་རྩ་བརྒྱད་ཀྱིས་བསྐོར། །ཐུགས་ཀར་ཐུགས་ཀྱི་ཐུགས་རྗེ་ཆེན་པོ་མཐིང་། །ཞལ་གཅིག་ཕྱག་གཉིས་མཉམ་བཞག་རྡོ་རྗེ་བསྣམས། །འཁོར་དུ་ཐུགས་ཀྱི་དཔའ་བོ་དཔའ་མོ་ནི། །རྡོ་རྗེ་ཐོགས་པ་བརྒྱ་རྩ་བརྒྱད་ཀྱིས་བསྐོར། །ལྟེ་བར་གསང་བ་ཡེ་ཤེས་མཁའ་འགྲོ་དམར། །ཞལ་གཅིག་ཕྱག་གཉིས་མཉམ་བཞག་སྟེང་གྲི་ཐོད། །འཁོར་དུ་མཁའ་འགྲོ་དམར་མོ་གྲི་ཐོད་ཅན། །བརྒྱ་དང་རྩ་བརྒྱད་དག་གིས་བསྐོར་བར་བསྒོམ། །ཐམས་ཅད་པདྨ་ཟླ་བའི་གདན་ལ་བཞུགས། །གཙོ་བོ་ལྔ་པོ་རྡོ་རྗེའི་སྐྱིལ་ཀྲུང་སྟེ། །འཁོར་རྣམས་སེམས་དཔའ་སེམས་མ་ཕྱེད་སྐྱིལ་

[Full Size]

ལོ། །གནས་གསུམ་བྱིན་རླབས་ཡེ་བསྟིམ་དབང་བསྐུར་སོགས། །ཆོ་གའི་གཞུང་ལྟར་བྱ་ཞིང་བསྙེན་པའི་སྐབས། །འཛབ་དབྱངས་རྣམ་གྲངས་ཉེར་གཅིག་གསུང་ན་ཡང་། །དམིགས་རིམ་གལ་ཆེན་མདོར་བསྡུས་བསྒོམ་པ་ནི། །དབུ་གཙུག་པད་འབྱུང་གྲུབ་ཐོབ་རྒྱ་མཚོའི་ནང་། །སྲོང་བཙན་སྒམ་པོ་ཉིད་ཀྱང་བཞུགས་པར་བསྒོམ། །དད་གུས་བསྐྱེད་ལ་གསོལ་འདེབས་ཚུལ་དུ་བསྙེན། །ལུས་ལྷ་རྣམས་ཀྱང་གསལ་གདབ་ངར་བསྐྱེད་ལ། །དཔྲལ་མགྲིན་ཐུགས་ཀ་ལྟེ་བའི་ལྷ་བཞི་ཡི། །གཙོ་བོའི་ཐུགས་ཀར་པདྨ་ཟླ་བའི་སྟེང་། །རང་མདོག་ཧྲིམཐར་ཡབ་གསུམ་ཐུགས་ཀ་རུ། །ཡིག་བཅུ་གཡས་བསྐོར་གསང་ཡེའི་ཐུགས་ཀར་ནི། །ཨོཾ་འབྱར་དྷ་མ་གྷ་ཡེ་གཡོན་དུ་འཁོར། །གནས་བཞིའི་དཔའ་བོ་མཁའ་འགྲོའི་ཐུགས་ཀར་ནི། །ཨོཾ་ཨཱཿཧཱུྃ་ཧྲཱི༔ཡིག་འབྲུ་རེ་རེའོ། །གནས་བཞིར་ལྷ་ཡི་སྔགས་ཕྲེང་དྲག་འཁོར་བས། །འོད་ཟེར་ཕར་འཕྲོས་བདེ་གཤེགས་ཐམས་ཅད་མཆོད། །སེམས་ཅན་ཀུན་གྱི་སྒྲིབ་གཉིས་བག་ཆགས་སྦྱངས། །ཚུར་འདུས་བདག་ལ་ཐིམ་པས་སྒྲིབ་གཉིས་དག །སླར་ཡང་འོད་འཕྲོས་སྣང་བ་གཞལ་ཡས་ཁང་། །སྐྱེ་འགྲོ་ཐམས་ཅད་ཐུགས་རྗེ་ཆེན་པོའི་ལྷ། །

[Full Size]

ཕོ་རྣམས་དཔའ་བོ་མོ་རྣམས་དཔའ་མོར་གྱུར། །ཐམས་ཅད་སྔགས་སྒྲ་འུར་འུར་འདོན་པར་བསྒོམ། །སྟེང་གི་བླ་མ་རྣམས་ཀྱིས་བྱིན་གྱིས་བརླབས། །གཡས་ཀྱི་ཡི་དམ་ཚོགས་ཀྱིས་དངོས་གྲུབ་ཐོབ། །གཡོན་གྱི་མཁའ་འགྲོའི་ཚོགས་ཀྱིས་སྡོང་གྲོགས་བྱེད། །འོག་གི་ཆོས་སྐྱོང་ཚོགས་ཀྱིས་བར་ཆད་སེལ། །བླ་མ་ཡི་དམ་མཁའ་འགྲོའི་ཚོགས་རྣམས་ཀྱིས། །མཆོག་དང་ཐུན་མོང་དངོས་གྲུབ་སྣ་ཚོགས་དང་། །རྒྱུན་དུ་ཆར་ལྟར་སིལ་སིལ་འབེབས་པར་བསམ། །རང་གི་སྐུ་ལས་འོད་ཟེར་འཕྲོས་པ་ཡིས། །གནས་དང་ཡུལ་གྱི་མཁའ་འགྲོ་ཐམས་ཅད་ཀྱིས། །སྐུ་གསུང་ཐུགས་ཀྱི་རྒྱུད་ནི་རབ་བསྐུལ་བས། །རང་དབང་མེད་པར་བྱ་ཁྱུ་འཕུར་བ་བཞིན། །བདག་མདུན་ཚོགས་ནས་བཀའ་ཉན་གསུང་སྡོད་བསམ། །བདག་གི་གནས་གསུམ་ལྷ་ལས་འོད་ཟེར་འཕྲོས། །བླ་མ་ཡི་དམ་དཔའ་བོ་མཁའ་འགྲོ་དང་། །སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི། །སྐུ་གསུང་ཐུགས་ལ་མཉེས་པའི་མཆོད་སྤྲིན་འབུལ། །ཚུར་འདུས་སྐུ་གསུང་ཐུགས་ཀྱི་དངོས་གྲུབ་རྣམས། །བདག་ལ་ཐིམ་པས་དབང་དང་དངོས་གྲུབ་ཐོབ། །བདག་གི་ལྟེ་བའི་ལྷ་ཚོགས་ཐམས་ཅད་ལས། །འོད་ཟེར་

[Full Size]

དམར་པོ་ཡར་འཕྲོས་སྙིང་ག་ཡི། །ལྷ་ཚོགས་རྣམས་ལ་མཆོད་པར་གྱུར་ནས་མཉེས། །སྙིང་གའི་ལྷ་ལས་འོད་ཟེར་མཐིང་ནག་འཕྲོས། །མགྲིན་པའི་ལྷ་ལ་མཆོད་པར་གྱུར་པས་མཉེས། །མགྲིན་པའི་ལྷ་ལས་འོད་ཟེར་དམར་པོ་འཕྲོས། །སྤྱི་བོའི་ལྷ་ལ་མཆོད་པར་གྱུར་ནས་མཉེས། །སྤྱི་བོའི་ལྷ་ལས་འོད་ཟེར་དཀར་པོ་འཕྲོས། །བདག་ལུས་མགོ་མཇུག་ཐམས་ཅད་ཁྱབ་པ་ཡིས། །ལུས་ངག་ཡིད་གསུམ་སྒྲིབ་པ་སངས་སེ་དག །སེམས་ཉིད་རང་བཞིན་རང་བྱུང་ཡེ་ཤེས་ཀྱི། །སྐུ་གསུང་ཐུགས་ཀྱི་རང་བཞིན་ཉིད་དུ་གྱུར། །དེ་ལྟར་བསྒོམ་ཞིང་བཟླས་པ་བསྙེན་པའོ། །སྤྱི་བོའི་འོད་ཟེར་དཀར་པོ་མགྲིན་པར་འཕྲོས། །མགྲིན་པའི་འོད་ཟེར་དམར་པོ་སྙིང་གར་འཕྲོས། །སྙིང་གའི་འོད་ཟེར་མཐིང་ག་ལྟེ་བར་འཕྲོས། །ལྟེ་བའི་འོད་ཟེར་དམར་པོས་ལུས་ཀུན་ཁྱབ། །བདེ་བའི་ལུས་གང་བདེ་སྟོང་ཉམས་ལྡན་གྱུར། །དེ་ལྟར་བསྒོམ་ཞིང་བཟླས་པས་སྒྲུབ་པའོ། །སྤྱི་བོའི་ལྷ་ལས་འོད་ཟེར་དཀར་པོ་འཕྲོས། །བདེ་གཤེགས་ཀུན་གྱི་སྐུ་ལ་མཉེས་མཆོད་ཕུལ། །སེམས་ཅན་ཀུན་གྱི་ལུས་ཀྱི་སྒྲིབ་པ་སྦྱངས། །ཚུར་འདུས་བདེ་གཤེགས་སྐུ་ཡི་དངོས་གྲུབ་ཐོབ། །ཁམས་

[Full Size]

གསུམ་སེམས་ཅན་མ་ལུས་དབང་བསྡུས་བསམ། །མགྲིན་པའི་ལྷ་ལས་འོད་ཟེར་དམར་པོ་འཕྲོས། །བདེ་གཤེགས་ཀུན་གྱི་གསུང་ལ་མཉེས་མཆོད་ཕུལ། །སེམས་ཅན་ཀུན་གྱི་ངག་གི་སྒྲིབ་པ་སྦྱངས། །ཚུར་འདུས་བདེ་གཤེགས་གསུང་གི་དངོས་གྲུབ་ཐོབ། །ཁམས་གསུམ་སེམས་ཅན་ངག་རྣམས་དབང་འདུས་བསམ། །ཐུགས་ཀའི་ལྷ་ལས་འོད་ཟེར་མཐིང་ཀ་འཕྲོས། །བདེ་གཤེགས་ཀུན་ལ་ཐུགས་ཀྱི་མཉེས་མཆོད་ཕུལ། །སེམས་ཅན་ཀུན་གྱི་ཡིད་ཀྱི་སྒྲིབ་པ་དག །ཚུར་འདུས་བདེ་གཤེགས་ཐུགས་ཀྱི་དངོས་གྲུབ་ཐོབ། །ཁམས་གསུམ་སེམས་ཅན་ཡིད་ཀུན་དབང་འདུས་བསམ། །ལྟེ་བའི་ལྷ་ཡི་འོད་ཟེར་དམར་པོ་འཕྲོས། །དཔའ་བོ་མཁའ་འགྲོའི་སྐུ་གསུང་ཐུགས་མཆོད་མཉེས། །ཁམས་གསུམ་སེམས་ཅན་སྒོ་གསུམ་དབང་དུ་བསྡུས། །ཚུར་འདུས་དཔའ་བོ་དཔའ་མོ་ཐམས་ཅད་ཀྱིས། །བདག་གི་ལུས་ངག་ཡིད་གསུམ་བྱིན་བརླབས་པས། །འགྲོ་ཀུན་བདག་གི་བཀའ་འོག་འདུས་པར་བསྒོམ། །དེ་ལྟར་བསྒོམ་ཞིང་བཟླ་བ་ལས་སྦྱོར་རོ། །སེམས་ཉིད་མི་རྟོག་སྟོང་གསལ་ངང་ལ་བཞག །རང་གསལ་རང་གྲོལ་རང་དྭངས་ངང་ནས་བཟླ། །ངག་ནི་ཡིག་དྲུག་ཡིག་བཅུ་གང་འདོད་

[Full Size]

ཡིན། །ཐུན་མཚམས་ནམ་དགར་གཏོར་བསྔོས་བྱ་བ་དང་། །སྤྲོ་ན་མདུན་བསྐྱེད་ཚོགས་འཁོར་ལ་སོགས་དུས། །ཐུགས་རྗེ་ཆེན་པོའི་ལྷ་ཚོགས་ནམ་མཁར་བསྒོམ། །ཚོགས་དང་མཆོད་པ་གཏོར་མ་ཕུལ་བྱས་ལ། །སྙིང་པོ་བཟླས་པས་མདུན་བསྐྱེད་འོད་ཟེར་གྱིས། །བདག་གི་སྒོ་གསུམ་བྱིན་གྱིས་བརླབས་པ་དང་། །གཞན་གྱི་སྒོ་གསུམ་དབང་དུ་འདུས་པར་བསྒོམ། །འདི་ནི་མཚམས་དང་རྒྱུན་ཁྱེར་གང་བྱེད་ཆོག །མཚམས་སྒྲུབ་བྱེད་ན་ཐུན་བཞིར་ཉམས་ལེན་ཅིང་། །ཐུན་མཚམས་གཏོར་བསྔོས་ཐུན་བསྡུ་གཞན་དང་མཚུངས། །རྒྱལ་བ་རྒྱ་མཚོ་མཁའ་འགྲོ་གསང་སྐོར་གྱི། །ཟིན་བྲིན་ཐབས་མཁས་མཐར་ཕྱིན་གཉིས་ཀྱིས་བསྐུལ། །མེ་ལུག་ས་གའི་བཅུ་བདུན་དགོང་མོ་ལ། །རཱ་ག་ཨ་སྱས་ཐུན་མཚམས་གཅིག་ལ་གདམས། །ཧོར་གྱི་བནེ་པདྨ་མཐར་ཕྱིན་གྱིས། །ལག་པ་རླུང་གི་རྟ་ལ་ཞོན་ནས་བྲིས། །ཉེས་འགལ་མཆིས་ན་སྤྲུལ་པའི་རྒྱལ་པོ་དང་། །དཔལ་ལྷ་ལ་སོགས་སྲུང་མའི་ཚོགས་ལ་བཤགས། །དགེ་བས་སྤྲུལ་སྐུའི་ཆེན་པོའི་དགོངས་པ་རྫོགས། །བདག་དང་སློབ་མ་བརྒྱུད་པར་བཅས་པ་ལ། །འབྲེལ་པ་ཐོགས་ཚད་བདེ་ཆེན་ཞིང་བགྲོད་ཤོག །

[Full Size]

སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལོས་ཡུམ་གསང་བ་ཡེ་ཤེས་མཁའ་འགྲོ་གཙོ་བོར་སྒྲུབ་པ་དངོས་གྲུབ་རྒྱ་མཚོ་ཞེས་བྱ་བའི་ཟིན་བྲིས།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལོས་ཡུམ་གསང་བ་ཡེ་ཤེས་མཁའ་འགྲོ་གཙོ་བོར་སྒྲུབ་པ་དངོས་གྲུབ་རྒྱ་མཚོ་ཞེས་བྱ་བའི་ཟིན་བྲིས་བཞུགས་སོ། །འདི་སྣོད་ལྡན་རེ་རེ་མ་གཏོགས་སྐལ་མེད་དང་མང་པོ་ལ་སྤེལ་ན་མཁའ་འགྲོ་མས་རང་གི་ཚེ་སྲོག་དང་ལོངས་སྤྱོད་ལ་འབྲིང་གསུངས་པས་སྙིང་འདྲ་མ་གཏོགས་ལ་གསང་ངོ་། །

[Full Size]

ན་མོ་གུ་རུ་ལོ་ཀེ་ཤྭ་ར་གུ་བྱེ་ཛྙཱ་ན་ཌཱཀི་ཡེ། དཔའ་བོ་རྒྱ་མཚོའི་ཚོགས་ལ་ཕྱག་འཚལ་ལོ། །དགོངས་པ་གྲོལ་ཞིང་བྱིན་རླབས་དངོས་གྲུབ་སྩོལ། །རྒྱལ་བ་རྒྱ་མཚོ་ལྷ་ལྔའི་སྒྲུབ་ཐབས་ལས། །ཡུམ་ཉིད་གཙོ་བོར་སྒྲུབ་སྟེ་ལས་སྦྱོར་ཐབས། །སློབ་དཔོན་པདྨས་མཛད་པ་ཚན་གཉིས་དང་། །སྲོང་བཙན་སྒམ་པོས་མཛད་དང་པཀཱིས་གསུངས། །ཀུན་གྱི་དོན་བསྡུས་ཆོ་ག་འདི་ཉིད་ལ། །གཞུང་བཟུང་ཉམས་སུ་ལེན་ཐབས་ཁྱེར་བདེ་ནི། །སྒྲུབ་གནས་གནས་རི་བཟང་ངམ་དབེན་གནས་སུ། །རྒྱས་པར་མཎྜལ་སྟེགས་བུ་ལེགས་བྱ་སྟེ། །བུད་མེད་གཙང་མའི་པདྨ་རཀྟའམ། །

[Full Size]

མ་རྙེད་ཚབ་ལ་བྲག་ཞུན་བཏང་བར་བྱ། །མཚལ་དང་སིནྡྷ་ར་རྣམས་ཆང་དང་སྦྱར། །ས་སྟེགས་ཡིན་ན་བཙག་གིས་དམར་པོར་བསྒྱུར། །དེ་སྟེང་རྫ་ས་སྣ་དེ་དག་བྱུག་པ་སྟེ། །ས་སྟེགས་མེད་ན་གཞི་ནི་དམར་པོ་བཏིང་། །དེ་སྟེང་རྫས་རྣམས་དེ་དག་ཅུང་ཟད་བཏབ། །དབུས་སུ་པདྨ་དམར་པོ་འདབ་བཞི་ལ། །དབུས་དང་ཕྱོགས་བཞིར་རང་མདོག་ཐིག་ལེ་བཀོད། །དེ་རྒྱབ་ཆོས་འབྱུང་བསྣོལ་མ་བྲི་བ་སྟེ། །ཟུར་དྲུག་དགའ་འཁྱིལ་མཚམས་དྲུག་གཡུང་དྲུང་རེ། །དེ་རྒྱབ་ཟླུམ་བསྐོར་དེ་རྒྱབ་པད་འདབ་བཞི། །ཚོམ་བུ་གཡས་གཡོན་དམར་དང་མདུན་རྒྱབ་ནག །དེ་རྒྱབ་རྡོ་

[Full Size]

རྭ་མེ་རི་གཡོན་སྐོར་བྲི། །རྡུལ་ཚོན་མེད་ན་འབྲུ་ཡིས་བརྡ་ཙམ་བྲི། །དེ་དབུས་མཉྫིའམ་ཤིང་གི་ཨོཾ་བྱས་སྟེང་། །ཐོད་པ་དུམ་གཅིག་གམ་ནི་མཚན་བཟང་བཞག །པདྨ་རཀྟ་བྱང་སེམས་དཀར་པོ་གཉིས། །མ་རྙེད་ཚབ་ལ་ཅོང་ཞི་བྲག་ཞུན་ནོ། །བཟང་དྲུག་གི་ཝང་མཚལ་དང་སིནྡཱ་ར། །འབྲུ་སྣ་སྨན་སྣ་རིན་ཆེན་སྣ་ཚོགས་དང་། །ཟས་སྣ་བཟང་པོ་གང་འཛོམ་ཞིབ་པར་བཏུལ། །རྙེད་ན་བ་དམར་འོ་མ་མ་རྙེད་ཀྱང་། །ཆང་བསྲེས་བག་ཟན་ནམ་ནི་ཞིབ་ཙམ་གྱི། །རིལ་བུ་མང་བྱས་ཁ་དོག་དམར་པོ་བསྒྱུར། །ལེགས་པར་སྐམ་ལ་ཐོད་པ་དེ་ཉིད་བཀང་། །དར་དམར་བཀབ་སྟེ་མེ་ལོང་སིནྡྷ་ར། །འདབ་བཞི་ཆོས་འབྱུང་དགའ་འཁྱིལ་བཅས་པ་བྲི། །དབུས་ཧྲུའདབ་བཞི་ཧ་རི་ནི་ས་སྟེ། །ཆོས་འབྱུང་མཐའ་བསྐོར་བྷ་སུ་སིདྡྷི་སོགས། །བཟླ་བྱའི་སྔགས་ཤམ་ཡིག་མགོ་ཕྱིར་བསྟན་བྲི། །དེ་ཉིད་བྷནྡྷ་སྟེང་དེར་བཞུགས་པར་བྱ། །གཡས་གཡོན་གཉིས་སུ་སྨན་རཀ་གཉིས་པོ་བཤམས། །མདུན་དུ་རིན་ཆེན་སྣོད་དམ་ཡང་པའི་སྣོད། །མཁའ་འགྲོའི་གཏོར་མ་ཟུར་གཉིས་རྒྱན་ལེགས་པ། །འཁོར་བཞི་ཟུར་གསུམ་ཀུན་ཀྱང་ཤ་དམར་དང་། །ཟས་སྣ་རྙེད་ཚད་ཀུན་གྱིས་བརྒྱན་པ་

[Full Size]

བཤམས། །མཐའ་བསྐོར་མཆོད་པ་སྣ་བདུན་སྐོར་བཤམས་དང་། །ཚོགས་དང་ལག་མཆོད་ཐུན་གཏོར་མང་པོ་བསགས། །དཀྱིལ་འཁོར་མདུན་དུ་སྣ་བདུན་བརྗེ་རྒྱུ་བཤམས། །དེ་ནས་ལྷ་ལྔའི་བདག་མདུན་གཞུང་ལྟར་རམ། འདི་ནི་རྙིང་མ་ཁོ་ན་ཡིན་པའི་ཕྱིར། །བདག་མདུན་དུས་གཅིག་བསྐྱེད་ཀྱང་མཆོད་པ་སྟེ། །མཆོད་བཞི་བསྟོད་བཞི་ཡན་ཆོད་ཚར་བའི་རྗེས། །བསྙེན་པའི་སྐབས་སུ་སྐད་ཅིག་གནས་འགྱུར་ཏེ། །བདག་མདུན་གསང་བ་ཡེ་ཤེས་དབུས་སུ་བཞུགས། །ཐུགས་རྗེ་ཆེན་པོའི་ལྷ་ཚོགས་གཡོན་ཕྱོགས་བཞུགས། །བདག་དང་རྟ་མགྲིན་ཐུགས་རྗེ་ཆེན་པོ་ཡི། །ཐུགས་ཀར་ཧཱིམཐར་རང་རང་སྔགས་ཕྲེང་ནི། །གཙོ་མོའི་འདབ་བཞིར་མཁའ་འགྲོ་དཔའ་བོ་བཞི། །རང་རང་ཐུགས་ཀར་རང་སྲོག་ཡིག་འབྲུ་རེ། །གཙོ་མོའི་སྔགས་ཕྲེང་གཡོན་འཁོར་གཡས་གཡོན་གྱི། །ལྷ་གཉིས་ཐུགས་ཀའི་སྔགས་ཕྲེང་གཡས་སུ་འཁོར། །དེ་ལས་འོད་ཟེར་སྣ་ཚོགས་ཕྱོགས་བཅུར་འཕྲོས། །སྟོང་གསུམ་སྟོང་གི་འཇིག་རྟེན་ཁམས་འདི་ཉིད། །ཆོས་འབྱུང་བདེ་ཞིང་གསལ་བའི་རང་བཞིན་ཅན། །རྒྱ་ཆེན་ཆོས་ཀྱི་དབྱིངས་དང་མཉམ་པར་གྱུར། །སླར་ཡང་འོད་

[Full Size]

འཕྲོས་ཕྱོགས་བཅུའི་ཞིང་རྣམས་ནས། །ལྷ་ལྔའི་ལྷ་ཚོགས་དཔག་མེད་སྤྱན་དྲངས་ཏེ། །བདག་མདུན་ལྷ་ཚོགས་རྣམས་ལ་ཡང་ཡང་བསྟིམ། །དེ་ནས་བདག་གི་སྐུ་ལས་འོད་ཟེར་ལྟའཕྲོས། །ས་ཕྱོགས་འདི་ཉིད་ནུབ་ཕྱོགས་ཨོ་རྒྱན་ཡུལ། །འཇའ་གུར་མེ་ཏོག་ཆར་འབེབས་སྤོས་དྲི་ལྡང་། །རི་བོ་ཐམས་ཅད་ཀེང་རུས་རུས་པའི་རི། །ཆུ་ཀླུང་ཐམས་ཅད་ཁྲག་འཆང་བདུད་རྩི་ལྔ། །རྩི་ཤིང་ཐམས་ཅད་མདའ་མདུང་མཚོན་ཆར་སྐྱེས། །སྒྲ་སྐད་ཐམས་ཅད་ཧཱུྃ་ཕཊ་སྔགས་ཀྱི་སྒྲ། །དུས་གསུམ་སངས་རྒྱས་རྣམས་ཀྱང་ཡ་ང་ཞིང་། །ཁྲོ་བོ་བཅུ་ཡང་རྒྱུ་བར་མི་ནུས་པའི། །རབ་ཏུ་འཇིགས་པའི་དུར་ཁྲོད་ཆེན་པོར་གྱུར། །གནས་ཁང་ཐོད་པ་སྐམ་རློན་བརྩེགས་པའི་མཁར། །གྲུ་བཞི་སྒོ་བཞི་ཞིང་ཆེན་ཐོག་ཕུབ་ཅིང་། །ཁྲོ་མོའི་དཀྱིལ་འཁོར་ཡོངས་སུ་རྫོགས་པའི་དབུས། །ཆོས་འབྱུང་གྲུ་གསུམ་བསྣོལ་བའི་སྟེང་དུ་ནི། །ཨུ་མ་སྒྲ་གཅན་འདོད་ལྷ་བསྣོལ་བའི་སྟེང་། །རང་ཉིད་ལྷ་མོས་གར་མཛད་ཞབས་བརྫིས་པས། །སྟོང་གསུམ་འཇིག་རྟེན་ཤིག་ཤིག་ཡམ་ཡམ་འགུལ། །འུར་སྒྲ་ཐུག་ཆོམ་ཕྱོགས་བཅུར་བསྒྲགས་པ་ཡིས། །གནས་ཡུལ་རིགས་བཞིའི་དཔའ་བོ་ཌཱཀྐིའི་ཚོགས། །ཐམས་ཅད་

[Full Size]

འཚོགས་ནས་གུས་འདུད་གདན་ནས་བཏེག །ཅི་བགྱིས་བཀའ་ཉན་གསུང་བསྒྲུབ་ཁས་བླངས་བསྒོམ། །ཕྱག་གཡས་གྲི་གུག་ལས་ནི་གྲི་གུག་ཆར། །བབས་པས་གནོད་བྱེད་ཐམས་ཅད་དུམ་བུར་གཏུབས། །སེམས་ཅན་ཀུན་གྱི་བདག་འཛིན་རྩད་ནས་བཅད། །ཕྱག་གཡོན་བདུད་རྩི་དེ་ལས་འོད་ཟེར་འཕྲོས། །འཁོར་འདས་ཀུན་གྱི་དངོས་གྲུབ་བཅུད་བསྡུས་ཏེ། །ཞལ་དུ་གསོལ་བས་བཀྲག་མདངས་གཟི་བརྗིད་རྒྱས། །ཁ་ཊཾ་རལ་གྲི་གཉིས་ལས་མཚོན་ཆའི་ཚོགས། །སྤྲོས་པས་བདག་དང་སེམས་ཅན་ཐམས་ཅད་ཀྱི། །ཞལ་ནས་ཨ་ར་ལི་དང་ཕོ་སྒྲ་ཡིས། །བྱང་ཆུབ་སྒྲུབ་པའི་བགེགས་རྣམས་ཚར་བཅད་གྱུར། །དཔའ་བོ་མཁའ་འགྲོ་ཐམས་ཅད་དབང་མེད་བསྡུས། །སྤྱན་གསུམ་དམར་ཟླུམ་ཕྱོགས་བཅུར་གཟིགས་པ་ཡིས། །གང་གཟིགས་འགྲོ་བ་ཐམས་ཅད་དབང་དུ་བསྡུས། །སྐུ་དང་རྒྱན་ཆ་རྣམས་ལས་འོད་ཟེར་འཕྲོས། །འོག་མིན་མཁའ་སྤྱོད་གནས་དང་ཨོ་རྒྱན་ཡུལ། །ས་འོག་ས་སྟེང་ས་བླར་གནས་པ་ཡི། །དཔའ་བོ་མཁའ་འགྲོ་ཀུན་གྱི་ཞིང་ཁམས་དང་། །ཕོ་བྲང་གདན་ཁྲི་རྒྱན་ཆ་ཐམས་ཅད་ཀྱི། །བྱིན་རླབས་བསྡུས་ནས་རང་གི་དེ་རྣམས་ལ། །ཐིམ་པས་

[Full Size]

བཀྲག་མདངས་གཟི་བརྗིད་འོད་དུ་འབར། །སླར་ཡང་སྐུ་ལས་འོད་ཟེར་འཕྲོས་པ་ཡིས། །བདག་དང་མདུན་གྱི་དཀྱིལ་འཁོར་བཅུ་པོ་རྣམས། །ཐམས་ཅད་གསང་ཡེའི་དཀྱིལ་འཁོར་བཅུ་རུ་གྱུར། །བདག་གི་འོད་ཟེར་མདུན་བསྐྱེད་ལ་ཕོག་པས། །མདུན་བསྐྱེད་སྐུ་ལས་གསང་ཡེ་གྲངས་མེད་འཕྲོས། །རྒྱལ་བ་ཀུན་གྱི་སྐུ་ཡི་བྱིན་རླབས་དང་། །སེམས་ཅན་ཀུན་གྱི་ལུས་ཀྱི་གཟི་བརྗིད་བསྡུས། །ཚུར་འདུས་འོད་ཞུ་བདག་གི་དཔྲལ་བར་ཐིམ། །མདུན་བསྐྱེད་ཐུགས་ལས་ཧྲི༔ཡིག་གཅིག་ཆད་པས། །སྔགས་རིང་སྒྲ་དང་བཅས་པས་འཇིག་རྟེན་གང་། །རྒྱལ་བ་ཀུན་གྱི་གསུང་གི་བྱིན་རླབས་དང་། །འགྲོ་བ་ཀུན་གྱི་ངག་གི་ནུས་མཐུ་བསྡུས། །ཚུར་འདུས་འོད་ཞུ་བདག་གི་མགྲིན་པར་ཐིམ། །མདུན་བསྐྱེད་ཐུགས་ལས་རྡོ་རྗེ་རྩེ་ལྔ་པས། །མཚན་པའི་ཟངས་གྲི་གཅིག་འཕྲོས་འཇིག་རྟེན་གང་། །རྒྱལ་བ་ཀུན་གྱི་ཐུགས་ཀྱི་བྱིན་རླབས་དང་། །སེམས་ཅན་ཀུན་གྱི་བསོད་ནམས་ཡེ་ཤེས་བསྡུས། །ཚུར་འདུས་འོད་ཞུ་བདག་གི་སྙིང་གར་ཐིམ། །བདག་མདུན་སྔགས་འཁོར་གཡོན་དུ་དྲག་ཏུ་འཁོར། །བདག་གི་ཐུགས་ལས་འོད་ཟེར་དམར་པོ་འཕྲོས། །མདུན་གྱི་གཙོ་མོའི་ཞལ་ཞུགས་སྐུ་ལུས་

[Full Size]

བརྒྱུད། །བྷ་ག་ནས་ཐོན་རང་གི་གསང་གནས་ནས། །ཐུགས་ཀར་ཐིམ་པས་བྱིན་རླབས་དངོས་གྲུབ་ཐོབ། །འོད་ཟེར་མགལ་མེའི་འཁོར་ལོ་ལྟར་བསྐོར་ཞིང་། །ཕྱིས་ནས་འོད་ཟེར་དེ་ཡང་སྔགས་ཕྲེང་གྱུར། །སྔགས་ཕྲེང་དེ་ལས་འོད་ཟེར་ཕྱོགས་བཅུར་འཕྲོས། །བླ་མ་ཡི་དམ་སངས་རྒྱས་བྱང་སེམས་ཀྱི། །སྐུ་གསུང་ཐུགས་ཀྱི་བྱིན་རླབས་དངོས་གྲུབ་དང་། །སེམས་ཅན་ཀུན་གྱི་སེམས་རྒྱུད་བསོད་ནམས་ཀུན། །རང་དབང་མེད་པར་བསྡུས་ནས་སྔགས་ཕྲེང་ལ། །ཐིམ་ཞིང་སྔགས་ཕྲེང་བདག་ལ་ཐིམ་པ་ཡིས། །འཁོར་འདས་ཡོན་ཏན་ཐམས་ཅད་བདག་ལ་ཐིམ། །སྔགས་ཕྲེང་འཁོར་བའི་འོད་ཟེར་དེ་ཕོག་པས། །སེམས་ཅན་ཀུན་གྱི་ལུས་ངག་ཡིད་གསུམ་གྱི། །སྡིག་སྒྲིབ་དག་ནས་ཕོ་རྣམས་སྤྱན་རས་གཟིགས། །མོ་རྣམས་གསང་བ་ཡེ་ཤེས་མཁའ་འགྲོར་གྱུར། །ཀུན་ཀྱང་སྔགས་སྒྲ་འུར་འུར་སྒྲོག་པར་གྱུར། །ཨོཾ་དྷུ་མ་གྷ་ཡེ་ན་མསྭཱ་ཧཱ། ཧ་རི་ནི་ས་ར་ཙ་ཧཱིཡ་ཧཱུྃ་ཛཿ ཨོཾ་ཨཱཿཧཱུྃ་ཧཱུྃ༔ ཨོཾ་མ་ཎི་པདྨེ་ཧཱུྃ། བཱ་སུ་སི་ཏི་ན་ན་ཥ་དྷེ་སི་ཏི་སརྦ་སི་ཏི་ཕ་ལ་ཧཱུྃ། སི་ཏི་སི་ཏི་ས་མ་ཡ་སྡུས་སྡུས་ཧཱུྃ་ཧཱུྃ། དེ་ནས་ཐུན་གཏོར་ཟུར་གསུམ་བདུད་རྩིས་བྲན། །ཨོཾ་ཨཱཿཧཱུྃ། རླུང་

[Full Size]

མེ་ཐོད་སྐྱེད་ཡེ་ཤེས་ཀ་པཱ་ལ། །གཏོར་མ་ཤ་ལྔ་བདུད་རྩི་ལྔས་བརྒྱན་པ། །འོད་ཞུ་ཁ་དོག་དྲི་རོ་ཕུན་ཚོགས་གྱུར། །ཧ་ཧོ༔ཧྲཱིཿ ཨོཾ་ཨཱཿཧཱུྃ་སརྦ་བུདྡྷ་ཌཱཀྐི་ནཱི། མ་ཧཱ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཛྲ་ཌཱཀྐི་ནཱི། རཏྣ་ཊཱཀྐི་ནཱི། པདྨ་ཌཀྐི་ནཱི། ཀརྨ་ཊཱཀྐི་ནཱི་ཡེ་བ་ལིཾ་ཏ་ཁཱ་ཧི་ཁཱ་ཧི། མཁའ་འགྲོ་གསང་བ་ཡེ་ཤེས་མ། །རྡོ་རྗེ་མཁའ་འགྲོ་རིན་ཆེན་མཁའ་འགྲོ་མ། །པདྨ་མཁའ་འགྲོ་ལས་ཀྱི་མཁའ་འགྲོ་མ། །བྱིན་གྱིས་བརླབ་ཅིང་བར་ཆད་སེལ་མཛད་མ། །བྱིན་རླབས་བསམ་པ་བསྒྲུབ་ཏུ་གསོལ། །དམ་རྫས་གཏོར་མ་འདི་ལོངས་ལ། །བདག་གི་བར་ཆད་བསྲུང་བ་དང་། །དངོས་གྲུབ་དགོས་འདོད་སྩོལ་བ་དང་། །གདུག་པའི་དགྲ་བགེགས་བསྒྲལ་བ་དང་། །རྣལ་འབྱོར་བསམ་པ་བསྒྲུབ་ཏུ་གསོལ། །ཨོཾ་བུདྡྷཱ་ཌཱཀྐི་ནཱི་ཡེ། བཛྲ་ཌཀྐི་ནཱི། རཏྣ་ཊཱཀྐི་ནཱི། པདྨ་ཊཱཀྐི་ནཱི། ཀརྨ་ཊཱཀྐི་ནཱི། སརྦ་སིདྡྷི་ཧཱུྃ། ཞེས་བརྗོད་ཐུན་གཏོར་གཏོར་ཆེན་ནང་དུ་ཕུལ། །དེ་ནས་སྐད་ཅིག་བདག་མདུན་གནས་འགྱུར་པས། །ལྷ་ལྔ་དང་པོའི་སྐུ་རུ་གསལ་བྱས་ལ་་་་་དེ་དོན་གཙོ་བོ་དང་རྟ་མགྲིན་གསང་ཡེ་སོགས་ཀྱི་དཀྱིལ་འཁོར་བསྒྱུར་མཆན། །དེ་ནས་ཇ་མར་ཐུད་སོགས་ཟས་སྣའི་རིགས། །མཐེབ་སྐྱ་དང་བཅས་གཏོར་ཆེན་

[Full Size]

ཕུག་གཏོར་གསོས། །གཏོར་བསྔོས་བྱས་ཤིང་གང་འདོད་གསོལ་ཞེས་བརྗོད། །ལྷ་ལྔའི་སྔགས་རིང་ཡིག་འབྲུ་ཉེར་བརྒྱད་ལ། ན་ན་ཥ་དྷེ་པུཊྚི་ཀུ་རུ་ཡེ་སྭཱ་ཧཱ། ཞེས་པ་ཕྲེང་སྐོར་ཙམ་ཞིག་བཟླས་པ་བྱ། །དེ་ནས་ཐུན་བསྡུ་ལ་སོགས་གཞུང་ལྟར་རོ། །དེ་ནས་གུང་ཐུན་ལ་ཡང་དེ་ལྟར་མཚུངས། །ཐུན་དང་འདོན་ལུགས་དམིགས་པ་གོང་ལྟར་བྱ། །ཉིན་ཕྱེད་ཉིད་ལ་ཐུན་དཀྱིལ་རེད་ཀྱང་བཟོད། །སྦྱིན་སྲེག་བསྡུས་པ་འགྲུབ་ན་ཤིན་ཏུ་ལེགས། །མ་འགྲུབ་ན་ཡང་མ་ཚང་སྐྱོན་ནི་མེད། །དེ་ནས་དགོང་ཀའི་ཐུན་ལ་བབ་པའི་རྗེས། །ལྷ་ལྔ་བདག་མདུན་ཚར་གཅིག་གཞུང་ལྟར་འདོན། །དེ་ནས་བཟླས་པ་བྱེད་ཚེ་དམིགས་པ་ནི། །བདག་མདུན་གསང་བ་ཡེ་ཤེས་དབུས་སུ་བྷཻཾ། །ཐུགས་རྗེ་ཆེན་པོ་འཁོར་བཅས་གཡོན་དུ་བྷཻཾ། །བདག་མདུན་གཙོ་མོ་གཉིས་ཀྱི་ཐུགས་ཀ་རུ། །ཐུགས་རྗེ་ཆེན་པོ་འཇིག་རྟེན་དབང་ཕྱུག་སྐུ། །དམར་པོ་ཞལ་གཅིག་ཕྱག་གཉིས་འཛུམ་མདངས་ཅན། །ཕྱག་གཡས་མུ་ཏིག་དམར་པོའི་ཕྲེང་བ་འདྲེན། །གཡོན་པས་པདྨ་དམར་པོའི་སྡོང་བུ་འཛིན། །དར་དང་རིན་ཆེན་སྣ་ཚོགས་རྒྱན་གྱིས་སྤྲས། །ཞབས་གཉིས་པད་ཟླའི་གདན་ལ་སྐྱིལ་ཀྲུང་བཞུགས། །

[Full Size]

ཐུགས་ཀར་པདྨ་དམར་པོའི་ཟེའུ་འབྲུ་ལ། །ཧིམཐར་ཡིག་དྲུག་དྷུ་མའི་སྔགས་གཡས་འཁོར། །དེ་ལས་འོད་ཟེར་དམར་པོ་འཕྲོས་པ་ཡིས། །རང་ཉིད་གསང་ཡེ་བྷ་ག་ནས་ཐོན་ཏེ། །འཁོར་ནི་རིགས་བཞིའི་མཁའ་འགྲོ་རང་ཉིད་ཀྱི། །གདན་ནི་པདྨ་འདབ་བཞི་བཏེག་པ་ལ། །ཕོག་པས་འཁོར་དང་རང་འདྲའི་སྤྲུལ་པ་ནི། །བྱེ་བ་དུང་ཕྱུར་འཇིག་རྟེན་ཁྱབ་པར་འཕྲོས། །ལས་བྱེད་སྤྲུལ་པའི་མཁའ་འགྲོ་དེ་རྣམས་ཀྱིས། །རྡོ་རྗེ་མཁའ་འགྲོས་ལྷ་མིན་དབང་དུ་བསྡུས། །རིན་ཆེན་མཁའ་འགྲོས་མི་ནོར་ཟས་གསུམ་བསྡུས། །པདྨ་མཁའ་འགྲོས་ཀཀི་ཟས་ནོར་བསྡུས། །ལས་ཀྱི་མཁའ་འགྲོས་དགྲ་བགེགས་དབང་དུ་བསྡུས། །འཇིག་རྟེན་ཟས་ནོར་དངོས་གྲུབ་བཅུད་བསྡུས་ནས། །ཐོད་པའི་རིལ་བུ་ལ་ཐིམ་ལྷུད་ལྷུད་གང་། །དེ་ནས་བདག་གི་ཐུགས་ཀའི་སྔགས་ཕྲེང་ལས། །འོད་ཟེར་ཡབ་ཡུམ་ཞལ་ནས་རིམ་པར་བརྒྱུད། །མདུན་གྱི་ཡུམ་ཡབ་ཞལ་ཞུགས་ཐུགས་ཀ་བརྒྱུད། །ཡུམ་ཡབ་གསང་བ་ནས་ཐོན་རང་ཉིད་ཀྱི། །ཡུམ་ཡབ་གསང་བ་ནས་ཞུགས་ཐུགས་ཀར་ཐིམ། །དེ་ལྟར་འོད་ཟེར་མགལ་མེ་བཞིན་དུ་འཁོར། །དེ་ནས་འོད་ཟེར་སྔགས་རིང་གྱུར་ནས་འཁོར། །དེ་ལས་འོད་ཟེར་

[Full Size]

དམར་པོ་ལྕགས་ཀྱུའི་དབྱིབས། །མེ་ལྟར་ཚ་ཞིང་གདུང་བའི་ཚོགས་འཕྲོས་པས། །སྐྱེ་འགྲོ་ཀུན་གྱི་སྙིང་ནས་བཟུང་སྟེ་བཀུག །རིག་པའི་ངོ་བོ་ཐུགས་ཀའི་ཧྲིལ་་ཐིམ། །ལུས་པོ་འོད་དུ་ཞུ་ནས་ལྟེ་བར་ཐིམ། །སླར་ཡང་སྔགས་ཀྱི་འོད་ཟེར་གོང་ལྟར་འཕྲོས། །གང་དམིགས་ལ་སོགས་སྐྱེ་འགྲོ་ཐམས་ཅད་ཀྱི། །ཕོ་ཡི་སྙིང་དང་མོ་ཡི་གསང་གནས་ནས། །བཟུང་སྟེ་རང་དབང་མེད་པར་མདུན་དུ་བཀུག །འོད་ཀྱིས་ཕོག་པས་དེ་དག་བྱང་སེམས་ནི། །དཀར་དམར་ངོ་བོར་འོད་དུ་ཞུ་གྱུར་ནས། །བྱམས་དང་སྙིང་རྗེ་དྲག་ཏུ་བསྒོམས་བྱས་པས། །བྱང་སེམས་བདག་དང་མདུན་གྱི་རིལ་བུར་ཐིམ། །སླར་ཡང་སྔགས་ཕྲེང་འོད་ཟེར་དམར་པོ་འཕྲོས། །བླ་མ་ཡི་དམ་སངས་རྒྱས་བྱང་སེམས་དང་། །དཔའ་བོ་མཁའ་འགྲོ་ཆོས་སྐྱོང་ཐམས་ཅད་ཀྱི། །སྐུ་གསུང་ཐུགས་ཀྱི་བདུད་རྩི་བྱང་ཆུབ་སེམས། །བསྡུས་ནས་སྔགས་ཕྲེང་ལ་བརྒྱུད་བདག་ལ་ཐིམ། །བདུད་རྩིས་ལུས་གང་བདེ་སྟོང་ཡེ་ཤེས་སྐྱེས། །སླར་ཡང་སྔགས་ཕྲེང་འཁོར་ལས་འོད་ཟེར་ནི། །དམར་པོ་ལྕགས་ཀྱུའི་དབྱིབས་ཅན་གྲངས་མེད་འཕྲོས། །ལྷ་འདྲེ་མི་གསུམ་ལུས་ངག་ཡིད་གསུམ་གྱི། །ཚེ་བསོད་དཔལ་

[Full Size]

འབྱོར་བཀྲག་མདངས་གཟི་བརྗིད་དང་། །ནོར་བུ་ལ་སོགས་སྟེང་འོག་བར་གསུམ་གྱི། །དངོས་གྲུབ་བཅུད་བསྡུས་བདག་དང་རིལ་བུར་ཐིམ། །སླར་ཡང་སྔགས་ཕྲེང་དྲག་ཏུ་འཁོར་བ་ཡིས། །མདུན་གྱི་ཐུགས་ཀའི་འཇིག་རྟེན་དབང་ཕྱུག་བསྐུལ། །དེ་ཡི་སྐུ་ལས་འོད་ཟེར་དམར་པོ་འཕྲོས། །བྷ་ག་ནས་ཐོན་རིགས་བཞིའི་མཁའ་འགྲོར་ཕོག །དེ་དག་བཞི་ལས་ལས་བྱེད་སྤྲུལ་པ་ཡི། །མཁའ་འགྲོ་དམར་མོ་གཅེར་བུ་རིན་ཆེན་བརྒྱན། །པདྨས་མཚན་པའི་ལྕགས་ཀྱུ་ཞགས་པ་ཐོགས། །གྲངས་མེད་འཕྲོས་ནས་ཁམས་གསུམ་དབང་དུ་བསྡུས། །རྡོ་རྗེ་ལས་བྱེད་མ་ཡིས་ལྷ་མི་བསྡུས། །རིན་ཆེན་ལས་བྱེད་མ་ཡིས་ཟས་ནོར་བསྡུས། །པདྨ་ལས་བྱེད་མ་ཡིས་ཌཱཀྐི་བསྡུས། །ཀརྨ་ལས་བྱེད་མ་ཡིས་དགྲ་བགེགས་བསྡུས། །མདོར་ན་འཇིག་རྟེན་མི་ནོར་ཟས་གསུམ་བཅུད། །བདག་དང་རིལ་བུ་རྣམས་ལ་འོད་དུ་བསྟིམ། །ལྷ་ལྔའི་སྔགས་རིང་ཉེར་བརྒྱད་པ་ཡི་མཇུག །བཱ་སུ་སིདྡྷི་ན་ན་ཌ་དྷེ་སརྦ་སིདྡྷི་ཕ་ལ་ཧཱུྃ། སིདྡྷི་སིདྡྷི་ས་མཱ་ཡ་སྡུས་སྡུས་ཧཱུྃ་ཧཱུྃ། པུཊྛིབ་ཤང་ཀུ་རུ་ཧཱུྃ། རཏྣ་སིདྡྷི་ས་མཱ་ཡ་ཧྲིང་ཧྲིང་ཛ་ཛཿ དེ་ནས་ཐུན་མཇུག་གོང་ལྟར་ཐུན་གཏོར་འབུལ། །ལག་མཆོད་འགྲུབ་ན་ལེགས་ཤིང་མ་

[Full Size]

འགྲུབ་ཀྱང་། །ཚོགས་བྱས་ཚོགས་ཕུད་ཕུལ་ལ་གཏོར་བསྔོས་བྱ། །གཏོར་བསྔོས་མཇུག་གི་སྔགས་དེ་གོང་ལྟར་འདོན། །དེ་ནས་ཚོགས་དེ་རང་གིས་བཟའ་བའི་ཚེ། །རང་ཉིད་སྐད་ཅིག་གནས་འགྱུར་ནས། །རང་ཉིད་གསང་ཡེ་དབུ་སྟོང་ལྡན་པ་ཡི། །གཡས་གཡོན་མདུན་རྒྱབ་སྟེང་ཞལ་གཉིས་བརྒྱ་རེ། །གཡས་ཕྱག་སྟོང་གིས་གྲི་གུག་རལ་གྲི་སྟེ། །གཡོན་ཕྱག་སྟོང་གིས་ཁ་ཊཾ་ཐོད་པ་བསྣམས། །གཉིས་སྟོང་ཞབས་ཀྱིས་ལྟ་སྟངས་སྣ་ཚོགས་མཛད། །སྐུ་ཚད་བསམ་ལས་འདས་ཤིང་གཟི་བརྗིད་འབར། །ཞལ་ནས་ཨོཾ་ཨཱཿཧཱུྃ་ཞེས་གསུངས་པ་ཡིས། །འཇིག་རྟེན་ས་རྡོ་རི་བྲག་ནགས་ཚལ་དང་། །ཁམས་གསུམ་སེམས་ཅན་འཆི་མེད་བདུད་རྩིར་ཞུ། །ཡང་ནི་ཨོཾ་ཨཱཿཏྟཱཧཱུྃ་ཞེས་གསུངས་ཙམ་གྱིས། །ཕྱོགས་བཅུ་དུས་གསུམ་རྒྱལ་བ་སྲས་བཅས་ཀུན། །ཟག་པ་མེད་པ་ཡེ་ཤེས་བདུད་རྩིར་གྱུར། །འཁོར་འདས་ཐམས་ཅད་བདུད་རྩིར་གྱུར་པ་དེ། །བདག་ཉིད་ཞལ་སྟོང་ལྡན་པས་དུས་གཅིག་རྔུབ། །འཆི་མེད་ཚེ་དང་མཆོག་ཐུན་དངོས་གྲུབ་ཐོབ། །བདག་དང་ཐུགས་ཀའི་འཇིག་རྟེན་དབང་ཕྱུག་གཉིས། །བདུད་རྩིས་ཚིམས་པས་གཟི་བརྗིད་འབར་བར་བྷཻཾ། །སྣང་སྲིད་

[Full Size]

ཟས་སུ་ཟ་བའི་གདམས་ངག་འདི། །ནམ་ཡིན་བཟའ་བཏུང་དུས་སུ་བྷཻཾ་ན་ཡང་། །མཁའ་འགྲོ་སྤྲིན་ལྟར་འདུ་ཞིང་དངོས་གྲུབ་ཐོབ། །ལྷག་མ་འབུལ་ཞིང་ཐུན་བསྡུ་གཞུང་ལྟར་རོ། །དེ་ལྟར་ཞག་བདུན་ཐུན་བཞིར་ཉམས་བླངས་པས། །རྟགས་ནི་རབ་ལ་རིལ་བུ་མང་དུ་འཕེལ། །འོད་དམར་འཕྲོ་དང་དུ་བ་རླངས་པ་འཐུལ། །འབྲིང་དུ་རིལ་བུ་དྲོད་འབར་དྲི་བཟང་འཐུལ། །ཟོས་པས་སྔར་མེད་རོ་བཅུད་སྣ་ཚོགས་ལྡན། །ཐ་མ་དངོས་སུ་བུད་མེད་མང་པོ་ཡིས། །ཟས་ནོར་དངོས་སུ་འབུལ་ཞིང་དད་གུས་བྱེད། །རྨི་ལམ་བུད་མེད་མང་པོས་བཀུར་སྟི་བྱེད། །རང་ཉིད་རླུང་གིས་ཁྱེར་རམ་ནམ་མཁར་འགྲོ། །རི་མཐོན་མཆོད་རྟེན་རྩེ་ལ་འཛེགས་པ་དང་། །ཉི་ཟླ་ཤར་དང་ཆོས་ནོར་གཏེར་ཁ་རྙེད། །རང་གིས་ཁྲོམ་ལ་ཆོས་བཤད་དབང་བསྐུར་སོགས། །ཡ་མཚན་རྨི་ལམ་བཟང་པོ་འབྱུང་བར་བཤད། །ཕྱིར་ནངས་བདག་མདུན་ཚར་གཅིག་ཚར་བའི་རྗེས། །རིལ་བུ་ཅུང་ཞིག་ཆང་ལ་བཏབ་ནས་བཏུང་། །མཆོག་དང་ཐུན་མོང་དངོས་གྲུབ་ཐོབ་པར་བསམ། །རིལ་བུ་གཅིག་ནི་ལུས་ལ་འཆང་བར་བྱ། །རིལ་བུ་འགའ་ཞིག་མེ་མཆོད་རྫས་ལ་བསྲེ། །དེ་འཕྲོས་རིལ་བུ་དར་རས་དམར་པོར་

[Full Size]

བཏུམ། །ཐོད་པར་བཅུག་ལ་མཆོད་ཁང་ངམ་རྟེན་སྒམ་དུ། །བླ་རྡོའི་ཚུལ་དུ་རྟག་ཏུ་འཆང་བར་བྱ། །ཕན་ཡོན་པད་འབྱུང་སྲོང་བཙན་གོསུང་མཐུན་པར། །མི་ནོར་ཟས་གསུམ་དབང་དུ་འདུ་བ་དང་། །མཁའ་འགྲོ་དབང་སྡུད་སྣང་བ་དབང་འདུས་གསུངས། །འདི་ཡི་ལས་སྦྱོར་མེ་མཆོད་ཡིན་པ་སྟེ། །བསྒྲུབས་པའི་རྗེས་སམ་ཡར་མར་ཚེས་བཅུའམ། །ཡང་ན་རང་ལ་དགོས་དུས་ནམ་ཡང་རུང་། །རྒྱས་པོའམ་དབང་གི་སྦྱིན་སྲེག་སྤྱི་ལྟར་རམ། །ཡང་ན་མེ་མཆོད་བསྡུས་པ་ཚར་མང་གསོགས། །འདི་ཡིས་རྗེས་ཆོག་མཆོད་ལ་བསྟོད་ཚར་བའི་རྗེས། །མདུན་བསྐྱེད་ལྷ་ཚོགས་རིལ་བུ་བཅས་པ་རྣམས། །འོད་ཟེར་དམར་པོར་གྱུར་ནས་བདག་ལ་ཐིམ། །བདག་ཀྱང་འོད་ཕུང་དམར་པོར་ལམ་ལམ་གྱུར། །དེ་ཡང་འོད་ཟེར་ཁ་དོག་རྣམ་ལྔར་གྱུར། །དེ་ཡང་ནམ་མཁར་འཇའ་ཚོན་ཡལ་བ་བཞིན།། །ཅི་ཡང་མི་དམིགས་ཉམས་ལེན་ངང་ལ་བཞག །དེ་ནས་བསྔོ་བ་སྨོན་ལམ་བཀྲ་ཤིས་བརྗོད། །རྒྱལ་བ་རྒྱ་མཚོའི་དབང་སྡུད་ནོར་བསྒྲུབ་སྐོར། །སྦ་ལྕག་སྒྲུབ་པ་བ་མཁལ་སྒྲུབ་པ་དང་། །རིལ་བུའི་སྒྲུབ་པ་ཙིཏྟ་གའུ་མ། །དམར་མོ་གསུང་སྒྲུབ་ལ་སོགས་གྲངས་མང་

[Full Size]

ཡང་། །ཟབ་ཅིང་ཕྱག་ལེན་བདེ་བ་འདི་ཉིད་དེ། །གཞན་ཚོ་འདི་ལས་ཟབ་པ་ཡོད་རེ་ཤི། །སྙིང་ནས་ཐུགས་རྗེ་ཆེན་པོ་སྒྲུབ་པ་ལ། །མཐུན་རྐྱེན་འཚོ་བ་སྒྲུབ་པ་མི་ཤོལ་ཕྱིར། །མཐར་ཕྱིན་ཐབས་མཁས་གཉིས་ཀྱིས་བསྐུལ་བའི་ངོར། །དབང་གིས་ལས་ཀུན་འགྲུབ་པའི་ཟླ་བ་ཡིས། །བཅོ་བརྒྱད་དགོང་མོ་དབང་གི་དུས་ཚོད་ལ། །རཱ་ག་ཨ་སྱས་ཇི་ལྟར་གདམས་པ་བཞིན། །མཐར་ཕྱིན་མིང་ཅན་ནུབ་ཏུ་ཁ་ཕྱོགས་བྲིས། །སྦ་འོས་གསལ་བཀོད་གསང་སྔགས་དམར་འདོན་གྱིས། །ཉེས་པར་གྱུར་པ་ཌཱཀྐིའི་ཚོགས་ལ་བཤགས། །དགེ་བས་རིག་འཛིན་སྤྲུལ་སྐུ་ཆེན་པོ་ཉིད། །སྐུ་གསུམ་ལྷུན་གྱིས་གྲུབ་ཅིང་རང་དབང་ཐོབ། །སྤྲུལ་པས་འགྲོ་བ་ཐམས་ཅད་དབང་དུ་བསྡུས། །ནུབ་ཕྱོགས་བདེ་བ་ཅན་དུ་འདྲེན་པར་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་འཇིག་རྟེན་དབང་ཕྱུག་རྒྱལ་བ་རྒྱ་མཚོ་ལྷ་ལྔའི་དཀྱིལ་འཁོར་གྱི་མངོན་པ་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་གསང་སྒྲུབ་འཁོར་ལོ་ལྔ་མའི་ཟིན་བྲིས།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱལ་བ་རྒྱ་མཚོ་ལྷ་ལྔའི་དཀྱིལ་འཁོར་གྱི་མངོན་པ་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་གསང་སྒྲུབ་འཁོར་ལོ་ལྔ་མའི་ཟིན་བྲིས་བཞུགས་སོ། །

[Full Size]

ན་མོ་གུ་རུ་ལོ་ཀེ་ཤྭ་ར་དྷེ་ཝ་པཉྩ་ཡེ། རྒྱ་མཚོ་ལྔ་ཡི་ལྷ་ལ་ཕྱག་འཚལ་ལོ། །དགོངས་པ་གྲོལ་ཞིང་བྱིན་རླབས་དངོས་གྲུབ་སྩོལ། །ལྷ་ལྔའི་གསང་སྒྲུབ་འཁོར་ལོ་ལྔ་མ་ཡི། །སྒྲུབ་ཐབས་གྲུབ་པའི་རྒྱལ་མོས་མཛད་པ་དེ། །ཆོ་ག་འདི་དང་སྦྲེལ་ནས་ཉམས་ལེན་ཐབས། །སྟ་གོན་ཚར་རྗེས་བདག་བསྐྱེད་གཞུང་ལྟར་ལས། །དམ་ཅན་རྒྱ་མཚོའི་དཀྱིལ་འཁོར་རོ་ཡི་མཚམས། །དྲན་རྫོགས་ལུས་ལྷ་ལ་སོགས་གསལ་གདབ་སྟེ། །གཙོ་བོར་མཁའ་འགྲོ་དམར་མོ་ཞལ་གཅིག་མ། །ཕྱག་གཉིས་གྲི་གུག་ཐོད་ཁྲག་འཛིན་པས་འཁྱུད། །གཟིག་ཤམ་རྒྱན་དྲུག་གཡེར་ཁ་དྲྭ་བས་སྤྲས། །

[Full Size]

ཡབ་ཡུམ་ཞལ་སྦྱོར་མེ་དཔུང་ཀློང་ན་བཞུགས། །དབུ་གཙུག་པད་འབྱུང་རྡོ་རྗེའི་སྐྱིལ་ཀྲུང་ལ། །མཚོ་རྒྱལ་དཀར་དམར་གྲི་ཐོད་འཛིན་པས་འཁྱུད། །གཡས་ཀྱི་རྟ་མགྲིན་ཕག་མོ་ཡུམ་དང་སྦྱོར། །གཡོན་གྱི་གསང་ཡེའི་ཡབ་སྦས་རྡོ་རྗེ་ཁ་ཊཾ་འཁྱུད། །གཙོ་བོའི་སྐུ་ནང་སྟོང་ཞིང་གསལ་བ་ལ། །རྩ་གསུམ་འཁོར་ལོ་བཞི་པོ་གསལ་གདབ་སྟེ། །སྤྱི་བོར་རྡོ་རྗེ་རིགས་ཀྱི་སྤྱན་རས་གཟིགས། །དཀར་པོ་རྡོ་རྗེ་དྲིལ་བུ་འཛིན་པ་སྟེ་།ཡུམ་ནི་དཀར་མོ་འཁོར་ལོ་གྲི་ཐོད་འཁྱུད། །རྩ་འདབ་སོ་གཉིས་ཡབ་ཡུམ་སུམ་ཅུ་གཉིས། །མགྲིན་པར་རིན་ཆེན་སྤྱན་གཟིགས་སྐུ་མདོག་

[Full Size]

སེར། །རིན་ཆེན་དྲིལ་འཛིན་ཡུམ་སེར་གྲི་ཐོད་འཁྱུད། །ཐུགས་ཀར་པདྨ་རིགས་ཀྱི་སྤྱན་གཟིགས་དམར། །པདྨ་དྲིལ་འཛིན་ཡུམ་དམར་གྲི་ཐོད་འཁྱུད། །ལྟེ་བར་ལས་ཀྱི་སྤྱན་གཟིགས་སྐུ་མདོག་ལྗང་། །རྒྱ་གྲམ་དྲིལ་འཛིན་ཡུམ་ལྗང་གྲི་ཐོད་འཁྱུད།། །ཐམས་ཅད་ཞལ་སྦྱོར་བདེ་བའི་ཉམས་དང་ལྡན། །གཙོ་བོ་ལྔ་པོ་པད་ཟླར་སྐྱིལ་ཀྲུང་བཞུགས། །འཁོར་རྣམས་ཟླ་སྟེང་བརྐྱང་བསྐུམ་བཞེངས་སྟབས་ཏེ། །གཙོ་བོ་ཆེ་ཞིང་འཁོར་རྣམས་ཅུང་ཟད་ཆུང་། །ལྟེ་འོག་རྩ་གསུམ་འདུས་མདོར་དབུ་མའི་ནང་། །ཆོས་འབྱུང་དམར་པོ་གྲུ་གསུམ་བསྣོལ་བའི་སྟེང་། །པདྨ་འདབ་བཞིའི་ཟེའུ་འབྲུར་ཉི་ཟླའི་སྟེང་། །གསང་བ་ཡེ་ཤེས་མཁའ་འགྲོ་གཞུང་ལྟར་བསྒོམ། །འདབ་བཞི་རྡོ་རྗེ་རིན་ཆེན་པདྨ་དང་། །ལས་ཀྱི་གིང་རྣམས་དཀར་སེར་དམར་ལྗང་མདོག །ཡབ་ཡུམ་ཞལ་སྦྱོར་གྲི་ཐོད་འཛིན་པའོ། །ཐུགས་དབུས་རྡོ་རྗེ་སྤྱན་གཟིགས་ཐུགས་ཀ་རུ། །པདྨ་འདབ་བཞི་ཟེའུ་འབྲུ་ཉི་མའི་སྟེང་། །རྟ་མགྲིན་དམར་པོ་དབུ་གཙུག་རྟ་དབུ་འཚེར། །ཕྱག་གཡས་དབང་སྡུད་ཕྱག་རྒྱས་ཕྲེང་བ་དམར། །གཡོན་པས་སྡིགས་མཛུབ་རྡོ་རྗེའི་ཞགས་པ་འཛིན། །ཕག་མོ་ཞལ་གཉིས་གྲི་ཐོད་འཛིན་མས་

[Full Size]

འཁྱུད། །ཡབ་ཡུམ་རྒྱན་རྫོགས་ཡེ་ཤེས་མེ་དཔུང་འབར། །འདབ་བཞིར་རིགས་བཞི་མཁའ་འགྲོ་ཡབ་ཡུམ་རྣམས། །ཞལ་སྦྱོར་གྲི་གུག་ཐོད་ཁྲག་འཛིན་པར་བསྒོམ། །གནས་གསུམ་བྱིན་རླབས་ཡེ་བསྟིམ་རྒྱས་གདབ་སོགས། །བསྙེན་པའི་བར་དུ་ལྷ་ལྔའི་བདག་བསྐྱེད་ཉིད། །དེ་ནས་བཟླས་པ་བྱེད་ཚེ་དམིགས་པ་ནི། །ཕྱི་དང་ནང་གི་ལྷ་ཚོགས་གཙོ་བོ་དང་། །འཁོར་ཚོགས་ཀུན་གྱི་ཐུགས་ཀར་པད་ཟླའི་སྟེང་། །བྷིཡིག་དམར་པོ་ཚེག་དྲག་བཅས་པའི་མཐར། །བཟླ་བྱའི་སྔགས་ཀྱིས་བསྐོར་བར་བསྒོམ་པ་ལ། །ཀློག་པའི་ཚུལ་དུ་ཅུང་ཟད་བསྙེན་པ་བྱ། །དེ་ནས་ཡིག་འབྲུ་མི་འཁོར་འོད་ཟེར་འཁོར། །དེ་ནས་ཡིག་འབྲུ་ཕོ་རྣམས་གཡས་སུ་འཁོར། །མོ་རྣམས་གཡོན་སྐོར་དང་པོ་དལ་བུ་སྟེ། །དེ་ནས་ཇེ་མགྱོགས་དྲག་ཏུ་འཁོར་བ་ལས། །འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། །ཕྱི་སྣོད་འཇིག་རྟེན་གཞལ་ཡས་ཁང་དུ་གྱུར། །ནང་བཅུད་སེམས་ཅན་གཅིག་ཀྱང་མ་ལུས་པ། །ཕོ་རྣམས་ཐམས་ཅད་དཔའ་བོ་སྡེ་བཞི་སྟེ། །མོ་རྣམས་ཐམས་ཅད་དཔའ་མོ་སྡེ་བཞིར་གྱུར། །ཀུན་ཀྱང་རང་གི་རམ་བུ་བཀྱག་པའི་ཚུལ། །སྔགས་སྒྲ་འུར་ཆོམ་སིང་ཁྲོལ་

[Full Size]

སྟོང་གསུམ་གང་། །ལྷ་ལྔའི་སྔགས་རིང་ཡིག་འབྲུ་ཉེར་བརྒྱད་བཟླ། །དེ་ནས་ཐུན་གྱི་ཕྱེད་ལ་སླེབ་པ་དང་། །ལྷ་ལྔའི་མདུན་བསྐྱེད་ལུས་ཀྱི་ལྷ་དང་བཅས། །གསལ་གདབ་སྤྱན་འདྲེན་མཆོད་བཞི་བསྟོད་བཞི་བྱ། །དེ་ནས་བདག་མདུན་གནས་ལྔའི་ལྷ་རྣམས་ཀྱི། །ཐུགས་ཀར་པད་ཟླའི་སྟེང་དུ་ཧྲཱིཿཡིག་མཐར། །བཟླ་བྱའི་སྔགས་ཕྲེང་གཡས་གཡོན་འཁོར་བཞིན་ལས། །བདག་གི་ཐུགས་ཀའི་རྟ་མགྲིན་སྔགས་ཕྲེང་ལས། །འོད་ཟེར་སྣ་ལྔ་སྟོང་སྐུད་ལྔ་བསྒྲིལ་བཞིན། །ཞལ་ནས་ཐོན་ཞིང་ལུས་ཀྱི་ལྷ་རྣམས་ཀྱི། །གསང་བ་ནས་ཞུགས་རིམ་བཞིན་ཞལ་ནས་ཐོན། །སྤྱི་བོའི་གཙོ་བོའི་ཞལ་ནས་ཕྱིར་ཐོན་ཏེ། །རང་གི་ཞལ་ཐོན་མདུན་བསྐྱེད་ཞལ་དུ་ཞུགས། །སྤྱི་བོའི་ཞལ་བརྒྱུད་སྐུ་ལུས་ལྷ་ཀུན་བརྒྱུད། །སྦྱོར་མཚམས་ནས་ཐོན་རང་གི་སྦྱོར་མཚམས་ཞུགས། །སུམ་མདོའི་གསང་ཡེའི་བྷ་ག་ནས་ཞུགས་ཏེ། །ལྟེ་བ་ཐུགས་ཀའི་ལྷ་ཡི་སྦྱོར་མཚམས་ནས། །ཞུགས་ཤིང་བརྒྱུད་དེ་རྟ་མགྲིན་ཐུགས་ཀར་ཐིམ། །དེ་ལྟར་གནས་ལྔའི་བདག་མདུན་ལྷ་རྣམས་ཀྱི། །གཙོ་བོ་བཅུ་པོའི་སྐུ་ལུས་བརྒྱུད་པ་སྟེ། །འཁོར་དང་སྦྱོར་ཡུམ་རྣམས་ལ་མ་ཡིན་ནོ། །དེ་ལྟར་འོད་ཟེར་མགལ་མེ་བཞིན་དུ་

[Full Size]

འཁོར། །དེ་ནས་འོད་ཟེར་དེ་ཡང་སྔགས་ཕྲེང་བསྒྱུར། །སྔ་དྲོའི་ཐུན་ལ་སྔགས་ཕྲེང་དཀར་པོ་སྟེ། །ཤེལ་དཀར་ཕྲེང་བ་བཞིན་དུ་འཁོར་བ་དེས། །ནད་གདོན་སྡིག་སྒྲིབ་ཐམས་ཅད་ཞི་བར་བསམ། །སྔགས་ཕྲེང་དེ་ལས་འོད་ཟེར་ཕྱོགས་བཅུར་འཕྲོས། །རྡོ་རྗེ་རིགས་ཀྱི་ལྷ་ཚོགས་ཐམས་ཅད་ལ། །ཞི་བའི་མཆོད་རྫས་དཔག་མེད་གྱུར་པས་མཆོད། །དེ་ཀུན་རྡོ་རྗེ་རིགས་ཀྱི་སྤྱན་རས་གཟིགས། །ཡབ་ཡུམ་སྐུ་མདོག་དཀར་པོའི་རྣམ་པ་ཅན། །གསུང་ནི་སྔགས་ཀྱི་ཕྲེང་བ་དཀར་པོ་དང་། །ཐུགས་ནི་ཤེལ་དཀར་རྡོ་རྗེ་རྩེ་ལྔ་པའི། །རྣམ་པར་ཁ་བ་བུ་ཡུག་འཚུབ་བཞིན་བྱོན། །བདག་མདུན་ལྷ་ཚོགས་སྤྱི་བོར་སིབ་སིབ་ཐིམ། །བདག་གི་སྤྱི་བོའི་ལྷ་ཚོགས་འོད་ཟེར་ནི། །དཀར་པོ་ཤི་སོས་བདུད་རྩི་ལྟ་བུར་འཕྲོས། །བདག་ལུས་གང་བས་ནད་གདོན་སྡིག་སྒྲིབ་དག །མདུན་བསྐྱེད་དཔྲལ་བའི་ལྷ་ཚོགས་འོད་ཟེར་ནི། །སྟོན་ཟླའི་མདོག་འདྲ་འཇིག་རྟེན་ཁྱབ་པར་འཕྲོས། །འགྲོ་བ་ཀུན་གྱི་སྒྲིབ་གཉིས་བག་ཆགས་བཅས། །མུན་པར་ཟླ་ཤར་ལྟ་བུར་དག་པར་བསྒོམ། །དེ་ནས་སྔ་དྲོའི་གཏོར་བསྔོས་ཐུན་བསྡུ་བྱ། །ཉིན་གུང་ཐུན་ལ་བདག་བསྐྱེད་བསྒོམ་པ་དང་། །བདག་

[Full Size]

བསྐྱེད་སྒོམ་བཟླས་མདུན་བསྐྱེད་འདོན་ལུགས་དང་། །མཆོད་བཞི་བསྟོད་བཞི་མདུན་བསྐྱེད་བསྙེན་པ་དང་། །འོད་ཟེར་འཁོར་ལུགས་ཐུན་རྣམས་ཀུན་ལ་འགྲེས། །ཁྱད་པར་ཉིན་གུང་བདག་མདུན་སྔགས་འཁོར་ནི། །གསེར་མདོག་འོད་ལྔའི་མདངས་དང་ལྡན་པ་ཡི། །རྨ་བྱའི་སྒྲོ་ཆུན་འདྲ་བ་འཁོར་བ་ལས། །འོད་ཟེར་བཙོ་མའི་མདོག་ཅན་ཞིང་ཀུན་ཁྱབ། །རྒྱལ་བ་སྲས་བཅས་ཀུན་ལ་རྒྱལ་སྲིད་སོགས། །འདོད་ཡོན་སྣ་ཚོགས་མཆོད་པའི་སྤྲིན་དུ་གྱུར། །དེ་ཀུན་རིན་ཆེན་རིགས་ཀྱི་སྤྱན་རས་གཟིགས། །ཡབ་ཡུམ་སྐུ་མདོག་སེར་པོའི་རྣམ་པ་ཅན། །སྔགས་ཕྲེང་སེར་པོ་ཕྱག་མཚན་ནོར་བུའི་ཚོགས། །ཆེ་བ་རི་རབ་ཆུང་བ་ཡུངས་འབྲུའི་ཚད། །ཕྱོགས་བཅུ་ཀུན་ནས་ལྷུག་ལྷུག་ཆིལ་ཆིལ་བྱོན། །བདག་མདུན་མགྲིན་པ་ལོངས་སྤྱོད་འཁོར་ལོ་ཡི། །ལྷ་ཚོགས་རྣམས་ལ་སིབ་སིབ་ཐིམ་པ་ཡིས། །བདག་གི་མགྲིན་པའི་ལྷ་ལས་གསེར་མདོག་འོད། །འཕྲོས་པས་བདག་ལུས་ལྟེམ་གྱིས་གང་བ་ཡིས། །ཚེ་དང་བསོད་ནམས་ཉམས་རྟོགས་ཡོན་ཏན་རྒྱས། །མདུན་བསྐྱེད་མགྲིན་པའི་ལྷ་ལས་གསེར་མདོག་འོད། །སྤྲིན་མེད་ཉི་མའི་འོད་བཞིན་ཕྱོགས་བཅུར་ཁྱབ། །འགྲོ་བ་ཀུན་གྱི་བསོད་

[Full Size]

ནམས་ཚོགས་གཉིས་རྒྱས། །དེ་རྗེས་གཏོར་བསྔོས་ཐུན་བསྡུ་གཞུང་ལྟར་རོ། །དགོང་མོ་བདག་མདུན་འདོན་ལུགས་དམིགས་རིམ་སོགས། །སྔགས་ཕྲེང་ཁ་དོག་བསྒྱུར་ཙམ་མ་གཏོགས་མཚུངས། །བདག་མདུན་བར་དུ་སྔགས་ཕྲེང་བྱུ་རུའི་མདོག །ལྕགས་སྒྲོག་དབྱིབས་སུ་ཅུང་ཟད་འཁྱོག་ཅིང་འཁོར། །འོད་ཟེར་དམར་པོས་ཕྱོགས་བཅུའི་ཞིང་ཁྱབ་པས། །ཆང་སྣ་བཞི་དང་རིག་མ་བཅུ་དྲུག་སོགས། །དབང་གི་མཆོད་པ་དཔག་མེད་གྱུར་པ་ཡིས། །ཕྱོགས་བཅུའི་ཞིང་གི་རྒྱལ་བ་སྲས་བཅས་མཆོད། །དེ་ཀུན་པདྨ་རིགས་ཀྱི་སྤྱན་རས་གཟིགས། །ཐམས་ཅད་ཡབ་ཡུམ་སྐུ་མདོག་དམར་པོའི་སྐུ། །གསུང་གི་ངོ་བོ་སྔགས་ཕྲེང་དམར་པོ་དང་། །ཐུགས་ནི་པདྨ་དམར་པོ་ཧྲིས་མཚན་པ། །རྣམ་པར་ལྷོ་བུན་བུ་ཁན་ཡུག་འཚུབ་བཞིན་བྱོན། །བདག་མདུན་ཐུགས་ཀར་སིབ་སིབ་ཆིལ་ཆིལ་ཐིམ། །བདག་བསྐྱེད་ཐུགས་ལས་འོད་ཟེར་རཱ་གའི་མདོག །བདག་ལུས་ཁྱབ་པས་རླུང་སེམས་རང་དབང་ཐོབ། །མདུན་བསྐྱེད་ཐུགས་ལས་འོད་ཟེར་དམར་པོ་ནི། །ཉི་མ་འཆར་ཀའི་འོད་ལྟར་ཀུན་ཏུ་ཁྱབ། །འགྲོ་ཀུན་རླུང་སེམས་རང་དབང་ཐོབ་པར་བསྒོམ། །དེ་ནས་ལག་མཆོད་

[Full Size]

ཚོགས་དང་གཏོར་བསྔོས་བྱ། །སྐབས་འདིར་ཆག་མེད་གཏོར་བསྔོས་གང་དགོས་སྦྱར། །གཏོར་བསྔོས་རྗེས་སུ་འདོད་དོན་ཀུན་འགྲུབ་པའི། །སྔགས་རིང་སྦྱར་བ་ཐུན་བཞི་ཀུན་ལ་འགྲེས། །ཐུན་བསྡུ་བསྔོ་སྨོན་ལ་སོགས་གཞུང་དང་མཚུངས། །དེ་ནས་མུན་རུབ་བདག་བསྐྱེད་བསྙེན་པ་དང་། །མདུན་བསྐྱེད་མཆོད་བཞི་བསྟོད་བཞི་བྱེད་ལུགས་འདྲ། །བདག་མདུན་བར་དུ་འཁོར་བའི་སྔགས་ཕྲེང་དེ། །འོད་ཟེར་ལྗང་ནག་ཐག་འཁྱུག་ལྟ་བུ་ལས། །འོད་ཟེར་སྣ་ཚོགས་ནམ་མཁའ་ཁྱབ་པར་འཕྲོས། །རབ་འབྱམས་ཞིང་བཞུགས་ཁྲོ་བོ་ཁྲོ་མོ་ལ། །ཤ་ལྔ་བདུད་རྩི་ལྔ་དང་དབང་པོ་ལྔ། །དོན་སྙིང་ལྔ་དང་དྲག་པོའི་མཆོད་པས་མཆོད། །ཐམས་ཅད་ལས་ཀྱི་རིགས་ཀྱི་སྤྱན་རས་གཟིགས། །ཡབ་ཡུམ་སྐུ་མདོག་ལྗང་གུའི་རྣམ་པ་ཅན། །གསུང་ནི་སྔགས་ཀྱི་ཕྲེང་བ་ལྗང་གུ་ལ། །ཐུགས་ནི་སྣ་ཚོགས་རྡོ་རྗེ་ཧྲིས་མཚན་པ། །ཆེ་ཕྲ་སྣ་ཚོགས་ཁ་བ་བུ་ཡུག་བཞིན། །བུན་ནེ་ཆིལ་ལེ་བདག་མདུན་ལྟེ་བར་ཐིམ། །བདག་གི་ལྟེ་བའི་ལྷ་ལས་འོད་ལྗང་གུ། །མར་གད་མདོག་ཅན་བདག་ལུས་ལྟེམ་གྱིས་གང་། །ནད་དང་ལུས་གདོན་ཉོན་མོངས་ཚར་ཆོད་གྱུར། །མདུན་བསྐྱེད་ལྟེ་བའི་ལྷ་

[Full Size]

ཚོགས་འོད་ཟེར་ནི། །སྤང་ཆེན་མདོག་འདྲེས་འཇིག་རྟེན་ཁྱབ་པ་དེས། །བ་མོ་ལ་ནི་ཉི་ཟེར་ཕོག་པ་ལྟར། །འགྲོ་བའི་དུག་གསུམ་བདུད་བཞི་ཚར་གཅོད་བསྒོམ། །དེ་ནས་གཏོར་བསྔོས་ཐུན་བསྡུ་གོང་ལྟར་ཡིན། །དེ་ལྟར་ཐུན་བཞིར་མ་ཡེངས་རྩེ་གཅིག་གིས། །ཞག་བདུན་བསྒྲུབས་རྗེས་དངོས་གྲུབ་ལེན་ཆོག་དང་། །སྦྱིན་སྲེག་འགྲུབ་ན་ལེགས་ཤིང་མ་འགྲུབ་ཀྱང་། །དགའ་སྟོན་ཚོགས་འཁོར་རྗེས་ཆོག་རྣམས་བྱའོ། །དེ་ལྟར་རྒྱལ་བ་རྒྱ་མཚོ་ལྷ་ལྔ་ཡི། །གསང་སྒྲུབ་འཁོར་ལོ་ལྔ་མ་ཞེས་བྱ་བ། །གྲུབ་པའི་རྒྱལ་མོས་རས་ཆུང་པ་ལ་གནང་། །གཅིག་བརྒྱུད་མིན་པ་སུ་ལའང་མི་བསྟན་གསུངས། །སྙན་བརྒྱུད་རྒྱ་གཞུང་རྒྱ་སྐད་མེད་པ་དེ། །དྲུང་མཛད་ཆོ་ག་དང་བསྟུན་ཉམས་ལེན་ཐབས། །ཐབས་མཁས་མཐར་ཕྱིན་གཉིས་ཀྱིས་བསྐུལ་བ་དང་། །རིག་འཛིན་སྤྲུལ་སྐུའི་དགོངས་རྫོགས་ལ་དམིགས་ནས། །མེ་ལུག་ས་ག་ཟླ་བའི་བཅུ་བདུན་ཉིན། །ཉིན་གུང་ཐུན་ལ་རཱ་ག་ཨ་སྱས་གདམས།ཧོར་གྱི་བཙུན་པ་མཐར་ཕྱིན་ཞེས་བྱས་བྲིས། །ཉེས་འགལ་མཆིས་ན་ཊཱཀིའི་ཚོགས་ལ་བཤགས། །དགེ་བས་སྤྲུལ་སྐུའི་ས་ལམ་ཡོན་ཏན་རྫོགས། །འདི་ཉིད་མཐོང་

[Full Size]

ཐོས་དོན་གཉིས་ལྷུན་གྲུབ་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། གསང་སྒྲུབ་འཁོར་ལོ་གཅིག་མའི་ཟིན་བྲིས།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། གསང་སྒྲུབ་འཁོར་ལོ་གཅིག་མའི་ཟིན་བྲིས་བཞུགས་སོ།།

[Full Size]

ན་མོ་གུ་རུ་ལོ་ཀེ་ཤྭ་ར་དྷེ་ཝ་ཌཱཀི་ནཱི་ཡེ། རྩ་གསུམ་ཐུགས་རྗེའི་ལྷ་ལ་ཕྱག་འཚལ་ལོ། །དགོངས་པ་གནང་ཞིང་བྱིན་གྱིས་བརླབ་ཏུ་གསོལ། །འདི་ནི་གྲུབ་ཐོབ་ཀརྨ་པཀཱི་ལ། །བློ་གྲོས་རིན་ཆེན་ཞེས་བྱས་ཞུས་ནས་གནང་། །དེ་བཞིན་སིང་རས་ཀྱིས་ཞུས་གནང་བ་གཉིས། །གསང་སྒྲུབ་ཡིག་སྣའི་ཡང་སྣ་ཞེས་བྱ་སྟེ། །འདི་ནི་ཤིན་ཏུ་གསང་ཞེས་བཀའ་རྒྱ་གདབ། །དུས་ཕྱིས་སངས་རྒྱས་གླིང་པའི་གཏེར་ཁ་ལས། །ཐུགས་རྗེ་ཆེན་པོ་རྒྱལ་བ་རྒྱ་མཚོ་ཡི། །གནད་ཡིག་གབ་པ་མངོན་ཕྱུང་ཞེས་བྱ་བྱུང་། །དེ་གསུམ་ཚིག་དོན་ཁྱད་མེད་གཅིག་པར་སྣང་། །དེ་ཉིད་ཆོ་ག་འདི་

[Full Size]

དང་བསྟུན་ནས་ཀྱང་། །རྒྱུན་ཁྱེར་ཉམས་སུ་ལེན་པར་བྱ་བ་སྟེ། །བདག་བསྐྱེད་འདོན་པའི་ཆས་ཙམ་མ་གཏོགས་པ། །སྒྲུབ་པའི་རྫས་ནི་ཅི་ཡང་མི་དགོས་སོ། །ལྷ་ལྔའི་བདག་བསྐྱེད་གཞུང་ལྟར་ཚར་བའི་རྗེས། །བསྙེན་པའི་སྐབས་སུ་དམིགས་པའི་བྱེ་བྲག་ནི། །རང་ཉིད་ཐུགས་རྗེ་ཆེན་པོའི་སྐུ་ཡི་ནང་། །ལྟེ་བར་གསེར་གྱི་རྡོ་རྗེ་རྒྱ་གྲམ་ནི། །གདན་ཐབས་མདུན་རྒྱབ་གཡས་གཡོན་རྩེ་བསྟན་བསྒོམ། །དེ་ཡི་ལྟེ་བར་ཨཱཿཡིག་དམར་པོ་ལས། །གཏུམ་མོའི་མེ་ནི་མར་མེ་འབྲིང་ཙམ་འབར། །མེ་དང་རང་གི་སྐུ་ལས་འོད་དམར་པོ། །ཕྱོགས་བཅུ་ཀུན་ཏུ་ཡང་ཡང་

[Full Size]

འཕྲོས་པ་ཡིས། །དྲེགས་པ་ཕོ་རྒྱུད་ཀུན་གྱི་བཅུད་བསྡུས་ནས། །གཡས་ཀྱི་རྟ་མགྲིན་སྐུ་ལ་ཐིམ་པར་བསྒོམ། །དྲེགས་པ་མོ་རྒྱུད་ཀུན་གྱི་བཅུད་བསྡུས་ནས། །གཡོན་གྱི་གསང་ཡེའི་སྐུ་ལ་ཐིམ་པར་བསྒོམ། །སངས་རྒྱས་བྱང་སེམས་ཀུན་གྱི་བྱིན་རླབས་བསྡུས། །སྟེང་གི་པད་འབྱུང་སྐུ་ལ་ཐིམ་པར་བསྒོམ། །ཆོས་སྐྱོང་ཀུན་གྱི་ནུས་མཐུ་བཅུད་བསྡུས་ནས། །འོག་གི་ཆོས་སྐྱོང་སྐུ་ལ་ཐིམ་པར་བསྒོམ། །དེ་ནས་གཡས་གཡོན་སྟེང་འོག་ལྟ་སྟངས་དང་། །རླུང་ནི་ཕར་དབྱུང་དུས་སུ་འོད་ཟེར་འཕྲོས། །ཚུར་ལ་རྔུབ་དུས་ནང་དུ་བསྡུ་བ་དང་། །མེ་ལ་བསྟིམས་ནས་རླུང་ཁུག་གཅིག་མནན་པ། །དེ་རྣམས་གྲུབ་ན་ལེགས་ཤིང་མ་གྲུབ་ཀྱང་། །བར་རླུང་གསུས་པ་ཐེར་ཙམ་བསླངས་བ་དང་། །སྔགས་དང་དམིགས་པ་ཁོ་ནས་ཆོག་པ་ཡིན། །ལྟེ་བའི་མེ་ལས་འོད་ཟེར་དམར་པོ་ནི། །ལྕགས་ཀྱུའི་དབྱིབས་ཅན་རིམ་པར་འཕྲོས་པ་ཡིས། །དང་པོ་གཡས་ཀྱི་རྟ་མགྲིན་དཔའ་བོའི་ཚོགས། །འོད་དེས་སྤྱན་དྲངས་ལྟེ་བའི་མེ་ལ་བསྟིམ། །དེ་བཞིན་གཡོན་གྱི་གསང་ཡེ་དཔའ་མོའི་ཚོགས། །སྤྱན་དྲངས་ལྟེ་བའི་མེ་ལ་བསྟིམས་པ་དང་། །སྟེང་གི་པད་འབྱུང་གྲུབ་ཐོབ་རྒྱ་མཚོའི་ཚོགས། །མར་ལ་སྤྱན་

[Full Size]

དྲངས་ལྟེ་བའི་མེ་ལ་བསྟིམ། །འོག་གི་ཆོས་སྐྱོང་དམ་ཅན་རྒྱ་མཚོའི་ཚོགས། །ཡར་ལ་བསྡུས་ཏེ་ལྟེ་བའི་མེ་ལ་བསྟིམ། །འོད་དེས་རིགས་དྲུག་སེམས་ཅན་ཐམས་ཅད་ཀུན། །རིགས་བཞི་དཔའ་བོ་མཁའ་འགྲོའི་རྣམ་པ་རུ། །རང་གི་སྣ་བུག་གཡས་གཡོན་གཉིས་ནས་བསྡུས། །དེ་ནས་འོད་ཟེར་ལྕགས་ཀྱུ་ལྟ་བུ་ཡིས། །སེམས་ཅན་ཀུན་གྱི་སྙིང་ཁ་ནས་བཟུང་བཀུག །ཕོ་རྣམས་གཡས་དང་མོ་རྣམས་གཡོན་དུ་བསྟིམ། །སླར་ཡང་ལྟེ་བའི་མེ་དང་རང་ལུས་ལས། །འོད་ཟེར་སྣ་ཚོགས་ནམ་མཁའ་ཁྱབ་པར་འཕྲོས། །ཞིང་ཁམས་ཀུན་གྱི་སངས་རྒྱས་བྱང་སེམས་དང་། །སྟོང་གསུམ་ཁམས་ཀྱི་དཔའ་བོ་མཁའ་འགྲོ་ལ། །འོད་ཟེར་མཆོད་པའི་སྤྲིན་དུ་གྱུར་པས་མཆོད། །ཐམས་ཅད་མཚོ་ལ་ཁ་བ་བབ་པ་བཞིན། །ཐིབ་ཐིམ་སྤུངས་སྤུངས་རང་གི་སྐུ་ལ་ཐིམ། །ལྟེ་བའི་མེ་ལ་དམིགས་པ་གཏད་བྱས་ལ། །འཁྲུལ་འཁོར་དངོས་པོ་ཕོ་སྐོར་ཅུང་ཟད་བྱ། །དེ་ཡན་སྔ་དྲོ་ཉིན་ཕྱེད་ཡན་ལ་བསྒོམ། །དེ་ནས་ལྷ་ལྔའི་མངོན་རྟོགས་བསྒོམ་ཝིག་བྱ། །སྤྲོ་ན་བདག་བསྐྱེད་འདོན་ཝིག་འགྲུབ་ན་ལེགས། །མ་འགྲུབ་ཡིད་ཀྱིས་བསྒོམ་ཡང་འགལ་བ་མེད། །ཉིན་ཕྱེད་ཕྱིན་ཆད་རང་གི་ལྟེ་བ་

[Full Size]

རུ། །པདྨ་དམར་པོ་འདབ་བཞིའི་ཟེའུ་འབྲུའི་སྟེང་། །ཐུགས་རྗེ་ཆེན་པོ་ཞལ་གཅིག་ཕྱག་གཉིས་པ། །ཞི་འཛུམ་གཡས་བརྐྱང་གཡོན་བསྐུམ་བཞེངས་ཐབས་ཅན། །བགྲང་ཕྲེང་པདྨ་འཛིན་པ་ཡུམ་ལ་འཁྱུད། །ཡུམ་ནི་གསང་ཡེ་དམར་མོ་གྲི་ཐོད་ཅན། །གཡས་བསྐུམ་གཡོན་བརྐྱང་ཡབ་དང་མཉམ་པར་སྦྱོར། །ཡབ་ཡུམ་ཐུགས་ཀར་ཧྲཱི༔ཡིག་རང་སྔགས་བསྐོར། །འདབ་བཞི་རིགས་བཞིའི་ཌཱཀི་ཡབ་ཡུམ་རྣམས། །ཀུན་ཀྱང་དམར་པོ་གྲི་གུག་ཐོད་ཁྲག་འཛིན། །ཐོད་པ་སྐམ་རློན་རུས་པ་རིན་ཆེན་བརྒྱན། །རང་རང་ཐུགས་ཀར་རང་སྲོག་ཡིག་འབྲུ་རེ། །དེ་ནས་རང་གི་སྐུ་ལུས་སྟོང་གསལ་ནང་། །དབུ་མའི་ཡར་མར་སྣ་གཉིས་རག་དུང་ཁ། །ཡར་སྣེ་སྤྱི་བོའི་པད་འབྱུང་སྐུ་ལ་ཟུག །མར་སྣེ་ལྟེ་བའི་ཐུགས་ཆེན་ཡབ་ཡུམ་ཟུག །རོ་རྐྱང་མར་སྣེ་མཁའ་འགྲོ་སྡེ་བཞིར་ཟུག །ཡར་སྣེ་སྣ་བུག་གཉིས་ནས་ཕྲག་གོང་ཐོན། །དཔའ་བོ་རྒྱ་མཚོ་དཔའ་མོ་རྒྱ་མཚོར་ཟུག །ལྟ་སྟངས་དང་བཅས་སྟེང་གི་གྲུབ་ཐོབ་ཚོགས། །བྱང་སེམས་བདུད་རྩིའི་རྣམ་པར་འོད་ཞུ་ནས། །དབུ་མའི་ནང་བརྒྱུད་འདོད་ཡོན་རྣམ་ལྔ་ཡི། །མཆོད་པའི་རྣམ་པར་ལྟེ་བའི་ལྷ་ལ་ཐིམ། །དེ་བཞིན་གཡས་ཀྱི་དཔའ་བོ་རྒྱ་

[Full Size]

མཚོ་རྣམས། །བདུད་རྩི་བྱང་སེམས་ངོ་བོར་འོད་ཞུ་སྟེ། །གཡས་ཀྱི་རྩ་བརྒྱུད་ལྟེ་བའི་ལྷ་ཚོགས་མཆོད། །གཡོན་གྱི་དཔའ་མོ་རྒྱ་མཚོའི་བདུད་རྩིར་ཞུ། །གཡོན་གྱི་རྩ་བརྒྱུད་ལྟེ་བའི་ལྷ་ཚོགས་མཆོད། །ལྷ་རྣམས་བདེ་བ་རྒྱས་ཤིང་གཟི་བརྗིད་འབར། །སླར་ཡང་ལྟེ་བའི་ལྷ་དང་རང་ལུས་ལས། །འོད་ཟེར་དམར་པོ་ཕྱོགས་བཅུར་འཕྲོས་པ་ཡིས། །སྟོང་གསུམ་ཁམས་ཀྱི་ལྷ་འདྲེ་མི་གསུམ་རྣམས། །དབང་དུ་བསྡུས་ནས་ལྟེ་བའི་ལྷར་ཐིམ་བསྒོམ། །བར་རླུང་གསུས་པ་སྦྱང་ཞིང་ཕོ་སྐོར་བྱ། །དེ་ནི་དགོང་མོའི་བར་གྱི་བསྒོམ་བྱ་ཡིན། །སླར་ཡང་ལྷ་ལྔའི་ལྷ་ཚོགས་གསལ་གདབ་སྟེ། །རྩ་ཡི་བསྒོམ་ལུགས་རྣམས་ནི་གོང་དང་འདྲ། །ལྟེ་བའི་ཆོས་འབྱུང་པད་ཉིའི་སྟེང་དུ་ནི། །རྒྱལ་བ་རྒྱ་མཚོ་ཡབ་རྐྱང་ཕྱག་བཞི་པ། །སྤྱི་དང་མཐུན་པ་གཅིག་ནི་བཞུགས་པར་བསམ། །དེ་ཡི་ཐུགས་ཀར་ཧྲིལ་ཡིག་བཅུས་བསྐོར། །འདབ་བཞིར་གིང་ཆེན་བཞི་པོ་ཡབ་རྐྱང་ལ། །དམར་པོ་འདོར་ཐབས་གྲི་ཐོད་ཁ་ཊཾ་འཛིན། །ཐུགས་ཀར་ར་ཙ་ཧིཡ་འབྲུ་བཞིའི་མཚན། །དེ་དག་སྐུ་ལས་འོད་ཟེར་དམར་པོ་འཕྲོས། །སྟེང་དུ་བཞུགས་པའི་གྲུབ་ཐོབ་རྒྱ་མཚོ་དང་། །གཡས་

[Full Size]

གཡོན་དཔའ་བོ་དཔའ་མོ་རྒྱ་མཚོའི་ཚོགས། །བྱང་སེམས་བདུད་རྩི་འདོད་ཡོན་རྣམ་ལྔ་ཡི། །རྣམ་པར་ཞུ་ནས་རྩ་གསུམ་ནང་དུ་བབས། །ལྟེ་བའི་ལྷ་ལ་མཆོད་པ་ཕུལ་ནས་ཐིམ། །སླར་ཡང་ལྟེ་བའི་ལྷ་ལས་འོད་ཟེར་འཕྲོས། །ལྷ་འདྲེ་མི་གསུམ་བསྡུས་ནས་ལྟེ་བ་ཡི། །ལྷར་ཐིམ་བར་རླུང་བཟུང་ཞིང་ཕོ་སྐོར་བྱ། །དེ་ནི་མུན་རུབ་བར་དུ་བསྒོམ་པ་ཡིན། །སྲོད་ལ་སླར་ཡང་བདག་བསྐྱེད་ཝིག་ན་ལེགས།། །མ་གྲུབ་ལྷ་རྣམས་ཡིད་ཀྱིས་གསལ་གདབ་སྟེ། །ཡེ་ཤེས་སྤྱན་དྲངས་དབང་བསྐུར་རྒྱས་གདབ་བསྒོམ། །རྩ་གསུམ་བསྒོམ་ལུགས་ལ་སོགས་གོང་ལྟར་ལས། །ལྟེ་བར་ཆོས་འབྱུང་པདྨ་ཉི་ཟླའི་སྟེང་། །གསང་བ་ཡེ་ཤེས་ཕྱག་བཞི་གཞུང་ལྟར་བསྒོམ། །ཐུགས་ཀར་པད་ཉིའི་སྟེང་དུ་ཧཱུྃཡིག་མཐར། །ཨོཾ་འབྱར་དྷ་མ་གྷ་ཡེ་གཡོན་དུ་བསྐོར། །འདབ་བཞིར་རིགས་བཞིའི་མཁའ་འགྲོ་བཞི་ཀ་དམར། །གྲི་ཐོད་ཁ་ཊཾ་འཛིན་ཅིང་གར་སྟབས་འཁྱུད། །ཐུགས་ཀར་ཧ་རི་ནི་ས་འབྲུ་རེས་མཚན། །འོད་དམར་འཕྲོས་པས་སྟེང་དང་གཡས་གཡོན་གྱི། །གྲུབ་ཐོབ་དཔའ་བོ་དཔའ་མོ་རྒྱ་མཚོའི་ཚོགས། །འོད་ཞུ་བདུད་རྩིར་གྱུར་པ་རྩ་གསུམ་བརྒྱུད། །ལྟེ་བའི་གསང་ཡེ་མཆོད་ཅིང་ཐིམ་པ་

[Full Size]

དང་། །འོད་འཕྲོས་སྟོང་གསུམ་ལྷ་འདྲེ་མི་གསུམ་རྣམས། །བསྡུས་ནས་འོད་ཞུ་ལྟེ་བའི་ལྷར་ཐིམ་བྷོ། །དེ་ལྟར་སྔ་དྲོ་ཐུན་གཅིག་དགོང་ཐུན་གཉིས། །མཚན་མོའི་ཐུན་དང་ཐུན་བཞིས་སྐབས་རྣམས་སུ། །གང་མོས་གཅིག་ཏུ་གཏོར་བསྔོས་བྱ་དགོས་ཀྱི། །གལ་ཏེ་མདུན་བསྐྱེད་ཚོགས་འཁོར་ཡོད་ན་ཡང་། །གང་མོས་སྐབས་སུ་འདོན་ཅིང་མཆོད་བསྟོད་བྱ། །མདུན་བསྐྱེད་ལ་དམིགས་བསྙེན་པ་བྱ་རྒྱུ་མེད། །འདི་ཉིད་རྒྱུན་ཁྱེར་བྱ་བའི་དབང་དུ་ཡིན། །གལ་ཏེ་མཚམས་བྱེད་རྩེ་གཅིག་སྒྲུབ་ན་ནི། །བདག་བསྐྱེད་ཐུན་བཞིར་ཐུན་མཚམས་གཏོར་བསྔོས་བྱ། །གཏོར་མགྲོན་རྟེན་ལ་བསྟིམ་མམ་རྟེན་མེད་ན། །རང་ལ་ཐིམ་དམིགས་འཇིག་རྟེན་རང་གནས་གཤེགས། །སྒྲུབ་པ་ཚར་རྗེས་དགའ་སྟོན་ཚོགས་འཁོར་དང་། །རྗེས་ཆོག་བྱ་ཡི་དངོས་གྲུབ་ལེན་ཆོག་མེད། །འདི་ལ་སྦྱིན་སྲེག་ཆེད་དུ་མི་དགོས་སོ། །གསང་སྒྲུབ་འཁོར་ལོ་གཅིག་མའི་སྒྲུབ་ཐབས་འདི། །ཐབས་མཁས་མཐར་ཕྱིན་གཉིས་ཀྱིས་བསྐུལ་བ་དང་། །དྲིན་ཆེན་རྡོ་རྗེའི་མཚན་ཅན་དགོངས་རྫོགས་ཕྱིར། །མེ་ལུག་ས་ག་ཟླ་བའི་བཅུ་བདུན་གྱི། །དགོང་མོའི་ཐུན་ལ་རཱ་ག་ཨ་སྱས་གདམས། །ཡི་གེའི་

[Full Size]

འབྲི་བྱེད་བྷ་ཏ་ཧོར་གྱི་རིགས། །རིགས་བཟང་བློ་གསལ་ང་རྒྱལ་མེད་པ་སོགས། །སྐལ་ལྡན་སློབ་མའི་མཚན་ཉིད་ཡོངས་རྫོགས་པ། །དགེ་བཤེས་ཡོན་ཏན་ཕུན་ཚོགས་མཐར་ཕྱིན་པས། །གསང་སྔགས་ཆོས་འདི་སོར་མོའི་རྩེ་ནས་འཁྲུངས། །འདི་ལ་འགལ་འཁྲུལ་ཉེས་པའི་ཆ་མཆིས་ན། །ཊཱཀི་དམ་ཅན་རྒྱ་མཚོའི་ཚོགས་ལ་བཤགས། །དགེ་བས་ཞིང་གཤེགས་སྤྲུལ་པའི་སྐུ་དེ་ཉིད། །ས་ལམ་ཡོན་ཏན་གོང་དུ་འཕེལ་བ་དང་། །འགྲོ་ཀུན་བླ་མེད་བྱང་ཆུབ་ཐོབ་ཕྱིར་བསྔོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས། ཡང་གསང་སེམས་ལ་བཀོད་པའི་སྒྲུབ་ཐབས་དང་། སྐུ་གསུམ་སྐུ་བཞིའི་ངོ་སྤྲོད་རྣམས་གཅིག་ཏུ་བསྡོམས་པའི་ཟིན་བྲིས།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔ་ལས། ཡང་གསང་སེམས་ལ་བཀོད་པའི་སྒྲུབ་ཐབས་དང་། སྐུ་གསུམ་སྐུ་བཞིའི་ངོ་སྤྲོད་རྣམས་གཅིག་ཏུ་བསྡོམས་པའི་ཟིན་བྲིས་བཞུགས་པའི་དབུ་ཕྱོགས་ལགས་སོ།།

[Full Size]

ན་མོ་ལོ་ཀེ་ཤྭ་ར་ཀཱ་ཡ་ཙ་ཏུར་ཡེ། སྐུ་བཞིའི་བདག་ཉིད་བཅོམ་ལྡན་འདས། །སྤྱན་རས་གཟིགས་ལ་ཕྱག་འཚལ་ལོ། །བཀའ་གནང་བྱིན་གྱིས་བརླབ་ཏུ་གསོལ། །རྡོ་རྗེ་སྙིང་པོའི་རྒྱ་གཞུང་ལས། །ཕྱི་ལྟར་རྒྱལ་བ་རྒྱ་མཚོའི་ཚོགས། །མ་ལུས་ཕྱི་རུ་འགོད་པ་དང་། །ནང་ལྟར་ལུས་ལ་འགོད་པ་དང་། །གསང་བ་རྩ་ལ་འགོད་པ་དང་། །ཡང་གསང་དེ་ཉིད་སེམས་ལ་འགོད། །དེ་ཡང་བསྙེན་སྒྲུབ་ལས་གསུམ་སྟེ། །ཡང་གསང་འབྲས་བུའི་ངོ་སྤྲོད་བྱ། །གསུངས་པའི་ངོ་སྤྲོད་དེ་ཉིད་ནི། །སྐུ་གསུམ་སྐུ་བཞིའི་ངོ་སྤྲོད་ཡིན། །ཟབ་ཆོས་སྐུ་གསུམ་ངོ་སྤྲོད་དེ། །ཏཻ་

[Full Size]

ལོ་ནཱ་རོ་ནས་བརྒྱུད་དེ། །སྙན་བརྒྱུད་ཡི་གེ་མེད་པ་ཡིན། །རིན་ཆེན་གླིང་པའི་ཤོག་སེར་ལས། །ཐུགས་རྗེ་ཆེན་པོ་སྤྱན་རས་གཟིགས། །རྒྱལ་བ་རྒྱ་མཚོའི་ཕྲིན་ལས་ཀྱིས། །རྒྱ་བོད་ཧོར་གསུམ་འདུས་པ་ཡིན། །དུས་གསུམ་མཁྱེན་པ་མཚུར་ཕུར་ཞེས། །གྲགས་པ་ཀརྨའི་མིང་ཅན་འབྱུང་། །ཨོ་རྒྱན་ང་ཡི་ཟབ་ཆོས་ལ། །རྩལ་དང་ཡོན་ཏན་རྫོགས་པར་སྟོན། །ཞེས་གསུངས་ལུང་བསྟན་ཅི་བཞིན་ཏུ། །རང་བྱུང་རྡོ་རྗེས་ཡི་གེར་བཀོད། །དེ་རྗེས་ཡབ་སྲས་ན་རིམ་རྣམས། །ཁྲིད་ཡིག་རྒྱས་བསྡུས་མང་དུ་མཛད། །ཟིན་བྲིས་བསྐྱེད་རྫོགས་ཆ་ཚང་ཕྱིར། །རྩ་ཚིག་

[Full Size]

ཉམས་སུ་བླངས་བདེར་བརྗོད། །དབང་པོ་ཐ་མའི་གང་ཟག་ལ། །སྐྱབས་སེམས་ཡིག་བརྒྱ་མཎྜལ་ཏེ། །ལྷ་ལྔའི་ཆོ་ག་དོན་གྱིས་ཚང་། །དབང་པོ་འབྲིང་གི་གང་ཟག་ལ། །གདན་བཞི་ཆོས་ཀྱི་འཁོར་ལོ་བསྐོར། །བཅའ་བ་ལུས་ཀྱི་གནད་དང་གཅིག །མོས་གུས་བླ་མའི་གནད་དང་གཉིས། །སྲོག་རྩོལ་རླུང་གི་གནད་དང་གསུམ། །རྩོལ་བ་ལུས་སྦྱངས་གནད་དང་བཞི། །གནད་བཞི་ལྡན་པའི་གཏུམ་མོ་བྷཻཾ། །གསང་སྒྲུབ་རྣམས་ལ་དོན་གྱིས་ཚང་། །རྒྱས་པར་གཞན་དུ་གསལ་ལྟར་ཡིན། །རྫོགས་རིམ་བསྐྱེད་རིམ་འདི་རྣམས་ཀྱང་། །རྣམ་པར་རྟོག་པའི་བསྐྱེད་རིམ་མིན། །རྣམ་པར་མི་རྟོག་བསྐྱེད་རིམ་སྟེ། །སྟོང་ཉིད་ལྟ་བའི་ངང་ནས་བསྒོམ། །པདྨ་ཉི་ཟླ་བརྩེགས་པའི་སྟེང་། །དྲན་རྫོགས་རང་ཉིད་བཅོམ་ལྡན་འདས། །ཤཱཀ་ཐུབ་བཙོ་མ་གསེར་གྱི་མདོག །མཚན་དཔེས་རྒྱན་ལྡན་སྐྱིལ་ཀྲུང་བཞུགས། །ཆོས་གོས་རྣམ་གསུམ་སྐུ་ལ་གསོལ། །ཐུགས་ཀར་ཟླ་སྟེང་ཧཱུྃ་སེར་མཚན། །རླུང་ནི་ཕར་ལ་གཏོང་བའི་དུས། །སྐུ་ལ་སངས་རྒྱས་སྟོང་རྩ་དང་། །ཤཱཀ་ཐུབ་བྱེ་བ་གྲངས་མེད་འཕྲོས། །འཇིག་རྟེན་ཐམས་ཅད་སེར་ལྟེམས་གང་། །དེ་དག་ཀུན་གྱིས་ཆོས་གསུངས་

[Full Size]

པས། །འགྲོ་དྲུག་ཤཱཀ་ཐུབ་དེ་འདྲ་བ། །ཁོ་ནའི་སྐུ་རུ་གྱུར་པ་དེ། །རླུང་གཅིག་ཚུར་ལ་རྔུབ་པའི་དུས། །ཐམས་ཅད་ཚུར་འདུས་དབུ་མར་ཐིམ། །མི་དམིགས་ངང་ལ་མཉམ་པར་བཞག །སྟོང་ཉིད་ངང་ནས་སྙིང་རྗེ་བསྒོམ། །རིག་པ་ལྟ་བའི་དབུས་སུ་གཏད། །དེ་ལྟར་ཡང་ཡང་སྒོམས་པ་ཡིས། །ཆོས་ཀུན་སྤྲུལ་སྐུར་རྟོགས་པར་གསུངས། །དེ་དོན་ཕ་རྒྱུད་གསང་འདུས་ལས། །མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔ་རུ་རབ་ཏུ་གྲགས། །སྐྱེ་མཆེད་ཁམས་དང་དབང་པོ་ནི། །བྱང་ཆུབ་སེམས་དཔའི་དཀྱིལ་འཁོར་མཆོག །ཅེས་གསུངས་རྒྱལ་བ་བྱམས་པས་ཀྱང་། །རྫོགས་སངས་སྐུ་ནི་འཕྲོ་ཕྱིར་དང་། །དེ་བཞིན་ཉིད་དབྱེར་མེད་ཕྱིར་དང་། །རིགས་ཡོད་ཕྱིར་ན་ལུས་ཅན་རྣམས། །རྟག་ཏུ་སངས་རྒྱས་སྙིང་པོ་ཅན། །ཞེས་གསུངས་འགྲོ་བ་སེམས་ཅན་རྣམས། །ཡི་དམ་ལྷ་ཡི་ཡང་སྤྲུལ་དུ། །དགོངས་འདུས་རྒྱུད་ལས་གསུངས་པའི་ཕྱིར། །འགྲོ་དྲུག་སྤྲུལ་སྐུ་ཉིད་ཡིན་ཀྱང་། །མ་རྟོགས་ཐ་མལ་ཞེན་པས་བསྒྲིབས། །བསྒོམས་པས་ཐ་མལ་འཁྲུལ་པ་སྦྱངས། །སྣང་སྲིད་སྤྲུལ་སྐུར་རྟོགས་པར་བཤད། །དེ་དོན་རྡོ་རྗེའི་ཚིག་རྐང་ལས། །པུ་

[Full Size]

ལ་ཧ་རིའི་འོག་ཁང་དུ། །སྤྲུལ་སྐུ་ཐོགས་མེད་ཆར་རྒྱུན་འབེབ། །རྡོ་རྗེའི་ཚིག་རྐང་གཉིས་དེའོ། །པདྨ་ཉི་མ་ཟླ་བའི་སྟེང་། །དྲན་རྫོགས་རང་ཉིད་སྐད་ཅིག་གིས། །རྒྱལ་བ་རྒྱ་མཚོ་སྤྱན་རས་གཟིགས། །ཡབ་རྐྱང་མངོན་རྟོགས་བཞིན་དུ་བསྒོམ། །ཐུགས་ཀར་ཟླ་སྟེང་ཧཱུྃཡིག་མཐར། །ཡི་གེ་དྲུག་པས་བསྐོར་བར་བསམ། །རླུང་གཅིག་ཕྱི་རུ་བུས་པ་ཡིས། །སྣ་བུག་བ་སྤུའི་བུ་ག་ནས། །འོད་ཟེར་ཁ་དོག་སྣ་ལྔའི་ཚོགས། །ཕྱོགས་བཅུའི་འཇིག་རྟེན་ཁྱབ་པར་འཕྲོས། །རིགས་དྲུག་བར་དོར་བཅས་པ་ཡི། །འགྲོ་བ་སེམས་ཅན་ཟློམ་ལུས་པ། །ལོངས་སྤྱོད་རྫོགས་སྐུ་སྤྱན་རས་གཟིགས། །རྒྱལ་བ་རྒྱ་མཚོ་ཤ་སྟག་གྱུར། །རླུང་གཅིག་ཚུར་ལ་རྡུབ་པ་ཡིས། །ཐམས་ཅད་ཚུར་འདུས་རང་ལ་ཐིམ། །ངོ་བོ་རྗེན་པའི་ངང་ལ་བཞག །ཡང་གཅིག་འོད་ཟེར་འཕྲོས་པ་ཡིས། །དག་པའི་ཞིང་ཁམས་རབ་འབྱམས་ན། །ལོངས་སྤྱོད་རྫོགས་སྐུ་ཐམས་ཅད་ལ། །མཆོད་པའི་སྤྲིན་སྤུང་རྒྱ་མཚོས་མཆོད། །དེ་ཀུན་རྒྱལ་བ་རྒྱ་མཚོར་གྱུར། །རླུང་གཅིག་ཚུར་ལ་རྔུབ་པ་ཡིས། །ཐམས་ཅད་ཚུར་འདུས་བདག་ལ་ཐིམ། །ངོ་བོའི་སྟེང་དུ་ལྷང་ངེར་བཞག །རིག་པ་མགྲིན་པའི་

[Full Size]

གནས་སུ་ཐིམ། །དེ་ལྟར་ཡང་ཡང་བསྒོམས་པ་ཡི། །ཆོས་ཀུན་ལོངས་སྤྱོད་རྫོགས་སྐུར་སྟོན། །ཡོན་ཏན་དཔག་ཏུ་མེད་པ་འབྱུང་། །ལོངས་སྐུའི་ལྷ་ཚོགས་ཞལ་མཐོང་ཞིང་། །རང་ཉིད་མ་འོངས་ལོངས་སྐུ་ཡིས། །སེམས་ཅན་དོན་བྱེད་ནུས་པར་གསུངས། །སྣང་སྲིད་འཁོར་འདས་ཆོས་རྣམས་ཀུན། །ངོ་བོ་སྟོང་ལ་རང་བཞིན་གསལ། །གསལ་སྟོང་ཟུང་འཇུག་ལོངས་སྐུ་ཡི། །རྟོགས་པ་ཤུགས་ཀྱིས་འཆར་བར་འགྱུར། །དེ་དོན་རྡོ་རྗེའི་ཚིག་རྐང་ལས། །པུ་ལ་ཧ་རིའི་བར་ཁང་དུ། །ལོངས་སྤྱོད་རྫོགས་སྐུ་བརྡ་ཡི་མཚོན། །ཞེས་པའི་དོན་གྱི་ཉམས་ལེན་ནོ། །རྒྱལ་བ་རྒྱ་མཚོའི་ལྷ་ཚོགས་རྣམས། །ཡང་གསང་སེམས་ལ་འགོད་པ་དང་། །དྲན་རྟོག་ཐུགས་ཀྱི་ཁྱེར་སོ་དང་། །དབུ་ཕྱག་རྫོགས་གསུམ་ཉམས་ལེན་རྣམས། །དོན་གཅིག་མིང་གི་རྣམ་གྲངས་ཡིན། །རྡོ་རྗེའི་སྙིང་པོའི་རྒྱ་གཞུང་ལས། །ཡང་གསང་སེམས་ལ་འགོད་པ་ནི། །དབེན་གནས་ཕྱི་རོལ་མི་བཙལ་ཏེ། །ལུས་འདི་གཞལ་ཡས་ཁང་ཉིད་ཡིན། །ལྷ་སྐུ་གཞན་དུ་མི་བཙལ་ཏེ། །སེམས་ཉིད་སྐྱེ་འགག་མེད་པ་དེ། །རིགས་ཀྱི་བདག་པོ་བླ་མ་ཡིན། །མ་རྟོགས་ཉོན་མོངས་གཏི་མུག་དེ། །

[Full Size]

རྟོགས་གྲོལ་ཐུགས་རྗེ་ཆེན་པོ་ཡིན། །ཡིད་བྱེད་རྟོགས་ཚོགས་འཕྲོ་བ་དེ། །རྟོགས་པ་སངས་རྒྱས་སྟོང་རྩ་ཡིན། །ཞེ་སྡང་གདུག་སེམས་ལྡན་པ་དེ། །གཞི་མེད་རྟོགས་པ་རྟ་མགྲིན་ཡིན། །འདོད་ཆགས་གདུང་སེམས་ཏུར་ཏུར་དེ། །རྩ་བྲན་ཤར་བ་གསང་ཡེ་ཡིན། །ཉོན་མོངས་ང་རྒྱལ་རྟོགས་ཚོགས་རྣམས། །ངར་འཛིན་བྲལ་བ་དཔའ་བོ་ཡིན། །ཕྲག་དོག་རླུང་ལྟར་འཚུབ་པ་དེ། །རེ་དོགས་ཟད་པ་དཔའ་མོ་ཡིན། །ཆུ་ཁམས་ཁྲག་དང་རྣམ་ཤེས་དེ། །རྡོ་རྗེ་རིགས་ཀྱི་མཁའ་འགྲོ་ཡིན། །རྩ་ཁམས་ཤ་དང་ཚོར་བ་ནི། །རིན་ཆེན་མཁའ་འགྲོ་མ་ཞེས་གྲགས། །མེ་ཁམས་དྲོད་དང་འདུ་ཤེས་དེ། །པདྨ་རིགས་ཀྱི་མཁའ་འགྲོ་ཡིན། །རླུང་ཁམས་དབུགས་དང་འདུ་བྱེད་དེ། །ལས་ཀྱི་མཁའ་འགྲོ་ཞེས་སུ་བཤད། །ནམ་མཁའི་ཁམས་དང་སེམས་ཉིད་དེ། །གཟུགས་ཀྱི་ཕུང་པོ་བདེ་གཤེགས་རིགས། །པདྨ་མཁའ་འགྲོ་དྲྭ་བ་འོ། །སྐྱེ་མཆེད་ཚོགས་དྲུག་དེ་ཡི་ཡུལ། །འདོད་ཡོན་མཆོད་པའི་ལྷ་མོ་ཡིན། །དགེ་དང་མི་དགེའི་རྟོག་ཚོགས་རྣམས། །དམ་ཅན་བཀའ་སྡོད་སྲུང་མར་བཤད། །དེ་ལྟར་སེམས་ཀྱི་ངོ་བོ་དེ། །མ་རྟོགས་འཁྲུལ་པ་འཁོར་བ་དེ། །དེ་ཤེས་རྟོགས་པ་མྱ་

[Full Size]

ངན་འདས། །ལྷ་སྐུ་སེམས་ཀྱི་རིག་རྩལ་དེ། །དངོས་པོར་བཟུང་བ་འཁྲུལ་པ་ཡིན། །ལྷ་ཡང་སེམས་ཉིད་ཆོས་སྐུར་གསལ། །སྔགས་ནི་སྨྲ་བརྗོད་བྲལ་བའི་ཕྱིར། །ཕྱི་ནང་རླུང་གི་རྒྱུ་བ་ཡང་། །སྨྲས་ཚད་གྲག་སྟོང་བརྗོད་མེད་ཡིན། །གདོད་ནས་དག་པའི་རིག་པ་འདི། །ཡེ་ནས་ཆོས་སྐུར་གནས་པ་ལ། །ངོ་སྤྱོད་དེ་ངོ་ཤེས་པ་ཡི། །ཆོས་དབྱིངས་ཡེ་ཤེས་རྟོགས་པ་དེ། །སངས་རྒྱས་ཞེས་སུ་གྲགས་པ་ཡིན། །གོམས་འདྲིས་བརྟན་ན་དྲོད་རྟགས་འཆར། །དེ་ལྟར་ཆོས་སྐུའི་ངོ་བོ་ལ། །བཟུང་བར་བྱ་བའི་ཡུལ་ཡང་མེད། །ཁམས་དྲོད་རྟགས་དང་ཉམས་མྱོང་ལ། །མ་ཆགས་རང་བྱུང་རྩ་ནས་དག །རང་དོན་ཆོས་སྐུ་མངོན་གྱུར་ཏེ། །གཞན་དོན་གཟུགས་སྐུ་ལྷུན་གྲུབ་འགྱུར། །འཁོར་བ་མྱ་ངན་འདའ་བར་འགྱུར། །སྙན་བརྒྱུད་དྲི་མ་མེད་པའོ། །དེ་བཞིན་དགྱེས་རྡོར་རྒྱུད་ལས་ཀྱང་། །འཇིག་རྟེན་ཁམས་ནི་གང་དུ་ཡང་། །སངས་རྒྱས་གཞན་ནས་རྙེད་མི་འགྱུར། །སེམས་ནི་རྫོགས་པའི་སངས་རྒྱས་ཡིན། །ཞེས་གསུངས་སེམས་ལ་ལྷ་ཚོགས་ཚང་། །འོན་ཀྱང་གཟུགས་དང་དངོས་པོ་མེད། །དེ་དོན་རྟོགས་པ་གཉིས་པ་ལས། །གཟུགས་མེད་མཐོང་བ་པོ་

[Full Size]

ཡང་སེམས། །སྒྲ་མེད་ཐོས་པ་པོ་ཡང་སེམས། །དྲི་མེད་རྩོམ་པ་པོ་ཡང་སེམས།། །རོ་མེད་མྱོང་བ་པོ་ཡང་སེམས། །རེག་མེད་རེག་པ་པོ་ཡང་སེམས། །སེམས་མེད་སེམས་ལས་བྱུང་བའང་སེམས། །དེ་ཉིད་ཉམས་སུ་ལེན་པའི་ཚུལ། །པདྨ་རྒྱལ་པོའི་རྒྱུད་ཉིད་ལས། །དེ་ལ་མ་ཡེངས་ནང་དུ་བདེ། །སེམས་ལ་ཡེ་ཤེས་ཆེན་པོ་སྐྱེས། །སེམས་དབེན་རྟོག་པ་ངན་པ་མེད། །སྣང་ལ་རང་བཞིན་མེད་པར་མཐོང་། །སྒྱུ་མ་ལྟ་བུར་བསྡུས་པ་ཡིན། །གསལ་ལ་མི་རྟོགས་འོད་གསལ་ལོ། །ཐམས་ཅད་སྤྲོས་པ་མེད་པར་རྟོགས། །བདེ་དང་སྟོང་པ་གཅིག་ཏུ་སྣང་། །འབྲས་བུ་ཞེས་བྱ་ཟུང་འཇུག་ཡིན། །དེ་དོན་རིག་ཐོག་ངོ་སྤྲད་པ། །མཁའ་སྤྱོད་དབང་པོས་གསུངས་པའི་དོན། །བསྡུས་པར་བརྗོད་ན་འདི་ལྟ་སྟེ། །འཁོར་བ་ཐམས་ཅད་སེམས་ལ་རྟོགས། །དེ་ནི་དགའ་བའི་ཡེ་ཤེས་སོ། །སེམས་ཉིད་སྤྲོས་དང་བྲལ་བར་རྟོགས། །དེ་ནི་མཆོག་དགའི་ཡེ་ཤེས་སོ། །སེམས་ཉིད་སྐུ་ལྔ་ལྷུན་གྲུབ་རྟོགས། །དེ་ནི་ཁྱད་དགའི་ཡེ་ཤེས་སོ། །འཁོར་འདས་དབྱེར་མེད་ཟུང་འཇུག་རྟོགས། །ལྷན་ཅིག་སྐྱེས་དགའི་ཡེ་ཤེས་སོ། །དབང་བཞི་སྐུ་བཞིའི་ཡེ་ཤེས་བཞི། །སེམས་ཉིད་སྟེང་དུ་སྐད་ཅིག་

[Full Size]

རྫོགས། །དབང་བཞི་གཅིག་རྫོགས་བཟླ་བར་གསུངས། །ཨོྃ་ཨཱཿཧཱུྃ་ཧྲཱི༔ཡིག་འབྲུ་བཞི། །སངས་རྒྱས་ཀུན་གྱི་སྐུ་བཞིའི་སྔགས། །ཡིག་དྲུག་གཅིག་ཙམ་ཡིག་འབྲུ་ལྔ། །འབུམ་ཚོ་གཅིག་ཙམ་བཟླས་ན་ཡང་། །རྟགས་ནི་རབ་འབྲིང་ཐ་གསུམ་སོགས། །སྣ་ཚོགས་མི་འབྱུང་མི་སྲིད་པས། །སྐུ་བཞི་ངོ་སྤྲོད་ཟབ་མོའི་གནད། །སློབ་བུ་རྣམས་༎ ཀྱིས་ཤེས་གྱིས་ལ། །འགྲུབ་རྟགས་སྣ་ཚོགས་འཛམ་བུ་གླིང་། །ཁྱབ་པར་སྟོན་གཅིག་པཀཱིས་གསུངས། །དེ་དག་རྩ་བའི་ཚིག་རྐང་ལས། །པུལླ་ཧ་རིའི་ཡང་ཐོག་ཏུ། །ཆོས་སྐུ་སྤྲོས་མེད་བརྡ་ཡིས་མཚོན། །ཞེས་གསུངས་པ་ཡི་དོན་ཡིན་ནོ། །རང་ཉིད་རྒྱལ་བ་རྒྱ་མཚོ་ཡི། །ལྟེ་བར་གཏུམ་མོའི་མེ་སྦར་ལ། །འཁོར་འདས་སྣོད་བཅུད་ཐམས་ཅད་ཀུན། །བྱང་སེམས་དངུལ་ཆུ་ལྟ་བུར་ཞུ། །སྣ་བུག་ནས་རྡུབ་མེ་ལ་བསྟིམ། །རླུང་བཟུང་ཉམས་ལེན་ངང་ལ་བཞག །བདེ་བ་ཆེན་པོའི་སྐུ་ཡི་ནང་། །ངོ་སྤྱོད་བདེ་སྟོང་ཟུང་དུ་འཇུག །ཚེ་དང་བསོད་ནམས་ཡེ་ཤེས་རྒྱས། །སྣང་བ་ཐམས་ཅད་དབང་དུ་འདུས། །འགྲོ་འཆགས་བཟའ་བཏུང་ཉལ་ལ་སོགས། །སྤྱོད་ལམ་གང་དང་ཅི་བྱེད་ཀུན། །ཉམས་ལེན་དེ་རྣམས་བསྲེ་

[Full Size]

ཞིང་བསྒོམ། །མཉམ་རྗེས་ཟུང་དུ་འཇུག་པར་འགྱུར། །རྒྱུན་དུ་ཡིག་བཅུའམ་ཡིག་དྲུག་འབད། །མཇུག་ཏུ་བསྔོ་སྨོན་རྒྱ་ཡིས་གདབ། །རྫོགས་རིམ་རྩ་ཚིག་མདོར་བསྡུས་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ། །མེ་ལུག་ས་གའི་བཅུ་དགུ་ཡི། །དགོང་ཐུན་རཱ་ག་ཨ་སྱས་གདམས། །སྒོམ་ཆེན་མཐའ་རུ་ཕྱིན་པས་བྲིས། །ཉེས་འགལ་སྒྲུབ་བརྒྱུད་སྲུང་མར་བཤགས། །དགེ་བས་དྲིན་ཆེན་སྤྲུལ་སྐུ་ཉིད། །མྱུར་དུ་སྐུ་གསུམ་མངོན་བྱེད་ཤོག །ཀཾ་པོ་གངས་ཀྱི་སྒྲུབ་བརྒྱུད་པའི། །སྙན་བརྒྱུད་ཆོས་ཀྱི་བཅུད་འདི་ཡིན། །གྲུབ་མཐའ་གཞན་ལ་མ་གྲགས་སོ། །དེ་ཕྱིར་མ་འོངས་རྗེས་འཇུག་རྣམས། །ཉམས་ལེན་སྙིང་པོ་འདི་ལ་དྲིལ། །བསྐལ་པ་ཇི་ལྟར་ཞན་ན་ཡང་། །བར་དོར་སྐུ་གསུམ་མངོན་དུ་འགྱུར། །འདི་ལས་ཟབ་པའི་གདམས་པ་ནི། །འཇིག་རྟེན་འདི་ན་མི་སྲིད་པ། །མི་བསྐྱོད་རྒྱལ་བའི་གསུངས་ལས་སོ།། །།ཤུ་བྷཾ་མ་སྐུ་སརྦ་ཛ་ག་ཏཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ཕྱི་ནང་གསང་བ་ཡང་གསང་སྒྲུབ་པའི་རྗེས་ཆོག་གི་ཟིན་བྲིས།

[Full Size]

བཅོམ་ལྡན་འདས་འཇིག་རྟེན་དབང་ཕྱུག་རྒྱ་མཚོ་ལྔའི་དཀྱིལ་འཁོར་གྱི་མངོན་པར་རྟོགས་པ་བྱིན་རླབས་ཐོགས་མེད་འགུགས་པའི་ལྕགས་ཀྱུ་ཞེས་བྱ་བ་ལས། ལྷ་ལྔའི་ཕྱི་ནང་གསང་བ་ཡང་གསང་སྒྲུབ་པའི་རྗེས་ཆོག་གི་ཟིན་བྲིས་བཞུགས་སོ།།

[Full Size]

ན་མོ་གུ་རུ་ལོ་ཀེ་ཤྭ་ར་ཡེ། སྤྱན་རས་གཟིགས་དབང་ལྷ་ལྔའི་ཞབས་ལ་འདུད། །འགྲོ་བའི་དོན་ཕྱིར་བཀའ་གནང་བྱིན་གྱིས་རློབས། །ལྷ་ལྔའི་ནང་སྒྲུབ་གསང་སྒྲུབ་ཡང་གསང་གསུམ། །གང་ཡིན་ཞག་བདུན་ཚར་རྗེས་གྲོལ་ཁའམ། །གསུམ་ཀ་སྦྲེལ་ནས་བདུན་གསུམ་ཚར་བའི་རྗེས། །བདག་མདུན་བུམ་གསུམ་ཚར་གཅིག་འདོན་པའི་ཚེ། །དཀྱིལ་འཁོར་གཏོར་མ་སོ་སོར་ལྷ་ལྔ་དེ། །མདུན་བསྐྱེད་སྐབས་སུ་དམིགས་པས་ཕྱེ་སྟེ་བསྒོམ། །གཙོ་བོའི་མདུན་དུ་བུམ་པ་བསྒོམ་པ་དང་། །བུམ་པའི་ནང་དུ་ལྷ་དགུ་བུམ་བསྐྱེད་ལྟར། །ལས་བུམ་ནང་དུ་རྟ་མགྲིན་

[Full Size]

བསྒོམ་པའམ། །དུང་ཆོས་ནང་ངམ་བུམ་པའི་མཆུ་ནང་བསྒོམ། །གཏོར་བསྐྱེད་ལ་དམིགས་ལྷ་ལྔའི་བསྙེན་པ་དང་། །དེ་ཚེ་མདུན་བསྐྱེད་ཡབ་ཡུམ་སྦྱོར་མཚམས་ནས། །བྱང་སེམས་འོད་ཟེར་ཚུལ་དུ་ཐོད་པར་བསྟིམ། །བུམ་བསྐྱེད་ལ་དམིགས་ཡིག་བཅུ་ཅུང་ཟད་བསྙེན། །དེ་ནས་བདག་འཇུག་རྒྱས་པ་གཏོར་དབང་བཅས། །དངོས་གྲུབ་ལེན་ཆོག་ཚུལ་དུ་བདག་འཇུག་བླངས། །གལ་ཏེ་བདག་འཇུག་རྒྱས་པར་མི་ལྕོགས་ན། །གཏོར་དབང་ཁོ་ན་ལེན་པ་འབྲིང་པོ་ཡིན། །བསྡུ་ན་མདུན་བསྐྱེད་ལྷ་ཚོགས་ཐམས་ཅད་ཀྱི། །སྐུ་ལས་རང་རང་སྐུ་གཟུགས་ཡུངས་འབྲུ་

[Full Size]

ཙམ། །གསུང་ལས་ཨཱཿ་ལི་ཀཱ་ལི་སྔགས་ཀྱི་ཕྲེང་། །ཐུགས་ལས་བདུད་རྩི་འོ་མའི་ཆུ་རྒྱུན་ལྟར། །རང་གི་གནས་གསུམ་ཐིམ་ཞིང་ལུས་གང་བས། །ནད་གདོན་སྡིག་སྒྲིབ་དུད་ཁུ་སོལ་ཁུ་ལྟར། །འོག་སྒོ་རྐང་པའི་མཐིལ་ནས་ནག་ནུར་ཐོན། །རང་ལུས་ཡེ་ཤེས་བདུད་རྩིས་ངང་ལྟེམ་གང་། །མདུན་བསྐྱེད་སྐུ་ལས་འོད་ཟེར་དཔགོ་མེད་འཕྲོས། །ཕྱོགས་བཅུ་དུས་གསུམ་རྒྱལ་བ་སྲས་བཅས་རྣམས། །ཐམས་ཅད་རྒྱལ་བ་རྒྱ་མཚོའི་ངོ་བོར་གྱུར། །ནམ་མཁའི་དབྱིངས་ཀུན་གང་བར་གྱུར་ནས་ཀྱང་། །རོལ་མོ་འུར་འུར་ཌཱ་དྲིལ་ཁྲ་ལ་ལ། །གར་སྟབས་འཁྱུག་ཅིང་ཚར་དྲག་བབས་པ་ལྟར། །རང་ལ་ཐིམ་པས་དབང་བཞི་ཐོབ་པར་བསྒོམ། །རོལ་མོ་དབྱངས་བཅས་སྤྱན་འདྲེན་ཚར་གཅིག་འདོན། །ལྷ་ལྔའི་སྔགས་མཇུག་ཨཱཿ་ཝེ་ཤ་ཡ་ཨ་ཨཱཿ ཞེས་བཟླས་བུམ་པ་གཏོར་མ་དབང་རྫས་རྣམས། །རང་གི་གནས་གསུམ་དུ་ནི་གཏུགས་བྱས་ཤིང་། །བུམ་ཆུ་བདུད་རྩི་ཅུང་ཟད་ལྕེ་ལ་བཞག །སིནྡྷ་ར་ཡིས་གནས་གསུམ་ཐིག་ལེ་བྱ། །དེ་ནས་དགའ་སྟོན་ཚོགས་འཁོར་རྗེས་ཆོག་རྣམས། །གཞུང་ནས་གསལ་བ་ལྟ་བུ་ཡིན་པ་སྟེ། །མདུན་བསྐྱེད་རྟེན་ལ་བསྟིམ་མམ་མེད་ནི་གཤེགས། །མདུན་

[Full Size]

བསྐྱེད་དམ་ཚིག་པ་ནི་རང་ལ་བསྡུ། །བདག་བསྐྱེད་མི་གཤེགས་སྟོང་པར་བསྡུ་བའོ། །སིན་ར་དེ་མཐའ་ནས་དབུས་སུ་བསྡུས། །དེ་ཉིད་ཀ་པཱ་ལ་ཡི་བདུད་རྩིར་བཏབ། །དེ་ལ་བུམ་ཆུ་ཅུང་ཟད་བསྲེས་བྱས་ལ། །རིལ་བུ་བྱས་ཏེ་དམ་ཚིག་རྫས་སུ་བཅང་། །བུམ་ཆུ་ཅུང་ཟད་བཏུང་ཞིང་སྤྱི་བོར་བླུགས། །ལྷག་མ་རྟེན་འདུས་རིལ་བུའམ་གཟུངས་རིལ་བྱ། །གང་རེག་དབང་དུ་འདུ་བའི་རྟེན་འབྲེལ་དང་། །སྐྱེ་བ་བདུན་ནས་བདེ་ཆེན་ཞིང་སྐྱེ་གསུངས། །དེ་ནས་སྒྲུབ་པའི་རྫས་རྣམས་བསྡུས་བྱས་ལ། །ས་སྟེགས་རྡུལ་ཚོན་ཡིན་ཞིང་སྟབས་བདེ་ན། །དཀྱིལ་འཁོར་སྟེང་དེར་ཤིང་གིས་ཐབ་བརྩེགས་ལ། །ཞི་རྒྱས་དབང་དྲག་གང་རུང་སྦྱིན་སྲེག་བྱ། །སྟབས་མི་བདེའམ་རས་བྲིས་སོགས་ཡིན་ན། གར་བདེར་སྦྱིན་སྲེག་བྱ་ཚུལ་སྤྱི་དང་མཐུན། །ཚོམ་བུ་རྡུལ་ཚོན་སྦྱིན་སྲེག་ཐལ་བ་རྣམས། །བསྡུས་ཏེ་ཆུ་བོའི་གཞུང་དུ་བསྐུར་བྱས་པས། །ཆུ་དེས་ཁྱབ་ཚད་སེམས་ཅན་ཐམས་ཅད་ཀྱང་། །བྱང་ཆུབ་མངོན་དུ་བྱེད་པའི་སྐལ་ལྡན་གྱུར། །རྣལ་འབྱོར་མཁའ་སྤྱོད་དབང་པོའི་གསུང་དང་ནི། །ཐུབ་ཆེན་དེ་བཞིན་གཤེགས་པའི་གསུང་ལས་བྱུང་། །གལ་ཏེ་ཕྱི་སྒྲུབ་

[Full Size]

ཡུན་རིང་བསྙེན་རྗེས་སུ། །སྒྲུབ་པ་ཚར་རྗེས་ཡར་མར་ཚེས་བཅུ་ལ། །མཆོད་གཏོར་བཤམས་ལ་བདག་མདུན་བུམ་གསུམ་འདོན། །དེ་རྗེས་བདག་འཇུག་རྒྱས་བསྡུས་གང་རུང་བླངས། །ཚོགས་མཆོད་བཀྲ་ཤིས་རྗེས་ཆོག་གཞུང་ལྟར་བྱ། །སྦྱིན་སྲེག་འགྲུབ་ན་ཆད་ལྷག་ཁ་བཀང་ཞིང་། །སྒྲུབ་པའི་བྱིན་རླབས་མི་ཉམས་རུབ་གནས་འགྱུར། །དེ་དག་མི་ཐོན་ན་ཡང་ཉེས་སྐྱོན་མེད། །དེ་ལྟར་ལྷ་ལྔའི་རྗེས་ཆོག་ཟིན་བྲིས་འདི། །ཐབས་མཁས་མཐར་ཕྱིན་གཉིས་ཀྱིས་བསྐུལ་བ་དང་། །གཏེར་སྟོན་སྤྲུལ་སྐུའི་དགོངས་རྫོགས་ལ་དམིགས་ནས། །མེ་ལུག་ས་ག་ཟླ་བའི་བཅུ་གཉིས་ཀྱི། །དགོང་མོའི་ཐུན་ལ་རཱ་ག་ཨ་སྱས་གདམས། །དགེ་བཤེས་མཐའ་རུ་ཕྱིན་པས་ཡི་གེ་པ། །འདི་བྲིས་ཉེས་བཤགས་དགེ་བ་བྱང་ཆུབ་བསྔོ། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསང་སྔགས་ནང་གཏོར་གྱི་བཅའ་ཐབས་ཟིན་བྲིས་གསལ་བར་བཀོད་པ་བློ་གསལ་སྒྲོན་མེ།

[Full Size]

གསང་སྔགས་ནང་གཏོར་གྱི་བཅའ་ཐབས་ཟིན་བྲིས་གསལ་བར་བཀོད་པ་བློ་གསལ་སྒྲོན་མེ་བཞུགས་སོ།

[Full Size]

རྒྱ་གར་སྐད་དུ། གུ་རྒྱ་མན་བ་ལིང་ཨུ་པ་དེ་ཤ་ན་མ། བོད་སྐད་དུ། གསང་བ་སྔགས་ཀྱི་གཏོར་མའི་ཞལ་གདམས་ཞེས་བྱ་བ། །འཇམ་དབྱངས་བླ་མའི་ཞབས་ལ་ཕྱག་འཚལ་ལོ། །གཏོར་མའི་དབྱེ་བ་ཕྱི་ནང་གསང་བ་གསུམ། །ཕྱི་ནི་ཆུ་སྦྱིན་གསང་བ་ལུས་སྦྱིན་ཡིན། །འདི་ནི་གསང་སྔགས་ནང་གཏོར་གཏོར་བསྔོས་ཡིན། །དེ་ལ་རྟག་གཏོར་རྒྱུན་གཏོར་བསྐང་གཏོར་དང་། །སྒྲུབ་གཏོར་དབང་གཏོར་རྟེན་གཏོར་དུས་གཏོར་དང་། །མདོས་གཏོར་ཟློག་གཏོར་བསད་གཏོར་ཐུན་གཏོར་དང་། །གཏོར་འབུལ་གློ་བུར་ལས་བཅོལ་གཏོར་མ་དང་། །རྟག་གཏོར་དང་ནི་རྣམ་

[Full Size]

གྲངས་བཅུ་གཉིས་ལས། །རྟག་གཏོར་ཕུག་གཏོར་གོང་གཏོར་དོན་གཅིག་སྟེ། །རིམ་གྲོ་མཚམས་སོགས་མ་གྲོལ་བར་དུ་བཞག །ལོ་རེ་ལན་རེ་བརྗེ་འམ་རྟག་ཏུ་བཞག །དེ་ཕྱིར་རྟག་གཏོར་ཞེས་སུ་བཤད་པ་ཡིན། །དེ་ལ་ཕུག་གཏོར་གོང་ནས་ཕྱིར་བཤམས་ཕྱིར། །གོང་གཏོར་ཕུག་གཏོར་ཞེས་སུ་གྲགས་པ་ཡིན། །ནངས་ནུབ་གསོ་བྲན་བྱ་ཞིང་གསང་སྔགས་ཀྱི། །ལྷ་གཞུང་འདོན་ཞིང་གཏོར་བསྔོས་བྱ་བའི་ཕྱིར། །གསང་སྔགས་ནང་གཏོར་ཞེས་སུ་གྲགས་པ་ཡིན། །འདི་ལ་བཅའ་ཚོགས་ཕྱག་ལེན་མཐའ་ཡས་པ། །གྲུབ་མཐའ་སོ་སོར་དར་ཕྱིར་བཤད་མི་ལོངས། །

[Full Size]

འདི་ནི་རྗེས་འཇུག་གསར་བུ་པ་རྣམས་ལ། །ཕན་ཕྱིར་རང་གིས་གཏོར་བསྔོས་རྒྱས་པའི་ལུགས། །བཤད་པ་འབྲིང་དང་བསྡུས་པའང་ཤུགས་ཀྱིས་ཤེས། །གཏོར་མའི་རྫ་ས་ནི་ཤ་ལྔ་བདུད་རྩི་ལྔ། །ཡིན་ཞེས་ཕལ་པས་དངོས་སུ་བསྲེ་མི་རུང་། །རང་གི་དྲི་ཆེན་དངོས་སུ་ག་པུར་བསྒྱུར། །རང་གི་ཁྲག་ནི་འོ་མར་བསྒྱུར་ཐུབ་རུང་། །མེད་ཀྱང་ཐབས་ནི་ཆག་པ་མ་ཡིན་ཏེ། །ཡིད་ཀྱིས་བསྒོམ་པར་ཆོག་པ་རྒྱུད་ནས་གསུངས། །དགོས་པ་ཤ་ལྔས་དངོས་གྲུབ་ལྔ་འགྲུབ་ཕྱིར། །ལྕགས་ཀྱུ་ལྔ་ཞེས་རྒྱུད་ནས་གསུངས་པ་ཡིན། །བདུད་རྩི་ལྔ་ཞེས་མངོན་ཤེས་ལྔ་གསལ་ཕྱིར། །སྒྲོན་མེ་ལྔ་ཞེས་རྒྱུད་ནས་གསུངས་པ་ཡིན། །མཐར་ཐུག་འབྲས་བུ་རིགས་ལྔ་ཡབ་ཡུམ་བཅུ། །གྲུབ་པའི་རྫས་མཆོག་ཁྱད་པར་འཕགས་པ་ཡིན། །འབྲུ་སྣ་སྨན་སྣ་ཟས་སྣ་ཕུད་སྣ་ཚོགས། །རིན་ཆེན་སྣ་ཚོགས་ཕྱེ་མ་བསྲེས་བྱས་ལ། །ལོངས་སྤྱོད་འཕེལ་ཞིང་ནད་མེད་བདེ་བ་ཡི། །ཐབས་སུ་མན་ངག་ལས་ཚོགས་འགའ་ལས་འབྱུང་། །སྨན་སྒྲུབ་ཕྱེ་མ་ནང་དུ་བསྲེས་བྱས་པས། །གྲོག་མའི་ཁམ་བུ་གང་ལ་མཁའ་འགྲོ་མ། །འབུམ་ཕྲག་འདུ་བར་སྨན་སྒྲུབ་གཞུང་ནས་གསུངས། །ཕུད་ཉམས་བཀའ་ཆད་འབྱུང་ཕྱིར་མ་

[Full Size]

ཉམས་པའི། །ཟན་གྱི་མིང་ལ་ཚ་ཞེས་བྱ་བ་དེར། །ཆང་གི་སྙིང་ཁུར་བུར་སྦྲང་སྦྱར་བ་ལ། །གལ་ཞེས་བྱ་སྟེ་དེ་གཉིས་བསྲེ་བོ་ལ། །ཚེ་དང་གལ་གྱི་ཐུན་གཉིས་ཐུན་སྡེབས་ཟེར། །ཆང་གི་རང་ཁུའམ་ནི་ཟན་ཆང་ནི། །རུ་གཅིག་མར་ནི་རུ་གཉིས་ཞིབ་ཆེན་རྩམ་པ་བསྲེས། །བསིལ་དྲོད་སྙོམས་པའི་དུས་སུ་བཅའ་བྱས་པས། །ལོ་མང་སོང་ཡང་མི་རུལ་འབུ་མི་འཇུག །དགོངས་འདུས་གཏོར་མའི་དམར་ཁྲིད་ལག་ལེན་ལས། ༈ །བླ་མའི་གཏོར་མ་རིགས་ལྔ་གསུང་ན་ཡང་། །ཀུན་འདུས་བྱིན་རླབས་གཏོར་མ་ནི། །ཅོག་འདྲ་སྟོད་སྡེར་རྩེ་མོ་ཅན། །མཐེབ་སྐྱུ་པདྨ་འདབ་བརྒྱད་ལྟར། །ཟེའུ་འབྲུ་ཕུམ་ཕུམ་བཅས་པས་བསྐོར། །པདྨ་ཁ་འབུས་དབྱིབས་ལྟར་ལས། །དབུས་སུ་ཕྱུར་བུར་ཕྱུང་བའོ། །ཞེས་གསུངས་པ་ཡི་དོན་དང་མཐུན་པ་སྟེ། །སྟོད་ནི་ལྡིར་ཞིང་ཟླུམ་པོ་བུམ་པའི་དབྱིབས། །ཀུན་ཟླུམ་ཐིག་ལེ་ཆེན་པོས་མཚན་པ་སྟེ། །གཞོན་ནུ་བུམ་སྐུའི་ཀློང་དུ་སངས་རྒྱས་བརྡ། །མདུན་དུ་མར་རྒྱན་པདྨ་ཆེན་པོ་ནི། །ཆོས་སྐུའི་ཀློང་ནས་ལོངས་སྐུར་བཞེངས་པའི་བརྡ། །དེ་ནང་པདྨ་གཅིག་དང་གཉིས་བརྩེགས་ནི། །སྐུ་གཉིས་མི་འགལ་ཟུང་དུ་འཇུག་པའི་

[Full Size]

བརྡ། །ཕྱི་ཡི་པད་འདབ་སྤུ་ཤེད་བརྒྱད་ཅུ་དང་། །ནང་གི་པད་འདབ་སུམ་ཅུ་སོ་གཉིས་ནི། །དཔེ་བྱད་བརྒྱད་ཅུ་མཚན་བཟང་སོ་གཉིས་དང་། །བླ་མ་ལོངས་སྤྱོད་རྫོགས་སྐུར་ཚང་བའི་བརྡ། །གཏོར་མ་ཐམས་ཅད་དམར་པོ་དབང་གི་མདོག །རྗེས་འཇུག་དབང་གིས་སྨིན་ཅིང་གྲོལ་བའི་བརྡ། །དེ་ལ་དཀར་ཐིག་གྲངས་མེད་བརྒྱན་པ་ནི། །ཕྱོགས་བཅུར་སྤྲུལ་པ་གྲངས་མེད་འཕྲོ་བའི་བརྡ། །ཕྱོགས་བཞིར་ཞི་བའི་པད་འདབ་ཆེན་པོ་བཞི། །པད་འདབ་བཞི་འམ་ཀྱུ་གུ་བཞིས་བསྐོར་བ། །བསྡུ་དངོས་བཞི་ཡིས་འགྲོ་དོན་བྱེད་པའི་བརྡ། །ཀྱུ་གུ་རིལ་བུ་གཉིས་གཉིས་བརྒྱད་ཡོད་པ། །འཕགས་ལམ་ཡན་ལག་བརྒྱད་དང་ལྡན་པའི་བརྡ། །གཏོར་མའི་རྩེ་ལ་མུ་ཏིག་ཕྲེང་བ་ནི། །བརྒྱུད་པ་མུ་ཏིག་རྩ་ལ་བརྒྱུད་འདྲའི་བརྡ། །དེ་སྟེང་ཚེ་ཡི་བུམ་པ་བཞག་པ་ནི། །བླ་མ་ཚེ་དཔག་མེད་པ་བསྒྲུབ་པའི་རྟེན། །རྗེས་འཇུག་ཚེ་ཡི་དངོས་གྲུབ་འབྱུང་བའི་བརྡ། །བུམ་པའི་ཁ་རྒྱན་མེ་ཏོག་པདྨ་ནི། །བླ་མ་ཐུགས་རྗེ་ཆེན་པོ་བསྒོམ་པའི་རྟེན། །འབྲེལ་ཚད་དོན་ལྡན་འགྲོ་བ་འདྲེན་པའི་བརྡ། །དེ་སྟེང་རྡོ་རྗེ་ཕྱེད་པ་སྐྱེས་པ་ནི། །རྡོ་རྗེ་པདྨ་འབྱུང་གནས་བསྒོམ་པའི་རྟེན། །རྗེས་འཇུག་སྣང་སྲིད་ཟིལ་གྱིས་

[Full Size]

གནོན་པའི་བརྡ། །གཡས་གཡོན་ཟུར་དུ་སྐར་མ་ཤར་བ་ནི། །སྒྲུབ་བརྒྱུད་སྐར་འཚོགས་བཞིན་དུ་བཀྲ་བའི་བརྡ། །དེ་སྟེང་ཡར་ངོའི་ཟླ་བ་ཚེས་པ་ནི། །འགྲོ་བའི་མ་རིག་མུན་པ་སངས་བའི་བརྡ། །དེ་སྟེང་ཉི་མའི་དཀྱིལ་འཁོར་རྒྱས་པ་ནི། །མདོ་སྔགས་བསྟན་པའི་ཉི་འོད་གསལ་བའི་བརྡ། །དེ་སྟེང་ནོར་བུ་སུམ་ཚོམ་བཞག་པ་ནི། །སྐུ་གསུམ་འབྲས་བུ་མྱུར་དུ་འགྲུབ་པའི་བརྡ། །བར་མཚམས་ཐམས་ཅད་སྟོང་པར་བཞག་པ་ནི། །སྟོང་ཉིད་ལྟ་བ་མངོན་སུམ་རྟོགས་པའི་བརྡ། །མཐའ་ལ་པ་ཏྲའི་ཕྲེང་བས་བསྐོར་བ་ནི། །ཤེས་བྱའི་གནས་ཀུན་མ་འདྲེས་མཁྱེན་པའི་བརྡ། །ཤ་རྒྱན་དཀར་དམར་གཉིས་པོ་བརྩེགས་པ་ནི། །ཨཧཾ་དཀར་དམར་བདེ་སྟོང་ཟུང་འཇུག་བརྡ། །ཤ་རྒྱན་གཡས་གཡོན་རྒྱབ་དང་གསུམ་སྦྲེང་བ། །དབུ་རྐྱང་རོ་གསུམ་བདེ་གསལ་མི་རྟོགས་མཚོན། །དབང་བསྐུར་རྒྱུད་བཤད་མན་ངག་སྦྱིན་པ་ཡི། །བླ་བརྒྱུད་གསུམ་པོ་ཐོ་བརྩེགས་བསྒོམ་པའི་བརྡ། །གཏོར་༈ འདབ་པདྨ་འདབ་མ་བརྒྱད་པ་ནི། །བླ་མའི་དཀྱིལ་འཁོར་བསྒོམ་པའི་གདན་གྱི་ཚུལ། །གཏོར་མ་དངོས་ནི་ཞལ་ཟས་མཆོད་པའི་སྤྲིན། །མར་རྒྱན་བླ་མ་སྐུ་གསུམ་ཕྱག་མཚན་ཏེ། །

[Full Size]

བླ་མ་ཆོས་སྐུ་སྣང་མཐའ་ཚེ་དཔག་མེད། །བླ་མ་ལོངས་སྐུ་འཕགས་པ་སྤྱན་རས་གཟིགས། །བླ་མ་སྤྲུལ་སྐུ་རྡོ་རྗེ་པདྨ་འབྱུང་། །རྩ་བར་བརྒྱུད་པའི་བླ་མ་ཐམས་ཅད་ཀྱང་། །སྐུ་གསུམ་དེ་ཡི་སྤྲུལ་པ་ཡང་སྤྲུལ་དང་། །ཉིང་སྤྲུལ་སུམ་སྤྲུལ་བྱིན་གྱིས་བརླབས་པ་ཉིད། །ཡིན་ཕྱིར་བླ་མ་མཆོད་ཚོགས་ཚེ་ཆོག་དང་། །ཐུགས་རྗེ་ཆེན་པོ་གུ་རུ་ཞི་བའི་རིགས། །དགོངས་འདུས་མཚོ་སྐྱེས་རྡོ་རྗེ་ལ་སོགས་པ། །བླ་མའི་ལས་བྱང་ཐམས་ཅད་འདི་ལ་འདོན། །བླ་བརྒྱུད་ཀུན་གྱི་གཏོར་བསྔོས་འདི་ལ་བྱ། །བྱིན་རླབས་རྩ་བ་བླ་མའི་གཏོར་མ་ཡིན། ༈ །ད་ནི་ཕུག་གཏོར་རྣམས་ཀྱི་བཤམས་ལུགས་ཀྱང་། །དགོངས་འདུས་གཏོར་མའི་ལག་ལེན་དམར་ཁྲིད་ལས། །དལ་དང་ཁྲི་སོགས་མ་འཛོམས་ན། །ནར་མོར་དབུས་སུ་བླ་མ་དང་། །གོཡས་གཡོན་ཡི་དམ་མཁའ་འགྲོ་ཡི། །གཏོར་མ་རིམ་བཞིན་བཤམས་ནས་ཀྱང་། །དམ་ཅན་ཆོས་སྐྱོང་ལ་སོགས་ཀྱང་། །དེ་ཡི་གཡས་དང་གཡོན་དུ་བཤམས། །ཞེས་གསུངས་ཡི་དམ་བླ་མའི་གཡས་སུ་བཤམས། ༈ །ཡི་དམ་གཏོར་མར་རིགས་གསུམ་བཤད་ན་ཡང་། །དགོངས་འདུས་གཏོར་མའི་དམར་ཁྲིད་དེ་ཉིད་ལ། །

[Full Size]

ཡི་དམ་མཁའ་འགྲོའི་གཏོར་མ་ནི། །ཅོག་ཟླུམ་ཟུར་གསུམ་འདེར་སོ་ལ། །དངོས་འདྲ་ཟུར་ཕྲན་མཐེབ་སྐྱུས་བསྐོར། །གསུངས་པའི་དོན་དང་མཐུན་པར་བྱ་བ་སྟེ། །རྩ་བ་ཟླུམ་པོ་ཅུང་ཞིག་ཕྲ་བ་དེ། །འཁོར་དུ་མཁའ་འགྲོ་ཞི་བའི་ལྷ་ཡོད་རྟགས། །སྟོད་ནི་འདིར་ཞིང་ཆེ་བ་ཡོད་པ་དེ། །སྟོབས་བཅུའི་སྟོབས་ལྡན་ཆེ་བའི་ཆེ་མཆོག་བརྡ། །ཕྱོགས་བཞིར་པདྨ་འདབ་བཞི་ཡོད་པ་ནི། །རིགས་བཞི་འཁོར་བཅས་ཕྲིན་ལས་བཞི་འགྲུབ་བརྡ། །མདུན་དུ་པད་ཀར་ཟླུམ་པོ་ཆེན་པོ་དང་། །པད་སེར་གྲུ་བཞི་པད་དམར་ཟླ་གམ་དབྱིབས། །པད་ལྗང་གྲུ་གསུམ་སུམ་བརྩེགས་བརྒྱན་པ་ནི། །ལས་བཞི་ཕྲིན་ལས་གང་ལ་དམིགས་ན་ཡང་། །གཏོར་མ་གཅིག་གིས་ཐམས་ཅད་འགྲུབ་པའི་གནད། །མར་སྐུད་འཐེན་པས་གཏོར་མ་གཉིས་བརྩེགས་འདྲ། །ཡབ་ཡུམ་གཉིས་ཀྱི་གཏོར་མ་དོན་གྱིས་ཚང་། །ཕྱི་རིམ་མར་རྒྱན་མེ་རི་ཞིབ་པོས་བསྐོར། །རང་འོད་མེ་དཔུང་ཀློང་ན་བཞུགས་པའི་བརྡ། །དཀར་ཐིག་ངེས་མེད་གར་ཡང་བཏབ་པ་ནི། །ལས་ལ་ངེས་མེད་གང་ཡང་འགྲུབ་པའི་བརྡ། །གཏོར་མའི་རྩེ་ལ་མུ་ཏིག་ཕྲེང་བས་བསྐོར། །སྒྲུབ་བརྒྱུད་མུ་ཏིག་གྲངས་འདྲ་འབྱུང་བའི་བརྡ། །དེ་

[Full Size]

སྟེང་རྡོ་རྗེ་བསླང་སྟེ་བཞག་པ་ནི། །ཡི་དམ་ཐམས་ཅད་བསྒོམ་པའི་ཐུགས་ཀྱི་རྟེན། །དེ་སྟེང་ཟླ་བ་ཚེས་པས་བརྒྱན་པ་ནི། །བར་ཆད་བདུད་ཀྱི་མུན་པ་སངས་པའི་བརྡ། །དེ་སྟེང་ཉི་མའི་དཀྱིལ་འཁོར་རྒྱས་པ་ནི། །བསྐྱེད་རྫོགས་ཟུང་འཇུག་ཏིང་འཛིན་གསལ་བའི་བརྡའ། །དེ་སྟེང་ནོར་བུ་སུམ་བརྩེགས་བཞག་པ་ནི། །སྒོ་གསུམ་སྐུ་གསུང་ཐུགས་སུ་འགྲུབ་པའི་བརྡ། །བར་མཚམས་ཐམས་ཅད་སྟོང་པར་བཞག་པ་ནི། །སྟོང་ཉིད་ཉམས་ལེན་གཤིས་དང་མ་བྲལ་བརྡ། །ཕྱི་རོལ་མེ་དཔུང་རབ་ཏུ་འཁྲུགས་པ་ནི། །གཟི་བརྗིད་བསྐལ་པའི་མེ་ལྟར་འབར་བའི་བརྡ། །གཡས་གཡོན་ཤ་རྒྱན་གསུམ་པོ་གྱེན་བསྒྲེང་བ། །བསྐྱེད་དང་རྫོགས་དང་བསྐྱེད་རྫོགས་ཟུང་འཇུག་གསུམ། །མཐའ་རུ་ཕྱིན་ཞིང་བརྟན་པ་ཐོབ་པའི་བརྡ། །མར་རྒྱན་ལས་བཞིའི་དཀྱིལ་འཁོར་དབྱིབས་ཡོད་པ། །རྟེན་གྱི་དཀྱིལ་འཁོར་ཐམས་ཅད་དེ་ལ་ཚང་། །མར་སྐུད་འཐེན་པས་གཏོར་མ་ཕྱི་ནང་གཉིས། །ཡི་དམ་ཡབ་ཡུམ་གཏོར་མ་དེ་ལ་ཚང་། །ཕྱོགས་བཞིར་པད་འདབ་ཆེན་པོ་བཞི་ཡོད་པ། །རིགས་བཞི་འཁོར་གྱི་གཏོར་མ་ཚང་བ་ཡིན། །ཕྱི་ཟུར་མེ་རི་ཞིབ་པོས་བསྐོར་བ་ནི། །ཡེ་ཤེས་རང་འོད་མེ་ཀློང་བཞུགས་

[Full Size]

པའི་བརྡའ། །བདེ་དགྱེས་གསང་གསུམ་གསར་མའི་ཡི་དམ་ལྷ། །གུ་དྲག་བཀའ་བརྒྱུད་དགོངས་འདུས་ཕུར་པ་དང་། །ཁྲོ་ཆུ་འཇིགས་བྱེད་ཚེ་བདགེ་ལ་སོགས་པ། །ཡི་དམ་ཁྲོ་བོ་ཀུན་གྱི་ལས་གཞུང་བཏང་། །ཁྲོ་བོ་ཀུན་གྱི་གཏོར་བསྔོས་འདི་ལ་བྱ། །དངོས་གྲུབ་རྩ་བ་ཡི་དམ་གཏོར་མའོ། ༈ །བླ་མེད་ཀུན་གྱི་གསང་བའི་ཡུམ། །མཁའ་འགྲོའི་གཏོར་མ་བླ་མའི་གཡོན་དུ་བཤམས། །དེ་ཡང་དགོངས་འདུས་གཏོར་མའི་པྲ་ཁྲིད་ལས། །མཁའ་འགྲོའི་གཏོར་མའི་རིགས་ལ་བཅུ་གསུངས་ཀྱང་། །པད་མའི་རིགས་ལ་དབང་གི་གཏོར་མའི་དབྱིབས། །ཟླུམ་པོ་ཕྱེད་གཤག་ཟླ་གམ་ཅན། །གསུངས་ཕྱིར་མཁའ་འགྲོའི་གཏོར་མ་སྟོད་འདིར་བ། །ཟུར་གཉིས་བྱས་པས་ཟླ་གམ་དབྱིབས་སུ་གྲུབ། །མཁའ་འགྲོའི་གཙོ་བོ་ཕྲིན་ལས་དབང་གི་ལས། །ཡིན་ཕྱིར་གཏོར་མར་འབྲི་མོག་དམར་པོ་བྱུགས། །ལོགས་གཉིས་ཞི་བ་ཁྲོ་བོའི་གཏོར་མ་གཉིས། །པད་འདབ་རྩེ་རྣོ་ཟུར་གསུམ་དབྱིབས་ཅན་བཞི། །འཁོར་གྱི་རིགས་བཞི་མཁའ་འགྲོའི་ལས་འགྲུབ་རྟགས། །གཏོར་མའི་སྨད་ནི་ཟླུམ་པོ་དཀར་ཐིག་ཅན། །མཁའ་འགྲོ་སྤྱི་གཏོར་དེ་ལ་ཚང་བ་ཡིན། །མདུན་དུ་

[Full Size]

མར་རྒྱན་པདྨ་ཆེན་པོའི་དབུས། །ཆོས་འབྱུང་ཟུར་དྲུག་ཕག་ཁྲོས་དཀྱིལ་འཁོར་ཚང་། །མར་སྐུད་འཐེན་པས་གཏོར་མ་ཕྱི་ནང་གཉིས། །ནང་ནི་ཡེ་ཤེས་ཕྱི་ནི་ལས་མཁའ་འགྲོ། །སྨད་ཆ་འཇིག་རྟེན་མཁའ་འགྲོའི་གཏོར་མ་ཚང་། །གཏོར་མའི་རྩེ་མོ་མུ་ཏིག་ཕྲེང་བས་བསྐོར། །ཕྲིན་ལས་མུ་ཏིག་ལྟར་རྒྱུན་འགྲུབ་པའི་བརྡའ། །དེ་སྟེང་གྲི་ཐོད་མཁའ་འགྲོའི་ཕྱག་མཚན་ཏེ། །ཕག་ཁྲོས་སེང་སོགས་མཁའ་འགྲོ་བསྒོམ་པའི་རྟེན། །དེ་སྟེང་ཟླ་བ་ཕྱེད་པས་བརྒྱན་པ་ནི། །མ་རིག་མུན་པ་རིམ་པར་སངས་བའི་རྟགས། །དེ་སྟེང་ཉི་མའི་དཀྱིལ་འཁོར་གསལ་བ་ནི། །ཟག་མེད་མངོན་ཤེས་རྟག་ཏུ་གསལ་བའི་རྟགས། །དེ་སྟེང་ནོར་བུ་སུམ་ཚོམ་བརྒྱན་པ་ནི། །རྩ་ཐིག་རླུང་གསུམ་འབྲས་བུ་ཐོབ་པའི་བརྡ། །དེ་རྒྱབ་མེ་དཔུང་འབར་བས་བསྐོར་བ་ནི། །ཕྲིན་ལས་རྣོ་མྱུར་མེ་ལྟར་ཚྭ་བའི་བརྡ། །གཡས་གཡོན་རྒྱབ་གསུམ་ཤ་དར་གསུམ་སྦྲེང་བ། །གནས་གསུམ་མཁའ་འགྲོའི་ཚོགས་རྣམས་མཆོད་པའི་བརྡ། །ཟུར་གཉིས་མར་རྒྱན་སྤུ་ཤེད་ཅན་གྱིས་བསྐོར། །འཇའ་དང་འོད་ཟེར་འཁྲུགས་པའི་ཀློང་བཞུགས་བརྡ། །མདུན་གྱི་མར་རྒྱན་རྟེན་གྱི་དཀྱིལ་འཁོར་ཚང་། །རྩེ་ཡི་མར་རྒྱན་བརྟེན་པའི་ལྷ་

[Full Size]

རྣམས་ཚང་། །གཏོར་མ་དངོས་ཀྱི་ལྷ་གྲངས་གཏོར་མ་ཚང་། །ཕྲིན་ལས་རྩ་བ་མཁའ་འགྲོའི་གཏོར་མའོ། ༈ །དེ་ནས་དགོངས་འདུས་གཏོར་མའི་པྲ་ཁྲིད་ལས། །དམ་ཅན་ཆོས་སྐྱོང་གཏོར་མ་ནི། །སོ་སོའི་གཞུང་ནས་འབྱུང་གྱུར་ཀྱང་། །ཁྱད་པར་སྙིང་ལ་ཟུར་སྟོད་བཞིན། །རྔམ་པར་བྱ་སྟེ་ཕོ་མོའི་ཚད། །ཕོ་རྒྱུད་རྣམས་ལ་ཆེ་ཞིང་བརྗིད། །མོ་རྒྱུད་རྣམས་ལ་ཕྲ་ཞིང་རིང་། །སོ་སོར་བཤོས་ཕྲན་དངོས་འདྲ་བར། །མཐེབ་སྐྱུ་བཅད་ཁས་ཕྱིར་བསྟན་བསྐོར། །གསུངས་པའི་དོན་ནི་འདི་མན་ཆད། །ཆོས་སྐྱོང་གཏོར་མ་སྤྱི་ལ་སྟེ། །མཁའ་འགྲོའི་གཡོན་དུ་ཡི་དམ་ཆོས་སྐྱོང་གཉིས། །ཟུང་འཇུག་ཡིན་ཕྱིར་རྟ་མགྲིན་ནག་པོ་སྟེ། །ཟུར་གསུམ་འདིར་ཡོད་སྙིང་ལ་ཟུར་བཏོད་འདྲ། །ལོགས་གསུམ་རྟ་མགྲིན་ནཱ་ག་ཀླུ་འདུལ་དང་། །ལས་རིམ་བདུན་མ་རྟ་ནག་དྲེགས་པ་གསུམ། །ཟུར་གསུམ་ནཱ་ག་རཀ་གནོད་སྦྱིན་དམར། །འཁོར་གྱི་སྡེ་བརྒྱད་གཅིག་བརྩི་གཏོར་མ་ཚང་། །། གཙོ་འཁོར་བར་ནི་མར་རྒྱན་འཐེན་པས་བཅད། །མདུན་དུ་མར་རྒྱན་འདབ་བརྒྱད་ཆེན་པོ་ནི། །འཁོར་གྱི་སྡེ་བརྒྱད་བཞུགས་པའི་གདན་གྱི་ཚུལ། །དེ་དབུས་གྲུ་གསུམ་མཐིང་ནག་

[Full Size]

པད་འདབ་བཞི། །རྟ་ནག་རིགས་གསུམ་དཀྱིལ་འཁོར་དེ་ལ་ཚང་། །དམར་ཆེན་གཏོར་མ་ཡིན་ཕྱིར་འབྲི་མོག་བྱུགས། །ཕྲིན་ལས་ངེས་མེད་སྣ་ཚོགས་འགྲུབ་པའི་ཕྱིར། །དཀར་ཐིག་ངེས་མེད་གར་ཡང་གདབ་པ་ཡིན། །ལས་མཁན་རིགས་གསུམ་རྣོ་མྱུར་མེ་དང་འདྲ། །དེ་ཕྱིར་ཟུར་གསུམ་མེ་རི་ཞིབ་པོས་བསྐོར། །མར་རྒྱན་རལ་གྲི་རྡོ་རྗེ་ཞགས་པ་ནི། །རྟ་ནག་རིགས་གསུམ་གང་ཡང་བསྒོམ་པའི་རྟེན། །དེ་རྒྱབ་མེ་རི་འབར་བས་བསྐོར་བ་ནི། །བྱིན་རླབས་ནུས་པ་མེ་ལྟར་འབར་བའི་རྟགས། །དབུས་དང་གཡས་གཡོན་ཤ་དར་གསུམ་ཆ་བཙུགས་པ། །གཙོ་དང་འཁོར་གྱི་ཕོ་རྒྱུད་མོ་རྒྱུད་མཉེས། །ངོ་བོ་ཡེ་ཤེས་རྣམ་པ་དམ་ཚིག་ལྷ། །ཕྲིན་ལས་འཇིག་རྟེན་པ་ལྟར་རྣོ་མྱུར་ལྡན། །རྟ་མགྲིན་ནག་པོ་སྒྲུབ་པའི་དཀྱིལ་འཁོར་ཚང་། །མཆོད་གཏོར་སྒྲུབ་གཏོར་ཐམས་ཅད་འདི་ཡིས་ཚང་། །རྩ་གསུམ་གཏོར་མ་མར་གྱུ་གྲལ་གྱི་མགོ །དེ་ནས་གཡས་གཡོན་གྲལ་གྱི་ཚུལ་དུ་སྟེ། །གཡོན་གྲལ་མགོ་དེར་རྟ་མགྲིན་ནག་པོ་ཡིན། ༈ །གཡས་གྲལ་མགོ་དེར་མ་མགོན་ལྕམ་དྲལ་ཏེ། །ཡབ་ཡུམ་སྦག་སྒྲུབ་བཀྲ་ཤིས་ཚན་ཆེའི་གནད། །སྲིད་པ་གཏེར་ཁྱིམ་སོགས་ལས་རྒྱ་ཆེར་

[Full Size]

བཤད། །དེ་ཕྱིར་མ་མགོན་གཏོར་མ་གཅིག་ཏུ་བསྡུ། དབྱིབས་ནི་དབང་ཕྱུག་རྡོ་རྗེའི་ཞལ་ཁྲིད་ལྟར། །སྟོད་ཟུར་གསུམ་པ་འདིར་ཆེ་ཕྲག་པ་ཅན། །ལོགས་གསུམ་ཡེ་ཤེས་ལས་དང་འཇིག་རྟེན་གྱི། །མ་མགོན་རིགས་གསུམ་གཏོར་མ་ཚང་བ་ཡིན། །སྨད་ཆ་ཟླུམ་པོ་དཀར་ཐིག་མང་པོས་བརྒྱན། །དཀྱིལ་འཁོར་འཁོར་གྱི་གཏོར་མ་ཐམས་ཅད་ཚང་། །ཟུར་གསུམ་དཀྱིལ་འཁོར་ལྷ་གྲངས་མི་ཐེ་བའི། །ལས་མཁན་བཙན་བདུད་ཀླུ་གསུམ་གཏོར་མ་ཚང་། །ལྷ་དམག་བྱེ་བ་དུང་ཕྱུར་དཔུང་ཆེའི་ཕྱིར། །ཟུར་རྩེ་ཕྲག་པ་དཔུང་ཡི་པར་ལྡན་པའོ། །མགོན་པོ་དབང་ཕྱུག་ངོ་བོ་གཅིག་གསུངས་ཕྱིར། །གཏོར་མ་དབང་གི་ཁ་དོག་དམར་པོར་བྱུག །ལས་མཁན་མ་མགོན་གཏོར་མར་མི་བསྲེ་ཕྱིར། །མར་སྐུད་འཐེན་པས་ཟུར་གསུམ་ཕྱི་ལ་བཅད། །མཐུ་སྟོབས་གཟི་བརྗིད་མེ་ལྟར་འབར་བའི་ཕྱིར། །ཟུར་གསུམ་མེ་རི་ཕྲའུ་ཕྲེང་བས་བསྐོར། །མདུན་དུ་མར་རྒྱན་ཟུར་གསུམ་མཐིང་ནག་ནི། །མ་མགོན་ཡོངས་ཀྱི་དཀྱིལ་འཁོར་ཚང་བ་ཡིན། །དེ་ནང་པདྨ་འདབ་བརྒྱད་ཕྱི་ནང་གཉིས། །འཁོར་གྱི་ནག་པོ་ཡབ་ཡུམ་བཅུ་དྲུག་མཚོན། །མར་རྒྱན་དེ་ལ་སྒྲུབ་པའི་དཀྱིལ་འཁོར་ཚང་། །

[Full Size]

དམར་ཐིག་ངེས་མེད་གར་ཡང་བཏབ་པ་ནི། །གློ་བུར་ཕྲིན་ལས་ངེས་མེད་གང་བརྩམ་འགྲུབ། །མར་རྒྱན་གྲི་ཐོད་མགོན་པོ་སྒོམ་པའི་རྟེན། །ཁཊཾ་ཕུར་བུ་མེ་ལོང་སྦྲུལ་ཞགས་ནི། །ལྷ་མོ་སྒོམ་པའི་རྟེན་ཏེ་སྒྲུབ་རྟེན་ཚང་། །དེ་རྒྱབ་མར་རྒྱན་མེ་རི་འབར་ཞིང་འཚུབ། །མེ་དཔུང་རླུང་འཚུབ་དབུས་སུ་བཞུགས་པའི་དོན། །དབུས་དང་གཡས་གཡོན་ཤ་དར་གསུམ་ཕྱིར་ནི། །ཡེ་ཤེས་ལས་དང་འཇིག་རྟེན་མ་མགོན་རྣམས། །ཤ་དང་ཁྲག་ལ་དགྱེས་ཕྱིར་མཆོད་པའི་རྫས། །འདི་ལ་བེར་ཡོད་ཟེར་ནག་སྐོར་གསུམ་དང་། །བེར་མེད་གྲི་ཐོད་འཛིན་པ་སྐོར་གསུམ་དང་། །ལྷ་མོ་སྐོར་གསུམ་ཀུན་ལ་བསྔོ་ཞིང་འབུལ། ༈ །ས་པཎ་ལ་སོགས་མཁས་པ་འགའ་ཞིག་གིས། །དཔལ་ཆེན་གཏོར་མ་ཟུར་གསུམ་རུ་ཏྲའི་སྙིང་། །ཞེས་པ་རྙིང་མའི་རྒྱུད་ལ་བཤད་མོད་ཀྱི། །གསར་མའི་རྒྱུད་ལ་གཏོར་མ་ཟུར་གསུམ་མེད། །གསུངས་ཕྱིར་གུར་མགོན་ལ་སོགས་ཟླུམ་གཏོར་དར། །འོན་ཀྱང་གསར་མའི་མགོན་པོ་ཕྱག་བཞི་པའི། །བྱ་རོག་སྲོག་ཟན་ནག་པོའི་རྒྱུད་ཆེན་ལས། །འབྲུ་ནག་མགོན་བཤོས་ཟུར་གསུམ་ལ། །ཐ་མ་མཐེབ་སྐྱུ་འབྲས་ཀྱིས་དགང་། །གསུངས་ཕྱིར་དུད་སོལ་མ་དང་ཕྱག་བཞི་

[Full Size]

པ། །གཅིག་བསྡུས་གཏོར་མ་ཟུར་གསུམ་ལྷུན་ཆགས་པ། །ལྷ་མོ་ཁྲག་ལ་མཉེས་ཕྱིར་འབྱུང་བའི་ཁྲག །འབྲི་མོག་བྱུག་ལ་ཁྲག་གི་མདོག་ཏུ་བྱེད། །གཙོ་དང་འཁོར་གྱི་གཏོར་མ་མི་བསྲེ་ཕྱིར། །ཟུར་དང་ལོགས་ཀྱི་བར་དུ་མར་སྐུད་དང་། །རི་མོ་བྱས་པར་བར་མཚམས་བཅད་པར་བྱ། །མདུན་ལོགས་མགོན་པོ་གཡོན་ལོགས་དུད་སོལ་མ། །གཡས་ལོགས་ལས་མགོན་བྱ་རོག་གདོང་ཅན་ཡིན། །གཡས་ཟུར་ཡབ་འཁོར་གཙོ་བོ་ནག་པོ་སྟོང་། །གཡོན་ཟུར་ཡུམ་འཁོར་མ་མོ་བྱེ་བ་འབུམ། །རྒྱབ་ཟུར་དུར་ཁྲོད་བརྒྱད་ཀྱི་ཤ་ཟ་འབུམ། །ཟུར་གསུམ་མར་གྱིས་ཤན་ནས་བཤད་པ་དེ། །ནོར་ལྷ་གནོད་སྦྱིན་ཁྲི་དང་དཔལ་མགོན་སོགས། །དེ་དག་ཀུན་གྱི་གཏོར་མ་དེ་ཡིས་ཚང་། །གཏོར་མ་གཅིག་ལ་ལྷ་གྲངས་གཏོར་མ་ཀུན། །བརྩི་བ་འདི་འདྲ་གང་ནས་ཐོས་ཞེ་ན། །མཁས་པ་ཆེན་པོ་འབྲུག་པ་པད་དཀར་གྱིས། །གཏོར་མ་གཅིག་ལ་མགོན་མང་ཐམས་ཅད་ཀྱི། །གཏོར་མ་སོ་སོར་བརྩི་སྲོལ་འདུག་དང་མཚུངས། །མར་རྒྱན་ཕྲིན་ལས་བཞི་ཡི་དཀྱིལ་འཁོར་འདིར། །གཏོར་མའི་ལས་རྒྱུད་འགྲེལ་པ་རྟེན་གཏོར་དང་། །མདོས་གཏོར་ལ་སོགས་ཀུན་ནས་གསུངས་པ་

[Full Size]

སྟེ། །རས་བྲིས་དཀྱིལ་འཁོར་བཤམས་སྲོལ་ཡོད་པ་ལྟར། །མ་མགོན་སྒྲུབ་རྟེན་དཀྱིལ་འཁོར་དོན་གྱིས་ཚང་། །མར་རྒྱན་ནང་དུ་ཡབ་ཡུམ་ཕྱག་མཚན་ནི། །མ་མགོན་བྱ་སེང་ཡུམ་གསུམ་བསྒོམ་པའི་རྟེན། །ཐ་མ་མེ་རིས་དཀྱུས་ནས་བསྐོར་བ་ནི། །བསྟན་པ་མེ་ལྟར་འབར་བའི་རྟེན་འབྲེལ་ལགས། །ཤ་དར་གསུམ་ནི་མ་མགོན་ཡབ་ཡུམ་དང་། །འཁོར་གྱི་ཕོ་རྒྱུད་མོ་རྒྱུད་མཆོད་པའི་རྫས། །འདི་ལ་ཕྱག་བཞི་པ་དང་བྱ་རོག་གདོང་། །རྩ་འཇིབ་མ་དང་དུད་སོལ་ལྷ་མོ་འདོན། །སྒྲུབ་པའི་རྟེན་ཡང་འདི་ཡིས་ཆོག་པ་ཡོད། ༈་།ཕྱག་དྲུག་པ་ལ་ཟུར་གསུམ་ལྷུན་ཆགས་པ། །ཟུར་དང་ལོགས་གཉིས་མར་སྐུད་རི་མོས་བཅད། །དམར་ཆེན་གཏོར་མ་ཡིན་ཕྱིར་འབྲི་མོག་བྱུག །མདུན་ལོགས་མྱུར་མཛད་མགོན་པོ་ཕྱག་དྲུག་པ། །གཡོན་ལོགས་དེ་ཡི་ཡུམ་ཆེན་རེ་མ་ཏི། །གཡས་ལོགས་དཀར་པོ་གཟི་ལྡན་ནོར་གྱི་ལྷ། །གཡས་ཟུར་ཀླུ་ཊ་པ་ལ་ལས་མཁན་ཆེ། །གཡོན་ཟུར་ཛི་ན་ཏཱཀྐི་ཏྲཀཱད་དོ། །རྒྱབ་ཟུར་དྲེགས་པ་ཕོ་མོ་ལྔ་བརྒྱ་སྟེ། །ཟུར་གསུམ་དཀར་གྱིས་བརྒྱན་ཅིང་བཤད་པ་ནི། །དཔལ་མགོན་བདུན་ཅུ་རྩ་ལྔ་དཀར་ལ་མཉེས། །མདུན་དུ་མར་རྒྱན་གྲུ་གསུམ་མཐིང་ནག་

[Full Size]

དབུས། །པདྨ་འདབ་དྲུག་མགོན་པོའི་དཀྱིལ་འཁོར་ཚང་། །རྩེ་རུ་མགོན་པོའི་ཕྱག་མཚན་དྲུག་པོ་ནི། །མགོན་པོའི་ལྷ་བསྐྱེད་རྟེན་ཡིན་སྒྲུབ་རྫས་ཚང་། །མཐའ་སྐོར་མར་རྒྱན་མེ་དཔུང་འབར་བའི་ཚུལ། །ཐུགས་རྗེ་བྱིན་རླབས་མེ་ལྟར་འབར་བའི་རྟགས། །རྒྱབ་དང་གཡས་གཡོན་ཤ་དར་གསུམ་བཙུགས་པ། །མགོན་པོའི་ལས་མཁན་ཕོ་རྒྱུད་མོ་རྒྱུད་མཉེས། །འདི་ལ་ཁོ་རང་འཁོར་བཅས་མ་གཏོགས་པར། །གཞན་ལ་གཏོར་མ་བསྔོ་བར་མི་རུང་གསུངས། །ཤན་པ་ནག་མོ་རེ་ཏི་མཆེད་གསུམ་དང་། །དམག་ཟོར་མ་དང་དཔལ་ལྡན་རབ་བརྟེན་མ། །རེ་མ་ཏི་ཡི་རིགས་ཡིན་རུང་བ་སྟེ། །བ་ལམ་ཁྲི་སྨན་རྟག་སྨན་གསུམ་པོ་ནི། །རེ་མ་ཏི་ཡི་གཡོག་མོ་ཡིན་ཕྱིར་རུང་། །ཕྱག་དྲུག་དཀར་མཐིང་ཀེ་ཊ་རེ་མ་ཏི་། །གང་སྒྲུབ་གཏོར་མ་གཅིག་པོས་ཆོག་པ་ཡིན། ༈ །མ་ནིང་གཏོར་མ་ཟུར་གསུམ་སྙིང་འདྲ་བ། །ཁ་དོག་དམར་པོ་ནག་པོ་གང་ཡང་རུང་། །མདུན་ལོགས་མགོན་པོ་གཡོན་ལོགས་དཔལ་འབར་མ། །གཡས་ལོགས་སྲོག་བདུད་ཏྲཀཱད་དོན་གཅིག་ཡིན། །རྒྱབ་ཟུར་མ་ནིང་ཡང་འཁོར་བརྒྱད་པོ་སྟེ། །གཡས་ཟུར་བཀའ་སྲུང་ཕོ་རྒྱུད་ཐམས་ཅད་དང་། །

[Full Size]

གཡོན་ཟུར་བཀའ་སྲུང་མོ་རྒྱུད་ཐམས་ཅད་དེ། །གཙོ་འཁོར་མཚམས་སུ་མར་སྐུད་འཐེན་པའམ། །ཡང་ན་རི་མོ་བྲིས་པས་བར་མཚམས་བཅད། །ཟུར་གསུམ་མར་གྱིས་ཤན་ཅིང་། བཤད་པ་ནི། །བཀའ་སྲུང་ཀླུ་སོགས་དཀར་ལ་དགྱེས་རྣམས་མཆོད། །མར་རྒྱན་གྲུ་གསུམ་མཐིང་ནག་སྦྱར་བའི་དབུས། །པདྨ་འདབ་གསུམ་སྒྲུབ་རྟེན་དཀྱིལ་འཁོར་ཚང་། །རྩེ་རུ་མར་རྒྱན་རུ་མཚོན་སྙིང་ཞགས་ནི། །མ་ནིང་རིགས་ལྔ་ལྷ་བསྐྱེད་བསྒོམ་རྟེན་ཚང་། །འདི་ལྟར་གཏོར་མ་ཟུར་གསུམ་ཕལ་ཆེར་ལ། །འོག་ཏུ་གཏོར་འདབ་མཐེབ་སྐྱུ་གསུམ་སྦྱར་བ། །བདག་དང་འགྲོ་བ་སེམས་ཅན་ཐམས་ཅད་ཀྱིས། །དུག་གསུམ་མཆོད་པ་ཕུལ་ནས་ཞལ་དུ་བསྟབ། །མཐར་ཐུག་སྐུ་གསུམ་འགྲུབ་པའི་རྟེན་འབྲེལ་མཚོན། །རྩེ་ཡི་ཕྱག་མཚན་རྒྱབ་ཀྱི་མེ་རི་ནི། །ཨོ་རྒྱན་བྱེ་བ་ཕྲག་བརྒྱའི་བསྟན་སྲུང་སྟེ། །མཐུ་སྟོབས་བསྐལ་པའི་མེ་ལྟར་འབར་བའི་རྟགས། །མ་ནིང་རིགས་ལྔ་སྲོག་བདུད་ཏྲཀཱད་སོགས། །གང་ལྟར་བསྒྲུབ་ཀྱང་གཏོར་མ་འདི་ཡིས་ཚང་། །བཀའ་སྲུང་གཏེར་སྲུང་ཀུན་གྱི་གཙོ་བོའི་ཕྱིར། །མ་མགོན་སྡེ་བརྒྱད་སྤུ་གྲི་གདོང་ལྷ་དང་། །དྲེགས་པ་བཅོ་བརྒྱད་སྡེ་དཔོན་སུམ་ཅུ་སོགས། །བཀའ་སྲུང་

[Full Size]

ཐམས་ཅད་གཏོར་མ་འདི་ལ་བསྔོ། །གསར་མ་ཁ་རྐྱང་བྱེད་པའི་ལུགས་ལ་ནི། །ཕྱག་བཞི་ཕྱག་དྲུག་གུར་དང་རྣམ་སྲས་བཞི། །མགོན་ཆེན་སྡེ་བཞི་ཡིན་པར་རྩི་ན་ཡང་། །ན་བཟའ་ཡོད་མེད་ཁྱད་ཙམ་མ་གཏོགས་པར། །གུར་དང་བེར་ནག་ཅན་དང་ལེགས་ལྡན་དང་། །མགོན་པོ་ཚོགས་བདག་གྲི་གུག་ཨ་གྷོ་ར། དེ་རྣམས་གཅིག་པར་རྒྱུད་གཞུང་རྣམས་ནས་གསལ། །དེ་ཕྱིར་བེར་ནག་ཅན་དང་ཕྱག་བཞི་དྲུག །མ་ནིང་བཞི་པོ་མགོན་ཆེན་སྡེ་བཞི་ཡིན། །དེ་དོན་གསར་རྙིང་ཕྱོགས་མེད་རྒྱུད་རྣམས་གསལ། ༈ །ཞིང་སྐྱོང་གཏོར་མ་ཟུར་གསུམ་དབལ་དགུ་པ། །ཞྭ་དམར་ན་རིམ་རྣམས་ཀྱི་ཕྱག་ལེན་ཡིན། །དམར་གཏོར་ཡིན་ཕྱིར་འབྲི་མོག་བྱུག་པར་བྱ། །ལོགས་གསུམ་དབལ་གྱི་སྙིང་པོ་གསུམ་པོ་ནི། །མདུན་ནི་ཞིང་སྐྱོང་ནག་པོ་སེང་གེའི་གདོང་། །གཡས་ནི་ཞིང་སྐྱོང་དཀར་པོ་སེང་གདོང་སྟེ། །གཡོན་ནི་ཡུམ་མཆོག་སི་ན་ར་མ་ཡིན། །མདུན་གྱི་ཟུར་ནི་བར་པ་གཏོར་མའི་ཚུལ། །ཡབ་ཀྱི་ལས་མཁན་བམ་རོ་ཕོ་ཡིན་ལ། །གཡོན་གྱི་དབལ་ནི་བར་མ་གཏོར་མའི་ཚུལ། །ཡུམ་གྱི་ལས་མཁན་བམ་རོ་མོ་ཡིན་ཏེ། །གཡས་ཀྱི་དབལ་ནི་བར་མ་གཏོར་མའི་

[Full Size]

ཚུལ། །གཡོན་ཟུར་གཉིས་པོ་བམ་རོ་དཀར་པོ་གཉིས། །ཟུར་གསུམ་འཁོར་གྱི་གཏོར་མ་ཚང་བ་སྟེ། །གཡས་ཟུར་བྱེ་བ་གུང་རིང་འཆར་ཀ་ཡིན། །རྒྱབ་ཟུར་གནམ་ལྷ་ལ་སོགས་འཁོར་དྲུག་ཡིན། །ཟུར་གསུམ་མར་གྱིས་བྱུག་ཅིང་སེན་མོས་བཤད། །འཁོར་གྱི་འཇིག་རྟེན་སྐྱོང་ཀུན་དཀར་ལ་དགྱེས། །མདུན་དུ་མར་རྒྱན་གྲུ་གསུམ་མཐིང་ནག་དབུས། །པདྨ་འདབ་བརྒྱད་སྒྲུབ་པའི་དཀྱིལ་འཁོར་ཚང་། །རྩེ་ཡི་མར་རྒྱན་ཁཊ་གཡབ་དར་དང་། །གློ་བ་སྙིང་བཅས་ཡབ་ཡུམ་སྒོམ་པའི་རྟེན། །དྲག་གཏུམ་མེ་ལྟར་འབར་ཕྱིར་མེ་རིས་བསྐོར། །ཤ་ཟ་སེང་གདོང་འཁོར་བཅས་ཤ་ལ་དགྱེས། །དེ་ཕྱིར་ཤ་དར་གསུམ་ནི་ཕྱུར་བ་ཡིན། །ཞིང་སྐྱོང་དཀར་ནག་འཆར་ཀ་བེག་རྩེ་དང་། །ཆོས་རྒྱལ་བཅས་པ་གཏོར་མ་འདི་ལ་འདོན།གསུམ་པོ་ཞིང་སྐྱོང་འཁོར་ནི་ཡིན་ཕྱིར་རོ། ༈ །སྲིན་མགོན་གཏོར་མ་ཟུར་གསུམ་ཅུང་ཞིག་ཕྲ། །གཡས་གཡོན་གཉིས་སུ་ཆུང་ངུ་གཉིས་སྦྱར་ཏེ། །ལོགས་གསུམ་སྲིན་མགོན་དབང་ཕྱུག་ཞལ་བཞི་པ། །ཟུར་གསུམ་དེ་དག་ཀུན་གྱི་འཁོར་རྣམས་ཡིན། །གཏོར་ཆུང་གཡོན་ནི་ཡུམ་ཡིན་གཡས་པ་ནི། །སྲིང་མོ་སྲིན་མོ་བྱེ་བའི་གཏོར་མ་སྟེ། །སུམ་ཚོན་

[Full Size]

བཅས་པ་གཞུང་དང་ཕྱག་ལེན་མཐུན། །གུར་ལ་མགོན་ཆེན་ཞལ་ལ་མགོན་ཆུང་ཟེར། །མགོན་ཆུང་ཡིན་ཕྱིར་ཅུང་ཟད་ཕྲ་ལ་སྐེམ། །མར་རྒྱན་གྲུ་གསུམ་དབུས་སུ་འདབ་བརྒྱད་ནི། །སྒྲུབ་རྟེན་དཀྱིལ་འཁོར་དོན་གྱིས་ཚང་བ་ཡིན། །མར་རྒྱན་ཡབ་ཡུམ་ཕྱག་མཚན་བསྒོམ་པའི་རྟེན། །སྲིན་མགོན་ཤ་ལ་དགྱེས་ཕྱིར་ཤ་དར་གསུམ། །མགོན་པོ་ཞལ་འདི་རྣོ་མྱུར་མེ་དང་འདྲ། །དེ་ཕྱིར་མར་རྒྱན་མེ་རི་བྱས་པ་ཡིན། །ཞལ་དང་སྲིན་མགོན་དབང་ཕྱུག་དོན་གཅིག་སྟེ། །འབྱུང་པོ་དབང་ལྡན་མུ་སྟེགས་དབང་ཕྱུག་ཡིན། །དེ་ཕྱིར་མགོན་པོའི་ནང་ནས་འདི་རྣོ་སྐད། ༈ །དེ་ནས་བྲག་མགོན་མདུང་འཛིན་གཏོར་མ་ནི། །མགོན་ཆུང་ཡིན་ཕྱིར་ཕྲ་ལ་ཅུང་ཟད་ཆུང་། །ལོགས་གསུམ་བྲག་མགོན་མདུང་འཛིན་མོན་པ་གསུམ། །ཟུར་གསུམ་འཁོར་དང་ཡང་འཁོར་སྤྲུལ་པ་རྣམས། །བར་མཚམས་མར་རྒྱུན་ནམ་ནི་རི་མོས་བཅད། །མདུན་དུ་མར་རྒྱན་གྲུ་གསུམ་མཐིང་ནག་དབུས། །པདྨ་འདབ་བཞི་བསྒྲུབ་པའི་དཀྱིལ་འཁོར་ཚང་། །རྩེ་ལ་མར་རྒྱན་ཁཊཾ་མདུང་དར་གཉིས། །བྲག་མགོན་མདུང་འཛིན་གཉིས་པོ་སྒོམ་པའི་རྟེན། །མཐུ་རྩལ་མེ་བས་ཚ་ཕྱིར་མེ་དཔུང་བསྐོར། །

[Full Size]

མགོན་པོ་དཔུང་གཉིས་ལས་མཁན་མོན་པ་གསུམ། །མཆོད་ཕྱིར་ཤ་དར་གསུམ་ནི་ཕྱུར་བ་ཡིན། །དེ་ཡིས་གཡས་གྲལ་གཏོར་མ་བདུན་པོ་ཚང་། ༈ །གཡོན་གྲལ་གཉིས་ལ་སྔགས་སྲུང་ཕྲ་ཞིང་ལྡེམ། །ལོགས་གསུམ་སྔགས་སྲུང་སྲོག་སྒྲུབ་ཁ་མོ་ཆེ། །ཟུར་གསུམ་སྤྱང་ཞོན་མཆེད་གསུམ་གཏོར་མ་ཚང་། །མར་རྒྱན་མེ་རིའི་དབུས་སུ་ཞིང་དབྱུག་ནི། །སྔགས་ཀྱི་སྲུང་མ་བསྒོམ་པའི་རྟེན་ཡིན་ལ། །མ་མོ་མཁའ་འགྲོ་ཤ་དང་ཁྲག་ལ་དགྱེས། །དེ་ཕྱིར་གཏོར་མ་ཁྲག་མདོག་ཤ་དར་ཕྱིར། །རྫོགས་ཆེན་བཀའ་སྲུང་གཙོ་བོ་འདི་ཡིན་ཕྱིར། །གལ་ཆེན་བྱེད་ན་གཏོར་མ་གུད་དུ་བཅའ། ༈ །བཙན་གྱི་གཏོར་མ་ཕུར་རྩེ་གྱེན་བསླང་བཞིན། །བཙན་གྱི་རང་མདོག་ཁ་དོག་དམར་པོ་སྟེ། །རྣོ་མྱུར་ཤིན་ཏུ་ཆེ་ཕྱིར་ཟུར་ཀྱང་ནོ། །མར་རྒྱན་པདྨ་འདབ་གསུམ་ཆོས་འབྱུང་དབྱིབས། །དེ་ལ་བཙན་སྒྲུབ་མཎྜལ་ཚང་བ་ཡིན། །རྩེ་མོར་མདུང་དམར་མེ་འབར་བསྒོམ་པའི་རྟེན། །བཙན་རྒོད་འབར་བ་ཇག་མེ་སྤྱག་བཙན་གསུམ། །མཆོད་ཕྱིར་ཤ་དར་གསུམ་ནི་ཕྱུར་བ་ཡིན། །དགོངས་འདུས་བཀའ་སྲུང་གཙོ་བོ་འདི་ཡིན་ཕྱིར། །གཏོར་མ་གུད་དུ་བཅའ་བ་དེ་ཡི་དོན། །མི་རྟ་བཙན་གསུམ་ཁ་མོ་ཆེ་དང་

[Full Size]

བཞི། །དགོངས་འདུས་འདོན་ཡོང་ཕུག་གཏོར་འདི་གས་ཆོག ༈ །འདི་མན་དཀར་གཏོར་རིགས་ལྔ་འདི་དག་ལ། །སྨན་སྒྲུབ་བདུད་རྩི་རིལ་བུ་བསྲེ་མི་རུང་། །ཆང་ནི་བསྲེས་ཀྱང་འགལ་བ་མེད་པ་སྟེ། །ཀླུ་སྨན་ཕྱེ་མ་འོ་མ་ཅུང་ཙམ་བསྲེ། །ཐུད་སོགས་དཀར་གསུམ་ལ་ནི་བཅས་ཀྱང་ལེགས། །ཆང་ནི་བསྲེས་ཀྱང་རུང་ལ་མ་བསྲེས་ཀྱང་རུང་། ༈ །སྔགས་བདག་གཏོར་མ་ཟུར་གཉིས་འཁྱིལ་པ་སྟེ། །འཁྱིལ་པའི་ནང་དུ་རིལ་བུ་གཉིས་དང་ནི། །དབུས་ཀྱི་འབུར་དང་གསུམ་པོ་ནོར་བུའི་དབྱིབས། །སྔགས་བདག་འཛམ་སེར་གཅིག་གསུང་ནོར་ལྷའི་རིགས། །མདུན་ལོགས་སྔགས་བདག་རྒྱབ་ལོགས་མི་མགོན་དཀར། །སྨད་ནི་ཟླུམ་པོ་འཁོར་གྱི་ཀླུ་ས་བདག །འདབ་མ་བརྒྱད་སྦྱར་ཀླུ་ཆེན་བརྒྱད་ཡིན་ཏེ། །པདྨ་འདབ་བརྒྱད་ཀླུ་ཡི་དཀྱིལ་འཁོར་ཚང་། ༈ །འདི་མིན་དཀར་གཏོར་བཞི་པོ་ཐམས་ཅད་དང་། །མར་རྒྱན་གསུམ་རེ་བཙུགས་པ་མཚོན་བྱ་མེད། །སྒར་ཆེན་འཛམ་གླིང་རྒྱན་པའི་ཕྱག་ལེན་ལགས། ༈ །ཚེ་རིང་མ་ཡི་གཏོར་མ་ལྡེམ་ཞིང་ཕྲ། །ལྔ་ཀ་རྩ་བ་ཟླུམ་པོ་སྔོ་འམ་ལྗང་། །སྤང་ལྗོངས་སྐྱེད་མོས་ཚལ་རྣམས་མཚོན་པ་ཡིན། །རྩེ་མོ་

[Full Size]

ལྔ་པོ་དཀར་གཏོར་གངས་རིའི་ཚུལ། །ཤར་ནི་ཟླུམ་པོ་ལྷོ་ནི་འབྲང་རྒྱས་དབྱིབས། །ནུབ་ནི་བོང་བུའི་རྨིག་པ་འདྲ་བ་སྟེ། །བྱང་ནི་བྱ་ཡི་མཆུ་འདྲ་བྱ་མཆུ་མ། །རི་ཡི་དབྱིབས་ལ་དེ་ཤུལྟར་ཡོད་དོ་སྐད། །སྐད་པ་དུང་གི་ཕྲེང་བས་ལེགས་པར་དཀྲིས། །རྩེ་ནི་གངས་རི་ཟུར་གསུམ་མདུན་དུ་བསྒྱུར། །དེ་ལ་ན་བུན་མཚོན་ཕྱིར་སྤྲིན་རིས་བྲི། །སྔོན་ཚེ་ཤ་ཟ་སྤྱན་ལྔ་ཡིན་པ་ལ། །ད་ལྟ་དམན་མོའི་འཁོར་ཚོགས་ཤ་ལ་དགྱེས། །དེ་ཕྱིར་ཤ་དར་གསུམ་ནི་ཕྱུར་བ་ཡིན། །ཚེ་རིང་མ་ཡི་ཡབ་ནི་ཚོགས་བདག་སྟེ། །མཁའ་རི་ལྕམ་དྲལ་ཀོང་བཙུན་དེ་མོ་ཚུདང་། །ཀུན་འཁྱིལ་མཆེད་གསུམ་ཕག་གདོང་མཆེད་ལྔ་དང་། །བརྟན་མ་བཅུ་གཉིས་རིགས་མཐུན་འདི་ལ་བསྔོ། །མི་ལའི་ཆོས་བརྒྱུད་ཇོ་བོའི་ཆོས་བརྒྱུད་ཀྱི། །བཀའ་སྲུང་ཡིན་ཕྱིར་གཏོར་མ་གུད་དུ་བཅའ། ༈ །མཁར་ནག་གཏོར་མ་ཀླུ་མཁར་སྔོན་པོའི་དབྱིབས། །དཀར་ཕྱོགས་ཡིན་ཕྱིར་དེ་སྟེང་དཀར་གཏོར་བཞག །ངོ་བོ་ཀླུ་རིགས་ཡིན་ཕྱིར་སྦྲུལ་ནག་དཀྲིས། །པད་འདབ་རྣམས་ནི་ཀླུ་ཡིན་མཚོ་སྨན་མཚོ། །ཐང་ལྷ་སྨྱོ་ཁ་མཁར་ནག་ངོ་བོ་གཅིག །ཀླུ་བདུད་མཚོ་སྨན་ཚོགས་ཀུན་དེ་ཡི་འཁོར། །ཀཾ་ཚང་བསྟན་སྲུང་ཡིན་ཕྱིར་

[Full Size]

གུད་དུ་བཅའ། ༈ །ངོམ་རྒྱལ་གཏོར་མ་ཡུལ་ལྷའི་དཀར་གཏོར་དབྱིབས། །ཡུལ་ལྷ་ཅུང་ཞིག་རྩུབ་ན་སྡེ་དར་ཕྱིར། །ཟུར་གསུམ་དབྱིབས་བྱས་ཤ་དར་གསུམ་གྱིས་བརྒྱན། །ཉི་ཟླ་ནོར་བུས་མཚོན་པ་དགེ་ལེགས་འབྱུང་། །ལོགས་གསུམ་ངོམ་རྒྱལ་སྤོམ་ར་གཏམ་རྒྱལ་གསུམ། །ཟུར་གསུམ་སྨོན་སྐྱེས་གངས་བཞུར་མཆེད་གསུམ་སྟེ། །སྟོད་ཆ་གཙོ་བོ་སྨད་ཆ་འཁོར་ལ་བསྔོའོ། ༈ །ཕྱི་རྒྱུད་གཏོར་མ་དཀར་གཏོར་ཟླུམ་པོ་གཅིག །པད་འདབ་བརྒྱད་སྦྱར་ཕྱི་ཡི་སྡེ་བརྒྱད་ཡིན། །སྟོད་ཆ་ས་ཡི་ལྷ་མོ་རྒྱལ་ཆེན་བཞི། །སྨད་ཆ་སྟོང་གསུམ་གཞི་བདག་ཐམས་ཅད་ཡིན། །དེ་ལྟར་གཡོན་གྲལ་གཏོར་མ་བརྒྱད་དང་ནི། །བསྡོམས་པས་བཅོ་བརྒྱད་རྟག་གཏོར་ཕུག་གཏོར་ཚང་། །འདི་དག་རྣམས་ལ་ཆོས་རྗེ་མཁར་དྲུང་ལུགས། །སོ་སོའི་མཐུན་རྫས་བསྐང་འབྲས་བཙུགས་སྲོལ་དར། །བསྐང་བ་ལོགས་སུ་ཡོད་ཕྱིར་དེ་མི་དགོས། ༈ །གཏོར་མའི་མར་རྒྱན་ལ་སོགས་མཚོན་བྱ་ཉིད། །གཞུང་ནས་བཤད་པའི་མཐོང་ཐོས་མ་མཆིས་ཀྱང་། །བློ་གསལ་སློབ་མ་ཐབས་མཁས་ཞེས་བྱ་བས། །མཚོན་བྱ་བློ་ནས་གསར་དུ་བརྩམས་དགོས་ཟེར། །འཕྲལ་དུ་ཉམས་ལ་གང་ཤར་

[Full Size]

བྲིས་པ་སྟེ། །རྣལ་འབྱོར་ཉམས་ལ་ཅི་ཡང་འཆར་བའི་ཕྱིར། །མཁྱེན་ལྡན་རྣམས་ཀྱིས་ཐུགས་ཁྲེལ་མི་གནང་ཞུ། །སྣང་བ་བརྡ་ཡི་བླ་མ་མ་མཇལ་བས། །བརྡ་དོན་འཕྲོད་དམ་མ་འཕྲོད་ཆ་མ་མཆིས། །འོན་ཀྱང་གསར་བུ་རྣམས་ལ་ཕན་ཕྱིར་བྲིས། ༈ །ཕུག་གཏོར་མཐའ་ཡི་གཡས་གཡོན་གར་བདེ་རུ། །བསྐང་བ་གསོལ་ཁའི་གཏོར་མ་གཉིས་པོ་བཞག་གྲུབ་ཆེན་ཀརྨ་པཀྵིའི་གསུངས་ལས་ཀྱང་། །མདོས་དང་མཎྜལ་བསྐང་བ་དོན་གཅིག་གསུངས། །བསྐང་གཏོར་རི་རབ་བང་རིམ་བཞི་པའི་སྟེང་། །ཞི་རྒྱས་དབང་དྲག་ཕྲིན་ལས་གང་ཟློབསྒྲུབ་པའི། །གཏོར་མ་བཅའ་བར་ཡོངས་སུ་གྲགས་ན་ཡང་། །ཉམས་ཆག་སྡིག་སྒྲིབ་ཞི་ཕྱིར་གཙོ་ཆེ་བས། །གཏོར་མ་ཟླུམ་པོར་བཅའ་བ་ལེགས་པ་ཡིན། །པད་འདབ་གྲུབ་ན་ལེགས་ཀྱིས་མེད་ཀྱང་ཆོག །ཕྲིན་ལས་བཞི་ཀ་ཞོར་ལ་འགྲུབ་པའི་ཕྱིར། །མར་རྒྱན་ལས་བཞིའི་གཟུགས་ཀྱི་དབྱིབས་ཅན་བྱ། །ཉམས་དང་རྟོགས་པ་ཅི་ཡང་འཆར་བའི་ཕྱིར། །གཏོར་མའི་རྩེ་ལ་མུ་ཏིག་སྐར་ལྟར་བཀྲ། །མ་རིག་མུན་པ་སེལ་ཕྱིར་ཟླ་བ་དང་། །ཉམས་དང་རྟོགས་པ་གསལ་ཕྱིར་ཉི་མ་དང་། །དགོས་འདོད་ལྷུན་གྱིས་འགྲུབ་ཕྱིར་ནོར་བུས་

[Full Size]

བརྒྱན། །ཉམས་ཆག་སྡིག་སྒྲིབ་བསྲེགས་ཕྱིར་མེ་རི་འབར། །རླུང་སེམས་དབང་དུ་འདུ་ཕྱིར་གཏོར་མདོག་དམར། །རི་རབ་ཕྱོགས་མདོག་གྲུབ་ན་ལེགས་པ་སྟེ། སྣང་བ་དབང་དུ་འདུ་ཕྱིར་དམར་པོ་རུང་། །རྩེ་རུ་བཀྲ་ཤིས་རྟགས་བརྒྱད་རྒྱལ་སྲིད་བདུན། །དེ་འོག་བྱ་རིགས་དེ་འོག་གཅན་གཟན་དང་། །དེ་འོག་རི་དྭགས་དེ་འོག་གཡུང་དྭགས་དང་། །དེ་འོག་ཆུ་གནས་བར་མཚམས་ངེས་མེད་དུ། །མཆོད་པའི་ལྷ་མོའི་ཕྱག་མཚན་སྣ་ཚོགས་བཙུགས། །བྱ་ནག་རྟ་ནག་གཡག་ནག་ལུག་ནག་དང་། །ཁྱི་ནག་རྣམས་ནི་ཟན་ནག་པར་བཏབ་སྟེ། །བཅུ་གསུམ་དགུའམ་བདུན་སོགས་ཅི་འབྱོར་བཙུགས། །ཕྱོགས་གསུམ་མམ་ནི་ཟུར་བཞི་གང་རུང་དུ། །ཤ་དར་ཕྱར་བས་ལྷ་སྲིན་ཤ་ལ་མཉེས། །བསྐང་འབྲས་ཐམས་ཅད་ནང་དུ་ཁ་སྟོན་པ། །བསྐང་ཐབས་ཡིན་ཕྱིར་ཕྱོགས་མཚམས་ཕྱིར་བསྟན་པ། །བཟློག་ཐབས་དམག་ཐབས་ཞེས་ནི་བྱ་བ་དང་། །གནོད་བྱེད་ཕྱོགས་སུ་ཕྱོགས་གཅིག་ཁ་སྟོན་པ། །ཇག་ཐབས་ཡིན་ཞིང་ཀུན་གྱིས་སྨྲ་ན་ཡང་། །བསྐང་བ་ཡིན་ཕྱིར་བསྐང་ཐབས་གཙོ་ཆེ་ཞིང་། །བསྐང་ཐབས་ནང་དུ་ཁ་བསྟན་ཟེར་བའི་དོན། །དབུས་ཀྱི་མར་རྒྱན་ཉིད་

[Full Size]

ལ་ཁ་བསྟན་པར། །བྱེད་མཁན་མང་ཡང་དེ་ནི་མ་ཡིན་ནོ། །བདག་དང་ཕུག་གཏོར་རྩེ་གཉིས་ལྷར་བསྐྱེད་པས། །དེ་ལ་བསྐང་བ་ཀུན་གྱིས་ཁ་སྟོན་ནས། །ཕུག་གཏོར་གཡས་ཟུར་ངོས་ནས་ཚུར་བཤམས་ལེགས། །སྒར་ཆེན་ལུགས་ལ་བསྐང་འབྲས་མི་དར་བས། །གདན་ས་རྣམས་དང་འཕྲལ་ཉིད་དེ་རུ་ཡང་། །སྤྱན་གཟིགས་དཔག་མེད་བཤམས་ནས་ཡོད་པའི་དོན། །བསྐང་འབྲས་ཞལ་ཐང་བཤམས་རྒྱུ་ཡོད་ན་ནི། །བསྐང་འབྲས་མ་བཙུགས་ན་ཡང་ཆོག་པ་ཡིན། །ལ་ལས་བསྐང་འབྲས་ཙཀ་ལི་བཙུགས་སྲོལ་ཡོད། །ལྷ་མོ་རྫས་ལ་དགའ་བས་རྫ་ས་དགའ་མ། །དམིགས་པ་བསྒོམ་པ་ཁོ་ནས་མི་ཆོག་སྟེ། །དངོས་སུ་རབ་ཡིན་མེད་ཀྱང་གཟུགས་བརྙན་ཙམ། །མེད་ཐབས་མེད་པ་ལྷ་མོའི་རྒྱུད་ནས་གསུངས། །གྲུབ་ཐོབ་ཨོ་རྒྱན་པ་ཡི་ཞལ་ནས་ཀྱང་། །དམ་སེལ་མིན་པའི་དགྲ་ཡིས་མི་ཐུབ་གསུངས། །དམ་ཚིག་ཕྲ་ཞིབ་སྲུང་རྒྱུ་མང་བའི་ཕྱིར། །དམ་སེལ་ཆག་ཉམས་ནམ་བྱུང་ཆ་མེད་པས། །བསྐང་བ་འདི་ལ་འབད་པར་མན་ངག་ཡིན། །རྒྱས་པར་བསྐང་བའི་རྒྱུད་དང་བསྐྱེད་ཆོག་དང་། །བསྐང་ཆེན་བཞི་པོ་ལོ་རེ་ཚར་རེ་འདོན། །གསར་མ་ཁ་རྐྱང་བྱེད་པའི་ལུགས་ལ་ནི། །པཀྴིའི་

[Full Size]

གསར་བསྐང་རྡོ་རྗེའི་ཕྲེང་བ་དང་། །རྙིང་བསྐང་བཀྲ་ཤིས་སྒོ་མང་རྒྱས་པ་དང་། །བདེ་མགོན་རིན་ཕྲེང་བསྐང་ཆེན་བཞི་ལ་བརྩི། །གསར་རྙིང་གཉིས་ཀ་བྱེད་པའི་ལུགས་ལ་ནི། །བཀའ་བརྒྱད་མདངས་བསྐང་དགོངས་འདུས་མདངས་བསྐང་གཉིས། །བདེ་མགོན་རིན་ཕྲེང་གཉིས་དང་བསྐང་ཆེན་བཞི། །ཞི་དྲག་མ་ནིང་མ་མོའི་འཁྲུགས་བསྐང་སོགས། །ལུང་རྒྱུན་ཡོད་ཚད་བསྐང་བ་ཐམས་ཅད་འདོན། །བསྡུ་ན་བསྐང་སྤུང་ཉིད་ལ་ཐམས་ཅད་ཚང་། །དེ་ནི་དགུ་གཏོར་ནམ་བྱེད་དུས་སུ་འདོན། །རྒྱུན་དུ་གསར་རྙིང་བསྐང་ཐུང་ཆག་མེད་འདོན། ༈ །ཆོས་སྐྱོང་རིགས་ནི་འགའ་ལ་གསོལ་ཁ་འབྱུང་། །བེར་ནག་ཅན་ལ་གསོལ་ཁ་གྲགས་ཆེ་ཞིང་། །དེ་ལ་གཏོར་མ་གཙོ་འཁོར་བཅུ་གསུམ་དང་། །འོན་ཀྱང་གཏོར་ཆེན་གཅིག་གིས་ཆོག་པ་འདི། །སྒར་ཆེན་འཛམ་གླིང་རྒྱན་པའི་ཕྱག་ལེན་ཡིན། །གཏོར་མདོག་དམར་པོ་འབྲི་མོག་གང་ཡང་རུང་། །མགོན་གཏོར་ཡིན་ཕྱིར་དམར་ནག་བྱ་བ་ལེགས། །མགོན་པོའི་གཏོར་མའི་ལས་རྒྱུད་ཆེན་པོ་ནས། །གཏོར་གདན་ལས་བཞི་དེ་ལ་གསུངས་བའི་དོན། །མར་རྒྱན་ཉིད་ལ་བྱས་པས་འཐུས་པ་ཡིན། །དགོས་ཆེད་ཕྲིན་ལས་

[Full Size]

ཀ་འགྲུབ་པའི་དོན། །ཕྱི་ནང་མེ་རི་མར་རྒྱན་ལ་སོགས་པ། །མཚོན་བྱ་མེད་དེ་རྔམས་བརྗིད་ཆེ་ཕྱིར་ཡིན། །གསོལ་ཁ་ལྷ་ཡི་གཟི་བརྗིད་བསྐྱེད་ཕྱིར་ཡིན། །འདོན་བྱ་གསོལ་སྤུང་འདོན་པས་འཐུས་མོད་ཀྱི། །མ་ནིང་བཅོལ་གཏམ་ཤན་པའི་བཅོལ་གཏམ་སོགས། །འདོན་ན་འདི་ལ་འདོན་པས་ཆོག་པ་ཡིན། །སྒར་པས་དམ་ཅན་གསོལ་ཁ་འདིར་འདོན་ཏེ། །གཏོར་མ་འདི་ལ་བསྔོ་བ་མ་ཡིན་ནོ། །རྒྱུན་དུ་བསྟན་སྲུང་མཐར་ཐུག་མ་ཙམ་འདོན། །དེ་ཡི་སྟེང་གི་ཕུག་གཏོར་གྲྭ་ཚར་རྫོགས། ༈ །དེ་ནས་དེ་འོག་ལྡིང་ཁྲི་བར་མ་ལ། །ནོར་ལྷའི་རིགས་རྣམས་ཕྱོགས་གཅིག་བསྒྲིག་པའི་དོན། །ནོར་ལྷའི་གཏོར་མ་ཕྱི་མི་ལ་མི་བྱིན། །བྱ་ཁྱི་ཝ་དང་བོང་བུར་བྱིན་པ་ན། །དངོས་གྲུབ་ཡལ་བར་གསུངས་ཕྱིར་ལོགས་སུ་བཅའ། །དེ་ཡང་མགོན་དཀར་དུར་ཁྲོད་བདག་པོ་ནི། །བདེ་མཆོག་སྤྲུལ་པ་བདེ་མཆོག་རྒྱུད་དུ་གཏོགས། །མགོན་པོ་ཡིན་ཕྱིར་གྲལ་ཡང་མཐོ་བ་ཡིན། །སྟོད་ཟུར་གསུམ་པོ་ཡི་དམ་གཏོར་མ་འདྲ། །ཕྲ་ཞིང་གཡོན་ནས་ཡུམ་གཏོར་ཟུར་གསུམ་སྦྱར། །དེ་ནི་སྔར་གྱི་ཕྱག་ལེན་རྙིང་པ་ཡིན། །གཡས་ནས་ཟུར་གསུམ་ཕྲའུ་གཉིས་སྦྱར་བ། །དུར་ཁྲོད་བདག་མོ་

[Full Size]

ངན་ནེ་མ་ཡིན་ཕྱིར། །རྒྱུན་དུ་ཞི་སྒྲུབ་ཡིན་ཕྱིར་ཤ་མི་སྦྱར། །མར་རྒྱན་ཟུར་བརྒྱད་ནོར་བུའི་མཚོན་པ་ནི། །མགོན་དཀར་སྒྲུབ་པའི་དཀྱིལ་འཁོར་ཚང་བ་ཡིན། །རྩེ་རུ་དབྱུག་པ་ཐོད་ཁྲག་ལྷ་བསྐྱེད་རྟེན། །རྩེ་ཡི་མེ་རི་ཟུར་གསུམ་མེ་རིའི་ཚུལ། །མེ་བས་ཚ་ཞིང་གློག་བས་མྱུར་བའི་བརྡ། །ཡབ་དང་ཡུམ་དང་འཁོར་གྱི་ཤ་ཟ་རྣམས།། །མཆོད་ཕྱིར་ཤ་དར་གསུམ་ནི་ཕྱུར་བ་ཡིན། །རི་ཁྲོད་འདུག་གམ་ཕྱོགས་སུ་འགྲོ་བ་ཡིན། །སྙིགས་དུས་ཇག་རྐུན་གནོད་པ་རླུང་ལྟར་འཚུབ། །དེ་ཕྱིར་འདི་ཉིད་གེལ་དུ་བཅའ་དགོས་བྱུང་། ༈ །དེ་ཕྱིར་ནོར་ལྷ་སྤྱི་ཡི་གཏོར་མ་ནི། །ཟླུམ་པོའི་སྟེང་དུ་ཟུར་གཉིས་ནོར་བུའི་དབྱིབས། །དེ་ཉིད་པད་འདབ་བརྒྱད་ཀྱིས་བསྐོར་བར་བྱ། །དབང་སྡུད་ཡིན་ཕྱིར་མདོག་ནི་དམར་པོ་བྱ། །མདུན་དུ་མེ་ཏོག་འདབ་མ་བཅུ་དྲུག་པ། །ནོར་ལྷ་ཕོ་བརྒྱད་མོ་བརྒྱད་དཀྱིལ་འཁོར་ཚང་། །ནང་རིམ་མར་སྐུད་ཟུར་གཉིས་མར་གྱིས་ཤན། །སེན་མོས་བཤད་པ་ནོར་བུའི་མེ་རི་མཚོན། །ཟུར་གཉིས་མར་རྒྱང་མང་དུ་བཙུགས་པ་ལ། །མར་ཐུད་རིལ་བུ་མེ་ཏོག་མང་པོས་བརྒྱན། །རིལ་བུ་རྣམས་ནི་མེ་ཏོག་ཆར་འབེབས་ཚུལ། །མེ་ཏོག་དཔག་བསམ་ཤིང་དང་

[Full Size]

སྐྱེད་མོའི་ཚལ། །འདི་ལ་ཤ་རྒྱན་རུང་དང་མི་རུང་བའི། །ལྷ་གྲངས་མང་ཕྱིར་ཤ་རྒྱན་མི་བྱའོ། །འདི་ནི་སྔོན་གྱི་སྔགས་རྒན་ཐམས་ཅད་ཀྱིས། །གཡང་སྐྱབས་གཏོར་མའི་ཕྱག་ལེན་རྙིང་པ་ཡིན། །འདི་ལ་འཛམ་ལྷ་རིགས་དགུ་ནོར་རྒྱུན་མ། །དེ་སོགས་ནོར་ལྷའི་རིགས་གྱུར་ཀུན་ལ་བསྔོ། །འཇའ་ཚོན་ལུགས་དང་གནམ་ཆོས་ལུགས་ལ་སོགས། །འགྲུབ་སྦྱོར་ཡོད་དུས་གཡང་སྐྱབས་འདོན་འདོད་ན། །འདི་ལ་འདོན་ཆོག་ལོགས་སུ་བཅའ་མི་དགོས། །ད་ནི་བཞི་བཅུ་ཁ་རལ་སུམ་ཅུར་ཉེར། །སུམ་ཅུ་པ་ལ་མུ་གེའི་བསྐལ་པ་འབྱུང་། །གསུངས་ཕྱིར་འདི་ཉིད་ཤིན་ཏུ་གལ་ཆེན་ཡིན། ༈ །དེ་ནས་རེ་མན་ཡི་གཏོར་མ་ནི། །ཟླུམ་པོ་སྟོད་ཟུར་གཉིས་པ་ནོར་བུའི་དབྱིབས། །ཁ་དོག་དམར་པོ་དབང་གི་རང་བཞིན་མཚོན། །ནོར་བུ་དབུས་མར་མེ་ཏོག་པདྨ་ནི། །འདི་ཉིད་སྒྲུབ་པའི་དཀྱིལ་འཁོར་ཚང་བ་ཡིན། །ཟུར་གཉིས་མར་གྱིས་ཤན་ཅིང་སེན་མོས་བཤད། །དེ་ནི་ནོར་བུའི་མེ་རིའི་མཚོན་པ་ཡིན། །རྩེ་ལ་རལ་གྲི་མེ་འབར་འཁོར་ལོ་ནི། །ལྷ་ཉིད་སྒོམ་པའི་དམིགས་རྟེན་ཡིན་པའོ། །དཔག་བསམ་ཤིང་དང་ནོར་བུའི་ཆར་མཚོན་པའི། །མར་རྒྱང་གཡས་གཡོན་གཉིས་རེ་

[Full Size]

བཙུགས་པ་ཡིན། །བླ་ཆེན་ཡིན་ན་རྟ་གོད་འོང་དོགས་སྣང་། །བླ་ཕྲན་ཡིན་ཀྱང་སྡོམ་རྟ་འཆི་དོགས་སྣང་། །འདི་ནི་རྣམ་སྲས་ལོགས་སུ་བཞག་པའམ། །མགོན་པོ་ཡིན་ཕྱིར་གོང་དུ་བཞག་ཀྱང་རུང་། ༈ །དེ་ནས་རྣམ་སྲས་སེར་ཆེན་གཏོར་མ་ནི། །རྣམ་སྲས་དངོས་གྲུབ་འབྱུང་བའི་རྒྱུད་ཆེན་ལས། །གཏོར་མའི་ཆོ་ག་བྱ་བ་ནི། །འབྲས་སམ་ཏིལ་ལམ་གང་ཡང་རུང་། །རི་རབ་གཟུགས་བྱས་བང་རིམ་བཞི། །དབུས་སུ་རྒྱལ་པོའི་བཞུགས་གདན་བྱ། །ཟུར་བཞི་ལྕོགས་བཞི་བྱ་བ་ནི། །དུང་དང་དུང་ནི་ཆེན་པོ་དང་། །པདྨ་པདྨ་ཆེན་པོའོ། །གླིང་བཞི་གླིང་ཕྲན་བརྒྱད་དང་བཅས། །དེ་ནི་རྒྱལ་པོ་རྟེན་པའི་རྫས། །མར་མེ་བརྒྱ་དང་ལྷ་བཤོས་བརྒྱ། །གནོད་སྦྱིན་ཆེན་པོ་བརྒྱད་ཀྱི་རྫས། །དཀར་གསུམ་མངར་གསུམ་བླུག་པ་ནི། །ཀླུ་ཆེན་བརྒྱད་ཀྱི་རྫས་ཡིན་ནོ། །མཐེབ་སྐྱུ་བརྒྱ་དང་རྩ་བརྒྱད་བཞག །གནོད་སྦྱིན་བྱེ་བ་རྟེན་པའི་རྫས། །གསུངས་པ་སེར་དམར་གཉིས་ཀྱི་གཏོར་མ་ཡིན། །པཎ་ཆེན་བུད་དྷ་གུལྟའི་རྒྱ་གཞུང་ལས། །བཤོས་བུ་རི་རབ་དབྱིབས་སུ་བྱ་བར་གསུངས། །རི་རབ་བྱ་བ་དེ་དག་དོན་འདུས་ཡིན། །དེ་ལ་དུང་ཕྲེང་བྱས་པ་མཛེས་

[Full Size]

པའི་རྒྱན། །དེ་སྟེང་ཟླུམ་པོ་མིག་མང་རིས་བྲིས་པ། །བཞུགས་གནས་གདན་དང་བཅས་པ་མཚོན་པ་ཙམ། །དེ་སྟེང་ནོར་བུ་སུམ་ཚོམ་དགོས་འདོད་འབྱུང་། །ནོར་བུ་གསུམ་ལ་འདབ་བརྒྱད་གསུམ་བཀོད་པ། །སྟེང་མ་རྣམ་སྲས་གནོད་སྦྱིན་མོ་བརྒྱད་དང་། །གཡས་པ་ཕོ་བརྒྱད་གཡོན་པ་ཀླུ་བརྒྱད་མཚོན། །སེར་ཆེན་ལྗང་ཆུང་དྲེགས་པ་གསུམ་མཚོན་ཕྱིར། །རྩེ་ལ་མར་རྒྱང་གསུམ་ནི་བཙུགས་པ་ཡིན། །ཤ་ནི་ཤེས་ཤིང་འོས་པ་ཞེས་བྱའོ། །རྡོ་རྗེ་སེར་གོར་རྒྱུད་ལས་གསུངས་པའི་ཕྱིར། །གཡས་གཡོན་ཤ་རྒྱན་གཉིས་ནི་བཙུགས་པ་ཡིན། །འདི་ཉིད་གཞུང་དུ་བཅའ་ཚུལ་མ་འཆུག་ཀྱང་། །འཛམ་གླིང་རྒྱན་པའི་ཕྱག་ལེན་བརྒྱུད་པ་ཡིན། ༈ །དེ་ནས་མདུང་དམར་ཅན་གྱི་གཏོར་མ་ནི། །རི་རབ་བང་རིམ་བཞི་པའི་འོག་མ་ལ། །མར་སྐུད་འདབ་བརྒྱད་བྲིས་པ་ཀླུ་བརྒྱད་མཚོན། །བང་རིམ་གསུམ་ལ་དུང་ཕྲེང་འཐེན་པ་ནི། །གཞོང་ཐོགས་ཕྲེང་ཐོགས་རྟག་མྱོས་ལྷ་རྣམས་མཚོན། །དེ་སྟེང་ཟུར་གཉིས་བཤོས་ཆུང་བརྒྱད་བསྐོར་བ། །བཀའ་སྡོད་ནོར་ལྷ་མཆེད་བརྒྱད་གཏོར་མ་ཡིན། །དེ་དབུས་གཙུག་ལག་ཁང་གི་དབྱིབས་འདྲ་བ། །ལྕང་ལོ་ཅན་གྱི་ཕོ་བྲང་མཚོན་པ་ཡིན། །དེ་སྟེང་

[Full Size]

ཟུར་བཞི་པད་འདབ་བཞི་བཞག་པ། །དུང་དང་དུང་ཆེན་ལ་སོགས་གཏོར་ཆེན་བཞི། །དེ་དབུས་གཏོར་མ་གྲུ་བཞི་བཞག་པ་ནི། །རྒྱས་པའི་ཕྲིན་ལས་གཙོ་བོ་ཡིན་པའི་ཕྱིར། །རྩེ་ལ་ཕྱག་མཚན་མེ་རི་འོད་ཟེར་ཚུལ། །རྒྱལ་པོ་འཁོར་དང་བཅས་པ་སྒོམ་པའི་རྟེན། །གོ་ཆ་མནབས་པ་འདི་ནི་དྲག་པོའི་ཚུལ། །ཡིན་ཕྱིར་གཏོར་མདོག་དམར་ཞིང་ཤ་རྒྱན་ལྡིང་། །འདི་ཡི་གཏོར་མ་གཞུང་ནས་འདྲ་མིན་མང་། །འོན་ཀྱང་འདི་ཙམ་ཕྱག་ལེན་རྒྱུད་ལྡན་ཏེ། །བཅའ་སློ་གང་དང་མ་འགལ་ཕྱོགས་ཙམ་མཐུན། །གོང་མ་རྣམས་ཀྱི་ཕྱག་སྲོལ་འདི་ཙམ་འདུག ༈ །དེ་ནས་དགོངས་འདུས་གཏོར་མའི་དམར་ཁྲིད་ལས། །འཇིག་རྟེན་པ་ཡི་གཏོར་མགྲོན་དང་། །ཁྱད་པར་ཡི་དྭགས་རིགས་རྣམས་ལ། །རྒྱུ་དག་ཆེ་ཞིང་མང་བར་བཤམས། །དེ་མཉེས་འདོད་པའི་དོན་གྲུབ་འགྱུར། ༈ །རྒྱུད་ལས་ཡི་དྭགས་་་་མགར་ནག་མཆན། བཙན་གྱི་རྒྱལ་པོ་ཉིད། །ཡིན་པར་གསུངས་ཕྱིར་གཏོར་མ་ཆེ་ན་ལེགས། །གཞུང་ནས་མཁར་ཐབས་སུམ་བརྩེགས་གསུངས་ན་ཡང་། །སྒར་ཆེན་ཕྱག་ལེན་ཟུར་གསུམ་རྭ་མགོ་ཅན། །རང་ལུགས་རྭ་མགོས་གནད་འབེབས་འགྲུབ་པར་སླ།

[Full Size]

ལོགས་གསུམ་རྭ་ཞོན་དཀར་ནག་རྐང་ཐང་གསུམ། །ཟུར་གསུམ་ལྷ་བཙན་བདུད་ཀྱི་དགེ་བསྙེན་ནི། །བརྒྱ་དང་ཉི་ཤུ་ཚན་གསུམ་གཏོར་མ་ཚང་། །གཙོ་འཁོར་བར་དུ་མར་རྒྱུན་རི་མོས་བཅད། །ཟུར་གསུམ་མར་རྒྱན་མེ་རི་ཞིབ་པོས་བརྒྱན། །རྩེ་ལ་ཕྱག་མཚན་གཙོ་བོ་སྒོམ་པའི་རྟེན། །མེ་འབར་དྲག་རྩལ་མེ་ལྟར་འབར་བའི་རྟགས། །གཙོ་འཁོར་ཡུམ་གསུམ་མཆོད་ཕྱིར་ཤ་དར་གསུམ། ༈ །མགར་དམར་གཏོར་མ་མཁར་ཐབས་སུམ་བརྩེགས་ནི། །ཕ་ཝང་ལོང་བུ་ཟངས་དང་ལྕགས་ཀྱི་མཁར། །ཁ་བད་དུང་ཕྲེང་ལོངས་སྤྱོད་མཛེས་པའི་བརྒྱན།ཟུར་གསུམ་ལོགས་གསུམ་ཤ་རྒྱན་གོང་དང་མཚུངས། །ཕྱག་མཚན་བྷཻཾ་རྟེན་མེ་འབར་དྲག་པོའི་རྟགས། །བཙན་བཤོས་ཡིན་ཕྱིར་མཁར་ཐབས་ངེས་པར་དགོས། བླ་མ་ཞིང་གཤེགས་ཆོས་དབང་ཀུན་བཟང་ལ། །རྨི་ལམ་ལྷ་མོ་ཉིད་ཀྱིས་ལུང་བསྟན་ནས། །འབྲས་ཟན་གཏོར་མ་བཅས་ནས་ཕྱག་ཁྲིད་གནང་། །གཏོར་གདན་ཟན་གྱི་ཟླུམ་སྐོར་སྲབ་བུའི་སྟེང་། །སྨན་ཏིང་པདྨ་འདབ་བཞི་ལྡན་པའི་དབུས། །ལྕོག་ཟླུམ་འདེར་སོ་བཞག་པའི་ལྷ་མོ་ཉིད། །ཕྱོགས་བཞིར་བཤོས་ཕྲན་བཞི་ནི་མཆེད་བཞི་སྟེ། །སྨན་ཏིང་དེ་ནི་བརྟན་མ་

[Full Size]

བཅུ་གཉིས་ཏེ། །གདན་གྱི་ཟན་ནི་སྨན་མོ་འབུམ་ཕྲག་ཚང་། །ཉི་ཟླ་ནོར་བུ་ལྷ་མོ་བསྒོམ་པའི་རྟེན། །མེ་རི་འཇམ་པོ་འཇའ་འོད་གུར་དུ་མཚོན། །མདུན་གྱི་པདྨ་སྒྲུབ་རྟེན་ཚོམ་བུ་ཚང་། །མར་རྒྱང་གཉིས་ནི་ཞི་སྒྲུབ་དཀར་མོ་ཚང་། །ཤ་རྒྱན་གཉིས་ནི་ནག་མོ་སྲོག་སྒྲུབ་དང་། །ཌཀྐི་ཟ་བྱེད་གདོང་ཅན་མཆོད་པའི་རྫས། །གཏོར་མ་བརྒྱད་པོས་ནོར་ལྷའི་གཏོར་མ་ཚང་། །དེ་དག་གཏོར་གདན་སྟེང་དུ་ཕྲེང་བྱས་བཤམས། ༈ །དེ་དང་མི་འདྲ་གཏོར་སྣོད་དགོས་པ་གཉིས། །རིན་ཆེན་སྣོད་དམ་མེད་ན་ཤིང་སྡེར་དུ། ༈ །ཐང་ལྷའི་གཏོར་མ་གྲུ་བཞི་སོར་བཅུ་གཉིས། །དབུ་མ་བཞི་ནི་ལྷ་ཀླུ་བདུད་བཙན་འཁོར། །གཡུང་དྲུང་གཡས་འཁྱིལ་སྒྲུབ་རྟེན་དཀྱིལ་འཁོར་ཚང་། །དུང་ཕྲེང་མཛེས་པའི་རྒྱན་ཡིན་༈ གཡའ་སྤང་མཚམས། །སྤྲིན་རིས་བྱས་པ་ན་བུན་འཕྱུར་བའི་ཚུལ། །ཉི་ཟླ་སྐར་གསུམ་དུང་ཕྲེང་དགེ་ལེགས་འབྱུང་། །ནོར་བུ་མེ་རི་འཇམ་པོ་ལྷ་སྒོམ་རྟེན། །གཏོར་མ་དངོས་ནི་མཆོད་པའི་ཞལ་ཟས་ཏེ། །གནམ་མཚོ་ཡུམ་དང་བཀའ་སྡོད་ཐང་འབྲེལ་གཉིས། །མཆོད་པའི་མར་རྒྱང་གཉིས་ནི་བཙུགས་པ་ཡིན། །འཕྲལ་དུ་རྒྱལ་འགོང་གནོད་པ་བྱུང་བའི་ཚེ། །

[Full Size]

གཏོར་མ་མགོར་བཞག་བཀའ་བསྒོ་བྱ་བའི་ཕྱིར། །གཏོར་མ་གྲལ་དུ་མི་བསྒྲིག་སྣོད་དུ་བཅའ། ༈ །དེ་བཞིན་ལྕགས་སྡེར་རམ་ནི་ཟངོས་སྡེར་དུ། །གཏོར་མ་ཟུར་གསུམ་ནག་པོ་གཡས་དཀྱུས་དགུ། །འདི་ཡི་མིང་ལ་ར་བཤོས་མིང་དུ་གྲགས། །གཙོ་བོར་མིག་དགུ་འཁོར་ལ་མིག་རེ་ཟུང་། །གཙོ་བོར་ཁྱབ་འཇུག་འཁོར་ནི་གཟའ་ཆེན་བརྒྱད། །ཕྱོགས་བཞི་སྙིང་དང་གདོང་མོ་མཆེད་བཞི་ཡིན། །འཁོར་ལ་མེ་ལྕེ་གཙོ་བོར་བྱ་ཡི་མཆུ། །དེ་ནི་རང་རྟགས་ཡིན་པས་གནད་ལ་ཕེབས། །ཤ་རུལ་ཁྲག་རུལ་མཆོད་རྫས་གཙོ་བོའི་ཕྱིར། །ལོགས་གསུམ་ཤ་དར་གསུམ་སོགས་མང་བར་བཙུགས། །གློ་བུར་ལས་བཅོལ་ཟོར་དུ་འཕང་བའི་ཕྱིར། །གྲལ་དུ་མི་བསྒྲིག་སྣོད་དུ་བཅའ་བ་ཡིན། །དྲང་སྲོང་གནོད་པ་ལ་སོགས་མི་འབྱུང་ཞིང་། །སྙིགས་དུས་ཆོམ་རྐུན་ལ་སོགས་འཚེ་བའི་ཚེ། །ཆོ་འཕྲུལ་དགོས་ན་འདི་ཉིད་མྱུར་བའི་ཕྱིར། །འདི་ཡང་གལ་ཆེ་གུད་དུ་བཅའ་དགོས་བྱུང་། ༈ །དེ་ནས་གོང་དུ་བསྐང་བའི་དྲུང་དེ་རུ། །གཡག་ནག་ལིངྒ་བཀལ་དང་བྱ་མོ་དང་། །མགྲིན་པར་དུང་ཕྲེང་བརྒྱན་དང་ལུག་ནག་གཟུགས། །དཔྲལ་བར་མར་བྱུག་དར་ཚོན་ཚར་བུས་བརྒྱན། །དེ་ནི་མ་

[Full Size]

མགོན་བསྐང་བ་རྫས་མཆོད་བཅའ། །དེ་ཡིས་གཏོར་བསྔོས་རྒྱས་པའི་བཅའ་ཚོགས་ཚང་། ༈ །དེ་ནས་མདོས་སོགས་རིམ་གྲོ་བྱ་བའི་དུས། །བླ་མ་ཡི་དམ་མཁའ་འགྲོ་མར་གྱུ་དབུས། །གཡས་གྲལ་བེར་དང་ཕྱག་བཞི་ཕྱག་དྲུག་པ། །མ་ནིང་ཞིང་སྐྱོང་གཉིས་ཏེ་མགོན་པོ་ལྔ། །གཡོན་དུ་དུར་ཁྲོད་བདག་པོ་རྣམ་སྲས་དང་། །དམ་ཅན་ལྷ་སྨན་རེ་མན་དང་ལྔ། །གཡས་མཐར་དཀར་གཏོར་ཕྱི་རྒྱུད་ངོམ་རྒྱལ་ཡིན། །གཡོན་མཐར་ཐང་ལྷ་སྔགས་བདག་མཁར་ནག་སོགས། །གཙོ་བོ་ཐང་ལྷ་བྱས་ཏེ་གཏོར་མ་གཅིག །རྟ་མགྲིན་ནག་པོ་ཡི་དམ་གཏོར་མར་འདུས། །བྲག་མགོན་སྲིན་མགོན་ཞིང་སྐྱོང་གཏོར་མར་འདུས། །རྣམ་སྲས་སེར་དམར་མགར་བ་དམར་ནག་རྣམས། །གཏོར་མ་སོ་སོར་མི་དགོས་རེ་རེས་ཆོག །མར་རྒྱན་ཞིབ་ཆ་མི་དགོས་ཕྱོགས་མགོ་ཙམ། །བྱ་ཚུལ་གོང་དུ་བཤད་དང་མཚུངས་པ་ཡིན། ༈ །དེ་ལས་བསྡུ་ན་རྩ་གསུམ་གོང་ལྟར་ལས། །ཁེར་དང་ཕྱག་བཞི་ཕྱག་དྲུག་གཅིག་ཏུ་བསྡུ། །མ་ནིང་ཞིང་སྐྱོང་གཉིས་དང་ཆོས་སྐྱོང་གསུམ། །དེ་མཐར་ངོམ་རྒྱལ་ཕྱི་རྒྱུད་དཀར་གཏོར་གཅིག །གཡོན་དུ་རྟ་ལྷ་རྣམ་ཐོས་སྲས་ལ་བསྡུ། །ཐང་ལྷ་ཀླུ་རིགས་ཀུན་

[Full Size]

ལ་དཀར་གཏོར་གཅིག །འདི་དུས་སྔགས་སྲུང་ཕྱག་བཞི་པ་ལ་བསྡུ། །བཙན་ནི་མ་ནིང་འཁོར་དུ་འདུ་བ་ཡིན། །སྔགས་བདག་མཁར་ནག་ཐང་ལྷའི་ནང་དུ་འདུ། །གཏོར་རྩེར་ལྷ་ནི་མི་བསྐྱེད་ནམ་མཁར་བསྐྱེད། །དེ་ཕྱིར་ཕྱག་མཚན་མར་རྒྱན་ལ་སོགས་པ། །ཅི་བདེར་ཆོག་གི་ངེས་པ་ཡོད་པ་མིན། །དེ་བས་བསྡུ་ན་སྔགས་ནག་གཏོར་མ་ལྟར། ༈ །དེ་ལས་བསྡུ་ན་རྒྱུན་གཏོར་གནམ་ཆོས་ལུགས། །རིན་ཆེན་འབར་བ་ལས་བཞིའི་གཏོར་མས་བསྐོར། །རིན་ཆེན་འབར་བའི་ལོགས་གསུམ་རྩ་བ་གསུམ། །ཟུར་གསུམ་གཡས་གཡོན་རྒྱབ་ཀྱི་ཟུར་གསུམ་པོ། །ཆོས་སྐྱོང་ཕོ་རྒྱུད་མོ་རྒྱུད་བཀའ་སྲུང་གསུམ། །སྐེད་པ་ཟླུམ་པོ་ནོར་ལྷ་གཞི་བདག་ཀུན། །རྩ་བ་ཟླུམ་པོ་ཕྱི་རྒྱུད་པ་ཀུན་ཡིན། །གཡས་ཀྱི་གྲུ་བཞི་རྣམ་སྲས་སེར་དམར་གཉིས། །གཡོན་གྱི་གྲུ་གསུམ་མགར་བ་དམར་ནག་གཉིས། །རྒྱབ་ཀྱི་ཟུར་གཉིས་ལྷ་སྨན་དབང་གི་ལྷ། །མདུན་གྱི་ཟླུམ་པོ་ཤ་སྤང་ཕྱི་རྒྱུད་པ། །རྒྱུན་གཏོར་ནུབ་རེ་བཞིན་དུ་གཤེགས་དགོས་པས། །མར་རྒྱན་ཐེབ་རྒྱན་ཅི་འབྱོར་བྱས་པས་འཐུས། །ཤ་རྒྱན་ཡོད་ན་བཞི་པོ་རྣམས་ལ་བཙུགས། །གཏོར་མའི་ངོ་བོ་ངེས་ཚིག་ཨོ་རྒྱན་གསུང་། །ངོ་བོ་དབྱིབས་

[Full Size]

དང་ཡེ་ཤེས་གཉིས་མེད་དེ། །ཆོས་ཉིད་ངང་ལས་ཆོས་ཅན་གཏོར་མར་འཆར། །ངེས་ཚིག་ཆགས་འཛིན་མེད་པར་སྟོང་པས་གཏོར། །མགྲོན་རྣམས་ཀུན་ལ་ཁྱབ་པས་མ་ཞེས་བྱ། །དགོས་ཆེད་ཚོགས་རྫོགས་སྒྲིབ་བྱང་བར་ཆད་ཞི། །དངོས་གྲུབ་རྣམ་གཉིས་མྱུར་དུ་ཐོབ་པའོ། །ཆུ་ནི་ཆུང་ངུ་མང་དུ་སྤེལ་བའི་རྫས། །ཡིན་ཕྱིར་ཆབ་ཀྱིས་བྲན་པ་དེ་ཡི་དོན། །ཆབ་བྲན་ཆང་རྒོད་བྲན་ཅིང་ཆུ་གཙང་བྲན། །ཆུ་གཉིས་བར་གྱི་ཆང་ཞེས་བྱ་བ་སྟེ། །དེ་ནས་བྱིན་གྱིས་བརླབས་པའི་བདུད་རྩིས་བྲན། །དེ་ནས་གཏོར་མ་བྱིན་རླབས་བསྔོ་ཚུལ་སོགས། །ཆོ་གའི་གཞུང་ནས་གསལ་ཕྱིར་བཤད་མ་དགོས། ༈ །ནས་ནག་གཙང་མ་མདུན་དུ་བཞག་བྱས་ཏེ། །ནས་འབྲུ་རེ་རེ་ཧཱུྃ་ཡིག་རེ་རེར་དམིགས། །དེ་ནས་མི་དམིགས་ངང་ནས་རྔོ་བཏག་བྱེད། །ཆོས་སྐྱོང་གང་ཡིན་དེ་ཡི་གཏོར་མ་བཅའ། །གཙོ་འཁོར་ཧྲག་བསྡུས་དྲག་རིམ་གཏོར་མ་བཅའ། །ཤོག་དྲིལ་བྱ་སྟེ་རྩེ་དང་སྨད་ཆ་བཞིར། །རྩེ་ནས་བླ་མ་བརྒྱུད་རིམ་མཐོ་ཐོག་མཚན། །དེ་འོག་ཡི་དམ་རྣམས་ཀྱི་སྙིང་པོ་དང་། །དེ་འོག་ཆོས་སྐྱོང་གང་ཡིན་བསྙེན་སྒྲུབ་སྔགས། །དེ་འོག་ཆོས་སྐྱོང་དེ་ཡི་བསད་སྔགས་སོགས། །

[Full Size]

ཤོག་དྲིལ་བཅུག་ཅིང་གསེར་ལ་སོགས་པ་ཡི། །རིན་པོ་ཆེ་ཡི་ནང་གཞུག་གང་ཡོད་བཅུག །མར་རྒྱན་ཤ་རྒྱན་ལ་སོགས་གཟབ་བྱས་ནས། །གཏོར་སྣོད་ནང་བཤམས་ལྷ་ཡི་གཞལ་ཡས་ཁང་། །མཆོད་པའི་སྤྲིན་ཕུང་ཆེན་པོར་དམིགས་བྱས་ཏེ། །མི་བསྒུལ་རྒྱུན་དུ་བཞག་ཅིང་དུས་བཟང་ལ། །གསོ་བྲན་བྱེད་པ་རྟེན་གཏོར་ཞེས་བྱའོ། །དེ་ནི་ཕྱོགས་མཚོན་ཡིན་གྱིས་ཞིབ་པར་ནི། །སོ་སོའི་གཞུང་ནས་གཏོར་མ་བཅའ་ཐབས་གསལ། ༈ །སྒྲུབ་པ་བྱེད་དུས་ཐུན་མཚམས་དྲུག་གམ་བཞིར། །གཏོར་མ་འབུལ་བ་ཐུན་གཏོར་ཞེས་བྱའོ། །མདོས་སོགས་སྲུང་ཟློག་བཅའ་བའི་དུས་ཀྱི་ཚེ། །ནུབ་མོ་དཀར་གཏོར་དམར་གཏོར་གཉིས་བཤམས་ནས། །ཆོས་སྐྱོང་གཏོར་འབུལ་ཆད་ཐོ་བརྟན་སྐྱོང་དང་། །དཀར་གཏོར་འདོན་ལ་འབུལ་བ་གཏོར་འབུལ་ཟེར། །སྒྲུབ་པའི་དུས་སུ་ལྷ་བསྐྱེད་གཏོར་མ་ནི། །རིན་ཆེན་འབར་བ་ལ་སོགས་སྒྲུབ་གཏོར་ཡིན། །གློ་བུར་ལས་ལ་ཟད་པའི་དུས་ཀྱི་ཚེ། །གཏོར་མ་གསར་བཅས་བསྐུལ་པ་གང་ཡོད་འདོན། །ཕྲིན་ལས་བཅོལ་གཏམ་བྱས་ནས་ཕུལ་བ་ནི། །གློ་བུར་ལས་བཅོལ་གཏོར་མ་ཞེས་བྱའོ། ༈ །འདོད་གསོལ་མ་གཏོགས་ལམ་གཏོར་དེ་

[Full Size]

དང་འདྲ། །སྔོན་གྱི་སྔགས་འཆང་རྣལ་འབྱོར་ཕལ་ཆེར་གྱིས། །གསོལ་ཁ་ལམ་གཏོར་གཏོང་སྲོལ་ཡོད་དོ་སྐད། །གཏོར་མའི་བཤད་པ་རྒྱས་པ་དཔག་མེད་ཀྱང་། འདི་རུ་བྲི་བར་མི་ལོངས་རྒྱ་ཆེའོ། །བྲིས་ཀྱང་གལ་ཆུང་ནའང་བཤད་པར་སྣང་། ༈ །དེ་ལྟར་གཏོར་མའི་བཅའ་ཚོགས་ཟིན་བྲིས་འདི། །མཁས་པ་རྣམས་ལ་དགོས་པ་མི་སྣང་ཡང་། །བློ་དམན་གསར་བུ་རྣམས་ལ་ཕན་པའི་ཕྱིར། །བླ་མ་པདྨ་ནམ་མཁའ་ཞེས་བྱ་དང་། །དབུ་མཛད་དགེ་སློང་ཐབས་མཁས་ཞེས་བྱ་བས། །ནན་གྱིས་བསྐུལ་ཕྱིར་རཱ་ག་ཨ་སྱ་ཡིས། །འཕྲལ་དུ་ཡིད་ལ་གང་དྲན་བཀོད་པ་ལ། །ཉེས་འགལ་མཆིས་ན་མཁས་པ་རྣམས་ལ་བཤགས། །དགེ་བས་འགྲོ་བ་དཔག་ཏུ་མེད་པ་དང་། །བློ་གསར་རྣམས་ལ་དགའ་སྟོན་ཆེན་པོར་ཤོག །སརྦ་མངྒ་ལཾ། ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསང་སྔགས་ནང་གཏོར་གྱི་བཅའ་ཐབས་ཟིན་བྲིས་གསལ་བར་བཀོད་པ་ལས་རྩ་གསུམ་གྱི་བ།ཏོར་མའི་དཔེའུ་རིས་རིན་པོ་ཆེ།

[Full Size]

གསང་སྔགས་ནང་གཏོར་གྱི་བཅའ་ཐབས་ཟིན་བྲིས་གསལ་བར་བཀོད་པ་ལས་རྩ་གསུམ་གྱི་བ།ཏོར་མའི་དཔེའུ་རིས་རིན་པོ་ཆེ་ ༧ རཱ་ག་ཨ་སྱེས་མཛད་པའོ།།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

གསང་སྔགས་ནང་གཏོར་གྱི་བཀའ་སྲུང་རྣམས་ཀྱི་གཏོར་མའི་དཔེའུ་རིས་རིན་པོ་ཆེ།

[Full Size]

གསང་སྔགས་ནང་གཏོར་གྱི་བཀའ་སྲུང་རྣམས་ཀྱི་གཏོར་མའི་དཔེའུ་རིས་རིན་པོ་ཆེ་རཱ་ག་ཨ་སྱའི་ཕྱག་བྲིས་ལས་ཞལ་བཤུས་པའི་དབུའོ།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

ཆོས་སྐྱོང་རྣམས་ལ་མཆོད་པའི་དུས་ཀྱི་རྣམ་གྲངས།

[Full Size]

ཆོས་སྐྱོང་རྣམས་ལ་མཆོད་པའི་དུས་ཀྱི་རྣམ་གྲངས་བཞུགས་སོ།།

[Full Size]

ན་མོ་གུ་རུ་དྷེ་ཝ་དྷཱ་ཀི་ནི་ཡེ། ཚེས་ལྔ་བཅུ་གསུམ་ཉེར་བརྒྱད་ལ། །གཤིན་རྗེ་ཡབ་ཡུམ་ཕོ་མོ་དང་། །མོ་རིགས་གཤིན་རྗེ་ཕོ་མོ་ཐམས་ཅད་བྱང་དུ་རྒྱུ། །ཉེར་གཅིག་ཉི་མ་ཕྱེད་ཡོལ་ལ། །གཤིན་རྗེ་ཡབ་ཡུམ་འཁོར་དང་བཅས། །ནུབ་བྱང་མཚམས་ནས་ཤར་ལྷོར་རྒྱུ། དགུ་གསུམ་ཉི་མ་ཐལ་ཁ་ནས། །མུན་རུབ་བར་དུ་ཐམས་ཅད་རྒྱུ། ཡེ་ཤེས་མགོན་པོ་བེར་ནག་ཅན་གྱི་རྒྱུ་དུས་བསྡུས་པ་ནི། བརྒྱད་ཀྱི་སྲོད་ལ་ཁ་ནུབ་ཏུ་ལྟའོ། །ཤར་ནས་ནུབ་ཏུ་རྒྱུའོ། །རྟགས་ནི་ལུས་སྦྲིད་པ་དང་སྐྱི་བུང་བྱེད། ཚེས་བཅུའི་སྲོད་ལ་ལྷོ་ནས་བྱང་དུ་རྒྱུ་བས་ཁ་བྱང་དུ་ལྟའོ། །

[Full Size]

ཉེར་གཉིས་ཉི་ཐལ་ནུབ་ཏུ་ལྟའོ། །ལྷོར་རྒྱུ་ཡང་ཟེར། གནམ་སྟོང་ལན་གསུམ་དུ་ཁ་མཚམས་བཞིར་ལྟའོ། མགོན་པོ་ཕྱག་བཞི་པ་རྒྱུ་དུས་ཉེར་མཁོ་བསྡུས་པ་ནི། ཚེས་བརྒྱད་སྲོད་ལ་ཁ་ནུབ་ཏུ་ལྟའོ། །ཚེས་བཅུའི་སྲོད་ལ་ཁ་བྱང་དུ་བལྟའོ། །ཉི་ཤུ་ནུབ་ཏུ་བལྟས། །ཉེར་གཅིག་དགོང་མོ་དམར་ཐག་ཆད་པ་དང་། ཉེར་གཉིས་ཉི་མ་ནུབ་ཙམ་ན་རྒྱུ། ༈ ཟླ་བ་ལ་རྒྱུ་བ་ནི། ཉེར་གཉིས་དང་ཉེར་དགུ་ལན་གསུམ་བྱང་དུ་རྒྱུ། ༈ ལོ་ལ་རྒྱུ་བ་ནི། དཔྱིད་ར་བའི་ཚེས་དགུ་ལ་རྒྱུ། །༈ དུས་ཚོད་ལ་རྒྱུ་བ་ནི། རྒྱུན་དུ་ཟེར་གཉིས་གུང་གཉིས་ལ་རྒྱུ། རྟགས་

[Full Size]

ལུས་སྦྲིད་སྐྱི་བུང་བྱེད་སྐྲ་གཟིང་བ་འོང་། རྒྱུ་བའི་ཉི་མ་ལ་ཞི་རྒྱས། ནུབ་མོ་དབང་དྲག་གི་ལས་བྱ། ཚོགས་གཏོར་མཆོད། དྲག་པོའི་ལས་བྱ། ལས་གང་བྱས་འགྲུབ་ཅིང་རང་གི་སྲུང་མ་བྱེད། ཡར་གྱི་བརྒྱད་དང་བཅུ་བཞི། མར་གྱི་ཉེར་གསུམ་དང་ཉེར་དགུ་ལ་རྒྱུ་བས་ཚོགས་བསྐང་བ་བྱ། ཉིན་གུང་དང་དགོང་མོ་དམར་ཐག་དུས་རྒྱུ། ཞེས་སོ། །ཨྠྀི། མྱུར་མཛད་ཕྱག་དྲུག་པའི་རྒྱུ་དུས་ཉེར་མཁོ་ནི། ཚེས་བརྒྱད་སྲོད་ལ་ནུབ་ཏུ་བལྟས། ཚེས་བཅུའི་སྲོད་ལ་བྱང་དུ་བལྟས། བཅུ་བདུན་བཅོ་བརྒྱད་ཉེར་གཉིས་ལ། ཉི་མ་ནུབ་ནས་ནུབ་ཏུ་བལྟས། ཉེར་ལྔ་ཁ་ལྷོར་བལྟས། གནམ་གང་ལན་གསུམ་རྒྱུ་བས་མཚམས་བཞི་གང་རུང་དུ་ཁ་བལྟའོ། །གསོལ་ཁ་བྱ་ཞེས་སོ།། ཨྠྀི། མགོན་པོ་མ་ནིང་རྒྱུ་དུས་ཉེར་མཁོ་བསྡུས་པ་ནི། ཚེས་བཅུའི་སྲོད་ལ་ཁ་བྱང་དུ་བལྟའོ། །ལྷོ་ནས་བྱང་དུ་རྒྱུའོ། །ཉེར་གཉིས་ཉི་མ་རྒས་ཙམ་ཤར་ནས་རྒྱུ་ནུབ་ཏུ་བལྟའོ། །ཉེར་བཞིའི་སྲོད་ལ་བྱང་དུ་བལྟའོ། །གནམ་སྟོང་ལན་གསུམ་རྒྱུ་ཕྱོགས་གང་ཡང་རྒྱུ་བས་མཆོད་བསྐང་ལ་སྦྱར་བྱའོ། །དཔྱིད་ར་བའི་ཚེས་བཅུ་ལ་རྒྱུའོ། །སྤྱིར་ནི་ཉི་མ་དམར་ཐག་ཆད་ནས་ནམ་གུང་ཚུན་ལ་རྒྱུ་བར་ངེས། ཟླ་

[Full Size]

རྒྱུ་ནི། བརྒྱད་ཀྱི་སྲོད་ནུབ་ནས་ཤར། བཅུ་བཞིའི་ཉེར་གསུམ་ཉེར་དགུ་ལ་རྒྱུའོ། །ར་བ་བཞི་ལ་དུས་མཆོད་བྱ། དེ་བྱས་མ་ནིང་ནག་པོ་ནི། །མ་བུ་བཞིན་དུ་བདག་ལ་འཁོར། །མཐུ་རྩལ་གནམ་ལྕགས་ཐོག་འབེབས་འདྲ། །ཞེས་སོ།། ཨྠྀི། མགོན་པོ་སེང་གདོང་ཡབ་ཡུམ་རྒྱུ་དུས་ཉེར་མཁོ་ནི། ཚེས་བརྒྱད་སྲོད་ལ་ནུབ་ནས་ཤར་དུ་རྒྱུ། ཉེར་གཉིས་ཉེར་གསུམ་ཉི་མ་ནུབ་ནས་ཤར་དུ་རྒྱུ། གནམ་གང་། ཉི་ཤར་ཉི་མ་དམར་ཐག་ཆད་དུས་ནམ་གུང་ཉིན་གུང་རྒྱུ། ༈ ཟླ་བའི་རྒྱུ་དུས་ནི། བརྒྱད་བཅུ་བཞི་བྱང་དུ་རྒྱུ། དབྱར་ར་བའི་གསུམ་གྱི་ནམ་གུང་ཉིན་གུང་རྒྱུ། དཔྱིད་ར་བའི་བཅུ་དགུ་ཉེར་དགུ་གནམ་གང་ལ་བྱང་ནས་ལྷོར་རྒྱུ། སྤྱིར་གུང་གཉིས་ལ་སྲིད་གསུམ་ལན་བདུན་ཉུལ་ལོ། །དུས་དེར་དྲག་པོའི་ལས་གང་བྱས་ཉུལ་ཁ་གར་རྒྱུ་བའི་ཕྱོགས་སུ་བསྒྱུར་ནི་བྱའོ། །ལར་ལོ་གཅིག་སྒྲུབ་པ་གཅིག་བྱས་པ་བས། རྒྱུ་དུས་གཅིག་ལ་མཆོད་པ་བྱས་པ་མཐུ་ཆེ་བ་ཡིན། ཞེས་ཨོ་རྒྱན་གྱིས་གསུངས་སོ། །བཅུ་གཅིག་ཉི་མ་ནུབ་ནས་ཤར་དུ་རྒྱུའོ། །ཨྠྀི། དམ་ཅན་སྐྱེས་བུ་རྒྱུ་དུས་ཉེར་མཁོ་ནི། ཚེས་གཉིས་སྲོད་ལ་སྨན་དང་འགྲོགས། འབྲང་རྒྱས་ཆང་དང་

[Full Size]

ཤ་ལག་གཡས་པས་མཆོད། ཚེས་བཞིའི་སྲོད་ཞལ་བདུད་དང་འགྲོགས། ཤར་ནས་ནུབ་ཏུ་རྒྱུ། ཤ་ཁྲག་མཆོད། བརྒྱད་ཀྱི་སྔ་དྲོ་སྨན་དང་འགྲོགས། ནུབ་བྱང་ནས་ཤར་ལྷོར་རྒྱུ། འབྲང་རྒྱས་མཆོད། ཉེར་བདུན་བཙན་དང་འགྲོགས། ལྷོ་ནུབ་ནས་བྱང་ཤར་དུ་རྒྱུ། མཆོད་པས་མཆོད། ཉེར་དགུ་ལྷ་འདྲེ་ཀུན་དང་འགྲོགས། ཁྱབ་པར་རྒྱུ། ཤ་ཆང་མཆོད། ཉེར་ལྔ་བཙན་དང་འགྲོགས། ལྷོ་ནུབ་ནས་ཤར་དུ་རྒྱུ་མཆོད་པས་མཆོད། གནམ་གང་ཚངས་པའི་བུ་བཞི་དང་། བཙན་དང་འགྲོགས།། སྟེང་ནས་འོག་ཏུ་རྒྱུ། སྤོས་མེ་དང་ར་གསུར་མཆོད། ཚེས་བཅོ་ལྔའི་ཉིན་ཕྱེད་བྲག་སྲིན་དང་འགྲོགས། ཕུད་གཙང་མས་མཆོད། །ཨྠྀི། བཅོ་ལྔ་ནམ་ཕྱེད་ཉེར་གཉིས་ཐོ་རངས་ཉེར་དགུ་ནམ་གུང་། རྒྱུ་དུས་དྲག་ལས་མི་རུང་། ཚེས་བཅུའི་དང་བཞིའི་སྔ་དྲོ། བརྒྱད་ཀྱི་ཕྱི་དྲོ། བཅུ་གཉིས་ཉིན་ཕྱེད། གནམ་གང་སྲོད་རྣམས་ལ། ས་བདག་རྒྱུ་བས་མཆོད་པར་བཟང་ངོ་། །ཨྠྀི། དཔལ་ལྡན་ལྷ་མོ་དཔོན་གཡོག་གི་རྒྱུ་དུས་བསྡུས་པ་ནི། ལྷ་མོ་དཔལ་ཐོད་པ་ནག་པོའི་རྒྱུད་ལས། ཡར་གྱི་ཚེས་དགུ་བཅུ་གཅིག་དང་། །དེ་བཞིན་མར་གྱི་ཉེར་དྲུག་ཉེར་ལྔ། །འཕོ་བ་དང་

[Full Size]

ནི་ཕྱེད་དུས་སུ། །ང་ནི་འཇིག་རྟེན་ཉུལ་བའི་དུས། །ལྷ་མི་དྲང་སྲོང་རྣམས་ཀྱིས་མཆོད། །རྣལ་འབྱོར་ཏིང་འཛིན་དྲོད་ཉུལ་ཞིང་། །དགེ་སྡིག་ལས་ཀྱི་ནག་ལྟ་ཞིང་། །ཡར་གྱི་ཚེས་དགུ་དང་ནི་བཅུ་གཅིག་ལ། །དེ་ཡི་དུས་སུ་མཆོད་བྱས་ལ། །ལྷ་མོ་མཆོད་པས་ལྷག་མེད་བཅས། །འཕགས་མ་རྡོ་རྗེ་ནག་མོ་དབང་ཕྱུག་མའི་རྒྱུད་ལས། རེ་མ་ཏི་གཡོག་གསུམ། ལོ་གཅིག་དག་ལ་རྒྱུ་བ་ནི། ཚེས་གཅིག་ལོ་གསར་ཉིན་པོ་ལ། རྒྱུ་སྟེ་གཏོར་མ་སྦྱིན་པར་བྱ། ཟླ་བ་གཅིག་ལ་རྒྱུ། ཉི་ཤུ་དགུ་སྟེ་གཏོར་མ་བཏང་། །ཞག་གཅིག་དག་ལ་རྒྱུ་བ་ནི། །ནང་ནུབ་ཉིན་གུང་མཚན་གུང་གཉིས། །གནད་ལ་བོར་ཞིང་ཕྲིན་ལས་བཅོལ། །ཅེས་དང་། གདན་བཞིའི་རྩ་རྒྱུད་དང་། བཤད་རྒྱུད་ཆེན་པོ་དང་མན་ཨོཾ་བ་རྣམས་ལས་མཐུན་པར། བཅུ་གཅིག་དང་། བཅོ་ལྔ་དང་། ཁྱད་པར་དུ་ཚེས་བརྒྱད་ལ། དངོས་གྲུབ་འདོད་པས་རྣལ་འབྱོར་པས། །ནན་ཏན་གྱིས་ནི་གཏོར་མ་བྱིན། །ཞེས་གསུངས་པས་འགྲེལ་པ་བྷ་ཝ་ཏྲས་མཛད་པ་ལས། གཏོར་མའི་དུས་བསྟན་པའི་ཕྱིར། བཅུའི་དང་། ཞེས་བྱ་བ་ལ་སོགས་པ་སྨོས་ཏེ། ཟླ་བ་ཡར་ངོ་དང་མར་ངོའི་བཅུ་བཞིའི་

[Full Size]

ལ་སོགས་པའི་ཚེས་གྲངས་ལ་ལྷའི་རྣལ་འབྱོར་དང་ལྡན་པས་ཆོ་ག་ཇི་ལྟ་བ་བཞིན་དུ་གཏོར་མ་སྦྱིན་པའོ། །ཞེས་གསུངས་སོ། །མཁའ་འགྲོ་ཆོས་སྐྱོང་རྒྱུ་བའི་དུས་ཁྱད་པར་ཅན་ཟླ་བ་ཡར། ངོས་ཚེས་བརྒྱད་དང་བཅུ་བཞི་བཅོ་ལྔ་དང་། མར་ངོའི་ཉི་ཤུ་གསུམ་དང་དགུ་དང་གནམ་སྟོང་སྟེ་དུས་དྲུག་གམ། ཡང་ན་མཚན་མོ་ཏྲེ་ཞིང་ལྷ་མོ་དུད་སོལ་མའི་གཏོར་མ་འབུལ། ཞེས་གསུངས་སོ། །ལོ་ལ་རྒྱུ་བ་ནི། ལོ་གསར་སྟག་ཟླ་བའི་ཚེས་གཅིག་ཐོ་རངས་སྐྱ་རེངས་ཤར་ཙམ་རྒྱུ་བས་ཚེས་གཅིག་གཏོར་མ་ཞེས་གྲགས་སོ། །ནོར་བུའི་རྒྱུད་ཅེས་ཛམ་བྷ་ལའི་ཆུ་སྦྱིན་རྒྱུད་ལས། ཉ་དང་སྟོང་དང་བརྒྱད་རྣམས་ལ། །མཆོད་པ་སྡོམ་པ་ལ་གནས་པ། །བསོད་ནམས་རྒྱ་ཆེན་ཐོབ་པར་འགྱུར། །ཞེས་གསུངས་སོ། །བརྗེད་ཐོ་རཱ་ག་ཨ་སྱས་བྲིས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྗེ་གནས་མདོ་བའི་མཆོད་ཕྲེང་གི་ཉེར་མཁོའི་གདངས་ཡིག་རྩི་གསུམ་དགྱེས་པའི་རོལ་མོ།

[Full Size]

རྗེ་གནས་མདོ་བའི་མཆོད་ཕྲེང་གི་ཉེར་མཁོའི་གདངས་ཡིག་རྩི་གསུམ་དགྱེས་པའི་རོལ་མོ་ཡོད་ལགས་སོ། །

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

[Full Size]

གདངས་ཡིག་ཡོད།

རྗེ་གནས་མདོ་བའི་མཆོད་ཕྲེང་ལ་ཉེ་བར་མཁོ་བའི་རོལ་མོའི་གྲངས་ཡིག་མདོར་བསྡུས་པ།

[Full Size]

རྗེ་གནས་མདོ་བའི་མཆོད་ཕྲེང་ལ་ཉེ་བར་མཁོ་བའི་རོལ་མོའི་གྲངས་ཡིག་མདོར་བསྡུས་པ།

[Full Size]

རོལ་མོའི་གྲངས་ཡིག་ཡོད།

[Full Size]

རོལ་མོའི་གྲངས་ཡིག་ཡོད།

[Full Size]

རོལ་མོའི་གྲངས་ཡིག་ཡོད།

[Full Size]

རོལ་མོའི་གྲངས་ཡིག་ཡོད།

[Full Size]

རོལ་མོའི་གྲངས་ཡིག་ཡོད། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནས་ལུགས་གོང་གཏོར་ཆ་བདུན་གྱི་དཔེའུ་རིས་མཐོང་བརྒྱུད་ཀྱི་ཕྱག་བཞེས་མ་འཆུགས་པ།

[Full Size]

གནས་ལུགས་གོང་གཏོར་ཆ་བདུན་གྱི་དཔེའུ་རིས་མཐོང་བརྒྱུད་ཀྱི་ཕྱག་བཞེས་མ་འཆུགས་པ་བཞུགས་སོ། །

[Full Size]

རྗེ་བཙུན་ཆེན་པོ་ཀརྨ་ཆགས་མེད་ཀྱིས་མཛད་པའི་གསང་སྔགས་ནང་གཏོར་བཅའ་ཐབས་ཟིན་བྲིས་ཀྱི་དགོངས་དོན་ལྟར། འབང་བཟོ་རིག་གནས་མདོའི་སྔོན་བྱོན་སྐྱེས་ཆེན་དམ་པ་རྣམས་ཀྱི་ཞལ་ཤེས་མཐོང་བརྒྱུད་ཕྱག་ལེན་བལྟས་ཆོག་ཏུ་བཀོད་པ་འདི་ཉིད་རྒྱས་པར་ཤེས་འདོད་ན། རྗེ་མཁས་གྲུབ་ཆེན་པོ་ཀརྨ་ཆགས་མེད་ཉིད་ཀྱི་ཟིན་བྲིས་ནང་གསལ་བ་ལྟར་དང་། འདིར་གནས་ལུགས་གོང་གཏོར་ཆ་བདུན་འབྲིང་པོའི་ལུགས་དང་མཐུན་པར་དཔེའུ་རིས་སུ་བཀོད་ཅིང་གསལ་བཤད་ཉུང་ངུ་སོ་སོའི་སྐབས་སུ་བཀོད་ཡོད་པས་དེར་གསལ།

[Full Size]

རྗེ་བཙུན་ཆེན་པོ་ཀརྨ་ཆགས་མེད་ཀྱིས་མཛད་པའི་གསང་སྔགས་ནང་གཏོར་བཙའ་ཐེབས་ཟིན་བྲིས་ཀྱི་དགོངས་དོན་ལྟར། འབང་བཟོ་རིག་གནས་མདོའི་སྔོན་བྱོན་དམ་པའི་ཞལ་ཤེས་མཐོང་བརྒྱུད་ཕྱག་ལེན་བལྟས་ཆོག་ཏུ་བཀོད་པ་འདི་ཉིད་རྒྱས་པར་ཤེས་འདོད་ན་རྗེ་ཆགས་མེད་ཉིད་ཀྱི་ཟིན་བྲིས་ནང་གསལ་བ་ལྟར་དང་། འདིར་གནས་ལུགས་གོང་གཏོར་ཆ་བདུན་འབྲིང་པོའི་ལུགས་དང་མཐུན་པར་དཔེའུ་རིས་སུ་བཀོད་ཅིང་གསལ་བཤད་ཉུང་ངུ་སོ་སོའི་སྐབས་སུ་བཀོད་ཡོད་པས་དེར་གསལ། ༈ ཐོག་མར་དབུས་སུ་བླ་མའི་གཏོར་ནི། །སྟོད་ནི་ལྡིར་ཞིང་ཟླུམ་པོ་བུམ་པའི་དབྱིབས། །གཏོར་འདབ་པདྨ་འདབ་མ་བརྒྱད་པ་ལ། །མདུན་དུ་མར་རྒྱན་པདྨ་ཆེན་པོ་དང་། །དེ་ནང་པདྨ་གཅིག་དང་གཉིས་བརྩེགས་ཀྱི། །ཕྱི་ཡི་པད་འདབ་སྤུ་ཤེད་བརྒྱད་ཅུ་དང་། །ནང་གི་པད་འདབ་སུམ་ཅུ་སོ་གཉིས་བྱ། །གཏོར་མ་ཐམས་ཅད་དམར་པོ་དབང་གི་མདོག །དེ་ལ་དཀར་ཐིག་གྲངས་མེད་བརྒྱན་པ་དང་། །ཕྱོགས་བཞིར་ཞི་བའི་པད་འདབ་ཆེན་པོ་བཞི། །པད་འདབ་བཞི་འམ་ཁྱུ་གུ་བཞིས་བསྐོར་བ། །ཀྱུ་གུ་རིལ་བུ་གཉིས་གཉིས་བརྒྱད་ཡོད་ཅིང་། །གཏོར་མའི་རྩེ་ལ་མུ་ཏིག་ཕྲེང་བས་བསྐོར། །དེ་སྟེང་ཚེ་ཡི་བུམ་པ་བཞག་པ་ལ། །བུམ་པའི་ཁ་རྒྱན་མེ་ཏོག་པདྨ་དང་། །དེ་སྟེང་རྡོ་རྗེ་ཕྱེད་པ་སྐྱེས་པའི་ཚུལ། །གཡས་གཡོན་

[Full Size]

ཟུར་དུ་སྐར་མ་ཤོར་ལྟར་བཀོད། །དེ་སྟེང་ཡར་ངོའི་ཟླ་བ་ཚེས་པའི་གཟུགས། །དེ་སྟེང་ཉི་མའི་དཀྱིལ་འཁོར་རྒྱས་པ་ཡི། །སྟེང་དུ་ནོར་བུ་སུམ་ཚོམ་བཞག་པ་འོ། །བར་མཚམས་ཐམས་ཅད་སྟོང་པར་བཞག་པ་དང་། །མཐའ་ལ་པ་ཏྲའི་ཕྲེང་བས་བསྐོར་བར་བྱ། །བྱིན་རླབས་རྩ་བ་བླ་མའི་གཏོར་མ་ཡི་ན། ༈ བླ་གཏོར་གཡས་སུ་ཡི་དམ་གཏོར་མ་ནི། །རྩ་བ་ཟླུམ་པོ་ཅུང་ཞིག་ཕྲ་བ་དང་། །སྟོད་ནི་འདིར་ཞིང་ཆེ་བ་ཡོད་པ་དེ། །ལོགས་གསུམ་གཡས་གཡོན་རྒྱབ་ཀྱི་ཟུར་གསུམ་ལ། །ཕྱོགས་བཞིར་པདྨ་འདབ་བཞི་པད་ཚབ་བཞི། །མདུན་དུ་པད་ཀར་ཟླུམ་པོ་ཆེན་པོ་དང་། །ཡིད་སེར་གྲུ་བཞི་པད་དམར་ཟླ་གམ་དབྱིབས།
རི་མོ་ཡོད།

[Full Size]

པད་ལྗོང་གྲུ་གསུམ་སུམ་བརྩེགས་ལས་བཞིའི་དབྱིབས། །མར་སྐུད་འཐེན་པས་གཏོར་མ་གཉིས་བརྩེགས་འདྲ། །ཕྱི་རིམ་མར་རྒྱན་མེ་རི་ཞིབ་པོས་བསྐོར། །དཀར་ཐིག་ངེས་མེད་གར་ཡང་ག་དབ་པར་བྱ། །གཏོར་མའི་རྩེ་ལ་མུ་ཏིག་ཕྲེང་བས་བསྐོར། །དེ་སྟེང་རྡོ་རྗེ་བསླང་སྟེ་བཞག་པ་ཡི། །སྟེང་དུ་ཟླ་བ་ཚེས་པས་བརྒྱན་པའི་ཁར། །ཉི་མའི་དཀྱིལ་འཁོར་ཤིན་ཏུ་རྒྱས་པ་ཡི། །དེ་སྟེང་|ནོར་བུ་སུམ་བརྩེགས་བཞག་པ་འོ། །བར་མཚམས་ཐམས་ཅད་སྟོང་པར་བཞག་པ་དང་། །ཕྱི་རོལ་མེ་དཔུང་རབ་ཏུ་འཁྲུགས་པར་བྱ། །དངོས་གྲུབ་རྩ་བ་ཡི་དམ་གཏོར་མའོ། །
རི་མོ་ཡོད།

[Full Size]

༈ མཁའ་འགྲོའི་གཏོར་མ་བླ་གཏོར་གཡོན་དུ་བཤམས། །དེ་ཡང་མཁའ་འགྲོའི་གཏོར་མ་སྟོད་འདིར་བ། །ཟུར་གཉིས་བྱས་པས་ཟླ་གམ་དབྱིབས་སུ་གྲུབ། །མཁའ་འགྲོའི་གཙོ་བོ་ཕྲིན་ལས་དབང་གི་ལས། །ཡིན་ཕྱིར་གཏོར་མར་འབྲི་མོག་དམར་པོ་བྱུགས། །ལོགས་གཉིས་ཞི་བ་ཁྲོ་བོའི་གཏོར་མ་ག་ཉིས། །པད་འདབ་རྩེ་རྣོ་ཟུར་གསུམ་དབྱིབས་ཅན་བཞི། གཏོར་མའི་སྨད་ནི་ཟླུམ་པོ་དཀར་ཐིག་ཅན། །མདུན་དུ་མར་རྒྱན་པདྨ་ཆེན་པོའི་དབུས། ཆོས་འབྱུང་ཟུར་དྲུག་ཕག་ཁྲོས་དཀྱིལ་འཁོར་ཚང་། །མར་སྐུད་འཐེན་པས་གཏོར་མ་ཕྱི་
རི་མོ་ཡོད།

[Full Size]

ནང་གཉིས། །གཏོར་མའི་རྩེ་མོ་མུ་ཏིག་ཕྲེང་བས་བསྐོར། །དེ་སྟེང་གྲི་ཐོད་མཁའ་འགྲོའི་ཕྱག་མཚན་བཀོད། །དེ་སྟེང་ཟླ་བ་ཕྱེད་པས་བརྒྱན་པ་དང་། །དེ་སྟེང་ཉི་མའི་དཀྱིལ་འཁོར་རྒྱུས་ཤིང་གསོལ། །དེ་སྟེང་ནོར་བུ་སུམ་ཚོམ་བརྒྱན་པ་ལོ། །དེ་རྒྱབ་མེ་དཔུང་འབར་བས་བསྐོར་བ་ཡི། །ཟུར་གཉིས་མར་རྒྱན་སྤུ་ཤེད་ཅན་གྱིས་བསྐོར། །ཕྲིན་ལས་རྩེ་བ་མཁའ་འགྲོའི་གཏོར་མ་འོ།། ༈ གཡས་གཡོན་ཚོས་སྐྱོང་ཕོ་མོའི་གཏོར་མ་ནི། །ཟུར་གསུམ་འདིར་ཡོད་སྙིང་ལ་ཟུར་བཏོད་འདྲ། །ལོགས་གསུམ་རིམ་པར་བྱ་སྟེ་ཕོ་མོའི་ཚད། །ཕོ་རྒྱུད་རྣམས་ལ་ཆེ་ཞིང་
རི་མོ་ཡོད།

[Full Size]

བརྗིད་པ་དང་། །མོ་རྒྱུད་རྣམས་ལ་ཕྲ་ཞིང་རིང་བ་དགོས། །སྟོད་ཟུར་གསུམ་པ་འདིར་ཆེ་ཕྲུག་པ་ཅན། །ཟུར་དང་ལོགས་ཀྱི་བར་དུ་མར་སྐུད་དམ། །རི་མོ་བྱས་པས་བར་མཚམས་བཅད་པ་དང་། གཏོར་མ་དབང་གི་ཁ་དོག་དམར་པོར་བྱ། །མདུན་དུ་མར་རྒྱུན་གྲུ་གསུམ་མཐིང་ནག་གི་།དབུས་སུ་མར་གྱི་པདྨ་འདབ་བརྒྱད་བཀོད། །རྩེ་ཡི་མར་རྒྱན་ནང་དུ་ཕྱག་མཚན་ནི། །ཡབ་ལ་གྲི་ཐོད་དང་ནི་ཁཊ་སོགས། །ཡུམ་ལ་གྲི་ཐོད་རལ་གྱི་ཕུར་པ་སོགས། །དེ་རྒྱབ་མར་རྒྱན་མེ་རི་འབར་ཞིང་འཚུབ། དབུས་དང་གཡས་གཡོན་ཤ་དར་གསུམ་གྱིས་བརྒྱན། །ག་ཏོར་གདུགས་རྒྱུས་སྤྲོས་ལ་སོགས་སྤྱི་
རི་མོ་ཡོད།

[Full Size]

འགྲོས་ཡིན། །སྒྲུབ་པའི་རྟེན་ཡང་འདི་ཡིས་ཆོག་པ་ཡོད། །བར་ཆད་ཀུན་སེལ་ཚོས་སྐྱོང་སྤྱི་གཏོར་རོ། ༈ གཡས་སུ་ནོར་ལྷ་སྤྱི་ཡི་གཏོར་མ་ནི། །བཤོས་བུ་རི་རབ་དབྱིབས་སུ་བྱ་བར་གསུངས། །རི་རབ་དེ་ཡང་བང་རིམ་བཞི་ལྡན་པ། །དེ་ལ་ནོར་ཕྲེང་བྱས་པ་མཛེས་པའི་རྒྱན། །དེ་སྟེང་ཟླུམ་པོ་མིག་མང་རིས་བྲིས་པ། །དེ་སྟེང་ནོར་བུ་བཞི་སྒྲོམ་རྩེར་དུང་ཕྲེང་། །ནོར་བུ་གསུམ་ལ་འདབ་བརྒྱུད་གསུམ་བཀོད་པ། །རྩེ་ལ་མར་རྒྱུང་གསུམ་ནི་བཙུགས་པ་ཡི། དགོས་འདོད་མཆོག་སྩོལ་ནོར་ལྷའི་གཏོར་མ་འོ།། ༈ གཡོན་དུ་འཇིག་རྟེན་སྤྱི་ཡི་གཏོར་མ་ནི། །ཕྱི་རྒྱུད་པ་ལ་དཀར་
རི་མོ་ཡོད།

[Full Size]

གཏོར་ཟླུམ་པོ་གཅིག །པད་འདབ་བརྒྱད་སྦྱོར་ཕྱི་ཡི་སྡེ་བརྒྱད་ཡིན། མར་རྒྱན་གསུམ་བཙུགས་ཉི་ཟླ་ནོར་བུ་རྒྱན། །སྟོད་ཆ་ས་ཡི་ལྷ་མོ་རྒྱལ་ཆེན་བཞི། །སྨད་ཆ་སྟོང་གསུམ་གཞི་བདག་ཐམས་ཅད་ཡིན། །དེ་ནི་གཡོན་གྲལ་གཏོར་མ་དྲུག་པ་ཡིན། །བསྡོམས་པོས་བདུན་ལ་རྟག་གཏོར་ཕུག་གཏོར་ཚང་།། ༈ ལྷོ་བསྐང་གཏོར་རི་རབ་བང་རིམ་བཞི་པའི་སྟེང་། །ཞི་རྒྱས་དབང་དྲག་ཕྲིན་ལས་གང་བསྒྲུབ་པའི། ༈ །གཏོར་མ་བཅའ་བར་ཡོངས་སུ་གྲགས་ན་ཡང་། །རི་རབ་བང་རིམ་བཞི་ཁར་རྩ་གསུམ་སྤྱིའི། རིན་ཆེན་འབར་བ་བཞག་པ་ལ། །གཏོར་མའི་རྩེ་ལ་མུ་ཏིག་སྐར་ལྟར་བཀྲ། །དེ་སྟེང་ཚེས་པའི་ཟླ་བ་གསཱལ་བ་
རི་མོ་ཡོད།

[Full Size]

དང་། །དེ་སྟེང་ཤིན་ཏུ་རྒྱས་པའི་ཉི་མ་ཡོད། །དགོས་འདོད་ལྷུན་གྲུབ་ནོར་བུ་འབར་བས་རྒྱན། །རླུང་སེམས་དབང་དུ་འདུ་ཕྱིར་གཏོར་མདོག་དམར། །རི་རབ་ཕྱོགས་མདོག་གྲུབ་ན་ལེགས་པ་སྟེ་། །སྣང་བ་དབང་དུ་འདུ་ཕྱིར་དམར་པོ་རུང་། །རྩེ་རུ་བཀྲ་ཤིས་རྟགས་བརྒྱུད་རྒྱལ་སྲིད་བདུན། །དེ་འོག་བྱ་རིགས་དེ་འོག་གཅན་གཟན་དང་། །དེ་འོག་རི་དྭགས་དེ་འོག་གཡུང་དྭགས་དང་། །དེ་འོག་ཏུ་གནས་བར་མཚམས་ངེས་མེད་དུ། །མཆོད་པའི་ལྷ་མོའི་ཕྱག་མཚན་སྣ་ཚོགས་བཙུགས། །བྱི་ནག་རྟི་ནག་གི་ཡིག་ནུག་ལུག་ནག་དང་། །ཁྱི་ནག་རྣམས་ནི་ཟན་ནིག་པར་བཏབ་སྟེ། །བཅུ་གསུམ་དགུའམ་བདུན་སོགས་ཅི་འབྱོར་བཙུགས། །ཕྱོགས་གསུམ་མམ་ནི་ཟུར་བཞི་གང་རུང་དུ། །ཤ་དར་ཕྱུར་བས་ལྷ་སྲིན་ཤ་ལ་མཉེས། །བསྐང་འབྲིས་ཐམས་ཅད་ནང་དུ་ཁ་སྟོན་པ། །བསྐང་ཐབས་ཡིན་ཕྱིར་ཕྱོགས་མཚམས་ཕྱིར་བསྟན་པ། །བཟློག་ཐབས་དམག་ཐབས་ཞེས་ནི་བྱ་བ་དང་། །གནོད་བྱེད་ཕྱོགས་སུ་ཕྱོགས་གཅིག་ཁ་སྟོན་པ། །ཇག་ཐབས་ཡིན་ཞིང་ཀུན་གྱིས་སྨྲ་ན་ཡང་། །བསྐང་བ་ཡིན་ཕྱིར་བསྐང་ཐབས་གཙོ་བོ་ཆེ་ཞིང་། །བསྐང་ཐབས་ནང་དུ་ཁ་བསྟན་ཟེར་བའི་དོན། །དབུས་ཀྱི་མར་རྒྱན་ཉིད་ལ་ཁ་བསྟན་པར། །བྱེད་མཁན་མང་ཡང་དེ་ནི་མ་ཡིན་ནོ། །བདག་དང་ཕུག་གཏོར་རྩེ་གཉིས་ལྟར་བསྐྱེད་པས། །དེ་ལ་བསྐང་བ་ཀུན་གྱིས་ཁ་སྟོན་

[Full Size]

ནས། །ཕུག་གཏོར་གཡས་ཟུར་ངོས་ནས་ཚུར་བཤམས་ལེགས། །བསྐང་འབྲས་ཞལ་ཐང་བཤམས་རྒྱུ་ཡོད་ན་ནི། །བསྐང་འབྲས་མ་བཙུགས་ན་ཡང་ཆོག་པ་ཡིན། །ལ་ལས་བསྐང་འབྲས་ཙཀ་ལི་བཙུགས་སྲོལ་ཡོད། །ལྷ་མོ་རྫས་ལ་དགའ་བས་རྫས་དགའ་མ། །དམིགས་པ་བསྒོམ་པ་ཁོ་ནས་མི་ཆོག་སྟེ། །དངོས་སུ་རབ་ཡིན་མེད་ཀྱང་གཟུགས་བརྙན་ཙམ། །མེད་ཐབས་མེད་པ་ལྷ་མོའི་རྒྱུད་ནས་གསུངས། དེ་སྐད་གསང་སྔགས་ནང་གཏོར་བཅའ་བའི་ཐབས། ཞལ་ཤེས་མཐོང་བ་བརྒྱུད་པའི་ཕྱག་སྲོལ་ལས། རྒྱས་པར་རྟག་གཏོར་བཅོ་བརྒྱད་ཟིན་བྲིས་ལྟར། སྒྲུབ་ཆེན་སྐབས་སུ་ལྷག་ལུས་མེད་པ་དགོས། འབྲིང་པོར་ཆ་བདུན་གོང་དུ་སོང་བ་བཞིན། དེ་ལས་བསྡུ་ན་རྒྱུན་གཏོར་གནམ་ཆོས་ལུགས། །རིན་ཆེན་འབར་བ་གཅིག་ལ་བརྟེན་ཀྱང་རུང་། །ཚུལ་འདི་དོན་གཉེར་འགའ་ཡིས་བསྐུལ་བ་དང་། །མཐོང་བ་བརྒྱུད་པའི་ཕྱག་ལེན་ཉམས་དོག་ནས། །དཔེ་རིས་གསལ་བཤད་བསྟབས་གཅིག་བཀོད་པའི་དགེས། །ཀུན་ཀྱང་ཐེག་པ་མཆོག་དེར་ཞུགས་གྱུར་ཅིག། །མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྗེ་ཐམས་ཅད་མཁྱེན་པ་དྷརྨ་ཤྭ་རས་ཞུས་ནས། བཛྲ་ཤྭ་རས་མཛད་པའི་ཕྱག་བཞི་པའི་ཆོ་ག་ལ་ཁོག་ཕུབ་པའི་གཏོར་བསྔོས་འདོན་འགྲིགས་རྒྱས་པ།

[Full Size]

རྗེ་ཐམས་ཅད་མཁྱེན་པ་དྷརྨ་ཤྭ་རས་ཞུས་ནས། བཛྲ་ཤྭ་རས་མཛད་པའི་ཕྱག་བཞི་པའི་ཆོ་ག་ལ་ཁོག་ཕུབ་པའི་གཏོར་བསྔོས་འདོན་འགྲིགས་རྒྱས་པ་བཞུགས། ཡོངས་རྫོགས་འདོན་པ་རྒྱས་པ་ཡིན། །མཚལ་སེར་གཉིས་འདོན་འབྲིང་པོ་ཡིན། །མཚལ་མ་ཁོ་ན་བསྡུས་པའོ།།

[Full Size]

མགོན་པོ་སྤྱན་རས་གཟིགས་ཏེ་ཐུགས་རྗེའི་དབང་ཕྱུག་ཅན། །ཡོན་ཏན་རླབས་མངའ་འཇིག་རྟེན་ཀུན་གྱི་སྐྱབས། །དཔའ་མཚན་བརྗིད་པས་རྡོ་དགུ་ཟིལ་གྱིས་གནོན། །གང་གིས་བཅོལ་ཏེ་བསྟན་ལ་ཕན་འདོགས་པ། །བསྟན་མཆོག་བདག་གིས་གཉེར་བཙལ་མགོན་པོ་ཁྱོད་གྱུར་ཅིག །ཅེས་པ་འཕགས་པ་མགོན་པོ་ནག་པོ་ཆེན་པོའི་གཟུངས་ལས་གསུངས་པ་ལྟར་སྤྱན་རས་གཟིགས་རྒྱ་མཚོ་ལྷ་ལྔའི་དཀྱིལ་འཁོར་གྱི་གཏོར་བསྔོས་རྒྱས་པ་དང་། འོག་དམ་ཅན་རྒྱ་མཚོའི་གཏོར་ཆོག་མདོར་བསྡུས་པ་ནི། །བསྐྱེད་ལུགས་རྒྱལ་བ་རྒྱ་མཚོ་ལྷ་ལྔའི་གཞུང་རྣམས་དང་མཐུན་པར་མགོན་པོ་སྤྱི་ཡི་གཏོར་རྒྱུད་ཆེན་མོའི་གསལ་བྱེད་སྒྲོན་མེ་ལས། དབང་པོ་འབྲིང་

[Full Size]

གི་མགོན་པོ་བློ་ཡིས་གང་ལྕོགས་སུ་བསྒོམ་ཞིང་མཆོད་འགྲིམ་བྱ་ཞེས་པ་དང་། དེ་རྣམས་ཀྱི་སྟེང་གི་ནམ་མཁར་རྩ་བ་དང་བརྒྱུད་པའི་བླ་མ་རྣམས་ལ་སངས་རྒྱས་དང་བྱང་ཆུབ་སེམས་དཔས་བསྐོར་ནས་བཞུགས་པར་བསམ། རང་གི་ཡི་དམ་གྱི་ལྷ་ཚོགས་ལ་རྒྱུད་སྡེའི་ལྷ་ཚོགས་ཀྱིས་བསྐོར་ནས་བཞུགས་པར་བསམ་ཞེས་གསུངས་པའི་དོན། ཁཎྜ་རོ་ཧེ་འམ། བིནྡྷན་ནམ། ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷ་ཝ་ཤུདྡྷོཉཧཾ། ཆོས་རྣམས་ཐམས་ཅད་དངོས་པོའི་མཐའ། །རང་བཞིན་སྟོང་པའི་ངང་ཉིད་ལས། །མདུན་གྱི་གཞི་འདི་དུར་ཁྲོད་ཀྱི། །ས་གཞི་པཾ་ལས་པདྨ་དང་། །རཾ་ལས་ཉི་མའི་དཀྱིལ་འཁོར་སྟེང་། །ཧཱུྃ་ཡིག་མཐིང་ནག་

[Full Size]

ལས་གྱུར་པའི། །རྡོ་རྗེ་གྲི་གུག་ཧཱུྃ་གིས་མཚན། །འོད་འཕྲོས་བདུད་ཀྱི་སྡེ་བཅོམ་ནས། །འཕགས་མཆོད་ཚུར་འདུས་ཡོངས་གྱུར་ཏེ། །ཡེ་ཤེས་མགོན་པོ་ཕྱག་བཞི་པ། །ཆར་སྤྲིན་ལྡང་བ་ལྟ་བུའི་མདོག །དམར་ལ་ཟླུམ་པའི་སྤྱན་གསུམ་ལྡན།། །ཁྲོ་གཉེར་བསྐྱོད་ཅིང་མཆེ་བ་གཙིགས། །ཞལ་ནས་ཧ་ཧ་ཧཱུྃ་ཧཱུྃ་གིས། །གད་སྒྲོག་ལྗགས་ནི་རྣམ་པར་འགྱུ། །དབུ་སྐྲ་སྨྲ་ར་སྨིན་མ་ནི། །དམར་སེར་མེ་ལྟར་རབ་ཏུ་འབར། །ཕྱག་བཞི་དང་པོས་གྲི་གུག་དང་། །གཡས་འོག་རལ་གྲི་འདེབས་པའི་ཚུལ།། །གཡོན་གྱི་དང་པོས་ཀ་པཱ་ལ། །བདུད་རྩིས་གང་བ་ཐུགས་ཀར་འཛིན། །གཡོན་འོག་རྡོ་རྗེ་ཁ་ཊཾ་ག །ཕྱར་བའི་སྟབས་འཛིན་མི་མགོ་ནི། །སྐམ་པོ་ལྔ་ཡིས་དབུ་རྒྱན་དང་། །རློན་པ་ཁྲག་འཛག་ལྔ་བཅུ་ཡིས། །སེ་རལ་དར་དང་རིན་པོ་ཆེ། །རུས་པ་སྦྲུལ་དང་དྲིལ་བུ་ཡིས། །གཡེར་ཁའི་ཕྲེང་བས་རབ་ཏུ་བརྒྱན། །སྟག་ལྤགས་གསར་པ་ཁྲག་བཅས་ཀྱིས། །སྨད་གཡོགས་སྐུ་ལ་ཡེ་ཤེས་ཀྱི། །མེ་དཔུང་འབར་བའི་དབུས་ཉིད་ན། །མི་རོ་ཁ་སྦུབ་བསྣོལ་བའི་གདན། །དཔའ་བོ་རོལ་པའི་སྟབས་ཀྱིས་བཞུགས། །དེ་ཡི་གཡས་སུ་ཧཱུྃ་ཡིག་

[Full Size]

ལས། །ལས་མགོན་བྱ་རོག་གདོང་ཅན་ནི། །སྐུ་མདོག་ནག་པོ་ཞལ་གཅིག་པ། །ཕྱག་གཉིས་གྲི་གུག་ཐོད་ཁྲག་འཛིན། །ནག་པོ་སྟོང་གི་འཁོར་གྱིས། བསྐོར། །གཡོན་དུ་བྷྱོ་ཡིག་ཡོངས་གྱུར་ལས། །ཡུམ་མཆོག་རྩ་འཇིབ་དམར་མོ་ནི། །ཞལ་གཅིག་ཕྱག་བཞི་གཡས་པ་ན། །རལ་གྲི་རྩེ་གསུམ་གཡོན་པ་ན། །མདའ་གཞུ་མི་མགོ་འཛིན་པ་ལ། །མ་མོ་བྱེ་བའི་ཚོགས་ཀྱིས་བསྐོར། །མདུན་དུ་ཧཱུྃ་ལས་ཤ་ཟ་ནི། །སེང་གེའི་གདོང་ཅན་སྐུ་མདོག་ནག །ཞལ་གཅིག་ཕྱག་གཉིས་རལ་གྲི་དང་། །ཐོད་ཁྲག་འཛིན་པ་ཤ་ཟ་ནི། །འབུམ་གྱིས་བསྐོར་བ་དེ་རྒྱབ་ཏུ། །ལེགས་ལྡན་ནག་པོ་དར་ནག་གི་།བེར་ཆེན་གཎྜི་འཛིན་པའོ། །དེ་ཕྱིར་ཤར་དུ་མཁའ་འགྲོ་མ། །བྱ་རྒོད་གདོང་ཅན་བྱང་དུ་ནི། །ཁྱུང་དང་ནུབ་ཏུ་ཁྭ་ཏ་དང་། །ལྷོ་རུ་འུག་པ་ཤར་ལྷོར་ཕག །ལྷོ་ནུབ་ཁྱི་དང་ནུབ་བྱང་དུ། །སྤྱང་ཀི་བྱང་ཤར་མཚམས་ཉིད་དུ། །སྟག་གི་གདོང་ཅན་བརྒྱད་ཀ་ཡང་། །གཅེར་བུ་སྐྲ་གྲོལ་ཞལ་གཅིག་པ། །ཕྱག་གཉིས་གྲི་གུག་ཐོད་ཁྲག་འཛིན། །འཁོར་རྣམས་བཞེངས་ནས་གར་སྟབས་ཀྱིས། །རོལ་གར་སྣ་ཚོགས་མཛད་པའོ། །

[Full Size]

ཡབ་ཡུམ་སྤྲུག་སྒྲུབ་བཀྲ་ཤིས་པར་གསུངས་པས། མདུན་དུ་དུར་ཁྲོད་ཆེན་པོའི་ནང་། །མེ་འབར་ཁྲག་ཞག་རྒྱ་མཚོའི་དབུས། །ཐོད་པ་སྐམ་རློན་གཞལ་ཡས་སུ། །ཨོཾ་ལས་དུད་སོལ་ལྷ་མོ་ནག །ཞལ་གཅིག་ཕྱག་བཞི་རལ་གྲི་དང་། །ཐོད་ཁྲག་ཤག་ཏི་རྩེ་གསུམ་འཛིན། །དུར་ཁྲོད་ཆས་བརྒྱད་མི་རོ་གསོལ། །བ་ལང་གླང་ལྤགས་རེ་ལྡེ་བགོས། །སྦྲུལ་བརྒྱན་ཞབས་གཉིས་ལྕགས་སྒྲོག་གསོལ། །ཁོང་བུ་ག་དམར་ཆིབས་པའོ། །རྗེ་ཆོས་ཀྱི་དབང་ཕྱུག་གིས་གསར་རྙིང་གི་ཆོས་སྐྱོང་ཐམས་ཅད་མགྲོན་ཐབས་སུ་མཛད་པ་ལྟར། གཞན་ཡང་རྟ་ནག་དྲེགས་ཚོགས། །བེར་ཆེན་སྐོར་དྲུག་རང་བྱུང་མ། །མྱུར་མཛད་དཀར་མཐིང་རེ་མ་ཏི། །མ་ནིང་སྡེ་ལྔ་ཏྲཀྐད་ནག །ཞིང་སྐྱོང་བེག་རྩེ་གཅིག་ཆར་དམར། །སྲིན་མགོན་གཉེན་མགོན་དབང་ཕྱུག་ཆེ། །བྲག་མགོན་མདུང་འཛིན་རྡོ་རྗེ་འབར། །སྔགས་བདག་མི་མགོན་ཀླུ་ཆེན་བརྒྱད། །ཚེ་རིང་ཚོགས་བདག་མཁའ་རི་ལྕམ། །སྔགས་སྲུང་སྲོག་སྒྲུབ་ཁ་མོ་ཆེ། །ཐང་ལྷ་མཁར་ནག་སྨྱོ་ཁ་ཀླུ། །བཙན་རྒོད་འབར་བ་ཕྱི་ནང་གསང་། །ངོམ་རྒྱལ་སྤོམ་ར་ལ་སོགས་པ། །བསྟན་སྲུང་རྒྱ་མཚོ་འཁོར་བཅས་གསལ། །དུར་ཁྲོད་ཆེན་

[Full Size]

པོའི་ཕྱི་རོལ་དུ། །རྡོ་རྗེའི་རྭ་གུར་ཡེ་ཤེས་ཀྱི། །མེ་རི་དྲག་ཏུ་འབར་བའོ། །དེ་ཡི་སྟེང་གི་བར་སྣང་ལ། །འཇིག་རྟེན་དབང་ཕྱུག་སྤྱན་རས་གཟིགས། །རྒྱལ་བ་རྒྱལ་སྲས་རྒྱ་མཚོའི་བསྐོར། །གཡས་སུ་རྟ་མགྲིན་ཡི་དམ་ཚོགས། །གཡོན་དུ་ཕག་མོ་མཁའ་འགྲོའི་ཚོགས། །ནམ་མཁར་པད་འབྱུང་རིག་འཛིན་ཚོགས། །གཙོ་འཁོར་ཀུན་གྱི་སྤྱི་བོར་ནི། །ཨོཾ་དང་མགྲིན་པར་ཨཱཿཉིད་དང་། །ཐུགས་ཀའི་ཧཱུྃ་ལས་འོད་འཕྲོས་པས། །འོག་མིན་ལ་སོགས་སངས་རྒྱས་ཀྱི། །ཞིང་ཁམས་རྒྱ་མཚོར་བཞུགས་པ་ཡི། །ཡེ་ཤེས་མགོན་པོ་འཁོར་བཅས་རྣམས། །ནམ་མཁར་སྤྲིན་ཕུང་གཏིབས་བཞིན་གྱུར། །རྡོ་རྗེ་བསྡུ་བའི་ཕྱག་རྒྱས། བཛྲ་ས་མཱ་ཛཿ ཞེས་བརྗོད་ན་སྐད་ཅིག་ལ་འབྱོན་པར་གསུངས་སོ། །ཧཱུྃ། སྣང་བ་ཆོས་སྐུའི་གཞལ་ཡས་ནས། །རྩ་བའི་བླ་མ་གཤེགས་སུ་གསོལ། །ཆོས་དབྱིངས་དག་པའི་གཞལ་ཡས་ནས། །བཀའ་བརྒྱུད་བླ་མ་གཤེགས་སུ་ཨ་གསོལ། །ཆོས་སྐུ་སྤྲོས་བྲལ་དག་པ་ལ། །ལོངས་སྐུ་སྒྱུ་མའི་སྐུར་སྟོན་པ། །ཡི་དམ་ཚོགས་བཅས་རྣལ་འབྱོར་མ། །ཕྱག་རྒྱ་ཆེན་པོའི་དབྱིངས་ནས་བཞེངས། །སེམས་ཅན་

[Full Size]

དོན་ལ་དགོངས་མཛོད་ལ། །སྐད་ཅིག་ཙམ་གྱིས་གཤེགས་སུ་གསོལ། །ཧཱུྃ། དད་པ་དང་ནི་དམ་ཚིག་གིས། །སྤྱན་འདྲེན་དཔལ་ལྡན་ནག་པོ་ཆེ། །བདག་རྒྱུད་སྒྲིབ་པ་བསལ་བའི་ཕྱིར། །བརྩེ་བར་དགོངས་ཏེ་འདིར་བྱོན་ཅིག །ཧཱུྃ། སྐུ་གསུང་ཐུགས་ཀྱི་བདག་ཉིད་ཅན། །རྡོ་རྗེ་ནག་པོ་འཁོར་བཅས་རྣམས། །རང་བཞིན་གནས་ནས་སྐུར་བཞེངས་ལ། །བསྟན་པ་བསྲུང་ཕྱིར་གནས་འདིར་གཤེགས། །འོག་མིན་གནས་མཆོག་དམ་པ་དང་། །ལྕང་ལོ་ཅན་གྱི་ཕོ་བྲང་དང་། །ནཱ་ལེནྡྲ་ཡི་གཙུག་ལག་དང་། །བསིལ་བ་ཚལ་གྱི་དུར་ཁྲོད་དང་། །གཞན་ཡང་དུར་ཁྲོད་གནས་བརྒྱད་དང་། །ཕྱི་ཡི་རྒྱུ་མཚོའི་འགྲམ་དག་དང་། །རང་བཞིན་གར་བཞུགས་གནས་མཆོག་ནས། །དཔལ་ལྡན་མགོན་པོ་འཁོར་བཅས་རྣམས། །རྣལ་འབྱོར་བདག་ལ་རྗེས་དགོངས་ལ། །གནས་འདིར་མྱུར་དུ་གཤེགས་སུ་གསོལ། །མགོན་པོ་ཀུན་གཤེགས་ཐུགས་རྗེ་ཅན། །ད་ལྟ་སྙིགས་མ་ལྔ་ཡི་དུས། །གཤེགས་ཤིང་བཞུགས་པའི་གནས་ངན་ཡང་། །འདྲེན་པའི་བསྟན་པ་བསྲུང་བ་དང་། །སེམས་ཅན་ཀུན་ལ་ཕན་གདག་ཕྱིར། །དམ་ཚིག་ཅན་ལ་རྗེས་བརྩེ་

[Full Size]

བས། །ནག་པོ་ཡབ་ཡུམ་འཁོར་བཅས་རྣམས། །གནས་འདིར་མྱུར་དུ་གཤེགས་སུ་གསོལ། །བྷྱོ་་རི་རབ་ཆེན་པོའི་བྱང་ཤར་མཚམས། །གཡུ་མཚོ་མུ་ལེ་མཐིང་གི་དབུས། །རིན་ཆེན་ལྔ་ལྡན་གཞལ་ཡས་ཁང་། །དེ་དབུས་སྲིད་གསུམ་ཐོད་མཁར་ནང་། །གྲུ་གསུམ་འབར་བའི་ཀློང་དཀྱིལ་ནས། །དཔལ་ལྡན་ལྷ་མོ་དུད་སོལ་མ། །ཞལ་གཅིག་ཕྱག་བཞི་བོང་བུ་ཆིབས། །འཁོར་ཡང་ནག་མོ་འབུམ་གྱིས་བསྐོར། །གནས་འདིར་ཉིད་དུ་གཤེགས་སུ་གསོལ། །ཧྲཱིཿ དུར་ཁྲོད་གསང་བའི་ཕོ་བྲང་དབུས། །འབྱུང་བ་འཁྲུགས་པའི་ཀློང་རུམ་ནས། །དབང་ཆེན་རྟ་མགྲིན་སྤྲུལ་པའི་སྐུ། །ཁྲོ་རྒྱལ་ལྕགས་ཀྱི་རལ་པ་ཅན། །ཡུམ་དང་སྲས་བཅས་གཤེགས་སུ་གསོལ། །ཧཱུྃ༔ དད་པ་དང་ནི་དམ་ཚིག་གིས། །དཔལ་ལྡན་མགོན་པོ་སྤྱན་འདྲེན་ན། །ཐུགས་རྗེའི་ཐུགས་དམ་དབང་གིས་ནི། །བསྟན་པ་བསྲུང་ཕྱིར་གཤེགས་སུ་གསོལ། །བྷྱོཿ བྱང་ཤར་ཆོས་དབྱིངས་ཕོ་བྲང་ནས། །བསྟན་པ་བསྲུང་ཕྱིར་སྐུ་སྤྲུལ་པ། །ཚུར་གཤེགས་ཚུར་གཤེགས་མ་ཚུར་གཤེགས། །དམ་ཚིག་དབང་གིས་མྱུར་དུ་བྱོན། །ཧཱུྃ། རྡོ་རྗེ་

[Full Size]

འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བྱིན་རླབས་མྱུར་མཛད་སྤྱན་རས་གཟིགས། །མགོན་པོ་འཁོར་བཅས་གཤེགས་སུ་གསོལ། །ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་དམ་ཅན་ལྷ་ཆེན་པོ། །མ་ཧཱ་ཀཱ་ལ་མཐུ་བོ་ཆེ། །གསང་བའི་ཁྲོ་རྒྱལ་སྟོབས་ཀྱིས་བདག །མ་ནིང་ནག་པོ་ཀུན་གྱི་རྗེ། །འོག་མིན་གནས་མཆོག་དམ་པ་དང་། །གསང་ཆེན་ལྷུན་གྲུབ་དུར་ཁྲོད་ནས། །མཆོད་ཕྱིར་བསྒྲུབ་ཕྱིར་གཤེགས་སུ་གསོལ། །སྐུ་ལྔ་སྡེ་ལྔ་ཏྲཀད་ནག །མ་མགོན་སྡེ་བརྒྱད་བཅས་པ་བྱོན། །སྔོན་ཚེ་པདྨའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །ཆོས་སྐྱོང་ཆེན་པོ་གནས་འདིར་བྱོན། །བདུད་མགོན་ཆེན་པོ་གནས་འདིར་བྱོན། །སེང་གེའི་གདོང་ཅན་གནས་འདིར་བྱོན། །བདུད་མོ་སེང་གདོང་གནས་འདིར་བྱོན། །གཤིན་རྗེ་ཆོས་རྒྱལ་གནས་འདིར་བྱོན། །བྱེ་བ་གུང་རིང་གནས་འདིར་བྱོན། །ཡམ་ཤུད་དམར་པོ་གནས་འདིར་བྱོན། །ཞིང་སྐྱོང་འཁོར་བཅས་གནས་འདིར་བྱོན། །བྷྱོ༔ ཉི་མ་ལྷོ་ཕྱོགས་ཕ་ཀི་ན། །ལྷོ་ནུབ་སྲིན་པོའི་གྲོང་ཁྱེར་ནས། །བསྟན་པའི་བཀའ་སྲུང་མཐུ་རྩལ་

[Full Size]

ཅན། །ཐོད་ཕྲེང་ཡབ་ཡུམ་གཤེགས་སུ་གསོལ། །སྲིན་པོ་བྱེ་བའི་འཁོར་དང་བཅས། །གདོང་བཞི་ཡབ་ཡུམ་དབང་ཕྱུག་ཆེ། །སྔོན་གྱི་ཐུགས་དམ་དབང་གིས་ནི། །དམ་ལ་མ་འདའ་ད་ཚུར་བྱོན། །ཧཱུྃ། བྲག་ལྷ་མགོན་པོ་ལྷ་དེ་པོ། །བདག་གིས་མཆོད་ཅིང་བསྒྲུབ་པའི་ཕྱིར། །གནས་འདིར་སྤྱན་འདྲེན་དགྱེས་པར་བཞུགས། །ཧཱུྃ༔ པོ་ཊ་ལ་ཡི་གནས་མཆོག་ནས། །བདེ་བ་ཅན་གྱི་ཞིང་ཁམས་ནས། །ས་བརྒྱུད་ལ་གནས་ནག་པོ་ཆེ། །མགོན་པོ་མདུང་འཛིན་གཤེགས་སུ་གསོལ། །ཧཱུྃ། རི་རབ་ལྷོ་ཕྱོགས་མ་དྲོས་ན། །རིན་ཆེན་བརྩེགས་པའི་ཁྲི་སྟེང་ནས། །ཀླུ་ཡི་རྒྱལ་པོ་སོག་མ་མེད། །མི་མགོན་དཀར་པོ་ཀླུ་བརྒྱད་སོགས། །ཀླུ་ཆེན་མང་པོའི་འཁོར་དང་བཅས། །བདག་གིས་མཆོད་ཕྱིར་སྤྱན་འདྲེན་ན། །དམ་ཚིག་དབང་གིས་གཤེགས་ནས་ཀྱང་། །རིན་ཆེན་པདྨའི་ཁྲི་སྟེང་དུ། །བརྗིད་ཅིང་འགྱིང་བར་བཞུགས་སུ་གསོལ། །བྷྱོཿ བཀྲ་ཤིས་ཚེ་ཡི་དབང་ཕྱུག་མ། །དྲག་པོའི་གདུང་བས་ཁྱོད་འབོད་ན། །དེ་རིང་སྒྲུབ་པའི་གནས་མཆོག་འདིར། །ལྷབ་ལྷུབ་ན་བཟའི་རྒྱན་དང་བཅས། །སིལ་སྙན་རོལ་མོའི་སྒྲ་དང་།

[Full Size]

བཅས། །ནམ་མཁའི་མཐོངས་ནས་སྤྱན་འདྲེན་ན། །བརྟན་མ་འཁོར་བཅས་གཤེགས་སུ་གསོལ། །ཧཱུྃ། ཇོ་བོ་ཚོགས་ཀྱི་བདག་པོ་ནི། །བདག་གིས་མཆོད་ཅིང་བསྒྲུབ་པའི་ཕྱིར། །གནས་འདིར་སྤྱན་འདྲེན་གཤེགས་ནས་ཀྱང་། །དགྱེས་པའི་ཚུལ་གྱིས་བཞུགས་སུ་གསོལ། །ཧཱུྃ་བྷྱོཿ འཇིགས་ཤིང་ཡ་ངའི་དུར་ཁྲོད་ནས། །བསྟན་སྲུང་མ་མོ་ལས་མཁན་མ། །ཤ་ཟ་ཌཱཀི་འཁོར་དང་བཅས། །སྔགས་སྲུང་སྲོག་སྒྲུབ་སྤྱང་ཞོན་མ། །རིག་འཛིན་པདྨའི་བཀའ་བཞིན་དུ། །ད་ལྟ་རྣལ་འབྱོར་བདག་སྒྲུབ་ཀྱིས། །དོ་ནུབ་མཆོད་སྦྱིན་འདི་ཉིད་དུ། །སྐད་ཅིག་ཉིད་ལ་གཤེགས་སུ་གསོལ། །ཧཱུྃ། ཀླུ་ཡུལ་ན་ར་སེང་སྔོན་ནས། །དགེ་བསྙེན་རྡོ་རྗེ་རྒྱལ་པོ་དང་། །ཀླུ་བཙན་མིང་སྲིང་བར་བློན་ཆེ། །སྨྱོ་ཁ་ཐང་ལྷ་ཡར་བཞུད་དང་། །རྡོ་རྗེ་བདུད་འཇོམས་མཚོ་ནག་མ། །གནས་འདིར་མཆོད་ཕྱིར་གཤེགས་སུ་གསོལ། །ཧཱུྃ། ལྗོན་ཤིང་རི་དང་བྲག་རི་དང། །རྔམ་པའི་སྒྲ་འབྱིན་ཕོ་བྲང་ནས། །བསྟན་སྲུང་མྱུར་མགྱོགས་ཕོ་ཉའི་ཚོགས། །བཙན་རྒོད་འབར་བ་འཁོར་དང་བཅས། །ཇག་པ་མེ་ལེན་ཐང་ལྷ་འབར། །སྔོན་ཚེ་པདྨའི་སྤྱན་

[Full Size]

སྔ་རུ། །ཇི་ལྟར་ཁས་བླངས་དམ་བཅས་བཞིན། །དོ་ནུབ་མཆོད་སྦྱིན་གནས་འདི་རུ། །ཡུད་ཙམ་གཅིག་གིས་གཤེགས་སུ་གསོལ། །ཧཱུྃ། སྐྱེས་བུ་ངོམ་རྒྱལ་མཚོ་བཀྲ་ནི། །ངོམ་རི་དུང་མདོག་ལྡན་པ་ནས། །མཆོད་ཕྱིར་བསྒྲུབ་ཕྱིར་སྤྱན་འདྲེན་ནོ། །སྤོམ་ར་གཏམ་རྒྱལ་སྨོན་སྐྱེས་སོགས། །དཀར་ཕྱོགས་དགེ་བསྙེན་ཐམས་ཅད་བྱོན། །པདྨའི་བཀའ་ལྟར་བརྟན་པར་བཞུགས། །ༀ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་ཙ་ཏུར་ཧས་བཛྲ་མ་ཧཱ་ཀཱ་ལ་དྷེ་ཝི་ཀཱ་ལི། སརྦ་དྷརྨཱ་པ་ལ་ས་པཱ་རི་ཝཱ་ར་བཛྲ་ས་མཱ་ཛཿ ཨེ་རྒྱ་ཧི། ཛཧཱུྃ་བཾ་ཧོ༔ ཧཱུྃ། སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་ཟླ་ཉིར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བ་ནི་བཞུགས་སུ་གསོལ། །ཧཱུྃ། རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །བྱིན་གྱིས་བརླབས་པའི་གནས་འདིར་ནི། །དྲག་པོ་འཁོར་བཅས་བཞུགས་སུ་གསོལ། །ཨོཾ་བཛྲ་ཨཧཱུྃ་པྲ་ཏིཙྪ་སྭཱ་ཧཱ། ཨོཾ་བཛྲ་པཱཧཱུྃ་པྲ་ཏིཙྪ་སྭཱ་ཧཱ། ཡེ་ཤེས་པ་ནི་དབྱེར་མེད་གྱུར། །པདྨ་ཀ་མ་ལཱ་ཡེ་སྟེ། །གང་གིས་འཁོར་བའི་ཉེས་པ་ནི། །དྲན་པ་ཙམ་

[Full Size]

གྱིས་འཇོམས་མཛད་ཅིང་། །བླ་མེད་བྱང་ཆུབ་ཐོབ་མཛད་ཅིང་། །བླ་མ་རྣམས་ལ་ཕྱག་འཚལ་ལོ། །བྱ་སྤྱོད་རྣལ་འབྱོར་རྒྱུད་སྡེ་བཞི། །སྟོན་པ་ཉིད་ཀྱིས་གང་གསུངས་པ། །ཕྱི་དང་ནང་དང་གསང་བ་ཡི། །ཡི་དམ་ལྷ་ལ་ཕྱག་འཚལ་ལོ། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབས་ལ་ཕྱག་འཚལ་ལོ། །ཧཱུྃ་ལས་སྐྱེས་པའི་ནག་པོ་ཆེ། །པདྨ་ཉི་མའི་གདན་ལ་བཞུགས། །གདུག་པ་ཟིལ་གནོན་མེ་དཔུང་ནང་། །མཐུ་ཆེན་ཁྱོད་ལ་བདག་ཕྱག་འཚལ། །བྱ་རོག་མིང་ཅན་ནག་པོ་ཆེ། །ཞལ་གཅིག་ཕྱག་བཞི་ཁྲོ་བོའི་གཟུགས། །ཞབས་གཉིས་གྱད་ཀྱི་སྟབས་ཀྱིས་བཞུགས། །སྟོབས་ཆེན་ཁྱོད་ལ་བདག་ཕྱག་འཚལ། །ཆ་ལུགས་འཚང་བའི་ནག་པོ་ཆེ། །སྦྲུལ་དང་རིན་ཆེན་ཐོད་པས་བརྒྱན། །སྟག་ལྤགས་ཤམ་ཐབས་སྐུ་ལ་གསོལ། །དཔའ་བོ་ཁྱོད་ལ་བདག་ཕྱག་འཚལ། །ཕྲིན་ལས་མཛད་པའི་ནག་པོ་ཆེ། །འབྲས་བུ་ཐོད་ཁྲག་ཞལ་དུ་གསོལ། །གདུག་པའི་མཚོན་ཆ་ཕྱག་ན་བསྣམས། །གསོད་བྱེད་ཁྱོད་ལ་བདག་ཕྱག་འཚལ། །གཟི་མདངས་ལྡན་པའི་ནག་པོ་

[Full Size]

ཆེ། །དབུ་སྐྲ་དམར་སེར་གྱེན་དུ་བརྗེས། །ཨག་ཚོམ་སྨིན་མ་མེ་ལྟར་འབར། །བརྗིད་པ་ཁྱོད་ལ་བདག་ཕྱག་འཚལ། །སྙིང་རྗེ་ཁྲོས་པའི་ནག་པོ་ཆེ། །སྤྱན་གསུམ་སྡང་མིག་མེ་ལྟར་འབར། །རབ་ཏུ་འཁྲུགས་པའི་ཁྲོ་གཉེར་ཅན། །གཏུམ་ཆེན་ཁྱོད་ལ་བདག་ཕྱག་འཚལ། །འཇིགས་པའི་གཟུགས་ཅན་ནག་པོ་ཆེ། །ཞལ་གདངས་མཆེ་བ་རབ་ཏུ་གཙིགས། །ལྗགས་འདྲིལ་ཧཱུྃ་ཧཱུྃ་སྒྲ་སྒྲོག་པ། །ཟ་བྱེད་ཁྱོད་ལ་བདག་ཕྱག་འཚལ། །བྱང་ཆུབ་སེམས་ལྡན་ནག་པོ་ཆེ། །སངས་རྒྱས་སྤྱན་སྔར་ཁས་བླངས་པ། །བསྟན་པ་སྲུང་བར་ཞལ་གྱིས་བཞེས། །དམ་ཅན་ཚོགས་ལ་བདག་ཕྱག་འཚལ། །དམ་ལ་མ་འདའ་ནག་པོ་ཆེ། །བསྟན་པ་སྲུངས་ཤིག་ནག་པོ་ཆེ། །བཀའ་བཞིན་སྒྲུབས་ཤིག་སོ་སོའི་འཁོར། །གལ་ཏེ་དམ་ལ་འདས་གྱུར་ན། །དུས་གསུམ་སངས་རྒྱས་ཁྱོད་ཀྱིས་བསླུས། །ཁྱོད་ནི་ཉམས་པར་གྱུར་པ་སྟེ། །དེ་བས་དམ་ལ་མ་འདའ་ཞིག །ཨོཾ་མ་ཧཱ་ཀཱ་ལ་དྷེ་ཝཱི་སརྦ་དྷརྨ་པཱ་ལ་ས་པ་རི་ཝཱ་ར་ས་མ་ཡ་ཧ་ན་ཧ་ན་ཧཱུྃ་ཕཊ༔ སྔོན་གྱི་དམ་ཚིག་གཉེན་པོ་དགོངས། །སླར་ཡང་ཐུགས་ཀའི་འོད་ཟེར་གྱིས། །རྒྱལ་བ་

[Full Size]

རིགས་ལྔ་ཡུམ་བཞི་དང་། །སེམས་དཔའ་སེམས་མ་ཁྲོ་བོ་དང་། །ཁྲོ་མོ་སྤྱན་དྲངས་བདུད་རྩིའི་ཆུས། །དབང་བསྐུར་སྐུ་གང་དྲི་མ་དག །ཆུ་ཞབས་སྤྱི་བོར་བསྟན་པ་ལ། །གཙོ་བོར་བདེ་མཆོག་ལྷན་སྐྱེས་དང་། །འཁོར་རྣམས་ཀུན་ལ་བཅོམ་ལྡན་འདས། །མི་བསྐྱོད་ལ་སོགས་དབུ་བརྒྱན་གྱུར། །བདག་ཉིད་བཅོམ་ལྡན་འཇིག་རྟེན་དབང་། །གསལ་བའི་ཐུགས་ཀར་ཉི་མ་ཡི། །དཀྱིལ་འཁོར་དབུས་སུ་ཧྲཱི༔ཡི་མཐར། །ཡི་གེ་བཅུ་པ་རབ་ཏུ་གསལ། །མགོན་པོའི་ཐུགས་ཀར་ཉི་སྟེང་ཧཱུྃ། །སྔོན་པོ་འོད་ཟེར་འབར་བའི་མཐར། །ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ རང་གི་ཐུགས་ཀའི་ཧཱིཝཡིག་ལས། །འོད་འཕྲོས་དཔལ་ལྡན་ནག་པོ་ཆེའི། །ཐུགས་ཀར་ཕོག་པས་ཐུགས་རྗེ་ཆེ། །བསྐུར་ཏེ་དངོས་གྲུབ་བྱིན་རླབས་ཀུན། །འོད་ཟེར་ཁ་དོག་སྣ་ཚོགས་ཚུལ། །མགོན་པོའི་ཞལ་ནས་བདག་ཉིད་ཞལ། །ཞུགས་ཏེ་ཐུགས་ཀར་ཐིམ་པའི་མོད། །ཡེ་ཤེས་མགོན་པོ་འཁོར་བཅས་ལ། །སྤྲུལ་པའི་ཕོ་ཉ་མང་སྤྲོས་ཏེ། །བདུད་བཞི་བཏུལ་ཞིང་ཕྲིན་ལས་བཞི། །ཐོགས་པ་མེད་པ་བསྒྲུབ་པར་གྱུར། །ༀ་བཛྲ་ཀ་ཝུ་ཝ་ཝ་པ་ཤ་ཡ་

[Full Size]

མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། དབང་དྲག་གཉིས་ལ་འཁོར་ལུགས་དེ་ལྟར་ཡིན། ཞི་རྒྱས་གཉིས་ལ་རང་གི་ཞལ་ནས་མགོན་པོའི་ཞལ་དུ་ཞུགས། མགོན་པོའི་ཐུགས་ཀ་ནས་རང་གི་ཐུགས་ཀར་ཐིམ། དང་པོ་འོད་ཟེར་དེ་ནས་སྔགས་ཕྲེང་དུ་བསྒྱུར་ཏེ། ཞི་བ་དུས་དཀར་པོ། རྒྱས་པོ་སེར་པོ། དབང་ལ་དམར་པོ། དྲག་པོ་ལ་ནག་པོ་བསྒོམ་སྟེ་སྤུ་གྲི་ཀླད་གཟེར་རྒྱུད་ལས་གསལ་བར་གསུངས་པའི་དོན་ནི། ཨོཾ་་་་མགྲོན་ཐབས་ཀྱི་ཆོས་སྐྱོང་ཡེ་ཤེས་པ་ནག་པོ་ཆེན་པོ་ལྷ་མིན་གཤིན་རྗེ་མ་མོ་བདུད་འབོད་པ། ཧཱ་ཀཱ་ལ་སུ་ཏྲི་ཡ་མ་དུ་ཛཿ ཞེས་པ་ཕྱག་བཞི་པའི་འཁོར་སྤྱི་ཡི་འབོད་སྔགས་ཡིན་པར་བཤད་པ་དང་། ལྷ་མོ་སོགས་བསྙེན་པར་འདོད་ན་ཡང་སྐབས་འདིར་བྱ་སྟེ། བསྙེན་སྔགས་ནི་གཏོར་བསྔོས་སྐབས་ནས་འབྱུང་བ་ལྟར་རོ། །ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ༔ ཨ་ལས་ཐོད་པར་ཧཱུྃ་ཡིག་ནག་པོ་ལས། །མཆོད་ཡོན་མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་མཆོད་པའི་སྤྲིན། །རབ་འབྱམས་སྣང་སྟོང་ལྷ་རྣམས་མཉེས་བྱེད་གྱུར། །ཨོཾ་ཨགྷཾ་པུབྦེ་དྷ་པེ་དི་པཾ་གནྡྷེ་ནེ་ཝི་དྱ་ཤབྡ་ཨཱཿཧཱུྃ། ཆུ་བཞི་ཉེར་སྤྱོད་རྣམ་ལྔ་རོལ་མོ་དང་། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ནང་གི་མཆོད་པ་རིག་མ་བཅུ་དྲུག་སོགས། །ཕྱི་ནང་གསང་བའི་མཆོད་པ་དུ་མས་མཆོད། །སྐྱེད་ཚལ་

[Full Size]

གཞལ་མེད་ཁང་དང་དཔག་བསམ་ཤིང་། །གཏེར་གྱི་བུམ་པ་ཁྲུས་རྫིང་པདྨར་བཅས། །འབྲུ་སྨན་རིན་ཆེན་རྩི་བཅུད་བང་མཛོད་དང་། །གོས་དར་ཁྲི་སྟན་གཞོན་པ་བྲན་འཁོར་འབུལ། །སྐབས་གསུམ་གྲོང་གིས་མཚན་པའི་ལྷུན་པོ་དང་། །ལུས་ཅན་ཡོ་བྱད་རྫོགས་པའི་གླིང་རྣམས་དང་། །རིན་ཆེན་ས་འཛིན་རྣམས་དང་བདུད་རྩིའི་མཚོ། །དག་བྱེད་མུ་ཁྱུད་ཕྱོགས་རྣམས་བཀང་སྟེ་འབུལ། །ན་མོ་རཏྣ་ཏྲ་ཡ་ཡ། ན་མོ་བྷ་ག་ཝ་ཏེ། བཛྲ་སཱ་ར་པྲ་མནྡ་ནི། ཏ་ཐཱ་ག་ཏ་ཡ། ཨརྡ་ཏེ་སམྱཀཾ་བུདྡྷ་ཡ། ཏདྱ་ཐཱ། ཨོཾ་བཛྲ་བཛེ། །མ་ཧཱ་བཛེ།། མ་ཧཱ་ཏེ་ཛ་བཛྲ། མ་ཧཱ་བིདྱ་བཛྲ། མ་ཧཱ་བོ་དྷི་ཙིཏྟ་བཛྲ། མ་ཧཱ་བོ་དྷི་མནྟོ་པ་སཾ་ཀྲ་མ་ཎ་བཛེ། སརྦ་ཀརྨ་ཨ་ཝ་ར་ཎ་བི་ཤ་དྷ་ན་བཛྲ་སྭཱ་ཧཱ། གཟུངས་འདི་དྲན་པ་ཙམ་གྱིས་སངས་རྒྱས་ཐམས་ཅད་ལ་མཆོད་པའི་སྤྲིན་ཆེན་པོས་མཆོད་པར་འགྱུར་བར་གསུང་ཞིང་། སྤུ་གྲི་ཀླད་གཟེར་རྒྱུད་ལས་ཡིད་ཀྱིས་མཆོད་པ་རྒྱ་ཆེན་འབུལ། གསུངས་པའི་དོན་ནོ། །ཧཱུྃ། དཔལ་ལྡན་མགོན་པོ་འཁོར་བཅས་ལ། །ཁྲག་ཆེན་འབར་བའི་ཨནྡྷཾ་དང་། །ཞིག་ཆེན་འཁྲིགས་པའི་ཞབས་བསིལ་སོགས། །དབང་པོ་ལྔ་ཡི་མེ་ཏོག་དང་། །ཤ་ཆེན་སྤོས་དང་ཚིལ་ཆེན་གསུར། །ཞུན་

[Full Size]

ཆེན་སྣང་གསལ་མར་མེ་དང་། །སྣ་ཚོགས་དྲི་ཡི་བྱུག་པ་དང་། །ཤ་ཆེན་ལྔ་ཡི་ཞལ་ཟས་དང་། །ཐོད་ཆེན་རྔ་དང་རྐང་ཆེན་དུང་། །དགྱེས་པའི་ཚུལ་གྱིས་བཞེས་སུ་གསོལ། །ཨོཾ་བཛྲ་མ་ཧཱ་ཀཱ་ལ་དྷེ་ཝི་ཀཱ་ལི་ས་པཱ་རི་ཝཱ་ར་ཨགྷཾ་པྲ་ཏིཙྪ་སྭཱ་ཧཱ། པཱདྷཾ་པྲ་ཏཱིཙྪ་སྭཱ་ཧཱ། པུདྨེ་པྲ་ཏིཙྪ་སྭཱ་ཧཱ། བྷྱོ་པེ་པྲ་ཏིཙྪ་སྭཱ་ཧཱ། ཨཱཿ་ལོ་ཀེ་པྲ་ཏིཙྪསཱ་ཧཱ། །གནྡྷེ་པྲ་ཏིཙྪ་སྭཱ་ཧཱ། ནེ་ཝི་ཏྱ་པྲ་ཏཱིཙྪ་སྭཱ་ཧཱ། ཤརྡ་པྲ་ཏཱིཙྪ་སྭཱ་ཧཱ། བྷྱོཿ རིན་ཆེན་ཨིནྡྲ་ནཱི་ལའི་བུམ་པ་ནི། །འབྲུ་བཅུད་སྟོང་སྦྱོར་ཛ་གད་དཔའ་བོ་གཏམས། །གཉིས་མེད་བྱང་ཆུབ་སེམས་ཀྱི་རང་བཞིན་མཆོག །འཐུང་བས་འཚོ་བའི་ལོངས་སྤྱོད་ཆེན་པོ་འདི། །འབུལ་ནི་ཡེ་ཤེས་དཀྱིལ་འཁོར་ལྷ་ལ་འབུལ། །བསྐང་ནི་མ་མགོན་ལྕམ་དྲོལ་ཐུགས་དམ་བསྐང་། །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ནས་དགྱེས་པར་རོལ། །ཨོཾ་མ་ཧཱ་ཀཱ་ལ་ཏྲག་རཀྟ་ཛ་གད་ཁ་རཾ་ཁཱ་ཧི། བྷྱོཿ རཀྟ་ཁྲག་གི་རྒྱ་མཚོ་བ། འཁྱིལ་བ་ལ། །སྣང་སྲིད་ཐམས་ཅད་རྦ་རླབས་ཀྱི་ལི་ལི། །མཁའ་དབྱིངས་རྒྱལ་བ་མ་ལུས་མཆོད་པ་དང་། །འཕགས་པ་རྣམས་མཆོད་ལྕམ་དྲལ་ཐུགས་དམ་བསྐང་། །ཨ་ལ་

[Full Size]

ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་མ་ཧཱ་ཀཱ་ལ་ཏྲག་རཀ་རཀྟ་པི་པ་ཏོ་ཁཱ་ཧི། བྷྱོཿ གཞོང་པ་རྣམ་དག་ཟླ་གམ་དཀྱིལ་འཁོར་དུ། །ཚེ་དང་གལ་གྱི་ཐུན་གཉིས་ཐུན་བསྡེབས་ཏེ། །དཀར་གྱི་ཐིག་གདབ་དམར་གྱིས་གུར་ཕུབ་སྟེ། །ལོངས་སྤྱོད་རྫས་ཀྱི་མཆོད་པ་ཆེན་པོ་འདི། །འབུལ་ནི་ཡེ་ཤེས་དཀྱིལ་འཁོར་ལྷ་ལ་འབུལ། །བསྐང་ནི་མ་མགོན་ལྕམ་དྲལ་ཐུགས་དམ་བསྐང་། །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་མ་ཧཱ་ཀཱ་ལ་དྷེ་ཝི་སརྦ་དྷརྨ་པཱ་ལ་ས་པཱ་རི་ཝཱ་ར་ཨི་དཾ་བ་ལིཾ་ཏ་སརྦ་བིགྷ་ནཱན་སརྦ་ཤ་ཏྲོ་མཱ་ར་ཡ་ཁ་ཁ་ཁཱ་ཧི་ཁཱ་ཧི། ཞེས་སྤྱི་ལ་བསྔོས་པས་ལྷ་བརྒྱ་གཏོར་གཅིག་ཡིན་ན་རྗེས་མ་རྣམས་མཆོད་རོལ་མི་འགྲོ་བའི་གནད་ཡིན་ནོ། །དེ་ནས་ཚོགས་ཡོད་ན་སྐབས་འདིར་ཚོགས་བྱས་ནས། ཚོགས་ཕུད་ཀྱིས་གཏོར་མ་གསོས་ནས། གཏོར་བསྔོས་རྒྱས་པར་བྱེད་ན་ཀཾ་ཚང་གི་ཕྱག་ལེན་ཡིན་ལ། ཚོགས་མེད་ན་ཕུག་གཏོར་ཐམས་ཅད་ལེགས་པར་གསོ་བྲན་བྱས་པས་འཐུས་ལ། འདི་ཡིན་ཕྱི་མཆོད་བཤམས་པ་དང་ཡིད་སྤྲུལ་གཙོ་ཆེ་བས་གསོ་བྲན་མ་ཐེབས་ཀྱང་མི་འགལ་ཞིང་། དེ་ནས་བླ་མ་ཡི་དམ་མཁའ་འགྲོ་རྟ་ནག་གི་གཏོར་མ་རྣམས་དུས་གཅིག་ལ་སོ་སོར་བྱིན་བརླབ་བྱ་སྟེ། ལྔ་ཚོམ་

[Full Size]

དུས་སམ་གཅིག་ཡིན་ན། དེའི་སྟོད་ཆའི་ལོགས་གསུམ་ལ་དམིགས་ནས་རྒྱལ་བ་རྒྱ་མཚོའི་བདུད་རྩི་བྱིན་རླབས་ལྟར་བྱིན་གྱིས་བརླབས་ལ། ཨོཾ་ཧྲཱིཿཔདྨན་ཀྲྀཏ་བཛྲ་ཀྲོ་དྷ་རྒྱ་གྲྭ་ཝ་ཧུ་ལུ་ཧུ་ལུ་ཧཱུྃ་ཕཊ། །ཨོཾ་སྭ་བྷ་ཝ༔ སྟོང་པར་གྱུར། སྟོང་པའི་ངང་ལས། རང་གི་ཐུགས་ཀ་ནས་ཡཾ་འཕྲོས་པ་ལས་རླུང་གི་དཀྱིལ་འཁོར་སྔོན་པོ་ཟླ་གམ་བ་དན་དང་ཡཾ་ཡིག་གིས་མཚན་པ། དེའི་སྟེང་དུ་རཾ་སྤྲོས་པ་ལས་མེ་ཡི་དཀྱིལ་འཁོར་དམར་པོ་འབར་བ་རཾ་གྱིས་མཚན་པ། དེ་ལ་ཀཾ་གསུམ་སྤྲོས་པ་ལས་ཐོད་པ་སྐམ་པོ་བུམ་རིལ་གྱི་སྐྱེད་པུ་གསུམ་གྱི་སྟེང་དུ། ཨ་སྤྲོས་པ་ལས་ཐོད་པའི་སྣོད་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ་དབུས་སུ་མུ་ལས་དྲི་ཆུ་བཻཌཱུརྱ་ལྟ་བུ། ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་རཀྟ་གསེར་བཙོ་མ་ལྟ་བུ། ནུབ་ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་ཀླད་པ་སྟེ་བདུད་རྩི་ལྔ་དང་། སླར་ཡང་དབུས་སུ་ན་ལས་མི་ཡི་ཤ །ཤར་ལྷོ་གོ་ལས་བ་གླང་གི་ཤ །ལྷོ་ནུབ་ཏུ་ཀུ་ལས་ཁྱིའི་ཤ །ནུབ་བྱང་དུ་ད་ལས་གླང་པོ་ཆེའི་ཤ །བྱང་ཤར་དུ་ཧ་ལས་རྟའི་ཤ་སྟེ་ཤ་ལྔའོ། །རླུང་གཡོས་ཤིང་མེ་སྦར་བས་ཐོད་པ་དྲོས། རྫས་རྣམས་ཞུ་བ་ཨོཾ་

[Full Size]

ཨཱཿཧཱུྃ༔ གསུང་གི་བདུད་རྩིའི་རང་བཞིན་ཁ་དོག་དམར་པོའོ། །ཨོཾ་ཨཱཿཧཱུྃ། ཐུགས་ཀྱི་བདུད་རྩིའི་རང་བཞིན་ཁ་དོག་སྔོན་པོའོ། །ཨོཾ་ཨཱཿཧཱུྃ། སྐུ་ཡི་བདུད་རྩིའི་རང་བཞིན་ཁ་དོག་དཀར་པོ་འོ་མའི་རྒྱ་མཚོ་ལྟ་བུར་གྱུར། འབར་བའི་ཕྱག་རྒྱ་དཔྲལ་བར་བསྐོར་ཞིང་། ཕོ་པེ་ཕེ། མདུན་གྱི་ནམ་མཁར་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་རྣམས་སྤྲིན་གྱི་ཕུང་པོ་ལྟ་བུར་བཞུགས་པར་གྱུར། འབར་བའི་ཕྱག་རྒྱ་དེས་མགྲོན་ཐམས་ཅད་སྐད་ཅིག་ལ་འབྱོན་པར་རྒྱུད་སྡེ་ཆེན་པོ་རྣམས་ནས་གསུངས་པས། རྒྱུན་དུ་མདུན་བསྐྱེད་སྤྱན་འདྲེན་མ་ཐོན་ཀྱང་གཏོར་བསྔོས་ཆོག་གོ །གྲི་གུག་བརྩེགས་པའི་རྒྱུད་ལས། བླ་མ་མཆོད་ལ་བརྩོན་བྱས་ན། །མགོན་པོ་ལྕམ་དྲལ་དེ་ཚེ་དགྱེས། ལྷ་རྣམས་ཀྱིས་ཀྱང་སྲུང་བར་བྱེད། །ཅེས་དང་སྡོམ་འབྱུང་ལས། མཆོད་པ་ཐམས་ཅད་ཡོངས་སྤངས་ནས། །བླ་མ་མཆོད་པ་ཡང་དག་བརྩམས། །དེས་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་དང་། དུས་འཁོར་ལས། བསྐལ་པ་དུས་གསུམ་ཐམས་ཅད་དུ། །དཀོན་མཆོག་གསུམ་པོ་མཆོད་བྱེད་ཅིང་། །སྲོག་ཆགས་བྱེ་བའི་ཚེ་སྐྱབས་ཀྱང་། །ཚེ་འདིར་སངས་རྒྱས་མི་ཐོབ་སྟེ། །ཡོན་ཏན་རྒྱ་མཚོ་བླ་མ་ལ། །དྭངས་བའི་སེམས་ཀྱིས་མཆོད་བྱས་ན། །མཆོག་དང་ཐུན་མོང་དངོས་གྲུབ་ནི། །ཚེ་འདིར་ཉིད་ལ་ཐོབ་པར་འགྱུར། །ཞེས་དང་། རྒྱུད་སྡེ་གཞན་

[Full Size]

ལས་ཀྱང་། དུས་གསུམ་སངས་རྒྱས་ཀུན་མཆོད་པས། །བླ་མའི་བ་སྤུ་ཉག་མཆོད་ལྷག །ཅེས་གསུངས་པས། བླ་མའི་གཏོར་མ་ལ་དམིགས་པ་གཏད་ལ། ན་མོ་རཏྣ་གུ་རུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཕྱོགས་བཅུ་དུས་གསུམ་གྱི་སངས་རྒྱས་བྱང་སེམས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོར་གྱུར་པ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་རྩ་བཞིའི་འབྱུང་གནས། འཕགས་པའི་དགེ་འདུན་ཐམས་ཅད་ཀྱི་མངའ་བདག །དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་ཞལ་དུ་འབུལ་ལོ། །ཞེས་བླ་མ་སྤྱི་ལ་དུས་གཅིག་ཕུལ་ནས། བྱེ་བྲག་ཟུང་འཇུག་དོན་གྱི་བརྒྱུད་པ་ནི། ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏེ་ལོ་ཤེས་རབ་བཟང་པོ། ནཱ་རོ་ཛྙ་ན་སིདྡྷི། མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། དཔལ་ལྡན་དུས་གསུམ་མཁྱེན་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀྵི། མཁས་གྲུབ་ཨོ་རྒྱན་པ། སེམས་དཔའ་རང་བྱུང་རྡོ་རྗེ། རྒྱལ་བ་གཡུང་སྟོན་ཞིག་པོ། འཛམ་གླིང་རོལ་པའི་རྡོ་རྗེ། དཔལ་ལྡན་མཁའ་སྤྱོད་དབང་པོ། ཐུབ་

[Full Size]

ཆེན་དེ་བཞིན་གཤེགས་པ། རྗེ་བཙུན་རཏྣ་བྷ་དྲ། སྤྲུལ་སྐུ་མཐོང་བ་དོན་ལྡན། ཀུན་མཁྱེན་འཇམ་དཔལ་བཟང་པོ། གོ་ཤྲི་དཔལ་འབྱོར་དོན་འགྲུབ། ཆོས་རྗེ་ཆོས་གྲགས་རྒྱ་མཚོ། སངས་རྒྱས་མཉན་པ་གྲུབ་ཐོབ། ཀུན་མཁྱེན་མི་བསྐྱོད་རྡོ་རྗེ། རྒྱལ་དབང་དཀོན་མཆོག་ཡན་ལག །རྗེ་བཙུན་དབང་ཕྱུག་རྡོ་རྗེ། གར་དབང་ཆོས་ཀྱི་དབང་ཕྱུག །རྒྱལ་མཆོག་ཆོས་དབྱིངས་རྡོ་རྗེ། དྲིན་ཆེན་ཀརྨ་ཆགས་མེད་ལ་སོགས་པ་བཀའ་བརྒྱུད་བླ་མ་རྣམས་ཀྱི་ཞལ་དུ་འབུལ་ལོ། །ཁྱབ་བདག་རྡོ་རྗེ་འཆང་། བྱང་སེམས་བློ་གྲོས་རིན་ཆེན། བྲམ་ཟེ་ས་ར་ཧ། དཔལ་མགོན་འཕགས་པ་ཀླུ་སྒྲུབ། གྲུབ་ཆེན་ཤ་ཝ་རི་པ། རྒྱལ་སྲས་མེ་ཏྲི་པ་ལ་སོགས་པའི་ཕྱག་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མ་གཅིག་གྲུབ་པའི་རྒྱལ་མོ། ཏི་པུ་པ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ་ལ་སོགས་པའི་ལྷ་ལྔ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །པདྨ་བཛྲ། ཛ་ལན་དྷ་ར། མེ་ཏྲི་པ། པཛྲ་པཱ་ཎི་བྷ་དནྟི་སུ་མ་ཏི་

[Full Size]

ཀཱིརྟི་ལ་སོགས་ལྷ་དགུ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་རིགས་གསུམ་མགོན་པོ། དྲུག་པ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། གུ་རུ་ཤྲཱི་སིཾ་ཧ། འཆི་མེད་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། རྗེ་འབངས་ཉི་ཤུ་རྩ་ལྔ། གཏེར་སྟོན་ཉང་རལ་པ་ཅན། གུ་རུ་ཆོས་ཀྱི་དབང་ཕྱུག །རྒྱ་ཞང་ཕྲོམ། གྲགས་པ་དཔལ། པདྨ་ལས་འབྲེལ་རྩལ། རིག་འཛིན་རྒོད་ཀྱི་ལྡེམ་འཕྲུ་ཅན། སངས་རྒྱས་གླིང་པ། ཨོ་རྒྱན་གླིང་པ། རཏྣ་གླིང་པ། པདྨ་གླིང་པ། ཀརྨ་གླིང་པ། ཞིག་པོ་གླིང་པ། བན་སར་ཕྱོགས་མེད། བཟང་པོ་དཔལ། སྣ་ཚོགས་རང་གྲོལ། ཧཱུྃ་ནག་མེ་འབར། ནམ་མཁའ་འཇིགས་མེད། གཏེར་སྟོན་བརྒྱ་དང་རྩ་བརྒྱད། གར་དབང་ཏིང་འཛིན་བཟང་པོ། བདུད་འདུལ་རོལ་པ་རྩལ། །མི་འགྱུར་རྡོ་རྗེ། ཀློང་གསལ་སྙིང་པོ་ལ་སོགས་པ་གཏེར་མ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །དྷི་པཾ་ཀཱ་ར། ཤྲཱི་ཛྙཱ་ན། ཤཱཀྱ་ཤྲཱི། ཨ་བྱཱ་ཀ་ར། བུདྡྷ་ཀཱིརྟི། མི་

[Full Size]

ཏྲ་ཛཱ་ཀི །དམ་པ་རྒྱ་གར། བེ་རོ་ཙ་ན། རཀྴི་ཏ། བིརཱུ་པ། ཌོམྦྷི་ཧེ་རུ་ཀ །བི་མ་ལ། བོ་དྷི་སཏྲ་ལ་སོགས་པའི་རྒྱ་གར་གྱི་རིག་འཛིན་བརྒྱད། གྲུབ་ཆེན་བརྒྱད་ཅུ་རྩ་ལྔའི་ཞལ་དུ་འབུལ་ལོ། །ཐོན་མི་སམྦྷོ་ཊ། སྐ་ཅོག་ཞང་གསུམ། ལོ་ཆེན་རིན་ཆེན་བཟང་པོ། ཁུ་རྔོག་འབྲོམ་གསུམ། ཁྱུང་པོ་རྣལ་འབྱོར། ཁྲོ་ཕུ་ལོ་ཙཱ། དཔལ་ཆེན་རྒྱ་ལོ་ཙཱ། བ་རི་ལོ་ཙཱ་བ། ལོ་ཙཱ་བ་གྲགས་པ་རྒྱལ་མཚན་ལ་སོགས་པ་སྒྲ་བསྒྱུར་ལོ་ཙཱ་བ་རྣམས་ཀྱི་ཞལ་དུ་འབུལ་ལོ། །བདེ་གཤེགས་ཕག་མོ་གྲུ་པ། དྭགས་པོ་སྒོམ་པའི་ཚུལ་ཁྲིམས། རྒོད་ཚང་བ་མགོན་པོ་རྡོ་རྗེ། འབའ་རོམ་དར་མ་དབང་ཕྱུག །སྐྱེ་མེད་ཞང་ཚལ་པ། གྲུབ་ཐོབ་གླིང་རྗེ་རས་པ། འགྲོ་མགོན་གཙང་པ་རྒྱ་རས། རྒོད་ཚང་པ་མགོན་པོ་རྡོ་རྗེ། རྒྱལ་བ་ཡང་དགོན་པ། འབྲི་གུང་འཇིག་རྟེན་གསུམ་མགོན། སྟག་ལུང་ཐང་པ་ཆེན་པོ་ལ་སོགས་པ་བཀའ་བརྒྱུད་བླ་མ་དམ་པ་རྣམས་ཀྱི་ཞལ་དུ་འབུལ་ལོ། །ཆོས་རྒྱལ་མེས་དབོན་རྣམ་གསུམ། མཁའ་སྤྱོད་པ་ནམ་མཁའ་རྒྱལ་མཚན། སྒམ་པོ་པ་ཆོས་ཀྱི་རྒྱལ་མཚན། བྱ་བྲལ་བ་ཀུན་དགའ་བཀྲ་ཤིས། ལ་སོགས་པ་རྒྱལ་

[Full Size]

བློན་བྱང་ཆུབ་སེམས་དཔའ་རྣམས་དང་། གཞན་ཡང་དབང་ལུང་ཁྲིད་དང་མན་ངག་གང་ལས་བརྒྱུད་པའི་དྲིན་ཅན་རྩ་བ་དང་བརྒྱུད་པར་བཅས་པའི་བླ་མ་རྣམས་ཀྱི་ཞལ་དུ་འབུལ་ལོ། །ད་ལྟ་ཉིད་དུ་རང་སེམས་སྐྱེ་བ་མེད་པའི་དོན་རྟོགས་ནས་འཁྲུལ་པ་རང་སར་དག་སྟེ་སྣང་སྲིད་ཆོས་སྐུར་འཆར་བར་བྱིན་གྱིས་རློབས་ཤིག །ཨོཾ་གུ་རུ་ཨཱཿ་ཡུ་སིདྡྷི་ཧཱུྃ་ཧྲཱི༔ ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཚེ་དཔག་མེད་གསང་བ་འདུས་པ། རྡོ་རྗེ་ཕྲེང་བའི་ལྷ་ཚོགས། ཚེ་བདག་རིགས་ལྔ་ཡབ་ཡུམ་ལྔ་ལྷ་མོ་བཞི། མགྱོགས་མ་བཞི། སྒོ་མ་བཞི་རྣམས་ཀྱི་ཞལ་དུ་འབུལ་ལོ། །ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཚེ་དཔག་མེད་གནམ་ལྕགས་རྡོ་རྗེ། །ཕྱི་ནང་གསང་བའི་ལྷ་ཚོགས། ལོངས་སྤྲུལ་ལྷ་གཅིག་བུམ་གཅིག་ཚེ་དཔག་དཀར་པོ་འོད་ཟེར་ལྔ་དམར་གྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཧྲིགུ་རུ་པདྨ་བཛྲ་དྷཱ་ཀི་ཁནཱི་ཙན་ལི་ཨཱཿ་ཡུ་སིདྡྷི་ཧཱུྃ་ཧཱུྃ་ཛཧཱུྃ་ཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གུ་རུ་མཚོ་སྐྱེས་རྡོ་རྗེ། ཉི་ཟླ་ཁ་སྦྱོར། མདའ་འཕེལ་མ། ཚ་བ་དམར་ཐག་གི་ལྷ་ཚོགས་རྣམས་ཀྱི་ཞལ་

[Full Size]

དུ་འབུལ་ལོ། །ཨོཾ་ཨཱཿཧཱུྃ་ཧི༔ ཨོཾ་མ་ཎི་པདྨེ་ཧཱུྃ། ཨོཾ་བཛྲ་ཝཱ་ར་ཧི། བུདྡྷ་ཌཱཀི་ནཱི་ཡེ། བཛྲ་ཝརྞ་ནཱི་ཡེ། བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་དབང་ཕྱུག །རྒྱལ་བ་རྒྱ་མཚོ། རྡོ་རྗེ་ཕག་མོ། རྡོ་རྗེ་རིགས་ཀྱི་སྤྱན་རས་གཟིགས། རིན་ཆེན་རིགས་ཀྱི་སྤྱན་རས་གཟིགས། པདྨ་རིགས་ཀྱི་སྤྱན་རས་གཟིགས། ལས་ཀྱི་རིགས་ཀྱི་སྤྱན་རས་གཟིགས། ཡུམ་སངས་རྒྱས་སྤྱན་མ། མཱ་མ་ཀི། གོས་དཀར་མོ། དམ་ཚིག་སྒྲོལ་མ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་སྭཱ་ཧ། ཧ་རི་ནི་ས་ར་ཙ་ཧྲཱི་ཡ་ཧཱུྃ་ཛ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཐུགས་རྗེ་ཆེན་པོ། རྒྱལ་བ་རྒྱ་མཚོ། དཔའ་བོ་རྒྱ་མཚོ། དཔའ་མོ་རྒྱ་མཚོ། གྲུབ་ཐོབ་རྒྱ་མཚོ། དམ་ཅན་རྒྱ་མཚོའི་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་མ་ཎི་པདྨེ་ཧཱུྃ་ཧཱུྃ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཐུགས་རྗེ་ཆེན་པོ་གསང་བ་འདུས་པ་ཡབ་ཡུམ་སྲས་བཅས། བུདྡྷཱ་

[Full Size]

བཞི་བཅུ་རྩ་གཉིས་བསྐལ་བཟང་གི་སངས་རྒྱས་སྟོང་རྩ་གཉིས་རྣམས་ཀྱི་ཞལ་དུ་འབུལ་ལོ། །ཨོཾ་མ་ཎི་པདྨེ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཐུགས་རྗེ་ཆེན་པོ་ངན་སོང་རང་གྲོལ་གྱི་ལྷ་ཚོགས། ཕྱག་སྟོང་སྤྱན་སྟོང་བཅུ་གཅིག་ཞལ། ནམ་མཁའི་རྒྱལ་པོ་འགྲོ་འདུལ་འཇིག་རྟེན་དབང་ཕྱུག །ཁ་སར་པཱ་ཎིའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་མ་ཎི་པདྨེ་ཧཱུྃ་བཻ་ཌཱཀི་ནཱི་ཧ་རི་ནི་ས་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མི་ཏྲ་གསང་སྒྲུབ་ལྷ་ལྔ་ལྷ་བཅུ་གསུམ་ཡང་གསང་བླ་མེད་ཀྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་པདྨོ་ཨུཏྟཱི་ཥ་བི་མ་ལེ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྤྱན་རས་གཟིགས་དོན་ཡོད་ཞགས་པ། ཡིད་བཞིན་འཁོར་ལོ། དཔལ་རྣོ་བཀྲ་ལ་སོགས་ཐུགས་རྗེ་འགྲོ་འདུལ་གྱི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བླ་མ་ཆོས་སྐུ་གསང་འདུས་ཡབ་ཡུམ། ལོངས་སྐུ་ཚེ་དཔག་མེད་ཡབ་ཡུམ། སྤྲུལ་སྐུ་པདྨ་འབྱུང་གནས། པདྨ་འོད་འབར། ཐོད་ཕྲེང་རྩལ་སྡེ་ལྔ། རིགས་དྲུག་འདུལ་བའི་གུ་

[Full Size]

རུ་དྲུག །སྤྲུལ་པ་མཚན་བརྒྱད། འཕྲུལ་མཚན་བཞི་བཅུ། ཨོ་རྒྱན་བྱེ་བ་ཕྲག་བརྒྱ་ལ་སོགས་པ་པདྨ་འབྱུང་གནས་ཞི་བའི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཨ་ཙིག་ནེར་ཙིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བླ་མ་དྲག་པོ་བདེ་གཤེགས་འདུས་པ། མདོག་དམར་མེའི་ཕྲེང་བ། མེ་རླུང་འཁྱིལ་བ། མེ་ལྕེ་ཕྲེང་བ། གཏུམ་དྲག་མེའི་འཁོར་ལོ། ཡེ་ཤེས་རབ་འབར། དྲག་མཐིང་ཧཱུྃ་སྒྲུབ་འོད་ཟེར་འབྱུང་གནས་ཀྱི་ལྷ་ཚོགས་ཕྱི་ནང་གསང་བ་ཡང་གསང་ལ་སོགས་པ་རིག་འཛིན་ཁྲོས་པའི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཧཱུྃ་ཧཱུྃ༔བཛྲ་གུ་རུ་དྷེ་ཝ་ཌཱཀྐི་ནཱི་སརྦ་སིདྡྷི་ཕ་ལ་ཧཱུྃ་ཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བླ་མ་དགོངས་པ་འདུས་པ། དཀྱིལ་འཁོར་ཚོམ་བུ་དགུའི་ལྷ་ཚོགས་ཕྱི་ནང་གསང་བའི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་བཛྲ་གུ་རུ་གྲོ་བོ་ལོད་མ་ཧ་རི་ནི་ས་ལོ་ཀ་སརྦ་སིདྡྷི་ཕ་ལ་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གུ་རུ་རྡོ་རྗེ་གྲོ་ལོད་ཀྱི་ལྷ་ཚོགས་གྲོ་ལོད་རིགས་ཐམས་ཅད་ཀྱི་ཞལ་དུ་འབུལ་ལོ། །དེ་ཡན་ཆད་བླ་མ་གཏོར་མ་ལའོ། །དེ་ནས་ཡི་དམ་གཏོར་

[Full Size]

མ་ལ་དམིགས་པ་གཏད་ལ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ༔ ཌཱཀྐི་ནི་ཛཱ་ལ་སཾ་ཝ་རཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡི་དམ་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་ཞལ་དུ་འབུལ་ལོ། །ཨོཾ་ཧཱུྃ་ཧ་ཧ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བདེ་མཆོག་ལྷན་སྐྱེས་ལྷ་ལྔ། བདེ་མཆོག་དཀར་པོ། དམར་པོ། སྔོན་པོ། སེར་པོའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ག་རུ་ཊ་ཙ་ལེ་ཙ་ལེ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཅོམ་ལྡན་འདས་གསང་བའི་བདག་པོ། གཏུམ་པོ་ཆེ་ཆུང་། ཨུ་ཙམྱ། གོས་སྔོན་ཅན། འབྱུང་འདུལ། ཀླུ་འདུལ། ཁྱུང་ཆེན་སྡེ་ལྔ། ཁྱུང་དམར་ནག་ཉི་ཤུ་རྩ་གཅིག་གོས་སྔོན་ཅན་ལྔ་བརྒྱའི་ཚོགས་དང་བཅས་པའི་ཞལ་དུ་འབུལ་ལོ། །ཨོཾ་ཨཱཿཧཱུྃ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷ་རྟུ་ཨ་ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྒྱུ་འཕྲུལ་ཞི་ཁྲོ་དམ་པ་རིགས་བརྒྱའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཝ་ཀྱེ་དཾ་ན་མ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཕགས་པ་འཇམ་དབྱངས་དཀར་པོ་འཇམ་དབྱངས་རིགས་ལྔ་ཕྱག་རྟག་བཀྲ་མའི་ལྷ་

[Full Size]

ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་མཉྫ་ཤི་ཡ་མཱནྟ་ཀ་ཡ་མ་རཱ་ཙ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཤིན་རྗེའི་གཤེད། ཀིང་ཀང་དམར་ནག །ཡུམ་བྷཻཾ་ཏ་ཙ་ལི། སྲས་མཆོག་རིགས་བཞི། རྡོ་རྗེ་ཞུན་བྱེད། གནམ་ལྕགས་ཞུན་མ།ཏོག་ཙ་ལ་སོགས་པ་ཀིང་ཀང་རིགས་ཐམས་ཅད་ཀྱི་ཞལ་དུ་འབུལ་ལོ། །དུ་ཏྲི་ཡ་མ་རཱ་ཙ། ཡ་མ་རཀྴ་ཀྲོ་ཏ་པ་ཙ་ལ་ཏི་ཀཱ་ལ་རཱུ་པ། ཨ་ཀྲོ་རཱ་ཙ། ཡ་མ་རཱ་ཙ་ས་མ་ཡ་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཤིན་རྗེའི་གཤེད་ཁྲོ་ཆུ་དུག་གདོང་། ཡུམ་དུག་ཏི་ནག་མོ། ལས་གཤིན་དྲུག་ཚེ་བདག་ནག་པོ་རྣམས་ཀྱི་ཞལ་དུ་འབུལ་ལོ། །ཨོཾ་ཧཱིཔདྨནྟ་ཀྲྀཏ་བཛྲ་ཀྲོ་ཏ་ཧྱ་གྲྭ་ཝ་ཧུ་ལུ་ཧུ་ལུ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དབང་ཆེན་གསང་བ་འདུས་པ། རྟ་ཕག་ཡིད་བཞིན་ནོར་བུ། ཕྱི་ནང་གསང་གསུམ། ཤྭ་ན་བཞིའི་སྐོརཾ། གསང་སྒྲུབ་དམར་པོ། ཀཱ་ལ་མེ་དཔུང་། གྲུབ་རྒྱལ་རྟ་མགྲིན་ལ་སོགས་པ་རྟ་མཆོག་རོལ་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿབཛྲ་དྷིཀྲ་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མི་བསྐྱོད་རྡོ་རྗེ། འཇམ་དཔའི་རྡོ་རྗེ། འཇིག་རྟེན་དབང་ཕྱུག་ལ་

[Full Size]

སོགས་པ་ཕ་རྒྱུད་གསང་བ་འདུས་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧཱུྃཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་རྒྱུད་མ་ཧཱ་མཱ་ཡཱའི་ལྷ་ཚོགས་པ་རྣམས་ཀྱི་ཞལ་དུ་འབུལ་ལོ། །ཨོཾ་པཀྱི་སྭཱ་ཧཱ། ཨོཾ་ཧ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྤྱི་རྒྱུད་དུས་ཀྱི་འཁོར་ལོ། ཐུགས་གསུང་སྐུའི་དཀྱིལ་འཁོར། ཁྱུང་ཁྲ་ཆོས་།དབྱིངས་གསུང་དབང་། སྒྱུ་འཕྲུལ་དྲྭ་བའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྐུ་དགྱེས་པ་རྡོ་རྗེ། གསུང་དགྱེས་པ་རྡོ་རྗེ། ཐུགས་དགྱེས་པ་རྡོ་རྗེ། སྙིང་པོ་དགྱེས་པ་རྡོ་རྗེ། ལྷ་དགུ་ལྷ་ལྔ། ལྷན་སྐྱེས་གུར་རིགས་བསྡུས་ལ་སོགས་པ་དཔལ་ཀྱེའི་རྡོ་རྗེའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧཱུྃ་ཧ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྡོ་རྗེ་གདན་བཞི་རྣལ་འབྱོར་ནམ་མཁའ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་བུདྡྷ་ཀ་པཱ་ལ་ནི་ཨ་ཧཱི་ཧེ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སངས་རྒྱས་ཐོད་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧྲཱིཿཥྚི་ཝི་ཊི་ཏཱ་ན་ན་ཧཱུྃ་ཧཱུྃ་ཕཊ་ཕཊ་

[Full Size]

སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཤིན་རྗེའི་གཤེད་དམར་ནག །གདོང་དྲུག །དགྲ་ནག །རྡོ་རྗེ་འཇིགས་བྱེད་ཀྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་བི་ད་ར་ན་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྡོ་རྗེ་རྣམ་པར་འཇོམས་པ་ཁྲོ་བོ་བཅུ་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྒྲུབ་པ་བཀའ་བརྒྱད་ཀྱི་ལྷ་ཚོགས་བདུན་བརྒྱ་དང་ཉེར་ལྔའི་ཞལ་དུ་འབུལ་ལོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་བི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བདུད་འདུལ་ཕུར་པའི་ལྷ་ཚོགས་ཕུར་འཇུག་བཅུ་གཉིས་རྣམས་ཀྱི་ཞལ་དུ་འབུལ་ལོ། །ཨོཾ་བྱུར་ཁུང་དྷིས་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཁྲོ་བོ་སྨེ་བ་བརྩེགས་པའི་ཞལ་དུ་འབུལ་ལོ། །ཨོཾ་ཨཱཿཏནཱ་པ་ཏི་ཤཱནྟཾ་ཀུ་རུ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཔལ་རྒྱུད་ཀྱི་བདག་པོ་རིགས་བཞིའི་ཞལ་དུ་འབུལ་ལོ། །ཨོཾ་ཨཱཿལོ་ཀ་ཤྭ་ར་ཀྲོ་དྷ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཇིག་རྟེན་དབང་ཕྱུག་ཁྲོས་པའི་ལྷ་ཚོགས་རྣམས་ཀྱི་ཞལ་

[Full Size]

དུ་འབུལ་ལོ། །ཨོཾ་བཛྲ་ཨུ་པ་ར་ཙ་མ་མ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གདམས་ངག་རྒྱ་མཚོའི་ཞལ་དུ་འབུལ་ལོ། །ཕཊ་ཧཱུྃ་ཛྙཱ་ན་ཀྲོ་དྷ་ཕཊ། །ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡེ་ཤེས་འཇིགས་བྱེད་དུག་གདོང་བརྒྱད་དང་མ་བརྒྱད་ཀྱི་ཞལ་དུ་འབུལ་ལོ། །ཨེ་བི་མ་ཡ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡི་དམ་བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་རྒྱུད། རྣལ་འབྱོར་བླ་ན་མེད་པའི་རྒྱུད། རྒྱུད་སྡེ་བཞི་དང་ཡོ་ག་སྐོར་གསུམ་གྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །བདག་ཅག་དཔོན་སློབ་བསྲུང་བྱ་ཐམས་ཅད་ལ་སྲུང་བ་དང་། སྐྱོབ་པ་དང་། ལུས་ངག་ཡིད་གསུམ་སྐུ་གསུང་ཐུགས་ཀྱི་རྡོ་རྗེར་བྱིན་གྱིས་བརླབ་པ་དང་། མཆོག་ཐུན་མོང་གི་དངོས་གྲུབ་ཐམས་ཅད་ད་ལྟ་ཉིད་དུ་བསྩལ་དུ་གསོལ། འཆི་བ་མེད་པ་ཚེའི་རིག་འཛིན་ཐོབ་ནས་འབྲེལ་ཚད་དོན་དང་ལྡན་པར་མཛད་དུ་གསོལ། དེ་ནས་མཁའ་འགྲོའི་གཏོར་མ་ལ་དམིགས་ནས། ཨོཾ་བཛྲ་བེ་རོ་ཙ་ནི་ཡེ་ཧ་རི་ནི་ས་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཅོམ་ལྡན་འདས་མ་རྡོ་རྗེ་ཕག་མོ་ཞལ་གཅིག་མ།། སྔོན་མོ། དམར་མོ། སེར་མོ།

[Full Size]

དཀར་མོ། ཞལ་གཉིས་མ། ཞོལ་བཞི་མ། དབུ་བཅད་མོ། དོན་གྲུབ་མ། ལྷ་ལྔ། ལྷ་མང་། མཁའ་འགྲོ་སྙིང་ཐིག་ལ་སོགས་པ་མཁའ་འགྲོ་བྱེ་བ་འབུམ་སྡེའི་ཞལ་དུ་འབུལ་ལོ། །ཨོཾ་ཤྲཱི་བཛྲ་ཌཱཀི་ནཱི་སིང་ཧ་མུ་ཁ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མཁའ་འགྲོ་སེང་གེའི་གདོང་ཅན། སྟག་གདོང་མ། དོམ་གདོང་མ། རིགས་བཞིའི་སེང་གདོང་མ། ཕྲ་མེན་སེང་གདོང་བཅུ་བཞི། རི་རབ་སུམ་ཅུ་སོ་གཉིས་ཀྱི་རྡུལ་གྱི་གྲངས་དང་མཉམ་པའི་མཁའ་འགྲོ་མ་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱཿ་ཝེ་ཤ་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཐུགས་རྗེ་ཁྲོས་མ་ནག་མོ་ལྷ་ལྔ་ལྷ་བཅུ་གསུམ་གྱི་ཞལ་དུ་འབུལ་ལོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨི་དཾ་བ་ལཾ་ཏ་ཁ་ཁ་ཁཱ་ཧི་ཁཱ་ཧི། འཕགས་མ་ཡིད་བཞིན་འཁོར་ལོ། སེང་ལྡེང་ནགས་ཀྱི་སྒྲོལ་མ། རྡོ་རྗེ་སྒྲོལ་མ། སྒྲོལ་མ་འཇིགས་པ་བརྒྱད་སྐྱོབ། སྒྲོལ་མ་ཉི་ཤུ་རྩ་གཅིག །སྒྲོལ་མ་བརྒྱ་དང་རྩ་བརྒྱད་ཀྱི་ཞལ་དུ་འབུལ་ལོ། །ཨོཾ་པི་ཤ་ཙི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། འཕགས་མ་རི་ཁྲོད་ལོ་མ་ཅན་མའི་ཞལ་དུ་འབུལ་ལོ། །ཨོཾ་མཱ་རི་ཙྩཾ་སྭཱ་

[Full Size]

ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལྷ་མོ་འོད་ཟེར་ཅན་མའི་ཞལ་དུ་འབུལ་ལོ། །ཨོཾ་ཀུ་རུ་ཀུལླེ་ཧཱུྃསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལྷ་མོ་རིག་བྱེད་མ་ལྷ་ལྔ་ལྷ་བཅོ་ལྔའི་ཞལ་དུ་འབུལ་ལོ། །ཧཱུྃ་ཧཱུྃ་ཨོཾ་ཧཱུྃཧཱུྃ་ཁཾ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཡེ་ཤེས་མཁའ་འགྲོ་འཁོར་ལོས་སྒྱུར་བ་དྲུག་གི་ལྷ་ཚོགས་ཀྱི་ཞལ་དུ་འབུལ་ལོ། །ཨོཾ་བུདྡྷཱ་ཛཱན་ཌཀྐི་ནཱི་སརྦ་སིདྡྷི་ཧཱུྃ་ཧཱུྃ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། མཁའ་འགྲོ་བདེ་ཆེན་རྒྱལ་མོའི་ཞལ་དུ་འབུལ་ལོ། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་ཧཱུྃ། ཨི་དཾ་བ་ལཾ་ཏ་ཁ་ཁ་ཁཱ་ཧི་ཁཱ་ཧི། མ་གཅིག་ལབ་ཀྱི་སྒྲོལ་མ་སྲས་མོ་བཞི་དང་བཅས་པའི་ཞལ་དུ་འབུལ་ལོ། །ཨོཾ་ཡ་མ་ར་ཙ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨ་ཕྱི་ཆོས་ཀྱི་སྒྲོལ་མའི་ཞལ་དུ་འབུལ་ལོ། །བྷྱོ་ཕཊ་ཧཱུྃ་ཏྲ་ཏྲ་ན་དུ་ར་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལས་ཧུར་དྲག་མོའི་ལྷ་ཚོགས་ཀྱི་ཞལ་དུ་འབུལ་ལོ། །བཛྲ་ཌཱཀི་ནཱི། བུདྡྷཱ་ཀི་ནཱི། རཏྣ་ཌཀི་ནཱི། པདྨ་ཌཀི་ནཱི། ཀརྨ་ཊཱ་ཀི་ནཱི། བི་ཤྭ་ཌཱཀི་ནཱི། ལོ་ཀ་ཌཱ་ཀི་ནཱི། ཨི་དཾ་བ་ལི་ཏ་པཱུ་ཛ་ཁ་ཁ་ཁཱ་ཧི་ཁཱ་ཧི། ཧྥེ་ཧྥ་མ་མ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཨོཾ་

[Full Size]

ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱཀྵ་ས་བྷྱོ་ཏ་པྲ་ཏ་པི་ཤཱ་ཙ་ཨུན་མཱ་དཱ་ཨ་པ་སྨཱ་ར་ཌཱ་ཀ་ཌཱཀི་ནྱ་ད་ཡཿ ཨི་དཾ་བ་ལི་གྷི་བྷན་ས་མ་ཡ་རཀྵན་མ་མ་སརྦ་སིདྡྷི་མྨེ་པྲ་ཡཙྪན་ཡ་ཐེ་པཾ་ཡ་ཐེཊཾ་བྷ་ཛྷ་ཐ་ཛི་གྷ་ཐ་པི་པ་ཐ་མ་ཏི་པྲ་མ་ཐ་མ་མ་སརྦ་ཀརྟ་ཡཱ་སདྲུ་ཁཾ་བི་ཤུདྡྷ་ཡེ། ས་ཧཱ་ཡི་ཀ་བྷ་ཝནྟུ་ཧུཾ་ཧཱུྃ་ཕཊ་ཕཊ་སྭཱ་ཧཱ། སྔགས་རིང་དེ་ལན་བཞི་དང་། ཨོཾ་ཧྲཱི་ཧྲཱི་ཧཾ་ཧཾ་ཧེ་ཧེ་ཧི་ཧི་ཕེ་པེ། ཞེས་ལན་གསུམ་དང་སྔགས་རིང་ཐུང་འདི་གཉིས་བདེ་མཆོག་དང་ཕག་མོའི་རྒྱུད་ཐམས་ཅད་ནས་མཁའ་འགྲོ་སྤྱིའི་གཏོར་སྔགས་སུ་གསུངས་པས་གལ་ཆེའོ། །མཁའ་འགྲོའི་གཏོར་མའི་སྨད་ཆ་ལ་དམིགས་ནས། ཨོཾ་ཨཱཿཧཱུྃ། ལན་གསུམ། །སངས་རྒྱས་མཁའ་འགྲོ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ། སྣ་ཚོགས་མཁའ་འགྲོ། འཇིག་རྟེན་མཁའ་འགྲོ། གནས་ལས་སྐྱེས་པ། རིགས་ལས་སྐྱེས་པ། ཞིང་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པ། ལྷན་ཅིག་སྐྱེས་པའི་ལྷ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གནས་དང་ཉེ་བའི་གནས། ཞིང་དང་ཉེ་བའི་ཞིང་། ཚན་དྷོ་དང་ཉེ་བའི་ཚན་དྷོ། འདུ་བ་དང་ཉེ་བའི་འདུ་བ། འཐུང་སྤྱོད་དང་ཉེ་བའི་འཐུང་སྤྱོད། དུར་ཁྲོད་དང་ཉེ་བའི་དུར།

[Full Size]

ཁྲོད། གནས་ཉི་ཤུ་རྩ་བཞི། ཡུལ་སུམ་ཅུ་སོ་གཉིས། དུར་ཁྲོད་ཆེན་པོ་བརྒྱད་ལ་སོགས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། རྒྱ་གར་རྡོ་རྗེ་གདན། རྒྱ་ནག་རི་བོ་རྩེ་ལྔ། ནུབ་ཕྱོགས་ཨོ་རྒྱན་ཡུལ། བྱང་ཤམྦྷ་ལ། དཔལ་ལྡན་འབྲས་སྤུངས་ཀྱི་མཆོད་རྟེན། ལྷོ་ཕྱོགས་དཔལ་གྱི་རི་བོ། ཤྲཱི་ནཱ་ལེནྡྲ། བི་ཀྲ་མ་ལ་ཤཱི་ལའི་གཙུག་ལག་ཁང་ལ་སོགས་པ་གྲུབ་ཆེན་རྣམས་ཀྱིས་བྱིན་གྱིས་བརླབས་པའི་གནས་རྣམས་ལ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ལྷོ་གྲོ་བོ་ལུང་། འབྲོག་ལ་ཕྱི་ཆུ་བར། ཤར་དྭགས་ལྷ་དཔལ་གྱི་སྒམ་པོ། སྟོད་ལུང་མཚུར་ཕུ། ཀཾ་པོ་གནས་ནང་། ཀརྨ་རི་གླིང་། ཤར་ཕྱོགས་སྤུངས་རི། ལྷོ་གནས་མཆོག་དཔལ་གྱི་ཙ་རི་ཏྲ། ནུབ་གངས་དཀར་གྱི་རྒྱལ་པོ་ཏི་སེ། མཚོ་མ་ཕམ། བལ་ཡུལ་འཕགས་པ་ཤིང་ཀུན། ཤིང་ཀི་རིའི་མཆོད་རྟེན། རོང་བཙན་ཁ་བ་དཀར་པོ། ཆོས་འཁོར་ལྷ་ས། དཔལ་གྱི་བསམ་ཡས། ཀུན་ཏུ་བཟང་པོའི་ནགས་ཁྲོད་ལ་སོགས་པ། གངས་རིའི་ཁྲོད་ཀྱི་སྒྲུབ་གནས་བྱིན་རླབས་ཅན་རྣམས་སུ་གནས་པའི་དཔའ་བོ་མཁའ་

[Full Size]

འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞན་ཡང་ལུང་ལྔ་ལྗོངས་གསུམ་གླིང་གཅིག །སྒྲུབ་གནས་བརྒྱད། གངས་ཉི་ཤུ་རྩ་གཅིག །གནས་ཆེན་བརྒྱ་དང་རྩ་བརྒྱད།། གནས་ཕྲན་སྟོང་དང་རྩ་གཉིས་ལ་གནས་པའི་དཔའ་བོ་མཁའ་འགྲོ་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པའི་རླུང་སེམས་སྣང་སྲིད་ཐམས་ཅད་དབང་དུ་འདུས་ནས་རྟེན་འབྲེལ་སྣ་ཚོགས་ཕྱོགས་མེད་དུ་འཆར་ཞིང་ད་ལྟ་ཉིད་དུ་ཕྲིན་ལས་རྣམ་པ་བཞི་ཇི་ལྟར་འདོད་པ་ཐམས་ཅད་འབད་མེད་ལྷུན་གྱིས་གྲུབ་པར་མཛད་དུ་གསོལ། འདི་རྩ་བ་གསུམ་གྱི་གོ་རིམ་གོང་འོག་མ་ངེས་པ་ནི། རང་དང་འབྲེལ་ཆེ་ཆུང་དང་དྲིན་ཆེ་ཆུང་བྱོན་སྔ་ཕྱི་སོགས་གང་ཡང་ཡིན་པས་མི་འགལ་ལོ། །དེ་ནས་ཆོས་སྐྱོང་གཏོར་མ་གཅིག་གམ་གལ་ཆེ་རིམ་སོ་སོར་ཡོད་ཀྱང་། ཤ་རྒྱན་ཡོད་པ་ཐམས་ཅད་དུས་གཅིག་ལ་བྱིན་བརླབ་བྱ་སྟེ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་སོགས། །སྟོང་པའི་ངང་ལས་ཡཾ་ལས་རླུང་། །རཾ་ལས་མེ་དང་ཀཾ་ལས་ནི། །གསུམ་གྱི་སྐྱེད་པུའི་སྟེང་། །ཨ་ལས་ཡེ་ཤེས་ཀ་པཱ་ལ། །ཤ་ལྔ་བདུད་རྩི་ལྔ་པོ་དང་། །བདུད་དགྲའི་ཤ་རུས་སྤུངས་པ་ལས། །ཨོཾ་ཨཱཿཧཱུྃ་གིས་སྐུ་གསུང་ཐུགས། །ཡེ་ཤེས་

[Full Size]

བདུད་རྩིར་བྱིན་གྱིས་བརླབས། །ལྷ་ཚོགས་དེ་དག་ཐམས་ཅད་ཀྱི། །ཧཱུྃ་ལས་བྱུང་བའི་རྡོ་རྗེའི་ལྗགས། །འོད་ཀྱི་སྦུ་གུས་བདུད་རྩི་རྣམས། །དྲངས་ཤིང་གསོལ་བས་མཉེས་པར་གྱུར། །ཨོཾ་མ་ཧཱ་ཀཱ་ལ་ཡ་ཤཱ་ས་ན་ཨུ་པ་ཧ་རི་ནི། ཨེ་ཥ་ཨ་པཉི་མ་ཧཱ་ཀཱ་ལོ་ཨ་ཡཾ། ཨི་དཾ་རཏྣ་ཏྲ་ཡཱ་ཡ། ཨ་པ་ཀ་རི་ཎི། ཡ་ཏི་པྲ་ཏི་ཛྙ་སྨ་ར་སི་ཏ་ཙྪདཱ། ཨི་དཾ་དུཏྟཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲིནྟ་གྲིཥྛ་བྷནྡྷ་བྷནཾ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མི་ཀེ་ན་ཧཱུྃ་ཕཊ། སྤུ་གྲི་ཀླད་གཟེར་རྒྱུད་ལས། ལྗགས་རྣམས་ཧཱུྃ་དུ་གྱུར་པ་ལས། །རྡོ་རྗེ་ཧཱུྃ་གིས་མཚན་པར་བསམ། །ཧཱུྃ་གི་འོད་ཟེར་གཏོར་མ་ལ། །ཟུག་པས་ཤིན་ཏུ་མཉེས་པར་བསམ། །ཞེས་གསུངས་པ་དང་། གཏོར་མའི་ལས་རྒྱུད་ལས་ཤཱ་ས་ནའི་སྔགས་གཅིག་པོས་ཆོས་སྐྱོང་ཐམས་ཅད་ལ་བསྔོ་ཆོག་པར་གསུངས་པ་ལྟར། ཐམས་ཅད་སྤྱི་ལ་དུས་གཅིག་བསྔོས་ནས་བྱེ་བྲག་སོ་སོར་བསྔོས་ན་ཕྱི་མ་རྣམས་མཆོད་རོར་མི་འགྱུར་བ་དང་། སོ་སོར་ཡོད་ནའང་གཙོ་བོ་གལ་ཆེ་བ་རེ་ལ། ལྷ་རིགས་མཐུན་པས་གཏོར་མ་བསྲེ་ཆོག་པ་རྣམས་ཚན་ཚན་དུ་བསྔོ་བ་ཡིན་པས་གོ་རིམ་འཆོལ་བར་མི་སེམས་སོ། །དང་པོ་ཡི་དམ་ཆོས་སྐྱོང་གཉིས་གཅིག་ཆར་དུ་གཏོགས་པའི་རྟ་ནག་དྲེགས་པ་ཆེན་པོའི་གཏོར་མ་ལ་དམིགས་ནས། ཨོཾ་ཧཱུྃབཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་

[Full Size]

ལུ་ཧཱུྃ་ཕཊ། ནཱ་ག་རཀྴ་ནག་པོ་ཏི་པ་ཙ་མཱ་ར་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁཱ་ཧི། རྟ་མགྲིན་ནཱ་ག་ཀླུ་འདུལ་རྟ་མགྲིན་རིགས་བཞི་ཁྱབ་བདག་ནཱ་ག་རཀ་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་ཀྲོ་དྷ་ཧུ་ཧཱུྃ་ཝ་ཧཱུྃ་ཕཊ། ཡཀཱ་ཀཱ་ལ་རཀྟ། ག་རུ་ཊ་ཨ་ཡ་མ་དུ་རུ་ཙ་ཤ་ན་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ནག་པོ་ལྕགས་རལ་ཅན་མོན་པ་ལྷ་བཞི་འཁོར་སྡེ་བརྒྱད་དང་བཅས་པའི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀྲོ་ཏ་ཧྱ་གྲི་ཝ་ཨེ་ཀ་ཙ་ཏི་ཡཀྵ་ཏྲི་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྟ་ནག་དྲེགས་པ་ཆེན་པོ་ཡབ་ཡུམ་འཁོར་སྡེ་བརྒྱད་དང་བཅས་པའི་ཞལ་དུ་འབུལ་ལོ། །ཨེ་ཧེ་མ་རུ་ཙེ་གུ་ཎ་ཧྲིཏྲི་ཧཱུྃ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀེ་ཏ་ཀེ་ཏ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྲས་གནོད་སྦྱིན་ཤན་པ་དམར་ནག་ཡབ་ཡུམ་སྡེ་བརྒྱད་ལས་མཁན་རཱ་ཧུ་ལ་ཧབ་ཤ་གཟའ་བརྒྱད་གདོང་མོ་བཞི་དང་བཅས་པའི་ཞལ་དུ་འབུལ་ལོ། །གཟའ་ཀླུ་ས་བདག་གི་ནད་དང་གནོད་པ་ཐམས་ཅད་བསྲུང་བ་དང་ཟློག་པའི་ཕྲིན་ལས་མཛོད་ཅིག །དེ་ནས་ཕྱག་བཞི་པ་དང་དུད་སོལ་མའི་གཏོར་མ་གཅིག་ཡིན་པ་ལ་དམིགས་ནས། ཨོཾ་བཛྲ་ཀ་ཝུ་ཝ་པ་ཤ་ཡ་མ་ཧཱ་

[Full Size]

ཀཱ་ལ་ཡ་ཧཱུྃ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀྵ་སྲོག་དུང་དུང་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལི་དྷེ་ཝི་རུ་པི་ནི་ཧཱུྃ་བྷྱོཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་རཀྵ་དུ་བེ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་སིང་ཧ་མུ་ཁ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཤྲཱི་མ་ཧཱ་ཀཱ་ལ་ཁྲག་འཐུང་གི་རྒྱལ་པོ་ཕྱག་བཞི་པ་བྱ་རོག་གི་མཚན་ཅན། སྐུ་གསུང་ཐུགས་ཀྱི་སྤྲུལ་པ་ལས་མགོན་ཡུམ་མཆོག་རྩ་འཇིབ་དམར་མོ། ལེགས་ལྡན་ནག་པོ། ཕྱོགས་ཀྱི་མཁའ་འགྲོ་མ་བཞི་སོགས། རང་འདྲའི་སྤྲུལ་པ་ལས་མཁན་འཁོར་ཚོགས་བཀའ་སྡོད་མཐུ་བོ་ཆེ་རྣམས་དང་། ནག་པོ་སྟོང་། ཤ་ཟ་འབུམ། མ་མོ་བྱེ་བ་གནོད་སྦྱིན་ཁྲིས་བསྐོར་བ། བསྟན་པའི་བཀའ་སྲུང་། དམ་ཉམས་ཀྱི་སྲོག་གཅོད། རིག་འཛིན་གྱི་སྲོག་ཤིང་། རྣལ་འབྱོར་གྱི་དགྲ་བླ། དུག་གསུམ་ནད་ཀྱི་སྨན་པ་གཙུག་ལག་ཁང་དང་དཀྱིལ་འཁོར་གྱི་སྲུང་མའི་ཚོགས་དང་བཅས་པ་རྣམས་ལ་དམ་རྫས་བདུད་རྩིའི་གཏོར་མ་དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་འདིས་མཆོད་དོ་བསྟོད་དོ། །དེ་དག་གི་

[Full Size]

མཐུས་རྣལ་འབྱོར་པ་བདག་ཅག་དཔོན་སློབ་རྣམས་ཀྱི། བཀའ་དང་བསྟན་པ་སྲུངས། ཚེ་དང་དབང་ཕྱུག་སྤེལ། དཔལ་དང་གྲགས་པ་སྒྲུབས། །འཁོར་དང་སློབ་མ་སྐྱོངས། བདུད་དང་བར་ཆད་ཟློག །མི་ནོར་ཟས་གསུམ་སྡུས། དགྲ་བགེགས་ཐལ་བར་རློགས། ཕྲིན་ལས་རྣམ་བཞི་སྒྲུབས། རྟག་ཏུ་སྲུང་སྐྱོབ་མཛོད། བསམ་པའི་དོན་ཐམས་ཅད་འགྲུབ་པར་མཛོད་ཅིག །ༀ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཔལ་ལྡན་ལྷ་མོ་དུད་པའི་སོལ་བ་མ། སྙིང་འཕྲོག་མ་གསུམ། རིགས་བཞིའི་ལྷ་མོ། དུར་ཁྲོད་ཀྱི་བདག་མོ་བརྒྱད། ཕྲ་མེན་མ་བརྒྱད། སྒོ་མ་བཞི། འཁོར་མ་མོ་བྱེ་བ་འབུམ་སྡེའི་ཞལ་དུ་འབུལ་ལོ། །བདག་ཅག་དཔོན་སློབ་བསྲུང་བྱ་མི་ནོར་ཐམས་ཅད་ལ་མི་ནད་ཕྱུགས་ནད་ཡམས་ནད་དང་། ནད་རིགས་བཞི་བརྒྱ་རྩ་བཞིའི་གནོད་པ་ཐམས་ཅད་ཞི་བར་མཛོད་ཅིག །དེ་ནས་བེར་ཡབ་ཡུམ་ལ་གཏོར་མ་གཅིག་ཡིན་ཏེ། ཨོཾ་མ་ཧཱ་ཀཱ་ལ་ཡ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཏྲག་རཀྴ་མ་ཧི་དུན་བྷྱོཿ མ་ཧཱ་ཡཀྵ་ཏིཀཱ་ཀཱ་ལི་དུན་བྷྱོཿ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི།

[Full Size]

ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏཱ་ལི་ཧཱུྃ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨེ་ཨ་ར་ལི་ཧོ༔ ཤྲཱི་མ་ཧཱ་ཀཱ་ལ་ཁཱ་ཧི། ཏྲཀ་རཀྟ་ཁཱ་ཧི། ཏྲཀ་རཀྴ་ཐུན་བྷྱོ་ཁཱ་ཧི། །ཁྲག་རཀྵ་རྦད་བྷྱོ་ཁཱ་ཧི། དམ་ཅན་མགོན་པོ་མཁའ་འགྲོའི་ཚོགས་སུ་གྱུར་པ་རྣམས་ཀྱིས་དམ་རྫས་བདུད་རྩིའི་གཏོར་མ་བཞེས་སུ་གསོལ་ཁཱ་ཧི། དཔལ་ཡེ་ཤེས་ཀྱི་མགོན་པོ་མ་ཧཱ་ཀཱ་ལ་བདུད་འདུལ་རྡོ་རྗེའི་དེད་དཔོན། འཇིགས་བྱེད་ཆེན་པོ། བེར་ནག་ཅན། དྲེགས་པ་ཕོ་དགུ། མོ་དགུ། ཕྱོགས་སྐྱོང་བའི་མགོན་པོ་བཅུ། དྲེགས་པའི་གཙོ་བོ་བདུན་ཅུ་རྩ་གཉིས། ཡེ་ཤེས་ཀྱི་མགོན་པོའི་ཚོགས། ལས་ཀྱི་མགོན་པོའི་ཚོགས། འཇིག་རྟེན་གྱི་མགོན་པོའི་ཚོགས་རྣམས་དང་། དཔལ་ལྷ་མོ་རང་བྱུང་གི་རྒྱལ་མོ། སྲུང་མ་དཔལ་ལྡན་མ། མ་མོ་བདུན། སྲིང་མོ་བཞི། འབར་མ་དགུ། དུས་བཞིའི་ལྷ་མོ། དམག་གི་རྒྱལ་མོ། དབང་ཕྱུག་ཉེར་བརྒྱད། གིང་དམར་ནག །སྤྲུལ་པ་ཡང་སྤྲུལ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་མ་ཧཱ་ཀཱ་ལ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཞན་ཡང་ཧཱུྃ་མཛད་ནག་པོ་ཕྱག་གཉིས་པ། རྡོ་རྗེ་གུར་གྱི་མགོན་པོ་

[Full Size]

ལྷ་བརྒྱད། ལེགས་ལྡན་ཚོགས་ཀྱི་བདག་པོ། སྐུ་གསུང་ཐུགས་ཀྱི་མགོན་པོ་མཆེད་གསུམ། བེང་བེར་ནག་ཨ་གྷོ་ར། ཞང་བློན་རྡོ་རྗེ་བདུད་འདུལ། གནོད་སྦྱིན་རྡོ་རྗེ་རྒྱལ་མཚན་ལ་སོགས་པ་བཀའ་བརྒྱུད་རིན་པོ་ཆེའི་བསྟན་པ་བསྲུང་བར་ཞལ་གྱིས་བཞེས་པའི་བཀའ་སྲུང་དམ་ཅན་རྒྱ་མཚོའི་ཚོགས་རྣམས་ཀྱི་ཞལ་དུ་འབུལ་ལོ། །བསྟན་པ་རིན་པོ་ཆེ་དར་ཞིང་རྒྱས་པ་དང་ཕྲིན་ལས་རྣམ་བཞི་ཐོགས་པ་མེད་པར་འགྲུབ་པའི་ཕྲིན་ལས་མཛོད་ཅིག །དེ་ནས་ཕྱག་དྲུག་པའི་གཏོར་མ་ལ། གུ་རུ་མ་ཧཱ་ཀཱ་ལ་ཧ་རི་ནི་ས་སི་ཏི་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་མ་ཧཱ་ཀཱ་ལ་ཀྵི་ཀེ་ཊ་བིགྷཱན་བི་ན་ཡ་ཀཾ་ཧཱུྃ་ཧཱུྃ་ཕཊ། ཀླུ་ཊ་པ་ལ་ཛི་ན་མི་ཏྲ་ཊཀྐི་རཱ་ཛ་ཏྲཀ་ཤད་རེ་མ་ཏི་ས་པཱ་རི་ཝཱ་ར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀཱ་ལ་ག་ཎ་པ་ཏི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། མགོན་དཀར་ཡིད་བཞིན་ནོར་བུ། ཇོ་བོ་གཟི་ལྡན། ཀྵེ་ཏྲ་པཱ་ལ། ཕྱག་བཅུ་པ། ཕྱག་གཉིས་པ་སོགས་གནོད་སྦྱིན་བཞི། གསང་བའི་ལས་མཁན་ཡབ་ཡུམ་ལ་སོགས་པ་དྲེགས་པ་ཕོ་མོ་ལྔ་སྟོང་གི་ཞལ་དུ་འབུལ་ལོ། །འདི་ཕྱི་བར་དོའི་

[Full Size]

འཇིགས་པ་དང་བར་ཆད་ཐམས་ཅད་བསལ་དུ་གསོལ། ཨོཾ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུྃ་བྷྱོ་ཛཿཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བྷྱོ་རེ་མ་ཏི་མཱ་ར་ཡ་ཛ་ཧཱུྃ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བྷྱོ་རཀྵ་བྷྱོ་བྷྱོ་རྦད། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལྷ་མོ་རེ་མ་ཏི་ཕྱག་བཞི་པ། ཕྱག་གཉིས་པ། ཤན་པ་ནག་མོ། རེ་མ་ཛ། རེ་མ་ཛུ། དམག་ཟོར་རྒྱལ་མོ། ལས་ཀྱི་རེ་མ་ཏི། བ་ལམ་དྲིལ་སྣ། ཁྲི་སྨན་སི་ལེ། སྟག་སྨན་སོར་ལྡེམ། མ་གཅིག་དཔལ་ལྷ། རབ་བརྟན་མ་རྣམས་ཀྱི་ཞལ་དུ་འབུལ་ལོ། །རིམས་ནད་དལ་ཡམས་ཀྱི་གནོད་པ་ཐམས་ཅད་ཞི་བར་མཛོད་ཅིག །དེ་ནས་མ་ནིང་གི་གཏོར་མ་ལ། ཨོཾ་ཤྲཱི་མ་ཧཱ་ཀཱ་ལ་གུ་ཎ་གུ་ཡ་རཾ་སིདྡྷི་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་ཝཀ་ལྕེ་ལྕེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཏྲཀཱད། མ་ཧཱ་ཀཱ་ལ་སི་ཏི་ཡ་མ་དུ་ཛཿ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། དཔལ་མགོན་མ་ནིང་ནག་པོ། མ་ནིང་རིགས་ལྔ། སྐུའི་མགོན་པོ་སྟག་ཞོན། གསུང་གི་མགོན་པོ་བེང་མ། ཐུགས་ཀྱི་མགོན་པོ་གྲི་གུག །ཡོན་ཏན་གྱི་མགོན་པོ་སེང་ཞོན། ཕྲིན་

[Full Size]

ལས་ཀྱི་མགོན་པོ་ཏྲཀྐད་ལྗང་ནག །སྤུ་གྲི་གཅིག་ཤུལ། ཐུབ་བདག་གློག་ཕྲེང་། ལས་མགོན་སྲོག་བདུད་ནག་པོ། ཡུམ་དཔལ་འབར་མ། མ་ནིང་ཛཾ་ནགོ །སྡེ་བརྒྱད། །ཛཾ་བྷ་ལ། ཡང་འཁོར་བརྒྱད། བདུད་དམག་བྱེ་བ་འབུམ་སྡེ་དང་བཅས་པའི་ཞལ་དུ་འབུལ་ལོ། །བླ་མ་རྡོ་རྗེ་སློབ་དཔོན་བདག་ཅག་སྐུ་ཚེ་རིང་བ་དང་ཕྲིན་ལས་དར་ཞིང་རྒྱས་པར་མཛད་དུ་གསོལ། ཨོཾ་བཛྲ་མ་ཧཱ་ཀཱ་ལ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་རེ་མ་ཏི་བྷྱོ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨ་ཡ་མ་དུ་རུ་ཙ་ཤ་ན། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་ཙཎྜ་སརྦ་དུཏྟཾ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གིང་ཀ་ར་བདུད་ཏྲི་མཱ་ར་ཡ་ཨ་བྷི་ཤུ་པ་ཤ་མི་ཀེ །ནཱ་ག་ཡཀྵ་རཀྴ་མ་མ་དགྲ་བགེགས་མཱ་ར་ཡ་རྦད། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་སརྦ་དུཏྟཾ་ཧཱུྃ་ཕཊ། ཡ་མ་དྷེ་ཝ་རཱཧུ་ལ་ཡཀྵ་རཀྴ་དྷ་ཤ་གྷི་ཝ་དགྲ་བགེགས་མཱ་ར་ཡ་རྦད། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དུ་བཻ་ཏྲི་ཤུ་ལ་ནཱ་ག་རཱ་ཙ་ཧཱུྃ་ཧཱུྃ་ཛཧཱུྃ་བཾ་ཧོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཀའ་སྲུང་མ་མགོན་སྡེ་བརྒྱད། ཕྱི་ནང་གསང་བའི་སྡེ་བརྒྱད། དྲག་པོ་སྔགས་ཀྱི་

[Full Size]

སྡེ་བརྒྱད། བསྟན་པ་སྲུང་བའི་སྡེ་བརྒྱད། བཏག་ཅིང་ཆགས་པའི་སྡེ་བརྒྱད། གནོད་སྦྱིན་བྱེ་བྲག་གི་སྡེ་བརྒྱད། ལས་མྱུར་མགྱོགས་ཀྱི་སྡེ་བརྒྱད། སྔགས་བདག་དྲེགས་ཆེན་བཅོ་བརྒྱད། མྱུར་མགྱོགས་དྲེགས་པ་ཉི་ཤུ། དྲེགས་པའི་སྡེ་དཔོན་སུམ་ཅུ། དྲེགས་པ་ལྔ་འདུལ། དྲེགས་པ་སུམ་བསྒྲིལ། སྤུ་གྲི་མཆེད་གསུམ། གདོང་ལྷ་མཆེད་གསུམ། བཙན་བདུད་གིང་གསུམ་ལ་སོགས་པ་བཀའ་སྲུང་བསྟན་སྲུང་རྒྱ་མཚོའི་ཞལ་དུ་འབུལ་ལོ། །སྔ་དགྲ་དར་བ་ད་དགྲ་སྡང་བ་ཕྱི་དགྲ་བསམ་པ་ཐམས་ཅད་ཆོ་འཕྲུལ་དྲག་པོས་རྡུལ་དུ་བརླག་པའི་ཕྲིན་ལས་མཛོད་ཅིག །དེ་ནས་ཞིང་སྐྱོང་གི་གཏོར་མ་ལ། ཨོཾ་མ་ཧཱ་ཀཱ་ལ་སིང་ཧ་མུ་ཁ་ཧཱུྃ་ཕཊ། ཏྲི་ཧྲིང་ཛཿ ཌཱཀྐི་ནི་སི་ན་ར་མ་ཧཱུྃ་ཕཊ། ཏྲེ་ཧྲིང་ཡ་མ་རཱ་ཙ་དུ་ཏྲི་ཕུ་ཏྲི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀཱ་ལ་རཱུ་པ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་པྲཎ་ཨཏྨ་ཀཱ་རུ་པུ་ཥ་ཧཱུྃ་ཕཊ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤ་རི་དུ་མ་བྷྱོཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞིང་སྐྱོང་སེང་གདོང་དཀར་པོ། བདུད་མགོན་སེང་གདོང་ནག་པོ། མཁའ་འགྲོ་སེང་གདོང་དམར་

[Full Size]

མོ། བམ་རོ་ཕོ་མོ། ཤན་པ་སྡེ་བརྒྱད། གཤིན་རྗེ་ཆོས་རྒྱལ། ལས་གཤིན་འཆར་ཀ་ནག་པོ། སྒྲོལ་གིང་བེག་རྩེ་ཡབ་ཡུམ་བདུད་དམག་སྟོང་སྡེ་ལ་སོགས་པ་འཁོར་དང་བཅས་པའི་ཞལ་དུ་འབུལ་ལོ། །དགྲ་བགེགས་བྱད་མ་རྡུལ་དུ་བརླག་པའི་ཕྲིན་ལས་མཛོད་ཅིག །དེ་ནས་སྲིན་མགོན་གཏོར་མ་ལ། བྷ་ག་ཝ་ཏི་ཏིཥྛ་རཀྵ་རཀྵ་ས་མ་ཡ་ཧཱུྃ་ཧཱུྃ་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་བི་ཀཱ་ལ་ར་ཏི་ཏཾ། ཌོ་བྷི་ནི་ཙཎྜ་ལི་རཀྵ་སི་སེང་ག་ལི་དེ་ཝི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨེ་མཉྫ་ཀུཀྟ་ཧཱུྃ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། སྲིན་མགོན་ཐོད་ཕྲེང་ཡབ་ཡུམ། གཉེན་མགོན་གདོང་བཞི་ཡབ་ཡུམ། ལྷ་ཆེན་དབང་ཕྱུག་ཡབ་ཡུམ་འཁོར་དང་བཅས་པའི་ཞལ་དུ་འབུལ་ལོ། །བསྟན་པ་དར་ཞིང་སྣང་སྲིད་དབང་དུ་སྡུད་པའི་ཕྲིན་ལས་མཛོད་ཅིག །དེ་ནས་བྲག་མགོན་གཏོར་མ་ལ། ཨོཾ་མ་ཧཱ་ཀཱ་ལ་དུ་རུ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་མ་ཎི་འབིར་ཝ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དུ་ཏྲཀ་ཤ་ཀཾ་མཱ་ར་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བསྟན་སྲུང་བྲག་ལྷ་མགོན་པོ། ལས་མཁན་མུན་པ་ནག་པོ།

[Full Size]

མགོན་པོ་མདུང་འཛིན། རྟ་ཞོན།། རླུང་ཞོན། གློག་ཞོན། བདུད་པོ་རྡོ་རྗེ་འབར་བ་ལྕམ་དྲལ། ཚེ་རིང་རོ་ལངས་ཁ་ལ་མེ་འབར། ཐང་ནག་དཔལ་མོ་ཨ་ཙ་དུ་མཆེད་དགུ་རྣམས་ལ་འབུལ་ལོ། །ཡི་གེ་དྲུག་པ་སྒྲུབ་པའི་འགལ་རྐྱེན་བར་ཆད་ཞི་བ་དང་། མཐུན་རྐྱེན་བསམ་པ་ཡིད་བཞིན་དུ་འགྲུབ་པའི་ཕྲིན་ལས་མཛོད་ཅིག །དེ་ནས་ཤ་ཟ་ཁ་མོ་ཆེའི་གཏོར་མ་ལ། ༀ་ཨེ་ཀ་ཙ་ཏ་བློ་ཧྲིང་། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཁྱི་ཁ་ལེ་ནག་མོ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བློ་ཤ་ཟ་ཌཱཀི་མ་མོ་ཙིཏྟ་ཧྲིང་ཧྲིང་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷྱོ་རུ་ཏྲ་ཀཱ་ལི་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྔགས་སྲུང་ཨེ་ཀ་ཙ་ཏི། ཤན་པ་སྲོག་སྒྲུབ་ནག་མོ། ཤ་ཟ་ཁ་མོ་ཆེ། །སྤྱང་ཞོན་མ་མཆེད་གསུམ་འཁོར་དང་བཅས་པའི་ཞལ་དུ་འབུལ་ལོ། །གསང་སྔགས་བླ་མེད་སྒྲུབ་པ་ལ་བར་ཆད་མེད་ཅིང་། གྲུབ་པ་མྱུར་དུ་ཐོབ་པའི་ཕྲིན་ལས་མཛོད་ཅིག །དེ་ནས་བཙན་རྒོད་གཏོར་མ་ལ། ཨོཾ་ན་ག་ཙཎྜ་ཏྲི་ར་ཙ་ར་ཏྲི་གིང་ཀ་ར་ཡཀྵ་རཀྵ་ས་མ་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སརྦ་སུམ་ཏྲི་རི་ཏྲི་ན་ན་ཁ་རེག་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་

[Full Size]

ཧི་ཁཱ་ཧི། ༀ་ཙཎྜ་པྲ་མ་ནི་དྷ་ར་དྷ་ར་ས་མ་ཡ་ཛ་ཛཿ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། བཙན་རྒོད་འབར་བ་སྤུན་བདུན། དགེ་བསྙེན་སྤྱན་བདུན། གནོད་སྦྱིན་སྤྱན་བདུན། །རོལ་པ་སྤུན་བདུན། ཁྲོ་འབར་སྤུན་བདུན། ཇག་པ་མེ་ལེན། སྤྲུག་གི་བཙན་རྒོད་འཁོར་དང་བཅས་པའི་ཞལ་དུ་འབུལ་ལོ། །རྔོག་ཆགས་ལ་གོད་ཁ་མེད་པ་དང་ཁ་འཛིན་སྡོང་གྲོགས་དམ་པ་མཛོད་ཅིག དེ་ནས་ནོར་ལྷ་སྤྱི་གཏོར་འཛུད་ན་འདིར་འཛུད། དེ་ནས་བཀའ་སྲུང་གེལ་པ་མ་གཏོགས་ཚང་སོང་ངོ་། །དེ་ནས་སྔགས་བདག་ཚེ་རིང་མ་མཁར་ནག་ངོམ་རྒྱལ་རྣམས་ཀྱི་གཏོར་མ་བྱིན་གྱིས་བརླབས་ཏེ། ཨོཾ་སྭ་བྷ་ཝ༴ ཧཱུྃ་ལས་རིན་པོ་ཆེའི་སྣོད་དུ་བཅུད་ལྷ་དང་མིའི་ཞལ་ཟས་འདོད་པའི་ཡོན་ཏན་སྣ་ཚོགས་ཀྱིས་གང་བར་གྱུར། ཨོཾ་ཨ་ཀཱ་རོ༔ ཨོཾ་ཨ་མྲྀ་ཏེ་ཧཱུྃ་ཕཊ། ཡེ་ཤེས་ཀྱི་བདུད་རྩི་ཆར་བཞིན་དུ་བབས་ནས་དམ་ཚིག་གི་བདུད་རྩི་དང་གཉིས་སུ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། དེ་ནས་སྔགས་བདག་གཏོར་མ་དེ་ལ། ཨོཾ་ཕུ་ཏ་ཕུ་ཏ་མ་ཧཱ་ཀྲོ་དྷ་ཧཱུྃ། སིདྡྷི་སིདྡྷི་སྤོ་ཊ་ཡ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ནཱ་ག་ར་ཙ་ཨ་ཏི་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷ་རུ་ཎ་

[Full Size]

ཡེ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨ་ནན་ཏ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་སྟག་ཤ་ཀ་ལེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤང་ཀ་ཀུ་ལུ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཀར་ཀོ་ཏ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་པདྨ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ ི་ཁཱ་ཧི། ༀ་མ་ཧཱ་པངྒེ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀུ་ལིང་ཀ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་སརྦ་ནཱ་ག་ནཱ་གི །ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀུ་མ་ར་ཕུ་ཏྲི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྔགས་ཀྱི་བདག་པོ་གཞོན་ནུ་གཏུམ་པོ། ཀླུ་རྒྱལ་མི་མགོན་དཀར་པོ། ནོར་རྒྱས་ལ་སོགས་པའི་ཀླུ་ཆེན་བརྒྱད། བཙུན་མོ་སྲས་དང་བཅས་པ། ཀླུ་ཡི་རྒྱལ་པོ་གཡོག་མཐའ་ཡས། གཟི་བརྗིད་བཀོད་པ། གདུགས་ལྟ་བུའི་རྒྱལ་པོ། མ་དྲོས་གཟི་ཅན་ལ་སོགས་པ། ཀླུ་རིགས་ལྔ། གཉན་ས་བདག་གི་ཚོགས་བཀའ་དང་དམ་ལ་གནས་པ་ཐམས་ཅད་ལ་འབུལ་ལོ། །ཡུལ་ཕྱོགས་འདིར་ཆར་ཆུ་དུས་སུ་འབེབས་ཤིང་ལོ་ཕྱུགས་རྟག་ཏུ་ལེགས་པ་དང་། བདག་

[Full Size]

ཅག་དཔོན་སློབ་འཁོར་དང་བཅས་པ་ལ་ཀླུ་གཉན་ས་བདག་གི་ནད་དང་གནོད་པ་ཐམས་ཅད་ཞི་བའི་ཕྲིན་ལས་མཛོད་ཅིག །དེ་ནས་ཚེ་རིང་མའི་གཏོར་མ་ལ། ཨོཾ་ཨ་ཀ་ནི་ཙ་ལི་མི་ཐུ་ཕྲི་ལེ་རེ་སྭཱ་ཧཱ། པཉྩ་ཌཀི་ནི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ག་ཎ་པཱ་ཏི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་ཏྲིག་ན་ཏྲིག་པཿ ཏྲིག་སྨན་རུ་རུ་ཙོ་ཙ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་མ་ཧཱ་མ་ཏྲི་དུང་དུང་ཏྲི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཏདྱ་ཐཱ། ཨོཾ་ཚོམ་མེ་ལེ་དུ་ཀ་ཧཱུྃ་ཕཊ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་བཛྲ་ཡཀྵ་དྷ་རི་ནི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་མ་མ་ཧྲིང་མ་མ་ཧྲིང་། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཇོ་མོ་བཀྲ་ཤིས་ཚེ་རིང་མ་མཆེད་ལྔ། ཇོ་བོ་ཚོགས་བདག་རིགས་ལྔ། གནོད་སྦྱིན་ཕག་གདོང་མཆེད་ལྔ། བསེ་ཡི་ལྷ་མོ་མཆེད་ལྔ། ལྷ་མོ་ཀུན་འཁྱིལ་མ་མཆེད་གསུམ། དགེ་བསྙེན་མཁའ་རི་ལྕམ་དྲལ། རྡོ་རྗེ་དེ་མོ་ལ་སོགས་པའི་བརྟན་མ་བཅུ་གཉིས་སྐྱོང་མ་བཅུ་གཉིས། ཡ་མ་བཅུ་གཉིས་འཁོར་དང་བཅས་པའི་ཞལ་དུ་འབུལ་ལོ། །བགེགས་དང་བར་ཆད་ཐམས་ཅད་ཞི་བ་དང་། བཀྲ་ཤིས་བདེ་ལེགས་ཐམས་

[Full Size]

ཅད་འབྱུང་བའི་ཕྲིན་ལས་མཛོད་ཅིག །དེ་ནས་མཁར་ནག་གི་གཏོར་མ་ལ། ཨོཾ་བཛྲ་ཐང་ཀ་ར་མུ་ཉིད་ཁུ་ཤ་ལི་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ནཱ་ག་ར་ཙ་ཀྲོ་ཏ་པ་ཙ་ལ་ཏི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ནཱ་ག་རཱ་ཛ་བཛྲ་ར་ཛཿ ས་མ་ཡ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ན་ན་ན་ཤི་སྭཱ་ཧཱ། ཨི་དཾ་ཨཱི་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཤ་ཤི་ན་ཤི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཇོ་བོ་གཉན་ཆེན་ཐང་ལྷ། དགེ་བསྙེན་སྨྱོ་ཁ། མཁར་ནག་རྡོ་རྗེ་རྒྱལ་པོ། ཀླུ་བཙན་མིང་སྲིང་། བར་བློན་ཆེན་པོ། དགེ་བསྙེན་རྡོ་རྗེ་བདུད་འདུལ་མཚོ་ནག་ཀླུ་མོ་འཁོར་དང་བཅས་པའི་ཞལ་དུ་འབུལ་ལོ། །བདག་ཅག་དཔོན་སློབ་འཁོར་དང་བཅས་པ་ལ་ཀླུ་གཉན་ས་བདག་དམ་སྲིའི་ནད་དང་གནོད་པ་ཐམས་ཅད་ཞི་བ་དང་ཁ་འཛིན་སྡོང་གྲོགས་རྒྱ་ཆེན་པོ་མཛོད་ཅིག །དེ་ནས་ངོམ་རྒྱལ་གཏོར་མ་ལ། ཨོཾ་ཨ་རུ་ཧཱུྃ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཁ་ཧི་ཁཱ་ཧི། ༀ་བཛྲ་ཀུལླི་མིན་མན་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཐོག་ཀླུ་ཐོག་རྗེ་ཐོག་དཀར་ཐོག་བཙན། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་རྒྱལ་པ་ཏཾ། ཨི་

[Full Size]

དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཏེར་སྲུང་ངོམ་རྒྱལ་མཚོ་བཀྲ། རྨ་རྒྱལ་སྤོམ་ར། སྨོན་སྐྱེས་གངས་ཞུར་མཆེད་གསུམ། གཏམ་རྒྱལ་མདོ་ཟོ་འཁོར་དང་བཅས་པའི་ཞལ་དུ་འབུལ་ལོ། །བདག་ཅག་དཔོན་སློབ་འཁོར་དང་བཅས་པ་ལ་ལྷ་འདྲེའི་ཁེང་ལོག་ཐམས་ཅད་ཞི་བ་དང་ཁ་འཛིན་སྡོང་གྲོགས་རྒྱབ་རྟེན་ཆེན་པོ་མཛོད་ཅིག །དེ་ནས་ཕྱི་རྒྱུད་པའི་དཀར་གཏོར་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ༔ སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་དཀར་གསུམ་མངར་གསུམ་ཁ་དོག་དྲི་རོ་རེག་བྱ་ཕུན་སུམ་ཚོགས་པ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། ལན་གསུམ། ཨོཾ་དྷིཥྛ་རཀྵ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷཻཾ་རུ་ཌྷ་ཀ་ཡེ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་བི་རུ་པཱཀཱ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཡཀྵ་ཀུ་ཝེ་ར་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་པྲི་ཐི་དེ་ཝི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ད་ཤ་དིཀ་ལོ་ཀ་པཱ་ལ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་བྷུ་མི་པཱ་ཏི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། སྟོང་གཅིག་པ། སྟོང་

[Full Size]

གཉིས་པ། སྟོང་གསུམ་པ། མཐོ་བ་ནམ་མཁའ། དམའ་བ་ས་གཞི། བཀོད་པ་བར་སྣང་། རི་རབ་ཆེན་པོའི་ས་བདག །གསེར་གྱི་རི་བདུན། རོལ་པའི་མཚོ་བདུན། གླིང་བཞི་གླིང་ཕྲན་ལ་གནས་པའི་གཞི་བདག །འཛམ་བུ་གླིང་གི་ཟོ་དོར། །རྒྱལ་པོ་ཆེན་པོ་སྡེ་བཞི། ཕྱོགས་སྐྱོང་བ་བཅུ། དཔལ་མགོན་བདུན་ཅུ་རྩ་ལྔ༔ ཡུལ་ཉི་ཤུ་རྩ་བཞིའི་ཞིང་སྐྱོང་། ལྷ་དཀར་པོ་བརྒྱད་ཅུ། དབྱུག་གུ་དྲུག་ཅུ། འཕྲོག་མ་མ་བུ་ལྔ་བརྒྱ། བོད་ཀྱི་མགུར་ལྷ་བཅུ་གསུམ། དགེ་བསྙེན་ཉི་ཤུ་རྩ་གཅིག་སྲིད་པ་ཆགས་པའི་ལྷ་དགུ། བརྟན་པའི་ལྷ་དགུ། སྐྱོབ་པའི་ལྷ་ལྔ། ཕ་མཚུན་མ་མཚུན་ཐམས་ཅད་དགྲ་བླ་སུམ་བརྒྱ་དྲུག་ཅུ། ཝེར་མ་སུམ་བརྒྱ་དྲུག་ཅུ། ཁས་དྲག་སུམ་བརྒྱ་དྲུག་ཅུ། སྤྱན་རྣོན་སུམ་བརྒྱ་དྲུག་ཅུ། རྗེ་འུ་སུམ་བརྒྱ་དྲུག་ཅུ། རྨ་རིགས་སུམ་བརྒྱ་དྲུག་ཅུ། སྟོད་མངའ་རིས་སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག །སྒང་ལྔར་གནས་པའི་གཞི་ཡི་བདག་པོ། གནས་ཀྱི་བདག་པོ། ཡུལ་གྱི་བདག་པོ། གྲོང་གི་བདག་པོ། གཉུག་མར་གནས་པ་རྣམས་ཀྱི་ཞལ་དུ་ཨོཾ་

[Full Size]

ཨཱཿཧཱུྃ༔ གཞན་ཡང་ས་བདག་དབང་ཆེན། སའི་ལྷ་མོ་བརྟན་མ། ས་འཛིན་ལག་པ་ཆེན་པོ། སྤར་ཁ་བརྒྱད། སྨེ་བ་དགུ། ལོ་སྐོར་བཅུ་གཉིས། ལོ་རྒན་དྲུག་ཅུ། ས་བདག་གི་རྒྱལ་པོ་ཐེ་སེ་ལ་སོགས་པ། ལོ་ལ་འཁོར་བའི་རྗེ་བློན་བཅུ་བདུན། ཟླ་བ་ལ་འཁོར་བའི་རྗེ་བློན་བཅུ་བདུན། ཞག་དང་དུས་ཚོད་ཀྱི་ས་བདག །གསེར་མཛོད་གཡུ་མཛོད་ལ་སོགས་པ། ཉི་མ་གཟའ་རྒྱུ་སྐར་དུས་ཚོད་ཚེས་གྲངས་ལ་དབང་བའི་གཞི་བདག་རྣམས་ཀྱི་ཞལ་དུ་ཨོཾ་ཨཱཿཧཱུྃ། རྣལ་འབྱོར་པ་བདག་ཅག་སྔོན་ཆད་གང་དུ་སོང་ཞིང་། །ཚེ། ཕྱིན་ཆད་གང་དུ་འགྲོ་བ། ད་ལྟ་གང་དུ་འདུག་པ་གཞི་བདག་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཕ་རི་གཡས། ཚུར་རི་གཡོན། འགྲོ་བ་ལམ། སྐྱེ་བ་ཤིང་། འབབ་པ་ཆུ། སུ་བ་བྲག །གཡོ་བ་རླུང་། རྟེན་པ་མཁར་ལ་སོགས་པ། ས་ཕྱོགས་ཡུལ་ཕྱོགས་དབེན་གནས་སྒྲུབ་གནས། སྒྲུབ་ཁང་མཚེར་ས་བྲང་ཁང་འདི་ཉིད་ལ་གཉུག་མར་གནས་པའི་གཞི་བདག་གནས་བདག་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞན་ཡང་སྐུ་རྒྱལ་ཤེ་ནེ། གོ་རྒྱལ་རྡོ་རྗེ་བདུད་འདུལ། ཙོ་རྒྱལ་རི་ཏི། ཀླུ་རྒྱལ་པོ་ཏོ། དབྱི་རྒྱལ་རིན་ཆེན། གྲུབ་

[Full Size]

རྒྱལ་བྱང་གྲགས། རྒྱལ་མོ་བུ་པང་། གནས་པོ་དཔལ་རིའི་ཐོད། མ་ཎི་ཤར་ལ་གནས་པའི་གཞི་བདག་རྣམས་ཀྱི་ཞལ་དུ་ཨོཾ་ཨཱཿཧཱུྃ། རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པ་ལ་འགྲོ་ན་མ་བཟུང་། སྡོད་ན་མ་བསྐྱེད། བསམ་པ་མ་ངན། སྦྱོར་བ་མ་རྩུབ། འཚོ་བ་སྦྱོར། ཡོན་བདག་གྱིས། མཐུན་རྐྱེན་སྒྲུབས། འགལ་རྐྱེན་སོལ། རྐྱེན་ཕྱི་ནང་གི་བར་ཆད་ཐམས་ཅད་ཉེ་བར་ཞི་བར་མཛོད་ཅིག །ཅེས་སོ་སོར་བསྔོ་བ་ལ་ཡི་དམ་མཁའ་འགྲོ་མ་རྣམ་འཇོམས་སྒྲོལ་དཀར་སོགས་བྱ་རྒྱུད་ལུགས་མ་ཡིན། རྙིང་མ་བླ་མེད་ལུགས་ཡིན་པས་མི་འགལ། ཆོས་སྐྱོང་ཡེ་ཤེས་འཇིག་རྟེན་འཆོལ་བ་ནི། རིགས་མཐུན་རྣམས་ཚན་ཚན་དུ་བསྔོ་བའི་དོན་ཡིན་ནོ། །དེ་ནས་རྒྱ་ཆེ་བ་སྤྱིར་བསྔོ་བ་ནི། འཇིག་རྟེན་པ་ཐམས་ཅད་ཀྱང་འོག་དམ་ཅན་རྒྱ་མཚོའི་འཁོར་དཔའ་བོ་དང་ཊཀྐིའི་རང་བཞིན་དུ་བསྒོམ་པའི་ཕྱིར། ཕྱི་རྒྱུད་པ་ཕུག་གཏོར་གྲ་དང་བདུད་རྩིས་བྲན་རུང་བའི་གནད་ཡིན་ནོ།། ཧཱུྃ། བླ་མ་རྡོ་རྗེ་སློབ་དཔོན་དང་། །ཡི་དམ་ལྷ་ཚོགས་མ་ལུས་དང་། །ཆོས་སྐྱོང་སྲུང་མ་ཐམས་ཅད་ལ། །མཆོག་གི་གཏོར་མ་འདི་འབུལ་ལོ། །དཔལ་ལྡན་རྡོ་རྗེ་ནག་པོ་ཆེ། །ལྕམ་དྲལ་བཀའ་འཁོར་བཅས་པ་ཡི། །ཟག་མེད་བདེ་ཆེན་བསྐྱེད་གྱུར་

[Full Size]

པའི། །བདུད་རྩི་རོ་མཆོག་མྱོང་མཛད་པའི། །བསོད་ནམས་ཚོགས་ཆེན་གང་བསགས་དེས། །རྩ་བརྒྱུད་བླ་མའི་བཀའ་དང་ནི། །རང་དམ་གཉེན་པོ་དགོངས་པ་ལྟར། །སངས་རྒྱས་བསྟན་དང་སེམས་ཅན་དོན། །འབད་པ་མེད་པར་འགྲུབ་མཛོད་ཅིག །ཁྱད་པར་གསོལ་འདེབས་བདག་རྒྱུད་ལ། །མཆོག་དང་ཐུན་མོང་དངོས་གྲུབ་སྩོལ། །དེ་ལ་འགལ་རྐྱེན་གང་མཆིས་པ། །ཕྲིན་ལས་རྣམ་བཞིའི་སྒོ་ནས་ནི། །ཚར་གཅོད་རྗེས་འཛིན་མཛད་དུ་གསོལ། །ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །གཟའ་ཆེན་བརྒྱད་པོ་འཁོར་དང་བཅས། །གནོད་སྦྱིན་བརྒྱད་པོ་འཁོར་དང་བཅས། །འཇིགས་བྱེད་དགུ་པོ་འཁོར་དང་བཅས། །ཕྱོགས་སྐྱོང་ཆེན་པོ་བཅུ་རྣམས་དང་། །རྒྱལ་ཆེན་སྡེ་བཞི་དཔུང་དང་བཅས། །དཀར་ཕྱོགས་སྐྱོང་བ་བརྒྱད་ཅུ་དང་། །ཏིང་འཛིན་སྐྱོང་བ་བརྒྱད་ཁྲི་དང་། །དབྱུག་གུ་དྲུག་ཅུ་རྩ་བཞི་དང་། །འཕྲོག་མ་བུར་བཅས་སྲིང་མོ་བརྒྱད། །ཚེས་ལྷ་སུམ་བརྒྱ་དྲུག་ཅུ་དང་། །འབར་མ་ཉིས་བརྒྱ་ལྔ་བཅུ་དང་། །དྲག་པོ་ཞིང་སྐྱོང་ཉི་ཤུ་བཞི། །ཞིང་སྐྱོང་ཆེན་པོ་བརྒྱད་རྣམས་དང་། །མཁའ་

[Full Size]

འགྲོ་སུམ་ཅུ་སོ་གཉིས་སོགས། །ལྷ་ཀླུ་གནོད་སྦྱིན་སྲིན་པོ་དང་། །འབྱུང་པོ་ཡི་དྭགས་ཤ་ཟ་དང་། །སྨྱོ་བྱེད་བརྗེད་བྱེད་མཁའ་འགྲོ་མ། །མ་མོའི་ཚོགས་རྣམས་མ་ལུས་ཀུན། །སྡེ་བརྒྱད་ཡུལ་ལྷ་གཞི་བདག་དང་། །སྨན་མོ་གནས་བདག་ལ་སོགས་པ། །གཏོར་མགྲོན་ཚོགས་རྣམས་མ་ལུས་ཀུན། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །

[Full Size]

སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད། །དགེ་འདུན་སྡེ་སྐྱོང་རྣལ་འབྱོར་ཚེ་དཔལ་སྤེལ། །སྙན་པའི་དར་ཕྱོར་གྲགས་པའི་དུང་བུས་ལ། །འཁོར་དང་ལོངས་སྤྱོད་རྒྱས་པ་ཉིད་དུ་མཛོད། །རྒས་མེད་ལང་ཚོ་རྒྱས་པའི་ལུས་སྟོབས་རྒྱས། །མིག་ལ་ཡ་མཚན་ལྟད་མོས་དགའ་བ་ལ། །རྣ་བར་རྟག་ཏུ་སྙན་པའི་གཏམ་ཐོས་ཤིང་། །དྲི་ཞིམ་ངད་པ་སྣ་དང་མི་འབྲལ་བ། །ཟས་སྐོམ་འབྱོར་བས་རོ་འཛིན་ཚིམ་བྱེད་ཅིང་། །ལུས་ལ་རེག་བྱ་བདེ་བ་ཁོ་ནས་འཚོ། །ཡིད་ལ་རྣམ་པར་བཀྲ་བའི་ཤེས་རབ་དང་། །ཟག་མེད་བདེ་བས་ནམ་ཡང་ངོམ་པར་མཛོད། །ཁྱོད་གསོལ་ཁྱོད་མཆོད་ཁྱོད་བསྟེན་ཁྱོད་རྦད་ན། །མཐུ་རྩལ་མ་ཆུང་བརྩེ་གདུང་ཆེ་བར་མཛོད། །གཞི་ལ་བཀྲ་ཤིས་ཕུན་ཚོགས་ལོངས་སྤྱོད་ལྡན། །བྱེས་སུ་ལམ་འཕྲང་ཆུ་ལས་སྒྲོལ་འདོན་མཛོད། །འཇིགས་པར་དགྲ་ཇག་ཆོམ་རྐུན་འཚེ་བ་སྐྱོབས། །མདོར་ན་བསམ་དོན་ཡིད་བཞིན་འགྲུབ་པར་མཛོད། །བདག་དང་མཐའ་ཡས་སེམས་ཅན་ཐམས་ཅད་ཀྱང་། །བླ་མེད་རྫོགས་པའི་བྱང་ཆུབ་བསྒྲུབ་པ་ལ། །འགལ་རྐྱེན་བར་ཆད་མ་ལུས་ཞི་བ་དང་། །མཐུན་རྐྱེན་བསམ་དོན་ལྷུན་གྱིས་

[Full Size]

གྲུབ་པར་མཛོད། །སྲིད་ཞིའི་དཔལ་འབྱོར་མ་ལུས་འབྱུང་བའི་གཞི། །ཐུབ་པའི་བསྟན་པ་ཡུན་རིང་གནས་པ་དང་། །དེར་འཛིན་བྱེད་པའི་སྐྱེས་བུ་དམ་པ་། རྣམས། །དཔལ་འབྱོར་གྱིས་བརྒྱན་ཡུན་རིང་ཞབས་བརྟན་ཤོག །བདག་ཅག་དཔོན་སློབ་ཡོན་མཆོད་འཁོར་བཅས་ལ། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །དོན་རྣམས་ཐམས་ཅད་ཡིད་བཞིན་འགྲུབ་པ་དང་། །འགྲོ་བའི་དོན་དུ་མཐུ་དང་ལྡན་པར་ཤོག །ཅེས་འདོད་དོན་གསོལ་བ་བཏབ་ནས། ལྷ་ཞི་དྲག་སོ་སོ་ལ་གང་ལ་གང་དགྱེས་ཀྱི་མཆོད་པ་སོ་སོར་ཕུལ་བར་བསྒོམ་ཞིང་། ཡན་ལག་བརྒྱད་ལྡན་སྨན་གྱི་ཆབ། །མི་ཁྲག་གྲི་ཁྲག་དང་འདྲེས་པའི། །དུག་ཆུ་ཁོལ་མའི་མཆོད་ཡོན་འདི། །མགོན་པོ་འཁོར་བཅས་མདུན་དུ་འབུལ། །པདྨ་ཨུཏྤལ་སྔོན་པོ་དང་། །བཙན་དུག་ར་དུག་དུག་ཤིང་གི །མེ་ཏོག་སྔོན་པོ་དྲི་ངད་ཅན། །མགོན་པོ་འཁོར་བཅས་དབུ་ལ་འབུལ། །གུ་གུལ་ཨ་ག་རུ་དག་དང་། །རྔ་མོང་བོང་བུའི་བདུད་རྩི་དང་། །ཤ་ཆེན་ཚིལ་ཆེན་བདུག་སྤོས་འདི། །མགོན་པོ་འཁོར་བཅས་ཤངས་ལ་འབུལ། །རྩི་དམར་འབྲུ་མར་སྣང་གསལ་དང་། །ར་ཚིལ་ཁྱི་ཚིལ་ཕག་ཚིལ་

[Full Size]

དང་། །ཞུན་ཆེན་སྣང་གསལ་སྒྲོན་མེ་འདི། །མགོན་པོ་འཁོར་བཅས་སྤྱན་ལ་འབུལ། །ཙན་དན་ག་པུར་གླ་རྩི་དང་། །ཤ་རུས་ཁྲག་རུལ་དུག་སྦྱར་བའི། །དམར་ནག་འཁྲུགས་པའི་དྲི་ཆབ་འདི། །མགོན་པོ་འཁོར་བཅས་ཐུགས་ཀར་འབུལ། །རོ་བརྒྱ་ལྡན་པའི་ཟས་མཆོག་དང་། །ནས་ནག་ཏིལ་ནག་བྲ་བོ་ནག །ཚིགས་མ་ནག་པོའི་ལྷ་བཤོས་འདི། །མགོན་པོ་འཁོར་བཅས་ཞལ་དུ་འབུལ། །རྔ་དང་རྗེའུ་ཆུང་ཏིང་ཏིང་ཤིག །མི་རྐང་གླིང་བུ་ཌ་མ་རུ། །རོལ་མོ་སིལ་སྙན་གྱེར་མ་དབྱངས། །མགོན་པོ་འཁོར་ཟློབཅས་སྙན་ལ་འབུལ། །ཤེས་རབ་མ་ད་ན་ཡི་ཆང་། །ཐབས་ཀྱི་མཾ་ས་བ་ལ་ཟན། །དམ་རྫས་བདུད་རྩིའི་ཚོགས་ཕུད་འདི། །མགོན་པོ་འཁོར་བཅས་ལྗགས་ལ་འབུལ། །བཛྲ་མ་ཧཱ་ཀཱ་ལ་དྷེ་ཝི་དྷརྨ་པཱ་ལ་ས་པཱ་རི་ཝཱ་ར་ཨབྷཾ་པུཥྛ་དྷུ་པེ་ཨཱཿ་ལོ་ཀེ་གནྡྷེ་ནེ་ཝི་དྱ་ཤརྡ་པྲ་ཏིཙྪ་སྭཱ་ཧཱ། པཉྩ་ཨ་མྲྀ་ཏ་ཨོཾ་ཨཱཿཧཱུྃ། དེ་ནས་རྟེན་རྫས་དཔག་ཏུ་མེད་པ་ཡིད་ཀྱིས་སྤྲུལ་ནས་འབུལ་བ་ནི། ཆར་སྤྲིན་གཡོ་བ་དང་མཚུངས་རྔ་རྫོག་བཟང་། །གློག་གི་ཞགས་ལྟར་མྱུར་མགྱོགས་གོམ་སྟབས་ཅན། །རླུང་གི་ཤུགས་དང་འདོད་དགུའི་འགྲོས་ལྡན་པ། །མྱུར་མགྱོགས་རྒྱན་

[Full Size]

གྱིས་བརྒྱན་པ་གྲངས་མེད་འབུལ། །འདམ་བུའི་ཚལ་བཞིན་རིང་ཞིང་རྩུབ་པ་ཡི། །སྤུ་ཞོན་གྱིས་གཡོགས་མདུང་རྩེ་ལས་རྣོ་རྭ། །ཡན་ལག་རགས་ཤིང་སྤུ་གྲིའི་རྨིག་པ་ཅན། །གཡག་ནག་རྒྱན་དང་ལྡན་པ་གྲངས་མེད་འབུལ། །རི་དྭགས་དགྲ་ལྟར་དྲག་གཏུམ་མི་ཟད་རྔམ། །ཁ་གདངས་མཆེ་གཙིགས་རོ་འཛིན་བསྐྱོད་པ་ནི། །མུན་ནག་གློག་ཕྲེང་ཟླ་ཕྱེད་འགྲོགས་པ་བཞིན། །ནོར་སྐྱོང་གཏུམ་པོ་རྒྱན་གྱིས་བརྒྱན་ཏེ་འབུལ། །མུན་པ་ལྟར་ནག་སྤྱི་ཡི་ཚོགས་འཁྲུགས་ཤིང་། །དུང་ལྟར་དཀར་བའི་རྭ་འཁྱིལ་རྣམ་པར་མཛེས། །གསེར་སྦྱངས་བཙོ་མའི་མདངས་ཆགས་མིག་གཡོ་བ། །ལུག་ནག་རྒྱན་དང་ལྡན་པ་གྲངས་མེད་འབུལ། །གནམ་ལྕགས་བབ་ཀྱང་འབིགས་པར་མི་བཟོད་ཅིང་། །གཡུལ་གྱི་མཚོན་ཆའི་རྣོ་ངར་ཉམས་བྱེད་པ། །གཏུམ་པོའི་ལུས་ལ་མི་ཤིགས་སྐྱོབ་པ་ཡིས། །དངུལ་ཆུ་ལྟར་འཚེར་ཁྲབ་རྣམས་ཁྱོད་ལ་འབུལ། །སྤྲིན་དཀར་དུམ་བུ་ཕུང་པོར་གྱུར་པ་བཞིན། །བཅུ་དྲུག་བྱང་བུ་སྡེབ་པའི་རྨོག་བཟང་པོ། །ཀླད་ན་གངས་ཀྱི་རི་ལས་རྔམ་པ་ལ། །ཕོད་དཀར་ལྡན་པ་དུ་མ་ཁྱོད་ལ་འབུལ། །ཆང་ཟུང་རབ་བརྟེན་ལོག་ཀུན་མེ་

[Full Size]

རིའི་འཁྱུག །མཆོག་ཏུ་མཁྲེགས་པའི་ངར་ལྡན་རབ་རྣོ་བ། །གང་ལ་འདེབས་པར་བགྱིས་པ་ཐལ་བར་རློགས། །རལ་གྲི་དུ་མ་ཁྱོད་ལ་གུས་པས་འབུལ། །རླུང་ལྟར་མགྱོགས་པའི་རྟ་ནག་རྟིང་དཀར་དང་། །གཡག་ནག་རུ་རྣོ་སྤུ་ཞོལ་བརྗིད་ཅིང་ཆེ། །ཁྱི་ནག་དོམ་བུ་གཏུམ་ཞིང་འཇིགས་པའི་གཟུགས། །ལུག་ནག་རྒྱན་ལྡན་ཚོགས་རྣམས་འབུལ་བར་བགྱི། །གཞོམ་མེད་རྡོ་རྗེའི་གོ་ཆ་དུ་མ་དང་། །ཕ་རོལ་བདུད་དཔུང་འཇོམས་པའི་མཚོན་ཆའི་ཚོགས། །ཕྱི་ནང་གསང་བའི་རྟེན་རྫས་སྒྲུབ་རྫས་དང་། །བདུད་རྩི་སྨན་དང་རཀྟ་བ་ལིཾ་ཏ། །མཆོད་པའི་སྤྲིན་ཕུང་བསམ་མི་ཁྱབ་པར་འབུལ། །དེ་ནས་བསྟོད་པའི་གོ་རིམ་བསྒྲིགས་ནས་བསྟོད་པར་བྱ་སྟེ། རྩ་བ་གསུམ་སྤྱིར་བསྟོད་པ་ནི། ཨོཾ་ཨཱཿཧཱུྃ་ཧོཿ གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་བདག་སྐྱབས་མཆི། །དང་པོར་མེ་ཏོག་ཕོག་པའི་ལྷ། །དཀྱིལ་འཁོར་ལྷ་ཚོགས་རྣམས་ལ་འདུད། །སྐལ་པར་ལེགས་སྤྱད་སྨོན་ལམ་གྱི། །དུས་འདིར་ལྷག་པའི་ལྷར་གྱུར་

[Full Size]

པ། །དཔལ་ལྡན་ཁྲག་འཐུང་ཧེ་རུ་ཀ །ཡི་དམ་ལྷ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པ་འཆིང་གཅོད་ཅིང་། །འཇིག་རྟེན་བྱ་། བར་རབ་འཇུག་ཅིང་། །དེ་སྙེད་རྣམས་ལ་ཕྱག་འཚལ་བསྟོད། །ཨོ། སྐུ་ལ་ཚད་མེད་བགྲང་དུ་མེད། །ནམ་མཁའ་དང་ནི་མཉམ་འབྱུང་ཞིང་། །སྣ་ཚོགས་དབང་ཕྱུག་མི་ཕྱེད་པ། །རྡོ་རྗེའི་སྐུ་ལ་ཕྱག་འཚལ་ལོ། །ༀ། བརྗོད་དུ་མེད་པའི་ངང་ཉིད་ལས། །ཚངས་པ་ལ་སོགས་སྙན་པའི་དབྱངས། །ཕྱོགས་བཅུ་ཀུན་ཏུ་སྒྲོག་མཛད་པ། །རྣམ་དག་གསུང་ལ་ཕྱག་འཚལ་བསྟོད། །ཧཱུྃ། ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་ལ་སོགས་པ། །རྟོག་པ་ཀུན་ལས་རྣམ་གྲོལ་བ། །ཡེ་ཤེས་ཐུགས་ལ་ཕྱག་འཚལ་བསྟོད། །དེ་ནས་ཆོས་སྐྱོང་གཙོ་ཆེ་བ་རྣམས་ལ་སོ་སོར་བསྟོད་པ་ནི། ཧཱུྃ། དྲེགས་པ་མཐིང་ནག་ཁྲོ་བོའི་གདོང་། །རྟ་ཞལ་ལྗང་ནག་གཙུག་ནས་འཚེར། །རལ་གྲི་ཕྱར་ཞིང་བྷན་འཛིན། །དར་གྱི་འཇོལ་བེར་བརྩེགས་མར་གསོལ། །གསེར་སྐད་སྐེད་བཅིངས་དུར་ཁྲོད་བརྒྱན། །སག་རིའི་ལྷམ་གསོལ་སྟག་ལ་ཆིབས། །སྟོབས་ལྡན་པདྨ་དབང་གི་

[Full Size]

སྐུ། །དྲག་ཤུལ་ཅན་ལ་ཕྱག་འཚལ་བསྟོད། །ཧཱུྃ། བདེ་གཤེགས་ཐུགས་རྗེའི་སྐུར་སྤྲུལ་པ། །སེམས་ཅན་ཀུན་ལ་མགོན་སྐྱབས་མཛོད། །འོག་མིན་གནས་ན་བཞུགས་པ་ལ། །རབ་ཏུ་བཏུད་དེ་ཕྱག་འཚལ་བསྟོད། །བཅོམ་ལྡན་འདས་ཀྱི་སྐུར་སྟོན་པ། །འདྲེན་པ་འཇིག་རྟེན་མཁའ་འགྲོའི་གཙོ། །དྲག་པོ་མ་རུངས་འདུལ་མཛད་པ། །མ་ཧཱ་ཀཱ་ལར་ཕྱག་འཚལ་བསྟོད། །འཇིག་རྟེན་ལ་གནས་གདུག་པ་འདུལ། །དུར་ཁྲོད་མ་མོ་རྣམས་ཀྱི་གཙོ། །ལྷ་ཆེན་འཇིགས་པའི་སྐུར་སྟོན་པ། །འཇིག་རྟེན་མགོན་ལ་ཕྱག་འཚལ་བསྟོད། །ལྷ་མོ་ནག་མོ་མཐུ་མོ་ཆེ། །འཕགས་མ་ཁྱོད་ལ་ཕྱག་འཚལ་བསྟོད། །འཇིག་རྟེན་འདི་ན་མཐུ་རྩལ་ཆེ། །བདག་གིས་ཁྱོད་ལ་བསྟོད་ལགས་ན། །བཀྲ་ཤིས་མཆོག་གྲུབ་སེམས་བདེར་སྩོལ། །ཧཱུྃ། རང་བཞིན་རྣམ་དག་དབྱིངས་ཉིད་ལས། །ཐུགས་རྗེ་ཆེན་པོའི་སྐུར་སྤྲུལ་པ། །སྐྱེ་མེད་ངང་ལས་འཇིགས་བྱེད་སྐུ། །བསྟན་པ་བསྲུང་ཕྱིར་ཐུགས་བརྩེ་བ། །དཔལ་ལྡན་མགོན་པོར་ཕྱག་འཚལ་བསྟོད། །དཔལ་ལྡན་ལྷ་མོ་རང་བྱུང་མ། །སྐུ་གསུང་ཐུགས་ཀྱི་སྤྲུལ་པ་ནི། །རེ་མ་ཏི་དང་རེ་མ་ཛ། ་།རེ་མ་ཛུ་ལ་

[Full Size]

སོགས་པ་སྟེ། །ནག་མོ་འཁོར་དང་བཅས་ལ་བསྟོད། །བླ་མ་མགོན་པོ་དབྱེར་མེད་ལ། །བདག་ནི་གུས་པས་ཕྱག་འཚལ་བསྟོད། །བདག་དང་སེམས་ཅན་ཐམས་ཅད་ཀྱི། །བར་ཆད་ཐམས་ཅད་བསལ་དུ་གསོལ། །ཧཱུྃ། ཆོས་སྐུ་སྐྱེ་མེད་ཀུན་ཏུ་བཟང་། །ལོངས་སྐུ་ཆེ་མཆོག་ཧེ་རུ་ཀ །སྤྲུལ་སྐུ་མ་ནིང་ཁྲོ་བོའི་རྒྱལ། །ལྷ་ཆེན་དཔལ་འབར་ཕྱག་འཚལ་བསྟོད། །ཧཱུྃ། ཏྲཀྐད་བདུད་ཀྱི་མགོན་པོ་ནི། །ནག་པོ་ཐོད་པའི་ཕྲེང་བ་ཅན། །ཁྲག་གི་མིག་ལ་རལ་པ་དམར། །ལག་ན་དམར་པོ་མདུང་ཞགས་ཟླ་བསྣམས། །བེར་ནག་རྟ་ནག་ཅན་ལ་བསྟོད། །རིག་སྔགས་དྲག་པོ་མི་བཟློག་ཅིང་། །བྱད་མ་རང་གཤེད་འབེབས་པར་བྱེད། །སྒྲུབ་པ་པོ་ལ་སྙིང་ཉེ་ཞིང་། །དངོས་གྲུབ་མྱུར་དུ་སྩོལ་བའི་ལྷ། །རྒྱལ་བའི་བསྟན་པའི་སྲུང་མ་ཆེ། །རྣལ་འབྱོར་ཡོངས་ཀྱི་བཀའ་སྡོད་མཆོག །ཕྲིན་ལས་རྒྱ་མཚོར་མངའ་མཛད་པ། །ཞིང་སྐྱོང་ཁྱོད་ལ་གུས་པས་བསྟོད། །ཧཱུྃ། སྤྱན་རས་གཟིགས་དབང་སྤྲུལ་པའི་སྐུ། །དབང་ཕྱུག་ཆེན་པོ་ལྷག་པའི་ལྷ། །སངས་རྒྱས་འབྱུང་བའི་སྔར་འོང་ནས། །ལམ་གོལ་ལྟ་བ་སྟོན་མཛད་ཅིང་། །

[Full Size]

སྲིན་ཡུལ་མགོན་པོ་ཐོད་ཕྲེང་ཅན། །གདོང་བཞི་པ་དང་བྲམ་ཟེའི་གཟུགས། །རྣམ་འགྱུར་ཉེར་གཅིག་ལྡན་ལ་བསྟོད། །ཧཱུྃ། བྲག་ལྷ་མགོན་པོ་ལྷ་དེ་པོ། །སྐུ་མདོག་མཐིང་ནག་འཇིགས་པའི་གཟུགས། །ཞལ་གཅིག་ཕྱག་གཉིས་གཡས་རུ་མཚོན། །གཡོན་པའི་ཕྱག་ན་ཐོད་ཁྲག་འཛིན། །སྐུ་ལ་དར་ནག་ཕོད་ཀ་གསོལ། །རྟ་ནག་རླུང་གཤོག་ཆིབས་ལ་བསྟོད། །མགོན་པོ་མདུང་འཛིན་ཞལ་གཅིག་པ། །ཕྱག་བཞི་ཁྲོས་པའི་ཆ་ལུགས་མདོག །མདུང་དར་གཉིས་དང་འོག་རྡོ་རྗེ། །བྷནྡྷ་འཛིན་ཅིང་རྟ་དང་རླུང་། །གློག་ཞོན་འཇིག་རྟེན་ཉུལ་ལ་བསྟོད། །ཧཱུྃ། སྨན་བཙུན་དཔལ་མོ་འཛོམས་པ་སྐྱིད། །དང་པོ་སྲིད་པ་ཆགས་བྱེད་ཅིང་། །ཨེ་ཀ་ཙ་ཊི་མཐུ་མོ་ཆེ། །མུ་སྟེགས་ལྷ་མོ་སྲོག་སྒྲུབ་མ། །བོད་སྐྱོང་ལྷན་ཅིག་སྐྱེས་མ་སྟེ། །དྲག་མོར་བཞེངས་ཚེ་སྤྱང་ཞོན་མ། །ལས་བྱེད་ཆེན་མོ་རེ་མ་ཏི། །ཤིན་ཏུ་ཁྲོས་ཚེ་རག་གདོང་མ། །སྲིད་གསུམ་ཤ་ཟ་ཁ་མོ་ཆེ། །ཆེ་ཞེ་ཆེན་མོ་ཁྱོད་ལ་བསྟོད། །ཀླུ་ཡི་རྒྱལ་པོ་སོག་མ་མེད། །གསེར་གྱི་མདོག་ཅན་གཞོན་ནུའི་གཟུགས། །སངས་རྒྱས་སྟོང་གི་ཕྲིན་ལས་མཛད། །སྔགས་བདག་

[Full Size]

སྐུ་ལ་ཕྱག་འཚལ་བསྟོད། །ཧཱུྃ། མི་མགོན་དཀར་པོ་སྐུ་མདོག་དཀར། །ཕྱག་གཉིས་ཐུགས་ཀར་བུམ་པ་འཛིན། །སྦྲུལ་མགོ་སྟོང་གི་གདེངས་ཀ་ཅན། །སྐུ་སྨད་སྦྲུལ་དུ་འཁྱིལ་ལ་བསྟོད། །ཧཱུྃ། ཀླུ་ཆེན་དགུ་པོ་འཁོར་དང་བཅས། །རྒྱལ་རིགས་རྗེའུ་རིགས་བྲམ་ཟེའི་རིགས། །དམངས་རིགས་གདོལ་པའི་རིགས་གྱུར་པའི། །ཀླུ་རྣམས་ཀུན་ལ་བདག་ཅག་དང་། །ཡོན་བདག་འདི་ཕྱི་སྔ་མ་ཀུན། །ཐུགས་དང་འགལ་བར་གང་གྱུར་པ། །མཐོལ་ལོ་བཤགས་སོ་བཟོད་པར་གསོལ། །ཧཱུྃ། ཆོས་དབྱིངས་སྐྱེ་བ་མེད་པ་ལས། །ཐུགས་རྗེས་གཟུགས་ཀྱི་སྐུར་སྤྲུལ་ནས། །འགྲོ་བའི་དོན་དུ་བྱོན་པ་ཡི། །རྫུ་འཕྲུལ་སྣ་ཚོགས་སྟོན་མཛད་མ། །གཙོ་མོ་བཀྲ་ཤིས་ཚེ་རིང་མ། །མཁའ་འགྲོའི་དབང་ཕྱུག་ལྔ་ལ་བསྟོད། །ཆོས་དང་ཡེ་ཤེས་དམ་ཚིག་ལྷ། །དབང་གི་ལྷ་མོ་སྤྲུལ་པའི་སྐུ། །ཤ་ཟ་ལས་ཀྱི་མཁའ་འགྲོ་སྟེ། །ཕྲིན་ལས་སྣ་ཚོགས་དེ་ལ་འདུད། །བྷྱོཿ བཀའ་ཡི་ཚོགས་དང་བཅས་ཉིད་དུ། །ཁྲག་འཐུང་དེ་བཞིན་ནམ་མཁའི་སྐུ། །ཚུར་གཤེགས་ཚུར་བྱོན་སྐྱོང་མ་རྣམས། །འདིར་བྱོན་དམ་སྐོང་མཆོད་གཏོར་

[Full Size]

བཞེས། །རྒྱ་གར་ཡུལ་དུ་ཏིང་ཏིང་ཤག །གཡུང་དྲུང་བོན་གྱི་འཕྲུལ་ཏིང་ཞང་། །ཀོང་ཡུལ་མཐིལ་དུ་དེ་མོ་ཞེས། །གུ་རུའི་དྲུང་དུ་བོད་སྐྱོང་མ། །ཁྱོད་ལ་བསྟོད་ཅིང་མཆོད་པ་འབུལ། །ཧཱུྃ། ཇོ་བོ་ཚོགས་བདག་སྐུ་མདོག་དམར། །ཞལ་གཅིག་ཕྱག་བཞི་གླང་ཆེན་དབུ། །གཡས་གཉིས་ནོར་བུ་ལྕགས་ཀྱུ་སྟེ། །གཡོན་གཉིས་ཞགས་པ་ནེའུ་ལེ་འཛིན། །ནེའུ་ལེ་བྱི་བའི་གདན་སྟེང་དུ། །ཞབས་གཉིས་ཕྱེད་པའི་སྐྱིལ་མོས་བཞུགས། །ཁྱེད་ལ་མཆོད་འབུལ་བསྟོད་པར་བགྱི། །ཟབ་གཏེར་གཉན་གྱི་བཀའ་སྲུང་བ། །དགེ་བསྙེན་ཤེའུ་མཁའ་རི་ནི། །ལྕམ་དང་བཅས་པ་མཆོད་ཅིང་བསྟོད། །སྔོན་གྱི་དམ་བཅའ་བརྩེར་དགོངས་ལ། །བདག་དང་པད་འབྱུང་སྤྱད་དུ་གསོལ། །ཧཱུྃ། ཀླུ་བཙན་རྣམས་ཀྱི་དེད་དཔོན་མཆོག །ཀླུ་རྗེ་ཐོད་དཀར་ཆེན་པོའི་སྲས། །ཀླུ་མཚོ་མེར་བའི་ནང་ཤེད་ནས། །ཀླུ་རྒྱལ་ཆེན་པོ་ཁྱོད་ལ་བསྟོད། །ཐང་ལྷ་སྨྱོ་ཁ་ལ་སོགས་པ། །གནས་བརྒྱད་མཚན་བརྒྱད་ལྡན་ལ་བསྟོད། །བར་བློན་ཆེན་པོ་བྱིས་ར་དང་། །མཚོ་སྨན་འཁོར་དང་བཅས་ལ་བསྟོད། །གདུག་འདྲེའི་གནོད་པ་ཐུབ་པར་སྲུངས། །བསྟན་པ་དར་ཞིང་

[Full Size]

རྒྱས་པར་མཛོད། །སྤྲུལ་པ་ཀླུ་བཙན་རྒྱུག་པའི་ཚེ། །དགྲ་དང་བགེགས་ཀྱི་སྲོག་རྩ་ཆོད། །དགེ་བསྙེན་ཆེན་པོར་སྤྲུལ་ཙམ་ན། །མ་རུངས་འཇིགས་པའི་ཆོ་འཕྲུལ་སྟོན། །གནོད་སྦྱིན་ཆེན་པོར་སྤྲུལ་པའི་ཚེ། །སྒྲུབ་པ་པོ་ལ་དངོས་གྲུབ་སྟེར། །མི་བརྫུ་དགུ་བརྫུ་སྟོབས་པོ་ཆེ། །སངས་རྒྱས་བསྟན་པའི་བྱ་ར་བ། །རིན་ཆེན་གཏེར་གྱི་སྲུང་མ་མཆོག །རྫུ་འཕྲུལ་ཅན་ལ་བདག་བསྟོད་དོ། །རང་རང་དགྱེས་པའི་མཆོད་གཏོར་འབུལ། །སྔར་བྱས་ལས་ཀྱི་གཏང་རག་དང་། །ཕྱི་བྱེད་ལས་ཀྱི་གཉེར་ཟས་མཛོད། །ཧཱུྃ། ཁྱད་པར་མོན་ཁམས་མཐིབ་བུའི་ཡུལ། །བདེ་ཆེན་གནས་ནས་བཙན་རྒོད་རྒྱལ། །རིག་འཛིན་བླ་མའི་བཀའ་སྐྱོང་བ། །ཇག་པ་མེ་ལེན་ཁྱོད་ལ་བསྟོད། །སངས་རྒྱས་ཆོས་ཀྱི་བསྟན་སྲུང་མཆོག །ཆོས་སྐྱོང་ཡོངས་ཀྱི་རྣོ་མདིལ་ཏེ། །གདོང་རིགས་ཡོངས་ཀྱི་ཕོ་ལྷ་བ། །ཐང་ལྷ་འབར་བ་མཆོད་ཅིང་བསྟོད། །ཧཱུྃ། སྐྱེས་བུ་ངོམ་རྒྱལ་སྐུ་མདོག་དཀར། །སྐུ་ལ་དུང་གི་ཁྲབ་རྨོག་གསོལ། །ཕྱག་གཡས་མདུང་དར་གཡོན་ནོར་བུ། །ཁྲབ་ལྡན་སྨུག་པོ་མདངས་དང་ལྡན། །བེར་ཆེན་དམར་པོ་སྐུ་

[Full Size]

ལ་གསོལ། །ཆིབས་སུ་རྟ་དཀར་འཕུར་ཤེས་ཆིབས། །སྔོན་པོ་མདངས་ལྡན་སྒ་ཡི་སྟོད། །ལྗང་གུ་མདངས་ལྡན་སྒ་གདན་བྱས། །སྟག་རལ་གཡས་ལ་གཟིག་ཤུབས་གཡོན། །ཁྱོད་ལ་མཆོད་ཅིང་བསྟོད་པར་བགྱི། །ཤར་གྱི་རྨ་གཉན་སྤོམ་ར་ནི། །རྨ་རིགས་སུམ་བརྒྱ་དྲུག་ཅུ་དང་། །སྲིང་ལྕམ་བཞི་བཅུ་ཞེ་ལྔར་བཅས། །སྤོམ་ར་འཁོར་བཅས་མཆོད་ཅིང་བསྟོད། །གཞན་ཡང་སྨོན་སྐྱེས་མཆེད་གསུམ་དང་། །གཏམ་རྒྱལ་མདོ་ཟོ་ལ་སོགས་པའི། །མགོན་ཞིང་སྡོང་གྲོགས་བྱེད་རྣམས་ལ། །མཆོད་དོ་བསྟོད་དོ་ངོ་སོ་བསྟོད། །བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་རྣམས་ལ་ཕྱག་འཚལ་བསྟོད། །བརྩོན་པས་གོ་བགོས་མཐུ་སྟོབས་ཅན། །སངས་རྒྱས་བསྟན་པ་ལེགས་སྐྱོང་བའི། །ཤར་ལྷོ་ནུབ་བྱང་ཕྱོགས་བཞི་ཡི། །རྒྱལ་ཆེན་བཞི་ལ་ཕྱག་འཚལ་བསྟོད། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱིས། །ལུས་བཏུད་པས་ནི་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། །དེ་ནས་གཏོར་མ་བསྲེ་མི་རུང་བའི་གུད་དུ་དགོས་པའི་ཆོས་

[Full Size]

སྐྱོང་རྣམས་མ་གཏོགས་པའི་གཏོར་བསྔོས་དང་གཏོར་ཆོག་མདོར་བསྡུས་ཚང་བ་ཡིན་ལ། ཅུང་ཞིག་རྒྱས་པར་སྤྲོ་ན་མ་མགོན་གཉིས་ཀྱི་བསྟོད་པ་རྣམས་དང་། བསྟོད་པ་གཞན་ཅི་རིགས་སྦྱར། དེ་ནས་གསོལ་ཀ་བསྐང་བ་གཏོར་འབུལ་རྣམས་སྐབས་དང་བསྟུན་ཏེ་རྒྱས་བསྡུས་ཅི་འདོད་སྦྱར་བར་བྱའོ། །འདིར་མགོན་པོ་དང་ལྷ་མོ་གཉིས་ཀྱི་བསྐང་བརྒྱད་གཉིས་ཐོན་ན་བྱིན་རླབས་ཆེའོ། །བསྟོད་པ་རྣམས་རྫོགས་རྗེས་བསྙེན་པ་བྱེད། དེ་ནས་ཚོགས་བྱེད་པ་རྙིང་མའི་ལུགས་སོ།། ༈ དེ་ནས་རྗེས་ཆོག་ནི་མཆོད་པའི་རྫས་སླར་ཡང་དཔག་ཏུ་མེད་པ་ཡིད་ཀྱིས་སྤྲུལ་ཏེ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་མ་ཧཱ་ཀཱ་ལ་དྷེ་ཝི་ཀཱ་ལི་སརྦ་དྷརྨ་པཱ་ལ་ས་པཱ་རི་ཝཱ་ར་ཨརྒྱུ་པཱདྱེ་པུཊྚེ་དྷུ་པེ་ཨ་ལོ་ཀེ་གནྡྷེ་ནེ་ཝི་ཏྱཱ་ཤབྡ་པྲ་ཏཱིཙྪ་སྭཱ་ཧཱ། ཧཱུྃ། ཌཀི་བྱེ་བ་འབུམ་གྱིས་རབ་བཏུད་ཅིང་། །བཅོམ་ལྡན་རྡོ་རྗེ་བདེ་བས་ཡང་དག་འཁྱུད། །བདེ་ཆེན་ལྷུན་གྲུབ་མི་ཕྱེད་གོ་འཕོང་བརྙེས། །རྒྱལ་བ་ཀུན་ཡབ་ཁྱོད་ལ་ཕྱག་འཚལ་བསྟོད། །དཔལ་ཆེན་འཁོར་བཅས་སྤྱན་སྔ་རུ། །ནོངས་པ་མཆིས་ཚད་བཤགས་པར་བགྱི། །འདིར་ནི་བདག་ཅག་འཁོར་བཅས་ཀྱི། །ཉོན་མོངས་དབང་གྱུར་མི་ཤེས་པ། །མ་གུས་པ་དང་བག་མེད་པས། །ཁ་ན་མ་ཐོ་བགྱིས་པ་དང་། །དམ་ཚིག་མི་ལྡན་པ་དག་དང་། །ཚོགས་འདྲེས་སྤྱོད་

[Full Size]

ལམ་གཅིག་ཏུ་འདྲེས། །བསྙེན་དང་སྒྲུབ་ལ་མ་བརྩོན་དང་། །སྲུང་མ་ཁྱད་པར་ཅན་རྣམས་ཀྱང་། །དུས་སུ་མ་མཆོད་མ་གསོལ་ཞིང་། །ལོ་དང་ལོ་ལས་འདས་པ་དང་། །ཟླ་བ་ལས་འདས་ཞག་དམ་ཆག །སྒྲུབ་པའི་གཞུང་ཉམས་བཟླས་བརྗོད་ཉུང་། །མི་དགེ་བཅུ་ཡི་དབང་གིས་ནི། །ངན་སོང་སྐྱེ་བའི་ལས་བསགས་པ། །ལྷ་མི་གསལ་ཞིང་སྔགས་མ་དག །བསྐྱེད་རིམ་འཕྲོ་འདུ་མ་གསལ་ཞིང་། །ཁས་བླངས་ཐོག་ཏུ་མ་ཁེལ་བ། །ཐུགས་དང་འགལ་བ་ཐམས་ཅད་ནི། །སྤྲོས་མེད་རྣམ་པར་མི་རྟོག་པའི། །ངང་ལས་ཐུགས་རྗེའི་མཐུ་སྟོབས་ཀྱིས། །དབང་ཕྱུག་ཁྱེད་རྣམས་སྤྱན་སྔར་ནི། །མཐོལ་ལོ་བཤགས་སོ་བཟོད་པར་གསོལ། །མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་རྩལ་བ། །དེ་ཀུན་མགོན་པོས་བཟོད་པར་གསོལ། །ཨོཾ་བཛྲ་སཏཱ་ས་མ་ཡ་སོགས། སཏཱ་ཨཱཿབར། ལྷ་མོ་ཚད་མ་དམ་ཚིག་ཚད་མ་དང་། །དེས་གསུངས་ཚིག་ཀྱང་མཆོག་ཏུ་ཚད་མ་སྟེ། །བདེན་པ་དེ་ཡིས་ལྷ་མོ་མཆོག་གིས་ནི། །བདག་ཅག་རྗེས་སུ་འཛིན་པའི་རྒྱུར་གྱུར་ཅིག །ཚེ་དང་བསོད་ནམས་དཔལ་

[Full Size]

འབྱོར་འཕེལ། །སྒྲུབ་པའི་རྟགས་དང་མཚན་མ་བརྙེས། །དཔལ་ལྡན་མགོན་པོ་འཁོར་བཅས་ཀྱི། །ཞལ་མཐོང་དངོས་གྲུབ་ཐོབ་གྱུར་ཅིག །དགེ་བ་འདི་ཡིས་མྱུར་དུ་བདག །ཡེ་ཤེས་མགོན་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག་།རྟེན་མེད་ན། ཨོ། ཁྱེད་ཀྱིས་སེམས་ཅན་དོན་ཀུན་མཛད། །སོགས་ནས། བཛྲ་མུ༔ ཞེས་གཤེགས་གསོལ་བྱེད་པར་གསུངས་ནའང་། རྒྱུན་དུ་སྐུ་གསུང་ཐུགས་རྟེན་མེད་དུ་མི་འོང་བས། ཁྱེད་ཀྱི་ཐུགས་རྗེས་འགྲོ་བའི་ཀུན་དོན་མཛད། །ཐུན་མོང་མཆོག་གི་དངོས་གྲུབ་བསྩལ་དུ་གསོལ། །ཆོས་སྐུ་ཞི་བའི་དབྱིངས་སུ་བཞུགས་ནས་ཀྱང་། །གཟུགས་སྐུ་འགྲོ་བའི་དོན་དུ་རྟག་བཞུགས་གསོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་པས་ཡེ་ཤེས་པ་རྣམས་རྟེན་ལ་ཐིམ་པར་བསམ། འཇིག་རྟེན་པ་ལ། མཆོད་སྦྱིན་གནས་འདིར་གང་ལྷགས་པ། །སོགས། །སརྦ་བྷུ་ཏ་གཙུས། གཤེགས་པར་གསུངས་ཀྱང་དམ་ཅན་སོགས་གཤེགས་རུང་མི་རུང་བ་མང་བས། ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་

[Full Size]

དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །བདག་ཅག་ལྕམ་དྲལ་ཐུགས་ཀྱི་དཀྱིལ་འཁོར་དུ། །འགྱུར་བ་མེད་པར་ལྷུན་གྱིས་གྲུབ་པ་དང་། །རབ་འབྱམས་རྒྱལ་བའི་བཀའ་ལ་དབང་ཐོབ་པའི། །འགྲོ་ཀུན་དཔལ་དུ་འགྱུར་བའི་བཀྲ་ཤིས་ཤོག །དཀྱིལ་འཁོར་གཞལ་ཡས་འདིར་ཡང་བཀྲ་ཤིས་ཤིང་། །ཉིན་ཡང་བཀྲ་ཤིས་དཔལ་འབར་ཏ་ལ་ལ། །མཚན་ཡང་བཀྲ་ཤིས་དཔལ་འབར་ཀྱི་ལི་ལི། །ཉིན་མཚན་རྟག་ཏུ་བཀྲ་ཤིས་བདེ་ལེགས་ཤོག །མངྒ་ལཾ་སིདྡྷི་ཛ་ཡ་ཨ་ལ་ལ་ཧོ། དེ་ལྟར་རྒྱུན་དུ་གཏོར། བསྔོས་དང་། དུས་སུ་དགུ་གཏོར་སོགས་བྱས་པའི་ཕན་ཡོན་འབྲས་བུ་ཆེན་པོ་ནི། སྒྲིབ་པ་དག་པ་དང་ཚོགས་རྫོགས། འདི་ཕྱིའི་ས་ལམ་གྱི་བར་ཆད་སེལ་བ་དང་། ཐུན་མོང་གི་དངོས་གྲུབ་ཅི་འདོད་པ་འབྱུང་ཞིང་མཆོག་ཕྱག་རྒྱ་ཆེན་པོའི་དངོས་གྲུབ་ཀྱང་ཐོབ་པའི་ཕྱིར། ནོར་བུ་རིན་པོ་ཆེ་ལ་བྱི་དོར་བྱས་ནས་མཆོད་པ་བས་ཀྱང་བརྒྱ་སྟོང་འགྱུར་གྱིས་ཀྱང་ལྷག་པར་ཤེས་པར་བྱའོ། །དེ་ལ་ཡིད་ཆེས་པའི་ལུང་ནི་གཏོར་མའི་ལས་རྒྱུད་ཆེན་པོ་ལས། བཅོམ་ལྡན་འདས་ཀྱིས་བཀའ་སྩལ་པ། །མཆོག་དང་ཐུན་མོང་དངོས་གྲུབ་ནི། །གཏོར་མ་དག་ལ་བརྟེན་ནས་ཐོབ། །རྣལ་འབྱོར་གཏོར་མར་མི་བརྩོན་ན། །དེ་ཡི་བར་ཆད་གང་གིས་སེལ། །ཞེས་དང་། སྤུ་གྲི་ཀླད་གཟེར་རྒྱུད་ལས། །གཏོར་མ་འདི་ལ་

[Full Size]

བརྩོན་བྱས་ན། །བདེ་མཆོག་སྐུ་ཡི་དངོས་གྲུབ་ཐོབ། །ཅེས་དང་། སྲོག་ཟན་ནག་པོའི་རྒྱུད་ལས། གཏོར་མ་འབུལ་ཞིང་བསྟོད་པ་བྱ། །ཐུགས་དམ་བསྐུལ་ཞིང་ཕྲིན་ལས་བཅོལ། །ངེས་པ་ཁོ་ནར་འགྲུབ་པར་འགྱུར། །འགྲུབ་པར་འགྱུར་བའི་ཕན་ཡོན་ནི། །བུ་ནོར་འཁོར་དང་ལོངས་སྤྱོད་རྒྱས། །ཚེ་དང་གྲགས་པ་བསོད་ནམས་ཐོབ། །དཔལ་དང་འབྱོར་པ་གཟི་བརྗིད་རབ་ཏུ་རྒྱས། །རྟ་དང་བ་ལང་དུད་འགྲོ་རྣམས་དང་ལྡན། །བཀྲ་ཤིས་མཐུ་ཆེ་སྔགས་ཀྱིས་དམོད་པ་འགྲུབ། །ཅེས་དང་། བྱ་རོག་བརྩེགས་པའི་རྒྱུད་ལས། མཆོད་དང་གཏོར་མར་གང་བརྩོན་པ། །ངེས་པར་བར་ཆད་མི་འབྱུང་ཞིང་། །དངོས་གྲུབ་མཆོག་རྣམས་ཐོབ་པར་འགྱུར། །ཕྲིན་ལས་རྣམ་བཞི་འགྲུབ་པར་འགྱུར། །ཞེས་དང་། ཁྲག་མཚོ་ཁོལ་མ་སྙིང་འབྱིན་གྱི་རྒྱུད་ལས། དེ་ལྟར་མཆོད་པའི་རྣལ་འབྱོར་པས། །མཐུ་སྟོབས་འབྱོར་པ་གཟི་བརྗིད་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་འབྱོར་པ་ཕུན་སུམ་ཚོགས། །ཞེས་དང་། རྩ་འཇིབ་དུག་རླངས་ཁོལ་མའི་རྒྱུད་ལས། མཚན་ལྡན་ཐོད་པ་ཀ་པཱ་ལར། །འབྲུ་ཆེན་སྨན་དང་རཀྟས་བཀང་། །སྐུ་གསུང་ཐུགས་ཀྱིས་བྱིན་བརླབས་ལ། །རྩ་བའི་སྔགས་ནི་བདུན་གྱིས་འབུལ། །བར་ཆད་སེལ་ཞིང་ཕྲིན་ལས་ཉན། །དམ་ལ་འདུ་ཞིང་དགྲ་བགེགས་འདུལ། །དེ་ཕྱིར་གཏོར་མས་རྒྱུན་དུ་མཆོད། །ཅེས་དང་། དུར་ཁྲོད་ནག་པོའི་རྒྱུད་ལས། །བཅོམ་ལྡན་འདས་ཀྱིས་བཀའ་སྩལ་བ། །ལྷ་ནི་མཉེས་པར་བྱ་བ་དང་། །

[Full Size]

བར་ཆད་ཞི་བར་བྱ་བའི་ཕྱིར། །གཏོར་མ་བཤད་ཀྱིས་ཉན་པར་གྱིས། །ཞེས་དང་། ལྷ་མོ་དངོས་གྲུབ་འབྱུང་རྒྱུད་ལས། ཕུད་དང་གཏོར་མས་དུས་རྣམས་རྟག་ཏུ་མཆོད། །དེ་ལྟར་བྱས་ན་ལུས་དང་གྲིབ་བཞིན་འགྲོགས། །ཞེས་དང་། བྱ་རོག་ཆེན་པོའི་རྒྱུད་ལས། གཏོར་མའི་མན་ངག་འདི་བཞིན་དུ། །ཤེས་པར་བྱས་ལ་དབུལ་བར་བྱ། །སྒྲུབ་པ་པོ་དག་ཚེ་གཅིག་གིས། །ཁྲག་འཐུང་རྒྱལ་པོ་འཐོབ་བྱའི་ཕྱིར། །དེ་ཡིས་ལམ་གྱི་བར་ཆད་སེལ། །ནག་པོ་ཆེན་པོས་བསྟན་པ་བསྲུང་། །ཞེས་དང་། ལྷ་མོ་རྣལ་འབྱོར་དབང་ཕྱུག་རལ་པ་གཅིག་མའི་རྒྱུད་ལས། དེ་བས་ན་སྒྲུབ་པ་པོ་ལ། མཆོད་དང་གཏོར་མའི་དངོས་གྲུབ་སྟེར་བར་བྱེད། ཅེས་དང་། དཔལ་ཤན་པ་ནག་པོའི་རྒྱུད་ལས། །ལྷ་མོ་ནག་མོའི་དངོས་གྲུབ་ཐོབ་འདོད་ན། །མཉེས་པར་བྱ་ཕྱིར་མཆོད་པ་རྟག་ཏུ་འབུལ། །དང་པོ་མཆོད་པའི་རྫས་ཀྱིས་གཏོར་མ་འབུལ། །གཉིས་པ་ལ་ནི་རཀྟའི་གཏོར་མ་སྟེ། །གསུམ་པ་བདུད་རྩི་ཨ་མྲྀ་ཏ་ཡིས་མཆོད། །བཞི་པ་ལ་ནི་གསང་བའི་མཆོད་པའོ། །ཞེས་དང་། མེ་ལྕེ་འབར་བའི་རྒྱུད་ལས། རྡོ་རྗེ་མཁའ་འགྲོའི་དངོས་གྲུབ་མྱུར་བའི་ཕྱིར། །མཉེས་པར་བྱ་ཕྱིར་མཆོད་པ་རྟག་ཏུ་འབུལ། །ཞེས་སོགས་རྒྱ་ཆེར་གསུངས་སོ། །དེ་ཡང་ཕྱག་བཞི་པ་ལ་ཆོས་སྐྱོང་ཐམས་ཅད་ཀྱིས་བསྐོར་རུང་བའི་ལུགས་ནི། ཕྱག་བཞི་པའི་རྒྱུད་གསང་བ་དངོས་གྲུབ་ཀུན་འབྱུང་ལས། དེ་ནས་ཡང་དག་བཤད་བྱ་བ། །དཔལ་ལྡན་ནག་པོ་ཆེན་པོ་འདི། །བཀའ་ཡི་ཚོགས་ཀྱི་འཁོར་གྱུར་པ། །འདི་ནི་ཀུན་ཏུ་

[Full Size]

ཤེས་པར་བྱ། །ལས་ཀྱི་མགོན་པོ་རྣམས་དང་ནི། །ལྷ་མོ་ཆེན་མོ་འཁོར་དང་བཅས། །ལྷ་སྲིན་སྡེ་བརྒྱད་མ་ལུས་པ། །ཕོ་ཉ་མངག་གཞུག་ལས་བྱེད་པའོ། །གཞན་ཡང་ཕྱོགས་སྐྱོང་བཅུ་དང་ནི། །ཀླུ་ཆེན་བརྒྱད་དང་ལྷ་ཆེན་བརྒྱད། །གཟའ་ཆེན་བརྒྱད་དང་རྒྱལ་ཆེན་བཞི། །རྒྱུ་སྐར་ཉི་ཤུ་རྩ་བརྒྱད་དང་། །གནོད་སྦྱིན་བརྒྱད་དང་འཕྲོག་མའི་བུ། །ཤ་ཟ་དང་ནི་མ་མོ་དང་། །འཇིག་རྟེན་པ་དང་དམ་ཚིག་གནས། །ཞིང་སྐྱོང་མ་ལུས་འཁོར་བཅས་སོ། །འདི་དག་ལས་ཀུན་བྱེད་པ་ཡི། །འཇིག་རྟེན་སྐྱོང་བ་བཞི་བཅས་པས། །གྲུབ་པ་རབ་ཏུ་སྩོལ་མཛད་པའི། །ལྷ་དང་ལྷ་མིན་མི་འམ་ཅི། །ལྟོ་འཕྱེ་གྲུལ་བུམ་སྲུལ་པོ་དང་། །ལུས་སྲུལ་གྲིབ་གནོན་སྐེམ་བྱེད་སོགས། །ནམ་མཁའ་ལྡིང་དང་དྲི་ཟ་དང་། །འབྱུང་པོ་མ་ལུས་འདུས་པ་ཀུན། །འདི་དག་སྒྲུབ་ལ་གྲོགས་བྱེད་ཅིང་། །མཐུ་སྟོབས་དཔུང་དང་ནུས་པ་ཡིས། །སྲུང་ཞིང་བར་ཆད་ངེས་པར་སེལ། །སྒྲ་གཅན་འཛིན་པའི་རཱ་ཧུ་ལ། །འདི་ལ་སོགས་པ་་ཐམས་ཅད་ལ། །ཚོགས་ཀྱི་གཏོར་མས་ཆེར་མཆོད་ན། །དཔལ་དང་རྫུ་འཕྲུལ་མྱུར་དུ་སྟེར། །འདི་དག་འཁོར་དང་བཅས་པ་ཡིས། །ཉེ་དང་ཉེ་བའི་མཚན་མ་དང་། །རྟགས་དང་ཆོ་འཕྲུལ་དུ་མ་འབྱུང་། །ཞེས་དང་། དུས་བཞི་དག་ཏུ་གཏོར་མ་འབུལ། །གེགས་མེད་བསོད་ནམས་འཕེལ་བར་བྱེད་པའོ། །འདིར་འཇིག་རྟེན་དང་འཇིག་རྟེན་ལས་འདས་པའི་དཔལ་ཡེ་ཤེས་ཀྱི་མགོན་པོ་ལྕམ་དྲལ་འཁོར་དང་བཅས་པ་རྣམས་ལ་གཏོར་མ་འབུལ་བར་བྱ་སྟེ། ཤ་ཆེན་པོ་

[Full Size]

དང་བཅས་པའི་གཏོར་མ་བཤམས་ལ། ཞེས་སོགས་གསུངས་པའི་དགོངས་པ་ལེན་ལུགས། རྗེ་པདྨ་དཀར་པོས་ནི་གྲུབ་ཆེན་ནག་པོ་པས་མཛད་པའི་ཕྱག་བཞི་པའི་དཀྱིལ་འཁོར་གྱི་ནང་དུ་མ་ནིང་རྟ་ནག་སོགས་གསར་རྙིང་གི་ཆོས་སྐྱོང་གཉེན་ཚད་བཅུག་ནས་དཀྱིལ་འཁོར་ཆོག་དབང་དང་བཅས་པ་གསར་དུ་མཛད་པས་འབྲུག་པའི་མགོན་མང་ཞེས་དར་ཆ་ཆེ་ཞིང་ནུས་པའི་རྟགས་ཀྱང་གཞན་ལས་ཆེ་བར་བྱུང་ཡང་། དེས་ན་ཧ་ཀྱང་རང་བཟོར་འགྱུར་བས། ས་པཎྜི་ཏས། རང་བཟོས་ཆོ་ག་འགྱུར་མི་སྲིད། །ཅེས་གསུངས་པའི་སྐྱོན་དུ་འགྱུར་ཞེས་ལ་ལ་དག་གིས་སྨྲའོ། །དེ་ནས་ཡུལ་བྱང་ཕྱོགས་རྒྱུད་ཀྱི་པཎྜི་ཏ་འཇམ་དབྱངས་བླ་མ་ཆོས་ཀྱི་སྣང་བ་ཅན་གྱིས་ནི་ཕྱག་བཞི་པ་གཙོ་བོར་བྱས་ཏེ། གུར་ཕྱག་དྲུག་པ་མ་ནིང་སོགས་ཆོས་སྐྱོང་རྙེད་ཚད་འཁོར་ལྷ་མགྲོན་རྣམས་གཏོར་མགྲོན་དུ་བསྒྲིགས་ནས་ཆོ་གའི་ཁོག་གཅིག་ཏུ་བྱས་པ་འདི་ནི་རྒྱུད་ཀྱི་དགོངས་པ་སྐྱོན་དང་བྲལ་བ་ཡིན་པས། འདི་ཡང་རྩ་བའི་གཞི་ནི་དེ་ཡིན་པའོ། །དེ་ལ་རྗེ་དབང་ཕྱུག་རྡོ་རྗེས་བསྒྲིགས་པའི་ཆོ་ག་འདི་ནི་རྒྱུད་དང་རྒྱ་གཞུང་དང་རྒྱ་བོད་ཀྱི་གྲུབ་ཆེན་རྣམས་ཀྱིས་མཛད་པ་ཁོ་ན་བསྒྲིགས་པ་ལགས་པས། བྱིན་རླབས་ཤིན་ཏུ་ཆེ་ལ། སྨན་རཀ་གཏོར་གསུམ་འདི་མ་མོ་འབུམ་གྱི་རྒྱུད་ལེའུ་བརྒྱ་དང་བཞི་བཅུ་པ་ནས་དོན་ལྡན་ཞབས་ཀྱིས་ཕྱུངས་བར་སྣང་ལ། བསྟོད་པ་བདེ་གཤེགས་ཐུགས་སྤྲུལ་མ་འདི་རྒྱུད་ཁྲག་མཚོ་ཁོལ་ཆེན་ནས་གསུང་ཞིང་། གཏོར་མའི་ལས་རྒྱུད་ལས། ཆོས་སྐྱོང་གི་བསྟོད་པར་ཡང་གསུངས་པས་བྱིན་རླབས་ཆེ། ཧཱུྃ་སྐྱེས་མ་ནི་ཀླུ་ཡི་བྱང་

[Full Size]

ཆུབ་ཀྱི་རྒྱ་གཞུང་ཡིན་པ་ལ་ནི་ཕྱག་འཚལ་བསྟོད་ཟེར་བ་ཡོད། ཕག་གྲུའི་ཞལ་གཟིགས་དུས་བསྟོད་པ་ལ་བདག་བསྟོད་དོ་ཟེར་བ་ཡོད་དོ། །འོན་ཀྱང་བདག་ཕྱག་འཚལ་དུ་བསྒྱུར་བ་ནི། ཆོ་གའི་ཕྱག་འཚལ་སྐབས་ཡིན་པས་ལེགས་ལ། གཞན་སྤྱན་འདྲེན་དང་བསྟོད་པའི་ཚིགས་བཅད་ཐམས་ཅད་ཟུར་ཙམ་ཁྱབ་ཆེ་ཕྱིར། བསྒྱུར་བ་ཙམ་མ་གཏོགས། རིག་འཛིན་གོང་མ་རྣམས་ཀྱིས་མཛད་པ་ཁོ་ན་ཡིན་ནོ།། ༈ ཁོ་བོས་སྔར་གསར་རྙིང་གི་ཆོ་ག་དང་། གཏོར་བསྔོས་མང་དུ་བཟུང་ནས་ལོ་ཁ་ཤས་སོ་སོར་མ་འདྲེས་པར་བཏོན་ཀྱང་། ད་ནི་ན་སོ་རྒས་ནས་མང་པོ་མི་ལྕོགས་པ་དང་། རྣམ་གྲངས་མང་དྲགས་ན་ཉམས་ལེན་ལ་ཡང་གནོད་པར་འདུག་པས་དུས་ཕྱིས་འདི་ལྟར་བསྲེས་ནས་ལོ་མང་དུ་བཏོན་ན་ཡང་ཧ་ཀྱང་གཉེན་དགོངས་ནས་ཡི་གེར་མ་བཀོད་པ་ལ། གྲྭ་པ་རྣམས་ཀྱང་བསྐང་གསོལ་གཏོར་བསྔོས་རྒྱུན་དུ་བཙུགས་སོང་ནའང་། ཆ་ཚང་པོ་གཅིག་མི་འོང་བ་དང་། མང་དྲགས་ན་འདོན་ཚོད་མི་ཟིན་པར་གདའ་བས་ཡོས་ལོ་ཆོ་ཀ་འཕྲུལ་ཟླ་བའི་བཅུ་དྲུག་ནུབ། མཎྜལ་བརྒྱ་རྩ་དང་མཆོད་གཏོར་ཕུལ་ནས་བྲི་རུང་ངམ་བརྟགས་པས། བྱམས་པའི་ཁྲབ་ནི་དམར་པོའོ། །ཟེར་བའི་སྒྲ་ཞིག་ཉམས་དང་རྨི་ལམ་མཚམས་སུ་ཐོས་པས། བསྲུང་བ་དང་དབང་གི་ཕྲིན་ལས་འགྲུབ་པ་གཅིག་འོང་བར་གོ་ནས་བྲིས་པའི་ཚེ། ཉམས་དང་རྨི་ལམ་མཚམས་སུ། སློབ་དཔོན་པདྨ་དངོས་སུ་བཞུགས་ཡོད་ཟེར་བའི་སྒྲ་ཞིག་གྲག་པས། བྱིན་རླབས་ཀྱང་ཆེན་པོ་འོང་བར་གོ །དེ་བས་ཕྱིན་ཆད་འདི་ལ་སྣོན་འཕྲི་མེད་པར་

[Full Size]

ཡིག་ཆུང་འདི་དང་བཅས་པ་བྲིས་ཤིག །འདི་བྲིས་ཉེས་བཤགས་དགེ་བ་བྱང་ཆུབ་བསྔོ། མངྒ་ལཾ། རཱ་ག་ཨ་སྱས་བྲིས་སོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མགོན་པོ་ཕྱག་བཞི་པའི་གཏོར་མ་ཁོག་ཕུབ་པའི་མཚལ་མ་འབྲིང་པོ།

[Full Size]

མགོན་པོ་ཕྱག་བཞི་པའི་གཏོར་མ་ཁོག་ཕུབ་པའི་མཚལ་མ་འབྲིང་པོ་བཞུགས་སོ།།

[Full Size]

དྲིན་ཅན་དྷརྨ་ཤྭ་རའི་ཞབས་ལ་འདུད། དཔལ་ཡེ་ཤེས་ཀྱི་མགོན་པོ་ཕྱག་བཞི་པ་དང་དུད་སོལ་ལྷ་མོ་སྦྲག་སྒྲུབ་ཀྱི་གཏོར་བསྔོས་ལ་གཞི་བྱས་ཏེ་མཚལ་མ་འདོན་ལུགས་ནི། རང་གསར་མ་ཡིན་ན་རྒྱལ་བ་རྒྱ་མཚོ། རྙིང་མར་གུ་དྲག་ལ་སོགས་སྔོན་དུ་འགྲོ་ཚར་བས། རྒྱལ་བ་རྒྱ་མཚོའི་གཏོར་བསྔོས་རྒྱས་པ་དང་། འོག་ཕྱག་བཞི་པའི་གཏོར་བསྔོས་འདིར་བྱའོ། །དེ་ཡང་སྟེང་གི་ཆ་ལ་བརྒྱུད་པའི་བླ་མ་སངས་རྒྱས་བྱང་ཆུབ་སེམས་དཔས་བསྐོར་བ། བར་གྱི་ཆ་ལ་ཡི་དམ་གྱི་ལྷ་ཚོགས་ལ་རྒྱུད་སྡེ་དྲུག་གིས་བསྐོར་བ། འོག་གི་ཆ་ལ་ཕྱག་བཞི་པ་བཀའ་སྲུང་དམ་ཅན་རྒྱ་མཚོ་ལ་བཀའ་སྡོད་ཕོ་ཉ་རྣམས་ཀྱིས་བསྐོར་བ། ནམ་མཁའི་སྤྲིན་འཁྲིགས་པ་ལྟར་སྐད་ཅིག་གིས་གསལ་གདབ་ནས་བཞུགས་པར་བསམས་ལ། ཞྭ་དམར་ཆོས་ཀྱི་

[Full Size]

དབང་ཕྱུག་གིས་མཛད་པའི་རྒྱ་གཞུང་ནས། དཔལ་ཡེ་ཤེས་ཀྱི་མགོན་པོ་ཕྱག་བཞི་པ་ལྷ་བཅུ་གསུམ་པ་ལྷོ་སྒོ་ནག་པོ་སྤྱིའི་རྒྱུད་ནས་གསུངས་པའི་རྒྱལ་ཆེན་བཞི་དང་ལས་མགོན་དམར་པོ་དུད་སོལ་བདུད་རྩི་རྒྱལ་མོ་དང་བཅས་སྤྲུག་སྒྲུབ་འདོན་བྱའོ། །ཨོཾ་ཁཎྜ་རོ་ཧེ་ཧཱུྃ་ཧཱུྃ་ཕཊ་ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ། ཆོས་རྣམས་ཐམས་ཅད་དངོས་པོའི་མཐའ། །རང་བཞིན་སྟོང་པའི་ངང་ཉིད་ལས། །མདུན་གྱི་གཞི་འདིར་དུར་ཁྲོད་ཀྱི། །ས་གཞིར་པཾ་ལས་པདྨ་དང་། །རཾ་ལས་ཉི་མའི་དཀྱིལ་འཁོར་སྟེང་། །ཧཱུྃ་ཡིག་མཐིང་ནག་ལས་གྱུར་པའི། །རྡོ་རྗེ་གྲི་གུག་ཧཱུྃ་གིས་མཚན། །འོད་འཕྲོས་བདུད་ཀྱི་སྡེ་བཅོམ་

[Full Size]

ནས། །འཕགས་མཆོད་ཚུར་འདུས་ཡོངས་གྱུར་ལས། །ཡེ་ཤེས་མགོན་པོ་ཕྱག་བཞི་པ། །ཆར་སྤྲིན་གདོང་བ་ལྟ་བུའི་མདོག །དམར་ལ་ཟླུམ་པའི་སྤྱན་གསུམ་ལྡན། །ཁྲོ་གཉེར་བསྐྱོད་ཅིང་མཆེ་བ་གཙིགས། །ཞལ་ནས་ཧ་ཧ་ཧཱུྃ་ཧཱུྃ་གིས། །གད་སྒྲོག་ལྗགས་ནི་རྣམ་པར་འགྱུར། །དབུ་སྐྲ་སྨིན་མ་སྨ་ར་དང་། །དམར་སེར་མེ་ལྟར་རབ་ཏུ་འབར། །ཕྱག་བཞི་དང་པོས་གྲི་ཁུག་དང་། །གཡས་འོག་རལ་གྲི་འདེབས་པའི་ཚུལ། །གཡོན་གྱི་དང་པོས་ཀ་པཱ་ལར། །བདུད་རྩིས་བཀང་བ་ཐུགས་ཀར་འཛིན། །གཡོན་འོག་རྡོ་རྗེ་ཁ་ཊཾ་ག །ཕྱར་བའི་སྟབས་འཛིན་མི་མགོ་ནི། །སྐམ་པོ་ལྔ་ཡིས་དབུ་བརྒྱན་དང་། །རློན་པ་ཁྲག་འཛག་ལྔ་བཅུ་ཡིས། །སེ་རལ་དར་དང་རིན་པོ་ཆེ། །རུས་པ་སྦྲུལ་དང་དྲིལ་བུ་ཡིས། །གཡེར་ཁའི་ཕྲེང་བས་རབ་ཏུ་བརྒྱན། །སྟག་ལྤགས་གསར་པ་ཁྲག་ཅན་གྱིས། །སྨད་གཡོགས་སྐུ་ལས་ཡེ་ཤེས་ཀྱི། །མེ་དཔུང་འབར་བའི་དབུས་ཉིད་ན། །མི་རོ་ཁ་སྦྱབ་བསྣོལ་བའི་གདན། །དཔའ་བོ་རོལ་པའི་སྟབས་ཀྱིས་བཞུགས། །དེ་ཡི་གཡས་སུ་ཧཱུྃ་ཡིག་ལས། །ལས་མགོན་བྱ་རོག་གདོང་ཅན་ནི། །སྐུ་མདོག་དམར་པོ་ཞལ་གཅིག་

[Full Size]

པ། ཕྱག་གཉིས་གྲི་གུག་ཐོད་པ་འཛིན། །ནག་པོ་སྟོང་གི་འཁོར་གྱིས་བསྐོར། །གཡོན་དུ་བྱོ་ཡིག་ཡོངས་གྱུར་ལས། །ཡུམ་མཆོག་རྩ་འཇིབ་དམར་མོ་ནི། །ཞལ་གཅིག་ཕྱག་བཞི་གཡས་པ་ན། །རལ་གྲི་རྩེ་གསུམ་གཡོན་པ་ན། །མདའ་གཞུ་མི་མགོ་འཛིན་པའོ། །མ་མོ་བྱེ་བའི་ཚོགས་ཀྱིས་བསྐོར། །མདུན་དུ་ཧཱུྃ་ལས་ཤ་ཟ་ནི། །སེང་གེའི་གདོང་ཅན་སྐུ་མདོག་ནག །ཞལ་གཅིག་ཕྱག་གཉིས་རལ་གྲི་དང་། །ཐོད་ཁྲག་འཛིན་པ་ཤ་ཟ་ནི། །འབུམ་གྱིས་བསྐོར་བ་དེ་རྒྱབ་ཏུ། །ལེགས་ལྡན་ནག་པོ་དར་ནག་གི །བེར་གསོལ་གཎྜི་འཛིན་པའོ། ༈ །ཁྲུབ་ཆེན་བྱེ་བ་འབུམ་གྱིས་བསྐོར། །མདུན་ཟུར་གཡས་གཡོན་གང་མཛེས་གཉིས། །གསེར་མདོག་ཟས་སྣའི་བུམ་པ་སྟོབས། །གནོད་སྦྱིན་ཁྲི་ཡི་འཁོར་གྱིས་བསྐོར། །དེ་ཕྱིར་ཤར་དུ་མཁའ་འགྲོ་མ། །བྱ་རྒོད་གདོང་ཅན་བྱང་དུ་ནི། །ཁྱུང་དང་ནུབ་ཏུ་ཁྭ་ཏ་དང་། །ལྷོ་རུ་འུག་པ་ཤར་ལྷོར་ཕག །ལྷོ་ནུབ་ཁྱི་དང་ནུབ་བྱང་དུ། །སྤྱང་ཀི་བྱང་ཤར་མཚམས་ཉིད་དུ། །སྟག་གི་གདོང་ཅན་བརྒྱད་ཀ་ཡང་། །གཅེར་བུ་སྐྲ་གྲོལ་ཞལ་གཅིག་པ། །ཕྱག་གཉིས་གྲི་གུག་

[Full Size]

ཐོད་ཁྲག་འཛིན། །འཁོར་རྣམས་བཞེངས་ནས་གར་སྟབས་ཀྱིས། །རོལ་གར་སྣ་ཚོགས་མཛད་པའོ། །མདུན་དུ་དུར་ཁྲོད་ཆེན་པོའི་ནང་། །མེ་འབར་ཁྲག་ཞག་རྒྱ་མཚོ་དབུས། །ཐོད་པ་སྐམ་རློན་གཞལ་ཡས་སུ། །ཨོཾ་ལས་དུད་སོལ་ལྷ་མོ་ནག །ཞལ་གཅིག་ཕྱག་བཞི་རལ་གྲི་དང་། །ཐོད་ཁྲག་ཤཀྟི་རྩེ་གསུམ་བསྣམས། །དུར་ཁྲོད་ཆས་བརྒྱད་མི་རོ་གསོལ། །བ་གླང་གླང་ལྤགས་རེ་ལྡེ་བགོས། །སྦྲུལ་བརྒྱན་ཞབས་གཉིས་ལྕགས་སྒྲོག་གསོལ། །བོང་བུ་དམར་གྲྭ་ཆིབས་པའོ། །སྙིང་འཕྲོག་མ་གསུམ་ལྷ་མོ་བཞི། །དུར་ཁྲོད་མ་མོ་ཕྲ་མེན་བརྒྱད། །སྲིད་པའི་མ་མོ་ཀུན་གྱིས་བསྐོར། །ཕྱོགས་བཞིར་རྒྱལ་པོ་ཆེན་པོ་བཞི། །དཔུང་བཞི་ཡན་ལག་དམག་དང་བཅས། །དུར་ཁྲོད་ཆེན་པོའི་ཕྱི་རོལ་དུ། །རྡོ་རྗེའི་རྭ་གུར་ཡེ་ཤེས་ཀྱི། །མེ་རི་དྲག་ཏུ་འབར་བའོ། །གཙོ་འཁོར་ཀུན་གྱི་སྤྱི་བོ་ནི། །ཨོཾ་དང་མགྲིན་པར་ཨཱཿཉིད་དང་། །ཐུགས་ཀའི་ཧཱུྃ་ལས་འོད་འཕྲོས་པས། །འོག་མིན་ལ་སོགས་སངས་རྒྱས་ཀྱི། །ཞིང་ཁམས་རྒྱ་མཚོར་བཞུགས་པ་ཡི། །ཡེ་ཤེས་མགོན་པོ་འཁོར་བཅས་ཀུན། །ནམ་མཁར་སྤྲིན་བཞིན་གཏིབས་པར་

[Full Size]

གྱུར། །ཧཱུྃ། དད་པ་དང་ནི་དམ་ཚིག་གིས། །སྤྱན་འདྲེན་དཔལ་ལྡན་ནག་པོ་ཆེ། །བདག་རྒྱུད་སྒྲིབ་པ་བསལ་བའི་ཕྱིར། །བརྩེ་བས་དགོངས་ཏེ་འདིར་བྱོན་ཅིག །ཧཱུྃ། སྐུ་གསུང་ཐུགས་ཀྱི་བདག་ཉིད་ཅན། །རྡོ་རྗེ་ནག་པོ་འཁོར་བཅས་རྣམས། །རང་བཞིན་གནས་ནས་སྐུ་བཞེངས་པ། །བསྟན་པ་བསྲུང་ཕྱིར་འདིར་གཤེགས་ཤིག །འོག་མིན་གནས་མཆོག་དམ་པ་དང་། །ལྕང་ལོ་ཅན་གྱི་ཕོ་བྲང་དང་། །ནཱ་ལེནྡྲའི་གཙུག་ལག་དང་། །བསིལ་བ་ཚལ་གྱི་དུར་ཁྲོད་དང་། གཞན་ཡང་དུར་ཁྲོད་གནས་བརྒྱད་དང་། །ཕྱི་ཡི་རྒྱ་མཚོའི་འགྲམ་དག་དང་། །རང་བཞིན་གར་བཞུགས་གནས་མཆོག་ནས། །དཔལ་ལྡན་མགོན་པོ་འཁོར་བཅས་རྣམས། །རྣལ་འབྱོར་བདག་གིས་འབོད་པ་ལས། །གནས་འདིར་མྱུར་དུ་གཤེགས་སུ་གསོལ། །བྷྱོཿ རི་རབ་ཆེན་པོའི་བྱང་ཤར་མཚམས། །གཡུ་མཚོ་མུ་ལེའི་མཐིང་དཀྱིལ་དབུས། །རིན་ཆེན་སྣ་ལྔའི་གཞལ་ཡས་ཁང་། །དེ་དབུས་གྲུ་གསུམ་ཐོད་མཁར་དང་། །གྲུ་གསུམ་འབར་བའི་ཀློང་དཀྱིལ་ནས། །དཔལ་ལྡན་ལྷ་མོ་དུད་སོལ་མ། །སྐུ་མདོག་ནག་མོ་འཇིགས་

[Full Size]

པའི་གཟུགས། །ཞལ་གཅིག་ཕྱག་བཞི་བོང་བུ་ཆིབས། །འཁོར་ཡང་ནག་མོ་འབུམ་གྱིས་བསྐོར། གནས་འདིར་ཉིད་དུ་གཤེགས་སུ་གསོལ། །མགོན་པོ་ཀུན་གཤེགས་ཐུགས་རྗེ་ཅན། །ད་ལྟ་སྙིགས་མ་ལྔ་ཡི་དུས། །གཤེགས་ཤིང་བཞུགས་པའི་གནས་ངན་ཡང་། །འདྲེན་པའི་བསྟན་པ་སྲུང་བ་དང་། །སེམས་ཅན་ཀུན་ལ་ཕན་གདགས་ཕྱིར། །དམ་ཚིག་ཅན་ལ་རྗེས་བརྩེ་བས། །ནག་པོ་ཡབ་ཡུམ་འཁོར་དང་བཅས། །རྒྱལ་ཆེན་སྡེ་བཞི་དཔུང་དང་བཅས། །གནས་འདིར་ཉིད་དུ་གཤེགས་སུ་གསོལ། །ཨོཾ་ཙ་ཏུར་ཧསྟེ་བཛྲ་མ་ཧཱ་ཀཱ་ལ་དེ་ཝི་ཀ་ལི་ཙ་ཏུར་ར་ཛ་ས་པཱ་རི་ཝཱ་ར་བཛྲ་ས་མཱ་ཛཿ ཨེ་ཧྱ་ཧི་ཛཧཱུྃ་བཾ་ཧོ༔ ཧཱུྃ། སངས་རྒྱས་བསྟན་པ་སྲུང་བའི་མཐུ་རྩལ་ཅན། །དཔལ་ལྡན་མ་ཧཱ་ཀཱ་ལ་འཁོར་དང་བཅས། །བདུད་དང་མུ་སྟེགས་མ་ལུས་འདུལ་བ་དང་། །གདུག་པའི་དགྲ་བགེགས་མ་ལུས་འདུལ་བའི་ཕྱིར། །དྲག་པོའི་གཞལ་ཡས་དཀྱིལ་འཁོར་ཆེན་པོ་འདིར། གཉིས་མེད་བརྟན་པར་བཞུགས་ནས་ཕྲིན་ལས་མཛོད། །བྷྱོཿ རླུང་དམར་དྲག་པོའི་ཤུགས་ལྡན་བོང་བུའི་སྟེང་། །དུར་ཁྲོད་ཆོས་ལྡན་ཞབས་གཉིས་ལྕགས་སྒྲོག་མཛེས། །

[Full Size]

ཞལ་གདངས་མཆེ་གཙིགས་ཀི་ལི་ཀཱི་ལ་སྒྲོག །དཔལ་ལྡན་འདོད་ཁམས་དབང་ཕྱུག་གདན་ལ་བཞུགས། །དམ་ཚིག་པ་དང་ཡེ་ཤེས་གཉིས་མེད་གྱུར། །པདྨ་ཀཱ་མ་ལ་ཡེ་སྟེ། དཔལ་ལྡན་མགོན་པོ་འཁོར་བཅས་ལ། །ཁྲག་ཆེན་འབར་བའི་ཨནྡྷཾ་དང་། །ཞག་ཆེན་འཁྲིགས་པའི་ཞབས་བསིལ་སོགས། །དབང་པོ་ལྔ་ཡི་མེ་ཏོག་དང་། །ཤ་ཆེན་སྤོས་དང་ཚིལ་ཆེན་སོགས། །ཞུན་ཆེན་སྣང་གསལ་མར་མེ་དང་། །སྣ་ཚོགས་དྲི་ཡི་བྱུག་པ་དང་། །ཤ་ཆེན་ལྔ་ཡི་ཞལ་ཟས་དང་། །ཐོད་ཆེན་རྔ་དང་རྐང་ཆེན་དུང་། །དགྱེས་པའི་ཚུལ་གྱིས་བཞེས་སུ་གསོལ། །བཛྲ་མ་ཧཱ་ཀཱ་ལ་དེ་ཝ་ས་པཱ་རི་ཝཱ་ར་ཨབྷཾ་སོགས། ཤབྡ་པྲ་ཏཱིཙྪ་སྭཱ་ཧཱ། ཧཱུྃ་ཧཱུྃ་ལས་སྐྱེས་པའི་ནག་པོ་ཆེ། །པདྨ་ཉི་མའི་་གདན་ལ་བཞུགས། །གདུག་པ་ཟིལ་གནོན་མེ་དཔུང་འབར། །མཐུ་ཆེན་ཁྱོད་ལ་ཕྱག་འཚལ་བསྟོད། །བྱ་རོག་མིང་ཅན་ནག་པོ་ཆེ། །ཞལ་གཅིག་ཕྱག་གཉིས་ཁྲོ་བོའི་གཟུགས། །ཞབས་གཉིས་གྱད་ཀྱི་སྟབས་ཀྱིས་བཞུགས། །སྟོབས་ཆེན་ཁྱོད་ལ་ཕྱག་འཚལ་བསྟོད། །ཆ་ལུགས་འཆང་བའི་ནག་པོ་ཆེ། །སྦྲུལ་དང་རིན་ཆེན་ཐོད་པས་

[Full Size]

བརྒྱན། །སྟག་ལྤགས་ཤམ་ཐབས་སྐུ་ལ་གསོལ། །དཔའ་བོ་ཁྱོད་ལ་ཕྱག་འཚལ་བསྟོད། །ཕྲིན་ལས་མཛད་པའི་ནག་པོ་ཆེ། །འབྲས་བུ་ཐོད་ཁྲག་ཞལ་དུ་གསོལ། །གདུག་པའི་མཚོན་ཆ་ཕྱག་ན་བསྣམས། །གསོད་བྱེད་ཁྱོད་ལ་ཕྱག་འཚལ་བསྟོད། །གཟི་མདངས་ལྡན་པའི་ནག་པོ་ཆེ། །དབུ་སྐྲ་སེར་པོ་གྱེན་དུ་བརྗེས། །ཨག་ཚོམ་སྨིན་མ་མེ་ལྟར་འབར། །བརྗིད་པ་ཁྱོད་ལ་ཕྱག་འཚལ་བསྟོད། །སྙིང་རྗེས་ཁྲོས་པའི་ནག་པོ་ཆེ། །སྤྱན་གསུམ་སྡང་མིག་མེ་ལྟར་འབར། །རབ་ཏུ་འཁྲུགས་པའི་ཁྲོ་གཉེར་ཅན། །གཏུམ་ཆེན་ཁྱོད་ལ་ཕྱག་འཚལ་བསྟོད། །འཇིགས་པའི་གཟུགས་ཅན་ནག་པོ་ཆེ། །ཞལ་གདངས་མཆེ་བ་རབ་ཏུ་གཙིགས། །ལྗགས་འདྲིལ་ཧཱུྃ་ཧཱུྃ་སྒྲ་སྒྲོག་པ། །ཟ་བྱེད་ཁྱོད་ལ་ཕྱག་འཚལ་བསྟོད། །བྱང་ཆུབ་སེམས་ལྡན་ནག་པོ་ཆེ། །སངས་རྒྱས་སྤྱན་སྔར་ཁས་བླངས་པ། །བསྟན་པ་བསྲུང་བར་ཞལ་གྱིས་བཞེས། །དམ་ཅན་ཁྱོད་ལ་བདག་བསྟོད་དོ། །དམ་ལ་མ་འདའ་ནག་པོ་ཆེ། །བསྟན་པ་བསྲུང་བར་ཞལ་གྱིས་བཞེས། །བསྟན་པ་སྲུངས་ཤིག་ནག་པོ་ཆེ། །རྣལ་འབྱོར་སྐྱོངས་ཤིག་ནག་པོ་ཆེ། །བཀའ་བཞིན་སྒྲུབས་ཤིག་

[Full Size]

ནག་པོ་ཆེ། །གལ་ཏེ་དམ་ལས་འདས་གྱུར་ན། །དུས་གསུམ་སངས་རྒྱས་ཁྱོད་ཀྱིས་བསླུས། །ཁྱོད་ནི་ཉམས་པར་འགྱུར་ཏ་རེ། །དེ་བས་དམ་ལ་མ་འདའ་ཞིག །ཨོཾ་བཛྲ་མ་ཧཱ་ཀཱ་ལ་ས་མ་ཡ་ཧ་ན་ཧ་ན་ཧཱུྃ་ཕཊ། དཔལ་ལྡན་ལྷ་མོ་དུད་པའི་སོལ་བ་མ་ཁྱོད་ཀྱིས་བདག་ལ་སྐུ་མངོན་སུམ་དུ་སྟོན་ཅིག །སྐུ་མངོན་སུམ་དུ་མི་སྟོན་ན་ཡང་། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་སོགས་པའི་སྤྱན་སྔར། ཇི་ལྟར་ཁས་བླངས་དམ་བཅས་པ་བཞིན་དུ། སངས་རྒྱས་ཀྱི་བསྟན་པ་གཉན་པོ་བསྲུང་བ་དང་བླ་མ་དམ་པ་རྣམས་ཀྱི་ཕྲིན་ལས་སྒྲུབས་ཤིག །སྔགས་འཆང་སྒྲུབ་པ་པོ་བདག་གི་དགྲ་བགེགས་ཐམས་ཅད་སྒྲོལ་ཅིག །ཚེ་དང་དཔལ་སྐྱེད་ཅིག །བདག་ཅག་དཔོན་སློབ་མི་ནོར་ལ་གནོད་པར་བྱེད་པའི། ནད་གདོན་ཡམས་ནད་རིམས་ནད་ཐམས་ཅད་ཞི་བར་མཛོད་ཅིག །གཞན་ཡང་བདག་གི་ཡིད་ལ་གང་འདོད་པ་དེ་ཁྱོད་ཀྱིས་འགྲུབ་པར་གྱིས་ཤིག །དེ་ལྟར་མི་བྱེད་ན་ཁྱོད་དམ་ཚིག་ཆེན་པོས་རབ་ཏུ་གཟིར་བར་བྱའོ། །ཨོཾ་ཧཱུྃ་ཤི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོཿ ཨེ་ཨཱཿ་རལླི་ཧྲཱི་ཛ་ཧ་ན་ཧ་ན་བཛྲ་ཀྲོ་ཏ་ས་མ་

[Full Size]

ཡ་མ་ཏི་ཀྲ་མ་ནན་ཧཱུྃ་ཕཊ༔ སྔོན་གྱི་དམ་ཚིག་གཉན་པོ་དགོངས། །སླར་ཡང་ཐུགས་ཀའི་འོད་ཟེར་གྱིས། །རྒྱལ་བ་རིགས་ལྔ་ཡུམ་བཞི་དང་། །སེམས་དཔའ་སེམས་མ་ཁྲོ་བོ་དང་། །ཁྲོ་མོ་སྤྱན་དྲངས་བདུད་རྩིའི་ཆུས། །དབང་བསྐུར་སྐུ་གང་དྲི་མ་དག །ཆུ་ལྷག་སྤྱི་བོར་བརྟེན་པ་ལས། །གཙོ་བོར་བདེ་མཆོག་ལྷན་སྐྱེས་དང་། །འཁོར་རྣམས་ཀུན་ལ་བཅོམ་ལྡན་འདས། །མི་བསྐྱོད་རྡོ་རྗེས་དབུ་བརྒྱན་གྱུར། །བདག་ཉིད་བཅོམ་ལྡན་སྤྱན་རས་གཟིགས། །གསལ་བའི་ཐུགས་ཀར་ཟླ་བའི་སྟེང་། །དཀྱིལ་འཁོར་དབུས་སུ་ཧྲཱི༔ཡིག་མཐར། །ཡི་གེ་བཅུ་པོ་རབ་ཏུ་གསལ། །མགོན་པོའི་ཐུགས་ཀར་ཉི་སྟེང་ཧཱུྃ། །དམར་པོ་འོད་ཟེར་འབར་བའི་མཐར། །ཨོཾ་མ་ཧཱ་ཀཱ་ལ་གུ་ཎ་ཧྲཱི་ད་ཧཱུྃ་ཕཊ༔ ཅེས་པའི་སྔགས་ཕྲེང་འཁོར་བར་བསམ། །རང་གི་ཐུགས་ཀའི་ཧཱུྃཿཡིག་ལས། །འོད་འཕྲོས་དཔལ་ལྡན་ནག་པོ་ཆེའི། །ཐུགས་ཀར་ཕོག་པས་ཐུགས་རྗེ་ཆེ། །བསྐུལ་ཏེ་དངོས་གྲུབ་བྱིན་རླབས་ཀུན། །འོད་ཟེར་ཁ་དོག་སྣ་ཚོགས་ཚུལ། །མགོན་པོའི་ཞལ་ནས་བདག་ཉིད་ཞལ། །ཞུགས་ནས་ཐུགས་ཀར་ཐིམ་པའི་མོད། །ཡེ་ཤེས་མགོན་པོ་འཁོར་བཅས་ལ། །

[Full Size]

སྤྲུལ་པའི་ཕོ་ཉ་མང་འཕྲོས་ཏེ། །བདུད་བཞི་བཏུལ་ཞིང་ཕྲིན་ལས་བཞི། །ཐོགས་པ་མེད་པར་འགྲུབ་པར་གྱུར། །ཅེས་མན་ངག་ལྟར་བསྙེན་ནོ། །ཨོཾ་ཁཎྜ་རོ་ཧེ་སོགས། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་དང་ཀཾ་ལས་ནི། །མི་མགོ་གསུམ་གྱི་སྐྱེད་པུའི་སྟེང་། །ཨ་ལས་ཡེ་ཤེས་ཀ་པཱ་ལར། །ཤ་ལྔ་བདུད་རྩི་ལྔ་པོ་དང་། །བདུད་དགྲའི་ཤ་རུས་སྤུང་པ་ལས། །ཨོཾ་ཨཱཿཧཱུྃ་གིས་སྐུ་གསུང་ཐུགས། །ཡེ་ཤེས་བདུད་རྩིར་བྱིན་གྱིས་བརླབས། །ལྷ་ཚོགས་དེ་དག་ཐམས་ཅད་ཀྱིས། །ཧཱུྃ་ལས་བྱུང་བའི་རྡོ་རྗེའི་ལྗགས། །འོད་ཀྱིས་སྦུ་གུས་བདུད་རྩི་རྣམས། །དྲངས་ཤིང་གསོལ་བས་མཉེས་པར་གྱུར། །ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀྵ་སྲོག་དུང་དུང་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལི་དེ་ཝི་རུ་པ་ནི་ཧཱུྃ་བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་སེང་ཧ་མུ་ཁ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་རཀྵ་དུ་བཻ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་དྷི་ཏྲ་སྱེ་ཧཱུྃ་ཧཱུྃ་

[Full Size]

ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་གྷ་རུ་ཊ་སྐྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཀཾ་ཀ་ཕྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཧུ་ལུ་ཀཱ་སྱེ་ཧཱུྃ་། ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཝཱ་ར་སུཾ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཤྭ་ན་སྐྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་གྷ་ལ་སྐྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བྱུ་གྱི་སྐྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཡ་ཤ་ས་ན་ཨུ་པ་ཧ་རི་ཎི། ཨེ་ཥ་ཨ་པིཉྩ་མ་ཧཱ་ཀ་ལོ་ཨ་ཡཾ། །ཨི་དཾ་རཏྣ་ཏྲ་ཡཱ་ཡ། ཨ་པ་ཀ་རི་ཎི། ཡ་ཏི་པྲ་ཏི་ཛྙཱ། སྨ་ར་སི་ཏ་ད། ཨི་དམ་དུཏྟཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲིཉྩ་གྲིཉྩ། བྷནྡྷ་བྷནྡྷ། ཧ་ན་ཧ་ན། ད་ཧ་ད་ན། པ་ཙ་པ་ཙ། དེ་ན་མེ་ཀེ་ན་ཧཱུྃ་ཕཊ༔ ཨོཾ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ནཱཾ་ས་ལ་ཁཱ་ཧི། རཀྟ༴ ཙིཏྟ༴ གོ་རོ་ཙ་ན༴ བ་སུ་ཏ་ལ༴ ཨོཾ་ཨི་དཾ་བ་ལིཾ་ཏ་ཧྥ་གྷིཧྥ་ས་མ་ཡ་ཧཱུྃ་ཕཊ༔ ཨོཾ་ཨ་ཀཱ་རོ༔ ཨོཾ་དྷིཥྛ་རབྦ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷཻཾ་རུ་ཌྷ་ཀ་ཡེ་སྭཱ་

[Full Size]

ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷཻཾ་རུ་པཀྵ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བྷཻཾ་ཤཱ་མ་ཎ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཨོཾ་མ་ཧཱ་ཀཱ་ལ་ཡཀྟ་དེ་ཝ་བྷ་ཏི་དྷི་དྷ་ཧེ་ལུ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཤྲཱི་མ་ཧཱ་ཀཱ་ལ་ཁྲག་འཐུང་གི་རྒྱལ་པོ། ཕྱག་བཞི་པ། བྱ་རོག་གི་མཚན་ཅན། སྐུ་གསུང་ཐུགས་ཀྱི་སྤྲུལ་པ། ལས་མགོན་ཡུམ་མཆོག །རྩ་འཇིབ་དམར་མོ། ལེགས་ལྡན་ནག་པོ། ཕྱོགས་ཀྱི་མཁའ་འགྲོ་བརྒྱད་སོགས། རང་འདྲའི་སྤྲུལ་པ་ལས་མཁན་འཁོར་ཚོགས། བཀའ་སྡོད་མཐུ་བོ་ཆེ་རྣམས་དང་། ནག་པོ་སྟོང་ཤ་ཟ་འབུམ། མ་མོ་བྱེ་བ། གནོད་སྦྱིན་ཁྲི། ཁྲབ་ཅན་བྱེ་བ་དུང་ཕྱུར་གྱིས་བསྐོར་བ། བསྟན་པའི་བཀའ་སྲུང་། དམ་ཉམས་གྱི་སྲོག་གཅོད། མནའ་ཟན་གྱི་གཤེད་པོ། རིག་འཛིན་གྱི་སྲོག་ཤིང་། རྣལ་འབྱོར་གྱི་དགྲ་བླ། དུག་གསུམ་ནད་ཀྱི་སྨན་པ། གཙུག་ལག་ཁང་དང་། དཀྱིལ་འཁོར་གྱི་སྲུང་མའི་ཚོགས་དང་བཅས་རྣམས་ལ་དམ་རྫས་བདུད་རྩིས་གཏོར་མ། དངོས་འབྱོར་ཡིད་སྤྲུལ་གྱི་མཆོད་པ། རྒྱ་ཆེན་པོ་འདིས་གསོལ་ལོ་མཆོད་དོ་

[Full Size]

བསྟོད་དོ། །དེ་དག་གི་མཐུས་རྣལ་འབྱོར་པ་བདག་གི་བཀའ་དང་བསྟན་པ་སྲུང་། ཚེ་དང་དབང་ཕྱུག་སྤེལ། དཔལ་དང་གྲགས་པ་སྒྲུབས། འཁོར་དང་གང་ཟག་སྐྱོངས། བདུད་དང་བར་ཆད་ཟློག །མི་ནོར་ཟས་གསུམ་སྡུས། དགྲ་བགེགས་ཐལ་བར་རློགས། །ཕྲིན་ལས་རྣམ་བཞི་སྒྲུབས། རྟག་ཏུ་སྲུང་སྐྱོབ་མཛོད་ཅིག །དཔལ་ལྡན་ལྷ་མོ་དུད་པའི་སོལ་བ། གསོད་བྱེད་མ་གསུམ་རིགས་བཞིའི་ལྷ་མོ་དུར་ཁྲོད་ཀྱི་མ་མོ་བརྒྱད། ཕྲ་མེན་མ་བརྒྱད། སྒོ་མ་བཞི་སོགས་སྲིད་པའི་མ་མོ་མཁའ་འགྲོ་ཐམས་ཅད་ལ་གསོལ་ལོ། །མཆོད་དོ་འབུལ་ལོ། །མཉེས་རབ་ཀྱི་ཕུད་དང་དགྱེས་རབ་ཀྱི་མཆོད་པ་དམ་པ་འདི་མཛོད་ལ། བདག་ཅག་རྣལ་འབྱོར་པ་མི་ནོར་འཁོར་དང་བཅས་པའི། ནད་ཀྱི་།རིགས་སུ་གྱུར་པ། རླུང་ལས་གྱུར་པ། མཁྲིས་པ་ལས་གྱུར་པ། བད་ཀན་ལས་གྱུར་པ། འདུས་པ་ལས་གྱུར་པ། ནད་རིགས་བཞི་བརྒྱ་རྩ་བཞི་པོ་ཐམས་ཅད་ཞི་ཞིང་བཟློག་པར་མཛོད་ཅིག །ཡམས་ནད་རིམས་ནད་མི་ནད་ཕྱུགས་ནད་ཐམས་ཅད་རྒྱུན་ཚད་པ་དང་མི་འབྱུང་བའི་ཕྲིན་ལས་རྒྱ་ཆེན་པོ་མཛོད་ཅིག །རྒྱལ་པོ་ཆེན་པོ་ཡུལ་འཁོར་སྐྱོང་དང་།

[Full Size]

འཕགས་སྐྱེས་པོ་དང་། སྤྱན་མི་བཟང་དང་། རྣམ་ཐོས་སྲས་དང་། བཙུན་མོ་དང་བཅས་པ། འཁོར་དཔུང་ཚོགས་དང་བཅས་པ། གནོད་སྦྱིན་གང་པོ། དང་རབ་མཛེས་མ་ཀླུ་རྒྱལ་གང་པོ་དང་མཛེས་མ་རྣམས་ལ། གསོལ་ལོ། །མཆོད་དོ། །མཉེས་ཤིང་ཚིམས་ནས་བདག་ཅག་དཔོན་སློབ་བསྲུང་བྱ་རྣམས་ལ། བར་ཆད་ཐམས་ཅད་ཀྱིས་མི་ཚུགས་པ་དང་སྟོབས་དང་མངའ་ཐང་བསོད་ནམས་ལོངས་སྤྱོད་འཕེལ་ཞིང་རྒྱས་པ་དང་། ཕྱོགས་བཞིའི་དགྲ་བགེགས་ཐམས་ཅད་འདུལ་བའི་ཕྲིན་ལས་རྒྱ་ཆེན་པོ་མཛོད་ཅིག །དཔལ་ལྡན་རྡོ་རྗེ་ནག་པོ་ཆེ། །ལྕམ་དྲལ་བཀའ་འཁོར་བཅས་པ་ཡི། །ཟག་མེད་བདེ་ཆེན་བསྐྱེད་གྱུར་པའི། །བདུད་རྩི་རོ་མཆོག་མྱོང་མཛད་པ། །བསོད་ནམས་ཚོགས་ཆེན་གང་བསགས་དེས། །རྩ་བརྒྱུད་བླ་མའི་བཀའ་དང་ནི། །རང་དམ་གཉེན་པོ་དགོངས་པ་ལྟར། །སངས་རྒྱས་བསྟན་དང་སེམས་ཅན་དོན། །འབད་པ་མེད་པར་འགྲུབ་མཛད་ཅིང་། །ཁྱད་པར་གསོལ་འདེབས་བདག་རྒྱུད་ལ། །མཆོག་དང་ཐུན་མོང་དངོས་གྲུབ་སྩོལ། །དེ་ལ་འགལ་རྐྱེན་གང་མཆིས་པ། །ཕྲིན་ལས་རྣམ་བཞིའི་སྒོ་ནས་

[Full Size]

ནི། །ཚར་གཅོད་རྗེས་འཛིན་མཛད་དུ་གསོལ། །ཧཱུྃ། ཡན་ལག་བརྒྱད་ལྡན་སྨན་གྱི་ཆབ། །མི་ཁྲག་གི་ཁྲག་དང་འདྲེས་པའི། །དུག་ཆུ་ཁོལ་མའི་མཆོད་ཡོན་ནི། །མ་མགོན་འཁོར་བཅས་མདུན་དུ་འབུལ། །པདྨ་ཨུཏྤལ་སྔོན་པོ་དང་། །བཙན་དུག་ར་དུག་དུག་ཤིང་གི །མེ་ཏོག་སྔོན་པོ་དྲི་ངད་ཅན། །མ་མགོན་འཁོར་བཅས་དབུ་ལ་འབུལ། །གུ་གུལ་ཨ་ག་རུ་དག་དང་། །རྔ་མོང་བོང་བུའི་བདུད་རྩི་དང་། །ཤ་ཆེན་ཚིལ་ཆེན་བདུག་སྤོས་འདི། །མ་མགོན་འཁོར་བཅས་ཤངས་ལ་འབུལ། །རྩི་མར་འབྲུ་མར་སྣང་གསལ་དང་། །ར་ཚིལ་ཁྱི་ཚིལ་ཕག་ཚིལ་དང་། །ཞུན་ཆེན་སྣང་གསལ་སྒྲོན་མེ་འདི། །མ་མགོན་འཁོར་བཅས་སྤྱན་ལ་འབུལ། །ཙན་དན་ག་པུར་གླ་རྩི་དང་། །ཤ་རུལ་ཁྲག་རུལ་དུག་སྦྱར་བའི། །དམར་ནག་འཁྲུགས་པའི་དྲི་ཆབ་འདི། །མ་མགོན་འཁོར་བཅས་ཐུགས་ཀར་འབུལ། །རོ་བརྒྱ་ལྡན་པའི་ཟས་མཆོག་དང་། །ནས་ནག་ཏིལ་ནག་བྲ་བོ་ནག །ཚིགས་མ་ནག་པོའི་ལྷ་བཤོས་འདི། །མ་མགོན་འཁོར་བཅས་ཞལ་དུ་འབུལ། །རྔ་དང་རྗེའུ་ཆུང་ཏིང་ཏིང་ཤག །མི་རྐང་དུང་དང་ཌཱ་མ་རུ། །རོལ་མོ་སིལ་སྙན་

[Full Size]

གྱེར་མ་དབྱངས། །མ་མགོན་འཁོར་བཅས་སྙན་ལ་འབུལ། །ཨོཾ་བཛྲ་མ་ཧཱ་ཀཱ་ལ། དྷེ་ཝི་ཀཱ་ལི་ཙ་ཏུར་རཱ་ཛ་ས་པ་རི་ཝཱ་ར་ཨརྒྷཾ་པུཥྤེ་སོགས། ཤབྡ་པྲ་ཏཱིཙྪ་སྭཱ་ཧཱ། ཤེས་རབ་མ་དཱ་ན་ཡི་ཆང་། །ཐབས་ཀྱི་ཚིགས་ས་བ་ལི་ཟན། །དམ་རྫས་བདུད་རྩིའི་ཚོགས་ཕུད་འདི། །མ་མགོན་འཁོར་དང་བཅས་ལ་འབུལ། །བཛྲ་མ་ཧཱ་ཀཱ་ལ་དེ་ཝི་ཀ་ལི་ས་པ་རི་ཝཱ་ར་པཉྩ་ཨ་མྲྀ་ཏ་ཨོཾ་ཨཱཿཧཱུྃ། ཆར་སྤྲིན་གཡོ་བ་དང་མཚུངས་རྔ་རྔོག་བཟང་། །གློག་གི་ཞགས་ལྟར་མྱུར་མགྱོགས་གོམ་སྟབས་ཅན། །རླུང་གི་ཤུགས་དང་འདོད་དགུའི་འགྲོས་ལྡན་པ། །མྱུར་མགྱོགས་རྒྱན་གྱིས་བརྒྱན་པ་གྲངས་མེད་འབུལ། །འདམ་བུའི་ཚལ་བཞིན་རིང་བཞིན་འཚུབ་པ་ཡི། །སྤུ་གཞོམ་གྱིས་གཡོགས་མདུང་རྩེ་ལས་རྣོ་རྭ། །ཡན་ལག་རགས་ཤིང་སྤུ་གྲིའི་རྨིག་པ་ཅན། །གཡག་ནག་རྒྱན་དང་ལྡན་པ་གྲངས་མེད་འབུལ། །རི་དྭགས་དགྲ་ལྟར་དྲག་གཏུམ་མི་བཟད་པའི། །ཁ་གདངས་མཆེ་གཙིགས་རོ་འཛིན་གཅོད་པ་ནི། །མུན་ནག་གློག་ཕྲེང་ཟླ་ཕྱེད་འཕྲོག་པ་བཞིན། །ནོར་སྐྱོང་གཏུམ་པོ་རྒྱན་གྱིས་བརྒྱན་ཏེ་འབུལ། །མུན་པ་ལྟར་ནག་སྤྱི་ཡི་ཚོགས་འཁྲུགས་ཤིང་། །དུང་

[Full Size]

ལྟར་དཀར་བའི་རྭ་འཁྱིལ་རྣམ་པར་མཛེས། །གསེར་སྦྱང་བཙོ་མའི་མདངས་ཆགས་མིག་གཡོ་བའི། །ལུག་ནག་རྒྱན་དང་ལྡན་པ་གྲངས་མེད་འབུལ། །གནམ་ལྕགས་བབས་ཀྱང་འབིགས་པར་མི་བཟོད་ཅིང་། །གཡུལ་གྱི་མཚོན་ཆའི་ངར་རྣམས་ཉམ་བྱེད་པའི། །གཏུམ་པོའི་ལུས་ལ་མི་ཤིགས་སྐྱོབས་པ་ཡི། །དངུལ་ཆུ་ལྟར་འཚེར་ཁྲབ་རྣམས་ཁྱོད་ལ་འབུལ། །སྤྲིན་དཀར་དུམ་བུའི་ཕུང་པོར་གྱུར་པ་བཞིན། །བཅུ་དྲུག་བྱང་བུའི་བསྡེབ་པའི་རྨོག་བཟང་པོ། །ཀླད་ན་གངས་ཀྱི་རི་ལས་རྔམས་པ་ཡི། །ཕོད་དཀར་ལྡེམ་པ་དུ་མ་ཁྱོད་ལ་འབུལ། །ཆང་ཟུང་རབ་བརྟན་ལོགས་ཀུན་མེ་རི་འཁྱུག །མཆོག་ཏུ་འཁྲིགས་པའི་ངར་ལྡན་རབ་རྣོ་བས། །གང་ལ་འདེབས་པར་བགྱིས་པ་ཐལ་བར་རློགས། །རལ་གྲི་དུ་མ་ཁྱོད་ལ་གུས་པས་འབུལ། །རླུང་ལྟར་མགྱོགས་པའི་རྟ་ནག་རྟིང་དཀར་དང་། །གཡག་ནག་རུ་རྣོ་སྤུ་ཞོལ་བརྗིད་ཅིང་ཆེ། །ཁྱི་ནག་དོམ་བུ་གཏུམ་ཞིང་འཇིགས་པའི་གཟུགས། །ལུག་ནག་རྒྱན་ལྡན་ཚོགས་རྣམས་འབུལ་བར་བགྱི། །གཞོམ་མེད་རྡོ་རྗེའི་གོ་ཆ་དུ་མ་དང་། །ཕ་རོལ་བདུད་དཔུང་གཅོད་པའི་མཚོན་ཆའི་ཚོགས། །ཕྱི་ནང་གསང་

[Full Size]

བའི་རྟེན་རྫས་སྒྲུབ་རྫས་དང་། །མཆོད་པའི་སྤྲིན་ཕུང་བསམ་གྱིས་མི་ཁྱབ་འབུལ། །དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ་ནི། ཨོཾ་འགྲུབ་པར་གྱུར་ཅིག་ཧཱུྃ་ཧཱུྃ་་ཕཊ་ཅེས་དྲག་པོའི་སྒྲ་ཡིས་སྲིད་པ་གསུམ་གྱི་ཁོངས་རྣམས་མ་ལུས་འགེངས་ནུས་ཤིང་། །ཧ་ཧ་ཊོ་ཊ་ཞེས་བཞད་གང་གི་དུས་ཀུན་ཏུ་ནི་ཤིན་ཏུ་རབ་ཏུ་འཇིགས་མཛད་པ། །ཀཾ་ཀཾ་ཀཾ་ཞེས་ཐོད་པའི་ཕྲེང་བས་དབུ་ལ་སྤྲས་ཤིང་ནག་པོའི་ཆུ་དང་མཚུངས་པའི་སྐུ། །ཧཱུྃ་ཧཱུྃ་ཧཱུྃ་ཞེས་ནུས་པ་མཆོག་གིས་ཁྲོ་གཉེར་འཇིགས་མཛད་འཇིགས་པའི་ཁ་གདངས་ཤ་ཟ་ཞིང་། །དབུ་སྐྲ་དང་ནི་སྨ་ར་སྨིན་སེར་ཉེ་བར་བསྐྱོད་པའི་ཞིང་སྐྱོང་ཁྱོད་ཀྱིས་སྲུང་བར་མཛོད། །རཾ་རཾ་རཾ་ཞེས་སྤྱན་དམར་འཁྲུགས་ཤིང་བསྒྱུར་མཛད་ཀྲུ་ཀྲུ་ཀྲུ་ཞེས་རབ་ཁྲོས་སྤྱན་གྱིས་གཟིགས། །རྡོ་རྗེའི་གློག་སྟོང་འགྱུ་བའི་སྔགས་སྒྲ་ཧྲཱི་ཧྲིཉྩསྒྲོག་པས་དཔའ་བོའི་མངའ་བདག་རྣལ་འབྱོར་པ་རྣམས་ལ། །སྨིན་མ་སེར་ཞིང་མཆེ་གཙིགས་རོ་ཡི་གདན་ལ་དགྱེས་པའི་ཞིང་སྐྱོང་ཁྱོད་ཀྱིས་སྐྱོང་བར་མཛོད། །ཧ་ཧ་ཧཱུྃ་དང་ཀཱི་ལི་ཀཱི་ལ་ཞེས་སྒྲོག་ཕྱག་གཡོན་ཁ་ཊཾ་གར་བཅས་ཐོད་པ་བསྣམས། །རུ་རུ་རུ་ཞེས་ཁྲག་རྒྱུན་འབབ་པ་ཕྱག་གིས་བསྣམས་ཤིང་

[Full Size]

གསོལ་མཛད་འཐུང་བ་ལ་དགྱེས་ཤིང་། །ཁཾ་ཁཾ་ཁཾ་ཞེས་གཏུམ་པོའི་ཕྱག་གཡས་གྲི་གུག་རལ་གྲིས་བགེགས་རྣམས་ལ་ནི་རོལ་མཛད་པ། །ཀྲྀ་ཊཾ་ཊ་ཞེས་ཌཱ་མ་རུ་ཅན་དེ་ཡིས་འདུལ་མཛད་འཁོར་བཅས་ཞིང་སྐྱོང་ཁྱོད་ཀྱིས་སྲུངས། །རབ་ཏུ་རྔམ་ཞིང་མགོ་བོ་རྣམས་ཀྱི་ཕྲེང་བས་གཤིན་རྗེ་དང་མཚུངས་འཇིགས་པའི་སྐུ་བརྒྱན་ཅིང་། །ཀྱི་ཀྱི་ཀྲྀ་ཞེས་བཟོད་པར་དཀའ་བའི་གཟུགས་ཅན་ཅ་ཅོ་སྒྲོག་པར་བྱེད་པའི་གདུག་པ་རྣམས་བཟུང་སྟེ། །གཅིག་པུའི་སྣ་ཚོགས་མནན་ཅིང་མནན་ནས་ཀ་ཧ་ཀ་ཧ་བརྗོད་མཛད་ཆར་སྤྲིན་སྔོན་པོའི་མདོག །སྐུ་ཚུལ་མི་ཡི་ཤ་དང་རྒྱུ་མས་སྦྲེལ་བའི་ཕྲེང་བས་ཀུན་ནས་བརྒྱན་ཅིང་ཞལ་དུ་གསོལ། །དྲག་ཤུལ་ཕྱག་གིས་འདོད་པའི་གཟུགས་དང་མི་སྡུག་པ་ཡི་གཟུགས་ཅན་གྱིས་ནི་འབྱུང་པོ་རོ་ལངས་ཚོགས། །མ་ལུས་བཟུང་ནས་མྱུར་དུ་བསད་པ་རྣམས་ཀྱི་མགོ་བོ་ཁྲག་རྒྱུན་འབབ་པ་རབ་ཏུ་གསོལ། །ཧྲཱི་ཏྟཾ་ཤི་ཡི་སྔགས་ཀྱི་གསུངས་ཅན་པ་ཙ་པ་ཙའི་སྔགས་ཀྱིས་བགེགས་རྣམས་རབ་ཏུ་བསྲེགས། །རོལ་པས་རོལ་པ་སེལ་ཞིང་མི་ཡིས་གང་བའི་ས་ལ་ཞིང་སྐྱོང་ཁྱོད་ཀྱིས་སྲུང་བར་མཛོད། །ཕོ་ཕེ་ཕོ་རེས་སྒྲོགས་པས་སོ་སོར་བསྐྱོད་པའི་མེ་དཔུང་ཆེན་པོའི་

[Full Size]

དབུས་སུ་བཞུགས་ནས་སུ། །རིགས་ཀྱི་ལུས་ཅན་སྐྱོང་བར་མཛོད་ཅེས་སྒྲུབ་པོ་རྣམས་ཀྱིས་ཞིང་རྣམས་ངེས་པར་ཞིང་སྐྱོང་མཛོད། །ཕྱུགས་རྣམས་ཀྱིས་ནི་ཉིན་རེ་བཞིན་དུ་བགེགས་དང་སྡིག་འཇོམས་དྲི་མེད་བརྙེས་པ་ཆུ་ཉི་བཞིན། །ཅི་ཙོ་ཙོ་ཞེས་གཏུམ་པོའི་ཤུགས་ཀྱིས་རབ་གཡོས་རྨད་བྱུང་ས་ཡི་འཇིག་རྟེན་སྣང་མཛད་པ། །ཀྲྀ་ཀྲྀ་ཀྲྀ་ཞེས་གཤེགས་པས་དགྲ་བོ་ཉོན་མོངས་པ་རྣམས་ངེས་པར་ཉོན་མོངས་འཇོམས་མཛད་ཅིང་། །སཾ་སཾ་སཾ་ཞེས་ཚོགས་པའི་བདག་ཉིད་དམ་ཚིག་ཐོས་འཛིན་ཞིང་སྐྱོང་གང་ཡིན་ཁྱོད་ཀྱིས་སྐྱོང་། །ཐཾ་ཐཾ་ཐཾ་ཞེས་གཤིན་རྗེ་ལྟར་ཁྲོ་དྲི་མ་མེད་པའི་སྣ་ཚོགས་ཆུ་བཞིན་གཟིགས་མཛད་ཅིང་། །ཡཾ་ཡཾ་ཡཾ་ཞེས་རླུང་གི་ཤུགས་ཀྱིས་མྱུར་དུ་རྒྱུ་ཞིང་ཉོན་མོངས་འཇིག་རྟེན་གནོད་བྱེད་མཁྱེན། །ཀཾ་ཀཾ་ཀྲྀ་ཞེས་གདུག་པའི་གཟུགས་ཀྱིས་སྲིད་གསུམ་ཉིན་མཚན་དུས་ཀུན་ཉོན་མོངས་གྱུར་པ་གང་། །ཀཾ་ཀཾ་ཀཾ་ཞེས་ཕན་པར་མཛད་ཅིང་གནོད་པ་སྐད་ཅིག་གིས་སེལ་ཞིང་སྐྱོང་ཁྱོད་ཀྱིས་སྐྱོངས། །པཾ་པཾ་པཾ་ཞེས་ཐུགས་རྗེའི་ཞགས་པས་བྱོལ་སོང་རྣམས་འཛིན་ཕྱག་གིས་གདུལ་བྱ་རྣམས་སྐྱོང་བ། །སྔགས་བདག་སྔགས་ཀྱིས་གཟུགས་ཅན་

[Full Size]

ཐུགས་ཀྱི་སྔགས་པ་རྣམས་ལ་བློ་གྲོས་འབྲས་བུས་མཚུངས་མེད་སྟེར། །ཞིང་རྣམས་སྐྱོང་བར་མཛད་པ་ཁྱེད་ཀྱིས་འགྲོ་བའི་ལུས་རྣམས་མ་ལུས་ཡུན་རིང་བསྐྱང་དུ་གསོལ། །སྒྲུབ་པ་པོ་རྣམས་སློབ་དཔོན་གང་ཞིག་དམ་ཚིག་ཐོས་འཛིན་གང་ཡིན་བློ་ལྡན་གྱུར་པ་དག །ཐུན་གསུམ་དུ་ནི་སྔགས་རྣམས་བརྒྱད་པོ་ཀློག་བྱེད་དེ་ནི་བསོད་ནམས་ལྡན་པར་གྱུར་བ་དང་། །ཚེ་དང་དཔལ་དང་གྲགས་དང་མཐུ་སྟོབས་འབྱོར་པ་འཛིན་དང་གཟི་བརྗིད་རྒྱས་པ་མཚུངས་མེད་སྟེར། །ས་སྟེང་དང་ནི་མཐོ་རིས་སུ་ཡང་བགེགས་ཀྱི་ཚོགས་རྣམས་རྟག་ཏུ་ཉམས་པར་འགྱུར། །ཡང་དུད་སོལ་མའི་བསྟོད་པ་རྐང་པ་བརྒྱད་པ་བཞུགས་སོ། །བྷྱོཿ ཏིལ་མར་གྱིས་བསྐུས་ལེན་བུ་གཅིག་འཕྱང་རོ་ཉེའི་རྣ་ཆས་སྒེག་ཅིང་རྒྱན་རྣམས་མ་ལུས་འཆང་། །རྒྱུན་དུ་རྐང་སྒོག་ལྕགས་ལ་བྱས་ཤིང་གཅིག་གིས་རང་གི་རྐང་པ་མཛེས་པར་བྱས་པ་སྟེ། །གཅེར་བུ་བོང་བུ་ཞོན་ནས་འགྲོ་བ་འདི་ན་རྒྱུ་བ་དེ་ནི་ལྷ་མོ་ཁྱོད་ཉིད་ཀྱི། །བདག་ཉིད་མཛེས་པར་ཤེས་ཀྱི་གཞན་ལྟས་ཁྱོད་ཀྱི་སྤྱོད་པའི་མཚོ་ཆེན་དོན་དག་སུ་ཡིས་ཤེས། །འཁོར་བ་འཇིག་པའི་ཆེ་ན་མི་ལུས་དག་ལས་ཁྲག་དང་ཞག་འཛག་དུད་པ་འཐུལ་བ་ན། །ལྷ་མོ་མི་བཟད་

[Full Size]

མཆེ་གཙིགས་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཙམ་གྱིས་ཞུགས་པར་གྱུར། །ནག་མོ་མི་ཐོད་ཐོགས་པ་ཁྱོད་ནི་རྣལ་འབྱོར་གྲུབ་པའི་སྤྱོད་ཡུལ་ཅན་ཏེ་དུར་ཁྲོད་དགྱེས། །ཁྱོད་ནི་གཡོ་ཅན་མནན་ཅིང་ནད་དང་འཆི་བའི་འཇིགས་སེལ་ཞི་ལ་མི་བཟད་དྲེལ་འཆང་སྒྲོག །ཁྱོད་ནི་དཔའ་བོ་དག་གི་མགོ་བོའི་ཅོད་པན་ལེགས་སྤྱད་གཡུལ་དུ་མཚོན་གྱིས་བཅད་པ་ཡི། །ཕྲེང་བ་ཐོགས་ཤིང་གར་བྱེད་ལག་པ་གཉིས་བརྐྱང་རྐུབ་ཚོས་ཆེ་ལ་ཀླུ་དབང་བཤིབ་པ་ཡི། །སྐ་རགས་འཆིང་ཞིང་ལག་ན་མདུང་དང་རལ་གྲི་ཐོགས་ནས་ཁྲག་དང་ཆང་གིས་མྱོས་གྱུར་པ། །མིག་རྩ་དམར་པོར་གྱུར་ཅིང་མཚན་མོ་དུར་ཁྲོད་ཉུལ་བ་འབྱུང་པོ་ཕལ་ཆེར་རྣམས་ཀྱིས་མཐོང་། །ཀོ་རློན་ཆེན་པོ་དྲལ་ཏེ་བརྐྱང་བའི་གོས་ཀྱི་སྟོད་གཡོགས་སྨད་ནི་རེ་ལྡེ་སེར་པོའི་ཤམ་བུ་དཀྲིས། །མི་ཡི་རྒྱུ་མ་གསར་པའི་སྦུབ་ཀྱིས་ཞལ་གྱི་ཟླ་བ་བརྒྱན་ཅིང་དྲིལ་བུ་འགྲམ་པར་འཁྲོལ། །ལུས་ནི་སྣུམ་གྱིས་གསར་དུ་བྱུག་ཅིང་ཁྲག་དང་ཞག་དམར་འཛག་པའི་ཐིག་ལེའི་ཚོམ་བུ་བྲིས། །མི་ཡི་རོ་ལ་སོ་ཡིས་ཆེམས་ཆེམས་གཅོད་བྱེད་ཐོད་པ་ཅན་གྱིས་བདག་ལ་སྐྱོངས་གྱུར་ཅིག །དྲག་པོ་དྲག་མོ་མི་བཟད་མི་

[Full Size]

ཤ་ཁ་ན་ཐོགས་པ་སྔོན་ཆད་མ་བྱུང་ཁྱོད་མཐོང་ན། །མ་མོ་རྣམས་ཀྱང་སྐྲག་ཅིང་འདར་ལ་རྔམ་པ་འདོན་ཅིང་མིག་རྩ་ཧྲིག་ཧྲིག་ཁྱོད་ལ་བསྟོད། །ནག་མོ་བཟང་པོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་ཀྱང་། །ཉིན་རེ་བཞིན་དུ་བསྟོད་པར་བྱེད་ཅིང་གཤིན་རྗེའི་རྒྱལ་པོ་ཉིད་ཀྱང་རྟག་ཏུ་འདར་ཞིང་འདུད་པར་བྱེད། །མི་རྣམས་དང་ནི་འགྲོ་བ་མ་ལུས་འཇུག་བཏུལ་བས་ནི་ཁྱོད་ཀྱི་རྣ་བའི་ཡ་གཅིག་ལ། །བྲང་གིས་འགྲོ་བའི་གདེངས་ཀ་སྟོང་དང་ལྡན་པ་གཅིག་གི་རྒྱབ་ནས་ཁྱོད་ལ་རྒྱན་དུ་བྱས། །ཡ་གཅིག་ལ་ནི་སེང་གེ་མཚུངས་མེད་འཕྱོ་ཞིང་རྒྱ་མཚོའི་མཐའ་བསྐོར་ས་གཞི་མ་ལུས་གནོན། །སྟེང་ན་རྒྱུ་བའི་ཉི་མ་འོད་ཟེར་སྟོང་ལྡན་དེ་ནི་ཁྱོད་ཀྱི་ལྟེ་བའི་ཕྱོགས་སུ་བཞག །བྷྱོ༔ རྒྱ་མཚོ་ཀློང་ནས་མེ་འབར་ཁྱོད། །མཚོ་རྣམས་སྐེམ་པར་ནུས་པ་སྟེ། །བུད་མེད་ཐམས་ཅད་ཞི་མཛད་ཕྱིར། །ལྷ་ཆེན་སྐུ་ཡི་ཕྱེད་དུ་བཞུགས། །རྫོང་དང་བཀའ་བཟློག་ནག་མོ་ཆེ། །ལྷ་དང་ལྷ་མིན་ཕྱག་བྱས་མ། །མི་ནད་གང་ཡིན་ཁྱོད་ཀྱི་ཤེས། །དེ་ལ་འཇིགས་པ་མེད་པར་འགྱུར། །གཤིན་རྗེའི་ལྕམ་མོ་བདུད་ཀྱི་ཡུམ། །འདོད་པ་ཁམས་ཀྱི་དབང་ཕྱུག་མ། །

[Full Size]

ནད་དོ་ཅོག་གི་བདག་མོ་སྟེ། །སངས་རྒྱས་བསྟན་པ་སྲུང་མཛད་པའི། །དཔལ་ལྡན་ལྷ་མོ་ཁྱོད་ལ་བསྟོད། །བདག་གི་བར་ཆོད་ཐམས་ཅད་སོལ། །འདོད་པའི་དོན་རྣམས་འགྲུབ་པར་མཛོད། །ཧཱུྃ། དུས་གསུམ་སངས་རྒྱས་ཀུན་གྱི་བསྟན་བསྲུང་ཞིང་། །འཇིགས་བྱེད་མི་བཟད་དྲག་པོའི་ལས་རྣམས་མཛད། །རྔམ་པའི་ང་རོའི་སྲིད་གསུམ་ཐལ་བར་བརླག །མགོན་པོ་བྱ་རོག་མཚན་ལ་ཕྱག་འཚལ་བསྟོད། །མ་ལུས་གདུག་པ་འདུལ་ཕྱིར་སྐུ་མདོག་ནག །རྣམ་བཞི་ཕྲིན་ལས་མཛད་ཕྱིར་ཕྱག་བཞི་པ། །ཁྲོས་པའི་ཉམས་ལྡན་དཔའ་བོ་བརྗིད་པའི་སྐུ། །གདུག་པ་ཚར་གཅོད་ཁྱོད་ལ་ཕྱག་འཚལ་བསྟོད། །ཧེ་རུ་ཀ་དཔལ་མཆོག་གི་རྣམ་འཕྲུལ་ཁྱོད། །ཞིང་སྐྱོང་ཆེན་པོ་མཁའ་འགྲོའི་ཚོགས་ལ་རོལ། །བདུད་བཞིའི་ཁྲག་གསོལ་བྷན་ཕྱག་ན་བསྣམས། །འཆི་བདག་བགེགས་འཇོམས་ཁྱོད་ལ་ཕྱག་འཚལ་བསྟོད། །བསྟན་པ་རྒྱས་པར་མཛད་པའི་དབང་ཕྱུག་གཙོ། །ཕོངས་པའི་དབུལ་སེལ་སྦྱིན་པའི་ལོ་ཐོག་རྒྱས། །སྲིན་པོའི་གཟུགས་ཀྱིས་དགྲ་བགེགས་གསོད་པར་བྱེད། །དངོས་གྲུབ་ཀུན་སྟེར་ནག་པོ་ཁྱོད་ལ་བསྟོད། །དམ་རྫས་

[Full Size]

བརྒྱན་པའི་གཏོར་མ་འདི་བཞེས་ལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཁྱོད་ཀྱི་དགྱེས་བྱེད་ཡུམ་གསུམ་ལེགས་ལྡན་ནག །བཀའ་སྡོད་ལས་མགོན་གསུམ་དང་སེང་གེའི་གདོང་། །ལས་ཀུན་སྒྲུབ་བྱེད་མཁའ་འགྲོ་བརྒྱུད་དྲུག་སོགས། །སྤྲུལ་པའི་འཁོར་གྱི་ཚོགས་ལ་ཕྱག་འཚལ་བསྟོད། །རྒྱལ་པོ་ཆེན་པོ་དཔལ་དང་ལྡན། །དུང་གི་མདོག་ཅན་པི་ཝང་འཛིན། །དྲི་ཟའི་ཚོགས་ལ་དབང་བསྒྱུར་བའི། །ཡུལ་འཁོར་སྲུང་ལ་ཕྱག་འཚལ་བསྟོད། །དཔའ་བོ་ཆེན་པོ་སྟོབས་པོ་ཆེ། །ཁ་དོག་སྔོན་པོ་རལ་གྲི་འཛིན། །གྲུལ་བུམ་ཚོགས་ལ་དབང་བསྒྱུར་ཅིང་། །འཕགས་སྐྱེས་པོ་ལ་ཕྱག་འཚལ་བསྟོད། །མངའ་བདག་ཆེན་པོ་མཐུ་སྟོབས་ཅན།། །ཁ་དོག་དམར་པོ་སྦྲུལ་ཞགས་འཛིན། །ཀླུ་དབང་ཚོགས་ལ་དབང་བསྒྱུར་བའི། །སྤྱན་མི་བཟང་ལ་ཕྱག་འཚལ་བསྟོད། །སྡེ་དཔོན་ཆེན་པོ་གསེར་མདོག་ཅན། །བེ་ཅོན་དང་ནི་ནེའུ་ལེ་འཛིན། །གནོད་སྦྱིན་ཚོགས་ལ་དབང་བསྒྱུར་བའི། །རྣམ་ཐོས་སྲས་ལ་ཕྱག་འཚལ་བསྟོད། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་བསྲུང་བྱ་རྣམས། །བསོད་ནམས་

[Full Size]

སྟོབས་འབྱོར་འཕེལ་བ་དང་། །ནད་གདོན་བར་ཆད་ཟློག་པ་དང་། །ཕྱོགས་བཞིའི་དགྲ་རྣམས་འདུལ་བར་མཛོད། །རྗེས་ཀྱི་བྱ་བ་ལ། མཆོད་བསྟོད་བསྡུས་པ་ནི། །ཨོཾ་གུ་རུ་དྷེ་ཝ་ཌཱཀི་ཧཱུྃ་ཧཱུྃ་སརྦ་དྷརྨ་པ་ལ་ཨགྷཾ་ནས། ཤབྡ་སྭཱ་ཧཱ། བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་པ། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། །མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་རྩལ་བ། །དེ་ཀུན་མགོན་པོས་བཟོད་པར་གསོལ། །ཨོཾ་བཛྲ་སཏཱ་སོགས། གཏོར་མགྲོན་ཡེ་ཤེས་པ་རྣམས་རང་གནས་གཤེགས། །དམ་ཚིག་པ་རྣམས་བདག་ལ་ཐིམ་པར་གྱུར། །དགེ་བ་འདི་ཡིས་མྱུར་དུ་བདག །ཡེ་ཤེས་མགོན་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །བདག་ཅག་ལྕམ་དྲལ་ཐུགས་ཀྱི་དཀྱིལ་འཁོར་དུ། །འགྱུར་བ་མེད་པ་ལྷུན་གྱིས་གྲུབ་པ་དང་། །རབ་འབྱམས་རྒྱལ་བའི་བཀའ་ལ་དབང་ཐོབ་ཅིང་། །འགྲོ་ཀུན་དཔལ་དུ་འགྱུར་བའི་བཀྲ་ཤིས་ཤོག །དེ་ལྟར་རྒྱུན་གྱི་གཏོར་བསྔོས་ལ་བརྩོན་པར་བྱའོ། །ཀརྨ་

[Full Size]

བརྩོན་འགྲུས་རྒྱ་མཚོས་ཡང་ཡང་བསྐུལ་བའི་ཕྱིར། ༧ རཱ་ག་ཨ་སྱས་བྲིས་པ་དགེ་ལེགས་འཕེལ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་བསྔོས་རྒྱས་པར་བཀོད་པ།

[Full Size]

གཏོར་བསྔོས་རྒྱས་པར་བཀོད་པ་བཞུགས་པའི་དབུ་ཕྱོགས་ལགས་སོ།།

[Full Size]

ཕེཾ་ཕེཾ། ན་མོ་རཏྣ་གུ་རུ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཆོས་སྐུ་ཀུན་ཏུ་བཟང་པོ། དྲུག་པ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། གུ་རུ་ཤྲཱི་སེང་ཧ། པཎ་ཆེན་བི་མ་ལ་མི་ཏྲ་ལ་སོགས་པའི་རྫོགས་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་རཏྣ་གླིང་པ། རྒྱལ་སྲས་ཚེ་དབང་གྲགས་པ་ལ་སོགས་པ་གཏེར་མ་བརྒྱུད་པའི་བླ་མ་རྣམས་ཀྱི་ཞལ་དུ་འབུལ་ལོ། །ཆོས་

[Full Size]

རྒྱལ་མེས་དབོན་རྣམ་གསུམ། མཁའ་སྤྱོད་པ་ནམ་མཁའ་རྒྱལ་མཚན། སྒམ་པོ་པ་ཆོས་ཀྱི་རྒྱལ་མཚན། བྱ་བྲལ་བ་ཀུན་དགའ་བཀྲ་ཤིས། མཁས་གྲུབ་ཀརྨ་ཆགས་མེད། རིག་འཛིན་མི་འགྱུར་རྡོ་རྗེ་ལ་སོགས་པ་རྣམས་ཀྱི་ཞལ་དུ་འབུལ་ལོ། །རྒྱལ་བ་དགོངས་པ་བརྒྱུད་པ། རིག་འཛིན་བརྡའི་བརྒྱུད་པ། གང་ཟག་སྙན་ཁུང་བརྒྱུད་པ། གཏེར་ཆོས་སྨོན་ལམ་བརྒྱུད་པ། ཐུགས་རྗེ་བྱིན་རླབས་བརྒྱུད་པ། བཀའ་བབས་དོན་གྱི་བརྒྱུད་པ། རྒྱ་གར་གྱི་རིག་འཛིན་བརྒྱད། གྲུབ་ཆེན་བརྒྱད་ཅུ་རྩ་ལྔ། རྗེ་འབངས་ཉི་ཤུ་ལྔ། གཏེར་སྟོན་བརྒྱ་

[Full Size]

དང་རྩ་བརྒྱད་ལ་སོགས་པ་རིག་འཛིན་གྲུབ་ཐོབ་རྒྱ་མཚོ་རྣམས་ཀྱི་ཞལ་དུ་འབུལ་ལོ། །ༀ་གུ་རུ་ཨཱཿ་ཡུ་སིདྡྷི་ཧཱུྃ་ཧྲཱིཿ ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། མགོན་པོ་ཚེ་དང་ཡེ་ཤེས་དཔག་ཏུ་མེད་པ་འཆི་མེད་ཚེའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་མ་ཎི་པདྨེ་ཧཱུྃ་ཧི༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཐུགས་རྗེ་ཆེན་པོ་གསང་བ་འདུས་པ་ལ་སོགས་ཐུགས་རྗེ་ཆེན་པོའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛསིདྡྷི་ཕ་ལ་ཧཱུྃ་ཨཱཿ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཐུགས་སྒྲུབ་ཡང་སྙིང་འདུས་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཙཱཧཱུྃ་ཨ་ཙིག་ནེར་ཙིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཱཿཏྟཱཧཱུྃ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། གུ་རུ་དྲག་པོ་དམར་ནག་མེ་ཕྲེང་ཅན་གྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་མཉྫ་ཤི་ཡ་མཱནྟ་ཀ་ཡ་མ་རཱ་ཙ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། འཇམ་དཔལ་ཀིང་ཀང་དམར་ནག་འཁོར་དང་བཅས་པའི་ཞལ་དུ་འབུལ་ལོ། །དུ་ཏྲི་ཡ་མ་རཱ་ཙ་ཡ་མ་རཀྵ་ཀྲོ་ཏ་པ་ཙ་ལ། ཀཱ་ལ་རཱུ་པ། ཨ་

[Full Size]

ཀྲོ་རཱ་ཙ། ཡ་མ་རཱ་ཙ་ས་མ་ཡ་ཛ་ཛཿ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། འཇམ་དཔལ་ཁྲོ་ཆུ་དུག་གདོང་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧཱུྃབཛྲ་ཀྲོ་ཏ་ཧ་ཡ་གྲྭ་ཝ་ཧུ་ལུ་ཧུ་ལུ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། དབང་ཆེན་རྟ་མགྲིན་དམར་ནག་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ག་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། གསང་བདག་རྡོ་རྗེ་གཏུམ་པོ་ཁྱུང་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། བཀའ་བརྒྱད་སྒྲུབ་པའི་ལྷ་བདུན་བརྒྱ་དང་ཉེར་ལྔའི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཧཱུྃ༔བཛྲ་གུ་རུ་དྷེ་ཝ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱཿ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། དགོངས་འདུས་རྩ་བ་གསུམ་གྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནཱན་བ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། བདུད་འདུལ་ཕུར་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །

[Full Size]

ཨོཾ་ཧྲཱི༔ཧ་ཧ་ཧཱུྃ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། བཅོམ་ལྡན་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཧིམ་ཧ་རི་ནི་ས་ར་ཙ་ཧྲཱི་ཡ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཡུམ་ཆེན་རྡོ་རྗེ་ཕག་མོ་མཁའ་འགྲོ་བྱེ་བ་འབུམ་སྡེ་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཐུགས་རྗེ་ཁྲོས་མའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཤྲཱི་བཛྲ་ཌཱ་ཀི་ནཱི་སེང་ཧ་མུ་ཁ་ཧཱུྃ་ཕཊ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། དྲག་མོ་སེང་གེའི་གདོང་ཅན་རི་རབ་སོ་གཉིས་ཀྱི་རྡུལ་དང་མཉམ་པའི་མཁའ་འགྲོ་མ་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཏན་པ་ཏི་ཤཱནྟཾ་ཀུ་རུ་ཡེ་སྭཱ་ཧཱ། ས་པཱ་རི་ཝཱ་ར་ཨི་དཾ་བ་ལཾ་ཏ་ཁ་ཁ་ཁཱ་ཧི། དཔལ་རྒྱུད་ཀྱི་བདག་པོ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཨཱཿཧཱུྃ༔ ལོ་ཀ་ཤྭ་ར་ཀྲོ་ཏ་ཧཱུྃ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཁྲོ་བོའི་རྒྱལ་པོ་རོ་ཟ་འཁོར་དང་བཅས་པ་རྣམས་ལ་འབུལ་ལོ། །ཕཊཧཾ་ཛྷ་ན་ཀྲོ་ཏ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཡེ་ཤེས་འཇིགས་བྱེད་འཁོར་དང་བཅས་པའི་ཞལ་དུ་

[Full Size]

འབུལ་ལོ། །བྷྱོ་ཕཊཧཱུྃ་དུ་ར་ན་ཏྲ་ཏྲ་ཕཊ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ལས་ཧུར་དྲག་མོ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཤ་རི་རུ་མ་བྷྱོ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ལས་གཤིན་འཆར་ཁ་ནག་པོ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་སརྦ་ཌཱཀི་ནཱི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ལུང་ལྔ་ལྗོངས་གསུམ་གླིང་བཞི། སྒྲུབ་གནས་བརྒྱད། གངས་ཉི་ཤུ་རྩ་གཅིག །ངོ་མཚར་གནས་མཆོག་ཉེར་ལྔ། གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས་ལ་གནས་པའི་དཔའ་བོ་མཁའ་འགྲོ་བཀའ་སྲུང་གཏེར་སྲུང་རྣམས་ཀྱི་ཞལ་དུ་འབུལ་ལོ། །འགལ་རྐྱེན་བར་ཆད་ཐམས་ཅད་ཞི་བ་དང་མཐུན་རྐྱེན་བསམ་པ་ཡིད་བཞིན་དུ་འགྲུབ་པ་དང་། མཆོག་ཐུན་མོང་གི་དངོས་གྲུབ་མྱུར་དུ་འགྲུབ་པར་མཛད་དུ་གསོལ། ཅེས་རྩ་གསུམ་སྲུང་མ་བཅས་ཀྱི་གཏོར་བསྔོས་རྒྱས་པར་བཀོད་པ་རཱ་ག་ཨ་སྱས་སྦྱར་བ་མངྒ་ལཾ། བྷ་ཝནྟུ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསང་སྔགས་སྤྱི་ཡི་གསར་རྙིང་གི་གཏོར་བསྔོས་བདུད་རྩིའི་རྒྱ་མཚོ་དངོས་གྲུབ་ཀུན་འབྱུང་།

[Full Size]

གསང་སྔགས་སྤྱི་ཡི་གསར་རྙིང་གི་གཏོར་བསྔོས་བདུད་རྩིའི་རྒྱ་མཚོ་དངོས་གྲུབ་ཀུན་འབྱུང་བཞུགས་སོ།།

[Full Size]

ན་མོ་གུ་རུ་དྷེ་ཝ་ཌཱཀི་ནཱི་ཧཱུྃ། གསར་རྙིང་སྤྱི་ཡི་གཏོར་བསྔོས་ནི། གསར་རྙིང་གང་རུང་གི་ཆོ་ག་ལས་བྱང་སྔོན་དུ་སོང་བའམ། འབྲིང་མངོན་རྟོགས། ཐ་ན་སྐད་ཅིག་དྲན་རྫོགས་ཀྱིས་བདག་ཡི་དམ་གྱི་སྐུར་གསལ་བཏབ་ནས། རབ་གཏོར་མ་ལྷ་གྲངས། འབྲིང་བླ་མ་ཡི་དམ་མཁའ་འགྲོ་ཆོས་སྐྱོང་ནོར་ལྷ་བཀའ་སྲུང་ཕྱི་རྒྱུད་པ་དང་བདུན་ཚར། བསྡུས་པ་རིན་ཆེན་འབར་བ་ལས་བཞིའི་གཏོར་མས་བསྐོར་བ་ལྔ་ཚོམ། ཤིན་ཏུ་བསྡུ་ན་རིན་ཆེན་འབར་བ་ལྷ་བརྒྱ་གཏོར་གཅིག་སྟེ། བདུད་རྩིའམ་ཕུད་ཀྱིས་བྲན་ལ། རྒྱལ་བ་རྒྱ་མཚོ། ཕག་མོའི་བདུད་རྩི་བྱིན་རླབས་སམ། རཏྣའི་ཐུགས་དམ་ནང་གི་གཏོར་མ་དོན་གསལ་རྙིང་གི་ཟེ་འབྲུའི་གཏོར་མ་བྱིན་རླབས་འདོན་པས་ལྷ་ཤ་ཁྲག་རུང་བ་ཐམས་ཅད་དུས་གཅིག་བྱིན་བརླབ་བྱ། ཕྱི་རྒྱུད་པ་

[Full Size]

དང་ཤ་ཁྲག་མི་རུང་བ་ཐམས་ཅད་རིན་པོ་ཆེའི་སྣོད་དུ་དཀར་གསུམ་མངར་གསུམ་བདུད་རྩིའི་རྒྱ་མཚོར་དམིགས་ལ། ཨ་ཀཱ་རོའམ། ཨོཾ་ཨཱཿཧཱུྃ་ཧ་ཧོ་བྷིསྭ་ཧཱ། ཞེས་ཁ་དོག་དྲི་རོ་ནུས་པ་ཕུན་སུམ་ཚོགས་པར་བསྒོམ། དེ་ནས་རང་ལུས་ཙོག་པུར་བྱས་ལ་རྐང་སྡེབ་གཡས་ཀྱིས་གཡོན་པའི་རྐང་པ་མནན། ལག་པའི་མཐེབ་མཇུག་གཉིས་ལྕགས་ཐག་ལྟར་སྦྲེལ། སོར་མོ་གཞན་རྣམས་གཤོག་པ་ལྟར་བྱས་པ། འབར་བའི་ཕྱག་རྒྱ་དཔྲལ་བར་གཡོན་དུ་ལན་གསུམ་བསྐོར་ཞིང་མིག་ནམ་མཁར་་བལྟས་ལ། ཕོ་ཕོ་ཐཾ༔ ཞེས་བརྗོད་གཏོར་མགྲོན་ཐམས་ཅད་ནམ་མཁའི་ས་གཞི་བར་སྣང་གང་བར་བསྒོམས་ཏེ། འདི་སྤྱན་འདྲེན་ཐམས་ཅད་ཀྱི་མཆོག་ཡིན་པ་རྒྱུད་སྡེ་ཆེན་པོ་རྣམས་ནས་སོ། །དེ་ནས་དེ་རྣམས་ཀྱི་ལྗགས་ལས་འོད་ཟེར་གྱི་སྤུ་གུ་གཏོར་

[Full Size]

མ་བདུད་རྩིའི་རྒྱ་མཚོ་ལ་ཟུག་ནས་དྲང་སྟེ་གསོལ་བར་བསྒོམ་པ་རྒྱུད་གཞུང་ཐམས་ཅད་ནས་གསུངས་ཏེ། རང་གི་ཐུགས་ཀ་ནས་མཆོད་པའི་ལྷ་མོ་བྱེ་བ་དུང་ཕྱུར་སྤྲོས་ནས། རིན་པོ་ཆེ་ལས་གྲུབ་པའི་བྷནྡྷའི་སྐྱོགས་ཀྱིས་བཅུས་ནས་ལྷ་ཐམས་ཅད་ལ་སོ་སོར་དྲངས་པར་བསམ་པ་ཡང་ལེགས་སོ། །དེ་ཡང་གཏོར་མ་ཕྲལ་དུ་ཕུལ་བ་ལ་ནང་ལྟར་ལེགས། བཞག་རྒྱུའི་ཕུག་གཏོར་ལ་དེ་བྱས་ན་ལྷག་མར་འགྱུར་བས་རྗེས་ནས་བསྔོ་དུས་གཙོ་བོ་ལ་འཁོར་གྱི་ལྷག་མ་འདྲེས་པ་མི་འཐད་པས། དམིགས་པ་རྒྱབ་མ་དེ་ལེགས་སོ། །འདོན་བྱ་ནི། མདུན་གྱི་ནམ་མཁར་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་ཐམས་ཅད་སྤྲིན་གྱི་ཕུང་པོ་ལྟར་བཞུགས་པར་གྱུར། ཕེཾ་ཕེཾ་བཛྲ་ཨཱཿ་ར་ལི་ཧོ༔ ཛཧཱུྃ་བཾ་ཧོ༔ བཛྲ་ཌཱཀི་ནི་ས་མ་ཡ་ཧཱུྃ། དྲི་ཤྱ་ཧོ༔ ན་མོ་རཏྣ་གུ་རུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏེ་ལོ་ཤེས་རབ་བཟང་པོ། ནཱ་རོ་ཛྙ་ན་སིདྡྷི། མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། དཔལ་ལྡན་དུས་གསུམ་མཁྱེན་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀྵི། མཁས་གྲུབ་ཨོ་རྒྱན་པ། སེམས་དཔའི་རང་བྱུང་རྡོ་རྗེ། རྒྱལ་བ་གཡུང་སྟོན་ཞིག་པོ། འཛམ་གླིང་རོལ་པའི་རྡོ་

[Full Size]

རྗེ། དཔལ་ལྡན་མཁའ་སྤྱོད་དབང་པོ། ཆོས་རྗེ་དེ་བཞིན་གཤེགས་པ། རྗེ་བཙུན་རཏྣ་བྷ་དྲ། སྤྲུལ་སྐུ་མཐོང་བ་དོན་ལྡན། ཀུན་མཁྱེན་འཇམ་དཔལ་བཟང་པོ། བྱང་སེམས་དཔལ་འབྱོར་དོན་འགྲུབ། རྒྱལ་དབང་ཆོས་གྲགས་རྒྱ་མཚོ། སངས་རྒྱས་མཉན་པ་གྲུབ་ཐོབ། ཀུན་མཁྱེན་མི་བསྐྱོད་རྡོ་རྗེ། རྒྱལ་དབང་དཀོན་མཆོག་ཡན་ལག །རྗེ་བཙུན་དབང་ཕྱུག་རྡོ་རྗེ། གར་དབང་ཆོས་ཀྱི་དབང་ཕྱུག །རྒྱལ་མཆོག་ཆོས་དབྱིངས་རྡོ་རྗེ། མཁས་གྲུབ་ཀརྨ་ཆགས་མེད། དཔལ་ལྡན་ཡེ་ཤེས་སྙིང་པོ་རྣམས་ཀྱི་ཞལ་དུ་ཨི་དཾ་བ་ལི་ཏ་ཁ་ཁ་ཁཱ་ཧི། ཁྱབ་བདག་རྡོ་རྗེ་འཆང་། བྱང་སེམས་བློ་གྲོས་རིན་ཆེན། བྲམ་ཟེ་ས་ར་ཧ། དཔལ་མགོན་འཕགས་པ་ཀླུ་སྒྲུབ། གྲུབ་ཆེན་ཤ་ཝ་རི་པ། རྒྱལ་སྲས་མེ་ཏྲི་པ། མར་པ་ཆོས་ཀྱི་བློ་གྲོས་ལ་སོགས་པ་ཕྱག་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཆོས་སྐུ་ཀུན་ཏུ་བཟང་པོ། དྲུག་པ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། གུ་རུ་ཤྲཱི་སེང་ཧ། པཎ་ཆེན་བི་མ་མི་ཏྲ་ལ་སོགས་པ་རྫོགས་ཆེན་བརྒྱུད་པའི་བླ་མ་རྣམས་ཀྱི་

[Full Size]

ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་བརྒྱ་རྒྱུདང་རྩ་བརྒྱད་ལ་སོགས་པ་གཏེར་མ་བརྒྱུད་པའི་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི། རྒྱ་གར་གྱི་རིག་འཛིན་བརྒྱད། གྲུབ་ཆེན་བརྒྱ་དང་བརྒྱད་ཅུ། བོད་ཀྱི་རིག་འཛིན་མི་དགུ། རྗེ་འབངས་ཉི་ཤུ་རྩ་ལྔ། ཆོས་རྒྱལ་མེས་དབོན་རྣམ་གསུམ། ལོ་ཙཱ་བརྒྱ་དང་རྩ་བརྒྱད། བཀའ་བརྒྱུད་ཆེ་བཞི་ཆུང་བརྒྱད། ས་སྐྱ་འཇམ་དབྱངས་བདུན་བརྒྱུད། བཀའ་གདམས་ཇོ་འབྲོམ་ཁུ་རྔོག །འབྲུག་པ་སེང་གེ་དགུ་ཚར། འབྲི་སྟག་སེང་ཆེན་བཅུ་གསུམ་ལ་སོགས་པ་དབང་ལུང་མན་ངག་གང་ལས་བརྒྱུད་པའི་དྲིན་ཆེན་རྩ་བ་དང་བརྒྱུད་པའི་བླ་མ་རྣམས་ཀྱི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ལུས་ངག་ཡིད་གསུམ་བྱིན་གྱིས་བརླབས་པ་དང་། ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུགསོལ། ཨོཾ་གུ་རུ་ཨཱཿ་ཡུ་སིདྡྷི་ཧཱུྃ་ཧྲཱི༔ ཨ་མཱ་ར་ཎི་ཛཱི་ཝནྟི་ཡེ་སྭ་ཧཱ་ཨི་དཾ་བ་ལིཾ་ཏ་ཁ་ཁ་ཁཱ་ཧི། འཆི་མེད་ཚེའི་དཀྱིལ་འཁོར་ལྷ་ཚོགས་ཐམས་ཅད་ལ་འབུལ་

[Full Size]

ལོ། །ཨོཾ་ཨཱཿཧཱུྃ་ཧི༔ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧཱིཡ་ཧཱུྃ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཐུགས་རྗེ་ཆེན་པོ་རྒྱལ་བ་རྒྱ་མཚོ་དཔའ་བོ་རྒྱ་མཚོ། དཔའ་མོ་རྒྱ་མཚོ། གྲུབ་ཐོབ་རྒྱ་མཚོ། དམ་ཅན་རྒྱ་མཚོ་རྣམས་ཀྱི་ཞལ་དུ་འབུལ་ལོ། །ཨོཾ་མ་ཎི་པདྨེ་ཧཱུྃ་ཧི༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཟླཐུགས་རྗེ་ཆེན་པོ་གསང་བ་འདུས་པའི་ལྷ་ཚོགས་བསྐལ་བཟང་གི་སངས་རྒྱས་སྟོང་རྩ་གཉིས་དང་བཅས་པའི་ཞལ་དུ་འབུལ་ལོ། །ཨོཾ་ལོ་ཀི་ཤྭ་རི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། སྤྱན་རས་གཟིགས་ཕྱག་སྟོང་སྤྱན་སྟོང་བཅུ་གཅིག་ཞལ། དོན་ཡོད་ཞགས་པ་ཡིད་བཞིན་ནོར་བུ་ལ་སོགས་པ་ཐུགས་རྗེ་འགྲོ་འདུལ་གྱི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། བླ་མ་སྐུ་གསུམ་སྐུ་ལྔ་མཚན་བརྒྱད་རིགས་དྲུག་འདུལ་བའི་གུ་རུ་དྲུག །ཨོ་རྒྱན་བྱེ་བ་ཕྲག་བརྒྱ་ལ་སོགས་པ་པད་འབྱུང་ཞི་བའི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཨ་ཙིག་ནེར་ཅིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ།

[Full Size]

ཨི་དཾ་བ་ལིཾ་ཏ་ཁ་ཁ་ཁཱ་ཧི། གུ་རུ་དྲག་པོ་བདེར་གཤེགས་འདུས་པ། མེ་ལྕེ་ཕྲེང་བ། མེ་རླུང་འཁྱིལ་བ། གཏུམ་དྲག་མེའི་འཁོར་ལོ། འོད་ཟེར་འབྱུང་གནས། དྲག་མཐིང་ཧཱུྃ་སྒྲུབ། ཕྱི་ནང་གསང་བ་ཡང་གསང་ལ་སོགས་པ་རིག་འཛིན་ཁྲོས་པའི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཧཱུྃབཛྲ་གུ་རུ་དྷེ་ཝ་ཌཱཀྐི་ནཱི་སརྦ་སིདྡྷི་ཕ་ལ་ཧཱུྃ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། བླ་མ་དགོངས་པ་འདུས་པ་ཕོ་བྲང་དགུའི་དཀྱིལ་འཁོར། ཕྱི་ནང་གསང་བ་ཡང་གསང་གི་ལྷ་ཚོགས་རྩ་བ་གསུམ་གྱི་ཞལ་དུ་འབུལ་ལོ། །ཨོཾ་བཛྲ་གུ་རུ་ཁྲོ་བོ་ལོད་མ་ཧ་རི་ནི་ས་ལོ་ཀ་སརྦ་སིདྡྷི་ཕ་ལ་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི། གུ་རུ་རྡོ་རྗེ་ཁྲོ་བོ་གྲོ་ལོད་རིགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཨཏན་ཏྲ་པ་ཏི་ཤཱནྟཾ་ཀུ་རུ་སྭཱ་ཧཱ། དཔལ་རྒྱུད་ཀྱི་བདག་པོ་རིགས་བཞིའི་ཞལ་དུ་འབུལ་ལོ། །ཨོཾ་ཨཱཿབཛྲ་དྷིཀ་ཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཕ་རྒྱུད་གསང་བ་འདུས་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿམཉྫབཛྲ་ཧཱུྃ། ཨི་དཾ་བ་ལི་ཏ་ཁ་ཁ་ཁཱ་ཧི། གསང་འདུས་འཇམ་དཔལ་དཀར་སེར་དམར་ནག་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཧཱུྃ་ཧ་སྭཱ་

[Full Size]

ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། རྡོ་རྗེ་གདན་བཞི་རྣལ་འབྱོར་ནམ་མཁའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཨཱཿཧཱུྃ་ཧཱིགུ་རུ་པདྨ་བཛྲ་དྷ་ཀི་ཙན་དྷ་ལི། ཨཱཿ་ཡུ་སིདྡྷི་ཀྲྀ་ཧཱུྃ་ཛ་ཧཱུྃ་ཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། གུ་རུ་མཚོ་སྐྱེས་རྡོ་རྗེ། ཉི་ཟླ་ཁ་སྦྱོར། མདའ་འཕེལ་མ། ཚ་བ་དམར་ཐག་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །དེ་ཡན་ཆད་བླ་མ་གཏོར་མ་ལ་དམིགས་སོ། །ཨོཾ་ཧི༔ཧ་ཧ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཡི་དམ་འཁོར་ལོ་བདེ་མཆོག །ལྷན་སྐྱེས། ལྷ་ལྔ་ལྷ་དྲུག་ཅུ་རྩ་གཉིས། །བདེ་མཆོག་དཀར་པོ་དམར་པོ་སེར་པོ་སྔོན་པོ་མཐིང་ཁ་མཁའ་འགྲོ་ལྔའི་དཀྱིལ་འཁོར་ལ་སོགས་དྲྭ་བ་སྡོམ་པའི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། གསང་བདག་ཕྱག་ན་རྡོ་རྗེ་གཏུམ་པོ་ཆེ་ཆུང་། གོས་སྔོན་ཅན། ཨུ་ཙརྱ་འབྱུང་འདུལ། ཁྱུང་སྡེ་ལྔ་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། སྒྲུབ་པ་བཀའ་བརྒྱུད་ཆེ་

[Full Size]

མཆོག་དཔལ་དགུའི་ལྷ་ཚོགས་བདུན་བརྒྱ་ཉེར་ལྔའི་ཞལ་དུ་འབུལ་ལོ། །ཨོཾ་བྷྱོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི། སྒྱུ་འཕྲུལ་ཞི་ཁྲོ་དམ་པ་རིགས་བརྒྱ་རྒྱལ་བ་རིགས་ལྔ་གསང་ཆེན་རིགས་བཞི་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཧི། ལྷ་མཆོག་རྡོ་རྗེ་གཞོན་ནུ། རྡོ་རྗེ་རྣམ་པར་འཇོམས་པ། ཡེ་ཤེས་ཀྱི་ཁྲོ་བོ་བཅུ་ཁྲོ་མོ་བཅུ་ལ་སོགས་པ། བདུད་འདུལ་ཕུར་པའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། ཨོཾ་ཨཱཿཧཱིཧཱུྃ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི། མ་རྒྱུད་མ་ཧཱ་མཱ་ཡཱ་དཔལ་སྒྱུ་མ་ཆེན་པོའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། སྐུ་དགྱེས་པ་རྡོ་རྗེ། གསུང་དགྱེས་པ་རྡོ་རྗེ། ཐུགས་དགྱེས་པ་རྡོ་རྗེ། སྙིང་པོ་དགྱེས་པ་རྡོ་རྗེ། གུར་རིགས་བསྡུས་པ་ལ་སོགས་པ་ཀྱེའི་རྡོ་རྗེའི་ལྷ་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་བྲི་ཀཱ་ལ་ཙཀྲ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། དཔལ་དུས་ཀྱི་འཁོར་ལོ། ཐུགས་གསུང་སྐུའི་དཀྱིལ་འཁོར། ཁྱུང་ཁྲ་ཞིང་སྐྱོང་

[Full Size]

གསུང་ལ་དབང་བ་ལ་སོགས་པ་གཉིས་མེད་རྒྱུད་ཀྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་བུདྡྷ་ཀ་པཱ་ལ་ཨ་ཧེ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། བཅོམ་ལྡན་འདས་སངས་རྒྱས་ཐོད་པ་ལྷ་དགུ་ལྷ་མང་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ཨོཾ་ཧྲིལླི་ཝི་ཀྲི་ཏཱ་ན་ན་ཧཱུྃ་ཧཱུྃ་ཕཊ་ཕཊ༔སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། དགྲ་ནག་གདོང་དྲུག་གཤེད་དམར་རྡོ་རྗེ་འཇིགས་བྱེད་མཐར་བྱེད་ནག་པོ་ལ་སོགས་པ། གཤིན་རྗེའི་གཤེད་སྐོར་གྱི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །དུ་ཏྲི་ཡ་མ་རཱ་ཙ། ཡ་མ་རཀྵ་ཀྲོ་ཏ་པ་ཙ་ལ་ཏི་ཀཱ་ལ་རཱུ་པ། ཨ་ཀྲོ་རཱ་ཙ། ཡ་མ་རཱ་ཙ་ས་མ་ཡ་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། སྐུ་ཚེ་བདག་ནག་པོའི་ལྷ་ཚོགས། གསུང་འཆི་བདག་ན་ག་རཀྴའི་ལྷ་ཚོགས། ཐུགས་སྲོག་བདག་འཇིགས་བྱེད་མེའི་སྤུ་གྲི་ཁ་ཐུན་ལྷ་ཚོགས། ཡོན་ཏན་བེ་བྷ་སྭ་ཏ་འཆར་ཁའི་ལྷ་ཚོགས། ཕྲིན་ལས་ཟ་བ་ལྗང་ནག་ཀིང་ཀང་དམར་ནག་གི་ལྷ་ཚོགས། ཀུན་འདུས་ཁྲོ་ཆུ་དུག་གདོང་ལ་སོགས་པ་འཇམ་དཔལ་སྐུའི་ལྷ་ཚོགས་ཀྱི་ཞལ་དུ་འབུལ་ལོ། །ཨོཾ་ཧྲིབཛྲ་མ་ཧཱ་ཀྲོ་ཏ་ཧྱ་གྷི་ཝ་ཨེ་ཀ་ཙ་ཏི་ཡཀཱ་ཏྲི་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨི་

[Full Size]

དཾ་བ་ལིཾ་ཏ་ཁ་ཁ་ཁཱ་ཧི། རྟ་མགྲིན་ཡང་གསང་ཁྲོས་པ་གསང་སྒྲུབ་དམར་པོ་ཤྭ་ན་བཞི་སྐོར་གསང་བ་འདུས་པ། རྟ་ཕག་ཡིད་བཞིན་ནོར་བུ། ནག་པོ་ལྕགས་རལ་ནཱ་ག་ཀླུ་འདུལ། །རྟ་ནག་དྲེགས་པ་ཆེན་པོ་ལ་སོགས་པ་པདྨ་གསུང་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །བདག་དང་བསྲུང་བྱ་མི་ནོར་ཐམས་ཅད་ཀྱི་ལུས་ངག་ཡིད་གསུམ་སྐུ་གསུང་ཐུགས་རྡོ་རྗེར་བྱིན་གྱིས་བརླབས་པ་དང་བསྲུང་བ་དང་བསྐྱབ་པ་དང་མཆོག་ཐུན་མོང་གི་དངོས་གྲུབ་ཐམས་ཅད་ད་ལྟ་ཉིད་དུ་བསྩལ་དུ་གསོལ། དེ་ཡན་ཡི་དམ་གཏོར་མ་ལ་བསྔོའོ། །ༀ་བཛྲ་བེ་རོ་ཙ་ནཱི་ཡེ་ཧ་རི་ནི་ས་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། བཅོམ་ལྡན་འདས་མ་རྡོ་རྗེ་ཕག་མོ་ཞལ་གཅིག་མ། ཞལ་གཉིས་མ། ཞལ་བཞི་མ། ཞལ་ལྔ་ལྷ་མངའ། སེར་མོ་སྔོན་མོ། མཁའ་འགྲོ་བྱེ་བ་འབུམ་སྡེའི་ཞལ་དུ་འབུལ་ལོ། །ༀ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱཿ་བེ་ཤ་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཐུགས་རྗེ་ཁྲོས་མ་ནག་མོ། ལྷ་ལྔ་ལྷ་མང་ཕག་མོ་ནག་མོའི་ལྷ་ཚོགས་ཞལ་དུ་འབུལ་ལོ། །ཨོཾ་ཤྲཱི་བཛྲ་ཌཱཀི་ནི་སིདྷ་མུ་ཁ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། དྲག་མོ་སེང་གེའི་གདོང་ཅན། ལྷ་ལྔ་ལྷ་མང་

[Full Size]

ཕྲ་མེན་སེང་གདོང་མ་བཅུ་བཞི་རི་རབ་སུམ་ཅུ་སོ་གཉིས་ཀྱི་རྡུལ་གྱི་གྲངས་དང་མཉམ་པའི་མཁའ་འགྲོ་མ་རྣམས་ཀྱི་ཞལ་དུ་འབུལ་ལོ། །ཨོཾ་ཀུ་རུ་ཀུལླེ་ཧིསཱ་ཧཱ། །ཨི་དཾ་བ་ལིཾ་ཏ་ཁ་ཁ་ཁཱ་ཧི། ལྷ་མོ་རིག་བྱེད་མ་ལྷ་གཅིག །ལྷ་ལྔ་ལྷ་མོ་བཅོ་ལྔའི་ཞལ་དུ་འབུལ་ལོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། རྡོ་རྗེ་སྒྲོལ་མ། སྒྲོལ་མ་དཀར་ལྗང་ལྷ་གཅིག་ལྷ་ལྔ། འཇིགས་པ་བརྒྱད་སྐྱོབ། སྒྲོལ་མ་ཉི་ཤུ་རྩ་གཅིག་གི་ཞལ་དུ་འབུལ་ལོ། །ཨོཾ་མ་རི་ཙེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ལྷ་མོ་འོད་ཟེར་ཅན་མ་ལྷ་གཅིག །ལྷ་མོ་ཉི་ཤུ་རྩ་ལྔའི་ཞལ་དུ་འབུལ་ལོ། །ཨོཾ་པི་ཤ་ཙི་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི། རི་ཁྲོད་ལོ་མ་ཅན་སེར་མོ་ཕྱག་གཉིས། ཕྱག་དྲུག །ལྗང་མོ་ལྷ་གཅིག་ལྷ་མང་རྣམས་ཀྱི་ཞལ་དུ་འབུལ་ལོ། །ཧྲིམ་ཧ་རི་ནི་ས་སོགས། ཨི་དཾ་བ་ལིཾ་ཏ་ཁ་ཁ་ཁཱ་ཧི། རྟ་ཕག་ཡབ་ཡུམ་རིགས་བཞི་དཔའ་བོ་མཁའ་འགྲོ་འབུམ་ཕྲག་ཉི་ཤུ་མཁའ་འགྲོ་སྙིང་ཐིག་གི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །ༀ་ཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི། མཚོ་རྒྱལ་བདེ་ཆེན་རྒྱལ་མོ། ལབ་ཀྱི་སྒྲོལ་

[Full Size]

མ། ལ་འདུས་རྡོ་རྗེ་སྒྲོལ་མ་ལ་སོགས་པ་སྤྲུལ་པའི་ཌཱཀི་རྣམས་ཀྱི་ཞལ་དུ་འབུལ་ལོ། །བདག་དང་བསྲུང་བྱ་ཐམས་ཅད་འཇིགས་པ་བརྒྱད་དང་བཅུ་དྲུག་ལས་སྐྱོབ་པ་དང་། །རླུང་སེམས་སྣང་བ་དབང་དུ་འདུས་ནས་ཉམས་དང་རྟོགས་པ་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། དེ་ཡན་ཆད་མཁའ་འགྲོའི་གཏོར་མ་ལའོ། །ༀ་མ་ཧཱ་ཀཱ་ལ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། གྲི་ཐོད་ཅན་རྡོ་རྗེ་གུར་གྱི་མགོན་པོ་ཡེ་ཤེས་ཀྱི་མགོན་པོ་ལེགས་ལྡན་བེར་ནག་ཅན་ལས་ཀྱི་མགོན་པོ་སྲས་མཆོག་བེར་ནག་ཅན། འཇིག་རྟེན་གྱི་མགོན་པོ་དྲེགས་བྱེད་བེར་ནག་ཅན། དྲེགས་པ་ཕོ་དགུ་མོ་དགུ། ཕྱོགས་བཅུའི་མགོན་པོ་དྲེགས་པའི་གཙོ་བོ་བདུན་ཅུ་རྩ་གཉིས་རྣམས་ཀྱི་ཞལ་དུ་འབུལ་ལོ། །ཨོཾ་ཏྲག་རཀྲ་མ་ཧི་དུན་བྷྱོཿ མ་ཧཱ་ཡཀྵ་ཏིཀཱ་ཎ་ཀཱ་ལི་དུན་བྷྱོཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། དཔལ་ལྷ་མོ་རང་བྱུང་གི་རྒྱལ་མོ། རེ་མ་ཏི་མཆེད་བཞི། མ་བདུན་སྲིང་བཞི་འབར་མ་དགུ། དུས་བཞིའི་ལྷ་མོ་དམག་གི་རྒྱལ་མོ། དབང་ཕྱུག་ཉེར་བརྒྱད་རྣམས་ཀྱི་ཞལ་དུ་འབུལ་ལོ། །ཨོཾ་བཛྲ་ཀ་ཝུ་ཝ་མ་ཧཱ་ཀཱ་ལ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི། དཔལ་ཡེ་ཤེས་ཀྱི་མགོན་པོ་ཕྱག་

[Full Size]

བཞི་པ་སྐུ་ལྔའི་མགོན་པོ་ཡབ་ཡུམ། བྱ་སེང་ཡུམ་གསུམ། ནག་པོ་སྟོང་ཤ་ཟ་འབུམ་མ་མོ་བྱེ་བ་གནོད་སྦྱིན་ཁྲི། མཁའ་འགྲོ་བསམ་གྱིས་མི་ཁྱབ་པ་ཁྲབ་ཅན་བྱེ་བ་འབུམ་རྒྱུག་གི་ཚོགས་དང་བཅས་པའི་ཞལ་དུ་འབུལ་ལོ། །ཨོཾ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། དཔལ་ལྡན་ལྷ་མོ་དུད་པའི་སོལ་བ་མ། སྙིང་འཕྲོག་མ་གསུམ། རིགས་བཞིའི་ལྷ་མོ། དུར་ཁྲོད་ཀྱི་མ་མོ་བརྒྱད། ཕྲ་མེན་མ་བརྒྱད། སྒོ་མ་བཞི། ནག་མོ་བྱེ་བ་འབུམ་གྱི་ཞལ་དུ་འབུལ་ལོ། །ཨོཾ་བཛྲ་ཁ་ཁ་ཁཱ་ཧི། མྱུར་མཛད་ཕྱག་དྲུག་པ། མགོན་དཀར་ཡིད་བཞིན་ནོར་བུ། ཇོ་བོ་གཟི་ལྡན། རེ་མ་ཏི་ཕྱག་བཞི་མ། ཕྱག་གཉིས་མ། གནོད་སྦྱིན་བཞི། གསང་བའི་ལས་མཁན་ཡབ་ཡུམ། དྲེགས་པ་ཕོ་མོ་ལྔ་སྟོང་དང་བཅས་པའི་ཞལ་དུ་འབུལ་ལོ། །ཨོཾ་ཤྲཱི་མ་ཧཱ་ཀཱ་ལ་གྷ་ཡོན་གྷ་ཡ་རཾ་སིདྡྷི་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་མ་ཧཱ་ཀཱ་ལ་ཏྲཀ་ཤད་མ་ཧཱ་ཀཱ་ལ་སི་ཏི་ཡཾ་དུ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། དཔལ་མགོན་མ་ནིང་སྡེ་ལྔ་སྲོག་བདུད་

[Full Size]

དཔལ་འབར་ཡང་འཁོར་སྡེ་བརྒྱད། མ་ནིང་ཛ་ནག །བདུད་མགོན་ཏྲག་ཤད་ནག་པོ། བདུད་དམག་བྱེ་བ་འབུམ་སྡེའི་ཚོགས་ཐམས་ཅད་ཀྱི་ཞལ་དུ་འབུལ་ལོ། །ཨོཾ་མ་ཧཱ་ཀཱ་ལ་སིང་ཧ་མུ་ཁ་ཧཱུྃ་ཕཊ༔ ཏྲི་ཧྲིང་ཛཿ ཌཱཀི་ནཱི་སི་ན་ར་མ་ཧཱུྃ་ཕཊ༔ ཏྲི་ཧྲིང་ཛཿ ཡ་མ་རཱ་ཙ་དུ་ཏྲི་ཕུ་ཏྲི་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཞིང་སྐྱོང་ཀུན་དགའ་གཞོན་ནུ་ཡབ་ཡུམ་བམ་རོ་ཕོ་མོ་ཤན་པ་སྡེ་བརྒྱད། དམ་ཅན་ཆོས་རྒྱལ་གཅིག་ཆར་དམར་པོ། སྒྲོལ་གིང་བེག་རྩེ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་གྷི་རཱ་ཛ་གྷི་རཱ་ཛ་ཀུ་མ་ཀུ་མ་ཁུམ་ཐིས་སྭཱ་ཧཱ། དཔལ་ལྡན་དུར་ཁྲོད་བདག་པོ་ཡབ་ཡུམ། དུར་ཁྲོད་ཀྱི་བདག་མོ་ངེ་ནེ་མ་ཕྱི་ནང་གསང་བའི་ཚོགས་རྣམས་ཀྱི་ཞལ་དུ་འབུལ་ལོ། །བྷ་ག་ཝ་ཏི་ཏིཥྛ་རཀྵ་རཀྵ་ས་མ་ཡ་ཧཱུྃ་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་མ་ཧཱ་ཀཱ་ལ་བི་ཀ་ལ་ར་ཏྲི་ཏ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། སྲིན་མགོན་ཐོད་ཕྲེང་ཅན་ཡབ་ཡུམ། གཉེན་མགོན་ཞལ་བཞི་པ་ཡབ་ཡུམ། ལྷ་ཆེན་དབང་ཕྱུག་ཆེན་པོ་ཡབ་ཡུམ་རྣམས་ཀྱི་ཞལ་དུ་འབུལ་ལོ། །ཨོཾ་མ་ཧཱ་ཀཱ་ལ་དུ་རུ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། བསྟན་སྲུང་བྲག་ལྷ་མགོན་པོ་

[Full Size]

སྐྱ་རྐང་། ལས་མཁན་མོན་པ་ནག་པོ། ལས་མཁན་མདུང་འཛིན་ཕྱི་ནང་གསང་བའི་ལྷ་ཚོགས་རྣམས་ཀྱི་ཞལ་དུ་འབུལ་ལོ། །བདག་གི་ཕྲིན་ལས་རྣམ་པ་བཞི་ཐོགས་པ་མེད་པར་འགྲུབ་པ་དང་། དམ་པའི་ཆོས་སྒྲུབ་པའི་འགལ་རྐྱེན་བར་ཆད་ཐམས་ཅད་ཞི་ནས་ལུས་ངག་ཡིད་གསུམ་ལོག་པའི་ལམ་དུ་མི་འགྲོ་ཞིང་། ཐར་པ་བྱང་ཆུབ་ཀྱི་ལམ་དུ་བློ་འགྲོ་བའི་ཕྲིན་ལས་མཛད་དུ་གསོལ། །དེ་ཆོས་སྐྱོང་སྤྱི་གཏོར་ཕྱག་བཞི་པའམ་མ་ནིང་སོགས་མགོན་ཆེན་གཅིག་གི་གཏོར་མ་ལ་བསྔོ་ཆོག །ཨོཾ་བྷཻཾ་ཤྲ་མ་ན་ཡེ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི། རྒྱལ་པོ་ཆེན་པོ་རྣམ་ཐོས་སྲས་ཕྱི་སེར་ཆེན། ནང་ལྗང་ཆུང་། གསང་བ་མདུང་དམར། རིགས་ཆེན་བརྒྱད་ནོར་ལྷ་ཕོ་བརྒྱད་མོ་བརྒྱད། གནོད་སྦྱིན་སྡེ་དཔོན་བཅུ་གཉིས། ལྗོངས་ཆེན་གནས་པ་བཅུ་དྲུག །ཆོས་སྤྱན་སུམ་ཅུ་སོ་གཉིས། ཡུལ་འཁོར་སྐྱོང་བ་ལྔ་བརྒྱ། གནོད་སྦྱིན་བྱེ་བ་བདུན་འབུམ་དང་བཅས་པའི་ཞལ་དུ་འབུལ་ལོ། །ཨོཾ་ཛཾ་བྷ་ལ་ཛ་ལེནྡྲ་ཡེ་དྷ་ན་མི་དྷི་གྷིསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཛཾ་ལྷ་རིགས་དགུ། གནོད་སྦྱིན་ཨ་པ་རི་ཙིཏྟ་དཀར་སྔོན་དམར་གསུམ། རྟ་ལྷ་རེ་མནྟ་འཁོར་ལྔ་བརྒྱ་

[Full Size]

དང་བཅས་པ། རྟ་བདག་ཀུ་བེ་ར་འཁོར་སྟོང་དང་བཅས་པ། གནོད་སྦྱིན་གར་མཁན་མཆོག །འབྲོག་གནས་མཆེད་ལྔ། ཚོགས་ཀྱི་བདག་པོ་རིགས་ལྔ་རྣམས་ཀྱི་ཞལ་དུ་འབུལ་ལོ། །ཨོཾ་བཱ་སུ་དྷ་རི་ཎི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། །ནོར་རྒྱུན་མ་ལྷ་གཅིག །ལྷ་ལྔ་ལྷ་མང་མ། ལྷ་མོ་ཀུན་འཁྱིལ་མཆེད་གསུམ། ཕག་གདོང་མ་མཆེད་ལྔ། གནོད་སྦྱིན་ནོར་རྒྱུན་མ་ལྔ་བརྒྱ་རྣམས་ཀྱི་ཞལ་དུ་འབུལ་ལོ། །ཨོཾ་ཨཉྫི་དྷ་རི་པཉྩ་ཊཱཀི་ནཱི། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཇོ་མོ་བཀྲ་ཤིས་ཚེ་རིང་མ་ཕྱི་ལྷ་སྨན་མཆེད་ལྔ། །ནང་ཞིང་སྐྱོང་མ་མཆེད་ལྔ། གསང་བ་ཌཱཀི་མ་མཆེད་ལྔ། རྡོ་རྗེ་གཡུ་སྒྲོན་མ་མཆེད་ལྔ། ཨ་ཕྱི་ཆོས་ཀྱི་སྒྲོན་མ་མཆེད་ལྔ་རྣམས་ཀྱི་ཞལ་དུ་འབུལ་ལོ། །ཚེ་བསོད་ལོངས་སྤྱོད་མངའ་ཐང་དར་ཞིང་རྒྱས་པ་དང་། ལོ་ལེགས་པ་དང་རྟ་ཕྱུགས་འཕེལ་བ་སོགས། དམ་པའི་ཆོས་སྒྲུབ་པའི་མཐུན་རྐྱེན་ཐམས་ཅད་འབད་མེད་ལྷུན་གྱིས་གྲུབ་པའི་དངོས་གྲུབ་རྒྱ་ཆེན་པོ་སྩོལ་ཅིག །དེ་རྣམས་ཛ་ལྷའི་གཏོར་མ་ལ་བསྔོ་ཆོག །ཨོཾ་བཛྲ་སཱ་དྷུ་ས་མཱ་ཡ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། དམ་ཅན་མགར་བ་ནག་པོ། གཙང་བཙན་མགར་བ་དམར་པོ་གིང་

[Full Size]

ཆེན་སྡེ་བཞི། མཆེད་ཟླ་སུམ་བརྒྱ་དྲུག་ཅུ་འཁོར་དང་བཅས་པའི་ཞལ་དུ་འབུལ་ལོ། །ཨོཾ་ཀེ་ཏ་ཀེ་ཏ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། དྲང་སྲོང་ཆེན་པོ་རཱ་ཧུ་ལ་གཟའ་བརྒྱད་གདོང་མོ་བཞི། རྒྱུ་སྐར་ཉི་ཤུ་རྩ་བརྒྱད། འཇིག་རྟེན་ཀྱི་གཟའ་བདུད་ནག་པོ་གཟའ་ཕྲན་བྱེ་བ་འབུམ་སྡེ། གཟའ་བདུད་མིག་དམར་ཤན་པ་དམར་ནག ། འཁོར་སྡེ་བརྒྱད་གནོད་སྦྱིན་སྟོང་གི་ཚོགས་དང་བཅས་པ་ལ་འབུལ་ལོ། །ཨོཾ་ཨེ་ཀ་ཙ་ཏི་བྷྱོ་ཧྲིང་། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ཁྱི་ཁ་ལེ་ནག་མོ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། བྷྱོ་ཤ་ཟ་ཌཱཀི་མ་མོ་ཙིཏྟ་ཧྲིང་ཧྲིང་ཛཿ ཨི་དཾ་བྷ་ལི།ཁ་ཁ་ཁཱ་ཧི། སྔགས་སྲུང་ཨེ་ཀ་ཙ་ཏི། ཤན་པ་སྲོག་སྒྲུབ་ནག་མོ། ཤ་ཟ་ཁ་མོ་ཆེ། སྤྱང་ཞོན་མཆེད་གསུམ་ཌཀི་ཟ་བྱེད་གདོང་། །སྲིད་པའི་མ་མོ་བདུན་འབུམ་རྣམས་ཀྱི་ཞལ་དུ་འབུལ་ལོ། །དུ་བ་ཏྲི་ཤུ་ལ་ནཱ་ག་ར་ཙ་ཧཱུྃ་ཧཱུྃ་ཛཿཧཱུྃ་བཾ་ཧོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། གཏེར་སྲུང་སྤུ་གྲི་མཆེད་གསུམ། བཙན་བདུད་ཀླུ་གསུམ། གདོང་ལྷ་མཆེད་གསུམ། དམག་རྒྱལ་སྤུན་གསུམ་འཁོར་དང་བཅས་པའི་ཞལ་དུ་འབུལ་ལོ། །ནཱ་ག་ར་ཙ་ཀྲོ་ཏ་པ་ཙ་ལ་ཏི་ཨི་དཾ་བ་

[Full Size]

ལི་ཏ་ཁ་ཁ་ཁཱ་ཧི། དགེ་བསྙེན་སྨྱོ་ཁ། མཁར་ནག་རྡོ་རྗེ་རྒྱལ་པོ། འཁོར་དབུས་གཙང་ཁམས་གསུམ་གྱི་ཀླུ་བདུད་ཀླུ་བཙན་གྱི་ཚོགས་དང་བཅས་པའི་ཞལ་དུ་འབུལ་ལོ། །ཨོཾ་ནཱ་ག་ཙན་ཏྲི། ཙ་ར་ར་ཏྲི་གིང་ཀ་ར། ཡཀྵ་ཀཱ་ས་མ་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། བཙན་རྒོད་འབར་བ་སྤུན་བདུན། དགེ་བསྙེན་སྤུན་བདུན། གནོད་སྦྱིན་སྤུན་བདུན་འཁོར་དང་བཅས་པའི་ཞལ་དུ་འབུལ་ལོ། ཨོཾ་སརྦ་སུམ་ཏྲི་རི་ཏྲི་ན་ན་ཁ་རེག་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི། བཙན་རྒོད་ཇག་པ་མེ་ལེན་འཁོར་དང་བཅས་པའི་ཞལ་ཙྪེདུ་འབུལ་ལོ། །ཙཎཱ་པྲ་མ་ནི་དྷ་ར་དྷ་ར་ས་མ་ཡ་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཇོ་བོ་སྤྲུག་གི་བཙན་རྒོད་སྐྱ་དགུ་བན་བཅུ། ཕྱི་བློན་བདུན་བརྒྱ་ཉི་ཤུ། ནང་བློན་སུམ་བརྒྱ་དྲུག་ཅུའི་ཞལ་དུ་འབུལ་ལོ། །ཨོཾ་མ་རི་ཡ་ཛ་ཀྱེ་ཡ་ཛ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། བཙན་རྒྱལ་སྐྱེས་བུ་ལུང་བཙན་འཁོར་དང་བཅས་པའི་ཞལ་དུ་འབུལ་ལོ།། །ཨོཾ་བྷ་ཏོ་ར་ལི་ཨཾ་ཀུ་ཤ་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། བྲན་གཡོག་གནོད་སྦྱིན་ནོར་བསྙག་ལ་སོགས་པ་བཀའ་སྲུང་གཏེར་སྲུང་ཐམས་ཅད་ཀྱི་ཞལ་དུ་འབུལ་ལོ། །ཨོཾ་ཤྲཱི་མ་ཧཱ་ཀཱ་ལ་

[Full Size]

རེ་མ་ཏི་ཨ་ཡ་མ་དུ་རུ་ཙ་ཤ་ན་ས་མ་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། བཀའ་སྲུང་མ་མགོན་སྡེ་བརྒྱད། ཕྱི་ནང་གསང་བའི་སྡེ་བརྒྱད། སྔགས་བདག་དྲེགས་པ་བཅོ་བརྒྱད། མྱུར་མགྱོགས་དྲེགས་པ་ཉི་ཤུ། དྲེགས་པའི་སྡེ་དཔོན་སུམ་ཅུ། དགེ་བསྙེན་ཉི་ཤུ་རྩ་གཅིག །བརྟན་སྐྱོང་ཡ་མ་བཅུ་གཉིས་རྣམས་ཀྱི་ཞལ་དུ་འབུལ་ལོ། །སྤྱིར་སངས་རྒྱས་ཀྱི་བསྟན་པ་དར་བ་དང་། ཁྱད་པར་དུ་བདག་གི་ཆོས་མཐུན་གྱི་བསམ་པ་ཐམས་ཅད་འགྲུབ་པ་དང་། གནོད་པར་བྱེད་པ་ཐམས་ཅད་ཞི་བ་དང་ཟློག་པའི་ཕྲིན་ལས་ད་ལྟ་ཉིད་དུ་མཛོད་ཅིག །དེ་རྣམས་བཀའ་སྲུང་སྤྱི་གཏོར་བསྔོ། མེད་ན་གཟའ་འམ་དམ་ཅན་གཏོར་མ་ལ་བསྔོ་རུང་། ཨོཾ་ཕུ་ཏ་ཕུ་ཏ་མ་ཧཱ་ཀྲོ་ཏ་ཧཱུྃ་སིདྡྷི་སིདྡྷི་སྤོ་ཏྲ་ཡ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ནཱ་ག་ཙ་ཨ་ཏི་ཧཱུྃ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ནཱ་ག་ཨན་ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་ན་ན་ན་ཧི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཀླུ་བདུད་དགེ་བསྙེན་རྡོ་རྗེ་བདུད་འཇོམས། སྔགས་བདག་གཞོན་ནུ་གཏུམ་པོ། ཀླུ་རྒྱལ་མི་མགོན། ཀླུ་ཆེན་བརྒྱད་རིགས་ལྔའི་ཀླུ་དང་ས་བདག་ཐམས་ཅད་ལ་འབུལ་ལོ། །ཆར་ཆུ་དུས་སུ་འབེབས་

[Full Size]

པ་དང་། ལོ་ཕྱུགས་རྟག་ཏུ་ལེགས་པ་དང་ཀླུའི་ནད་དང་གནོད་པ་ཐམས་ཅད་ཞི་བར་མཛད་དུ་གསོལ། ཨོཾ་བཛྲ་ཏྲིག་ན་ཏྲིག་ཛཿ ཏྲིག་སྨན་རུམ་ཙམ་ཙམ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། དགེ་བསྙེན་མཁའ་རི་ཡུམ་ཤེལ་ཟ་སྨན་གཅིག་ཇོ་མོ་དགེ་རི་ལ་སོགས་པ་གཏེར་སྲུང་གི་ཚོགས་ཐམས་ཅད་ལ་འབུལ་ལོ། །བདག་གི་གཏེར་ཆོས་ཉམས་སུ་ལེན་པའི་སྡོང་གྲོགས་རྒྱ་ཆེན་པོ་མཛོད་ཅིག །ཨོཾ་བཛྲ་ཐང་ཀ་ར་མུན་ཉིད་ཁུ་ཤ་ལི་ཨ་མྲྀ་ཏ་ཁཱ་ཧི་ཁཱ་ཧི། ལྷ་ཆེན་གཉན་ཆེན་ཐང་ལྷ། དྲི་ཟའི་རྒྱལ་པོ་ཟུར་ཕུད་ལྔ་པ། ས་བརྒྱད་སེམས་དཔའ་ཆེན་པོའི་ཞལ་དུ་འབུལ་ལོ། །བདག་ཅག་མི་ནོར་འཁོར་དང་བཅས་པ་ལ་རྒྱལ་འགོང་དམ་སྲིའི་གནོད་པས་མི་ཚུགས་པ་སྲུངས་ཤིག །ཨོཾ་སརྦ་ལོ་ཀ་པ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི༔ དཔལ་མགོན་བདུན་ཅུ་རྩ་ལྔ། ལྷ་དཀར་པོ་བརྒྱད་ཅུ། ཏིང་འཛིན་སྐྱོང་བ་བརྒྱད་ཁྲི། སྤོམ་ར་ལ་སོགས་མགུར་ལྷ་བཅུ་གསུམ། ཕོ་ལྷ་ལ་སོགས་སྲིད་པའི་ལྷ་དགུ། སྲོག་ལྷ་ལ་སོགས་སྐྱོབ་པའི་ལྷ་ལྔ། བླ་མ་བརྒྱུད་པའི་སྲུང་མ། སློབ་དཔོན་བརྒྱུད་པའི་སྲུང་མ། ཕ་མྱེས་རྒྱུད་པའི་སྲུང་མ། སྐྱེ་བ་སྔོན་གྱི་ལྷ། ཚེ་རབས་ལས་ཀྱི་ལྷ། རང་

[Full Size]

བཞིན་ཤུགས་ལ་འཁོར་པའི་ལྷ། ས་ཆ་གནས་ལ་འཁོད་པའི་ལྷ། རྟེན་གསུམ་མཆོད་ཆ་ལ་འཁོར་བའི་ལྷ། མགོན་ཞིང་སྡོང་གྲོགས་བྱེད་པ་ཐམས་ཅད་ལ་འབུལ་ལོ། །གཞན་ཡང་ངོམ་རྒྱལ་མཚོ་བཀྲ། ཀླུ་རྒྱལ་སྤོ་ཏོ། དགེ་བསྙེན་མཚོ་ནག་མ། དབྱི་རྒྱལ་རིན་ཆེན། གྲུབ་རྒྱལ་བྱང་གྲགས། གཏམ་རྒྱལ་མདོ་ཟོ། གནས་པོ་དཔལ་རི་རྩེ། མ་ཎི་ཤར། རྒྱལ་མོ་བུ་དཔང་། །རིན་ཆེན་སྤུངས་པ། གུར་རྣ་ཟོར་སྣ། ཁྱུང་མཆུ། སོ་རྒྱལ་དོན་འགྲུབ། གཉེན་པོ་ནོར་བདག །རྟ་འདྲ་མགར་ནག །བོ་རྫོང་། བཀྲ་ཤིས་བརྩེགས། ཀོ་དོ་ར་ཕྲོམ་ཞ་དཀར་སྤུན་གསུམ། རྡོ་རྒྱལ་མཆེད་གསུམ། བར་སྒོ་མོ་འོག་ལ་སོགས་གནས་འདིར་གཡས་གཡོན་མདུན་རྒྱབ་ས་སྐོར་ཡུལ་རིས་འདིར་གནས་པའི། ས་བདག་ཀླུ་གཉན། གཞི་བདག་ཡུལ་བདག །གྲོང་བདག་གནས་བདག་གཉུག་མར་གནས་ཤིང་དཀར་པོའི་ཕྱོགས་ལ་དགའ་བ་ཐམས་ཅད་ལ་འབུལ་ལོ། །བདག་ཅག་མི་ནོར་འཁོར་དང་བཅས་པའི་ཁ་འཛིན་རྒྱབ་རྟེན་སྡོང་གྲོགས་གཡེལ་བ་མེད་པར་མཛོད་ཅིག །ཕྱི་རྒྱུད་གཏོར་མ་ཤ་སྤང་པ་ལ་བསྔོའོ། །དེ་ནས་སྤྱི་ལ་མཆོད་པ་ནི། ཆུ་བཞི་ཉེར་སྤྱོད་ལྔ་དང་རོལ་མོ་ལྔ། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ནང་གི་མཆོད་པ་རིག་མ་

[Full Size]

བཅུ་དྲུག་སོགས། །ཕྱི་ནང་གསང་བའི་མཆོད་པ་དུ་མས་མཆོད། །སྐྱེད་ཚལ་གཞལ་མེད་ཁང་པ་དཔག་བསམ་ཤིང་། །གཏེར་གྱི་བུམ་པ་ཁྲུས་རྫིང་པདྨར་བཅས། །འབྲུ་སྨན་རིན་ཆེན་རྩི་བཅུད་བང་མཛོད་དང་། །གོས་དར་ཁྲི་སྟན་གཞོན་པ་བྲན་འཁོར་འབུལ། །ཨོཾ་ཤྲཱི་མན་གུ་རུ་དེ་ཝ་ཌཱཀི་ནཱི་སརྦ་དྷརྨ་པ་ལ་ས་པཱ་རི་ཝཱ་ར། སརྦ་པུ་ཛ་པྲ་ཏིཙྪ་པཱུ་ཛ་མེ་ག་ས་མུ་དྲ་སྤ་ར་ཎ་ས་མ་ཡེ་ཨཱཿཧཱུྃ། །གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །སྐལ་པ་ལེགས་སྤྱད་སྨོན་ལམ་གྱིས། །དུས་འདིར་ལྷག་པའི་ལྷར་གྱུར་པའི། །དཔལ་ལྡན་ཁྲག་འཐུང་ཧེ་རུ་ཀ །ཡི་དམ་རྣམས་ལ་ཕྱག་འཚལ་བསྟོད། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབ་ལ་ཕྱག་འཚལ་བསྟོད། །བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་རྣམས་ལ་ཕྱག་འཚལ་བསྟོད། །ཚེ་གཅིག་སངས་རྒྱས་སྒྲུབ་པ་ལ། །ཆོས་དང་མཐུན་པའི་འཚོ་བ་

[Full Size]

ཡི། །ཚོགས་རྣམས་མ་ལུས་སྟེར་མཛད་པའི། །ནོར་ལྷའི་ཚོགས་ལ་ཕྱག་འཚལ་བསྟོད། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པས་ནི་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། །ཡེ་ཤེས་པའི་ལྷ་ཐམས་ཅད་ལ་བཀྲེས་པ་དང་སྐྱེམས་པ་མི་མངའ། ཞལ་ཟས་ཡང་མགུལ་དུ་བསྒྲིམ་མི་དགོས་པར་བཤད་ཅིང་། འཇིག་རྟེན་གྱི་ལྷ་སོ་སོ་ལ་ལོངས་སྤྱོད་བསམ་མི་ཁྱབ་པ་ཁོ་ནས་བསོད་ནམས་གྲུབ་པ་ཡོད་པས་རང་རེའི་གཏོར་མ་ལ་རེ་བ་ནི་མིན་ཀྱང་། རང་ཉིད་ཚོགས་རྫོགས་པ་དང་དངོས་གྲུབ་འབྱུང་ཕྲིན་ལས་འགྲུབ་པའི་རྟེན་འབྲེལ་དུ། ལྷ་ཐམས་ཅད་ཀྱང་བཀྲེས་སྐོམ་ཆེན་པོ་ཡོད་པ་ལ་ཟས་སྐོམ་བཟང་པོ་བྱིན་པ་ལྟར། ཤིན་ཏུ་མྱོང་ནས་རྐན་སྒྲ་དང་བཅས་ཏེ་གསོལ་བས། མི་ལྟོགས་ཟས་ཀྱིས་ཚིམ་པ་ལྟར་ཤིན་ཏུ་དགྱེས་ཏེ་ལུས་བཀྲག་མདངས་སྔར་བས་ལེགས། སྟོན་མོས་མགུ་བའི་མགྲོན་བཞིན་དུ། བཞད་དི་རེ་འཛུམ་མེ་རེ་རྣལ་འབྱོར་པ་ཁྱོད་ལ་ཅི་འདོད་པའི་ཕྲིན་ལས་བསྒྲུབ་ཅིང་། གང་འདོད་པའི་དངོས་གྲུབ་སྦྱིན་ཞེས་གསུང་ལྷང་ལྷང་སྒྲོག་པར་བསམ་པ་མན་ངག་གོ །དེས་མ་ནིང་སོགས་ཆོས་སྐྱོང་དང་། གཟའ་དམ་ཅན་སོགས་བཀའ་སྲུང་ལས་བྱང་འདོན་དགོས། བསྐང་ཐུང་གང་རུང་སྦྱར་འདོད་ན་སྦྱར། མཚམས་ཡིན་ན་གཤེགས་གསོལ་མི་བྱ། གང་དུ་ཡང་བློ་རྒྱ་ཆུང་བ་གོང་ལྟར་སྤྱན་འདྲེན་ཡིན་མོད་ཀྱི། བློ་རྒྱ་ཆེ་ན་གཏོར་མ་སོ་སོའི་

[Full Size]

ཡིད་མཐུན་ནམ་མཁས་གར་ཁྱབ་ཏུ་ཁྱབ་པས་སོ་སོའི་གནས་སུ་ལོངས་སྤྱོད་ཅི་འདོད་པའི་ཆར་འབེབས་པ་ཡིན། གཞི་བདག་སོགས་ཐམས་ཅད་ཀྱང་ངོ་བོ་ཁོ་རང་དེ་ལ། རྣམ་པ་མཁའ་འགྲོ་སྡེ་བཞི་དང་གིང་བཞི་སོགས་ཀྱི་རྣམ་པར་བསྒོམས་ལ་བསྔོས་པས། དཀར་གཏོར་ཕྱི་རྒྱུད་པ་ལ་ནང་ཆོད་ཕྲན་རུང་བ་དང་། ཕྲལ་དུ་གཤེགས་གསོལ་མི་དགོས་པའོ། །དེ་ནས་ཐུན་མཚམས་སམ། མཚམས་མིན་པའི་གཏོར་བསྔོས་ཁ་རྐྱང་ལ། ཨོཾ་མ་འབྱོར་པ་དང་། སོགས་བཟོད་གསོལ་བྱ། གཏོར་མགྲོན་ཡེ་ཤེས་པ་ཐམས་ཅད་བདག་དང་སྐུ་གསུང་ཐུགས་རྟེན་འདི་རྣམས་ལ་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་དཔའ་བོ་དང་སྲུང་འཁོར་བྱིན་རླབས་རྟེན་སོགས་ལ་བསྟིམ། འཇིག་རྟེན་པ་རྣམས་རང་རང་གནས་སུ་བཛྲ་མུ༔ ཞེས་གཤེགས་སུ་གསོལ་བར་བསམ། བསྔོ་སྨོན་བཀྲ་ཤིས་ཉུང་ངུ་ཙམ་སྤྲོ་ན་ལེགས། མ་བྱས་ཀྱང་ཆོག །ཅེས་པ་བསོད་ནམས་རིན་ཆེན་གྱི་ནན་གྱིས་བསྐུལ་བས་བོར་རྩིག་ན་སྐབས་སུ་ཡོད་ཀྱང་། ཕན་པའི་བསམས་པས་ཉིན་གཅིག་ལ་རྫོགས་པར་འཕྲལ་དུ་བྲིས་པ་ནི་ནག་ཟླའི་ཡར་ཚེས་བཅུ་གཅིག་ལའོ། །ཞེས་པ་རཱ་ག་ཨ་སྱས་ཡི་དམ་ཆོས་སྐྱོང་བྲག་བསྡུས་ཚང་བ་ཞིག་དགོས་ཟེར་བས། ང་རང་གིས་ཀྱང་འདི་རྣམས་ལ་གཏོར་བསྔོས་ཆག་མེད་བྱེད་པ་རྣམས་བྲིས་པ་ལགས་ཏེ། གཞན་དབང་ལུང་ཐོབ་ཚད་ལ་ནི་མི་ཐུབ་པར་སྣང་། འདི་ལས་ཟབ་པའི་ལྷ་གཞན་ནི་དེ་ལ་བརྟེན་དུ་གཅིག་

[Full Size]

ཀྱང་ཡོད་རེ་ཀན། སརྦ་མངྒ་ལཾ། ཨ་རཱ་གའི་ཕྱག་བྲིས་ནས་ཞལ་བཤུས་སོ།། །། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག་བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།