མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ཤ༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐུགས་དམ་ནང་གི་གཏོར་བསྔོ་གསང་སྔགས་ནང་གཏོར་ཀུན་གྱི་དོན་བསྡུས་དམིགས་རིམ་ཞོར་ལ་གསལ་བའི་ཁྲོ་རྒྱལ་ཏིང་ངེ་འཛིན་གྱི་ཕྱག་རྒྱ།

[Full Size]

ཐུགས་དམ་ནང་གི་གཏོར་བསྔོ་གསང་སྔགས་ནང་གཏོར་ཀུན་གྱི་དོན་བསྡུས་དམིགས་རིམ་ཞོར་ལ་གསལ་བའི་ཁྲོ་རྒྱལ་ཏིང་ངེ་འཛིན་གྱི་ཕྱག་རྒྱ་བཞུགས་སོ།།

[Full Size]

རང་ཉིད་ཡི་དམ་ལྷར་གསལ་ཐུགས་ཀ་ནས། །རཾ་ཡཾ་ཁཾ་ལས་མེ་ཆུ་རླུང་གསུམ་གྱུར། །གཏོར་རྫས་མི་གཙང་དྲི་མ་བསྲེགས་གཏོར་བཀྲུས། །གདོད་ནས་དག་པ་སྐྱེ་མེད་སྟོང་པ་ཉིད། །སྐྱེ་བའི་ཆོ་འཕྲུལ་རཾ་ཡཾ་ཀཾ་ཨ་ལས། །རླུང་མེ་ཐོད་སྐྱེད་སྟེང་དུ་ཀ་པཱ་ལ། །ཕྱི་དཀར་ནང་དམར་ཉི་ཟླའི་རང་བཞིན་སྣོད། །ཡངས་ཤིང་རྒྱ་ཆེའི་ནང་གི་ཕྱོགས་མཚམས་དབུས། །དངོས་གྲུབ་འགུགས་པའི་ལྕགས་ཀྱུ་ཤ་ཆེན་ལྔ། །དབུགས་སོང་དྲོད་མ་བྲལ་བ་ཆེ་ཞིང་ཚོ། །ཡེ་ཤེས་གསལ་བའི་སྒྲོན་མེ་བདུད་རྩི་ལྔ། །དྲོད་དང་མ་བྲལ་རླངས་པ་འབྱུང་བའོ། །དེ་སྟེང་འབྲུ་

[Full Size]

གསུམ་ཡི་གེ་དཀར་དམར་མཐིང་། །རླུང་དཀྱིལ་གཡོས་པས་མེ་དཀྱིལ་དྲག་ཏུ་འབར། །ཐོད་པ་དྲོས་ནས་དམ་རྫས་བཅུ་པོ་ཞུ། །དམ་ཚིག་བདུད་རྩིའི་རྒྱ་མཚོའི་བྷནྡྷ་ལ། །མཁའ་སྤྱོད་དག་པའི་ཞིང་ཁམས་ཐམས་ཅད་ཀྱི། །ཡེ་ཤེས་བདུད་རྩི་སྤྱན་དྲངས་གཉིས་མེད་བསྟིམ། །ཧཱུྃ་ཞུ་ཐིམ་པས་ཐུགས་ཀྱི་བདུད་རྩི་སྔོ། །ཨཱཆ་ཞུ་ཐིམ་པས་གསུང་གི་བདུད་རྩི་དམར། །ཨོཾ་ཞུ་ཐིམ་པས་སྐུ་ཡི་བདུད་རྩི་དཀར། །ཧ་ཞེས་བརྗོད་པས་ཁ་དོག་མུ་ཏིག་མདོག །ཧོཿཞེས་བརྗོད་པས་དྲི་བཟང་དཔག་མེད་འཐུལ། །ཧྲཱིཿཞེས་བརྗོད་པས་རོ་བཅུད་ཕུན་སུམ་ཚོགས།

[Full Size]

སྭཱ་ཞེས་བརྗོད་པས་དགོས་འདོད་ལྷུན་གྱིས་གྲུབ། །ཧཱ་ཞེས་བརྗོད་པས་མགྲོན་རྣམས་བསྐྱེད། །ཨོཾ་ཨཱཿཧཱུྃ་ཧ་ཧོ་ཧིསྭཱ་ཧཱཿ བདུད་རྩིའི་རླངས་པ་མཆོད་པའི་ལྷ་མོ་ནི། །བྱེ་བ་དུང་ཕྱུར་སངས་རྒྱས་ཞིང་ཀུན་ཁྱབ། །ཕྱག་ན་རིན་ཆེན་ལས་གྲུབ་བྷའི་སྐྱོགས། །ཉི་ཟླའི་ཚད་ཙམ་བསྣམས་ནས་བདུད་རྩི་བཅུས། །ལྷ་ཚོགས་སོ་སོའི་མདུན་དུ་བཏེག་ཙམ་གྱིས། །ལྗགས་ཀྱི་འོད་ཟེར་སྦུ་གུས་བདུད་རྩི་གསོལ། །མཉེས་ཤིང་ཚིམས་ནས་སྐུ་ལུས་བཀྲག་རྒྱས་གྱུར། །དེ་ནི་དམིགས་པའི་རིམ་པའོ། །ན་མོ་གུ་རུ་དྷེ་ཝ་དྷཱ་ཀི་ནཱི་སརྦ་དྷརྨ་པཱ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱི༔ དེ་ནི་སྔགས་ཀྱིས་བསྔོ་བའོ། །བསྡུ་ན་དེས་ཆོག །རྒྱས་པར་སྤྲོ་ན། བཛྲ་གུ་རུ་སོགས། བླ་མ་ཡི་དམ་མཁའ་འགྲོ་ཆོས་སྐྱོང་ཀུན་གྱི་རྩ་སྔགས་ལ་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། །བཏགས། ལག་པ་ཐལ་མོ་སྦྱར་ལ་ཁ་གྱེན་དུ་བསྟན་པ་བྷནྡྷའི་དབྱིབས་བྱ། ཁཱ་ཧི་ཟེར་ཙམ་སེ་གོལ་བརྡབ། དེ་ནི་ཕྱག་རྒྱས་བསྔོ་བ་ཡིན། དེ་ནས་གྱེར་གྱིས་བསྔོ་བ་ནི། ཧཱུྃ༔ ཆོས་སྐུ་སྣང་བ་མཐའ་ཡས་ཚེ་དཔག་མེད། །ཚེ་བདག་རིགས་ལྔ་ཡབ་ཡུམ་ལྷ་མོ་ལྔ། །མགྱོགས་མ་བཞི་དང་སྒོ་མ་བཞི་ལ་སོགས། །འཆི་མེད་ཚེ་ཡི་ལྷ་ཚོགས་ཐམས་ཅད་ཀྱིས། །མ་ཧཱ་བ་ལིཾ་ཏ་ཡི་མཆོད་པ་

[Full Size]

བཞེས། །འཆི་མེད་ཚེ་དང་ནད་མེད་བདེ་བ་སྩོལ། །ལོངས་སྐུ་ཐུགས་རྗེ་ཆེན་པོ་སྤྱན་རས་གཟིགས། །ཡབ་ཡུམ་སྲས་འཁོར་བསྐལ་བཟང་སངས་རྒྱས་སྟོང་། །ཐུགས་རྗེ་འགྲོ་འདུལ་ལྷ་ཚོགས་ཐམས་ཅད་ཀྱིས། །ཡེ་ཤེས་བདུད་རྩིའི་གཏོར་མ་འདི་བཞེས་ལ། །འབྲེལ་ཚད་དོན་ལྡན་འཁོར་བ་དོང་སྤྲུགས་མཛོད། །སྤྲུལ་སྐུ་པདྨ་འབྱུང་གནས་ཐོད་ཕྲེང་རྩལ། །མཚན་བརྒྱད་འཕྲུལ་མཚན་བཞི་བཅུ་ཐམ་པ་དང་། །ཨོ་རྒྱན་བྱེ་བ་ཕྲག་བརྒྱ་ལ་སོགས་པ། །པད་འབྱུང་ཞི་བའི་ལྷ་ཚོགས་ཐམས་ཅད་ཀྱིས། །མ་ཧཱ་བ་ལོ་ཏ་ཡི་གཏོར་མ་བཞེས། །སྐྱེ་འཆི་མེད་པའི་དངོས་གྲུབ་བསྩལ་དུ་གསོལ། །དགའ་རབ་ཤྲཱི་སི་རྒྱ་གར་རིག་འཛིན་བརྒྱད། །རྗེ་འབངས་ཉེར་ལྔ་གཏེར་སྟོན་བརྒྱ་རྩ་བརྒྱད། །དབང་ལུང་མན་ངག་གང་ལས་བརྒྱུད་པ་ཡི། །རིག་འཛིན་སློབ་དཔོན་ལྷ་ཚོགས་ཐམས་ཅད་ཀྱིས། །ཡེ་ཤེས་བདུད་རྩིའི་གཏོར་མ་འདི་བཞེས་ལ། །བྱིན་རླབས་འཛད་མེད་ཆུ་བོའི་རྒྱུན་བཞིན་སྩོལ། །དམག་ནག་མེ་ཕྲེང་ཡབ་ཡུམ་གོ་ཆའི་ལྷ། །དྲག་པོ་རིགས་བཞི་མཁའ་འགྲོ་སྡེ་བཞི་དང་། །ཕྲིན་ལས་ལྷ་བཞི་ཁྲོ་བཅུ་སྒོ་བར་བཅས། །རིག་འཛིན་

[Full Size]

ཁྲོས་པའི་ལྷ་ཚོགས་ཐམས་ཅད་ཀྱིས། །མ་ཧཱ་བ་ལི་ཏ་ཡི་མཆོད་པ་བཞེས། །ལུས་ངག་ཡིད་གསུམ་སྲུང་སྐྱོབ་མཛད་དུ་གསོལ། །ཀུན་བཟང་ཡབ་ཡུམ་ཞི་བ་བཞི་བཅུ་གཉིས། །ཀུན་བཟང་རིགས་དྲུག་འབར་བ་ལྔ་བཅུ་བརྒྱད། །སྒྱུ་འཕྲུལ་ཞི་ཁྲོ་རབ་འབྱམས་ཐམས་ཅད་ཀྱིས། །མ་ཧཱ་བ་ལིཾ་ཏ་ཡི་མཆོད་པ་འབུལ། །བར་དོ་རང་སར་གྲོལ་བར་མཛད་དུ་གསོལ། །ཆེ་མཆོག་དཔལ་དགུའི་དཀྱིལ་འཁོར་ལྷ་ཡི་ཚོགས། །བདུན་བརྒྱ་ཉི་ཤུ་རྩ་ལྔ་ཐམས་ཅད་ཀྱིས། །མ་ཧཱ་བ་ལིཾ་ཏ་ཡི་མཆོད་གཏོར་བཞེས། །ཕྱི་ནང་གསང་བའི་བར་ཆད་ཞི་བར་མཛོད། །དབང་ཆེན་དམར་ནག་རིགས་བཞི་ཡུམ་དང་བཅས། །མེ་དབལ་གནོད་སྦྱིན་ལྕགས་སྡིག་བྱ་ཁྱུང་སོགས། །པདྨ་གསུང་གི་ལྷ་ཚོགས་ཐམས་ཅད་ཀྱིས། །དམ་རྫས་བ་ལི་མཆོད་པ་འདི་བཞེས་ལ། །སྣང་སྲིད་ཟིལ་གྱིས་གནོན་པའི་དངོས་གྲུབ་སྩོལ། །རྡོར་སེམས་རྣམ་འཇོམས་དཀར་པོ་གསང་བའི་བདག །རྡོ་རྗེ་གཞོན་ནུ་ཡབ་ཡུམ་སྲས་མཆོག་བཞི། །ཁྲོ་བཅུ་ཡབ་ཡུམ་ཁྲ་ཐབས་ཕུར་སྲུང་སོགས། །བདུད་འདུལ་ཕུར་པའི་ལྷ་ཚོགས་ཐམས་ཅད་ཀྱིས། །མ་ཧཱ་བ་ལི་ཏ་ཡི་མཆོད་གཏོར་བཞེས། །བདུད་དགྲ་

[Full Size]

དམ་སྲི་འདུལ་བའི་ཕྲིན་ལས་མཛོད། །ཡེ་ཤེས་མཁའ་འགྲོ་སེང་གེའི་གདོང་པ་ཅན། །ཕག་ཁྲོས་ལ་སོགས་དྷ་ཀི་བྱེ་བ་འབུམ། །རི་རབ་སོ་གཉིས་རྡུལ་མཉམ་། །མཁའ་འགྲོ་རྣམས། །དམ་ཚིག་རྫས་ཀྱི་བ་ལོ་འདི་བཞེས་ལ། །རྟེན་འབྲེལ་སྣ་ཚོགས་འཆར་བའི་ཕྲིན་ལས་མཛོད། །མ་ནིང་སྡེ་ལྔ་སྲོག་བདུད་དཔལ་འབར་མ། །ཡང་འཁོར་བརྒྱ་དང་བདུད་དམག་བྱེ་བ་འབུམ། །མགོན་ཆེན་བཞི་བཅུ་རྩ་གཉིས་ཐམས་ཅད་ཀྱིས། །མ་ཧཱ་བ་ལིཾ་ཏ་ཡི་མཆོད་པ་བཞེས། །ཕྲིན་ལས་རྣམ་བཞི་ཐོགས་མེད་འགྲུབ་པར་མཛོད། །སེང་གདོང་ཡབ་ཡུམ་བམ་རོ་སྡེ་བརྒྱད་བཅས། །ནག་པོ་སྟོང་དང་ཤ་ཟ་འབུམ་གྱི་ཚོགས། །མ་མོ་བྱེ་བ་གནོད་སྦྱིན་ཁྲི་ཡི་ཚོགས། །དམ་རྫས་བ་ལི་མཆོད་པ་འདི་བཞེས་ལ། །གསང་སྔགས་བསྟན་པ་རྒྱས་པའི་ཕྲིན་ལས་མཛོད། །ཨ་ཏི་བླ་མེད་བཀའ་ཡི་བྱ་ར་བ། །ཨེ་ཀ་ཙཱ་ཏི་གཟའ་མཆོག་རཱ་ཧུ་ལ། །དགྲ་འདུལ་སྐྱེས་མཆོག་བཛྲ་ཐིག་ལེ་རྩལ། །བཀའ་སྲུང་གསུམ་པོ་དམ་རྫས་བ་ལི་བཞེས། །རྫོགས་ཆེན་ཉམས་རྟོགས་འཕེལ་བའི་གྲོགས་མཛོད་ཅིག །བཙན་བདུད་ཀླུ་ཡི་མགོན་ཆེན་མཐུ་བོ་ཆེ། །སྤུ་གྲི་

[Full Size]

མཆེད་གསུམ་ལྡང་ལྷ་མཆེད་གསུམ་དང་། །དམག་རྒྱལ་སྤུན་གསུམ་འཁོར་བཅས་གཏོར་མ་བཞེས། །བདག་གི་ལས་ཀུན་འགྲུབ་པའི་གྲོགས་མཛོད་ཅིག །སྨྱོ་ཁ་མཁོར་ནག་ཐང་ལྷ་ལ་སོགས་པ། །གནས་བརྒྱད་མཚན་བརྒྱད་སྤྲུལ་པའི་མཐུ་བོ་ཆེ། །ས་བརྒྱད་སེམས་དཔའ་ཆེན་པོས་མཆོད་གཏོར་བཞེས། །རྒྱལ་འགོང་དམ་སྲིའི་བར་ཆད་སྲུང་བར་མཛོད་། །ལྷ་སྲིན་ཀུན་གྱི་ནང་ནས་དམ་ཚིག་ཅན། །མཁའ་རི་ལྕམ་དྲལ་འཁོར་བཅས་མཆོད་གཏོར་བཞེས། །རབ་དངོས་འབྲིང་ཉམས་ཐ་མ་རྨི་ལམ་དུ། །བདག་དང་ཨོ་རྒྱན་མཇལ་བའི་མཇལ་ཁོ་མཛོད། །ཧཱུྃ། རིན་ཆེན་སྣོད་དམ་རང་བྱུང་བྷནྡྷའི་སྣོད། །རྩ་གསུམ་ཀུན་འདུས་གཏོར་མ་རིན་ཆེན་འབར། །ལོགས་གསུམ་ནོར་བུ་རྩ་གསུམ་ལྷ་ཚོགས་གསལ། །ཟུར་གསུམ་ཕོ་རྒྱུད་མོ་རྒྱུད་མ་ནིང་མཉེས། །གཏོར་སྨད་ཟླུམ་པོས་འཇིག་རྟེན་མགྲོན་ཀུན་མཉེས། །པད་འདབ་བཞིས་བསྐོར་རིགས་བཞིའི་མ་མོ་མཉེས། །ཀྱུ་གུ་བཞིས་མཚན་ཕྲིན་ལས་རྣམ་བཞི་འགྲུབ། །དཀར་རྩི་དམར་རྩི་ཐབས་ཤེས་འདུ་འབྲལ་མེད། །མཆོད་པའི་སྤྲིན་འཕྲོ་སངས་རྒྱས་ཞིང་ཀུན་ཁྱབ། །དངོས་འབྱོར་བཤམས་

[Full Size]

པའི་རྟེན་འབྲེལ་དམ་རྫ་ས་འདི། །རྩ་བ་གསུམ་གྱི་ལྷ་ཚོགས་རྣམས་ལ་འབུལ། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཕྱི་སྣོད་འཇིག་རྟེན་ཡངས་པའི་གཏོར་གཞོང་དུ། །ནང་བཅུད་སེམས་ཅན་ཐམས་ཅད་གཏོར་མ་བཤམས། །རི་རབ་བྱེ་བ་ཕྲག་བརྒྱའི་དཔལ་བཤོས་ལ། །ཉི་ཟླ་བྱེ་བ་ཕྲག་བརྒྱའི་གཏོར་རྒྱན་སྨྲས། །གླིང་བཞི་བྱེ་བ་ཕྲག་བརྒྱའི་མཐེབ་སྐྱུས་སྐོར། །ལྷ་ཀླུ་མི་ཡི་ལོངས་སྤྱོད་གཏོར་མའི་བཅུད། །སྣང་སྲིད་གཞིར་བཞེངས་རང་བྱུང་བ་ལི་ཏ། །བདེ་གཤེགས་ཞི་ཁྲོ་རབ་འབྱམས་ལྷ་ལ་འབུལ། །བླང་དོར་མེད་པའི་ཚུལ་གྱིས་བཞེས་ནས་ཀྱང་། །བདག་དང་འགྲོ་ཀུན་ཚོགས་རྫོགས་སྒྲིབ་བྱང་ནས། །ཁམས་གསུམ་འཁོར་བ་སྟོང་བའི་ཕྲིན་ལས་མཛོད། །ཅེས་པ་ཨ་མཆོད་ཡོན་ཏན་གྱིས་བསྐུལ་ནས། ཨ་རཱ་གས་རྟ་ལོ་ཐ་སྐར་ཟླ་བའི་སྔ་དྲོའི་ཐུན་མཚམས་སུ་སྨྲས་པ། ཡི་གེ་པ་ནི་ཤཱཀྱའི་དགེ་ཚུལ་པདྨ་ཐབས་མཁས་ཀྱིས་བྲིས་པའོ། །འདི་བྲིས་ཉེས་བཤགས་དགེ་བ་བྱང་ཆུབ་བསྔོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁའི་ཁ་སྐོང་གཏོར་བསྔོས་བདུད་རྩི་ཀུན་ཁྱབ།

[Full Size]

གནམ་ཆོས་ཐུགས་ཀྱི་གཏེར་ཁའི་ཁ་སྐོང་གཏོར་བསྔོས་བདུད་རྩི་ཀུན་ཁྱབ་བཞུགས་སོ།།

[Full Size]

ན་མོ་གུ་རུ་དེ་ཝཱ་ཌཱ་ཀི་ནི་ཧཱུྃ། གནམ་ཆོས་ལ་སོགས་རྙིང་མའི་གཏོར་བསྔོས་ནི། །རྒྱས་པར་རྩ་གསུམ་ཆོས་སྐྱོང་ནོར་ལྷ་དང་། །བཀའ་སྲུང་ཕྱི་རྒྱུད་གཏོར་མ་བདུན་ཚར་བཅའ། །བསྡུ་ན་རིན་ཆེན་འབར་བ་པད་ཀོར་ཅན། །ལོགས་གསུམ་བླ་མ་ཡི་དམ་མཁའ་འགྲོ་གསུམ། །གཡས་གཡོན་ཟུར་གཉིས་མ་མགོན་གཉིས་ཀྱི་རིགས། །རྒྱབ་ཟུར་བཀའ་སྲུང་ཚོགས་རྣམས་ཐམས་ཅད་དེ། །སྨད་ཀྱི་ཟླུམ་པོ་ནོར་ལྷ་ཐམས་ཅད་ཡིན། །པད་འདབ་སྐོར་བ་ཕྱི་རྒྱུད་འཇིག་རྟེན་པ། །དེ་ལ་ལྷ་བརྒྱ་གཏོར་གཅིག་ཅེས་སུ་གྲགས། །གལ་ཏེ་དེ་ལས་རྒྱས་ཙམ་འདོད་པ་ནི། །དེ་ཡི་མདུན་དུ་ཟླུམ་པོ་དཀར་གྱིས་བརྒྱན། །ཤ་ཁྲག་མི་རུང་བ་རྣམས་དེ་ལ་བསྔོ། །གཡས་སུ་གྲུ་བཞི་ནོར་ལྷ་རྒྱས་པའི་རིགས། །རྒྱབ་ཏུ་ཟུར་གསུམ་མཁའ་འགྲོ་ལྷ་མོའི་

[Full Size]

རིགས། །གཡོན་དུ་ཟུར་གསུམ་ཆོས་སྐྱོང་ཐམས་ཅད་དེ། །དབུས་ཀྱི་མར་རྒྱུན་མདུན་བསྐྱེད་དཀྱིལ་འཁོར་རྟེན། །གཏོར་མ་མཆོད་པའི་སྤྲིན་ཕུང་ཆེན་པོར་དམིགས། །འདི་ནི་གནམ་ཆོས་གཏོར་མ་བསྡུས་པ་ཡིན། །ཆུ་ཆང་ཇ་ཕུད་ལ་སོགས་གང་རུང་བྲན། །དབང་བསྐུར་མ་ཐོབ་པ་ཡི་གཞི་བདག་ཀུན། །ཕུག་གཏོར་གྲ་འདིར་བསྔོ་བར་མི་རུང་ཡང་། །གཞི་བདག་ལྷ་སྲིན་སྡེ་བརྒྱད་ཐམས་ཅད་ཀུན། །ཐ་མལ་པ་ཡི་གཟུགས་སུ་མི་བསྒོམ་ཞིང་། །རིགས་བཞི་དཔའ་བོ་མཁའ་འགྲོའི་སྐུར་བསྒོམས་པས། །ནང་མཆོད་བྲན་པའི་གཏོར་མ་བསྔོ་བར་རུང་། །རང་ཉིད་ཡི་དམ་གང་རུང་སྔོན་སོང་རབ། །མིན་ན་སྐད་ཅིག་དྲན་རྫོགས་བསྒོམ་ཡང་རུང་། །གལ་ཏེ་གཏོར་མ་བཅའ་བ་མ་འཕྲོད་ན། །ཐེབ་ཙེའི་ནང་དུ་རྩམ་པ་གཙང་མ་བཤམ། །

[Full Size]

དེ་ལ་རི་རབ་གཟུགས་ལྟར་གྲུ་བཞི་བྱ། །རྩེ་རུ་མར་ནི་ཅུང་ཟད་བཞག་པ་བྲན། །གཏོར་རྩམ་ཞེས་བྱ་གྲྭ་ས་ཀུན་ལ་དར། །ཡང་ན་ཐུད་དུམ་མར་སོགས་བྲན་ཡང་རུང་། །ཡང་ན་ཁྱིམ་དུ་གཏོར་མ་ཡོད་པ་དེ། །ཞག་གྲངས་དུ་ཐོག་གསོ་བྲན་བྱེད་པ་ནི། །ཕོགས་སྤྲད་བྱེད་པ་སྔགས་པ་ཀུན་ལ་དར། །དགོན་པ་ཆེན་པོ་སྤྱི་ཡི་གཏོར་མ་ལ། །གྲྭ་པ་ཀུན་གྱིས་གཏོར་བསྔོས་བྱེད་སྲོལ་ཡོད། །དམིགས་རྟེན་གཏོར་མ་ཅི་ཡང་མེད་པ་ལ། །གཏོར་བསྔོས་བྱེད་པ་གོད་ཁ་འབྱུང་བའི་རྒྱུ། །འོན་ཀྱང་རྟོགས་པ་ཤིན་ཏུ་མཐོ་ན་ནི། །གླིང་བཞི་གཏོར་སྣོད་རི་རབ་གཏོར་མ་དང་། །ལྷ་མིའི་ལོངས་སྤྱོད་ཐམས་ཅད་མཆོད་པར་དམིགས། །དེ་ནི་སྣང་སྲིད་གཞིར་བཞེངས་གཏོར་མ་སྟེ། །གང་ཟག་ཕལ་གྱི་སྤྱོད་ཡུལ་མ་ཡིན་ནོ། །དེ་ལྟར་མཐོ་དམན་གང་གི་ལུགས་བྱེད་ཀྱང་། །འདི་ཉིད་འདོན་སྒོམ་སྤྲུགས་པས་འཐུས་པ་ཡིན། ཧཱུྃ། རང་ཉིད་དྲན་རྫོགས་ཡི་དམ་ལྷ་གསལ་བའི། །ཐུགས་ལས་རཾ་ཡཾ་ཁཾ་གསུམ་འཕྲོས་པ་ཡིས། །མེ་ཆུ་རླུང་གིས་མི་གཙང་བསྲེགས་གཏོར་བཀྲུས། །ཡཾ་རཾ་ཀཾ་ལས་རླུང་མེ་ཐོད་སྐྱེད་སྟེང་། །ཨ་ཡིག་ལས་བྱུང་ཡེ་ཤེས་ཀ་པཱ་ལ། །ཕྱི་དཀར་ནང་དམར་ཉི་མ་ཟླ་བའི་སྣོད། །ཡངས་ཤིང་རྒྱ་ཆེ་སྟོང་གསུམ་མཉམ་པའི་སྟེང་། མུཿབིཿརཿཤུཿམཿལས་བདུད་རྩི་ལྔ། །རིན་ཆེན་དྲི་འདྲ་རླངས་པ་དང་བཅས་པ། །ནཿགོཿཀུཿདཿཧཿལས་ཤ་ལྔ་ནི། །

[Full Size]

ཆེ་ཚོ་བཀྲག་མདངས་ལྡན་ཞིང་དྲོད་དང་བཅས། །དེ་སྟེང་ཧཱུྃ་ཨཱༀ་གསུམ་མཐིང་དམར་དཀར། །རླུང་གཡོས་མེ་སྦར་སྣོད་དྲོས་རྫས་རྣམས་ཁོལ། །ཞུ་བས་མི་གཙང་ལྦུ་བ་ཕྱི་རོལ་ལུད། །ཧཱུྃ་ཐིམ་ཐུགས་ཀྱི་བདུད་རྩི་སྔོན་པོ་གྱུར། །ཨཱཐིམ་གསུང་གི་བདུད་རྩི་དམར་ལྟེམ་མེ། །ཨོཾ་ཐིམ་སྐུ་ཡི་བདུད་རྩི་དཀར་ལྟེམ་མེ། །གསུམ་འདྲེས་ཡེ་ཤེས་བདུད་རྩི་མུ་ཏིག་མདོག །ཟག་མེད་བདེ་བ་སྐྱེད་བྱེད་བདུད་རྩི་མཚོ། །མཚོ་རླབས་རོལ་མོའི་སྒྲ་སྐད་སྣ་ཚོགས་འབྱུང་། །དྲི་བཟང་ངད་པ་སངས་རྒྱས་ཞིང་ཀུན་ཁྱབ། །རླངས་པ་སྣ་ཚོགས་མཆོད་པའི་སྤྲིན་ཕུང་འཁྲིགས། །ཁ་དོག་དྲི་རོ་ནུས་པ་ཕུན་སུམ་ཚོགས། །ཧ་ཧོཿཧྲཱིཿཡི་སྔགས་ཀྱིས་བྱིན་གྱིས་བརླབས། །རང་ཉིད་ཡི་དམ་ཐུགས་ཀའི་འོད་ཟེར་གྱིས། །གཏོར་མགྲོན་ཐམས་ཅད་སྐད་ཅིག་སྤྱན་དྲངས་གྱུར། །ཧཱུྃ། སྐུ་གསུམ་དག་པའི་ཞིང་ཁམས་ཐམས་ཅད་ནས། །བླ་མ་ཡི་དམ་མཁའ་འགྲོ་ཆོས་སྐྱོང་དང་། །ནོར་ལྷ་བཀའ་སྲུང་འཇིག་རྟེན་སྐྱོང་བའི་ཚོགས། །མཆོད་པའི་གནས་འདིར་སྤྱན་འདྲེན་གཤེགས་སུ་གསོལ། །ནམ་མཁའི་བར་སྣང་ས་གཞི་ཁྱབ་པར་བཞུགས། །ལུས་ངག་ཡིད་

[Full Size]

གསུམ་གུས་པས་ཕྱག་འཚལ་ཞིང་། །དངོས་འབྱོར་ཡིད་སྤྲུལ་མཆོད་པ་རྒྱ་མཚོས་མཆོད། །བསྟོད་དབྱངས་ཡན་ལག་རྒྱ་མཚོས་བསྟོད་པར་བགྱི། །རང་གི་ཐུགས་ལས་སྤྲུལ་པའི་ལྷ་མོ་ནི། །རིན་ཆེན་རྒྱན་ལྡན་བྱེ་བ་གྲངས་མེད་འཕྲོས། །ཕྱག་ན་རིན་ཆེན་ལས་གྲུབ་བྷནྡྷའི་སྐྱོགས། །ཐོགས་པས་བདུད་རྩིའི་རྒྱ་མཚོ་ནས་བཅུས་ཏེ། །ལྷ་ཚོགས་སོ་སོའི་མདུན་དུ་བཏེགས་བྱས་པས། །ལྗགས་ནི་འོད་ཀྱི་སྦུ་གུས་བདུད་རྩི་གསོལ། །མཉེས་ཤིང་ཚིམས་ནས་སྐུ་ལུས་བཀྲག་རྒྱས་གྱུར། །ཨོཾ་ཨཱཿཧཱུྃ་མ་ཧཱ་བ་ལི་ཏ་ཞེས་སོགས་གཏོར་མ་བྱིན་གྱིས་བརླབས་སྔགས་དང་། ཨོཾ་ཨཱཿཧཱུྃ་ཧཱུྃ༔བཛྲ་གུ་རུ་དྷེ་ཝ་ཌཱཀི་ནཱི་སརྦ་དྷརྨ་པཱ་ལ་སརྦ་བ་སུ་དེ་ཝ་སརྦ་ལོ་ཀ་པཱ་ལ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱི༔ གསུམ་མམ་བདུན། ཨརྒྷཾ༴ སོགས། ཧཱུྃ། སངས་རྒྱས་ཀུན་ལས་བཀའ་དྲིན་ཁྱད་པར་འཕགས། །རྩ་གསུམ་ལྷ་ཡི་ཕྲིན་ལས་འབྱུང་བའི་སྒོ། །རིག་འཛིན་ཆེན་པོ་མི་འགྱུར་རྡོ་རྗེ་སོགས། །བརྒྱུད་པ་དྲུག་ལྡན་རྩ་བརྒྱུད་བླ་མ་ལ། །རྣམ་དག་བདུད་རྩི་གཏོར་མའི་མཉེས་མཆོད་འབུལ། །བཞེས་ནས་དབང་བསྐུར་བྱིན་གྱིས་བརླབ་ཏུ་གསོལ། །སྙིགས་དུས་འགྲོ་བའི་སྐྱབས་

[Full Size]

གནས་པདྨ་འབྱུང་། །སྐུ་གསུམ་སྐུ་ལྔ་མཆོག་གི་མཚན་མཆོག་བརྒྱད། །འཕྲུལ་མཚན་བཞི་བཅུ་ཨོ་རྒྱན་བྱེ་བ་བརྒྱ། །པད་འབྱུང་ཞི་བའི་ལྷ་ཚོགས་ཐམས་ཅད་ལ། །དམ་རྫས་བདུད་རྩིའི་གཏོར་མ་འདི་འབུལ་ལོ། །བཞེས་ནས་ཁྱེད་རང་ལྟ་བུར་བྱིན་གྱིས་རློབས། །མི་ཏྲ་ཛོ་ཀི་བི་མ་མི་ཏྲ་དང་། །ཌོམ་བྷི་ཧེ་རུ་ཀ་དང་ཤི་སི་ཧ། །བིརླ་པ་དང་དམ་པ་རྒྱ་གར་དང་། །རིག་འཛིན་བརྒྱད་དང་གྲུབ་ཆེན་བརྒྱད་ཅུ་ལྔ། །རྗེ་འབངས་ཉེར་བདུན་གཏེར་སྟོན་བརྒྱ་རྩ་སོགས། །རིག་འཛིན་སློབ་དཔོན་ལྷ་ཚོགས་ཐམས་ཅད་ལ། །རྣམ་དག་དམ་རྫས་བདུད་རྩིའི་གཏོར་མ་འབུལ། །བཞེས་ནས་ཕྱག་རྒྱ་ཆེན་པོའི་དངོས་གྲུབ་སྩོལ། །པདྨ་བཛྲ་དགོངས་འདུས་ལྷ་ཡི་ཚོགས། །དམར་ནག་མེ་ཕྲེང་ཕྱི་ནང་གསང་སྒྲུབ་ལྷ། །སེང་གེ་སྒྲ་སྒྲོག་རྡོ་རྗེ་གྲོ་བོ་ལོད། །དྲག་མཐིང་པད་འབྱུང་ཟབ་པར་སྟོན་ལ་སོགས། །རིག་འཛིན་ཁྲོས་པའི་ལྷ་ཚོགས་ཐམས་ཅད་ལ། །མ་ཧཱ་བ་ལིང་ཏ་ཡི་མཆོད་པ་འབུལ། །བཞེས་ནས་ཉིད་དང་དབྱེར་མེད་བྱིན་གྱིས་རློབས། །ཀུན་བཟང་རིགས་ལྔ་དམ་པ་རིགས་བརྒྱ་དང་། །སྟོན་པ་བཅུ་གཉིས་བསྐལ་མགོན་དྲུག་ཅུ་ལྔ། །

[Full Size]

ཕྱོགས་བཅུ་དུས་གསུམ་རྒྱལ་བ་སྲས་བཅས་ལ། །ཡེ་ཤེས་བདུད་རྩིའི་གཏོར་མ་འདི་འབུལ་ལོ། །བཞེས་ནས་སྣང་བཞི་མཐའ་རུ་ཕྱིན་མཛད་གསོལ། །སྣང་བ་མཐའ་ཡས་ཚེ་་དཔག་རིགས་ལྔ་དང་། །ཚེ་སྤྲུལ་ཕྱི་ནང་གསང་བ་ཡང་གསང་ལྷ། །ཚེ་དཔག་དཀར་དམར་མཚོ་སྐྱེས་རྡོ་རྗེ་སོགས། །འཆི་མེད་ཚེ་ཡི་ལྷ་ཚོགས་ཐམས་ཅད་ལ། །འཆི་མེད་བདུད་རྩིའི་གཏོར་མ་འདི་འབུལ་ལོ། །བཞེས་ནས་རིག་འཛིན་ཚེ་ཡི་དངོས་གྲུབ་སྩོལ། །ཐུགས་རྗེ་ཆེན་པོ་ཕྱི་ནང་གསང་བའི་ལྷ། །འོད་དཀར་ཅན་དང་རྣོ་བཀྲ་དོན་ཡོད་ཞགས། །ལུས་དཀྱིལ་རིགས་ལྔ་རིགས་དགུ་ལྷ་ལྔ་དང་། །སངས་རྒྱས་སྟོང་གི་ཚོགས་དང་བཅས་པ་ལ། །ཡེ་ཤེས་བདུད་རྩིའི་གཏོར་མ་འདི་འབུལ་ལོ། །བཞེས་ནས་འབྲེལ་ཚད་བདེ་ཆེན་ཞིང་དུ་དྲོངས། །སྨན་བླ་ཆོས་བསྒྲགས་རྒྱ་མཚོ་འོད་དཔག་མེད། །བདེ་ཆེན་ཞིང་གི་ལྷ་ཚོགས་ཐམས་ཅད་དང་། །ཐུབ་པའི་དབང་པོ་ཉན་ཐོས་མཆོག་ཟུང་གཉིས། །གནས་བརྟན་བཅུ་དྲུག་དགེ་བསྙེན་དྷརྨཱ་ཏེ། །ཧྭ་ཤང་དགྲ་བཅོམ་ཁྲི་དང་དྲུག་སྟོང་སོགས། །འདུས་པ་མདོ་ཡི་ལྷ་ཚོགས་ཐམས་ཅད་ལ། །ཡེ་ཤེས་བདུད་རྩིའི་གཏོར་མ་འདི་

[Full Size]

འབུལ་ལོ། །བཞེས་ནས་བསྟན་པ་ཡུན་རིང་གནས་པར་མཛོད། །འཇམ་དཔལ་རིགས་ལྔ་ཕྱག་རྟགས་སྤྲ་མ་དང་། །ཀིང་ཀང་འཇིགས་བྱེད་གཤེད་དམར་།གཤེད་ནག་དང་། །ཁྲོ་ཆུ་དུག་སྡོང་གནམ་ལྕགས་ཕ་ལམ་དང་། །རྡོ་རྗེ་ཞུན་བྱེད་ཚེ་བདག་འཆར་ཁ་ནག །ནཱ་ག་རཀཱ་དགྲ་ཟློག་རྣམ་དགུ་སོགས། །འཇམ་དཔལ་སྐུ་ཡི་ལྷ་ཚོགས་ཐམས་ཅད་ལ། །དམ་རྫས་བ་ལི་ཏ་ཡི་མཆོད་པ་འབུལ། །དུས་མིན་འཆི་དང་དགྲ་ཡི་གནོད་པ་བཟློག །དབང་ཆེན་དམར་ནག་བདེ་མཆོག་དམར་པོ་དང་། །རྟ་མགྲིན་གསང་འདུས་ཕྱི་ནང་གསང་བའི་ལྷ། །ནཱ་ག་ཀླུ་འདུལ་ལས་རིམ་བདུན་པ་སོགས། །རྟ་མཆོག་རོལ་པའི་ལྷ་ཚོགས་ཐམས་ཅད་ལ། །དམ་རྫས་མ་ཧཱ་བ་ལིང་ཏ་འདི་འབུལ། །བཞེས་ནས་སྣང་སྲིད་ཟིལ་གནོན་དངོས་གྲུབ་སྩོལ། །ཨོཾ་ཙུག་ཅན་དང་ནམ་མཁའི་བདག་པོ་དང་། །རྣམ་འཇོམས་དམེ་བར་བརྩེགས་དང་ཨུ་ཙརླ། །གཏུམ་ཆེན་གཏུམ་ཆུང་འབྱུང་འདུལ་གོས་སྔོན་ཅན། །རྡོ་རྗེ་སྒེག་པ་བཛྲ་ཧེ་རུ་ཀ །ཡང་དག་ཐུགས་ཀྱི་ལྷ་ཚོགས་ཐམས་ཅད་ལ། །མ་ཧཱ་བ་ལིང་ཏ་ཡི་མཆོད་པར་འབུལ། །བཞེས་ནས་བདག་ལུས་རྡོ་

[Full Size]

རྗེའི་སྐུ་འགྲུབ་མཛོད། །ཆེ་མཆོག་དཔལ་དགུ་བཀའ་བརྒྱད་ལྷ་ཡི་ཚོགས། །ཡེ་ཤེས་འཇིགས་བྱེད་རོ་ཟ་གདམས་ངག་རྒྱལ། །ཡི་དམ་དཔལ་ཆེན་ལྷ་ཚོགས་ཐམས་ཅད་ཀྱིས། །དམ་རྫས་བདུད་རྩིའི་གཏོར་མ་འདི་བཞེས་ལ། །གཞོན་ནུ་བུམ་སྐུའི་ཀློང་དུ་གྲོལ་མཛད་གསོལ། །རྡོ་རྗེ་གཞོན་ནུ་ཁྲོ་བཅུ་ཁྲ་ཐབས་སོགས། །ཕུར་མཇུག་བཅུ་གཉིས་ཕུར་སྲུང་བཅུ་དྲུག་སོགས། །བདུད་འདུལ་ཕུར་པའི་ལྷ་རྣམས་གཏོར་མ་བཞེས། །བྱང་ཆུབ་བསྒྲུབ་ལ་བར་ཆད་མེད་པར་མཛོད། །མཚོ་རྒྱལ་མ་གཅིག་སྒྲོལ་མ་དཀར་སྔོན་དང་། །ཀུ་རུ་ཀུལླེ་ལྷ་མོ་འོད་ཟེར་ཅན། །ཕག་ཁྲོས་སེང་གསུམ་ལས་ཧུར་དྲག་མོ་སོགས། །རྦོད་གཏོང་མ་མོ་མཁའ་འགྲོའི་ལྷ་ཚོགས་ཀུན། །མ་ཧཱ་བ་ལིང་མཆོད་པ་འདི་བཞེས་ལ། །རྩ་རླུང་ལས་སུ་རུང་བར་བྱིན་གྱིས་རློབས། །མ་ནིང་སྡེ་ལྔ་སྲོག་བདུད་དཔལ་འབར་མ། །བྱ་རོག་མཚན་ཅན་མྱུར་མཛད་དཀར་མཐིང་གཉིས། །ལེགས་ལྡན་གུར་མགོན་ཚོགས་བདག་ཨ་གྷོ་ར། །སྲས་མཆོག་ནག་པོ་དྲེགས་བྱེད་བེར་ནག་ཅན། །མ་མགོན་སྡེ་བརྒྱུད་ཏྲཀ་ཤད་མདུང་འཛིན་དང་། །སེང་གདོང་ཡབ་ཡུམ་སྲིན་མགོན་གདོང་

[Full Size]

བཞི་པ། །ཕོ་རྒྱུད་མགོན་པོའི་ལྷ་ཚོགས་ཐམས་ཅད་ཀྱིས། །དམ་རྫས་བ་ལོ་མཆོད་པ་འདི་བཞེས་ལ། །གནམ་ཆོས་བསྟན་པ་དར་ཞིང་རྒྱས་པར་མཛོད། །རང་བྱུང་རྒྱལ་མོ་དུད་པའི་སོལ་བ་མ། །རེ་ཏི་མཆེད་གསུམ་སྔགས་སྲུང་སྲོག་སྒྲུབ་མ། །དུར་ཁྲོད་བདག་པོ་ཡབ་ཡུམ་ངན་ནུ་མ། །སྤྱང་ཞོན་ཁ་མོ་ཆེ་དང་དམག་ཟོར་མ། །ཨ་ཕྱི་ཀོང་བཙུན་དེ་མོ་ཚེ་རིང་མ། །སྲིན་མོ་གཡག་གདོང་གཡུ་སྒྲོན་ཁོ་ལེ་མ། །ཐང་ནག་དཔལ་མོ་རྩ་འཇིབ་མ་ལ་སོགས། །བསྟན་སྲུང་མ་མོ་མཁའ་འགྲོ་ཐམས་ཅད་ཀྱིས། །དམ་རྫས་བདུད་རྩིའི་གཏོར་མ་འདི་བཞེས་ལ། །མི་ནད་ཕྱུགས་ནད་ཡམས་ནད་མེད་པར་མཛོད། །དབང་ཕྱུག་ཆེན་པོ་འདོད་པའི་རྒྱལ་པོ་དང་། །ཤིན་པ་དམར་ནག་བེག་རྩེ་ཡམ་ཤུད་དམར། །སྤུ་གྲི་མཆེད་གསུམ་ཁྱབ་འཇུག་རཱ་ཧུ་ལ། །མགར་བ་དམར་ནག་མཆེད་འཁོར་དཔུང་དང་བཅས། །འབར་བ་སྤྱན་བདུན་རོལ་པ་རྐྱ་བདུན་དང་། །ཇག་པ་མེ་ལེན་སྐྱེས་བུ་ལུང་གི་བཙན། སྤྲུག་གི་བཙན་རྒོད་ལ་སོགས་བཀའ་སྲུང་རྣམས། །དམ་རྫ་ས་བ་ལིང་མཆོད་པ་འདི་བཞེས་ལ། །ཁ་འཛིན་སྡོང་གྲོགས་མེལ་ཚེ་མ་གཡེལ་

[Full Size]

ཅིག །ཀྵེ་ཏྲ་པཱ་ལ་དམ་ཅན་ཆོས་ཀྱི་རྒྱལ། །ཧ་ས་གནྡྷ་མ་ཧཱ་པཱ་ལ་དང་། །བྱ་རོག་གདོང་དགུ་ཕྱི་ནང་གསང་བ་དང་། །ཡང་གསང་སྦས་པའི་ལྷ་སྲིན་སྡེ་བརྒྱད་སོགས། །བཀའ་དང་བསྟན་པ་སྲུང་བར་ཞལ་བཞེས་པའི། །བཀའ་སྲུང་དམ་ཅན་རྒྱ་མཚོ་ཐམས་ཅད་ཀྱིས། །དམ་རྫས་གཏོར་མའི་མཆོད་པ་འདི་བཞེས་ལ། །རྣམ་འབྱོར་བདག་གི་སྡོང་གྲོགས་རྒྱབ་རྟེན་མཛོད། །བྷཾལས་རིན་ཆེན་སྣོད་མཆོག་རྒྱ་ཆེ་བར། །ཨོཾ་ལས་གཏོར་མ་དཀར་གསུམ་བདུད་རྩིའི་མཚོ། །སྦྲང་རྩིའི་རོ་ལྡན་ཟག་མེད་བདེ་སྐྱིད་འདི། །རྣམ་ཟློསྲས་རིགས་དགུ་ཛཾ་ལྷ་རིགས་དགུ་དང་། །ནོར་རྒྱུན་མ་དང་ཨཱརླ་རེ་མཱནྟ། །ཚོགས་བདག་རིགས་ལྔ་རྟ་བདག་ཀུ་བེ་ར། །ཨ་པར་ཛི་ཏ་དགེ་བསྙེན་ཡེ་ཤེས་གྲགས། །ནོར་བདག་ལ་སོགས་ནོར་ལྷའི་ཚོགས་རྣམས་ལ། །གཏོར་མ་འདི་འབུལ་དགྱེས་པར་བཞེས་ནས་ཀྱང་། །འཛད་མེད་ལོངས་སྤྱོད་གཏེར་གྱི་དངོས་གྲུབ་སྩོལ། །སྔགས་ཀྱི་བདག་པོ་སྨྱོ་ཁ་རྡོ་རྗེ་རྒྱལ། །ཐང་ལྷ་ཡར་བཞུད་མི་མགོན་དཀར་པོ་དང་། །ཀླུ་ཆེན་བརྒྱད་པོ་རིགས་བཞི་ཀླུ་ཡི་ཚོགས། །དཀར་གསུམ་བདུད་རྩིའི་གཏོར་མ་འདི་བཞེས་ལ། །ཀླུ་ནད་ཀུན་

[Full Size]

སོལ་ལོ་ལེགས་འབྲུ་འཕེལ་མཛོད། །སྤོམ་ར་ལ་སོགས་མགུར་ལྷ་བཅུ་གསུམ་དང་། །མཁའ་རི་ལ་སོགས་དགེ་བསྙེན་ཉི་ཤུ་གཅིག །བརྟན་མ་བཅུ་གཉིས་སྐྱོང་མ་བཅུ་གཉིས་དང་། །ཡ་མ་བཅུ་གཉིས་སྨན་ཕྲན་འབུམ་དང་བཅས། །དབྱི་རྒྱལ་ལ་སོགས་ཕྱོགས་བཞིའི་དགེ་བསྙེན་བཞི། །སྨོན་སྐྱེས་ལ་སོགས་གཉན་ཕྲན་བཞི་བཅུ་གཉིས།དེ་སོགས་སྔོན་ཚེ་སློབ་དཔོན་པདྨ་དང་། །སྙིགས་དུས་རིག་འཛིན་མི་འགྱུར་རྡོ་རྗེ་ཡིས། །གནམ་ཆོས་དཀྱིལ་འཁོར་ཞལ་ཕྱེས་དབང་བསྐུར་ཚེ། །བསྟན་པ་སྲུང་བར་ཁས་བླངས་དམ་བཅས་པའི། །བོད་ཡུལ་ལྷ་སྲིན་གཞི་བདག་ཐམས་ཅད་ལ། །དམ་རྫས་དཀར་གསུམ་གཏོར་མ་འདི་འབུལ་ལོ། །བཞེས་ནས་སྔོན་གྱི་ཁས་བླངས་དྲན་མཛོད་ལ། །བདག་གི་འགལ་རྐྱེན་ཀུན་སོལ་མཐུན་རྐྱེན་སྒྲུབས། །བསམ་པའི་དོན་ཀུན་ཡིད་བཞིན་འགྲུབ་པར་མཛོད། །འཇིག་རྟེན་འདས་དང་མ་འདས་གཏོར་མགྲོན་རྣམས། །སོ་སོའི་ཡོན་ཏན་རྣམས་ལ་དང་བས་བསྟོད། །མཆོད་པ་དམན་དང་འབག་བཙོག་གྱུར་པ་བཤགས། །དེ་ལྟར་མཆོད་བསྟོད་དད་པའི་དགེ་བ་དེས། །ཚེ་འདིར་ཚེ་རིང་

[Full Size]

ནད་མེད་ཉམས་རྟོགས་འཕེལ། །ཕྱི་མ་བདེ་ཆེན་ཞིང་དུ་སྐྱེ་ཕྱིར་བསྔོ། །གཏོར་མགྲོན་ལ་སོགས་སྐབས་སུ་དེ་ཡན་ཆོག །གཏོར་བསྔོས་ཁ་རྐྱང་ཡིན་ན་རྗེས་ཆོག་ནི། །ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །ཅེས་བརྗོད་མི་དམིགས་སྟོང་པའི་ངང་ལ་བཞག །གཏོར་མའི་ལས་རྒྱུད་ཆེན་པོ་ལས། །རྣལ་འབྱོར་གཏོར་མར་བརྩོན་པ་ན། །དེ་ལ་བར་ཆད་སུ་ཡིས་ནུས། །རྣལ་འབྱོར་གཏོར་མར་མི་བརྩོན་ན། །དེ་ཡི་བར་ཆད་སུ་ཡིས་སེལ། །ཅེས་གསུངས་བར་ཆད་སེལ་བའི་མཆོག །སྤུ་གྲི་ཀླད་གཟེར་རྒྱུད་ཆེན་ལས། །གཏོར་མ་འདི་ལ་བརྩོན་བྱས་ན། །བདེ་མཆོག་སྐུ་ཡི་དངོས་གྲུབ་ཐོབ། །ཅེས་གསུངས་མཆོག་གི་དངོས་གྲུབ་ཐོབ། །དེ་ཕྱིར་འདི་ལ་བརྩོན་པར་གྱིས། །དམིགས་པ་འདོན་སྒོམ་སྦྲགས་པ་འདི། །བླ་མ་གུ་རུ་ལེགས་ལྡན་དང་། །པདྨ་མཁྱེན་བརྩེས་བསྐུལ་བ་ལྟར། །རཱ་ག་ཨ་སྱས་འཕྲལ་དུ་སྨྲས། །མཁྱེན་བརྩེ་ལྡན་པས་ཡི་གེ་བྲིས། །ཉེས་འགལ་རྩ་བ་གསུམ་ལ་བཤགས། །དགེ་བས་འདི་དང་འབྲེལ་ཚད་རྣམས། །ཚོགས་གཉིས་ཡོངས་སུ་རྫོགས་པར་ཤོག །མངྒ་ལཾ།། །།

བཀའ་སྲུང་སྤྱིའི་གཏོར་མ་འབུལ་བའི་སྨོན་ཚིག

[Full Size]

བཀའ་སྲུང་སྤྱིའི་གཏོར་མ་འབུལ་བའི་སྨོན་ཚིག་ལགས་སོ།

[Full Size]

ཨོཾ་ཨཱཿཧཱུྃ། །ཡཾ་རཾ་ཁཾ་ལས་རླུང་མེ་ཐོད་སྐྱེད་སྟེང་། །བྷནྡའི་ནང་དུ་ཟག་མེད་བདུད་རྩི་ཡི། །གཏོར་མ་འདི་ཉིད་འབུལ་བའི་གནས་རྣམས་ནི། །ཀུན་བཟང་ཡབ་ཡུམ་རྒྱལ་བ་རིགས་མཆོག་ལྔ། རྡོ་རྗེ་འཆང་ཆེན་སྟོན་པ་རྡོ་རྗེ་སེམས། །དགའ་རབ་རྡོ་རྗེ་ཤི་སི་ཧ་དང་། །རྒྱ་གར་རིག་འཛིན་བརྒྱད་ཅུ་ལ་སོགས་པ། །རྙིང་པ་བརྒྱུད་པའི་ཞལ་དུ་བ་ལིང་འབུལ། །སྣང་བ་མཐའ་ཡས་ཐུགས་རྗེ་ཆེན་པོ་དང་། །པདྨ་འབྱུང་གནས་རྗེ་འབངས་ཉི་ཤུ་ལྔ། །གཏེར་སྟོན་བརྒྱ་རྩ་ལས་ཅན་ཆོས་བདག་སོགས། །གཏེར་མ་བརྒྱུད་པའི་ཞལ་དུ་བ་ལིང་འབུལ། །རྡོ་རྗེ་

[Full Size]

འཆང་ཆེན་རྡོ་རྗེ་རྣལ་འབྱོར་མ། །གསང་བའི་བདག་པོ་དཔལ་ལྡན་ས་ར་ཧ། །རྒྱ་གར་གྲུབ་ཆེན་བརྒྱད་ཅུ་ལ་སོགས་པ། །ཕྱག་ཆེན་བརྒྱུད་པའི་ཞལ་དུ་བ་ལིང་འབུལ། །ཏེ་ལོ་ནཱ་རོ་མར་མི་ལྷ་རྗེ་བཙན། །བཀའ་བརྒྱུད་ཡ་བཞི་འབྲི་སྟག་ཚལ་འབྲུག་བརྒྱད། །མངྒ་ཤྲཱི་གྷིར་ཏི་ཤི་སོགས།། བཀའ་བརྒྱུད་བླ་མའི་ཞལ་དུ་བ་ལིང་འབུལ། །བསྟན་པའི་མངའ་བདག་ཀརྨ་པ་བཅུ་གསུམ། །ཞྭ་དམར་ཉེར་གཅིག་སི་ཏུ་གདན་རབས་དང་། །དཔའ་བོ་རྒྱ་མཚོ་ཀྲེ་ཧོ་དྲུང་པ་སོགས། །ཀཾ་ཚང་བརྒྱུད་པའི་ཞལ་དུ་བ་ལིང་འབུལ། །སྨན་ལྷ་མཆེད་བརྒྱད་སྤྲུལ་པའི་

[Full Size]

དྲང་སྲོང་གཉིས། །གཡུ་ཐོག་པ་དང་ཟུར་མཁར་གོང་འོག་གཉིས། །སྨན་གྱི་ལྷ་མོ་དྲང་སྲོང་འབུམ་ཕྲག་སོགས། །གསོ་རིག་བརྒྱུད་པའི་ཞལ་དུ་བ་ལིང་འབུལ། །འཇམ་དབྱངས་ཞི་བ་ལྷ་དང་གསེར་གླིང་པ། །ཇོ་བོ་འབྲོམ་རྔོག་རྒྱལ་སྲས་སྐུ་མཆེད་གསུམ། །ལུང་བསྟན་དགྲ་བཅོམ་བརྒྱད་ཁྲི་ལ་སོགས་པ། །བཀའ་གདམས་བརྒྱུད་པའི་ཞལ་དུ་བ་ལིང་འབུལ། །ཡུམ་ཆེན་འཇམ་དབྱངས་སྒྲོལ་མ་སུ་ཁ་སེ། །ཨཱརྱ་དྷེ་ཝ་དམ་པ་མ་གཅིག་དང་། །བཀའ་བབ་བུ་ཆེན་བཅུ་དྲུག་ལ་སོགས་པའི། །གཅོད་ཡུལ་བརྒྱུད་པའི་ཞལ་དུ་བ་ལིང་འབུལ། །དབང་བསྐུར་རྒྱུད་བཤད་མན་ངག་གནང་བ་ཡིས། །རྩ་བར་བརྒྱུད་པའི་བླ་མ་ཐམས་ཅད་ལ། །དམ་རྫས་བདུད་རྩིའི་གཏོར་མ་འདི་འབུལ་ལོ། །བཞེས་ནས་བདག་ལ་དབང་བསྐུར་བྱིན་གྱིས་རློབས། །གུ་རུ་སྐུ་གསུམ་སྐུ་ལྔ་མཚན་མཆོག་བརྒྱད། །རྟ་ཕག་ཡབ་ཡུམ་གིང་ཆེན་སྒོ་མ་བཞི། །ཐུགས་སྒྲུབ་འོད་འབར་ལྷ་ཚོགས་ཐམས་ཅད་ལ། །རྣམ་དག་དམ་རྫས་བདུད་རྩིའི་གཏོར་མ་འབུལ། །འཁོར་ལོ་སྡོམ་པ་རྡོ་རྗེ་རྣལ་འབྱོར་མ། །ཀྱེ་རྡོར་གསང་འདུས་དུས་འཁོར་འཇིགས་བྱེད་སོགས། །མཱ་ཡ་གདན་

[Full Size]

བཞི་སངས་རྒྱས་ཐོད་པ་སོགས། །རྒྱུད་སྡེ་བཞི་ཡི་ལྷ་ལ་བ་ལིང་འབུལ། །དམར་ནག་མེ་ཕྲེང་ཡུམ་མཆོག་ཁྲོས་དམར་ནག །གོ་ཆ་ལྷ་ལྔ་བྱ་ཁྱུང་རིགས་ལྔའི་ཚོགས། །དྲག་པོ་རིགས་བཞི་ཁྲོ་བཅུ་ལ་སོགས་པ། །རིག་འཛིན་ཁྲོས་པའི་ལྷ་ལ་བ་ལིང་འབུལ། །པདྨ་རྒྱལ་པོ་བདུད་འདུལ་གྲོ་བོ་ལོད། །གིང་བཞི་ཡབ་ཡུམ་རྒྱལ་པོ་ཆེན་པོ་བཞི། །གསང་བདག་ཀླུ་འདུལ་ཁྱུང་དང་ཁྲོ་བོའི་ཚོགས། །ཡི་དམ་ལྷ་ཚོགས་རྣམས་ལ་བ་ལིང་འབུལ། །ཌཱཀྐི་མཚོ་རྒྱལ་སྒྲོལ་མ་དཀར་ལྗང་གཉིས། །ལོ་མ་ཅན་དང་ཕག་ཁྲོས་སེང་གསུམ་སོགས། །ཡི་དམ་མཁའ་འགྲོའི་ཚོགས་ལ་བ་ལིང་འབུལ། །བཞེས་ནས་མཆོག་དང་ཐུན་མོང་དངོས་གྲུབ་སྩོལ། །ཕྱག་བཞི་ཕྱག་དྲུག་བེར་ནག་གུར་གྱི་མགོན་། །སྲིན་མགོན་གཉེན་མགོན་བྲག་ལྷ་མགོན་པོ་དང་། །དུད་སོལ་རང་བྱུང་རྒྱལ་མོ་ལ་སོགས་པའི། །ཆོས་སྐྱོང་མ་མགོན་ཚོགས་ལ་བ་ལིང་འབུལ། །མ་ནིང་སྡེ་ལྔ་སྲོག་བདུད་དཔལ་འབར་མ། །སེང་གདོང་ཡབ་ཡུམ་བམ་རོ་སྡེ་བརྒྱད་སོགས། །སྤུ་གྲི་མཆེད་གསུམ་མ་གཟའ་དམ་གསུམ་སོགས། །བཀའ་སྲུང་དམ་ཅན་རྣམས་ལ་བ་ལིང་

[Full Size]

འབུལ། །རྣམ་སྲས་རིགས་ལྔ་ཛཾ་ལྷ་རིགས་དགུ་སོགས། །ནོར་རྒྱུན་མ་དང་ཨཱརླ་རེ་མན་ཏ། །ཚོགས་བདག་རིགས་ལྔ་རྟ་བདག་ཀུ་བེ་ར། །ཨ་པར་ཙིཏྟ་ནོར་བདག་ཡེ་ཤེས་གྲགས། །ནོར་དབང་ལ་སོགས་ནོར་ལྷའི་ཚོགས་རྣམས་ལ། །གཏོར་མ་འདི་འབུལ་དགྱེས་པར་བཞེས་ནས་ཀྱང་། །ཟད་མེད་ལོངས་སྤྱོད་གཏེར་གྱི་དངོས་གྲུབ་སྩོལ། །ཇོ་བོ་སྤྱག་བཙན་སྐྱ་དགུ་བྲན་བཅུ་དང་། །མཁའ་རི་སྨྱོ་ཁ་ངོམ་རྒྱལ་མཁར་ནག་དང་། །རྟ་འདྲ་མོ་སྟོན་བྲེ་རང་བཙན་རྒོད་སོགས། །བཀའ་སྡོད་ཕོ་ཉའི་ཚོགས་ལ་བ་ལིང་འབུལ། །བཞེས་ནས་ཅི་བསམ་དོན་ཀུན་འགྲུབ་པར་མཛོད། བདག་གི་ནད་རིགས་ཀུན་ཞི་ཚེ་བསོད་དཔལ། །རྒྱས་ཤིང་སྣང་སྲིད་དབང་དུ་འདུ་བར་མཛོད། །དགྲ་བགེགས་ལོག་འདྲེན་ཆོས་ལོག་དམ་ཉམས་རྣམས། །སྐད་ཅིག་ཐལ་བ་རྡུལ་བཞིན་བརླགས་ནས་ཀྱང་། །བདག་གི་བསམ་པ་ཐམས་ཅད་བསྒྲུབ་ཏུ་གསོལ། །རུ་དྷེ་ཝ་ཌཱཀྐི་ནི་དྷརྨ་པ་ལ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་གཏོར་མ་འབུལ་བའི་སྨོན་ཚིག་འདི་ནི་མཁས་གྲུབ་རཱ་ག་ཨ་སྱས་མཛད་པའོ། །བཀྲ་ཤིས་ཤོག། །།

རྒྱུན་གྱི་གཏོར་བསྔོས་བསྡུས་པ་རྩ་གསུམ་ལྷ་ཚོགས་དགྱེས་པའི་མཆོད་སྤྲིན།

[Full Size]

རྒྱུན་གྱི་གཏོར་བསྔོས་བསྡུས་པ་རྩ་གསུམ་ལྷ་ཚོགས་དགྱེས་པའི་མཆོད་སྤྲིན་ཞེས་བྱ་བ་བཞུགས་པའི་དབུ་ཕྱོགས།།

[Full Size]

ན་མོ་གུ་རུ། རྒྱུན་གྱི་གཏོར་བསྔོས་བསྡུས་པ་བྱ་བ་ནི། །དབུས་སུ་བླ་མ་གཏོར་མ་ཟླུམ་པོ་གཅིག །གཡས་སུ་ཆོས་སྐྱོང་གཏོར་མ་ཟུར་གསུམ་པ། །གཉིས་པོ་ཤས་བརྒྱན་གཡོན་དུ་དཀར་གཏོར་གཅིག །བསྡུ་ན་ཤ་མེད་གཏོར་མ་ཟླུམ་པོ་གཅིག །རྩེ་ནི་བླ་མ་སྐེད་ནི་ཡི་དམ་དང་། །རྩ་བ་ཆོས་སྐྱོང་ཡུལ་ལྷར་བསྔོ་ཡང་རུང་། །འདོན་སྒོམ་སྦྲགས་ལ་དམིགས་པས་རྒྱས་བཏབ་བོ། །ཧཱུྃ། རང་ཉིད་སྐད་ཅིག་ཡི་དམ་ལྷར་གསལ་བའི། །ཐུགས་ལས་རཾ་ཡཾ་ཁཾ་གསུམ་འཕྲོས་པ་ལས། །མི་གཙང་དྲི་མའི་ཚོགས་ཀུན་བསྲེགས་གཏོར་བཀྲུས། །རླུང་མེ་ཐོད་སྐྱེད་སྟེང་དུ་ཀ་པཱ་ལ། །སྟོང་གསུམ་མཉམ་པའི་ནང་དུ་གཏོར་མའི་རྫས། །ཤ་ལྔ་

[Full Size]

བདུད་རྩི་ལྔ་དང་ཡེ་ཤེས་ལྔ། །ཞུ་ཞིང་ཁོལ་བས་ཟག་མེད་བདུད་རྩི་གྱུར། །རིན་ཆེན་སྣོད་དུ་དཀར་གསུམ་གཏོར་མ་ནི། །རོ་བརྒྱ་ནུས་པ་སྟོང་དང་ལྡན་པ་རྣམས། །ཧ་ཧོ་ཧྲཱི༔དང་ཨོཾ་ཨཱཿཧཱུྃ་རྣམས་ཀྱིས། །ཟག་མེད་འདོད་ཡོན་ལྡན་པར་བྱིན་གྱིས་རློབས། །རང་གི་ཐུགས་ཀའི་ས་བོན་འོད་ཟེར་གྱིས། །མགྲོན་རྣམས་ཐམས་ཅད་སྐད་ཅིག་སྤྱན་དྲངས་ནས། །ས་དང་བར་སྣང་ཐམས་ཅད་གང་བར་གྱུར། །ཕེཾ་ཕེཾ་པེ། རང་ལས་སྤྲོས་པའི་མཆོད་པའི་ལྷ་མོ་ནི། །གྲངས་མེད་བྷན་རིན་ཆེན་སྐྱོགས་བསྣམས་ནས། །མགྲོན་རྣམས་ཐམས་ཅད་སོ་སོར་མཆོད་

[Full Size]

པས་མཉེས། །ཀུན་བཟང་ཡབ་ཡུམ་དྲུག་པ་རྡོ་རྗེ་འཆང་། །ཡུམ་ཆེན་ཤེས་རབ་ཕ་རོལ་ཕྱིན་མ་སོགས། །ཆོས་སྐུ་སངས་རྒྱས་ཐམས་ཅད་མཆོད་པར་བགྱི། །རིགས་ལྔ་ཡབ་ཡུམ་རྒྱལ་བ་རྒྱ་མཚོ་དང་། །བསྐལ་བཟང་སངས་རྒྱས་སྟོང་ལ་མཆོད་པ་འབུལ། །ཤཱཀ་ཐུབ་ཐུབ་དྲུག་གནས་བརྟན་བཅུ་དྲུག་དང་། །གྲུབ་ཆེན་བརྒྱད་ཅུ་རྗེ་འབངས་ཉི་ཤུ་ལྔ། །མར་མི་དྭགས་གསུམ་བཀའ་བརྒྱུད་ཡ་བཞི་དང་། །འབྲི་སྟག་ཚལ་གསུམ་བརྒྱུད་པར་བཅས་ལ་འདུད། །འཇམ་དབྱངས་བདུན་རྒྱུད་སེང་གེ་དགུ་ཚར་དང་། །ཀརྨ་བཅུ་གསུམ་ཞྭ་དམར་ཉི་ཤུ་གཅིག །ཇོ་བོ་ཁུ་རྔོག་འབྲོམ་དང་རྒྱལ་སྲས་གསུམ། །གཏེར་སྟོན་བརྒྱ་དང་རྗེ་བཙུན་ཆགས་མེད་སོགས། །དྲིན་ཆེན་བླ་མ་ཐམས་ཅད་མཆོད་པར་བགྱི། །སྨན་ལྷ་མཆེད་བརྒྱད་རིགས་གསུམ་མགོན་པོ་དང་། །ལྷ་མོ་ལྔ་པོར་བྱ་རྒྱུད་ལྷ་ཚོགས་མཆོད། །འབྱུང་འདུལ་གོས་སྔོན་ཅན་སོགས་སྤྱོད་རྒྱུད་དང་། །རྡོར་དབྱིངས་སྦྱོང་རྒྱུད་སྒྲོལ་མ་ཉེར་གཅིག་དང་། །འཇམ་དཔལ་ལ་སོགས་རྣལ་འབྱོར་ལྷ་ཚོགས་མཆོད། །བདེ་དགྱེས་གསང་གསུམ་འཇིགས་བྱེད་དགྲ་ནག་དང་། །གཤེད་དམར་དུས་འཁོར་མ་ཧཱ་མཱ་ཡ་

[Full Size]

དང་། །ཕག་ཁྲོས་སེང་གསུམ་བླ་མེད་ལྷ་ཚོགས་མཆོད། །བཀའ་དགོངས་ཕུར་གསུམ་གུ་རུ་ཞི་དྲག་དང་། །དམ་པ་རིགས་བརྒྱ་ཡང་དག་མ་གཤིན་ཚོགས། །སྨེ་བརྩེགས་ལོའི་པཱ་ལ་གདུགས་དཀར་མོ། །གསང་སྔགས་རྙིང་མའི་ལྷ་ཚོགས་མཆོད་པར་བགྱི། །ཚེ་བདག་ཁྲོ་ཀིང་འཆར་ཁ་ཀླུ་སྲིན་དང་། །རྟ་མགྲིན་དམར་ནག་དྲེགས་འདུལ་ཁྲོ་བོ་བཅུ། །སྔ་འགྱུར་གཏེར་མའི་ལྷ་ཚོགས་ཐམས་ཅད་མཆོད། །པེར་ཆེན་གུར་དང་ཕྱག་བཞི་ཕྱག་དྲུག་པ། །མ་ནིང་ཏྲཀཱད་ཞིང་སྐྱོང་ཞལ་བཞི་པ། །དེ་སོགས་ཕོ་རྒྱུད་མགོན་པོ་ཀུན་ལ་འབུལ། །དུད་སོལ་མ་དང་རང་བྱུང་རྒྱལ་མོ་དང་། །རེ་ཏི་མཆེད་གསུམ་དམག་ཟོར་རལ་གཅིག་སོགས། །མོ་རྒྱུད་ལྷ་མོ་ཀུན་ལ་མཆོད་པ་འབུལ། །རྣམ་སྲས་རིགས་དགུ་ཛཾ་ལྷ་རིགས་ལྔ་དང་། །ཚོགས་བདག་ཚེ་རིང་མཆེད་ལྔ་དུར་ཁྲོད་བདག །ནོར་ལྷ་རྟ་ལྷས་བྷ་ལིང་འདི་བཞེས་ཤིག །དཔལ་མགོན་བདུན་ཅུ་ཞིང་སྐྱོང་ཉི་ཤུ་གཅིག །མཁའ་འགྲོ་སོ་གཉིས་དྲེགས་པ་ཉི་ཤུ་བཅུ། །དྲེགས་པ་བཅོ་བརྒྱད་དགེ་བསྙེན་ཉི་ཤུ་གཅིག །གཟའ་བདུད་རྡོར་ལེགས་ཤན་པ་ངེ་ནེ་མ། །དམ་ཅན་རྒྱ་མཚོ་ཀུན་གྱིས་མཆོད་

[Full Size]

གཏོར་བཞེས། །བརྟན་མ་བཅུ་གཉིས་མགུར་ལྷ་བཅུ་གསུམ་དང་། །དོན་གསལ་ལྷ་བཙན་ཐང་ལྷ་བདུད་བཙན་ཀླུ། །ཁྱད་པར་ཡུལ་འདིའི་གཞི་བདག་གནས་བདག་སོགས། །སོ་སོར་དཀར་དམར་གང་དགྱེས་སོ་སོར་འབུལ། །དམ་རྫས་བརྒྱན་པའི་མཆོད་གཏོར་འདི་བཞེས་ལ། །ཚེ་རིང་ནད་མེད་ལོངས་སྤྱོད་མངའ་ཐང་འཕེལ། །བར་ཆད་ཀུན་ཞི་བསམ་དོན་གྲུབ་པར་མཛོད། །ཨོཾ་གུ་རུ་དྷེ་ཝ་ཌཱཀྐི་ནཱི་སརྦ་དྷརྨཱ་པཱ་ལ་ལོ་ཀ་པཱ་ལ་ཨི་དཾ་བ་ལིང་ཏ་ཁ་ཁ་ཁཱ་ཧི། ༀ་བཛྲ་ཨརྒྱུ་སོགས་ནས་ཤརྡ་པྲ་ཏཱིཙྪ་སྭཱ་ཧཱ། ཡེ་ཤེས་འཇིག་རྟེན་མགྲོན་རིགས་ཀུན་ལ་བསྟོད། །རྒྱུ་ཆུང་ཕུད་ཉམས་ལ་སོགས་ཉེས་བྱས་བཤགས། །མགྲོན་རྣམས་རང་རང་གནས་སུ་བདེ་བར་གཤེགས། །དགེ་བས་བླ་མེད་བྱང་ཆུབ་མྱུར་ཐོབ་ཤོག །ཅེས་ཨ་མཆོད་ལྷ་ལུས་བསྐུལ་བ་བཞིན། ༧ རཱ་ག་ཨ་སྱས་སྦྱར་བའོ། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

གསར་རྙིང་སྤྱི་ཡི་ཆོས་སྐྱོང་གལ་ཆེ་ཞིང་རྒྱུན་དུ་རང་གི་ཆོས་སྐྱོང་ཆག་མི་རུང་བ་རྣམས་ཀྱི་གཏོར་བསྔོས།

[Full Size]

གསར་རྙིང་སྤྱི་ཡི་ཆོས་སྐྱོང་གལ་ཆེ་ཞིང་རྒྱུན་དུ་རང་གི་ཆོས་སྐྱོང་ཆག་མི་རུང་བ་རྣམས་ཀྱི་གཏོར་བསྔོས་བཞུགས་སོ། །

[Full Size]

དེ་ནས་ཆོས་སྐྱོང་སྤྱི་གཏོར་ཐམས་ཅད་དུས་གཅིག་བྱིན་གྱིས་བརླབས་ནས། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་དང་ཀཾ་ལས་ནི། །མི་མགོ་གསུམ་གྱི་སྐྱེད་པུའི་སྟེང་། །ཨ་ལས་ཡེ་ཤེས་ཀཱ་པ་ལ། །ཤ་ལྔ་བདུད་རྩི་ལྔ་པོ་དང་། །བདུད་དགྲའི་ཤ་རུས་སྤུང་པ་ལ། །ཨོཾ་ཨཱཿཧཱུྃ་གིས་སྐུ་གསུང་ཐུགས། །ཡེ་ཤེས་བདུད་རྩིར་བྱིན་བརླབས་ལ། །ལྷ་ཚོགས་དེ་དག་ཐམས་ཅད་ཀྱིས། །ཧཱུྃ་ལས་བྱུང་བའི་རྡོ་རྗེའི་ལྗགས། །འོད་ཀྱི་སྦུ་གུས་བདུད་རྩི་རྣམས། །དྲང་ཞིང་གསོལ་བས་མཉེས་པར་གྱུར། །རང་ཉིད་ཡི་དམ་རྒྱལ་བ་

[Full Size]

རྒྱ་མཚོར་གསལ་བའི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་ཆོས་སྐྱོང་སྲུང་མ་རྣམས་སྤྱན་དྲངས་དེ་ནི་མངོན་རྟོགས་འདོན་མི་དགོས་སོ།། ཧཱུྃ། །ད་པ་དང་ནི་དམ་ཚིག་གིས། །སྤྱན་འདྲེན་དཔལ་ལྡན་ནག་པོ་ཆེ། །བདག་རྒྱུད་སྒྲིབ་པ་བསལ་བའི་ཕྱིར། །བརྩེ་བས་དགོངས་ཏེ་འདིར་བྱོན་ཅིག ། ཧཱུྃ༔ སྐུ་གསུང་ཐུགས་ཀྱི་བདག་ཉིད་ཅན། །རྡོ་རྗེ་ནག་པོ་འཁོར་བཅས་རྣམས། །རང་བཞིན་གནས་ནས་སྐུ་བཞེངས་ལ། །བསྟན་པ་བསྲུང་ཕྱིར་གཤེགས་སུ་གསོལ། །འོག་མིན་གནས་མཆོག་དམ་པ་དང་། །ལྕང་ལོ་ཅན་གྱི་ཕོ་བྲང་དང་། །ནཱ་ལེནྡ་ཡི་གཙུག་ལག་དང་། །བསིལ་བ་

[Full Size]

ཚལ་གྱི་དུར་ཁྲོད་དང་། །གཞན་ཡང་དུར་ཁྲོད་གནས་བརྒྱད་དང་། །ཕྱི་ཡི་རྒྱ་མཚོའི་འགྲམ་དག་དང་། །རང་བཞིན་གར་བཞུགས་གནས་མཆོག་ནས། །དཔལ་ལྡན་མགོན་པོ་འཁོར་བཅས་རྣམས། །རྣལ་འབྱོར་བདག་ལ་རྗེས་དགོངས་ལ། །གནས་འདིར་མྱུར་དུ་གཤེགས་སུ་གསོལ། །ཨེ་རྒྱ་ཧི་ཛཿཧཱུྃ་བཾ་ཧོ༔ ཧཱུྃ། བསྟན་སྲུང་དྲག་པོའི་ཆ་ལུགས་ཐུགས་རྗེ་ཅན། །དཔག་མེད་ཡོན་ཏན་དབུ་རྫོགས་དགྲ་བགེགས་འདུལ། །པདྨ་ཉི་མའི་གདན་ལ་མངོན་དགྱེས་ཕྱིར། །དམ་ཆོས་བསྟན་པ་བསྲུང་ཕྱིར་བཞུགས་སུ་གསོལ། །ཏིཥྛ་ལྷན། ཧཱུྃ་ལས་སྐྱེས་པའི་ནག་པོ་ཆེ། །པདྨ་ཉི་མའི་གདན་ལ་བཞུགས། །གདུག་པ་ཟིལ་གནོན་མེ་དཔུང་ནང་། །མཐུ་ཆེན་ཁྱོད་ལ་ཕྱག་འཚལ་བསྟོད། །ཧཱུྃ། དཔལ་ལྡན་མགོན་པོ་འཁོར་བཅས་ལ། །ཁྲག་ཆེན་འབར་བའི་ཨནྡྷཾ་དང་། །ཞག་ཆེན་མཁྲིས་པའི་ཞབས་བསིལ་དང་། །དབང་པོ་ལྔ་ཡི་མེ་ཏོག་དང་། །ཤ་ཆེན་སྤོས་དང་ཚིལ་ཆེན་གསུར། །ཞུན་ཆེན་སྣང་གསལ་མར་མེ་དང་། །སྣ་ཚོགས་དྲི་ཡི་བྱུག་པ་དང་། །ཤ་ཆེན་ལྔ་ཡི་ཞལ་ཟས་དང་། །ཐོད་ཆེན་རྔ་དང་རྐང་ཆེན་དུང་། །བདུད་རྩི་སྨན་གཏོར་

[Full Size]

རཀྟའི་ཚོགས། །དགྱེས་པའི་ཚུལ་གྱིས་བཞེས་སུ་གསོལ། །བཛྲ་མ་ཧཱ་ཀཱ་ལ་ས་པཱ་རི་ཝཱ་ར་ཨརྒྷཾ་སོགས། སརྦ་པཉྩ་ཨ་མྲྀ་ཏ་བ་ལིཾ་ཏ་ཁཱ་ཧི། ༀ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀཱ་སྲོག་དུང་དུང་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་དེ་ཝ་རུ་པི་ནི་ཧཱུྃ་བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་རཀྵ་དུ་བོ་ཛ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་སེང་ཧ་མུ་ཁ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཨོཾ་ཤྲཱི་མ་ཧཱ་ཀཱ་ལ་ཡ་ཤཱ་ས་ན་ཨུ་པ་ཧ་རི་ནི། ཨེ་ཥ་ཨ་པཉྩ་མ་ཧཱ་ཀཱ་ལོ་ཨ་ཡཾ། ཨི་དཾ་རཏྣ་ཏྲ་ཡཱ་ཡ། ཨ་པ་ཀ་རི་ཎི། ཡ་ཏི་པྲ་ཏི་ཛྙ་སྨ་ར་སི་ཏ་དཱ། ཨི་དཾ་དུཏྟཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲིཉྩ་གྲིཏྣ་བྷནྡྷ་བྷནྡྷ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མི་ཀེ་ན་ཧཱུྃ་ཕཊ། བཱི་མ་ཧཱ་ཀཱ་ལ་ཁྲག་འཐུང་གི་རྒྱལ་པོ་ཕྱག་བཞི་པ། བྱ་རོག་གི་མཚན་ཅན། སྐུ་གསུང་ཐུགས་ཀྱི་སྤྲུལ་པ་ལས་མགོན་བྱ་རོག་གདོང་། ཡུམ་ཆེན་རྩ་འཇིབ་དམར་མོ། ལེགས་ལྡན་ནག་པོ། ཕྱོགས་ཀྱི་མཁའ་འགྲོ་མ་བཞི། ཤ་ཟ་ནག་པོ་

[Full Size]

སེང་གེའི་གདོང་ཅན་ཡབ་ཡུམ་སོགས་དང་། རང་འདྲའི་སྤྲུལ་པ་ལས་མཁན་འཁོར་ཚོགས་བཀའ་སྡོད་མཐུ་བོ་ཆེ་རྣམས་དང་། ནག་པོ་སྟོང་། ཤ་ཟ་འབུམ།་མ་མོ་བྱེ་བ། །གནོད་སྦྱིན་ཁྲི། ཁྲབ་ཅན་བྱེ་བ་དུང་ཕྱུར་གྱིས་བསྐོར་བ། བསྟན་པའི་བཀའ་སྲུང་། དམ་ཉམས་གྱི་སྲོག་གཅོད། །རིག་འཛིན་གྱི་སྲོག་ཤིང་། རྣལ་འབྱོར་གྱི་དགྲ་བླ། དུག་གསུམ་ནད་ཀྱི་སྨན་པ། གཙུག་ལག་ཁང་དང་དཀྱིལ་འཁོར་གྱི་སྲུང་མའི་ཚོགས་དང་བཅས་པ་རྣམས་ལ་དམ་རྫས་བདུད་རྩིའི་གཏོར་མ་དང་། དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་འདིས་མཆོད་དོ། །བསྟོད་དོ། །དེ་དག་གི་མཐུས་རྣལ་འབྱོར་པ་བདག་ཅག་དཔོན་སློབ་རྣམས་ཀྱི་བཀའ་དང་བསྟན་པ་སྲུངས། ཚེ་དང་དབང་ཕྱུག་སྤེལ། དཔལ་དང་གྲགས་པ་སྒྲུབས། འཁོར་དང་སློབ་མ་སྐྱོངས། རྐྱེན་དང་བར་ཆད་ཟློག །མི་ནོར་ཟས་གསུམ་སྡུས། དགྲ་བགེགས་ཐལ་བར་རློགས། ཕྲིན་ལས་རྣམ་བཞི་སྒྲུབས། །རྟག་ཏུ་སྲུང་སྐྱོབ་མཛོད་ཅིག །ཧཱུྃ། དུས་གསུམ་སངས་རྒྱས་ཀུན་གྱི་བསྟན་སྲུང་ཞིང་། །མ་ལུས་གདུག་པ་འདུལ་བའི་སྐུ་མདོག་ནག །རྣམ་བཞིའི་ཕྲིན་ལས་མཛད་པའི་ཕྱག་

[Full Size]

བཞི་པ། །ཁྲོས་པའི་མདངས་ལྡན་དཔའ་བོ་བརྗིད་པའི་སྐུ། །གདུག་པའི་ཚར་གཅོད་ཁྱོད་ལ་ཕྱག་འཚལ་བསྟོད། །ཅེས་ཕྱག་བཞི་པའི་གཙོ་འཁོར་ཀུན་ཚང་། ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་དམ་ཅན་ལྷ་ཆེན་པོ། །མ་ཧཱ་ཀཱ་ལ་མཐུ་བོ་ཆེ། །གསང་བའི་ཁྲོ་རྒྱལ་སྟོབས་ཀྱི་བདག །མ་ནིང་ནག་པོ་ཀུན་གྱི་རྗེ། །འོག་མིན་གནས་མཆོག་དམ་པ་དང་། །གསང་ཆེན་ལྷུན་གྲུབ་དུར་ཁྲོད་ནས། །མཆོད་ཕྱིར་སྒྲུབ་ཕྱིར་གཤེགས་སུ་གསོལ། །སྐུ་ལྔ་སྡེ་ལྔ་ཏྲཀཱད་ནག །མ་མགོན་སྡེ་བརྒྱད་བཅས་པ་བྱོན། །ལྷ་ཆེན་དཔལ་འབར་འཁོར་དང་བཅས། །མཐིང་ནག་རུ་ཏྲའི་གདན་ལ་བཞུགས། །ཤཱི་མ་ཧཱ་ཀཱ་ལ་ས་མ་ཡ་ཛཿཧཱུྃ་བཾ་ཧོ༔ ཏིཥྛ་ལྷན། ཧཱུྃ། མ་ཧཱ་ཀཱ་ལ་མཐུ་བོ་ཆེ། །ཁྱེད་ལ་མཆོད་པ་འབུལ་བ་ནི། །ཨུཏྤལ་མེ་ཏོག་སྣ་ཚོགས་དང་། །རྒྱ་ཤུག་ཛཱ་ཏི་ཨ་ཀ་རུ། །གླ་རྩི་ག་པུར་སྤོས་སོགས་དྲི། །ཞུན་ཆེན་སྣང་གསལ་ཁྲག་སྣའི་ཆབ། །ནས་ནག་བྲ་བོ་སྦྱར་བའི་བཤོས། །རྐང་ཆེན་རྔ་དུང་འཁར་རྔའི་སྒྲ། །དཔལ་ཆེན་འཁོར་དང་བཅས་ལ་འབུལ། །གཞན་ཡང་ཁྱོད་ལ་མཆོད་པའི་རྫས། །ཛ་གད་གསེར་སྐྱེམས་

[Full Size]

སྤྲིངས་སེ་སྤྲེང་། །ཞལ་ཟས་ལོངས་སྤྱོད་ལྷུབས་སེ་ལྷུབ། །སྨན་གཏོར་རཀྟ་ཀྱི་ལི་ལི། །དགྲ་བོའི་ཤ་ཁྲག་གློ་སྙིང་དང་། །ཁྲག་རུལ་ཉ་སོགས་མཐུན་པའི་རྫས། །འདོད་ཡོན་མཆོད་པ་དཔག་མེད་འདིས། །མ་ནིང་ནག་པོ་འཁོར་དང་བཅས། །དམ་ཅན་རྒྱ་མཚོའི་ཐུགས་དམ་བསྐང་། །ༀ་ཤྲཱི་མ་ཧཱ་ཀཱ་ལ་ཨརྒྷཾ༴ མ་ཧཱ་པཉྩ་ཨ་མྲྀ་ཏ་རཀྟ་བ་ལིང་ཏ་ཙིཏྟ་ལ་ཁཱ་ཧི་ཁཱ་ཧི། ཨོཾ་ཤྲཱི་མ་ཧཱ་ཀཱ་ལ་གྲུ་ན་གྷ་ཡ་རཾ་སིདྡྷི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་ཝཱཀྐ་ལྕེ་ལྕེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཏྲཀཱད་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀ་ལ་སི་ཏི་ཡ་མ་དུ་ཛ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཔལ་མགོན་མ་ནིང་ནག་པོ། མ་ནིང་རིགས་ལྔ། སྐུ་ཡི་མགོན་པོ་སྟག་ཞོན། གསུང་གི་མགོན་པོ་བེང་མ། ཐུགས་ཀྱི་མགོན་པོ་གྲི་གུག །ཡོན་ཏན་གྱི་མགོན་པོ་སེང་ཞོན། ཕྲིན་ལས་ཀྱི་མགོན་པོ་ཏྲཀཱད། ལྗང་ནག་སྤུ་གྲི་གཅིག་ཤུལ། ཐུབ་བདག་གློག་ཕྲེང་། ཡང་འཁོར་སྡེ་བརྒྱད། བདུད་དམག་བྱེ་བ་འབུམ་སྡེའི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྡང་བའི་དགྲ་སོད། གནོད་པའི་བགེགས་

[Full Size]

ཐུལ། བླ་མ་དང་རྣལ་འབྱོར་པ་བདག་ཅག་སྐུ་ཚེ་རིང་བ་དང་། ཕྲིན་ལས་དར་ཞིང་རྒྱས་པར་མཛད་དུ་གསོལ། ཧཱུྃ། ཆོས་དབྱིངས་སྐྱེ་བ་མེད་པའི་ཕོ་བྲང་ནས། །སྐྱེ་བའི་ཆོ་འཕྲུལ་ཁྲོ་རྒྱལ་མ་ནིང་སྐུ། །མཉམ་ཉིད་ཐུགས་མངའ་གཏུམ་ཆེན་མེ་ལྟར་འབར། །རུ་ཏྲ་འཇོམས་མཛད་བདུད་དཔུང་ཐལ་བར་རློགས། །མཐར་བྱེད་གཞོན་ནུ་འཇིགས་པའི་གད་རྒྱངས་ཅན། །མ་ཧཱ་ཀཱ་ལའི་སྐུ་ལ་ཕྱག་འཚལ་བསྟོད། །ཧཱུྃ། ཏྲཀྐད་བདུད་ཀྱི་མགོན་པོ་ནི། །ནག་པོ་ཐོད་པའི་ཕྲེང་བ་ཅན། །ཁྲག་གི་མིག་ལ་རལ་པ་དམར། །ལག་པ་དམར་པོ་མདུང་ཞགས་བསྣམས། །བེར་ནག་རྟ་ནག་ཅན་ལ་བསྟོད། །དེ་ལ་མ་ནིང་སྐུ་ལྔ་སྡེ་ལྔ་ཏཱཀྐད་དང་བཅས་པ་ཚང་བ་ཡིན། མདུན་དུ་དུར་ཁྲོད་ཆེན་པོའི་ནང་། །མེ་འབར་ཁྲག་ཞག་རྒྱ་མཚོའི་དབུས། །ཐོད་པ་སྐམ་རློན་གཞལ་ཡས་སུ། །ཨོཾ་ལས་དུད་སོལ་ལྷ་མོ་ནག །ཞལ་གཅིག་ཕྱག་བཞི་རལ་གྲི་དང་། །ཐོད་ཁྲག་ཤཀྟི་རྩེ་གསུམ་འཛིན། །དུར་ཁྲོད་ཆས་བརྒྱན་མི་རོ་གསོལ། །བ་གླང་མི་ལྤགས་རེ་ལྡེ་གོས། །སྦྲུལ་བརྒྱན་ཞབས་གཉིས་ལྕགས་སྒྲོག་གསོལ། །བོང་བུ་ག་དམར་ཆིབས་པའོ། །

[Full Size]

སྙིང་འཕྲོག་མ་གསུམ་རིགས་བཞི་དང་། །ལྷ་མོ་བརྒྱད་དང་ཕྲ་མེན་བརྒྱད། །སྒོ་མ་བཞི་སོགས་འཁོར་བཅས་གསལ། །གནས་གསུམ་འབྲུ་གསུམ་ཧཱུྃ་ཡིག་ལས། །འོད་འཕྲོས། འཁོར་བཅས་སྤྱན་དྲངས་གྱུར། །བྷྱོཿ རི་རབ་ཆེན་པོ་བྱང་ཤར་མཚམས། །གཡུ་མཚོ་མུ་ལེའི་མཐིང་དཀྱིལ་དབུས། །རིན་ཆེན་ལྔ་ལྡན་གཞལ་ཡས་ཁང་། །དེ་དབུས་སྲིད་གསུམ་ཐོད་མཁར་ནང་། །གྲུ་གསུམ་འབར་བའི་གཞལ་ཡས་ནས། །དཔལ་ལྡན་ལྷ་མོ་དུད་སོལ་མ། །ཞལ་གཅིག་ཕྱག་བཞི་བོང་བུ་ཆིབས། །སྐུ་མདོག་ནག་མོ་འཇིགས་པའི་གཟུགས། །འཁོར་ཡང་ནག་མོ་འབུམ་སྡེའི་ཚོགས། །གནས་འདིར་ཉིད་དུ་གཤེགས་སུ་གསོལ། །ཨོཾ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་ཨེ་ཨཱ་ར་ལི་ཧྲིང་ཧྲིང་༔ པདྨ་ཀ་མ་ལཱ་ཡེ་སྟེ། དཔལ་ལྡན་ལྷ་མོ་ཁྱོད་ཀྱི་བདག་ལ་སྐུ་མྱུར་དུ་སྟོན་ཅིག །གལ་ཏེ་མི་སྟོན་ན་ཡང་བདག་གི་ཡིད་ལ་ཅི་འདོད་པ་དེ་དག་འགྲུབ་པར་གྱིས་ཤིག །ཨོཾ་ས་མ་ཡ་ཧ་ན་ཧ་ན་མ་ཏི་ཀྲ་མ་ནི་ཧཱུྃ་ཕཊ། བཱི་དེ་ཝི་ཀཱ་ལི་ས་པཱ་རི་ཝཱ་ར་ཨརྒྱུ་སོགས། ཧ་ཧོཧྲཱི༔ ཨོཾ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། པཉྩ་ཨ་མྲྀ་ཏ་ཨོཾ་

[Full Size]

ཨཱཿཧཱུྃ། དཔལ་ལྡན་ལྷ་མོ་དུད་པའི་སོལ་བ་མ། སྙིང་འཕྲོག་མ་གསུམ། རིགས་བཞིའི་ལྷ་མོ་བཞི། དུར་ཁྲོད་ཀྱི་མ་མོ་བརྒྱད། ཕྲ་མེན་མ་བརྒྱུད། སྒོ་མ་བཞི། འཁོར་མ་མོ་བྱེ་བ་འབུམ་སྡེའི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྤྱིར་སངས་རྒྱས་ཀྱི་བསྟན་པ་དར་ཞིང་རྒྱས་པ་དང་། ཁྱད་པར་དུ་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པ་ཐམས་ཅད་ལ་མི་ནད་ཕྱུགས་ནད་ཡམས་ནད་རིམས་ནད་ནད་རིགས་བཞི་བརྒྱ་རྩ་བཞིས་གནོད་པ་ཞི་བ་དང་། ཚེ་དང་བསོད་ནམས་རྒྱས་པ་དང་། །ཆག་ཆེན་ཉམ་ང་བཀྲ་མི་ཤིས་པ་ཐམས་ཅད་ཟློག་པའི་ཕྲིན་ལས་མཛོད་ཅིག །བྷྱོཿ རྒྱ་མཚོའི་ཀློང་ནས་མེ་འབར་ཁྱོད། །མཚོ་ཡང་སྐེམ་པར་ནུས་མ་སྟེ། །བུད་མེད་ཐམས་ཅད་ཞི་མཛད་ཕྱིར། །ལྷ་ཆེན་སྐུ་ཡི་ཕྱིར་དུ་བཞུགས། །རྫོང་དང་བཀའ་བཟློག་ནག་མོ་ཆེ། །ལྷ་དང་ལྷ་མིན་ཕྱག་གནས་མ། །མི་ནད་གང་ཡིན་ཁྱོད་ཀྱིས་ཤེས། །དེ་ལ་འཇིགས་པ་མེད་པར་གྱུར། །གཤིན་རྗེའི་ལྕམ་མོ་བདུད་ཀྱི་ཡུམ། །འདོད་པ་ཁམས་ཀྱི་དབང་ཕྱུག་མ། །ནད་དོ་ཅོག་གི་བདག་མོ་སྟེ། །སངས་རྒྱས་བསྟན་པ་བསྲུང་བ་

[Full Size]

ཡིས། །དཔལ་ལྡན་ལྷ་མོ་ཁྱོད་ལ་བསྟོད། །དེ་ཡིས་རྒྱུན་ཁྱེར་ལྷ་མོའི་གཏོར་ཆོག་ཚང་། ཧཱུྃ། ཕོ་བྲང་མཁའ་སྤྱོད་ཙཱ་རི་ནས། །བདུད་མགོན་ནག་པོ་སེང་གེའི་གདོང་། །གནས་ལྟའདིར་སྤྱན་འདྲེན་གཤེགས་སུ་གསོལ། །ཡུམ་མཆོག་བདུད་མོ་སེང་གདོང་མ། །ལས་མཁན་བམ་རོ་ཕོ་མོ་དང་། །ཤན་པ་སྡེ་བརྒྱད་གཤེགས་སུ་གསོལ། །དགྲ་བགེགས་བསྣོལ་བའི་གདན་ལ་བཞུགས། །ཨེ་ཧྱ་ཧི་ས་མ་ཡ་ཛ་ཛཿ ཛཿཧཱུྃ་བཾ་ཧོ༔ ཨརྒྷཾ་སོགས། ཧཱུྃ། འཇིག་རྟེན་བྷནྡྷ་འབར་བའི་སྣོད་མཆོག་ཏུ། །སྨན་རཀ་བདུད་རྩིའི་མཆོད་པ་མཚོ་ལྟར་བསྐྱིལ། །དགྲ་བགེགས་བསྒྲལ་བའི་ཤ་ཁྲག་ནང་རོལ་ཚོགས། །དམ་རྫས་བརྒྱན་པའི་གཏོར་མ་རྒྱ་ཆེན་འདི། །ཞིང་སྐྱོང་མགོན་པོ་འཁོར་དང་བཅས་ལ་འབུལ། །ཨོཾ་མ་ཧཱ་ཀཱ་ལ་སེང་ཧ་མུ་ཁ་ཧཱུྃ་ཕཊ། ཏྲི་ཧྲིང་ཛཿ ཌཱཀི་ནཱི་སི་ན་ར་མ་ཧཱུྃ་ཕྲཊ། ཏྲི་ཧྲིང་ཛཿ ཡ་མ་རཱཙ་དུ་ཏྲི་ཕུ་ཏྲི་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞིང་སྐྱོང་སེང་གདོང་དཀར་པོ། བདུད་མགོན་སེང་གདོང་ནག་པོ། མཁའ་འགྲོ་སེང་གདོང་དམར་མོ། བམ་རོ་ཕོ་མོ་ཤན་པ་སྡེ་བརྒྱད། གཤིན་རྗེ་ཆོས་ཀྱི་རྒྱལ་པོ། ལས་གཤིན་འཆར་ཀ་

[Full Size]

ནག་པོ། སྒྲོལ་གིང་བེག་རྩེ་ཡབ་ཡུམ། བདུད་དམག་སྟོང་གི་སྡེ་ལ་སོགས་པ་འཁོར་དང་བཅས་པའི་ཞལ་དུ་འབུལ་ལོ། །དགྲ་བགེགས་བྱད་མ་ཐམས་ཅད་རྡུལ་དུ་བརླག་པའི་ཕྲིན་ལས་མཛོད་ཅིག །ཧཱུྃ། བསྟན་པ་གཉེན་པོ་བསྲུང་བའི་མཐུ་རྩལ་ཅན། །ནག་པོ་ཁྲོ་གཏུམ་འཇིགས་གཟུགས་རྔམ་པའི་སྐུ། །ཞལ་གཅིག་ཕྱག་གཉིས་མཐིང་ནག་སེང་གེའི་གདོང་། །གཡས་པས་དར་ནག་གཡོན་པས་དམར་གཏོར་ཁྱེར། །བདུད་པོ་མ་རུངས་སྲོག་བདུད་ཁྱེད་ལ་བསྟོད། །ཞིང་སྐྱོང་ཡབ་ཡུམ་གྱི་གཏོར་ཆོག་བསྡུས་པའོ། །ཧཱུྃ༔ དུར་ཁྲོད་ཆེན་པོའི་གནས་མཆོག་ནས། །ཆོས་སྐྱོང་ཡབ་ཡུམ་གཤེགས་སུ་གསོལ། །ཀེང་རུས་ཐོད་པའི་གུར་ཁང་ནས། །ཆོས་སྐྱོང་ཡབ་ཡུམ་གཤེགས་སུ་གསོལ། །དཔལ་ལྡན་དུར་ཁྲོད་བདག་པོ་ནི། །གནས་འདིར་སྤྱན་འདྲེན་གཤེགས་སུ་གསོལ། །སངས་རྒྱས་བསྟན་པ་བསྲུང་བའི་ཕྱིར། །བཀའ་ཡི་ལས་མཁན་ངན་ན་མ། །འཁོར་བཅས་མ་ལུས་གཤེགས་སུ་གསོལ། །རཀྟའི་རྦ་ཀློང་ད་ལ་ནས། །མི་རོ་བསྣོལ་བའི་གདན་ལ་བཞུགས། །ཨེ་ཧྱ་ཧི་ཛཿཧཱུྃ་བཾ་ཧོ༔ ཨནྡྷཾ་སོགས། ཨོཾ་ཨཱཿཧཱུྃ་ཧ་ཧོ་ཧཱུྃ༔ ཨོཾ་གྷོ་རྭ་

[Full Size]

ཛ་གྷི་རཱ་ཛ་ཀུ་མ་ཀུ་མ་ཁུ་ཐིས་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨ་ར་ལི་པྲ་མ་ཡ་ཛ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། པཉྩ་ཨ་མྲྀ་ཏ་ཨོཾ་ཨཱཿཧཱུྃ། ཧཱུྃ། དཔལ་ལྡན་དུར་ཁྲོད་བདག་པོ་ནི། །ཞལ་གཅིག་ཕྱག་གཉིས་སྐུ་མདོག་དཀར། །གཡས་པས་ཐོད་དབྱུག་འབར་བ་ཐོགས། །གཡོན་པས་ཐོད་པ་ཁྲག་བཀང་གསོལ། །ཀེང་རུས་གར་བྱེད་མཆེ་བ་གཙིགས། །བརྐྱང་སྐུམ་གར་གྱིས་གདུག་པ་འདུལ། །འཇིགས་སུ་རུང་བའི་ཡབ་ཡུམ་སྐུ། །ཐམས་ཅད་མ་ལུས་སྐག་པར་བྱེད། །དགྲ་རྣམས་མ་ལུས་འཇོམས་ལ་བསྟོད། །ཧཱུྃ།་མ་མོ་ནག་མོ་མཐུ་རྩལ་ཅན། །མུ་སྟེགས་ལྷ་མོ་རྫུ་འཕྲུལ་བདག །ནོར་སྲང་གཅིག་གི་རྗེས་འབྲང་མ། །དཀོར་བདག་ངེ་ནེ་མ་ལ་བསྟོད། །དུར་ཁྲོད་བདག་པོ་ཡབ་དང་ཡུམ། །ངེ་ནེ་མ་དང་བཅས་པ་ཡིས། །མཆོད་གཏོར་དམ་པ་འདི་བཞེས་ལ། །བདག་གི་རྟ་ཕྱུགས་དཀོར་ནོར་རྣམས། །ཉིན་མཚན་གཡེལ་བ་མེད་པར་སྲུངས། །དགྲ་རྐུན་གཅན་སྤྱང་ཁ་ཆིངས་ཤིག །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་ནོར་ལྷ་བཀའ་སྲུང་གཞན་རྣམས་ཀྱི་གཏོར་མ་རིན་པོ་ཆེའི་སྣོད་བཅུད་བདུད་རྩིའི་རྒྱ་མཚོ་འདོད་པའི་ཡོན་

[Full Size]

ཏན་སོ་སོར་གང་བར་བསྒོམ་ཞིང་། ༀ་ཨ་ཀཱ་རོ་མུ་ཁཾ་སོགས་སྔགས་ལན་གསུམ་གྱིས་དུས་གཅིག་བྱིན་གྱིས་བརླབས། ཧཱུྃ།་རི་རབ་ཆེན་པོའི་བྱང་ཕྱོགས་ནས། །ལྕང་ལོ་ཅན་གྱི་གནས་མཆོག་ནས། །རིན་ཆེན་འབར་བའི་གཞལ་ཡས་ནས། །གནོད་སྦྱིན་རྒྱལ་པོ་གཤེགས་སུ་གསོལ། །རྣམ་ཐོས་སྲས་པོ་གཤེགས་སུ་གསོལ། །ཛཾ་ལྷ་རིགས་ལྔ་ནོར་སྦྱིན་མ། །གནོད་སྦྱིན་ཕོ་བརྒྱད་མོ་བརྒྱད་སོགས། །འཁོར་དང་བཅས་པ་གཤེགས་སུ་གསོལ། །དགྱེས་ཤིང་བརྟན་པར་བཞུགས་སུ་གསོལ། །ཕུན་སུམ་ཚོགས་པའི་དངོས་གྲུབ་སྩོལ། །ཨོཾ་བྷེ་ཤཱ་མ་ཎ་ཡེ་ས་པཱ་རི་ཝཱ་ར་བཛྲ་ས་མ་ཡ་ཛཿ ཛཿཧཱུྃ་བཾ་ཧོ༔ ཨནྡྷཾ་སོགས། ཨོཾ་བཻ་ཤྲ་མ་ཎ་ཡེ་ས་པཱ་རི་ཝ་ར་ཨི་དཾ་བྷ་ལིད་ཧཱུྃ་ཧྥ་དཾ་ས་མ་ཡ་རཀྵན་ཏུ་མ་མ་སིདྡྷི་མེ་པྲ་ཡཙྪ་མ་མ་སརྦ་སིདྡྷི་ཨ་མོ་གྷ་སྭཱ་ཧཱ། ཨོཾ་པདྨ་ཀྲོ་དྷ་ཨཱརྱ་ཛམྦྷ་ལ་ཧྲིད་ཡ་ཧཱུྃ་ཕཊ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཛམྦྷ་ལ་ཛ་ལེནྡྲ་ཡེ་དྷ་ན་མི་དྷི་བྷིསྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཛམྦྷ་ལ་ཛ་ལེནྡྲ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཱ་སུ་དྷ་རི་ཎི་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། བོ། བྱང་ཕྱོགས་སྐྱོང་བའི་རྒྱལ་ཆེན་རྣམ་ཐོས་

[Full Size]

སྲས། །ནོར་གྱི་བདག་པོ་ཨརྨ་ཛམྦྷ་ལ། །དབུལ་བ་སེལ་བའི་ལྷ་མོ་ནོར་སྦྱིན་མ། །རྣམ་སྲས་འཁོར་དང་བཅས་ལ་ཕྱག་འཚལ་བསྟོད། །ལོངས་སྤྱོད་འདོད་ཡོན་ཆར་འབེབས་དངོས་གྲུབ་སྩོལ། །ཅེས་རྣམ་སྲས་སེར་ཆེན་འཛམ་དཀར་ནག་སེར་དམར་ནོར་རྒྱུན་མ་ཐམས་ཅད་ཚང་ངོ་། །ཧཱུྃ། རྒྱལ་བ་ཤཱཀ་ཐུབ་བསྟན་པ་ལ། །གླིང་བཞི་བྱང་ཕྱོགས་སྐྱོང་མཛད་པ། །ལྷ་ཡི་དགེ་བསྙེན་ཆེན་པོ་སྟེ། །ནོར་བདག་ཆེན་པོ་གཤེགས་སུ་གསོལ། །ཛཿཧཱུྃ་བཾ་ཧོ༔ ཕེ་ཕེ་ཧྲིང་ཧྲིང་ས་མ་ཡ་ཛ་ཛཿ ཏིཥྛ་ལྷན། ཨནྡྷཾ་སོགས། ཧཱུྃ། ནོར་བདག་རྒྱལ་པོ་ཚོའཁོར་བཅས་ལ། །དངོས་འབྱོར་ཡིད་ཀྱིས་རྣམ་སྤྲུལ་པའི། །ཕྱི་ནང་གསང་བ་མཆོད་པའི་སྤྲིན། །ནམ་མཁའི་མཐའ་ཀླས་གྱུར་པ་ཡི། །མཆོད་སྤྲིན་རྒྱུ་མཚོ་དཔག་མེད་མཆོད་།ཐུགས་དམ་གཉན་པོ་བསྐང་གྱུར་ཅིག །ཨོཾ་མ་ཧཱ་ར་ཙ་ཡཀྵ་ས་མ་ཡ། བྷེ་ཤྲ་མ་ཎ་ཡེ་སརྦ་རཏྣ་ཙིཏྟ་ཧྲིང་ཧྲིང་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧཱུྃ། རྒྱལ་པོ་ཆེན་པོ་རྣམ་ཐོས་སྲས། །ལྷ་ཡི་ན་བཟའ་སྣ་ཚོགས་དང་། །རིན་ཆེན་བསེ་ཡི་རྨོག་ཁྲབ་གསོལ། །ས་བརྒྱད་སེམས་དཔའི་སྐུ་ལ་བསྟོད། །སེང་གེའི་སྟེང་ན་འགྱིང་བག་

[Full Size]

མཛད། །མདུང་དམར་རྒྱལ་མཚན་གཡས་ན་འཛིན། །ནེའུ་ལེ་ལྕགས་ཀྱུ་གཡོན་ན་འཛིན། །སྣང་སྲིད་དབང་དུ་བསྡུས་ལ་བསྟོད། །སྦྱིན་བདག་ཕོ་མོའི་ལག་པ་བསྒུལ། །འགྲོ་བ་མི་ཡི་རྣམ་ཤེས་བསྒྱུར། །ཁམས་གསུམ་སྲིད་གསུམ་དབང་དུ་སྡུས། །བཅོལ་བའི་ཕྲིན་ལས་འགྲུབ་པར་མཛོད། །ཅེས་མདུང་དམར་ཅན་ཚང་། ཀྱེ། །འཛམ་གླིང་ཉི་མ་ནུབ་ཕྱོགས་ནས། །ཕོ་བྲང་རྟག་ཆག་མཁར་ནང་ནས། །འཛམ་བུ་གླིང་གི་སྐྱེས་གཅིག་པུ། །རྡོ་རྗེ་ལེགས་པ་གཤེགས་སུ་གསོལ། །དགེ་བསྙེན་ཆེན་པོ་མཐུ་རྩལ་ཅན། །འཛིན་གིང་བརྟན་མའི་ཚོགས་དང་བཅས། །བཙན་རྒོད་དྲག་པོ་སྟོང་གིས་བསྐོར། །དཔོན་གཡོག་འཁོར་བཅས་གཤེགས་སུ་གསོལ། །བཛྲ་སྭཱ་དྷུ་ས་མ་ཡ་ཏྲི་ཤུ་ལ་ཛཿཧཱུྃ་བཾ་ཧོ༔ ཨརྒྷཾ་སོགས། ཧཱུྃ། དམ་ཅན་སྐྱེས་བུ་ཐིག་ལེ་རྩལ། །ཁྱོད་ཀྱི་ཐུགས་དམ་བསྐང་བ་ནི། །མཁར་ཐབས་བཤོས་བུ་ར་ཡིས་མཚན། །ཤ་ཁྲག་དམར་གཏོར་རཀྟ་དང་། །མཾ་ས་ར་ཡི་གསུར་ཆེན་དང་། །སྨྱུག་རྒོད་ཁྲབ་བྱང་རྔ་ཁྲབ་དང་། །མཛེས་པའི་རོལ་མོ་གླུ་གར་དབྱངས། །སྤྱན་གཟིགས་དཀོར་ཆས་ཐུགས་དམ་བསྐང་། །ༀ་

[Full Size]

བཛྲ་སྭཱ་དྷུ་ས་མ་ཡ་སྲོག་ཏྲི་དུང་དུང་ཏྲི་ཛ་རཏྣ་ཕ་ལ་སིདྡྷི་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་སྭཱ་དྷུ་ས་མ་ཡ་སྲོག་ཏྲིའུ་ཛ་ཛཿ བཛྲ་ལི་ལ་མ་ཧཱུྃ་ཛཿ ཨོཾ་བཛྲ་མ་ཧཱ་མ་ཏྲི་དུང་དུང་ཏྲི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཀྱཻ། དམ་ཅན་སྐྱེས་བུ་བཛྲ་ཐིག་ལེ་རྩལ། །ལྷ་མིའི་འཇིག་རྟེན་ཁམས་ན་དབང་ཕྱུག་བཙན། །དབང་རྟགས་རྡོ་རྗེ་དགྲ་བོའི་ཙིཏྟ་བསྣམས། །དགེ་བསྙེན་ཆེན་པོ་ཁྱོད་ལ་ཕྱག་འཚལ་བསྟོད། །སེང་གེ་དང་ནི་ར་སྐྱེས་ཆིབས་ནས་ཀྱང་། །དར་དམར་གསོལ་ཞིང་རྫུ་འཕྲུལ་སྣ་ཚོགས་འགྱེད། །བཙན་དང་བརྟན་མའི་འཁོར་གཡོག་བསམ་མི་ཁྱབ། །མཐུ་སྟོབས་རྫུ་འཕྲུལ་ཅན་ལ་ཕྱག་འཚལ་བསྟོད། །དེ་ལ་མགར་དམར་རིགས་གསུམ་ཚང་། ཧཱུྃ། དམ་ཅན་སྐྱེས་བུ་ཆེན་པོ་གིང་གི་བདག ། དཔལ་ལྡན་དྲེགས་པ་རྟ་མགྲིན་ཐུགས་ལས་སྤྲུལ། །དམ་ཅན་སྐྱེས་བུ་རྡོ་རྗེའི་མཚན་ཅན་ཁྱོད། །ཐུགས་རྗེའི་དབང་གིས་གནས་འདིར་གཤེགས་སུ་གསོལ། །དམ་ཅན་སྐྱེས་བུ་ཆེན་པོ་ཁྱོད་ཉིད་ནི། །སངས་རྒྱས་བསྟན་པ་ཡུན་དུ་བསྲུང་བ་དང་། །འགྲོ་བའི་དོན་དུ་ཐུགས་རྗེས་བརྩེར་དགོངས་ལ། །གནས་འདིར་སྤྱན་འདྲེན་མཆོད་ཕྱིར་གཤེགས་སུ་

[Full Size]

གསོལ། །ཧཱུྃ། དམ་ཅན་སྐྱེས་བུ་ཆེན་པོ་འཁོར་དང་བཅས། །ཤ་ཁྲག་དམར་གྱི་གཏོར་མ་ཆེན་པོ་དང་། །ར་ཡི་རྣམ་ལྔ་གསུར་གྱི་དུད་པ་ཡིས། །དམ་ཅན་སྐྱེས་བུ་ཁྱོད་ལ་མཆོད་པ་འབུལ། །སྒྲུབ་པ་པོ་ལ་ཚེ་རིང་ནད་མེད་ཅིང་། །མཐུ་དང་ནུས་པ་རྒྱས་པའི་དངོས་གྲུབ་སྩོལ། །ཨོཾ་བཛྲ་སྭཱ་དྷུ་ས་མ་ཡ་ཝཀ་ཏྭཾ་ཀྲྀ་ཤི་ནི་ཀྲ་མ་ཎི་ས་མ་ཡ་སྭཱ་དྷུ་ཏྲི་ཛཿ ཛཿཧཱུྃ་བཾ་ཧོ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཧཱུྃ། ཁྲོ་རྒྱལ་རྟ་མགྲིན་ཐུགས་སྤྲུལ་མཆོག །དྲེགས་པའི་གཙོ་བོ་དམ་ཚིག་ཅན། །མཐུ་སྟོབས་ཆེན་པོས་དགྲ་བགེགས་འདུལ། །རྡོ་རྗེ་ལེགས་པ་ཁྱོད་ལ་བསྟོད། །རྒྱ་གར་ཡུལ་དུ་ཏིང་ཏིང་ཤག །གཡུང་དྲུང་བོན་གྱི་འཕྲུལ་ཏིང་ཞང་། །ཀོང་ཡུལ་མཐིལ་དུ་དེ་མོ་ཞེས། །གུ་རུའི་དྲུང་དུ་བོད་སྐྱོང་མ། །གནམ་ས་ཕྱེད་ཀྱི་བདག་མོ་མཛད། །སྐྱེས་བུའི་སྦྱོར་ཡུམ་མ་ལ་བསྟོད། །སྐྱེས་མཆོག་ཡབ་ཡུམ་འཁོར་བཅས་ཀྱིས། །མཆོད་སྦྱིན་གཏོར་མ་འདི་བཞེས་ལ། །མི་ནོར་ཟས་གསུམ་དབང་སྡུད་ལ། །བཀྲ་ཤིས་བདེ་ལེགས་དངོས་གྲུབ་སྩོལ། །ཅེས་མགར་ནག་ཚང་། ཧཱུྃ། སྟེང་ཕྱོགས་དག་པ་འཕྲུལ་གྱི་གཞལ་ཡས་ནས། །རིན་ཆེན་

[Full Size]

སྤྲིན་དཀར་ལྡིང་བའི་གུར་ཁང་ནས། །རྡོ་རྗེ་གཡུ་སྒྲོན་སྨན་བཙུན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་མྱུར་དུ་འགྲུབ་པར་མཛོད། །དམ་རྫས་གཙང་མར་སྦྱར་བའི་གཏོར་མ་ནི། །རྡོ་རྗེ་གཡུ་སྒྲོན་མ་ལ་མཆོད་པ་འབུལ། །ཐུགས་རྗེས་བརྩེར་དགོངས་བརྒྱན་པའི་གཏོར་མ་བཞེས། མཆོད་པ་བཞེས་ཤིག་བཛྲ་ཨ་ལ་ལ་ཧོ། །སོ་ཨཱཿཧཱུྃ་བཛྲ་པྲ་མོ་ཧ་ཧྲིང་ཧྲིང་ཛ་ཛཿ རྡོ་རྗེ་གཡུ་སྒྲོན་མ་འཁོར་དང་བཅས་པའི་ཞལ་དུ་ཁ་ཁ་ཁཱ་ཧི། ལན་གསུམ། ཨརྒྷཾ་སོགས། ཧཱུྃ༔ རྒྱལ་བའི་ཡུམ་མཆོག་རྡོ་རྗེ་གཡུ་སྒྲོན་མ། །ཆོས་སྐུ་དབྱིངས་ལ་སྤྲོས་པ་མི་མངའ་ཡང་། །ལོངས་སྐུ་རིགས་ལྔ་མ་དང་མཁའ་འགྲོ་སྤྲུལ། །སྤྲུལ་སྐུ་སྨན་མོ་འགྲོ་དོན་མཛད་ལ་བསྟོད། །སྤྲུལ་སྐུའི་གནས་ལ་ངེས་པ་མ་མཆིས་ཀྱང་། །རི་རབ་གླིང་དང་ནགས་ཚལ་མཚོ་གླིང་དང་། །ལྷོ་མོན་བོད་དང་རྒྱ་གར་ཡུལ་ལ་སོགས། །ཡུལ་རྣམས་ཀུན་ཏུ་དངོས་གྲུབ་སྟེར་ལ་བསྟོད། །ཆོས་བྱེད་སྲུང་མ་སྤྱན་རས་གཟིགས་ཀྱི་ལྕམ། །མངོན་ཤེས་རྫུ་འཕྲུལ་དངོས་གྲུབ་ཀུན་གྱི་བདག །དམ་ཚིག་ཅན་ལ་དགོས་འདོད་འབྲས་སྩོལ་

[Full Size]

མ། །རྡོ་རྗེ་གཡུ་སྒྲོན་འཁོར་དང་བཅས་ལ་བསྟོད། །ཅེས་ལྷ་སྨན་ཕྱི་ནང་གསང་གསུམ་ཚང་། ཧཱུྃ། རྡོ་རྗེ་གདན་གྱི་བྱང་ཕྱོགས་ནས། །བལ་བོད་གཉིས་ཀྱི་སོ་མཚམས་ནས། །དར་དཀར་གུར་གྱི་ནང་ཤེད་ནས། །བཀྲ་ཤིས་ཚེ་རིང་དབང་ཕྱུག་མ། །དྲག་པོའི་གདུང་བས་ཁྱོད་འབོད་ན། །དེ་རིང་སྒྲུབ་པའི་གནས་མཆོག་འདིར། །ལྷབ་ལྷུབ་ན་བཟའི་རྒྱན་དང་བཅས། །སིལ་སྙན་རོལ་མོའི་སྒྲ་དང་བཅས། །ནམ་མཁའི་མཐོངས་ནས་སྤྱན་འདྲེན་ནོ། །ཚེ་རིང་མཆེད་ལྔ་འཁོར་དང་བཅས། །འདིར་གཤེགས་གཙང་མའི་མཆོད་པ་བཞེས། །ཨརྒྷཾ་སོགས། ཨོཾ་ཨ་ཀ་ནི་ཙ་ལི་མི་ཐུ་ཁྲི་ལི་རེ་སྭཱ་ཧཱ། པཉྩ་ཌཀྐི་ནཱི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། པཉྩ་ཨ་མྲྀ་ཏ་སརྦ་པཱུ་ཙ་ཁཱ་ཧི། ཧཱུྃ། །ལྷ་སྨན་བཀྲ་ཤིས་ཚེ་རིང་དབང་ཕྱུག་མ། །ཁྱོད་ནི་རིགས་བཟང་གཙང་རིགས་ལྷ་ཡི་སྲས། །མགྲིན་པ་གཅིག་ལ་སྙན་པའི་གླུ་སྣ་སྟོང་། །དར་དཀར་གོས་གསོལ་རིན་ཆེན་དུ་མས་བརྒྱན་། །རྫུ་འཕྲུལ་སྣ་ཚོགས་སྟོན་པའི་ལས་མཛད་མ། །མཁའ་འགྲོ་དབང་ཕྱུག་མ་ལ་ཕྱག་འཚལ་བསྟོད། །སྒྲུབ་པ་པོ་ལ་དངོས་གྲུབ་བསྩལ་དུ་གསོལ། །ཚེ་རིང་མཆེད་ལྔའི་མཆོད་

[Full Size]

བསྟོད་ཚང་། །རྟ་ལྷ་ཨཱརླ་རེ་མན་ཏ། །རྟ་བདག་རྒྱལ་པོ་ཀུ་བེ་ར། །བདག་ལ་དངོས་གྲུབ་སྟེར་བའི་ཕྱིར། །སྤྱན་འདྲེན་ཕེཾ་ཕེཾ་བདག་གིས་འབོད། །དངོས་འབྱོར་ཡིད་སྤྲུལ་མཆོད་པ་འབུལ། །གསོལ་ལོ་མཆོད་དོ་དགྱེས་གྱུར་ཅིག །བདག་ཅག་སློབ་དཔོན་འཁོར་བཅས་ཀྱི། །རྔོག་ཆགས་ཀུན་གྱི་མགོན་སྐྱབས་དང་། །རྐང་བཞི་འཕེལ་བའི་ཕྲིན་ལས་མཛོད། །ཨོཾ་ཨཱརྱ་རེ་མནྟ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀུ་བེ་ར་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨརྒྷཾ་སོགས། ཧཱུྃ། རེ་མན་དང་ཀུ་བེ་ར། །མནའ་དགུ་བཞག་པའི་ཤག་པོ་ཡིན། །ཕ་མ་བྱས་ཀྱང་དེ་རང་ཡིན། །དཔོན་གཡོག་བྱས་ཀྱང་དེ་རང་ཡིན། །ཚ་ཞང་བྱས་ཀྱང་དེ་རང་ཡིན། །ཁྱོད་བསྟེན་ཁྱོད་མཆོད་ཁྱོད་རྦད་ན། །རྔོག་ཆགས་གོད་ཁ་བཟློག་པ་དང་། །རྔོག་ཆགས་མ་ལུས་བསྲུང་དུ་གསོལ། །རྒྱུན་དུ་གཟའ་སྤྱན་འདྲེན་ན་རྩུབ་པས་མི་ལེགས་ལ་ནམ་མཁའ་གཟའ་ཡི་རང་བཞིན་ཡིན་པས་གཏོར་མ་བསྔོས་ན་བར་ཆད་སེལ་བའོ།། ཧཱུྃ། གཟའ་མཆོག་ཆེན་པོ་འཁོར་བཅས་ལ། །དམར་གཏོར་བཤོས་བུ་དགུ་སྐོར་དང་། །དགྲ་བོའི་ཤ་ཁྲག་རུས་པ་དང་། །མེ་ཏོག་སྟོང་དང་ཆུ་སྣ་

[Full Size]

སྟོང་། །སྨན་སྣ་སྟོང་དང་ཤ་སྣ་སྟོང་། །སྙིང་སྣ་སྟོང་དང་ཁྲག་སྣ་སྟོང་། །གསུར་ཆེན་རོལ་མོ་སྣ་ཚོགས་ཀྱིས། །དྲང་སྲོང་འཁོར་བཅས་ཐུགས་དམ་བསྐང་། །དུག་གི་ཟོར་ཁ་དགྲ་ལ་བསྒྱུར། །གདུག་པའི་ཁ་རླངས་དགྲ་ལ་བསྒྱུར། །བདག་ཅག་དཔོན་སློབ་མི་ཕྱུགས་བཅས། །ཁྱོད་ཀྱི་བུ་སྤྱན་ཚ་བོ་ཡིན། །རྟག་ཏུ་སྲུང་སྐྱོབ་མ་གཡེལ་ཅིག །ཨོཾ་ཀེ་ཏ་ཀེ་ཏ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨརྒྷཾ་སོགས། ཧཱུྃ།་དྲང་སྲོང་ཆེན་པོ་གཟའ་མཆོག་རཱ་ཧུ་ལ། །སྐུ་མདོག་དུད་ཁ་དབུ་དགུ་སྤྱན་སྟོང་འབར། །ཕྱག་བཞི་རལ་གྲི་མདའ་གཞུ་ཆུ་སྲིན་ཞགས། །བསྐལ་པའི་མེ་འབར་ཁྱོད་ལ་ཕྱག་འཚལ་བསྟོད། །དཔའ་བོ་ཁྱོད་ཀྱི་སྲིང་མོ་གདོང་མོ་བཞི། །གཟའ་བརྒྱད་སྡེ་བརྒྱད་རྒྱུ་སྐར་ཉི་ཤུ་བརྒྱད། །ཁྱི་དང་ལྕེ་སྤྱང་བདུད་བྱ་ལ་སོགས་པའི། །ཕོ་ཉ་ལས་བྱེད་ཚོགས་ལ་ཕྱག་འཚལ་བསྟོད། །དམ་རྫས་བརྒྱན་པའི་མཆོད་གཏོར་འདི་བཞེས་ལ། །སྡང་བའི་དགྲ་ལ་ཆོ་འཕྲུལ་རྒྱུན་དུ་ཕོབ། །འཁོར་བཅས་སྡང་བྱེད་དགྲ་བོའི་སྟེང་དུ་བྷྱོཿ། །ཞེས་མཆོད་པ་བཞེས་ནས་གསོལ་བར་བསམ། ཀྱེ། བདུད་བཙན་ཀླུ་མགོན་འཁོར་

[Full Size]

བཅས་ཀྱིས། །གུ་རུ་པདྨའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །དམ་ལ་མ་འདའ་ད་ཚུར་བྱོན། །བསྟན་པ་བསྲུང་བའི་དུས་ལ་བབ། །དགྲ་བགེགས་བསྒྲལ་བའི་དུས་ལ་བབ། །བྱད་སྟེམས་བཟློག་པའི་དུས་ལ་བབ། །དགྲ་བོ་ཁུག་ལ་མྱུར་དུ་སྒྲོལ། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར། །དུ་པཾ་ཏྲི་ཤུ་ལ་ནཱ་ག་ར་ཙ་ཧཱུྃ་ཧཱུྃ་ཛཿ ཛཿཧཱུྃ་བཾ་ཧོ༔ ཨརྒྷཾ་སོགས། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བདུད་ནག་པོ་སྲོག་གི་སྤུ་གྲི། བཙན་དམར་ལས་ཀྱི་སྤུ་གྲི། །ཀླུ་རྒྱལ་དུག་གི་སྤུ་གྲི་ལ་སོགས་པ་བདུད་བཙན་ཀླུ་ཡི་དམག་ཚོགས་འཁོར་དང་བཅས་པའི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དགྲ་བགེགས་བྱད་མ་རྡུལ་དུ་བརླག་པའི་ཕྲིན་ལས་མཛོད། ཧཱུྃ། སངས་རྒྱས་བསྟན་པའི་བཀའ་སྲུང་མ། །བདུད་བཙན་ཀླུ་བདུད་མ་རུངས་འཇིགས་པའི་གཟུགས། །བཀའ་ཉན་ལས་བྱེད་ཕོ་ཉར་འགྱེད། །རིན་ཆེན་གཏེར་གྱི་སྲུང་མ་མཆོག །རྫུ་འཕྲུལ་ཅན་ལ་བདག་བསྟོད་དོ། །དེས་ནི་སྤུ་གྲི་མཆེད་གསུམ་ཚང་། ཧཱུྃ། ཡང་གཅིག་བཞེངས་ཤིག་ནག་པོ་ཏི་པ་ར་ཙ་ཁྱོད། །བྱང་ཕྱོགས་རྒྱུད་དུ་ཆེ་

[Full Size]

བའི་སྐུར་སྟོན་པ། །གཉན་ཆེན་ཐང་ལྷ་ཞེས་སུ་མཚན་ཡང་གསོལ། །འདིར་གཤེགས་བརྒྱན་པའི་གཏོར་མ་འདི་བཞེས་ལ། །བདག་ཅག་རིག་འཛིན་རྣལ་འབྱོར་འཁོར་བཅས་ཀྱི། །མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས། །གདུག་འདྲེའི་ནད་དང་གནོད་པ་ཞི་བ་མཛོད། །ཨོཾ་ཨཱཿཧཱུྃ་ཧཱིབཛྲ་འབར་བ་རྩལ་སརྦ་སིདྡྷི་ཕ་ལ་ཧཱུྃ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨརྒྷཾ༴ དྲི་ཟའི་རྒྱལ་པོ་ས་བརྒྱད་གནས་པའི་མཆོག །སྟོང་གསུམ་གཞི་བདག་ཀུན་གྱི་རྗེ་བོར་གྱུར། །ཐང་ལྷ་སྨྱོ་ཁ་ལ་སོགས་པའི། །གནས་བརྒྱད་མཚན་བརྒྱད་ལྡན་ལ་བསྟོད། །འཁོར་ཚོགས་དང་བཅས་བརྒྱ་བྱིན་སྲས་མོ་ནི། །མཚོ་སྨན་ཕྱུག་མོ་བཅས་ལ་ཕྱག་འཚལ་བསྟོད། །དེ་ནས་སྐྱེས་བུ་ལུང་བཙན་ནི༔ ཀྱེ། སྟོད་ཀྱི་བཙན་ཡུལ་ཡ་ཀི་ནས། །ཡ་ཀི་སྒོ་མོ་བྲག་དམར་ནས། །ཇོ་བོ་བཙན་གྱི་རྒྱལ་པོ་སྟེ། །སྐྱེས་བུ་ལུང་བཙན་སྤྱན་འདྲེན་ནོ། །འདུར་འདུར་འདུར་གྱིས་གནས་འདིར་བྱོན། །རིན་ཆེན་མཛེས་པའི་མཁར་ལ་བཞུགས། །འདོད་ཡོན་ལོངས་སྤྱོད་སྣ་ཚོགས་དང་། །ཕུད་དང་བཤོས་དང་མཆོད་པ་བཞེས། །གཞི་བྱེས་ལམ་གསུམ་

[Full Size]

མགོ་ཐོན་ཅིང་། །མི་ནོར་བཙན་ཕྱུག་བཀྲ་ཤིས་པའི། །གྲོགས་དང་མགོན་སྐྱོབས་ཆེན་པོ་མཛོད། །ཨོཾ་བྱི་ཤུ་ཙ་ན། ས་མ་ཡ། ཁྲག་ཏ་ཀུ་རུ་ར་ཙ་ན་ཧཱུྃ་ན་ཧཱུྃ་ན་རུ་ཙ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨརྒྷཾ༴ བསྟོད་པར་འོས་པ་ཐམས་ཅད་ལ། །སོགས། ཨོཾ་ཨཱཿཧཱུྃ། གཞན་ཡང་ཡུལ་དང་གྲོང་གི་བདག །རི་ཚལ་ཆུ་ཀླུང་ངམ་གྲོག་ཐང་། །གཉུག་མར་གནས་པ་མ་ལུས་དང་། །ངོམ་རྒྱལ་གཏམ་རྒྱལ་དབྱི་དོ་དང་། །གནས་འདིར་གཞི་བདག་ཐམས་ཅད་ལ། །བདུད་རྩིའི་གཏོར་མ་འདི་འབུལ་ལོ། །འགལ་རྐྱེན་བར་ཆད་ཞི་བ་དང་། །མཐུན་རྐྱེན་བསམ་པ་འགྲུབ་པར་མཛོད། །ཨོཾ་བྷ་མི་པཱ་ཏི་ས་པཱ་རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དེ་ནས་རྗེས་ཆོག་བྱ་བ་ནི། ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །དེ་ལྟར་རྒྱུན་དུ་གཏོར་བསྔོས་བྱས་པ་ཡིས། །ཕན་ཡོན་རིག་པ་དག་ལ་ཚོགས་རྫོགས་པ། །འདི་ཕྱིའི་ལམ་གྱི་བར་ཆད་སེལ་བ་དང་ཐུན་མོང་དངོས་གྲུབ་ཅི་འདོད་པ་འབྱུང་ཞིང་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པའི་ཕྱིར་

[Full Size]

རོ། །ནོར་བུ་རིན་པོ་ཆེ་བྱི་དོར་བྱས་ནས་མཆོད་པ་བྱས་པས་ཀྱང་བརྒྱ་སྟོང་འགྱུར་གྱིས་བརྟག་པ་ཤེས་པར་བྱའོ། །ཡིད་ཆེས་པའི་ལུང་ནི། གཏོར་མའི་ལས་རྒྱུད་ཆེན་པོ་ལས། །མཆོག་དང་ཐུན་མོང་དངོས་གྲུབ་ནི། །གཏོར་མ་དག་ལ་བརྟེན་ནས་ཐོབ། །རྣལ་འབྱོར་གཏོར་མོར་མི་བརྩོན་ན། །དེ་ཡི་བར་ཆད་གང་གིས་སེལ། །རྣལ་འབྱོར་གཏོར་མར་བརྩོན་པ་ན། །དེ་ལ་བར་ཆད་སུ་ཡིས་རུང་། །ཞེས་དང་། སྲོག་ཟན་ནག་པོའི་རྒྱུད་ལས། །གཏོར་མ་འབུལ་ཞིང་བསྟོད་པ་བྱ། །ཐུགས་དམ་བསྐུལ་ཞིང་ཕྲིན་ལས་བཅོལ། །ངེས་པར་ཁོ་ནས་འགྲུབ་པར་འགྱུར། །བསྒྲུབ་པར་འགྱུར་བའི་ཕན་ཡོན་ནི། །བུ་ནོར་འཁོར་དང་ལོངས་སྤྱོད་རྒྱས། །ཚེ་དང་གྲགས་པ་བསོད་ནམས་འཐོབ། །དཔལ་འབྱོར་གཟི་བརྗིད་རབ་ཏུ་འཕེལ། །རྟ་དང་བ་གླང་དུད་འགྲོ་རྣམས་དང་ལྡན། །བཀྲ་ཤིས་མཐུ་ཆེ་སྔགས་ཀྱི་དམོད་པ་འགྲུབ། །བར་ཆད་སེལ་ཞིང་ཕྲིན་ལས་ཉན། །དམ་ལ་འདུ་ཞིང་དགྲ་བགེགས་འདུལ། །དེ་ཕྱིར་གཏོར་མ་རྒྱུན་དུ་མཆོད། །ཅེས་གསུངས་སོ། །དེ་ལྟར་རྒྱུན་དུ་གཏོར་ཆོག་རྒྱས་པར་མ་གྲུབ་ཀྱང་། འདི་ལྟར་སོ་སོ་མ་འདྲེས་པ་བྱས་པ་འགྲུབ་པ་ཡིན་ནོ། །ཞེས་བཀའ་སྲུང་གེལ་པ་རྣམས་ཀྱི་རྒྱུན་ཁྱེར་གཏོར་བསྔོས་ཉུང་ངུ་ཞིག་དགོས་ཞེས་པདྨ་འགྲོ་མགོན་གྱིས་ཡང་ཡང་བསྐུལ་ཀྱང་བཀའ་གཉན་ཕྱིར་མི་འཐད་ཅེས་སྨྲས་ཀྱང་། ཕྱིས་འཚོ་མཛད་གྲག་ལུ་ཚེ་འདས་དུས་ཀྱང་ནན་ཏན་གྱིས་བསྐུལ་བས། ཁོ་ཕ་རྒན་ཤི་ནས་ཡུས་ཆེ་སྙམ་ནས་ངག་མ་བཅག་པར་བྲིས། ཤིང་

[Full Size]

སྤྲུལ་ཐ་སྐར་ཟླ་བའི་ཉེར་དྲུག་ལ་༧ རཱ་ག་ཨ་སྱས་བྲིས་པ་ལ། ཉེས་འགལ་གང་མཆིས་བཀའ་སྲུང་རྣམས་ལ་བཤགས་ཤིང་། དགེ་བས་རང་གི་བརྒྱུད་པ་འཛིན་པ་རྣམས་ཀྱིས་བསྟན་པ་དར་ཞིང་རྒྱས་པར་གྱུར་ཅིག །ཡི་ཆོས་སྐྱོང་གལ་ཆེ་བ་རྣམས་བསྡུས་ནས་འཐུས་ཆེ་བས་རང་གིས་ཀྱང་ཐུགས་དམ་བྱ་བར་སེམས་ཏེ་བྲིས།། མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་སྲུང་གེལ་པ་རྣམས་ཀྱི་གཏོར་བསྔོས་ཆོ་ག་ཉུང་བསྡུས།

[Full Size]

བཀའ་སྲུང་གེལ་པ་རྣམས་ཀྱི་གཏོར་བསྔོས་ཆོ་ག་ཉུང་བསྡུས་བཞུགས་སོ།།

[Full Size]

རང་ཉིད་ཡི་དམ་རྒྱལ་བ་རྒྱ་མཚོར་གསལ་བའི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུར་འཕྲོས་པས། བཀའ་སྲུང་རྣམས་སྤྱན་དྲངས་ནས་མདུན་དུ་བཞུགས་པར་བསྒོམས་ལ། སྐད་ཅིག་ལ་སྤྱན་དྲངས་ཏེ་མངོན་རྟོགས་མི་དགོས་སོ།། ཧཱུྃ། དུར་ཁྲོད་ཆེན་པོའི་གནས་མཆོག་ནས། །ཆོས་སྐྱོང་ཡབ་ཡུམ་གཤེགས་སུ་གསོལ། །ཀེང་རུས་ཐོད་པའི་གུར་ཁང་ནས། །ཆོས་སྐྱོང་ཡབ་ཡུམ་གཤེགས་སུ་གསོལ། །དཔལ་ལྡན་དུར་ཁྲོད་བདག་པོ་ནི། །གནས་འདིར་སྤྱན་འདྲེན་གཤེགས་སུ་གསོལ། །སངས་རྒྱས་བསྟན་པ་བསྲུང་བའི་ཕྱིར། །བཀའ་ཡི་ལས་མཁན་ངས་ནུས་མ། །འཁོར་བཅས་མ་ལུས་གཤེགས་སུ་

[Full Size]

གསོལ། །རཀྟའི་རྦ་ཀློང་ད་ལ་ནས། །མི་རོ་བསྣོལ་བའི་གདན་ལ་བཞུགས། །ཨེ་ཧྱ་ཧི་ས་མ་ཡ་ཛཿ ཛཿཧཱུྃ་བཾ་ཧོ༔ ཨརྒྷཾ་ནས། ཤརྡ་པྲ་ཏཱིཙྪ་སྭཱ་ཧཱ། ཨོཾ་ཨཱཿཧཱུྃ་ཧ་ཧོ་ཧྲཱི༔ ཨོཾ་གྷི་རཱ་ཛ་གྱི་རཱ་ཛ་ཀུ་མ་ཀུ་མ་ཊུ་ཐིས་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ར་ལི་པྲ་མ་ཡ་ཛ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། པཉྩ་ཨ་མྲྀ་ཏ་ཨོཾ་ཨཱཿཧཱུྃ། ཧཱུྃ། དཔལ་ལྡན་དུར་ཁྲོད་བདག་པོ་ནི། །ཞལ་གཅིག་ཕྱག་གཉིས་སྐུ་མདོག་དཀར། །གཡས་པས་ཐོད་དབྱུག་འབར་བ་ཐོགས། །གཡོན་པས་ཐོད་པ་ཁྲག་བཀང་གསོལ། །ཀེང་རུས་གར་བྱེད་མཆེ་བ་གཙིགས། །

[Full Size]

བརྐྱང་བསྐུམ་གར་གྱིས་གདུག་པ་འདུལ། །འཇིགས་སུ་རུང་བའི་ཡབ་ཡུམ་སྐུ། །ཐམས་ཅད་མ་ལུས་སྐྲག་པར་བྱེད། །དགྲ་རྣམས་མ་ལུས་འཇོམས་ལ་བསྟོད། །ཧཱུྃ། མ་མོ་ནག་མོ་མཐུ་རྩལ་ཅན། །མུ་སྟེགས་ལྷ་མོ་རྫུ་འཕྲུལ་བདག །ནོར་སྲང་གཅིག་གི་རྗེས་གཅོད་མ། །ནས་བྲེ་གང་གི་ཕྱིར་འབྲང་མ། །དཀོར་བདག་ངས་ནུས་མ་ལ་བསྟོད། །དུར་ཁྲོད་བདག་པོ་ཡབ་དང་ཡུམ། །ངས་ནུས་མ་དང་བཅས་པ་ཡིས། །མཆོད་གཏོར་དམ་པ་འདི་བཞེས་ལ། །བདག་གི་རྟ་ཕྱུགས་དཀོར་ནོར་རྣམས། །ཉིན་མཚན་གཡེལ་བ་མེད་པར་སྲུངས། །དགྲ་རྐུན་གཅན་སྤྱང་ཁ་ཆིངས་ཤིག །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་ནོར་ལྷ་བཀའ་སྲུང་གཞན་རྣམས་ཀྱི་གཏོར་མ་རིན་པོ་ཆེའི་སྣོད་སྟོང་གསུམ་ཙམ་གྱི་ནང་དུ་གཏོར་མ་བདུད་རྩིའི་རྒྱ་མཚོ་འདོད་པའི་ཡོན་ཏན་སོ་སོར་གང་ལ་གང་འདོད་འབྱུང་བར་བསྒོམས་ལ། ཨོཾ་ཨ་ཀཱ་རོ་མུ་ཁཾ་སོགས་སྔགས་ལན་གསུམ་གྱིས་དུས་གཅིག་ལ་བྱིན་གྱིས་བརླབས། ཧཱུྃ། རི་རབ་ཆེན་པོའི་བྱང་ཕྱོགས་ནས། །ལྕང་ལོ་ཅན་གྱི་གནས་མཆོག་ནས། །རིན་ཆེན་འབར་བའི་གཞལ་ཡས་ནས། །གནོད་སྦྱིན་རྒྱལ་པོ་གཤེགས་སུ་གསོལ། །རྣམ་ཐོས་སྲས་པོ་གཤེགས་སུ་

[Full Size]

གསོལ། །ཛཾ་ལྷ་རིགས་ལྔ་ནོར་རྒྱུན་མ། །གནོ་ཕོ་བརྒྱད་མོ་བརྒྱད་སོགས། །འཁོར་དང་བཅས་པ་གཤེགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཕུན་སུམ་ཚོགས་པའི་དངོས་གྲུབ་སྩོལ། །ཨོཾ་བྷེ་ཤ་མ་ཎ་ཡེ་ས་པཱ་རི་ཝཱ་ར་བཛྲ་ས་མ་ཡ་ཛཿ ཛཿཧཱུྃ་བཾ་ཧོ༔ ཏིཥྛ་ལྷན། ཨརྒྷཾ་སོགས། ཨོཾ་བི་ཤ་མ་ཎ་ཡེ་ས་པཱ་རི་ཝ་ར་ཨི་དཾ་བ་ལིཾ་ཏ་ཧཱུྃ་ཧྥ་ཏུ་ས་མ་ཡ་རཀྵན་ཏུ་མ་མ་སིདྡྷི་མེ་པྲ་ཡཙྪ་མ་མ་སརྦ་སིདྡྷི་ཨ་མོ་གྷ་སྭཱ་ཧཱ། ཨོཾ་པདྨ་ཀྲོ་དྷ་ཨཱརྱ་ཛམྦྷ་ལ་ཧྲིད་ཡ་ཧཱུྃ་ཕཊ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཨོཾ་ཛམྦྷ་ལ་ཛ་ལེནྡྲ་ཡེ་དྷ་ན་མི་དྷི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཛམྦྷ་ལ་ཛ་ལེནྡྲ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛིལླི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཱ་སུ་དྷ་རི་ཎི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨིནྡྲ་ནི་མུ་ཁཾ་སྦྲ་མ་རི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བྱང་ཕྱོགས་སྐྱོང་བའི་རྒྱལ་ཆེན་རྣམ་ཐོས་སྲས། །ནོར་གྱི་བདག་པོ་ཨརྱ་ཛམྦྷ་ལ། །དབུལ་བ་སེལ་བའི་ལྷ་མོ་ནོར་རྒྱུན་མ། །རྣམ་སྲས་འཁོར་དང་བཅས་ལ་ཕྱག་འཚལ་བསྟོད། །ལོངས་སྤྱོད་འདོད་ཡོན་ཆར་

[Full Size]

འབེབས་དངོས་གྲུབ་སྩོལ། །ཅེས་རྣམ་སྲས་སེར་ཆེན་འཛམ་དཀར་ནག་སེར་དམར་ནོར་རྒྱུན་མ་ཐམས་ཅད་ཚང་ངོ་། །ཧཱུྃ། རྒྱལ་བ་ཤཱཀ་ཐུབ་བསྟན་པ་ལ། །གླིང་བཞི་བྱང་ཕྱོགས་སྐྱོང་མཛད་པ། །ལྷ་ཡི་དགེ་བསྙེན་ཆེན་པོ་སྟེ། །ནོར་བདག་ཆེན་པོ་གཤེགས་སུ་གསོལ། །ལྕང་ལོ་ཅན་གྱི་ཕོ་བྲང་ནས། །སྲས་དང་བཙུན་མོ་བློན་པོའི་ཚོགས། །གནོད་སྦྱིན་བྱེ་བ་འབུམ་དང་བཅས། །དཔོན་གཡོག་འཁོར་བཅས་གཤེགས་སུ་གསོལ། །ཛཿཧཱུྃ་བཾ་ཧོ༔ ཕེཾ་ཕེཾ་ཧྲིང་ཧྲིང་ས་མ་ཡ་ཛ་ཛཿ ཏིཥྛ་ལྷན། ཨརྒྷཾ་སོགས། ཧཱུྃ། ནོར་བདག་རྒྱལ་པོ་འཁོར་བཅས་ལ། །དངོས་འབྱོར་ཡིད་ཀྱིས་རྣམ་སྤྲུལ་པའི། །ཕྱི་ནང་གསང་བ་མཆོད་པའི་སྤྲིན། །ནམ་མཁའི་མཐའ་ཀླས་གྱུར་པ་ཡི། །མཆོད་སྤྲིན་རྒྱ་མཚོ་དཔག་མེད་མཆོད་། །ཐུགས་དམ་གཉན་པོ་བསྐང་གྱུར་ཅིག །ཨོཾ་མ་ཧཱ་ར་ཙ་ཡཀྵ་ས་མ་ཡ།་བྷེ་ཤྲ་མ་ཎ་ཡེ་སརྦ་རཏྣ་ཙིཏྟ་ཧྲིང་ཧྲིང་ཛ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧཱུྃ། རྒྱལ་པོ་ཆེན་པོ་རྣམ་ཐོས་སྲས། །ལྷ་ཡི་ན་བཟའ་སྣ་ཚོགས་དང་། །རིན་ཆེན་བསེ་ཡི་རྨོག་ཁྲབ་གསོལ། །ས་བརྒྱད་སེམས་དཔའི་སྐུ་ལ་བསྟོད། །སེང་གེའི་སྟེང་ན་འགྱིང་བག་

[Full Size]

མཛད། །མདུང་དམར་རྒྱལ་མཚན་གཡས་ན་འཛིན། །ནེའུ་ལེ་ལྕགས་ཀྱུ་གཡོན་ན་བསྣམས། །སྣང་སྲིད་དབང་དུ་བསྡུས་ལ་བསྟོད། །སྦྱིན་བདག་ཕོ་མོའི་ལག་པ་བསྒུལ། །འགྲོ་བ་མི་ཡི་རྣམ་ཤེས་བསྒྱུར། །ཁམས་གསུམ་སྲིད་གསུམ་དབང་དུ་སྡུས། །བཅོལ་བའི་ཕྲིན་ལས་འགྲུབ་པར་མཛོད། །དེས་མདུང་དམར་ཅན་ཚང་། ཀྱཻ། །འཛམ་གླིང་ཉི་མ་ནུབ་ཕྱོགས་ན། །ཕོ་བྲང་རྟག་ཆག་བརྟན་མཁར་ནས། །འཛམ་བུ་གླིང་གི་སྐྱེས་གཅིག་པུ། །རྡོ་རྗེ་ལེགས་པ་གཤེགས་སུ་གསོལ། །དགེ་བསྙེན་ཆེན་པོ་མཐུ་རྩལ་ཅན། །འཛིན་གིང་བརྟན་མའི་ཚོགས་དང་བཅས། །བཙན་རྒོད་དྲག་པོ་སྟོང་གིས་བསྐོར། །དཔོན་གཡོག་འཁོར་བཅས་གཤེགས་སུ་གསོལ། །བཛྲ་སྭཱ་དྷུ་ས་མ་ཡ་ཏྲི་ཤུ་ལ་ཛཿཧཱུྃ་བཾ་ཧོ༔ ཨརྒྷཾ་སོགས། ཧཱུྃ། དམ་ཅན་སྐྱེས་བུ་ཐིག་ལེ་རྩལ། །ཁྱོད་ཀྱི་ཐུགས་དམ་བསྐང་བ་ནི། །མཁར་ཐབས་བཤོས་བུ་ར་མགོའི་མཚན། །ཤ་ཁྲག་དམརགཏོར་རཀྟ་དང་། །ཨཾ་ས་ར་ཡི་གསུར་ཆེན་དང་། །སྙུག་རྒོད་ཁྲབ་བྱང་རྔ་ཁྲབ་དང་། །མཛེས་པའི་རོལ་མོ་གླུ་གར་དབྱངས། །སྤྱན་གཟིགས་དཀོར་ཆས་ཐུགས་དམ་

[Full Size]

བསྐང་། །ཨོཾ་བཛྲ་སྭཱ་དྷུ་ས་མ་ཡ་སྲོག་ཏྲེ་དུ་མ་ར་ཎ་རཏྣ་ཕ་ལ་སིདྡྷི་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བཛྲ་སྭཱ་དྷུ་ས་མ་ཡ་སྲོག་ཏྲིའུ་ཛ་ཛཿ བཛྲ་ལི་ལ་མ་ཧཱུྃ་ཛཿ ཨོཾ་བཛྲ་མ་ཧཱ་མ་ཏྲི་དུང་དུང་ཏྲི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཀྱཻ། དམ་ཅན་སྐྱེས་བུ་བཛྲ་ཐིག་ལེ་རྩལ། །ལྷ་མིའི་འཇིག་རྟེན་ཁམས་ན་དབང་ཕྱུག་བཙན། །དབང་རྟགས་རྡོ་རྗེ་དགྲ་བོའི་ཙིཏྟ་བསྣམས། །དགེ་བསྙེན་ཆེན་པོ་ཁྱོད་ལ་ཕྱག་འཚལ་བསྟོད། །སེང་གེ་དང་ནི་ར་སྐྱེས་ཆིབས་ནས་ཀྱང་། །དར་དམར་གསོལ་ཞིང་རྫུ་འཕྲུལ་སྣ་ཚོགས་འགྱེད། །བཙན་དང་བརྟན་མའི་འཁོར་གཡོག་བསམ་མི་ཁྱབ། །མཐུ་སྟོབས་རྫུ་འཕྲུལ་ཅན་ལ་ཕྱག་འཚལ་བསྟོད། །དེས་མགར་དམར་རིགས་གསུམ་ཚང་། ཧཱུྃ། དམ་ཅན་སྐྱེས་བུ་ཆེན་པོ་གིང་གི་བདག །དཔལ་ལྡན་དྲེགས་པ་རྟ་མགྲིན་ཐུགས་ལས་སྤྲུལ། །དམ་ཅན་སྐྱེས་བུ་རྡོ་རྗེའི་མཚན་ཅན་ཁྱོད། །ཐུགས་རྗེས་དབང་གིས་གནས་འདིར་གཤེགས་སུ་གསོལ། །དམ་ཅན་སྐྱེས་བུ་ཆེན་པོ་ཁྱོད་ཉིད་ནི། །སངས་རྒྱས་བསྟན་པ་ཡུན་དུ་བསྲུང་བ་དང་། །འགྲོ་བའི་དོན་དུ་ཐུགས་རྗེས་བརྩེར་དགོངས་ལ། །གནས་འདིར་སྤྱན་འདྲེན་མཆོད་ཕྱིར་

[Full Size]

གཤེགས་སུ་གསོལ། །ཧཱུྃ། དམ་ཅན་སྐྱེས་བུ་ཆེན་པོ་འཁོར་བཅས་ལ། །ཤ་ཁྲག་དམར་གྱི་གཏོར་མ་ཆེན་པོ་དང་། །རྭ་ཡི་རྣམ་ལྔ་ཚིལ་གྱི་དུད་པ་ཡིས། །དམ་ཅན་སྐྱེས་བུ་ཁྱོད་ལ་མཆོད་པ་འབུལ། །སྒྲུབ་པ་པོ་ལ་ཚེ་རིང་ནད་མེད་ཅིང་། །མཐུ་དང་ནུས་པ་རྒྱས་པའི་དངོས་གྲུབ་སྩོལ། །ཨོཾ་བཛྲ་སྭཱ་དྷུ་ས་མ་ཡ་ཝཀ་ཀྲྀ་ཏྲ་ཤི་ནི་ཀྲ་མ་ཎི་ས་མ་ཡ་སྭཱ་དྷ་ཏྲི་ཛཿཛཿཧཱུྃ་བཾ་ཧོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧཱུྃ། ཁྲོ་རྒྱལ་རྟ་མགྲིན་ཐུགས་སྤྲུལ་མཆོག །དྲེགས་པའི་གཙོ་བོ་དམ་ཚིག་ཅན། །མཐུ་སྟོབས་ཆེན་པོས་དགྲ་བགེགས་འདུལ། །རྡོ་རྗེ་ལེགས་པ་ཁྱོད་ལ་བསྟོད། །རྒྱ་གར་ཡུལ་དུ་ཏིང་ཏིང་ཤག །གཡུང་དྲུང་བོན་གྱི་འཕྲུལ་ཏིང་ཤག །ཀོང་ཡུལ་མཐིལ་དུ་དེ་མོ་ཞེས། །གུ་རུའི་དྲུང་དུ་བོད་སྐྱོང་མ། །གནམ་ས་ཕྱེད་ཀྱི་བདག་མོ་མཛད། །སྐྱེས་བུའི་ཡུམ་ཆེན་མ་ལ་བསྟོད། །སྐྱེས་མཆོག་ཡབ་ཡུམ་འཁོར་བཅས་ཀྱི། །མཆོད་སྦྱིན་གཏོར་མ་འདི་བཞེས་ལ། །མི་ནོར་ཟས་གསུམ་དབང་སྡུད་ལ། །བཀྲ་ཤིས་བདེ་ལེགས་དངོས་གྲུབ་སྩོལ། །དེས་མགར་ནག་རིགས་གསུམ་ཚང་། སྟེང་ཕྱོགས་དག་པ་འཕྲུལ་གྱི་གཞལ་ཡས་

[Full Size]

ནས། །རིན་ཆེན་སྤྲིན་དཀར་ལྡིང་བའི་གུར་ཁང་ནས། །རྡོ་རྗེ་གཡུ་སྒྲོན་སྨན་བཙུན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་མ་ལུས་འགྲུབ་པར་མཛོད། །དམ་རྫས་གཙང་མར་སྦྱར་བའི་གཏོར་མ་ནི། །རྡོ་རྗེ་གཡུ་སྒྲོན་མ་ལ་མཆོད་པ་འབུལ། །ཐུགས་རྗེས་བརྩེར་དགོངས་བརྒྱན་པའི་གཏོར་མ་བཞེས། །མཆོད་པ་བཞེས་ཤིག་ཨ་ལ་ལ་ཧོ། །ཨོཾ་ཨཱ༔ཧཱུྃ་བཛྲ་པྲ་མོ་ཧ་ཧྲིང་ཧྲིང་ཛ་ཛཿ རྡོ་རྗེ་གཡུ་སྒྲོན་མ་འཁོར་དང་བཅས་པའི་ཞོལ་དུ་ཨི་དཾ་ཁ་ཁ་ཁཱ་ཧི་ཁཱ་ཧི། ཨརྒྷཾ་སོགས། ཧཱུྃ༔ རྒྱལ་བའི་ཡུམ་མཆོག་རྡོ་རྗེ་གཡུ་སྒྲོན་མ། །ཆོས་སྐུ་དབྱིངས་ལ་སྤྲོས་པ་མི་མངའ་ཡང་། །ལོངས་སྐུ་རིགས་ལྔ་མ་དང་མཁའ་འགྲོ་བསྟེན། །སྤྲུལ་སྐུ་སྨན་མོ་འགྲོ་དོན་མཛད་ལ་བསྟོད། །སྤྲུལ་སྐུའི་གནས་ལ་ངེས་པ་མ་མཆིས་ཀྱང་། །རི་རབ་གླིང་དང་ནགས་ཚལ་མཚོ་གླིང་དང་། །ལྷོ་མོན་བོད་དང་རྒྱ་གར་ལ་སོགས་ཀྱི། །ཡུལ་རྣམས་ཀུན་གྱི་དངོས་གྲུབ་སྟེར་ལ་བསྟོད། །ཆོས་བྱེད་སྲུང་མ་སྤྱན་རས་གཟིགས་ཀྱི་ལྕམ། །མངོན་ཤེས་རྫུ་འཕྲུལ་དངོས་གྲུབ་ཀུན་གྱི་བདག །དམ་ཚིག་ཅན་ལ་དགོས་འདོད་འབྲས་སྩོལ་

[Full Size]

མ། །རྡོ་རྗེ་ཐགཡུ་སྒྲོན་འཁོར་དང་བཅས་ལ་བསྟོད། །ཅེས་ལྷ་སྨན་ཕྱི་ནང་གསང་གསུམ་ཚང་། ཧཱུྃ། རྟ་ལྷ་ཨཱརླ་རེ་མནྟ། །རྟ་བདག་རྒྱལ་པོ་ཀུ་བེ་ར། །བདག་ལ་དངོས་གྲུབ་སྟེར་བའི་ཕྱིར། །སྤྱན་འདྲེན་ཕོ་པོ་བདག་གིས་འབོད། །དངོས་འབྱོར་ཡིད་སྤྲུལ་མཆོད་པ་འབུལ། །གསོལ་ལོ་མཆོད་དོ་དགྱེས་གྱུར་ཅིག །བདག་ཅག་དཔོན་སློབ་འཁོར་བཅས་ཀྱི། །རྔོག་ཆགས་ཀུན་གྱི་མགོན་སྐྱབས་དང་། །རྐང་བཞི་འཕེལ་བའི་ཕྲིན་ལས་མཛོད། །ཨོཾ་ཨཱརྱ་རེ་མནྟ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱཀུ་བེ་ར་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨནྡྷཾ་སོགས། ཧཱུྃ། རེ་མན་དང་ཀུ་བེ་ར། །མནའ་དགུ་བཞག་པའི་ཤག་པོ་ཡིན། །ཕ་མ་བྱས་ཀྱང་དེ་རང་ཡིན། །དཔོན་གཡོག་བྱས་ཀྱང་དེ་རང་ཡིན། །ཚ་ཞང་བྱས་ཀྱང་དེ་རང་ཡིན། །ཁྱེད་བརྟེན་ཁྱེད་མཆོད་ཁྱེད་ཆད་ན། །རྔོག་ཆགས་གོད་ཁ་བཟློག་པ་དང་། །རྔོག་ཆགས་མ་ལུས་བསྲུང་དུ་གསོལ། །རྒྱུན་དུ་གཟའ་སྤྱན་འདྲེན་ན་རྩུབ་པས་མི་ལེགས་ནམ་མཁའ་གཟའི་རང་བཞིན་ཡིན་པས་སྤྱན་འདྲེན་མི་དགོས་གཏོར་མ་བསྔོས་ན་བར་ཆད་སེལ་བའོ།། ཧཱུྃ། གཟའ་མཆོག་ཆེན་པོ་འཁོར་

[Full Size]

བཅས་ལ། །དམར་གཏོར་བཤོས་བུ་དགུ་སྐོར་དང་། །དགྲ་བོའི་ཤ་ཁྲག་རུས་པ་དང་། །མེ་ཏོག་སྟོང་དང་ཆུ་སྣ་སྟོང་། །སྨན་སྣ་སྟོང་དང་ཤ་སྣ་སྟོང་། །སྙིང་སྣ་སྟོང་དང་ཁྲག་སྣ་སྟོང་། །གསུར་ཆེན་རོལ་མོ་སྣ་ཚོགས་ཀྱིས། །དྲང་སྲོང་འཁོར་བཅས་ཐུགས་དམ་བསྐང་། །དུག་གི་ཟོར་ཁ་དགྲ་ལ་བསྒྱུར། །གདུག་པའི་ཁ་རླངས་དགྲ་ལ་བསྒྱུར། །བདག་ཅག་དཔོན་སློབ་མི་ཕྱུགས་བཅས། །ཁྱོད་ཀྱི་བུ་སྤུན་ཚ་བོ་ཡིན། །རྟག་ཏུ་སྲུང་སྐྱོབ་མ་གཡེལ་ཅིག་།ཨོཾ་ཀེ་ཏ་ཀེ་ཏ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨཧཱུྃ་སོགས། ཧཱུྃ། དྲང་སྲོང་ཆེན་པོ་གཟའ་མཆོག་རཱ་ཧུ་ལ། །སྐུ་མདོག་དུད་ཁ་དབུ་དགུ་སྤྱན་སྟོང་འབར། །ཕྱག་བཞི་རལ་གྲི་མདའ་གཞུ་ཆུ་སྲིན་ཞགས། །བསྐལ་པའི་མེ་འབར་ཁྱོད་ལ་ཕྱག་འཚལ་བསྟོད། །དཔའ་བོ་ཁྱོད་ཀྱི་སྲིང་མོ་གདོང་མོ་བཞི། །གཟའ་བརྒྱད་སྡེ་བརྒྱད་རྒྱུ་སྐར་ཉི་ཤུ་བརྒྱད། །ཁྱི་དང་ལྕེ་སྤྱང་བདུད་བྱ་ལ་སོགས་པའི། །ཕོ་ཉ་ལས་བྱེད་ཚོགས་ལ་ཕྱག་འཚལ་བསྟོད། །དམ་རྫས་བརྒྱན་པའི་མཆོད་གཏོར་འདི་བཞེས་ལ། །སྡང་བའི་དགྲ་ལ་ཆོ་འཕྲུལ་མྱུར་དུ་ཕོབ། །འཁོར་བཅས་སྡང་བྱེད་དགྲ་བོའི་སྟེང་

[Full Size]

དུ་བྷྱོཿ། །ཅེས་མཆོད་པ་བཞེས་ནས་གཤེགས་པར་བསམ། ཧཱུྃ། ཡང་གཅིག་བཞེངས་ཤིག་ནག་པོ་ཏི་པ་ར་ཙ་ཁྱོད། །བྱང་ཕྱོགས་རྒྱུད་དུ་ཆེ་བའི་སྐུར་སྟོན་པ། །གཉན་ཆེན་ཐང་ལྷ་ཞེས་སུ་མཚན་ཡང་གསོལ། །འདིར་གཤེགས་བརྒྱན་པའི་གཏོར་མ་འདི་བཞེས་ལ། །བདག་ཅག་རིག་འཛིན་རྣལ་འབྱོར་འཁོར་བཅས་ཀྱི། །མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས། །གདུག་འདྲེའི་ནད་དང་གནོད་པ་ཞི་བ་མཛོད། །ཨོཾ་ཨཱཿཧཱུྃ་ཧྲིབཛྲ་འབར་བ་རྩལ་སརྦ་སིདྡྷི་ཕ་ལ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཨརྒྷཾ༴ ཨོཾ། དྲི་ཟའི་རྒྱལ་པོ་ས་བརྒྱད་གནས་པའི་མཆོག །སྟོང་གསུམ་གཞི་བདག་ཀུན་གྱི་རྗེ་བོར་གྱུར། །འཁོར་ཚོགས་དང་བཅས་བརྒྱ་བྱིན་སྲས་མོ་ནི། །མཚོ་སྨན་ཕྱུག་མོར་བཅས་ལ་ཕྱག་འཚལ་བསྟོད། །དེ་ནས་སྐྱེས་བུ་ལུང་བཙན་ནི། ཀྱེ། སྟོད་ཀྱི་བཙན་ཡུལ་ཡ་ཀི་ནས། །ཡ་ཀི་སྒོ་མོ་བྲག་དམར་ནས། །ཇོ་བོ་བཙན་གྱི་རྒྱལ་པོ་སྟེ། །སྐྱེས་བུ་ལུང་བཙན་སྤྱན་འདྲེན་ནོ། །འདུར་འདུར་འདུར་གྱིས་གནས་འདིར་བྱོན། །རིན་ཆེན་མཛེས་པའི་མཁར་ལ་བཞུགས། །འདོད་ཡོན་ལོངས་སྤྱོད་སྣ་ཚོགས་དང་། །ཕུད་དང་

[Full Size]

བཤོས་བུ་མཆོད་གཏོར་བཞེས། །གཞི་བྱེས་ལམ་གསུམ་མགོ་ཐོན་ཅིང་། །མི་ནོར་བཙན་ཕྱུག་བཀྲ་ཤིས་པའི། །གྲོགས་དང་མགོན་སྐྱོབས་ཆེན་པོ་མཛོད། །ཨོཾ་བྱི་ཤུ་ཙ་ན། །ས་མ་ཡ། ཁྲག་ཏ་ཀུ་རུ་ཙ་ར་ན་ཧཱུྃ་ན་ཧཱུྃ་ན་རུ་ཙ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དེ་ནས་ཕྱི་རྒྱུད་ནི། ཨོཾ་ཨཱཿཧཱུྃ། ཁྱད་པར་ཡུལ་དང་གྲོང་གི་བདག །རི་ཚལ་ཆུ་ཀླུང་ངམ་འབྲོག་ཐང་། །གཉུག་མར་གནས་པ་མ་ལུས་དང་། །ངོམ་རྒྱལ་གཏམ་རྒྱལ་དབྱི་དོ་དང་། །གནས་འདིའི་གཞི་བདག་ཐམས་ཅད་ལ། །བདུད་རྩིའི་གཏོར་མ་འདི་འབུལ་ལོ། །འགལ་རྐྱེན་བར་ཆད་ཞི་བ་དང་། །མཐུན་རྐྱེན་བསམ་པ་འགྲུབ་པར་མཛོད། །ཨོཾ་སརྦ་བྷུ་མི་པཱ་ཏི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དེ་ནས་རྗེས་ཆོག་བྱ་བ་ནི། ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །ཅེས་བཀའ་སྲུང་གེལ་པ་རྣམས་ཀྱི་གཏོར་བསྔོས་རྒྱུན་ཁྱེར་ཉུང་ངུ་ཞིག་དགོས་ཞེས་པདྨ་འགྲོ་དོན་གྱིས་ཡང་ཡང་བསྐུལ་ཀྱང་བཀའ་གཉན་ཕྱིར་མ་སྨྲས་ཀྱང་། ཕྱིས་འཚོ་མཛད་གྲག་ལུ་ཚེ་ལས་འདས་དུས་

[Full Size]

ཀྱང་ནན་ཏན་གྱིས་བསྐུལ་ནས། ཁོ་ཕ་རྒན་ཤི་ནས་ཡུས་ཆེ་སྙམ་ནས་ངག་མ་བཅག་པར་ཤིང་སྦྲུལ་ཐ་སྐར་ཟླ་བའི་ཉེར་དྲུག་ཉིན་༧ རྗེ་བཙུན་རཱ་ག་ཨ་སྱས་སྨྲས་པ་ལ། ཉེས་འགལ་གང་མཆིས་བཀའ་སྲུང་རྣམས་ལ་བཤགས་ཤིང་། དགེ་བས་རང་གི་བརྒྱུད་པ་ངེས་པར་འཛིན་པ་རྣམས་ཀྱི་བསྟན་པ་དར་ཞིང་རྒྱས་པར་རྒྱུར་གྱུར་ཅིག །ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཆོས་སྐྱོང་ཧྲག་བསྡུས་གསོལ་མཆོད་བསྡུས་པ་རས་ཆེན་པའི་གཞུང་ནས་བསྡུས་པ།

[Full Size]

ཆོས་སྐྱོང་ཧྲག་བསྡུས་གསོལ་མཆོད་བསྡུས་པ་རས་ཆེན་པའི་གཞུང་ནས་བསྡུས་པ་བཞུགས་སོ། །

[Full Size]

གསོལ་ཁའི་གཏོར་མ་ཡོད་ན་རབ། མེད་ན་བསྐང་གཏོར་གསོ་བྲན་བྱས་ཀྱང་འཐུས། མེད་ན་ཆོས་སྐྱོང་སྤྱི་འདུས་གཏོར་མ་གསོ་བྲན་བྱས་ལ། ཨོཾ་ཧིཔདྨནྟ་ཀྲྀཏྟ་བཛྲ་ཀྲོ་དྷ་རྒྱ་ཤྲཱི་བ་ཧུ་ལུ་ཧུ་ལུ་ཧཱུྃ་ཕཊ། ཨོཾ་སྭ་བྷཱ་ཝ་ཤུདྡྷསརྦ་དྷརྨཱ་སྭ་བྷཱ་བ་ཤུདྡྷོཉཧཾ། སྟོང་པར་གྱུར། སྟོང་པའི་ངང་ལས། ཨ་ལས་བྱུང་བའི་མགོ་བོའི་སྣོད་ཡངས་ཤིང་རྒྱ་ཆེ་བའི་ནང་དུ། ཤ་ལྔ་བདུད་རྩི་ལྔ་ཞུ་ཞིང་ཡེ་ཤེས་ཀྱི་བདུད་རྩི་གཅིག་ཏུ་འདྲེས་པའི་གཏོར་མ་རྣམས་དང་། ཧཱུྃ་ཡིག་ནག་པོ་དཔག་ཏུ་མེད་པ་ལས་བྱུང་བའི་བསྒྲུབ་པའི་རྫ་ས། མཆོད་པའི་རྫས། བསྐང་བའི་རྫས། རྟེན་པའི་རྫས་ལ་སོགས་པ་མཆོད་པའི་

[Full Size]

སྤྲིན། །རབ་འབྱམས་ནམ་མཁའི་དབྱིངས་དང་མཉམ་པར་གྱུར། ཨོཾ་བཛྲ་ཨརྒྷཾ་ནས། ཤབྡ་ཨཱཿཧཱུྃ། ཨོཾ་མ་ཧཱ་མཾ་ས། །རཀྟ་ཙིཏྟ་བ་སུ་ཏ་མེ་ཙི་གོ་རོ་ཙ་ན་ཨ་མྲྀ་ཏ་སུ་ར་ཏ་བ་ལིཾ་ཏ་ཀིཾ་ནི་རི་ཏི། ཨོཾ་ཨཱཿཧཱུྃ། ཧཱུྃ། རང་བཞིན་རྣམ་དག་དབྱིངས་ཉིད་ལས། །ཐུགས་རྗེས་རབ་སྤྲུལ་སྤྲུལ་པའི་སྐུ། །སྐྱེ་མེད་ངང་ལས་འཇིགས་ཆེན་སྐུ། །བསྟན་པ་གཉན་པོ་བསྲུང་བའི་ཕྱིར། །མི་འདའ་ཐུགས་རྗེས་རྩེ་གཅིག་གིས། །དཔལ་ལྡན་མགོན་པོ་ནག་པོ་ཆི། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །ཧཱུྃ། ཆོས་ཀྱི་དབྱིངས་ཀྱི་ཕོ་

[Full Size]

བྲང་ནས། །ཡབ་གཅིག་ལེགས་ལྡན་ནག་པོ་ཆེ། །ཡེ་ཤེས་མགོན་པོའི་ཚོགས་ཀྱིས་བསྐོར། །མཆོད་ཕྱིར་བསྒྲུབ་ཕྱིར་གནས་འདི་བྱོན། །ཧཱུྃ། བྱང་ཕྱོགས་དུར་ཁྲོད་ཆེན་པོ་ཡི། །བྲག་སྟེང་གྲུ་གསུམ་གཞལ་ཡས་ནས། །སྲས་མཆོག་ནག་པོ་འཇིགས་པའི་སྐུ། །ཕྱོགས་བཅུ་མགོན་པོའི་དབུས་ནས་བཞེངས། །མཆོད་ཕྱིར་བསྒྲུབ་ཕྱིར་གནས་འདིར་བྱོན། །ཧཱུྃ། རྩོད་ལྡན་བསྟན་པ་སྙིགས་དུས་སུ། །བསྟན་པ་སྲུང་བར་ཞལ་བཞེས་པའི། །དམ་ཅན་ཐུགས་བསྐྱེད་ཐུགས་དམ་ཅན། །མ་ཧཱ་ཀཱ་ལ་གནས་འདིར་བྱོན། །འཇིག་རྟེན་མགོན་པོ་གནས་འདིར་བྱོན། །དུར་ཁྲོད་བདག་པོ་གནས་འདིར་བྱོན། །གཟི་བརྗིད་ཆེན་པོ་གནས་འདིར་བྱོན། །བདུད་རྒྱལ་ཐོད་ཕྲེང་གནས་འདིར་བྱོན། །ཡུམ་མཆོག་ལྷ་མོ་གནས་འདིར་བྱོན། །རང་བྱུང་རྒྱལ་མོ་གནས་འདིར་བྱོན། །བདུད་མོ་རེ་ཏི་གནས་འདིར་བྱོན། །དྲེགས་པ་དོན་གཉིས་གནས་འདིར་བྱོན། །དྲེགས་པ་རྣམ་གསུམ་གནས་འདིར་བྱོན། །མ་བདུན་སྲིང་བཞི་གནས་འདིར་བྱོན། །འབར་དུས་ལྷ་མོ་གནས་འདིར་བྱོན། །དམག་ཟོར་རྒྱལ་མོ་གནས་འདིར་བྱོན། །དབང་ཕྱུག་ཉེར་བརྒྱད་

[Full Size]

གནས་འདིར་བྱོན། །འཁོར་ཚོགས་སྤྲུལ་པ་གནས་འདིར་བྱོན། །བཙན་བདུད་ཀླུ་གསུམ་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །འདོད་ཡོན་རྣམ་ལྔའི་མཆོད་པ་འབུལ། །བ་ལིང་གཏོར་མའི་མཆོད་པ་འབུལ། །རཀྟ་དམར་གྱི་མཆོད་པ་འབུལ། །བདུད་རྩི་ཛ་གད་མཆོད་པ་འབུལ། །ཞལ་ཟས་ཚོགས་ཀྱི་མཆོད་པ་འབུལ། །དགྲ་བོའི་ཤ་ཁྲག་མཆོད་པ་འབུལ། །རབ་ཏུ་འགྱོད་པས་ཉེས་ཀུན་བཤགས། །ཐུགས་དང་འགལ་བ་བཟོད་པར་གསོལ། །ཁྱོད་ལ་བཅོལ་བའི་ཕྲིན་ལས་ནི། །བདག་ཅག་རྣལ་འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མར་བཅས། །རྡོ་རྗེ་མཆེད་ལྕམ་དམ་གནས་དང་། །སྒྲུབ་པའི་རྣལ་འབྱོར་འཁོར་བཅས་དང་། །རྒྱུ་སྦྱོར་ཡོན་བདག་འཁོར་བཅས་ལ། །དུས་རྣམས་ཀུན་ཏུ་སྲུང་བ་དང་། །ནད་གདོན་བར་ཆད་ཞི་བ་དང་། །ཚེ་དང་བསོད་ནམས་རྒྱས་པ་དང་། །འཁོར་དང་ལོངས་སྤྱོད་དབང་སྡུད་ཅིང་། །གདུག་པའི་དགྲ་བགེགས་ཚར་གཅོད་དང་། །ནད་པ་སྲིའུ་

[Full Size]

གསོ་བ་དང་། །གཙུག་ལག་ཁང་སྲུངས་ཆོས་འཁོར་སྐྱོངས། །དམག་དཔུང་གཞོམ་ཞིང་བདག་རྒྱལ་དང་། །བྱད་མ་རྦོད་གཏོང་བཟློག་པ་དང་། །ནད་རིམས་དལ་ཁ་བསྒྱུར་བ་དང་། །ལོག་ལྟ་དབང་སྡུད་ཟིལ་གནོན་སོགས། །ཅི་བཅོལ་ཕྲིན་ལས་ཁྱོད་ཀྱིས་མཛོད། །སངས་རྒྱས་བསྟན་པ་ཁྱོད་ཀྱིས་སྲུངས། །དཀོན་མཆོག་དབུ་འཕང་ཁྱོད་ཀྱིས་བསྟོད། །བླ་མའི་སྐུ་དགྲ་ཁྱོད་ཀྱིས་སྒྲོལ། །མཆེད་ལྕམ་སྐུ་ཚེ་ཁྱོད་ཀྱིས་སྲིངས། །རྣལ་འབྱོར་སྒོས་དགྲ་ཁྱོད་ཀྱིས་སྒྲོལ། །རྗེས་འཇུག་བུ་སློབ་ཁྱོད་ཀྱིས་སྐྱོངས། །དཀོར་བློདང་རྟེན་མཆོད་ཁྱོད་ཀྱིས་སྲུང་། །ཕོ་ཉ་དོན་སྒྲུབས་བསུ་སྐྱེལ་གྱིས། །དད་མོས་ཡོན་བདག་ཁྱོད་ཀྱིས་སྐྱོངས། །མི་ནོར་རྟ་ཕྱུགས་ཁྱོད་ཀྱིས་སྲུངས། །བསྒྲུབ་པའི་བར་ཆད་ཁྱོད་ཀྱིས་སོལ། །གསང་སྔགས་བཟླས་རྒྱུན་ཁྱོད་ཀྱིས་ཟུང་། །མི་ནུབ་བསྟན་པའི་རྒྱལ་མཚན་ཕྱོར། །ཐུགས་དམ་ཞལ་བཞེས་མ་གཡེལ་ཅིག །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འཐུང་། །ལས་སུ་གནོད་བྱེད་དགྲ་བགེགས་སྒྲོལ། །ཧཱུྃ། བསིལ་བ་ཚལ་གྱི་དུར་ཁྲོད་ནས། །བྱ་རོག་མཚན་ཅན་གནས་འདིར་བྱོན། །

[Full Size]

སྐུ་ལྔ་མགོན་པོ་གནས་འདིར་བྱོན། །བྱ་སེང་ཡུམ་གསུམ་གནས་འདིར་བྱོན། །ནག་པོ་སྟོང་སྡེ་གནས་འདིར་བྱོན། །ཤ་ཟ་འབུམ་ཕྲག་གནས་འདིར་བྱོན། །མ་མོ་བྱེ་བ་གནས་འདིར་བྱོན། །གནོད་སྦྱིན་ཁྲི་ཕྲག་གནས་འདིར་བྱོན། །ཧཱུྃ། དགའ་བ་ཚལ་གྱི་དུར་ཁྲོད་ནས། །དུད་སོལ་ལྷ་མོ་གནས་འདིར་བྱོན། །སྙིང་ཕྲོག་མ་གསུམ་གནས་འདིར་བྱོན། །རིགས་བཞི་ལྷ་མོ་གནས་འདིར་བྱོན། །མ་མོ་བརྒྱད་པོ་གནས་འདིར་བྱོན། །ཕྲ་མེན་མ་བརྒྱད་གནས་འདིར་བྱོན། །སྒོ་མ་གདོང་བཞི་གནས་འདིར་བྱོན། །མ་མོ་བྱེ་བ་གནས་འདིར་བྱོན། །ཧཱུྃ། ལྷོ་ཕྱོགས་ཙནྡན་རྐང་གཅིག་ནས། །བར་ཆད་ཀུན་སེལ་གནས་འདིར་བྱོན། །རེ་མ་ཏི་ཡང་གནས་འདིར་བྱོན། །གནོད་སྦྱིན་བཞི་པོ་གནས་འདིར་བྱོན། །དཔལ་མགོན་བདུན་ཅུ་གནས་འདིར་བྱོན། །ཧཱུྃ། ཨུ་ཙ་ལ་ཡི་དུར་ཁྲོད་ནས། །མ་ནིང་རིགས་ལྔ་གནས་འདིར་བྱོན། །ཏྲག་ཤད་ནག་པོ་གནས་འདིར་བྱོན། །སྲོག་བདུད་དཔལ་འབར་གནས་འདིར་བྱོན། ཡང་འཁོར་བརྒྱད་པོ་གནས་འདིར་བྱོན། །བདུད་དམར་བྱེ་བ་གནས་འདིར་བྱོན། །ཧཱུྃ། ཕོ་བྲང་

[Full Size]

མཁའ་སྤྱོད་ཙཱ་རི་ནས། །སེང་གདོང་ཡབ་ཡུམ་གནས་འདིར་བྱོན། །བམ་རོ་ཕོ་མོ་གནས་འདིར་བྱོན། །ཤན་པ་སྡེ་བརྒྱད་གནས་འདིར་བྱོན། །བདུད་དམག་སྟོང་སྡེ་གནས་འདིར་བྱོན། །ཧཱུྃ། སྲིན་ཡུལ་ལང་ཀ་པུ་རི་ནས། །ཐོད་ཕྲེང་ཡབ་ཡུམ་གནས་འདིར་བྱོན། །ཏི་སེའི་གངས་བདག་གནས་འདིར་བྱོན། །གདོང་བཞི་ཡབ་ཡུམ་གནས་འདིར་བྱོན། །དབང་ཕྱུག་ཡབ་ཡུམ་གནས་འདིར་བྱོན། །ཧཱུྃ། པོ་ཊ་ལ་དང་ཨོ་རྒྱན་གནས། །བྲག་ལྷ་མགོན་པོ་གནས་འདིར་བྱོན། །ལས་མཁན་མོན་པ་གནས་འདིར་བྱོན། །མདུང་འཛིན་གློག་ཞོན་གནས་འདིར་བྱོན། །ཧཱུྃ། རབ་འཇིགས་དུར་ཁྲོད་ཆེན་པོ་ནས། །དུར་ཁྲོད་བདག་པོ་གནས་འདིར་བྱོན། །དུར་ཁྲོད་བདག་མོ་གནས་འདིར་བྱོན། །ངེ་ནེ་མ་ཡང་གནས་འདིར་བྱོན། ཞང་བློན་ཡབ་ཡུམ་གནས་འདིར་བྱོན། །རྡོ་རྗེ་མོན་པ་གནས་འདིར་བྱོན། །ཨེ་ཀ་ཙ་ཏི་གནས་འདིར་བྱོན། །ཁ་མོ་ཆེ་ཡང་གནས་འདིར་བྱོན། །ཧཱུྃ། བརྟན་གཡོ་སྲིད་པའི་དུར་ཁྲོད་ནས། །མ་ཧཱ་ཀཱ་ལ་རྟ་གདོང་ཅན། །རྟ་ནག་དྲེགས་པ་གནས་འདིར་བྱོན། །ཡབ་ཡུམ་སྲས་འཁོར་གནས་འདིར་བྱོན། །ཤན་

[Full Size]

པ་དམར་ནག་གནས་འདིར་བྱོན། །འབར་བ་སྤུན་བདུན་གནས་འདིར་བྱོན། །ཧཱུྃ། གླིང་བཞི་སྲིད་པའི་གཞལ་ཡས་ནས། །ཁྱབ་འཇུག་འཁོར་བཅས་གནས་འདིར་བྱོན། །དགེ་བསྙེན་སྨྱོ་ཁ་གནས་འདིར་བྱོན། །སྤུ་གྲི་མཆེད་གསུམ་གནས་འདིར་བྱོན། །སྒྲོལ་གིང་བེག་རྩེ་གནས་འདིར་བྱོན། །འཆར་ཁ་ནག་པོ་གནས་འདིར་བྱོན། །ལས་གཤིན་ཆོས་རྒྱལ་གནས་འདིར་བྱོན། །མ་མགོན་སྡེ་བརྒྱད་གནས་འདིར་བྱོན། །དྲེགས་ཆེན་བཅོ་བརྒྱད་གནས་འདིར་བྱོན། །དྲེགས་པ་ཉི་ཤུ་གནས་འདིར་བྱོན་། །སྡེ་དཔོན་སུམ་ཅུ་གནས་འདིར་བྱོན། །དགེ་བསྙེན་ཉེར་གཅིག་གནས་འདིར་བྱོན། །བརྟན་མ་བཅུ་གཉིས་གནས་འདིར་བྱོན། །འདིར་གཤེགས་བཤམས་པའི་གདན་ལ་བཞུགས། །བདག་དང་སྤྲུལ་པས་ཕྱག་འཚལ་ཞིང་། །ཕྱི་ནང་གསང་བའི་མཆོད་པས་མཆོད། །འདོད་ཡོན་ལྔ་ཡི་མཆོད་པ་འབུལ། །བ་ལིང་གཏོར་མའི་མཆོད་པ་འབུལ། །རཀྟ་དམར་གྱི་མཆོད་པ་འབུལ། །བདུད་རྩི་ཛ་གད་མཆོད་པ་འབུལ། །ཞལ་ཟས་ཚོགས་ཀྱི་མཆོད་པ་འབུལ། །དགྲ་བོའི་ཤ་ཁྲག་མཆོད་པ་འབུལ། །རབ་ཏུ་འགྱོད་པས་ཉེས་

[Full Size]

ཀུན་བཤགས། །ཐུགས་དང་འགལ་བ་བཟོད་པར་གསོལ། །ཁྱོད་ལ་ཕྲིན་ལས་བཅོལ་བ་ནི། །བདག་ཅག་རྣལ་འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མར་བཅས། །རྡོ་རྗེ་མཆེད་ལྕམ་དམ་གནས་དང་། །སྒྲུབ་པའི་རྣལ་འབྱོར་འཁོར་བཅས་དང་། །རྒྱུ་སྦྱོར་ཡོན་བདག་འཁོར་བཅས་ལ། །དུས་རྣམས་ཀུན་ཏུ་སྲུང་བ་དང་། །ནད་གདོན་བར་ཆད་ཞི་བ་དང་། །ཚེ་དང་བསོད་ནམས་རྒྱས་པ་དང་། །འཁོར་དང་ལོངས་སྤྱོད་དབང་སྡུད་ཅིང་། །གདུག་པའི་དགྲ་བགེགས་ཚར་གཅོད་དང་། །ནད་པ་སྲིའུ་གསོ་བ་དང་། །གཙུག་ལག་ཁང་སྲུངས་ཆོས་འཁོར་སྐྱོངས། །དམག་དཔུང་གཞོམ་ཞིང་བདག་རྒྱལ་དང་། །བྱད་མ་རྦོད་གཏོང་བཟློག་པ་དང་། །ནད་རིམས་དལ་ཁ་བསྒྱུར་བ་དང་། །ལོག་ལྟ་དབང་སྡུད་ཟིལ་གནོན་སོགས། །ཅི་བཅོལ་ཕྲིན་ལས་ཁྱོད་ཀྱིས་མཛོད། །སངས་རྒྱས་བསྟན་པ་ཁྱོད་ཀྱིས་སྲུངས། །དཀོན་མཆོག་དབུ་འཕང་ཁྱོད་ཀྱིས་བསྟོད། །བླ་མའི་སྐུ་དགྲ་ཁྱོད་ཀྱིས་སྒྲོལ། །མཆེད་ལྕམ་སྐུ་ཚེ་ཁྱོད་ཀྱིས་སྲིངས། །རྣལ་འབྱོར་སྒོས་དགྲ་ཁྱོད་ཀྱིས་སྒྲོལ། །རྗེས་འཇུག་བུ་སློབ་ཁྱོད་ཀྱིས་སྐྱོངས། །དཀོར་དང་རྟེན་མཆོད་ཁྱོད་ཀྱིས་

[Full Size]

སྲུངས། །ཕོ་ཉ་དོན་སྒྲུབས་བསུ་སྐྱེལ་གྱིས། །དད་མོས་ཡོན་བདག་ཁྱོད་ཀྱིས་སྐྱོངས། །མི་ནོར་རྟ་ཕྱུགས་ཁྱོད་ཀྱིས་སྲུངས། །སྒྲུབ་པའི་བར་ཆད་ཁྱོད་ཀྱིས་་སོལ། །གསང་སྔགས་བཟླས་རྒྱུན་ཁྱོད་ཀྱིས་ཟུངས། །མི་ནུབ་བསྟན་པའི་རྒྱལ་མཚན་ཕྱོར། ཐུགས་དམ་ཞལ་བཞེས་མ་གཡེལ་ཅིག །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འ་ཐུང་། །ལས་སུ་གནོད་བྱེད་དགྲ་བགེགས་སྒྲོལ། །ཅེས་སྤོས་དང་རོལ་མོ་འབུལ། གསོལ་ཁ་དུས་འབྲུ་སྣ་ཕྱེ་མར་ཤུག་དུད་འབུལ་སྲོལ་འདུག་ནའང་། མ་གྲུབ་ཀྱང་འདོན་ནི་རུང་ངོ་། །ཞེས་པ་དོན་གྲུབ་ཀྱིས་བསྐུལ་ཞིང་ཤོག་བུ་གཏད་པས། འཕྲལ་དུ་༧ རཱ་ག་ཨ་སྱས། རྗེ་རས་ཆེན་པའི་གཞུང་ནས་བསྡུས་པ་ལ་ནོངས་པ་མཆིས་ན་བཤགས་ཤི་ང་དགེ་བས་སྙིང་པོ་དོན་གྱི་བསྟན་པ་དར་ཞིང་རྒྱས་པར་གྱུར་ཅིག །གསང་རྒྱ་ཡོད་པས་དམ་མེད་རྣམས་ལ་གསང་བ་གལ་ཆེ། མ་གསང་ན་དམ་ཚིག་ཡོད་པས་ཞལ་ལས་ཤེས་སོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསོལ་ཁའི་ལྷན་ཐབས།

[Full Size]

ཧཱུྃ། བྱང་ཕྱོགས་གཏེར་གྱི་གཞལ་ཡས་ནས། །ཛཾ་དཀར་ལྷ་ལྔ་གནས་འདིར་བྱོན། །སྨུག་འཛིན་དམར་པོ་གནས་འདིར་བྱོན། །ཛཾ་ལྷ་རིགས་དགུ་གནས་འདིར་བྱོན། །འབྲོག་གནས་མཆེད་ལྔ་གནས་འདིར་བྱོན། །རྣམ་སྲས་སེར་ཆེན་གནས་འདིར་བྱོན། །མདུང་དམར་འཁོར་བཅས་གནས་འདིར་བྱོན། །རེ་མནྟ་ཡང་གནས་འདིར་བྱོན། །ཀུ་བེ་ར་ཡང་གནས་འདིར་བྱོན། །ནོར་ལྷ་མཆེད་བརྒྱད་གནས་འདིར་བྱོན། །གནོད་སྦྱིན་མོ་བརྒྱད་གནས་འདིར་བྱོན། །ཨ་པར་ཙིཏྟ་གནས་འདིར་བྱོན། །ཛྷཱ་ན་ཀཱིརྟི་གནས་འདིར་བྱོན། །ཚོགས་བདག་རིགས་ལྔ་གནས་འདིར་བྱོན། །ཕག་གདོང་མཆེད་ལྔ་གནས་འདིར་བྱོན། །ཀུན་འཁྱིལ་མཆེད་གསུམ་གནས་འདིར་བྱོན། །རྒྱ་བོད་མདོ་གཙང་གནས་མཆོག་ནས། །རྡོ་རྗེ་ལེགས་པ་གནས་འདིར་བྱོན། །མགར་བ་ནག་པོ་གནས་འདིར་བྱོན། །ཚེ་རིང་མཆེད་ལྔ་གནས་འདིར་བྱོན། །རྡོ་རྗེ་གཡུ་སྒྲོན་གནས་འདིར་བྱོན། །གཉན་ཆེན་ཐང་ལྷ་གནས་འདིར་བྱོན། །དགེ་བསྙེན་མཁར་ནག་གནས་འདིར་བྱོན། །ཇོ་བོ་ཚོགས་བདག་གནས་འདིར་བྱོན། །སྐྱེས་བུ་ལུང་

[Full Size]

བཙན་གནས་འདིར་བྱོན། །ཇག་པ་མེ་ལེན་གནས་འདིར་བྱོན། །ཕུར་སྲུང་བཅུ་དྲུག་གནས་འདིར་བྱོན། །གདོང་ལྷ་མཆེད་གསུམ་གནས་འདིར་བྱོན། །སྙིང་དྲུང་བཙན་པོ་གནས་འདིར་བྱོན། །མཁའ་རི་ལྕམ་དྲལ་གནས་འདིར་བྱོན། །རྨ་རྒྱལ་སྤོམ་ར་གནས་འདིར་བྱོན། །ཞེས་གསོལ་ཁའི་ལྷན་ཐབས་སུ་༧ རཱ་ག་ཨ་སྱས་བགྱིས་པའོ། །མངྒ་ལཾ།། ཧཱུྃ་གླིང་བཞི་སྲིད་པའི་ཕྱོགས་ལ་འཇུག་དགོས། མཆན།

དམ་ཅན་ཆོས་སྐྱོང་རྒྱ་མཚོའི་དཀྱིལ་འཁོར་གྱི་ཆོ་ག

[Full Size]

དམ་ཅན་ཆོས་སྐྱོང་རྒྱ་མཚོའི་དཀྱིལ་འཁོར་གྱི་ཆོ་ག་བཞུགས་པའི་དབུའི་ཡིག་ཆུང་མཛེས་བརྒྱན་བཞུགས་སོ།།

[Full Size]

ན་མ་ཤྲཱི་ཛྙཱ་ན་ནཱ་ཐ་ཡེ། དམ་ཅན་རྒྱ་མཚོའི་ཚོགས་ལ་ཕྱག་འཚལ་ནས། །དམ་ཅན་རྒྱ་མཚོའི་དཀྱིལ་འཁོར་ཆོ་ག་བྲི། །དམ་ཅན་རྒྱ་མཚོས་བཀའ་ཡི་གནང་བ་སྩོལ། །དངོས་གྲུབ་ཀུན་འབྱུང་རྒྱུད་ཚོགས་རྒྱུད་སྡེ་དང་། །ནག་པོ་པ་ཡི་དཀྱིལ་ཆོག་ལ་བསྟེན་ནས། །པད་དཀར་གྱིས་མཛད་མགོན་མང་དཀྱིལ་ཆོག་དང་། །དབང་ཕྱུག་རྡོ་རྗེས་མཛད་པའི་ཆོ་ག་རྣམས། །གཅིག་ཏུ་བསྡེབས་ནས་ཁྱེར་བདེ་ཕྱིར་འགོད་བྱ། །དམིགས་རྟེན་ཚོམ་བུ་མཆོད་གཏོར་སྤྱི་ལྟར་བཤམས། །རང་ཉིད་ཡི་དམ་ཏིང་འཛིན་ལ་གནས་ནས། །མདུན་བསྐྱེད་རྟེན་ལ་དམིགས་ཏེ་འདི་སྐད་དོ། །ཨོཾ་ཨཱབིགྷ་ནཱན་ཏ་ཀྲྀཏ་ཧཱུྃ་ཕཊ༔ ཨོཾ་སྭ་བྷ་ཝས་སྦྱངས། ཆོས་རྣམས་ཐམས་ཅད་དངོས་པོའི་མཐའ། །རང་བཞིན་སྟོང་

[Full Size]

པའི་ངང་ཉིད་ལས། །འབྱུང་བ་རིམ་བརྩེགས་རི་རབ་སྟེང་། །པདྨ་སྣ་ཚོགས་རྡོ་རྗེའི་ལྟེར། །ཨོཾ་ལས་རྣམ་སྣང་ཞུ་བ་ལས། །དུར་ཁྲོད་བརྒྱད་དབུས་གཞལ་ཡས་ཁང་། །རིམ་གསུམ་གཅིག་ནང་གཅིག་ཚུད་པ། །ཕྱི་དང་ནང་གི་བར་མ་རིན་ཆེན་ལས། །ནང་ལ་ཐོད་པའི་གཞལ་་་་་་་ཤོག་ལྡེབ་གསུམ་ཆད་འདུག་ཞུ། དཔེ་སླར་གཟིགས་དགོས་ཞུ། མཆན། ཡེ་ཤེས་བདུད་རྩིར་བྱིན་བརླབས་ནས། །ལྷ་ཚོགས་དེ་དག་ཐམས་ཅད་ཀྱི། །ཧཱུྃ་ལས་བྱུང་བའི་རྡོ་རྗེའི་ལྗགས། །འོད་ཀྱི་སྦུ་གུས་བདུད་རྩི་རྣམས། །དྲངས་ཤིང་གསོལ་བས་མཉེས་པར་གྱུར། །ཨོཾ་མ་ཧཱ་

[Full Size]

ཀཱ་ལ་ཡ་ཤཱ་ས་ན་ཨུ་པ་ཧ་རི་ནི་ཨེ་ཥ་ཨཱ་པཉྩི་མ་ཀཱ་ལོ་ཨ་ཡཾ། ཨི་དཾ་རཏྣ་ཏྲ་ཡ་ཡཱ། ཨ་པ་ཀ་རི་ཎི། ཡ་ཏི་པྲ་ཏི་ཛྙཱ། སྨ་ར་སི་ཏ་ད། ཨི་དཾ་དུཏྟཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་གྷཧྥ་གྷནྡྷ་བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན་ཧཱུྃ་ཕཊ། ཅེས་ཐུགས་ཀྱི་མགོན་པོ་རྣམས་ལ་ཕོག་པའོ། །ཨོཾ་ཀ་ཀ་ཀཱ་ཏྱཱ་ན། བ་བ་བྷནྡ་ན། ཁ་ཁ་ཁནྜ་ན། སརྦ་དུཏྟཾ་ན།་ཧ་ན་ཧ་ན། གཱ་ཏ་ཡ་ག་ཏ་ཡ་ཨ་མུ་ཀ་སྱ་ཤནི་ཀུ་རུ་ཧཱུྃ་ཧཱུྃ་ཕཊ་ཕཊ་ཛ་བ་ལི་ཏ་ཁ་ཁ་ཁཱ་ཧི་ཁཱ་ཧི། སོགས་གསུང་དཀྱིལ་ལ་འབུལ་ལོ། །ཨོཾ་ཨ་ཀཱ་རོ་སོགས། ལན་གསུམ་གྱིས་སྐུ་དཀྱིལ་དུ་འབུལ། རྒྱས་པར་ལྷ་སོ་སོའི་སྔགས་ལ་ཁཱ་ཧི་བཏག་གོ །ཤི་མ་ཧཱ་ཀ་ལ་ཁྲག་འཐུང་གི་རྒྱལ་པོ་ཕྱག་བཞི་པ་བྱ་རོག་གི་མཚན་ཅན་སྐུ་གསུང་ཐུགས་ཀྱི་སྤྲུལ་པ། ལས་མགོན་ཡུམ་མཆོག་རྩ་འཇིབ་དམར་མོ། ལེགས་ལྡན་ནག་པོ་ཕྱོགས་ཀྱི་མགོན་པོ་བཞི་ལ་སོགས་པ་རང་འདྲ་བའི་ལས་མཁན་འཁོར་ཚོགས་བཀའ་སྡོད་མཐུ་བོ་ཆེ་རྣམས་དང་ནག་པོ་སྟོང་ཤ་ཟ་འབུམ་མ་མོ་བྱེ་བ། གནོད་སྦྱིན་ཁྲི། ཁྲབ་ཅན་བྱེ་བ་དུང་ཕྱུར་གྱིས་བསྐོར་བ། བསྟན་པའི་བཀའ་སྲུང་དམ་ཉམས་ཀྱི་སྲོག་གཅོད། རིག་འཛིན་གྱི་སྲོག་ཤིང་། རྣལ་

[Full Size]

འབྱོར་གྱི་དགྲ་བླ། དུག་གསུམ་ནད་ཀྱི་སྨན་པ། གཙུག་ལག་ཁང་དང་དཀྱིལ་འཁོར་གྱི་སྲུང་མའི་ཚོགས་དང་བཅས་པ་རྣམས་ལ་དམ་རྫས་བདུད་རྩིའི་གཏོར་མ་དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་འདི་འབུལ་ལོ། །མཆོད་དོ་གསོལ་ལོ་ངོ་སོ་བསྟོད་དོ། །ཡུམ་ཙཎྜི་ཀ་ཨེ་ཀ་ཙ་ཏི། དུད་པའི་སོལ་བ་མ། རེ་ཏི་མཆེད་བཞི། ཧཱུྃ་མཛད་ཡེ་ཤེས་ཀྱི་མགོན་པོ། མྱུར་མཛད་དམ་ཚིག་གི་མགོན་པོ། ཞལ་བཞི་པ་གསང་བའི་མགོན་པོ། ལས་མགོན་བཞི། མཁའ་འགྲོ་དྲུག །སྐུའི་མགོན་པོ་སྟག་ཞོན། གསུང་གི་མགོན་པོ་ཨ་གྷོ་ར། ཐུགས་ཀྱི་མགོན་པོ་གུར། །ཡོན་ཏན་གྱི་མགོན་པོ་ལེགས་ལྡན། ཕྲིན་ལས་ཀྱི་མགོན་པོ་གྲི་གུག །དམོད་པ་དྲག་སྔགས་ཀྱི་མགོན་པོ་བེང་། །རྦོད་གཏོང་གི་མགོན་པོ་མ་ནིང་། འཇིག་རྟེན་དྲེགས་པའི་མགོན་པོ་ཏྲཀ་ཤད། མགོན་དཀར་ཡིད་བཞིན་ནོར་བུ། ནོར་ལྷའི་མགོན་པོ་དྲག་བྱེད། གཏེར་སྲུང་བྲག་ལྷ་མགོན་པོ། སྲིན་མགོན་ཐོད་པའི་ཕྲེང་བ་ཅན། མཁའ་འགྲོ་གདོང་ཅན་བརྒྱད། རྡོ་རྗེ་ཕོ་ཉ་མོ་དྲུག་ཅུ་རྩ་བཞི། ཞིང་སྐྱོང་ཆེན་པོ་སུམ་ཅུ་རྩ་གཉིས་འཁོར་དང་བཅས་པ། སྲིད་པ་

[Full Size]

རང་བྱུང་གི་རྒྱལ་མོ། ཟ་བྱེད་བེར་ནག་ཅན། རེ་ཏི་དམག་ཟོར་གྱི་རྒྱལ་མོ། ཚེ་རིང་མཆེད་ལྔ་དང་ཚོགས་ཀྱི་བདག་པོ། རལ་གཅིག་གཡུ་ཡི་སྒྲོལ་མ། རྟ་ནག་དྲེགས་པ་ཆེན་པོ་དཔལ་ལྡན་དུར་ཁྲོད་བདག་པོ་ཡབ་ཡུམ། ལྷ་ཡི་མགོན་པོ་གུ་ལང་དབང་ཕྱུག་ཆེན་པོ། བདུད་ཀྱི་མགོན་པོ་སེང་གེའི་གདོང་པ་ཅན། གཤིན་རྗེའི་མགོན་པོ་དམ་ཅན་ཆོས་ཀྱི་རྒྱལ་པོ། སྲིན་པོའི་མགོན་པོ་གཟའ་བདུད་དུག་གི་སྤུ་གྲི། ལྟོ་འཕྱེའི་མགོན་པོ་ཀླུ་བདུད་ནཱ་ག་རཀ། བཙན་གྱི་མགོན་པོ་སྒྲོལ་གིང་བེག་རྩེ། གནོད་སྦྱིན་གྱི་མགོན་པོ་ཞང་བློན་ཁྲག་གི་རལ་པ་ཅན། གིང་གི་མགོན་པོ་ཚངས་པ་དུང་གི་ཐོད་ཅན། གནོད་སྦྱིན་འབར་བ་སྤུན་བདུན། སྐྱེས་བུ་ལུང་བཙན། དགེ་བསྙེན་སྨྱོ་ཁ། སྔགས་བདག་སོག་མ་མེད། མཁར་ནག་རྡོ་རྗེ་རྒྱལ་པོ། བཀའ་སྲུང་སྤུ་གྲི་མཆེད་གསུམ། གནོད་སྦྱིན་ཤན་པ་དམར་ནག །ཤ་ཟ་ཁ་མོ་ཆེ། ཤན་པ་སྲོག་སྒྲུབ་ནག་མོ། རྡོ་རྗེ་ལེགས་པ། མཁའ་རི་ལྕམ་དྲལ་ལ་སོགས་པ་གཏེར་སྲུང་རྒྱ་མཚོ། ཕྱོགས་སྐྱོང་བའི་མགོན་པོ། རྒྱལ་པོ་ཆེན་པོ་སྡེ་བཞི། རང་རང་གི་བཙུན་མོ་འཁོར་དཔུང་དང་བཅས་པ། དྲེགས་

[Full Size]

པའི་སྡེ་དཔོན་སུམ་ཅུ། སྔགས་བདག་དྲེགས་ཆེན་བཅོ་བརྒྱད། མྱུར་མགྱོགས་དྲེགས་པ་ཉི་ཤུ། བོད་ཁམས་བརྟན་མ་བཅུ་གཉིས། ཇོ་བོ་སྤྲུག་གི་བཙན་རྒོད། བཙན་རྒོད་ཇག་པ་མེ་ལེན། དགེ་བསྙེན་ཉི་ཤུ་རྩ་གཅིག་ལ་སོགས་པ་བསྟན་སྲུང་དམ་ཅན་རྒྱ་མཚོ་འཁོར་དང་བཅས་པ་རྣམས་ལ་དམ་རྫས་བདུད་རྩིའི་གཏོར་མ་དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་འདི་འབུལ་ལོ། །མཆོད་དོ་གསོལ་ལོ་ངོ་སོ་བསྟོད། དེང་གི་མཐུས་རྣལ་འབྱོར་པ་བདག་གི་བསྟན་པ་སྲུངས་ཤིག །ཚེ་དང་དབང་ཕྱུག་སྤེལ། དཔལ་དང་གྲགས་པ་སྒྲུབས། འཁོར་དང་སློབ་མ་སྐྱོངས། བདུད་དང་བར་ཆད་ཟློག །མི་ནོར་ཟས་གསུམ་སྡུས། དགྲ་བགེགས་ཐལ་བར་རློགས། ཕྲིན་ལས་རྣམ་བཞི་སྒྲུབས། རྟག་ཏུ་སྲུང་སྐྱོབ་མཛོད། བསམ་དོན་ཐམས་ཅད་འགྲུབ་པར་མཛོད། རྒྱས་པར་སངས་རྒྱས་བསྟན་སྲུང་མ་དང་། ཡན་ལག་བརྒྱད་ལྡན་ཞེས་སོགས་བྱ། ཨོཾ་བཛྲ་མ་ཧཱ་ཀཱ་ལ་ས་པཱ་རི་ཝཱ་ར་བཛྲ་ཨརྒྷཾ་སོགས། པཉྩ་ཨ་མྲྀ་ཏ་ཨོཾ་ཨཱཿཧཱུྃ༔ རླུང་ལྟར་མགྱོགས་པའི་རྟ་ནག་རྟིང་དཀར་དང་། །གཡག་ནག་རུ་མཚོན་སྤུ་ཞོལ་བརྗིད་པའི་གཟུགས། །ལུག་ནག་རྒྱུན་

[Full Size]

ལྡན་ཚོགས་རྣམས་འབུལ་བར་བགྱི། །གཞོམ་མེད་རྡོ་རྗེའི་གོ་ཆ་དུ་མ་དང་། །ཕ་རོལ་བདུད་དཔུང་བཅོམ་བྱེད་མཚོན་ཆའི་ཚོགས། །ཕྱི་ནང་གསང་བའི་རྟེན་རྫས་སྒྲུབ་རྫས་དང་། །མཆོད་པའི་སྤྲིན་ཕུང་བསམ་མི་ཁྱབ་པ་འབུལ། །རྒྱས་པར་ན་ཡབ་ཡུམ་གྱི་བསྐང་བརྒྱད་བྱ་ཞིང་། ཧཱུྃ། བདེ་གཤེགས་ཐུགས་རྗེའི་སྐུ་སྤྲུལ་པ། །སེམས་ཅན་རྣམས་ལ་མགོན་སྐྱབས་མཛད། །འོག་མིན་གནས་ན་བཞུགས་པ་ལ། །རབ་ཏུ་བཏུད་དེ་ཕྱག་འཚལ་བསྟོད། །ཅེས་ཐུགས་དཀྱིལ་དང་། ཧཱུྃ། བཅོམ་ལྡན་འདས་ཀྱི་སྐུ་སྟོན་པ། །འདྲེན་པ་འཇིག་རྟེན་མཁའ་འགྲོའི་གཙོ། །དྲག་པོ་མ་རུངས་འདུལ་མཛད་པ། །མ་ཧཱ་ཀཱ་ལར་ཕྱག་འཚལ་བསྟོད། །ཅེས་གསུང་དཀྱིལ་དང་། འཇིག་རྟེན་ལ་གནས་གདུག་པ་འདུལ། །དུར་ཁྲོད་མ་མོ་རྣམས་ཀྱི་གཙོ། །ལྷ་ཆེན་དྲག་པོའི་སྐུར་སྟོན་པའི། །འཇིག་རྟེན་མགོན་པོར་ཕྱག་འཚལ་བསྟོད། །ཅེས་སྐུ་དཀྱིལ་ལ་བསྟོད། གསོལ་ཁ་འདོད་ན་རྡོ་རྗེ་འཆང་དངོས་མ་བྱ། བསྐང་བ་ནི་བསྐང་རྫས་ཡིད་ཀྱིས་ཕུན་སུམ་ཚོགས་པར་སྤྲུལ་ཏེ། །ཨོཾ་ཨཱཿཧཱུྃ་ཧ་ཧོ་སྭཱ་ཧཱ། བསྐང་ངོ་བཀའ་བརྒྱུད་བླ་མ་ཡི་དམ་དང་། །དཔའ་བོ་མཁའ་འགྲོ་དམ་ཅན་རྒྱ་མཚོའི་ཚོགས། །ཐུགས་དམ་

[Full Size]

བསྐང་ལ་ཉམས་ཆག་སོར་ཆུད་མཛོད། །ཐུགས་རྗེ་ཆེན་པོས་བདག་ལ་དགོངས་པར་མཛོད། །ནག་པོ་ཆེན་པོའི་ཡུམ་གཅིག་རལ་གཅིག་མ། །ལེགས་ལྡན་ནག་པོའི་ཡུམ་གཅིག་རྩ་འཇིབ་དམར། སྤྲུལ་པའི་ལས་མཁན་ཆེན་པོ་བྱ་རོག་གདོང་། །སེང་གེའི་གདོང་ཅན་རྣལ་འབྱོར་མ་ཁྲོས་པ། །བྱ་རྒོད་མཁའ་ལྡིང་ལྭ་དང་འུག་པ་དང་། །ཕག་ཁྱི་གཅན་སྤྱང་སྟག་གི་གདོང་པ་ཅན། །ཤ་ཟ་ཁྲག་འཐུང་མ་མོ་འཁོར་བཅས་དང་། །བྱ་ནག་ཁྱི་ནག་སྤྲུལ་པ་ཚོགས་བཅས་ཀྱིས། །ཐུགས་རྗེ་ཆེན་པོའི་དགོངས་ཤིག་བཅོམ་ལྡན་གྱི། །བཀའ་དང་འགལ་བ་ཐམས་ཅད་མཐོལ་ལོ་བཤགས། །སྐུ་གསུང་ཐུགས་ཀྱི་དམ་ཚིག་ཆག་ཉམས་བསྐང་། །ཐུགས་དམ་བསྐང་བའི་བྱིན་རླབས་ཀྱིས། །ཆག་ཆེན་ཉམ་ང་བཟློག་ཏུ་གསོལ། །ཕྱི་ནང་བར་ཆད་བཟློག་ཏུ་གསོལ། །ཕྲིན་ལས་རྣམ་བཞི་བསྒྲུབ་ཏུ་གསོལ། །དེ་ནས་ཐུན་གཏོར་ནི། བཀུག་གཞུག་བྱས་ལ། ཤཱ་ས་ནས་བསྔོས་ལ། ཧཱུྃ༔ བྱ་རོག་མཚན་ཅན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཨེ་ཀ་ཙ་ཏི་འཁོར་དང་བཅས། །འདིར་གཤེགས་བརྒྱན་པའི་གཏོར་མ་

[Full Size]

བཞེས། །དུད་སོལ་ལྷ་མོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཧཱུྃ་མཛད་ནག་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །མྱུར་མཛད་ནག་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །གདོང་བཞི་ནག་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཙཎྜི་ཀ་དང་མཁའ་འགྲོ་དྲུག །འདིར་གཤེགས་བརྒྱན་པའི་གཏོར་མ་བཞེས། །བྱ་རོག་གདོང་བཞི་རྩ་འཇིབ་མ། །འདིར་གཤེགས་བརྒྱན་པའི་གཏོར་མ་བཞེས། །མགོན་པོ་སྟག་ཞོན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །མགོན་པོ་ཨ་གྷོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །གུར་གྱི་མགོན་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །མགོན་པོ་ལེགས་ལྡན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །མགོན་པོ་གྲི་ཁུག་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །མགོན་པོ་བེང་ཆེན་འཁོར་དང་བཅས། །འདིར་གཤེགས་བརྒྱན་

[Full Size]

པའི་གཏོར་མ་བཞེས། །མ་ནིང་སྡེ་ལྔ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཏྲཀྴད་ནག་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །མགོན་པོ་ཡིད་བཞིན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །བྲག་ལྷ་མགོན་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །རྣམ་སྲས་དྲག་བྱེད་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །སྲིན་མགོན་ཐོད་ཕྲེང་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །སྒོ་མཚམས་མཁའ་འགྲོ་གདོང་ཅན་བརྒྱད། །འདིར་གཤེགས་བརྒྱན་པའི་གཏོར་མ་བཞེས། །རྡོ་རྗེ་ཕོ་ཉ་དྲུག་ཅུ་བཞི། །འདིར་གཤེགས་བརྒྱན་པའི་གཏོར་མ་བཞེས། །ཞིང་སྐྱོང་ཆེན་པོ་སུམ་ཅུ་གཉིས། །འདིར་གཤེགས་བརྒྱན་པའི་གཏོར་མ་བཞེས། །ཨ་ཕྱི་ཆོས་སྒྲོན་དཔལ་ལྷ་མོ། །འདིར་གཤེགས་བརྒྱན་པའི་གཏོར་མ་བཞེས། །རང་བྱུང་རྒྱལ་མོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །དྲེགས་བྱེད་བེར་ནག་འཁོར་དང་

[Full Size]

བཅས། །འདིར་གཤེགས་བརྒྱན་པའི་གཏོར་མ་བཞེས། །དམག་ཟོར་རྒྱལ་མོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཚེ་རིང་མཆེད་ལྔ་དཔོན་དང་གཡོག །འདིར་གཤེགས་བརྒྱན་པའི་གཏོར་མ་བཞེས། །ཚོགས་ཀྱི་བདག་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །རིལ་གཅིག་གཡུ་སྒྲོན་སྤྱང་ཞོན་མ། །འདིར་གཤེགས་བརྒྱན་པའི་གཏོར་མ་བཞེས། །རྟ་ནག་དྲེགས་པ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །དུར་ཁྲོད་བདག་པོ་ཡབ་དང་ཡུམ། །འདིར་གཤེགས་བརྒྱན་པའི་གཏོར་མ་བཞེས། །མ་ཧཱ་དེ་ཝ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །སེང་གདོང་ཡབ་ཡུམ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཆོས་ཀྱི་རྒྱལ་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཁྱབ་འཇུག་གཟའ་སྐར་གདོང་མོ་བཞི། །འདིར་གཤེགས་བརྒྱན་པའི་གཏོར་མ་བཞེས། །ནཱ་ག་རཀྵ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །བེག་རྩེ་ཡབ་ཡུམ་འཁོར་དང་

[Full Size]

བཅས། །འདིར་གཤེགས་བརྒྱན་པའི་གཏོར་མ་བཞེས། །ཞང་བློན་ནག་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཚངས་པ་དུང་གི་ཐོར་ཚུགས་ཅན། །འདིར་གཤེགས་བརྒྱན་པའི་གཏོར་མ་བཞེས། །སྐྱེས་བུ་ལུང་བཙན་གནོད་སྦྱིན་བདུན། །འདིར་གཤེགས་བརྒྱན་པའི་གཏོར་མ་བཞེས། །སྨྱོ་ཁ་མཁར་ནག་སྲོག་སྒྲུབ་མོ། །འདིར་གཤེགས་བརྒྱན་པའི་གཏོར་མ་བཞེས། །སྤུ་གྲི་མཆེད་གསུམ་ཁ་མོ་ཆེ། །འདིར་གཤེགས་བརྒྱན་པའི་གཏོར་མ་བཞེས། །ཤན་པ་དམར་ནག་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །རྡོ་རྗེ་ལེགས་པ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །མཁའ་རི་ལྕམ་དྲལ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཕྱོགས་སྐྱོང་བཅུ་པོ་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །རྒྱལ་ཆེན་སྡེ་བཞི་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །སྡེ་དཔོན་སུམ་ཅུ་སྡེ་འཁོར་བཅས། །འདིར་གཤེགས་བརྒྱན་པའི་གཏོར་མ་བཞེས། །དྲེགས་ཆེན་

[Full Size]

བཅོ་བརྒྱད་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །དྲེགས་པ་ཉི་ཤུ་བརྟན་མའི་ཚོགས། །འདིར་གཤེགས་བརྒྱན་པའི་གཏོར་མ་བཞེས། །ཕྱི་ནང་ཤུགསང་བའི་སྡེ་བརྒྱད་ཚོགས། །འདིར་གཤེགས་བརྒྱན་པའི་གཏོར་མ་བཞེས། །ཇོ་བོ་སྤྱག་བཙན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །ཇག་པ་མེ་ལེན་འཁོར་དང་བཅས། །འདིར་གཤེགས་བརྒྱན་པའི་གཏོར་མ་བཞེས། །དགེ་བསྙེན་ཉེར་གཅིག་བརྟན་མའི་ཚོགས། །འདིར་གཤེགས་བརྒྱན་པའི་གཏོར་མི་བཞེས། །ཧཱུྃ༔ ལྷ་མགོན་དམ་ཅན་རྒྱ་མཚོའི་ཚོགས། །དམ་རྫས་གཏོར་མ་འདི་བཞེས་ལ། །བདག་ཅག་འཁོར་དང་བཅས་ལ་གནོད་པ་ཡིས། །སྲིད་པའི་ཁྲམ་ཁ་ཐམས་ཅད་དགྲ་ལ་བསྒྱུར་།ལྷ་འདྲེས་དམག་ཚོགས་ཐམས་ཅད་དགྲ་ལ་དྲོངས། །ཕ་རོལ་བསམ་སྦྱོར་ངན་པའི་ལས་བརྩམས་པ།་་།བྱད་ཁ་ཕུར་ཁ་རྦོད་གཏོང་དྲག་པོ་དང་། །མཆེ་ཟོར་རྦད་འདྲེ་ཕུར་ཟོར་འཕེན་པ་ཟློག །ས་བདག་ཀླུ་ཡིས་བྱེད་དུ་བཅུག་པ་དང་། །ཐེའུ་རང་འབྱུང་པོའི་སྲི་རྐུན་ཐམས་ཅད་ཟློག །གཤིན་རྗེའི་འཁོར་ལོ་བདུད་ཀྱི་ཁྲམ་འདེབས་དང་། །མུ་

[Full Size]

སྟེགས་ངན་པའི་བར་ཆད་བྱེད་པ་ཟློག །རྒྱལ་བསེན་རྣམས་ཀྱིས་སྨྱོ་འབོག་གཏོང་བ་དང་། །དྲང་སྲོང་གཟའ་དང་ཀླུ་གདོན་གནོད་པ་ཟློག །ཞང་ཞུང་ཛོ་དམར་སུམ་པའི་གླང་ཟོར་དང་། །བོན་པོ་རྣམས་ཀྱིས་ལྟ་ཟོར་འཕེན་པ་ཟློག །བནྡེའི་སྔགས་ཟོར་སྐྱེས་པའི་མདའ་ཟོར་དང་། །བུད་མེད་རྣམས་ཀྱིས་དམོད་ཟོར་འཕེན་པ་ཟློག །བདུད་ཀྱི་གཤེད་བཞི་རོ་ལངས་འབྱུང་པོ་དང་། །མ་མོ་མཁའ་འགྲོས་ཁྲག་ནད་གཏོང་བ་ཟློག །མོ་རྩིས་ངན་པ་རྨི་ལམ་མཚན་མ་ངན། །ལྟས་ངན་མི་རུང་བརྒྱད་ཅུ་རྩ་གཅིག་ཟློག །བཞི་བརྒྱ་རྩ་བཞིའི་མི་ནད་ཕྱུགས་ནད་ཟློག །གདོན་རིགས་ཉི་ཁྲི་ཆིག་སྟོང་གནོད་པ་ཟློག །སྟོང་ཕྲག་བརྒྱད་ཅུའི་བགེགས་ཚོགས་མ་ལུས་དང་། །ཡེ་འདྲོགས་ཆེན་པོ་སུམ་བརྒྱ་དྲུག་ཅུ་ཟློག །གདོན་ཆེན་བཅོ་ལྔ་ལོ་ཟླ་ཞག་དུས་སྐག །མི་མཐུན་ཕྱོགས་རྣམས་དགྲ་བགེགས་སྟེང་དུ་བསྒྱུར། །དུས་མིན་འཆི་བའི་འཇིགས་པ་བརྒྱད་རྣམས་དང་། །ལྟས་ངན་ཆོ་འཕྲུལ་དགྲ་བོའི་སྟེང་དུ་བསྒྱུར། །ཅེས་བཟློག་སྔགས་དང་བཅས་ཏེ་ཕུལ་ནས་ཟོར་དུ་འདྲིམས། ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་

[Full Size]

གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་སྩོལ། །གོང་ནས་གོང་དུ་འཕེལ་བའི་བཀྲ་ཤིས་ཤོག །འདི་བྲིས་ཉེས་པ་དམ་ཅན་ཚོགས་ལ་བཤགས། །དགེ་བས་ཐུབ་བསྟན་དར་ཞིང་རྒྱས་གྱུར་ཅིག །སྨིན་དྲུག་ཟླ་བའི་ཡར་ཚེས་བཅུ་གཉིས་ཉིན། །རཱ་གའི་མིང་ཅན་དེ་ཡིས་རྫོགས་པར་བྲིས། །ཆོས་སྐྱོང་རྒྱ་མཚོའི་དཀྱིལ་ཆོག་མངྒ་ལཾ། །བཀྲ་ཤིས་ཞལ་གྲོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསོལ་བསྡུས། གཏོར་བསྔོས།

[Full Size]

ཨོཾ་ཨཱཿཧཱུྃ༔ ཡཾ་རཾ་ཀེ་ལས་རླུང་མེ་ཐོད་སྐྱེད་སྟེང་། །བྷནྡྷའི་སྣོད་དུ་ཟག་མེད་བདུད་རྩི་ཡི། །གཏོར་མ་འདི་ཉིད་འབུལ་བའི་གནས་རྣམས་ནི། །ཀུན་བཟང་་ཡབ་ཡུམ་རྒྱལ་བ་རིགས་མཆོག་ལྔ། །རྡོ་རྗེ་འཆང་ཆེན་སྟོན་པ་རྡོ་རྗེ་སེམས། །དགའ་རབ་རྡོ་རྗེ་ཤྲཱི་སིཾ་ཧ་དང་། །རྒྱ་གར་རིག་འཛིན་བརྒྱད་པོ་ལ་སོགས་པ། །རྙིང་མ་བརྒྱུད་པའི་ཞལ་དུ་བ་ལཾ་འབུལ། །སྣང་བ་མཐའ་ཡས་ཐུགས་རྗེ་ཆེན་པོ་དང་། །པདྨ་འབྱུང་གནས་རྗེ་འབངས་ཉི་ཤུ་ལྔ། །གཏེར་སྟོན་བརྒྱ་རྩ་ལས་ཅན་ཆོས་བདག་ཚོགས། །གཏེར་མ་བརྒྱུད་པའི་ཞལ་དུ་བ་ལི་འབུལ། །རྡོ་རྗེ་འཆང་ཆེན་རྡོ་རྗེ་རྣལ་འབྱོར་མ། །གསང་བའི་བདག་པོ་དཔལ་ལྡན་ས་ར་ཧ། །རྒྱ་གར་གྲུབ་ཆེན་བརྒྱད་ཅུ་ལ་སོགས་པ། །ཕྱག་ཆེན་བརྒྱུད་པའི་ཞལ་དུ་བ་ལ་འབུལ། །ཏེ་ལོ་ནཱ་རོ་མར་མི་རྗེ་ཡི་མཚན། །བཀའ་བརྒྱུད་ཡ་བཞི་འབྲི་སྟག་མཚལ་འབྲུག་པ། །མངྒ་ཤི་གཱིརྟི་ཤྲཱི་སོགས། །བཀའ་བརྒྱུད་བླ་མའི་ཞལ་དུ་བ་ལཾ་འབུལ། །བསྟན་པའི་མངའ་བདག་ཀརྨ་པ་བཅུ་གཉིས། །ཞྭ་དམར་ཉེར་གཅིག་སི་ཏུ་གདན་རབས་དང་། །དཔའ་བོ་རྒྱལ་ཚབ་ཀྲེ་ཧོ་དྲུང་པ་སོགས། །ཀཾ་ཚང་

[Full Size]

བརྒྱུད་པའི་ཞལ་དུ་བ་ལ་འབུལ། །སྨན་བླ་མཆེད་བརྒྱད་སྤྲུལ་པའི་དྲང་སྲོང་གཉིས། །གཡུ་ཐོག་པ་དང་ཟུར་མཁར་གོང་འོག་གཉིས། །སྨན་གྱི་ལྷ་མོ་དྲང་སྲོང་འབུམ་ཕྲག་སོགས། །གསོ་རིག་བརྒྱུད་པའི་ཞལ་དུ་བ་ལི་འབུལ། །འཇམ་དབྱངས་ཞི་བ་ལྷ་དང་གསེར་གླིང་པ། །ཇོ་བོ་འབྲོམ་རྔོག་རྒྱལ་སྲས་སྐུ་མཆེད་གསུམ། །ལུང་བསྟན་དགྲ་བཅོམ་བརྒྱད་ཁྲི་ལ་སོགས་པ། །བཀའ་གདམས་བརྒྱུད་པའི་ཞལ་དུ་བ་ལ་འབུལ། །ཡུམ་ཆེན་འཇམ་དབྱངས་སྒྲོལ་མ་སུ་ཁ་སི། །ཨརྱ་དེ་ཝ་དམ་པ་མ་གཅིག་དང་། །བཀའ་བབ་བུ་ཆེན་བཅུ་དྲུག་ལ་སོགས་པ། །གཅོད་ཡུལ་བརྒྱུད་པའི་ཞལ་དུ་བ་ལ་འབུལ། །དབང་བསྐུར་རྒྱུད་བཤད་མན་ངག་གནང་བ་ཡི། །རྩ་བར་བརྒྱུད་པའི་བླ་མ་ཐམས་ཅད་ལ། །དམ་རྫས་བདུད་རྩིའི་གཏོར་མ་འདི་འབུལ་ལོ། །བཞེས་ནས་བདག་ལ་དབང་བསྐུར་བྱིན་གྱིས་རློབས། །གུ་རུ་སྐུ་གསུམ་སྐུ་ལྔ་མཚན་མཆོག་བརྒྱད། །རྟ་ཕག་ཡབ་ཡུམ་གིང་བཞི་སྒོ་མ་བཞི། །ཐུགས་སྒྲུབ་འོད་འབར་ལྷ་ཚོགས་ཐམས་ཅད་ལ། །དམ་རྫས་བདུད་རྩིའི་གཏོར་མ་འདི་འབུལ་ལོ། །འཁོར་ལོ་སྡོམ་པ་རྡོ་རྗེ་རྣལ་འབྱོར་མ། །ཀྱེ་རྡོར་གསང་

[Full Size]

འདུས་དུས་འཁོར་འཇིགས་བྱེད་དང་། །མཱ་ཡཱ་གདན་བཞི་སངས་རྒྱས་ཐོད་པ་སོགས། །རྒྱུད་སྡེ་བཞི་ཡི་ཚོགས་ལ་བ་ལཾ་འབུལ། །དམར་ནག་ཐོད་ཕྲེང་ཡུམ་མཆོག་ཁྲོས་མ་ནག །གོ་ཆ་ལྷ་ལྔ་བྱ་ཁྱུང་རིགས་ཀྱི་བདག །དྲག་པོ་རིགས་བཞི་ཁྲོ་བཅུ་ལ་སོགས་པ། །རིག་འཛིན་ཁྲོས་པའི་ཚོགས་ལ་བ་ལི་འབུལ། །པདྨ་རྒྱལ་པོ་བདུད་འདུལ་གྲོ་བོ་ལོད། །གིང་བཞི་ཡུམ་བཞི་རྒྱལ་པོ་ཆེན་པོ་བཞི། །གསང་བདག་ཀླུ་འདུལ་ཁྱུང་དང་ཁྲོ་བོའི་ཚོགས། །ཌཱ་ཀི་མཚོ་རྒྱལ་སྒྲོལ་མ་དཀར་ལྗང་གཉིས། །ལོ་མ་ཅན་དང་ཕག་ཁྲོས་སེང་གསུམ་སོགས། །ཡི་དམ་མཁའ་འགྲོའི་ཚོགས་ལ་བ་ལཾ་འབུལ། །བཞེས་ནས་མཆོག་དང་ཐུན་མོང་དངོས་གྲུབ་སྩོལ། །ཕྱག་བཞི་ཕྱག་དྲུག་བེར་ནག་གུར་གྱི་མགོན། །སྲིན་མགོན་གཉེན་མགོན་བྲག་ལྷ་མགོན་པོ་དང་། །དུད་སོལ་རང་བྱུང་རྒྱལ་མོ་ལ་སོགས་པ། །ཆོས་སྐྱོང་མ་མགོན་ཚོགས་ལ་བ་ལི་འབུལ། །མ་ནིང་སྡེ་ལྔ་སྲོག་བདུད་དཔལ་འབར་མ། །སེང་གདོང་ཡབ་ཡུམ་བམ་རོ་སྡེ་བརྒྱད་སོགས། །སྤུ་གྲི་མཆེད་གསུམ་མ་གཟའ་དམ་གསུམ་སོགས། །བཀའ་བརྒྱུད་དམ་ཅན་རྣམས་ལ་བ་ལི་འབུལ། །

[Full Size]

རྣམ་སྲས་རིགས་དགུ་འཛམ་ལྷ་རིགས་དགུ་དང་། །ནོར་རྒྱུན་མ་དང་ཨཅུ་རེ་མན། །ཚོགས་བདག་རིགས་ལྔ་རྟ་བདག་ཀུ་བེ་ར། །ཨ་པར་ཙིཏྟ་དགེ་བསྙེན་ཡེ་ཤེས་གྲགས། །ནོར་བདག་ལ་སོགས་ནོར་ལྷའི་ཚོགས་རྣམས་ལ། །གཏོར་མ་འདི་འབུལ་དགྱེས་པར་བཞེས་ནས་ཀྱང་། །འཛད་མེད་ལོངས་སྤྱོད་གཏེར་གྱི་དངོས་གྲུབ་སྩོལ། །ཇོ་བོ་སྤྱག་བཙན་སྐྱ་དགུ་བྲན་དང་བཅས། །མཁའ་རི་སྨྱོ་ཁ་ངོམ་རྒྱལ་མཁར་ནག་དང་། །རྟ་འདྲ་མེ་ཏོམ་བྲེ་རང་བཙན་རྒོད་སོགས། །བཀའ་སྡོད་ཕོ་ཉའི་ཚོགས་ལ་བ་ལི་འབུལ། །བཞེས་ནས་ཅི་བསམ་དོན་ཀུན་འགྲུབ་པར་མཛོད། །བདག་གི་ནད་རིགས་ཀུན་ཞི་ཚེ་བསོད་དཔལ། །རྒྱས་ཤིང་སྣང་སྲིད་དབང་དུ་འདུ་བ་དང་། །དགྲ་བགེགས་ལོག་འདྲེན་ཆོས་ལོག་དམ་ཉམས་རྣམས། །སྐད་ཅིག་ཐལ་བའི་རྡུལ་བཞིན་བརླགས་ནས་ཀྱང་། །བདག་གི་བསམ་པ་ཐམས་ཅད་བསྒྲུབ་ཏུ་གསོལ། །ཨོཾ་གུ་རུ་དྷེ་ཝ་ཌཱ་ཀི་ནཱི་དྷམ་པ་ལ་ས་པཱ་རི་ཝཱ་ར་ཨི་དཾ་བ་། ལིཾ་ཁ་ཁ་ཁཱ་ཧི་ཁཱ་ཧི།

བཀའ་སྲུང་མཆོད་ཆོག་དངོས་གྲུབ་ཀུན་སྩོལ་མ།

[Full Size]

བཀའ་སྲུང་མཆོད་ཆོག་དངོས་གྲུབ་ཀུན་སྩོལ་མ་བཞུགས་སོ། །

[Full Size]

ཨོཾ་ཨ་ཀཱ་རོ་སོགས། ཨོཾ་མ་ཧཱ་ར་ཙ་ཡཀྵ་ས་མ་ཡ༔ བྷེ་ཤ་ར་མ་ཎ་ཡེ༔ སརྦ་ཙིཏྟ་རཏྣ་ཧྲིང་ཧྲིང་ཛ་ཛཿ མ་ཧཱ་བ་ལི་ཁཱ་ཧི། གསུམ། ཧཱུྃ༔ རི་རབ་ལྷུན་པོའི་བྱང་ཕྱོགས་ནས༔ ལྕང་ལོ་ཅན་གྱི་གནས་མཆོག་གི༔ རིན་ཆེན་འབར་བའི་ཕོ་བྲང་ནས༔ རྒྱལ་པོ་ཆེན་པོ་རྣམ་ཐོས་སྲས༔ སྟོང་གསུམ་རིན་ཆེན་གཏེར་གྱི་བདག༔ གླིང་བཞི་བྱང་ཕྱོགས་སྐྱོང་ཙམ་ན༔ ཕྲིན་ལས་བཞི་ལ་མངའ་བརྙེས་པའི༔ ཨིནྡ་ནི་ལའི་མདོག་དང་ལྡན༔ ས་བརྒྱད་སེམས་དཔའ་བཞུགས་པ་པོ༔ གནོད་སྦྱིན་ཕོ་མོ་མང་པོ་དང་༔ ཀླུ་ཡི་དེད་དཔོན་མཛད་ཙམ་ན༔ རིན་ཆེན་

[Full Size]

གསེར་གྱི་ཁ་དོག་ཅན༔ དྷ་ཀི་མ་དང་ཀླུ་མོ་དང་༔ བདུད་མོའི་དེད་དཔོན་མཛད་ཙམ་ན༔ བཻཌཱུར་སྔོན་པོའི་སྐུ་མདོག་ཅན༔ སྣང་སྲིད་དབང་དུ་བསྡུ་བ་དང་༔ འགྲོ་བའི་རྣམ་ཤེས་འགུགས་པའི་ཚེ༔ པདྨ་རཱ་གའི་མདོག་འདྲ་ཞིང་༔ མིའུ་ཐུང་བཞེངས་པའི་ཆ་ལུགས་ལ༔་ལེ་བརྒན་དར་གྱི་ཅོད་པན་ཅན་སྐུ་ལ་བསེ་ཁྲབ་སེར་པོ་གསོལ༔ དབུ་ལ་བསེ་རྨོག་རྒྱ་ཞྭ་གསོལ༔ ཕྱག་གཡས་མདུང་དར་རྒྱལ་མཚན་བསྣམས༔ ཁམས་གསུམ་དབང་དུ་སྡུད་པ་དང་༔ སྲིད་གསུམ་ཟིལ་གྱིས་གནོན་པར་མཛད༔ ཕྱག་གཡོན་ནེའུ་ལེ་ལྕགས་ཀྱུ་

[Full Size]

བསྣམས༔ ལོངས་སྤྱོད་ཆར་ལྟར་འབེབས་པ་དང་༔ འགྲོ་བའི་རྣམ་ཤེས་དབང་དུ་སྡུད༔ སྐུ་ལས་འོད་ཟེར་དམར་པོ་འཕྲོས༔ སྲིད་པ་གསུམ་ཡང་དབང་དུ་སྡུད༔ འགྲོ་བ་མི་ཡི་རྣམ་ཤེས་འགུགས༔ སྦྱིན་བདག་རྣམས་ཀྱི་ལག་པ་བསྒུལ༔ གཡང་ཅན་ནོར་དང་བརྗིད་ཅན་གོས༔ བཅུད་ཆེན་ཟས་ལ་སོགས་པ་ཡི༔ བདག་ལ་ཟས་ནོར་ལོངས་སྤྱོད་ཀྱི༔ དངོས་གྲུབ་མ་ལུས་ཐམས་ཅད་སྩོལ༔ ནོར་བདག་རྒྱལ་པོ་ཆེན་པོ་ཡི༔ ཐམས་ཅད་གནད་ནས་བསྐུལ་བའི་ཚེ༔ ཁྱེད་ཀྱིས་སྤྲུལ་པའི་རྒྱལ་ཕྲན་ནི༔ འགྲོ་བ་རྣམས་ཀྱི་སྙིང་ལ་ཞུགས༔ རྣམ་ཤེས་བསྒྱུར་ལ་དབང་དུ་སྡུས༔ འཇིག་རྟེན་ཁམས་ཀྱི་ལོངས་སྤྱོད་རྣམས༔ མ་ལུས་ཐམས་ཅད་དབང་སྡུས་ལ༔ སྒྲུབ་པ་པོ་ལ་དངོས་གྲུབ་སྩོལ༔ ཀྱི༔ ཉི་མ་ནུབ་ཕྱོགས་ཕ་ཀི་ན་ཕ་ནི་བདུད་ལ་མ་ནི་དམུ༔ དམུ་བདུད་གཤོས་པའི་མཐུ་རྩལ་ཅན༔ སྐྱེས་བུ་དགེ་བསྙེན་ཆེན་པོ་སྟེ་ཞྭ་ཡི་མགོན་པོ་ར་རྟ་ཅན༔ གནོད་སྦྱིན་ནོར་བདག་མཐུ་རྩལ་ཅན༔ གཏེར་བདག་མཐུ་སྟོབས་རྫུ་འཕྲུལ་ཅན༔ ཞལ་གཅིག་ཕྱག་གཉིས་སྐུ་མདོག་དམར༔ ཕྱག་གཡས་ལྕགས་ཀྱུས་མི་ནོར་འགུགས༔

[Full Size]

གཡོན་པས་ནེའུ་ལེས་དབུལ་ཕོངས་སེལ༔ ཕྱེད་བསྐུམ་རིན་ཆེན་སྣ་ལྔས་བརྒྱན༔ ཀོང་བཙུན་གཉན་དང་གཉིས་སུ་མེད༔ བརྟན་མ་བཅུ་གཉིས་འཁོར་གྱིས་བསྐོར༔ སྐུ་མཆེད་སུམ་བརྒྱ་དྲུག་ཅུ་བཅས༔ ཐེའུ་རང་དམག་དཔོན་རྫུ་འཕྲུལ་ཅན༔ རྫུ་འཕྲུལ་སྐད་ཅིག་སྟོང་གསུམ་བསྐོར༔ འཇིག་རྟེན་ཁམས་ཀྱི་ནོར་ལ་སྤྱོད༔ ཁྱེད་ཀྱི་ཐུགས་དམ་དུས་ལ་བབ༔ མི་ནོར་ཟས་གསུམ་དབང་དུ་སྡུས༔ རྣལ་འབྱོར་བདག་ལ་དངོས་གྲུབ་སྩོལ༔ ཨོཾ་བཛྲ་སྭཱ་དྷུ་ས་མ་ཡ༔ བཛྲ་ལི་ལ་མ་བ་ལི་ཁ་ཁ་ཁཱ་ཧི་ཁཱ་ཧྲཱི༔ གསུམ་། ཀྱེ༔ དམ་ཅན་སྐྱེས་བུ་ཆེན་པོ༔ མཐུ་དང་རྫུ་འཕྲུལ་གྱི་བདག་པོ༔ བདག་ལ་བྱང་ཆུབ་བསྒྲུབ་པའི་མཐུན་རྐྱེན་དང་༔ ཁྱེད་སྒྲུབ་ཅིང་མཆོད་པའི་ཡོ་བྱད་དང་མི་ལྡན་པས༔ མི་སྙིང་བསྒུལ་ཅིག༔ མི་སེམས་གཡོས་ཤིག༔ སྣང་བ་བསྒྱུར་ཅིག༔ བདག་ལ་གཡང་ཅན་གྱི་ནོར་སྐྱོལ་ཅིག༔ བརྗིད་ཅན་གྱི་གོས་བཀོན་ཅིག༔ བཅུད་ཆེན་གྱི་ཟས་སྐྱོལ་ཅིག༔ མི་ནོར་ཟས་གསུམ་དབང་དུ་སྡུས་ཤིག༔ འབྲུ་དང་ནོར་གྱི་ཆར་པ་ཕོབ་ཅིག༔ སྐྱེས་བུ་ཆེན་པོ་རེམ་ཅིག༔ མཐུ་དང་རྫུ་འཕྲུལ་རྩལ་དང་ནུས་པ་ལྟའོ༔ ཨོཾ་

[Full Size]

ཨཱཿཧཱུྃ་གིས། གཏོར་མ་ལྷའི་ཞལ་ཟས་སུ་གྱུར༔ ཨོཾ་བཛྲ་པྲ་མོ་ཧ་ཧྲིང་ཧྲིང་ཛ་ཛཿ རྡོ་རྗེ་གཡུ་སྒྲོན་མ་འཁོར་དང་བཅས་པའི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧྲཱི༔ བདག་གིས་འདོད་པའི་དོན་ཐམས་ཅད་འགྲུབ་པར་མཛད་དུ་གསོལ༔ ཧཱུྃ༔ སྟེང་ཕྱོགས་དག་པ་འཕྲུལ་གྱི་གཞལ་ཡས་སུ༔ རིན་ཆེན་སྤྲིན་དཀར་བརྩེགས་པའི་གུར་ཁང་ནས༔ རྡོ་རྗེ་གཡུ་སྒྲོན་སྨན་བཙུན་འཁོར་དང་བཅས༔ འདིར་གཤེགས་བརྒྱན་པའི་གཏོར་མ་བཞེས་སུ་གསོལ༔ བཅོལ་བའི་ཕྲིན་ལས་མ་ལུས་འགྲུབ་པར་མཛོད༔ ཧཱུྃ༔ རྒྱལ་བའི་ཡུམ་མཆོག་རྡོ་རྗེ་གཡུ་སྒྲོན་མ༔ ཆོས་སྐུའི་དབྱིངས་ལ་སྤྲོས་པ་མི་མངའ་ཡང་༔ ལོངས་སྐུ་རིགས་ལྔ་མ་དང་མཁའ་འགྲོར་སྟོན༔ སྤྲུལ་སྐུ་སྨན་མོས་འགྲོ་དོན་མཛད་ལ་བསྟོད༔ ཧཱུྃ༔ སྤྲུལ་སྐུའི་གནས་ལ་ངེས་པ་མ་མཆིས་ཀྱང་༔ རི་རབ་གླིང་དང་ནགས་ཚལ་མཚོ་གླིང་ད༔ ལྷོ་མོན་བོད་དང་རྒྱ་གར་ལ་སོགས་ཀྱི༔ ཡུལ་རྣམས་ཀུན་ཏུ་དངོས་གྲུབ་སྟེར་ལ་བསྟོད༔ ཨོཾ་བཛྲ་པྲ་མོ་ཧ་ཧྲིང་ཧྲིང་ཛ་ཛཿ མ་མ་ལ་ལ༔་ལི་ལི་སྲིང་འགྲོ་མ་ཧཱུྃ༔ སིདྡྷི་པུཊྚི་ཀུ་རུ་ཡེ་སྭ་ཧཱུ༔ མི་ནོར་ཟས་གསུམ་པུཊྚི་ཀུ་རུ་ཡེ་སྭཱ་ཧཱ༔ ཞེས་པ་འདི་རྣམས་གཏེར་གཞུང་ཁོ་ན་བསྒྲིགས་

[Full Size]

པའོ༔ གཏོར་མ་གསུམ་སོ་སོར་ཡོད་ན་རབ༔ འབྲིང་ཟུར་གསུམ་གཅིག་ལ་བསྡུ༔ ཞེས་བཟླ༔ དམ་ཅན་ལ་ཇ་འཐུང་དུས་མཛུབ་མགོས་མཆོད་པ་རེ་བྱ༔ དམ་ཅན་ལས་ཚོགས་ཟབ་བོ༔ ཐ་མ་མར་རམ་ཐུད་དུམ་བུ་ལ་བསྔོས་ཀྱང་ཆོག༔ཨྠྀི།༔ ཨ་རཱ་གས་སོ༔ མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བརྟན་གསོལ་བསྡུས་པ།

[Full Size]

བརྟན་གསོལ་བསྡུས་པ་ནི༔ གུ་རུ་དྷེ་ཝ་ཌཱཀྐི་ནི་ཧཱུྃ། ཨོཾ་ཨ་ཀཱ་རོ་སོགས། གཏོར་མ་བྱིན་གྱིས་བརླབས་ནས༔ རང་ཉིད་པདྨ་འབྱུང་གནས་སྐུར་གསལ་བས༔ སྐད་ཅིག་ཉིད་ལ་སྤྱན་དྲངས་མདུན་བཞུགས་བསམ༔ བྷྱོཿ ཕྱི་ལྟར་ཤེལ་གུར་སྐུ་གསུང་ཐུགས་ཀྱི་འཕྱོ༔ ནང་ལྟར་བདུད་མཁར་རྩེ་དགུ་དགུང་དུ་འཕྱོ༔ གསང་བ་བདེ་མཆོག་དམ་ཚིག་འཁོར་ལོའི་གནས༔ མ་མོ་མཁའ་འགྲོ་ལྷ་སྲིན་རླུང་ལྟར་འཚུབ༔ དེ་འདྲའི་གནས་ནས་རྡོ་རྗེ་གཡུ་སྒྲོན་མ༔ འཁོར་བཅས་མཆོད་ཕྱིར་སྤྱན་འདྲེན་གཤེགས་སུ་གསོལ༔ ཡིད་སྤྲུལ་གཙོ་འཁོར་འཚམས་པའི་གནས་འདིར་བཞུགས༔ སྔོན་གྱི་ཁས་བླངས་དམ་ཚིག་དྲན་མཛོད་ལ༔ བདག་གིས་བཅོལ་བའི་ཕྲིན་ལས་འགྲུབ་པར་མཛོད༔ བཛྲ་ས་མ་ཡ་ཛ་ཛཿ ཛཿཧཱུྃ་བཾ་ཧོ༔ ཏིཥྛ་ལྷན༔ ཉེར་སྤྱོད་བདུན་དང་འདོད་པའི་ཡོན་ཏན་ལྔ༔ བཀྲ་ཤིས་རྫས་རྟགས་བརྒྱད་དང་རིན་ཆེན་བདུན༔ ཕྱི་ནང་གསང་མཆོད་དངོས་འབྱོར་ཡིད་ཀྱིས་སྤྲུལ༔ གཏོར་མ་ཟག་མེད་བདུད་རྩིའི་རྒྱ་མཚོ་འདི༔ རྡོ་རྗེ་གཡུ་སྒྲོན་མཆེད་ལྔ་དར་འཛིན་བརྒྱད༔ བརྟན་མ་བཅུ་གཉིས་དཀར་མོ་ཉི་ཤུ་བཞི༔ གཟུང་མཆོད་ཞེ་བརྒྱད་སྨན་ཕྲན་བྱེ་བ་

[Full Size]

འབུམ༔ ཡབ་ཡུམ་མིང་པོ་དམག་དཔོན་ལ་སོགས་པའི༔ འཁོར་དང་བཅས་ལ་འབུལ་ལོ་དགྱེས་པར་རོལ༔ ཐམས་ཅད་མ་ལུས་མཉེས་ཤིང་ཚིམ་གྱུར་ཅིག༔ ཨོཾ་བཛྲ་པྲ་མོ་ཧ་ཧྲིང་ཧྲིང་སྭཱ་ཧཱ༔ ས་པཱ་རི་ཝཱ་ར་ཨི་དཾ་བ་ལི་ཁ་ཁ་ཁཱ་ཧི་ཁཱ་ཧྲཱི༔ ཨརྒྷཾ་སོགས། ཤབྡ་པྲ་ཏཱིཙྪ་སྭཱ་ཧཱཿ བྷྱོཿ ཀུན་ཏུ་བཟང་མོ་རིག་པའི་རང་རྩལ་ལས༔ སྲིད་པའི་རྒྱལ་མོ་སྲིད་པ་ཆག་གས་བྱེད་མ༔ ཨེ་ཀ་ཙ་ཏི་གཡུ་ཡི་རལ་གཅིག་མ༔ བདེ་མཆོག་མཚམས་མ་གཤིན་རྗེའི་མཆེ་བ་ཅན༔ རྗེ་བཙུན་སྒྲོལ་མ་སྔོན་མོའི་ཐུགས་སྤྲུལ་མ༔ ཡེ་ཤེས་ངང་ལས་འཇིག་བློ༔ རྟེན་ཚུལ་བཟུང་མ༔ འཇིག་རྟེན་སྒྲོལ་མ་སྔོན་མོ་གཡུ་སྒྲོན་མ༔ བཅོམ་ལྡན་རྡོ་རྗེ་སེམས་དཔའི་ཕྱག་བྱས་མ༔ འཕགས་པ་སྤྱན་རས་གཟིགས་ཀྱི་ལྕམ་གཅིག་མ༔ ཙཱ་རི་ཏྲ་ཡི་ཞིང་སྐྱོང་ལྷན་སྐྱེས་མ༔ ནམ་མཁའི་ཉི་འོད་འབར་བའི་ལྷན་ཅིག་མ༔ ཞི་བའི་ལས་མཛད་དཀར་མོ་འོད་ལྡན་མ༔ རྒྱས་པའི་ལས་མཛད་གནམ་མཚོ་ཕྱུག་མོ་མ༔ དབང་གི་ལས་མཛད་འཇིག་རྟེན་གསུམ་དབང་མ༔ ཕུར་པའི་སྲུང་མ་རྡོ་རྗེ་ཕག་བྱིན་མ༔ དྲག་པོའི་ལས་མཛད་བདུད་མོ་རེ་མ་ཏི༔ བརྟན་མ་དམག་གི་རྒྱལ་མོ་དམག་ཟོར་མ༔ ཤིན་ཏུ་

[Full Size]

ཁྲོས་ཚེ་མགོ་དགུ་སྤྱང་ཞོན་མ༔ བརྟན་མ་ཀུན་གྱི་གཙོ་མོ་གཡུ་སྒྲོན་མ༔ འཁོར་དང་བཅས་ལ་བདག་གིས་བསྟོད་པར་བགྱི༔ དམ་རྫས་བརྒྱན་པའི་མཆོད་གཏོར་འདི་བཞེས་ལ༔ བདག་ཅག་དཔོན་སློབ་བསྲུང་བྱ་ཐམས་ཅད་ཀྱི༔ ནད་གདོན་བར་ཆད་ཐམས་ཅད་ཞི་བ་དང་༔ ཚེ་དང་བསོད་ནམས་དཔལ་འབྱོར་རྒྱས་པ་དང་༔ སྣང་སྲིད་དབང་སྡུད་དགྲ་བགེགས་ཚར་གཅོད་སོགས༔ ཅི་བསམ་དོན་ཀུན་འབད་མེད་འགྲུབ་པ་དང་༔ ཚེ་དང་སྒྲུབ་པ་མཐའ་རུ་ཕྱིན་པ་ཡི༔ སྡོང་གྲོགས་མཛོད་ཅིག་མ་སྲིང་བརྟན་མའི་ཚོགས༔ དམ་ཚིག་དུས་ལ་བབ་བོ་ས་མ་ཡ༔ སྔགས་འཆང་རཱ་ག་ཨ་སྱས་སྦྱར་བའོ། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་ཡེ་ཤེས་ཀྱི་མགོན་པོ་ཕྱག་བཞི་པ་ལྷ་བཅུ་གསུམ་དང་། ཐོད་ནག་སྲོག་གི་སྤུ་གྲིའི་རྒྱུད་ནས་གསུངས་པའི་རྒྱལ་ཆེན་སྡེ་བཞི་དང་ལས་མགོན་དམར་པོ་དུད་སོལ་བདུད་རྩི་རྒྱལ་མོའི་སྦྲག་སྒྲུབ་འདོན་ཆ།

[Full Size]

དཔལ་ཡེ་ཤེས་ཀྱི་མགོན་པོ་ཕྱག་བཞི་པ་ལྷ་བཅུ་གསུམ་དང་། ཐོད་ནག་སྲོག་གི་སྤུ་གྲིའི་རྒྱུད་ནས་གསུངས་པའི་རྒྱལ་ཆེན་སྡེ་བཞི་དང་ལས་མགོན་དམར་པོ་དུད་སོལ་བདུད་རྩི་རྒྱལ་མོའི་སྦྲག་སྒྲུབ་འདོན་ཆ་བཞུགས་སོ།།

[Full Size]

ༀ་ཁཎྜ་རོ་ཧེ་ཧཱུྃ་ཧཱུྃ་ཕཊ༔ ཨོཾ་སྭ་བྷཱ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། ཆོས་རྣམས་ཐམས་ཅད་དངོས་པོའི་མཐའ། །རང་བཞིན་སྟོང་པའི་ངང་ཉིད་ལས། །མདུན་གྱི་གཞི་འདིར་དུར་ཁྲོད་ཀྱི། །ས་གཞིར་པཾ་ལས་པདྨ་དང་། །རཾ་ལས་ཉི་མའི་དཀྱིལ་འཁོར་སྟེང་། །ཧཱུྃ་ཡིག་མཐིང་ནག་ལས་གྱུར་པའི། །རྡོ་རྗེ་གྲི་གུག་ཧཱུྃ་གིས་མཚན། །འོད་འཕྲོས་བདུད་ཀྱི་སྡེ་བཅོམ་ནས། །འཕགས་མཆོད་ཚུར་འདུས་ཡོངས་གྱུར་ལས། །ཡེ་ཤེས་མགོན་པོ་ཕྱག་བཞི་པ། །ཆར་སྤྲིན་གདོང་བ་ལྟ་བུའི་མདོག །དམར་ལ་ཟླུམ་པའི་སྤྱན་གསུམ་ལྡན། །ཁྲོ་གཉེར་བསྐྱོད་

[Full Size]

ཅིང་མཆེ་བ་གཙིགས། །ཞལ་ནས་ཧ་ཧ་ཧཱུྃ་ཧཱུྃ་གིས། །གད་སྒྲོག་ལྗགས་ནི་རྣམ་པར་འགྱུར། །དབུ་སྐྲ་སྨིན་མ་སྨ་ར་དང་། །དམར་སེར་མེ་ལྟར་རབ་ཏུ་འབར། །ཕྱག་བཞི་དང་པོས་གྲི་ཁུག་དང་། །གཡས་འོག་རལ་གྲི་འདེབས་པའི་ཚུལ། །གཡོན་གྱི་དང་པོས་ཀ་པཱ་ལར། །བདུད་རྩིས་བཀང་བ་ཐུགས་ཀར་འཛིན། །གཡོན་འོག་རྡོ་རྗེ་ཁ་ཊཾ་ག །ཕྱར་བའི་སྟབས་འཛིན་མི་མགོ་ནི། །སྐམ་པོ་ལྔ་ཡིས་དབུ་བརྒྱན་དང་། །རློན་པ་ཁྲག་འཛག་ལྔ་བཅུ་ཡིས། །སེ་རལ་དར་དང་རིན་པོ་ཆེ། །རུས་པ་སྦྲུལ་དང་དྲིལ་བུ་ཡིས། །གཡེར་ཁའི་ཕྲེང་བས་

[Full Size]

རབ་ཏུ་བརྒྱན། །སྟག་ལྤགས་གསར་པ་ཁྲག་ཅན་གྱིས། །སྨད་གཡོགས་སྐུ་ལས་ཡེ་ཤེས་ཀྱི། །མེ་དཔུང་འབར་བའི་དབུས་ཉིད་ན། །མི་རོ་ཁ་སྦུབ་བསྣོལ་བའི་གདན། །དཔའ་བོ་རོལ་པའི་སྟབས་ཀྱིས་བཞུགས། །དེ་ཡི་གཡས་སུ་ཧཱུྃ་ཡིག་ལས། །ལས་མགོན་བྱ་རོག་གདོང་ཅན་ནི། །སྐུ་མདོག་དམར་པོ་ཞལ་གཅིག་པ། ཕྱག་གཉིས་གྲི་གུག་ཐོད་པ་འཛིན། །ནག་པོ་སྟོང་གི་འཁོར་གྱིས་བསྐོར། །གཡོན་དུ་བྱོ་ཡིག་ཡོངས་གྱུར་ལས། །ཡུམ་མཆོག་རྩ་འཇིབ་དམར་མོ་ནི། །ཞལ་གཅིག་ཕྱག་བཞི་གཡས་པ་ན། །རལ་གྲི་རྩེ་གསུམ་གཡོན་པ་ན། །མདའ་གཞུ་མི་མགོ་འཛིན་པའོ། །མ་མོ་བྱེ་བའི་ཚོགས་ཀྱིས་བསྐོར། །མདུན་དུ་ཧཱུྃ་ལས་ཤ་ཟ་ནི། །སེང་གེའི་གདོང་ཅན་སྐུ་མདོག་ནག །ཞལ་གཅིག་ཕྱག་གཉིས་རལ་གྲི་དང་། །ཐོད་ཁྲག་འཛིན་པ་ཤ་ཟ་ནི། །འབུམ་གྱིས་བསྐོར་བ་དེ་རྒྱབ་ཏུ། །ལེགས་ལྡན་ནག་པོ་དར་ནག་གི །བེར་གསོལ་གཎྜི་འཛིན་པའོ། ༈ །ཁྲབ་ཆེན་བྱེ་བ་འབུམ་གྱིས་བསྐོར། །མདུན་ཟུར་གཡས་གཡོན་གང་མཛེས་གཉིས། །གསེར་མདོག་ཟས་སྣའི་བུམ་པ་སྟོབས། །གནོད་སྦྱིན་ཁྲི་ཡི་འཁོར་གྱིས་བསྐོར། །

[Full Size]

དེ་ཕྱིར་ཤར་དུ་མཁའ་འགྲོ་མ། །བྱ་རྒོད་གདོང་ཅན་བྱང་དུ་ནི། །ཁྱུང་དང་ནུབ་ཏུ་ཁྭ་ཏ་དང་། །ལྷོ་རུ་འུག་པ་ཤར་ལྷོར་ཕག །ལྷོ་ནུབ་ཁྱི་དང་ནུབ་བྱང་དུ། །སྤྱང་ཀི་བྱང་ཤར་མཚམས་ཉིད་དུ། །སྟག་གི་གདོང་ཅན་བརྒྱད་ཀ་ཡང་། །གཅེར་བུ་སྐྲ་གྲོལ་ཞལ་གཅིག་པ། །ཕྱག་གཉིས་གྲི་གུག་ཐོད་ཁྲག་འཛིན། །འཁོར་རྣམས་བཞེངས་ནས་གར་སྟབས་ཀྱིས། །རོལ་གར་སྣ་ཚོགས་མཛད་པའོ། །མདུན་དུ་དུར་ཁྲོད་ཆེན་པོའི་ནང་། །མེ་འབར་ཁྲག་ཞག་རྒྱ་མཚོ་དབུས། །ཐོད་པ་སྐམ་རློན་གཞལ་ཡས་སུ། །ཨོཾ་ལས་དུད་སོལ་ལྷ་མོ་ནག །ཞལ་གཅིག་ཕྱག་བཞི་རལ་གྲི་དང་། །ཐོད་ཁྲག་ཤཀྟི་རྩེ་གསུམ་བསྣམས། །དུར་ཁྲོད་ཆས་བརྒྱད་མི་རོ་གསོལ། །བ་གླང་གླང་ལྤགས་རེ་ལྡེ་བགོས། །སྦྲུལ་བརྒྱན་ཞབས་གཉིས་ལྕགས་སྒྲོག་གསོལ། །བོང་བུ་དམར་གྲྭ་ཆིབས་པའོ། །སྙིང་འཕྲོག་མ་གསུམ་ལྷ་མོ་བཞི། །དུར་ཁྲོད་མ་མོ་ཕྲ་མེན་བརྒྱད། །སྲིད་པའི་མ་མོ་ཀུན་གྱིས་བསྐོར། །ཕྱོགས་བཞིར་རྒྱལ་པོ་ཆེན་པོ་བཞི། །དཔུང་བཞི་ཡན་ལག་དམག་དང་བཅས། །དུར་ཁྲོད་ཆེན་པོའི་ཕྱི་རོལ་དུ། །རྡོ་རྗེའི་རྭ་གུར་ཡེ་ཤེས་ཀྱི། །མེ་

[Full Size]

རི་དྲག་ཏུ་འབར་བའོ། །གཙོ་འཁོར་ཀུན་གྱི་སྤྱི་བོ་ནི། །ཨོཾ་དང་མགྲིན་པར་ཨཱཉིད་དང་། །ཐུགས་ཀའི་ཧཱུྃ་ལས་འོད་འཕྲོས་པས། །འོག་མིན་ལ་སོགས་སངས་རྒྱས་ཀྱི། །ཞིང་ཁམས་རྒྱ་མཚོར་བཞུགས་པ་ཡི། །ཡེ་ཤེས་མགོན་པོ་འཁོར་བཅས་ཀུན། །ནམ་མཁར་སྤྲིན་བཞིན་གཏིབས་པར་གྱུར། །ཧཱུྃ། དད་པ་དང་ནི་དམ་ཚིག་གིས། །སྤྱན་འདྲེན་དཔལ་ལྡན་ནག་པོ་ཆེ། །བདག་རྒྱུད་སྒྲིབ་པ་བསལ་བའི་ཕྱིར། །བརྩེ་བས་དགོངས་ཏེ་འདིར་བྱོན་ཅིག །ཧཱུྃ། སྐུ་གསུང་ཐུགས་ཀྱི་བདག་ཉིད་ཅན། །རྡོ་རྗེ་ནག་པོ་འཁོར་བཅས་རྣམས། །རང་བཞིན་གནས་ནས་སྐུ་བཞེངས་ལ། །བསྟན་པ་བསྲུང་ཕྱིར་འདིར་གཤེགས་ཤིག །འོག་མིན་གནས་མཆོག་དམ་པ་དང་། །ལྕང་ལོ་ཅན་གྱི་ཕོ་བྲང་དང་། །ནཱ་ལེནྡྲའི་གཙུག་ལག་དང་། །བསིལ་བ་ཚལ་གྱི་དུར་ཁྲོད་དང་། གཞན་ཡང་དུར་ཁྲོད་གནས་བརྒྱད་དང་། །ཕྱི་ཡི་རྒྱ་མཚོའི་འགྲམ་དག་དང་། །རང་བཞིན་གར་བཞུགས་གནས་མཆོག་ནས། །དཔལ་ལྡན་མགོན་པོ་འཁོར་བཅས་རྣམས། །རྣལ་འབྱོར་བདག་གིས་འབོད་པ་ལས། །གནས་འདིར་མྱུར་དུ་གཤེགས་སུ་གསོལ། །བྷྱོ༔ རི་

[Full Size]

རབ་ཆེན་པོའི་བྱང་ཤར་མཚམས། །གཡུ་མཚོ་མུ་ལེའི་མཐིང་དཀྱིལ་དབུས། །རིན་ཆེན་སྣ་ལྔའི་གཞལ་ཡས་ཁང་། །དེ་དབུས་གྲུ་གསུམ་ཐོད་མཁར་དང་། གྲུ་གསུམ་འབར་བའི་ཀློང་དཀྱིལ་ནས། །དཔལ་ལྡན་ལྷ་མོ་དུད་སོལ་མ། །སྐུ་མདོག་ནག་མོ་འཇིགས་པའི་གཟུགས། །ཞལ་གཅིག་ཕྱག་བཞི་བོང་བུ་ཆིབས། །འཁོར་ཡང་ནག་མོ་འབུམ་གྱིས་བསྐོར། གནས་འདིར་ཉིད་དུ་གཤེགས་སུ་གསོལ། །མགོན་པོ་ཀུན་གཤེགས་ཐུགས་རྗེ་ཅན། །ད་ལྟ་སྙིགས་མ་ལྔ་ཡི་དུས། །གཤེགས་ཤིང་བཞུགས་པའི་གནས་ངན་ཡང་། །འདྲེན་པའི་བསྟན་པ་སྲུང་བ་དང་། །སེམས་ཅན་ཀུན་ལ་ཕན་གདགས་ཕྱིར། །དམ་ཚིག་ཅན་ལ་རྗེས་བརྩེ་བས། །ནག་པོ་ཡབ་ཡུམ་འཁོར་དང་བཅས། །རྒྱལ་ཆེན་སྡེ་བཞི་དཔུང་དང་བཅས། །གནས་འདི་ཉིད་དུ་གཤེགས་སུ་གསོལ། །ཨོཾ་ཙ་ཏུར་ཧིས་བཛྲ་མ་ཧཱ་ཀཱ་ལ་དེ་ཝི་ཀ་ལི་ཙ་ཏུར་ར་ཛ་ས་པཱ་རི་ཝཱ་ར་བཛྲ་ས་མཱ་ཛཿ ཨེ་ཧྱ་ཧི་ཛཿཧཱུྃ་བཾ་ཧོ༔ ཧཱུྃ། སངས་རྒྱས་བསྟན་པ་སྲུང་བའི་མཐུ་རྩལ་ཅན། །དཔལ་ལྡན་མ་ཧཱ་ཀཱ་ལ་འཁོར་དང་བཅས། །བདུད་དང་མུ་སྟེགས་མ་ལུས་འདུལ་བ་དང་། །གདུག་པའི་དགྲ་

[Full Size]

བགེགས་མ་ལུས་འདུལ་བའི་ཕྱིར། །དྲག་པོའི་གཞལ་ཡས་དཀྱིལ་འཁོར་ཆེན་པོ་འདིར། །གཉིས་མེད་བརྟན་པར་བཞུགས་ནས་ཕྲིན་ལས་མཛོད། །བྷྱོ༔ རླུང་དམར་དྲག་པོའི་ཤུགས་ལྡན་བོང་བུའི་སྟེང་། །དུར་ཁྲོད་ཆེས་ལྡན་ཞབས་གཉིས་ལྕགས་སྒྲོག་མཛེས། །ཞལ་གདངས་མཆེ་གཙིགས་ཀི་ལི་ཀཱི་ལ་སྒྲོག །དཔལ་ལྡན་འདོད་ཁམས་དབང་ཕྱུག་གདན་ལ་བཞུགས། །དམ་ཚིག་པ་དང་ཡེ་ཤེས་གཉིས་མེད་གྱུར། །པདྨ་ཀ་མ་ལ་ཡེ་སྟི། དཔལ་ལྡན་མགོན་པོ་འཁོར་བཅས་ལ། །ཁྲག་ཆེན་འབར་བའི་ཨནྡྷཾ་དང་། །ཞག་ཆེན་འཁྲིགས་པའི་ཞབས་བསིལ་སོགས། །དབང་པོ་ལྔ་ཡི་མེ་ཏོག་དང་། །ཤ་ཆེན་སྤོས་དང་ཚིལ་ཆེན་སོགས། །ཞུན་ཆེན་སྣང་གསལ་མར་མེ་དང་། །སྣ་ཚོགས་དྲི་ཡི་བྱུག་པ་དང་།ཤ་ཆེན་ལྔ་ཡི་ཞལ་ཟས་དང་། །ཐོད་ཆེན་རྔ་དང་རྐང་ཆེན་དུང་། །དགྱེས་པའི་ཚུལ་གྱིས་བཞེས་སུ་གསོལ། །བཛྲ་མ་ཧཱ་ཀཱ་ལ་དེ་ཝ་ས་པཱ་རི་ཝཱ་ར་ཨནྡྷཾ་སོགས། ཤབ་པྲ་ཏིཙྪ་སྭཱ་ཧཱ། ཧཱུྃ་ཧཱུྃ་ལས་སྐྱེས་པའི་ནག་པོ་ཆེ། །པདྨ་ཉི་མའི་གདན་ལ་བཞུགས། །གདུག་པ་ཟིལ་གནོན་མེ་དཔུང་འབར། །མཐུ་ཆེན་ཁྱོད་ལ་ཕྱག་འཚལ་བསྟོད། །བྱ་རོག་

[Full Size]

མིང་ཅན་ནག་པོ་ཆེ། །ཞལ་གཅིག་ཕྱག་གཉིས་ཁྲོ་བོའི་གཟུགས། །ཞབས་གཉིས་སྤྱད་ཀྱི་སྟབས་ཀྱིས་བཞུགས། །སྟོབས་ཆེན་ཁྱོད་ལ་ཕྱག་འཚལ་བསྟོད། །ཆ་ལུགས་འཆང་བའི་ནག་པོ་ཆེ། །སྦྲུལ་དང་རིན་ཆེན་ཐོད་པས་བརྒྱན། །སྟག་ལྤགས་ཤམ་ཐབས་སྐུ་ལ་གསོལ། །དཔའ་བོ་ཁྱོད་ལ་ཕྱག་འཚལ་བསྟོད། །ཕྲིན་ལས་མཛད་པའི་ནག་པོ་ཆེ། །འབྲས་བུ་ཐོད་ཁྲག་ཞལ་དུ་གསོལ། །གདུག་པའི་མཚོན་ཆ་ཕྱག་ན་བསྣམས། །གསོད་བྱེད་ཁྱོད་ལ་ཕྱག་འཚལ་བསྟོད། །གཟི་མདངས་ལྡན་པའི་ནག་པོ་ཆེ་། །དབུ་སྐྲ་སེར་པོ་གྱེན་དུ་བརྫེས། །ཨག་ཚོམ་སྨིན་མ་མེ་ལྟར་འབར། །བརྗིད་པ་ཁྱོད་ལ་ཕྱག་འཚལ་བསྟོད། །སྙིང་རྗེས་ཁྲོས་པའི་ནག་པོ་ཆེ། །སྤྱན་གསུམ་སྡང་མིག་མེ་ལྟར་འབར། །རབ་ཏུ་འཁྲུགས་པའི་ཁྲོ་གཉེར་ཅན། །གཏུམ་ཆེན་ཁྱོད་ལ་ཕྱག་འཚལ་བསྟོད། །འཇིགས་པའི་གཟུགས་ཅན་ནག་པོ་ཆེ། །ཞལ་གདངས་མཆེ་བ་རབ་ཏུ་གཙིགས། །ལྗགས་འདྲིལ་ཧཱུྃ་ཧཱུྃ་སྒྲ་སྒྲོག་པ། །ཟ་བྱེད་ཁྱོད་ལ་ཕྱག་འཚལ་བསྟོད། །བྱང་ཆུབ་སེམས་ལྡན་ནག་པོ་ཆེ། །སངས་རྒྱས་སྤྱན་སྔར་ཁས་བླངས་པ། །བསྟན་པ་

[Full Size]

བསྲུང་བར་ཞལ་གྱིས་བཞེས། །དམ་ཅན་ཁྱོད་ལ་བདག་བསྟོད་དོ། །དམ་ལ་མ་འདའ་ནག་པོ་ཆེ། །བསྟན་པ་བསྲུང་བར་ཞལ་གྱིས་བཞེས། །བསྟན་པ་སྲུངས་ཤིག་ནག་པོ་ཆེ། །རྣལ་འབྱོར་སྐྱོངས་ཤིག་ནག་པོ་ཆེ། །བཀའ་བཞིན་སྒྲུབས་ཤིག་ནག་པོ་ཆེ། །གལ་ཏེ་དམ་ལས་འདས་གྱུར་ན། །དུས་གསུམ་སངས་རྒྱས་ཁྱོད་ཀྱིས་བསླུས། །ཁྱོད་ནི་ཉམས་པར་འགྱུར་ཏ་རེ། །དེ་བས་དམ་ལ་མ་འདའ་ཞིག །ཨོཾ་བཛྲ་མ་ཧཱ་ཀཱ་ལ་ས་མ་ཡ་ཧ་ན་ཧ་ན་ཧཱུྃ་ཕཊ། དཔལ་ལྡན་ལྷ་མོ་དུད་པའི་སོལ་བ་མ་ཁྱོད་ཀྱིས་བདག་ལ་སྐུ་མངོན་སུམ་དུ་སྟོན་ཅིག །སྐུ་མངོན་སུམ་དུ་མི་སྟོན་ན་ཡང་། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་སོགས་པའི་སྤྱན་སྔར། ཇི་ལྟར་ཁས་བླངས་དམ་བཅས་པ་བཞིན་དུ། སངས་རྒྱས་ཀྱི་བསྟན་པ་གཉན་པོ་བསྲུང་བ་དང་བླ་མ་དམ་པ་རྣམས་ཀྱི་ཕྲིན་ལས་སྒྲུབས་ཤིག །སྔགས་འཆང་སྒྲུབ་པ་པོ་བདག་གི་དགྲ་བགེགས་ཐམས་ཅད་སྒྲོལ་ཅིག །ཚེ་དང་དཔལ་སྐྱེད་ཅིག །བདག་ཅག་དཔོན་སློབ་མི་ནོར་ལ་གནོད་པར་བྱེད་པའི། ནད་གདོན་ཡམས་ནད་རིམས་ནད་ཐམས་ཅད་ཞི་བར་མཛོད་ཅིག །གཞན་ཡང་བདག་གི་

[Full Size]

ཡིད་ལ་གང་འདོད་པ་དེ་ཁྱོད་ཀྱིས་འགྲུབ་པར་གྱིས་ཤིག །དེ་ལྟར་མི་བྱེད་ན་ཁྱོད་དམ་ཚིག་ཆེན་པོས་རབ་ཏུ་གཟིར་བར་བྱའོ། །ཨོཾ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོཿ ཨེ་ཨཱ་རལླི་ཧཱུྃ་ཛ་ཧ་ན་ཧ་ན་བཛྲ་ཀྲོ་ཏ་ས་མ་ཡ་མ་ཏི་ཀྲ་མ་ནན་ཧཱུྃ་ཕཊ༔ སྔོན་གྱི་དམ་ཚིག་གཉན་པོ་དགོངས། །སླར་ཡང་ཐུགས་ཀའི་འོད་ཟེར་གྱིས། །རྒྱལ་བ་རིགས་ལྔ་ཡུམ་བཞི་དང་། །སེམས་དཔའ་སེམས་མ་ཁྲོ་བོ་དང་། །ཁྲོ་མོ་སྤྱན་དྲངས་བདུད་རྩིའི་ཆུས། །དབང་བསྐུར་སྐུ་གང་དྲི་མ་དག །ཆུ་ལྷག་སྤྱི་བོར་བརྟེན་པ་ལས། །གཙོ་བོར་བདེ་མཆོག་ལྷན་སྐྱེས་དང་། །འཁོར་རྣམས་ཀུན་ལ་བཅོམ་ལྡན་འདས། །མི་བསྐྱོད་རྡོ་རྗེས་དབུ་བརྒྱན་གྱུར། །བདག་ཉིད་བཅོམ་ལྡན་འཁོར་ལོ་སྡོམ། །གསལ་བའི་ཐུགས་ཀར་ཟླ་བའི་སྟེང་། །དཀྱིལ་འཁོར་དབུས་སུ་ཧཱུྃཡིག་མཐར། །ཡི་གེ་བདུན་པོ་རབ་ཏུ་གསལ། །མགོན་པོའི་ཐུགས་ཀར་ཉི་སྟེང་ཧཱུྃ། །དམར་པོ་འོད་ཟེར་འབར་བའི་མཐར། །ཨོཾ་མ་ཧཱ་ཀཱ་ལ་ཧཱུྃ་ཕཊ༔ ཅེས་པའི་སྔགས་ཕྲེང་འཁོར་བར་བསམ། །རང་གི་ཐུགས་ཀའི་ཧཱུྃཡིག་ལས། །འོད་འཕྲོས་དཔལ་ལྡན་ནག་པོ་ཆེའི། །ཐུགས་ཀར་ཕོག་

[Full Size]

པས་ཐུགས་རྗེ་ཆེ། །བསྐུལ་ཏེ་དངོས་གྲུབ་བྱིན་རླབས་ཀུན། །འོད་ཟེར་ཁ་དོག་སྣ་ཚོགས་ཚུལ། །མགོན་པོའི་ཞལ་ནས་བདག་ཉིད་ཞལ། །ཞུགས་ནས་ཐུགས་ཀར་ཐིམ་པའི་མོད། །ཡེ་ཤེས་མགོན་པོ་འཁོར་བཅས་ལ། །སྤྲུལ་པའི་ཕོ་ཉ་མང་འཕྲོས་ཏེ། །བདུད་བཞི་བཏུལ་ཞིང་ཕྲིན་ལས་བཞི། །ཐོགས་པ་མེད་པར་འགྲུབ་པར་གྱུར། །ཅེས་མན་ངག་ལྟར་བསྙེན་ནོ། །ཨོཾ་ཁཎྜ་རོ་ཧེ་སོགས། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་དང་ཀཾ་ལས་ནི། །མི་མགོ་གསུམ་གྱི་སྒྱེད་པུའི་སྟེང་། །ཨ་ལས་ཡེ་ཤེས་ཀ་པཱ་ལར། །ཤ་ལྔ་བདུད་རྩི་ལྔ་པོ་དང་། །བདུད་དགྲའི་ཤ་རུས་སྤུང་པ་ལས། །ཨོཾ་ཨཱཿཧཱུྃ་གིས་སྐུ་གསུང་ཐུགས། །ཡེ་ཤེས་བདུད་རྩིར་བྱིན་གྱིས་བརླབས། །ལྷ་ཚོགས་དེ་དག་ཐམས་ཅད་ཀྱིས། །ཧཱུྃ་ལས་བྱུང་བའི་རྡོ་རྗེའི་ལྗགས། །འོད་ཀྱིས་སྦུ་གུས་བདུད་རྩི་རྣམས། །དྲངས་ཤིང་གསོལ་བས་མཉེས་པར་གྱུར། །ༀ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀྵ་སྲོག་དུང་དུང་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལི་དེ་ཝི་རུ་པི་ནི་ཧཱུྃ་

[Full Size]

བྷྱོ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་སེང་ཧ་མུ་ཁ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་རཀྟ་དུ་བི་ཛཿ ཨི་དཾ་བ་ལིཾ་ཏཁ་ཁ་ཁཱ་ཧི་ཁཱ་ཧི། ཨོཾ་དྷི་ཏྲ་སྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་གྷ་རུ་ཊ་སྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཀཾ་ཀ་རྩེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཧུ་ལུ་ཀཱ་སྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཝཱ་ར་སྱ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤཱ་ན་སུ་ཧཱུྃ་ཧཱུྃ་ཕཊ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་གྷ་ལ་་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བྱུ་གྷི་སྱེ་ཧཱུྃ་ཧཱུྃ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཡ་ཤ་ས་ན་ཨུ་པ་ཧ་རི་ཎི། ཨེ་ཥ་ཨ་པིཉྩ་མ་ཧཱ་ཀ་ལོ་ཨ་ཡཾ། ཨི་དཾ་རཏྣ་ཏྲ་ཡཱ་ཡ། ཨ་པ་ཀ་རི་ཎི། ཡ་ཏི་པྲ་ཏི་ཛྙཱ། སྨ་ར་སི་ཏ་ད། ཨི་དམ་དུཊྚཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲིཉྩ་གྲིཉྩ༔ བྷནྡྷ་བྷནྡྷ། ཧ་ན་ཧ་ན། ད་ཧ་ད་ན། པ་ཙ་པ་ཙ། དེ་ན་མེ་ཀི་ན་ཧཱུྃ་ཕཊ༔ ཨོཾ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་

[Full Size]

ཧི་ཁཱ་ཧི། ༀ་མ་ཧཱ་མཾ་ས་ལ་ཁཱ་ཧི། རཀྟ༴ ཙིཏྟ༴ གོ་རོ་ཙ་ན༴ བ་སུ་ཏ་ལ༴ ཨོཾ་ཨི་དཾ་བ་ལི་ཏ་གྷིཧྥ་གྷཾནྟ་ས་མ་ཡ་ཧཱུྃ་ཕཊ༔ ཨོཾ་ཨ་ཀཱ་རོ༴ ཨོཾ་དྷིཥྛ་རཥཱ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བྷེ་རུ་ཌྷ་ཀ་ཡེ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་བྷེ་རུ་པཀཱ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བྷེ་ཤཱ་མ་ཎ་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཡཀྟ་དེ་ཝ་བྷ་ཏི་དྷི་དྷ་ཧེ་ལུ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཤྲཱི་མ་ཧཱ་ཀཱ་ལ་ཁྲག་འཐུང་གི་རྒྱལ་པོ། ཕྱག་བཞི་པ། བྱ་རོག་གི་མཚན་ཅན། སྐུ་གསུང་ཐུགས་ཀྱི་སྤྲུལ་པ། ལས་མགོན་ཡུམ་མཆོག །རྩ་འཇིབ་དམར་མོ། ལེགས་ལྡན་ནག་པོ། ཕྱོགས་ཀྱི་མཁའ་འགྲོ་བརྒྱད་སོགས། རང་འདྲའི་སྤྲུལ་པ་ལས་མཁན་འཁོར་ཚོགས། བཀའ་སྡོད་མཐུ་བོ་ཆེ་རྣམས་དང་། ནག་པོ་སྟོང་ཤ་ཟ་འབུམ། མ་མོ་བྱེ་བ། གནོད་སྦྱིན་ཁྲི། ཁྲབ་ཅན་བྱེ་བ་དུང་ཕྱུར་གྱིས་བསྐོར་བ། བསྟན་པའི་བཀའ་སྲུང་། དམ་ཉམས་ཀྱི་སྲོག་གཅོད། མནའ་ཟན་གྱི་གཤེད་པོ། རིག་འཛིན་གྱི་སྲོག་ཤིང་། རྣལ་འབྱོར་གྱི་དགྲ་བླ། དུག་གསུམ་ནད་ཀྱི་

[Full Size]

སྨན་པ། གཙུག་ལག་ཁང་དང་དཀྱིལ་འཁོར་གྱི་སྲུང་མའི་ཚོགས་དང་བཅས་པ་རྣམས་ལ་དམ་རྫས་བདུད་རྩིའི་གཏོར་མ། དངོས་འབྱོར་ཡིད་སྤྲུལ་གྱི་མཆོད་པ། རྒྱ་ཆེན་པོ་འདིས་གསོལ་ལོ་མཆོད་དོ་བསྟོད་དོ། །དེ་དག་གི་མཐུས་རྣལ་འབྱོར་པ་བདག་གི་བཀའ་དང་བསྟན་པ་སྲུང་། ཚེ་དང་དབང་ཕྱུག་སྤེལ། དཔལ་དང་གྲགས་པ་སྒྲུབས། འཁོར་དང་གང་ཟག་སྐྱོངས། བདུད་དང་བར་ཆད་ཟློག །མི་ནོར་ཟས་གསུམ་སྡུས། དགྲ་བགེགས་ཐལ་བར་རློགས། །ཕྲིན་ལས་རྣམ་བཞི་སྒྲུབས། རྟག་ཏུ་སྲུང་སྐྱོབ་མཛོད་ཅིག །དཔལ་ལྡན་ལྷ་མོ་དུད་པའི་སོལ་བ།་གསོད་བྱེད་མ་གསུམ་རིགས་བཞིའི་ལྷ་མོ་དུར་ཁྲོད་ཀྱི་མ་མོ་བརྒྱད། ཕྲ་མེན་མ་བརྒྱད། སྒོ་མ་བཞི་སོགས་སྲིད་པའི་མ་མོ་མཁའ་འགྲོ་ཐམས་ཅད་ལ་གསོལ་ལོ། །མཆོད་དོ་འབུལ་ལོ། །མཉེས་རབ་ཀྱི་ཕུད་དང་དགྱེས་རབ་ཀྱི་མཆོད་པ་དམ་པ་འདི་མཛོད་ལ། བདག་ཅག་རྣལ་འབྱོར་པ་མི་ནོར་འཁོར་དང་བཅས་པའི། ནད་ཀྱི་རིགས་སུ་གྱུར་པ། རླུང་ལས་གྱུར་པ། མཁྲིས་པ་ལས་གྱུར་པ། བད་ཀན་ལས་གྱུར་པ། འདུས་པ་ལས་གྱུར་པ།་ནད་རིགས་བཞི་

[Full Size]

བརྒྱ་རྩ་བཞི་པོ་ཐམས་ཅད་ཞི་ཞིང་བཟློག་པར་མཛོད་ཅིག །ཡམས་ནད་རིམས་ནད་མི་ནད་ཕྱུགས་ནད་ཐམས་ཅད་རྒྱུན་ཆད་པ་དང་མི་འབྱུང་བའི་ཕྲིན་ལས་རྒྱ་ཆེན་པོ་མཛོད་ཅིག །་རྒྱལ་པོ་ཆེན་པོ་ཡུལ་འཁོར་སྐྱོང་དང་། འཕགས་སྐྱེས་པོ་དང་། སྤྱན་མི་བཟང་དང་། རྣམ་ཐོས་སྲས་དང་། བཙུན་མོ་དང་བཅས་པ། འཁོར་དཔུང་ཚོགས་དང་བཅས་པ། གནོད་སྦྱིན་གང་པོ་དང་རབ་མཛེས་མ་ཀླུ་རྒྱལ་གང་པོ་དང་མཛེས་མ་རྣམས་ལ། གསོལ་ལོ། །མཆོད་དོ། །མཉེས་ཤིང་ཚིམས་ནས་བདག་ཅག་དཔོན་སློབ་བསྲུང་བྱ་རྣམས་ལ། བར་ཆད་ཐམས་ཅད་ཀྱིས་མི་ཚུགས་པ་དང་སྟོབས་དང་མངའ་ཐང་བསོད་ནམས་ལོངས་སྤྱོད་འཕེལ་ཤིང་རྒྱས་པ་དང་། ཕྱོགས་བཞིའི་དགྲ་བགེགས་ཐམས་ཅད་འདུལ་བའི་ཕྲིན་ལས་རྒྱ་ཆེན་པོ་མཛོད་ཅིག །དཔལ་ལྡན་རྡོ་རྗེ་ནག་པོ་ཆེ། །ལྕམ་དྲལ་བཀའ་འཁོར་བཅས་པ་ཡི། །ཟག་མེད་བདེ་ཆེན་བསྐྱེད་གྱུར་པའི། །བདུད་རྩི་རོ་མཆོག་མྱོང་མཛད་པ། །བསོད་ནམས་ཚོགས་ཆེན་གང་བསགས་དེས། །རྩ་བརྒྱུད་བླ་མའི་བཀའ་དང་ནི། །རང་དམ་གཉེན་པོ་དགོངས་པ་ལྟར། །སངས་རྒྱས་བསྟན་དང་སེམས་ཅན་དོན། །འབད་པ་

[Full Size]

མེད་པར་འགྲུབ་མཛད་ཅིང་། །ཁྱད་པར་གསོལ་འདེབས་བདག་རྒྱུད་ལ། །མཆོག་དང་ཐུན་མོང་དངོས་གྲུབ་སྩོལ། །དེ་ལ་འགལ་རྐྱེན་གང་མཆིས་པ། །་ཕྲིན་ལས་རྣམ་བཞིའི་སྒོ་ནས་ནི། །ཚར་གཅོད་རྗེས་འཛིན་མཛད་དུ་གསོལ། །ཧཱུྃ།་ཡན་ལག་བརྒྱད་ལྡན་སྨན་གྱི་ཆབ། །མི་ཁྲག་གྲི་ཁྲག་དང་འདྲེས་པའི། །དུག་ཆུ་ཁོལ་མའི་མཆོད་ཡོན་འདི། །མ་མགོན་འཁོར་བཅས་མདུན་དུ་འབུལ། །པདྨ་ཨུཏྤལ་སྔོན་པོ་དང་། །བཙན་དུག་ར་དུག་དུག་ཤིང་གི །མེ་ཏོག་སྔོན་པོ་དྲི་ངད་ཅན། །མ་མགོན་འཁོར་བཅས་དབུ་ལ་འབུལ། །གུ་གུལ་ཨ་ག་རུ་དག་དང་། །རྔ་མོང་བོང་བུའི་བདུད་རྩི་དང་། །ཤ་ཆེན་ཚིལ་ཆེན་བདུག་སྤོས་འདི། །མ་མགོན་འཁོར་བཅས་ཤངས་ལ་འབུལ། །རྩི་མར་འབྲུ་མར་སྣང་གསལ་དང་། །ར་ཚིལ་ཁྱི་ཚིལ་ཕག་ཚིལ་དང་། །ཞུན་ཆེན་སྣང་གསལ་སྒྲོན་མེ་འདི། །མ་མགོན་འཁོར་བཅས་སྤྱན་ལ་འབུལ། །ཙན་དན་ག་པུར་གླ་རྩི་དང་། །ཤ་རུལ་ཁྲག་རུལ་དུག་སྦྱར་བའི། །དམར་ནག་འཁྲུགས་པའི་དྲི་ཆབ་འདི། །མ་མགོན་འཁོར་བཅས་ཐུགས་ཀར་འབུལ། །རོ་བརྒྱ་ལྡན་པའི་ཟས་མཆོག་

[Full Size]

དང་། །ནས་ནག་ཏིལ་ནག་བྲ་བོ་ནག །ཚིགས་མ་ནག་པོའི་ལྷ་བཤོས་འདི། །མ་མགོན་འཁོར་བཅས་ཞལ་དུ་འབུལ། །རྔ་དང་རྗེའུ་ཆུང་ཏིང་ཏིང་ཤག །མི་རྐང་དུང་དང་ཌ་མ་རུ། །རོལ་མོ་སིལ་སྙན་གྱེར་མ་དབྱངས། །མ་མགོན་འཁོར་བཅས་སྙན་ལ་འབུལ། །ཨོཾ་བཛྲ་མ་ཧཱ་ཀཱ་ལ། དྷེ་ཝི་ཀཱ་ལི་ཙ་ཏུར་རཱ་ཛ་ས་པ་རི་ཝཱ་ར་ཨརྒྷཾ་པུཎྜེ་སོགས། ཤབ་པྲ་ཏཱིཙྪ་སྭཱ་ཧཱ། ཤེས་རབ་མ་དཱ་ན་ཡི་ཆང་། །ཐབས་ཀྱི་ཚྭ་ས་བ་ལི་ཟན། །དམ་རྫས་བདུད་རྩིའི་ཚོགས་ཕུད་འདི། །མ་མགོན་འཁོར་དང་བཅས་ལ་འབུལ། །བཛྲ་མ་ཧཱ་ཀཱ་ཚེལ་དེ་ཝི་ཀ་ལི་ས་པ་རི་ཝཱ་ར་པཉྩ་ཨ་མྲྀ་ཏ་ཨོཾ་ཨཱཎཱཧཱུྃ། ཆར་སྤྲིན་གཡོ་བ་དང་མཚུངས་རྔ་རྔོག་བཟང་། །གློག་གི་ཞགས་ལྟར་མྱུར་མགྱོགས་གོམ་སྟབས་ཅན། །རླུང་གི་ཤུགས་དང་འདོད་དགུའི་འགྲོས་ལྡན་པ། །མྱུར་མགྱོགས་རྒྱན་གྱིས་བརྒྱན་པ་གྲངས་མེད་འབུལ། །འདམ་བུའི་ཚལ་བཞིན་རིང་ཞིང་འཚུབ་པ་ཡི། །སྤུ་གཞོལ་གྱིས་གཡོགས་མདུང་རྩེ་ལས་རྣོ་རྭ། །ཡན་ལག་རགས་ཤིང་སྤུ་གྲིའི་རྨིག་པ་ཅན། །གཡག་ནག་རྒྱན་དང་ལྡན་པ་གྲངས་མེད་འབུལ། །རི་དྭགས་དགྲ་ལྟར་དྲག་གཏུམ་མི་བཟད་པའི། །ཁ་གདངས་མཆེ་

[Full Size]

གཙིགས་རོ་འཛིན་གཅོད་པ་ནི། །མུན་ནག་གློག་ཕྲེང་ཟླ་ཕྱེད་འཕྲོག་པ་བཞིན། །ནོར་སྐྱོང་གཏུམ་པོ་རྒྱུན་གྱིས་བརྒྱན་ཏེ་འབུལ། །མུན་པ་ལྟར་ནག་སྤྱི་ཡི་ཚོགས་འཁྲུགས་ཤིང་། །དུང་ལྟར་དཀར་བའི་རྭ་འཁྱིལ་རྣམ་པར་མཛེས། །གསེར་སྦྱང་བཙོ་མའི་མདངས་ཆགས་མིག་གཡོ་བའི། །ལུག་ནག་རྒྱན་དང་ལྡན་པ་གྲངས་མེད་འབུལ། །གནམ་ལྕགས་བབས་ཀྱང་འབིགས་པར་མི་བཟོད་ཅིང་། །གཡུལ་གྱི་མཚོན་ཆའི་ངེར་རྣམས་ཉམས་བྱེད་པའི། །གཏུམ་པོའི་ལུས་ལ་མི་ཤིགས་སྐྱོབས་པ་ཡི། །དངུལ་ཆུ་ལྟར་འཚེར་ཁྲབ་རྣམས་ཁྱོད་ལ་འབུལ། །སྤྲིན་དཀར་དུམ་བུའི་ཕུང་པོར་གྱུར་པ་བཞིན། །བཅུ་དྲུག་བྱང་བུ་བསྡེབ་པའི་རྨོག་བཟང་པོ། །ཀླད་ན་གངས་ཀྱི་རི་ལ་རྔམས་པ་ཡིས། །ཕོད་དཀར་ལྡེམ་པ་དུ་མ་ཁྱོད་ལ་འབུལ། །ཆང་ཟུང་རབ་བརྟན་ལོགས་ཀུན་མེ་རི་འཁྱུག །མཆོག་ཏུ་མཁྲེགས་པའི་ངར་ལྡན་རབ་རྣོ་བས། །གང་ལ་འདེབས་པར་བགྱིས་པ་ཐལ་བར་རློགས། །རལ་གྲི་དུ་མ་ཁྱོད་ལ་གུས་པས་འབུལ། །རླུང་ལྟར་མགྱོགས་པའི་རྟ་ནག་རྟིང་དཀར་དང་། །གཡག་ནག་རུ་རྣོ་སྤུ་གཞོལ་བརྗིད་ཅིང་ཆེ། །ཁྱི་

[Full Size]

ནག་དོམ་བུ་གཏུམ་ཞིང་འཇིགས་པའི་གཟུགས། །ལུག་ནག་རྒྱུན་ལྡན་ཚོགས་རྣམས་འབུལ་བར་བགྱི། །གཞོམ་མེད་རྡོ་རྗེའི་གོ་ཆ་དུ་མ་དང་། །ཕ་རོལ་བདུད་དཔུང་གཅོད་པའི་མཚོན་ཆའི་ཚོགས། །ཕྱི་ནང་གསང་བའི་རྟེན་རྫས་སྒྲུབ་རྫས་དང་། །མཆོད་པའི་སྤྲིན་ཕུང་བསམ་གྱིས་མི་ཁྱབ་འབུལ། །དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ་ནི། ཨོཾ་འགྲུབ་པར་གྱུར་ཅིག་ཧཱུྃ་ཧཱུྃ་ཕཊ་ཅེས་དྲག་པོའི་སྒྲ་ཡིས་སྲིད་པ་གསུམ་གྱི་ཁོངས་རྣམས་མ་ལུས་འགེངས་ནུས་ཤིང་། །ཧ་ཧ་ཊ་ཊ་ཞེས་བཞད་གང་གི་དུས་ཀུན་ཏུ་ནི་ཤིན་ཏུ་རབ་ཏུ་འཇིགས་མཛད་པ། །ཀཱཾ་ཀཱཾ་ཀཱཾ་ཞེས་ཐོད་པའི་ཕྲེང་བས་དབུ་ལ་སྤྲས་ཤིང་ནག་པོའི་ཆུ་དང་མཚུངས་པའི་སྐུ། །ཧཱུྃ་ཧཱུྃ་ཧཱུྃ་ཞེས་ནུས་པ་མཆོག་གིས་ཁྲོ་གཉེར་འཇིགས་མཛད་འཇིགས་པའི་ཁ་གདངས་ཤ་ཟ་ཞིང་། །དབུ་སྐྲ་དང་ནི་སྨ་ར་སྨིན་སེར་ཉེ་བར་བསྐྱོད་པའི་ཞིང་སྐྱོང་ཁྱོད་ཀྱིས་སྲུང་བར་མཛོད། །རཾ་རཾ་རཾ་ཞེས་སྤྱན་དམར་འཁྲུགས་ཤིང་བསྒྱུར་མཛད་ཀྲུ་ཀྲུ་ཀྲུ་ཞེས་རབ་འཕྲོས་སྤྱན་གྱིས་གཟིགས། །རྡོ་རྗེའི་གློག་སྟོང་འགྱུ་བའི་སྔགས་སྒྲ་ཧྲི་ཧྲིབསྒྲོགས་པས་དཔའ་བོའི་མངའ་བདག་རྣལ་འབྱོར་པ་རྣམས་ལ། །སྨིན་མ་སེར་ཞིང་མཆེ་གཙིགས་རོ་

[Full Size]

ཡི་གདན་ལ་དགྱེས་པའི་ཞིང་སྐྱོང་ཁྱོད་ཀྱིས་སྐྱོང་བར་མཛོད། །ཧ་ཧ་ཧཱུྃ་དང་ཀཱི་ལི་ཀཱི་ལ་ཞེས་སྒྲོག་ཕྱག་གཡོན་ཁ་ཊཾ་གར་བཅས་ཐོད་པ་བསྣམས། །རུ་རུ་རུ་ཞེས་ཁྲག་རྒྱུན་འབབ་པ་ཕྱག་གིས་བསྣམས་ཤིང་གསོལ་མཛད་འཐུང་བ་ལ་དགྱེས་ཤིང་། །ཁཾ་ཁཾ་ཁཾ་ཞེས་གཏུམ་པོའི་ཕྱག་གཡས་གྲི་གུག་རལ་གྲིས་བགེགས་རྣམས་ལ་ནི་རོལ་མཛད་པ། །ཀྲྀ་ཊཾ་ཊ་ཞེས་ཌཱ་མ་རུ་ཅན་དེ་ཡིས་འདུལ་མཛད་འཁོར་བཅས་ཞིང་སྐྱོང་ཁྱོད་ཀྱིས་སྲུངས། །རབ་ཏུ་རྔམ་ཞིང་མགོ་བོ་རྣམས་ཀྱི་ཕྲེང་བས་གཤིན་རྗེ་དང་མཚུངས་འཇིགས་པའི་སྐུ་བརྒྱན་ཅིང་། །ཀྵི་ཀཱི་ཀྲི་ཞེས་བཟོད་པར་དཀའ་བའི་གཟུགས་ཅན་ཅ་ཅོ་སྒྲོག་པར་བྱེད་པའི་གདུག་པ་རྣམས་བཟུང་སྟེ། །གཅིག་པུས་སྣ་ཚོགས་མནན་ཅིང་མནན་ནས་ཀ་ཧ་ཀ་ཧྭ་བརྗོད་མཛད་ཆར་སྤྲིན་སྔོན་པོའི་མདོག །སྐུ་ལ་མི་ཡི་ཤ་དང་རྒྱུ་མས་སྦྲེལ་བའི་ཕྲེང་བས་ཀུན་ནས་བརྒྱན་ཅིང་ཞལ་དུ་གསོལ། །དྲག་ཤུལ་ཕྱག་གིས་འདོད་པའི་གཟུགས་དང་མི་སྡུག་པ་ཡི་གཟུགས་ཅན་གྱིས་ནི་འབྱུང་པོ་རོ་ལངས་ཚོགས། །མ་ལུས་བཟུང་ནས་མྱུར་དུ་བསད་པ་རྣམས་ཀྱི་མགོ་བོ་ཁྲག་རྒྱུན་འབབ་པ་རབ་ཏུ་གསོལ། །ཧྲི་ཏྟཾ་ཤྲཱི་ཡི་སྔགས་ཀྱི་

[Full Size]

གསུངས་ཅན་པ་ཙ་པ་ཙའི་སྔགས་ཀྱིས་བགེགས་རྣམས་རབ་ཏུ་བསྲེགས། །རོལ་པས་རོལ་པ་སེལ་ཞིང་མི་ཡིས་གང་བའི་ས་ལ་ཞིང་སྐྱོང་ཁྱོད་ཀྱིས་སྲུང་བར་མཛོད། །ཝེ་ཕེཾ་ཕེཾ་རེས་སྒྲོགས་པས་སོ་སོར་བསྐྱོད་པའི་མེ་དཔུང་ཆེན་པོའི་དབུས་སུ་བཞུགས་ནས་སུ། །རིགས་ཀྱི་ལུས་ཅན་སྐྱོང་བར་མཛོད་ཅེས་སྒྲུབ་པོ་རྣམས་ཀྱིས་ཞིང་རྣམས་ངེས་པར་ཞིང་སྐྱོང་མཛོད་། །ཕྱུགས་རྣམས་ཀྱིས་ནི་ཉིན་རེ་བཞིན་དུ་བགེགས་དང་སྡིག་འཇོམས་དྲི་མེད་བརྙེས་པ་ཆུ་ཉི་བཞིན། །ཅི་ཙོ་ཙ་ཞེས་གཏུམ་པོའི་ཤུགས་ཀྱིས་རབ་གཡོས་རྨད་བྱུང་ས་ཡི་འཇིག་རྟེན་སྣང་མཛད་པ། །ཀྲཾ་ཀྲཾ་ཀྲཾ་ཞེས་གཤེགས་པས་དགྲ་བོ་ཉོན་མོངས་པ་རྣམས་ངེས་པར་ཉོན་མོངས་འཇོམས་མཛད་ཅིང་། །སཾ་སཾ་སཾ་ཞེས་ཚོགས་པའི་བདག་ཉིད་དམ་ཚིག་་༈ ཐོས་འཛིན་ཞིང་སྐྱོང་གང་ཡིན་ཁྱོད་ཀྱིས་སྐྱོང་། །ཐཾ་ཐཾ་ཐཾ་ཞེས་གཤིན་རྗེ་ལྟར་ཁྲོ་དྲི་མ་མེད་པའི་སྣ་ཚོགས་ཆུ་བཞིན་གཟིགས་མཛད་ཅིང་། །ཡཾ་ཡཾ་ཡཾ་ཞེས་རླུང་གི་ཤུགས་ཀྱིས་མྱུར་དུ་རྒྱུ་ཞིང་ཉོན་མོངས་འཇིག་རྟེན་གནོད་བྱེད་མཁྱེན། །ཀླཾ་ཀླཾ་ཀླཾ་ཞེས་གདུག་པའི་གཟུགས་ཀྱིས་སྲིད་གསུམ་ཉིན་མཚན་དུས་ཀུན་ཉོན་མོངས་གྱུར་པ་གང་། །ཀྵཾ་ཀྵཾ་ཀྵཾ་ཞེས་ཕན་པར་

[Full Size]

མཛད་ཅིང་གནོད་པ་སྐད་ཅིག་གིས་སེལ་ཞིང་སྐྱོང་ཁྱོད་ཀྱིས་སྐྱོངས། །པཾ་པཾ་པཾ་ཞེས་ཐུགས་རྗེའི་ཞགས་པས་བྱོལ་སོང་རྣམས་འཛིན་ཕྱག་གིས་གདུལ་བྱ་རྣམས་སྐྱོང་བ་། །སྔགས་བདག་སྔགས་ཀྱིས་གཟུགས་ཅན་ཐུགས་ཀྱི་སྔགས་པ་རྣམས་ལ་བློ་གྲོས་འབྲས་བུ་མཚུངས་མེད་སྟེར། །ཞིང་རྣམས་སྐྱོང་བར་མཛད་པ་ཁྱེད་ཀྱིས་འགྲོ་བའི་ལུས་རྣམས་མ་ལུས་ཡུན་རིང་བསྐྱང་དུ་གསོལ། །སྒྲུབ་པ་པོ་རྣམས་སློབ་དཔོན་གང་ཞིག་དམ་ཚིག་ཐོས་འཛིན་གང་ཡིན་བློ་ལྡན་གྱུར་པ་དག །ཐུན་གསུམ་དུ་ནི་སྔགས་རྣམས་བརྒྱད་པོ་ཀློག་བྱེད་དེ་ནི་བསོད་ནམས་ལྡན་པར་འགྱུར་བ་དང་། །ཚེ་དང་དཔལ་དང་གྲགས་དང་མཐུ་སྟོབས་འབྱོར་པ་འཛིན་དང་གཟི་བརྗིད་རྒྱས་པ་མཚུངས་མེད་སྟེར། །ས་སྟེང་དང་ནི་མཐོ་རིས་སུ་ཡང་བགེགས་ཀྱི་ཚོགས་རྣམས་རྟག་ཏུ་ཉམས་པར་འགྱུར། །ཡང་དུད་སོལ་མའི་བསྟོད་པ་རྐང་པ་བརྒྱད་པ་ནི། བྷྱོཿ ཏིལ་མར་གྱིས་བསྐུས་ལེན་བུ་གཅིག་འཕྱང་རོ་ཉེའི་རྣ་ཆས་སྒེག་ཅིང་རྒྱན་རྣམས་མ་ལུས་འཆང་། །རྒྱུན་དུ་རྐང་སྒྲོག་ལྕགས་ལ་བྱས་ཤིང་གཅིག་གིས་རང་གི་རྐང་པ་མཛེས་པར་བྱས་པ་སྟེ། །གཅེར་བུ་བོང་བུ་ཞོན་ནས་འགྲོ་བ་འདི་ན་རྒྱུ་བ་དེ་ནི་

[Full Size]

ལྷ་མོ་ཁྱོད་ཉིད་ཀྱི། །བདག་ཉིད་མཛེས་པར་ཤེས་ཀྱི་གཞན་ལྟས་ཁྱོད་ཀྱི་སྤྱོད་པའི་མཚོ་ཆེན་དོན་དག་སུ་ཡིས་ཤེས། །འཁོར་བ་འཇིག་པའི་ཚེ་ན་མི་ལུས་དག་ལས་ཁྲག་དང་ཞག་འཛག་དུད་པ་འཐུལ་བ་ན། །ལྷ་མོ་མི་བཟད་མཆེ་གཙིགས་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཙམ་གྱིས་ཞུགས་པར་གྱུར། །ནག་མོ་མི་ཐོད་ཐོགས་པ་ཁྱོད་ནི་རྣལ་འབྱོར་གྲུབ་པའི་སྤྱོད་ཡུལ་ཅན་ཏེ་དུར་ཁྲོད་དགྱེས། །ཁྱོད་ནི་གཡོ་ཅན་མནན་ཅིང་ནད་དང་འཆི་བའི་འཇིག་སེལ་ཞི་ལ་མི་བཟད་དྲིལ་འཆང་སྒྲོག །ཁྱོད་ནི་དཔའ་བོ་དག་གི་མགོ་བོའི་ཅོད་པན་ལེགས་སྤྱད་གཡུལ་དུ་མཚོན་གྱིས་བཅད་པ་ཡི། །ཕྲེང་བ་ཐོགས་ཤིང་གར་བྱེད་ལག་པ་གཉིས་བརྐྱང་རྐུབ་ཚོས་ཆེ་ལ་ཀླུ་དབང་བཤིབ་པ་ཡི། །སྐ་རགས་འཆིང་ཞིང་ལག་ན་མདུང་དང་རལ་གྲི་ཐོགས་ནས་ཁྲག་དང་ཆང་གིས་མྱོས་གྱུར་པ། །མིག་རྩ་དམར་པོར་གྱུར་ཅིང་མཚན་མོ་དུར་ཁྲོད་ཉུལ་བ་འབྱུང་པོ་ཕལ་ཆེར་རྣམས་ཀྱིས་མཐོང་། །ཀོ་རློན་ཆེན་པོ་དྲལ་ཏེ་བརྒྱང་བའི་གོས་ཀྱིས་སྟོད་གཡོགས་སྨད་ནི་རེ་ལྡེ་སེར་པོའི་ཤམ་བུ་དཀྲིས། །མི་ཡིས་རྒྱུ་མ་གསར་པའི་སྒྲུབ་ཀྱིས་ཞལ་གྱི་ཟླ་བ་བརྒྱན་ཅིང་དྲིལ་བུ་འགྲམ་པར་འཁྲོལ། །ལུས་ནི་

[Full Size]

སྣུམ་གྱིས་གསར་དུ་བྱུག་ཅིང་ཁྲག་དང་ཞག་དམར་འཛག་པའི་ཐིག་ལེའི་ཚོམ་བུ་བྲིས། །མི་ཡི་རོ་ལ་སོ་ཡིས་ཆེམས་ཆེམས་གཅོད་བྱེད་ཐོད་པ་ཅན་གྱིས་བདག་ལ་སྐྱོང་གྱུར་ཅིག །དྲག་པོ་དྲག་མོ་མི་བཟད་མི་ཤ་ཁ་ན་ཐོགས་པ་སྔོན་ཆད་མ་བྱུང་ཁྱོད་མཐོང་ན། །མ་མོ་རྣམས་ཀྱང་སྐྲག་ཅིང་འདར་ལ་རྔམ་པ་འདོན་ཅིང་མིག་རྩ་ཧྲིག་ཧྲིག་ཁྱོད་ལ་བསྟོད། །ནག་མོ་བཟང་པོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་ཀྱང་། །ཉིན་རེ་བཞིན་དུ་བསྟོད་པར་བྱེད་ཅིང་གཤིན་རྗེའི་རྒྱལ་པོ་ཉིད་ཀྱང་རྟག་ཏུ་འདར་ཞིང་འདུད་པར་བྱེད། །མི་རྣམས་དང་ནི་འགྲོ་བ་མ་ལུས་འཇུག་བཏུལ་བས་ནི་ཁྱོད་ཀྱི་རྣ་བ་ཡ་གཅིག་ལ། །བྲང་གིས་འགྲོ་བའི་གདེངས་ཀ་སྟོང་དང་ལྡན་པ་གཅིག་གི་རྒྱབ་ནས་ཁྱོད་ལ་རྒྱན་དུ་བྱས། །ཡ་གཅིག་ལ་ནི་སེང་གེ་མཚུངས་མེད་འཕྱོ་ཞིང་རྒྱ་མཚོའི་མཐའ་བསྐོར་ས་གཞི་མ་ལུས་གནོན། །སྟེང་ན་རྒྱུ་བའི་ཉི་མ་འོད་ཟེར་སྟོང་ལྡན་དེ་ནི་ཁྱོད་ཀྱི་ལྟེ་བའི་ཕྱོགས་སུ་བཞག །བྷྱོ༔ རྒྱ་མཚོའི་ཀློང་ནས་མེ་འབར་ཁྱོད། །མཚོ་རྣམས་སྐེམ་པར་ནུས་མ་སྟེ། །བུད་མེད་ཐམས་ཅད་ཞི་མཛད་ཕྱིར། །ལྷ་ཆེན་སྐུ་ཡི་ཕྱེད་དུ་

[Full Size]

བཞུགས། །རྫོང་དང་བཀའ་བཟློག་ནག་མོ་ཆེ། །ལྷ་དང་ལྷ་མིན་ཕྱག་བྱས་མ། །མི་ནད་གང་ཡིན་ཁྱོད་ཀྱིས་ཤེས། །དེ་ལ་འཇིགས་པ་མེད་པར་འགྱུར། །གཤིན་རྗེའི་ལྕམ་མོ་བདུད་ཀྱི་ཡུམ། །འདོད་པ་ཁམས་ཀྱི་དབང་ཕྱུག་མ། །ནད་དོ་ཅོག་གི་བདག་མོ་སྟེ། །སངས་རྒྱས་བསྟན་པ་སྲུང་མཛད་པའི། །དཔལ་ལྡན་ལྷ་མོ་ཁྱོད་ལ་བསྟོད། །བདག་གི་བར་ཆད་ཐམས་ཅད་སོལ། །འདོད་པའི་དོན་རྣམས་འགྲུབ་པར་མཛོད། །ཧཱུྃ། དུས་གསུམ་སངས་རྒྱས་ཀུན་གྱི་བསྟན་བསྲུང་ཞིང་། །འཇིགས་བྱེད་མི་བཟད་དྲག་པོའི་ལས་རྣམས་མཛད། །རྔམ་པའི་ང་རོས་སྲིད་གསུམ་ཐལ་བར་བརླག །མགོན་པོ་བྱ་རོག་མཚན་ལ་ཕྱག་འཚལ་བསྟོད། །མ་ལུས་གདུག་པ་འདུལ་ཕྱིར་སྐུ་མདོག་ནག །རྣམ་བཞི་ཕྲིན་ལས་མཛད་ཕྱིར་ཕྱག་བཞི་པ། །ཁྲོས་པའི་ཉམས་ལྡན་དཔའ་བོ་བརྗིད་པའི་སྐུ། །གདུག་པ་ཚར་གཅོད་ཁྱོད་ལ་ཕྱག་འཚལ་བསྟོད། །ཧེ་རུ་ཀ་དཔལ་མཆོག་གི་རྣམ་འཕྲུལ་ཁྱོད། །ཞིང་སྐྱོང་ཆེན་པོ་མཁའ་འགྲོའི་ཚོགས་ལ་རོལ། །བདུད་བཞིའི་ཁྲག་གསོལ་བྷནྡྷ་ཕྱག་ན་བསྣམས། །འཆི་བདག་བགེགས་འཇོམས་ཁྱོད་ལ་ཕྱག་འཚལ་

[Full Size]

བསྟོད། །བསྟན་པ་རྒྱས་པར་མཛད་པའི་དབང་ཕྱུག་གཙོ། །ཕོངས་པའི་དབུལ་སེལ་སྦྱིན་པའི་ལོ་ཐོག་རྒྱས། །སྲིན་པོའི་གཟུགས་ཀྱི་དགྲ་བགེགས་གསོད་པར་བྱེད། །དངོས་གྲུབ་ཀུན་སྟེར་ནག་པོ་ཁྱོད་ལ་བསྟོད། །དམ་རྫས་བརྒྱན་པའི་གཏོར་མ་འདི་བཞེས་ལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཁྱོད་ཀྱི་དགྱེས་བྱེད་ཡུམ་གསུམ་ལེགས་ལྡན་ནག །བཀའ་སྡོད་ལས་མགོན་གསུམ་དང་སེང་གེའི་གདོང་། །ལས་ཀུན་སྒྲུབ་བྱེད་མཁའ་འགྲོ་བརྒྱད་དྲུག་སོགས། །སྤྲུལ་པའི་འཁོར་གྱི་ཚོགས་ལ་ཕྱག་འཚལ་བསྟོད། །རྒྱལ་པོ་ཆེན་པོ་དཔལ་དང་ལྡན། །དུང་གི་མདོག་ཅན་པི་ཝང་འཛིན། །དྲི་ཟའི་ཚོགས་ལ་དབང་བསྒྱུར་བའི། །ཡུལ་འཁོར་སྲུང་ལ་ཕྱག་འཚལ་བསྟོད་། །དཔའ་བོ་ཆེན་པོ་སྟོབས་པོ་ཆེ། །ཁ་དོག་སྔོན་པོ་རལ་གྲི་འཛིན། །གྲུལ་བུམ་ཚོགས་ལ་དབང་བསྒྱུར་བའི། །འཕགས་སྐྱེས་པོ་ལ་ཕྱག་འཚལ་བསྟོད། །མངའ་བདག་ཆེན་པོ་མཐུ་སྟོབས་ཅན། །ཁ་དོག་དམར་པོ་སྦྲུལ་ཞགས་འཛིན། །ཀླུ་དབང་ཚོགས་ལ་དབང་བསྒྱུར་བའི། །སྤྱན་མི་བཟང་ལ་ཕྱག་འཚལ་བསྟོད། །སྡེ་དཔོན་ཆེན་པོ་

[Full Size]

གསེར་མདོག་ཅན། །བེ་ཅོན་དང་ནི་ནེའུ་ལེ་འཛིན། །གནོད་སྦྱིན་ཚོགས་ལ་དབང་བསྒྱུར་བའི། །རྣམ་ཐོས་སྲས་ལ་ཕྱག་འཚལ་བསྟོད། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་བསྲུང་བྱ་རྣམས། །བསོད་ནམས་སྟོབས་འབྱོར་འཕེལ་བ་དང་། །ནད་གདོན་བར་ཆད་ཟློག་པ་དང་། །ཕྱོགས་བཞིའི་དགྲ་རྣམས་འདུལ་བར་མཛོད།། ༈ སྟོང་པའི་ངང་ལས་ཟན་གྱི་གཡག་ལུག་ནག་པོ་ཆེ་ཚོ་སྟོབས་དང་ལྡན་པ། ཕུང་ཁམས་སྐྱེ་མཆེད་དངོས་སུ་རྫོགས་པ། རེ་རེ་ལའང་གྲངས་མེད་པ་འཕྲོ་ཞིང་འབྱུང་བ་ལ་སོགས་པ། བསྐང་རྫས་ཕུན་སུམ་ཚོགས་པར་གྱུར། ཨོཾ་སརྦ་དྷརྨཱཔཱུ་ཙ་པཉྩརཏྣ་ཀཱ་ཡ་ཀོ་ཏི་བྷི་བྷ་ཝཀ་སྭ་བྷཱ་ཝ་ཤུདྡྷོ྅ཧཾ། ཅེས་སྤེལ། ཨོཾ་སརྦ་དྷརྨཱ་ཨ་བྷི་ཝརྟ་ཧི་ཀོ་ཧ་ཡ་ན། གྷ་མི་ནི་སྭ་བྷཱ་ཝ་ཤུདྡྷོ྅ཧཾ། དཔག་ཏུ་མེད་པར་བྱས། ཨོཾ་སརྦ་དུཥྚཾ་གྷྲྀཧྣ་གྷྲྀཧྣ་གརྫ་གརྫ་ཧཱུྃ་ཕཊ༔ ནུས་པ་དཔག་ཏུ་མེད་པར་བྱས་ནས་སུ། ཧཱུྃ། མ་ཧཱ་ཀཱ་ལ་མཐུ་བོ་ཆེ། །ནག་པོ་ཆེན་པོ་ལྕམ་དྲལ་དང་། །ལས་མགོན་ནག་པོ་བྱ་རོག་གདོང་། །ཆོས་ཀྱི་དབྱིངས་ནས་སྐུར་བཞེངས་ལ། །གཤེགས་ཤིག་བུ་ཡི་གནས་འདིར་གཤེགས། །བུ་ཡི་གནས་མཆོག་

[Full Size]

དམ་པ་ནས། །ཁྱོད་དང་མཐུན་པའི་དམ་རྫས་ནི། །གཡག་ལུག་ནག་པོ་མར་གྱིས་བྱུགས། །དར་ནག་རུ་མཚོན་རྭ་ལོ་བརྒྱན། །ཕྲག་པར་དགྲ་བགེགས་ལིང་བསྐྱོན། །གསེར་སྐྱེམས་བདུད་རྩིས་བྲན་པ་འདི། །ནག་པོ་ཆེན་པོའི་ཐུགས་དམ་བསྐང་། །བྱ་རོག་གདོང་ཅན་ལ་སོགས་པའི། །འཁོར་གྱི་མ་དང་མཁའ་འགྲོའི་ཚོགས། །སྣང་གསལ་འོད་ཀྱི་ཞུན་མར་དང་། །ཤ་ཆེན་སྤོས་ཀྱི་དུད་སྤྲིན་གྱིས། །ནག་པོ་ཆེན་པོའི་ཐུགས་བསྐུལ་ཏེ། །མཁའ་ལ་སྤྲིན་ལྟར་གཏིབས་ནས་ཀྱང་། །སྒྲུབ་པ་པོ་ལ་བུ་བཞིན་སྐྱོང་། །དར་ནག་རུ་མཚོན་ལ་སོགས་ཀྱིས། །བྱ་རོག་གདོང་ཅན་དཔོན་དང་གཡོག །ཐུགས་དམ་གནད་ནས་བསྐུལ་བའི་ཚེ། །རོ་ལངས་ལ་སོགས་གཅན་གཟན་སྣ་ཚོགས་དང་། །བསྟན་སྲུང་བཀའ་ཡི་བྱ་ར་བྱེད་པ་རྣམས། །བསྐང་ངོ་བསྐལ་པར་ཐུགས་དམ་བསྐང་། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ལྷ་ཆེན་མ་ཧཱ་ཀཱ་ལ་གསན་ཅིང་དགོངས་སུ་གསོལ། །མ་ཧཱ་ཀཱ་ལའི་དཀྱིལ་འཁོར་སྒོར་ཞུགས་ནས། །བཀའ་ཡི་དམ་ཚིག་གཉེན་པོ་བསྲུང་རྒྱུ་ལ། །བཀའ་ལྟར་མ་འགྲུབ་གཞུང་ལྟར་མ་ཐོགས་

[Full Size]

པས། །བསྙེན་སྒྲུབ་དུས་འདས་ཕུད་དང་གཏོར་མ་ཆག །རྩ་བ་ཡན་ལག་དམ་ཚིག་ཉམས་པ་ཀུན། །རྡོ་རྗེ་སྲིན་པོའི་དུར་ཁྲོད་ཚོགས་ལ་བཤགས། །ལུག་ནག་ཁྱི་ནག་གཅན་གཟན་ལ་སོགས་པ། །ཤ་ཁྲག་དམར་གྱི་གཏོར་མ་ཆོག་གྱུར་ཏེ། །བྱ་རོག་གདོང་ཅན་འཁོར་དང་བཅས་ལ་བཤགས། །བསྟན་སྲུང་མཐུ་ཡི་དངོས་གྲུབ་བསྩལ་དུ་གསོལ། གཞན་ཡང་ཁྱོད་ལ་མཆོད་སྒྲུབ་ལྷར་བཟུང་སྟེ། །དུས་བཞིའི་ཕུད་དང་ནང་ནུབ་མཆོད་རྒྱུ་ལ། །མཆོད་པའི་འབྱོར་ཚོགས་ཆུང་སྟེ་སྐུ་མ་མཉེས། །ཕྱི་རྟེན་གཡག་ལུག་ལ་སོགས་མ་འབྱོར་ནས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །བཟླས་བརྗོད་སྔགས་ཚིག་ལོང་གཏམ་བར་དུ་བཅད། །ནག་པོའི་སྲོག་སྙིང་གནད་ནས་མ་ཁོལ་ཏེ། །བཟླས་བརྗོད་སྔགས་ཀྱི་དམ་ཚིག་ཉམས་པ་ཀུན། །ལྷ་ཆེན་འཁོར་དང་བཅས་ལ་མཐོལ་ལོ་བཤགས། །ཡི་དམ་རྩེ་གཅིག་གཞུང་བཞིན་བསྒོམ་རྒྱུ་ལ། །ཏིང་འཛིན་རྩེ་གཅིག་མ་གསལ་ནག་པོར་བསྐྱེད། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །དར་ནག་བྷནྡྷ་དམ་རྫས་ལ་སོགས་པ། །རྟེན་རྗེས་མ་ཚོགས་ཡན་ལག་དམ་ཚིག་ཉམས། །ནག་པོ་འཁོར་

[Full Size]

དང་བཅས་ལ་མཐོལ་ལོ་བཤགས། །གནོང་ངོ་འགྱོད་དོ་མ་དང་མཁའ་འགྲོའི་ཚོགས། །མཐོལ་ལོ་བཤགས་སོ་ཆོས་སྐྱོང་སྲུང་མའི་ཚོགས། །མཐོལ་བཤགས་བཟོད་གསོལ་དང་དུ་ཡར་བཞེས་ལ། །སྒྲིབ་མེད་དངོས་གྲུབ་རྣམ་གཉིས་བསྩལ་དུ་གསོལ། །ཨོཾ་ས་མ་ཡ། ཨཱས་མ་ཡ། ཧཱུྃ་ས་མ་ཡ། རྩ་སྔགས་དང་། །ཨོྃ་བཛྲ་སཏཱ་སོགས་ཡིག་བརྒྱ་དང་། ཀ་ཝུ་ཝ་པ༔ དེ་ཝི་ཀཱ་ལི༴ སོགས་དང་། ༀ་མ་ཧཱ་ཀཱ་ལ་གྷ་ཎ༴ སོགས་ནས། ཀུ་རུ་སྭཱ་ཧཱའི་བར། གོང་ལྟར་མན་ངག་དང་ལྡན་པས་བཟླའོ། །ཞེས་རང་གི་དུས་གཏོར་བརྗེད་ཐོར། ། ༈ རཱ་ག་ཨ་སྱས་ཤིང་སྦྲུལ་ཐ་སྐར་གྱི་བཅུ་གཉིས་ཉིན་རྫོགས་པར་བྲིས་སོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་ཡེ་ཤེས་ཀྱི་མགོན་པོའི་སྲུང་འཁོར་གྱི་མན་ངག་གཙོ་བོ་ཡབ་ཀྱི་མངོན་རྟོགས་འདི་སྤྱོད་མཛད་ཆོས་ཀྱི་རྡོ་རྗེའི་རྒྱ་གཞུང་།

[Full Size]

དཔལ་ཡེ་ཤེས་ཀྱི་མགོན་པོའི་སྲུང་འཁོར་གྱི་མན་ངག་གཙོ་བོ་ཡབ་ཀྱི་མངོན་རྟོགས་འདི་སྤྱོད་མཛད་ཆོས་ཀྱི་རྡོ་རྗེའི་རྒྱ་གཞུང་བཞུགས་སོ།།

[Full Size]

རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སིདྡྷིརཀྟ་པྲ་ཏི་བིད་ར་ས་དྷ་ན་མ། བོད་སྐད་དུ་། དཔལ་ནག་པོ་ཆེན་པོའི་སྲུང་ཟློག་ཅེས་བྱ་བ་དེ་ཡང་གདོང་ལྔའི་རྒྱ་གཞུང་ལས། རང་ཉིད་ནག་པོ་ཆེན་པོར་བསྒོམ། །ཧེ་རུ་ཀ་དཔལ་སྙིང་དབུས་བསམ། །ཡེ་ཤེས་སྤྱན་དྲངས་འགུགས་རྒྱས་གདབ། །ཅེས་གསུངས་པས། དེའི་དོན་བྱ་རོག་ཆེན་པོའི་རྒྱུད་དང་། ཁྲག་མཚོ་ཁོལ་ཆེན་རྒྱུད་དང་། རྩ་མི་ཆེན་པོའི་མན་ངག་བཞིའི་དོན་བསྡུས་པ་ནི། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་སྐད་ཅིག་གིས། །ཧཱུྃ་ལས་གསེར་མདོག་འཁོར་ལོ་ནི། །རྩིབས་བརྒྱད་སྟེང་འོག་རྩིབས་དང་བཅུ། །རྣོ་ངར་ལྡན་པ་གཡས་སུ་

[Full Size]

འཁོར། །དེ་ནང་པདྨ་འདབ་བརྒྱད་ཀྱི། །དབུས་དང་འདབ་མར་པད་ཉིའི་སྟེང་། །ཧཱུྃ་ལས་འོད་འཕྲོས་དོན་གཉིས་བྱས། །འདུས་པས་ནག་པོ་ཆེན་པོ་ནི། །ཞལ་གཅིག་སྤྱན་གསུམ་ཕྱག་བཞི་པ། །གྲི་གུག་རལ་གྲི་ཐོད་ཁྲག་དང་། །ཁཊཾ་ག་བསྣམས་དྲག་པོའི་སྐུར། །རྒྱན་ཆ་རྣམ་པར་རྫོགས་པ་ལ། །ཙཎཱ་གྲི་ཐོད་འཛིན་དམར་འཁྱུད། །ཕྱོགས་མཚམས་རང་འདྲའི་ཡབ་ཡུམ་བརྒྱད། །ནང་དུ་ཞལ་གཟིགས་བདག་ལ་སྲུངས། །རྩིབས་བརྒྱད་རྩ་བར་ཧཱུྃ་ཡིག་ལས། །ལས་མགོན་བརྒྱད་ཀྱིས་ཞལ་ཕྱིར་གཟིགས། །ཀུན་གྱི་གནས་གསུམ་འབྲུ་

[Full Size]

གསུམ་དང་། །རང་གི་ཐུགས་ཀར་པད་ཉིའི་སྟེང་། །ལྷན་སྐྱེས་ཡབ་ཡུམ་གསལ་བ་ཡི། །ཐུགས་ཀར་པདྨ་ཉི་ཟླའི་སྟེང་། །རྡོ་རྗེ་རྩེ་ལྔའི་ལྟེ་བ་ལ། །ཉི་ཟླའི་གའུར་ཧཱུྃ་ཡིག་གི །ནང་དུ་བསྲུང་བྱ་ཐམས་ཅད་ཚུད། །ཧཱུྃ་མཐར་ཡིག་བདུན་སྙིང་པོས་བསྐོར། །དེ་ལས་འོད་ཟེར་འཕྲོས་པ་ཡིས། །ཡེ་ཤེས་པ་དང་དབང་གི་ལྷ། །སྤྱན་དྲངས་དམ་ཡེ་དབྱེར་མེད་ཐིམ། །ཛཿཧཱུྃ་བཾ་ཧོ༔ཨ་བྷི་ཥིཉྩནྟཾ། དབང་ལྷ་རྣམས་ཀྱིས་དབང་བསྐུར་བས། །མི་བསྐྱོད་ལ་སོགས་དབུ་བརྒྱན་གྱུར། །བདག་ཉིད་སྐུ་ཡི་འོད་ཟེར་ལས། །ལས་མགོན་ཁྲོ་ཆུང་དཔག་མེད་འཕྲོས། །གནོད་བྱེད་ནམ་མཁའི་མཐར་བསྐྲད་ནས། །ཚུར་འདུས་འཁོར་ལོའི་ཕྱི་རོལ་དུ། །ཡེ་ཤེས་མགོན་པོ་བཞེངས་སྟབས་ཅན། །ཕྱིར་གཟིགས་བཟློག་པའི་ལས་མཛད་གུར། །དེ་རྒྱབ་རྡོ་རྗེའི་རྭ་གུར་ནི། །སྟེང་འོག་བར་གསུམ་སྲུབ་མེད་པ། །དེ་རྒྱབ་རྡོ་རྗེ་ཕ་ལམ་གྱི། །བྲག་རི་རྔམ་མཐུག་གྲུ་བཞིའི་གུར། །དེ་རྒྱབ་རྒྱ་མཚོ་རྦ་རླབས་འཁྲུགས། །ཟླུམ་པོ་གཏིང་ཟབ་ནག་ལ་རྔམ། །དེ་རྒྱབ་མེ་ཡི་གུར་ཁང་ནི། །གྲུ་གསུམ་དམར་ནག་རབ་ཏུ་འབར། །དེ་རྒྱབ་སྤུ་གྲི་ངར་མའི་རླུང་། །

[Full Size]

ཟླ་གམ་རབ་ཏུ་འཁྲུགས་པའོ། །དེ་རྒྱབ་དུག་ཆེན་ཧ་ལའི་གུར། །སྨུག་ནག་གྲུ་བཞི་དུག་རླངས་འཕྱུར། །དེ་རྒྱབ་སྡེ་བརྒྱད་དྲེགས་པའི་ཚོགས། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་གནོད་སྦྱིན་ཁྲི། །ཐམས་ཅད་རབ་འཕྲོས་མཚོན་ཆ་ཐོགས། །ཕྱིར་གཟིགས་བར་མཚམས་མེད་པར་གཏམས། །དེ་རྒྱབ་ཡེ་ཤེས་བསྐལ་པའི་མེ། །ཁ་དོག་ལྔ་ལྡན་རབ་ཏུ་འབར། །སྤྲུལ་པའི་ལས་མགོན་བར་མཚམས་གང་། །གནོད་བྱེད་འགུགས་གཟིར་བཅིང་བ་དང་། །དུག་གིས་མྱོས་དང་སྤུ་གྲིས་གཏུབ། །མེས་བསྲེགས་ཆུས་བཀྲུས་བྲག་རིས་མནན། །སྡེ་བརྒྱད་དྲེགས་པའི་ཚོགས་རྣམས་ཀྱིས། །ཁྲ་གསོད་སྲུང་ཟློག་ལས་མཛད་གྱུར། །ཨོཾ་ཧཱིཧ་ཧ་ཧཱུྃ་ཧཱུྃ་ཕཊ། ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ།། བདག་དང་བསྲུང་བྱ་ལ་རཀྵ་རཀྵ་སྭཱ་ཧཱ། རང་གཞན་བསྲུང་བར་འདོད་ན་ནད་ལས་ཐར་བའི་གདམས་པ་གྲུ་ཡིས་དུག་ཆུ་ལས་སྒྲོལ་བ་ལྟར་བགེགས་ཀྱི་འཇིགས་པ་ལས་གྲོལ་བའི་སྔགས་པཎྜི་ཏ་བུདྡྷ་ཀཱིརྟིས་གདམས་པའོ། །ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། བདག་ཅག་མི་ནོར་འཁོར་དང་བཅས་པ་ལ་རཀྵ་རཀྵ་སྭཱ་ཧཱ། དེ་ལྟ་བུའི་སྲུང་འཁོར་ནི་རྒྱུན་དུ་བསྒོམས་ན་རྡོ་རྗེ་ཕུབ་རྫོང་ལས་

[Full Size]

ཀྱང་ལྷག་སྟེ། བྱ་རོག་ཆེན་པོའི་རྒྱུད་དང་། ཁྲག་མཚོ་ཁོལ་ཆེན་རྒྱུད་གཉིས་ཀ་ལས་སྲུང་འཁོར་འདི་ཤིན་ཏུ་གསལ་བར་གསུངས་ཤིང་རྒྱུད་གཉིས་ཀ་ཚིག་མཐུན་པར། བགེགས་དང་ལོག་འདྲེན་ཐམས་ཅད་ཀྱང་། །འདིའི་མིང་ཐོས་པས་རབ་རྒྱུན་བྱེར། །འཇིགས་དང་སྐྲག་པ་ཆེན་པོ་ཡིས། །དེ་མ་ཐག་ཏུ་བྲན་དུ་འགྱུར། །བློ་ལྡན་རིང་པོར་མི་ཐོགས་པར། །རྡོ་རྗེ་འཛིན་པའི་ངོ་བོར་གྱུར། །ཞེས་གསུངས་སོ། །རྒྱུན་དུ་ནི་རྗེས་ཆོག་བསྡུ་རིམ་སོགས་མི་དགོས་སེམས་པོའི་ངང་ལ་བཞག་པས་འཐུས་ཏེ། རྒྱུད་གཉིས་ཀ་ལས། གཉིས་མེད་ངང་ལ་མི་དམིགས་བཞག །ཅེས་གསུངས་སོ། །དེ་དག་ནི་སྔ་དྲོའི་སྲུང་བ་ཡིན་ལ། ཕྱི་དྲོ་བཟློག་པ་ནི། ཕྱི་རོལ་གསེར་གྱི་འཁོར་ལོ་དེ། །གནམ་ལྕགས་འཁོར་ལོ་རྩིབས་བརྒྱད་པ། །རྣོ་ངར་རེག་མི་བཟོད་པར་འགྱུར། །གཡོན་དུ་དྲག་ཏུ་འཁོར་གྱུར་ཅིང་། །རང་གི་ཐུགས་ཀའི་ཧཱུྃ་ཡིག་ལས། །འོད་ཟེར་ནག་པོ་ལྕགས་ཀྱུའི་དབྱིབས། །ཕྱོགས་བཅུར་འཕྲོས་པས་གནོད་བྱེད་བཀུག །ལས་མགོན་རྣམས་ཀྱིས་མཚོན་ཆས་བརྡེགས། །གསོད་དང་གཏུབ་སྟེ་གཙོ་ལ་འབུལ། །རང་རང་རྣམས་ཀྱིས་ཧབ་ཧབ་ཟོས། །འཁོར་ལོའི་རྩིབས་ལ་བསྐྱོན་པ་རྣམས། །རྡུལ་ཕྲན་བཞིན་དུ་བརླགས་པར་གྱུར། །ཅེས་བསྒོམ་ཞིང་། ༀ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་

[Full Size]

ཕཊ། ཧྲི་ཏི་ཀ་མ་ལ། ཀ་མ་ལ་མི་པཱུ་ཨ་པ་ན་ཡ་སྭཱ་ཧཱ། ཞེས་བཟླས་པས་འཆི་བ་བཟློག་པར་འགྱུར་རོ། །ཨོཾ་ཨཱཿཧཱུྃ། ཨ་ཨཱ། ཨི་ཨཱི། ཨུ་ཨཱུ། ཨོཾ་ཨོ། རི་རཱི། ལི་ལཱི། ཨཾ་ཨཱ། ཙ་རཱ་ག་ན་མྱོག་ཐུམ་རིལ་རྦད། ཅེས་བཟླས་པས། ཀླུ་དང་རྒྱལ་པོའི་གནོད་པ་བྱ་སྤུ་རླུང་གིས་གཏོར་བ་དང་འདྲའོ། །དཔག་ཚད་ཙམ་དུའང་ཉེ་བར་མི་ནུས་སོ། །ལྷ་འདྲེ་གང་ཡིན་པས་གནོད་པའང་སྲོག་ཡིག་འབྲུ་ལྡོག་ཏུ་བཀོད་པ་དེ་དང་འདྲའོ། །ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ། ༀ་མ་ཧཱ་ཀཱ་ལ་ཤཱ་ས་ན། ཨུ་པ་ཀཱ་རི་ཎཾ་ཨེ་ཥཱ་པཉྩི་མ་ཀཱ་ལོ་ཡཾ། ཨི་དཾ་རཏྣ་ཏྲ་ཡཱ་ཡ། ཨ་པ་ཀཱ་རི་ཎཾ། ཡ་ཏི་པྲ་ཏི་ཛྙཱ། སྨ་ར་སི་ཏ་དཱ། ཨི་དཾ་དུཎྞཾ་དགྲ་བགེགས་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲིཉྩ་གྲིཉྩ། བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་དགྲ་བགེགས་མཱ་ར་ཡ་ཧཱུྃ་ཕཊ། རང་གར་བཟླས་ན་དགྲ་བགེགས་ཟེར་ས་མི་འཛུད། གཏོར་འབུལ་དུས་དགྲ་བགེགས་མལ་དུ་བ་ལི་འཛུད། ཤཱ་ས་ན་ལ་འགྱུར་མི་གཅིག་པ་མང་པོ་དང་གྲུབ་མཐའ་སོ་སོའི་བཞེད་པ་མི་གཅིག་པ་མང་བས་འདི་ནི་ཕྱག་བཞི་པའི་སྐབས་སུ་ཤཱ་ས་ན་རྗེ་ཆོས་ཀྱི་དབང་ཕྱུག་གི་ཕྱག་བྲིས་ངོ་མ་ལ་བྲིས་པས་དག་གོ །ཀ་ཝུ་ཝ་ལ་གཞི་སྙིང་བཏགས་པ་བཟླས་པས་ཕུར་ཁ་བཟློག་པ་དང་བསད་བཟློག་གཉིས་ཀ་འགྲུབ་སྟེ། ཙ་མི་པཎྜི་

[Full Size]

ཏ་རྡོ་རྗེ་གདན་པ་ཆུང་བའི་ཐུགས་དམ་བཅུད་དམ་པའོ།། སྤྱི༔ གཞི་སྙིང་ནི། ཨོཾ་མ་ཧཱ་ཀཱ་ལ་གླུ་ཎ་ཧྲི་ཏ་ཧཱུྃ་ཕཊ། ཨོཾ་མ་ཧཱ་ཀཱ་ལ་ནི་ཐུ་ལཾ་ཐཾ། ཐུ་རིམ་ཟད། སུ་ཧཱུྃ་ཛཿ དགྲ་བགེགས་ཀྱི་ཙིཏྟ་ལ་ཡ། ཏྲཀ་རཀྟ་ཐུ་རིལ་རྦད། ཙིཏྟ་ཁ་རཀ་ཛཿ ཛཿནྲྀཿཛཿ ཙིཏྟ་ལ་ཡ་ཐུ་རིལ་རྦད། ནྲྀ་ཤག་ཤག །དགྲ་བགེགས་ཀྱི་ཙིཏྟ་ལ་ཡ། མ་ཧཱ་ཀཱ་ལ་གིང་ཀ་ར་གིང་ཀ་ར། སྲོག་ལ་ཡ། སྙིང་ལ་ཡ། རུ་རུ་ཙ་པ་ལ་ཡ། མ་ཧཱ་ཀཱ་ལ་ཧཱུྃ་བྷྱོ༔ མ་ཧཱ་ཀཱ་ལ་དགྲ་བགེགས་ཀྱི་སྙིང་ཁྲག་ལྡིབ་ལྗིབ། ཆོད་ཆོད། སྲོག་རྩ་ཆོད། ཐུམ་རིལ་རྦད། ཨོཾ་མ་ཧཱ་ཀཱ་ལ་དགྲ་བོ་ལྷ་དང་ཤག་ཕྱེས་ཤག་ཕྱེས། མ་མ་ཏྲཀ་རཱུ་ཏྲ་དགྲ་བགེགས་མཱ་ར་ཡ་ཧཱུྃ་ཕཊ། གཞི་སྙིང་འདི་ལ་འདྲ་མིན་དུ་མ་བྱུང་ཡང་དག་པར་བྱས་སོ། །སློབ་དཔོན་བརྒྱུད་པའི་ཞལ་ཤེས་ཀྱང་ཡོད་དོ། །ཞེ་སྡང་དྲག་པོས་བཟླས་བྱས་ན། །ས་བཅུ་ནོན་པའི་སྲོག་ཀྱང་རྒོལ། །ཞེས་རྒྱུད་ལས་གསུངས་པའི་ཕྱིར་ཕྱག་བཞི་པའི་ལུགས་ཀྱི་དྲག་སྔབ།ས་རྣོ་མྱུར་བ་ཡིན་པས་སྔགས་འདི་གུསྟ་གུ་བྱའོ། །ཨོཾ་མ་ཧཱ་ཀཱ་ལ་ཧེ་དུན་བྷྱོ། ཨོཾ་མ་ཧཱ་ཀཱ་ལི་པྲ་མོ་ཧེ་དུན་བྷྱོ་བྷྱོ་ཟློག་ཟློག །ཟློག་སྔགས་བྱུང་བ་ཡིན་ནོ།་ཡེ་ཤེས་མགོན་པོའི་སྲུང་འཁོར་རྡོ་རྗེ་ཕུབ་རྫོང་བསྡུས་པ། ཨ་རཱ་གས་སྦྱར་བས་འདི་དག་ཤིན་ཏུ་གལ་ཆེའོ།། །།

ཡེ་ཤེས་མགོན་པོའི་ཚེ་སྒྲུབ་ཟབ་མོའི་དམིགས་རིམ་གསལ་བའི་དམིགས་པ་བསྒོམ་ཞིང་སྔགས་བཟླས།

[Full Size]

ཡེ་ཤེས་མགོན་པོའི་ཚེ་སྒྲུབ་ཟབ་མོའི་དམིགས་རིམ་གསལ་བའི་དམིགས་པ་བསྒོམ་ཞིང་སྔགས་བཟླས་བཞུགས་སོ།།

[Full Size]

ན་མོ་ཛྙཱ་ན་ན་ཐཱ་ཡེ། བླ་མ་ཡི་དམ་ཆོས་སྐྱོང་དབྱེར་མེད་པས། །མགོན་པོའི་ཚེ་སྒྲུབ་རྒྱུན་ཁྱེར་ཉམས་ལེན་ནི། །ནང་ནུབ་ཉིན་སོགས་ཐུན་མཚམས་ནམ་འདོད་དུ། །རང་ཉིད་ཐ་མལ་ལུས་ཀྱི་སྤྱི་བོའི་གཙུག །ཉ་རྒྱས་ཟླ་བའི་གདན་ལ་ཧཾ་ཡིག་ལས། །དྲན་རྫོགས་དམ་ཚིག་ཡེ་ཤེས་གཉིས་མེད་ལས། །ཡེ་ཤེས་མགོན་པོ་དུང་དང་ཀུནྡའི་མདོག །ཞལ་གཅིག་ཕྱག་བཞི་རྒྱུན་དང་ཆ་ལུགས་རྫོགས། །ཕྱག་གཡོན་འཆི་མེད་བདུད་རྩིས་གང་བ་ཡི། བྷནྡྷ་གཡས་ཀྱིས་གྲི་གུག་གིས་བསྟན་འཛིན། །གཡས་འོག་རལ་གྲི་གཡོན་འོག་ཁཊཾ་ག །ཁྲོ་འཛུམ་རོལ་པའི་སྟབས་ཀྱིས་ཟླ་གདན་བཞུགས། །

[Full Size]

ཐུགས་ཀར་ཟླ་སྟེང་ཧཱུྃ་མཐར་སྔགས་གཡས་འཁོར། །དེ་ལས་འོད་ཟེར་ཕྱོགས་བཅུར་འཕྲོས་པ་ཡིས། །འཁོར་འདས་ལམ་གྱིས་བསྡུས་པའི་ཚེ་བསོད་ནམས། །ཐམས་ཅད་བསྡུས་ནས་ཕྱག་གི་ཐོད་པར་ཐིམ། །མགོན་པོ་དགྱེས་ནས་ཕྱག་གི་བདུད་རྩི་བླུག །ཚངས་བུག་ནས་ཞུགས་བདག་གི་ལུས་གང་བས། །སྡིག་སྒྲིབ་ཉམས་ཆག་གྲིབ་དང་མི་གཙང་བ། །ཚེ་ཡི་བར་ཆད་དུད་ཁུ་སོལ་ཁུ་ཡི། །རྣམ་པ་རྐང་མཐིལ་གཉིས་དང་འོག་སྒོ་ཡི། །ལམ་ནས་ཐོན་ཏེ་རིམ་དགུ་ས་ཡི་འོག །འཆི་བདག་གཤིན་རྗེས་འཐུང་བས་ངོམས་ཤིང་ཚིམས། །བདག་ལུས་

[Full Size]

ཤེལ་བུམ་འོ་མས་བཀང་བ་ལྟར། །འཆི་མེད་ཡེ་ཤེས་བདུད་རྩིས་གང་བསམ་ཞིང་། །ༀ་བཛྲ་ཀ་ཝུ་ཝ་མ་ཧཱ་ཀཱ་ལ་ཡ་ཨ་ཡུསྶཏེ་པུཏྟིཾ་ཀུ་རུ་ཨོ། དེ་ལ་བརྒྱ་སྟོང་ཅི་འགྲུབ་བཟླས་པའི་རྗེས། །སྤྱི་བོའི་མགོན་པོ་རང་ལ་ཐིམ་པའི་མཐུས། །རང་ཉིད་ཐ་མལ་ལུས་དེ་གནས་འགྱུར་ནས། །སྟོན་ཟླའི་མདོག་ཅན་མགོན་པོ་ཕྱག་བཞི་པ། །ཞལ་གཅིག་སྤྱན་གསུམ་ཤིན་ཏུ་ཞི་ཞིང་བཞད། །སྐྲ་སེར་གྱེན་བརྫེས་ཐོད་སྐམ་ལྔ་ཡིས་བརྒྱན། །དང་པོས་གྲི་གུག་ཐོད་པ་བདུད་རྩིས་བཀང་། །གཡོན་འོག་རྩེ་གསུམ་གཡས་ཀྱི་འོག་མ་ན། །བདུད་རྩི་རང་བཞིན་ཞགས་པ་འཁྱིལ་བ་བསྣམས། །དུར་ཁྲོད་ཆས་དང་དར་དང་རིན་ཆེན་བརྒྱན། །པད་དཀར་ཟླ་བའི་སྟེང་ན་རོལ་སྟབས་འགྱིངས། །རང་འོད་འཁྲུགས་པའི་ཀློང་ན་ལམ་མེར་གསལ། །དེ་ཡི་ཐུགས་ཀར་རང་འདྲའི་ཡེ་ཤེས་སེམས། །དེ་ཡི་ཐུགས་ཀར་ཟླ་བའི་དཀྱིལ་འཁོར་སྟེང་། །ཏིང་འཛིན་སེམས་དཔའ་ཐུགས་ཀར་སྔགས་ཀྱིས་བསྐོར། །དེ་ལས་འོད་ཟེར་སྣ་ཚོགས་འཕྲོས་པ་ཡིས། །བླ་མ་ཡི་དམ་སངས་རྒྱས་བྱང་སེམས་དང་། །མཁའ་འགྲོ་ཆོས་སྐྱོང་ཀུན་གྱི་བྱིན་རླབས་བཅུད། །རང་གི་བླ་ཚེ་ཡར་དང་འཁྱམས་པ་

[Full Size]

དང་། །ལྷ་ཀླུ་མི་ཡི་ཚེ་བསོད་འབྱུང་བའི་བཅུད། །ཐམས་ཅད་བསྡུས་ནས་སྙིང་དབུས་ལྷ་ལ་ཐིམ། །བཀྲག་མདངས་རྒྱས་ཤིང་སྐུ་དང་ཟླ་གདན་ལས། །འཆི་མེད་ཚེ་ཡི་བདུད་རྩིའི་རྒྱུན་བབས་པས། །བདག་ལུས་གང་ཞིང་བདུད་རྩིའི་ཟེགས་མ་རེ། །བ་སྤུའི་ལམ་བར་རྡོ་རྗེ་ཕྱེད་པ་རེ། །སྲིན་ལག་གཉིས་ཀྱི་རྩ་བར་ཧཱུྃ་དཀར་མཚན། །དེ་ལྟར་བསྒོམ་ཞིང་སྔགས་འདི་ཅི་འགྲུབ་བཟླ། །ཨོཾ་ཨ་མཱ་ར་ཎི་ཛཱི་སྭཱ་ཧཱ། དེ་ནས་མི་དམིགས་སྟོང་ཉིད་ངང་ལ་བཞག །ཏིང་འཛིན་མ་ཡེངས་སྟོང་ཕྲག་ཙམ་བཟླས་ཀྱང་། །ལོ་སྟོང་ཐུབ་པར་མངོན་འབྱུང་རྒྱུད་ནས་གསུངས། །བྱེ་བ་བཟླས་ན་ལྔ་སྟོང་ཐུབ་པར་གསུངས། །རྒས་པ་མེད་ཅིང་འཆི་མེད་ཐོབ་པར་བཤད། །རྒྱུན་ཁྱེར་བྱས་ཀྱང་ཉམས་ཆག་སྡིག་སྒྲིབ་དག །ཚེ་ཡི་རིག་འཛིན་ཐོབ་པ་ཙམ་ཡིན་གསུངས། །མགོན་པོ་མངོན་འབྱུང་རྒྱུད་དང་སྐུ་རིགས་མར། །འདི་དག་རྩ་ཚིག་འཐོར་ནས་བཞུགས་པ་དེ། །ཚིག་ཐུང་དོན་གསལ་རཱ་ག་ཨ་སྱས་བསྡེབས། །སྡེབ་མཁན་ཞན་ཀྱང་གདམས་ངག་ཟབ་པའི་ཕྱིར། །སེར་གར་ཕན་ན་ཁྱི་ཚིལ་བྱུག་པའི་དཔེ། །སྤྲུལ་སྐུ་མཆེད་གསུམ་ཐུན་རེ་ཆག་མེད་ཞུ། །འབྱུང་བའི་དགྲ་གྲོགས་ལམ་ལའང་འཕྲོད་པར་ན། །ཚེ་སྒྲུབ་རིགས་ལ་བརྒྱ་སྟོང་གྲངས་མང་ཡང་། །བརྒྱུད་པར་བཀའ་བབ་ཚེ་རབས་མང་པོའི་ལྷ། །ཡིན་ཕྱིར་ཐུགས་རྗེ་བྱིན་རླབས་མྱུར་བར་ངེས། །འདི་དོན་མངོན་འབྱུང་

[Full Size]

རྒྱུད་དང་སྐུ་རིགས་མར། །ཡིན་ཕྱིར་ལུང་རྒྱུན་མ་ཐོབ་མི་དོགས་འཚལ། །འདི་བྲིས་དགེ་བས་བསྟན་འཛིན་སྐྱེས་བུ་རྣམས། །སྐུ་ཚེ་བརྟན་ཅིང་མཛད་ཕྲིན་རྒྱས་གྱུར་ཅིག །ཅེས་ཤོར་ཕུ་བླ་མས་བསྐུལ་ངོར། །རཱ་གའི་མིང་གིས་དཔལ་རི་རྩེ་རུ་སྦྱར་བའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཐུགས་རྗེ་ཆེན་པོ་དང་བདེ་མགོན་སྦྲག་སྒྲུབ་ནག་པོ་གཟི་མདངས་ཀྱི་སྒྲུབ་པ་ཞེས་བྱ་བ་དཔལ་ཆེན་སྒ་ལོ་ཙཱ་བའི་སྙན་བརྒྱུད།

[Full Size]

ཐུགས་རྗེ་ཆེན་པོ་དང་བདེ་མགོན་སྦྲག་སྒྲུབ་ནག་པོ་གཟི་མདངས་ཀྱི་སྒྲུབ་པ་ཞེས་བྱ་བ་དཔལ་ཆེན་སྒ་ལོ་ཙཱ་བའི་སྙན་བརྒྱུད་བཞུགས་སོ།།

[Full Size]

ན་མོ་ལོ་ཀེ་ཤྭ་ར་ཙཀྲ་སམྦྷ་ར་མ་ཧཱ་ཀཱ་ལཱ་ཡ། །དཔལ་ལྡན་མགོན་པོ་འཁོར་དང་བཅས་ལ་འདུད། །བཀའ་ཡི་གནང་བ་སྩོལ་ལ་བྱིན་གྱིས་རློབས། །བསིལ་བ་ཚལ་དུ་དཔལ་ཆེན་ས་ལོ་ལ། །སྙན་བརྒྱུད་སྐོར་རྣམས་མགོན་པོ་ཉིད་ཀྱིས་གནང་། །བོད་དུ་སློབ་མ་བླ་མ་སྤྱན་ལ་གནང་། །དེ་ནས་བརྒྱུད་དེ་ཕར་འཕེལ་ཚུར་འཕེལ་གྱུར། །གསང་བའི་གསང་སྒྲུབ་ཡིན་པར་སྤྱན་གྱིས་བཞེད། །ནག་པོ་གཟི་མདངས་སྒྲུབ་པ་ཕག་གྲུས་གནང་། །གསལ་སྟོང་སྒོམ་པས་ནག་པོའི་སྲོག་སྒྲུབ་ཟེར། །མགོན་པོ་བཀའ་བབས་ལྷོ་པ་ཆར་འབེབས་ཀྱིས། །གསང་སྒྲུབ་བླ་ན་མེད་པ་ཡིན་

[Full Size]

པར་གསུངས། །ནག་པོའི་སྲོག་ལ་ནག་པོ་སྦ་བ་ཞེས། །བླ་མ་ཞང་གི་བཞེད་པ་ཡིན་པར་འདུག །བློ་སྙིང་བྲང་གསུམ་གཏད་པའི་སློབ་མ་ནི། །མ་གཏོགས་གཞན་ལ་མི་སྟོན་བཀའ་རྒྱས་བཏབ། །ནག་པོས་ནག་པོ་གཟི་མདངས་སྐྱེད་དང་གཅིག །ནག་པོས་ནག་པོ་དབང་དུ་སྡུད་དང་གཉིས། །དབང་དུ་འདུས་ནས་དངོས་གྲུབ་བླང་དང་གསུམ། །འཁོར་ལོ་གཅིག་ཏུ་དྲིལ་བའི་གདམས་པ་ཡིན། །ཡིད་ཀྱིས་བསྒོམ་ཞིང་སྔགས་བཟླས་ཆོག་པ་སྟེ། །མངོན་རྟོགས་ངག་ཏུ་བརྗོད་པ་མ་ཡིན་ནོ། །སེམས་ཅན་ཐམས་ཅད་འཁོར་ལོ་བདེ་མཆོག་གི །གོ་འཕང་ཐོབ་ཕྱིར་བདག་གིས་

[Full Size]

འདི་ཉིད་བསྒོམ། །རང་ཉིད་སྐད་ཅིག་བདེ་མཆོག་ལྷན་སྐྱེས་ནི། །ཞལ་གཅིག་ཕྱག་གཉིས་རྡོར་དྲིལ་ཐུགས་ཀར་བསྣོལ། །ཕག་མོ་དམར་མོ་གྲི་ཐོད་འཛིན་པས་འཁྱུད། །གཡས་བརྐྱང་གཡོན་བསྐུམ་པད་ཉི་འཇིགས་དུས་མནན། །རང་འོད་མེ་ཕུང་འཁྲུགས་པའི་དབུས་ན་འགྱིངས། །གར་གྱི་ཉམས་དགུ་དཔལ་གྱི་ཆས་བཅུ་རྫོགས། །སྐུ་ཡི་ནང་ནི་ཕྲུ་མ་ལུས་བཏབ་བཞིན། །ལྟེ་འོག་སུམ་མདོར་ཆོས་འབྱུང་དམར་པོ་ནི། །ཡངས་ཤིང་རྒྱ་ཆེའི་ནང་དུ་པད་ཉིའི་སྟེང་། །དཔལ་ལྡན་ཡེ་ཤེས་མགོན་པོ་ཕྱག་བཞི་པ། །ཕྱག་གཡས་དང་པོས་གྲི་སྙིང་ནོར་བུའི་དབྱིབས། །གཡས་འོག་རལ་གྲི་གཡོན་པས་ཐོད་པ་དང་། །གཡོན་འོག་ཁཊ་ཞབས་གཉིས་བཙན་དཀྱིལ་བཞུགས། །ཕག་མོ་དམར་མོ་གྲི་ཐོད་འཛིན་པས་འཁྱུད། །མགོན་པོའི་དབུ་གཙུག་པདྨ་ཟླ་བའི་གདན། །རྒྱལ་བ་རྒྱ་མཚོ་ཆ་ལུགས་སྤྱི་ལྟར་ལ། །དང་པོའི་ཕྱག་གཉིས་བར་དུ་ནོར་བུ་བསྣམས། །ཐུགས་ཀར་ཟླ་སྟེང་ཧྲིལ་ཡིག་དྲུག་འཁོར།། མགོན་པོའི་ཐུགས་ཀར་ལས་མགོན་བྱ་རོག་གདོང་། །གྲི་གུག་ཐོད་ཁྲག་འཛིན་པའི་ཐུགས་ཀ་རུ། །ཉི་སྟེང་ཧཱུྃ་མཐར་བདེ་མཆོག་ཡིག་བདུན་དང་། །དེ་རྒྱབ་མགོན་པོའི་རྩ་སྔགས་

[Full Size]

གཡས་སུ་འཁོར། །མགོན་པོ་ཕག་མོའི་སྦྱོར་མཚམས་གསང་གནས་སུ། །ཀཱ་ལི་ནག་མོ་ཞལ་གཅིག་ཕྱག་བཞི་མ། །གྲི་གུག་རལ་གྲི་ཐོད་པ་ཁ་ཊཾ་བསྣམས། །གཡས་བརྐྱང་གཡོན་བསྐུམས་བཞུགས་པའི་བྷ་གའི་ནང་། །ཆོས་འབྱུང་སྔོན་པོའི་དབུས་སུ་ཧཱུྃ་མཐིང་ནག །ཡེ་ཤེས་མགོན་པོའི་ཐུགས་སྲོག་ངོ་བོར་བསྒོམ། །མགོན་པོའི་གདན་གྱི་ཆོས་འབྱུང་ཟུར་གསུམ་པོར། །ཚེ་བདག་འཆི་བདག་སྲོག་བདག་བྱ་རོག་གདོང་། །གྲི་གུག་ཐོད་ཁྲག་འཛིན་ཅིང་བྱ་གཤོག་ཅན། །ཡུམ་ནི་ཤ་ཟ་རྐང་ལྡག་རྩ་འཇིབ་མ། །དམར་མོ་ལྕགས་ཀྱུ་ཐོད་ཁྲག་འཛིན་པས་འཁྱུད། །གཙོ་འཁོར་ཐོམས་ཅད་དུར་ཁྲོད་ཆས་བརྒྱད་རྫོགས། །སོ་སོའི་ཐུགས་སྲོག་སྔགས་ལས་འོད་ཟེར་ནི། །དམར་པོ་ལྕགས་ཀྱུའི་དབྱིབས་ཅན་དཔག་མེད་འཕྲོས། །བསིལ་བ་ཚལ་སོགས་དུར་ཁྲོད་བརྒྱད་རྣམས་ནས། །བྱ་རོག་གདོང་ཅན་ལ་སོགས་ནག་པོ་སྟོང་། །སེང་གེའི་གདོང་ཅན་ལ་སོགས་ཤ་ཟ་འབུམ། །ཀཱ་ལི་ནག་མོ་མ་མོ་བྱེ་བའི་ཚོགས། །ལྷ་སྲིན་སྡེ་བརྒྱད་ལྷ་མི་ཐམས་ཅད་ཀྱི། །བྱང་སེམས་དཀར་དམར་བཀྲག་དང་གཟི་མདངས་ཀུན། །བསྡུས་ནས་ཡེ་ཤེས་མགོན་པོའི་ཐུགས་ཀར་ཐིམ། །

[Full Size]

ཡེ་ཤེས་མགོན་པོ་བཀྲག་དང་གཟི་མདངས་རྒྱས། །མགོན་པོ་ཡབ་ཡུམ་སྐུ་ལུས་བདེ་བས་གང་། །སྦྱོར་མཚམས་བྱང་སེམས་བདུད་རྩིའི་རྒྱུན་ཆེན་འབེབས། །བདག་ཉིད་བདེ་མཆོག་སྐུ་ལུས་མེར་གྱིས་གང་། །སྐུ་གསུང་ཐུགས་ཀྱི་བཅུད་དང་དངོས་གྲུབ་རྣམས། །བདག་གི་གནས་ལྔར་ཐིམ་པས་བཀྲག་མདངས་རྒྱས། །སྤྱན་རས་གཟིགས་ཀྱི་ཕྱག་གི་ནོར་བུ་ལས། །འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། །སེམས་ཅན་ཀུན་གྱི་བཅུད་དང་བསོད་ནམས་ཀུན། །བསྡུས་ནས་བདག་གི་ལུས་གང་དངོས་གྲུབ་ཐོབ། །དེ་ལྟར་བསྒོམ་ཞིང་གཙོ་བོར་ཡིག་དྲུག་བཟླ། །ཐུན་མཇུག་བདེ་མཆོག་ཡིག་བདུན་ཅུང་ཟད་དང་། །མགོན་པོའི་བསྙེན་པ་བརྒྱ་རེ་བྱས་པས་འཐུས། །ཨོཾ་བཱིཧ་ཧ་ཧཱུྃ་ཧཱུྃ་ཕཊ། །ༀ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལཱ་ཡ་ཧཱུྃ་ཧཱུྃ་ཕཊ། རྨི་ལམ་བླ་མ་མགོན་པོ་མི་ཆེན་སོགས། །རང་ལ་མི་གུས་ཕར་ལ་ཕྱག་འཚལ་སོགས། །བྱུང་ན་ཆོས་སྐྱོང་དབང་དུ་མ་འདུས་རྟོགས། །ཡིན་ཕྱིར་གསང་གནས་ཀཱ་ལི་ནག་མོ་ཡི། །ཆོས་འབྱུང་ཧཱུྃ་ལ་སྔགས་ཀྱིས་གཡོན་དུ་བསྐོར། །དེ་ལས་འོད་ཟེར་དམར་ནག་ཕྱོགས་བཅུར་འཕྲོས། །མགོན་པོ་འཁོར་བཅས་མདུན་དུ་སྤྱན་དྲངས་

[Full Size]

བཞུགས། །ཁོང་རྣམས་ས་བོན་སྲོག་སྙིང་སྔགས་དང་བཅས། །འོད་ཟེར་གྱིས་དྲངས་ཡུམ་གྱི་བྷ་ག་ཡི། །ས་བོན་ལ་ནི་ཐིམ་པར་གྱུར་མ་ཐག །མགོན་པོ་འཁོར་བཅས་བདག་གི་དབང་དུ་འདུས། །འདར་དང་ཕྲིལ་ཕྲིལ་ཅི་གསུང་བཀའ་ཉན་བསམ། །དེ་ཡིས་མགོན་པོ་འཁོར་བཅས་དབང་དུ་འདུས། །ནག་པོ་གཟི་མདངས་སྒྲུབ་པ་ངོ་མཚར་ཅན། །སྐུ་རིགས་མ་ཡི་གླེགས་བམ་ཀུན་གྱི་བཅུད། །གསང་སྒྲུབ་འཁོར་ལོ་ལྔ་མ་གཉིས་མ་སོགས། །མགོན་པོའི་ཁྲིད་རིམ་ཀུན་གྱི་ཡང་སྙིང་སྟེ། །དྲུང་ཆེན་མཁའ་སྤྱོད་པ་ནས་བརྒྱུད་པའི་ཕྱིར། །དབུས་སུ་མགོན་པོ་ཁམས་བྱོན་མ་རུ་གྲགས། །ཐུགས་རྗེ་ཆེན་པོ་བདེ་མགོན་སྦྲགས་སྒྲུབ་འདི། །རང་གི་རྒྱུན་ཁྱེར་ཉམས་སུ་བླངས་པ་བཞིན། །སློབ་བུ་པདྨ་ཐབས་མཁས་ཉིད་ལ་གདམས། །སྙན་བརྒྱུད་སྦ་འོས་གསལ་བཀོད་ཉེས་པ་རྣམས། །ཡེ་ཤེས་མགོན་པོ་འཁོར་དང་བཅས་ལ་བཤགས། །དགེ་བས་སྒྲུབ་བརྒྱུད་བསྟན་པ་མཐའ་རྒྱས་ཤོག །དེ་སྐད་ཤུགས་འཆང་མེ་ཕོ་རྟ་ཡི་ལོ། །ཐ་སྐར་ཟླ་བའི་ཡར་ཚེས་བཅོ་ལྔའི་ཉིན། །སྟོན་པ་ལྷ་ལས་ལྷགས་པའི་དུས་མཆོད་ཀྱི། །ཐུན་མཚམས་སྐབས་སུ་རཱ་ག་ཨ་སྱས་

[Full Size]

སྨས། དགེ་བཤེས་པདྨ་ཐབས་མཁས་ཞེས་བྱས་བྲིས། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏེར་མགོན་མངོན་རྟོགས་བསྡུས་པ།

[Full Size]

གཏེར་མགོན་མངོན་རྟོགས་བསྡུས་པ་བཞུགས༔

[Full Size]

ཆོས་ཀུན་མི་དམིགས་སྟོང་པའི་ངང་ཉིད་ལས༔ མེ་རི་རྡོ་ར་ཐོད་པའི་གུར་ཁང་དབུས༔ རཾ་ཡཾ་ཁཾ་ཡིག་ལས་བྱུང་འབྱུང་རིམ་བརྩེགས༔ དེ་སྟེང་པཾ་ལས་པདྨ་འདབ་བརྒྱད་ཀྱི༔ ལྟེ་བར་ཉི་མ་ཐཾ་སྟེང་ཧཱུྃ་མཐིང་ལས༔ དཔལ་ལྡན་ཡེ་ཤེས་མགོན་པོ་སྐུ་མདོག་མཐིང་རྔམ་བརྗིད་ཞལ་གཅིག་ཕྱག་བཞི་ཁྲོ་བོའི་གཟུགས༔ ཕྱག་གཡས་དང་པོས་དགྲ་སྙིང་དམར་པོ་བསྣམས༔ གཡོན་གྱི་ཐོད་པ་འོག་མའི་གཡས་གཡོན་གྱིས༔ རལ་གྲི་ཁ་ཊཾ་འཛིན་ཅིང་བཙན་འཁྱིལ་གྱི༔ ཡུམ་ཆེན་ཀྲོ་ཏི་གྲི་ཐོད་འཛིན་པ་འཁྲིལ༔ དུར་ཁྲོད་དཔལ་ཆས་ཡོངས་རྫོགས་མེ་

[Full Size]

ཀློང་བཞུགས༔ དེ་ཡི་ཕྱི་རིམ་པདྨ་འདབ་བརྒྱད་ལ༔ ཤར་ལྷོར་བྱ་རོག་གདོང་ཅན་གྲི་ཐོད་འཛིན༔ དུར་ཁྲོད་ཆས་ལྡན་སྤྲུལ་པའི་བྱ་རོག་བཅིབས༔ ལྷོ་ནུབ་སེང་གདོང་རྟ་ནག་བེར་ནག་ཅན༔ དཱར་ནག་དམར་གཏོར་ཕྱར་ཞིང་བམ་རོས་བརྟེན༔ ནུབ་བྱང་གཟའ་བདུད་མགོ་དགུ་བྱ་རོག་གདོང་༔ མིག་མང་ཆུ་སྲིན་མདའ་གཞུ་སྦྲུལ་མཇུག་འཁྱིལ༔ བྱང་ཤར་འབར་མ་རྩེ་གསུམ་ཐོད་ཁྲག་འཛིན༔ དར་ནག་གོ་ཟུ་གྱོན་ཅིང་བྱ་རོག་ཞོན༔ ཤར་དུ་གིང་ཆེན་དཀར་པོ་བེར་དཀར་ཅན༔ མདུང་དར་འཁོར་ལོ་བསྣམས་ཤིང་རྟ་དཀར་བཅིབས༔ ལྷོ་རུ་གཤིན་རྗེ་

[Full Size]

དམར་པོ་ར་དམར་བཅིབསཾ༔ སྤུ་གྲི་ཞགས་བསྣམས་ཁྲ་གདེངས་བསེ་ཕུབ་ཁུར༔ ནུབ་ཏུ་བཙན་རྗེ་སྔོ་ནག་སེང་གེ་ཞོན༔ རྡོ་རྗེ་འཛིན་ཅིང་སྤྲུལ་པའི་ལྕགས་སྤྱང་འགྱེད༔ བྱང་དུ་སྦྱིན་ནག་པོ་རིའུ་སླག་གྱོན༔ ལྕགས་ཀྱི་ཁར་བ་སྙིང་འཛིན་རྟ་ནག་བཅིབས༔ ཡང་འཁོར་ནག་པོ་མ་མོ་ཤ་ཟ་དང་༔ ཁྲག་འཐུང་བྱ་གཅན་ཚོགས་ཀྱིས་བསྐོར་བའོ༔ ཀུན་གྱི་གནས་གསུམ་ཡིག་འབྲུ་གསུམ་པོ་དང་༔ སོ་སོའི་ས་བོན་དག་ལས་འོད་འཕྲོས་པས༔ འོག་མིན་རྡོ་རྗེ་གདན་དང་ནཱ་ལེནྡྲ༔ སོ་སོའི་གནས་ནས་འཁོར་བཅས་སྤྱན་དྲངས་གྱུར༔ དེ་ནས་སྤྱན་འདྲེན་ནས་བསྟོད་པ་ཡན་ཆད་འདོན༔ ལས་ཀྱི་གཉེར་གཏད་ནས་བསྐུལ་པ་རྣམས་དགུ་གཏོར་ལ་སོགས་གལ་ཆེ་ན་མ་གཏོགས་རྒྱུན་དུ་མི་འདོན༔ འདི་ཡི་དམ་ཆོས་སྐྱོང་དབྱེར་མེད་ཡིན་པས་མངོན་རྟོགས་གཅིག་གིས་བདག་མདུན་དུས་གཅིག་བསྐྱེད་རྒྱུ་ཡིན་ནའང་རྒྱུན་གྱི་གཏོར་ཆོག་ཚེ་རང་ཡི་དམ་ལ་མདུན་དུ་མགོན་པོ་འཁོར་བཅས་བསྐྱེད་ཀྱང་ཆོག་བསྙེན་པ་བྱེད་ན་ནི་བདག་མདུན་གཉིས་མགོན་པོར་བསྒོམ་པར་བྱ་སྟེ༔ རྒྱུན་གྱི་བསྙེན་པ་ནི༔ ཨོཾ་མ་ཧཱ་ཀ་ལ་ཨེ་ཀ་ཛ་ཊི་གུ་ཎ་ཧྲི་ད་ཧཱུྃ་ཕཊ༔ ཅེས་པ་ཕྲེང་སྐོར་ཙམ་དང་དེ་ལ་བཏགས་པ་ནི༔ མ་ཧཱ་ཀཱ་ལ་ཁ་ཁ་མུ་ཁ༔ མ་མ་རཀྵ་ཛ་ལི་སེང་ཧ་མུ་ཁ་ཧཱུྃ་ཕཊ༔ རཀྵ་རཱ་ཧུ་ལ། གིང་ཀ་

[Full Size]

རཱ༔ ཡ་མ་རཱ་ཛཿ ཙ་ཏྲི་ཤཱུ་ལ༔ ཡཀྵ་སརྦ་དུཥྚཱཾ༔ སརྦ་ཌཱ་ཀི་ནཱི་ཧཱུྃ་ཕཊ༔ ཅེས་སྔགས་རིང་ཚར་བདུན་རེ་ཙམ་བཟླའོ༔ ཞེས་ཨ་རཱ་གས་སོ༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཀྱི་ལྷན་ཐབས་གཏེར་མགོན་ཕྱག་བཞི་པའི་འདོན་ཆ་ཉང་ལུགས་ནས་ཁ་བཀང་།

[Full Size]

གནམ་ཆོས་ཀྱི་ལྷན་ཐབས་གཏེར་མགོན་ཕྱག་བཞི་པའི་འདོན་ཆ་ཉང་ལུགས་ནས་ཁ་བཀང་བའོ༔

[Full Size]

པད་ཉིར་ཧཱུྃ་ལས་གཏེར་མགོན་སྔོ༔ སྔོ་ཞིང་སྔོ་ལ་རབ་ཏུ་ནག༔ ཕྱག་བཞི་གཡས་གཉིས་ཙིཏྟ་གྲི༔ གཡོན་གཉིས་བྷནྡྲ་ཁ་ཊཱ་འཛིན༔ ཞབས་གཉིས་སེམས་དཔའི་སྐྱིལ་ཀྲུང་བཞུགས༔ ཡུམ་སྔོན་གྲི་ཐོད་འཛིན་མ་འཁྱུད༔ གཡས་སུ་བྱ་རོག་གདོང་ཅན་ནག༔ ཞལ་གཅིག་ཕྱག་གཉིས་གྲི་གུག་དང་༔ ཐོད་ཁྲག་འཛིན་ཏེ་ཁྲོ་ཆས་རྫོགས༔ པད་ཉིའི་སྟེང་དུ་ཞབས་བགྲད་བཞུགས༔ གཡོན་དུ་ལྷ་མོ་རྩ་འཇིབ་མ༔ སྐུ་མདོག་དམར་མོ་རིད་པའི་གཟུགས༔ གཡས་གཉིས་རལ་གྲི་ཁ་ཊཾ་སྟེ༔ གཡོན་གཉིས་མདའ་གཞུ་མི་མགོ་འཛིན༔ ཞབས་གཉིས་

[Full Size]

པད་ཉིར་བགྲད་དེ་བཞུགས༔ དྷེ་ཏུ་ཡག་པ་ནག་ཆེན་པོ༔ འཇིགས་བྱེད་ཅན་དང་བྱ་མཆུ་ཅན༔ གཤོག་པ་ཅན་དང་འོད་ཟེར་ཅན༔ ངོ་ཁྲོ་ཅན་དང་མིག་གདོང་ཅན༔ རྒྱུ་ཞགས་ཅན་དང་སྦྲུལ་ཞགས་ཅན༔ ཐོད་རློན་ཅན་དང་ཐོད་སྐམ་ཅན༔ འཁོར་དང་བཅས་པ་སྤྱན་དྲངས་སོ༔་ཧཱུྃ༔ ཡུལ་གྱི་མིང་ནི་རྒྱ་གར་རྡོ་རྗེ་གདན༔ དུར་ཁྲོད་མིང་ནི་རབ་འཇིགས་བསིལ་བའི་ཚལ༔ བསྐལ་པའི་མེ་དཔུང་འབར་བའི་ཀློང་དཀྱིལ་ནས༔ ཡེ་ཤེས་མགོན་པོ་ཡབ་ཡུམ་འཁོར་དང་བཅས༔ ལས་མགོན་བྱ་རོག་གདོང་ཅནཾ་བཅུ་གསུམ་ཚོགས༔ དཔལ་ལྡན་ལྷ་

[Full Size]

མོ་རྩ་འཇིབ་ཁྲག་འཐུང་མ༔ ནག་པོ་སྟོང་སྡེ་ཤ་ཟ་འབུམ་ཕྲག་དང་༔ མ་མོ་བྱེ་བ་གནོད་སྦྱིན་ཁྲི་དང་བཅས༔ བསྟན་པ་བསྲུང་བའི་སླད་དུ་སྤྱན་འདྲེན་གྱི༔ སྔོན་གྱི་དམ་ཚིག་གཉེན་པོ་བརྩེར་དགོངས་ལ༔ གཙུག་ལག་ཁང་དང་དུར་ཁྲོད་གནས་སོགས་ནས༔ མ་ཐོགས་མྱུར་དུ་གནས་འདིར་གཤེགས་སུ་གསོལ༔ ཨོཾ་མ་ཧཱི་ཀཱ་ལ་ཨེ་ཀ་ཛ་ཊི༔ ཁ་ཁ་མུ་ཁ༔ དེ་ཝི་རུ་པི་ནི་ས་པ་རི་ཝཱ་ར་ཨེ་ཨཱ་རལླི་ཧྲི་ཧྲི༔ ཨ་ཀར་ཡ་ས་མ་ཡ་ཛ་ཛཿ ཧཱུྃ༔ སངས་རྒྱས་བསྟན་པ་སྲུང་བའི་མཐུ་རྩལ་ཅན༔ མ་ཧཱ་ཀཱ་ལ་ཡབ་ཡུམ་འཁོར་དང་བཅས༔ བདུད་དང་བར་ཆད་མ་ལུས་འདུལ་བ་དང་༔ གདུག་པའི་དགྲ་བགེགས་མ་ལུས་བསྒྲལ་བའི་ཕྱིར༔ དྲག་པོའི་གཞལ་ཡས་དཀྱིལ་འཁོར་ཆེན་པོ་འདིར༔ གཉིས་མེད་བརྟན་པར་བཞུགས་ལ་ཕྲིན་ལས་མཛོད༔ ས་མ་ཡ་ཨཱ་བེ་ཤ་ཡ་ཏིཥྛ་ཤ་ཡ་ཧཱུྃ༔ ཧཱུྃ༔ ཡེ་ཤེས་མགོན་པོ་ཡབ་ཡུམ་རྡོ་རྗེ་ནག་པོ་ཆེ༔ བྱ་རོག་བཅུ་གསུམ་མཁའ་འགྲོ་རྩ་ཁྲོས་མ༔ དམ་ཅན་སྲུང་མ་མ་ལུས་འཁོར་བཅས་ལ༔ ཡོན་ཆབ་མེ་ཏོག་བདུག་སྤོས་མར་མེ་དྲི༔ བཤོས་དང་སྒྲ་སྙན་ལ་སོགས་མཆོད་པར་འབུལཿ་ནག་འབྲས་གྲོ་དང་ཏིལ་དང་

[Full Size]

སྲན་ཆེན་སོགས༔ དཀར་གསུམ་མངར་གསུམ་བརྒྱན་པའི་གཏོར་མ་འབུལ༔ ཤ་ལྔ་བདུད་རྩི་ལྔ་དང་ཞལ་ཟས་ཚོགས་ཤ་ཁྲག་དམར་གྱིས་བརྒྱན་པའི་གཏོར་མ་འབུལ༔ བདུད་རྩི་སྨན་དང་རཀྟ་དམར་གྱི་མཚེ༔ བཤོས་བུ་སྐྱེམས་ཕུད་རང་རང་མཐུན་པའི་རྫས༔ རང་རང་མཐུན་པའི་མཆོད་པ་འདི་བཞེས་ལ༔ ཞི་དང་རྒྱས་དང་དབང་དང་དྲག་ལ་སོགས༔ ཕྲིན་ལས་རྣམ་བཞི་མ་ལུས་འགྲུབ་པར་མཛོད༔ ཧཱུྃ་མ་ཧཱ་ཀཱ་ལ་ཨེ་ཀ་ཛ་ཊི་ཁ་ཁ་མུ་ཁ་སརྦ་དེ་ཝི་རུ་པི་ནི༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱི༔ པཉྩ་ཨ་མྲྀ་ཏ་ཁཱ་ཧྲཱི༔ མ་ཧཱ་རཀྟ་ཁཱ་ཧྲཱི༔ དགྲ་བགེགས་ཀྱི་ཙིཏྟ་རཀྵ་མཾ་ས་ཁཱ་ཧྲཱི༔ སརྦ་པཱུ་ཛ་ཧོ༔ ཧཱུྃ༔ ཆོས་དབྱིངས་སྐྱེ་མེད་ངང་ལས་མ་གཡོས་ཀྱང་༔ ཐབས་ཀྱིས་གདུག་པ་མ་ལུས་འདུལ་བའི་ཕྱིར༔ དྲག་པོ་འཇིགས་བྱེད་ཆེན་པོའི་སྐུར་སྟོན་པའི༔ དཔལ་ལྡན་མགོན་པོ་ཡབ་ཡུམ་ཕྱག་འཚལ་བསྟོད༔ སྔོན་ཚེ་ཁྲག་འཐུང་ཆེན་པོའི་སྤྱན་སྔ་རུ༔ སངས་རྒྱས་བསྟན་པ་བསྲུང་བར་ཁས་བླངས་ནས༔ སྲིན་པོའི་གཟུགས་ཀྱིས་གདུག་པ་མ་ལུས་འདུལ༔ བྱ་རོག་གདོང་ཅན་བཅུ་གསུམ་ཚོགས་ལ་བསྟོད༔ ནག་པོའི་ལས་

[Full Size]

མཛད་མཁའ་འགྲོ་ཀུན་གྱི་གཙོ༔ སྲིན་པོའི་གཟུགས་ཀྱིས་དགྲ་ལ་དུག་ཁྲག་འབེབས༔ ཤ་ཟ་ཁྲག་འཐུང་གཏུམ་མོ་རབ་འབར་མ༔ དམར་མོ་རྩ་ཁྲག་འཇིབ་ལ་ཕྱག་འཚལ་བསྟོད༔ འཇིག་རྟེན་ལས་ལས་གྲུབ་པའི་དྲེགས་པ་ཅན༔ དྲག་སྔགས་དམོད་པ་དྲག་པོའི་མཚོན་ཆ་ཡིས༔ ཞིང་བཅུའི་སྲོག་དབུགས་ཕྲལ་བའི་མཐུ་བོ་ཆེ༔ ལས་བྱེད་དྲག་པོའི་ཚོགས་ལ་ཕྱག་འཚལ་བསྟོད༔ ཡབ་ཡུམ་ཐུགས་ཀྱི་སྦྱོར་མཚམས་སུ༔ གསེར་དངུལ་གའུ་ཁ་སྦྱོར་སོ་སོའི་ལྟར༔ ཧཱུྃ་དང་བྷྱོའཁོར་གཉིས་ཐུགས་ཀར་ཏྲིདང་སྦྱོར་ལ་རང་རང་སྔགས་ཀྱིས་བསྐོར་བར་བསྒོམས་ལ་རྒྱུན་བསྙེན་བྱ་བ་ཡིན་ལ༔ སྒྲུབ་པ་བྱེད་པ་ཡིན་ན་སོ་སོའི་གཞུང་ལས་ཤེས་སོ༔ ཨོཾ་མ་ཧཱ་ཀཱ་ལ་ཨེ་ཀ་ཛ་ཊི་ཧཱུྃ་ཕཊ༔ ཅེས་འབྲུ་བཅུ་གཅིག་པ་གཙོ་བོ་ཡབ་ཡུམ་དང་༔ ཏྲི་ཁ་ཁ་མུ་ཁ་དུ་བྷྱོ༔ འབྲུ་བདུན་པ་ལས་མགོན་བྱ་རོག་གདོང་དང་༔ ཨོཾ་མ་ཧཱ་ཀ་ལི་དེ་ཝི་རུ་པི་ནི་ཧཱུྃ་བྷྱོ་ཕཊ༔ ཅེས་བཅུ་གསུམ་པ་ལྷ་མོ་རྩ་འཇིབ་མ་སྟེ་ཤིན་ཏུ་ཟབ་ཅིང་གནད་ཆེ་བ་སྟེ༔ སྔོན་བོད་དུ་བྱུང་བའི་མགོན་པོ་ཕྱག་བཞི་པ་ཐམས་ཅད་ལས་ཀྱང་འདི་ཟབ་བམ་སྙམ་པའི་གནད་མང་དུ་ཡོད་པས་འདི་ལ་དཔེ་དམ་ཞིང་གཙིགས་ཆེ་བར་བྱའོ༔ ཞེས་པ་གནམ་ཆོས་ལས་གཙོ་འཁོར་སོ་སོར་སྒྲུབ་ཐབས་གསུངས་པ་མན་ངག་གཅིག་ཏུ་བསྡུས་ཤི་ང་༔ འདོན་ཆ་ཅུང་ཟད་ཉང་ལུགས་ནས་བླངས་ཏེ་སྔགས་འཆང་རཱ་ག་ཨ་སྱས་

[Full Size]

བྲིས་པ་ལ༔ འགལ་བ་མཆིས་ན་མགོན་པོ་ཡབ་ཡུམ་འཁོར་དང་བཅས་ལ་བཤགས་ཤིང་༔ དགེ་བས་ཟབ་གཏེར་བསྟན་པ་རྒྱས་གྱུར་ཅིག༔ མངྒ་ལཾ༔ ཤུ་བྷཾ༔ ཨོཾ༔ ན་མོ་པདྨ་ཀཱ་ར་ཡེ༔ རང་ཉིད་ཡི་དམ་དུ་གསལ་བའི་མདུན་དུ་མ་ཧཱ་ཀཱ་ལ་ཁྲོས་པའི་ཆ་བྱད་ཕྱག་བཞི་དང་པོ་གཉིས་ཀྱིས་གྲི་གུག་ཐོད་ཁྲག་འོག་གཉིས་ཁ་ཊཾ་ཙིཏྟ་འཛིན་པ་བྱ་རོག་ཆིབས་པར་བསྐྱེད་ལ༔ ཨོཾ་མ་ཧཱ་ཀཱ་ལ་གུ་ཎ་ཧྲི་ད་ཧཱུྃ་ཧཱུྃ་ཧཱུྃ་ཛ་ཛ་ཛ་ཕྲཊ་ཕྲཊ་ཕྲཊ༔ ཅེས་དྲག་ཏུ་བཟླའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

དཔལ་ཡེ་ཤེས་ཀྱི་མགོན་པོ་ཕྱག་བཞི་པའི་གཏོར་ཆོག་དང་རྒྱུན་བསྙེན་བྱ་ཐབས་མདོར་བསྡུས་མགོན་པོ་དངོས་གྲུབ་ཀུན་འབྱུང་།

[Full Size]

དཔལ་ཡེ་ཤེས་ཀྱི་མགོན་པོ་ཕྱག་བཞི་པའི་གཏོར་ཆོག་དང་རྒྱུན་བསྙེན་བྱ་ཐབས་མདོར་བསྡུས་མགོན་པོ་དངོས་གྲུབ་ཀུན་འབྱུང་ཞེས་བྱ་བ་བཞུགས་སོ།།

[Full Size]

ན་མོ་གུ་རུ་མ་ཧཱ་ཀཱ་ལ་ཡེ། བླ་མ་ཡི་དམ་ཆོས་སྐྱོང་དབྱེར་མེད་པ། །འཇའ་ལུས་མཁའ་སྤྱོད་གཱ་ག་དྷ་ཛ་ལ། །གུས་པས་ཕྱག་འཚལ་རིགས་རྒྱུད་བྱིན་གྱིས་རློབས། །དེ་ལ་འདིར་ནག་པོ་ཆེན་པོ་ཕྱག་བཞི་པའི་སྒྲུབ་ཐབས་མཆོད་ཕྲེང་ཁྱེར་བདེར་བཀོད་པ་བྱ་བའི་ཕྱིར་བཀའ་ཡི་གནང་བ་བསྩལ་དུ་གསོལ་། །དེ་ཡང་ཐོག་མར་ངེས་ཤེས་ཀྱི་དད་པ་མེད་ན་བྱིན་རླབས་རྒྱང་རིང་བས། ངེས་ཤེས་དད་པ་སྐྱེད་ཕྱིར་ཕན་ཡོན་དགོས་ཆེད་བཤད་དེ། མགོན་པོ་འདི་ནི་ཡི་དམ་ཆོས་སྐྱོང་གཉིས་ཀ་ཡིན་པས་གོང་གནོན་གཞན་གཅིག་ཀྱང་མི་དགོས་ཏེ། བྱ་རོག་སྲོག་ཟན་ནག་པོའི་རྒྱུད་ལས། ངོ་བོ་ཁྲག་འཐུང་བདེ་མཆོག་ཡིན། །ཡེ་ཤེས་སྐུ་ཏེ་རྡོ་རྗེ་འཆང་། །ཞེས་གསུངས་སོ།

[Full Size]

བསྐལ་པ་འདི་ལ་བྱུང་བའི་མགོན་པོ་ཐམས་ཅད་ཀྱི་ནང་ནས་མཆོག་དམ་པ་སྙིང་པོ་ཡང་འདི་ཡིན་ཏེ། དངོས་གྲུབ་འབྱུང་རྒྱུད་ལས། བསྐལ་པ་བཟང་པོ་འདི་ལ་ནི། །བྱུང་བའི་མགོན་པོ་མ་ལུས་པ། །ཀུན་གྱི་སྙིང་པོ་གྱུར་པ་ནི། །གསང་བ་ཞིང་སྐྱོང་མགོན་པོ་ཆེ། །སངས་རྒྱས་ཀུན་གྱི་མགོན་པོ་འདིས། །བསྟན་པ་སྲུང་བར་མཛད་པ་ཡིན། །ཞེས་གསུངས། ༈ འདི་ནི་འཇིག་རྟེན་པའི་ཆོས་སྐྱོང་གཞན་དང་མི་འདྲ་སྟེ། ཕྱི་མ་ཡང་ལམ་སྣ་འདྲེན་པ་ཡིན་ཏེ། གྲི་གུག་བརྩེགས་པའི་རྒྱུད་ལས། བར་མ་དོར་ནི་འཇུག་ཚེ་ཡང་། །བར་ཆད་སེལ་ཞིང་ལམ་སྣ་འདྲེན། །ཞིང་ཁམས་དག་པར་སྐྱེལ་བར་བྱེད། །དེ་ཕྱིར་ཆོས་སྐྱོང་ཆེན་པོ་ཡིན། །ལྷ་སྟོང་དབང་བསྐུར་འགྲོ་དོན་འབྱུང་། །གྲུབ་པ་བརྒྱད་སོགས་ལས་ཚོགས་འགྲུབ། །ཅེས་

[Full Size]

གསུངས་སོ། །དུས་སྙིགས་མའི་སྐབས་འདིར་ལྷ་གཞན་འགྲུབ་དཀའ་མོད་ཀྱི། མགོན་པོ་འདི་འགྲུབ་སླ་བ་སྟེ། གྲི་གུག་བརྩེགས་པའི་རྒྱུད་ལས། དེ་ནས་དཔལ་ལྡན་ནག་པོ་ཆེ། །ཕྱག་བཞི་པ་ཡིས་སླར་གསོལ་བ། །ལྔ་བརྒྱ་དུས་ཀྱི་སྙིགས་མ་ལ། །ཟས་ངན་ལྕི་བ་ཟ་བའི་དུས། །གོས་ངན་རེ་བ་གྱོན་པའི་དུས། །མཚོན་ཆ་རྒྱན་དུ་འདོགས་པའི་དུས། །མུ་སྟེགས་ལོག་ལྟ་དར་བའི་དུས། །རབ་བྱུང་སྡེ་འཁྲུག་དར་བའི་དུས། །སྔགས་པ་ནང་དམེ་དར་བའི་དུས། །དེ་དུས་ང་ཡི་བསྟན་པ་འབྱུང་། །ཞེས་གསུངས་སོ།། ༈ མདོར་ན་མགོན་པོ་འདི་སྒྲུབ་ན། །མཆོག་དང་ཐུན་མོང་དངོས་གྲུབ་ཐམས་ཅད་ཐོབ་ནས་ས་བཅུ་ནོན་པར་བཤད་དོ། །ཐུགས་རྗེ་འབྱུང་བ་རྩ་བའི་རྒྱུད་ལས། །གནས་སྐབས་མཐར་ཐུག་འབྲས་བུ་བཤད། །ཞི་དང་རྒྱས་དང་དབང་གི་ལས། །ཚེ་དང་དཔལ་དང་གྲགས་དང་གཟི་བརྗིད་དང་། །མཐུ་སྟོབས་འབྱོར་པ་དང་ལྡན་སྲུང་བ་དང་། །ས་སྟེང་དང་ནི་མཐོ་རིས་གནས་སུ་ནི། །དེས་ནི་བགེགས་ཀྱི་ཚོགས་རྣམས་སྲུང་བར་བྱེད། །རྐང་མགྱོགས་རིལ་བུ་བུམ་པ་བཟང་། །གནོད་སྦྱིན་མཆིལ་ལྷམ་མཁའ་ལ་སྤྱོད་པར་འགྱུར། །དགའ་བའི་ལམ་གནས་ས་བཅུའི་དབང་ཕྱུག་ཐོབ། །སྤྲུལ་དང་དོན་སྤྱོད་ཟག་པ་མེད་འབྲས་ཐོབ་། །དགེ་བའི་ཤུགས་ཅན་སྟོབས་ཆེན་དེ་ཡི་ཞིང་། །སྐྱེ་ཞིང་མགོན་པོ་དེ་དང་མཚུངས་པར་ཤོག །ཅེས་དང་། དངོས་གྲུབ་འབྱུང་བའི་རྒྱུད་ཆེན་པོ་ལས། ཁྱད་པར་དུ་ཡང་གསང་བ་ཆེན་པོའི་དམ་ཚིག་ལ་ངེས་པར་གནས་པ་ཉིད་

[Full Size]

ཀྱི་ཕྱོགས་དང་དུས་ཐམས་ཅད་དུ་ཡེ་ཤེས་ཀྱི་མགོན་པོ་ནག་པོ་ཆེན་པོས་རྗེས་སུ་སྐྱོང་བ་དང་། རྒྱང་རིང་པོ་ནས་ཀྱང་ངེས་པར་གཟིགས་པར་མཛད་དོ། །འཇིགས་པ་ཐམས་ཅད་ལས་རབ་ཏུ་གྲོལ་བར་འགྱུར་རོ། །སྟོབས་དང་ཚེ་དང་དཔལ་རབ་ཏུ་སྟེར་ཞིང་། མི་ཟད་པའི་ཡེ་ཤེས་ཐོབ་པར་བྱེད་པ་དང་། ཉམ་ང་བ་མེད་པ་དང་བག་ཚ་བ་མེད་པ་དང་སེང་གེའི་སྟོབས་ཀྱིས་རྒྱུ་ཞིང་བདུད་ཀྱི་ཕྱོགས་མ་ལུས་པ་ཐམས་ཅད་ནམ་ཞིག་སྒྲུག་སྟེ། མགོ་བོ་འགེམས་པ་ཙམ་དུ་བྱེད་པར་འགྱུར་ཞིང་། རྒྱ་མཚོ་ཆེན་པོ་མཐར་ཐུག་པར་བྱེད་པར་འགྱུར་རོ། །གང་གཏུམ་པ་དང་དཔའ་བ་དང་དྲག་པོའི་སྟོབས་ཤུགས་ཀྱིས་ཀུན་ཏུ་སྤྱོད་ལ། རྡོ་རྗེའི་ཏིང་ངེ་འཛིན་མི་ཤིགས་པར་འགྱུར་བ་མེད་པའི་ཚུལ་ཁྱབ་པར་རྒྱུའོ། །གནས་ཀྱི་མཁའ་འགྲོ་མ་དང་། ཕོ་ཉའི་མཁའ་འགྲོ་མ་དང་། འཇིག་རྟེན་གྱི་མཁའ་འགྲོ་མ་དང་། དམ་ཚིག་གི་མཁའ་འགྲོ་མ་དང་། ཤ་ཟའི་མཁའ་འགྲོ་མའི་དབང་ཕྱུག་ཏུ་གྱུར་ཏོ། །རྡོ་རྗེ་རིགས་ཀྱི་མཁའ་འགྲོ་མ་ཕོ་ཉ་དྲུག་ཅུ་རྩ་བཞིས་ཀྱང་ཕྲིན་ལས་ཐོགས་པ་མེད་པར་འགྲུབ་པར་བྱེད་དོ། །ཞིང་སྐྱོང་ཆེན་པོ་དང་ཉེ་བའི་ཞིང་སྐྱོང་ཉི་ཤུ་རྩ་བཞི་པོ་དག་གིས་ཀྱང་ཕྲིན་ལས་ཐོགས་པ་མེད་པར་སྒྲུབ་པར་བྱེད་དོ། །གདུལ་དཀའ་བ་མ་ལུས་པ་འདུལ་ཞིང་འཇིག་རྟེན་གསུམ་ལས་རྣམ་པར་རྒྱལ་བར་བྱེད་དོ། །གང་རྒྱུད་འདི་འཆང་བ་དང་ཀློག་པ་དང་འཛིན་པ་དང་སེམས་དཔའ་བ་དང་དེ་བཞིན་ཉིད་དུ་གནས་པ་དང་། རྣལ་འབྱོར་དུ་གང་གནས་པ་ལ་ཉེ་བར་སྐྱོབ་པར་བྱེད་དོ། །ཉེ་བར་དགོངས་

[Full Size]

པས་མཁྱེན་པར་འགྱུར་རོ། །བྱ་རོག་བརྩེགས་པའི་རྒྱུད་ལས། དམ་ཚིག་ལྡན་པའི་སྔགས་པ་ནི། །ཡིད་ལ་འདོད་པ་ཀུན་རྫོགས་ཤིང་། །གྲགས་པས་ས་སྟེང་ཁྱབ་པ་དང་། །སྟོབས་ཆེན་བདུད་རིགས་སྟོང་ཕྲག་ཀྱང་། །དེ་ཡི་བཀའ་བཞིན་ལས་རྣམས་བྱེད། །རྣམ་ཐོས་བུ་སོགས་གནོད་སྦྱིན་སྟོང་། །ལོངས་སྤྱོད་ནོར་གྱི་ཆར་པ་འབེབས། །དངོས་གྲུབ་ཐམས་ཅད་སྟེར་བར་འགྱུར། །ཞེས་དང་། ཁྲག་མཚོ་ཁོལ་མ་སྙིང་འབྱིན་ནག་པོའི་རྒྱུད་ལས། དེ་ནས་མཆོག་དང་ཐུན་མོང་འབྲས་བུ་བཤད། །ལུས་ངག་ཡིད་གསུམ་སྨིན་པའི་དབང་། །ཧེ་རུ་ཀ་དཔལ་དོན་རྟོགས་ནས། །སྐུ་གསུམ་སྨིན་པའི་རིག་པ་དེ། །སྐུ་གསུམ་འབྲས་བུ་སྨིན་པར་འགྱུར། །བཅུ་གསུམ་གནས་པའི་རྡོ་རྗེ་འཛིན། །ནག་པོ་ཆེ་ལ་འབྲས་དམིགས་ན། །དེ་ཉིད་ཀྱི་ནི་རིགས་སུ་འགྱུར། །ལུས་ངག་དབང་ཐོབ་དམ་ཚིག་དག །རིལ་བུ་མིག་སྨན་རྐང་མགྱོགས་དང་། །གནོད་སྦྱིན་བུམ་པ་མཆིལ་ལྷམ་དང་། །རལ་གྲི་བཅུད་ལེན་ཚེ་རིང་ཐོབ། །བསད་དང་བཅིངས་དང་རིང་བ་དང་། །འགུགས་དང་མྱོས་དང་བསྐྲད་དང་དབྱེ། །མི་སྣང་ལ་སོགས་ལས་ཆེན་བརྒྱད། །ཡེ་ཤེས་འཇིག་རྟེན་མགོན་པོས་སྟེར། །ལྷ་ཀླུ་གནོད་སྦྱིན་མཁའ་འགྲོ་མ། །བདུད་དང་གཤིན་རྗེ་སྲིན་པོ་རྣམས། །ལས་བྱེད་བྲན་བཞིན་བཀའ་ལ་ཉན། །ཞེས་གསུངས་སོ། །ཁྱད་པར་དུ་འདི་ལ་མཆོད་གཏོར་ཕུལ་བའི་ཕན་ཡོན་ནི། བྱ་རོག་ཆེན་པོའི་རྒྱུད་ལས། གཏོར་མའི་མན་ངག་འདི་བཞིན་དུ། །ཤེས་པར་བྱས་ནས་འབུལ་བར་བྱ། །སྒྲུབ་པ་པོ་

[Full Size]

དག་ཚེ་གཅིག་གིས། །ཁྲག་འཐུང་རྒྱལ་པོ་ཐོབ་བྱའི་ཕྱིར། །དེ་ཡིས་ལམ་གྱི་བར་ཆད་སེལ། །ནག་པོ་ཆེན་པོས་བསྟན་པ་སྲུངས། །ཞེས་དང་། སྤུ་གྲི་ཀླད་གཟེར་རྒྱུད་ལས། གཏོར་མ་འདི་ལ་བརྩོན་བྱས་ན། །བདེ་མཆོག་སྐུ་ཡི་དངོས་གྲུབ་ཐོབ། །ཅེས་དང་། བྱ་རོག་བརྩེགས་པའི་རྒྱུད་ལས། མཆོད་དང་གཏོར་མར་གང་བརྩོན་པ། །དེ་ལ་བར་ཆད་མི་འབྱུང་ཞིང་། །དངོས་གྲུབ་གྲོགས་རྣམས་ཐོབ་པར་འགྱུར། །ཕྲིན་ལས་རྣམ་བཞི་འགྲུབ་པར་འགྱུར། །ཞེས་གསུངས་སོ། །འདི་ཡི་སྔགས་བཟླས་པའི་ཕན་ཡོན་ནི། བྱ་རོག་སྲོག་ཟན་ནག་པོའི་རྒྱུད་ལས། །གསང་བའི་ཡང་སྙིང་འདི་དག་ལ། །མོས་ཤིང་དད་པས་བཟླ་བྱེད་པ། །མགོན་པོ་དམ་ཅན་ལས་ལ་འདུ། །གཞན་ཡང་བཟླས་པའི་ཕན་ཡོན་ནི། །སྲིད་གསུམ་ཟིལ་གྱིས་གནོན་པ་དང་། །མེ་དང་རྒྱལ་པོ་ཆུ་དང་དུག་།མ་རུངས་གཅན་སྤྱང་ལ་སོགས་པ། །འཇིགས་པ་རྣམས་ལས་ཡོངས་སུ་ཐར། །ནད་དང་སྡུག་བསྔལ་ཞི་བ་དང་། །ཚེ་དང་དབང་ཐང་ལ་སོགས་པ། །ལོངས་སྤྱོད་འཕེལ་ཞིང་དབུལ་བ་སེལ། །དཔག་བསམ་ལྗོན་ཤིང་རྒྱས་པ་སྟེ། །མི་ནུབ་རྒྱལ་མཚན་འཇིག་རྟེན་དུ། །གྲགས་པ་ཆེན་པོ་བླ་མེད་འབྱུང་། །དཔེར་ན་ཡིད་བཞིན་ནོར་བུ་འདྲ། །དགོས་འདོད་ཐམས་ཅད་དེ་ལས་འབྱུང་། །ཞེས་གསུངས་སོ། །སྲུང་ཟློག་ལ་ཡང་འདི་ལས་ལྷག་པ་མེད། ཡང་ཏིག་བཀོལ་བའི་རྒྱུད་ལས། འདུ་ཤེས་སྔགས་པས་འདི་བྱས་ན། །བསྲུངས་ན་ཚེ་ཟད་ལུས་ཀྱང་ཐུབ། །བཟློག་ན་གནམ་ལྕགས་ཐོག་

[Full Size]

ཀྱང་ཟློག །གསོད་ན་བསྐལ་པའི་མེ་ཡང་འཆི། །ཞེས་གསུངས་སོ། །དེ་ལྟ་བུའི་མགོན་པོ་ནི། རྒྱ་གར་རྡོ་རྗེ་གདན་དང་། ཤྲཱི་ནཱ་ལེ། བི་ཀཱ་མ་ལའི་གཙུག་ལག་ཁང་གི་སྲུང་མ་ཡིན་པས། འཕགས་པ་ཀླུ་སྒྲུབ། ཨཱརྱ་དེ་ཝ། །རྡོ་རྗེ་གདན་པ་ཆེ་ཆུང་སོགས། རྒྱ་གར་གྱི་པཎ་གྲུབ་ཕལ་ཆེར་གྱི་ཐུགས་དམ་གྱི་རྩ་བ་ཡིན་པས་ཡིད་ཆེས། བོད་དུ་ལོཙྪབ་བརྒྱ་རྩ་བརྒྱད་ཙམ་གྱིས་བསྒྱུར་ཀྱང་ཆེར་མ་འཕེལ། །མགོན་པོ་ཉིད་ཀྱི་ཐུགས་སྤྲུལ་དཔལ་ཆེན་སྐྲ་ལོ་ཙཱ་ནས་འཕེལ་ཏེ། རྗེ་དུས་གསུམ་མཁྱེན་པ། ཕག་གྲུ། ཞང་ཚལ་པ། འབྲི་སྟག་འབྲུག་གསུམ་ཐམས་ཅད་ཀྱིས་ཐུགས་དམ་གྱི་རྩ་བ་ཡིན་པས་བྱིན་རླབས་ཀྱི་བབ་ཚེ། ཁྱད་པར་སྒ་ལོའི་སྤྲུལ་སྐུ་དྲུང་མཁའ་སྤྱོད་པ་ལས། ཁྱེད་ཀྱི་མི་རབས་བརྒྱུད་པ་བཅུ་གསུམ་བར་དུ་གཏོར་མ་མཐེབ་སྐྱུ་གཅིག་མ་བྱིན་ཀྱང་བསྟན་པ་སྲུང་ཞེས། མགོན་པོ་ཐམས་ཅད་ཀྱིས་ཞལ་གྱིས་བཞེས་པ་ཡིན་པས། དེང་སང་གདུང་རྒྱུད་ཀྱི་རིགས་ཐོབ་པ་རྣམས་ཀྱིས་འདི་ལ་བསྙེན་སྒྲུབ་མཆོད་གཏོར་ཕུལ་ན་གཞན་དང་མི་འདྲ་བའི་བཀའ་བབས་ཀྱི་གནད་ཆེན་པོ་ཡོད་པས། ཐུགས་དམ་ཡོད་པ་གལ་ཆེའོ། །དེ་ལ་འདིར་ཀུན་གྱིས་ཉམས་སུ་ལེན་པའི་བསྡུས་པ་སྟོན་ཏེ། མདུན་དུ་སྟེགས་གཙང་མ་ལ་ནས་ནག་གམ་སྲན་མའི་ཚོམ་བུ་ལྔ། དེ་རྒྱབ་བརྒྱད་བརྒྱད་པ་གཉིས། དེ་རྒྱབ་ཚོམ་བུ་གྲངས་མེད་པའི་ཕྲེང་བས་བསྐོར། དེ་ཡི་སྟེང་དུ་དབུས་སུ་མཉྫིའམ་ཤིང་ཁྲིའི་ཁར་ཟངས་ལྕགས་སམ་བྷནྟའི་ནང་དུ། གཏོར་མ་ཟུར་གསུམ་ཟུར་མི་རྣོ་བ་གཅིག་ལ་བཞིས་བསྐོར། དེ་རྒྱབ་མཐེབ་སྐྱུ་མར་

[Full Size]

ནག་གིས་བྱུགས་པ་མར་རྒྱན་མེ་རི་དང་ཤ་རྒྱན་བྱ་ནག་བཙུགས། དེ་ལ་མགོན་པོའི་ཙཀླུ་ཡོད་ན་བཙུགས་པ་ལྟར་བསྐྱེད་པའི་རྟེན་གཏོར་རོ། །དེའི་མདུན་དུ་སྣོད་ཆེ་བ་གཅིག་ཏུ་གཏོར་མ་དེ་འདྲ་བ་ཞིག་དང་དཀར་གཏོར་གཅིག་དང་གཉིས་བཤམས་པ་རྒྱུན་དུ་གསོ་བྲན་བྱ་བའི་རྒྱུན་གཏོར་རམ་རྟག་གཏོར་རོ། །ཟན་ལ་གཡག་ནག་ལིངྒ་བཀལ་བ་དང་ལུག་ནག་མར་གྱིས་བརྒྱན་ཅིང་རྭ་ཅོ་ལ་དར་ནག་ཅུང་ཟད་བཙུགས་པ་བསྐང་གཏོར་རོ། །དེ་ཡིས་མཆོད་པ་རྣམ་ལྔ་ཞི་བ་འོ་མ་སོགས་དང་། ཁྲག་གི་ཡོན་ཆབ་དབང་པོ་རྣམ་ལྔའི་གཟུགས་ལྷ་བཤོས་དམར་པོ་ཟུར་གསུམ་སོགས་དྲག་པོའི་མཆོད་པ་རྣམས་བཤམས། ཡོད་ན་ཞལ་ཐང་དང་དར་ནག་མདའ་དར་ནག་པོ་སོགས་རྟེན་རྫས་གང་འཛོམ་བཤམ་མོ། །དེ་ནི་བསྙེན་པ་བྱེད་ན་ཡིན་གྱི། རྒྱུན་དུ་མདུན་གྱི་བར་སྣང་ལ་བསྐྱེད་ཀྱང་ཆོག །གཏོར་མའི་རྩེའི་མར་རྒྱན་ལ་ལྷ་ཚོགས་དང་། སྨད་མཆོད་པར་དམིགས་ཀྱང་རུང་ངོ་། །འདི་བསྟན་པའི་སྤྱི་སྲུང་ཡིན་པས་ཡི་དམ་གང་རུང་ཆོག་ཀྱང་། བདེ་མཆོག་འབྲེལ་ཆེ་བས་སྐད་ཅིག་ལ་བདེ་མཆོག་ལྷན་སྐྱེས་སུ་གནས་འགྱུར་རམ། ཡང་ན་བདེ་མཆོག་ལྷན་སྐྱེས་ཀྱི་མངོན་རྟོགས་འདོན་ནོ། །དེ་ནས་མཆོད་པ་རྣམས་ཆུ་ཆང་བདུད་རྩིས་བྲན་ལ། ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་རཾ་བཾ་ལཾ་སུཾ་རྣམས་ལས། རླུང་མེ་ཆུ་ས་རི་རབ་རྣམས་རིམ་བརྩེགས་ཀྱི་སྟེང་། མེ་རི་རྡོ་རྗེའི་ར་བ་དུར་ཁྲོད་ཆེན་པོ་བརྒྱད་ཀྱིས་ཡོངས་

[Full Size]

སུ་བསྐོར་བའི་དབུས་སུ། བློ་ལས་གཞལ་ཡས་ཀྱི་ཁང་པ་ཕྱི་རིན་པོ་ཆེ་སྣ་ཚོགས་ལས་གྲུབ་པ་གྲུ་བཞི་སྒོ་བཞི་པ།་ནང་ཐོད་པ་སྐམ་རློན་རྙིང་གསུམ་ལས་གྲུབ་པ་འཇིགས་ཤིང་ཡངས་པའི་ནང་དུ། པདྨ་དམཾར་པོ་འདབ་མ་བརྒྱད་དང་སྔོན་པོ་འདབ་མ་བཞི་པའི་དབུས། གྲུ་གསུམ་མཐིང་ནག་པདྨ་ཉི་མ་རོའི་གདན་ལ། རང་གི་ཐུགས་ཀ་ནས་ཧཱུྃ་མཐིང་ནག་གཅིག་འཕྲོས་ནས་བཞུགས་པའི་འོད་ཀྱིས་རྒྱལ་བ་སྲས་བཅས་མཆོད། སེམས་ཅན་གྱི་དོན་བྱས་དགྲ་བགེགས་བདུད་སྡེ་ཚར་བཅད། ཡི་དམ་མཁའ་འགྲོ་ཆོས་སྐྱོང་ལྷ་སྲིན་ཐམས་ཚེཅད་ཀྱི་སྟོབས་དང་ནུས་པ་བསྡུས་ནས་ཧཱུྃ་ལ་ཐིམ་པ་ལས་གྲི་གུག་ཧཱུྃ་གིས་མཚན་པར་གྱུར། དེ་འོད་དུ་འབར་ཞིང་ཞུ་བ་ལས་དཔལ་ཡེ་ཤེས་ཀྱི་མགོན་པོ་ཁྲག་འཐུང་མ་ཧཱ་ཀཱ་ལ་སྐུ་མདོག་མཐིང་ནག་ཞལ་གཅིག་ཕྱག་བཞི་པ་ཞལ་གནམ་ས་ཙམ་གདངས་ཤིང་གངས་རིའི་ཕྲེང་བ་ལྟ་བུའི་མཆེ་བ་གཙིགས་པ། །བསྐལ་པའི་གློག་དམར་ལྟ་བུའི་ལྗགས་བསྐྱོད་ཅིང་ཧ་ཧའི་གད་རྒྱངས་སྒྲོག་པ། དམར་ལ་ཟླུམ་པའི་སྤྱན་གསུམ་སྡང་མིག་ཕྱོགས་བཅུར་བསྒྲད་པས་སྲིད་གསུམ་ས་ལེར་གཟིགས་པ། བསྐལ་པའི་མེ་ལྟར་འབར་བའི་སྨ་ར་དང་སྨིན་མ་

[Full Size]

དབུ་སྐྲ་དམར་སེར་གྱེན་དུ་འབར་བ་ལ་ཐོད་སྐམ་རིན་པོ་ཆེའི་རྩེ་བྲན་ལྔས་བརྒྱན་ཅིང་སྦྲུལ་དཀར་པོས་བཅིངས་པ་ལ་དར་ནག་གི་ཅོད་པན་འཕུར་བ། ཕྱག་བཞིའི་གཡས་ཀྱི་དང་པོས་གནོད་སྦྱིན་ཡང་དག་ཤེས་ཀྱིས་ཕུལ་བའི་བྷེ་ཏེའི་འབྲས་བུ་དང་གྲི་གུག་ཐུགས་ཀར་འཛིན་ཅིང་། འོག་མས་བདུད་རལ་གྲི་ཟླ་བས་ཕུལ་བའི་གཤིན་རྗེའི་ལྕེ་ལས་གྲུབ་པའི་རལ་གྲི་བསམ་ཆོད་འབར་བ་གདེང་བ། གཡོན་དང་པོས་ལྷ་མ་ཡིན་གྱི་མགོ་བཅད་པའི་ཐོད་པ་ཁྲག་གིས་བཀང་བ་ལྟེ་བར་འཛིན་ཅིང་གསོལ་བ། གཡོན་འོག་མས་མཁའ་འགྲོ་མ་ཤིན་ཏུ་དཔའ་མོས་ཕུལ་བའི་ཁཊཾ་རྩེ་གསུམ་པ་ཕྱིར་ཐབས་སུ་འཛིན་པ། གླང་ཆེན་གྱི་ཀོ་བས་སྟོད་གཡོགས་ཤིང་ཞིང་སྟག་གི་པགས་པའི་ཤམ་ཐབས། ཐོད་རློན་གྱི་དོ་ཤལ་ལ་སོགས་པ། དུར་ཁྲོད་ཀྱི་ཆས་བརྒྱད་དང་དཔལ་ཆས་བཅུས་བརྒྱན་ཅིང་། སྒེག་པ་དཔའ་བ་ལ་སོགས་གར་གྱི་ཉམས་དགུ་དང་ལྡན་པས་དཔའ་བོ་སྲིད་པ་གསུམ་གྱི་གཡུལ་ལས་རྒྱལ་བའི་སྟངས་སྟབས་བཙན་འཁྱིལ་བའི་སྟབས་ཀྱིས་ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་འགྱིང་བའོ། །དེའི་གཡས་སུ་ཧཱུྃ་ལས་སྐུ་ཡི་སྤྲུལ་པ་ལས་མགོན་

[Full Size]

ཁྲོ་རྒྱལ་རྡོ་རྗེ་བྱ་མཆུ་ཅན། རལ་གྲིའི་གཤོག་པ་སྤུ་གྲིའི་ཐིལ་ཕྲན་གནམ་ལྕགས་ཀྱི་མཆུ་སྡེར་ཁྲག་གིས་གོས་ཤིང་གྲི་གུག་ཐོད་ཁྲག་བསྣམས་པ། གཡོན་དུ་བྷྱོལས་སྦྱོར་ཡུམ་རྩ་འཕྲོས་ཁྲག་འཐུང་མ་ཁྲག་གི་མདོག་ཅན་དུག་རླངས་སྤྲིན་ལྟར་འཁྲིགས་པ། ཕྱག་བཞིས་གྲི་གུག་རལ་གྲི་མདའ་གཞུ་དང་དགྲའི་མགོ་བཅད་ཅིང་ཁྲག་ལྡག་པ། རྒྱབ་ཏུ་ཧཱུྃ་ལས་ཐུགས་ཀྱི་སྤྲུལ་པ་ལེགས་ལྡན་ནག་པོ་ཙན་དན་གྱི་བེང་ཆེན་དང་ལྕགས་སྤར་བསྣམས་ཤིང་མུན་པའི་བར་གཡུང་དྲུང་རིས་དགུ་བརྩེགས་གསོལ་བ། མདུན་དུ་ཧིལས་ཞིང་སྐྱོང་ནག་པོ་སེང་གེའི་ཞལ་ནས་དུག་རླངས་འཕྱུར་ཞིང་ང་རོ་འབྲུག་ལྟར་སྒྲོག་པ་གཡུ་རལ་སྤྲིན་ལྟར་འཐིབ་པ་ལས་སེང་ཕྲུག་འཕྱོ་བ། ཕྱག་གཡས་ཞིང་སྒྲོལ་གྱི་རལ་གྲི་ཕྱར་ཞིང་གཡོན་ཐོད་པར་དགྲ་བགེགས་ཀྱི་སྙིང་ཁྲག་རྔུབ་པ། དེ་རྒྱབ་འདབ་མ་བརྒྱད་ལ་བྷྱོ་བརྒྱད་ལ་ཤར་ནས་གཡོན་སྐོར་དུ། མ་མོ་བྱ་རྒོད་དང་སྟག་དང་ཁྱུང་དང་སྤྱང་ཀི་དང་ཁྭ་ཏ་དང་ཁྱི་དང་། འུག་པ་དང་ཕག་གི་གདོང་ཅན། བརྒྱད་ཀ་དམར་མོ་གཅེར་བུ་རལ་པ་ས་ལ་དྲུད་ཅིང་ཐོད་པ་སྐམ་རློན་དང་རྒྱན་དྲུག་གསོལ་ནས་གར་སྟབས་བསྒྱུར་བ། ཤར་ལྷོ་དང་ལྷོ་ནུབ་ཀྱི་གྲར་ཀླུ་

[Full Size]

རྒྱལ་གང་པོ་དང་མཛེས་མ་གསེར་མདོག་གདེངས་ཀ་ནོར་བུ་འབར་བའི་གཙུག་ཕུད་དང་སྦྲུལ་མཇུག་གཡས་སུ་འཁྱིལ་ཞིང་། ཕྱག་ཐལ་སྦྱར་གྱི་བར་ན་གཏེར་གྱི་བུམ་པ་ནས་དངོས་གྲུབ་ཀྱི་ཆར་རྒྱུན་སི་ལི་ལི་འབེབས་པ། ནུབ་བྱང་དང་བྱང་ཤར་གྱི་གྲྭར་མངག་གཞུག་གནོད་སྦྱིན་གང་པོ་དང་མཛེས་མ་གཉིས། གསེར་གྱི་མདོག་ཅན་དར་དང་རིན་པོ་ཆེའི་རྒྱན་དུ་མས་བརྒྱན་ཅིང་། ཕྱག་གཉིས་ཀྱིས་གཏེར་བུམ་ནས་སྒྲུབ་པ་པོ་ལ་ནོར་གྱི་ཆར་འབེབས་པ། སྒོ་བཞིའི་སྲུང་མ་ཤར་དུ་ཡུལ་འཁོར་སྲུང་དཀར་པོ་པི་ཝཾ་བསྣམས་ནས་ཡུལ་ཁམས་བདེ་བའི་ལས་མཛད་པ། ལྷོར་འཕགས་སྐྱེས་པོ་སྔོན་པོ་རལ་གྲི་བསྣམས་ནས་དུས་མིན་འཆི་བ་བཟློག་པ། ནུབ་ཏུ་སྤྱན་མི་བཟང་དམར་པོ་སྦྲུལ་ཞགས་བསྣམས་ནས་ནོར་ཕྱུགས་སྤེལ་ཞིང་བཀྲ་ཤིས་པར་བྱེད་པ། བྱང་དུ་རྣམ་སྲས་ལྗང་གུ་རྒྱལ་མཚན་དང་ནེའུ་ལེ་བསྣམས་ནས་ལོངས་སྤྱོད་སྤེལ་བ། བཞི་ཀ་རིན་པོ་ཆེའི་གོ་ཁྲབ་དང་རྨོག་ཞུ་ཅན་། དཀྱིལ་འཁོར་ཕྱིའི་བར་ཁྱམས་ལ། ཤར་དུ་བྱ་རོག་གདོང་ཅན་མཆེད་བརྒྱད་དང་ནག་པོ་སྟོང་། ལྷོར་ཞིང་སྐྱོང་ཉི་ཤུ་རྩ་བཞི་དང་ཤ་ཟ་འབུམ། ནུབ་ཏུ་རེ་མ་ཏི་མཆེད་

[Full Size]

བཞི་དང་མ་མོ་བྱེ་བ། བྱང་དུ་དམག་དཔོན་བརྒྱད་དང་ཁྲབ་ཅན་བྱེ་བ་འབུམ། གནོད་སྦྱིན་ཁྲིའི་ཚོགས། ཕྱི་ཡི་དུར་ཁྲོད་བརྒྱད་ལ་ཞིང་སྐྱོང་བརྒྱད་དང་དཔལ་མགོན་བདུན་ཅུ། དབང་ཕྱུག་ཉེར་བརྒྱད་ཤ་ཟ་རོ་ལངས་འབུམ་ཕྲག་ཡངས་པའི་མཁའ་འགྲོའི་ཚོགས་དང་བཅས་པ་ཐམས་ཅད་ཆར་སྤྲིན་འཁྲིགས་པ་ལྟ་བུ། ཐམས་ཅད་ཀྱི་གནས་གསུམ་ཡི་གེ་གསུམ་དང་སོ་སོའི་ས་བོན་དང་། གཙོ་བོའི་ཐུགས་ཀའི་ཧཱུྃ་ལས་འོད་ཟེར་ལྕགས་ཀྱུ་ལྟ་བུར་ཕྱོགས་ཐམས་ཅད་དུ་འཕྲོས་པས་འོག་མིན་རྣམ་པར་སྣང་མཛད་ཀྱི་དུར་ཁྲོད་ཆེན་པོ། གཞན་འཕྲུལ་དབང་བྱེད་ལྷ་ཡི་གནས། ཡོངས་འདུས་ཀྱི་ཤིང་། རྩུབ་འགྱུར་གྱི་ཚལ། རི་བོ་མ་ལ་ཡ། རྡོ་རྗེ་གདན། ནཱ་ལེནྡ། བི་ཀ་མ་ལ་ཤཱི་གཙུག་ལག །བསིལ་བའི་ཚལ་དུར་ཁྲོད་ཆེན་པོ་བརྒྱུད། ཡུལ་ཆེན་ཉི་ཤུ་རྩ་བཞི་རྣམས་ནས། དཔལ་ཡེ་ཤེས་ཀྱི་མགོན་པོ་འཁོར་བཅས་སྤྱན་དྲངས། བཛྲ་ས་མཱ་ཛཿ ཧཱུྃ། དད་པ་དང་ནི་དམ་ཚིག་གིས། །སྤྱན་འདྲེན་དཔལ་ལྡན་ནག་པོ་ཆེ། །བདག་རྒྱུད་སྒྲིབ་པ་བསལ་བའི་ཕྱིར། །བརྩེ་བས་དགོངས་ཏེ་འདིར་བྱོན་ཅིག །ཧཱུྃ། སྐུ་གསུང་ཐུགས་ཀྱི་བདག་ཉིད་

[Full Size]

ཅན། །རྡོ་རྗེ་ནག་པོ་འཁོར་བཅས་རྣམས། །རང་བཞིན་གནས་ནས་སྐུ་བཞེངས་ལ། །བསྟན་པ་བསྲུང་ཕྱིར་འདིར་གཤེགས་ཤིག །འོག་མིན་གནས་མཆོག་དམ་པ་དང་། །ལྕང་ལོ་ཅན་གྱི་ཕོ་བྲང་དང་། །ནཱ་ལེནྡྲ་ཡི་གཙུག་ལག་དང་། །བསིལ་བ་ཚལ་གྱི་དུར་ཁྲོད་དང་། །གཞན་ཡང་དུར་ཁྲོད་གནས་བརྒྱད་དང་། །ཕྱི་ཡི་རྒྱ་མཚོའི་འགྲམ་དག་དང་། །རང་བཞིན་གར་བཞུགས་གནས་མཆོག་ནས། །དཔལ་ལྡན་མགོན་པོ་འཁོར་བཅས་རྣམས། །རྣལ་འབྱོར་བདག་ལ་རྗེས་དགོངས་ལ། །གནས་འདིར་མྱུར་དུ་གཤེགས་སུ་གསོལ། །མགོན་པོ་ཀུན་གཤེགས་ཐུགས་རྗེ་ཅན། །ད་ལྟ་སྙིགས་མ་ལྔ་ཡི་དུས། །གཤེགས་ཤིང་བཞུགས་པའི་གནས་ངན་ཡང་། །འདྲེན་པའི་བསྟན་པ་བསྲུང་བ་དང་། སེམས་ཅན་ཀུན་ལ་ཕན་གདགས་ཕྱིར། །དམ་ཚིག་ཅན་ལ་རྗེས་བརྩེ་བའི། །ནག་པོ་ཡབ་ཡུམ་འཁོར་དང་བཅས། །བྱ་སེང་ལེགས་ལྡན་རྩ་འཇིབ་མ། །མཁའ་འགྲོ་བཞི་དང་རྒྱལ་ཆེན་བཞི། །ཀླུ་དང་གནོད་སྦྱིན་གང་མཛེས་གཉིས། །བྱ་རོག་གདོང་བརྒྱད་དམག་དཔོན་བརྒྱད། །ཞིང་སྐྱོང་ཉེར་བཞི་རེ་ཏི་བཞི། །ནག་

[Full Size]

པོ་སྟོང་དང་ཤ་ཟ་འབུམ། །མ་མོ་བྱེ་བ་གནོད་སྦྱིན་ཁྲི། །མཁའ་འགྲོ་བསམ་མི་ཁྱབ་པའི་ཚོགས། །དཔལ་མགོན་བདུན་ཅུ་ལ་སོགས་པ། །གནས་འདི་ཉིད་དུ་གཤེགས་སུ་གསོལ། །ཨོཾ་ཙ་ཏུརྙ་སྟ་མ་ཧཱ་ཀ་ལ་ས་པཱ་རི་ཝཱ་ར་བཛྲ་ས་མ་ཛཿ ཨགྷོ་པཱ་ཏྱཾ་པྲ་ཏིཙྪ་ཧཱུྃ། ཧཱུྃ། སངས་རྒྱས་བསྟན་པ་སྲུང་བའི་མཐུ་རྩལ་ཅན། །དཔལ་ལྡན་མ་ཧཱ་ཀཱ་ལ་འཁོར་དང་བཅས། །བདུད་དང་མུ་སྟེགས་མ་ལུས་འདུལ་བ་དང་། །གདུག་པའི་དགྲ་བགེགས་མ་ལུས་བསྒྲལ་བའི་ཕྱིར། །གཉིས་མེད་བརྟན་པར་བཞུགས་ལ་ཕྲིན་ལས་མཛོད། །དྲག་པོའི་རྒྱན་ཅན་སྐུ་ལ་ཕྱག་འཚལ་བསྟོད། །དྲག་བྱེད་འབྲུག་སྟོང་གསུང་ལ་ཕྱག་འཚལ་བསྟོད། །མཉམ་ཉིད་མི་གཡོ་ཐུགས་ལ་ཕྱག་འཚལ་བསྟོད། །དཔལ་མགོན་ཐུགས་རྗེ་ཅན་ལ་ཕྱག་འཚལ་བསྟོད། །ཨོཾ་མ་ཧཱ་ཀཱ་ལ་ཀ་ཝུ་ས་པཱ་རི་ཝཱ་ར་ཛཿཧཱུྃ་བཾ་ཧོ༔ ས་མ་ཡ་ཏིཥྛ་ལྷན། ཨ་ཏི་པཱུ་ཧོ། ཧཱུྃ། ཡེ་ཤེས་མགོན་པོ་འཁོར་དང་བཅས། །སྔོན་གྱི་ཞལ་བཞེས་དགོངས་མཛོད་ལ། །རྡོ་རྗེ་འཆང་གི་བཀའ་མ་བཅག །ཀླུ་སྒྲུབ་སྙིང་པོའི་བཀའ་མ་བཅིག །དཔལ་ཆེན་སྒ་ལོའི་བཀའ་མ་བཅག །ནམ་མཁའ་རྒྱལ་མཚན་བཀའ་མ་

[Full Size]

བཅག །རྣལ་འབྱོར་བདག་གི་དམ་མ་བཀྲལ། །གལ་ཏེ་དམ་ལ་འདས་གྱུར་ན། །དུས་གསུམ་སངས་རྒྱས་ཐམས་ཅད་ཀྱི། །ཐུགས་མཆོག་རྡོ་རྗེ་འབར་བ་ཡིས། །འཁོར་བཅས་བརླག་པར་གདོན་མི་ཟ། །དེ་ཕྱིར་བདག་གི་ཕྲིན་ལས་སྒྲུབས། །སྔོན་གྱི་དམ་ཚིག་གཉེན་པོ་དགོངས། །སླར་ཡང་ཐུགས་ཀའི་འོད་ཟེར་གྱིས། །རྒྱལ་བ་རིགས་ལྔ་ཡུམ་བཞི་དང་། །སེམས་དཔའ་སེམས་མ་ཁྲོ་བོ་དང་། །ཁྲོ་མོ་སྤྱན་དྲངས་བདུད་རྩིའི་ཆུས། །དབང་བསྐུར་སྐུ་གང་དྲི་མ་དག །ཆུ་ཞབས་སྤྱི་བོར་བརྟན་པ་ལས། །གཙོ་བོར་བདེ་མཆོག་ལྷན་སྐྱེས་དང་། །འཁོར་རྣམས་ཀུན་ལ་རིགས་ཀྱི་བདག །ཡེ་ཤེས་མགོན་པོས་དབུ་བརྒྱན་གྱུར། །ཨོཾ་མ་ཧཱ་ཀཱ་ལ་ས་མ་ཡ་ཧ་ན་ཧ་ན་ཧཱུྃ་ཕཊ། ཨ་བྷི་ཥིཉྩནྟཾ། ཨོཾ་ཁཎྜ་རོ་ཧེ་ཧཱུྃ་ཕཊ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་དང་ཀཾ་ལས་ནི། །མི་མགོ་གསུམ་གྱི་སྒྱེད་པུའི་སྟེང་། །ཨ་ལས་ཡེ་ཤེས་ཀ་པཱ་ལར། །ཤ་ལྔ་བདུད་རྩི་ལྔ་པོ་དང་། །བདུད་དགྲའི་ཤ་རུས་སྤུངས་པ་ལ། །ཨོཾ་ཨཱཿཧཱུྃ་གིས་སྐུ་གསུང་ཐུགས། །ཡེ་ཤེས་བདུད་རྩིར་བྱིན་གྱིས་རློབས། །དེ་ཡི་ཤར་

[Full Size]

དུ་རིན་ཆེན་སྣོད། །དཀར་གསུམ་བདུད་རྩིའི་རྒྱ་མཚོ་དང་། །བཀྲ་ཤིས་རྫས་རྟགས་ལ་སོགས་པ། །ཞི་བའི་མཆོད་པ་སྤྲིན་ལྟར་གཏིབས། །ལྷོ་རུ་རྒྱལ་སྲིད་རིན་ཆེན་བདུན། །རིན་ཆེན་འབྲུ་སྨན་རི་ལྟར་སྤུངས། །ནུབ་ཏུ་སྨན་རཀ་གཏོར་མའི་ཚོགས། །དར་ཟབ་རྒྱན་ཆ་འཇའ་ལྟར་བཀྲ། །བྱང་དུ་དགྲ་བགེགས་ཤ་རུས་ཁྲག །མཚོ་ལྟར་བསྐྱིལ་ཞིང་གྲམ་ལྟར་བརྡར། །མཆོད་བསྒྲུབ་བསྐང་དང་རྟེན་པའི་རྫ་ས། །མ་ཚང་མེད་པ་ཕུན་སུམ་ཚོགས། །ཁ་དོག་དྲི་རོ་ནུས་བཅུད་ལྡན། །ཨོཾ་ཨཱཿཧཱུྃ་ཧ་ཧོ་ཧྲཱི༔ ཨུ་ནེ་ཨུ་ནེ་ཧྲཱིཿ ཨོཾ་བཛྲ་མ་ཧཱ་ཀཱ་ལ་ཧཱུྃ་ཕཊ། རི་རཱི་ལི་ལཱི། དམ་རྫས་མ་འཛོམས་ཀྱང་ནོར་བུ་རིན་པོ་ཆེ་ལྟ་བུར་མཐོང་བའི་སྔགས་སོ། །དེ་ནས་ལྷ་ཞི་བ་ལ་ཞི་བ་དང་དྲག་པོ་ལ་དྲག་པོའི་མཆོད་པ་སོ་སོར་ཕུལ་བར་བསྒོམ་ཞིང་། ཡན་ལག་བརྒྱད་ལྡན་སྨན་གྱི་ཆབ། །མི་ཁྲག་གི་ཁྲག་དང་འདྲེས་པའི། །དུག་ཆུ་ཁོལ་མའི་མཆོད་ཡོན་འདི། །མགོན་པོ་འཁོར་བཅས་མདུན་དུ་འབུལ། །པདྨ་ཨུཏྤལ་སྔོན་པོ་དང་། །བཙན་དུག་ར་དུག་དུག་ཤིང་གི །མེ་ཏོག་སྔོན་པོ་དྲི་ངད་ཅན། །མགོན་པོ་འཁོར་བཅས་དབུ་ལ་འབུལ། །གུ་གུལ་ཨ་ག་རུ་དག་དང་། །རྔ་མོང་བོང་བུའི་བདུད་རྩི་

[Full Size]

དང་། །ཤ་ཆེན་ཚིལ་ཆེན་བདུག་སྤོས་དང་། །མགོན་པོ་འཁོར་བཅས་ཤངས་ལ་འབུལ། །རྩི་མར་འབྲུ་དམར་སྣང་གསལ་དང་། །ར་ཚིལ་ཁྱི་ཚིལ་ཕག་ཚིལ་དང་། །ཞུན་ཆེན་སྣང་གསལ་སྒྲོན་མེ་འདི། །མགོན་པོ་འཁོར་བཅས་སྤྱན་ལ་འབུལ། །ཙནྡན་ག་པུར་གླ་རྩི་དང་། །ཤ་རུལ་ཁྲག་རུལ་དུག་སྦྱར་བའི། །དམར་ནག་འཁྲུགས་པའི་དྲི་ཆབ་འདི། །མགོན་པོ་འཁོར་བཅས་ཐུགས་ཀར་འབུལ། །རོ་བརྒྱ་ལྡན་པའི་ཟས་མཆོག་དང་། །ནས་ནག་ཏིལ་ནག་བྲ་བོ་ནག །ཚིགས་མ་ནག་པོའི་ལྷ་བཤོས་འདི། །མགོན་པོ་འཁོར་བཅས་ཞལ་དུ་འབུལ། །རྔ་དང་རྗེའུ་ཆུང་ཏིང་ཏིང་ཤག་།མི་རྐང་གླིང་བུ་ཌཱ་མ་རུ། །རོལ་མོ་སིལ་སྙན་གྱེར་མ་དབྱངས། །མགོན་པོ་འཁོར་བཅས་སྙན་ལ་འབུལ། །རླུང་ལྟར་མགྱོགས་པའི་རྟ་ནག་རྟིང་དཀར་དང་། །གཡག་ནག་རུ་རྣོན་སྤ་ཞོལ་བརྗིད་ཅིང་ཆེ། །ཁྱི་ནག་དོམ་བུ་གཏུམ་ཞིང་འཇིགས་པའི་གཟུགས། །ལུག་ནག་རྒྱུན་ལྡན་ཚོགས་རྣམས་འབུལ་བར་བགྱི། །གཞོམ་མེད་རྡོ་རྗེའི་གོ་ཆ་དུ་མ་དང་། །ཕ་རོལ་བདུད་དཔུང་གཅོད་པའི་མཚོན་ཆའི་ཚོགས། །ཕྱི་ནང་གསང་བའི་རྟེན་རྫས་

[Full Size]

སྒྲུབ་རྫ་ས་དང་། །མཆོད་པའི་སྤྲིན་ཕུང་བསམ་མི་ཁྱབ་པ་འབུལ། །ལྷ་ཚོགས་དེ་དག་ཐམས་ཅད་ཀྱི། །ཧཱུྃ་ལས་བྱུང་བའི་རྡོ་རྗེའི་ལྗགས། །འོད་ཀྱི་སྦུ་གུས་གཏོར་མ་རྣམས། །དྲངས་ཤིང་གསོལ་བས་མཉེས་པར་གྱུར། །ཨོཾ་བཛྲ་ཀ་ཝུ་ཝ་མ་ཧཱ་ཀཱ་ཡ་ཧཱུྃ་ཧཱུྃ་ཕཊ། ས་པཱ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཡ་ཤཱ་ས་ན་ཨུ་པ་ཧ་རི་ནི་ཨེ་ཥ་ཨ་པ། མ་ཀ་ལོ་ཡཾ། ཨི་དཾ་རཏྣ་ཏྲ་ཡ་ཡ། ཨ་པ་ཀ་རི་ཎི། ཡ་ཏི་པྲ་ཏི་ཛྙཱ། སྨ་ར་སི་ཏ་དཱ། ཨི་དཾ་དུཎྞཾ་བ་ལིཾ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྷིཧྥ་གྷོཉྩ།་བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་ཧཱུྃ་ཕཊ། གསུམ། ཞེས་མགོན་པོ་གཙོ་འཁོར་དང་། ཨོཾ་ཨ་ཀཱ་རོ་སོགས། ཨོཾ་རཱ་ཛ་ཙ་ཏུར་ནཱ་ག་ཡཀ་ལོ་ཀཱ་པཱ་ལ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ། ཞེས་རྒྱལ་ཆེན་བཞི་དང་ཀླུ་དང་གནོད་སྦྱིན་དཔལ་མགོན་བདུན་ཅུ་སོགས་ཕྱི་རྒྱུད་པ་ལ་དཀར་གཏོར་བསྔོའོ། །ཤི་མ་ཧཱ་ཀཱ་ལ་ཁྲག་འཐུང་གི་རྒྱལ་པོ་ཕྱག་བཞི་པ། སྦྱོར་སྒྲོལ་གསང་བའི་ཡུམ། ལས་མགོན་བྱ་རོག་གདོང་དགུ། སེང་གདོང་ཞིང་སྐྱོང་ཉེར་བཞི། ལེགས་ལྡན་དམག་དཔོན་མཆེད་བརྒྱད། རེ་མ་ཏི་མཁའ་འགྲོ་

[Full Size]

བརྒྱད་དྲུག །སྒོ་སྲུང་རྒྱལ་ཆེན་སྡེ་བཞི། ཀླུ་རྒྱལ་གང་པོ་མཛེས་མ། བྲན་གཡོག་གནོད་སྦྱིན་གང་མཛེས། སྐུ་འཁོར་ནག་པོ་སྟོང་། །གསུང་འཁོར་ཤ་ཟ་འབུམ། ཐུགས་འཁོར་མ་མོ་བྱེ་བ། །ཡོན་ཏན་གྱི་འཁོར་གནོད་སྦྱིན་ཁྲི། ཕྲིན་ལས་ཀྱི་འཁོར་མཁའ་འགྲོ་བསམ་གྱིས་མི་ཁྱབ་པ། གཙང་རིས་དཔལ་མགོན་བདུན་ཅུ། །མྱུར་མགྱོགས་ལྷ་སྲིན་སྡེ་བརྒྱད། ཁྲུབ་ཆེན་བྱེ་བ་དུང་ཕྱུར་དང་བཅས་པ་ཁྱེད་རྣམས་ལ་དམ་རྫས་བརྒྱན་པའི་མཆོད་གཏོར་རྒྱ་ཆེན་པོ་འདི་འབུལ་ལོ། །གསོལ་ལོ། །མཆོད་དོ་། །མཉེས་ཤིང་ཚིམས་ནས། སྤྱིར་སངས་རྒྱས་ཀྱི་བསྟན་པ་སྲུང་། དཀོན་མཆོག་གི་དབུ་འཕང་བསྟོད། སེམས་ཅན་གྱི་བདེ་སྐྱིད་སྤེལ། ཁྱད་པར་དུ་བདག་ཅག་དཔོན་སློབ་མི་ནོར་བསྲུང་བྱར་གྱུར་པ་ཐམས་ཅད་ལ། བསྲུང་བ་དང་། བསྐྱབ་པ་དང་། ནད་གདོན་འཇིགས་པ་བརྒྱད་དང་བཅུ་དྲུག་ཐམས་ཅད་ཞི་བར་མཛད་དུ་གསོལ། ཚེ་དང་བསོད་ནམས་དཔལ་དང་འབྱོར་པ་ཉམས་དང་རྟོགས་པ་ཐམས་ཅད་ཟླ་བ་ཡར་གྱི་ངོ་ལྟར་རྒྱས་པར་མཛད་དུ་གསོལ།་མཆོག་ཐུན་མོང་གི་དངོས་གྲུབ་ཡིད་ལ་རེ་བ་ཐམས་ཅད་དབང་

[Full Size]

དུ་འདུ་བར་མཛད་དུ་གསོལ།་བདུད་དང་དགྲ་བགེགས་གདུག་པ་ཅན་ཐམས་ཅད་སྐད་ཅིག་ཉིད་ལ་རྡུལ་དུ་བརླག་པར་མཛད་དུ་གསོལ། ལུས་སྲོག་ལོངས་སྤྱོད་དང་བྱང་ཆུབ་སྒྲུབ་པའི་བར་ཆད་ཐམས་ཅད་བསལ་ནས། ཚེ་འདིར་ས་བཅུ་ནོན་ཏེ་ཕྱི་མ་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སྐྱེས་ནས་བྱང་ཆུབ་ཐོབ་སྟེ་འགྲོ་བ་སེམས་ཅན་ཐམས་ཅད་ཀྱི་དཔལ་དང་མགོན་དུ་འགྱུར་བར་མཛད་དུ་གསོལ། ཨོཾ་བཛྲ་ཀཱ་ཝུ་ཝ་མ་ཧཱ་ཀཱ་ལ་ས་པཱ་རི་ཝཱ་ར་པཉྩ་ཨ་མྲྀ་ཏ་ཨོཾ་ཨཱཿཧཱུྃ། ཞེས་བདུད་རྩི་དམ་ཆུའི་ཚུལ་དུ་ཕུལ་ནས། ཧཱུྃ། འཇིག་རྟེན་གསུམ་ན་གྲགས་པའི་མགོན་པོ་ཁྱོད། །ལྷ་སྲིན་སྡེ་བརྒྱད་འདུལ་བའི་གཙོ་བོར་བཞུགས། །འཇིག་རྟེན་དཔག་མེད་གཟིགས་པའི་མགོན་པོ་ཁྱོད། །ཞལ་གྱི་དཀྱིལ་འཁོར་རྒྱས་ཤིང་དྲི་མ་མེད། །གཟི་བརྗིད་ཆེན་པོ་བསྐལ་པའི་མེ་ལྟར་འབར། །འོད་ཟེར་ཉི་མ་སྟོང་བས་ལྷམ་མེ་བ། །ཐུགས་རྗེ་མཐའ་ཡས་ཞིང་ཁམས་མ་ལུས་གཟིགས། །ནག་པོ་ཟིལ་གནོན་ཁྱོད་ལ་ཕྱག་འཚལ་བསྟོད། །ཧཱུྃ། དཔའ་བོ་དྲག་ཤུལ་སྟོབས་དང་ལྡན། །ཡོངས་སུ་དགའ་ལྡན་ཆེན་པོའི་ལྷ། །སེང་གེ་བཞིན་དུ་སྟོབས་དང་ལྡན། །འཇིག་རྟེན་ཁམས་ལ་

[Full Size]

མངའ་མཛད་ཅིང་། །དཔའ་བོ་སྲིད་གསུམ་འདུལ་བའི་སྐུ། །མཐུ་སྟོབས་ཆེ་མངའ་ཐམས་ཅད་ཀྱི། །གཙོ་བོ་ཆེན་པོ་ཆེར་གྲགས་པ། །ནག་པོ་དཔུང་ཚོགས་ཅན་ལ་ཕྱག་འཚལ་བསྟོད། །ལྷ་ཆེན་མགོན་པོ་ནག་པོ་སྟེ། །ཞལ་གདངས་དྲག་པོའི་མཆེ་བ་གཙིགས། །དབུ་སྐྲ་རལ་པ་གྱེན་དུ་བརྫེས། །ཧ་ཧ་ཞེས་པའི་སྒྲ་ཆེན་སྒྲོག །དྲག་པོའི་སྟོབས་ཀྱིས་སྲིད་གསུམ་འདུལ། །སྐུ་ལ་ན་བཟའ་སྔོན་པོ་གསོལ། །སྐུ་མདོག་ནག་པོ་མུན་པའི་མདོག །ནག་པོ་དྲག་ཤུལ་ཅན་ལ་ཕྱག་འཚལ་བསྟོད། །གཡས་ཀྱི་དང་པོས་བྷེ་ཏེའི་འབྲས་བུ་བསྣམས། །རལ་གྲི་འབར་བས་དམ་ཉམས་སྲོག་རྩ་གཅོད། །གཡོན་གྱི་དང་པོས་ཐོད་པ་ཁྲག་གིས་བཀང་། །ཁཊཾ་རྩེ་གསུམ་རྩུབ་པའི་མཚོན་ཆ་བསྣམས། །སྨིན་མ་དམར་སེར་སྤྱན་གསུམ་མཆེ་བ་གཙིགས། །མི་མགོ་རློན་པའི་ཕྲེང་བ་དོ་ཤལ་འཆང་། །ཕྱག་དང་ཞབས་ནི་སྦྲུལ་གྱིས་གདུབ་བུས་བརྒྱན། །དཔའ་བོའི་འདུག་སྟངས་ཉི་ཟླའི་གདན་ལ་བཞུགས། །ནག་པོ་འགྱིངས་བག་ཅན་ལ་ཕྱག་འཚལ་བསྟོད། །མེ་ཏོག་མཚོན་ཆར་ཕོག་པའི་མགོན་པོ་གྲགས། །ལྷ་དང་ལྷ་མིན་

[Full Size]

དབང་ཆེན་རྣམས་ཀྱང་སྡུད། །བྱ་རོག་སྤྱན་གསུམ་སྲིད་གསུམ་ས་ལེར་གཟིགས། །ཀ་ལ་པིང་ཀའི་སྐད་ཀྱིས་ཉེས་བྱེད་འདུལ། །མཚུངས་པ་མེད་པའི་མཐུ་རྩལ་ཆེན་པོ་མངའ། །ཞལ་ནས་འོད་ཟེར་དྲག་པོ་རབ་ཏུ་འབར། །ནག་པོ་མཐུ་རྩལ་ཅན་ལ་ཕྱག་འཚལ་བསྟོད། །རྡོ་རྗེ་འཇིགས་བྱེད་ཁྲག་འཐུང་རྒྱལ་པོ་ཁྱོད། །ནག་པོ་ཆེན་པོ་སྟོང་གི་ཚོགས་ཀྱིས་བསྐོར། །བསྟན་པའི་བཀའ་སྲུང་ལས་བྱེད་ཕོ་ཉའི་ཚོགས། །བྱ་རོག་གདོང་ཅན་ཉམས་པའི་སྲོག་ལ་དགྱེས། །དབང་ཆེན་ཐོག་འབེབས་འཇིགས་པའི་ཧཱུྃ་སྒྲ་ཅན། །གཟི་བརྗིད་ཆེན་པོ་དྲག་པོའི་སྟོབས་དང་ལྡན། །ནག་པོ་མྱུར་བའི་སྐུ་ལ་ཕྱག་འཚལ་སྟོད། །སྟོབས་ཆེན་བློ་གྲོས་མགོན་པོ་ནག་པོའི་སྐུ། །ཁྲོས་པའི་ང་རོས་བསྟན་པའི་བགེགས་རྣམས་འཇོམས། །གཏུམ་ཆེན་ཐོག་འབེབས་ཕས་ཀྱི་རྒོད་གཏོང་ཟློག །བདུད་ཀྱི་སྡེ་འཇོམས་མགོན་པོ་ནག་པོ་ཆེ། །གར་གྱི་ཉམས་དགུས་སྐྱེ་འགྲོ་ཟིལ་གྱིས་གནོན། །ཐུགས་རྗེ་སྤྲུལ་པ་དཔག་མེད་ཕྱོགས་བཅུར་འགྱེད། །དུས་གསུམ་སངས་རྒྱས་ཀུན་དང་སྤྱོད་ཡུལ་གཅིག །ནག་པོ་འགྲོ་བ་འདུལ་ལ་ཕྱག་འཚལ་བསྟོད། །བྱ་སེང་ཡུམ་དང་ལེགས་ལྡན་

[Full Size]

མཁའ་འགྲོ་བརྒྱད། །ཀླུ་དང་གནོད་སྦྱིན་གང་མཛེས་རྒྱལ་ཆེན་བཞི། །བྱ་རོག་གདོང་དགུ་བཀའ་སྡོད་ནག་པོ་སྟོང་། །ཞིང་སྐྱོང་ཉེར་བཞི་ཤ་ཟ་འབུམ་སྡེ་དང་། །རེ་ཏི་མཆེད་བཞི་མ་མོ་བྱེ་བ་འབུམ། །དམག་དཔོན་བརྒྱད་དང་ཁྲབ་ཅན་བྱེ་བ་འབུམ། །གནོད་སྦྱིན་ཁྲི་དང་མཁའ་འགྲོ་ལྷ་སྲིན་ཚོགས། །དཔལ་མགོན་བདུན་ཅུ་རང་རང་དཔུང་དང་བཅས། །སྤྲུལ་པའི་འཁོར་ཚོགས་བཅས་ལ་བདག་བསྟོད་དོ། །ལྷ་ཆེན་ལེགས་ལྡན་ནག་པོ་ཆེན་པོ་ཁྱོད། །སངས་རྒྱས་བསྟན་པ་གཉན་པོ་སྲུང་བར་མཛོད། །རྣལ་འབྱོར་དགྲ་བླ་དུག་གསུམ་ནད་ཀྱི་སྨན། །སྒྲུབ་མཆོག་རྣལ་འབྱོར་རྣམས་ཀྱི་རེ་བ་སྐོང་། །བདག་འདྲ་སྐྱེ་བོས་བསྟོད་པར་མི་འོས་ཀྱང་། །གུས་པའི་ཚུལ་གྱིས་ཁྱེད་ལ་བསྟོད་འབུལ་ན། །ཐུགས་རྗེའི་སྟོབས་ཀྱིས་བདག་གི་འཁོར་རྣམས་སྲུང་། །ནག་པོ་བར་ཆད་སེལ་ལ་ཕྱག་འཚལ་བསྟོད། །བདག་ཉིད་བཅོམ་ལྡན་འཁོར་ལོ་སྡོམ། །གསལ་བའི་ཐུགས་ཀར་ཉི་མ་ཡི། །དཀྱིལ་འཁོར་དབུས་སུ་ཧཱུྃ་གི་མཐར། །ཡི་གེ་བདུན་པོ་རབ་ཏུ་གསལ། །མགོན་པོའི་ཐུགས་ཀར་ཉི་སྟེང་ཧཱུྃ། །སྔོན་པོ་འོད་ཟེར་འབར་བའི་མཐར། །

[Full Size]

མགོན་པོའི་རྩ་སྔགས་རབ་ཏུ་གསལ། །རང་གི་ཐུགས་ཀའི་ཧཱུྃ་ཡིག་ལས། །འོད་འཕྲོས་དཔལ་ལྡན་ནག་པོ་ཆེའི། །ཐུགས་ཀར་ཕོག་པས་ཐུགས་རྗེ་ཆེ། །བསྐུལ་ཏེ་དངོས་གྲུབ་བྱིན་རླབས་ཀུན། །འོད་ཟེར་ཁ་དོག་སྣ་ཚོགས་ཚུལ། །མགོན་པོའི་ཞལ་ནས་བདག་ཉིད་ཞལ། །ཞུགས་ནས་ཐུགས་ཀར་ཐིམ་པའི་མོད། །ཡེ་ཤེས་མགོན་པོ་འཁོར་བཅས་ལས།སྤྲུལ་པའི་ཕོ་ཉ་མང་སྤྲུལ་ཏེ། །བདུད་བཞི་བཏུལ་ཞིང་ཕྲིན་ལས་བཞི། །ཐོགས་པ་མེད་པར་འགྲུབ་པར་གྱུར། །ཅེས་བསྒོམས་ལ་གོང་བསྙེན་གཞན་མ་སོང་ན་ཡིག་བདུན་དང་སྦྲེལ་ལ་བཟླ། སོང་ན་ཐུན་མགོ་ལ་བརྒྱ་ཙམ་གྱིས་ཆོག །ཨོཾ་ཧྲི་ཧ་ཧ་ཧཱུྃ་ཧཱུྃ་ཕཊ། བདེ་མཆོག་ཡིག་བདུན། ཨོཾ་བཛྲ་ཀ་ཝུ་ཝ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། སྔགས་འདི་ཤིན་ཏུ་ཟབ། ཨོཾ་མ་ཧཱ་ཀཱ་ལ་གུ་ན་ཧྲཱིཿཏ་ཧཱུྃ་ཕཊ། ལས་་་་་སྔགས་ཏེ་དངོས་གྲུབ་ཐམས་ཅད་འབྱུང་ངོ་། །ༀ་མ་ཧཱ་ཀཱ་ལ་སུ་ཏྲི་ཡ་མ་དུ་ཛ། འཁོར་གྱི་སྔགས་སོ། །གཙོ་བོའི་སྔགས་ཀྱི་བཅུ་ཆ་ཙམ་ལས་མགོན། དེའི་བཅུ་ཆ་ཙམ་འཁོར་གྱི་སྔགས་བཟླའོ། །དེ་ནས་རང་གཞན་དོན་ལས་བསྲུང་བར་འདོད་ན་སྔགས་འདི་བཟླའོ། །ༀ་བཛྲ་མ་ཧཱ་ཀཱ་ལ་ཧཱུྃ་ཧཱུྃ་ཕཊ། བདག་ཅག་མི་ནོར་འཁོར་དང་བཅས་པ་རཀྵ་རཀྵ་སྭཱ་ཧཱ། གྲུས་དུག་ཆུ་ལས་སྒྲོལ་བ་ལྟར་བགེགས་

[Full Size]

ཀྱི་གནོད་པ་ལས་སྒྲོལ་ངེས་སོ། །ཚེ་རིང་བར་འདོད་ན། ༀ་བཛྲ་མ་ཧཱ་ཀཱ་ལ་ཧཱུྃ་ཧཱུྃ་ཕཊ། ཨོཾ་ཨཱཡུ་ཛྙཱ་ན་ཨ་ཡུརྩེ་ཨ་པ་ར་སྭ་ཧཱ། རྒྱུན་དུ་བཟླས་ན་ཚངས་པའི་ཚེ་དང་མཉམ། །དེ་དག་བསྙེན་པའི་རྗེས་སུ་ཅུང་ཟད་བཟླའོ། །མགོན་པོ་མི་འགྲུབ་པ་དང་འཁུ་ལྡོག་དང་དངོས་གྲུབ་མི་སྩོལ་བ་དང་རྟགས་མི་གསལ་བ་ཐམས་ཅད་དམ་ཚིག་ཉམས་ཆག་ལས་བྱུང་བའི་རྒྱུན་དུ་བསྐང་བཤགས་འདི་གལ་ཆེ། དེ་ལ་རྒྱུད་ཚིག་འདི་བྱིན་རླབས་ཆེ་བས་བསྐང་བརྒྱ་སོགས་ཀྱང་འདི་ལ་བསོག །ཨོཾ་སྭ་བྷ་ཝ་སོགས། སྟོང་པའི་ངང་ལས་ཡི་གེ་ཏི་ལས་གཡག་ནག་རྔམས་ཤིང་བརྗིད་པ། ལུག་ནག་སྤྱི་དཀར་རྣམས་དཔྲལ་བ་ལ་མར་གྱིས་བྱུགས་ཤིང་རྭ་ལ་དར་ནག་གི་ཅོད་པན་འཕུར་བ། དར་ཚོན་རྔ་ཚོན་སྔགས་བྱང་གིས་དཔུང་པ་མཛེས་པ། དགྲ་བགེགས་ཀྱི་བམ་རོ་བཀལ་བ། ཞུན་མར་ཉི་ཟླ་ལྟར་གསལ་བ། །ཟླདར་ནག་རུ་མཚོན་སྤྲིན་ལྟར་གཏིབས་ཤིང་། ཤ་ཆེན་གྱི་དུད་པ་ན་བུན་ལྟར་འཕྱུར་བ། བདུད་རྩིའི་གསེར་སྐྱེམས་མཚོ་ལྟར་འཁྱིལ་ཞིང་དམར་གྱི་གཏོར་མ་རི་ལྟར་སྤུངས་པ། དེ་འདྲ་རེ་རེ་ལ་གྲངས་མེད་པ་འཕྲོ་བར་གྱུར། ཨོཾ་སརྦ་དྷརྨ་པཱ་ཙ་པཉྩ་རཏྣ་ཀཱ་ཡ་ཀོ་ཏི་བི་བྷ་ཝ་ཀ་སྭ་བྷ་ཝ་ཤུདྡྷོཉཧཾ། བསམ་གྱིས་མི་ཁྱབ་པར་སྤེལ་བའི་སྔགས་སོ།། ཧཱུྃ། མ་ཧཱ་ཀཱ་ལ་མཐུ་བོ་

[Full Size]

ཆེ། །ནག་པོ་ཆེན་པོ་ལྕམ་དྲལ་དང་། །ལས་མཁན་ནག་པོ་བྱ་རོག་གདོང་། །ཆོས་ཀྱི་དབྱིངས་ནས་སྐུ་བཞེངས་ལ། །གཤེགས་ཤིག་བུ་ཡི་གནས་འདིར་གཤེགས། །བུ་ཡི་གནས་མཆོག་དམ་པ་ནས། །ཁྱོད་ཀྱི་མཐུན་པའི་དམ་རྫས་ནི། །གཡག་ལུག་ནག་པོ་མར་གྱིས་བྱུགས། །དར་ནག་རུ་མཚོན་རུ་ལ་བརྒྱན། །ཕྲག་པར་དགྲ་བགེགས་ལིངྒ་བསྐྱོན་། །གསེར་སྐྱེམས་བདུད་རྩིས་བྲན་པ་འདིས། །ནག་པོ་ཆེན་པོའི་ཐུགས་དམ་བསྐང་། །བྱ་རོག་གདོང་ཅན་ལ་སོགས་པའི། །འཁོར་གྱི་མ་དང་མཁའ་འགྲོའི་ཚོགས། །སྣང་གསལ་འོད་ཀྱི་ཞུན་མར་དང་། །ཤ་ཆེན་སྤོས་ཀྱི་དུད་སྤྲིན་གྱིས། །ནག་པོ་ཆེན་པོའི་ཐུགས་བསྐུལ་ཏེ། །མཁའ་ལ་སྤྲིན་ལྟར་གཏིབས་ནས་ཀྱང་། །སྒྲུབ་པ་པོ་ལ་བུ་བཞིན་སྐྱོང་། །དར་ནག་རུ་མཚོན་ལ་སོགས་ཀྱིས། །བྱ་རོག་གདོང་ཅན་དཔོན་དང་གཡོག །ཐུགས་དམ་གནད་ནས་བསྐུལ་བའི་ཚེ། །མྱུར་དུ་སྤྱོན་ཅིག་མཁའ་འགྲོའི་ཚོགས། །རོ་ལངས་ལ་སོགས་གཅན་གཟན་སྣ་ཚོགས་དང་། །བསྟན་སྲུང་བཀའ་ཡི་བྱ་ར་བྱེད་པ་རྣམས། །བསྐང་ངོ་བསྐལ་པར་ཐུགས་དམ་བསྐང་། །བཅོལ་བའི་ཕྲིན་ལས་འགྲུབ་པར་

[Full Size]

མཛོད། །ཧཱུྃ། ལྷ་ཆེན་མ་ཧཱ་ཀཱ་ལ་གསན་ཅིང་དགོངས་སུ་གསོལ། །མ་ཧཱ་ཀཱ་ལའི་དཀྱིལ་འཁོར་སྒོར་ཞུགས་ནས། །བཀའ་ཡི་དམ་ཚིག་གཉན་པོ་སྲུང་རྒྱུ་ལ། །བཀའ་ལྟར་མ་འགྲུབ་གཞུང་བཞིན་རྔོ་མ་ཐོག །བསྙེན་སྒྲུབ་དུས་འདས་ཕུད་དང་གཏོར་མ་ཆག །རྩ་བ་ཡན་ལག་དམ་ཚིག་ཉམས་པ་ཀུན། །རྡོ་རྗེ་སྲིན་པོའི་དུར་ཁྲོད་ཚོགས་ལ་བཤགས། །ལུག་ནག་ཁྱི་ནག་གཅན་གཟན་ལ་སོགས་པ། །ཤ་ཁྲག་དམར་གྱི་གཏོར་མ་ཆག་གྱུར་ཏེ། །བྱ་རོག་གདོང་ཅན་འཁོར་དང་བཅས་ལ་བཤགས། །བསྟན་སྲུང་མཐུ་ཡི་དངོས་གྲུབ་བསྩལ་དུ་གསོལ། །གཞན་ཡང་ཁྱོད་ལ་མཆོད་བསྒྲུབ་ལྷར་བཟུང་ནས། །དུས་བཞིའི་ཚོགས་ཕུད་ནང་ནུབ་མཆོད་རྒྱུ་ལ། །མཆོད་པའི་འབྱོར་ཚོགས་ཆུང་སྟེ་སྐུ་མ་མཉེས། །ཕྱི་རྟེན་གཡག་ལུག་ལ་སོགས་མ་འབྱོར་བས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །བཟླས་བརྗོད་སྔགས་ཚིག་ལོང་གཏམ་བར་དུ་ཆོད་། །ནག་པོའི་སྲོག་སྙིང་གནད་ནས་མ་ཁུལ་ཏེ། །བཟླས་བརྗོད་སྔགས་ཀྱི་དམ་ཚིག་ཉམས་པ་ཀུན། །ལྷ་ཆེན་འཁོར་དང་བཅས་ལ་མཐོལ་ལོ་བཤགས། །ཡི་དམ་རྩེ་

[Full Size]

གཅིག་གཞུང་བཞིན་སྒོམ་རྒྱུ་ལ། །ཏིང་འཛིན་རྩེ་གཅིག་མ་གསལ་ནག་པོ་བསྐྱེད། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །དར་ནག་བྷནྡྷ་དམ་རྫས་ལ་སོགས་པ། །རྟེན་རྫས་མ་ཚོགས་ཡན་ལག་དམ་ཚིག་ཉམས། །ནག་པོ་འཁོར་དང་བཅས་ལ་མཐོལ་ལོ་བཤགས། །གནོང་ངོ་འགྱོད་དོ་མ་དང་མཁའ་འགྲོའི་ཚོགས། །མཐོལ་ལོ་བཤགས་སོ་ཆོས་སྐྱོང་སྲུང་མའི་ཚོགས། །མཐོལ་བཤགས་བཟོད་གསོལ་དང་དུ་ཡར་བཞེས་ལ། །སྒྲིབ་མེད་དངོས་གྲུབ་རྣམ་གཉིས་བསྩལ་དུ་གསོལ། །ཨོཾ་བཛྲ་སཏྭ་ཨོ། ཨོཾ་བཛྲ་སཏཱ་ཨཱཿ ཨོཾ་བཛྲ་སཏྭ་ཧཱུྃ། དེ་ནས་ཐུན་མཚམས་སུ་ཐུན་གཏོར་བྲན་ལ།་ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། ཡི་དམ་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་བདེན་པ་དང་། དཀོན་མཆོག་རིན་པོ་ཆེ་རྣམ་པ་གསུམ་གྱི་བདེན་པ་དང་། དཔལ་ཡེ་ཤེས་ཀྱི་མགོན་པོ་ཕྱག་བཞི་པ་འཁོར་དང་བཅས་པའི་བདེན་པ་དང་། བདེན་པ་ཆེན་པོའི་མཐུས། སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ། དོ་བསྔོ་ཞིང་ཕོད་བཙུགས་པ། རྣལ་འབྱོར་པའི་སྒོས་དགྲ། ཁྱད་པར་དུ་རྣལ་

[Full Size]

འབྱོར་པ་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པ་ལ་གནོད་ཅིང་འཚེ་བའི་གདོན་བགེགས་ཐམས་ཅད་ཀྱི་བླ་སྲོག་རྣམ་པར་ཤེས་པ་སྐད་ཅིག་རང་དབང་མེད་པར་དྲག་པོ་ཐུན་གྱི་གཏོར་མ་འདི་ལ་ཁུག་ཅིག །བཛྲ་ཨཾ་ཀུ་ཤ་ཛ་ཛཿ བཛྲ་པཱ་ཤ་ཧཱུྃ་ཧཱུྃ། བཛྲ་སྤོ་ཊ་བི་བི། བཛྲ་གནྡྷེ་ཧོ་ཧོ། ཛཿཧཱུྃ་བཾ་ཧོ༔ དགྲ་བགེགས་ཀྱི་ཤ་ཁྲག་བླ་སྲོག་འོད་དུ་ཞུ་བ་ལས་བྱུང་བའི་གཏོར་མ་བདུད་རྩིའི་རྒྱ་མཚོ་གྱུར། ཨོཾ་ཨཱཿཧཱུྃ་ཧ་ཧོ་ཧཱུྃསྭཱ་ཧཱ། ཨོཾ་མ་ཧཱ་ཀཱ་ལ་ཧྥུ་ན་ཧཱིཏ་སརྦ་ཤཱ་ཏུཾ་ཁ་ཁ་ཁཱ་ཧི། ༀ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿ སརྦ་ཤཱ་ཏུཾ་ཁ་ཁ་ཁཱ་ཧི། ཧཱུྃ། དཔལ་ལྡན་མགོན་པོ་ཁྲག་འཐུང་རྒྱལ། །ལེགས་ལྡན་ནག་པོ་འཇིགས་པའི་གཟུགས། །ཞལ་ནས་ཧཱུྃ་ཕཊ་འབྲུག་ལྟར་སྒྲོག །ལྗགས་ནི་ཕྱོགས་བཅུར་གློག་ལྟར་འཁྱུག །འཇིགས་པའི་གད་མོ་ཆེན་པོ་འབྱིན། །ཀེང་རུས་སྐམ་རློན་ཁྲི་ལ་བཞུགས། །ཤངས་ཀྱི་འཚུབ་མས་ཁམས་གསུམ་གཏོར། །སངས་རྒྱས་བསྟན་པའི་བཀའ་སྲུང་ཆེ། །དམ་ཉམས་རྣམས་ཀྱི་སྲོག་གཅོད་ཆེ། །རིག་འཛིན་རྣམས་ཀྱི་སྲོག་ཤིང་ཆེ། །རྣལ་འབྱོར་ཀུན་གྱི་དགྲ་བླ་ཆེ། །དུག་གསུམ་ནད་ཀྱི་སྨན་པ་

[Full Size]

ཆེ། །བདུད་འདུལ་རྣམས་ཀྱི་དབང་ཕྱུག་ཆེ། །ལྷ་ཡི་དགེ་བསྙེན་ཆེན་པོ་སྟེ། །ནམ་མཁའི་བུ་མོ་གློག་མ་སྤྲིན། །འདུལ་བ་ཞལ་གྱིས་བཞེས་མཛད་པ། །རྡོ་རྗེ་རོ་ལངས་དུར་ཁྲོད་བདག །གཙུག་ལག་ཁང་དང་དཀྱིལ་འཁོར་གྱི། །སྲུང་མ་ཆེན་པོར་མངའ་གསོལ་ལོ། །ཡེ་ཤེས་མགོན་པོ་འཁོར་བཅས་ལ། །ཤ་སྣ་སྙིང་སྣ་ཁྲག་སྣ་སྟོང་། །ཚིལ་དང་རུས་པ་སྣ་ཚོགས་དང་། །འབྲུ་སྣ་ཀུན་ལ་སྦྱར་བ་ཡི། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །བྷྱོཿ ཁྱོད་ཀྱི་ཐུགས་དམ་དུས་ལ་བབ། །རླུང་མཁྲིས་བད་ཀན་འདུས་པ་ལས། །གྱུར་པའི་ནད་རིགས་བཞི་བརྒྱ་དང་། །རྩ་བཞི་ཞི་བར་མཛད་དུ་གསོལ། །རྒྱལ་པོ་ཀླུ་བདུད་ལ་སོགས་པ། །གདོན་གྱི་རིགས་རྣམས་ཞི་བར་མཛོད། །རྨི་ལམ་ངན་སོགས་ཞི་བར་མཛོད། །བདག་ཉིད་རྣལ་འབྱོར་བསྲུང་དུ་གསོལ། །ཉིན་དང་མཚན་དུ་བྱ་ར་མཛོད། །ཚེ་དང་བསོད་ནམས་སྤེལ་དུ་གསོལ། །དཔལ་དང་གྲགས་པ་བསྒྲུབ་ཏུ་གསོལ། །འཁོར་དང་བསྟན་པ་བསྲུང་དུ་གསོལ། །ལུས་དང་གྲིབ་མ་བཞིན་དུ་འགྲོགས། །ལེགས་དང་སྤྲོད་ལ་ཉེས་དང་

[Full Size]

བསྣོལ། །བསམ་པ་སྒྲུབ་ལ་རེ་བ་སྐོངས། །དོ་ནུབ་གནོད་པ་བཟློག་ཏུ་གསོལ། །བདུད་ཁ་དགྲ་ལ་བཟློག་ཏུ་གསོལ། །ཟློག་ཅིག་སྒྱུར་ཅིག་ས་མ་ཡ། །བྷྱོ༔ རེ་ལྟོས་གཞན་དུ་མ་བཅས་སོ། །ཟློག་ཅིག་མ་མོའི་སྔགས་ཟོར་ཟློག །དུ་ན་གཤིན་རྗེའི་འཁོར་ལོ་ཟློག །ཕུར་པའི་དབལ་ཁ་བཟློག་ཏུ་གསོལ། །བདུད་ཀྱི་ཁྲམ་ཁ་བཟློག་ཏུ་གསོལ། །གནོད་སྦྱིན་གཟེར་ནད་བཟློག་ཏུ་གསོལ། །རྒྱལ་པོའི་སྨྱོ་འབོག་བཟློག་ཏུ་གསོལ། །ཀླུ་ཡིས་བཅིང་བ་བཟློག་ཏུ་གསོལ། །བཙན་གྱི་རྐྱ་རྒྱུག་བཟློག་ཏུ་གསོལ། །མོན་པའི་གཅེར་རྒྱུག་བཟློག་ཏུ་གསོལ། །བལ་པོའི་དུག་མཚོན་བཟློག་ཏུ་གསོལ། །རོ་ལངས་གནོད་པ་བཟློག་ཏུ་གསོལ། །མ་ཧཱ་དེ་ཝ་ལ་སོགས་པའི། །ལྷ་ཆེན་བརྒྱད་ཀྱང་ཞབས་ཀྱིས་མནན། །བི་ན་ཡ་ཀ་ལ་སོགས་པའི། །བགེགས་ཆེན་བརྒྱད་ཀྱང་མནན་པས་བསྐོར། །ཡི་དྭགས་ཤ་ཟ་ལ་སོགས་པའི། །ནང་ནས་སྲི་ལངས་ཐམས་ཅད་ཟློག །རྒྱལ་འགོང་བཙན་འགོང་བྱིན་གྱིས་ཐུལ། །མ་བདུད་སྲིན་མོ་ཐལ་བར་རློགས། །ཐེའུ་རང་འགོང་པོ་གཞོབ་ཏུ་བསྲེགས། །དགྲ་བགེགས་རང་

[Full Size]

གཤེད་རང་ལ་ཕོབ། །དམ་ཉམས་མཚོན་ཆ་རང་ལ་རྒྱོབ། །ཁས་བླངས་དམ་བཅས་མ་གཡེལ་ཅིག །དཔལ་ལྡན་མ་ཧཱ་ཀཱ་ལའི་དུས་ལ་བབ། །ཡུམ་ཆེན་ཙན་ཏི་ཀ་ཡི་དུས་ལ་བབ་། །བཀའ་སྡོད་ལེགས་ལྡན་མགོན་པོའི་དུས་ལ་བབ། །ཕོ་ཉ་ལངྐ་ད་རའི་དུས་ལ་བབ། །ཕྱག་བརྙན་བྲག་ལྷ་མགོན་པོའི་དུས་ལ་བབ། །གནོད་སྦྱིན་ཤྭ་ན་ར་ཛའི་དུས་ལ་བབ། །ལས་མགོན་ཐོད་ཕྲེང་ནག་པོའི་དུས་ལ་བབ། །སྤྲུལ་པའི་དཔལ་མགོན་བདུན་ཅུའི་དུས་ལ་བབ། །ཁྱེད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་མ་གཡེལ་ཅིག །ཨོཾ་མ་ཧཱ་ཀཱ་ལ་ཧེ་ཐུན་བྷྱོ། མ་ཧཱ་ཀཱ་ལི་པྲ་མོ་ཧེ་ཐུན་བྷྱོ༔ ཆག་ཆེན་ཉམ་ང་ཐམས་ཅད་མཱ་རཱ་ཡ་བྷྱོ་བྷྱོ་ཟློག་ཟློག །ཅེས་བསྙེན་སྒྲུབ་དུས་དཀྱིལ་འཁོར་དྲུང་དང་། རྒྱུན་དུ་ཕྱི་རོལ་དུ་ཕུལ་བཅུག །གཏོར་སྣོད་མདུན་དུ་སྦུབ་ལ། རྡོ་རྗེ་རྒྱ་གྲམ་རི་རབ་དང་བཅས་པའི་འོག་ཏུ་དམ་སྲི་སྒབ་འདྲེ་ཐམས་ཅད་ཁུག་ཅིག་ནོན་ཅིག །ཧཱུྃ། སྟོང་གསུམ་སྟོང་གི་འཇིག་རྟེན་འདིར། །ཀུན་ཀྱང་རིགས་ལྔ་ཧེ་རུ་ཀ །རིགས་ལྔ་ཀྲོ་ཏི་ཤྭ་རི་སྟེ། །ཡེ་ཤེས་མགོན་པོས་ནམ་མཁའ་གང་། །མ་མོས་སྤྲུལ་པས་བར་སྣང་གང་། །བྱ་རོག་ཕོ་མོ་སྤྲིན་ལྟར་གཏིབས། །བགེགས་

[Full Size]

ཞེས་བྱ་བའི་མིང་ཡང་མེད། །བདུད་དཔུང་ལྷ་ལ་གནོད་པའི་ཕྱིར། །བྲོ་འདི་བར་ཆད་མེད་པར་བརྡུང་། །ཚངས་པའི་དབྱིངས་སུ་འདྲེན་པའི་ཕྱིར། །བྲོ་འདི་བར་ཆད་མེད་པར་བརྡུང་། །ཨོཾ་མ་ཧཱ་ཀཱ་ལ་ཤ་ཏྲི་དམ་སྲི་ན་ཤ་ཡ། སྟམ་བྷ་ཡ་མཱ་ར་ཡ། མར་དྷ་ཡ་ནན། ས་མ་ཡ། རྒྱ་རྒྱ་རྒྱུ། སྒྲུབ་དུས་ཡིན་ན་ཐུན་བཞིར་དེ་ལྟར་བྱ་ཞིང་གྲོལ་དུས་བར་རྗེས་ཆོག་མི་བྱ། མཚམས་གྲོལ་ཁ་གཏོར་མ་མགོན་པོ་དངོས་སུ་གསལ་བའི་གནས་ལྔ་ནས་མགོན་པོ་དཀར་དམར་མཐིང་སེར་ལྗང་གུ་རྣམས་རང་ལ་ཐིམ་པས་དབང་དང་དངོས་གྲུབ་ཐོབ་པར་བསྒོམས་ལ། །གཏོར་མ་རང་གིས་གནས་ལྔར་གཏུག་ཅིང་རྩ་སྔགས་ཤམ་དུ། ཀཱ་ཡ་སིདྡྷི་ཨོ། ཝཱཀ་སིདྡྷི་ཨཱ༔ ཙིཏྟ་སིདྡྷི་ཧཱུྃ། གུ་ཎ་སིདྡྷི་སྭཱ། ཀརྨ་སིདྡྷི་ཧཱ། ཞེས་དབང་དང་དངོས་གྲུབ་བླང་ངོ་། ཨོཾ་མ་ཧཱ་ཀཱ་ལ་ས་པཱ་རི་ཝཱ་ར་ཨགྣི་སོགས༔ ཧཱུྃ། དུས་གསུམ་སངས་རྒྱས་ཀུན་གྱི་བསྟན་སྲུང་ཞིང་། །འཇིགས་བྱེད་མི་བཟད་དྲག་པོའི་ལས་ཀུན་མཛད། །རྔམ་པའི་ང་རོས་སྲིད་གསུམ་ཐལ་བར་བརླག ། མགོན་པོ་བྱ་རོག་མཚན་ལ་ཕྱག་འཚལ་བསྟོད། །མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་བསྩལ་བ། །དེ་ཀུན་མགོན་

[Full Size]

པོས་བཟོད་པར་གསོལ། །ཡིག་བརྒྱ། རྟེན་ཡོད་ན། ཡེ་ཤེས་པ་རྟེན་རྣམས་ལ་ཐིམ་པར་གྱུར། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། མེད་ན། ཨོ། ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སོ་སོའི་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཡེ་ཤེས་པ་བཛྲ་མུ༔ དམ་ཚིག་པ་རང་ལ་ཐིམ་པར་གྱུར། བདག་གིས་ནག་པོ་ཆེན་པོ་མཆོད་པ་དང་། །བསྙེན་སྒྲུབ་ཐུགས་དམ་བསྐང་བ་ལ་སོགས་པ། །དུས་གསུམ་བསགས་པའི་དགེ་བ་ཅི་མཆིས་པ། །ནམ་མཁའི་མཐའ་ཀླས་གྱུར་པའི་འགྲོ་བ་རྣམས། །བླ་མེད་ཐེག་པ་ཆེན་པོའི་སྣོད་གྱུར་ནས། །ཀུན་ཀྱང་རྡོ་རྗེ་འཛིན་པའི་ས་ཐོབ་ཤོག །གནས་འདིར་ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱི་བཀྲ་ཤིས་ཤོག །ཅེས་སོགས་བྱའོ། །རྒྱུད་དང་རྒྱ་གཞུང་མན་ངག་དུ་མའི་བཅུད། །ཟབ་པའི་གནད་མང་ཁྱེར་བདེ་མང་ཉུང་འཚམས། །འདོན་ཆ་རྒྱུད་དང་རྒྱ་བོད་གྲུབ་ཆེན་གསུངས། །མངོན་རྟོགས་འདུས་ཆེ་བརྗིད་རྔམས་རབ་ཏུ་མཛེས། །གཏོར་ཆོག་ཁ་རྐྱང་མ་ཡིན་དཀྱིལ་ཆོག་ཚང་། །རྒྱུན་ཁྱེར་སྒྲུབ་

[Full Size]

ཐབས་གཉིས་ཀ་འདི་ཡིས་ཆོག །ཞི་རྒྱས་དབང་དྲག་ལས་ཚོགས་ཀུན་དང་འབྲེལ། །ཡིད་བཞིན་ནོར་ལྟར་དངོས་གྲུབ་ཀུན་འབྱུང་འདི། །མགོན་པོའི་རིག་འཛིན་དྲུང་ཆེན་མཁའ་སྤྱོད་པའི། །གདུང་རིག་ལས་འཁྲུངས་ལྷ་རྒྱུད་བག་ཆགས་ཅན། །ཨ་ནུ་ཚེ་དབང་རྡོ་རྗེས་བསྐུལ་བའི་ཕྱིར། །དགེ་སློང་རཱ་ག་ཨ་སྱས་ལེགས་པར་བསྒྲིགས། །ཉེས་འགལ་མཆིས་ན་ལྷ་སྲུང་རྣམས་ལ་བཤགས། །དགེ་བས་འདི་ཉིད་ཉམས་སུ་སུས་བླངས་ན། །མཆོག་ཐུན་དངོས་གྲུབ་ཚེ་འདིར་མྱུར་ཐོབ་ཤོག །ཨེ་མ་སྔོན་ལས་འབྲེལ་བས་ཆུང་ནས་ལྷ་འདི་འཕྲད། །བཅོ་ལྔ་ལོན་ཚེ་བསྙེན་སྒྲུབ་བགྱིས་པ་ནི། །དེང་སང་མགོ་སྐྱེས་དཀར་པོར་ཉེ་བའི་བར། །ཆོས་སྐྱོང་ཀུན་གྱི་མཆོག་ཏུ་ཁྱེད་བརྟེན་ན། །ཚེ་འདིར་མཆོག་གི་དངོས་གྲུབ་ཐོབ་པ་དང་། །ཕྱི་མ་བདེ་ཆེན་ཞིང་ཁམས་བགྲོད་པ་ཡི། །འགལ་རྐྱེན་སེལ་དང་མཐུན་རྐྱེན་བསྒྲུབ་མི་བསྒྲུབས། །ཀ་ཝུ་མ་ཧཱ་ཀཱ་ལ་ཁྱེད་རང་ཤེས། །མངྒ་ལཾ། བྷ་ཝནྟུ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མགོན་པོ་ཕྱག་བཞི་པའི་ཀ་བསྟོད།

[Full Size]

མགོན་པོ་ཕྱག་བཞི་པའི་ཀ་བསྟོད་བཞུགས་སོ།། ཀ་ལ་ཆེན་པོ་ཞལ་གཅིག་ཕྱག་བཞི་པ། །ཁ་གདངས་མཆེ་གཙིགས་ལྗགས་འདྲིལ་སྤྱན་གསུམ་པོ། །ག་ཤུལ་མི་མགོའི་ཕྲེང་བས་དོ་ཤལ་བྱས། །ང་ཡི་སྲུང་མ་མཆོག་ཏུ་ཁྱེད་བསྟེན་ཕྱིར། །ཅ་ཅོའི་དབྱངས་དང་རོལ་མོས་སྤྱན་འདྲེན་ན། །ཆ་ལུགས་རལ་གྲི་གྲི་གུག་ཐོད་མདུང་འཛིན། །ཇ་ཆང་ཕུད་དང་བསང་གི་མཆོད་པ་འབུལ། །ཉ་རྒྱས་ཟླ་ལྟར་དགེ་ལེགས་འཕེལ་རྒྱས་མཛོད། །ཏ་ཐཱ་ག་ཏའི་བསྟན་སྲུང་མཐུ་བོ་ཆེ། །ཐ་ན་བདག་ཅག་དཔོན་སློབ་འཁོར་བཅས་ལ། །ད་ནི་སྲུང་སྐྱོབ་ཁ་འཛིན་སྡོང་གྲོགས་མཛོད། །ན་ཚ་ཤི་ཆད་བྱད་ཁ་ཕུར་ཁ་ཟློག །པ་དེ་པུ་དེའི་དགྲ་ཇག་ཆོམ་པོ་སོགས། །ཕ་རོལ་གནོད་བྱེད་བསྟན་དགྲ་དམ་ཉམས་རྣམས། །བ་མོར་ཉི་ཟེར་ཕོག་ལྟར་ཞི་བ་དང་། །མ་རྒན་སེམས་ཅན་ཆོས་ལ་འགོད་པར་མཛོད། །རྩ་གསུམ་ལྷ་དང་སངས་རྒྱས་བསྟན་པ་སྲུངས། །ཚ་གྲང་དམྱལ་བའི་སྡུག་བསྔལ་ཞི་བར་ཀུནམཛོད། །ཛ་ཡི་སངས་རྒྱས་སྤྱན་སྔར་ཁས་བླངས་པས། །ཝ་ལེར་བསྟན་པ་བསྲུང་བར་ཞལ་གྱིས་བཞེས། །ཞྭ་ལྟར་རྣལ་འབྱོར་བདག་གི་ཐོད་དུ་ཕྱུར། །ཟ་བྱེད་ནག་པོ་སྟོང་

[Full Size]

ཚོགས་འཁོར་བཅས་ཀྱིས། །འ་རེ་འུ་རེའི་དུས་ངན་འཁྲུག་རྩོད་དུ། །ཡ་མཚན་ཆེ་བའི་སངས་རྒྱས་བསྟན་པ་སྲུངས། །ར་ཅན་གཡག་ལུག་གཟུགས་འགྲོའི་སྣ་ཚོགས་དང་། །ལ་ཆེན་རྟེན་རྫ་ས་མང་པོས་ཐུགས་དམ་བསྐང་། །ཤ་ཚ་སྙིང་རྗེའི་བདག་ཅག་འཁོར་བཅས་རྣམས། །ས་ཆ་གར་འགྲོ་གར་འདུག་ཁ་འཛིན་མཛོད། །ཧ་ཧ་དགྱེས་མཛོད་མགོན་པོ་འཁོར་བཅས་ཀྱིས། །ཨ་ལ་ལ་ཧོ་ངོ་མཚར་དངོས་གྲུབ་སྩོལ། །མགོན་པོ་ཕྱག་བཞིའི་ཀ་བསྟོད་བགྱིས་པ་ལ། །ཉེས་འགལ་མཆིས་ན་མགོན་པོ་འཁོར་བཅས་བཤགས། །དགེ་བས་སངས་རྒྱས་བསྟན་པ་དར་བར་ཤོག །དེ་སྐད་རཱ་ག་ཨ་སྱས་སྦྱར། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

ཡེ་ཤེས་མགོན་པོ་ཕྱག་བཞི་པ་ཞལ་གཟིགས་དུས་བསྟོད་པ།

[Full Size]

ཡེ་ཤེས་མགོན་པོ་ཕྱག་བཞི་པ་ཞལ་གཟིགས་དུས་བསྟོད་པ་བཞུགས་སོ།། ཀའུ་མ་ཧཱ་ཀཱ་ལ་བྱ་རོག་མཚན། །ཁ་དོག་མཐིང་ནག་དབྱར་གྱི་ཆར་སྤྲིན་མདོག །ག་ཤལ་མི་མགོའི་ཕྲེང་བ་སྦྲུལ་གྱིས་སྤྲས། །ང་རོ་ཧཱུྃ་ཧཱུྃ་ཕཊ་ཕཊ་ཕེ་ཕེ་སྒྲ། །ཅ་ཅོ་ངུ་སྒྲ་སྒྲོག་པས་དགྲ་བགེགས་མནན། །ཆ་ལུགས་སྲིན་པོ་ཁྲོས་འདྲ་ནག་པོ་ཆེ། །ཇ་ཆང་ཕུད་དང་ཚོགས་དང་གཏོར་མས་མཆོད། །ཉ་རྒྱས་ལྟར་དཀར་ཐུགས་རྗེའི་འོད་ཟེར་གྱིས། །ཏ་ཐཱ་ག་ཏའི་བསྟན་པ་རྒྱས་པར་མཛོད། །ཐ་ན་བདག་གི་འཁོར་གཡོག་རྗེས་འབྲང་བཅས། །ད་ནི་ཁྱོད་ཀྱིས་རྟག་ཏུ་སྲུང་སྐྱོབ་མཛོད། །ན་ཚ་ཤི་ཆད་གོད་ཁ་མེད་པ་དང་། །པ་ར་ག་ཏའི་ཉམས་རྟོགས་རྒྱས་པར་མཛོད། །ཕ་གཅིག་བུ་གཅིག་ལྟ་བུར་ཐུགས་བརྩེ་བས། །བ་མོར་ཉི་ཟེར་ཕོག་ལྟར་ནད་གདོན་སྡིག །མ་ལུས་ད་ལྟ་ཉིད་དུ་ཞི་བར་མཛོད། །རྩ་རླུང་སྒོམ་པའི་གེགས་སྐྱོན་ཐམས་ཅད་དང་། །ཚ་གྲང་འདུ་བའི་ནད་རྣམས་མེད་པར་མཛོད་།ཛ་ཡི་གོ་འཕང་མཆོག་དེ་མ་ཐོབ་པར། །ཝ་ལེར་དུས་གསུམ་གཟིགས་པའི་མགོན་ཁྱོད་ཀྱིས། །ཞྭ་ལྟར་ཐུགས་རྗེའི་བསིལ་གྲིབ་ལྡན་པར་མཛོད། །ཟ་བྱེད་ཤ་ཟ་

[Full Size]

འབུམ་སོགས་འཁོར་གྱི་ཚོགས། །འ་འུར་ཐུག་ཆོམ་ཆོ་འཕྲུལ་དང་བཅས་ནས། །ཡ་མཚན་སྒྲུབ་པའི་མཚན་མ་དངོས་སུ་སྟོན། །ར་ཆེན་ཁྲི་འབུམ་མང་པོའི་འཁོར་བཅས་པའི། །ལ་ཆེན་མ་མགོན་ལྕམ་དྲལ་ཐམས་ཅད་ལ། །ཤ་ཁྲག་དམར་གྱི་གཏོར་མའི་མཆོད་པ་འབུལ། །ས་དང་ལམ་གྱི་བར་ཆད་ཞི་བ་དང་། །ཧ་ཧ་དགྱེས་པའི་གད་མོ་དང་བཅས་པས། །ཨ་ལ་ལ་ཧོ་ངོ་མཚར་དངོས་གྲུབ་སྩོལ། །ཞེས་པ་ཕྱག་བཞི་པ་འདི་ཕ་རྒྱུད་ལྷ་དང་སློབ་དཔོན་རྒྱུད་ལྷ་གཉིས་ཀ་ཡིན། ནང་ནས་སྒྲུབ་ཀྱང་འདི་ཚན་ཆེ། ལོ་དུས་ཀྱི་མདོས་དང་། ཉ་མཚམས་བརྒྱད་གསུམ་བཅུ་དགུ་ལ། ཆོ་ག་རྒྱས་པ་བྱེད་ཅིང་ཡོད། གཏོར་བསྔོས་དང་ཐུན་བསྙེན་མ་ཆག་པ་ཡོད་དེ། །ཧ་ཅང་རྟགས་གསལ་པོ་ཡང་མ་བྱུང་བས། ཚེ་སྔོན་ལས་འཕྲོ་མེད་པ་རྣམས། ཆགས་འགའ་ཞིག་ལ་སེམས་ཡང་འཕྲེང་དུས། རང་གི་གྲྭ་པ་འགའ་འབའ་བསམ་བྱེད་ཅིང་ཡོད་སྙམ་ཛ། རང་གི་གཡོན་དུ་གཉིས་བྱུང་ནས་བསྡད་རྒྱལ་དགྲ་ཕ་མ་རིད་པ། །ཕྱག་བཞི་དངོས་གཉིས་བཞག་གདའ་བར་རྨིས། ཉིན་གོང་གཉིད་ལ་རང་ཚན་བར་ཅུང་ཟད་ཐུམ་པའི་ཉམས་སྣང་ལ། མདུན་དུ་མེ་རིའི་སྟེང་ན། མགོན་པོ་ཕྱག་བཞི་པ། རྒྱན་ཆ་ལུགས་ཡོངས་སུ་རྫོགས་པ། སྐུ་ཚད་མི་བས་སུམ་འགྱུར་ཆེ་བ་གཅིག་དངོས་སུ་བཞུགས་པར་གདའ་བར་མཐོང་བ་དེ་ནས་ཀ་བསྟོད་སྦྱར་བའོ། །ཞེས་ཨ་རཱ་གའོ།། །།

དཔལ་ཡེ་ཤེས་ཀྱི་མགོན་པོ་ཕྱག་བཞི་པའི་ཚོགས་ལས་དངོས་གྲུབ་ཀུན་འབྱུང་།

[Full Size]

དཔལ་ཡེ་ཤེས་ཀྱི་མགོན་པོ་ཕྱག་བཞི་པའི་ཚོགས་ལས་དངོས་གྲུབ་ཀུན་འབྱུང་ཞེས་བྱ་བ་བཞུགས་སོ།།

[Full Size]

ཨོཾ་ཁཎྜ་རོ་ཧེ་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷིམྨསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་ཡཾ་ལས་རླུང་རཾ་ལས་མེ་ཀཾ་ལས་མི་མགོའི་སྒྱེད་པུ་གསུམ། དེའི་སྟེང་དུ་ཨ་ལས་ཐོད་པའི་སྣོད་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ་དགྲ་བགེགས་བྱད་མ་བསྒྲལ་བའི་ཤ་ཡི་རི་བོ་ཁྲག་གི་རྒྱ་མཚོ། རུས་པའི་གྲམ་རི། ཤ་ལྔ་བདུད་རྩི་ལྔ་ཡི་སྟེང་དུ་ཨོཾ་དཀར་པོ་ཨཱདམར་པོ་ཧཱུྃ་སྔོན་པོ་གསུམ་སྟེང་ནས་སྟེང་དུ་བརྩེགས་པ་ལས་འོད་ཟེར་འཕྲོས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་བཀུག །ཡི་གེ་གསུམ་ལ་ཐིམ་འོད་དུ་ཞུ་

[Full Size]

ནས་འོག་གི་ཤ་ཁྲག་དང་འདྲེས་པས། །ཁ་དོག་དཀར་བ་རེག་བྱ་འཇམ་པ་རོ་མངར་བ་ནུས་པ་ཕུན་སུམ་ཚོགས་པའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧཱི༔ ལན་གསུམ་བརྗོད། ཨོཾ་ཨཱཿཧཱུྃ། འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། །རྩ་བའི་བླ་མ་བརྒྱུད་པར་བཅས་པ་རྣམས། །སྐུ་མདོག་སྔོ་བསང་རྡོ་རྗེ་དྲིལ་བུ་འཛིན། །ཚོགས་གཉིས་རབ་རྫོགས་ཐུགས་རྗེའི་རང་བཞིན་ཅན། །ཡེ་ཤེས་ཚོགས་ལ་སྤྱན་འདྲེན་གཤེགས་སུ་གསོལ། །དགྲ་བགེགས་བྱད་མ་བསྒྲལ་བའི་ཚོགས་མཆོད་བཞེས། །ཐུགས་དམ་བརྒྱུད་བསྐུལ་ཐུགས་རྗེའི་བྱིན་གྱིས་རློབས། །

[Full Size]

བདག་ཅག་དཔོན་སློབ་ཡོན་མཆོད་བསྲུང་བྱ་ལ། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཆོས་དབྱིངས་རྡོ་རྗེ་བཙུན་མོའི་བྷ་ག་ནས། །ཡི་དམ་དཔལ་ཆེན་འཁོར་ལོ་བདེ་བའི་མཆོག །ཐབས་ཤེས་གཉིས་སུ་མེད་པའི་ཡུམ་ལ་འཁྱུད། །དྲུག་ཅུ་རྩ་གཉིས་དཔའ་བོ་མཁའ་འགྲོར་བཅས། །ཡི་དམ་ཞི་ཁྲོ་མཁའ་འགྲོའི་འཁོར་གྱིས་བསྐོར། །ཡེ་ཤེས་ཚོགས་ལ་སྤྱན་འདྲེན་གཤེགས་སུ་གསོལ། །དགྲ་བགེགས་བྱད་མ་བསྒྲལ་བའི་ཚོགས་མཆོད་བཞེས། །ཐུགས་དམ་བརྒྱུད་བསྐུལ་ཐུགས་རྗེའི་བྱིན་གྱིས་རློབས། །བདག་ཚེཅག་དཔོན་སློབ་ཡོན་མཆོད་བསྲུང་བྱ་ལ། །ཟག་མེད་བདེ་བ་ཆེན་པོའི་དངོས་གྲུབ་སྩོལ། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བདེ་གཤེགས་ཐུགས་སྤྲུལ་ཡེ་ཤེས་མགོན་པོ་ནི། །ཞལ་གཅིག་ཕྱག་བཞི་སྐུ་མདོག་མཐིང་ནག་འཇིགས། །སྣ་ཚོགས་རྒྱུན་ལྡན་སྤྲུལ་པ་བསམ་མི་ཁྱབ། །སྐུ་ལྔའི་མགོན་པོ་རྒྱ་མཚོའི་ལྕམ་དྲལ་བཅས། །ཡེ་ཤེས་ཚོགས་ལ་སྤྱན་འདྲེན་གཤེགས་སུ་གསོལ། །དགྲ་བགེགས་བྱད་མ་བསྒྲལ་བའི་ཚོགས་མཆོད་བཞེས། །ཐུགས་དམ་བརྒྱུད་བསྐུལ་ཐུགས་རྗེའི་བྱིན་གྱིས་རློབས། །བདག་

[Full Size]

ཅག་དཔོན་སློབ་ཡོན་མཆོད་བསྲུང་བྱ་ལ། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །གཏུམ་དྲག་མེ་ལྟར་འབར་བའི་དཀྱིལ་འཁོར་ནས། །ལས་ཀྱི་མགོན་པོ་བྱ་རོག་གདོང་ཅན་བརྒྱད། །ཞལ་གཅིག་ཕྱག་གཉིས་སྐུ་མདོག་ནག་ལ་རྔམས། །དུར་ཁྲོད་རྒྱན་ལྡན་དགྲ་བགེགས་སྲོག་རྩ་གཅོད། །ནག་པོ་སྟོང་སྡེ་ལས་མགོན་རྒྱ་མཚོས་བསྐོར། །ཡེ་ཤེས་ཚོགས་ལ་སྤྱན་འདྲེན་གཤེགས་སུ་གསོལ། །དགྲ་བགེགས་བྱད་མ་བསྒྲལ་བའི་ཚོགས་མཆོད་བཞེས། །ཐུགས་དམ་བརྒྱུད་བསྐུལ་ཐུགས་རྗེའི་བྱིན་གྱིས་རློབས། །བདག་ཅག་དཔོན་སློབ་ཡོན་མཆོད་བསྲུང་བྱ་ལ། །དགྲ་བགེགས་བྱེད་མ་བསྒྲལ་བའི་ཕྲིན་ལས་མཛོད། །ཧཱུྃ། བྱང་ཤར་རླུང་ནག་འཚུབ་མའི་དཀྱིལ་འཁོར་ནས། །ཡུམ་མཆོག་ཨེ་ཀ་ཙ་ཏྲི་རྩ་འཇིབ་མ། །སྦྱོར་སྒྲོལ་ཡུམ་གསུམ་ཤ་ཟ་ཁྲག་འཐུང་མ། །སྣ་ཚོགས་རྒྱན་ལྡན་དམ་ཉམས་སྐྱེ་རྒྱུད་གཅོད། །ལས་ཀྱི་མ་མོ་བྱེ་བ་འབུམ་གྱིས་བསྐོར། །ཡེ་ཤེས་ཚོགས་ལ་སྤྱན་འདྲེན་གཤེགས་སུ་གསོལ། །དགྲ་བགེགས་བྱད་མ་བསྒྲལ་བའི་ཚོགས་མཆོད་བཞེས། །ཐུགས་དམ་བརྒྱུད་བསྐུལ་ཐུགས་རྗེའི་བྱིན་གྱིས་

[Full Size]

རློབས། །བདག་ཅག་དཔོན་སློབ་ཡོན་མཆོད་བསྲུང་བྱ་ལ། །དམ་ཉམས་དགྲ་བགེགས་བསྒྲལ་བའི་ཕྲིན་ལས་མཛོད། །ཧཱུྃ། བསྐལ་པ་མེ་ལྟར་འབར་བའི་དཀྱིལ་འཁོར་ནས། །ལྷ་མགོན་ཁྱུང་ནག་མཁའ་ལ་གཤོག་པ་རྡེབ། །སེང་གེའི་གདོང་ཅན་ཤ་ཟ་འབུམ་དང་བཅས། །ལེགས་ལྡན་དམག་དཔོན་བརྒྱད་དང་གནོད་སྦྱིན་ཁྲི། །དཔལ་མགོན་བདུན་ཅུ་སྡེ་བརྒྱད་ལ་སོགས་པ། །བཀའ་སྲུང་དམ་ཅན་རྒྱ་མཚོ་འཁོར་དང་བཅས། །ཡེ་ཤེས་ཚོགས་ལ་སྤྱན་འདྲེན་གཤེགས་སུ་གསོལ། །དགྲ་བགེགས་བྱད་མ་བསྒྲལ་བའི་ཚོགས་མཆོད་བཞེས། །ཐུགས་དམ་བརྒྱུད་བསྐུལ་ཐུགས་རྗེའི་བྱིན་གྱིས་རློབས། །བདག་ཅག་དཔོན་སློབ་ཡོན་མཆོད་བསྲུང་བྱ་ལ། །ཕྲིན་ལས་རྣམ་བཞིའི་དངོས་གྲུབ་བསྩལ་དུ་གསོལ། །ཚོགས་ཕུད་ཕུལ། གུ་རུ་དྷེ་ཝ་ཌཱཀྐི་ནི་ཤྲཱི་མ་ཧཱ་ཀཱ་ལ་སརྦ་དྷརྨ་པ་ལ་ས་པཱ་རི་ཝཱ་ར་གྷ་ན་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི། མགོན་པོའི་གཡག་བསྐང་ནི། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཡི་གེ་ཏི་ལས་གཡག་ནག་རྔམས་ཤིང་བརྗིད་པ་དང་། ལུག་ནག་སྤྱི་དཀར་རྣམས་དཔྲལ་བར་མར་གྱིས་བྱུགས་ཤིང་རྭ་ལ་དར་ནག་གིས་ཅོད་པན་འཕུར་བ། དར་ཚོན་

[Full Size]

རྔ་ཚོན་སྔགས་བྱང་གིས་དཔུང་པ་མཛེས་པ། དགྲ་བགེགས་ཀྱི་བམ་རོ་བཀལ་བ། ཞུན་མར་ཉི་ཟླ་ལྟར་གསལ་བ། དར་ནག་གི་རུ་མཚོན་སྤྲིན་ལྟར་གཏིབས་པ། ཤ་ཆེན་གྱི་དུད་པ་ན་བུན་ལྟར་འཕྱུར་བ། བདུད་རྩིའི་གསེར་སྐྱེམས་མཚོ་ལྟར་འཁྱིལ་ཞིང་དམར་གྱི་གཏོར་མ་རི་ལྟར་སྤུངས་པ། དེ་འདྲ་རེ་རེ་ལ་གྲངས་མེད་པ་འཕྲོ་བར་གྱུར༔ ཨོཾ་སརྦ་དྷརྨ་པཱུ་ཙ་པཉྩ་རཏྣ་ཀཱ་ཡ་ཀོ་ཏི་བྷི་བྷ་ཝ་ཀ་སྭ་བྷ་ཝ་ཤུདྡྷོཉཧཾ། བསམ་གྱིས་མི་ཁྱབ་པའི་སྔགས་སོ། །ཁྲག་མཚོ་ཁོལ་མ་ནས་གསུངས་སོ། །ཧཱུྃ། མ་ཧཱ་ཀཱ་ལ་མཐུ་བོ་ཆེ། །ནག་པོ་ཆེན་པོ་ལྕམ་དྲལ་དང་། །ལས་མཁན་ནག་པོ་བྱ་རོག་གདོང་། །ཆོས་ཀྱི་དབྱིངས་ནས་སྐུ་བཞེངས་ལ། །གཤེགས་ཤིག་བུ་ཡི་གནས་འདིར་གཤེགས། །བུ་ཡི་གནས་མཆོག་དམ་པ་ནས། །ཁྱེད་དང་མཐུན་པའི་དམ་རྫས་ནི། །གཡག་ལུག་ནག་པོ་མར་གྱིས་བྱུག །དར་ནག་རུ་མཚོན་རྭ་ལ་བརྒྱན། །ཕྲག་པར་དགྲ་བགེགས་ལིངྒ་བསྐྱོན། །གསེར་སྐྱེམས་བདུད་རྩིས་བྲན་པ་འདིས། །ནག་པོ་ཆེན་པོའི་ཐུགས་དམ་བསྐང་། །བྱ་རོག་གདོང་ཅན་ལ་སོགས་པའི། །འཁོར་གྱི་མ་དང་མཁའ་འགྲོའི་ཚོགས། །སྣང་གསལ་

[Full Size]

འོད་ཀྱི་ཞུན་མར་དང་། །ཤ་ཆེན་སྤོས་ཀྱི་དུད་སྤྲིན་གྱིས། །ནག་པོ་ཆེན་པོའི་ཐུགས་སྤྲུལ་ཏེ། །མཁའ་ལ་སྤྲིན་ལྟར་གཏིབས་ནས་ཀྱང་། །སྒྲུབ་པ་པོ་ལ་བུ་བཞིན་སྐྱོངས། །དར་ནག་ལྕགས་ཀྱི་རུ་མཚོན་གྱིས། །བྱ་རོག་གདོང་ཅན་དཔོན་དང་གཡོག །ཐུགས་དམ་གནད་ནས་བསྐུལ་བའི་ཚེ། །མྱུར་དུ་བསྐྱོད་ཅིག་མཁའ་འགྲོའི་ཚོགས། །རོ་ལངས་ལ་སོགས་གཅན་གཟན་སྣ་ཚོགས་དང་། །བསྟན་སྲུང་བཀའ་ཡི་བྱ་ར་བྱེད་པ་རྣམས། །བསྐང་ངོ་བསྐལ་པར་ཐུགས་དམ་བསྐང་། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ལྷ་ཆེན་མ་ཧཱ་ཀཱ་ལ་གསན་ཅིང་དགོངས་སུ་གསོལ། །མ་ཧཱ་ཀཱ་ལའི་དཀྱིལ་འཁོར་སྒོར་ཞུགས་ནས། །བཀའ་ཡི་དམ་ཚིག་གཉན་པོ་སྲུང་རྒྱུ་ལ། །བཀའ་ལྟར་མ་འགྲུབ་གཞུང་བཞིན་རྔོ་མ་ཐོགས། །བསྙེན་སྒྲུབ་དུས་འདས་ཕུད་དང་གཏོར་མ་ཆག །རྩ་བ་ཡན་ལག་དམ་ཚིག་ཉམས་པ་ཀུན། །རྡོ་རྗེ་སྲིན་པོའི་དུར་ཁྲོད་ཚོགས་ལ་བཤགས། །ལུག་ནག་ཁྱི་ནག་གཅན་གཟན་ལ་སོགས་པ། །ཤ་ཁྲག་དམར་གྱི་གཏོར་མ་ཆག་གྱུར་ཏེ། །བྱ་རོག་གདོང་ཅན་འཁོར་དང་བཅས་ལ་བཤགས། །བསྟན་སྲུང་མཐུ་ཡི་དངོས་གྲུབ་

[Full Size]

བསྩལ་དུ་གསོལ། །གཞན་ཡང་ཁྱོད་ལ་མཆོད་སྒྲུབ་ལྷར་བཟུང་ནས། །དུས་ཀྱི་ཚོགས་ཕུད་ནང་ནུབ་མཆོད་རྒྱུ་ལ། །མཆོད་པའི་འབྱོར་ཚོགས་ཆུང་སྟེ་སྐུ་མ་བརྙེས། །ཕྱི་རྟེན་གཡག་ལུག་ལ་སོགས་མ་འབྱོར་བས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །བཟླས་བརྗོད་སྔགས་ཚིག་ལོང་གཏམ་བར་དུ་ཆོད། །ནག་པོའི་སྲོག་སྙིང་གནད་ནས་མ་ཁོལ་ཏེ། །བཟླས་བརྗོད་སྔགས་ཀྱི་དམ་ཚིག་ཉམས་པ་ཀུན། །ལྷ་ཆེན་འཁོར་དང་བཅས་ལ་མཐོལ་ལོ་བཤགས། །ཡི་དམ་རྩེ་གཅིག་གཞུང་བཞིན་སྒོམ་སྒྲུབ་ལ། །ཏིང་འཛིན་རྩེ་གཅིག་མ་གསལ་ནག་པོ་བསྐྱེད། །ཐུགས་དམ་དམ་ཚིག་ཉམས་པ་མཐོལ་ལོ་བཤགས། །དར་ནག་བྷན་དམ་ཚིག་ལ་སོགས་པ། །རྟེན་རྫས་མ་ཚོགས་ཡན་ལག་དམ་ཚིག་ཉམས། །ནག་པོ་འཁོར་དང་བཅས་ལ་མཐོལ་ལོ་བཤགས། །གནོང་ངོ་འགྱོད་དོ་མ་དང་མཁའ་འགྲོའི་ཚོགས། །མཐོལ་ལོ་བཤགས་སོ་ཆོས་སྐྱོང་སྲུང་མའི་ཚོགས། །མཐོལ་བཤགས་བཟོད་གསོལ་དང་དུ་ཡར་བཞེས་ལ། །སྒྲིབ་མེད་དངོས་གྲུབ་རྣམ་གཉིས་བསྩལ་དུ་གསོལ། །བསྐང་བཤགས་འདི་སྤུ་གྲི་ཀླད་གཟེར་གྱི་རྒྱུད་ཚིག་ཕྱག་བཞི་པ་ཉིད་

[Full Size]

ཀྱི་གསུངས་ཡིན་པས། གཞན་བསྐང་གསོ་ཀློག་པ་ལས་ཀྱང་འདི་རང་ཚར་མང་དུ་བཏོན་ན་བྱིན་རླབས་ཆེའོ། །ཨོཾ་ས་མ་ཡ། ཨཱས་མ་ཡ། ཧཱུྃ་ས་མ་ཡ། ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿ ཨོཾ་བཛྲ་སཏཱ་ས་མ་ཡ་སོགས་ཡིག་བརྒྱ་བཟླས་པས་དམ་ཚིག་ཉམས་ཆག་བྱུང་ན་བསྐང་ཞིང་བཤགས་པ། ས་མ་ཡའི་དམ་ཚིག་གི་སྔགས་བསྡེབ་ཟབ་མོ་གཉན་མགོན་པོ་གཞུང་ངོ་། །དེ་ནས་གཏོར་བསྔོས་ལ་འཇུག །ཚོགས་བར་པས་བསྐང་བ་གསོ་བར་བྱ། དེ་ནས་རྡོ་རྗེ་སློབ་དཔོན་ནས་རིམ་པར་དྲངས་ནས་ཚོགས་ལ་རོལ། ཧོ༔ གཟིགས་ཤིང་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱ་མི་རུང་། །བྲམ་ཟེ་ཁྱི་དང་གདོལ་བ་གསུམ། །རང་བཞིན་གཅིག་ཏུ་དགོངས་ཏེ་རོལ། །ཅེས་དྲངས་ལ། ཧོ༔ རིན་ཐང་མེད་པའི་ལེགས་འོང་ཆོས། །གཟུང་འཛིན་མཚན་མ་ཀུན་སྤང་བའི། །བླང་དོར་ཆོས་ཀུན་བྲལ་བ་ཡིས། །དེ་བཞིན་ཉིད་ལ་བདག་ཕྱག་འཚལ། །ཨ་ལ་ལ་ཧོ༔ ཞེས་རོལ། ལྷག་མ་བྲན་ལ། ཕུད་དང་ལྷག་མའི་གཏོར་མ་བཟང་ཞིང་རྒྱ་ཆེ་བར་གྱུར། ཨོཾ་ཨཱཿཧཱུྃ། ཨུཙྪིཥྛ་བཛྲ་ཨ་ཧ་ཧ་ཏྲེ་པ་ཏྲེ་པཾ། ཞེས་བྱིན་གྱིས་བརླབས་སོ། །ཧཱུྃ། དཔལ་ལྡན་མགོན་པོའི་འཁོར་དུ་གཏོགས་པ་ཡི། །ཕྱི་འཁོར་སྐྱོང་

[Full Size]

བའི་སྲུང་མ་དམ་ཚིག་ཅན། །དབང་ཕྱུག་མཁའ་འགྲོ་གིང་དང་ལངྐ་དང་། །ཕྲ་མེན་ཤུགས་འགྲོ་གཤིན་རྗེ་སྲིན་པོ་དང་། །འཇིགས་པའི་གཟུགས་ལ་རྔམ་པའི་། ཚོཆ་བྱེད་ཅན། །ལེགས་ཉེས་སྟངས་འཛིན་དམ་ཚིག་རྗེས་གཅོད་ཅིང་། །རྫུ་འཕྲུལ་ཐོགས་མེད་དཔལ་གྱི་ཕ་འབབ་སྡུད། །རིག་འཛིན་དྲོད་ཉུལ་རྣལ་འབྱོར་ཚོགས་ཁང་འགྲིམ། །རང་རང་སྤྲུལ་པ་འཁོར་དང་བཅས་པ་རྣམས། །ཞལ་ཟས་ལྷག་མའི་གཏོར་མ་འདི་བཞེས་ལ། །འཁོར་སྲུང་རྐྱེན་ཟློག་ཕྱི་ནང་བར་ཆད་སོལ། །བཅོལ་བའི་ཕྲིན་ལས་མ་ལུས་འགྲུབ་པར་མཛོད། །ཨོཾ་ཨུཙྪིཥྛ་སརྦ་དྷ་ཀི་ནི་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཕུད་ལ་མི་དབང་ཞིང་ལྷག་མ་ལ་དབང་བའི་འབྱུང་པོ་ནམ་མཁའ་དང་མཉམ་པ་ཚིམ་པར་གྱུར་ཅིག །ཡེ་ཤེས་མགོན་པོ་ཕྱག་བཞི་པའི་བསྐུལ་པ་ནི། བྷྱོཿ དཔལ་ལྡན་མགོན་པོ་ཡབ་ཡུམ་འཁོར་བཅས་རྣམས། །དགྲ་སྒྲོལ་བགེགས་འདུལ་དམག་ལ་ཆས་པའི་ཚེ། །བྱ་རོག་གདོང་ཅན་ལ་སོགས་ལས་མཁན་རྣམས། །དམ་ཉམས་དགྲ་བོའི་སྲོག་རྩ་དམར་པོ་ཆོད། །རྒྱལ་ཆེན་སྡེ་བཞིའི་རུ་དར་པུ་རུ་རུ། །ཕྱོགས་སྐྱོང་བཅུ་ནི་ནམ་མཁའི་སྤྲིན་ལྟར་གཏིབས། །ལྷ་སྲིན་སྡེ་

[Full Size]

བརྒྱད་བསྭ་སྒྲ་ཏི་རི་རི། །བཀའ་གཉན་ཤན་པའི་གྲི་ཐོག་ཟངས་སེ་ཟང་། །ནག་པོ་སྟོང་གི་ཕོ་ཉ་གློག་ལྟར་འཁྱུགས། །ཤ་ཟ་འབུམ་གྱི་རྐན་སྒྲ་འབྲུག་ལྟར་ལྡིར། །མ་མོ་བྱེ་བས་གདུང་དབྱངས་ཀྱུ་རུ་རུ། །གནོད་སྦྱིན་དུ་མས་སྲོག་གཅོད་ཤ་ར་ར། །ཞིང་སྐྱོང་ས་ཡ་བསྲོ་སྒྲ་དི་རི་རི། །སྟག་སྤྱང་སེངྒེའི་འུར་སྒྲ་ཆེམས་སེ་ཆེམ། །གཏུམ་ཆེན་དུར་བྱས་གཤོག་སྒྲ་འུ་རུ་རུ། །བཞད་དང་ཀང་ཀ་མང་པོ་སྤུངས་སེ་སྤུང་། །བྱ་རོག་ཁྭ་ཏ་མང་པོ་ཐིབས་སེ་ཐིབ། །དོམ་དྲེད་ཁྱི་ནག་མང་པོ་ཀངས་སེ་ཀང་། །མོན་ཕོ་མོན་མོས་བཤུགས་གླུ་ཀྱུ་རུ་རུ། །ཤ་ཁྲག་དམར་གྱི་གཏོར་མ་འདི་བཞེས་ལ། །དམ་ཉམས་དགྲ་བོའི་ཡུལ་ཁམས་དམག་གིས་ཁེངས། །རྡོ་རྗེ་སྲིན་པོ་འཁོར་བཅས་དུས་ལ་བབ། །སྡིག་ཅན་དགྲ་བོ་བསྒྲལ་བའི་ཞིང་བཅུ་འདི། །ལོ་དང་ཟླ་བར་བཞག་པའི་སྐལ་མེད་པས། །ཞག་དང་ཟ་མར་མ་བཞག་ད་ལྟ་སྒྲོལ། །ཞེས་ཐུགས་དམ་རྒྱུན་དུ་བྱ་བའི་ཆེད་དུ། ༧ སྔགས་འཆང་རཱ་ག་ཨ་སྱས་བྲིས་པས་དགེ་བས་གསང་སྔགས་བསྟན་པ་རྒྱས་པར་གྱུར་ཅིག།

མགོན་པོའི་བསྐང་བ།

[Full Size]

མགོན་པོའི་བསྐང་བ། ཧཱུྃ། མ་ཧཱ་ཀཱ་ལ་མཐུ་བོ་ཆེ། །ནག་པོ་ཆེན་པོ་ལྕམ་དྲལ་དང་། །ལས་མཁན་ནག་པོ་བྱ་རོག་གདོང་། །ཆོས་ཀྱི་དབྱིངས་ནས་སྐུ་བཞེངས་པ། །གཤེགས་ཤིག་བུ་ཡི་གནས་འདིར་གཤེགས། །བུ་ཡི་གནས་མཆོག་དམ་པ་ན།། ཁྱོད་ལ་མཐུན་པའི་དམ་རྫས་ནི། །གཡག་ལུག་ནག་པོ་མར་གྱིས་བྱུག །དར་ནག་རུ་མཚོན་རྭ་ལ་བརྒྱན། །ཕྲག་པར་དགྲ་བགེགས་ལིང་ག་བསྐྱོན། །གསེར་སྐྱེམས་བདུད་རྩིས་བྲན་པ་འདིས། །ནག་པོ་ཆེན་པོའི་ཐུགས་དམ་བསྐང་། །བྱ་རོག་གདོང་ཅན་ལ་སོགས་པའི། །འཁོར་གྱི་མ་དང་མཁའ་འགྲོའི་ཚོགས། །སྣང་གསལ་འོད་ཀྱི་ཞུན་མར་དང་། །ཤ་ཆེན་སྤོས་ཀྱི་དུད་སྤྲིན་གྱིས། །ནག་པོ་ཆེན་པོའི་ཐུགས་སྤྲུལ་ཏེ། །མཁའ་ལ་སྤྲིན་ལྟར་གཏིབས་ནས་ཀྱང་། །སྒྲུབ་པ་པོ་ལ་བུ་བཞིན་སྐྱོངས། །དར་ནག་རུ་མཚོན་ལ་སོགས་ཀྱིས། །བྱ་རོག་གདོང་ཅན་དཔོན་དང་གཡོག །ཐུགས་དམ་གནད་ནས་བསྐུལ་བའི་ཚེ། །མྱུར་དུ་བསྐྱོད་ཅིག་མཁའ་འགྲོའི་ཚོགས། །རོ་ལངས་ལ་སོགས་གཅན་གཟན་སྣ་ཚོགས་དང་། །བསྟན་སྲུང་བཀའ་ཡི་བྱ་ར་བྱེད་པ་རྣམས། །བསྐང་ངོ་བསྐལ་

[Full Size]

པར་ཐུགས་དམ་བསྐང་། །བཅོལ་བའི་ཕྲིན་ལས་འགྲུབ་པར་མཛོད། །ཨ་རཱ་གས་སོ།། ཧཱུྃ། ལྷ་ཆེན་མ་ཧཱ་ཀཱ་ལ་གསན་ཅིང་དགོངས་སུ་གསོལ། །མ་ཧཱ་ཀཱ་ལའི་དཀྱིལ་འཁོར་སྒོར་ཞུགས་ནས། །བཀའ་ཡི་དམ་ཚིག་གཉན་པོ་སྲུང་རྒྱུ་ལ། །བཀའ་ལྟར་མ་སྒྲུབ་གཞུང་བཞིན་རྔོ་མ་ཐོག །བསྙེན་སྒྲུབ་དུས་འདས་ཕུད་དང་གཏོར་མ་ཆག །རྩ་བ་ཡན་ལག་དམ་ཚིག་ཉམས་པ་ཀུན། །རྡོ་རྗེ་སྲིན་པོ་དུར་ཁྲོད་ཚོགས་ལ་བཤགས། །ལུག་ནག་ཁྱི་ནག་གཅན་གཟན་ལ་སོགས་པ། །ཤ་ཁྲག་དམར་གྱི་གཏོར་མ་ཆག་གྱུར་ཏེ། །བྱ་རོག་གདོང་ཅན་འཁོར་དང་བཅས་ལ་བཤགས། །བསྟན་སྲུང་མཐུ་ཡི་དངོས་གྲུབ་བསྩལ་དུ་གསོལ། །གཞན་ཡང་ཁྱེད་ལ་མཆོད་སྒྲུབ་ལྷར་བཟུང་ནས། །དུས་བཞིའི་ཚོགས་ཕུད་ནང་ནུབ་མཆོད་རྒྱུ་ལ། །མཆོད་པའི་འབྱོར་ཚོགས་ཆུང་སྟེ་སྐུ་མ་མཉེས། །ཕྱི་རྟེན་གཡག་ལུག་ལ་སོགས་མ་འབྱོར་བས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །བཟླས་བརྗོད་སྔགས་ཚིག་ལོང་གཏམ་བར་དུ་ཆོད། །ནག་པོའི་སྲོག་སྙིང་གནད་ནས་མ་ཁུལ་ཏེ། །བཟླས་བརྗོད་སྔགས་ཀྱི་དམ་ཚིག་ཉམས་པ་ཀུན། །ལྷ་ཆེན་འཁོར་དང་བཅས་ལ་

[Full Size]

མཐོལ་ལོ་བཤགས། །ཡི་དམ་རྩེ་གཅིག་གཞུང་བཞིན་སྒོམ་སྒྲུབ་ལ། །ཏིང་འཛིན་རྩེ་གཅིག་མི་གསལ་ནག་པོ་བསྐྱེད། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །དར་ནག་བྷནྡྷ་དམ་རྫས་ལ་སོགས་པ། །རྟེན་རྫས་མ་ཚང་ཡན་ལག་དམ་ཚིག་ཉམས། །ནག་པོ་འཁོར་དང་བཅས་ལ་མཐོལ་ལོ་བཤགས། །གནོང་ངོ་འགྱོད་དོ་མ་དང་མཁའ་འགྲོའི་ཚོགས། །མཐོལ་ལོ་བཤགས་སོ་ཆོས་སྐྱོང་སྲུང་མའི་ཚོགས། །མཐོལ་བཤགས་བཟོད་པ་དང་དུ་ཡར་བཞེས་ལ། །སྒྲིབ་མེད་དངོས་གྲུབ་རྣམ་གཉིས་བསྩལ་དུ་གསོལ། །བསྐང་བཤགས་འདི་གཉིས་སྤུ་གྲི་ཀླད་གཟེར་གྱི་རྒྱུད་ཚིག་ཕྱག་བཞི་པ་ཉིད་ཀྱིས་གསུངས་པ་ཡིན་པས་གཞན་བསྐང་གསོ་ཀློག་པ་ལས་ཀྱང་། འདི་རང་ཚར་མང་དུ་བཏོན་ན་བྱིན་རླབས་ཆེའོ། །ཨོཾ་ས་མ་ཡཱ། ཨཱས་མ་ཡཱ། ཧཱུྃ་ས་མ་ཡཱ། ཨོཾ་བཛྲ་ཀ་ཝུ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། ༀ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿ ཨོཾ་བཛྲ་སཏཱ་སོགས་ནས། སཏཱ་སོགས་ཡིག་བརྒྱ་བཟླས་སོ། མངྒ་ལཾ། །༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མགོན་པོའི་བསྐང་བ་བསྡུས་པ་དཀྱིལ་ཆོག

[Full Size]

མགོན་པོའི་བསྐང་བ་བསྡུས་པ་དཀྱིལ་ཆོག་གཞུང་ལྟར་ན། ཨོཾ་ཨཱཿཧཱུྃ་ཧ་ཧོ་ཧྲཱིཿ བསྐང་ངོ་བཀའ་བརྒྱུད་བླ་མ་ཡི་དམ་དང་། །དཔའ་བོ་མཁའ་འགྲོ་དམ་ཅན་རྒྱ་མཚོའི་ཚོགས། །ཐུགས་དམ་བསྐངས་བས་ཉམས་ཆག་སོར་ཆུད་ནས། །ཐུགས་རྗེ་ཆེན་པོས་བདག་ལ་དགོངས་པར་མཛོད། །ནག་པོ་ཆེན་པོའི་ཡུམ་གཅིག་རལ་གཅིག་མ། །ལེགས་ལྡན་ནག་པོ་ཡུམ་གཅིག་རྩ་འཇིབ་དམར། །སྤྲུལ་པ་ལས་མགོན་ཆེན་པོ་བྱ་རོག་གདོང་། །སེང་གེའི་གདོང་ཅན་རྣལ་འབྱོར་མ་ཁྲོས་པ། །བྱ་རྒོད་མཁའ་ལྡིང་ཁྭ་ཏ་འུག་པ་དང་། །ཕག་ཁྱི་ལྕེ་སྤྱང་སྟག་གི་གདོང་པ་ཅན། །ཤ་ཟ་ཁྲག་འཐུང་མ་མོ་འཁོར་བཅས་དང་། །བྱ་ནག་ཁྱི་ནག་སྤྲུལ་པའི་ཚོགས་བཅས་ཀྱིས། །ཐུགས་རྗེ་ཆེན་པོ་དགོངས་ཤིག་བཅོམ་ལྡན་གྱི། །བཀའ་དང་འགལ་བ་ཐམས་ཅད་མཐོལ་ལོ་བཤགས། །སྐུ་གསུང་ཐུགས་ཀྱི་དམ་ཚིག་ཆག་ཉམས་སྐོངས། །ཐུགས་དམ་བསྐང་བའི་བྱིན་རླབས་ཀྱིས། །ཆག་ཆེ་ཉམ་ང་བཟློག་ཏུ་གསོལ། །ཕྱི་ནང་བར་ཆད་བཟློག་ཏུ་གསོལ། །ཕྲིན་ལས་རྣམ་བཞི་བསྒྲུབ་ཏུ་གསོལ། །ཞེས་དང་། ༈ ཐུགས་དམ་བསྐང་བའི་བྱིན་རླབས་ཀྱིས། །ཁྲོ་བོའི་དྲག་ཤུལ་བཟློག་ཏུ་

[Full Size]

གསོལ། །ཧེ་རུ་ཀ་ཡི་གཟི་བརྗིད་ཟློག །ཕུར་པའི་བྱད་ཁ་བཟློག་ཏུ་གསོལ། །སྟོབས་པོ་ཆེ་ཡི་ཟིལ་གནོན་ཟློག །ལྷ་རྣམས་ཀུན་གྱི་རྩུབ་རིམས་ཟློག །ལྷ་མིན་རྣམས་ཀྱི་དུག་གཟེར་ཟློག །གཟའ་ཆེན་བརྒྱད་ཀྱི་གཟེར་འདེབས་ཟློག །གཤིན་རྗེ་མ་མོའི་འཁྲུལ་འཁོར་ཟློག །བདུད་དམག་རྣམས་ཀྱི་ཁྲམ་ཁ་ཟློག །མ་མོ་རྣམས་ཀྱི་ཐུན་ཟོར་ཟློག །ཀླུ་རྣམས་ཀུན་གྱི་འཆིངས་བ་ཟློག །གནོད་སྦྱིན་རྣམས་ཀྱི་གཟིར་ནད་ཟློག །བཙན་གྱི་རྒྱུ་སྲང་བཟློག་ཏུ་གསོལ། །རྒྱལ་པོའི་དབྱིང་སྨྱོ་ཐམས་ཅད་ཟློག །མཁའ་འགྲོའི་ཁྲག་ནད་བཟློག་ཏུ་གསོལ། །འབྱུང་པོ་ཡི་དྭགས་རིམས་ནད་ཟློག །ཐེའུ་རང་འགོང་པོ་ལ་སོགས་པ། །དམ་སྲི་ལོག་འདྲེན་བགེགས་ཀྱི་ཚོགས། །ཕུག་གི་སྲི་རྐུན་བཟློག་ཏུ་གསོལ། །བལ་མོའི་དུག་མཚོན་བཟློག་ཏུ་གསོལ། །ཨོཾ་མ་ཧཱ་ཀཱ་ལ་སརྦ་དྷརྨ་པ་ལ་ས་པཱ་རི་ཝཱ་ར། མ་ཧཱ་མཾ་ས་ཁ་རཾ་ཁཱ་ཧི། རཀྵ་ཙིཏྟ་བ་སུ་ཏ་ལ་ཁ་རཾ་ཁཱ་ཧི། མཉྩ་མཉི་གོ་རོ་ཙ་ན་ཁ་རཾ་ཁཱ་ཧི། ཨ་མྲྀ་ཏ་ཀཾ་ནི་རི་ཏི་ལ་ཁ་རཾ་ཁཱ་ཧི། ཨོཾ་ས་མ་ཡ། ཨཱས་མ་ཡ། ཧཱུྃ་ས་མ་ཡ། ཨོཾ་མ་ཧཱ་ཀཱ་ལ་ཀཱ་ལི་སརྦ་དྷརྨ་པཱ་ལ། ཨོཾ་བཛྲ་སཏཱ་ས་མ་ཡ་སོགས་

[Full Size]

ཡིག་བརྒྱ་བཟླས་སོ། །མགོན་པོའི་གཞུང་ནས་ལྷ་གྲངས་བསྣན་ཏེ་བསྐང་བ་བྱིན་རླབས་ཁྲག་མཚོ་ཁོལ་ཆེན་ནས་གསུངས་སོ། །ཉམས་ཆག་བསྐང་བའི་སྔགས་སྡེབ་གཏེར་མགོན་སོགས་མན་ངག་བསྡུས་པ་འདི་ཤིན་ཏུ་ཟབ་པའོ། །ཞེས་པའང་བླ་མ་དོན་གྲུབ་ཀྱིས་བསྐུལ་བས། ༧ རཱ་ག་ཨ་སྱས་འཕྲལ་དུ་སྦྱར་བ་འགལ་བ་མཆིས་ན་བཤགས་ཤིང་དགེ་བས་བསྟན་པ་དར་རྒྱས་སུ་གྱུར་ཅིག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མགོན་པོ་ཕྱག་བཞི་པའི་གཏོར་དབང་ཁྱེར་བདེ་བ་དངོས་གྲུབ་ཀུན་འབྱུང་།

[Full Size]

མགོན་པོ་ཕྱག་བཞི་པའི་གཏོར་དབང་ཁྱེར་བདེ་བ་དངོས་གྲུབ་ཀུན་འབྱུང་ཞེས་བྱ་བ་བཞུགས་སོ།།

[Full Size]

ན་མོ་ཙཀྲ་སཾ་ཝ་ར། བླ་མ་དང་བཅོམ་ལྡན་འཁོར་ལོ་སྡོམ་པ་ལ་ཕྱག་འཚལ་ལོ། །ཡེ་ཤེས་མགོན་པོའི་གཏོར་དབང་བྱེད་པར་འདོད་པས། སྟེགས་བུའམ་ཟམ་པོ་ཁ་གང་ལྟེབ་པ་གྲུ་གསུམ་དུ་བཏིང་བའི་སྟེང་དུ་སྲན་མའམ་ནས་ཀྱིས་ཚོམ་བུ་ལྔའམ་བཅུ་གསུམ་བཀོད། འདིའི་སྟེང་མཉྫིསོགས་ཀྱི་སྟེང་དུ་གཏོར་མ་ཟུར་གསུམ་ཧ་ཅང་མི་རྣོ་བ་ནག་པོ་ལ་ཐོད་སྐམ་གསུམ་གྱི་འདབ་མ་དང་མར་རྒྱན་མེ་རི་གྲི་ཐོད་དམ་ཧཱུྃ་ཡིག་གིས་མཚན་པའི་རྩེར་ཡོད་ན་ཙཀླུ་དང་དར་གདུགས་ནག་པོ་བཙུགས། མཐར་རྣམ་ལྔ་སོགས་དང་ཡོད་ན་སྨན་རཀ་དམར་གཏོར་གཅིག་ཀྱང་བཤམ། མགོན་པོའི་ཕུག་གཏོར་ཡོད་ན་གསོ་བྲན་དང་། མེད་ན་དབང་གཏོར་སྟོད་ལྷ་དང་སྨད་མཆོད་པར་བསྐྱེད་པར་བྱའོ། །བདེ་མཆོག་གི་ཡི་དམ་གང་རུང་གིས་

[Full Size]

བདག་བསྐྱེད་དང་བསྙེན་པ་ཅུང་ཟད། མགོན་པོའི་མདུན་བསྐྱེད་སྤྱན་འདྲེན་མཆོད་བསྟོད་གཏོར་ཚོགས་ལྟ་བུར་རྒྱས་བསྡུས་སྐབས་དང་བསྟུན། བསྙེན་པ་ཕྲེང་སྐོར་ལས་མི་ཉུང་བ་དང་། སློབ་མ་མང་ཞིག་ཡོད་ན་སྔགས་འུར་འདོན་སྟོང་ཕྲག་ཙམ་བྱས་ན་བྱིན་རླབས་ཆེའོ། །དེ་ནས་སློབ་མ་རྣམས་ལ་ཆབ་དང་ནས་བཀྱེ། སྔོན་དུ་དབང་གཞན་བསྐུར་འཕྲོ་མིན་ན་བགེགས་གཏོར་དང་མཚམས་གཅོད་སྲུང་འཁོར་རྒྱས་བསྡུས་ཅི་རིགས་ངེས་པར་བྱའོ། །དེ་ནས་དབང་བཤད་ནི། འོ་ན་རྟེན་གྱི་གང་ཟག་བྱང་ཆུབ་སྒྲུབ་པ་བྱིན་གྱིས་རློབས་པའི་བླ་མ། དངོས་གྲུབ་སྟེར་བའི་ཡི་དམ། བདུད་བཞིའི་བར་ཆད་སེལ་ནུས་པའི་ཡེ་ཤེས་ཀྱི་ཆོས་སྐྱོང་གཅིག་དང་གསུམ་མེད་ཁ་མེད་ཡིན་པར་

[Full Size]

གསུངས། དེ་ལ་མགོན་པོ་མངོན་འབྱུང་ལ་སོགས་པ་ནས་ཆོས་སྐྱོང་ཐམས་ཅད་ཀྱི་མཆོག་དང་གཙོ་བོ་དམ་པ་གསུངས་པས་ཡེ་ཤེས་མགོན་པོ་ཕྱག་བཞི་པའི་དབང་བསྐུར་བ་ཡིན་ཏེ། །མགོན་པོ་འདིའི་ངོ་བོ་ནི་འཁོར་ལོ་སྡོམ་པ་ཉིད་མགོན་པོའི་སྐུར་བཞེངས་པ་ཡིན་པར་བདེ་མཆོག་རྒྱུད་འགྲེལ་ཆེན་རྣམས་ནས་བཤད། དེ་ལ་བླ་མའི་གསུང་རྒྱུན་སློབ་མ་ལ་ལས་ཡི་གེར་བྲིས་ནས་མཁས་གྲུབ་ཆེན་པོ་དག་གིས་མཛད་པར་ཁ་གཡར་བ་འགའ་ཞིག་ནས་འདི་རུ་ཏྲ་ཡིན་པ་དང་། མུ་སྟེགས་མ་ཁོལ་བདུད་སྤྲུལ་དུ་སྟོན་པའི་ལུང་བསྟན་ཟེར་བ་སོགས་ནི་མི་འཐད་དོ། །བདེ་མཆོག་གི་རྒྱུད་གཞུང་ཆེན་པོ་རྣམས་དང་། འཇམ་དཔལ་རྩ་རྒྱུད་དང་དངོས་སུ་འགལ་བའི་ཕྱིར། རྡོ་རྗེ་རི་རབ་ཁང་བུ་བརྩེགས་པའི་རྒྱུད་དང་ཡང་འགལ་བར་འགྱུར་རོ། །དཔེར་ན་མགོན་པོ་འདི་འཁོར་ལོ་སྡོམ་པ་དངོས་ཡིན་པ་དང་། སངས་རྒྱས་བྱེ་བ་ཕྲག་དྲུག་ཅུ་རྩ་གཉིས་ཀྱིས་ཐུགས་ཀྱི་འོད་ཟེར་གཅིག་ཏུ་བསྡུས་པ་ཡིན་པར་གསུངས་ཏེ། བྱ་རོག་སྲོག་གཟན་ནག་པོའི་རྒྱུད་ལས། ངོ་བོ་ཁྲག་འཐུང་བདེ་མཆོག་ཡིན། །ཡེ་ཤེས་སྐུ་སྟེ་རྡོ་རྗེ་དང་། །ཞེས་གསུངས་པས། ཞི་བ་རྡོ་རྗེ་འཆང་། ཁྲོ་བོ་

[Full Size]

བདེ་མཆོག་མགོན་པོ་ཕྱག་བཞི་པ་རྣམས་ངོ་བོ་གཅིག་ཡིན་པར་ངེས་སོ། །ངོ་བོ་དེ་ལྟ་བུ་ལ་སྐྱེ་རྒྱུད་དང་སྤྲུལ་ཚུལ་ཡེ་ཐོག་དང་པོའི་སངས་རྒྱས་དེ་ཉིད་ཤྲཱི་ཧེ་རུ་རིགས་ལྔའི་སྐུར་བཞེངས་པའི་ཐུགས་རྗེ་རིག་པ་ཕྱིར་འཆར་བ་ནི་གཤིན་རྗེ་ལྔར་གྱུར་ནས་སེམས་ཅན་རྣམས་ཟོས་པས་ཧེ་རུ་ཀ་ལྔས་བཞད་པའི་གད་རྒྱངས་ཀྱིས་བརྒྱལ་ཏེ། བརྒྱལ་སངས་ནས་རང་རང་རྣམས་ཁྲག་འཐུང་ལྔའི་ངོ་བོར་རང་ངོ་ཤེས་ནས་སངས་རྒྱས་པ་ནི་མགོན་པོ་སྐུ་ལྔ་ཡིན་པར་བཤད། ཆོས་ཀྱི་དབྱིངས་སུ་ཐིམ་མོ། །དེ་ནས་ཡང་སྔོན་འདས་པའི་དུས་ན་བདུད་ཀྱི་རྒྱལ་པོ་དགའ་རབ་དབང་ཕྱུག་གིས་སེམས་ཅན་རྣམས་སྡུག་བསྔལ་གྱི་ཉམ་ཐག་པར་བྱས་པ་དང་། དཔལ་ཧེ་རུ་ཀ་ཡབ་ཡུམ་གྱི་སྦྱོར་མཚམས་ནས་མགོན་པོ་འདི་འཁོར་དང་བཅས་པ་སྤྲུལ་ནས་བཏུལ་ཏེ། མགོན་པོ་འཁོར་བཅས་དཔལ་ཧེ་རུ་ཀ་ཉིད་ལ་ཐིམ་མོ། །ཆོས་ཐམས་ཅད་རྒྱུ་འབྲས་ཀྱི་རྟེན་འབྲེལ་ལས་འབྱུང་བའི་ཕྱིར། བར་སྐབས་སུ་བྲམ་ཟེའི་བུར་སྤྲུལ་ཏེ་སངས་རྒྱས་ལ་རིན་པོ་ཆེའི་མེ་ཏོག་འདབ་མ་བཞི་པ་ཕུལ་ནས། ཕྲིན་ལས་བཞི་འགྲུབ་པའི་སྨོན་ལམ་འདེབས་པའི་ཚུལ་ཡང་མཛད། ལྷའི་བུ་དཀར་པོ་

[Full Size]

ཕྱག་བཞི་པ་གཅིག་ཏུ་སྤྲུལ་ནས་གཞན་འཕྲུལ་དབང་བྱེད་ཀྱི་གནས་སུ་བདུད་ཀྱི་ཁ་གནོན་ལ་བཞུགས་སོ། །དེའི་ཚེ་སངས་རྒྱས་རྣམ་པར་གཟིགས་ལ་སོགས་པ་སངས་རྒྱས་རབས་བདུན་གྱི་བསྟན་པ་ཡང་མགོན་པོ་འདིས་བསྲུང་བར་མཛད་དོ། །དེ་ནས་འོད་སྲུང་གི་བསྟན་མཇུག་ཏུ་ལྷ་རྣམས་ཀྱིས་གསོལ་བ་བཏབ་པས། བྱ་རོག་ཏུ་སྤྲུལ་ནས་དཔག་བསམ་ཤིང་གི་རྩེར་བབ་སྟེ་རི་རབ་ཙམ་དུ་གྱུར་ནས་འོད་ཟེར་དང་མེ་དང་སྤུ་གྲི་ལྟ་བུས་ནམ་མཁའ་བར་སྣང་ཁྱབ་སྟེ། བྱ་རོག་དེའི་སྤྱན་གཡས་ལས་མགོན་པོ་ཕྱག་བརྒྱད་པ། གཡོན་པས་ཕྱག་དྲུག་པ། མཛོད་སྤུ་ནས་གྲི་གུག་མ། རྣ་བ་གཡས་ལས་སྐོས་རྗེ་དྲང་དཀར། གཡོན་ལས་ཨེ་ཀ་ཙ་ཏི། སྣ་བུག་གཉིས་ལས་ལྷ་མོ་དཔོན་གཡོག །རྐང་པ་གཉིས་ལས་ཀླུ་དུང་ཕྱུར་བརྒྱད་ཁྲི། མཇུག་མ་ལས་གཉན་ཐེར་འབུམ་དགུ་སྟེ། མཆེ་བ་བཞི་ལས་མཁའ་འགྲོ་སྡེ་བཞི། གཤོག་པ་གཡས་ལས་གཞན་འཕྲུལ་དབང་བྱེད་ཀྱི་ལྷ་དམག་ཁྲི་ཕྲག་དགུ་བཅུ་རྩ་དགུ། གཡོན་ལས་དགའ་ལྡན་གྱི་ལྷ་དམག་བྱེ་བ་ཕྲག་དགུར་སྤྲུལ་ནས། ལྷ་མ་ཡིན་རྣམས་ཁྲག་སྐྱུག་ཅིང་བརྒྱལ་འདར་ཞིང་སྔངས་བར་གྱུར་ཏོ། །དེའི་ཚེ་ལྷ་རྣམས་ཀྱིས་

[Full Size]

མཆོད་ཅིང་བསྟོད་དོ། །ས་གསུམ་གྱི་བདག་ཉིད་མགོན་པོ་བྱ་རོག་ཆེན་པོ་ཞེས་གྲགས་སོ། །དེ་ནས་སྤྲུལ་པ་རྣམས་བསྡུས་ཏེ་ནག་པོ་ཕྱག་བཞི་པར་གྱུར་པ་ལ། གནོད་སྦྱིན་ཡང་དག་ཤེས་ཀྱིས་བྷེ་འབྲས། སྲིན་མོ་རལ་པ་འཛིན་པས་བདུད་ཀྱི་ཐོད་པ། བདུད་རལ་གྲི་ཟླ་བས་རལ་གྲི། མཁའ་འགྲོ་མ་ཤིན་ཏུ་དཔའ་མོས་ཁ་ཊཾ་རྣམས་ཕུལ་ཏེ། ཤིང་ཡོངས་འདུས་ལྗོན་པ་དང་། རི་བོ་གནམ་ལྕགས་མ་ལ་ཡ། འོག་མིན་འཐུག་པོ་བཀོད་ཀྱི་རྣམ་པར་སྣང་མཛད་དུར་ཁྲོད་རྣམས་སུ་བཞུགས་སོ། །དེ་ནས་ཡང་བྱ་རོག་ཏུ་སྤྲུལ་ནས་སེང་ག་ལའི་གླིང་དུ་གཤོག་པ་བརྡབས་པས་རྒྱ་མཚོ་དཀྲུགས་ཤིང་ཁ་ནས་མེ་དཔུང་འཕྲོས་པས་སྲིན་མོའི་ཚོགས་རྣམས་ཐམས་ཅད་རྩད་ནས་བརླགས་ཤིང་བཏུལ་ལོ། །སྲིན་པོའི་ཡུལ་དུ་ལངྐའི་བདག་པོ་བཏུལ་ནས། འཁོར་ཤ་ཟ་འབུམ་ཕྲག་ཡོད་པ་བྲན་དུ་བཀོལ་ལོ། །བྱ་རོག་དེ་གཤིན་རྗེའི་ཡུལ་དུ་སོང་ནས་གཤིན་རྗེའི་བེ་བྷ་སྭ་ཏ་བཏུལ་ནས་སྲོག་སྙིང་ཕུལ། འཁོར་མ་མོ་བྱེ་བ་ཡོད་པ་བྲན་དུ་ཕུལ་ལོ། །དེ་ནས་སངས་རྒྱས་འོད་སྲུང་གི་བསྟན་པའི་ཐ་མ་ལ། བྱང་ཆུབ་སེམས་དཔའ་ཟླ་བའི་སྙིང་པོ་འཁོར་བྱེ་བ་ཁྲག་ཁྲིག་

[Full Size]

ལ་ཆོས་སྟོན་པའི་ཚེ། བདུད་དང་མུ་སྟེགས་ཀྱི་དམག་དཔུང་ཆེན་པོས་བསྐོར་བ། བྱ་རོག་ཆེན་པོ་དེས་ལྷ་དམག་དུང་ཕྱུར་ཕྲག་བརྒྱད་གཤོག་པ་གཉིས་ཀྱིས་བཏེགས་ནས་འོང་སྟེ་བདུད་ཀྱི་རྒྱལ་པོ་ཁ་ཏྲ་པ་ལ་བསྒྲལ། དེའི་ཡན་ལག་བརྒྱད་གཏོར་བའི་དངོས་གྲུབ་བརྒྱད་བྱུང་། །ལུས་ཀྱི་དུམ་བུ་གཏོར་བའི་གནས་སུམ་ཅུ་རྩ་གཉིས་བྱུང་། དེའི་ཤ་ཁྲག་དོན་སྙིང་ལ་རིན་པོ་ཆེ་སྣ་ཚོགས་ཀྱང་འབྱུང་ཞིང་། བདུད་ཀྱི་དཔུང་ཆེན་པོ་དེ་བཅོམ་མོ། །དེ་ནས་འོད་སྲུང་གི་བསྟན་པ་ནུབ་ནས་ཡུན་རིང་ཞིག་ན་བཅོམ་ལྡན་འདས་ཤཱཀྱ་ཐུབ་པ་འབྱོན་པར་ཉེ་བ་ན། བདུད་ནག་ཕྱོགས་ཀྱི་ལྷ་སྲིན་མ་དགའ་ནས་ནད་རིགས་དང་། གདོན་རིགས་དུ་མ་རླུང་ལྟར་འཚུབ། དེར་མགོན་པོ་འདིས་སྐུ་ནམ་མཁའ་དང་བར་སྣང་བཀང་སྟེ་དྲག་སྔགས་ཀྱིས་ང་རོ་བསྒྲོགས་པས་བདུད་དང་ལྷ་སྲིན་ཐམས་ཅད་བརྒྱལ་ཏེ། བརྒྱལ་སངས་ནས་སྲོག་སྙིང་ཕུལ་བསྟན་ལ་མི་གནོད་ཅིང་ཆོས་སྐྱོང་བར་ཁས་བླངས་སོ། །དེའི་ཚེ་སྐུའི་ལས་མཁན་དུ་བྱ་རོག་དངོས། གསུང་གི་ལས་མཁན་ལྷ་མོ་འབར་མ། ཐུགས་ཀྱི་ལས་མཁན་རཱ་ཧུ་ལ། བཀའ་སྡོད་ཀྱི་ལས་མཁན་དུ་སེང་གདོང་རྣམས་བསྐོས་ནས།

[Full Size]

མགོན་པོ་དབྱིངས་སུ་ཐིམ། དེ་ནས་རྒྱུད་གསུང་ཚུལ་ནི། ཕྱི་ལྟར་སྤྲུལ་སྐུ་ཤཱཀྱ་ཐུབ་པས་འབྲས་སྤུང་གི་མཆོད་རྟེན་སོགས་སུ་གསུངས་པ་དང་། ནང་ལྟར་ཤྲཱི་ཧེ་རུ་ཀ་དང་། ཕྱག་ན་རྡོ་རྗེས་གསུངས་པ་དང་། གསང་བ་ལྟར་ན་མགོན་པོ་ཉིད་ཀྱིས་གསུངས་པ་མཐའ་ཡས་པ་ཡོད་དོ། །ནུབ་ཕྱོགས་ཨོ་རྒྱན་དང་ལྕང་ལོ་ཅན་དང་རང་བྱུང་གི་མཆོད་རྟེན་བརྒྱད་སོགས་སུ་གཏེར་དུ་སྦས་སོ། །དེ་ནས་འཕགས་པ་ཀླུ་སྒྲུབ་ཀྱིས་ཆོས་བཟང་སྤྲིན་གྱི་ཡང་རྫོང་ནས་བཏོན་པ་དང་། སློབ་དཔོན་པདྨར་མ་མགོན་ཉིད་ཀྱིས་གནང་བ་དཔལ་སྒ་ལོས་བསིལ་བ་ཚལ་ནས་རྒྱུད་དྲུག་བཏོན་པ་ལ་སོགས་རྒྱུད་ཆེན་ཉི་ཤུ་རྩ་ལྔར་གྲགས་ཀྱང་དེ་ལས་ཆེས་མང་བ་ད་ལྟ་བོད་ན་ཡང་འགྱུར་ནི་མི་སྣང་བས། རྒྱ་གར་སོགས་སུ་ནི་དཔག་ཏུ་མེད་པ་ཡོད་པར་སྣང་ལ། མན་ངག་ནི་ཀླུ་སྒྲུབ་དང་སློབ་དཔོན་པདྨ་དཔལ་ཆེན་སྒ་ལོ་སོགས་ལ་མགོན་པོ་ཉིད་ཀྱིས་གནང་བས་གདམས་པ་དང་སྙན་བརྒྱུད་ཀྱང་གྲངས་ལས་འདས་པ་ཡོད་དོ། །དེའང་རྗེ་བཙུན་ས་པཎ་གྱིས་ཞིང་སྐྱོང་ལག་པ་བཞི་པ་ཞེས་གསུངས་ཟེར་བའི་ངག་རྒྱུན་འདུག་པ་ཡང་བསྟོད་པ་ཡིན་ཏེ། ཡེ་ཤེས་པ་ཡིན་པ་ཙམ་ནི་

[Full Size]

ལྷ་སྲིན་སྡེ་བརྒྱད་མཐོ་མཐོ་ཐམས་ཅད་ཡིན། མགོན་པོ་ཡིན་པ་ཙམ་གྱིས་ནི་བདུད་རིགས་སངས་རྒྱས་ཀྱི་བསྟན་པ་སྲུང་ཚད་ཡིན་ཏེ། སངས་རྒྱས་ཀྱི་ཞིང་ཐམས་ཅད་སྐྱོང་ནུས་པ་ནི་ཉུང་། སྐྱོང་བ་ལས་ནི་དགོ་པའི་ཞིང་ཁམས་སུ་འགྲོ་བ་ཡང་མི་ནུས་སོ། །དེ་ལ་འོག་མིན་འཐུག་པོ་བཀོད་རྣམ་པར་སྣང་མཛད་ཀྱི་ཞིང་ཁམས། ས་བཅུའི་བྱང་ཆུབ་སེམས་དཔའ་ཐམས་ཅད་བཞུགས་ཤིང་། ས་བརྒྱད་མ་ཐོབ་པར་དེ་ན་བརྗོད་པར་ཡང་མི་ནུས་པ་དེར། རང་བྱུང་གི་དུར་ཁྲོད་འཇིགས་སུ་རུང་བ་མགོན་པོ་འདི་དུས་རྟག་ཏུ་བཞུགས་ཤིང་། བདེ་བ་ཅན་དང་། མངོན་དགའ་ལ་སོགས་པ་དག་པའི་ཞིང་ཁམས་ཐམས་ཅད་སྐྱོངས་ཤིང་། རི་རབ་བྱེ་བ་ཕྲག་བརྒྱའི་རྩེར་དཔག་བསམ་གྱི་ཤིང་བྱེ་བ་ཕྲག་བརྒྱ་དང་སྲིན་ཡུལ་རི་མ་ལ་ཡ་བྱེ་བ་ཕྲག་བརྒྱ་དང་། བསིལ་བའི་ཚལ་བྱེ་བ་ཕྲག་བརྒྱར་སྤྲུལ་པ་རེ་རེ་གནས་ནས་བསྐལ་པ་འདི་མ་རྫོགས་བར་དུ་བཞུགས་ཏེ་ཤཱཀྱ་ཐུབ་པ་སོགས་སངས་རྒྱས་སྟོང་བྱེ་བ་ཕྲག་བརྒྱའི་བསྟན་པ་བསྲུངས་ནས། མ་འོངས་པ་ན་ནུབ་ཕྱོགས་ཀྱི་འཇིག་རྟེན་མེ་རླུང་སྦྱོར་བ་ཞེས་བྱ་བ་ན་སངས་རྒྱས་དབང་པོའི་སྐུ་མཆོག་ཅེས་བྱ་བར་སངས་རྒྱས་པར་གསུངས་སོ།

[Full Size]

དངོས་གྲུབ་འབྱུང་རྒྱུད་ལས། བསྐལ་པ་བཟང་པོ་འདི་ལ་ནི། །བྱུང་བའི་མགོན་པོ་མ་ལུས་པ། །ཀུན་གྱི་སྙིང་པོར་གྱུར་པ་ནི། །གསང་བ་ཞིང་སྐྱོང་མགོན་པོ་ཆེ། །སངས་རྒྱས་ཀུན་གྱི་མགོན་པོ་འདིས། །བསྟན་པ་སྲུང་བར་མཛད་པ་ཡིན། །ཞེས་གསུངས་པ་དང་། རྒྱུད་སྲོག་གཟན་ནག་པོ་ལ་སོགས་ལས། སེམས་ཅན་ཀུན་གྱི་མགོན་ཡིན་ཕྱིར། །ཡེ་ཤེས་མགོན་པོ་ཞེས་བྱའོ། །ཞེས་དང་། མ་འོངས་དུས་མཐའི་བསྐལ་པ་ལས། །ནུབ་ཀྱི་ཕྱོགས་ཀྱི་འཇིག་རྟེན་ཁམས། །མེ་རླུང་སྦྱོར་ཞེས་བྱ་བའི་གླིང་། །སངས་རྒྱས་དབང་པོ་སྐུ་མཆོག་ཅེས། །བསྟན་པ་མི་ནུབ་རྒྱས་པར་བྱེད། །ཅེས་གསུངས་སོ། །དེ་ལ་ཀླུ་སྒྲུབ་ཡབ་སྲས་རྡོ་རྗེ་གདན་པ་ཆེ་ཆུང་སོགས་ཀྱི་ཐུགས་དམ་གྱི་གཙོ་བོ་ཡིན་ལ། ཁྱད་པར་མུ་སྟེགས་ཀྱི་པཎྜི་ཏ་མ་ཁོལ་ཞེས་ཀྱང་བྱ་རྟ་དབྱངས་རྟ་སྐད་དང་། ཕ་ཁོལ་དང་། མ་ཏི་ཙི་ཏྲ་སོགས་མཚན་དུ་མ་དང་ལྡན་ཞིང་། མཁས་ཤིང་དབང་ཕྱུག་ཆེན་པོ་དངོས་སུ་གྲུབ་ནས། མངལ་སྐྱེས་གང་གིས་མི་ཐུབ་པའི་དངོས་གྲུབ་བྱིན་པ་དེས། རིག་པ་དང་ནུས་མཐུའི་སྟོབས་ཀྱིས་ནང་པའི་པཎ་གྲུབ་དགེ་འདུན་དང་བཅས་པ་ཕྱི་

[Full Size]

པར་བསྒྱུར་ཏེ་སུས་ཀྱང་མ་ཐུལ་བའི་ཚེ། སློབ་དཔོན་ཀླུ་སྒྲུབ་ཀྱིས་ཆོས་སྐྱོང་འདི་ལ་གསོལ་བ་བཏབ་པས་མགོན་པོའི་སྤྲུལ་པ་ཨརྱ་དེ་ཝ་བརྫུས་སྐྱེས་སུ་འཁྲུངས་ནས་མ་ཁོལ་ནང་པར་བཙུད་པས། སློབ་དཔོན་དཔའ་བོ་ཞེས་སམ་བྷ་བའི་ལྷ་ཞེས་ནང་པའི་པཎ་གྲུབ་ཆེན་པོར་གྱུར་ནས། བསྟན་པ་སྔར་ལས་ལྷག་པར་རྒྱས།་མུ་སྟེགས་ལ་ཁོང་བས་ལྷག་མེད་པས་ནང་པའི་ཆེ་བ་ཐོན་ཏེ་རྡོ་རྗེ་གདན་དང་ནཱ་ལེན་དང་བི་ཀ་མ་ལ་ཤི་སོགས་སུ་པཎྜི་ཏ་འབུམ་ཕྲག་གསུམ་རེ་དང་། འབྲིང་ཡང་ཁྲི་སྟོང་རེ་དང་བདུན་བརྒྱ་ཙམ་ལས་མི་ཉུང་སྐབས་ལའང་འཚོགས་པ་ཐམས་ཅད་ཀྱི་སྤྱིའི་ཆོས་སྐྱོང་མགོན་པོ་ཆེན་པོ། གཙུག་ལག་ཁང་དང་བྱང་ཆུབ་ཀྱི་ཤིང་དང་བཅས་པའི་སྲུང་མ་ནི་མགོན་པོ་འདི་ཁོ་ན་ཡིན་གྱི། གཞན་རྣམས་པཎ་གྲུབ་སོ་སོའི་ཐུགས་དམ་ཡན་འགར་བ་ཙམ་ཡིན་ནོ། །དེ་ལ་བོད་དུ་ཨོ་རྒྱན་ཆེན་པོས་སྦས་པའི་གཏེར་ཁ་གསར་རྙིང་བརྒྱུད་པ་ནི་ཐོ་རེ་བ་རྟགས་ཐོན་པ་དེང་སང་བར་ཡོད་ཀྱི། གཞན་གསར་མའི་ལོ་ཙཱ་བརྒྱ་ཙམ་གྱིས་མགོན་པོ་འདིའི་རྒྱུད་གཞུང་བོད་དུ་བསྒྱུར་བར་སྣང་ཡང་ལུང་རྒྱུན་ཙམ་དང་མན་ངག་འགའ་རེ་ཙམ་ལས་བྱིན་རླབས་ཀྱི་བཀའ་

[Full Size]

བབས་བརྒྱུད་པར་གཞན་ཆེར་མ་འཕེལ། དེའི་ནང་ནས་དཔལ་མགོན་ཉིད་ཀྱི་སྤྲུལ་པ་སྒ་ལོ་ཆེ་བ་རྡོ་རྗེ་གཞོན་ནུའི་དཔལ་ཞེས་པ་དེ། རྒྱ་གར་དུ་བྱོན་ནས་རྡོ་རྗེ་གདན་པ་ཆེ་ཆུང་ལ་ཞུས་ཏེ། རྡོ་རྗེ་གདན་དུ་ལོ་དྲུག །བི་ཀ་མར་ལོ་དྲུག །བསིལ་བ་ཚལ་དུ་ཟླ་བ་བདུན་བསྒྲུབས་པས། མགོན་པོ་ཞལ་གཟིགས་པས་མགོན་པོ་དམ་ལ་ཐོགས། རྒྱུད་དྲུག་གཏེར་ནས་བཏོན་པས་རྒྱ་གར་པ་རྣམས་ཀྱིས་འདི་འཁོར་ལོ་སྡོམ་པ་དངོས་ཡིན་ཟེར་ནས་སྐུ་ཁྲུས་ཀྱི་ཆུ་རྒྱལ་པོ་རྣམས་ཀྱིས་འཐུང་ཞིང་། ཞབས་རྡུལ་སྤྱི་བོས་ལེན་པར་བྱེད། བོད་དུ་སོང་ནས་རྒྱ་གར་དུ་མ་གནས་ཞེས་དགེ་སློང་ལ་སྟོད་དུ་ཇག་པ་མི་བདུན་གྱིས་བཅོམ་པར་ཚད་པ་ན། བདུན་པོ་སྐད་ཅིག་གིས་བྱ་རོག་གདོང་གིས་དངོས་སུ་ལྷཁྱེར་ནས་མི་སྣང་བར་སོང་། བོད་དུ་ཁམས་པ་མི་གསུམ་ཁམས་པ་ཨ་སེང་སོགས་སློབ་མ་བརྒྱད་ལ་རྒྱུད་སྒྲུབ་ཐབས་མི་འདྲ་བ་རེ་རེ་གནང་ནས་དངོས་གྲུབ་མི་འདྲ་བ་རེ་སོ་སོར་ཐོབ། ཁྱད་པར་དུ་དུས་མཁྱེན་གྱིས་དབང་ཞུ་དུས་དཔལ་སྒྲ་ལོ་ནི་བདེ་མཆོག་དངོས་སུ་གྱུར་པ་ལ་དཔའ་བོ་དཔའ་མོ་བསམ་གྱིས་མི་ཁྱབ་པས་བསྐོར་ནས་དབང་བསྐུར། ཆོས་སྐྱོང་

[Full Size]

འཁོར་དང་བཅས་པས་བར་ཆད་སེལ་བའི་གཟིགས་སྣང་བྱུང་བས། དད་པ་ལྷག་པར་སྐྱེས་ནས་གོས་ཡུག་གཅིག་དང་གསེར་ཞོ་ཕྱེད་དོ་ཡོད་པའང་ཕྱག་ཏུ་ཕུལ། རྗེ་དུས་མཁྱེན་གྱི་ཐུགས་དམ་ནི་འདི་ཡིན་པས། ཕྱག་ཆེན་ལྷན་ཅིག་སྐྱེས་སྦྱོར་གྱི་ཁྲིད་ཀྱི་བཀའ་སྲུང་དུའང་བསྐོས་པར་མཛད་དོ། །གཞན་ཡང་རྗེ་ཕག་གྲུ། གླིང་རས་སོགས་འབྲུག་པ། ཐང་པ་སོགས་སྟག་ལུང་པ། སྐྱོབ་པ་སོགས་འབྲི་གུང་པ། ཞང་སོགས་ཚལ་པ། འབའ་རོམ་པ་སོགས་བོད་ཀྱི་སྐྱེས་ཆེན་དམ་པ་ཕལ་ཆེ་བས་ཐུགས་དམ་གྱི་གཙོ་བོ་ཡིན་པས་བསྟན་པ་ཉི་ཟླ་ཤར་བ་ལྟར་གྱུར་ཞིང་། གང་གིས་སྒྲུབ་ཅིང་བརྟེན་པ་ཐམས་ཅད་བྱིན་རླབས་ཆེ་ལ་བཀྲ་ཤིས་ཕུན་སུམ་ཚོགས་པ་ནི་ད་ལྟའི་བར་དུ་རྒྱུན་མ་ཆད་པ་མངོན་སུམ་གྲུབ་བོ། །དེའང་གང་ལས་བརྒྱུད་པའི་རིམ་པ་ནི། དུས་མཁྱེན་ནས་ཀཾ་ཚང་ལ་བརྒྱུད་པ་དང་། རྒྱ་རས་ནས་འབྲུག་པ་ལ་བརྒྱུད་པ་དང་། ཐང་པ་སྐྱོབ་པ་སོགས་ནས་འབྲི་སྟག་ལ་བརྒྱུད་པ་དང་། རྨ་སེ་ནས་ཟུར་མང་ལ་བརྒྱུད་པ་དང་། དཔལ་ཆེན་སྒ་ལོའི་སྐྱེ་བ་ངོམ་པ་མཁའ་སྤྱོད་པ་ནས་བརྒྱུད་པ་སོགས་བརྒྱུད་པ་དྲུག་བདུན་ཙམ་ནས་དབང་ལུང་གདམས་པ་ཅི་

[Full Size]

རིགས་པ་ཐོབ་པའི་བརྒྱུད་པ་དེ་རྣམས་གང་རུང་ལ་འཇུག་ཆོག་ཀྱང་། ད་ལམ་གཏོར་དབང་འདི་ཉིད་དངོས་ནི་རི་པ་བཀྲ་ཤིས་དཔལ་འབྱོར་ནས་བརྒྱུད་པ་ཡིན་ནོ། །དེའང་འདིའི་དབང་ཐོབ་ཅིང་ཆོས་སྐྱོང་དུ་བརྟེན་པ་དང་། བསྙེན་པ་སོགས་ཅི་འགྲུབ་བྱས་པའི་ཕན་ཡོན་ནི། ཁྲག་མཚོ་ཁོལ་མ་སྙིང་འབྱིན་རྒྱུད་ལས། །ལུས་ངག་ཡིད་གསུམ་སྨིན་པའི་དབང་། །ཧེ་རུ་ཀ་དཔལ་དོན་རྟོགས་ནས། །རྒྱུད་གསུམ་སྨིན་པའི་འབྲས་བུ་དེ། །སྐུ་གསུམ་འབྲས་བུ་སྨིན་པར་འགྱུར། །བཅུ་གསུམ་གནས་པའི་རྡོ་རྗེ་འཛིན། །ནག་པོ་ཆེ་ལ་འབྲས་དམིགས་ན། །དེ་ཉིད་ཀྱི་ནི་རིགས་སུ་འགྱུར། །ལུས་ངག་དབང་ཐོབ་དམ་ཚིག་དག །རིལ་བུ་མིག་སྨན་རྐང་མགྱོགས་དང་། །གནོད་སྤྱི་བུམ་པ་མཆིལ་ལྷམ་དང་། །རལ་གྲི་བཅུད་ལེན་ཚེ་རིང་ཐོབ། །བསད་དང་བཅིང་དང་རེངས་བ་དང་། །འགུགས་དང་མྱོས་དང་བསྐད་དང་དབྱེ། །མི་སྣང་བ་སོགས་ལས་ཆེན་བརྒྱད། །ཡེ་ཤེས་འཇིག་རྟེན་མགོན་པོས་སྟེར། །ལྷ་ཀླུ་གནོད་སྦྱིན་མཁའ་འགྲོ་མ། བདུད་དང་གཤིན་རྗེ་སྲིན་པོ་རྣམས། །ལས་བྱེད་བྲན་བཞིན་བཀའ་ལ་ཉན། །ཞེས་

[Full Size]

དང་། ཡང་ཏི་བསྐོལ་བའི་རྒྱུད་ལས། འདི་ཤེས་སྔགས་པས་འདི་བྱས་ན། །སྲུང་བ་ཚེ་ཟད་ལུས་ཀྱང་ཐུབ། །བཟློག་ན་གནམ་ལྕགས་ཐོག་ཀྱང་ཟློག །གསོད་ན་བསྐལ་པའི་མེ་ཡང་འཆི། །ཞེས་དང་། རྩ་རྒྱུད་ཐུགས་རྗེ་འབྱུང་བ་ལས། གནས་སྐབས་མཐར་ཐུག་འབྲས་བུ་བཤད། །ཞི་དང་རྒྱས་དང་དབང་གི་ལས། །ཚེ་དང་དཔལ་དང་གྲགས་དང་གཟི་བརྗིད་དང་། །མཐུ་སྟོབས་འབྱོར་པ་དང་ལྡན་བསྲུང་བ་དང་། །ས་སྟེང་དང་ནི་མཐོ་རིས་གནས་སུ་ནི། །དེས་ནི་བགེགས་ཀྱི་ཚོགས་ནི་སྲུང་བར་བྱེད། །རྐང་མགྱོགས་རིལ་བུ་རལ་གྲི་བུམ་པ་བཟང་། །གནོད་སྦྱིན་མཆིལ་ལྷམ་མཁའ་ལ་སྤྱོད་པར་གྱུར། །དག་པའི་ལམ་ནས་ས་བཅུའི་དབང་ཕྱུག་ཡིན། །སྤྲུལ་དང་དོན་སྤྱོད་ཟག་པ་མེད་འབྲས་ཐོབ། །དགའ་བའི་ཤུགས་ཅན་མགོན་པོ་དེ་ཡ་ཞིང་། །སྐྱེ་ཞིང་མགོན་པོ་དེ་དང་མཚུངས་པར་འགྱུར། །ཞེས་དང་། དངོས་གྲུབ་འབྱུང་རྒྱུད་ལས། ཕྱོགས་དང་དུས་ཐམས་ཅད་དུ་ཡེ་ཤེས་ཀྱི་ནག་པོ་ཆེན་པོས་རྗེས་སུ་སྐྱོང་བ་དང་། རྒྱང་རིང་པོ་ནས་ཀྱང་ངེས་པར་གཟིགས་པར་མཛོད། འཇིགས་པ་ཐམས་ཅད་ལས་རབ་ཏུ་སྒྲོལ་བར་འགྱུར་

[Full Size]

རོ། །སྟོབས་དང་ཚེ་དང་དཔལ་རབ་ཏུ་སྟེར་ཞིང་མི་ཟད་པའི་ཡེ་ཤེས་ཐོབ་པར་བྱེད་དོ། །ཞེས་དང་། སྔགས་བཟླས་པའི་ཕན་ཡོན་ནི། བྱ་རོག་སྲོག་གཟན་ནག་པོའི་རྒྱུད་ལས། གསང་བའི་ཡང་སྙིང་འདི་དག་ལ། །མོས་ཤིང་དད་པས་བཟླ་བྱེད་པ། །མགོན་པོ་དམ་ཅན་ལོས་ལ་འདུ། །གཞན་ཡང་བཟླས་པའི་ཕན་ཡོན་ནི། །སྲིད་གསུམ་ཟིལ་གྱིས་གནོན་པ་དང་། །མེ་དང་རྒྱལ་པོ་ཆུ་དང་དུག །མ་རུངས་ལྕེ་སྤྱང་ལ་སོགས་པ། །འཇིགས་པ་ཀུན་ལས་ཡོངས་སུ་ཐར། །ནད་དང་སྡུག་བསྔལ་ཞི་བ་དང་། །ཚེ་དང་དབང་ཐང་ལ་སོགས་པ། །ལོངས་སྤྱོད་འཕེལ་ཞིང་དབུལ་བ་སེལ། །དཔག་བསམ་ལྗོན་ཤིང་རྒྱས་པ་སྟེ། །མི་ནུབ་རྒྱལ་མཚན་འཇིག་རྟེན་དུ། །གྲགས་པ་ཆེན་པོ་བླ་མེད་འགྱུར། །ཚོགས་རྫོགས་སྒྲིབ་པ་རྣམ་དག་ཅིང་། །བླ་མེད་བྱང་ཆུབ་ཆེན་པོར་འགྱུར། །དཔེར་ན་ཡིད་བཞིན་ནོར་བུ་འདྲ། །དགོས་འདོད་ཐམས་ཅད་དེ་ལས་འབྱུང་། །ཞེས་གསུངས་སོ། །རྒྱུན་དུ་བརྟེན་ཞིང་གཏོར་བསྔོས་སོགས་བྱ་བའི་ཕན་ཡོན་ནི། བྱ་རོག་ཆེན་པོའི་རྒྱུད་ལས། །གཏོར་མའི་མན་ངག་འདི་བཞིན་དུ། །ཤེས་པར་

[Full Size]

བྱ་ལ་འབུལ་བར་བྱ། །སྒྲུབ་པ་པོ་དག་ཚེ་གཅིག་གིས། །ཁྲག་འཐུང་རྒྱལ་པོ་འཐོབ་བྱའི་ཕྱིར། །དེ་ཡིས་ལམ་གྱི་བར་ཆད་སེལ། །ནག་པོ་ཆེན་པོས་བསྟན་པ་བསྲུང་། །ཞེས་དང་། སྤུ་གྲི་ཀླད་གཟེར་རྒྱུད་ལས། གཏོར་མ་འདི་ལ་བརྩོན་བྱས་ན། །བདེ་མཆོག་སྐུ་ཡི་དངོས་གྲུབ་ཐོབ། །ཅེས་གསུངས་ཤིང་བསྐང་གསོ་དང་དགུ་གཏོར་སོགས་བྱས་པའི་ཕན་ཡོན་ནི། བྱ་རོག་བརྩེགས་པའི་རྒྱུད་ལས། མཆོད་དང་གཏོར་མར་གང་བརྩོན་པ། །དེ་ལ་བར་ཆད་མི་འབྱུང་ཞིང་། །ཕྲིན་ལས་རྣམ་བཞི་འགྲུབ་པར་འགྱུར། །ཞེས་གསུངས་ཤིང་། དབང་འདི་ཐོབ་ཕྱིན་དམ་ཚིག་བསྲུངས་ན་ཕན་ཡོན་ནི། བྱ་རོག་བརྩེགས་པའི་རྒྱུད་ལས། དམ་ཚིག་ལྡན་པའི་སྔགས་པ་ནི། །ཡིད་ལ་འདོད་པ་ཀུན་རྫོགས་ཤིང་། །གྲགས་པས་ས་སྟེང་ཁྱབ་པ་དང་། །སྟོབས་ཆེན་བདུད་རིགས་སྟོང་ཕྲག་ཀྱང་། །དེ་ཡི་བཀའ་བཞིན་ལས་རྣམས་བྱེད། །རྣམ་ཐོས་ལ་སོགས་གནོད་སྦྱིན་སྟོང་། །ལོངས་སྤྱོད་ནོར་གྱི་ཆར་པ་འབེབས། །དངོས་གྲུབ་ཐམས་ཅད་སྟེར་བར་འགྱུར། །ཞེས་གསུངས་སོ། །དེའང་དུས་སྙིགས་མ་ལྔའི་དུས་སུ་མཁའ་འགྲོ་ཆོས་སྐྱོང་ཕལ་

[Full Size]

ཆེར་རི་རབ་ལ་ཞལ་གཟིགས་པས་བྱིན་རླབས་དངོས་གྲུབ་རྒྱང་རིང་ནའང་མགོན་པོ་འདི་ནི་བྱིན་རླབས་དངོས་གྲུབ་ཁྱད་པར་དུ་མྱུར་ཏེ། གྲི་གུག་བརྩེགས་པའི་རྒྱུད་ལས་དེ་ནས་དཔལ་ལྡན་ནག་པོ་ཆེ། །ཕྱག་བཞི་པ་ཡིས་ལྷར་གསོལ་བ། །ལྔ་བརྒྱ་དུས་ཀྱི་སྙིགས་མ་ལ། །ཟས་ངན་ལྕི་བ་ཟ་བའི་དུས། །གོས་ངན་རེ་བ་གྱོན་པའི་དུས། །མཚོན་ལ་རྒྱན་དུ་འདོགས་པའི་དུས། །མུ་སྟེགས་ལོག་ལྟ་དར་བའི་དུས། །རབ་བྱུང་སྡེ་འཁྲུག་དར་བའི་དུས། །སྔགས་པ་ནང་དམེ་དར་བའི་དུས། །དེ་ཚེ་ང་ཡི་བསྟན་པ་འབྱུང་། །ཞེས་གསུངས་སོ། །འདི་ནི་སངས་རྒྱས་མ་ཐོབ་བར་དུ་སྲུང་ཞིང་ལམ་སྣ་འདྲེན་ཏེ། གྲི་གུག་བརྩེགས་པའི་རྒྱུད་དེ་ཉིད་ལས། བྱིན་རླབས་རྩལ་འབྱུང་བར་ཆད་མེད། །བྱང་ཆུབ་སེམས་ནི་འགྲོ་དོན་བྱེད། །ས་ལམ་ཡོན་ཏན་ངེས་པར་འཆར། །བར་མ་དོར་ནི་འཇུག་ཚེ་ཡང་། །བར་ཆད་སེལ་ཞིང་ལམ་སྣ་འདྲེན། །ཞིང་ཁམས་དག་པར་སྐྱེལ་བར་བྱེད། །དེ་ཕྱིར་ཆོས་སྐྱོང་ཆེན་པོ་ཡིན། །ལྷ་སྟོང་དབང་བསྐུར་འགྲོ་དོན་འབྱུང་། །གྲུབ་པ་བརྒྱད་སོགས་ལས་ཚོགས་འགྲུབ། །ཅེས་གསུངས་སོ། །ཆོས་

[Full Size]

སྐྱོང་གཞན་ཕལ་ཆེར་ནི་ཆོས་རེ་རེའི་ཆོས་སྲུང་དང་། གྲུབ་མཐའ་སོ་སོ་དང་། གྲུབ་ཐོབ་རེ་རེའི་རིགས་རྒྱུད་ཆོས་རྒྱུད་སྐྱོང་བར་ཞལ་གྱིས་བཞེས་པ་ཡིན་ལ། འདི་ནི་སྤྱིའི་སྲུང་མ་ཆེན་པོ་སྟེ། རྒྱུད་ལས། བདེ་གཤེགས་ཐུགས་རྗེས་སྐུ་སྤྲུལ་པ། །སེམས་ཅན་ཀུན་ལ་མགོན་སྐྱབས་མཛད། །ཅེས་གསུངས་པས། ཀུན་ལ་ཐུགས་རྗེས་གཟིགས་པ་དང་། །སེར་ཆགས་ཡོངས་ཀྱི་དགྲ་བླ། ཏདྱ་ཐཱ། བཟློག་ཅེས་པ་ཡན་ཆད་ཀྱི་གྲོགས་བྱེད་པར་བཤད་པས་སེར་མོ་བ་དང་སྔགས་པ་ཐམས་ཅད་ལ་སྐྱོབ་པར་བྱེད་པས། སེམས་ཅན་ཐམས་ཅད་ཀྱི་མགོན་ཆེན་པོ་ཡིན་ནོ། །དེ་ལྟ་བུའི་དབང་ཟབ་ཅིང་གཉན་པ་ཞུ་བའི་ཕྱིར་མཎྜལ་ཕུལ། ས་གཞི་སྤོས་ཆུས་སོགས། ད་བླ་མ་བཅོམ་ལྡན་འདས་འཁོར་ལོ་སྡོམ་པར་གསལ་བའི་དྲུང་དུ་གསོལ་བ་འདེབས་པའི་རྗེས་ཟློས་མཛོད། དུས་གསུམ་སངས་རྒྱས་ཐམས་ཅད་དང་། །ལྷག་པའི་ལྷ་ཡི་ངོ་བོ་ཉིད། །དཔལ་ལྡན་བླ་མའི་བཀའ་དྲིན་གྱིས། །བདག་ལ་ཡེ་ཤེས་མགོན་པོ་ཡི། །རྗེས་གནང་བསྩལ་བར་མཛད་དུ་གསོལ། །དགའ་ཆེན་ཁྱོད་བདག་སྟོན་པ་སྟེ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་

[Full Size]

ཆེན་པོར་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོའི་བདག་ནི་གཞུག་ཏུ་གསོལ། །ད་བླ་མ་དང་བདེ་མཆོག་ལ་སོགས་དཀོན་མཆོག་གསུམ་ལ་སྐྱབས་སུ་འགྲོ་བ་དང་ཚེ་གཅིག་ལ་རྡོ་རྗེ་འཆང་གི་གོ་འཕང་སྒྲུབ་སྙམ་པས་རྗེས་ཟློས་མཛོད། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོད་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་གཉིས་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ་གྲུབ་ན་ལེགས། མ་གྲུབ་ན་ཚིག་རྗེས་མ་ལན་གསུམ་བྱའོ། །དེ་ནས་དབང་ཞུ་བའི་

[Full Size]

ཡུལ་གསལ་གདབ་པ་ནི། མདུན་གྱི་མཎྜལ་དང་གཏོར་མ་མི་དམིགས་པ་སྐད་ཅིག་གིས་དུར་ཁྲོད་ཆེན་པོ་བསིལ་བའི་ཚལ་འཇིགས་ཤིང་སྐྱི་གཡའ་བའི་དབུས། གྲུ་གསུམ་མཐིང་ནག་པད་ཉི་རོ་ཡི་གདན་ལ།་དམ་ཚིག་པ་དང་ཡེ་ཤེས་པ་དབྱེར་མེད་པའི་རང་བཞིན་ཅན་དཔལ་ཡེ་ཤེས་ཀྱི་མགོན་པོ་སྐུ་མདོག་ཆར་སྤྲིན་ལྟར་གནག་པ། ཞལ་གཅིག་ཕྱག་བཞི་པ་དམར་ལ་ཟླུམ་པའི་སྤྱན་གསུམ་བསྒྲད་ཅིང་ཟླ་ཚེས་ལྟ་བུའི་མཆེ་བ་བཞི་རྣམ་པར་གཙིགས་ནས་ལྗགས་འདྲིལ་བ། སྨ་ར་དང་སྨིན་མ་དམར་སེར་མེ་ལྟར་འབར་ཞིང་སྦྲུལ་དཀར་པོས་དབུ་སྐྲ་བཅིངས་པ། ཐོད་སྐམ་ལྔ་དང་རིན་པོ་ཆེའི་རྩེ་བྲན་དང་བདེ་མཆོག་ལྷན་སྐྱེས་ཡབ་ཡུམ་གྱིས་བརྒྱན་པ། ཕྱག་གཡས་བྷེ་འབྲས་དང་གཡོན་ཁྲག་གི་ཐོད་པ་སྟེང་འོག་ཏུ་འཛིན་ཞིང་། གཡས་འོག་མས་རལ་གྲི་དང་གཡོན་འོག་མས་ཁ་ཊཾ་བསྣམས་ནས། ཞབས་གཉིས་དཔའ་བོ་རོལ་པའི་སྟབས་ཀྱིས་འགྱིངས་བག་ཏུ་བཞུགས་པ། སྟག་ལྤགས་ཀྱི་ཤམ་ཐབས་ལ་སོགས་པ་དུར་ཁྲོད་ཀྱི་ཆས་བརྒྱད་དཔལ་གྱི་ཆས་བཅུས་བརྒྱན་ཞིང་ཡེ་ཤེས་ཀྱི་མེ་དཔུང་འབར་བའོ། །དེའི་གཡས་སུ་ལས་མགོན་བྱ་རོག་གདོང་ཅན་གཡོན་དུ་ཡུམ་ཙཎྚི་

[Full Size]

ཀ །རྒྱབ་ཏུ་ཡབ་ལེགས་ལྡན་ནག་པོ། མདུན་དུ་བཀའ་སྡོད་སེང་གེའི་གདོང་ཅན། ཕྱོགས་མཚམས་སུ་བྱ་རྒོད་གདོང་སོགས་མཁའ་འགྲོ་བརྒྱུད། ཕྱི་རོལ་དུ་ནག་པོ་སྟོང་། ཤ་ཟ་འབུམ། མ་མོ་བྱེ་བ། གནོད་སྦྱིན་ཁྲི་ལ་སོགས་པ་སྤྲིན་ལྟར་འཁྲིགས་ཤིང་རླུང་ལྟར་འཚུབ་པ་མངོན་སུམ་དུ་བཞུགས་པར་བསྒོམ་པ་དང་། བླ་མ་ཡང་དཔལ་ཆེན་ཧེ་རུ་ཀ་དངོས་སུ་གསལ་ཐོབ་ལ་རྗེས་ཟློས་མཛོད། ཨོ། དཔལ་ལྡན་མགོན་པོ་མ་ཧཱ་ཀཱ་ལ་ཡི། །སྐུ་ཡི་བྱིན་རླབས་བུམ་པའི་དབང་བསྐུར་སྩོལ། །ལུས་ཀྱི་སྒྲིབ་སྦྱང་སྒྱུ་མ་ལྷ་ཡི་སྐུ། །འོད་གསལ་ཟུང་འཇུག་སྤྲུལ་སྐུ་འགྲུབ་མཛད་གསོལ། །གསུམ་མམ་གཅིག །དེ་ལྟར་གསོལ་བ་བཏབ་པས་བླ་མའི་ཐུགས་ཀའི་འོད་ཟེར་གྱིས་མགོན་པོ་བསྐུལ། མགོན་པོའི་སྐུའི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་སློབ་མའི་ལུས་ལ་ཐིམ་པས། ནད་གདོན་སྡིག་སྒྲིབ་རྣམ་སྨིན་མ་དག་པའི་ལུས་ཡོངས་སུ་དག་ནས། དག་པ་ཡེ་ཤེས་ཀྱི་ལུས་བཅོམ་ལྡན་འདས་བདེ་མཆོག་ལྷན་སྐྱེས་སྐུ་མདོག་མཐིང་གསལ་ནམ་མཁའ་དྭངས་པ་ལྟ་བུ་ཞལ་གཅིག་སྤྱན་གསུམ་རལ་པའི་ཐོར་ཚུགས་དང་ཐོད་སྐམ་རཏྣའི་ཅོད་པན་ཅན།

[Full Size]

ཕྱག་ན་རྡོ་རྗེ་དང་དྲིལ་བུ་ཐུགས་ཀར་བསྣོལ་བས་ཡུམ་ཕག་མོ་དམར་མོ་གྲི་གུག་ཐོད་ཁྲག་ཅན་ལ་འཁྱུད་པ་ཞབས་གཡས་བརྐྱང་གཡོན་བསྐུམས་པས་འཇིགས་བྱེད་དུས་མཚན་མནན་ཞིང་དཔལ་ཆེན་པོའི་ཆས་བཅུས་བརྒྱན་ཞིང་གར་གྱི་ཉམས་དགུ་དང་ལྡན་པས། རང་འོད་འཁྲུགས་པའི་ཀློང་ན་འགྱིང་བའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། །ཐུགས་ཀར་ཧཱུྃ་མཐིང་ག །ལྟེ་བར་སྭ་སེར་པོ། གསང་བར་ཧྭ་ལྗང་གུས་མཚན་པར་བསྒོམ། ཁྱེད་རང་དང་སློབ་དཔོན་མདུན་གྱི་མགོན་པོ་རྣམས་ཀྱི་ཐུགས་ཀ་ནས་འོད་ཟེར་འཕྲོས་པས། འོག་མིན་ཆོས་ཀྱི་དབྱིངས་ཀྱི་ཕོ་བྲང་ལྕང་ལོ་ཅན་གྱི་གནས་མཆོག །ནཱ་ལེནྡྲའི་གཙུག་ལག་ཁང་། དུར་ཁྲོད་ཆེན་པོ་བསིལ་བའི་ཚལ་ནས་དཔལ་ལྡན་རྡོ་རྗེ་ནག་པོ་ཆེན་པོ་འཁོར་དང་བཅས་པ་བཛྲ་ས་མཱ་ཛཿཛཿ རྔ་རོལ་མོ་མེད་ན་དྲིལ་བུ་ཌཱ་རུ་སྤོས་དུད་བྱ། ཧཱུྃ། ཕུན་ཚོགས་ཡོན་ཏན་མ་ལུས་འབྱུང་བའི་གནས། །འོག་མིན་གནས་དང་ལྕང་ལོ་ཅན་གྱི་ཞིང་། །བསིལ་ཚལ་རྡོ་རྗེ་གདན་དང་ནཱ་ལེནྡྲ། །རྒྱ་མཚོ་ཆེ་འགྲམ་དུར་ཁྲོད་བརྒྱད་དང་ནི། །གནས་ཆེན་ཉི་ཤུ་ཀུན་བཟང་ནགས་ཁྲོད་སོགས། །གར་བཞུགས་དུར་ཁྲོད་

[Full Size]

འབར་བའི་གཞལ་ཡས་ནས། །ས་གསུམ་དབང་བསྒྱུར་ནག་པོ་ཆེན་པོའི་སྐུ། །བྱ་རོག་མཚན་ཅན་ལེགས་ལྡན་དཔའ་བོ་ཆེ། །ནག་པོ་སྟོང་དང་ཤ་ཟ་འབུམ་གྱི་ཚོགས། །མ་མོ་བྱེ་བ་ཡང་སྤྲུལ་ཕོ་ཉའི་ཚོགས། །སྔོན་ཚེ་རྡོ་རྗེ་འཆང་གི་སྤྱན་སྔ་རུ། །ཐུགས་དམ་ཞལ་བཞེས་དམ་ཚིག་དྲན་དགོངས་ལ། །གནས་འདིར་སྤྱན་འདྲེན་ད་ལྟ་གཤེགས་སུ་གསོལ། །གནས་འདིར་སྤྱན་འདྲེན་ད་ལྟ་གཤེགས་ནས་ཀྱང་། །སྐལ་ལྡན་རིགས་ཀྱི་བུ་རྣམས་ཐམས་ཅད་ལ། །བྱིན་རླབས་དབང་བཞི་དངོས་གྲུབ་བསྩལ་དུ་གསོལ། །ཨོཾ་བཛྲ་མ་ཧཱ་ཀཱ་ལ་ཡ་ས་པཱ་རི་ཝཱ་ར་ཨེ་ཧྱ་ཧི་ཛཿཧཱུྃ་བཾ་ཧོ༔ སོགས་དང་རོལ་མོ་ཡུན་རིང་བྱ། རོལ་མོ་སྒྱུར། རྡོ་རྗེ་མེ་ཏོག་ཐོགས་ལ། སྐུ་ལ་སྐུ་ཐིམ་སྐུའི་གཟི་བརྗིད་རི་རབ་ཙམ་དུ་ཤགྱུར། གསུང་ལ་གསུང་ཐིམ་གསུང་གི་ནུས་པ་འབྲུག་སྟོང་ལྡིར་འདྲའི་སྒྲ་དང་ལྡན་པར་གྱུར། ཐུགས་ལ་ཐུགས་ཐིམ་པས་ཐུགས་སྐྱེ་མེད་འོད་གསལ་ཆོས་སྐུའི་ངང་ལ་བཞུགས་པར་གྱུར། ཞེས་ཡེ་ཤེས་པ་སློབ་མ་དང་མདུན་གྱི་གཏོར་མ་ཅི་རིགས་སུ་ཐིམ་པར་བསམ་སྟེ་འཁོར་འཇིག་རྟེན་པ་སློབ་མ་ལ་མི་བསྟིམ་མོད། རྡོ་རྗེ་མགོར་བཞག་ལ། ཏིཥྛ་བཛྲ། དེས་དབང་གི་གཞི་བཀོད་པ་ལྷར་

[Full Size]

བསྐྱེད་ཅིང་ཡེ་ཤེས་སེམས་དཔའ་བསྟིམ་པ་དང་དེ་བརྟན་པར་བྱས་པ་ཡིན། ད་གཏོར་མ་མགོན་པོར་གསལ་བའི་དཔྲལ་བའི་ཨོཾ་ལས་འོད་ཟེར་དཀར་པོ་ཕྱོགས་བཅུར་འཕྲོས་པས། དེས་སྐུའི་མགོན་པོ་དཀར་པོ་ཕྱག་བཞི་པ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་སྤྱན་དྲངས་ཏེ་ཁྱེད་རང་རྣམས་ཀྱི་དཔྲལ་བར་ཐིམ་པར་སྒོམས་ཤིག །གཏོར་མ་ལག་ཏུ་བཟུང་དྲིལ་བུ་དབྱངས་དང་བཅས་པས། ཧཱུྃ། ཕྱོགས་བཅུའི་དུས་གསུམ་སངས་རྒྱས་ཐམས་ཅད་ཀྱི། །སྐུ་ཡི་སྤྲུལ་པ་མ་ཧཱ་ཀཱ་ལ་ནི། །སྐུ་ཡི་སྤྲུལ་པ་ཉིད་དུ་བྱོན་ནས་ཀྱང་། །སྐུ་ཡི་སྤྲུལ་པ་ཉིད་དུ་བྱིན་གྱིས་རློབས། །ལྷ་དབང་ལུས་ལ་རྫོགས་པར་མཛད་དུ་གསོལ། །ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ༔ ཨོཾ་མ་ཧཱ་ཀཱ་ལ་ཡ་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ། ཞེས་སྤྱི་བོར་བཞག །བཅོམ་ལྡན་དུང་མདོག་རི་ཡི་རྒྱལ་པོ་འདྲ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །བཅོམ་ལྡན་སྐུ་ཡི་བཀྲ་ཤིས་གང་ལགས་པ། །དམ་པ་དེས་ཀྱང་དབང་བསྐུར་མཆོག་ལ་གནས་པའི་བཀྲ་ཤིས་ཤོག །ཅེས་མེ་ཏོག་འཐོར། འོ་དེས་ལུས་ཀྱི་སྒྲིབ་པ་དག །སྐུ་བུམ་པའི་དབང་ཐོབ། ལུས་ལ་གནོད་པའི་ནད་གདོན་ཞི། དེང་ཕྱིན་ཆད་ཡེ་ཤེས་

[Full Size]

མགོན་པོ་འཁོར་བཅས་བསྒོམ་པར་དབང་། མ་འོངས་པ་ན་ལུས་སྤྲུལ་སྐུ་ཐོབ་པ་སྐུའི་དབང་ཡིན། ད་གསུང་གི་དོན་དུ་རྗེས་ཟློས་མཛོད། ཨཱཿ དཔལ་ལྡན་མགོན་པོ་མ་ཧཱ་ཀཱ་ལ་ཡི། །གསུང་གི་བྱིན་རླབས་གསང་བའི་དབང་བསྐུར་སྩོལ། །ངག་གི་སྒྲིབ་སྦྱོང་གྲག་སྟོང་སྔགས་ཀྱི་སྒྲ། །འོད་གསལ་ཟུང་འཇུག་ལོངས་སྐུ་འགྲུབ་མཛད་གསོལ། །དེ་ལྟར་གསོལ་བ་བཏབ་པས་གཏོར་མ་མགོན་པོར་གསལ་བའི་མགྲིན་པའི་ཨཱཡིག་ལས་འོད་ཟེར་དམར་པོ་འཕྲོས་པས་འོག་མིན་ལ་སོགས་ནས་གསུང་གི་མགོན་པོ་སྐུ་མདོག་དམར་པོ་ཕྱག་བཞི་པ་རྒྱན་ཆ་ལུགས་དང་ལྡན་པ་དཔག་ཏུ་མེད་པ་སྤྱན་དྲངས། ཁྱེད་རང་རྣམས་ཀྱི་མགྲིན་པར་ཐིམ་པར་སྒོམས་ཤིག ཧཱུྃ། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །གསུང་གི་སྤྲུལ་པ་མ་ཧཱ་ཀཱ་ལ་ནི། །གསུང་གི་སྤྲུལ་པ་ཉིད་དུ་བྱོན་ནས་ཀྱང་། །གསུང་གི་སྤྲུལ་པ་ཉིད་དུ་བྱིན་གྱིས་རློབས། །སྔགས་དབང་ངག་ལ་རྫོགས་པར་མཛད་དུ་གསོལ། །ཨོཾ་བཛྲ་ཀ་ཝུ་ཝ་མ་ཧཱ་ཀཱ་ལ་ཡ་ཧཱུྃ་ཕཊ། ཝཱཀྐ་ཨ་བྷི་ཥིཉྩ་ཨཱ༔ བཅོམ་ལྡན་ཟངས་མདོག་རི་ཡི་རྒྱལ་པོ་འདྲ། །འཇིག་རྟེན་གསུམ་ན་གྲགས་ཤིང་

[Full Size]

ལྷ་དང་མིས་མཆོད་པ། །བཅོམ་ལྡན་གསུང་གི་བཀྲ་ཤིས་གང་ལགས་པ། །དམ་པ་དེས་ཀྱང་དབང་བསྐུར་མཆོག་ལ་གནས་པའི་བཀྲ་ཤིས་ཤོག །འོ་དེས་ངག་གི་སྒྲིབ་པ་དག །གསུང་གསང་བ་སྔགས་ཀྱི་དབང་ཐོབ། ངག་ནུས་པ་དང་ལྡན་པ། དེང་ཕྱིན་ཆད་མགོན་པོའི་སྔགས་བཟླ་བར་དབང་། མ་འོངས་པ་ན་གསུང་ལོངས་སྤྱོད་རྫོགས་པ་ཡན་ལག་དྲུག་ཅུའི་དབྱངས་ལྡན་གྱི་འབྲས་བུ་ཐོབ་པ་གསུང་གི་དབང་ཡིན་ནོ། །ད་ཐུགས་ཀྱི་དོན་དུ་རྗེས་ཟློས། ཧཱུྃ། དཔལ་ལྡན་མགོན་པོ་མ་ཧཱ་ཀཱ་ལ་ཡི། །ཐུགས་ཀྱིས་བྱིན་རླབས་ཡེ་ཤེས་དབང་བསྐུར་སྩོལ། །སེམས་ཀྱི་སྒྲིབ་སྦྱང་སྒྱུ་མ་ལྷ་ཡི་ཐུགས། །འོད་གསལ་ཟུང་འཇུག་ཆོས་སྐུ་འགྲུབ་པར་གསོལ། །འོ་དེ་ལྟར་གསོལ་བ་བཏབ་པས་གཏོར་མ་མགོན་པོར་གསལ་བའི་ཐུགས་ཀའི་ཧཱུྃ་ལས་འོད་ཟེར་མཐིང་ཁ་ཕྱོགས་ཐམས་ཅད་དུ་འཕྲོས་པས་རང་བཞིན་གྱི་གནས་ནས་ཐུགས་ཀྱི་མགོན་པོ་མཐིང་ག་ཞལ་གཅིག་ཕྱག་བཞི་པ་དཔག་ཏུ་མེད་པ་སྤྱན་དྲངས་ནས་ཁྱེད་རང་རྣམས་ཀྱི་སྙིང་གར་ཐིམ་པར་སྒོམས་ཤིག ཧཱུྃ། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཐུགས་ཀྱི་སྤྲུལ་པ་མ་ཧཱ་ཀཱ་ལ་ནི། །

[Full Size]

ཐུགས་ཀྱི་སྤྲུལ་པ་ཉིད་དུ་བྱོན་ནས་ཀྱང་། །ཐུགས་ཀྱི་སྤྲུལ་པ་ཉིད་དུ་བྱིན་གྱིས་རློབས། །ཐུགས་དབང་སེམས་ལ་རྫོགས་པར་མཛད་དུ་གསོལ། །ཨོཾ་བཛྲ་མ་ཧཱ་ཀཱ་ལ་ཧཱུྃ་ཕཊ༔ ཙིཏྟ་ཨ་བྷི་ཥིཉྩ་ཧཱུྃ། བཅོམ་ལྡན་མཐིང་མདོག་རི་ཡི་རྒྱལ་པོ་འདྲ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །བཅོམ་ལྡན་ཐུགས་ཀྱི་བཀྲ་ཤིས་གང་ལགས་པ། །དམ་པ་དེས་ཀྱང་དབང་བསྐུར་མཆོག་ལ་གནས་པའི་བཀྲ་ཤིས་ཤོག །འོ་དེས་སེམས་ཀྱི་སྒྲིབ་པ་དག །ཐུགས་ཤེས་རབ་ཡེ་ཤེས་ཀྱི་དབང་ཐོབ། སེམས་ལ་རྟོགས་པ་ཁྱད་པར་ཅན་སྐྱེ། དེང་ཕྱིན་ཆད་མགོན་པོའི་ཏིང་ངེ་འཛིན་རྣམས་བསྒོམ་པར་དབང་། འབྲས་བུ་ཆོས་སྐུ་ཐོབ་པར་འགྱུར་བ་ཐུགས་ཀྱི་དབང་། ད་ཡོན་ཏན་གྱི་དོན་དུ་རྗེས་ཟློས། སྦ། དཔལ་ལྡན་མགོན་པོ་མ་ཧཱ་ཀཱ་ལ་ཡི། །ཡོན་ཏན་བྱིན་རླབས་བཞི་པའི་དབང་བསྐུར་སྩོལ། །སྒོ་གསུམ་སྒྲིབ་སྦྱང་སྒྱུ་མ་ལྷ་ཡི་དངོས། །འོད་གསལ་ཟུང་འཇུག་ཉིད་སྐུ་འགྲུབ་མཛད་གསོལ། །དེ་ལྟར་གསོལ་བ་བཏབ་པས། གཏོར་མ་མགོན་པོར་གསལ་བའི་ལྟེ་བའི་སྭཱ་ཡིག་ལས་འོད་ཟེར་སེར་པོ་ཕྱོགས་བཅུར་འཕྲོས་པས། ཡོན་

[Full Size]

ཏན་གྱི་མགོན་པོ་སེར་པོ་ཞལ་གཅིག་ཕྱག་བཞི་པ་དཔག་ཏུ་མེད་པ་སྤྱན་དྲངས་ནས་ཁྱེད་རང་རྣམས་ཀྱི་ལྟེ་བར་ཐིམ་པར་སྒོམས་ཤིག ཧཱུྃ། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཡོན་ཏན་སྤྲུལ་པ་མ་ཧཱ་ཀཱ་ལ་ནི། །ཡོན་ཏན་སྤྲུལ་པ་ཉིད་དུ་བྱོན་ནས་ཀྱང་། །ཡོན་ཏན་སྤྲུལ་པ་ཉིད་དུ་བྱིན་གྱིས་རློབས། །ཡོན་ཏན་དབང་བསྐུར་རྫོགས་པར་མཛད་དུ་གསོལ། །ཨོཾ་མ་ཧཱ་ཀཱ་ལ་གུ་ཎ་ཧྲི་ཏ་ཧཱུྃ་ཕཊ༔ སརྦ་ཨ་བྷི་ཥིཉྩ་སྭཱ། བཅོམ་ལྡན་གསེར་མདོག་རི་ཡི་རྒྱལ་པོ་འདྲ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །བཅོམ་ལྡན་ཡོན་ཏན་བཀྲ་ཤིས་གང་ལགས་པ། །དམ་པ་དེས་ཀྱང་དབང་བསྐུར་མཆོག་ལ་གནས་པའི་བཀྲ་ཤིས་ཤོག །འོ་དེས་ལུས་ངག་ཡིད་གསུམ་ཆ་སྙོམས་ཀྱི་སྒྲིབ་པ་དག །ཚིག་དབང་ཐོབ། གནས་སྐབས་ཚེ་དང་བསོད་ནམས་དར་ཞིང་རྒྱས། མཐར་ཐུག་བྲལ་བ་དང་རྣམ་པར་སྨིན་པའི་ཡོན་ཏན་ཐམས་ཅད་དང་ངོ་བོ་ཉིད་ཀྱི་སྐུ་འགྲུབ་པ་ཡོན་ཏན་དབང་ངོ་། །དེ་ནས་ཕྲིན་ལས་ཀྱི་དོན་དུ་རྗེས་ཟློས་མཛོད། ཧཱ། དཔལ་ལྡན་མགོན་པོ་མ་ཧཱ་ཀཱ་ལ་ཡི། །ཕྲིན་ལས་བྱིན་རླབས་ལས་བཞིའི་དབང་བསྐུར་

[Full Size]

སྩོལ། །ཤེས་བྱའི་སྒྲིབ་སྦྱང་སྒྱུ་མ་ལྷ་ཡི་སྐུ། །འོད་གསལ་ཟུང་འཇུག་བདེ་གཤེགས་སྐུ་འགྲུབ་མཛོད། །དེ་ལྟར་གསོལ་བ་བཏབ་པས་གཏོར་མ་མགོན་པོར་གསལ་བའི་གསང་གནས་ཀྱི་ཧཱ་ཡིག་ལས་འོད་ཟེར་ལྗང་གུ་དཔག་ཏུ་མེད་པ་བྱུང་སྟེ་རང་བཞིན་གྱི་གནས་ནས་ཕྲིན་ལས་ཀྱི་མགོན་པོ་ལྗང་གུ་ཞལ་གཅིག་ཕྱག་བཞི་པ་དཔག་ཏུ་མེད་པ་སྤྱན་དྲངས་ནས་ཁྱེད་རང་རྣམས་ཀྱི་གསང་བར་ཐིམ་པར་སྒོམས་ཤིག ཧཱུྃ། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཕྲིན་ལས་སྤྲུལ་པ་མ་ཧཱ་ཀཱ་ལ་ནི། །ཕྲིན་ལས་སྤྲུལ་པ་ཉིད་དུ་བྱོན་ནས་ཀྱང་། །ཕྲིན་ལས་སྤྲུལ་པ་ཉིད་དུ་བྱིན་གྱིས་རློབས། །ཕྲིན་ལས་དབང་བསྐུར་རྫོགས་པར་མཛད་དུ་གསོལ། །ཨོཾ་ཀརྨ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ། ཀརྨ་ཨ་བྷི་ཥིཉྩ་ཧཱ། བཅོམ་ལྡན་གཡུ་མདོག་རི་ཡི་རྒྱལ་པོ་འདྲ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །བཅོམ་ལྡན་ཕྲིན་ལས་བཀྲ་ཤིས་གང་ལགས་པ། །དམ་པ་དེས་ཀྱང་དབང་བསྐུར་མཆོག་ལ་གནས་པའི་བཀྲ་ཤིས་ཤོག །དེས་ཕྲིན་ལས་ཀྱི་དབང་ཐོབ། ཤེས་བྱའི་སྒྲིབ་པ་དག །ཕྲིན་ལས་གང་བརྩམ་འགྲུབ། མ་འོངས་པ་ན་བདེ་

[Full Size]

བ་ཆེན་པོའི་སྐུ་འགྲུབ་ནས་འབད་མེད་ལྷུན་གྲུབ་ཀྱི་འགྲོ་དོན་འབྱུང་བ་ཡིན་ནོ། །དེ་ནས་གཏོར་མའི་བྱིན་རླབས་བཀའ་བསྒོ་བའི་དོན་དུ་གཏོར་མ་འདི་ཉིད་ཀྱི་སྟེང་གི་ཆ་ལ་རྩ་བརྒྱུད་ཀྱི་བླ་མ། བར་གྱི་ཆ་ལ་ཡི་དམ་འཁོར་ལོ་སྡོམ་པའི་ལྷ་ཚོགས། གཏོར་མ་འདི་ཉིད་དང་ཡེ་ཤེས་ཀྱི་མགོན་པོའི་ལྷ་ཚོགས་སུ་གསལ་བ་སྤྱི་བོར་བྱོན་ནས་བདག་གིས་གསོལ་བ་ཇི་ལྟར་བཏབ་པའི་བྱིན་རླབས་དངོས་གྲུབ་ཐམས་ཅད་བསྩལ་ཏེ། དེ་རྣམས་ལས་སྐུ་དང་ཡིག་འབྲུ་ཕྱག་མཚན་དཔག་ཏུ་མེད་པར་ཆར་ལྟར་བབས་ནས་ཁྱེད་རང་ལ་སིབ་སིབ་ཐིམ་པར་རྩེ་གཅིག་ཏུ་སྒོམས་ཤིག །ཆོས་སྐུ་དྲུག་པ་རྡོ་རྗེ་འཆང་ཆེན་པོ། གསང་བདག་ཕྱག་ན་རྡོ་རྗེ། སློབ་དཔོན་ཀླུ་སྒྲུབ་སྙིང་པོ།་ཨརླ་དེ་ཝ། ཨ་བྱཱ་ཀ་ར། ཙ་མི་སངས་རྒྱས་གྲགས་པ། དཔལ་ཆེན་སྒ་ལོ་ཙཱ། དཔལ་ལྡན་དུས་གསུམ་མཁྱེན་པ་ལ་སོགས་པ་མན་ངག་གང་ལས་བརྒྱུད་པའི་དཔལ་ལྡན་བླ་མ་དམ་པ་ཐམས་ཅད་དང་། ཁྱད་པར་དུ་རྟ་པ་ལོ་ཙཱ་བ། བདེ་གཤེགས་ཕག་མོ་གྲུ་པ། སྐྱོབ་པ་འཇིག་རྟེན་གསུམ་མགོན། སྟག་ལུང་ཐང་པ་ཆེན་པོ། གྲུབ་ཐོབ་གླིང་རྗེ་རས་པ། འགྲོ་མགོན་གཙང་པ་རྒྱ་རས། རྒོད་ཚང་

[Full Size]

བ་མགོན་པོ་རྡོ་རྗེ། མཁས་གྲུབ་ཨོ་རྒྱན་ཆེན་པོ། འགྲོ་མགོན་སངས་རྒྱས་ཡེལ་པ། སངས་རྒྱས་དབོན་རིན་ཆེན། གྲུབ་ཆེན་རྨ་སེ་རྟོགས་ལྡན། གདོང་མཁའ་སྤྱོད་པ་ནམ་མཁའ་རྒྱལ་མཚན། སྤྱན་སྔ་ཆོས་ཀྱི་གྲགས་པ། དྲུང་ཆེན་ཀུན་དགའ་རྣམ་རྒྱལ་ལ་སོགས་པ་ཡེ་ཤེས་ཀྱི་མགོན་པོ་དངོས་གྲུབ་གྲུབ་པའི་གྲུབ་ཆེན་ཐམས་ཅད་དང་། ཡི་དམ་འཁོར་ལོ་སྡོམ་པ། མཁའ་སྤྱོད་ཐུགས་ཀྱི་འཁོར་ལོ། ས་སྤྱོད་གསུང་གི་འཁོར་ལོ། ས་འོག་སྤྱོད་པ་སྐུའི་འཁོར་ལོ། བདེ་བ་ཆེན་པོ་ཡེ་ཤེས་ཀྱི་འཁོར་ལོ། དམ་ཚིག་གསང་བའི་འཁོར་ལོ་སྟེ་འཁོར་ལོ་སྡོམ་པའི་ལྷ་དྲུག་ཅུ་རྩ་གཉིས་ཀྱི་ལྷ་ཚོགས་རྣམས་དང་། དཔལ་ཡེ་ཤེས་ཀྱི་མགོན་པོ་ཕྱག་བཞི་པ། སྐུའི་མགོན་པོ། གསུང་གི་མགོན་པོ། ཐུགས་ཀྱི་མགོན་པོ། ཡོན་ཏན་གྱི་མགོན་པོ། ཕྲིན་ལས་ཀྱི་མགོན་པོ་ཡབ་ཡུམ་རྣམས་ཀྱིས་སློབ་མ་འདི་རྣམས་ལ་སྐུ་གསུང་ཐུགས་ཡོན་ཏན་ཕྲིན་ལས་ཀྱི་སྒོ་ནས་བྱིན་གྱིས་རློབས་ཤིག །ནད་དང་གདོན་དང་སྡིག་སྒྲིབ་འཇིགས་པ་བརྒྱད་དང་བཅུ་དྲུག་ཐམས་ཅད་ཉེ་བར་ཞི་བར་མཛོད་ཅིག །བྱད་ཁ་དང་རྦོད་གཏོང་ཆག་ཆེན་ཉམ་ང་བར་དུ་

[Full Size]

གཅོད་པ་ཐམས་ཅད་ལས་བསྲུང་ཞིང་བསྐྱབ་པར་མཛད་དུ་གསོལ། ཚེ་དང་བསོད་ནམས་སྟོབས་དང་འབྱོར་པ་ཉམས་དང་རྟོགས་པ་ཐམས་ཅད་ཟླ་བ་ཡར་གྱི་ངོ་ལྟར་འཕེལ་ཞིང་རྒྱས་པར་མཛད་དུ་གསོལ། རླུང་སེམས་སྣང་སྲིད་ཐམས་ཅད་དབང་དུ་འདུ་བར་མཛད་དུ་གསོལ། བདུད་བཞི་དང་དགྲ་བགེགས་མི་མཐུན་པའི་ཕྱོགས་ཐམས་ཅད་ཚར་གཅོད་པར་མཛད་དུ་གསོལ། མདོར་ན་འདི་ནས་བྱང་ཆུབ་མ་ཐོབ་ཀྱི་བར་དུ་བསྲུང་ཞིང་སྐྱོབས་པ་དང་བྱིན་གྱིས་བརླབ་པར་མཛོད་ཅིག །ༀ་ཧཱིཧ་ཧ་ཧཱུྃ་ཧཱུྃ་ཕཊ༔ ཅེས་སོགས་མགོན་པོ་སྐུ་ལྔའི་སྔགས་དང་ཤཱ་ས་ན་བརྗོད་དོ། སློབ་མ་སྙིང་དང་འདྲ་བ་ལ་དབང་ལྷ་ཐིམ་པར་བསྒོམ། གཞན་ལ་ལྷ་མི་བསྟིམ་མོ། རྒྱལ་བ་སྲས་བཅས་བདེན་པའི་བྱིན་གྱིས་རླབས། །དཔལ་ལྡན་ཡེ་ཤེས་མགོན་པོའི་བདེན་པའི་མཐུས། །འགྲོ་བ་འདི་དག་བདག་གིས་བསྲུངས་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག་།ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ།་ཞེས་མེ་ཏོག་འཐོར། དེ་ཡན་ནི་གཏོར་མ་ལ་བརྟེན་ནས་དབང་བཞི་རྫོགས་པར་བསྐུར་བ་སྟེ། མགོན་པོ་གཏོར་མའི་ལས་རྒྱུད་ཆེན་པོ་ལས་གཏོར་མ་དབང་དུ་ཤེས་པར་བྱའོ་གསུངས་པའི་དོན་ཡིན། ད་སྔགས་ཀྱི་བཟླས་

[Full Size]

ལུང་གི་དོན་དུ་མེ་ཏོག་མཐིང་ཁའི་ཕྲེང་བ་ཞིག་ཕུལ་བའི་མོས་པས་རྗེས་ཟློས་མཛོད། མགོན་པོ་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་བསྩལ་དུ་གསོལ། །ཕྲིན་ལས་རྫོགས་པར་མཛད་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །གསུམ་མམ་གཅིག །དེ་ལྟར་གསོལ་བ་བཏབ་པས། སློབ་དཔོན་བདེ་མཆོག་ཏུ་གསལ་བའི་ཐུགས་ཀ་ནས་སྔགས་ཕྲེང་བེཟླུརླ་ཞུན་མའི་མདོག་ལྟ་བུ་བྱུང་ནས་ཁྱེད་རང་གི་ཞལ་དུ་ཞུགས་ཏེ་ཐུགས་ཀར་ཧཱུྃ་གི་མཐར་འཁོད་པར་བསྒོམས་ལ་རྗེས་ཟློས་མཛོད། ཕྲེང་བ་བཟུང་ལ། ཨོཾ་ཧྲི་ཧ་ཧ་ཧཱུྃ་ཧཱུྃ་ཕཊ༔ ཨོཾ་མ་ཧཱ་ཀཱ་ལ་ཡ་ཧཱུྃ་ཕཊ༔ གསུམ་མམ་གཅིག་དང་། སྔགས་པ་ཚད་ལྡན་ནམ། མགོན་པོ་བསྙེན་མི་ཡིན་ན། །སྐུ་ལྔ་མགོན་པོའི་སྔགས་དང་། ཤཱ་ས་ན་དང་སྙིང་པོ་ཡང་བརྗོད། དེ་ནས་མེ་ཏོག་ཕྲེང་བ་དེ་སྔགས་ཕྲེང་དུ་གྱུར་ནས་སྤྱི་བོར་བཅིངས་བར་སྒོམས་ཤིག །ཙམ་པ་ཀའི་ཕྲེང་བའམ་ནས་འབྲུ་རྡོ་རྗེ་དང་བཅས་པ་སྤྱི་བོར་བཞག་ལ། མགོན་པོ་འདི་ལ་བསྩལ་ལགས་ཀྱིས། །སོགས་བརྗོད། དེ་ཡན་ཆད་ཡི་དམ་མགོན་པོ་དབྱེར་མེད་ཡིན་པས་ཡོན་བདག་གལ་ཆེན་ལ་ཡང་རུང་ལ་འཇིག་རྟེན་པའི་བཀའ་གཏད་ནི་སློབ་མ་དམ་ཚིག་ཅན་དང་། སྔགས་པ་ཚད་ལྡན་མ་

[Full Size]

གཏོགས་གང་ངོ་། །དེ་ནས་དམར་གཏོར་བྲན་བཀུག་གཞུག་བསྡུས་པ་དང་། ཤཱ་ས་ནས་བསྔོས་ལ། རྔ་དང་རོལ་མོ་བཅས་བསིལ་ཚལ་མའམ་ཁྲག་འཐུང་རྒྱལ་པོ་སོགས་བསྐུལ་ཐུང་ཞིག་བཏོན་ལ། གཏོར་མ་ལ་མེ་རི་བཙུགས་ནས་རང་གི་ལག་ཏུ་གདེངས། དྲིལ་བུ་དང་བཅས། ཧོཿ དཔལ་ལྡན་ཡེ་ཤེས་མགོན་པོ། བཀའ་སྡོད་ལས་མགོན་བྱ་རོག་གདོང་མཆེད་དགུ། ཡུམ་ཙཎྜི་ཀ་མཁའ་འགྲོ་བརྒྱད་དྲུག །ཡབ་ལེགས་ལྡན་ནག་པོ། དམག་དཔོན་བརྒྱད། ཕྱག་བརྙན་སེང་གེའི་གདོང་ཅན། ཞིང་སྐྱོང་ཉི་ཤུ་རྩ་བཞི། སྐུ་འཁོར་ནག་པོ་སྟོང་། གསུང་འཁོར་ཤ་ཟ་འབུམ། ཐུགས་འཁོར་མ་མོ་བྱེ་བ། ཡོན་ཏན་གྱི་འཁོར་གནོད་སྦྱིན་ཁྲི། །ཕྲིན་ལས་ཀྱི་འཁོར་མཁའ་འགྲོ་འབུམ་ཕྲག་བཅུ། སྤྲུལ་པའི་ལྷ་དམག་ཁྲབ་ཆེན་བྱེ་བ་འབུམ་དྲུག་དང་བཅས་པ་ཁྱེད་། རྣམས་ཀྱིས་སྔོན་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་། ཤྲཱི་ཧེ་རུ་ཀ་ཙཀྲ་སཾ་བྷ་ར། གསང་བདག་ཕྱག་ན་རྡོ་རྗེ། དཔལ་མགོན་འཕགས་པ་ཀླུ་སྒྲུབ། ཨརྱ་དེ་ཝ། རྡོ་རྗེ་གདན་པ་ཆེ་ཆུང་། དཔལ་ཆེན་སྒ་ལོ་ཙཱ་ལ་སོགས་པ་གྲུབ་ཐོབ་བརྒྱུད་པའི་བླ་མ་དམ་པ་རྣམས་ཀྱི་བཀའ་དང་དམ་ལས་མ་འདའ་བར་སྤྱིར་སངས་རྒྱས་ཀྱི་བསྟན་པ་

[Full Size]

སྲུངས། དཀོན་མཆོག་གི་དབུ་འཕང་བསྟོད། རྣལ་འབྱོར་པའི་སྐུ་ཚེ་སྲིངས། ཁྱད་པར་རྡོ་རྗེའི་སློབ་མ་དམ་ལྡན་འདིས་བྱིན་པའི་ཕུད་གསོལ། བཅོལ་བའི་ཚོལས་སྒྲུབས། སྡང་བའི་དགྲ་བགེགས་ཐུལ། བར་ཆད་ཀྱི་རྐྱེན་ཟློག །ཇི་ལྟར་བཅོལ་བའི་ཕྲིན་ལས་ཐམས་ཅད་ཐོགས་པ་མེད་པར་འགྲུབ་པར་མཛོད་ཅིག །ཨོཾ་མ་ཧཱ་ཀཱ་ལ་ཁ་ཁ་མུ་ཁ་ཧཱུྃ་ཕཊ༔ ཨོཾ་ཀཱ་ལ་ས་མ་ཧཱ་ཀཱ་ལི་ཧཱུྃ་ཕཊ༔ ཨོཾ་མ་ཧཱ་ཀཱ་ལ་རཀྵ་དུ་བེ་ཛཿ ཨོཾ་མ་ཧཱ་ཀཱ་ལ་སེང་ཧ་མུ་ཁ་ཧཱུྃ་ཕཊ༔ ཨོཾ་མ་ཧཱ་ཀཱ་ལ་སིདྡྷི་ཡ་མ་དུ་ཛཿ ཞེས་སྙིང་པོ་བརྗོད་དེ། །འོ་དེ་ལྟར་བཀའ་བསྒོས་པས་དེ་ལྟར་བགྱིའོ། །ཞེས་ཞལ་གྱིས་བཞེས་པར་སྒོམས་ཤིག །དེ་ལྟར་མགོན་པོའི་དབང་ཐོབ་ནས་བྱ་ནག་པོ་ལ་རྡོ་མི་རྡེག་པ་ལ་སོགས་པ་ཐུན་མོང་དང་༔ ཁྱད་པར་གྱི་དམ་ཚིག་རྣམས་བསྲུང་ཞིང་མགོན་པོ་འདི་ཡི་དམ་ཆོས་སྐྱོང་དབྱེར་མེད་དུ་བཟུང་སྙམ་པས་རྗེས་ཟློས་མཛོད། གཙོ་བོས་ཇི་ལྟར་སོགས། །ས་གཞི་སྤོས་ཆུས་སོགས་མཎྜལ་ཕུལ༔ དེ་ནས་སློབ་མ་གྲོལ། དམར་གཏོར་དེ་ལ་ཟློག་ཐུང་ངམ་བསྐུལ་ཐུང་བཏོན་ལ་ཕྱི་རོལ་གཙང་སར་ཕུལ་ལོ། །འདི་གཏོར་དབང་རྗེས་གནང་ཡིན་ཀྱང་དོན་འཐུས་དྲགས་པས་བསྙེན་སྒྲུབ་ཙམ་ནི་སྨོས་མ་དགོས། སྐུ་ལྔ་སོ་སོ་དང་

[Full Size]

ལས་མགོན་སྒྲུབ་པ་གསང་ཁྲིད་འཁོར་ལོ་ལྔ་ལ་སོགས་ཀྱང་འདི་ཐོབ་ནས་ཉམས་ལེན་རུང་ངོ་། །མདོས་དང་བསྐང་གསོ་གདོང་ལྔ་སོགས་ཞག་མང་དུ་བྱས་པའི་སྐབས་སུ་ཡོན་བདག་གལ་ཆེན་འགའ་ཟུང་ལ་འདི་བསྐུར་ན་ཆོག་བྱིན་རླབས་ཆེའོ།། ༈ ཡང་འདིའི་དབང་བརྒྱ་སོགས་ནི་དམ་ཉམས་སྡོམ་ཉམས་དང་བསྟན་པ་ལ་གནོད་པའི་རིགས་དང་ཧ་ཅང་སྡིག་སྤྱོད་མནའ་མང་དུ་ཟོས་པ་སོགས་ལ་བྱས་ན་མི་ཕན་གནོད་པར་འགྱུར་ཏེ་དམ་ཉམས་ཀྱི་སྲོག་གཅོད། མནའ་ཟན་གྱི་གཤེད་པོ། ལེགས་ཉེས་ཀྱི་སྟངས་འཛིན་ཡིན་པས་སོ། །མཆེད་གྲོགས་དམ་ཚིག་གཙང་བ། གྲྭ་པ་སྡོམ་ཁྲིམས་ལྡན་པ། སྔགས་པ་དམ་ཚིག་ཅན། ཡོན་བདག་དད་པ་དམ་ཚིག་ཆོས་ལ་དགའ་བ། ཡོན་ཏན་ཅན་བསྟན་པ་སེམས་ཅན་ལ་ཕན་པ་དག་ལ། བར་ཆད་ནད་གདོན་གྱིས་མནར་ཏེ་ཅིས་ཀྱང་ཕན་དཀའ་ན། འདིའི་དབང་བརྒྱ་བྱས་ན་སྔོན་གྱི་ལས་ཀྱི་རྣམ་སྨིན་མ་གཏོགས་བར་ཆད་ངེས་པར་སེལ། བསོད་ནམས་མངའ་ཐང་ཡང་ཁོ་རང་གི་ཚོགས་ཀྱིས་ཇེ་ལེགས་སུ་འགྲོ༔ དེ་ལ་དང་པོ་གོང་ལྟར་རྒྱས་པ་གཅིག་ལ་བཀའ་གནང་མན་ཆད་བྱ། དེ་ནས་བསྡུས་པ་ལ་གྲངས་བཟུང་སྟེ། བརྒྱ་རྩ་བརྒྱད་དམ་ལོ་གྲངས་སམ། ཉེར་གཅིག་བཅུ་གསུམ་བདུན་སོགས་ཅི་ལྕོགས། དེ་ལ་ཐོག་མར་མཎྜལ་གཅིག་གིས་ཆོག་སྟེ། ད་སློབ་དཔོན་བདེ་མཆོག་ལྷན་སྐྱེས་གཏོར་མ་ཡེ་ཤེས་མགོན་པོར་གསལ་བའི་དྲུང་དུ་གསོལ་བ་འདེབས་པ་འདིའི་རྗེས་ཟློས། དུས་གསུམ་སངས་རྒྱས་ཐམས་ཅད་

[Full Size]

དང་། །ལྷག་པའི་ལྷ་ཡི་ངོ་བོ་ཉིད། །དཔལ་ལྡན་བླ་མའི་བཀའ་དྲིན་གྱིས། །བདག་ལ་ཡེ་ཤེས་མགོན་པོ་ཡི། །དབང་དང་བྱིན་རླབས་བསྩལ་དུ་གསོལ། །དེ་ལྟར་གསོལ་བ་བཏབ་པས་གཏོར་མ་མགོན་པོར་གསལ་བའི་གནས་གསུམ་ལས་འོད་ཟེར་དཀར་དམར་མཐིང་གསུམ་ཕྱོགས་བཅུར་འཕྲོས་པས་ཕྱོགས་བཅུའི་སངས་རྒྱས་ཀྱི་ཞིང་ཁམས་ཐམས་ཅད་དུ་བཞུགས་པའི་ཡེ་ཤེས་ཀྱི་མགོན་པོ་ཐམས་ཅད་ལ་ཕོག་པས་ཐུགས་བརྒྱུད་བསྐུལ་ཏེ། དེ་རྣམས་ལས་ཡེ་ཤེས་མགོན་པོ་ཕྱག་བཞི་པའི་སྐུ་ཆེ་བ་རི་རབ་ཙམ་ཆུང་བ་ཡུངས་ཀར་གྱི་འབྲུ་ཙམ། གསུང་སྔགས་ཀྱི་ཕྲེང་བ། ཐུགས་ཧཱུྃ་ཡིག་མཐིང་ག་དང་རྡོ་རྗེ་རྩེ་ལྔ་པ་དཔག་ཏུ་མེད་པ་ཁ་བ་བུ་ཡུག་འཚུབ་པ་ལྟར་བྱོན་ནས་ཁྱེད་རང་གི་ལུས་ངག་ཡིད་གསུམ་ལ་སིབ་སིབ་ཐིམ་པར་སྒོམས་ཤིག །གཏོར་མ་བཟུང་ལ། ཧཱུྃ། དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་སྤྲུལ་ནག་པོ་ཆེ། །སྐུ་གསུང་ཐུགས་སྤྲུལ་ད་ཚུར་བྱོན། །སྐུ་གསུང་ཐུགས་སྤྲུལ་བྱོན་ནས་ཀྱང་། །སྐལ་ལྡན་རིགས་ཀྱི་བུ་རྣམས་ལ། །སྐུ་གསུང་ཐུགས་དབང་བསྩལ་དུ་གསོལ། །དཔལ་ཆེན་སྒ་ལོ་ཙཱ་ལ་སོགས་པ་གྲུབ་

[Full Size]

པའི་དཔང་ཕྱུག་རྣམས་དང་ཡི་དམ་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་ལྷ་ཚོགས་ཡེ་ཤེས་ཀྱི་མགོན་པོ་ཕྱག་བཞི་པ་འཁོར་དང་བཅས་པས་བྱིན་གྱིས་བརླབ་པ་དང་དབང་བསྐུར་བར་མཛད་དུ་གསོལ། ནད་གདོན་སྡིག་སྒྲིབ་བར་ཆད་ཐམས་ཅད་ཞི་བ་དང་། ཚེ་དང་བསོད་ནམས་དབང་ཐང་རྒྱས་པ་དང་། བསམ་དོན་ཡིད་བཞིན་འགྲུབ་པར་མཛད་དུ་གསོལ། སྐུ་རྡོ་རྗེ་བུམ་པའི་དབང་ཐོབ་པར་གྱུར་ཅིག །གསུང་རྡོ་རྗེ་གསང་བའི་དབང་ཐོབ་པར་གྱུར་ཅིག །ཐུགས་རྡོ་རྗེ་ཡེ་ཤེས་ཀྱི་དབང་ཐོབ་པར་གྱུར་ཅིག །ཨོཾ་ཧཱིཧ་ཧ་ཧཱུྃ་ཧཱུྃ་ཕཊ༔ ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩནྟཾ། ཧཱུྃ། མི་འགྱུར་སྐུ་མཆོག་མཚན་དང་དཔེ་བྱད་བརྒྱན། །འགག་མེད་གསུང་མཆོག་ཚངས་དབྱངས་སྔགས་སྒྲ་སྒྲོག །འཁྲུལ་མེད་ཐུགས་ནི་ཡེ་ཤེས་ལྔ་དང་ལྡན། །དཔལ་ལྡན་མགོན་པོ་མ་ཧཱ་ཀཱ་ལ་ཡི། །སྐུ་གསུང་ཐུགས་ཀྱི་བཀྲ་ཤིས་གང་ལགས་པ། །སྐལ་ལྡན་རིགས་ཀྱི་བུ་ལ་དེང་འདིར་སྩོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་མེ་ཏོག་འཐོར། དེ་ལྟ་བུ་དུས་རེ་ལ་དུ་ཐོན་གྱི་རྗེས་སུ། གཙོ་བོས་ཇི་ལྟར་བཀའ་སྩལ་པ། །སོགས་དང་། ས་གཞི་

[Full Size]

སྤོས་སོགས་བྱ། སྐབས་སྐབས་སུ་མངོན་རྟོགས་སྤྱན་འདྲེན་མཆོད་བསྟོད་བྱས་ལ་བསྙེན་པ་ཁ་གསོ་གྲྭ་པ་མང་ན་དབང་བསྐུར་ཚེ་སོགས་ལ་མགོན་པོའི་སྔགས། བདེ་མཆོག་ཡིག་བདུན་རྡོ་རྗེ་ཕུབ་རྫོང་ཆེ་ཆུང་། །བསྐང་བ་བསྟན་རྒྱས་མ། ༈ གཏོར་དབང་གི་བརྒྱུད་པ་ནི། རྡོ་རྗེ་འཆང་། མགོན་པོ་བསྐལ་པ་བཟང་མོ། ཀླུ་སྒྲུབ་སྙིང་པོ། ཨརྒྱ་དེ་ཝ། ཨ་བྷ་ཀཱ་ར། ཙ་མི་སངས་རྒྱས་གྲགས་པ། དཔལ་ཆེན་སྒ་ལོ་ཙཱ་བ། སྐྱེ་མེད་ཞང་ཚལ་པ། བདེ་གཤེགས་ཕག་མོ་གྲུ་པ། སྐྱི་ཤོད་པ་བཀྲ་ཤིས་འབུམ། དབོན་པོ་རྒྱལ་མཆོག །བདག་པོ་གྲགས་བློ། ཆོས་རྗེ་ངག་གི་དབང་པོ། འཇམ་དབྱངས་དཔལ་ལྡན་རིན་ཆེན། མཁས་གྲུབ་ནམ་མཁའ་བཀྲ་ཤིས།། གྲགས་པ་བྱང་ཆུབ་བཀྲ་ཤིས། རིམ་གཉིས་འཇམ་དབྱངས་གྲགས་པ། རི་པ་བཀྲ་ཤིས་དཔལ་འབྱོར། སྔགས་འཆང་ཀརྨ་དོན་ཡོད། མཚུངས་མེད་རཱ་ག་ཨ་སྱ་ལའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

མགོན་པོ་ཕྱག་བཞི་པའི་བདེ་སྨོན།

[Full Size]

མགོན་པོ་ཕྱག་བཞི་པའི་བདེ་སྨོན་བཞུགས་སོ། །ན་མོ་གུ་རུ་མ་ཧཱ་ཀཱ་ལ་ཡེ། དེ་བཞིན་གཤེགས་པ་བྱེ་བ་ཕྲག །དྲུག་ཅུ་རྩ་བཞིའི་ཐུགས་ཀ་ཡི། །འོད་ཟེར་གཅིག་ཏུ་འདུས་པ་ལས། །བྱུང་བའི་དཔལ་ལྡན་ནག་པོ་ཆེ། །སངས་རྒྱས་ཀུན་གྱི་བསྟན་སྲུང་ཞིང་། །སེམས་ཅན་ཀུན་གྱི་མགོན་སྐྱབས་མཛད། །མ་ཧཱ་ཀཱ་ལ་ཀ་ཝུ་ཝ། །ཞི་རྒྱས་རྒྱུདབང་དྲག་ལས་མཛད་ཕྱིར། །སྐུ་མདོག་ཆ་ལུགས་ཅིར་ཡང་བསྒྱུར། །རྣལ་འབྱོར་སྐུ་ཚེ་བསྲིང་བའི་ཕྱིར། །སྟོན་ཟླའི་མདོག་ཅན་ཤིན་ཏུ་ཞི། །ཕྱག་བཞི་གྲི་གུག་ཐོད་པ་དང་། ཁ་ཊཾ་བདུད་རྩི་ཞགས་པ་འཛིན། །པདྨ་ཟླ་བའི་གདན་སྟེང་དུ། །བཙན་འཁྱིལ་དར་དང་རིན་ཆེན་བརྒྱན། །སྐུ་ལས་བདུད་རྩིའི་རྒྱུན་བབ་ཅིང་། །འོད་ཟེར་དཀར་པོའི་ཕྲེང་བ་ཅན། །བླ་མ་ཡི་དམ་མགོན་པོ་རྣམས། །གཅིག་ཏུ་འདུས་པའི་ངོ་བོ་ཉིད། །མངོན་པར་བྱུང་བའི་རྒྱུད་རྒྱལ་ལས། །གསུངས་པའི་མགོན་དཀར་ཁྱོད་ལ་བསྟོད། །སྟོང་གསུམ་འཇིག་རྟེན་རབ་འབྱམས་ཀྱི། །དཔལ་འབྱོར་བློ་ཡིས་བླངས་ཏེ་མཆོད། །དངོས་གྲུབ་འབྱུང་བའི་རྒྱུད་ཆེན་ལས། །སྐལ་བཟང་འདི་ལས་བྱུང་བ་ཡི། །མགོན་པོ་ཀུན་གྱི་

[Full Size]

མཆོག་དམ་པ། །ཁྱོད་ཉིད་ཁོ་ན་ཡིན་གསུངས་ཕྱིར། །བདག་གི་ཆོས་སྐྱོང་མཆོག་ཉིད་དུ། །མགོན་པོ་མཆོག་ཉིད་བསྟེན་འཚལ་གྱི། །བདག་དང་སློབ་མ་བརྒྱུད་པར་བཅས། །དུས་དང་དུས་མིན་འཆི་བ་ཟློག །ཚེ་དང་སྒྲུབ་པ་མཐར་ཕྱིན་ནས། །ཕྲིན་ལས་རྣམ་བཞིའི་དངོས་གྲུབ་སྩོལ། །གྲི་གུག་བརྩེགས་པའི་རྒྱུད་ཆེན་ལས། །བར་མ་དོ་རུ་འཇུག་ཚེ་ཡང་། །ཞིང་ཁམས་དག་པར་འཁྲིད་གསུངས་ཕྱིར། །ཁྱོད་ཉིད་རྟག་ཏུ་མཆོད་བསྒྲུབ་ཅིང་། །འདི་ཕྱི་བར་དོར་སྐྱབས་ཞུ་ཞིང་། །བར་མ་དོ་རུ་འཁྱམས་པའི་ཚེ། །བདེ་བ་ཅན་གྱི་ཞིང་ཁམས་སུ། །མགོན་པོ་ཁྱེད་ཀྱིས་སྐྱེལ་བར་མཛོད། །ཉི་ཟླ་ཐང་ལ་ལྷུང་བ་དང་། །ཆུ་བོ་མེ་རུ་འབར་སྲིད་ཅིང་། །རླུང་ནི་ཞགས་པས་ཟིན་སྲིད་ཀྱང་། །རྒྱལ་བའི་བཀའ་ཡིས་བསླུ་མི་སྲིད། །གསུངས་ཕྱིར་རྒྱུད་སྡེ་ཆེན་པོའི་གསུང་། །མི་བསླུ་འབྲས་བུ་མཆིས་པར་མཛོད། །དེ་ལྟར་འབྲུག་གི་དགུ་གཏོར་ཆེན་མོར། མགོན་པོའི་མདོས་ཆེན་དང་མགོན་དཀར་ལྷ་བདུན་བསྙེན་པའི་ཚེ་རྨི་ལམ་ལ་ཡ་མཚན་འགའ་རེ་དང་། ཡད་ཡུད་མདུན་གྱི་གསལ་ཁུང་ནས། །ཡེ་ཤེས་མགོན་པོ་ཕྱག་བཞི་པ། །མཐིང་ནག་ཤིན་ཏུ་གསལ་བར་ཞིག །གསལ་པོར་མཐོང་སྙམ་བྱེད་པའི་ཕྱིར། །རཱ་

[Full Size]

ག་ཨ་སྱ་བདག་གིས་བྲིས། །བདེ་བ་ཅན་དུ་སྐྱེ་བར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འབུ་སུ་ཀུའི་སྤྱོད་པས་དགྲ་བགེགས་ཚར་གཅོད་པའི་མན་ངག

[Full Size]

འབུ་སུ་ཀུའི་སྤྱོད་པས་དགྲ་བགེགས་ཚར་གཅོད་པའི་མན་ངག་ཡོད། ༈ ན་མོ་ཀརྨ་མ་ཧཱ་ཀཱ་ལ་ཡེ། ལས་མགོན་ནག་པོ་ཆེ་ལ་འདུད། །ཐུབ་པའི་བསྟན་པ་བསྲུང་བའི་ཕྱིར། །མ་རུངས་གདུག་པའི་ལས་འདི་བཀོད། །བཀའ་སྲུང་རྣམས་ཀྱིས་བཀའ་གནང་སྩོལ། །འབུ་སུ་ཀུ་ཡི་རྣལ་འབྱོར་པར། །དམ་ཉམས་དགྲ་ཡིས་འཚེ་བ་ན། །སྤྱོད་ལམ་རྣམ་བཞིས་ཚར་གཅོད་ཐབས། །མན་ངག་ཟབ་མོ་འདི་ལྟར་ཏེ། །དེ་ཡང་མགོན་པོའི་བསྙེན་པ་ལེགས་པར་ཐེམ་ཞིང་། བསྐྱེད་རིམ་ལས་སུ་རུང་བའི་རྣལ་འབྱོར་པས། སྤྲོས་མེད་ཀྱི་སྤྱོད་པས་བསྟན་དགྲ་འདུལ་བ་ནི། འགྲོ་བའི་ཚེ་རང་ཉིད་མགོན་པོ་བཞེངས་ཐབས་སུ་བསྐྱེད་པའི། གཡས་སུ་བྱ་རོག་གདོང་སོགས་ཆོས་སྐྱོང་ཕོ་རྒྱུད། གཡོན་དུ་ཙིནྟི་ཀ་སོགས་ཆོས་སྐྱོང་མོ་རྒྱུད་ཐམས་ཅད་བཞེངས་ནས་འབྱོན་པའི་ཞབས་རྣམས་ཀྱི་མཐིལ་དུ། གནམ་ལྕགས་ཀྱི་ཕུར་པ་རྣོ་ངར་དང་ལྡན་པ་རེ་རེ་ཡོད་པས་འགྲོ་བའི་ལམ་ཐམས་ཅད་དུ་དགྲ་བགེགས་ཐམས་ཅད་གཡས་འགྱེལ་གཡོན་འགྱེལ་དུ། ཐམས་ཅད་གན་རྐྱལ་ཡོད་པའི་སྟེང་དུ་མགོན་པོ་གཙོ་འཁོར་ཞབས་བརྡབ་ཅིང་བྱོན་པས། སྙིང་དཀར་ནག་མཚམས་སུ་ཕུར་པ་ཐལ་སོང་ནས། །སྲོག་

[Full Size]

རྩ་དྲོད་བྱེད་བཅད། ཞབས་བཏེག་པས་ཁྲག་སོབ་སོབ་སོང་བ། ཤ་ཟ་ལྕེ་སྤྱང་སྟག་གཟིག་ཐམས་ཅད་ཀྱིས་ལྷག་མེད་དུ་ཟོས་ཤིང་སོང་བར་དམིགས་ལ། གཞི་སྙིང་དང་ཤཱ་ས་ན་སྤེལ་ཚིག་དང་བཅས་པ་བཟླ་ཞིང་འགྲོའོ། །ཨྠྀི། འདུག་པའི་ཚེ་རང་ཉིད་མགོན་པོའི་ཐུགས་ཀ་ནས་ལས་མགོན་ལྕགས་ཀྱུ་ཞགས་པ་ཐོགས་པ་དཔག་ཏུ་མེད་པ་འཕྲོས། དགྲ་བགེགས་དམིགས་བྱ་ཐམས་ཅད་རང་དབང་མེད་པར་བཀུག་ལ།་རོང་གིས་འོག་ཏུ་རིམ་པ་དགུའི་ས་འོག །རླུང་རྡོ་རྗེ་རྒྱ་གྲམ་གྱི་ལྟེ་བར་གནམ་ལྕགས་ཀྱི་ཁང་སྒྲོམ་གྲུ་གསུམ་པའི་ནང་དུ་བཙུག་སྟེ། དེའི་སྟེང་དུ་སྣ་ཚོགས་རྡོ་རྗེ་གླིང་བཞི་རི་རབ་དང་བཅས་པས་མནན། དེའི་སྟེང་དུ་རང་ཉིད་མགོན་པོ་འཁོར་དང་བཅས་པ་བཞུགས་པས་མནན་ནས། བསྐལ་པ་གསུམ་དུ་མི་ཐར་བར་དམིགས། སྔགས་ཐུང་ངམ་ཤཱ་ས་ན་གཞི་སྙིང་མཇུག་ཏུ་དགྲ་བགེགས་སྟམྦྷ་ཡ་ནན། ཞེས་སྦྱར། ཨྠྀི། ཟས་ཟ་བའི་ཚེ་རང་ཉིད་མགོན་པོར་བསྒོམ། རང་གི་འཁོར་རྣམས་མགོན་པོའི་འཁོར་རྣམས་སུ་བྷྱོ། ཡེ་ཤེས་པ་བསྟིམས་ལ་རང་དམ་ཚིག་པའི་ཐུགས་ཀར་ཡེ་ཤེས་ཀྱི་མགོན་པོ། དེའི་ཐུགས་ཀར་ཏིང་ངེ་འཛིན་སེམས་དཔའ་ཧཱུྃ་མཐིང་ག་མེ་འབར་བར་

[Full Size]

བསྒོམ། རང་གི་ཡ་སོ་ཐམས་ཅད་བྱ་རོག་གདོང་སོགས་ཆོས་སྐྱོང་ཕོ་རྒྱུད། མ་སོ་ཐམས་ཅད་རྩ་འཇིབ་སོགས་ཆོས་སྐྱོང་མོ་རྒྱུད་དང་། ཁ་མེ་ཧོམ་གྱི་རང་བཞིན། ཁོག་པ་མེ་དཔུང་གི་དབུས་སུ་ཡེ་ཤེས་ཀྱི་མགོན་པོ་ཞལ་ཤིན་ཏུ་གདངས་བར་བསྐྱེད་ལ། ཟས་དེ་དགྲ་བགེགས་དངོས་སུ་གསལ་བ་ལས། རང་གི་ཐུགས་ཀའི་ཧཱུྃ་ལས་སྤྲུལ་པའི་ལས་མགོན་དཔག་ཏུ་མེད་པ་ལྕགས་ཀྱུ་ཞགས་པ་ཐོགས་པ་འཕྲོས་ནས། ཟས་དེ་ལ་བསྟིམས་པས་དགྲ་བགེགས་དངོས་སུ་གསལ་བ་ལ། རང་མགོན་པོའི་ཕྱག་གཡས་གྲི་གུག་ལས། གྲི་གུག་རྣོ་ངར་དང་ལྡན་པ་འཕྲོས། ཚངས་བུག་ཏུ་ཞུགས་ནས་རྩ་དབུ་མའི་ནང་ནས་མར་སོང་སྟེ་སྙིང་ཁའི་སྲོག་གི་ངོ་བོ་ཨ་ཐུང་མར་མེ་ལྟ་བུའི་དཀྱིལ་དུ་དྲག་ཏུ་འཁོར་བས་ཨ་ཐུང་ནག་ཐོམ་གྱིས་སོང་ཞིང་ཁ་ནས་ཁྲག་ན་ར་ར་འཛག་ཅིང་། གྲི་གུག་ཇེ་ཆེར་སོང་ནས་འཁོར་བས་ལུས་ཐམས་ཅད་དམར་ཉིལ་ཉིལ་གཏུབ་པར་དམིགས་ལ། གཞི་སྙིང་ཤཱ་ས་ན་སྤེལ་ཚིག་ཅན་ཉེར་གཅིག་བཟླ། དེས་དགྲ་བོའི་ལོངས་སྤྱོད་ཐམས་ཅད་མ་ཟད་བར་དུ་བདག་ཉིད་ཆོས་སྐྱོང་འཁོར་བཅས་ཀྱི་ཟ་སྐལ་དུ་བྷེ་ལ་བཟའ་བ་དགྲ་བགེགས་ཀྱི་ཤ་ཁྲག་དོན་སྙིང་དང་། བཏུང་བ་

[Full Size]

དགྲ་བགེགས་ཀྱི་ཁྲག་དང་ཀླད་པ་བྱང་སེམས་དུ་དམིགས་ལ། རང་ཆོས་སྐྱོང་འཁོར་བཅས་ཀྱིས་ཧབ་ཐོབ་ཏུ་ཟོས་པའམ། དྲག་པོའི་སྦྱིན་སྲེག་གི་ཚུལ་དུ་ལོངས་སྤྱོད་པས། ཐུགས་ཀའི་ཡེ་ཤེས་མགོན་པོའི་ཞལ་དུ་ཆིལ་ཆིལ་སོང་བར་དམིགས་ལ་བཟའ་འོ། །རང་གི་འཁོར་རྣམས་ནག་པོ་སྟོང་སོགས་སུ་གྱུར་ནས་ཟོས་བྷེ། བཟའ་བཏུང་རྒྱུན་དུ་དམིགས་པ་ནི་བྱས་བསྒྲལ་བའི་མཆོག་དམ་པ་ཡིན་པར་བླ་མ་དཔལ་ཆེན་པོ་སྒ་ལོའི་གསུངས་སོ། །ཨྠྀི། ཉལ་བའི་ཚེ་རང་ཉིད་མགོན་པོའི་ཐུགས་ཀ་ནས་འོད་ཟེར་དམར་ནག་ལྕགས་ཀྱུའི་དབྱིབས་ཅན་དཔག་ཏུ་མེད་པ་འཕྲོས། དགྲ་བགེགས་ཐམས་ཅད་ཀྱི་ལུས་ལ་ཕོག་སྙིང་ནང་དུ་ཚེའི་ངོ་བོ་ནི་ལྗང་གུ་བསོད་ནམས་ཀྱི་ངོ་བོ་ཨཱདཀར་པོ། ལྷ་དང་སྲུང་མ་ཡེ་ཤེས་སེམས་དཔའི་ངོ་བོ་ཧཱུྃ་མཐིང་ཀའི་རྣམ་པར་ཡོད་པ། རྡོ་ཁབ་ལེན་གྱིས་ལྕགས་བླངས་པ་ལྟར་སིབ་ཀྱིས་རང་ལ་བསྟིམ། ཁོ་ནག་ཧོམ་གྱིས་སོང་བ་རང་གི་འཁོར་ནག་པོ་སྟོང་ཤ་ཟ་ཞིང་སྐྱོང་ཐམས་ཅད་ཀྱིས་ཧབ་ཐོབ་ཏུ་ཟོས་པས་ལྷག་མེད་དུ་གྱུར་ཏེ། སྭ་བྷ་ཝའི་སྔགས་བརྗོད་པས་དགྲ་བོའི་ཡུལ་ཞིང་ཁང་དང་བཅས་པ་རྗེས་མེད་དུ་སྟོང་སངས་ཀྱིས་སོང་བར་བསམས་ལ། ཕྱག་རྒྱ་ཆེན་པོའི་ངང་ལ་

[Full Size]

མཉམ་པར་བཞག་ལ་ཉལ་ལོ། །ཨྠྀི། སད་པའི་ཚེ་ཆོས་སྐུ་སྟོང་པའི་ངང་ལས་སྐད་ཅིག་གིས་གཟུགས་སྐུ་ཡེ་ཤེས་ཀྱི་མགོན་པོ་དམ་ཡེ་དབྱེར་མེད་པར་གསལ་བཏབ། །སངས་རྒྱས་ཀྱི་བསྟན་པ་བསྲུང་བའི་ཆེད་དུ་བཞེངས་པར་བསམ་ལ་ལངས། ཉི་མ་དང་འོད་ཟེར་རམ་ལུས་དང་གྲིབ་མའི་ཚུལ་དུ་འཁོར་རྣམས་གནས་པས། དགྲ་བགེགས་ཐམས་ཅད་སྐད་ཅིག་ལ་བཀུག་སྟེ་པགས་པ་བཤུས་པའི་གཡང་གཞི་བདག་གཙོ་འཁོར་ཐམས་ཅད་ཀྱིས་གྱོན་པར་བསམས་ལ། གོས་ཐམས་ཅད་རིམ་པར་བགོ །དགྲ་བགེགས་རྒྱུ་མའི་ཞགས་པས་བདག་དང་འཁོར་རྣམས་ཀྱི་རྒྱན་དུ་བྱས་པོར་བསྒོམས་ལ་སྐེ་རགས་སོགས་བཅིངས། དགྲ་བགེགས་ཀྱི་གློ་སྙིང་གི་ཕྲེང་བར་ཆོས་སྐྱོང་འཁོར་བཅས་རྒྱན་དུ་བྱས་པར་བསམ་ལ་རྒྱུན་དང་ལུས་ཆས་རྣམས་རིམ་པར་འདོགས། དགྲ་བགེགས་ཀྱི་མགོ་བོ་བཅད་པའི་ཕྲེང་བ་ཁྲག་འཛག་པར་བྷྱོ་ལ་ཕྲེང་བ་བཀོན། རང་མགོན་པོའི་མདུན་འོག་ནས་ལས་མགོན་ཡབ་ཡུམ་ཞལ་གདངས་ནས་ཡོད་པས། རང་མགོན་པོ་མཐེ་བོང་གྲི་གུག་གིས་ཕྲེང་རྡོག་དགྲ་མགོ་རྦད་རྦད་བཅད་པ། ལས་མགོན་གྱི་ཞལ་དུ་ཧྲུག་ཧྲུག་སོང་། ཕྲེང་ཐག་སྐེ་ཁྲག་གི་རྒྱུན་བར་མ་ཆད་ཡུམ་རྩ་

[Full Size]

འཇིབ་མའི་ཞལ་དུ་སོང་བར་དམིགས་ལ་ཕྲེང་བ་བགྲང་ཞིང་སྔགས་ཤམ་བུ་ཅན་ཅི་རིགས་བཟླའོ། །དེ་ཐམས་ཅད་ལ་དང་པོ་སངས་རྒྱས་ཀྱི་བསྟན་པ་བསྲུང་བའི་སེམས་བསྐྱེད་བཟང་པོ་དང་། དགྲ་བགེགས་ཀྱི་ལས་ངན་རྒྱུན་བཅད་ནས་སངས་རྒྱས་ཀྱི་ས་ལ་བཀོད་སྙམ་པའི་སྙིང་རྗེ་དྲག་པོ་དང་། བར་དུ་མགོན་པོའི་བསྐྱེད་རིམ་སྣང་སྟོང་འཇའ་ཚོན་ལྟ་བུའི་ང་རྒྱལ་བརྟན་པོས་སྔགས་སྒྲ་དག་ཅིང་ཤུབ་བུར་བཟླས་པ་དང་། མཐར་བདག་དང་མགོན་པོའི་དམིགས་ཡུལ་དགྲ་བགེགས་རྣམས་ཀྱང་གདོད་མ་ནས་བདག་དང་གཞན་དུ་གྲུབ་པ་མེད་པར་ཤེས་པས། །སྟོང་ཉིད་ཀྱི་རྒྱས་བཏབ་ཅིང་བདག་དང་བདག་གི་གདུལ་བྱ་དགྲ་བགེགས་དེ་རྣམས་ཐམས་ཅད་བཅོམ་ལྡན་འདས་འཁོར་ལོ་སྡོམ་པའི་གོ་འཕང་མྱུར་དུ་ཐོབ་པའི་བསྔོ་བ་སྨོན་ལམ་རྣམ་པར་དག་པས་རྒྱས་བཏབ་བོ། །འདི་ལྟ་བུའི་གདམས་ངག་ནི་མགོན་པོའི་བསྙེན་པ་ཚད་དུ་ཕྱིན་ཅིང་། བསྐྱེད་རྫོགས་ལ་བརྟན་པ་ངེས་པར་ཐོབ་པས་ཉམས་སུ་བླངས་ན། དགྲ་བགེགས་གང་ལ་དམིགས་པ་ངེས་པར་སྒྲོལ་ཞིང་རྟགས་མྱུར་དུ་འབྱུང་ལ། བསྐྱེད་རྫོགས་ནུས་པ་དང་མི་ལྡན་ཞིང་བསྙེན་སྒྲུབ་མ་ཐེམ་པར་འདི་ལྟར་བྱས་ཀྱང་། ཡིད་ཀྱི་བསྒྲིབས་པས་རང་ཉིད་ངན་

[Full Size]

སོང་དུ་ལྟུང་བ་མ་གཏོགས་དགྲ་བགེགས་ལ་རྟགས་ཅི་ཡང་ཐོན་པ་མི་འགྱུར་ཞིང་། རྟགས་མི་ཐོན་པ་རང་ནུས་པ་དམན་པ་མི་ཤེས་པ། ལྷ་དང་གདམས་ངག་ལ་ལོག་པར་ལྟ་བས་དམ་ཚིག་ཉམས་པར་འགྱུར་བས་བག་ཡོད་པར་བྱོས་ཤིག །དཔལ་ཆེན་སྒྲ་ལོའི་མན་ངག་ཟབ་མོ་ནི། །སྔོན་ཆད་གབ་ཅིང་དཀྲུགས་པས་མི་གསལ་བས། །དེང་འདིར་བསྟན་པ་ཤིན་ཏུ་ཉམ་དམས་པས། །དར་ཞིང་རྒྱས་པར་བྱ་ཕྱིར་སེམས་བསྐྱེད་ནས། །སྔགས་ནག་རཱ་གའི་མིང་གིས་གསལ་བར་བྱས། །འདི་བྲིས་བརྩེ་བ་བྲལ་བའི་ཉེས་པ་རྣམས། །ལྷ་མགོན་ཐུགས་རྗེའི་བདག་ཉིད་དྲུང་དུ་བཤགས། །དགེ་བས་ཤཱཀྱའི་བསྟན་པ་དར་ཞིང་རྒྱས། །དཀོན་མཆོག་གསུམ་གྱི་དབུ་འཕང་མཐོ་བར་ཤོག །ཨྠྀི། ས་མ་ཡ་དྷ་ཐིམ། སརྦ་མངྒ་ལཾ། དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཡེ་ཤེས་མགོན་པོ་ཕྱག་བཞི་པའི་མན་ངག་བསྙེན་སྒྲུབ་ལས་གསུམ་གྱི་ཟིན་བྲིས།

[Full Size]

ཡེ་ཤེས་མགོན་པོ་ཕྱག་བཞི་པའི་མན་ངག་བསྙེན་སྒྲུབ་ལས་གསུམ་གྱི་ཟིན་བྲིས་བཞུགས་སོ།།

[Full Size]

ན་མོ་ཤྲཱི་མ་ཧཱ་ཀཱ་ལ་ཡེ། དཔལ་ནག་པོ་ཆེན་པོ་ལ་ཕྱག་འཚལ་ལོ། །འདིར་ཡེ་ཤེས་ཀྱི་མགོན་པོ་ཕྱག་བཞི་པའི་ཆོ་ག་རྗེ་བཙུན་དབང་ཕྱུག་རྡོ་རྗེས་བསྩལ་བ་འདི་ལ། ཉེ་བར་མཁོ་བའི་དམིགས་རིམ་ཅུང་ཟད་བཀོད་ན། བཀའ་ཡི་གནང་བ་སྩོལ་ཞིང་བྱིན་གྱིས་བརླབ་ཏུ་གསོལ། །དེ་ཡང་སྤྱིར་མགོན་པོ་འདི་ལ་བདེ་མཆོག་གི་བདག་བསྐྱེད་ཡིན་ལ། དབང་ཕྱུག་རྡོ་རྗེས་བདེ་མཆོག་ཕག་མོ་གང་རུང་གསུངས། རྗེ་ཆོས་ཀྱི་དབང་ཕྱུག་གིས་བདེ་མཆོག་ལྷ་ལྔ་མཛད། གདོང་མཁའ་སྤྱོད་པའི་ཕྱག་ལེན་རྒྱུད་ལ་གྲྭ་ལོའི་ལྷན་སྐྱེས་མ་མཛད། འོན་ཀྱང་བསྡུ་ན་རྡོ་རྗེ་ཕུབ་རྫོང་གིས་ཀྱང་

[Full Size]

ཆོག །སྤྱིར་མགོན་པོ་འདིས་ཏདྱ་ཐཱ་བཟློ་ཤེས་པ་ཡན་ཆད་ཀྱི་གྲོགས་བྱེད་པ་ལ། ཁྱད་པར་བདེ་མཆོག་གི་རྣལ་འབྱོར་སྟོང་ཉིད་བསྒོམ་ཤེས་པའི་རྣལ་འབྱོར་པ་སྐད་ཅིག་གཡེལ་བ་མེད་པ་སྐྱོང་གསུངས་པ་དང་། སངས་རྒྱས་ཀྱི་བསྟན་པ་མཐའ་དག་གི་སྲུང་མ་ཡིན་པས། ཡི་དམ་གང་བསྒོམས་ཀྱང་མི་འགལ་ཞིང་ཐུགས་རྗེ་ཆེན་པོ་དང་མགོན་པོ་སྦྲག་སྟེ་བསྒྲུབ་པའི་མན་ངག་སོགས་ཀྱང་ཡོད་པས། ཐུགས་རྗེ་ཆེན་པོ་དང་སྦྲེལ་ཏེ།། ཐུགས་རྗེ་ཆེན་པོའི་སྤྲུལ་པ་ཡིན་པས་སོ། །ཡང་བསིལ་བ་ཚལ་དུ་ཨོ་རྒྱན་རིན་པོ་ཆེས་ལས་མགོན་འཁོར་བཅས་དམ་ལ་བཏགས་ཤིང་། ཡེ་ཤེས་

[Full Size]

མགོན་པོའི་རྒྱུད་དང་མན་ངག་མང་པོ་དངོས་སུ་གསུངས་པའི་ཕྱིར། གུ་རུ་ཞི་དྲག་དང་འབྲེལ་ཆེ་མོད།་འོན་ཀྱང་བསྙེན་པའི་སྐབས་སུ་ནི་ཡི་དམ་གང་ཡིན་ནའང་། སྐད་ཅིག་ལ་གནས་འགྱུར་ནས་བདེ་མཆོག་ཏུ་ང་རྒྱལ་འཕོ་བར་བྱའོ། །དང་པོ་བསྐྱེད་པའི་སྐབས་སུ་ཧཱུྃ་དེ་རང་བཞིན་དུ་བསྒོམ་ན་རྩུབ་ལ་རང་གི་ཐུགས་ཀ་ནས་སྤྲོས་ན་གོང་ནོན་སླ་ཞིང་འཇམ་ལ་ཧཱུྃ་དེ་ཡོངས་སུ་གྱུར་པ་ལས་རྡོ་རྗེ་གྲི་གུག་ཧཱུྃ་གིས་མཚན་པར་བསམ། དེས་ནི་མ་ཆུན་ནག་པོ་ཆེན་པོ་སྲས་སུ་བྱ་བའི་མན་ངག་གོ །དེ་ནས་གྲི་གུག་ཧཱུྃ་གིས་མཚན་པ་ལས་འོད་ཟེར་འཕྲོས། བདུད་དང་ལོག་འདྲེན་གདུག་པ་ཅན་ཐམས་ཅད་ཚར་བཅད། དེ་རྣམས་ཀྱི་ནུས་པ་ཐམས་ཅད་དང་ཁྱད་པར་འཇིག་རྟེན་ཁམས་ཀྱི་ལྷ་མ་སྲིན་སྡེ་བརྒྱད་ཐམས་ཅད་ཀྱི་མཐུ་དང་ནུས་པ་ཐམས་ཅད་ས་ནས་གྲི་གུག་ཧཱུྃ་དང་བཅས་པ་ལ་ཐིམ། དེ་དང་མཉམ་དུ་འོད་ཟེར་དེས་ཕྱོགས་བཅུའི་བླ་མ་ཡི་དམ་རྒྱལ་བ་སྲས་བཅས་འཕགས་པའི་ཚོགས་རྣམས་ཐམས་ཅད་དང་མཁའ་འགྲོ་ཆོས་སྐྱོང་ཐམས་ཅད་ལ་མཉེས་པའི་མཆོད་པ་དཔག་ཏུ་མེད་པ་ཕུལ། བྱིན་རླབས་མཐུ་སྟོབས་ཐམས་ཅད་གྲི་གུག་དང་རྡོ་རྗེ་རྩེ་ལྔ་དང་འོད་ཟེར་མཐིང་ནག་གི་རྣམ་པར་ཚུར་འདུས་ནས་གྲི་གུག་

[Full Size]

ཧཱུྃ་གིས་མཚན་ལོ་ཐིམ་པར་དམིགས། དེ་ནི་འཁོར་འདས་དབང་དུ་བསྡུ་བའི་དམིགས་པ་ཡང་ཟེར། ཆུན་ཆུང་ན་དྲེགས་པ་སྤྱི་དང་སྦྲེལ་ཏེ་སྒྲུབ་པའི་མན་ངག་གོ །འོད་འཕྲོས་བདུད་ཀྱི་སྡེ་བཅོམ་ཞིང་། །ཞེས་སོགས། ཚིག་གཉིས་པོའི་དམིགས་རིམ་མོ། ༈ །དེ་ནས་ཧཱུྃ་དང་གྲི་གུག་དེ་འོད་ཟེར་མཐིང་ནག་ལ་ཞུ། ཆེར་འབར་བ་ལས་གཞུང་ལྟར་བསྐྱེད། དེ་ཡང་བསྙེན་པ་དུས། སྐུ་མདོག་མཐིང་སྐྱ་ཞལ་ཁྲོ་འཛུམ་སྤྱན་སྒྲུབ་པ་པོ་ལ་གཟིགས་པ། དབུ་སྐྲ་སེར་པོ་གྱེན་དུ་བརྫེས་པ། ཕྱག་གཡས་དང་པོ་བྷེ་ཏའི་འབྲས་བུ། གཡོན་ཐོད་པ་བདུད་རྩིས་གང་བ། འོག་མ་གཉིས་རལ་གྲི་དང་ཁ་ཊཾ་ཡང་དྲང་པོར་སླང་བ། སྐུ་ལ་རིན་པོ་ཆེ་སྣ་ཚོགས་བརྒྱན་ཅིང་མེ་རི་དཀར་སེར་གྱེན་དུ་འབར་བ། ཞབས་དཔའ་བོས་འདུག་སྟབས་ཕྱེད་སྐྱིལ་དུ་བཞུགས་པར་བྷེ། ༈ སྒྲུབ་པའི་དུས། སྐུ་མདོག་མཐིང་ཀ་ཞལ་རྔམས་ལ་སྤྱན་ཁྲོ་གཉེར་ཐད་དཀར་གཟིགས་ཏེ། དབུ་སྐྲ་ཁམ་པ་གཟིང་བ། གཡས་རྡོ་རྗེ་གྲི་གུག་གཡོན་ཐོད་པ་ཆང་གིས་གང་བ་བསྣམས་པ། རལ་གྲི་ཁ་ཊཾ་ཡང་འཕྲད་དུ་ཕྱུར་བ་སྐུ་ལ་རུས་པའི་རྒྱན་དྲུག་གིས་བརྒྱན་ཅིང་མེ་རི་དམར་སེར་འཕྲད་དུ་

[Full Size]

འབར་བ། ཞབས་བཙན་འཁྱིལ་གྱི་སྟབས་སུ་བཞུགས་པར་བསྐྱེད།་ལས་སྦྱོར་དུས། སྐུ་མདོག་མཐིང་ནག་ཞལ་རབ་ཏུ་ཁྲོས་པ་སྤྱན་སྒྲུབ་པ་པོ་ལ་འབུར་ཚུགས་སུ་གཟིགས་པ། དབུ་སྐུ་ཁམ་ནག་ཐུར་དུ་གྲོལ་ཞིང་ཕྱག་གཡས་གཡོན་དང་པོ་གཉིས་གྲི་གུག་གིས་སྙིང་ཁྲག་དཀྲུག་པ། འོག་མ་གཉིས་རལ་གྲི་དང་ཁ་ཊཾ་གཉིས་བསྒྲུབ་བྱ་ལ་བསྣུན་པ། སྐུ་ལ་དུག་སྦྲུལ་གྱི་ལྷ་ཚིགས་བརྒྱན་ཅིང་དོ་ཤལ་སོགས་བྱས་པ། མེ་རི་དམར་ནག་མེ་ལྕེ་ཐུར་དུ་འབར་བ། ཞབས་གཉིས་གྱད་ཀྱིས་འདོར་སྟབས་སུ་བཞེངས་ནས་ས་ལ་བརྡབས་པས་ས་ཆེན་པོ་གཡོ་བའོ། །དེ་ནི་གཙོ་རྐྱང་བསྐྱེད་པའི་མན་ངག་སྟེ་རྗེ་ཕག་གྲུ་པའི་བཅོ་བརྒྱད་ཀྱི་གཞུང་། དྲུང་པ་རིན་པོ་ཆེ་ཀུན་དགའ་རྣམ་རྒྱལ་ལས་ཐོབ་ཅིང་། དེ་ཡི་མན་ངག་གི་འགྲེལ་པ་ཆོས་ལྡིང་པས་མཛད་པའི་དོན་བསྡུས་པའོ། །དེ་ཡང་གཙོ་རྐྱང་སྒོམ་པ་ཨརྱ་དེ་ཝའི་རྒྱ་གཞུང་གི་ལུགས་ཏེ། ཕྱི་སྒྲུབ་ཡིན་ན་ལྷ་བཅུ་གསུམ་བྱས་པ་འདི་གྲྭ་ལོའི་དུས་མཁྱེན་ལ་གནང་བ་བཀའ་སྡོད་ལྟར་སྒྲུབ་པའམ། ནང་སྒྲུབ་ལྟར་བྱས་ཀྱང་རུང་སྟེ། རྒྱུད་ཆེན་པོའི་ཉི་ཤུ་རྩ་ལྔའི་དོན་ཐམས་ཅད་མན་ངག་གི་བསྡུས་ཏེ། གཙོ་བོ་ལ་ཡེ་ཤེས་མགོན་པོའི་རྒྱུད་ལྔའི་དོན་བསྡུས། ལས་ཀྱི་

[Full Size]

མགོན་པོའི་རྒྱུད་ལྔའི་དོན་བྱ་སེང་གཉིས་ལ་འདུས། ཡུམ་དང་མཁའ་འགྲོ་མ་བརྒྱད་ལ་ཡུམ་རྒྱུད་ལྔ་ཡི་དོན་བསྡུས། གཙོ་བོ་དང་ལེགས་ལྡན་གཉིས་ལ་སྐུ་གསུང་ཐུགས་ཡོན་ཏན་ཕྲིན་ལས་རྒྱུད་ལྔའི་སྤྱི་རྒྱུད་ལྔའི་ལུགས་ལ་དོན་བསྡུས་ཏེ། འདི་ཤིན་ཏུ་ཟབ། ༢ དེ་ལ་རྗེ་ཞྭ་དམར་པ་ན་རིམ་གྱིས་དུད་སོལ་མ་སྦྱར་ནས། འདི་ལ་བྱ་རོག་ཆེན་པོ་ཁྲག་མཚོ་ཁོལ་མ་ལ་སོགས་དུ་མ་ནས་ཡབ་ཡུམ་སྦྲེལ་བར་བཤད་ལ། འབྲུག་ལུགས་དང་རྗེ་རྨ་སེའི་ལུགས་ལའང་ཡོད་ཅིང་ཆོས་སྐྱོང་ཕོ་མོ་སྦྲེལ་བསྒྲུབ་བྱས་ན་བཀྲ་ཤིས་དང་ཚན་ཆེ་བ་དང་འཁུ་ལྡོག་ཆུང་བའི་མན་ངག་གོ །དེ་ལ་རྗེ་ཆོས་ཀྱི་དབང་ཕྱུག་གིས་ཕྱག་དྲུག་པ་སོགས་རྗེ་ཉིད་ཀྱི་དབང་ལུང་གང་གསན་གྱི་ཆོས་སྐྱོང་ཧྲག་བསྡུས་ལྷ་མགྲོན་མཛད་དེ། དེ་ཡང་རྒྱུད་ཐམས་ཅད་ནས་ཆོས་སྐྱོང་དེ་ཆོས་སྐྱོང་ཐམས་ཅད་ཀྱི་གཙོ་བོར་གསུངས་པས། འབྲུག་ལུགས་སོགས་ལའང་མགོན་མང་དུ་གྲགས་པ་ཐམས་ཅད་ཆོས་སྐྱོང་ཐམས་ཅད་འདི་ཡི་འཁོར་དུ་བྱས་འདུག་པ་དང་མཐུན་ནོ། ༢ །འདིར་བཀའ་སྡོད་ལྟར་བསྒྲུབ་པ་སྟེ་གཞལ་ཡས་ཁང་མི་དགོས་སོ། ༢ །དེ་ཡང་དབང་པོ་རབ་འབྲིང་གིས་གཙོ་བོ་ཕྱག་བཞི་པ་འཁོར་བཅས་ལ། འཁོར་

[Full Size]

ཆོས་སྐྱོང་ཐམས་ཅད་སོ་སོའི་རྒྱན་ཆ་ལུགས་འཁོར་སྤྲུལ་པོ་དང་བཅས་པ་སོ་སོར་མ་འདྲེས་པར་འཇའ་ཤར་བ་ལྟར་དུས་གཅིག་ལ་བསྐྱེད། ༢ འབྲིང་གཙོ་བོ་ཕྱག་བཞི་པ་ལ་ལྷ་བཅུ་གསུམ་པ་ལ་འཁོར་ལྷ་མགྲོན་རྣམས་གཙོ་བོ་གསལ་ཞིང་འཁོར་མོས་པ་ཙམ་དུ་བསྐྱེད། ༢ དབང་པོ་ཐ་མས་ཕྱག་བཞི་པ་ལྷ་བཅུ་གསུམ་པ་ལ་ཡེ་ཤེས་འཇིག་རྟེན་གྱི་ཆོས་སྐྱོང་ཐམས་ཅད་ན་རིམ་ནས་ཀུན་འདུས་སུ་བྷེ་པ་སྟེ། གཏོར་མ་འདི་ལ་རྒྱུད་མན་ངག་སོགས་ནས་ཀྱང་དེ་ལྟར་བཤད་ལ། བཀའ་བརྒྱུད་ཀྱི་བླ་མ་རྣམས་ཀྱིས་ཀྱང་གསུང་རྒྱུན་ལྷད་མེད་སྙན་དུ་བརྒྱུད་པའི་མན་ངག་གོ །ཡང་གཙོ་བོ་ལ་མཁའ་འགྲོ་མ་བརྒྱུད་རྐྱང་པས་བསྐོར་བ་ནི། གསང་སྒྲུབ་སྟེ་རྒྱུད་མང་པོས་རྒྱ་གཞུང་ནས་གསུངས་ཤིང་། གཙོ་བོ་ཡབ་ཡུམ་དང་སྦྱོར་བ་ལ་མཁའ་འགྲོ་མ་བརྒྱད་ཀྱིས་བསྐོར་བ་ནི། ཡང་གསང་བླ་ན་མེད་པ་སྟེ་བདག་བསྐྱེད་བྱ་བར་གསུངས་སོ། །གཉིས་པ་གནས་གསུམ་བྱིན་གྱིས་རློབས་པའི་དམིགས་པ་འཁོར་འདས་དབང་དུ་བསྡུ་བའི་མན་ངག་ནི། མགོན་པོའི་དཔྲལ་བ་ནས་འོད་ཟེར་ཕྱོགས་བཅུར་སྤྲོས་པས་བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་ཁྲོ་བོ་ཁྲོ་མོ་མཁའ་འགྲོ་ཆོས་སྐྱོང་ཐམས་ཅད་ཀྱི་སྐུ་ཡི་ནུས་པ་དང་

[Full Size]

བྱིན་རླབས། སྣང་སྲིད་ལྷ་འདྲེ་མི་གསུམ་གྱི་ལུས་ཀྱི་སྟོབས་དང་ནུས་པ་ཐམས་ཅད་འཁོར་ལོ་དཀར་པོ་དང་འོད་ཟེར་དཀར་པོའི་རྣམ་པར་བསྡུས། མགོན་པོའི་དཔྲལ་བར་ཐིམ་པས་ཟླ་བའི་གདན་ལ་ཨོཾ་དཀར་པོའི་མཚན་པ་རྒྱལ་བ་སྲས་བཅས་ཀྱི་སྐུ་དང་དབྱེར་མེད་ཅིང་སྣང་སྲིད་ཐམས་ཅད་ཀྱི་ལུས་དབང་བསྒྱུར་བའི་ནུས་པ་དང་ལྡན་པར་བསམ། ༈ ཡང་མགོན་པོའི་མགྲིན་པ་ནས་འོད་ཟེར་དམར་པོ་འཕྲོས་ཕྱོགས་བཅུའི་རྒྱལ་བ་སྲས་དང་བཅས་པ་དཔའ་བོ་མཁའ་འགྲོ་ཐམས་ཅད་ཀྱི་གསུང་གི་ནུས་པ་དང་བྱིན་རླབས་སྣང་སྲིད་ཐམས་ཅད་ཀྱི་ངག་གི་ནུས་མཐུ་ཐམས་ཅད་པདྨ་དམར་པོ་དང་འོད་ཟེར་དམར་པོའི་རྣམ་པར་བསྡུས། མགོན་པོའི་མགྲིན་པར་ཐིམ་པས་མགྲིན་པར་པདྨའི་སྟེང་དུ་ཨཱདམར་པོའི་མཚན་པས། རྒྱལ་བ་སྲས་བཅས་ཐམས་ཅད་ཀྱི་གསུང་དང་དབྱེར་མེད་ཅིང་འཁོར་འདས་ཐམས་ཅད་ཀྱི་ངག་ལ་དབང་བསྐུར་བའི་ནུས་པ་ལྡན་ལ། ༢ ཡང་མགོན་པོའི་ཐུགས་ཀ་ནས་འོད་ཟེར་སྔོན་པོ་འཕྲོས་པས། བླ་མ་རྒྱལ་བ་སྲས་བཅས་ཡི་དམ་དཔའ་བོ་མཁའ་འགྲོ་ཁྲོ་བོ་ཁྲོ་མོ་ཆོས་སྐྱོང་ཐམས་ཅད་ཀྱི་ཐུགས་ཀྱི་བྱིན་རླབས་དང་མཐུ་སྟོབས་ནུས་པ་ཐམས་ཅད་སྣང་སྲིད་ཀྱི་སེམས་ཀྱི་ནུས་མཐུ་

[Full Size]

སྟོབས་དང་མངོན་ཤེས་ཐམས་ཅད་རྡོ་རྗེ་སྔོན་པོ་དང་འོད་ཟེར་སྔོན་པོའི་རྣམ་པར་བསྡུས་ནས། མགོན་པོའི་ཐུགས་ཀར་ཐིམ་པས་སངས་རྒྱས་ཐམས་ཅད་ཀྱི་ཐུགས་དང་དབྱེར་མེད་ཅིང་སྣང་སྲིད་ཀྱི་སེམས་ལ་དབང་བསྒྱུར་ནུས་པ་དང་ལྡན་པར་བསྒོམས་ལ། དེ་ཡང་འཁོར་རྣམས་ལ་བྱིན་རླབས་མི་བསྡུ་བར་གཙོ་བོ་དང་མཉམ་དུ་ཡིག་འབྲུ་སྒོམ་ཙམ་བྱ་སྟེ། གཙོ་འཁོར་ཀུན་གྱི་སྤྱི་བོར་ནི། །ཞེས་སོགས་བརྗོད། དེ་གནས་གསུམ་བྱིན་གྱིས་རླབས་པའི་དམིགས་པའོ། ༢ །དེ་ནས་སྤྱན་འདྲེན་དམིགས་པ་ནི། བདག་གི་ཐུགས་ཀ་ནས་འོད་འཕྲོས་མདུན་བསྐྱེད་ལ་ཕོག་པས་བསྐུལ་མ་ཐག་སྟེ་མདུན་བསྐྱེད་གཙོ་འཁོར་ཐམས་ཅད་ཀྱི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་འཕྲོས། འོག་མིན་རྣམ་པར་སྣང་མཛད་ཀྱི་ཞིང་ཁམས་བརྟན་གཡོ་སྲིད་པའི་དུར་ཁྲོད་ཆེན་པོ་དང་གཞན་འཕྲུལ་དབང་བྱེད་ཀྱི་གནས་དང་ཤིང་ཡོངས་འདུས་ལྗོན་པའི་རྩ་བ་དང་། རྩུབ་འགྱུར་གྱི་ཚལ་དང་། ལྕང་ལོ་ཅན་དང་། རི་བོ་མ་ལ་ཡི་རྩེ་དང་། ནཱ་ལེནྡ། རྡོ་རྗེ་གདན། བསིལ་བ་ཚལ་དང་དུར་ཁྲོད་ཆེན་པོ་བརྒྱད་ལ་སོགས་པ་ནས། མགོན་པོ་ཕྱག་བཞི་པ་འཁོར་དང་བཅས་པ། རང་རང་གི་གནས་ནས་ཆོས་སྐྱོང་ལྷ་

[Full Size]

མགྲོན་ཐམས་ཅད་དང་གཞལ་ཡས་ཁང་ཕྱོགས་བཅུའི་བླ་མ་ཡི་དམ་མཁའ་འགྲོ་ཁྲོ་བོ་ཁྲོ་མོ་རྒྱལ་བ་སྲས་དང་བཅས་པ་ཐམས་ཅད་ཡེ་ཤེས་ཀྱི་མགོན་པོའི་རྣམ་པར་སྤྱན་དྲངས་མདུན་གྱི་ནམ་མཁར་བྱོན། །༢ ཡང་བདག་གི་ཐུགས་ཀ་ནས་རྗེ་བཙུན་མ་དམར་མོ་སྐུ་ཆུང་ལ་མཛེས་ཤིང་ཆགས་པའི་ཉམས་ཅན་ཞིག་ཤད་ཀྱིས་སོང་ནས། བསིལ་བ་ཚལ་དུ་བཞུགས་པའི་ཡེ་ཤེས་ཀྱི་མགོན་པོའི་ཐུགས་ཀའི་ཐུགས་སྲོག་ཧཱུྃ་སྔོན་པོ་དེ་ཡི་ཁུག་པ་ལ་རྗེ་བཙུན་མའི་གྲི་གུག་གི་རྩེ་ལྕགས་ཀྱུ་ལྟ་བུས་འཇུས་ཏེ། དམ་ཚིག་ལ་དགོངས་ནས་མྱུར་དུ་བྱོན་ཅིག །མ་བྱོན་ན་སྲོག་འདི་གཅོད་དེ་ཞེས་པའི་ཚུལ་གྱིས་ཧཱུྃ་ལ་གྲི་གུག་གིས་འཐེན་པས། རང་དབང་མེད་པར་མདུན་གྱི་ནམ་མཁར་སྐད་ཅིག་ལ་བྱོན་པར་བསྒོམ། ཐུགས་ཀའི་ཧཱུྃ་ལས་སོགས། སྤྱན་འདྲེན་གཞུང་ལྟར་བྱ་ཞིང་ཡིད་ཀྱིས་ཅུང་ཟད་བྱོན་སྐྱེམས་ཀྱི་ཚུལ་དུ་མཆོད་ལ། ཛཞེས་དམ་ཚིག་པ་སྤྱི་བོར་འགུགས། ཧཱུྃ་ཞེས་དམ་ཚིག་པ་ཆུ་ལ་ཆུ་ཐིམ་པ་ལྟར་བཞུགས། ཐཾ་ཞེས་དམ་ཡེ་དབྱེར་མེད་དུ་བཅིང་། ཧོཞེས་དེ་ཐམས་ཅད་བྱས་པ་ལ་ཐུགས་མི་དགྱེས་པ་མེད་པར་ཤིན་ཏུ་དགྱེས་པ་བསྐྱེད་པར་བསྒོམས་ལ། ཛཿཧཱུྃ་བཾ་ཧོ༔དམ་ཚིག་པ་

[Full Size]

དང་གཉིས་སུ་མེད་པར་གྱུར་ཞེས་པ་ནི་སྤྱན་འདྲེན་དམིགས་པ་སྟེ་མགོན་པོ་དབང་དུ་བསྡུ་བའི་མན་ངག་གོ ༢ །དེ་ནས་གདན་འབུལ་བཞུགས་གསོལ་ནི་སྔགས་ཙམ་གྱིས་ཆོག་པས། དམ་ཚིག་པ་དང་པོ་ནས་གདན་བསྐྱེད་ནི་ཡོད་ཀྱང་། རང་ཉིད་ཚེ་རིང་བ་དང་མངའ་ཐང་དར་ཞིང་ཆོས་སྲིད་བརྟན་པའི་རྟེན་འབྲེལ་དུ་གདན་འབུལ་ཏེ། ཡིད་ལས་གྲུབ་པའི་རིན་པོ་ཆེའི་ཁྲི་དང་པདྨ་ཉི་ཟླས་མཚན་པའི་ཁྲི་དེ་ཡང་སེང་གེ་གླང་ཆེན་རྟ་དང་པདྨ་མཁའ་ལྡིང་གིས་བཏེག་པ་དང་། ཚངས་པ་དང་དབང་ཕྱུག་དང་དབང་པོ་དང་འཁོར་ལོས་སྒྱུར་བའི་རྒྱལ་པོ་དང་བདུད་དང་སྲེད་མེད་ཀྱི་བུ་དང་། འོག་ནས་བཏེག་པའི་ཁྲི་དཔག་ཏུ་མེད་པ་སྤྲོས་ཏེ་མགོན་པོ་འཁོར་བཅས་ཀྱི་ཁྲི་གདན་ཉི་མས་བཏེག་པས་གཟི་བརྗིད་ལྡན་པར་བསྒོམ། པདྨ་ཀ་མ་ལཱ་ཡེ་ཧཱུྃ། ཞེས་བརྗོད། ༧ དེ་ནས་རང་གི་ཐུགས་ཀ་ནས་མཆོད་པའི་ལྷ་མོ་དཔག་ཏུ་མེད་པ་ཅུང་ཟད་ཁྲོ་མོའི་ཉམས་ཅན་སྤྲོས་ཏེ་མཆོད་པ་རྣམ་ལྔས་མཆོད་པར་དམིགས་ལ། དཔལ་ལྡན་མགོན་པོ་འཁོར་བཅས་ལ། །ཁྲག་ཆེན་ཞེས་བརྗོད་ཅིང་སྔགས་མཆོད་རྒྱས་པར་བྱའོ། ༧ །དེ་ནས་ཕྱག་འཚལ་ཞིང་བསྟོད་ནས་མངའ་གསོལ་ཞིང་སྟོབས་བསྐྱེད་པ་ནི། རང་གི་ཐུགས་ཀའི་

[Full Size]

འོད་ཟེར་གྱིས་བསྐུལ་ནས་ཕྱོགས་བཅུའི་རྒྱལ་བ་སྲས་བཅས་བླ་མ་ཡི་དམ་ཡེ་ཤེས་ཀྱི་ཁྲོ་བོ་ཁྲོ་མོ་མཁའ་འགྲོ་དཔའ་བོ་ཆོས་སྐྱོང་ཐམས་ཅད་ཀྱི་གནས་ལྔ་ནས། ཨོཾ་དཀར་པོ༔ ཨཱདམར་པོ། ཧཱུྃ་མཐིང་ནག །སྭཱ་སེར་པོ། ཧ་ལྗང་ཁུ་རྣམས་དང་འཁོར་ལོ་པདྨ་རྡོ་རྗེ་རྒྱ་གྲམ་དབྱངས་གསལ་རྟེན་འབྲེལ་སྙིང་པོ་དང་འོད་ཟེར་ཁ་དོག་སྣ་ཚོགས་ཆར་ཆེན་པོ་ལྟར་བྱུང་ནས། མགོན་པོའི་གནས་ལྔར་ཐིམ། ༢ ཡང་སྲན་མ་ལ་བསངས་སྦྱངས་བྱས་ནས་བསྐྱེད་པའམ་དམིགས་པས་ཀྱང་ཆོག་སྟེ། བདེ་མཆོག་ཀྱེ་རྡོར་གསང་བདག་སོགས། ཡེ་ཤེས་ཀྱི་ཁྲོ་མོ་བཅུ་དང་། གཤེད་དམར་ནག་འཇིགས་སོགས། ཁྲོ་བོ་བསྐྱེད་ལ་ཡེ་ཤེས་པ་བསྟིམ་པ་དང་། མཆོད་བསྟོད་ཡིད་ཀྱིས་བྱ། དེ་རྣམས་འོད་དུ་ཞུ་ནས་ཁྲོ་ཆུང་ནས་འབྲས་ཙམ་དབྱངས་གསལ་བྱེད་ཕྱག་མཚན་ལྔ་དང་འོད་ཟེར་སྣ་ཚོགས་ཀྱི་རང་བཞིན་དུ་གྱུར་ཏེ། མགོན་པོའི་སྐུ་ལ་ཆིལ་གྱིས་ཐིམ་པར་བསམས་ལ། ནས་སྲན་མ་ཡོད་ན་རྟེན་གཏོར་རམ་སྐུ་འདྲ་ལ་གཏོར། དེས་མཐུ་སྟོབས་རབ་ཏུ་རྒྱས་ཏེ་མགོན་པོ་སྐུ་གཅིག་པོ་དེས་འཁོར་འདས་སྣང་སྲིད་ཐམས་ཅད་ཁྱབ། སྐུ་ཡི་གཟི་བརྗིད་ཚད་མེད་པའི་འོད་ཟེར་གྱིས་རྒྱལ་བ་སྲས་བཅས་

[Full Size]

ཁྲོ་བོ་ཁྲོ་མོ་མཁའ་འགྲོ་ཆོས་སྐྱོང་གི་ཚོགས་འཕྲོས་ཤིང་འདུས་པས། སྣང་སྲིད་ཐམས་ཅད་ཟིལ་གྱིས་གནོན་ཅིང་དབང་དུ་བསྡུ་བར་གྱུར་པས་མཆོད་པའི་ལྷ་མོ་ཤ་སྟགས་སུ་གྱུར་ནས་སུ་མཆོད་པ་དཔག་ཏུ་མེད་པས་མཆོད་ཅིང་གླུ་དབྱངས་རོལ་མོ་སྣ་ཚོགས་དང་བཅས་འཁོར་འདས་ཐམས་ཅད་ཀྱི་དབང་ཕྱུག་བསྟན་པའི་བདག་པོ་ཆེན་པོར་གྱུར། མངའ་གསོལ་ཞིང་བསྟོད་པར་དམིགས་ལ། ཧཱུྃ་ལས་སྐྱེས་པའི་ཞེས་སོགས། དམ་ཅན་ཁྱོད་ལ་བདག་བསྟོད་དོ། །ཞེས་པའི་བར་བརྗོད་པ་ནི་མཐུ་སྟོབས་བསྐྱེད་པའི་མན་ངག་གོ ། ༈ །དེ་ནས་དམ་བཞག་དབང་བསྐུར་ནི་རང་ཡི་དམ་གྱི་ང་རྒྱལ་གྱིས་གསལ་བའི་སྤྱི་བོར་རྡོ་རྗེ་འཆང་། ཀླུ་སྒྲུབ། གྲྭ་ལོ་ལ་སོགས་རང་གི་མགོན་པོ་འདི་ཉིད་གང་ལས་ཐོབ་པའི་བླ་མ་རྣམ་སྤྲིན་འཁྲིགས་པ་ལྟར་སྒོམ། དེ་རྣམས་ཀྱིས་ཀྱང་དམ་བདར་གསུངས་ཤིང་ཆོས་སྐྱོང་འཁོར་བཅས་ཀྱི་དཔྲལ་མཚམས་སུ་དམ་ཚིག་རྡོ་རྗེ་ནག་པོ་རྩེ་ལྔ་པ་རེ་རེ་བཞག །ལྕེ་ལ་དམ་ཚིག་བདུད་རྩི་བྱིན་པར་བསམ། སྤྲོ་ན་བདུད་རྩི་ཐིགས་པ་རྟེན་གཏོར་སོགས་ལ་རྡོ་རྗེའི་རྩེ་ཡིས་ཅུང་ཟད་གཏོར། རང་གི་ཐུགས་ཀ་ནས་འོད་ཟེར་སྔོན་པོ་ལྕགས་ཀྱུ་ལྟ་བུ་འཕྲོས་མགོན་པོའི་ཐུགས་ཀའི་ཧཱུྃ་ལས་

[Full Size]

བཟུང་ནས། སྔོན་གྱི་དམ་ཚིག་ཁས་བླངས་ཐམས་ཅད་བྲན་ནས། ཀྱེ་དཔལ་ཆེན་པོ་ཅི་གསུང་བཀའ་བཞིན་ཏུ་སྒྲུབ་བོ་ཞེས། ཁས་བླངས་དམ་བཅས་ནས་འདར་ཕྲི་ལི་ལི་བྱེད་པར་བསམས་ལ། དམ་ལ་མ་འདའ་ནག་པོ་ཆེ། །སོགས། ཧ་ན་ཧཱུྃ་ཕཊ༔ ཀྱི་བར་བརྗོད། སྔོན་གྱི་དམ་ཚིག་གཉེན་པོ་དགོངས། །ཞེས་པའི་སྐབས་སུ། རྡོ་རྗེ་འཆང་དང་བདེ་མཆོག་གསང་བའི་བདག་པོ་ཀླུ་སྒྲུབ་གྲྭ་ལོ་དུས་མཁྱེན་མཁའ་སྤྱོད་པ་ཡབ་སྲས་ཞྭ་དམར་དྲུག་པ་ན་རིམ་སོགས་ཀྱིས། བཀའ་བསྒོས་དམ་བཞག་ཐམས་ཅད་མི་བསྙེལ་བར་རྗེས་སུ་དྲན་པར་བསྒོམ་མོ། ༢ །དེ་ནས་ཐུགས་ཀ་ནས་འོད་ཟེར་འཕྲོས་ནས་རིགས་ལྔ་ཡབ་ཡུམ་བཞི་སེམས་དཔའ་སེམས་མའི་ཚོགས་དང་འཁོར་ལོ་བདེ་མཆོག་ཡབ་ཡུམ་སྙིང་པོ་ཡིས་རྣལ་འབྱོར་མ་བཞི་སོགས། ཁྲོ་བོ་ཁྲོ་མོའི་ཚོགས་སྤྱན་དྲངས་ཡིད་ཀྱིས་མཆོད་བསྟོད་བྱས་ནས་ཡིད་ཀྱིས་གསོལ་བ་བཏབ་པས། ཡུམ་བཞིས་བུམ་པ་བདུད་རྩིས་གང་བ་ཐོགས་ཏེ་དབང་བསྐུར་། རིགས་ལྔས་དབང་བསྐུར་བའི་དགོངས་པ་མཛད། སེམས་དཔའ་སེམས་མ་རྣམས་ཀྱིས་བཀྲ་ཤིས་བརྗོད་པ་དང་། གླུ་དང་རོལ་མོ་བྱེད་ཅིང་བདུད་རྩིས་ཆུས་སྐུ་གང་དྲི་མ་དག་

[Full Size]

ཆུ་ཡི་ལྷག་མ་ཡར་འཁྱིལ་བ་ལས་གཙོ་བོ་ལ་སྤྱི་བོར་བདེ་མཆོག་ལྷན་སྐྱེས་ཡབ་ཡུམ་ལ་འཇིགས་བྱེད་དང་དུས་མཚན་གདན་མེད་པ་གཅིག་གིས་དབུ་བརྒྱན་ཏེ། དེ་ཡང་གོང་མི་ནོན་དོགས་ཤིང་འཚུབ་ཆེ་ན་བདེ་མཆོག་སྐུ་ཆེ་བ་ཉི་མ་འབུམ་གྱི་གཟི་བརྗིད་ཅན། ཡང་རྟགས་བུར་དོགས་ན་སོར་བཞི་ཙམ་གཅིག་བྷེ། དེ་ཡང་དྲི་མ་དག་ཟེར་བ་ནི་ལྷ་ལ་དྲི་མ་ཡོད་པ་མ་ཡིན་ཏེ། རང་གི་རྣམ་རྟོག་གི་དྲི་མ་སྦྱང་བའི་ཕྱིར་རོ། །དེ་ནས་བདེ་མཆོག་ཡབ་ཡུམ་སྙོམས་པར་ཞུགས་པའི་སྒྲས་སངས་རྒྱས་བྱང་སེམས་སྤྱན་དྲངས་ནས་བདེ་མཆོག་གི་ཞལ་དུ་ཞུགས་སྐུ་ཡི་དབྱིབས་བརྒྱུད་ནས་བདུད་རྩི་བྱང་སེམས་དུ་ཞུ་བ་སྦྱོར་མཚམས་ནས་མར་བབས་པས། མགོན་པོའི་ཚངས་བུག་ནས་ཞུགས་ཐུགས་ཀ་ཡན་ཆད་གང་ཐུགས་ཀའི་ཧཱུྃ་སྔར་བས་ཀྱང་སྔོ་ལ་འཚེར་བར་གྱུར་མགྲིན་པ་མན་ཆད་གང་ཨཱཡིག་སྔར་བས་ཀྱང་དམར་ལ་འཚེར། སྤྱི་བོ་མན་ཆད་གང་ཨོཾ་ཡིག་སྔར་བས་ཀྱང་དཀར་ལ་འོད་དུ་འབར། ཆུ་ལྷག་ཡར་ལུད་པ་ལ་བདེ་མཆོག་ཡབ་ཡུམ་སྔར་བས་ཀྱང་གཟི་བརྗིད་ཆེ་བ་ཉི་མ་འབུམ་གྱི་གཟི་བརྗིད་ཅན་དུ་བསྒོམ། བྱ་རོག་གདོང་སེང་གདོང་ཡབ་ཡུམ་ལེགས་ལྡན་མཁའ་འགྲོ་བརྒྱུད་རྣམས་ལ་ཕྱག་བཞི་པ་སོར་བཞི་ཙམ་རེ་

[Full Size]

དང་། ནག་པོ་སྟོང་ལ་བྱ་རོག་གདོང་། ཤ་ཟ་འབུམ་ལ་སེང་གེའི་གདོང་། མ་མོ་བྱེ་བར་ཙཎྜི་ཀ །གནོད་སྦྱིན་ཁྲི་ལ་ལེགས་ལྡན་རྣམས་སོར་བཞི་ཙམ་གྱིས་བརྒྱན་པར་མོས། འཁོར་རྣམས་ལ་མ་བྱས་ཀྱང་རུང་སྟེ། ཅུང་ཟད་རྩུབ། དེ་ནས་ཕྱག་དྲུག་པ་སོགས་ལྷ་མགྲོན་ཐམས་ཅད་ལ་རང་རང་གི་རིགས་བདག་བསམ། ཡང་ན་མི་བསྐྱོད་པས་དབུ་བརྒྱན་པར་བསྒོམ། ཡང་འཁོར་ཐམས་ཅད་ལ་མི་བསྐྱོད་པས་དབུ་བརྒྱན་ན་རྒྱུད་འཇམ་པའི་གནད་ཡོད་དོ། །དེ་ནས་བསྙེན་པ་བྱ་བ་ནི། ཕྲེང་བ་དབྱངས་གསལ་ཞུ་བ་ལ་མི་མགོའི་ཕྲེང་བར་བསྒོམ་ཞིང་། ཨོཾ་རུ་ཙི་ར་མ་ཎི་པྲ་བརྡ་ན་ཡེ་སྭཱ་ཧཱ། ཞེས་བདུན་གྱིས་ཕྲེང་བ་སྙིམ་པར་བཅུག་སྟེ་ཕུས་བཏབ། དེ་ནས་རང་གི་སྙིང་ཁར་ཉི་མའི་སྟེང་དུ་བདེ་མཆོག་ཡིན་ན་ཧཱུྃ་ལ་ཨོཾ་ཧཱིཧ་ཧ་ཧཱུྃ་ཧཱུྃ་ཕཊ་ཀྱིས་གཡས་སུ་བསྐོར་བར་བསྒོམ། དེ་ནས་ཕག་མོ་རྒྱལ་བ་རྒྱ་མཚོ་སོགས་ལ་ཧིལ་རང་སྔགས་ཀྱིས་བསྐོར་བར་བསྒོམ། མགོན་པོའི་ཐུགས་ཀར་ཡང་ཉི་མའི་གདན་ལ་ཧཱུྃ་ལ་ཕྱི་སྒྲུབ་ནང་སྒྲུབ་གསང་སྒྲུབ་གང་ཡིན་དེ་ཡི་སྔགས་ཀྱིས་གཡས་སུ་བསྐོར་བར་བསྒོམ། ༧ དེ་ནས་རྒྱུན་ཁྱེར་གྱི་བསྙེན་པ་ཕྲེང་བསྐོར་ཙམ་ལས་མི་བྱེད་ན་དམིགས་པ་

[Full Size]

བསྡུས་པ་ནི། རང་གི་ཐུགས་ཀའི་ས་བོན་ལས་འོད་ཟེར་ཁ་དོག་སྣ་ཚོགས་འཕྲོས། མགོན་པོའི་ཐུགས་ཀའི་ཧཱུྃ་སྔགས་ཕྲེང་དང་བཅས་པ་ལ་ཕོག་ཐུགས་དམ་གྱི་རྒྱུད་བསྐུལ་ཏེ་སྐུ་གསུང་ཐུགས་ཀྱི་བྱིན་རླབས་དངོས་གྲུབ་ཐམས་ཅད་འོད་ཟེར་ཁ་དོག་སྣ་ཚོགས་པའི་རྣམ་པར་མགོན་པོའི་ཞལ་ནས་ཐོན། རང་གི་ཞལ་དུ་ཞུགས་ནས་རང་གི་ཐུགས་ཀའི་ས་བོན་དང་སྔགས་ཕྲེང་ལ་ཐིམ་པས་ཡེ་ཤེས་ཀྱི་མགོན་པོའི་བྱིན་རླབས་དང་དངོས་གྲུབ་ཐམས་ཅད་བདག་གིས་ཐོབ་ཅིང་། དེ་མ་ཐག་མགོན་པོ་འཁོར་དང་བཅས་པ་སྤྲུལ་པའི་ཕོ་ཉེས་ཞི་བའི་ལས་མཛད་དཀར་མོ་འབུམ་སྡེ་ལྷ་བརྒྱད་ཀླུ་བརྒྱད་སོགས། སྤྲོས་ནས་ནད་གདོན་བར་ཆད་ཐམས་ཅད་ཞི་བར་བྱས། རྒྱས་པའི་ཕོ་ཉ་སེར་མོ་འབུམ་སྡེ་གནོད་སྦྱིན་ཆེན་པོ་བརྒྱད་གང་པོ་མཛེས་མ་སོགས་གནོད་སྦྱིན་ཁྲི་ཡི་ཚོགས་འཕྲོས་ཚེ་བསོད་དཔལ་འབྱོར་རྒྱས་པར་བྱས། དབང་གི་ལས་མཛད་དམར་མོ་འབུམ་སྡེ་མ་མོ་བྱེ་བ་རྣམས་འཕྲོས་པས་འཇིག་རྟེན་བྱེ་བ་ཐམས་ཅད་དབང་དུ་བསྡུས། དྲག་པོའི་ལས་མཛད་ལྗང་མོ་འབུམ་སྡེ་ནག་མོ་སྟོང་ཤ་ཟ་འབུམ་རྣམས་འཕྲོས་ནས་དགྲ་བགེགས་ཐམས་ཅད་བསད་བཅད་ཟོས་ནས་རྗེས་ཀྱང་མེད་པར་བསྒོམས་ལ། བདག་

[Full Size]

ཉིད་བཅོམ་ལྡན་འཇིག་རྟེན་སོགས་ཞེས་པ་ནས། བསྒྲུབ་པར་གྱུར། ཞེས་པའི་སྦྲེལ་མའམ་མ་སྦྲེལ་ཀྱང་རུང་སྟེ། ཀ་ཝུ་ཝ་ཝ་པ་སོགས།་བརྒྱ་ཕྲག་ཙམ་བསྙེན་ནས་གཏོར་མ་བསྔོ་བ་རྒྱུན་གྱི་ཉམས་ལེན་མཛོད། འདི་མཚམས་སྒྲུབ་དུས་ཡིན་ནའང་དང་པོ་རང་གི་ཐུགས་ཀ་ནས་འོད་ཟེར་སྣ་ཚོགས་འཕྲོས། རང་གི་ཞལ་ནས་ཐོན། མཆོད་པའི་ཚུལ་དུ་མགོན་པོའི་ཞལ་དུ་ཞུགས། མགོན་པོའི་ཐུགས་ཀའི་ཧཱུྃ་ལ་ཐིམ་པས་ཐུགས་རྒྱུད་བསྐུལ། ཧཱུྃ་དེ་ལས་འོད་ཟེར་ཁ་དོག་སྣ་ཚོགས་བྱུང་མགོན་པོའི་ཐུགས་ཀ་ནས་དངོས་གྲུབ་དང་བྱིན་རླབས་ཀྱི་ཚུལ་དུ་ལྟེ་བ་ནས་ཐོན། རང་གི་ལྟེ་བར་ཞུགས་ཐུགས་ཀའི་ཧཱུྃ་ལ་ཐིམ་པས་དངོས་གྲུབ་ཐོབ་པར་བསྒོམ་སྟེ་འོད་ཕྲེང་བ་ལྟར་བར་མ་ཆད་པར་སྒ་ར་ར་འཁོར་བར་བྷེ། གཙོ་ཆེར་བསྙེན་པའི་དམིགས་པའོ། །དེ་ནས་རང་གི་ཐུགས་ཀ་ནས་སྔགས་ཕྲེང་ཡང་བདེ་མཆོག་ཕག་མོ་ལ་སོགས་པ་གཡོན་དུ་ཀྱི་ལི་ལི་འཁོར། རྒྱལ་བ་རྒྱ་མཚོ་གུ་དྲག་སོགས་ལ་གཡས་སུ་འཁོར།་མགོན་པོ་གཙོ་འཁོར་ཐམས་ཅད་ཀྱི་ཐུགས་ཀར་ལྷ་ཕོ་ཐམས་ཅད་གཡས་དང་ལྷ་མོ་ཐམས་ཅད་གཡོན་དུ་སྔགས་ཕྲེང་འཁོར་བཞིན་པ་ལས། རང་གི་ཐུགས་ཀ་ནས་

[Full Size]

འོད་ཟེར་དཀར་པོ་མཆོད་པའི་རང་བཞིན་འཕྲོས། ཞལ་ནས་ཐོན་མགོན་པོའི་ཞལ་དུ་ཞུགས་པས་མགོན་པོ་མཉེས། མགོན་པོའི་ཐུགས་ཀའི་ཧཱུྃ་ལ་ཐིམ་པས་སྔོན་བཅོམ་ལྡན་འདས་ཀྱི་སྤྱན་སྔར་ཁས་བླངས་མི་བརྗེད་པར། སྐུ་ཡི་བྱིན་རླབས་ཞི་བའི་དངོས་གྲུབ་ཐམས་ཅད་འོད་ཟེར་དཀར་པོའི་རྣམ་པར་བསྡུས། ཐུགས་ཀ་ནས་ཚུར་བྱུང་རང་གི་སྙིང་ཁར་ཐིམ་པས་རྒྱུན་མ་ཆད་པར་བྷེ། བར་གྱི་འོད་ཟེར་དེ་ཡང་འོད་ཟེར་དཔག་མེད་འཕྲོས་ཏེ་ཕྱོགས་བཅུའི་རྒྱལ་བ་སྲས་བཅས་བླ་མ་ཡི་དམ་སངས་རྒྱས་བྱང་སེམས་མཁའ་འགྲོ་ཆོས་སྐྱོང་ཐམས་ཅད་ཀྱི་སྐུ་ལ་མཉེས་པའི་མཆོད་པ་དཔག་ཏུ་མེད་པ་ཕུལ། དེ་རྣམས་ཀྱི་དཔྲལ་བ་ནས་སྐུ་ཡི་བྱིན་རླབས་དངོས་གྲུབ་ཐམས་ཅད་ཐོབ། ཡང་བར་གྱི་འོད་ཟེར་དེ་ལས་འོད་ཟེར་དཀར་པོ་དཔག་ཏུ་མེད་པ་འཕྲོས། སྣང་སྲིད་ཀྱི་ལྷ་སྲིན་བདུད་དང་དྲེགས་པ་ཅན་ཐམས་ཅད་དང་རིགས་དྲུག་གི་སེམས་ཅན་ཐམས་ཅད་ལ་ཕོག །ཐམས་ཅད་ཀྱི་ལུས་ཀྱི་སྒྲིབ་པ་དག །ཉོན་མོངས་པ་གཏི་མུག་སྦྱངས། ཆོས་དབྱིངས་ཡེ་ཤེས་ལ་བཀོད། དྲེགས་པ་ལྷ་སྲིན་རིགས་དྲུག་གི་སྐྱེ་འགྲོ་ཐམས་ཅད་ཀྱི་ཚེ་དང་བསོད་ནམས་དཔལ་དང་གཟི་བརྗིད་ཐམས་ཅད་ལུས་ཀྱི་སྟོབས་དང་ནུས་

[Full Size]

པ་ཐམས་ཅད་འོད་ཟེར་དཀར་པོའི་རྣམ་པར་བསྡུས་ནས། རང་ལ་ཐིམ་པས་སྣང་སྲིད་ཐམས་ཅད་ཀྱི་ལུས་དབང་དུ་བསྡུས་ཤིང་ཟིལ་གྱིས་གནོན་པར་བསྒོམ། དེ་ནི་ཐོ་རངས་ནས་ཉི་དྲོས་བར་དང་། དེ་ནས་རང་གི་ཐུགས་ཀ་ནས་འོད་ཟེར་སེར་པོ་འཕྲོས། ཞལ་ནས་ཐོན་ཏེ་མཆོད་པའི་རང་བཞིན་གྱིས་མགོན་པོའི་ཞལ་དུ་ཞུགས་པས་ཐུགས་དགྱེས། །ཐུགས་ཀའི་ཧཱུྃ་ལ་ཐིམ་པས་སྔོན་རྒྱལ་བའི་སྤྱན་སྔར་ཁས་བླངས་པ་མི་བརྗེད་པར། ཡོན་ཏན་གྱི་བྱིན་རླབས་རྒྱས་པའི་དངོས་གྲུབ་ཐམས་ཅད་འོད་ཟེར་སེར་པོའི་རྣམ་པར་ཚུར་བྱུང་། རང་ཐིམ་པས་རྒྱུན་མ་ཆད་པར་སེར་སྒ་ར་ར་འཁོར། བར་གྱི་འོད་ཟེར་དེ་ལས་འོད་ཟེར་གྱི་ཚོགས་འཕྲོས། རྒྱལ་བ་སྲས་བཅས་ཐམས་ཅད་དང་ཁྱད་པར་དུ་རྒྱས་པའི་ལྷ་ཚོགས་ཐམས་ཅད་ཀྱི་ཡོན་ཏན་མཉེས་པའི་མཆོད་པ་ཕུལ། དེ་རྣམས་ཀྱི་ལྟེ་བ་ནས་ཡོན་ཏན་གྱི་དངོས་གྲུབ་དང་། ཚེ་བསོད་རྒྱས་པའི་དངོས་གྲུབ་ཐམས་ཅད་དང་། རིན་པོ་ཆེ་སེར་པོ་ཏྭཾ་གྱི་མཚན་པ་ལས་འོད་ཟེར་སེར་པོ་དང་བཅས་པ་དཔག་ཏུ་མེད་པ་ཆར་བབ་པ་ལྟར་བྱོན་ནས་རང་གི་ལྟེ་བ་ལ་ཐིམ་པས་ཡོན་ཏན་གྱི་དངོས་གྲུབ་ཐོབ་པར་བསྒོམ་སྟེ། ཉི་དྲོས་ནས་ཕྱེད་ཡོལ་

[Full Size]

བར་དུའོ། །དེ་ནས་ཡང་རང་གི་ཐུགས་ཀའི་ས་བོན་ལས་འོད་ཟེར་དམར་པོ་འཕྲོས་ཞལ་ནས་ཐོན། མཆོད་པའི་ཚུལ་དུ་མདུན་བསྐྱེད་ཀྱི་ཞལ་དུ་ཞུགས་པས་ཐུགས་མཉེས། ཐུགས་ཀའི་ཧཱུྃ་ལ་ཐིམ་པས་ཧེ་རུ་ཀའི་སྤྱན་སྔར་ཁས་བླངས་པ་དྲན། གསུང་གི་བྱིན་རླབས་དབང་གི་དངོས་གྲུབ་ཐམས་ཅད་འོད་ཟེར་དམར་པོའི་རྣམ་པར་ཐུགས་ཀ་ནས་བྱུང་། རང་གི་སྙིང་ཁར་ཐིམ་པས་གསུང་གི་བདུད་རྩི་དང་བྱིན་རླབས་དང་དབང་གི་དངོས་གྲུབ་ཐམས་ཅད་འོད་ཟེར་དམར་པོའི་རྣམ་པར་ཐུགས་ཀ་ནས་བྱུང་། དེ་ལྟར་འོད་ཟེར་དམར་པོ་ཀྱི་ལི་ལི་རྒྱུན་མ་ཆད་པར་འཁོར། བར་གྱི་འོད་ཟེར་ལས་འོད་ཟེར་གྱི་ཚོགས་འཕྲོས་པས་རྒྱལ་བ་སྲས་བཅས་དང་དབང་གི་ལྷ་ཚོགས་ཐམས་ཅད་ཀྱི་གསུང་ལ་མཉེས་པའི་མཆོད་པ་ཕུལ། དེ་རྣམས་ཀྱི་མགྲིན་པ་ནས་གསུང་གི་བྱིན་རླབས་དང་དབང་གི་དངོས་གྲུབ་ཐམས་ཅད་པདྨ་དམར་པོ་ཨཱུས་མཚན་པ་དང་འོད་ཟེར་དམར་པོ་བཅས་ཆར་ལྟར་བབས་ནས་རང་གི་མགྲིན་པར་ཐིམ་པས་གསུང་གི་བྱིན་རླབས་དང་དབང་གི་དངོས་གྲུབ་རྒྱ་ཆེན་པོ་ཐོབ་པར་བྷེ་སྟེ། ཕྱེད་ཡོལ་ནས་དགོང་མོ་དམར་ཐག་ཆད་བར་དུའོ། །དེ་ནས་རང་གི་ཐུགས་ཀ་ནས་འོད་ཟེར་ལྗང་ནག་འཕྲོས་ཞལ་ནས་

[Full Size]

མཆོད་པའི་ཚུལ་དུ་མགོན་པོའི་ཞལ་དུ་ཞུགས་ཐུགས་ཀར་ཐིམ་པས་ཧེ་རུ་ཀའི་སྤྱན་སྔར་ཁས་བླངས་པ་དྲན་ནས། ཕྲིན་ལས་ཀྱི་བྱིན་རླབས་དྲག་པོའི་དངོས་གྲུབ་ཐམས་ཅད་འོད་ཟེར་ལྗང་ནག་ཚུལ་དུ་འཕྲོས་ཐུགས་ཀ་ནས་ཚུར་བྱུང་རང་གི་ཐུགས་ཀར་ཐིམ་པས་ཕྲིན་ལས་སྣ་ཚོགས་དྲག་པོའི་མཐུ་ཡི་དངོས་གྲུབ་ཐོབ། དེ་ལྟར་རྒྱུན་མ་ཆད་པར་འོད་ཟེར་ལྗང་ནག་ཁྱུག་ཁྱུག་འཁོར་བའི་འོད་ཟེར་སྣ་ཚོགས་འཕྲོས་པས་ཕྱོགས་བཅུའི་ཧེ་རུ་ཀ་དང་ཁྲོ་བོ་ཁྲོ་མོ་དྲག་པོའི་ལྷ་ཚོགས་ཀྱི་འཕྲིན་ལས་ལ་མཉེས་མཆོད་ཕུལ། དེ་རྣམས་ཀྱི་གསང་གནས་ནས་དྲག་པོ་མཐུ་ཡི་དངོས་གྲུབ་ཐམས་ཅད་འོད་ཟེར་ལྗང་ནག་དང་རྒྱ་གྲམ་ཧཱས་མཚན་པ་ཆར་ལྟར་བབས་ནས་རང་གི་གསང་གནས་སུ་ཐིམ་པས། ཕྲིན་ལས་ཀྱི་བྱིན་རླབས་དང་དྲག་པོའི་དངོས་གྲུབ་ཐོབ་པར་བྷེ་སྟེ། དེ་ནན་མུན་རུབ་ནས་ནམ་ཕྱེད་བར་དུའོ། །ཡང་དེ་དག་གི་ཐུན་མཚམས་རྣམས་སུ་དུས་ནམ་ཡང་རུང་སྟེ། རང་གི་ཐུགས་ཀ་ནས་འོད་ཟེར་སྔོན་པོ་ནམ་མཁའ་སྤྲིན་བྲལ་མདོག་ལྟ་བུ་འཕྲོས། ཞལ་ནས་ཐོན་མགོན་པོའི་ཞལ་དུ་ཞུགས་པས་མཆོད་པས་མཉེས། ཐུགས་ཀའི་ཧཱུྃ་ལ་ཐིམ། ཐུགས་དམ་བསྐང་དམ་ཚིག་རྗེས་སུ་དྲན། མཆོག་གི་

[Full Size]

དངོས་གྲུབ་ཀྱི་ངོ་བོ་འོད་ཟེར་སྔོན་པོ་ཐུགས་ཀ་ནས་བྱུང་། རང་གི་ཐུགས་ཀར་ཐིམ། མཆོག་གི་དངོས་གྲུབ་ཐོབ་སྟེ་རིག་འཛིན་རྒྱུད་ལ་སྐྱེས་པར་བསམ་སྟེ། རྒྱུན་མ་ཆད་པར་ཀྱི་ལི་ལི་འཁོར་བར་བསམ། བར་གྱི་འོད་ཟེར་ལས་འོད་ཟེར་ཆེན་པོ་ཕྱོགས་བཅུར་འཕྲོས་པས་བླ་མ་བཀའ་བརྒྱུད་གྲུབ་ཐོབ་ཕོ་མོ་ཡི་དམ་ལྷ་ཚོགས་སངས་རྒྱས་བྱང་སེམས་ཐམས་ཅད་ཀྱི་ཐུགས་ལ་མཆོག་གི་མཆོད་པ་ཕུལ། དེ་ཐམས་ཅད་ཀྱི་ཐུགས་ཀ་ནས་རྡོ་རྗེ་སྔོན་པོ་ཧཱུྃ་གིས་མཚན་པ་ལས་འོད་ཟེར་སྔོན་པོ་དང་བཅས་པ་ཆར་དྲག་ལྟར་རང་གི་སྙིང་ཁར་ཐིམ་པས་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་བྷྱོ། དེ་ཐམས་ཅད་ཀྱི་ཚེ་ཡང་བདག་མདུན་གྱི་ཐུགས་ཀར་སྔགས་ཕྲེང་འཁོར་བཞིན་པ་དང་ལྷ་ཚོགས་ཐམས་ཅད་ཀྱིས་སྔགས་སྒྲ་དི་རི་རི་སྒྲོགས་པར་བྷེ། །རིགས་དྲུག་གི་སེམས་ཅན་མགོན་པོའི་སྐུ་ཤ་སྟགས་སུ་གྱུར་ཏེ་རམ་བུའི་ཚུལ་དུ་སྔགས་སྒྲ་དི་རི་རི་སྒྲོགས་པར་བྷྱོ། ཡང་གཏོར་སྒྲུབ་ལ་སོགས་ཐུན་བར་ལ་བསྒྲུབ་པའི་དམིགས་པ་བསྡུས་པ་ཙམ་བྱེད་ན། སྔགས་འཁོར་བ་རམ་བུ་གོང་ལྟར་ལས། རང་གི་ཐུགས་ཀའི་འོད་ཟེར་ཁ་དོག་ལྔ་འཇའ་ཚོན་ལྟ་བུར་འཕྲོས་ཞལ་ནས་ཐོན། མགོན་པོའི་ཞལ་དུ་ཞུགས་པས་མཆོད་པས་

[Full Size]

མཉེས། ཐུགས་ཀར་ཐིམ་པས་སྔོན་གྱི་ཐུགས་དམ་རྗེས་སུ་དྲན། སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་མཆོག་དང་ཐུན་མོང་གི་དངོས་གྲུབ་ཐམས་ཅད་འོད་ཟེར་ཁ་དོག་ལྔ་ཡི་རྣམ་པར་ཐོན། འཇའ་ཚོན་ལྟར་ཐུགས་ཀར་བྱོན། རང་གི་ཐུགས་ཀར་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་མཆོག་ཐུན་མོང་གི་དངོས་གྲུབ་ཐོབ། དེ་ལྟར་ཀྱི་ལི་ལི་འཁོར་ཞིང་བར་གྱི་འོད་ཟེར་གྱི་ཚོགས་འཕྲོས། བླ་མ་ཡི་དམ་རྒྱལ་བ་སྲས་བཅས་མཁའ་འགྲོ་ཆོས་སྐྱོང་ཐམས་ཅད་སྐུ་གསུང་ཐུགས་ཡོན་ཏན་ཕྲིན་ལས་ལ་མཉེས་མཆོད་ཕུལ། དེ་རྣམས་ཀྱི་སྐུ་ཡི་ཆ་ཐམས་ཅད་ནས་འོད་ཟེར་ཁ་དོག་སྣ་ཚོགས་དང་། ཕྱག་མཚན་ལྔ། ཡིག་འབྲུ་ལྔ་རྣམས་བྱིན་རླབས་དངོས་གྲུབ་ཀྱི་ངོ་བོར་ཆར་ལྟར་བབས་ནས་རང་གི་ལུས་ཀྱི་ཆ་ཐམས་ཅད་ལ་མཚོ་ལ་ཁ་བ་བབས་པ་ལྟར་ཐིམ་པས་བྱིན་རླབས་དངོས་གྲུབ་ཐོབ་པར་བྷེ། དེ་དག་ཐམས་ཅད་ནི་སྒྲུབ་པའི་དམིགས་རིམ། དེ་ནས་ལས་སྦྱོར་གྱི་དམིགས་རིམ་འཛབ་དགོངས་འཕྲོ་འདུ་བྱ་ཚུལ་ནི། རང་དང་མདུན་བསྐྱེད་ཀྱི་ཐུགས་ཀར་ཧཱུྃ་ལ་སྔགས་ཕྲེང་བསྐོར་ཡོད་པ་ལས་ཧཱུྃ་གི་རྩེ་ནས་འོད་ཟེར་སྔགས་ཡིག་འབྲུའི་ཕྲེང་བ་དཀར་པོ་མུ་ཏིག་གི་

[Full Size]

ཕྲེང་བ་ལྟ་བུ་བྱུང་ནས་རང་གི་སྡིག་སྒྲིབ་དང་ཉོན་མོངས་པ་ཐམས་ཅད་ཞི་བར་བྱས་ནས། རང་གི་ཞལ་ནས་ཐོན་མགོན་པོའི་ཞལ་དུ་ཞུགས་ཐུགས་ཀར་བརྒྱུད་པས་ཞི་བའི་ལས་བཅོལ། མགོན་པོའི་མི་བསྙེལ་བའི་ཞི་བའི་ཕྲིན་ལས་ལ་དགོངས་ཏེ།་མགོན་པོའི་ཐུགས་ཀ་ནས་ཚུར་བྱུང་བར་དུ་འཁོར་ཚེ་ནད་གདོན་དམིགས་བྱ་གང་ཡིན་དེ་བ་མོར་ཉི་ཟེར་ཕོག་པ་ལྟར་ཞི། རང་གི་སྙིང་ཁར་བརྒྱུད་ནས་ཧཱུྃ་ལ་ཐིམ་པས་སྡིག་སྒྲིབ་སོགས་ཞི་བར་བསྒོམ་སྟེ། ཐོ་རངས་ནས་སྔ་དྲོའི་ཆ་ལ་བཟླས་ཤིང་སྔགས་ཤམ་ལ་ནད་གདོན་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། །ཞེས་བརྒྱ་སྐོར་ཙམ་སྦྱར་ཞིང་མཇུག་ཏུ། ནད་གདོན་སྡིག་སྒྲིབ་བྱུར་དང་སྐལ་པ་ངན་པ། སྟེང་ལྷ་ཡི་གདུག་པ། འོག་ཀླུ་ཡི་གདུག་པ། བར་མི་དང་མི་མ་ཡིན་གྱི་གནོད་པ་མོ་ལྟས་མཚན་ངན་བདུད་ཀྱི་ཞགས་པ་གཤིན་རྗེའི་ཕོ་ཉ་བྱུར་དང་སྐལ་པ་ངན་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་འདོད་དོན་གསོལ་བ་བཏབ་བོ། །དེ་ནས། རང་གི་ཐུགས་ཀ་ནས་ཡིག་འབྲུ་གསེར་བཙོ་མའི་ཁ་དོག་རྨ་བྱའི་ཆུན་པོའི་དབྱིབས་ཅན་གྱི་ཕྲེང་བ་ཞལ་ནས་ཐོན། མགོན་པོའི་ཞལ་དུ་ཞུགས་ནས་ཐུགས་ཀར་བརྒྱུད་པས་རྒྱས་པའི་ལས་བཅོལ་མགོན་པོའི་མི་བསྙེལ་

[Full Size]

བར་གྱུར། ཐུགས་ཀ་ནས་ཚུར་བྱུང་ནས། རང་གི་དབང་ཐང་མངའ་རིས་ལོངས་སྤྱོད་སྙན་གྲགས་ཐམས་ཅད་རྒྱས། ཚུར་བྱོན་རང་གི་ཐུགས་ཀར་འཁོར་བས་ཚེ་བསོད་དཔལ་དང་གཟི་བརྗིད་ཡེ་ཤེས་ཡོན་ཏན་ཐམས་ཅད་རྒྱས་པར་བྷེ། དེས་ཉི་དྲོས་ནས་ཕྱེད་ཡོལ་བར་དུའོ། །སྔགས་ཤམ་དུ། ཚེ་དང་བསོད་ནམས་ཡེ་ཤེས་ཐམས་ཅད་པུཥྚིཾཀུ་རུ་ཡེ་ཨོ། ཞེས་བརྒྱ་རྩ་དང་། བདག་གི་ཚེ་བསོད་དཔལ་དང་འབྱོར་པ་ཁ་རྗེ་དབང་ཐང་ཉམས་དང་རྟོགས་པ་ཡེ་ཤེས་ཡོན་ཏན་ཐམས་ཅད་པུཏྟིཾ་ཀུ་རུ་ཡེ་ཨོ། ཞེས་འདོད་དོན་གསོལ། །དེ་ལྟར་ཞི་རྒྱས་གཉིས་ནི་ཕར་འཁོར་བ་ཡིན་ལ། དབང་དྲག་གཉིས་ཚུར་འཁོར་བ་ཡིན། མགོན་པོའི་ཐུགས་ཀའི་ཧཱུྃ་གི་རྩེ་མོ་ནས་སྔགས་ཕྲེང་ཡི་གེའི་ཕྲེང་བ་དམར་པོ་ལྕགས་སྒྲོག་གི་དབྱིབས་ཅན་འཕྲོས་ཞལ་ནས་ཐོན། ཚུར་བྱོན་རྒྱལ་བློན་ཡུལ་འཁོར་དམིགས་ཡུལ་ཐམས་ཅད་དབང་དུ་བསྡུས། རང་གི་ཞལ་དུ་ཞུགས་པ་ཐུགས་ཀར་བརྒྱུད་ནས་རང་སེམས་དབང་དུ་བསྡུས་ནས་ཉོན་མོངས་པ་ཐམས་ཅད་གྲོགས་སུ་འཆར་ཞིང་དམིགས་བྱ་དབང་དུ་འདུས། རང་གི་ཐུགས་ཀ་ནས་ཐོན་མགོན་པོའི་ཐུགས་ཀར་བརྒྱུད་ཚེ། དབང་གི་ཕྲིན་ལས་བཅོལ་བ་དེ་

[Full Size]

མགོན་པོའི་མི་བསྙེལ་བར་ཕྲིན་ལས་ལ་དགོངས་པ་གཏད་པར་བྷེ། ཕྱེད་ཡོལ་ནས་ཉིན་གུང་བར་དུའོ། །སྔགས་ཤམ་དུ། ཁམས་གསུམ་སྲིད་གསུམ་པ་ཤཾ་ཀུ་རུ་ཡེ་སྭཱ་ཧཱ། ཞེས་བརྒྱ་རྩ་དང་། སྟེང་ལྷ་འོག་ཀླུ་བར་མིའི་རྒྱལ་པོ་བློན་པོ་བཙུན་མོ་འབངས་འཁོར་ཟས་ནོར་ལོངས་སྤྱོད་འབྲུ་བཅུད་ཐམས་ཅད་པ་ཤཾ་ཀུ་རུ་ཡེ་སྭཱ་ཧཱ། ཞེས་འདོད་དོན་གསོལ། དེ་ནས་མགོན་པོའི་ཐུགས་ཀའི་སྔགས་ཕྲེང་ལས་འོད་ཁ་དོག་ནག་པོ་ཁྱུག་ཁྱུག་ལྟ་བུ་བྱུང་། ཞལ་ནས་ཐོན་ཚུར་བྱུང་བས་དགྲ་བགེགས་གནོད་བྱེད་ཐམས་ཅད་བསད་བཅད་གཏུབས་ནས་ཚར་ལྕོབཅད་། སྔགས་ཕྲེང་རང་གི་ཞལ་ནས་ཐུགས་ཀར་བརྒྱུད་པས་རང་གི་བར་ཆད་ཉོན་མོངས་པ་ཐམས་ཅད་མེད་པར་བྱས། རང་གི་ཐུགས་ཀ་ནས་འོད་ཟེར་འཕྲོས་མགོན་པོའི་ཐུགས་ཀར་འཁོར་བས། དྲག་པོའི་ལས་བཅོལ་བ་མི་བསྙེལ་བར་དྲག་པོའི་ལས་ལ་བརྩོན་པར་བྷེ་སྟེ། །མུན་རུབ་ནས་ནམ་ཕྱེད་བར་དུའོ། །སྔགས་ཤམ་ལ། དགྲ་བགེགས་མཱ་ར་ཡ་ཧཱུྃ་ཕཊ༔ ཅེས་དང་། འཁོར་རྣམས་ཀྱི་སྔགས་ལ། ཤཱ་ས་ན་ལ་ཡང་དགྲ་བགེགས་མཱ་ར་ཡ་ཧཱུྃ་ཕཊ། ཅེས་སྦྱར་བ་ཅུང་ཟད་བརྗོད། ཅེས་པ་འདི་ནི་སྤུ་གྲི་ཀླད་གཟེར་རྒྱུད་ནས་གསལ་བར་

[Full Size]

གསུངས་ཤིང་། གྲྭ་ལོའི་ཕན་བྱ་གསེར་ཕྲེང་བསྐོར་ནས་བྱུང་བ་བླ་མའི་ཞལ་ཁྲིད་ཀྱིས་བརྒྱན་ནས་གསལ་བར་བྱས་སོ། །དེ་ལྟར་བྱེད་ནས་བསྙེན་པའི་དམིགས་པ་ལ་ཞག་བདུན། ལས་བཞི་ལ་ཞག་བདུན་བྱ་ཞིང་། དགུ་གཏོར་རམ་རྒྱུན་དུ་ཡིན་ན་བསྙེན་པ་ལ་བརྒྱ་རྩ་སྒྲུབ་པ་ལ་བརྒྱ་རྩ་ལས་སྦྱོར་ལ་བརྒྱ་རྩ་རེ་དམིགས་པ་དང་བཅས་པས་བཟླས་སོ། །དེ་ནས་ཐུན་མཇུག་བསྙེན་པ་བཞག་རན་ཙ། མགོན་པོའི་གནས་གསུམ་གྱི་ཡི་གེ་གསུམ་ལས་འོད་ཟེར་དཀར་དམར་མཐིང་གསུམ་འཕྲོས་པས་ཕྱོགས་བཅུའི་བླ་མ་ཡི་དམ་རྒྱལ་བ་སྲས་བཅས་ཡེ་ཤེས་ཀྱི་འཁོར་ལོ་ཁྲོ་བོ་ཁྲོ་མོ་མཁའ་འགྲོ་ཆོས་སྐྱོང་ཐམས་ཅད་ཀྱི་སྐུ་ཆེ་ཕྲ་སྣ་ཚོགས་དང་གསུང་སྔགས་ཕྲེང་སྣ་ཚོགས་ཐུགས་ཕྱག་མཚན་སྣ་ཚོགས། ཨོཾ་དཀར་ཨཱདམར་ཧཱུྃ་མཐིང་དང་། འོད་ཟེར་དཀར་དམར་མཐིང་གསུམ་སྤྱན་དྲངས་ཏེ་མགོན་པོའི་གནས་གསུམ་གྱི་ཡི་གེ་ལ་ཐིམ་པས་དབྱེར་མེད་དུ་གྱུར་ཏེ་མགོན་པོ་ཡང་ཕྱོགས་བཅུའི་རྒྱལ་བ་ཐམས་ཅད་དང་དབྱེར་མེད་དེ། ཕྱོགས་བཅུའི་རྒྱལ་བའང་མགོན་པོ་ལ། མགོན་པོ་ཡང་ཕྱོགས་བཅུའི་རྒྱལ་བར་གྱུར། སླར་མགོན་པོའི་གནས་གསུམ་ནས་འོད་ཟེར་དཀར་དམར་མཐིང་གསུམ་འཕྲོས། །

[Full Size]

སྣང་སྲིད་ལྷ་འདྲེ་དགྲ་བགེགས་ལྷ་ཀླུ་མི་སོགས་ཐམས་ཅད་ཀྱི་ལུས་ངག་ཡིད་གསུམ་མཐུ་སྟོབས་ནུས་པ་ཚེ་བསོད་དཔལ་འབྱོར་དང་འབྱོར་པ་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་བསྡུས། མགོན་པོའི་ཡིག་འབྲུ་གསུམ་ལ་ཐིམ་པས་མགོན་པོ་ཉིད་འཁོར་འདས་སྣང་སྲིད་ཀྱི་བདག་པོར་གྱུར་པར་སྒོམ། དེ་ནི་སྐུ་གསུང་ཐུགས་ཀྱི་དངོས་གྲུབ་བསྡུ་བའི་དམིགས་པའོ། ༈ །དེ་ནས། མགོན་པོའི་ཐུགས་ཀ་ནས་འོད་ཟེར་འཕྲོས་འཇིག་རྟེན་ལྷ་སྲིན་སྡེ་བརྒྱད་དྲེགས་པ་ཅན་སྟོབས་དང་རྫུ་འཕྲུལ་ཆེ་བ་ཐམས་ཅད་ཀྱི་སྲོག་ཡིག །ཨཿཡཿམཿདུཿརུཿཙཿཤཿནཿཡི་རྣམ་པར་བསྡུས་ནས་མགོན་པོའི་ཞབས་ཉི་གདན་འོག་ཏུ་མནན་ཏེ་སྡེ་བརྒྱད་རང་རང་སོ་སོའི་སྙིང་ཁར་འོད་ཟེར་བ་དག་ལྟ་བུའི་འབྲེལ་བས་ལུས་ངག་ཡིད་གསུམ་དད་ཅིང་གུས་པས་བཀའ་ཉན་གསུང་སྡོད་འདར་ཕྲི་ལི་ལི་བྱེད་པར་གྱུར། ཡང་ཐུགས་ཀ་ནས་འོད་ཟེར་འཕྲོས་པས་རིགས་དྲུག་གི་སེམས་ཅན་ལྷ་མི་རྒྱལ་བློན་འབངས་གསུམ་སྐྱེས་པ་བུད་མེད་ཐམས་ཅད་ཀྱི་སྲོག་ཡིག་ནི་ཏྲི་དུའི་རྣམ་པར་བསྡུས་ནས། ཉི་གདན་ཞབས་སུ་ཚུད། རང་གི་སྙིང་གར་འོད་ཟེར་བ་དག་ལྟ་བུའི་འབྲེལ། དད་ཅིང་གུས་པས་འདར་ལྡི་ལི་ལི་བྱེད་

[Full Size]

པར་བསྒོམ། འདི་ནི་སྲིད་གསུམ་ཟིལ་གྱིས་གནོན་པའི་དམིགས་རིམ་མོ། ༧ །དེ་ནས་མགོན་པོའི་གནས་ལྔ་ནས་འོད་ཟེར་དཀར་དམར་མཐིང་སེར་ལྗང་གུ་འཕྲོས་རང་གི་གནས་ལྔར་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དངོས་གྲུབ་མ་ལུས་པ་ཐོབ་པར་བསྒོམ་པ་ནི་དངོས་གྲུབ་བླངས་བའོ། ༧ །ཡང་མགོན་པོའི་གནས་གསུམ་ཡི་གེ་གསུམ་ལས་ཨོཾ་དཀར་པོ་ཨཱདམར་པོ་ཧཱུྃ་སྔོན་པོ་འོད་ཟེར་དང་ལྡན་པ་ཕྲེང་བ་བར་མ་ཆད་པར་བྱོན་ནས་བདག་གི་གནས་གསུམ་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་མ་བ། ལུས་པ་ཐོབ་པར་བསྒོམ་པ་ནི་བྱིན་རླབས་ཞུ་བའོ།། ༧ །དེ་ནས་མགོན་པོའི་གནས་ལྔ་ནས་མགོན་པོ་དཀར་དམར་མཐིང་སེར་ལྗང་གུའི་ཚོགས་སྐུ་ཆུང་ལ་ཡན་ལག་དོད་པའི་ཚོགས། ཆར་ལྟར་བབས་པས་རང་གི་གནས་ལྔར་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་ཡོངས་སུ་རྫོགས་པ་ཐོབ་པར་བསྒོམ་མོ། །དེས་ནི་དབང་བླངས་བའོ། ༧ །དེ་ནས་གཏོར་བསྔོས་ནི་བླ་མ་ཡི་དམ་གྱི་གཏོར་བསྔོས་གོང་དུ་རྒྱས་པར་སོང་བའི་མགོན་པོ་འདི་གཙོ་ཆེར་སྐབས་སུ་བྱེད་པ་སྟེ། གསང་སྔགས་ནང་གཏོར་ལྟར་བྱིན་རླབས་ལ་མགོན་པོ་ཐམས་ཅད་ཀྱི་ནམ་

[Full Size]

མཁར་རྡོ་རྗེ་འཆང་ལ་ཀླུ་སྒྲུབ་གྲྭ་ལོ་སོགས་ཆོས་འདི་ཡི་བཀའ་བརྒྱུད་ཐམས་ཅད་ཀྱིས་བསྐོར་བའོ། །དེ་ཡི་འོག་ཏུ་ནམ་མཁར་བདེ་མཆོག་ལ་ཡི་དམ་ལྷ་ཚོགས་ཐམས་ཅད་ཀྱིས་བསྐོར་བར་བསྒོམས་ལ། ལྗགས་ཀྱི་འོད་ཟེར་གྱིས་བདུད་རྩི་གསོལ་བར་བསམས་ལ་གཏོར་བསྔོས་གཞུང་ལྟར་བྱའོ། ༧ །དེ་ནས་མགོན་པོའི་གཏོར་མ་བྱིན་རླབས་གཞུང་དུ་གསལ་བ་ལྟར། རླུང་གཡོས་མེ་སྦར་ཐོད་པ་དྲོས་ནས་ཤ་ལྔ་བདུད་རྩི་ལྔ་དང་བདུད་དགྲའི་ཤ་རུས་ཐམས་ཅད་ཞུ་ཞིང་ཁོལ་ཏེ་འདྲེས་པ་ལ་དམ་ཚིག་གི་བདུད་རྩི་དེ་ཡི་སྟེང་དུ་ཨོཾ་ཨཱཿཧཱུྃ་གསུམ་དཀར་དམར་མཐིང་གསུམ་བརྩེགས་མར་གནས་པ་ལ་ཧཱུྃ་ཞུ་བ་ལས་ཐུགས་ཀྱི་བདུད་རྩི་སྔོ་ལྟེམ་མེ་སོང་། ཨཱཞུ་བ་ལས་གསུང་གི་བདུད་རྩི་དམར་ལྟེམ་མེ་སོང་། ཨོཾ་ཞུ་བ་ལས་སྐུ་ཡི་བདུད་རྩི་དཀར་ལྟེམ་མེ་སོང་བར་བསྒོམ་པས་ཡེ་ཤེས་ཀྱི་བདུད་རྩིར་བསམས་ལ། ལྷ་ཐམས་ཅད་ཀྱི་ལྗགས་ཧཱུྃ་ལས་བྱུང་བའི་རྡོ་རྗེ་རྩེ་གསུམ་པ་ལྟེ་བ་ཧཱུྃ་གིས་མཚན་པར་གྱུར་པར་བསྒོམ། ཧཱུྃ་དེ་ལས་འོད་ཟེར་སྦ་གུས་ལྟ་བུའི་གཏོར་མ་དེ་ལ་ཟུག་ནས་བདུད་རྩི་དྲངས་ནས་གསོལ་བས་མཉེས་པར་བསམས་ལ། གཙོ་འཁོར་རྣམས་ཀྱི་སྔགས་ལ། ཁཱ་ཧི་བཏགས་ལ་ལན་གསུམ་མམ་བདུན་འབུལ། ལྷ་

[Full Size]

མགྲོན་རྣམས་ལ་རང་རང་གི་སྔགས་ཀྱིས་འབུལ། བསྡུ་ན་གཏོར་མའི་རྒྱུད་ལས་གསུངས་པ་ལྟར་ཆོས་སྐྱོང་སྤྱི་ཡི་སྔགས། ཤཱ་ས་ན། ལན་གསུམ་གྱིས་ཐམས་ཅད་ལ་ཡང་ཕུལ་བས་ཆོག་གོ །དེ་ནས་མཆོད་པ་ནི་གཙོ་བོ་ལ་ཞི་རྒྱས་དབང་དྲག་ལས་བསྒྲུབ་ཕྱིར་ཞི་བའི་མཆོད་པ་དང་། དྲག་པོའི་ལས་བསྒྲུབ་ཕྱིར་དྲག་པོའི་མཆོད་པ་རྣམས་སྤེལ་མར་འབུལ་བ་དང་། འཁོར་ཞི་བ་རྣམས་དང་ཀླུ་བརྒྱད་སོགས་ལ་ཞི་བའི་མཆོད་པ། དྲག་པོ་རྣམས་ལ་དུར་ཁྲོད་ཀྱི་མཆོད་པ་རྣམས་སོ་སོར་འབུལ་བར་དམིགས་ལ། ཡན་ལག་བརྒྱད་ལྡན་སོགས་བརྗོད། ཨརྒྱུ་སོགས་བརྗོད་ལ་སྔགས་བསྔོས་བྱའོ། ༧ །དེ་ནས་ཚོགས་རྒྱས་པ་གོང་དུ་སོང་ནས་ཚོགས་ཕུད་གཏོར་མར་ཕུལ་ནས་བྲན་ལ།་དེའམ་ལྷ་ཚོགས་སྤྱན་གཟིགས་སུ་བཤམས་པ་དེ་ལ་དམིགས་ནས་ཤེས་རབ་མ་དཱ་ན། སོགས་ནས། ཨཱཿཧཱུྃ་གི་བར་དང་། རྟ་ནག་གཡག་ནག་ལུག་ནག་ཁྱི་ནག་ཁྲབ་རྨོག་རལ་གྲི་ལ་སོགས་རྟེན་དངོས་སུ་རྫས་བཤམས་པའམ། གཟུགས་བརྙན་བྲིས་པ་དང་བསྐང་འབྲས་བཙུགས་པ་སོགས་དམིགས་རྟེན་དུ་བྱས་ཏེ། བཟང་ཞིང་རྒྱ་ཆེ་ལ་དཔག་ཏུ་མེད་པར་དམིགས་ལ། ༧ ཆར་སྤྲིན་སོགས་ནས།

[Full Size]

བསམ་མི་ཁྱབ་པ་འབུལ་གྱི་བར་བརྗོད་པར་བྱ། ༧ དེ་ནས་རྒྱས་པར་ན་བསྟོད་པ་ཐམས་ཅད་རྒྱས་པར་བྱ། ཅུང་ཟད་བསྡུ་ན་བསྙེན་པ་དུས་བསྐང་བརྒྱ། སྒྲུབ་དུས་རྩ་བསྟོད། ལས་སྦྱོར་དུས་མཚན་བརྒྱ་རྩ་བརྒྱད་མ་ཡི་བསྟོད་པ་བྱང་ཤར་ནག་འདབ་མ་བྱ། ཕག་གྲུས་མཛད་པ་དུས་གསུམ་སངས་རྒྱས་མ་ཐམས་ཅད་ལ་དགོས་ཏེ་འཁོར་དང་བཅས་པའི་བསྟོད་པ་ལས་བཅོལ་མ་དང་བཅས་པ་ཡིན་ལ། ༧ བྲི་མ་ཧཱ་ཀཱ་ལ་སོགས། དཔལ་ལྡན་ནག་པོ་ཆེན་པོ་ནས། མཛད་དུ་གསོལ། གྱི་བར་དུའོ། །བསྟོད་པ་རྒྱས་པར་ནི།། ཏིལ་མར་མ། དུད་སོལ་མ། བྱང་ཤར་མའི་བསྟོད་པ་ཡིན་པས། ལེགས་ལྡན་བསྟོད་པ། བསིལ་ཚལ་མ། བྱ་རོག་གདོང་། དྭིཤ་ཟ་སེང་གདོང་དང་། མཁའ་འགྲོ་བརྒྱད་བསྟོད་དང་བཅས་པ་བྱས་ལ། རྒྱལ་བའི་བསྟན་པ་སོགས། འདོད་གསོལ་བྱ། དེ་ནས་བསྐང་བ་རྒྱས་པར་བཅས་ནི་ཡོད་ན་བསྐང་བསྐྱེད་རི་རབ་གླིང་བཞི་སོགས་རྒྱས་པར་སྤྱི་ལྟར་བསྐྱེད། བསྡུ་ན་གཏོར་མ་དེ་ཉིད་རླུང་མེ་ཐོད་སྐྱེད་སྟེང་དུ་ཀ་པཱ་ལ་སྟོང་གསུམ་ཙམ་གྱི་ནང་དུ་ཤ་ལྔ་བདུད་རྩི་ལྔ་ཞུ་བས་བདུད་རྩི་རྒྱ་མཚོ་ཆེན་པོ་ཁ་དོག་དྲི་རོ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོ་དེ་

[Full Size]

ཡི་རླངས་པར་གཟུགས་རྡོ་རྗེ་མ་སྒྲ་རྡོ་རྗེ་མ་ལ་སོགས་པ་མཆོད་པའི་ལྷ་མོ་དཔག་ཏུ་མེད་པ་དང་། བདུད་རྩི་དེ་ཡི་འོད་ཟེར་ལས་གྲུབ་པའི་བཀྲ་ཤིས་རྫས་རྟགས་བརྒྱད་རྒྱལ་སྲིད་རིན་པོ་ཆེ་སྣ་བདུན་དང་དར་གདུགས་ལ་སོགས་གཞུང་ལས་བྱུང་བའི་རྫས་དཔག་ཏུ་མེད་པར་འཕྲོ་བར་དམིགས་ཏེ་བྷི་ལ། ཨ་ཀཱ་རོས་བྱིན་བརླབས་ནས། སླར་ཡང་བཤགས་ཡུལ་མགོན་པོ་འཁོ་ར་བཅས་སྐད་ཅིག་ལ་སྤྱན་དྲངས་ནས། སྔར་གྱི་དེ་ལ་བསྟིམ་པའམ། ཡང་ལས་བྱང་སྔོན་དུ་སོང་བའི་བསྐང་བ་འདོན་ཆོག་པའི་ཕྱིར་དང་སྔོན་དུ་སོང་ཡང་རིག་འཛིན་ཏེ། སླར་གསོལ་བ་བཏབ་པའི་ཕྱིར་དེ་ནས་ཡན་ལག་བདུན་པ་དང་འདོད་ཡོན་ལྔས་མཆོད་ཕྱིར། ཆག་ཉམས་ཐམས་ཅད་བཤགས་ཕྱིན་ཆད་མི་བགྱིད་པའི་དམ་བཅའ་བ་སོགས། སྟོབས་བཞི་སྔོན་དུ་འགྲོ་བའི་བསྐང་བ་དེ་ཤིན་ཏུ་ཟབ་པ་ཡིན་ནོ། །གཡག་བསྐང་བཅས་ན་ཡང་འདོན་ཆ་འདིས་འཐུས་སོ། ༧ །བསྐང་བཤགས་བྱེད་ཚེ་ཐུན་མོང་མ་ཡིན་པའི་དམིགས་རིམ་ནི། ནམ་མཁར་བླ་མ་རྡོ་རྗེ་སེམས་དཔའ་ཡི་དམ་བདེ་མཆོག་གི་གནས་གསུམ་ལས་ཡི་གེ །ཨོཾ་བཛྲ་སཏཱ་ཨོ། ཨོཾ་བཛྲ་སཏཱ་ཨཱཿ ཨོཾ་བཛྲ་སཏྭ་ཧཱུྃ༔ དཀར་དམར་

[Full Size]

མཐིང་གསུམ་གྱིས་བསྐོར་བར་བྷེ། དེ་ཡི་འོད་ཟེར་འཁོར་བཅས་ལ་ཕོག་ནས་གྲིབ་དང་མི་གཙང་བ་ཐམས་ཅད་དག །མགོན་པོའི་ཐུགས་ཀ་ནས་བདག་དང་བསྲུང་བྱ་ཐམས་ཅད་ལ་ཕོག་པས་དམ་ཚིག་ཉམས་ཆག་ཐམས་ཅད་བསྐང་བར་བྷེ། ཡང་འཁོར་ཐམས་ཅད་ཀྱི་གནས་གསུམ་ལས་བདུད་རྩི་དཀར་དམར་མཐིང་གསུམ་བྱུང་བས་སྐུ་ལུས་གང་སྟེ་གཞན་གྱི་ཉམས་གྲིབ་ཕོག་པ་ཐམས་ཅད་དག་པར་བྷེ། རྒྱས་པར་ན་མཇུག་གི་བཤགས་པ་ཡང་འདིར་སྦྱར་ལ་ཡིག་བརྒྱ་བརྗོད། ༧ དེ་ནས་ཐུན་གཏོར་གཅིག་བྲན་ལ། གཏོར་སྣོད་ཐོད་པ་ཡངས་ཤིང་རྒྱ་ཆེ་བའི་ནང་དུ་གཏོར་མ་དེ་ཉིད་ཁ་ཊཾ་རྩེ་ལྔ་སྤུ་གྲི་ལྟར་རྣོ་བ་དམར་ཡ་ལེ་བ་ཞིག་ཏུ་གྱུར། བཀུག་གཞུག་བྱས་ལ་ལས་མཁན་རྣམས་ཀྱིས་དགྲ་བགེགས་བཀུག་ནས་ཁ་ཊཾ་རྩེ་ལ་ཆལ་ཆལ་རྒྱབ་པས་ཤ་ཁྲག་དམར་ཆ་ལ་ལ་སོང་ནས་གཏོར་སྣོད་དམར་མེར་གྱིས་གང་བ་དང་། ཁ་ཊཾ་འོད་དུ་ཞུ་བ་ལས་བདུད་རྩི་རང་བཞིན་དུ་གྱུར་པ་ལ་ལྷ་ཚོགས་ཐམས་ཅད་ཀྱིས་གསོལ་བར་བསམས་ལ། བྱང་ཤར་མ་ནི་གཙོ་བོ་དང་ལེགས་ལྡན། བསིལ་ཚལ་ལས་མགོན། ཤ་ཟ་སེང་གདོང་མཁའ་འགྲོ་བརྒྱད་བསྡུས་ལས་བཅོལ་དང་བཅས་པའམ། ཐུན་བཞིའམ་དྲུག་ཏུ་

[Full Size]

འབུལ་བ་རེས་མོས་བྱ། བསྡུ་ན་ཐམས་ཅད་ཚང་བ། ༧ སངས་རྒྱས་བསྟན་པ་གཉན་པོ་སྲུང་བའི༴ ཞེས་ཁོ་ནས་ཆོག་གོ ༧ །དེ་ནས་བཟོད་གསོལ་གོང་གི་དམིགས་པ་དང་བཅས་པས་ཡིག་བརྒྱ་བརྗོད།། མཚམས་ཡིན་ན་གྲོལ་དུས་ཚུན་བསྟིམ་པ་དང་གཤེགས་གསོལ་གང་ཡང་མི་བྱེད་པར་ཉིན་གཅིག་བཞིན་སླར་ཡང་གསལ་འདེབས་མ་གཏོགས་ཐུན་མི་བསྡུ་བ་ནི། བདག་གི་སློབ་དཔོན་གྱི་གསུང་རྒྱུན་མཁའ་སྤྱོད་པ་ནས་དེ་ལྟར་བསྙེན་སྒྲུབ་རྒྱུན་ཡོད་པའི་གསུང་རྒྱུན་ཏེ། སྲུང་འཁོར་ཡང་མ་བསྡུས་པས་བགེགས་མི་འཇུག་པ་དང་། རྟགས་མྱུར་དུ་ཡོང་བའི་གནད་ཡོད་པ་དང་། གསར་མ་སྤྱི་ཡི་ལུགས་དོ་ནུབ་ཉལ་ཁ་ནས། མདུན་བསྐྱེད་ཡེ་ཤེས་པ་གཤེགས་སམ་རྟེན་ལ་བསྟིམས། བདག་བསྐྱེད་སྲུང་འཁོར་ནས་རིམ་གྱིས་བསྡུ་ནས་ཧཱུྃ་ལ་བསྟིམ། ཧཱུྃ་ཡང་ན་དྭ་སྟོང་པའི་བར་བསྡུས་ཏེ། དེ་ཡི་ངང་ལས་ཉལ་བས་འོད་གསལ་ཟིན་པའི་གནད་ཡོད་དོ། །སླར་ནངས་པར་ལྷ་ཡིས་ང་རྒྱལ་དུ་ལངས་ལ། བདག་བསྐྱེད་དང་། མདུན་བསྐྱེད་ཐམས་ཅད་བྱེད་དེ་ལྟ་བུ་ལ་མུ་མཐུད་པར་བྱེད་དོ། །ཐུན་མ་བསྡུས་པར་ཞག་འདས་རྟགས་པའི་མཐར་ལྟུང་བའི་ཉེས་པ་ཅུང་ཟད་ཡོད་

[Full Size]

ཟེར་བའང་མཆན། ༢ འདིས་མན་ངག་ལ་བསྙེན་སྒྲུབ་གཉིས་དང་བྱང་ཆུབ་བསྒྲུབ་ལ་ཐུན་བསྡུས་ན་ལེགས། ལས་སྦྱོར་རྟགས་ཐོན་བྱེད་ན་མི་བསྡུ་བ་ཟབ་བོ། །དུས་བསྙེན་ནི་ཟླ་བ་གསུམ་མམ་ཟླ་བ་དྲུག །ཟླ་གཅིག་གམ་ཞག་ཉེར་གཅིག་པས། གཏོར་སྒྲུབ་སོགས་ནི་ཞག་ཉེར་གཅིག་གམ། ཞག་བདུན་ལ་བྱའོ། །གྲངས་ནི་འབུམ་ཕྲག་ཉེར་གཅིག་གཙོ་ཆེར་བཞག་ཅིང་། བྱེ་བ་གཅིག་གམ། ཡང་ན་བདུན་འབུམ་གྱི་ལས་སྦྱོར་ཆོག །པཎྜི་ཏ་ཨ་བྷི་ཀ་རས་གསུངས་ཤིང་། ཡང་ཨོ་རྒྱན་རིན་པོ་ཆེ་ཡིས་སུམ་འབུམ་གྱིས་ཆོག་པར་གསུངས་ལ། གསར་མ་སྤྱི་ལྟར་གཙོ་བོ་ལ་འབུམ་ཚོ་དང་། འཁོར་ལ་ཁྲི་བཟླས་ཀྱང་ལས་ལ་སྦྱར་རུང་ངོ་། །རྡོ་རྗེ་གདན་པས་དུས་དང་གྲངས་ལ་ངེས་པ་མེད། རྟགས་གཙོ་ཆེ་བར་གསུངས་པས་རྟགས་ཡིག་ལྟར། རྟགས་ཐོན་པར་བྱའོ། །དཔལ་ཡེ་ཤེས་ཀྱི་མགོན་པོའི་ཆོ་ག་ལ་ཉེ་བར་མཁོ་བའི་དམིགས་རིམ་འདི་ནི་རང་གཞན་འགའ་ལ་ཕན་པའི་བསམས་པས། ༧ སྔགས་འཆང་ཀརྨ་ཨ་རཱ་གས་བཀོད་པའོ། །འདི་ལ་འགལ་འཁྲུལ་སྦ་འོས་གསལ་བཀོད་མངོན་ཕྱུང་འདི་ལ། ཉེས་པ་མཆིས་ན་དཔལ་ཡེ་ཤེས་མགོན་པོ་ཐུགས་རྗེ་ཅན་འཁོར་དང་བཅས་

[Full Size]

པའི་དྲུང་དུ་བཤགས་ཤིང་འདི་ཕྱིའི་དངོས་གྲུབ་གེགས་སུ་མ་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་ཡེ་ཤེས་མགོན་པོ་ཕྱག་བཞི་པའི་གཏོར་ཟློག །ཤིན་ཏུ་བསྡུས་པ། བསྐང་ཟློག་སྦྲག་མའི་གཏོར་སྒྲུབ།

[Full Size]

དཔལ་ཡེ་ཤེས་མགོན་པོ་ཕྱག་བཞི་པའི་གཏོར་ཟློག །ཤིན་ཏུ་བསྡུས་པ། བསྐང་ཟློག་སྦྲག་མའི་གཏོར་སྒྲུབ་བཞུགས་པའི་དབུ་ཕྱོགས་སོ།།

[Full Size]

ན་མ་ཤི་ཙཀྲ་སཾ་ཝ་ར་ཡེ། འཁོར་ལོ་སྡོམ་པའི་ཞབས་ལ་ཕྱག་འཚལ་ནས། །མགོན་པོའི་གཏོར་ཟློག་བསྐང་ཟློག་སྦྲགས་མ་བྲི། །མགོན་པོ་འཁོར་བཅས་བཀའ་ཡིས་གནང་བ་སྩོལ། །དེ་ལ་མགོན་པོ་འདིའི་གཏོར་ཟློག་གྲུབ་ཆེན་ནག་པོ་པས་མཛད་པའི་གདོང་ལྔའི་གཞུང་དང་། རྒྱ་གཞུང་དུ་གྲགས་པའི་ཐན་ཟློག་དང་། གཏོར་ཆེན་ཉུང་ངུ་སོགས་ཀྱང་གཉེན་ཅིང་བཀའ་རྒྱ་དམ་དྲགས་པས་གཞན་ཡིག་ཆུང་ལ། དཔལ་གྲྭ་ལོས་མཛད་པའི་གཏོར་ཆེན་རྒྱས་པ་ནི་ཧ་ཅང་རྒྱས་དྲག་པས་མི་ལྕོགས། ཟུར་མང་ལུགས་ཀྱི་ཟིན་བྲིས་ལྟར་གཏོར་ཟློག་བཅའ་ནས་མདོས་ཉི་ཤུ་སོགས་འདོན་པ་ཧ་ཅང་འབྲེལ་མི་ཆགས་པ་འདྲ་ཞིག་བྱུང་འདུག་པས། འདིར་བསྐང་ཟློག་སྦྲགས་མའི་བཀའ་

[Full Size]

ཡངས་ཤིང་སྟབས་བདེ་བར་བཀོད་པར་བྱ་སྟེ། དེ་ཡང་པཎྜི་ཏ་ཆེན་པོ་རྡོ་རྗེ་གདན་པ་ཆེན་པོའི་རྒྱ་གཞུང་རྩོད་པ་མེད་པ་ནི། མགོན་པོའི་བསྐང་བ་རིན་ཆེན་ཕྲེང་བ་འདི་ཡིན་པས། དཔལ་གྲྭ་ལོ་ཆེན་པོས་ཀྱང་གཏོར་ཆེན་གྱི་གཞུང་འདི་ལ་བརྟེན་ནས་མཛད་པ་ཡིན་པས། འདི་ཡང་བྱིན་རླབས་ཆེ་བར་བསམས་ནས། འདོན་ཆའི་ཚིག་འདི་ཉིད་ལ་ཁོག་ཕུབ་པར་བྱའོ། །དེ་ཡང་མགོན་པོའི་གཏོར་ཟློག་འདི་རྒྱུད་གང་ནས་གསུངས་པའི་ལུང་ཁུངས་ནི། མགོན་པོ་བྱ་རོག་སྲོག་ཟན་ནག་པོའི་རྒྱུད་ཆེན་པོ་ལས། སྙིང་མི་དགའ་ཞིང་དུ་སྙིང་འདོད། །ཚིག་པ་ཟ་ཞིང་རྒོལ་བ་དང་། །ལྟོགས་ཤིང་ལུས་པོ་ཉམ་པ་དང་། །དམག་གིས་བསྐོར་ཞིང་དགྲ་ཡིས་དེད། །གཅན་གཟན་མཛེ་སྤྲང་འོང་གྱུར་ན། །དེ་ཚེ་མགོན་པོའི་ཟློག་མདོས་བྱ། །ཞེས་

[Full Size]

དང་། དེའི་དོན་དཔལ་ཆེན་ཧྥ་ལོས་བཀྲོལ་བ་ལས། དེ་ལ་གཏོར་མ་འདི་བྱེད་པའི་དུས་ནི། རྣལ་འབྱོར་པ་དམ་ཚིག་ཉམས་ཆག་གི་རྐྱེན་གྱིས་གཞན་གྲིབ་བྱུང་བའམ། རང་གི་ཆོས་སྐྱོང་ཕར་ལ་ཆད་པ་ཚུར་ལ་འཁུ་ལྡོག་བྱུང་ནས་སྙིང་མི་།དགའ་ཞིང་ངུ་སྙིང་འདོད་པ་དང་། ཚིག་པ་ཟ་ཞིང་རང་གི་འཁོར་ལ་སོགས་པ་ལ་ཁྲོ་སྙིང་འདོད་པ་དང་། ལྟོ་ཟོས་ཀྱང་བཀྲེས་ཤིང་རང་གི་ལུས་པོ་རྒུད་ཅིང་ཉམས་ཆུང་བ་རྨི་ལམ་དུ་རང་དམག་གིས་བསྐོར་བ་དང་། དགྲ་ཡིས་དེད་པ་ལས་བྲོས་པས་མི་ཐར་བ་དང་། མུན་རུབ་ཅིང་ཉི་ཟླ་ཐལ་བ་དང་། གོས་ནག་པོ་གྱོན་ཞིང་ཐུར་དུ་རྒྱུག་པ་དང་། གཅན་གཟན་གཏུམ་པོའི་ཚོགས་ཀྱིས་དེད་པ་དང་། མཛེ་སྤྲང་མང་པོའི་ཚོགས་རྨི་ལམ་དུ་བྱུང་བར་གྱུར་པ་དེའི་ཚེ་མགོན་པོའི་གཏོར་ཆེན་བྱའོ། །དེ་ལ་ཆོས་སྐྱོང་མགོན་པོའི་གཏོར་ཆེན་འདི་ནི། རྣལ་འབྱོར་པའི་བར་ཆད་སུན་མ་ཐམས་ཅད་ཟློག་པ་དང་། གཞན་བསྒྲུབ་པ་པོས་དཔལ་ནག་པོ་ཆེན་པོ་སྒྲུབ་པའི་དུས་སུ་རྟགས་འོང་བ་དང་། འགྲུབ་པའི་རྟགས་དུས་སུ་མ་བྱུང་བ་དང་། འགྲུབ་ཀྱང་འཁུ་ལྡོག་བྱེད་པའི་རྟགས་ཆོ་འཕྲུལ་ཆེ་བར་བྱུང་བ་དང་། སྔགས་པ་ནང་རྒྱས་སམ། གཞན་གྱི་རིག་སྔགས་ཁྲོད་གཏོང་དྲག་པོ་ཟློག་པ་དང་། ཡམས་ནད་རིམས་ནད་དལ་ཡམས་ཆེན་པོ་གཅོད་པའམ། །བགེགས་ཆེན་པོ་འབྱུང་བའམ། སྨྱོན་པ་མི་རུང་བ་འདུལ་བ་སོགས་ནད་པ་ཚབས་ཆེན་པོའི་བར་ཆད་སེལ་བ་དང་། སྲིའུ་གསོ་བ་དང་། དམ་ཉམས་དགྲ་བོ་གསོད་ཅིང་ཆད་པའམ། ཕ་རོལ་དགྲ་དཔུང་ཆེན་པོ་དང་གཡུལ་གཤོམ་པ་ལ་

[Full Size]

སོགས་པ་ཕམ་རྒྱལ་གྱི་སྟོབས་དྲག་པོ་འགྱེད་པ་དང་། གཙུག་ལག་ཁང་བཞེངས་པ་ལ་སོགས་པ་མཁར་ལས་རྩིག་པ་དང་། འཆི་ལྟས་བརྒྱད་ལ་སོགས་པ་ལྟས་ངན་རྨི་ལམ་དང་ཆོ་འཕྲུལ་ངན་པ་བྱུང་བ་དང་། ལྷ་འདྲེའི་ཆོ་འཕྲུལ་ཆེན་པོ་རྩུབ་པ་ལ་སོགས་པ་ཐམས་ཅད་ལ་བྱའོ། །ཞེས་གསུངས་ཏེ་གཏོར་ཟློག་འདི་ཡང་དོན་ལ་གཏོར་ཆེན་བསྡུས་པ་ཞིག་ཡིན་ནོ། །གཞན་ཡང་ཆོས་སྐྱོང་གཏོར་མའི་རྒྱུད་ལས། གཏོར་མ་ནི་བསྐང་བར་ཤེས་པར་བྱའོ། །གཏོར་མ་འདིས་འཆི་བ་བསླུ་བར་ཤེས་པར་བྱའོ། །གཏོར་མ་བྱད་བཟློག་ཏུ་ཤེས་པར་བྱའོ། །གཏོར་མ་ནི་ཟོར་དུ་ཤེས་པར་བྱའོ། །ཞེས་སོགས་དང་དེ་དག་བྱ་ཚུལ་རྒྱས་པར་གསུངས་པའི་དོན་འདིར་མན་ངག་གི་གཏན་ལ་ཕབ་པ་ཡིན་ནོ། །དེ་ལ་སླ་ངོའམ་ལྕགས་འགུ་བཙོ་མ་སོགས་སྣོད་གཙང་མ་ཞིག་འབྲུའམ་ཕུབ་རྒོད་དམ།་ཐང་ལུད་སོགས་ཀྱིས་བཀང་བའི་སྟེང་འཇིམ་པའི་ཞ་ལ་བྱས་པའི་སྟེང་དུ་ཕྲིན་ལས་བཞིའི་དཀྱིལ་འཁོར་མཚོན་ཙམ་བྲི། དེའི་སྟེང་དུ་ཟན་ནམ་ས་གྲུ་བཞི་ཞིག་བཞག་པའི་དཀྱིལ་དུ་གྲུ་གསུམ་དུ་བྲིས་ལ། དེར་གལ་ཆེ་ན་ཤོག་ལིང་སྤྱི་མཚམས་བཀུག་གཞུག་བརྡ་ཙམ་བྱས་ལ་བཅུག །བསྡུ་ན་ཟན་ལིང་ཞིག་བཞག་པས་འཐུས་སོ། །དེའི་སྟེང་དུ་དཔལ་བཤོས་ཟུར་གསུམ་གྲུ་གོང་། འབྲིང་རྐང་གང་། ཐ་མ་ཡང་མཐོ་གང་བ། མར་རྒྱན་མེ་རི་བཙུགས་པས་རྐང་གང་བས་མི་ཐུང་བ་ཅིག་བཞག་ལ། དེའི་ཕྱོགས་གསུམ་དུ་དེའི་སུམ་གཉིས་སླེབ་པ་གསུམ། དེའི་རྒྱབ་ཏུ་དེའི་གཉིས་སུ་སླེབ་པའི་བཤོས་ཕྲན་བརྒྱད་ཀྱིས་བསྐོར། ཆེ་

[Full Size]

བ་བཞི་ལ་བསྐང་འབྲས་རྒྱས་པའམ། བསྡུ་ན་བྱ་ནག་གཡག་ནག་ལུག་ནག་ཁྱི་ནག་རྟ་ནག་རྣམས་རབ་བཅུ་གསུམ། འབྲིང་བདུན་ནམ་ལྔ། ཐ་མ་གསུམ་རེ་བཙུགས། རབ་དར་གདུགས། འབྲིང་མདའ་དར་ནག་པོ། ཐ་མ་ནམ་མཁའ་ནག་པོ་ཞིག་བཙུགས། མར་ནག་གམ་ཁྲག་གིས་བྱུག །ཤ་རྒྱན་ཐུད་ཀྱི་རིལ་བུ་མར་མེའམ་མེ་རི་བཙུགས། སེ་ར་སྨྱུག་ཡུངས་ཀར་སྒོང་བུ་ཡོད་ན་བཙུགས། ནང་རྩང་མི་དགོས་སོ། །གཙོ་བོའི་ཙཀ་ལི་ཡོད་ན་ཡང་བཙུགས། མཐའ་བསྐོར་དུ་རྩང་ཉེར་བརྒྱད་སྲིན་མོ་འགྲོས་སུ་བཙུགས། ཡང་ན་དྲུག་ཅུ་རྩ་བཞི་རྩང་བསླས་བྱ། སྒོ་རྩང་བཞི་ཕྱོགས་བཞིར་བསླངས་ནས་བཙུགས། དྲག་པོའི་ཤིང་ལ་བཟློག་སྔགས་བྲིས་པའི་བྱང་བུ་རྩང་རྒྱན་ཚུལ་དུ་བཏགས། ཡང་ན་རས་སམ་ཤོག་བུ་ལ་ཡང་རུང་ངོ་། །ཟན་ལིང་བསྒྲལ་རྒྱུ་གཅིག་དང་གཏོར་ཆུང་བདུན་ནམ་ཉེར་གཅིག་རེ་འབུལ་རྒྱུ་དང་། གཞན་ཆོས་སྐྱོང་མཆོད་གཏོར་སྤྱི་ལྟར་བཤམས། ལས་བྱང་རྣམས་གཞུང་བསྲངས་ནས་རང་ཉིད་ཡི་དམ་གང་ཡིན་གནས་འགྱུར་ནས་བདེ་མཆོག་ཏུ་བསྒོམས། བདེ་མཆོག་མངོན་རྟོགས་བསྒོམས་ནས་ཡོད་ན་མི་དགོས་སོ། །བདེ་མཆོག་རྡོ་རྗེ་མཁའ་འགྲོ་རྒྱུད་ཀྱི་མན་ངག་སྒོམ་བཟླས་ནི། སྐད་ཅིག་གིས་རང་གི་ལྟེ་བ་ནས་གཏུམ་མོ་ཡེ་ཤེས་ཀྱི་མེ་འབར་བས་ནད་གདོན་སྡིག་སྒྲིབ་རྣམ་སྨིན་ཤ་ཁྲག་གི་ལུས་དང་བཅས་པ་བསྲེགས་ནས། ཡེ་ཤེས་ཀྱི་ལུས་བཅོམ་ལྡན་འདས་ཧེ་རུ་ཀ་སྐུ་མདོག་མཐིང་ག །ཞལ་གཅིག་

[Full Size]

སྤྱན་གསུམ་རལ་པའི་ཐོར་ཅོག་ཟླ་ཕྱེད་ནོར་བུས་བརྒྱན་པ། ཕྱག་གཉིས་རྡོ་རྗེ་དྲིལ་བུ་བསྣོལ་ཐབས་སུ་འཛིན་པས་ཡུམ་རྡོ་རྗེ་ཕག་མོ་འཁྱུད་ཅིང་། ཞབས་གཡས་བརྐྱངས་གཡོན་བསྐུམས་པས་པད་ཉི་འཇིགས་དུས་མནན་པ། གར་དགུའི་ཉམས་དང་ལྡན་ཞིང་དུར་ཁྲོད་ཀྱི་ཆས་བརྒྱད་དཔལ་གྱི་ཆས་བཅུས་བརྒྱན་ཅིང་མེ་དཔུང་གི་ཀློང་ན་བཞུགས་པ། དམ་ཚིག་པ་དང་ཡེ་ཤེས་པ་དབྱེར་མེད་པའི་རང་བཞིན་དུ་གྱུར། ༈ ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། བསྙེན་པ་བྱ། ཨོཾ་ཁཎྜ་རོ་ཧེ་ཧཱུྃ་ཧཱུྃ་ཕཊ། ཨོཾ་སྭ་བྷཱ་བ་སོགས། སྟོང་པའི་ངང་ལས་ཨེ་ཡཾ་རཾ་ཐཾ་ལཾ་སུཾ་རྣམས་ལས། མདོས་གཞི་འབྱུང་བ་རིམ་བརྩེགས་རི་རབ་དང་བཅས་པའི་སྟེང་། མེ་རི་དང་རྡོ་རྗེའི་ར་བ་དུར་ཁྲོད་བརྒྱད་ཀྱིས་བསྐོར་བའི་ནང་། །ཕྲིན་ལས་བཞིའི་དཀྱིལ་འཁོར་གདན་ཐབས་སུ་གྲུབ་པའི་དབུས། ཕྱི་རིན་པོ་ཆེའི་གཞལ་ཡས་ཁང་མཚན་ཉིད་ཐམས་ཅད་དང་ལྡན་པ། ནང་ཐོད་མཁར་གྲུ་བཞི་པའི་འོག་གཞི་གྲུ་གསུམ་པ་གནམ་ལྕགས་ཀྱི་ཁང་སྒྲོམ་འབར་བའི་ནང་དུ་དགྲ་བགེགས་དམིགས་བྱའི་སྤྱི་གཙུག་ཏུ་གནས་པའི་སྟེང་ཁ་ཆོད་ཀྱི་ཚུལ་དུ་གནམ་ལྕགས་ཀྱི་འཁོར་ལོ་རྩིབས་བརྒྱད་པ་གཉིས་

[Full Size]

བརྩེགས་ཀྱི་ལྟེ་བ་ཆོས་འབྱུང་ཟུར་དྲུག་པདྨ་ཉི་མ་བཻ་གྱི་གདན་གྱི་སྟེང་དུ། ཧཱུྃ་ལས་གྲི་གུག་ཧཱུྃ་གིས་མཚན་པ་ཡོངས་སུ་གྱུར་པ་ལས་ཐུགས་ཀྱི་མགོན་པོ་ཡབ་ཡུམ་མཐིང་ནག །འདབ་མ་བཞི་ལ་ཤར་དུ་སྐུའི་མགོན་པོ་ཡབ་ཡུམ་དཀར་པོ། ལྷོར་ཡོན་ཏན་གྱི་མགོན་པོ་ཡབ་ཡུམ་སེར་པོ། ནུབ་ཏུ་གསུང་གི་མགོན་པོ་ཡབ་ཡུམ་དམར་པོ། བྱང་དུ་ཕྲིན་ལས་ཀྱི་མགོན་པོ་ཡབ་ཡུམ་ལྗང་གུ །མགོན་པོ་ཡབ་ཡུམ་ལྔ་པོ་ཞལ་གཅིག་ཕྱག་བཞི་སྤྱན་གསུམ་མཆེ་བ་གཙིགས་པ། དབུ་སྐྲ་དམར་སེར་འབར་ཞིང་གཟེངས་པ། ཕྱག་གཡས་རང་རྟགས་ཀྱི་མཚན་པའི་གྲི་གུག་དང་རལ་གྲི་འདེབས་པའི་ཚུལ། གཡོན་ཐོད་ཁྲག་དང་ཁ་ཊཾ་ཕྱར་སྟབས་ཅན། རང་རང་གི་ཡུམ་ལ་འཁྱུད་ཅིང་དུར་ཁྲོད་ཀྱི་ཆས་བརྒྱད་གསོལ་ནས་ཞབས་གཉིས་ཙནྡ་འཁྱིལ་པའི་ཚུལ་ཅན། གལ་ཆེ་ན་གྱད་ཀྱི་འདོར་ཐབས་སུ་བཞེངས་པའོ། །ཆོས་འབྱུང་སྟེང་གི་ཟུར་གསུམ་ལ་རྡོ་རྗེ་མཁའ་འགྲོ་ནག་མོ། ཞི་བ་མོ་དཀར་མོ། སྲུང་བ་མོ་སེར་མོ་སྟེ། ཡེ་ཤེས་ཀྱི་མཁའ་འགྲོ་གསུམ། འོག་གི་ཟུར་གསུམ་ལ་ཚོར་སོང་ནག་མོ་བྱ་རོག་གི་མགོ །འགུགས་བྱེད་སྟག་གི་ཞལ། གསོད་བྱེད་སེང་གེའི་གདོང་ཅན་སྟེ་

[Full Size]

འཇིག་རྟེན་གྱི་མཁའ་འགྲོ་གསུམ། དེ་འོག་རྩིབས་བརྒྱད་ལ་གཡས་སུ་ལས་མགོན་བྱ་རོག་གི་གདོང་པ་ཅན་གྲི་གུག་ཐོད་ཁྲག་འཛིན་པ། གཡོན་དུ་ཤ་ཟ་སེང་གེའི་གདོང་ཅན་རལ་གྲི་དང་ཐོད་ཁྲག་བསྣམས་པ། རྒྱབ་ཏུ་ལེགས་ལྡན་ནག་པོ་བེར་ནག་ཅན་བེང་འཛིན་པ། མདུན་དུ་སྒྲོལ་ཡུམ་དུད་པའི་སོལ་བ་མོ་ནག་མོ་ཕྱག་བཞི་ཐོད་ཁྲག་རལ་གྲི་ཁ་ཊ་ཏྲི་ཤུ་ལ་བསྣམས་ནས་བོང་བུ་ཞོན་པ། ཤར་ལྷོའི་རྩིབས་ལ་ཙན་ཌི་ཀ་ནག་མོ་གཡས་རལ་གྲི་ཏྲི་ཤུ་ལ། གཡོན་མདའ་གཞུ་མི་མགོ་འཛིན་ནས་དྲེལ་ལ་ཞོན་པ། ལྷོ་ནུབ་ཏུ་ཤ་ཟ་མོ། ནུབ་བྱང་དུ་ཁྲག་འཐུང་མ། བྱང་ཤར་དུ་རྩ་འཇིབ་མ་གསུམ་ཀ་དམར་ནག་ཕྱག་བཞི་གཡས་རལ་གྲི་ཏྲི་ཤུ་ལ་འཛིན་པ། གཡོན་མི་མགོ་མདའ་གཞུ་འཛིན་པའོ། །དེ་འོག་རྩིབས་བརྒྱད་ལ། ཤར་དུ་སྲོག་བདག་བྱ་རོག་གདོང་ཅན། ལྷོར་གཤིན་རྗེ་བྱ་རོག་གདོང་ཅན། ནུབ་ཏུ་བཙན་མགོན་བྱ་རོག་གདོང་ཅན། བྱང་དུ་གནོད་སྦྱིན་བྱ་རོག་གདོང་ཅན། ཤར་ལྷོར་སྒྲོལ་གིང་བྱ་རོག་གདོང་ཅན། ལྷོ་ནུབ་ཏུ་སྲིན་མགོན་བྱ་རོག་གདོང་ཅན། ནུབ་བྱང་དུ་བདུད་མགོན་བྱ་རོག་གདོང་ཅན། བྱང་ཤར་དུ་དགེ་

[Full Size]

བསྙེན་བྱ་རོག་གདོང་ཅན་ཏེ་བྱ་རོག་གདོང་ཅན་དགུ་པོ་ཐམས་ཅད་སྐུ་མདོག་མཐིང་ནག་གྲི་གུག་ཐོད་ཁྲག་བསྣམས་པ། རྡོ་རྗེའི་མཆུ་དང་སྤུ་གྲིའི་གཤོག་པ་ཅན་དུར་ཁྲོད་ཀྱི་ཆས་ཐམས་ཅད་ཀྱིས་བརྒྱན་པའོ། །ཤར་སྒོར་མ་མོ་བྱ་རྒོད་ཀྱི་གདོང་ཅན། བྱང་སྒོར་ཁྱུང་གི་གདོང་ཅན། ནུབ་སྒོར་ཁྭ་ཏའི་གདོང་ཅན། ལྷོ་སྒོར་འུག་པའི་གདོང་ཅན། ཤར་ལྷོར་ཕག་གི་གདོང་ཅན། ལྷོ་ནུབ་ཏུ་ཁྱིའི་གདོང་ཅན། ནུབ་བྱང་དུ་སྤྱང་ཀའི་གདོང་ཅན། བྱང་ཤར་དུ་སྟག་གི་གདོང་ཅན་ཏེ་མཁའ་འགྲོ་བརྒྱད་དྲུག་ཐམས་ཅད་རུས་པའི་རྒྱན་དྲུག་གིས་བརྒྱན་ཅིང་གྲི་གུག་ཐོད་ཁྲག་འཛིན་པའོ། །གཞལ་ཡས་ཁང་གི་ཕྱི་དྲག་པོའི་དཀྱིལ་འཁོར་གྲུ་གསུམ་ལ་ནག་པོ་སྟོང་དང་ཤ་ཟ་འབུམ། དབང་གི་དཀྱིལ་འཁོར་ཟླ་གམ་ལ་མ་མོ་བྱེ་བ། ཞི་བའི་དཀྱིལ་འཁོར་ཟླུམ་པོ་ལ་མཁའ་འགྲོ་བྱེ་བ་བསམ་གྱིས་མི་ཁྱབ་པ། རྒྱས་པའི་དཀྱིལ་འཁོར་གྲུ་བཞི་ལ་གནོད་སྦྱིན་ཁྲི་དང་། ཁྲབ་ཅན་བྱེ་བ་འབུམ་རྒྱུག་པ། ཕྱིའི་ཁྱམས་ལ་དམག་དཔོན་ཆེན་པོ་བརྒྱད་དེ། ཤར་དུ་སེང་གེའི་གདོང་ཅན་ལ་གཙང་རིས་མགོན་པོའི་དམག་ཚོགས་ཀྱིས་བསྐོར་བ། ལྷོར་སྟག་གི་གདོང་ཅན་ལ་བདུད་ཀྱི་

[Full Size]

དམག་ཚོགས་ཀྱིས་བསྐོར་བ། ནུབ་ཏུ་ལྕེ་སྤྱང་གི་གདོང་ཅན་ལ་གཉན་གྱི་དམག་ཚོགས་ཀྱིས་བསྐོར་བ། བྱང་དུ་དོམ་གྱི་གདོང་ཅན་ལ་གཟའ་ཡི་དམག་ཚོགས་ཀྱིས་བསྐོར་བ། བྱང་ཤར་དུ་གཟིག་གི་གདོང་ཅན་ལ་ལྷའི་དམག་ཚོགས་ཀྱིས་བསྐོར་བ། ཤར་ལྷོར་སྤྲེའུ་གདོང་ཅན་ལ་རྒྱལ་པོའི་དམག་ཚོགས་ཀྱིས་བསྐོར་བ། ལྷོ་ནུབ་ཏུ་དྲེད་ཀྱི་གདོང་ཅན་ལ་གཤིན་རྗེའི་དམག་ཚོགས་ཀྱིས་བསྐོར་བ། ནུབ་བྱང་དུ་ཆུ་སྲིན་གྱི་གདོང་ཅན་ལ་ཀླུ་བདུད་ཀྱི་དམག་ཚོགས་ཀྱིས་བསྐོར་བ། ཕྱིའི་དུར་ཁྲོད་བརྒྱད་ལ་ཞིང་སྐྱོང་དང་ཕྱོགས་སྐྱོང་། རྩང་རྣམས་ལ་དབང་ཕྱུག་མ་ཉི་ཤུ་རྩ་བརྒྱད། དེ་དག་གི་བར་ཁྱམས་རྣམས་སུ་རྟགས་གཏོར་རྒྱུན་གཏོར་བསྐང་གཏོར། ཤར་དུ་གཏི་མུག་ཤ་ཡི་རི་བོ། ལྷོ་རུ་ང་རྒྱལ་སྙིང་གི་ཕུང་པོ། ནུབ་ཏུ་འདོད་ཆགས་ཁྲག་གི་རྒྱ་མཚོ། བྱང་དུ་ཞེ་སྡང་རུས་པའི་གྲམ་ཁྲོད། མཆོད་པའི་རྫས་བསྐང་བའི་རྫས་རྟེན་པའི་རྫས་བསམ་གྱིས་མི་ཁྱབ་པ་དང་བཅས་པ་གསལ་བར་གྱུར། ཨོཾ་ཨཱཿཧཱུྃ་ཧ་ཧོ་ཧི་ལྷ་ཚོགས་ཐམས་ཅད་ཀྱི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས་པས་འོག་མིན་རྣམ་པར་སྣང་མཛད་ཀྱི་དུར་

[Full Size]

པོ་དང་། ལྕང་ལོ་ཅན་དང་གཞན་འཕྲུལ་དབང་བྱེད་ཡོངས་འདུས་ཀྱི་ཤིང་རྩུབ་འགྱུར་གྱི་ཚལ། རི་བོ་གནམ་ལྕགས་འབར་བའི་རྩེ་བསིལ་བའི་ཚལ། ནཱ་ལེནྡྲ་དུར་ཁྲོད་ཆེན་པོ་བརྒྱད་རྡོ་རྗེ་གདན་རྣམས་ནས་དཔལ་མགོན་པོ་འཁོར་དང་བཅས་པ་སྤྱན་དྲངས། བཛྲ་ས་མཱ་ཛཿ འདི་བསྟོད་འབུམ་ནས་བསྡུས་སོ།། ༈ རྔ་རོལ་མོ་སྤྲོས་དང་བཅས། འདི་བསྟོད་འབུམ་ནས་གསུངས་སོ།། ཛཿ དད་པ་དང་ནི་དམ་ཚིག་གིས། །ཁྲག་འཐུང་རྒྱལ་པོ་སྤྱན་འདྲེན་ན། །ཚུར་གཤེགས་ཚུར་བྱོན་མ་ཧཱ་ཀཱ་ལའི་ཚོགས། །མ་གཡེལ་མ་གཡེལ་དཔལ་མགོན་ཐུགས་ཀྱི་སྲས། །ལྷ་ཆེན་དཔལ་འབར་འདིར་གཤེགས་མཆོད་པ་བཞེས། །ལྷ་དམག་དབུགས་འབྱིན་འདིར་གཤེགས་མཆོད་པ་བཞེས། །ལྷ་ཡི་དམག་དཔོན་འདིར་གཤེགས་མཆོད་པ་བཞེས། །ནག་པོ་མི་ཟན་འདིར་གཤེགས་མཆོད་པ་བཞེས། །སྲིན་པོའི་གཟུགས་ཅན་འདིར་གཤེགས་མཆོད་པ་བཞེས། །བྱ་རོག་མིང་ཅན་འདིར་གཤེགས་མཆོད་པ་བཞེས། །ཚོགས་ཀྱི་བདག་པོ་འདིར་གཤེགས་མཆོད་པ་བཞེས། །འཁོར་ཚོགས་བཅས་པ་འདིར་གཤེགས་མཆོད་པ་བཞེས། །མ་ཧཱ་ཀཱ་ལ་ལྷ་ཡི་གཙོ་བོ་སྟེ། །

[Full Size]

དབྱིངས་ནས་གཤེགས་ཤིང་བཞུགས་པ་མི་མངའ་ཡང་། །བྱིན་གྱིས་བརླབ་ཕྱིར་བཤམས་པའི་གནས་འདི་རུ། །འབར་བའི་སྐུར་སྟོན་བསྒྲུབ་ཕྱིར་བཞུགས་སུ་གསོལ། །ཨོཾ་ཙ་ཏུར་དྷརྨ་མ་ཧཱ་ཀཱ་ལ་ས་པཱ་རི་ཝཱ་ར་བཛྲ་ས་མཱ་ཛཿ ཛཿཧཱུྃ་བཾ་ཧོ༔ ཏིཥྛ་ལྷན། ཨོཾ་མ་ཧཱ་ཀཱ་ལ་ཡ་ན་མ། ཨོཾ་མ་ཧཱ་ཀཱ་ལ་ས་མ་ཡ་ཧ་ན་ཧ་ན་ཧཱུྃ་ཕཊ། ཨརྒྷཾ་ནས་ཤབྟ་ཨཱཿཧཱུྃ་བར་བརྗོད། པཉྩ་ཨ་མྲྀ་ཏ་བྷ་ལིང་ཏ་རཀྟ་ཁཱ་ཧི། ཧཱུྃ། ཧེ་རུ་ཀ་དང་ཤཱཀྱ་ཐུབ། །གསང་བདག་ཀླུ་སྒྲུབ་པདྨ་འབྱུང་། །དཔལ་ཆེན་ཧྥ་ལོ་རྩ་རྒྱུད་ཀྱིས། །བཀའ་བསྒོས་དམ་ཚིག་རྗེས་དགོངས་ལ། །བདག་གིས་འདོད་དོན་བསྒྲུབ་མཛོད་ཅིག །དབང་ལྷ་སྤྱན་དྲངས་དབང་བསྐུར་ཏེ། །བདེ་མཆོག་རིགས་ལྔས་དབུ་བརྒྱན་གྱུར། །བདག་ཉིད་ལྷན་སྐྱེས་ཡབ་ཡུམ་དུ། །གསལ་བའི་ཐུགས་ཀར་ཉི་མའི་སྟེང་། །ཧཱུྃ་མཐར་ཡིག་བདུན་གཡོན་དུ་འཁོར། །མན་ངག་དམིགས་པ། དེ་ལས་འོད་ཟེར་ཕྱོགས་བཅུར་འཕྲོས། །རྒྱལ་བ་སྲས་བཅས་མ་ལུས་ཀུན། །བདེ་མཆོག་རྣམ་པར་ཆར་ལྟར་བབ། །བདག་ལ་ཐིམ་པས་བྱིན་རླབས་ཞུགས། །གཟི་བརྗིད་མཚུངས་པ་མེད་གྱུར་པའི། །ཐུགས་ཀའི་ཧཱུྃ་

[Full Size]

ལས་འོད་ཟེར་ནི། །ཁ་དོག་ལྔ་ལྡན་ཞལ་ནས་ཐོན། །སྐུ་ལྔ་མགོན་པོའི་ཞལ་དུ་ཞུགས། །ཐུགས་ཀར་ཉི་སྟེང་ཧཱུྃ་ཡིག་ལས། །སྔགས་ཕྲེང་གཡས་སུ་འཁོར་ལ་ཐིམ། །ཐུགས་རྒྱུད་བསྐུལ་བས་རབ་ཏུ་དགྱེས། །འོད་ཟེར་ཐུགས་ཀ་ནས་ཐོན་ཏེ། །ཚུར་བྱུང་རང་གི་ཐུགས་ཀར་ཐིམ། །སྐུ་ལྔའི་དངོས་གྲུབ་ཐོབ་པར་གྱུར། །དེ་ལྟར་རྒྱུན་དུ་འཁོར་བ་ཡི། །གཙོ་བོ་ལྔ་ཡི་འོད་ཟེར་གྱིས། །འཁོར་རྣམས་ཐམས་ཅད་ལས་ལ་བསྐུལ། །རང་འདྲའི་སྤྲུལ་པས་འཇིག་རྟེན་གང་། །ཁྲོ་ཆུང་མེ་རླུང་འཚུབ་མ་ཡིས། །གནོད་བྱེད་རྒྱ་མཚོའི་ཕར་འགྲམ་སྤྱད། །ལ་ལོས་སྲུང་ཤིང་ལ་ལས་བཟློག །ལ་ལས་དགྲ་བགེགས་བསད་བཅད་གཏུབ། །གང་འདོད་ཕྲིན་ལས་ཐོགས་མེད་གྱུར། །ཨོཾ་ཧྲཱི༔ཧ་ཧ་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལ་ཧཱུྃ་ཕཊ། ༀ་བཛྲ་ཀ་ཝུ་པ་མ་ཧཱ་ཀཱ་ལ་ཧཱུྃ་ཧཱུྃ་ཕཊ། ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ། ༀ་མ་ཧཱ་ཀཱ་ལ་གུ་ཎ་ཧྲི་ཏ་ཧཱུྃ་ཕཊ། ཨོཾ་ཀརྨ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ། ཅེས་པ་རབ་བརྒྱ་རེ། འབྲིང་ཉེར་གཅིག །ཐ་མ་བདུན་རེ་བཟླས། ཨོཾ་མ་ཧཱ་ཀཱ་ལ་ཁ་ཁ་མུ་ཁ་ཧཱུྃ་ཕཊ། ༀ་བཛྲ་མ་ཧཱ་ཀཱ་ལི་ཧཱུྃ་ཕཊ། ༀ་བཛྲ་མ་ཧཱ་ཀཱ་ལ་རཀྟ་དུ་བཻ་ཛཿ ཨོཾ་སེང་ཧ་མུ་ཁ་ཧཱུྃ་ཕཊ། །

[Full Size]

འཁོར་གྱི་གཙོ་བོ་སྔགས་བདུན་རེའམ་གསུམ་རེ་བཟླའོ།། ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿ འདི་གཙོ་བོ་སྤྱི་ཡི་འབོད་པའོ། །ལས་གསང་བའི་རྒྱུད་ལས། སྔགས་རྣམས་ཀུན་གྱི་མཉེས་པར་བྱ། །ཞེས་གསུངས་པའི་དོན་ནོ།། ༈ དེ་ནས་ཟན་ལིང་ཆེ་བ་གཏུབ་རྒྱུ་གཅིག་དང་། སྤྲོ་ན་ལིང་ཆུང་སྤར་བཏབ་པ་གཏོར་ཆུང་ལྷ་གྲངས་དང་མཉམ་པའམ་ཁྲག་གིས་སྦག་ལ་མདུན་དུ་ཟངས་ལྕགས་ཐོད་པར་བཤམས། ལྕགས་ཁང་དུ་ཤོག་ལིང་ཡོད་ན་རབ་བོ། །ཕུར་པ་ཐུན་རྫས་གྲི་གུག་ཐོ་བ་སོགས་བཤམས་ནས་བྱིན་རླབས་མ་བྱས་པའི་ཆང་རྒོད་དམ་ཁྲག་གམ་ཆུ་གཙང་གིས་ལིང་ག་བྲན་ལ་དེ་ཡང་དེང་སང་སྔགས་པས་ནོར་འདོད་ནས་སྡིག་ཅན་གྱི་སྲུང་ཟློག་བྱེད་པ་ལ་གཟུ་དཔང་བྱས་ན་ཕན་པ་བས་གནོད་པ་ཆེ་བའི་ཕྱིར་མི་བྱའོ། །་་་་་གཟུ་དཔང་དང་མི་འགལ་བ་རྣམས་ཚུལ་བཞིན་ཉམས་སུ་བླངས། མཆན། ཕཊ། སྐད་ཅིག་གིས་མདུན་དུ་ཨེ་ཡིག་དུག་གསུམ་ལས་གྲུབ་པའི་གནམ་ལྕགས་ཀྱི་ཁང་སྒྲོམ་ཟུར་གསུམ་པ། ནད་མུག་མཚོན་གྱི་ཆར་མུན་འཁྲིགས་པའི་ནང་དུ། ཚྭ་དང་ཁྲི་ལས་གནོད་བྱེད་དགྲ་བགེགས་རིད་ཅིང་སྐེམ་པ་རྐང་ལག་ལྕགས་སུ་བཅུག་པ་མིག་ཤི་ག་ལ་ལག་པས་སྐུ་འབལ་ཞིང་བྲང་རྡུང་བ། ཁ་ནས་བདུད་པོ་ང་ལོང་གིས་འོ་དོད་འབོད་པ་ཞིག་ཏུ་གྱུར། ན་མོ། རྒྱལ་བ་རྡོ་རྗེ་འཆང་ཆེན། གསང་བའི་བདག་པོ། ཀླུ་

[Full Size]

སྒྲུབ་པདྨ་འབྱུང་གནས། དཔལ་ཆེན་ཧྥ་ལོ་ཙཱ་ལ་སོགས་པ་རྩ་བརྒྱུད་ཀྱི་བླ་མ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཡི་དམ་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་ལྷ་ཚོགས་རྣམས་ཀྱི་བདེན་པ་དང་། དཔལ་ཡེ་ཤེས་ཀྱི་མགོན་པོ་ཕྱག་བཞི་པ་ཡབ་ཡུམ་བཀའ་སྡོད་འཁོར་དང་བཅས་པའི་བདེན་པ་དང་། བདེན་པ་ཆེན་པོའི་མཐུས་སྤྱིར་ཞིང་བཅུ་ཚང་བ་བསྟན་པའི་སྤྱི་དགྲ། དོ་བསྡོ་ཞིང་ཕོད་བཙུགས་པ་རྣལ་འབྱོར་པ་བདག་གི་སྒོས་དགྲ། བསམ་ངན་འཆང་བའི་བྱད་མ། ཁྱད་པར་དུ་ཡང་བདག་ཅག་དཔོན་སློབ་ཡོན་མཆོད། མི་ནོར་བསྲུང་བྱ་རྣམས་ལ་གནོད་ཅིང་འཚེ་བའི་གདོན་བགེགས། ཟ་བའི་འདྲེ། ཕུང་བའི་སྲི། ཤི་བའི་གཤེད། གསོད་པའི་བདུད་གང་ཡིན་པ་ཐམས་ཅད་སྐད་ཅིག་རང་དབང་མེད་པར་གཟུགས་ལིངྒ་འདི་ལ་ཁུག་ཅིག །ཛཿཧཱུྃ་བཾ་ཧོ༔ ཞེས་ལན་གསུམ། དེ་ནས་རོལ་མོ་དབྱངས་དང་བཅས་པས་འདི་སྐད་དོ།།་ཧཱུྃ་བྷྱོ། དཔལ་ལྡན་མགོན་པོ་ནག་པོ་ཡི། །ཤར་གྱི་ཕྱོགས་ཀྱི་ཕོ་ཉ་ནི། །མ་མོ་བྱ་རྒོད་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །བྱང་

[Full Size]

གི་ཕྱོགས་ཀྱི་ཕོ་ཉ་ནི། །མ་མོ་ཁྱུང་གི་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །ནུབ་ཀྱི་ཕྱོགས་ཀྱི་ཕོ་ཉ་ནི། །མ་མོ་ཁྭ་ཏའི་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །ལྷོ་ཡི་ཕྱོགས་ཀྱི་ཕོ་ཉ་ནི། །མ་མོ་འུག་པའི་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །ཤར་ལྷོའི་ཕྱོགས་ཀྱི་ཕོ་ཉ་ནི། །མ་མོ་ཕག་གི་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །ལྷོ་ནུབ་མཚམས་ཀྱི་ཕོ་ཉ་ནི། །མ་མོ་ཁྱི་ཡི་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །ནུབ་བྱང་མཚམས་ཀྱི་ཕོ་ཉ་ནི། །མ་མོ་སྤྱང་ཀའི་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །བྱང་ཤར་མཚམས་ཀྱི་ཕོ་ཉ་ནི། །མ་མོ་སྟག་གི་གདོང་པ་ཅན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་འགུགས་པའི་ལས་མཛོད་ཅིག །

[Full Size]

གཞན་ཡང་མགོན་པོའི་བཀའ་ཉན་པ། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་གནོད་སྦྱིན་ཁྲི། །ལྷ་དམག་བྱེ་བ་དུང་ཕྱུར་དང་། །སྣང་སྲིད་ལྷ་འདྲེའི་དམག་ཚོགས་རྣམས། །ལ་ལས་ལག་ན་ལྕགས་ཀྱུ་ཐོགས། །ལ་ལས་ལག་ན་ཞགས་པ་ཐོགས། །ལ་ལས་ལག་ན་ལྕགས་སྒྲོག་ཐོགས། །ལ་ལས་ལག་ན་དྲིལ་བུ་ཐོགས། །ལ་ལས་ལག་ན་རལ་གྲི་ཐོགས། །ལ་ལས་ལག་ན་འཁོར་ལོ་ཐོགས། །ལ་ལས་ལག་ན་མེ་དཔུང་ཐོགས། །དྲག་པོའི་ལས་ལ་ཟད་པའི་ཚེ། །གནོད་བྱེད་དགྲ་བགེགས་ལས་ངན་འདི། །ལྕགས་ཀྱུ་ཅན་གྱིས་སྙིང་ནས་ཟུངས། །ཞགས་པ་ཅན་གྱིས་སྐེ་ནས་ཁྲིད། །ལྕགས་སྒྲོག་ཅན་གྱིས་ཡན་ལག་སྡོམས། །དྲིལ་བུ་ཅན་གྱིས་མྱོས་སུ་ཆུག །ཐོ་བ་ཅན་གྱིས་སྤྱི་ནས་ཆོམ། །འཁོར་ལོ་ཅན་གྱིས་ཞབས་ནས་ཁྱོག །ལས་ཀྱི་རླུང་གིས་རྒྱབ་ནས་དེད། །མུན་པ་ནག་པོས་མདུན་ནས་བསུས། །མེ་དཔུང་འབར་བའི་ནང་དུ་བསྲེགས། །ཁུག་ཅིག་ཁུག་ཅིག་ཛ་ཛ་ཛཿ །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སོད་ཅིག་རྒྱོབ་ཅིག་མཱ་ར་ཡ། །ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿ གནོད་བྱེད་དགྲ་བགེགས་ཨཱ་

[Full Size]

ཀརྵ་ཡ་ཛ་ཛཿ བཛྲ་ཨངྐུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྤོ་ཊ་པཾ། བཛྲ་ཨཱ་ཝེ་ཤ་ཡ་ཧོ༔ དེ་ནས་ལྷ་དབྱེ་བ་ལ་བྱ་རོག་ལུག་སྒྲོ་ཐོགས་ལ། ཧཱུྃ་བྷྱོ། དཔལ་ལྡན་མགོན་པོའི་བཀའ་ཉན་ནི། །རླུང་ལྷའི་བུ་མོ་ཕྲ་མེན་མ། །ལྷ་དང་ལྷ་མིན་དབྱེན་བྱེད་མ། །སེར་ནག་མུན་མདོག་འུག་པའི་མགོ །མཐིང་ནག་ཆེན་མོ་བྱ་རོག་མགོ །ཁྱེད་གཉིས་ཉིན་མཚན་མེད་པར་རྒྱུག །དགྲ་བགེགས་སྲུང་ཞིང་སྐྱོབ་པའི་ལྷ། །ཕྱེས་ཤིག་ཧུ་ལུ་མུ་ཁ་མ། །ཕྱེས་ཤིག་ཁྭ་ཁ་མུ་ཁ་མ། །ཁྱོད་ཀྱིས་མི་འབྱེད་གང་ཡང་མེད། །དགྲ་བགེགས་བྱད་མ་ལས་ངན་འདི། །ལྷ་དང་ཕྱེས་ལ་བདུད་དང་སྤྱོད། །ཁྱོད་ཀྱི་དམ་ཚིག་དུས་ལ་བབ། །ཨོཾ་མ་ཧཱ་ཀཱ་ལ་ཤག་ཕྱེས་ཤག་ཕྱེས། མ་མ་ཏྲག་རུ་ཏྲ་དགྲ་བགེགས་མཱ་ར་ཡ་ཧཱུྃ་ཕཊ། བསད་པ་ལ། དེ་ནས་ཕུར་པ་ཐོགས་ལ། ཧཱུྃ། ལས་མགོན་བཛྲ་ཀཱི་ལ་ཡ། །སྐུ་སྟོད་མ་ཧཱ་ཀཱ་ལ་ཆེ། །རྡོ་རྗེའི་མཆུ་གཤོག་གྲི་ཐོད་ཅན། །གདུག་རྩུབ་དྲག་པོའི་མེ་དཔུང་འབར། །སྐེད་པར་ཆུ་སྲིན་རྔམ་ཞལ་ཅན། །ཞེ་སྡང་སྦྲུལ་གྱི་ཆུན་པོ་འཕྱང་། །སྐུ་སྨོད་གནམ་ལྕགས་ཕུར་པ་སྟེ། །ཟུར་གསུམ་དུག་གསུམ་གཅོད་པའི་མཚོན། །དགྲ་

[Full Size]

བགེགས་ལུས་ངག་ཡིད་གསུམ་འཇོམས། །ཀླད་ལ་བསྐོར་བས་སྲུང་བར་བྱེད། །སྐེད་ལ་བསྐོར་བས་ཟློག་པར་བྱེད། །གཡས་སུ་དྲིལ་བས་ཕོ་རྒྱུད་འདུལ། །གཡོན་དུ་དྲིལ་བས་མོ་རྒྱུད་འདུལ། །འདྲིལ་ཞིང་བཏབ་པས་དགྲ་བགེགས་འདུལ། །ཕྱུར་བས་སྲིད་གསུམ་ཟིལ་གྱིས་གནོན། །བཏབ་པས་ལྷ་ཡང་རླག་པར་བྱེད། །དགྲ་དང་བགེགས་ལ་སྨོས་ཅི་དགོས། །གནོད་བྱེད་དགྲ་བགེགས་ལས་ངན་འདིས། །ལྟ་བྱེད་མིག་ལ་ཀཱི་ལ་ཡ། །ཉན་བྱེད་རྣ་བར་ཀཱི་ལ་ཡ། །འགྲོ་བྱེད་རྐང་ལ་ཀཱི་ལ་ཡ། །སྨྲ་བྱེད་ལྕེ་ལ་ཀཱི་ལ་ཡ། །བསམ་བྱེད་སྙིང་ལ་ཀཱི་ལ་ཡ། །སྤྱི་བོའི་གཙུག་ནས་བཏབ་པ་ཡིས། །གསང་གནས་བར་དུ་ཐལ་གྱིས་སོང་། །བླ་དང་སྲོག་གི་འབྲེལ་ཐག་བཅད། །རྣམ་ཤེས་ཨ་ཡིག་དཀར་པོ་དེ། །ཕུར་པའི་རྩེ་ནས་ཁོང་གསེང་བརྒྱུད། །ལས་མགོན་སྤྱི་བོའི་གཙུག་ནས་ཐོན། །སྡིག་སྒྲིབ་དག་ནས་རྡོ་རྗེ་འཆང་། །ནས་འབྲས་ཙམ་གྱུར་འོག་ཕྱོགས་ཀྱི། །ཐལ་བས་ཁེབས་པའི་ཞིང་དུ་གཤེགས། །ཕཊ༔ ཚེ་བསོད་ནཾ་ཡིག་བཀྲག་མདངས་ཅན། །ཕུར་པའི་རྩེ་ནས་ཁོང་གསེང་བརྒྱུད། །སྤྱི་བོ་ནས་ཐོན་བདག་ལ་ཐིམ། །བདག་

[Full Size]

ཉིད་གཟི་བརྗིད་རབ་ཏུ་རྒྱས། །དགྲ་བགེགས་གནས་ལྔ་ཡན་ལག་བཞི། །ཕུར་རྩེས་བཏབ་ཅིང་བརླག་པར་གྱུར། །ཨོཾ་མ་ཧཱ་ཀཱ་ལ་ཁྭ་ཁ་མུ་ཁ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཅེས་དང་སྤྲོ་ན་བཞི་སྙིང་ཡང་བརྗོད་དོ། དེ་ལྟར་རྣམ་ཤེས་ཕྲལ་ནས་ཕུང་པོ་རྟེན་དང་ཕྲལ་ཕྱིར་ཐུན་བརྡེག་པར་བཤད་པ་ལྟར། ཡུངས་ཐུན། ཧཱུྃ་བྷྱོ་ཛཿ ཡུངས་ཀར་འབར་བ་དྲག་པོའི་རྫས། །དགྲ་དང་བགེགས་ཀྱི་གཉེན་པོ་རུ། །བསྐལ་པ་བརྒྱད་ཀྱི་ཕ་རོལ་ནས། །རྡོ་རྗེ་འཆང་གིས་བསྒྲུབ་པ་ཡིན། །ཁྲོ་བོ་བཅུ་ཡིས་བསྔགས་པ་ཡིན། །ཏ་ཏྲིད་བཞིས་ནི་དམོད་པ་ཡིན་། །ཕྲ་མེན་བརྒྱད་ཀྱིས་བརྩམ་པ་ཡིན། །མ་མོ་བྱེ་བས་བསྐུལ་བ་ཡིན། །དབང་ཕྱུག་མ་ཡི་ཕྱག་ཆ་ཡིན། །བགེགས་རྣམས་འདུལ་བའི་མཚོན་ཆ་ཡིན། །ཡུངས་ཀར་འབར་བའི་རྦོད་གཏོང་འདིས། །དགྲ་དང་བགེགས་ལ་མཱ་ར་ཡ། །གཏན་ནས་བརླག་པའི་ཕྲིན་ལས་མཛོད། །ཤྲི་རི་ལི་ལི་མཱ་ར་ཡ་ཛརཿ ཧཱུྃ། ལྕགས་ཕྱེའི་ཐུན་དང་རྡོ་ཕྱེའི་ཐུན། །ཡུངས་ནག་ཐུན་དང་ཤང་ཚེའི་ཐུན། །སྣ་ཚོགས་དྲག་པོ་རྫ་ས་ཀྱི་ཐུན། །ཤེལ་སྒོང་བཞིན་དུ་འདྲིལ་འདྲིལ་ནས། །ལྕགས་སྒོང་བཞིན་དུ་ཚྭ་ཚྭ་འཕྲོ། །གནམ་

[Full Size]

ལྕགས་ཐོག་སེར་ཆེམས་སེ་ཆེམ། །རྡོ་རྗེ་ཕ་ལམ་མཚོན་ཆ་བཞིན། །དགྲ་དང་བགེགས་ལ་འཕང་བའི་ཚེ། །རེག་པ་ཙམ་གྱིས་རྡུལ་དུ་རློགས། །བླ་ཚེ་སྲོག་ལ་མཱ་ར་ཡ། །ཨོཾ་མ་ཧཱ་ཀཱ་ལ་སི་རི་སི་རི་ཤ་ས་ཏ་ཧ་ན་ཧ་ན་ཧཱུྃ་ཕཊ། ཐོད་ཁྲག བྷྱོ། ཁྲག་ཐུན་ནད་རླངས་སྔོ་དམར་ཕྱུར། །རིམས་ནད་རྒྱུ་གཟེར་དྲག་པོའི་ཆར། །མ་མོ་བྱེ་བས་དམོད་པའི་མཚོན། །དགྲ་དང་བགེགས་ཀྱི་སྟེང་དུ་ཡ། །རྡུལ་དུ་བརླག་པའི་དུས་ལ་བབ། །མཚེ། ཧཱུྃ། རྩང་དང་ཚེ་མདའ་དྲག་པོའི་རྫས། །ཕོ་བདུད་ནག་པོ་དམོད་པའི་མཚོན། །གདུག་རྩུབ་ཞེ་སྡང་མེ་ཆེན་འབར། །དགྲ་དང་བགེགས་ལ་བརྒྱབ་ཙམ་ན། །ལུས་ངག་ཐལ་བ་གཞོབ་ཏུ་བསྲེགས། །རྡུལ་དུ་བརླག་པའི་དུས་ལ་བབ། །མདའ། ཧཱུྃ། གཞུ་ནི་སྲིན་པོ་ཛྭ་ལ་འབར། །རྒྱུད་འདི་སྦལ་མགོ་ཁྲག་མིག་མ། །མདའ་འདི་སྲས་མཆོག་ར་ཧུ་ལ། །ཁྱབ་འཇུག་གཞུ་ལ་དམོད་པའི་མཚོན། །མདའ་ཐུན་དགྲ་བགེགས་སྙིང་ལ་ཡ། །རྡུལ་དུ་བརླག་པའི་དུས་ལ་བབ། །རལ་གྲི། ཧཱུྃ། རོ་ལངས་ལྕེ་ལས་གྲུབ་པའི་གྲི། །བདུད་པོ་རལ་གྲི་ཟླ་བས་རྙེད། །དཔལ་ལྡན་མགོན་པོའི་ཕྱག་ཏུ་ཕུལ། །

[Full Size]

དགྲ་དང་བགེགས་རྣམས་གསོད་པའི་ཐུན། །དགྲ་བགེགས་མགོ་ལུས་དུམ་བུར་གཏུབ། །རྡུལ་དུ་བརླག་པའི་ཕྲིན་ལས་མཛོད། །ཁ་ཊཱྃ། ཧཱུྃ། དུག་གསུམ་རྩད་གཅོད་ཁ་ཊ་འདི། །རྡོ་རྗེ་ཕ་ལམ་རྫ་ས་ལས་གྲུབ། །ལྷ་ཆེན་དབང་ཕྱུག་ཆེན་པོས་བྱས། །མཁའ་འགྲོ་ཤིན་ཏུ་དཔའ་མོས་རྙེད། །དཔལ་ལྡན་མགོན་པོ་ཕྱག་ཏུ་ཕུལ། །གྲོང་ཁྱེར་སུམ་བརྩེགས་བརླག་པར་བྱས། །དགྲ་དང་བགེགས་ལ་བརྒྱབ་ཙ་ནས། །ལུས་ངག་ཡིད་གསུམ་རྡུལ་དུ་རློགས། །རྡོ་རྗེ། ཧཱུྃ། རྡུངས་ཤིག་རྡོ་རྗེའི་ཐོ་བས་རྡུངས། །ཙཎྜི་ནག་མོའི་གཏུན་ཁུང་དུ། །མ་ཧཱ་ཀཱ་ལའི་ཐོ་བས་བརྡུང་། །རྡུང་ན་ལྷ་ཡང་རླག་པར་བྱེད། །དགྲ་དང་བགེགས་ལ་སྨོས་ཅི་དགོས། །འབྱུང་པོ་ཕོ་བརྡུང་གཡས་སུ་རྡུང་། །འབྱུང་མོ་མོ་བརྡུང་གཡོན་དུ་རྡུང་། །དགྲ་དང་བགེགས་ཀྱི་ཀླད་ཁྲག་རྡུང་། །ཕྱེ་མ་ཕྱེ་མ་རྡུལ་དུ་རློགས། །ཨོཾ་མ་ཧཱ་ཀཱ་ལ་ཨ་ཀོད་ཏ་ཡ་མུ་ཀ་མཱ་ར་ཡ་ཧཱུྃ་ཕཊ་གྲི་ཁུག །ཧཱུྃ། ཕུང་པོ་གཏུབ་པའི་གྲི་གུག་འདི། །ཡར་རྩེ་རྡོ་རྗེ་རྩེ་ལྔ་འདི། །ཡེ་ཤེས་ཁྲག་འཐུང་རིགས་ལྔ་ཡིན། །པདྨ་ཡིན་ཕྱིར་ཐབས་ཤེས་ཚུལ། །དཔལ་ལྡན་

[Full Size]

མགོན་པོ་ཡབ་ཡུམ་གཉིས། །ལྟེ་བ་ཟླུམ་པོ་ཆོས་ཀྱི་སྐུ། །མར་རྩེ་གནམ་ལྕགས་གདུག་པའི་མཚོན། །མ་རིག་བདག་འཛིན་རྩ་བ་གཅོད། །བཏབ་པས་འཁོར་བའི་སྐྱེ་རྒྱུད་ཆོད། །དགྲ་བགེགས་ལྔ་ཕུང་དུམ་བུར་གཏུབས། །ཏིལ་ཙམ་དུ་ནི་མཛད་དུ་གསོལ། །ཨོཾ་བཛྲ་མ་ཧཱ་ཀཱ་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ། ཅེས་པ་དང་གཞི་སྙིང་བཟླས་ཤིང་དུམ་བུར་གཏུབ། བསྒྲལ་ལས་འདི་མན་ངག་མང་པོའི་དོན་བསྡུས་སོ། །ལིང་ཆུང་སྤར་མ་མེད་ན་ཕྱེད་ཙམ་གཏོར་ཆུང་དང་མཉམ་དུ་བཞག །ལིང་རོ་ཆེ་བ་གཏུབ་ནས་ཁྲག་གིས་སྦགས་ལ་གཏོར་སྐྱོགས་སམ་མེད་ན་ཐོད་ཏིང་དུ་མཆོད་གཡོག་པས་བཀྱག་ལ། ཧཱུྃ། གྲུ་གསུམ་བྷནྡྷ་འབར་བའི་སྣོད་མཆོག་ཏུ། །དམ་ཉམས་དགྲ་བགེགས་བསྒྲལ་བའི་ཤ་ཁྲག་འདི། །རིགས་བདག་བདེ་མཆོག་རིགས་ལྔའི་ཞལ་དུ་བསྟབ། །ཡེ་ཤེས་ཁྱུང་ཆེན་རིགས་ལྔའི་ཞལ་དུ་བསྟབ། །སྐུ་ལྔ་མགོན་པོ་ཡབ་ཡུམ་ཞལ་དུ་བསྟབ། །ལས་མགོན་བྱ་རོག་གདོང་དགུའི་ཞལ་དུ་བསྟབ། །སེང་གདོང་ཞིང་སྐྱོང་སོ་གཉིས་ཞལ་དུ་བསྟབ། །དུས་སོལ་རྩ་འཇིབ་མཆེད་བཞི་ཞལ་དུ་བསྟབ། །མཁའ་འགྲོ་བརྒྱད་དྲུག་རྣམས་ཀྱི་ཞལ་དུ་བསྟབ། །ལེགས་ལྡན་དམག་དཔོན་བརྒྱད་ཀྱི་ཞལ་དུ་བསྟབ། །

[Full Size]

མཁའ་འགྲོ་བསམ་མི་ཁྱབ་པའི་ཞལ་དུ་བསྟབ། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བའི་ཞལ་དུ་བསྟབ། །ལྷ་དམག་དུང་ཕྱུར་གནོད་སྦྱིན་ཁྲི། །ལྷ་སྲིན་སྡེ་བརྒྱད་དམག་ཚོགས་ཞལ་དུ་བསྟབ། །ཕྱོགས་སྐྱོང་དཔལ་མགོན་བདུན་ཅུའི་ཞལ་དུ་བསྟབ། །གཏི་མུག་ཤ་ལ་ཆེམ་ཆེམ་དགྱེས་པར་རོལ། །འདོད་ཆག་ཁྲག་ལ་ལྡིབ་ལྗིབ་དགྱེས་པར་རོལ། །ཞེ་སྡང་རུས་ལ་ཁྲུམ་ཁྲུམ་དགྱེས་པར་རོལ། །ཞལ་དུ་བསྟབ་བོ་བཞེས་ཤིག་ཁ་རཾ་ཁཱ་ཧི། །མགུལ་དུ་བསྟིམ་མོ་བཛྲ་ཨཱ་ར་ལི། །ལྷག་མེད་དབྱིངས་སུ་རོལ་ཅིག་ས་མ་ཡ། །ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ས་པཱ་རི་ཝཱ་ར་མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཀཾ་ནི་རི་ཏི་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་གོ་ཟླརོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ཞིང་ཆེན་ལ་ཁཱ་ཧི། ཞེས་གཏོར་མདོས་ནང་དུ་འབུལ། ལས་གསང་བའི་རྒྱུད་ལས། དགོས་པའི་རྫས་རྣམས་ཚོགས་པ་དང་། །ཡི་གེ་གསུམ་གྱིས་བྱིན་བརླབས་ནས། །རྩ་བའི་སྔགས་དང་བཅས་པ་ཡིས། །དང་པོ་ཡེ་ཤེས་ལྷ་ལ་མཆོད། །གཉིས་པ་ལེགས་ལྡན་ནག་པོ་སྟེ། །གསུམ་པ་འཁོར་གསུམ་དག་པར་འབུལ། །བཞི་པ་ལྷ་སྲིན་ཕྲིན་ལས་བཅོལ། །ཞེས་གསུངས་པའི་དོན་ཏེ། དེ་

[Full Size]

ནས་ཐོད་གཏིང་ངམ་ཐེབ་ཙེ་ལྕགས་སྣོད་དུ་གཏོར་ཆུང་ལིང་ཆུང་སྤར་མའམ་ལིང་གི་དུམ་བུ་རེ། ཤ་དུམ་རེ་རྣམས་བཤམས་ལ་བདུད་རྩིས་བྲན་ལ། ཨོཾ་ཨཱཿཧཱུྃ། བྷནྡའི་སྣོད་སྟོང་གསུམ་ཙམ་གྱི་ནང་དུ་དགྲ་བགེགས་ཀྱི་ཤ་ཁྲག་བདུད་རྩིའི་རྒྱ་མཚོ་ཆེན་པོ་གྱུར་པ་འདི་བསྔོ་ཞིང་འབུལ་བའི་གནས་ནི། ཁྲག་འཐུང་བདེ་མཆོག་རིགས་ལྔ། ཡེ་ཤེས་ཁྱུང་ཆེན་སྡེ་ལྔ། སྐུ་ལྔ་མགོན་པོ་ཡབ་ཡུམ། ལས་མགོན་བྱ་རོག་གདོང་དགུ། དུད་སོལ་རྩ་འཇིབ་མཆེད་བཞི། སེང་གདོང་ཞིང་སྐྱོང་སོ་གཉིས། ལེགས་ལྡན་དམག་དཔོན་མཆེད་བརྒྱད། མ་མོ་མཁའ་འགྲོ་བརྒྱད་དྲུག །སྐུ་འཁོར་ནག་པོ་སྟོང་། གསུང་འཁོར་ཤ་ཟ་འབུམ། ཐུགས་འཁོར་མ་མོ་བྱེ་བ། ཡོན་ཏན་གྱི་འཁོར་གནོད་སྦྱིན་ཁྲི། ཕྲིན་ལས་ཀྱི་འཁོར་མཁའ་འགྲོ་བསམ་གྱིས་མི་ཁྱབ་པ། སྤྲུལ་པའི་འཁོར་ཁྲབ་ཆེན་བྱེ་བ་འབུམ་རྒྱུག །བཀའི་འཁོར་དཔལ་མགོན་བདུན་ཅུའི་དམག་ཚོགས། ལས་མཁན་ལྷ་སྲིན་སྡེ་བརྒྱད་ཀྱི་དམག་ཚོགས་ཐམས་ཅད་ཀྱི་ཞལ་དུ་མ་ཧཱ་བ་ལིང་ཏ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་པཉྩ་ཨ་མྲྀ་ཏ་ཁཱ་ཧི།་གནོད་བྱེད་དགྲ་བགེགས་ཀྱི་ཤ་ཁྲག་རུས་གསུམ་ལ་ཁཱ་ཧི་ཁཱ་ཧི། དམ་རྫས་བརྒྱན་པའི་གཏོར་

[Full Size]

མ་འདི་བཞེས་ལ། བདག་ཅག་མི་ནོར་བསྲུང་བྱ་ཐམས་ཅད་ལ་རླུང་མཁྲིས་བད་ཀན་འདུས་པ་ལས་གྱུར་པའི་ནད་ཐམས་ཅད་བཟློག་པར་མཛོད་ཅིག །སྡིག་སྒྲིབ་ནད་གདོན་འཇིགས་པ་བརྒྱད་དང་བཅུ་དྲུག་ཐམས་ཅད་ཞི་བར་མཛོད་ཅིག །རྒྱལ་བསེན་གཟའ་ཀླུ་ས་བདག་སོགས་གདོན་ཐམས་ཅད་བཟློག་པར་མཛོད་ཅིག །དམག་ཇག་ཆོམ་རྐུན་ལ་སོགས་པ་གཟུགས་ཅན་གྱི་དགྲ་ཐམས་ཅད་བཟློག་པར་མཛོད་ཅིག །སད་སེར་མུ་གེ་ལ་སོགས་པ་བསྐལ་པ་ངན་པ་ཐམས་ཅད་བཟློག་པའི་ཕྲིན་ལས་མཛོད་ཅིག །ཚེ་་དང་བསོད་ནམས་དཔལ་འབྱོར་ཐམས་ཅད་རྒྱས་པར་མཛོད་ཅིག །རླུང་སེམས་སྣང་བ་དབང་དུ་འདུ་བར་མཛོད་ཅིག །བྱད་ཁ་ཕུར་ཁ་དྲོད་གཏོང་ཆག་ཆེན་ཉམ་ང་ལྟས་ངན་ཆོ་འཕྲུལ་ཐམས་ཅད་བཟློག་པའི་ཕྲིན་ལས་མཛོད་ཅིག །བདུད་བཞི་དང་དགྲ་བགེགས་ཐམས་ཅད་ཚར་གཅོད་པའི་ཕྲིན་ལས་མཛོད་ཅིག །ༀ་བཛྲ་མ་ཧཱ་ཀཱ་ལ་ཡ། ཀཱ་ཡ་ཝཱཀྐ་ཙིཏྟ་ས་མ་ཡ་ཛཿ བྷ་ལིང་ཏ་སརྦ་པཉྩ་ཨ་མྲྀ་ཏ་བྷ་ལིང་ཏ། ཨི་དམ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། སརྦ་ཤ་ཏུཾ་ཀཱ་ཡ་ཝཱ་ཀ་ཙིཏྟ། གྲིཅུ་གྲིཉྩ་སརྦ་ཤ་ཏུཾ་ཏཱཾ་ས་ལ་ཁཱ་ཧི་ཁཱ་ཧི། ཧ་ན་

[Full Size]

ཧ་ན་སརྦ་ཤ་ཏྲི་གོ་རོ་ཙ་ན་ལ་ཁཱ་ཧི་ཁཱ་ཧི། ད་ཧ་ད་ཧ་སརྦ་ཤ་ཧཱུྃ་བ་སུ་ཏ་ལ་ཁཱ་ཧི་ཁཱ་ཧི། པ་ཙ་པ་ཙ་སརྦ་ཤ་ཏུཾ་རཀྟ་ལ་ཁཱ་ཧི་ཁཱ་ཧི། མཱ་ར་ཡ་མཱ་ར་ཡ་སརྦ་ཤ་ཏུཾ་གནོད་བྱེད་གདོན་བགེགས་ཀྱི་ཙིཏྟ་ལ་རྦད་རྦད། སརྦ་བིགྷ་ནཱན་མཱ་ར་ཡ་ཨེ་ཀ་ཟློག་ཟློག །ཅེས་གཏོར་ཆུང་གཅིག་གཏོར་མདོས་སུ་འབུལ། དེ་འདྲ་བ་བདུན་རེ་བྱའོ། །དེ་ལྟ་བུ་འབུལ་ཁ་ཚུན་རབ་བརྒྱ་རྩ་བརྒྱད། འབྲིང་དྲུག་ཅུ་རྩ་བཞི། ཐ་མ་ཡང་ཉེར་གཅིག་ཚར་བར་བྱའོ། །སྔགས་དེ་ནི་སྲོག་ཟན་ནག་པོའི་རྒྱུད་ལས་དྲག་པོ་གཏོར་ཟློག་གི་སྔགས་ཀྱི་ཁ་ཚར་གསུངས་པ་ཡིན་ནོ། །ཟབ་བོ། །དེ་ནས་གཏོར་ཆུང་བདུན་པོ་རྫོགས་ནས། མདོས་གཏོར་བདུད་རྩིས་བྲན་ལ། བསྟོད་པ་དང་བསྐང་བ་དང་ཟློག་པ་གསུམ་ཀ་དུས་གཅིག་ལ་བྱ་བ་ཡིན་ཏེ། དབྱངས་རོལ་མོ་དང་བཅས་པས། གཞུང་ཚིག་འདི་དག་ཕལ་ཆེར་རྡོ་རྗེ་གདན་པ་ཆེན་པོའི་གསུངས་ཡིན་ནོ། ཧཱུྃ། འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། །ཕྱོགས་བཅུའི་དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་ཁྱད་འཕགས་མི་བསྐྱོད་རྡོ་རྗེའི་རིགས། །ཚད་མེད་བཞི་ལྡན་བདུད་བཞི་འཇོམས་མཛད་སྐུ། །རྣམ་ཐར་བཞི་ལྡན་དཔའ་བོ་ཆེན་པོ་སྟེ། །ཐུགས་རྗེའི་དབྱིངས་ནས་བཞེངས་པའི་སྐུ་མཆོག་ནི། །རབ་འཇིགས་ཞལ་ནས་ཧ་ཧའི་སྒྲ་སྒྲོགས་པ། །མ་རུངས་དུར་

[Full Size]

ཁྲོད་ཆེན་པོའི་གནས་མཆོག་ནས། །ཡེཤེས་མེ་དཔུང་འབར་བའི་ཀློང་ན་བཞུགས། །ཞལ་གཅིག་ཕྱག་བཞི་མཐིང་ནག་རྔམ་པའི་སྐུ། །འགྲོ་དོན་རྫོགས་མཛད་ཕྲིན་ལས་རྣམ་བཞིའི་བདག །བདུད་འདུལ་ནག་པོ་ཆེན་པོ་སྟེ། །དཔའ་བོ་ཆེན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བྱད་སྟེམས་རྦོད་གཏོང་ཐམས་ཅད་ཟློག །ཧཱུྃ། ཁྲག་འཐུང་ནག་པོ་བྱ་རོག་མཚན་ཅན་ནི། །རབ་འཇིགས་དཔའ་བོ་བསྐལ་པའི་མེ་ལྟར་འབར། ཞལ་གདངས་ཁྲོ་གཉེར་སྨིན་མ་གློག་ལྟར་འཁྱུག །སྒེག་པ་ལ་སོགས་གར་གྱི་ཉམས་དང་ལྡན། །ཁྲག་འཐུང་ནག་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བྱད་སྟེམས་ཟོད་གཏོང་ཐམས་ཅད་ཟློག །ཧཱུྃ། ཨག་ཚོམ་དམར་པོ་མེ་ལྟར་འབར་བ་ཡི། །སྐྱེ་ཤི་རྩད་གཅོད་རྣོ་དཀར་མཆེ་བ་གཙིགས། །སྙིང་རྗེ་ཆེན་པོ་ཁྲོས་པའི་སྤྱན་གསུམ་ནི། །མེ་ལྟར་འབར་བས་ཕྱོགས་བཅུ་ཁྱབ་པར་གཟིགས། །ཡེ་ཤེས་སྤྱན་ལྡན་ཁྱེད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་བན་ཁྱད་བོན་བྱད་ཟློག །ཧཱུྃ། ལྗགས་ནི་དྲག་པོའི་གློག་

[Full Size]

ལྟར་རབ་ཏུ་འཁྱུག །ཞལ་ནས་ཧ་ཧ་ཧཱུྃ་དང་ཕཊ་ཀྱི་སྒྲ། །བཞད་པའི་གད་རྒྱངས་ཆེན་པོ་རབ་སྒྲོགས་ཤིང་། །སྟོབས་ཆེན་རབ་འབར་འགྱིང་བའི་ཆ་བྱད་ཅན། །སྲིད་གསུམ་ཟིལ་གནོན་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་དབུལ་འཕོང་ཐམས་ཅད་ཟློག །ཧཱུྃ། དབུ་སྐྲ་དམར་སེར་གྱེན་དུ་འཁྱིལ། །དུག་ལྔ་ཡེ་ཤེས་ལྔ་དང་ལྡན་པའི་ཕྱིར། །ཐོད་སྐམ་ལྔ་ཡིས་དབུ་ལ་རབ་ཏུ་བརྒྱན། །ཐལ་ཆེན་རཀྟའི་ཚོམ་བུས་སྐུ་ལ་བརྒྱན། །ཞིང་སྐྱོང་ཆེན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་མི་ནད་ཕྱུགས་ནད་ཟློག །ཧཱུྃ། རྒྱལ་རིགས་སྦྲུལ་གྱི་དབུ་སྐྲ་བཅིངས་པས་བརྗིད། །རིན་ཆེན་དབུ་རྒྱན་དར་གྱི་ཅོད་པན་འཕུར། །རྡོ་རྗེའི་རིགས་མཚོན་མི་བསྐྱོད་དབུ་ལ་བཞུགས། །བསྟན་པའི་བཀའ་སྲུང་ཆེན་པོ་སྟེ། །རྡོ་རྗེ་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག་བཟློག་ཅིག་ལྟས་ངན་ཐམས་ཅད་ཟློག །ཧཱུྃ། གཏེར་བདག་ཡིད་བཞིན་ནོར་བུ་ཆེན་པོ་སྟེ། །ཕྱག་བཞི་དང་པོས་བྷེ་ཏའི་འབྲས་བུ་བསྣམས། །གཏེར་དང་ལོངས་

[Full Size]

སྤྱོད་ནོར་གྱི་ཆར་པ་འབེབས། །གཏེར་བདག་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་དབུལ་ཕོངས་སྡུག་བསྔལ་ཐམས་ཅད་ཟློག །ཧཱུྃ། དམ་ཉམས་རྩད་ནས་གཅོད་མཛད་ནག་པོ་ཆེན་པོ་ནི། །གཡས་ཀྱི་འོག་མས་གནམ་ལྕགས་རལ་གྲི་བསྣམས། །གློག་ལྟར་འཁྱུགས་པས་དགྲ་བགེགས་རྩད་ནས་གཅོད། །ཉམ་པའི་སྲོག་གཅོད་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་དགྲ་བགེགས་དམག་དཔུང་ཟློག །ཧཱུྃ། སྟོབས་ཆེན་དབང་སྡུད་མགོན་པོ་ནག་པོ་ནི། །གཡོན་གྱི་དང་པོས་བདུད་བཞིའི་ཁྲག་བཀང་ཐོད་པ་བསྣམས། །ཁམས་གསུམ་དབང་སྡུད་མ་ཚོགས་མཁའ་འགྲོའི་བསྐོར། །ཁམས་གསུམ་དབང་སྡུད་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་མི་ནད་ཕྱུགས་ནད་ཟློག །ཧཱུྃ། སྐུ་གསུམ་ཡོན་ཏན་ལྔ་ལྡན་ནག་པོ་ནི། །གཡོན་གྱི་འོག་མས་ཁ་ཊཾ་རྩེ་གསུམ་བསྣམས། །ལྷ་ཡི་དགྲ་བླ་ལྷ་མིན་གཡུལ་ངོ་ཟློག །ལྷ་ཡི་དེད་དཔོན་མགོན་པོའི་ཐུགས་དམ་བསྐང་། །བར་ཆད་སོལ་ལ་

[Full Size]

རྐྱེན་རྣམས་ཟློག །བཟློག་ཅིག་བྱད་སྟེམས་དྲོད་གཏོང་ཟློག །ཧཱུྃ། དུག་གསུམ་ནད་སེལ་ནག་པོ་ཆེན་པོ་ནི། །མཚན་དང་དཔེ་བྱད་རྒྱུན་གྱིས་རབ་ཏུ་མཛེས། །ཕར་ཕྱིན་དྲུག་རྫོགས་ཕྱག་རྒྱ་དྲུག་དང་ལྡན། །དུག་གསུམ་ནད་སེལ་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་རིམས་ནད་ཐམས་ཅད་ཟློག ཧཱུྃ༔ འབྱུང་པོ་སྔངས་བྱེད་ཐོད་པའི་ཕྲེང་བ་ནི། །ལྔ་བཅུ་རྩ་ལྔ་ཁྲག་འཛག་དོ་ཤལ་བྱས། །འདུ་བྱེད་རབ་སྤངས་གཙུག་ལག་དཀྱིལ་འཁོར་སྲུང་། །གཙུག་ལག་ཁང་དང་དཀྱིལ་འཁོར་ཐམས་ཅད་ཀྱི། །སྲུང་མེ་ཆེན་པོ་ཁྱོད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ལྟས་ངན་ཐམས་ཅད་ཟློག །ཧཱུྃ། ཡན་ལག་སྦྲུལ་དང་རུས་པའི་རྒྱན་གྱིས་བརྒྱན། །སྟག་གི་པགས་པའི་ཤམ་ཐབས་ཅན། །སྐེ་རགས་དྲིལ་བུ་གཡེར་ཁ་སྒྲོགས། །རིག་འཛིན་སྲུང་མ་ཆེན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བྱད་སྟེམས་དྲོད་གཏོང་ཐམས་ཅད་ཟློག །ཧཱུྃ། གྲུ་གསུམ་མཐིང་ནག་འབར་བའི་སྟེང་། །སྣ་ཚོགས་པདྨ་ཉི་མའི་གདན། །རོ་ཡི་སྟེང་ན་

[Full Size]

དཔའ་བོའི་འདུག་སྟངས་ནི། །རབ་འཇིགས་ཙནྡ་འཁྱིལ་བའི་སྟབས་ཀྱིས་བཞུགས། །རྣལ་འབྱོར་དགྲ་བླ་ཆེན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ཟོར་ཁ་ཕུར་ཁ་ཟློག །ཧཱུྃ། ཡབ་ཅིག་དཔལ་ལྡན་མགོན་པོ་ནག་པོ་ནི། །ཁྲག་འཐུང་མ་རུངས་ཀུན་གྱི་གཤེད་པོ་སྟེ། །ལོག་འདྲེན་བགེགས་དང་དགྲ་བགེགས་ཆོམ་ལ་འབེབས། །བདུད་འདུལ་བྱ་རོག་མཚན་ཅན་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ཆག་ཆེན་ཉམ་ང་ཟློག །ཧཱུྃ། ཐུགས་རྗེའི་ལུས་ཅིན་མི་འདོར་ཡེ་ཤེས་སྤྱན་དང་ལྡན། །ཐུགས་དམ་སྨོན་ལམ་མི་འདོར་འགྲོ་རྣམས་བདེ་ལ་བཀོད། །མཐུ་སྟོབས་རྨད་བྱུང་རྫུ་འཕྲུལ་ཕྲིན་ལས་ལྡན། །ཕྲིན་ལས་མྱུར་མགྱོགས་རྫུ་འཕྲུལ་ཞབས་དང་ལྡན། །ཁྲག་འཐུང་ཡེ་ཤེས་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་མི་ནད་ཕྱུགས་ནད་ཟློག ། ཧཱུྃ། ཡུམ་མཆོག་ལྷ་མོ་ཆེན་མོ་ནི། །དགའ་བྱེད་འདོད་པའི་དབང་ཕྱུག་མ། །འདོད་དགུ་བསྒྱུར་བའི་འཕྲུལ་མོ་ཆེ། །མཁའ་འགྲོ་ཆེན་མོའི་ཐུགས་དམ་བསྐང་། །བར་ཆད་

[Full Size]

སོལ་ལ་རྐྱེན་རྣམས་ཟློག །བཟློག་ཅིག་བྱད་སྟེམས་ཐམས་ཅད་ཟློག །ཁྱེད་ལ་མཆོད་པ་འབུལ་བ་ནི། །ཕྱི་མཆོད་མེ་ཏོག་བདུག་སྤོས་དང་། །སྣང་གསལ་དྲི་ཆབ་ཞལ་ཟས་དང་། །སྒྲ་སྙན་རོལ་མོ་ན་བཟའི་ཚོགས། །གདུགས་དང་རྒྱལ་མཚན་བ་དན་དང་། །རྟ་མཆོག་གླང་པོ་འཕན་དར་དང་། །འདོད་ཡོན་སྣ་ཚོགས་ཕྱི་ཡི་མཆོད་པ་དང་། །ཁྲག་ཆེན་འབར་བའི་མཆོད་ཡོན་དང་། །དབང་པོ་ལྔ་ཡི་མེ་ཏོག་དང་། །ཤ་ཆེན་སྤོས་དང་ཚིལ་ཆེན་གསུར། །ཞུན་ཆེན་སྣང་གསལ་མར་མེ་དང་། །བདུད་རྩི་ལྔ་ཡི་རོ་མཆོག་དང་། །ཤ་ཆེན་ལྔ་ཡི་ཞལ་ཟས་དང་། །ཐོད་ཆེན་རྔ་དང་རྐང་ཆེན་དུང་། །དུར་ཁྲོད་རྒྱན་སོགས་ནང་གི་མཆོད་པས་ཐུགས་དམ་བསྐང་། །ཤ་ལྔ་བདུད་རྩི་ལྔ་ལ་སོགས། །གསང་བའི་མཆོད་པས་ཐུགས་དམ་བསྐང་། །བར་ཆད་སོལ་ལ་རྐྱེན་ངན་ཟློག །བཟློག་ཅིག་ཆག་ཆེན་ཉམ་ང་ཟློག །བཟློག་བྱུང་འདི་ནི་རྩ་རྒྱུད་ཐུགས་རྗེ་འབྱུང་བ་བྱ་རོག་ཆེན་པོའི་རྒྱུད། གྲི་གུག་བརྩེགས་རྒྱུད་གསུམ་ནས་བཏུས་སོ།། ཧཱུྃ། སྔོན་ཚེ་བཟློག་པ་གང་ནས་བྱུང་། །དྲག་པོ་རྣམ་འཁྲུགས་བསྐལ་པ་ལ། །སངས་རྒྱས་ཞི་བའི་འོད་ཏོག་རྒྱལ། །དེ་ཡི་བསྟན་པ་འཇོམས་

[Full Size]

པའི་ཕྱིར། །བདུད་རྒྱལ་དགའ་རབ་དབང་ཕྱུག་གིས། །མུ་སྟེགས་དབང་ཕྱུག་ཡོབ་ཡུམ་སྤྲུལ། །དེ་ཁྲོས་འཇིགས་བྱེད་དུས་མཚན་སྤྲུལ། །སེམས་ཅན་ཐམས་ཅད་ཟད་པར་ཟོས། །སངས་རྒྱས་ཀྱིས་ཀྱང་དེ་མ་ཐུལ། །དེ་ཚེ་བདེ་མཆོག་ཧེ་རུ་ཀས། །ཨུ་མ་ཡུམ་དང་སྦྱོར་བ་ལས། །སྤྲུལ་པ་ནག་པོ་ཆེན་པོ་འཁྲུངས། །བདུད་ཀྱི་དཔུང་ཆེན་གཡོས་པ་ལ། །ནག་པོ་བདུད་དམག་ཐམས་ཅད་ཟློག །འཇིགས་བྱེད་དུས་མཚན་གདན་དུ་བཏིང་། །དབང་ཕྱུག་ཡབ་ཡུམ་འཁོར་དུ་བསྐོར། །བདུད་ཀྱི་དམག་༡། ཚོགས་བརླགས་པར་བྱས། །དེ་ནས་བཟློག་པ་གང་ནས་བྱུང་། །རྣམ་གཟིགས་གཙུག་ཏོར་མར་མེ་མཛད། །དོན་གཟིགས་འཁོར་འཇིག་སྤོས་སྣང་འོད། །ཐམས་ཅད་སྐྱོབ་དང་གསེར་ཐུབ་དང་། །འོད་སྲུང་རྣམས་ཀྱི་བསྟན་པ་ལ། །བདུད་ཀྱི་དམག་དཔུང་བར་ཆད་རྣམས། །ཐམས་ཅད་མགོན་པོ་ཁྱོད་ཀྱིས་ཟློག །དེ་ནས་བཟློག་པ་གང་ནས་བྱུང་། །འོད་སྲུང་བསྟན་པའི་སྙིགས་མ་ལ། །ལྷ་མིན་གདུག་པའི་དཔུང་གཡོས་ནས། །སུམ་བརྩེགས་ལྷ་གནས་འཕྲོག་བརྩམ་ཚེ། །གཞན་འཕྲུལ་དབང་བྱེད་ལྷ་གནས་ནས། །

[Full Size]

མགོན་པོ་ནག་པོ་ཁྱོད་བྱོན་ཏེ། །རི་རབ་དཔག་བསམ་ཤིང་གི་རྩེར། །བྱ་རོག་ཆེན་པོའི་སྤྲུལ་པ་འགྱེད། །ནམ་མཁའ་བྱ་རོག་སྤྲུལ་པས་གང་། །འོད་ཟེར་མེ་ཡི་སྤུ་གྲི་ཡིས། །ལྷ་མིན་དམག་ཚོགས་ཟློག་པར་མཛད། །ཁམས་གསུམ་སྤྲུལ་པའི་ཚོགས་ཀྱིས་བཀང་། །ལྷ་མིན་དམག་ཚོགས་ཁྲག་ཏུ་སྐྱུག །དེ་ནས་བཟློག་པ་གང་སྲིད་ན། །མགོན་པོ་བྱ་རོག་ཆེན་པོ་དེ། །སིང་ག་ལ་ཡི་གླིང་དུ་འཕུར། །སྲིན་མོའི་ཚོགས་རྣམས་རྩོད་ནས་ཟློག །བྱ་རོག་སྲིན་པོའི་ཡུལ་དུ་འཕུར། །སྲིན་པོ་ལང་ཀའི་དམག་ཚོགས་ཟློག །ཤ་ཟ་འབུམ་ཕྲག་བྲན་དུ་བཀོལ། །བྱ་རོག་གཤིན་རྗེའི་ཡུལ་དུ་འཕུར། །བྷེ་ཝ་ས་ཏས་ཀླད་ཁྲག་འཇིབ། །ལས་ཀྱི་གཤིན་རྗེའི་དམག་ཚོགས་ཟློག །མ་མོ་བྱེ་བ་བྲན་དུ་ཁོལ། །དེ་ནས་བཟློག་པ་གང་ནས་བྱུང་། །འཛམ་གླིང་གྲོང་ཁྱེར་ཀ་ནི་ཀར། །སེམས་དཔའ་ཟླ་བའི་སྙིང་པོ་ཡིས། །སེམས་ཅན་རྣམས་ལ་ཆོས་སྟོན་ཚེ། །མུ་སྟེགས་བདུད་དམག་བརྒྱད་སྟོང་གིས། །སེམས་དཔའ་འཁོར་བཅས་རབ་ཏུ་བསྐོར། །དེ་ཚེ་བྱ་རོག་ཆེན་པོ་ཡིས། །ལྷ་དམག་དུང་ཕྱུར་ཕྲག་བརྒྱ་ནི། །གཤོག་པའི་ལྡེབས་སུ་ཁྱེར་ནས་

[Full Size]

འོང་། །བདུད་ཀྱི་དམག་ཚོགས་ཐམས་ཅད་ཟློག །བདུད་རྒྱལ་ཀྵེ་ཏྲ་པ་ལ་བསྒྲལ། །དེ་ནས་ཤཱཀྱའི་བསྟན་པ་ལ། །མུ་སྟེགས་མ་ཁོལ་ཞེས་བྱ་བས། །སངས་རྒྱས་བསྟན་པ་བཤིགས་པའི་ཚེ། །མགོན་པོ་བྱ་རོག་སྤྲུལ་པ་བཀྱེས། །འདུལ་བྱེད་ཨརྱ་དེ་ཝར་སྤྲུལ། །མུ་སྟེགས་དམག་ཚོགས་བཟློག་པར་བྱས། །མ་ཁོལ་སངས་རྒྱས་བསྟན་ལ་བཙུད། །སངས་རྒྱས་བསྟན་པ་མཐའ་དབུས་རྒྱས། །བྱམས་པ་ནས་བཟུང་མོས་པའི་བར། །སྐལ་བཟང་རྒྱལ་བ་ཐམས་ཅད་ཀྱི། །བསྟན་པའི་བར་ཆད་བདུད་དང་དགྲ། །མགོན་པོ་ཁྱོད་ཀྱིས་བཟློག་ལུང་བསྟན། །འདས་དང་མ་བྱོན་དུས་གསུམ་གྱི། །བསྟན་པའི་བར་ཆད་བཟློག་པ་ལྟར། །བདག་དང་ཡོན་བདག་འཁོར་བཅས་ཀྱི། །བཟློག་གཞུང་འདི་གྲྭ་ལོ་ཙཱ་བས་མཛད་པའོ། །ཡས་ཀྱི་བདུད་གཡོས་བཟློག་ཏུ་གསོལ། །མས་ཀྱི་སྲི་ལངས་བཟློག་ཏུ་གསོལ། །ཐད་ཀྱི་བཙན་ཁྲོས་བཟློག་ཏུ་གསོལ། །ལོ་སྐག་ཟླ་སྐག་བཟློག་ཏུ་གསོལ། །བདུན་ཟུར་དགྲ་གཤེད་བཟློག་ཏུ་གསོལ། །བདུད་ལྟས་ངན་པ་བཟློག་ཏུ་གསོལ། །མོ་ངན་རྨིས་ངན་བཟློག་ཏུ་གསོལ། །བན་བོན་ཡོངས་ཀྱི་

[Full Size]

སྔགས་བྱེད་བཟློག་ཏུ་གསོལ། །མ་བ་གཤིན་གདུག་པའི་དབལ་ཟེར་བཟློག་ཏུ་གསོལ། །བཙན་དང་རྒྱལ་པོའི་སྨྱོ་འབོག་བཟློག་ཏུ་གསོལ། །ཀླུ་དང་ས་བདག་དལ་ཡམས་བཟློག་ཏུ་གསོལ། །གཉན་དང་ཐེའུ་རང་དམོད་པ་བཟློག་ཏུ་གསོལ། བྱད་ཁ་ཕུར་ཁ་ཟོར་ཁ་དང་། །བྱད་མ་བསམ་སྦྱོར་ངན་པ་དང་། །བར་ཆད་བྱེད་པའི་འབྱུང་པོ་དང་། །ལྟས་ངན་སྲིད་པའི་རྦད་འདྲེ་དང་། །ཐན་དང་ལྷག་ཆེད་དགྲ་ཆེན་རྣམས། །རང་མཚོན་རང་ལ་རྒྱོབས་ལ་ཟློག །རང་གཤེད་རང་ལ་བསྐོར་ལ་ཟློག །རང་བདུད་རང་ལ་ཕོབ་ལ་ཟློག རང་སྲོག་རང་གིས་ཆོད་ལ་ཟློག །བཟློག་བསྒྱུར་ཆེན་པོའི་ཕྲིན་ལས་མཛོད། །ཧཱུྃ། དཔལ་ལྡན་མགོན་པོ་དཔའ་བོ་ཆེན་པོ་ནི། །སྐུ་ལྔ་ལྷུན་འགྲུབ་ཡེ་ཤེས་ལྔ་དང་ལྡན། །རྣལ་འབྱོར་ཕྲིན་ལས་མ་ལུས་ཀུན་གྱི་བདག་།གཏི་མུག་རྣམ་དག་ཆོས་དབྱིངས་ངོ་བོ་ཉིད། །མཚན་དང་དཔེ་བྱད་རྒྱན་དང་ལྡན། །སྐུ་ཡི་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་བྱད་སྟེམས་ངན་བྱེད་ཟློག །ཧཱུྃ།་འདོད་ཆགས་རྣམ་དག་ཀུན་རྟོགས་ངོ་བོ་ཉིད། །གསུང་གི་ང་རོ་འབྲུག་སྟོང་

[Full Size]

རབ་ཏུ་སྒྲོགས། །ཁམས་གསུམ་མ་ལུས་དབང་དུ་སྡུད་པ་ཡི། །གསུང་གི་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ལྟས་ངན་ཐམས་ཅད་ཟློག །ཧཱུྃ། ཞེ་སྡང་རྣམ་དག་མེ་ལོང་ངོ་བོ་ཉིད། །དུག་གསུམ་འཇོམས་མཛད་ཕྲིན་ལས་དྲག་པོའི་བདག །ཐུགས་ཀྱི་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་བན་ཁྱད་བོན་བྱད་ཟློག །ཧཱུྃ། ང་རྒྱལ་རྣམ་དག་མཉམ་ཉིད་ངོ་བོ་ཉིད། །ཚེ་དབང་ལོངས་སྤྱོད་ལ་སོགས་ཕྲིན་ལས་བདག །ཡོན་ཏན་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ནད་ཡམས་ཐམས་ཅད་ཟློག །ཧཱུྃ། ཕྲག་དོག་རྣམ་དག་བྱ་གྲུབ་ངོ་བོ་ཉིད། །མངོན་སྤྱོད་དྲག་པོའི་ཕྲིན་ལས་བདག །ཕྲིན་ལས་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་མི་ནད་ཕྱུགས་ནད་ཟློག །ཧཱུྃ། མཚན་དང་དཔེ་བྱད་རབ་ཏུ་ལྡན་པ་ཡི། །ཡེ་ཤེས་སྐུ་ཡིས་ཁམས་གསུམ་ཟིལ་གྱིས་གནོན། །འབྲུག་སྟོང་གསུང་གི་ང་རོས་ཁམས་གསུམ་དབང་དུ་སྡུད། །མི་

[Full Size]

རྟོགས་ཡེ་ཤེས་ཐུགས་ཀྱི་རྣམ་རྟོག་འཇོམས། །ཡོན་ཏན་ཀུན་ལྡན་དངོས་གྲུབ་ཀུན་གྱི་བདག །ཕྲིན་ལས་ཀུན་མཛད་རྣལ་འབྱོར་ཀུན་གྱི་དཔལ། །ཡེ་ཤེས་མགོན་པོ་ལྔ་ཡི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་མཐུ་བྱད་ཐམས་ཅད་ཟློག །ཡོན་ཆབ་མེ་ཏོག་བདུག་སྤོས་སོགས། །ཕྱི་ཡི་མཆོད་པས་ཐུགས་དམ་བསྐང་། །ཁྲག་གི་ཨགྣི་དབང་པོའི་མེ་ཏོག་སོགས། །ནང་གི་མཆོད་པས་ཐུགས་དམ་བསྐང་། །ཤ་ལྔ་བདུད་རྩི་ལྔ་ལ་སོགས། །གསང་བའི་མཆོད་པས་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་རྐྱེན་ངན་ཐམས་ཅད་ཟློག །ཧཱུྃ། ཞི་བྱེད་དཀར་མོ་སྐུ་ཡི་ཡུམ། །ཕྱག་གཉིས་རྡོ་རྗེ་ཐོད་ཁྲག་བསྣམས། །སྐུ་ལ་རུས་པའི་རྒྱན་གྱིས་བརྒྱན། །སྐུ་ཡི་ཡུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་རིམས་ནད་ཐམས་ཅད་ཟློག །ཧཱུྃ། སྲུང་བྱེད་དམར་མོ་གསུང་གི་ཡུམ། །ཕྱག་ན་རིན་ཆེན་ཐོད་ཁྲག་བསྣམས། །སྐུ་ལ་རུས་པའི་རྒྱན་གྱིས་བརྒྱན། །གསུང་གི་ཡུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །

[Full Size]

བཟློག་ཅིག་ལྷ་འདྲེའི་ཆད་པ་ཟློག །ཧཱུྃ། འགུགས་བྱེད་མཐིང་ཀ་ཐུགས་ཀྱི་ཡུམ། །ཕྱག་གཉིས་ལྕགས་ཀྱུ་ཐོད་ཁྲག་བསྣམས། །སྐུ་ལ་རུས་པའི་རྒྱན་གྱིས་བརྒྱན་། །ཐུགས་ཀྱི་ཡུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་བན་ཁྱད་བོན་བྱད་ཟློག །ཧཱུྃ། བྱ་རོག་སྔོན་མོ་ཡོན་ཏན་ཡུམ། །ཕྱག་གཡས་བེ་ཏ་རལ་གྲི་བསྣམས། །གཡོན་གཉིས་ཐོད་ཁྲག་ཁ་ཊཾ་བསྣམས། །སྐུ་ལ་རིན་ཆེན་རུས་པས་བརྒྱན། །ཡོན་ཏན་ཡུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ཡམས་ནད་ཐམས་ཅད་ཟློག །ཧཱུྃ། སྒོལ་བྱེད་ལྗང་གུ་ཕྲིན་ལས་ཡུམ། །ཕྱག་གཉིས་རལ་གྲི་ཐོད་ཁྲག་བསྣམས། །སྐུ་ལ་རུས་པའི་རྒྱན་གྱིས་བརྒྱན། །ཕྲིན་ལས་ཡུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག་།བཟློག་ཅིག་མི་ནད་ཕྱུགས་ནད་ཟློག །ཧཱུྃ། མ་ལྟར་བྱམས་ཤིང་སྲིང་ལྟར་གདུང་ལ་སོགས། །ཕྲིན་ལས་རྣམ་བཞི་སྣ་ཚོགས་ཐོགས་མེད་ཡུམ། །སྐུ་གསུང་ཐུགས་དང་ཡོན་ཏན་ཕྲིན་ལས་ལྔ། །སྦྱོར་བས་མཉེས་བྱེད་ཕྱི་ནང་མཁའ་འགྲོ་མ། །མ་མོ་ཡུམ་གྱི་

[Full Size]

ཚོགས་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་མཁའ་འགྲོའི་སུན་མ་ཟློག །ཕྱི་ནང་མཆོད་པ་སྣ་ཚོགས་དང་། །ཤ་ཁྲག་དམར་གྱི་མཆོད་པ་དང་། །ཚོགས་ཀྱི་མཆོད་པ་རྒྱ་ཆེན་གྱིས། །སྦྱོར་སྒྲོལ་གསང་བའི་ཡུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་བྱེད་ཀ་ཕུར་ཀ་ཟློག །བཟློག་བྱུང་འདི་སྐུ་གསུང་ཐུགས་ཁྲོས་པའི་རྒྱུད་ལས་བཏུས་སོ།། ཧཱུྃ། སྔོན་ཚེ་བཟློག་པ་གང་ནས་བྱུང་། །ཡེ་ཐོག་སྲིད་པ་དང་པོ་ལ། །བཅོམ་ལྡན་དཔལ་ཆེན་ཧེ་རུ་ཀའི། །ཐུགས་ཀྱི་རྟོགས་པ་ཕྱིར་འཁྱམས་པས། །འབྱུང་བ་ལྔ་ཡི་གཤིན་ལྔ་བྱུང་། །ལམ་རྒྱུད་ལྔ་ཡི་སེམས་ཅན་ཟོས། །དེ་ཚེ་བཅོམ་ལྡན་ཧེ་རུ་ཀ །ཁྲག་འཐུང་རིགས་ལྔར་ཐུགས་ཁྲོས་ནས། །གཤིན་ལྔ་རང་རིགས་དབྱིངས་སུ་ཟློག །སྐུ་ལྔའི་མགོན་པོ་ལྔ་རུ་བྱུང་། །དེ་རྗེས་རིག་འཛིན་ཐམས་ཅད་ཀྱིས། །དུག་ལྔ་སྐྱེ་མེད་དབྱིངས་སུ་ཟློག །ཡེ་ཤེས་ལྔ་རུ་ལྷུན་གྱིས་གྲུབ། །སྔོན་དུས་དེ་ལྟར་ཟློག་པ་ལྟར། །སྐུ་ལྔ་མགོན་པོ་ཡབ་ཡུམ་གྱིས། །བྱད་ཀ་ཕུར་ཁ་ཐམས་ཅད་ཟློག །ལྷ་འདྲེའི་གདུག་པ་ཐམས་ཅད་ཟློག །བྷྱོ་བྷྱོ་དམ་ཉམས་དགྲ་

[Full Size]

ལ་བྷྱོ། །ཟློག་ཟློག་ལྷ་འདྲེའི་དམག་སྣ་ཟློག །དགྲ་དང་བགེགས་ལ་ཕྲིན་ལས་མཛོད། །ཧཱུྃ། ཁྲག་འཐུང་སྐུ་ལྔ་བྱ་རོག་མཚན་ཅན་གྱིས། །བསྟན་སྲུང་ཕྲིན་ལས་མཛད་པའི་ཕྱིར། །སྐུ་གསུང་ཐུགས་ཡོན་ཕྲིན་ལས་ཁྱུང་། །དཔྲལ་བའི་དབྱིངས་ནས་སྤྲུལ་པ་ནི། །རིགས་ཀྱི་ཁྱུང་ཆེན་ལྔ་པོ་ལ། །དུག་གི་མཆེ་བ་བཞི་གཙིགས་ཤིང་། །སྤྱན་གསུམ་ཁྲག་མདོག་རྡོ་རྗེའི་རྭ། །རིན་ཆེན་འབར་བའི་ཚྭ་ཚྭ་འཕྲོ། །ཟླ་ཚེས་ནོར་བུའི་དབུ་རྒྱན་ཅན། །མཐིང་ནག་གཤོག་པ་རབ་རྡེབ་ཅིང་། །ཁྲོ་ཁྲོ་ཧྲིང་ཧྲིང་སྒྲ་སྒྲོགས་ཤིང་། །ཟངས་ཀྱི་སྡེར་མོ་ལྕགས་ཀྱུ་ཡིས། །དགྲ་བགེགས་གློ་སྙིང་ཞལ་དུ་འདྲེན། །སྤྲུལ་པ་ནམ་མཁའི་མཐའ་ཁྱབ་ཅིང་། །ལྷ་ཡི་སྲིད་སྐྱོང་ལྷ་མིན་འདུལ། །སྐུ་ཡི་སྤྲུལ་པ་ཁྱུང་གི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཅོལ་ལོ་ཁྱུང་ལ་ཕྲིན་ལས་བཅོལ། །བཟློག་ཅིག་ཁྱུང་གི་ལྟས་ངན་ཟློག །ཕྱི་ནང་མཆོད་པ་སྣ་པའི་ཚོགས་དང་། །ཚོགས་དང་གཏོར་མ་མཐུན་པའི་རྫས། །སྤྲུལ་པ་ཁྱུང་གི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ས་བདག་ཀླུ་གཉན་གདོན་ཚོགས་སྡང་བའི་

[Full Size]

དགྲ་ལ་བསྒྱུར། །བཟློག་བྱུང་འདི་ཁྱུང་གི་ལོ་རྒྱུས་དང་མཆུ་སྡེ་ལྔ་ནས་བཏུས་སོ།། ཧཱུྃ། སྔོན་ཚེ་བཟློག་པ་གང་ནས་བྱུང་། །ནཱ་ག་ཀླུ་ཡིས་འགྲོ་བ་འཇོམས། །དེ་ཚེ་དྲང་སྲོང་བདེན་སྟོབས་ལས། །གསེར་བུམ་ནང་ནས་སྒོ་ང་བྱུང་། །སྒོ་ང་རྡོལ་བའི་ནང་ཤེད་ནས། །མ་ཧཱ་ཀཱ་ལ་ཁྱུང་ནག་བྱུང་། །ཀླུ་གཉན་ས་བདག་ཐམས་ཅད་ཟློག །དེ་ནས་ཀླུ་ཁྱུང་སྟོབས་འགྲན་ཚེ། །གཤོག་པས་ནམ་མཁའ་ས་གཞི་ཁྱབ། །གཞོན་ནུ་གཏུམ་པོའི་སྟོབས་ནུས་ཟློག །སྐུ་གསུང་ཐུགས་ཡོན་ཁྱུང་ལྔ་སྤྲུལ། །ཀླུ་རིགས་ལྔ་ཡི་དམག་ཚོགས་ཟློག །དེ་ནས་བཟློག་པ་གང་ནས་བྱུང་། །བཅོམ་ལྡན་ཤཱཀྱའི་བསྟན་པ་ལ། །ཀླུ་སྲིན་ཁྲོས་ནས་མི་རྣམས་ཟོས། །དེ་ཚེ་ཁྱུང་ཆེན་འབར་བ་ཡིས། །དགའ་བོ་ཉེར་དགའི་ཆོ་འཕྲུལ་ཟློག །ཀླུ་ཁྱུང་རྒྱལ་བའི་རྒྱན་དུ་བཀོད། །བྱང་ཆུབ་མཆོག་གི་ལུང་བསྟན་ཐོབ། །དེ་ནས་ཀླུ་ནག་བཱ་སུ་ཏས། །རྒྱལ་བའི་སྐུ་ལ་ངན་སེམས་ཕྱུང་། །ཕྱག་ན་རྡོ་རྗེ་བསྙུང་གིས་ཟིན་། །དེ་ཚེ་ཁྱུང་ཆེན་འབར་བ་ཡིས། །ནག་པོ་ཀླུ་ཡི་གནོད་པ་ཟློག །བཱ་སུ་རིགས་དྲུག་དམ་ལ་བཏགས། །སྔོན་དུས་དེ་ལྟར་བཟློག་པ་ལྟར། །ཁྱུང་ཆེན་ཐུགས་དམ་དུས་

[Full Size]

ལ་བབ། །སྤྲུལ་པའི་ཁྱུང་གིས་ནམ་མཁའ་གང་། །ཡང་སྤྲུལ་ཁྱུང་གིས་བར་སྣང་གང་། །སུམ་སྤྲུལ་ཁྱུང་གིས་ས་གཞི་གང་། །ཁྱུང་གི་སེར་བ་ཤ་ར་ར། །དྲག་པོའི་གཤོག་སྒྲ་འུ་རུ་རུ། །ལྟས་ངན་བརྒྱད་ཅུ་རྩ་གཅིག་དང་། །ཀླུ་གདོན་གཏད་ཁ་གཉན་ནད་རྣམས། །རྭ་ཡིས་བརྡུངས་ལ་སྡེར་མོས་བྲེད། །མན་ངག་དམིགས་པའོ།། མཆུ་ཡིས་ཆོམས་ལ་གཤོག་པས་རྡོབ། །བྱ་སྤུ་རླུང་གིས་གཏོར་བ་བཞིན། །ལྕགས་རི་ཆེན་པོའི་རྒྱབ་ཏུ་དེད། །བཟློག་གཞུང་འདི་ཀླུ་སྒྲུབ་ཀྱིས་གསུངས་སོ། །བཟློག་ཅིག་ལྷ་འདྲེའི་དམག་ངན་ཟློག །གཤིན་རྗེའི་འཁོར་ལོ་བསྐོར་བ་ཟློག །ཕུར་པའི་དབལ་སོ་འདེབས་པ་ཟློག །ཀླུ་ཡི་དལ་ཀ་ཐམས་ཅད་ཟློག །རྒྱལ་པོའི་སྨྱོ་འབོག་གཏོང་བ་ཟློག །གནོད་སྦྱིན་ཆད་པ་འབྱིན་པ་ཟློག །མུ་སྟེགས་པར་བུའི་དམོད་པ་ཟློག །ཀེའུ་ཏ་མའི་སྦྱོར་དུག་ཟློག །ཐེའུ་རང་ཚེ་ལ་རྐུ་བ་ཟློག །བགེགས་དང་བདུད་དང་འབྱུང་པོ་ཟློག །མེ་ལྕེ་ཕྲེང་བ་ནས་བཏུས་སོ།།་ཧཱུྃ། དཔལ་ལྡན་ཁྲག་འཐུང་བྱ་རོག་མཚན་ཅན་གྱི། །སྒྲོལ་བའི་ཡུམ་མཆོག་དུད་པའི་སོལ་བ་མ། །དབང་ཕྱུག་ལྷ་མོ་དཔལ་ལྡན་ལྕམ་གཅིག་མ། །སྐུ་མདོག་

[Full Size]

མཐིང་ནག་རལ་པ་མུན་ལྟར་གཏིབས། །ཐོད་ཁྲག་ཤག་ཏི་མདུང་དང་ཁ་ཊཾ་ག །རལ་གྲི་གཏེར་འཆང་བོང་བུ་གྲྭ་དམར་ཆིབས། །ལྷ་མིན་ཁྲག་འཇིབ་སྲིན་མོ་འབུམ་གྱིས་བསྐོར། །མ་ཅིག་ལྷ་མོའི་ཐུགས་དམ་གཉེན་པོ་ནི། །ཤ་ལྔ་བདུད་རྩི་ལྔ་ཡི་མཆོད་པས་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ཡམས་ནད་རིམས་ནད་ཟློག །ཧཱུྃ། ལས་ཀྱི་ཡུམ་ཆེན་མི་བཟད་མ། །གསོད་བྱེད་རྩ་འཇིབ་ལས་ཀྱི་མཁའ་འགྲོ་མ། །ཤ་ཟ་ཁྲག་འཐུང་ཙཎྜི་ཀ་དང་བཞི། །ནག་མོ་རབ་འཇིགས་མུན་པའི་མདོག །ཁྲག་ཞིག་རུས་པས་ལུས་ལ་བརྒྱན། །སྤྱན་གསུམ་སྐུ་གྲོལ་མཆེ་བ་གཙིགས། །ཁྲག་གི་དྲི་ཚོར་སྐན་རྡེབ་མ། །ཞལ་གཅིག་ཕྱག་བཞི་གཡས་པ་ན། །རལ་གྲི་ཏྲི་ཤུ་དགྲ་ལ་འདེབས། །གཡོན་པས་མདའ་གཞུ་ཐོད་ཁྲག་འཛིན། །རང་འདྲ་མ་མོ་འབུམ་གྱིས་བསྐོར། །མ་མོ་བདུད་ཀྱི་ཚོགས་བཅས་རྣམས། །བཀའ་སྡོད་ལས་ཀྱི་མགོན་པོ་ཡི། །སྦྱོར་དང་སྒྲོལ་བའི་ཡུམ་ཡིན་ཕྱིར། །གསོད་བྱེད་མཁའ་འགྲོ་བརྒྱད་ཀྱི་ཐུགས་དམ་བསྐང་། །ཡང་འཁོར་མ་མོ་འབུམ་གྱི་ཐུགས་དམ་བསྐང་། །ཤ་ཁྲག་དམར་གྱི་གཏོར་

[Full Size]

མས་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་རིམས་ནད་དལ་ཡམས་ཟློག །ཧཱུྃ། ཁྲག་འཐུང་ནག་པོ་བྱ་རོག་མཚན་ཅན་ལ། །ལས་མཛད་མཁའ་འགྲོ་དྲུག་གིས་བསྐོར་བ་ནི། །བར་ཆད་འབྱུང་པོའི་ཚོགས་རྣམས་འདུལ་བ་དང་། །དགྲ་བགེགས་སྲོག་ལ་དབང་སྒྱུར་བྱེད་པའི་ཕྱིར། །འཇིག་རྟེན་འདས་དང་མ་འདས་མཁའ་འགྲོ་དྲུག །སྐུ་མདོག་ནག་མོ་མུན་པའི་མདངས། །སྤྱན་གསུམ་སྐུ་གྲོལ་གཅེར་བུ་སྟེ། །ཐལ་ཆེན་རཀྟས་ལུས་བྱུགས་ཤིང་། །རུས་རྒྱན་ཐོད་ཕྲེང་དོ་ཤལ་ཅན། །གཡས་པས་སྲོག་གི་སྤུ་གྲི་སྟེ། །གདུག་པའི་མཚོན་ཆ་གྲི་གུག་ཕྱར། །གཡོན་ན་ཁྲག་གི་ཐོད་པ་འཛིན། །ཞལ་དུ་གསོལ་ཞིང་ཕྱོགས་བཅུར་འཐོར། །ངན་སྔགས་གདུག་པའི་རང་སྒྲ་དི་རི་རི། །འཇིགས་པའི་ཆ་བྱད་ཤམས་སེ་ཤམ། །རང་འདྲ་མ་མོ་བྱེ་བས་བསྐོར། །འཇིགས་པའི་བཤུད་སྒྲ་དི་རི་རི། །སྙན་པའི་གླུ་ལེན་ཀྱུ་རུ་རུ། །བྱ་གཅན་གདུག་པའི་ང་རོ་ཏི་རི་རི། །བར་ཆད་འབྱུང་པོ་འདུལ་བ་དང་། །དམ་ཉམས་དགྲ་བགེགས་བསྒྲལ་བའི་ཕྱིར། །ལས་མཁན་མཁའ་འགྲོ་དྲུག་གི་ཐུགས་དམ་བསྐང་། །

[Full Size]

བར་ཆད་སོལ་ལ་རྐྱེན་རྣམས་ཟློག །མཁའ་འགྲོའི་ཁྲག་ནད་ཐམས་ཅད་ཟློག །ཤ་ཁྲག་དམར་གྱི་གཏོར་མ་དང་། །ཤ་སྣ་སྙིང་སྣ་ཁྲག་སྣ་ཡིས། །ལས་བྱེད་མཁའ་འགྲོ་དྲུག་གི་ཐུགས་དམ་བསྐང་། །ཡམས་ནད་དམ་ཉམས་དགྲ་བོའི་སྟེང་དུ་ཕོབ། །ཧཱུྃ། ཁྲག་འཐུང་ནག་པོ་བྱ་རོག་མཚན་ཅན་ལ། །ནང་འཁོར་ལྷ་མོ་བརྒྱད་ཀྱིས་བསྐོར་བ་ནི། །བྷྱོ་ཤར་ཕྱོགས་མ་མོ་བྱ་རྒོད་གདོང་། །རབ་གཏུམ་མཁའ་འགྲོ་འཇིགས་པའི་གཟུགས། །སྐུ་ལ་ཐོད་རློན་རུས་པས་བརྒྱན། །ཕྱག་ན་གྲི་གུག་ཐོད་ཁྲག་ཐོགས། །རོ་ཡི་གདན་ལ་གཡས་བརྐྱང་གར་གྱིས་བཞུགས། །རང་འདྲའི་མ་མོ་བྱེ་བས་བསྐོར། །བྱ་རྒོད་གདོང་ཅན་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ཤར་གྱི་ཕྱོགས་ཀྱི་དགྲ་བགེགས་ཟློག །བྷྱོ། བྱང་ཕྱོགས་མ་མོ་ཁྱུང་གི་གདོང་། །མ་མོ་རབ་གཏུམ་བཞད་པའི་གད་རྒྱངས་ཅན། །གྲི་གུག་ཐོད་ཁྲག་ལག་ན་ཐོགས། །ཐོད་ཕྲེང་དོ་ཤལ་རུས་པའི་རྒྱན་ཆ་ཅན། །རོ་ཡི་གདན་ལ་གཡས་བརྐྱང་གར་གྱིས་བཞུགས། །རང་འདྲའི་མ་མོ་བྱེ་བས་བསྐོར། །ཁྱུང་གི་གདོང་ཅན་ཐུགས་དམ་བསྐང་། །བར་ཆད་སོལ་

[Full Size]

ལ་རྐྱེན་རྣམས་ཟློག །བྱང་གི་ཕྱོགས་ཀྱི་དགྲ་བགེགས་ཟློག །བྷྱོ། ནུབ་ཕྱོགས་མ་མོ་ཁྭ་ཏའི་གདོང་། །གདུག་པའི་གད་རྒྱངས་ཕཊ་སྒྲ་སྒྲོགས། །ཐོད་ཕྲེང་རུས་པའི་རྒྱན་དང་ལྡན། །གྲི་གུག་ཐོད་ཁྲག་ཕྱག་ན་བསྣམས། །རོ་ཡི་གདན་ལ་གཡས་བརྐྱང་གར་གྱིས་བཞུགས། །རང་འདྲའི་མ་མོ་བྱེ་བས་བསྐོར། །ཁྭ་ཏའི་གདོང་ཅན་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ནུབ་ཀྱི་ཕྱོགས་ཀྱི་དགྲ་བགེགས་ཟློག །བྷྱོ། ལྷོ་ཕྱོགས་མ་མོ་འུག་པའི་གདོང་། །དབང་སྡུད་མ་མོ་ཧཱུྃ་གི་སྒྲ་སྒྲོགས་མ། །ཐོད་ཕྲེང་རུས་པའི་སྐུ་ལ་རྒྱན། །གྲི་གུག་ཐོད་ཁྲག་ཕྱག་ན་བསྣམས། །རོ་ཡི་གདན་ལ་གཡས་བརྐྱང་གར་གྱིས་བཞུགས། །རང་འདྲའི་མ་མོ་བྱེ་བས་བསྐོར། །འུག་པའི་གདོང་ཅན་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ལྷོ་ཡི་ཕྱོགས་ཀྱི་དགྲ་བགེགས་ཟློག །བྷྱོ། ཤར་ལྷོ་མཚམས་ཀྱི་ལྷ་མོ་ནི། །མི་ཟད་མ་མོ་ཕག་གི་གདོང་། །བློ་ཡི་ང་རོའི་སྒྲ་སྒྲོགས་མ། །སྐུ་ལ་ཐོད་ཕྲེང་རུས་པས་བརྒྱན། །ལག་ན་གྲི་གུག་ཐོད་ཁྲག་ཐོགས། །རོ་ཡི་གདན་ལ་གཡས་བརྐྱང་གར་གྱིས་བཞུགས། །

[Full Size]

རང་འདྲའི་མ་མོ་བྱེ་བས་བསྐོར། །ཕག་གི་གདོང་ཅན་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ཤར་ལྷོ་མཚམས་ཀྱི་དགྲ་བགེགས་ཟློག །བྷྱོ། །མཚམས་ཀྱི་མ་མོ་ནི། །རྟོག་འཇོམས་མ་མོ་ཁྱི་ཡི་གདོང་། །ཧ་ཧ་ཞེས་སྒྲོགས་འཇིགས་པར་བྱེད། །ཐོད་ཕྲེང་རུས་པས་སྐུ་ལ་རྒྱན། །ལག་ན་གྲི་གུག་ཐོད་ཁྲག་ཐོགས། །རོ་ཡི་གདན་ལ་གཡས་བརྐྱང་གར་གྱིས་བཞུགས། །རང་འདྲའི་མ་མོ་བྱེ་བས་བསྐོར། །ཁྱི་ཡི་གདོང་ཅན་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ལྷོ་ནུབ་མཚམས་ཀྱི་དགྲ་བགེགས་ཟློག །བྷྱོ། ནུབ་བྱང་མཚམས་ཀྱི་མ་མོ་ནི། །ཤ་ཁྲག་ཟ་བྱེད་སྤྱང་ཀའི་གདོང་། །ཧུ་ལུའི་སྒྲ་སྒྲོགས་མཁའ་འགྲོའི་ཚོགས། །སྐུ་ལ་ཐོད་ཕྲེང་རུས་པས་རྒྱན། །ལག་ན་གྲི་གུག་ཐོད་ཁྲག་ཐོགས། །རོ་ཡི་གདན་ལ་གཡས་བརྐྱང་གར་གྱིས་བཞུགས། །རང་འདྲའི་མ་མོ་བྱེ་བས་བསྐོར། །སྤྱང་གདོང་མ་ཡི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ནུབ་བྱང་མཚམས་ཀྱི་དགྲ་བགེགས་ཟློག །བྷྱོ། བྱང་ཤར་མཚམས་ཀྱི་ལྷ་མོ་ནི། །རབ་གཏུམ་མཁའ་འགྲོ་སྟག་གི་

[Full Size]

གདོང་། །རུ་ལུའི་སྒྲ་སྒྲོགས་མཁའ་འགྲོ་མ། །སྐུ་ལ་ཐོད་ཕྲེང་རུས་པས་བརྒྱན། །ཕྱག་ན་གྲི་གུག་ཐོད་ཁྲག་ཐོགས། །རོ་ཡི་གདན་ལ་གཡས་བརྐྱང་གར་གྱིས་བཞུགས། །རང་འདྲའི་མ་མོ་བྱེ་བས་བསྐོར། །སྟག་གདོང་མ་ཡི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བྱང་ཤར་མཚམས་ཀྱི་དགྲ་བགེགས་ཟློག་ཕྱོགས་མཚམས་དབང་དུ་སྡུད་པའི་ཕྱིར། །ནང་འཁོར་མ་མོ་བརྒྱད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ལྟས་ངན་མི་ཁ་བྲ་མཆུ་ཟློག །སྣ་ཚོགས་མཆོད་པ་དམར་གྱི་གཏོར་མ་དང་། །ཤ་སྣ་སྙིང་སྣ་ཁྲག་སྣ་ཡི། །ཕྱོགས་མཚམས་ལྷ་མོ་བརྒྱད་ཀྱི་ཐུགས་དམ་བསྐང་། །ཕྱོགས་མཚམས་བརྒྱད་ཀྱི་གདོན་ཚོགས་ཟློག ། ཕྱོགས་མཚམས་དབང་དུ་བསྡུད་པའི་ཕྱིར། །མཁའ་འགྲོ་བརྒྱད་ཀྱིས་ཕྲིན་ལས་འགྲུབ་པར་མཛོད། །ཧཱུྃ། ཁྲག་འཐུང་ནག་པོ་བྱ་རོག་མཚན་ཅན་ལ། །ཡོན་ཏན་འཁོར་ཚོགས་མཁའ་འགྲོས་བསྐོར་བ་ནི། །ཡེ་ཤེས་མཁའ་འགྲོ་རྡོ་རྗེ་མཁའ་འགྲོ་དང་། །རིན་ཆེན་མཁའ་འགྲོ་པདྨ་མཁའ་འགྲོ་དང་། །ལས་ཀྱི་མཁའ་འགྲོ་སྣ་ཚོགས་མཁའ་འགྲོ་དང་། །

[Full Size]

འཇིག་རྟེན་མཁའ་འགྲོ་རེ་རེའང་བྱེ་བ་འབུམ། །མཁའ་འགྲོ་བསམ་མི་ཁྱབ་པའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །མཁའ་འགྲོའི་བཀའ་ཆད་སུན་མ་ཟློག །སྣ་ཚོགས་ཕྲིན་ལས་སྐུ་མདོག་འདི་ལྟ་སྟེ། །དཀར་སེར་དམར་ལྗང་སྔོ་སྐྱ་དུད་པའི་མདོག །སྣ་ཚོགས་མཁའ་འགྲོའི་ཚོགས་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །དུས་མིན་འཆི་བ་ཐམས་ཅད་ཟློག །སྣ་ཚོགས་ཕྱག་མཚན་རྣམ་པ་ཅི་ཡང་བསྣམས། །གྲི་ཐོད་ཁ་ཊཾ་ལྕགས་ཀྱུ་ཞགས་པ་ཐོགས། །བསྟན་སྲུང་མཁའ་འགྲོའི་ཚོགས་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །དུས་མིན་འཆི་བ་ཐམས་ཅད་ཟློག །དཔའ་བོ་ཌཱ་ཀིའི་སུན་མ་ཟློག །སྐུ་ཡི་ཆ་ལུགས་སྣ་ཚོགས་ཏེ། །བརྡ་ཡི་ཕྱག་རྒྱ་གར་བསྒྱུར་རྡོ་རྗེའི་འགྲོས། །མེ་ཏོག་རིན་ཆེན་རུས་པའི་རྒྱན་ཆ་ཅན། །ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེ། །མ་ལྟར་བྱམས་པའི་ཚུལ་གྱིས་ལས་མཛད་མ། །ཡོན་ཏན་འཁོར་ཚོགས་ཕྱི་ནང་མཁའ་འགྲོའི་ཚོགས། །ཁྱེད་ཀྱི་ཐུགས་དམ་བསྐང་བ་ནི། །

[Full Size]

ཚོགས་དང་གཏོར་མ་མཐུན་པའི་རྫས། །ཕྱི་ནང་གསང་བའི་མཆོད་པས་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །མཁའ་འགྲོའི་རྒྱུ་གཟེར་སྡང་བའི་དགྲ་ལ་བྷྱོ། །མ་མོའི་དལ་ཡམས་གནོད་པའི་བགེགས་ལ་བྷྱོ། །ཧཱུྃ། དུར་ཁྲོད་གནས་བརྒྱད་ཁྲག་གི་རྦ་ཀློང་འཁྱིལ་པའི་དབུས། །ཁྲག་འཐུང་ནག་པོ་བྱ་རོག་མཚན་ཅན་ལ། །ཐུགས་འཁོར་མ་མོ་བྱེ་བས་བསྐོར་བ་ནི། །ཕྱོགས་བཅུར་གནས་པའི་མཁའ་འགྲོ་འབུམ་ཕྲག་བཅུ། །དཀར་སེར་དམར་ལྗང་སྔོ་ནག་སེར་ནག་འབུམ། །སྨུག་ནག་ལྗང་ནག་མཐིང་ནག་སྣ་ཚོགས་འབུམ། །དུར་ཁྲོད་ཆེས་བརྒྱད་རེ་ལྡེ་དར་ནག་གསོལ། །ཁྲམ་ཤིང་རྩིས་བྱང་ནད་རྐྱལ་ཚོན་གྲུག་བསྣམས། །བོང་བུ་དྲེའུ་འབྲུག་དང་བྱ་རྒོད་ཆིབས། །སྣ་ཚོགས་རྫུ་འཕྲུལ་ཕྲིན་ལས་ཀུན་མཛད་མ། །ལེགས་ཉེས་སྟངས་འཛིན་དམ་ཚིག་རྗེས་གཅོད་ཕྱིར། །ཐུགས་འཁོར་མ་མོའི་ཚོགས་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །རིམས་ནད་དལ་ཡམས་ཐམས་ཅད་ཟློག །མཆོད་པའི་ཡོ་བྱད་སྣ་ཚོགས་གཏོར་མ་དང་། །ཞལ་ཟས་ཚོགས་ཀྱི་གཏོར་མ་དང་། །ཚོགས་དང་

[Full Size]

གཏོར་མ་མཐུན་པའི་རྫས། །ཕྱི་ནང་གསང་བའི་མཆོད་པ་དང་། །བདུད་རྩི་དང་ནི་རཀྟ་དང་། །ཚིལ་ཆེན་མར་མེ་གསུར་ཆེན་དུད། །བྷནྡྷ་རྔ་དང་རྐང་དུང་གིས། །ཐུགས་འཁོར་མ་མོ་བྱེ་བའི་ཐུགས་དམ་བསྐང་། །མ་མོའི་དལ་ཡམས་སྡང་བའི་དགྲ་ལ་ཟློག །མཐུ་སྒྲུབ་གཏད་ཁྲོམ་བསྒྱུར་བའི་དུས་ལ་བབ། །མེ་ལྕེ་འབར་བའི་རྒྱུད།་ཤན་པ་ནག་མོའི་རྒྱུད། །དུད་སོལ་ནག་མོའི་རྒྱུད་རྣམས་ནས་བཏུས་སོ།། ཧཱུྃ། སྔོན་ཚེ་བཟློག་པ་གང་ནས་བྱུང་། །ལྷ་དང་ལྷ་མིན་འཐབ་པའི་ཚེ། །བྱི་ནུ་ར་ཙའི་དཔྲལ་བ་ནས། །ལྷ་མོ་ཆེན་མོ་ཨུ་མ་འཁྲུངས། །དེ་ལ་རྫུ་འཕྲུལ་མེ་འབར་བས། །མེ་དུད་ཐལ་སོལ་རྣམ་བཞི་ལས། །སྤྲུལ་པའི་ལྷ་མོ་མཆེད་བཞི་བྱུང་། །དགྱེས་པ་རྡོ་རྗེའི་སྒོ་བཞི་བསྲུང་། །ལྷ་མིན་མུ་སྟེགས་དམག་ཚོགས་ཟློག །དེ་ནས་བཟློག་པ་གང་ནས་བྱུང་། །ལྷ་དང་ལྷ་མིན་འཐབ་ཙ་ན། །ལྷ་མིན་ཁྲག་གི་ཐིགས་པ་ལས། །བདུད་དམག་སྟོང་ཕྲག་བཅུ་རེ་འཕེལ། །ལྷ་ཡི་ཁྲག་ལ་དམག་མ་འཕེལ། །ལྷ་ཆེན་དབང་ཕྱུག་ཨུ་མ་གཉིས། །སྦྱོར་བས་ལྷ་མོ་ཆེན་མོ་འཁྲུངས། །ལྷ་མོའི་ཕྱག་མཚན་རལ་གྲི་ཡིས། །ལྷ་མིན་ཧེ་རུའི་མགོ་བོ་བཅད། །སྐེ་

[Full Size]

ཁྲག་འཇིབ་པས་རྩ་འཇིབ་མ། །ཐོད་པས་ལྷ་མིན་ཁྲག་རྣམས་འཐུང་། །ཁྲག་རྣམས་སྐེམ་པས་དམག་མ་འཕེལ། །ལྷ་མིན་བདུད་ཀྱི་དཔུང་ཚོགས་ཟློག །དེ་ནས་བཟློག་པ་གར་སྲིད་ན། །རྗེ་མོ་ལྷ་མོ་བོང་ཞོན་མ། །ཁོལ་མོ་དྲེལ་ཞོན་རི་མ་ཏི། །དཔོན་གཡོག་ནམ་ཡང་འབྲལ་མེད་པའི་། །ཕྲིན་ལས་གཅིག་ཏུ་སྨོན་ལམ་བཏབ། །མཁའ་འགྲོ་མ་མོ་ཀུན་གྱིས་བསྐོར། །ལྷ་མོ་སྲིན་པོའི་ཡུལ་དུ་ཆས། །སྲིན་པོའི་དམག་ཚོགས་ཐམས་ཅད་ཟློག །ཡཀཱ་ཁོ་རང་ཐོག་གིས་བསད། །ལྷ་མོ་བདུད་ཀྱི་ཡུལ་དུ་ཆས། །བདུད་དམག་བྱེ་བ་འབུམ་སྡེ་ཟློག །མ་ཏྲཾ་རུ་ཏྲའི་གློ་སྙིང་བྱུང་། །ལྷ་མོ་ཐེའུ་རང་ཡུལ་དུ་ཆས། །འབྱུང་པོ་ཐེའུ་རང་ཐམས་ཅད་ཟློག །མང་སྣ་ཨུ་བེར་ཁོག་པ་བསྒྲལ། །སྔོན་དུས་དེ་ལྟར་བཟློག་པ་ལྟར། །སྣང་ཞིང་སྲིད་པའི་བློ་བཟློག་མཁན། །ལྷ་མོ་དཔོན་གཡོག་ཁྱེད་རྣམས་ཡིན། །འདི་མེ་ལྕེ་འབར་བའི་རྒྱུད་གཞུང་ཞིག་ལགས་སོ། ། བྷྱོ་རྡོ་རྗེ་གར་གྱི་སྐག་བཟློག་མ། །ཤར་ཕྱོགས་གདོན་གྱི་སྐག་སྒྱུར་ཅིག་།བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །རིན་ཆེན་གར་གྱིས་

[Full Size]

སྐག་ཟློག་མ། །ལྷོ་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །པདྨ་གར་གྱི་སྐག་ཟློག་མ། །ནུབ་ཕྱོགས་གདོན་གྱི་སྐག་ཟློག་ཅིག །བཟློག་གོ་དམར་ཆེན་གཏོར་མས་ཟློག་།བསྒྱུར་རོ་ལྟས་ངན་དགྲ་ལ་སྒྱུར། །ལས་ཀྱི་གར་གྱི་སྐག་ཟློག་མ། །བྱང་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །གཞན་གྱིས་ཕུར་ཆེན་འདེབས་པ་ཟློག །ཚེ་ཟོར་ཡུངས་ཟོར་འཕེན་པ་ཟློག །གཤིན་རྗེས་འཁོར་ལོ་བསྐོར་བ་ཟློག །བདུད་ཀྱིས་ཁྲོམ་ལ་བཏབ་པ་ཟློག །མ་མོས་ཐུན་ཟོར་འཕེན་པ་ཟློག །ཀླུ་ཡིས་བྱེད་དུ་བཅུག་པ་ཟློག །ཕོ་ཉས་བླ་སྲོག་འཕྲོག་པ་ཟློག ། ཐེའུ་རང་ཚེ་ལ་བརྐུ་བ་ཟློག །མུ་སྟེགས་བར་ཆད་བྱེད་པ་ཟློག །ཞང་ཞུང་ཇོ་དམར་འཕེན་པ་ཟློག །བོན་པོས་སྔགས་ལོག་སྒྲུབ་པ་ཟློག །སུམ་པས་གླང་ཟོར་འཕེན་པ་ཟློག །སྐྱེས་པས་མདའ་ཟོར་འཕེན་པ་ཟློག །བུད་མེད་དམོད་ཟོར་འཕེན་པ་ཟློག །ལྟས་ངན་བརྒྱད་ཅུ་རྩ་གཅིག་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག །བགེགས་

[Full Size]

རིགས་སྟོང་ཕྲག་བརྒྱད་ཅུ་ཟློག །བྱིས་པའི་གདོན་ཆེན་བཅོ་ལྔ་ཟློག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །ཧཱུྃ། སྣང་སྟོང་ཐུགས་ཀྱི་དབྱིངས་ནས་སྤྲུལ་པ་ནི། །བསྟན་པའི་བཀའ་སྲུང་ལེགས་ལྡན་ནག་པོ་སྟེ། །མི་བཟད་ལྷ་ཆེན་དཔལ་འབར་རྔམ་པའི་སྐུ། །ཞལ་གདངས་ལྗགས་འདྲིལ་མཆེ་བ་གཙིགས། །སྟག་གི་སྨ་ར་མེ་ལྟར་འབར། །སྤྱན་གསུམ་སྡང་མིག་བསྟན་པའི་བྱ་ར་མཛད། །དབུ་སྐྲ་དམར་སེར་ཐོད་ཕྲེང་རུས་པས་བརྒྱན། །ལེ་བརྒན་དར་གྱི་ཅོད་པན་དུ་རུ་རུ། །རབ་འཇིགས་སྐུ་ལ་བརྗིད་པའི་བེར་ཆེན་གསོལ། །གསེར་སྐད་རིན་ཆེན་འབར་བ་སྐེད་ལ་བཅིངས། །ཞབས་གཉིས་བརྐྱང་བསྐུམ་ཉི་ཟླའི་གདན་ལ་བཞུགས། །ཕྱག་ན་ཙནྡན་བེང་ཆེན་བསྣམས་པ་ནི། །སྤྲུལ་པའི་ལྷ་དམག་ཉི་ཁྲི་ཆིག་སྟོང་འགྱེད། །མདུན་ན་ཁྱུང་ཆེན་བྱ་ཁྲ་ལྡིང་། །སྟག་གཟིག་དོམ་དྲེད་ཕྱི་ནས་འགྲོ། །ལྷ་དམག་འབུམ་གྱི་དབུས་ན་འགྱིང་། །བཀའ་སྡོད་ཕྱག་བརྙན་ཕོ་ཉའི་ཚོགས། །སྤྲུལ་པ་ཡང་སྤྲུལ་ཚོགས་དང་བཅས། །བསྟན་པ་བསྲུང་ཞིང་ཕྲིན་ལས་བསྒྲུབ་པའི་ཕྱིར། །ཐུགས་ཀྱི་སྤྲུལ་པ་

[Full Size]

ལེགས་ལྡན་ནག་པོ་ལ། །ཚོགས་དང་གཏོར་མ་མཐུན་པའི་རྫས། །ཕྱི་ནང་གསང་བའི་མཆོད་པ་འདིས། །ལེགས་ལྡན་ནག་པོའི་ལྷ་ཚོགས་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་སྲིད་པའི་གཡོས་ཆེན་ཟློག །ལྷ་དམག་དུང་ཕྱུར་སྡང་བའི་དགྲ་ལ་བྷྱོ། །ཧཱུྃ། དཔལ་ལྡན་མགོན་པོ་ནག་པོ་ཡི། །ཐུགས་ལས་སྤྲུལ་པའི་མགོན་པོ་ནག་པོ་ནི། །བདུད་འདུལ་དམག་དཔོན་ཆེན་པོ་བརྒྱད། །ཤར་ནས་སྤྲུལ་པའི་ཕོ་ཉ་ནི། །བཀའ་སྡོད་ལེགས་ལྡན་སེང་གེའི་གདོང་། །ཕྱག་ན་ཙནྡན་བེང་ཆེན་བསྣམས། །སྐུ་ལ་དར་ནག་འཇོལ་བེར་གསོལ། །གཙང་རིས་མགོན་པོ་འབུམ་གྱིས་བསྐོར། །བདུད་འདུལ་ཙནྡན་བེང་ཆེན་ནས། །ལྷ་དམག་བྱེ་བ་དུང་ཕྱུར་ནི། །བ་དན་དཀར་པོ་དངུལ་ཁྲབ་ཅན། །འཁོར་བཅས་ཁྱེད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །མགོན་པོའི་དམག་སྣ་དགྲ་ལ་སྒྱུར། །ལྷོ་ནས་སྤྲུལ་པའི་ཕོ་ཉ་ནི་། །བཀའ་སྡོད་ལེགས་ལྡན་སྟག་གི་གདོང་། །ཕྱག་ན་གསེར་གྱི་བེང་ཆེན་བསྣམས། །སྐུ་ལ་དར་ནག་བེར་ཆེན་གསོལ། །བདུད་རིགས་མགོན་པོ་འབུམ་གྱིས་བསྐོར། །

[Full Size]

གསོད་བྱེད་གསེར་གྱི་བེང་ཆེན་ནས། །བརྒྱད་ཁྲི་བཞི་སྟོང་གསེར་ཁྲབ་ཅན། །བ་དན་མཐིང་ནག་འབར་བ་བསྣམས། །འཁོར་བཅས་ཁྱོད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བདུད་ཀྱི་དམག་སྣ་དགྲ་ལ་སྒྱུར། །ནུབ་ནས་སྤྲུལ་པའི་ཕོ་ཉ་ནི། །བཀའ་སྡོད་ལེགས་ལྡན་ལྕེ་སྤྱང་གདོང་། །ཆུ་དར་སྔོན་མོ་སྐུ་ལ་གསོལ། །ཕྱག་ན་ལྕགས་ཀྱི་བེང་ཆེན་བསྣམས། །གཉན་རིགས་མགོན་པོ་འབུམ་གྱིས་བསྐོར། །སྒྲོལ་བྱེད་ལྕགས་ཀྱི་བེང་ཆེན་ནས། །དྲུག་ཁྲི་བཞི་སྟོང་ཟངས་ཁྲབ་ཅན། །བ་དན་མེ་ལྟར་འབར་བ་ཐོགས། །འཁོར་བཅོས་ཁྱོད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །གཉན་གྱི་དམག་ཚོགས་དགྲ་ལ་སྒྱུར། །བྱང་ནས་སྤྲུལ་པའི་ཕོ་ཉ་ནི། །བཀའ་སྡོད་ལེགས་ལྡན་དོམ་གྱི་གདོང་། །ཕྱག་ན་ཟངས་ཀྱི་བེང་ཆེན་བསྣམས། །སྐུ་ལ་མཐའ་བེར་སྨུག་པོ་གསོལ། །གཟའ་རིགས་མགོན་པོ་འབུམ་གྱིས་བསྐོར། །གསོད་བྱེད་ཟངས་ཀྱི་བེང་ཆེན་ནས། །བཞི་ཁྲི་སུམ་སྟོང་ལྕགས་ཁྲབ་ཅན། །བ་དན་གཡུ་ལྟར་སྔོ་བ་ཐོགས། །འཁོར་བཅས་ཁྱེད་ཀྱི་ཐུགས་དམ་

[Full Size]

བསྐང་། །བར་ཆད་སོལ་ལ་རྐྱེན་རྣམས་ཟློག །གཟའ་ཡི་དམག་ཚོགས་དགྲ་ལ་དྲོངས། །བྱང་ཤར་མཚམས་ནས་སྤྲུལ་པའི་ཕོ་ཉ་ནི། །བཀའ་སྡོད་ལེགས་ལྡན་གཟིག་གི་གདོང་། །ཕྱག་ན་བསེ་ཡི་བེང་ཆེན་བསྣམས། །སྐུ་ལ་ཡང་ཤེ་སྔོན་པོ་གསོལ། །ལྷ་རིགས་མགོན་པོ་འབུམ་གྱིས་བསྐོར། །གཏོར་བྱེད་བསེ་ཡི་བེང་ནང་ནས། །སུམ་ཁྲི་།སུམ་སྟོང་བསེ་ཁྲབ་ཅན། །བ་དན་དུང་ལྟར་དཀར་བ་ཐོགས། །འཁོར་བཅས་ཁྱེད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ལྷ་ཡི་དམག་ཚོགས་དགྲ་ལ་སྒྱུར་། །ཤར་ལྷོ་མཚམས་ནས་སྤྲུལ་པའི་ཕོ་ཉ་ནི། །བཀའ་སྡོད་ལེགས་ལྡན་སྤྲེའུ་གདོང་། །ཕྱག་ན་ཤེལ་གྱི་བེང་ཆེན་བསྣམས། །སྐུ་ལ་ཤེལ་གྱི་འཇོལ་བེར་གསོལ། །རྒྱལ་རིགས་མགོན་པོ་འབུམ་གྱིས་བསྐོར། །སྨྱོ་བྱེད་ཤེལ་གྱི་བེང་ནང་ནས། །འབུམ་ཁྲི་བཞི་སྟོང་དུང་ཁྲབ་ཅནོ། །བ་དན་གསེར་ལྟར་སེར་བ་ཐོགས། །འཁོར་བཅས་ཁྱེད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །རྒྱལ་པོའི་དམག་ཚོགས་དགྲ་ལ་སྒྱུར། །ལྷོ་ནུབ་མཚམས་ནས་སྤྲུལ་པའི་ཕོ་ཉ་ནི། །བཀའ་སྡོད་ལེགས་ལྡན་དྲེད་ཀྱི་

[Full Size]

གདོང་། །ཕྱག་ན་མཆོང་གི་བེང་ཆེན་ཐོགས། །སྐུ་ལ་བེར་སྨུག་འཇོལ་བེར་གསོལ། །གཤིན་རྗེའི་མགོན་པོ་འབུམ་གྱིས་བསྐོར། །གསོད་བྱེད་མཆོང་གི་བེང་ནང་ནས། །སུམ་ཁྲི་བཞི་སྟོང་དུང་ཁྲབ་ཅན། །བ་དན་དམར་ནག་འབར་བ་བསྣམས། །འཁོར་བཅས་ཁྱེད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །གཤིན་རྗེའི་དམག་ཚོགས་དགྲ་ལ་བསྒྱུར། །ནུབ་བྱང་མཚམས་ནས་སྤྲུལ་པའི་ཕོ་ཉ་ནི། །བཀའ་སྡོད་ལེགས་ལྡན་ཆུ་སྲིན་གདོང་། །ཕྱག་ན་རླུང་གི་བེང་ཆེན་བསྣམས། །སྐུ་ལ་དབལ་དར་དམར་ནག་གསོལ། །ཀླུ་བདུད་མགོན་པོ་འབུམ་གྱིས་བསྐོར། །རླག་བྱེད་རླུང་གི་བེང་ནང་ནས། །སུམ་ཁྲི་བཞི་སྟོང་གཡུ་ཁྲབ་ཅན། །བ་དན་གློག་འགྱུ་ལྗང་བ་ཐོགས། །འཁོར་བཅས་ཁྱེད་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ཀླུ་བདུད་དམག་ཚོགས་དགྲ་ལ་སྒྱུར། །ཕྱོགས་བཞི་དང་ནི་མཚམས་བཞི་ནས། །སྤྲུལ་པའི་ལྷ་དམག་ཁྲབ་ཅན་ནི། །བྱེ་བ་འབུམ་ཕྲག་བརྒྱད་ཀྱི་ཚོགས། །བེར་ནག་ཕྱོགས་མདོག་ཚེམ་ཁྲབ་གསོལ། །མཚོན་ཆ་གློག་འོད་ཁྱུགས་སེ་ཁྱུག །ཀུ་བསོ་

[Full Size]

ཆོ་སྒྲ་དི་རི་རི། །ལྷ་དམག་ཚོགས་ཀྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །སྲིད་པའི་ཆག་ཆེན་གཡོས་ཆེན་ཟློག །བཟློག་བྱུང་འདི་ནི་ལེགས་ལྡན་མེ་ལྕེ་ཕྲེང་བའི་རྒྱུད་ནས་བཏུས་སོ།། ཧཱུྃ། སྔོན་ཚེ་བཟློག་པ་གང་ནས་བྱུང་། །སུམ་ཅུ་རྩ་གསུམ་ལྷ་གནས་ནས། །དཔག་བསམ་ཤིང་གི་འབྲས་བུ་ལ། །ལྷ་དང་ལྷ་མིན་འཐབ་པའི་ཚེ། །ལྷ་མིན་བདུད་ཀྱི་དཔུང་རྒྱས་ནས། །ལྷ་གནས་འཕྲོག་ནས་ཕོ་བྲང་བརྩེགས། །དེ་ཚེ་ལྷ་དབང་བརྒྱ་བྱིན་གྱིས། །འཛམ་གླིང་ལྷོ་ཡི་དུར་ཁྲོད་ནས། །ལེགས་ལྡན་ནག་པོ་སྤྱན་དྲངས་ནས། །ལྷ་ཡི་དམག་དཔོན་ཆེན་པོར་བསྐོས། །ལྷ་དམག་བྱེ་བ་བརྒྱད་ཅུ་སྤྲུལ། །ལྷ་མིན་གདུག་པའི་དམག་དཔུང་ཟློག །གྲོང་ཁྱེར་སུམ་བརྩེགས་གཏན་ནས་བརླག །དཀར་པོ་ལྷ་ཡི་རྒྱལ་སྲིད་རྒྱས། །སྔོན་དུས་དེ་ལྟར་བཟློག་པ་ལྟར། །ཁྱེད་ལ་ཕྲིན་ལས་བཅོལ་བ་ནི། །བཟློག་ཅིག་ཁྲོ་བོའི་དྲག་ཤུལ་ཟློག །གཤིན་རྗེའི་འཕྲུལ་འཁོར་བཟློག་ཏུ་གསོལ། །མ་མོའི་ཁྲག་ཟོར་བཟློག་ཏུ་གསོལ། །བལ་མོའི་ཚེ་ཟོར་བཟློག་ཏུ་གསོལ། །ཕུར་པའི་དབལ་ཟོར་བཟློག་ཏུ་གསོལ། །བདུད་ཀྱི་ཁྲམ་ཁ་བཟློག་ཏུ་གསོལ། །

[Full Size]

མུ་སྟེགས་པར་བུ་བཟློག་ཏུ་གསོལ། །དྲང་སྲོང་དམོད་པ་བཟློག་ཏུ་གསོལ། །ས་བདག་གཏད་ཁྲམ་བཟློག་ཏུ་གསོལ། །བལ་པོའི་དུག་མཚོན་བཟློག་ཏུ་གསོལ། །རོ་ལངས་དམོད་པ་བཟློག་ཏུ་གསོལ། །མགོན་པོའི་པར་བུ་བཟློག་ཏུ་གསོལ། །མོན་པའི་གཅེར་རྒྱུག་བཟློག་ཏུ་གསོལ། །རྒྱལ་པོའི་སྨྱོ་འབོག་བཟློག་ཏུ་གསོལ། །བཙན་གྱི་ཤྭ་རྒྱུག་བཟློག་ཏུ་གསོལ། །ས་བདག་འབྱུང་འཁྲུག་བཟློག་ཏུ་གསོལ། །མཁའ་འགྲོའི་ཁྲག་ནད་བཟློག་ཏུ་གསོལ། །གཟའ་སྐར་ངན་པའི་གདུག་གཟེར་དང་། །མ་བདུད་དལ་ཡམས་བཟློག་ཏུ་གསོལ། །རྒྱལ་འགོང་བཙན་བདུད་བྱིན་གྱིས་ཐུལ། །ཐེའུ་རང་འགོང་པོ་གཞོབ་ཏུ་བསྲེགས། །དགྲ་བགེགས་རང་གཤེད་རང་ལ་ཕོབ། །དམ་ཉམས་རང་མཚོན་རང་ལ་རྒྱོབ། །ཁས་བླངས་དམ་བཅས་མ་གཡེལ་ཅིག །བཟློག་གཞུང་འདི་ཀླུ་སྒྲུབ་ཀྱི་གསུངས་ཡིན་ནོ།། ཧཱུྃ། ཁྲག་འཐུང་ནག་པོ་ཆེན་པོ་སྟེ། །བདུད་འདུལ་བྱ་རོག་མཚན་ཅན་ལ། །བཀའ་སྡོད་མགོན་པོས་བསྐོར་བ་ནི། །གཡས་ན་ལས་མགོན་བྱ་རོག་གདོང་། །ཤར་ན་སྲོག་བདག་བྱ་རོག་གདོང་། །ལྷོ་ན་གཤིན་རྗེ་

[Full Size]

བྱ་རོག་གདོང་། །ནུབ་ན་བཙན་མགོན་བྱ་རོག་གདོང་། །ཤར་ལྷོར་གིང་མགོན་བྱ་རོག་གདོང་། །ལྷོ་ནུབ་སྲིན་མགོན་བྱ་རོག་གདོང་། །ནུབ་བྱང་བདུད་མགོན་བྱ་རོག་གདོང་། །བྱང་ཤར་དགེ་བསྙེན་བྱ་རོག་གདོང་། །ཀུན་ཀྱང་རྔམ་པའི་སྒྲ་སྒྲོག་ཆར་སྤྲིན་མདོག །བྱང་ན་སྦས་པའི་གནོད་སྦྱིན་བྱ་རོག་གདོང་། །སྡོམ་བྱེད་མི་སྲུན་ལྗང་ནག་འཁྱིལ་བའི་མདོག །ཀུན་ཀྱང་ཁྲོ་ཞལ་རྡོ་རྗེའི་མཆུ་གཤོག་ཅན། །ཁྲོས་པའི་སྐུ་ལ་དུག་སྦྲུལ་ཐོད་པས་བརྒྱན། །རྔམ་པའི་ཞལ་ནས་ཧཱུྃ་ཕཊ་རབ་བསྒྲོགས་པས། །ལྷ་དང་བཅས་པའི་འཇིག་རྟེན་གཡོ་བར་བྱེད། །ཁྲོ་གཉེར་སྨིན་མ་གློག་ལྟར་རབ་ཏུ་འཁྲུག །སྡང་མིག་སྤྱན་གསུམ་གདུག་པའི་མེ་སྟག་འཕྲོ། །ཞལ་གདངས་ལྗགས་འདྲིལ་ཨག་ཚོམ་མེ་ལྟར་འབར་། །གནམ་ལྕགས་མཆུ་སྡེར་དགྲ་བགེགས་ཤ་ལ་རོལ། །རལ་པ་དམར་སེར་འབར་བས་བདུད་དཔུང་འདུལ། །ཐོད་སྐམ་རྡོ་རྗེ་བྱ་ཁྱུང་དབུ་ལ་བརྒྱན། །དར་ནག་ཅོད་པན་རབ་ཏུ་འཕུར། །བར་སྣང་བདུད་རྣམས་ལས་ལ་འགྱེད། །ཕྱག་གཡས་འབར་བའི་གྲི་གུག་ཕྱིར། །དམ་ཉམས་སྲོག་སྙིང་ཚལ་པར་འགེམ། །གཡོན་པས་ཐོད་པ་ཁྲག་

[Full Size]

བཀང་བསྣམས། །ལོག་འདྲེན་བདུད་ཀྱི་སྙིང་ཁྲག་འཐུང་། །ཉི་མ་འབུམ་གྱི་གཟི་བརྗིད་ཅན། །སྟག་ལྤགས་རློན་པའི་ཤམ་ཐབས་ཅན། །གཅན་གཟན་གདུག་པའི་ཕོ་ཉ་འགྱེད། །གྲུ་གསུམ་མཐིང་ནག་གདན་སྟེང་ནས། །ཞབས་གཉིས་བརྐྱང་བསྐུམ་དགྲ་བགེགས་གདན་ལ་བཞུགས། །རང་འདྲ་ནག་པོ་སྟོང་གིས་བསྐོར། །ཤ་ཟ་འབུམ་ནི་ཕོ་ཉར་འགྱེད། །མ་མོ་བྱེ་བ་ལས་ལ་བསྐུལ། །ཤ་ཟ་བྱ་རོག་འབུམ་ནི་ཀླད་ན་ལྡིང་། །ཁྲག་འཐུང་སྟག་གཟིག་འབུམ་ནི་ཕྱོགས་བཅུར་འགྱེད། །སྲོག་བདུད་ནག་པོ་འབུམ་གྱིས་བསྐོར། །བདུད་པོ་ནག་པོ་དགྲ་བོའི་སྙིང་ཁྲག་འཐུང་། །མགོན་པོའི་བཀའ་སྡོད་ཡིན་པའི་ཕྱིར། །བྱ་རོག་གདོང་ཅན་མཆེད་དགུའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ཕོ་བདུད་གནོད་པ་ཟློག །ཚོགས་དང་གཏོར་མ་མཐུན་པའི་རྫས། །ཕྱི་ནང་གསང་བའི་མཆོད་པ་ནི། །གཡག་ལུག་རྟ་དང་བྱ་རོག་ཁྱི་ནག་དང་། །བྱ་རྒོད་མདའ་དང་གྲི་རྒོད་སྙིང་ཆེན་གྱིས། །བདུད་མགོན་བྱ་རོག་གདོང་དགུའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བདུད་པོའི་དམག་

[Full Size]

ཚོགས་སྡང་བའི་དགྲ་ལ་བྷྱོ། །ཧཱུྃ། ཁྲག་འཐུང་ནག་པོ་བྱ་རོག་མཚན་ཅན་གྱི། །ཕྲིན་ལས་སྐུ་ཡི་འཁོར་ཚོགས་ཏེ། །མགོན་པོ་སྟོང་གིས་བསྐོར་བ་ནི། །དཔའི་གཏུམ་རབ་འཇིགས་རྔམ་པའི་སྐུ། །བསྟན་སྲུང་ཕྲིན་ལས་མཛད་པའི་ཕྱིར། །སྐུ་མདོག་གཅིག་ཏུ་མ་ངེས་ཏེ། །སྣ་ཚོགས་མདོག་ཅན་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ལ་ལ་ཞལ་བརྒྱད་ཕྱག་བཅུ་དྲུག །ལ་ལ་ཞལ་བཞི་ཕྱག་བརྒྱད་དེ། །ལ་ལ་ཞལ་གསུམ་ཕྱག་དྲུག་པ། །ལ་ལ་ཞལ་གཅིག་ཕྱག་གཉིས་པ། །སྣ་ཚོགས་རྒྱན་དང་ཕྱག་མཚན་ཐོགས། །སྣ་ཚོགས་ཕྲིན་ལས་སྒྲུབ་བྱེད་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །རྣམ་འཕྲུལ་གཅིག་ཏུ་མ་ངེས་ཏེ། །ལ་ལ་རྫུ་འཕྲུལ་སྟོབས་དང་ལྡན། །སེང་གེ་གླང་ཆེན་སྟག་གཟིག་སོགས། །མ་ངེས་སྣ་ཚོགས་ཞོན་པ་ཆིབས། །གཟི་བརྗིད་སྟོབས་ཀྱི་བདུད་ཚོགས་ཟིལ་གྱིས་གནོན། །སྣ་ཚོགས་རྫུ་འཕྲུལ་ཕྲིན་ལས་ཐབས་ཀྱི་གཙོ། །བསྟན་པའི་བཀའ་སྲུང་རྣལ་འབྱོར་དམ་ཅན་སྐྱོང་། །སྐུ་ཡི་འཁོར་ཚོགས་མགོན་པོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །

[Full Size]

བཟློག་ཅིག་ཕོ་བདུད་མོ་བདུད་ཟློག །ཚོགས་དང་གཏོར་མ་མཐུན་པའི་རྫས། །ཕྱི་ནང་གསང་བའི་མཆོད་པ་དང་། །རཀྟ་དམར་དང་བདུད་རྩི་སྨན་རྣམས་ཀྱིས། །སྐུ་འཁོར་ནག་པོ་སྟོང་གི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ནག་པོའི་དམག་ཚོགས་སྡང་བའི་དགྲ་ལ་ཡ། །བཟློག་བྱུང་འདི་རྩ་བརྒྱུད་ཐུགས་རྗེ་འབྱུང་བ་ནས་བཏུས་སོ།། ཧཱུྃ། སྔོན་ཚེ་བཟློག་པ་གང་ནས་བྱུང་། །ལྷ་མིན་བདུད་དཔུང་འཇོམས་པའི་ཕྱིར། །ལྷ་ཡི་དབང་པོ་བརྒྱ་བྱིན་གྱིས། །བྱ་རོག་གདོང་ཅན་སྤྱན་དྲངས་ནས། །སྤྲུལ་པའི་བྱ་རོག་གདོང་དགུ་དང་། །ཡང་སྤྲུལ་ལྷ་དམག་ས་ཡ་དང་། །དུང་ཕྱུར་བརྒྱད་ཁྲི་གསེར་ཁྲབ་ཅན། །རི་རབ་བྱང་ཤར་མཚམས་སུ་ཆས། །འཁོར་ཚོགས་བདུད་ཀྱི་དམག་ཚོགས་ནི། །བྱེ་བ་དུང་ཕྱུར་བཅས་པ་གཡོས། །ལྷ་མིན་ཞེ་སྡང་གཡུལ་ངོ་ཟློག །ལྷ་མིན་བདུད་ཀྱི་རྒྱལ་པོ་བརྒྱད། །མགོ་བཅད་ཐོད་པ་ཁྲག་བཀང་གསོལ། །ལྷ་མིན་དམག་ཚོགས་བརླགས་པར་བྱས། །སྔོན་དུས་དེ་ལྟར་བཟློག་པ་ལྟར། །བཟློག་པ་འདི་ནི་པཎྜི་ཏ་ཤྲཱི་བྷ་ཏྲའི་རྒྱ་གཞུང་ངོ་།། དམ་ཉམས་དགྲ་བགེགས་སྡིག་ཅན་གྱི། །རང་མཐུ་རང་ལ་

[Full Size]

ལོག་པར་མཛོད། །རང་ལྷ་རང་གི་གཤེད་དུ་ཕོབ། །རང་ནུས་རང་ལ་སྨིན་པར་མཛོད། །རང་མཚོན་རང་ལ་འཁོར་བར་མཛོད། །རང་སྲོག་རང་གིས་གཅོད་དུ་ཆུག །རང་ཤ་རང་གིས་ཟ་རུ་ཆུག །རང་ཁྲག་རང་གིས་འཐུང་དུ་ཆུག །གཤིན་རྗེའི་འཕྲུལ་འཁོར་བཟློག་ཏུ་གསོལ། །ཕུར་པའི་དབལ་བོར་བཟློག་ཏུ་གསོལ། །ཁྲོ་བོའི་དྲག་ཐུན་བཟློག་ཏུ་གསོལ། །མ་མགོན་པར་བུ་བཟློག་ཏུ་གསོལ། །རྒྱལ་པོའི་སྨྱོ་འབོག་བཟློག་ཏུ་གསོལ། །ཀླུ་ཡི་གཏད་ཁྲམ་བཟློག་ཏུ་གསོལ། །དམུ་ཡི་རྡོ་བ་བཟློག་ཏུ་གསོལ། །བཙན་གྱི་ཤྭ་རྒྱུག་བཟློག་ཏུ་གསོལ། །བལ་པོའི་དུག་ཚང་བཟློག་ཏུ་གསོལ། །མོན་པའི་གཅེར་རྒྱུག་བཟློག་ཏུ་གསོལ། །ཞང་ཞུང་ཛོ་དམར་བཟློག་ཏུ་གསོལ། །མུ་སྟེགས་དམོད་པ་བཟློག་ཏུ་གསོལ། །བོན་པོའི་དབལ་ཟོར་བཟློག་ཏུ་གསོལ། །ས་བདག་ཡམས་ནད་བཟློག་ཏུ་གསོལ། །བྱད་ཁ་ཕུར་ཁ་བཟློག་ཏུ་གསོལ། །དལ་ཁ་ཡམས་ཁ་བཟློག་ཏུ་གསོལ། །མི་ནད་ཕྱུགས་ནད་བཟློག་ཏུ་གསོལ། །སད་སེར་ལོ་ཉེས་བཟློག་ཏུ་གསོལ། །སྐལ་ངན་མུ་གེ་བཟློག་ཏུ་གསོལ། །འཐབ་རྩོད་འཁྲུག་ལོང་བཟློག་ཏུ་གསོལ། །

[Full Size]

བར་ཆད་ཐམས་ཅད་བཟློག་ཏུ་གསོལ། །མི་མཐུན་རྐྱེན་རྣམས་བཟློག་ཏུ་གསོལ། །ཧཱུྃ། ཁྲག་འཐུང་བྱ་རོག་མཚན་ཅན་གྱི། །ཕྱག་བརྙན་ནག་པོ་ཆེན་པོ་ནི། །ཤ་ཟ་རབ་འཇིགས་སེང་གེའི་གདོང་། །རབ་གཏུམ་ཁྲོས་པ་མུན་པའི་མདོག །གཟུགས་ཆེ་ཡན་ལག་རགས་པ་སྟེ། །ཁྲག་ཞག་ཐིག་ལེས་ལུས་ལ་བྱུག །དུག་སྦྲུལ་ཐོད་རློན་དོ་ཤལ་ཅན། །ཞལ་གདང་ལྗགས་འདྲིལ་རྔམ་པའི་གད་རྒྱངས་སྒྲོགས། །སྤྱན་གསུམ་སྡང་མིག་གདུག་པའི་མེ་ཏོག་འཕྲོ། །མི་བཟད་རལ་པ་སྤྲུག་པ་ཡིས། །དགྲ་བགེགས་ཕུང་བྱེད་གནམ་ལྕགས་ཐོག་སེར་འབེབས། །ལྕགས་ཀྱི་སྨྲ་ར་གདུག་པའི་ཚྭ་ཚྭ་འཕྲོ། །རྣོ་ལ་འཁྱོག་པའི་མཆེ་བ་གཙིགས། །དགྲ་བོའི་སྲོག་རྩ་འདྲེན་པར་བྱེད། །རྟག་ཏུ་ཤ་དང་ཁྲག་ལ་དགའ། །ཤ་ཟ་ཞིང་སྐྱོང་སྤྲུལ་པ་འགྱེད། །དམ་ཉམས་སྲོག་གི་སྤུ་གྲི་སྟེ། །གཡས་ན་འབར་བའི་གྲི་གུག་ཕྱིར། །སྡིག་ཅན་དགྲ་བོ་རྩད་ནས་གཅོད། །གསོད་བྱེད་རྔམ་པའི་ཆ་ལུགས་ཅན། །གཡོན་པས་ཐོད་པ་ཁྲག་བཀང་རྔུབ། །ཤ་ཟ་ནག་པོ་དམ་ཉམས་སྲོག་ལ་བརྩོན། །སྟག་གི་པགས་པའི་ཤམ་ཐབས་ལ། །དུག་སྦྲུལ་

[Full Size]

གདུག་པའི་སྐེ་རགས་བཅིངས། །གཅན་གཟན་གདུག་པའི་འཁོར་ཚོགས་ཀྱིས། །དགྲ་བགེགས་འགུགས་བྱེད་ཁྲག་འཐུང་ང་རོ་འབྱིན། །འཇིགས་སུ་རུང་བའི་མེ་དཔུང་ནི། །དམར་ནག་འཁྲུགས་པའི་ཀློང་དཀྱིལ་ནས། །པད་མ་ཉི་མའི་གདན་སྟེང་ན། །བརྐྱང་བསྐུམ་ཞབས་ཀྱིས་གདུག་པའི་དགྲ་བགེགས་གནོན། །ཚངས་རིགས་མགོན་པོ་འབུམ་གྱིས་བསྐོར། །བསྟན་པའི་བཀའ་སྲུང་སྤྲུལ་པ་སྣ་ཚོགས་འགྱེད། །ཤ་ཟ་འབུམ་གྱི་ཚོགས་དང་བཅས། །སྨྱོ་བྱེད་འབུམ་ནི་ལས་ལ་འགྱེད། །འཇིག་རྟེན་མཁའ་འགྲོ་འབུམ་གྱིས་ཁྲག་ནད་གཏོང་། །གཅན་གཟན་འབུམ་ནི་ཕྱི་ནས་འགྲོ། །བྱ་ནག་འབུམ་ནི་ཀླད་ན་ལྡིང་། །ཁྱི་ནག་འབུམ་ནི་ལོག་ནས་ཟུག །འཚུབ་ནག་འོད་ཕུང་ཝ་དང་སྤྲེའུ་དང་། །དོམ་དྲེད་ཆོ་འཕྲུལ་སྣ་ཚོགས་འགྱེད། །ཁྱོད་ཀྱི་སྤྲུལ་པས་བར་སྣང་ཁྱབ། །ཤན་པ་མི་ནག་མོན་པའི་ཚོགས། །ལག་ན་སྤུ་གྲི་གློ་སྙིང་འབྱིན། །དགྲ་བོའི་སྲོག་རྩ་གཅོད་པར་བྱེད། །གཅན་གཟན་ལྕེ་སྤྱང་དོམ་དྲེད་སོགས། །དགྲ་བོའི་བླ་ནས་འགུགས་པར་བྱེད། །བྱ་རོག་སྲིན་བྱ་འུག་པའི་ཚོགས། །ཉམས་པ་ལྷ་དང་ཕྲལ་བར་བྱེད། །སྲིན་པོ་དུས་

[Full Size]

མཚན་ཨ་ཙ་ར། །ལྟས་ངན་སྨྱོ་འབོག་གཏོང་བར་བྱེད། །སྨན་མོ་འཇིག་རྟེན་མཁའ་འགྲོའི་ཚོགས། །དུད་ཁྲོད་བརྒྱད་ཀྱི་མགོ་བརྙན་ཅན། །ཤ་ཁྲག་ཞལ་དུ་སྟོབ་པར་བྱེད། །ཤ་ཟ་ནག་པོ་སེང་གེའི་གདོང་པ་ཅན། །ཕྱག་བརྙན་མྱུར་མགྱོགས་ཆེན་པོ་སྟེ། །ཕྱག་བརྙན་ཡིན་ཕྱིར་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་ཆོག་ཆེན་ཉམ་ང་ཟློག །ཚོགས་དང་གཏོར་མ་མཐུན་པའི་རྫས། །ཕྱི་ནང་གསང་བའི་མཆོད་པ་དང་། །དར་གདུགས་ནག་པོའི་རྒྱལ་མཚོན་རྣམ་བཞི་དང་། །གཡག་ལུག་ནག་པོ་རྟ་ནག་དང་། །བྱ་རྒོད་མདའ་དང་གྲི་རྒོད་སྙིང་རྣམས་ཀྱིས། །ཕྱག་བརྙན་སེང་གདོང་ནག་པོའི་ཐུགས་དམ་བསྐང་། །བར་ཆད་ཐམས་ཅད་བཟློག་ཟླཏུ་གསོལ། །བསྟན་སྲུང་སེང་གདོང་མ་ཡི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །མྱུར་མགྱོགས་བམ་རོ་ཕོ་མོའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །སྲིན་མོ་སྟག་གདོང་མ་ཡི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་བན་ཁྱད་བོན་བྱད་ཟློག །བར་ཆད་ཐམས་ཅད་བཟློག་ཏུ་

[Full Size]

གསོལ། །མི་མཐུན་རྐྱེན་རྣམས་བཟློག་ཏུ་གསོལ། །ཧཱུྃ། ཁྲག་འཐུང་ནག་པོ་བྱ་རོག་མཚན་ཅན་ལ། །ཞིང་སྐྱོང་ཆེན་པོ་སུམ་ཅུ་རྩ་གཉིས་དང་། །གསུང་འཁོར་ཤ་ཟ་འབུམ་གྱིས་བསྐོར་བ་ནི། །ཕྱོགས་མཚམས་དུར་ཁྲོད་བརྒྱད་ཀྱི་ཤིང་ཆེན་བརྒྱད། །ལོ་འབྲས་མེ་ཏོག་རབ་རྒྱས་ཆོས་སྒྲ་སྒྲོག །དེ་ལ་གནས་པའི་ཞིང་སྐྱོང་ཆེན་པོ་བརྒྱད། །ཤར་ནས་གླང་ཆེན་ཤར་ལྷོར་ར་ཡི་གདོང་། །ལྷོ་ན་མ་ཧེ་ལྷོ་ནུབ་སྲིན་པོའི་གདོང་། །ནུབ་ན་ཆུ་སྲིན་ནུབ་བྱང་ཤྭ་བའི་གདོང་། །བྱང་ན་རྟ་མཆོག་བྱང་ཤར་ཁྱུ་མཆོག་གདོང་། །ལུས་ཕྱེད་ཤིང་ནས་ཐོན་ཏེ་གྲི་ཐོད་འཛིན། །ཞིང་སྐྱོང་ཆེན་པོ་བརྒྱད་ཀྱི་ཐུགས་དམ་བསྐང་། །བར་ཆད་ཐམས་ཅད་བཟློག་ཏུ་གསོལ། །ཤ་ཟས་བླ་སྲོག་འཕྲོག་པ་ཟློག །གཞན་ཡང་ཡུལ་ཆེན་ཉི་ཤུ་རྩ་བཞི་ན། །དྲག་པོ་ཞིང་སྐྱོང་ཉི་ཤུ་རྩ་བཞི་ནི། །མཐིང་ནག་ཞལ་གཅིག་ཕྱག་བཞི་ཁྲོས་པའི་གཟུགས། །གྲི་ཐོད་ཌཱ་རུ་ཏྲི་ཤུལ་ཕྱག་ན་བསྣམས། །ཞིང་སྐྱོང་ཉི་ཤུ་རྩ་བཞིའི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །གནས་ཡུལ་དཔའ་བོ་མཁའ་འགྲོའི་སུན་མ་ཟློག །ཡང་འཁོར་ཤ་ཟ་བྱེ་བ་འབུམ། །སྣ་ཚོགས་རྫུ་

[Full Size]

འཕྲུལ་མི་ཟད་པ། །ཕྱོགས་དང་ཕྱོགས་མཚམས་ཐམས་ཅད་དུ། །ཤ་ཁྲག་ཟ་ཞིང་རྒྱུག་པ་སྟེ། །བང་ནི་སྐད་ཅིག་གློག་ལྟར་འགྱུ། །འཇིགས་པའི་གཟུགས་ཀྱིས་དགྲ་བགེགས་སྒྲོལ། །འཇིགས་གཟུགས་གསུང་གི་འཁོར་ཚོགས་དགྲ་བགེགས་འཇོམས། །ཤ་ཟའི་ཚུལ་གྱི་གདུག་པ་ཚར་གཅོད་བསྟན་པ་སྲུང་། །ལས་མཁན་ཤ་ཟ་འབུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་གོད་འདྲེ་ཤ་ཟ་ཟློག །ཚོགས་དང་གཏོར་མ་མཐུན་པའི་རྫ་ས། །ཕྱི་ནང་གསང་བའི་མཆོད་པ་དང་། །འདོད་པའི་ལོངས་སྤྱོད་མཆོད་པ་རྒྱ་ཆེན་གྱིས། །ལས་མཁན་ཤ་ཟ་འབུམ་གྱི་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །ཤ་ཟའི་དམག་ཚོགས་སྡང་བའི་དགྲ་ལ་སྒྱུར། །ལས་མཁན་སྤྲུལ་པ་གནོད་པའི་བགེགས་ལ་བྷྱོ། །ཧཱུྃ། དཔལ་ལྡན་ཁྲག་འཐུང་བྱ་རོག་མཚན་ཅན་ལ། །སྤྲུལ་པ་དཔལ་མགོན་བདུན་ཅུས་བསྐོར་བ་ནི། །རྒྱལ་ཆེན་བཞི་དང་ཕྱོགས་སྐྱོང་ཆེན་པོ་བཅུ། །ལྷ་བརྒྱད་ཀླུ་བརྒྱད་གཟའ་བརྒྱད་གནོད་སྦྱིན་བརྒྱད། །རྒྱུ་སྐར་ཉི་ཤུ་རྩ་བརྒྱད་འཁོར་དང་བཅས། །སོ་སོའི་མཐུན་རྫས་

[Full Size]

མཆོད་པས་ཐུགས་དམ་བསྐང་། །བར་ཆད་སོལ་ལ་རྐྱེན་རྣམས་ཟློག །བཟློག་ཅིག་འཇིག་རྟེན་གཡོ་འཁྲུག་ཟློག །སངས་རྒྱས་བསྟན་པ་སྲུང་མཛད་པའི། །དཔལ་མགོན་བདུན་ཅུའི་ཐུགས་དམ་བསྐང་བ་ནི། །དཀར་གསུམ་མངར་གསུམ་མེ་ཏོག་ཤིང་ཐོག་དང་། །འབྲུ་སྨན་རིན་ཆེན་སྣ་ལྔས་ཐུགས་དམ་བསྐང་། །རྣལ་འབྱོར་འཁོར་སྲུང་རྐྱེན་དང་བར་ཆད་ཟློག །མི་མཐུན་གནོད་པའི་ཕྱོགས་རྣམས་བཟློག་ཏུ་གསོལ། །ཧཱུྃ། སྔོན་ཚེ་བཟློག་པ་གང་ནས་བྱུང་། །རྒྱ་གར་རྡོ་རྗེ་གདན་དྲུང་དུ། །མུ་སྟེགས་དམག་ཚོགས་ལྷག་པའི་ཚེ། །སློབ་དཔོན་སེང་གེ་སྒྲ་སྒྲོགས་ཀྱིས། །སེང་གདོང་ཡབ་ཡུམ་ལས་ལ་བསྐུལ། །མུ་སྟེགས་དམག་ཚོགས་རྩད་ནས་ཟློག །མུ་སྟེགས་སྟོན་པ་བདུན་བརྒྱ་དེ། །གནམ་ལྕགས་དྲག་པོའི་ཐོག་གིས་བསད། །ངན་སྔགས་མཁན་པོ་ཁྲག་ཏུ་སྐྱུགས། །སྔོན་དུས་དེ་ལྟར་བཟློག་པ་ལྟར། །མགོན་པོ་སེང་གདོང་ཡབ་ཡུམ་དང་། །ཞིང་སྐྱོང་ཆེན་པོ་སུམ་ཅུ་གཉིས། །ཤ་ཟ་འབུམ་གྱི་ཚོགས་རྣམས་ཀྱིས། །ཤ་ཁྲག་གཏོར་མདོས་འདི་ལོངས་ལ། །དོ་ནུབ་བཟློག་པའི་དཔུང་ལ་ཆོས། །བཟློག་པ་འདི་ཀཾ་ཚང་གི་ཞིང་སྐྱོང་དང་འབྲུག་

[Full Size]

ལུགས་ཀྱི་ཕྱག་བཞི་པ་གཉིས་ཀ་ན་ཡོད་དེ། ཨོ་རྒྱན་གྱི་གསུངས་ཡིན་པ་འདྲའོ། །སྤྱན་སྔ་ཆོས་གྲགས་པས་མཛད་པ་ཡང་ཟེར། ཧཱུྃ། །བདག་ཅག་འཁོར་དང་བཅས་ལ་གནོད་པ་ཡི། །སྲིད་པའི་ཁྲམ་ཁ་ཐམས་ཅད་དགྲ་ལ་སྒྱུར། །ལྷ་འདྲེའི་དམག་ཚོགས་མ་ལུས་དགྲ་ལ་དྲོངས། །ཕ་རོལ་བསམ་སྦྱོར་ངན་པའི་ལས་བརྩམས་པ། །བྱད་ཁ་ཕུར་ཁ་དྲོད་གཏོང་དྲག་པོ་དང་། །ཚེ་ཟོར་རྦད་འདྲེ་ཡུངས་ཟོར་འཕེན་པ་ཟློག །ས་བདག་ཀླུ་ཡི་བྱེད་དུ་བཅུག་པ་ཟློག །ཐེའུ་རང་འབྱུང་པོའི་སྲི་རྐུན་ཐམས་ཅད་ཟློག །གཤིན་རྗེའི་འཁོར་ལོ་བདུད་ཀྱི་ཁྲམ་འདེབས་དང་། །མུ་སྟེགས་ངན་པས་བར་ཆད་བྱེད་པ་ཟློག །རྒྱལ་བསེན་རྣམས་ཀྱི་སྨྱོ་འབོག་གཏོང་བ་ཟློག །དྲང་སྲོང་གཟའ་དང་ཀླུ་གདོན་གནོད་པ་ཟློག །ཞང་ཞུང་ཛོ་ཟོར་སུམ་པའི་གླང་ཟོར་ཟློག །བོན་པོ་རྣམས་ཀྱི་གཏོར་ཟོར་འཕེན་པ་ཟློག །བན་དེའི་སྔགས་ཟོར་སྐྱེས་པའི་མདའ་ཟོར་དང་། །བུད་མེད་རྣམས་ཀྱི་དམོད་བོར་འཕེན་པ་ཟློག །བདུད་ཀྱི་གཤེད་བཞི་རོ་ལངས་འབྱུང་པོ་དང་། །མཁའ་འགྲོ་རྣམས་ཀྱི་ཁྲག་ནད་གཏོང་བ་ཟློག །མོ་རྩིས་ངན་དང་རྨི་ལམ་མཚན་མ་ངན། །ལྟས་ངན་མི་རུང་བརྒྱད་ཅུ་

[Full Size]

རྩ་གཅིག་ཟློག །བཞི་བརྒྱ་རྩ་བཞིའི་མི་ནད་ཕྱུགས་ནད་དང་། །གདོན་རིགས་ཉི་ཁྲི་ཆིག་སྟོང་གནོད་པ་ཟློག །སྟོང་ཕྲག་བརྒྱད་ཅུའི་བགེགས་ཚོགས་མ་ལུས་དང་། །ཡེ་འདྲོགས་ཆེན་པོ་སུམ་བརྒྱ་དྲུག་ཅུ་ཟློག །གདོན་ཆེན་བཅོ་ལྔ་ལོ་ཟླ་ཞག་དུས་སྐག་།མི་མཐུན་ཕྱོགས་རྣམས་དགྲ་བགེགས་སྟེང་དུ་སྒྱུར། །དུས་མིན་འཆི་བའི་འཇིགས་པ་བརྒྱད་རྣམས་དང་། །ལྟས་ངན་ཆོ་འཕྲུལ་དགྲ་བོའི་སྟེང་དུ་སྒྱུར།། ༈ དེ་ནས་རྩང་བཙུགས་ཡོད་ན་རྩང་གྱེར་ནི། གྲྭ་ལོའི་གསུང་ལས་བཏུས་སོ།། ཧཱུྃ། དཔལ་ལྡན་མགོན་པོ་ནག་པོ་ཡི། །དྲག་པོའི་བཟློག་མདོས་ལྕགས་རི་ལ། །དབང་དྲག་ལས་ཀྱི་རྩང་ཕུར་བཙུགས། །བཀའ་སྡོད་ཕོ་ཉ་མཉེས་པའི་རྫས། །རྩང་ཕུར་ཡར་གྱི་རྩེ་མོ་ལ། །འུར་འུར་ཆེམ་ཆེམ་སྤྲིན་ནག་འཁྲིགས། །མ་རུངས་འབྲུག་སྒྲ་དི་རི་རི། །སྐེད་པ་རྒྱ་མདུད་འབར་བ་ལ། །མི་ཟད་གློག་དམར་སྐྱེམས་སེ་སྐེམ། །གནམ་ལྕགས་ཐོག་གི་བུ་ཡུག་འཚུབ། །གདུག་པའི་ཆུང་ཕུར་མར་རྩེ་ན། །རྡོ་རྗེ་མེ་ཡི་སེར་བ་འབེབས། །དགྲ་བགེགས་ཐལ་བ་རྡུལ་དུ་རློགས། །དངུལ་ལམ་དཀར་པོའི་ཤིང་དག་ལ། །ཤར་ཕྱོགས་ཞི་བའི་རྩང་ཕུར་བདུན། །རྩེ་

[Full Size]

མོ་ཟུར་གསུམ་དུག་གསུམ་ནི། །ཡོར་རྩེ་དུང་གི་སེང་གེ་འགྱིང་། །སྤྲུལ་པའི་སེང་ཆེན་ནམ་མཁའ་གང་། །གཡུ་རལ་སྤྲུག་ཅིང་སེང་སྐད་འདོན། །མར་རྩེ་ཆུ་སྲིན་མཆེ་བ་གཙིགས། །སྤྲུལ་པའི་ཆུ་སྲིན་ས་འོག་ཁྱབ། །དྲག་པོའི་སྐན་སྒྲ་ཐགས་སེ་ཐག །སྐེད་པ་རྒྱ་མདུད་ཟླུམ་པོའི་ནང་། །ཤར་ཕྱོགས་ཞི་བའི་ལས་མཛད་པའི། །ཤར་གྱི་དབང་ཕྱུག་མ་བདུན་གནས། །ནད་གདོན་དགྲ་བགེགས་འཇིགས་པ་བརྒྱད། །ཞི་བར་མ་གྱུར་གང་ཡང་མེད། །ཞི་མཛད་མ་ཡིས་ཞི་བར་མཛོད། །བར་ཆད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། གསེར་རམ་སེར་པོའི་ཤིང་དག་ལ། །ལྷོ་ཕྱོགས་རྒྱས་པའི་རྩང་ཕུར་བདུན། །རྩེ་མོ་ཟུར་གསུམ་སྐུ་གསུམ་རྒྱས། །ཡར་རྩེ་རྒྱ་སྟག་དམར་པོ་མཆོངས། །སྟག་མོ་འཛུམ་དྲུག་ཤིགས་སེ་ཤིག །མར་རྩེ་ཕག་རྒོད་མཆེ་བ་གཙིགས། །ཕག་རྒོད་མཆེ་གཙིགས་ཐམས་སེ་ཐམ། །རྐེད་པ་རྒྱུ་མདུད་གྲུ་བཞིའི་གནས། །ལྷོ་ཕྱོགས་རྒྱས་པའི་ལས་མཛད་པའི། །ལྷོ་ཡི་དབང་ཕྱུག་སྲིང་བདུན་གནས། །ཚེ་དང་བསོད་ནམས་འབྱོར་པ་དྲུག །རྒྱས་པར་མ་གྱུར་གང་ཡང་མེད། །རྒྱས་མཛད་མ་ཡིས་རྒྱས་

[Full Size]

པར་མཛོད། །ཚེ་དང་བསོད་ནམས་པུཊྚི་ཀུ་རུ་ཡེ་སྭཱ་ཧཱ། ཟངས་སམ་དམར་པོའི་ཤིང་དག་ལ། །ནུབ་ཕྱོགས་དབང་གི་རྩང་ཕུར་བདུན། །རྩེ་མོ་ཟུར་གསུམ་ཁམས་གསུམ་དབང་དུ་སྡུད། །ཡར་རྩེ་གཟིག་ཆེན་ཐིག་ལེ་འགྱིང་། །གཟིག་མོ་ངར་སྐད་འུ་རུ་རུ། །མར་རྩེ་དོམ་ནག་མཆེ་བ་གཙིགས། །དོམ་ནག་མཆེ་གཙིགས་ཐམས་སེ་ཐམ། །རྐེད་པ་རྒྱ་མདུད་ཟླ་གམ་ནང་། །ནུབ་ཕྱོགས་དབང་གི་ལས་མཛད་པའི། །ནུབ་ཀྱི་དབང་ཕྱུག་མཛའ་བདུན་གནས། །ཁམས་གསུམ་སྲིད་གསུམ་འཁོར་འདས་རྣམས། །དབང་དུ་མ་འདུས་གང་ཡང་མེད། །དབང་བྱེད་མ་མོས་དབང་དུ་སྡུས། །ཁམས་གསུམ་སྲིད་གསུམ་ཝ་ཤཾ་ཀུ་རུ་ཡེ་སྭཱ་ཧཱ། ལྕགས་སམ་དྲག་པོའི་ཤིང་དག་ལ། །བྱང་ཕྱོགས་དྲག་པོའི་རྩང་ཕུར་བདུན། །རྩེ་མོ་ཟུར་གསུམ་གདོན་གསུམ་འདུལ། །ཡར་རྩེ་བསེ་ཡི་བྱ་གླག་ལྡིང་། །བྱ་ཁྲ་འཇུམ་དང་ཆུམས་སེ་ཆུམ། །མར་རྩེ་ལྕགས་ཀྱི་ཕོ་རོག་འགྱེད། །བྱ་རོག་རྐང་འགྲོས་ཀྲངས་སེ་ཀྲང་། །རྐེད་པ་རྒྱ་མདུད་གྲུ་གསུམ་ནང་། །བྱང་ཕྱོགས་དྲག་པོའི་ལས་མཛད་པའི། །བྱང་གི་དབང་ཕྱུག་བྲན་བདུན་གནས། །བདུད་བཞི་དགྲ་བགེགས་

[Full Size]

ལོག་འདྲེན་རྣམས། །བརླག་པར་མ་གྱུར་གང་ཡང་མེད། །རླག་བྱེད་མ་མོས་བརླག་པར་མཛོད། །དགྲ་བགེགས་ཐམས་ཅད་མཱ་ར་ཡ་ཧཱུྃ་ཕཊ༔ གདུག་རྩུབ་ཚེར་མའི་ཤིང་དག་ལ། །ལས་བྱེད་རྩང་ཕུར་དྲུག་ཅུ་བཞི། །རྩེ་མོ་ཟུར་གསུམ་སྲིད་གསུམ་འདུལ། །ཡར་རྩེ་ཡེ་ཤེས་མེ་དཔུང་འབར། །བཙན་དམག་ལས་ལ་ཤ་ར་ར། །མར་རྩེ་བསྐལ་པའི་མུན་ནག་འཁྲིགས། །བདུད་དམག་བྲོ་བརྡུང་ཁྲིགས་སེ་ཁྲིག །སྐེད་པ་རྒྱ་མདུད་གཞལ་ཡས་ཁང་། །སྲིན་མོ་དྲུག་ཅུ་རྩ་བཞི་གནས། །ཤར་གྱི་རྩང་བཙུགས་ཨ་ལོང་རིས། །དྲ་མིག་ཟླུམ་པོར་ལྷུན་གྱིས་གྲུབ། །ལྷོ་ཡི་རྩང་བཙུགས་གྲུ་བཞི་རིས། །དྲ་མིག་གྲུ་བཞི་ལྷུན་གྱིས་གྲུབ། །ནུབ་ཀྱི་རྩང་བཙུགས་ཟླ་གམ་རིས། །དྲ་མིག་ཟླ་གམ་ལྷུན་གྱིས་གྲུབ། །དྲག་པོའི་རྩང་བཙུགས་ཕུར་སོ་རིས། །དྲྭ་མིག་གྲུ་གསུམ་ལྷུན་གྱིས་གྲུབ། །དབང་ཕྱུག་རྩང་བཙུགས་འཚུབ་མ་རིས། །མེ་རླུང་འཚུབ་མ་ལྷུན་གྱིས་གྲུབ། །ལས་ཀྱི་རྩང་བཙུགས་སྲིན་མོ་འགྲོས། །སྲིན་མོ་གར་སྟབས་ལྷུན་གྱིས་གྲུབ། །རྩང་ཕུར་གདུག་རྩུབ་དྲ་མིག་ནང་། །མྱུར་མགྱོགས་ཕོ་ཉ་རྒྱུག་པའི་སྲང་། །དགྲ་

[Full Size]

བགེགས་བྱད་མ་ཁྲམ་ལ་ཐོབ། །ཆག་ཆེན་ཉམ་ང་ཐམས་ཅད་ཟློག །སྔོ་དམར་ཞགས་པས་སྡོམ་པ་ཡིས། །རིམས་ནད་དལ་ཡམས་ཐམས་ཅད་ཟློག །བཱ་སུ་ཏ་ཡི་དཀྲིས་པ་ཡིས། །ཁྲག་ནད་རྒྱུ་གཟེར་ཐམས་ཅད་ཟློག །ཤ་ཁྲག་ལིངྒས་བརྒྱན་པ་ཡིས། །སྲིན་མོའི་དམག་ཚོགས་ཐུགས་དམ་བསྐང་། །སྲིད་པའི་དལ་ཁ་ཐམས་ཅད་ཟློག །བཟློག་བྱང་དར་ཐག་བརྒྱན་པ་ཡིས། །མགོན་པོ་འཁོར་བཅས་ཐུགས་དམ་བསྐང་། །བཅོལ་བའི་ཕྲིན་ལས་འགྲུབ་པར་མཛོད། །བཟློག་བྱང་ལ་བྲི་བའི་སྔགས་ཀྱང་འདི་ཡིན་ནོ།། ཨོཾ་མ་ཧཱ་ཀཱ་ལ་བཟློག་ཧཱུྃ་ཧཱུྃ་ཕཊ་ཕཊ། ཨོཾ་མ་ཧཱ་ཀཱ་ལ་ཡ་བཟློག་ཧཱུྃ་ཧཱུྃ་ཕཊ་ཕཊ། ཨོཾ་མ་ཧཱ་ཀཱ་ལ་གུ་ཎ་ཧྲི་ཏ་བཟློག་ཧཱུྃ་ཧཱུྃ་ཕཊ་ཕཊ། ཨོཾ་མ་ཧཱ་ཀཱ་ལ་གྷ་ཎ་པ་ཏ་བཟློག་ཧཱུྃ་ཧཱུྃ་ཕཊ་ཕཊ། ཨོཾ་མ་ཧཱ་ཀཱ་ལ་སི་ཏི་ཡ་མ་དུ་ཛབཟློག་ཧཱུྃ་ཧཱུྃ་ཕཊ་ཕཊ། ཨོཾ་ཧ་ཧ་ཧཱུྃ་ཧཱུྃ་ཀི་ལི་ཀི་ལི་འདི་ན་གང་འདོད་བཅུག་སྟེ། བྱད་ཀ་བཟློག་ན། བྱད་ཁ་ཕུར་ཁ། ཐན་བཟློག་ན། ལྟས་ངན་ཆོ་འཕྲུལ། སྐག་བཟློག་ན། ལོ་སྐག་ཟླ་སྐག །འཆི་བ་བཟློག་ན། དུས་མིན་འཆི་བ། དགྲ་བཟློག་ན། དགྲ་ཇག་ཆོམ་རྐུན། ནད་བཟློག་ན། ཡམས་ནད་རིམས་ནད། སོགས་གང་འདོད་བྱ། སྤྱི་ལ་ནི། ཆག་ཆེ་ཉམ་ང་བཟློག་བྷྱོ། ཕེཾ་ཕེཾ་

[Full Size]

ཕཊ། ཆག་ཆེ་ཉམ་ང་བཟློག་བྱོ། ཀྲྃ་ཀྲྃ་ཀྲྃ་ཆག་ཆེ་ཉམ་ང་བཟློག་བྱོ། ཧྲཱིཾ་ཀྵཱིཾ་ཤྲཱིཾ་ཆག་ཆེ་ཉམ་ང་བཟློག་བྷྱོ། ཀ་ཧ་ཀ་ཧ་ཆག་ཆེ་ཉམ་ང་བཟློག་བྷྱོ། ཧྲཱིཾ་ཧྲཱིཾ་ཀྲཱིཾ་ཆག་ཆེ་ཉམ་ང་བཟློག་བྷྱོ། པ་ཙ་པ་ཙ་ཆག་ཆེ་ཉམ་ང་བཟློག་བྷྱོ། ཧཱུྃ་ཧཱུྃ་ཕཊ་ཕཊ་ཆག་ཆེ་ཉམ་ང་བཟློག་བྷྱོ། ཧཱ་ཧཱ་ཧཱ་ཧཱ་ཆག་ཆེ་ཉམ་ང་བཟློག་བྷྱོ། རྃ་རྃ་དྷཾ་ཆག་ཆེ་ཉམ་ང་བཟློག་བྷྱོ། ཀྵཾ་ཀྵཾ་ཀྵཾ་ཆག་ཆེ་ཉམ་ང་བཟློག་བྷྱོ། ཁཾ་ཁཾ་ཁཾ་ཆག་ཆེ་ཉམ་ང་བཟློག་བྷྱོ། ཌྃ་ཌྃ་ཌྃ་ཆག་ཆེ་ཉམ་ང་བཟློག་བྷྱོ། ཀྵིཾ་ཀྵིཾ་ཀྵིཾ་ཆག་ཆེ་ཉམ་ང་བཟློག་བྷྱོ། ཀཱཾ་ཀཱཾ་ཀཱཾ་ཆག་ཆེ་ཉམ་ང་བཟློག་བྷྱོ། ཙཾ་ཙཾ་ཙཾ་ཆག་ཆེ་ཉམ་ང་བཟློག་བྷྱོ། ཡཾ་ཡཾ་ཡཾ་ཆག་ཆེ་ཉམ་ང་བཟློག་བྷྱོ། སཾ་སཾ་སཾ་ཆག་ཆེ་ཉམ་ང་བཟློག་བྷྱོ། ཕེཾ་ཕེཾ་ཕཊ་ཆག་ཆེ་ཉམ་ང་བཟློག་བྷྱོ། ཧཱུྃ་བློ་གྷོ་ཆག་ཆེ་ཉམ་ང་བཟློག་བྱོ། ཧཱུྃ་ཧཱུྃ་ཧཱུྃ་ཆག་ཆེ་ཉམ་ང་བཟློག་བྷྱོ། ཀཱཾ་ཀཱཾ་ཀཱཾ་ཆག་ཆེ་ཉམ་ང་བཟློག་བྷྱོ། ཀླུྃ་ཀླུྃ་ཀླུྃ་ཆག་ཆེ་ཉམ་ང་བཟློག་བྷཾ། པཱཾ་པཱཾ་པཱཾ་ཆག་ཆེ་ཉམ་ང་བཟློག་བྷྱོ། ཛ་ཛ་ཆག་ཆེ་ཉམ་ང་བཟློག་བྷྱོ། ཟློག་ཟློག་ཆག་ཆེ་ཉམ་ང་བཟློག་བྱོ། བྷྱོ་བྷྱོ་ཆག་ཆེ་ཉམ་ང་བཟློག་བྷྱོ། རྦད་རྦད་ཆག་ཆེ་ཉམ་ང་བཟློག་བྷྱོ། ཅེས་པ་དེ་ཡུལ་ཉེར་བཞིའི་ཞིང་

[Full Size]

སྐྱོང་གི་བཟློག་སྔགས་ཤིན་ཏུ་ཟབ་ཅིང་སྟོབས་ནུས་ཆེའོ། །རྗེ་འུར་རྡུང་དང་བཅས་ཚར་གཅིག་གམ་གསུམ་བདུན་གལ་ཆེ་ཆུང་དང་བསྟུན་ལ་ཐུན་བར་བཟླས་སོ། །ཨོཾ་མ་ཧཱ་ཀཱ་ལ་ཧེ་ཐུན་བྷྱོ། མ་ཧཱ་ཀ་ལི་ཕྲ་མོ་ཧེ་ཐུན་བྷྱོ་། བྷྱོ་ཟློག་ཟློག །ཟློག་སྔགས་ཉུང་བ་འདི་བདུན་ནམ་ཉེར་གཅིག་ལས་མི་ཉུང་བརྒྱ་ལས་མི་མང་བ་ཐུན་རེ་རེ་ལ་བཟླའོ། །དེ་ལྟར་མངོན་རྟོགས་ནས་འདི་ཡན་རབ་དུས་བཞི་རེ། ཞོགས་པ། ཉིན་ཕྱེད། དགོང་མོ། སྲོད་དང་བཞི་འདོན། བསྙེན་པ་དང་ཟློག་སྔགས་ལ་བུང་བླང་བ་ཞག་བདུན་བྱས་ནས་གཏོར་ཟློག་ལ། དྲག་པོའི་གཏོར་སྒྲུབ་སྟེ། བསྙེན་པའི་གོ་ཡང་ཆོད་དོ། །ཐུན་བཟུང་ནས་མ་ཚར་བར་ངག་བཅད། ཐུན་མཚམས་སུ་ངག་བཏང་བར་བྱའོ། །འབྲིང་ནི་སྔ་དྲོ་དགོང་མོ་ཚར་གཉིས་རེ། ཞོགས་པ་ལས་བྱང་དང་སྲིད་གཏོར་འབུལ་ཐུན་གཅིག་ནས། ཐ་མ་སྔ་དྲོའི་ལས་བྱང་ཐུན་གཅིག་ཚར་གཅིག་ལ་བརྩི། ཉིན་གུང་བཟློག་གཞུང་། སྲོད་ལ་གཏོར་འབུལ་ཐུན་གཅིག་ལ་རྩིས་ཏེ་ཐུན་གསུམ་མོ། །ཡང་མངོན་རྟོགས་ནས་གཙོ་བོ་སྐུ་ལྔ་བྱུང་བཟློག་ཡན་ཐུན་བཞི་བྱས་ལ། ལྷ་མོ་ལས་མགོན་ལེགས་ལྡན་ཞིང་སྐྱོང་བཞི་སྦྱར་རེས་རྩང་ཉིན་རེ་ཚར་རེ་དགོང་མོ་ལ་སྦྱར་བར་བྱའོ། །དེ་ལྟར་ཞག་དགུ་བདུན་ལྔ་གསུམ་ཉིན་རྫོགས་ཡང་བྱ་རུང་སྟེ། ཉིན་རྫོགས་ལ་གཏོར་ཆུང་བརྒྱ་རྩ་བརྒྱད་དམ། རེ་བཞི་འབུལ་བར་བྱའོ། །དེ་ནས་གློ་བུར་ལས་བཅོལ་གཏོར་ཟློག་ཡིན་ནོ། །རང་དོན་ནམ་རྟགས་ཐོན་པར་བྱེད་ན་འདི་ཁོ་ན་ལ་ཐུན་བཟུང་བསྙེན་པ་དང་གཏོར་སྔགས་ལ་

[Full Size]

བུང་བླང་། འདོན་པ་གཞན་མང་པོ་མི་བྱ་བར་འདིར་གཅིག་དྲིལ་བྱས་ན་རྟགས་གསལ་ཞིང་ཟབ་ངེས་སོ། །དེ་ལྟར་སྒྲུབ་ན་དངོས་སུ་ཉམས་དགའ་རིག་པ་དང་དད་གུས་སྐྱེ། བདེ་གསལ་མི་རྟོག་པའི་ཉམས་སྐྱེ། དཔའ་སེམས་སྐྱེ། ཉམས་དང་རྨི་ལམ་དུ་མགོན་པོའི་ཞལ་དངོས་སམ། སྐུ་འདྲ་ལེགས་པོ། རྒྱུད་ཀྱི་དཔེ་དང་ཕྱག་མཚན་རྙེད་པ། བླ་མ་སློབ་དཔོན་སྔགས་པ་ཨ་ཙ་ར་བྱ་རོག་གཡག་ནག་རྟ་ནག་ཁྱི་ནག་རྣམས་རྨིས་ན་འགྲུབ་རྟགས་ཏེ་ལྷ་རྟགས་སོ། །བཙུན་པ་དང་སྐྱེས་པ་བུད་མེད་ཆས་བཟང་གིས་བདུད་རྩི་དཀར་གསུམ་བྱིན་པ་སོགས་དངོས་གྲུབ་ཀྱི་ལྟས་དང་། །དུང་འབུད་དར་ཕྱར་རོལ་མོ་བཀྲོལ་བ་སྙན་གྲགས་ལྟས། ནམ་ལངས་ཉི་མ་ཤར་གོས་བཟང་པོ་གྱོན་པ་བཙན་པོའི་བྲག་དང་མཁར་ན་འདུག་པ། གོ་ཁྲབ་གྱོན་པ་སེམས་ཅན་སྲོག་སྐྱབས་པ། རིགས་དང་རིབ་མ་བྱས་པ་སྲུང་རྟགས། གཤའ་དང་ཟབ་དང་མེ་མཆེད་པ་དམག་དང་སེར་བ་བཟློག་པ་ཟློག་རྟགས། སྲོག་ཆགས་ཁྱི་དང་གཅན་གཟན་བསད་པ་གདོན་ཐུལ་རྟགས། བརྗེ་བུད་མེད་བརྡུང་བ་དང་སྦྲུལ་སྦྲུལ་བསད་པ་ཡང་གདོན་ཐུལ་རྟགས། བྱ་རི་དྭགས་སོགས་བསད་པ་བློ་སྙིང་སྟེར་བ་དགྲ་ཐུལ་རྟགས། རིགས་པས་བརྟག་ཤེས་པར་བྱའོ། །སྒྲུབ་ཁང་སྟེང་ན་ཐག་པ་ནག་པོ་དང་རྟིང་པ་ནག་པོ་བརྐྱང་བ། གཡག་ནག་གིས་བརྡུང་བ་ཁྱི་ནག་གིས་རྨུགས་པ། རང་ཉིད་སྙིང་མི་དགའ་བ་བྱུང་ན་ཡོན་བདག་རང་གི་དམ་ཚིག་ལ་སྐྱོན་ཡོད་པས། མགོན་པོས་འཁུ་ལྡོག་བྱེད་པའི་རྟགས་ཡིན་པས་བསྐང་བ་འདོན། ཡིག་བརྒྱ་

[Full Size]

ཐུན་མཚམས་སུ་འདོན། བཤགས་པ་དང་ཚོགས་རྒྱས་པར་བྱའོ། །གཏོར་ཆུང་རྫོངས་ཚེ་སྔགས་རྒྱུན་དང་སྤོས་སྦྱོར་སོགས་གཏོར་ཆེན་ལ་ཡིན། གཏོར་ཟློག་འདི་ལ་མི་དགོས་སོ། དེ་ནས་གཏོར་མའི་ཟློག་མདོས་ཕུལ་ཉིན། སྔ་དྲོ་གཏོར་ཟློག་གཞུང་ལྟར་ཚར་གཅིག་འདོན་ནས་དགོང་ཀ་དང་པོ་གསེར་སྐྱེམས་ཕྱོགས་ཐམས་ཅད་དུ་གཏོར་བཅུག་ཅིང་། གསེར་སྐྱེམས་རྒྱ་གར་གྱི་མཁན་པོ་ཤྲཱི་བྷ་དྲས་མཛད་པའོ།། ཀྱཻ། འཇིག་རྟེན་འཛམ་གླིང་སྟེང་དང་འོག །ཕྱོགས་བཅུ་ཀུན་ན་བཞུགས་པ་ཡི། །དམ་ལ་གནས་པའི་ལྷ་འདྲེ་ཀུན། །སྔགས་འཆང་བདེན་པའི་ཚིག་ལ་ཉོན། །གཏོར་མདོས་དགྲ་ཡུལ་བསྐྱོད་པའི་ཚེ། །དགྲ་དང་བགེགས་ལ་ཟོར་འཕེན་ན། །ཕྱོགས་བཅུ་ཀུན་ན་གནས་པ་དང་། །མདོས་གཏོར་གདོང་ན་གནས་པ་ཡི། །ཕྱོགས་སྐྱོང་སྡེ་བརྒྱད་དྲེགས་པའི་ཚོགས། །ས་བདག་ཀླུ་གཉན་མཐུ་ཆེན་རྣམས། །རྒྱལ་པོ་བཙུན་མོ་བློན་པོ་དང་། །དམག་མི་དམག་དཔུང་སྡེ་དང་བཅས། །འབྱུང་པོའི་ཚོགས་རྣམས་མ་ལུས་ཀུན། །གསེར་སྐྱེམས་བདུད་རྩི་འདི་བཞེས་ལ། །ཉམས་པའི་མགོན་སྐྱོབ་མ་མཛད་པར། །རྣལ་འབྱོར་བདག་གི་གྲོགས་མཛོད་ལ། །ཐུན་ཟོར་མདོས་ཀྱི་ལམ་ཕྱེས་ཤིག །གང་ཞིག་སྒོ་བ་མ་ཉན་ཏེ། །ཉམས་པའི་

[Full Size]

གྲིབ་ཀྱིས་ཉེས་བྱུང་ན། །ང་ཡི་མ་ཉེས་མ་ལེན་གྱིས། །ཉེས་ལེན་དགྲ་དང་བགེགས་ལ་ཕོབ། །དེ་ནས་སྒོ་རྩང་བཞི་ཤབ་ཅིང་། དམག་འགྱེད་ཀྱི་གཞུང་ཚིགས་འདི་ཀླུ་སྒྲུབ་ཀྱིས་མཛད་པར་གྲགས་སོ་གང་ལྟར་ཡང་རྒྱ་གཞུང་ཡིན་ངེས་སོ།། ཧཱུྃ། དཔལ་ལྡན་མགོན་པོ་ནག་པོ་ཡི། །ཤར་ནས་སྤྲུལ་པའི་ཕོ་ཉ་ནི། །མ་མོ་བྱ་རྒོད་མགོ་ཅན་ནི། །སྐུ་ནི་མཐིང་ནག་མུན་པའི་མདོག །སྤྱན་གསུམ་གཅེར་བུ་རལ་པ་ཅན། །གཡས་པས་གྲི་གུག་འབར་བ་ཕྱར། །གཡོན་པས་ཐོད་པ་ཁྲག་བཀང་བསྣམས། །སྒོ་མ་ལག་པས་སྒོ་ཕྱེས་ཤིག །སྒོ་མས་སྒོ་ཕྱེ་ཤ་ར་ར། །མདོས་སྒོ་ཡས་སྒོ་ཤགས་སེ་ཕྱེས། །ནད་སྒོ་རིམས་སྒོ་ཐགས་སེ་ཆོད། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། དཔལ་ལྡན་མགོན་པོ་ནག་པོ་ཡི། །བྱང་ནས་སྤྲུལ་པའི་ཕོ་ཉ་ནི། །མ་མོ་ཁྱུང་གི་མགོ་ཅན་ནི། །སྐུ་ནི་ཆར་སྤྲིན་མདོག་འདྲ་བས། །རལ་པ་ནག་པོས་སྟོང་ཁམས་ཁྱབ། །གཡས་གཡོན་འབར་བའི་གྲི་ཐོད་འཛིན། །སྤྱན་གསུམ་གཅེར་བུ་རལ་པ་ཅན། །གསེར་གྱི་མཆེ་བ་བཞི་གཙིགས་ནས། །མཆོངས་ཤིང་མཆོངས་ཤིང་བགེགས་ལ་རོལ། །སྒོ་མ་ལག་པས་སྒོ་ཕྱེས་ཤིག །

[Full Size]

སྒོ་མས་སྒོ་ཕྱེ་ཤ་ར་ར། །མདོས་སྒོ་ཡས་སྒོ་ཤགས་སེ་ཕྱེས། །ནད་སྒོ་རིམས་སྒོ་ཐགས་སེ་ཆོད། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། དཔལ་ལྡན་མགོན་པོ་ནག་པོ་ཡི། །ནུབ་ནས་སྤྲུལ་པའི་ཕོ་ཉ་ནི། །མ་མོ་ཁྭ་ཏའི་མགོ་ཅན་ནི། །སྐུ་ནི་དུད་ཁ་ཆེན་པོ་སྟེ། །རལ་པ་ཁམ་ནག་གཡོན་དུ་འཁྱིལ། །ཕྱག་གཉིས་འབར་བའི་གྲི་ཐོད་འཛིན། །སྤྱན་གསུམ་གཅེར་བུ་རལ་པ་ཅན། །ཤེལ་གྱི་མཆེ་བ་བཞི་གཙིགས་ཤིང་། །ལྡིང་ཞིང་ལྡིང་ཞིང་དགྲ་རྣམས་གསོད། །སྒོ་མ་ལག་པས་སྒོ་ཕྱེས་ཤིག །སྒོ་མས་སྒོ་ཕྱེ་ཤ་ར་ར། །མདོས་སྒོ་ཡས་སྒོ་ཤགས་སེ་ཕྱེས། །ནད་སྒོ་རིམས་སྒོ་ཐགས་སེ་ཆོད། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། དཔལ་ལྡན་མགོན་པོ་ནག་པོ་ཡི། །ལྷོ་ནས་སྤྲུལ་པའི་ཕོ་ཉ་ནི། །མ་མོ་འུག་པའི་མགོ་ཅན་མ། །ཕྱག་གཉིས་འབར་བའི་གྲི་ཐོད་འཛིན། །སྐུ་མདོག་མཐིང་ནག་འབར་བ་ལ། །ཁྲག་གི་རལ་པ་ཤ་ར་ར། །སྤྱན་གསུམ་གཅེར་བུ་རལ་པ་ཅན། །ལྕགས་ཀྱི་མཆེ་བ་སྔོན་པོ་གཙིགས། །རྒྱུག་ཅིང་རྒྱུག་ཅིང་དམ་ཉམས་སྒྲོལ། །སྒོ་མ་ལག་པས་སྒོ་ཕྱེས་ཤིག །སྒོ་མས་སྒོ་ཕྱེ་ཤ་ར་ར།

[Full Size]

མདོས་སྒོ་ཡས་སྒོ་ཤགས་སེ་ཕྱེས། །ནད་སྒོ་རིམས་སྒོ་ཐགས་སེ་ཆོད། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། །ཤར་ལྷོ་མཚམས་ནས་སྤྲུལ་པའི་ཕོ་ཉ་ནི། །མ་མོ་ཕག་གི་མགོ་ཅན་མ། །བྱ་ནག་འབུམ་གྱིས་སྤྲུལ་པ་འགྱེད། །འཕྲང་མ་ལག་པས་འཕྲང་སོལ་ཅིག །འཕྲང་མས་འཕྲང་སྒྲོལ་སི་ལི་ལི། །མདོས་ཟོར་དགྲ་དང་བགེགས་ལ་རྒྱོབ། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ལྷོ་ནུབ་མཚམས་ནས་སྤྲུལ་པའི་ཕོ་ཉ་ནི། །མ་མོ་ཆེན་མོ་ཁྱི་གདོང་མ། །ཁྱི་ནག་འབུམ་ནི་རོལ་དུ་ཁྲིད། །འཕྲང་མ་ལག་པས་འཕྲང་སོལ་ཅིག །འཕྲང་མས་འཕྲང་སྒྲོལ་སི་ལི་ལི། །མདོས་ཟོར་དགྲ་དང་བགེགས་ལ་རྒྱོབ། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ནུབ་བྱང་མཚམས་ནས་སྤྲུལ་པའི་ཕོ་ཉ་ནི། །མ་མོ་ཆེན་མོ་སྤྱང་གདོང་མ། །སྤྱང་མོ་འབུམ་ནི་ཕོ་ཉར་འགྱེད། །འཕྲང་མ་ལག་པས་འཕྲང་སོལ་ཅིག །འཕྲང་མས་འཕྲང་སྒྲོལ་སི་ལི་ལི། །མདོས་ཟོར་དགྲ་དང་བགེགས་ལ་རྒྱོབ། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། བྱང་ཤར་མཚམས་ནས་སྤྲུལ་པའི་ཕོ་ཉ་ནི། །མ་མོ་ཆེན་

[Full Size]

མོ་སྟག་གདོང་མ། །སྟག་མོ་འབུམ་ནི་ཕོ་ཉར་འགྱེད། །འཕྲང་མ་ལག་པས་འཕྲང་སོལ་ཅིག །འཕྲང་མས་འཕྲང་སྒྲོལ་སི་ལི་ལི། །མདོས་ཟོར་དགྲ་དང་བགེགས་ལ་རྒྱོབ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་མདོས་མར་ཁ་བསྒྱུར་ནས། ཨོཾ་མ་ཧཱ་ཀཱ་ལ་མཎྜལ་ལ་སྤ་ར་ཎ་ཧཱུྃ་ཕཊ། ལྷ་ཚོགས་ཐམས་ཅད་ནམ་མཁའ་ལ་བཏེག་ནས་བར་སྣང་གང་བར་བསྒོམ་ཞིང་ཕྱིར་ཞལ་བསྒྱུར། གྲྭ་ལོའི་གསུངས་སོ།། ཧཱུྃ། ད་ནི་བཟློག་མདོས་ཞལ་བསྒྱུར་རོ། །དཔལ་ལྡན་མགོན་པོ་འཁོར་དང་བཅས། །སྡང་བའི་དགྲ་ལ་ཞལ་བསྒྱུར་རོ། །ལྷ་དམག་བྱེ་བའི་ཚོགས་དང་བཅས། །སྡང་བའི་དགྲ་ལ་ཞལ་བསྒྱུར་རོ། །ལྷ་སྲིན་སྡེ་བརྒྱད་ཚོགས་དང་བཅས། །སྡང་བའི་དགྲ་ལ་ཞལ་བསྒྱུར་རོ། །སྣང་སྲིད་ལྷ་འདྲེའི་དམག་དང་བཅས། །སྡང་བའི་དགྲ་ལ་ཞལ་བསྒྱུར་རོ། །ཆིབས་ཁ་དགྲ་ཡི་ཡུལ་དུ་བསྒྱུར། །དམག་སྣ་དགྲ་ཡི་ཡུལ་དུ་དྲོངས། །བདུད་དཔུང་དགྲ་ཡི་གྲོགས་ཁར་ཆོས། །སྦྲ་ནག་དགྲ་ཡི་གྲོགས་ཁར་ཕུབ། །རུ་དར་དགྲ་ཡི་ཁྱིམ་དུ་ཚུགས། །མདུང་དར་དགྲ་ཡི་སྙིང་ལ་རྒྱོབ། །མཚོན་ཆས་དགྲ་བོའི་ལུས་སྲོག་འཕྲོལ། །བདུད་ཞགས་དགྲ་བོའི་མགུལ་དུ་ཐོབ། །ཁྲམ་

[Full Size]

ཁ་སྡང་བའི་དགྲ་ལ་རྒྱོབ། །དུག་གཟེར་དགྲ་བོའི་ཁོང་དུ་འཕང་། །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འཐུང་། །སྔོན་གྱི་ཐུགས་དམ་མ་གཡེལ་བར། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་གཏོར་མདོས་བདུད་རྩིས་བྲན་ལ། གཏོར་མ་ཆེ་བ་དེ་སྔར་ལྷ་བསྐྱེད་པ་ལ། ད་ལམ་མདོས་ལྷ་ནམ་མཁའ་ལ་སྤར་ནས་གཏོར་ཆེན་བསྔོ་སྟེ། ཨོཾ་ཨཱཿཧཱུྃ་བྷནྡྷའི་སྣོད་སྟོང་གསུམ་སོགས་ནས། ཨེ་ཀ་ཟློག་ཟློག །ཅེས་པའི་བར་འདོན། དེ་ནས་གཏོར་རྫོངས་ཀྱི་དམར་གཏོར་ཅུང་ཟད་ཆེ་བ་ལྔ། ཆུང་བ་བཅུ་བཤམས་ལ་འགུགས་འདྲེན་བསྒྲལ་སོགས་བདུད་རྩི་བྱས་ལ་བསྐུལ་རེ་དང་སྤྲད་ནས་མདོས་ནང་དུ་རྫོངས་འདེབས་ཀྱི་ཚུལ་དུ་འབུལ་ལོ།། ཨོཾ་ཨཱཿཧཱུྃ་ཧ་ཧོ་ཧྲི༔ གཏོར་མ་ཤ་ཡི་རི་བོ་ཁྲག་གི་རྒྱ་མཚོ་འདོད་པའི་ཡོན་ཏན་ཕུན་སུམ་ཚོགས་པའི་ཕུང་པོར་གྱུར། མཆོད་གཡོག་པས་བཟུང་བཅོལ་ལ། ཞང་གཡུ་བྲག་པའི་གསུངས་སོ། ཧཱུྃ། དཔལ་ལྡན་མགོན་པོ་ཁྲག་འཐུང་རྒྱལ། །ལེགས་ལྡན་ནག་པོ་འཇིགས་པའི་གཟུགས། །ཞལ་ནས་ཧཱུྃ་ཕཊ་འབྲུག་སྒྲ་སྒྲོག །ལྗགས་ནི་གློག་དམར་ཕྱོགས་བཅུར་འཁྱུག །འཇིགས་པའི་གད་མོ་ཆེན་མོ་འབྱིན། །ཀེང་རུས་སྐམ་རློན་ཁྲི་ལ་བཞུགས། །ཤངས་ཀྱི་འཚུབ་མས་ཁམས་

[Full Size]

གསུམ་གཏོར། །སངས་རྒྱས་བསྟན་པའི་བཀའ་སྲུང་ཆེ། །དམ་ཉམས་རྣམས་ཀྱི་སྲོག་གཅོད་ཆེ། །རིག་འཛིན་རྣམས་ཀྱི་སྲོག་ཤིང་ཆེ། །རྣལ་འབྱོར་ཀུན་གྱི་དགྲ་བླ་ཆེ། །དུག་གསུམ་ནད་ཀྱི་སྨན་པ་ཆེ། །བདུད་འདུལ་ཡོངས་ཀྱི་དབང་ཕྱུག་ཆེ། །ལྷ་ཡི་དགེ་བསྙེན་ཆེན་པོ་སྟེ། །ལྷ་དམག་འབུམ་གྱི་དབུགས་འབྱིན་ཆེ། །ནམ་མཁའི་བུ་མོ་གློག་མ་སྤྲིན་། །འདུ་བར་ཞལ་གྱིས་བཞེས་མཛད་པ། །རྡོ་རྗེ་རོ་ལངས་དུར་ཁྲོད་བདག །གཙུག་ལག་ཁང་དང་དཀྱིལ་འཁོར་གྱི། །སྲུང་མ་ཆེན་པོར་མངའ་གསོལ་བ། །ཡེ་ཤེས་མགོན་པོ་འཁོར་བཅས་ལ། །ཤ་སྣ་སྙིང་སྣ་ཁྲག་སྣ་དང་། །ཚིལ་དང་རུས་པ་སྣ་ཚོགས་དང་། །འབྲུ་སྣ་ཀུན་ལ་སྦྱར་བ་ཡི། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཁྱོད་ཀྱི་ཐུགས་དམ་དུས་ལ་བབ། །བདག་ཅིག་འཁོར་དང་བཅས་པ་ལ། །རླུང་མཁྲིས་བད་ཀན་འདུས་པ་ལས། །གྱུར་པའི་ནད་རིགས་བཞི་བརྒྱ་དང་། །རྩ་བཞི་ཞི་བར་མཛད་དུ་གསོལ། །རྒྱལ་པོ་ཀླུ་བདུད་ལ་སོགས་པ། །གདོན་གྱི་རིགས་རྣམས་ཞི་བར་མཛོད། །རྨི་ལམ་ངན་སོགས་ཞི་བར་མཛོད། །

[Full Size]

བདག་ཉིད་རྣལ་འབྱོར་བསྲུང་དུ་གསོལ། །ཉིན་དང་མཚན་དུ་བྱ་ར་མཛོད། །ཚེ་དང་བསོད་ནམས་སྤེལ་དུ་གསོལ། །དཔལ་དང་གྲགས་པ་བསྒྲུབ་ཏུ་ཚེགསོལ། །འཁོར་དང་བསྟན་པ་བསྲུང་དུ་གསོལ། །ལུས་དང་གྲིབ་མ་བཞིན་དུ་འགྲོགས། །ལེགས་དང་སྤྱོད་ལ་ཉེས་དང་བསྣོལ། །བསམ་པ་བསྒྲུབ་ལ་རེ་བ་སྐོང་། །བཅོལ་བའི་ཕྲིན་ལས་འགྲུབ་པར་མཛོད། །འདོད་གསོལ་འདི་འཁོར་བཞི་ལ་ཡང་སྦྱར་རོ།། སྦྱོ། དུས་མཚན་ལྷ་མོ་རེ་མ་ཏི། །ཨེ་ཀ་ཙ་ཏི་རལ་གཅིག་མ། །ཞལ་གཅིག་ཕྱག་གཉིས་འཇིགས་མ་སྟེ། །ཕྱག་གཡས་རལ་གྲི་ཏྲི་ཤུ་ལ། །གཡོན་པས་མདའ་གཞུ་དགྲ་མགོ་འཛིན། །སྐུ་མདོག་ནག་མོ་དྲེལ་ལ་ཞོན། །རལ་པའི་ཕུར་བུ་ས་ལ་དྲུད། །འཁོར་ཡང་མ་མོ་བྱེ་བས་བསྐོར། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །བྷྱོ། ཁྱོད་ཀྱི་ཐུགས་དམ་དུས་ལ་བབ། །བདག་ཅག་འཁོར་དང་བཅས་པ་ལ། །རླུང་མཁྲིས་བད་ཀན་འདུས་པ་ལས། །གྱུར་པའི་ནད་རིགས་བཞི་བརྒྱ་དང་། །རྩ་བཞི་ཞི་བར་མཛད་དུ་གསོལ། །རྒྱལ་པོ་ཀླུ་བདུད་ལ་སོགས་པ། །གདོན་གྱི་

[Full Size]

རིགས་རྣམས་ཞི་བར་མཛོད། །རྨི་ལམ་ངན་སོགས་ཞི་བར་མཛོད། །བདག་ཉིད་རྣལ་འབྱོར་བསྲུང་དུ་གསོལ། །ཉིན་དང་མཚན་དུ་བྱ་ར་མཛོད། །ཚེ་དང་བསོད་ནམས་སྤེལ་དུ་གསོལ། །དཔལ་དང་གྲགས་པ་བསྒྲུབ་ཏུ་གསོལ། །འཁོར་དང་བསྟན་པ་བསྲུང་དུ་གསོལ། །ལུས་དང་གྲིབ་མ་བཞིན་དུ་འགྲོགས། །ལེགས་དང་སྤྱོད་ལ་ཉེས་དང་བསྣོལ། །བསམ་པ་བསྒྲུབ་ལ་རེ་བ་སྐོང་། །ཧཱུྃ། ཐུགས་ཀྱི་སྤྲུལ་པ་ཙནྡན་བེང་ཆེན་ནས། །གླད་ལ་ཁྱུང་ཆེན་བྱ་ཁྲ་ལྡིང་། །ཕྱི་ན་སྟག་གཟིག་དོམ་དྲེད་འདྲིལ། །ཀླུ་བདུད་དམག་དཔོན་བརྒྱད་ཀྱིས་བསྐོར། །སྤྲུལ་པ་གནོད་སྦྱིན་ཁྲི་ཡི་ཚོགས། །ཡང་སྤྲུལ་ལྷ་དམག་བྱེ་བ་འབུམ། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །བྷྱོ། ཁྱོད་ཀྱི་ཐུགས་དམ་དུས་ལ་བབ། །བདག་ཅག་འཁོར་དང་བཅས་པ་ལ། །རླུང་མཁྲིས་བད་ཀན་འདུས་པ་ལས། །གྱུར་པའི་ནད་རིགས་བཞི་བརྒྱ་དང་། །རྩ་བཞི་ཞི་བར་མཛད་དུ་གསོལ། །རྒྱལ་པོ་ཀླུ་བདུད་ལ་སོགས་པ། །གདོན་གྱི་རིགས་རྣམས་ཞི་བར་མཛོད། །རྨི་ལམ་ངན་སོགས་ཞི་བར་མཛོད། །

[Full Size]

བདག་ཉིད་རྣལ་འབྱོར་བསྲུང་དུ་གསོལ། །ཉིན་དང་མཚན་དུ་བྱ་ར་མཛོད། །ཚེ་དང་བསོད་ནམས་སྤེལ་དུ་གསོལ། །དཔལ་དང་གྲགས་པ་བསྒྲུབ་དུ་གསོལ། །འཁོར་དང་བསྟན་པ་བསྲུང་དུ་གསོལ། །ལུས་དང་གྲིབ་མ་བཞིན་དུ་འགྲོགས། །ལེགས་དང་སྤྱོད་ལ་ཉེས་དང་བསྣོལ། །བསམ་པ་བསྒྲུབ་ལ་རེ་བ་སྐོང་། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ལས་ཀྱི་མགོན་པོ་བྱ་རོག་གདོང་། །ཐུང་ལ་སྦོམ་པའི་གསུས་པོ་ཆེ། །སྤྱན་གསུམ་དམར་ཟླུམ་སྡང་མིག་བསྒྲད། །དགྲ་བགེགས་ཐམས་ཅད་ཟིལ་གྱིས་གནོན། །ཡང་འཁོར་ནག་པོ་སྟོང་གིས་བསྐོར། །ལྕགས་སྤྱང་སྔོན་ནས་འབྲོས་དེད་བྱེད། །བྱ་ནག་མང་པོས་གཤོག་པ་རྡེབས། །མཆུ་སྡེར་བརྡར་ཞིང་དགྲ་ཤ་ཟ། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །བྷྱོ། ཁྱོད་ཀྱི་ཐུགས་དམ་དུས་ལ་བབ། །བདག་ཅག་འཁོར་དང་བཅས་པ་ལ། །རླུང་མཁྲིས་བད་ཀན་འདུས་པ་ལས། །གྱུར་པའི་ནད་རིགས་བཞི་བརྒྱ་དང་། །རྩ་བཞི་ཞི་བར་མཛད་དུ་གསོལ། །རྒྱལ་པོ་ཀླུ་བདུད་ལ་སོགས་པ། །

[Full Size]

གདོན་གྱི་རིགས་རྣམས་ཞི་བར་མཛོད། །རྨི་ལམ་ངན་སོགས་ཞི་བར་མཛོད། །བདག་ཉིད་རྣལ་འབྱོར་བསྲུང་དུ་གསོལ། །ཉིན་དང་མཚན་དུ་བྱ་ར་མཛོད། །ཚེ་དང་བསོད་། ནམས་སྤེལ་དུ་གསོལ། །དཔལ་དང་གྲགས་པ་བསྒྲུབ་ཏུ་གསོལ། །འཁོར་དང་བསྟན་པ་བསྲུང་དུ་གསོལ། །ལུས་དང་གྲིབ་མ་བཞིན་དུ་འགྲོགས། །ལེགས་དང་སྤྱོད་ལ་ཉེས་དང་བསྣོལ། །བསམ་པ་བསྒྲུབ་ལ་རེ་བ་སྐོང་། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཤ་ཟི་ནག་པོ་སེང་གེའི་གདོང་། །ཞལ་གཅིག་ཕྱག་གཉིས་འཇིགས་པའི་གཟུགས། །རལ་གྲི་ཐོད་ཁྲག་ཕྱག་ན་བསྣམས། །ཡང་འཁོར་ཤ་ཟ་འབུམ་གྱིས་བསྐོར། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད་། །བྷྱོ། ཁྱོད་ཀྱི་ཐུགས་དམ་དུས་ལ་བབ། །བདག་ཅག་འཁོར་དང་བཅས་པ་ལ། །རླུང་མཁྲིས་བད་ཀན་འདུས་པ་ལས། །གྱུར་པའི་ནད་རིགས་བཞི་བརྒྱ་དང་། །རྩ་བཞི་ཞི་བར་མཛད་དུ་གསོལ། །རྒྱལ་པོ་ཀླུ་བདུད་ལ་སོགས་པ། །གདོན་གྱི་རིགས་རྣམས་ཞི་བར་མཛོད། །རྨི་ལམ་ངན་སོགས་ཞི་བར་མཛོད། །བདག་ཉིད་རྣལ་

[Full Size]

འབྱོར་བསྲུང་དུ་གསོལ། །ཉིན་དང་མཚན་དུ་བྱ་ར་མཛོད། །ཚེ་དང་བསོད་ནམས་སྤེལ་དུ་གསོལ། །དཔལ་དང་གྲགས་པ་བསྒྲུབ་ཏུ་གསོལ། །འཁོར་དང་བསྟན་པ་བསྲུང་དུ་གསོལ། །ལུས་དང་གྲིབ་མ་བཞིན་དུ་འགྲོགས། །ལེགས་དང་སྤྱོད་ལ་ཉེས་དང་བསྣོལ། །བསམ་པ་བསྒྲུབ་ལ་རེ་བ་སྐོང་། །བཅོལ་བའི་ཕྲིན་ལས་འགྲུབ་པར་མཛོད། །འདོད་དོན་གསོལ། ཕྱོགས་བཅུའི་མགོན་པོའི་བསྐུལ་འདི་གྲུབ་ཆེན་ནག་པོ་པས་མཛད་པའོ། ཧཱུྃ། དཔལ་ལྡན་མགོན་པོ་ནག་པོ་ནི། །སྟེང་གི་ཕྱོགས་སུ་བྱོན་པའི་ཚེ། །སྤྲིན་ཕུང་འཁྲིགས་པའི་དུར་ཁྲོད་དུ། །ཚངས་པའི་ཚོགས་རྣམས་དབང་དུ་སྡུད། །ལྷ་བདུད་འབུམ་ནི་ཕོ་ཉར་འགྱེད། །དེ་བཞིན་རིགས་ཀྱི་མགོན་པོ་སྟེ། །ཤ་ཁྲག་དམར་གཏོར་འདི་བཞེས་ལ། །སྟེང་གི་ཕྱོགས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །ཤར་གྱི་ཕྱོགས་སུ་བྱོན་པའི་ཚེ། །རྡོ་རྗེ་རིགས་ཀྱི་མགོན་པོ་སྟེ། །གཏུམ་དྲག་ཅན་གྱི་དུར་ཁྲོད་དུ། །དྲི་ཟ་མ་ལུས་དབང་དུ་སྡུད། །སྲོག་བདུད་འབུམ་ནི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །ཤར་གྱི་ཕྱོགས་ཀྱི་དགྲ་

[Full Size]

བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །བྱང་གི་ཕྱོགས་སུ་བྱོན་པའི་ཚེ། །ལས་ཀྱི་རིགས་ཀྱི་མགོན་པོ་སྟེ། །ཚང་ཚིང་འཁྲིགས་པའི་དུར་ཁྲོད་དུ། །གནོད་སྦྱིན་མ་ལུས་དབང་དུ་སྡུད། །གིང་ཆེན་འབུམ་ནི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །བྱང་གི་ཕྱོགས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །ནུབ་ཀྱི་ཕྱོགས་སུ་བྱོན་པའི་ཚེ། །པདྨ་རིགས་ཀྱི་མགོན་པོ་སྟེ། །འུར་འུར་འབར་བའི་དུར་ཁྲོད་དུ། །ཀླུ་བདུད་མ་ལུས་དབང་དུ་སྡུད། །ཚེ་བདག་ནག་པོ་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །ནུབ་ཀྱི་ཕྱོགས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །ལྷོ་ཡི་ཕྱོགས་སུ་བྱོན་པའི་ཚེ། །རིན་ཆེན་རིགས་ཀྱི་མགོན་པོ་སྟེ། །འཇིགས་སུ་རུང་བའི་དུར་ཁྲོད་དུ། །གཤིན་རྗེ་མ་ལུས་དབང་དུ་སྡུད། །ཤན་པ་འབུམ་ནི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །ལྷོ་ཡི་ཕྱོགས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །ཤར་ལྷོའི་ཕྱོགས་སུ་བྱོན་པའི་ཚེ། །བསྟན་པ་སྲུང་བའི་མགོན་པོ་

[Full Size]

སྟེ། །དུར་ཁྲོད་དཔལ་གྱི་ནགས་ཚལ་དུ། །མེ་ལྷ་འབུམ་ནི་དབང་དུ་སྡུད། །བདུད་རིགས་འབུམ་ནི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །ཤར་ལྷོ་ཕྱོགས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །ལྷོ་ནུབ་མཚམས་སུ་བྱོན་པའི་ཚེ། །རྣལ་འབྱོར་སྐྱོང་བའི་མགོན་པོ་སྟེ། །མུན་པ་མི་བཟད་དུར་ཁྲོད་དུ། །སྲིན་པོ་མ་ལུས་དབང་དུ་སྡུད། །ཤ་ཟ་འབུམ་ནི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །ལྷོ་ནུབ་མཚམས་ཀྱི་དགྲ་བགེགས་ཟློག་་ཧཱུྃ། དཔལ་ལྡན་མགོན་པོ་ནག་པོ་ནི། །ནུབ་བྱང་མཚམས་སུ་བྱོན་པའི་ཚེ། །དམ་ཉམས་བསྒྲལ་བའི་མགོན་པོ་སྟེ། །ཀཱི་ལི་ཀཱི་ལིའི་དུར་ཁྲོད་དུ། །རླུང་ལྷ་མ་བང་དུ་སྡུད། །ཕྲ་མེན་དགུ་ཁྲི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །ནུབ་བྱང་མཚམས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །བྱང་ཤར་མཚམས་སུ་བྱོན་པའི་ཚེ། །ཚེ་དབང་རྒྱས་པའི་མགོན་པོ་སྟེ། །ཧ་ཧར་རྒོད་པའི་དུར་ཁྲོད་དུ། །དབང་ལྡན་མ་ལུས་དབང་དུ་མཛད། །བགེགས་ཆེན་

[Full Size]

འབུམ་ནི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །བྱང་ཤར་མཚམས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །འོག་གི་ཕྱོགས་སུ་བྱོན་པའི་ཚེ། །རྒྱུད་སྲུང་མཛད་པའི་མགོན་པོ་སྟེ། །བསིལ་བ་ཚལ་གྱི་དུར་ཁྲོད་དུ། །ས་བདག་མ་ལུས་དབང་དུ་སྡུད། །ཀླུ་བདུད་འབུམ་ནི་ཕོ་ཉར་འགྱེད། །ཤ་ཁྲག་དམར་གཏོར་འདི་བཞེས་ལ། །འོག་གི་ཕྱོགས་ཀྱི་དགྲ་བགེགས་ཟློག །འདི་ཆོས་སྐྱོང་ཐམས་ཅད་ཀྱི་གཏོར་བསྔོས་ཡིན་པས་རོལ་མོ་དང་བཅས་ཤ་ས་ན་ཚར་གཅིག་གམ་གསུམ་བརྗོད། དེ་ནས་ལྷ་ཚོགས་ཐམས་ཅད་གོ་གྱོན་མཚོན་ཐོགས་ནས་ནམ་མཁའ་བར་སྣང་ས་གཞིར་སྤྲིན་ནག་ལྟར་འཁྲིགས་པར་བསྒོམས་ལ། དམག་འགྱེད་བསྡུས་པ་ནི་ཀླུ་སྒྲུབ་ཀྱི་གསུངས། ཧཱུྃ། བསིལ་བ་ཚལ་ནས་ཀུ་ཡི་ཐོབ། །ཤ་ཟ་འཚོགས་པའི་དམག་ཡར་བསྡུས། །རི་རབ་རྩེ་ནས་ཀུ་ཡི་ཐོབ། །ལྷ་དམག་མང་པོའི་དམག་ཡོར་བསྡུས། །ནག་པོ་ཆེན་པོས་དམག་དཔོན་མཛད། །དགྲ་བགེགས་སྟེང་ན་དམག་སྣ་དྲོངས། །མཱ་ར་ཡ་ཡི་བཟློག་ཏུ་གསོལ། །འུར་འུར་ཆེམ་ཆེམ་དམག་སྣ་དྲོངས། །ལྷ་སྲིན་སྡེ་བརྒྱད་ལས་ལ་ཡ། །མ་མོ་བྱེ་བ་ལས་ལ་ཡ། །བྱ་རོག་གདོང་ཅན་ལས་ལ་

[Full Size]

ཡ། །བཏང་སྙོམས་ཡལ་བར་མ་བཏང་ཞིག །ད་ལྟ་ཉིད་དུ་ལས་གྱིས་ཤིག །ལས་ཀྱི་མགོན་པོ་བྱ་རོག་གདོང་། །ཆར་སྤྲིན་གཏིབས་པའི་མདོག་འདྲ་བའི་། །གྲི་གུག་འབར་བ་ཕྱར་ནས་ཀྱང་། །དགྲ་བགེགས་ཉམ་པའི་སྙིང་ལ་འགེམ། །ཞབས་བརྡབ་དགྲ་བགེགས་ཀླད་པ་སྤྱོས། །ཐོད་པས་ནང་ཁྲོལ་བཅུས་ལ་གསོལ། །ཚོགས་ཀྱི་བདག་པོ་གླང་སྣ་ཅན། །བྱི་ན་ཡ་ཀ་བགེགས་ཀྱིས་བསྐོར། །དགྲ་བགེགས་ལུས་སེམས་རྟེན་དང་ཕྲོལ། །མ་གཡེལ་ཤ་ཟ་དམ་ཅན་ཚོགས། །དགྲ་དཔུང་ཆོམས་ལ་བགེགས་དཔུང་ཤིག །བྱད་ཁ་ཕུར་ཁ་བཟློག་ཏུ་གསོལ། །དཔལ་མགོན་བདུན་ཅུ་རྩ་གཉིས་དང་། །རྒྱལ་ཆེན་བཞི་དང་ཕྱོགས་སྐྱོང་བཅུ། །ལྷ་སྲིན་སྡེ་བརྒྱད་དམག་ཚོགས་རྣམས། །འདོད་ཆགས་རླུང་དམར་ཁྲིད་ལ་མཁས། །གཏི་མུག་མུན་པའི་ཚོགས་དང་བཅས། །ང་རྒྱལ་བསྭ་སྒྲ་དི་རི་རི། །ཕྲག་དོག་རླུང་འཚུབ་ཀྱི་ལི་ལི། །སྲ་བརྟན་རྡོ་རྗེའི་གོ་དང་བཅས། །རྣོ་དབལ་མཚོན་ཆའི་ངར་དང་བཅས། །མི་ནུབ་བརྟན་པའི་རྒྱལ་མཚན་ཚུགས། །དཔལ་ལྡན་མགོན་པོ་འཁོར་བཅས་ཀྱིས། །བྱད་ཁ་ཕུར་ཁ་ཐམས་ཅད་

[Full Size]

ཟློག །ལྷ་འདྲེའི་གདུག་པ་ཐམས་ཅད་ཟློག །བྷྱོ་བྷྱོ་དམ་ཉམས་དགྲ་ལ་བྷྱོ། །བཟློག་ཅིག་ལྷ་འདྲེའི་དམག་སྣ་ཟློག །དམ་ཉམས་དགྲ་ལ་ཕྲིན་ལས་མཛོད། །བྷྱོ། ཤར་གྱི་ཕྱོགས་སུ་དམག་འདྲེན་ན། །དམག་དཔོན་རྡོ་རྗེ་མཁའ་འགྲོའི་གྱིས། །དམག་སྣ་དཔལ་ལྡན་ལྷ་མོས་དྲོངས། །དམག་སྟེང་ཡུལ་འཁོར་སྲུང་གིས་སྐྱོང་། །དམག་འདི་དགྲ་བགེགས་སྟེང་དུ་བྷྱོ། །བྷྱོ། ལྷོ་ཡི་ཕྱོགས་སུ་དམག་འདྲེན་ན། །དམག་དཔོན་རིན་ཆེན་མཁའ་འགྲོའི་གྱིས། །དམག་སྣ་རེ་མ་ཏི་ཡིས་དྲོངས། །དམག་སྟེང་འཕགས་སྐྱེས་པོ་ཡིས་སྐྱོང་། །དམག་འདི་དགྲ་བགེགས་སྟེང་དུ་དྲོངས། །སྦྱོ། ནུབ་ཀྱི་ཕྱོགས་སུ་དམག་འདྲེན་ན། །དམག་དཔོན་པདྨ་མཁའ་འགྲོའི་གྱིས། །དམག་སྣ་སྲིད་པའི་རྒྱལ་མོས་དྲོངས། །དམག་སྟེང་སྤྱན་མའི་བཟང་གིས་སྐྱོང་། །དམག་འདི་དགྲ་བགེགས་སྟེང་དུ་དྲོངས། །བྷྱོ། བྱང་གི་ཕྱོགས་སུ་དམག་འདྲེན་ན། །དམག་དཔོན་ལས་ཀྱི་མཁའ་འགྲོའི་གྱིས། །དམག་སྣ་མ་མོ་ཡོངས་ཀྱིས་དྲོངས། །དམག་སྟེང་རྣམ་ཐོས་སྲས་ཀྱིས་སྐྱོང་། །དམག་འདི་དགྲ་བགེགས་སྟེང་དུ་དྲོངས། །རིགས་བཞི་མཁའ་འགྲོ་དམག་

[Full Size]

ལ་ཆོས། །རྒྱལ་ཆེན་བཞི་ཡང་དམག་ལ་ཆོས། །མ་མོ་ཐམས་ཅད་དམག་ལ་ཆོས། །དགྲ་བགེགས་འདུལ་བའི་ཕྲིན་ལས་མཛོད། །སངས་རྒྱས་བསྟན་པ་རིན་ཆེན་སྲུངས། །དམ་ཚིག་ཅན་གྱི་བྱ་ར་གྱིས། །སྡིག་ཅན་འདུལ་བའི་ཕྲིན་ལས་མཛོད། །དམ་ཉམས་དགྲ་ལ་ཁྲམ་ཁ་ཐོབ། །དམ་ཉམས་ཡུལ་དུ་དམག་ལ་ཆོས། །ཐུལ་ཅིག་སྡང་དགྲ་གནོད་པའི་བགེགས། །བཟློག་ཅིག་ལྷ་འདྲེའི་དམག་སྣ་ཟློག །དེ་ནས་རང་ཉིད་བདེ་མཆོག་ནམ་མཁའ་གང་བར་བསྒོམས་ཏེ། ཞལ་སྲིད་པའི་རྩེ་ནས་མར་གཟིགས་ཤིང་ཟིལ་གྱིས་མནན། མགོན་པོའི་དམག་དཔུང་ཐམས་ཅད་སྤྲིན་ནག་རླུང་གིས་བསྐྱོད་པ་ལྟར་དགྲ་བགེགས་ཀྱི་སྟེང་དུ་ཆས་པར་བསྒོམས་ལ། དང་པོ་དཀར་གཏོར། དེ་ནས་འབུལ་གཏོར་རྣམས་དང་། དེ་ནས་གཏོར་ཟློག་དར་ནག་སོགས་ཁྱེར་བའི་གྲབས་བྱས་ལ། མེ་རུ་དཔལ་འབར་དྲུག་གམ་གཅིག་བཙུགས་ལ། གྲྭ་ལོའི་གསུངས། ཧཱུྃ། དཔལ་འབར་མ་ཧཱ་ཀཱ་ལ་ནི། །རི་རབ་ཤར་དུ་བྱོན་པའི་ཚེ། །ཡུལ་འཁོར་སྲུང་ཡང་ཟིལ་གྱིས་གནོན། །དྲི་ཟ་རྣམས་ཀྱང་དབང་དུ་སྡུད། །ཉམས་པའི་དགྲ་བགེགས་སྲོག་རྩ་གཅོད། །གཏོར་མའི་བདག་པོའི་ཐུགས་དམ་བསྐང་། །ཧཱུྃ། དཔལ་འབར་མ་ཧཱ་ཀཱ་ལ་ནི། །རི་རབ་ལྷོ་

[Full Size]

རུ་བྱོན་པའི་ཚེ། །འཕགས་སྐྱེས་པོ་ཡང་ཟིལ་གྱིས་གནོན། །གྲུལ་བུམ་རྣམས་ཀྱང་དབང་དུ་སྡུད། །ཉམས་པའི་དགྲ་བགེགས་སྲོག་རྩ་གཅོད། །གཏོར་མའི་བདག་པོའི་ཐུགས་དམ་བསྐང་། །ཧཱུྃ། དཔལ་འབར་མ་ཧཱ་ཀཱ་ལ་ནི། །རི་རབ་ནུབ་ཏུ་བྱོན་པའི་ཚེ། །སྤྱན་མི་བཟང་ཡང་ཟིལ་གྱིས་གནོན། །ཀླུ་བྲན་འབུམ་རྣམས་དབང་དུ་སྡུད། །ཉམས་པའི་དགྲ་བགེགས་སྲོག་རྩ་གཅོད། །གཏོར་མའི་བདག་པོའི་ཐུགས་དམ་བསྐང་། །ཧཱུྃ། དཔལ་འབར་མ་ཧཱ་ཀཱ་ལ་ནི། །རི་རབ་བྱང་དུ་བྱོན་པའི་ཚེ། །རྣམ་ཐོས་སྲས་ཡང་ཟིལ་གྱིས་གནོན། །གནོད་སྦྱིན་འབུམ་རྣམས་དབང་དུ་སྡུད། །ཉམས་པའི་དགྲ་བགེགས་སྲོག་རྩ་གཅོད། །གཏོར་མའི་བདག་པོའི་ཐུགས་དམ་བསྐང་། །ཧཱུྃ། དཔལ་འབར་མ་ཧཱ་ཀཱ་ལ་ནི། །རི་རབ་སྟེང་དུ་བྱོན་པའི་ཚེ། །དབང་པོའི་རྒྱལ་པོ་ཟིལ་གྱིས་གནོན། །གནོད་སྦྱིན་འབུམ་རྣམས་དབང་དུ་སྡུད། །ཉམས་པའི་དགྲ་བགེགས་སྲོག་རྩ་གཅོད་། །གཏོར་མའི་བདག་པོའི་ཐུགས་དམ་བསྐང་། །ཧཱུྃ། དཔལ་འབར་མ་ཧཱ་ཀཱ་ལ་ནི། །རི་རབ་འོག་ཏུ་བྱོན་པའི་ཚེ། །ཀླུ་ཆེན་བརྒྱད་ཀྱང་ཟིལ་གྱིས་གནོན། །ས་

[Full Size]

བདག་རྣམས་ཀྱང་དབང་དུ་སྡུད། །ཉམས་པའི་དགྲ་བགེགས་སྲོག་རྩ་གཅོད། །གཏོར་མའི་བདག་པོའི་ཐུགས་དམ་བསྐང་། །དེ་ནས་ཐམས་ཅད་ཀྱིས་ཁྱེར་གྲབས་བྱས་ནས་བཀྱག་ལ་རང་ཡང་སྔགས་ཆས་གྱོན་ནས། ཧཱུྃ། ད་ནི་བཟློག་མདོས་བསྐྱོད་རེ་རན། །ད་ནི་དམག་དཔུང་བསྐྱོད་རེ་རན། །ནག་པོ་ཆེན་པོ་སྐུ་བསྐྱོད་འཚལ། །བཀའ་ཡི་ལས་མཁན་སྐུ་སྐྱོད་ཅིག །ལས་ཀྱི་ཕོ་ཉ་སྐུ་སྐྱོད་ཅིག །ལྷ་སྲིན་དམག་ཚོགས་སྐུ་སྐྱོད་ཅིག །དགྲ་བགེགས་ཡུལ་དུ་སྐུ་སྐྱོད་ཅིག །ཆིབས་ཁ་དགྲ་ཡི་ཡུལ་དུ་སྒྱུར། །དགྲ་བོའི་ཡུལ་ཁམས་དམག་གིས་ཁེངས། །སྡང་བའི་དགྲ་ལ་སྐུ་ཟུར་སྟོན། །བཀའ་ཆད་སྡང་བའི་དགྲ་ལ་ཐོངས། །ཐུན་ཟོར་སྡང་བའི་དགྲ་ལ་རྒྱོབ། །དྲེགས་བྱེད་འཁོར་བཅས་དགྲ་ལ་ཆོས། །དགྲ་བོའི་མི་ནོར་ཆམ་ལ་ཕོབ། །དགྲ་བོའི་ཡུལ་ཁམས་བརླགས་པར་མཛོད། །དུས་ལ་བབ་བོ་ས་མ་ཡ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་མ་ཧཱ་ཀཱ་ལ་ཐུན་བྷྱོ།་ཨོཾ་ཀ་དུ་རྦད་བྷྱོ། པྲ་མ་ཧ་བྷྱོ། མ་ཧཱ་ལི་ཐུན་བྷྱོ། ཀ་ལ་ར་ཏྲི་ཐུན་བྷྱོ། ནག་པོ་པས་མཛད་པའོ། །དེ་ནས་ཕྱི་རོལ་དུ་ཕྱོགས་གཙང་སར་སོང་ལ་གསེར་སྐྱེམས་མཆོད་དཀར་གཏོར་

[Full Size]

ཕུལ། དེ་ནས་བདེན་པ་བརྡར་ལིང་ག་ལ་བཀུག་གཞུག་དམོད་བཅོལ་བྱ་གཏོར་ཟོར་འཕེན་ན་སྐབས་འདིར་འཕེན་ཏེ། ཐེབས་ལྡོག་རྣམ་གྲངས་མང་བས་ཤེས་པ་དང་བརྩི་བ་ཡང་དཀའ་ཞིང་ཡག་ཉེས་ཆེ་བས་མ་འཕང་ན་ཡང་བཀྲ་ཤིས་ཆོས་སྐྱོང་རྣམས་ཀྱི་གཏོར་འབུལ་བྱས། ཐུན་གཏོར་རྣམས་ཀྱང་འཕང་། དེ་ནས་གཏོར་ཟློག་དེ་བཀྱག་བཅོལ་ལ་འདི་རྒྱ་གཞུང་དུ་གྲགས་པའི་ཟློག་སྒྱུར་དྲག་པོས་འདི་སྐད་དོ། ཧཱུྃ་བྷྱོ། དོ་ནུབ་གནོད་པ་བཟློག་ཏུ་གསོལ། །བདུད་ཁ་དགྲ་ལ་བསྒྱུར་དུ་གསོལ། །བཟློག་ཅིག་སྒྱུར་ཅིག་ས་མ་ཡ། །བྷྱོ། རེ་ལྟོས་གཞན་དུ་མ་བཅས་སོ། །བཟློག་ཅིག་མ་མོའི་སྔགས་ཟོར་ཟློག །དོ་གཤིན་རྗེའི་འཕྲུལ་འཁོར་ཟློག །ཕུར་པའི་དབལ་ཁ་བཟློག་ཏུ་གསོལ། །བདུད་ཀྱི་ཁྲམ་ཁ་བཟློག་ཏུ་གསོལ། །གནོད་སྦྱིན་གཟེར་ནད་བཟློག་ཏུ་གསོལ། །རྒྱལ་པོའི་སྨྱོ་འབོག་བཟློག་ཏུ་གསོལ། །ཀླུ་ཡི་འཆིང་བ་བཟློག་ཏུ་གསོལ། །བཙན་གྱི་ཤོ་རྒྱུག་བཟློག་ཏུ་གསོལ། །མོན་པའི་གཅེར་རྒྱུག་བཟློག་ཏུ་གསོལ། །བལ་པོའི་དུག་མཚོན་བཟློག་ཏུ་གསོལ། །རོ་ལངས་གནོད་པ་བཟློག་ཏུ་གསོལ། །མ་ཧཱ་དེ་བ་ལ་སོགས་པའི། །ལྷ་ཆེན་བརྒྱད་ཀྱང་ཞབས་ཀྱིས་མནན། །བྱི་ན་ཡ་ཀ་ལ་སོགས་པའི། །བགེགས་ཆེན་

[Full Size]

བརྒྱད་ཀྱང་མནན་པས་བསྐོར། །ཡི་དྭགས་ཤ་ཟ་ལ་སོགས་པའི། །ནང་ནས་སྲི་ལངས་ཐམས་ཅད་ཟློག །རྒྱལ་འགོང་བཙན་འགོང་བྱིན་གྱིས་ཐུལ། །མ་བདུད་སྲིན་མོ་ཐལ་བར་རློགས། །ཐེའུ་རང་འགོང་པོ་གཞོབ་ཏུ་བསྲེགས། །དགྲ་བགེགས་རང་གཤེད་རང་ལ་ཕོབ། །དམ་ཉམས་མཚོན་ཆ་རང་ལ་རྒྱོབ། །ཁས་བླངས་དམ་བཅའ་མ་གཡེལ་ཅིག །མ་ཧཱ་ཀཱ་ལའི་དུས་ལ་བབ། །ཡུམ་ཆེན་ལྷ་མོ་ཙན་ཏི་ཀ་ཡི་དུས་ལ་བབ། །བཀའ་སྡོད་ལེགས་ལྡན་མགོན་པོའི་དུས་ལ་བབ། །ཕོ་ཉ་ཀང་ཀ་དི་རིའི་དུས་ལ་བབ། །ཕྱག་བརྙན་བྲག་ལྷ་མགོན་པོའི་དུས་ལ་བབ། །གཡོ་བྱེད་ཤྭ་ན་ར་ཛའི་དུས་ལ་བབ། །ལས་མགོན་ཐོད་ཕྲེང་ནག་པོའི་དུས་ལ་བབ། །སྤྲུལ་པའི་དཔལ་མགོན་བདུན་ཅུ་དུས་ལ་བབ། །ཁྱོད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་མ་གཡེལ་ཅིག །ཨོཾ་མ་ཧཱ་ཀཱ་ལ་ཧེ་ཐུན་བྷྱོ། མ་ཧཱ་ཀཱ་ལི་པྲ་མོ་ཧེ་ཐུན་བྷྱོ་བྷྱོ་ཟློག་ཟློག །ཅེས་པ་རྒྱ་གཞུང་ཡིན་ངེས་སོ། །ཟློག་སྔགས་རིང་བ་དང་ཤ་ས་ན་བཞི་སྙིང་སོགས་ཅི་རིགས་བརྗོད་ཅིང་རོལ་མོ་བྱའོ། །གཏོར་མ་གཙོ་འཁོར་ཐམས་ཅད་རྩེ་པར་བསྟན་ལ་བསྐྱེལ་བཅུག །མགོན་པོ་འཁོར་བཅས་མེ་རླུང་འཚུབ་མ་འུར་སྒྲ་དྲག་པོ་

[Full Size]

དང་བཅས་དགྲ་གེགས་གནོད་བྱེད་ཐམས་ཅད་དེད་ནས་རྒྱ་མཚོའི་ཕར་འགྲམ་དུ་སོང་བར་བསྒོམས་ལ་དར་ནག་གཡབ་ལ་དུར་མོ་རྡེབ། རོལ་མོ་དྲག་ཏུ་བྱའོ། །དེ་ནས་གཏོད་སྣོད་ཐམས་ཅད་ཁ་སྦུབ་ལ་སྟེང་དུ་དར་ནག་དྲིལ་བ་བཙུགས་ནས། དམིགས་པ་དང་བཅས་པས་འདི་བརྗོད་པར་བྱའོ། །ན་མོ་རྩ་བརྒྱུད་ཀྱི་བླ་མ་ཡི་དམ་འཁོར་ལོ་སྡོམ་པ། ཤྲཱི་མ་ཧཱ་ཀཱ་ལ་ལྕམ་དྲལ་གྱི་བདེན་པས་གནོད་བྱེད་དམ་སྲི་ཐམས་ཅད་གཏོར་གཞོང་རི་རབ་འབར་བའི་འོག་ཏུ་ཁུག་ཅིག །ཛཿཧཱུྃ་བཾ་ཧོ༔ ཧཱུྃ། སྟོང་གསུམ་སྟོང་གི་འཇིག་རྟེན་འདིར། །ཀུན་ཀྱང་རིགས་ལྔ་ཧེ་རུ་ཀ །རིགས་ལྔ་ཀྲོ་ཏི་ཤྭ་རི་སྟེ། །ཡེ་ཤེས་མགོན་པོས་ནམ་མཁའ་གང་། །མ་མོའི་སྤྲུལ་པས་བར་སྣང་གང་། །བྱ་རོག་མ་མོ་སྤྲིན་ལྟར་གཏིབས། །བགེགས་ཞེས་བྱ་བའི་མིང་ཡང་མེད། །བདུད་དཔུང་ལྷ་ལ་གནོད་པའི་ཕྱིར། །བྲོ་འདི་བར་ཆད་མེད་པར་བརྡུང་། །ཚངས་པའི་དབྱིངས་སུ་འདྲེན་པའི་ཕྱིར། །བྲོ་འདི་བར་ཆད་མེད་པར་བརྡུང་། །ཨོཾ་སུམྦྷ་ནི་སུམྦྷ་ནི་ཧཱུྃ། སློབ་དཔོན་གྱི་སྐུ་དགྲ། མཆེད་དང་ལྕམ་དྲལ་གྱི་སྒོས་དགྲ་འདི་ནོན། དཀྱིལ་འཁོར་དངོས་ལྡན་འདི་ནོན། ཞུན་མར་གྱི་མདངས་འཕྲོག་འདི་ནོན། མི་མིན་མི་རུ་བརྫུ་བ་འདི་ནོན། ལྷ་མིན་ལྷ་རུ་བརྫུ་

[Full Size]

བ་འདི་ནོན། ཨོཾ་མ་ཧཱ་ཀཱ་ལ་ཤ་ཏྲི་དམ་སྲི་སྒབ་འདྲེ་ན་ཤ་ཡ། ཧཱུྃ་བྷ་ཡ། མཱ་ར་ཡ། མར་དྷ་ཡ་ནན། འདི་འོག་སྟོང་ཕྲག་ཉི་ཤུ་ན། །གཤིན་རྗེ་ཆོས་ཀྱི་ཚོ་རྒྱལ་པོ་བཞུགས། །དེ་ལ་ཁྱོད་ཀྱིས་ཆོས་ཉོན་ཅིག །ཇི་སྲིད་བྱམས་མགོན་མ་བྱོན་བར། །ཆོས་སྐྱོང་སྲུང་མས་རྒྱས་གདབ་བོ། །རྒྱ་ལས་འདའ་བར་མ་བྱེད་ཅིག །ས་མ་ཡ། རྒྱ་རྒྱ་རྒྱ། ཞེས་རྡོ་རྗེ་རྒྱ་གྲམ་རི་རབ་དང་བཅས་པས་མནན་པར་བསམ་མོ། །ལས་གསང་བའི་རྒྱུད་ལས། མནན་རྫོགས་ཁྲོ་བོའི་རྟིང་པར་བརྫིས། ཞེས་གསུངས་པའི་དོན་ནོ། །ཚིག་འདི་ནི་གྲྭ་ལོས་གསུངས་སོ། །དེ་ནས་ཐམས་ཅད་ཕྱི་མིག་མི་ལྟ་བར་སློབ་དཔོན་གྱི་རྗེས་སུ་མནན་ཞིང་འོང་སྟེ། ཕཊ། ཡེ་ཤེས་ཁྱུང་ནག་མེའི་གཤོག་པ་ཅན་རྭ་དང་མཆུ་སྡེར་གནམ་ལྕགས་ལས་གྲུབ་པ་ཞིག་ཞལ་ཕྱིར་ཕྱོགས་ནས་རྗེས་བཅད་པར་གྱུར། ཨོཾ་ཁྲོ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ། རཀྵ་རཀྵ། དེ་ནས་ནང་དུ་ཡི་དམ་མམ་མགོན་པོའི་ཚོགས་བྱ། ཚེ་འགུགས་བཀྲ་ཤིས་སོགས་རྗེས་ཀྱི་བྱ་བ་སྤྱི་ལྟར་རོ། །དེ་ལྟར་དྲག་པོའི་གཏོར་ཟློག་འདིའི་ཕན་ཡོན་ནི། མགོན་པོ་བྱ་རོག་སྲོག་ཟན་ནག་པོའི་རྒྱུད་ལས། གོང་གི་གཏོར་ཆུང་འབུལ་བའི་སྔགས་དེ་གསུངས་ནས་བརྒྱའམ་བདུན་སྟོང་ཕྲག་བདུན། ཞེ་སྡང་ལྡན་པས་བརྗོད་པར་བྱ། །དགྲ་བགེགས་ཤ་ཁྲག་རུས་པ་དང་། །རྐང་

[Full Size]

དང་ཚིལ་བུ་སྙིང་དང་ནི། །ཞིང་ལྤགས་ཀླད་པར་དམིགས་བྱས་ནས། །རྟེན་གྱི་མིང་བཅུག་བཀུག་བྱས་ཏེ། །དུས་བཞིར་བཏབ་ཅིང་སྔགས་ཀྱིས་རྦད། །རྟགས་དང་མཚན་མ་མ་བྱུང་བར། །གཏོར་མའི་བསྒྲུབ་པ་རྟག་ཏུ་བསྐུལ། །མགོན་པོ་འཁོར་དང་བཅས་པ་ཡིས། །དངོས་སུ་རྟགས་དང་ཆོ་འཕྲུལ་སྟོན། །འཆི་བདག་བདུད་དང་བདུད་རིགས་དང་། །བགེགས་དང་ལྟས་ངན་བྱད་ཁ་རྣམས། །ཚར་གཅོད་གཏོར་མས་ཟློག་པར་འགྱུར། །ཞེས་གསུངས་པའི་དོན་ཡིན་ལ། གཞན་ཡང་མགོན་པོ་འདི་ལ་འདི་ལྟར་མཆོད་བསྟོད་རྒྱས་པར་བྱས་པའི་ཕན་ཡོན་ནི། ཁྲག་མཚོ་ཁོལ་མ་གསོད་བྱེད་སྙིང་འབྱིན་ནག་པོ་ཆེན་པོའི་རྒྱུད་ལས། མཆོད་བསྟོད་བྱ་ཚུལ་རྒྱས་པར་གསུངས་ནས། དེ་ལྟར་མཆོད་པས་རྣལ་འབྱོར་པ། །མཐུ་སྟོབས་འབྱོར་པ་གཟི་བརྗིད་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་འབྱོར་བ་ཕུན་སུམ་ཚོགས། །ཞེས་དང་། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། དུས་བཞི་དག་ཏུ་གཏོར་མ་ཕུལ། །བགེགས་མེད་བསོད་ནམས་འཕེལ་བྱེད་པའོ། །ཞེས་དང་། དཔལ་ནག་པོ་ཆེན་པོ་བྱ་རོག་བརྩེགས་པ་དམ་ཚིག་བསྟན་པའི་སྤྱི་རྒྱུད་ལས། གཏོར་ཆེན་མཆོད་པ་གཏོར་ཆུང་འབུལ་ལུགས་རྒྱས་པར་གསུངས་ནས། མཆོད་དང་གཏོར་མར་ག་ང་བརྩོན་པ། །དེ་ལ་བར་ཆད་མི་འབྱུང་ཞིང་། །དངོས་གྲུབ་མཆོག་རྣམས་ཐོབ་པར་འགྱུར། །ཕྲིན་ལས་རྣམ་བཞི་འགྲུབ་པར་འགྱུར། །ཅེས་དང་། གཏོར་མའི་ལས་རྒྱུད་ལས། བཅོམ་ལྡན་འདས་ཀྱིས་

[Full Size]

བཀའ་སྩལ་པ། །མཆོག་དང་ཐུན་མོང་དངོས་གྲུབ་ནི། །གཏོར་མ་དག་ལ་བརྟེན་ནས་ཐོབ། །རྣལ་འབྱོར་གཏོར་མར་མི་བརྩོན་ན། །དེ་ཡི་བར་ཆད་གང་གིས་སེལ། །རྣལ་འབྱོར་གཏོར་མར་བརྩོན་པ་ན། །དེ་ལ་བར་ཆད་སུ་ཡིས་ནུས། །ཞེས་གསུངས་སོ། །དཔལ་བྱ་རོག་ཆེན་པོའི་རྒྱུད་ལས། ཚར་གཅོད་མན་ངག་ལས་སྦྱོར་རོ། །གཏོར་མའི་མན་ངག་འདི་ཡིན་དུ། །ཤེས་པར་བྱས་ལ་འབུལ་བར་བྱ། །བསྒྲུབ་པོ་དག་གི་རྩེ་གཅིག་གིས། །ཁྲག་འཐུང་རྒྱལ་པོ་འཐོབ་བྱའི་ཕྱིར། །དེ་ཡི་ལམ་གྱི་བར་ཆད་སེལ། །ཞེས་དང་། དྲག་པོའི་གཏོར་མས་མངོན་སྤྱོད་འགྲུབ་པར་འགྱུར་ཞེས་གསུངས་སོ། །བཞི་སྙིང་སྤྲུལ་པའི་རྒྱུད་ལས། སྦྱིན་སྲེག་དང་གཏོར་མ་གཉིས་ཀའི་ཕན་ཡོན་མཉམ་དུ་གསུངས་པ་ལས། དེས་ནི་ལས་ཀྱི་འབྲས་བུ་མྱུར་དུ་འགྲུབ། །ཞི་རྒྱས་དབང་དྲག་མཐར་ཕྱིན་ཞིང་། །ཐུན་མོང་ལས་བརྒྱད་ཐོབ་ནས་སུ། །བསམ་པའི་དངོས་གྲུབ་ཐམས་ཅད་འགྲུབ། །ལྷ་ཀླུ་གནོད་སྦྱིན་སྲིན་པོས་ཀྱང་། །ཚེ་བསྲིང་ནད་སོགས་གནོད་པ་ཀུན་ལས་ཐར། །ཅེས་གསུངས་སོ། །ཞེས་པ་འདི་ནི་རྡོ་རྗེའི་མཆེད་པོ་སྔགས་འཆང་རཏྣའི་མིང་ཅན་གྱིས་མགོན་པོའི་རྒྱུད་ཀྱི་གླེགས་བམ་མཎྜལ་དུ་བྱས་ནས། ལོ་བཅུ་ཙམ་གྱིས་གོང་ནས་བསྐུལ་ཀྱང་། མགོན་པོ་འདིའི་ཆོས་བདག །འབྲི་སྟག་འབྲུག་གསུམ་བཀྲ་ཤིས་ཟུར་མང་སྣ་པ་དྭགས་ལྷ་སྒམ་པོ་སོགས་སྐྱེས་ཆེན་ཉི་ཟླ་ལྟ་བུར་མང་དུ་བཞུགས་པས་བདག་ལྟ་བུའི་བརྩམས་པའི་བབ་ཐོབ་མེད་སྙམ་ནས་བཏང་སྙོམས་སུ་བཞག །སླར་ཡང་

[Full Size]

རང་ཉིད་ནད་ཀྱི་བྲོ་འཚལ་དུས་རྡོ་རྗེའི་མཆེད་པོ་དེ་ཉིད་འཚོ་བྱེད་དུ་སྤྱན་དྲངས་སྐབས་ཀྱང་གསུང་གིས་བསྐུལ་ཞིང་། ཁོ་བོ་ནི་མགོན་པོ་འདི་ལ་དད་པ་ཆེ་བའི་དོན་གྱི་ཡིན་གསུངས་པས། དེ་ལྟར་དད་གུས་བསམ་པ་རྣམ་པར་དག་པས་བསྐུལ་བའི་བཀའ་བཅག་རྒྱུ་མི་རུང་སྙམ་ནས། མགོན་པོ་འཁོར་བཅས་ལ་བཀའི་གནང་བ་བསྩལ་བར་གསོལ་བ་བཏབ་ཅིང་། ཤིང་ཕོ་རྟའི་ལོ་སྣོན་ཟླ་བའི་ཡར་ཚེས་གསུམ་ནས་བདུན་གྱི་བར་དུ་རྫོགས་པར་བྲིས་པའོ། །དེ་ཡང་རྒྱལ་སྲས་ཞི་བ་ལྷས། སྔོན་ཆད་མ་བྱུང་བ་ཡང་འདིར་མ་བརྗོད། །སྡེབ་སྦྱོར་མཁས་པའང་བདག་ལ་ཡོད་མིན་ཏེ། །དེ་ཕྱིར་གཞན་དོན་བདག་གི་འདིར་མ་བྱས། །རང་གི་ཡིད་ལ་བསྒོམ་ཕྱིར་ངས་འདི་བརྩམས། །ཞེས་གསུངས་པ་ལྟར། བྲིས་ངན་ཅིང་ཐོབ་ཆ་མེད་ཀྱང་དོན་ལེགས་ཤིང་། །ཚིག་ལ་གཞན་དག་མགུ་དཀའ་ན་ཡང་། ཚིག་འདི་ལས་འགྲིག་ཅིང་མཛེས་ཙམ་བརྩམས་ཆོག་ནའང་། འདོན་ཆའི་གཞུང་རྒྱ་གཞུང་དང་། གྲྭ་ལོ་སོགས་ཀྱི་གསུང་བྱིན་རླབས་ཆེ་སྙམ་ནས་བསྒྲིགས། མཚན་ཉིད་པའི་དགེ་བཤེས་འགའ་རེས། གཏོར་ཟློག་སོགས་རྒྱུད་ནས་མ་གསུངས་ཟེར་བའི་རྣམ་རྟོག་བཀག་ཕྱིར་རྒྱུད་ཀྱི་གསུངས་རྣམས་དྲངས་སོ། །གཏོར་ཆེན་དང་གཏོར་ཟློག་རྣམས་ཀྱི་དོན་རྩའི་སྙིང་པོ་ཐམས་ཅད་བསྡུས། ཕྱག་ལེན་མཐོང་བ་བརྒྱུད་པ་དང་བླ་མ་རྣམས་ཀྱི་ཞལ་ཤེས་དང་རང་གི་ཉམས་མྱོང་ཅུང་ཟད་ཡོད་པ་དང་བསྟུན། དཔེ་གཞན་ལ་ལྟོས་མི་དགོས་པར་ཚུགས་ཐུབ་པ། ཟབ་ཅིང་བྱིན་རླབས་ཆེ་བ་ལག་ཏུ་བླང་བདེ་བ་འདི་བཞིན་གཞུང་

[Full Size]

ལྟར་བྱས་ན། རང་གཞན་གྱི་བར་ཆད་སེལ་ཞིང་རྟགས་མཚན་གསལ་པོར་འབྱུང་ངེས་པ་ཐེ་ཚོམ་མེད་པ། འདི་ལྟར་བཟློག་གཞུང་ལ་བསྲུང་རིམ་སོགས་ལ་བྱ་ཐབས་འདི་ལས་གབ་སྦས་ཅུང་ཟད་ཀྱང་མེད་དེ་བལྟས་ཆོག་ཡིན་ནོ། །གཞན་ཡང་གཞུང་འདི་ཉིད་ལ་བཅའ་ལུགས་འདོན་ལུགས། སྔགས་དང་དམིགས་པའི་བསྒྱུར་ཁ་བྱས་ན། ལས་ཚོགས་སྒྲུབ་ཐབས་མང་དུ་མཆིས་ཏེ་རྒྱུད་གཞུང་རྣམས་ན་རང་བཞིན་གྱིས་གབ་ནས་བཞུགས་པ། ཕལ་ཆེར་ཉེས་པའི་གཞིར་འགྱུར་ཉེས་ཆེ་བས་མ་བཀོད་དོ། །དེ་ཡང་རིམ་གྲོ་ཆེན་པོ་ལ་བཟློག་པ་བརྒྱ་རྩ་བརྒྱད་བྱེད་ན། འདིའི་ལས་བྱང་མངོན་རྟོགས་ནས་རྩང་གྱེར་ཡན་ཚར་བཅོ་ལྔ་འདོན་པས། གཙོ་བོ་སྐུ་ལྔ་བྱུང་འཁོར་བཞི་རེ། ཚར་རེ་རེར་ཟློག་པ་བདུན་རེ་ཚང་། གཏོར་རྫོངས་ཟློག་པ་གཅིག །གཏོར་ཆེན་འཕེན་ཁའི་ཟློག་པ་དང་བརྒྱ་བརྒྱད་ཡིན་ནོ། །འདི་འབྲི་ཚེ་མགོན་པོ་འཁོར་བཅས་ལ་གཏོར་མ་ཕུལ་ཞིང་བསྙེན་པ་ཐུན་རེ་བྱས་པས། ཉམས་དང་རྨི་ལམ་འདྲེས་པའི་སྐབས་སུ་སྐུའི་རྣམ་པ་གསལ་པོར་ནི་མ་མཐོང་ཡང་། མགོན་པོ་འཁོར་བཅས་སྤྲིན་གཏིབས་པ་ལྟར་འདུས་བྱུང་ནས། ཁྱོད་དམ་ཚིག་ཅན་ཡིན་པས་ངེད་རྣམས་འོང་བ་ཡིན། ཞེས་གསལ་པོར་གསུངས་སྣང་དང་། འདི་སུས་ཉམས་སུ་བླང་ཡང་གདུལ་བྱ་ཕྲིན་ལས་རྒྱས་ཤིང་མ་འོངས་དུས་ཀྱི་མཐར་དཔེ་འདི་རྒྱ་ནག་པོའི་ཕོ་བྲང་ཡན་ཆད་འཕེལ་ཞིང་དར་བའི་རྨིས་ལྟས་གསལ་པོར་ཡང་བྱུང་བའི་ཕྱིར་འདི་ལ་ཕྱིན་ཆད་སྣོན་འཕྲི་མ་བྱེད་པར་འདི་ཇི་ལྟ་བར་བྲིས་ཤིག །ཅེས་པ་མགོན་པོ་འདི་

[Full Size]

ཉིད་གཏན་གྱི་ཆོས་སྐྱོང་དུ་འཛིན་པའི། ༧ སྔགས་འཆང་ཨ་རཱ་གས་སྦྱར་བ་མངྒ་ལཾ།། བཀྲ་ཤིས།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་མགོན་པོ་ཤ་ཟ་གདོང་ལྔའི་ཕྱག་ལེན་བསྡུས་པ།

[Full Size]

དཔལ་མགོན་པོ་ཤ་ཟ་གདོང་ལྔའི་ཕྱག་ལེན་བསྡུས་པ་བཞུགས་སོ། །མངྒ་ལཾ།

[Full Size]

རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སིདྡྷི་རཀྟ་པྲ་ཏྱཾ་གི་ར་ས་དྷ་ན་མ། བོད་སྐད་དུ། དཔལ་ནག་པོ་ཆེན་པོའི་དངོས་གྲུབ་སྲུང་ཟློག་ཅེས་བྱ་བ།་གདོང་ལྔའི་མན་ངག་དང་། དེའི་འདོན་བྱའི་གཞུང་དང་། ཤོག་དྲིལ་དང་གསུམ་པོ་གྲུབ་ཆེན་ནག་པོ་པས་མཛད་པ་དང་། པཎྜི་ཏ་ཨབྱཱ་ཀ་ར་དང་། རྩྭ་མི་ཆེན་པོས་བསྒྱུར་ནས་དཔལ་ཆེན་སྐྲ་ལོས་བོད་དུ་སྤྱན་དྲངས་ཏེ། ཕག་གྲུ་ལ་གནང་བ་རྩོད་མེད་ཀྱི་རྒྱ་གཞུང་ཆེན་མོ་དེ་ཉིད་ལ། མདོས་ཐབས་རྒྱས་པ་དང་། མདོས་ཐབས་བསྡུས་པ་གཏོར་ཆེན་ལུགས་དང་། གཏོར་ཟློག་རྒྱས་པ་དང་། གཏོར་ཟློག་བསྡུས་པ་སྤྱི་འཚམས་དང་། གཏོར་ཟོར་ལུགས་དང་མང་དུ་ཡོད་པ་ལས། འདིར་ལག་ཏུ་བླང་བདེ་ཕྱིར་གཏོར་ཟློག་སྤྱི་འཚམས་ནི། ད་

[Full Size]

ལྟ་ཀུན་གྱིས་བྱེད་པ་ཡིན་ནའང་། དེ་ལ་རྒྱས་བསྡུས་མང་སྟེ་སྐབས་དང་བཏུན་ནོ། །རྒྱས་པར་ས་སྟེགས་རྡུལ་ཚོན་བྲིས་པའམ། རས་སམ་ཤོག་བུ་ལ་ཆོས་འབྱུང་མཐིང་ནག་ལོགས་གཅིག་རང་ལ་བསྟན་པའི་ནང་། པདྨ་འདབ་བཞི་ཕྱོགས་མདོག་ཅན་གྱི་ལྟེ་བ་དང་འདབ་མར་ལྷའི་ས་བོན་བཀོད། དེ་སྟེང་ཁྲི་ཁར་གཏོར་སྣོད་བཞག་པའམ། བསྡུ་ན་གཏོར་སྣོད་ལྕགས་འགུ་ལྟ་བུའི་ཁར་འཇིམ་ཞལ་བྱས་ལ་རི་མོ་བྲིས་ཏེ་གྲུ་གསུམ་ནག་པོ་དེའི་ནང་པདྨ་འདབ་བཞི་བྲིའོ། །རྩང་མི་བཙུགས་ན་ཀ་ཊོ་རའི་ནང་དུ་འདག་གམ་ཟན་ལ་གྲུ་གསུམ་ལྔ་བཞག །ནང་དུ་གྲུ་གསུམ་བྲུས་ལ་ཟན་ལིང་རེ་རེ་བཞག །དེ་ལྔའི་སྟེང་དབུས་སུ་གཏོར་མ་ཟུར་གསུམ་ཆེ་བ་གཅིག་བཞག་པ་ཡེ་ཤེས་མགོན་པོ་དང་ཐུགས་མགོན་དང་ཁྱུང་གསུམ་ཀ་ཡིན། དེ་ལས་ཁྱུང་བ་བཞི་

[Full Size]

ཕྱོགས་བཞིར་བཞག་པ་ནི་ལས་མགོན་བཞི། དེ་སྒྲུབ་གཏོར་ཆུང་བཅུ་བཞག་པ་ནི་སྡེ་བརྒྱད་དང་ཕྱོགས་བཅུའི་མགོན་པོ། །ཐམས་ཅད་ཀྱི་དཀྱིལ་ནག་ཟུར་དམར་ཡང་ན་ཐམས་ཅད་ནག་པོའམ་དམར་པོ་བྱས། དཀར་རྒྱན་མི་བྱ་ཤས་བརྒྱན་ཟན་ལིང་རེ་དང་བྱ་ཞལ་རེ་བཙུགས། རྩེ་ལ་ཁྱུང་དང་དར་གདུགས་བཙུགས། ལྕགས་རི་ལ་རྩང་ཉེར་བརྒྱད་དམ་དྲུག་ཅུ་རེ་བཞི་འཛུགས་ཡོད་ན་བཟློག་བྱང་བཙུགས། ཤོག་ལིང་གཅིག་བྲུབ་ཁུང་དུ་བཅུག་ལ་མདོས་ཀྱི་འོག་གམ་མདུན་དུ་བཞག །མེད་ན་ཟིན་ལིང་བསྒྲལ་བས་འཐུས། གཞན་སྣོད་གཙང་མར་ངར་མི་ནག་པོ་གཅིག །རྔ་མོང་གི་གཟུགས་གཉིས་གཡས་གཡོན་བཞག །མདུན་རྒྱབ་ཏུ་དཀར་གཏོར་དམར་གཏོར་ཆངས་བུ་གཙང་མ་མང་པོས་བསྐོར་ལ་དགྲ་བོའི་ལྷ་སྲུང་ལ་བསྔོས་ཏེ་མདོས་ཀྱི་ཅུང་ཟད་དམའ་སར་བཞག །གཞན་ཡང་བརྒྱ་རྩ་འབུལ་རྒྱུ་ནི་གཏོར་ཆུང་བརྒྱ་རྩ་འཚགས་བྱས། དེ་དང་མཉམ་དུ་འབྲུའི་མཆན་ལིང་ཆུང་རེ་གྲུབ་ན་ལེགས། ཤིན་ཏུ་བསྡུས་ན་ཟོར་ཐབས་ནི། ཐོད་པའམ་ལྕགས་སྡེར་དུ་གཏོར་མ་དམར་ནག་གཙོ་འཁོར་ལྔ་ལ་ཤ་ཁྲག་གིས་བརྒྱན་ཅིང་དབུས་མ་ལ་བྱ་མགོ་བཙུགས། ཤོག་ལིང་གཅིག་གཏོར་སྣོད་ཞབས་སུ་བཏིང་། དགྲ་བོའི་ལྷ་སྲུང་ལ་གཏོར་ཆུང་གཅིག་དང་ཆངས་བུ་སྣོད་གཅིག་ཏུ་བཞག ། ལིང་ཆུང་ཤ་དུམ་མཐེབ་སྐྱུས་གསོ་ཞིང་འདོན། མཐར་གཏོར་མར་ཤོག་ལིང་མེ་རི་བཙུགས་པ་སྟེ་སྲེག་ཟོར་དུ་འཕེན། དེ་ཡང་གདོང་ལྔའི་རྒྱ་གཞུང་ལས། རང་ཉིད་ནག་པོ་ཆེན་པོར་བསྒོམ། །ཧེ་རུ་ཀ་དཔལ་སྙིང་དབུས་བཞུགས། །ཡེ་

[Full Size]

ཤེས་སྤྱན་དྲངས་འགུགས་རྒྱས་གདབ། །ཅེས་གསུངས་པས། དེའི་དོན་བྱ་རོག་ཆེན་པོའི་རྒྱུད་དང་། ཁྲག་མཚོ་ཁོལ་ཆེན་གྱི་རྒྱུད་དང་། རྩྭ་མི་ཆེན་པོའི་མན་ངག་བཞིའི་དོན་བསྡུས་པ་ནི། ཨོཾ་ཧཱིཧ་ཧ་ཧཱུྃ་ཧཱུྃ་ཕཊ། ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་སྐད་ཅིག་གིས། །ཧཱུྃ་ལས་གསེར་མདོག་འཁོར་ལོ་ནི། །རྩིབས་བརྒྱད་སྟེང་འོག་རྩིབས་དང་བཅུ་། །རྣོ་ངར་ལྡན་པ་གཡས་སུ་འཁོར། །དེ་ནང་པདྨ་འདབ་བརྒྱད་ཀྱི། །དབུས་དང་འདབ་མར་པད་ཉིའི་སྟེང་། །གཙོ་བོ་ཡབ་ཡུམ་མངོན་རྟོགས་འདི་བསྐྱོད་མཛད་ཆོས་རྗེའི་རྒྱ་གཞུང་ངོ་། །ཧཱུྃ་ལས་འོད་འཕྲོས་དོན་གཉིས་བྱས། །ཚུར་འདུས་ནག་པོ་ཆེན་པོ་ནི། །ཞལ་གཅིག་སྤྱན་གསུམ་ཕྱག་བཞི་པ། །གྲི་གུག་རལ་གྲི་ཐོད་ཁྲག་དང་། །ཁ་ཊཾ་ག་བསྣམས་དྲག་པོའི་སྐུ་། །རྒྱན་དང་ཆ་ལུགས་རྣམ་པར་རྫོགས། །ཙནྟི་གྲི་ཐོད་འཛིན་པས་འཁྱུད། །ཕྱོགས་མཚམས་རང་འདྲའི་མགོན་པོ་བརྒྱད། །ནང་དུ་ཞལ་གཟིགས་བདག་ལ་སྲུང་། །རྩིབས་བརྒྱད་རྩ་བ་ཧཱུྃ་ཡིག་ལས། །ལས་མགོན་བརྒྱད་ཀྱིས་ཕྱི་ལ་གཟིགས། །ཀུན་གྱི་གནས་གསུམ་འབྲུ་གསུམ་དང་། །རང་གི་ཐུགས་ཀར་པདྨའི་སྟེང་། །ལྷན་སྐྱེས་ཡེ་ཤེས་

[Full Size]

གསལ་བ་ཡི། །ཐུགས་ཀར་པདྨ་ཉི་ཟླའི་སྟེང་། །རྡོ་རྗེ་རྩེ་ལྔའི་ལྟེ་བ་ལ། །ཉི་ཟླའི་གའུར་ཧཱུྃ་ཡིག་གི །ནང་དུ་བསྲུང་བྱ་ཐམས་ཅད་ཚུད། །ཧཱུྃ་མཐར་ཡིག་བདུན་སྙིང་པོའི་བསྐོར། །དེ་ལས་འོད་ཟེར་འཕྲོས་པ་ཡིས། །ཡེ་ཤེས་པ་དང་དབང་གི་ལྷ། །སྤྱན་དྲངས་དམ་ཡེ་དབྱེར་མེད་གྱུར། །ཛཿཧཱུྃ་བཾ་ཧོ༔ ཨ་བྷི་ཥིཉྩ་མཱི༔ དབང་ལྷ་རྣམས་ཀྱིས་དབང་བསྐུར་ནས། །མི་སྤྱོད་ལ་སོགས་དབུ་བརྒྱན་གྱུར། །བདག་ཉིད་སྐུ་ཡི་འོད་ཟེར་ལས། །མགོན་སྐུ་ཁྲོ་ཆུང་དཔག་མེད་འཕྲོས། །གནོད་བྱེད་ནམ་མཁའི་མཐར་བསྐྲད་ནས། །ཚུར་འདུས་འཁོར་ལོའི་ཕྱི་རོལ་དུ། །ཡེ་ཤེས་མགོན་པོ་བཞེངས་ཐབས་ཅན། །ཕྱིར་གཟིགས་བཟློག་པའི་ལས་མཛད་གྱུར། །དེ་རྒྱབ་རྡོ་རྗེའི་ར་གུར་ནི། །སྟེང་འོག་བར་མཚམས་སྲུབ་མེད་པ། །དེ་རྒྱབ་རྡོ་རྗེ་ཕ་ལམ་གྱི། །བྲག་རི་རྔམས་མཐུག་གྲུ་བཞིར་གྱུར། །དེ་རྒྱབ་རྒྱ་མཚོའི་རྦ་རླབས་འཁྲུགས། །ཟླུམ་པོ་གཏིང་ཟབ་ནཱག་ལ་རྔམས། །དེ་རྒྱབ་མེ་རིའི་གུར་ཁང་ནི། །གྲུ་གསུམ་དམར་ནག་རབ་ཏུ་འབར། །དེ་རྒྱབ་སྤུ་གྲི་ངར་མ་ཡི། །ཟླ་གམ་རབ་ཏུ་འཁྲུགས་པའི་གུར། །དེ་རྒྱབ་དུག་ཆེན་ཧ་ལའི་གུར། །སྨུག་

[Full Size]

ནག་གྲུ་བཞི་དུག་རླངས་འཕྱུར། །དེ་རྒྱབ་སྡེ་བརྒྱད་དྲེགས་པའི་ཚོགས། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་གནོད་སྦྱིན་ཁྲི། །ཐམས་ཅད་རབ་༄༅ཁྲོས་མཚོན་ཆ་ཐོགས། །ཕྱིར་གཟིགས་བར་མཚམས་མེད་པར་གཏམ། །དེ་རྒྱབ་ཡེ་ཤེས་བསྐལ་པའི་མེ། །ཁ་དོག་ལྔ་ལྡན་དུ་མ་འབར། །སྤྲུལ་པའི་ལས་མགོན་བར་མཚམས་གང་། །གནོད་བྱེད་བཀུག་གཟིར་བཅིངས་བ་དང་། །དུག་གིས་སྨྱོས་དང་སྤུ་གྲིས་གཏུབས། །མེས་བསྲེགས་ཆུས་བཀྲུས་བྲག་རིས་མནན། །སྡེ་བརྒྱད་དྲེགས་པའི་ཚོགས་རྣམས་ཀྱིས། །ཟ་སེང་སྲུང་ཟློག་ལས་སྒྲུབ་གྱུར། །ཨོཾ་བྷིཧ་ཧ་ཧཱུྃ་ཧཱུྃ་ཕཊ༔ ཨོཾ་བཛྲ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊབདག་དང་བསྲུང་བྱ་ལ་རཀྵ་རཀྵ་སྭཱ་ཧཱ། རང་གཞན་བསྲུང་བར་འདོད་པས་ནད་ལས་ཐར་བའི་གདམ་པ་གྲུས་དུག་ཆུ་ལས་སྒྲོལ་བ་ལྟར་བགེགས་ཀྱི་འཇིགས་པ་ལས་གྲོལ་ལོ། །སྔགས་འདི་པཎྜི་ཏ་བུདྨ་ཀཱིརྟིས་གདམས་པའོ། །ཨོཾ་བཛྲ་ཀ་ཝུ་ཝ་ཝ་པཱ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། བདག་ཅག་མི་ནོར་འཁོར་དང་བཅས་པ་ལ་རཀྵ་རཀྵ་སྭཱ་ཧཱ། དེ་ལྟ་བུ་སྲུང་འཁོར་རྒྱུན་དུ་བསྒོམས་ན་རྡོ་རྗེ་ཕུབ་རྫོང་བས་ཀྱང་ལྷག །བྱ་རོག་ཆེན་པོའི་རྒྱུད་དང་། ཁྲག་མཚོ་ཁོལ་ཆེན་རྒྱུད་གཉིས་ཀ་ནས། སྲུང་འཁོར་འདི་ནི་

[Full Size]

ཤིན་ཏུ་གསལ་བར་གསུངས་ཤིང་ཕལ་ཆེར་རྒྱུད་གཉིས་ཀ་ཚིག་མཐུན། བགེགས་དང་ལོག་འདྲེན་ཐམས་ཅད་ཀྱང་། །འདིའི་མིང་ཐོས་པས་རབ་ཏུ་བྱེར། །འཇིགས་དང་སྐྱག་པ་ཆེན་པོ་ཡིས། །དེ་མ་ཐག་ཏུ་བྲན་དུ་འགྱུར། །བློ་ལྡན་རིང་པོར་མི་ཐོག་པར། །རྡོ་རྗེ་འཛིན་པའི་ངོ་བོར་འགྱུར། །ཞེས་གསུངས་སོ། །རྒྱུན་དུ་རྗེས་བསྡུས་སོགས་མི་དགོས་སེམས་ངོ་ལ་བཞག་པས་འཐུས་ཏེ། རྒྱུད་གཉིས་ཀ་ལས། གཉིས་མེད་ངང་ལས་མི་དམིགས་བཞག །ཞེས་གསུངས་སོ། །སྔ་དྲོ་སྲུང་བ་ཡིན་ལ་ཕྱི་དྲོ་ཟློག་པ་ནི། ཕྱི་རོལ་གསེར་གྱི་འཁོར་ལོ་དེ། །གནམ་ལྕགས་འཁོར་ལོ་རྩིབས་བརྒྱད་པ། །རྣོ་ངར་རེག་མི་བཟོད་གྱུར་པ། །གཡོན་དུ་དྲག་ཏུ་འཁོར་བར་གྱུར། །རང་གི་ཐུགས་ཀའི་ཧཱུྃ་ཡིག་ལས། །འོད་ཟེར་ནག་པོ་ལྕགས་ཀྱུའི་དབྱིབས། ཕྱོགས་བཅུར་འཕྲོས་པས་གནོད་བྱེད་བཀུག །འཁོར་ལོའི་རྩིབས་ལ་བསྐྱོན་པ་རྣམས། །ལས་མགོན་རྣམས་ཀྱིས་མཚོན་ཆས་རྡེགས། །གསོད་དང་གཏུབ་དང་བཙོས་ལ་འབུལ། །རང་རང་རྣམས་ཀྱིས་ཧབ་ཧབ་ཟོས། །རྡུལ་ཕྲན་བཞིན་དུ་རླག་པར་གྱུར་།ཅེས་བསྒོམ་ཞིང་། ༀ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། ཧྲི་ཏི་ཀ་མ་ལ། ཀ་མ་ལ་མི་སུ་ཨ་པ་ན་ཡ་སྭཱ་ཧཱ། ཞེས་བཟླས་པས་འཆི་བ་བཟློག་པར་གྱུར། ཨོཾ་ཨཱཿཧཱུྃ་

[Full Size]

ཨ་ཨཱ། ཨི་ཨཱི། ཨུ་ཨཱུ། རྀ་རཱི། ལྀ་ལཱ། ཨེ་ཨེ། ཨོཾ་ཨཽ། ཨཾ་ཨཱ། ཙ་ར་ག་ན་མྱག་ཐུམ་རུལ་རྦད། ཅེས་བཟླས་ན་ཀླུ་དང་ས་བདག་གི་གནོད་པ་བྱ་སྤུ་རླུང་གིས་གཏོར་བ་ལྟར་འགྲོ། དཔག་ཚད་ཙམ་དུ་ཡང་ཉེ་མི་ནུས། ལྷ་འདྲེ་གང་གནོད་པའི་སྲོག་ཡིག་འཁྲུགས་བཟློག་ཏུ་བཀོད་པ་དེ་དང་འདྲའོ། །ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ༔ ཤ་ས་ན་བཏགས་པའམ། ཀ་ཝུ་པ་བཏགས་པར་གཞི་སྙིང་བཏགས་ལ་བཟླས་པས། ཕུར་ཁ་བཟློག་པ་དང་བསད་པ་གཉིས་ཀ་འགྲུབ་སྟེ། ཙཱ་མའི་པཎྜི་ཏ་རྡོ་རྗེ་གདན་ཆུང་གི་ཐུགས་བཅུད་དམ་པ་ཨཱི། གདོང་ལྔའི་རྒྱ་གཞུང་ལས། དེ་ནས་མདུན་གྱི་གཏོར་མ་དེ། །ཐུགས་མགོན་ནག་པོ་ཆེན་ལ། །ལས་མགོན་བཞི་ཡིས་བསྐོར་བར་བསྐྱེད། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་མཁའ་འགྲོ་འབུམ། །གནོད་སྦྱིན་ཁྲི་དང་ལྷ་སྲིན་འབུམ། །སྡེ་བརྒྱད་སོགས་ཀྱིས་བསྐོར་བར་བསམ། །ཡེ་ཤེས་སྤྱན་དྲངས་འགུགས་རྒྱས་གདབ། །མཆོད་བསྟོད་རྒྱས་བསྡུས་ཙམ་བྱས་ལ། །ཞེས་དང་། མངོན་རྟོགས་ཡིག་རྙིང་རྒྱས་པ་ལས། ལས་མགོན་དབུ་གཙུག་ནམ་མཁའ་ལ་ཡེ་ཤེས་མགོན་པོ་བསྒོམ་པར་བཤད། གཏོར་མ་ལྔའི་སྟོད་བྱ་མགོ་དང་བཅས་པ་ལྷ་ལྔ་འཁོར་བཅས། བར་མཆོད་རྫས་སྣ་ཚོགས། སྨད་དགྲ་བགེགས་ཤ་ཁྲག །དགྲ་ལིང་དགྲ་བགེགས་དངོས་སུ་བྷེ་སྟེ། མདོས་བྲན་བསང་སྦྱང་བྱ་བ་ནི། ཨོཾ་ཁཎྜ་རོ་ཧེ་ཧཱུྃ་ཧཱུྃ་ཕཊ། ཨོཾ་སྭ་བྷ་ཝས་སྦྱངས། །

[Full Size]

སྟོང་པའི་ངང་ལས་མདུན་གྱི་ནམ་མཁར་པཾ་ལས་པདྨ་རཾ་ལས་ཉི་མའི་དཀྱིལ་འཁོར་གྱི་སྟེང་དུ། གྲི་གུག་སྔོ་ནག་ཡུ་བ་ཧཱུྃ་གིས་མཚན་པ། དེ་ལས་འོད་ཟེར་འཕྲོས། སངས་རྒྱས་མཆོད། སེམས་ཅན་གྱི་དོན་བྱས་དགྲ་བགེགས་གདུག་པ་ཅན་རྣམས་ཚར་བཅད། ཚུར་འདུས་ཡོངས་སུ་གྱུར་པ་ལས། དཔལ་ཡེ་ཤེས་ཀྱི་མགོན་པོ་སྐུ་མདོག་མཐིང་ནག་ཞལ་གཅིག་ཕྱག་བཞི་པ་ཕྱག་གཡས་ཀྱི་དང་པོའི་རྡོ་རྗེའི་མཚན་པའི་གྲི་གུག །འོག་མས་རལ་གྲི་འདེབས་པ། གཡོན་དང་པོ་ཐོད་ཁྲོག །འོག་མས་ཁ་ཊཾ་རྩེ་གསུམ་གྱི་མགུལ་ན་དར་དཔྱངས་འཕྱང་བ། ཞལ་གདང་བ། ལྗགས་འདྲིལ་བ། མཆེ་བ་བཞི་གཙིགས་པ་ཧཱུྃ་ཧཱུྃ་དང་ཕཊ་ཕཊ་ཀྱི་སྒྲ་སྒྲོག་པ། དབུ་སྐྲ་ཨག་ཙོམ་སྨིན་མ་སེར་ཞིང་གྱེན་དུ་འབར་བ། དབུ་གཙུག་ཏུ་རྡོ་རྗེའི་ཁྱུང་ནག་ལྡིང་བ། སྤྱན་གསུམ་དམར་ལ་ཟླུམ་པ་གདངས་མིག་ཏུ་གཟིགས་པ། ཁྲོ་གཉེར་དཔྲལ་བའི་དབྱིངས་སུ་བསྡུས་པ། ཐོད་པ་སྐམ་པོ་ལྔས་དབུ་ལ་བརྒྱན་པ། ཐོད་རློན་ཕྲེང་བས་དོ་ཤལ་བྱས་པ། རིན་པོ་ཆེའི་དབུ་རྒྱན་ལ་སོགས་པ་དང་། སྦྲུལ་དང་མི་གདུག་པའི་རྒྱན་གྱིས་བརྒྱན་པ། སྟག་གི་པགས་པའི་ཤམ་ཐབས་

[Full Size]

གསོལ་བ། ཞབས་གཡས་ཅུང་ཟད་བསྐུམས་པས། གཡོན་བརྐྱངས་བས་གྱད་ཀྱི་འདོར་ཐབས་སུ་སྣ་ཚོགས་པདྨ་དང་ཉི་མ་བམ་གྱི་གདན་ལ་བཞེངས་པ་ལ་མཁའ་འགྲོ་མ་དཀར་སེར་དམར་ལྗང་སྔོ་མཐིང་ཁྲ་མོ་ལ་སོགས་པ་འབུམ་ཕྲག་བཅུས་བསྐོར་ནས་སྤྲིན་ལྟར་དུ་འཁྲིགས་པ། འོག་མདོས་གཞི་དུར་ཁྲོད་ཆེན་པོ་བསིལ་བའི་ཚལ་འཇིགས་སུ་རུང་བ། མཐའི་རྩང་རྣམས་དབང་ཕྱུག་མ་དང་སྲིན་མོའི་ཚོགས་སུ་གྱུར་པའི་དབུས་སུ། གནམ་ལྕགས་ཀྱི་ཁང་སྒྲོམ་གྲུ་གསུམ་མཐིང་ནག་ལྔའི་ནང་དུ། དགྲ་བགེགས་རྣམས་ཚུད་ནས་སྤྱི་བོའི་གཙུག་ཏུ་གནས་པའི་སྟེང་ཁ་ཆོད་དུ་སྣ་ཚོགས་པདྨ་ཉི་མ་བམ་གྱི་གདན་ལྔའི་དབུས་དང་ཤར་ནུབ་ཏུ་ཧཱུྃ་མཐིང་ནག །ལྷོ་བྱང་དུ་བྷྱོདམར་ནག་དང་ཧཱུྃ་ལྗང་ནག་རྣམས་ལས་འོད་ཟེར་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད། དྲེགས་པ་ཐམས་ཅད་ཀྱི་མཐུ་སྟོབས་བསྡུས། ཡོངས་སུ་གྱུར་པ་ལས་དབུས་སུ་ཐུགས་སྤྲུལ་ལས་ཀྱི་མགོན་པོ་འཆི་བདག་བྱ་རོག་གདོང་མཐིང་ནག །ཤར་ན་སྲོག་བདག་བྱ་རོག་གདོང་ཆར་སྤྲིན་མདོག་ཅན། ནུབ་ཏུ་ཚེ་བདག་བྱ་རོག་གདོང་རྡོ་སྟག་ཟིལ་བཅག་

[Full Size]

པ་ལྟ་བུའི་མདོག་ཅན། གསུམ་ཀའང་གཡས་གྲི་གུག་འབར་བ་གདེངས་ཤིང་། གཡོན་བདུད་ཀྱི་ཐོད་པ་ཁྲག་གིས་བཀང་བ་གཡོས་པ། རྐང་པ་བརྡབས་པས་འཇིག་རྟེན་གསུམ་གཡོ་བ། བྱང་དུ་གནོད་སྦྱིན་བྱ་རོག་གདོང་ལྗང་ནག་པུས་མོ་གཡོན་པ་ས་ལ་བཙུགས་ཤིང་། གཡས་བསླང་པ་ཤན་པའི་འདུག་སྟངས་ཅན། ཕྱག་གཡས་གྲི་གུག་བཤའ་གྲིའི་ཚུལ་དུ་ཐུར་དུ་གདེངས་ཤིང་། གཡོན་ཐོད་ཁྲག་གཙོ་ལ་སྟོབ་པའི་ཚུལ་ཅན། བཞི་ཀའང་ཞལ་གཅིག་སྤྱན་གསུམ་མཆེ་བ་བཞི་གཙིགས་ཤིང་ཁྲོ་གཉེར་རྡོ་རྗེའི་བྱ་མཆུ་ཅན་ཧཱུྃ་ཧཱུྃ་ཀློགིས་སྒྲ་སྒྲོག་པ། དབུ་སྐྲ་དང་ཨག་ཙམ་ལས་མེ་ལྕེ་འཕྲོ་བ། ཐོད་པ་སྐམ་རློན་དང་རུས་པ་དང་དུག་སྦྲུལ་གདུག་པས་བརྒྱན་ཅིང་། སྟག་ལྤགས་རློན་པའི་ཤམ་ཐབས་གསོལ་བ། བ་སྤུ་ཐམས་ཅད་རྡོ་རྗེའི་རང་བཞིན། ཕྱག་ཞབས་རྡོ་རྗེའི་བྱ་སྡེར་རྣོ་བ། རྫུ་འཕྲུལ་རྡོ་རྗེའི་བྱ་གཤོག་གར་ཡང་ཐོག་མེད་འཕུར་ལྡིང་སྣ་ཚོགས་བྱེད་པ། ལྷོར་སྒྲོལ་ཡུམ་རྩ་འཇིབ་མ་ཁྲག་རུལ་མདོག་ཅན་ཞལ་གཅིག་རབ་ཏུ་ཁྲོས་པ། ཕྱག་བཞི་གཡས་རལ་གྲི་ཏྲི་ཤུ་ལ། གཡོན་མདའ་གཞུ་དང་དགྲ་མགོ་ཁྲག་གིས་བཀང་བ་འཐུང་བ། སྐེམ་ཞིང་

[Full Size]

དུད་པའི་གཟུགས་ཅན། གཅེར་བུ་སྤྱན་གསུམ་སྐྲ་གྲོལ་བ། དུག་རླངས་འཁྲིགས་པའི་དབུས་ན་བརྐྱང་བསྐུམ་གྱིས་བཞུགས་པ། དེའི་འཁོར་དུ་ཤར་དུ་ནག་པོ་སྟོང་། ལྷོར་མ་མོ་བྱེ་བ། ནུབ་ཏུ་ཤ་ཟ་འབུམ། བྱང་དུ་གནོད་སྦྱིན་ཁྲི། གཞན་ཡང་ལྷ་མ་སྲིན་སྡེ་བརྒྱད་ཀྱི་མགོན་པོ་ཕྱོགས་སྐྱོང་བ་བཅུ་རྣམས་རང་རང་གི་དམག་ཚོགས་ཀྱིས་གོ་མཚོན་དཔུང་དང་བཅས་པས་བསྐོར་བ། དེ་དག་གི་གནས་གསུམ་དུ་ཨོཾ་ཨཱ༔ཧཱུྃ་དང་རང་རང་གི་ས་བོན་སྲོག་ཡིག་ལས་འོད་ཟེར་ཕྱོགས་བཅུར་འཕྲོས་པས། བསྒོམ་པ་དང་འདྲ་བའི་ཡེ་ཤེས་པ་དང་། འཇིག་རྟེན་རང་རྒྱུད་པའི་དྲེགས་པ་ཐམས་ཅད་སྤྱན་དྲངས་བཛྲ་ས་མ་ཛཿ རོལ་མོའི་སྒྲ་སྒྲོག །དར་ནག་གཡབ། དར་གྱིས་གཡབ། གསུར་ཆེན་གྱི་དུད་པ་བཏང་ལ་འདི་སྐད་དོ། །ཧཱུྃ། བདག་ནི་རིག་འཛིན་སྒྲུབ་པ་པོ། །བདག་ནི་རྣལ་འབྱོར་དམ་ཚིག་ཅན། །བདག་ནི་དཔལ་ཆེན་ཧེ་རུ་ཀ །ཁྱོད་ནི་ནག་པོ་ཆེན་པོ་སྟེ། །ཆོས་སྐྱོང་སྲུང་མ་ཐུགས་དམ་ཅན། །བསྟན་པ་གཉེན་པོ་བསྲུང་བ་དང་། །རྣལ་འབྱོར་དམ་ཅན་སྐྱོང་བའི་ཕྱིར། །ཁྱོད་ཀྱི་ཐུགས་དམ་དུས་ལ་བབ། །དོ་ནུབ་བཟློག་པའི་དཔུང་ལ་བྱོན། །རྣམ་འབྱོར་

[Full Size]

བདག་ལ་དགྲ་བྱུང་ན། །ཡེ་ཤེས་སྤྱན་ལྡན་དུས་ལ་བབ། །དོ་ནུབ་བཟློག་པའི་དཔུང་ལ་བྱོན། །དཔལ་ལྡན་ནག་པོ་ཆེན་པོ་ཁྱོད། །ཆོས་ཀྱི་དབྱིངས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །བསྟན་སྲུང་ལེགས་ལྡན་ནག་པོ་ནི། །དུར་ཁྲོད་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །ཡུམ་ཆེན་མ་མོ་རྩ་འཇིབ་མ། །བསིལ་བ་ཚལ་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་སྲོག་བདག་ནག་པོ་ནི། །བདུད་ཀྱི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་འཆི་བདག་ནག་པོ་ནི། །གཤིན་རྗེའི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་ཚེ་བདག་དམར་པོ་ནི། །ཀླུ་ཡི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་སྒྲོལ་གིང་ནག་པོ་ནི། །སྲིན་པོའི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་སྲོག་གཟན་དམར་པོ་ནི། །བཙན་གྱི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་ཤན་པ་ནག་པོ་ནི་། །གཟའ་

[Full Size]

ཡི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་ཤེལ་གིང་ནག་པོ་ནི། །གཙུག་ལག་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་ཤ་ཟ་ནག་པོ་ནི། །དམུ་ཡི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་དུག་རླངས་ནག་པོ་ནི། །ཀླུ་ཡི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །མགོན་པོ་ཆོ་འཕྲུལ་བདག་པོ་ནི། །ཐེའུ་རང་གནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན་། །མགོན་པོ་ནད་ཀྱི་བདག་པོ་ནི། །མ་མོའི་གནས་ནས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །ཧཱུྃ། ནག་པོ་སྟོང་གི་ཚོགས་དང་བཅས། །དུར་ཁྲོད་གནས་ནས་སྐུ་བཞེངས་ལ། །དཔུང་གི་ཚོགས་དང་སྐུ་སྐྱོད་ཅིག །གོ་མཚོན་བཅས་པས་སྐུ་སྐྱོད་ཅིག །དོ་ནུབ་བཟློག་པའི་དཔུང་ལ་བྱོན། །ཤ་ཟ་འབུམ་གྱི་ཚོགས་དང་བཅས། །དུར་ཁྲོད་གནས་ནས་སྐུ་བཞེངས་ལ། །དཔུང་གི་ཚོགས་དང་སྐུ་སྐྱོད་ཅིག །གོ་མཚོན་བཅས་པ་སྐུ་སྐྱོད་ཅིག །དོ་ནུབ་བཟློག་པའི་དཔུང་ལ་བྱོན། །མ་མོ་བྱེ་བའི་

[Full Size]

ཚོགས་དང་བཅས། །རྒྱ་མཚོའི་གླིང་ནས་སྐུ་བཞེངས་ལ། །དཔུང་གི་ཚོགས་དང་སྐུ་སྐྱོད་ཅིག །གོ་མཚོན་བཅས་པ་སྐུ་སྐྱོད་ཅིག །དོ་ནུབ་བཟློག་པའི་དཔུང་ལ་བྱོན། །གནོད་སྦྱིན་ཁྲི་ཡི་ཚོགས་དང་བཅས། །རི་རབ་ངོས་ནས་སྐུ་བཞེངས་ལ། །དཔུང་གི་ཚོགས་དང་སྐུ་སྐྱོད་ཅིག །གོ་མཚོན་བཅས་པ་སྐུ་སྐྱོད་ཅིག །དོ་ནུབ་བཟློག་པའི་དཔུང་ལ་བྱོན། །བཅོམ་ལྡན་དཔལ་ཆེན་སྤྱན་སྔ་རུ། །ཇི་ལྟར་ཁས་བླངས་དམ་བཅས་པའི། །མཁའ་འགྲོ་བྱེ་བ་འབུམ་སྡེ་དང་། །ཕྱོགས་སྐྱོང་སྡེ་བརྒྱད་དྲེགས་པའི་ཚོགས། །བསྟན་སྲུང་མ་ལུས་སྐུ་བཞེངས་ལ། །དོ་ནུབ་བཟློག་པའི་དཔུང་ལ་བྱོན། །ཨོཾ་མ་ཧཱ་ཀཱ་ལ་ཡ་ཨེ་ཨ་ར་ལི་ཧཱུྃ་ཤྲཱི་ས་མ་ཡ་ཛཿ ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿཛཿ ཨརྒྷཾ་སོགས་པྲ་ཏིཙྪ་སྭཱ་ཧཱ། ཤྲཱི་མ་ཧཱ་ཀཱ་ལ་ཨེ་ཧི་ཛཿཧཱུྃཔཾ་ཧོ༔ ཞེས་བརྗོད་པས་མགོན་པོ་འཁོར་བཅས་སྤྲིན་གྱི་ཕུང་པོ་འཐིབ་པ་བཞིན་བྱོན་ནས་དམ་ཚིག་པ་ལ་ཐིམ་པར་བསམས་ལ། ཧཱུྃ། རཀྟ་དུག་སྣ་ཨ་མྲྀ་ཏ། །ལེགས་པར་བྱུག་པའི་གཞལ་ཡས་སུ། །པད་ཉི་ཞིང་ཆེན་གདན་སྟེང་དུ། །འཁོར་བཅས་ཅི་བདེར་བཞུགས་སུ་གསོལ། །ཧཱུྃ། རྒྱ་གར་དབུས་ཀྱི་རྡོ་རྗེ་གདན། །འགྱུར་མེད་རྒྱུན་དུ་བརྟན་

[Full Size]

པའི་གནས། །དུས་གསུམ་སངས་རྒྱས་བྱོན་པའི་གནས། །རྡོ་རྗེ་གདན་གྱི་ཤར་ཕྱོགས་ན། །གཙུག་ལག་ཁང་ཆེན་ནཱ་ལེནྡ། །ཆོས་སྐྱོང་སྲུང་མར་མངའ་གསོལ་བའི། །ཡེ་ཤེས་མགོན་པོ་བྱ་རོག་མཚན། །ཁྲག་འཐུང་རྒྱལ་པོའི་སྤྲུལ་པ་སྟེ། །བསྟན་པ་བསྲུང་ཕྱིར་འཇིགས་པའི་གཟུགས། །ནག་པོ་ཆེན་པོ་མཐུ་སྟོབས་ཅན། །ལྷ་སྲིན་སྡེ་བརྒྱད་འཁོར་གྱིས་བསྐོར། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་ལ་སྡང་བྱེད་པའི། །བདུད་དཔུང་ཐམས་ཅད་ཟིལ་གནོན་པ། །དགྲ་བགེགས་མ་ལུས་རྡུལ་རློགས། །བདུད་དགྲ་འདུལ་ལ་ཕྱག་འཚལ་བསྟོད། །ཧཱུྃ། ཡེ་ཤེས་མགོན་པོ་འཁོར་དང་བཅས། །སྔོན་གྱི་ཞལ་བཞེས་དགོངས་མཛོད་ལ། །རྡོ་རྗེ་འཆང་གི་བཀའ་མ་བཅག །དཔལ་ཆེན་ཧྥ་ལོའི་བཀའ་མ་བཅག །རྣལ་འབྱོར་བདག་གི་དམ་མ་བཀྲལ། །གལ་ཏེ་དམ་ལས་འདས་གྱུར་ན། །དུས་གསུམ་སངས་རྒྱས་ཐམས་ཅད་ཀྱིས། །ཐུགས་མཆོག་རྡོ་རྗེ་འབར་བ་ཡིས། །འཁོར་བཅས་བརླག་པར་གདོན་མི་ཟ། །ཨོཾ་མ་ཧཱ་ཀཱ་ལ་ཀ་ཝུ་ཝ་ཝ་པ་ཤ་ཡ་ས་མ་ཡ་ཏིཥྛ་ལྷན། ཨོཾ་མ་ཧཱ་ཀཱ་ལ་ཨ་ཏི་པཱུ་ཧོ་

[Full Size]

པྲ་ཏིཙྪ་ཧོ༔ ཨོཾ་མ་ཧཱ་ཀཱ་ལ་ས་མ་ཡ་ཧ་ན་ཧ་ན་ཧཱུྃ་ཕཊ༔ སླང་ཡང་ཐུགས་ཀའི་ཧཱུྃ་ལས་འོད་འཕྲོས་པས་དབང་ལྷ་རིགས་ལྔ་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བས། སྐུ་གསུང་ཐུགས་ཀྱི་དྲི་མ་དག །ཡེ་ཤེས་ཀྱི་ཆུས་ལུས་གང་སྟེ། ཆུའི་ལྷག་མ་ཡར་ལྷུད་པ་ལས། ཡེ་ཤེས་མགོན་པོ་ལ་འཁོར་ལོ་བདེ་མཆོག་གིས་དབུ་རྒྱུན་པར་གྱུར། སྐད་ཅིག་གིས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་སུ། སྨན་རཀ་གཏོར་མ་ཕྱི་ནང་གསང་བའི་མཆོད་སྤྲིན་བསམ་གྱིས་མི་ཁྱབ་པར་གྱུར། ཨུ་ནེ་ཨུ་ནེ་ཧྲཱིཿ ཨོཾ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ༔ རི་རཱི༔ ལི་ལཱི༔ དམ་རྫས་མ་འཚོགས་ཀྱང་ཡིད་བཞིན་ནོར་བུར་མཐོང་ནས་ལས་བྱེད་པའི་སྔགས་སོ། །ཧཱུྃ། འདི་ནི་སྒྲུབ་པའི་གཞལ་ཡས་ཁང་། །རྣལ་འབྱོར་དམ་ཚིག་ཅན་གྱི་གྲོགས། །དམ་རྫས་ཤ་ཁྲག་སྣ་ཚོགས་དང་། །འབྲུ་ཡི་མཆན་དང་ཁུ་བ་དང་། །ལ་དུ་ལ་ཕུད་ཤིང་ཐོག་དང་། །ཤ་སྣ་དུག་སྣ་ཨ་མྲྀ་ཏ། །དགྲ་བགེགས་ལིང་གར་བཅས་པ་འདི། །མཆོད་པ་འབུལ་ལོ་བཞེས་སུ་གསོལ། །བདུད་རྩི་སྨན་གྱི་མཆོད་པ་དང་། །ཛ་གད་དཔའ་བོའི་མཆོད་པ་དང་། །ཁྲག་གི་ཡོན་ཆབ་དུག་གི་མེ་ཏོག་

[Full Size]

དང་། །ཤ་ཆེན་སྤོས་དང་ཞུན་ཆེན་མར་མེ་དང་། །དུག་གི་འཐོར་འཐུང་ཁྲག་གི་བྱུག་པ་དང་། །ལྷ་བཤོས་དམར་པོ་ཟུར་གསུམ་དང་། །རྐང་ཆེན་དུང་དང་བྷནྡྷའི་རྔ། །ཕྱི་ནང་གསང་བ་བདག་འབུལ་གྱིས། །ཡེ་ཤེས་མགོན་པོ་འཁོར་དང་བཅས། །གནས་འདིར་སྤྲིན་ལྟར་གཏིབས་མཛོད་ལ། །ཐུགས་དམ་བསྐང་ངོ་བཞེས་སུ་གསོལ། །ཐུགས་དམ་གཉན་པོ་བསྐངས་ནས་ཀྱང་། །ཕྲིན་ལས་གཉན་པོ་བཅོལ་བ་ནི། །དྲོངས་ཤིག་དམ་ཉམས་སྙིང་ནས་དྲོངས། །བཟློག་ཅིག་བྱེད་ཁ་དགྲ་ལ་ཟློག །མགོན་པོའི་དམག་སྣ་དགྲ་ལ་དྲོངས། །མགོན་པོའི་རུ་དར་དགྲ་ལ་ཕྱིར། །མགོན་པོའི་མདུན་སྟེང་དགྲ་ལ་ཆོད། །མགོན་པོའི་ཁྲམ་ཁ་དགྲ་ལ་སྤོས། །མགོན་པོའི་ཁྲམ་སྣ་དགྲ་ལ་སྒྱུར། །མགོན་པོའི་བཤུག་པ་དགྲ་ལ་ལོང་། །བྷྱོ༔ མ་གཡེལ་མ་འདའ་ནག་པོ་ཆེ། །ཁྱོད་ཀྱི་ཐུགས་དམ་དུས་ལ་བབ། །བདག་དང་རྒྱུ་སྦྱོར་འཁོར་བཅས་ལ། །དགྲ་དང་བྱད་མ་བྱུང་བ་འདི། །དམ་ཅན་ཁྱོད་ཀྱིས་མ་ཚོར་རམ། །ཡེ་ཤེས་སྤྱན་དང་མི་ལྡན་ནམ། །སྔོན་གྱི་དམ་བཅའ་མི་གཉེར་རམ། །རིག་འཛིན་རྣལ་འབྱོར་མི་སྐྱོང་ངམ། །

[Full Size]

སངས་རྒྱས་བསྟན་པ་མི་སྲུང་ངམ། །དམ་ཉམས་ལོག་འདྲེན་མི་འདུལ་ལམ། །ཁྱོད་ཀྱི་ཐུགས་དམ་དུས་ལ་བབ། །བར་ཆད་བཟློག་པའི་དུས་ལ་བབ། །དཔལ་ལྡན་ཁྲག་འཐུང་རྔམ་པའི་སྐུ། །དུར་ཁྲོད་ཆས་ཀྱི་སྐུ་ལ་བརྒྱན། །སྤྲུལ་པས་འགྲོ་བའི་དོན་མཛད་པ། །དུས་འདིར་བཟློག་པའི་ལས་མཛོད་ཅིག །ཨོཾ་ཧཱི༔ཧ་ཧ་ཧཱུྃ་ཧཱུྃ་ཕཊ༔ ཨོཾ་བཛྲ་ཀ་ཝུ་བཝ་ཝ་པཱ་ཤ་ཡ་མ་ཧཱ་ཀཱ་ལ་ཧཱུྃ་ཧཱུྃ་ཕཊ། ༀ་མ་ཧཱ་ཀཱ་ལ་སུ་ཏྲི་ཡ་མ་དུ་རཿ ཨུ་ནེ་ཨུ་ནེ། ཨུ་མུ་ཀ་ཡེ་ཧཱུྃ་ཛཿ ལྷ་བསྙེན་མ་ཐེམས་ཀྱང་སྒྲུབ་པ་པོ་ལ་ནག་པོ་ཆེན་པོ་ཧེ་རུ་ཀར་མཐོང་ནས་བྲན་བཞིན་ལས་བྱེད་པའི་སྔགས་པའོ། །ༀ་མ་ཧཱ་ཀཱ་ལ་ཙ་ཏུར་ཧསྟ་མ་ཧཱ་ཀཱ་ལ་ཁ་ཁ་མུ་ཁ་ས་པཱ་རི་ཝཱ་ར་ཨརྒྷཾ་པཱཏྱཾ་པུངྒེ་དྷུ་པེ་ཨ་ལོ་ཀེ་གྷནྡྷེ་ནེ་ཝི་ཏྱཱ་ཤབྷ་རཱུ་པ་ཤབྷ་གྷནྡྷེ་ར་ས་སྤརེ་པཱུ་ཛ་ཨཱཿཧཱུྃ། པཉྩ་ཨ་མྲྀ་ཏ་རཀྟ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧཱུྃ། བསྐལ་པ་མེ་ལྟར་འབར་བའི་ཀློང་། །སྣ་ཚོགས་པདྨ་ཉི་མའི་གདན་སྟེང་དུ། །ཞལ་གཅིག་ཕྱག་བཞི་མཐིང་ནག་འཇིགས། །དཔལ་ལྡན་དམ་ཚིག་མགོན་པོར་ཕྱག་འཚལ་བསྟོད། །རྒྱལ་བའི་བསྟན་པ་བསྲུང་བ་དང་། །དམ་ཅན་རྣལ་འབྱོར་སྐྱོང་བའི་ཕྱིར། །རང་བཞིན་གནས་ནས་དུས་བཞིར་དགོངས། །ཡེ་

[Full Size]

ཤེས་མགོན་པོར་ཕྱག་འཚལ་བསྟོད། །རྡོ་རྗེ་སྐུ་ཡི་བྱིན་རླབས་ལས། །ལུས་ཀྱི་ཉེས་པ་ཀུན་སྤངས་ཤིང་། །མཚན་དང་དཔེ་བྱད་ཀུན་ལ་སྤྲས། །སྐུ་ཡི་མགོན་པོར་ཕྱག་འཚལ་བསྟོད། །རྡོ་རྗེ་གསུང་གི་བྱིན་རླབས་ལས། །ངག་གི་ཉེས་པ་ཀུན་སྤངས་ཤིང་། །གསུང་དབྱངས་ཡན་ལག་དྲུག་ཅུར་ལྡན། །གསུང་གི་མགོན་པོར་ཕྱག་འཚལ་བསྟོད། །རྡོ་རྗེ་ཐུགས་ཀྱི་བྱིན་རླབས་ལས། །སེམས་རྟོགས་ཉེས་པ་ཀུན་སྤངས་ཤིང་། །མི་རྟོག་ཡེ་ཤེས་བདེ་བའི་ཐུགས། །ཐུགས་ཀྱི་མགོན་པོར་ཕྱག་འཚལ་བསྟོད། །སྒོ་གསུམ་དྲི་མ་རྣམས་སྤངས་ཤིང་། །ཡོན་ཏན་ཀུན་གྱིས་རྒྱན་པ་པོ། །ཆོས་ཀྱི་རྒྱལ་པོར་མངའ་གསོལ་བ། །ཡོན་ཏན་མགོན་པོར་ཕྱག་འཚལ་བསྟོད། །དམ་ཚིག་སེམས་དཔའི་༴ དཀྱིལ་འཁོར་དུ། །སྣ་ཚོགས་སྣང་བའི་སྤྲིན་སྤྲོས་པས། །སྡང་བ་འདུལ་ཞིང་གདུག་པ་འཇོམས། །ཕྲིན་ལས་མགོན་པོར་ཕྱག་འཚལ་བསྟོད། །སྟོན་པས་ལུང་བསྟན་བསྟན་པ་སྲུངས། །རྣལ་འབྱོར་བཀའ་ཉན་དམ་ཅན་སྐྱོངས། །དམ་ཉམས་སྡིག་ཅན་ཀུན་སྒྲོལ་བའི། །ཆོས་སྐྱོང་མགོན་པོར་ཕྱག་འཚལ་བསྟོད། །བསྟན་སྲུང་མགོན་པོ་ནག་པོ་

[Full Size]

ལ། །རྐང་པ་བརྒྱུད་པས་བསྟོད་བྱས་པས། །དམ་ཅན་མགོན་པོ་ཐུགས་དགྱེས་ཏེ། །བདག་གི་ཅི་འདོད་སྒྲུབ་པར་མཛོད། ༈ །དུས་འདི་ནས་ནི་བཟུང་ནས་སུ། །སྙིང་པོ་བྱང་ཆུབ་མཆིས་ཀྱི་བར། །མགོན་པོ་ཁྱེད་ལ་གྲོགས་བཅོལ་བས། །བདག་གི་མཐུན་རྐྱེན་ཐམས་ཅད་བསྒྲུབ། །བདག་ཅག་འཁོར་དང་བཅས་པ་ཡི། །མི་མཐུན་ཕྱོགས་རྣམས་ཞི་བར་མཛོད། །ཚེ་དང་དཔལ་འབྱོར་རྒྱས་པར་མཛོད། །ཐམས་ཅད་དབང་དུ་འདུ་བ་དང་། །དགྲ་བགེགས་གཞོམ་པའི་ཕྲིན་ལས་མཛོད། །དཔལ་མགོན་བྱ་རོག་གདོང་ཅན་ལ་རྐང་པ་བརྒྱད་པས་བསྟོད་པ་འཕགས་པ་ཀླུ་སྒྲུབ་ཀྱིས་མཛད་པ་ལ། ལོཙྪ་བ་ཆོས་ཀྱི་དབང་ཕྱུག་གིས་དོན་འགྱུར་བོད་སྐད་དུ་བསྒྱུར་བའོ། །གདོང་ལྔའི་གཞུང་ལས། རྐང་པ་བརྒྱད་པས་བསྟོད་པའོ། །ཞེས་གསུངས་སོ། །གདོང་ལྔའི་རྒྱ་གཞུང་ལས། ཁྱད་པར་དུ་ཐུགས་དམ་བསྐང་བ་ལས། ཞེས་པས་ཐུགས་དམ་མ་བསྐང་བར་རྐྱེན་ལྔ་མི་བཟློག་པས། ཧ་སྒྲོགས་མ། བསྟན་རྒྱས་མ། རིན་ཆེན་ཕྲེང་བ་སོགས་འདོན་མཁན་ཡོད་ན་ལེགས་པར་གསུངས། མེད་ཀྱང་སྐབས་འདིར་བསྡུས་པ་བྱ་བ་ནི། གཡག་ནག་བཅས་ན་ལེགས། བསྐང་རྫས་བྲིས་པའི་དམིགས་རྟེན་ཡོད་ན་ཆོག །བསྐང་གཏོར་ཡོད་ན་གསོ་བྲན་བྱས། མེད་ན་གཏོར་ཟློག་ཉིད་གསོ་བྲན་བྱས་ལ། ཡིད་ཀྱིས་གཡག་ལུགས་

[Full Size]

སོགས་སྤྲུལ་ཞིང་འཇིག་རྟེན་དག་ན་ཡོད་པའི་གཡག་ནག །ལུག་ནག་བྱ་ནག་ཁྱི་ནག་ར་ནག་ལ་སོགས་པ་ཐམས་ཅད་བློས་བླངས་ནས་མགོན་པོ་འཁོར་བཅས་བསྐང་རྫས་སུ་དམིགས་ལ་ཕུལ་བའི་དམིགས་པ་རྩེ་གཅིག་དང་བཅས་པས། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཡི་གེ་ཏི་ལས་གཡག་ནག་རྔམས་ཤིང་བརྗིད་པ་དང་། ལུག་ནག་སྤྱི་དཀར་རྣམས་དཔྲལ་བ་དམར་གྱིས་བྱུག་ཅིང་། རྭ་ལ་དར་ནག་གིས་ཅོད་པན་འཕུར་བ། དར་ཚོན་རྔ་ཚོན་སྔགས་བྱང་གིས་དཔུང་པ་མཛེས་པ་དགྲ་བགེགས་ཀྱི་བམ་རོ་བཀལ་བ། ཞུན་མར་ཉི་ཟླ་ལྟར་གསལ་བ། དར་ནག་གི་རུ་མཚོན་སྤྲིན་ལྟར་གཏིབས་ཤིང་། ཤ་ཆེན་གྱི་དུད་པ་སྤྲིན་ལྟར་འཕྱུར་བ། བདུད་རྩིའི་གསེར་སྐྱེམས་མཚོ་ལྟར་དཀྱིལ་བ། དམར་གྱི་གཏོར་མ་རི་ལྟར་སྤྱང་པ། དེ་འདྲ་རེ་རེ་ལ་ཡང་གྲངས་མེད་པ་འཕྲོ་བར་གྱུར། ཨོཾ་སརྦ་དྷརྨ་པཱ་ཙ་པཉྩ་རཏྣ་ཀཱ་ཡ་ཀོ་ཏི་བྷི་བྷ་ཝ་ཝཱཀ་སྭ་བྷ་ཝ་ཤུདྡྷོ྅ཧཾ༔ བསམ་གྱིས་མི་ཁྱབ་པར་སྤེལ་བའི་སྔགས་ཁྲག་མཚོ་ཁོལ་མ་ནས་གསུངས་སོ། ཧཱུྃ། མ་ཧཱ་ཀཱ་ལ་མཐུ་བོ་ཆེ། །ནག་པོ་ཆེན་པོ་ལྕམ་དྲལ་དང་། །ལས་མཁན་ནག་པོ་བྱ་རོག་གདོང་། །ཆོས་ཀྱི་དབྱིངས་ནས་སྐུ་བཞེངས་པ། །གཤེགས་ཤིག་བུ་ཡི་གནས་འདིར་

[Full Size]

གཤེགས། །བུ་ཡི་གནས་མཆོག་དམ་པ་ན། །ཁྱོད་ལ་མཐུན་པའི་དམ་རྫས་ནི། །གཡག་ལུག་ནག་པོ་མར་གྱིས་བྱུག །དར་ནག་རུ་མཚོན་རྭ་ལ་བརྒྱན། །ཕྲག་པར་དགྲ་བགེགས་ལིང་ག་བསྐྱོན། །གསེར་སྐྱེམས་བདུད་རྩིས་བྲན་པ་འདིས། །ནག་པོ་ཆེན་པོའི་ཐུགས་དམ་བསྐང་། །བྱ་རོག་གདོང་ཅན་ལ་སོགས་པའི། །འཁོར་གྱི་མ་དང་མཁའ་འགྲོའི་ཚོགས། །སྣང་གསལ་འོད་ཀྱི་ཞུན་མར་དང་། །ཤ་ཆེན་སྤོས་ཀྱི་དུད་སྤྲིན་གྱིས། །ནག་པོ་ཆེན་པོའི་ཐུགས་སྤྲུལ་ཏེ། །མཁའ་ལ་སྤྲིན་ལྟར་གཏིབས་ནས་ཀྱང་། །སྒྲུབ་པ་པོ་ལ་བུ་བཞིན་སྐྱོངས། །དར་ནག་རུ་མཚོན་ལ་སོགས་ཀྱིས། །བྱ་རོག་གདོང་ཅན་དཔོན་དང་གཡོག །ཐུགས་དམ་གནད་ནས་བསྐུལ་བའི་ཚེ། །མྱུར་དུ་བསྐྱོད་ཅིག་མཁའ་འགྲོའི་ཚོགས། །རོ་ལངས་ལ་སོགས་གཅན་གཟན་སྣ་ཚོགས་དང་། །བསྟན་སྲུང་བཀའ་ཡི་བྱ་ར་བྱེད་པ་རྣམས། །བསྐང་ངོ་བསྐལ་པར་ཐུགས་དམ་བསྐང་། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ལྷ་ཆེན་མ་ཧཱ་ཀཱ་ལ་གསན་ཅིང་དགོངས་སུ་གསོལ། །མ་ཧཱ་ཀཱ་ལའི་དཀྱིལ་འཁོར་སྒོར་ཞུགས་ནས། །བཀའ་ཡི་

[Full Size]

དམ་ཚིག་གཉན་པོ་སྲུང་རྒྱུ་ལ། །བཀའ་ལྟར་མ་སྒྲུབ་གཞུང་བཞིན་རྔོ་མ་ཐོག །བསྙེན་སྒྲུབ་དུས་འདས་ཕུད་དང་གཏོར་མ་ཆག །རྩ་བ་ཡན་ལག་དམ་ཚིག་ཉམས་པ་ཀུན། །རྡོ་རྗེ་སྲིན་པོ་དུར་ཁྲོད་ཚོགས་ལ་བཤགས། །ལུག་ནག་ཁྱི་ནག་གཅན་གཟན་ལ་སོགས་པ། །ཤ་ཁྲག་དམར་གྱི་གཏོར་མ་ཆག་གྱུར་ཏེ། །བྱ་རོག་གདོང་ཅན་འཁོར་དང་བཅས་ལ་བཤགས། །བསྟན་སྲུང་མཐུ་ཡི་དངོས་གྲུབ་བསྩལ་དུ་གསོལ། །གཞན་ཡང་ཁྱེད་ལ་མཆོད་སྒྲུབ་ལྷར་བཟུང་ནས། །དུས་བཞིའི་ཚོགས་ཕུད་ནང་ནུབ་མཆོད་རྒྱུ་ལ། །མཆོད་པའི་འབྱོར་ཚོགས་ཆུང་སྟེ་སྐུ་མ་མཉེས། །ཕྱི་རྟེན་གཡག་ལུག་ལ་སོགས་མ་འབྱོར་བས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །བཟླས་བརྗོད་སྲོག་སྙིང་གནད་ནས་མ་ཁུལ་ཏེ། །བཟླས་བརྗོད་སྔགས་ཀྱི་དམ་ཚིག་ཉམས་པ་ཀུན། །ལྷ་ཆེན་འཁོར་དང་བཅས་ལ་མཐོལ་ལོ་བཤགས། །ཡི་དམ་རྩེ་གཅིག་གཞུང་བཞིན་སྒོམ་སྒྲུབ་ལ། །ཏིང་འཛིན་རྩེ་གཅིག་མི་གསལ་ནག་པོ་བསྐྱེད། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །དར་ནག་

[Full Size]

བྷནྡྷ་དམ་རྫས་ལ་སོགས་པ། །རྟེན་རྫས་མ་ཚང་ཡན་ལག་དམ་ཚིག་ཉམས། །ནག་པོ་འཁོར་དང་བཅས་ལ་མཐོལ་ལོ་བཤགས། །གནོང་ངོ་འགྱོད་དོ་མ་དང་མཁའ་འགྲོའི་ཚོགས། །མཐོལ་ལོ་བཤགས་སོ་ཆོས་སྐྱོང་སྲུང་མའི་ཚོགས། །མཐོལ་བཤགས་བཟོད་པ་དང་དུ་ཡར་བཞེས་ལ། །སྒྲིབ་མེད་དངོས་གྲུབ་རྣམ་གཉིས་བསྩལ་དུ་གསོལ། །བསྐང་བཤགས་འདི་གཉིས་སྤུ་གྲི་ཀླད་གཟེར་གྱི་རྒྱུད་ཚིག་ཕྱག་བཞི་པ་ཉིད་ཀྱིས་གསུངས་པ་ཡིན་པས་གཞན་བསྐང་གསོ་ཀློག་པ་ལས་ཀྱང་། འདི་རང་ཚར་མང་དུ་བཏོན་ན་བྱིན་རླབས་ཆེའོ། །ཨོཾ་ས་མ་ཡཱ། ཨཱ༔ས་མ་ཡཱ། ཧཱུྃ་ས་མ་ཡཱ། ཨོཾ་བཛྲ་ཀ་ཝུ་ཝ་པ་ཤ་ཡ་མ་ཧཱ་ཀཱ་ལ་ཡོ་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿ ཨོཾ་བཛྲ་སཏཱ་སོགས་ནས། སཏཱ་ཨཱཿ ཞེས་ཡིག་བརྒྱ་བཟླས་ནས་དམ་ཚིག་ཉམས་ཆག་བྱུང་ན་བསྐང་ཞིང་བཤགས༔ ས་མ་ཡ་དམ་ཚིག་གི་སྔགས་སྡེབ་ཟབ་མོ་གཏེར་མགོན་གཞུང་ནས་གསུངས་ལྟར་བྱུང་བའམ། རང་གིས་མ་ཚོར་བར་ཉམས་ཆག་འབྱུང་སྲིད་པས། དེ་ལ་བསྐང་བཤགས་མ་བྱས་པར་བཟློག་པ་སོགས་དྲག་པོའི་ཕྲིན་ལས་བྱས་ན། ལས་མི་བྱེད་པར་རང་ལ་ལྡོག་ཉེས་ཡོད་པས་གལ་ཆེའོ། །གདོང་ལྔའི་ཤོག་དྲིལ་ལས། དེ་ནས་བསྙེན་པ་བྱ་བ་སྟེ། སུམ་སྦྲེལ་བསྙེན་པ་བརྒྱན་ཅན་ནི། །བྱ་རོག་གདོང་གསུམ་ཐུགས་མགོན་དང་། །ཡེ་ཤེས་པ་དང་སུམ་དྲིལ་

[Full Size]

བྱས། །ཧེ་རུ་ཀ་ཡི་བསྙེན་པས་བརྒྱན། །ཞེས་གསུངས་པའི་དོན་ནི། ཨོཾ་ཧཱིཧ་ཧ་ཧཱུྃ་ཧཱུྃ་ཕཊ། ༀ་བཛྲ་ཀ་ཝུ་ཝ་ཝ་པཱ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཕཊ། ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལ་གྷ་ན་ཧྲི་ཏ་ཧཱུྃ་ཕཊ། ཨོཾ་མ་ཧཱ་ཀཱ་ལ་ཏྲཀཱད་ཛཿ ཨོཾ་མ་ཧཱ་ཀཱ་ལ་སི་ཏི་ཡ་མ་དུ་ཛཿ ཞེས་བཟླས་པས་བསྙེན་པ་དེ་ལ། དགྲ་བགེགས་མཱ་ར་ཡ་ཧཱུྃ་ཕཊ། སྒྲུབ་པ་དེ་ལ་བཞི་སྙིང་བཏགས་པ་ལས་སྦྱོར་ཏེ་ཡིག་རྙིང་ལུགས་སོ། །ཨོཾ་ཧཱིཧ་ཧ་ཧཱུྃ་ཧཱུྃ་ཕཊ། ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ། ཨོཾ་ཀརྨ་བཛྲ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལི་རེའུ་ཏྲི་མ་དུ་ཤ་ཛ་ཛཿ འདི་བསྙེན་པ། དགྲ་བགེགས་མཱ་ར་ཡ་ཧཱུྃ་ཕཊ། བཏགས་པ་སྒྲུབ་པའོ། །དེ་ནས་ཤ་ས་ན་སྤེལ་ཚིག་དང་བཅས་པ་དང་གཞི་སྙིང་དང་བཟློག་བྱང་གི་སྔགས་རིང་བཟླས་པ་ལས་སྦྱོར་ཏེ་གཏོར་ཟློག་ཟུར་རྒྱན་ཡེ་ཤེས་དབང་། ཕྱུག་གིས་བཛད་པ་ལས་བྱུང་བ་སྟེ་འདི་ཞང་ཚལ་པའི་ལུགས་སོ། །ཁོ་བོས་མན་ངག་རྟགས་མྱུར་དུ་འོང་བའི་ཟབ་ཁྱད་ནི། དང་པོ། ཨོཾ་ཧཱིཧ་ཧ་ཧཱུྃ་ཧཱུྃ་ཕཊ། ཕྲེང་སྐོར་གཅིག་འདོན་པ་ཧེ་རུ་ཀའི་བརྒྱན། ༀ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། ༀ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀྵ་སྲོག་དུང་དུང་ཛ་ཨོཾ་མ་ཧཱ་ཀཱ་ལི་དེ་ཝི་རུ་པཱི་ནི་ཧཱུྃ་ཕཊ། ཅེས་ཕྱག་བཞི་པ་དང་གདོང་ལྔ་རྩ་འཇིབ་མ་རྣམས་སྦྲེལ་མར་

[Full Size]

བཟླས་པ་བསྙེན་པ། གཞི་སྙིང་སྒྲུབ་པ། བསད་ལས་དང་མནན་སྲེག་འཕང་གསུམ་ལས་སྦྱོར་རོ། །དེ་ནས་བྲུབ་ཁུང་མདུན་དུ་བཞག །མེད་ན་གཏོར་གདན་ལིང་ག་ལ་དམིགས་ཤིང་། མདུན་དུ་ཟངས་ལྕགས་སམ་ཐོད་པར་ཟན་ལིང་ཆེ་བ་གཅིག་བཞག་ལ་ཁྲག་གམ་ཆང་རྒོད་ཀྱིས་བྲན་ལ། རྒྱས་པར་སྤྲོ་ན་གཞན་དུ་གསལ་ལྟར་བསྒྲལ་ལས་རྒྱས་པའམ། བསྡུ་ན་འདིས་འཐུས་ཏེ་བྲུབ་ཁུང་བསྐྱེད་ཆོག་འདི་རྡོ་རྗེ་ཕུབ་རྫོང་གི་རྒྱ་གཞུང་ངོ་། །མདུན་གྱི་དཀྱིལ་འཁོར་མི་དམིགས་པ་ལས་གྲུ་གསུམ་མཐིང་ནག་ཁྲག་ཞག་ཀླད་པའི་རྒྱ་མཚོ་དམར་ནག་འཕྱོ་བ། ལས་ཀྱི་བཙོན་དོང་ལྕགས་སྲེག་གི་ཁང་སྒྲོམ་ཐར་ས་མེད་པའི་གནས་ཁ་ཁྱེར་ཆེ་བ་གཏིང་ཟབ་པ། མཚོན་ཆ་སྣ་ཚོགས་འཁྲུག་པ། ནད་ཀྱི་ན་བུན་འཐུལ་བ། ཁྲག་གི་སེར་བ་འབེབས་པ། བསྐལ་པའི་མུན་ནག་འཐིབས་པ། དེའི་ནང་དུ་ནི་ཏྲི་ལས་གནོད་བྱེད་དགྲ་བགེགས་བྱད་མ་ཇི་ལྟ་བ་བཞིན་ཕུང་ཁམས་སྐྱེ་མཆེད་ཡོངས་སུ་རྫོགས་པ་གསལ་བར་གྱུར། ན་མོ་རྡོ་རྗེ་འཆང་། གསང་བའི་བདག་པོ། ཀླུ་སྒྲུབ་རྒྱལ་བ་ཡབ་སྲས། རྡོ་རྗེ་གདན་པ་ཆེ་ཆུང་། དཔལ་ཆེན་རྒུ་ལོ་ཙཱ། གྲུབ་ཐོབ་ཁམས་པ་མི་གསུམ། མཁའ་སྤྱོད་ནམ་མཁའ་རྒྱལ་མཚན་ལ་སོགས་པ་རིག་འཛིན་གྲུབ་ཐོབ་ཐམས་ཅད་ཀྱི་བདེན་པ་

[Full Size]

དང་། སངས་རྒྱས་རབས་བདུན་ལ་སོགས་པའི་དཀོན་མཆོག་གསུམ་གྱི་བདེན་པ་དང་། འཁོར་ལོ་བདེ་མཆོག་ལྷ་དྲུག་ཅུ་རྩ་གཉིས་ལ་སོགས་པ་རྒྱུད་སྡེ་བཞིའི་ལྷ་ཚོགས་ཐམས་ཅད་ཀྱི་བདེན་པ་དང་། ནག་པོ་ཆེན་པོ་བྱ་རོག་གི་མཚན་ཅན་ལ་སོགས་པ། དམ་པ་ཆོས་སྐྱོང་བའི་སྲུང་མ་ཐམས་ཅད་ཀྱི་བདེན་པ་དང་། བདེན་པ་ཆེན་པོའི་མཐུས། སྤྱིར་ཞིང་བཅུ་ཚང་བའི་བསྟན་པའི་སྤྱི་དགྲ། །དོ་བསྔོ་ཞིང་ཕོད་བཙུགས་པ་རྣལ་འབྱོར་པ་བདག་གི་སྒོས་དགྲ། །ད་དགྲ་ཐད་དུ་སྡང་བ། ཕྱི་དགྲ་ཡིད་ལ་འཆང་བ། །བསམ་ངན་འཆང་བའི་བྱད་མ། བར་ཆད་བྱེད་པའི་བདུད་དང་དམ་སྲི། ཁྱད་པར་དུ་ཡང་རྣལ་འབྱོར་པ་བདག་ཅག་དཔོན་སློབ་ཡོན་མཆོད་བསྲུང་བྱ་མི་ནོར་འཁོར་དང་བཅས་པའི་ཚེ་སྲོག་བསོད་ནམས་ལ་བར་ཆད་དུ་གཅོད་པའི་ནད་འདྲེ་གཅོང་སྲི་སྲོག་གཅོད་བླ་ཁྱེར་ཚེ་ལེན་བདུད་གཅོད་གསོན་བདུད་གཤིན་ལྕགས་ཤི་འདྲེ་གོད་འདྲེ་ཟ་འདྲེ་ཕུང་སྲི་གང་ཡིན་པ་ཐམས་ཅད་གཟུག་ལིང་ག་འདི་ལ་ད་ལྟ་ཉིད་དུ་ཁུག་ཅིག །ཧཱུྃ་ཧཱུྃ་ཧཱུྃ། ཛཿཧཱུྃ་བཾ་ཧོ། གཅིག་གམ་གསུམ་བདུན་སོགས་སྐབས་དང་སྦྱར་ནས། ཧཱུྃ། གྲུ་གསུམ་མཐིང་ནག་འབར་བ་ཡི། །

[Full Size]

ཐོད་པ་སྐམ་རློན་གཞལ་ཡས་སུ། །མེ་རླུང་འཚུབ་མའི་དབུས་དཀྱིལ་ནས། །ལས་ཀྱི་མགོན་པོ་བྱ་རོག་གདོང་། །ཊཱཀྐི་ས་ཡའི་ཚོགས་དང་བཅས། །ཁྱེད་ཀྱི་ཐུགས་དམ་དུས་ལ་བབ། །ཤར་ནས་སྲོག་བདག་བྱ་རོག་གདོང་། །ནག་པོ་སྟོང་གི་ཚོགས་དང་བཅས། །ཁྱེད་ཀྱི་ཐུགས་དམ་དུས་ལ་བབ། །ལྷོ་ནས་རྩ་འཇིབ་ཁྲག་འཐུང་མ། །མ་མོ་བྱེ་བའི་ཚོགས་དང་བཅས། །ཁྱེད་ཀྱི་ཐུགས་དམ་དུས་ལ་བབ། །ནུབ་ནས་ཚེ་བདག་བྱ་རོག་གདོང། །ཤ་ཟ་འབུམ་གྱི་ཚོགས་དང་བཅས། །ཁྱེད་ཀྱི་ཐུགས་དམ་དུས་ལ་བབ། །བྱང་ནས་གནོད་སྦྱིན་བྱ་རོག་གདོང་། །གནོད་སྦྱིན་བྱེ་བའི་ཚོགས་དང་བཅས། །ཁྱེད་ཀྱི་ཐུགས་དམ་དུས་ལ་བབ། ལྷ་སྲིན་སྡེ་བརྒྱད་ཕྱོགས་སྐྱོང་བཅུ། །སྤྲུལ་པ་ཡང་སྤྲུལ་བསམ་མི་ཁྱབ། །ཁྱེད་ཀྱི་ཐུགས་དམ་དུས་ལ་བབ། །ཁྱོད་ནི་སྔོན་གྱི་དམ་ཚིག་ཅན། །དྲག་པོའི་ལས་ལ་བསྐུལ་བའི་ཚེ། །ལ་ལས་ལག་ན་ལྕགས་ཀྱུ་ཐོགས། །ལ་ལས་ལག་ན་ཞགས་པ་ཐོགས། །ལ་ལས་ལག་ན་ལྕགས་སྒྲོག་ཐོགས། །ལ་ལས་ལག་ན་དྲིལ་བུ་ཐོགས། །ལ་ལས་ལག་ན་ཐོ་བ་ཐོགས། །ལ་ལས་ལག་ན་འཁོར་ལོ་ཐོགས། །ལ་ལས་

[Full Size]

ལག་ན་མེ་དཔུང་ཐོགས། །དམ་ཉམས་དགྲ་བགེགས་ལས་ངན་འདི། །ལྕགས་ཀྱུ་ཅན་གྱིས་སྙིང་ནས་ཟུངས། །ཞགས་པ་ཅན་གྱིས་སྐེ་ནས་ཁྲིད། །ལྕགས་སྒྲོག་ཅན་གྱིས་ཡན་ལག་དོམ། །ཐོ་བ་ཅན་གྱིས་སྤྱི་ནས་ཆོམས། །འཁོར་ལོ་ཅན་གྱིས་ཞབས་ནས་ཁྱོག་།ལས་ཀྱི་རླུང་གིས་རྒྱབ་ནས་དེད། །མུན་པ་ནག་པོས་སྡུན་ནས་སུས། །དྲིལ་བུ་ཅན་གྱིས་གཟུགས་ལ་ཕོབ། །མེ་དཔུང་འབར་བའི་ནང་དུ་སྲེག །ཁུག་ཅིག་ཁུག་ཅིག་ཛཿཛཛ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སོད་ཅིག་སོད་ཅིག་མཱ་ར་ཡ། །པྲ་ཝེ་ཤ་ཡ་གཟུགས་ལ་ཕོབ། །ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཿ དགྲ་བགེགས་ནི་ཏྲ་ཨ་ཀརྨ་ཡ་ཛཛཿ བཛྲ་ཨཾ་ཀུ་ཤ་ཡ་ཛཿ བཛྲ་པ་ཤ་ཧཱུྃ། བཛྲ་སྤོ་ཊ་བོ། །བཛྲ་གྷནྡྷེ་ཧོ༔ དེ་ནས་རྔར་མི་རྔ་མོང་བཅས་ཡོད་ན་བྲན་མེད་ན་གཏོར་ཆུང་བྲན་ལ། གནོད་བྱེད་དགྲ་བགེགས་བྱད་མའི་ཤ་ཁྲག་ལས་གྲུབ་པའི་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་འདོད་པའི་ཡོན་ཏན་ལྔ་དང་ལྡན་པར་གྱུར། ཧ་ཧོ་ཧྲཱི༔ ཨོཾ་ཨཱཿཧཱུྃ། ཨོཾ་སརྦ་ཛྙཱ་ན་དེ་ཝ་ལོ་ཀ་དེ་ཝ་ཨི་དཾ་བ་ལིཾ་ཏ་ཁཱ་ཧི། ཧཱུྃ། བདག་ཅག་འཁོར་དང་བཅས་པ་ལ། །བྱད་མ་དམ་

[Full Size]

ཉམས་དགྲ་བོ་ཡི། །མངག་ཅིང་རྦད་པའི་ལྷ་འདྲེ་རྣམས། །འདིར་བྱོན་གླུད་དང་གཏོར་མ་བཞེས། །དཀོན་མཆོག་བདེན་པའི་བཀའ་དང་ནི། །ཆོས་སྐྱོང་མགོན་པོའི་བདེན་པ་ཡིས། །བདག་ལ་གནོད་པ་མ་བྱེད་པར། །བྱད་མ་རང་གི་ཐོག་ཏུ་སོང་། །རང་ནུས་རང་ལ་སྨིན་པར་གྱིས། །རང་མཚོན་རང་ལ་ཟུག་པར་གྱིས། །རང་སྲོག་རང་གིས་གཅོད་པར་གྱིས། །དམ་ཉམས་དགྲ་བོ་སྡིག་ཅན་འདི། །རང་ཤ་རང་གིས་ཟ་བར་གྱིས། །བརྟེན་པའི་ལྷ་རྣམས་བདུད་དུ་ཕོབ། །གྲོགས་བྱེད་རྣམས་ཀྱང་དགྲ་རུ་ལང་། །བསྟན་པ་བཤིག་ཅིང་དབུ་འཕང་སྨད། །དམ་ཅན་ཁྱོད་ལ་དོ་རུ་བསྡོས། །འདི་ཡི་སྡོང་གྲོགས་མ་བྱེད་པར། །མཐུ་དང་ནུས་པ་རྩལ་ཐོན་ལ། །རྩད་ནས་ཆོད་ལ་དྲུང་ནས་ཕྱུང་། །སྣང་སྲིད་ལྷ་འདྲེའི་ཆད་པ་རྣམས། །དམ་ཉམས་དགྲ་བགེགས་སྟེང་དུ་ཟློག །སྣང་སྲིད་ལྷ་འདྲེའི་རྦོད་གཏོང་རྣམས། །དམ་ཉམས་དགྲ་བོའི་སྟེང་དུ་བྷྱོ། །བདག་དང་ཁམས་གསུམ་གྱི་སེམས་ཅན་ཐམས་ཅད་ཀྱིས་དུག་གསུམ་དུག་ལྔ་ཉོན་མོངས་པའི་སྒྲིབ་པ་ཐམས་ཅད་ལིང་ག་དང་དགྲ་བགེགས་དབྱེར་མེད་ལ་རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར་སྐད་ཅིག་ལ་ཐིམ་པས། ཁོ་དུག་ལྔ་རབ་ཏུ་རྒྱས་ཏེ་ལག་ཏུ་

[Full Size]

མཚོན་ཆ་སྣ་ཚོགས་ཐོགས་ཏེ། ཁོ་རང་གི་སློབ་དཔོན་དང་ཕ་མ་མཆེད་གྲོགས་ཐམས་ཅད་བསད། ཕྱོགས་བཅུའི་དུས་གསུམ་གྱི་སངས་རྒྱས་བྱང་སེམས་གསང་སྔགས་རིག་སྔགས་བསྟན་པར་སྐུར་པ་སྣ་ཚོགས་བཏབ། ཁོ་རང་གི་ཡི་དམ་ཆོས་སྐྱོང་ཐམས་ཅད་སྤང་པའི་འདུ་ཤེས་ཀྱི་མནའ་ཟ་བ་ལ་སོགས་པའི་མཚམས་མེད་པ་ཐམས་ཅད་དེས་སྐད་ཅིག་ལ་བྱས་པར་བསམ་པ་ནི། ལིང་ག་ལ་སྡིག་པ་བསྐོལ་བ་ཞེས་བྱ་བའི་ཟབ་ཁྱད་དང་། ལིང་ག་བསྒྲལ་བ་ལ་ཉེས་པ་མི་འབྱུང་བ་ལྷ་དབྱེའི་དམིགས་པ་གལ་ཆེ། ལྷ་དབྱེའི་དམིགས་པ་འདི་མགོན་པོ་དངོས་གྲུབ་བྱུང་བའི་ཚིག་ཡིན་པར། རྡོ་རྗེའི་གསུང་ལུང་ཡང་ཡོད་པའོ། །ཧཱུྃ། བསྟན་པ་འཇིགས་པར་བྱེད་པ་ཡི། དགྲ་བོ་སྲུང་བྱེད་ལྷ་ཁྱོད་ཉོན། །གདུག་པའི་སེམས་ལྡན་དགྲ་འདི་ཡིས། །དཀོན་མཆོག་བླ་མ་ལ་སྨོད་ཅིང་། །རྣལ་འབྱོར་བདག་ལ་སྡང་སེམས་ཆེ། །སྒྲུབ་པ་པོ་ལ་བརྙས་གྱུར་པ། །དཔག་ཚད་སྟོང་དུ་ལྟུང་བ་ཡི། །དམྱལ་བའི་སྡུག་བསྔལ་མྱོང་གྱུར་པ། །བདག་གིས་མྱུར་དུ་བསྒྲལ་ནས་ཀྱང་། །གཟུགས་ཀྱི་ལྷ་རྣམས་མཆོད་པ་ཡིན། །ཁྱེད་ཀྱི་སྲུང་བར་མ་བྱེད་ཅིག །སྡིག་ཅན་དགྲ་འདི་མྱུར་དུ་སྤོང་། །ལྷ་དབྱེའི་སྔགས་ནི། ཨོཾ་མ་ཧཱ་ཀཱ་ལ་དགྲ་བོའི་ལྷ་དང་ཤག་ཕྱེས་ཤག་ཕྱེས་མ་མ་ཏྲག་རུ་དྲ་དགྲ་བགེགས་མཱ་ར་ཡ་ཧཱུྃ་ཕཊ། ཅེས་ལྷ་དང་

[Full Size]

ཕྱེས་ནས་ཕུར་པ་སོགས་རིམ་བཞིན་གདབ་སྟེ། ཧཱུྃ། རྡོ་རྗེ་ཕུར་པ་ཀཱི་ལ་ཡ། །སྟོད་ནི་ལས་མགོན་བྱ་རོག་གདོང་། །མཐིང་ནག་གྲི་གུག་ཐོད་ཁྲག་དཀྲུག །ཁྲོ་གཏུམ་དུས་མཐའི་མེ་ལྟར་འབར། །སྐུ་སྨད་གནམ་ལྕགས་ཟུར་གསུམ་པ། །རྣོ་དབལ་དྲག་པོའི་ཚྭ་ཚྭ་འཕྲོ། །ཕྱར་བས་ཁམས་གསུམ་དབང་དུ་སྡུད། །འདྲིལ་བས་སྲིད་གསུམ་ཟིལ་གྱིས་གནོན། །ཀླད་ལ་བསྐོར་བས་སྲུང་བར་བྱེད། །སྐེད་ལ་བསྐོར་བས་ཟློག་པར་བྱེད། །གཡས་སུ་གདེངས་བས་ཕོ་རྒྱུད་འདུལ། །གཡོན་དུ་གདེངས་བས་མོ་རྒྱུད་འདུལ། །བཏབ་ན་ལྷ་ཡང་རླག་པར་བྱེད། །དགྲ་དང་བགེགས་ལ་སྨོས་ཅི་དགོས། །ཁྲོ་བོ་ཀུན་གྱི་མཐུ་རྩལ་འདུས། །སངས་རྒྱས་ཀུན་གྱི་དམོད་པའི་མཚོན། །དགྲ་དང་བགེགས་ལ་མཱ་ར་ཡ། །ཨོཾ་བཛྲ་མ་ཧཱ་ཀཱ་ལ་ཁ་ཁ་མུ་ཁ་བཛྲ་ཀཱི་ལི་ཀཱི་ལ་ཡི་དགྲ་བགེགས་སརྦ་ཤ་ཏྲོ་མཱ་ར་ཡ་ཧཱུྃ་ཕཊ༔ ཧཱུྃ། བདུད་ཀྱི་ཐོད་པ་ཁྲག་གིས་བསྐང་། །སྲིན་མོ་རལ་པ་འཛིན་མ་མཉེས། །དཔལ་ལྡན་མགོན་པོའི་ཕྱག་ཏུ་ཕུལ། །ཁྲག་འཐུན་དུག་རླངས་ནད་ཀྱི་ཆར། །མ་མོ་བྱེ་བས་དམོད་པའི་མཚོན། །བཞི་བརྒྱ་རྩ་བཞིའི་ནད་རིགས་རྣམས། །གནོད་བྱེད་དགྲ་དང་བྱད་

[Full Size]

མ་ལ། །ཕོབ་ཅིག་བྷན་རཀྟ་པ། །ཧཱུྃ། རྩེ་གསུམ་འབར་བ་རྣོ་བའི་མཚོན། །དྲང་སྲོང་གཏུམ་པོའི་རུས་ལ་གྲུབ། །ལྷ་ཆེན་དབང་ཕྱུག་ཆེན་པོས་བཟོས། །ལེགས་ལྡན་མགོན་པོའི་ཕྱག་ཏུ་བསྣམས། །རྡོ་རྗེ་ཕ་ལམ་རྫས་ཀྱིས་བྱུག །ལྷ་མིན་གྲོང་ཁྱེར་སུམ་བརྩེགས་བཅོམ། །མཁའ་འགྲོ་ཤིན་ཏུ་དཔའ་མོས་རྙེད། །དཔལ་ལྡན་མགོན་པོའི་ཕྱག་ཏུ་ཕུལ། །དུག་གསུམ་རྩད་ནས་གཅོད་པར་བྱེད། །མཁའ་འགྲོ་ཀུན་གྱི་དམོད་པའི་མཚོན། །དགྲ་བགེགས་ལུས་ངག་ཡིད་གསུམ་ལ། །བསྣུན་ཅིག་བཛྲ་ཁ་ཊཱི་ཀ །ཧཱུྃ། རོ་ལངས་ལྕེ་ལས་གྲུབ་པའི་གྲི། །བདུད་པོ་རལ་གྲི་ཟླ་བས་ཕུལ། །དཔལ་ལྡན་མགོན་པོའི་ཕྱག་ཏུ་བསྣམས། །བསམ་གཅོད་རྣོ་དབལ་མེ་ལྟར་འབར་། །ཤ་ཟ་འབུམ་གྱི་དམོད་པའི་མཚོན། །སྡང་བྱེད་དགྲ་བགེགས་བྱད་མ་ཡི། །མགོ་ལུས་ཡན་ལག་ལྷུ་དང་གཟུགས། །ཕྲོལ་ཅིག་བཛྲ་ཏིག་པ། །ཧཱུྃ། ཡུངས་ཀར་ཡུང་ནག་ཀེ་ཚེ་དང་། །ཤང་ཚེ་ཟངས་ཕྱེ་ལྕགས་ཀྱི་ཐུན། །ཤེལ་གོང་བཞིན་དུ་འདྲིལ་འདྲིལ་ནས། །ལྕགས་གོང་བཞིན་དུ་ཚྭ་ཚྭ་འཕྲོ། །ཟངས་ཐོགས་ལྕགས་ཐོགས་ཆེམས་སེ་

[Full Size]

ཆེམ། །གནོད་སྦྱིན་ཁྲི་ཡི་དམོད་པའི་མཚོན། །གནམ་ལྕགས་ཀིང་ཀང་དྲག་པོ་ཡི། །སེར་ཆེན་དགྲ་དང་བགེགས་རྣམས་ལ། །ཕོབ་ཅིག་བཛྲ་སི་རི་རཾ། །ཧཱུྃ། རྡོ་རྗེ་གྲི་གུག་འབར་བ་ཡི། །ཡར་རྩེ་རིགས་ལྔ་ཡེ་ཤེས་ལྔ། །སྐེད་པ་ཟླུམ་པོ་ཆོས་ཉིད་ངང་། །སྨད་ནི་གཤིན་རྗེའི་ལྕེ་འདྲ་བའི། །སྡིག་པའི་རང་བཞིན་ཉམས་པའི་གྲི། །གང་ལ་བཏབ་ཀྱང་ཐོག་པ་མེད། །རྣོ་དབལ་གདུག་པའི་མེ་དཔུང་འབར། །ནག་པོ་སྟོང་གི་དམོད་པའི་མཚོན། །དགྲ་དང་བགེགས་ཀྱི་ཤ་རུས་རྣམས། གཏུབ་ཅིག་བཛྲ་ཀཱིརྟི་ཀ །ཧཱུྃ༔ བརྡུངས་ཤིག་བརྡུངས་ཤིག་དགྲ་དང་བགེགས། །ཙན་དྲི་ནག་མོའི་གཏུན་ཁུང་དུ། །མ་ཧཱ་ཀཱ་ལི་ཐོ་བས་བརྡུང་། །བརྡུངས་ན་ལྷ་འམ་བདུད་ཀྱང་བརླག །དགྲ་དང་བགེགས་ཀྱི་མགོ་དང་རུས། །ཏིལ་འབྲུ་ཙམ་མམ་རྡུལ་ཕྲན་བཞིན། །བརྡུངས་ཤིག་བཛྲ་ཨ་ཀོ་ཏྲ། །དེ་ནས་ལིང་གའི་མགོ་དང་རྐང་ལག་བཞི་ཁོག་སྟོད་ཁོག་སྨད་གཉིས་དང་བདུན་པོ་སོ་སོར་ཤ་དུམ་ཁྲག་ཐིགས་སྤྲུག་པ་དང་། གཏོར་ཆུང་ཤ་ཁྲག་བརྒྱན་པ་རྣམས་སྤྲོ་ན་འོག་ནས་འབྱུང་བ་ལྟར་སོ་སོར་འབུལ། མ་ལྕོགས་ན་ལིང་དུམ་བདུན་པོས་སོ་སོར་མདོས་གསོས་ལ་བདུད་རྩིས་བྲན།་གཏོར་ཆུང་བདུན་སྣོད་གཅིག་ཏུ་བཤམས་ལ་བྲན་

[Full Size]

བཟློག་གཞུང་མཚམས་སུ་དུས་གཅིག་ཕུལ། དང་པོ་གཏོར་འབུལ་བསྟོད་བསྐུལ་བྱས་ནས་བཟློག་གཞུང་འདོད་གསོལ་ཡིན་པས་རྗེས་ནས་འདོན་པ་འཐད་པས། །ཧཱུྃ། དུར་ཁྲོད་ཆེན་པོ་བསིལ་བའི་ཚལ། །མ་ཧཱ་ཀཱ་ལ་བྱ་རོག་གདོང་། །ཧཱུྃ་ལས་བྱུང་བའི་ནག་པོ་ཆེ། །སྐྱེ་འཆི་མེད་པའི་འགྱིངས་བག་ཅན། །ཞལ་གཅིག་པ་ལ་སྤྱན་གསུམ་གཟིགས། །སྤྱན་གསུམ་དམར་ལ་སྤྱན་རྩ་འཁྲུགས། །ལུས་གཅིག་པ་ལ་ཕྱག་བཞི་པ། །གདུག་རྩུབ་ཅན་གྱི་མཚོན་ཆ་བསྣམས། །དགྲ་བགེགས་དོན་སྙིང་ཚལ་པར་ཐོངས། །རྔམ་བྱེད་སྟག་གི་ཤམ་ཐབས་ཅན། །ཞེ་སྡང་སྦྲུལ་གྱི་ནན་ཐག་བཅིངས། །མི་མགོ་རློན་པའི་དོ་ཤམ་ཅན། །དབུ་སྐྲ་དམར་སེར་གྱེན་དུ་གཡེང་། །རིང་ལ་འཁྱོག་པའི་མཆེ་བ་གཙིགས། །ཧ་ཧ་ཞེས་སྒྲོག་དུར་ཁྲོད་ནས། །དཔའ་བོ་འབུམ་དང་བཅས་ཏེ་བྱོན། །ཧི་ཧི་ཞེས་སྒྲོག་དུར་ཁྲོད་ནས། །དཔའ་མོ་འབུམ་དང་བཅས་ཏེ་བྱོན། །གདུག་པ་ཚར་གཅོད་བྱ་རོག་གདོང་། །ཁམས་སུ་ཟིལ་གནོན་བྱ་རོག་གདོང་། །འགྲོ་བ་དབང་སྡུད་བྱ་རོག་གདོང་། །ཚུར་གཤེགས་ཚུར་བྱོན་བྱ་རོག་གདོང་། །བཞེས་ཤིག་མཆོད་སྦྱིན་གཏོར་མ་བཞེས། །རོལ་ཅིག་དགྲ་

[Full Size]

བགེགས་སྟེང་ན་རོལ། །ཨེ་མ་མཆོད་སྦྱིན་གཏོར་མ་བཞེས། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་མ་ཧཱ་ཀཱ་ལ་ཤ་ས་ན་ཨུ་པ་ཞེས་སོགས་གཏོར་མ་ཕུལ། ལིང་གའི་ཁོག་སྟོད་བྲན་ལ། །ཧཱུྃ། མེ་རི་དམར་ནག་འབར་བའི་ཀློང་དཀྱིལ་ནས། །ཤིན་ཏུ་འཇིགས་པའི་དུར་ཁྲོད་ཆེན་པོ་ནས། །ཐོད་ཆེན་སྐན་རློན་བམ་ཆེན་གསར་རྙིང་དང་། །ཀེང་རུས་སྔོ་སྐྱ་གདུག་པ་སྦྲུལ་གྱིས་བརྒྱན། །སྟེང་ནས་སྤྲིན་ནག་འཁྲུགས་ཤིང་འབྲུག་སྒྲ་སྒྲོག །ཁྱུང་དང་བྱ་རོག་ལ་སོགས་མཁའ་ལ་ལྡིང་། །གཅན་གཟན་ལྕེ་སྤྱང་ཚོགས་རྣམས་ཕྱི་ལ་འགྲོལ། །དུར་ཁྲོད་ཆེན་པོའི་གནས་མཆོག་དེ་ཉིད་ན། །ཁྲག་འཐུང་རྡོ་རྗེ་ནག་པོ་ཆེན་པོ་ཡི། །ཞལ་གཅིག་ཕྱག་བཞི་ཞབས་གཉིས་འདོར་ཐབས་བསྒྲད། །དགྲ་བགེགས་གནོད་བྱེད་ཐམས་ཅད་བཟློག་ཏུ་གསོལ། །དབུ་སྐྲ་ཁམ་ནག་གྱེན་དུ་འབར་བ་ཡིས། །ཡེ་ཤེས་ལྷ་ཡི་གནོད་པ་བཟློག་ཏུ་གསོལ། །ཐོད་སྐམ་ལྔ་ཡིས་དབུ་ལ་བརྒྱན་པ་ཡིས། །ཉོན་མོངས་དུག་ལྔའི་ཚོགས་རྣམས་བཟློག་ཏུ་གསོལ། །རྒྱལ་རིགས་སྦྲུལ་གྱིས་དབུ་སྐུ་བཅིངས་པ་ཡིས། །འཇིག་རྟེན་ལྷ་འདྲེའི་གནོད་པ་བཟློག་ཏུ་གསོལ། །རིན་ཆེན་དབུ་རྒྱན་

[Full Size]

དར་གྱི་ཅོན་པན་གྱིས། །ལྷ་རྣམས་ཡོངས་ཀྱི་གནོད་པ་བཟློག་ཏུ་གསོལ། །སྤྱན་གསུམ་དམར་ཟླུམ་ཕྱོགས་བཅུར་གཟིགས་པ་ཡིས། །དུག་གསུམ་མི་དགེ་བཅུ་རྣམས་བཟློག་ཏུ་གསོལ། །ཤངས་ནས་རླུང་བྱུང་ཁྲོ་གཉེར་བསྡུས་པ་ཡིས། །ཁྲོ་བོ་ཕོ་ཉའི་གནོད་རྣམས་བཟློག་ཏུ་གསོལ། །སྨིན་མ་གློག་སྟོང་འཁྱུགས་པས་གཟིགས་པ་ཡིས། །གཟའ་ཆེན་བརྒྱད་སོགས་གནོད་པ་བཟློག་ཏུ་གསོལ། །ཞལ་གདངས་ལྗགས་འདྲིལ་མཆེ་བ་རབ་གཙིགས་པས། །ཟ་བྱེད་སྤྱད་ཀྱི་གནོད་པ་བཟློག་ཏུ་གསོལ། །ཞལ་ནས་ཧཱུྃ་ཕཊ་བྷྱོདང་བསུ་སྒྲ་ཡིས། །ངན་སྔགས་གནོད་པའི་ཐུན་སྔགས་བཟློག་ཏུ་གསོལ། །ཨག་ཚོམ་དམར་སེར་མེ་ལྟར་འབར་བ་ཡིས། །ཉོན་མོངས་ཤེས་བྱའི་བག་ཆགས་ཐམས་ཅད་ཟློག །ཕྱག་གཡས་གྲི་ཁུག་རབ་ཏུ་འཕྱར་བ་ཡིས། །གཞན་གྱིས་མཚོན་ཆའི་ངན་སྦྱོར་བྱེད་པ་ཟློག །གཡས་ཀྱི་འོག་མས་རལ་གྲི་འབར་བ་ཡིས། །ཁམས་སུ་ཟད་པའི་ལྷ་འདྲེ་ཐམས་ཅད་ཟློག །གཡོན་གྱི་ཐོད་ཁྲག་དམར་པོ་འཁྱིལ་པ་ཡིས། །མ་མོའི་ཁྲག་རིམས་དལ་ཁ་ཐམས་ཅད་ཟློག །འོག་མས་ཁ་ཊཾ་ལྷ་དམག་གང་བ་ཡིས། །ཡེ་

[Full Size]

ཤེས་འཇིག་རྟེན་ཕོ་ཉའི་དམག་ཚོགས་ཟློག །ཁྲིམས་ཀྱི་ཆ་ལུགས་གསུམ་དང་ལྡན་པ་ཡིས། །ཐེག་པ་གསུམ་གྱི་དྲོད་གཏོང་ཐམས་ཅད་ཟློག །སྐུ་སྟོད་གླང་ཆེན་ཀོ་རློན་གསོལ་བ་ཡིས་གཏི་མུག་རྨོངས་པའི་བག་ཆགས་ཐམས་ཅད་ཟློག །ཞིང་ཆེན་གཡང་གཞི་སྐུ་ལ་གསོལ་བ་ཡིས། །ཕྲིན་ལས་རྣམ་བཞི་ཕྲག་དོག་བག་ཆགས་ཐམས་ཅད་ཟློག །སྟག་གི་པགས་པ་དཔའ་བཏུལ་ཆེན་པོ་ཡིས། །ང་རྒྱལ་དྲེགས་པའི་བག་ཆགས་བཟློག་ཏུ་གསོལ། །གདུག་པ་སྦྲུལ་གྱིས་སྐུ་ལ་བརྒྱན་པ་ཡིས། །ཞེ་སྡང་གདུག་པའི་སྦྱོར་ངན་བཟློག་ཏུ་གསོལ་། །རཀྟའི་ཐིག་ལེས་རབ་ཏུ་བརྒྱན་པ་ཡིས། །མ་མོ་མཁའ་འགྲོའི་ཁྲག་ནད་རྒྱུད་གཟེར་ཐམས་ཅད་བཟློག་ཏུ་གསོལ། །ཞག་གི་ཟོ་རིས་རབ་ཏུ་བརྒྱན་པ་ཡིས། །གང་དང་བདུད་ཀྱི་སྦྱོར་བ་ངན་པ་ཐམས་ཅད་བཟློག་ཏུ་གསོལ། །ཐལ་ཆེན་ཚོམ་བུས་རབ་ཏུ་བརྒྱན་པ་ཡིས། །དུར་ཁྲོད་བདག་པོའི་ཕོ་ཉ་ཐམས་ཅད་བཟློག་ཏུ་གསོལ། །ཞབས་གཉིས་དཔའ་བོའི་སྟབས་ཀྱིས་བཞེངས་པ་ཡིས། །དྲེགས་པ་ལྷ་ཆེན་རྣམས་ཀྱི་བར་ཆད་བྱེད་པ་ཐམས་ཅད་ཟློག །པདྨ་ཉི་མའི་གདན་ལ་བཞུགས་པ་ཡིས། །ལོག་པར་ལྟ་བའི་

[Full Size]

དགྲ་བགེགས་ཐམས་ཅད་ཟློག །སྐུ་ལ་ཡེ་ཤེས་དཔུང་འབར་བ་ཡིས། །ངན་སྔགས་འཁོར་བའི་བུད་ཤིང་ཐམས་ཅད་ཟློག །དཔྲལ་བའི་དབྱིངས་ནས་བྱ་ཁྱུང་་ལྡིང་བ་ཡིས། །ས་བདག་ཀླུ་ཡི་བྱད་སྟེམས་ཐམས་ཅད་ཟློག །སྤྲུལ་པའི་ཕོ་ཉ་སྐུ་ལས་འཕྲོ་བ་ཡིས། །སྣང་སྲིད་ལྷ་འདྲེའི་རྦོད་གཏོང་ཐམས་ཅད་ཟློག །ཤ་ཁྲག་དམར་གྱི་གཏོར་མ་དང་། །ཤ་ཆེན་སྤོས་ཀྱི་དུད་སྤྲིན་དང་། །དམར་ཆེན་རཀྟའི་ཨརྒྷཾ་དང་། །ཙིཏྟ་སྙིང་གི་རྒྱལ་མཚན་དང་། །དགྱེས་པའི་དམ་རྫས་སྣ་ཚོགས་ཀྱིས། །ནག་པོ་ཆེན་པོའི་ཐུགས་དམ་བསྐང་། །ཐུགས་དམ་བསྐང་ལ་བྱད་ཁ་ཟློག །ཨོཾ་བཛྲ་ཀ་ཝུ་ཝ་ཝ་པཱ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ༔ མ་ཧཱ་ནཱཾ་ས་ལ་ཁཱ་ཧི། །ཙིཏྟ་ལ་ཁཱ་ཧི། །རཀྟ་ལ་ལཱ་ཧྲཱིཿ །གོ་རོ་ཙ་ན་ལ་ཁཱ་ཧི། །བ་སུ་ཏ་ལ་ཁཱ་ཧི། །སྲོག་རྩ་ཨཉྫ་ལ་ཁཱ་ཧི། །ཞེས་ལིང་གའི་ཁོག་སྟོད་ཕུལ། སླར་གཏོར་ཆུང་བྲན་ལ། ཧཱུྃ། དཔལ་ལྡན་མགོན་པོ་ནག་པོ་ཡི། །དཔྲལ་བའི་དབྱིངས་ནས་སྤྲུལ་པ་ཡི། །ལྕགས་ཀྱི་བྱ་ཁྱུང་ནག་པོ་ལ། །དུང་གི་མཆེ་བ་བཞི་གཙིགས་ཤིང་། །སྤྱན་ནི་ཁྲག་མདོག་རྡོ་རྗེའི་སྤྱན། །རྭ་ནི་རྡོ་རྗེ་ཕ་ལམ་ལ། །རིན་ཆེན་

[Full Size]

འབར་བའི་ཚྭ་ཚྭ་འཕྲོ། །མཐིང་གཤོག་འབར་བ་རྡེབ་ཅིང་གཡབ། །ཀི་ཀི་ཀྲང་ཧྲིང་སྒྲ་འབྱིན་པ། །ཟངས་ཀྱི་སྡེར་མོ་དམར་པོ་ཡིས། །དགྲ་བགེགས་གློ་སྙིང་ཕྱུངས་ནས་ནི། །རྔམ་ཞིང་རྔམ་ཞིང་ཞལ་དུ་གསོལ། །ཁྱུང་ནག་སྐུ་ལ་ཕྱག་འཚལ་བསྟོད། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཀཾ་བྱ་ནི་ལ། ཆེན་གྷ་གྷ། གྷ་རུ་ཏྲ། བྷི་ས་ཧ་ར་ནཱ་ཧཱུྃ་ཕཊ། མ་ཧཱ་ཀ་ལི་ཧཱ། མ་ཧཱ་མ་ར་བྷ་ཏ། ཁ་རག་གནོད་བྱེད་མཱ་ར་ཡ། གནོད་བྱེད་ད་མཱ་ར་ཡ་རྦད་རྦད། །མཱ་ར་ཡ་མྱོག་མྱོག །མཱ་ར་ཡ་སོད་སོད། བ་ལིཾ་ཏ་ཁཱ་ཧི་ཁཱ་ཧི། གཏོར་ཆུང་ཕུལ། དེ་ནས་ལིང་གའི་མགོ་བ་བྲན་ལ་འདི་སྐད་དོ། །ཧཱུྃ། སྟེང་གི་ཕྱོགས་ཀྱི་ཕོ་ཉ་ནི། །ལྕགས་ཀྱི་བྱ་ཁྱུང་ནག་པོ་ལ། །དུང་གི་མཆེ་བ་བཞི་གཙིགས་ཤིང་། །སྤྱན་ནི་ཁྲག་མདོག་བསེ་ཡི་སྤྱན། །རྭ་ནི་རྡོ་རྗེའི་ཕ་ལམ་རྭ། །གནམ་ལྕགས་ཐོག་གི་བུ་ཡུག་འཚུབ། །ཐོག་དང་སེར་བའི་བདག་པོ་བྱེད། །དམ་ཉམས་ཡུལ་དུ་ཐོག་སེར་འབེབས། །གཤོག་པ་གཡས་པས་མེ་ཡི་བུ་ཡུག་འཚུབ། །ཁྲོ་བོ་གྲངས་མེད་མེ་ཡི་ཐོ་བ་འཛིན། །སྤྲུལ་པའི་ཁྲོ་བོ་རྣམས་ཀྱི་རྦོད་

[Full Size]

གཏོང་ཟློག །གཤོག་པ་གཡོན་པས་རླུང་གིས་བུ་ཡུག་འཚུབ། །སྤྲུལ་པ་གྲངས་མེད་འགུགས་པའི་ལྕགས་ཀྱུ་ཅན། །སྤྲུལ་པའི་ཁྲོ་མོ་རྣམས་ཀྱི་རྦོད་གཏོང་ཟློག །གནམ་ལྕགས་ཞུན་མའི་མཆུ་སྡེར་ལ། །མེ་ཡི་ཚྭ་ཚྭ་འབར་བ་འཕྲོ་བ་ཡིས། །གཤོག་པ་བརྡབས་པས་རླུང་གིས་རབ་དེད་ནས། །འཇིག་རྟེན་ཁམས་ཀྱི་སྦྱོར་བ་ངན་པ་ཆ་རྣམས། །བཟློག་ཅིག་བསྒྱུར་ཅིག་དགྲ་བགེགས་རང་ལ་བྷྱོ། །སྐྱེ་རྒྱུད་ཆོད་ལ་ལས་མཐའ་བསྡུས། །གཤོག་པ་གནམ་ལྕགས་རལ་གྲི་འབར་བ་ཡིས། །བརླགས་ནས་ངན་སྔགས་ཐམས་ཅད་ཆོད་ཅིང་ཟློག །ཐེལ་སྤུ་འཁོར་ལོ་འབར་བ་དྲག་འཁོར་བས། །རྦོད་གཏོང་མ་ལུས་ཐམས་ཅད་གཡུལ་དུ་ཆོད་ཅིག་ཟློག །མཇུག་སྒྲོ་གནམ་ལྕགས་སྤུ་གྲི་འབར་བ་ཡིས། །དམ་ཉམས་ལུས་ངག་ཡིད་གསུམ་བཟློག་ཅིང་གཏུབ། །ཀྲང་ཀྲིང་ཧྲིང་གིས་སྒྲ་ཆེན་རབ་བསྒྲགས་པས། །སྤྲུལ་པས་དྲག་པོས་དགྲ་བོ་དབང་དུ་སྡུས། །ཤ་ཁྲག་དམར་གྱི་གཏོར་མ་དམ་རྫས་དང་། །ཤ་ཆེན་དུད་སྤྲིན་བདུད་རྩི་ཨ་མྲྀ་ཏ། །དམར་ཆེན་རིཀྐ་ཙིཏྟ་སྙིང་ཆེན་གྱིས། །སྤྲུལ་པ་ཁྱུང་གི་ཐུགས་དམ་བསྐང་གྱུར་ཅིག །ཐུགས་

[Full Size]

དམ་བསྐངས་ལ་བྱད་ཁ་ཐམས་ཅད་ཟློག །ཨོཾ་མ་ཧཱ་ཀཱ་ལ་བཛྲ་གྷ་རུ་ན་མ་ཧཱ་མཾ་ས་ལ་ཁཱ་ཧི། ཙིཏྟ་ལ་ཁཱ་ཧི། རཀྟ་ལ་ཁཱ་ཧི། གོ་རོ་ཙ་ན་ལ་ཁཱ་ཧི། བ་སུ་ཏ་ལ་ཁཱ་ཧི། སྲོག་རྩ་ཨཉྫ་ལ་ཁཱ་ཧི་ཁཱ་ཧི། ལིང་གའི་མགོ་ཕུལ། གཏོར་ཆུང་གཅིག་བྲན་ལ། ཧཱུྃ། ཐུགས་ཀྱི་དཀྱིལ་ནས་སྤྲུལ་པ་ནི། །བྱ་རོག་གདོང་ཅན་ནག་པོ་ཆེ། །ཞལ་གཅིག་ཕྱག་ནི་གཉིས་པ་སྟེ། །གཡས་པས་བདུད་ཀྱི་གྲི་གུག་འཕྱར། །གཡོན་པས་ཐོད་ཁྲག་དྲོན་མོ་གསོལ། །མི་མགོ་རློན་པའི་དོ་ཤལ་ཅན། །སྐུ་སྨད་སྟག་གི་ཤམ་ཐབས་ཅན། །འགེངས་ཤིང་འགེངས་ཤིང་དགྲ་ལ་རོལ། །རྔམས་ཤིང་རྔམས་ཤིང་དགྲ་ལ་ཟོ། །སྤྱན་གསུམ་སྡང་མིག་གློག་ལྟར་འཁྱུགས། །རྒྱུ་མའི་ག་ཤལ་ལུས་བརྒྱན་ནས། །ཁྲོ་ཞིང་ཁྲོ་ཞིང་དགྲ་བགེགས་འཇོམས། །ཧཱུྃ་ཧཱུྃ་ཕཊ་ཕཊ་སྒྲ་སྒྲོག་ཅིང་། །ལྷ་མིན་ཐམས་ཅད་འབྱོར་བར་བྱེད། །ལེགས་ལྡན་ནག་པོ་ཆེན་པོའི་གཟུགས། །བྱ་རོག་བགེགས་འཇོམས་ཕྱག་འཚལ་བསྟོད་། །དམ་ཅན་ཡོངས་ཀྱི་སྲུང་མ་ཁྱོད། །དམ་ཉམས་ཀུན་གྱི་གཤེད་པོར་ཆེ། །མནའ་ཟན་ཡོངས་ཀྱི་ཤ་ཟན་པོ། །རྣལ་འབྱོར་ཡོངས་ཀྱི་དགྲ་བླ་ཁྱོད། །བདུད་འདུལ་

[Full Size]

ཡོངས་ཀྱི་དབང་ཕྱུག་པོ། །དུག་གསུམ་ནད་ཀྱི་སྨན་པའི་རྒྱལ། །ལྷ་ཡི་དགེ་བསྙེན་ཆེན་པོ་སྟེ། །བྱ་རོག་གདོང་ཅན་ཁྱོད་ལ་བསྟོད། །ལྷ་དམག་ཀུན་གྱི་དབུགས་འབྱིན་པ། །ནམ་མཁའི་བུ་མོ་གློག་མ་སྤྲིན། །འདུལ་བར་ཞལ་གྱིས་བཞེས་མཛད་པའི། །རྡོ་རྗེ་རོ་ལངས་དུར་ཁྲོད་འདུལ། །བདུད་འདུལ་དབང་ཕྱུག་ཕྱག་འཚལ་བསྟོད། །བརྒྱན་པའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་བཛྲ་མ་ཧཱ་ཀཱ་ལ་ཡ་ཀཱ་ཡ་ཝཱཀྐ་ཙིཏྟ་ས་མ་ཡ་ཛཿ བ་ལིཾ་ཏ་པཉྩ་ཨ་མྲྀ་ཏ་བ་ལི་ཏ་ཨི་དཾ་བ་ལི་ཏ་ཁཱ་ཧི་ཁཱ་ཧི། སརྦ་ཤ་ཏུཾ་ཀཱ་ཡ་ཝཀྐ་ཙིཏྟ་གྲུ་སྣ་ཤྲཱི་སྣ་སརྦ་ཤ་ཏུ་ཚྭ་ས་ལ་ཁཱ་ཧི་ཁཱ་ཧི། ཧ་ན་ཧ་ན་སརྦ་ས་ཏུ་གོ་རོ་ཙ་ན་ཁཱ་ཧི་ཁཱ་ཧི། ད་ཧ་ད་ཧ་སརྦ་ཤ་ཧཱུྃ་བ་སུ་ཏ་ལ་ཁཱ་ཧི་ཁཱ་ཧི། པ་ཙ་པ་ཙ་སརྦ་ཤ་ཏུ་རཀྟ་ལ་ཁཱ་ཧི་ཁཱ་ཧི། མཱ་ར་ཡ་མཱ་ར་ཡ་སརྦ་ཤ་ཏུཾ་གནོད་བྱེད་དགྲ་བགེགས་ཀྱི་ཙིཏྟ་ལ་རྦད་རྦད། སརྦ་བྷིག་ནན་མཱ་ར་ཡ་ཨེ་ཀ་ཟློག་ཟློག །དྲག་པོའི་གཏོར་སྔགས་སྲོག་ཟན་ནག་པོའི་རྒྱུད་ལས་གསུངས། གཏོར་ཆུང་ཕུལ་ལིང་གའི་ཁོག་སྨད་བྲན། ཧཱུྃ། མ་ཧཱ་ཀཱ་ལ་བྱ་རོག་གདོང་། །ཐུགས་དམ་གནད་ནས་ད་བསྐུལ་ན། །བསྟན་པ་བསྲུང་

[Full Size]

ཕྱིར་ཕྲིན་ལས་མཛོད། །དཔལ་ཆེན་ཁྲག་འཐུང་སྤྱན་སྔ་རུ། །ཁྱོད་ཀྱི་ཁས་བླངས་དམ་བཅས་པ། །སངས་རྒྱས་བསྟན་པ་བསྲུང་བར་བྱས། །དམ་ཆོས་ལེགས་པར་སྐྱོང་བར་བྱས། །དགེ་འདུན་བར་ཆད་བཟློག་པར་བྱས། །སྒྲུབ་མཆོག་རྣལ་འབྱོར་སྐྱོང་བར་བྱས། །དུས་ལ་བབ་བོ་བྱད་ཁ་ཟློག །ཕྱི་ནང་གསང་བའི་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་དང་། །ཛ་གད་སྨན་དང་རཀྟ་འདིས། །བྱ་རོག་གདོང་ཅན་ཞལ་དུ་བཞེས། །རྣལ་འབྱོར་བདག་ལ་དགྲ་བྱུང་ན། །མགོན་པོ་ནག་པོ་ར་མདའ་ལོག །བྱད་ཁ་བཟློག་ཅིག་བྱ་རོག་གདོང་། །ཁྲམ་ཁ་ཕྱེས་ཤིག་བྱ་རོག་གདོང་། །དགྲ་བོ་སྒྲོལ་ཅིག་བྱ་རོག་གདོང་། །ཧཱུྃ་མ་ཧཱ་ཀཱ་ལ་མཐུ་བོ་ཆེ། །སྐུ་མདོག་མཐིང་ནག་འཇིགས་པ་ལ། །ཞལ་གདངས་ལྗགས་འདྲིལ་གློག་ལྟར་འཁྱུགས། །གཏུམ་རྔམས་རབ་ཏུ་འཇིགས་པ་ལ། །ཧ་ཧ་ཧཱུྃ་དང་ཕཊ་སྒྲ་སྒྲོག །དམ་ཉམས་བྱད་ཁ་རང་ལ་ཟློག ། དུས་ལ་བབ་བོ་བྱ་རོག་གདོང་། །ཤིན་ཏུ་གཏུམ་ཞིང་རབ་ཏུ་དྲག །ཁྲག་འཛག་མགོ་བོའི་དོ་ཤལ་ཅན། །སྟག་ལྤགས་རློན་པའི་ཤམ་ཐབས་ཅན། །དུག་སྦྲུལ་གདུག་པའི་སྐ་

[Full Size]

རགས་ཅན། །ཕྱག་གཉིས་གྲི་གུག་ཐོད་ཁྲག་ཐོགས། །དམ་ཉམས་བཞེས་ལ་བྱད་ཁ་ཟློག །དུས་ལ་བབ་བོ་བྱ་རོག་གདོང་། །བསྟན་པ་བཤིག་པའི་དགྲ་བོ་འདི། །དབང་དུ་བསྡུས་ལ་བྱད་ཁ་ཟློག །རིང་པར་ཁུག་ལ་བྱེད་ཁ་ཟློག །ཧཱུྃ། མ་ཧཱ་ཀཱ་ལ་བྱ་རོག་གདོང་། །ཁྲོས་པའི་གད་མོ་སྒྲོག་པ་ཡིས། །ལྷ་སྲིན་སྡེ་བརྒྱད་འདར་ཞིང་བསྔངས། །རྒྱལ་ཆེན་བཞི་དང་ཕྱོགས་སྐྱོང་བཅུ། །ཁྲག་ཏུ་སྐྱུག་ཅིང་ལས་ལ་འདུ། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་འཁོར་བཅས་རྣམས། །རང་དབང་མེད་པར་ལས་ལ་རྒྱུག་།དོ་ནུབ་དམ་ཉམས་དགྲ་བོ་སྒྲོལ། །འཇིག་རྟེན་མི་དང་མི་མིན་གྱིས། །རིག་སྔགས་རྒོད་གཏོང་བྱད་ཁ་ཟློག །དུས་ལ་བབ་བོ་བྱ་རོག་གདོང་། །མགོན་པོའི་དམ་ལ་མ་འདའ་ཞིག །མགོན་པོའི་དམ་ལ་འདས་གྱུར་ན། །དམ་ཚིག་ཉམས་པའི་ཆད་པ་འོང་། །ཁྱོད་ཀྱི་དམ་ཚིག་གཉེན་པོ་ནི། །སངས་རྒྱས་བསྟན་པ་སྲུང་བ་ཡིན། །དམ་ཉམས་དགྲ་བོ་སྡིག་ཅན་འདིས། །བསྟན་པ་བཤིག་ཅིང་དབུ་འཕང་སྨད། །རྡོ་རྗེ་སློབ་དཔོན་སྐུ་ལ་བསྡོས། །རྒྱལ་ཁམས་ཕུང་ཞིང་སེམས་ཅན་འཚེ། །འདི་ལ་

[Full Size]

ཐུགས་རྗེ་མི་གནས་ཀྱི། །ད་ལྟ་ཉིད་དུ་སྒྲོལ་ལ་ཐོངས། །ཕྱོགས་བཞི་མཚམས་བརྒྱད་སྟེང་འོག་བཅུ། །རིག་སྔགས་རྒོད་གཏོང་བྱད་ཁ་ཐམས་ཅད་ཟློག །བདག་དང་རྒྱུ་སྦྱོར་འཁོར་བཅས་ལ། །བར་དུ་གཅོད་པའི་དགྲ་བགེགས་རྣམས། །བཟློག་ཅིག་སྡང་བའི་དགྲ་ལ་སྒྱུར། །ཡེ་ཤེས་ལྷ་ཡི་དམོད་པ་ཟློག །ལྷ་སྲིན་སྡེ་བརྒྱད་གནོད་པ་ཟློག །ལོ་སྐག་ཟླ་སྐག་ཞག་སྐག་ཟློག །བན་བོན་ངན་སྔགས་བྱད་ཁ་ཟློག །མུ་སྟེགས་ཆོད་གཏོང་ཐམས་ཅད་ཟློག །ཤ་ཁྲག་དམར་གྱི་གཏོར་མ་དང་། །ཤ་ཆེན་དུད་སྤྲིན་ཨ་མྲྀ་ཏ། །དམར་ཆེན་རཀྟ་སྙིང་ཆེན་གྱི། །མ་ཧཱ་ཀཱ་ལའི་ཐུགས་དམ་བསྐང་། །ཐུགས་དམ་བསྐང་ལ་རྐྱེན་ངན་ཟློག །བྱ་རོག་གདོང་གི་དུས་ལ་བབ། །གཞན་གྱི་སྐྱེ་བོའི་ཡ་ཀར་མ་བཏང་ཞིག །མི་ནག་འཕྱར་ཀར་མ་བཏང་ཞིག །མདོས་དང་གཏོར་མ་འདི་ལོངས་ལ། །བྱད་ཁ་ཕུར་ཁ་ཐམས་ཅད་ཟློག །ཧཱུྃ། སྟེང་གི་ཕྱོགས་ནས་བཟློག་པ་ནི། །བྱ་ཁྱུང་འབུམ་ནི་ལྡིང་ཞིང་འཕྲོ། །བཞད་དང་དུར་བྱ་གྲངས་ལས་འདས། །བྷྱོ་བྷྱོསྡང་བའི་དགྲ་ལ་བྷྱོ། །ཟློག་ཟློག་བར་ཆད་རྐྱེན་རྣམས་ཟློག །ཤར་གྱི་ཕྱོགས་ནས་བཟློག་པ་

[Full Size]

ནི། །ནག་པོ་སྟོང་གི་རུ་དར་ཕྱར། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བར་ཆད་རྐྱེན་རྣམས་ཟློག །ལྷོ་ཡི་ཕྱོགས་ནས་བཟློག་པ་ནི། །མ་མོ་བྱེ་ལོབས་རཀྟ་རླབས། །བྷྱོ་བྷྱོཿསྡང་བའི་དགྲ་ལ་བྷྱོཿ། །ཟློག་ཟློག་བར་ཆད་རྐྱེན་རྣམས་ཟློག །ནུབ་ཀྱི་ཕྱོགས་ནས་བཟློག་པ་ནི། །ཤ་ཟ་འབུམ་གྱི་དམག་དཔུང་བཅས། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བར་ཆད་རྐྱེན་རྣམས་ཟློག །བྱང་གི་ཕྱོགས་ནས་བཟློག་པ་ནི། །གནོད་སྦྱིན་ཁྲི་ཡི་ཚོགས་རྣམས་ཀྱང་། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བར་ཆད་རྐྱེན་རྣམས་ཟློག །དགྲ་བགེགས་ཤ་ཁྲག་མཆོད་པ་འདི་བཞེས་ལ། །དགྲ་བགེགས་ཐལ་བ་རྡུལ་དུ་རློགས། །ཨོཾ་མ་ཧཱ་ཀཱ་ལ་གུ་ན་ཧྲི་ཏ་ཧཱུྃ་ཕཊ། མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བཱ་སུ་ཏ་ལ་ཁཱ་ཧི། ཨ་མྲྀ་ཏ་ལ་ཁཱ་ཧི། སྲོག་རྩ་ཨཉྫ་ལ་ཁཱ་ཧི། ཞེས་ཕུལ། གཏོར་ཆུང་གཅིག་ཟན་ལ། ཧཱུྃ། ཤར་ཕྱོགས་ཨེ་ཡི་དཀྱིལ་འཁོར་ནས། །བམ་ཆེན་རོ་ཡི་གདན་སྟེང་ན། །ཉིད་སྤྲུལ་སྲོག་བདག་བྱ་རོག་གདོང་། །སྐུ་མདོག་མཐིང་ནག་ཆར་སྤྲིན་མདོག །

[Full Size]

མི་བཟད་གདུག་པའི་འོད་ཟེར་འཕྲོ། །ཕྱག་གཡས་འབར་བའི་གྲི་གུག་འཕྱར། །བསྟན་ལ་སྡང་བའི་སྲོག་རྩ་ཆོད། །གཡོན་པས་བྷནྡྷ་དམར་གྱིས་བཀང་། །གདུག་པའི་སྙིང་ཁྲག་ཞལ་དུ་གསོལ། །དགྲ་བོའི་མགོ་ཕྲེང་དོ་ཤལ་བྱས། །ཡན་ལག་ཐུང་ལ་ལྟོ་བ་འཕྱང་། །དུག་སྦྲུལ་གདུག་པའི་སྐ་རགས་བཅིངས། །གིང་ཆེན་བརྒྱད་པོས་འཁོར་གྱིས་བསྐོར་། །དམ་ཉམས་སྲོག་ལ་མངའ་མཛད་པའི། །རྡོ་རྗེ་སྤྱང་ཀུ་ཤ་ལ་རོལ། །ཤར་ཕྱོགས་དྲེགས་པའི་དམག་དང་བཅས། །དམར་གྱི་གཏོར་མ་འདི་བཞེས་ལ། །བསྟན་ལ་སྡང་བའི་སྲོག་རྩ་ཆོད། །དམ་ཚིག་ཉམས་པའི་སྙིང་ཁྲག་འཇིབ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་བཛྲ་མ་ཧཱ་ཀཱ་ལ་ཧ་ན་གྷ་ན་ཧྲི་ད་ཡ་བྷི་ན་གྷ་ན། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མཱ་ར་ཡ་མཱ་ར་ཡ། གནོད་བྱེད་དགྲ་བགེགས་ཀྱི་མཾ་ས་ལ་ཁཱ་ཧི། རཀྟ་ལ་ཁཱ་ཧི། ཙིཏྟ་ལ་ཁཱ་ཧི། གོ་རོ་ཙ་ན་ལ་ཁཱ་ཧི། བཱ་སུ་ཏ་ལ་ཁཱ་ཧི། གར་པ་ཙག་ཤུ་ཀིང་ནི་རི་ཏི་ཁ་ཁ་ཁཱ་ཧི་ཁཱ་ཧི། ལས་མགོན་ཁ་དྲན་ཏྲའི་རྒྱུད་ནས་གསུངས་པའི་གཏོར་སྔགས་སོ། །རུ་ཏྲ་བསྒྲལ་བའི་མགོ་བོ་ལྷོ་ནུབ་ཏུ་བསྟན་པར་བཤད་ཕྱིར། རྐང་གཡས་ཤར་ཡིན་པས་བྲན་

[Full Size]

ལ། ཧཱུྃ། ཤར་ཕྱོགས་མཐིང་ནག་གྲུ་གསུམ་དཀྱིལ་འཁོར་ནས། །བམ་ཆེན་རོ་དང་ཉི་སྟེང་དུ། །སྲོག་བདག་ནག་པོ་བྱ་རོག་གདོང་། །སྐུ་མདོག་མཐིང་ནག་ཆར་སྤྲིན་མདོག །མི་བཟད་གདུག་པའི་འོད་ཟེར་འཕྲོ། །ཕྱག་གཡས་འབར་བའི་གྲི་གུག་ཕྱིར། །ཕྱག་གཡོན་བྷནྡྷ་དམར་གྱིས་བཀང་། །གདུག་པའི་སྙིང་ཁྲག་ཞལ་དུ་གསོལ། །ཚེ་ཤར་ཕྱོགས་རྡོ་རྗེ་རིགས་ཀྱི་ཕོ་ཉའི་རྦོད་གཏོང་ཐམས་ཅད་ཟློག །དགྲ་བོའི་མགོ་ཕྲེང་དོ་ཤལ་བྱས། །ཡན་ལག་རགས་ཤིང་ལྟོ་བ་འཕྱོ། །དུག་སྦྲུལ་གདུག་པའི་སྐ་རགས་ཅན། །ཞེ་སྡང་རིགས་ཀྱི་ཆོད་གཏོང་ཐམས་ཅད་ཟློག །གིང་ཆེན་བཅོ་བརྒྱད་འཁོར་གྱིས་བསྐོར། །དམ་ཉམས་སྲོག་ལ་མངའ་མཛད་པའི། །དོམ་དྲེད་སྤྱང་ཀུ་ཤ་ལ་རོལ། །ཤར་ཕྱོགས་དྲེགས་པའི་དམག་དང་བཅས། །དམ་ཉམས་དགྲ་བོའི་ཤ་ཁྲག་དང་། །ཤ་ཁྲག་དམར་གྱི་གཏོར་མ་བཞེས། །ཤར་ཕྱོགས་བྱད་ཁ་དགྲ་ལ་སྒྱུར། །སྟེང་གི་ཕྱོགས་ནས་བཟློག་པ་ནི། །བྱ་ནག་མང་པོས་མཆུ་སྡེར་བརྡར། །བྷྱོ་བྷྱོསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །ཤར་གྱི་ཕྱོགས་ནས་བཟློག་པ་ནི། །མོན་པ་ནག་

[Full Size]

པོས་འོ་དོད་འབོད། །བྷྱོ་བྱོསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །ལྷོ་ཡི་ཕྱོགས་ནས་བཟློག་པ་ནི། །གཤིན་རྗེའི་ཁྲམ་ཐོགས་སྲོག་ལ་རྔམས། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །ནུབ་ཀྱི་ཕྱོགས་ནས་བཟློག་པ་ནི། །མོན་མོས་གཡབ་དར་ལིངས་སེ་ལིང་། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །བྱང་གི་ཕྱོགས་ནས་བཟློག་པ་ནི། །སེང་སྟག་རྒྱུག་འདྲལ་རྔམ་པར་བྱེད། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །དམ་ཉམས་དགྲ་བོའི་ཤ་ཁྲག་དང་། །ཤ་ཁྲག་དམར་གྱི་གཏོར་མ་དང་། །ཤ་ཆེན་དུད་སྤྲིན་ཨ་མྲྀ་ཏ། །རཀྟ་རྣམས་དང་སྙིང་ཆེན་གྱིས། །སྲོག་བདག་འཁོར་བཅས་ཐུགས་དམ་བསྐང་། །ཐུགས་དམ་བསྐང་ལ་བྱད་ཁ་ཟློག །བན་བོན་ངན་སྔགས་བྱད་ཁ་ཟློག །ལྷ་སྲིན་སྡེ་བརྒྱད་ཆད་པ་ཟློག །ཨོཾ་མ་ཧཱ་ཀཱ་ལ་ཏྲཀྐད་ཛཿ མ་ཧཱ་མཾ་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། ཞིང་ཆེན་ལ་ཁཱ་ཧི། མ་ཧཱ་ཨ་མྲྀ་ཏ་ལ་ཁཱ་ཧི། སྲོག་རྩ་ཨཉྫ་ཁཱ་ཧི། ཞེས་ཕུལ། དེ་

[Full Size]

ནས་འདི་བདེ་མཆོག་རྒྱུད་དུ་རྟོག་པས། མ་རྒྱུད་གཡོན་བསྐོར་ཏེ། གཏོར་ཆུང་བྲན་ལ། ཧཱུྃ། བྱང་ཕྱོགས་ཨེ་ཡི་དུར་ཁྲོད་ནས། །བམ་ཆེན་རོ་ཡི་གདན་སྟེང་ན། །ལྗང་ནག་འབར་བའི་ཀློང་དཀྱིལ་ནས། །གནོད་སྦྱིན་ནག་པོ་བྱ་རོག་གདོང་། །མཐིང་ནག་དུག་ཆེན་འཁྱིལ་པ་འདྲ། །ཁ་རླངས་སྔོ་དམར་ནད་ཀྱི་ན་བུན་འཁྲིགས། །མི་བཟད་གདུག་པའི་ཚྭ་ཚྭ་འཕྲོ། །ཁྲག་གི་རལ་པ་དམར་པོ་གྱེན་དུ་གཟིངས། །རལ་པའི་གསེབ་ནས་ཐོག་དང་སེར་ཆེན་འབེབས། །ཕྱག་གཡས་གྲི་གུག་འབར་བ་ཡིས། །དམ་ཚིག་ཉམས་པའི་སྲོག་རྩ་གཅོད། །གཡོན་པས་ཐོད་པ་ཁྲག་གིས་བསྐང་། །དགྲ་བོའི་སྙིང་ཁྲག་ཞལ་དུ་རྔུབས། །སྐུ་སྨད་སྟག་གི་ཤམ་ཐབས་ཅན། །ལྗང་ནག་སྦྲུལ་གྱི་སྐེ་རགས་ཅན། །དགྲ་བགེགས་མ་ལུས་དབང་དུ་བསྡུས། །སྐུ་ལ་ཁྲག་ཞག་ཐིག་ལེས་བརྒྱན། །གནོད་སྦྱིན་ནག་པོའི་ཚོགས་ཀྱིས་བསྐོར། །ཤ་ཁྲག་གཏོར་མ་འདི་བཞེས་ལ། །སྡིག་ཅན་ཉམས་པའི་དགྲ་བོ་ལ། །ནད་དང་མཚོན་གྱི་ཆར་པ་ཕོབ། །གནོད་སྦྱིན་ནག་པོ་ཁྲག་གི་རལ་པ་ཅན། །མཐུ་དང་རྫུ་འཕྲུལ་མ་ཆུང་ཁྲག་རལ་ཅན། །རྟགས་དང་མཚན་མ་མ་ཞན་ཁྲག་རལ་

[Full Size]

ཅན། །དམ་ཉམས་དགྲ་བོ་སྡིག་ཅན་འདིའི། །མགོ་དང་ལུས་པོ་ད་ཕྲོལ་ཅིག །ཤ་དང་རུས་པ་ད་ཕྱེས་ཤིག །པགས་པ་གདན་དུ་ད་ཐིང་ཞིག །གཟུགས་བཞི་ས་ལ་ད་རྒྱོབ་ཅིག །དབང་པོ་རྣམ་ལྔ་ད་ཕྲོལ་ཅིག །ལྷ་ལྔ་དབང་དུ་ད་སྡུས་ཤིག །ཁྱོད་ཀྱི་སྤྲུལ་པ་ཆེན་པོ་ནི། །ཁྲོ་ཆུང་མཐིང་ནག་བྱ་རོག་གདོང་། །ཤ་ལོག་བྱེད་ཅིང་སྡང་མིག་བསྒྲད། །བྱ་རོག་འུག་པ་ཁྭ་ཏ་དང་། །བཞད་དང་སྲིན་བྱ་ལ་སོགས་ཀྱིས། །སྟོང་གསུམ་ཀུ་ཡིས་འདེབས་པར་བྱེད། །བྷྱོ་བྷྱོཿ་སྡང་བའི་དགྲ་ལ་བྷྱོ། །འདུས་འདུས་ཤ་དང་ཁྲག་ལ་འདུས། །དམར་གྱི་གཏོར་མ་འདི་བཞེས་ལ། །དགྲ་བོ་གསོད་པའི་ལས་མཛོད་ཅིག །ཨོཾ་མ་ཧཱ་ཧ་ཀཱ་ཧ་ཀ་མ་ལི་ནི་མུ་ཁྱེ་པྲ་ས་དྷ་ཡ་མ་ཧཱ་ཀཱ་ལ་བྷཛྷཱ་པྲ་ཧཱི་ཏོ་སི། མཱ་ར་ཡ་མཱ་ར་ཡ། ཀ་ར་ཡཱ་ཀ་ར་ཡཱ། སརྦ་དུཥྚན་པྲ་དུཏྟན། མ་ར་མ་ར་ཁོ་ཁ་ཁཱ་ཧི་ཁཱ་ཧི། ཤྲཱི་གྷཾ་ད་ཧ་ད་ཧ། པ་ཙ་པ་ཙ། ཧུ་ར་ཧུ་ར་མཾ་རཾ་ཧཱུྃ་ཕཊ། ཨི་དཾ་བ་ལིཾ་ཏ་ཤྲཱི་ཧ་ན་ཧྥུ་ཧ་ན་ཤྲི་སྭཱ་ཧཱ། ཨོཾ་ཨཱཿཧཱུྃ། ཞེས་ཕུལ། ལིངྒའི་རྐང་གཡོན་བྲན་ལ། ཧཱུྃ། བྱང་ཕྱོགས་ལྗང་ནག་གྲུ་གསུམ་དཀྱིལ་འཁོར་ནས། །ལྗང་ནག་མེ་དཔུང་འབར་བའི་ཀློང་དཀྱིལ་ནས། །

[Full Size]

གནོད་སྦྱིན་ནག་པོ་བྱ་རོག་གདོང་པ་ཅན། །སྐུ་མདོག་ལྗང་ནག་དུག་ཆེན་འཁྱིལ་པ་འདྲ། །ཁ་རླངས་སྔོ་དམར་ནད་ཀྱི་ན་བུན་འཁྲིགས། །མི་བཟད་གདུག་པའི་ཚྭ་ཚྭ་བུ་ཡུག་འཚུབ། །ཁྲག་གི་རལ་པ་དམར་པོ་གྱེན་དུ་འཁྱིལ། །རལ་པའི་གསེབ་ནས་ཐོག་དང་སེར་བ་འབེབས། །གཡས་པས་གྲི་གུག་ཉམས་པའི་སྲོག་རྩ་གཅོད། །ཚིགཡོན་གྱི་ཐོད་ཁྲག་དགྲ་བོའི་སྙིང་ཁྲག་འཐུང་། །སྐུ་སྨད་དཔའ་བོ་སྟག་གི་ཤམ་ཐབས་ཅན། །དགྲ་བགེགས་མ་ལུས་དབང་དུ་སྡུས། །ལྗང་ནག་སྦྲུལ་གྱི་སྐ་རགས་བཅིངས། །གནོད་སྦྱིན་ནག་པོའི་ཚོགས་ཀྱིས་བསྐོར། །དམ་རྫས་དམར་གྱི་གཏོར་མ་འདི་བཞེས་ལ། །ལས་ཀྱི་རིགས་ཀྱི་རྒོད་གཏོང་ཟློག །སྡིག་ཅན་དམ་ཉམས་དགྲ་བོ་ལ། །ནད་དང་མཚོན་གྱིས་ཆར་པ་འབེབས། །བྱད་ཁ་ཕུར་ཁ་བཟློག་ཅིག་བྱ་རོག་གདོང་། །དུས་ལ་བབ་བོ་བྱ་རོག་གདོང་། །སྟེང་གི་ཕྱོགས་ནས་བཟློག་པ་ནི། །ཁྲ་དང་བྱ་རོག་གཤོག་ལྡང་འཁྲིགས། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །ཤར་གྱི་ཕྱོགས་ནས་བཟློག་པ་ནི། །ཁྲོ་བོ་མཐིང་ནག་བྱ་རོག་གདོང་། །ཤ་ལོག་བྱེད་ཅིང་སྡང་

[Full Size]

མིག་ལྟ། །བྷྱོ་བྷྱོཿསྡང་བའི་དགྲ་ལ་བྱོ། །ཟློག་ཟློག་གནོད་པའི་བགེགས་ལ་ཟློག །ལྷོ་ཡི་ཕྱོགས་ནས་བཟློག་པ་ནི། །སེང་སྟག་དོམ་དྲེད་ལྕེ་སྤྱང་གཟིག །གཅན་གཟན་མང་པོའི་ས་གཞི་གང་། །བྷྱོ་བྷྱོཿསྡང་བའི་དགྲ་ལ་སྦྱོ། །ཟློག་ཟློག་གནོད་བགེགས་ལ་ཟློག །ནུབ་ཀྱི་ཕྱོགས་ནས་བཟློག་པ་ནི། །ཁྱི་ནག་མང་པོས་ངུ་ཟུག་བྱེད། །གཡག་ནག་མང་པོ་ངར་ཞིང་ངུར། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །བྱང་གི་ཕྱོགས་ནས་བཟློག་པ་ནི། །སྲིན་པོ་ཤ་ཟས་ཆོ་ངེས་འདེབས། །སྐྱེ་འགྲོ་ཡོངས་ཀྱི་སྲོག་གཅོད་པ། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །དམ་ཉམས་དགྲ་བོ་སྡིག་ཅན་འདི། །མགོ་ལུས་ཕྲོལ་ཅིག་ཁྲག་རལ་ཅན། །ཤ་རུས་དུམ་བུར་ད་ཕྱེས་ཤིག །དམ་ཉམས་དགྲ་བོའི་ཤ་ཁྲག་དང་། །ཤ་ཁྲག་དམར་གྱི་གཏོར་མ་དང་། །ཚིལ་ཆེན་དུད་པ་ཨ་མྲྀ་ཏ། །གློ་སྙིང་མཁལ་མ་ཙིཏྟ་ཡི། །དམར་གྱི་ཤ་ཁྲག་ཙིཏྟ་ཡི། །གནོད་སྦྱིན་བྱ་རོག་གདོང་གི་ཐུགས་དམ་བསྐང་། །ཐུགས་དམ་བསྐང་ལ་བར་ཆད་བྱད་ཁ་ཟློག །ཨོཾ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རིཀཱ་སྲོག་དུང་དུང་ཛཿ མ་

[Full Size]

ཧཱ་མཱི་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ཨམྲྀ་ཏ་ལ་ཁཱ་ཧི། སྲོག་རྩ་ཨཉྫ་ལ་ཁཱ་ཧི། ཞེས་ཕུལ། གཏོར་ཆུང་བྲན་ལ། ཧཱུྃ། ནུབ་ཕྱོགས་ཨེ་ཡི་དཀྱིལ་འཁོར་ནས། །དམར་ནག་མེ་ཡི་ཀློང་དཀྱིལ་ནས། །བདུད་ཕོ་ནག་པོ་བྱ་རོག་གདོང་། །ཞིང་ཆེན་རོ་ཡི་གདན་ལ་བཞུགས། །དུར་ཁྲོད་རོལ་པའི་བརྒྱན་དང་ལྡན། །མཐིང་ནག་སྐུ་ལ་རྔམས་པའི་ཞལ། །ལྕགས་ཀྱི་མཆེ་བ་དགྲ་ལ་གཅིགས། །གདུག་པའི་འོད་ཟེར་ཕྱོགས་བཅུར་འཕྲོས། །ཕྱག་གཉིས་གྲི་གུག་ཐོད་པ་འཛིན། །ལས་མཁན་དགྲ་བོའི་སྲོག་རྩ་གཅོད། །བདུད་དམག་བྱེ་བའི་ཚོགས་ཀྱིས་བསྐོར། །གཡས་ནས་སྤྲུལ་པའི་ཕོ་ཉ་ནི། །བྱ་ནག་མང་པོས་གཤོག་པ་རྡེབས། །གཡོན་ནས་སྤྲུལ་པའི་ཕོ་ཉ་ནི། །ལྕགས་སྤྱང་སྔོན་མོས་འབྲོས་དེད་བྱེད། །རྒྱབ་ནས་སྤྲུལ་པའི་ཕོ་ཉ་ནི། །ཁྱི་ནག་མང་པོ་ཟུག་ཅིང་ཟ་། །མདུན་ནས་སྤྲུལ་པའི་ཕོ་ཉ་ནི། །མི་ནག་མང་པོས་འོ་དོད་འབོད། །དམར་གྱི་གཏོར་མ་འདི་བཞེས་ལ། །བསྟན་པ་བཤིག་པའི་དགྲ་བོ་རྣམས། །བསད་ཐེབ་ནག་

[Full Size]

པོའི་ཁྲམ་ལ་ཐོབ། །ཉམས་པའི་རྣམ་ཤེས་རྟེན་དང་ཕྲོལ། །རྦད་པའི་ལས་ལ་མཐུ་མ་ཆུང་། །བཅོལ་བའི་ལས་རྣམས་མྱུར་འགྲུབ་མཛོད། །མ་གཡེལ་དམ་ཅན་ལས་ལ་ཤུགཤེགས། །ཨོཾ་མ་ཧཱ་ཀཱ་ལ་གྷིན་གྱིན་དགྲ་བགེགས་ཀྱི་མཾ་ས་ལ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཧ་ན་ཧ་ན་དགྲ་བགེགས་ཀྱི་རཀྟ་ལ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ད་ཧ་ད་ཧ་དགྲ་བགེགས་ཀྱི་ཙིཏྟ་ལ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་མཱ་ར་ཡ་མཱ་ར་ཡ་དགྲ་བགེགས་ཀྱི་བ་སུ་ཏ་ལ་ཁ་ཁ་ཁཱ་ཧི་ཁཱ་ཧི། ཞེས་ཕུལ། ལིངྒའི་ལག་པ་གཡོན་པ་བྲན་ལ། ཧཱུྃ། ནུབ་ཕྱོགས་དམར་ནག་གྲུ་གསུམ་དཀྱིལ་འཁོར་ནས། །ཚེ་བདག་བྱ་རོག་གདོང་ཅན་ནི། །ཞིང་ཆེན་རོལ་པའི་གདན་ལ་བཞུགས། །དུར་ཁྲོད་རོལ་པའི་བརྒྱན་དང་ལྡན། །མཐིང་ནག་སྐུ་ལ་རྔམ་པའི་ཞལ། །ལྕགས་ཀྱི་མཆེ་བ་དགྲ་ལ་གཙིགས། །དུག་གི་འོད་ཟེར་ཕྱོགས་བཅུར་འཕྲོས། །ཕྱག་ན་གྲི་གུག་ཐོད་ཁྲག་ཐོགས། །ལས་མཁན་ནག་པོས་དགྲ་སྲོག་གཅོད། །ཤ་ཁྲག་གཏོར་མ་འདི་བཞེས་ལ། །ནུབ་ཕྱོགས་པདྨ་རིགས་ཀྱི་དྲོད་གཏོང་ཟློག །ཡེ་ཤེས་ལྷ་ཡི་རྦོད་གཏོང་ཐམས་ཅད་ཟློག །འཇིག་རྟེན་དྲེགས་པའི་དྲོད་གཏོང་ཐམས་ཅད་

[Full Size]

ཟློག །བདུད་དམག་བྱེ་བའི་འཁོར་གྱིས་བསྐོར། །ལྷ་སྲིན་སྡེ་བརྒྱད་རྦོད་གཏོང་ཐམས་ཅད་ཟློག །སྟེང་གི་ཕྱོགས་ནས་བཟློག་པ་ནི། །ཁྱུང་དང་ཁྭ་ཏ་ཤང་ཤང་དང་། །བཞད་དང་དུར་བྱ་གཤོག་པ་རྡེབ། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །ཤར་གྱི་ཕྱོགས་ནས་བཟློག་པ་ནི། །དུང་གི་མུན་པ་འབུམ་ནི་རལ་གྲི་ཕྱར། །བྷྱོ་བྷྱོཿསྡང་བའི་དགྲ་ལ་བྱོ༄༅། །ཟློག་ཟློག་ལྟས་ངན་དགྲ་ལ་ཟློག །ལྷོ་ཡི་ཕྱོགས་ནས་བཟློག་པ་ནི། །ལྕགས་ཀྱི་ཁྱི་ནག་འབུམ་ནི་ངུ་ཟུག་བྱེད། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་ལྟས་ངན་ཐམས་ཅད་ཟློག །ནུབ་ཀྱི་ཕྱོགས་ནས་བཟློག་པ་ནི། །བལ་མོ་འབུམ་ནི་གཡབ་མོ་རྡེབ། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་ལྟས་ངན་དགྲ་ལ་ཟློག །བྱང་གི་ཕྱོགས་ནས་བཟློག་པ་ནི། །སྟག་གཟིག་འབུམ་ནི་རྒྱུག་དྲལ་བྱེད། །བྷྱོ་བྷྱོཿསྡང་བའི་དགྲ་ལ་སྦྱོ། །ཟློག་ཟློག་ལྟས་ངན་དགྲ་ལ་ཟློག །དམ་ཉམས་དགྲ་བོའི་ཤ་ཁྲག་དང་། །དམར་གྱི་གཏོར་མ་ཨ་མྲྀ་ཏ། །ཤ་ཆེན་སྤོས་ཀྱི་དུད་སྤྲིན་དང་། །དམར་གྱི་གཏོར་མ་སྙིང་རྣམས་ཀྱིས། །བྱ་རོག་གདོང་གི་

[Full Size]

ཐུགས་དམ་བསྐང་། །ཐུགས་དམ་གཉེན་པོ་བསྐངས་ནས་ཀྱང་། །འཇིག་རྟེན་ལྷ་འདྲེ་མི་གསུམ་གྱིས། །རྦོད་གཏོང་བསམ་སྦྱོར་ངན་པ་རྣམས། །བཟློག་ཅིག་དགྲ་བགེགས་སྟེང་དུ་དུ་བྷྱོ། །ཨོཾ་མ་ཧཱ་ཀཱ་ལ་སི་ཏི་ཡ་མ་དུ་ཛཿ མ་ཧཱ་མཾ་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཞིང་ཆེན་ལ་ཁཱ་ཧི། མ་ཧཱ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་སྲོག་རྩ་ཨཉྫཁཱ་ཧི། ཞེས་ཕུལ། དེ་ནས་གཏོར་ཆུང་བྲན་ལ། བྷྱོ༔ ལྷོ་ཕྱོགས་ཨེ་ཡི་དཀྱིལ་འཁོར་ནས། །བཻ་ཆེན་རོ་ཡི་གདན་སྟེང་དུ། །མ་མོ་བྱེ་བའི་ཀློང་དཀྱིལ་ནས། །བདུད་མོ་རྩ་འཇིབ་ཁྲག་འཐུང་མ། །མཐིང་ནག་སྐུ་ལ་ཁྲག་རུལ་མདོག །སྔོ་དམར་ནད་ཀྱི་ཚྭ་ཚྭ་འཕྲོ། །གཟེར་ཡམས་ནད་ཀྱི་ན་བུན་འཁྲིགས། །དམིགས་པའི་དགྲ་ལ་དམག་སྣ་འདྲེན། །སྐུ་ལ་ཁྲག་ཞག་ཐིགས་ལེའི་བརྒྱན། །གསོད་པའི་མཚོན་ཆ་ལག་ན་བསྣམས། །རྩ་ཆེན་བཞི་ནས་རཀྟ་འཇིབས། །ནག་མོ་དྲུག་འབུམ་ཕོ་ཉར་འགྱེད། །སྲིད་པའི་མ་མོས་དམག་སྣ་འདྲེན། །དགྲ་བོའི་ཤ་ཁྲག་སྟོབ་ཅིང་འཆའ། །ལས་ཀྱི་རླུང་ནག་ཆིབས་སུ་ཆིབས། །དམ་ལ་གནས་པའི་སྡོང་

[Full Size]

གྲོགས་མཛད། །མ་མོ་བྱེ་བའི་འཁོར་གྱིས་བསྐོར། །དམར་གྱི་གཏོར་མ་འདིས་བཞེས་ལ། །ཉམས་པའི་སྙིང་ཁྲག་ཞལ་དུ་གསོལ། །དགྲ་བོའི་སྲོག་རྩ་དམར་པོ་ལོང་། །བཅོལ་བའི་ལས་ལ་མ་གཡེལ་ཞིག །དྲག་པོའི་ཕྲིན་ལས་མྱུར་དུ་མཛོད། །ཨོཾ་མ་ཧཱ་ཀཱ་ལ་ཡ། ཨོཾ་ཨི་དཾ་བ་ལི་ཏ་སརྦ་པཉྩ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། མ་མ་ཏྲག་རཀཱ་མ་ཧཱ་ཀཱ་ལ་རཀྵ་དེ་ཝི་ཧྥི་ཧྥ་ཁ་ཁ་ཁཱ་ཧི་ཁཱ་ཧི། ཧཱུྃ་ཧཱུྃ་སིདྡྷི་ས་མ་རུ་སྭཱ་ཧཱ། བཞི་སྙིང་རྒྱུད་གཏོར་སྔགས་དེས་ཕུལ་ནས། ལིང་གའི་ལག་པ་ལག་གཡས་བྲན། བྷྱོ༔ ལྷོ་ཕྱོགས་སེར་ནག་གྲུ་གསུམ་དཀྱིལ་འཁོར་ནས། །བཻ་ཆེན་རོ་ཡི་གདན་སྟེང་དུ། །ལས་མཛད་མ་མོའི་དཀྱིལ་འཁོར་ནས། །བདུད་མོ་རྩ་འཇིབ་ཁྲག་འཐུང་རྐང་ལྡག་མ། །སྐུ་མདོག་དམར་ནག་ག་གི་མདོག །སྔོ་དམར་ནད་ཀྱི་ཚྭ་ཚྭ་འཕྲོ། །ཁྲག་ནད་རྒྱུ་གཟེར་ན་བུན་འཐིབ། །དམིགས་པའི་དགྲ་ལ་དམག་འདྲེན་མ། །སྐུ་ལ་ཁྲག་ཞག་ཐིགས་ལེའི་བརྒྱན། །གསོད་པའི་མཚོན་ཆ་ལག་ན་ཐོགས། །རྩ་ཆེན་བཞི་ནས་རཀྟ་འཇིབ། །ནག་མོ་དྲུག་འབུམ་ཕོ་ཉར་འགྱེད། །སྲིད་པའི་མ་མོའི་དམག་སྣ་འདྲེན། །དགྲ་བོའི་ཤ་ཁྲག་སྟོབ་ཅིང་

[Full Size]

འཆའ། །དམར་གྱི་གཏོར་མ་འདི་བཞེས་ལ། །རིན་ཆེན་རིགས་ཀྱི་རྦོད་གཏོང་ཐམས་ཅད་ཟློག །ལས་ཀྱི་རླུང་དམར་ཆིབས་སུ་ཆིབས། །དམ་ལ་གནས་པའི་གྲོགས་མཛད་མ། །བདུད་མོ་བྱེ་བས་འཁོར་གྱིས་བསྐོར། །དམར་གྱི་གཏོར་མ་འདིས་བཞེས་ལ། །ལྷོ་ཕྱོགས་ཁྲོད་གཏོང་བསམ་སྦྱོར་ངན་པ་ཟློག །ནད་རིམས་དལ་ཁ་ཐམས་ཅད་ཟློག །བྱད་ཁ་ཕུར་ཁ་ཐམས་ཅད་ཟློག །དུས་འདིར་བཟློག་པའི་དུས་ལ་བབ། །དུས་ལ་བབ་བོ་ཁྲག་འཐུང་མ། །སྟེང་གི་ཕྱོགས་ནས་བཟློག་པ་ནི། །ཡེ་ཤེས་མ་མོའི་ནམ་མཁའ་གང་། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །མདུན་གྱི་ཕྱོགས་ནས་བཟློག་པ་ནི། །མ་མོ་འབུམ་གྱིས་གཡབ་མོ་རྡེབ། །བྷྱོ་བྷྱོཿསྡང་བའི་དགྲ་ལ་བྱོ། །ཟློག་ཟློག་རྐྱེན་ངན་དགྲ་ལ་ཟློག །གཡས་ཀྱི་ཕྱོགས་ནས་བཟློག་པ་ནི། །མིང་པོ་ལས་ཀྱི་གཤིན་རྗེ་འབུམ། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །རྒྱབ་ཀྱི་ཕྱོགས་ནས་བཟློག་པ་ནི། །དུག་སྦྲུལ་གདུག་པ་ཤིགས་སེ་ཤིག །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བསམ་སྦྱོར་ངན་པ་ཟློག །གཡོན་གྱི་ཕྱོགས་

[Full Size]

ནས་བཟློག་པ་ནི། །མོན་མོ་བལ་མོའི་སྟོང་ཁམས་གང་། །བྷྱོ་བྷྱོཿསྡང་བའི་དགྲ་ལ་བྷྱོ། །ཟློག་ཟློག་བྱད་ཁ་ཕུར་ཁ་ཟློག །དུས་ལ་བབ་བོ་རྩ་འཇིབ་མ། །དམ་ཉམས་དགྲ་བོའི་ཤ་ཁྲག་དང་། །ཤ་ཁྲག་དམར་གྱི་གཏོར་མ་དང་། །ཤ་ཆེན་སྤོས་ཀྱི་དུད་སྤྲིན་དང་། །རཀྟ་སྙིང་ཆེན་རྒྱལ་མཚན་གྱིས། །རྩ་འཇིབ་མ་ཚོགས་ཐུགས་དམ་བསྐང་། །ཐུགས་དམ་བསྐང་ལ་བྱད་ཁ་ཟློག །ཡེ་ཤེས་ལྷ་ཡི་རྦོད་གཏོར་ཟློག །འཇིག་རྟེན་ལྷ་འདྲེའི་རྦོད་གཏོང་ཟློག །བན་བོན་བསམ་སྦྱོར་ངན་པ་ཟློག །ཚེ་དང་སྲོག་གི་བར་ཆད་ཟློག་།ཁ་རྗེ་ཟ་ཁའི་བར་ཆད་ཟློག །བྱད་ཉེས་ངན་འགྲིབ་ཐམས་ཅད་ཟློག །བསམ་ངན་སྦྱོར་བ་ངན་པ་ཐམས་ཅད་ཟློག །ཨོཾ་མ་ཧཱ་ཀཱ་ལི་དེཝི་རུ་པི་ནི་ཧཱུྃ་ཕཊ། མ་ཧཱ་མཾ་ས་ལ་ཁཱ་ཧི་ཁཱ་ཧི། རཀྟ་ལ་ཁཱ་ཧི། ཙིཏྟ་ལ་ཁཱ་ཧི། བ་སུ་ཏ་ལ་ཁཱ་ཧི། གོ་རོ་ཙ་ན་ལ་ཁཱ་ཧི། ཞིང་ཆེན་ལ་ཁཱ་ཧི། ཨ་མྲྀ་ཏ་ལ་ཁཱ་ཧི། སྲོག་རྩ་ཨ་ཛཱ་ལ་ཁཱ་ཧི། ཞེས་ཕུད་དང་རཀྟ་སྦྲེང་ལ་བཏབ་པར་བྱའོ། །ཞེས་གསུངས་པས། གཏོར་མ་དང་ལིང་ག་ཕུལ་རྗེས་སུ་བདུད་རྩི་དང་རཀྟས་གཏོར་ཟློག་བྲན་པ་དེ་ཐོན་ན་ལེགས་སོ། །དེ་ནས་གཏོར་ཆུང་ཤ་དུམ་མཐེབ་སྐྱུ་ཏིང་ལོ་ཆངས་བུ་ལིང་ཆུང་པར་མ་

[Full Size]

འབྲས་མཚན་སྨན་བཏབ་པ་རྣམས། ཆང་ཁྲག་ཏུ་བསྲེས་པས་བྲན་ཏེ། རྒྱས་པར་སོ་སོ་རེ་རེ་བཞིན་དང་བསྡུ་ན་དུས་གཅིག་འགུགས་གཞུག་དང་བྱིན་རླབས་སྐབས་དང་བཏུན། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་སོགས། །སྟོང་པའི་ངང་ལས་གཏོར་སྣོད་གྲུ་གསུམ་ཡངས་ཤིང་རྒྱ་ཆེ་བའི་ནང་དུ་གནམ་ལྕགས་ཀྱི་ཁ་ཊཾ་མེ་འབར་ཞིང་སྤུ་གྲི་ལྟར་རྣོ་བ། སྲ་བརྟན་རི་རྒྱལ་འདྲ་གསལ་བ་ལས། བདག་དང་མདུན་བསྐྱེད་ལས་འོད་ཟེར་ནག་པོ་ཚ་ཞིང་རྩུབ་པ་འཁོར་རྣམས་ལ་ཕོག་པས། གནད་ལ་ཕོག་པ་ལྟར་རབ་ཏུ་ཁྲོས་ནས་ཕྱོགས་བཅུར་རྒྱུག་སྟེ་དགྲ་བགེགས་ཐམས་ཅད་བཟུང་ནས་སྐྱོགས་རྡོ་ལྟར་འཕང་བ་ཁ་ཊཾ་གི་རྩེར་ཕོག་པས། དམར་ཆར་གྱིས་སོང་ནས་ཤ་ཁྲག་གིས་གཏོར་སྣོད་གང་བར་གྱུར། ན་མོ་རཏྣ་ཏྲ་ཡ་ཡཱ། ན་མོ་བཛྲ་པཱ་ཎི་ཡེ། དཀོན་མཆོག་རིན་ཆེན་གསུམ་གྱི་བདེན་པ་དང་། རྩ་བརྒྱུད་ཀྱི་བླ་མ་གྲུབ་ཐོབ་རྒྱ་མཚོའི་བདེན་པ་དང་། འཁོར་ལོ་སྡོམ་པ་ལ་སོགས་པ་ཡི་དམ་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱི་བདེན་པ་དང་། མ་མགོན་ལྕམ་དྲལ་ལ་སོགས་མཁའ་འགྲོ་ཆོས་སྐྱོང་རྣམས་ཀྱི་བདེན་པ་དང་། ཆོས་ཉིད་རྣམ་པར་དག་པ་དང་རྟེན་འབྲེལ་བསླུ་བ་མེད་པའི་བདེན་པ་དང་། བདེན་པ་

[Full Size]

ཆེན་པོའི་མཐུས། ཞིང་བཅུ་ཚང་བ་བསྟན་པའི་སྤྱི་དགྲ། བདག་ཅག་དཔོན་སློབ་ལ་གནོད་ཅིང་འཚེ་བའི་དགྲ་བགེགས་གཟུགས་ལིང་གར་བཀོད་པ་འདི་རྣམས། ལིང་ག་དང་མཆོད་རྫ་ས་འདི་ལ་ཁུག་ཅིག །བཛྲ་ཨཾ་ཀུ་ཤ་ཛ་ཛཿ བཛྲ་པ་ཤ་ཧཱུྃ་ཧཱུྃ། བཛྲ་སྤོ་ཊ་ཐཾ་ཐཾ། བཛྲ་གྷནྡྷེ་ཧོ་ཧོ༔ བཛྲ་པྲ་ཝེ་ཤ་ཡ་ཕཊ་ཕཊ༔ བཛྲ་ཨ་ཝེ་ཤ་ཡ་ཨ་ཨཱ༔ ཞེས་དུས་གཅིག་ལ་གསུམ་མམ་བདུན་སོགས་བྱས་ནས་བསད་སྔགས་སོ། །ཨོཾ་ཧྲིཧ་ཧ་ཧཱུྃ་ཧཱུྃ་ཕཊ༔ ཨོཾ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ༔ ཨོཾ་མ་ཧཱ་ཀཱ་ལ་གྷ་ན་ཧྲི་ཏ་ཧཱུྃཕཊ༔ ཨོཾ་མ་ཧཱ་ཀཱ་ལ་ཏྲཀཱདེ་ཛཿ ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛཾ༔ ཨོཾ་མ་ཧཱ་ཀཱ་ལ་ནི་ཐུ་རིལ་ཆད་པུཎི་ཛཿ དགྲ་བགེགས་ཀྱི་ཙིཏྟ་ལ་ཡ། ཏྲག་རཀྵ་ཐུམ་རིལ་རྦད༔ ཙིཏྟ་ཁ་རག་ཛ་ཛཿ ཀྲྀ་ཛཙིཏྟ་ལ་ཡ། ཐུམ་རིལ་རྦད། ཏྲཾ་ཤག་ཤག །དགྲ་བགེགས་ཀྱི་ཙིཏྟ་ལ་ཡ། མ་ཧཱ་ཀཱ་ལ་གིང་ཀ་ར་གིང་ཀ་ར། སྲོག་ལ་ཡ། སྙིང་ལ་ཡ། རུ་རུ་ཙ་པ་ལ་ཡ། །མ་ཧཱ་ཀཱ་ལ་ཧཱུྃ་བྷྱོ༔ མ་ཧཱ་ཀཱ་ལ་དགྲ་བགེགས་ཀྱི་སྙིང་ཁྲག་ལ་ལྡིབ་ལྗིབ། ཆོད་ཆོད་སྲོག་རྩ་ཆོད། ཐུམ་རིལ་རྒྱུད། ཨོཾ་མ་ཧཱ་ཀཱ་ལ་དགྲ་བོ་ལྷ་དང་ཤག་ཕྱེས་ཤག་ཕྱེས། མ་

[Full Size]

མ་ཏྲག་རུ་ཏྲ་དགྲ་བགེགས་མཱ་ར་ཡ་ཧཱུྃ་ཕཊ༔ མང་ཉུང་སྐབས་དང་བསྟུན། རྒྱས་པར་བཤམས་ཐེབ་རེ་ལ་བྱིན་རླབས་རེ་རེ། བསྡུ་ན་ཐམས་ཅད་བདུད་རྩིས་བྲན་ལ་དུས་གཅིག་བྱིན་རླབས་ཏེ། རླུང་མེ་ཐོད་སྐྱེད་ཀྱི་་སྟེང་དུ་ཀ་པ་ལ་སྟོང་གསུམ་ཙམ་གྱི་ནང་དུ་ངོ་བོ་དགྲ་བགེགས་ཀྱི་ཤ་ཁྲག །རྣམ་པ་ཤ་ལྔ་བདུད་རྩི་ལྔ་ཞུ་ཞིང་ཡེ་ཤེས་ཀྱི་བདུད་རྩི་དང་། ཤ་སྣ་བརྒྱ་དང་རྩ་བརྒྱད། ཁྲག་སྣ་བརྒྱ་དང་རྩ་བརྒྱད། འབྲུ་མཆན་སྨན་སྣ་བརྒྱ་དང་རྩ་བརྒྱད། དགྲ་བགེགས་ཀྱི་ཀླད་རུས་ཚིལ། རྐང་མར་གློ་སྙིང་ནང་གྲོལ་རླངས་པ་མ་ཡལ་བ། སྦེ་སྣུམ་ཞིམ་མངར་རོ་བཅུད་ཕུན་སུམ་ཚོགས་པ་དཔག་ཏུ་མེད་པར་གྱུར། ཧ་ཧོ་ཧྲཱི༔ ཨོཾ་ཨཱཿཧཱུྃ་ཧོ༔ མཁའ་འགྲོ་བརྒྱད་དྲུག་སོགས་དཔག་མེད་ཀྱིས་མཆོད་པ་དེ་དག་གཙོ་འཁོར་ཐམས་ཅད་ལ་བཏབ་པས་ལྡིབ་ལྡིབ་རྐན་སྒྲ་དང་བཅས་པས་གསོལ་ནས་དགྱེས་པའི་གད་མོ་ཧ་ཧ་ཧི་ཧིས་སྒྲ་འབྲུག་ལྟར་སྒྲོག་པར་བསྒོམ་ལ། གཏོར་རྫོང་བསྐུལ་ཐུང་འདི་བྱའོ། །ཤིན་ཏུ་བསྡུ་ན་སྔགས་ཁོ་ནས་ཆོག །ཧཱུྃ། དཔལ་ལྡན་མགོན་པོ་ཁྲག་འཐུང་རྒྱལ། །ལེགས་ལྡན་ནག་པོ་འཇིགས་པའི་གཟུགས། །ཞལ་ནས་ཧཱུྃ་ཕཊ་འབྲུག་ལྟར་སྒྲོག །ལྗགས་ནི་ཕྱོགས་བཅུར་གློག་ལྟར་འཁྱུག །འཇིགས་པའི་གད་མོ་ཆེན་པོ་འབྱིན། །ཀེང་རུས་སྐམ་རློན་ཁྲི་ལ་

[Full Size]

བཞུགས། །ཤངས་ཀྱི་འཚུབ་མས་ཁམས་སུ་གཏོར། །སངས་རྒྱས་བསྟན་པའི་བཀའ་སྲུང་ཆེ། །དམ་ཉམས་རྣམས་ཀྱི་སྲོག་གཅོད་ཆེ། །རིག་འཛིན་རྣམས་ཀྱི་སྲོག་ཤིང་ཆེ། །རྣལ་འབྱོར་ཀུན་གྱི་དགྲ་བླ་ཆེ། །དུས་གསུམ་ནད་ཀྱི་སྨན་པ་ཆེ། །བདུད་འདུལ་ཡོངས་ཀྱི་དབང་ཕྱུག་ཆེ། །ལྷ་ཡི་དགེ་བསྙེན་ཆེན་པོ་སྟེ། །ལྷ་དམག་འབུམ་གྱི་དབུགས་འབྱིན་ཆེ། །ནམ་མཁའི་བུ་མོ་ཀློག་མ་སྤྲིན། །འདུལ་བར་ཞལ་གྱིས་བཞེས་མཛད་པ། །རྡོ་རྗེ་རོ་ལངས་དུར་ཁྲོད་བདག །གཙུག་ལག་ཁང་དང་དཀྱིལ་འཁོར་གྱི། །སྲུང་མ་ཆེན་པོར་མངའ་གསོལ་ལོ། །ཡེ་ཤེས་མགོན་པོ་འཁོར་བཅས་ལ། །ཤ་སྣ་སྙིང་སྣ་ཁྲག་སྣ་དང་། །ཚིལ་དང་རུས་པ་སྣ་ཚོགས་དང་། །འབྲུ་སྣ་ཀུན་ལ་སྦྱར་བ་ཡི། །བརྒྱན་པའི་གཏོར་མ་འདིར་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་མ་ཧཱ་ཀཱ་ལ་ཡ། ཤ་ས་ན་ཨུ་པ་ཧ་རི་ནི་ཨེ་ཥ་ཨ་པཉྩི་མ་ཀ་ལོ་ཨ་ཡཾ། །ཨི་དཾ་རཏྣ་ཡཱ་ཡ། ཨ་པཱ་ཀཱ་རི་ནི་ཡ་ཏི་པྲ་ཏི་ཛྙ་སྨ་ར་སི་ཏ་ད། ཨི་དཾ་དུཏྟཾ་དགྲ་བགེགས་ལ་ཁ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྷི་སྣ་གྷི་སྣ། བྷནྡྷ་བྷནྡྷ། ཧ་ན་ཧ་ན། ད་

[Full Size]

ཧ་ད་ཧ། པཙ་པ་ཙ། དི་ན་མེ་ཀེ་ན་དགྲ་བགེགས་མཱ་ར་ཡ་ཧཱུྃ་ཕཊ༔ སྤྱི་འཚམས་སྔགས་འདིས་འབུལ་བ་ཡོངས་གྲགས་ཡིན་ནའང་། ཡང་ན། ཨོཾ་བཛྲ་མ་ཧཱ་ཀཱ་ལ་ཡ། ཀཱ་ཡ་ཝཱཀྐ་ཙིཏྟ་ས་མ་ཡ་ཛ་ཛཿ བ་ལིཾ་ཏ་པཉྩ་ཨ་མྲྀ་ཏ་བ་ལི་ཏ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སརྦ་ཤ་ཏུཾ་ཀཱ་ཡ་ཝཱཀྐ་ཙིཏྟ་གྷི་སྣ་གྷི་སྣ། སརྦ་ཤ་ཏུ་ཚྭ་ས་ལ་ཁཱ་ཧི་ཁཱ་ཧི། ཧ་ན་ཧ་ན་སརྦ་ཤ་ཏུཾ་གོ་རོ་ཙ་ན་ལ་ཁཱ་ཧི་ཁཱ་ཧི། ད་ཧ་ད་ཧ་སརྦ་ཤ་ཏུཾ་བ་སུ་ཏ་ལ་ཁཱ་ཧི་ཁཱ་ཧི། པ་ཙ་པ་ཙ་སརྦ་ཤ་ཏུ་རཀྟ་ལ་ཁཱ་ཧི་ཁཱ་ཧི། མཱ་ར་ཡ་མཱ་ར་ཡ་སརྦ་ཤ་ཏུ་དགྲ་བགེགས་ཀྱི་ཙིཏྟ་ལ་རྦད་རྦད། སརྦ་བྷིག་ནཱན་མཱ་ར་ཡ་ཨེ་ཀ་ཟློག་ཟློག །སྲོག་གཟན་པོའི་རྒྱུད་ནས་གསུང་པའི་བཟློག་སྔགས་ཏེ། བཟློག་པ་འདི་ཁོ་ན་བྱེད་ན་སྔགས་འོག་མ་འདི་རང་གིས་འབུལ་བ་ཟབ་བོ། །བྷྱོཿ ཁྱོད་ཀྱི་ཐུགས་དམ་དུས་ལ་བབ། །བདག་ཅག་དཔོན་སློབ་ཡོན་མཆོད་ལ། །རླུང་མཁྲིས་བན་ཀན་འདུས་པ་ལས། །གྱུར་པའི་ནད་རིགས་བཞི་བརྒྱ་དང་། །རྩ་བཞི་ཞི་བར་མཛད་དུ་གསོལ། །རྒྱལ་པོ་ཀླུ་བདུད་ལ་སོགས་པའི། །གདོན་གྱི་རིགས་རྣམས་ཞི་བར་མཛོད། །རྨི་ལམ་ངན་སོགས་ཞི་བར་མཛོད། །བདག་ཉིད་རྣལ་འབྱོར་བསྲུང་དུ་གསོལ། །ཉིན་དང་མཚན་དུ་བྱ་ར་

[Full Size]

མཛོད། །ཚེ་དང་བསོད་ནམས་སྤེལ་དུ་གསོལ། །དཔལ་དང་གྲགས་པ་བསྒྲུབ་ཏུ་གསོལ། །འཁོར་དང་བསྟན་པ་བསྲུང་དུ་གསོལ། །ལུས་དང་གྲི་མ་བཞིན་དུ་འགྲོགས། །ལེགས་དང་སྤྱོད་དང་ཉེས་དང་བསོལ། །བསམ་པ་བསྒྲུབ་ལ་རེ་བ་སྐོང་། །བཅོལ་བའི་ཕྲིན་ལས་འགྲུབ་པར་མཛོད། །རྒྱས་པར་ན། ཁྲག་ཆེན་འབར་བའི་ཨནྣཾ་དང་། ཞག་ཆེན་འཁྲིགས་པའི་ཞབས་བསིལ་དང་། །དབང་པོ་ལྔ་ཡི་མེ་ཏོག་དང་། །ཤ་ཆེན་སྤོས་དང་ཚིལ་ཆེན་གསུར། །ཞུན་ཆེན་སྣང་གསལ་མར་མེ་དང་། །སྣ་ཚོགས་དྲི་ཡི་བྱུག་པ་དང་། །ཤ་ཆེན་ལྔ་ཡི་ཞལ་ཟས་དང་། །ཐོད་ཆེན་རྔ་དང་རྐང་ཆེན་དུང་། །དགྱེས་པའི་ཚུལ་གྱིས་བཞེས་སུ་གསོལ། །བཛྲ་མ་ཧཱ་ཀཱ་ལི་དེ་ཝི་ཀཱ་ལི་ས་པ་རི་ཝཱ་ར་ཨནྡྷཾ་པཱཏྱཾ་སོགས་ཤཔྟ་པྲ་ཏཱིཙྪ་སྭཱ་ཧཱ། མཆོད་པ་དང་། བདེ་གཤེགས་ཐུགས་སྤྲུལ་མས་བསྟོད། ཧཱུྃ། བདེ་གཤེགས་ཐུགས་རྗེའི་སྐུ་སྤྲུལ་པ། །སེམས་ཅན་ཀུན་ལ་མགོན་སྐྱབས་མཛད། །འོག་མིན་གནས་ལ་བཞུགས་པ་ལ། །རབ་ཏུ་བཏུད་དེ་ཕྱག་འཚལ་བསྟོད། །བཅོམ་ལྡན་འདས་ཀྱི་སྐུར་བསྟན་པ། །འདྲེན་པ་འཇིག་རྟེན་མཁའ་འགྲོའི་གཙོ། །དྲག་པོ་མ་ལུས་

[Full Size]

འདུལ་མཛད་པ། །མ་ཧཱ་ཀཱ་ལར་ཕྱག་འཚལ་བསྟོད། །འཇིག་རྟེན་ལ་གནས་གདུག་པ་འདུལ། །དུར་ཁྲོད་མ་མོ་ཀུན་གྱི་གཙོ། །ལྷ་ཆེན་འཇིགས་པའི་སྐུར་བསྟན་པ། །འཇིག་རྟེན་མགོན་པོར་ཕྱག་འཚལ་བསྟོད། །འབྲི་བཅུ་རེའི་སོར་མཆོད་པ་རེ་དང་བསྐང་བརྒྱད་ཚར་རེ་བྱ། བསྡུ་པ་ལ། ༀ་བཛྲ་མ་ཧཱ་ཀཱ་ལ་ས་པཱ་རི་ཝ་ར་ཨརྒྷཾ་སོགས། ཧཱུྃ་ལས་སྐྱེས་པའི་ནག་པོ། །པདྨ་ཉི་ཟླའི་གདན་ལ་བཞུགས། །གདུག་པ་ཟིལ་གནོན་མེ་དཔུང་ནང་། མཐུ་ཆེན་ཁྱེད་ལ་ཕྱག་འཚལ་བསྟོད། །ཅེས་པས་ཡེ་ཤེས་མགོན་པོ་ལས་མགོན་གཉིས་ཀའི་བསྟོད་པ་ཚང་ངོ་། །ཞག་མང་བྱེད་ན་ཉིན་རེ་ཉེར་གཅིག་སོགས་སྐབས་དང་བསྟུན་ཏེ་རེ་རེ་ལ་མཆོད་བསྟོད་སོགས་རྒྱས་པར་བྱ་ཞིང་། ཉིན་རྫོགས་ལ་ནི་སྔགས་ཁོ་ནས་འབུལ་ལ་མཇུག་ཏུ་མཆོད་བསྟོད་གཅིག་བྱས་ཀྱང་རུང་། རྒྱས་པར་ལྕོགས་ན་བརྒྱ་རྩ་རྫོང་ཚེ་མགོན་པོའི་སྤོས་སམ། གུ་ཁུལ་ཚིལ་ཆེན། མེད་ན་ར་ཚིལ་གྱིས་གསུར་དུད་མ་ཆད་པར་བྱས། ཤ་ས་ན། བཞི་སྙིང་། རྐང་བརྒྱད་བརྒྱུན་མའི་སོ་སོར། རོལ་མོའི་སྒྲ་མ་ཆད་པར་བྱ། དེ་བརྒྱ་རྩ་རྫོང་ཆེ་ཡིན་གྱི་རྒྱུན་དུ་མིན། མ་ལྕོགས་ཀྱང་འགལ་བ་མེད། རམ་བུ་བ་དུ་ཡོད་གྲངས་ཀྱི་གཏོར་ཆུང་ལིང་ག་མཉམ་དུ་ཕུལ་ནས་རྩི་སྟེ། དཔེར་ན་མི་བཅུ་ཡོད་ན་ཚར་བཅུ་གཅིག་གིས་བརྒྱ་རྩའི་ལྷག་འགྲོ་བའོ། །སླར་བརྒྱ་རྩ་ཙམ་ཕུལ་ནའང་རྗེས་སུ་སྨན་རཀྟ་གིས་བྲན་པ་

[Full Size]

དང་། སྤྲོ་ན་གཏོར་ཆུང་བཅུ་ཤ་དུམ་བཤམ་མེད་ན་མཐེབ་སྐྱུས་གསོའོ། །ཧཱུྃ། མ་གཡེལ་མ་གཡེལ་ཆོས་སྐྱོང་རྣམས། །ཁྱེད་ཀྱི་ཐུགས་དམ་དུས་ལ་བབ། །ནག་པོ་སྟོང་གི་དུས་ལ་བབ། །ཤ་ཟ་འབུམ་གྱི་དུས་ལ་བབ། །མ་མོ་བྱེ་བའི་དུས་ལ་བབ། །གཏོར་མ་ཤ་ཆང་ལ་ཕུད་དང་། །འབྲས་ཆེན་ལིང་གར་བཅས་པ་འདི། །རེ་རེ་ལ་ཡང་བརྒྱ་རྩ་བརྒྱད། །མཆོད་པར་འབུལ་ལོ་མཉེས་པར་མཛོད། །དགྲ་བོའི་ཤ་ལ་ཁ་རཾ་ཁཱ་ཧི། །བཟློག་ཅིག་བྱད་ཁ་ཕུར་ཁ་ཟློག །བདུད་དང་གཤིན་རྗེའི་ཁྲམ་ཁ་བཟློག །གནོད་སྦྱིན་མ་མོའི་དྲོད་གཏོང་ཟློག །ཀླུ་དང་ས་བདག་ཁྲམ་ཁ་ཟློག །གཟའ་དང་རྒྱུ་སྐར་བྱད་སྟེམས་ཟློག །བཙན་དང་རྒྱལ་པོའི་ཆད་པ་ཟློག །དམུ་དང་འགོང་པོའི་གནོད་པ་ཟློག །དོ་ནུབ་གནོད་པ་བཟློག་ཏུ་གསོལ། །བདུད་ཁ་དགྲ་ལ་བཟློག་ཏུ་གསོལ། །བཟློག་ཅིག་བསྒྱུར་ཅིག་ས་མ་ཡ། །བྷྱོ༔ རེ་ལྟོས་གཞན་ལ་མི་བཅའོ། །བཟློག་ཅིག་མ་མོའི་སྔགས་ཟོར་བཟློག །དུ་ན་གཤིན་རྗེའི་འཁོར་ལོ་བཟློག་ཏུ་གསོལ། །ཕུར་པའི་དབལ་ཁ་བཟློག་ཏུ་གསོལ། །བདུད་ཀྱི་ཁྲམ་ཁ་བཟློག་ཏུ་གསོལ། །གནོད་སྦྱིན་གཟེར་ནད་

[Full Size]

བཟློག་ཏུ་གསོལ། །རྒྱལ་པོའི་བསྙོ་འབོག་བཟློག་ཏུ་གསོལ། །ཀླུ་ཡིས་བཅིང་བ་བཟློག་ཏུ་གསོལ། །བཙན་གྱི་སྐྱ་རྒྱུག་བཟློག་ཏུ་གསོལ། །མོན་པའི་སྐྱེར་རྒྱུག་བཟློག་ཏུ་གསོལ། །བལ་མོའི་དུག་མཚོན་བཟློག་ཏུ་གསོལ། །རོ་ལངས་གནོད་པ་བཟློག་ཏུ་གསོལ། །མ་ཧཱ་དེ་ཝཱ་ལ་སོགས་པའི། །ལྷ་ཆེན་བརྒྱད་ཀྱང་ཞབས་ཀྱིས་མནན། །བྱི་ན་ཡ་ཀ་ལ་སོགས་པའི། །བགེགས་ཆེན་བརྒྱད་ཀྱང་མནན་པས་བསྐོར། །ཡི་དྭགས་ཤ་ཟ་ལ་སོགས་པའི། །ནང་ནས་སྲི་ལངས་ཐམས་ཅད་ཟློག །རྒྱལ་འགོང་བཙན་འགོང་བྱིན་གྱིས་ཐུལ། །མོ་བདུད་སྲིན་མོ་ཐལ་བར་རློགས། །ཐེའུ་རང་འགོང་པོ་གཞོབ་ཏུ་བསྲེགས། །དགྲ་བགེགས་རང་གཤེད་རང་ལ་ཕོབ། །དམ་ཉམས་མཚོན་ཆ་རང་ལ་རྒྱོབས། །ཁས་བླང་དམ་བཅས་མ་གཡེལ་ཅིག །མ་ཧཱ་ཀཱ་ལའི་དུས་ལ་བབ། །ཡུམ་ཆེན་ལྷ་མོ་རྩ་འཇིབ་མ་ཡི་དུས་ལ་བབ། །བཀའ་སྡོད་བྱ་རོག་གདོང་བཞིའི་དུས་ལ་བབ། །ཕོ་ཉ་ཀང་ཀ་རི་ཡི་དུས་ལ་བབ། །ཕྱག་བརྙན་བྲག་ལྷ་མགོན་པོའི་དུས་ལ་བབ། །གསོད་བྱེད་ཤོ་ན་རཱ་ཛའི་དུས་ལ་བབ། །ལས་མགོན་ཐོད་ཕྲེང་ནག་པོའི་དུས་ལ་བབ། །སྤྲུལ་

[Full Size]

པའི་དཔལ་མགོན་བདུན་ཅུའི་དུས་ལ་བབ། །ཁྱེད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་མ་གཡེལ་ཅིག །ཨོཾ་མ་ཧཱ་ཀཱ་ལ་ནད་གདོན་དགྲ་བགེགས་བཟློག་ཧཱུྃ་ཕཊ༔ ཨོཾ་མ་ཧཱ་ཀཱ་ལ་ཡ་ནད་གདོན་དགྲ་བགེགས་ཟློག་ཧཱུྃ་ཕཊ། ༀ་བཛྲ་མ་ཧཱ་ཀཱ་ལ་ཡ་ནད་གདོན་དགྲ་བགེགས་བཟློག་ཧཱུྃ་ཕཊ། ༀ་བཛྲ་ཀ་ཝུ་ཝ་པ་མ་ཧཱ་ཀཱ་ལ་ཡ་ནད་གདོན་དགྲ་བགེགས་བཟློག་ཧཱུྃ་ཕཊ། ཨོཾ་མ་ཧཱ་ཀཱ་ལ་གླུ་ན་ཧྲི་ཏ་ནད་གདོན་དགྲ་བགེགས་བཟློག་ཧཱུྃ་ཕཊ༔ ཨོཾ་མ་ཧཱ་ཀཱ་ལ་ག་ན་པཱ་ཏི་ནད་གདོན་དགྲ་བགེགས་བཟློག་ཧཱུྃ་ཕཊ། ཨོཾ་མ་ཧཱ་ཀཱ་ལ་ཏྲཀྐད་ཛཿ ཨོཾ་མ་ཧཱ་ཀཱ་ལ་སུ་ཏྲ་ཡ་མ་དུ་ཛཿ ཧ་ཧ་ཧཱུྃ་ཧཱུྃ་ཀཱི་ལི་ཀཱི་ལི་ནད་གདོན་དགྲ་བགེགས་བཟློག་ཧཱུྃ་ཕཊ། ཕེཾ་ཕེཾ་ཕཊ༔ ཀྲྃ་ཀྲྃ་ཀྲྃ་ནད་གདོན་དགྲ་བགེགས་ཐམས་ཅད་བཟློག་ཧཱུྃ་ཕཊ། ཧྲི་ཀྲྀ་ཊུ་ནད་གདོན་དགྲ་བགེགས་ཟློག །བྷྱོ་ཀ་ཧ་ཀ་ཧ༴ ཧྲིཾ་ཧྲིཾ་ཤྲིཾ༴ པ་ཙ་པ་ཙ༴ ཧཱུྃ་ཧཱུྃ་ཕཊ༔ ཧ་ན་ཧ་ན༔ རཾ་རཾ་ཏྲཾ༴ ཀྵཾ་ཀྵཾ་ཀྵཾ༴ ཁཾ་ཁཾ་ཁཾ༴ ཊཾ་ཊཾ་ཊཾ༔ ཀྵིཾ་ཀྵིཾ་ཀྵིཾ༴ ཀཱཾ་ཀཱཾ་ཀཱཾ༴ རྩི་ཙི་ཙི༴ ཡཾ་ཡཾ་ཡཾ༴ བཾ་བཾ་བཾ༴ བྷྲཱུཾ་བྷྲཱུཾ་བྷྲཱུཾ༴ ཀྵེཾ་ཀྵེཾ་ཀྵེཾ༴ པཾ་པཾ་པཾ༔ ཕེཾ་ཕེཾ་ཕེཾ༴ ཀླུཾ་ཀླུཾ་ཀླུཾ༴ ཛཿཛཿབྷྱོ་བྷྱོཿ རྦད་

[Full Size]

བོད་ནད་གདོན་དགྲ་བགེགས་བཟློག་ཧཱུྃ་ཕཊ༔ ཅེས་རོལ་མོ་དང་བཅས་སྐད་ཆེ་བར་དག་པ་ཚར་གཅིག་བརྗོད། སླར་གཏོར་ཆུང་ཡོད་ན་རེ་རེ་བཞིན་ཕྱོགས་སོ་སོ་ནས་འདབས་སུ་འབུལ། སྟེང་ཤར་དང་འོག་ནུབ་སྟེ། །མེད་ན་མཐེབ་སྐྱུས་གསོ་སྨན་རཀྟ་གིས་བྲན་པས་འཐུས་སོ། །དེ་རྣམས་ཕྱག་ལེན་རྒྱས་པ་སྟེ་ལེགས་ལ། སྤྲོས་མེད་བྷནྡྷའི་ནང་དུ་བཅས་པ་ནི་ལིང་ཆུང་མཐེབ་སྐྱུའི་གསོ་ནས། ལན་བརྒྱ་རྩ་སོགས་བདུད་རྩིས་བྲན་ནས་གཏོར་སྔགས་བརྒྱ་རྩའམ་ཅི་ལྕོགས་དང་གཞུང་ཚར་གཅིག་མདོན་པས་བརྒྱ་རྩའི་མན་ལ་ཆོག་གོ །ཧཱུྃ། དཔལ་ལྡན་མགོན་པོ་ནག་པོ་ནི། །སྟེང་གི་ཕྱོགས་སུ་བྱོན་པའི་ཚེ། །སྤྲིན་ཕུང་འཁྲིགས་པའི་དུར་ཁྲོད་དུ། །ཚངས་པའི་ཚོགས་རྣམས་དབང་དུ་སྡུས། །ལྷ་བདུད་འབུམ་ནི་ཕོ་ཉར་འགྱེད། །དེ་བཞིན་རིགས་ཀྱི་མགོན་པོ་སྟེ། །ཤ་ཁྲག་དམར་གཏོར་འདི་བཞེས་ལ། །སྟེང་གི་ཕྱོགས་ཀྱི་བྱད་ཁ་ཟློག །ཧཱུྃ། དཔལ་ལྡན་མགོན་པོ་ནག་པོ་ནི། །ཤར་གྱི་ཕྱོགས་སུ་བྱོན་པའི་ཚེ། །རྡོ་རྗེ་རིགས་ཀྱི་མགོན་པོ་ནི། །གཏུམ་དྲག་ཅན་གྱི་དུར་ཁྲོད་དུ། །དྲི་ཟ་མ་ལུས་དབང་དུ་སྡུས། །སྲོག་བདག་འབུམ་ནི་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །ཤར་གྱི་ཕྱོགས་ཀྱི་བྱད་ཁ་ཟློག །ཧཱུྃ། །དཔལ་ལྡན་མགོན་པོ་ནག་པོ་ནི། །

[Full Size]

བྱང་གི་ཕྱོགས་སུ་བྱོན་པའི་ཚེ། །ལས་ཀྱི་རིགས་ཀྱི་མགོན་པོ་ནི། །ཚང་ཚིང་འཁྲིགས་པའི་དུར་ཁྲོད་དུ། །གནོད་སྦྱིན་མ་ལུས་དབང་དུ་སྡུས། །གིང་གཤིན་། མ་ལུས་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །བྱང་གི་ཕྱོགས་ཀྱི་བྱད་ཁ་ཟློག །ཧཱུྃ། དཔལ་ལྡན་མགོན་པོ་ནག་པོ་ཆེ། །ནུབ་ཀྱི་ཕྱོགས་སུ་བྱོན་པའི་ཚེ། །པདྨ་རིགས་ཀྱི་མགོན་པོ་ནི། །འུར་འུར་འབར་བའི་དུར་ཁྲོད་དུ། །ཀླུ་བདུད་མ་ལུས་དབང་དུ་སྡུས། །ཚེ་བདག་ནག་པོ་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །ནུབ་ཀྱི་ཕྱོགས་ཀྱི་བྱད་ཁ་ཟློག །ཧཱུྃ། དཔལ་ལྡན་མགོན་པོ་ནག་པོ་ཆེ། །ལྷོ་ཡི་ཕྱོགས་སུ་བྱོན་པའི་ཚེ། །རིན་ཆེན་རིགས་ཀྱི་མགོན་པོ་ནི། །འཇིགས་སུ་རུང་བའི་དུར་ཁྲོད་དུ། །གཤིན་རྗེ་མ་ལུས་དབང་དུ་སྡུས། །ཤན་པ་འབུམ་ནི་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །ལྷོ་ཡི་ཕྱོགས་ཀྱི་བྱད་ཁ་ཟློག །ཧཱུྃ། དཔལ་ལྡན་མགོན་པོ་ནག་པོ་ཆེ། །ཤར་ལྷོ་མཚམས་སུ་བྱོན་པའི་ཚེ། །བསྟན་པ་བསྲུང་བའི་མགོན་པོ་ནི། །དུར་ཁྲོད་དཔལ་གྱི་ནགས་ཚལ་དུ། །མེ་ལྷ་མ་ལུས་དབང་དུ་སྡུས། །བདུད་

[Full Size]

རིགས་འབུམ་ནི་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །ཤར་ལྷོ་མཚམས་ཀྱི་དགྲ་བགེགས་ཐམས་ཅད་ཟློག །ཧཱུྃ། དཔལ་ལྡན་མགོན་པོ་ནག་པོ་ཆེ། །ལྷོ་ནུབ་མཚམས་སུ་བྱོན་པའི་ཚེ། །རྣལ་འབྱོར་སྐྱོང་བའི་མགོན་པོ་ནི། །མུན་པ་མི་ཟད་དུར་ཁྲོད་ནས། །སྲིན་པོ་མ་ལུས་དབང་དུ་སྡུས། །ཤ་ཟ་འབུམ་ནི་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །ལྷོ་ནུབ་མཚམས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ཆེ། །ནུབ་བྱང་མཚམས་སུ་བྱོན་པའི་ཚེ། །དམ་ཉམས་སྒྲོལ་བའི་མགོན་པོ་ནི། །ཀི་ལི་ཀི་ལིའི་དུར་ཁྲོད་དུ། །རླུང་ལྷ་མ་ལུས་དབང་དུ་སྡུས། །ཕྲ་མེན་དགུ་ཁྲི་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །ནུབ་བྱང་མཚམས་ཀྱི་དགྲ་བགེགས་ཟློག །ཧཱུྃ། དཔལ་ལྡན་མགོན་པོ་ནག་པོ་ཆེ། །བྱང་ཤར་མཚམས་སུ་བྱོན་པའི་ཚེ། །ཚེ་དཔལ་ལོངས་སྤྱོད་རྒྱས་པར་མཛད། །ཧ་ཧར་རྒོད་པའི་དུར་ཁྲོད་དུ། །དབང་ལྡན་མ་ལུས་དབང་དུ་སྡུས། །བགེགས་ཆེན་འབུམ་ནི་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །བྱང་ཤར་མཚམས་ཀྱི་དགྲ་བགེགས་ཟློག །ཧཱུྃ། །

[Full Size]

དཔལ་ལྡན་མགོན་པོ་ནག་པོ་ཆེ། །འོག་གི་ཕྱོགས་སུ་བྱོན་པའི་ཚེ། །སྐུ་སྲུང་མཛད་པའི་མགོན་པོ་ནི། །བསིལ་བ་ཚལ་གྱི་དུར་ཁྲོད་དུ། །ས་བདག་མ་ལུས་དབང་དུ་སྡུས། །ཀླུ་བདུད་འབུམ་ཕྲག་ཕོ་ཉར་འགྱེད། །ཤ་ཁྲག་གཏོར་མ་འདི་བཞེས་ལ། །འོག་གི་ཕྱོགས་ཀྱི་བྱད་ཁ་ཟློག །ནག་པོ་སྟོང་གི་དུས་ལ་བབ། །དུས་ལ་བབ་པོ་མཆོད་པ་བཞེས། །བྱད་ཁ་ཕུར་ཁ་སྡང་བའི་དགྲ་ལ་བྷྱོ། །ཤ་ཟ་འབུམ་གྱི་དུས་ལ་བབ། །ལྟས་ངན་ཐམས་ཅད་དགྲ་ལ་ཟློག །མ་མོ་བྱེ་བའི་དུས་ལ་བབ། །རྦོད་གཏོང་ཐམས་ཅད་སྡང་བའི་དགྲ་ལ་བྷྱོ། །མཁའ་འགྲོ་འབུམ་གྱི་དུས་ལ་བབ། །བསམ་སྦྱོར་ངན་པ་དགྲ་ལ་ཟློག །གནོད་སྦྱིན་ཁྲི་ཡི་དུས་ལ་བབ། །བར་ཆད་ཐམས་ཅད་སྡང་བའི་དགྲ་ལ་ཟློག །ལྷ་སྲིན་སྡེ་བརྒྱད་དུས་ལ་བབ། །བྱོལ་ཁ་ཐམས་ཅད་སྡང་བའི་དགྲ་ལ་ཟློག །བྷྱོ་བྷྱོ་དགྲ་དང་བགེགས་ལ་སྦྱོ། །བཟློག་གོ་བར་ཆད་རྐྱེན་རྣམས་ཟློག །ཨོཾ་བཛྲ་ཀ་ཝུ་ཝ་པ་མ་ཧཱ་ཀཱ་ལ་ཡ་ཧཱུྃ་ཕཊ༔ ཧྲཱིཿཏི་ཀ་མ་ལ། ཀ་མ་ལ་མི་སུ་ཨ་པ་ན་ཡ་སྭཱ་ཧཱ། དུས་མིན་འཆི་བ་བཟློག་སྔགས་སོ། །ཨོཾ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ༔ ཨོཾ་ཨཱཿཧཱུྃ། ཨ་ཨཱ༔

[Full Size]

ཨི་ཨཱི། ཨུ་ཨཱུ། ཨེ་ཨོ། རི་རཱི། ལི་ལཱི། ཨི་ཨཱ། ཛ་ར་ཙ་ག་ས་པ་ཤ་ནཱ་ག་ཕུ་ཏྲི་མྱག་ཐུམ་རིལ་རྦད། ཅེས་ཀླུ་དང་ས་བདག་རྒྱལ་པོའི་གནོད་ན་དཔག་ཚད་སུ་འབྲོས་སྔགས་སོ། ༈ །དེ་ནས་རྩ་ཡོད་ན་འདི་འདོན་མེད་ན་སྒྱུར་རོ། །ཧཱུྃ། གདུག་རྩུབ་དྲག་པོ་དུག་གི་ཤིང་། །གཉེན་ས་དུར་ཁྲོད་སར་སྐྱེས་པ། །མཚོན་ཆ་ངར་མས་བྲེགས་ནས་ཀྱང་། །སྔགས་འཆང་སྐྱེས་བུའི་རྩང་ཕུར་བྱས། །དུག་ཁྲག་རྫས་བྱུག་ཛབྷྱོབྲིས། །ཡར་གྱི་ཟུར་གསུམ་སྐུ་གསུང་ཐུགས། །མེ་འབར་བཙན་དམག་ལས་ལ་འགྱེད། །སྨད་ཀྱི་ཟུར་གསུམ་ངན་སོང་གཅོད་། །མུན་ནག་འཐིབས་ཤིང་བདུད་དམག་འདུ། །སྐེད་པ་རྒྱ་མདུད་གཞལ་ཡས་ཁང་། །མ་ཚོགས་དབང་ཕྱུག་ཉེར་བརྒྱད་གནས། །དྲ་མིག་ལྷ་སྲིན་རྒྱུག་པའི་བསྲང་། །ཟཕོ་ཉ་མང་པོ་སྐར་ལྟར་འཕྲོ། །དོན་སྙིང་ལིང་ག་ཤ་དུམ་བརྒྱན། །ཤ་ཟ་ཞིང་སྐྱོང་སྤྲིན་ལྟར་འདུ། །བ་སུ་སྔོ་དམར་ཐག་པས་དཀྲིས། །རིམས་བདག་མ་མོ་ཤུགས་འགྲོ་མཉེས། །རྩང་ཕུར་ཡར་གྱི་རྩེ་མོ་ན། །འབྲུག་སྒྲོག་ཁྱུང་ལྡིང་ཁུ་བྱུག་གྲག །རྩང་ཕུར་མིར་གྱི་རྩེ་མོ་ན། །དོམ་དྲེད་ཆུ་སྲིན་དུག་སྦྲུལ་འཁྱུག །རྩང་ཕུར་སྐེད་པ་རྒྱ་མདུད་ལ། །ཀློག་

[Full Size]

འཁྱུག་ཐོག་སེར་ཚྭ་ཚྭ་འཕྲོ། །ཅུང་ཕུར་མགོན་པོ་མཉེས་པའི་རྫས། །མ་ཚོགས་དབང་ཕྱུག་བཞུགས་པའི་གནས། །སྲིད་པ་ལས་ཀྱི་མཚོན་ཆ་སྟེ། །དགྲ་བགེགས་སྙིང་ལ་མཱ་ར་ཡ། །དཔལ་ལྡན་མགོན་པོའི་བཀའ་ཉན་མ། །རྡོ་རྗེ་དབང་ཕྱུག་མ་མདུན་ཡང་། །འདིར་གཤེགས་ཤར་གྱི་རྩང་ལ་བཞུགས། །རྩིང་ཟས་ཤ་ཁྲག་ལིང་ག་བཞེས། །ཚངས་པ་བརྒྱ་བྱིན་ལ་སོགས་པ། །རང་རང་མིང་པོའི་སྐག་ཟློག་ཅིག །རིན་ཆེན་དབང་ཕྱུག་སྲིང་བདུན་ཡང་། །འདིར་བྱོན་ལྷོ་ཡི་རྩང་ལ་བཞུགས། །ཆུང་མི་ཟས་ཤ་ཁྲག་ལིང་ག་བཞེས། །ཟ་བྱེད་སྲིན་པོ་ལ་སོགས་པ། །རང་རང་མིང་པོའི་སྐག་བཟློག་ཅིག །པདྨ་དབང་ཕྱུག་མཛའ་བདུན་ཡང་། །འདིར་གཤེགས་ནུབ་ཀྱི་རྩང་ལ་བཞུགས། །རྩང་ཟས་ཤ་ཁྲག་ལིང་ག་བཞེས། །དགའ་བྱེད་སྟོབས་བཟང་ལ་སོགས་པ། །རང་རང་མིང་པོའི་སྐག་ཟློག་ཅིག །ལས་ཀྱི་དབང་ཕྱུག་བྲན་མོ་བདུན། །འདིར་བྱོན་བྱང་ཕྱོགས་རྩང་ལ་བཞུགས། །རྩང་ཟས་ཤ་ཁྲག་ལིང་ག་བཞེས། །བགེགས་དང་ས་བདག་ལ་སོགས་པ། །རང་རང་མིང་པོའི་སྐག་ཟློག་ཅིག །ཁྱེད་རྣམས་རྩང་ལ་

[Full Size]

དགྱེས་པའི་ལྷ། །དགྱེས་པའི་དམ་རྫ་ས་འདིར་བཤམས་ཀྱིས། །མ་བཅོལ་བའི་ཕྲིན་ལས་ད་ལྟ་མཛོད། །ཨོཾ་མ་ཧཱ་ཀཱ་ལ་ཧེ་ཐུན་བྷྱོཿ ཨོཾ་མ་ཧཱ་ཀཱ་ལི་པྲ་མོ་ཧ་ནད་གདོན་དགྲ་བགེགས་བྷྱོ་ཟློག །མ་མ་དུར་སོབ་ནི་སརྦ་དུར་ནི་མི་ཏི། ཨ་མོ་གྷ་ལ་བཟློག་བྷྱོ༔ ཨོཾ་མ་ཧཱ་ཀཱ་ལ་ཧེ་ཐུན་བྷྱོཿ ཀུ་རུ་རྦད་ཐུན་བྷྱོ༔ པྲ་མོ་ཧ་ཐུན་བྷྱོ༔ མ་ཧཱ་ཀཱ་ལི་ཐུན་བྷྱོཿ ཀ་ར་ལི་ཐུན་བྷྱོཿ ཀཾ་ཀ་ལི་ཐུན་བྷྱོཿ ཀ་ལ་ར་ཏྲི་ཐུན་བྷྱོཿ དེ་ནས་ཉིན་རྫོགས་ཡིན་ན་འཕྲལ་དུ་ཕུལ། ཞག་མང་ཡིན་ན་གཏོར་ཆུང་རེ་དུས་དྲུག་གམ་བཞིའམ་གསུམ། ཐ་ན་ཡང་ཉལ་ཁ་ཐུན་གཏོར་ཚེམདོས་ནང་དུ་འབུལ་ཞིང་། ལས་མགོན་གྱི་བསྟོད་བསྐུལ་བྱ་བ་ནི་གལ་ཆེ་བ་ཡིན་པས། འགུགས་གཞུག་ཅུང་ཟད་བྱས་ལ་རོལ་མོ་དང་བཅས། ཧཱུྃ། དུར་ཁྲོད་ཆེན་པོ་བསིལ་བའི་ཚལ། །གདུག་པ་ནག་པོ་ཤིང་གི་དྲུང་། །རོ་ལངས་འབོད་སྐད་ཆོ་ངེས་འདེབས། །ཀེང་རུས་གར་བྱེད་མཆེ་བ་གཙིགས། །ཁ་ནས་མེ་འབར་ཧ་ཧ་སྒྲོག །གཅན་གཟན་ལྕེ་སྤྱང་ང་རོ་འབྱིན། །འུར་འུར་ཆེམ་ཆེམ་སྒྲ་བསྒྲོགས་པས། །འཇིགས་སུ་རུང་བའི་དུར་ཁྲོད་ནས། །ཧཱུྃ་མ་ཧཱ་ཀཱ་ལ་མཐུ་བོ་ཆེ། །དུས་གསུམ་སངས་རྒྱས་བསྟན་པ་སྲུངས། །གསང་སྔགས་རྒྱུད་ཀྱི་བཀའ་གཉེན་

[Full Size]

མཛད། །རྣལ་འབྱོར་སྒྲུབ་པའི་བར་ཆད་སོལ། །དམ་ཚིག་སྲུང་བའི་སྡོང་གྲོགས་མཛོད། །བདུད་དང་མི་སྟེགས་ཟིལ་གྱིས་གནོན། །བགེགས་དང་ལོག་འདྲེན་ཆམ་ལ་ཕོབ། །དྲེགས་བྱེད་མ་ལུས་དབང་དུ་སྡུས། །ཧཱུྃ། བཀའ་ཡི་ཕོ་ཉ་ནག་པོའི་ཚོགས། །བྱ་རོག་གདོང་ཅན་འཇིགས་པའི་གཟུགས། །ཁྲོས་པའི་ཆ་ལུགས་རྔམ་པའི་ཞལ། །དམ་ཉམས་སྲོག་རྩ་གཅོད་བྱེད་པའི། །གདུག་པའི་གྲི་གུག་ཕྱག་གཡས་བསྣམས། །ལོག་འདྲེན་སྙིང་ཁྲག་འཐུང་བ་ཡི། །དམར་ཆེན་ཐོད་ཁྲག་གཡོན་ན་འཛིན། །དྲག་བྱེད་མ་ལུས་ཕྲིན་ལས་མཛོད། །ཧཱུྃ། ལྷ་སྲིན་སྡེ་བརྒྱད་འཁོར་དང་བཅས། །ཞིང་སྐྱོང་མ་མོའི་མཁའ་འགྲོ་ཚོགས། །ཚེ་བདག་ནག་པོ་བདུད་ཀྱི་ཚོགས། །སྲོག་བདག་ནག་པོ་གཤིན་རྗེའི་ཚོགས། །ཟ་བྱེད་ཤ་ཟ་འབུམ་གྱི་ཚོགས། །གནོད་སྦྱིན་ཀླུ་བདུད་དྲག་པོའི་ཚོགས། །གསོད་བྱེད་དྲག་པོ་གཏུམ་པའི་ཚོགས། །སྨྱོ་བྱེད་ལ་སོགས་འབྱུང་པོའི་ཚོགས། །ཧཱུྃ། འཇིགས་པའི་གཟུགས་ཀྱིས་ཐམས་ཅད་བསྔངས། །ཁྲོས་པའི་སྤྱན་གྱིས་ཕྱོགས་བཅུར་ལྟ། །རྔམས་པའི་ང་རོས་སྲིད་གསུམ་འགེངས། །མགྱོགས་པའི་

[Full Size]

དབང་གིས་ཁམས་གསུམ་བསྐོར། །དྲག་པོས་སྟོབས་ཀྱིས་རི་རབ་བཤིག །གདུག་པའི་འོད་ཀྱིས་རྒྱ་མཚོ་སྐེམ། །སྤྲུལ་པའི་ཚོགས་ཀྱིས་བར་སྣང་ཁྱབ། །ཐུགས་དམ་བསྐུལ་ལོ་དམ་ཅན་རྣམས། །སངས་རྒྱས་བསྟན་པ་བཤིག་པ་དང་། །དཀོན་མཆོག་དབུ་འཕང་སྨད་པ་དང་། །སློབ་དཔོན་སྐུ་ལ་བསྡོ་བ་དང་། །ཟབ་མོས་ཆོས་ལ་བརྙས་པ་དང་། དམ་ཚིག་ཁྱད་དུ་བསད་པ་དང་། །སེམས་ཅན་ཡོངས་ལ་འཚེ་བ་དང་། །རྣལ་འབྱོར་བར་དུ་གཅོད་པ་དང་། །བདག་ལ་གནོད་བྱེད་དགྲ་བགེགས་རྣམས། རིང་པར་སོང་ལ་དྲག་ཏུ་དེད། །མྱུར་དུ་ཟུངས་ལ་དམ་དུ་ཆིངས། །མགྱོགས་པར་ཁུག་ལ་ངེས་པར་སོད། །མཚོན་ཆའི་ཚོགས་ཀྱིས་དུམ་བུར་གཏུབ། །རྔམ་རྔམ་རྗེ་རྗེ་ཤ་ཟ་རྣམས། །ཧབ་ཧབ་ཧུབ་ཧུབ་ཁྲག་ལ་འཐུང་། །ཆམ་ཆེམ་ཆེ་ཚེ་རུས་ལ་མུར། །བཞེས་ཤིག་ལྷག་མ་མེད་པར་མཛོད། །ཨོཾ་མ་ཧཱ་ཀཱ་ལ་ཤ་ས་ནཟླ་ཞེས་སོགས་ཀྱི་ཐུན་མཚམ་སུ་གཏོར་མ་འབུལ། ཐུན་ཐམས་ཅད་ལ་གོང་ལྟར་བསྙེན་སྒྲུབ་ཀྱི་སྔགས་བཟླས་སོ། །གྲོང་ཆོག་སྤྱིའི་མིག་ལྟོས་ལྟར་ལྷ་གཞུང་སོགས་ཡོད་ཚད་མི་འདོན་པར། ཆག་མེད་ཀྱི་རིགས་ཐམས་ཅད་ཉུང་བསྡུས་མ་རྟོགས་པར། །འདི་རང་གཅིག་དྲིལ་བྱས་ནས་ཞག་གསུམ་

[Full Size]

ལྔ་བདུན་དགུ་སོགས་བསྒྲུབས་ན་བསྙེན་སྒྲུབ་ལས་གསུམ། སྲུང་ཟློག་བསད་གསུམ། འབོད་རྦད་བསད་གསུམ་སོ་སོའི་རྟགས། མགོན་པོའི་རྒྱུད་དང་རྟགས་ཡིག་ལྟར་འབྱུང་། གོང་དུ་མགོན་པོའི་བསྙེན་སྒྲུབ་ཐེམ་ན་བྱིན་རླབས་ནུས་པ་ཆེ་མོད་ཀྱི། མ་ཐེམ་ན་ཡང་དབང་ལུང་ཐོབ་ནས། འདི་ཞག་བདུན་ཕྲག་ཙམ་རྩེ་གཅིག་བྱས་ནས། དེ་རང་གི་བསྙེན་པ་ཚང་སྟེ། གཏོར་སྒྲུབ་དང་རླུང་སྒྲུབ་དྲིལ་སྒྲུབ་ཡིན་ནོ། །འོན་ཀྱང་ཤིན་ཏུ་གཉེན་ཏེ། གཞན་དོན་དུ་བཅའ་བ་ནི་མི་ལེགས་ཤིང་། རང་དོན་དུ་དགུ་གཏོར་ལ་ཉིན་རྫོགས་ཅི་མང་ལེགས་སོ། །དེ་བས་ཞག་མང་པོ་ཉིན་རྫོགས་ཡིན་ཀྱང་རུང་སྟེ། གསེར་སྐྱེམ་ཕྱོགས་བཅུའམ་འབུལ་བའི་ཕྱོགས་སུ་གཏོར་ཞིང་། ཀྱཻ། འཛམ་གླིང་འཇིག་རྟེན་སྟེང་དང་འོག །ཕྱོགས་བཅུ་ཀུན་ན་བཞུགས་པ་ཡི། །དམ་ལ་གནས་པའི་ལྷ་འདྲེ་ཀུན། །སྔགས་འཆང་བདེན་པའི་ཚིག་ལ་ཉོན། །མདོས་སྐྱོད་དགྲ་ཡུལ་བསྐྱོད་པའི་ཚེ། །དགྲ་དང་བགེགས་ལ་ཟོར་འཕེན་ན། །ཕྱོ་མཚམས་སྟེང་འོག་གནས་པ་དང་། །ཡུལ་ཕྱོགས་འདི་ལ་གནས་པ་ཡི། །ཕྱོགས་སྐྱོང་སྡེ་བརྒྱད་དྲེགས་པའི་ཚོགས། །ས་བདག་ཀླུ་གཉན་མཐུ་ཆེན་རྣམས། །རྒྱལ་པོ་བཙུན་མོ་བློན་པོ་དང་། །ནང་མི་དམག་དཔུང་སྡེ་དང་བཅས། །འབྱུང་པོའི་ཚོགས་རྣམས་མ་ལུས་ཀུན། །གསེར་

[Full Size]

སྐྱེམས་བདུད་རྩི་འདི་བཞེས་ལ། །ཉམས་པའི་མགོན་སྐྱབས་མ་མཛད་པར། །རྣལ་འབྱོར་བདག་གི་གྲོགས་མཛོད་ལ། །ཐུན་ཟོར་མདོས་ཀྱི་ལམ་ཕྱེས་ཤིག །གང་ཞིག་བསྒོ་བ་མ་ཉན་ཏེ། །ཉམས་པའི་གྲིབ་ཀྱིས་ཉེས་བྱུང་ན། །ང་ནི་མ་ཉེས་མ་ལེན་གྱིས། །ཉེས་ལེན་དགྲ་དང་བགེགས་ལ་ཆོད། །བྷྱོཿ དྲག་པོ་ལས་ཀྱི་མདོས་ཟོར་འདི། །སྟེང་ཕྱོགས་ལྷ་ལ་མི་འཕེན་ནོ། །དྲག་པོའི་ཟོར་ཁར་མ་འབྱོན་ཅིག །འོག་གི་ཀླུ་ལ་མི་འཕེན་ནོ། །དྲག་པོའི་ཟོར་ཁར་མ་འབྱོན་ཅིག །བར་གྱི་གཉེན་ལ་མི་འཕེན་ནོ། །དྲག་པོའི་ཟོར་ཁར་མ་འབྱོན་ཅིག །ས་བདག་ཀླུ་ལ་མི་འཕེན་ནོ། །དྲག་པོའི་ཟོར་ཁར་མ་འབྱོན་ཅིག །རྒྱལ་ཆེན་བཞི་ལ་མི་འཕེན་ནོ། །དྲག་པོའི་ཟོར་ཁར་མ་འབྱོན་ཅིག །ཕྱོགས་སྐྱོང་བཅུ་ལ་མི་འཕེན་ནོ། །དྲག་པོའི་ཟོར་ཁར་མ་འབྱོན་ཅིག །ལྷ་སྲིན་ཡོངས་ལ་མི་འཕེན་ནོ། །དྲག་པོའི་ཟོར་ཁར་མ་འབྱོན་ཅིག །དྲེགས་པ་བཙན་ལ་མི་འཕེན་ནོ། །དགྲ་པོའི་ཟོར་ཁར་མ་འབྱོན་ཅིག །ལྷ་སྲིན་སྡེ་བརྒྱད་སྐུ་བཟུར་ཅིག །དྲག་པོའི་ཟོར་ཁར་མ་འབྱོན་ཅིག །འཇིག་རྟེན་ལྷ་འདྲེ་ཐམས་ཅད་ཀྱང་། །ཉམས་པའི་མགོན་སྐྱབས་མ་

[Full Size]

མཛད་པར། །གལ་ཏེ་མགོན་སྐྱོབས་བྱས་གྱུར་ན། །གཟེར་ནད་ཁྲག་སྐྱུག་དམྱལ་ཐག་ཆོད། །མཐོ་བ་རྣམས་ཀྱི་ཞབས་ཡར་སྐུམས། །དམའ་བ་རྣམས་ཀྱིས་ཀྱི་དབུ་མར་ཆུམས། །བར་ན་བཞུགས་པ་སྐུ་བཟུར་ཅིག །ཕོ་བྲང་རྣམས་ཀྱང་སྒོ་ཆོད་ཅིག །ན་བཟའ་ལྷབ་ལྷུབ་མཐའ་སྡུས་ཤིག །སྐུ་བཟུར་དེ་ནི་སྤྱན་གཡོར་ཅིག །ཟོར་དང་མདོས་ཀྱི་ལམ་ཕྱེས་ཤིག །སྒོ་བ་རྣམས་ཀྱིས་སྒོ་ཕྱེས་ཤིག །འཕྲང་པ་རྣམས་ཀྱིས་འཕྲང་སོལ་ཅིག །བཅོལ་བའི་ཕྲིན་ལས་མྱུར་འགྲུབ་མཛོད། །ཨོཾ་སརྦ་ལོ་ཀ་པཱ་ལ་བྷུ་མི་པ་ཏི་ས་པཱ་རི་ཝཱ་ར་ཨ་མྲྀ་ཏ་ཛ་གད་པཱུ་ཛ་ཁ་ཁ་ཁཱ་ཧི་ཁཱ་ཧི། ཤིན་ཏུ་རྒྱས་པ་ན་དམག་འགྱེད་སོགས་ཀྱི་གཏོར་རྫོངས་བྱའོ། །བསྡུས་པ་ལ་གཏོར་རྫོངས་མི་དགོས་ཅུང་ཟད་སྤྲོ་ན་གོང་གི་ཕྱོགས་བཅུའི་མགོན་པོ་ལ་གཏོར་ཆུང་བཅུ་འབུལ་ལ་འཚལ་ལུགས་སོ། །དེ་ནས་གཏོར་མའི་སྟོད་ལྷར་གསལ་བ་དེ་ནམ་མཁའ་ལ་འཕངས་ནས་སེར་སྤྲིན་ལྟར་འཁྲིགས་ཏེ་འུར་སྒྲ་ཆེམ་སྒྲ་དང་བཅས། གོ་གྱོན་མཚོན་ཐོགས་དགྲ་ཕྱོགས་སུ་ཆས་པར་བསྒོམ་ཞིང་། ཧཱུྃ། ད་ནི་མདོས་ཆེན་སྐྱོད་རེ་རན། །ད་ནི་དམག་དཔུང་སྐྱོད་རེ་རན། །ནག་པོ་ཆེན་པོ་སྐུ་སྐྱོད་འཚལ། །བཀའ་ཡི་ལས་མཁན་སྐུ་སྐྱོད་འཚལ། །ལས་ཀྱི་ཕོ་ཉ་སྐུ་སྐྱོད་ཅིག །སྡང་བའི་

[Full Size]

དགྲ་ལ་སྐུ་ཟུར་སྟོན། །བཀའ་ཆད་སྡང་བའི་དགྲ་ལ་ཐོངས། །ཐུན་ཟོར་སྡང་བའི་དགྲ་ལ་ཕོབ། །དྲེགས་བྱེད་འཁོར་བཅས་དགྲ་ལ་ཆོས། །དགྲ་བོའི་མི་ནོར་ཆམ་ལ་ཕོབ། །དགྲ་བོའི་ཡུལ་ཁམས་བརླག་པར་མཛོད། །ཨོཾ་མ་ཧཱ་ཀཱ་ལ་ཁ་ཁ་མུ་ཁ་ས་པཱ་རི་ཝ་ར་བཛྲ་བྷ་ག་ཨ་ཀྲ་མ་ཧཱུྃ། ཞེས་རྡོ་རྗེ་བསྡུ་བའི་ཕྱག་རྒྱས་ནམ་མཁར་བཏེག་གོ །དེ་ཡང་བྱ་རོག་སྲོག་ཟན་ནག་པོའི་རྒྱུད་ལས། རྒྱས་པའི་གཏོར་ཆེན་གྱི་སྐབས་སུ། སྔགས་ཤ་ས་ན་གསུངས་ནས། བརྒྱ་རྩ་བརྒྱད་སོགས་དག་གིས་ཕུལ། །རྐང་པབརྒྱད་པ་དག་གིས་བསྟོད། །ཐུགས་དམ་བསྐང་ཞིང་ཕྲིན་ལས་བཅོལ། །རོལ་མོ་སྣ་ཚོགས་བཀྲོལ་བར་བྱ། །མེ་དང་དར་གྱིས་སྣ་དྲངས་ལ། །ལྷོ་ཡི་ཕྱོགས་སུ་ཉིན་གོང་བསྐྱལ། །ཚེ་དང་གྲགས་པ་རྒྱས་པ་དང་། །དབང་དང་བསོད་ནམས་ཤིན་ཏུ་རྒྱས། །བར་ཆད་བརྒྱ་སྟོང་ཐམས་ཅད་ཟློག །ཅེས་གསུངས་སོ། །ཐོད་ནག་སྲོག་གི་སྤུ་གྲིའི་རྒྱུད་ཁ་དན་ཏྲ་ལས། མ་མགོན་གྱི་རྒྱུད་གཉིས་ཕལ་ཆེར་ཚིག་མཐུན་པར་གསུངས་པའི་ལས་བྱ་བ་ནི། འབྲས་མཚན་ཞོ་དང་འོ་མ་དང་། །ཏིལ་དང་ཁྲེའུ་སྲན་ཆེན་དང་། །དེ་ལ་གཏོར་མ་ཆེན་པོ་བྱ། །ཆང་གིས་བཀང་ལ་མར་མེ་བལྟམས། །རོལ་ཆ་དཀྲོལ་ཞིང་དུང་ཡང་འབུད། །དགེ་འདུན་རྣམས་ཀྱིས་སྣང་དྲངས་ཤིང་། །དམོད་དང་བཅོལ་བའི་ལས་རྣམས་བྱ། །བསྐོར་བ་བྱ་ཞིང་ལས་མགོན་ཆད། །ཡུལ་ཁམས་བསྐོར་ཞིང་གཙང་སར་བསྐྱལ། །རིམས་

[Full Size]

དང་འཁྲུག་པ་ཞི་བར་བྱེད། །ཅེས་གསུངས་སོ། །རྒྱུད་དེའི་འགྲེལ་པ་ལས། སྲུང་བའི་ལས་བཏོན་ཏེ། ཡུལ་ཕྱོགས་སུ་ཡམས་ཀྱི་ནད་ཆེན་པོ་འགུལ་བའི་དུས་སུ། རྒྱུད་ཀྱི་ནང་དུ་གསལ་ལྟར། མཆོད་པ་དང་གཏོར་མ་བྱས་ལ། གཏོར་མ་བཏང་ཞིང་གསོལ་བ་བཏབ་ན། ཡམས་ནད་ཞི་བར་ཐེ་ཚོམ་མེད། གཞན་ཡང་དུས་བཟང་ཐམས་ཅད་དུ་གཏོར་མ་ཕུལ་ཞིང་གསོལ་བ་བཏབ་ན་བཀྲ་ཤིས་པ་དང་རིམས་ནད་ཞི་བར་འགྱུར་རོ། །ཞེས་གསུངས་པའི་དོན། བསྙེན་པ་གླུ་ཎ་ཧྲི་ཏ་གཙོ་བོར་བྱེད་ཅིང་། གཏོར་སྔགས་ཤ་ས་ན་བྱེད། བཞི་སྙིང་སོགས་དང་དྲག་དམིགས་མི་བྱེད་གཏོར་ཆུང་ཡང་བདུད་རྩིར་དམིགས་ནས་ཕུལ་ཏེ། རྒྱུད་ནས་བཤད་པ་ལྟར་ཉིན་དགུང་ལྷོ་ལ་རང་གིས་ཕུལ་ཏེ་ཟོར་མི་འདོན་ནོ། །དེས་ཚེ་དང་བསོད་ནམས་རྒྱས་སོ། །གཞན་འདྲ་བ་ལ། བསྙེན་པ་དུས་སྲུང་འཁོར་སྲུང་སྔགས་གཙོ་བོར་བྱེད། འབུལ་ཁ་མདོས་ནང་དུ་ཆང་ཞོ་འོ་མས་བཀང་། དཔལ་འབར་ཆེན་པོ་ལྔ་ཙམ་བཙུགས་ནས། སྤྲོ་ན་དགེ་འདུན་བཞི་སྡེ་ཙམ་རོལ་མོ་དང་། སྤོས་སུན་བཅས་སྣ་དྲངས་ལ། གཡས་ན་སྐྱེས་པ་གོ་ཁྲབ་ཅན། གཡོན་ནས་བུད་མེད་དར་ནག་ཕྱར་བ། རྒྱབ་ནས་སྔགས་འཆང་བཟློག་སྔགས་བཟླ་བ། གཏོར་མའི་རྗེས་སུ་རྣལ་འབྱོར་པ་རྣམས་འཆམ་ཆས་རྔ་རོལ་དང་བཅས། གྲོང་པ་རུ་བ་སྒར་པ་དགོན་པ་མཁར་ཁང་སོགས་གང་བསྲུང་བ་ལ་བསྐོར་བ་གསུམ་མམ་གཅིག་བྱས་ཏེ། ཕྱོགས་བཞི་མཚམས་བརྒྱད་དུ་མདོས་བཏེག་ལ་ཐང་ལ་བཞག །འོ་མ་ཞོ་ཆང་མཐེབ་སྐྱུས་

[Full Size]

གསོས་ལ། བསིལ་ཚལ་ནང་གི་ཆུང་བ་དེ་ཚར་བརྒྱད་འདོན། དེ་ནས་ཕྱོགས་དང་ས་ཆ་གཉིས་ཀ་གཙང་ཞིང་ཅུད་ཟད་མཐོ་སར་བསྐོར་ལམ་ནས་གོམ་པ་བདུན་ཅུ་ལས་མི་ཐུང་བར་ཕུལ། རྟ་བྲོ་སྤྱི་མཚམས་བྱས་ཕྱི་མིག་མི་ལྟ་བར་ལོགས་སོ། སྤྲོས་བཅས་མི་ལྕོགས་ན་རྣལ་འབྱོར་པ་རང་ཁྱིམ་ནས་རྔ་དང་བཅས་བསིལ་ཚལ་གང་ཐོན་འདོན། མཆོད་གཡོག་པས་སྤོས་སུས། རྗེས་དར་ནག་དང་བཅས་བསྐོར་བ་གཅིག་བྱས་ནས་བསྐྱལ་ཏེ།། དེས་ཕྱི་ནང་གི་འཁྲུག་རྩོད་དང་མི་ནད་ཕྱུགས་ནད་ཞི་བའི་ལས་སྦྱོར་རོ། །དགྲ་ཆོས་དང་བྱེད་བཟློག་ལ་ནི་རྒྱུ་ལྡོག་དང་མ་འགལ་བར་དགྲ་ཕྱོགས་སུ་ཕུལ་ཏེ། ཟོར་རྒྱས་པར་སྤྲོ་ན་ལོགས་ནས་བྱུང་བ་ལྟར་བྱའོ། །ཡང་ན་གཞུང་གི་ཟོར་བཏོན་ལ་འཁོར་གྱི་གཏོར་མ་རེ་རེ་ནས་གཞི་སྙིང་བཟླས་ལ་འཕང་། གལ་ཆེ་གག་ཐུག་ན་གཏོར་ཟློག་དུས་གཅིག་ལ་འཕེན་ནོ། །བདེ་རིམ་ལ་འབུལ་ཁ་ཟོར་བཏོན་ལ་གོམ་པ་བདུན་ཅུ་ལས་མི་ཐུང་བར་ཕུལ་རྒྱུ་བསྐུལ་ནས་གཏོར་སྐྱོང་ལུགས་ཏེ་རྒྱུན་དུ་བྱའོ། །ཟླ་བ་གཅིག་ལ་ཉིན་རྫོགས་སྡེར་ཚོམ་ལན་བརྒྱད་བྱས་ན་ནི་འཆི་བ་བསླུ་བའི་མཆོག་ཏུ་དཔལ་ཆེན་སྒ་ལོ་ཙཱས་གདམས་པ་ཟབ་བོ། །ཉེར་དགུ་དགུ་གཏོར་རམ། ཐེབ་དྲག་པོ་ཡོད་དམ། མགོན་པོ་རྒྱུ་དུས་ཉིན་རྫོགས་སུ་རྒྱས་བསྡུས་གང་ལྕོགས་ལ་བརྩོན་ན་བསྲུང་བའི་རིམ་པ་དམ་པའོ། ༈ །དེ་ནས་གཏོར་ཟློག་ཟོར་དུ་འཕེན་ན་ལག་ཏུ་ཐོགས་ལ། འབུལ་རྒྱུ་བསྐུར་ན་འབུལ་ཁ་འདོན། གཏོར་མ་གྲི་ཁུག་སོགས་མཚོན་ཆའི་ཕུང་པོ་བསྐལ་པའི་མེ་འབར་བ་མཚོན་ཆའི་ཐོག་སེར་འཕྲོ་བར་

[Full Size]

དམིགས་ལ། ཧཱུྃ། རྣལ་འབྱོར་དབང་ཕྱུག་ཟོར་འཕེན་ནོ། །བླ་མ་དཀོན་མཆོག་གཟུ་དང་དཔང་། །དུས་གསུམ་སངས་རྒྱས་གཟུ་དང་དཔང་། །ཡི་དམ་ལྷ་ཚོགས་གཟུ་དང་དཔང་། །ཆོས་སྐྱོང་སྲུང་མ་གཟུ་དང་དཔང་། །དཔའ་བོ་མཁའ་འགྲོ་གཟུ་དང་དཔང་། །འཇིག་རྟེན་ལྷ་ཀླུ་གཟུ་དང་དཔང་། །ང་ནི་མ་ཉེས་ཁོ་ཡི་ཉེས། །ང་ནི་མ་ལེན་ཁོ་ཡི་ལེན། །ཉེས་བྱས་འདི་ལ་ཚད་པ་ཆོད། །དགྲ་བགེགས་དྲན་པ་ཉམས་སུ་ཆུག །ད་ནི་ཟོར་འཕེན་གང་དུ་འཕེན། །རྣལ་འབྱོར་བདག་ཅག་འཁོར་བཅས་ལ། །སྡང་བར་བྱེད་པའི་དགྲ་ལ་འཕེན། །བྱད་ཁ་ཕུར་ཁ་སྟོན་ལ་འཕེན། །གནོད་པར་བྱེད་པའི་བགེགས་ལ་འཕེན། །སྒོ་ནས་གོད་ཁ་ཆེ་ལ་འཕེན། །ཕུག་ན་ཁྱིམ་ཆག་ཆེ་ལ་འཕེན། །pནད་འདྲེ་གཅོང་སྲི་བྱེད་ལ་འཕེན། །མོ་ངན་ཆག་ཁ་ཆེ་ལ་འཕེན། །རྨི་ལམ་ངན་པ་ལ་སོགས་པའི། །གང་ལ་དམིགས་པ་དེ་ལ་འཕེན། །དགྲ་བགེགས་ཐལ་བ་རྡུལ་དུ་རློགས། །ཧོཿ འདས་དང་མ་བྱོན་ད་ལྟ་དུས་གསུམ་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱིས་བཀའ་ལ་གནས་ཤིང་དམ་ལ་བཏགས་པ་ཕྱི་རབ་རྣལ་འབྱོར་པ་རྣམས་ཀྱི་

[Full Size]

བསྟན་པ་བསྲུང་བར་ཞལ་གྱིས་བཞེས་པའི། དཔལ་རྡོ་རྗེ་ནག་པོ་ཆེན་པོ། ལྷ་མི་གཉིས་ཀྱི་དཔལ་མགོན། ཡེ་ཤེས་ཀྱི་སྤྱན་ཅན། རྣལ་འབྱོར་གྱི་དགྲ་བླ། རིག་འཛིན་གྱི་སྲོག་ཤིང་། དམ་ཉམས་ཀྱི་སྲོག་གཅོད། བདུད་འདུལ་གྱི་དབང་ཕྱུག །ལས་ཀྱི་མགོན་པོ་བྱ་རོག་གི་གདོང་ཅན། ཡུམ་རྡོ་རྗེ་རྩ་འཇིབ་ཁྲག་འཐུང་མ། བཀའ་སྡོད་བྱ་རོག་གདོང་ཅན། གནོད་སྦྱིན་བྱ་རོག་གདོང་ཅན། བདུད་ཕོ་བྱ་རོག་གདོང་ཅན།་རོ་ལངས་དམར་ནག་ཤ་ཟ་ཆེན་པོ། ལས་མཁན་སྟོང་གིས་བླ་སྲོག་ཁུག་ཅིག །ཁྲག་འཐུང་བྱེ་བས་ཁོང་ཁྲག་དྲོངས་ཤིག །ཤ་ཟ་འབུམ་གྱིས་མགོ་ལུས་ཕྲོལ་ཅིག །ཁྱེད་རྣམས་དུས་ལ་བབ་ཅིང་དྲག་ཏུ་བསྐུལ་ཙམ་ན། གཤིན་རྗེ་བས་རྔམ་པ། བདུད་རྗེ་བས་ཁེང་པ། གཟའ་རྒོད་བས་དྲག་པ། ཐོད་རྒོད་བས་མྱུར་བ། མེ་ལྕེ་བས་བཤེར་བ། མེ་འོབ་བས་ཚ་བ། དུག་མདའ་བས་གཟིར་བ། རྣོ་མཚོན་བས་ངར་བ། སྤུ་གྲི་བས་རྣོ་བ། ཕོ་ཉ་བས་གུས་པ་ཁྱེད་རྣམས་ཀྱིས། བླ་མ་ལ་བརྙས་པ། དཀོན་མཆོག་ལ་དམོད་པ། བསྟན་པ་ལ་སྡང་བ། ཡིད་ལ་གནག་པའི་དགྲ་བགེགས། དཀོར་ལ་རློམ་པའི་རྐུན་

[Full Size]

པོ། མིང་དང་གཟུགས་སུ་བྲིས་པ། མིང་ཆེན་ཁྲམ་དུ་བཏབ་པ། བྱང་བུ་དམར་ནག་ལ་སྐྱོན་པ། འཛམ་བུ་གླིང་གི་རྡུལ་ཕྲན་དུ་གྱུར་པ། མ་མོ་མཁའ་འགྲོ་རྣམས་ཀྱི་གསོལ་བའི་ཟས་སུ་གྱུར་པ། ཁྲོ་བོ་དང་ཁྲོ་མོ་རྣམས་ཀྱི་བསྒྲལ་བའི་ཞིང་དུ་གྱུར་པ། སྡིག་པོ་ཆེ་བསྟན་པའི་སྤྱི་དགྲ། རྣལ་འབྱོར་པ་བདག་གི་སྒོས་དགྲ། གནོད་པའི་བགེགས༔ བསྟན་པའི་དམ་སྲི། ལས་ངན་པའི་གང་ཟག །བདག་ལ་ལོག་པར་ལྟ་བའི་དགྲ་བགེགས་འདི། ལས་མཁན་སྟོང་གིས་བླ་སྲོག་ཁུག་ཅིག །ཁྲག་འཐུང་མ་མོ་བྱེ་བས་ཁོང་ཁྲག་འཇིབས་ཤིག །ཤ་ཟ་འབུམ་གྱིས་མགོ་ལུས་ཕྲོལ་ཅིག །འདོད་ཆགས་ཁྲག་གི་རྒྱ་མཚོ་སྐེམ། ཞེ་སྡང་རུས་པའི་ཕུང་པོ་ཆོམས། གཏི་མུག་ཤ་ཡི་རི་བོ་གསོལ། ཚེ་ཡི་འདུ་བྱེད་སྐེམ།། སྲོག་གི་འཕར་ཐག་ཆོད། རྒྱབ་རྟེན་གྱི་ལྷ་དང་ཕྲོལ། ལས་ཀྱི་ལིང་གར་ཐོབ། ཚེ་ཕྱི་མ་ལ་དུས་མ་འདེབས། ནམ་མཁའ་སྟོང་པ་ལ་ཚད་མ་འཛུགས། དུག་ལྔའི་ཕུང་པོ་རྡུལ་དུ་རློགས་ཤིག །སོ་སོར་འཕེན་ན་མཐའི་གཏོར་ཆུང་བཅུ་པོ། ཨོཾ་མ་ཧཱ་ཀཱ་ལ་ཐུན་བྷྱོ༔ ཀུ་རུ་རྦད་ཐུན་བྷྱོ༔ པྲ་མོ་ཧ་ཐུན་བྷྱོ༔ མ་ཧཱ་ཀཱ་ལི་ཐུན་བྷྱོ༔

[Full Size]

ཀ་རི་ལི་ཐུན་བྷྱོཿ ཀཾ་ཀ་ལི་ཐུན་བྷྱོཿ ཀཱ་མ་ར་ཏྲི་ཐུན་བྷྱོ༔ ཞེས་སྔགས་ཚར་རེ་དང་སྤྲད་ལ། དགྲ་ལ་མཚོན་ཆ་བགེགས་ལ་མེ་དཔུང་སྟེ་ཐོག་ལྷུང་བ་ལྟར་སོང་ནས་དགྲ་བགེགས་རྩྭ་སྐྱ་ལ་མེ་དཔུང་ཕོག་པའམ། །གྲོག་ཚང་སེར་བས་བརྡུང་བའམ། ཁང་རུལ་ལ་སྐྱོགས་རྡོ་ཕོག་པ་ལྟར་དགྲ་བགེགས་གར་ཡོད་སར་དམིགས་ལ་རྒྱུ་ལྡོག་འགྲིགས་ངོས་སུ་འཕེན་ཅིང་། ཨོཾ་མ་ཧཱ་ཀཱ་ལི་དེ་ཝི་རུ་པི་ནི་ཧཱུྃ་ཕཊ། ནི་ཐུམ་ལམ་ཐུམ། སོགས་གཞི་སྙིང་གིས་ལྷོའི་གཏོར་མ་འཕེན། ཨོཾ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀྟ་སྲོག་དུང་དུང་ཛཿ མ་ཧཱ་ཀཱ་ལ་ནི་ཐུ་སོགས་གཞི་སྙིང་གིས་བྱང་གི་གཏོར་མ། ཨོཾ་མ་ཧཱ་ཀཱ་ལ་སུ་ཏྲི་ཡ་མོ་དུ་ཛཿ མ་ཧཱ་ཀཱ་ལ་ནཾ་ཐུ་སོགས་གཞི་སྙིང་གིས་ནུབ་ཀྱི་གཏོར་མ། ཨོཾ་མ་ཧཱ་ཀཱ་ལ་ཏྲཀཱད་ཛཿ མ་ཧཱ་ཀཱ་ལ་ཐུ་སོགས་ཀྱིས་ཤར་གཏོར་འཕེན། ཨོཾ་མ་ཧཱ་ཀཱ་ལ་གྷ་ཎ་ཧྲི་ཏ་ཧཱུྃ་ཕཊ༔ མ་ཧཱ་ཀཱ་ལ་ནི་ཐུམ་སོགས་ཀྱིས་དབུས་གཏོར་ཕར་བསྐྱེལ་ལམ་འཕེན་པ་གལ་དང་བསྟུན། དེ་དག་གི་ཚེ་རང་ཉིད་མགོན་པོའི་ཐུགས་སྲོག་གི་བདེ་མཆོག་གསལ་བའི་ང་རྒྱལ་གལ་ཆེ། དེ་ནས་དམིགས་མེད་དུ་ཡུད་ཙམ་བཞག་ནས་ཀཱ་ཝུ་ཝ་་ཅུང་ཟད་བཟླས་ལ་ལོག་ནོན་ནོ། །རི་ལ་ཡིན་ན་དེར་གཏོར་སྣོད་སྒྲུབ། བསྐུལ་པ་ཡིན་ན་ཚུར་ལམ་གཏོར་སྣོད་ཁ་ཚུར་བསྟན་ནས་ཁྱེར་ཏེ་དྲུང་དུ་སྒྲུབ་བཅུག་ལ། ཕཊ༔ རང་ཉིད་མགོན་པོའི་གྲི་ཁུག་ས་ལ་བརྒྱབས་པས་ས་གཞི་དུམ་བུ་གཉིས་སུ་གས་

[Full Size]

ནས་རྒྱ་མཚོ་སྔོ་མེར་གྱིས་བྱུང་བའི་ནང་ནས་ལས་ཀྱི་གཤིན་རྗེ་ཀླུ་བདུད་ནག་པོ་ཏི་པ་ར་ཙ་ཆུ་སྲིན་གྱི་གདོང་ཅན་ཁ་གདང་བའི་ནང་དུ། བདེན་པར་གྲུབ་པ་རྣམས་ཀྱི་བདེན་པའི་མཐུས། གནོད་བྱེད་དམ་སྲི་སྒབ་འདྲེ་ཐམས་ཅད་ཁུག་ཅིག །གཏོར་གཞོང་གསེར་གྱི་ས་གཞི་གླིང་བཞི་རི་རབ་ཏུ་གྱུར་པས་ནོན་ཅིག །ཧཱུྃ། མ་ཧཱ་ཀཱ་ལ་བྱ་རོག་གདོང་། །ལས་མཁན་སྲུང་མའི་བྲོ་ཅིག་བརྡུང་། །ཞབས་སྐྱོད་ས་ལ་བརྡབ་པ་ཡིས། །དམ་ཉམས་ཐལ་བ་རྡུལ་དུ་རློགས། །དེ་ནས་རྡོ་རྗེ་གཤོག་པའི་གར། །ལོག་འདྲེན་འབྱུང་པོ་གཡབ་ཀྱིས་འདེབས། །ལག་གཉིས་རྡོ་རྗེ་གྲི་ཐོད་ཀྱིས། །དམ་ཉམས་སྲོག་གཅོད་སྙིང་ཁྲག་འཐུང་། །ཨོཾ་བཛྲ་མ་ཧཱ་ཀཱ་ལ་ཀཾ་ཀ་ལ་བཛྲ་ཀའུ་རུ་པ་ཙན་མ་ར་ཎ་ཧཱུྃ་ཕཊ་ཨོཾ་མ་ཧཱ་ཀཱ་ལ་ཤ་ཅུ་ན་ཤ་ཡ་ན་ཤ་ཡ། སྟམྦྷ་ཡ་སྟམྦྷ་ཡ། མཱ་ར་ཡ་མཱ་ར་ཡ། མར་དྷ་ཡ་མར་དྷ་ཡ་ནན་ཧཱུྃ། ཧཱུྃ། འདི་འོག་སྟོང་ཕྲག་ཉི་ཤུ་ན། །གཤིན་རྗེ་ཆོས་ཀྱི་རྒྱལ་པོ་གས། །དེ་ལ་ཁྱོད་ཀྱིས་ཆོས་ཉོན་ཅིག །ཇི་སྲིད་བྱམས་སེམས་མ་སྐྱེས་བར། །ཆོས་སྐྱོང་སྲུང་མས་རྒྱས་གདབ་སྟེ། །རྒྱུ་ལ་འདའ་བར་མ་བྱེད་ཅིག །ས་མ་ཡ། ས་མ་

[Full Size]

ཡ། ས་མ་ཡ། རྒྱ་རྒྱ་རྒྱ། རྒྱས་པར་ཡིན་ན་ཁྱིམ་དུ་བསླེབས་ནས་མགོན་པོའི་ཚེ་འགུགས་གཏང་རག་གི་ཚོགས། བཀྲ་ཤིས་བསྔོ་བས་རྒྱས་པར་གདབ་བྱའོ། །བསྡུ་ན་རྗེས་ཆོག་སྤྱི་ལྟར་རྒྱས་བསྡུས་གང་འདོད་བྱའོ། །དེ་ལ་གདོང་ལྔའི་རྩ་ཚིག་འདོན་བྱའི་གཞུང་ཞལ་ཁྲིད་ཤོག་དྲིལ་རྙིང་མ་དང་གསུམ་གྱི་རྒྱ་གཞུང་རྩོད་མེད་དུ་འདུག་པ། འབྲི་སྟག་འབྲུག་གསུམ་ཚལ་པ་སྒམ་པོ་ཟུར་མང་རི་བོ་ཆེ་སོགས་སུ་དར་སྲོལ་ཆེ་ཞིང་འགྲིག་ཆོག་ཀྱང་ཚང་སར་ལུགས་དང་འབྲི་གོང་ལུགས་སོགས་ཆ་ཚང་བ་མང་དུ་མཐོང་ཞིང་། ཟིན་བྲིས་ཀྱང་མཁས་གྲུབ་དུ་མས་མཛད་པ་ཧ་ཅང་མཐའ་ཡས་པ་དང་། ཕྱག་ལེན་ནི་མི་གཅིག་པ་དང་རྒྱས་བསྡུས་སྣ་ཚོགས་འདུག་ཅིང་། དེང་སང་འཁོར་ལོ་སོགས་མི་འཕྲོད་པར། །གཏོར་མདོས་དང་ཟན་ལིང་ཙམ་ལ་བསྟེན་ནས་ཀུན་གྱིས་བྱེད་སྲོལ་ཡོད་ཀྱང་། ལ་ལས་བསྐང་མདོས་དང་གཏོར་ཆེན་རྣམས་ཚུར་སབ་པས། གཞུང་ནས་ཁ་སབ་ཉི་ཤུ་ལ་སོགས་ཀྱི་མང་བ་དང་། འགའ་ཞིག་གིས་མགོན་པོའི་བསྐང་བ་ཐམས་ཅད་བསྟོད་འབུམ་བསྟོད་བསྐུལ་རྙེད་ཚད་འདོན་པས་འབྲེལ་མེད་དང་། བསྒྲིག་ཆོག་འགའ་རེ་ཚང་བར་སྣང་ཡང་ཟབ་གནད་ཐམས་ཅད་སྦས་པ་དང་། ལ་ལ་དག་གིས་རིམ་གྲོར་བསད་ལས་མི་བྱེད་པར་འདྲེས་པ་དང་། ལ་ལས་རྩང་མདོས་མ་ཕྱེ་བར་ཐུགས་དམ་སོགས་བྱས་པས་མཆོག་ནས་ཡིད་བཏོན་དཀའ་བར་གྱུར་ན་ཡང་། ཁོ་བོས་ནི་རང་ལོ་བཅོ་ལྔ་ནས་ཟླ་བ་གསུམ་ལ་ངག་མཚམས་ནས་བསྙེན་པ་ནས་བཟུང་། མགོན་པོ་འདི་ལ་མོས་པས་ཐུགས་དམ་ཅི་ནུས་དང་། །

[Full Size]

བླ་མ་མང་པོ་ལ་དབང་ལུང་མན་ངག་གི་རྩད་བཅད་པ་དང་། རྒྱུད་དང་མན་ངག་གི་ཡིག་ཆ་རྒྱ་ཆེར་མཐོང་ཞིང་གནད་གོ་བར་བརྟེན་ནས།་སྲུང་ཟློག་ཁོ་ན་ལ་ནི་གབ་སྦས་མེད་པར་མང་ཉུང་འཚམ་པ་དང་། རྒྱུད་རྒྱ་གཞུང་གི་དོན་འདུས་པ་དང་། རང་ག་ཚིག་གི་བཅོས་མིན་པར་སྔོན་གྱི་རྒྱུད་དང་གྲུབ་ཆེན་རྣམས་ཀྱི་གསུང་ཚིག་ཁོ་ནར་བསྒྲིགས་ཏེ། ཆ་ཆུང་བར་རང་དང་བརྒྱུད་པ་འཛིན་པ་རྣམས་ལ་ཕན་ཕྱིར། རང་ལོ་ང་ལྔ་པ་ཆུ་ཡོས་ས་ག་ཆེན་པོར་མཚམས་ཁུངས་སུ་ཐུན་མཚམས་འགའ་ཞིག་ལ་བསྒྲིགས་པ་ལ། ཉེས་འགལ་སྦ་འོས་གསལ་བཀོད་སོགས་ཀྱི་ཉེས་ལྟུང་མཆིས་ན། མགོན་པོ་འཁོར་བཅས་ལ་བཤགས་ཤིང་འདི་ཕྱིར་སྒྲིབ་པར་མ་གྱུར་ཅིག །དགེ་བས་སྒྲུབ་བརྒྱུད་རིན་པོ་ཆེའི་བསྟན་པོ་དར་ཞིང་རྒྱས་པར་གྱུར་ཅིག །བདག་དང་བདག་གི་རྗེས་འཇུག་འདི་ཉིད་ཉམས་སུ་ལེན་པ་དང་དེ་ལ་འཚོ་བ་སྦྱོར་བ་ཐམས་ཅད་བདུད་དགྲའི་གཡུལ་ལས་རྒྱལ་ནས། ཚེ་གཅིག་ལུས་གཅིག་ལ་དཔལ་འཁོར་ལོ་སྡོམ་པའི་གོ་འཕང་ཐོབ་པའི་རྒྱུར་གྱུར་ཅིག །ཅེས་ཀརྨ་ཨ་རཱ་གས་སྦྱར་བའོ། །མངྒ་ལཾ། བྷ་ཝནྟུ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཤ་ཟ་གདོང་ལྔའི་རྩང་འཚོགས།

[Full Size]

ཤ་ཟ་གདོང་ལྔའི་རྩང་འཚོགས་བཞུགས་པའི་དབུ་ཕྱོགས་ལགས་སོ།།

[Full Size]

ཧཱུྃ། ཤར་ཕྱོགས་རྡོ་རྗེ་མ་བདུན་ནི། །མིང་པོ་ཚངས་པ་ལ་སོགས་ཏེ། །རྣལ་འབྱོར་ཀུན་གྱི་ཡུམ་གཅིག་མ། །གདུག་པའི་རྩང་ལ་སྤྱན་འདྲེན་ན། །གདུག་པའི་རྩང་དང་གཉིས་མེད་དུ། །དགྲ་བོའི་སྲོག་གི་གཤེད་མ་མཛོད། །ཧཱུྃ། ལྷོ་ཕྱོགས་རིན་ཆེན་མ་བདུན་ནི། །མིང་པོ་གཤིན་རྗེ་ལ་སོགས་པ། །རྣལ་འབྱོར་ཀུན་གྱི་མཛའ་གཅིག་མ། །གདུག་པའི་རྩང་ལ་སྤྱན་འདྲེན་ན། །གདུག་པའི་རྩང་དང་གཉིས་མེད་དུ། །དགྲ་བོའི་སྲོག་གི་གཤེད་མ་མཛོད། །ཧཱུྃ། ནུབ་ཕྱོགས་པདྨའི་མ་བདུན་ནི། །མིང་པོ་ཀླུ་དབང་ལ་སོགས་པ། །རྣལ་འབྱོར་ཀུན་

[Full Size]

གྱི་གྲོགས་གཅིག་མ། །གདུག་པའི་རྩང་ལ་སྤྱན་འདྲེན་ན། །གདུག་པའི་རྩང་དང་གཉིས་མེད་དུ། །དགྲ་བོའི་སྲོག་གི་གཤེད་མ་མཛོད། །ཧཱུྃ། བྱང་ཕྱོགས་ལས་ཀྱི་མ་བདུན་ནི། །མིང་པོ་གནོད་སྦྱིན་ལ་སོགས་ཏེ། །རྣལ་འབྱོར་ཀུན་གྱི་བྲན་གཅིག་མ། །གདུག་པའི་རྩིང་ལ་སྤྱན་འདྲེན་ནོ། །གདུག་པའི་རྩང་དང་གཉིས་མེད་དུ། །དགྲ་བགེགས་སྲོག་གི་གཤེད་མ་མཛོད། །ཧཱུྃ། དབང་ཕྱུག་ཆེན་པོ་ཉི་ཤུ་བརྒྱད། །བུད་མེད་ལུས་ལ་མགོ་བརྙན་ཅན། །གཅེར་བུའི་ལུས་ལ་དུར་ཁྲོད་ཆས། །ལག་ན་མཚོན་ཆ་སྣ་ཚོགས་ཐོགས། །གདུག་པའི་རྩང་

[Full Size]

ལ་སྤྱན་འདྲེན་ན། །གདུག་པའི་རྩང་དང་གཉིས་མེད་དུ། །དགྲ་བགེགས་སྲོག་གི་གཤེད་མ་མཛོད། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ང་ནི་དཔལ་ཆེན་ཁྲག་འཐུང་སྐུ། །སྐུ་ཡི་མངའ་བདག་འགྲོ་བའི་མགོན། །དུས་གསུམ་སངས་རྒྱས་བསྟན་པ་བསྲུང་། །གསུང་གི་དབང་ཕྱུག་འགྲོ་བའི་མགོན། །བཀའ་ལ་མི་ཉན་གང་ཡང་མེད། །ཐུགས་ནི་ཕྱི་ནང་སྣོད་བཅུད་ཀུན་ལ་ཁྱབ། །ང་ཡིས་མི་འདུལ་གང་ཡང་མེད། །ཧཱུྃ། དྲག་པོ་ལས་ཀྱི་འཕྲིན་ལས་མཛད་ཙམ་ན། །དྲག་པོ་རྩང་གི་ཕུར་པ་འདི། །དང་པོ་རྩང་བྱུང་གང་ནས་བྱུང་། །མུ་སྟེགས་ཡུལ་གྱི་ལྷུན་པོ་ན། །དུར་ཁྲོད་ཆེན་པོའི་ས་མཚམས་ན། །གདུག་པའི་སྐྱེར་ཚེར་ཕུང་གཅིག་སྐྱེས། །ལྷ་འདྲེ་མང་པོ་དེ་ལ་གནས། །སྔགས་འཆང་ཁྲག་འཐུང་སྤྲུལ་པ་ཡིས། །སྤུ་གྲི་ངར་མ་ཕྱག་ན་བསྣམས། །གདུག་པའི་སྐྱེར་ཚེར་རྩད་ནས་བཅད། །གདུག་རྩུབ་དྲག་པོའི་ཤིང་དག་ལ། །རྩ་བཅད་རྩེ་བཞོག་གཉིས་ཀ་བྱས། །ཚད་ནི་གྲུ་གང་ཚུར་དུ་བཞོགས། །རྩེ་མོ་ཟུར་གསུམ་ཚུལ་དུ་བཞོགས། །རྩ་བ་དབལ་ཕུར་ཟུར་གསུམ་བཞོགས། །ཛདང་བློ་ཡི་ཡི་གེ་བྲིས། །དྲག་པོ་ལས་ཀྱི་

[Full Size]

དབང་ཡང་བསྐུར། །སྤྲུལ་པའི་ཕོ་ཉས་བྱིན་བརླབས་ནས། །གདུག་པའི་དགྲ་བགེགས་འདུལ་བའི་ཕྱིར། །རྩང་ཕུར་རྩེ་མོ་དབལ་དང་ལྡན། །ཡར་གྱི་རྩེ་མོ་རྣོ་ངར་དབལ་དང་ལྡན། །མར་གྱི་རྩེ་མོ་གདུག་ལ་རྩུབ། །རྐེད་པ་རྒྱ་མདུད་གཞལ་ཡས་ཁང་། །ཡར་གྱི་རྩེ་མོ་ཆོས་ཉིད་དབྱིངས་སུ་སླེབས། །མར་གྱི་རྩེ་མོ་ངན་སོང་རྒྱུ་དྲུག་གནོན། །རྐེད་པ་རྒྱ་མདུད་ཁམས་གསུམ་དབང་དུ་སྡུད། །ཡར་གྱི་རྩེ་ལ་ཞེ་སྡང་མེ་ལྟར་འབར། །མར་གྱི་རྩེ་ལ་འདོད་ཆགས་ཆུ་ལྟར་ཁོལ། །རྐེད་པ་རྒྱ་མདུད་ཕྲག་དོག་རླུང་ལྟར་འཚུབ། །ཡར་གྱི་རྩེ་ལ་དྲག་པོའི་འབྲུག་སྒྲ་སྒྲོག །མར་གྱི་རྩེ་ལ་སྤྲུལ་པའི་གློག་འོད་འཁྱུག །རྐེད་པ་རྒྱ་མདུད་གནམ་ལྕགས་སེར་ཆེན་འབེབས། །ཡར་གྱི་རྩེ་ལ་རཾ་གྱི་བུ་ཡུག་འཚུབ། །མར་གྱི་རྩེ་ལ་ཛ་ཡི་ཆུ་རྒྱུན་འབྲུབས། །རྐེད་པ་རྒྱ་མདུད་གནམ་ལྕགས་སེར་ཆེན་འབེབས། །ཧཱུྃ་དང་ཕཊ་ཀྱི་ང་རོ་སྒྲོག །དགྲ་བགེགས་བྱད་མ་རྣམས་ཀྱི་སྙིང་ལ་བཏབ་། །ལས་མཁན་ཕོ་མོ་རྣམས་ཀྱི་རྟེན་དུ་བཙུགས། །དགྲ་བགེགས་སྒྲོལ་ལ་རྐྱེན་ངན་ཟློག །མི་མཐུན་རྐྱེན་རྣམས་ཞི་བར་མཛོད། །ཧཱུྃ། དབང་དྲག་ལྡན་པའི་རྩང་ཕུར་

[Full Size]

བཞེངས། །ཡར་གྱི་རྩེ་ལ་གཡུ་བྱ་ཁུ་བྱུག་གྲགས། །མར་གྱི་རྩེ་ལ་དུར་བྱ་ཀང་ཀ་འཇུམ། །རྐེད་པའི་དཀྱིལ་ན་གཡུ་སྤྱང་སྔོན་མོ་ངུ་། །ཡར་གྱི་རྩེ་ལ་ལྕགས་སྤྱང་དམར་པོ་རྒྱུགས། །མར་གྱི་རྩེ་ལ་དུར་ཁྲོད་ཝ་མོ་བརྒྱལ། །རྐེད་པ་རྒྱ་མདུད་འཇིགས་པའི་དོམ་དྲེད་རྔམས། །ཡར་གྱི་རྩེ་ལ་ཞེ་སྡང་སྦྲུལ་ནག་འཁྱུགས། །མར་གྱི་རྩེ་ལ་གདུག་པའི་ཆུ་སྲིན་རྔམས། །རྐེད་པ་རྒྱ་མདུད་གསེར་གྱི་སྦལ་པ་འཁྱུགས། །ཡར་གྱི་རྩེ་ལ་ལྕགས་ཀྱི་བུང་བ་ལྡིང་། །མར་གྱི་རྩེ་ལ་སྲིན་གྱི་གྲོང་ཁྱེར་ཁོལ། །རྐེད་པ་རྒྱ་མདུད་གྲོག་མ་དམར་ནག་འཁྱུགས། །ཕྱི་རིམ་ལྕགས་རི་ནག་པོ་ལ། །ཆུང་ཕུར་སྲིན་མོ་འགྲོས་སུ་བཙུགས། །རྩང་ཕུར་ཁྲོ་མོ་ལམས་སེ་ལམ། །རྩང་ཕུར་གར་སྟབས་ཁྲིགས་སེ་ཁྲིག །རྩང་ཕུར་ཤ་ཟ་ལྗིབས་སེ་ལྗིབ། །རྩང་ཕུར་ཁྲག་འཐུང་ཀྱུ་རུ་རུ། །རྩང་ཕུར་རུས་འཆའ་ཀུམས་སེ་ཀྲུམ། །རྩང་ཕུར་མཆེ་བ་ཟངས་སེ་ཟང་། །རྩང་ཕུར་ལས་ཀྱི་ཕོ་ཉའི་ཚོགས། །དམར་ནག་སྲིན་མོ་འགྲོས་ཀྱི་དྲ་མིག་ན། །ལྷ་འདྲེ་སྡེ་བརྒྱད་རྒྱུག་པའི་སྲང་། །གནོད་བྱེད་ཐལ་བར་རློག་པར་བྱེད། །སྔོ་དམར་སྣལ་མས་བྲེས་པ་འདི། །མི་ནད་ཕྱུགས་ནད་

[Full Size]

ཡམས་ནད་དང་། །ཁྲག་ནད་རྒྱུ་གཟེར་བཟློག་པའི་ཕྱིར། །དྲག་པོ་རྩང་གི་ཕྲིན་ལས་མཛོད། །ཧཱུྃ། གདུག་རྩུབ་དྲག་པོའི་རྩང་ཕུར་འདིས། །སངས་རྒྱས་བསྟན་པ་བཤིགས་པ་དང་། །དཀོན་མཆོག་དབུ་འཕང་སྨད་པ་དང་། །བླ་མའི་སྐུ་ལ་བསྡོ་བ་དང་། །སེམས་ཅན་ཡོངས་ལ་འཚེ་བ་དང་། །བདག་ལ་སྡང་བྱེད་དགྲ་དང་བགེགས། །དམར་ནག་རྩང་གིས་བཟློག་ཏུ་གསོལ། །ལྷག་མ་རྗེས་ཤུལ་མེད་པར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །སྟེང་པ་ལོ་ཙཱའི་རྩང་འཚོང་བྲག་གསེར་སྒྲོ་མའི་གཏེར་ཆོས་འདི། རྒྱུད་ཀྱི་སྔགས་བཟློག་པར་དབང་ཕྱུག་ཉེར་བརྒྱད་གར་རྟོག་པའི་ཕོ་མདོས་མོ་མདོས་གང་ལ་ཡང་གྱེར་རོ། །མངྒ་ལཾ། འདི་བྲིས་པའི་མཐུས་བྱད་ཟོར་ངན་པ་ཐམས་ཅད་དམར་ནག་རྩང་གིས་བཟློག་ཏུ་གསོལ་དགེའོ། །སརྦ་མངྒ་ལཾ། ༄༅།། རྩང་ཕུར་གྱི་འཕྱོང་ནི། ཀྱེ། གནམ་ས་བཅུད་ཀྱི་སྙིང་པོ་ལ། །ཉིན་དང་སྲིབ་ཀྱི་བར་མཚམས་ན། །སྐྱེར་ཚེར་ལ་སོགས་གདུག་པའི་ཤིང་། །སྣ་ཚོགས་བསྡུས་ནས་སྔགས་འཆང་གིས། །གདུག་པའི་རྩང་ཕུར་དཔག་མེད་བྱས། །ཆོས་སྐྱོང་སྲུང་མའི་རྟེན་དུ་བཙུགས། །དབང་ཕྱུག་མ་ཚོགས་མཐུན་པའི་རྫ་ས། །དགྲ་བགེགས་

[Full Size]

བསྒྲལ་བའི་མཚོན་ཆ་ཡིན། །དམར་ནག་སྲིན་མོ་འགྲོས་སུ་བཙུགས། །ཤ་ཆེན་པཎ་དར་ལྷབས་སེ་ལྷབ། །དྲག་པོས་རྩང་ཕུར་ཟངས་སེ་ཟང་། །རྩོང་ཕུར་གར་བྱེད་ཁྱུགས་སེ་ཁྱུག །རྩང་ཕུར་བྲོ་བརྡུངས་ཁྲིགས་སེ་ཁྲིག །རྩང་ཕུར་གླུ་ལེན་ཀྱུ་རུ་རུ། །རྩང་ཕུར་ཤ་ཟ་ལྗིབས་སེ་ལྗིབ། །རྩང་ཕུར་ཁྲག་འཐུང་ཀྱུ་རུ་རུ། །རྩང་ཕུར་རུས་འཆའ་ཆེམས་སེ་ཆེམ། །ཕོ་ཉ་ལས་མཁན་རྣམས་ཀྱི་ཐུག་དམ་བསྐང་། །རྩང་འདི་མ་མོའི་སྤྱི་མདོས་ནང་ནས་བྲིས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མགོན་པོ་ཤ་ཟ་གདོང་ལྔ་རྒྱུན་ཁྱེར་བསྡུས་པའི་ཟིན་བྲིས་ཟུར་དུ་བསྐོལ་བ།

[Full Size]

མགོན་པོ་ཤ་ཟ་གདོང་ལྔ་རྒྱུན་ཁྱེར་བསྡུས་པའི་ཟིན་བྲིས་ཟུར་དུ་བསྐོལ་བ་བཞུགས་སོ།

[Full Size]

ན་མོ་ཀརྨ་མ་ཧཱ་ཀཱ་ལ་ཡེ། གདོང་ལྔའི་མདོས་ཐབས་དང་། བཟློག་ཐབས་རྒྱས་པ་ནི་གུད་དུ་གསལ། སྤྱི་འཚམས་བཟློག་པ་ནི་གཞུང་གི་ཡིག་ཆུང་ལས་གསལ། རྒྱུན་ཁྱེར་བསྡུས་པ་སྤྱི་འཚམས་ལ་ནི། ནང་གཞུག་དང་བྱང་བུ་ཤོག་ལིང་གཅིག་ཀྱང་མི་དགོས་ཟན་ལིང་གིས་ཆོག་པ་ཡིན་ལ། དེ་ལས་ཅུང་ཟད་ཟབ་ཅིང་རྒྱས་པར་བྱེད་ན། རྩེ་ལ་ཁྱུང་གི་ཙཀ་ལིའི་རྒྱབ་མགྲིན་པའི་ཐད་དུ་འདི་བྲིའོ། །ཨོཾ་ག་རུ་ཊ་ཙ་ལེ་ཙ་ལེ་ཧཱུྃ་ཕཊཿ གནོད་བྱེད་ལ་རྒྱུག་ཚེ་ཡང་ཤ་ཟ་ཧོར་མོ་བརྡུང་ཆོམ་རིང་། དགྲ་བགེགས་སོད་སོད་རྒྱུག་རྒྱུག །ཤིང་ངམ་འདག་གམ་ཟན་ལ་བྱ་རོག་གི་མགོ་

[Full Size]

གཅིག་བྱས་པའི་ཞལ་དུ་སྔགས་ཀྱི་ཤོག་དྲིལ་འདི་ཕྲེང་གཅིག་བྱས་ལ། མཇུག་ནས་ཡར་དྲིལ་ཏེ་ཡིག་མགོ་རྐན་ཕུགས་སུ་བསྟན་ལ་བཙུག་གོ །ཨོཾ་མ་ཧཱ་ཀཱ་ལ་ཐུན་བྷྱོ་བྷྱོ༔ ཨོཾ་ཀུ་རུ་ནི་རྦད་བྷྱོ་བྷྱོ༔ པྲ་མོ་ནི་ཧ་བྷྱོ་གྷོ༔ མ་ཧཱ་ཀཱ་ལི་ཐུན་བྷྱོ༔ ཀཾ་ཀ་ལ་ཐུན་ཀ་ལ་ར་ཏྲི་ཐུན་བྷྱོ་གནོད་བྱེད་དགྲ་བགེགས་བྱད་མའི་སྲོག་སྙིང་ལ་ཐུན་བྷྱོ་བྷྱོ༔ ཁཱ་ཧི་ཁཱ་ཧི། བསྡུ་ན་བྱ་མགོ་གཅིག་དེས་ཆོག་པར་གསུངས་ལ། གལ་ཏེ་བྱ་མགོ་ལྔ་འཛོམས་ན། བྱ་ཞལ་ཤར་དུ། མ་ཧཱ་ཀཱ་ལ་ཐུན་ཐུན་བྷྱོ༔ བྱང་དུ་མ་ཧཱ་ཀཱ་ལ་ཀཾ་ཀ་ལ་ཐུན་བྷྱོ༔ ནུབ་ཏུ་མ་ཧཱ་ཀཱ་ལ་ར་ཏྲི་ཐུན་བྷྱོ༔ ལྷོ་ན་

[Full Size]

མ་ཧཱ་ཀཱ་ལི་རག་མོ་རག་ཤ་ཟད་བྷྱོ༔ སྔགས་དེ་རང་གི་ཆོག་ལ། དེ་ལས་རྒྱས་ཙམ་བྱེད་ན། ཕྱོགས་བཞི་ཀཱའི་སྔགས་ཤམ་དུ། གནོད་བྱེད་དགྲ་བགེགས་བྱད་མའི་སྲོག་སྙིང་ལ་ཐུན་བློ་བྷྱོཿ ཁཱ་ཧི་ཁཱ་ཧྲཱི༔ ཅེས་སྦྱར་ལ་བྲིས་ཏེ། ཡི་གེ་ལ་ལ་ནས་མགོ་ནས་དྲིལ་ཟེར་བ་མ་དག་པ་སྟེ། ཡིག་རྙིང་ཁུང་མ་ནས་མཇུག་ནས་དྲིལ་གསུངས་པ་ལྟར། ཀན་ཕུགས་སུ་ཡི་གེ་འགོ་བསྟན་ལ་བཅུག །རང་སྔགས་དང་ཡེ་དྷརྨཱས་རབ་གནས་བྱའོ། །དེ་ཡང་རབ་ཁྲོ་ཞལ་བྱ་མཆུ་ཅན་བྱ། མ་གྲུབ་ན་བྱ་མགོ་གང་རུང་སྟེ་གཞུང་ནས་དེ་བས་མ་གསུངས། དེ་ཡང་དབུས་མཐིང་ནག །ཤར་ནག་པོ། བྱང་ལྗང་ནག །ནུབ་དམར་ནག །ལྷོ་དམར་ནག་ཁྲག་མདོག་བྱའོ། །གཏོར་མ་དབུས་མའི་ནང་དུ་ཕྲེང་གཉིས་ཏེ་དང་པོ་ལ་ཤ་ས་ན་ལ་ཕྲེང་གཅིག །དེ་འོག་ལ་གུ་ཎ་ཧྲི་ད་ཏྲཀྵད་སི་ཏི་ཡ་མ་གསུམ་ལ་གཞི་སྙིང་བཏག་པ་ཕྲེང་གཅིག་གོ །འཁོར་བཞི་ལ་བསྡུ་ན་ཨོཾ་མ་ཧཱ་ཀཱ་ལ་གནོད་བྱེད་དགྲ་བགེགས་བྱད་མ་ཤ་ཏུཾ་མཱ་ར་ཡ་ཁཱ་ཧི། དེ་འདྲ་བཞི་སོ་སོར་བཅུག །དེ་ལས་རྒྱས་པར་བྱེད་ན་ཤར་དུ་ཨོཾ་མ་ཧཱ་ཀཱ་ལ་ཏྲག་ཤད་ཛཿ མ་ཧཱ་ཀཱ་ལ་རྨི་ཐུམ་སོགས་གཞི་སྙིང་། བྱང་དུ་ཨོཾ་མ་ཧཱ་ཀཱ་ལ་ཁ་ཁ་མུ་ཁ་ཀརྨ་རཀྵ་

[Full Size]

སྲོག་དུང་དུང་ཛཿ མ་ཧཱ་ཀཱ་ལ་རྨི་ཐུམ་སོགས་གཞི་སྙིང་། ནུབ་ཏུ་ཨོཾ་མ་ཧཱ་ཀཱ་ལ་སུ་ཏྲི་ཡ་མ་དུ་ཛ་སོགས་གཞི་སྙིང་། ལྷོར་ཨོཾ་མ་ཧཱ་ཀཱ་ལི་དྷེ་ཝི་རུ་པི་ནི་ཧཱུྃ་ཕཊ། མ་ཧཱ་ཀཱ་ལ་རྨི་ཐུམ་སོགས་གཞི་སྙིང་བྲི་སྟེ། ཐམས་ཅད་ལ་མིང་སྤེལ་ནི་སྤྱི་འཚམས་ལ་གནོད་བྱེད་དགྲ་བགེགས་བྱད་མ་ཞེས་བྲི། དེ་དག་གཙང་ཞིང་དྲི་མ་མེད་པ་ལ་མེ་རླུང་ལ་གཡུགས་ནས། རང་སྔགས་དང་ཡེ་དྷརྨཱས་རབ་གནས་བྱ་སྟེ་མཇུག་ནས་དྲིལ་ལ། བྱ་རོག་གི་སྒྲོ་རྐང་དུ་བཅུག་པར་གསུངས་ཀྱང་ཤོང་དཀའ་བ་དང་། བྱ་རོག་མ་སྙེད་ན་ཁྭ་ཏ་བྱ་རོག་ཁྱད་མེད་དེ། དཔལ་ནཱ་ལོས་བསིལ་བ་ཚལ་དུ་ཞལ་གཟིགས་དུས་མི་ནག་ཁྭ་ཏའི་གདོང་ཅན་གྱིས་ཅེས་གསུངས་པས་སོ། །ཁྭ་ཏའི་སྒྲོ་རྐང་མང་པོས་ཤོག་དྲིལ་ཕྱི་ནས་ཆགས་ཤིང་བཅིང་དེ་ཆུས་མི་འཇིགས་ཕྱིར་གྲོ་ག་སྲབ་མོའམ་ལ་ཆས་བསྟུམ། དེ་རྒྱབ་རམ་སྐུད་དང་སྐུད་པ་ནག་པོས་བཅིངས། མགོ་ཞབས་དང་ཕྱོགས་མི་ནོར་བའི་ཁ་ཡིག་གམ་སྐུད་རྟགས་བྱའོ། །དེ་དག་ཕུལ་ཐོན་ཛ་ཚུར་བླངས་ནས་རྒྱུན་དུ་བརྟེན་རྫས་ལྟར་འཆང་ངོ་། །དེ་རྣམས་སྨྱུ་གུ་ལ་བྱ་རོག་གི་སྒྲོ་ཙ་བཅིང་ལ་བྲི་བར་བྱའོ། །དེ་ནས་སྐྱེར་པ་སོགས་དྲག་པོའི་ཤིང་གི་སྨྱུ་གུས་ཁྲག་གམ་མ་

[Full Size]

སྙེད་ན་བཙག་གཙང་མ་ཆུས་སྨྱོས་པས། ཨོཾ་མ་ཧཱ་ཀཱ་ལ་གནོད་བྱེད་དགྲ་བགེགས་བྱད་མ་སརྦ་ཤ་ཏུ་ཤནྟི་ཀུ་རུ་ཡེ་ཧཱུྃ་ཧཱུྃ་ཕཊ་སྭཱ་ཧཱ། ཅེས་བྲིས་ལ་ངར་མའི་སྙིང་གར་བཅུག །དེའི་གཡས་གཡོན་དུ་རྔ་མོང་གི་གཟུགས་གཉིས་བྱས་པའི་ཁལ་དུ་ཚྭ་གཡེར་རམ་པ་སྦང་མ་སོགས་བསྙམ་པ་དགྲ་བོ་བྱད་མ་བྷྱོ་བྷྱོ༔ ཟེར་བའི་ཤོག་དྲིལ་བཅུག་ནས། ནད་རྐྱལ་གྱི་གཟུགས་གཅིག་བྱས་ལ་རྔ་མོང་བཀལ་དེ་ལ་ཁྲག་བྱུག་གོ །ཤོག་གུ་འཐུགས་པོ་གཅིག་ལ་ལིང་ག་སྤྱི་མཚམས་པ་གཅིག་བྲིས་པའི་སྙིང་གར་རྨི་ཏྲ་བརྩེགས་མའི་གཡས་གཡོན་ཛ་ཁ་སྤྱོད། དེའི་ཕྱི་རོལ་དུ་ཡིག་འགོ་ནང་དུ་བསྟེན་ལ་ཡིག་མཇུག་ནང་དུ་ཕུད་ལ། ཨོཾ་མ་ཧཱ་ཀཱ་ལ་གནོད་བྱེད་དགྲ་བགེགས་དམ་སྲི་བྱད་མ་ནད་འདྲེ་གཅོང་སྲི་གོད་འདྲེ་ཟ་འདྲེ་སྒབ་འདྲེ་འགོང་པོ་བསེ་རག་ཐམས་ཅད་ཨུ་ཙ་ཏ་ཡ་ཧཱུྃ་ཧཱུྃ་ཕཊ་ཕཊ༔ ཅེས་བྲིས་ཡན་ལག་ལ་ཛཿཧཱུྃ་སོགས་ཐམས་ཅད་སྤྱི་ལྟར་ལས་ཁ་ལ་ཁ་ཐཾ་བྲི། ལིངྒའི་ཕྱི་ནས་སྔགས་འགོ་ནང་དུ་བསྟན་ལ། མགོའི་ཐད་དུ་མ་ཧཱ་ཀཱ་ལ་རྦད་བྷྱོཿ གཞོག་གཡོན་དུ་མ་ཧཱ་ཀཱ་ལི་རག་མོ་རཀཱ་ཟད། རྐང་པ་ངོས་སུ་མ་ཧཱ་ཀཱ་ལ་ར་ཏྲི་ཐུན་བྷྱོ༔ གཞོག་གཡས་སུ་མ་ཧཱ་ཀཱ་ལ་ཀཾ་ཀ་ལ་ཀཾ་ཀ་ལ་ཐུན་བྷྱོ༔ དེ་རྒྱབ་ཛ་ཁྲམ་བསྐོར་ཏེ།

[Full Size]

འགོ་རང་ལ་བསྟན་ལ་གཏོར་མདོས་ཀྱི་ཞབས་སུ་བཏིང་། འདི་ལ་དྲི་མ་མ་ཕོག་པར་ཚག་བྱས་ལ་རྒྱུན་དུ་བཏིང་རུང་ངོ་། །གདན་འཁོར་བསྡུས་པ་ཡིན་པར་སྣང་། །ཡང་འཁོར་ལོ་རྩིབས་བརྒྱད་པའི་ལྟེ་བར་རྨི་ཏྲ་ཛལས་སྤྱི་བྱེ་བྲག་གི་མིང་རུས་བསྐོར་བ་ཡིག་འགོ་ཕྱིར་སྟོན། དེ་རྒྱབ་རྩིབས་བརྒྱད་ལ་ཡིག་འགོ་ཕྱིར་བསྟན་ལ། མ་ཧཱ་ཀཱ་ལ་སྙིང་ཁྲག །ལྡིབ་ལྗིབ། ཆོད་ཆོད། སྲོག་རྩ་ཆོད་ཐུམ་རིལ་རྒྱུད། ཅེས་བྲི་དེ་རྒྱབ་ལིང་ག་སྤྱི་ལྟར་བྲིས་ཏེ་ཧོམ་ཁུང་དུ་བཅུག་ལ། བསྒྲལ་ལས་དེ་ལ་བྱ་ཞིང་རྒྱུན་དུ་མདོས་འོག་གམ་མདུན་དུ་བཞག་ལ་བཀུག་གཞུག་དང་བསད་དམིགས་ཐམས་ཅད་དེ་ལ་བྱའོ། །རྗེས་སུ་སྦྱིན་སྲེག་བྱ་བར་གསུངས་པས་འདི་འདྲ་བརྒྱད་སོགས་བྲི་བར་གསུངས་པ། སྦྱིན་སྲེག་མང་དུ་བྱ་ཕྱིར་རོ། །མ་འཕྲོད་ན་འབུལ་ཁ་གཏོར་མདོས་ལ་མེ་རུ་བཙུགས་ལ་སྦར་རོ། །དེ་ནས་བསད་འཁོར་བསྡུས་པ་ཡིན་པར་གདའ་སྟེ་དམིགས་པ་དང་མཚུངས་པས་ཟབ་བོ། །གདོང་ལྔ་བཅའ་ཞོར་དགྲ་བགེགས་དམ་སྲི་གོད་འདྲེ་སོགས་མནན་པ་བྱེད་ན། འཁོར་ལོ་རྩིབས་བརྒྱད་པའི་ལྟེ་བར་རྨི་ཏྲི་ཛ་ལས་དགྲ་བགེགས་གནོད་བྱེད་བྱད་མ་ནད་འདྲེ་གཅོང་སྲི་གོད་འདྲེ་དམ་སྲི་འགོང་

[Full Size]

པོ་ཟ་འདྲེ་ཤི་གཤེད་ཐམས་ཅད་ཁུག་ཨངྐུ་ཤ་ཛ་ཛཿ དེ་རྒྱབ་ལིང་གའི་ལྕེ་བྲང་ཁྱབ་པའི་ནང་དུ་འཁོར་ལོ་རྩིབས་བརྒྱད་བྲིས་ཏེ་རྩིབས་ལ། མ་ཧཱ་ཀཱ་ལ། ཨོཾ་མ་ཧཱ་ཀཱ་ལ་ཤ་ཏུཾ་ན་ཤ །ན་ཤ་ཡ་ནི་ཤ་ཡ། ཧཱུྃ་བྷ་ཡ་ནྟཾ་བྷ་ཡ། མཱ་ར་ཡ། མཱ་ར་ཡ། མར་དྷ་ཡ་མར་དྷ་ཡཱ་ནན་ཧཱུྃ། དེ་རྒྱབ་ལིང་ག་སྤྱི་ལྟར་བྲི། ཛ་ཁྲམ་བསྐོར་བ་བྲུབ་ཁུང་དུ་མཉམ་དུ་བཞག་ལ། རྗེས་སྦྱིན་སྲེག་ཐལ་བ་ཚུམ་གཅིག་མཉམ་དུ་ཐེམ་འོག་སོགས་སུ་སྤྱི་ལྟར་མནན་ནོ། །འདི་ངེས་པར་དགོས་པ་ནི་མིན་ནོ། །འོན་ཀྱང་ཐོན་ན་མནན་སྲེག་འཕང་གསུམ་ཆ་ཚང་བས་གནད་ཆེའོ། །རྒྱས་པར་ན་བརྒྱ་རྩའི་གཏོར་ཆུང་བརྒྱ་རྩ་རེ་རེའི་ནང་དུ་ཁྲག་གི་ཤཱ་ས་ན་མིང་སྤེལ་ཅན་དེ་བཅུག་པར་གསུངས་ཀྱང་དེ་དཀའ་བས། ལྔའམ་གསུམ་མམ་བདུན་ཙམ་ལ་ཨོཾ་མ་ཧཱ་ཀཱ་ལ་གནོད་བྱེད་དགྲ་བགེགས་ཐམས་ཅད་སརྦ་ཤ་ཏུཾ་མཱ་ར་ཡ་ཧཱུྃ་ཕཊ། ཅེས་པ་བཅུག་ལ་ཉིན་གཉིས་བརྒྱ་རྩའི་ཐོག་མར་རེ་རེ་ཙམ་འབུལ་བས་འཐུས། ཡེ་ཤེས་མགོན་པོ། ཁྱུང་བྱ་རོག །གདོང་བཞི་ལ་འབུལ་རྒྱུའི་གཏོར་ཆུང་བདུན་པོ་ལ། གཙོ་བོ་ལ་ཀའུ་པ། ཁྱུང་ལ་ཨོཾ་བཛྲ་ག་རུ་ཊ། ལས་མགོན་ལ་གུ་ཎ་ཧྲི་ཏ། གནོད་སྦྱིན་ལ་ཨོཾ་བཛྲ་མ་ཧཱ་ཀཱ་ལ་ཁ་ཁ་མུ་

[Full Size]

ཁ་ཀརྨ་རཀྵ་སྲོག་དུང་དུང་ཛཿ ཤར་དུ་ཏྲག་ཤད། ནུབ་ཏུ་སིདྷི་ཡ་མ། ལྷོར་དྷེ་ཝི་རུ་པི་ལ། བྱང་དུ་ཀརྨ་རཀྟ་ཛཿ དགྲ་བགེགས་གནོད་བྱེད་ཁཱ་ཧི། བཏག་པའི་ཤོག་དྲིལ་རེ་གྲུབ་ན་བཟང་བར་གསུངས། །དེ་ནས་མཇུག་ཏུ་སྦྱིན་སྲེག་འགྲུབ་ན་ཤིན་ཏུ་ལེགས་ཏེ། གདོང་ལྔའི་རྒྱ་གཞུང་ལས། དེ་ནས་ཧོམ་སྲེག་གོ །སྦྱིན་སྲེག་ཐལ་བ་ཟོར་དུ་འཕང་། ཡང་ན་མནན་པར་བྱའོ། །ཞེས་དང་། རྒྱ་གཞུང་ཤོག་དྲིལ་ལས། དེ་ནས་མདོས་ཞལ་ཕྱིར་བསྒྱུར་བའི་དུས། ཧོམ་དེ་མེ་ལྷ་བསྐྱེད། དེའི་ཁོག་པར་སྔར་ལྟར་བསྐྱེད་པའི་ལྷ་བསྐྱེད། དེ་ནས་ཤན་པའམ་ཡུགས་ས་མོས་མེ་སྦར་དུ་བཅུགས། དེ་ནས་བསད་པའི་ལིང་ག་དུག་ཁྲག་དང་བཅས་པའི་སྔགས་ཀྱིས་སྲེག །དམོད་པ་རྣམས་སོ། །ཞེས་གསུངས་པས་འབུལ་ཁའམ་འབུལ་ཚར་རྗེས་སུ་ཡང་རུང་སྟེ། སྲེག་རྫས་ཤོག་ལིང་གཏུབ་པ་དང་ཟན་ལིང་བརྒྱ་ཕྲག་ཕྱེད་གཉིས་ཙམ། མ་འབྱོར་ན་བཟློག་པའི་ནང་གི་ཟན་ལིང་རྙིང་པ་ཡ། བླངས་ལ་ཁྲག་ཐིག་ཤ་དུམ་བསྣན་ཡང་རུང་། ཁྱད་པར་འཇིག་རྟེན་པའི་མེ་ལྷ་གཏོར་མ་སྤྱི་ལྟར་ལས། ཡེ་ཤེས་མེ་ལྷ་གཏོར་མ་དམར་གཏོར་སོར་བཞི་ལས་མི་ཆུང་བ་བདུན་བཤམས།

[Full Size]

ཡཾ་ཤིང་ཁྲག་གི་སྦག །མར་ཁུ་ཚིལ་རྐང་བཏབ་པ་བཤམས། མེ་ལྷའི་ལྟོ་བར་བསྐྱེད་པར་གསུངས་ཀྱང་། མེ་ལྷ་ཞུ་བའི་མེ་དཔུང་གནམ་ས་གང་བའི་ནམ་མཁར་ཡེ་ཤེས་མགོན་པོ་ས་གཞིར་གདོང་ལྔ་འཁོར་བཅས་གཏོར་བཟློག་གི་མངོན་རྟོགས་ལྟར་དང་། དོ་ནུབ་སྦྱིན་སྲེག་དཔུང་ལ་བྱོན་ཞེས་སྤྱན་འདྲེན་གྱི་ཚིག་བསྒྱུར་ལ། ཨརྒྷཾ་སོགས་འགྲེས་བཤང་ནས་འབུལ། །རྐང་བརྒྱད་བོད་སྐད་བསྟོད་པ་ཡན་གཞུང་ཉིད་ལྟར་ལས། ཀ་ཝུ་པ་ལ་ཡེ་ཤེས་མགོན་པོ། ཨོཾ་མ་ཧཱ་ཀཱ་ལ་ག་རུ་ཊ། གུ་ན། ཏྲག་ཤད། ཀརྨ་རཀཱ། སུ་ཏྲི་ཡ་མ། དྷེ་ཝི་རུ་པ་རྣམས་ལ། ཡམ་ཤིང་མར་ཁུ་འབྲུ་སྣའི་སྔགས་ཤམ་བུ་དང་བཅས་པ་སྤྱི་ལྟར་ལས། ཁྱད་པར་ལིང་ག་འབུལ་སྔགས་ཐོད་ནག་སྲོག་གི་སྤུ་གྲི་དང་ཁ་ཏྲན་ཏྲ་ལས་མགོན་གྱི་རྒྱུད་གཉིས་ཀ་ནས་གསུངས་པའི་སྲོག་སྔགས་འདི་ཡང་སོ་སོའི་སྔགས་ལ་བཏགས་ལ་འབུལ་ཏེ། རྐྱེན་བཟློག་ལ་ཡེ་ཤེས་མགོན་པོ་དང་ལས་མགོན་མང་བཅུག །དགྲ་ལ་ནི་ལས་མགོན་གསུམ་དང་ཡུམ་མང་བཅུག་སྟེ། གྲངས་བདུན་ཉེར་གཅིག་དྲུག་ཅུ་རེ་བཞི་བརྒྱ་རྩ་བརྒྱད་སོགས་སྐབས་དང་བསྟུན་ལ་བཟླ། སྔགས་དང་རྫས་མང་ཉུང་མེད་པ་གལ་ཆེ་སྟེ། རྫས་མང་ན་ལས་

[Full Size]

འགྱང་། སྔགས་མང་ན་ལོགས་པའི་རྒྱུ་ཡིན། སྔགས་བཟླ་རོག་ཡོད་ན་ཤོག་དུམ་ཅིག །ཤ་དུམ་གཉིས། ཁྲག་ཐིག་གསུམ། ཟན་ལིང་བཞི། སོ་སོར་བརྩི་། ཆོག །གཅིག་ལས་མེད་ན་རྫས་བཞི་གཅིག་ལ་བརྩི། ལིང་ག་གསར་རྙིང་མང་ན་མི་གྲངས་བརྩི་ལ་འབུལ་ལོ། །གྷི་ཊ་བྷི་ཊ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མཱ་ར་ཡ་མཱ་ར་ཡ། གནོད་བྱེད་དགྲ་བགེགས་བྱད་མ་དམ་སྲི་རྒབ་འདྲེ་ནད་འདྲེ་གཅོང་སྲི་གོད་འདྲེ་ཟ་འདྲེ་ཤི་གཤེད་ཐམས་ཅད་དོམ་ཏྲ་རྨི་ཏ་ཀུ་རུ་ཧཱུྃ་ཕཊ། འདི་རྒྱུད་གཉིས་མཐུན་པས་ཤིན་དུ་ཟབ་བོ། །དེ་ཡང་རྫས་ནི། ལ་སྨན་ཚ་བ་གསུམ་མ་སྙེད་ན་སྔོ་སྨན་ཚ་བ་གསུམ། ཚད་པས་ཤི་བའི་ཁྲག་དང་། མ་སྙེད་ན་ཁྲག་ངན་གང་རྙེད། ཡུངས་ཀར་ནག་སྐེ་ཚེ་ཟངས་ལྕགས་ཕྱེ་རྣམས་ལིང་ག་ལ་ཅུང་ཟད་བཏབ་པ་དང་། ཡམ་ཤིང་བུད་ཤིང་སྐྱེར་པ། ཐབས་ནང་ཚེར་མས་བསྐང་ལ། སྲེག་རྫས་གཙོ་བོ་ནི་གྲ་མའི་ཕུབ་རྒོད། དེ་རྣམས་འཛོམ་ན་ཤིན་ཏུ་ལེགས་མ་འཛོམ་ཀྱང་དྲག་པོའི་སྦྱིན་སྲེག་ལྟར་གྱི་ཆོག་གོ །སྲེག་རྫས་སོ་སོའི་མཚམས་ཡང་ན་སྲེག་རྫས་ཐམས་ཅད་རྫོགས་པ་དང་། གཏོར་བཟློག་གཞུང་ན་ཡོད་ལྟར་ཡེ་ཤེས་མགོན་པོ་ལ་

[Full Size]

བསིལ་ཚལ་གོང་མས། ཤཱ་ས་ན་ཡི་གཏོར་མ་ཐབ་ཏུ་འབུལ། དེ་བཞིན་ཁྱུང་ནག་དང་ལས་མགོན་དང་། གདོང་ལྔ་སོ་སོའི་བསྟོད་བསྐུལ་གཏོར་སྔགས་དང་བཅས་པས་ཕུལ་རྗེས། མེ་ཞགས་དགོས་ན་འཕང་སྟེ། གཞི་སྙིང་དང་ཤཱ་ས་ན་སོགས་ལ་མིང་སྤེལ། གནོད་བྱེད་གདོན་བགེགས་ཅེས་བསྒྱུར་བས་རྒྱོབ། རྗེས་ཆོག་སྤྱི་ལྟར་བྱའོ། །ཡེ་ཤེས་མེ་ལྷ་གཤེགས། ལྷར་འཇིག་རྟེན་པ་གསལ་བཏབ་ནས་གཏོར་མ་དང་མཆོད་བསྟོད་རྗེས་ཆོག་སྤྱི་ལྟར་བྱའོ། །ཐལ་བ་མནན་པ་དང་ཟོར་སོགས་བྱའོ། །མཉན་སའམ་ནོན་ཆེ་སར་དོར་རོ། །གདོང་ལྔ་བསྡུས་པའི་ཟིན་བྲིས་ཤིན་ཏུ་གསལ་བར་བཀོད་པ་རཱ་ག་ཨ་སྱས་སོ། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།