མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། གི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དབང་གི་ཞལ་གདམས།

[Full Size]

དབང་གི་ཞལ་གདམས་བཞུགས་སོ།

[Full Size]

ན་མོ་བཛྲ་དྷ་ར་ཡེ། བཙུན་པ་ཏིང་འཛིན་ཞེས་བྱ་བས། །དབང་གི་ཞལ་གདམས་དགོས་ཟེར་བ། །སྤྱིར་ན་ཐེག་པ་ཆེན་པོ་དང་། །ཁྱད་པར་གསང་སྔགས་ཆོས་རྣམས་ཀྱི། །གཞི་དང་རྩ་བ་སེམས་བསྐྱེད་ཡིན། །དབང་བསྐུར་ཞུ་དང་བདག་འཇུག་དང་། །གཞན་ལ་བསྐུར་བ་ཐམས་ཅད་ལ། །འགྲོ་བའི་དོན་དུ་བཅོམ་ལྡན་འདས། །བདག་གིས་ཐོབ་ཕྱིར་བྱའོ་ཞེས། །སེམས་བསྐྱེད་ལྡན་ན་ལམ་དུ་འགྲོ། །ཟང་ཟིང་བསྡུ་ཕྱིར་ཞི་བ་དང་། །ནད་གདོན་ཞུ་ཕྱིར་བདག་འཇུག་དང་། །ཟས་ནོར་འདོད་ཕྱིར་དབང་བསྐུར་བ། །ངན་སོང་ས་བོན་ཁོ་ན་

[Full Size]

ཡིན། །ཟས་ནོར་བསྡུ་ལ་ཁྱད་མེད་ཀྱང་། །བསམ་པའི་དབང་གིས་ཆོས་དང་སྡིག །རང་གིས་དབང་ལུང་མ་ཐོབ་པར། །དཔེ་ཆ་རྙེད་ཅིང་བློར་བཟུང་པས། །གཞན་ལ་གཤར་ཅིང་དབང་བསྐུར་བ། །མཚམས་མེད་ལྔ་ལས་སྡིག་ཆེ་བས། །དམྱལ་བ་རང་གིས་ཉོ་བ་སྟེ། །ཅི་ཕྱིར་རྒྱལ་བའི་བཀའ་བཅག་ཅིང་། །དམ་ཆོས་བརྐུས་ནས་བཙོང་བའོ། །ཟས་ནོར་ཨེ་རྙེད་ཁོ་ན་ཡིས། །དབང་བསྐུར་ཆོས་བཤད་བྱེད་པ་ནི། །དབང་ལུང་ལེགས་པར་ཐོབ་ན་ཡང་། །གསང་སྔགས་ནོར་ལ་བཙོང་བ་སྟེ། །ཡི་དྭགས་རྟེན་ཡུལ་བྱེད་འདོད་ཡིན། །གཞན་ཕན་

[Full Size]

བསམ་པ་རྣམ་དག་ཅིང་། །ལེགས་པར་ཐོབ་ནས་བྱེད་པ་ནི། །རྒྱལ་བའི་ཕྲིན་ལས་བསྒྲུབ་པ་ཡིན། །ཨེ་རྙེད་སྙིང་ལ་མ་འཆང་ཡང་། །ཤུགས་ཀྱིས་རྗེས་གནང་རེ་རེ་ལ། །གསེར་སྲང་བརྒྱ་སྟོང་བྱུང་བ་ཡང་། །དཀོར་གྱི་སྒྲིབ་པས་མི་གོས་ཤིང་། །སྦྱིན་བདག་བསོད་ནམས་ཚོགས་རྫོགས་པ། །དམ་པའི་ཆོས་ཀྱི་རིན་ཐང་ཡིན། །དེ་གཉིས་བསམ་པའི་ཁྱད་ཀྱིས་བསྒྱུར། །དབང་ཐོབ་ཕྱག་ལེན་མཁས་ན་ཡང་། །རྩ་བའི་ཡི་དམ་གཅིག་ཙམ་གྱི། །དུས་རྟག་གྲངས་ཀྱི་བསྙེན་པ་གསུམ། །དེ་གཉིས་ལྡན་པ་ཅིག་མེད་ན། །གསང་སྔགས་ཡན་ལག་དམ་ཚིག་ཉམས། །དེ་ཡང་དམྱལ་བའི་ས་བོན་ཡིན། །བསྐྱེད་རིམ་རྩལ་ནི་མ་འབྱོང་ན། །ཆོ་གའི་ཆ་ལག་ཚང་དགོས་ཏེ། །མ་ཚང་བསྐུར་ན་ཉེས་སྒྲིབ་ཆེ། །བསྐྱེད་རིམ་འབྱོངས་ནས་བདག་མདུན་བུམ། །སོ་སོར་རྒྱས་པར་མ་གྲུབ་ཀྱང་། །སྐད་ཅིག་དྲན་རྫོགས་འཇའ་ཚོན་བཞིན། །བསྒོམ་པར་ནུས་ན་ཆོ་ག་ཡང་། །ཚང་མ་མི་དགོས་བསྐུར་ཆོག་པ། །པཎ་ཆེན་རྡོ་རྗེ་གདན་པས་བཞེད། །འོན་ཀྱང་བསྙེན་པ་བརྒྱ་ཙ་བརྒྱད། །མ་ཐོན་བསྐུར་བར་མི་རུང་བ། །རྒྱུད་སྡེ་རྣམས་ནས་གསལ་བ་ཡིན། །

[Full Size]

དེ་ནི་བུམ་བསྐྱེད་གཙོ་ཆེའོ། །དམ་ཚིག་ཉམས་ཆག་ཡེ་མེད་ན། །བདག་འཇུག་ལེན་ནི་མི་དགོས་ལ། །ཐེ་ཚོམ་ཡོད་ན་བླང་དགོས་ཏེ། །ཆག་ཉམས་ཀྱིས་ནི་གཞན་ལ་དབང་། །བསྐུར་ཀྱང་བྱིན་རླབས་འབྱུང་བ་མིན། །གསང་སྔགས་རྙིང་མ་ཕལ་ཆེར་ལ། །ཏིང་ངེ་འཛིན་གྱིས་བདག་འཇུག་བླངས། །དབང་ཚིག་འདོན་ནི་མི་དགོས་སོ། །དབང་ཚིག་བརྗོད་ཅིང་དབང་ལེན་པ། །འདོད་ན་རྙིང་མ་ལ་ཡང་རུང་། །དགོངས་འདུས་འོད་འབར་སོགས་ན་གསལ། །རཏྣ་ལུག་ལ་ཕྱག་སྲོལ་མེད། །འོན་ཀྱང་སྒྲུབ་པ་ཐམས་ཅད་མཇུག །དངོས་གྲུབ་ལེན་ཆོག་དོན་ལ་གཅིག །རྗེས་གནང་མི་འདྲ་དུ་མ་ཡི། །ཐམས་ཅད་བསྙེན་པ་ཐོན་དཀའ་ཡང་། །ཆོ་འཕྲུལ་ཆེན་པོའི་ཟླ་བ་དང་། ཉི་ཟླ་གཟས་འཛིན་བྱུང་བའི་ཚེ། །ཕྲེང་སྐོར་འགའ་ཟུང་བཟླས་པ་ཡིས། །འགྱུར་གྱི་དབང་གིས་བསྙེན་པ་ཐེམ། །དེ་ནི་དུས་ཀྱི་འགྱུར་ཡིན་ལ། །གནས་རི་བཟང་བར་བསྙེན་ན་ཡང་། །སུམ་བརྒྱ་དྲུག་ཅུའི་འགྱུར་དུ་ངེས། །དེ་དག་མཁས་པའི་གསུང་རྒྱུན་ཡིན། །དབང་བསྐུར་ཚར་མ་ཐག་གི་ཚེ། །བསྙེན་པ་མང་ཉུང་ཅི་རིགས་བརྗོད། །དེ་ཚེ་ཏིང་

[Full Size]

འཛིན་དབང་བླང་བས། །རང་གིས་ནུས་པ་མི་ཉམས་པ། །ཨོ་རྒྱན་ཆེན་པོས་གསུངས་པ་ཡི། །མན་ངག་ཁྱད་དུ་འཕགས་པ་ཡི། །དེ་འདྲའི་གནད་ཟབ་མ་ཤེས་པར། །དབང་བསྐུར་མང་ན་བྱིན་རླབས་ཟད། །ཚེ་ཐུང་བསོད་ནམས་ཇེ་ཞན་འགྲོ། གཉེན་ཅིང་ཟབ་པའི་དབང་ལུང་ཡང་། །སྣོད་ལྡན་དམ་ཆོས་བསྒྲུབ་པ་དང་། །ཆོས་དེས་བསྟན་ལ་ཕན་ནུས་ལ། །ཕྱག་རྟེན་ཆུང་བས་མ་བསྟན་ན། །སེམས་ཅན་བློས་བཏང་ལྟུང་བ་སྟེ། །མཁའ་འགྲོ་ཆོས་བདག་ཐུགས་ཀྱིས་ཁྲེལ། །སྣོད་མིན་ཉམས་སུ་མི་ལེན་པར། །ཟས་ནོར་ངོ་ཡིས་དབང་དང་ལུང་། །བྱས་ཀྱང་ཆོས་བདག་སྲུང་མ་ཁྲོ། །བར་ཆད་བཀའ་ཡི་ཆད་པ་འོང་། །གལ་ཏེ་ཚེ་འདིར་མ་བསྐྱོན་ཀྱང་། །བཀའ་ལས་འདས་ཕྱིར་ནང་འགྲོར་ལྟུང་། །དེ་ཕྱིར་སྤེལ་དང་མི་སྤེལ་བའི། །དམ་སློད་ཚོད་ཟིན་གནད་དུ་ཆེ། །ཁྱད་པར་རྩ་བའི་ཡི་དམ་དམ། །ཉམས་སུ་ལེན་ངེས་མ་གཏོགས་པ། །སྤེལ་ན་བསྙེན་པ་བསྐྱར་དགོས་སོ། །རྩེ་གཅིག་ཉམ་ལེན་བྱེད་ངེས་ན། །མ་སྤེལ་བྱང་སེམས་དམ་ཚིག་ཉམས། །དེ་ཕྱིར་སློབ་མའི་རྒྱུད་ལ་བརྟགས། །འཁོར་འདས་དབྱེར་མེད་ལྟ་བ་སྟེ། །

[Full Size]

སངས་རྒྱས་སེམས་ཅན་ངོ་བོ་ཅིག །འཁོར་བ་ཉིད་ཀྱང་མྱ་ངན་འདས། །འགྲོ་ཀུན་གདོད་ནས་སངས་རྒྱས་ཉིད། །དེ་ལྟར་རྟོགས་པའི་རྣལ་འབྱོར་པས། །གསང་སྔགས་ཁྲོམ་དུ་གྱུར་ན་ཡང་། །གསང་སྒྲོགས་ལྟུང་བ་མི་འབྱུང་ངོ། །དེ་འདྲ་མ་རྟོགས་གང་དག་གིས། །ཁྲོམ་ཆོས་རྒྱུ་འབྲས་གཙོར་བོ་བཤད། །ཕྱགས་རྫོགས་ལ་སོགས་གསང་སྔགས་གི །ངོ་སྤྲོད་ཧ་ཅང་གསལ་མི་རུང་། །དེ་ཕྱིར་ཚད་ལྡན་བླ་མ་རྣམས། །ཁྲོམ་དུ་ངོ་སྤྲོད་མི་གསལ་བ། །དེ་ཡི་དོན་ལ་དགོངས་པ་ཡིན། །རྟོགས་འབུལ་སོ་སོར་ངོ་སྤྲོད་གཟབ། །ཁྲོམ་ཆེན་རྣམས་ལ་དབང་བསྐུར་བ། །དམ་ཚིག་སྲུང་མཁན་ཆེར་མེད་པས། །ལྟུང་བའི་ཆར་པ་ཕབ་འདྲ་བས། །ངན་སོང་ས་བོན་བཏབ་འདྲ་ཡང་། །ཉམས་ལས་མ་ཐོབ་ཉེས་པ་ཆེ། །རེ་ཞིག་ངན་སོང་ལྟུང་ན་ཡང་། །ཚན་ཆེ་དར་དྲག་ཡུན་ཐུང་བས། །ཐར་བས་དམ་ཆོས་དེ་དང་འཕྲད། །རིམ་གྱིས་བྱང་ཆུབ་ཐོབ་པའི་ཕྱིར། །མཐའ་ཡོད་ཕྱིར་ན་ཕན་པ་ཡིན། །མ་ཐོབ་ངན་སོང་ལྟུང་བ་སྟེ། །ཡུན་རིང་ཐར་ཀྱང་དམ་ཆོས་དང་། །མི་འཕྲད་མཐའ་མེད་འཁོར་བར་འཁྱམས། །དེ་ཕྱིར་སྤྱོད་

[Full Size]

པའི་རྒྱུད་སྡེ་ལས། །ཁམས་གསུམ་སེམས་ཅན་ཐམས་ཅད་ལ། །དབང་བསྐུར་བྱ་ཞེས་གསུངས་པ་ཡིན། །དབང་སྐུར་བྱེད་པའི་གང་ཟག་ཀྱང་། །རབ་ཀྱིས་བསྐྱེད་རྫོགས་ཟུང་དུ་ཆུད། །གཞན་རྒྱུད་ལུས་ངག་ཡིད་གསུམ་ལ། །སྐུ་གསུམ་ས་བོན་ཐེབ་པ་དགོས། །འབྲིང་ཡན་རྩ་བའི་དམ་ཚིག་གཙང་། །བསྙེན་སྒྲུབ་རྟགས་མཚན་ཐོབ་པ་དགོས། །ཐ་མ་རྩ་བའི་སྡོམ་ཁྲིམས་གཙང་། །བསྐྱེད་རིམ་གསལ་ཞིང་རྩ་བ་ནི། །ཡི་དམ་གཅིག་ལ་གྲངས་བསྙེན་ཐེམ། །དེ་ཙམ་མེད་ན་བསྐུར་ཐབ་མེད། །བྱང་ཞིང་ཕྱག་ལེན་མཁས་ན་ཡང་། །བསྐུར་ན་ངན་འགྲོའི་ས་བོན་འཕེལ། །དེ་ཕྱིར་རང་ཚོད་རང་གིས་ཟུང་། །སེམས་བསྐྱེད་བསམ་པ་བཟང་བ་ནི། །མི་དགེ་འགའ་ཞིག་དགེ་བར་འགྱུར། །བསམ་པའི་སེམས་བསྐྱེད་ཞན་པ་ན། །དམ་ཆོས་འགའ་ཞིག་མི་དགེར་འགྱུར། །དེ་ཕྱིར་སེམས་བསྐྱེད་བཟང་བ་གཅེས། །མཇུག་ཏུ་བསྔོ་བ་སྨོན་ལམ་ནི། །རྣམ་པར་དག་པས་རྒྱས་བཏབ་ན། །རྡོ་རྗེ་འཆང་ལ་བསྟེན་དྲོང་ཆོག །སངས་རྒྱས་ཐོབ་པའི་ཐབས་ཟབ་ཡིན། །དབང་སྐུར་བྱེད་ཁ་སྔོན་འགྲོ་ཡི། །གཏོར་མ་བགེག་བསྐད་མ་བྱས་ན། །ནག་ཕྱོགས་

[Full Size]

ལྷ་འདྲེས་བར་ཆོད་དེ། །བྱིན་རླབས་མི་འབྱུང་བར་ཆད་འཇུག །ལོ་རྒྱུས་སྐྱེར་སྒང་རྣམ་ཐར་གསལ། །ཨ་བྷི་ཊི་ཀ་ཏེ་ཞེས་པ། །ལེགས་སྦྱར་སཾ་སྐྲྀ་ཏ་ཡི་སྐད། །གཏོར་དང་བླུག་པ་ཞེས་བྱ་སྟེ། །སྡིག་སྒྲིབ་གཏོར་ཞིང་ཡེ་ཤེས་བླུག །དོན་འགྱུར་དབང་དུ་འཇུག་པ་ཡིན། །དབང་གི་ཞལ་གདམས་གོ་བདེ་འདི། །ལྕི་སྟོད་རྒོད་ཀྱི་ལྕམ་ཞེས་པ། །རྨ་གཡང་ཆགས་པའི་ས་ཆ་རུ། །ཨོ་རྒྱན་རིག་འཛིན་གྱིས་བསྐུལ་བས། །སྔགས་འཆང་རཱ་ག་ཨ་སྱ་ཡིས། །གང་དྲན་འཕྲལ་དུ་བྲིས་པ་དང་། །བློ་ཆུང་གསར་པ་འགའ་ཞིག་ལ། །ཕན་པ་ཅུང་ཟད་འབྱུང་བར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས། གཟུངས་དབང་འགྲིགས་ཆགས་སུ་བཀོད་པ།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས། གཟུངས་དབང་འགྲིགས་ཆགས་སུ་བཀོད་པའི་དབུ་ཕྱོགས་ལེགས་པར་བཞུགས་སོ།

[Full Size]

ན་མོ་ཨ་མི་ཏ་བྷ་ཡ། རྩ་བ་གསུམ་ལ་གུས་པས་ཕྱག་འཚལ་ཏེ། །གཟུངས་དབང་ཕྱག་ལེན་འགྲིགས་ཆགས་འདིར་འགོད་བྱ། །ཆོས་བདག་སྲུང་མས་བཀའ་ཡི་གནང་བ་སྩོལ། །མཎྜལ་པདྨ་འདབ་བརྒྱད་ཚོམ་བུ་བཀོད། །བུམ་པ་གཏོར་མ་མར་མེ་བདུད་རྩི་སོགས། །མཆོད་པ་ཅི་འབྱོར་དང་བཅས་སྤྱི་ལྟར་བཤམ། །མངོན་རྟོགས་གཅིག་གིས་བདག་མདུན་བུམ་པ་གསུམ། །དུས་གཅིག་བསྐྱེད་ལ་བཟླས་པ་ཅི་འགྲུབ་བྱ། །སྤྲོ་ན་རྩ་གསུམ་ལས་བྱང་གབ་སྤྲད་དམ། །ཡང་ན་སྤྱི་སྒྲུབ་ལྟར་དུ་མཆོད་བསྟོད་བྱ། །དེ་ཡན་དབང་རྣམས་སྒྲུབ་པའི་ཕྱག་ལེན་ཏེ། །སྐད་ཅིག་བསྐྱེད་རིམ་གྱིས་ནི་དབང་སྒྲུབ་རྫོགས་པར་བྱ༔ ཞེས་གསུངས་པའི་དོན་ནོ། །དེ་ནས་སློབ་མ་རྣམས་མདུན་དུ་འཚོགས་ནས། ༈ འོ་ན་ད་ལམ་ཁྱེད་

[Full Size]

རྣམས་ལ་གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་བྱུང་བའི་དབང་ཟབ་མོ་ཞིག་བསྐུར་བ་ཡིན་ཏེ། དེའི་ལོ་རྒྱུས་ཅུང་ཟད་ཞུ་ན། བཅོམ་ལྡན་འདས་ཆོས་སྐུ་ཀུན་ཏུ་བཟང་པོས་རང་བཞིན་སྟོང་པ་ཉིད་ཀྱི་ཀློང་ནས་གྲག་སྟོང་རྡོ་རྗེའི་གསུང་གིས། རྒྱུད་ཀྱི་རྒྱལ་པོ་ཞེས་བྱ་བའི་རྒྱུད་བཞི། རྟོགས་བརྗོད་བཞི་དང་བརྒྱད་བཀའ་བསྩལ་ཏེ། དེ་ལ་བརྟེན་ནས་སངས་རྒྱས་སྣང་བ་མཐའ་ཡས་ཀྱིས། རྒྱུད་བདག་ཞི་བའི་རྒྱུད་ལས་ཁོལ་དུ་ཕྱུང་སྟེ། ལྷ་སྤྱི་ཁྱབ་ཀྱི་གཟུངས་དབང་ཚིགས་སུ་བཅད་དེ་འཁྲུགས་བསྡེབས་ནས། སྤྲུལ་སྐུ་མི་འགྱུར་རྡོ་རྗེ་ལ་

[Full Size]

དངོས་སུ་གནང་ངོ། །དེའི་རྡོ་རྗེའི་ཚིག་རྐང་ལས། སློབ་མ་གྲལ་འཁོད་ཁྲུས་དང་མཎྜལ་ཕུལ༔ ཞེས་གསུངས་པས། ལས་བུམ་འདིའི་ནང་ན་བཅོམ་ལྡན་འདས་རྡོ་རྗེ་སེམས་དཔའ་བཞུགས་པའི་སྐུ་ལས་བདུད་རྩིའི་རྒྱུན་བབས་ནས། ཁྱེད་རང་རྣམས་ཀྱི་སྡིག་སྒྲིབ་ཉམས་ཆག་གསང་སྔགས་ཀྱི་སྣོད་དུ་མི་རུང་བའི་ཉེས་སྐྱོན་ཐམས་ཅད་སང་སང་དག་ནས་ལུས་ཤེལ་གོང་ལྟར་གྱུར་པར་སྒོམས་ཤིག །ལས་བུམ་ཐོགས་ལ་དབྱངས་དང་བཅས༔ ཧཱུྃ༔ བུམ་པ་འདི་ནི་རྡོ་རྗེ་སེམས༔ ཁྱོད་ཀྱི་མགོ་ལ་བཞག་པ་ཡིས༔ སྡིག་སྒྲིབ་ཉེས་ལྟུང་དག་གྱུར་ཅིག༔ མ་རིག་དབང་རྣམས་དག་གྱུར་ཅིག༔ ཨོཾ་ཨཱཿ ཧཱུྃ་སྭཱ་ཧཱ༔ བཛྲ་སཏྭ་ཧཱུྃ༔ ཞེས་ཁྲུས་དང་ཆབ་བཏང་། དེ་ནས་འབྲུ་ལག་ཏུ་བླུགས་ཤིང་། འབྲུ་འདི་རྣམས་རིན་པོ་ཆེ་སྣ་བདུན་གྱིས་ཁྱེད་རང་རྣམས་ཀྱི་སྙིམ་པ་བཀང་ནས། ཡི་དམ་གྱི་ལྷ་ལ་ཕྱག་རྟེན་དུ་འབུལ་སྙམ་པའི་མོས་པ་མཛོད་ཅིག༔ འདི་ནི་རིན་ཆེན་སྣ་ཚོགས་ཏེ༔ ཁྱོད་ཀྱིས་ལྷ་ལ་ཕུལ་བ་ཡིས༔ བསམ་དོན་ཡིད་བཞིན་འགྲུབ་པར་ཤོག༔ ༈ དེ་ནས་མཆོད་གཡོག་པས་བཟུང་ངམ། ཉུང་ན་མདུན་དེར་མཎྜལ་གཅིག་བཞག་ལ། ད་ལིའི་མཎྜལ་འདི་རིན་ཆེན་གསེར་གྱི་ས་གཞི་གླིང་

[Full Size]

བཞི་གླིང་ཕྲན་བརྒྱད་དང་བཅས་པར་སྒོམས་ལ། དེའི་སྟེང་དུ་ཁྱེད་རང་རྣམས་ཀྱིས་འབྲུ་རིན་པོ་ཆེ་བླུགས་པས། གསེར་དང་གཡུ་ལ་སོགས་རིན་པོ་ཆེ་སྣ་བདུན་་གྱིས་གླིང་བཞི་ཕྱུར་བུར་བཀང་སྟེ།་གསང་སྔགས་ཀྱི་དབང་ཟབ་མོ་ཞུ་བའི་དོན་དུ་འབུལ་སྙམ་པས་མཎྜལ་སྟེང་དུ་ནས་གཏོར་ཞིང་རྗེས་ཟློས་མཛོད། ལི་ཡི་མཎྜལ་རིན་ཆེན་བསྒྱུར་བྱས་ནས༔ ནས་རྣམས་ཀུན་ཀྱང་གསེར་གཡུར་བསྒྱུར་ནས་ཀྱང་༔ བླ་མ་ཐུགས་རྗེ་སྤྲུལ་པའི་སྐུ་གཅིག་ལ༔་དད་པས་འབུལ་ལོ་ཐུགས་རྗེས་བདག་གཞན་གཟིགས༔ ༈ དེ་ཡང་གནམ་ཆོས་ཐུགས་ཀྱི་གཏེར་ཁ་འདི་ནི་བཀའ་མ་ཡང་ཡིན་ཏེ་ལྷ་སོ་སོའི་ཞལ་ནས་དངོས་སུ་གསུངས། གཏེར་མ་ཡང་ཡིན་ཏེ་ཐུགས་ཀྱི་གཏེར་ནས་ཕྱུང་། གནམ་ཆོས་ཡིན་ཏེ་ས་ལ་མ་བརྟེན་པར་ནམ་མཁའ་ནས་གསུངས། འདི་ལ་ཡང་བླ་མ་ཡི་དམ་མཁའ་འགྲོ་ཆོས་སྐྱོང་གི་དབང་དང་སྒྲུབ་ཐབས་དཔག་ཏུ་མེད་པ་ཡོད་པའི་ནང་ནས་ད་ལམ་ཆེ་གེའི་དབང་བསྐུར་བ་ལ། རྡོ་རྗེའི་ཚིག་རྐང་ལས། སློབ་མ་དུ་ཡོད་རྣམས་ཀྱི་ཞལ་ནས་འདི་སྐད་ཞུ་རུ་བཅུག །ཅེས་གསུངས་པས་འདིའི་རྗེས་ཟློས་མཛོད། དུས་གསུམ་སངས་

[Full Size]

རྒྱས་ཐམས་ཅད་དང་༔ ཁྱད་པར་་་་་་་་་་ཆེ་གེ་ལ༔ གསོལ་བ་འདེབས་སོ་དབང་བསྐུར་སྩོལ༔ གསུམ་བརྗོད། ཡང་གསོལ་བ་འདེབས་པའི་གཟུངས་འདིའི་རྗེས་ཟློས་མཛོད། །ཨཱོཾ་བཀའ་དུ་བཀའ་ཏྲ༔ སྱ་མྱ་ཧྱ༔ ད་གསང་སྔགས་ཀྱི་དབང་ཟབ་མོ་ཞུ་བའི་ཐོག་མར་ཐེག་པ་ཆེན་པོའི་སྐྱབས་སེམས་ཀྱི་སྡོམ་པ་འཛིན་དགོས་པས་བདུན་རྣམ་དག་གསར་རྙིང་གི་རྒྱུད་སྡེ་རྣམས་ནས་གསུངས་པ་འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་གཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་སེམས་ནི་བསྐྱེད་པར་བགྱི༔ བྱང་ཆུབ་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་མགྲོན་དུ་གཉེར༔ བྱང་ཆུབ་སྤྱོད་མཆོག་མཛད་བཞིན་སྤྱད༔ འགྲོ་ལ་ཕན་ཕྱིར་སངས་རྒྱས་ཤོག༔ སྔར་དབང་མང་དུ་ཐོབ་ན་ཚིག་ཐ་མ་ལན་གསུམ། གསར་དུ་ཡིན་ན་ཚང་མ་ལན་གསུམ་གལ་ཆེ། དེ་ལྟར་སློབ་མ་རྣམས་ཀྱིས་རང་ལ་ཞུས་ནས། སྣོད་ལྡན་དུ་ངོས་འཛིན་པའི་གཟུངས་ནི།

[Full Size]

སངས་རྒྱས་སློབ་དཔོན་རང་གི་ཞལ་ནས་འདི་སྐད་ཅེས་ནི་གསུང་བར་བྱ། ཞེས་རྡོ་རྗེའི་ཚིག་རྐང་ལས་འབྱུང་བ་ལྟར། བླ་མ་དང་ཡི་དམ་གྱི་ལྷ་ཆེ་གེས་ཁྱེད་ཅག་སྣོད་དང་ལྡན་པས་རྗེས་སུ་བཟུང་ངོ་༔ ཞེས་གནང་བ་བྱིན་པའི་མོས་པ་མཛོད༔ ཏེ་ཐེ་ཛཱ་ཧ་ཧཱུཾ་ལྱཱ༔ ཡང་རྡོ་རྗེའི་ཚིག་རྐང་ལས། སློབ་དཔོན་སངས་རྒྱས་དངོས་ཀྱིས་དེ་སྐད་ཅེས་ནི་གསུངས་ཚར་ནས༔ སློབ་མ་ཡིས་ནི་འདི་སྐད་ཅེས་བརྗོད་དད་གུས་བསྐྱེད་པར་བྱ། ཞེས་གསུངས་པས། བླ་མ་དང་ཡི་དམ་ཐ་དད་མེད་ཅིང་སངས་རྒྱས་ཀུན་འདུས་ཀྱི་ངོ་བོ་ཡིན་སྙམ་དུ་དད་གུས་རྩེ་གཅིག་པས། དད་པ་བསྐྱེད་པའི་གཟུངས་འདིའི་རྗེས་ཟློས་མཛོད། ཧ་ཧ་ཧ་ཧ་ཧ་ཧ་ཧ་ཧཱུྃ་ཧཱུྃ་ཧཱུྃ་ཧཱུྃ༔ དེ་ནས་ཡེ་ཤེས་པ་འབེབས་པ་ནི། ཁྱེད་རྣམས་ཆེ་གེ་གསལ་བར་སྒོམས༔ རྒྱས་པར་འདིར་མངོན་རྟོགས་བཙུད། བདག་དང་ཁྱོད་མདུན་དེ་ལྟར་སྒོམས༔ རང་རང་སོ་སོའི་གནས་མཆོག་ནས། སྤྲུལ་པ་ཡང་སྤྲུལ་དཔག་མེད་པ༔ མཚོ་ལ་ཆར་པོ་བབས་བཞིན་དུ༔ ཁྱོད་ཉིད་ལ་ནི་ཐིམ་པར་སྒོམས༔ རོལ་མོ་དབྱངས་དང་བཅས་པས། ཧཱུྃ༔ ཆེ་གེའི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་

[Full Size]

ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ རྩ་སྔགས་དང་། ཨོ་བཛྲ་ཨཱ་ཝེ་ཤ་ཡ་ཨ་ཨཱཿ ཞེས་སྔགས་དང་རོལ་མོ་ཡུན་རིང་བྱའོ། །དེ་ནས་ཁྱོད་ལ་ཐིམ་པ་དེ་ཇི་སྲིད་བར་དུ་བརྟན་པར་སྒོམས། རྡོ་རྗེ་སྤྱི་བོར་བཞག་ནས་ནི། ཏིཥྛ་བཛྲ༔ ཞེས་བརྗོད་དོ། །དེ་ཡང་རྡོ་རྗེའི་ཚིག་རྐང་ལས། དེ་ནས་ལག་ཏུ་བུམ་པ་ཐོགས་ཏེ་འདི་སྐད་ཅེས་ནི་བརྗོད་པ་ཡིས༔ གང་ཡིན་བུམ་པའི་དབང་ནི་སློབ་མ་དེ་ལ་ཡོངས་རྫོགས་འགྱུར་བའོ༔ ཞེས་གསུངས་པས། བུམ་པ་འདི་ནི་ཕྱི་བུམ་པ་ལ་ནང་རིན་པོ་ཆེའི་གཞལ་ཡས་ཁང་དུ་གྱུར་པའི་ནང་དུ་ཆེ་གེའི་ལྷ་ཚོགས་དངོས་སུ་བཞུགས་པའི་སྐུ་ལས་བདུད་རྩིའི་རྒྱུན་བབས། ཁྱེད་རང་རྣམས་ཀྱི་སྤྱི་བོ་ཚངས་པའི་བུ་ག་ནས་ཞུགས་ཏེ། ལུས་ཀྱི་གནས་བཞི་གང་། སྒྲིབ་པ་བཞི་དག །དབང་བཞི་ཐོབ། སྐུ་བཞི་མངོན་དུ་བྱེད་པའི་སྐལ་པ་ཅན་དུ་གྱུར་པར་སྒོམས་ཤིག །ཧཱུྃ༔ བུམ་པ་འདི་ནི་རིན་ཆེན་ཁང་༔ ཆེ་གེ་འཁོར་བཅས་བཞུགས་པ་ཡིས༔ རིགས་ཀྱི་བུ་ལ་དབང་བསྐུར་བས༔ དབང་བཞི་ཡོངས་རྫོགས་ཐོབ་པར་ཤོག༔ བུམ་དབང་བསྐུར་བའི་གཟུངས་ནི་འདི། ཀུམ་བྷ་

[Full Size]

པ་ནི་ཀ་ཡེ༔ འབའ་འབུ་ཨ་ཡི་ཀ་ཀི་ཀ་ཀོ། འདིའི་སྐབས་སུ་ལྷ་གང་ཡིན་དེའི་སྔགས་བརྗོད་མགོ་ལ་བཞག །དེ་ནས་རྡོ་རྗེའི་ཚིག་རྐང་ལས། སློབ་མས་དད་གུས་བསྐྱེད་ནས་སློབ་དཔོན་གྱིས་ནི་གཏོར་མ་ཐོགས་ལ་འདི་སྐད་དོ༔ ཞེས་གསུངས་པའི་དོན། གཏོར་མ་འདི་ཉིད་འདི་ལྟ་བུ་མ་ཡིན་པར། ཆེ་གེའི་ལྷ་ཚོགས་སྔར་སྨོས་མ་ཐག་པའི་མཚན་ཉིད། སྟེང་གི་ཆ་ལ་རིག་འཛིན་གྲུབ་ཐོབ་རྒྱ་མཚོ། བར་གྱི་ཆ་ལ་ཡི་དམ་རྒྱུད་སྡེ་དྲུག་གི་ལྷ་ཚོགས། འོག་གི་ཆ་ལ་ཡེ་ཤེས་ཀྱི་ཆོས་སྐྱོང་སྲུང་མའི་ལྷ་ཚོགས་སྤྲིན་འཁྲིགས་པ་ལྟ་བུ་ཁྱེད་རང་གི་སྤྱི་བོར་བྱོན་ཏེ། དེ་རྣམས་ཀྱི་སྐུ་གསུང་ཐུགས་ལས་འོད་ཟེར་ཁ་དོག་སྣ་ཚོགས་འཕྲོས་ཏེ་ཁྱེད་རང་རྣམས་ལ་ཐིམ་པས། དབང་དང་བྱིན་རླབས་དངོས་གྲུབ་ཐམས་ཅད་ཐོབ་ཅིང་། ངེད་ཀྱིས་ཇི་ལྟར་གསོལ་བ་བཏབ་པ་བཞིན་དུ་བྱིན་རླབས་དང་དངོས་གྲུབ་ཐམས་ཅད་ད་ལྟ་ཉིད་དུ་གནང་ཞིང་ཐོབ་བྱུང་སྙམ་པའི་མོས་པ་རྩེ་གཅིག་ཏུ་མཛོད་ཅིག་ཧཱུྃ༔ གཏོར་མ་འདི་ནི་ཆེ་གེ་ཡིན༔ མ་ལུས་འཁོར་བཅས་ལྷམ་མེར་བཞུགས༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་སུ་རྫོགས་ཐོབ་ཤོག ཆོས་སྐུ་ཀུན་བཟང་

[Full Size]

ཡབ་ཡུམ། ལོངས་སྐུ་རིགས་ལྔ་ཡབ་ཡུམ། སྟོན་པ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། མཁས་པ་ཤྲཱི་སེང་ཧ། རྒྱ་གར་གྱི་རིག་འཛིན་ཆེན་པོ་བརྒྱད། འཆི་མེད་པདྨ་འབྱུང་གནས། རྗེ་འབངས་ཉི་ཤུ་རྩ་ལྔ་ལ་སོགས་པ་རིག་འཛིན་བརྒྱུད་པའི་བླ་མ་དམ་པ་རྣམས་དང་། ཁྱད་པར་དུ་ཆེ་གེའི་ལྷ་ཚོགས་འཁོར་དང་བཅས་པས། རྡོ་རྗེའི་སློབ་མ་འདི་རྣམས་ལ་བྱིན་གྱིས་རློབས་ཤིག །ད་ལྟ་ཉིད་དུ་བྱིན་གྱིས་རློབས་ཤིག །མྱུར་བ་ཉིད་དུ་བྱིན་གྱིས་རློབས་ཤིག །འདི་རྣམས་ཀྱི་ལུས་ངག་ཡིད་གསུམ་ལ་གནོད་ཅིང་ཚེའཚེ་བར་བྱེད་པའི། སྟེང་གདོན་གཟའ་རྒྱུ་སྐར། འོག་གདོན་ཀླུ་ས་བདག །བར་གདོན་གཉན་ཐེའུ་རང་ལ་སོགས་པ་གདོན་རིགས་སྟོང་ཕྲག་བརྒྱད་ཅུའི་གནོད་པ་ཐམས་ཅད་ཉེ་བར་ཞི་བར་བྱིན་གྱིས་རློབས་ཤིག །རླུང་ལས་གྱུར་པ། མཁྲིས་པ་ལས་གྱུར་པ།་བད་ཀན་ལས་གྱུར་པ། འདུས་པ་ལས་གྱུར་པ་ལ་སོགས་པ་ནད་རིགས་བཞི་བརྒྱ་རྩ་བཞིའི། གནོད་པ་ཐམས་ཅད་ཉེ་བར་ཞི་བར་བྱིན་གྱིས་རློབས་ཤིག །ཚེ་དང་བསོད་ནམས་དཔལ་དང་འབྱོར་པ་ཡོན་ཏན་ཡེ་ཤེས་ཐམས་ཅད་ཟླ་བ་ཡར་གྱི་ངོ་ལྟར་འཕེལ་ཞིང་རྒྱས་པར་བྱིན་

[Full Size]

གྱིས་རློབས་ཤིག །འཆི་མེད་ཚེའི་དངོས་གྲུབ་རླུང་སེམས་སྣང་བ་ཐམས་ཅད་དབང་དུ་འདུས་པར་བྱིན་གྱིས་རློབས་ཤིག །བྱང་ཆུབ་སྒྲུབ་པའི་བར་ཆད་བདུད་བཞི་ལོག་འདྲེན་ཐམས་ཅད་ཚར་ཆོད་པར་བྱིན་གྱིས་རློབས་ཤིག །སྐྱེ་བ་འདི་ནས་ཚེ་རབས་ཐམས་ཅད་དུ། ཆེ་གེའི་ལྷ་ཚོགས་རྣམས་ཀྱིས་རྡོ་རྗེའི་སློབ་མ་འདི་རྣམས་ཀྱི་ལྷག་པའི་ལྷ་མཛོད། ཉིན་གསུམ་གྱི་བྱ་ར་མཛོད། མཚན་གསུམ་གྱི་མེལ་ཚེ་མཛོད། དུས་མ་ཡིན་པའི་འཆི་བ་དང་། འཁོར་བ་དང་ངན་སོང་གི་སྡུག་བསྔལ་ཐམས་ཅད་ལས་བསྐྱབ་པར་མཛད་དུ་གསོལ༔ གཏོར་མའི་དབང་བསྐུར་གཟུངས་ནི་འདི༔ མ་ཉི་མ་ཏ་ཡ་ཀ་དི་མ་ཧུ༔ ཧ་སྱ་ལ་མྱ་སེ་ལེ་ཡེ༔ མྱ་ལེ་པྱ་ཏྱཱ་ཧུ་ཧཱུཾ་ཧྱ༔ དེ་ནས་རྡོ་རྗེའི་ཚིག་རྐང་ལས། སོ་སོའི་སྐུ་གཟུགས་སློབ་མའི་ལག་ཏུ་གཏད༔ ཅེས་གསུངས་པས། སྐུ་གཟུགས་འདི་ཉིད་ཆེ་གེ་མོ་དངོས་སུ་གསལ་བའི་སྐུའི་གནས་རྣམས་ནས་རང་འདྲ་བའི་སྐུ་དཀར་སེར་དམར་ལྗང་མཐིང་གའི་ཚོགས་འཕྲོས་ནས༔ ཁྱེད་རང་རྣམས་ཀྱི་གནས་སོ་སོར་ཐིམ་པས༔ སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་ཡོངས་སུ་རྫོགས་པ་ཐོབ་པར་སྒོམས་ཤིག །ཧཱུྃ༔ ཆེ་

[Full Size]

གེའི་སྐུ་གཟུགས་ལ༔ ཆེ་གེའི་ལྷ་ཚོགས་རྫོགས་སློབ་མ་ཁྱོད་ལ་དབང་བསྐུར་བས༔ ཆེ་གེའི་ལྷ་ཚོགས་ཀྱི༔ དབང་བཞི་ཡོངས་སུ་རྫོགས་ཐོབ་ཤོག༔ སྐུ་དབང་བསྐུར་བའི་གཟུངས་ནི་འདི། ལྷབ་ལྷབ་ལྗིམ་པ་ཉུ་ཧ་སྱ་ཡེ༔ ཧཱ་ཧཱུྃ༔ ཀ་ལི་ཀི་ལི་ཀཱ་ཏཱཾ༔ པ་ལེ་པི་ལེ་ཀ་ཏཾ༔ བ་ལེ་བ་ལེ་ཀ་ཏིཾ༔ ཧ་ཧཱུཾ་པ་ཏིམ་པ་ཏིམ༔ དེ་ཉིད་མགོར་བཞག །དེ་ནས་རྡོ་རྗེའི་ཚིག་རྐང་ལས། །སློབ་མའི་ལག་ཏུ་མར་མེ་གཏད། སློབ་མས་ཕྱག་གསུམ་འཚལ་ནས་འདི་སྐད་ཞུ་བར་བྱ༔ ཞེས་གསུངས་པའི་དོན། མར་མེ་འདི་ཁྱོད་ལ་གཏད་པས། མ་རིག་པའི་མུན་པ་སངས་ནས། ཡི་དམ་ཆེ་གེ་དངོས་སུ་མཇལ་བའི་དབང་ཐོབ་པར་སྒོམས་ཤིག །ཧཱུྃ༔ ཡེ་ཤེས་སྣང་བ་ཆེན་པོ་ཡི༔ སྔགས་འཆང་རྒྱལ་པོས་སྒྲོན་མེ་སྦྱིན༔ འདི་ལ་བརྟེན་ནས་བུ་ཁྱོད་ཀྱང་༔ ཡི་དམ་ལྷ་དང་འཕྲད་པར་ཤོག༔ ཨོཾ་བཛྲ་དྷི་པཾ་ཨ་བྷི་ཥིཉྩ་ཧཱུྃ༔ དེ་ནས་རྡོ་རྗེའི་ཚིག་རྐང་ལས། སློབ་མས་ཕྱག་གསུམ་འཚལ་ནས་འདི་སྐད་ཞུ་བར་བྱ༔ ཞེས་གསུངས་པའི་དོན། བླ་མ་དང་དཀྱིལ་འཁོར་གྱི་ལྷ་ལ་སྣང་གསལ་གྱི་མར་མེ་མདངས་དང་ལྡན་པ་རེ་ཕུལ་བས། མ་རིག་པའི་སྒྲིབ་པ་ཐམས་ཅད་དག་ནས། ཚེ་རབས་ཐམས་ཅད་དུ་བྱང་ཆུབ་ཀྱི་

[Full Size]

ལམ་གེགས་དང་གོལ་ས་མེད་པ་གསལ་པོར་མཐོང་བའི་མོས་པས། མར་མེ་འདི་ངེད་ལ་ཕུལ་ནས་ཕྱག་གསུམ་འཚལ་བའི་མོས་པས། མགོ་བོས་འདུད་པ་གསུམ་དང་བཅས་ཏེ། མར་མེ་འབུལ་བའི་གཟུངས་འདིའི་རྗེས་ཟློས་མཛོད། མ་ཧཱ་གུ་རུ་ཙིཏྟ༔ མ་མ་ཏ་རི་ཀཱ༔ ཥ་ཧ་ཅུ་ཧྱ༔ དེ་ནས་རྡོ་རྗེའི་ཚིག་རྐང་ལས། འབྲས་སྙེ་ཐོགས་ཏེ་སློབ་མའི་མགྲིན་པར་བཞག་ལ་འདི་སྐད་བརྗོད་པའོ༔ ཞེས་གསུངས་པའི་དོན། འབྲས་སྙེ་འདི་ཡང་བཅོམ་ལྡན་འདས་ལྷ་མོ་ནོར་རྒྱུན་མའི་ཕྱག་ན་གནས་པའི་འབྲས་སྙེ་ལྟར། ཡིད་ལ་བསམ་པའི་འདོད་དོན་ཐམས་ཅད་སྐད་ཅིག་ལ་འགྲུབ་པའི་རིན་པོ་ཆེའི་འབྲས་ཀྱི་སྙེ་མ་འདི་ཁྱེད་རང་རྣམས་ཀྱི་མགྲིན་པ་ལོངས་སྤྱོད་ཀྱི་འཁོར་ལོའི་གནས་སུ་བཞག་པས། ཚེ་དང་བསོད་ནམས་ལོངས་སྤྱོད་ཐམས་ཅད་འཕེལ་ཞིང་གསུང་དབང་ཡོངས་རྫོགས་ཐོབ་པར་སྒོམས་ཤིག །ཧཱུྃ༔ འདི་ནི་རིན་ཆེན་འབྲས་སྙེ་མ༔ ཁྱོད་ཀྱི་མགྲིན་པར་བཞག་པ་ཡིས༔ ཆེ་གེའི་གསུང་དབང་ཀུན༔ མ་ལུས་ཁྱོད་ཀྱིས་ཐོབ་པར་ཤོག༔ འབྲས་དབང་བསྐུར་བའི་གཟུངས་ནི་འདི། ཨ་ཏི་ཧ་ཀྱི་པ༔ ཀྱི་ཀྱི་ཀཱི༔ བེ་གེ་ན་ཧ༔ ཀེ་ཀེ་ཧེ་ཧེ༔ ཧྥེ་ཧྥུ་ཀ་ཏི་ཀ་ཀ་ཏི༔ དེ་ནས་རྡོ་

[Full Size]

རྗེའི་ཚིག་རྐང་ལས། ཨ་དཀར་རམ་ནི་དུང་དཀར་ཐོགས་ལ་སྔགས་འདི་བརྗོད༔ ཅེས་གསུངས་པའི་དོན། རིན་པོ་ཆེའི་དུང་དཀར་པོ་གཡས་སུ་འཁྱིལ་ཅིང་ཨ་ཡིག་དཀར་པོས་མཚན་པ། ནང་གི་རྩ་རྗེས་ལ་རིགས་ལྔའི་ཕྱག་མཚན་དང་དབྱངས་གསལ་གྱི་ཡི་གེ་བཀྲ་ཤིས་པའི་རྟགས་བརྒྱད་ལ་སོགས་རང་གྲུབ་ཡོད་པ་གཅིག་ཁྱེད་རང་རྣམས་ཀྱི་སྙིང་གར་བཞག་པས། ཐུགས་དབང་ཡོངས་རྫོགས་ཐོབ་ནས་སྟོང་གསུམ་ཆོས་སྒྲས་འགེངས་པའི་དབང་དང་ལྡན་པར་སྒོམས་ཤིག །ཧཱུྃ༔ དུས་གསུམ་རྒྱལ་བ་ཀུན་གྱི་སྐུ་གསུང་ཐུགས༔ གཡས་འཁྱིལ་རྩ་རྗེས་ཡོངས་རྫོགས་དོད་པ་འདི༔ བུ་ཁྱོད་སྙིང་གར་གཏུགས་པའི་བྱིན་རླབས་ཀྱིས༔ ཆེ་གེའི་ཐུགས་དབང་ཡོངས་རྫོགས་ཐོབ་པར་ཤོག༔ དུང་དབང་བསྐུར་བའི་གཟུངས་ནི་འདི༔ ཨ་ཨཿ ཨ་ཨཿ ཨཿ དུམ་དུམ༔ དུམ་དུམ༔ དུམ་དུམ༔ ཧ་ཧ་ཧ༔ ཧ་ཧ༔ ཧ་ཧ༔ ཀི་ཏིམ་ཕ྄ཡ་་་་ན༔ ཀ་ཀོ་སེང་པ་ཏིམ༔ ཡང་རྡོ་རྗེའི་ཚིག་རྐང་ལས། ཞིང་དབྱུག་གཱམ་ནི་ཐོད་རློན་ཕྲེང་བ་སློབ་མའི་ལག་ཏུ་བཞག་ལ༔ ཞེས་གསུངས་པས། ཞིང་ཆེན་དབྱུག་པའི་རྒྱལ་མཚན་དང་ཐོད་ཕྲེང་འདི་གཏད་པས། གསང་སྔགས་ཀྱི་བསྟན་པ་མི་ནུབ་པའི་རྒྱལ་མཚན་འཛིན་ཅིང་།

[Full Size]

ཡོན་ཏན་ཕྲིན་ལས་ཀྱི་དབང་ཐོབ་ནས། མ་མོ་མཁའ་འགྲོ་བྲན་དུ་ཁོལ་བ་དང་། སྔགས་ཀྱི་ནུས་མཐུ་ཐོགས་པ་མེད་པའི་དབང་ཐོབ་པར་སྒོམས་ཤིག །ཧཱུྃ༔ སློབ་མ་རིགས་ཀྱི་བུ་ཁྱོད་ལ༔ ཞིང་དབྱུག་ཐོད་ཕྲེང་དབང་བསྐུར་བས༔ ཆེ་གེའི་ལྷ་ཚོགས་ཀྱི༔ སྐུ་གསུང་ཐུགས་ཡོན་དབང་ཐོབ་ཤོག༔ ཞིང་དབྱུག་གམ་ནི་ཐོད་ཕྲེང་གིས། དབང་བསྐུར་གཟུངས་ནི་འདི་ལྟར་རོ། །གྷི་ཧུ་ར་ཧ་སྱ༔ ཧེ་ཨ་ཧཱུྃ་ཧཱུྃ༔ དེ་ནས་རྡོ་རྗེའི་ཚིག་རྐང་ལས། བཙན་དུག་སྡོང་པོ་དང་ནི་བདུད་རྩི་ལག་ཏུ་ཐོགས་ལ༔ ཞེས་གསུངས་པའི་དོན། གསང་སྔགས་ཀྱི་དབང་ཟབ་མོ་འདི་ལྟ་བུ་ཐོབ་ནས་དམ་ཚིག་མ་བསྲུངས་ན་ནི། བཙན་དུག་གི་སྡོང་པོ་ཟོས་པ་དང་འདྲ་སྟེ། ཚེ་འདིར་བཀའི་ཆད་པས་སྡུག་བསྔལ་སྣ་ཚོགས་བསྐྱེད་ཅིང་ཚེའི་དུས་བྱེད། ཕྱི་མ་མའང་རྡོ་རྗེའི་དམྱལ་བ་ཆེན་པོར་ལྟུང་ནས་ཐར་བའི་སྲོག་ཆད། དམ་ཚིག་བསྲུངས་ན་འཆི་མེད་ཀྱི་བདུད་རྩི་འཐུངས་པ་ལྟར། ཚེ་འདིར་བདེ་ལེགས་ཐམས་ཅད་འབྱུང་ཞིང་ཕྱི་མའང་དག་པའི་ཞིང་ཁམས་སུ་ངེས་པར་སྐྱེ་བས། དེས་ན་དམ་ཚིག་མང་ཡང་བསྡུ་ན། བླ་མ་ཡི་དམ་གྱི་ལྷ་དབྱེར་མེད་དུ་མོས་གུས་བསྐྱེད་ལ་དུས་ནམ་ཡང་མི་སྤང་སྙམ་པ་གྱིས་ལ་རྗེས་

[Full Size]

ཟློས་མཛོད། གཙོ་བོ་ཁྱེད་ཀྱིས་ཅི་གསུངས་པ༔ གསུང་བཞིན་མ་འཆུགས་བདག་གིས་བསྒྲུབ༔ དེང་ནས་བཟུང་སྟེ་ཇི་སྲིད་དུ༔ གཙོ་བོའི་བཀའ་ལས་མི་འདའ་བསྒྲུབ༔ དབང་ཐོབ་དམ་ཚིག་གཟུངས་ནི་འདི། ས་མ་ཡ་ཀ་ཧི་ཧ་པ་ཧཱུྃ༔ རྡོ་རྗེའི་ཚིག་རྐང་ལས། བཙན་དུག་སྡོང་པོས་བདུད་རྩི་བསྒྲེས་ཏེ་སློབ་མའི་ལག་བཞག་ལྕེས་བལྡག་སྟེ༔ ཞེས་གསུངས་པའི་དོན། དམ་ཚིག་མ་བསྲུངས་ན་དུག་དང་། དམ་ཚིག་བསྲུངས་ན་བདུད་རྩིར་འགྱུར་བའི་བརྡ་དོན་གོ་མཛོད་ལ། དུག་གི་སྡོང་པོས་བླངས་བའི་བདུད་རྩི་འདི་འཐུངས་ཤིག །ཅེས་བདུད་རྩི་བྱིན་ལ། དམ་ཚིག་སྲུང་བའི་གཟུངས་འདིའི་རྗེས་ཟློས་མཛོད། ཀ་ཏི་ཀ་ས་མ་ཡ༔ ཨ་མྲྀ་ཏ་ལའི༔ ཧ་ལ་ཧ་ལ༔ པ་ག་ས་མ་ཡ༔ ཨ་དྷེ་བ༔ ཨ་ས་མ་ཡ༔ ན་ར་ཀ༔ ག་ཛ་སྭཱ་ཧཱ་དེ་ནས་རྗེས་ཀྱི་བྱ་བ་རྡོ་རྗེའི་ཚིག་རྐང་ལས། གོང་བཞིན་དམ་ཚིག་ཉམས་ན་དམྱལ་བར་ལྟུང་བས་བསྲུང་བར་གྱིས་ལ་མཎྜལ་ཕུལ༔ ཞེས་འབྱུང་བས། གཏང་རག་གི་མཎྜལ་དུ། སྲིད་པ་གསུམ་གྱི་བསོད་ནམས་དགེ་ཚོགས་གླིང་བཞི་རི་རབ་དང་བཅས་ཏེ་བླ་མ་དང་ཆེ་གེའི་ལྷ་ཚོགས་ལ་བློས་བླངས་ཏེ་འབུལ་སྙམ་པས་འདིའི་རྗེས་ཟློས་མཛོད། ཀྱེ༔ བླ་མ་་་་ཆེ་གེ་ལ༔ གླིང་བཞི་སྲིད་པའི་དགེ་

[Full Size]

ཚོགས་ནི༔ ཅི་མཆིས་བསྡུས་ཏེ་མཎྜལ་འབུལ༔ དེ་ཡང་གཟུངས་དབང་རྡོ་རྗེའི་ཚིག་རྐང་ལས། འདི་ནི་ཡེ་ཤེས་པ་དང་འཇིག་རྟེན་འདས་དང་མ་འདས་སོ་མཚམས་པ༔ ཀུན་ལ་དབང་བསྐུར་འདི་ཡི་རིགས་འགྲེས་ཀུན་ལ་བྱ༔ འཇིག་རྟེན་པ་ཡི་ལྷ་ལ་དབང་བསྐུར་འདི་ནི་བྱ་བར་མི་རུང་ངོ་༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ ཞེས་སངས་རྒྱས་སྣང་བ་མཐའ་ཡས་ཉིད་ཀྱིས་བཀའ་བསྩལ་པ་ལྟར། ཆེ་གེའི་གཟུངས་དབང་ཐོབ་པ་ཡིན་པས། བསྙེན་པ་སོགས་རང་གཞན་གྱི་དོན་ལ་བརྩོན་པར་མཛོད་ཅིག །ཅེས་སློབ་མ་གྲོལ། རྗེས་ཆོག་སྤྱི་ལྟར་རོ། །དང་པོ་བདག་མདུན་གསལ་གདབ། བསྙེན་པ་ཅུང་ཟད་བྱ་ཞིང་ཏིང་ངེ་འཛིན་གྱིས་དབང་བླངས་པས་རང་གི་བྱིན་རླབས་མི་ཉམས་པའོ། །རྒྱས་པར་ཚོགས་གཏོར་འབུལ་བྱ། བསྡུ་ན་མཆོད་བསྟོད་བྱ་ཞིང་། ཡེ་ཤེས་པ་དང་དམ་ཚིག་པ་ཐམས་ཅད་བདག་ཉིད་ལ་བསྡུ་སྟེ། རྩ་གསུམ་མཆོད་ཕྲེང་མཇུག་ལྟར་རོ། །ཞེས་པ་སྤྲུལ་སྐུ་ཉིད་ཀྱི་བཀས་བསྐུལ་ཏེ། ཉིད་ཀྱི་གནམ་ཆོས་ནས་སབ་འོས་སབ་སྟེ།་ཀརྨ་ཨ་རཱ་གས་བཀོད་པ་ལ་ཉེས་འག་ལ་མཆིས་ན་རྩ་གསུམ་བཀའ་སྲུང་རྣམས་ལ་བཤགས། དགེ་བས་བསྟན་པ་འཕེལ་ཞིང་རྒྱས་གྱུར་ཅིག །མངྒ་ལཾ།། །།

[Full Size]

༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་ཆོས་སྐྱོང་དང་བཀའ་སྲུང་སྤྱིའི་བཀའ་གཏད་སྲོག་དབང་ཕྱག་ལེན་འགྲིགས་ཆགས་སུ་བསྡེབས་པ།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་ཆོས་སྐྱོང་དང་བཀའ་སྲུང་སྤྱིའི་བཀའ་གཏད་སྲོག་དབང་ཕྱག་ལེན་འགྲིགས་ཆགས་སུ་བསྡེབས་པའོ། །

[Full Size]

ན་མོ་གུ་རུ་པདྨ་བཛྲ་ཡ། དྷེ་རུ་པའི་དབང་གི་མཐར་སྡེ་བརྒྱད་དང་ཆོས་སྐྱོང་སྤྱིའི་བཀའ་གཏད་བྱུང་བའི་གཞུང་ལས། དེ་ནས་དྲེགས་པའི་སྲོག་དབང་ནི༔ དབང་སྒྲུབ་གོང་ལྟར་བྱས་ལ༔ ཞེས་གསུངས་པའི་དོན་ནི། མཎྜལ་ནས་ཀྱི་ཚོམ་བུ་པདྨ་འདབ་བརྒྱད་སྟེང་དུ། རབ་དར་ནག་གི་སྐུའམ་མ་རྙེད་ན་ཐང་སྐུའམ། ཙཀླི་བཤམ། ལྷ་གང་ཡིན་གྱི་གཏོར་མའམ་མ་འབྱོར་ན་སྤྱིའི་དམར་གཏོར་རམ། དཀར་གཏོར་གང་འོས་བཤམ། ཕྱག་མཚན་དངོས་སམ་ཙཀ་ལི་ནས་ཏིང་གང་ཡང་བཤམ། གང་འཛོམ་གྱི་མཆོད་པ་བཤམས་ལ། རང་ཉིད་ཡི་དམ་གང་ཡིན་གྱི་ལས་བྱང་མངོན་རྟོགས་བསྒོམ། ལས་བུམ་དུ་སྐད་ཅིག་གིས་རྟ་མགྲིན་བསྐྱེད། རྒྱས་པར་ནི་ཆོས་སྐྱོང་ངམ་བཀའ་སྲུང་སོ་སོའི་མངོན་རྟོགས་དང་ལས་བྱང་སོ་སོའི་གང་

[Full Size]

འོས་གབ་སྤྲད་ལ་འདོན། དེ་ནས་སོ་སོའི་སྔགས་གང་ཡིན་བསྙེན་པ་བརྒྱ་རྩ་བརྒྱད་ཙམ་བྱས་ལ། དེ་ནས་སློབ་མ་རྣམས་མདུན་དུ་འཁོད་དོ། །འོ་ན་ད་ལམ་ཁྱེད་རྣམས་ལ་ཆོས་སྐྱོང་ངམ་བཀའ་སྲུང་ཆེ་གེའི་བཀའ་གཏད་བྱེད་པ་ཡིན་ཏེ། དེ་ལ་གནམ་ཆོས་ཐུགས་ཀྱི་གཏེར་ཁ་འདི་ལ་མིང་གི་མངོན་བརྗོད་ཅེས་བྱ་བའི་རྒྱུད་བུ་ཆུང་ཞིག་བྱུང་སྟེ། རྒྱུད་དེའི་དོན་རྒྱས་པར་བཀྲོལ་བ་བླ་མ་ཡི་དམ་མཁའ་འགྲོ་ཆོས་སྐྱོང་གི་སྒྲུབ་ཐབས་རིགས་མི་གཅིག་པ་བརྒྱ་ཡོད་དོ། །དེ་དག་རེ་རེ་ལའང་དབང་རེ་རེ་ཡོད་པས་སྒྲུབ་ཐབས་བརྒྱ་རྩ་གསར་པ་ཞེས་བྱ་བ་ཡང་ཡིན་ལ། དེའི་ནང་ནས་སྔར་མ་གྲགས་པའི་ལྷ་

[Full Size]

མཆོག་དྷེ་རུ་པ་ཞེས་བྱ་བའི་དབང་རྒྱས་པ་ཞིག་ཡོད། དེའི་གཤམ་ནས་ཆོས་སྐྱོང་དང་བཀའ་སྲུང་གི་རིགས་ཐམས་ཅད་ལ་རྒྱས་འགེབས་པའི་བཀའ་གཏད་དྲེགས་པའི་སྲོག་དབང་བསྡུས་པ་ཞིག་བྱུང་བས། དེ་ཉིད་ཕྱག་ལེན་གྱིས་བརྒྱན་ཏེ་ཆེ་གེའི་སྲོག་དབང་བསྐུར་བའི་ཐོག་མར། སློབ་མ་ཁྲུས་ནས་དབྱུང་བའི་དོན་དུ། ལས་བུམ་ཐོགས་ལ། ཧཱུྃ༔ བུམ་པ་འདི་ཡི་ནང་དུ་ནི༔ ཁྲོ་རྒྱལ་རྟ་མགྲིན་གསལ་བ་ཡི༔ སྐུ་ལས་བདུད་རྩིའི་རྒྱུན་བབས་པས༔ སྡིག་སྒྲིབ་ཐམས་ཅད་བཀྲུས་ནས་ཀྱང་༔ ལུས་ཀུན་བདུད་རྩིས་གང་བར་གྱུར༔ ཨོ་བྱ་ཤྲཱི་ཝ་ཧཱུྃ་ཕཊ༔ ཅེས་བུམ་ཆུ་སྤྱི་བོར་གཏོར། ཆབ་ལེན་དུ་བཅུག །དེ་ནས་ནས་བཀྱེས་ལ། ད་ཆོས་སྐྱོང་ངམ་བཀའ་སྲུང་ཆེ་གེའི་བཀའ་གཏད་སྲོག་དབང་ཞུ་བའི་ཆེད་དུ་མཎྜལ་འབུལ་བའི་རྗེས་ཟློས་མཛོད། རི་རྒྱལ་རི་བོ་མཆོག་རབ་དང་༔ གླིང་བཞི་གླིང་བརྒྱད་ཉི་ཟླས་བརྒྱན༔་བླ་མ་ཆོས་སྐྱོང་རྣམས་ལ་འབུལ༔ རྒྱུན་ཆད་མེད་པར་ཐུགས་རྗེས་ཟུངས༔ ད་བླ་མ་དང་ཆེ་མཆོག་པདྨ་ཐོད་ཕྲེང་རྩལ་དབྱེར་མེད་པའི་དྲུང་དུ་འདིའི་རྗེས་ཟློས་མཛོད། བླ་མ་པདྨ་ཐོད་ཕྲེང་རྩལ༔ བདག་གིས་རྩེ་གཅིག་དད་གསོལ་འདེབས༔ ཆོས་སྐྱོང་ངམ་

[Full Size]

བཀའ་སྲུང་ཆེ་གེ་ཡི༔ བཀའ་གཏད་བདག་ལ་བསྩལ་དུ་གསོལ༔ ལན་གསུམ། དེ་ནས་སློབ་མ་ཁྱེད་རང་རྣམས་སྣོད་དུ་རུང་བར་བྱ་བའི་དོན་དུ་བདུན་རྣམ་དག་ཡ། འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་གཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་སེམས་ནི་བསྐྱེད་པར་བགྱི༔ བྱང་ཆུབ་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་མགྲོན་དུ་གཉེར༔ བྱང་ཆུབ་སྤྱོད་པ་མཆོག་སྤྱད་ནས༔ འགྲོ་ཕན་སངས་རྒྱས་མྱུར་ཐོབ་ཤོག༔ ཅེས་ལན་གསུམ། ད་ཆོས་སྐྱོང་དང་བཀའ་སྲུང་དྲག་པོའི་བཀའ་གཏད་ཅིང་སྲོག་དབང་བསྐུར་བ་ལ། སློབ་མ་ཡི་དམ་ལྷའི་བསྐྱེད་རིམ་བརྟན་པོ་བྱ་དགོས། དེ་མེད་ན་བདག་པོ་ངན་པ་ལ་ཁྱི་གཏུམ་པོ་ལྟར་མི་ཆུན་པས། སྐད་ཅིག་གིས་དམ་ཚིག་པ་དང་ཡེ་ཤེས་པ་དབྱེར་མེད་པའི་རང་བཞིན། ཁྱེད་རང་ཕྱག་ན་རྡོ་རྗེ་སྐུ་མདོག་མཐིང་ནག་གཡས་རྡོ་རྗེ་ཕྱར་བ། གཡོན་སྡིགས་མཛུབ་དང་

[Full Size]

ཞགས་པ་འཛིན་པ། ཁྲོ་བོའི་ཆ་ལུགས་ཡོངས་སུ་རྫོགས་པ་ཞིག་ཏུ་སྒོམས་ལ་སྔགས་འདིའི་རྗེས་ཟློས་མཛོད། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ད་བླ་མ་ཡི་དམ་དབང་དྲག་པདྨ་ཧེ་རུ་ཀ་དངོས་ཡིན་སྙམ་པ་གྱིས་ལ། གསོལ་བ་འདེབས་པ་འདིའི་རྗེས་ཟློས་མཛོད། ཆོས་སྐྱོང་ངམ་མགོན་པོ་ཆེ་གེ་ཡི༔ བཀའ་གཏད་བདག་ལ་བསྩལ་དུ་གསོལ། །བདུན་བརྗོད། ད་མདུན་དུ་བཤམས་པའི་སྐུ་དང་གཏོར་མ་ལ་སོགས་པའི་དབང་རྫས་རྣམས་ཐ་དད་མེད་པའི། ཞེས་སོ་སོའི་མངོན་རྟོགས་བརྗོད། རྒྱས་པར་སྤྲོ་ན་སྤྱན་འདྲེན་སོགས་ལས་བྱང་གཞུང་ལྟར་ཚར་གཅིག་འདོན། རྔ་རོལ་མོ་དབྱངས་སོགས་བྱས་ན་ལེགས་སོ། །དེ་ནས། ཆེ་གེའི་སྐུ་གཟུགས་ཡིན་ཏེ༔ སྐུ་གཟུགས་འདི་ཁོ་རང་དངོས་ཡིན་པས༔ འདི་ཁྱོད་ལ་གཏད་པས་འབངས་སུ་ཚུད་པར་སྒོམས་ཤིག༔ ཧཱུྃ༔ འདི་ནི་ཆེ་གེའི་སྐུ་གཟུགས་ཏེ༔ ཁྱོད་ཀྱི་ལག་ཏུ་བཞག་པ་ཡིས༔ ཆེ་གེའི་སྐུ་ཡི་དབང་ཐོབ་ཤོག༔ སྙིང་པོ་ལན་བདུན་དང་། ཀཱ་ཡ་ཨ་བྷི་ཥིཉྩ་ཨོ༔ བརྗོད། །སྐུ་ལག་ཏུ་བཞག །གསུང་ནས་འབྲུ་ཡིན་པས༔ ནས་འབྲུ་ཕྱེད་འདིའི་དབུ་རྒྱན་རིགས་བདག༔ ཕྱེད་མགོན་པོའམ་ཆོས་སྐྱོང་ཆེ་གེ་ཡིན་པར་སྒོམས་ཤིག༔ ཧཱུྃ༔ ནས་ཀྱི་འབྲུ་ནི་

[Full Size]

རེ་རེ་ཡང་༔ ཆེ་གེ་ཁྱོད་ཀྱི་ནི༔ ལག་ཏུ་བཞག་པས་དབང་ཐོབ་ཅིང་༔ གསུང་དབང་ཡོངས་སུ་རྫོགས་པར་ཤོག༔ དེ་ནས་འབྲུའི་ཕྱེད་སྤྱི་བོར་བཞག༔ ཕྱེད་ལག་ཏུ་གཏད་ལ་སྙིང་པོ་ལན་བདུན་མཐར། ཝཱཀ་ཨ་བྷི་ཥིཉྩ་ཨཱ༔ དེ་ནས་ཐུགས་གཏོར་མའི་དབང་ཡིན་པས༔ གཏོར་མ་འདི་ཆོས་སྐྱོང་ངམ་མགོན་པོ་ཆེ་གེ་ཡིན་པར་སྒོམས་ལ༔ འདི་གཏད་པས་ཁྱོད་ཀྱི་འབངས་སུ་ཚུད་པར་སྒོམས་ཤིག༔ ཧཱུྃ༔ འདི་ནི་ཆེ་གེ་སྟེ༔ ཁྱོད་ཀྱི་ལག་ཏུ་བཞག་པ་ཡིས༔ ཆེ་གེ་འཁོར་དང་བཅས་པ་ཡི༔ ཐུགས་དབང་ཡོངས་རྫོགས་ཐོབ་པར་ཤོག༔ སྔགས་ལན་བདུན། ཙིཏྟ་ཨ་བྷི་ཥིཉྩ་ཧཱུྃ༔་དེ་ནས་ཕྱག་མཚན་ཐོགས་ཏེ། འོ་འདི་ཁྱོད་ལ་གཏད་པས་བཀའ་བསྒོས་པ་བཞིན་དུ་བྱེད་པར་སྒོམས་ཤིག༔ ཧཱུྃ༔ འདི་ནི་ཆེ་གེའི་ཕྱག་མཚན་ཏེ༔ ཁྱོད་ཀྱི་ལག་ཏུ་བཞག་པ་ཡིས༔ ཆེ་གེ་འཁོར་དང་བཅས་པ་ཡི༔ བཀའ་གཏད་ཡོངས་རྫོགས་ཐོབ་པར་ཤོག༔ ཆོས་སྐྱོང་ངམ་མགོན་པོ་ཆེ་གེ་འཁོར་དང་བཅས་པས་སློབ་མ་ཆེ་གེ་ལ་བསྲུང་བ་དང་བསྐྱབ་པ་དང་མགོན་པ་དང་སྡོང་གྲོགས་མཛད་དུ་གསོལ༔ སྔགས་ལན་བདུན་མཐར། གུ་ཎ་ཨ་བྷི་ཥིཉྩ་སྭཱ་ཧཱ༔ བརྗོད། དེ་ནས་དེས་ཆོས་སྐྱོང་ངམ་མགོན་

[Full Size]

པོ་ཆེ་གེའི་བཀའ་གཏད་ཡོངས་སུ་རྫོགས་པ་ཐོབ་པ་ཡིན་པས༔ འདི་ནས་ས་མ་ཐོབ་ཀྱི་བར་དུ་ཆོས་སྐྱོང་ངམ་མགོན་པོར་བཟུང་སྙམ་པས་འདིའི་རྗེས་ཟློས་མཛོད༔ གཙོ་བོས་ཇི་ལྟར་བཀའ་བསྩལ་པ༔ སོགས་དང་། དེང་ནས་བཟུང་སྟེ༴ སོགས། ས་གཞི་སྤོས་སོགས་བརྗོད། སླར་ཡང་མཆོད་བསྟོད་བསྙེན་པ་བྱ། གཤེགས་སམ་རྟེན་ལ་བསྟིམ་པ་སོགས་སྤྱི་ལྟར་བྱ། འདི་ནི་གཏེར་མགོན་ཕྱག་བཞི་པ་མན་ཆད་ནས་ཅུང་ཟད་ལྷ་འདྲེ་དམ་ཚིག་ཅན་ཡན་ཆད་ལ་རིགས་འགྲེས་རུང་ངོ། །དམ་ཚིག་ཅན་མིན་པ་ལ་མི་རུང་ངོ། །འདི་ནི་ཡེ་ཤེས་འཇིག་རྟེན་ཁྱད་མེད་དོ། །ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ་སྤྲེལ་ལོ་སྦྲུལ་ཟླ་བའི་ཉེར་བརྒྱད་ལ་སྤྱན་རས་གཟིགས་དམར་པོ་ཞལ་གཅིག་ཕྱག་གཉིས་པའི་ཕྱག་བརྡབས་པའི་སྒྲ་ལས་བྱུང་བའི་རྩ་ཚིག་འདི་ཉིད་ལ་སྤྲུལ་སྐུའི་གསུང་གིས་བསྐུལ་ནས་ཉིད་ཀྱི་ཐུགས་གཏེར་ནང་ནས་སབ་འོས་སབ་སྟེ་རྒྱས་པར་ཨ་རཱ་གས་བཀོད་པ་ལ་ཉེས་པ་གང་མཆིས་ཆོས་སྐྱོང་རྣམས་ལ་བཤགས་ཤིང་། དགེ་བས་ཟབ་གཏེར་བསྟན་པ་འཕེལ་བར་གྱུར་ཅིག །མངྒ་ལཾ། ཤུ་བྷཾ་མསྟུ་སརྦ་ཛ་ག་ཏཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་སྲུང་སྤྱིའི་བཀའ་གཏད་ཐུགས་རྗེ་ཆེན་པོ་གསང་བ་འདུས་པའི་བཀའ་སྲུང་རྣམས་ཀྱི་བཀའ་གཏད་སྤྱི་ཆིངས།

[Full Size]

བཀའ་སྲུང་སྤྱིའི་བཀའ་གཏད་ཡོད་ལགས་སོ། །ཐུགས་རྗེ་ཆེན་གསང་བ་འདུས་པའི་བཀའ་སྲུང་རྣམས་ཀྱི་བཀའ་གཏད་སྤྱི་ཆིངས་བྱ་བ་ཕྱག་ལགས་སོ།།

[Full Size]

ན་མོ་བཛྲ་པཱ་ཎི་ཡེ། འཇིག་རྟེན་པ་དང་འཚམས་པའི་ཆོས་སྐྱོང་བཀའ་སྲུང་ཐམས་ཅད་ཀྱི་རྗེས་གནང་སྤྱི་ཁྱབ་བཀའ་གཏད་ནི་སོ་སོའི་གཏོར་མ་དང་ཙཀ་ལི་རྣམས་སྟ་གོན་བྱས་ལ་རང་ཡི་དམ་གང་ཡིན་བསྒོམས་ནས་ཆོས་སྐྱོང་དེ་ཡི་བསྐྱེད་ཆོག་དུས་གཏོར་མའི་སྟོད་ཆོས་སྐྱོང་ལ་སྨད་མཆོད་པར་བསྐྱེད་ནས་སྤྱན་འདྲེན་མཆོད་བསྟོད་གཞུང་ལྟར་བྱས་ལ་སློབ་མ་རྣམས་ཁྲུས་བྱས་མཎྜལ་ཕུལ། སྤྲོ་ན་སོ་སོའི་ལོ་རྒྱུས་བཤད་དེ། བླ་མ་དང་ཡི་དམ་དབྱེར་མེད་པའི་དྲུང་དུ་ཆོས་སྐྱོང་ཆེན་པོའི་རྗེས་གནང་བཀའ་གཏད་ལེགས་པར་ཞུས་ནས། སངས་རྒྱས་ཀྱི་བསྟན་པ་རིན་པོ་ཆེ་བསྲུང་སྙམ་པ་གྱིས་ལ་འདིའི་རྗེས་ཟློས་མཛོད། རྡོ་རྗེ་འཛིན་པ་དགོངས་སུ་གསོལ། །སངས་རྒྱས་

[Full Size]

བསྟན་པ་བསྲུང་བའི་ཕྱིར། །རྗེའི་རྗེས་གནང་བསྩལ་དུ་གསོལ། །ལན་གསུམ། ད་རྒྱུད་མ་དག་པ་དག་པར་བྱ་བའི་ཕྱིར་དུ་བདུན་རྣམ་དག་འདིའི་རྗེས་ཟློས་མཛོད།་དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ། བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་སེམས་ནི་བསྐྱེད་པར་བགྱི༔ བྱང་ཆུབ་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་མགྲོན་དུ་གཉེར༔

[Full Size]

བྱང་ཆུབ་སྤྱོད་པ་མཆོག་སྤྱད་ནས་འགྲོ་ཕན་སངས་རྒྱས་མྱུར་ཐོབ་ཤོག༔ ལན་གསུམ། ད་ཐ་མལ་པ་ལ་ཆོས་སྐྱོང་གཏད་ཀྱང་མི་ཆུན་པས་ཡི་དམ་གྱི་ལྷར་བསྒོམ་དགོས་ཏེ། དེ་ལ་ཡི་དམ་གང་བསྒོམ་འདྲ་ནའང་། དྲེགས་པ་ཐམས་ཅད་ཀྱི་གཉན་པོ་ཕྱག་ན་རྡོ་རྗེ་ཡིན་པས། ཁྱེད་རང་རྣམས་སྐད་ཅིག་དྲན་རྫོགས་སུ་བཅོམ་ལྡན་འདས་གསང་བའི་བདག་པོ་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། ཕྱག་གཡས་རྡོ་རྗེ་ནམ་མཁར་ཕྱར་ཞིང་གཡོན་སྡིགས་མཛུབ་ཐུགས་ཀར་བསྒྲེངས་བ། གོས་སྔོན་པོའི་སྟོད་གཡོགས་དང་ཤམ་ཐབས་ཅན། ཁྲོ་བོའི་ཆས་ཐམས་ཅད་དང་ལྡན་པ་མེ་འབར་བའི་ཀློང་ན་ཞབས་གཉིས་འདོར་ཐབས་ཀྱིས་པད་ཉིའི་གདན་ལ་བཞུགས་པ། ཐུགས་ཀར་ཡེ་ཤེས་སེམས་དཔའི་ངོ་བོ་ཧཱུྃ་མཐིང་གིས་མཚན་ཅིང་ཡེ་ཤེས་པ་དང་དམ་ཚིག་པ་དབྱེར་མེད་པའི་ངོ་བོར་བྷེ་ཤིག །དེ་ནས་ཡང་བླ་མ་ཡང་གསང་བདག་དང་དབྱེར་མེད་པའི་ཡི་དམ་དངོས་ཡིན་སྙམ་པས་འདིའི་རྗེས་ཟློས་མཛོད། རྡོ་རྗེ་འཛིན་པ་དགོངས་སུ་གསོལ། །སངས་རྒྱས་བསྟན་པ་བསྲུང་བའི་ཕྱིར། །སྒོའི་སྐུ་ཡི་རྗེས་གནང་བསྩལ་དུ་གསོལ། །ཞེས་

[Full Size]

ལན་གསུམ། མདུན་དུ་བཤམས་པའི་གཏོར་མ་འདི་ཉིད་མི་དམིགས་པ་སྟོང་པའི་ངང་ལས། ཞེས་ཆོས་སྐྱོང་གང་ཡིན་མངོན་རྟོགས་སྤྱན་འདྲེན་བཞུགས་གསོལ་རྒྱས་བསྡུས་ཅི་རིགས་བྱས་ལ། །ད་ཁྱེད་རང་གསང་བདག་ཏུ་གསལ་བའི་ཐུགས་ཀའི་ཧཱུཾ་ལས་འོད་ཟེར་ཁ་དོག་སྣ་ཚོགས་འཕྲོས་མདུན་དུ་བཞུགས་པའི་ཆོས་སྐྱོང་གི་ཐུགས་ཀར་ཕོག་པས་ཐུགས་དམ་གྱི་རྒྱུད་བསྐུལ་སྔོན་གྱི་དམ་ཚིག་རྗེས་སུ་དྲན་ནས་སྤྲུལ་པ་ཡང་སྤྲུལ་དཔག་ཏུ་མེད་པ་འཕྲོས་དགྲ་བགེགས་ཐམས་ཅད་ཚར་བཅད། ཡིད་ལ་ཇི་ལྟར་འདོད་པའི་ཕྲིན་ལས་ཐམས་ཅད་སྒྲུབ་ཅིང་། དཔའ་བོ་ཆེན་པོ་ཁྱེད་ཀྱི་ཆོས་སྐྱོང་བའི་སྲུང་མ་བདག་གིས་བྱའོ། །ཕྲིན་ལས་ཐམས་ཅད་བདག་གིས་སྒྲུབ་བོ་ཞེས་ཁས་བླངས་དམ་བཅས་པར་སྒོམས་ཤིག །སྤྲོ་ན་སྐུ་ཙཀ་གམ་ཕྱར་དར་གཏེད་ལ། །སྤོས་དང་རོལ་མོ་བྱ་ཞིང་སྔགས་བརྗོད་ནས་སློབ་མའི་མགོར་རྡོ་རྗེ་བཞག་ལ། ཏིཥྛ་བཛ྄༔ ཞེས་བརྗོད། བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མའི་སྐུ་ཡི་བཀྲ་ཤིས་ཤོག །ཅེས་མེ་ཏོག་འཐོར། དེས་ཆོས་སྐྱོང་འདིའི་སྐུ་བསྒོམ་ཞིང་སྤྱན་འདྲེན་བཞུགས་གསོལ་བྱ་བ་ནི་སྐུ་ཡི་རྗེས་གནང་ཡིན།

[Full Size]

ད་གཉིས་པ་གསུང་གི་རྗེས་གནང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། རྡོ་རྗེ་འཛིན་པ་དགོངས་སུ་གསོལ། །སངས་རྒྱས་བསྟན་པ་བསྲུང་བའི་ཕྱིར། །རྗེའི་གསུང་གི་རྗེས་གནང་བསྩལ་དུ་གསོལ། །ལན་གསུམ། དེ་ལྟར་གསོལ་བ་བཏབ་པས་སློབ་དཔོན་གྱི་ཐུགས་ཀ་ནས་འོད་ཟེར་དམར་པོ་འཕྲོས་ནས་ཆོས་སྐྱོང་གི་ཐུགས་ཀར་ཐིམ་པས་དེའི་ཐུགས་ཀ་ནས་སྔགས་ཀྱི་ཕྲེང་བ་གློག་ཞགས་ལྟར་འཕྲོས་ཞལ་ནས་ཐོན་ཏེ། སྲོག་སྔགས་འབུལ་བའི་ཚུལ་དུ་ཁྱེད་རང་གི་ཞལ་དུ་ཞུགས་ནས་ཐུགས་ཀའི་ཧཱུྃ་གི་ཞབས་ཀྱུ་ལ་ཐིམ་པས། ཆོས་སྐྱོང་འདིའི་སྔགས་ཀྱི་ནུས་པ་ཐམས་ཅད་འགྲུབ་པར་བསྒོམས་ལ་སྔགས་འདིའི་རྗེས་ཟློས་ལན་གསུམ་མཛོད། སྙིང་པོ་གང་ཡིན་ལན་གསུམ་རྗེས་ཟློས་བྱ་བཅུག །སློབ་དཔོན་ལ་མེ་ཏོག་གི་ཕྲེང་བ་ཆོས་སྐྱོང་འདི་ཡི་ཁ་དོག་དང་མཐུན་པ་ཞིག་ཕུལ་བའི་མོས་པ་མཛོད་ལ་འདི་ཡི་རྗེས་ཟློས་མཛོད། ཆོས་སྐྱོང་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་དུ་གསོལ། །ཞེས་ལན་གསུམ། མེ་ཏོག་གི་ཕྲེང་བ་དང་དམ་ཚིག་གི་རྡོ་རྗེ་མགོར་བཞག་པའི་མོས་པ་མཛོད། སྒོ་འདི་ལ་བསྩལ་ལགས་ཀྱིས། །འདི་ལ་འགོ་བར་མཛད་དུ་

[Full Size]

གསོལ། །ཞེས་ལན་གསུམ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མའི་གསུང་གི་བཀྲ་ཤིས་ཤོག །མེ་ཏོག་སྤྱི་བོར་བཞག་ཤིས་པ་བརྗོད། འོ་དེས་སྔགས་བཟླ་བ་གསུང་གི་བཀའ་གཏད་ལེགས་པར་ཐོབ་པ་ཡིན་པས་དེ་རིང་ཕྱིན་ཆད་འདིའི་སྔགས་བཟླ་བ་རུང་ཞིང་དྲག་སྔགས་ཀྱི་ནུས་པ་ཐོགས་པ་མེད་པའི་རྟེན་འབྲེལ་འགྲིགས་པའོ། །གསུམ་པ་ཐུགས་ཀྱི་བཀའ་གཏད་རྗེས་གནང་གི་དོན་དུ་གསོལ་བ་འདེབས་པ་འདི་ཡི་རྗེས་ཟློས་མཛོད། རྡོ་རྗེ་འཛིན་པ་དགོངས་སུ་གསོལ། །སངས་རྒྱས་བསྟན་པ་བསྲུང་བའི་ཕྱིར། །ཆེའི་ཐུགས་ཀྱི་རྗེས་གནང་བསྩལ་དུ་གསོལ། །ལན་གསུམ། དེ་ལྟར་༔ གསོལ་བ་བཏབ་པས། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཆོས་སྐྱོང་ལ་ཕོག་པས་ཐུགས་རྒྱུད་བསྐུལ་ཆོས་སྐྱོང་གི་ས་བོན་ལས་ས་བོན་གཉིས་པ་ཞིག་དམ་ཚིག་གཅིག་ཏུ་བསྲེ་བའི་ཚུལ་གྱིས་སློབ་མའི་ཐུགས་ཀའི་ཧཱུྃ་གི་ཞབས་ཀྱུ་ལ་ཐིམ་པས། སྲོག་དབང་དུ་འདུས་ནས་འདར་ཕྲི་ལི་ལི་བྱེད་ཅིང་དཔའ་བོ་ཁྱེད་ཀྱིས་ཅི་གསུང་བཀའ་

[Full Size]

སྒྲུབ་བསྟན་པ་བསྲུང་བར་འདོད་པས་ཕྲིན་ལས་བདག་གིས་སྒྲུབ་ཅེས་ཁས་བླངས་དམ་བཅས་ནས་ཕྱག་མཚན་དེ་ཁྱེད་རང་ལ་ཕུལ་བར་སྒོམས་ཤིག །ཅེས་ཡོད་ན་ཕྱག་མཚན་གཏད་མེད་ན་གཏོར་མ་གཏད། སྲོག་སྔགས་ཀྱི་མཇུག་ཏུ། ཙིཏྟ་སིདྡྷི་ས་མ་ཡ་ཧཱུཾ། ཞེས་ལན་གསུམ། དེས་དམ་ཚིག་གཅིག་ཏུ་འདྲེས། ཐུགས་ཀྱི་བཀའ་གཏད་རྗེས་གནང་ཐོབ་པ་ཡིན། དེ་ལྟར་སྐུ་བསྒོམ་པ་དང་སྔགས་བཟླ་བ་དང་ཏིང་ངེ་འཛིན་རང་གི་སེམས་ལས་གཞན་དུ་མ་གྲུབ་པ་ཐག་ཆོད་ལ། རང་སེམས་སྐྱེ་མེད་ཕྱག་རྒྱ་ཆེན་པོའི་ངང་ལ་མཉམ་པར་ཞོག་ཅིག །རོལ་མོ་དང་སྤྲོ་ན་རྡོ་རྗེ་སྙིང་གར་བཞག་ལ་རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མའི་ཐུགས་ཀྱི་བཀྲ་ཤིས་ཤོག །མེ་ཏོག་འཐོར། དེས་ཆོས་སྐྱོང་གི་སྲོག་ལ་དབང་ཐོབ་ཅིང་འདིས་ཏིང་ངེ་འཛིན་བསྒོམ་པར་དབང་བ་སྟེ་ཐུགས་ཀྱི་རྗེས་གནང་ཡིན། དེ་ནས་ཡོན་ཏན་གྱི་རྗེས་གནང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། རྡོ་རྗེ་འཛིན་པ་དགོངས་སུ་གསོལ། །སངས་རྒྱས་བསྟན་པ་བསྲུང་བའི་ཕྱིར། །སྒེའི་ཡོན་

[Full Size]

ཏན་རྗེས་གནང་བསྩལ་དུ་གསོལ། །ལན་གསུམ། དེ་ལྟར་གསོལ་བ་བཏབ་པས་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་མདུན་གྱི་ཆོས་སྐྱོང་ལ་ཕོག་པས་ཐུགས་རྒྱུད་བསྐུལ། མདུན་གྱི་ཆོས་སྐྱོང་དེའི་ཕྱག་མཚན་ཁྱེད་རང་ལ་ཕུལ་བས། ཆོས་སྐྱོང་འདི་ཡི་ཡོན་ཏན་གྱི་དངོས་གྲུབ་ཐོབ་པར་གྱུར་སྙམ་དུ་སྒོམས་ཤིག །རྨི་ཕྱག་རྒྱ་ཕྱག་མཚན་འདི་དག་ནི། །ཁྱེད་རྣམས་ལ་ནི་སྦྱིན་པར་བྱ། །ཞི་དང་རྒྱས་དང་དབང་དང་འགུགས། །གདུག་པ་བསྒྲལ་དང་ཆོ་འཕྲུལ་སྟོན། །མནན་དང་བསྐྲད་དང་ལ་སོགས་པ། །ལས་ཚོགས་ཐམས་ཅད་འགྲུབ་པར་གྱིས། །སྔགས་བརྗོད་ཅིང་གཏད་དོ། །བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མའི་ཡོན་ཏན་བཀྲ་ཤིས་ཤོག །ཅེས་མེ་ཏོག་འཐོར། དེས་ཆོས་སྐྱོང་སྤྱིའི་སྒོ་ནས་དངོས་གྲུབ་ཐམས་ཅད་འགྲུབ་པར་དབང་བ་ཡོན་ཏན་གྱི་རྗེས་གནང་ཡིན། ད་ཕྲིན་ལས་ཀྱི་རྗེས་གནང་གི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། རྡོ་རྗེ་འཛིན་པ་དགོངས་སུ་གསོལ། །སངས་རྒྱས་བསྟན་པ་བསྲུང་བའི་ཕྱིར། །རྗེའི་ཕྲིན་ལས་རྗེས་གནང་

[Full Size]

བསྩལ་དུ་གསོལ། །ལན་གསུམ། དེ་ནས་སློབ་དཔོན་བཅོམ་ལྡན་ཕྱག་ན་རྡོ་རྗེ་དངོས་སུ་གསལ་བས། གཏོར་མ་འདི་ཉིད་ཆོས་སྐྱོང་ཆེན་པོ་འཁོར་དང་བཅས་པ་མངོན་སུམ་དུ་གསལ་བ། ཁྱེད་ལ་བྲན་དང་ཕོ་ཉའི་ཚུལ་དུ་བཀའ་བསྒོས་ཤིང་གཉེར་དུ་གཏད་པས་ལུས་དང་གྲིབ་མ་ལྟར་འཁོར་ཞིང་སྡོང་གྲོགས་བྱེད་པར་སྒོམས་ཤིག །གཏོར་མ་ལག་ཏུ་བཞག་ལ་རྒྱས་པར་ཆོས་སྐྱོང་འཁོར་བཅས་ཀྱི་མིང་བརྗོད། བསྡུ་ན། རྗེ་འཁོར་དང་བཅས་པ་ཁྱེད་རྣམས་ཀྱིས་སྔོན་ཆེ་ཆེ་མཆོག་ཧེ་རུ་ཀ་དང་གཤིན་རྗེ་དང་རྟ་མཆོག་ཧེ་རུ་ཀ་དང་དཔལ་ཕྱག་ན་རྡོ་རྗེ་དང་། གུ་རུ་པདྨ་འབྱུང་གནས་ལ་སོགས་པ་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་སྤྱན་སྔར་ཁས་བླངས་དམ་བཅས་པའི་དམ་ཚིག་གི་རིམ་པ་ལས་མ་འདའ་བར། དེང་ནས་བཟུང་སྟེ་རྡོ་རྗེའི་སློབ་མ་འདིའི་ཆོས་སྐྱོང་བའི་སྲུང་མ་མཛོད་ཅིག །བྱིན་པའི་ཟས་ཟོ། གསོལ་བའི་ཕུད་འཐུང་། གདམས་པའི་ངག་ཉོན། བཅོལ་བའི་ལས་གྱིས། སྡང་བའི་དགྲ་སོད། གནོད་པའི་བགེགས་ཐུལ། རྐྱེན་དང་བར་ཆད་ཟློག །ནད་གདོན་བར་དུ་གཅོད་པ་ཐམས་ཅད་ལས་བསྲུང་བ་དང་། ཚེ་དང་དཔལ་འབྱོར་ཐམས་ཅད་ཟླ་བ་

[Full Size]

ཡར་གྱི་ངོ་ལྟར་འཕེལ་ཞིང་རྒྱས་པ་དང་། ཞི་བ་དང་རྒྱས་པ་དང་དབང་དང་མངོན་སྤྱོད་ཀྱི་ཕྲིན་ལས་ཐོགས་པ་མེད་པར་འགྲུབ་པའི་སྡོང་གྲོགས་མཛོད་ཅིག །སྔགས་ཨག་ཚར་གསུམ་བརྗོད། གཏོར་མ་ཅུང་ཟད་བྱིན་ལ། བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མའི་ཕྲིན་ལས་བཀྲ་ཤིས་ཤོག །དེས་བཀའ་གཏད་པའི་ཕྲིན་ལས་ཐམས་ཅད་ཐོགས་པ་མེད་པར་འགྲུབ་པ་ཕྲིན་ལས་ཀྱི་རྗེས་གནང་ཡིན། དེ་ལྟར་རྗེས་གནང་བཀའ་གཏད་ཀྱི་རིམ་པ་རྒྱས་པར་ཐོབ་པ་ཡིན་པས་ཆོས་སྐྱོང་སྒྲེ་འདི་བཀའ་ཡི་སྲུང་མར་བསྟེན་ཏེ་མཆོད་ཅིང་བསྒྲུབས་ནས་སངས་རྒྱས་ཀྱི་བསྟན་པ་བསྲུང་ཞིང་རྒྱས་པར་བྱ་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་བཀའ་བསྩལ་སོགས། དེ་ལྟར་རྗེས་གནང་ཐོབ་པའི་གཏང་རག་ཏུ་མཎྜལ་ཕུལ། ས་གཞི༔ དེ་ནས་རྗེས་ཆོག་སྤྱི་ལྟར་རོ། །ཞེས་པ་སྤྲུལ་སྐུའི་ཕྱག་ལེན་བདེ་ཕྱིར་ཨ་རཱ་གས་བཀོད་པ་ལ་འགལ་འཁྲུལ་དམ་ཅན་རྒྱ་མཚོའི་ཚོགས་ལ་བཤགས་ཤིང་དགེ་བས་སངས་རྒྱས་ཀྱི་བསྟན་པ་འཕེལ་བར་གྱུར་ཅིག། །།

བཟླས་བརྗོད་ནུས་པ་སྟོབས་འབྱིན།

[Full Size]

བཟླས་བརྗོད་ནུས་པ་སྟོབས་འབྱིན་བཞུགས་སོ། །བདག་ཉིད་མོས་པའི་ཡི་དམ་ལྷར་གསལ་ཞིང་༔ དེ་ཡི་སྤྱི་བོར་རྩ་བའི་བླ་མའམ་པདྨ་འབྱུང་གནས་ལོངས་སྐུའི་ཆ་ལུགས་ཅན༔ བག་དྲོ་ལྷུན་ཆགས་གཟི་བརྗིད་ལྡན་པའོ༔ དགྱེས་བཞིན་བདག་ལ་དབང་བསྐུར་བྱིན་རླབས་ཚུལ༔ རྡོ་རྗེ་དྲིལ་བཅས་ཕྱག་རྒྱ་བསྒྱུར་བ་དང་༔ ཕྱོགས་བཅུའི་སངས་རྒྱས་བྱང་སེམས་ཐམས་ཅད་ལ༔ བརྒྱུད་པའི་བླ་མ་རྣམས་ཀྱིས་བསྐོར་བཞུགས་དམིགས༔ དེ་ལ་གདུང་བས་མོས་གུས་བསྐྱེད་བྱས་ནས་ཨོ་ཨཱཧཱུྃ་བཛྲ་གུ་རུ་དྷརྨ་ཀཱ་ཡ༔ ནིར་མ་ཀཱ་ཡ༔ སཾ་བྷྱོ་ཀཱ་ཡ༔ ཨ་བྷ་ཝ༔ སྭ་བྷ་ཝ༔ ཨ་དྷིཥྛ་ན༔ ཨ་དྷིཥྛིཏེ༔ སརྦ་སིདྡྷི་ཕ་ལ་ཧཱུྃ་ཨཱཿ ཞེས་ལན་གསུམ་བརྗོད་པ་ཙམ་གྱིས་ནི། བླ་མའི་སྐུ་གསུང་ཐུགས་ལས་ཐུགས་རྗེ་སྒྱུ་ཡི༔ ཡེ་ཤེས་འོད་ཟེར་ཁ་དོག་ལྔ་འཕྲོས་པས༔ བདག་ལུས་འབྱུང་བ་ལྔ་ལས་གྲུབ་པ་ཡི༔ གདོས་བཅས་ལུས་ནི་རང་བཞིན་མེད་གྱུར་ཏེ༔ སྣང་ལ་རང་བཞིན་མ་གྲུབ་འོད་ཀྱི་སྐུ༔ རྒྱུ་ཡིས་མ་བསྐྱེད་རྐྱེན་གྱིས་མི་འཇིག་པ༔ རང་བྱུང་ལྷུན་གྲུབ་རྡོ་རྗེའི་སྐུར་གྱུར་པའི༔ ལྗགས་ཀྱི་སྟེང་དུ་པདྨ་ཟླ་གདན་ལ༔ ཧཱུྃ་དཀར་ལས་བྱུང་རྡོ་རྗེ་སེམས་དཔའི་སྐུ༔

[Full Size]

རྡོ་རྗེ་དྲིལ་འཛིན་གངས་ལ་ཉི་ཤར་ལྟར༔ གསལ་འཚེར་ལྷུན་སྡུག་ལོངས་སྐུའི་ཆ་ལུགས་ཅན༔ ཐུགས་ཀར་རྡོ་རྗེ་རྩེ་ལྔ་ཧཱུྃ་གིས་མཚན༔ ཧཱུྃ་ལ་ཡི་གེ་བརྒྱ་པའི་སྔགས་ཕྲེང་བསྐོར༔ རྡོ་རྗེ་ལ་ནི་ཨཱ་ལི་བཅུ་དྲུག་བསྐོར༔ སེམས་དཔའ་ཉིད་ལ་ཀཱ་ལི་སོ་བཞིས་བསྐོར༔ དེ་ཡི་ངང་ལས་སྔགས་གསུམ་བདུན་བདུན་བཟླ༔ སྒྲ་དག་ལྷག་ཆད་མེད་པ་ཤིན་ཏུ་གཅེས༔ ཨོཾ་བཛྲ་སཏཱ་སོགས། ཨ་ཨསོགས། ཀ་ཁ་སོགས། དེ་དག་གསུམ་ལས་འོད་ཟེར་དཀར་དམར་མཐིང་༔ ཡར་འཕྲོས་རྒྱལ་བའི་སྐུ་གསུང་ཐུགས་རྒྱུད་བསྐུལ༔ བླ་མ་སངས་རྒྱས་བྱང་སེམས་ཚོགས་རྣམས་ཀྱིས༔ སྐུ་གསུང་ཐུགས་ལས་སྔགས་གསུམ་དཔག་མེད་འཕྲོས༔ ཆར་བཞིན་བབས་ནས་བདག་ལ་སོ་སོར་ཐིམ༔ སྔགས་གསུམ་ལས་ཀྱང་སོ་སོའི་རང་སྒྲ་དང་༔ འོད་ཟེར་དཀར་དམར་མཐིང་གསུམ་འཕྲོས་པ་ཡིས༔ འདས་དང་མ་འོངས་ད་ལྟ་དུས་གསུམ་གྱི༔ ངག་སྒྲིབ་ཉེས་སྐྱོན་མ་ལུས་ཀུན་སྦྱངས་ཤིང་༔ མར་འཕྲོས་འགྲོ་རྣམས་ལུས་ངག་ཡིད་རྒྱུད་སྦྱངས༔ སླར་ཡང་འོད་ཟེར་ཐམས་ཅད་ཚུར་འདུས་ནས༔ ཡིག་བརྒྱ་ཧཱུྃ་ལ་ཨཱ་ལི་རྡོ་རྗེ་དང་༔ ཀཱ་ལི་རྡོ་རྗེ་སེམས་དཔའ་ཉིད་ལ་ཐིམ༔ དེ་དག་གསུམ་ཀྱང་ལྕེ་ལ་ཐིམ་

[Full Size]

པ་ནི༔ དཔེར་ན་རྡོ་ཚན་སྟེང་དུ་མར་བཞག་བཞིན༔ ལྗགས་དང་དབྱེར་མེད་གྱུར་ནས་ངག་དབང་བསྐུར༔ བླ་མ་སངས་རྒྱས་བྱང་སེམས་ཚོགས་རྣམས་ཀྱང་༔ འོད་ཀྱི་ཚུལ་དུ་རང་གི་ལྗགས་ལ་ཐིམ༔ དབང་བསྐུར་བྱིན་རླབས་དབྱེར་མེད་ལུ་གུ་རྒྱུད༔ རྒྱལ་བ་རྣམས་ཀྱི་གསུང་གི་དབང་ཕྱུག་དེ༔ བདག་གི་ངག་དང་དབྱེར་མེད་གྱུར་བསམས་ལ༔ སླར་ཡང་སྔགས་གསུམ་གོང་བཞིན་ཉེར་གཅིག་བཟླ༔ དེ་ནས་རྟེན་འབྲེལ་སྙིང་པོ་ལན་གསུམ་བརྗོད༔ དེ་རྗེས་འདི་ལྟར་མ་ཉམས་བརྗོད་པར་བྱ༔ ཧྲཱིཿ ངག་གི་དབང་ཕྱུག་སངས་རྒྱས་བཅོམ་ལྡན་འདས༔ བླ་མ་ཡི་དམ་མཁའ་འགྲོ་ཐུགས་རྗེ་ཅན༔ སྔགས་ཀྱི་སྙིང་པོ་འབྲས་བུའི་བཅུད་དང་ལྡན༔ གྲག་སྟོང་ཚངས་པའི་དབྱངས་ལ་ཕྱག་འཚལ་ལོ༔ མི་ཟད་གསུང་གི་སྒྱུ་འཁོར་ལོ་གང་བསྐོར་བ༔ དེང་འདིར་བདག་གི་ངག་ལ་བསྐོར་ནས་ཀྱང་༔ དཔལ་དང་གཟི་བརྗིད་ལྡན་པ་འགྲུབ་མཛད་དེ༔ བྱིན་རླབས་དབང་དང་དངོས་གྲུབ་བསྩལ་དུ་གསོལ༔ ཨོ་་ཆོས་སྐུ། ཨཱ་ལོངས་སྐུ། ཧཱུྃ་སྤྲུལ་སྐུ། ཧོ་་ངོ་བོ་ཉིད་སྐུ། ཝཀྐ་པདྨ་མཎྜལ་ལ་ཨ་བྷི་ཥིཉྩ་ཨཱ་་གསུང་མ་ཆགས་པདྨའི་དཀྱིལ་འཁོར་དུ་མངོན་པར་དབང་བསྐུར་དུ་གསོལ། ནངས་སྔ་གཞན་ལ་

[Full Size]

ངག་ནི་མ་བསྟན་དུས༔ འདི་ནི་རྒྱུན་དུ་བཟླས་པ་བྱ་བ་ཡིན༔ རིབ་ཀྱིས་ཞག་གཅིག་འབྲིང་གིས་ཟླ་བ་གཅིག༔ ཐ་མས་ཀྱང་ནི་ལོ་གཅིག་དུང་ཕྱུར་འགྲོ༔ ཞེས་པ་འདི་ནི་དགོངས་པ་འདུས་པ་ལས༔ རཱ་ག་ཨ་སྱས་འདོན་བདེའི་ཚུལ་དུ་བསྒྲིགས༔ བདག་གཞན་སརྦ་མངྒ་ལཾ༔ ༈ སྟོང་པའི་ངང་ལས་རང་ལྕེ་རལ་གྲི་ནི། །སོར་བཞི་ཆང་ཟུང་ཏཱཾ་ཡིག་ལྗང་ཁུས་མཚན། །དེ་ལས་འོད་འཕྲོས་འཁོར་འདས་ཐམས་ཅད་ཀྱི། །ནུས་མཐུ་དངོས་གྲུབ་ནས་ལྕེ་ལ་ཐིམ། །ཨོཾ་ཧཱུྃ་ཧཱུྃཔ་ལ་རཀྵ་སྭཱ་ཧཱ། ཞེས་ཉིན་རེ་མ་ཆག་པར་བཟླས་པས་འཆིང་བར་མི་ནུས་བཟླས་བརྗོད་ནུས་པ་དང་ལྡན་པར་འགྱུར། ཞེས་པའང་ཨ་རཱ་གས་སོ། །སརྦ་མངྒ་ལཾ།། །།

ཆོས་སྤྱོད་རབ་གསལ་གྱི་དམིགས་རིམ་མདོར་བསྡུས།

[Full Size]

ཆོས་སྤྱོད་རབ་གསལ་གྱི་དམིགས་རིམ་མདོར་བསྡུས་བཞུགས་པའི་དབུ་ཕྱོགས་ལགས་སོ། །

[Full Size]

ན་མོ་གུ་རུ་དྷརྨཱ་དྷརྟུ་བཛྲ་ཡེ། སྐྱབས་གནས་དམ་པའི་ཞབས་ལ་འདུད། །དགེ་སློང་དབོན་པོ་འཚོ་མཛད་ལ། །འཕྲལ་དུ་གང་ཕན་བསླབ་བྱ་ཞུ། །བླ་མ་ཆོས་ལྡན་རབ་འབྱོར་དེ། །སི་ཏུ་དྲུང་པའི་ཐུགས་ཀྱི་སྲས། །ཆོས་ཀྱི་དབང་ཕྱུག་ཐུགས་ལ་བཏགས། །རང་སེམས་ཡེ་ཤེས་ངོ་འཕྲོད་ནས། །ཀཾ་པོ་གངས་ཀྱི་ར་བ་རུ། །ལོ་གྲངས་བཅུ་གསུམ་སྒྲུབ་བརྒྱུད་བཟུང་། །རག་གྱང་སྟག་ལེབ་ལ་སོགས་སུ། །ངེས་མེད་བྱ་བྲལ་རྣམ་ཐར་བཟུང་། །ས་ཕྱོགས་འདི་རུ་ཕེབས་པ་ལ། །བདག་དང་ཆོས་མཐུན་གྲོགས་པོར་གྱུར། །ང་ཡི་ངག་ལ་ཉན་མཛད་ནས། །ལོ་འགའ་

[Full Size]

བླ་ཚུགས་འགྲོ་དོན་མཛད། །སྐྱབས་མཆོག་རྒྱལ་བ་ཡབ་སྲས་ལ། །མོས་གུས་འགྱུར་མེད་གཏིང་ཚུགས་པས། །འཕྲལ་དུ་མཛད་སྤྱོད་ཅི་འདྲ་ཡང་། །ཁོང་ནི་འབྲེལ་ཚད་དོན་ལྡན་ཡིན། །ཅི་ཕྱིར་ཁོང་གི་མོས་གུས་འདྲ། །སུ་ལ་ཡོད་པ་མ་མཐོང་ངོ། །དེ་ལྟར་རྩེ་གཅིག་དད་པ་ཡིས། །གསོལ་བ་བཏབ་པའི་མི་དེ་ལ། །ཡབ་སྲས་ཐུགས་རྗེས་བཏང་མི་སྲིད། །སྐུ་ཚེ་མཐར་ཕྱིན་དུས་བབ་ནས། །འདས་ལ་ཐུགས་ནད་མཛད་དོན་མེད། །ད་ནི་དབོན་པོ་ཁྱོད་རང་ཡང་། །བླ་མའི་རྣམ་ཐར་ཇི་བཞིན་དུ། །ཡབ་སྲས་རྣམས་ལ་འདི་ཕྱི་ཡི། །བློ་སེམས་གཏོད་ལ་དམ་

[Full Size]

ཆོས་མཛོད། །ཅི་ཕྱིར་དལ་འབྱོར་ཐོབ་དཀའ་ཞིང་། །ཚེ་འདི་མི་རྟག་མྱུར་དུ་འཆི། །དེང་སང་མི་རྣམས་ཚེ་ཡི་ཚད། །བཞི་བཅུ་ཁ་རལ་སུམ་ཅུར་ཉེ། །མང་པོ་བསླབ་པའི་ལོང་ཁོམ་མེད། །ཚིག་ནི་ནམ་མཁའ་འདོམ་འཇལ་འདྲ། །ཅི་ཙམ་བསླབ་ཀྱང་ཟད་པ་མེད། །ཡོན་ཏན་སྣ་ཁ་མང་པོ་ཡང་། །ཟས་ནོར་བསྡུ་ཕྱིར་མ་གཏོགས་པ། །དམ་ཆོས་སྒྲུབ་ལ་དགོས་རྒྱུ་ཆུང་། །ཆོས་སྤྱོད་རབ་གསལ་ཐོ་རམ་པ། །ཡོད་ན་དེ་རང་ཉམས་ལེན་ཆོག །དེ་ཡི་ཉམས་ལེན་མདོ་ཙམ་བཤད།། ༈ མདུན་གྱི་ནམ་མཁར་སྐད་ཅིག་ལ། །སངས་རྒྱས་ཀུན་འདུས་ཀརྨ་པ། །ཕྱོགས་དུས་རྒྱལ་བ་སྲས་བཅས་རྣམས། །སྤྲིན་ཕུང་ལྟ་བུར་བཞུགས་པར་བསྒོམ། །འགྲོ་དྲུག་སེམས་ཅན་མ་ལུས་པ། །ས་གཞི་གང་བར་ཁྲོམ་ལྟར་འཚོགས། །དེ་ཡི་འདྲེན་དཔོན་རང་གིས་བྱ། །ཁམས་གསུམ་འཁོར་བའི་སྡུག་བསྔལ་ལ། །བདག་སོགས་འགྲོ་ཀུན་འཇིགས་སྐྲག་ནས། །སྐྱབས་འགྲོ་དིར་དིར་བྱེད་བསྒོམས་ལ། །མ་ནམ་མ་དང་སྐྱབས་འགྲོ་རྣམས། །ཆོས་སྤྱོད་ནང་ལྟར་ལན་གསུམ་བྱ། །འཇིགས་པ་བརྒྱད་དང་བཅུ་དྲུག་ལས། །སྐྱབས་པར་འདོད་ན་ནམ་མཁའ་དེར། །རྗེ་བཙུན་སྒྲོལ་

[Full Size]

མ་སྔོན་མོ་ནི། །ཤིན་ཏུ་གསལ་བར་བསྒོམ་གལ་ཆེ། །དེ་ནས་སྐྱབས་ཡུལ་རང་ལ་བསྟིམ། །རང་གི་སེམས་ལ་ཧྲིག་གེར་བལྟ། །བསྐྱབ་བྱ་སྐྱོབ་བྱེད་མི་དམིགས་པ། །དེ་ནི་དོན་དམ་སྐྱབས་འགྲོ་ཡིན། །འགྲོ་དྲུག་སེམས་ཅན་མ་ལུས་པར། །བྱམས་དང་སྙིང་རྗེ་ཚད་མེད་བསྒོམ། །དེ་ཡང་རླུང་དང་བསྲེ་བྱས་ཏེ། །སྣ་ནས་རླུང་གཅིག་ཕར་བཏང་ཚེ། །རང་གི་བདེ་སྐྱིད་བསོད་ནམས་རྣམས། །སེམས་ཅན་ཀུན་ལ་ཐིམ་གྱུར་ནས། །ཐམས་ཅད་བདེ་དང་ལྡན་པར་བསྒོམ། །རླུང་གཅིག་ཚུར་ལ་རྔུབ་པའི་ཚེ། །འགྲོ་དྲུག་ཀུན་གྱི་སྡུག་བསྔལ་དང་། །སྡིག་སྒྲིབ་ཐམས་ཅད་རང་ལ་ཐིམ། །འགྲོ་དྲུག་སྡུག་བསྔལ་བྲལ་བར་བསྒོམ། །འགྲོ་ཀུན་བདེ་ན་དགའ་བ་དང་། །རིས་མེད་འགྲོ་ལ་སེམས་མཉམ་བྱ། །དེ་དག་བསྒོམ་ཞིང་ཆོས་སྤྱོད་ནང་། །སེམས་ཅན་ཐམས་ཅད་བདེ་བ་དང་། །ཞེས་སོགས་ཚད་མེད་བཞི་པོ་ནི། །ལན་གསུམ་འདོན་སྒོམ་སྦྲག་པར་བྱ། །དེ་ནས་ཆོས་སྤྱོད་གཞུང་ལྟར་དུ། ༈ ས་ཕྱོགས་འདི་ཉིད་སངས་རྒྱས་ཞིང་། །བདེ་བ་ཅན་དང་འདྲ་བའི་དབུས། །སེང་ཁྲི་མཆོད་རྫས་དཔག་མེད་བསྒོམ། །ཐུབ་དབང་འཁོར་བཅས་སྤྱན་

[Full Size]

དྲངས་ནས། །སེང་ཁྲི་དེ་ལ་བཞུགས་བསྒོམ་ཞིང་། །སྤྱན་འདྲེན་བཞུགས་གསོལ་གཞུང་ལྟར་བྱ། །དེ་ལ་སྐུ་ཁྲུས་གསོལ་བ་དང་། །ན་བཟའ་འབུལ་དང་མཆོད་པ་འབུལ། །མཎྜལ་ཡན་ཆད་གཞུང་ལྟར་འདོན། །ཇི་སྙེད་སུ་དག་མ་དེ་ཡང་། །མཆོད་པ་རྒྱ་ཆེན་སྣ་ཚོགས་ནི། །ཡིད་ཀྱིས་བསྒོམས་ཏེ་མཆོད་པ་དང་། །ཕྱོགས་བཅུའི་ཞིང་ན་ཡོད་པ་ཡི། མཆོད་པ་བློ་ཡིས་བླངས་ཏེ་མཆོད། ༈ སེམས་ཅན་ཐམས་ཅད་ཕ་མ་སྟེ། །འཁོར་བའི་གནས་སུ་སྡུག་བསྔལ་ཆེ། །དེ་རྣམས་སངས་རྒྱས་སར་འགོད་པར། །རང་ཉིད་ཁོ་ནས་བྱེད་འདོད་དེ། །དེ་ནི་ད་ལྟ་མི་ཐུབ་སྟེ། །བྱང་ཆུབ་མཆོག་ཏུ་སེམས་བསྐྱེད་ནས། །ནམ་ཞིག་བྱང་ཆུབ་ཐོབ་པའི་ཚེ། །འགྲོ་ཀུན་བདག་གིས་འདྲེན་བསམ་པའི། །བསམ་པ་བཟང་པོ་དང་ལྡན་པའི། །བྱང་ཆུབ་སྙིང་པོར་མཆིས་ཀྱི་བར། །ཞེས་སོགས་ཤོ་ལོ་ཀ་གསུམ་པོ། །ལན་གསུམ་བར་དུ་བརྗོད་པར་བྱ། །དེ་ནས་རང་ཉིད་སེམས་དཔར་གྱུར། །དེ་ཕྱིར་རང་ཉིད་དགའ་བ་བསྒོམ། །ལྷར་བཅས་འགྲོ་བའི་དོན་ཆེན་རྣམས། །བདག་གིས་བསྒྲུབ་ཕྱིར་ལྷ་ཀླུ་སོགས། །འགྲོ་བ་ཡི་རང་སྒོམས་ཤིག་ཅེས། །གཞན་རྣམས་དགའ་བ་

[Full Size]

བསྒོམ་བཅུག་དང་། །རང་གི་སྡོམ་པ་དམ་བཅའ་སོགས། །དེ་འཕྲོ་ཚིག་རྣམས་ཚར་གཅིག་ཆོག །འདི་ཡིས་བྱང་སེམས་སྡོམ་པ་རྣམས། །མ་སྐྱེས་པ་དག་གསར་དུ་སྐྱེ། །ཉམས་པ་སོར་ཆུད་འགྱུར་བ་དང་། །མ་ཉམས་པ་ཡང་གོང་དུ་འཕེལ། །ཐེག་ཆེན་ཉམས་ལེན་རྩ་བ་ཡིན། །དེ་ནས་ཐུབ་པ་འཁོར་དང་བཅས། །འོད་ཞུ་བདག་ལ་ཐིམ་པར་བསྒོམ། །མ་ཡེངས་རང་གི་སེམས་ལ་བལྟ། །གཟུགས་དང་དངོས་པོ་མ་མཐོང་ཡང་། །མ་མཐོང་བ་དེ་མཐོང་བའི་མཆོག །སྟོང་ཉིད་ངོ་བོ་མཐོང་བ་སྟེ། །དོན་དམ་སེམས་བསྐྱེད་དེ་ཡིན་ནོ། །དེ་ཡན་ཙམ་ཞིག་མ་ཆག་པར། །ཉམས་སུ་བླངས་བར་བྱས་ན་ཡང་། །སྐྱབས་འགྲོ་ཐེག་དམན་ཉམས་ལེན་ཚང་། །སེམས་བསྐྱེད་ཚད་མེད་བཞི་བསྒོམ་པ། །ཐེག་པ་ཆེན་པོའི་ཉམས་ལེན་ཚང་། །ཐུབ་པ་སྤྱན་འདྲེན་ཡན་ལག་བདུན། །བྱ་རྒྱུད་དོན་ཡང་ཚང་བ་སྟེ། །ཐུབ་པ་བླ་མ་དབྱེར་མེད་བསྒོམ། །བླ་མེད་བླ་མའི་མཆོད་ཆོག་ཚང་། །རང་སེམས་ངོ་བོ་སྐབས་སུ་བལྟ། །དབུ་ཕར་ལྟ་བའི་ཉམས་ལེན་ཚང་། །ཤཱཀ་ཐུབ་བསྟན་པའི་གཞུང་ཤིང་གི །ཉམས་ལེན་གཙོ་བོ་དེར་འདུས་པས། །ཆོས་སྡེ་རྣམས་སུ་ཆགས་མེད་

[Full Size]

དུ། །ཐུགས་དམ་མཛད་པ་དེ་ལྟར་ལགས། །དབོན་པོ་ཁྱེད་རང་ཐུགས་དམ་མཛོད། །འདོན་སྒོམ་སྦྲག་པ་གལ་ཆེའོ།། ༈ ལྟུང་བཤགས་འདོན་པའི་ཚེ་ན་ཡང་། །མདུན་གྱི་ནམ་མཁར་སེང་ཁྲིའི་སྟེང་། །སངས་རྒྱས་ཀུན་འདུས་ཀརྨ་པར། །ལྟུང་བཤགས་ལྷ་ཚོགས་རྣམས་ཀྱིས་བསྐོར། །སྐད་ཅིག་ཉིད་ལ་གསལ་བར་བསྒོམ། །རང་ལུས་བྱེ་བ་དུང་ཕྱུར་སྤྲུལ། །དེ་དག་རྣམས་ལ་ཕྱག་འཚལ་ཞིང་། །བདག་སོགས་འགྲོ་བ་མ་ལུས་པའི། །སྡིག་ལྟུང་ཐམས་ཅད་བཤགས་པར་བསྒོམ། །སྤྲོ་ན་དངོས་སུ་ལྷ་གྲངས་ལ། །འདོན་པ་དང་བསྟུན་ཕྱག་འཚལ་ན། །ཉེས་ལྟུང་སྦྱོང་བའི་མཆོག་ཡིན་ནོ། །མཐར་ནི་ལྷ་ཚོགས་རང་ལ་བསྟིམ། །བདེ་བར་གཤེགས་པ་དེ་རྣམས་དང་། །རང་ཉིད་དབྱེར་མེད་གྱུར་བསམས་ལ། །མ་ཡེངས་རང་གི་སེམས་ལ་བལྟ། །བཤགས་བྱ་བཤགས་བྱེད་བྲལ་བ་ཡི། །དོན་དམ་བཤགས་པའི་མཆོག་ཡིན་ནོ།། ༈ མདུན་གྱི་ནམ་མཁར་ངོ་བོ་ནི། རྒྱལ་བའི་དབང་པོ་ཉིད་ཡིན་ལ། །རྣམ་པ་ཤཱཀྱའི་སྐྱེས་མཆོག་ནི། །དམ་ཚིག་ཡེ་ཤེས་དབྱེར་མེད་བསྒོམ། །དེ་ནས་ཤཱཀྱ་ཐུབ་པ་ཡི། །སྐྱེས་རབས་དང་ནི་རྣམ་ཐར་སོགས། །ཡིད་ཀྱིས་

[Full Size]

ཡང་ཡང་དྲན་བྱས་ཏེ། །དང་པོ་བྱང་ཆུབ་ཐུགས་བསྐྱེད་ཅིང་། །གྲངས་མེད་གསུམ་དུ་ཚོགས་གཉིས་བསགས། །འཕོ་དང་ལྷུམས་ཞུགས་ལ་སོགས་པའི། །མཛད་པ་དེ་དང་དེ་མཛད་ཅེས། །ཡིད་ཀྱི་ཡུལ་དུ་རྩིས་བགྲང་ཞིང་། །ངག་ཏུ་སྐྱེས་རབས་སྡོམ་ཚིག་དང་། །མཛད་བཅུ་ལ་སོགས་འདོན་བྱ་ཞིང་། །མཐར་ནི་ཐུབ་དབང་རང་ལ་བསྟིམ། །འདི་ནི་གཏི་མུག་འདུལ་བའི་མཆོག །རྟེན་འབྲེལ་བསྒོམ་པའི་མན་ངག་ཡིན། །གཉིད་དང་བྱིང་རྨུགས་ཞི་བ་དང་། །ཤེས་རབ་ཆེ་སོགས་ཕན་ཡོན་འབྱུང་།། ༈ ཡང་ན་ནམ་མཁར་ཤཱཀ་ཐུབ་བསྒོམ། །སེམས་ནི་འཕྲོ་རྒོད་ཆེ་བ་ན། །སྐྱིལ་ཀྲུང་བསྣོལ་མཚམས་རིག་པ་གཏད། །སེམས་ནི་བྱིང་རྨུགས་འཐིབས་གྱུར་ན། །དཔྲལ་བའི་མཛོད་སྤུར་རིག་པ་ལ་གཏད། །བྱིང་རྒོད་མེད་ན་ཐུགས་ཀར་གཏད། །སེམས་ནི་གཞན་དུ་མི་འཕྲོ་བ། །ཐུབ་པའི་སྐུ་ལ་སེམས་གནས་ན། །དེ་ནི་ཐུན་མོང་ཞི་གནས་ཡིན། །འདི་ཡི་ཕན་ཡོན་མཐའ་ཡས་པ། །ཏིང་འཛིན་རྒྱལ་པོའི་མདོ་ལས་གསུངས། །དེ་ལྟར་ཡིད་ལ་བསྒོམ་བྱ་ཞིང་། །སེམས་བརྩེ་མ་ལ་སོགས་པ་ཡི། །ཐུབ་པའི་བསྟོད་པ་འདོན་སྒོམ་སྦྲག། ༈ ནམ་

[Full Size]

མཁར་ངོ་བོ་ཀརྨ་པ། །རྣམ་པ་ཐུབ་པའི་དབང་པོ་ལ། །ཉེ་སྲས་བརྒྱད་ཀྱིས་བསྐོར་བར་བསྒོམ། །སྤྱན་འདྲེན་ལ་སོགས་མི་དགོས་ཏེ། །གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །བདག་དང་ཚེ་འདས་ཡོན་བདག་སོགས། །སེམས་ཅན་ཀུན་གྱིས་རྩེ་གཅིག་ཏུ། །གསོལ་བ་མགྲིན་གཅིག་འདེབས་བསམ་ཞིང་། །གཙོ་རྒྱལ་མ་ཡི་གསོལ་འདེབས་བྱ། །ཐུབ་དབང་སྲས་བཅས་སྐུ་ལས་ནི། །འོད་ཟེར་ཁ་དོག་སྣ་ཚོགས་འཕྲོས། །རང་དང་ཚེ་འདས་ལ་སོགས་པའི། །སེམས་ཅན་ཀུན་ལ་ཐིམ་པ་ཡིས། །ལས་དང་ཉོན་མོངས་སྒྲིབ་པ་བསལ། །འཁོར་བའི་འཇིགས་ལས་སྐྱོབ་པར་བསྒོམ། །མཐར་ནི་ལྷ་ཚོགས་རང་ལ་བསྟིམ། །རང་གི་སེམས་ལ་ཚུར་བལྟས་པས། །ངོ་བོ་སྟོང་པ་ཆོས་ཀྱི་སྐུ། མ་འགགས་རང་གསལ་ལོངས་སྤྱོད་རྫོགས། །སྣ་ཚོགས་འགགས་མེད་སྤྲུལ་པའི་སྐུ། །དེ་གསུམ་དབྱེར་མེད་ངོ་བོ་ཉིད། །ཡར་ལ་རྒྱལ་བའི་ཐུགས་རྒྱུད་དང་། །མར་ལ་འགྲོ་དྲུག་སེམས་རྒྱུད་དང་། །རྣལ་འབྱོར་རང་གི་སེམས་ཉིད་གསུམ། །ཆོས་ཉིད་སྟོང་པའི་ངང་དུ་གཅིག །ལྟ་བ་འཁོར་འདས་དབྱེར་མེད་ཡིན།། ༈ མདུན་གྱི་ནམ་མཁར་

[Full Size]

རྒྱལ་བའི་དབང་། །ཐུགས་རྗེ་ཆེན་པོ་སྤྱན་རས་གཟིགས། །འགྲོ་འདུལ་ཁ་སར་པཱ་ཎི་བསྒོམ། །ཡང་ན་བདག་གཞན་ཐམས་ཅད་ཀྱི། །སྤྱི་བོར་རེ་རེ་བསྒོམ་ཡང་་ལེགས།བདག་དང་སེམས་ཅན་ཐམས་ཅད་ཀུན། །འཁོར་བའི་འཇིགས་པས་ཉམ་ཐག་ནས། །སྨྲེ་སྔགས་འོ་དོད་འབོད་བསམ་ཞིང་། །སྨྲེ་སྔགས་བསྟོད་པ་འདོན་པར་བྱ། །སྐུ་ལས་བདུད་རྩིའི་རྒྱུན་བབས་ནས། །སྤྱི་བོ་ཚངས་པའི་བུག་ནས་ཞུགས། །སྡིག་སྒྲིབ་ནད་གདོན་ཐམས་ཅད་ནི། །དུད་ཁུ་ལྟ་བུར་ས་འོག་སོང་། །ལས་ཀྱི་གཤིན་རྗེས་འཐུང་བས་ཚིམ། །དུས་མིན་འཆི་བའི་བར་ཆད་ཞི། །བདག་ལུས་བདུད་རྩིས་ལྟེམས་སེ་གང་། །ཐུགས་རྗེ་ཆེན་པོ་འོད་དུ་ཞུ། །བདག་གཞན་ཀུན་ལ་ཐིམ་པར་བསྒོམ། །རང་རིག་ཡེ་ཤེས་སྤྱན་རས་གཟིགས། །རང་གི་སེམས་ལ་གཟིགས་མོ་བྱ། །གསལ་སྟོང་རང་རིག་རྗེན་པར་མཐོང་། །དོན་དམ་ཆོས་སྐུ་སྤྱན་རས་གཟིགས། །མཐོང་བ་མེད་པའི་ཚུལ་དུ་མཐོང་། །འདི་ཉིད་རྙིང་མའི་རྒྱུད་ཚིག་སྟེ། །གསར་མའི་ལུགས་ལ་རྒྱ་གཞུང་འདོད། །རྒྱུད་དང་རྒྱ་གཞུང་གཉིས་ཀའི་ཕྱིར། །བྱིན་རླབས་ཤིན་ཏུ་ཆེ་བ་ཡིན།། ༈ མདུན་གྱི་ནམ་

[Full Size]

མཁར་སྤྱན་རས་གཟིགས། །ཆ་ལུགས་ཞལ་ཕྱག་གང་འདོད་བསྒོམ། །དེ་མདུན་ངག་གི་ཉེས་བྱས་བཤགས། །སེམས་ཅན་ཀུན་གྱི་ངག་སྒྲིབ་རྣམས། །ཐམས་ཅད་རང་ལ་ཐིམ་པར་བསྒོམ། །དེ་ཡི་ནུས་པས་རང་གི་ངག །རྡོ་རྗེའི་ལྗགས་སུ་གྱུར་པར་བསྒོམ། །ནམ་ཞིག་བྱང་ཆུབ་ཐོབ་པའི་ཚེ། །འགྲོ་བ་ཀུན་ལ་ཆོས་སྟོན་པར། །ཤོག་ཅིག་སྙམ་པ་ཡིད་ལ་བསྒོམ། །ཀྱེ་ལགས་མ་ཡི་སྨྲེ་སྔགས་འདོན། །སེམས་བསྐྱེད་ལན་གཅིག་ཐོབ་པ་ལའང་། །སྐུར་བ་བཏབ་ན་དམྱལ་བ་རུ། །ལྕེ་ལ་གླང་དོར་ལྔ་བརྒྱས་རྨོ། །དགོན་སྡེའི་ཕྱོགས་སུ་འདུག་པ་ལ། །གྲུ་རོགས་གྲོགས་མཆེད་ལ་སོགས་ལ། །གཤེ་སྐུར་མི་འཆོར་དཀའ་བའི་ཕྱིར། །བཤགས་པ་འདི་ཡང་གནད་ཆེན་ཡིན།། ༈ མདུན་གྱི་ནམ་མཁར་འཛམ་དཔལ་དབྱངས། །མཆོག་གི་སྤྲུལ་སྐུ་དབྱེར་མེད་པ། །དམར་སེར་རལ་གྲི་པོ་ཏི་འཛིན། །གསལ་བར་བསྒོམས་པའི་གནས་ལྔ་ནས། །འོད་ཟེར་ཁ་དོག་རྣམ་ལྔ་འཕྲོས། །།བདག་དང་སེམས་ཅན་ཀུན་ལ་ཕོག །དུག་ལྔའི་སྒྲིབ་པ་བསལ་ནས་ཀྱང་། །ཡེ་ཤེས་ལྔ་པོ་རྒྱས་པར་བསྒོམ། །གང་གི་བློ་གྲོས་མ་དང་ནི། །ཤེས་བྱའི་མཁའ་དབྱིངས་མ་སོགས་འདོན། །

[Full Size]

མཐར་ནི་འཇམ་དབྱངས་རང་ལ་བསྟིམ། །རང་གི་སེམས་ལ་ཧྲིག་གེར་བལྟ། །རྣམ་རྟོག་ཉོན་མོངས་སྦྱོར་རྩུབ་འཇོམས། །ཡེ་ཤེས་ལྔ་ཡི་དཔལ་འབྱོར་རྒྱས། །རང་སེམས་བསྒྲེས་རྒུད་སྐྱེ་འཆི་བྲལ། །དོན་དམ་འཇམ་དཔལ་གཞོན་ནུ་ནི། །རང་སེམས་ཡིན་ནོ་སྐལ་ལྡན་ཀྱེ།། ༈ མདུན་དུ་པདྨའི་སྡོང་པོ་ནི། །འདབ་མ་ཉི་ཤུ་ཡོད་པར་བསྒོམ། །པོ་ཊ་ལ་ནས་སྒྲོལ་སྔོན་ལ། །སྒྲོལ་མ་ཉི་ཤུས་བསྐོར་བ་ནི། །སྐད་ཅིག་ཙམ་ལ་སྤྱན་དྲངས་ཏེ། །པདྨའི་ལྟེ་བར་སེང་ལྡེང་སྒྲོལ། །འདབ་མར་སྒྲོལ་མ་གཞན་རྣམས་བཞུགས། །དེ་ལ་ཡན་ལག་བདུན་མ་འབུལ། །བདག་དང་སེམས་ཅན་ཐམས་ཅད་དང་། །ཁྱད་པར་རང་དང་བསྲུང་བྱ་རྣམས། །སྒོ་གསུམ་གུས་པས་ཕྱག་འཚལ་བསྒོམ། །ཕྱག་འཚལ་ཉེར་གཅིག་ཚར་གསུམ་མམ། །བདུན་ནམ་ཉེར་གཅིག་ཚར་གཅིག་སོགས། །དལ་ཁོམ་བསྟན་ལ་འདོན་བྱ་ཞིང་། །དེ་ཡི་ཕན་ཡོན་རྣམ་སྣང་གིས། །གསུངས་པའི་དོན་ཡང་དྲན་བྱ་ཞིང་། །ལྷ་མོ་ལ་གུས་ལ་སོགས་བརྗོད། །མཐར་ནི་སྒྲོལ་མ་གཙོ་འཁོར་རྣམས། །རང་དང་བསྲུང་བྱ་རྣམས་ལ་བསྟིམ། །དེ་ནས་རང་གི་སེམས་ལ་བལྟ། །བལྟས་པས་མི་

[Full Size]

མཐོང་དངོས་པོ་མེད། །སྟོང་པ་ཉིད་ཅེས་དེ་ལ་བརྗོད། །རང་གི་སེམས་ལ་གསལ་ན་ཡང་། །ངག་ཏུ་དེ་དོན་བརྗོད་མི་ཤེས། །སྨྲ་བསམ་བརྗོད་མེད་ཅེས་བྱའོ། །དེ་ཤེས་ཤེས་བྱ་ཀུན་གྱི་རབ། །ཤེས་རབ་ཕ་རོལ་ཕྱིན་མ་ཟེར། །རྒྱལ་ཡུམ་སྒྲོལ་མའང་དེ་ཡིན་ནོ།། ༈ མདུན་གྱི་ནམ་མཁར་པད་ཟླའི་སྟེང་། །སྒྲོལ་མ་དཀར་མོ་གཞུང་ལྟར་བསྐྱེད། །རང་དང་བསྲུང་བྱ་ཡོན་བདག་དང་། །ནད་པ་ལ་སོགས་ཐམས་ཅད་ཀྱི། །ཐད་ཀྱི་ནམ་མཁར་རེ་རེ་བསྒོམ། །སྒྲོལ་དཀར་བསྟོད་པ་འདོན་བྱ་ཞིང་། །ཕྱག་གཡས་མཆོག་སྦྱིན་མཐིལ་ནས་ནི། །བདུད་རྩི་འོ་རྒྱུན་ལྟ་བུར་བབས། །བདག་དང་བསྲུང་བྱ་ཐམས་ཅད་ཀྱི། །ནད་གདོན་སྡིག་སྒྲིབ་བར་ཆད་དག །ཚེ་དང་བསོད་ནམས་ཡེ་ཤེས་ཀྱི། །ངོ་བོ་བདུད་རྩིས་ལུས་གང་བསྒོམ། །མཐར་ནི་སྒྲོལ་མ་རང་ལ་བསྟིམ། །བསྲུང་བྱ་རྣམས་ལ་སོ་སོར་བསྟིམ། །བར་ཆད་ཞི་ཞིང་བཀྲ་ཤིས་པ། །སྲུང་བ་ཀུན་གྱི་མཆོག་ཡིན་ནོ། །རང་སེམས་སྐྱེ་འཆི་བསྒྲེས་རྒུད་མེད། །དེ་ཡི་དོན་ལ་མཉམ་བཞག་ན། །འཇིག་རྟེན་འཇིག་རྟེན་འདས་པ་ཡི། །དཔལ་དང་བསོད་ནམས་ཐམས་ཅད་འཕེལ། །འདི་ནི་རྒྱུན་དུ་ཉམས་སུ་ལོངས། །

[Full Size]

༈ ས་ཕྱོགས་དག་པའི་ཞིང་ཁམས་དབུས། །སེང་ཁྲི་པདྨ་ཉི་ཟླ་བསྒོམ། །སྤྱན་འདྲེན་གཞུང་གི་ཚིག་བརྗོད་པས། །ཐུབ་དབང་གནས་བརྟན་འཁོར་དང་བཅས། །བྱོན་ཏེ་གཙོ་འཁོར་འཚམས་པར་བཞུགས། །དེ་མདུན་རང་གི་ལུས་གཅིག་ལ། །ཞིང་རྡུལ་གྲངས་རྙེད་ལུས་སྤྲུལ་ནས། །འཁོར་བཅས་སོ་སོར་ཕྱག་འཚལ་བསྒོམ། །ཐུབ་པ་གནས་བརྟན་འཁོར་བཅས་ལས། །འོད་ཟེར་སྣ་ཚོགས་འཇིག་རྟེན་གང་། །ཐུབ་པ་མཆོག་དང་ཁྱད་པར་དུ། །ཀཾ་ཚང་བསྟན་པ་རྒྱས་པར་བྱས། །དེ་བསྒོམ་མུ་ནེ་ཕྲེང་སྐོར་འདོན། །མཐར་ནི་འཁོར་ཚོགས་གཙོ་ལ་ཐིམ། །གཙོ་བོ་རང་ལ་ཐིམ་པའམ། །ཡང་ན་རྟེན་ལ་ཐིམ་པར་བསྒོམ། །།དེ་ནས་ལྟ་བའི་ངང་ལ་བཞག །ལྟ་བ་འདོད་ལུགས་མང་ན་ཡང་། །སེམས་ཀྱིས་སེམས་ལ་ལྟ་བ་དེ། །དྭགས་བརྒྱུད་ལུགས་ཀྱི་ལྟ་བ་ཡིན། །འདུལ་བའི་ཞི་གནས་གསོ་སྦྱོང་ཡང་། །དེ་ཉིད་ལ་ནི་འདུས་པ་སྟེ། །ཉེས་ལྟུང་ཕྲ་མོ་ཐམས་ཅད་དག །རང་ཉིད་ཆོས་མགོ་ཐོན་པ་དང་། །རྒྱལ་བའི་བསྟན་པའི་རིམ་གྲོར་འགྱུར། །དེ་ཕྱིར་ཆོས་སྡེ་ཐམས་ཅད་དུ། །འདི་ལ་འཚོགས་འདོན་བྱེད་པ་ཡིན།། ༈ མཆོད་པ་

[Full Size]

འབུལ་ཚེ་མདུན་གྱི་མཁར། །རྒྱལ་བའི་དབང་པོ་རབ་བཅུ་དང་། །ཞྭ་དམར་རབ་དྲུག་ལ་སོགས་བསྒོམ། །ཇ་དེ་བདུད་རྩིའི་རྒྱ་མཚོ་ལ། །རང་ལས་སྤྲུལ་པའི་མཆོད་པའི་་ཚོགས། །ལྷ་མོ་དཔག་ཏུ་མེད་པ་ཡིས། །ཡེ་ཤེས་ཀ་པཱ་ལ་ཐོགས་ཏེ། །བདུད་རྩི་བཅུས་ཤིང་མཆོད་པར་དམིགས། །དྲུག་སེང་གར་དབང་མ་སོགས་འདོན། །དེ་ནི་ཕྱི་ཡི་ཇ་མཆོད་ཡིན། །རང་ཉིད་ཕག་མོར་བསྒོམ་པ་ནི། །སྙིང་ཁར་སངས་རྒྱས་ཀུན་འདུས་པ། །ཀརྨ་པ་ཉིད་གསལ་བར་བསྒོམ། །ཞལ་བུ་ཡེ་ཤེས་ཀ་པཱ་ལར། །ཇ་ནི་ཟག་མེད་བདུད་རྩི་མཚོ། །ལག་པ་དགང་གཟར་བླུགས་གཟར་ཚུལ། །ཁ་ནི་མེ་ཐབ་ལྕེ་མེ་ལྕེ། །མེ་ལྷ་རྒྱལ་བ་མཆོག་ཉིད་ལ། །སྦྱིན་སྲེག་འབུལ་བའི་དམིགས་པར་བཅས། །ངེས་འབྱུང་ལ་སོགས་ཇ་མཆོད་འདོན། །དམིགས་པ་བསྒོམ་ཞིང་འཐུང་བ་སྟེ། །ཟས་གཞན་ཟ་དུས་དེ་ལྟར་བསྒོམ། །ཅི་ཟ་ཅི་འཐུང་བསོད་ནམས་འཕེལ། །དང་པོ་དམིགས་པ་ཐུན་གཅིག་བསྒོམ། །དེ་ནས་སེམས་ངོ་སྐྱོང་བཞིན་དུ། །ཟ་འཐུང་གང་དང་གང་བྱས་པ། །ཟ་འཐུང་ཚོགས་ཀྱི་འཁོར་ལོ་ཡིན།། ༈ མར་པ་མི་ལ་དྭགས་པོ་དང་། །ཇོ་བོ་རྔོག་ལོ་

[Full Size]

མཉན་པ་དང་། །ཡབ་སྲས་ན་རིམ་སོ་སོ་ཡི། །བསྟོད་པ་འདོན་པ་དེ་ཡི་ཚེ། །རང་ཉིད་ཕག་མོར་གསལ་བ་ཡི། །སྤྱི་བོར་གང་ཡིན་བླ་མ་བསྒོམ། །ཡེ་ཤེས་དམ་ཚིག་དབྱེར་མེད་པ། །དྲན་པ་ཙམ་གྱིས་རྫོགས་པ་སྟེ། །སྤྱན་འདྲེན་ལ་སོགས་མི་དགོས་སོ། །དེ་ནས་སོ་སོར་གསོལ་འདེབས་བྱ། །མཐར་ནི་བླ་མ་རང་ལ་བསྟིམ། །ཉམས་རྟོགས་སྐྱེ་དང་འཕེལ་བའི་ཐབས། །འདི་ལས་ཟབ་པ་ཡོད་མ་ཡིན།། ༈ དེ་བཞིན་སྤྱི་གཙུག་ནམ་མཁའ་ལ། །བཀའ་བཞི་བརྒྱུད་པའི་བླ་མ་སོགས། །རྩ་བརྒྱུད་བླ་མ་ཐམས་ཅད་ནི། །ཁྲོམ་ཚོགས་ལྟ་བུར་བསྒོམ་པ་ཡི། །གཙོ་བོ་ཡབ་སྲས་གང་མོས་བསྒོམ། །བཀའ་བཞི་བརྒྱུད་པའི་གསོལ་འདེབས་འདོན། །མཐར་ནི་བླ་མ་རང་ལ་བསྟིམ། ༈ །རང་ཉིད་ཕག་མོའི་དབུ་གཙུག་ན། །རྒྱལ་དབང་བཅུ་པ་གསལ་བར་བསྐྱེད། །དེ་ཡི་དབུ་གཙུག་ནམ་མཁའ་ལ། །ཟུང་འཇུག་བརྒྱུད་པའི་བླ་མའམ། །ཕྱག་ཆེན་བརྒྱུད་པའི་བླ་མའམ། །ཆོས་དྲུག་བརྒྱུད་པའི་བླ་མའམ། །བློ་སྦྱོང་བརྒྱུད་པའི་བླ་མ་རྣམས། །གང་འདོད་ཐོ་བརྩེགས་ཚུལ་དུ་ནི། །མུ་ཏིག་སྟར་ལ་བརྒྱུས་ལྟར་བསྒོམ། །ཟུང་འཇུག་མ་དང་དངོས་

[Full Size]

ཀུན་མ། །བདེ་སྟོང་མའམ་མཚུངས་མེད་མ། །སོ་སོར་བརྒྱུད་རིམ་གསོལ་འདེབས་བྱ། །མཐར་ནི་ཡས་རིམ་འོད་དུ་ཞུ། །ཐམས་ཅད་རྒྱལ་དབང་ཉིད་ལ་ཐིམ། །དེ་ཉིད་རང་ལ།ཐིམ་གྱུར་ནས། །དབང་དང་བྱིན་རླབས་དངོས་གྲུབ་རྣམས། །གཅིག་ཆར་ཉིད་དུ་ཐོབ་པར་བསྒོམ། །འདི་ནི་དམིགས་རིམ་བསྡུས་པ་ཡིན། །རྒྱས་པར་དབང་བཞི་ལེན་ལུགས་ཡང་། །རང་ཉིད་ཕག་མོའི་དབུ་གཙུག་ན། །རྒྱལ་དབང་རིམ་པ་བཅུ་པོ་ནི། །ཐོ་བརྩེགས་ཚུལ་དུ་བསྒོམས་བྱས་ལ། །མ་འོངས་སངས་རྒྱས་མ་འདོན་ཞིང་། །སྐུ་ལས་བདུད་རྩིའི་རྒྱུན་བབས་པས། །རང་གི་ཚངས་བུག་ནས་ཞུགས་ཏེ། །ལུས་ཀྱི་གནས་བཞི་རིམ་པར་གང་། །སྒྲིབ་པ་བཞི་དག་དབང་བཞི་ཐོབ། །སྐུ་བཞི་མངོན་དུ་བྱེད་པར་བསྒོམ། །༈ རང་ཉིད་ཡི་དམ་སྤྱི་བོ་ནས། །ཞྭ་དམར་རབ་བདུན་ཐོ་བརྩེགས་བསྒོམ། །མཁའ་ཁྱབ་མ་སོགས་གསོལ་འདེབས་བྱ། །སྐུ་ལས་འོད་ཟེར་དཀར་དམར་མཐིང་། །ལྗང་སེར་བཞི་འཕྲོས་རང་ཉིད་ཀྱི། །སྤྱི་མགྲིན་སྙིང་ལྟེ་བཞིར་ཐིམ་པས། །སྒྲིབ་བཞི་དག་ཅིང་དབང་བཞི་ཐོབ། །སྐུ་བཞི་ས་བོན་ཐོབ་པར་བསྒོམ། །མཐར་ནི་དེ་རྣམས་འོད་དུ་ཞུ། །ཇི་

[Full Size]

ལྟར་ཆུ་ལ་ཆུ་བཞག་ལྟར། །རང་དང་དབྱེར་མེད་གཅིག་པར་བསྒོམ། །དེ་ལྟར་སྒོམ་མཁན་སེམས་ཡིན་པས། །སེམས་ལ་མ་ཡེངས་བལྟས་ཙ་ན། །བླ་མའི་ཐུགས་དང་རང་གི་སེམས། །དབྱེར་མེད་ཆོས་ཀྱི་དབྱིངས་སུ་གཅིག །བླ་མ་དང་ནི་སངས་རྒྱས་དང་། །སྣང་སྲིད་འཁོར་འདས་ཐམས་ཅད་ཀུན། །སེམས་ལས་གཞན་དུ་གྲུབ་པ་མེད། །ཐུགས་ཡིད་གཅིག་ཏུ་འདྲེས་པའི་ཐབས། །བླ་མ་ཆོས་སྐུའི་མོས་གུས་ཏེ། །མོས་གུས་ཕྱག་རྒྱ་ཆེན་པོ་ཡིན། །དེ་ཕྱིར་ཆོས་སྤྱོད་རབ་གསལ་ལ། །གསོལ་འདེབས་མང་བ་དེ་ལྟར་རོ།། ༈ རང་ཉིད་ཐ་མལ་སྤྱི་གཙུག་ཏུ། །ཡབ་སྲས་ཐུབ་དབང་དབྱེར་མེད་པ། །རྒྱན་དྲུག་མཆོག་གཉིས་བསྐོར་བར་བསྒོམ། །ཚོགས་གཉིས་ཆུ་གཏེར་མ་འདོན་ཞིང་། །མཐར་ནི་རང་ལ་བསྟིམ་པ་ཡིས། །ཡོན་ཏན་འགོས་ཤིང་ཤེས་རབ་འཕེལ།། ༈ གུང་ཚིགས་བྱེད་པའི་ཚེ་ན་ཡང་། །དཀོན་མཆོག་གསུམ་གྱི་ཡོན་ཏན་རྣམས། །ཐམས་ཅད་ཡིད་ལ་དྲན་བྱ་ཞིང་། །ཐུབ་དབང་སངས་རྒྱས་མ་སྔ་ན། །འཁོར་ལོས་སྒྱུར་རྒྱལ་ལྔ་བརྒྱ་རུ། །སྐྱེ་རྒྱུ་བསོད་ནམས་ལུས་ཡོད་པ། །རབ་བྱུང་ཀུན་གྱི་འཚོ་བའི་ཕྱིར། །སྟོན་པས་

[Full Size]

བསྔོ་བར་མཛད་པའི་ཕྱིར། །མུ་ཏིག་བྲེ་ནི་རེ་རེ་ཡིས། །འབྲས་བྲེ་གང་ལས་མ་ཁུག་ཀྱང་། །རབ་བྱུང་འཚོ་བས་མི་ཕོངས་གསུངས། །དེ་སོགས་དྲིན་ལས་དྲན་བྱས་ལ། །དཀོན་མཆོག་རྗེས་དྲན་འདོན་བྱ་ཞིང་། །སྟོན་པ་ལ་སོགས་དཀོན་མཆོག་ལ། །སྔགས་དང་བཅས་པས་ཕུད་མཆོད་འབུལ། །འཕྲོག་མ་སོགས་ལ་ཆངས་བུ་ཡང་། །གུང་ཚིགས་དུས་སུ་མ་ཆག་ན། །ནོར་སྒྲུབ་མཆོག་ཏུ་འགྱུར་བ་ཡིན། །རྗེས་སུ་དཀོར་སྦྱོང་གཟུངས་དང་ནི། །བསྔོ་བ་གཞུང་ལྟར་བྱས་པས་ན། །རི་རབ་ཙམ་གྱི་དཀོར་ཡང་འཇུ། ༈ མདོ་སྒྲུབ་དམིགས་པ་གྲངས་མང་ཡང་། །རང་ཉིད་ཤཱཀྱ་ཐུབ་པ་ལ། །དགྲ་བཅོམ་ལྔ་བརྒྱས་བསྐོར་བར་བསྒོམ། །ཐུགས་ཀར་ཟླ་སྟེང་བོ་ཡིག་ལ། །ཤེར་སྙིང་མདོ་དང་སྙིང་པོས་བསྐོར། །དེ་ལས་འོད་འཕྲོས་སྣོད་བཅུད་ཀུན། །སྒྱུ་མ་རྨི་ལམ་ལྟ་བུར་གྱུར། །དེ་ནས་རང་སེམས་ངོ་བོར་བལྟ། །ཟབ་དོན་ཡིད་ལ་བསམ་པ་ཡིན། །ཐལ་མོ་རྡེབ་པའི་དུས་དེ་ལ། །དགྲ་བཅོམ་ལྔ་བརྒྱ་ཐམས་ཅད་ཀྱིས། །སྣམ་སྦྱར་ཕྱོགས་གཅིག་ཏུ་བརྡབས་པས། །བར་ཆད་བགེགས་ཀུན་བཟློག་པར་བསྒོམ།། ༈ རང་ཉིད་སེང་གདོང་ལྷ་མོ་བསྒོམ། །ཕྱག་

[Full Size]

གཉིས་ཉི་མ་ཟླ་བ་བསྣམས། །དེ་གཉིས་བརྡབས་པས་གནོད་བྱེད་རྣམས། །ཐལ་བ་རྡུལ་དུ་བརླག་པར་བསྒོམ།། ༈་རང་ཉིད་ཕག་མོའི་སྤྱི་གཙུག་ན། །རྩ་བའི་བླ་མ་སི་ཏུ་པ། །ཚེ་དཔག་མེད་པའི་སྐུ་རུ་བསྒོམ། །དེ་ཡི་དབུ་གཙུག་བཀའ་བརྒྱུད་རྣམས། །ཕྱག་རྣམས་གཡས་པས་སྐྱབས་སྦྱིན་དང་། །གཡོན་པས་ཚེ་ཡི་བུམ་པ་འཛིན། །ཚེ་བུམ་བདུད་རྩིའི་རྒྱུན་བབས་པས། །ཚངས་བུག་ནས་ཞུགས་ལུས་གང་བསྒོམ། །མཐར་ནི་ཐམས་ཅད་སི་ཏུར་ཐིམ། །དེ་ཉིད་འོད་ཞུ་རང་ཐིམ་བསྒོམ། །ནད་པ་ལ་སོགས་དོན་ཡིན་ན། །དེ་ཡི་སྤྱི་བོར་དེ་ལྟར་བསྒོམ། །བདུད་རྩི་བབས་དང་བསྟིམ་སོགས་བྱ། །ཐམས་ཅད་སྐྱབས་འཇུག་མཆོག་ཏུ་འགྱུར། །མཐར་ནི་སྐྱེ་འཆི་མེད་པའི་དོན། །རང་སེམས་ངོ་བོ་རྗེན་པར་སྐྱོང་། །སྨོན་ལམ་རིགས་ནི་གང་འདོན་ཀྱང་། །རིག་པ་གཞན་དུ་མ་ཡེངས་པར། །དེ་དང་དེ་ལྟར་འགྱུར་བར་ཤོག །སྙམ་དུ་འདུན་པ་རྩེ་གཅིག་བྱ། །དེ་ལྟར་ཆོས་སྤྱོད་ཧྲག་བསྡུས་ཀྱི། །དམིགས་རིམ་མདོར་བསྡུས་བྲིས་པ་ཡིན། །རྒྱས་པར་བྱས་ན་མཐའ་ཡས་ཏེ། །དམ་ཆོས་ཀུན་གྱི་གནད་འགག་རྣམས། །ཆོས་སྤྱོད་རབ་གསལ་འདི་ལ་

[Full Size]

ཚང་། །དེ་ཕྱིར་དགེ་འདུན་ཐམས་ཅད་ཀྱིས། །ཉམས་ལེན་གཙོ་བོ་འདི་ལ་མཛོད། །འཕྲལ་དུ་ཡིད་ལ་གང་ཤར་ཙམ། །དབོན་པོ་ཀརྨ་འགྲོ་དོན་གྱི། །ཐུགས་ལ་ཕན་པར་བྱ་བའི་ཕྱིར། །དགེ་སློང་རཱ་ག་ཨ་སྱས་བྲིས། །བློ་གསལ་ཉམས་ལེན་འདོད་པ་ཡི། །གཉོམ་ཆུང་གཞན་ལ་ཕན་པར་ཤོག །ཅེས་པ་མེ་སྤྲེལ་ཁྲུམས་ཟླ་ཡི། །བཅོ་བརྒྱད་ཉིན་པར་བྲིས་པ་དགེ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྔོན་འགྲོ་བསྡུས་པ།

[Full Size]

སྔོན་འགྲོ་བསྡུས་པ༔ དཀོན་མཆོག་ཀུན་འདུས་པདྨ་འབྱུང་གནས་ལ༔ དེང་ནས་བཟུང་སྟེ་རྟག་ཏུ་སྐྱབས་སུ་མཆི༔ ནད་གདོན་འཁོར་བའི་འཇིགས་ལས་བསྐྱབ་ཏུ་གསོལ༔ འགྲོ་བ་མ་ལུས་སངས་རྒྱས་ཐོབ་པའི་ཕྱིར༔ བདག་གིས་པདྨ་འབྱུང་གནས་བསྒྲུབ་པར་བྱ༔ རཾ་ཡཾ་ཁཾ་གིས་མི་གཙང་དྲི་མ་སྦྱངས༔ ཐོད་པའི་སྣོད་དུ་སྨན་གཏོར་རཀྟ་དང་༔ ཕྱི་ནང་གསང་བའི་མཆོད་སྤྲིན་ཟད་མེད་པ༔ ཨོཾ་ཨཱཿ ཧཱུྃ་གིས་ཟག་མེད་བདུད་རྩིར་བསྒྱུར། རྩ་བ་གསུམ་གྱི་ལྷ་ཚོགས་མཉེས་བྱེད་གྱུར༔ ཨོཾ་ཧཱུཾ་ཏུཾ་ཧཱིཝཨཱཿ དེ་ནས་ལྕོག་རྡོག་དང་ཆངས་བུ་བྲན་ལ། ཨ༔ སྟོང་པའི་ངང་ལས་རིན་ཆེན་སྣོད་ནང་དུ༔ དཀར་གསུམ་བདུད་རྩིའི་རྒྱ་མཚོ་ཟད་མེད་པ༔ འདོད་པའི་ཡོན་ཏན་ལྔ་དང་ལྡན་པར་གྱུར། ས་ཆ་ཡུལ་རིས་འདིར་གནས་གཞི་བདག་དང་༔ གནོད་ཅིང་འཚེ་བའི་གདོན་བགེགས་ལོག་འདྲེན་རྣམས༔ དཀོན་མཆོག་གསུམ་གྱི་བདེན་པས་འདིར་ཁུག་ཅིག༔ ཊཱ་ཀི་ཧཱུྃ་ཛ༔ ཨོ་བྷུ་མི་པཱཏི་ཨི་དཾ་བ་ལིཾ་ཏ་ཁ་ཁ་ཁཱ་ཧྲཱིཿ སརྦ་བིགྷ་ནཱན་ཨི་དཾ་བ་ལིཾ་ཏ་ཁ་ཁ་ཁཱ་ཧྲཱིཿ སྔགས་དེ་ལན་གསུམ། ཡུལ་ལྷ་གཞི་བདག་ས་བདག་འཁོར་བཅས་རྣམས་དཀར་གསུམ་ཕུད་ཀྱི་

[Full Size]

གཏོར་མ་འདི་བཞེས་ལ༔ བདག་གིས་གསང་སྔགས་བསྙེན་སྒྲུབ་བྱེད་པ་ལ༔ ཀོང་ལོང་རུ་ང་ཕྲག་དོག་མ་མཛད་པར༔ རྒྱབ་རྟེན་མཐུན་རྐྱེན་རོགས་དན་མཛད་དུ་གསོལ༔ གནོད་ཅིང་འཚེ་བའི་བགེགས་རིགས་དམ་སྲི་རྣམས༔ དཀར་གསུམ་ལྷག་མའི་གཏོར་མ་འདི་ཁྱེར་ལ༔ བུ་ལོན་ཤ་འཁོན་ལན་ཆགས་བྱང་བར་གྱིས༔ ཕྱིན་ཆད་གནོད་ཅིང་འཚེ་བའི་སེམས་སྤོངས་ལ༔ གནས་འདིར་མ་འདུག་གཞན་དུ་འགྲོ་བར་གྱིས༔ གལ་ཏེ་མི་འགྲོ་བཀའ་ལས་འདའ་བྱེད་ན༔ དབང་དྲག་པདྨ་འཁྲོས་པའི་མཐུ་སྟོབས་ཀྱིས༔ བཀའ་འདིས་རྡུལ་ཕྲན་བཞིན་དུ་བརླག་གྱུར་ཅིག༔ སརྦ་བྷ་ཏ་གཙྩ༔ གཙྩ༔ ཞེས་བརྗོད་ལ་གཏོར་མ་ཕྱིར་རོལ་དོར་རོ༔ ཞེས་ཨ་རཱ་གས་འབུམ་ལུའི་དོན་དུ་བྲིས་སོ། །ཕྱག་བྲིས་ངོ་མ་ལས་ཞལ་བཤུས་སོ། །སརྦ་མངྒ་ལཾ།། །།

གསང་སྔགས་གསར་རྙིང་སྤྱི་མཚམས་ལ་མཁོ་བའི་ཞལ་ཤེས་ཟིན་བྲིས།

[Full Size]

གསང་སྔགས་གསར་རྙིང་སྤྱི་མཚམས་ལ་མཁོ་བའི་ཞལ་ཤེས་ཟིན་བྲིས་བཞུགས་སོ། །

[Full Size]

ན་མོ་གུ་རུ་ཨ་ནནྟ་བི་ཛ་ཡེ། བྱིན་རླབས་ཀྱི་རྩ་བ་བླ་མ། དངོས་གྲུབ་ཀྱི་རྩ་བ་ཡི་དམ། ཕྲིན་ལས་ཀྱི་རྩ་བ་མཁའ་འགྲོ་སྟེ། དེ་གསུམ་ལ་རྩ་བ་གསུམ་ཟེར། དེ་དག་གི་བདག་མདུན་བུམ་སོགས་ཆོ་ག་ཆ་ཚང་མ་རེ་ལ་གསར་མ་རྣམས་ཀྱིས་ཆོ་ག་ཟེར། རྙིང་མ་རྣམས་ཀྱིས་ལས་བྱང་ཟེར། ཆོས་སྐྱོང་གི་མངོན་རྟོགས་ཚང་མ་རེ་ལ། གསར་མ་བས་གཏོར་ཆོག་ཟེར། རྙིང་མ་བས་གཏོར་བསྔོས་ཟེར། དེའི་འདོན་ལུགས་རྒྱ་གར་གྱི་ལུགས་དང་། བོད་དུ་གྲྭ་ས་ཆེན་པོའི་ལུགས་དང་། ཡི་དམ་གང་ཡིན་ཞིག་གི་ཆོ་ག་དང་། དེ་དང་འབྲེལ་བའི་ཆོས་སྐྱོང་གཅིག་གི་ཆོ་ག་ཚང་

[Full Size]

མ་མ་གཏོགས་འདོན་སྲོལ་མེད། དེ་ཡི་རྗེས་ཆོག་མ་ཚར་གྱི་བར་དུ་གཞན་མི་བསྲེ་བ་ཡིན། ལྷ་གཅིག་གི་བསྙེན་སྒྲུབ་དུས་ཀྱང་དེ་དང་འདྲ། ཐུན་མཚམས་སུ་གཞན་ཐུགས་དམ་རྣམས་ཀྱང་བྱ་བ་ཡིན་ནོ། ༈ །སྐུ་རིམ་བསྐང་གསོ་ལ་སོགས་ལ་དང་པོ་རྩ་བའི་ཡི་དམ་ཞིག་ལ་ཁོག་ཕུབ། དེ་ནས་ཡི་དམ་ཆོས་སྐྱོང་མང་པོ་འདོན་པ་ཡིན་ཏེ། དེ་ནས་ཨུ་རྒྱན་རིན་པོ་ཆེའི་ཞལ་ནས། རྒྱལ་བ་གཅིག་གི་དཀྱིལ་འཁོར་དུ། །རྒྱལ་བ་ཀུན་གྱི་ལས་གཞུང་བསྲངས། །བདེ་གཤེགས་གཅིག་སྒྲུབ་དེ་ཡི་ངང་། །ཞེས་གསུངས་པའི་དོན་ཏེ། འདི་ལ་འདོན་ལུགས་གཉིས་ལས།

[Full Size]

བདག་བསྐྱེད་སྐད་ཅིག་གིས་གནས་གྱུར་ནས་བསྒོམ་ཞིང་། མདུན་བསྐྱེད་རྣམས་གྲལ་རིམ་དུ་བསྒོམ་པ་དེ་ནི་བསྐྱེད་རིམ་མ་འབྱོངས་བའི་དབང་དུ་ཡིན་ལ། བསྐྱེད་རིམ་འབྱོངས་ན། བདག་བསྐྱེད་མང་པོ་མདུན་བསྐྱེད་མང་པོ་བསྒོམ་ཆོག་པ་སྟེ། དེ་ཡང་རྒྱུན་ཁྱེར་ལ་བདག་བསྐྱེད་གཙོ་ཆེ། །བདག་བསྐྱེད་ཀྱི་སྲུང་འཁོར་ནང་དུ་མདུན་བསྐྱེད་ཚུད་པར་བསྒོམ། སྒྲུབ་པའི་དུས་མདུན་དུ་དཀྱིལ་འཁོར་ཡོད་ན་མདུན་བསྐྱེད་ཀྱི་སྲུང་འཁོར་ནང་དུ་བདག་བསྐྱེད་ཚུད་པར་བསྒོམ། དེ་ཡང་བདག་བསྐྱེད་གཙོ་ཆེ་དུས། བདག་བསྐྱེད་དཀྱིལ་འཁོར་ཤར་ངོས་ཀྱི་ཕྱི༔ དུར་ཁྲོད་དང་པད་རའི་ནང་གི་བར་དེར་མདུན་བསྐྱེད་ཀྱི་དཀྱིལ་འཁོར་རྣམས་དང་ཆོས་སྐྱོང་རྣམས་བསྒོམ། རྩ་བའི་ཡི་དམ་བདག་བསྐྱེད་ཡིན་ཚུགས་ལ་བདག་བསྐྱེད་མི་བསྡུ་བར་གཙོ་བོའི་དཀྱིལ་འཁོར་ནུབ་ངོས་ཀྱི་ཕྱི། དུར་ཁྲོད་པད་རའི་ནང་དེར་བདག་བསྐྱེད་མང་པོ་རྣམས་འཕྲེང་བྱས་ལ་བསྒོམ། དེ་རྣམས་ཀྱི་རྡོ་ར་དང་མེ་རི་ནི་ལྕགས་རི་ལྟ་བུ་སྟེ་ཧད་པོ་ཡིན། །རྩ་བའི་དཀྱིལ་འཁོར་གྱི་ཕྱིའི་རྡོ་ར་དང་མེ་རི་ནི་སྒོ་ང་ལྟ་བུ་སྲུབ་མེད་པ་ཡངས་ཤིང་རྒྱ་ཆེ་བར། འོག་རྡོ་རྗེའི་ས་གཞི་ནི་རྡོ་རྗེ་ཕ་ལམ་ལས་གྲུབ་པ་ཞ་ལ་ལྟ་བུ་འཇམ་པ། རྡོ་རྗེ་ནི་རི་མོ་བྲིས་

[Full Size]

པ་ལྟ་བུར་འབུར་དུ་དོད་པ། རྡོ་རྗེའི་ར་བ་ནི་དགོན་པའི་ལྕགས་རི་ལྟ་བུ། རྡོ་རྗེའི་གུར་ནི་ལྕགས་རིའི་ནང་དུ་གུར་ཕུབ་པ་ལྟ་བུ། རྡོ་རྗེའི་དྲྭ་བ་ནི་གུར་གྱི་ནང་དུ་སོག་གུར་གྱི་རྩིབ་མ་ལྟ་བུའོ། །རྡོ་རྗེའི་བླ་བྲེ་ནི་གུར་གྱི་ནང་དུ་བླ་བྲེ་བྲིས་པ་ལྟ་བུ། ཡང་མདུན་བསྐྱེད་གཙོ་ཆེ་དུས། མདུན་བསྐྱེད་ཀྱི་ཤར་སྒོའི་ཕྱི། དུར་ཁྲོད་དང་པད་རའི་ནང་དེར་བ། བདག་བསྐྱེད་རྣམས་ཕྲེང་དུ་བསྒོམ་མོ། །མདུན་བསྐྱེད་ཀྱི་དཀྱིལ་འཁོར་གྱི་ནུབ་ངོས་ཀྱི་ཕྱི། དུར་ཁྲོད་དང་པད་རའི་ནང་དེར་མདུན་བསྐྱེད་རྣམས་ཕྲེང་དུ་བསྒོམ། དེ་གཉིས་གང་བྱེད་ཀྱང་བདག་མདུན་གྱི་རྩིག་པ་དང་སོ་ཕག་གི་སྟེང་། མདའ་ཡབ་འོག །དྲྭ་བ་དང་དྲ་ཕྱེད་ཀྱི་བར་དེ་སྟོང་པ་ཡིན་པས། དེ་ཡི་བར་དེར་བདག་མདུན་ཞལ་ཐད་ཀའོ། །དེ་ནས་བདག་མདུན་བར་ན་འོད་ཟེར་སྤྲོ་བསྡུ་བྱེད་པ་ཡིན་ནོ། །དེ་དག་གང་ལས་བཤད་ཅེ་ན། ཐུགས་སྒྲུབ་སོགས་ཨུ་རྒྱན་གྱི་གསུང་རྣམས་ལས། ཕྱི་རོལ་བར་ཁྱམས་ཁོར་ཡུག་ལ། །བདག་སྐྱོབ་ལྷ་དང་རིག་འཛིན་དང་། །མཁའ་འགྲོ་ཆོས་སྐྱོང་དམ་ཅན་རྣམས། །ཞེས་གསུངས་པའི་དོན་ཡིན་ནོ། །དེ་ལྟར་བྱེད་པ་ལ་དགོས་པ་ཅི་ཡོད་ཅེ་ན། དེ་ལྟར་དཀྱིལ་འཁོར་མང་པོ་

[Full Size]

དང་གཏོར་མགྲོན་མང་པོའི་གཞུང་རྣམས་དུས་གཅིག་ཏུ་བཏོན་ནས། གཏོར་བསྔོས་བསྐང་བ་གསོལ་ཁ་རྣམས་དུས་གཅིག་བྱེད་ན། རྩ་བའི་ཡི་དམ་གྱི་ཚོགས་བྱས་ན་དེ་ཐམས་ཅད་ཀྱི་ཚོགས་བྱས་པར་འགྱུར་རོ། །དེ་ནས་གཏོར་འབུལ་གཅིག་ལ་བཀུག་གཞུག་བྱས་ནས་ཆོས་སྐྱོང་ཐ་དག་ལ་གཏོར་འབུལ་བྱེད་དུ་རུང་ངོ། །འདི་བླ་མེད་ཀྱི་ལུགས་ཡིན། རྗེས་ཆོག་ནི་མཚམས་གྲོལ་ཁའམ་ཐོན་དུས་བར་མི་བྱའོ། །གལ་ཏེ་བྱས་ན་རུང་སྟེ་གཤེགས་གསོལ་མི་བྱའོ། །ཀུན་རིག་མན་ཆད་བྱ་སྤྱོད་རྣལ་འབྱོར་རྒྱུད་གསུམ་རྗེས་ཆོག་གཤེགས་གསོལ་ཞག་རེ་བཞིན་མི་བྱེད་མི་རུང་ངོ། །མ་བྱས་ན་ལྷ་བཙོན་དུ་བཟུང་བའི་ཉེས་པ་འབྱུང་། རྙིང་མ་དང་བླ་མེད་ཀྱི་ལུགས་ལ་མདུན་བསྐྱེད་བུམ་བསྐྱེད་རྣམས་རྟེན་ཡོད་ན་སྐུ་གཟུགས་ལ་བསྟིམ་མམ། མེད་ན་གཤེགས་གསོལ་བྱ། བླ་མེད་ལ་སྒྲུབ་པ་དུས་མ་གྲོལ་བར་མདུན་བུམ་གྱི་ལྷ་མི་བསྡུ། གཉིས་ཀ་བདག་བསྐྱེད་སྟོང་པར་བསྡུ་དགོས། མ་བསྡུས་ན་རྟག་པའི་མཐར་གོལ་ཞེས་གསར་མ་བ་རྣམས་ཀྱིས་ཟེར། འོན་ཀྱང་རྙིང་མའི་ལུགས་ལ་སྒྲུབ་པ་མ་གྲོལ་བར་བདག་མདུན་བུམ་པའི་བསྐྱེད་རིམ་མི་བསྡུ་བར་ཐུན་སོ་སོར་མངོན་རྟོགས་འདོན་དུས་གསལ་

[Full Size]

འདེབས་ཞིག་བྱའོ། །དེའང་སེམས་ངོ་ལེགས་པོ་མེད་པའི་ལས་དང་པོའི་དབང་དུ་ཡིན་ལ། ཉམས་ལེན་བཟང་ན་དྲན་རྫོགས་སུ་འཇའ་ཤར་བ་ལྟར་བསྒོམ་མོ། །དེ་ལ་བདག་བསྐྱེད་མ་བསྡུས་པར་ཉལ་ཡང་སྐྱོན་མེད་དོ། །ཕྱིར་ལྡོག་དང་དབང་བྱེད་པའི་སྐབས་སུ། བདག་བསྐྱེད་གཙོ་བོའི་ཐུགས་ཀ་ནས་རང་ཉིད་གཙོ་བོ་སྐུ་རྐྱང་པ་ཞིག་ཐོན། མདུན་བསྐྱེད་ཀྱི་དཀྱིལ་འཁོར་གྱི་ལྷོར་སྒོའི་འགྲམ་དུ་འདུག་ནས་ཚེ་འདས་བཀུག་པ་ལ་དབང་དང་ཕྱིར་ལྡོག་བྱེད་པར་བསམས་ལ་གཡས་བསྐོར་དུ་ཚེ་འདས་ཁྲིད་ནས་ཤར་སྒོའི་དྲུང་གཡོན་ཟུར་དུ་སེང་གེའི་ཁྲི་སྟེང་དུ་རང་ཉིད་འདུག །ཤར་སྒོའི་གཡས་ཟུར་དུ་རྣམ་རྒྱལ་བུམ་པ་ཡོད། མདུན་དུ་ཚེ་འདས་སམ་སློབ་མ་རྣམས་བསྒོམས་ནས་དབང་བསྐུར་བ་ཡིན། དེ་ཡང་རང་གིས་མདུན་བསྐྱེད་ལ་ཞུ་བའི་ངོ་ཆེན་ལྟ་བུ་ཡིན། བུམ་པ་དབང་རྫ་ས་རྣམས་ཀྱང་མདུན་གྱི་ཡུམ་བཞིའི་སྤྲུལ་པས་བཞུགས་པར་བསྒོམ། རྡོ་རྗེ་སློབ་དཔོན་གྱིས་དབང་གི་རྫས་རྣམས་རང་གིས་བཞག་པ་ཡིན། བྱང་བུ་དུས་རྣམ་ཤེས་སྤར་ནས་ཕུང་པོ་དང་སྡིག་སྒྲིབ་བསྲེགས་པར་བསྒོམ་པའི་ལུགས་གཅིག་དང་། རྣམ་ཤེས་མི་སྤར་ནས་ཡེ་ཤེས་ཀྱི་མེ་དཔུང་གིས་ཕུང་པོ་དང་སྡིག་

[Full Size]

སྒྲིབ་བསྲེགས་ནས་རྣམ་ཤེས་ལྷ་ཡི་སྐུའམ་ཡིག་འབྲུ་བྱས་ནས་དེ་ཉིད་ཟླ་བའི་དཀྱིལ་འཁོར་གྱི་སྟེང་དུ་འཁོད་ནས། རང་གི་ཤངས་བུག་ནས་རླུང་དྲག་པོ་བུས་ནས་ཟླ་བའི་དཀྱིལ་འཁོར་གྱི་སྟེང་དུ་ཚེ་འདས་འཁོད་པ་དེ་ལ་ཕོག་པས། མདའ་འཕང་བ་ལྟར་བདེ་བ་ཅན་སོགས་ཞིང་ཁམས་སུ་སོང་བར་བསྒོམ་པའི་དམིགས་པ་ནི། ཀུན་རིག་དང་མི་འཁྲུགས་པ་སོགས་རྒྱུད་སྡེ་ཕྱི་མའི་ལུགས། བདག་བསྐྱེད་ཞི་ཁྲོ་སོགས་བྱང་བུ་དཀྱིལ་འཁོར་གྱི་དབུས་སུ་ལམ་བསྟན་པས་མདུན་བསྐྱེད་གཙོ་བོའི་ཞལ་དུ་ཚེ་འདས་ཞུགས་ནས། གཙོ་བོའི་བྱང་སེམས་ཀྱི་ངོ་བོར་ཞུ། །ཡུམ་གྱི་བྷ་གར་བབས་པས། རྡོ་རྗེ་སེམས་དཔའ་སོགས་ལྷ་ཡི་སྐུ་ཆུང་ངུ་ཞིག་ཏུ་གྱུར་ནས། ཡུམ་གྱི་རྩིབ་ལོགས་གཡོན་གྱི་གོ་བར་ནས་ཕྱུང་སྟེ་མདུན་གྱི་བར་སྣང་ལ་འཁོད་པར་བསྒོམ། རང་རྟོགས་པོ་ཤིན་ཏུ་མཐོ་ན་བདག་བསྐྱེད་ཀྱི་ཞལ་དུ་ཞུགས་པ་སོགས་དེ་ལྟར་བསྒོམ་རྒྱུ་ཡིན། གང་ལྟར་བྱེད་ཀྱང་སྔོན་ལྟར་ཞིང་ཁམས་སུ་འཕེན་རྒྱུ་ཡིན། གསོན་ཤོག་སྤྲོས་བཅས་བྱེད་ན་ཚེ་འདས་དུས་དང་འདྲ་བ་ལ་མིང་བསྒྱུར་བ་ཡིན། དེ་ལ་ཟས་བསྔོ་དང་རྣམ་ཤེས་སྤྱིར་ཆོག་གཉིས་མི་བྱ། སྤྲོས་པ་འབྲིང་ཙམ་བྱེད་ན་ཟ་བྱེད་རྡོ་རྗེ་མཁའ་འགྲོ་གཞུང་

[Full Size]

ལྟར་བྱའོ། །བསྡུས་པ་ནི་ཏིང་ངེ་འཛིན་ཁོ་ནས་བཞུ་ན་ཟ་བྱེད་རྡོ་རྗེ་མཁའ་འགྲོ་གཞུང་ལྟར་ཡིད་ཀྱིས་བསྒོམ། ཁོའི་ལྟེ་བ་ནས་ཨ་ཐུང་གཏུམ་མོའི་མེ་སྦར་བས་ཁོའི་རྣམ་སྨིན་གྱི་ལུས་སྡིག་སྒྲིབ་དང་བཅས་པ་བསྲེགས་ནས་ཟླ་བའི་གདན་ལ་ཡི་དམ་ལྷའི་སྐུ་མེ་དཔུང་གི་དབུས་ན་བཞུགས་པར་བསྒོམ་མོ། །རང་གི་ཐུགས་ཀ་ནས་འོད་ཟེར་འཕྲོས་པས་སངས་རྒྱས་བྱང་སེམས་ཐམས་ཅད་རྡོ་རྗེ་སེམས་དཔའ་ལ་སོགས་སྐུ་མདོག་དཀར་པོ་ཆར་ལྟར་བབས་ནས་དེ་ལ་བསྟིམས་པས་ནད་གདོན་སྡིག་སྒྲིབ་ཐམས་ཅད་ཞི་བར་བྱས། ཛམ་ལྷ་ལ་སོགས་ཁ་དོག་སེར་པོ་སྤྱན་དྲངས་ནས་བསྟིམས་པས་དེའི་ཚེ་དང་བསོད་ནམས་ཡེ་ཤེས་རྒྱས་པར་བསམ། ཕག་མོ་སོགས་ཌཱ་ཀིའི་ཚོགས་ཁ་དོག་དམར་པོ་སྤྱན་དྲངས་ནས་བསྟིམས་པས་རླུང་སེམས་དབང་དུ་འདུས་པར་བསམ། ཧེ་རུ་ཀ་སོགས་དྲག་པོའི་ལྷ་ཁ་དོག་མཐིང་ཁ་སྤྱན་དྲངས་ནས་བསྟིམས་པས་བདུད་བཞི་དང་སྡིག་སྒྲིབ་ཐམས་ཅད་ཚར་བཅད་པར་བསྒོམ། དེ་ནས་དེ་ཡི་གནས་གསུམ་དུ་ཡི་གེ་གསུམ་གྱིས་བྱིན་གྱིས་བརླབས་ནས། རྡོ་རྗེའི་གོ་ཁྲབ་བཀོན་པར་བསམ་ཞིང་། ལོ་བརྒྱ་ཐུབ་ཅིང་སོགས་ཤིས་བརྗོད་བྱ་སྟེ། འདི་ནི་བདེ་མཆོག་རྡོ་རྗེ་མཁའ་འགྲོའི་

[Full Size]

རྒྱུད་ནས་གསལ་བར་གསུངས་སོ། །སྦྱོང་རྒྱུད་གཙུག་ལག་དགུ་དང་གཞུང་གི་རྟོགས་པ་ལས། གསོན་ཤོག་དངོས་སུ་མ་གསུངས་ཀྱང་ཤུགས་ཀྱིས་བསྟན་ཏོ། ལྟ་བ་ལེགས་པར་རྟོགས་པའི་གང་ཟག་གིས་བདག་དང་སྦྱིན་བདག་དབྱེར་མེད་བསྲེས་ཏེ་གཏུམ་མོ་བསྒོམས་པས་གསོན་ཤོག་ཤིན་ཏུ་ཟབ་སྟེ། ཕ་རྒྱུད་གསང་བ་འདུས་པའི་རྒྱུད་ཀྱི་དོན་རྣམས་ནི་དོན་གྱིས་གསལ། །སྦྱིན་བདག་ལ་རིག་པ་གཏད་ནས་ཉམས་ལེན་གྱི་ངང་དུ་བཞག་ན། དོན་དམ་པའི་གསོན་ཤོག་གི་མཆོག་ཡིན་ཏེ། སྒྲིབ་སྦྱོང་ལ་དེ་བས་ལྷག་པ་མེད་པའི་ཕྱིར་རོ། །མ་ཎི་བཀའ་འབུམ་དང་ཡང་སྙིང་འདུས་པ་སོགས་ལ་རང་རོ་རང་གིས་སྲོག་ཅེས་པའི་དོན་ཡིན་ནོ། །དེས་ན་གསོན་ཤོག་མ་གསུངས་ཟེར་བ་ནི་ཐོས་པ་ཆུང་བའི་སྐྱོན་ཡིན་ནོ། །རྨི་ལམ་དུ་ཚེ་འདས་རྨིས་ཤིང་དེ་ལ་བརྐྱེན་ནས་མི་དགེ་བ་བྱུང་བ་ནི་ཚེ་འདས་ཀྱི་ཟ་འདྲེས་ཚེ་འདས་ཀྱི་གཟུགས་བཟུང་བ་ཡིན་ཏེ། དེ་གཤེད་འདུལ་ལམ་སྦྱོང་བ་ལ་དམིགས་པ་གཟབ་པར་བྱའོ། །རྨི་ལམ་དུ་ཚེ་འདས་བྱུང་བ་སོགས་ལོངས་སྤྱོད་འདུ་བ་ནི་ཚེ་འདས་ཀྱི་བླ་དེས་ཚེ་འདས་ཀྱི་གཟུགས་བཟུང་བོ་ཡིན་ཏེ། དེ་ལ་ཟས་བསྔོ་གཟབ་པས་མཚུན་བཅོས་ཀྱི་གོ་ཡང་ཆོད་ཅིང་གསོན་པོའི་སྐུ་རིམ་དུ་འགྱུར་

[Full Size]

བ་ཡིན། ཤི་ནས་བདུན་གསུམ་ཚུན་ཆད་རྨི་ལམ་དུ་ཚེ་འདས་བྱུང་བ་ནི་ཚེ་འདས་རང་ཡིན་ཏེ། གོས་དཀར་པོ་གྱོན་པ་དང་། གཅེར་བུར་ཁྲིད་པ་དང་། །གྱེན་དུ་ཁྲིད་པ་དང་། འཇིགས་པའི་གནས་ལས་སྐྱོབ་པ་དང་། ཁོ་ལ་ཁྲུས་བྱས་པ་སོགས་རྨིས་ན་ཚེ་འདས་དྲངས་བའི་རྟགས་སུ་ཨུ་རྒྱན་གྱིས་གསུངས། གར་སྐྱེས་བརྟག་པ་ནི། འཇམ་དཔལ་དཔའ་བོ་གཅིག་གྲུབ་རྒྱུད་སོགས་གསར་རྙིང་དུ་མ་ནས་རྨི་ལམ་དུ་གར་སྐྱེས་བརྟག་པ་སོགས་བྱ་བར་གསུངས། དེ་ལ་གསལ་ཆ་བྱུང་ན་བསླུ་བ་མེད་པ་སྟེ། ཡི་དམ་ལྷ་ལ་མངོན་ཤེས་མངའ་བའི་ཕྱིར་རོ། །ཐུགས་རྗེ་ཆེན་པོའི་འོད་ཆོག་ནས་མེ་ཏོག་གར་བབ་ལ་བལྟས་ནས་སྐྱེ་གནས་བརྟག་པ་དང་། རྒྱ་ནག་རྩིས་གཞུང་ལས་སྨེ་བ་ལ་བལྟས་ནས་སྐྱེ་གནས་བརྟག་པ་དང་། བྱང་བུ་ཚིག་དཀའ་སླ་སོགས་ལ་བལྟས་ནས་སྐྱེ་གནས་བརྟག་པ་ནི་རྟེན་འབྲེལ་ཙམ་ཡིན་གྱི། ཀུན་རྫོབ་དགོངས་པ་ཅན་དོན་ལ་ངེས་པ་མེད་དོ། །ཁྱད་པར་མདོས་དང་བསྐང་ཟློབ་སོགས་ཀྱི་དུས་གཏོར་བསྔོས་རྣམས་ཕྱོགས་གཅིག་ཏུ་བྱེད་པའི་ཚེ། ལྷ་གྲངས་ཀྱི་གཏོར་མ་ཡོད་ན་ལྷ་སོ་སོའི་གཏོར་ཆོག་ལྟར་བྱིན་གྱིས་བརླབ། གཏོར་མ་གཅིག་གམ་འདས་མ་འདས་

[Full Size]

ཀྱི་གཏོར་མ་གཉིས་ལས་མེད་ན། འཇིག་རྟེན་ལས་འདས་པའི་གཏོར་མ་བདུད་རྩི་ལྟར་བྱིན་གྱིས་བརླབ། ཤ་ལྔ་བདུད་རྩི་ལྔ་ཞུ་བ་ལས་བདུད་རྩིའི་རྒྱ་མཚོ་ཆེན་པོར་གྱུར་པར་བསྒོམས་ལ། གཏོར་མ་དེ་དགོང་ནས་གཤེགས་རྒྱུ་ཡིན་ན། ལྷ་རྣམས་ཀྱི་ལྗགས་འོད་ཀྱི་སྦུ་གུས་བདུད་རྩི་དྲང་ཞིང་གསོལ་བར་བསྒོམ། གཏོར་མ་དེ་མི་བཀྲོལ་བར་རྗེས་ནས་གསོས་ནས་འདོན་དགོས་ན། སྔོན་གྱི་ལྟར་བསྒོམས་ནས་འཁོར་གྱི་ལྷག་མ་ཕྱིར་ནངས་གཙོ་བོ་ལ་བསྔོ་མི་རུང་བས། རང་གི་ཐུགས་ཀ་ནས་སྤྲུལ་པའི་མཆོད་པའི་ལྷ་མོ་དཔག་ཏུ་མེད་པར་སྤྲུལ་ནས་ཕྱག་ན་བྷནྡྷའི་སྐྱོགས་བསྣམས་ནས་བདུད་རྩིའི་རྒྱ་མཚོ་ནས་བཏུས་ཏེ། ལྷ་སོ་སོའི་མདུན་དུ་བཏེགས་པས་ལྷ་སོ་སོའི་ལྗགས་འོད་ཀྱི་སྦུ་གུས་གསོལ་བར་བསྒོམ་པ་ནི་ལག་ལེན་ཡིན་ནོ། །ཕྱི་རྒྱུད་པའི་གཏོར་མ་ནི་དཀར་གསུམ་མངར་གསུམ་བདུད་རྩིའི་རྒྱ་མཚོར་བསྒོམས་ནས་གོང་ལྟར་བསྔོའོ། །དེ་ལ་གཞི་བདག་གསང་སྔགས་ཀྱི་དབང་མ་ཐོབ་པ་ཕུགས་གཏོར་གྲར་བསྒྲིག་མི་རུང་། བདུད་རྩིས་བྲན་མི་རུང་། འོན་ཀྱང་གཞི་བདག་སོགས་འཇིག་རྟེན་པ་ཐམས་ཅད་ངོ་བོ་སོ་སོ་ལ་རྣམ་པ་ཡི་དམ་ལྷ་ཡི་སྐུར་བསྒོམ་པས། ཕུག་གཏོར་གྲལ་དུའང་བཞག་རུང་

[Full Size]

ལ་ནང་མཆོད་བདུད་རྩིས་ཀྱང་བྲན་རུང་ངོ། །དེ་ནས་ཆོས་སྐྱོང་རྣམས་ཀྱི་གསོལ་ཁ་བྱེད་ན། རང་ཉིད་ཡི་དམ་གྱི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས། སྟེང་ལྷ། འོག་ཀླུ། བར་ལྷ་འདྲེ་མི་གསུམ། ཡེ་ཤེས་ཀྱི་ཁྲོ་བོ་ཁྲོ་མོ་བདུད་དང་ལྷ་སྲིན་སྡེ་བརྒྱད་ཐམས་ཅད་ཀྱི་མཐུ་སྟོབས་གཟི་བརྗིད་ཐམས་ཅད་བསྡུས་ནས་ཆོས་སྐྱོང་ལ་ཐིམ་པས་མཐུ་སྟོབས་གཟི་བརྗིད་ཆེར་འཕེལ་ནས་བཀྲག་མདངས་ཕུན་སུམ་ཚོགས་པར་བསྒོམ། དེ་ལྟར་དམིགས་པ་ལན་གསུམ་བྱས་པས་ལྷ་རྒུད་པ་དང་ཆོས་སྐྱོང་གི་ནུས་པ་ཉམས་པ་ཐམས་ཅད་སོར་ཆུད་དོ། །ཞེས་པ་ཨུ་རྒྱན་གྱི་གསུང་གི་མན་ངག་ལས་བྱུང་བའོ། །གྲུབ་ཆེན་ཀརྨ་པཀྵིའི་ཞལ་ནས། བསྐང་བ་དང་མདོས་དང་མཎྜལ་རྣམས་དོན་གཅིག་པར་གསུངས་པ་ལྟར། །བསྐང་གཏོར་ཡོད་ན་དང་མེད་ན་ཕུགས་གཏོར་ལ་དམིགས་ནས། དེ་ལ་གླིང་བཞི་བྱེ་བ་ཕྲག་བརྒྱ་ལྷ་མིའི་ལོངས་སྤྱོད་ཀྱིས་གང་བ་དཔག་ཏུ་མེད་པ་ཡིད་ཀྱིས་སྤྲུལ་པ་དང་། སངས་རྒྱས་ཀྱི་ཞིང་རྣམས་དང་འཇིག་རྟེན་གྱི་ཁམས་རྣམས་སུ་གདོད་མ་ནས་གྲུབ་པའི་མཆོད་པ་རྣམས་དང་། རང་ལ་དངོས་སུ་ཡོད་པའི་རྟ་ཕྱུགས་གོ་ཁྲབ་བྲན་གཡོག་སྒོ་ཁྱི་ཡན་ཆོད་བསྐང་རྫས་སུ་

[Full Size]

དམིགས་ནས་ཕུལ།། ཞི་ཁྲོའི་བསྐང་ཆོག་དུས། སྟོང་གསུམ་འདི་ཞེས་སོགས་དང་། རབ་འབྱམས་རྒྱ་མཚོ་མ་དང་། ཇི་སྙེད་སུ་དག་མ་རྣམས་དོན་གཅིག་པས་གོ་བར་སླ། ཀུན་གཞི་ཀློང་ཡངས་སོགས་བདུད་རྩི་འདོན་དུས་ནི་ཉམས་ལེན་སྐྱོང་ཞིང་འདོན་པས་འཐུས་ཏེ། བདུད་ཅེས་པ་ནི་རང་ངོ་རང་གིས་མ་རིག་པས་བདུད། དེ་འདུལ་བའི་གཉེན་པོའི་རྩི་ནི་རང་རིག་པའི་ཡེ་ཤེས་ཉམས་ལེན་ངོ་བོ་སྐྱོང་བ་དོན་དམ་པའི་བདུད་རྩི་ཡིན་ཚུལ་རྫོགས་པ་ཆེན་པོ་ཨ་ཏི་ཡོ་གའི་དགོངས་པ་ཡིན། རཀྟ་དང་གཏོར་མ་མར་མེ་གསུམ་འདོན་པའི་ཚེ། རང་ངམ་ཚེ་འདས་སམ་ཡོན་བདག་གང་ཡིན་གྱི་རྣམ་སྨིན་གདོས་བཅས་ཀྱི་ལུས་ཀྱི་རྣམ་ཤེས་སྤར་ཏེ། རྣམ་ཤེས་དེ་མཆོད་པའི་ལྷ་མོ་དཔག་ཏུ་མེད་པར་སྤྲུལ་ནས། ཕུང་པོ་དེ་ཉིད་རཀྟ་དང་གཏོར་མ་མར་མེ་དཔག་ཏུ་མེད་པར་སྤྲུལ་ནས་འབུལ་བ་ཡིན་ཏེ་གཅོད་དམིགས་དང་འདྲ། དེའི་དོན་བཀའ་བརྒྱད་བདེ་གཤེགས་འདུས་ཆེན་གྱི་ནང་དང་གསང་བའི་གཏོར་ཟློག་སྐབས་སུ་གསལ། མར་མེའི་སྨོན་ལམ་ནི། དཀྱིལ་འཁོར་གཅིག་གི་དྲུང་དུ་མར་མེ་གཅིག་ལ་ལྟ་ཞིང་སྨོན་ལམ་བཏབ་པས་འཁོར་བ་རིགས་དྲུག་གི་སྐྱེ་སྒོ་ཆོད་ཅིང་མདོ་ལུགས་ཀྱི་ས་བཅུ་ཅིག་ཆར་

[Full Size]

དུ་བགྲོད་ནས། སླར་རྫོགས་ཆེན་ལུགས་ཀྱི་བཅུ་དང་ཉི་ཤུ་བགྲོད་དེ། དེ་རིང་ལ་མཆེད་ལྕམ་དང་སྦྱིན་བདག་ཚེ་འདས་སོགས་མི་འབྲལ་བར་ཀུན་ཏུ་བཟང་པོའི་གོ་འཕང་འཐོབ་སྟེ་གཞོན་ནུ་བུམ་སྐུའི་ཀློང་དུ་འཚང་རྒྱ་བའི་སྨོན་ལམ་ཡིན། ཕག་མོ། རྒྱལ་བ་རྒྱ་མཚོ། བདེ་མཆོག་སོགས་གསར་རྙིང་འདྲ་བར། བདག་བསྐྱེད་ཐུན་བཞིར་འདོན་ཞིང་། ཐུན་མཚམས་སུ་གཏོར་བསྔོས་བྱ་བ་ནི། བསྙེན་པ་དང་ཕྱི་སྒྲུབ་ཡིན། མདུན་དུ་དཀྱིལ་འཁོར་རྒྱས་པར་བཤམས་ནས། བདག་མདུན་གཉིས་ཐུན་བཞིར་འདོན་ཞིང་བདག་མདུན་བར་དུ་སྔགས་ཕྲེང་འོད་ཟེར་སྤྲོ་བསྡུ་བྱ་བ་ནི་ནང་སྒྲུབ་ཡིན། བདག་མདུན་གཉིས་ཀའི་རྩ་གནས་ལ་ལྷ་བཀོད་ནས་སྔགས་ཕྲེང་བདག་མདུན་བར་དུ་འཁོར་བ་ནི་གསང་སྒྲུབ་ཡིན། །དཀྱིལ་འཁོར་མི་དགོས་པར་བདག་བསྐྱེད་རྐྱང་པ་ལུས་དཀྱིལ་བསྒོམས་ནས་འབྲུ་གསུམ་རྡོ་རྗེའི་བཟླས་པའམ། རླུང་བུམ་པ་ཅན་བསྒོམས་ནས་བཟའ་བཏུང་ནང་གི་མཆོད་པའི་གོ་བཅད་པ་ཡང་ནི་གསང་གི་སྒྲུབ་པ། སྟོང་ཉིད་ལྟ་བའི་རྩི་དང་མ་བྲལ་བར་མངོན་རྟོགས་ངག་ནས་འདོན་མི་དགོས་པར། དྲན་རྫོགས་སུ་འཇའ་ཤར་བ་ལྟར་བསྒོམས་ནས་སྔགས་བཟླ་བ་ནི་དེ་ཁོ་ན་

[Full Size]

ཉིད་ཀྱི་སྒྲུབ་པའོ། །དེ་ཐམས་ཅད་བླ་མེད་ལུགས་ཡིན་གྱི། བྱ་སྤྱོད་རྣལ་འབྱོར་རྒྱུད་སོགས་ལ་ཕྱི་སྒྲུབ་ནང་སྒྲུབ་གསང་སྒྲུབ་བྱ་བ་མེད་དོ། །བླ་མེད་ལུགས་ལ་བསྙེན་སྒྲུབ་ཡན་ལག་བཞི་ནི། རང་གི་ཐུགས་ཀར་སྔགས་ཕྲེང་བཀོད་ཅིང་འཁོར་བ་བསྙེན་པ། དེ་ལས་འོད་ཟེར་ཕྱོགས་བཅུར་འཕྲོས་ནས་ཕྱོགས་བཅུའི་ཞིང་ཁམས་ནས་ལྷ་དེའི་སྐུ་དང་སྔགས་ཕྲེང་ཕྱག་༈ མཚན་སྤྱན་དྲངས་ནས་རང་ལ་བསྟིམ་པ་ནི་ཉེ་བར་བསྙེན་པ། དེ་ལས་འོད་ཟེར་འཕྲོས་པས་སེམས་ཅན་ཐམས་ཅད་ཡི་དམ་གྱི་ལྷར་གྱུར་ནས་ཀུན་གྱི་སྔགས་བཟླ་རོགས་བྱེད་པར་བསྒོམ་པ་ནི་སྒྲུབ་པ། འོད་ཟེར་དཀར་སེར་དམར་ལྗང་བཞི་སྤྲོས་པས་བདག་དང་སེམས་ཅན་ཐམས་ཅད་ཀྱི་རླུང་སེམས་སྣང་བ་དབང་དུ་འདུས་པ་དང་། བདུད་བཞི་ཚར་བཅད་པར་བསྒོམ་པ་ནི་སྒྲུབ་པ་ཆེན་པོའོ། །དེ་དག་ནི་སྤྱི་མཐུན་ཕྱོགས་མགོ་ཙམ་ཡིན་ལ། ཞིབ་པར་བྱས་ན་ནི་མཐའ་ཡས་སོ། །གྲུབ་ཆེན་ཀརྨ་པཀྵིའི་ཁྱད་ཆོས་ལ། རང་ཡི་དམ་གང་འདོད་པ་གཅིག་བསྒོམས་ནས། དེའི་ཐུགས་ཀའི་སྔགས་ཕྲེང་ལས་འོད་ཟེར་ཕྱོགས་བཅུར་འཕྲོས་པས། ཕྱོགས་བཅུའི་སངས་རྒྱས་བྱང་སེམས་བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་མཆོད། །

[Full Size]

དེ་ཐམས་ཅད་ཡི་དམ་གང་ཡིན་གྱི་སྐུ་དང་སྔགས་ཕྲེང་ཕྱག་མཚན་གྱི་རྣམ་པར་ཆར་བཞིན་བབས་ནས་སིབ་སིབ་ཐིམ་པར་བསྒོམ་པ་ནི་བསྲེ་བ་རྣམ་གསུམ་གཅིག་ཆོག་མ་ཡིན་ནོ། །ཆོས་སྐྱོང་ཡེ་ཤེས་པ་ལ་བསྙེན་སྒྲུབ་ལས་གསུམ། བདག་ཡི་དམ་གྱི་མདུན་དུ་ཆོས་སྐྱོང་བསྒོམས་ལ་སྔགས་བཟླ། བདག་མདུན་བར་དུ་སྔགས་ཕྲེང་དང་འོད་ཟེར་འཁོར་བ་བསྙེན་པ། སྔགས་ཕྲེང་དེ་ཡང་སྔ་དྲོ་དཀར་པོ། ཉིན་ཕྱེད་སེར་པོ། དགོང་མོ་དམར་པོ། མཚན་མོ་ནག་པོ་སྟེ་ལས་བཞི་བསྒྲུབ་པར་བསྒོམ་པ་ནི་སྒྲུབ་པའོ། །དེ་ནས་དམིགས་ཡུལ་མེད་ན་དགྲ་བགེགས་སྤྱི་ལ་དམིགས་ནས་ལིང་ག་བསྒྲལ་ལས་དང་དྲག་པོའི་སྦྱིན་སྲེག་བྱ་བ་ལས་སྦྱོར་ཏེ། མགོན་པོའི་རིགས་ལ་བསྒྲུབས་ནས་ལས་སྦྱོར་ཅུང་ཞིག་མ་ཐོན་ན་ཚེ་ཐུང་བར་བཤད། །འཇིག་རྟེན་པའི་ཆོས་སྐྱོང་དྲག་པོའི་རིགས་ལ་འབོད་རྦད་བསད་གསུམ་སྟེ། མདུན་དུ་ཆོས་སྐྱོང་བསྒོམས་ནས་རང་ཡི་དམ་གྱི་བཀའ་བསྒོ་བའི་ཚུལ་དུ་སྔགས་བཟླས་པས་ཁོའི་ཐུགས་ཀ་ནས་འོད་ཟེར་འཕྲོས་པས་ཁོ་རང་གང་དུ་གནས་པའི་ས་ནས་ཁོ་རང་འཁོར་དང་བཅས་པ་སྤྱན་དྲངས་ནས་ཁོ་ལ་ཐིམ་པར་བསྒོམ་པ་རྒྱུན་མ་ཆད་པ་ནི་འབོད་པའོ། །རྟགས་

[Full Size]

བྱུང་ནས། རང་ཡི་དམ་ལྷའི་ཐུགས་ཀ་ནས་འོད་འཕྲོས་ཁོའི་ཐུགས་ཀར་ཕོག་པས་ཁོ་རབ་ཏུ་ཁྲོས་ནས་སྤྲུལ་པ་དཔག་ཏུ་མེད་པ་སྤྲོས་པས། དགྲ་བགེགས་གང་ཡིན་པ་བཀུག་ནས་ཧོམ་ཁུང་ནང་དུ་ལིངྒ་ལ་ལིང་ལིང་བཀུག་པར་བསྒོམ་ཞིང་སྔགས་བཟླ་བ་ནི་ཆད་པའོ། །ཁུག་རྟགས་བྱུང་ནས་ཁོ་འཁོར་དང་བཅས་པ་རབ་ཏུ་ཁྲོས་ནས་མཚོན་ཆའི་ཆར་ཕབ་པས་ཤ་ཁྲག་དམར་ཉི་ལི་ལི་བཏང་བར་བསྒོམ་པ་ནི་བསད་པའོ། །བསད་སྔགས་བཟླ་ཞིང་རྟགས་བྱུང་ན་མཐའ་སྡུད་པ་ནི་ལིང་རོ་སྦྱིན་སྲེག་བྱ། གཏོར་མ་ཟོར་དུ་འཕང་། སྦྱིན་སྲེག་ཐལ་བ་དང་མཉམ་དུ་ལིང་རོ་གཅིག་མནན་པ་བྱ། དེ་ནི་མནན་བསྲེགས་འཕང་གསུམ་ཞེས་བྱའོ། །ཆོས་སྐྱོང་སྒྲུབ་དུས་ཐུན་མཚམས་བཞིའམ་དྲུག་ཏུ་དམར་གཏོར་རེ་རེ་འབུལ་དགོས་པ་ལ་ཐུན་གཏོར་ཟེར༔ སྐུ་རིམ་བསྐང་གསོའི་སྐབས་སུ་ནུབ་རེ་ལ་རེ་རེ་འབུལ་བ་འབུལ་གཏོར་ཟེར། དེ་གཉིས་གང་བྱེད་ཀྱང་དམིགས་པ་ནི། གཏོར་སྣོད་བྷན་གྲུ་གསུམ་གྱི་ནང་དུ་གཏོར་མ་དེ་ཉིད་དགྲ་བགེགས་དངོས་སུ་མགོ་བོ་ཐུར་དུ་བསྟན་པར་བསྒོམ། བཀུག་གཞུག་བྱས་པས་དགྲ་བགེགས་བཀུག་ནས་དེ་ལ་བསྟིམ། བདག་མདུན་གྱི་ཐུགས་ཀ་ནས་ཛཿཡིག་དམར་ནག་གཉིས་

[Full Size]

འཕྲོས་པས་བཤང་ལམ་དང་སྣ་བུག་གཉིས་ནས་ཞུགས་ནས་སྙིང་ཁར་ཕྱིན་པས་ཟངས་ལྕགས་ཀྱི་འཁོར་ལོ་རྩིབས་བརྒྱད་པ་གཉིས་སུ་གྱུར་ནས། སྟེང་ལྕགས་གཡས་བསྐོར༔ འོག་ཟངས་གཡོན་བསྐོར། དེ་གཉིས་ཇེ་ཆེར་སྐྱེས་པས་ཤ་ཁྲག་དམར་ཉོག་གེ་གཏུབས། རྣམ་ཤེས་ཨ་ཡིག་ཏུ་གྱུར་པ་བདེ་བ་ཅན་དུ་འོད་དཔག་མེད་སོགས་ཀྱི་ཐུགས་ཀར་བསྟིམ། ངོ་བོ་ཤ་ཁྲག་ལ་རྣམ་པ་བདུད་རྩིར་བསྒྱུར་ནས་ཕུལ་བས་འཇམ་པས་རིམ་གྲོའི་དུས་སུ་བྱའོ། །བདུད་རྩིར་མི་བསྒྱུར་བར་ཤ་ཁྲག་དངོས་དེ་ལ་ཕུལ་ན་ཕ་རོལ་དགྲ་ལ་རྟགས་མྱུར་དུ་འོང་བའི་མན་ངག་གོ །དེ་ལྟར་གཏོར་མ་ལྷས་གསོལ་བའི་ལྷག་མ་དེ་ཕྱིར་བསྐུར་བའི་དུས་སུ་ཕྱོགས་དེ་ངོས་ནས་ཆོས་སྐྱོང་དེ་ཞལ་ཚུར་གྱུས་ནས་ཡོད་པ་དེའི་ཞལ་དུ་ཕུལ་བས་མཉེས་ནས་གནོད་བྱེད་གདོན་བགེགས་ཐམས་ཅད་རང་དབང་མེད་པར་ཁྱེར་ཏེ་བསིལ་བའི་ཚལ་སོགས་རང་རང་སོ་སོའི་གནས་སུ་སོང་བར་བསྒོམ། དེ་ནི་གཏོར་འབུལ་གྱི་དམིགས་པ་དེ་རིམ་གྲོའི་དུས་སུ་བྱའོ། །ཡང་གཏོར་མ་དེ་ཉིད་ཆོས་སྐྱོང་གི་ཕྱག་གཡས་པའི་ཕྱག་མཚན་ལ་མེ་དཔུང་ཆེན་པོ་འབར་བ་དེ་གཟའ་རྒོད་རྒྱུག་པ་ལྟར་དམར་ཤ་ར་ར་སོང་། བྱད་མ་ལྷ་དང་

[Full Size]

བཅས་པ་ལ་ཕོག་པས། རྩྭ་སྐྱའི་ཕུང་པོ་མེ་ལ་བསྲེགས་པ་བཞིན་གཞོབ་ཐུལ་ཐུལ་སོང་བར་བསམ་པ་ནི་ཟློག་པའི་དུས་སུ་བྱའོ། །ཡང་གཏོར་མ་དེ་ཉིད་མཚོན་ཆའི་ཕུང་པོ་མེ་འབར་བར་སྦྱོགས་འཕངས་པ་ལྟར་དགྲ་བོ་གང་དུ་གནས་པའི་སར་སོང་བས་གྲོག་ཚང་སེར་བས་བརྡུང་བ་ལྟར་བསྒོམ་པ་ནི་དགོས་པའི་དུས་སུ་བྱའོ། །དེ་རྣམས་ནི་གསར་རྙིང་སྤྱི་འཚམས་པ་ཡིན་ལ། ཕྱག་བཞི་པའི་ཐུན་མོང་མ་ཡིན་པ་ལས། གཏོར་སྣོད་བྷནྡྷ་གྲུ་གསུམ་གྱི་ནང་དུ་གཏོར་མ་གནམ་ལྕགས་ཀྱི་ཁ་ཊོ་མེ་འབར་བ་རྩ་བ་བྲག་རི་ལྟར་ཆེ་ཞིང་རྩེ་མོ་སྤུ་གྲི་ལྟར་རྣོ་བ་ལ་བཀུག་གཞུག་བྱས་པས་ལས་མཁན་རྣམས་ཀྱིས་དགྲ་བགེགས་རང་དབང་མེད་པར་སྐྱོགས་རྡོ་ལྟར་འཕང་བ་ཁ་ཊ་གི་རྩེར་བརྒྱབས་པས་ཤ་ཁྲག་དམར་ཆལ་གྱིས་སོང་། ཁ་ཊཾ་ཞུ་བ་ལས་བདུད་་རྩིའི་རང་བཞིན་དུ་གྱུར་པར་བསྒོམས་ལ་ཕུལ། དེ་ནས་གཏོར་མའི་ལྷག་མ་དེ་དགྲ་བོ་དངོས་ཀྱི་རོར་གྱུར་པས་ཡུམ་ཀཱ་ལི་ནག་མོ་གཡག་མིག་མ་མིག་སེར་ལ་སྐུ་སེ་འབའ་ལེ་བ་སྐེམ་ཞིང་རིད་པ་ཞིག་གིས་རོ་དྲུད་ནས་དགྲ་ཡུལ་དུ་སོང་བས། ཐེད་དྲུད་པའི་རྗེས་སུ་བྱ་ཁྱི་རྣམས་སོང་བ་ལྟར། ནག་པོ་སྟོང་སོགས་འཁོར་རྣམས་དགྲ་ཡུལ་དུ་སོང་བས། གཏོར་མ་རོར་གྱུར་པ་

[Full Size]

དང་ཕ་རོལ་པོ་དབྱེར་མེད་དུ་གྱུར་པ་དེ་ལ་འཁོར་རྣམས་ཀྱིས་ཧབ་ཐོབ་ཏུ་ཟ་བར་བསྒོམ་པ་ནི་ཟ་ལམ་དགྲ་ལ་བསྟན་པའི་མན་ངག་སྟེ་ཤིན་ཏུ་རྣོ་སྐད་དོ། །གཏོར་སྣོད་ཁ་ནང་དུ་བསྟན་ནས་ཁྱེར་འོང་བས་ལོངས་སྤྱོད་ལྷུན་གྲུབ་ཏུ་འབྱུང་བའི་རྟེན་འབྲེལ་ཡོད། གཏོར་སྣོད་སྒྲུབ་ལ་རི་རབ་གླིང་བཞི་དང་བཅས་པའི་ཞབས་སུ་དམ་སྲི་ཐམས་ཅད་མནན་པར་བསྒོམ༔ མདོས་དང་སྐུ་རིམ་སོགས་ལ་རྗེས་དེར་དགའ་སྟོན་གྱི་ཚོགས་འཁོར་བྱ། ཡོན་བདག་ཡིན་ན་ཚེ་དབང་བསྐུར། ཡང་ན་ཚེ་འགུགས་བྱ། བཀྲ་ཤིས་རྒྱས་པར་བརྗོད། །ཡིག་བརྒྱ་དབྱངས་གསལ་བྱེད། རྟེན་འབྲེལ་སྙིང་པོ་རྣམས་བརྗོད་དོ། །བསྔོ་བ་སྨོན་ལམ་བྱའོ།། ༈ ཡང་ཞི་ཁྲོའི་ལྷ་བསྐྱེད་ཀྱི་སྐབས་སུ་གལ་ཆེ་བ་ནི། ཞི་ཁྲོ་བཀའ་མ་དང་། གྲུབ་ཐོབ་མེ་ལོང་རྡོ་རྗེས་མཛད་པ་དང་། ཀཿཐོག་ཆོས་ཀྱི་འབྱུང་གནས་ཀྱིས་མཛད་པ་རྣམས་ལ། ཕོ་བྲང་གཉིས་བརྩེགས་སྟེང་ཁྲོ་བོའི་དཀྱིལ་འཁོར་ལ་འོག་ཞི་བའི་དཀྱིལ་འཁོར་བསྐྱེད་པ་ནི། ཞི་ཁྲོ་བཀའ་མའི་ལུགས་ཡིན་འདིར་མི་འཐད། ཀརྨ་གླིང་པའི་ལུགས་འདི་ལ་དཀྱིལ་འཁོར་གཅིག་ཡིན། ཕྱི་རིན་པོ་ཆེ་ལ་ནང་ཐོད་པའི་མཁར་ཡིན། དེའི་

[Full Size]

ནང་དུ་དང་པོ་ཞི་བའི་ལྷ་བསྐྱེད་ནས། དེ་ཡར་བར་སྣང་ལ་བཏེགས་ནས་དེའི་འོག་ཏུ་ཁྲོ་བོའི་ལྷ་བསྐྱེད་པ་ཡིན། ཁྲོ་བོའི་དབུ་རྒྱན་གྱི་ཚུལ་དུ་ཞི་བ་བསྒོམ་པ་ཡིན། དེ་གང་ལས་གསལ་ལྷན་བཀའ་བརྒྱད་ཀྱི་གཞུང་ཐམས་ཅད་ན་གསལ། དེ་ཡང་གཙོ་བོ་རྣམ་སྣང་བསྒོམ་པ་ཞི་ཁྲོའི་དཀྱིལ་འཁོར། གཙོ་བོ་རྡོར་སེམས་བསྒོམ་པ་ན་རཀ་དོང་སྤྲུགས་ཟེར་བ་ཡང་ཤེས་པར་བྱའོ། །ཞི་ཁྲོ་དམ་པ་རིགས་བརྒྱ་ཟེར་བ་བྷྱོ་དྷི་ཙིཏྟ་དང་། ན་རཀ་དོང་སྤྲུགས་ཟེར་བ་ཡིག་བརྒྱ་བསྙེན་རྒྱུ་ཡིན་ནོ། ༈ ཡང་ཐུགས་སྒྲུབ་ཀྱི་ལྷ་བསྐྱེད་སྐབས་སུ། གུ་རུ་ཆོས་དབང་གི་གཏེར་ཁ་སྒར་པའི་ཚེས་བཅུ་ལ་ནི་དཀྱིལ་འཁོར་གྱི་དབུས་སུ་རང་རྟ་མགྲིན། དེའི་སྐུ་རྒྱབ་གཏད་ས་པདྨའི་སྡོང་པོ་ནང་འདབ་བཞི། དེ་རྒྱབ་འདབ་མ་བརྒྱད་ཡོད་པ་གདུགས་ཕུབ་པ་ལྟ་བུ་ཞིག་སྤྱི་བོར་བསྒོམ། དེའི་དབུས་སུ་དང་པོ་ཨུ་རྒྱན་སྤྲུལ་སྐུ། དེ་ཆོས་སྐུར་བསྒྱུར། དེའི་ཐུགས་ཀར་བུདྡྷ་ཐོད་ཕྲེང་རྩལ། ཕྱོགས་བཞིར་ཐོད་ཕྲེང་རྩལ་རིགས་བཞི། །དེའི་ཕྱི་རོལ་འདབ་མ་བརྒྱད་ལ་གུ་རུ་མཚན་བརྒྱད་བསྒོམ། རང་རྟ་མགྲིན་གྱི་ཕྱི་རོལ་འདབ་མ་བཅུ་དྲུག་ལ་གིང་ཡབ་ཡུམ་བཅུ་དྲུག །སྒོ་བཞི་ལ་སྒོ་མ་བཞི་བསྒོམ་པར་བྱའོ། །རཏྣ་

[Full Size]

གླིང་པའི་ཐུགས་སྒྲུབ་ལ་ནི། རང་རྟ་མགྲིན་གྱི་སྤྱི་བོར་ཨུ་རྒྱན་བསྒོམ། དེའི་ཐུགས་ཀར་བུདྡྷ་ཐོད་ཕྲེང་རྩལ་བསྒོམ། རང་གི་ཕྱོགས་བཞིར་ཐོད་ཕྲེང་རྩལ་རིགས་བཞི། དེའི་ཕྱི་རོལ་དུ་གུ་རུ་མཚན་བརྒྱད། དེ་རྒྱབ་གིང་ཡབ་ཡུམ་བཅུ་དྲུག་སོགས་བསྒོམ་པ་ཡིན་ནོ།། ༈ གུ་རུ་དྲག་པོའི་གནད་ནི། རང་དྲག་པོའི་དབུ་སྐྲའི་གསེབ་ཏུ་ཐོད་ཕྲེང་རྩལ་མཐིང་ནག་བསྒོམ་པ་དེའི་ཕྱག་གཡས་པའི་གྲུ་མོ་ལ་ཐོད་པ་སྟག་སྤྱོད་ཀྱི་རྔ་བཀལ་བ་དེ་ལས་ཧཱུྃ་སྒྲ་རིང་གྲག་ཏུ་ཡོད་པས་སྟོང་གསུམ་ཀུན་ཀྱང་ཧཱུྃ་གི་སྒྲ་དི་རི་རི་གྲགས་པས་ཕྱོགས་བཅུའི་སངས་རྒྱས་བྱང་སེམས་གུ་རུ་དྲག་པོའི་ལྷ་ཚོགས་ཐམས་ཅད་ཁ་བ་བུ་ཡུག་འཚུབ་པ་ལྟར་བྱོན་ནས་བདག་ལ་སིབ་སིབ་ཐིམ་པར་བསྒོམ་ཞིང་། སྔགས་ཐོད་ཕྲེང་རྩལ་བསྙེན་པས་ཞི་བར་བསྙེན་ནས་ཁྲོ་བོར་སྒྲུབ་པའི་མན་ངག་སྟེ། སྔགས་འདི་ལ་རབ་བྱེ་བ། འབྲིང་བདུན་འབུམ། ཐ་མ་སུམ་འབུམ་མ་ཐོན་བར། སྔགས་ཨ་ཙིག་མི་འདོན་པ་མན་ངག་ཡིན། དེ་མ་ཤེས་ན་སློང་དང་བར་ཆད་ཆེན་པོ་ཡོང་། དེ་ནས་གོ་ཆའི་ལྷ་རྣམས་བསྙེན་འདོད་ནའང་། དམིགས་པ་ནི་གོ་ཆ་ལྷ་ལྔ་རྒྱན་གྱི་ཤོག་དྲིལ་ལས་གསུངས་པ་དེ་རྣམས་ལས་དཔྱད་པས་ཤེས་

[Full Size]

སོ། ༈ སྒྲོལ་དཀར་གྱི་གནད་འདི་ལ་དམིགས་པ་རྒྱས་བསྡུས་གཉིས་ལས། རྒྱས་པར་ནི་ཐུགས་ཀར་འཁོར་ལོ་གདན་ཐབས་ལྟེ་བར་ཡི་གེ་ཧཱུཾ་གཡས་སུ་ཨོཾ། གཡོན་དུ་ཧཱ། ཨོ་ལ་མགོ་བཟུང་ནས་ཏཱཾ་ལ་བསྐོར་ནས། མ་མཱ་ཨཱ་ཡུ་པུཎྱེ་ཛྙཱ་ན་པུཊྚི་ཀུ་རུ་སྔགས་མཇུག་ཧ་བཏགས། དཔེར་ན་སྣ་གཅུ་བཀུག་པ་ལྟ་བུ། དེ་རྒྱབ་འཁོར་ལོ་རྩིབས་བརྒྱད་ཏཱ་རེ་ཏུཏ་ཏཱ་རེ་ཏུ་རེ་ས༔ ཞེས་ཡིག་འབྲུ་རེ་རེ། དེ་རྒྱབ་མུ་ཁྱུད་ལ་དབྱངས་ཡིག་བཅུ་དྲུག་གཡོན་བསྐོར། དེ་རྒྱབ་གསལ་བྱེད་གཡས་བསྐོར། དེ་རྒྱབ་ཡེ་དྷརྨཱ་གཡས་བསྐོར། དེ་རྣམས་ཡིག་འབྲུ་ཐམས་ཅད་ལངས་པ་མུ་ཏིག་གི་ཕྲེང་བ་ལྟ་བུ། དེ་རྒྱབ་མུ་ཁྱུད་ལ་རྡོ་རྗེ་དཀར་པོ་ནས་ཙམ་གྱི་ཕྲེང་བ། དེ་རྒྱབ་མེ་རི་དཀར་པོ་སོར་བཞི་ཙམ་གྱི་ཕྲེང་བ། དེ་ལྟར་འཁོར་ལོ་རྩིབས་མུ་ཁྱུད་ཅན་དེ་ལ་སྔགས་འཁོར་རྒྱུ་མེད། འཁོར་ལོ་འཁོར་རྒྱུ་མེད། འོད་ཟེར་སྤྲོ་བསྡུ་ཁོ་ན་ཡིན། བསྡུས་པ་ཇོ་བོ་རྗེའི་ལུགས་ནི། རང་སྒྲོལ་དཀར་ཐུགས་ཀར་འཁོར་ལོ་རྩིབས་བརྒྱད་པ་གདན་ཐབས། ལྟེ་བར་མ་རེག་ཙམ་དུ་ཏཾ། རྩིབས་བརྒྱད་ལ་ཏཱ་རེ་ཏུཏྟ་རེ་ཏུ་རེ་སྭཱ། ཏཱཾ་གི་སྟེང་དུ་ཨོ་བྱ་ལྡིང་བ་ལྟ་བུ། འཁོར་ལོའི་ལྟེ་བའི་འོག་ཏུ་ཧཱ་བཏགས་པ་ལྟ་བུ་འཁོར་

[Full Size]

ལོ་ལ་མ་རེག་པ། འཁོར་ལོ་གཡས་སུ་འཁོར། ཡིག་འབྲུ་གཡོན་དུ་འཁོར། ཨོ་ཏཱཾ་ཧ་གསུམ་གཡོ་འགུལ་མེད་པར་བསྡད་པའོ། །འཇམ་དབྱངས་དཀར་པོ་ཡང་དེ་དང་མཚུངས་ཏེ། འཁོར་ལོ་དཀར་པོ་རྩིབས་དྲུག་པའི་ལྟེ་བར་ཨཱདཀར་པོ། རྩིབས་དྲུག་ལ་ཨོ་ཝ་ཀྱེ་དཾ་ན་མ་ཡིག་འབྲུ་རེ་རེ། ཡིག་འབྲུ་རྣམས་ལངས་ཏེ་འཁོར་ལོ་ལ་མ་རེག་པ། འཁོར་ལོ་གཡས་སུ་འཁོར། ཡིག་འབྲུ་གཡོན་དུ་འཁོར་བའོ། །གོང་འོག་གཉིས་འདྲ་བ་ལ་འཁོར་ལོའི་རྩེ་མོ་རལ་གྲི་སོ་གཉིས་མ་ལྟར་རྣོ་བ། འཁོར་ལོ་དང་ཡིག་འབྲུ་རྣམས་སྟོན་ཟླའི་མདོག་ལྟར་ཤིན་ཏུ་དཀར་བའོ།། ༈ གྲུབ་ཆེན་ཀརྨ་པཀྵིའི་མན་ངག །ནག་རྒྱལ་ཕག་གསུམ་སོགས་བླ་མེད་སྤྱི་ལ་སྦྱར་རུང་བའི་དམིགས་པ། ཡི་དམ་གང་ཡིན་གྱི་ཐུགས་ཀའི་འོད་ཟེར་ཕྱོགས་བཅུར་འཕྲོས་པས། ཕྱོགས་བཅུའི་སངས་རྒྱས་བྱང་སེམས་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་ཐམས་ཅད་མཆོད། དེ་རྣམས་ལྷ་གང་ཡིན་དེའི་སྐུར་གྱུར་ནས་ཁ་བ་བུ་ཡུག་ལྟར་ཆི་ལི་ལི་བྱུང་ནས་རང་ལ་སིབ་སིབ་ཐིམ་པར་བསྒོམ། དམིགས་པ་གཞན་མང་པོ་བས་དེ་ཁོ་ན་ཟབ་པ་མྱོང་བས་གྲུབ་བོ། །དེ་རྣམས་གནད་ཆེ་བའི་ཞལ་ཤེས་

[Full Size]

བརྗེད་ཐོ་ཙམ་སྟེ། རྒྱུད་སྒྲུབ་ཐབས་རྣམས་ནི་ཤིན་ཏུ་མཐུན་ལ། བླ་མ་འོད་བྲན་པ་ངག་དབང་འཇིགས་མེད་གྲགས་པ་དང་། པཎ་ཆེན་ལུང་རིགས་ཉི་མ་སོགས་སློབ་དཔོན་མཁས་པ་མང་པོའི་ངག་ཁྲིད། རང་གི་ཉམས་སུ་མྱོང་བ་དང་བསྟུན་ཏེ། ༧ སྐྱབས་གནས་སྤྲུལ་པའི་སྐུའི་བཀའ་ཡིས་བསྐུལ་ནས། ༧ རཱ་ག་ཨ་སྱས་འཕྲལ་དུ་གང་དྲན་སྨྲས་པ་ལྟར། གླིང་གི་དགེ་བཤེས་པདྨ་དད་པས་ཡི་གེར་བཀོད་པ་ལས། འགལ་འཁྲུལ་གང་མཆིས་བཤགས་ཤིང་དགེ་བས་འདི་ཉིད་མཐོང་ཐོས་ཐམས་ཅད་དངོས་གྲུབ་རྣམ་གཉིས་མྱུར་དུ་ཐོབ་པའི་རྒྱུར་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསང་སྔགས་སྤྱིའི་ཞལ་ཤེས་ཟིན་བྲིས་བསྡུས་པ།

[Full Size]

གསང་སྔགས་སྤྱིའི་ཞལ་ཤེས་ཟིན་བྲིས་བསྡུས་པ་བཞུགས་སོ། །

[Full Size]

ན་མོ་གུ་རུ་དྷེ་ཝ་ཌཱཀྐི་ནི་ཧཱུཾ། རྙིང་མའི་ཆོ་གའི་མིང་ལ་ནི། །ལས་བྱང་ཞེས་པ་བརྡ་རྙིང་སྐད། །རྙིང་མ་གྱེར་སྒོམ་ཞེས་བྱ་སྟེ། །ངག་ནས་འདོན་རྒྱུ་དེ་རྣམས་ནི། །ཡིད་ལ་བྷེ་རྒྱུ་ཁོ་ན་སྟེ། །ཚིག་ལ་རིགས་པའི་དཔྱད་པས་གསལ། །ལོགས་ནས་བསྒོམ་བྱ་ཚོལ་མི་དགོས། །གཞན་དང་མི་འདྲའི་ཁྱད་ཆོས་ཡིན། །མངོན་རྟོགས་ཚར་གཅིག་འདོན་པ་དེས། །བདག་ཉིད་ལྷ་རུ་བསྐྱེད་པ་དང་། །མདུན་བསྐྱེད་བུམ་བསྐྱེད་གཏོར་བསྐྱེད་རྣམས། །དུས་གཅིག་ཉིད་དུ་གསལ་བཏབ་སྟེ། །སྤྱན་འདྲེན་བྱས་པས་ཡེ་ཤེས་པ། །གྲངས་མེད་སྤྱན་དྲངས་བདག་མདུན་དང་། །

[Full Size]

བུམ་པ་གཏོར་མ་ཀུན་ལ་བསྟིམ། །ཀུན་གྱི་དབུ་རྒྱན་ནང་དུ་ནི། །རིགས་ལྔ་གསལ་བའི་དཀྱིལ་འཁོར་ལྔས། །དབང་བསྐུར་བསམ་པར་བྱ་བ་དང་། །རང་ལས་སྤྲུལ་པའི་མཆོད་པ་ཡི། །ལྷ་མོ་བྱེ་བ་དུང་ཕྱུར་གྱིས། །བདག་མདུན་ལྷ་ཚོགས་ཐམས་ཅད་ལ། །ཕྱག་འཚལ་ཕྱི་ནང་གསང་བ་ཡི། །མཆོད་འབུལ་བསྟོད་པ་བྱེད་དམིགས་ཤིང་། །རང་གི་ངག་ནས་ལས་བྱང་ནི། །ཚར་གཅིག་འདོན་པར་བྱ་བའོ། །ཕུགས་གཏོར་སྟོད་ཆར་ལྷ་སོ་སོའི། །དཀྱིལ་འཁོར་རམ་ནི་འཁོར་བཅས་བསྒོམ། །སྨད་ཆ་མཆོད་པ་བདུད་རྩིའི་མཚོ། །ལྷ་བརྒྱ་གཏོར་གཅིག་བྱེད་ན་

[Full Size]

ནི། །ལྷ་ཚོགས་ནམ་མཁར་བསྒོམས་བྱས་ནས། །གཏོར་མ་བདུད་རྩིའི་རྒྱ་མཚོ་ནས། །མཆོད་པའི་ལྷ་མོས་བྷནྡྷས་བཅུས། །ལྷ་ཚོགས་སོ་སོར་མཆོད་པར་བྷྱོ། །རྡུལ་ཚོན་ཡོད་ན། མདུན་བསྐྱེད་གཙོ། །མེད་ན་བདག་བསྐྱེད་གཙོ་ཆེའོ། །ཐུགས་སྒྲུབ་ལ་སོགས་རྩ་བ་ཡིན། །ཡི་དམ་དཀྱིལ་འཁོར་བསྒོམ་པ་ཡི། །མེ་རི་རྡོ་ར་དུར་ཁྲོད་ནང་། །དཀྱིལ་འཁོར་གྲུ་བཞི་ཕྱི་ཡི་བར། །ལྷ་གྲངས་གང་ཡོད་སོ་སོར་བསྒོམ། །བདག་བསྐྱེད་མང་པོ་བྱེད་ན་ནི། །ནུབ་ངོས་ཁྱམས་དེར་བདག་བསྐྱེད་ཀྱི། །ལྷ་ཚོགས་མང་པོ་གྲལ་རིམ་བསྒོམ། །ཡང་ན་རང་ཉིད་སྐད་ཅིག་ལ། །གནས་འགྱུར་ཡི་དམ་རྗེས་མ་བསྒོམ། །མདུན་བསྐྱེད་ཤར་ངོས་དཀྱིལ་འཁོར་ཁྱམས། །ཐད་གྲལ་རིམ་པ་བཞིན་དུ་བསྒོམ། །བདག་བསྐྱེད་ཡི་དམ་ཐུགས་ཀ་རུ། །ཞི་བར་ཟླ་བ་དྲག་པོ་ལ། །ཉི་སྟེང་ས་བོན་ལངས་ཏེ་གནས། །དེ་མཐར་སྔགས་ཕྲེང་བསྐོར་བ་ནི། །མི་ཡིས་མཆོད་རྟེན་བསྐོར་བ་འདྲ། །ཕོ་རིགས་གཡས་དང་མོ་གཡོན་བསྐོར། །ཟླ་སྐར་ཕྲེང་བའི་བཟླས་པའོ། །དེ་ལས་འོད་ཟེར་འཕྲོས་པ་ཡིས། །སངས་རྒྱས་ཀུན་མཆོད་སེམས་ཅན་གྱི། །དོན་བྱས་ལྷ་དེའི་གོ་འཕང་བཀོད། །འོད་ཟེར་ཚུར་

[Full Size]

འདུས་བདག་ལ་ཐིམ། །བྱིན་རླབས་དངོས་གྲུབ་ཐོབ་པར་བསམ། །རང་ཐུགས་སྔགས་ཕྲེང་འཁོར་བཞིན་ལས། །འོད་ཟེར་ཁ་དོག་ལྔ་ལྡན་པ། །ཚོན་སྐུད་ལྟ་བུ་ཞལ་ནས་ཐོན། །མདུན་བསྐྱེད་ཞལ་ནས་ཐུགས་ཀ་ཡི། །སྔགས་ཕྲེང་ལ་ཐིམ་དྲག་ཏུ་འཁོར། །དེ་ལས་འོད་ཟེར་སྐུད་པ་བྱུང་། །གསང་བའི་གནས་སམ་ལྟེ་བ་ནས། །ཚུར་འདུས་རང་གི་ལྟེ་བའམ། །གསང་བ་ནས་ཞུགས་ཐུགས་ཀར་ཐིམ། །བྱིན་རླབས་དངོས་གྲུབ་ཐོབ་པར་བསམ། །དེ་ནི་སྒྲུབ་པའི་དམིགས་པའོ།། ༈ དེ་ནས་འོད་ཟེར་དེ་ཉིད་ནི། །སྔགས་སུ་བསྒྱུར་ལ་འཁོར་བ་ཡི། །ཕར་ལ་མཆོད་ནས་ཚུར་ལ་འཕྲོས། །ཚུར་ལ་དངོས་གྲུབ་ཚུལ་དུ་ཐིམ། །བར་དུ་འཁོར་ཚེ་དེ་ཉིད་ལས། །འོད་ཟེར་འཕྲོས་པས་སངས་རྒྱས་མཆོད། །བྱིན་རླབས་དངོས་གྲུབ་བསྡུས་ནས་ནི། །སྔགས་ཕྲེང་དེ་ལ་ཐིམ་པ་དང་། །འགྲོ་བའི་སྡིག་སྒྲིབ་སྦྱང་བར་དམིགས། །དེ་ནི་སྒྲུབ་པ་ཆེན་པོ་ཡིན། །རྒྱལ་པོའི་ཕོ་ཉ་ལྟ་བུ་ཡི། །དམིགས་པ་ཧྲག་བསྡུས་དེས་ཚང་ངོ།། ༈ དེ་ནས་ཕྲིན་ལས་བཞི་སྒྲུབ་ནི། །སྔ་དྲོ་སྔགས་ཕྲེང་དཀར་པོ་ཡིས། །ནད་གདོན་སྡིག་སྒྲིབ་ཞི་བར་བསྒོམ། །ཉིན་ཕྱེད་

[Full Size]

སྔགས་ཕྲེང་གསེར་གྱི་མདོག །ཚེ་དང་བསོད་ནམས་ཡེ་ཤེས་རྒྱས། །དགོང་མོ་སྔགས་ཕྲེང་དམར་པོ་ཡིས། །སྣང་སྲིད་རླུང་སེམས་དབང་དུ་འདུ། །སྲོད་ལ་སྔགས་ཕྲེང་ལྗང་ངམ་ནག །གནོད་བྱེད་དགྲ་བགེགས་ཚར་བཅད་བསམ། །དེ་ཡིས་བསྙེན་སྒྲུབ་དམིགས་རིམ་འདུས།། ༈ བསྐང་གཏོར་རི་རབ་གླིང་བཞི་ལ། །ལྷ་མིའི་ལོངས་སྤྱོད་དཔག་མེད་དམིགས། །ཆོས་སྐྱོང་སོ་སོའི་མཐུན་པའི་རྫས། །བྱ་ནག་གཡག་ནོག་ལ་སོགས་པ། །རེ་རེ་ལ་ཡང་བརྒྱ་སྟོང་འཕྲོ། །ནམ་མཁའ་བར་སྣང་ཁྱབ་གྱུར་པ། །བསྐང་ཡིག་གཞུང་ལྟར་ཐམས་ཅད་ཀུན། །ཚང་བར་དམིགས་ཏེ་འབུལ་བའོ།། ༈ གཏོར་ཟློག་སྟོད་ཆ་ལྷར་བསྒོམ་སྟེ། །བར་དུ་དྲག་པོའི་མཆོད་རྫས་རྣམས། །སྨད་ནི་དགྲ་བགེགས་ཤ་ཁྲག་སྟེ། །ཤ་རི་ཁྲག་མཚོ་རུས་པའི་གྲམ། །དཔག་མེད་ཡིད་ཀྱིས་དམིགས་ཏེ་འབུལ། །ལིངྒ་བསྒྲལ་བའི་ལིང་རོ་དང་། །གཏོར་ཆུང་དགྲ་བགེགས་ཤ་ཁྲག་ནི། །ཞལ་དུ་བསྟབ་བསྟིམ་ཕུལ་བསམ་བསྟབ།། ༈ ཟློག་གཞུང་འདོན་ཚེ་དམིགས་པ་ནི། །ལྷ་དེ་སྤྲུལ་པའི་ཁྲོ་ཆུང་ནི། །རང་འདྲ་དཔག་མེད་འཕྲོས་པ་ཡིས། །གནོད་བྱེད་བྱ་སྤུ་རླུང་ཁྱེར་

[Full Size]

ལྟར། །ནམ་མཁའི་མཐའ་ལ་བསྐད་བྱས་ཏེ། །བར་མཚམས་མཚོན་ཆའི་མེ་རི་ཡིས། །གུར་གྱིས་མཚམས་བཅད་ལྡོག་མེད་བསམ། ༈ གཏོར་ཟློག་འབུལ་ཁ་གཏོར་མ་ལ། །ཡིད་ཀྱིས་ནམ་མཁར་བཏེག་བྱས་ཏེ། །སེར་སྤྲིན་དྲག་ཏུ་འཁྲུགས་པ་ལྟར། །འུར་འུར་ཆེམ་ཆེམ་དགྲ་བགེགས་ཕྱོགས། །དམག་དཔུང་ཆས་པའི་ཚུལ་དུ་བསྒོམ། །གཏོར་མ་ལྷ་དེའི་ཕྱག་གཡས་ཀྱིས། །ཕྱག་མཚན་བསྐལ་པའི་མེ་དཔུང་འབར། །དགྲ་བགེགས་སྟེང་དུ་བརྒྱབ་པ་ལ། །དེ་ཡི་ཕྱོགས་སུ་ཕུལ་བ་ཡིས། །བར་སྣང་གཟའ་རྒོད་རྒྱུག་པ་ལྟར། །མེ་དཔུང་འུར་སྒྲ་དང་བཅས་སོང་། །གནོད་བྱེད་གང་ཡིན་དེ་ལ་ཕོག །རྩྭ་སྐྱའི་སྟེང་དུ་མེ་དཔུང་གི །ཐོག་བརྒྱབ་ལྟར་དུ་རྗེས་མེད་བསམ།། །༈ དཀར་གཏོར་དཀར་གསུམ་བདུད་རྩིའི་མཚོ། །བསྔོས་པ་ཙམ་གྱིས་ལྷ་འདྲེ་རྣམས། །ཐམས་ཅད་དགའ་མགུ་ཚིམ་པར་དམིགས།། ༈ ཐུན་གཏོར་ཤ་ཁྲག་དམར་གཏོར་དེ། །བྷན་ཡངས་ཤིང་རྒྱ་ཆེའི་ནང་། །གནམ་ལྕགས་ཁ་ཊཾ་རྩེ་གསུམ་པ། །བྲག་རི་ལྟ་བུ་ཆེ་ཞིང་ས། །སྤུ་གྲི་ལྟ་བུ་རྣོ་བ་ལས། །བཀུག་གཞུག་བྱས་པས་དགྲ་བགེགས་རྣམས། །

[Full Size]

ཁོ་ཤོག་རླུང་གིས་ཁྱེར་ལྟར་བཀུག །ལས་ཀྱི་རླུང་ཤུགས་དྲག་པོ་ཡིས། །ཁ་ཊཾ་དེ་ལ་བརྒྱབ་མ་ཐག །ཤ་ཁྲག་དམར་ཆིལ་གཏོར་སྣོད་གང་། །ཁ་ཊཾ་འོད་ཞུ་ངོ་བོ་ནི། །གནོད་བྱེད་དེ་ཡི་ཤ་ཁྲག་སྲོག །རྣམ་པ་ཡེ་ཤེས་བདུད་རྩི་དེ། །ཆོས་སྐྱོང་སོ་སོ་ལ་ཕུལ་བས། །ཐམས་ཅད་གསོལ་ཞིང་དགྱེས་པར་དམིགས། །ཕྱི་རོལ་གཏོར་ཁྲིའི་ཕྱོགས་དེ་ནས། །བསྔོས་པ་ཆོས་སྐྱོང་བཞུགས་པ་ཡི། །ཞལ་དུ་གཏོར་མ་ཕུལ་བས་མཉེས། །གནོད་བྱེད་དགྲ་བགེགས་ཐམས་ཅད་ནི། །།བཙོན་དུ་ཁྱེར་ནས་རང་གནས་ཀྱི། །དུར་ཁྲོད་སོགས་སུ་ཁྱེར་བར་བསྒོམ། །དེ་ནི་ཞི་བའི་ལུགས་ཡིན་ཏེ། །དྲག་པོའི་དམིགས་པ་གཏོར་ཟློག་ནི། །ཕུལ་དང་ཐུན་གཏོར་ཕུལ་བ་གཅིག། ༈ གཏོར་རྒྱབ་གཏོར་ཁ་སྟོན་པ་ལ། །རུང་དང་མི་རུང་ཁྱད་པར་ཆེ། །ཀླུ་བདུད་གདོན་དང་མ་མོ་དང་། །གཟའ་དང་ལྷ་གནད་བྱད་ཁ་དང་། །ཚད་པ་གཉན་དང་ནད་ངན་རིམས། །དེ་ལ་གཏོར་མ་བརྒྱབ་ན་ཐུ། །ཡང་ན་རྐྱེན་ངན་སྣ་ཚོགས་འབྱུང་། །རྒྱལ་འགོང་དམ་སྲི་ཐེའུ་རང་དང་། །རླུང་ནད་སྨྱོ་འབོག་སྨྱོ་རྒོད་དང་། །བྱིས་པ་ཤི་བའི་བུད་མེད་དང་། །ལམ་འདྲེ་གློ་བུར་གདོན་རྒོད་དང་། །ཤི་འཕྲོ་མ་ཚོད་

[Full Size]

མང་དུ་ཤི། །ནད་ངོས་མ་ཟིན་ནད་ཡུན་རིང་། །འགྲིམ་སྣ་རྒོད་ཅིང་ལོག་གྱུ་མང་། །དེ་ཚོ་གཏོར་ཁ་བསྟན་ན་ཕན།། ༈ དཀར་གཏོར་བགེགས་གཏོར་བདེན་པ་བདར། །ཆོས་བཤད་གནོད་པ་མ་བྱེད་སྨྲ། །ནད་པའི་ཚེ་བསོད་སྲོག་རྣམ་ཤེས། །ཐིག་ལེ་དཀར་པོ་མཐེ་བོང་ཙམ། །དབུ་མའི་ལམ་ནས་སྤྱི་བོར་སྤར། །ནམ་མཁའི་ཨོ་རྒྱུན་ཐུགས་ཀར་བསྟིམ། །ལུས་དེ་ཧོམ་ཁུང་བསྒོམ་པའི་ནང་། །གདོན་དེ་ལིངྒའི་གཟུགས་སུ་བསྐྱེད། །བཀའ་དང་དམ་ལ་མི་གནས་པ། །གནོད་བྱེད་བཀུག་གཞུག་ལན་གསུམ་བྱ། །གཏོར་མ་ལྷ་རང་སོ་སོ་ཡི། །བསྐུལ་པ་རེ་དང་གྱེར་བ་སྟེ། །ཆད་མདོ་བརྟན་སྐྱོང་སྤུ་གྲི་གསུམ། །སྨྱོ་ཁ་ཞིང་སྐྱོང་མ་ནིང་དང་། །སེང་གདོང་རྟ་ནག་དྲག་པོ་སོགས། །སོ་སོའི་སྔགས་མཐར་གནོད་བྱེད་པའི། །གདོན་བགེགས་མཱ་ར་ཡ་ཧཱུྃ་ཕཊ། །ཅེས་བཏགས་བརྒྱབ་ཅིང་དར་ནག་གམ། །ཐུན་བྲབ་དྲག་སྔགས་ཤེས་ཚད་བརྗོད། །དམིགས་པ་ཆོས་སྐྱོང་སོ་སོ་ཡི། །ཕྱག་མཚན་བསྐལ་པའི་མེ་འབར་བས། །བརྒྱབས་པས་གནོད་བྱེད་གཞོབ་ཐུལ་བསྲེགས། །སྟོང་པར་བསམས་ལ་དམིགས་མེད་བཞག །ནམ་མཁའི་ཨོ་རྒྱན་ཐུགས་ཀ་

[Full Size]

ཡི། །ཐིག་ལེ་སྤྱི་བོ་ནས་མར་བསྟིམ། །གནས་གསུམ་ཨོཾ་ཨཱཧཱུྃ་བསྒོམ་བསྲུང་། །ཚེ་འགུགས་བྱས་ལ་བཀྲ་ཤིས་བརྗོད། །གདོན་དང་ནད་ཀྱིས་མ་མནར་བར། །བདེ་རིམ་གཏོར་ཁ་སྟོན་མི་རུང་། །འོན་ཀྱང་སྐྱེ་བོ་བླུན་པོ་ཡིས། །མི་རུང་བཞིན་དུ་དགོས་སྨྲ་ཞིང་། །མ་བྱས་རྣམ་རྟོག་མི་ཞི་ན། །ཁོ་ཡི་རྒྱབ་ངོས་ཆོས་སྐྱོང་བསྒོམ། །གཏོར་མ་བདུད་རྩིའི་རང་བཞིན་ཏེ། །ཆོས་སྐྱོང་ཞལ་དུ་ཕུལ་བར་བསྒོམ། །དེ་ལ་ཡག་ཉེས་ཅི་ཡང་མེད། །ཁོ་རང་སེམས་ཡིད་ཚིམ་ཕྱིར་ཡིན།། ༈ ལར་ནི་བསྲུང་བའི་དམིགས་རིམ་ནི། །རང་ཉིད་ཡི་དམ་གང་ཡིན་གྱི། །ཐུགས་སྲོག་ཧཱུྃ་གི་ཐིག་ལེའི་ནང་། །སྐྱབས་གནས་བླ་མ་རྡོ་རྗེ་འཆང་། །རང་ལ་བྱིན་རླབས་འཇུག་ཕྱིར་བསྒོམ། །བླ་མའི་སྐུ་སྲུང་བྱེད་དགོས་ན། །དེ་མཐར་བསྲུང་བྱའི་བླ་མ་ཀུན། །རྡོ་རྗེ་འཆང་ལ་བསྐོར་བར་བསྒོམ། །ཧཱུྃ་གི་ཟླ་ཚེས་ནང་དུ་ནི། །རང་གི་ཡི་དམ་རྩིས་ཆེན་དང་། །འ་ཆུང་ཆོས་སྐྱོང་རྩིས་ཆེན་རྣམས། །བསྒོམས་པས་ཕ་རོལ་བྱད་མ་ཡིས། །ལྷ་དབྱེ་བྱས་ཀྱང་དབྱེ་མི་ཐུབ། །ཧཱུྃ་གི་ཞབས་ཀྱུའི་ནང་དུ་ནི། །ཨཿཡཿམཿདུཿརཿཙཿནཿ མགོ་མཇུག་ལྡོག་པ་སྤུས་བྲིས་ཙམ། །བསྒོམས་པས་བུ་

[Full Size]

རྟིས་བཟུང་དང་མཚུངས། །སྡེ་བརྒྱད་རང་སྲོག་གཅོད་མི་སྲིད། །ཧཱུྃ་གི་སྡོང་པོ་ལྕགས་སྦུབ་ལྟར། །ཁོག་སྟོང་དབུས་ཀྱི་ཧ་ཁོག་ནང་། །རང་གི་བླ་སྲོག་ཚེ་བསོད་ནམས། །ངོ་བོ་ནི་ཡིག་ལྗང་གུ་ནི། །འོད་ཟེར་བཀྲག་མདངས་ལྡན་པ་ཡི། །གཡས་སུ་བསྲུང་བྱ་ཕོ་རིགས་རྣམས། །གཡོན་དུ་མོ་རིགས་སྦྲ་ཞིང་ཁང་། །མདུན་དུ་ཟས་ནོར་ཐམས་ཅད་རྣམས། །མངོན་སུམ་ལྟ་བུར་དངོས་སུ་བསྒོམ། །བསྲུང་བྱ་བློ་གཏད་མི་ཕེར་བར། །རྒྱབ་ནས་ངོ་ལོག་འོང་དོགས་ན། །རང་ཉིད་ཡི་དམ་ཕྱི་རོལ་གྱི། །དཀྱིལ་འཁོར་ནང་དུ་ཚུད་ཙམ་བྱ། །དེ་བས་ཞན་པའི་ཡོན་བདག་ལ། །རྡོ་ར་མེ་རིའི་ནང་ཚུད་ཙམ། །བསྲུང་བྱ་བྱད་ཁ་མང་བ་ལ། །སྲུང་འཁོར་དམ་པོར་བསྒོམ་པ་ནི། །སྔགས་པ་མ་ཐུབ་བར་དུ་ནི། །དེ་ལ་ཐུབ་རྒྱུ་མེད་པའོ། །སྔོན་ལས་མིན་པའི་འཕྲལ་རྐྱེན་ནི། །སྲུང་འཁོར་བསྒོམས་པས་ངེས་པར་ཟློག །འོན་ཀྱང་རང་ལ་དེ་ཙམ་རྩུབ། །སྒོམ་ལུགས་བློ་གཏད་ཆེ་ཆུང་ལྟོས། །ཞེས་པ་འདི་སྔགས་རྒན་ཨ་རཱ་གས་ཕྱི་རབས་རྗེས་འཇུག་སྔགས་འཆང་རྣམས་ཀྱི་དོན་དུ་བྲིས་པ་མངྒ་ལཾ།།

གསར་རྙིང་ཡི་དམ་ཆོས་སྐྱོང་སྤྱི་ཡི་སྲུང་ཟློག་མན་ངག་ཞལ་ཤེས།

[Full Size]

གསར་རྙིང་ཡི་དམ་ཆོས་སྐྱོང་སྤྱི་ཡི་སྲུང་ཟློག་མན་ངག་ཞལ་ཤེས་བཞུགས། །

[Full Size]

ན་མོ་གུ་རུ་དྷེ་ཝ་དྷཱ་ཀི་ནཱི་ཧཱུྃ། རྩ་བ་གསུམ་ལ་གུས་པས་ཕྱག་འཚལ་ནས། །གསར་རྙིང་སྤྱི་ཡི་མན་ངག་ལ། །སྲུང་བ་བསྐང་བཟློག་བྱ་བ་ནི། །བཅས་དང་དམིགས་པ་ཕུལ་ལུགས་གསུམ། །དང་པོ་བཅའ་ལུགས་འདི་ལྟར་ཏེ། །བླ་མ་གཏོར་མ་ཟླུམ་པོ་སྟེ། །ཡི་དམ་གཏོར་མ་སྟོད་ཟུར་གསུམ། །མཁའ་འགྲོ་ཟླུམ་པོ་སྟོད་ཟུར་གཉིས། །ཆོས་སྐྱོང་གཏོར་མ་ཟུར་གསུམ་པ། །ལྷ་མོ་ལ་ཡང་དེ་ལྟ་བུ། །ནོར་ལྷ་ནོར་བུའི་དབྱིབས་ཅན་ཏེ། །ཕྱི་རྒྱུད་པ་ལ་དཀར་གཏོར་དང་། །བདུན་པོ་ཕུགས་གཏོར་ཡིན་པ་སྟེ། །དབུས་སུ་བླ་མ་གཡས་ཡི་དམ། །དེ་གཡས་

[Full Size]

ཆོས་སྐྱོང་ཕོ་རྒྱུད་དེ། །དེ་ཡི་གཡས་སུ་ནོར་ལྷའོ། །བླ་མའི་གཡོན་དུ་མཁའ་འགྲོ་སྟེ། །དེ་གཡོན་ལྷ་མོ་དེ་ཡི་གཡོན། །ཕྱི་རྒྱུད་པ་དེ་གཏོར་མ་བདུན། །དེ་ལ་ཅི་ཡང་འདོན་དུ་རུང་། །ཀ་ཏོ་རའམ་སྡེར་ནང་དུ། །རི་རབ་བང་རིམ་བཞི་པའི་སྟེང་། །ཞི་དང་སྲུང་བར་ཟླུམ་པོ་སྟེ། །ནོར་དང་རྒྱས་པར་ཟུར་བཞི་པ། །དབང་ལ་ཟུར་གཉིས་དྲག་པོ་ལ། །བསྐང་གཏོར་ཟུར་གསུམ་བྱ་བ་སྟེ། །རྩེ་ལ་བཀྲ་ཤིས་རྟགས་བརྒྱད་དང་། །དེ་འོག་རྒྱལ་སྲིད་རིམ་པ་ལྟར། །བྱ་དང་རི་དྭགས་གཅན་གཟན་དང་། །རྟ་ནག་གཡག་ནག་ལུག་ནག་སོགས། །གཡུང་དྭགས་དེ་འོག་ཆུ་

[Full Size]

གནས་བཙུགས། །རྟ་གཡག་བྱ་ལུག་ནག་པོ་ནི། །བཅུ་གསུམ་བདུན་ལྔ་གསུམ་སོགས་བཙུགས། །མར་ཐུད་རིལ་བུ་ཤ་སོགས་བརྒྱན། །དེ་ནི་བསྐང་བའི་གཏོར་མ་སྤྱི། །གཟུགས་འགྲོས་ཁ་ཡི་སྟོན་ལུགས་ནི། །སྲུང་བ་ཐམས་ཅད་ནང་ན་སྟོན། །ཟློག་པ་ཕྱི་ལ་སྟོན་པ་སྟེ། །ཕྱོགས་ཀུན་ཁ་སྟོན་དམག་ཐབ་ཡིན། །ཐམས་ཅད་མདུན་དུ་ཁ་བསྟན་པ། །ཇག་ཐབས་བསད་པའི་ལས་ལ་ཤེས། །སྤྱི་འགྲོས་ཟློག་པའི་བཅའ་ཐབས་ནི། །ལྕགས་སྣོད་ནང་དུ་ལུག་རིལ་ལམ། །ས་ཉོབ་སྟེང་དུ་འཇིམ་པས་གཡོགས། །དབུས་སུ་གྲུ་གསུམ་ཅུང་ཟད་བྲུ། །དེ་སྟེང་དམར་གཏོར་ཆེ་བ་གཅིག །ཟུར་རེར་རྩང་ཐུར་བདུན་རེའོ། །དེ་རྒྱབ་དམར་གཏོར་ཆུང་བ་ནི། །བརྒྱད་དམ་ཡང་ན་བཅུ་ཡིས་བསྐོར། །རེ་རེར་རྩང་ཐུར་བདུན་རེ་དང་། །གཙོ་བོའི་རྩེ་ལ་མེ་རི་བྱ། །དེ་སྟེང་དར་ནག་གདུགས་ཆུང་ཕུབ། །མེད་ན་མདའ་དར་ནག་པོ་དང་། །ཁྱུང་གི་ཙཀླུ་བཙུགས་པར་བྱ། །ཐམས་ཅད་ལིང་ཆུང་མགོ་ཐུར་དང་། །སྙིང་གི་གཟུགས་དང་ཤས་བརྒྱན་ནོ། །དེ་རྒྱབ་རྩང་རིང་བརྒྱ་རྩའམ། །རེ་གཅིག་གམ་ནི་ཉེར་བརྒྱད་བཙུགས། །ཡོད་ན་སྒོ་རྩང་བཞི་པོ་ནི། །ཤར་ཟླུམ་ལྷོ་རུ་གྲུ་

[Full Size]

བཞི་པ། །ནུབ་ཏུ་ཟླ་གམ་བྱང་ཟུར་གསུམ། །དེ་བཞི་ཐད་ཁར་བསླང་སྟེ་འཛུགས། །གཞན་རྣམས་རྒྱ་གྲམ་སྲིན་མོ་འགྲོས། །དེ་ལ་ཡི་དམ་ཆོས་སྐྱོང་ནི། ཟློག་གཞུང་ཡོད་ཚད་འདོན་རུང་སྟེ། །ཟློག་དཔུང་ཞེས་པའི་མིང་འདོགས་སོ། །བསྐང་གཏོར་བསྐང་བ་ཡོད་ཚད་འདོན། །ནུབ་རེ་ཚོགས་རེ་གཏོར་འབུལ་རེ། །དེ་ལྟར་ཞག་མང་བྱས་ན་ལེགས། །ཉིན་རྫོགས་བྱེད་ཀྱང་རུང་བ་སྟེ། །གྲྭ་པ་མང་ན་ཚར་མང་འགྲོ། །བཅའ་ཚོགས་མདོར་བསྡུས་སྤྱི་འགྲོས་སོ། །དེ་ནས་འདོན་ལུགས་རིམ་པ་ནི། །དང་པོ་སྐྱབས་སེམས་མཆོད་བྱིན་རླབས། །དེ་ནས་སྔོན་འགྲོ་དཀར་བགེགས་བཏང་། །ཀུན་རིག་ནང་གི་སྔོན་འགྲོ་དང་། །བགེགས་གཏོར་གཉིས་པོ་བྱས་ཀྱང་རུང་། །དེ་ནས་ཡི་དམ་གང་བྱེད་ཡ་ཀུན། །དེ་ནས་ཆོས་སྐྱོང་གང་ཡོད་ཀྱི། །ལས་བྱང་ཐམས་ཅད་རིམ་པར་འདོན། །དེ་ནས་བསྐང་བ་ཐམས་ཅད་འདོན། །དེ་ནས་ཟློག་པ་ཐམས་ཅད་འདོན། །དེ་ནས་ཚོགས་བྱེད་དེ་ནས་ནི། །གཏོར་འབུལ་དཀར་གཏོར་མཉམ་དུ་འབུལ། །མདོ་སྒྲུབ་སེང་གདོང་ཐལ་བརྡེབ་བྱ། །ཕྱིར་ནངས་ཡང་ནི་དེ་ལྟར་གྱིས། །སྔགས་པ་སྤྱི་ཡི་ཕྱག་ལེན་ནོ། །ཡི་དམ་

[Full Size]

ཆོས་སྐྱོང་གཉིས་ཀྱི་མཚམས། །གཏོར་བསྔོས་བྱེད་པ་རྙིང་ལུགས་དེ། །ཚོགས་བྱས་ཚོགས་ཕུད་ཕུལ་བྲན་ནས། །གཏོར་བསྔོས་བྱེད་པ་ཀར་ལུགས་སོ། །རྙིང་མའི་ཚོགས་ཕུད་རིམ་པ་གསུམ། །དང་པོ་ཕུད་ལ་གཏོར་བསྔོས་བྱེད། །གཉིས་པར་བསྐང་བ་གསོས་ལ་འདོན། །གསུམ་པ་ཟན་ལིང་དང་བཅས་བསྒྲལ། །ཟློག་པ་གསོས་ལ་ཟློག་པ་འདོན། །ཚོགས་རོལ་ལྷག་མ་གཙང་ལྷག་བྱ། །ཟློག་པའི་མཐའ་ཡི་རྩང་ནང་དུ། །འབུལ་བ་རྙིང་ལུགས་འཆུགས་མེད་ཡིན། །དེ་ནས་དམིགས་པའི་བྱེ་བྲག་ནི། །ཕུགས་གཏོར་སོ་སོའི་རྩེ་ཡི་ཐད། །ལྷ་ཚོགས་སོ་སོར་བཞུགས་པ་ཡི། །ལྗགས་ཀྱི་འོད་ཟེར་སྦྲ་གུ་ཡིས། །གཏོར་མ་དྲངས་གསོལ་གསར་མ་སྟེ། །གཏོར་མའི་སྟོད་ནི་ལྷ་ས་སོ། །སྨད་ནི་བདུད་རྩི་མཆོད་པའི་སྤྲིན། །བསྒོམ་པ་རྙིང་མའི་ལུགས་ལགས་སོ། །བསྐང་གཏོར་གླིང་བཞིའི་རི་རབ་དང་། །ལྷ་མིའི་ལོངས་སྤྱོད་བསམ་ཡས་དམིགས། །དེ་ཡི་སྟེང་གི་ནམ་མཁའ་ལ། །ཟློག་པའི་སྟོད་ནི་ལྷ་རྣམས་ཏེ། །སྨད་ནི་གྲུ་གསུམ་ཧོམ་ཁུང་ནང་། །གནོད་བྱེད་དགྲ་བགེགས་དངོས་སུ་གསལ། །སྐེད་པ་ཤ་ཁྲག་རྒྱ་མཚོ་སྟེ། །མཐའ་རྩང་དབང་ཕྱུག་སྲིན་མོའི་ཚོགས། །ཟན་ལིང་

[Full Size]

བཀུག་གཞུག་བསྒྲལ་ལས་བྱ། །དགྲ་བགེགས་ཤ་ཁྲག་ཞལ་དུ་བསྟབ། །ཟློག་གཞུང་འདོན་ཚེ་ལྷ་ཚོགས་ཀྱིས། །སྐུ་ལས་སྤྲུལ་པའི་ཁྲོ་ཆུང་ཚོགས། །ཁྱུང་དང་མེ་རླུང་འཚུབ་མ་འཕྲོས། །དགྲ་བགེགས་ནད་གདོན་ལྟས་ངན་དང་། །བྱེད་ཁ་ཚིག་ཆེན་ཉམ་ང་རྣམས། །བྱ་སྤུ་རླུང་གིས་གཏོར་བ་ལྟར། །རྒྱ་མཚོའི་ཕ་མཐར་བསྐྲད་པར་བསྒོམ། །ཟློག་གཞུང་སྤྱི་ཡི་དམིགས་པའོ། །ནམ་མཁར་བླ་མ་ཡི་དམ་དང་། །མཁའ་འགྲོ་ཆོས་སྐྱོང་སྤྲིན་ལྟར་འཁྲིགས། །བསྐང་གཏོར་ལྷ་མིའི་ལོངས་སྤྱོད་ཚོགས། །རང་རང་མཐུན་རྫས་གཞུང་ལྟར་དུ། །ཡིད་སྤྲུལ་ཅི་འདོད་ཟག་མེད་འབུལ། །ལྷ་ཚོགས་རྣམས་ཀྱི་གནས་གསུམ་དུ། །ཨོ་དཀར་ཨཱདམར་ཧཱུྃ་མཐིང་མཐར། །ཡིག་བརྒྱ་དཀར་དམར་མཐིང་གསུམ་དམིགས། །དེ་ཡི་སྟེང་གི་ནམ་མཁའ་ལ། །སངས་རྒྱས་བྱང་སེམས་ཐམས་ཅད་ནི། །དཀར་དམར་མཐིང་གསུམ་རིམ་པར་བཞུགས། །དེ་ལས་བདུད་རྩི་དཀར་དམར་མཐིང་། །ལྷ་ཚོགས་ཐམས་ཅད་ཀུན་ལ་ཐིམ། །ཐམས་ཅད་ཐུགས་དགྱེས་འཁོན་འགྲས་ཞི། །ལྷ་ཚོགས་ཀུན་གྱི་གནས་གསུམ་གྱི། །ཡིག་བརྒྱ་དཀར་དམར་མཐིང་གསུམ་ལས། །བདུད་རྩི་

[Full Size]

དཀར་དམར་མཐིང་གསུམ་བབས། །བདག་ཅག་དཔོན་སློབ་ཡོན་བདག་བཅས། །ཀུན་གྱི་སྤྱི་བོའི་གཙུག་ནས་ཞུགས། །སྡིག་སྒྲིབ་དམ་ཚིག་ཚེག་ཉམས་དང་། །ལྷ་དང་བླ་མ་དགེ་འདུན་སོགས། །འཁོན་འགྲས་ཞུགས་པ་ཐམས་ཅད་དག །ལུས་ནི་ཤེལ་སྒོང་ལྟར་གྱུར་བསྒོམ། །བྱད་ཁ་ཆེ་བའི་ཡོན་བདག་ལ། །དམིགས་པ་འདི་དང་མ་ལྡན་ན། །རང་ལ་རྩུབ་ཅིང་ཕན་ཐོགས་དཀའ། །དེ་ཕྱིར་འདི་ལ་རྩེ་གཅིག་བྱ། །ཁྱད་པར་སུ་དང་འགྲས་པའི་མི། །ལྷ་དང་བླ་མ་ཐམས་ཅད་ནི། །སྤྱན་དྲངས་རང་གི་ལྷ་བླ་མར། །བསྟིམ་ལ་བསྐང་བ་གང་མང་འདོན། །འཁོན་འདྲས་སྦྱངས་བའི་དམིགས་པའོ། །ཐུན་གཏོར་དགྲ་བགེགས་དངོས་སུ་དམིགས། །བཀུག་གཞུག་བྱས་ནས་དབྱེར་མེད་བསྟིམས། །དེ་ཡི་སྙིང་ཁར་ཟངས་ལྕགས་ཀྱི། །འཁོར་ལོ་རྩིབས་བརྒྱད་གཡས་གཡོན་འཁོར། །ཤ་ཁྲག་ཐམས་ཅད་གཏུབས་པ་ཡི། །དམར་ལྟེམ་གང་བ་བདུད་རྩིར་གྱུར། །དམར་གཏོར་གཅིག་ལ་ཆོས་སྐྱོང་ནི། །ཀུན་གྱི་བསྐུལ་ཐུང་འདོན་པ་དང་། །དཀར་གཏོར་གཞི་བདག་ཀུན་ལ་བསྔོ། །ཆད་མདོ་བརྟེན་སྐྱོང་ཟློག་ཐུང་འདོན། །དེ་ནས་ཕྱི་རོལ་ཕྱོགས་གཙང་ནི། །རང་དང་ཡོན་བདག་

[Full Size]

གཉིས་ཀ་ཡི། །ལོ་ཐོག་མིན་པར་ཕུལ་བཅུག་སྟེ། །མཚན་མོ་ཡིན་ན་མེ་རུ་འཛུགས། །ཚུར་ལམ་གཏོར་སྣོད་ཁ་དེ་ནི། །ཚུར་ལ་བསྟན་ནས་འོང་བ་ཡིན། །ལོངས་སྤྱོད་འདུ་བའི་རྟེན་འབྲེལ་ལོ། །མདུན་དུ་སྒྲུབ་ལ་རྟ་བྲོ་འདོན། །དེ་ནས་ཟབ་མདོ་སེང་གདོང་སོགས། །བདུད་བཟློག་བྱ་ཞིང་ནད་པའི་དོན། །ཡིན་ན་དུས་མིན་འཆི་བཟློག་འདོན། །རྗེས་ཆོག་མི་བྱ་བདག་མདུན་གྱི། །བསྐྱེད་རིམ་མི་བསྡུ་དེ་གར་བཞག །ཉལ་ཁ་དང་ནི་སྔ་དྲོའི་ཚེ། །སྲུང་བའི་དམིགས་པ་གལ་ཆེ་སྟེ། །བསྲུང་བྱ་ཡིན་ཙམ་ཐམས་ཅད་ནི། །མེ་རི་རྡོ་ར་ལ་སོགས་པའི། །གུར་ཁང་ནང་དུ་ཚུད་ཙམ་བྱ། །དེ་བས་ཅུང་ཟད་གལ་ཆེ་ན། །རང་ཉིད་ཡི་དམ་མཐའ་ལ་བསྐོར། །དེ་རྒྱབ་འཁོར་ལྷ་བསྒོམས་པ་ཡིན། །ངོ་ལོག་བྱེད་དོགས་མེད་པ་ལ། །ཤིན་ཏུ་གལ་ཆེའི་བསྲུང་བྱ་ནི། །རང་ཉིད་ཡི་དམ་གང་ཡིན་གྱི། །ཐུགས་སྲོག་ཧཱུྃ་འམ་གྷིཡིག་གི །ཧཱིའམ་ཧཱུྃ་གི་ཁོག་པ་ནི། །ལྕགས་སྦུབ་འདྲ་བ་ཁོང་སྟོང་ནང་། །དབུས་སུ་རང་གི་བླ་དང་སྲོག །ནཾ་ཡིག་ལྗང་གུ་བཀྲག་མདངས་ལྡན། །དེ་ཡི་གཡས་སུ་བསྲུང་བྱ་ནི། །ཕོ་རིགས་གཡས་དང་མོ་རིགས་གཡོན། །མདུན་དུ་རྟ་

[Full Size]

ནོར་ཟས་ལོངས་སྤྱོད། །རྒྱབ་ཏུ་སྦྲ་ཁང་ཐམས་ཅད་དམིགས། །དེ་དག་དངོས་སུ་བསྒོམ་པ་ཟབ། །མིང་ཡིག་བསྒོམ་དང་ལྷ་སྐུར་བསྒོམ། །བྱེད་སྲོལ་ཡོད་ཀྱང་མི་ཟབ་བོ། །ཧཱིའམ་ཧཱུྃ་གི་མགོ་ཐད་དུ། །བླ་རྒན་ལ་སོགས་བསྲུང་བྱ་བསྒོམ། །ཧཱུྃ་གི་ཟླ་ཚེས་ཧཱིཝཡི་གུར། །རང་གི་ཡི་དམ་གཞན་རྣམས་དང་། །ཧཱུྃ་གི་ཐིག་ལེའི་ཧཱིའི་གི་གུའི་སྟོད། །ཡབ་སྲས་ལ་སོགས་དད་འདུན་ཡུལ། །ཧཱུྃ་གི་འ་ཆུང་ཧྲི༔ཡིག་སྨད། །རང་གི་ཆོས་སྐྱོང་རྩིས་ཆེན་རྣམས། །བསྒོམ་པའི་ལྷ་དབྱེའི་མི་ཚུགས་གནད། །ཧཱུྃ་གི་ཞབས་ཀྱུའམ་ཧཱིའི་ར་བཏགས་ཀྱི། །ནང་དུ་སྡེ་བརྒྱད་སྲོག་ཡིག་རྣམས། །ཨ་ཡ་མ་དུ་རུ་ཙ་ཤ་ན། །མགོ་མཇུག་ལྡོག་པ་སྤུས་བྲིས་ཙམ། །དེ་བསྒོམ་བུ་རྟིས་ཟིན་པ་ལྟར། །རང་སྲོག་རང་གིས་གཅོད་མི་སྲིད། །དེ་དག་སྲུང་དམིགས་མདོར་བསྡུས་པའོ།། ༈ །དེ་ནས་ཞག་གྲངས་ཚང་བ་དང་། །འབུལ་ལུགས་རིམ་པ་འདི་ལྟ་སྟེ། །ཐེབ་ལྡོག་རྒྱུ་བ་ལ་སོགས་ནི། །སྐར་ཡིག་ནང་ལྟར་ལེགས་པར་བརྩིས། །ཐེབ་དུས་སྐར་མ་ངན་ན་ལེགས། །གཟའ་དང་དབང་ཕྱུག་སྡེ་བརྒྱད་སོགས། །ལྡོག་དུས་དྲག་ལས་རང་ལ་ལྡོག །གཟའ་དང་མཁའ་འགྲོ་བིཊྚི་

[Full Size]

སོགས། །ཚུར་ལ་རྒྱུ་དུས་འཛེམ་བྱ་ཞིང་། །ཕར་ལ་རྒྱུ་ན་རང་གི་གྲོགས། །རང་ཉིད་རྡོ་རྗེ་སློབ་དཔོན་དང་། །ཡོན་བདག་དྲགས་རིམ་ལོ་སྟེང་འཛེམ། །ས་བདག་ཐེ་སེ་ཧལ་ཁྱི་དང་། །སེ་བ་བླ་མཁྱེན་གསུམ་ལ་འཛེམ། །གཞན་རྣམས་ཐམས་ཅད་རྩི་མི་ནུས། །ད་ནངས་ལས་བྱང་ཉུང་བསྡུས་དང་། །བསྐང་བ་ཉུང་བསྡུས་ཟློག་གཞུང་འདོན། །དཀར་གཏོར་གཅིག་དང་དམར་གཏོར་ནི། །ཆོས་སྐྱོང་དུ་ཡོད་གྲངས་ཀ་བཅའ། །གཏོར་ཁ་སྟོན་ན་རྩང་དང་ནི། །མེ་རུ་རེ་ཡང་བཙུགས་པར་བྱ། །གསེར་སྐྱེམས་ཕུལ་ལ་སྒོ་དབྱེ་བྱ། །དེ་ནས་དཀར་གཏོར་དམར་གཏོར་རྣམས། །གྲལ་བྱས་བཤམས་ལ་དཀར་གཏོར་ཕུལ། །དེ་ནས་ཆོས་སྐྱོང་གཏོར་མ་རྣམས། །ཆད་མདོ་བརྟེན་སྐྱོང་ནས་བཟུང་ནས། །ཞན་ཞན་སྔོན་ལ་དྲགས་རིམ་རྗེས། །མཇུག་ནས་ཡར་འདོན་དམག་ཐབས་ཡིན། །དེ་དག་ཕྱོགས་དེར་འབུལ་བར་བྱ། །ཟོར་ནི་ཡག་ཉེས་ཆེ་བའི་ཕྱིར། །མི་འཕེན་འཇམ་ཐབས་བྱ་བ་ལེགས། །ཟློག་པའི་ལྷ་ཚོགས་ནམ་མཁར་བཏེག །གཏོར་མ་མེ་ཕུང་མཚོན་ཆའི་ཆར། །བར་སྣང་གཟའ་རྒོད་རྒྱུག་པ་ལྟར། །དགྲ་བགེགས་ཐོག་ཏུ་སོང་བ་

[Full Size]

ཡིས། །གདོན་རྣམས་རྩྭ་སྐྱ་མེ་ཕུང་ལྟར། །དགྲ་རྣམས་གྲོག་ཚང་སེར་བ་ལྟར། །བྱེ་མའི་རྩིག་པར་སྒྲོགས་ཕོག་ལྟར། །ཐལ་བ་རྡུལ་དུ་བརླག་པར་བསམ། །བསམ་ལ་ཕྱོགས་སུ་ཕུལ་བའམ། །གལ་ཆེ་ན་ནི་ཟོར་དུ་འཕེན། །ཚུར་ལམ་ཁྱུང་གིས་རྗེས་བཅད་བསྒོམ། །གཉན་དང་ཚད་པ་གཟའ་མིན་པའི། །གདོན་ཆེན་ནད་པར་གཏོར་ཁ་སྟོན། །ནད་པའི་རྣམ་ཤེས་ཚེ་བསོད་ནམས། །ཡར་སྤར་ནམ་མཁའ་ཨོ་རྒྱན་ནམ། །བླ་མ་ཡི་དམ་ཐུགས་ཀར་བསྟིམ། །ལུས་ནི་ཧོམ་ཁུང་གསལ་བའི་ནང་། །གདོན་དེ་ལིངྒའི་གཟུགས་སུ་བསྐྱེད། །གཏོར་མ་ཡི་དམ་ཆོས་སྐྱོང་གི །ཕྱག་མཚན་མེ་ཕུང་འབར་བ་རྒྱབ། །རྩྭ་སྐྱ་བཞིན་དུ་དངོས་མེད་བསྲེགས། །བདེ་རིམ་གཏོར་ཁ་སྟོན་མི་བྱ། །ཅིས་ཀྱང་བྱེད་དགོས་ཟེར་ན་ནི། །ཡོན་བདག་རྒྱབ་ཕྱོགས་ནམ་མཁའ་ལ། །ཡི་དམ་ཆོས་སྐྱོང་གང་ཡིན་བསྒོམ། །གཏོར་མ་བདུད་རྩིའི་རང་བཞིན་དེ། །ལྷ་དེའི་ཞལ་དུ་ཕུལ་བར་བསྒོམ། །ཡོན་བདག་དེ་ཡི་མཐུ་བའམ། །སྟེང་དུ་གཏོར་མ་རྒྱག་གམ་ཕུལ། །རང་གི་རྣམ་རྟོག་དགག་ཕྱིར་ཏེ། །སྐྱོན་ཡོན་ཅི་ཡང་མེད་དོ་ཧ། །གཏོར་གཞོང་ཁ་སྦུབ་དམ་སྲི་རྣམས། །རི་རབ་

[Full Size]

མནན་བསམ་རྟ་བྲོ་བྱ། །ཚེ་དབང་ཡང་ན་ཚེ་འགུགས་དང་། །ཚོགས་དང་བཀྲ་ཤིས་རྒྱས་པར་བྱ། །ཕྱིར་ནངས་རྗེས་ཆོག་རྒྱས་པ་དང་། །གཤེགས་གསོལ་རྫོགས་རིམ་བསྡུ་ཆོག་བྱ། །བསང་བྱ་དེ་ནས་རང་གནས་འོང་། །སྤྱི་འགྲོས་སྲུང་ཟློག་བསྐང་གསོལ་ཡི། །ཟིན་བྲིས་ཉུང་བསྡུས་དགོས་གསུངས་ནས། །སྒེས་སྣ་བླ་མས་བསྐུལ་བའི་ཕྱིར། །རཱ་ག་ཨ་སྱས་བྲིས་པ་དགེ། །མངྒ་ལཾ། ཞལ་དྲོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཡི་གེ་བརྒྱ་པའི་དག་ཐེར།

[Full Size]

ཡི་གེ་བརྒྱ་པའི་དག་ཐེར་ཡོད། ཚིག་དོན་ལ་ལ་རྒྱ་གཞུང་ལས། །དེ་ཐུགས་ཟླ་གདན་ཧཱུཾ་ཡིག་དཀར། །ཡང་ན་འོད་ཟེར་ལྔ་ལྡན་མཐར། །ཐོག་མའི་ཨོ་དང་ཐ་མའི་ཨཱ། །ལྷག་པའི་ཡི་གེ་བརྒྱ་ཡིས་བསྐོར། །ཕྱོགས་བཅུའི་དེ་བཞིན་གཤེགས་ཀུན་གྱི། །གསང་སྔགས་རིག་སྔགས་ནུས་པ་བསྡུས། །སྔགས་རྣམས་ཀུན་གྱི་ངོ་བོར་དམིགས། །ངག་ཏུ་གཟུངས་སྔགས་དག་པར་བཟླ། །ཞེས་པས། དེའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་ཡིག་ཡེ་ཤེས་ལྔ་དང་ལྡན་པའམ། ཧཱུྃ་ཡིག་དཀར་པོ་འོད་ཟེར་བཀྲག་མདངས་དང་བཅས་པའི་མཐའ་མར། ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ། ཏིཥྛ་དྲི་རྣོ་མེ་བྷ་བ། སུ་ཏོ་སྦྱོ་མེ་བྷ་བ། སུ་པོ་ཁྱོ་མེ་བྷ་བ། ཨ་ནུ་རཀྟ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲི་ཡཀུ་རུ་ཧཱུཾ། ཧ་ཧ་ཧ་ཧ་ཧོ༔ བྷ་ག་ཝཱན། ཏ་ཐཱ་ག་ཏ་བཛྲ་མཱ་མེ་མུཉྩ། བཛྲ་བྷ་བ། མ་ཧཱ་ས་མ་ཡ་ས་ཏཱ་ཨཱཿ དེ་དག་བོད་ཀྱི་སྐད་དུ། རྡོ་རྗེ་སེམས་དཔས་དམ་ཚིག་རྗེས་སུ་སྐྱོང་། །རྡོ་རྗེ་སེམས་དཔའ་ཉིད་ཀྱི་ཉེ་བར་གནས། །བདག་ལ་བསྟན་པར་མཛད་དུ་གསོལ། །བདག་ལ་ཤིན་ཏུ་དགྱེས་པར་

[Full Size]

མཛོད། །བདག་ལ་ཤིན་ཏུ་རྒྱས་པར་མཛོད། །བདག་ལ་རྗེས་སུ་ཆགས་པར་མཛོད། །བདག་ལ་དངོས་གྲུབ་ཐམས་ཅད་སྩོལ། །ལས་ཀུན་ལ་ཡང་བདག་སེམས་ལ། །དགེ་ལེགས་སུ་མཛོད་ཅིག་ཧཱུཾ། ཧ་ཧ་ཧ་ཧ་ཧོ༔ ཞེས་པ་ཡང་བཞད་ཅིང་བཞད་ནས་རྒོད་ཅིང་རྒོད་པ་དང་ངོ་མཚར་བ་དང་ལྔ་རུ་བསྒྱུར་བར་མཛད་པར་ཡང་སྣང་། བཞད་དང་པོ་ཀུན་བཟང་སྟེ་རྟེན་བརྟེན་པ་དང་བཅས་པའི་ཏིང་ངེ་འཛིན། གཉིས་པ་ངོ་བོ་མཐོང་བའི་སྒྱུ་མ་ལྟ་བུའི་ཏིང་ངེ་འཛིན། གསུམ་པ་སྣང་སེམས་གཉིས་མེད་འགྱུར་མེད་བདེ་ཆེན་དང་རྣམ་ཀུན་མཆོག་ལྡན་ཟུང་འཇུག་ལའང་བཤད་བཞི་པས་སྤངས་རྟོགས་མཐར་ཕྱིན་རྡོ་རྗེ་ལྟ་བུའི་ཏིང་ངེ་འཛིན་དང་། ཧོཿ ཡིག་ནི་དེ་ལྟ་བུའི་རྟོགས་པ་ལ་ངོ་མཚར་བའོ། །དེའི་འཕྲོས། བཅོམ་ལྡན་དེ་བཞིན་གཤེགས་ཀུན་གྱིས། རྡོ་རྗེ་བདག་མ་འདོར་རམ་རྣམ་གྲོལ་དུ་བསྒྱུར་བའང་སྣང་། རྡོ་རྗེ་ཅན་ཀུན་མཛོད། དམ་ཚིག་སེམས་དཔའ་ཆེན་པོ་ཨཱཿ ཞེས་པ་བོད་སྐད་དུ། དེ་ཡང་ཁ་ཅིག་ཤ་ཥ་ཡར་སྦྱར་གྱིས་སུཏོོ་སོགས་ཟེར་ཏེ་དེ་ན་ནི་ཡི་གེ་བརྒྱ་ལ་གཉིས་མ་ཚང་ཡང་ཁ་ཅིག་གིས་གཉིས་ལྷག་ཅེས་པ་དང་། གཞུང་ཉིད་དུ་ཐོག་མའི་ཨོ་དང་ཐ་མའི་ཨཱ༔ ལྷག་

[Full Size]

པའི་ཡི་གེ་བརྒྱ་ཞེས་པ་དེ་མ་གོ་བར་ཟད། དེ་ཡང་ཐོག་མའི་ཨོ་ནི། བདེ་ལེགས། ངེས་ལེགས། བཀྲ་ཤིས། བྱིན་ཆགས་ཀྱི་དོན་དང་། ཐ་མའི་ཨཱཿ ཆོས་ཐམས་ཅད་སྐྱེ་བ་མེད་པའི་སྟེང་དུ་འབེབས་པའི་དོན་དུ་གསུངས་པའི་དེ་གཉིས་མི་བགྲང་བའི་ཡི་གེ་བརྒྱ་ནི། རིགས་བརྒྱའི་སྙིང་པོའོ། །དེ་ལྟ་བུའི་སྔགས་དེ་ལ་ནན་ཏན་བྱེད་དེ་བཟླ་བ་ཡིག་དོན་གྱི་རྡོར་སེམས་སོ། ༈།གཞན་ཡང་སྟོབས་བཞིའི་སྒོ་ནས་བཤགས་པར་བྱ་སྟེ། བཞི་གང་ཞེ་ན། རྣམ་པར་སུན་འབྱིན་པ་ཀུན་ཏུ་སྤྱོད་པ་དང་། གཉེན་པོ་ཀུན་ཏུ་སྤྱོད་པ་དང་། ཉེས་པ་ལས་བཟློག་པའི་སྟོབས་དང་། རྟེན་གྱི་སྟོབས་སོ། །རྣམ་པར་སུན་འབྱིན་པ་ཀུན་ཏུ་སྤྱོད་པའི་སྟོབས་ནི། དཔེར་ན་ཁ་དྲག་པོའི་བུ་ལོན་འོང་བ་ལ་མ་ཁོར་ནས་ཞུ་བ་བྱས་པ་དང་འདྲ། ཞེས་གསུངས་སོ། །སྔོན་མི་གདུང་བ་སོར་མོའི་ཕྲེང་བ་ཅན་ཞེས་བྱ་བ་མི་དགུ་བརྒྱ་དང་དགུ་བཅུ་རྩ་དགུ་བསད་པའི་མི་སྡིག་ཅན་ཞིག་ཀྱང་། རྣམ་པར་སུན་འབྱིན་པའི་སྟོབས་ཉམས་སུ་བླངས་བས་སྡིག་པ་བྱང་ནས་དགྲ་བཅོམ་པའི་འབྲས་བུ་ཐོབ་བོ། །དེ་ནི་འགྱོད་པ་ཆེན་པོ་དང་སྲོག་ལ་ཡང་ལྟོས་མེད་དུ་ཕུལ། ཁྱད་པར་ཅན་དང་ཕལ་པོ་ཆེའི་སྤྱན་

[Full Size]

སྔར་བཤགས་པར་བགྱིའོ། ༈ །གཉེན་པོ་ཀུན་ཏུ་སྤྱོད་པའི་སྟོབས་ནི། སྡིག་པའི་གཉེན་པོར་དགེ་བ་སྤྱོད་པའོ། །དེས་སྡིག་པ་ཟད་པར་བྱེད་དེ། དཔེར་ན་ངན་སྐྱུགས་ཀྱི་འདམ་རྫོབ་ཏུ་ཆུད་པའི་གང་ཟག་གཅིག །འདམ་རྫབ་ནས་ཕྱུང་ནས་ཁྲུས་བྱས་ཏེ་དྲི་བཟང་པོ་བྱུག་པ་དང་འདྲ། ཞེས་གསུངས་སོ། །ཁྱེའུ་བདེ་བྱེད་ཅེས་བྱ་བ་མ་བསད་པའི་སྡིག་ཅན་ཞིག་ཀྱང་། གཉེན་པོའི་སྟོབས་ཉམས་སུ་བླངས་བས། སྡིག་པ་དག་ནས་ལྷར་སྐྱེས་ཏེ། འཕགས་པ་རྒྱུན་ཞུགས་ཀྱི་འབྲས་བུ་ཐོབ་བོ། ༈ །ཉེས་པ་ལས་བཟློག་པའི་སྟོབས་ནི་རྣམ་སྨིན་གྱིས་འཇིགས་ནས། ཕྱིན་ཆད་སྡིག་པ་འཕྲོ་བཅད་དེ་སྡོམ་པའོ། །དཔེར་ན་ཆུ་རྒྱུན་གནོད་པ་ཅན་གྱི་འོལ་ཁ་བསྒྱུར་བ་དང་འདྲ། ཞེས་གསུངས་སོ། །སྔོན་གཅུང་དགའ་བོ་ཞེས་བྱ་བ་བུད་མེད་ལ་ཆགས་པའི་སྡིག་ཅན་ཞིག་ཀྱང་། ཉེས་པ་ལས་ཟློག་པའི་སྟོབས་ཉམས་སུ་བླངས་པས་སྡིག་པ་དག་ནས་དགྲ་བཅོམ་པའི་འབྲས་བུ་ཐོབ་བོ། ༈ །རྟེན་གྱི་སྟོབས་ནི༔ དཀོན་མཆོག་གསུམ་ལ་སྐྱབས་སུ་འགྲོ་བ་དང་། བྱང་ཆུབ་མཆོག་ཏུ་སེམས་བསྐྱེད་པའོ། །དཔེར་ན་ཁ་ཉེན་པོས་དབང་པོ་ཆེ་ལ་འཇུས་པའམ། དུག་ལ་སྔགས་ཀྱིས་བཏབ་པ་

[Full Size]

དང་འདྲ། ཞེས་གསུངས་སོ། །སྔོན་རྒྱལ་བུ་མཐོང་ལྡན་ཞེས་བྱ་བ་ཕ་བསད་པའི་སྡིག་ཅན་ཞིག་ཀྱང་། རྟེན་གྱི་སྟོབས་ཉམས་སུ་བླངས་པས་སྡིག་པ་དག་ནས་བྱང་ཆུབ་སེམས་དཔར་གྱུར་ཏོ། །དེ་ལྟར་ཡང་། ལུང་ལས། གང་ཞིག་སྔོན་ཆད་བག་མེད་གྱུར་པ་ལས། །ཕྱིས་ནས་བག་དང་ལྡན་པར་གྱུར་དེ་ཡང་། །ཟླ་བ་སྤྲིན་བྲལ་ལྟ་བུར་རྣམ་མཛེས་ཏེ། །དགའ་བོ་སོར་ཕྲེང་མཐོང་ལྡན་བདེ་བྱེད་བཞིན། །ཞེས་གསུངས་སོ། །དེ་ལྟར་སྟོབས་དེ་དག་རེ་རེས་ཀྱང་སྡིག་པ་དག་པར་འགྱུར་ན། བཞི་ཀས་བཤགས་ན་ལྟ་སྨོས་ཀྱང་ཅི་དགོས་སོ། །དེ་ལྟར་བཤགས་པས་སྡིག་པ་དག་པའི་རྟགས་རྨི་ལམ་དུ་ཞོ་དང་འོ་མ་ལ་སོགས་པ་འཐུང་བ་དང་། ཉི་མ་དང་ཟླ་བ་མཐོང་བ་སོགས་རྨིའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྐྱབས་གནས་མཚུངས་མེད་དམ་པ་རཱ་ག་ཨ་སྱའི་སྤྱན་སྔར། འབྲོང་བན་དགེ་སློང་ཐབས་མཁས་རྒྱ་མཚོས་རིམ་གཉིས་ཀྱི་ཐེ་ཚོམ་གང་བྱུང་གི་ཞུས་ལན་གཉིས་འཛིན་མུན་སེལ་འཕྲུལ་གྱི་མེ་ལོང་།

[Full Size]

སྐྱབས་གནས་མཚུངས་མེད་དམ་པ་རཱ་ག་ཨ་སྱའི་སྤྱན་སྔར། འབྲོང་བན་དགེ་སློང་ཐབས་མཁས་རྒྱ་མཚོས་རིམ་གཉིས་ཀྱི་ཐེ་ཚོམ་གང་བྱུང་གི་ཞུས་ལན་གཉིས་འཛིན་མུན་སེལ་འཕྲུལ་གྱི་མེ་ལོང་ཞེས་བྱ་བ་བཞུགས་སོ། །བསྐྱེད་རིམ་སྐོར།

[Full Size]

ན་མོ་གུ་རུ། བླ་མ་ཡི་དམ་དབྱེར་མེད་ཐུགས་རྗེ་ཅན། །ཚེ་རབས་གཏན་གྱི་སྐྱབས་གཅིག་རྗེ་བཙུན་མ། །སྒོ་གསུམ་གུས་པས་གསོལ་འདེབས་ལུས་ངག་ཡིད། །ཉིད་ཀྱི་རྡོ་རྗེ་གསུམ་དུ་བྱིན་གྱིས་རློབས། །རྗེ་བཙུན་དམ་པ་དེ་ཉིད་ཀྱི་དྲུང་དུ། ཕྱིས་ཁོ་བོའི་ལོ་མཚམས་བྱས་སྐབས་རིམ་གཉིས་ཀྱི་ཉམས་ལེན་ལ་ཐེ་ཚོམ་གང་བྱུང་གི་ཞུས་ལན་བརྗེད་ཐོར་བཀོད་པ་ནི། ལགས། རྒྱུན་ཁྱེར་གྱི་ཉམས་ལེན་ལ་འདོན་པའི་གོ་རིམ་དང་སྔ་མ་ཐུན་བསྡུ་བ་དང་། ཡང་ན་གནས་འགྱུར་སོགས་ཀྱི་ངེས་པ་དགོས་ལགས་སམ་ཞུས་པས། གོ་རིམ་ཚེ་སྒྲུབ་དང་བདེ་ཆེན་ཞིང་སྒྲུབ་

[Full Size]

བཏོན་རྗེས་རྒྱལ་བ་རྒྱ་མཚོ་འདོན་པ་ལེགས་ཏེ། ཚེ་དཔག་འོད་དཔག་གཉིས་བླ་མ། རྒྱལ་བ་རྒྱ་མཚོ་ཡི་དམ་ཡིན། སྒྲོལ་དཀར་ནི་མཁའ་འགྲོ་སྟེ་ཚེ་དཔག་གི་ཡུམ་ཡང་ཡིན། ཞི་དྲག་ལ་སོགས་གཞན་རྣམས་གོ་རིམ་ཁྲིག་ཁྲིག་མི་དགོས་ཐུན་མཚམས་གང་བདེར་འདོན་ཆོག །སྔ་མ་ཐུན་བསྡུ་བ་དང་། གནས་འགྱུར་བ་སོགས་རྣམ་རྟོག་གི་ཕྲེང་བ་མི་དགོས། སེམས་ངོར་བལྟས་པས་ཐུན་བསྡུ་ཚར་ནས་ཡོད། སེམས་ངོ་མ་ཡེངས་པའི་ངང་ནས་ལྷ་གང་འདོད་ཀྱི་སྐུ་ནམ་མཁའ་ལ་འཇའ་ཚོན་ཤར་བ་ལྟར་བསྒོམ་པ་དྲན་རྫོགས་ཡིན། མངོན་རྟོགས་སྤང་ལེན་མི་འོང་བ་ནི་ལྷ་ཐམས་ཅད་

[Full Size]

ངོ་བོ་གཅིག་ཡིན། དེ་རང་གི་སེམས་ཀྱི་ངོ་བོ་སྟོང་རྗེན་ལྷང་ངེ་བ་དེ་ལྷ་དངོས་ཡིན། སྐུ་མདོག་ཕྱག་མཚན་ལ་ངེས་པ་མེད་གསུངས། ༈ ཚེ་སྒྲུབ་ཀྱི་གཞལ་ཡས་ཁང་རྟ་བབས་སྟེང་ཐོག་སོགས། རྒྱལ་བ་རྒྱ་མཚོ་ལྟར་བསྒོམས་པས་ཆོག་གམ་ཞུས་པས། དེ་རྒྱལ་བ་རྒྱ་མཚོ་དང་འདྲ་གསུངས། ། ༈ པདྨ་རིན་ཆེན་རྡོ་རྗེ་ཟེར་བ་དང་། ཁོར་ཡུག་དང་འོད་ཀྱི་དྲྭ་བ་དེ་རྣམས་གང་ལྟར་ལགས་ཞུས་པས། དཀྱིལ་ཐང་དུ་གསལ་ལྟར་ནང་དུ་ལྷ་བཞི་རེ་དང་རྒྱབ་ཏུ་ཡུམ་ལྔ་དེ་དག་གི་མཚམས་རྣམས་སུ་པདྨ་དང་རྡོ་རྗེ་རིན་པོ་ཆེས་མཚན་པའོ། །ཁོར་ཡུག་ནི་དུར་ཁྲོད་མེད་པའི་ཁྱམས་སྟོང་པའོ། །འོད་ཀྱི་དྲྭ་བ་ནི་ཕྱིའི་སྲུང་འཁོར་མེ་རི་སོགས་པ་ཡིན་གསུངས། ཕྱིའི་སྲུང་འཁོར་ནི་རྡོ་ར་མེ་རིས་ཆོག་གམ། དྲུག་རིམ་དགོས་སམ། ཞུས་པས། དེ་རྡོ་ར་མེ་རིས་ཆོག་གསུངས། ༈ ཟབ་པའི་མཐར་ཐུག་གི་གཞུང་དུ་རང་གི་སྙིང་གར་ས་བོན་དང་། སྔགས་འཁོར་སོགས་ཀྱི་གསལ་ཁ་མི་འདུག་པ་དང་། སྤྱི་བོའི་ཨོ་རྒྱན་ཚེ་དཔག་མེད་རིགས་བདག་དང་དབྱེར་མེད་ཆོག་གམ། ལར་ཐམས་ཅད་རིགས་བདག་བླ་མ་དང་དབྱེར་མེད་བསྒོམ་ན་ལེགས་སམ་ཞུས་པས། ཟབ་པའི་མཐར་ཐུག་གི་བདག་གཙོ་བོའི་

[Full Size]

ཐུགས་ཀར་ཡིག་འབྲུ་བཞི་སྦྲག །སྤྱི་བོའི་ཨོ་རྒྱན་ཚེ་དཔག་གི་ཐུགས་ཀར་ཧྲཱིཿཡིག་རྐྱང་པ། དེ་གཉིས་ཀའི་མཐར་བཟླ་བྱའི་སྔགས་ཕྲེང་གཡས་སུ་དང་པོ་དལ་བུ་དེ་ནས་ཇེ་མགྱོགས་སུ་འཁོར་བར་བསྒོམ། ཨོ་རྒྱན་ཚེ་དཔག་དང་བླ་མ་དབྱེར་མེད་བསྒོམ་ན་ལེགས། ཨོ་རྒྱན་ཚེ་དཔག་དང་རིགས་བདག་དབྱེར་མེད་བྱས་ཀྱང་མི་འགལ་ཏེ་དེ་མིན། ཨོ་རྒྱན་ཚེ་དཔག་མེད་ནམ་མཁའ་ན་སྐུ་ཆེན་པོ་ཡོད། རིགས་བདག་ནི་ཐོར་ཚུགས་ཀྱི་རྩེར་སྐུ་ཆུང་ངུ་ལས་མེད་ཀྱང་དེ་ཡང་སྤྲུལ་སྐུ་ཡིན། ལོངས་སྐུ་མིན། ལྷ་ཐམས་ཅད་ཀྱི་རིགས་བདག་དང་བླ་མ་དབྱེར་མེད་ཡིན་ཏེ། འོད་ཞུ་སོགས་མི་དགོས། བསྐྱེད་རིམ་བསྡུ་བའི་སྐབས་སུ་དོན་གྱིས་ཚང་འགྲོ་གསུངས། ༈ ཐེབ་བདུན་གྱི་རྗེས་ལ་ཟེར་བ་འདི་ངེས་པར་དགོས་སམ། ཟབ་པའི་མཐར་ཐུག་ཡི་དམ་གཞན་ལ་སྦྱར་དུས་ཐུགས་ཀར་ཡིག་འབྲུ་བཞི་སྦྲག་དགོས་སམ། ཚེ་འཛུགས་ཟེར་བ་འདི་བསྟིམ་པ་དང་དོན་གཅིག་གམ་ཞུས་པས། ཐེབ་བདུན་ངེས་པར་མི་དགོས་སྐབས་སུ་ཆོག །ཡི་དམ་གཞན་ལ་ཟབ་པའི་མཐར་ཐུག་སྦྱར་དུས་རང་གཞུང་ལྟར་ཆོག །འདིའི་ས་བོན་དང་སྔགས་འཁོར་མི་དགོས། ཚེ་འཛུགས་པ་དང་བསྟིམ་པ་གཉིས་

[Full Size]

ཅུང་ཟད་མི་གཅིག །འཛུགས་པ་ནི་ཀ་བ་བཙུགས་པ་ལྟར་བརྟན་པོ་བྱས་པའི་མིང་རེད་གསུངས། ཚེ་འགུགས་དུས་ལྷ་མོ་རང་རང་གི་བུམ་པའི་བདུད་རྩི་སྤྱི་བོའི་ཚེ་དཔག་གི་ཕྱག་ཏུ་བསྡུའམ་ཞུས་པས། དེ་སྤྱི་བོའི་ཚེ་དཔག་གི་ཕྱག་གི་བུམ་པར་བསྡུས་ནས་བདུད་རྩིས་བདག་ལུས་བཀང་བ་སོགས་གོང་ལྟར་རོ། ༈ །ཡང་གསང་གུད་སྦས་ཀྱི་རང་དང་སྤྱི་གཙུག་གཉིས་ཀའི་ཐུགས་ཀར་སྔགས་ཕྲེང་དགོས་སམ་རང་གཞན་རྣམས་ཀྱང་རེ་རེ་བཞིན་དགོས་སམ་ཞུས་པས། རང་དང་སྤྱི་གཙུག་གཉིས་ཀྱི་ཐུགས་ཀར་སྔགས་ཕྲེང་ཐོན་ན་ལེགས། མ་ཐོན་ཀྱང་རང་གཞུང་གིས་འཐུས། སྙིང་གར་གསེར་གྱི་རྡོ་རྗེ་རྒྱ་གྲམ་ཡིན། ཡེ་ཤེས་སེམས་དཔའ་ཡབ་རྐྱང་ཡིན་ཡུམ་བྱས་ཀྱང་མི་འགལ། ཡུམ་གྱི་ཕྱག་མཚན་པདྨའི་ཕྲེང་བ་པདྨ་རཱ་ག་ཡིན། འཁོར་ལྷ་རྣམས་ལ་སྔགས་འཁོར་མེད་འབྲུ་གསུམ་གཙོ་འཁོར་ཐམས་ཅད་ལ་དང་པོ་བསྒོམས་པས་འཐུས། རྒྱུན་དུ་གསལ་མི་དགོས་གསུངས། ༈ ནམ་མཁའི་གཏོར་མིང་གི་འཆི་བསླུའི་སྐབས་སུ་ལུས་ནམ་མཁའི་ངོ་བོར་གྱུར་ཟེར་བ་ཇི་ལྟར་ལགས། འདི་དུས་ཐ་མལ་ལུས་ཀྱིས་ཆོག་གམ་ཞུས་པས། ལུས་ནམ་མཁའི་ངོ་བོར་གྱུར་པ་ནི་ནམ་མཁའ་ལྟར་སྐྱེ་

[Full Size]

འཆི་གཞོམ་གཞིག་དང་བྲལ་བར་བསྒོམ། རང་ཐ་མལ་ལུས་ཀྱིས་ཆོག །ཡི་དམ་དུ་བསྒོམ་ཡང་རུང་། ལར་འདི་ས་སྐྱའི་ལམ་འབྲས་དང་། མཁའ་སྤྱོད་པའི་བཀའ་འབུམ་ནས་ཀྱང་འབྱུང་གསུངས། ༈ འཆི་མེད་རིག་འཛིན་གསང་རྒྱུད་ནས་གསུངས་པའི་འཆི་བསླུ་འདིའི་རྡོ་རྗེའི་རྭ་དང་སྔགས་འཁོར་དང་འོད་ཀྱི་ཁ་དོག་སོགས་ངེས་མ་བྱུང་ཞུས་པས། རང་ལུས་གསེར་གྱི་རྡོ་རྗེ་འགྲེང་ཐབས་སུ་གནས་པའི་ཡར་མར་གྱི་རྭ་ལྔ་ལྔ་ལ་སྔགས་ཚན་གཉིས་ཀྱིས་བསྐོར་བར་བསྒོམ། སྔགས་དང་འོད་ཟེར་ཁ་དོག་ལྔ་ལྡན་ཡིན་གསུངས། ༈ འཆི་བསླུ་བརྒྱ་རྩ་ཟེར་བ་དམིགས་པ་བརྒྱ་རྩས་ཆོག་གམ་ཞུས་པས། ཐུགས་རྗེ་ཆེན་པོ་གསང་འདུས་ཀྱི་འཆི་བསླུ་འདི་ལ་རྡོར་སེམས་མ་བསྒོམ་པར་བླ་མ་ཡབ་ཡུམ་བྷེ་པས་གཉིས་ཀའི་དོན་ཚང་བ་ཞིག་འོང་འདུག །འཆི་བསླུ་བརྒྱ་རྩ་བརྒྱད་ནི་དམིགས་པ་བརྒྱ་རྩ་བརྒྱད་བསྒོམས་པས་འཐུས་གསུངས། ༈ རྒྱུན་ཁྱེར་དུས་འོད་ཆོག་གི་རྒྱུད་སྡེ་སོ་སོའི་དམིགས་པ་རྫོགས་དཀའ་བར་གདའ་བས་གང་གལ་ཆེ་ཞུས་པས། འོད་ཆོག་གི་ཚེ་སྒྲུབ་དང་། བླ་མེད་ཀྱི་དམིགས་པ་གལ་ཆེ་གསུངས། ༈ རྒྱལ་བ་རྒྱ་མཚོའི་སྤྲོ་བསྡུའི་སྐབས་སུ་

[Full Size]

རྒྱལ་བ་སྲས་བཅས་རིགས་སོ་སོའི་སྐུ་མདོག་བསྒོམས་སམ། རང་གཞུང་ལྟར་དམར་པོ་བསྒོམས་པས་ཆོག །རིགས་སོ་སོའི་སྤྱན་རས་གཟིགས་ཀྱི་ང་རྒྱལ་བཟུང་དུས་ཀྱང་ཇི་ལྟར་བྱ། །སྐབས་སུ་འཁོར་བ་དོང་སྤྲུགས་ཀྱི་དམིགས་པ་ཐུན་རེ་བསྒོམས་ན་ལེགས་སམ། འདི་དུས་འགྲོ་དྲུག་རིགས་སོ་སོའི་ཞིང་དང་སྐུར་བསྒོམ་པ་དང་། བདེ་ཆེན་ཞིང་དང་འདྲ་བ་ཁོ་ནར་བསྒོམ་པ་ལ་ཁྱད་པར་ཅི་ལགས་ཞུས་པས། རྒྱལ་བ་སྲས་བཅས་ངོ་བོ་རིགས་ལྔའི་སྤྱན་རས་གཟིགས་ལ་རྣམ་པ་རང་གཞུང་ལྟར་དམར་པོར་བསྒོམས་པས་ཆོག །རིགས་སོ་སོའི་ང་རྒྱལ་དུས་སྐུ་མདོག་སོ་སོར་བསྒོམས་ཀྱང་རུང་། མ་ཐོན་ན་དམར་པོ་བསྒོམས་པས་མཐུས། འཁོར་བ་དོང་སྤྲུགས་ཀྱི་དམིགས་པ་ཐོན་ན་ལེགས། མ་ཐོན་ཀྱང་མི་འགལ། འགྲོ་དྲུག་རིགས་སོ་སོའི་ཞིང་དང་སྐུར་བསྒོམ་པ་ནི་རྒྱས་པ། བདེ་ཆེན་ཞིང་དང་རང་འདྲ་ཁོ་ནར་བསྒོམ་པ་བསྡུས་པའོ། ༈ །འཁོར་ལོ་ལྔའི་བསྲེ་བའི་དམིགས་པ་འདི་ཐུན་རེ་བྷེ་ན་ལེགས་སམ་ཞུས་པས། འདི་ངས་ནི་ལོ་མང་བསྒོམས་པ་ཡིན་ཏེ་རླུང་ནི་བཟུང་མ་ཐོན། ཁྱེད་རང་ན་སོ་གཞོན་པས་རླུང་བཟུང་ནས་བསྒོམས་ན། སེམས་ངོར་བོགས་ཆེ་བ་རྒྱུད་དང་མན་ངག་ཀུན་

[Full Size]

ནས་གསུངས་པ་ལེགས། ༈ སྒྲོལ་དཀར་གྱི་ཡིད་བཞིན་འཁོར་ལོར་རྒྱས་བསྡུས་གཉིས་ཁྱད་པར་གང་ཟབ། རྒྱས་པ་དུས་བླ་མ་ལ་སོགས་བསྲུང་བྱའི་མཚན་སྔགས་ཐུགས་ཀར་བསྒོམ་པ་དང་། ཕྱིའི་འཁོར་ལོའི་ནང་དུ་ལུས་དངོས་བསྒོམ་པ་གཉིས་དགོས་སམ། །འཁོར་ལོ་གདན་ཐབས་སུ་བསྒོམ་རྒྱུ་ཡིན་ནམ། རྡོལ་སྐྱིལ་དུ་བཞུགས་པ་ལ་རྡོ་རྗེའི་གདན་ཟེར་ལེགས་སམ་ཞུས་པས། ཡིད་བཞིན་འཁོར་ལོ་རྒྱས་བསྡུས་གཉིས་ལུགས་གཉིས་ཡིན། རྒྱས་པ་ཟབ་པ་འདྲ། བསྲུང་བྱའི་མིང་ཡིག་དང་ལུས་དངོས་བསྒོམ་པ་གཉིས་ཀ་འགྲུབ་ན་ལེགས། གང་རུང་རེ་རེས་ཀྱང་ཕན། འཁོར་ལོ་གདན་ཐབས་ཀྱི་སྟེང་དུ་སྔགས་དང་རྡོ་རྭ་མེ་རི་ལྔ་རིམ་ཡིན། རྡོ་རྗེའི་གདན་རྡོལ་སྐྱིལ་ཡིན་གསུངས། ༈ འོད་འབར་གྱི་མཚམས་གཅོད་སྲུང་འཁོར་དང་སྣོད་བཅུད་ལྷར་བསྒོམ་ཚུལ་དང་ཡན་ལག་བདུན་པ་འདོན་ཚེ་རྫོགས་རིམ་ཁོ་ནས་ཆོག་ལགས་སམ། ཐག་ཆོད་པར་མ་བྱུང་ཞུས་པས། མཚམས་གཅོད་དུས་རང་ལུས་གསེར་གྱི་རྡོ་རྗེར་བསྒོམ་པའི་འོད་ཟེར་གྱིས་རྡོ་རྗེའི་རྭ་གུར་མེ་རི་དང་བཅས་པའི་སྲུང་འཁོར་བྷེ། ཡེ་ནས་ཕྱི་སྣོད་གཞལ་ཡས་ཁང་ནང་བཅུད་ལྷ་ཡིན་པ་ཤེས་པར་

[Full Size]

བྱའི། དེ་ལྟར་བསྒོམ་མི་དགོས་ཡན་ལག་བདུན་པ་འདི་ཨ་ཏི་ཡོ་གའི་ལུགས་རེད་པས་དམིགས་པ་བསྒོམ་མི་དགོས་སེམས་ངོའི་ངང་ནས་འདོན་ཆོག་གསུངས། ༈ ཞི་དྲག་སེང་གསུམ་འདོན་དུས་ཇི་ལྟར་ལགས་ཞུས་པས། དང་པོ་རང་འོད་འབར་དུ་བསྒོམ་པ་དེ་གནས་འགྱུར་ནས། དྲག་པོ་བསྒོམ་དུས་དབུ་གཙུག་ཏུ་འོད་འབར་སྐུ་ཆུང་ངུ་ཞིག་རིགས་བདག་གི་ཚུལ་དུ་བསྒོམ། ཞི་བ་མི་འདོན་ན་རང་ཉིད་དྲག་པོའི་ཐུགས་ཀའི་འོད་ཟེར་ཟངས་མདོག་དཔལ་རིར་འོད་འབར་གྱི་ཐུགས་ཀར་ཕོག་པས་དྲག་པོའི་སྐུར་ཁྲོས་ནས་འུར་སྒྲ་ཆེམ་ཆེམ་སྒྲ་དང་བཅས་ཏེ་བྱོན་ནས་རང་ལ་ཐིམ། ཐུགས་ཀར་སྔགས་ཕྲེང་གཡས་སུ་འཁོར་བར་བསྒོམས་ལ་བཟླ། དེ་གནས་འགྱུར་ནས་སེང་གདོང་མར་གྱུར་ཚེ་གྲུ་མོའི་ཁ་ཊོ་དེ་ཡབ་གུར་དྲག་ཡིན་པར་བསྒོམ། །ཐུགས་ཀར་སྔགས་ཕྲེང་གཡོན་དུ་འཁོར་བར་བསྒོམས་ལ་བཟླ། མཇུག་ཏུ་དམིགས་པ་བཅས་ཐལ་བརྡབ་བྱས་ན་ལེགས་གསུངས། ༈ རྩ་གསུམ་མཆོད་ཕྲེང་སོགས་འཛབ་ཀྱི་གོང་དུ་བཤགས་པའི་དུས་བདག་ཐ་མལ་ལུས་བྱའམ་ཞུས་པས། རང་ཐ་མལ་གྱི་ལུས་གཅིག་སྤྲོས་ལ་དེས་བྱས་པར་བསྒོམས་ན་ལེགས་གསུངས། ༈ རྟ་མགྲིན་གྱི་གཞལ་ཡས་ཁང་ཕྱི་རིན་པོ་

[Full Size]

ཆེ་ལ་ནང་དུར་ཁྲོད་སོགས་གུར་དྲག་ལྟར་ལགས་སམ། འདོད་སྣམ་ལ་མཆོད་ལྷ་བཅུ་དྲུག་དཀྱིལ་འཁོར་ཐམས་ཅད་དགོས་སམ།་རྟ་མགྲིན་རིགས་བཞིའི་ཐུགས་ཀར་ས་བོན་དང་སྔགས་ཕྲེང་མེད་དམ་ཞུས་པས། གཞལ་ཡས་ཁང་གུར་དྲག་དང་མཚུངས་གསར་མའི་ལུགས་ལ་ཕ་རྒྱུད་ལ་དུར་ཁྲོད་མེད་པར་བཤད་ཀྱང་། རྙིང་མ་ལ་ཡོད་པས་དུར་ཁྲོད་དགོས། འདོད་སྣམ་ལ་མཆོད་ལྷ་དཀྱིལ་འཁོར་ཐམས་ཅད་དགོས། རྟ་མགྲིན་རིགས་བཞིའི་ཐུགས་ཀར་ཧཱིཝདང་སྔགས་ཕྲེང་ཡོད་བསམ་པས་ཆོག །ཞིབ་པར་བྱེད་ན་དྷཱིབཛྲ་ཞེས་པའི་བཛྲ་གྱི་མལ་དུ་བུདྡྷཱ་རཏྣ་པདྨ་ཀརྨ་ཡོད་པར་བྷེ། ད་ལམ་རྟ་མགྲིན་ཚེ་བསྐྱེད་རིམ་གསལ་བའི་ངང་ནས་སེམས་ངོའི་གཤིས་མ་ཤོར་བ་ཨེ་འོང་། སྒྲུབ་པ་མ་ཚར་བར་བསྐྱེད་རིམ་མ་བསྡུས་ན་རྟགས་གསལ་པོར་འོང་གསུངས། ༈ འདིའི་ལས་སྔགས་རྣམས་སྦྱར་དུས་ཀྱི་དམིགས་པ་ཟིན་བྲིས་སུ་མ་གསལ་བས་གང་ལྟར་ལགས་ཞུས་པས། ལས་སྔགས་ནཱ་ག་ར་རཀཱ་སྦྱར་དུས་ཐུགས་ཀའི་སྔགས་ཕྲེང་ལས་མེ་འབར་བས་ནད་གདོན་ཐམས་ཅད་བསྲེག །དེའི་ཐལ་བ་བ་སྤུའི་བུ་ག་ནས་ཕྱིར་ཐོན་པས་རང་རྟ་མགྲིན་གྱི་སྐུའི་ནང་ཐམས་ཅད་མེའི་རང་བཞིན་ལྕགས་

[Full Size]

སྲེག་ལྟ་བུ་དམར་ལྷང་ངེ་བསྒོམ། མེ་ལྕེ་བ་སྤུའི་བུ་ག་ནས་ཕྱིར་འཕྲོས་པས་རང་ཉིད་མེ་དཔུང་ཆེན་པོའི་དབུས་སུ་བཞུགས་པའི་མེ་སྒྲ་ལས་སྔགས་སྒྲ་འུ་རུ་རུ་སྒྲོག་པར་བསྒོམ། ལས་སྔགས་འོག་མ་གསུམ་གྱི་ཚེ་རང་ལས་སྤྲུལ་པའི་རྟ་མགྲིན་རང་འདྲ་བས་འཇིག་རྟེན་ཐམས་ཅད་གང་སྟེ། རང་ལ་གནོད་པའི་གདོན་ཐམས་ཅད་གཡོན་ལྕགས་ཀྱུས་སྙིང་ནས་བཟུང་། ཞགས་པས་སྐེ་ནས་བཅིངས། གཡས་རལ་གྲིས་གཏུབས་ནས་ལྷག་མ་མེ་དཔུང་གིས་བསྲེགས་ཏེ་རྗེས་མེད་པར་བསྒོམ་ཞིང་། མཐར་ཁྲོ་ཆུང་དེ་དག་རང་ལ་བསྟིམ། རྗེས་སུ་གཞུང་ལྟར་བདག་འཇུག་བླངས། གཤེགས་གསོལ་མི་རུང་བདག་བསྐྱེད་སྟོང་པར་བསྡུས་ལ་བསྔོ་སྨོན་དང་ཤིས་པ་བརྗོད་གསུངས། ༈ རྒྱུན་དུ་དྲན་རྫོགས་བྷེ་ནས་སྔགས་ཕྲེང་སྐོར་ཙམ་བཟླས་ན་ཆོག་གམ་ཞུས་པས། དྲན་རྫོགས་བསྒོམས་པས་ཆོག་སྟེ་ད་རེས་སྒྲུབ་པ་ལེགས་པར་གྲུབ་པས་རྒྱུན་དུ་ལས་བྱང་ཚར་རེ་འདོན་ན་ལེགས་གསུངས། ༈ རྙིང་ལུགས་ཀྱི་ལས་བྱང་རྣམས་བདག་བསྐྱེད་རྐྱང་པ་དུས་བདག་གི་ཐུགས་ལས་སྤྲུལ་པའི་མཆོད་ལྷས་བདག་མཆོད་པ་ཡིན་ནམ། འདི་དག་ལ་དབང་བསྐུར་རྒྱས་གདབ་མི་འོང་བ་ཇི་ལྟར་ལགས་ཞུས་པས།

[Full Size]

རང་གི་ལུགས་ལས་སྤྲུལ་པའི་ལྷ་མོས་བདག་བསྐྱེད་མཆོད་པ་ཡིན། ཡེ་ཤེས་སེམས་དཔའ་བསྟིམས་པས་དབང་བསྐུར་གྱི་གོ་ཆོད་དེ། དབང་བསྐུར་ཡང་དེ་ལས་ལྷག་ཅི་མེད་པའི་ཕྱིར་རོ། །རིགས་བདག་དང་པོ་ནས་རང་ཆས་སུ་བསྒོམ་ཡོད་པས་སླར་རྒྱས་གདབ་མི་དགོས་ཏེ་གསར་མའི་ཆོ་ག་བསྡུས་པ་འགའ་ཞིག་ལའང་དབང་བསྐུར་རྒྱས་གདབ་མེད་གསུངས། ༈ རྙིང་ལུགས་ཀྱི་ལས་བྱང་འདི་དག་ལ་མཚམས་ལྷ་ཡོད་ཚུག་གི་སྐྱབས་སེམས་སོགས་བྱ་བ་ལེམས་སམ་ཞུས་པས། ལས་བྱང་བསྡུས་པ་འདི་དག་མཚམས་ལྷ་ཡོད་ཚུག་གིས་བྱ་བ་ཡིན། རྒྱས་པར་གཞན་ལ་མིན་པའང་ཡོད་དེ་སོ་སོར་གསལ་གསུངས། ༈ བསྐྱེད་རིམ་ཕྱི་ནང་དབྱེར་མེད་བསྒོམ་པ་འདི་ལྷ་གང་རུང་ལ་ཆོག་གམ་ཞུས་པས། འདི་བླ་མེད་རྒྱུད་ལ་བྱ། རྒྱུད་སྡེ་གཞན་ལ་མིན་གསུངས། ༈ ཟས་ཀྱི་རྣལ་འབྱོར་སྐབས་སུ་ནང་གི་སྦྱིན་སྲེག་གསལ་ལྟར་དང་། འདོད་ཡོན་དུ་རོལ་ཚུལ་སོགས་མང་དུ་གསུངས་པ་དེ་རྣམས་ལ་ཁྱད་པར་ཅི་ལགས་ཞུས་པས། རང་ལྷར་གསལ་ཞིང་ཕུང་ཁམས་སྐྱེ་མཆེད་ཡེ་ནས་ལྷ་ཡི་རང་བཞིན་ཡིན་པར་ཤེས་པས། ཟས་བདུད་རྩིར་བསམས་ནས་ཟ་བ་བསྡུས་པ། རང་ལྷའི་

[Full Size]

གནས་ལྔར་ལྷ་གང་ཡིན་རིགས་ལྔའི་ཁ་དོག་ཅན་ལ་རྩ་འདབ་ཀྱི་གྲངས་མཉམ་མཁའ་འགྲོ་མ་གསལ་བཏབ་ནས་ཟ་བ་རྒྱས་པ། རང་ལྷར་གསལ་བའི་ཐུགས་ཀར་ལྷ་གང་ཡིན་གྱི་དཀྱིལ་འཁོར་བསྒོམ། ལྟེ་བའི་གཏུམ་མོ་ཡེ་ཤེས་ཀྱི་མེ་ལྕེ། ཁ་ཐབ་ཁུང་། ལག་པ་དགང་གཟར་བླུགས། བཟའ་བཏུང་བསྲེག་རྫས་སུ་བྷྱོ་པ་ནང་གི་སྦྱིན་སྲེག་སྟེ། དེ་གསུམ་འདྲ་གསུངས། ༈ དྲི་ཆུའི་རྣལ་འབྱོར་དུས་ཡི་དམ་རུང་གིས་ཆོག་གམ་ཞུས་པས། ཡི་དམ་གང་རུང་གིས་ཆོག །སྒང་པ་ཤེལ་བུམ་ལས་དྲི་ཆུ་བདུད་རྩིའི་རྒྱུན་དུ་བསམ་གསུངས། ༈ ཐུན་མཚམས་སུ་སྒྱུ་མ་རྨི་ལམ་ལྟར་བསམ་པ་འདི་དངོས་སུ་མ་གཏོགས་ན་བློས་བྱས་ཀྱིས་ཕན་ནམ་ཞུས་པས། དངོས་སུ་མ་གཏོགས་ཀྱང་བློས་བྱས་ཀྱིས་བསྒོམས་པས་ཕན་ཏེ། མ་དག་པའི་སྒྱུ་ལུས་ཡིན་གསུངས། ༈ ཐུན་མཚམས་སུ་ཟུང་འཇུག་གི་སྐུར་ལྡང་ནས་སྤྱོད་ལམ་བྱ་བ་འདི་རྙིང་མ་ལ་མི་དགོས་སམ་ཞུས་པས། བླ་མེད་སྤྱི་ལ་དེ་ལྟར་ཡིན་ཡང་རྙིང་མ་ལ་བདག་བསྐྱེད་བྷེ་ཚུག་གི་སྤྱོད་ལམ་རུང་སྟེ་རྙིང་མའི་སྒྲུབ་ཆེན་རྣམས་ལས་སྒྲུབ་པ་མ་ཚར་བར་བསྡུ་ཆོག་མ་གསུངས་པའོ། །གསར་མ་ལ་ཞག་གཅིག་བསྡུ་ཆོག་མ་བྱས་པར་ལུས་ནའང་རྟག་ལྟར་

[Full Size]

གོལ་བར་གསུངས་ཤིང་། ཁྱད་པར་རྣལ་འབྱོར་རྒྱུད་མན་ཆད་ལ་ཡེ་ཤེས་པ་གཤེགས་གསོལ་མ་བྱས་པར་ཞག་གཅིག་ལུས་ནའང་ལྷ་བཙོན་དུ་བཟུང་བའི་ཉེས་པ་ཡོད་གསུངས། ༈ བསྐྱེད་རིམ་མཐར་དམིགས་མེད་དུ་བཞག་པ་དང་བསྡུ་རིམ་བྱ་བ་གཉིས་ལ་ཁྱད་པར་ཡོད་དམ་མེད་ཞུས་པས། ཐུན་མཚམས་སུ་དམིགས་མེད་དུ་བཞག་པ་ལེགས་ཤིང་། ལ་ཁར་བསྡུ་རིམ་བྱས་ན་འོད་གསལ་བཟུང་བའི་ཐབས་ཡིན་པས་ལེགས་གསུངས། ༈ བསྐྱེད་རིམ་དུས་ང་རྒྱལ་བརྟན་པོ་ཞིག་ཡོད་པ་དེ་མི་འོང་འདུག་པ་ཅི་ལགས་ཞུས་པས། ང་རྒྱལ་བརྟན་པོ་དེ་བསྐྱེད་རིམ་ཁ་རྐྱང་དུས་ཡིན། དེ་འཛིན་པ་ཞིག་ནས་ང་རྒྱལ་བརྟན་རྒྱུ་རང་མེད་དོ། །ཕུང་ཁམས་སྐྱེ་མཆེད་ལྷ་ཡིན་པར་གསུངས་པས་ངེས་ཤེས་ཐེ་ཚོམ་མི་དགོས་གསུངས། ༈ ས་བོན་ཧཱུྃ་མ་ཡིན་པ་རྣམས་ལ་ཇི་ལྟར་ལགས་ཞུས་པས། ཐུགས་ཀར་ས་བོན་དང་ཐུགས་ཀའི་ཆ་སྨད་དུ་ཧཱུྃ་བསྒོམ་གསུངས། ༈ གོ་འཕང་ལ་བཀོད་གསུངས་པ་ཇི་ལྟར་ལགས་ཞུས་པས། ལྷ་གང་ཡིན་དེའི་གོ་འཕང་ཐོབ་པར་མོས་པས་ཆོག་གསུངས། ༈ སེམས་ངོ་མ་ཡེངས་པའི་ངང་ནས་བསྐྱེད་རིམ་བསྒོམ་པ་ལ་བློས་བྱས་ཀྱི་ངོ་བོ་སྟོང་པར་

[Full Size]

བསྒོམ་པ་འདི་མི་དགོས་སམ་ཞུས་པས། སེམས་ངོ་མ་ཡེངས་པའི་ངང་གིས་བསྐྱེད་རིམ་ལ་བློས་བྱས་ཀྱིས་ངོ་བོ་སྟོང་པར་བསྒོམ་མི་དགོས་གསུངས། ༈ བསྐྱེད་རིམ་འདི་ཀུན་རྫོབ་དང་དོན་དམ་གང་ལགས་ཞུས་པས། སེམས་ངོ་མ་ཡེངས་པའི་ངང་གི་བསྐྱེད་རིམ་ནི་བསྐྱེད་རྫོགས་ཟུང་འཇུག་ཡིན། ཟུང་འཇུག་འདི་དོན་དམ་ཡིན། བསྐྱེད་རིམ་ཁ་རྐྱང་གི་དམིགས་པ་ལེགས་ལེགས་ཡིན་ཡིན་འདྲ་བ་ཐམས་ཅད་ཀུན་རྫོབ་ཡིན་གསུངས། ༈ བསྐྱེད་རིམ་ལ་ལྷ་བདག་ལྟ་ཅན་དང་། དུག་གསུམ་ཅན་དུ་གོལ་གསུངས་པ་ཇི་ལྟར་ལགས་ཞུས་པས། བསྐྱེད་རིམ་ཐམས་ཅད་ཨ་འཐས་ཐེར་ཟུག་ཏུ་བསྒོམས་ན། ཞི་བ་ཞལ་སྦྱོར་བསྒོམ་དུས་འདོད་ཆགས་རང་ཁ་མ་སྐྱེས་པ་དང་། ཁྲོ་བོ་བསྒོམ་དུས་ཞེ་སྡང་རང་ཁ་མ་སྐྱེས་ནས་དགྲ་བགེགས་རྣམས་གསོད་གཏུབ་དངོས་སུ་བྱས་པ་འདྲ་བ་དང་། རྟ་ཞལ་ཕག་ཞལ་འཇིགས་བྱེད་མ་ཧེའི་ཞལ་སོགས་བྷེ་དུས་དུད་འགྲོ་དེའི་མགོ་དངོས་སུ་ཡིན་བསམ་པ་གཏི་མུག་དང་། དེ་སོགས་ལྷ་དམ་པ་རིགས་བརྒྱ་བྷི་པ་ལ་གོལ་ས་བརྒྱ་ཡོད་པར་བཤད་དོ། །ཐུགས་སྲོག་ཧཱུྃ་སོགས་ཀྱང་དངོས་པོ་ཅན་དུ་བསྒོམས་ན་སྦྲུལ་དུ་སྐྱེའོ། །དེ་བཞིན་དུ་ཡི་དམ་རྣམས་ཀྱང་ལྡེག་སྐུ་ལྟར་ཨ་འཐས་སུ་

[Full Size]

བསྒོམས་ན་རིག་འཛིན་གྱི་གདོན་ཞེས་ལྷ་དེ་འདྲ་བའི་འདྲེ་ཞིག་ཏུ་སྐྱེས་ཏེ་རླུང་ལྷའི་འཁོར་ཡིན། རྒྱ་གར་དུ་སྔགས་པ་ཞིག་ཤི་མལ་དུ་གཞན་བླ་མ་ཞིག་བཞུགས་པས། ཉལ་སའི་ནང་དེར་ཁྲོ་བོ་ཞལ་གསུམ་ཕྱག་དྲུག་མཆེ་བ་ཙ་རེ་བ་ཞིག་གདའ་བས། ང་རི་ཁྲོད་འདིར་འདུག་པའི་སྔགས་པ་ཞིག་ཡིན་ཏེ། ང་ཡི་དམ་དེ་འདྲ་བའི་ཡི་དྭགས་སུ་སྐྱེས་པས་ལྟོགས་སྣང་ཆེ་བས་ང་ལ་གཏོར་མ་ཞིག་གནོངས་ཟེར་སྐད་དང་། བདག་ལྟ་ཅན་ནི་དེ་ལྟ་བུ་ཡིན་ནོ་གསུངས། ༈ འོ་ན་སེང་གདོང་མའི་སེང་ཞལ་འདི་ཅིའི་བརྡ་རྟོགས་ལགས་ཞུས་པས། སེང་ཞལ་ནི་སེང་གེའི་ང་རོས་གཅན་གཟན་ཐམས་ཅད་ཟིལ་གྱིས་གནོན་པ་ལྟར་མ་མོ་མཁའ་འགྲོ་ལྷ་སྲིན་ཐམས་ཅད་ཟིལ་གྱིས་གནོན་པའི་བརྡ་དང་རྟགས་ཡིན་ནོ། །བསྐྱེད་རིམ་གྱི་གོལ་ས་འདི་དག་སེམས་ངོ་མི་ཤེས་པའི་དུས་ཡིན་པས་དགོས་པ་མེད་གསུངས། ༈ བསྙེན་སྒྲུབ་སྲུང་ཟློག་དུས་རྩ་གསུམ་གྱི་ལྷ་ཚོགས་བསྒོམ་དུས་སྐུ་དང་གཞལ་ཡས་ཁང་སོགས་ལ་ཆེ་ཆུང་གི་ཁྱད་པར་ཡོད་དམ་ཞུས་པས། ཆེ་ཆུང་ལ་ཁྱད་མེད་ཅི་བདེར་ཆོག །སྟོང་གསུམ་ཡུངས་འབྲུར་ཆུད་པ་ཟེར་བ་ལྟར་ཡིན་གསུངས། ༈ བསྐྱེད་རྫོགས་ཟུང་འཇུག་མ་བྱུང་ཡང་

[Full Size]

རེས་མོས་མ་བྱས་ནི་ཐབས་ཤེས་ཡ་བྲལ་དུ་སོང་འདུག་པས་མཐར་ཐུག་འབྲས་བུ་འབྱུང་ངམ་ཞུས་པས། དེ་ཐབས་ཤེས་ཡ་བྲལ་དུ་སོང་བས་སྟོང་ཉིད་ཁ་རྐྱང་གིས་གཟུགས་སྐུ་མི་འགྲུབ་ཅིང་སྙིང་རྗེ་མེད་ན་ཉན་ཐོས་སུ་གོལ་དོགས་ཡོད། བསྐྱེད་རིམ་ཁ་རྐྱང་གིས་ཆོས་སྐུ་མི་འགྲུབ་ཅིང་ཆགས་ཞེན་ཆེ་ན་གཟུགས་ཁམས་ཀྱི་ལྷར་གོལ་དོགས་ཡོད། དེ་བསྟན་པ་སྤྱིའི་ལུགས་ཡིན། ཀླུ་སྒྲུབ་ཀྱིས་ནི་ས་བརྒྱད་པ་ཐོབ་གསུངས། དེ་ལ་བསྐྱེད་རིམ་མཐར་ཕྱིན་པ་དགོས་གསུངས། རྟགས་ཡི་དམ་ཞལ་མཐོང་བའམ། ༈ བསྙེན་སྒྲུབ་དུས་སམ་རྒྱུན་དུའང་བསྐྱེད་རིམ་མ་ཡེངས་པར་མི་ཡོང་ཡང་། སེམས་ངོ་མ་ཡེངས་པའི་ངང་ནས་སྔགས་བཟླས་པ་མི་ནག་སྔགས་བཟླས་སུ་མི་འགྱུར་རམ་ཞུས་པས། བསྐྱེད་རིམ་མ་བསྒོམ་ཡང་སེམས་ངོ་མ་ཡེངོས་ན་མི་ནག་སྔགས་འདོན་ག་ལ་ཡིན། ལྷ་བྷེ་པ་བས་དེ་ལྷག །སྔགས་ནི་བཟླ་དགོས་དྭགས་པོས་གསུངས། ༈ ངག་གནད་སྔགས་བཟླ་བ་དང་རླུང་བཟུང་བ་གཉིས་གང་ཟབ་ཞུས་པས། རྩ་རླུང་ཁོ་ན་བསྒོམས་ན་རླུང་ཟབ་སྟེ་རང་རེས་རྩ་རླུང་གཙོ་བོར་མི་བྱེད་པས། སྔགས་བཟླ་བ་ཟབ་གསུངས། ༈ རྒྱ་མཚོ་ལྷ་ལྔའི་གསོལ་འདེབས་དུས་རང་བྱུང་རྡོ་རྗེ་ཟེར་

[Full Size]

བ་གང་ལགས། བསྒོམ་ལུགས་ཀྱི་གསལ་ཀའང་གནོང་ཞུས་པས། རང་རྒྱལ་བ་རྒྱ་མཚོའི་སྤྱི་གཙུག་ཏུ་སེམས་དཔའ་རང་བྱུང་རྡོ་རྗེ་ནི་ཀརྨ་པཀྵིའི་གསང་མཚན་ཡིན། དེའི་སྤྱི་བོར་ཨོ་རྒྱན་བསྒོམ། གཞན་ལྷ་ལྔ་གཞུང་ལྟར་དྲན་རྫོགས་སུ་བསྒོམ་ནས་གསོལ་འདེབས་ཚར་ནས་མཐར་རང་ལ་བསྟིམ། ལར་དམིགས་པ་མང་པོ་བས་ངོ་བོ་སྐྱོང་བ་རང་དགའ་གསུངས། ༈ ཕྱི་མ་ཁོ་ན་དོན་དུ་གཉེར་བ་ལ་ཡི་དམ་གཅིག་ཁོ་ན་སྒྲུབ་པ་དང་། ཡི་དམ་མང་པོའི་བསྙེན་སྒྲུབ་ཐེམ་པ་གཉིས་གང་དགའ་ཞུས་པས། རྒྱལ་བ་གཅིག་སྒྲུབ་ཀུན་གྱི་ངང་། །གསུངས་པས། ཡི་དམ་གཅིག་ལེགས་པར་སྒྲུབ་ཅིང་འགྲུབ་ན་དེས་ཐམས་ཅད་འགྲུབ་པ་ཡིན་ཏེ། རྒྱ་གར་མི་གཅིག་ལྷ་གཅིག་ཡིན་པས་གྲུབ་ཐོབ་མང་། བོད་ལྷ་མང་བས་ཕུང་ཟེར་བ་འདི་ཀུན་གྱིས་སྨྲ་འདུག་སྟེ། ལྷ་འདི་བས་འདི་ཨེ་ལྷག་བསམས་ཤིང་བསྒྲུབས་ན་སྤང་བླང་དུ་འགྲོ་བས་གཅིག་ཀྱང་མི་འགྲུབ་པའི་རྐྱེན་བྱེད། ལྷ་ཡེ་ཤེས་པ་ཐམས་ཅད་ངོ་བོ་གཅིག་ཡིན་པར་ཤེས་ན་ལྷ་མང་པོ་བྱས་ཀྱང་མི་འགལ་ཏེ། སྲིད་པ་གཏེར་ཁྱིམ་ལས། སྔགས་པ་ལྷ་མང་བ་ནི་ཕྱུག་པོ་གཉེན་མང་བ་དང་འདྲ་གསུངས། བིརྱ་པས། བདེ་མཆོག་ལོ་

[Full Size]

བརྒྱད་སྒྲུབ་པས་རྟགས་ཅི་ཡང་མ་བྱུང་བས་ཕྲེང་བ་ཆབ་ཁང་དུ་བསྒྱུར་ཏེ། ལྷ་མི་བསྒྲུབ་པར་དམ་བཅས། ནུབ་གཅིག་རྨི་ལམ་དུ་བུད་མེད་གཅིག་གིས་ཁྱོད་ཀྱི་ལྷ་དགྱེས་རྡོར་ཡིན་པས་ཕྲེང་བ་ཡར་ལོང་ཁྲུས་གྱིས་ལ་ཐོན་གསུངས། དེ་ལྟར་བྱས་པས་ཞག་བདུན་ནས་དགྱེས་རྡོར་ཞལ་གཟིགས། བདག་མེད་མས་དབང་བསྐུར་ཏེ་ས་དྲུག་པ་ཐོབ། ནཱ་རོ་པས་ལོ་བརྒྱད་དགྱེས་རྡོར་སྒྲུབ་པས་ཞལ་གཟིགས་ནས། བདག་མེད་མའི་ཞལ་ནས་ངེད་ཁྱོད་ཀྱི་ལྷ་མིན་པས་དངོས་གྲུབ་སྟེར་རྒྱུ་མེད། ཁྱོད་ཀྱི་ལྷ་བདེ་མཆོག་ཡིན་གསུངས། དེ་ནས་བདེ་མཆོག་ཡིག་བདུན་འབུམ་ཕྲག་བདུན་བཟླས་པས་ས་རྣམ་པ་དྲུག་ཏུ་གཡོས་ཤིང་བདེ་མཆོག་ཞལ་གཟིགས་ནས་མཆོག་གི་དངོས་གྲུབ་ཞུས་པས། ཤར་ཕྱོགས་ན་ཏེ་ལོ་པ་ཚོལ་གསུངས། དེས་ན་ལས་འཕྲོ་ཡོད་མེད་ཀྱང་ཡོད་པ་འདྲའོ་གསུངས། ༈ བསླབ་བྱ་ལས་ནངས་ནུབ་སྐྱབས་འགྲོ་ལ་བརྩོན་དགོས་གསུངས་པས། ནུབ་མོའང་དགོས་སམ་ཞུས་པས། ཐོག་མར་བློ་ཁེལ་ངེས་རེ་བྱས་ན་ནུབ་མོར་མི་དགོས་གསུངས་པས། ༈ གཏོང་ལེན་བསྒོམ་དུས་ཐོག་མཐའ་གང་དུ་བྱས་ན་ལེགས་ཞུས་པས། སྐྱབས་འགྲོའི་མཆན་སེམས་བསྐྱེད་ཡིན། སེམས་བསྐྱེད་

[Full Size]

ཀྱི་བསྒོམ་བྱ་གཏོང་ལེན་ཡིན་པས་ཐོག་མར་ལེགས་གསུངས། ༈ སྙིང་རྗེ་རྣམ་གསུམ་གང་གལ་ཆེ་ཞུས་པས། སེམས་ཅན་ལ་དམིགས་པའི་སྙིང་རྗེ་དེ་རྩ་བ་ཡིན་པས་གལ་ཆེ་བར་བཤད་གསུངས། ༈ སེམས་ངོ་མ་ཡེངས་པའི་ངང་ནས་སྙིང་རྗེ་ཤར་བ་དེ་ཅི་ལགས་ཞུས་པས། དེ་སྟོང་ཉིད་སྙིང་རྗེ་ཟུང་འཇུག་སྟེ་དོན་དམ་སེམས་བསྐྱེད་རང་ཡིན་གསུངས། ༈ ཚོགས་བསགས་པ་ལ་དངོས་འབྱོར་དང་ཡིད་སྤྲུལ་གང་ལྷག་ཞུས་པས། དེ་དངོས་འབྱོར་ལྷག་སྟེ་ཡིད་སྤྲུལ་དམིགས་པ་གསལ་ན་འདྲ་བར་བཤད་གསུངས། ༈ བླ་མ་ལ་ཟང་ཟིང་གི་འབུལ་བ་དང་། ལུས་ངག་གི་ཕྱག་ཕྱི་དང་། སྒྲུབ་པའི་མཆོད་པ་གསུམ་གང་ལྷག་ཞུས་པས། ཟང་ཟིང་འབུལ་བ་བས་ལུས་ངག་གི་ཕྱག་ཕྱི་ལྷག །དེ་བས་སྒྲུབ་པའི་མཆོད་པ་ལྷག །དེ་བས་ཀྱང་བླ་མ་ལས་ཐོབ་པའི་དབང་ལུང་ཆོས་གསུམ་རང་གིས་ཉམས་སུ་ལེན་ཅིང་གཞན་ལ་ཕན་ན་ལྷག་སྟེ་དེས་བསྟན་པ་འཛིན་པའི་ཕྱིར་རོ་གསུངས། ༈ རྨི་ལམ་དུ་སྲོག་བཅད་པ་སོགས་སྡོམ་པ་དང་འགལ་བ་རྨིས་ན་ཉེས་པ་ཡོད་དམ་ཞུས་པས། འདུལ་བ་ལས་མ་བྱས་པ་དང་འདྲ་ཉེས་པ་མེད་གསུངས། ཐེག་ཆེན་ལས་ནི་དེ་ལྟར་བྱས་སོ་སྙམ་པའི་འཛིན་པ་ཆེ་ན་

[Full Size]

ཉེས་པ་ཅུང་ཞིག་ཡོད་པར་བཤད་གསུངས། ༈ ཉེས་ལྟུང་བཤགས་པ་ལ་སྟོབས་བཞི་ལྡན་དུ་བཤགས་པ་དང་རྡོར་སེམས་སྒོམ་བཟླས་གང་ཟབ་ཞུས་པས། སྟོབས་བཞི་ལྡན་པས་རྡོར་སེམས་སྒོམ་བཟླས་ལྷག །དེ་བས་ཀྱང་བཤགས་པ་བྱ་བའི་ཕྱིར་ངོ་བོ་ཡུད་ཙམ་སྐྱོང་བ་གལ་ཆེ་གསུངས། ༈ གནས་ངན་ལེན་གྱི་དྲི་མ་ཟེར་བ་འདི་ལས་ཉོན་གང་ལ་གཏོགས་ཞུས་པས། དེ་ལས་ཉོན་གང་ལའང་གཏོགས་པ་ཡོད་དེ་འདུལ་ཁྲིམས་ཀྱི་ཉེས་ལྟུང་ཕྲ་ཞིབ་དང་། ངག་འཆལ་ཚིག་རྩུབ་སོགས་བཤགས་པ་མ་ཐེངས་ན་ནམ་ཞིག་ངེས་པར་གནས་ངན་དུ་ལྟུང་དོགས་པས་གནས་ངན་ལེན་ཟེར་ཏེ་བཤགས་ཚུལ་གོང་ལྟར་རོ་གསུངས། ༈ རང་ལུགས་ལ་ལྟ་སྒོམ་སྤྱོད་གསུམ་དང་གཞི་ལམ་འབྲས་གསུམ་གང་ལ་ངོས་འཛིན་ཞུས་པས། རང་སེམས་ཀྱི་ངོ་བོ་ལ་ལྟ་བ་བསྐྱེད་རྫོགས་གང་རུང་དང་མ་བྲལ་བར་འདུལ་ཁྲིམས་དང་མ་འགལ་བ་དེ་གསུམ་ལ་ལྟ་སྒོམ་སྤྱོད་གསུམ་གྱི་དོན་འཐུས། རང་སེམས་ཡེ་ནས་སངས་རྒྱས་སུ་ཤེས་པ་གཞི། བསྐྱེད་རྫོགས་བསྒོམ་པ་ལམ། མཐར་སངས་རྒྱས་པ་འབྲས་བུ་ཡིན་གསུངས། ༈ འཁོར་བ་ལ་སྐྱོ་བ་སྐྱེ་ཞིང་རྫོགས་པའི་བྱང་ཆུབ་ཐོབ་འདོད་པ་འདི་སྐྱོ་ཤས་དང་ངེས་འབྱུང་

[Full Size]

ལགས་སམ་ཞུས་པས། དེ་སྐྱོ་ཤས་དང་ངེས་འབྱུང་ཡིན་གསུངས། ༈ གཏོར་མ་ཕྱི་ནང་གསུམ་གང་གལ་ཆེ་ཞུས་པས། ཐེག་པ་མཐོ་བས་ནང་གི་གཏོར་མ་གལ་ཆེ་སྙམ་གསུངས། ༈ བསྙེན་སྒྲུབ་དུས་རྨིས་ལྟས་བཟང་ངན་དངོས་གྲུབ་ལེན་གསུངས་པ་ཇི་ལྟར་ལགས་ཞུས་པས། སྐད་ཅིག་གིས་མདུན་གྱི་ནམ་མཁར་བླ་མ་ཡི་དམ་གང་ཡིན་གྱི་དཀྱིལ་འཁོར་སྤྱན་དྲངས་ཏེ་འོད་ཟེར་གྱིས་དབང་བླངས་ནས་རང་ལ་བསྟིམ་མོ་གསུངས། ༈ རྨི་ལམ་དུ་གདོན་རྟགས་བྱུང་ན་དེ་ལ་གཟིར་རུང་ངམ་ཞུས་པས། གདོན་རྟགས་གཟིར་རུང་གསུངས་༈ ལར་རྨིས་ལྟས་བཟང་ངན་གང་བྱུང་དགའ་སྡུག་གི་རྟོག་པ་མི་བྱེད་པར་བཏང་སྙོམས་སུ་བཞག་ན་དགའ་འམ་ཞུས་པས། བཟང་ངན་གང་བྱུང་ཡང་བཏང་སྙོམས་སུ་བཞག་པ་ལེགས་གསུངས། ༈ ཡིད་ཀྱི་རྣམ་ཤེས་དང་། ཉོན་ཡིད་རྣམ་ཤེས་དང་། ཀུན་གཞིའི་རྣམ་ཤེས་གསུམ་གྱི་ཁྱད་པར་གང་ལགས། རང་རིག་གི་ངོ་བོ་འདི་གང་གི་ཆར་གཏོགས་ཞུས་པས། འདི་ཚོའི་དབྱེ་བ་ཐེག་དམན་ལུགས་ཀྱི་མངོན་པ་མཛོད་དུ་གསལ། ཐེག་ཆེན་ལུགས་ནི་མངོན་པ་གོང་མ་ལ་གསལ། ངེས་པའི་དོན་ལ་ཀུན་གཞི་ནི་ཀུན་གྱི་གཞི་ཡིན་པས་

[Full Size]

མྱ་ངན་ལས་འདས་པའི་གཞི་ཡིན་གསུངས་པས། རང་གི་སེམས་དགེ་མི་དགེ་གང་གི་ཕྱོགས་སུ་མ་འགྱུར་བའི་སྐབས་དེ་ཀུན་གཞི་ཡིན། འདི་ཡིན་འདི་མིན་གྱི་རྣམ་རྟོག་འཕྲོ་བ་དེ་ཡིད་ཀྱི་རྣམ་ཤེས་ཡིན། ཉོན་མོངས་པའི་རྣམ་རྟོག་ཕྲ་མོ་འཕྲོ་བ་དེ་ཉོན་ཡིད་ཀྱི་རྣམ་ཤེས་ཡིན། རང་རིག་ངོ་ཤེས་པ་འདི་དེ་གསུམ་གང་ལའང་མི་གཏོགས། རིག་པའི་ཡེ་ཤེས་ཟེར་བ་ཡིན་གསུངས། ༈ བདེ་སྨོན་འདོན་དུས་ཞིང་གི་ཡོན་ཏན་རྣམས་ཡིད་ལ་བཀོད་ཅིང་འདོན་པ་བྱེད་པ་དང་། སེམས་ངོ་མ་ཡེངས་པའི་ངང་ནས་འདོན་པ་གཉིས་གང་དགའ་ཞུས་པས། །ཞིང་གི་ཡོན་ཏན་དྲན་ཅིང་འདོན་པ་བྱེད་པ་ནི་ཞིང་དེར་སྐྱེ་བའི་རྒྱུ་ཡིན། སེམས་ངོ་མ་ཡེངས་ངང་ནས་འདོན་པ་ནི་འཁོར་གསུམ་ཡོངས་དག་གི་སྨོན་ལམ་དུ་འགྱུར་བས། དེ་གཉིས་གང་བདེ་གྱིས་གསུངས། བདེ་བ་ཅན་དུ་སྐྱེའམ་མི་སྐྱེའི་ཐེ་ཚོམ་མི་རུང་གསུངས་ཀྱང་ཐེ་ཚོམ་ཅུང་ཟད་མེད་པ་མི་འོང་བར་འདུག་པས། ཚེ་མཇུག་དང་། ཁྱད་པར་འཆི་ཁ་ཐེ་ཚོམ་བྱུང་ན་གནོད་ཚབས་ཆེའམ་ཞུས་པས། དང་པོ་ཐེ་ཚོམ་ཅུང་ཟད་ལོས་འོང་སྟེ། མདོ་རྒྱུད་དང་ཨོ་རྒྱན་གྱི་གསུངས་རྣམས་དཔང་པོར་ཡོད་པ་ལ་བསམ་ནས་ཐེ་ཚོམ་ཇེ་ཆུང་དུ་བསམས་ལ་བྱའོ། །

[Full Size]

ཚེ་མཇུག་དང་ཁྱད་པར་འཆི་ཁ་ཐེ་ཚོམ་བྱུང་ན་བར་ཆད་བྱེད་དོ། །བན་དེ་རྟ་མགྲིན་མགོན་ཤི་ནད་ཀྱིས་ཐེབ་འདུག་པ་ལ་སེམས་ངོ་དང་གཏོང་ལེན་བྷེ་ཞིང་མེ་ཏོག་ཆུ་སྐྱེས་ཐོན་ལ་ཞིང་དེར་སྨོན་ལམ་ཐོབ་དང་སྐྱེ་ངེས་སྨྲས་པས། ཕྱིས་ཤི་དུས་ཐུགས་དམ་ལ་བསྡད་ཅིང་ཁོའི་ཤ་ཉེས་གར་སྐྱེས་བརྟགས་དགོས་ཞེས་ནན་ཏན་ཆེ་བར། ངས་ཟླ་བ་བཅུ་ལྷག་ཙམ་ལ་གནས་འདྲེན་གྱི་དམིགས་པ་བྱས་ནས་བརྟགས་པས། རྟ་མགྲིན་མགོན་བདེ་བ་ཅན་དུ་སྐྱེས་ཏེ་མེ་ཏོག་ཁ་མ་བྱེ་ཟེར་བའི་སྒྲ་ཞིག་བྱུང་བས། ཤི་ཁ་ཐེ་ཚོམ་བྱས་པ་རེད་བསམས་ནས་དེའི་བཤགས་པར་དམིགས་ནས་ཞིང་བཀོད་ཀྱི་ཐང་སྐུ་བཞེངས་བཅུག་པ་ཡིན། འཆི་ཁར་ལས་གང་བསགས་སྔོན་དུ་སྨིན་གསུངས་པས་འཆི་ཁར་ཐེ་ཚོམ་མ་སྐྱེས་པ་གལ་ཆེ། འཇིག་རྟེན་འདིའི་ལོ་ལྔ་བརྒྱ་ལ་མེ་ཏོག་ཁ་མ་བྱེ་བའང་། མེ་ཏོག་ནང་དུ་བདེ་སྐྱིད་ཕུན་སུམ་ཚོགས་ནས་གཞན་ལྷ་མིའི་སྐྱེ་འཆིའི་སྡུག་བསྔལ་བསམས་ན་སྐྱིད་པོར་ཡིན་པར་འདུག །འཇིག་རྟེན་འདིའི་བསྐལ་པ་གཅིག་ནི་བདེ་བ་ཅན་གྱི་ཞག་གཅིག་ཡིན་པར་བཤད་པས། འདིའི་ལོ་ལྔ་བརྒྱའང་ཡུན་རིང་པོ་ཡིན་པར་སྣང་གསུངས། ༈ རྡོ་རྗེའི་བཟླས་པ་འབྲུ་གསུམ་དང་

[Full Size]

བསྙེན་སྔགས་གང་ལ་སྦྱར་ན་ལེགས་ཞུས་པས། ད་སྐབས་བསྙེན་པ་མི་ཆག་པའི་ཕྱིར་བསྙེན་སྔགས་དང་སྦྱར་ན་ལེགས་གསུངས། ༈ བཟླས་བརྗོད་ཀྱི་སྔགས་རྣམས་གཞུང་ལྟར་གྱི་གྲངས་ཐོན་ན་ཚར་གཅིག་གིས་ཆོག་གམ་ཞུས་པས། དམིགས་པ་གསལ་ན་ཚར་རེ་རེས་ཆོག་སྟེ། དམིགས་པ་མ་ཟིན་ན་ཚིག་རྣམས་བཏོན་ཞན་འདྲ། དེ་བས་དབྱངས་གསལ་དང་ཡེ་དྷམ་ཚར་གསུམ་བཏོན་ན་ལེགས་གསུངས། ༈ ཐུན་མཇུག་ཏུ་ཡིག་བརྒྱ་དང་དབྱངས་གསལ་དང་རྟེན་འབྲེལ་སྙིང་པོ་བཟླ་བ་གལ་ཆེའམ་ཞུས་པས། ཡིག་བརྒྱ་དང་དབྱངས་གསལ་ནི་ཆད་ལྷག་ཁ་སྐོང་། རྟེན་འབྲེལ་སྙིང་པོ་རབ་གནས་ཡིན། རྒྱུན་དུ་མ་ཐོན་ཀྱང་བསྒྲུབས་པ་ཚར་དུས་སམ་སྐབས་སུ་བྱས་པས་ཆོག་གསུངས། ༈ བླ་མ་ནམ་དྲན་ཡིད་ཀྱིས་མོས་གུས་དྲག་པོ་བྱས་པས་གསོལ་བ་འདེབས་པའི་གོ་ཆོད་དམ་ཞུས་པས། ཡིད་ཀྱིས་མོས་གུས་དྲག་པོ་བྱས་པས་གསོལ་འདེབས་ཀྱི་གོ་ཆོད་གསུངས། ༈ བླ་མའི་རྣལ་འབྱོར་སྐབས་ནས་ཡན་ལག་མཐིལ་དུ་བསྒོམ་གསུངས་པ་ཇི་ལྟར་ལགས་ཞུས་པས། དེ་གཞན་ལ་ཕྱག་དབང་བྱེད་དུས་ཡིན་གསུངས་པར་གདའ། རང་གི་ལག་མཐིལ་དུ་ཟླ་བའི་དཀྱིལ་འཁོར་ཧཾའམ་བམ་གྱིས་

[Full Size]

མཚན་པ་བླ་མའི་ངོ་བོ། དེ་རང་གི་སྤྱི་བོར་ཕྱག་བཀབ་པས་བདུད་རྩིའི་རྒྱུན་བབ་པར་བསྒོམ་པ་དེ་ཡང་རེད། རྐང་མཐིལ་དུ་བསྒོམ་ཟེར་བ་དེ་ནི་མིན་ཀྱང་རྐང་པ་ན་དུས་དེར་སྒོམ་མི་རུང་བ་ཡང་མིན། རྡོ་རྗེ་སྐྱིལ་ཀྲུང་དུས་མདུན་བསྐྱེད་ཀྱི་ཚུལ་དུ་བསྒོམ་རུང་བའི་གཏམ་འདྲ་དེ། ཕྱག་དབང་དུས་བླ་མ་པར་སྐུ་ལྟར་བྷེ་ནས་བྱ་རྒྱུ་རེད་གསུངས། ༈ ངོ་བོ་ཁོ་ན་བསྒོམ་པ་དང་། བསྐྱེད་རིམ་དང་བསྲེ་ཞིང་བསྒོམ་པ་གཉིས་བོགས་རྩལ་གང་ཆེ་ཞུས་པས། ངོ་བོ་ལ་བརྟན་པ་མ་ཐོབ་བར་དུ་ངོ་བོ་འབའ་ཞིག་བསྒོམ་ནས་བསྐྱེད་རྫོགས་ཟུང་དུ་ཆུད་ནས་ཟུང་འཇུག་ཁོ་ན་བྷེ་ན་ལེགས། ལར་དམིགས་པ་མང་པོ་བསྒོམ་པ་བས་རང་གི་ངོ་བོ་རང་དེ་ལ་ཨུ་ཚུགས་གྱིས་དང་དགའ་སྟེ་བཀའ་བརྒྱུད་པའི་ལུགས་ལ་ཆོ་ག་ཆོས་སྤྱོད་ཐམས་ཅད་འདོན་ཏེ་དམིགས་པ་གཅིག་ཀྱང་མི་བསྒོམ་པར་སེམས་ངོ་ཁོ་ན་སྐྱོང་ཞིང་འདོན་པ་ཡིན། ཁྱེད་རང་ཡང་དམིགས་པ་སྤྱན་སྤུན་ཐམས་ཅད་བསྐྱུར་ནས་སེམས་ངོ་བསྐྱང་བ་ལ་འབད་ན་ངའི་སློབ་མ་བྱེས་གསར་རྣམས་ཀྱི་ནང་ནས་མཆོག་ཏུ་གྱུར་པ་ཞིག་འོང་བའི་རེ་བ་ཡོད་གསུངས། ༈ དེ་དག་ནི་བསྐྱེད་རིམ་ལ་ཐེ་ཚོམ་གང་བྱུང་དང་། གོ་ཤེས་དང་ཐོས་བསམ་དམན་

[Full Size]

པས་འཕྲལ་དྲན་གྱི་དོན་ལ་ཐེ་ཚོམ་གང་བྱུང་རྣམས་ཞུས་པའི་ལན་བརྗོད་པར་འཕང་ནས་བཀོད་པའོ། །གནས་མདོ་ཀརྨ་ཨ་རཱ་ག་ལ་འབྲོང་བན་དགེ་སློང་ཐབས་མཁས་རྒྱ་མཚོས་རིམ་གཉིས་ཀྱི་ཐེ་ཚོམ་གང་བྱུང་གི་ཞུས་ལན་རྫོགས་རིམ་སྐོར་བཞུགས་སོ། །ན་མོ་གུ་རུ། ཀ་དག་ཆོས་དབྱིངས་གདོད་ནས་དག་པའི་ངང་། །མ་འགགས་སྒྱུ་མའི་རོལ་གར་ཅི་ཡང་བསྒྱུར། །གང་འདུལ་གདུལ་བྱའི་པད་ཚལ་འགྱེད་མཛད་པའི། །བྱིན་རླབས་གཟི་འོད་ཅན་དེས་བདག་སྐྱོངས་ཤིག །རྗེ་བཙུན་དམ་པ་དེ་ཉིད་ཁོ་བོས་ཐོག་མར་ཞལ་མཇལ་ཉིན་ཕྱག་ཆེན་གྱི་ཁྲིད་གྲལ་དུ་སོང་ནས་ཉན་པས། སྒོམ་ཟེར་བའི་གལ་པོ་ཆེ་འདི་རང་གི་སེམས་མི་དྲན་དགུ་དྲན་འདི་ལ་བལྟ་བ་ལ་ཟེར་བ་ཡིན་པར་འདུག་སྙམ་ནས་དེ་ལྟར་བལྟས་པས་གནས་འགྱུ་ངོ་ཤེས་པ་བྱུང་། དེ་ནས་ལོ་མང་ཕྱག་ཕྱིར་འབྲང་ནས་སེམས་ཁྲིད་ལན་མང་དུ་ཐོབ་ཀྱང་། རྣམ་གཡེང་ཆེ་ཞིང་རང་བརྩོན་འགྲུས་ཞེན་པས་ཉམས་ལེན་ལ་ཡར་བསྐྱེད་ཆེར་མ་བྱུང་བས། མཚམས་སུ་སྡོད་ཁ་ཡང་གནས་ཉམས་ཀྱི་ཞི་བདེ་ལ་མཆོག་འཛིན་འོང་བ་ཞིག་ལས་མེད། མཚམས་ལ་བསྡད་པས་ཟླ་གཅིག་ཙམ་ལ་གོང་གི་འཆར་ཚུལ་དེ་ཉིད་བརྟན་དུ་སོང་

[Full Size]

བ་འདྲ་ཞིག་བྱུང་། དེ་ནས་གོང་དང་མི་འདྲ་བ་བདེ་གསལ་གྱི་ཉམས་རྣམས་གོང་ལས་གསལ་ཆ་ཆེར་སོང་བས་ཉིན་དུ་ཡེངས་མེད་ངང་རྨི་ལམ་དུའང་ལན་མང་ཟིན་པ་བྱུང་། ཡང་སྐབས་སྐབས་སུ་ཉིན་རེ་དང་ཉིན་ཕྱེད་དང་ཛ་ཚེ་ཙམ་ལ་སེམས་རྒྱུད་རྩུབ་འཁྲུགས་འཁྲུགས་བྱེད་པས་ངོ་བོ་སྐྱོང་བ་རང་ཡང་མི་འདོད་པ་བྱུང་། ཡང་སྐབས་སྐབས་སུ་སྒྲིམ་ལྷོད་ཀྱི་ཁྱད་པར་ལ་སྟོང་རྗེན་ལྷང་ངེ་བ་དང་། བདེ་ཆོམ་མེ་བ་རེས་མོས་སུ་འཆར་བ་བྱུང་ནས། དེ་དག་སྤྱན་སྔར་ཞུས་པས། འགྱུར་ལྡོག་མང་དུ་བྱུང་བས་སྐྱོན་མེད། དེ་ཅུང་ཞིག་ཡར་ད་ཡོང་བའི་རྟགས་ཡིན། སེམས་ལྷོད་ཐལ་ནས་བརྗེད་འགྲོ་བ་ཙམ་ཡང་མི་བྱ། སྒྲིམ་ཐལ་ནས་འཇུར་བུས་བཅིང་པའི་སེམས་ཡིན་པས། སྐུད་པ་འཁེལ་བ་ལྟར་སྒྲིམ་ལྷོད་རན་པར་བྱ། རྣམ་རྟོག་བྱུང་ན་གནོད་སྣང་མ་བྱེད། རྣམ་རྟོག་ཁོ་རང་སྒོམ་གྱི་དངོས་གཞི་ཡིན་པ་ཤེས་པར་གྱིས་ལ། གནས་འགྱུ་ལ་བདམ་ཁ་མེད་པར་སྐྱོང་མཛོད་གསུངས། ༈ ཡང་བསྒོམས་པས་བདེ་གསལ་མི་རྟོག་པ་གསུམ་ཀ་འཆར་ཚུལ་གཅིག་ལ་ཚང་འདུག་སྙམ་པའི་ངོས་བཟུང་ཅན་རྒྱུན་རིང་དུ་བྱུང་། སྐབས་སུ་གོང་གི་རྩུབ་ཉམས་དང་བརྗོད་དུ་མི་ལང་བའི་འཆར་

[Full Size]

ཚུལ་མང་དུ་བྱུང་ཚུལ་ཞུས་པས། ཉིན་མོར་ཡེངས་སྐབས་མེད་པ་དེ་བདེ་ཉམས་ཀྱི་སྐབས་ཡིན་ནམ་སྙམ། ཉམས་ཀྱི་སྐབས་ཡིན་ན་མི་རྟག་མེད་འགྲོ། བཅོས་རྒྱུ་ཅི་ཡང་མེད་སྔར་མོས་ལྟར་བསྒོམ་སྐྱོང་དང་། འགྱུར་ལྡོག་གི་ཞན་དུ་སོང་བ་འདྲ་བྱུང་ཡང་ཞེན་པ་རང་མིན། ཉམས་ཀྱི་འཆར་ཚུལ་ཡིན། ལར་ཅི་ཤར་ཡང་གང་ཤར་གྱི་ངོ་བོ་སྐྱོང་མཛོད་གསུངས། ༈ ཡང་གཉིད་ཡུལ་དང་རང་གར་མུན་ནག་ཏུའང་མིག་ལམ་དུ་ཐིག་ལེ་ཐིག་ཕྲན་ཁྲ་ཆེམ་ཆེམ་བྱུང་བ་དང་།་རྨི་ལམ་ཁྲལ་ཁྲོལ་ཟིན་པ་འདིས་གོ་ཆོད་དམ། ཐོད་རྒལ་བལྟ་ཐེབ་རེ་ལ་རྒྱུན་རིང་ཐུང་གི་ཁྱད་པར་རྣམས་ཞུས་པས། ནུབ་མོ་ཐིག་ལེ་ཐིག་ཕྲན་ཤར་བ་དེ་ཐོད་རྒལ་ཅུང་ཞིག་གོམས་པ་དང་རྩ་རིགས་བཟང་བའི་རྟགས་ཡིན། རྨི་ལམ་ཁྲལ་ཁྲོལ་གྱིས་ཟིན་གོ་ཆོད། དེ་འདྲ་ལན་བདུན་ཟིན་ན་བར་དོ་ཟིན་པར་བཤད། ཐོད་རྒལ་བལྟ་ཐེབ་རེ་ལ་ཡུན་རིང་ན་དགའ་སྟེ་མི་འཁྱོང་པས་ཉིན་རེ་ཇ་ཕོར་གང་འཐུང་ཡུན་ཙམ་གྱིས་ཆོག །འཇའ་འོད་ཐིག་ལེ་དང་ཉམས་ལེན་སེམས་ཀྱི་ངོ་བོར་བསྲེ་ཞིང་བསྒོམ་པ་གལ་ཆེ་གསུངས། ༈ ཡང་སྐབས་སུ་ཡུལ་སྣང་འདི་དག་ཀྱང་དངོས་པོར་གྲུབ་པ་མི་འདུག་སྙམ་པའི་སྟོང་འཛིན་ཅན་དང་། ཡང་རིག་

[Full Size]

པ་རྐྱང་འདེད་འདྲ་བ་ཞིག་ལ་དེ་ནམ་མ་ཡེངས་ཡོད་ཚེ་ཅེར་རེ་བ་འདྲ་ཞིག་ལ། སྔོན་བས་འཕྲོ་རྒོད་ཆེར་བྱུང་བས་ཡེངས་དགའ་ཡང་ཆེ་བས་བློ་ཁ་མི་ཚིམ་པ་ཞིག་བྱུང་ཞུས་པས། ཉམས་བཟང་ངན་ལ་བླང་དོར་དང་དགའ་སྡུག་གི་འཛིན་པ་ཡེ་མ་བྱེད་པར་གང་ཤར་འཛིན་མེད་དུ་སྐྱོངས། ཅུང་ཞིག་གྲིམ་ཐལ་བས་རྩུབ་ཆ་ཆེ་ན། སེམས་གར་འགྲོར་བཏང་ཞིང་ལྷོད་ལ་རྒྱང་བསྲུང་འདྲ་བ་ཞིག་གིས་རྣམ་རྟོག་གང་སྐྱེས་རེ་རེའི་ངོ་བོ་ལ་བལྟས་ནས་རང་ཞི་རང་གྲོལ་ལ་འགྲོ་བ་དེ་མི་དགོས། ཆུ་ཆེན་པོ་ལ་ལྟད་མོ་བལྟས་པས་རླབས་རེ་རེ་ནས་བལྟ་མི་དགོས། བབས་ཀྱིས་བལྟས་པས་རྦ་རླབས་ཐམས་ཅད་ཆུ་ཉིད་དུ་ཐིམ་པ་འདྲ་བ་ཞིག་འོང་གསུངས། ༈ ཡང་གོང་ལྟར་སྐྱོང་ཞིང་ཡོད་པས། ནམ་ཅི་འདྲ་ཞིག་རེད་ཐལ་ཆ་མེད་པར། གོང་དང་ཡེ་མི་འདྲ་བར་འདི་སྒོམ་གྱི་གཏད་སོ་དང་བལྟ་བྱ་ལྟ་བྱེད་ཐ་དད་ཡེ་མེད་པར་ཧད་ཧོད་འདྲ་བ་ཞིག་བྱུང་ནས་གོང་དང་མ་མཐུན་པས་ཐེ་ཚོམ་མང་དུ་སྐྱེ་ཞིང་སྐྱོང་ལུགས་འདྲ་མ་ལེགས་པ་ཡིན་ནམ་སྙམ་ནས་བལྟ་ལུགས་མི་གཅིག་པ་མང་དུ་བྱས་ཀྱང་གོང་ལྟར་ཡེ་མ་བྱུང་བས་བློ་ལས་སུ་མ་རུང་ནས་ཞུས་པས། དེ་ནི་ངོ་བོ་མཐོང་བ་ཡིན་པ་འདྲ་བས་བོགས་ཆེན་པོ་

[Full Size]

བྱུང་ཟིན། གོང་ལྟར་གསལ་ཆ་སོགས་དགོས་བསམ་པ་མ་བྱེད། བསྒོམ་རྒྱུ་མེད་པ་འདྲ་བ་དེའི་ངང་དུ་སྒོམས་དང་སྤྲོས་བྲལ་གྱི་སྣེ་ཁོ་ཟིན་པ་ཡིན། ད་ནི་གོང་ལྟར་གྱི་འཕོ་འགྱུར་ཆེན་པོ་ནི་མེད་དེ། གསལ་མི་གསལ་ཅུང་ཟད་རེ་འོང་། དྲན་རྫི་མ་བརྗེད་ཙམ་གྱིས་ཆོག་ལེགས་སོ་གསུངས། ༈ ཡང་སྐྱོང་བས་གོང་ལས་ཅུང་ཞིག་ཐེ་ཚོམ་ཆུང་ཞིང་འཆར་ཚུལ་དེ་ཉིད་ལ་ངེས་ཤེས་ཅུང་ཞིག་སྐྱེས་ཀྱང་ད་དུང་ཡང་སྐབས་སུ་རྣམ་རྟོག་གི་འཕྲོ་བ་ཆེར་འཚུབས་དུས་གནོད་སྣང་དང་གོང་གི་བསྒོམ་རྒྱུ་ཆེར་ཡོད་ཡོད་འདྲ་བ་དེ་མེད་པས་བློ་ཁ་མི་ཚིམ་པར་བྱུང་བ་དང་། དྲན་རྫི་ཁོ་ན་མ་ཤོར་བ་འདིས་ཆོག་ན་སླ་མོར་འདུག་སྙམ་པ་བྱུང་ནས་ཞུས་པས། དྲན་རྫི་མ་ཡེངས་ན་དེས་མ་ཡེངས་པའི་གོ་ཆོད། དེ་ལྟར་སྐྱོང་དང་ཡེངས་མ་ཡེངས་ཁྱད་མེད་པའི་ཉམས་ཤིག་ཤར་འོང་སྟེ། དེ་ལ་ཡང་དྲན་རྗེ་ཡང་ཡང་གསལ་འདེབས་པ་གལ་ཆེ་བར་གདའ། དྲན་རྫི་དང་བྲལ་ནས་འབྱམས་པ་ཞེས་བྱ་སྟེ། ཡར་སྐྱེད་མི་འོང་བར་སྣང་། ད་རེ་ཞིག་ལྷོད་ལ་མ་ཡེངས་པའི་དྲན་རྫི་དང་མ་བྲལ་བ་ཙམ་རེ་གྱིས་གསུངས། ༈ ཡང་རྨི་ལམ་གདོན་རྟགས་དང་དངོས་སུ་རླུང་ནད་འདྲ་བ་ཞིག་གིས་ལུས་མ་བདེ་བས་ན་བ་ལམ་དུ་ཁྱེར་

[Full Size]

ཐབས་ཞུས་པས། ཐུགས་དམ་འཕེལ་ཞིང་ཉམས་རྟོགས་སྐྱེ་བའི་སྐབས་འདིར་སྒྲིབ་པ་དག་པའི་ལས་སློང་བདུད་ཀྱི་བར་ཆད་འབྱུང་བའི་དུས་ཡིན་པས། རྒྱལ་ཆེན་པའི་འགྲིམ་ཞིག་ཡོད་པའི་རྟགས་ཀྱང་བྱུང་། མཚམས་བསྒྲུབས་བྱས་ན་ན་བ་འདི་སྣོད་དྲི་མ་ཅན་དེ་ཀར་བཞག་པས་དྲི་མ་མི་མཐོང་སྟེ། ཆུ་བླུགས་ནས་བཀྲུས་པས་ནག་ཉོག་གེ་འོང་བ་ལྟར་སྒྲིབ་པ་དག་པས་དགའ་བ་བསྒོམ། སྐབས་སུ་བཏང་ལེན་གྱི་དམིགས་པས་སེམས་ཅན་ཐམས་ཅད་ཀྱི་ནད་གདོན་རང་གི་ན་སར་བསྟིམ། དེས་འགྲོ་བའི་ནད་གདོན་ཐམས་ཅད་ཞི་བར་བསྒོམ་པ་ན་བ་སྒྲིབ་པའི་ཕྱགས་ཤིང་དུ་འགྱུར་བའི་གདམས་ངག་ཡིན། དང་པོ་ང་ནའོ་སྙམ་པའི་སེམས་མ་བཅོས་སླད་མེད་པར་རྒྱུན་དུ་བལྟས་པས་ན་བའི་རྟོག་པ་དེ་ཕྱག་རྒྱ་ཆེན་པོར་འཆར་བ་ནི་སྒྲིབ་སྦྱང་གི་མཆོག་སྟེ། རོ་སྙོམ་གྱི་རྩ་བ་ནང་གཅོད་ན་ཚ་ལ་གཅོད་པ་སྟེ། གཅོད་ཀྱི་རྩ་བ་ཡང་ཡིན། ནུབ་མོ་ཀུ་ས་ལིའི་ཚོགས་བསགས་དམིགས་པ་ཐུན་རེ་བསྒོམས་པས་ལུས་ཀྱི་གཅེས་འཛིན་ཆུང་བས་བསྲུང་བའི་མཆོག་ཏུ་འགྱུར་གསུངས། ༈ གདོན་རྟགས་བྱུང་དུས་ངོ་བོ་སྐྱོང་བ་འགྱུར་མེད་སྐྱོང་བ་དང་། བསྐྱེད་རིམ་བསྒོམ་པ་དང་། སྙིང་རྗེ་བསྒོམ་

[Full Size]

པ་གང་བྱས་ན་དགའ་ཞུས་པས། གདོན་རེད་བསམ་མཁན་གྱི་ངོ་བོ་ལ་བལྟས་པས་གདོན་དེ་རྣམ་རྟོག་ཁོ་ན་ཡིན། དངོས་པོར་གྲུབ་པ་མེད་པ་ཐག་ཆོད། རྣམ་རྟོག་ནི་ཆོས་སྐུ་ཡིན་པས་རི་འགྲིམ་སོགས་གཉེན་ཐོག་གཅོད་དུས་བོགས་འདོན་གྱི་རྩ་བ་ཡིན་མོད། དེས་མ་ནོན་ན་བསྐྱེད་རིམ་དང་། དྲག་སྔགས། དེས་ཀྱང་མ་ནོན་ན་བྱམས་སྙིང་རྗེ་བསྒོམ་པ་ཡིན་གསུངས། ༈ བསྔོ་བ་འཁོར་གསུམ་ཡང་དག་སོ་སྐྱེའི་སྤྱོད་ཡུལ་མིན་ནམ་ཞུས་པས། བཀའ་བརྒྱུད་པའི་ལུགས་ལ་རྟོགས་པ་འདི་ཙམ་ཡོད་ན་དེའི་ངང་ནས་བསྔོ་བ་བྱས་ན་འཁོར་གསུམ་ཡང་དག་ཡིན་པར་བཞེད། ཇོ་བོ་རྗེས་ནི་བསྔོ་རྒྱུ། བསྔོ་བ། བསྔོ་མི་གསུམ་ཀ་སྒྱུ་མ་རྨི་ལམ་ལྟ་བུར་བསམ་ནས་བསྔོ་བ་བྱས་པས་འཁོར་གསུམ་ཡང་དག་ཏུ་གཏོགས་གསུངས་བསྟན་པ་སྤྱིའི་ལུགས་ལ་འཕགས་པ་མ་གཏོགས་རང་རེ་སོ་སོའི་སྐྱེ་བོས་འཁོར་གསུམ་ཡང་དག་གི་བསྔོ་བ་བྱེད་མི་ཐུབ་པས་སངས་རྒྱས་བྱང་སེམས་རྣམས་ལ་དགོངས་གསོལ་བྱས་ནས་ངའི་འདི་འཁོར་གསུམ་ཡང་དག་གིས་བསྔོ་བ་མཛད་དུ་གསོལ། ཞེས་གསོལ་བ་འདེབས་པའམ། ཡང་ན་འཕགས་པ་རྣམས་ཀྱིས་འཁོར་གསུམ་ཡང་དག་གི་བསྔོ་བས་བསྔོ་བ་

[Full Size]

མཛད་པ་དེ་བཞིན་དུ་བདག་གི་འདི་ཡང་འཁོར་གསུམ་ཡང་དག་གི་བསྔོ་བས་བསྔོ་བར་བགྱིའོ། །ཞེས་ཡིད་སྨོན་ཙམ་ཡིན་ཏེ། འདིའི་དོན་བཟང་སྤྱོད་དང་། ལྟུང་བཤགས་མཇུག་ན་གསལ་བ་ལྟར་རོ། །བཀའ་བརྒྱུད་ལུགས་ལ་སེམས་ཀྱི་ངོ་བོ་མཐོང་ནས་ས་དང་པོ་དང་རྟོགས་པ་མཉམ་པར་བཞེད་པས། ཁྱེད་རང་ནི་ངོ་བོ་མཐོང་བ་འདྲ་དོ་བས་སེམས་ངོའི་ངང་ནས་བསྔོ་བ་བྱས་ན་འཁོར་གསུམ་ཡང་དག་འོང་། ལར་འདིའི་སྐབས་སུ་ས་སྐྱ་པ་དང་བཀའ་བརྒྱུད་པ་རྩོད་པ་མང་དུ་བྱུང་གསུངས། ༈ ཡང་རྒྱུན་རིང་དུ་བསྐྱངས་བས་ངོ་བོ་ལ་འགྱུར་ལྡོག་མེད་པ། དེ་ལ་ཡང་གསལ་མི་གསལ་ཅུང་ཟད་ཙམ་དང་། དུས་གསུམ་གྱི་རྟོག་པས་མ་བསླད་ཅིང་འདྲ་ཞེས་སྨྲ་མི་ཤེས་དཔེས་མཚོན་མི་གཏུབ་པ་ཞིག་བྱུང་བ་དང་། །དྲན་པའི་རྒྱང་སོ་དང་མ་བྲལ་ངང་ནས་བསྐྱེད་རིམ་དང་། གཏམ་དང་། ཟ་འགྲོ་མི་འགལ་བ་བྱུང་བས་འདི་ཅི་ལགས་ཞུས་པས། ངོ་བོ་འགྱུར་ལྡོག་མ་བྱུང་ཞིང་དུས་གསུམ་གྱི་རྟོག་པས་མ་བསླད་པ་སྨྲ་བ་དང་དཔེས་མི་མཚོན་པ་དེ་ཕྱག་རྒྱ་ཆེན་པོ་དངོས་ཀྱི་ངོ་བོ་མཐོང་བའི་རྟགས་ཡིན། ངོ་བོ་མ་ཡེངས་བར་བསྐྱེད་རིམ་གྱི་རྣམ་རྟོག་སྤྲོ་བ་དང་། གཏམ་དང་། ཟ་འགྲོ་

[Full Size]

སྤྱོད་ལམ་ཆོག་པ་ནི་ངོ་བོ་དང་སྤྱོད་ལམ་འདྲེས་པས་ལེགས་གསུངས། ༈ སེམས་ངོའི་ཕན་ཡོན་འདི་དག་ངོ་བོ་མཐོང་བ་ཡན་ཆོད་ཅི་ཡིན་ནམ་ཞུས་པས། བདག་འཛིན་དངོས་པོ་ཅན་འདི་མི་བདེན་ནམ་སྙམ་པའི་ཐེ་ཚོམ་ཙམ་ལའང་ཕན་ཡོན་འཁོར་བ་ཧྲུལ་པོར་གཏོང་ཚུལ་གསུངས་ན། ངོ་བོ་མཐོང་བ་ལ་སྨོས་ཅི་དགོས། ས་དང་པོ་དང་རྟོགས་པ་མཉམ་པ་ཡིན་གསུངས། ༈ རྩེ་གཅིག་མན་ཆད་ཐུགས་དམ་ལ་བསྡད་ཀྱང་ས་ལམ་བགྲོད་མི་ནུས་སམ་ཞུས་པས།་རྩེ་གཅིག་དུས་ངོ་བོ་མ་མཐོང་ཡང་ཐུགས་དམ་བརྟན་པོ་འོང་། ད་ལྟ་བདེ་གསལ་མི་རྟོག་པའི་ཉམས་ལ་ཆགས་ཞེན་ཆེན་པོ་ཡོད་ན་ཁམས་གསུམ་དུ་གོལ། ཆགས་ཞེན་མེད་ན་མི་གོལ་ཏེ་སྤྲོས་བྲལ་དུ་རྟོགས་པ་ན་འཕོ་གསུངས། ༈ ཇི་ལྟར་བརྩོན་འགྲུས་བསྐྱེད་ཀྱང་སྐད་ཅིག་མ་ཡེངས་པ་ནི་མི་ཡོངས་པར་འདུག །སྔོན་བས་རྨི་ལམ་ཡང་ཟིན་གྲངས་ཉུང་ངུ་སོང་འདུག །བཀའ་བརྒྱུད་གོང་མ་རྣམས་དང་། རྗེ་ཉིད་ལ་རྡོ་རྗེ་འཆང་དངོས་ཀྱི་མོས་གུས་དང་། ཐུན་མོང་གི་སྔོན་འགྲོ་རྣམས་ལ་ངེས་ཤེས་ཆེས་ཆེར་འཕེལ་བར་བྱུང་ཞིང་། སྔོན་འགྲོ་བཞི་སྦྱོར་བླ་མའི་རྣལ་འབྱོར་སྐབས་སུ་དངོས་ཀུན་མ་དང་། རྡོ་རྗེ་འཆང་ཆུང་མ་དང་།

[Full Size]

གྲུ་འཛིན་རི་རྣམས་འདོན་ཞིང་ཡོད་ཞུས་པས། གཞུང་ནས་མ་བཤད་ཀྱང་དང་པོ་ཉམས་ཀྱི་སྐབས་སུ་ཉིན་ལ་སྐད་ཅིག་ཀྱང་མ་ཡེངས་པ་དང་། རྨི་ལམ་ཡང་ཟིན་གྲངས་མང་། རྟོགས་པ་དངོས་ཤར་ནས་ཡེངས་སྐབས་མང་ཞིང་། རྨི་ལམ་ལ་ཟིན་གྲངས་ཇེ་ཉུང་ལ་འགྲོ་དོ། ང་ལ་ནི་དཀོར་སྒྲིབ་འདྲ་ཡིན་ནམ་ཅི་ཡིན་མི་ཤེས་ངོ་བོ་མཐོང་ནས་ཅུང་ཟད་ཡེངས་བས་མི་སྒྲིབ་པ་དྭགས་པོས་གསུངས། རྟོགས་པའི་སྐབས་སུ་སྐད་ཅིག་ཀྱང་མ་ཡེངས་པ་ནི་ཐུགས་མཉམ་པར་མ་བཞག་པ་མི་མངའ་ཞེས་སངས་རྒྱས་ཀྱི་མ་འདྲེས་པའི་ཆོས་རེད་པས་བྷེ་མེད་ཆེན་པོའི་བར་འོང་རྒྱུ་མ་རེད། སྔོན་འགྲོའི་ཆོས་རྣམས་ལ་ངེས་ཤེས་སྐྱེས་ཤིང་། བླ་མ་ལ་བཅོས་མིན་གྱི་མོས་གུས་དང་། བླ་མའི་རྣལ་འབྱོར་སྐབས་ཀྱི་གསོལ་འདེབས་དེ་དག་ཤིན་ཏུ་ལེགས་འདུག །ཁྱད་པར་བྷེ་འདི་དྭགས་པོ་ལ་ཐུག །མ་འོངས་པ་ན་ཁོང་ལ་གསོལ་བ་བཏབ་ན་སྒོམ་སྐྱེ་བར་གསུངས་འདུག་པས། བླ་མའི་རྣལ་འབྱོར་གཙོ་བོ་དྭགས་པོ་བསྒོམ་ཞིང་། བཅོམ་ལྡན་འདས་ཀྱིས་ལུང་བསྟན་ཅིང་ཞེས་སོགས་དྭགས་བསྟོད་མཇུག་གི་ཤོ་ལོ་ཀ་རྒྱུན་དུ་ཐོན་གསུངས། ༈ ཡང་སྐབས་སུ་ཐེ་ཚོམ་མང་པོ་འོང་འདུག་པས། བཀའ་

[Full Size]

བརྒྱུད་གོང་མའི་གསུང་མགུར་ཞིག་དཔེ་ལྟས་འདོད་ཞུས་པས། གྲུབ་མཐའ་ཐམས་ཅད་ཀྱི་སྙིང་ལ་འཆང་རྒྱུ་ཕྱག་རྒྱ་ཆེན་པོ་ཡིན་ཏེ། དེ་ལ་ཉམས་རྟོགས་ཀྱི་ངོ་བོ་སྐབས་ཀྱང་ཁ་མི་འཆམ་ཡང་། བཀའ་བརྒྱུད་ཐམས་ཅད་ཀྱི་དྭགས་པོའི་ལུགས་འདི་ཡིན། དྭགས་པོ་འདི་ཡང་ཆད་ལྟ་ཡིན་ཟེར་མཁན་དང་། ཧྭ་ཤང་ལྟ་བ་དང་། ཧར་བྷེ་ཡིན་ཟེར་མཁན་མང་དུ་བྱུང་ཡང་། །དྭགས་པོས་ང་ཡི་སྒོམ་འདི་ཕྱག་རྒྱ་ཆེན་པོ་སླད་མེད་པ་གཅིག་ཡིན་ན་ཤིང་འདི་ལ་འདི་སྐྱེ་བར་གྱུར་ཅིག་གསུངས་ནས་བྷྱོ་དྷི་ཙི་ཏའི་ཕྱག་ཕྲེང་གཅིག་ཤིང་སྡོང་སྐམ་པོ་གཅིག་ལ་རྒྱབ་པས། ཕྲེང་བ་ཤིང་སྡོང་ལ་ཐིམ་ནས་དེ་མ་ཐག་ཏུ་བྷྱོ་དྷི་ཙི་ཏའི་ཤིང་ལོ་རྣམས་སྔོ་ཕྱུར་གྱིས་སྐྱེས་སྐད། མདོ་ཏིང་འཛིན་རྒྱལ་པོ་དང་པདྨ་དཀར་པོ་ནས་དྭགས་པོ་ལུང་བསྟན་གསལ་ཞིང་། སྙིགས་དུས་བསྒོམ་ཏིང་ངེ་འཛིན་འདི་གཞན་ལ་བསྟན་པའི་ཕྱིར་དུ་ཐུབ་པས་བཀོས་ནས་བཞག་པ་རེད་པས། དྭགས་པོའི་གསུངས་ལ་ཡིད་ཆེས་སོ། །ཁྱད་པར་སྤྲོལ་བྲལ་གྱི་ངོ་བོ་མཐོང་ནས། བདེ་གཤེགས་བཀའ་ཡི་བླ་མ་བསྟེན་པའི་དུས་ཡིན་པས། ཞུས་ལན་གྱི་སྐོར་རྣམས་ལ་ཞིབ་པར་ལྟོས་དང་། སྔར་གྱི་བཀའ་བརྒྱུད་དེ་རྣམས་དངོས་མཇལ་ལྟ་བུའི་བོགས་འོང་གསུངས་ནས།

[Full Size]

བཀའ་འབུམ་ཡང་གནང་ངོ། ༈ ཡང་དངོས་གཞི་གོང་ལྟར་ལས་དུག་ལྔ་སོགས་གང་ཤར་ལ་ཆེད་དུ་ངོ་བལྟ་ཡང་མི་དགོས་པར་རང་གྲོལ་དུ་འགྲོ་བ་དང་། འཆར་ཚུལ་བཟང་ངན་ལ་དགའ་སྡུག་གི་དེར་འཛིན་མེད་པར་བཏང་སྙོམས་འདྲ་བ་དང་། ཕྱི་ནང་གང་ལའང་མ་རེག་པ་གཏད་མེད་འདྲ་བ་ཞིག་བྱུང་ནས་ཞུས་པས། རྣམ་རྟོག་ངོ་གཉིས་མ་དགོས་པར་རང་གྲོལ་དུ་འགྲོ་བ་དེ་ལེགས། གང་ཤར་ངོས་འཛིན་མི་དགོས་པར་བཏང་སྙོམས་འདྲ་བ་དེས་ཆོག །གང་ལའང་མ་རེད་པ་འདྲ་བ་དེ་ཆེན་པོ་གསུམ་གྱི་ལྟ་བ་ལ་བློས་མ་རེག་པ་ཟེར་བ་དེ་ཡིན་པས་ལེགས་གསུངས། ༈ ཡང་ངོ་བོ་མི་རྟོག་པ་རྒྱུན་བསྲིང་བ་འདི་མི་ལེགས་གསུངས་པ་འདི་དེར་འཛིན་མེད་ན་སྐྱོན་མེད་དམ་ཞུས་པས། དེར་འཛིན་མེད་ན་རྒྱུན་བསྲིང་བ་ལ་སྐྱོན་མེད་གསུངས་སོ། ༈ ཡང་བཞག་ཚུལ་གང་ལྟར་ལགས་ཞུས་པས། སེམས་གནས་སམ་འགྱུའམ་གང་ཤར་དེའི་ངོ་བོ་ལ་གཅེར་གྱིས་ལྟ་བའང་མ་ཡིན་པར་དྲན་རྫི་མ་བྲལ་ཙམ་དུ་རང་གར་བཞག་པ་དེ་ཡིན་གསུངས། ༈ སེམས་ངོ་རྣམས་ལ་ཡེངས་ཚེ་ཕྱི་རོལ་གྱི་སྣོད་བཅུད་ལ་སྟོང་མི་སྟོང་སོགས་བློ་མི་འཇུག་པར་ལུང་མ་བསྟན་དུ་འགྲོ་འདུག་པ་འདི་ཅི་

[Full Size]

ལགས་ཞུས་པས། དེ་བྱིསྦས་ལྷ་ཁང་མཐོང་བ་ལྟ་བུ་ཟེར་སྤྲོས་བྲལ་དངོས་ཀྱི་རྟགས་ཡིན་གསུངས། ༈ སྤྲོས་བྲལ་དུས་བཏང་སྙོམས་སུ་མ་ལུས་པར་རིག་པ་ངར་བསྐྱེད་གསུངས་པ་ཇི་ལྟར་ལགས་ཞུས་པས། དེ་ངེས་ཤེས་བསྐྱེད་རྒྱུ་ཡིན་གསུངས། ༈ མཉམ་བཞག་དང་རྗེས་ཐོབ་ཀྱི་ཁྱད་པར་གང་ལགས་ཞུས་པས། མཉམ་བཞག་སྐད་ཅིག་ཀྱང་མ་ཡེངས་པ་ཡིན། རྗེས་ཐོབ་ནི་ཡེངས་ནས་ཡང་དྲན་པས་བཟུང་དགོས་པ་དེ་ཡིན་གསུངས། ༈ ཐ་མལ་གྱི་ཤེས་པ་མ་བཅོས་པ་དེའི་མཚན་ཉིད་ཇི་ལྟ་བུ་ལགས་ཞུས་པས། ཐ་མལ་པ་སྒོམ་ཡུ་མི་ཤེས་ཁ་རོག་སྡོད་པ་འདྲ་བ་དེ་རང་ནི་མིན། དྲན་རྫི་མ་བརྗེད་ཙམ་ལ་གཏད་སོ་ཅི་ཡང་མེད་པ་དེ་ཕྱག་རྒྱ་ཆེན་པོ་རེད་གསུངས། ༈ ལུས་གནད་བྱས་ན་ཕན་ནམ་ཞུས་པས། ལུས་གནད་འཁྱོང་ན་བོགས་ཆེ། མ་འཁྱོང་ན་དཀའ་གནད་མེད་ཅི་བདེས་ཀྱང་ཆོག་གསུངས། ༈ མིག་གཉའ་ཤིང་གང་དང་སྣ་རྩེ་གཉིས་ལ་ཁྱད་ཨི་ཡོད་ཞུས་པས། མིག་སྣ་རྩེ་དང་གཉའ་ཤིང་གང་ཙམ་ལ་ཁྱད་མེད་གསུངས། ༈ ཉམས་བྱིངས་ཆེ་བས་རིག་པའི་གསལ་མདངས་མེད་སྐབས་ཞི་བྱེད་ལས་གསུངས་པའི་ལྟ་སྟངས་དེས་ཕན་ནམ་ཞུས་པས། མིག་

[Full Size]

གསལ་ཞད་བྱུང་ན་ལྟ་སྟངས་བྱའི་གཞན་མི་དགོས་གསུངས། ༈ ཡང་བླ་མ་རྒྱལ་མཚན་ཁུ་དབོན་གཉིས་བསྐྱེད་རྫོགས་ཟུང་འཇུག་དུས་དམིགས་པ་གསལ་མི་གསལ་ཟསོགས་ཀྱི་ཞལ་འཕྲོས་སྐབས། དང་པོར་ཐུན་མགོར་དམིགས་པ་ཕུར་ཚུགས་སུ་བསྒོམ། དེ་ནས་སེམས་ངོ་དང་བསྲེ་ཞིང་བསྒོམ། བསྲེས་པས་མི་གསལ་བ་འདྲ་དེ་འགྱུ་བ་བསྒོམ་དུ་མ་ཤར་བའི་སྐྱོན་ཡིན། དོན་ལ་དམིགས་པ་དེ་འགྱུ་བ་ཡིན། འགྱུ་བ་དེ་སེམས་ཡིན། སེམས་སྟོང་པ་ཡིན། སྟོང་པ་དེ་ཆོས་སྐུ་ཡིན། དོན་ལ་སེམས་ངོར་བལྟས་མ་བལྟས་ཁྱད་མེད་པར་ཆོས་སྐུ་རེད། དེ་ད་ལྟ་གོ་བ་ལོང་དང་མཐར་དེ་ལྟ་བུའི་རྟོགས་པ་སྐྱེ་འོང་གསུངས་སོ། ༈ །ཡང་སྒྱུ་མ་ལྟ་བུ་དང་དཔའ་བར་འགྲོ་བ་གཉིས་གོ་རིམ་མ་ངེས་པ་ཅི་ལགས་ཞུས་པས། །རྒྱུད་གཉིས་ལ་གོང་འོག་བསྣོལ་བ་འདྲ་ཞིག་འདུག་པས་མིང་གར་བཏགས་ཁྱད་མེད་པ་འདྲ་གསུངས། ༈ ཡང་སྔོན་དུས་ཀྱི་ཉམས་སྣང་ལེགས་ལེགས་འདྲ་བ་ཚོལ་བས་ཐ་མལ་གྱི་ཤེས་པ་བསྒོམ་རྒྱུ་མེད་མེད་འདྲ་བ་འདི་ལ་ངེས་ཤེས་སྐྱེ་བ་ཞིག་བྱུང་། བཟང་ངན་གྱི་རྟོག་པ་གང་ཤར་ཡང་ངོ་ལྟ་སོགས་མི་བྱེད་པ་དྲན་རྫི་མ་ཤོར་ཙམ་དུ་བཞག་པས་གཉིས་འཛིན་གྱི་རྟོག་པ་རང་

[Full Size]

གྲོལ་དུ་འགྲོ་འདུག་པ་ཡིད་ཆེས་པ་ཞིག་བྱུང་ཡང་། གོང་དུ་གང་ཤར་གྱི་ངོ་བོ་ལ་བལྟ་བ་དེ་ཅུང་ཞིག་བཅོས་མར་སོང་འདུག་སྙམ་པ་བྱུང་། ཡང་མ་ཡེངས་ངང་ནས་རྣམ་རྟོག་གང་སྐྱེས་ཀྱང་སྐྱེས་པ་ཉིད་ནས་ངོ་བོ་རང་སྟོང་དུ་འདུག་པས་གནོད་མི་ནུས་པར་གདའ་ཞུས་པས། ཐ་མལ་གྱི་ཤེས་པ་ལ་ངེས་ཤེས་སྐྱེས་པ་དེ་མཆོག་གི་དངོས་གྲུབ་ཐོབ་པ་ཡིན། གང་ཤར་ལ་ངོ་ལྟ་མ་དགོས་པ་དྲན་རྫི་བསྐྱངས་བས་གཉིས་འཛིན་རྟོག་པ་རང་ཞི་རང་གྲོལ་དུ་ཡིད་ཆེས་པ་དེ་མཆོག་ཡིན། གང་ཤར་གྱི་ངོ་བོ་ལ་གཅེར་གཅེར་བལྟ་བ་དེའང་ཅུང་ཟད་བཅོས་པ་རེད་དེ་མ་བལྟ་བར་སྒོམ་ཐ་མལ་དུ་ཞོག་གསུངས་པ་དེ་ཡིན། རྣམ་རྟོག་སྐྱེས་དུས་ཉིད་ནས་ངོ་བོ་སྟོང་པར་རྟོགས་ནས་གནོད་མི་ནུས་པ་ནི། རང་ལས་སྐྱེས་པའི་རྣམ་རྟོག་འདི། །ཆོས་སྐུ་ཡིན་པར་ཙིར་གྱིས་ཟུངས། །ཉམས་སུ་མྱོང་ན་སྙིང་པོ་མཐོང་། །གསུངས་པ་དེ་རེད་གསུངས། ༈ ཡང་ཁྲག་རླུང་གི་ནད་བྱུང་ནས་བྲང་ཤུལ་ན་བ་དང་། སྙིང་གཟེར་ནས་བློ་མི་བདེ་བ་ཞིག་བྱུང་ནས་ཞུས་པས། སྙིང་གཟེར་བ་དེ་གདོན་རེད་བསམ་པའི་རྣམ་རྟོག་ཡང་མ་བྱེད། སྒོམ་དང་ཉམས་ལེན་རྩེ་གཅིག་བྱེད་དུས་བློ་མི་བདེ་བ་འདི་ལ་སེམས་འདུས་པ་ཞེས་བྱ་བ་ཡིན།

[Full Size]

སྨྱོ་རྒྱུའི་སྲོག་རླུང་དེ་ཡིན། འདི་དད་པ་ཅན་ཆོས་ལ་སེམས་འདུས་པ་ཟེར། ཧ་ཀྱང་བརྩོན་འགྲུས་ཆེ་དྲག་པའི་སྐྱོན་ཡིན། དེ་རེ་ཞིག་ལུས་ངག་ཡིད་གསུམ་ངལ་བསོ་བ་ལྟ་བུ་ཞིག་གྱིས། སེམས་ཡང་རྒྱ་ཡན་དུ་ཐོངས་ལ་རྒྱང་སྲུང་འདྲ་བ་ཞིག་གྱིས། འོན་ཀྱང་སྙིང་གཟེར་མཁན་དེ་དང་པོ་གང་ནས་བྱུང་། བར་དུ་གར་གནས། ཐ་མ་གང་དུ་འགྲོ་ལན་གཅིག་གཉིས་རྩད་ཆོད། གཟེར་མཁན་དེ་རང་གི་སེམས་ལས་གཞན་མེད་པར་ཐག་ཆོད། རྗེས་ནས་ཀྱང་ནམ་གཟེར་ངོ་བོའི་སྟེང་དུ་ཞོག་དང་བོགས་འོང་། སྐབས་སུ་རང་ཐ་མལ་པའི་རྒྱབ་ན་ས་དེར། བུག་པ་སུམ་ཚོམ་ནོར་བུ་འདྲ་བ་ཞིག་གིས་ནང་ནས་ཁོག་སྟོད་འཚང་བའི་རླུང་ནད་ཐམས་ཅད་སྐར་ཁུང་ནང་གི་དུད་པ་ལྟར་ནག་ཐུ་ལུ་ལུ་ཕྱིར་ཐོན་པར་བསྒོམ། །རྐང་ལག་བཞི་གང་ན་བའི་མཐིལ་དུ་ཡི་གེ་རཾ་དམར་པོ་ལས་མེ་འབར་ཏེ། སྤོས་ཐུར་ལྟར་རྩ་བར་བསྲེགས་ནས་སྟོང་པར་བསྒོམ། ཡང་རང་གི་མདུན་དུ་བྷནྡྷ་དཀར་པོ་རྒྱ་ཆེ་བའི་ནང་དུ་འབྲི་མར་ཞུན་མས་སེར་ལྟེམ་མེར་གང་བ་རང་གི་རྐང་ཐེབ་གཉིས་སྦུ་གུ་ལྟར་གྱུར་པ་ནས་ཡར་དྲངས་བས་ལུས་གང་ཞིང་བ་སྤུའི་བུ་ག་རྣམས་ནས་སེར་ཁྲོམ་ཁྲོམ་ཐོན་པས་རྐང་ནད་ཐམས་ཅད་

[Full Size]

བསལ་བར་བསྒོམ། དམིགས་པ་འདི་དག་གི་ཚེ་རང་ལྷར་མི་བསྒོམ་པ་མ་གཏོགས་སེམས་ངོ་དང་བསྙེན་པ་སྔར་མོས་ལྟར་ཆོག་གསུངས། ༈ ཡང་ཡེངས་སོགས་སྐབས་དྲན་པས་ཟིན་ཙམ་ནས་ངོ་བོ་ལྷང་ངེར་འདུག་པ་ལས་ཐ་མལ་དུ་འཁྲུལ་མ་སོང་བས་ཡེངས་བའི་སྐྱོན་དུ་མི་འགྱུར་རམ། ཡུལ་སྣང་ལ་སྟོང་འཛིན་དང་ཨ་འཐས་ཀྱི་བློ་མི་འཇུག་པ་ནི་གོང་དང་འདྲ་འདུག་ཞུས་པས། ཡེངས་སོགས་སྐབས་ངོ་བོ་ལྷང་ངེར་འདུག་པས་ཡེངས་བའི་སྐྱོན་དུ་མི་འགྱུར་སྙམ་པ་དེ་མཉམ་རྗེས་འདྲེས་ལ་ཁད་རེད། ཡུལ་སྣང་ལ་བློ་མི་འཇུག་པ་ནི་སྔོན་དུ་བཤད་པ་ལྟར་སྤྲོས་བྲལ་གྱི་རྟོགས་པ་རེད། དེ་དང་གོང་གི་རྟོགས་པ་གཉིས་ཅུང་མ་མཐུན་པས་དེའི་བོགས་འདོན་ལ་དབྱིངས་གསལ་བཏབ་པ་དེ་དང་བསྲེ་ཞིང་བསྒོམ་གསུངས། ༈ དབྱིངས་ཟེར་བ་ནི་སྣང་སྲིད་འཁོར་འདས་ཀྱི་ཆོས་ཐམས་ཅད་ཡིན། ཀུན་ཏུ་བཟང་པོ་མན་ཆད་ནས་མནར་མེད་དམྱལ་བ་ཡན་ཆད་ངོ་བོ་ལ་བཟང་ངན་མེད་པ་ནམ་མཁའ་ལྟ་བུ་ཡིན་པས། དེ་དང་རང་གི་ཉམས་ལེན་དེ་བསྲེ་ཞིང་བསྒོམ་དང་ལྟ་བ་འཁོར་འདས་དབྱེར་མེད་རྟོགས་འོང་གསུངས། ༈ ཡང་དེ་ལྟར་བསྲེ་བའི་ཚུལ་བྱས་མ་ཐག་ནས་ཡར་སངས་རྒྱས་ཀྱི་ཐུགས་དང་མར་འགྲོ་དྲུག་

[Full Size]

གི་སེམས་དང་བར་དུ་རྣལ་འབྱོར་གྱི་ཉམས་སྣང་ལ་བཟང་ངན་དང་བར་མའི་འདུ་ཤེས་མེད་པར་འཁོར་འདས། རང་གི་ཉམས་ལེན་གྱི་སྟེང་དུ་ཕྱལ་གྱིས་སོང་འདུག །ཡུལ་སྣང་འདི་དག་ཀྱང་རང་ག་རྨི་ལམ་དུ་གཟུགས་ཀྱི་རྣམ་པ་མ་འགགས་པ་ཤར་ཀྱང་དོན་ལ་དངོས་པོར་མ་གྲུབ་པ་སྟོང་ནས་ཐག་ཆོད་པས་རིག་པ་ནང་དུ་མ་ལུས་པ་ཕྱི་ནང་དབྱེར་མེད་འདྲ་བ་ཞིག་བྱུང་། སྐབས་སུ་དེ་ལྟར་འདྲེས་པའི་མྱོང་བ་ཡང་མེད་པས་ཡང་བསྲེ་ཉམས་ཀྱང་བསྲེ་རྒྱུ་དང་འདྲེས་རྒྱུ་མི་འདུག །ད་དུང་འདི་ཉམས་སྣང་འདྲ་ཡིན་ལས་ཆེ་བས་མེད་འགྲོ་བ་སྲིད་སྙམ་ནས་ཡུན་རིང་གི་བར་མ་ཞུས་པས། རེས་གོང་གི་མྱོང་བ་དེ་དང་ངེས་ཤེས་འོང་རེས་མི་འོང་བ་ཞིག་ལ་ཕྱིས་ནས་འདྲེས་སམ་མ་འདྲེས་ཀྱི་རེ་དོགས་འདྲ་བ་དེ་མེད་པར་རང་བཞིན་ལ་ཉམས་ལེན་དུ་གནས་པས་སྣང་སེམས་སོགས་ཀྱི་ཐ་དད་མེད་པར་གུ་ཡངས་ཕྱ་ལེ་བ་འདྲ་ཞིག་ཕལ་ཆེར་འོང་འདུག་ཚུལ་ཞུས་པས། རྟོགས་པ་ལ་བོགས་ཆེན་པོ་བྱུང་ཟིན། སྔོན་དུ་གང་ཟག་བདག་མེད་རྟོགས་ཀྱང་ཆོས་ཀྱི་བདག་མེད་མ་རྟོགས་པས་སྟོང་ཉིད་ཕྱེད་པོ་ཡིན། ད་རེས་ཆོས་དང་གང་ཟག་བདག་མེད་གཉིས་པོ་རྟོགས་པས་སྟོང་ཉིད་ཆ་ཚང་བ་ཡིན། འདི་ལྟ་

[Full Size]

བ་འཁོར་འདས་དབྱེར་མེད་ཀྱང་ཡིན་ནོ། །འདིའི་ངང་ནས་བསྔོ་བ་བྱས་ན་འཁོར་གསུམ་ཡང་དག་ཏུ་འགྱུར་བ་ཡིན། ཤུགས་འབྱུང་གི་སྣང་བ་ཆུ་ཟླ་ལྟར་མཐོང་བ་དེ་ཉམས་ཀྱི་རོ་གཅིག་ཡིན་ཡང་། འབྲུག་པ་རྣམས་ཀྱིས་འདི་ལ་རོ་གཅིག་ཏུ་ངོ་སྤྱོད་པ་རེད། དེ་དག་སྐྱོན་སེལ་རྒྱུ་དང་བོགས་འདོན་རྒྱུ་རང་ཆེར་མེད་དེ། ཉམས་ལ་མཐོ་དམན་མང་པོ་འོང་བས། མཐོ་དུས་དེ་ལྟར་ཡིན་ཀྱང་། དམའ་དུས་ཐ་མལ་དུ་འགྲོ་ཉན་ཡོད་པས་སྒོམ་སྐྱེས་བདག་པོ་མེད་པ་དེ། ནོར་བུ་མི་གཙང་འདམ་དུ་བྱིངས་གསུངས་པ་དེ་འོང་དོགས་ཡོད་པས། སྟག་ལུང་པས་ཁོ་བོ་ལ་དེ་ག་ལྟར་ཡིན་ཏེ། དེ་ལྟར་ཡིན་བསམ་ནས་ཉལ་བསྡད་པས་མི་འོང་གསུངས། དེ་ལ་རྩལ་སྦྱང་ལུགས་མང་སྟེ། རེ་ཞིག་བྲང་ཤུལ་ན་བ་སོགས་ལུས་མི་བདེ་བ་གང་བྱུང་ལ་བསྲེ་ཞིང་བསྒོམ། རྨི་ལམ་རྩུབ་པ་དང་རྒྱལ་རྟགས་སོགས་གདོན་གྱི་རྣམ་པ་གང་བྱུང་དང་བསྲེ་ཞིང་བསྒོམ། སྔར་དུས་རང་གི་མ་ཤི་བ་སོགས་སྡུག་བསྔལ་གང་བྱུང་དྲན་པར་གྱིས་ལ་དེ་དང་བསྲེས། ད་དུང་ཡང་ཕ་དང་ཉེ་དུ་རྣམས་ན་དོགས་དང་། ཤི་དོགས་དགྲ་བྱུང་དོགས་དེ་འདྲ་རེད་ན་ཅི་འདྲ་ཞིག་འོང་ཡིད་ལ་གསལ་ཐོབ་ལ་དེ་དང་བསྲེ་ཞིང་བསྒོམ། དེ་དག་ལན་

[Full Size]

གཅིག་མ་ཡིན་པར་ནན་ཏན་དུ་བསྒོམ་དང་རྡོ་རུས་འཕྲོད་པར་འོང་བ་ཡིན་གསུངས། ༈ སྤྱོད་ལམ་རྣམ་བཞིའི་སྐབས་སུ་ཡེངས་སོང་ཡང་། ངོ་བོ་ལ་ཡེངས་མ་ཡེངས་བཟང་ངན་ཁྱད་མི་འདུག་སྙམ་ནས་ཞུས་པས། དོན་ལ་དེ་ཀ་ལྟར་རེད་པས་ཡེངས་བྱ་བ་མེད་གསུངས་པ་ལྟར་རོ། །ཡེངས་པ་དང་མ་ཡེངས་གཉིས་ངོ་བོ་ལ་བཟང་ངན་མེད་པར་རྟོགས་པ་མཉམ་རྗེས་འདྲེས་པར་རྩི། ལར་ལོ་གཅིག་གི་མཚམས་ལ་བོགས་རྩ་ལ་དཔེ་མེད་རེད་པས་ཡིད་ལ་དགའ་བ་བསྒོམ་གསུངས། ༈ ཡང་བླ་མ་ནམ་དྲན་རང་སེམས་དང་དབྱེར་མེད་འདྲ་བ་ཞིག་བྱུང་བ་དང་། གོང་གི་འཁོར་འདས་དང་རང་སེམས་འདྲེས་པའི་མྱོང་བ་དང་ངེས་ཤེས་དེ་དག་བྱ་མིན་ནམ་ཞུས་པས། བླ་མ་དྲན་དུས་རང་སེམས་དང་དབྱེར་མེད་ཤར་བ་དེ་ཐུགས་ཡིད་གཅིག་འདྲེས་ཟེར་བ་དེ་ཡིན། འཁོར་འདས་དང་རང་སེམས་འདྲེས་པ་དེ་དག་བྱ་ནི་མིན་ཏེ་རྒྱུན་དུ་མི་འོང་བ་འདྲ་གསུངས། ༈ སྔོན་ལྟར་འཁོར་བ་མངོན་ཞེན་མེད་པར་ཉམས་ལེན་གྱི་ངང་ནས་ཤུགས་འབྱུང་དུ་སྙིང་རྗེ་ཞིག་ཤར་བ་འདི་ཆོས་ལ་དམིགས་པའི་སྙིང་རྗེར་གཏོགས་སམ་ཞུས་པས། དེ་དམིགས་མེད་ཀྱི་སྙིང་རྗེར་གཏོགས་པས་ལྷག་གསུངས། །

[Full Size]

ཡང་ཆོས་དབྱིངས་ཟེར་བ་འདི་འཁོར་འདས་ཐམས་ཅད་ལགས་སམ། འོག་མིན་ལ་རིགས་མང་དུ་འདུག་ན་དོན་དམ་པར་གང་ལ་ངོས་འཛིན་ཞུས་པས། ཆོས་དབྱིངས་འཁོར་འདས་ཐམས་ཅད་ལ་ཟེར། འོག་མིན་ལ་རིགས་གསུམ་ཡོད་དེ། དོན་དམ་པའི་འོག་མིན་ནི་རྣལ་འབྱོར་པ་ལྟ་སྒོམ་མཆོག་ཏུ་གྱུར་པ་དེ་གར་བཞུགས་ཀྱང་འོག་མིན་ཡིན། འཇིག་རྟེན་གྱི་འོག་མིན་ནི། འཇིག་རྟེན་འདིའི་སྟེང་དུ་ལྷ་གནས་ཐམས་ཅད་བརྩེགས་ནས་སྟེང་དུ་འོག་མིན་ཡོད་པ་ལྷའི་གནས་ཡིན། དེར་ཡོད་པའི་ལྷ་རྣམས་ཀྱང་འཕགས་པ་ཤ་སྟག་ཡིན། དེ་ན་རྡོ་རྗེ་འཆང་བཞུགས། དེ་ལོངས་སྐུ་ཆུང་ངུ་ཡིན། འོག་མིན་སྟུག་པོ་བཀོད་པ་ནི། བསམ་གྱིས་མི་ཁྱབ་པ་ཞིག་ཡོད་དེ། དེར་རྣམ་སྣང་གངས་ཅན་མཚོ་སྐུ་ཚད་བསམ་ལས་འདས་པའི་ཕྱག་གི་ལྷུང་བཟེད་ཀྱི་སྟེང་སྤོས་ཆུའི་རྒྱ་མཚོ་ལ་མེ་ཏོག་ཉེར་ལྔ་བརྩེགས་མར་སྐྱེས་པའི་བཅུ་གསུམ་པའི་སྟེང་དུ་འཇིག་རྟེན་འདི་ཆགས་ཡོད། དེ་འོག་མིན་ཆེན་པོ་ཡིན། དེ་ལ་ལོངས་སྐུ་རྡོ་རྗེ་འཆང་དུ་མིང་བཏགས་པའང་ཡོད་གསུངས། ༈ ཡང་རླུང་ནི་ད་ཞག་བཟུང་མེད་ཀྱང་ནད་རྟགས་ལ་རླུང་ནད་ཀྱིས་ལུས་སེམས་མི་བདེ་བའི་རྐྱེན་བྱེད་འདུག་སྙམ་པ་ཞིག་འོང་ཚུལ་

[Full Size]

ཞུས་པས། རླུང་བཟུང་བས་སེམས་ཟིན་པ་ནཱ་རོ་པའི་ལུགས་ཆོས་དྲུག་ཡིན། དེ་ལ་གེགས་མང་བས་ལམ་དུ་འགྲོ་དཀའ། དེས་སེམས་བཟུང་བས་རླུང་ཟིན་པ་ས་ར་ཧའི་ལུགས་ཕྱག་ཆེན་ཡིན་པས་དེ་ལ་གེགས་མེད། ངོ་བོ་བསྐྱངས་བས་རླུང་དབུ་མར་རང་བཞིན་གྱིས་ཚུད་འགྲོ་བས་ལུས་གནད་མི་འཛིན་ལྷུག་པར་བཞག་པ་ཟབ་གསུངས། སྔར་དྲུང་པ་གོང་མ་ལ་ཐུགས་རླུང་ཐུ་མོ་བྱུང་ནས་ཆུ་གྲོད་པ་རེ་ཐུགས་ཀར་བརླན་ནས་བསྡད་ཙ་ཡུད་ཙམ་ནས་ཆུ་ཚ་མོ་བྱུང་བར་གྱུར་ཀྱང་། སྨན་དང་རྫས་དང་སྔགས་དམིགས་པ་སོགས་ཅི་ཡང་མ་བྱས་པར་ངོ་བོ་རང་བསྐྱངས་བས་ནད་དྲགས་ནས་གྲུབ་པ་ཐོབ་པ་རེད། རྒྱ་རས་དང་རྒོད་ཚང་པ་དང་ལོ་རས་སོགས་ལ་ཤིག་ནད་དང་། ཆུ་ནད། མཛེ་སོགས་བྱུང་སྟེ། སྨན་དང་རྫ་ས་དང་སྔགས་དང་དམིགས་པ་སོགས་ཅི་ཡང་མ་བྱས་པར་ངོ་བོ་ཁོ་ན་བསྐྱངས་བས་གྲུབ་པ་ཐོབ་པར་འདུག །དེ་གཞན་གྱིས་ཉམས་སུ་མི་ལོན་ཏེ། ཁྱེད་རང་ལ་རྟོགས་པའི་བོགས་བསྐྱེད་ཡག་པོ་འོང་ཞིང་ཡོད་པ་མ་བདེ་བ་དེ་ཀའི་ངོ་བོ་ལྟོས་ལ་མ་བདེ་བ་དང་བདེ་བ་གཉིས་རོ་སྙོམས་ཅི་ཐུབ་གྱིས་གསུངས། ༈ འོ་ན་བདག་གིས་སྨན་ཟ་བ་དང་། ནད་གདོན་སེལ་བའི་

[Full Size]

དམིགས་པ་བྱེད་ཅིང་ཡོད་པས་འགལ་ལམ་ད་ནི་དེ་དག་བཞག་ནས་ཐུ་དྲག་གང་བྱུང་དཀོན་མཆོག་ཐུགས་རྗེར་བལྟ་བར་བྱའམ་ཞུས་པས། ད་དུང་དྲུངཔ་སོགས་གྲུབ་ཐོབ་གོང་མ་རྣམས་ཀྱི་སྟངས་ནི་མི་འོང་། ལྷུན་གྲུབ་རབ་འབྱམས་སོགས་འབྲུག་པའི་རྟོགས་ལྡན་འགའ་རེས་དང་པོ་རོ་སྙོམས་བྱས་པ་མ་འཁྱོང་ནས་ཕྱིས་སྨན་དང་གཏོ་སོགས་བྱེད་དགོས་བྱུང་ཐལ། ལར་ཡང་འུ་བུ་རོ་སྙོམས་པ་མིན་པས་སྨན་སོགས་བཞག་མི་རུང་། རྟ་མགྲིན་སོགས་ཀྱི་རྒྱུན་བསྙེན་ཡང་མི་སྐྱུར་ཙམ་རེ་གྱིས་གདོན་ལ་དམིགས་པའི་སྔགས་དམིགས་གཞན་མི་ཐོན། ངོ་བོ་སྐྱོངས་ཤིང་སེམས་ལ་རོ་སྙོམ་གྱིས། དོན་ལ་བོགས་སུ་ཨི་ཐོན་གསུངས། ༈ གཅིག་དང་དུ་བྲལ་གྱིས་གཏན་ལ་ཕབ་པའི་སྟོང་ཉིད་རྟོགས་པ་འདི་བདེན་གཉིས་གང་ལ་གཏོགས་ཞུས་པས། ཟགཅིག་དང་དུ་བྲལ་གྱིས་གཏན་ལ་ཕབ་པའི་སྟོང་ཉིད་དེ་གྲུབ་མཐའ་སྤྱིའི་ལུགས་ལ་དོན་དམ་བདེན་པར་དངོས་སུ་བཞེད། ཕྱག་ཆེན་པའི་ལུགས་ལ་དོན་དམ་བདེན་པ་ཆ་མཐུན་ཙམ་ལས། དོན་དམ་བདེན་པ་དངོས་ནི་མ་ཡིན་གསུངས། ༈ ཡང་བེམ་རིག་བྲལ་མ་ཐག་ལྟ་བ་འཁོར་འདས་དབྱེར་མེད་མངོན་དུ་གྱུར་པ་ལ་འཆི་བ་ཆོས་སྐུར་འཚང་རྒྱ་ཟེར་བ་དེ་ལགས་སམ་ཞུས་

[Full Size]

པས། དེ་འཆི་བ་ཆོས་སྐུར་འཚང་རྒྱ་བ་ཡིན་པར་བཤད། དོན་གྱི་མཁའ་སྤྱོད་ཀྱང་ཡིན་གསུངས། ༈ དེ་ལ་མཚན་དཔེ་ཅན་གྱི་གཟུགས་སྐུའི་རྣམ་པ་ཡོད་དམ་མེད་ལགས་ཞུས་པས། གཞན་ལས་དང་སྐལ་པར་ལྡན་པས་མཚན་དཔེས་བརྒྱན་པའི་སངས་རྒྱས་ཀྱི་སྐུར་མཐོང་བ་ཡིན་གྱི། མཚན་དཔེ་ནི་ཀུན་རྫོབ་ཡིན་པས་འཁོར་ལོས་སྒྱུར་རྒྱལ་ལའང་ཡོད་དེ། སངས་རྒྱས་མིན་པའི་ཕྱིར་རོ་གསུངས། ༈ ཚེ་འདི་ཉིད་ལ་རྟོགས་པའི་མཉམ་རྗེས་མ་འདྲེས་པར་འོད་གསལ་དུ་གྲོལ་མི་ནུས་སམ་ཞུས་པས། ད་ལྟ་མཉམ་རྗེས་མ་འདྲེས་ཀྱང་འོད་གསལ་དུ་གྲོལ་ཏེ་ཐུགས་དམ་ལ་བཞུགས་ཚེ་རྟོགས་པ་ན་འཕར་བར་བཤད་པས་སོ་གསུངས། ༈ ཡང་ཕྱག་ཆེན་རྣལ་འབྱོར་བཞི་རིམ་ས་ལམ་གོང་བསྒྲིགས་པ་གྲུབ་མཐའ་སོ་སོ་དང་བླ་མ་རེ་རེས་བཞེད་ཚུལ་མང་བས་ཐག་མི་ཆོད་འདུག་པས། རྗེ་ཉིད་ཀྱི་དགོངས་བཞེད་གང་ལགས་ཚུལ་མདོར་བསྡུས་ཤིག་གསུངས་བར་ཞུ་ཞུས་པས། ཇོ་བོ་རྗེ་ལ་སངས་རྒྱས་ཀྱི་ས་ལ་ཡེ་ཤེས་ཡོད་དམ་མེད་ཞུས་པས། ང་སངས་རྒྱས་མ་མྱོང་གསུངས་སྐད། དེ་བཞིན་དུ་ངོས་རྣལ་འབྱོར་བཞི་རིམ་དང་། ས་ལམ་བགྲོད་མ་མྱོང་བས་ང་རང་གི་

[Full Size]

ལུགས་སྨྲ་རྒྱུ་མེད། འོན་ཀྱང་རྒྱལ་བའི་དབང་པོའི་ཁྲིད་ཀྱི་རྩ་ཚིག་ནས་གསུངས་པ་འདི་ངའི་སྙིང་ལ་འཆང་བ་ཡིན་པས། རྩེ་གཅིག་ཆུང་འབྲིང་ཆེ་གསུམ་ཚོགས་ལམ་དང་སྦྱོར་ལམ་གྱི་སྐབས་སྤྲོས་བྲལ་གསུང་མཐོང་ལམ་གྱི་སྐབས། རོ་གཅིག་གསུམ་དང་སྒོམ་མེད་འབྲིང་གི་བར་སྒོམ་ལམ་གྱི་སྐབས། སྒོམ་མེད་ཆེན་པོ་ནི་རྫོགས་པའི་སངས་རྒྱས་ཀྱི་ས་ཡིན་པར་གསུངས་པས་ངས་ཀྱང་དེ་འཆང་བ་ཡིན་གསུངས། ༈ ཡང་རྗེ་བཙུན་གྱིས། རང་རྡོ་རྗེ་འཆང་དང་མ་མཉམ་པར། །མི་གཞན་ལ་དབང་བསྐུར་བྱ་མི་རུང་། །གསུངས་པ་འདི་ཇི་ལྟར་ལགས་ཞུགས་པས། དེ་ལ་གཞི་ལམ་འབྲས་གསུམ་ལས། གཞི་རྡོ་རྗེ་འཆང་འཁོར་འདས་ཀུན་ལ་ཁྱབ་པར་གནས། ལམ་གྱི་རྡོ་རྗེ་འཆང་བསྐྱེད་རྫོགས་ཀྱི་ས་ལམ་ཕྱིན་ཅི་མ་ལོག་པར་བསྒོམ་ཤེས་པའི་སྡོམ་ལྡན་གྱིས་གཞན་ལ་དབང་བསྐུར་རུང་། འབྲས་བུའི་རྡོ་རྗེ་འཆང་མཐར་སངས་རྒྱས་པ་དེ་ཡིན་པས། སངས་རྒྱས་མ་ཐོབ་བར་དབང་བསྐུར་མི་རུང་བ་མིན་གསུངས། ༈ ཡང་ན་ནས་ངག་གིས་སྨྲ་མ་ནུས་སྐབས་སུ། རྒྱུན་ཁྱེར་རྣམས་དང་བསྙེན་པ་ཡིད་འདོན་བྱས་ནས་གྲངས་སུ་བཞག་ཆོག་གམ་ཞུས་པས། ཉམས་ལེན་གྱི་ངང་དུ་གནས་

[Full Size]

པའམ་བསྐྱེད་རིམ་གསལ་ངོས་ནས་ཡིད་བཟླས་བྱས་པ་གྲངས་སུ་རྩི་ཆོག་སྟེ། ལྕེ་འགུལ་ཙམ་ཡང་མི་དགོས། ཡིད་བཟླས་འདི་བཟླས་པའི་མཆོག་ཡིན། ཉམས་ལེན་བསྐྱེད་རིམ་གང་རུང་དང་མ་ལྡན་ན་འབྲུ་མི་གསལ་བའི་ཡིད་འདོན་དེས་གོ་མི་ཆོད་དེ། རྟའི་མ་ཎི་ཟེར་བ་ལྟར་རོ།། ༈ ཡང་བཀའ་བརྒྱུད་གོང་མ་རྣམས་ཀྱིས་གཉུག་མ་རབ་རིབ་ཙམ་རྟོགས་ཀྱང་ལྟ་བའི་གོ་ཆ་དང་མི་ལྡན་ན་མར་འགྲོ་བ་ལས་ཡར་མི་འགྲོ་གསུངས་པས་ལྟ་བའི་གོ་ཆ་ཇི་ལྟར་ལགས་ཞུས་པས། གཉུག་མ་རབ་རིབ་ནི་ཉམས་གསལ་དུས་རེས་འགའ་ངོ་བོ་མཐོང་། མི་གསལ་དུས་བལྟས་ཀྱང་མི་མཐོང་བ་ཕལ་ཆེར་འཁྲུལ་པའི་དབང་དུ་འགྲོ་བ་དེ་ཡིན། དེ་ལས་རྒྱུ་འབྲས་ལ་མི་འཛེམ་ཞིང་སྡོམ་པ་དམ་ཚིག་རྣམས་ཡལ་བར་དོར་ན་མར་འགྲོ་ངེས། རྟོགས་པ་ཚད་ལྡན་ལ་རྒྱུན་ཆད་མེད་ན་དེ་ལྟ་བའི་གོ་ཆ་ཡིན་པས་ཅི་བྱས་ཀྱང་སྐྱོན་མེད་དེ། སྲུང་དུ་མེད་པའི་དམ་ཚིག་སོགས་དྲི་མེད་བཤགས་རྒྱུད་ཀྱི་ནང་དུ་གསལ་བ་དེ་ལྟ་བུ་ནི་ལྟ་བའི་གོ་ཆ་དངོས་ཡིན། དེ་ཙམ་མི་ལྡན་ན་རྒྱུ་འབྲས་ཀྱི་བླང་དོར་དང་སྡོམ་པ་དམ་ཚིག་མོས་གུས་སེམས་བསྐྱེད་སྒོམ་བཟླས་སོགས་ངོ་བོ་ཡེངས་མེད་ཀྱི་ངང་ནས་གཟབ་པ་རང་ཟབ་

[Full Size]

གསུངས། ཞེས་པ་འདི་དག་སཾ་ཊར་ཕུལ་བའི་ལན་གསུངས་པ་རྣམས་བརྗེད་པར་འཕང་ནས་ཐེ་ཚོམ་མེད་པར་བཀོད་ཡོད་པ་འདི་དག་དཔེ་ཆར་བཀོད་ན་རུང་ངམ་ཞུས་པས། ད་དཔེ་ཆར་བཀོད་ཐུབ་ན་རུང་ལེགས་གསུངས་པས། རང་གི་བརྗེད་ཐོ་དང་རང་འདྲ་རྨོངས་པ་གཞན་ལའང་ཕན་པའི་སེམས་བསྐྱེད་ཀྱིས་བྲིས་པས། འདི་ཉིད་མཐོང་ཐོས་ཀྱིས་ཐོག་དྲངས་འགྲོ་བ་མཐའ་དག་ཟུང་འཇུག་རྡོ་རྗེ་འཆང་གི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིག ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དབུ་མཛད་གུ་ཎེ་ཤྭ་ར་སོགས་དོན་གཉེར་འགའ་ཡི་དྲིས་ལེན་ཐོར་བུ།

[Full Size]

དབུ་མཛད་གུ་ཎེ་ཤྭ་ར་སོགས་དོན་གཉེར་འགའ་ཡི་དྲིས་ལེན་ཐོར་བུ་བཞུགས་སོ། །

[Full Size]

དགོངས་འདུས་ཀྱི་ཆོས་སྐབས་ཀྱི་དྲི་བའི་དོགས་གཅོད་དུ་སྨྲས་པ། བདག་བསྐྱེད་བསྒོམས་ཚར་ནས་བསྡུ་ཆོག་མ་བྱས་བར་དུ་ལྷ་གཞན་བསྒོམ་པའམ་དམིགས་པ་གཞན་བྱ་མི་རུང་ཟེར་བ་དག་ནི་ཆོ་གའི་གོ་དོན་གཏན་ནས་མ་ལོན་པར་ཟད་དེ། ཇི་སྐད་དུ། འཕྲོ་འདུའི་དམིགས་པ་མ་ཤེས་ན། །ཕྱོགས་གཅིག་ཀྱང་གིས་ཀུན་མི་འགྲུབ། །འདབ་གཤོག་ཚག་པའི་བྱ་དང་འདྲ། །ཞེས་པ་ལྟར་འགྱུར་བས་ན་ཏིང་འཛིན་འཕྲོ་འདུ་སྐད་ཅིག་རེ་རེ་ལ་ཡང་གང་ལ་གང་དགོས་སུ་བསྒྱུར་ཤེས་པ་གལ་ཆེ། མདོ་ལས་ཀྱང་། ཏིང་ངེ་འཛིན་གྱི་སྒོ་བརྒྱ་ཕྲག་མང་པོ་གསུངས་པ་དེ་དག་ཀྱང་འདི་

[Full Size]

ལྟ་བུ་ལ་གསུངས་པ་ཡིན་པས། དེས་ན། དགོངས་འདུས་ཀྱི་བསྐང་བཤགས་ལྟ་བུའི་སྐབས་སུ། ཐོག་མར་སྔོན་འགྲོ་དཀར་ཕྱོགས་གཞི་བདག་གནས་བདག་ཡུལ་བདག་ལ་གསེར་སྐྱེམས་ཕུལ་ཞིང་བཀའ་བསྒོ་བའི་དུས་སུ། རང་ཉིད་སྤྱན་རས་གཟིགས་སུ་བསྐྱེད་དེ་ཞི་བ་བྱང་ཆུབ་སེམས་ཀྱིས་བཏུལ། ཞི་བས་མི་ཐུལ་བའི་བགེགས་དང་འབྱུང་པོ་བསྐྲད་པའི་ཚེ་སྤྱན་རས་གཟིགས་ཁྲོས་པའི་ཚུལ་གྱིས་རྟ་མགྲིན་དུ་བསྒྱུར། དེ་ནས་མཚམས་གཅོད་སྲུང་འཁོར་སོགས་ནས་བཟུང་སྟེ་རང་སེམས་གསལ་སྟོང་འདི་ཉིད་རྒྱུའི་ཧེ་རུ་ཀ་ཞེས་བྱ་བ་ངོ་བོ་སེམས་ཉིད་ཀ་དག་ལ་རྣམ་པ་རྡོར་

[Full Size]

སེམས་སྐུ་མདོག་དམར་པོ་ནམ་མཁས་གར་ཁྱབ་སྐུ་ཡིས་ཁྱབ་ཅིང་ཨ་འཐས་ཀྱི་མཚན་མར་མ་གྲུབ་པ་ཆོས་ཀྱི་དབྱིངས་ཁྱབ་པ་གཅིག་ཏུ་མོས་ཏེ། དམིགས་པའི་སྤྲོ་བསྡུ་གང་བྱེད་ཐམས་ཅད་དེའི་རྫུ་འཕྲུལ་གྱི་རོལ་པས་བྱ་སྟེ། མཆོད་གཏོར་བསང་སྦྱང་བྱིན་རླབས་ཏིང་ངེ་འཛིན་རྣམ་གསུམ་རང་ལུས་གཞལ་ཡས་ཁང་དང་ལྷ་ཚོགས་སེམས་ཉིད་དུ་བསྐྱེད་པ་ཐམས་ཅད་དེའི་ངང་ནས་བྱ་སྟེ། དེ་ནས་གཞི་ཀ་དག་ཆོས་དབྱིངས་ཡིན་པས་སྣང་སྲིད་འཁོར་འདས་ཐམས་ཅད་བྱུང་ཡང་དེ་ལས་བྱུང་ཞིང་ཐིམ་ཡང་དེ་ལ་ཐིམ་པ་ཡིན། འདི་ལ་ཡང་བཀའ་བརྒྱད་དང་ཕུར་པ་སོགས་བསྐྱེད་པ་མ་ཧཱ་ཡོ་གའི་རྒྱུད་སྡེ་ཐབས་བསྐྱེད་རིམ་གཙོ་བོར་བཤད་པའི་སྐབས་དག་ཏུ་ནི། ཆོས་དབྱིངས་སྟོང་ཉིད་ལས་རིགས་པའི་ཡེ་ཤེས་རྒྱུའི་ཡི་གེ་ཧཱུྃ་མཐིང་ནག་ཏུ་ཤར།། དེ་ལས་ཨེ་ཡཾ་ཁཾ་སུཾ་ཀཾ་རཾ་འཕྲོས་ནས་འབྱུང་བ་རིམ་བརྩེགས་དང་། ཧཱུྃ་འཕྲོས་པས་གཞལ་ཡས་ཁང་། པཾ་ལས་པདྨ། ཨ་ལས་ཟླ་གདན། མ་ལས་ཉི་གདན་གྱི་ཁར་རྒྱུའི་ཡི་གེ་ཧཱུྃ་དེ་ཉིད་བབ་པ་ལས་ལྷ་བསྐྱེད་པ་ཡིན་ཀྱང་། དགོངས་འདུས་ཀྱི་ལུང་ཨ་ནུ་ཡོ་ག་དབྱིངས་དང་ཡེ་ཤེས་སུ་གཉིས་མེད་དུ་དམ་པ་སྟོན་པའི་སྐབས་ཡིན་པའི་གནད་ཀྱིས་རྒྱུའི་ཧེ་རུ་ཀ་ཕྱིའི་ཁོག་པ་

[Full Size]

ལྟ་བུ་ནམ་མཁའ་ཁྱབ་པའི་ཁོངས་ནས་སྣོད་བཅུད་ཐམས་ཅད་སྤྲོ་བསྡུ་བྱེད་པ་ཡིན་ནོ། །བདག་མདུན་བུམ་གསུམ་དཀྱིལ་ཆོག་དངོས་གཞི་ཡིན་པ་གྲུབ་ནས། བཤགས་སྐོང་སོགས་ཡན་ལག་གི་ཆོ་ག་བྱེད་པའི་སྐབས་སུ། སྡིག་སྒྲིབ་ཉམས་ཆག་སོགས་སྦྱོང་བའི་ཕྱིར་རེ་ཞིག་ལ་རང་ལུས་ཐ་མལ་པའི་འདུ་ཤེས་དང་། དེ་ལ་ཡང་། ལུས་ཀྱི་སྒོ་ནས་མོས་གུས་ཕྱག་གི་བཤགས་པའི་ཚེ། རང་ལུས་གཅིག་པུ་མ་ཡིན་པར་རང་འདྲ་བྱེ་བ་དུང་ཕྱུར་གྲངས་མེད་དུ་སྤྲུལ་ནས་ཕྱག་འཚལ་བར་དམིགས་པས་ཕྱག་རྡོག་རེ་ལའང་རང་ལུས་ཀྱི་གྲངས་དེ་དག་དང་མཉམ་པའི་ཕྱག་ཏུ་འགྱུར་བ་སྟེ། ཞིང་རྡུལ་ཀུན་གྱི་གྲངས་སྙེད་ཀྱི། ལུས་བཏུད་པ་ཡིས། ཞེས་པའི་གོ་དོན་འདི་ཡིན་ནོ། །ངག་གི་སྒོ་ནས་བྱིན་རླབས་སྔགས་ཀྱི་བཤགས་པའི་སྐབས་སུ་ཡང་རང་ཉིད་ཐ་ལམ་པའི་སྤྱི་བོར་རྡོར་སེམས་བསྒོམ་ཚུལ་འདོན་ཆ་ལྟར་དང་། ཡིད་ཀྱི་སྒོ་ནས་རྟོག་ཚོགས་ལྟ་བའི་བཤགས་པ་ནི་ཐུགས་དམ་ངེས་དོན་རྟོགས་ཤིང་དྲན་ན་ཀླུ་སྒྲིབ་པ་བཤགས་ཡུལ་བཤགས་བྱ་བཤགས་བྱེད་ཐམས་ཅད་འཁོར་གསུམ་ཡོངས་དག་ཆེན་པོ་ལས་མི་འདའ། ལུས་ངག་ཡིད་གསུམ་གྱི་སྒོ་ནས་སྨྲེ་སྔགས་འགྱོད་ཚིག་གིས་བཤགས་པ་

[Full Size]

ནི། དོན་དམ་པར་འཁོར་གསུམ་ཡོངས་དག་ལས་མ་འདས་ཀྱང་། གནས་སྐབས་ཀུན་རྫོབ་སྒྱུ་མ་ལྟ་བུའི་རོལ་པར་བདག་དང་དམིགས་ཡུལ་མཁའ་ཁྱབ་སེམས་ཅན་ཀུན་གྱི་སྡིག་སྦྱང་ཕྱིར་དད་མོས་གདུང་ཤུགས་ཀྱི་སྒོ་ནས་བཤགས་པ་སྨོན་ལམ་སོགས་བྱའོ། །དེ་ནས་སྔར་བཞིན་བདག་བསྐྱེད་དྲན་པའི་ངང་ནས་ཚོགས་བྱིན་རླབས་སོགས་བྱ་བའམ། ཆོས་སྐྱོང་བསྐང་གསོལ་སོགས་བྱས་ལ། སྐོང་ཆོག་སོགས་ཀྱང་མདུན་བསྐྱེད་གཙོ་བོར་བྱས་པའི་བདག་མདུན་གྱི་ལྷ་ཚོགས་ཐུགས་དམ་བསྐང་ཞིང་། ཚོགས་དང་མདངས་བསྐང་སོགས་ཀྱང་དེ་བཞིན་བྱའོ། །སྤྱིར་ཡང་བདག་བསྐྱེད་ལས་བྱང་གང་བཏོན་ཡང་ལྷ་དང་དཀྱིལ་འཁོར་བདག་ཁོ་ན་ཡིན་ཕྱིར། གཏོར་མཆོད་སོགས་བདག་བསྐྱེད་ལ་འབུལ་བ་མ་གཏོགས་ཕྱི་རོལ་དུ་དཀྱིལ་འཁོར་བཤམ་རྒྱུ་མ་ཡིན་ཚེ། གཏོར་མཆོད་ཀྱང་རང་གི་མདུན་ནམ་གང་འོས་སུ་བཤམས་པས་ཆོག་ལ། དཀྱིལ་ཆོག་སྐོང་བཤགས་སོགས་མདུན་བསྐྱེད་དགོས་པའི་རིགས་ཐམས་ཅད་ལ་གཏོར་མཆོད་སྤྱན་གཟིགས་སོགས་གང་འབྱོར་ཐམས་ཅད་མདུན་བསྐྱེད་ལ་སྤུངས་དགོས་པ་སྟེ། དེ་ལྟ་བུའི་སྐབས་དོན་དབྱེ་བ་ཤེས་དགོས་ཕྱིར། ཐམས་ཅད་ལ་མདུན་དུ་བཤམས་ཕྱིན་

[Full Size]

ཆད་དཀྱིལ་འཁོར་ཡིན་པར་མི་བསམ་མོ། །བསྡུ་ཆོག་གི་སྐབས་རྣམས་ལ་ཡང་། མདུན་བསྐྱེད་དཀྱིལ་འཁོར་གྱི་ཡེ་ཤེས་པ་རང་བཞིན་གྱི་གནས་སུ་གཤེགས་ཤིང་དམ་ཚིག་པ་བདག་བསྐྱེད་ཀྱི་ཐུགས་སྲོག་ས་བོན་ལ་བསྡུ། བདག་བསྐྱེད་ལ་ནི་ཡེ་ཤེས་པ་ནམ་ཡང་གཤེགས་མི་རུང་ཞིང་། ནམ་རྣལ་འབྱོར་པ་རང་ཉིད་འཆི་བའི་དུས་ལ་བབས་ཚེ་འཕོ་བ་སྤར་བ་དེ་བདག་བསྐྱེད་ཀྱི་ཡེ་ཤེས་པ་གཤེགས་གསོལ་ཡིན། གཞན་ནམ་དུའང་དམ་ཡེ་དབྱེར་མེད་རྫོགས་རིམ་ལ་བསྡུ་བ་དེ་རེ་ཞིག་རྟག་མཐའ་གསལ་ཞིང་སྤྲོས་པ་ཉེ་བར་ཞི་ཕྱིར་བསྡུ་ཚུལ་བསྟན་པ་ཙམ་ལས། སླར་ལྷའི་ངོ་བོར་རྒྱུན་དུ་ངེས་ཤེས་དང་མ་ལྡན་ན་སྒོ་གསུམ་ཐ་མལ་དུ་ཞེན་པས་ནི་གསང་སྔགས་དབང་བཞི་བསྐྱེད་རྫོགས་ཐམས་ཅད་ཀྱི་དམ་ཚིག་ལས་འདས་པར་གྱུར་པས་ན། སྒོ་གསུམ་དཀྱིལ་འཁོར་གསུམ་གྱི་འདུ་ཤེས་དང་ལྡན་དགོས་སོ། །ཡེ་ཤེས་པ་རང་བཞིན་གྱི་གནས་སུ་གཤེགས་ཞེས་པ་འདི་ནི་གོ་མཁན་དཀོན་ཏེ། རང་བཞིན་གྱི་གནས་ཞེས་པ་ནི་གོང་དུ་རྒྱུའི་ཧེ་རུ་ཀའི་འཕྲོས་ལས་བཤད་པ་བཞིན། སེམས་ཉིད་ཀ་དག་ཆོས་ཀྱི་དབྱིངས་དེ་འཁོར་འདས་ཐམས་ཅད་ཀྱི་འབྱུང་ཁུངས་ཡིན་ཕྱིར། དང་པོ་ཡང་དེ་ནས་

[Full Size]

བྱུང་བས། མཐར་གཤེགས་བསྡུ་བྱེད་པ་ཡང་དེ་ཀ་མ་གཏོགས། རང་བཞིན་གནས་ཞེས་པའི་ཡུལ་ཞིག་ག་ཤེད་ན་མངོན་སུམ་ཨ་འཐས་སུ་ཡོད་པ་མ་ཡིན་པ་ཡང་གོ་བར་བྱའོ། །སྔགས་དྲུག་ཕྱག་དྲུག་སྐབས་དོན་གྱི་དྲི་བ་ལེན་དུ་བརྗོད་པ་ནི། གཏོར་མཆོད་མདོས་གླུད་ལ་སོགས་བྱིན་གྱིས་བརླབ་པར་བྱ་བ་ལ། བསྐྱེད་པའི་ལྷ་དྲུག །བཟླ་བའི་སྔགས་དྲུག །ས་བོན་གྱི་ཡིག་འབྲུ་དྲུག །བཅའ་བའི་ཕྱག་རྒྱ་དྲུག །བྱིན་རླབས་ཀྱི་ཡོན་ཏན་དྲུག་དང་བཅས་པ་ཡོད་དེ་རིམ་པ་བཞིན། སྦྱང་བའི་ལྷ་ཤཱཀྱ་ཐུབ་པ། བཟླ་བའི་སྔགས། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། བཅའ་བའི་ཕྱག་རྒྱ་ནི། ཆོས་དབྱིངས་སྟོང་པ་ཉིད་མཚོན་པའི་བརྡར། ཐལ་མོ་ཁོང་སྟོང་དུ་སྦྱར་བའི་ནང་ནས་ས་བོན་གྱི་ཡིག་འབྲུ་ནི་ཡི་གེ་དཀར་པོ་ཞིག་ལས་འོད་འཕྲོས་ནས་གཏོར་རྫས་རྣམས་ལ་ཕོག་པས། བྱིན་རླབས་ཀྱི་ཕན་ཡོན་ནི། འབག་བཙོག་ར་རི་ཉེས་སྐྱོན་སེར་སྣ་སོགས་མ་དག་པའི་སྐྱོན་མཐའ་དག་སྦྱང་ཞིང་རྣམ་པར་དག་པར་བྱེད་པའོ། །སྤེལ་བའི་ལྷ་རྣམ་པར་སྣང་མཛད། སྔགས་ནམ་མཁའ་མཛོད་ཀྱི་སྔགས་ཞེས། ན་མསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏཱ་ཏེ་སྤ་ར་ཎ་ཨི་མཾ་

[Full Size]

ག་ག་ན་ཁཾ་སྭཱ་ཧཱ། ཕྱག་རྒྱ་ནི་དཔྲལ་བར་མཛོད་སྤུའི་ཐད་དུ་ལག་པའི་རྟིང་པ་སྤྱད་ཅིང་གུང་མོ་གཉིས་དང་སྲིན་ལག་གཉིས་པོ་སོ་སོར་སྤྱད་ནས་ཚིགས་པ་དབུས་བཅག །མཐེབ་མཛུབ་གཞན་ཐམས་ཅད་བསྒྲེང་བ་ནི་རིན་པོ་ཆེའི་སྒྲོམ་བུའི་ཕྱག་རྒྱ་སྟེ། ས་བོན་གྱི་སྒྲོམ་བུའི་ནང་དེར་ཡི་གེ་ཁཾ་སྔོན་པོ་ལས་འོད་འཕྲོས་པས། བྱིན་རླབས་ནི། གཏོར་མཆོད་ཐམས་ཅད་འདོད་ཡོན་ནམ་མཁའི་མཛོད་བཞིན་ཟད་པ་མེད་ཅིང་རྒྱུན་མི་འཆད་པར་སྤེལ་བའོ། །བསྒྱུར་བའི་ལྷ་བདུད་རྩི་འཁྱིལ་པའི་སྔགས་ནི། བདུད་རྩི་ཐབས་སྦྱོར་ཞེས། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཕྱག་རྒྱ་ནི། མགྲིན་པར་ཐལ་མོ་ཁ་བྱེ་བ་པདྨའི་དབྱིབས་ལྟ་བུའི་དབུས་སུ། ས་བོན་ནི་ཧྲིདམར་པོ་ལས་འོད་འཕྲོས་པས། བྱིན་རླབས་ནི། གཏོར་རྫས་དེ་དག་ཐམས་ཅད་དངོས་པོ་གཅིག་ཙམ་མ་ཡིན་པར། གཟུགས་སྒྲ་དྲི་རོ་རེག་བྱ་དཀར་མངར་ཤ་ཁྲག་ལ་སོགས་མགྲོན་སོ་སོར་རང་རང་ཅི་འདོད་པའི་དངོས་པོར་བསྒྱུར་བའོ། །ཐོབ་པའི་ལྷ་རིན་ཆེན་འབྱུང་ལྡན། སྔགས་ནི་རྒྱ་ཆེན་ཤུགས་ལྡན་འོད་ཀྱི་གཟུངས་ཞེས། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུཾ། ཕྱག་རྒྱ་ནི།

[Full Size]

གཡོན་མཛུབ་མོ་ཐུགས་ཀར་བསྒྲེང་ཞིང་། གཡས་མཆོག་སྦྱིན་ཐུར་དུ་བརྐྱངས་བའི་རྩེ་མོར། ས་བོན་ཧཱུྃ་སེར་ལས་འོད་འཕྲོས་པས། བྱིན་རླབས་ནི། མགྲོན་སོ་སོའི་ལས་སྒྲིབ་ཀྱིས་མ་བསྔོས་ན་མི་འཐོབ་པའམ། དབང་ཆེ་བ་དག་གིས་ཀྱང་ཁས་ཉན་དབང་ཆུང་རྣམས་ཀྱིས་མི་འཐོབ་པ་ཡོད་པས། ཆེ་ཆུང་ཐམས་ཅད་ལ་ཉེ་རིང་ཕམ་རྒྱལ་འཐབ་རྩོད་སོགས་མེད་པར་ཀུན་སྙོམས་ཆེན་པོར་ཐོབ་ཕར་བྱེད་པའོ། །ཚིམ་པའི་ལྷ་དོན་ཡོད་གྲུབ་པ། སྔགས་ནི་ཡེ་ཤེས་སྐར་མདའི་གཟུངས་ཏེ། ཨོཾ་ཛྙཱ་ན་ཨ་བ་ལོ་ཀི་ཏེ་ས་མནྟ་སྤ་ར་ཎ་རསྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུཾ། ཕྱག་རྒྱ་ནི། གཡོན་ཐལ་མོ་གྱེན་དུ་ཁ་བཟེད་པ་ལྟ་བུའི་སྟེང་ན། གཡས་ཁུ་ཚུར་ཁ་སྦུབ་མཐེ་བོང་བསྒྲེངས་ཤིང་མཛུབ་མོ་གཅིག་རྒྱབ་གཅིག་བསྐོར་བ་ནི་དྲིལ་བུའི་ཕྱག་རྒྱར་གྲགས་པ་བྱས་པའི་ནང་དུ་ས་བོན་ཧཱ་ལྗང་གུ་ལས་འོད་འཕྲོས་པས། བྱིན་རླབས་ནི། མགྲོན་རྣམས་ཀྱི་རེ་བ་ཡིད་བཞིན་དུ་སྐོངས་ཤིང་ཚིམས་ནས་འདོད་པ་རྫོགས་པར་བྱེད་པའོ། །དབང་དུ་བྱེད་པའི་ལྷ་ཕྱག་ན་རྡོ་རྗེ། སྔགས་ནི་དབང་བསྒྱུར་མཆོག་གི་གཟུངས་ཏེ། ནུ་མས་མནྟ་བུདྡྷཱ་ནཾ་གྲ་ཧེ་ཤྭ་རི་པྲ་བྷ་ཏེ་ཛོ་བ་ཏི་ནི་མ་ཧཱ་ས་མ་ཡ་སྭཱ་

[Full Size]

ཧཱ། ཕྱག་རྒྱ་ནི། སོར་མོ་རྒྱབ་སྤྲད་པ་གཅིག་ལ་གཅིག་འཁྱུད་མཐེ་བོང་རང་རང་གི་ལག་མཐིལ་དུ་བཀུག་པ་ལ་དབང་བསྒྱུར་འཁོར་ལོའི་ཕྱག་རྒྱ་ཟེར་བ་དེའི་མཐིལ་དུ། ས་བོན་ཛདམར་པོ་ལས་འོད་འཕྲོས་པས། བྱིན་རླབས་ནི། མགྲོན་རིགས་མཆོག་དམན་མཐའ་དག་བདག་གི་དབང་དུ་འདུས་ནས་ཇི་ལྟར་བཀའ་བསྒོ་ཞིང་ཕྲིན་ལས་བཅོལ་བ་ཐམས་ཅད་ཐོག་པ་མེད་པར་བསྒྲུབ་པར་འགྱུར་བར་བསམ་པའོ། །དེ་ལྟར་ལྷ་དྲུག་པོ་རྣམས་རང་ཉིད་སྤྱན་རས་གཟིགས་སྐད་ཅིག་སྐད་ཅིག་ལ་དེ་དང་དེར་གནས་འགྱུར་བར་བསྒོམ་པ་སྟེ། ལྷ་ཐམས་ཅད་དོན་ལ་ཐ་མི་དད་ཀྱང་གང་ལ་གང་འདུལ་དུ་སྤྲུལ་པས་ཤེས་པར་བྱའོ། །བཟླས་པ་བྱེད་པའི་བར་མཚམས་སུ་གཞན་ལ་གཏམ་བྱ་དགོས་བྱུང་ན་སྣ་ཕུག་ཏུ་ཕུས་འདེབས་པ་ནི་སྔགས་ཀྱི་ནུས་པ་མི་ཉམས་པའི་ཕྱིར་ལ་བསམ་པ་སྟེ། འདི་ཙམ་དུ་མ་ཟད་སྤྱིར་ཡང་སྒོ་གསུམ་དཀྱིལ་འཁོར་གསུམ་དང་མི་འབྲལ་བའི་རྣལ་འབྱོར་དམ་པ་དག་ལ་ནི་ནུས་པ་ཉམས་མི་ཉམས་སོགས་ཀྱི་སྐྱོན་ཡོད་ལས་འདས་མོད། དེ་ལས་གཞན་པའི་གང་ཟག་དཀྱུས་མ་རྣམས་ལ་ནི་སྔགས་ཀྱི་དམ་ཚིག་རྣམས་ཚུལ་བཞིན་ངོ་ཤེས་མཁན་ཡང་དཀོན་ལ། ཤེས་ཀྱང་སྤང་

[Full Size]

བླང་ཇི་ལྟར་བྱེད་རང་དབང་འདུ་བ་ཡང་དཀའ་མོད་ཀྱི། གཞུང་ནས་གང་གསུངས་བྱེད་པའི་ཚེ་ན་སྔགས་ཀྱི་ནུས་པ་ཉམས་པར་འགྱུར་བའི་སྤང་བྱ་ལ། རྫུན་དང་ཕྲ་མ་ངག་འཁྱལ་ཚིག་རྩུབ་སྟེ༔ ངག་གི་ཉེས་པ་རྣམ་བཞི་དང་། ཁྱད་པར་བླ་མ་དཀོན་མཆོག་གསུམ་ལ་སྐུར་པ་འདེབས་པ། གྲུབ་མཐའ་ཆོས་ལུགས་ཐ་དད་ལ་ཆགས་སྡང་ཀུན་སློང་གི་ངག་སྒྲིབ་བསགས་པ་རྣམས་སྐྱོན་ཆེ་ཞིང་གསུང་གི་དམ་ཚིག་ཉམས་པའི་རྩ་བ་ཡིན་ཀྱང་དེང་སང་གསུང་མཁན་མི་རྙེད་དོ། །གཞན་གང་སྔགས་ཀྱི་ནུས་པ་ཟས་ལོག་གིས་འཕྲོག་པ་ཞེས། བྱིན་བརླབས་མ་བྱས་པའི་ཤ་ཆང་མདོ་སྔགས་གཉིས་ཀའི་དམ་ཚིག་ལས་འགལ་བ་དང་། སེམས་ཅན་གྱི་ལྕེ་ཟོས་པས་སྔགས་ཀྱི་ནུས་པ་གཏན་རླག་ཏུ་འགྱུར་བ་དང་། ལན་ཚྭའི་རིགས་ཐམས་ཅད་ཧ་ཅང་མང་བས་ཀྱང་ནུས་པ་ཆུང་དུ་འགྲོ་བར་བཤད། སྒོག་པས་ཞག་བདུན་གྱི་བར་དུ་ནུས་པ་ཉམས་པར་བྱེད། བཙོང་གི་རིགས་དམར་པྲ་དང་། རི་སྒོག་གི་རིགས་ཐམས་ཅད་ཀྱིས་ཞག་བཅུ། ལ་ཕུག་གིས་ཞག་བཅུ། ཟྭ་ཚོད་ཀྱིས་ཞག་བཅོ་ལྔའི་བར་དུ་སྔགས་ཀྱི་ནུས་པ་ཉམས་པར་གསུངས་ཤིང་། ཕ་དམ་པའི་གདམས་ངག་རྟེན་འབྲེལ་བརྒྱ་རྩ་སོགས་ནས་ལྕེ་མ་གཏོགས་པའི་

[Full Size]

ཟས་ལོག་སོ་སོའི་གཉེན་པོར་དབྱངས་གསལ་གྱི་སྔགས་ཐ་དད་པ་རེ་རེ་བཟླ་ཚུལ་སོགས་ཡོད་ཀྱང་། དགོངས་འདུས་ཀྱི་བཟླས་བརྗོད་ནུས་པ་སྟོབས་འབྱིན་གྱིས་ནི་དེ་ཐམས་ཅད་སྤྱིར་དྲིལ་བའི་གཉེན་པོ་ཡིན་པས་ཅིས་ཀྱང་གལ་ཆེ་བར་གསུངས་སོ། །གཞན་ཡང་སྔགས་བཟླས་པས་མཆིལ་མ་གཞན་གྱི་འགོང་སར་བོར་བ་དང་། མཚོན་ཆའི་རིགས་ཀྱི་རྩེ་མོ་ཁ་ནང་དུ་བཅུག་པ་དང་། དམ་ཉམས་ཀྱི་རིགས་དང་ཁ་བསྡོང་བ་སོགས་འཛེམ་ཆ་མང་དུ་གསུངས་ནའང་། དེང་སང་ནི་སྤྱིར་ཡང་དེ་ཐམས་ཅད་བསྲུང་ཐུབ་པ་དཀའ་ལ། ཁྱད་པར་དམ་ཉམས་མིན་པའི་གང་ཟག་དཀོན་པའི་གཤིས་ཀྱིས་དཀའ་ལས་ཆེ་བར་སྣང་ཚེ། ཡིག་བརྒྱ་དང་དབྱངས་གསལ་རྟེན་འབྲེལ་སྙིང་པོ་སོགས་ལ་བློ་གཏད་པ་ལས་གཞན་པའི་ཐབས་མ་མཆིས། མེད་དོ། །ཇི་སྐད་དུ། རྗེ་བཙུན་ས་སྐྱ་པཎྜི་ཏའི་ཞལ་ནས། དེས་ན་འདུལ་བའི་བསྟན་པ་ནི། །གཟུགས་བརྙན་ཙམ་ཞིག་དེང་སང་སྣང་། །འབྲས་བུ་གསང་སྔགས་བསྟན་པ་ནི། །གཟུགས་བརྙན་ཙམ་ཡང་མི་སྣང་ངོ། །ཞེས་གསུངས་པ་ཐུགས་བདེན་པར་བྱེད་དོ། །དེས་ན་དེང་སང་གི་བསྐལ་དུས་ཀྱི་དབང་གིས་གསང་སྔགས་སྤྱི་མཐུན་གྱི་དམ་

[Full Size]

ཚིག་བསྲུང་བྱའི་ལབ་བརྗོད་ཇི་བཞིན་པ་བཏང་ཡང་དགོས་མེད་དུ་འགྱུར་བར་གདའ་བས་ན། དེ་བས་ཀྱང་ཐེག་པ་དང་རྒྱུད་སྡེ་གོང་མ་ལྟར་གཟུགས་སུ་སྣང་བ་ཐམས་ཅད་ཡི་དམ་གྱི་ལྷ། སྒྲ་རུ་གྲག་ཚད་ཐམས་ཅད་སྔགས་སྒྲ། དྲན་རྟོག་གི་འཆར་སྒོ་ཐམས་ཅད་ཆོས་ཉིད་ཡེ་ཤེས་ཀྱི་རོལ་པ་འབའ་ཞིག་ཡིན་པར་མོས་པའི་འཁྱེར་སོ་ལ་བློ་ཐག་གཅོད་པ་ཐམས་ཅད་མཆོག་ཏུ་གལ་ཆེ་བར་གདའ་འོ། །ཐུགས་དམ་ངེས་དོན་གྱི་དོན་ཆ་ལྟར། མི་ཚེ་སྤྲིན་བར་གྱི་ཉི་མ་ཙམ་འདི་ལ་ལྟོ་གོས་མ་འདང་གི་དོགས་པས། རྩོལ་སྒྲུབ་ཀྱི་ངང་ལ་ཤི་བ་སླེབས་པ་ཟློམིག་གིས་མཐོང་བཞིན་ད་དུང་རང་ལ་འདི་འདྲ་འོང་སྙམ་པ་ཡིད་ལ་མི་དྲན་པར་འཇིག་རྟེན་གྱི་ཤོམ་ར་མང་པོ་བྱེད་པའི་བཙུན་པ་འདི་ཚོ་ལ་བལྟས་ནས། རང་གིས་རང་ལ་དྲན་བསྐུལ་བྱེད་དགོས་པ་དང་། ཆོས་དང་ཡོན་ཏན་ཤེས་ཤེས་མང་ཡང་ཤི་དུས་དགོས་ངེས་ཀྱི་སྒོམ་ཞིག་མེད་ན་གཞན་གང་གིས་ཀྱང་འཆི་ཁར་མི་ཕན་པའི་ཚུལ་ལ་བསམ་བློ་ཐེངས་པ་དགའ་རབ་ཡིན། །དེས་ན། མཁའ་ཁྱབ་ཀྱི་མ་རྒན་སེམས་ཅན་ཐམས་ཅད་བྱང་ཆུབ་ལ་འགོད་ཕྱིར་བདག་གི་དགེ་སྦྱོར་བྱའོ་སྙམ་པའི་སེམས་བསྐྱེད་ཀྱི་ངང་ནས། བླ་མའི་རྣལ་འབྱོར་བསྒོམ་ཞིང་གསོལ་བ་

[Full Size]

བཏབ་སྟེ། ༈ རང་སེམས་རང་ངོ་ཤེས་པར་བྱིན་གྱིས་རློབས། །བློ་རྒྱུད་ཆོས་དང་འདྲེས་པར་བྱིན་གྱིས་རློབས། །རང་རིག་ཆོས་སྐུར་རྟོག་པར་བྱིན་གྱིས་རློབས། །ཚེ་གཅིག་སངས་རྒྱས་ཐོབ་པར་བྱིན་གྱིས་རློབས། །སྙམ་པ་ཞེ་ཐག་པ་ནས་མོས་གུས་གདུང་ཤུགས་བསྐྱེད་ལ་གསོལ་བ་བཏབ་པས། བླ་མའི་གནས་གསུམ་ནས་འོད་ཟེར་སྣ་ཚོགས་འཕྲོས་པ་རང་གི་གནས་གསུམ་དུ་ཐིམ་པས། །སྒོ་གསུམ་གྱི་སྒྲིབ་པ་དག་པར་བྱེད་པ་དེ་ལ་ཐག་བཅད། དེའི་ངང་ནས་འགྱུ་བ་གང་བྱུང་ཡང་འཕྲལ་བརླག་འགྲོ། གང་ཡང་མི་ཚོར་བའི་ནག་ཐོམ་བྱུང་ན་བླ་མ་དྲན་པའམ། དེར་མ་ཟད་ནག་ཐོམ་དེའི་ངང་ལ་མི་བཞག་པར། ཁ་འདོན་བཟླས་བརྗོད་ལྟ་བུའམ། ལག་ལས་སམ། འགྲོ་འདུག་ལྟ་བུ་བྱས་ཏེ། མདོར་ན་ནག་ཐོམ་དེ་ལ་མ་ཤོར་བར་བྱ། གཞན་རྣམ་རྟོག་འགྱུ་བ་མང་བ་སྐྱོན་མེད་དེ། གང་འགྱུ་འགྱུ་དེ་ངོས་ཟིན་པར་བྱ་ཞིང་། འགྱུ་བ་འཕྲོ་མ་མཐུད་པ་ཞིག་ལ་བསླབ། གལ་ཏེ་ཞེ་སྡང་དྲག་པོའམ། ན་ཚ་ཟུག་གཟེར། སྡུག་བསྔལ་ཆེན་པོའི་རྣམ་རྟོག་རགས་པོ་ཚབས་ཆེན་རྣམས་ལ་ནི། ཐབས་གཞན་མི་བསྒོམ་པར། རྣམ་རྟོག་ཚབས་ཆེན་དེ་ཀའི་ཚོར་བ་མ་བདེ་ཀར་

[Full Size]

རེ་དེ་རང་ལ་རིག་པ་གཏད་ནས། མ་བདེ་བ་དེ་དང་རིག་པ་རྗེན་པ་གཉིས་ངོ་བོ་གཅིག་ལས་མེད་པས། དེ་ཀ་ཧྲིག་གེ་བའི་ངང་ལ་བཞག་པས་ཞེ་སྡང་ལྟ་བུ་ལ་ནི་ཡུན་གཅིག་སོང་བ་དང་། འཁྱགས་པ་ཆུར་ཞུ་བ་ལྟར་འགྲོ། དེ་ལྟ་བུ་ཉོན་མོངས་ཐམས་ཅད་ལ་འདྲ། མདོར་ན། དུས་རྒྱུན་དུ་བྱ་བྱེད་དང་རྐྱེན་གཞན་མེད་དུས་ལ་ནི་ཧ་ཅང་སྒྲིམ་མི་དགོས་པས་རང་བབ་ལྷོད་དེ། གུ་ཡངས་སང་ངེ་བའི་ངང་ལ་བཞག་པ་ཁོ་ནས་ཆོག་ལ། ལག་ལས་དང་། མི་མང་ཁྲོད་དང་། འགྲོ་འདུག་ཟ་འཐུང་སོགས་ཀྱི་སྐབས་སུ་ནི་ཅུང་ཟད་རིག་པ་ངར་ཆེ་ཙམ། གསལ་ཧྲིག་ཙམ་དུ་མ་བཏང་ན་ཚོད་མི་ཟིན་པར་དྲན་རིག་ཤུགས་ཆེ་ཙམ་བྱེད་དགོས། ཉལ་བའི་ཚེ་ཡང་རྟོག་པ་རྒྱ་ཡན་མི་བཏང་བར་དྲན་རིག་ཟིན་རུང་ལ་གཉིད་དུ་འགྲོ་བ་ཞིག་རྒྱུན་དུ་བསླབ་པར་བྱའོ།། ༈ སྲུང་འཁོར་ལས་འཕྲོས་པའི་དྲི་བ་དེ་ཚོ་ཁག་ཆེ་ས་ཡིན་སྣང་བས་གལ་ཆེན་དུ་བརྗོད་པ་ནི། སྤྱིར་སྔགས་ནས་བཤད་པ་ལྟར། དམིགས་པའི་སྤྲོ་བསྡུ་རྣམས་སྐད་ཅིག་རེ་རེ་ལ་རྣམ་པར་འགྱུར་བ་མཐའ་ཡས་པར་བསྒྱུར་དགོས་ཏེ། ཏིང་ངེ་འཛིན་གྱི་སྒོ་རབ་འབྱམས་མཐའ་ཡས་ཞེས་བྱ་བ་ཉིད་ཡིན་པས་ན། དམིགས་པ་གཅིག་

[Full Size]

བསྒོམས་ཚར་ནས་གཞན་བསྒོམ་ཐམས་མེད་པ་ལྟ་བུ་མ་ཡིན་ཞིང་། ཐམས་ཅད་སེམས་ཀྱི་རྣམ་རོལ་ཡིན་པ་ལ་འདི་དང་འདི་མི་འཕྲུག་པར་འདུག་སྙམ་པ་ལྟ་བུའི་གུ་དོག་བྱར་མི་རུང་བ་ནི་སྤྱིའི་གནད་ཆེ་ཤོས་ཡིན་ནོ། །བྱེ་བྲག་ཏུ། གསང་སྔགས་རྒྱུད་སྡེའི་རིམ་པ་སོ་སོ་ལ་བསྐྱེད་རྫོགས་བསྒོམ་ཚུལ་གྱི་རིམ་པ་ཡང་ཐ་དད་ཡོད་མོད་ཀྱང་། རྙིང་ལུགས་ཀྱི་གཙོ་ཆེ་བ་བཀའ་བརྒྱུད་དགོངས་འདུས་གཉིས་ཀྱང་མ་ཧཱ་ཨ་ནུ་སོ་སོའི་ཁྱད་ཀྱི་རྒྱ་ཆེ་བ་བསྐྱེད་རིམ་གཙོར་སྟོན་པ་གཏེར་ཁ་སོ་སོའི་བཀའ་བརྒྱད་ཕུར་པ་སོགས་དང་། ཟབ་པ་རྫོགས་རིམ་གཙོར་སྟོན་པ་དགོངས་འདུས་སོགས་བསྒོམ་ཚུལ་མི་འདྲ་བ་སྣ་ཚོགས་ཡོད་མོད་ཀྱིས། སྐབས་འདིའི་བརྗོད་བྱ་དགོངས་འདུས་ཉིད་ཀྱི་དཀྱིལ་ཆོག་གི་དབང་དུ་བགྱིས་པའི་གོ་དོན་ལ། ཐོག་མར་སྐྱབས་སེམས་ཡན་ལག་བདུན་སོགས་ལ་ནི་རང་ཉིད་ཐ་མལ་པའི་ཚུལ་དང་། དེ་ནས་སྔོན་གཏོར་གཞི་བདག་གསེར་སྐྱེམས་སྐབས་སུ། རང་ཉིད་ཁ་སར་པཱ་ཎི་དང་། །བགེགས་གཏོར་སྐབས་སུ་དེ་རྟ་མགྲིན་དུ་བསྒྱུར་བ་སོགས་ནི་གོ་སླ་ཞིང་། དེ་ནས་སྲུང་འཁོར་མཚམས་གཅོད་སོགས་ལ་བབ་ཚེ། རང་གི་རིག་པའི་ངོ་བོ་ནི་སྐད་ཅིག་གི་དྲན་རྫོགས་ཀྱིས་

[Full Size]

རྒྱུའི་ཧེ་རུ་ཀར་གསལ་ཏེ། དེ་ཡང་སྐུའི་ཁྱོན་ཆུང་ངུ་མ་ཡིན་པར་ནམ་མཁས་གར་ཁྱབ་ཀྱིས་འཇིག་རྟེན་ཁམས་མ་ལུས་ཁྱབ་པ། དག་དང་མ་དག་པའི་ཞིང་མཐའ་དག་དེ་ཉིད་ཀྱི་སྐུའི་ཁོག་པའི་ནང་ཆུད་པ་ལ། གདོས་བཅས་ཀྱི་སྐུ་མ་ཡིན་པའི་ཕྱིར་ཕྱི་ནང་ཐམས་ཅད་ཟང་ཐལ་སྒྲིབ་གཡོགས་མེད་པ་གཅིག་ཏུ་བསམ། དེ་ནས་བདག་གི་རྒྱུའི་ཧེ་རུ་ཀའི་ཐུགས་ཀར། ཞེས་་་སོགས་བརྒྱུད་པ་དང་མཐུན་པར་པད་ཉིའི་གདན་གྱི་སྟེང་དུ་སྣ་ཚོགས་རྡོ་རྗེའི་ལྟེ་བར་ཧཱུྃ་དམར་པོས་མཚན་པ་དེ་ནི་ཐུགས་སྲོག་གི་ས་བོན་ཡིན། ཧཱུྃ་ལས་འོད་འཕྲོས་པས་སྟེང་འོག་ཕྱོགས་མཚམས་ཐམས་ཅད་རྡོ་རྗེའི་ས་གཞི་དང་གུར་དུ་བྱིན་གྱིས་བརླབ་ཅིང་། མཚོན་ཆ་མེ་དཔུང་གི་སྲུང་གུར་དུ་བསྐྱེད་པ་ཡིན་ནོ། །ལས་བྱང་དུ། ས་བོན་ཧཱུཾ་ལས་སྣ་ཚོགས་རྡོ་རྗེ་འཕྲོས།། ཞེས་པ་ཡང་འདི་ཡིན། སྲུང་གུར་རྒྱ་ཆེན་པོ་དེའི་ནང་དུ་ཐུགས་སྲོག་ཧཱུྃ་ལས་ཧཱུཾ་སེར་གཅིག་འཕྲོས་པ་དེ་གནས་གྱུར་ཏེ་འཁོར་ལོ་སེར་པོ་རྩིབས་བཅུ་པར་གྱུར་པ་སྟེ། རྩིབས་བཅུ་ཞེས་པ་དེ་ཡང་ཕྱོགས་མཚམས་ལ་རྩིབས་བརྒྱད་དང་། སྟེང་འོག་གཉིས་སུ་རྩིབས་རི་རེ་སྟེ་དེ་གཉིས་ནི་དཔེར་ན་མ་ཎིའི་འཁོར་ལོའི་ལྕགས་ཀྱི་སྲོག་ཤིང་གི་སྐལ་པ་ལྟ་བུ་དང་། འཁོར་ལོའི་

[Full Size]

རྩིབས་རྣམས་ཀྱང་ལེབ་མོ་མ་ཡིན་ཏེ་སིལ་སྙན་ཁ་སྦྱར་བ་ལྟ་བུའམ། ཕུབ་གཉིས་ཁ་སྦྱོར་ལྟ་བུ་ནང་ཁོང་སེང་ཡོད་པ་དང་། སྟེང་འོག་གི་རྩིབས་གཉིས་ཀྱང་མདུང་གི་ལྕགས་སྦུབ་ལྟ་བུ་ནང་ཁོང་སྟོང་ཅན་ནོ། །མདོར་ན་སྲུང་འཁོར་གྱི་འཁོར་ལོ་ནི་ཕུབ་ཁ་སྦྱོར་ལྟ་བུ་ནང་ཁོང་སྟོང་ཅན་འདི་མ་ཤེས་ན། འཁོར་ལོ་ལེབ་མོར་བྱས་ན་ནང་དུ་ལྷ་བཞུགས་མི་འབྱུང་ཞིང་། སྟེང་འོག་གི་རྩིབས་གཉིས་པོ་མེད་ན་ཧཱུཾ་ཀར་སྟོབས་ཆེན་གཉིས་པོ་བཞུགས་ཐབས་མི་འབྱུང་ཕྱིར། །དེས་ན་ཕྱི་འཁོར་ལོའི་དབྱིབས་ཡིན་པ་ལ་ནང་ཐམས་ཅད་ཁོང་སྟོང་གི་རྣམ་པ་ཡིན་ནོ། །འཁོར་ལོའི་རྒྱ་ཁྱོན་ནི་ཤིན་ཏུ་ཆེ་བ་འཇིག་རྟེན་གྱི་ཁམས་དང་མཉམ་པར་མོས་ལ། ཁོང་སྟོང་གི་ནང་དེར་དབུས་དང་རྩིབས་བཅུ་སོ་སོའི་ནང་གི་དཀྱིལ་དུ་ཉི་མའི་གདན་རེ་རེ་ལ། རྒྱུའི་ཧེ་རུ་ཀའི་ཐུགས་སྲོག་ཧཱུྃ་ལས་འཕྲོས་པའི་བྷཾ་དང་ཧཱུྃ་བཅུ་རྣམས་གནས་འགྱུར་བ་ལས་འཁོར་ལོའི་བསྒྱུར་བ་དང་ཁྲོ་བོ་བཅུ་རྣམས་བསྐྱེད་ཅིང་། ཡེ་ཤེས་པ་སྤྱན་དྲངས་ཤིང་་བསྟིམ་པ་དང་། དབང་བསྐུར་རྒྱས་གདབ་སོགས་གཞུང་ཚིག་དང་མཐུན་པར་བསྐྱེད་དོ། །འདི་སྐབས་སུ། སྒྲུབ་པ་པོ་རང་ཉིད་ཀྱིས་སྲུང་སྐྱོབ་བྱ་དགོས་པའི་རིགས་ཀྱི་སྦྱིན་བདག་

[Full Size]

སོགས་བསྲུང་བྱ་ཡོད་ན་དེ་ཐམས་ཅད་སྲུང་གུར་གྱི་ནང་ཁོངས་སུ་ཆུད་ནས་ཡོད་པར་བསམ་པ་དང་། ལུས་ཐམས་ཅད་རྡོ་རྗེའི་གོ་ཁྲབ་དང་། ཞུབ་ཆེན་ལུགས་སུ་གྱུར་པས། བར་ཆད་ཀྱིས་མི་ཚུགས་པར་བསྒོམ་པར་གསུང་འདུག་མོད་ཀྱིས། བདག་སོགས་ནི་མཁའ་མཉམ་སེམས་ཅན་སྐྱབས་འོག་འཇུག་ཁུལ་མ་གཏོགས་ཕྱི་ནང་གི་དབྱེ་བ་བྱར་མེད་དོ།། ༈ དེ་ལྟར་སྲུང་འཁོར་བསྒོམ་ཚུལ་བསྟན་ནས། ཆོ་ག་དངོས་ཀྱི་སྐབས་ལ་བབ་ཚེ། བདག་བསྐྱེད་ལ་ནི་ཏིང་འཛིན་རྣམ་གསུམ་དང་གཞལ་ཡས་ཁང་བསྐྱེད་པའི་ཚིག་རྣམས་དོན་དང་མཐུན་པར་བྱ་ཞིང་། སྲུང་འཁོར་འཁོར་ལོ་དང་བཅས་པའི་དབུས་སུ་གཙུག་ཏོར་འཁོར་སྒྱུར་གྱི་སྐུ་རབ་ཏུ་ཆེ་བའི་ལྟོ་བའི་ནང་དུ་བདག་མདུན་ཐམས་ཅད་བསྐྱེད་པའི་ཡུལ་ཡིན་ཚེ། དང་པོར་བདག་བསྐྱེད་ལ་ཡང་། ཆོ་ག་གཞུང་བཞིན་སོ་སོར་ནི་རང་གི་རྒྱུད་སྡེའི་རིམ་པ་དང་མཐུན་པའི་བསྒོམ་ཚུལ་ཐ་དད་འབྱུང་མོད་ཀྱིས། ལས་བྱང་མེ་ཏོག་ཕྲེང་མཛེས་འདི་ནི་ལུང་ཨ་ནུ་ཡོ་ག་དང་མཐུན་པར། མ་སྐྱེས་རྫོགས་པའི་ཚུལ་དུ་བསྒོམ་པ་ཞེས་བྱ་བ་ཡིན་ཕྱིར། བློ་འབྱུང་བ་མེ་རླུང་འཁྲུགས་པའི་ཞེས་སོགས་ཀྱི་གཞལ་ཡས་ཁང་བསྐྱེད་པ་དེ་དག་ཀྱང་འབྱུང་འདུས་ཀྱི་ཕུང་པོ་

[Full Size]

འདི་བཟོ་དབྱིབས་བསྒྱུར་ནས་གཞལ་ཡས་སུ་བསྒོམ་རྒྱུ་ནི་མ་ཡིན། གཟུགས་ཕུང་ཁོ་རང་ཡེ་ནས་དཀྱིལ་འཁོར་གཞལ་ཡས་སུ་ལྷུན་གྱིས་གྲུབ་པ་ཡིན་པའི་ཡིན་ཚུལ་གསལ་འདེབས་པ་ཡིན་ལ། དེ་བཞིན་དུ་གདན་ཡང་རྣམ་ཤེས་ཚོགས་བརྒྱད་ནི་པདྨ་འདབ་བརྒྱད་དང་། ཐབས་ཤེས་ནི་ཉི་ཟླའི་གདན་ཡིན་པར་ཤེས་རྒྱུ་དང་། སྐབས་འདིར། སྔར་གྱི་རང་རིག་རྒྱུའི་ཧེ་རུ་ཀའི་ཐུགས་སྲོག །དེ་ཉིད་ནམ་མཁའ་ནས་བྱ་བབས་པ་ལྟར་བྱུང་སྟེ། རྣམ་ཤེས་འདབ་བརྒྱད་ཀྱི་གདན་ལ་བབས་པ་དེ་ཉིད་གཙོ་བོ་པདྨ་བཛྲ་ཡབ་ཡུམ་དུ་ལྷུན་གྱིས་གྲུབ་པ་དང་། འཁོར་གྱི་ལྷ་ཚོགས་ཐམས་ཅད་ཀྱང་དེའི་ཉི་མ་དང་འོད་ཟེར་གྱི་ཚུལ་དུ་བཞུགས་པར་ངེས་ཤེས་བསྐྱེད་ཅིང་། རྒྱུའི་ཧེ་རུ་ཀའི་རྣམ་པ་ནི་ཆོས་ཀྱི་དབྱིངས་སུ་འཇའ་སྤྲིན་ནམ་མཁར་ཡལ་བ་བཞིན་ནོ།། ༈ དེ་ལྟར་བདག་བསྐྱེད་ཀྱི་ལས་གཞུང་རྣམས་ཐམས་ཅད་མཐར་ཆགས་སུ་བགྱིས་གྲུབ་པ་དང་། མདུན་བསྐྱེད་ལ་བབ་པ་ན། བདག་བསྐྱེད་སྔགས་ཀྱི་ཐུགས་སྲོག་ཧཱུྃ་དེ་ཉིད་པདྨ་བཛྲ་ལ་ཧྲིདམར་པོ་བསྒྱུར་ཞིང་དེ་ལ་འབྱུང་བ་རིམ་བརྩེགས་ཀྱི་ས་བོན་རྣམས་འཕྲོས་ཏེ། ཨེ་ལས་ནམ་མཁའ་ཡཾ་ལས་རླུང་སོགས་དང་། བྷྲུཾ་ལས་གཞལ་ཡས་

[Full Size]

ཁང་སོགས་མངོན་རྟོགས་ཉིད་ཀྱི་ཚིག་དང་མཐུན་པར་མདུན་བསྐྱེད་དཀྱིལ་འཁོར་ལྷར་བཅས་ཀྱང་གཙུག་ཏོར་འཁོར་སྒྱུར་གྱི་ལྟོ་བར་བདག་བསྐྱེད་དང་ཞལ་སྤྲོད་ཀྱི་ཚུལ་དུ་གསལ་ནས་ཆོ་གའི་ལས་རིམ་རྣམས་ཐམས་ཅད་བྱའོ། །མཐར་བསྡུ་ཆོག་སྐབས་ལ་ནམ་བབས་པའི་ཚེ། ཨོ་ཁྱེད་ཀྱིས་སེམས་ཅན་དོན་ཀུན་མཛད། །སོགས་ཀྱི་མདུན་བསྐྱེད་ཀྱི་ཡེ་ཤེས་པ་གཤེགས་སུ་གསོལ་ལ། ཕྱི་སྣོད་ནང་བཅུད་ཐམས་ཅད་དང་། སྲུང་བའི་གུར་ཁང་འཁོར་ལོས་སྒྱུར་བ་ལ་ཐིམ། འཁོར་སྒྱུར་ཉིད་གཞལ་ཡས་ཁང་ལ། དེ་ལྷ་ཚོགས་ལ། ལྷ་ཡང་འཁོར་ཐམས་ཅད་གཙོ་བོ་ཡབ་ཡུམ་ལ། ཡུམ་ཡབ་ལ། ཡབ་ཀྱང་ཐུགས་སྲོག་ས་བོན་ལ། ཐུགས་སྲོག་བདག་བསྐྱེད་ཀྱི་ཐུགས་ཀར་བསྡུའོ། །བདག་བསྐྱེད་ཀྱི་རྐྱེན་བཞི་པོ་གསུང་རབ་སྤྱི་བབ་ཀྱིས་རྐྱེན་བཞི་དང་སྒོ་བསྟུན་ནས་བཤད་པ་སྟེ། དེ་ཡང་རྒྱུའི་རྐྱེན་ནི། བདུད་རྩི་སྨན་གྱི་རྒྱུ་དང་ཐམས་ཅད་འཛོམས་ཞིང་གཙང་ལ་དག་ལ། བདག་པོའི་རྐྱེན་ནི་སྟོན་པ་རྡོ་རྗེའི་སློབ་དཔོན་ཡིན་པས། དེའི་དམ་ཚིག་རྒྱུད་སྡེ་རྣམས་ལས་ཇི་ལྟར་གསུངས་བའི་ཡོན་ཏན་ཚང་བ། དམིགས་པའི་རྐྱེན་ནི་བདུད་རྩི་སྨན་དེ་ཉིད་སྒྲུབ་པའི་ཏིང་ངེ་འཛིན་ཚུལ་ལྡན་དང་།

[Full Size]

དེ་མ་ཐག་པའི་རྐྱེན་ནི་སྒྲུབ་ལུགས་ཀྱི་ཕྱག་བཞེས་ཆོ་ག་སྦྱོར་དངོས་རྗེས་གསུམ་རྣམ་པར་དག་ཅིང་ངེས་ལ། གཟུ་ལུམ་དང་རས་གཅོད་ཟོལ་ཟོག་གི་མ་བསླད་པར། །གཞུང་དང་མཐུན་པར་སྒྲུབ་པའི་བདུད་རྩི་དགོས་པ་ཉིད་དོ། །དེ་ལྟར་ན་བདུད་རྩི་སྨན་གྱི་སྐབས་དོན་རྒྱུ་དྲུག་རྐྱེན་བཞི་ནི་འདི་དག་ཡིན་ནོ།། ༈ ཨོའབད་ཛྲ་ས་ཏོ་ས་མཱ་ཡ། མ་ནུ་པཱ་ལ་ཡ། འབད་ཛྲ་ས་ཏོ་ཏྭེ་ནོ་པ། ཏིས་སེ་ཋ་ཌི་རྟོ་མེ་བྷ་ཝ། སུ་ཏོས་སེ་ཡོ་མེ་བྷ་ཝ། སུ་པོས་སེ་ཡོ་མེ་བྷ་ཝ། ཨ་ནུ་རག་ཏོ་མེ་བྷ་ཝ། སརྦ་སིད་དྷིམ་མེ་པྲ་ཡད་ཚ། སར་བ་ཀར་མ་སུ་ཙ་མེ། ཙི་ཏང་ཤེ་ཡས། ཀུ་རུ་ཧཱུཾ། ཧ་ཧ་ཧ་ཧ་ཧོ༔ བྷ་ག་ཝཱན། སར་བ་ཏ་ཐཱ་ག་ཏ། འབད་ཛྲ་མཱ་མེ་མུན་ཙ། འབད་ཛཱི་བྷ་ཝ་མ་ཧཱ་ས་མ་ཡ་ས་ཏོ་ཨཱ་ཡིག་བརྒྱའི་འདོན་ཚུལ་འདི་བཞིན་ཡིན་མིན་གྱི་དྲི་བའི་ལན་དུ་བརྗོད་པར་བྱ་སྟེ། བཛྲ་ཞེས་པ་འདི་སྔགས་ཐམས་ཅད་ལ་ཡོད་མོད་ཀྱང་།་འདོན་ལུགས་ལ་ཆོས་རྒྱུད་སོ་སོའི་མིག་སྲོལ་སྟབས་ཀྱིས། ལ་ལས་འབད་ཛྲ་ཟེར་འདུག་སྟེ་འདི་ལ་ད་ཡི་སྒྲ་དེ་དགོས་དོན་མེད་ཕྱིར་འབའ་ཛྲ་ཞེས་བརྗོད། པ་ཏིཥྛ་འདི་ལ་པ་ཏིས་ཋ་ཞེས་པ་མ་གཏོགས་སོའི་སྒྲ་མི་དགོས་ཤིང་འདི་

[Full Size]

བཞིན་སུ་ཏོས་ཡོ་དང་། སུ་པོས་ཡོ་དང་བཅས་པ་ཐམས་ཅད་འདྲ་བར་སེ་དེ་མི་དགོས། དྲི་བྷྱོ་ལ་དེང་སང་འདྲི་བའི་སྐབས་སུ་ཡང་ཊཱི་ཞེས་འབྲི་བ་དང་། ཞབས་དྲུང་ལོ་ཆེན་སོགས་ཀྱི་གསུང་སྒྲོས་ལ་ཞིབ་ཆ་ཡང་ཡང་ཞུས་པ་ཡིན་པས། འདི་ནི་འབྲི་བའི་སྐབས་སུ་ཡང་ཌི་མི་བྲི་སྟེ། དྲི་གསལ་བྱེད་ད་ཡི་ཁོངས་སུ་དབྱངས། རི་ཞུགས་པ་ཡིན་པས་ད་ལ་ར་བཏགས་གི་གུ་ཕྱིར་ལོག་ངེས་པར་འབྲི་དགོས་ལ་འདོན་ལུགས་ཀྱང་འདི་རུ། ཞེས་པ་དང་ཕྱོགས་འདྲ་མ་གཏོགས། འདྲི་ཟེར་རྒྱུ་མིན་ཏེ་གསུངས་འདུག་པས། རྗེ་རྣོ་ཞེས་པའི་འདོན་ལུགས་འདི་རི་སྒྲོ་ཞེས་པ་ལྟ་བུ་བྱའོ། །ཙིཏྟཾ་ཤེ་ཡ། ཞེས་པའི་སྐབས་འདིར་ཏའི་ཀླད་ཀོར་འདོན་ཚུལ་དགའ་འདམས་ཡོད་དེ། སྔགས་ཀློག་གཞུང་ལས་རང་རང་སྡེ་པའི་ལྔ་རུ་བཀླག །ཅེས་གསུངས་པ་ལྟར་ན། ཏ་ཐ་ད་དྷ་ན། ཏའི་སྡེ་ཚན་ལྔ་པ་ན་ཡིན་པའི་ཕྱིར་ཙིད་ཏན། ཞེས་པ་ན་རུ་བཀླག་ཀྱང་རུང་ལ། ཡང་། ཤད་ཀྱི་ཆོད་ན་རང་ཉིད་རྩི་ཞེས་པའི་དོན་ཡང་འདི་ཀ་ཡིན་ཞིང་། ཤད་མེད་ན་ནི་འོག་མ་རྩི། ཞེས་པའི་ལུགས་དང་བསྟུན་ནས་ཐེའི་ཤ་དང་བསྟུན་རྒྱུ་ཚེ། དེ་བྱས་ན་ཡ་ར་ལ་ཝ་ཤ་ཥ་ས་ཧ། ཡ་སོགས་བརྒྱད་ལ་ང་རུ་བཀླག །ཅེས་པའི་

[Full Size]

ལུགས་ལྟར་བྱས་ན། ཙིད་ཏང་ཞེས་འདོན་པ་ཡིན་པས་དེས་ན་འདི་དང་ན་འདི་དང་དང་ང་གཉིས་གང་མོས་བྱ་ཆོག་པར་རྩིས་མཁན་མང་འདུག་ཀྱང་། སྐད་དོད་གོང་འོག་ཆ་ཤས་འབྲེལ་འབྲེལ་ལ་ཞིབ་ཏུ་བརྟག་ན་ནི། སྲིད་ཏན་ཞེས་ན་རུ་བཀླག་དགོས་མདོག་ཁ་འདུག་གོ །བྱེ་དང་ཤྲཱི་གཉིས་ནི་གང་ཡང་བྲིས་ཡོད་འདུག་པ་སྐད་དོད་ལ་སོང་ན་ཐེ་བྲི་དགོས་པར་སྣང་སྟེ། ཤི་ནི་བོད་སྐད་དུ། དཔལ་ཡིན་ཞིང་། ཐེ་ནི་བདེ་ལེགས་ལ་འཇུག་པ་ཡིན་ཕྱིར་ཡིག་བརྒྱའི་སྐབས་འདིར་ཙིཏྟཾ་ཤེ་ཡཋཀུ་རུ་ཞེས་པ་བདག་གིས་སེམས་ལ་བདེ་ལེགས་སུ་མཛོད་ཅིག །ཅེས་པ་ཡིན་པས་ན། བྲེ་དགོས་པར་གསུངས། ཡཞེས་པ་དང་། ཡཾ་ཞེས་པ་འགའ་འདམ་བྱས་ཆོག་སྟེ། དེ་གཉིས་ཀ་རྣམ་དབྱེའི་བསྒྲུབ་ཚུལ་གྱི་ཁྱད་ཙམ་མ་གཏོགས་འགལ་མེད་དུ་བཤད། བྷ་ག་ཝཱན། ཞེས་པ་ནི་བཅོམ་ལྡན་འདས་ཞེས་པའི་སྐད་དོད་ཡིན་ཏེ། བྷ་ག་ཝ་ཏི་ཞེས་པ་ནི། བཅོམ་ལྡན་འདས་མ་ཞེས་ཏེ་དེའི་ནུས་པས་མའི་སྒྱུ་སྒྲའི་སྒྲར་འགྱུར་བ་སྟེ། འདི་གཉིས་དང་གུ་རུ་དྲག་པོའི་སྔགས་ཀྱི་བྷ་ག་ཝ་ཏེ་དང་། གཞན་ཡང་ཚེ་གཟུངས་སོགས་ཐམས་ཅད་ལ་འདྲ་བར་བྷ་འདི་ལ་འབའ་ཟེར་རྒྱུ་མིན་ཏེ་སྦ་ཟེར་

[Full Size]

དགོས་པ་དང་། འདིའི་ག་དེ་ལ་འགའ་ཟེར་མཁན་པོ་སྣང་ཡང་མ་ཡིན་པས། ག་གཅིག་པུ་རང་ཡིན། བུད་མེདཀྱི་མཚན་མའི་སྐད་དོད་བྷ་ག་ཞེས་པ་ཡང་འདི་དང་འདོན་ཚུལ་འདྲ། ལར་གྷ་ཛྷ་ཌྷ་དྷ་བྷ། འདི་ཐམས་ཅད་ལ་འོག་ཏུ་ཧ་ཡོད་པའི་སྒྲ་ཡི་དབང་གིས། ས་སྔ་སྒྲ་སྡ་སྦ། ཞེས་པ་དང་འདྲ་བར་བརྗོད་པ་མ་གཏོགས། འགའ། འཛའ། འདྲ། །འདའ། འབའ། ཞེས་བརྗོད་དུ་མི་རུང་ངོ། །གཞན་ཡིག་བརྒྱའི་འདོན་ལུགས་ཁྱེད་རང་གི་འདི་ཀས་འཐུས་སྣང་ཞིང་། འབད་དྲ་ཞེས་པའི་ད་ཡིག་དེ་མི་དགོས་ཏེ་འབའ་ཛྲ་ཞེས་བརྗོད་པར་བྱའོ། །ཨོཾ་ཨ་ཀཱ་རོ་མུ་ཁཾ། སརྦ་དྷརྨ་ཎཾ། ཨ་དྱ་ནུཏྤནྣ་ཏྭཱཏ། ཨོཾ་ཨཱཿ ཧཱུྃ་ཕཊ་སྭཱ་ཧཱ། འདིའི་འདོན་ལུགས་ལ་དཔེར་ན། ཨོ་ཨ་ཀཱ་རོ་མུ་ཁང་། སརྦ་དྷར་མ་ཎན། །ཨ་དཱས་ནུད་པན་ན་ཏོད་ཅེས་པ་ལྟ་བུར་བརྗོད་ཅིང་། ཨཱརྱ་འདི་ཨཱརྱ་ནོར་མཁན་ཤིན་ཏུ་མང་ཞིང་། ད་ལ་ཡ་བཏགས་པ་དང་། ར་ལ་ཡ་བཏགས་པ་ནོར་བ་ཡན་སྣང་བ་དང་། འདི་གཉིས་ནོར་ན་ནོར་ཚབས་ཤིན་ཏུ་ཆེན་པོར་འགྱུར་བ་སྟེ། ཨ་དས་ནུད་པན་ཞེས་པ། གདོད་ནས་མ་སྐྱེས་པ་ཞེས་པ་ཡིན་ལ། ཨཱརྱ་ནུད་པན་བྱས་ན་འཕགས་པའི་ཕོ་མཚན་ཞེས་པར་

[Full Size]

འགྱུར་བས་འཆུག་ཚབས་ཆེའོ།། ༈ གཞན་ཡང་བཛྲ་བི་དྱ་རཱ་ཛཱ་ཡ་ཞེས་རྡོ་རྗེ་རིག་པའི་རྒྱལ་པོ་ཞེས་པ་འདི་ལ་ཡང་། བིརྱ་རཱ་ཛཱ་ཞེས་མཁན་རྣམས་འཆུགས་པ་སྟེ༔ བི་དས་ན་རིག་པའི་སྐད་དོད་ཡིན་ཞིང་། བིརླ་ནི་བརྩོན་འགྲུས་ཀྱི་སྐད་དོད་ཡིན་པས་མི་གཅིག་གོ། ༈ ན་མོ་གུ་རུ། གང་ཞིག་འཆི་བའི་ནད་པ་ལ་གསལ་འདེབས་བྱ་དགོས་པར་གྱུར་པ་ལ། དེ་ཡང་ཕ་རོལ་པོ་དེ་གང་ཟག་རབ་འབྲིང་ཐ་མའི་ཁྱད་པར་ཤེས་དགོས་ཏེ། གང་ཟག་སྐྱེས་ཆེན་དམ་པའམ། ཐུགས་དམ་མངོན་གྱུར་གྱི་རིགས་ལ་ནི་གསལ་འདེབས་བྱ་དགོས་ཀྱང་མི་འབྱུང་ལ། གལ་ཏེ་བྱེད་པའི་ཚེ་ནའང་མཚན་ནས་བོས་ལ། སྐུ་ཉིད་ད་ནི་འབྱུང་བཞི་ཐིམ་རིམ་དང་འོད་གསལ་སྣང་མཆེད་ཐོབ་གསུམ་རྣམས་རིམ་པར་འཆར་བའི་སྐབས་ལ་བབ་འདུག་པས། ཐུགས་དམ་ལས་མ་ཡེངས་བར་མཛད་ནས་འཆི་བ་འོད་གསལ་ཆོས་ཀྱི་སྐུའི་ངང་ལ་འཇོག་པར་ཞུ་ལགས། ཞེས་པ་ཙམ་ལས་མི་དགོས་མོད་ཀྱང་དེང་སང་དེ་ལྟ་བུའི་གང་ཟག་ནི་དཀོན་མོད། ཡང་སོ་སོའི་སྐྱེ་བོ་ཐ་མ་ཆོས་ཀྱི་བག་ཆགས་གཏན་ནས་མེད་པ་དུད་འགྲོ་ལྟ་བུ་དག་ལ་ནི། དམིགས་པའི་རིགས་གང་བསྒོམ་མི་ཤེས་ཚེ་སྔས་

[Full Size]

མགོ་ནས་བོས་ལ། ཁྱོད་ཤི་བ་ཡིན་འདུག་གོ །སེམས་གཞན་དུ་མ་ཡེངས་བར། ཇོ་བོ་ཐུགས་རྗེ་ཆེན་པོ་ལ་སྐྱབས་སུ་མཆིའོ། །ཐུགས་རྗེས་གཟིགས་ཤིག་སྙམ་པ་གྱིས་ཤིག །ཅེས་པ་ཙམ་དང་། སངས་རྒྱས་རིན་ཆེན་གཙུག་ཏོར་ཅན་ལ་ཕྱག་འཚལ་ལོ། །ཞེས་པ་ལ་སོགས་སངས་རྒྱས་བྱང་སེམས་ཀྱི་མཚན་དང་གཟུངས་སྔགས་བྱིན་རླབས་ཅན་བསྒྲག་ཅིང་སྨོན་ལམ་གང་མང་འདོན་ནོ། །དེ་ལྟར་གང་ཟག་རབ་ཐ་མ་གཉིས་ལས་གཞན་པའི་བར་པ་སྐྱ་སེར་གང་ཡིན་ཀྱང་དད་མོས་དང་གོ་རྟོགས་ཡོད་ཙམ་གྱི་རིགས་རྣམས་ལ་འཕོ་བ་བྱ་སྟེ། ལུས་གནད་ཙོག་པུའམ། གཞོགས་གཡས་ཕབ་དགོས་པར་བཤད་ཀྱང་། དབུགས་མ་ཆད་པ་ནས་ལུས་བཅོས་ཐུབ་ན་མ་རྟོགས། ཕྱི་དབུགས་ཆད་ནས་ནི་ཕུང་པོ་ལ་བཟོ་བཅོས་ཐུག་རག་ལར་མི་རུང་ངོ། །དེ་ནས་ཉེ་འཁོར་དུ་ངུ་སྐད་སོགས་འཚམས་སྦྱོར་ངན་པའི་རྐྱེན་མེད་ཅིང་། འཇམ་སིམ་མེ་བར་བྱས་ལ། སྔས་མགོའི་ཕྱོགས་ནས་སྐད་ཆེ་ཆུང་མཚམས་ལ་བརྡ་འཇམ་པོས་ཁོ་ཡི་མིང་ཡག་པ་ནས་བོས་ལ་འདི་ལྟར་བརྗོད་དོ། །ད་ནི་ཁྱོད་ལ་འདུས་བྱས་མི་རྟག་འཆི་བའི་དུས་ལ་བབ་པ་ཡིན་འདུག་པས། ཤི་བ་ཡིན་པར་ངོ་ཤེས་པར་གྱིས་ཤིག །ཁྱེད་

[Full Size]

རང་ལ་ཚེ་འདིའི་ཡུལ་དང་ཁང་ཁྱིམ་ནོར་རྫས་ཡོ་བྱད་གྲོགས་དང་གཉེན་འཁོར་ལས་དང་བྱ་བྱེད་ཀྱིས་འཕྲོ་སོགས་ཅི་དང་ཅི་ལྟ་བུ་ཡོད་ཀྱང་ཆགས་ཞེན་དང་འཛིན་པ་གཏན་ནས་མ་བྱེད་ཅིག །དེ་དག་ལ་ཞེན་པ་ཡོད་ཀྱང་མི་ཕན་པའི་ཁར། །ཐར་པའི་ལམ་གྱི་གེགས་དང་བར་ཆད་དུ་འགྱུར་བས་བློས་ལིངས་ཀྱིས་ཐོངས་ལ་ཁོ་ཐག་ཆད་ཀྱིས་ཆོད་པར་གྱིས་ཤིག་འདུས་བྱས་ཀྱི་ཆོས་ཐམས་ཅད་མི་རྟག་པའི་རང་བཞིན་ཡིན་པས་སྐྱེས་པའི་མཐའ་མ་ནི་འཆི། འདུས་པ་མཐའ་མ་ནི་འབྲལ། བསགས་པའི་མཐའ་མ་ནི་ཟད་པའི་ཆོས་ཅན། །འཆི་བའི་སྡུག་བསྔལ་ནི་ཁྱོད་ཅིག་པུ་ལ་འབྱུང་བ་མ་ཡིན་ཏེ། སྟོང་འཁོར་ལོས་སྒྱུར་བའི་རྒྱལ་པོ་མན་ཆད་ནས། མདངས་སྐྱེས་ཀྱི་བུ་ཆུང་ཡན་ཆད་འཆི་བ་མ་གཏོགས་འགྲོ་ས་གང་ཡང་མེད་པས་ན། ཁྱོད་ཅིག་པུས་འཇིགས་ཚོར་དང་སྡུག་བསྔལ་བྱས་པས་དོན་མེད་ཅིང་།་གདམས་ངག་ཟབ་མོ་དང་འཕྲད་ནས་འཆི་བ་ལ་བྲོད་གསལ་རེ་བྱས་ཆོག་པའི་བསོད་ནམས་དང་། སྐལ་པར་ལྡན་པ་ཡིན་པས་སེམས་གཞན་དུ་མ་ཡེངས་བར་དམིགས་པ་འདི་ལྟར་སྒོམས་ཤིག། ༈ ཁྱོད་རང་གི་ལུས་འདི་ཉིད་ཡི་དམ་ཐུགས་རྗེ་ཆེན་པོའི་སྐུའི་རྣམ་པར་ཡོད་

[Full Size]

དམ་སྙམ་པའི་ཁོང་པའི་ནང་ཐམས་ཅད་ལ་ཤ་ཁྲག་སོགས་གང་ཡང་མེད་པར་སྟོང་སང་ངེ་ཡོད་པར་བསམ་པའི་དབུས་དྲང་པོར་རྩ་དབུ་མ་ཁོང་སྟོང་སྦ་མཁར་ཙམ་གྱི་ཕྱི་གསལ་ནང་གསལ་ཀ་བ་བཙུགས་པ་ལྟར་ཡོད་པའི་མར་སྣ་ལྟེ་བའི་ཐད་ཙམ་དུ་སྨྱུག་ཚིགས་བཞིན་བུག་པ་མེད་པ། ཡར་གྱི་སྣ་སྤྱི་གཙུག་ཚངས་བུག་ཁ་བྱེ་བའི་དཀར་སང་ངེ་བ་ལ་ཐུག་ནས་ཟང་ཐལ་དུ་ཡོད་པར་བསམ༔ སྤྱི་བོའི་སྟེང་ཁྲུ་གང་ཙམ་གྱི་ནམ་མཁར་པདྨ་ཉི་ཟླའི་གདོན་ལ། ཁྱེད་རང་གང་ལ་མོས་ཤིང་དད་པའི་རྩ་བའི་བླ་མ་དེ་ཉིད། ཆོས་སྐུ་ཀུན་བཟང་རྡོ་རྗེ་འཆང་ངམ། སངས་རྒྱས་འོད་དཔག་མེད་དམ། ཨོ་རྒྱན་རིན་པོ་ཆེའི་ལུགས་སུ་འཇའ་འོད་འཁྱིལ་ལེ་བཞུགས་པར་བསྒོམ། དེ་ནས་ཁྱེད་རང་གི་སེམས་རིག་རྣམ་པར་ཤེས་པའི་ངོ་བོ་དེ་འོད་ཀྱི་ཐིག་ལེ་དཀར་ཟཔོ་ཤེལ་ཕྲེང་གི་རྡོག་པོ་ལྟ་བུ་དཀར་ཧྲི་ལེ་བ་སྲན་མ་ཙམ་ཞིག་རྩ་དབུ་མའི་ནང་དུ་ཡོད་པར་བསམ་པ་དེ། བདག་གི་གསོལ་འདེབས་ཀྱི་མཇུག་ཏུ་ཕཊཀྱིས་སྒྲ་དང་བསྟུན་ནས། ཁྱེད་རང་གི་རིག་པའི་ངོ་བོ་ཐིག་ལེ་དཀར་པོ་དེ་རྩ་དབུ་མའི་ནང་དུ་ཡར་འཕག་སྟེ་སྤྱི་བོ་ཚངས་པའི་བུ་ག་ནས་ཇུར་གྱིས་ཐོན་པ་རྩ་བའི་བླ་མའི་ཐུགས་ཀར་ཐིམ་ནས་དབྱེར་མེད་དུ་འདྲེས་ཤིང་བླ་མ་ཡང་

[Full Size]

དག་པ་མཁའ་སྤྱོད་ཀྱི་ཞིང་དུ་གཤེགས་པར་མོས་ལ། སེམས་གཞན་དུ་སྐད་ཅིག་ཀྱང་མ་ཡེངས་བར་བླ་མ་ལ་གཏོད་ཅིག །ཅེས་དམིགས་པ་སྤྱད་ནས། དབྱངས་སྙན་པོ་བྱས་ལ། ན་མོ་གུ་རུ། བདེ་ཆེན་འཁོར་ལོའི་དོན་གྱི་འོག་མིན་ན། །བརྒྱུད་པ་ཀུན་འདུས་རྩ་བའི་བླ་མ་ཉིད། །སངས་རྒྱས་ཀུན་ལས་ལྷག་པའི་ཐུགས་རྗེ་ཅན། །མཚན་དཔེའི་གཟི་འབར་འཇའ་འོད་སྐུ་རུ་བཞུགས། །བདག་དང་འགྲོ་བའི་ལུས་སྲོག་ལོངས་སྤྱོད་ཀུན། །ལྟོས་མེད་མཆོད་པར་འབུལ་གྱི་བཞེས་ནས་ཀྱང་། །ཚད་མེད་ཐུགས་རྗེ་མྱུར་མགྱོགས་ལྕགས་ཀྱུ་ཡིས། །སྡུག་བསྔལ་ཉམས་ཐག་བུ་འབངས་དྲང་དུ་གསོལ། །ཚེ་འདིའི་སྣང་བ་རྨི་ལམ་ལྟ་བུ་ནུབ། །བཟློག་མེད་འཆི་བདག་ཞགས་པ་དམ་པོས་བཅིངས། །རབ་འཇིགས་བར་དོའི་འཕྲང་ཆེན་འགྲིམ་ཁ་འདིར། །ཐུགས་རྗེས་མྱུར་དུ་གཟིགས་དང་བླ་མ་རྗེ། །ལོངས་སྤྱོད་གཉེན་འདུན་གཅེས་པའི་ལུས་དང་བཅས། །ཕན་མེད་ཤུལ་དུ་བཞག་ནས་རང་རིག་འདི། །དབང་མེད་འཁྲུལ་སྣང་རླུང་གིས་མི་བསྐྱོད་པར། །ལམ་མཆོག་འཕོ་བའི་ཟབ་དོན་མངོན་གྱུར་ཤོག །བསླུ་བྱེད་ཚེ་འདིའི་ཞེན་འཛིན་བྲལ་བ་དང་། །ལོག་ལམ་

[Full Size]

འཁྲུལ་པའི་བག་ཆགས་མི་འཆར་བར། །གསལ་སྟོང་འཛིན་མེད་རིག་པ་རྗེན་པ་འདི། །རྗེ་བཙུན་བླ་མའི་ཐུགས་དང་དབྱེར་མེད་པར། །ཆོས་དབྱིངས་སྐྱེ་མེད་ཀློང་དུ་གྲོལ་བར་ཤོག །ཕཊཕཊཕཊ༔ ཕཊཕཊཕཊ༔ རང་གིས་ཀྱང་ཁོ་ཡི་ལུས་ནང་དབུ་མའི་མཐིལ་གྱི་ཐིག་ལེ་དེ་ཉིད་ཡར་འཕར་ནས་བླ་མའི་ཐུགས་ཀར་འདྲེས་པར་དམིགས་པ་གཏད་ཅིང་ཕཊསྐད་ཆེ་ཆུང་འཚམ་པ་ལན་ལྔའམ་བདུན་ཙམ་ཞིག་བྱས་ཏེ་ཡུད་ཙམ་སྤྲོས་མེད་ཀྱི་ངང་ལ་མཉམ་པར་བཞག །དེ་ནས་བཟང་པོ་སྤྱོད་པ་སོགས་སྨོན་ལམ་རྒྱ་ཆེར་གདབ་པར་བྱའོ། །ཕཊ༔ བརྗོད་པའི་དུས་སུ་ཕ་རོལ་པོའི་སྤྱི་གཙུག་གི་སྐྲ་ནས་ཚོར་ངེས་ཤེས་པ་ཙམ་དུ་འཐེན་པའམ། ལོང་ཁྱབ་ཤོམ་ན། རྡོ་ལེབ་སོར་གསུམ་ཙམ་མམ། རྫ་མ་དུམ་བུ་སོགས་མེ་ལ་ཚ་ཚིལ་བསྲོས་པ་ཚངས་བུག་ཐད་དུ་ཡུད་ཙམ་གླན་ན་ཡང་རྣམ་ཤེས་དེར་ཐོན་པའི་ཁྱད་པར་གསུངས་སོ། །རྣམ་ཤེས་མ་ཐོན་པའི་རིགས་ལ་རོ་ལ་ཐུག་རག་འགུལ་སྐྱོད་མེད་པ་དང་། ཉེ་སྐོར་དུ་སྒོ་བརྡབ་པའམ། ཆས་བོར་བ་སོགས་རྡོག་རྡོག་གི་སྒྲ་མེད་གལ་ཆེ་བས་ན། གཅོད་པ་ཡིན་ཟེར་ནས་ཕུང་པོ་རྡོག་སྒྱུར་དང་དྲག་སྤྱོད་མང་པོ་བྱེད་པ་ནི་མཚམས་སྦྱར་ལོག་མིན་དུ་འགྲོ་

[Full Size]

བས་མི་བྱའོ། །དེ་ལྟར་འཕོ་བའི་དམིགས་པ་འདི་ནི་རང་ཉིད་ཀྱང་སྔ་གོང་ནས་བསྒོམ་པ་སྟེ་ཡིད་ལ་འཇག་པར་བྱས་ན་ནམ་འཆི་བའི་དུས་སུ་གཞན་ལ་རེ་མི་དགོས་པ་འོང་ངོ། །ལར་འཕོ་བའི་དམིགས་པ་འདི་ཙམ་སྤྱོད་ཉན་པ་ཡང་དེང་སང་ཨ་རེ་དཀོན་མ་མཆིས་ཏེ། ད་ལྟ་གསོན་པོའི་དུས་ན་དམིགས་པའི་རིགས་ལ་གོལ་ས་ཆ་ཅུང་ཟད་མེད་ན། དེ་སྐབས་སུ་གནད་གཅོད་ཟུག་རྔུའི་དབང་གིས་དམིགས་པ་གསལ་ཐུབ་པ་དཀའ་བས་ད་ལྟ་ནས་གོམས་འདྲིས་གལ་ཆེ། ཡང་ནད་པ་བསོད་ནམས་ཡོད་པ་ལ་ལ་མ་ཤི་ཙམ་ནས་འཕོ་བའི་ཀླུ་དམིགས་པ་བསླབ་ཐུབ་ན་རབ་ཡིན་ཀྱང་དེ་ལྟ་བུ་འགྲུབ་པ་ཡང་དཀའ། ཕྱི་དབུགས་ཆད་ནས་ནང་དབུགས་མ་ཆད་པས་དྲོད་མ་ཡལ་བ་དེ་ལ་མ་བྱུང་ན། དེང་སང་མི་ཤི་ནས་ཡུན་རིང་པོར་ཚར་བ་ལ་འཕོ་བ་སྤར་བར་འདོད་པ་ནི་དོན་མེད་ཀྱི་བྱ་བ་ཁོ་ནའོ། །འཕོ་བའི་དམིགས་གསལ་མི་ཤེས་པའི་རིགས་རྣམས་ལ་ནི། མིང་ནས་བོས་ལ། ད་ནི་ཁྱོད་ཤི་བ་ཡིན་འདུག་གོ་་སེམས་མ་ཡེངས་བར་སྤྱི་བོར་བླ་མ་ཨོ་རྒྱན་རིན་པོ་ཆེ་བཞུགས་ཡོད་པར་མོས་རྩེ་གཅིག་གྱིས་ཤིག །ཅེས་པ་ཙམ་གྱིས་ཆོག་གོ། ༈ གང་ཟག་ཆོས་ལ་ཉམས་ལེན་དང་གོ་

[Full Size]

རྟོགས་ཡོད་རིགས་ལ་ནི། ཐིམ་རིམ་ནས་བཟུང་སྟེ་བར་ད་སྔ་ཕྱི་ཐམས་ཅད་ཀྱི་ངོ་སྤྲོད་རྒྱས་པ་ནི་ཐོས་གྲོལ་ཆེན་མོ་དཔེ་ཚན་གཉིས་པ་ཁོ་ན་ལེགས་སོ། །དེ་ལྟར་ཚུལ་འདི་དག་ཀྱང་དབུ་མཛད་ཡོན་ཏན་དབང་ཕྱུག་སོགས་དོན་གཉེར་འགའ་ཡི་ངོར་བྲིས་པ་དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཆོས་དབང་ཀུན་བཟང་གིས་བསྐུལ་བའི་མན་ངག་ཚེགས་ཆུང་ཕན་ཐོགས་པའི་གདམས་ངག

[Full Size]

ཆོས་དབང་ཀུན་བཟང་གིས་བསྐུལ་བའི་མན་ངག་ཚེགས་ཆུང་ཕན་ཐོགས་པའི་གདམས་ངག་ཨ་རཱ་གས་མཛད་པ་ལགས་སོ།།

[Full Size]

མན་ངག་ཚེགས་ཆུང་དོན་ཆེ་བ་སྟབས་བདེ་ཞིང་ཕན་ཐོགས་པའི་སྐོར་རྒྱུད་ལས་བསྡུས་པ་ཡོད། ན་མོ་གུ་རུ་བུདྡྷཱ་ས་ཏཱ་ཡེ། དྲི་མེད་རྒྱལ་བའི་བཀའ་ལ་ཕྱག་འཚལ་ནས། །མདོ་རྒྱུད་ཚད་ལྡན་དུ་མ་ནས་བསྡུས་ཏེ། །ཉེར་མཁོའི་ཟབ་ཆོས་གདམས་པ་འདིར་འགོད་ན། །ཆོས་བདག་ཏཱཀྐིས་བཀའ་གནང་བྱིན་གྱིས་རློབས། །ཨོཾ་སམྦྷ་ར་སམྦྷ་བྷ་བྷི་མ་ན་མ་ཧཱ་ཛ་བྷ་ཧཱུྃ་ཕཊ་སྭཱ་ཧཱ། དགེ་སྦྱོར་གང་བྱེད་ཀྱི་སྔོན་དུ་འདི་ལན་བདུན་བཟླས་ན་བྱེ་བའི་འགྱུར་དུ་འོང་བ་མདོ་བསྔོ་བའི་འཁོར་ལོ་ནས་གསུངས་སོ། །ཨོཾ་རུ་ལུ་རུ་ལུ་ཛ་ཡེ་ཛ་ཡེ་མུ་གྷེ་ཡེ་སྭཱ་ཧཱ། འདི་བཟླས་བརྗོད་གང་བྱེད་ཀྱི་སྔོན་དུ་

[Full Size]

ལན་བདུན་བཟླས་ན་བྱེ་བའི་འགྱུར་འོང་བ་མདོ་བྱེ་བ་བསྟན་པ་ནས་གསུངས་སོ། །སྔགས་གོང་འོག་གཉིས་པོ་འདི་ཐོ་རངས་ངག་མེ་བཏང་གོང་དུ་བཟླས་ན་ཉིན་མོ་སྨྲ་བ་ཐམས་ཅད་ཁ་ཏོན་དུ་འགྲོའོ། །ཡོངས་སུ་བསྔོ་བའི་མདོ་ལས་གསུངས་ཞེས་ཟེར། མདོ་བྱེ་བ་བསྟན་པ་ནས་གསུངས་ཟེར་བའང་སྣང་། ནངས་སྔ་གཞན་དང་ངག་མ་འདྲེས་གོང་དུ་ཨ་ལི་ཀཱ་ལི་ཡིག་བརྒྱ་རྟེན་འབྲེལ་སྙིང་པོ་ཚར་གསུམ་རེ་བཟླས་ན་གངྒའི་བྱེ་སྙེད་ཀྱི་འགྱུར་དང་། དེ་ཉིན་བཏོན་ཚད་མ་འོངས་གངྒཱའི་སངས་རྒྱས་ཀྱི་ནུས་པ་དང་མཉམ་ཞེས་སློབ་དཔོན་ཀླུ་སྒྲུབ་དང་ཨོ་རྒྱན་རིན་པོ་ཆེས་གསུངས་སོ། །བཟླས་པ་

[Full Size]

ཐོན་ནས་རྗེས་སུ་ཡེ་དྷརྨཱ་ཚར་གསུམ་བརྗོད་ན་གཞན་ལ་བྱིན་རླབས་དབང་བསྐུར་འདྲེ་འདུལ་ཟས་གོས་གྲིབ་སོགས་ཐམས་ཅད་ཀྱིས་རང་གི་ནུས་པ་མི་ཉམས་པའི་མན་ངག་ཏུ་ཀླུ་སྒྲུབ་ཀྱིས་གསུངས་སོ། །ཨོཾ་རུ་ཅི་ར་མ་ཎི་པྲ་ཝརྟ་ཡ་ཧཱུྃ་ཕཊ་སྭཱ་ཧཱ། ཨོཾ་རུ་ཙི་ར་མ་ཎ་པྲ་ཝརྟ་ཡ་ཧཱུྃ་ཕཊ། སྔགས་འདྲ་མིན་ནོ། །འདི་ཕྲེང་བ་ལ་བཏབ་ན་བྱེ་བའི་འགྱུར་དུ་འགྲོ་བར་ཡོངས་སུ་བསྔོ་བ་འཁོར་ལོའི་མདོ་ལས་གསུངས་སོ། །ཨོཾ་སམྦྷ་ར་བྷི་མ་ན་ས་ར་མ་ཧཱ་ཛ་བྷ་ཧཱུྃ་ཕཊ། ཅེས་དགེ་སྦྱོར་གང་བྱེད་སྔོན་ལ་ལན་བདུན་དང་། ཨོཾ་དྷུ་རུ་དྷུ་རུ་ཛ་ཡེ་མུ་ཁེ་སྭཱ་ཧཱ། ཞེས་ཐུན་མཇུག་ཏུ་ལན་བདུན་བརྗོད་ན་བྱེ་བའི་འགྱུར་དུ་མདོ་སྡེ་བྱེ་བ་ལས་གསུངས་ཞེས་ཇོ་བོ་རྗེས་གསུངས་སོ། །སངས་རྒྱས་སྟོང་གི་ལྷ་འཕགས་པ་རྟོག་ཆེན་གྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་སྟོང་གི་ལྷ་འཕགས་པ་སྟོན་ཆེན་གྱི་རྒྱལ་པོ་ལ་ཕྱག་འཚལ་ལོ། །མཚན་གཉིས་འདྲ་མིན་ནོ། །ཨོཾ་ཧཱིཔདྨ་ནིརྟི་ཤྭ་ར་ཧཱུཾ། ལན་བདུན་དང་། ཨོཾ་མ་ཎི་པདྨེ་ཧཱུཾ། གཅིག་བརྗོད་ན་ཡིག་དྲུག་དུང་ཕྱུར་སུམ་ཅུར་འགྱུར་རོ། །ཞེས་སྤྱན་རས་གཟིགས་ཡིད་བཞིན་འཁོར་ལོའི་རྒྱུད་ཅིག་ནས་གསུངས་སོ། །ཞེས་ཇོ་བོ་རྗེས་གསུངས་སོ། །ཨོཾ་ཁེ་ཙ་

[Full Size]

ར་གྷ་ན་ཧཱུྃ་ཧྲཱིཿཐཱཿ ལན་བདུན་བཟླས་ནས་རྐང་མཐིལ་གཉིས་ལ་བཏབ་ན་རྐང་ཞབས་སུ་ཤི་བའི་སེམས་ཅན་རྣམས་སུམ་ཅུ་རྩ་གསུམ་པའི་ལྷར་སྐྱེ་བར་འགྱུར་རོ། །ཞེས་འཇམ་དཔལ་གྱི་རྒྱུད་ལས་ཇོ་བོ་རྗེས་གསུངས་སོ། །ཨོཾ་བྷི་ཏི་བྷི་ན་མི་ནི་བྷ་པྲ་ནི་སྭཱ་ཧཱ། ལན་བདུན་བཟླས་ནས་གཏོར་ཟན་དང་གཏོར་ཆུ་ལ་བཏབ་ན་ལོངས་སྤྱོད་དང་དངོས་གྲུབ་འབྱུང་ངོ། །གཞན་རྣམས་ནས་ཡི་དྭགས་སུ་མི་སྐྱེ་ཞེས་འདུལ་བ་ལུང་ལས་བཤད་ཅེས་ཇོ་བོ་རྗེས་གསུངས་སོ། །བཅོམ་ལྡན་འདས་རིན་ཆེན་རྒྱལ་མཚན་ལ་ཕྱག་འཚལ་ལོ། །ན་མོ་བྷ་ག་ཝ་ཏེ། རཏ་ཀེ་ཏུ་རཱ་ཛ་ཡ། ཏ་ཐཱ་ག་ཏ་ཡ། ཨནྡྷ་ཏེ་སམྱཀཾ་བུདྡྷ་ཡ། ཏདྱ་ཐཱ། ཨོཾ་རཏྟེ་རནྡྷེ་མ་ཧཱ་རཏྟེ་རཏྣ་བི་ཛ་ཡེ་སྭཱ་ཧཱ། ལན་གཅིག་བཟླས་ནས་བསྐོར་བ་གཅིག་བྱས་ན་བྱེ་བར་འགྱུར་རོ། །ན་མོ་མཉྫ་ཤི་ཡེ། ན་མོ་སུ་ཤི་ཡེ། ན་མོ་ཨུཏྟ་མ་ཤྲཱི་ཡེ་སྭཱ་ཧཱ། འདི་ལན་གཅིག་བཟླས་ནས་ཕྱག་འཚལ་ན་འབུམ་འགྱུར་རོ། །ཨོ་པདྨོ་ཨུཊྛི་ཥ་བྷི་མ་ལེ་ཧཱུཾ་ཕཊ། འདི་དུང་ལ་ལན་བདུན་བཟླས་ཏེ་བུས་ན་སྒྲ་ཐོས་ཚད་མཐོ་རིས་སུ་སྐྱེ། བྱ་རི་དྭགས། དུད་འགྲོ་ཐམས་ཅད་ཀྱང་། སེམས་ཅན་སྦྱིན་

[Full Size]

པ་དང་། ཚུལ་ཁྲིམས་དང་ལྡན་པ་སོགས་ཀྱིས་ཐོས་ན་ཕྱིར་མི་ལྡོག་ཅིང་བྱང་ཆུབ་ཐོབ་སྟེ། བདེ་བ་ཅན་དུ་སྐྱེ་ཞེས་དོན་ཞགས་རྒྱུད་ལས་རྒྱ་ཆེར་གསུངས་སོ། །ཙནྡན་ལ་ལན་བདུན་སྔགས་ནས་སྐྱེ་བོ་མང་པོའི་ནང་ན་བདུག་ན་དྲི་དེ་བསྣམ་པའི་སེམས་ཅན་ཐམས་ཅད་སངས་རྒྱས་ཀྱི་སྐུ་ཡོངས་སུ་རྫོགས་པར་འགྱུར་གསུངས་སོ། །སེམས་ཅན་ཐམས་ཅད་སངས་རྒྱས་ཐོབ་པར་འདོད་པའི་བསམ་པས་ལན་གཅིག་བརྗོད་ན། སེམས་ཅན་གང་ཡང་ངན་སོང་གསུམ་དུ་སྐྱེ་བར་མི་འགྱུར་ཏེ། སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། ཡི་དྭགས་ཀྱི་ཡུལ་རྣམས་ཀྱི་ཡུལ་དེ་དག་མེད་དེ། དེ་ལྟར་དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །ལན་གཉིས་བརྗོད་པས་ནད་ཐམས་ཅད་རབ་ཏུ་ཞི། །གསུམ་བརྗོད་པས་དུག་དང་འབྲུམ་བུ་དང་འབྲས་དང་ལྷོག་པ་དང་རྐང་ཤུ་དང་མཛེ་དང་གཡན་པ་ལ་སོགས་པ་ཐམས་ཅད་འཇིག་པར་འགྱུར་རོ། །བཞི་བརྗོད་པས་དབྱིག་དུག་བྱད་སྟེམས་ཐམས་ཅད་སེལ། ལྔ་བརྗོད་པས་འཐབ་མོ་རྩོད་པ་འགྱེད་པ་ཐམས་ཅད་ཞི། དྲུག་གིས་འཇིགས་པའི་གནོད་པ་རིམས་ནད་ཐམས་ཅད་འཇིག །བདུན་གྱིས་དུས་མ་ཡིན་

[Full Size]

པའི་འཆི་བའི་འཇིགས་པ་དང་། སེམས་ཅན་ཐམས་ཅད་ཀྱི་ཡམས་ནད་ཞི་བར་འགྱུར་རོ། །དེ་ལྟ་བས་ན་སེམས་ཅན་ཐམས་ཅད་ཀྱི་དོན་དུ་གཞན་མི་སྨྲ་བར་ལན་བདུན་དྲན་པར་བྱའོ། །ཞེས་རྒྱུད་ལས་གསུངས་སོ། །ཐླྷཱིཾ། འཇམ་དཔལ་ཡི་གེ་འབྲུ་གཅིག་པ་འདི། གཅིག་བཟླས་ན་བདག་ཉིད་བསྲུང་། གཉིས་ཀྱིས་བསྲུང་བ་ཆེན་པོར་འགྱུར། གསུམ་གྱིས་ཁྱིམ་བསྲུང་། བཞི་པས་གྲོང་བསྲུང་། ལྔ་པས་གྲོང་ཁྱེར་བསྲུང་། དྲུག་གིས་དམག་ཚོགས་བསྲུང་། སྔགས་འདི་མ་བསྒྲུབས་པར་ལས་ཐམས་ཅད་བྱེད། གོས་སྔགས་ལ་གྱོན་པས་སྐལ་བ་བཟང་པོར་འགྱུར་རོ། །སོ་ཤིང་སྔགས་པས་སོ་སོའི་ཟུག་རྔུ་འཇོམས། ཚྭ་སྔགས་པས་མ་ཞུ་བ་དང་གཅོང་ནད་ཕན། མར་བཏབ་པའི་ཐུག་པ་ལ་བརྒྱ་རྩ་བརྒྱད་སྔགས་པས། རིམས་ཉིན་གཅིག་དང་། གཉིས་དང་གསུམ་དང་བཞི་དང་རྟག་པའི་རིམས་ཐམས་ཅད་ལ་ཕན། བརྒྱ་རྩ་བརྒྱད་འདོན་ཞིང་ནད་པ་ལ་བལྟས་ན། མཁའ་འགྲོ་མ་དང་གནོད་སྦྱིན་གྱི་གདོན་གྱིས་ཟིན་པར་ཕན། ལག་པ་ལ་བརྒྱ་རྩ་བརྒྱུད་སྔགས་ནས་ནད་པའི་མགོ་ལ་རེག་ན། བྱིས་བའི་མ་མོ་དང་ལུས་སྲུལ་པོ་

[Full Size]

དང་རོ་ལངས་གཞོན་ནུ་གདོན་གདུག་པས་ཟིན་པ་བདེ་བར་འགྱུར་རོ། །ཞེས་རྒྱུད་ལས་གསུངས་སོ། །ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། སྲུང་སྐུད་སྔགས་ནས་བཅིངས་ན་ནད་ལ་ཕན་ནོ། །སྨན་ལ་སྔགས་ནས་བླུད་ན་ནད་ཐམས་ཅད་ལ་ཕན་ནོ། །མར་སྔགས་ནས་བླུད་བྱུག་ནི་ཡན་ལག་ན་བ་སོས་སོ། །མར་ཁུ་སྔགས་ནས་མགོ་བོ་མཉེས་ན་ཀླད་གཟེར་ཞི། །སྔགས་ཆུ་བྱས་ན་རྨ་མ་རུངས་པ་ཞི། བུམ་ཆུ་ལ་ལན་བརྒྱ་རྩ་བརྒྱད་སྔགས་ནས་བཀྲུས་ན། བུད་མེད་བུ་མི་འཚོ་བ་རྣམས་འཚོ་བར་འགྱུར་རོ། །སྔགས་ཀྱིས་བྱབ་པས་ནད་ཐམས་ཅད་འཕྲོག་གོ །སྔགས་དྲན་བཞིན་དུ་གཡུལ་དུ་ཞུགས་ན་གཡུལ་ལས་རྒྱལ་ལོ། །ཞེས་དཔའ་བོ་གཅིག་གྲུབ་རྒྱུད་ལས་གསུངས་སོ། །ཤེས་རབ་མེ་ལྟར་འབར་བར་བྱ་བའི་ཐབས། བདེ་གཤེགས་སྐུ་ལ་ཁྲུས་མཆོག་གསོལ་བའི་ཆུ། སྔགས་དང་བཅས་ཏེ་ལན་གྲངས་མང་དུ་བཏུང་། ཏདྱ་ཐཱ་པི་ཅུ་པྲཛྙཱ་དྷི་རི་རཾ་སྭཱ་ཧཱ། བློ་འཛིན་སྙོམས་ལྟར་མང་དུ་འཐུང་བའི་སྔགས། །ཉ་རྒྱས་ཟླ་བ་ཆུ་ཡི་སྣོད་དུ་བཟུང་། །སྔགས་བཟླས་རི་བོང་འཛིན་པ་ཁོང་དུ་བསྟིམ། །ན་མོ་བི་ཤ་སྲད་ཉེ་སརྦ་སི་ཏི་སྭཱ་ཧཱ། དེ་གཉིས་ཆུ་ཀླུང་ཆེན་པོའི་

[Full Size]

རྒྱུད་ལས་གསུངས་སོ། །ནོར་བུ་བཟང་པོའི་རྟོགས་པ་ཞེས་བྱ་བ་ཐུབ་པས་གསུང་པའི་ནང་གི་སྔགས་མང་པོ་སྣང་བ་ལས། ཨོཾ་ཕཊ་ཕཊ་ཧཱུྃ་ཧ་སྭཱ་ཧཱ། རིམས་ནད་ཐམས་ཅད་མེད་པར་བྱེད་པའི་སྔགས་སོ། །ཧཱུྃ་ཀྲི་ཀྵ་སྭཱ་ཧཱ། འགོ་བའི་ནད་མེད་པར་བྱེད་པའི་སྔགས་སོ། །ཨོཾ་ཧ་ཧེ་སུ་སྭཱ་ཧཱ། ཨོཾ་ཀྵ་ཧེ་ཀ་ཀཱ་པ། གསུས་པའི་ཟུག་གཟེར་མེད་པར་བྱེད་པའི་སྔགས་སོ། །ༀ་ཀྵ་ཀ་སྭཱ་ཧཱ། རྣ་བའི་ནད་མེད་པར་བྱེད་པའི་སྔགས་སོ། །ཨོ་ཀ་མ་ས་ཧ་སྭཱ་ཧཱ། མ་ཞུ་བ་མེད་པར་བྱེད་པའི་སྔགས་སོ། །ཨོ་ཀི་ཀི་ས་མ་ཀྲི་ཡ་སྭཱ་ཧཱ། མིག་ནད་མེད་པར་བྱེད་པའི་སྔགས་སོ། ཨོ་ཀཱ་པ་ཡ་ཀ་པ་མི་ཀྵ་སྭཱ་ཧཱ། ནད་མེད་པར་བྱེད་པའི་སྔགས་སོ། །པཾ་ཀི་ས་ཧ་པྲ་ཀི་ས་པཾ་ཀི་ས་ཧ་པ་ཀི་པ་ས། །དུག་ཐམས་ཅད་མེད་པར་བྱེད་པའི་སྔགས་སོ། །ཨོ་ཀ་པུ་ཀྵ་སྭཱ་ཧཱ། མ་ཞུ་བ་མེད་པར་བྱེད་པའི་སྔགས་སོ།། ༈ མགོའི་ནད་མེད་པར་བྱེད་པའི་སྔགས་ལ། ཨོཾ་ཀཾ་ཀེ་ཧ་ས། ཨོ་ཧཱུཾ་ཧཱུཾ་ཧཱུཾ་རཀྟ་ས་ཧ་ཙ་ཀི་ཌོ་ན་ཤ་ཡ་སྭཱ་ཧཱ། ༈ གསུས་པའི་འབུ་མེད་པར་བྱེད་པའི་སྔགས། ཀ་ལ་ཨབཱི་རུ་ཏྲ། ཧ་ས་པྲ་ཛི་ཧོ་ཥཱ་ཀ་རོ་ཊ། ༈ མེ་རིང་བར་བྱེད་པའི་སྔགས་ཏེ། མེ་མི་འབར་བྱེད་དོ། །

[Full Size]

ཨ་རྫི་དྷམྨ་དེན་བྷ་ར་ཨཙྪ་ཡ་ཨི། ཛ་ཧ་རུ་ཨ་རུ་ཧཱུྃ་ཀཉྩོ། ཨ་ཀུ་རེ། ཨ་བི་ཨུ་ཨ་དེ་སཏྲེ་སརྦ་ཧ། ཏྲཱ་ཎེ་སཊྚ་ཧུ་པ་བ་ཕུ། མེས་ཚིག་པའི་དུས་སུ་ཆུ་ལ་ཡོངས་སུ་བཟླས་ཏེ་ཁ་ཅིག་ཨརྒ་སྦྱིན་ནོ། ཆུ་ལ་ལན་ཉེར་གཅིག་བཟླས་ཏེ་ཁང་པ་ལ་གཏོར་ན་མེས་མི་ཚིགས་སོ། །ཨོཾ་ན་མཤྩཎྜ་ཡ་བཛྲ་ཀྲོ་དྷཱ་ཡ། ཏདྱ་ཐཱ། ཨོཾ་ཕཊ་ཕཊ་ཧུ་ལུ་ཧུ་ལུ། ཏིཥྛ་ཏིཥྛ། བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། ཨ་མྲྀ་ཏེ་ཧཱུྃ་ཕཊ་ཕཊ་སྭཱ་ཧཱ། སྔགས་འདི་བཟའ་བ་ལ་ལན་བདུན་བཟླས་ཏེ་སྔགས་ནས་ཟོས་ན་ནད་ཐམས་ཅད་མེད་ཅིང་བདུད་རྩིར་འགྱུར་རོ། །སྙིང་ཁར་ཟླ་བའི་དཀྱིལ་འཁོར་བསམས་ལ། དེའི་སྟེང་དུ་པཾ་ཡིག་དཀར་པོ་ལས་བདུད་རྩིའི་རྒྱུན་བབས་པས་སྙིང་ཁ་གང་བར་བསམས་ལ། སྙིང་གཟེར་དང་ཚིག་པ་ཟ་བ་དང་བློ་མི་བདེ་བ་སེལ་ཏེ་རང་གཞན་སུ་ལའང་རུང་ངོ། །ཨོ་ཨ་རུ་ཎེ་ཧཱུྃ་ཕཊ་སྭཱ་ཧཱ། ཆུ་ལ་སྔགས་ནས་མིག་བཀྲུས་ན་མིག་ནད་ཐམས་ཅད་སེལ་བར་བདེ་མཆོག་རྒྱུད་ལས་གསུངས་སོ། །ན་མོ་ཙི་ཏྲ་རྭ་གཱ་ཡ་མེ་ཏྲི་སིན་ལོ་ཙ་ན་སྭཱ་ཧཱ། ཆུ་སྔགས་ནས་མིག་བཀྲུས་ན་རབ་རིབ་འཇོམས་པར་གཤིན་རྗེའི་གཤེད་ཀྱི་རྒྱུད་ལས་གསུངས་སོ། ༈ །གཉན་

[Full Size]

དང་ཚད་པའི་རིགས་ལ་སེང་གདོང་མའི་སྔགས། ཡི་གེ་བཅུ་བཞི་པས་སྔགས་ན་ཕན་པར་གསུངས་སོ། ༈ །མིག་ནད་ཐམས་ཅད་ལ་སྨེ་བརྩེགས་སྔགས་བཟླས་ནས་ཕུ་བཏབ་ན་ཕན་པར་གསུངས་སོ། ༈ བུད་མེད་བཙས་མ་ཐུབ་པ་ལ་ཡི་གེ་དྲུག་དང་སྤྱན་རས་གཟིགས་ཀྱི་མཚན་བརྗོད་པའི་སྔགས་ཆུས་ཕན་པར་བཤད་དོ།། ཨོ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། མི་གཡོ་བའི་སྔགས་འདི་སྲན་མ་ལ་སྔགས་ནས་བྲབ་ན་གདོན་ཐམས་ཅད་འབྲོས་པར་རྒྱུད་དང་རྒྱ་གཞུང་གཉིས་ཀ་ནས་གསུངས་སོ། །དེ་ལ་མི་གཡོ་བར་གཏོར་མ་ཕུལ་ནས་འཕྲིན་ལས་བཅོལ་ལོ། །ཨོཾ་ཛྙཱ་ན་ཨ་བ་ལོ་ཀི་ཏེ། ན་མཿས་མནྟ། སྤ་ར་ཎ། རསྨི་བྷ་ཝ། ས་མ་ཡ། མ་ཧཱ་མ་ཎི། དུ་རུ་དུ་རུ་ཧྲིད་ཡ། །ཛྭ་ལ་ནི་ཧཱུཾ། ཡེ་ཤེས་སྐར་མདའི་སྙིང་པོ་འདི་འབབ་ཆུའི་འགྲམ་དུ་འདུག་སྟེ་ལན་བདུན་བཟླས་ནས། ཆུ་འཁྱོར་བ་བདུན་ཆུ་བོར་དོར་ན། ཡི་དྭགས་ཐམས་ཅད་བཟའ་བཏུང་ཕུན་སུམ་ཚོགས་པས་ཚིམས་ནས། མཐོ་རིས་སུ་སྐྱེས། ཆུ་དེ་འཐུང་ཚད་སྒྲིབ་པ་བྱང་ནས། མཐོ་རིས་སུ་སྐྱེ་བར་གསུངས་སོ། །ན་མོ་རཏྣ་ཏྲ་ཡཱ་ཡ། ཧ་དེ་ཕུ་ནེ། ཧ་དེ་ཕུ་

[Full Size]

ནེ་སྭཱ་ཧཱ། འདི་ལམ་དུ་འགྲོ་ཁ་ལན་བདུན་བརྗོད་ན་ལམ་གྱི་འཇིགས་པ་མི་འབྱུང་གསུངས་སོ། ༈ །ཕྱོགས་ངན་དང་སྤར་ཁའི་བདུད་གཅོད་ཕྱོགས་སུ་ཐག་རིང་འགྲོ་ན། སེང་གདོང་མའི་སྔགས་མཇུག་ཏུ། ཕྱོགས་ངན་བདུད་གཅོད་ཟློག །ཅེས་བརྒྱ་རྩ་བརྒྱད་བཟླས། ས་སྔགས་ལ་གཏོར་ཐལ་མོ་བརྡབས་ནས་འགྲོ་བས་ཐུབ་བོ། ༈ །རྨི་ལམ་ངན་པ་སད་མ་ཐག །ཁ་སྟན་མང་ངོས་སུ་གྲུ་ལ་ཡི་གེ་བཅུ་བཞི་པ་ཕྲེང་སྐོར་བཟླ། སེང་གདོང་མར་གསལ་བས་རྨི་ལམ་ངན་པ་ཟློག །ཅེས་ཐལ་མོ་བརྡབས་པས་ཐུབ་བོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨོན་ལམ་ཐམས་ཅད་ཡོངས་སུ་གྲུབ་པའི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཨོཾ་དྷ་ཐོར་བན་རེ་སྭཱ་ཧཱ། འདི་ལན་བདུན་བཟླས་ན་སྨོན་ལམ་གང་བཏབ་འགྲུབ་པར་འགྱུར་རོ། །ཞེས་རྒྱུད་དྲྭ་བ་ལས་གསུངས་ཞེས་ཨ་ཏི་ཤས་གསུངས་སོ། །དབང་བསྐུར་བའི་རྗེས་སུ་ཏིང་ངེ་འཛིན་གྱིས་དབང་ལེན་ཞིང་བསྙེན་པ་ཕྲེང་སྐོར་ཙམ་བྱས་པས་རང་གི་བྱིན་རླབས་ནུས་པ་མི་འཛད་པའི་གདམས་ངག་གོ། སྦྱི༔ ཕན་ཡོན་ཆེ་ཞིང་ཉམས་སུ་ལེན་བདེ་བའི། །སྔགས་

[Full Size]

རྣམས་ཕྱོགས་གཅིག་བསྒྲིགས་པར་གྱིས་ཤིག་ཅེས། །བླ་མ་ཆོས་དབང་ཀུན་བཟང་གིས་བསྐུལ་ནས། །མདོ་རྒྱུད་ཚད་ལྡན་རྣམས་ནས་ལེགས་བསྡུས་ཏེ། །ཉེར་མཁོའི་ཁྱེར་བདེ་རཱ་གའི་མིང་གིས་བཀོད། །འདི་བྲིས་ཉེས་པ་ཌཱཀྐིའི་ཚོགས་ལ་བཤགས། །དགེ་བས་འགྲོ་ཀུན་བདེ་བླག་སངས་རྒྱས་ཤོག། །།སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚོགས་མཆོད་བདུད་རྩི་རྒྱ་མཚོ་བྱིན་རླབས་ཆར་འབེབས་བར་ཆད་ཀུན་སེལ།

[Full Size]

ཚོགས་མཆོད་བདུད་རྩི་རྒྱ་མཚོ་བྱིན་རླབས་ཆར་འབེབས་བར་ཆད་ཀུན་སེལ་བཞུགས་སོ། །ན་མོ་གུ་རུ་དྷེ་ཝ་ཌཱ་ཀི་ནི་ཡེ། ཉམས་ཆག་སྡིག་སྒྲིབ་མ་ལུས་སྦྱང་འདོད་ན། །བར་ཆད་སེལ་ཕྱིར་ཚོགས་གཉིས་རྫོགས་པའི་ཕྱིར། །ཚོགས་འཁོར་བཤམས་ཤིང་བྱིན་རླབས་ལ་སོགས་གཞུང་། །ཞི་དྲག་ཁྲོ་འབར་ལ་སོགས་གང་མོས་བྱ། །ཚོགས་ཕུད་མ་ཕུལ་གོང་དུ་འདི་སྐད་ཅེས། །རོལ་མོའི་དབྱངས་དང་བཅས་ཏེ་གྱེར་བར་བྱ། །གནས་འོག་མིན་ཆོས་དབྱིངས་ཕོ་བྲང་ནས། །དཔལ་ཀུན་བཟང་སྟོན་པ་བཅུ་གཉིས་ཚོགས། །འཁོར་སངས་རྒྱས་གངྒའི་བྱེ་སྙེད་བཅས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །སེམས་རྫོགས་སངས་རྒྱས་པར་བྱིན་གྱིས་རློབས། །གནས་ནུབ་ཕྱོགས་བདེ་ཆེན་ཞིང་ཁམས་ནས། །དཔལ་སྣང་བ་མཐའ་ཡས་ཚེ་དཔག་མེད། །འཁོར་སེམས་དཔའི་ལྷ་མོ་མགྱོགས་མའི་ཚོགས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་

[Full Size]

ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །ལུས་འཆི་མེད་ཐོབ་པར་བྱིན་གྱིས་རློབས། །གནས་པོ་ཊ་ལ་ཡི་རྩེ་མོ་ནས། །དཔལ་ཐུགས་རྗེ་ཆེན་པོ་སྤྱན་རས་གཟིགས། །འཁོར་བསྐལ་བཟང་སངས་རྒྱས་སྟོང་གིས་བསྐོར། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །གནས་རིགས་དྲུག་སྐྱེ་སྒོ་བཅད་དུ་གསོལ། །གནས་ཟངས་མདོག་དཔལ་རིའི་རྩེ་མོ་ནས། །དཔལ་པད་འབྱུང་སྐུ་ལྔ་མཚན་བརྒྱད་རྣམས། །འཁོར་རྗེ་འབངས་ཉེར་ལྔ་རིག་འཛིན་ཚོགས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་

[Full Size]

འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །སེམས་ལུས་ངག་ཡིད་གསུམ་བྱིན་གྱིས་རློབས། །གནས་རྒྱ་བོད་སྒྲུབ་གནས་ཐམས་ཅད་ནས། །དཔལ་གྲུབ་ཆེན་བརྒྱད་ཅུ་རྩ་ལྔའི་ཚོགས། །བོད་གངས་ཅན་གྲུབ་ཐོབ་རྒྱ་མཚོའི་ཚོགས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །སེམས་ཕྱག་ཆེན་རྟོགས་པར་བྱིན་གྱིས་རློབས། །གནས་རང་ལུས་རྒྱལ་བའི་དཀྱིལ་འཁོར་ནས། །དཔལ་རྡོ་རྗེ་སེམས་དཔའ་རིགས་བརྒྱའི་ཚོགས། །འཁོར་ཐེག་པ་དགུ་ཡི་ལྷ་ཚོགས་རྣམས། །སྐུ་མཚན་དཔེའི་གཟི་བརྗིད་འོད་དུ་འབར། །གསུང་ཡན་ལག་དྲུག་ཅུས་ཆོས་སྒྲ་སྒྲོག །ཐུགས་སྟོང་ཉིད་སྙིང་རྗེས་བརྩེར་དགོངས་ལ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །ལས་སྒྲིབ་

[Full Size]

གསུམ་དག་པར་བྱིན་གྱིས་རློབས། །གནས་ལྷོ་ཕྱོགས་ཨེ་ཡི་གཞལ་ཡས་ནས། །དཔལ་རྡོ་རྗེ་འཇིགས་བྱེད་བེ་ཏཱ་ལི། །འཁོར་ལས་གཤིན་བཞི་སོགས་སྤྲུལ་པའི་ཚོགས། །སྐུ་རབ་འཇིགས་གར་དགུའི་ཉམས་དང་ལྡན། །གསུང་དྲག་སྔགས་འབྲུག་སྒྲས་བདུད་དཔུང་འཇོམས། །ཐུགས་སྟོང་ཉིད་ངང་ལས་སྙིང་རྗེ་ཁྲོ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །རྐྱེན་བར་ཆད་ཟློག་པའི་ཕྲིན་ལས་མཛོད། །གནས་དབང་དྲག་རོལ་བའི་དུར་ཁྲོད་ནས། །དཔལ་རྟ་ནག་ལྕགས་རལ་རིགས་བཞིའི་ཚོགས། །འཁོར་དུར་ཁྲོད་བརྒྱད་ལ་གནས་པ་རྣམས། །སྐུ་རབ་འཇིགས་གར་དགུའི་ཉམས་དང་ལྡན། གསུང་དྲག་སྔགས་འབྲུག་སྒྲས་བདུད་དཔུང་འཇོམས། །ཐུགས་སྟོང་ཉིད་ངང་ལས་སྙིང་རྗེ་ཁྲོ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །ཀླུ་ས་བདག་གནོད་པ་བཟློག་ཏུ་གསོལ། །གནས་པདྨ་འོད་ཀྱི་གཞལ་ཡས་ནས། །དཔལ་དྲག་པོ་དམར་ནག་མེ་

[Full Size]

ཕྲེང་ཅན། །འཁོར་རིགས་བཞི་ཌཱཀྐི་ཁྲོ་བོ་བཅུ། །སྐུ་རབ་འཇིགས་གར་དགུའི་ཉམས་དང་ལྡན། །གསུང་དྲག་སྔགས་འབྲུག་སྒྲས་བདུད་དཔུང་འཇོམས། །ཐུགས་སྟོང་ཉིད་ངང་ལས་སྙིང་རྗེ་ཁྲོ། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་འདིར་ཚོགས་སྐལ་ལྡན་ཕོ་མོ་རྣམས། །དུས་སྐད་ཅིག་ཚོགས་ཁང་འདི་ཉིད་དུ། །གདོན་རྒྱལ་བསེན་ལྷ་འདྲེའི་གནོད་པ་ཟློག །གནས་ནུབ་ཕྱོགས་ཨོ་རྒྱན་གཞལ་ཡས་ནས། །དཔལ་ཡེ་ཤེས་ཌཱ་ཀི་སེང་གདོང་མ། །འཁོར་གནས་གསུམ་ཌཀྐི་བྱེ་བ་འབུམ། །དབུ་ཐོར་ཚུགས་ཅོད་པན་ལྡེམས་སེ་ལྡེམ། །ཕྱག་གྲི་ཐོད་སྟངས་སྟབས་ཁྱུགས་སེ་ཁྱུག །ཞབས་གར་ཐབས་བྲོ་རྡུང་ཁྲིགས་སེ་ཁྲིག །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་སྐལ་ལྡན་རྣམས་ལ་ཡེ་ཤེས་སྦྱོར། །ཁོང་སྐལ་མེད་རྣམས་ལ་མོས་པ་བསྐྱེད། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །གནས་གསང་ཆེན་རོལ་པའི་དུར་ཁྲོད་ནས། །དཔལ་མགོན་པོ་མ་ནིང་དཔལ་འབར་མ། །འཁོར་སྡེ་བརྒྱད་གཏེར་སྲུང་བྱེ་བ་འབུམ། །སྐུ་རབ་འཇིགས་ཁྲོ་གཏུམ་སྲིན་པོའི་གཟུགས། །གསུང་

[Full Size]

སྔགས་སྒྲའི་ང་རོས་སྲིད་གསུམ་འདིར། །ཐུགས་སྟོང་ཉིད་ངང་ལས་སྙིང་རྗེ་ཁྲོ། །ཁྱེད་འདིར་བྱོན་ཚོགས་ཀྱི་མཆོད་པ་བཞེས། །རྗེ་པད་འབྱུང་བསྟན་པ་རྒྱས་པ་དང་། །བདག་སྔགས་འཆང་བཅོལ་བའི་ཕྲིན་ལས་མཛོད། །ཁོང་ཡོན་བདག་རྐྱེན་རྣམས་བཟློག་པར་མཛོད། །གནས་མཆོག་དཔལ་གྱི་རྩྭ་རི་ནས། །དཔལ་ཞིང་སྐྱོང་སེང་གདོང་ཡབ་ཡུམ་ལ། །འཁོར་ནག་པོ་སྟོང་དང་ཤ་ཟ་འབུམ། །གནས་ཞིང་སྐྱོང་མཁའ་འགྲོ་བྱེ་བ་འབུམ། །སྐུ་མ་ངེས་སྤྲུལ་སྒྱུར་ཅིར་ཡང་སྟོན། །གསུང་སྔགས་སྒྲ་གླུ་དབྱངས་ཙེ་རེ་རེ། །ཐུགས་བདེ་སྟོང་ཏིང་འཛིན་ངང་ཉིད་ལས། །ཁྱེད་འདིར་གཤེགས་ཚོགས་ཀྱི་མཆོད་པ་བཞེས། །བདག་སྔགས་འཆང་བཅོལ་བའི་ཕྲིན་ལས་སྒྲུབས། །ཁོང་ཡོན་བདག་རྣམས་ཀྱི་ཆག་ཆེན་ཟློག །རོལ་མོ་བྱ། དེ་ནས་ཚོགས་བཏེག་ལ་དྲངས་བ་ནི། ཨོཾ་ཨཱཿ ཧཱུཾ། ཚོགས་མཆོད་བདུད་རྩིའི་རྒྱ་མཚོ་ལས། །རླངས་པ་མཆོད་པའི་ལྷ་མོའི་ཚོགས། །དཔག་མེད་ནམ་མཁའ་གང་བར་འཕྲོས། །གཟུགས་སྒྲ་དྲི་རོ་རེག་བྱའི་ཚོགས། །བསྟབ་བོ་བསྟབ་བོ་དགྱེས་པར་རོལ། །གྷ་ན་ཞེས་པ་ཚོགས་ཡིན་ཏེ། །སྟེང་བཀའ་བརྒྱུད་བླ་མ་འཚོགས་པའི་

[Full Size]

ཚོགས། །བར་ཡི་དམ་ལྷ་ཚོགས་འཚོགས་པའི་ཚོགས། །འོག་ཆོས་སྐྱོང་སྲུང་མ་འཚོགས་པའི་ཚོགས། །གྲོགས་རྡོ་རྗེའི་སྤུན་གྲོགས་འཚོགས་པའི་ཚོགས། །ཙཀྲ་ཞེས་པ་འཁོར་ལོ་སྟེ། །སྒྲིབ་གཉིས་གཅོད་པའི་འཁོར་ལོ་ཡིན། །དུག་ལྔ་གཅོད་པའི་འཁོར་ལོ་ཡིན། །བདུད་བཞི་གཅོད་པའི་འཁོར་ལོ་ཡིན། །སྐྱེ་སྒོ་གཅོད་པའི་འཁོར་ལོ་ཡིན། །ཨ་ལ་ལ་ངོ་མཚར་རྨད་དུ་བྱུང་། །འདི་ནི་ཆོས་རྣམས་འབྱེད་པའི་སྒོ། །འདི་རྣམས་བྱིན་རླབས་འཇུག་པའི་སྒོ། །།འདི་ནི་དབང་བཞི་བསྐུར་བའི་ཡོན། །འདི་ནི་དངོས་གྲུབ་འབྱུང་བའི་གཞི། །འདི་ནི་དཔའ་བོ་རྒྱས་པའི་ཐབས། །འདི་ནི་མཁའ་འགྲོ་འདུ་བའི་གཞི། །འདི་ནི་ཆོས་སྐྱོང་རྟེན་པའི་གཞི། །འདི་ནི་ཉམས་ཆག་བསྐང་བའི་མཆོག །འདི་ནི་སྒྲིབ་གཉིས་བཀྲུ་བའི་ཆུ། །འདི་ནི་བག་ཆགས་གཏོར་བའི་རླུང་། །འདི་ནི་འཁོར་བ་སྒྲོལ་བའི་གྲུ། །ཨེ་མ་ཧོ། འདི་ལ་ཐེ་ཚོམ་བྱ་མི་རུང་། །གང་གིས་ཚོགས་ལ་ཐེ་ཚོམ་ན། །ཆུ་བུར་ཅན་གྱི་དམྱལ་བར་ལྟུང་། །ཚེ་འདིར་ཊཱཀྐིའི་ཆད་པ་འབྱུང་། །དེ་ཕྱིར་ཐེ་ཚོམ་མེད་པར་རོལ། །ཕྱི་མཆོད་ཡུལ་ལྷ་རྣམས་ཐུགས་དམ་བསྐང་། །

[Full Size]

ནང་སྐྱེ་མེད་ལྷ་ཚོགས་ཚིམ་པར་རོལ། །ཁ་ཡ་རྐན་རྒྱལ་བ་འོད་དཔག་མེད། །ལྕེ་ཡུམ་མཆོག་ལྷ་མོ་གོས་དཀར་མོ། །དེ་གཉིས་མེད་བདེ་སྟོང་སྦྱོར་བ་ལ། །དེ་མྱོང་རྟོགས་ཟག་མེད་བདུད་རྩི་བླུད། །གནས་རང་ལུས་རྩ་འཁོར་ལྔ་པོ་རུ། །ལྷ་རིགས་ལྔ་ཡབ་ཡུམ་འཁོར་བཅས་མཉེས། །གནས་ཉི་ཤུ་རྩ་བཞི་རྩ་དབུ་མ། །ལྷ་དཔའ་བོ་མཁའ་འགྲོ་ཐམས་ཅད་ཚིམས། །དེ་ཚིམས་པས་དངོས་གྲུབ་རྣམ་གཉིས་ཐོབ། །ཉམས་རྟོགས་པ་ཡར་ངོའི་ཟླ་བ་བཞིན། །བདག་དོན་གཉིས་འགྲུབ་པར་མཛད་དུ་གསོལ། །ཞེས་གླུ་དོན་གྲུབ་ཀྱིས་བསྐུལ་ནས་ཨ་རཱ་གས་བྲིས་པའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཟའ་བཏུང་ཚོགས་འཁོར་བྱིན་རླབས།

[Full Size]

བཟའ་བཏུང་ཚོགས་འཁོར་བྱིན་རླབས་བཞུགས་སོ། །ཚོགས་འཁོར་གཏེར་གཞུང་རྣམས་བྱིན་རླབས་ཆེ་བས་ལེགས། འོན་ཀྱང་གཉན་པས་བཟའ་ཚོགས་ལ་འདི་བཏོན་ན་ལེགས། ཧྲཱིཿ ཆོས་རྣམས་ཡེ་ནས་རྫོགས་པ་ཆེ། །དོན་སྟོང་ཉིད་སྨྲ་བསམ་བརྗོད་ལས་འདས། །དཔེ་ནམ་མཁའ་མཐའ་དབུས་བྲལ་བ་བཞིན། །དོན་ཅི་ཡང་མེད་བཞིན་ཅི་ཡང་སྣང་། །དཔེ་མཁའ་ལ་འཇའ་སྤྲིན་ཤར་བ་བཞིན། །སེམས་ཆོས་སྐུ་ངོ་བོ་ཀུན་ཏུ་བཟང་། །དེ་གཟུགས་སུ་སྣང་བ་པད་འབྱུང་སྐུ། །ཐུགས་ཡིག་འབྲུ་རིག་རྩལ་འགགས་མེད་ལ། །གསུང་ཡིག་འབྲུ་རཾ་ཡཾ་ཁཾ་དང་གསུམ། །རཾ་འཕྲོས་པས་མི་གཙང་དྲི་མ་བསྲེགས། །ཡཾ་འཕྲོས་པས་དངོས་འཛིན་ཨ་འཐས་གཏོར། །ཁཾ་འཕྲོས་པས་ཐ་མལ་བག་ཆགས་བཀྲུས། །གསུང་ཡིག་འབྲུ་རཾ་ཡཾ་ཁཾ་གསུམ་པོ། །དེ་གནས་འགྱུར་སྐུ་གསུམ་ཡིག་འབྲུ་གྱུར། །ཧཱུཾ་ཐུགས་ཀྱི་ཡི་གེས་རྣམ་རྟོག་སྦྱངས། །ཨཱགསུང་གི་ཡི་གེས་བདུད་རྩིར་བསྒྱུར། །ཨོཾ་སྐུ་ཡི་ཡི་གེས་མཆོད་སྤྲིན་གྱུར། །ཧིཐུགས་ལས་མཆོད་ལྷ་གྲངས་མེད་འཕྲོས། །གནས་འོག་མིན་ཆོས་དབྱིངས་ཞིང་ཁམས་ནས། །དཔལ་ཀུན་བཟང་རྡོ་རྗེ་འཆང་ཆེན་ལ། །

[Full Size]

རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་སེམས་དང་གཉིས་སུ་མེད་པར་མཆོད། །གནས་དག་པའི་ཞིང་ཁམས་ལྔ་པོ་ནས། །དཔལ་རྒྱལ་བ་རིགས་ལྔ་ཡབ་ཡུམ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་ལུས་དང་གཉིས་སུ་མེད་པར་མཆོད། །གནས་འཛམ་གླིང་བྱེ་བ་ཕྲག་བརྒྱ་ནི། །དཔལ་སྤྲུལ་སྐུ་སངས་རྒྱས་སྟོང་རྩ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་སྣང་དང་གཉིས་སུ་མེད་པར་མཆོད། །གནས་གྲུ་འཛིན་བྱེ་བ་ཕྲག་བརྒྱ་ན། །དཔལ་སྤྱན་རས་གཟིགས་དབང་བྱེ་བ་བརྒྱར། །རྫ་ས་ཟག་མེད་བདུད་རྩིའི་ཚོགས་མཆོད་འབུལ། །དོན་ཐུགས་རྗེ་དང་གཉིས་སུ་མེད་པར་མཆོད། །གནས་རི་བོ་རྩེ་ལྔ་ཕྲག་བརྒྱ་ན། །དཔལ་འཇམ་དབྱངས་བྱེ་བ་ཕྲག་བརྒྱ་ལ། །རྫ་ས་ཟག་མེད་བདུད་རྩིའི་ཚོགས་མཆོད་འབུལ། །དོན་མཁྱེན་རབ་དང་གཉིས་སུ་མེད་པར་མཆོད། །གནས་ལྕང་ལོ་ཅན་བྱེ་བ་ཕྲག་བརྒྱ་ན།དཔལ་ཕྱག་ན་རྡོ་རྗེ་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་མཐུ་སྟོབས་དང་གཉིས་སུ་མེད་པར་མཆོད། །གནས་རྔ་ཡབ་བྱེ་བ་ཕྲག་བརྒྱ་

[Full Size]

ན། །དཔལ་པདྨ་འབྱུང་གནས་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རིག་རྩལ་དང་གཉིས་སུ་མེད་པར་མཆོད། །གནས་ཨོཾ་རྒྱན་བྱེ་བ་ཕྲག་བརྒྱ་ན། །དཔལ་རྟ་ཕག་ཡབ་ཡུམ་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་བདེ་སྟོང་དང་གཉིས་སུ་མེད་པར་མཆོད། །གནས་རིགས་དྲུག་བྱེ་བ་ཕྲག་བརྒྱ་ན། །ཐུབ་དྲུག་པད་འབྱུང་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་ཕྱིན་དྲུག་དང་གཉིས་སུ་མེད་པར་མཆོད། །གནས་རྒྱ་གར་བྱེ་བ་ཕྲག་བརྒྱ་ན། །གྲུབ་ཆེན་བྱེ་བ་བརྒྱད་ཅུ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་བླ་མ་དང་གཉིས་སུ་མེད་པར་མཆོད། །གནས་གངས་ཅན་བྱེ་བ་ཕྲག་བརྒྱ་ན། །དཔལ་རྗེ་འབངས་ཉེར་ལྔ་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རིག་སྟོང་དང་གཉིས་སུ་མེད་པར་མཆོད། །གནས་གང་ལ་གང་འདུལ་གྱི་ཞིང་ཁམས་ན། །དཔལ་རྩ་བ་བརྒྱུད་པའི་བླ་མ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་པད་འབྱུང་དང་གཉིས་སུ་མེད་པར་

[Full Size]

མཆོད། །གནས་ཞི་བ་དབྱིངས་ཀྱི་དཀྱིལ་འཁོར་ན། །ལྷ་བུདྡྷ་བཞི་བཅུ་རྩ་གཉིས་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རང་སྙིང་དང་གཉིས་སུ་མེད་པར་མཆོད། །གནས་ཁྲག་འཐུང་རོལ་པའི་དཀྱིལ་འཁོར་ན། །འབར་བ་ཁྲག་འཐུང་ལྔ་བཅུ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་ཕུང་ཁམས་དང་གཉིས་སུ་མེད་པར་མཆོད། །གནས་འོག་མིན་མཁའ་སྤྱོད་རྣམ་གསུམ་ན། །དཔལ་དག་པ་རིག་འཛིན་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་མགྲིན་པ་དང་གཉིས་སུ་མེད་པར་མཆོད། །ཡུལ་ཆེན་པོ་ཉི་ཤུ་རྩ་བཞི་ན། །དཔལ་དཔའ་བོ་དང་མཁའ་འགྲོ་བྱེ་བ་བརྒྱར། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་རྩ་བྲན་དང་གཉིས་སུ་མེད་པར་མཆོད། །གནས་རབ་འཇིགས་དུར་ཁྲོད་ཆེན་པོ་ན། །དཔལ་མ་མགོན་དམ་ཅན་རྒྱ་མཚོ་ལ། །རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་དམ་ཚིག་དང་གཉིས་སུ་མེད་པར་མཆོད། །གནས་སྟོང་གསུམ་མི་མཇེད་ཞིང་ཁམས་ན། །དྲེགས་པ་སྣང་སྲིད་ལྷ་འདྲེ་ལ། །།རྫས་ཟག་མེད་བདུད་རྩིའི་ཚོགས་

[Full Size]

མཆོད་འབུལ། །དོན་རྣམ་རྟོག་དང་གཉིས་སུ་མེད་པར་མཆོད། །གནས་ནམ་མཁའི་མཐར་ཐུག་ཞིང་ཁམས་ན། །མ་འགྲོ་དྲུག་སེམས་ཅན་ཐམས་ཅད་ལ།། རྫས་ཟག་མེད་བདུད་རྩིའི་ཚོགས་མཆོད་འབུལ། །དོན་ཡི་དམ་དང་གཉིས་སུ་མེད་པར་མཆོད། །བདག་དེ་ལྟར་ཚོགས་མཆོད་ཕུལ་བའི་མཐུས། །གནས་ཡུལ་འབྲོག་དང་རི་ཁྲོད་གྲོང་གི་གསེབ། །གར་འདུག་ཀྱང་འོག་མིན་བདེ་བ་ཅན། །ཞིང་ཡོངས་སུ་དག་པར་བྱིན་གྱིས་རློབས། །མཁར་ཁང་ཁྱིམ་སྦྲ་གུར་སྤྱིལ་པོ་ཕུག །གར་འདུག་ཀྱང་གཞལ་ཡས་སུ་བྱིན་གྱིས་རློབས། །གྲོགས་སྐྱེས་པ་དང་བུད་མེད་བྱིས་པ་སོགས། །སུ་འགྲོགས་ཡི་དམ་ལྷ་རུ་བྱིན་གྱིས་རློབས། །གདན་ཕྱིང་པ་གཡང་གཞི་རྩྭ་སོགས་ཤིང་། །དེ་གསེར་ཁྲི་པདྨར་བྱིན་གྱིས་རློབས། །སྣོད་ཟངས་ལྕགས་འཁར་བ་ཤིང་གི་སྡེར། །དེ་པདྨ་བྷནྡཱར་བྱིན་གྱིས་རློབས། །ཟས་ཤ་ཆང་ཇ་ཞོ་ཟན་དང་ཐུད། །ཁ་མེ་ཐབ་ལག་གཉིས་དགང་གཟར་སྣོད། །སེམས་ཡི་དམ་ཨ་ཐུང་ཡེ་ཤེས་མེ། །ཟས་བཟའ་བཏུང་སྦྱིན་སྲེག་ཏུ་བྱིན་གྱིས་རློབས། །རླུང་འབྱུང་འཇུག་གནས་གསུམ་རྡོ་རྗེའི་སྔགས། །གཉིད་རྨི་ལམ་ཐ་

[Full Size]

མལ་སྙོམས་འཇུག་བཞི། །དོན་སྐུ་བཞི་ལྷུན་གྲུབ་ཏུ་བྱིན་གྱིས་རློབས། །དོན་རང་སེམས་དང་ཆོས་དབྱིངས་ནམ་མཁའ་གཉིས། །སྣང་སྲིད་ཀུན་རང་སེམས་རོ་གཅིག་འདྲེས། །ལྷ་སྤྱན་འདྲེན་དང་བཞུགས་གསོལ་མི་དགོས་པས། །འཁོར་འདས་མཉམ་ཉིད་དུ་བྱིན་གྱིས་རློབས། །ཟས་ཞིམ་བཙོག་མངར་སྐྱུར་གྱི་རྟོག་པ་ལ། །དེ་ངོ་བོར་བལྟས་པས་སྟོང་པར་མཉམ། །ཚོགས་ཕྱི་ནང་ཟག་མེད་བདུད་རྩིར་དམིགས། །ལུས་ཕུང་ཁམས་སྐྱེ་མཆེད་ལྷ་ལ་འབུལ། །དེ་ཟ་འཐུང་ཚོགས་འཁོར་གྱི་གདམས་པ་ཡིན། །།གུ་རུ་དྷེ་ཝ་ཌཱཀྐི་ནི་ས་པ་རི་ཝཱ་ར་གྷ་ན་ཙཀྲ་ལ་ཁ་རཾ་ཁཱ་ཧི་ཁཱ་ཧི། ཞེས་རོལ། ལྷག་མ་ནི། རང་ཉིད་ཡི་དམ་ལྷ་ཡི་ཡར་མར་རྐན། །ལྷ་སྣང་མཐའ་གོས་དཀར་སྦྱོར་མཚམས་ནས། །བདུད་རྩི་བྱང་སེམས་ཀྱི་ཐིགས་པ་སྤྲོས། །རྗེས་ལྷག་མ་ཤ་ལྔ་བདུད་རྩི་ལྔ། །དོན་ཟག་མེད་ཡེ་ཤེས་བདུད་རྩི་ལྔ། །གཟུགས་ཤ་ཁྲག་རུས་པའི་རྒྱ་མཚོར་གྱུར། །སྔགས་ཧ་ཧོ་ཧྲི༔ཡིས་བྱིན་གྱིས་རློབས། །རྫས་ཁ་དོག་དྲི་རོ་ཕུན་སུམ་ཚོགས། །དོན་རང་གི་རྩལ་སྣང་འགགས་མེད་ལས། །ཕྱི་དབང་ཕྱུག་མ་མོ་ཞིང་སྐྱོང་ཚོགས། །གནས་དུར་ཁྲོད་འགྲིམ་ཞིང་ཚོགས་

[Full Size]

ཁང་ཉུལ། །བུ་དམ་ཚིག་ཅན་ལ་དངོས་གྲུབ་སྟེར། །བཀའ་དམ་ཉམས་རྣམས་ལ་ཆད་པ་འབེབས། །མི་ཉམས་རྟོགས་ཅན་གྱི་དྲོད་ཚད་འབེབས། །མཐོ་ནམ་མཁའི་དབྱིངས་ནས་བྱ་ར་བྱེད། །བར་སྣང་སྲིད་ལྷ་འདྲེ་འཁོར་དུ་ཁྲིད། །དམའ་ས་གཞི་ལེགས་ཉེས་སྟངས་རྣམས་གཅོད། །ཕོ་འཕྱོར་པོ་ཀུན་གྱི་བླ་ཡིད་འཕྲོག །མོ་འཕྱོར་མོ་ཀུན་གྱི་ཡིད་སེམས་བསླུས། །དུས་སྙིགས་མར་དལ་ཡམས་རྐྱེན་ཁ་འབེབས། །དགྲ་ཞིང་བཅུ་ཚང་བའི་ཚེ་སྲོག་གཅོད། །གནས་སྒྲུབ་ཁང་དུར་ཁྲོད་གནས་རི་ཉུལ། ཟས་ཤ་ཁྲག་བདུད་རྩིའི་གཏོར་མ་ཟ། །མི་དམ་ཚིག་ཅན་ལ་སྲིང་བས་གདུང་། །ཆོས་སྙིང་ནས་བྱེད་ན་མ་བས་བྱམས། །མི་བསྟན་བཤིག་རྣམས་ལ་ཞེ་རེ་གནག །སྟོབས་རྫུ་འཕྲུལ་གནམ་ས་ཁ་ཞབས་སྒྱུར། །བང་མགྱོགས་པ་གློག་དང་སྐར་མདའ་འདྲ། །མཐུ་དྲག་རྩལ་ནམ་མཁའི་ཐོག་བས་ཆེ། །སྔོན་དཔལ་ཆེན་རིག་འཛིན་སྤྱན་སྔ་རུ། །དུས་མ་འོངས་གསང་སྔགས་ཉམས་ལེན་པ། །དེ་སྤྱི་བོའི་གཙུག་ཏུ་བཀུར་བ་དང་། །སྙིང་ཐག་པའི་བུ་བཞིན་མི་སྐྱོང་རེ། །དེ་རང་དམ་བཅས་ནས་ཐ་ཚིག་བཞག །དོན་རྫོགས་སངས་

[Full Size]

རྒྱས་དང་དབྱེར་མེད་ཀྱང་། །འཕྲལ་གསང་སྔགས་བསྟན་པ་བསྲུང་བའི་ཕྱིར། །ལུས་བྲན་གཡོག་ཕོ་མོའི་ཚུལ་འཛིན་པས། །ཁྱེད་མཉེས་པའི་ལྷག་གཏོར་ངས་འབུལ་གྱིས། །ང་རྣལ་འབྱོར་དགའ་བའི་དངོས་གྲུབ་བྱིན། །དོན་སྡོང་གྲོགས་མེལ་ཚེ་དགའ་བཞིན་མཛོད། །སརྦ་པྲ་ཏ་བ་ལི་ཏ་ཁཱ་ཧི། ཞེས་ཕུལ་ནས། མི་བདག་གི་དུས་གསུམ་དགེ་བསགས་དང་། །ཟས་ཚོགས་ཀྱི་འཁོར་ལོ་བསྐོར་བའི་མཐུས། །ཚེ་འདི་ལ་ནད་གདོན་བར་ཆད་ཞི། །ཚེ་བསོད་ནམས་ཉམས་རྟོགས་འཕེལ་ཞིང་རྒྱས། །རང་རླུང་སེམས་སྣང་བ་དབང་དུ་འདུས། །དགྲ་བདུད་བཞིའི་གཡུལ་ལས་རབ་རྒྱལ་ནས། །ཚེ་འདི་ལ་པད་འབྱུང་སྐུ་འགྲུབ་ཤོག །དོན་སྣང་སྲིད་དག་པ་རབ་འབྱམས་ཞིང་། །དེ་ཡི་དམ་ཡིན་པ་ངོ་འཕྲོད་ནས། །དེ་དངོས་སུ་འཆར་བའི་བཀྲ་ཤིས་ཤོག །ཅེས་མེ་ཡོས་ས་གའི་ཉེར་གཅིག་ལ། །རང་རྣམ་གཡེང་མང་པོས་ཡེང་སྐབས་ལ། །བུས་བྲིས་ཤོག་གལ་ཆེན་བསྐུལ་བའི་ངོར། །འཕྲལ་གང་དྲན་བྲིས་པའི་ཚོགས་མགུར་འདི། །ཁྱེད་དུས་མིན་ཤ་ཆང་ལོངས་སྤྱོད་ཚེ། །འདི་བཏོན་པས་སྔགས་ནུས་མི་ཉམས་ཤིང་། །ཟས་ཤ་ཆང་ལ་སོགས་ཟ་འཐུང་ཚེ། །འདི་བཏོན་པས་བསོད་ནམས་ཚོགས་སུ་འགྱུར། །ཚོགས་ཇི་བཞིན་བཤམས་ནས་བཏོན་ན་

[Full Size]

ཡང་། །དོན་མ་ཚང་ཆད་ལྷག་འདི་ལ་མེད། །ཚིག་རིས་ཀྱི་དོན་རྩ་འདི་ལས་མེད། །དེ་བྱེད་ན་ཉམས་རྟོགས་བོགས་སུ་འགྱུར། །ཚིག་དེ་སྐད་རཱ་ག་ཨ་སྱས་སྨྲས། ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བསྐང་རྫས་བྱིན་རླབས་བསམ་འཕེལ་ཡིད་བཞིན་འདོད་འཇོའི་གཏེར།

[Full Size]

བསྐང་རྫས་བྱིན་རླབས་བསམ་འཕེལ་ཡིད་བཞིན་འདོད་འཇོའི་གཏེར་ཞེས་བྱ་བ་བཞུགས་སོ།། ཨོཾ་ཧཱིཔདྨནྟ་ཀྲྀཏ་བཛྲ་ཀྲོ་དྷ་ཧ་ཡ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཀྱིས་བགེགས་དང་མ་ཟདག་པ་བསང་ངོ། །ཨོཾ་སྭ་བྷཱ་ཝ་ཤུདྡྷསརྦ་དྷརྨཱསྭ་བྷཱ་ཝ་ཤུདྡྷོཉཧཾ། དངོས་གཞི་སྦྱངས། སྟོང་པར་གྱུར། སྟོང་པའི་ངང་ལས་འབྱུང་བ་རིམ་བརྩེགས་རི་རབ་གླིང་བཞི་ལྕགས་རི་མུ་ཁྱུད་དང་བཅས་པ། རི་རབ་ཀྱི་སྟེང་དུ་རླུང་མེ་ཐོད་སྐྱེད་ཀྱི་སྟེང་དུ། ཀ་པཱ་ལ་རྒྱ་ཁྱོན་དཔག་ཏུ་མེད་པའི་ནང་དུ། ཤ་ལྔ་བདུད་རྩི་ལྔ་ཞུ་བའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ། ལྦུ་བ་ལ་གཟུགས་མཛེས་པ་སྣ་ཚོགས་འཕྱུར་བ། རྦ་རླབས་ལ་སྒྲ་སྙན་པ་སྣ་ཚོགས་གྲག་པ། ངད་པ་ལ་དྲི་ཞིམ་པ་སྣ་ཚོགས་ཀྱིས་ངད་ལྡང་བ། ལྗགས་ལ་བརྡར་བས་རོ་བརྒྱ་དང་ལྡན་པ། ལུས་ལ་རེག་བྱ་འཇམ་ཞིང་གསོལ་བས་ཟག་མེད་ཀྱི་བདེ་བ་སྐྱེད་པ། དེ་ཡི་ཕུད་རླངས་ལས་འདོད་ཡོན་གྱི་ལྷ་མོས་ནམ་མཁའ་གང་བ་རྒྱུན་མི་འཆད་པར་འཕྲོ་ཞིང་སོ་སོ་རང་རང་གིས་མཆོད་རྫས་དུ་མ་ཐོགས་ཏེ། ལྷ་སོ་སོའི་དབང་པོ་དྲུག་ལ་མཆོད་ཅིང་ཐིམ་པས་མཉེས་ཤིང་ཐུགས་དམ་གྱི་རྒྱུད་བསྐང་བར་བྱེད་པ། བཀྲ་ཤིས་པའི་ལྷ་མོ་བརྒྱད་དང་མཆོད་

[Full Size]

པའི་ལྷ་མོ་བཅུ་དྲུག་གིས་རང་རང་གི་མཆོད་རྫས་ཐོགས་ནས། བདེ་བ་ཆེན་པོའི་ལྷ་རྣམས་སོ་སོའི་དགྱེས་པ་བསྐྱང་བར་བྱེད་པ། རྒྱལ་སྲིད་སྣ་བདུན་དང་། ངོ་མཚར་བའི་མཆོད་པ་བཅོ་བརྒྱད་དང་། ཉེ་བར་སྤྱོད་པའི་མཆོད་པ་བདུན་ལ་སོགས་ལྷ་དང་མི་ཡི་ལོངས་སྤྱོད་སྤྲིན་ལྟར་གཏིབས་ཤིང་ཆར་ལྟར་འབེབས་པ། སོ་སོའི་རྟེན་རྫས་དང་། སྒྲུབ་རྫས་དང་། མཆོད་རྫས་དང་། བསྐང་རྫས་ཐམས་ཅད་མ་ཚང་བ་མེད་ཅིང་ཕུན་སུམ་ཚོགས་པ། བྱ་ཅན་རི་དྭགས་ཆུ་གནས་ཐམས་ཅད་ཀྱང་ཆེ་བ་ཚོ་བ་སྟོབས་དང་ལྡན་པ། ཕུང་པོ་ཁམས་དང་སྐྱེ་མཆེད་ཡོངས་སུ་རྫོགས་པ། རེ་རེ་ལའང་གྲངས་མེད་འཕྲོ་ཞིང་འབྱུང་བ་དེ་ལྟ་བུའི་གླིང་བཞི་རི་རབ་དང་བཅས་པ། དེ་ལྷ་དང་སྲུང་མ་ཐམས་ཅད་ལ་རེ་རེའི་སྤྱན་སྔར་ཡོངས་སུ་རྫོགས་པ་རེ་རེ་འབྱུང་ཞིང་། གྲངས་མེད་འཕྲོ་བས་ནམ་མཁའི་མཐར་ཁྱབ་ཅིང་། འཁོར་བ་མ་སྟོང་གི་བར་དུ་རྒྱུན་མི་འཆད་པར་འབྱུང་བའི་རང་བཞིན་ཅན་དུ་གྱུར་ཅིག །ཨོཾ་སརྦ་དྷརྨཱ་པཱུ་ཙྪཔཉྩརཏ་ཀཱ་ཡ་ཀོ་ཏི་བྷི་བྷཱ་ཝ་ཀ་སྭ་བྷ་ཝ་ཤུདྡྷོཉཧཾ། བསམ་གྱིས་མི་ཁྱབ་པར་སྤེལ་བའི་སྔགས་སོ། །ཨོཾ་སརྦ་དྷརྨཱ་ཨ་བྷི་བརྟ་ཧི་ཀོ་ཧ་ཡ་ན་གྷ་མི་སྭ་བྷཱ་ཝ་ཤུདྡྷོཉཧཾ།

[Full Size]

དཔག་ཏུ་མེད་པར་བྱིན་གྱིས་རླབས་པའི་སྔགས་སོ། །ཨོཾ་སརྦ་དུཏྟཾ་ཤྲཱིཧ་གྲོསྭཱ་གརྫ་ཧཱུྃ་ཕཊ༔ དེ་ནས་ནུས་པ་བསམ་གྱིས་མི་ཁྱབ་པར་བྱེད་པའི་སྔགས་ཏེ། རྒྱ་མཚོའི་རྒྱུད་ལས་གསུངས་སོ། །ཚུལ་དེ་ལྟ་བུས་མ་ཡེངས་པའི་ངང་ལས་དམིགས་པ་དང་བཅས་འདོན་སྒོམ་སྦྲགས་ལ་འདོན་པར་བྱའོ། །ཨ་རཱ་གས་སྦྱར་བའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་ལས་བསྐང་བཤགས་རྩ་ཚིག་འགྲེས་བཤངས་ཏེ་བྲིས་པ།

[Full Size]

གནམ་ཆོས་ཐུགས་ཀྱི་གཏེར་ཁ་ལས་བསྐང་བཤགས་རྩ་ཚིག་འགྲེས་བཤངས་ཏེ་བྲིས་པ་ཡོད༔

[Full Size]

མཆོད་པ་འབུལ་བ་ནི༔ འདི་སྐད་བརྗོད་དོ༔ ཧཱུྃ༔ བཅོམ་ལྡན་ཆྒཻ་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཞེས་སོ༔ མངྒ་ལཾ༔ ༔ མཐོའཁཆ། ཡང་བཤགས་པ་ནི༔ འདི་སྐད་བརྗོད་དོ༔ ཧཱུྃ༔ བཅོམ་ལྡན་རྨི་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཞེས་བརྗོད་དོ༔ ཞེས་པ་འདི་བདག་སྤྲུལ་སྐུ་མི་འགྱུར་རྡོ་རྗེ་རང་ལོ་བཅུ་གཅིག་ངོ་མཐོང་ཙམ་ལ་ཨོ་རྒྱན་རིན་པོ་ཆེས་གསུངས་ཏེ་སྤྱི་ལ་སྦྱར་ཆོག་གོ༔

[Full Size]

ཨཱིཝཱིཝནྟུ༔ རྒེ་ཞེས་པར་ཡི་དམ་གང་འདོད་སྦྱར་ཤེས་པར་གྱིས་ཤིག་ཧཱུྃ༔ བཅོམ་ལྡན་ཀུན་བཟང་ཡབ་ཡུམ་དང་༔ སྣང་བ་མཐའ་ཡས་ཚེ་དཔག་མེད༔ སྨན་བླ་ཆོས་བསྒྲགས་རྒྱ་མཚོའི་དབྱངས༔ སྟོན་པ་གནས་བཅུ་ཐུབ་པ་དྲུག༔ བདེ་ཆེན་ཞིང་གི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་རྒྱལ་བ་རྒྱ་མཚོ་ནི༔ ལུས་དཀྱིལ་རྟེན་སྒྲུབ་ལྷ་གཅིག་དང་༔ ལྷ་བཞི་ལྷ་ལྔ་ལྷ་དགུ་དང་༔ ལྷ་མང་སྤྲུག་བསྒྲུབ་ལྷ་ཚོགས་ལ༔ བཀྲ་ཤིས་རྫས་རྟགས་

[Full Size]

རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་ཕྱག་སྟོང་བཅུ་གཅིག་ཞལ༔ རྣོ་པྲ་འགྲོ་འདུལ་ཡི་གེ་དྲུག༔ གཙུག་ཏོར་དྲི་མེད་སེང་གེ་སྒྲ༔ སྤོ་རྗེ་ཡིད་བཞིན་འཁོར་ལོ་སོགས༔ ཐུགས་རྗེ་ཆེན་པོའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་སྤྲུལ་སྐུ་པདྨ་འབྱུང་༔ སྐུ་གསུམ་སྐུ་ལྔ་མཚན་མཆོག་བརྒྱད༔ སྐྱེའུ་པ་དང་རྒྱ་གར་རྒྱལ༔ རྫོགས་བྷི་པ་དང་བིརླ་པ༔ མི་ཏྲ་ཛཱ་ཀི་བི་མ་ལ༔ དམ་པ་རྒྱ་གར་ལབ་ཀྱི་སྒྲོན༔ རཏྣ་གླིང་སོགས་གཏེར་སྟོན་བརྒྱད༔ རིག་འཛིན་གྲུབ་ཐོབ་ཐམས་ཅད་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ རབ་བྱུང་ཅན་དང་ཐུབ་ཚབ་ཅན༔ པད་སྟེང་བཞུགས་དང་སྐྱབས་སྦྱིན་མཛད༔ ཟོར་པགས་ཅན་དང་དཀར་པོ་མཚེ༔ པདྨ་སམ་བྷའི་ལྷ་ཚོགས་ལ༔ བཀྲ་ཤིས་རྫ་ས་རྟགས་རིན་ཆེན་བདུན༔ བདག་ཅིག་འཁོར་དང་བཅས་པ་ཡིས༔ མཆོད་

[Full Size]

པ་འབུལ་ལོ་ཐུགས་དམ་བསྐང་༔ ཧཱུྃ༔ སྐུ་མདོག་སེར་དང་དབང་པོའི་ལྡན༔ རྡོ་རྗེའི་གདན་དང་ཉི་མ་མཁྱེན༔ སྤྲུལ་བྱེད་མགོ་བྱེད་རྡོ་རྗེ་འཛིན༔ སེར་མཛོད་ཅན་རྡོ་རྗེ་བསྣམས༔ ཤཱཀྱ་སེང་གེའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔་རྒྱལ་པོ་ཆེ་དང་གཟི་བརྗིད་ལྡན༔ དམར་ཆེན་པད་བཞུགས་ཟླ་བཞུགས་ཏེ༔ པདྨ་རྒྱལ་པོའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན་བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ ཤར་གྱུར་མཁས་པ་སྔགས་པ་དང་༔ ཌ་རུ་དཀྲོལ་དང་བྷན་འཛིན༔ གོས་སྔོན་ཅན་དང་བློ་ལྡན་པ༔ རིག་སྔགས་མཁས་དང་པད་ཟླར་བཞུགས༔ ཉི་དབུ་ཅན་དང་མོ་གདན་ཏེ༔ བློ་ལྡན་མཆོག་སྲེད་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན། བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ སྦྲུལ་རྒྱན་ཅན་དང་སེང་ལྤགས་ཅན༔ སོ་འཁྲོས་ཅན་དང་སྡང་མིག་ཅན༔ རྔམ་སྒྲ་

[Full Size]

ཅན་དང་དགྲ་ནོན་ཅན༔ མུ་སྟེགས་བསྒྲལ་དང་བསྟན་པ་གསོ༔ སེངྒེ་སྒྲ་སྒྲོག་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ དམ་པ་འབྱེར་བྱེད་འཁོན་བྱེད་དང་༔ སྟག་ཞོན་བྱ་ཞོན་སེང་ཞོན་དང་༔ གསོད་གཅོད་ཀྲུས་འགོང་ཆུ་རྩལ་དང་༔ ཉི་འཛིན་ཟླ་འཛིན་སྐར་འཛིན་དང་༔ རྡོ་རྗེ་གྲོ་ལོད་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་དབང་དྲག་པདྨ་ནི༔ ཕྱི་ནང་གསང་བ་ཡང་གསང་དང་༔ དྲག་མཐིང་ཟབ་པར་སྟོན་ལ་སོགས༔ གུ་རུ་དྲག་པོའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ འཇམ་དཀར་འཇམ་དབྱངས་རིགས་ལྔ་དང༔ འཇམ་རྡོར་ཕྱག་རྟག་སྤྲ་མ་སོགས༔ འཇམ་དཔལ་ཞི་བའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་

[Full Size]

འབུལ་ལོ་ཐུགས་དམ་བསྐང་༔ ཧཱུྃ༔ རྡོ་རྗེ་འཇིགས་བྱེད་དཔའ་བོ་གཅིག༔ གཤེད་དམར་གཤེད་ནག་ཚེ་བདག་དང་༔ གནམ་ལྕགས་ཕ་ལམ་ཁྲོ་ཆུ་དང་༔ གནམ་ལྕགས་ཞུན་མ་མཐར་བྱེད་དང་༔ རྡོ་རྗེ་ཞུན་བྱེད་ལ་སོགས་པ༔ གཤིད་རྗེའི་གཤེད་ཀྱི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ དམར་བྱེད་གསོད་བྱེད་འཁོར་བྱེད་དང་༔ ཐོ་ཆེན་འགུགས་བྱེད་རྡུང་བྱེད་དང་༔ མེ་མདོག་དགྲ་ཟློག་འབིགས་ནད་དང་༔ ཤིང་ཧུར་ཅན་དང་གཅོད་པ་དང་༔ རྟོག་ཅ་མ་ཅ་ཧ་རི་དང་༔ ཀིང་ཀང་ནག་པོ་དམར་དང་སྨུག༔ ཀིང་ཀང་ལྷ་ཚོགས་ཐམས་ཅད་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ ཁྲོ་བོ་རོ་ཟ་དགོངས་པ་འདུས༔ བདེ་མཆོག་དམར་པོ་རྒྱུད་བདག་བཞི༔ ལྕགས་རལ་ལྷ་ལྔ་རྟ་མགྲིན་དམར༔ པདྨ་གསུང་གི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་

[Full Size]

པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་དམ་པ་རིགས་བརྒྱ་དང་༔ ཆེ་མཆོག་ཡེ་ཤེས་འཇིགས་བྱེད་དང་༔ བཀའ་བརྒྱད་སྒེག་རྡོར་རིགས་བརྒྱ་དང་༔ རྡོ་རྗེ་མཆུ་དང་སྨེ་བ་བརྩེགས༔ ཁྱུང་དམར་ཁྱུང་ཁྲ་ལ་སོགས་པ༔ ཐུགས་ཀྱི་ལྷ་ཚོགས་ཐམས་ཅད་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ མཐའ་ཡས་འབར་མ་ནམ་མཁའི་བདག༔ ལག་གནས་འཕགས་བརྒྱ་སེངྒེ་སྒྲ༔ དམིགས་པ་ལུག་པ་རྒྱུག་པ་འདྲད༔ ཨམ་ཅུག་བྱེད་དང་བླ་མ་ཅན༔ ཨག་ཙམ་ལྡན་དང་མོ་སྐྲ་ཅན༔ ཕྱག་ན་རྡོ་རྗེའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་རྡོ་རྗེ་ཕག་མོ་དང་༔ ཡི་གེ་དྲུག་མ་སྒྲོལ་དཀར་སྔོན༔ ཁྲོས་ནག་སེངྒེ་གདོང་ཅན་ལ༔ ཀུ་རུ་ཀུལླེ་ཁྲོ་གཉེར་ཅན༔ དབྱངས་ཅན་མ་དང་ལོ་མ་ཅན༔ མཚོ་རྒྱལ་ལབ་ཀྱི་སྒྲོལ་མི་དང་༔ ལས་ཧུར་དྲག་མོའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་

[Full Size]

འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་རྡོ་རྗེ་གཞོན་ནུ་དང་༔ རྡོ་རྗེ་རྣམ་འཇོམས་བདུད་རྩི་འཁྱིལ་བཀའ་བརྒྱད་དགོངས་འདུས་ཕུར་ཤམ་ཅན༔ གུར་དྲག་གྲོ་ལོད་ཕུར་འཇུག་ཅན༔ ཁྲོས་མ་སེང་གདོང་ཕུར་འཇུག་མ༔ ཁྲོ་ཆུ་རྟ་མགྲིན་ཕུར་འཇུག་ཅན༔ རེ་ཏི་དྲང་སྲོང་ཕུར་འཇུག་ཅན༔ ཁྲོ་བོ་ཀིང་ནི་ཕུར་འཇུག་སོགས༔ བདུད་འདུལ་ཕུར་པའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་མགོན་པོ་མ་ནིང་ནག་མ་ནིང་དཀར་སེར་དམར་ལྗང་སྔོ༔ སྲོག་བདུད་ཡབ་ཡུམ་ཏྲཀ་ཤད་དང་༔ མ་ནིང་མ་མགོན་སྡེ་བརྒྱད་སོགས་མགོན་པོ་མ་ནིང་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་མགོན་པོ་ཕྱག་བཞི་པ༔ སྦྱོར་བའི་ཡུམ་དང་རྩ་འཇིབ་མ༔ རྡེ་རུ་ཡག་པ་ནག་ཆེན་པོ༔ འཇིགས་བྱེད་ཅན་དང་བྱ་མཆུ་ཅན༔ གཤོག་པ་ཅན་

[Full Size]

དང་འོད་ཟེར་ཅན༔ ངོ་ཁྲོ་ཅན་དང་མིག་སྟོང་ཅན༔ རྒྱུ་ཞགས་ཅན་དང་སྦྲུལ་ཞགས་ཅན༔ ཐོད་རློན་ཅན་དང་ཐོད་སྐམ་ཅན༔ བྱ་རོག་མཚན་ཅན་འཁོར་བཅས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ ལེགས་ལྡན་ནག་པོ་ཨ་གྷོ་ར༔ སྲས་མཆོག་ནག་པོ་གུར་གྱི་མགོན༔ རྡོ་རྗེ་བེར་ཆེན་ཡབ་ཡུམ་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་མགོན་དཀར་ཡིད་བཞིན་དང་༔ མྱུར་མཛད་མགོན་པོ་ཕྱག་བཞི་པ༔ ཀྵེ་ཏྲ་པ་ལ་བྲག་ལྷ་མགོན༔ ཞིང་སྐྱོང་ཡབ་ཡུམ་དཀར་དང་ནག༔ སྲིན་མགོན་རིགས་ལྔ་ཡབ་ཡུམ་ཚོགས༔ ཞང་བློན་མདུང་འཛིན་ལ་སོགས་པ༔ ཕོ་རྒྱུད་མགོན་པོའི་ལྷ་ཚོགས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་བྷེ་ཏ་ཙ་ལི་མ་རོ་ལངས་ནག་མོ་གསོད་བྱེད་མ༔ དུད་སོལ་ལྷ་མོ་རང་བྱུང་མ༔ རལ་གཅིག་ལྷ་མོ་རེ་

[Full Size]

མ་ཏི༔ རེ་ཏི་ཕྱག་དྲུག་མ་ལ་སོགས༔ ཡེ་ཤེས་ལྷ་མོ་ཐམས་ཅད་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས། མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་རིགས་གསུམ་གཅིག་དྲིལ་དང་༔ སེམས་དཔའ་ས་སྙིང་བརྟན་མ་དང་༔ ཨུ་པ་ར་ཙ་ལས་ཀྱི་ལྷ༔ ལོཀ་ཏྲི་པ་ལ་རིགས་ཆེན་བཞི༔ རབ་ཏུ་འཇིགས་དང་སྟོབས་པོ་ར༔ བཀའ་སྡོད་མ་ཧཱ་བཱ་ལ་དང་༔ ཧབ་ཤ་ཧ་ས་གར་བྷ་སོགས༔ ཕྲིན་ལས་མྱུར་བྱེད་ལྷ་རྣམས་ལ༔ བཀྲ་ཤིས་རྫས་རྟོགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ གཤིན་རྗེ་འུར་ལེན་འཆར་ཁ་དང་༔ གཤིན་རྗེ་ཚེ་བདག་ཤ་ཟ་དང་༔ ནཱ་ག་རཀྵ་ཀླུ་འདུལ་དང་༔ ཆོས་རྒྱལ་ལ་སོགས་ལས་གཤིན་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ དུར་ཁྲོད་བདག་པོ་ཡུམ་དང་ཡབ༔ སྤྱང་ཞོན་ལྷ་མོ་དམག་ཟོར་མ༔ བ་ལམ་དྲིལ་སྣ་ཁྲིལ་སྨན་ལ༔ སྟག་སྨན་གཏུམ་མོ་འཇིགས་བྱེད་དང་༔

[Full Size]

དངོས་གྲུབ་ཞལ་དང་ཡི་དྭགས་ཁ༔ དབང་མོ་ཉེར་བརྒྱད་ཁོ་ལེ་མ་འཇིག་རྟེན་མ་མོ་འཁོར་བཅས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་ལྷ་མོ་ནོར་རྒྱུན་མ༔ འཛམ་ལྷ་རིགས་ལྔ་རིགས་དགུ་དང་༔ རྣམ་སྲས་རིགས་བཞི་རིགས་ཆེན་དགུ༔ ནོར་དབང་སེ་བ་ཁྲག་འཐུང་དང་༔ རྒྱལ་ཆེན་སྡེ་བཞི་ཀུ་བེ་ར༔ རེ་མན་ཏ་དང་ཚོགས་ཀྱི་བདག༔ ངན་ཆེན་ཨ་པ་ར་རྣམས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ ཨ་ཕྱི་མཆེད་ལྔ་ངན་ནེ་མ༔ ཚེ་རིང་མཆེད་ལྔ་གཡུ་སྒྲོན་མ༔ ཐང་ནག་དཔལ་མོ་ཀོང་བཙུན་དང་༔ བརྟན་མ་སྐྱོང་མ་ཐམས་ཅད་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བེག་རྩེ་ཡམ་ཤུད་ཤན་པ་དམར༔ སྤུ་གྲི་མཆེད་གསུམ་ཇག་མེ་དང་༔ རོལ་པ་རྐྱ་བདུན་ཐང་ལྷ་འབར༔ སྤོམ་ར་མཁའ་རི་ལྕམ་དྲལ་ལ༔ བཀྲ་ཤིས་

[Full Size]

རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ དབང་ཕྱུག་ཆེན་པོ་རཱ་ཧུ་ལ༔ མགར་བ་དམར་ནག་ཡེ་ཤེས་གྲགས༔ ཙ་དུ་མཆེད་དགུ་རྡོ་རྗེ་འབར༔ རྒྱུད་བདག་བཀའ་སྡོད་ཉི་ཤུ་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ མི་མགོན་དཀར་པོ་སྔགས་བདག་དང་༔ སྨྱོ་ཁ་མཁར་ནག་འཁོར་བཅས་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ དམག་ལས་རྒྱལ་དང་དགྲ་ལས་རྒྱལ༔ ཚོང་ལས་རྒྱལ་དང་ནད་ལས་རྒྱལ༔ བགེགས་ལས་རྒྱལ་དང་ལྷ་ལྔ་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ དུག་རྣམས་སེལ་མ་རྡོ་རྗེ་རྒོད༔ རྡོ་རྗེ་མེ་འབར་དགྲ་རྣམས་ཟློག༔ རྡོ་རྗེ་དུག་རིའི་མཚོན་རྣམས་བསྲུངས༔ རྡོ་རྗེ་ཁ་དམར་ནད་རྣམས་ཞི༔ གླང་བདུད་ནག་པོས་ཇག་རྐུན་

[Full Size]

བཅིང་༔ སྙིགས་དུས་སྐྱོབ་པའི་ལྷ་ལྔ་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཧཱུྃ༔ བཅོམ་ལྡན་ཀུན་བཟང་ཡབ་ཡུམ་དང་༔ སྣང་བ་མཐའ་ཡས་ལ་སོགས་པའི༔ ཆོས་སྐུ་སངས་རྒྱས་ཐམས་ཅད་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཧཱུྃ༔ བཅོམ་ལྡན་རྒྱལ་བ་རྒྱ་མཚོ་དང་༔ ཕྱག་སྟོང་སྤྱན་སྟོང་ལ་སོགས་པ༔ ལོངས་སྤྱོད་རྫོགས་སྐུའི་ལྷ་རྣམས་ལ༔ ཀློའཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཧཱུྃ༔ བཅོམ་ལྡན་སྤྲུལ་སྐུ་པདྨ་འབྱུང་༔ སྐུ་གསུམ་སྐུ་ལྔ་མཚན་བརྒྱད་དང་༔ རིག་འཛིན་གྲུབ་ཐོབ་ཐམས་ཅད་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ་མཐོལ་ལོ་བཤགས་སོ་ས་མ་ཡ༔ ཧཱུྃ༔ བཅོམ་ལྡན་གུ་རུ་དྲག་པོ་རྩལ༔ བཀའ་དགོངས་ཕུར་གསུམ་ལ་སོགས་པའི༔ ཡི་དམ་ལྷ་ཚོགས་ཐམས་ཅད་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་

[Full Size]

འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཧཱུྃ༔ བཅོམ་ལྡན་རྡོ་རྗེ་ཕག་མོ་དང་ལོ་མ་གྱོན་མ་ལ་སོགས་པའི༔ ཡེ་ཤེས་མཁའ་འགྲོ་ཐམས་ཅད་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཧཱུྃ༔ མ་ནིང་ཕྱག་བཞི་དུད་སོལ་མ༔ རང་བྱུང་རྒྱལ་མོ་ལ་སོགས་པ༔ མ་མགོན་ལྕམ་དྲལ་ཐམས་ཅད་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཧཱུྃ༔ བཅོམ་ལྡན་འཛམ་ལྷ་རིགས་དགུ་དང་༔ རྣམ་སྲས་ནོར་ལྷ་ཐམས་ཅད་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཧཱུྃ༔ མ་གཟའ་དམ་གསུམ་ཤན་པ་དང་༔ བཀའ་སྲུང་དམ་ཅན་རྒྱ་མཚོ་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཡིག་བརྒྱ་བརྗོད༔ ཅེས་པ་འདི་ནི་གནམ་ཆོས་ཀྱི་བསྐང་བཤགས་ཉུང་ངུ་ལ༔ སོ་སོའི་མཚན་བཙུད་པར་གསུངས་པ་ལྟར༔ གནམ་ཆོས་ནས་བྱུང་བའི་ལྷ་གྲངས་ཀྱི་མཚན་བཙུད་དེ་རཱ་ག་ཨ་སྱས་བྲིས་པ་

[Full Size]

ལ༔ ཉེས་འགལ་མཆིས་ན་ལྷ་ལ་བཤགས་ཤིང་དགེ་བས་བསྟན་པ་དར་ཞིང་བསྟན་འཛིན་སྐུ་ཚེ་ཕྲིན་ལས་རྒྱས་པར་གྱུར་ཅིག༔ མངྒ་ལཾ༔ བྷ་ཝནྟུ༔ དགེའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཨུ་པ་རྭ་ཙའི་སྐོང་བཤགས།

[Full Size]

གནམ་ཆོས་ཨུ་པ་རྭ་ཙའི་སྐོང་བཤགས་བཞུག་སོ༔ མཆོད་པ་འབུལ་བ་ནི་འདི་ལྟར་བརྗོད་དོ༔ ཧཱུྃ༔ བཅོམ་ལྡན་ཚེ་ལ༔ བཀྲ་ཤིས་རྫས་རྟགས་རིན་ཆེན་བདུན༔ བདག་ཅག་འཁོར་དང་བཅས་པ་ཡིས༔ མཆོད་པ་འབུལ་ལོ་ཐུགས་དམ་བསྐང་༔ ཞེས་སོ༔ མངྒ་ལཾ༔ ༈ མཐོབཤཅི། ཡང་བཤགས་པ་ནི༔ འདི་སྐད་བརྗོད་དོ༔ ཧཱུྃ༔ བཅོམ་ལྡན་སྒྲེ་ལ༔ འཁོར་བའི་མ་རིག་འཁྲུལ་པ་ཡིས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཞེས་བརྗོད་དོ༔ ཞེས་པ་འདི་བདག་སྤྲུལ་སྐུ་མི་འགྱུར་རྡོ་རྗེ་རང་ལོ་བཅུ་གཅིག་ངོ་མཐོང་ཙམ་ལ་ཨོ་རྒྱན་རིན་པོ་ཆེས་གསུངས་ཏེ་སྤྱི་ལ་སྦྱར་ཆོག་གོ༔ སྙོམྦིལྕི༔ རྒེ་ཞེས་པར་ཡི་དམ་གང་འདོད་སྦྱར་ཤེས་པར་གྱིས་ཤིག༔ འོ་ན་རྟེན་འབྲེལ་ལེགས་པོ་བསྒྲིག་ཤེས་དཀའ་དོ་བས། དེ་འདྲ་མ་ལེགས་པ་གང་བྱུང་ཡང་སྐྱོན་མེད་པའི་གདམས་པ་ཨོ་རྒྱན་ལ་ཞུས། ཞེས་ཞུས་པས། སྐོང་བ་ཤོ་ལོ་ཀ་གཅིག་དང་། བཤགས་པ་བློ་ཀ་གཅིག་བྱུང་བ་བདག་གིས་ཐུགས་དམ་བྱས་སོ། །ཞེས་ཨ་རཱ་གས་བྲིས།། །།

ཉུ་ལེ་བསྐྲད་ཐབས།

[Full Size]

ཉུ་ལེ་བསྐྲད་ཐབས་ལགས་སོ།། ༈ རང་ཉིད་སྐད་ཅིག་ལ་གུ་རུ་དྲག་པོ་མཐིང་ནག་རྡོ་རྗེ་དང་ཕུར་པ་འདྲིལ་བར་བསྒོམས་ལ། ཧཱུྃ་ཧཱུྃ་ཧཱུྃ་ཞེས་ཧཱུྃ་སྒྲ་དང་ལག་ཏུ་ཕུར་པའམ་རལ་གྲི་ཐོགས་འཆམས་སྟབས་སྡིགས་འཛུབ་བསྒྲེང་ཞིང་། རང་ལས་སྤྲུལ་པའི་ཁྲོ་མོ་ཀུན་ཐུབ་རྒྱལ་མོ་མང་པོ་སྤྲོས་ཏེ་དམ་སྲི་ཉུ་ལེ་ཐམས་ཅད་བསྐྲད་ཅིང་ཚར་བཅད་པར་བསྒོམ། ༈ ཀུན་ཐུབ་རྒྱལ་མོ་སྐུ་མདོག་དམར༔ མཆེ་བ་རི་རབ་ཙམ་པ་གཙིགས༔ ཞལ་ནི་བཅུ་སྟེ་ཕྱག་ཉི་ཤུ༔ གཡས་པས་སྤུ་གྲི་གཡོན་ཆུ་གྲི༔ ཞབས་བཙུས་ཕྱོགས་སྐྱོང་བཅུ་པོ་ཚོ་མནན༔ བར་ཆད་ཉུ་ལེ་རྡུལ་དུ་རློགས༔ ཞེས་བ་སྒོམས་ལ། སུམ་བྷ་ནི་ཤམ་དུ།་ཨོ་གྷ་གྷ་གྷ་ཏ་ཡ་གྷ་ཏ་ཡ་སརྦ་དུཏྟཾ་བཛྲ་དྷ་རོད་ཨཱཛཱ་ཡ་པ་ཏི་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཅེས་ཚར་གཅིག་བརྗོད་ཅིང་ཕུར་པ་གདབ། དེ་ནས་ཐུན་གཏོར་སམ་སྔགས་འདི་ཚར་བདུན་བརྗོད། ཧཱུྃ་ཧཱུྃ་བུ་ཨ་པ་ཙེ༔ རུ་པ་ཙེ༔ ན་ར་རྩེ། ཙ་མེ་ཐུན་ཐུན༔ ན་ཤ་སྟེ་བྷ་ཡ༔ ཡཀྵ་བྱི་ན༔ ཡཀཱ་བྱི་ན༔ ཕྱེ་མ་ཕྱེ་མ། རྡུལ་ཕྲན་རྡུལ་ཕྲན། ཙིཏྟ་ཟད་ནན། སྟེ་བྷ་ཡ་ནན། ཞེས་བརྗོད་ཅིང་བྲོ་ཡང་འཁྲབ་སྟེ། དེ་ནི་རྙིང་མའི་ལུགས་ཏེ་གཏེར་ཁ་གསར་རྙིང་ཀུན་གྱི་དོན་བསྡུས་པའོ།། ༧རཱ་ག་ཨ་སྱས་

སྦྱིན་སྲེག་གི་ས་ཆོག

[Full Size]

སྦྱིན་སྲེག་གི་ས་ཆོག་ནི་ཁྱིམ་སོགས་ལ་མི་དགོས་ཤིང་། སྒར་སོགས་ས་རྒོད་ལ། དེར་དཀར་གཏོར་གཅིག་བཤམས་ལ། ཧཱུྃ་ལས་རིན་ཆེན་སྣོད་དུ་ནི༔ གཏོར་མ་བདུད་རྩིའི་རྒྱ་མཚོར་གྱུར་ཨོཾ་ཨ་ཀཱ་རོ་སོགས་གསུམ། རང་ཉིད་དབང་ཆེན་རྟ་མགྲིན་དུ་གསལ་བར་གྱུར༔ ལག་གཡས་རྡོ་རྗེ་དང་བཅས་ས་ལ་བརྡབས་ཏེ༔ ཧཱུྃ་ཧཱུྃ་ཧཱུྃ༔ ཞེས་བརྗོད་པས། ས་དེ་རྡོལ་བ་ལས་སའི་ལྷ་མོ་བརྟན་མ་སྐུ་མདོག་སེར་མོ་གཡས་མཆོག་སྦྱིན་དང་གཡོན་བུམ་པ་བསྣམས་པ༔ ལྟེ་བ་ཡན་ཆད་ས་སྟེང་དུ་ཐོན་པར་གྱུར༔ དེའི་འོད་ཀྱིས་སའི་ལྷ་མོ་ས་བདག་གིས་བསྐོར་བ་སྤྱན་དྲངས༔ ཨོ་པྲི་ཐི་ཝི་དྷེ་ཝི་ས་པཱ་རི་ཝཱ་ར་བཛྲ་ས་མ་ཡ་ཛ༔ ཛཧཱུྃ་བཾ་ཧོ༔ ཨགྷཾ་སོགས། ཧཱུྃ༔ ཇི་ལྟར་སྔོན་གྱི་དཔང་མཛད་ལྟར༔ སེམས་ཅན་རྣམས་ཀྱི་དོན་གྱི་ཕྱིར་བདག་གིས་བྱུང་ཆུབ་ངེས་སྒྲུབ་པའི༔ མཆོད་འབུལ་དཔང་མཛོད་ས་འདི་ཞུ༔ བཅུ་གཉིས་ལོ་ཡི་རྟ་ལ་ཞོན༔ ཀོ་ལོང་སྡོམ་པའི་ལྷ་དགུ་སོགས༔ འབྱུང་པོའི་ཚོགས་རྣམས་མ་ལུས་ཀུན༔ ས་གླུད་མཆོད་སྦྱིན་འདི་བཞེས་ལ༔ ས་འདི་བདག་ལ་གནང་བར་མཛོད༔ འབྱུང་པོ་ས་ཡི་བདག་པོ་ཀུན༔ གནས་རྟེན་གཞན་དུ་ཁྱོད་སྤོས་ལ༔ ས་འདི་བཀྲ་

[Full Size]

ཤིས་མཛད་དུ་གསོལ༔ སརྦ་བྷུ་ཏ་ཨུཙྪི་གྲིཉྩ་ཁཱ་ཧི་ཤཱནྟཾ་ཀུ་རུ་ཡེ་སྭཱ་ཧཱ༔ རྒྱན་གྱིས་བརྒྱན་པར་བྱས་ཤིང་ཆོས་སྤྱོད་ཅིང་དུལ་ཞིང་ཡང་དག་སྡོམ་ལ་ཚངས་པར་སྤྱོད༔ འབྱུང་པོ་ཀུན་ལ་ཆད་པ་སྤངས་པ་སྟེ༔ དགེ་སློང་དགེ་སྦྱོང་དེ་ཡིན་བྲམ་ཟེའང་དེ༔ མཚོན་ཆས་མི་འཇིགས་གང་ཡང་མེད༔ འཚོ་བའི་སྲོག་ལ་ཀུན་ཀྱང་འཛེམ༔ རང་གི་ལུས་ལ་དཔེ་ལོངས་ལ༔ གཞན་ལ་གནོད་པ་མ་བྱེད་ཅིག་ཧཱུཾ་ཧྲཱི༔ སྔོན་ཡང་བཅོམ་ལྡན་ཤཱཀྱ་ཐུབ༔ བདུད་བཏུལ་སངས་རྒྱས་ཆོས་འཁོར་བསྐོར༔ ས་གཞི་རིན་ཆེན་འདི་ཉིད་དུ༔ ལྷ་མོ་ཁྱོད་ཀྱིས་གནང་བར་བྱས་དེ་རྗེས་བདག་ཀྱང་ཚོགས་གཉིས་ཀྱི༔ འབྲས་བུ་གནས་འདིར་འདོད་པ་ན༔ ཡི་དམ་ལྷ་ཡི་དཀྱིལ་འཁོར་འདེབས༔ དེ་ཕྱིར་ས་འདི་གནང་བར་མཛོད༔ དེ་ཕྱིར་ས་བདག་འཁོར་བཅས་རྣམས༔ ས་ཡོན་གླུད་གཏོར་འདི་ཁྱེར་ལ༔ གནས་འདི་བདག་ལ་གནང་བ་དང་༔ བཀྲ་ཤིས་བྱིན་ཆེན་དར་རྒྱས་མཛོད༔ ཅེས་བརྗོད་པས་ལྷ་མོ་དེས་དགའ་བའི་མདངས་ཕྱུང་སྟེ༔ ཁྱོད་ནི་ཤཱཀྱ་སེང་གེའི་སྲས༔ སྒྲུབ་པ་རྟེན་གྱི་གང་ཟག་སྟེ༔ བྱང་ཆུབ་སེམས་དང་རབ་ལྡན་པས༔ འགྲོ་བ་སེམས་ཅན་དོན་གྱིས་ཤིག༔ ཅེས་

[Full Size]

གནང་བ་བྱིན་ནས་སླར་ས་ལ་ཐིམ་པར་གྱུར༔་ས་བརྐོ་ལུགས་ལྟོ་འཕྱེ་རིག་རྩིས་ནི༔ རང་གི་དཔྱིད་གསུམ་བྱང་དུ་ཁ་གྱུས་ལ་ཀག་ལེ་ལྔ་བརྒྱབ༔ དབྱར་གསུམ་ཤར་དུ་གྱུར༔ སྟོན་གསུམ་ལྷོར་གྱུ༔ དགུན་གསུམ་ནུབ་ཏུ་གྲུ་ལ་བརྐོའོ༔ ༈ ཚོན་དང་ཐིག་བྱིན་རླབས་ནི༔ སྣོད་སོ་སོར་ཚོན་སྣ་ལྔ་བཞག༔ ཐིག་སྐུད་ཡང་བཞག་ལ༔ ཧཱུཾ་ལས་རིན་ཆེན་སྣོད་ནང་དུ༔ དཀར་པོ་ཨོཾ་ལས་རྣམ་སྣང་མཛད༔ སྔོ་ནག་ཧཱུྃ་ལས་མི་བསྐྱོད་པ༔ སེར་པོ་ཧཱུྃ་ལས་རིན་ཆེན་འབྱུང་༔ དམར་པོ་ཧྲིལས་སྣང་མཐའ་ཡས༔ ལྗང་གུ་ཨཱ༔ལས་དོན་གྲུབ་གསལ༔ རང་བཞིན་གནས་ནས་ཡེ་ཤེས་པ་སྤྱན་དྲངས་ཐིག་ཚོན་རྣམས་ལ་ཐིམ༔ ཨརྒྷཾ་སོགས། བསྟོད་པར་འོས་སོགས། རིགས་ལྔ་འོད་དུ་ཞུ་བ་ལས༔ ཐིག་ཚོན་སོ་སོའི་རྣམ་པར་གྱུར༔ དེ་ནས་ཐིག་ཆེན་བརྒྱད་བཏབ་ལ་ཕྱག་ལེན་བཞིན་དུ་འབྲི་བ་དང་༔ རྫས་དང་ཡམ་ཤིང་མཆོད་པ་ཡི༔ ཁྱད་པར་མཐོང་བ་བརྒྱུད་པར་ལྟོས༔ འདི་ཡང་གསང་འདུས་སྒྲུབ་ཆེན་ནས༔ ཁོལ་དུ་རཱ་ག་ཨ་སྱས་བྱུང་༔ སརྦ་མངྒ་ལཾ། ཐིག་གདབ་ལུགས་ནི༔ སྟེགས་བུ་གྲུ་བཞིར་གནས་པ་དེས༔ ཐུང་ངུ་དེ་ཡི་ཚད་དེ་ཡིས༔ ཕྱོགས་བཞིར་ཚད་ལ་མཚན་མ་བྱ༔ དེས་ཚད་ཐིག་སྐུད་བལྟེབས་བྱས་ནས༔ དབུས་དང་ཕྱོགས་བཞིར་ཉ་ལྟོ་བྲི༔ ཉ་ལྟོའི་དབུས་སུ་ཚངས་ཐིག་གདབ༔ ཚངས་ཐིག་གཉིས་

[Full Size]

གཉིས་བར་དག་ཏུ༔ བྱ་རྗེས་བྱས་ཐོག་ཟུར་ཐིག་གདབ༔ དེ་ཡིས་ཐིག་ཆེན་བརྒྱད་པོ་གྲུབ༔ མཐེབ་སྲིན་སྦྱར་ལ་སྐུད་སྣེ་འཛིན༔ གྲུ་མོའི་རྩེ་རུ་ཚད་བྱས་ལ༔ དེ་ཉིད་བལྟེབས་ནས་དབུས་སུ་བཟུང་༔ ཟླུམ་པོར་བསྐོར་བ་ཐབ་ཀྱི་རྒྱ༔ དེ་ཡི་ཕྱི་རིམ་སོར་བཞི་པ༔ གཉིས་དང་སོར་དོ་པ་གཉིས་བསྐོར༔ མཆུ་དང་ཁ་ཁྱེར་ཁ་བད་དང་༔ ཁ་འཕྱང་བཞི་རུ་འབྱུང་བ་ཡིན༔ བསྡུ་ན་གཉིས་སམ་གཅིག་གིས་ཆོག༔ དེས་ན་ལས་བཞི་ཐམས་ཅད་མཚུངས༔ ༈ སྔར་ལྟར་ཐིག་སྐུད་གྲུ་གང་ཚད༔ དབུས་ནས་མཚམས་བཞིར་མཚན་མ་བྱ༔ དེ་སྟེང་ཐིག་གདབ་ཐབ་ཀྱི་རྒྱུར༔ དེ་རྒྱབ་སོར་བརྒྱད་པ་གཉིས་དང་ཟླ་སོར་བཞི་གཉིས་གདབ་རྒྱས་པ་འགྲུབ༔ ༈ དབུས་ནས་ཤར་དུ་སོར་གསུམ་འཇལ། མཚན་མ་བྱས་པའི་སྟེང་ཉིད་ནས༔ ཐིག་སྐུད་སོར་མོ་ཉི་ཤུའི་ཚད༔ ཟླུམ་པོར་བསྐོར་བ་ཐབ་ཀྱི་རྒྱ༔ དེ་རྒྱབ་སོར་གསུམ་པ་གཉིས་དང་༔ སོར་མོ་ཕྱེད་གཉིས་པ་གཉིས་བསྐོར༔ ལོགས་སུ་ཟླུམ་པོ་ཤར་ངོས་ནས་རིམ་པ་བཞིན་དུ་ཐིག་གིས་བཅད༔ དབུས་ཕྱོགས་ཤར་གྱི་མཚན་མ་དབྱིབས༔ དེས་ནི་དབང་གི་ཐབ་འགྲུབ་བོ༔ ༈ ཐིག་སྐུད་སོར་མོ་ཉི་ཤུ་པ༔ དབུས་ནས་ཟླུམ་པོར་བསྐོར་བར་བྱ༔ དེ་རྒྱབ་སོར་བཞི་པ་གཉིས་དང་༔ སོར་མོ་ཕྱེད་གཉིས་པ་གཉིས་བསྐོར༔ ཤར་གྱི་ཟླུམ་སྐོར་ནང་མ་ནས༔ དབུས་ཀྱི་ལྟེ་བར་ཐིག་སྐུད་ཚད༔ དེ་ཡི་གཡས་གཡོན་བྱ་རྗེས་བཙལ༔ དེ་བཞིན་ཟླུམ་སྐོར་བར་མ་དང་༔ ཕྱི་རྣམས་ལ་རིམ་བཞིན་བཙལ༔ དེ་ལ་འཕྲེད་ཐིག་རིམ་པར་གདབ༔

[Full Size]

འཕྲེད་ཐིག་ནང་མའི་བྱ་རྗེས་ནས༔ ནུབ་དབུས་ཚངས་ཟླུམ་སྟེང་དུ་གདབ༔ དེ་ཡིས་གྲུ་གསུམ་ནང་མ་འབྱུང་༔ དེ་བཞིན་ཕྱི་མ་རིམ་པར་གདབ༔ དེ་ཡིས་དྲག་པོའི་ཐབ་ཐིག་འགྲུབ༔ ༈ ཞི་བའི་ཐབ་ཁུང་སོར་བཞི་ཡིན༔ ཟླུམ་པོར་བསྐོར་བ་པདྨའི་ལྟེ༔ ཟླུམ་སྐོར་ནང་མར་རེག་ཙམ་དུ༔ ཟུར་ཐིག་བཞི་ནས་གྲུ་བཞིར་གདབ༔ ལོགས་ཐིག་བཞི་ནས་དེ་བཞིན་བྱ༔ ཚངས་ཟུར་དབུས་གཤག་གཅུས་ཐིག་གདབ༔ ཟུར་བརྒྱད་གཅུས་ཐིག་གཉིས་ཀ་ཕྱི་ནང་གཉིས་གཉིས་གདབ་པ་ཡིས༔ འདབ་བརྒྱད་པད་ཤུན་བཅས་པ་འབྱུང་༔ རྒྱས་པའི་བརྒྱད་དང་བཅུ་གཅིག་གི༔ པདྨའི་ལྟེ་བ་འདབ་མ་བསྐོར༔ དབང་དྲག་གཉིས་ལ༔ ཟླ་གམ་གྲུ་གསུམ་ནང་མ་ལ༔ མ་རེག་ཙམ་དུ་*ཟླུམ་པོར་བསྐོར༔ དེ་ཡི་སུམ་ཆ་ལྟེ་བ་སྟེ༔ ལྷག་མ་འདབ་བརྒྱད་གོང་ལྟར་རོ༔ རཱ་ག་ཨ་སྱས་མཛད་པ་ཡི༔ རྒྱས་པའི་ནང་ནས་ཁོལ་དུ་ཕྱུང་༔ སརྦ་མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱུད་སྡེ་སྤྱི་ཡི་སྦྱིན་སྲེག་གཅིག་ཤེས་ཀུན་གྲོལ་གྱི་དཔེའུ་རིས་མཐོང་བ་ཁོང་ཆུད་ཤིན་ཏུ་གསལ་བ།

[Full Size]

རྒྱུད་སྡེ་སྤྱི་ཡི་སྦྱིན་སྲེག་གཅིག་ཤེས་ཀུན་གྲོལ་གྱི་དཔེའུ་རིས་མཐོང་བ་ཁོང་ཆུད་ཤིན་ཏུ་གསལ་བ་བཞུགས་སོ།། འདི་ཡང་དཔེ་ཙམ་ཡིན་པས་ཕྱག་ལེན་མཐོང་བ་རྒྱུད་པ་གལ་ཆེའོ། །འདི་ཐབ་ཐིག་ཁོ་ནའི་དབང་དུ་ཡིན་སྒོ་རྫོགས་བྲི་ན་དཀྱིལ་འཁོར་སོ་སོའི་ཐིག་རྩ་དང་བསྟུན་ནས་བྲི་བར་བྱའོ།།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

ཡམ་ཤིང་ནི་ཐབ་ཀྱི་ཕྱེད་ཚད་ཡིན་ཅིང་ལེགས་པར་གཟབ་པ་གལ་ཆེ་སྟེ། མཚན་ཉིད་མི་སྙན་པའི་སྐྱོན་ནི། པཎྜི་ཏ་ཨ་བྷ་ཡས། སྙིང་ལྕི་ཕྲ་དང་འཁྱོག་པ་དང་། །རིང་ཐུང་ལོ་མ་མེད་པ་དང་། །སྲོག་ཆགས་ཀྱིས་ཟོས་རུལ་བ་དང་། །ཤུན་བྲལ་ཆག་དང་བུ་ག་ཅན། །རྩེ་མོ་གཉིས་ལྡན་བསྣོལ་བ་ལ། །རྙིང་པ་ཡིས་ནི་འཆི་བར་འགྱུར། །སྐྱོག་པས་སྐལ་བ་ངན་པར་འགྱུར། །རིང་ཐུང་རིག་པ་འཕྲལ་དུ་ཉམ། །ལོ་མ་མེད་པས་ན་ཚ་འབྱུང་། །སྦོམ་པོས་ཕུན་སུམ་ཚོགས་པ་ཉམ། །སྐམ་པོས་གཞན་ཡང་མི་འདོད་པར་ཤེས་བྱ། །ཞེས་གསུངས་པས་ལེགས་པ་གལ་ཆེ་སྟེ། དགུན་དུས་ལོ་མ་དངོས་སུ་མེད་ཀྱང་། ལོ་མ་འབྱུང་བའི་ཡལ་ག་ཕྲའུ་དང་ལྡན་པར་དྲག་པོ་ལ་ནི་གོང་གི་དེ་དག་འབྱུང་བས་འགལ་བ་མེད་དེ་འཁྱོག་པོ་སོགས་དགོས་པས་སོ།།

[Full Size]

ཨོ་མེ་ཡི་འཇིགས་པ་དང་༔ ཆུ་ཡི་འཇིགས་པ་དང་༔ ནད་ཀྱི་འཇིགས་པ་དང་༔ མུ་གེའི་འཇིགས་པ་དང་༔ ཕ་རོལ་གྱི་དམག་ཚོགས་ཀྱི་འཇིགས་པ་དང་༔ གདོན་གྱི་འཇིགས་པ་དང་༔ མཚོན་གྱི་འཇིགས་པ་དང་༔ དུས་མ་ཡིན་པར་འཆི་བའི་འཇིགས་པ་དང་༔ འཇིགས་པ་ཆེན་པོ་བརྒྱད་ཤིནྟཾ་ཀུ་རུ་ཡེ་སྭཱ་ཧཱ༔ གཞན་ཡང་ནད་གདོན་བར་ཆད་རིམས་དུག་མི་མཐུན་པ་ཐམས་ཅད་ཤཱནྟཾ་ཀུ་རུ་ཞེས་འདོད་གསོལ་ལ་གང་དགོས་བྲི༔ སུར་དཀར་སྟག་པ་ལ་བྲི༔ ༈ སཱ་རྣལ་འབྱོར་པ་བདག་ཅག་སྐུ་འཁོར་དང་བཅས་པའི་ཚེ་རྒྱས་པ་དང་༔ བཀྲག་མདངས་གཟི་མདངས་དཔག་མེད་རྒྱས་པ་དང་༔ འཁོར་རྒྱས་པ་དང་༔ ལོངས་སྤྱོད་རྒྱས་པ་དང་༔ འབྱོར་པ་དྲུག་རྒྱས་པར་གྱུར་ཅིག་པུཊྚི་ཀུ་རུ་ཡེ་སྭཱ་ཧཱ༔ བྱང་བུ་ཡི་དར་ཤིང་ངམ་སྐྱེར་པ་ལ་བྲི་

[Full Size]

ཨོཾ༔ ཁམས་གསུམ་དབང་དུ་སྡུས་ཤིག༔ སྲིད་གསུམ་དབང་དུ་སྡུས་ཤིག༔ སྟོང་གསུམ་དབང་དུ་སྡུས་ཤིག༔ སྒོ་གསུམ་དབང་དུ་སྡུས་ཤིག༔ མོས་པ་བཞིའི་ཚུལ་དུ་དབང་དུ་སྡུས་ཤིག་པ་ཤང་ཀུ་རུ་ཡེ་སྭཱ་ཧཱ་ཞེས་འདོད་གསོལ་བྱང་བུ་སེང་ལྡིང་ངམ༔ ཤུག་པ་དམར་པོ་ལ་བྲི༔ ༈ འདོད་གསོལ་བྱང་བུ་འབུལ་བ་འདི་རྙིང་མའི་ལུགས་ཏེ། རབ་ཡམ་ཤིང་དང་གྲངས་མཉམ་པ་འབྲིང་བསྲེག་རྫས་ཀྱི་མཚམས་སུ་འབུལ་རྒྱུ། ཐ་མ་ལྷ་གྲངས་སམ། ཡེ་ཤེས་པ་ལ་གཅིག །མེ་ལྷ་ལ་གཅིག་དང་གཉིས་སམ། གཅིག་ལས་མེད་ན་སྤྱི་སོར་འབུལ། དྲག་པོ་ལ་ཤོག་ལིང་འབུལ་བ་ཡིན་པས་བྱང་བུ་མི་དགོས་སོ། །

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

༧ ཁམས་སྟོད་ནང་ཆེན་འབང་སྒོང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྦྱིན་སྲེག་ཇི་ལྟར་བྱ་བའི་ཆོ་ག་རབ་ཏུ་གསལ་བ་གཅིག་ཤེས་ཀུན་གྲོལ་ཡེ་ཤེས་མེ་འོད་རབ་འབར།

[Full Size]

ལེགས་པར་སྦྱར་བ་སཾ་སྐྲྀ་ཏའི་སྐད་དུ། ཧོ་མ་ཡ་ཧོ་ན་ན་མ༔ བོད་སྐད་དུ། བསྲེག་བླུགས་སྦྱིན་སྲེག་ཅེས་བྱ་བ། སྦྱིན་སྲེག་ཇི་ལྟར་བྱ་བའི་ཆོ་ག་རབ་ཏུ་གསལ་བ་གཅིག་ཤེས་ཀུན་གྲོལ་ཡེ་ཤེས་མེ་འོད་རབ་འབར་ཞེས་བྱ་བ་བཞུགས་སོ། །

[Full Size]

ན་མོ་གུ་རུ་ལོ་ཀི་ཤྭ་ར་ཡ། །སྐྱབས་གནས་མཚུངས་མེད་ཆོས་ཀྱི་དབང་ཕྱུག་དང་། །བཀའ་དྲིན་ཟླ་མེད་སློབ་དཔོན་མཁས་རྣམས་ལ། །གུས་པས་འདུད་དོ་གེགས་མེད་དངོས་གྲུབ་སྩོལ། །རབ་འབྱམས་ཕྲིན་ལས་མཐའ་དག་བསྒྲུབ་པའི་ཕྱིར། །རྒྱུད་སྡེ་རྒྱ་མཚོའི་བསྲེག་བླུགས་བྱ་བའི་ཚུལ། །ཉུང་ངུའི་ཚིག་གིས་གཞན་ལ་ཕན་ཕྱིར་བརྗོད། །དེ་ལ་བདག་བསྐྱེད་དང་ལས་བུམ་བསྒྲུབ་པ་སྔོན་དུ་སོང་ནས། གནས་ཁང་དེའི་ཤར་ལྷོ་དང་ལྷོ་ནུབ་སོགས་མ་ཡིན་པའི་བྱང་ཤར་ཡིན་ན་བཟང་བས་གནས་དེར་ས་རྒོད་ཡིན་ན་རྡོ་ལེབ་བཀོད་དོ། །ས་དེ་རྐོ་བ་ཡག་ཉེས་ཆེ་བས་མི་བརྐོ་བས་གཞན་ནས་བྱེ་ཁམས་འཇམ་པོ་དེར་བླུགས་ལ་རྒྱ་ཆེ་ཆུང་ཐབ་གང་བྱེད་དང་བསྟུན་ལ། དབྱིབས་གྲུ་བཞི་དབུས་ཅུང་

[Full Size]

ཟད་མཐོ་བར་ཤར་དང་བྱང་ཅུང་ཟད་དམའ་བར། འབུར་གཤོང་མེད་ཅིང་ཤིན་ཏུ་འཇམ་པ་ཐལ་བའི་སོལ་ཕྱེ་བྱུགས་ལ་ཡང་ཕྱིས་ལ་གཙང་མར་བྱའོ། །དེའི་དབུས་སུ་མཉྫིའི་ཁར་སྟོན་པའི་སྐུ་གཅིག་བཞག །དེའི་འོག་གི་མདུན་དུ་མཎྜལ་ལམ་མེ་ལོང་གི་སྟེང་དུ་ནས་ཀྱི་ཚོམ་བུ་གཅིག་གམ་ལྔ་ཚོམ་བཀོད་ལ། དེའི་མཐར་མདུན་གཡས་བསྐོར་མཆོད་པ་སྣ་བདུན་བསྐོར་བཤམས་དང་། མདུན་དུ་དཀར་གཏོར་བཞི་བཤམས། རང་ལྔ་སེར་ལ་གདོང་མ་ཐུག་པར་རྡོར་དྲིལ་དང་བཅས་གདན་ལ་འཁོད་ནས། ལས་བུམ་མམ་ཡང་ན་ནང་མཆོད་ཀྱིས་བསང་སྦྱངས་ནས་དཀྱིལ་འཁོར་གང་ཡིན་པ་དེའི་མཆོད་པ་བྱིན་བརླབས་བྱས་ནས། མཎྜལ་བསངས་སྦྱངས། ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་པདྨ་

[Full Size]

འདབ་མ་བརྒྱད་པའི་སྟེང་དུ་པཾ་ལས་ས་ཡི་ལྷ་མོ་སྐུ་མདོག་སེར་མོ་ཞལ་གཅིག་ཕྱག་གཉིས་མ། གཡས་རིན་པོ་ཆེའི་བུམ་པ་འཛིན་པ། སྐུ་ལ་རིན་པོ་ཆེའི་རྒྱན་དང་ལྡན་པ། སྐུ་ཕྱེད་ཐོན་པའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུྃ་ལས་འོད་ཟེར་འཕྲོས། དམ་ཚིག་པ་ལྟ་བུའི་ས་ཡི་ལྷ་མོ་ཡེ་ཤེས་པ་ས་བདག་གིས་བསྐོར་བ་སྤྱན་དྲངས། ཨོཾ། ཚུར་སྤྱོན་ཚུར་སྤྱོན་ས་ཡི་ནི། །ལྷ་མོ་ཆེན་མོ་འཇིག་རྟེན་ཡུམ། །རིན་པོ་ཆེ་ཀུན་རབ་གང་མ། །བཟང་པོའི་རྒྱན་གྱིས་རྣམ་པར་བརྒྱན། །དོ་ཤལ་རྐང་གདུབ་སྒྲར་ལྡན་མ། །རྡོ་རྗེ་སེམས་དཔའ་རབ་མཆོད་མ། །དཀྱིལ་འཁོར་ལས་ནི་ལེགས་བསྒྲུབ་ཕྱིར། །གནས་འདིར་མྱུར་དུ་གཤེགས་སུ་གསོལ། །ཨོཾ་པྲི་ཤྲཱི་ཝི་ས་པཱ་རི་ཝཱ་ར་ཛ༔ ཛཧཱུྃ་བཾ་ཧོ༔ གཉིས་སུ་མེད་པར་གྱུར། ཨོཾ། འཇིག་རྟེན་ཁམས་ནི་དཔག་མེད་ན། མཆོད་ཡོན་ཇི་སྙེད་ཡོད་པ་རྣམས། །འགྲེས་སོ། ཞབས་བསིལ༴ མེ་ཏོག༴ བདུག་སྤོས༴ སྣང་གསལ༴ དྲི་ཆབ༴ ཞལ་ཟས༴ རོལ་མོ༴ བདག་གིས་གུས་པར་བཤམས་པ་འདི། །ས་ཡི་ལྷ་མོ་འཁོར་བཅས་མཆོད། །བཞེས་ནས་ས་འདི་གནང་

[Full Size]

བར་མཛོད། །ཨོ་པྲི་ཐི་ཝི་དེ་ཝི་ས་པཱ་རི་ཝ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། ཤབྡའི་བར་དུ་འབུལ་ལོ། །དེ་ནས་གཏོར་མ་བཞི་པོ་ཆ་གསུམ་ལྟར་བྱིན་གྱིས་བརླབས་ནས། དང་པོ་ཕྱོགས་སྐྱོང་། གཉིས་པ་འབྱུང་པོ་ལ་ཕྱོགས་སྐྱོང་ལྟར་འབུལ། གསུམ་པ་ནི། ཨོ། ཡུལ་བདག་གྲོང་བདག་གནས་བདག་གཉུག་མར་གནས་པ་ས་པཱ་རི་ཝཱ་ར། བཛྲ་ས་མ་ཛཿ ༀ་ཀྵེ་ཏྲ་པཱ་ལ་ས་པཱ་རི་ཝཱ་ར་བྷྱཿ ན་མསརྦ་ཏ་ཐཱ་ག་ཏེ་བྷྱོ། བྷི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུཏྠ་ཏེ་སྤ་ར་ཎ་ཨེ་མཾ་ག་ག་ན་ཁཾ་གྲིཏྟ་དཾ་བ་ལེ་བྱེ་སྭཱ་ཧཱ༔ ལན་གསུམ་དང་། ཨརྒྷཾ་སོགས་ཀྱིས་མཆོད། ས་ལ་རྒྱུ་བའི་ལྷ་ཀླུ་དང་། །གང་ཡང་ས་ལ་བརྟེན་པ་རྣམས། །སེམས་ཅན་ཀུན་གྱི་དོན་གྱི་ཕྱིར། །བྱམས་པའི་སེམས་ཀྱིས་གནས་པར་མཛོད། །ཅེས་སམ་སྤྲོ་ན། གང་ཡང་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་ཡང་རུང་། །དཀྱིལ་འཁོར་དོན་དུ་ས་འདི་ནི། །བདག་ཞུ་ཁྱེད་ཀྱིས་བསྩལ་དུ་གསོལ། །གནས་འདིར་དོར་ནས་དཀྱིལ་འཁོར་གྱི། །ཕྱི་རོལ་ས་གཞི་ལ་གནས་ཏེ། །རྡོ་རྗེ་འཆང་གི་བཀའ་བཞིན་མཛོད། །ལན་གསུམ་བརྗོད། ས་ཕྱོགས་འདིར་སྒྲུབ་པ་པོ་ཁྱོད་ཅི་བདེ་བར་གྱིས་ཤིག །ཅེས་གནང་བ་བྱིན་

[Full Size]

ནས། ཞིང་སྐྱོང་འཁོར་བཅས་ཕྱི་རོལ་གྱི་ས་གཞི་ལ་འཁོད་པར་གྱུར། ཅེས་སེ་གོལ་བརྡབ། གཏོར་མ་བཞི་པ། ཨོ་པྲི་ཐི་ཝི་དྷེ་ཝི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཡས་རྡོ་རྗེ་ཐལ་མོ་སྙིང་གར་བཞག་ནས། ཁྱོད་ནི་ས་འཛིན་ལྷ་མོ་སྟེ། །སྐུ་ཕྱེད་ཐོན་ཏེ་གསེར་གྱི་མདོག །རིན་ཆེན་སྣ་ཚོགས་རྒྱན་གྱིས་བརྒྱན། །ས་འོག་ལྷ་མོ་ཁྱོད་ལ་བསྟོད། །པདྨའི་སྟེང་ན་བུམ་པ་འཛིན། །གསེར་མདོག་བསྟན་པ་སྲུང་མཛད་མ། །ཁྱོད་ནི་ནོར་འཛིན་རྒྱལ་མོ་སྟེ། །ནོར་འཛིན་ལྷ་མོར་ཕྱག་འཚལ་བསྟོད། །འོག་གི་ཀླུ་སྟེ་ས་ཡི་བདག །ས་འཛིན་ལག་པ་ཆེན་པོ་དང་། །དམ་ཚིག་ཤེས་པའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་

[Full Size]

བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་ལས། །ས་དང་ཕ་རོལ་ཕྱིན་པ་ལས། །ལྷ་མོ་ཁྱོད་ནི་དཔང་དུ་གྱུར། །སྐྱོབ་པ་ཤཱཀྱ་སེང་གེ་ཡིས། །ཇི་ལྟར་བདུད་ཀྱི་སྡེ་བཅོམ་ལྟར། །དེ་བཞིན་དུ་ནི་བདུད་ཀྱི་སྡེ། །ཕམ་པར་བྱ་ཕྱིར་དཀྱིལ་འཁོར་བྲི། །ས་ཡི་ལྷ་མོ་དགའ་བའི་མདངས་ཕྱུངས་ཏེ། ཁྱོད་ནི་རྡོ་རྗེ་སེམས་དཔའ་ཡིན། །ས་འདི་གནང་གི་འགྲོ་དོན་དཔག་མེད་སྤྱོད། །རྡོ་རྗེ་འཛིན་པ་ཁྱོད་ཅི་བདེ་བར་གྱིས་ཤིག །ཅེས་གནང་བ་བྱིན་པར་གྱུར། བཛྲ་མུཿ ཡེ་ཤེས་པ་གཤེགས། དམ་ཚིག་པ་དེ་ཉིད་དུ་ཐིམ་པས་ས་ཡང་གསེར་གྱི་ཕུང་པོར་གྱུར། ཅེས་ཚོམ་བུ་དབུས་ཀྱི་འབྲུ་ཅུང་ཟད་དལ་གྱི་དབུས་སུ་སྔའོ། །དཀྱིལ་འཁོར་ལྷ་ཁང་ཁང་པ་སོགས་ཀྱི་དོན་དུ་ཡིན་ན་འདིར་ས་རྐོ་སྟེ། ཌོ་ཚུལ་ལོགས་སུ་ཤེས་སོ། །དེ་ནས་ཐུབ་པའི་སྐུ་དང་ཚོམ་བུ་བསལ་བའི་མལ་དུ་རྡུལ་ཚོན་དབུས་སུ་དཀར་པོ་

[Full Size]

ལ་ཨོཾ། ཤར་དུ་སྔོན་པོ་ས་དང་ཚོན་བཟང་ལ་ཧཱུཾ། ལྷོར་སེར་པོ་ལ་ཧཱུྃ། ནུབ་ཏུ་དམར་པོ་ལ་ཧཱུྃ༔ བྱང་དུ་ལྗང་གུ་ལ་ཨཱ༔ རྣམས་བྲིས་ལ་བཀོད། མཐའི་མཆོད་པ་སྔར་ནས་ཡོད་པ་དེ་ཁ་གསོ། ཐིག་སྐུད་ལྔའམ་གཉིས་ཀྱང་ཚོན་དང་མཉམ་དུ་བཤམས། བསང་སྦྱང་། སྟོང་པའི་ངང་ལས་ཐིག་སྐུད་རྡུལ་ཚོན། དཀར་པོ་ཨོ་ལས་རྣམ་སྣང་། སྔོན་པོ་ཧཱུཾ་ལས་མི་བསྐྱོད་པ། སེར་པོ་ཧཱུྃ་ལས་རིན་འབྱུང་། དམར་པོ་ཧྲཱིཿལས་འོད་དཔག་མེད། །ལྗང་གུ་ཨཱཿ ལས་དོན་ཡོད་གྲུབ་པ་རྣམས་སུ་གྱུར་ཅིང་ཡེ་ཤེས་ཀྱི་ཐིག་ཚོན་དེ་ལ་ཞུགས་ནས། རིགས་ལྔ་ཞུ་བ་ལས་ཐིག་ཚོན་སོ་སོའི་རྣམ་པར་གྱུར། ཐིག་སྐུད་ལྔ་ཡོད་ན། ཨ་ནེ་སོགས་བཟླས་ཤིང་གཅིག་ཏུ་དྲིལ། ཨོཾ་བཛྲ་ས་མཱ་ཡ་སཱུ་ཏྲ་མ་ཏི་ཀྲ་མ་ཧཱུྃ། ཞེས་བརྒྱ་རྩ་བརྒྱད་ཀྱིས་ཐིག་བྱིན་རླབས། ཨོཾ་བཛྲ་ཙི་ཏྲ་ས་མ་ཡ་ཧཱུྃ། ཞེས་ཚོན་སྣ་ལྔ་པོ་རེ་རེ་ལ་བདུན་རེ་བཟླ། ཧི་ཧི། ཞེས་རྡུལ་ཚོན་ཡིན་ན། སྦྱར་ལ་ཐིག་ཚོན་གཉིས་ཀར། ཨགྷཾ་སོགས་ཀྱིས་མཆོད། དེ་ནས་མཆོད་པ་སོགས་ཐམས་ཅད་བསལ་ལ། ཐིག་གདབ་པ་ནི། རང་དཀྱིལ་འཁོར་གྱི་ལྷོ་ནུབ་ཏུ་གནས་གྲོགས་པོ་བྱང་ཤར་དུ་གནས་པ་ལ། ཛ་ཛ་ཛ༔ ཞེས་པའི་ཐིག་སྣེ་གཏད། རང་ནུབ་དང་གྲོགས་པོ་ཤར་དུ་གནས་པས། སངས་རྒྱས་ཀྱི་ཞིང་ཐམས་ཅད་ན་བཞུགས་པའི་རྒྱལ་བ་སྲས་དང་བཅས་པ་ཐིག་སྐུད་ཀྱི་

[Full Size]

སྒྲས་བསྐུལ་ཏེ་བྱོན་ནས་ཐིག་ལ་ཐིམ་པར་གྱུར། ཨོཾ་བཛྲ་ས་མ་ཡ་སཱུ་ཏྲ་མ་ཏི་ཀྲ་མ་ཧཱུྃ། ཞེས་དང་པོ་ནམ་མཁའ་ལ་འདེབས་པ་ཡེ་ཤེས་ཀྱི་ཐིག །དེ་ནས་ས་ལ་འདེབས་པ་བརྒྱད་ཀ་ལ་བྱ་སྟེ། གཉིས་ཀ་གཡས་སྐོར་དང་གྲོགས་རང་ལ་རྒྱབ་མི་བསྟན་པར་བྱའོ། །ཐིག་གདབ་ལུགས་ནི། སྟེགས་བུ་གྲུ་བཞིར་གནས་པ་དེའི། །ཐུང་ངུའི་དེ་ཡི་ཚད་དེ་ཡིས། །ཕྱོགས་བཞིར་ཚད་ལ་མཚན་མ་བྱ། །དེ་ཡིས་ཐིག་སྐུད་བསྟན་བྱས་ནས། །དབུས་དང་ཕྱོགས་བཞིར་ཉ་ལྟོ་བྲི། །ཉ་ལྟོའི་དབུས་སུ་ཚངས་ཐིག་གདབ། །ཚངས་ཐིག་གཉིས་གཉིས་བར་དག་ཏུ། །བྱ་རྗེས་བྱས་ཐོག་ཟུར་ཐིག་གདབ། །དེ་ཡིས་ཐིག་ཆེན་བརྒྱད་པོ་གྲུབ། །མཐེབ་སྲིན་སྦྱར་བས་སྐུད་སྣེ་འཛིན། །གྲུ་མོའི་རྩེ་རུ་ཚད་བྱས་ལ། །དེ་ཉིད་བལྟེབས་ནས་དབུས་སུ་བཟུང་། །ཟླུམ་པོར་བསྐོར་བ་ཐབ་ཀྱི་རྒྱུ། །དེ་ཡི་ཕྱི་རིམ་སོར་བཞི་པ། །གཉིས་དང་སོར་དོ་པ་གཉིས་བསྐོར། །མཆུ་དང་ཁ་ཁྱེར་ཁ་བད་དང་། །ཁ་འཕྱང་བཞི་རུ་འབྱུང་བ་ཡིན། །བསྡུ་ན་གཉིས་སམ་གཅིག་གིས་ཆོག །དེས་ནི་ལས་བཞི་ཐམས་ཅད་མཚུངས། །སྔར་ལྟར་ཐིག་སྐུད་གྲུ་གང་ཚད། །དབུས་ནས་མཚམས་བཞིར་མཚན་མ་བྱ། །དེ་སྟེང་ཐིག་གདབ་ཐབ་ཀྱི་རྒྱུ། །དེ་རྒྱབ་སོར་བརྒྱད་པ་གཉིས་དང་། །སོར་བཞི་གཉིས་གདབ་རྒྱས་པ་གྲུབ། །དབུས་ནས་ཤར་དུ་སོར་གསུམ་འཇལ། །མཚན་མ་བྱས་པའི་སྟེང་ཉིད་ནས། །ཐིག་སྐུད་སོར་མོ་ཉི་ཤུའི་ཚད། །ཟླུམ་པོར་བསྐོར་བ་ཐབ་ཀྱི་རྒྱ། །དེ་རྒྱབ་སོར་གསུམ་

[Full Size]

པ་གཉིས་དང་། །སོར་མོ་ཕྱེད་གཉིས་པ་གཉིས་བསྐོར། །ལོགས་གསུམ་ཟླུམ་པོ་ཤར་ངོས་ནས། །རིམ་པ་བཞིན་དུ་ཐིག་གིས་གཅོད། །དབུས་ཕྱོགས་ཤར་གྱི་མཚན་མའི་དབྱིབས། །དེས་ནི་དབང་གི་ཐབ་གྲུབ་བོ། །ཐིག་སྐུད་སོར་མོ་ཉི་ཤུ་ལ། །དབུས་ནས་ཟླུམ་པོར་བསྐོར་བར་བྱ། །དེ་རྒྱབ་སོར་བཞི་པ་གཉིས་དང་། །སོར་མོ་ཕྱེད་གཉིས་པ་གཉིས་བསྐོར། །ཤར་གྱི་ཟླུམ་སྐོར་ནང་མ་ནས། །དབུས་ཀྱི་ལྟེ་བར་ཐིག་སྐུད་ཚད། །དེ་ཡི་གཡས་གཡོན་བྱ་རྗེས་བཙལ། །དེ་བཞིན་ཟླུམ་བསྐོར་བར་མ་དང་། །ཕྱི་མ་རྣམས་ལ་རིམ་བཞིན་བཙལ། །དེ་ལ་འཕྲད་ཐིག་རིམ་པར་གདབ། །འཕྲད་ཐིག་ནང་མའི་བྱ་རྗེས་ནས། །ནུབ་དབུས་ཚངས་ཟླུམ་སྟེང་དུ་གདབ། །དེ་ཡིས་གྲུ་གསུམ་ནང་མ་འབྱུང་། །དེ་བཞིན་ཕྱི་མ་རིམ་པར་གདབ། །དེ་ཡིས་དྲག་པོའི་ཐབ་ཐིག་གྲུབ། །ཐབ་ནི་དེ་དག་རྣམས་ཀྱི་ནང་། །རབ་ནི་དཀྱིལ་འཁོར་ཡོངས་རྫོགས་པ། །རང་རང་ཐིག་རྩ་བཞིན་དུ་བྲི། །འབྲིང་དུ་ལྷ་རྣམས་ཡོངས་རྫོགས་པ། །ས་བོན་ནམ་ནི་ཕྱག་མཚན་ནམ། །ཡང་ན་མཚོན་སྤུངས་རང་མདོག་བཀོད། །ཞིབ་པར་དཔེའུ་ཆུང་བཞིན་ནོ། །བསྡུས་པ་འདབ་བརྒྱད་བྲི་ཚུལ་ནི། །ཞི་བའི་ཐབ་དབུས་སོར་མོ་བཞི། །ཟླུམ་པོར་བསྐོར་ལ་པདྨའི་སྟེང་། །ཟླུམ་སྐོར་ནང་མར་རེག་ཙམ་དུ། །ཟུར་ཐིག་བཞི་ནི་གྲུ་བཞིར་གདབ། །ལོགས་ཐིག་བཞི་ནི་དེ་བཞིན་གདབ། །ཚངས་ཟུར་དབུས་གཤག་གཅུས་ཐིག་གདབ། །ཟུར་བརྒྱད་གཅུས་ཐིག་གཉིས་ཀ་ལ། །ཕྱི་ནང་གཉིས་གཉིས་གདབ་པ་ཡིས། །

[Full Size]

འདབ་བརྒྱད་པད་ཤུན་བཅས་པ་འབྱུང་། །རྒྱས་པའི་ཐབ་ཀྱི་དབུས་སུ་ནི། །སོར་མོ་བརྒྱད་དང་བཅུ་གཅིག་གིས། །པདྨའི་ལྟེ་བར་འདབ་མ་བསྐོར། །གཅུས་ཐིག་ལ་སོགས་གོང་ལྟར་གདབ། །དབང་དང་དྲག་པོ་གཉིས་ཀ་ལ། །ཟླ་གམ་གྲུ་གསུམ་ནང་མ་ལ། །མ་རེག་ཙམ་དུ་ཟླུམ་པོར་བསྐོར། །དེ་ཡི་སུམ་ཆ་ལྟེ་བ་སྟེ། །ལྷག་མ་འདབ་བརྒྱད་གོང་ལྟར་རོ། །དེ་ལྟར་ཐིག་ཆེན་བརྒྱད་གདབ་ནས། །ཨོཾ་བཛྲ་ཙི་ཏྲ་ས་མ་ཡ་ཧཱུྃ། ཞེས་བརྗོད་ཅིང་ཐོག་མར་སློབ་དཔོན་གྱིས་དབང་ལྡན་ནས་བརྩམས་ཏེ་བརྩེགས། སྒོ་ཚད་ཙམ་གྱིས་བར། ལག་པ་རྡོ་རྗེ་དང་བཅས། ཁུ་ཚུར་གཡོན་པས་བྲི། དེ་ནས་དྲག་པོ་སོགས་ཀུན་གྱི་གང་བདེ་བར་བྲིའོ། །གོ་རིམ་ནི་དང་པོ་དཀར་པོ། དེ་ནས་དམར་པོ་སེར་པོ། ལྗང་ཁུ་ནག་པོ། དཀྱིལ་འཁོར་ཆེན་པོ་བྲི་ན། ཐིག་ཚོན་འགོངས་པའི་ཉེས་པ་སྤངས་བའི་ཕྱིར། ༀ་བཛྲ་བེ་ག་ཀྲ་མ་ཧཱུྃ། ཞེས་བརྗོད་ཅིང་ཐིག་ཚོན་ནམ་མཁར་བཏེག་ནས་རང་དེའི་འོག་ན་འགྲོ་བར་བསམ་མོ། །ཞི་བའི་ལྟེ་བ་ལྗང་གུ་ལ་རྡོ་རྗེ་དཀར་པོ། འདབ་བཞི་མེ་རླུང་སེར་པོ་དབང་ལྡན་སྔོ། །བདེན་འབྲལ་ལྗང་བ་ཞི་བ་ལས་ཐམས་ཅད་པའོ། །ཡང་ན་འདབ་བཞི་ཕྱོགས་མདོག་མཚམས་བཞིར་མཛེས་ཚོན་ནོ། །ཞི་བ་ཁོ་ན་ལ་འདབ་བརྒྱད་དཀར་པོའོ། །རྒྱ་ཡང་དཀར་པོ་ཁ་ཞེང་དཀར་པོ་ལ་རྡོ་རྗེ་དཀར་པོའམ། སྔོན་པོ་བཞིའམ་བརྒྱད། དེའི་ཕྱིར་སོར་བཞི་དཀར་པོ་ལ་སྣ་ཚོགས་རྡོ་རྗེ་ལྗང་གུ། རིན་པོ་ཆེ་སེར་པོ། དེའི་ཕྱི་སོར་གཉིས་གཞི་སེར་པོ་ལ་

[Full Size]

པདྨ་དམར་པོ། ཀུན་རིག་ལ་ཐབ་ཀྱི་ནང་དུ། དཀྱིལ་འཁོར་ནང་མ་ཚང་བར་བྲི། ཐབ་ཀྱི་ཕྱི་རོལ་དུ་དཀྱིལ་འཁོར་ཕྱི་མ་འཁོར་ཡུག་དང་བཅས་པ་བྲི་བ་ནི་ཤིན་ཏུ་རྒྱས་པའི་ལུགས་སོ། །ཡང་ན་ཐབ་ཀྱི་ནང་དུ་གདུང་རེའུ་མིག་ལྔ་ལུ་རིགས་ལྔ་དང་ཡུམ་བཞིའི་ཕྱག་མཚན་བྲི། ཐབ་ཀྱི་ཕྱི་རོལ་དུ་འཁོར་ལོ་རྩིབས་བཅུ་དྲུག་ལ་སེམས་དཔའ་བཅུ་དྲུག །སྒེག་སོགས་བརྒྱད་དང་སྒོ་བ་བཞི། དེ་ཕྱིར་ལྷ་སྣམ་རིམ་བཞི་ལ་སྐལ་བཟང་དཔེ་བྲལ་ཉན་རང་ཁྲོ་བོ་རྣམས་བྲི།་དེ་སྒོ་བྱེད་པའམ་མེད་ཀྱང་རུང་སྟེ། འཁོར་ཡུལ་དཔལ་མགོན་བདུན་ཅུ་དང་རྡོ་ར་འོད་ཟེར་ཕྲེང་བ་བྲི། དེ་ནི་ས་ལུགས་དག་དང་མཐུན་ནོ། །ཟུར་བཞིར་ཟླ་ཕྱེད་རྡོ་རྗེ་བྲིའོ། །རྒྱས་པའི་ཐབས་ཀྱི་མཆུ་དང་ཁ་ཁྱེར་སོར་བརྒྱད་སེར་པོ་སོགས་རིན་ཆེན་མཚན་པ་གྲ་བཞི་རིན་པོ་ཆེ་སྤྲས་པའི་དབུས་སུ་རིན་པོ་ཆེ་སེར་པོ། དབང་གི་མཆུ་དང་ཁ་ཁྱེར་དམར་པོ་སོགས་ལ་པདྨ་དམར་པོ་དང་ལྕགས་ཀྱུས་མཚན་པ། གྲ་བཞིར་ལྕགས་ཀྱུའམ། ཨུཏྤལ་དམར་པོས་སྤྲས་པ། དབུས་འདབ་བརྒྱད་ཀྱི་ལྟེ་བར་པདྨ་དམར་པོའམ་ལྕགས་ཀྱུའོ། །དྲག་པོའི་ཐབ་ཀྱི་ཁ་ཁྱེར་སོགས་ནག་པོ་རྡོ་རྗེ་ནག་པོ་ཁ་གདངས་བ་རལ་གྲིས་མཚན་པ། ཟུར་བཞི་རྡོ་རྗེ་ནག་པོའམ་རལ་གྲིས་མཚན་པ། དབུས་སུ་ཁྲོ་བོ་ལ་རྡོ་རྗེ་ནག་པོ་བྲིའོ། །འདབ་བརྒྱད་དམ་ཡང་ན་སྣ་ཚོགས་པདྨ་བྱའོ། །ཡང་ལས་བཞི་སྤྱི་དྲིལ་ཕུན་སུམ་ཚོགས་པའི་ཐབ་ནི། ཐབ་ཀྱི་མུ་རན་སོགས་མི་བྱེད་པ། ནང་དུ་དཀྱིལ་འཁོར་ལྷ་ཚོགས་བཀོད། དེ་རྒྱབ་དབང་གི་ཐབ་བྲི། དེ་རྒྱབ་ཞི་བའི་ཐབ། དེ་

[Full Size]

རྒྱབ་རྒྱས་པའི་ཐབ། དེ་རྒྱབ་དྲག་པོའི་ཐབ། དེ་རྒྱབ་རྡོ་རྗེའི་ར་བ་མེ་རི་དཀར་པོ་ཁྲོ་བོ་ལ་དུར་ཁྲོད་བརྒྱད་བྲི། རྙིང་མའི་ལུགས་སོགས་ཕལ་ཆེར་ལ་དྲག་པོའི་ཐབ་ལ་མེ་རི་བྲིའོ། །དེ་ཡང་རབ་བརྩེགས་ཐབ་སྟེ་ཐབ་ཀྱི་རྒྱ་ཐུར་དུ་རྐོ། རྒྱ་ཕྱེད་དཔངས་སུ་རྩིག་པའི་ཞེང་དུ་མཆུའི་ཚད། དེ་ནས་ཁ་ཁྱེར་མུ་རན་གཉིས་ནང་ནས་རིམ་པར་མཐོ་བའི་དཔངས་དང་ཞེང་མཉམ་པ། ཁ་འཕྱང་ནི་ཕྱི་ན་མར་དམའ་བར་འཕྱང་བ། མེ་སྒོ་ལས་དང་མཐུན་པའི་དབྱིབས་ལ་རྡོ་རྗེ་རིན་ཆེན་སོགས་ལས་ཀྱི་མཚན་མས་བསྐོར་བའོ། །རོ་བསྲེགས་ན་བྲིས་པའི་ཐབ་དང་དཀྱིལ་འཁོར་གྱི་སྟེང་དུ་ཞལ་ཁེབས་བྱས་ནས། དེའི་སྟེང་དུ་བླ་མ་ལ་བྱང་ཆུབ་ཆེན་པོ། རབ་བྱུང་ལ་མཆོད་རྟེན་དཀར་པོ། དགེ་བཤེས་ལ་པདྨ་དམར་པོ་ཁ་ཁྱེར་ལྟ་བུ། རྒྱལ་པོ་ལ་སྔོན་པོའི་གཙུག་ཏོར་ལྟ་བུ། བློན་པོ་ལ་དམར་སྐྱ་ཟ་མ་ཏོག་ལྟ་བུ། ཐ་མལ་པ་ཕོ་ལ་སེར་སྐྱ་གདན་ཁྲི་ལྟ་བུ། མོ་ལ་སྔོན་སྐྱ་བིལ་བའི་འབྲས་བུ་ལྟ་བུ། བྱིསྦ་ལ་དམར་སེར་ལྷུང་བཟེད་དབྱིབས། ཞ་ལ་དང་མཚོན་བྱུགས་ལ། རྒྱལ་པོ་དང་བླ་ཆེན་ལ་འོག་ཏུ་སེང་གེའི་ཁྲི་ཕྱོགས་མཚམས་སུ་རྒྱལ་མཚན་བ་དན་བུམ་པ་སོགས་བརྒྱད་བརྒྱད་དང་སྟེང་དུ་གདུགས་དུ་བས་འཁོར་བ་སོགས་བྱའོ། །སྤུར་ཁང་ལ་སྲུང་བཞི་དང་བཀྲ་ཤིས་རྟགས་བརྒྱད་བྲི་བ་ཡང་མཐོང་ངོ། །ཕལ་པ་ལ་ཤིང་གྲུ་བཞིར་བརྩེགས་པས་ཀྱང་ཆོག་གོ །འབྲིང་སྒོ་ཐབ་ནི་སྟེགས་བུའི་སྟེང་དུ་བརྩེགས། ཐབ་ཀྱི་ནང་ཇི་ལྟ་བ་བཞིན་དུ་ཐུར་དུ་རྐོ་སྟེ་ཕྱི་ནས་བརྩེགས་མི་དགོས་སོ། །ཐ་མ་བྲི་ཐབ་

[Full Size]

ལ་ཡང་དངོས་སུ་མེད་ཀྱང་ཡོད་པར་བསྒོམས་པས་ཆོག །སྐྱེས་བུ་དམ་པའི་གདུང་ལ་གཟུངས་ཆུས་བཀྲུས་ཤིང་རས་དང་སྣམ་བུས་ཕྱིས་དྲི་བཟང་གིས་ཁྱབ་པར་བྱུག་ཞལ་དུ་བླུགས། ཕལ་པ་ལ་ཡང་ཕྱིར་ཟློག་ཚང་བར་བྱས་ཆོག །རྩ་རིག་གིས་སྔགས་པའི་གོས་དང་རྒྱན་གྱིས་བརྒྱན། གནས་ཡིག་ནི་མགོ་མཛོད་སྤུ། རྣ་བ་གཡས་གཡོན། གཙུག་ཕུད་དང་ལྔར་རིགས་ལྔའི་སྔགས། དཔུང་པ་གཡོན་པར། ཨོཾ་སརྦ་བིད་སརྦ་ཨ་ཝ་ར་ཎ་ནི་བི་ཤྭ་དྷ་ཡ་ཧ་ན་ཧཱུྃ་ཕཊ། དཔུང་པ་གཡས་པར་རྩ་རིག །སྣ་བུག་གཉིས་ལ། ཨོཾ་སརྦ་བིད་ཧཱུྃ། སྐེད་པར། ཨོཾ་སརྦ་བིད་ཕཊ། སྤུས་མོ་གཡས་ལ། ཨོཾ་སརྦ་བིད་ཨཱ༔ པུས་མོ་གཡོན་ལ། ཨོཾ་སརྦ་བིད་ཏྲཊ། བོལ་གཡས་པར། ཨོཾ་སརྦ་བིད་ཨོ། བོལ་གཡོན་པར། ཨོཾ་སརྦ་བིད་སྭ། ལོང་བུ་གཡས་སུ། ཨོཾ་སརྦ་བིད་ཨཱ༔ ལོང་བུ་གཡོན་དུ། ཨོཾ་སརྦ་བིད་ཧཱུྃ། མིག་གཡས་ལ། ཨོཾ་སརྦ་བིད་ཏཊ། མིག་གཡོན་ལ། ཨོཾ་ཤཿ གསང་གནས་སུ། ཨོ་བྷཿ ཞེས་པ་རྣམས་རབ་གུར་གུམ་གྱིས་བྲིས་ནས་སོ་སོར་སྦྱར། འབྲིང་ཚར་གསུམ་བྲིས་ནས་གནས་བཅོ་བརྒྱད་དུ་ཀློག་པའི་ཚུལ་བྱས་ནས་མགོ་དང་དཔུང་པ་གཉིས་སུ་གདབ༔ ཐ་མ་སྔགས་ཚར་གསུམ་ཀློག་ལ་གནས་སོ་སོར་གདབ་པར་བྷེ། དེ་ནི་སྦྱོང་རྒྱུད་ལུགས་སོ། །མི་འཁྲུགས་པ་བྱེད་ན་རབ་མགོ་བོའི་གནས་ལྔར་གཙོ་བོ་ལྔའི་སྔགས། འདོམས་སུ་བདུག་པ་མ། དཔྲལ་བར་མེ་ཏོག་མ། མིག་

[Full Size]

གཉིས་ལ་མར་མེ་མ།་་སྙིང་གར་བྱུག་པ་མ། བརླ་གཡས་ལ་ལྕགས་ཀྱུ་མ། བརློ་གཡོན་ལ་ཞགས་པ་མ། བྱིན་པ་གཡས་ལ་ལྕགས་སྒྲོག་མ། གཡོན་ལ་དྲིལ་བུ་མའི་སྔགས་བྲིས་ལ་བཏགས། སྤྲོ་ན་སྦྱོང་རྒྱུད་ཀྱི་གནས་ཡིག་ཀྱང་བཏགས་སོ། །བསྡུ་ན་གཙོ་བོའི་སྔགས་མགོ་དང་ལྷ་མོ་བརྒྱད།་སྒོ་མ་བཞིའི་སྔགས་ཡན་ལག་བཞི་ལ་བཏགས། དཀྱིལ་འཁོར་གཞན་གང་གིས་སྒོ་ནས་བསྲེག་ཀྱང་རྒྱས་པར་ཁམས་དང་སྐྱེ་མཆེད་ཀྱི་ལྷ་སོ་སོའི་སྔགས་གནས་སོ་སོར་སྦྱར་བ་རབ། གཙོ་བོའི་སྔགས་མགོ་དང་འཁོར་སྔགས་ཡན་ལག་ལ་སྦྱར། གཙོ་འཁོར་མ་ཕྱེ་བའི་སྔགས་ལ་ཚར་གསུམ་བྲིས་ནས་མགོ་དང་དཔུང་པར་བཏགས་སོ། །ཐོས་གྲོལ་སོགས་རྙིང་མའི་རིགས་ལ་བཏགས་གྲོལ་དང་ཡི་དམ་སོ་སོའི་སྲོག་འཁོར་ཡོད་ན་སྙིང་གར་བཏགས། མེད་ན་གོང་བཞིན་ལ་ཡིག་བརྒྱ་སྙིང་གར་བཏགས། དེ་ཐམས་ཅད་ལ་ཕྱིར་ཟློག་དང་དབང་བསྐུར་རྒྱས་བསྡུས་གང་ལྕོགས་སྔོན་དུ་ཚར་བར་བྱའོ། །དེ་ནས་གསོན་གཤིན་གྱི་སྦྱིན་སྲེག་གང་བྱེད་ཀྱང་འདྲ་སྟེ། ཁྱད་པར་དྲག་པོའི་སྦྱིན་སྲེག་ལ་ལྔ་སེར་དང་རྒྱུ་ལྡོག་ཐམས་ཅད་བརྩིས་ལ་རང་དང་གདོང་མ་ཐུག་པ་གལ་ཆེའོ། །ཞི་རྒྱས་དབང་དྲག་གི་ཁ་གྲུ་ཕྱོགས་ལོག་ཀྱང་འགལ་བ་ཆུང་སྟེ། འབྱུང་བའི་ཕྱོགས་དང་དཀྱིལ་འཁོར་དང་བདག་མདུན་བུམ་པ་ཐབ་གནས་ཁང་གང་རུང་ཞིག་གི་ཕྱོགས་སུ་བསམས་པས་ཆོག །ཡམ་ཤི་ང་ནི་ཞི་བ་ལ་བལ་བུ་གླང་མ་ལྕང་མ་མངར་སིལ་ལ་སོགས་མེ་ཏོག་དང་ཤུན་པ་དཀར་ཞིང་རོ་མངར་བ་གང་ཡང་རུང་སྟེ། རྩེ་མོའི་

[Full Size]

ཆ་ལས་བྱུང་ཞིང་སློབ་དཔོན་གྱིས་མཐེའུ་ཆུང་གིས་ཚད་ཙམ་སོར་བཅུ་གཉིས་པ། པདྨ་འདབ་བརྒྱད་དོད་པོར་བྱས་ལ་མར་ཁུའམ་འོ་མས་སྦག །བུད་ཤིང་ནི་རྒྱུ་དེ་རྣམས་ལས་སྦོམ་དུ་མཛུབ་མོ་ཙམ་ལ་གྲུ་གང་དང་རྐང་གང་མཐོ་གང་པའི་ནང་དུ་རྒྱ་གྲམ་དང་མཐར་ཟླུམ་པོར་བརྩེགས། རྒྱས་པ་ལ་བལ་བུ་ཤུག་པ་སྐྱེར་པ་ལ་སོགས་མེ་ཏོག་དང་འབྲས་བུ་ཤུན་པ་སེར་པོ་ཅན་དང་འབྲས་བུ་རྒྱས་པའི་རིགས་ལས། ཡལ་གའི་དབུས་ལས་བྱུང་བ་སྦོམ་དུ་ཆང་གང་རིང་ཐུང་གྲུ་གང་མར་ཆུའམ་འོ་མས་སྦག །ཡང་ན་གུང་མཛུབ་ཀྱི་ཚད་ལ་སོར་བཅུ་གཉིས། བུད་ཤིང་ཁྲུ་དོ་བཞི་གཤག་དགུ་མིག་གྲུ་བཞི་བརྩེགས། དབང་ལ་སེ་བ་འོམ་བུ་སྐྱུར་སིལ་བ་ཤིང་རྣམས་ལ་སོགས་མེ་ཏོག་དང་འབྲས་བུ་ཤུན་པ་དམར་ཞིང་རོ་སྐྱུར་བའི་རིགས། མངར་གསུམ་མམ་བདུད་རྩིས་སྦག་ལ་སྲིན་ལག་གི་ཚད་སོར་བཅུའམ་བརྒྱད་འདབ་མ་ལྔ་པ་བྱ། བུད་ཤིང་གཉིས་བཀས་ཁྲུ་གང་དང་མཐོ་གང་འཕྲད་བཅད་བརྩེགས། དེ་དག་རློན་ཤིང་ལོ་མ་ཅན་དྲང་བ་བྱའོ། །དྲག་པོའི་ཤིང་ཚེར་ནག་སྐྱེར་པ་ལ་སོགས་ཚེར་མ་ཅན། རོ་ཚ་བ་དང་ཁ་བ་འཁྱོག་པོ་རྩ་བའི་ཆ་ལས་བྱུང་ཞིང་སོར་མོ་བཅུའམ་བརྒྱུད་འདབ་གསུམ་པ་གུང་མོའི་ཚད་ཁྲག་གིས་སྦགས་སོ། །འབུད་ཤིང་གསུམ་གཤག་རྐང་གང་ངོ། །མདོར་ན་ཡམ་ཤིང་ཐབ་ཀྱི་རྒྱའི་ཕྱེད་ཚད་དང་། བུད་ཤིང་ཐབ་ཆེ་ཆུང་གི་རིགས་པས་བརྟགས་སོ། །དེ་ཡང་ཐབ་ཀྱི་མཆུའི་སྟེང་དུ་བརྩེགས་སོ། །དེ་ལ་མེ་དར་ལས་ཀྱི་ཁ་དོག་དང་མཐུན་པར་བཙུགས། ཡོད་ན་མེ་ལྷའི་ཙཀླུ་བཏགས་སོ། །རླུང་

[Full Size]

གཡབ་དངོས་སམ་དར་ལས་བྱས་པ་དང་། མདུན་དུ་མེ་གཡོལ་དང་དེའི་སྟེང་དུ་མེ་ལྷ་འཇིག་རྟེན་པའི་མཆོད་པ་སྣ་བདུན་བཤམས། ཞི་རྒྱས་དབང་གསུམ་ལ་བསྲེག་རྫས་གཡས་དང་མཆོད་རྫས་གཡོན་དུ་བཤམས། དྲག་པོ་ལ་གོ་བརྗེ་ཞིང་གཞི་དང་སྣོད་སོགས་ལས་དང་མཐུན་པའི་ཁ་དོག་དང་སྣོད་བྱ། མདུན་དུ་དགང་བླུགས་ཁ་སྦྱར་ལ་བཞག་པ་དང་རྡོར་དྲིལ་བཤམས། མཆོད་གཞིར་མེ་ལྷའི་གཏོར་མ་གཉིས་མར་མེ་དང་ལྷ་བཤོས་ཆུང་ངུ་མང་པོ། འདས་པའི་མཆོད་པ་སྣ་བདུན་རྒྱས་པ་དང་། དྲག་པོའི་རིགས་ལ་སྨན་རཀ་བུམ་པ་གཉིས་སོགས་བཤམས། རྫས་བཀོད་པའི་གོ་རིམ་ནི། ཡམ་ཤིང་། མར་ཁུ། ཏིལ། ཡུངས་ཀར། ཞོ། ཟས་མཆོག །དཱུརྦ། ནས། གྲོ། །སོ་བ། སྲན་མ། འབྲས། ཀུ་ཤ། བིལ་བ། སྟར་རྒ། ཤིང་ཐོག་སྣ་ཚོགས། མེ་ཏོག །སོ་རྩི། ན་བཟའ། དཀར་གསུམ། མངར་གསུམ། དེ་དག་ཞི་བ་ཡིན་ལ། རྒྱས་པ་ལ་མར་ཁུའི་མཚན་དུ་ཟས་མཆོག་བཞག་དབང་ལ་མེ་ཏོག་དམར་པོ། དྲག་པོ་ལ་ཟན་ལིང་ཤོག་ལིང་ཤ་དུམ་སྦུག་ལ་བཞག །མེ་ཏོག་ནི་ལས་ཀྱི་ཁ་དོག་ཅན་མ་རྙེད་ན་ནས་ལ་ཁ་དོག་མཚོན་གྱིས་བསྒྱུར། བིལ་བའི་ཚབ་སེ་ཐོག་དང་། སྟར་གའི་ཚབ་ལ་ཤུག་ཐོག་བྱའོ། །དེ་ཐམས་ཅད་སྤོས་ཀྱིས་བདུག་པའམ་བྱུག །འབྲུ་ཐམས་ཅད་ལ་མར་ཁུས་ཅུང་ཟད་བྲན། དཱུར་ཝ་ལ་འོ་མ་དང་ཀུ་ཤ་ལ་མར་ཁུ་སྦག །དབང་དང་དྲག་པོ་ལ་ཞོ་དང་འོ་མ་མི་རུང་བར་ཡེ་ཤེས་ཐིག་ལེའི་རྒྱུད་ནས་གསུངས་སོ། །

[Full Size]

འདས་མ་འདས་ཀྱི་མཆོད་པ་གཉིས་མ་འབྱོར་ན་གཅིག་ལ་ཁ་གསོ། རྫས་གང་མ་རྙེད་པའི་ཚབ་ཏུ་ནས་བཤམས་ལ་རྫས་དེ་ཉིད་དུ་བྱིན་གྱིས་རླབས་ཤིང་དམིགས་ལ་སྔགས་སོ་སོས་འབུལ། རྙིང་མ་ལ་འདོད་གསོལ་གྱི་བྱང་བུ་འབུལ་རྒྱུ་གང་འབྱོར་ཡང་བསགས། ཞི་བ་ནི་ར་བ་བཞིའི་ཚེས་གཅིག་སྲོད་དང་སྔ་དྲོ་རྒྱན་དང་ཆས་གོས་གདན་དཀར་པོ་ལ་སེམས་དཔའི་སྐྱིལ་ཀྲུང་ངམ་རྡོ་རྗེ་སྐྱིལ་ཀྲུང་། རྒྱས་པ་ཉའམ་ཉི་དྲོས་ཉིན་ཕྱེད་དུས་རྒྱན་དང་ན་བཟའ། གདན་རྣམས་སེར་པོ་རྒྱལ་པོ་རོལ་བའི་སྟབས་སམ། ཁྲིའུ་སྟེང་དུ་བྱམས་འདུག་བྱ། དབང་ལ་ཚེས་བརྒྱད་དང་དགོང་ཁ་རྒྱན་དང་ན་བཟའ། གདན་དམར་པོ་ལ་རྡོ་རྗེའི་སྐྱིལ་ཀྲུང་ངམ་བཙུན་མོ་རོལ་པའི་སྟབས། དྲག་པོ་ལ་ཉེར་དགུའམ་སྲོད་ལ་རྒྱན་དང་ན་བཟའ་ནག་པོ་གདན་མེད་པའམ་ནག་པོ་ལ་ཙོག་པུར་རྐང་པས་རྐང་པ་མནན་པའམ།་གཡས་སྐྱིལ་ཀྲུང་ངམ་གཡོན་བསླང་བའི་མགར་འདུག་གམ། པུས་མོ་གཉིས་ས་ལ་བཙུགས་ཏེ་འདུག །སྤྱི་དྲིལ་ལ་ཆས་སྣ་ཚོགས་དང་ལྡན་པར་ཟབྱའོ། །དེ་ནས་ཕྲིན་ལས་བཞི་གང་བྱེད་ཀྱང་། ཁྱད་པར་དྲག་པོ་བྱེད་ན། སྒྲུབ་ཁང་ཐོགས་ནས་ཆུ་སྣ་ཕྱོགས་བཅུར་གཏོར། དེ་ནས་གསེར་སྐྱེམས་སམ་ཆང་ཕུད་རྒྱས་པར་གཏོར། ཤིང་སྣ་ཚོགས་ཀྱིས་བསང་དང་གསུར་མཆོད་བཏང་། གསུར་དང་གསེར་སྐྱེམས་མ་གཏོགས་དེ་ཐམས་ཅད་སྔར་ཉིན་ཚར་བར་བྱའོ། །ཉི་མ་གཅིག་ལ་ཐུབ་ན་ནི་རུང་ངོ། །དེ་ནས་ཕྱིར་ཉིན་དཀྱིལ་འཁོར་གང་ཡིན་པའི་བདག་མདུན་བུམ་གསུམ་བདག་འཇུག་དང་བཅས་པ་ཐུབ་ན་

[Full Size]

རབ། བདག་བུམ་གཉིས་ཁོ་ན་ཐུབ་ན་འབྲིང་། ཐ་མ་བདག་བསྐྱེད་དང་ལས་བུམ་གཉིས་ཐོན་ན་ཡང་ཆོག །དེ་ནས་བཤམས་པའི་གདན་ལ་རྒྱན་ཆས་བཅས་ནས་འདུག་ལ། ཨོཾ་བཛྲ་ཡཀྵ་སོགས། དཀྱིལ་འཁོར་གང་ཡིན་གྱི་ལས་སྔགས་ཀྱིས་བསང་། སྭ་བྷ་ཝས་བསང་སྦྱངས། བསང་སྦྱངས་ཐམས་ཅད་ལ་འགྲེས་སོ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་དང་ཨ་ལས་བྱུང་བའི་རྡོ་རྗེ་སེམས་དཔའ་ཡབ་ཡུམ་འོད་དུ་ཞུ་བ་ལས་བྱུང་བའི་རྡོར་དྲིལ་མཚན་ཉིད་དང་ལྡན་པ། རང་གི་ལག་མཐིལ་གཡས་སུ་ཟླ་བ་དང་གཡོན་དུ་ཉི་མའི་གདན་ལ་འཁོད་པར་གྱུར། ཞེས་པད་ཀོར་དང་བཅས་པས་རྡོར་དྲིལ་བླངས། ཨོཾ་བཛྲ་སཏྭ་ཧཱུྃ༔ ཞེས་ལན་གསུམ་རྡོ་རྗེ་གསོར་ནས་ཐུགས་ཀར་བཟུང་། ཚྭ་དྷ་ཏུ་ཤྭ་རི་ཧཱུཾ། ཞེས་དྲིལ་བུ་ཁྲོལ་ཞིང་དཀུར་བརྟེན་དེ་ནས་བཟུང་སྟེ་སྦྱིན་སྲེག་མ་ཚར་བར་རྡོར་དྲིལ་དང་འབྲལ་མི་རུང་ངོ། །འདིར་དཀྱིལ་འཁོར་གང་ཡིན་གྱི་སྔོན་འགྲོ་གཏོར་མ་བཏང་ལ་བགེགས་བསྐྲད་དཀྱིལ་འཁོར་སོ་སོའི་གཞུང་ལྟར་བྱ་བའམ། ཡང་ན། ཧཱུཾ། བསྐལ་པ་མེ་ལྟར་འབར་བའི་ཀློང་དཀྱིལ་ནས། །མེ་ལྷ་དྲང་སྲོང་ཡི་དམ་མ་གཏོགས་པ། །གནོད་བྱེད་འབྱུང་པོའི་ཚོགས་རྣམས་ཕྱིར་དེངས་ཤིག །གལ་ཏེ་འདུག་ན་གཞོབ་བཞིན་རྡུལ་དུ་བརླག །ཧཱུྃ། ཞེ་སྡང་འབར་བའི་མེ་ནི་མཐིང་ནག་

[Full Size]

འབར། །ཡེ་ཤེས་འབར་བའི་མེ་ཡིས་མཚམས་ཆོད་ཅིག །ང་རྒྱལ་འབར་བའི་མེ་ནི་སེར་ནག་འབར། །ཡེ་ཤེས་འབར་བའི་མེ་ཡིས་མཚམས་ཆོད་ཅིག །འདོད་ཆགས་འབར་བའི་མེ་ནི་དམར་ནག་འབར། །ཡེ་ཤེས་འབར་བའི་མེ་ཡིས་མཚམས་ཆོད་ཅིག །ཕྲག་དོག་འབར་བའི་མེ་ནི་ལྗང་ནག་འབར། །ཡེ་ཤེས་འབར་བའི་མེ་ཡིས་མཚམས་ཆོད་ཅིག་་གཏི་མུག་འབར་བའི་མེ་ནི་སྨུག་ནག་འབར། །ཡེ་ཤེས་འབར་བའི་མེ་ཡིས་མཚམས་ཆོད་ཅིག །ཅེས་ཁྲོ་བོའི་མེ་དཔུང་གི་ཚོགས་ཀྱིས་བགེགས་བསྐྲད་པར་བསམས་ལ། ཡོ་བྱད་ཀུན་ལ་ནས་ཐུན་བྲབ་བོ། །དེ་ནས་སྲུང་འཁོར་བསྒོམ། མཆོད་པ་རྣམས་དཀྱིལ་འཁོར་སོ་སོའི་གཞུང་ལྟར་བྱིན་གྱིས་རླབས། བསྲེག་རྫས་རྣམས་དཀྱིལ་འཁོར་སོ་སོའི་གཏོར་མ་ལྟར་བྱིན་གྱིས་རླབས་ཏེ། གཏོར་མ་ཞེས་པའི་མལ་དུ། བསྲེག་རྫས་ཞེས་བསྒྱུར་ཏེ། ཨོཾ་ཨཱཧཱུཾ། ཨོཾ་ཁ་ཁ་ཁྲ་ཁྲ་ཁྲ་ཁྲ་ཥཱ༔ ཞེས་བརྗོད་ནས་རྡོར་དྲིལ་དང་བཅས་པས། དགང་བླུགས་ཁ་སྦྱར་བས་བསྲེག་རྫས་ཐམས་ཅད་ལ་རེག་ཅིང་། ཨོཾ་ཨཱཿ ཧཱུྃ་སྭཱ་ཧཱ། རྫས་ཐམས་ཅད་བཀྲུས་པར་བསམ། དེ་ནས་ཡམ་ཤིང་ལ་རེག་སྟེ། ཨོཾ་ཤྲཱི་སྭཱ་ཧཱ། མར་ཁུ་ལ་རེག་སྟེ། ཨོ་ཨཱསཱ་ཧུ། ཡམ་ཤིང་དང་མར་ཁུ་གཉིས་སྔགས་བསྣོལ་བའི་རིགས་ཀྱང་སྣང་ངོ། །འབྲུ་ཐམས་ཅད་ལ་རེག་སྟེ། ཨོ་ཛཾ་སྭ་ཧཱ། ཡང་

[Full Size]

རྫས་ཐམས་ཅད་ལ་རེག་ཅིང་། ཨོ་ཀུ་རུ་ཀུ་རུ་སྭཱ་ཧཱ། ཞེས་བྱིན་རླབས་རྒྱས་པར་སྤྲོ་ན་རྫས་སྔགས་སོ་སོའི་མཇུག་ཏུ། ཨོ་ཨཱཧཱུྃ། སྦྱར་བས་རེག་གོ །དེ་ནས་རོ་བསྲེག་ཡིན་ན་ཀུ་ཤ་ལས་བུམ་དཔལ་འབར་ལྔའམ་གསུམ་རླུང་གཡབརྣམས་སྣོད་གཅིག་ཏུ་བཞག་ནས་མཆོད་གཡོག་པས་བཟུང་།་རང་རྒྱན་ཆས་དང་བཅས་སྤུར་ཁང་སྒོར་འགྲོའོ། །དེ་ནས་ཀུ་ཤ་ཆེན་པོ་བཅུ་ལས་བུམ་གྱིས་ཆུས་བསངས་ཤིང་། སྟོང་པའི་ངང་ལས་ཨོཾ་ལས་ཀུ་ཤ་གསར་པ་སྔོ་ལྗང་རྩ་བ་དང་རྩེ་མོ་མ་ཉམས་པ། ཧ་ཅང་མི་རིང་ཞིང་མི་ཐུང་བར་དག་པར་བྱེད་ཅིང་སྲུང་བའི་ནུས་པ་ཕུན་སུམ་ཚོགས་པར་གྱུར། ཨོཾ་བཛྲ་ས་ཏྭ་ཨཱཿ ཞེས་པས་པད་ཀོར་དང་བཅས་པས་གཉིས་རེ་བླངས་ནས། ཨོ། ཀུ་ཤ་འདི་ནི་གཙང་ཞིང་དགེ། །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་པོ་མཉེས་བྱེད་པ། །ས་ལ་སྐྱེས་པ་འདབ་མའི་སྙིང་། །བདག་གི་བགེགས་རྣམས་ཐམས་ཅད་ནི། །ཞི་ཞིང་བདེ་ལེགས་མཛད་དུ་གསོལ། །ཨོཾ་བཛྲ་ས་ཏཱ་ཨཱཿ ཞེས་ཆུན་པོ་གཉིས་ཐབ་ཀྱི་སྟེང་དུ་རྩེ་མོ་ཤར་དུ་བསྟན་ཏེ་བཞག་པ་མེ་ལྷའི་གདན་དུ་བསམ་ལ་འདི་རྒྱ་གྲམ་དུ་བཅིངས་སྲོལ་ཡང་སྣང་། གཞན་རྣམས་གཡས་བསྐོར་དུ་ཐབ་ཀྱི་ཁ་ཁྱེར་ལ་རྩ་བ་སྔོན་དུ་འགྲོ་བས་སྔ་མའི་རྩ་བ་ཕྱི་མའི་རྩེ་མོས་ནོན་པར་ཆུན་པོ་བརྒྱད་པོ་བཀོད། རྒྱས་པ་དང་དབང་དང་དྲག་པོ་ལ་

[Full Size]

ཀུ་ཤ་རྩེ་མོ་ཡང་བྱང་དང་ནུབ་དང་ལྷོ་ཕྱོགས་སུ་བསྟན། དེ་ནས་ཐབ་ལས་བུམ་གྱི་ཆུས་བསང་སྦྱངས། སྟོང་པའི་ངང་ལས་ཧཱུྃ་འམ། དྷིའམ་ས་བོན་གང་ཡིན་ལས། ཞི་བའི། རྒྱས་པའི། དབང་གི །དྲག་པོའི། །ཕུན་སུམ་ཚོགས་པའི། ཐབ་ཁུང་། སྤྲོ་ན་ཇི་ལྟར་བྲིས་པའི་མཚན་ཉིད་རྒྱས་པར་བརྗོད། མཚན་ཉིད་དང་ལྡན་པའི་དབུས་སུ་པདྨ་དང་ར་སྐྱེས་ཀྱི་གདན་ལ་རཾ་ལས་མེ་ལྷ། དཀར་པོ། སེར་པོ། དམར་པོ། ནག་པོ། འོད་ལྔ་འཕྲོ་བ། ཞལ་གཅིག་ཕྱག་བཞི། སྤྱན་གསུམ་རལ་པའི་ཐོར་ཚུགས་ཅན། གཡས་གཉིས་དབྱུག་པ་དང་མི་འཇིགས་པའི་ཕྱག་རྒྱ། གཡོན་གཉིས་ཕྲེང་བྷྱོབ་དང་རིལ་བ་འཛིན་པ། མེ་ལྕེ་སྟོང་གིས་དཀྲིས་པའི་འོད་འབར་བའི་དཔྲལ་བར་ཨོཾ། མགྲིན་པ་ཨཱཿ ཐུགས་ཀར་ཧཱུྃ་དང་རཾ་གྱིས་མཚན་པར་གྱུར། དེ་ནས་ཞི་བ་ལ་དགེ་སྦྱོང་ཁྱེའུ་གཙང་མ། རྒྱས་པ་ལ་དཔོན་རིགས་སམ་ཕྱུག་པོ། དབང་ལ་བུད་མེད་དམ་གཞོན་ནུ། དྲག་པོ་ལ་མི་ལག་སྨེ་ཅན་ནམ། སྡིག་ཅན་གྱིས་མེ་ལེན་བཅུག་ལ། མེ་ལས་བུམ་ཆུས་བསངས་ནས་མེ་ལེན་མཁན་དེ་ཉིད་ལ་མེ་རུ་སྦར་བཅུག་ནས། རང་གི་ལག་ཏུ་གཏད་བཅུག་ནས། བསངས་སྦྱངས། སྟོང་པའི་ངང་ལས་རས་འདི་ཨོ་ཧཱུྃ་ཧཱུྃ་ཧྲིལླཱརྣམས་ལས་བྱུང་བའི་རྒྱལ་བ་རིགས་ལྔའི་ངོ་བོ་ཡེ་ཤེས་ཀྱི་མེ་ཁ་དོག་ལྔ་ལྡན་དུ་འབར་

[Full Size]

བར་གྱུར། རོ་བསྲེག་ཡིན་ན་དཀྱིལ་འཁོར་སོ་སོའི་བྱང་བུ་མེ་སྦར་གྱེར་ཏེ་གང་ཟག་མཆོག་ལ། དཔལ་ལྡན་བླ་མ་དགོངས་སུ་གསོལ། །ཞེས་སྦྱར། ཕུན་སུམ་ཚོགས་པའི་སྦྱིན་སྲེག་ལ་འདི་ཐམས་ཅད་སྦྱར། ཞི་བ་དང་། ལས་ཐམས་ཅད་པ་ཡང་དེ་དང་འདྲ་ལས་བཞི་གཞན་ལ་འདི་ཐམས་ཅད་ནང་ནས་གང་འོས་བསལ་ལ་གྱེར་རོ། ཧཱུྃ། དང་པོ་མེ་བྱུང་གོང་ནས་བྱུང་། །སྔོན་ཚེ་བསྐལ་པ་དང་པོ་ལ། །བཅོམ་ལྡན་རྒྱལ་བ་རིགས་ལྔ་ཡི། །ཐུགས་ཀའི་འོད་ཀྱི་གོང་བུ་ནས། །ཡི་གེ་རཾ་གྱི་འཕྲོ་འདུ་ལས། །ཡེ་ཤེས་ལྔ་ཡི་མེ་བྱུང་ནས། །དུག་ལྔའི་ཕུང་པོ་གཏན་ནས་བརླག །ཡེ་ཤེས་ལྔ་རུ་ལྷུན་གྱིས་གྲུབ། །དོ་ནུབ་གཞལ་ཡས་ཕོ་བྲང་འབར་བ་འདི། །ཉོན་མོངས་དུག་ལྔའི་ཡམ་ཤིང་ལ། །ཡེ་ཤེས་ལྔ་ཡི་མེ་སྦར་བས། །ཕྲིན་ལས་རྣམ་བཞི་འགྲུབ་གྱུར་ཅིག །ཅེས་པ་ཙམ་མོ། །ཡང་ན་ཞི་བ་ལ། ཧཱུྃ། ཤར་གྱི་ཕྱོགས་ནས་མེ་ལེན་མ། །སྐུ་མདོག་དཀར་མོ་རྡོ་རྗེའི་རིགས། །དྲི་ཟའི་ཡུལ་ནས་མེ་ལོངས་ལ། །ཞི་བའི་མེ་ནི་སྦར་བར་མཛོད། །རྒྱས་པ་ལ། ཧཱུྃ། ལྷོ་ཡི་ཕྱོགས་ནས་མེ་ལེན་མ། །སྐུ་མདོག་སེར་མོ་རིན་ཆེན་རིགས། །གཤིན་རྗེའི་ཡུལ་ནས་མེ་ལོངས་ལ། །རྒྱས་པའི་མེ་ནི་

[Full Size]

སྦར་བར་མཛོད། །དབང་ལ། ཧཱུྃ། ནུབ་ཀྱི་ཕྱོགས་ནས་མེ་ལེན་མ། །སྐུ་མདོག་དམར་མོ་པདྨའི་རིགས། །ཀླུ་ཡི་ལག་ནས་མེ་ལོངས་ལ། །དབང་གི་མེ་ནི་སྦྱར་བར་མཛོད། །དྲག་པོ་ལ། ཧཱུྃ། བྱང་གི་ཕྱོགས་ནས་མེ་ལེན་མ། །སྐུ་མདོག་ལྗང་གུ་ལས་ཀྱི་རིགས། །གནོད་སྦྱིན་ལག་ནས་མེ་ལོངས་ལ། །དྲག་པོའི་མེ་ནི་སྦྱར་བར་མཛོད། །ཨོཾ་ཛཱ་ལ་ཛཱ་ལ་ཧཱུཾ། ཞེས་ཐབ་ཀྱི་ཤར་ལྷོ་ནས་སྦྱར་རོ། །དེ་ནས་ལག་པ་གཡས་བུད་ཤིང་དང་། གཡོན་རླུང་གཡབ་ཅིང་། ཞི་བ་ལ། ཧཱུྃ། ཤར་ལྷོ་མཚམས་ནས་ཤིང་ཐུ་མ། །མེ་ལྷའི་ཡུལ་ནས་ཤིང་ཐུས་ལ། །ཞི་བའི་མེ་ནི་འབར་བར་མཛོད། །རླུང་གཡབ་མ་ཡིས་རླུང་གཡོབ་ཅིག །རྒྱས་པ་ལ། ཧཱུྃ།་ལྷོ་ནུབ་མཚམས་ནས་ཤིང་ཐུ་མ། །སྲིན་པོའི་ཡུལ་ནས་ཤིང་ཐུས་ལ། །རྒྱས་པའི་མེ་ནི་འབར་བར་མཛོད། །རླུང་གཡབ་མ་ཡིས་རླུང་གཡོབ་ཅིག །དབང་ལ། ཧཱུྃ། ནུབ་བྱང་མཚམས་ནས་ཤིང་ཐུ་མ། །རླུང་ལྷའི་ཡུལ་ནས་ཤིང་ཐུས་ལ། །དབང་གི་མེ་ནི་སྦར་བར་མཛོད། །རླུང་གཡབ་མ་ཡིས་རླུང་གཡོབ་ཅིག །དྲག་པོ་ལ། ཧཱུྃ། བྱང་ཤར་མཚམས་ནས་ཤིང་ཐུ་མ། །དབང་ལྡན་ཡུལ་

[Full Size]

ནས་ཤིང་ཐུས་ལ། །དྲག་པོའི་མེ་ནི་སྦར་བར་མཛོད། །རླུང་གཡབ་མ་ཡིས་རླུང་གཡོབ་ཅིག །ཨོཾ་ཨཱཙྪཧཱུྃ། ཞེས་འབུད་ཤིང་རེ་བཞག་ཅིང་རླུང་གཡབ་རེ་གཡབ་བོ། །དེ་ནས་མེ་དར་ལག་ཏུ་ཐོགས་ནས་བཀའ་བསྒོ་བ་ནི། ཧཱུྃ། ཡེ་ཤེས་ལྔ་ཡི་མེ་དཔུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་ཤར་དུ་མ་འཕྲོ་ཞིག །མེ་ལྕེ་ཤར་དུ་འཕྲོས་གྱུར་ན། །ཞི་བའི་ཕྲིན་ལས་མི་འགྲུབ་པས། །དེ་ཕྱིར་ཤར་དུ་མ་འཕྲོ་ཞིག །རྒྱས་པ་ལ། ཧཱུྃ། མཉམ་ཉིད་ཡེ་ཤེས་མེ་དཔུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་ལྷོ་རུ་མ་འཕྲོ་ཞིག །མེ་ལྕེ་ལྷོ་རུ་འཕྲོས་གྱུར་ན། །རྒྱས་པའི་ཕྲིན་ལས་མི་འགྲུབ་པས། །དེ་ཕྱིར་ལྷོ་རུ་མ་འཕྲོ་ཞིག །དབང་ལ། ཧཱུྃ། ཀུན་རྟོག་ཡེ་ཤེས་མེ་དཔུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་ནུབ་ཏུ་མ་འཕྲོ་ཞིག །མེ་ལྕེ་ནུབ་ཏུ་འཕྲོས་གྱུར་ན། །དབང་གི་ཕྲིན་ལས་མི་འགྲུབ་པས། །དེ་ཕྱིར་ནུབ་ཏུ་མ་འཕྲོ་ཞིག །དྲག་པོ་ལ། ཧཱུྃ། ནན་ཏན་ཡེ་ཤེས་མེ་དཔུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་བྱང་དུ་མ་འཕྲོ་

[Full Size]

ཞིག །མེ་ལྕེ་བྱང་དུ་འཕྲོས་གྱུར་ན། །དྲག་པོའི་ཕྲིན་ལས་མི་འགྲུབ་པས། །དེ་ཕྱིར་བྱང་དུ་མ་འཕྲོ་ཞིག །ཕུན་སུམ་ཚོགས་པ་ལ། ཧཱུྃ། ཆོས་དབྱིངས་ཡེ་ཤེས་མེ་དཔུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་འོག་ཏུ་མ་འཁྱིལ་ཅིག །མེ་ལྕེ་འོག་ཏུ་འཁྱིལ་བ་ན། །ཕྲིན་ལས་རྣམ་བཞི་མི་འགྲུབ་པས། །དེ་ཕྱིར་འོག་ཏུ་མ་འཁྱིལ་ཅིག །ཨོ་རཾ་ནན་ཤཱནྟི་ཀུ་རུ་སྭཱ་ཧཱ། ཞེས་མེ་དར་གཡབ།་བུད་ཤིང་རླུང་གཡབ་མེ་དར་གསུམ་གྱི་ཚིགས་བཅད་འདི་རྣམས་ཀུན་རིག་སོགས་ལ་མི་དགོས་སོ། །དེ་ནས་མེ་ལྷ་ཡེ་ཤེས་པ་སྤྱན་འདྲེན་པ་ནི། ཐབ་ཏུ་གནས་པའི་མེ་ལྷ་དམ་ཚིག་པའི་ཐུགས་ཀའི་འོད་ཟེར་གྱིས་འཇིག་རྟེན་གྱི་ཤར་ལྷོ་ན་གནས་པའི་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་སྤྱན་དྲངས། ལག་པ་གཡས་མི་འཇིགས་པའི་ཕྱག་རྒྱ་མཐེ་བོང་སྲིན་ལག་གིས་རྩ་བར་གཡོབ་ཅིང་རྣ་བ་གཡོན་ངོས་ནས་གཡས་ངོས་སུ་ཁྱེར་ཞིང་ལག་གཡོན་དྲིལ་བུ་བསིལ་བས། ཨོ། ཚུར་བྱོན་ཚུར་བྱོན་འབྱུང་པོ་ཆེ། །ལྷ་ཡི་དྲང་སྲོང་གཉིས་སྐྱེས་མཆོག་བསྲེག་བླུགས་ཞལ་ཟས་བཞེས་སླད་དུ། །འདི་ནི་ཡང་དག་བརྙེས་པར་མཛོད། །ཅེས་པ་ཙམ་མམ། སྤྲོ་ན། གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་རབ་སྒྲུབ་པ། །

[Full Size]

ཐུགས་རྗེའི་སེམས་ཅན་དོན་གྱི་ཕྱིར། །འདི་ཉིད་དུ་ནི་གཤེགས་སུ་གསོལ། །ཨོ་ཊཀྐི་ཧཱུཾ་ཛ༔ ཧཱུཾ། གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་རབ་སྒྲུབ་པ། །ཐུགས་རྗེས་སེམས་ཅན་དོན་གྱི་ཕྱིར། །འབར་བའི་གནས་འདིར་བཞུགས་སུ་གསོལ། །ཨོཾ་ཨཀྵེ་དྷེ་ཝ་ས་མ་ཡ་ཏིཥྛ་ལྷན། ཐབ་ཀྱི་ཤར་ལྷོའི་ཁ་ཁྱེར་ཀུ་ཤའི་གདན་ལ་མེ་ལྷ་ཡེ་ཤེས་པ་འཁོར་བཅས་འཁོད་པར་གྱུར། ཨོཾ་ཨཀྵེ་ཡེ་ས་པ་རི་ཝཱ་ར་ཨརྒྱུ་སོགས། ཆུ་བཞིའམ་གསུམ་འབུལ། ལག་གཡས་རྡོ་རྗེ་དང་བཅས་པའི་མཐེ་བོང་གིས་མཐེའུ་ཆུང་མནན་པའི་རྩེ་གསུམ་གྱི་ཕྱག་རྒྱ་བཅས་ལ། ཧཱུཾ། རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །དམ་ཚིག་འདི་ལས་འདས་ན་ནི། །རིག་ན་མྱུར་དུ་རླག་པར་བྱེད། །ཨོཾ་ཧ་ན་ས་མ་ཡ་ཧཱུྃ་ཕཊ༔ ཅེས་དམ་ལ་བཞག །མེ་ལྷ་ཡེ་ཤེས་པ་དང་དམ་ཚིག་པ་དབྱེར་མེད་དུ་གྱུར། ཛཧཱུྃ་བཾ་ཧོ༔ སླར་ཡང་ཐུགས་ཀའི་ཧཱུྃ་གི་འོད་ཟེར་གྱིས་རིགས་ལྔ་སྤྱན་དྲངས། དབང་བསྐུར་སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ཀྱི་བདག་པོ། རྣམ་སྣང་གིས། མི་བསྐྱོད་པས། རིན་ཆེན་འབྱུང་ལྡན། འོད་དཔག་མེད། དོན་ཡོད་གྲུབ་པས། རིགས་

[Full Size]

ལྔས། ཞེས་ལས་དང་བསྟུན་པས། དབུར་བརྒྱན་པར་གྱུར། ཨོཾ་ཨཀྵེ་ཡེ་ས་པཱ་རི་ཝཱ་ར་པུཊྚེ༴ ནས། ཤབྡ་པྲ་ཏཱིཙྪ་སྭཱ་ཧཱ། ཧཱུཾ། གཟི་བརྗིད་ལྡན་པ་མེ་ཡི་ལྷ། །འབར་བཅས་སྐུ་ཡི་རྒྱན་གྱིས་བརྒྱན། །རྔམ་པའི་བྱིན་ཅན་ལས་ལ་བརྩོན། །བསྲེག་བླུགས་འབུལ་ལོ་ལས་ཀུན་སྒྲུབས། །ཚངས་པ་འཇིག་རྟེན་མགོན་གྱི་སྲས། །ཞི་ལ་སོགས་པའི་ལྷ་དཔལ་ཏེ། །ཇི་ལྟར་འདོད་པའི་དོན་སྒྲུབ་པའི། །གཟི་བརྗིད་ཆེན་པོར་ཕྱག་འཚལ་བསྟོད། །དགང་བླུགས་ཁར་ཧུའམ་ཧཱིསོགས་ལྷ་གཙོ་བོའི་ས་བོན། དང་མེ་ལྷའི་ཞལ་ཅུང་ཟད་གདངས་བའི་ལྗགས་ལ་རཾ་ཡིག་གིས་མཚན་པས་བསྲེག་རྫས་བདུད་རྩི་བཞེས་པར་གྱུར། ལག་གཉིས་རྡོར་དྲིལ་དང་བཅས་པས་ཁུ་ཚུར་ལས་མཛུབ་མོ་གཉིས་བརྐྱངས་བས་དགང་བླུགས་བཟུང་སྟེ། བླུག་གཟར་གྱིས་དགང་གཟར་དུ་མར་ཁུ་གསུམ་མམ། བདུན་འབུལ་ཞིང་། ཨོ་ཨགེ་ཡེ་སྭཱ་ཧཱ། ཞེས་བརྗོད་ཅིང་། ཞི་རྒྱས་དབང་གསུམ་ལ་གྲུ་མོ་པུས་མོ་ལས་ཕྱིར་མི་འདར་བར་དགང་བླུགས་ཁ་སྦྱར་ནས་ཐབ་ཀྱི་ཁར་གཡས་བསྐོར་གསུམ་དང་དྲག་པོ་ལ་གཡོན་བསྐོར་གསུམ་བྱ་ཞིང་། ཨོཾ་ཨགེ་ཡེ་ཧ་བྱ་ཀ་བྱ་ཝ་ཧ་ན་ཡ་ཨ་དྷི་བྱ་སྭཱ་ཧཱ། ཞེས་མར་ཁུ་དེ་ཐབ་ཏུ་འབུལ། དེ་ལྟ་བུ་གསུམ་མམ་བདུན་འབུལ། དེ་ནས་མེ་སྤྲ་བརྟག་པ་ནི། གང་ཟག་བཟང་པོའི་

[Full Size]

གདུང་ཡིན་ན། མེ་དུད་མཚམས་སུ་སྐུ་དང་ཡི་གེ་སྣང་བ་དང་། དུད་པ་སྔོན་པོ་གྱེན་དུ་འགྲེང་ན་ཞག་བརྒྱད་ནས་གྲོལ་ཞིང་གཟུགས་སྐུ་ཐོབ་བོ། །མེ་ལྕེ་གཡས་སུ་འཁྱིལ་ཞིང་མེ་འོད་དཀར་གསལ་དང་། མེ་ལྕེ་གཡོ་འགུལ་མེད་ཅིང་མེ་ལྕེ་རི་མོ་ལ་ལྷའི་ཕྱག་མཚན་དང་། ས་བོན་ཡིག་འབྲུ་སྣང་བ་དང་། མེ་ལྕེ་ལ་འོད་ཟེར་ཆེན་པོ་འཕྲོ་ན་ཞག་ལྔ་ནས་གྲོལ་ཞིང་གཟུགས་སྐུ་ཐོབ་པའི་རྟགས་སོ། །མེ་ཡི་སྒྲ་ལས་འུར་སེང་གཟུགས་འབིར་ཆེན་པོ་བྱུང་ན། ཞག་བཅུ་ནས་གྲོལ་ནས་གཟུགས་སྐུ་ཐོབ་བོ། །གཞན་ཡང་སྔགས་པ་ནུས་ལྡན་གྱི་གདུང་ལ་ཡང་གོང་གི་རྟགས་རྣམས་འབྱུང་ཞིང་ཁྱད་པར་མེ་ལྕེ་མཐིང་གསལ་ཤར་དུ་འཕྲོ་བ་དང་། སེར་གསལ་ལྷོར་འཕྲོ་བ་དང་། དམར་གསལ་ནུབ་ཏུ་འཕྲོ་བ་དང་། ལྗང་གསལ་བྱང་དུ་འཕྲོ་བ་དང་། དུད་པ་ཡང་གོང་ལྟར་ཕྱོགས་བཞིར་འཕྲོ་བ་དང་། མེ་རྟག་གཡས་སུ་འཁྱིལ་ཞིང་འཕྲོ་བ་དང་། མེ་ལྕེ་ཕྱོགས་དེ་དག་ཏུ་ལུ་གུ་རྒྱུད་དུ་འཕྲོ་བ་འབྱུང་སྟེ། ཕྱོགས་གང་དུ་འཕྲོ་བའི་རིགས་ཀྱི་ཁྲོ་བོ་ཁྲོ་མོས་རྗེས་སུ་བཟུང་ནས་གྲོལ་བའི་རྟགས་སོ། །ཕལ་པའི་རོ་ཡིན་ན་མེ་ལྕེ་དཀར་པོ་ལྷམ་མེར་འབར་བ་དང་གཡས་སུ་འབར་བ་དང་། གྱེན་དུ་འབར་ཞིང་དྲི་མ་མེད་པའམ་དྲི་ཞིམ་པ་ཟླུམ་པོར་འབར་ཞིང་མི་འཕྲོ་བ་རྣམས་བྱུང་ན། ཆོ་ག་དང་སྦྱིན་སྲེག་ཀྱི་བྱིན་རླབས་ཀྱིས་ངན་སོང་ལས་ཐར་ནས་བདེ་འགྲོར་སྐྱེ་བའི་རྟགས་སོ། །དུད་པ་ཆེ་ཞིང་མི་གསལ་ན་སྒྲིབ་པ་ཆེ་བའི་རྟགས་སོ། །དེ་ལ་སྒྲིབ་སྦྱོང་ལ་འབད་པ་གལ་ཆེའོ། ༈ །རིམ་གྲོ་སོགས་ཀྱི་མེ་སྤྲ་ནི། མེ་

[Full Size]

ལྕེ་རྩེ་གཅིག་པ་ཕྲ་ཞིང་ལྡེམ་པ་ཕུན་སུམ་ཚོགས་པའི་རྟགས་ཏེ་རབ་ཡིན་ནོ། །རྩེ་མོ་གཉིས་པོ་མཉམ་ཞིང་མི་གཡོ་ན་འབྲིང་པོ་ཡིན་ནོ། །མེ་ལྕེ་དཀར་པོའམ་སྔོན་པོ་སྣུམ་ཞིང་རྩེ་མོ་ཟླུམ་ལ་དུད་པ་མེད་ན་ནད་ཞི་ཞིང་རིགས་རྒྱུད་འཕེལ། དཀར་པོའམ་དཀར་སྔོན་ནམ་དམར་པོ་མདངས་བཟང་ན་ནད་སེལ་ཞིང་སྡིག་པ་དག་གོ །དཀར་ཞིང་འཇམ་སྟེ་ཤར་དུ་འཁྱིལ་ན་ཞི་བའི་ལས་ཐམས་ཅད་འགྲུབ་བོ། །སེར་པོ་མདངས་བཟང་ན་རྒྱལ་སྲིད་ཐོབ་བོ། །རྩེ་མོ་བཞི་མཉམ་པར་འབར་ན་རྒྱས་པའི་དངོས་གྲུབ་མི་འགྱུར་བརྟན་པོར་འགྲུབ་བོ། །དྲི་ཞིམ་པོར་བྲོ་ན་དགེ་ཞིང་ས་གཞིའི་བདག་པོར་འགྱུར་རོ། །སེར་ཞིང་གྲུ་བཞིར་འབར་བ་དང་སེར་ཞིང་ལྷོར་འཁྱིལ་ན་རྒྱས་པའི་ལས་ཐམས་ཅད་འགྲུབ་བོ། །དམར་པོ་ལྕགས་ཀྱུ་ལྟ་བུ་རང་ལ་འཁོར་ཞིང་འབར་བ་དང་དམར་པོ་ནུབ་ཏུ་འཁྱིལ་ན་དབང་གི་ལས་ཐམས་ཅད་འགྲུབ་བོ། །མེ་སྒྲ་རོལ་མོའི་སྒྲ་ལྟ་བུར་སྙན་པ་དང་མེ་མཐོང་ན་ཡིད་དགའ་བ་དང་བདེ་བ་སྐྱེ་བ་དང་། མེ་ལྕེར་བཀྲ་ཤིས་པའི་རྟགས་བརྒྱད་གང་རུང་དང་། ཁ་ཊཱི་རྔ་ཡབ་གཡུང་དྲུང་དགང་གཟར་བླུགས་སོགས་ཕྱག་མཚན་གྱི་རྣམ་པ་དང་། རྟ་དང་གླང་ཆེན་གྱི་དབྱིབས་དང་། སྒྲ་མེད་ཅིང་གཡས་སུ་འཁྱིལ་བ་རྣམས་བྱུང་ན་ཕྲིན་ལས་གང་བརྩམ་འགྲུབ་ཅིང་། དགེ་ཞིང་ཕུན་སུམ་ཚོགས་ལ་ཚེ་རིང་ཞིང་ནད་མེད་པར་འགྲུབ་བོ། །དྲག་པོའི་མེ་ནི་དམར་ནག་གྲུ་གསུམ་རྣོ་བར་འབར་ཞིང་ལིང་ག་དེ་མ་ཐག་ཚིག་ན་བཟང་། དྲག་པོའི་སྐབས་སུ་འཚག་པ་དང་། སྒྲ་མི་སྙན་པ་དང་། རོ་དྲི་སོགས་ངན་རྟགས་ཕལ་ཆེར་བཟང་།

[Full Size]

འོན་ཀྱང་མེ་དང་དུད་པ་རང་ངོས་སུ་ཆད་ཅིང་བྱུང་ན་ངན། འོན་ཀྱང་རླུང་གི་བྱེད་ལས་སུ་འདུག་ན་རྐྱེན་མེད་མིན་ན་རང་གི་སྲུང་ཟློག་ལ་འབད་དོ། ༈ །ངན་པའི་ལྟས་ནི་གཡོ་ཞིང་མདུན་ཕྱོགས་སུ་འབར་བ་དང་། མང་དུ་འཚག་པ་དང་རྩེ་མོ་གསུམ་དུ་འབར་བ་དང་། འཁོར་ཞིང་མེ་སྟག་འཕྲོ་བ་དང་། མེ་ལྕེ་རྣམ་པར་འཕྲོ་བ་ནི་ཕུགས་སུ་གདོན་ཞུགས་ནས་ནད་འབྱུང་བའི་རྟགས་སོ། །མེ་ཡང་ཡང་རྩུབ་ཅིང་ཡང་ཡང་གཡོན་དུ་འཁོར་བ་དང་། ཡང་ཡང་ས་ལ་མེ་ལྕེ་རེག་པ་དང་ཐིག་ལེ་ནག་པོ་བྱུང་བ་རྣམས་མྱུར་དུ་རིགས་རྒྱུད་བརླག་པའི་ལྟས་སོ། །རྒྱལ་པོ་དང་སྡེ་དང་། སྡེ་བདག་བརླག་པར་འགྱུར་བའི་ལྟས་སོ། །མེ་ལྕེ་དུད་པའི་མདོག་ལྟར་ནག་པ་དང་མདོག་ལྗང་གུའམ་སྣ་ཚོགས་ལ་རྩུབ་པ་དང་།་མདོག་ངན་ན་དོན་གང་ཡིན་མི་འགྲུབ་པའི་ལྟས་སོ། །མི་རོའི་དྲི་དང་བོང་བུའི་དྲི་དང་ཉ་སོགས་ཆུ་གནས་སེམས་ཅན་གྱི་དྲི་བྲོ་ན་བགེགས་ཡོད་པས་གཙོ་བོ་གང་ཡིན་ལ་ངན། དུ་བ་འཁུ་ཞིང་རང་ཚིག་པ་ཟ་ན་བགེགས་ཆེན་པོ་ཡོད་པའི་ལྟས་སོ། །ཚིག་ཙིག་དང་འུར་ཧུར་འུར་ཧུར་དང་སིལ་སིལ་གྱིས་སྒྲ་མི་སྙན་པ་གྲག་ན་དོན་མི་འགྲུབ་པའི་ལྟས་སོ། །མེ་ལྕེ་མདུང་དང་རལ་གྲི་མདའ་དང་སྦྲུལ་རྔ་མོང་བ་ལང་མགོ་འདྲ་བའི་འཇིགས་པའི་གཟུགས་སུ་མཐོང་ན། ཡོན་བདག་གི་ཁྱིམ་དུ་རིམ་གྲོ་ལ་བརྩོན་པར་བྱའོ། །ད་རུང་རིམ་གྲོ་དགོས་སོ་སྨྲའོ། །མེ་ལྕེ་དུམ་བུར་ཆད་ན་གློ་བུར་དུ་ནད་འབྱུང་ངོ། །མེ་ལྕེ་ཡང་ཡང་དུ་འདར་ན་དགྲ་དང་རྐུན་མ་འོང་། མདངས་མེད་ཤིན་ཏུ་ནག་ན་ན་ཚ་དྲག་པོ་འབྱུང་

[Full Size]

ངོ། །ངན་པའི་ལྟས་བྱུང་བ་ན། ཨོཾ་བཛྲ་ཡཀྵ་ཧཱུྃ། ཞེས་སོགས་ལས་བུམ་གང་ཡིན་གྱི་སྔགས་བཟླ་ཞིང་ལས་བུམ་གྱི་ཆུས་བསངས། ཡང་སྔར་ལྟར་མར་ཁུ་དགང་བླུགས་བདུན་ནམ་གསུམ་འབུལ། རོ་བསྲེག་ཡིན་ན་འདི་ནས་སློབ་དཔོན་གྱིས་དགང་བླུགས་བཟུང་བཞིན་པས་དྲིལ་བུ་འཁྲོལ། གྲྭ་སློབ་རྣམས་རོལ་མོ་དང་བཅས་སྤུར་ཁང་ལ་ལན་གསུམ་བསྐོར་ནས་དེ་ནས་ཐབ་ཀྱི་རྩར་སྡོད་མི་དགོས་པར་མཆོད་གཞི་སར་འདུག་ནས། བསྲེག་རྫས་མར་ཁུ་སྐྱོགས་དང་གཞན་རྣམས་གཞོང་པ་སོགས་སུ་བསོགས་ནས་མཆོད་གཡོག་པ་ཞིག་ལ་བསྐུར་བ་ཕྱག་ལེན་ནོ། །འདིར་རོ་བསྲེགས་ལ། ༈ མེ་ལྷའི་ཐུགས་ཀའི་འོད་ཟེར་གྱིས་ཚེ་འདས་བཀུག་ནས། དེའི་སྡིག་སྒྲིབ་དང་སྡུག་བསྔལ་ཐམས་ཅད་འོད་ཟེར་གྱིས་དྲངས་ནས་བསྲེག་རྫས་ལ་བསྟིམས་སྟེ་གསོལ་བར་གྱུར། གང་ཟག་བཟང་པོ་ཡིན་ན་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་བཀུག་ནས་བསྲེག་རྫས་ལ་བསྟིམ། གདུང་དང་དཀྱིལ་འཁོར་གྱི་ལྷ་ཚོགས་ལ་དབྱེར་མེད་དུ་འབུལ། ཕལ་པ་ལ་བསྲེག་རྫས་དང་ཤ་ཁྲག་དབྱེར་མེད་དཀྱིལ་འཁོར་གྱི་ལྷ་ཚོགས་ལ་མཆོད་པར་འབུལ་བའོ། །དེ་ཡང་བསྲེག་རྫས་ཐམས་ཅད་མཐེབ་སྲིན་ནམ་གུང་ཐེབ་ཀྱིས་འབུལ། ཡམ་ཤིང་བྱང་ཆུབ་ཀྱི་ཤིང་དུ་བསམ་ལ་རྩེ་མོ་སྟེང་དུ་བསྟན་ལ་འབུལ་ཞིང་། ཨོཾ་ཨཀྵེ་ཡེ་ས་པ་རི་ཝཱ་རའི་ཤམ་དུ་རྫ་ས་སྔགས་ཐམས་ཅད་སྦྱར་ནས་ལན་གསུམ་རེ་འབུལ། མེ་ལྷ་རྫོགས་ནས། ༈ ཡི་དམ་ཆྒེ་

[Full Size]

གང་ཡིན་མེ་ལྷའི་ཐུགས་ཀར་བསྐྱེད་ཅིང་ཆོ་གའི་གཞུང་བཏང་ནས་ལྷ་སྔགས་ཤམ་དུ་རྫས་སྔགས་སྦྱར་ནས་བརྒྱའམ། ཉི་ཤུའམ། བཅུའམ། བདུན་རེ་ཙམ་འབུལ་ཞིང་། ཨོཾ་བོ་དྷི་བྷིཀྟ་ཡེ་སྭཱ་ཧཱ། རིམ་འགྲོ། ཡིན་ན་སྤེལ་ཚིག་ནི། བདག་ཅག་ཡོན་མཆོད་འཁོར་བཅས་ལ། ཡང་ན།་བདག་ཅག་མི་ནོར་འཁོར་བཅས་ལ། བར་དུ་གཅོད་པའི་རྨི་གང་ཡིན་མཐར་ལས་སྔགས་སྦྱར་བའོ།། ༈ རོ་བསྲེག་ཡིན་ན་ཞི་བར་གཤེགས་པའམ། ཚེ་ལས་འདས་པའི་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཞི་བ་ཡིན་ན། ཤཱནྟིཾ་ཀུ་རུ་སྭཱ་ཧཱ། རྒྱས་པ་ཡིན་ན། །པུཊྚི་ཀུ་རུ་ཨོ། དབང་ཡིན་ན། འགྲོ་བའི་གཟི་བརྗིད་ཕུན་སུམ་ཚོགས་པ་པ་ཤང་ཀུ་རུ་ཧོ༔ དྲག་པོ་ཡིན་ན། གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་དགྲ་བགེགས་མཱ་ར་ཡ་ཕཊ༔ ཅེས་ཚིག་གིས་བསྒྱུར་སོ་རིག་པས་དཔག་སྟེ་གོ་མ་ལོག་པར་བྱ། མར་ཁུ་འབུལ་ཞིང་། ཨོ་ཨགེ་ཡེ་སྭཱ་ཧཱ། འབྱོར་པ་ཕུན་སུམ་ཚོགས་པ་ལ་བར་དུ༴ ཚེ་ལས་འདས་པ་སྐྱེ་བ་གཞན་དུ་འབྱོར་པ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཏིལ་ནག་ལ། ཨོཾ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ། སྡིག་པ་དང་སྒྲིབ་པ་ཐམས་ཅད་རྒྱས་པ་དང་དབང་ལ་དགེ་བ་ཕུན་སུམ་ཚོགས་པ་

[Full Size]

སོགས་སྦྱར། ཡུངས་ཀར་ལ། ཨོཾ་སརྦ་ཨརྦ་སིདྡྷི་ཡེ་སྭཱ་ཧཱ། བགེགས་མེད་པ་ཕུན་སུམ་ཚོགས་པའི་བར་དུ་གཅོད་པའི་སྡིག་སྒྲིབ༔ ཚེ་ལས་འདས་པའི་བར་དོའི་འཇིགས་སྐྲག་ཐམས་ཅད༔ ཟས་མཆོག་ནི་ཞོ་ཟན་ལ་ཟན་སྣ་ཚོགས་པ་བཏབ་པ་ཕྱེ་མའི་རིལ་བུ། ཨོཾ་སརྦ་སཾ་པཱ་དེ་སྭཱ་ཧཱ། བདེ་བ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༔ བར་དུ་གཅོད་པའི༔ ཡང་སྔགས་དེ་ཉིད་ཀྱིས་ཞོ་དང་འོ་མ་འབུལ་ཏེ། ཤེས་རབ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ༔ བར་དུ་གཅོད་པའི་སྡིག་སྒྲིབ་སོགས་སྦྱར་བར་བྱེད། དུརྦའི་མྱུ་གུའི་རྩ་བ་ཡང་རུང་བ་སྟེ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ༔ ཚེ་ལས་འདས་པ་སྐྱེ་བ་གཞན་དུ་ཚེ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ནས་ལ། ཨོཾ་མ་ཧཱ་བེ་ག་ཡ་སྭ་ཧུ། ཤུགས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༔ ཚེ་ལས་འདས་པ་དག་པའི་ཞིང་ཁམས་བསྒྲོད་པ་ལ་མྱུར་བའི་ཤུགས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༔ གྲོ་ལ། ཨོཾ་བཛྲ་གྷསྨཱ་རེ་སྭཱ་ཧཱ། ནད་མེད་པ་ཕུན་སུམ་ཚོགས་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཟླ་སྐྱེ་བ་གཞན་དུ་ནད་མེད་པ༴ སོ་བ་ལ། ཨོཾ་བཛྲ་བི་ཛ་ཡེ་སྭཱ་ཧཱ།

[Full Size]

ནོར་དང་འབྲུ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ༔ ཚེ་ལས་འདས་པ་སྐྱེ་བ་གཞན་དུ་ནོར་དང་འབྲུ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ༔ སྲན་མ་ལ་མ་ཤ་རྙེད་ན། རབ་མེད་ན་སྲན་མའི་རིགས་ཐམས་ཅད་གང་རྙེད་བྱེད་པར་འདུག་གོ །ཨོཾ་བཛྲ་མ་ཧཱ་བ་ལ་ཡེ་སྭཱ་ཧཱ། སྒོའི་སྟོབས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཚེ་ལས་འདས་པ་སྐྱེ་བ་གཞན་དུ་སྟོབས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༔ འབྲས་ལ། ཨོཾ་བཛྲ་པུཥྛ་ཡེ་སྭཱ་ཧཱ། བསོད་ནམས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་འ། དཔལ་འབྱོར་ཕུན་སུམ་ཚོགས་པ་ལ་བར་དུ་གཅོད་པའི༴ ཀུ་ཤ་ལ། ཨོཾ་ཨ་པྲ་ཏི་ཧ་ཏ་བཛྲ་ཡེ་སྭཱ་ཧཱ། སྲུང་བ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༴ བིལ་བའམ་སྟར་སྒ་དང་ཛཱ་ཏི་ཕ་ལ་རྣམས་རིམ་བཞིན་ལན་གསུམ་རེ་ཕུལ། ཨོཾ་ཤྲཱི་ཝ་ཡེ་སྭ་ཧཱ། ཤིང་ཐོག་སྣ་ཚོགས་ལ། ཨོཾ་ཨ་ས་མ་དྷི་ཕ་ལ་ཡ་སྭཱ་ཧཱ། ཡང་ན། ཨོ་ཏི་པ་ན་ཡ་སྭཱ་ཧཱ། རིགས་རྒྱུད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༔ དཀར་གསུམ་མངར་གསུམ་གང་འཛོམས་ལ། ཨོཾ་བཛྲ་མ་ལེ་པུཏྟ་ཡེ་སྭཱ་ཧཱ། ཤེས་རབ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་

[Full Size]

ཐམས་ཅད༔ མེ་ཏོག་ཞི་བ་དཀར་པོ་ལས་དང་བསྟུན་ནོ། །ཨོཾ་བཛྲ་པུཎྜེ་སྭཱ་ཧཱ། ཁ་དོག་དང་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༴ དྲི་དང་སོ་རྩི་སྟེ་ཇ་སོགས་བཏུང་བའི་རིགས་ལ། ཨོཾ་བཛྲ་ཏཾ་བུ་ལ་ཡེ་སྭཱ་ཧཱ། བཀྲ་ཤིས་པ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༴ སྨན་སྣ་ཚོགས་ལ། ཨོཾ་ཨོ་ཥ་དྷི་སྭཱ་ཧཱ། ནད་མེད་པ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༔ ནད་ཐམས་ཅད༔ དར་རས་གོས་སྣམ་དུམ་བུ་ལ། ཨོཾ་བཛྲ་ཝས་ཡེ་སྭཱ་ཧཱ། རྒྱུན་དང་གོས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༔ འདིར་མ་མཐུས་པའི་འབྲུའི་རིགས་བཟའ་བཏུང་སོགས་འབུལ་རྒྱུ་ཡོད་ན། ཨོཾ་ཨཱཿ ཧཱུྃ་གིས་འབུལ་ཞིང་ལས་བཞི་སོ་སོའི་འདོད་གསོལ་སྤྱི་འཚམ་པ་སྦྱར་རོ། །དེ་ཡང་སྡིག་པ་ཆེ་བ་ལ་ཏིལ་མང་དུ་འབུལ་ཞིང་གཞན་གང་འབྱོར། མེད་ཀྱང་རུང་། ཚེ་རིང་བ་ལ་དྭརླ་ལ་སོགས་འགྲེས་ཤེས་པར་བྱའོ། །མར་ཁུ་དང་ཡམ་ཤིང་ནི་ཐམས་ཅད་ལ་དགོས་སོ། །དེ་ནས་མེ་ལྷ་ལ་གསུམའམ་བདུན་རེ་ཕུལ་ཏེ། འཇིག་རྟེན་ཁམས་ནི་དཔག་མེད་ན། མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་ནི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས། ཞི་བའི། རྒྱས་

[Full Size]

པའི། དབང་གི །དྲག་པོའི། ལས་བཞིའི། ཕྲིན་ལས་མཛོད། ཞབས་བསིལ༴ མེ་ཏོག༴ བདུག་སྤོས༴ སྣང་གསལ༴ དྲི་ཆབ༴ ཞལ་ཟས༴ རོལ་མོ༴ ཨོཾ་ཨཀྵེ་ས་པཱ་རི་ཝ་ར་ཨགྷཾ། པཱཏྱཾ། པུཊྚེ། དྷ་ཝེ། ཨཱ་ལོ་ཀེ། གྷནྡྷེ། ནེ་ཝི་ཏྱ། ཤཐཱ། པྲ་ཏིཙྪ་ཡེ་སྭཱ་ཧཱ། ཞེས་མཆོད་པ་རྣམས་རིམ་བཞིན་དུ་འབུལ་ཞིང་མཚམས་འཛིན་དྲིལ་བུ་བསིལ། བདེ་མཆོག་དང་ཞི་ཁྲོ་སོགས་ལ་རོལ་མོ་འུར་རྡུང་སོགས་བྱིའོ། །བསྟོད་པ་ནི། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིའི་དབང་བསྐུར་རོ། །ཤེས་རབ་མཆོག་གི་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཅེས་པ་ཙམ་མམ། སྤྲོ་ན། ཧཱུྃ།་ཚངས་པ་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་བ་ལ་ཡང་བསྐྱབ་པའི་ཕྱིར། །ཐུགས་རྗེའི་དབང་གིས་སྐུར་སྤྲུལ་པའི། །རིག་སྔགས་གྲུབ་པའི་དྲང་སྲོང་མཆོག །ཕྲིན་ལས་བསྒྲུབ་པ་མངའ་བདག་ཆེ། །ཉོན་མོངས་བསྲེགས་པའི་ཤེས་རབ་འོད། །བསྐལ་པའི་མེ་ལྟར་གཟི་བརྗིད་ཆེ། །མངོན་ཤེས་རྫུ་འཕྲུལ་སྟོབས་དང་ལྡན། །ཐབ་ཀྱི་ཐེག་མཆོག་ར་སྐྱེས་

[Full Size]

ཆིབས། །བགྲང་འཕྲེང་འཛིན་ཅིང་རིག་སྔགས་གསུང་། །བདུད་རྩིའི་བཅུད་དང་གྷནྡེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་སྐྱོན་བྲལ་བས་ཚངས་པར་སྤྱོད། །འཇིག་རྟེན་གནས་ཀྱང་མྱ་ངན་འདས། །ཞི་བ་མཉེས་ཀྱང་ཐུགས་རྗེ་ཆེ། །དེ་ལ་བསྟོད་དེ་ཕྱག་ཀྱང་འཚལ། །ཞི་བའི། རྒྱས་པའི། དབང་གི །དྲག་པོའི། ལས་བཞིའི། ཕྲིན་ལས་བསྒྲུབ་པ་དང་། །དངོས་གྲུབ་མ་ལུས་སྩོལ་བར་མཛོད། །ཅེས་བསྟོད། དྲང་སྲོང་ཆེན་པོ་མེ་ལྷ་ཡི། །སྔོན་གྱི་དམ་བཅས་མནའ་དོར་བ། །ལྷ་རྣམས་ཞལ་ནས་མེ་ཡིན་ཏེ། །སྦྱིན་སྲེག་དེ་ནི་མེ་ལ་གནས། །མེ་ལྷ་ཁྱོད་ཉིད་མེ་འབར་བ་དང་གཉིས་སུ་མེད་པར་བཞུགས་པ་ལ་སྦྱིན་སྲེག་གི་མཆོད་པ་འདི་རྣམས། རྗེའི། ལྷ་ཚོགས་རྣམས་ཀྱི་ཞལ་དུ་སྟོབ་པའི་ཕྲིན་ལས་མཛོད་ཅིག །ཞི་རྒྱས་གཉིས་ལ་མེ་ལྷའི་ལྟོ་བའམ་ཐུགས་ཀར་ལྷ་བསྐྱེད། ཐུགས་ཀ་ནས་སྤྲུལ་པའི་མེ་ལྷ་ཡིད་ལས་བསྐྱེད་པ་རང་འདྲ་བ་ཞིག་བྱོན་ནས། ཡི་དམ་རྗེའི་དཀྱིལ་འཁོར་གྱི་ལྷ་ལ་མཆོད་པས་ཕྱག་ཚང་མཛད་པར་གྱུར། མེ་ལྷའི་ལྟོ་བ་ཡངས་ཤིང་རྒྱ་ཆེ་བར། ཞེས་ལྷ་བསྐྱེད། དབང་དྲག་གཉིས་ལ་སྔགས་དང་བཅས་པས་མར་ཁུ་དགང་བླུགས་གསུམ་ཕུལ་བས། མེ་

[Full Size]

ལྷ་འཁོར་བཅས་འོད་དུ་ཞུ་ནས་འབར་བའི་རྣམ་པར་གྱུར། མེ་དཔུང་གི་དབུས་སུ། ཞེས་ལྷ་བསྐྱེད། དཀྱིལ་འཁོར་གང་ཡིན་ཡང་མདུན་བསྐྱེད་ཚང་བར་བསྐྱེད། སྤྱན་འདྲེན་བཞུགས་གསོལ། དབང་བསྐུར་རྒྱས་གདབ་ཀྱི་བར་བྱ་བ་འདྲ་ཞིང་། ཁྱད་པར་ཀུན་རིག་ལ་མི་འདྲ་བའི་ཁྱད་པར་ནི། མེ་ལྷའི་ལྟོ་བར་འཇིག་རྟེན་གསུམ་རྒྱལ་སྐུ་མདོག་སྔོན་པོ་དབུ་དང་ཕྱག་མཐའ་ཡས་པ་ཞེས་པ་ནས། ཡེ་ཤེས་ཀྱི་མེ་འབར་བའི་དབུས་ན་བཞུགས་པར་གྱུར། དེའི་ཐུགས་ཀའི་དབུས་ཧཱུྃ་ལས་འོད་འཕྲོས་ཡེ་ཤེས་པ་སྤྱན་དྲངས། ཧཱུྃ། ཡེ་ཤེས་བསྐལ་པ་མེ་ལྟར་འབར་བའི་འོད། །ཅེས་པ་ནས། འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །ཨོཾ་བཛྲ་མ་ཧཱ་ཀྲོ་དྷ་རཱ་ཛ་ས་པཱ་རི་ཝཱ་ར་བཛྲ་ས་མཱ་ཛ༔ ཛཿཧཱུྃ་བཾ་ཧོ༔ པདྨ་ཀ་མ་ལཱ་ཡ་སྟྭཾ། ཨོཾ་བུདྡྷ་ཨ་བྷི་ཥིཉྩ་ཨོ་སོགས་བརྗོད། ཨོཾ་བཛྲ་ཀྲོ་དྷ་ཏྲེ་ལོཀྱ་བི་ཛ་ཡ་སྭཱ་ཧཱ། ཨབྷཾ་སོགས་དང་སྔགས་དེ་ཉིད་ཀྱིས་སྤེལ་ཚིག་དང་བཅས་པ་བསྲེག་རྫས་བདུན་ནམ་གསུམ་འབུལ། ཧཱུྃ། ཆོས་ཉིད་ཉིས་མེད་ངང་ཉིད་ལས། །ཞེས་པ་ནས། བགེགས་དཔུང་སྲེག་པར་མཛད་ལ་ཕྱག་འཚལ་བསྟོད། །ཅེས་བསྟོད་དོ། །བསྡུ་ན། ཁྲོ་བོ་སྲིན་པོའི་ཆ་ལུགས་ཅན། །ཁམས་

[Full Size]

གསུམ་རྣམ་རྒྱལ་ཕྱག་འཚལ་བསྟོད། །ཅེས་པ་ནས་ཕྲིན་ལས་བཅོལ། སླར་ཡང་ཐུགས་ཀའི་འོད་ཟེར་གྱིས་འཕགས་པ་དཀོན་མཆོག་རིན་ཆེན་རྣམ་པ་གསུམ་སྤྱན་དྲངས། མ་ལུས་སེམས་ཅན་ཀུན་གྱི་མགོན་གྱུར་ཅིང་། །སོགས་ནས། བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཛཧཱུྃ་བཾ་ཧོ༔ ཐབ་ཀྱི་ཤར་ཕྱོགས་སུ་པད་ཟླའི་གདན་ལ་བཞུགས་པར་གྱུར། པདྨ་ཀ་མ་ལཱ་ཡ་ཧཱུཾ། ན་མོ་རཏྣ་ཏྲ་ཡཱ་ཡ། བུདྡྷ་དྷརྨ་སཾ་གྷ་བྷྱོ་ཨབྷཾ་སོགས་དང་། བསྲེག་རྫས་གསུམ་མམ་བདུན་འབུལ། སྟོན་པ་བླ་མེད་སངས་རྒྱས་རིན་པོ་ཆེ།། སོགས་དང་། རྒྱས་པར་འདོན་ན། མགོན་པོ་ཐུགས་རྗེ་ཆེན་ལྡན་པ་ཞེས་པ་ནས། དགེ་འདུན་ལ་ཡང་ཕྱག་འཚལ་བསྟོད། །འཕགས་པ་དཀོན་མཆོག་གསུམ་གྱིས་ཚེ་ལས་འདས་པའི་སྡིག་སྒྲིབ་ཐམས་ཅད་དག་ནས་མྱུར་དུ་སངས་རྒྱས་པའི་ཕྲིན་ལས་མཛད་དུ་གསོལ། ཞེས་གསོལ་བ་བཏབ་པས་ཚེ་ལས་འདས་པའི་སྡིག་སྒྲིབ་ཐམས་ཅད་ཐུགས་ཀའི་འོད་ཟེར་གྱིས་བཀུག་ནས་མེ་ལ་ཐིམ་སྟེ་བསྲེགས་པར་གྱུར། འཇིག་རྟེན་གསུམ་ལས་རྣམ་པར་རྒྱལ་བའི་ལྟོ་བར་པཾ་ལས་པདྨ་སོགས་རྡོར་སེམས་བསྐྱེད། སེམས་དཔའི་སྐྱིལ་ཀྲུང་གིས་བཞུགས་པ། དེའི་

[Full Size]

ཐུགས་ཀའི་ཧཱུྃ་ལས་འོད་འཕྲོས་རྡོ་རྗེ་སེམས་དཔའ་སྤྱན་དྲངས། ཨོཾ་བཛྲ་སཏྭ་ས་པ་རི་ཝཱ་ར་བཛྲ་ས་མཱ་ཛ༔ ཛཧཱུྃ་བཾ་ཧོ༔ བུདྡྷ་ཨ་བྷི་ཥིཉྩ་ཨོཾ། སོགས། ཨོ་བཛྲ་སཏྭ་ཧཱུྃ། ཨརྒྷཾ་སོགས་དང་བསྲེག་རྫས་བདུན་ནམ་གསུམ་འབུལ། རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོ་ཀུན་ཏུ་བཟང་། །ཕྱག་འཚལ་ཕྱག་ན་རྡོ་རྗེ་ལའོ། །རྡོ་རྗེ་ཁུ་ཚུར་གཉིས་ཀྱིས་མཛུབ་མོ་དང་ཐེའུ་ཆུང་གཉིས་མདུད་དེ་བཀན་པ་གཡས་སུ་བསྐོར་ཞིང་། ཨོཾ་སརྦ་བིད་མཎྜལ་བཛྲ་ཙཀྲ་ཧཱུཾ། རྡོ་རྗེ་སེམས་དཔའི་ལྟོ་བར་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཀྱི་ཁང་པ། ཞེས་པ་ནས་ལྷ་བསྐྱེད་སྤྱན་འདྲེན་དབང་བསྐུར་རྒྱས་འདེབས་ཀྱི་བར་མདུན་བསྐྱེད་ལྟར་བྱའོ། །རྙིང་མའི་རིགས་ལ་ཕྱི་མཆོད་ནས་བཟུང་སྟེ་ནང་མཆོད་གསང་མཆོད་ཡིན་ལས་ལ་བྱང་ལྟར་བྱ། ཀུན་རིག་ལ་སོགས་ལ། །རབ་འབྱམས་རྒྱ་མཚོ་དཔག་མེད་ན། །སོགས་ཀྱིས་མཆོད་པ་སྣ་བདུན་མར་མེ་ལྷ་བཤོས་སོགས་འབུལ་བ་གསར་མ་སྤྱི་ཐམས་ཅད་ལ་འདྲ་ཞིང་། བདེ་མཆོག་ཕག་མོ་རྒྱལ་བ་རྒྱ་མཚོ་སོགས་ལ་ཡང་། རྒྱལ་བའི་སྐུ་ལ་ཉོན་མོངས་མི་མངའ་ཡང་། །སོགས་རང་གཞུང་གི་ཚིགས་བཅད་ཀྱིས་འབུལ། ལྷ་ཐམས་ཅད་ལས་དང་མཐུན་པའི་ཁ་དོག་གམ། ལས་དང་མཐུན་པའི་འོད་ཟེར་འཕྲོ་བས་ལས་གང་ཡིན་

[Full Size]

འགྲུབ་པར། ཀུན་རིག་ལ་འདིར་མཉམ་མེད་མས་བསྟོད་ཀྱང་རུང་མ་བྱས་ཀྱང་ཆོག །དེ་ནས་འདིར་ཞི་ཁྲོ་ཡིན་ན་ཕུང་པོ་ཡོན་འབུལ་འདོན། རྒྱལ་བ་རྒྱ་མཚོ་ལ། ཆོས་སྐུ་དྲི་མེད་རྡོ་རྗེ་འཆང་ཞེས་སོགས་འདོན། ཀུན་རིག་ལ་ཕྲིན་ལས་བཅོལ་བ་གཞུང་ལྟར་བྱ། སྤྲོ་ན། བཅོམ་ལྡན་རྒྱལ་བ་རིགས་ལྔ་ལ། །ཚེ་འདས་ཕུང་ལྔའི་མཆོད་པ་འབུལ། །ཕུང་པོའི་སྒྲིབ་པ་མ་ལུས་པ། །།ཡེ་ཤེས་མེ་ཡིས་སྦྱང་དུ་གསོལ། །སྤྱན་མ་ལ་སོགས་ཡུམ་བཞི་ལ། །ཚེ་འདས་འབྱུང་བཞི་མཆོད་པ་འབུལ། །འབྱུང་བཞིའི་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱང་དུ་གསོལ། །རྡོར་སེམས་ལ་སོགས་སེམས་དཔའ་ལ། །ཚེ་འདས་དབང་ལྔ་མཆོད་པ་འབུལ། །དབང་པོའི་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱང་དུ་གསོལ། །སྒེག་སོགས་ལྷ་མོ་བརྒྱད་རྣམས་ལ། །ཚེ་འདས་ཡུལ་དྲུག་མཆོད་པ་འབུལ། །ཡུལ་དྲུག་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱང་དུ་གསོལ། །སྒོ་མ་ཁྲོ་ཆེན་ཚོགས་རྣམས་ལ། །ཚེ་འདས་ཡན་ལག་མཆོད་པ་འབུལ། །ཡན་ལག་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱང་དུ་གསོལ། །ཞེས་གསོལ་བ་བཏབ་པས་ལྷ་རྣམས་ཀྱི་ཐུགས་ཀ་ནས་ཞེས་སོགས་ནས། དེ་ཉིད་ལ་ཐིམ་པར་གྱུར།

[Full Size]

ཞེས་ཕྲིན་ལས་སྒྲུབ་པར་ཞལ་གྱིས་བཞེས་པར་བསམ། འདིའི་མཚམས་ཐམས་ཅད་དུ། ཨརྒྱུ་སོགས་འབུལ་བ་འགྲེས་གཙོ་བོ་ལ་རྩ་རིག་གམ། ཨོཾ་སརྦ་བིད་སརྦ་ཨ་ཝ་ར་ཎ་བི་ཤུ་དྡྷ་ཡ་ཧ་ན་ཧཱུྃ་ཕཊ། ཅེས་པ་ལ་གོང་གི་རྫས་སྔགས་སྤེལ་ཚིག་དང་བཅས་པ་བརྒྱ་རྩ་འབུལ། ཆོས་དབྱིངས་ཡེ་ཤེས་རྣམ་པར་དག །སོགས་ཤོ་ལོ་ཀས་བསྟོད། དེ་ནས་མགོའི་མཚམས་སུ་རྩ་རིག་བརྗོད། བླ་མ་དམ་པའི་གདུང་ལ་མཚམས་འདི་དག་ཏུ་རྩ་རིག་བརྗོད་བཞིན་རོལ་ཆེན་སྣ་ཚོགས་དང་བཅས་གདུང་ཁང་ལ་བསྐོར་བ་གསུམ་གསུམ་གཉིས་གཉིས་བྱ་སྟེ། སློབ་དཔོན་གྱིས་དགང་བླུགས་བཟུང་བཞིན་པས། དེ་ནས་རིགས་བཞི་ལ་ཉེར་གཅིག་འབུལ། མེ་ལོང་ཡེ་ཤེས་རང་བཞིན་ལས། །ནས། མེ་ཏོག་ཆེར་རྒྱས་ཁྱོད་ཕྱག་འཚལ། །ཡུམ་བཞི་ལ་བདུན་རེ། གྲྭ་ཡི་ཕྱོགས་ནས་ཀུན་ཏུ་ཡང་། །སོགས་བསྟོད། སེམས་དཔའ་བཅུ་དྲུག་ལ་བདུན་རེ་འབུལ། རྩིབས་ཀྱི་ནང་ནས་ཐམས་ཅད་ལ། །སོགས་བསྟོད། སྒེག་སོགས་བརྒྱད་ལ་བདུན་རེ་འབུལ། །སྒེག་མོ་ཕྲེང་བ་གླུ་གར་མ། །སོགས་བསྟོད། སྒོ་མ་བཞི་ལ་གསུམ་རེ་འབུལ། སྒོ་ཡི་དབུས་ན་བཞུགས་པ་གང་། །ཞེས་བསྟོད། བྱང་སེམས་བཅུ་དྲུག་ལ་གསུམ་རེ་འབུལ། སྒོ་ཡི་ཁྱམས་ན་བཞུགས་པ་ཡི། །སོགས། དཔེ་བྲལ་ལ་གསུམ་རེ་འབུལ། ཏ་ར་ཎ་ཡི་བར་ཁྱམས་ན། །སོགས་དང་། ཉན་ཐོས་

[Full Size]

བཅུ་དྲུག་ལ་གསུམ་རེ་འབུལ། སྟོན་པའི་རྟགས་འཆང་ཉན་ཐོས་མཆོག །སོགས་དང་། རང་རྒྱལ་བཅུ་གཉིས་ལ་གསུམ་རེ་འབུལ། རྟེན་འབྲེལ་དོན་ལ་བརྟེན་གནས་པའི། །སོགས། ཁྲོ་བོ་བརྒྱད་ལ་གསུམ་རེ་འབུལ། ཁྲོ་བོ་སྲིན་པོའི་ཆ་ལུགས་ཅན། །སོགས་བསྟོད། བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ། སོགས་ཕྲིན་ལས་བཅོལ་བ་གཞུང་ལྟར་བྱའོ། །རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས། ཕྱག་ན་རྡོ་རྗེ་ཁམས་གསུམ་རྣམ་རྒྱལ་ཞལ་གཅིག་ཕྱག་བཞི་དང་པོ་གཉིས་ཧཱུྃ་མཛད་ཀྱི་ཕྱག་རྒྱས་རྡོར་དྲིལ་འཛིན་པ། ཐ་མ་གཉིས་པདྨ་དམར་པོ་ཞགས་པ་དང་བཅས་པའི་སྡིགས་མཛུབ་ཅན། ཁྲོ་བོའི་རྒྱན་ཐམས་ཅད་དང་ལྡན་པ་སྤྱན་དྲངས་ཏེ། བཅོམ་ལྡན་འདས་ཀུན་རིག་གི་སྤྱན་སྔར་བཞུགས་པར་གྱུར། ཨོ་བཛྲ་སཏཱ་ཀྲོ་དྷ་ཨ་ན་ལརྐ་སོགས་ནས། པྲ་ཎ་ཎ་ཧཱུཾ་ཕཊ། ཨརྒྱུ་སོགས་བསྲེག་རྫས་བརྒྱ་རྩའམ་ཉེར་གཅིག་འབུལ། ཧཱུྃ། ཆོས་ཉིད་སྟོང་པ་གཉིས་མེད་ངང་ཉིད་ལས། །སོགས་ནས། ཁྲོ་རྒྱལ་བགེགས་ཚོགས་འདུལ་ལ་ཕྱག་འཚལ་བསྟོད། །འདིར་བར་ཆད་ཞི་བའི་ཆེད་དུ། གུར་དྲག་གམ། ཕག་མོ། ཁྲོས་མ་སོགས་ཡི་དམ་དང་། བེར་ཕྱག་བཞི་ཕྱག་དྲུག་ལྷ་མོ་སོགས། དཀྱིལ་འཁོར་གྱི་ཕྱིའི་ཁྱམས་སུ་

[Full Size]

བསྐྱེད་པའམ་སྐད་ཅིག་སྤྱན་དྲངས་ནས་བཞུགས་པར་བསམ་ལ་སྤྱན་འདྲེན་མན་ཆོད་བསྡུས་པ་གཅིག་བྱས་ལ། བསྲེག་རྫས་བདུན་ནམ་ཉེར་གཅིག་འབུལ་ལ། གཤིན་པོའི་གནས་བདེ་བ་དང་གསོན་པོ་བཀྲ་ཤིས་པའི་ཕྲིན་ལས་བཅོལ་བསྟོད་བྱའོ། །ཆོས་སྐྱོང་འདི་ལ་སྦྱར་ཡང་ཆོག །འཇིག་རྟེན་པ་ལ་རྩ་རིག་གིས། ཨརྒྷཾ་སོགས་དང་བསྲེག་རྫས་བདུན་འབུལ། ཕྱིའི་འཁོར་ཡུག་ལ་གནས་པའི། སོགས་ཀྱིས་བསྟོད། སླར་ཡང་། །སྙེདཔག་མེད་བསོད་ནམས་སྟོབས་ལས་བྱུང་བ་ཡི། །ཞེས་སོགས་མཆོད་པ་རྒྱས་པ་དང་། མཉམ་མེད་མི་གཡོ་སོགས་དང་། སངས་རྒྱས་ཀུན་བས་སྔར་སངས་རྒྱས། །ཞེས་སོགས་བསྟོད་པ་རྒྱས་པར་བྱའོ། །དེ་ནས་མེ་ལྷ་ཡེ་ཤེས་པའི་གཏོར་མ་སྔོན་འགྲོ་ལྟར་བྱིན་གྱིས་བརླབས་ནས་རྩ་རིག་ལ། ན་མ་སརྦ་ཏ་ཐཱ་ག་ཏེ་བྷྱོ་བི་ཤྭ་སོགས་ལན་གསུམ་བཏགས་པས་འབུལ་ནས། བཅོམ་ལྡན་འཁོར་དང་བཅས་རྣམས་ཀྱིས། །སོགས་ནས། ཡིད་ལ་འདོད་པ་ཀུན་འགྲུབ་མཛོད། །ཅེས་མཆོད་གཡོག་པས་གཏོར་མའི་ཕུད་ཐབ་ཏུ་འབུལ། དེ་ནས་ཆ་གསུམ་བཏང་བ་ཐབ་ཏུ་མི་འབུལ། དེ་ནས། སྟོང་པའི་ངང་ལས་པཾ་ལས་པདྨ་དང་ཨ་ལས་ཟླ་བའི་སྟེང་དུ་ཚེ་ལས་འདས་པ་རྡོ་རྗེ་སེམས་དཔའ་སོགས་ནས། སེམས་དཔའི་སྐྱིལ་ཀྲུང་གིས་བཞུགས་པར་གྱུར། དེ་ལ་ཐབ་ཀྱི་ལྷ་ཐམས་ཅད་ཀྱིས་འོད་ཟེར་ཆེན་

[Full Size]

པོས་དབང་བསྐུར་བར་གྱུར་པ་ནི། ཨོཾ་བུདྡྷ་ཨ་བྷི་ཥིཉྩ་ཨོ། ཞེས་ནས། ཀརྨ་ཨ་བྷི་ཥིཉྩ་ཨཱཿ དེ་ལྟར་དབང་བསྐུར་བས་ཚེ་ལས་འདས་པ་ལྷ་རྣམས་དང་སྐལ་བ་མཉམ་པར་གྱུར། །ཟས་བསྔོ་ལམ་བསྟན་གཞུང་ལྟར་བྱ། ཨོཾ་སརྦ་བུདྡྷ་ཨཀྵེ་ཏྲ་གཙུན་སྭཱ་ཧཱ། དེ་ཡན་ཆད་ཀུན་རིག་ཐུན་མོང་མ་ཡིན་པ་རྣམས་སོ། །འདི་ནི་ཀུན་རིག་གི་ཕྱག་ལེན་རྒྱས་པ་ཡིན་ལ། གཞན་གོང་བཞིན་ལ་བསྟོད་པ་མི་བསྲེ་བར་མཇུག་ཏུ་བྱེད་ཅིང་བར་བར་དུ་མཆོད་པ་སྣ་བདུན་འབུལ་བ་མི་བྱེད་པ་ནི་འབྲིང་པོ་ཡིན། གཙོ་བོ་ཐམས་ཅད་ལ་རྩ་རིག་ཁོ་ནས་འབུལ་ཞིང་རྫས་ཐམས་ཅད་བསྲེས་ནས་ལས་སྔགས། ཨོཾ་སརྦ་པཱ་པཾ་སོགས་ཁོ་ནས་འབུལ་བས་ཆོག་པ་ཤིན་ཏུ་བསྡུས་པ་སྟེ། དགེ་བའི་བཤེས་གཉེན་སྤྲོ་ལུང་པའི་ལུགས་སོ། །དེ་བྱེད་མཁན་ཉུང་ཞིང་རྒྱས་པ་དེ་ཁོ་ན་ལེགས་སོ།། ༈ དེ་ལས་གཞན་པའི་དཀྱིལ་འཁོར་ཐམས་ཅད་ལ་ཡང་ལྷ་གཙོ་བོ་དང་འཁོར་གྱི་སྔགས་དང་བསྟོད་པ་སོ་སོར་ཡོད་པ་ཐམས་ཅད་ལ་ཀུན་རིག་ལྟར་བྱའོ། །ཕག་མོ་ལྟ་བུར་གཙོ་འཁོར་ཕྱོགས་གཅིག་ཏུ་ཕུལ་ནས་མཆོད་བསྟོད་གཞུང་ལྟར་བྱའོ། །ལས་བཞིའི་སྦྱིན་སྲེག་སོ་སོ་དུས་རྫས་ཚན་པ་རེ་རེ་གཙོ་བོ་ལ་རྫོགས་པའི་མཚམས་དང་འཁོར་རྣམས་ལ་ཚང་བ་རེ་རེ་སོང་བའི་སྐབས་སུ་དབྱངས་དང་བཅས་པས། ཞི་བ་ལ། ནད་གདོན་སྡིག་སྒྲིབ་བག་ཆགས་ངན། །སྡང་དགྲ་གནོད་བྱེད་གདུག་པའི་དབལ། རྣོ་བའི་མཚོན་དང་སྦྱོར་བའི་དུག །

[Full Size]

སྟོང་ཕྲག་བརྒྱད་ཅུའི་བགེགས་ཀུན་དང་། །བཞི་བརྒྱ་རྩ་བཞིའི་ནད་རྣམས་དང་། །རྨིས་ལྟས་མཚན་ངན་ཐམས་ཅད་ཀུན། །མྱུར་བ་ཉིད་དུ་ཞི་གྱུར་ཅིག །ཨོ་ཤཱནྟི་ཀུ་རུ་ཡེ་སྭཱ་ཧཱ། རྒྱས་པ་ལ། ཚེ་དང་བསོད་ནམས་སྙན་གྲགས་སྟོབས། །འཁོར་དང་བུ་སློབ་ཕྲིན་ལས་རྒྱུས། །མངའ་ཐང་ལོངས་སྤྱོད་ཡོན་ཏན་ཀུན། །མྱུར་བ་ཉིད་དུ་རྒྱས་གྱུར་ཅིག །ཧཱུཾ་པུཎྚི་ཀུ་རུ་ཡེ་སྭཱ་ཧཱ། དབང་ལ། རྒྱལ་བའི་ཐུགས་རྗེའི་བྱིན་རླབས་དང་། །འགྲོ་བའི་སྟོབས་དང་དཔལ་འབྱོར་བཅས། །སྐྱེ་འགྲོ་མཐོང་ཐོས་དྲན་རེག་སོགས། །ཁམས་གསུམ་དབང་དུ་འདུས་གྱུར་ཅིག །ཧཱིཔཱ་ཤཾ་ཀུ་རུ་ཡེ་སྭཱ་ཧཱ། དྲག་པོ་ལ། བདག་ཅག་རྣམས་ལ་གནོད་པའི་བགེགས། །དམ་སྲི་འབྱུང་པོ་མ་རུངས་པ། །བསྟན་དགྲ་སྒོས་དགྲ་ལ་སོགས་པའི། །ཞིང་བཅུ་ལྡན་རྣམས་བརླག་གྱུར་ཅིག །ཧཱུཾ་མཱ་ར་ཡ་ཕཊ༔ དྲག་པོ་ལ་ལིང་ག་འབུལ་དུས་མགོར་རྙིང་མ་ལ་བསྒྲིལ་མཆོད་ཚིག་གིས་འབུལ། སྨན་རཀ་གི་ཚིག་གིས་སྨན་རཀ་ཡང་ཅི་རིགས་འབུལ། མེ་ལྷ་ཆོས་སྐྱོང་གི་སྦྱིན་སྲེག་དྲག་པོ་ལ་འདིར་བསྐུལ་པ་འདོན་ལ་ཐབ་ཏུ་འབུལ་ཏེ་ལྷག་མ་མི་བཞག །ཡེ་ཤེས་ཀྱི་གཏོར་མ་བྱིན་རླབས་ལྟར་འབུལ་བའི་ཚིགས་བཅད་ཡོད་དམ་མེད་ཀྱང་གཞུང་ལྟར་འབུལ་

[Full Size]

ཏེ། ཡོན་བདག་གིས་ཐབ་ཀྱི་གཡོན་དུ་བཟུང་ནས་བཏེག་སྟེ། བཅོམ་ལྡན་འཁོར་དང་བཅས་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པའི་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཅེས་པའི་བར་རྗེས་ཟློས་བཅུག །གཏོར་མའི་ཕུད་ཅུང་ཟད་ཐབ་ཏུ་འབུལ། དེ་ནས་རིམ་གྲོ་དང་དྲག་པོའི་སྦྱིན་སྲེག་ལ། སྦང་མ་སླ་ངར་བརྔོས་ནས་ཞིབ་ཏུ་བཏགས་པའམ་ཤིང་རུལ་དང་ལྕི་བ་དམར་གསུ་སླ་ངར་བསྲེགས་ནས་ཁམ་ཕ་ལེ་བྱ་བའམ། ནས་དང་གྲོ་ཤིན་ཏུ་ཆོག་པའི་ཕྱེ་ཞིབ་ལ་རུང་གསུངས། དྲག་སྔགས་ཀྱིས་ཅུང་ཟད་སྔགས་ལ་རང་རྒྱུ་ལྡོག་

[Full Size]

དང་མཐུན་པར་ཁ་རྒྱུ་ནས་མེ་ཞགས་འཕེན་པ་ནི། སྦྱིན་བདག་རྣམས་གོས་ཀྱི་ཕྱི་ལོགས་སུ་སྤུ་མེད་པས་མདུན་གཡོགས་ཏེ་འཁོད་ནས། ད་ཡེ་ཤེས་མེ་ལྷའི་ཐུགས་ཀ་ནས་ཡེ་ཤེས་ཀྱི་མེ་རི་དང་མེ་དཔུང་མེ་ཡི་ཁྲོ་བོ་དང་ཁྲོ་མོ་མེ་དཔུང་གི་རྟ་ལ་ཞོན་པ་རྣམས་འཕྲོས་ནས་གནོད་བྱེད་ཐམས་ཅད་མཐའི་རྒྱ་མཚོའི་ཕ་རོལ་དུ་བསྐད། ནད་དང་གནོད་པ་སྡིག་སྒྲིབ་ཐམས་ཅད་གཞོབ་ཐུལ་གྱིས་སྲེག་པའི་མོས་པ་མཛོད་ཅིག །ཅེས་བརྡ་སྦྱར་ནས། ཧཱུྃ། དབུས་ཕྱོགས་དེ་བཞིན་རིགས་ཀྱི་དུར་ཁྲོད་ནས། །ཆོས་དབྱིངས་ཡེ་ཤེས་མེ་དཔུང་འབར་བ་འདི། །ལན་གཅིག་སྟེང་གི་ཕྱོགས་སུ་འཕྲོས། །མེ་ལྕེ་མཐིང་གས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུགས། །ཡང་སྤྲུལ་ཚྭ་ཚྭ་སྐར་ལྟར་འཁྲུགས།དྲག་པོ་ཐོད་ཕྲེང་། སངས་རྒྱས་འགྲོའི། ཁྲོས་མ་ནག་མོའི། བུདྡྷ་ཐོད་ཕྲེང་། ཆེ་མཆོག་ཧེ་རུ་ཀ །དཔལ་ལྡན་མགོན་པོའི། དཔལ་ལྡན་ལྷ་མོའི། སོགས་སྐབས་སུ་གང་བབ་སྦྱར་རོ། །ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་ནས། །ས་འོག་ལྟོ་འཕྱེ་ཡན་ཆད་དུ། །ཕྲིན་ལས་ཕུན་སུམ་ཚོགས་པའི་ལས་མཛོད་ཅིག །འདོད་པའི་དོན་རྣམས་བསྐང་གྱུར་

[Full Size]

ཅིག །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཧཱུྃ། ཤར་ཕྱོགས་རྡོ་རྗེ་རིགས་ཀྱི་དུར་ཁྲོད་ནས། །མེ་ལོང་ཡེ་ཤེས་མེ་དཔུང་འབར་བ་འདི། །ལན་གཅིག་ཤར་གྱི་ཕྱོགས་སུ་འཕྲོས། །མེ་ལྕེ་དཀར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུགས། །ཡང་སྤྲུལ་ཚྭ་ཚྭ་སྐར་ལྟར་འཁྲུགས། རྡོ་རྗེ་དྲག་པོ། རྡོ་རྗེ་མཁའ་འགྲོ། བདེ་ཆེན་དཀར་མོ། བཛྲ་ཐོད་ཕྲེང་། བཛྲ་ཧེ་རུ་ཀའི། སྐུ་མགོན་དཀར་པོ། མ་མོ་དཀར་མོའི། ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་ནས། །ས་འོག་ལྟོ་འཕྱེ་ཡན་ཆད་དུ། །ནད་གདོན་སྡིག་སྒྲིབ་ཞི་བའི་ཕྲིན་ལས་མཛོད། །རྣལ་འབྱོར་བདག་ལ་དངོས་གྲུབ་བསྩལ་དུ་གསོལ། །ཧཱུྃ། ལྷོ་ཕྱོགས་རིན་ཆེན་རིགས་ཀྱི་དུར་ཁྲོད་ནས། །མཉམ་ཉིད་ཡེ་ཤེས་མེ་དཔུང་འབར་བ་འདི། །ལན་གཅིག་ལྷོ་ཡི་ཕྱོགས་སུ་འཕྲོས། །མེ་ལྕེ་སེར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུགས། །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །རཏྣ་དྲག་པོ། རིན་ཆེན་མཁའ་འགྲོ། སེར་མོ་དོན་འགྲུབ། རཏྣ་ཐོད་ཕྲེང་། རཏྣ་ཧེ་རུ་

[Full Size]

ཀ །ཡོན་ཏན་མགོན་པོའི། མ་མོ་སེར་མོའི། ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་ནས། །ས་འོག་ལྟོ་འཕྱེ་ཡན་ཆད་དུ། །ཚེ་དང་བསོད་ནམས་རྒྱས་པའི་ཕྲིན་ལས་མཛོད། །རྣལ་འབྱོར་བདག་ལ་དངོས་གྲུབ་བསྩལ་དུ་གསོལ། །ཧཱུྃ། ནུབ་ཕྱོགས་པདྨ་རིགས་ཀྱི་དུར་ཁྲོད་ནས། །ཀུན་རྟོག་ཡེ་ཤེས་མེ་དཔུང་འབར་བ་འདི། །ལན་གཅིག་ནུབ་ཀྱི་ཕྱོགས་སུ་འཕྲོས། །མེ་ལྕེ་དམར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུགས། །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །པདྨ་དྲག་པོ། པདྨ་མཁའ་འགྲོའི། དམར་མོ་སྒྲ་སྒྲོགས། པདྨ་ཐོད་ཕྲེང་། པདྨ་ཧེ་རུ་ཀའི། པདྨ་དབང་ཆེན། གསུང་མགོན་དམར་པོའི། མ་མོ་དམར་མོའི། ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་ནས། །ས་འོག་ལྟོ་འཕྱེ་ཡན་ཆད་དུ། །ཐམས་ཅད་དབང་དུ་འདུས་པའི་ཕྲིན་ལས་མཛོད། །རྣལ་འབྱོར་བདག་ལ་དངོས་གྲུབ་བསྩལ་དུ་གསོལ། །ཧཱུྃ། བྱང་ཕྱོགས་ལས་ཀྱི་རིགས་ཀྱི་དུར་ཁྲོད་ནས། བྱ་གྲུབ་ཡེ་ཤེས་མེ་དཔུང་འབར་བ་འདི། །ལན་གཅིག་བྱང་གི་ཕྱོགས་སུ་འཕྲོས། །མེ་

[Full Size]

ལྕེ་ལྗང་ཁུས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུགས། །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །ཀརྨ་དྲག་པོའི། ཀརྨ་མཁའ་འགྲོ། །སྣ་ཚོགས་མཐར་ཕྱིན། ཀརྨ་ཐོད་ཕྲེང་། ཀརྨ་ཧེ་རུ་ཀ །ཀརྨ་རྟ་མགྲིན། ལས་ཀྱི་མགོན་པོ། མ་མོ་ལྗང་མོའི། །ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་ནས། །ས་འོག་ལྷོ་འཕྱེ་ཡན་ཆད་དུ། །དྲེགས་པ་དགྲ་བགེགས་བསྒྲལ་བའི་ཕྲིན་ལས་མཛོད། །རྣལ་འབྱོར་བདག་ལ་དངོས་གྲུབ་བསྩལ་དུ་གསོལ། །ཅེས་དྲག་སྔགས་བརྗོད་ཅིང་མེ་ཞགས་འཕང་ལ། སླ་ང་ཡུ་བ་ཅན་ལ་མེ་བླུགས་ནས། ཁྱིམ་ཀུན་ཏུ་ཁྱེར་ལ་མེ་ཞགས་ཀྱིས་བགེགས་བསྐྲད། སླར་མེ་དེ་ཐབ་ཁུང་དུ་བླུག །དེ་ནས་རྗེས་ཆོག་གཏང་རག་གི་མཆོད་པ་ནི། ལྷ་གཙོ་འཁོར་སྤྱི་དྲིལ་ལ་བསྲེག་རྫས་གསུམ་མམ་བདུན་སོགས་འབུལ། རྒྱས་པར་མཆོད་པ་སྣ་བདུན་རྒྱས་པའམ། ཨབྷཾ་སོགས་ནས། ཤབྡའི་བར། བསྟོད་པ་ཉུང་བ་གཅིག་གིས་བསྟོད། བཟོད་གསོལ། གཤེགས་གསོལ་གཞུང་ལྟར་བྱའོ། །ཀུན་རིག་ལ། ཡང་དཀྱིལ་འཁོར་དང་། རྡོར་སེམས་ཁྲོ་བོ་ཁམས་གསུམ་རྣམ་རྒྱལ་དཀོན་མཆོག་གསུམ་རྣམས་སོགས། ཡེ་ཤེས་པ་ཐམས་ཅད་དུས་གཅིག་ལ་གཤེགས། རྒྱས་འདེབས་བྱས་པ་ཡིན་ན་གནད་བཀྲོལ་བར་བྱའོ། །དེ་ནས་མེ་ལྷའི་གཏོར་མ་མར་ཁུས་བྲན་ལ་ཐབ་ཀྱི་གཡོན་དུ་སྦྱིན་

[Full Size]

བདག་གིས་བཏེག་ལ། དཀྱིལ་འཁོར་སོ་སོའི་གཏོར་མ་བྱིན་རླབས་སམ། ཨོཾ་ཨ་ཀཱ་རོ་སོགས་བྱིན་གྱིས་བརླབས། ཨོཾ་ཨཀྵེ་ཡེ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁཱ་ཧི་ཁཱ་ཧི། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོའི་གདོན་གྱི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱུས་ལ་སོགས་པའི་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཅེས་པའི་བར་འདོད་དོན་ཡོན་བདག་གིས་རྗེས་ཟློས་བྱའོ། །དེ་ནས་མེ་ལྷ་ལ་

[Full Size]

བསྲེག་རྫས་ལྷག་མ་ཐམས་ཅད་གྲངས་ངེས་པ་མེད་པར་འབུལ་ནས། རོ་བསྲེགས་དང་དྲག་པོ་ལ་སྣོད་སྒྲུབ་ནས་བཞག །ཨཀྵེ་ཡེ་ཨགྷཾ་སོགས་ནས་དང་། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིའི་དབང་བསྐུར་བས། །ཤེས་རབ་མཆོག་གིས་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །བཟོད་གསོལ་ནི། །ཨོ་མ་འབྱོར་པ་དང་ཉམས་པ་དང་། །ནས། དེ་ཀུན་དྲང་སྲོང་བཟོད་པར་གསོལ། །ཡིག་བརྒྱ་བཟླ། བདག་གི་དོན་དང་གཞན་གྱི་དོན། །བྱིན་ཟ་ཁྱོད་ནི་བསྒྲུབས་ཀྱིས་གཤེགས། །ཇི་བཞིན་དུས་སུ་སླར་བྱོན་ཏེ། །བདག་གིས་དངོས་གྲུབ་ཐམས་ཅད་སྒྲུབས། །ཨོ་ཨཀྵེ་ཡེ་ས་པཱ་རི་ཝཱ་ར་བཛྲ་མུཿ མེ་ལྷ་ཡེ་ཤེས་པ་ཤར་ལྷོའི་རང་གནས་སུ་གཤེགས། དམ་ཚིག་པ་འབར་བའི་རྣམ་པར་གྱུར། སྤྱན་དྲངས་བའི་ཕྱག་རྒྱ་ལས་མཐེ་བོང་གིས་ཕྱིར་བསྐྱེད་དོ། །དེ་ནས་དཀྱིལ་འཁོར་གང་ཡིན་པའི་བཀྲ་ཤིས་བརྗོད་བསྔོ་བ་སྨོན་ལམ་བྱ། དེ་ནས་ཡིག་བརྒྱ་དབྱངས་གསལ་རྟེན་འབྲེལ་སྙིང་པོ་བརྗོད། དེ་ནས་ངག་བཏང་རྡོར་དྲིལ་ས་ལ་བཞག་གོ །མེ་ལྷའི་གཏོར་མ་ནང་འཁོར་གྱིས་དངོས་གྲུབ་ཏུ་རོལ་གཞན་ལ་མི་སྦྱིན། ཡང་སྤྲོ་ན་ལས་དང་མཐུན་པའི་ཁ་དོག་ཅན་གྱིས་སྲུང་སྐུད་རྩ་སྔགས་ཞབས་སུ་

[Full Size]

ཕྲིན་ལས་གང་ཡིན་ཤམ་བུ་བཏགས་པས་སྔགས། ལྷ་མོ་གཤེགས་གོང་དུ་མེ་ཐབ་ཁར་ལན་གསུམ་གཡུགས་ནས་དངོས་གྲུབ་འདོད་གསོལ་དུས་རང་དང་སྦྱིན་བདག་ལ་བཏགས་སོ། །ཡང་ཞི་བ་ལ་སྤྲོ་ན་མེ་ལྷ་གཤེགས་ཚར་ནས་སྒྱེད་པུ་གསུམ་བཙུགས་ནས། དེ་རྫ་གསར་པའམ་ཟངས་བལ་མ་ལྕགས་འགུ་སོགས་ཤིན་ཏུ་གཙང་མ་བཙུགས་པའི་ལུང་དང་མགུལ་དུ་མེ་ཏོག་གི་ཕྲེང་བ་བཏགས། ནང་དུ་འོ་མ་མང་དུ་བླུགས་པར། འབྲས་སྦྲང་རྩི་ཀ་ར་དང་མར་བཏབ། ཞིབ་ཅུང་ཟད་ཀྱང་བླུགས་ལ་བསྐོལ་ཏེ། བསངས་སྦྱངས། སྟོང་པའི་ངང་ལས་ཡཾ་ལས་བྱུང་བའི་རིན་པོ་ཆེའི་སྣོད་དུ་དཀར་གསུམ་མངར་གསུམ་འོ་ཐུག་བདུད་རྩིའི་རྒྱ་མཚོ་ཆེན་པོར་གྱུར་ཨོཾ་ཨ་ཀཱ་རོ་སོགས་ལན་གསུམ་གྱིས་བྱིན་གྱིས་བརླབས། བླ་མ་བརྒྱུད་པའི་མཚན་ལ། ཞལ་དུ་ཨོཾ་ཨཱཿ ཧཱུྃ། ཞེས་པ་བཏགས་པ་དང་། སངས་རྒྱས་ཀུན་གྱིས་བྱིན་རླབས་པའི། །ཡང་དག་ཡེ་ཤེས་བདག་ཉིད་ཀྱི། །འོ་ཐུག་རོ་མཆོག་ལྡན་པ་འདི། །ཆ་འི་ལྷ་ཚོགས་རྣམས་ལ་འབུལ། །འཇིག་རྟེན་སྐྱོང་བ་རྣམས་ལ་འབུལ། །ཞེས་སམ་སྤྲོ་ན་ཡི་དམ་ཆོས་སྐྱོང་ཐམས་ཅད་དང་དཔལ་མགོན་བདུན་ཅུ་ཡུལ་ལྷ་སོགས་ཐམས་ཅད་ཀྱི་མཚན་བཅུག་ལ་འབུལ་ཏེ། རྔ་ཡབ་བམ་ཀུ་ཤའི་ཆུན་པོས་མཆོད་ཚུལ་བྱ། །ཤཱཀྱ་སེང་གེའི་ལྷག་མ་ཡིས། །ལེགས་འོང་ལ་སོགས་བདེ་མཛད་ལྟར། །དེ་བཞིན་

[Full Size]

གཤེགས་པའི་ལྷག་མ་འདིས། །ནད་དམ། སྡིག་པའམ། བར་ཆད་དམ། གདོན་བགེགས་སམ། གང་ཡིན། རྣམ་པར་ཉམ་བྱེད་གསོལ། །ཞེས་བདག་དང་སྦྱིན་བདག་སོགས་དེར་ཡོད་པ་ཐམས་ཅད་ཀྱིས་ཚིམས་པར་བཏུང་ངོ། །དྲག་པོ་ལ་སྤྲོ་ན་མེ་ལྷ་གཤེགས་ཚར་ནས་ཐབ་ཀྱི་སྟེང་དུ་སྒྱེད་པུ་གསུམ་བཙུགས་ནས་སླ་ང་བཙུགས། སོལ་བ་སྤུངས་ནས། སྦྱད་པས་བསྲེགས་ལ་མར་ཁུ་བསྐོལ་ནས་ཁོལ་བ་དང་སླ་ང་བསངས་སྦྱངས། སྟོང་པའི་ངང་ལས་སླ་ངའི་ནང་དུ་རཾ་ལས་བྱུང་བའི་ཡེ་ཤེས་ཀྱི་མེ་དཔུང་དུས་མཐའི་མེ་ལྟར་འབར་ཞིང་། དམྱལ་བའི་མེ་ལྟར་རེག་བྱ་རབ་ཏུ་ཚ་བར་གྱུར། དེ་ནས་བསྲེག་རྫས་ལྷག་མ་ཅུང་ཟད་དང་རྫོམ་ཚིག་པ་རྣམས་བསྡུས་ལ་གནོད་བྱེད་བཀུག་གཞུག་གསུམ་བྱས་ལ་བསྲེགས་ཤིང་། མར་ཁུ་མ་ཟད་བར་དུ་ཐུན་གྱིས་བྲབ་ཅིང་དྲག་སྔགས་བཟླ། དེ་ནས་སྙིག་མ་རྣམས་སོལ་མེར་བླུགས་ལ། སྐད་ཅིག་གིས་ས་འོགྲྭ་ནས་ལས་ཀྱི་གཤིན་རྗེ་མ་ཧེ་གླང་གི་མགོ་ཅན། ཁ་གནམ་ས་ཙམ་གདངས་བ་མཆེ་བ་གངས་རིའི་ཕྲེང་བ་ལྟར་གཙིགས་པ། ལྕེ་གློག་ལྟར་འཁྱུག་པའི་ཁའི་ནང་དུ། གནོད་བྱེད་དགྲ་བགེགས་དམ་སྲི་ཐམས་ཅད་ཚུད་པར་གྱུར། བཀུག་གཞུག་བྱས་ལ། གཤིན་རྗེའི་གནོད་བྱེད་ཐམས་ཅད་གྱུར་གྱིས་མིད་ནས་ས་རིམ་པ་དགུའི་འོག་ཏུ་སོང་བའི་སྟེང་ནས། སླ་ང་རྡོ་རྗེ་

[Full Size]

རྒྱ་གྲམ་རི་ཡི་རྒྱལ་པོ་རི་རབ་གླིང་བཞི་དང་བཅས་པས་མནན་པའི་སྟེང་ནས། རྒེའི་ལྷ་ཚོགས་འཁོར་དང་བཅས་པས་མནན་པར་གྱུར། ཞེས་རྟ་བྲོ་བྱ་ཞིང་། རྩ་སྔགས་མཇུག་ཏུ། དགྲ་བགེགས་མཱ་ར་ཡ་ནན། སྟམྦྷ་ཡ་ནན། ཞེས་བརྗོད་སླ་ངའི་སྟེང་དུ་དམར་གཏོར་བཞག་ལ། བསྐུལ་ཐུང་ཞིག་གིས་ཕུལ། གཏོར་མ་གནོད་བྱེད་ཀྱི་ཕྱོགས་སུ་བཏང་། སླ་ང་ཁ་ཕྱེས་ལ་སོལ་བས་མནན་ནོ། །ཕྱིར་ནངས་ཐལ་བ་དགྲ་ཕྱོགས་སུ་ཕྱར་བས་ནད་དང་མཚོན་ཆའི་ཆར་གྱིས་བདུན་རྒྱུད་རྩད་ནས་གཅོད་པར་བསམ། དེ་ལྟར་བྱས་ན་མནན་བསྲེགས་འཕང་གསུམ་གཅིག་ཏུ་དྲིལ་བ་སྟེ་ཟབ་བོ། །དེ་ནས་ལས་བཞི་ཐམས་ཅད་ལ་ལོང་ཡོད་ན་ཐལ་བ་མ་བསྒུལ་བར་བཞག །མེད་ན་ལས་མཐུན་གྱིས་ཆུས་གཞིལ་ལ། རོ་བསྲེགས་ལ། ཨོཾ་བཛྲ་ས་མ་ཡ་ཛ༔ ཛཧཱུྃ་བཾ་ཧོ༔ ཞེས་རུས་པ་དང་ཐལ་བ་བསྡུས་ལ་སྣོད་གཙང་མར་བླུག །རུས་པ་ལ་ཕྱིར་ལྡོག་ཁྲུས་གསོལ་བྱས་ནས་ཞིབ་ཏུ་བཏུལ་ལ་ཆུ་ལ་སྦྱངས་པས་སྦྲུས་པའི་འཇིམ་པས། རྩ་རིག་བཟླ་ཞིང་སཱཙྪ་གདབ། སཱཙྪ་བཞུགས་པར་བསངས་སྦྱངས་ནས། སྟོང་པའི་ངང་ལས་མཆོད་རྟེན་ཆེན་པོ་མང་པོར་གྱུར་པའི་བུམ་པའི་ནང་དུ་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཀྱི་ཁང་པ་སོགས་ནས། རྩ་ལྷ་སོ་བདུན་མདུན་བསྐྱེད་ལྟར་བསྐྱེད་བསྟིམ་རྒྱས་གདབ་བཟླས་པ་མཆོད་བསྟོད་བྱས་ནས། ༈ མཆོད་རྟེན་དེ་རྣམས་ཞུ་བ་

[Full Size]

ལས་སྔར་གནས་པའི་མཆོད་རྟེན་སོ་སོའི་རྣམ་པར་གྱུར། སླར་ཡང་ཕྱག་མཆོད་བསྔོ་བ་སྨོན་ལམ་བྱའོ། །གང་ཟག་རྟེན་འབྱོན་པའི་རིགས་ལ་རྟེན་མཁའ་འགྲོའི་སྤྱན་འདྲེན་སྲིད་པས་སྤུར་ཁང་ཐོག་ཏུ་སྐུ་གསུང་ཐུགས་ཀྱི་རྟེན་གཞུག ། བསྲེག་ཚོད་ཟིན་པར་བྱ། གདུང་ཁང་ཞལ་མི་ཕྱེ་བ་ལ་ཁོང་རང་གི་ཡི་དམ་གང་ཡིན་གྱི་སྤྱན་འདྲེན་བྱིན་འབེབས་དང་། མེ་ལོང་ངོས་ལ་ཁྲུས་གསོལ་རྒྱས་པ་དང་། མཆོད་བསྟོད་གསོལ་འདེབས་རྣམས་མཆེད་གྲོགས་སམ་སློབ་མ་དམ་ཚིག་དང་ལྡན་པས་མ་ཆག་པར་བྱའོ། །ཞི་བའི་ཐལ་བ་ཆུར་དོར་བ་ནི་ཆུ་འཐུང་བའི་སེམས་ཅན་གྱི་སྒྲིབ་པ་དག་པའི་ཚད་ཡིན་ཀྱང་སྡིག་པ་ཞི་བའི་སྦྱིན་སྲེག་དང་གང་ཟག་འབྲེལ་ཚད་དོན་ལྡན་ཡིན་ངེས་ན་དེ་ལྟར་བྱའོ། །ཕལ་པའི་ཐལ་བ་ཀླུ་མེད་ཅིང་ས་བཀྲ་བཟང་བར་བླུག །རིམ་གྲོའི་ཐལ་བ་ནི་གནོད་འཚེ་ཕྲན་བུ་ཞི་བར་བཤད་པས་རྩྭ་དང་ར་ལུག་གི་མི་འབྲེལ་བའི་ལྷས་སོགས་དང་ནད་པའི་མལ་འོག་ཏུ་བཏབ། རྒྱས་པའི་ཐལ་བ་མཛོད་ཕུག་དང་ནོར་ལྷས་སོགས་སུ་བཏབ། དབང་གི་ཐལ་བ་ཆ་གཅིག་ཁྱིམ་དེར་བཞག །འགའ་ཞིག་ཡུལ་གྱི་འཐུང་ཆུ་ལེན་ས་དང་མི་ནོར་མང་དུ་འགྲིམ་སར་བླུག །དྲག་པོའི་ཐལ་བ་ཆ་གཅིག་རླུང་ལ་བསྐུར། ཆ་གཅིག་མནན། ཆ་གཅིག་ཟོར་ལས་བྱེད་པའམ། རིམ་གྲོ་ཡིན་ན་མཁའ་འགྲོ་མ་དང་གདོང་མ་ཐུག་པར་མ་ཎིའི་འོག་གམ་ལམ་རྒྱ་གྲམ་དུ་བླུག །འབྱུང་པོ་ཕྲན་བུ་ཐལ་བས་འཆི་བར་བཤད་པས། ཞོ་ལད་ཆང་ལད་ཀྱི་མལ་དུ་བླུགས་ན་ཐུབ་བོ། །དེ་ཡན་ཆད་ནི་ངེས་པར་ལག་བླངས་བདེ་བ་རྣམས་ཡིན་ནོ། །

[Full Size]

༈ འདིར་འཕྲོས་དོན་གོ་བདེ་བ་ཅུང་ཟད་ཅིག་སྤྲོ་ན། དེ་ལྟར་བཤད་པ་དེ་ནི་རྒྱུད་སྡེ་ཐམས་ཅད་དང་མི་འགལ་ཞིང་བླ་མ་མཁས་པ་རྣམས་ཀྱི་ཕྱག་ལེན་དང་མཐུན་ནོ། །འོན་ཀྱང་མཐའ་གཅིག་ཏུ་ངེས་པ་མེད་དེ། རྒྱུད་སྡེ་སོ་སོ་དང་ལྷ་སོ་སོ་དང་གསར་རྙིང་སོ་སོ་ལ་མི་འདྲ་བའི་ཁྱད་པར་སྣ་ཚོགས་དང་། གྲུབ་མཐའ་དང་སློབ་དཔོན་སོ་སོའི་བཞེད་པ་དང་དགག་བཞག་མང་དུ་ཡོད་ཅིང་། ཐབ་ལ་ཡང་སོར་བརྒྱད་ནས་ཁྲུ་སྟོང་གི་བར་སྡོམ་འབྱུང་ནས་གསུངས་པ་དང་། ཐབ་དབྱིབས་ཀྱང་ཟུར་ལྔ་དང་ཟུར་དྲུག་དང་ཟུར་བདུན་དང་ཟུར་བརྒྱད་དང་ཟུར་དགུ་དང་ཟུར་བཅུ་པ་སོགས་བདེ་མཆོག་མཁའ་འགྲོ་རྒྱ་མཚོ་ལས་གསུངས། མཁའ་འགྲོ་རྒྱ་མཚོ་དང་དུས་འཁོར་སོགས་ནས་མེ་ལྷ་ལུག་ལ་ཆིབས་པ་སོགས་བཤད། མེ་ལྷ་བཞོན་པ་མེད་པ་དང་མེ་ལྷ་འཇིག་རྟེན་པ་མེད་པར་ཡེ་ཤེས་པ་དང་པོ་ནས་བསྐྱེད་པ་དང་། གཉིས་ཀ་དུས་གཅིག་ལ་བསྐྱེད་པ་དང་། སྦྱོང་རྒྱུད་རང་རྐང་ལུགས་ལ་མེ་ལྷ་དང་ལྷ་ཐམས་ཅད་ལ་དམ་ཚིག་པ་མི་བསྐྱེད་པ་དང་ཡེ་ཤེས་པ་ཁོ་ན་སྤྱན་དྲངས་པ་ནས་ལྷར་མངོན་རྟོགས་ཀྱིས་གསལ་བཏབ་པར་བཤད་དེ། དེ་ལ་དབང་བསྐུར་རྒྱས་འདེབས་མི་དགོས་པར་བཤད། སྒྲུབ་མཆོད་དཀྱིལ་ཆོག་དང་འབྲེལ་ན་དམ་ཚིག་པ་བསྐྱེད་པའམ་མི་བསྐྱེད་ཀྱང་རུང་སྟེ། །ཡེ་ཤེས་པ་རྡུལ་ཚོན་ནས་སྤྱན་དྲངས་ཤིང་མེ་ཏོག་བླངས་ལ་ཐབ་ཏུ་འཕངས། སླར་གཤེགས་དུས་རྡུལ་ཚོན་གྱི་དཀྱིལ་འཁོར་དུ་གཤེགས་ནས་བཞུགས་པར་མོས་ནས་མེ་ཏོག་དོར་བར་བཤད་དོ། །ཆོ་ག་བསྡུས་པ་ལ་ལྷ་རྣམས་མི་བསྐྱེད་པར་

[Full Size]

སྤྱན་འདྲེན་ཙམ་བྱེད་ནས་མཆོད་པར་བཤད། ཡང་གང་ཟག་བཟང་པོ་ལ་གསང་སྔགས་བླ་མེད་ཀྱི་ཐུགས་དམ་རྒྱུད་ཡིན་ན་བསྲེག་ཁང་དུ་བཞུགས་ཁ་དུས་ཁོང་རང་གི་ཡི་དམ་དེ་ཡི་དཀྱིལ་འཁོར་ཡོངས་རྫོགས་སམ་དཔའ་བོ་གཅིག་པར་བསྐྱེད། མཆོད་བསྟོད་བྱས་ལ་སྤུར་དེའི་ཡེ་ཤེས་པ་ལ་གཤེགས་གསོལ་བྱས་ཏེ། ཡང་གསར་དུ་རྣམ་སྣང་ལྟ་བུའི་དམ་ཚིག་པ་གཅིག་བསྐྱེད་ནས་མཆོད་བསྟོད་བསྡུས་པ་གཅིག་བྱ། ཆོས་འབྲེལ་མེད་པ་གཅིག་གིས་མེ་སྦར་དེ་ལྟར་མ་བྱས་ན་ཉེས་པ་ཤིན་ཏུ་ཆེའོ། །མེ་སྦར་དུས། དཔལ་ལྡན་བླ་མ་དགོངས་སུ་གསོལ། །ཞེས་དང་། ལམ་སྦྱང་བསྟན་མི་བྱ་བར་གཙོ་བོ་དང་དབྱེར་མེད་དུ་བསྐྱེད་དོ། །བྱེ་མས་མི་བྲབ་པར་མེ་ཏོག་དོར་རོ། །ཡང་དེ་ལྟ་བུའི་སྦྱིན་སྲེག་ཤེས་ཀྱང་ཡོ་བྱད་མ་འབྱོར་ན། དེ་དག་ཐམས་ཅད་ཡིད་ཀྱིས་བྱས་པར་སྒོམས་ཤིང་ཇི་ལྟར་ངག་གིས་ཚར་གཅིག་འདོན་པས་ཆོག་གོ །ཡང་དེ་དག་གི་བྱེད་ཚུལ་གྱི་དོན་ཐམས་ཅད་ཤེས་ཀྱང་ཚིག་རྣམས་མི་ངེས་པའམ། ངེས་ཀྱང་རྟེན་ལ་དགའ་ན་རང་ཉིད་ཡི་དམ་གཙོ་བོར་བསྒོམ་པའི་ནམ་མཁར་མེ་དཔུང་ཆེན་པོའི་ནང་དུ་དཀྱིལ་འཁོར་ཡོངས་རྫོགས་བསྐྱེད་ལ། རང་ཡང་རིན་པོ་ཆེའི་ཁྲི་ལ་གནས་ནས་གཡས་གཡོན་དུ་རིན་པོ་ཆེ་སྣ་བདུན་གྱི་སྣོད་དུ་སྦྲང་རྩི་ལ་སོགས་པའི་བསྲེག་རྫས་རྣམས། རིན་པོ་ཆེའི་དགང་བླུགས་ཀྱིས་འབུལ་བར་བསྒོམ་སྟེ་ཡིད་ཁོ་ནས་ཐམས་ཅད་བྱ་སྟེ། པཎྜི་ཏ་ཨ་བྷཱ་ཡས། ཇི་ལྟར་རིག་པས་ཡིད་དང་ལུས། །ཀློག་པའི་ལས་ནི་ཡང་དག་བརྩམས། །ཡང་ན་ཐམས་ཅད་ཡིད་ཀྱིས་སོ། །ཞེས་

[Full Size]

གསུངས་པའི་དོན་ཡིན་ནོ། །དེ་ཡན་ཆད་ནི་ཕྱིའི་སྦྱིན་སྲེག་ཡིན་ལ། ༈ ནང་གི་སྦྱིན་སྲེག་ནི་རང་ཡི་དམ་ལག་པ་དགང་གཟར་བླུགས་ཁ་ཐབ་ཁུང་ལྕེ་མེ་ལྕེར་བསམ། ཨོཾ་ཨཱཿ ཧཱུྃ༔ གིས་བཟའ་བཏུང་བསྲེག་རྫས་སུ་བྱིན་གྱིས་བརླབས། མགྲིན་པར་བླ་མ། སྙིང་ཁར་ཡི་དམ། ལྟེ་བར་མཁའ་འགྲོ། གསང་བར་ཆོས་སྐྱོང་བསྐྱེད་ནས་སྦྱིན་སྲེག་རྒྱུན་དུ་བྱ་སྟེ། ཡེ་ཤེས་ཐིག་ལེའི་རྒྱུད་ལས། ཁ་ནི་ཧཾ་ཁུང་དགང་གཟར་ལག །ཚུལ་ནི་རང་བྱུང་མེ་ཡིན་ནོ། །ཞེས་གསུངས་སོ། །གསང་བའི་སྦྱིན་སྲེག་ནི། རོ་རྐྱང་གཉིས་དགང་གཟར་བླུགས། དབུ་མ་ཐབ་ཁུང་། གཏུམ་མོ་ཨ་ཤད་མེ་དཔུང་། ཨ་ཧཾ་བྱང་ཆུབ་སེམས་ཀྱི་རྒྱུན་ནི་མར་ཁུ། ཕུང་ཁམས་སྐྱེད་མཆེད་བསྲེག་རྫས་རྣམས། བདེ་སྟོང་གཉིས་སུ་མེད་པའི་ལྷ་ལ་འབུལ་ཏེ། ཡེ་ཤེས་ཐིག་ལེ་ལས། དགང་གཟར་བླུགས་གཟར་མར་གྱི་སྣོད། །རྩ་གསུམ་དུ་ནི་བརྗོད་པའོ། །ཞེས་གསུངས་སོ། །དེ་ཁོ་ན་ཉིད་ཀྱི་སྦྱིན་སྲེག་ནི། །ཀུན་གཞི་མ་བཅོས་པའི་ཐབ་ཁུང་དུ། དབྱིངས་དང་ཡེ་ཤེས་དབྱེར་མེད་པའི་དགང་བླུགས་ཀྱིས། རྣམ་པར་རྟོག་པ་གང་ཤར་བཟོ་མེད་དུ་བསྲེགས་ནས། ཆོས་སྐུ་རབ་འབྱམས་ཀྱི་ལྷ་ལ་ཕུལ་ཏེ། ཨོ་རྒྱན་རིན་པོ་ཆེས། འགྱུ་བ་རྟོགས་ཚོགས་བག་ཆགས་བསྲེག་རྫས་རྣམས། །ཆོས་སྐུ་ཀློང་ཡངས་རབ་འབྱམས་ཞལ་དུ་བསྟབ། །ཅེས་གསུངས་སོ། །མདོར་ན་ཐབ་དང་རྫས་སོགས་གཙོ་མི་ཆེ། སྔགས་དང་ཏིང་འཛིན་གཙོ་བོ་ཡིན་ཏེ། ཐབ་བྲི་བ་སོགས་མེད་ཀྱང་སྟེགས་བུ་ལ་ཤིང་ཐབ་ཀྱི་

[Full Size]

དབྱིབས་བརྩེགས་པས་ཆོག་པའི་ལུགས་དང་། རྒྱུན་གྱི་ཐབ་ཀའི་མེ་ལ་ཡང་སྦྱིན་བསྲེག་བྱ་བའི་ལུགས་དང་། རྫས་གང་འཛོམས་སམ་རེ་རེས་ཆོག་པ་དང་། རྫས་དང་ཐབ་མེད་ཀྱང་ཡིད་ཀྱིས་ཆོག་པར་བཤད་པས་སོ། །འོན་ཀྱང་ཐབ་དང་ཐིག་ཚོན་བསྲེག་རྫས་རྣམས་ཇི་ལྟར་རྒྱས་ཤིང་ལེགས་བཞིན་དུ། བསོད་ནམས་ཆེ་སྟེ། མེད་ཀ་མེད་པ་མ་ཡིན་ཞིང་སྔགས་དང་ཏིང་ངེ་འཛིན་ཁོ་ན་གཙོ་ཆེ་བ་ཡིན་ནོ། ༈ དེ་ལྟར་སྦྱིན་བསྲེགས་མ་བྱས་པའི་ཉེས་སྐྱོན་ཅི་ཡོད་སྙམ་ན། གུར་ལས། གང་གིས་སྦྱིན་སྲེག་མ་བྱས་ན། །འཇིག་རྟེན་འདིའམ་གཞན་དག་ཏུ། །དེ་ལ་མཆོག་གི་དངོས་གྲུབ་མེད། །ཅེས་དང་། པཎྜི་ཏ་རྡོ་རྗེ་གདན་པ་ཆེན་པོས། སྦྱིན་སྲེག་དང་བྲལ་ལས་རྣམས་མང་། །ཡང་དག་དངོས་གྲུབ་མི་འབྱུང་སྟེ། །ཞེས་གསུངས་སོ། །སྦྱིན་བསྲེགས་བྱས་པས། ཚེ་འདས་ཀྱི་སྒྲིབ་པ་བྱུང་བ་ནི། ངན་སོང་སྦྱོང་རྒྱུད་ལས། དེ་ཡི་མིང་ནས་བརྗོད་ནས་ནི། །མཁས་པ་འབུམ་ཕྲག་བརྒྱའམ་ནི། །ཡང་ན་བརྒྱ་ཕྲག་སྟོང་རྙེད་པ་དུ། །སྦྱིན་བསྲེགས་བྱས་པར་གྱུར་ན་ནི། །དམྱལ་བ་ཆེན་པོར་གྱུར་པ་ཡི། །སྡིག་པ་དག་ལས་ཐར་བར་འགྱུར། །ཇི་སྲིད་མཚན་པར་ཤིན་ཏུ་ནི། །འབར་བའི་གནས་སུ་སྐྱེས་གྱུར་པ། །ཏིལ་དང་ཡུངས་ཀར་འབྲས་རྣམས་དང་། །ར་ཡི་འོ་མར་ལྡན་པ་དང་། །དྲི་ཡིས་བཀུས་པའི་ཡམ་ཤིང་ནི། །ཆོ་ག་བཞིན་དུ་སྦྱིན་བསྲེག་བྱ། །དེ་ནས་འདི་ནས་ངེས་པར་ཡང་། །ལྷ་ཡི་གནས་སུ་སྐྱེས་གྱུར་ནས། །དེ་ཡི་མཚན་མར་སྟོན་པར་བྱེད། །ཡང་ན་ལྷ་ཡི་མཆོག་ཏུ་

[Full Size]

འགྱུར། །ཞེས་གསུངས་སོ། །ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས། བསྲེག་པའི་རིམ་པ་སྟོན་པར་བྱ། །རྣམ་ཤེས་ལྔ་བྲལ་བེམ་པོའི་ལུས། །བག་ཆགས་སྦྱངས་བས་ཐར་པ་ཐོབ། །སྦྱང་གཞི་ཕྱི་དང་ནང་གི་རོ། །སྦྱོང་བྱེད་འབྱུང་བ་ཡེ་ཤེས་མེ། །འབྱུང་བ་མེ་ཡིས་བག་ཆགས་སྦྱངས། །ཡེ་ཤེས་མེ་ཡིས་ཉོན་མོངས་བསྲེགས། །ཞེས་གསུངས་སོ། སློབ་དཔོན་པདྨས། དེ་ལྟར་བྱས་པའི་ཕན་ཡོན་ནི། །བླ་མ་གང་ཟག་དམ་པ་ཡིན་ན་ནི། །ཐུགས་ཀྱི་དགོངས་པ་མཐར་ཕྱིན་པར་བྱེད། རྣལ་འབྱོར་པ་ཡིན་ན་ནི་ས་ལམ་ཕྱིར་མི་ལྡོག་པའི་ས་ཐོབ། སྐྱེ་བོ་ལ་སོགས་ཐ་མལ་པ་ཡིན་ན། འཁོར་བ་ངན་སོང་རིགས་དྲུག་གི་དུཁ་སྦྱོང་བར་བྱེད་དོ། །རང་བྱུང་ཡེ་ཤེས་ཀྱི་མེ་ལ། ལས་དང་བག་ཆགས་སྦྱངས་ཏེ། སྐུ་གསུམ་ཡོངས་སུ་རྫོགས་པར་བྱེད། ཅེས་གསུངས་སོ། །གཞན་ཡང་ཆད་ལྷག་བསྐང་བ་སོགས་ཕན་ཡོན་མཐའ་ཡས་ཏེ། དཔལ་ཡང་དག་སྦྱོར་བ་ལས། སྦྱིན་སྲེག་གིས་ནི་ལྷ་རྣམས་ཚིམས། །ཚིམས་ནས་དངོས་གྲུབ་རབ་ཏུ་སྩོལ། །གང་ཟག་གསང་སྔགས་ལྷག་ཆད་དག །སྦྱིན་སྲེག་གིས་ནི་དེ་ཀུན་དགོངས། །ཞེས་དང་། ཡང་བརྟག་པ་བཅུ་པ། འགྱུར་མི་འདྲ་བ་གཅིག་ལས། མེ་ནི་ལྷ་ཡི་ཞལ་དུ་བརྗོད། སྦྱིན་སྲེག་ལྷ་རྣམས་ཚིམ་བྱེད་དེ། །ཚིམ་པའི་ལས་ནི་དངོས་གྲུབ་སྩོལ། །སྔགས་འདི་ལྷག་གམ་མ་ཚང་གང་། །ཐམས་ཅད་སྦྱིན་སྲེག་དག་གིས་བཀང་། །དེ་བས་སྐུ་གསུམ་མཆོག་སྐྱེས་པ། །སྦྱིན་སྲེག་གིས་ནི་སྔགས་ནས་བརྗོད།

[Full Size]

ཅེས་དང་། བདེ་མཆོག་སྡོམ་པ་འབྱུང་བ་ལས། དགང་གཟར་ཤེས་རབ་བླུགས་གཟར་ཐབས། །དེ་གཉིས་སྦྱར་བ་གཉིས་མེད་བསྒོམ། །དེ་ལ་ངེས་འབྱུང་མར་གྱི་རྒྱུད། །ཡེ་ཤེས་ཆེན་པོའི་བདུད་རྩིར་འདོད། །རྒྱུ་དང་མི་རྒྱུ་བདག་ཉིད་ཀྱིས། །མེ་ནི་དེ་ཡིས་ཡང་དག་མཆོད། །འདི་ལྟར་སྦྱིན་བསྲེགས་གང་བྱས་ལ། །བསྐལ་བཟང་དངོས་གྲུབ་རབ་ཏུ་སྟེར། །ཞེས་གསུངས་སོ། །པདྨ་དྲྭ་བ་ཅན་གྱི་རྒྱུད་ལས། སྦྱིན་སྲེག་གིས་ནི་ལྷ་མཉེས་ཤིང་། །སྔགས་འགྲུབ་སྔགས་ཀྱིས་ལས་རྣམས་འགྲུབ། །དྲང་སྲོང་ཚོགས་རྣམས་ཐམས་ཅད་དང་། །དྲི་ཟའི་ཚོགས་རྣམས་ཐམས་ཅད་དང་།། །འབྱུང་པོའི་ཚོགས་རྣམས་ཐམས་ཅད་དང་། །སྦྱིན་སྲེག་དག་གིས་རབ་དགའ་བས། །རྣལ་འབྱོར་གྲོགས་བྱེད་བསྲུང་བ་དང་། །སྐྱོབ་ཕྱིར་ཚེ་རིང་དཔའ་འཕེལ་ཞིང་། །ནད་མེད་ལོངས་སྤྱོད་འགྲུབ་པ་དང་། །བསམ་པ་ཡིད་བཞིན་འགྲུབ་པར་འགྱུར། །ཞེས་དང་། བཟང་པོ་ཡོངས་བཟུང་ལས། རབ་གནས་ལ་སོགས་རྗེས་ལ་ནི། །མ་དྲན་པ་དང་མ་ནུས་པ། །ཆོ་ག་མ་ཚང་གྱུར་པ་རྣམས། །སྦྱིན་སྲེག་གིས་ནི་རྫོགས་པར་བྱེད། །ཅེས་གསུངས་པ་དང་། རྟ་མཆོག་རོལ་པ་དབུགས་བདག་གི་རྒྱུད་ལས། རོལ་པ་ཁྲག་འཐུང་རྒྱལ་པོ་ཡིས། །ཞི་རྒྱས་དབང་དྲག་སྦྱིན་སྲེག་གིས། །ལས་ཀྱི་མཐའ་བརྟུལ་བཤད་པར་བུ། །ཞི་ནི་རྣམ་རྟོག་དུག་ལྔ་ནི། །རྒྱས་ནི་ཡོན་ཏན་ཐམས་ཅད་རྒྱས། །དབང་གིས་ཐམས་ཅད་ཟིལ་གནོན་ཏེ། །དྲག་པོས་བདུད་བཞི་ཐམས་ཅད་སྒྲོལ། །ཞེས་དང་། ཨོ་རྒྱན་རིན་པོ་

[Full Size]

ཆེས། འཇིག་རྟེན་འདི་ན་ལས་མྱུར་བ། །མེ་དང་རླུང་གིས་བྱེད་པ་ཡིན། །ཞེས་དང་། མེ་ཡིས་ལས་རྣམས་མྱུར་དུ་འགྲུབ། །ཕྲིན་ལས་གང་བརྩམ་ཐོགས་པ་མེད། །དེ་ཕྱིར་ཡོན་ཏན་བསམ་མི་ཁྱབ། །ཅེས་དང་། མགོན་པོ་དངོས་གྲུབ་འབྱུང་རྒྱུད་ལས། །མེ་སྦར་བསྲེགས་པས་ལྷ་ལ་མཆོད། །གསང་སྔགས་འདོད་དོན་བསྒྱུར་ལྡན་པས། །ཕྲག་གཅིག་གིས་ནི་ལན་གཅིག་སྟེ། །ལན་གྲངས་རོལ་མཚོ་ཁྱད་པར་གྱིས། །ཕྱིར་མི་ལྡོག་ཅིང་།སྲེག་གཏོར་བྱེད། །དེ་རྗེས་གསོལ་བཏབ་བཅོལ་བསྐུལ་བྱ། །ཤིན་ཏུ་རྟགས་རྣམས་མྱུར་བར་འགྲུབ། །ཅེས་དང་། བྱ་རོག་གདོང་གི་གཞི་སྙིང་གསང་བ་སྲོག་གཟེར་སྦས་པའི་རྒྱུད་ལས་ཀྱང་། སྦྱིན་བསྲེག་བྱ་ཚུལ་རྒྱས་པར་གསུངས་ནས། དེ་ཡི་ཕན་ཡོན་གསུངས་པ། དེ་ནས་ལས་ཀྱི་འབྲས་བུ་མྱུར་དུ་འགྲུབ། །ཞི་རྒྱས་དབང་དྲག་མཐར་ཕྱིན་ཅིང་། །ཐུན་མོང་ལས་ཆེན་བརྒྱད་ཐོབ་ནས། །བསམ་པའི་དངོས་གྲུབ་ཐམས་ཅད་འགྲུབ། །ལྷ་ཀླུ་གནོད་སྦྱིན་སྲིན་པོས་ཀྱང་། །ཚེ་བསྲིང་ནད་སོགས་གནོད་པ་ཀུན་ལས་ཐར། །ཞེས་དང་། ཆོས་སྐྱོང་སྤྱི་ཡི་གཏོར་མའི་ལས་རྒྱུད་ལས། བཅོམ་ལྡན་འདས་ཀྱིས་བཀའ་སྩལ་པ། གང་དག་གནོད་པ་ཞི་བ་དང་། །སྡིག་དང་སྒྲིབ་པ་དག་འདོད་པས། །ཞི་བའི་སྦྱིན་བསྲེག་བྱ་བའོ། །ཚེ་དབང་བསོད་ནམས་རྒྱས་པ་དང་། །དཔལ་འབྱོར་ཐམས་ཅད་རྒྱས་འདོད་པས། །རྒྱས་པའི་སྦྱིན་སྲེག་རྒྱས་པར་བྱ། །འཇིག་རྟེན་འདས་དང་འཇིག་རྟེན་པར། །རྒྱལ་པོའི་བུ་ལ་སོགས་པ་དང་། །དབང་

[Full Size]

དུ་འདུ་བར་འདོད་པ་ཡིས། །དབང་གི་སྦྱིན་སྲེག་རྫོགས་པར་བྱ། །དགྲ་བགེགས་གདུག་པ་མ་ལུས་པ། །དྲག་པོ་ལས་ཀྱི་བསྒྲལ་བའི་ཕྱིར། །དྲག་པོའི་སྦྱིན་སྲེག་རྫོགས་པར་བྱ། །མཆོག་དང་ཐུན་མོང་དངོས་གྲུབ་ཀུན། །མྱུར་དུ་འགྲུབ་པར་འདོད་པའི་ཕྱིར། །ཞི་རྒྱས་དབང་དྲག་གཅིག་ཆར་དང་། །སྦྱིན་སྲེག་ཆོ་ག་རྫོགས་པར་བྱ། །ཞེས་དང་། བདེ་མཆོག་རྒྱུད་ལས། དེ་ནས་སྦྱིན་སྲེག་ཆོ་ག་ནི། །ངེས་པར་དབང་དུ་བྱེད་པར་འགྱུར། །གང་ཞིག་ཤེས་པ་ཙམ་གྱིས་ནི། །མྱུར་དུ་དངོས་གྲུབ་ཐོབ་འགྱུར་བཤད། །ཅེས་དང་། འདི་ལས་རབ་མཆོག་གཞན་དག་གི །འཇིག་རྟེན་གསུམ་ན་ཡོད་མ་ཡིན། །ཞེས་གསུངས་སོ། །དེ་དག་ནི་སྤྱིར་སྦྱིན་སྲེག་གི་ཕན་ཡོན་ཡིན་ལ། ༈ བྱེ་ཟློབྲག་རྫས་སོ་སོའི་ཕན་ཡོན་ནི། བདེ་མཆོག་སྡོམ་འབྱུང་ལས། དེ་ནས་གཞན་ཡང་སྦྱིན་སྲེག་གི།ཡན་ལག་ཀུན་འབྱུང་འབྲས་རབ་བཤད། །ས་དང་ས་གཞི་ཞིང་རྒྱས་པའི། །ཐབ་ཀྱི་ཡན་ལག་ཡོན་བདག་རྒྱས། །མར་གྱིས་འབྱོར་བ་ཐམས་ཅད་བྱེད། །ཡམ་ཤི་ང་གཟི་བརྗིད་རྣམ་པར་འཕེལ་བའོ། །བུད་ཤིང་ལྷག་པར་དཔའ་བར་བྱེད། །ཀུ་ཤས་ཐམས་ཅད་སྲུང་བར་བྱེད། །ཡུངས་ཀར་པས་ནི་ཞི་བར་བྱེད། །འབྲས་ཀྱིས་རྒྱས་པར་བྱེད་པར་བཤད། །ཏིལ་གྱིས་སྡིག་པ་འཇོམས་པར་རིག་པར་བྱ། །སོ་བས་ནོར་དང་འབྲུ་རྣམས་འགུགས། །མ་ཤས་སྲན་མས་སྟོབས་ནི་ཆེན་པོར་བྱེད། །ནས་ཀྱིས་རླུང་གི་ཤུགས་རབ་སྟེར། །དུརྦས་ཚེ་ནི་འཕེལ་བར་བྱེད། །གྲོ་ཡིས་ནད་རྣམས་འཇོམས་པར་

[Full Size]

བྱེད། །འོ་མ་སྦྲང་རྩིས་ཤེས་རབ་འཕེལ། །ཟས་མཆོག་གིས་ནི་བདེ་ཀུན་སྟེར། །མེས་ནི་འདོད་དོན་དངོས་གྲུབ་སྟེར། །གང་འདོད་ལས་ནི་གྲོལ་བ་སྩོལ། །ལྷག་མ་ལས་ཀྱི་རྗེས་མཐུན་པ། །ཞི་སོགས་ལས་བྱ་ཤེས་པར་བྱ། །ཞེས་དང་། ཡང་རྒྱ་གཞུང་འགའ་ཞིག་ལས། ཚིག་དེ་དག་ཕལ་ཆེར་འདྲ་བ་ལས། ཤིང་ཐོག་ཕུན་ཚོགས་བུ་རྒྱུད་འཕེལ། །མེ་ཏོག་ཁ་དོག་གཟི་བརྗིད་འཕེལ། །དྲི་དང་སོ་རྩིས་བཀྲ་ཤིས་བྱེད། །ཅེས་གསུངས་པ་རྣམས་ནི། ཡི་དམ་ཆོས་སྐྱོང་གསར་རྙིང་རྒྱུད་སྡེ་ཐམས་ཅད་སྤྱིའི་རིགས་འགྲེ་རུང་བའི་ཕན་ཡོན་ཡིན་པས། ༈ ཡང་ལྷ་སོ་སོའི་བདེ་མཆོག་རྩ་རྒྱུད་དང་ཧེ་རུ་ཀ་མངོན་འབྱུང་དང་འཇམ་དཔལ་རྩ་རྒྱུད་སོགས་ནས་བསྲེག་རྫས་མི་འདྲ་བ་སྣ་ཚོགས་ལ་བརྟེན་ནས་ལས་རབ་འབྱམས་སྣ་ཚོགས་འགྲུབ་པ་ལ་ཐབས་གསུངས་པ་དང་། དེ་དང་མཚུངས་པར་རྙིང་མ་ལ་ཡང་ཐུན་མོང་མ་ཡིན་པའི་སྦྱིན་སྲེག་གི་མན་ངག་མཐའ་ཡས་པར་གསུངས་པ་ཐམས་ཅད་ལྷ་སོ་སོའི་སྐབས་སུ་ཤེས་པར་བྱའོ། །འདི་དག་མདོར་བསྡུས་པ་སྟེ། རྒྱས་པར་རྒྱུད་གཞུང་མཐའ་ཡས་པ་ནས་སྦྱིན་སྲེག་གི་ལས་སྒྲུབ་ཚུལ་དང་སྔགས་པ་མཐའ་ཡས་པར་གསུངས་པས་ན། རང་རེའི་མི་ལུས་ཐོབ་པའི་དོན་གོར་ཕྱི་ནང་གསང་བ་དེ་ཁོ་ན་ཉིད་ཀྱི་སྦྱིན་སྲེག་གང་རུང་དང་མ་བྲལ་བར་གལ་ཆེ། ༈ ཨེ་མ་ཧོ། མཆོག་དང་ཐུན་མོང་དངོས་གྲུབ་མ་ལུས་པ། །ཕྱི་དུས་མི་འགྱང་འབྲས་བུ་མངོན་འབྱིན་ཐབས། །རྒྱུད་སྡེ་ཀུན་ཏུ་རྒྱ་ཆེར་གསུངས་པའི་དོན། །རྒྱ་བོད་ལོ་པཎ་དུ་མས་ཡང་

[Full Size]

ཡང་བཀྲལ། །འོན་ཀྱང་རྡོ་རྗེའི་གསུང་རྣམས་གོ་བར་དཀའ། །འགའ་ཞིག་བཤད་པ་མང་བས་ལག་ལེན་བསྒྲིབ། །འགའ་ཞིག་རྒྱུད་སྡེ་སོ་སོའི་བཞེད་པ་དང་། །དཀྱིལ་འཁོར་སོ་སོའི་སྦྱིན་སྲེག་མང་ན་ཡང་། །རིགས་འགྲེ་མི་ཤེས་སོ་སོར་བཟུང་བར་དཀའ། །རྒྱུད་སྡེ་སྤྱི་ཡི་སྦྱིན་སྲེག་འགའ་ཞིག་ཀྱང་། །ས་ཐིག་ཆོ་ག་དེ་རུ་མ་གསུངས་པས། །ཆོས་སྐྱོང་ལ་སོགས་ས་ཐིག་མེད་པ་ཡི། །སྦྱིན་སྲེག་བླུག་ཚེ་ས་ཆོག་ཅི་ལྟར་བྱ། །དེ་ཕྱིར་ཚད་ལྡན་བསྟན་བཅོས་དེ་རྣམས་ཀྱང་། །གསར་བུ་རྣམས་ཀྱིས་ལག་ཏུ་ལོན་པར་དཀའ། །བཤད་པའི་རྗེས་སུ་འབྲང་བའི་སྦྱིན་སྲེག་འགའ། །ལག་ལེན་མི་བདེ་བཞད་བགད་གནས་སུ་སྣང་། །དེང་སང་སློབ་དཔོན་ཕལ་གྱི་ཕྱག་ལེན་ཡང་། །རྒྱུད་གཞུང་མི་མཐུན་རང་ཟློབཟོ་གང་མོས་དང་། །འགའ་ཞིག་ཤེས་བཞིན་མི་བྱེད་ཆེ་ཚུལ་བཟུང་། །འགའ་ཞིག་མ་ཤེས་ཟ་འདོད་མཆུ་བསྐུང་ཆེ། །ཐིག་ཆེན་བརྒྱད་པ་ཙམ་ཡང་མི་ཤེས་པར། །སྒོ་རུའི་རྩེ་མོས་བྲིས་པའི་ཟླུམ་སྐོར་ལ། །ཕྱེ་དང་ཆུ་བའི་རྡུལ་ཚོན་བྱེད་པ་དང་། །འགའ་ཞིག་ས་ཆོག་ཐིག་ལ་ཉི་མ་འབུད། །དོན་རྩ་སྔགས་ལ་གྲངས་ཉུང་བྱེད་པ་དང་། །ས་བདག་ལྟོ་འཕྱེ་ཐེ་སེ་སྤྲེལ་ཁོག་སོགས། །རྩི་མི་ཤེས་པས་ས་ལ་རྐོ་བ་དང་། །ལྔ་སེར་མཁའ་འགྲོ་དུས་མཚན་བིཊྚི་སོགས། །རྒྱུ་ལྡོག་ཐེབ་ལྡོག་གང་ཡང་མི་ཤེས་པར། །ཁེ་བས་ཉེས་ཆེ་བྱེད་པ་མང་མཐོང་ནས། །བླ་མ་རྡོར་འཛིན་དྲག་པ་དབང་ལྡན་དང་། །ཀརྨ་ཕྲིན་ལས་ལ་སོགས་ཤེས་ལྡན་འགས། །ཡང་ཡང་བསྐུལ་ཕྱིར་ལེགས་པར་སྦྱར་བ་ཡིན། །གོ་སླ་

[Full Size]

ལག་ལེན་བདེ་བར་བཀོད་པ་ལ། །རྒྱུད་སྡེའི་ལུང་འདྲེན་གྲུབ་མཐའི་བཞེད་ཚུལ་དང་། །དགག་བཞག་མང་པོ་བྲིས་ན་པོ་ཏིར་ལོངས། །ཙནྡན་བྱང་ཆུབ་ཤིང་སོགས་ཡམ་ཤིང་དང་། །གསེར་དང་དངུལ་གྱི་དགང་གཟར་དགོས་ཚུལ་སོགས། །ཉམས་སུ་མི་ལོན་བྲིས་པས་རྒྱུ་བ་ཆག །དེ་ཕྱིར་བཤད་པ་ཅི་མང་མ་བྲིས་པས། །མི་ཤེས་སྙམ་པའི་ཐུགས་ཁྲེལ་མི་མཛད་ཞུ། །གསར་རྙིང་རྒྱུད་སྡེ་ཀུན་གྱི་དགོངས་པ་བསྟུན། །སློབ་དཔོན་མང་པོའི་ཞལ་ཤེས་མང་པོ་དང་། །མཐོང་བ་བརྒྱུད་པའི་ཕྱག་ལེན་མང་པོས་བརྒྱན། །ཀུན་མཐུན་ཀུན་ལས་ལྷག་འདི་ངོ་མཚར་ཆེ། །འོན་ཀྱང་འགལ་འཁྲུལ་མཁས་པ་རྣམས་ལ་བཤགས། །འདི་བྲིས་དགེ་བས་མེ་དཔུང་རྒྱ་ཆེན་པོས། །འགྲོ་བའི་སྒྲིབ་|གཉིས་བུད་ཤིང་ཀུན་བསྲེགས་ནས། །གཟི་བརྗིད་འོད་དཔག་མེད་པ་ཐོབ་པར་ཤོག །དེ་ཡི་དགེ་བས་བདག་དང་སློབ་མར་བཅས། །བསྟན་བཅོས་འདི་ལ་འབྲེལ་བ་ཐོབ་པ་རྣམས། །ཚེ་འདིར་ཕྲིན་ལས་བཞི་ལ་མངའ་བརྙེས་ཤིང་། །ལུས་འདིར་བོར་མ་ཐག་ཏུ་ནུབ་ཀྱི་ཕྱོགས། །བདེ་བ་ཅན་དུ་བརྫུས་ཏེ་སྐྱེ་བར་ཤོག །ཅེས་པ་འདི་རྣམས་གསང་སྔགས་རྡོ་རྗེ་ཐེག་པ་ལ་མོས་པའི་དགེ་སློང་ཀརྨ་ཨ་རཱ་གས་སྦྱར་བའོ། །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །སརྦ་མངྒ་ལཾ། །ཞལ་དྲོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགོངས་གཏེར་ཐུགས་ཀྱི་ཀློང་གསལ་ལས་བྱུང་བའི་མེ་ལྷའི་སྒྲུབ་ཐབས་རྩ་ཚིག་བཀའ་གཏད་དང་བཅས་པའི་དོན་གསལ་བར་བཀོད་པ་ལྷ་སྤྱི་ལ་སྦྱར་རུང་བའི་ལས་བཞིའི་སྦྱིན་སྲེག

[Full Size]

དགོངས་གཏེར་ཐུགས་ཀྱི་ཀློང་གསལ་ལས་བྱུང་བའི་མེ་ལྷའི་སྒྲུབ་ཐབས་རྩ་ཚིག་བཀའ་གཏད་དང་བཅས་པའི་དོན་གསལ་བར་བཀོད་པ་ལྷ་སྤྱི་ལ་སྦྱར་རུང་བའི་ལས་བཞིའི་སྦྱིན་སྲེག་བཞུགས་སོ། །

[Full Size]

ན་མོ་གུ་རུ་ཡེ། རང་གི་མདུན་དུ་མེ་ལྷ་ཕྲིན་ལས་སོ་སོའི་ཁ་དོག་ཅན། ཞི་བའམ་ཁྲོ་བོའི། གཡས་རིལ་བ་གཡོན་མེ་ཐབ་འཛིན་པ་ར་སྐྱེས་ཁམ་པ་ལ་ཞོན་པར་བསྐྱེད་ལ། ཨོཾ་ཨཀྵེ་ཡེ་སྭཱ་ཧཱ། ཞེས་བཟླ། གཞན་ལ་སྦྱིན་ན། མེ་ལྷས་སློབ་མ་ལ་དངོས་གྲུབ་ཐམས་ཅད་སྟེར་ནས་ཁོལ་པོ་བྱེད་པར་བསམས་ལ། མེ་ནང་དུ་ཕྱེ་མར་ཅུང་ཟད་ཕུལ་ཏེ། ལས་བཞིའི་མེ་ལྷས་སློབ་མ་འདི་ལ་བསྲུང་བ་དང་བསྐྱབ་པ་དང་སྦ་བར་མཛད་དུ་གསོལ། ཞེས་བརྗོད་སློབ་མས་ཀྱང་ཕྱེ་མར་མེ་ལྷ་ལ་ཕུལ། མཎྜལ་འབུལ་ལོ། །དང་པོ་བསྒོམ་དུས་དམ་ཡེ་དབྱེར་མེད་ཡིན། རྗེས་ནས། བཛྲ་མུ༔ ཞེས་གཤེགས་པར་བསྒོམ། དེའི་ལས་

[Full Size]

བཞིའི་མེ་ལྷའི་ལུང་དང་བཀའ་གཏད་ཐོབ་པ་ཡིན་ཏེ། འདི་དགོངས་གཏེར་རྡོ་རྗེའི་གསུང་ཡིན་པས། འདི་ཐོབ་ནས་ལས་བཞིའི་སྦྱིན་སྲེག་འདི་གང་འདོད་བྱེད་ཆོག །ས་རྒོད་ས་ཆོག་རྒྱས་པར་མ་གྲུབ་ཅིང་། །ལྟོ་འཕྱེ་ལ་སོགས་བརྩི་ཚུལ་ཤེས་དཀའ་བས། །སྦྱིན་སྲེག་བླུག་ས་དེ་རུ་ས་མི་བརྐོ། །རྡོ་ལེབ་བསྒྲིགས་སམ་ཤིང་ལོ་བཀོད་པའི་སྟེང་། །གཞན་ནས་ས་ཉོབ་བླང་བླུག་ལེགས་པར་བཅག །སྤྲོ་ན་ས་ཆོག་རྒྱས་པ་གཞན་ལྟར་བྱ། །བསྡུ་ན་དེ་སྟེང་དཀར་གཏོར་གཉིས་བཤམས་ཏེ། །རང་ཉིད་དྲན་རྫོགས་ཆེ་གེར་གསལ་བསྒོམས་ནས། །འདི་ཉིད་འདོན་བསྒོམས་བྱས་པས་འཐུས་པ་ཡིན། །ཧཱུྃ། རང་ཉིད་ཡི་དམ་སྒོ་ཡི། །ཕྱག་གཡས་ས་ལ་བརྡབ་པ་ཡིས། །ས་ཡང་རྣམ་པ་དྲུག་ཏུ་གཡོས། །

[Full Size]

ས་ཡི་ལྷ་མོ་གསེར་གྱི་མདོག །ཐལ་སྦྱར་བར་ན་བུམ་པ་འཛིན། །དར་དང་རིན་ཆེན་རྒྱུན་གྱིས་སྤྲས། །སྐུ་ཕྱེད་ས་ཡི་ནང་ནས་ཐོན། །ས་བདག་ཚོགས་ཀྱིས་བསྐོར་བར་གསལ། །ཨོཾ།་ཚུར་བྱོན་ཚུར་བྱོན་ས་ཡི་ལྷ། །ལྷ་མོ་ཆེན་མོ་འཇིག་རྟེན་ཡུམ། །འདིར་གནས་ས་བདག་ཚོགས་དང་བཅས། །དཀྱིལ་འཁོར་བསྒྲུབ་ཕྱིར་འདིར་གཤེགས་ལ། །ས་གླུད་མཆོད་གཏོར་འདི་བཞེས་ཤིག །ཨོཾ་པྲི་ཐི་དེ་ཝི་བྷུ་མི་པཱ་ཏི་ས་པཱ་རི་ཝཱ་ར་ཨརྒྱུ་སོགས། ཨོཾ་ཨ་ཀཱ་རོ་སོགས། ཨོ་པྲི་ཐི་དྷེ་ཝི་བྷུ་མི་པཱ་ཏི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དཀྱིལ་འཁོར་དོན་དུ་ས་འདི་ནི། །བདག་ཞུ་ཁྱེད་ཀྱིས་བསྩལ་དུ་གསོལ། །གནས་འདི་དོར་ནས་ཕྱི་གཟུར་ཞུ། །ས་བདག་ས་ཡི་ལྷ་མོ་རྣམས། །དགའ་བའི་ཡིད་ཀྱིས་ཐལ་སྦྱར་ཏེ། །ས་འདི་གནང་གིས་ཅི་བདེར་སྤྱོད། །ཅེས་གསུངས་ས་བདག་རྣམས་ནི་བྱེར། །ལྷ་མོ་ས་དེར་ཐིམ་གྱུར་ནས། །ས་ཡང་གསེར་གྱི་ཕུང་པོར་གྱུར། །རིན་ཆེན་སྣོད་དུ་ཐིག་ཚོན་རྣམས། །ཨོཾ་ཧཱུྃ་ཧཱུྃ་ཧཱིཝཨཱརྣམས་ལས། །ཧྥེ་རིགས་ལྔའི་སྐུར་གྱུར་ནས། །འོད་ཞུ་ཐིག་ཚོན་སོ་སོར་གྱུར། །ཨོཾ་བཛྲ་ས་མ་ཡ་སུ་ཏྲ་མ་ཏི་ཀྲ་མ་ཧཱུྃ། ཨོཾ་

[Full Size]

བཛྲ་ཙི་ཏྲ་ས་མ་ཡ་ཧཱུཾ། དེ་ནས་ལས་བཞི་ཁྱད་མེད་པར། ཐིག་ཆེན་བརྒྱད་པོ་བཏབ་བྱས་ནས། །ཐབ་ཀྱི་རྒྱ་ནི་ཁྲུ་གང་ཚད། །དེ་རྒྱབ་སོར་བཞི་ཐབ་ཀྱི་མཆུ། །ཁ་ཁྱེར་ཁ་བད་ཁ་འཕྱང་ནི། །བསྡུས་པ་འདི་ལ་མི་དགོས་གསུངས། །ཀུན་ཀྱང་དབུས་སུ་པད་འདབ་བརྒྱད། །ཞི་བའི་དབུས་དང་ཁ་ཁྱེར་ལ། །རྡོ་རྗེ་དཀར་པོ་བྲི་བར་བྱ། །ཕྱི་རོལ་མཚམས་བཞིའི་ཐད་དུ་ནི། །ཟླ་ཕྱེད་རྡོ་རྗེ་རྩེ་ཕྱིར་བསྟན། །རྒྱས་པའི་དབུས་དང་ཁ་ཁྱེར་དང་། །ཕྱི་ཡི་མཚམས་བཞི་ནོར་བུ་བྲི། །དབང་གི་དབུས་དང་ཁ་ཁྱེར་དང་། །མཚམས་བཞིར་པདྨའམ་ལྕགས་ཀྱུ་བྲི། །དྲག་པོའི་དབུས་སུ་རྡོ་རྗེ་ནི། །ནག་པོ་ཁ་གདེང་བྲི་བར་བྱ། །ཁ་ཁྱེར་ལ་ནི་རལ་གྲི་སྟེ། །ཕྱི་རོལ་མེ་རི་འབར་བའོ། །ཐབ་ཀྱི་རྒྱ་དང་ཁ་ཁྱེར་མདོག །ལས་བཞི་སོ་སོའི་མདོག་ཡིན་ནོ། །བར་མཚམས་མཛེས་པའི་ཚོན་གྱིས་བཅད། །འདབ་བརྒྱད་སྣ་ཚོགས་པདྨ་ཡིན། །ཐབ་ཀྱི་དབྱིབས་སུ་ཤིང་ཡང་བརྩེགས། །དབུས་སུ་མདའ་དར་ལས་མཐུན་བཙུགས། །ལྔ་སེར་མཁའ་འགྲོ་རྒྱུ་ལྡོག་ལ། །གདོང་མི་གཏུགས་པར་སློབ་དཔོན་འདུག །ཞི་བ་རྒྱས་པ་གཉིས་པོ་ལ། །བསྲེག་རྫས་གཡས་དང་མཆོད་པ་གཡོན། །དབང་དང་དྲག་པོ་གོ་ལྡོག་བཤམས། །གཞི་དང་གདན་དང་རྒྱན་གོས་སོགས། །བརྡའ་ཙམ་ལས་དང་མཐུན་པར་བསྒྲུབ། །ཞི་བར་སུར་དཀར་གླང་མ་སྟེ། །རྒྱས་པར་བལ་བུ་སིལ་ཤིང་རུང་། །དབང་ལ་སེ་བ་འོམ་ཤིང་མཆོག །དྲག་པོར་ཚེར་མ་ཅན་གང་རུང་། །རིང་ཐུང་ཐབ་ཀྱི་

[Full Size]

ཕྱེད་ཚད་དེ། །ཞི་བར་འདབ་བརྒྱད་འོ་མས་སྦག །རྒྱས་པར་འདབ་བཞི་མར་ཁུས་སྦག །དབང་ལ་འདབ་ལྔ་ཇ་རྒོད་སོགས། །དྲག་པོར་འདབ་གསུམ་ཁྲག་གིས་སྦག །དེ་དག་རྩ་རྩེ་གཉིས་ཀ་བསྒྲེས། །བཤམས་དུས་འབུལ་དུས་ཁྱད་མེད་པར། །དང་པོ་ཡམ་ཤིང་མར་ཁུ་སྟེ། །དེ་ནས་གཙོ་བོ་གང་ཡིན་རྣམས། །དེ་ནས་གོ་རིམ་ངེས་པ་མེད། །མཇུག་ནི་ཀུ་ཤ་ཡིན་པས་རྫོགས། །མཆོད་རྫས་མཆོད་པ་སྣ་བདུན་དང་། །མེ་ལྷའི་གཏོར་མ་ཆེ་ཆུང་གཉིས། །ཞི་བའི་གཏོར་མ་ཟླུམ་པོར་པད་འདབ་བསྐོར། །རྒྱས་པར་ཟུར་བཞི་དབང་ལ་ཟུར་གཉིས་ཏེ། །དྲག་པོར་ཟུར་གསུམ་རྣམས་ལ་མར་བརྒྱན་བཅས། །དཀར་དམར་རྒྱན་ལྡན་འབུལ་གཏོར་གཅིག་ཀྱང་བཤམས། །ཞི་བར་ཏིལ་ནག་ཡུངས་ཀར་གྲོ་གཙོ་ཆེ། །རྒྱས་པར་འབྲས་དང་སོ་བ་དྲུར་ཝ་གཙོ། །དབང་ལ་ཟས་མཆོག་མེ་ཏོག་ཤི་ང་ཐོག་དང་། །དྲག་པོར་ལིངྒ་ཤ་དུམ་སྦྲག་པ་དང་། །ཡུངས་ཀར་གཙོ་ཆེ་གཞན་རྣམས་གང་འཛོམ་ཆོག །ཁྱད་པར་དྲག་པོར་ཤོག་ལིང་སྤྱི་མཚམས་བྲི། །ཟན་ལིང་པར་མ་ཤ་དུམ་ཁྲག་ཐིག་སྦག །བརྒྱ་རྩ་ལྷག་ཙམ་ངེས་པར་དགོས་པ་སྟེ། །གལ་ཏེ་ཟན་ལིང་པར་མ་མ་གྲུབ་ན། །ཟན་ལིང་ཆེ་བ་གཅིག་ལ་བསྒྲལ་ལས་རྗེས། །དུམ་བུ་བརྒྱ་ལྷག་གཏུབ་ཅིང་ཤ་དུམ་སྦྲག ། བདག་བསྐྱེད་ད་ནངས་སྔོན་དུ་སོང་བྱས་ནས། །གང་རུང་སྤྱི་ལྟར་གསེར་སྐྱེམས་གཏོར་བྱས་ནས། །བཀུག་གཞུག་ཕུར་འདེབས་བསྒྲལ་ལས་སྤྱི་ལྟར་བྱ། །ཤོག་ལིང་གཏུབ་ལ་ཟན་ལིང་རེ་དང་སྦྲག །ཞི་རྒྱས་དབང་གསུམ་ལ་ནི་དེ་མི་

[Full Size]

དགོས། །ཐབ་དང་མཆོད་རྫས་བསྲེག་རྫས་ཀུ་ཤ་བྲན། །སུ་བྷ་ཝ་སོགས། སྟོང་པའི་ངང་ལས་ཧཱུྃ་དང་ཨ་ཡིག་ལས། །བྱུང་བའི་རྡོར་སེམས་ཡབ་ཡུམ་འོད་ཞུ་བས། །རྡོར་དྲིལ་ལག་མཐིལ་ཟླ་བའི་གདན་ལ་འཁོད། །པད་ཀོར་དང་བཅས་བླངས་ཏེ་གསོར་ཞིང་འཁྲོལ། །ཨོཾ་བཛྲ་ས་ཏཱ་མཾ་དྷ་དྷ་ཤྭ་རི་མཾ། །དེ་ནས་བཟུང་སྟེ་རྡོ་དྲིལ་འབྲལ་མི་རུང་། །སུམྦྷ་ནི་བརྗོད་བགེགས་བསྐྲད་སྲུང་འཁོར་བསྒོམ། །ལས་བུམ་སྔགས་ཀྱིས་བསངས་ཤིང་། སྭ་བྷ་ཝས་སྦྱངས། སོ་སོའི་གཞུང་གི་བྱིན་རླབས་དེས། །མཆོད་རྫས་བསྲེག་རྫས་གཉིས་ཀ་བྱིན་རླབས་ཏེ། །རྡོར་དྲིལ་དང་བཅས་དགང་བླུགས་ཁ་སྦྱར་ནས། །བསྲེག་རྫས་རྣམས་ལ་རེག་ཅིང་སྔགས་རྣམས་བརྗོད། །ཨོཾ་ཨཱཿ ཧཱུྃ། ཨོ་ཁྲ་ཥཱ་ཋ་ཌཱ་ཋ་ཋ་ཌ། ཨོ་ཨཱཿ སྭཱ་ཧཱ། རྫས་རྣམས་བཀྲུས་པར་བསམ། ཡམ་ཤིང་ལ་རེག །ཨོཾ་ཤྲཱི་སཱ་ཧཱ།་མར་ཁུ་ལ་རེག །ཨོཾ་ཨཱཿ ཧཱུྃ་སྭཱ་ཧཱ། འབྲུ་ཀུན་ལ་རེག །ཨོཾ་ཛི་སྭཱ་ཧཱ། རྫས་ཀུན་ལ་རེག །ཨོ་ཀུ་རུ་ཀུ་རུ་སྭཱ་ཧཱ། ཀུ་ཤ་ཆེན་པོ་པད་ཀོར་དང་བཅས་བླངས། ཨོཾ། ཀུ་ཤ་འདི་ནི་གཙང་ཞིང་དགེ །ཚངས་པ་ལྷ་རྣམས་མཉེས་བྱེད་ཡིན། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པ་འདབ་མའི་སྙིང་། །བདག་གི་བགེགས་རྣམས་ཐམས་ཅད་ནི། །ཞི་ཞིང་བདེ་ལེགས་མཛད་དུ་

[Full Size]

གསོལ། །ཨོཾ་བཛྲ་ས་ཏཱ་ཨཱཿ ཐབ་ཀྱི་དབུས་སུ་ཀུ་ཤ་རྒྱ་གྲམ་ནི། །རྩེ་མོ་ལས་ཀྱི་ཕྱོགས་སུ་བསྟན་ཏེ་བཞག །ཆུན་པོ་བརྒྱད་རྣམས་ཐབ་ཀྱི་ཁ་ཁྱེར་ཚད། །གཡས་བསྐོར་རྩ་བ་རྩེ་མོས་ནོན་པར་བཀོད། །དེ་ནས་བསང་སྦྱང་གང་ཡིན་གཞུང་ལྟར་བྱ། །སྟོང་པའི་ངང་ལས་ཧཱུྃ་ལས་ཐབ་ཁུང་ནི། །བྲིས་པ་ལྟ་བུའི་མཚན་ཉིད་ཡོངས་རྫོགས་དབུས། །པདྨ་ར་སྐྱེས་གདན་ལ་རཾ་ཡིག་ལས། །མེ་ལྷ་ལས་ཀྱི་མདོག་ཅན་ཞལ་གཅིག་པ། །ཕྱག་གཉིས་སྤྱན་གསུམ་རལ་པའི་ཐོར་ཚུགས་ཅན། །གཡས་པས་རིལ་བ་གཡོན་པས་མེ་ཐབ་འཛིན། །མེ་ལྕེ་སྟོང་གིས་དཀྲིས་ཤིང་འོད་འབར་བའི། །གནས་གསུམ་འབྲུ་གསུམ་ཐུགས་ཀའི་རཾ་ཡིག་ལས། །ཞི་བར་དགེ་སྦྱོང་ཁྱེའུ་གཙང་མ་དང་། །རྒྱས་པར་ཕྱུག་པོ་དབང་ལ་གཞོན་ནུ་མ། །དྲག་པོར་ལག་སྨེ་ཅན་གྱིས་མེ་རུ་སྦྱར། །དེ་ཉིད་སློབ་དཔོན་ཉིད་ལ་ཀྱི་ཕྱག་ཏུ་བཞག །ཧཱུྃ། དང་པོ་མེ་བྱུང་གང་ནས་བྱུང་། །སྔོན་ཚེ་བསྐལ་པའི་དང་པོ་ལ། །བཅོམ་ལྡན་རྨེ་རིགས་ལྔ་ཡི། །ཐུགས་ཀའི་འོད་ཀྱི་གང་བུ་ནས། །ཡི་གེ་རཾ་གྱི་འཕྲོ་འདུ་ལས། །ཡེ་ཤེས་ལྔ་ཡི་མེ་བྱུང་ནས། །དུག་ལྔའི་ཕུང་པོ་གཏན་ནས་བརླག །ཡེ་ཤེས་ལྔ་རུ་ལྷུན་གྱིས་གྲུབ། །དོ་ནུབ་གཞལ་ཡས་ཕོ་བྲང་འདིར། །ཉོན་མོངས་དུག་ལྔའི་

[Full Size]

ཡམ་ཤིང་ལ། །ཡེ་ཤེས་ལྔ་ཡི་མེ་སྦར་བས། །ཕྲིན་ལས་གང་བརྩམ་འགྲུབ་གྱུར་ཅིག །ཨོཾ་ཛཱ་ལ་ཛཱ་ལ་ཧཱུཾ། ཐབ་ཀྱི་ཤར་ལྷོའི་མཚམས་ནས་མེ་སྦར། །དེ་ནས་བུད་ཤིང་ཅུང་ཟད་ཐོགས་ལ། ཧཱུྃ། མཁའ་འགྲོ་སྡེ་བཞི་ཤུགས་འགྲོ་བཞི། །དུར་ཁྲོད་ཆེན་པོའི་གནས་བརྒྱད་ནས། །ལས་དང་མཐུན་པའི་ཤིང་ཐུས་ལ། །ཕོ་བྲང་དཀྱིལ་འཁོར་དམ་པ་འདིར༔ །འདོད་པའི་དངོས་གྲུབ་ཐོབ་པའི་ཕྱིར། །ལས་ཀྱི་མེ་ནི་སྦར་བར་མཛོད། །རླུང་གཡབ་མ་ཡིས་རླུང་གཡོབ་ཅིག །ཨོཾ་ཨཱཿ ཧཱུཾ། དེ་ནས་མདར་དར་ལག་ཏུ་ཐོགས་ལ་གཡབ། །ཧཱུྃ༔ ཡེ་ཤེས་ལྔ་ཡི་མེ་དཔུང་འབར་བ་འདིས། །དུར་ཁྲོད་མེ་ཡི་མཆོད་པ་མ་རྫོགས་བར། །ཕྱོགས་མཚམས་སྟེང་འོག་ཐམས་ཅད་དུ། །མེ་ལྕེ་མ་མཆེད་མ་འཕྲོ་ཞིག །གལ་ཏེ་མཆེད་ཅིང་འཕྲོས་གྱུར་ན། །ལྷ་འདྲེ་གཞི་བདག་ཚིག་དོགས་ཡོད། །དེ་ཕྱིར་མེ་མགོ་དར་གྱིས་མནན། །མེ་ལྕེ་མ་འཕྲོ་མ་མཆེད་ཅིག །ཨོཾ་རཾ་ནན་ཤཱནྟཾ་ཀུ་རུ་ཡེ་སྭ་ཧཱ། །ཐབ་དབུས་མེ་ལྷ་དམ་ཚིག་པའི། །ཐུགས་ལས་འོད་ཟེར་འཕྲོས་པ་ཡིས། །ཤར་ལྷོ་ཕྱོགས་ནས་མེ་ཡི་ལྷ། །དྲང་སྲོང་ཚོགས་བཅས་སྤྱན་དྲངས་གྱུར། །ལག་གཡས་མི་འཇིགས་ཕྱག་རྒྱ་

[Full Size]

ཡིས། །མཐེ་བོང་སྲིན་ལག་རྩེར་གཡོབ་ཅིང་། །རྣ་བ་གཡས་ནས་གཡོན་ངོས་ཁྱེར། །གཡོན་པས་དྲིལ་བུ་བསིལ་བཞིན་དུ། །ཧཱུྃ།་ཚུར་བྱོན་ཚུར་བྱོན་འབྱུང་པོ་ཆེ། །ལྷ་ཡི་དྲང་སྲོང་གཉིས་སྐྱེས་མཆོག །སྲེག་བླུགས་ཞལ་ཟས་བཞེས་སླད་དུ། །འདིར་ནི་ཡང་དག་བསྙེན་པར་མཛོད། །ཨོ་ཌཀྐི་ཧཱུཾ་ཛ༔ ཧཱུཾ། གཟི་བརྗིད་འབར་བ་མེ་ཡི་ལྷ། །འདོད་པ་ཐམས་ཅད་རབ་བསྒྲུབས་པས། །ཐུགས་རྗེས་སེམས་ཅན་དོན་གྱི་ཕྱིར། །འབར་བའི་གནས་འདིར་བཞུགས་སུ་གསོལ། །ས་མ་ཡ་ཏིཥྛ་ལྷན། ཐབ་ཀྱི་ཁ་ཁྱེར་ཀུ་ཤའི་གནས། །ཡེ་ཤེས་མེ་ལྷ་འཁོར་དང་བཅས། །བྱོན་སྐྱེམས་མཆོད་ཡོན་འབུལ་བར་བགྱི། །ཨོཾ་ཨཀྵེ་ཡེ་ས་པཱ་རི་ཝཱ་ར་ཨགྷཾ་པྲཀཱ་ནཱཾ་པཱཏྱཾ་པྲ་ཏིཙྪ་སྭཱ་ཧཱ། རྡོ་རྗེ་དང་བཅས་ལག་གཡས་ཀྱིས། །མཐེ་བོང་མཛུབ་ཆུང་མནན་ལ་སྦྱར། །ཧཱུཾ། རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །དམ་ཚིག་འདི་ལ་གནས་ན་ནི། །རིགས་རྣམས་མྱུར་དུ་ཐལ་བར་བྱེད། །ཨོ་ཧ་ན་ཧ་ན་ས་མ་ཡ་ཕཊ། མེ་ལྷ་ཡེ་ཤེས་པ་དེ་དང་། །དམ་ཚིག་མེ་ལྷ་དབྱེར་མེད་གྱུར། །ཛཧཱུྃ་བཾ་ཧོ༔ སླར་ཡང་ཐུགས་ཀའི་འོད་ཟེར་གྱིས། །དབང་ལྷ་རིགས་ལྔ་སྤྱན་དྲངས་

[Full Size]

ཏེ། །དབང་བསྐུར་སྐུ་གང་དྲི་མ་དག །ཆུ་ལྷག་ཡར་ལུད་ལས་མཐུན་པའི། །རིགས་ཀྱི་བདག་པོས་དབུ་བརྒྱན་གྱུར། །ཨགེ་ཡེ་ས་པཱ་རི་ཝཱ་ར་ཨགྷཾ་ནས། །ཤཔྟ་པྲ་ཏཱིཙྪ་སྭཱ་ཧཱ། ཨོཾ། གཟི་བརྗིད་འབར་བ་མེ་ཡི་ལྷ། །འབར་བཅས་སྐུ་ཡི་རྒྱན་གྱིས་བརྒྱན། །རྔམ་པའི་བྱིན་ཅན་ལས་ལ་བརྩོན། །སྲེག་བླུགས་འབུལ་ལོ་ལས་ཀུན་སྒྲུབས། །ཚངས་པ་འཇིག་རྟེན་མགོན་གྱི་སྲས། །ཞི་ལ་སོགས་པའི་ལྷ་དཔལ་ཏེ། །ཇི་ལྟར་འདོད་པའི་དོན་བསྒྲུབ་པའི། །གཟི་བརྗིད་རྒྱལ་པོར་ཕྱག་འཚལ་བསྟོད། །དགང་བླུགས་ཁ་ལ་ཧཱུྃ་ཡིག་དང་། །མེ་ལྷ་ཅུང་ཞིག་ཞལ་གདངས་བའི། །ལྗགས་ལ་རཾ་ཡིག་གིས་མཚན་པའི། །བསྲེག་རྫས་བདུད་རྩི་བཞེས་པར་གྱུར། །ལག་གཉིས་རྡོར་དྲིལ་དང་བཅས་ཁུ་ཚུར་གྱིས། །མཛུབ་མོ་གཉིས་བརྐྱང་དགང་གཟར་བླུགས་གཟར་བཟུང་། །བླུགས་གཟར་གྱིས་ནི་མར་ཁུ་གསུམ་མམ་བདུན། །དགང་གཟར་ནང་དུ་བླུག་ཅིང་སྔགས་འདི་བརྗོད། །ཨོཾ་ཨཀྵེ་ཡེ་སྭཱ་ཧཱ། ཞི་སོགས་གསུམ་ལ་གྲུ་མོ་པུས་མོ་ལས། །ཕྱིར་མི་འདའ་ཞིང་དྲག་པོར་འདའ་བྱས་ལ། །ཞི་སོགས་གསུམ་ལ་ཐབ་སྟེང་གཡས་བསྐོར་གསུམ། །དྲག་པོ་ལ་ནི་གཡོན་བསྐོར་གསུམ་བྱ་ཞིང་། །ཨོཾ་ཨཀྵེ་ཡེ་ཧ་བྱ་ཀ་བྱ་ཝ་ཧ་ན་ཡ་ཨ་དི་བྱ་

[Full Size]

སྭཱ་ཧཱ། མར་ཁུ་ཐབ་ཏུ་གསུམ་མམ་བདུན་འབུལ་ཏེ། །མེ་ལྕེ་འཇམ་ཞིང་དཀར་སེར་སྔོ་ལ་དམར། །དྲི་ཞིམ་མེ་སྒྲ་སྙན་པ་བཟང་བ་སྟེ། །སྒྲ་མི་སྙན་དང་མི་སྡུག་འཚག་པ་དང་། །མེ་ལྕེ་དུད་པས་རང་ཕྱོགས་བདུག་ན་ངན། །དྲག་པོ་ཝཱལ་ནི་ངན་པ་རྣམས་ཀྱང་ལེགས། །དེ་ནས་བསྲེག་རྫས་ཐམས་ཅད་རིམ་པ་ལྟར། །མཐེབ་སྲིན་ནམ་ནི་གུང་མཐེབ་སྦྱར་ལ་འབུལ། །ཡམ་ཤིང་ཀུ་ཤ་འོད་ཀྱི་དཀྱིལ་འཁོར་ལ། །རམ་རྩི་ལ་སོགས་རྫས་རྣམས་ཕྱག་ཏུ་སྟེ། །བཟའ་བཏུང་རྫས་རྣམས་ཞལ་དུ་འབུལ་བར་སྒོམ། །ཨོཾ་ཨཀྵེ་ཡེ་དེ་ཝ་ས་པཱ་རི་ཝཱ་ར། མེ་ལྷའི་སྔགས་དེ་རྫས་སྔགས་མགོ་ལ་སྦྱར། །ཡམ་ཤིང་བྱང་ཆུབ་ཤིང་བསམ་རྩེ་གྱེན་བསྟན། །ཨོཾ་བོ་དྷི་བྷིཀྵ་ཡེ་སྭཱ་ཧཱ། གཟི་བརྗིད་ཕུན་སུམ་ཚོགས་པ་ལ། ཞི་བ་ལ། བར་དུ་གཅོད་པ་ཤཱནྟིཾ་ཀུ་རུ་ཡེ་སྭཱ་ཧཱ། རྒྱས་པ་ལ། པུཏྟིཾ་ཀུ་རུ་ཨོ། དབང་ལ། པ་ཤཾ་ཀུ་རུ་ཧོ། དྲག་པོ་ལ། བར་དུ་གཅོད་པའི་དགྲ་བགེགས་མཱ་ར་ཡ་ཕཊ། དེ་ལྟར་ཚིག་གི་བསྒྱུར་སོ་རིག་པས་དཔག །མར་ཁུ་ལ། ཨོཾ་ཨགེ་སྭཱ་ཧཱ། འབྱོར་པ་ཕུན་སུམ་ཚོགས་པ༔ ཏིལ་ནག་ལ། ཨོཾ་སརྦ་པ་པཾ་ད་ཧ་ན་བཛྲ་ཡེ་སྭཱ་ཧཱ། ཞི་བ་ལ། སྡིག་པ་དང་སྒྲིབ་པ་ཐམས་ཅད༴ རྒྱས་པ་དང་དབང་ལ། དགེ་བ་ཕུན་སུམ་ཚོགས་པ། ཡུངས་ཀར་ལ། ཨོཾ་སརྦ་ཨརྦ་སིདྡྷི་ཡེ་སྭཱ་ཧཱ། བགེགས་ཐམས་ཅད༔ རྒྱས་པ་དང་དབང་ལ། བགེགས་

[Full Size]

མེད་པ་ཕུན་སུམ་ཚོགས་པ༔ གྲོ་ལ། ཨོཾ་བཛྲ་གསྨ་རི་སྭཱ་ཧཱ། ཞི་བ་ལ། ནད་ཐམས་ཅད་ཤིནྟཾ༴ རྒྱས་པ་དང་དབང་དྲག་པོ་ལ། ནད་མེད་པ་ཕུན་སུམ་ཚོགས་པ༴ སྲན་མ་ལ། ༀ་བཛྲ་མ་ཧཱ་བ་ལ་ཡ་སྭཱ་ཧཱ། སྟོབས་ཕུན་སུམ་ཚོགས་པ༔ ཞི་དྲག་གཉིས་ཀ་ལ། བར་དུ་གཅོད་པཌ། དྷུར་ཝའི་མྱུ་གུའམ་རྩ་བ་ལ། ཨོ་བཛྲ་ཨཱ་ཡུ་ཥེ་སྭཱ་ཧཱ། ཚེ་ཕུན་སུམ་ཚོགས་པ༴ ཞི་དྲག་གཉིས་ཀ་ལ། བར་དུ་གཅོད་པ༴ འབྲས་ལ། ཨོཾ་བཛྲ་པུཥྛ་ཡེ་སྭཱ་ཧཱ། །བསོད་ནམས་ཕུན་སུམ་ཚོགས་པ༴ བིལ་བ། སྟརྒ་ཛཱ་ཏི་ཕ་ལ་རྣམས། མ་རྙེད་ན་ཤུག་ཐོག་གམ་ནི་སེ་ཐོག་ལ། ཨོཾ་ཤྲཱི་ཝ་ཡེ་སྭཱ་ཧ། ཡང་ན་རྒུན་འབྲུམ་ལ་སོགས་ཤིང་ཐོག་ལ། ཨོ་ཨ་པ་མ་དྷི་བ་ལ་ཡ་སྭཱ་ཧཱ། ཡང་ནི་སེ་འབྲུའམ་ནི་སྐྱེར་འབྲུ་ལ། ཨོ་ཏི་པ་ལ་ཡེ་སྭཱ་ཧཱ། དེ་གསུམ་གང་རུང་ཞིག་གིས་ཀྱང་ཆོག་སྟེ། རིགས་རྒྱུད་ཕུན་སུམ་ཚོགས་པ་ལ༔ ཞི་དྲག་གཉིས་ཀ་ལ། བར་དུ་གཅོད་པ༔ ཞོ་ཡིས་སྦྲུས་པའི་སྐྱ་ཕྱུ་ལ་ཟན་གདབ་རིལ་བུའམ་ནི་ཕྱེ་མ་ལ་ནི་ཟས་མཆོག་ཟེར། ཨོཾ་སརྦ་སཾ་བྷ་དེ་སྭཱ་ཧཱ། བདེ་བ་ཕུན་སུམ་ཚོགས་པ༴ ཞི་དྲག་གཉིས་ཀ་ལ། བར་དུ་གཅོད་པ༴ སོ་བ་ལ། ཨོཾ་བཛྲ་བི་ཛ་ཡེ་སྭཱ་ཧཱ། ནོར་དང་འབྲུ་ཕུན་སུམ་ཚོགས་པ༔ དཀར་གསུམ་མངར་གསུམ་ལ། ཨོཾ་བཛྲ་མ་ལེ་

[Full Size]

པུཊྚ་ཡ་སྭཱ་ཧཱ། ཤེས་རབ་ཕུན་སུམ་ཚོགས་པ་མེ་ཏོག་ལས་བཞི་གང་ཡིན་ཁ་དོག་ཅན། །མེད་ན་ནས་ལ་ཚོན་གྱིས་ཁ་དོག་བསྒྱུར། །ཨོཾ་བཛྲ་པུཎེ་ཡེ་སྭཱ་ཧཱ། ཁ་དོག་དང་གཟི་བརྗིད་ཕུན་སུམ་ཚོགས་པ༴ དྲི་དང་སོ་རྩི་ཞེས་བྱ་བུར་ཆུ་སྟེ། །མ་རྙེད་ཇ་དང་སྤོས་ཆུས་རུང་བ་ཡིན། །ཨོཾ་བཛྲ་ཏི་བུ་ལ་ཡེ་སྭཱ་ཧཱ། བཀྲ་ཤིས་ཕུན་སུམ་ཚོགས་པ༴ ནས་ལ་ཆུས་བྲན་སྨན་སྣ་བཏབ་བྱས་ལ། ཨོཾ་ཨོ་ཥ་དྷི་སྭཱ་ཧཱ། ནད་མེད་པ་ཕུན་སུམ་ཚོགས་པ༔ དར་རས་ཕྲུག་རས་ཤིང་རྩེར་སྦྱར་བྱས་ལ། །ཨོཾ་བཛྲ་ཝསྟ་ཡེ་སྭཱ་ཧཱ། རྒྱན་དང་གོས་ཕུན་སུམ་ཚོགས་པ༔ ནས་ལ། ཨོཾ་མ་ཧཱ་བེ་ག་ཡེ་སྭ་ཧཱ། །ཤུགས་ཕུན་སུམ་ཚོགས་པ༔ ཞི་དྲག་གཉིས་ཀ་ལ། བར་དུ་གཅོད་པ༴ དེ་དག་མིན་པའི་འབྲུ་དང་བཟའ་བཏུང་རིགས་ལ། ཨོཾ་ཨཱཿ ཧཱུྃ། གིས་ཕུལ་ནས་ལས་བཞི་གང་། སོ་སོའི་འདོད་གསོལ་སྔགས་བཅས་སྤྱི་མཚམས་སྦྱར། །ཀུ་ཤ་ལ། ཨོ་ཨ་པྲ་ཏི་ཧ་ཏ་བཛྲ་ཡེ་སྭཱ་ཧཱ། སྲུང་བ་ཕུན་སུམ་ཚོགས་པ༔ ཞི་དྲག་གཉིས་ཀ་ལ། བར་དུ་གཅོད་པ་ཤནི་མཱ་ར་ཡ་ཕཊ། དེ་ལྟར་ཡམ་ཤིང་མར་ཁུ་ཀུན་ལ་དགོས། །ཞི་བར་ཏིལ་དང་ཡུངས་དཀར་གྲོ་གཙོ་ཆེ། །གཞན་རྣམས་གང་འབྱོར་ཆོག་ཅིང་མེད་ཀྱང་རུང་། །ཚེ་རྒྱས་དྲུར་བ་བསོད་ནམས་འདོད་ན་འབྲས། །ནོར་འབྲུ་ལོངས་སྤྱོད་རྒྱས་འདོད་སོ་བའོ། །ཁམས་གསུམ་དབང་དུ་སྡུད་བྱེད་

[Full Size]

ཟས་མཆོག་ཕུལ། །དེ་སོགས་བསྲེག་རྫས་རེ་རེའི་ལས་ཚོགས་ཏེ། །ཡིན་ཕྱིར་གང་འདོད་དེ་ནི་མང་བར་བྱ། །དྲག་པོ་ཡིན་ན་མར་ཁུའི་རྗེས་ཉིད་ནས། །བསྲེག་རྫ་ས་གཙོ་བོ་ལིངྒ་ཤ་ཁྲག་སྟེ། །ཤོག་ལིང་དུམ་བུ་ཟན་ལིང་ཤ་དུམ་གསུམ། །ཁྲག་ཆུ་བསྲེས་པ་ཅུང་ཟད་བྲན་ལ་འབུལ། །དགུང་གཟར་རམ་ནི་ཧོམ་གཟར་ནང་བཞག་འབུལ། །ཡང་ན་ལག་པ་དག་པར་བཀྲུ་བྱས་ནས། །དགང་གཟར་མི་འགྲིམ་སློབ་དཔོན་ལག་པས་འཕེན། །རང་ཉིད་ཡི་དམ་ཕྱག་གིས་དགྲ་བགེགས་དངོས། །མེ་ལྷའི་ཞལ་དུ་རྐང་མཐིལ་སྐྱ་ལྷག་ལྷག །འཕང་བར་བསྒོམ་ལ་དྲག་ལས་ཆེན་པོར་བཤད། །རྩ་སྔགས་ཤམ་བུར་སྔགས་འདི་བཏགས་ལ་འབུལ། །གནོད་བྱེད་ལྷོ་མཱ་ར་ཡ་ཛྭ་ལ་རཾ་ཁཱ་ཧི་ཁཱ་ཧི། དེ་ལྟར་མེ་ལྷར་ཡམ་ཤིང་མར་ཁུ་དང་། །བསྲེག་རྫས་གཙོ་བོ་ཉེར་གཅིག་ཙམ་རེ་འབུལ། །བསྲེག་རྫས་གཞན་རྣམས་གསུམ་རེ་ཙམ་གྱིས་ཆོག །དེ་ནས་མཆོད་པ་སྣ་བདུན་རེ་རེ་བཞིན། །ལག་ཏུ་བཟུང་ཞིང་སྔགས་ཀྱི་སྐབས་སུ་མཆོད། །འཇིག་རྟེན་ཁམས་ནི་དཔག་མེད་ན། །ཞེས་སམ། རབ་འབྱམས་རྒྱ་མཚོ་སོགས་ནས། །མཆོད་ཡོན་ཇི་སྙེད་མཆིས་པ་དང་། །བདག་གིས་གུས་པས་བཤམས་པ་འདི། །མེ་ལྷ་དྲང་སྲོང་ཚོགས་ལ་འབུལ། །བཞེས་ནི་ལས་འདི་འགྲུབ་པར་མཛོད། །ཨོཾ་ཨགེ་དེ་ཝ་ས་པཱ་རི་ཝཱ་ར་ཨབྷཾ་སོགས། དེ་བཞིན་དུ་ཤབྡའི་བར་དུ་འགྲེས་ལ། ཟན་ཀོང་ལྷ་བཤོས་

[Full Size]

སོགས་འབུལ་ཞིང་། །ཤཐཱའི་བར་མཚམས་འཛིན་མེ་ཏོག་འབུལ། །སྐབས་སྐབས་སུ་རོལ་མོ་འུར་བརྡུང་སྟེ། མེད་ན་ཌཱ་དྲིལ་དྲག་ཏུ་འཁྲོལ། །སྐབས་འདིར་མདའ་དར་གཡུག་བྱ་ཞིང་། །འདོད་གསོལ་མགོ་ནས་འབྱུང་ལྟར་རོ། །ཧཱུྃ། ཚངས་པ་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་བ་ལ་ཡང་བསྐྱོབ་པའི་ཕྱིར། །ཐུགས་རྗེས་དབང་གིས་སྐུ་སྤྲུལ་ནས། །རིག་སྔགས་གྲུབ་པའི་དྲང་སྲོང་མཆོག །ཕྲིན་ལས་སྒྲུབ་པའི་མངའ་བདག་ཆེ། །བསྐལ་པའི་མེ་ལྟར་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱི་ཐེག་མཆོག་ར་སྐྱེས་ཆིབས། །བགྲང་ཕྲེང་འཛིན་ཅིང་རིག་སྔགས་གསུངས། །བདུད་རྩིའི་བཅུད་དང་གནྡྷེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་པའི་སྐྱོན་བྲལ་ཚངས་པར་སྤྱོད། །འཇིག་རྟེན་གནས་ཀྱང་མྱ་ངན་འདས། །ཞི་བར་བརྙེས་ཀྱང་ཐུགས་རྗེ་ཆེ། །དེ་ལ་བསྟོད་དེ་ཕྱག་ཀྱང་འཚལ། །འདོད་པའི་ཕྲིན་ལས་བསྒྲུབ་པ་དང་། དངོས་གྲུབ་མ་ལུས་སྩོལ་བར་མཛོད། །དྲང་སྲོང་ཆེན་པོ་མེ་ལྷ་ཡིས། །སྔོན་གྱི་དམ་བཅའ་མནའ་བོར་བ། །ལྷ་རྣམས་ཞལ་ནི་མེ་ཡིན་ཏེ། །སྦྱིན་སྲེག་དེ་ནི་མེ་ལ་གནས། །

[Full Size]

མེ་ལྷ་ཁྱོད་ཉིད་མེ་དཔུང་དང་། །གཉིས་སུ་མེད་པར་བཞུགས་མཛོད་ལ། །བསྲེག་རྫས་མཆོད་པ་འདི་རྣམས་ཀུན། །ཡི་དམ་སྣེ་འཁོར་བཅས་ཀྱི། །ཞལ་དུ་སྟོབ་པའི་ལས་མཛོད་ཅིག །ཞི་བའི་སྦྱིན་སྲེག་ཡིན་ན་ནི། །མེ་ལྷའི་ཐུགས་ཀར་འོད་ཀྱི་གུར་ཆེན་ནང་། །རྒྱས་པའི་སྦྱིན་སྲེག་ཡིན་ན་ནི། །མེ་ལྷའི་ལྟོ་བ་ཡངས་ཤིང་རྒྱ་ཆེའི་ནང་། །ཡི་དམ་གང་ཡིན་གཞལ་ཡས་ཁང་བསྐྱེད་ནས། །སྤྱན་འདྲེན་བཞུགས་གསོལ་བར་དུ་གཞུང་ལྟར་བྱ། །དེ་ལྟར་ཞི་རྒྱས་གཉིས་ཀ་ཁྱད་མེད་པར། །མེ་ལྷའི་ཐུགས་ལས་སྤྲུལ་པའི་མེ་ཡི་ལྷ། །ཡིད་ལས་སྐྱེས་པ་རང་འདྲ་ཞིག་བྱོན་ནས། །ལྷ་རྣམས་མཆོད་པའི་ཕྱག་ཚང་བྱེད་པར་གྱུར། །དབང་དྲག་གཉིས་ལ་མར་ཁུའི་སྔགས་ཉིད་ཀྱིས། །མར་ཁུ་དགང་བླུགས་གཉིས་ནི་ཐབ་ཏུ་འབུལ། །མེ་ལྷ་འཁོར་བཅས་འོད་དུ་ཞུ་གྱུར་ནས། །འབར་བའི་རྣམ་པར་གྱུར་པའི་མེ་དཔུང་དབུས། །ཞེས་ནས། གང་ཡིན་གཞལ་ཡས་ཁང་བསྐྱེད་ནས་བཟུང་སྟེ། །སྤྱན་འདྲེན་བཞུགས་གསོལ་དབང་བསྐུར་ཕྱག་འཚལ་རྣམས། །ལས་བྱང་གཞུང་རྣམས་འདོན་པར་བྱས་པའི་རྗེས། །མཆོད་པ་བྱིན་རླབས་བྱས་རུང་མ་བྱས་ཆོག །རུང་ཡང་ཕྱི་ཡི་མཆོད་པའི་ཚིགས་བཅད་བརྗོད། །རྩ་སྔགས་སྔགས་མཆོད་སྦྱར་བ་གྱེར་བའི་ཚེ། །མཆོད་པ་སྣ་བདུན་ལག་གིས་བླངས་ཤིང་འབུལ། །དྲག་པོ་

[Full Size]

ཡིན་ན་ཁྲག་གི་ཡོན་ཆབ་སོགས། །ཞི་དྲག་ལས་དང་མཐུན་པའི་མཆོད་པ་སྟེ། །ཁྲག་ནི་མེ་ནང་མི་བླུག་ཐབ་མདུན་འབུལ། །སྦྱིན་སྲེག་སྐབས་འདིར་ཚོགས་ནི་མི་དགོས་སོ། །གཞན་ཡང་འདོད་ཡོན་ལྔ་དང་ནང་མཆོད་གསང་མཆོད་སོགས། །ལས་བྱང་གཞུང་དུ་ཡོད་ན་འདོན་ཅིང་མེད་ན་མི་དགོས་སོ། །དེ་ནས་བསྲེག་རྫས་ཐམས་ཅད་འབུལ་བྱས་ཏེ། །ཡི་དམ་གང་ཡིན་དེ་ཡི་རྩ་སྔགས་མཇུག །གོང་ལྟར་རྫས་སྔགས་འདོད་གསོལ་བཅས་པ་འབུལ། །གཙོ་བོ་ཡབ་ཡུམ་ལ་ནི་བརྒྱ་འབུལ་ཏེ། །རྩ་སྔགས་དེ་ལ་ས་པཱ་རི་ཝཱ་ར་སྦྱར། །དེ་ཡི་འཁོར་རྣམས་ལ་ནི་བདུན་རེ་ཙམ། །ཡམ་ཤིང་མར་ཁུ་བསྲེག་རྫས་གཙོ་བོ་རྣམས། །གཞན་རྣམས་གཙོ་བོ་ཡབ་ཡུམ་བདུན་ཉེར་གཅིག །འཁོར་རྣམས་གསུམ་རེ་ཙམ་གྱིས་ཆོག་པ་ཡིན། །དེ་ལྟར་བསྲེག་རྫས་རེ་རེའི་མཚམས་རྣམས་སུ། །མེ་དར་དེ་ཉིད་གཡུག་ཅིང་དབྱངས་དང་བཅས། །ལས་བཞི་སོ་སོའི་འདོད་གསོལ་འདི་ཉིད་གྱེར། །ཞི་བ་ལ། ནད་གདོན་སྡིག་སྒྲིབ་བག་ཆགས་ངན། །སྡང་དགྲ་གནོད་བྱེད་གདུག་པའི་དབལ། །རྣོ་བའི་མཚོན་དང་སྦྱོར་བའི་དུག །སྟོང་ཕྲག་བརྒྱད་ཅུའི་བགེགས་ཀུན་དང་། །བཞི་བརྒྱ་རྩ་བཞིའི་ནད་རྣམས་དང་། །རྨིས་ལྟས་མཚན་ངན་ཐམས་ཅད་ཀུན། །མྱུར་བ་ཉིད་དུ་ཞི་གྱུར་ཅིག །ཨོཾ་ཤཱནྟ་ཀུ་རུ་ཡེ་སྭཱ་ཧཱ། རྒྱས་པ་ལ། ཚེ་དང་བསོད་ནམས་སྙན་གྲགས་སྟོབས། །འཁོར་དང་

[Full Size]

བུ་སློབ་ཕྲིན་ལས་རྒྱས། །མངའ་ཐང་ལོངས་སྤྱོད་ཡོན་ཏན་ཀུན། །མྱུར་བ་ཉིད་དུ་རྒྱས་གྱུར་ཅིག །ཧཱུཾ་པུཊྚི་ཀུ་རུ་ཡེ་སྭཱ་ཧཱ། དབང་ལ། རྒྱལ་བའི་ཐུགས་རྗེ་བྱིན་རླབས་དང་། །འགྲོ་བའི་སྟོབས་དང་དཔལ་འབྱོར་བཅས། །སྐྱེ་འགྲོ་མཐོང་ཐོས་དྲན་རེག་སོགས། །ཁམས་གསུམ་དབང་དུ་འདུས་གྱུར་ཅིག །ཧཱུྃཔ་ཤང་ཀུ་རུ་ཡེ་སྭཱ་ཧཱ། དྲག་པོ་ལ། །བདག་ཅག་རྣམས་ལ་གནོད་པའི་བགེགས། །དམ་སྲི་འབྱུང་པོ་མ་རུངས་པ། །བསྟན་པའི་དགྲ་བོ་ལ་སོགས་པ། །ཞིང་བཅུ་ལྡན་རྣམས་བརླག་གྱུར་ཅིག །ཧཱུཾ་མཱ་ར་ཡ་ཕཊ༔ དྲག་པོའི་སྐབས་སུ་ཕཊ་སྒྲ་དྲག་པོར་བཅས། །མདའ་དར་ནག་པོ་ས་ལ་བརྡབ་པར་བྱ། །ལས་བྱང་གཞུང་ནི་སྨན་མཆོད་ཚིགས་བཅད་མཇུག །རྩ་སྔགས་མཇུག་ཏུ་ཨ་མྲྀ་ཏ་ཁཱ་ཧིའི་བར། །སྔགས་དེའི་བདུད་རྩི་ཉེར་གཅིག་ཐབ་ཏུ་འབུལ། །དེ་ནས་རཀྟའི་མཆོད་པ་ཚིག་གི་མཇུག །རྩ་སྔགས་མཇུག་ཏུ་རཀྟ་ཁཱ་ཧི་ཡི། །རཀྟ་བདུན་ནམ་ཉེར་གཅིག་འབུལ་བ་ནི། །ཐབ་ཏུ་མི་འབུལ་ཐབ་ཀྱི་འགྲམ་དུ་བླུག །དེ་ནས་གཏོར་མ་ཆེ་བ་མར་ཁུས་བྲན། །སོ་སོའི་གཏོར་མ་བྱིན་རླབས་ཡོད་ན་བྱ། །མེད་ན་ཧ་ཧོ་ཧིཡིས་བྱིན་གྱིས་བརླབས། །སོ་སོའི་གཏོར་མ་འབུལ་བའི་ཚིགས་བཅད་མཇུག །རྩ་སྔགས་བ་ལིང་ཏ་ཁཱ་ཧི་བཏགས་པའི་རྗེས། །ཆེ་འཁོར་དང་བཅས་པ་

[Full Size]

ཡིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པའི་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཚིག་མཇུག་དེར་ཡོད་ཐམས་ཅད་ཀྱིས། །རྗེས་ཟློས་ལན་གསུམ་བྱེད་དུ་འཇུག །གཏོར་མའི་རྩེ་མོ་ཐབ་ཏུ་འབུལ་བར་བྱ། །དེ་ནས་ཡི་དམ་གང་ཡིན་བསྟོད་པ་བྱ། །ཡི་དམ་ཆོས་སྐྱོང་དྲག་པོའི་རིགས་ཡིན་ན། །སླར་ཡང་དམར་གཏོར་བཤམས་པ་བྲན་བྱས་ལ། །དེ་ནས་དམར་གཏོར་ལག་ཏུ་བཟུང་བྱས་ནས། །ལྷ་ཚོགས་གང་ཡིན་རྣམས་ཀྱི་མཚན་ནས་བརྗོད། །བདག་དང་རྒྱུ་སྦྱོར་ཡོན་བདག་བསྲུང་བྱ་ལ། །གནོད་ཅིང་འཚེ་བར་བྱེད་པའི་གདོན་དང་

[Full Size]

བགེགས། །ནད་འདྲེ་ཤི་སྲི་གོད་འདྲེ་ཆུང་སྲི་སོགས། །གང་དགོས་མིང་རྣམས་དེ་རུ་བརྗོད་བྱས་ལ། །གཏོར་མ་མེར་འཕང་བཞེས་བཀྱག་དར་ནག་བརྡབ། །དེ་ཡི་ཡན་ནི་དངོས་དེ་སྦྱིན་སྲེག་རྫོགས། །ཞོར་ལ་ལྷ་མགྲོན་གཞན་ལ་འབུལ་འདོད་ནི། །ནད་ཞི་འདོད་ན་ལོ་མ་ཅན་མ་དང་། །དུད་སོལ་མ་སོགས་དེ་ལ་སྔགས་པའི་ལྷ། །རྒྱས་པ་ཡིན་ན་ནོར་ལྷ་གང་འདོད་དང་། །དབང་ལ་ཀུ་རུ་ཀུལླེ་ཛམ་དམར་སོགས། །དྲག་པོ་ལ་ཡང་སེང་གདོང་མ་མགོན་སོགས། །གང་འདོད་མངོན་རྟོགས་མི་དགོས་སྤྱན་འདྲེན་བྱེད། །གཙོ་བོའི་དཀྱིལ་འཁོར་ཁྱམས་སུ་བཞུགས་པར་བསྒོམ། ། ཨརྒྷཾ་སོགས་ཀྱིས་སྔགས་མཆོད་ཅུང་ཟད་དང་། །བསྲེག་རྫས་རྣམས་ཀྱང་ཅི་འགྲུབ་ཕུལ་བྱས་ནས། །བསྟོད་པ་ཤོ་ལོ་ཀ་ཙམ་བསྟོད་པས་འཐུས། །མེ་ལྷ་ཡི་དམ་ནས་བཟུང་གཙོ་འཁོར་ཀུན། །ཚིག་བསྒྱུར་མི་དགོས་ག་ཞུང་ལྟར་མངོན་རྟོགས་བསྒོམ། །བསྲེག་རྫས་འབུལ་བའི་དུས་ལ་བབ་ཙ་ན། །ཞི་བའི་དུས་སུ་ཐམས་ཅད་སྐུ་མདོག་དཀར། །རྒྱས་པར་སེར་པོ་དབང་ལ་དམར་པོ་དང་། །དྲག་པོར་ནག་པོ་སྒོམ་པ་ཀུན་གྱི་སྲོལ། །ཡང་ན་སྐུ་མདོག་མི་འགྱུར་འོད་ཟེར་འཕྲོ། །འོད་ཟེར་དཀར་པོས་ནད་གདོན་སྡིག་སྒྲིབ་བསལ། །གསེར་མདོག་གིས་ནི་ཚེ་དང་བསོད་ནམས་རྒྱས། །གློག་ཞགས་ལྟ་བུས་འདོད་དགུ་དབང་དུ་བསྡུས། །འོད་ཟེར་མཐིང་ནག་ཚ་ཞིང་རྩུབ་པ་ཡིས། །དགྲ་བགེགས་བྱ་སྒྲོ་མེས་བསྲེགས་ལྟ་བུར་བསྒོམ། །ལྷ་མགྲོན་སྦྱར་དང་མངོན་རྟོགས་མི་འདོན་

[Full Size]

པར། །རང་གི་ཐུགས་ལས་འོད་ཟེར་འཕྲོས་པ་ཡིས། །ལྷ་དེ་སྤྱན་དྲངས་ཡིད་ཀྱིས་དཀྱིལ་འཁོར་བྲི། །རྡོ་ར་དུར་ཁྲོད་ནང་གི་ཁྱམས་དེ་རུ། །བཞུགས་པར་དམིགས་ན་སྤྱན་འདྲེན་བཞུགས་གསོལ་དང་། །ཕྱག་འཚལ་མཆོད་པ་རང་རང་གཏོར་མཆོད་ལྟར། །ཨརྒྱུ་ལ་སོགས་སྔགས་དང་ཕྱག་རྒྱས་མཆོད། །གཏོར་མ་བྱིན་རླབས་སོ་སོའི་གཏོར་མ་འབུལ། །རང་རང་གཞུང་ནས་འབྱུང་ལྟར་བསྟོད་པ་བྱ། །རྗེས་ཆོག་མི་དགོས་སྤྱི་ལ་བྱེད་དོ་ཆོག །དྲག་པོའི་སྦྱིན་སྲེག་ཡིན་ན་སྐབས་འདི་རུ། །སྦྲང་མ་སྐམ་པོ་ཅུང་ཟད་སླ་ངར་བརྗོ། །ཞིབ་པར་བཏགས་པའི་ཕྱེ་མ་མང་ཞིག་འཚག །ཤིང་རུལ་དང་ལྕི་བ་དམར་སུ་སླ་ངར་བསྲེགས་ནས་ཁམ་ཕ་ལེ་བྱ་བའི། ནས་དང་གྲོ་ཤིན་ཏུ་ཆོག་པའི་ཕྱེ་ཞིབ་ལ་རུང་། གསུངས། དྲག་སྔགས་ཀྱིས་ཅུང་ཟད་སྔགས་ལ་རྒྱུ་ལྡོག་དང་མཐུན་པར་ཁ་གྱུས་ནས་མེ་ཞགས་འཕེན་པ་ནི། རང་གི་མདུན་ངོས་ཕྱོགས་ཀྱི་གཙང་ས་དེར། །ནད་པའམ་ནི་གདོན་ཆེན་མི་དེ་ཡིས། །སྤུ་མེད་གོས་གྱོན་ཐབ་ཀྱི་ཉེ་སར་བཞག །ཐབ་ལ་ཤིང་ཞིབ་བསྣོན་ལ་མེ་ཆེན་སྦར། །རྗེའི་སྐུ་ལས་མེ་དཔུང་མཆེད་པ་ཡིས། །དེ་ཡི་ནད་གདོན་གཞོབ་ཐུལ་བསྲེགས་པར་བསྒོམ། །རང་ཉིད་ལངས་ཏེ་སྦྱང་ཕྱེ་སྤར་གང་བཟུང་། །སྙིང་པོ་དང་ནི་སུམ་བྷ་ནི་བརྗོད་ཅིང་། །ཕཊཤར་དང་བཅས་མེ་ལྕེའི་སྐེད་པ་ནས། །སྦྱང་ཕྱེ་ཁོ་ལ་བརྒྱབས་པས་མེ་ཞགས་འགྲོ། །རྒྱབ་ས་མང་པོ་ཡོད་ན་རིམ་བཞིན་བྱ། །ཁྱིམ་མམ་རྟ་ནོར་སོགས་ཀྱི་བགེགས་བསྐྲད་ན། །རྗེའི་སྐུ་ལས་སྤྲུལ་པའི་སྒེའི་ཚོགས། །མེ་

[Full Size]

དཔུང་རྟ་ལ་ཆིབས་པ་མང་པོ་སྤྲོས། །གདོན་ཀུན་ཚིག་ཅིང་རྒྱ་མཚོའི་མཐར་བྲོས་བསྒོམ། །སླ་ང་སྦུབ་ཅིན་ཡུ་བ་རིང་བའི་ནང་། །སྦྱིན་སྲེག་མེ་བཅུས་ཤིང་གི་མེ་སྦར་ཁྱེར། །རྣམ་རྟོག་གང་ཡོད་དེར་སོང་མེ་ཞོགས་རྒྱབ། །མེ་དེ་མི་གཏོར་སྦྱིན་སྲེག་ཐབ་ཏུ་བླུག །གདོན་ཆེན་ལ་སོགས་གལ་ཆེན་མེད་པ་ནི། །དྲག་པོའི་སྦྱིན་སྲེག་སྤྱི་ལ་དེ་མི་དགོས། །དེ་ནས་རྒྱས་པར་མཆོད་པ་བྱིན་རླབས་དང་། །སོ་སོའི་ཕྱི་མཆོད་ཚར་གཅིག་མཆོད་བྱས་ཏེ། །བསྡུ་ན་སྔགས་མཆོད་ཚར་གཅིག་བྱས་པའི་རྗེས། །ཡི་དམ་གང་ཡིན་རྩ་སྔགས་ཤམ་བུ་རུ། །ས་པཱ་རི་ཝཱ་ར་ཞེས་པ་སྦྱར་བའི་མཇུག་ཏུ། །བསྲེག་རྫས་སོ་སོའི་སྔགས་ནི་སྦྱར་བཞིན་དུ། །གྲངས་ཀ་མི་བཟུང་ཅུང་ཟད་མ་གཏོགས་ཧཱུཾ་ཕུལ། །དེ་ནས་ཡི་དམ་གང་ཡིན་བསྟོད་པ་དང་། །མ་འབྱོར་པ་དང་ཞེས་སོགས་བཤགས་པ་དང་། །ཡེ་ཤེས་པ་གཤེགས་བཛྲ་མུཞེས་བརྗོད། དམ་ཚིག་པ་སྙིང་གར་ཐིམ་པར་གྱུར། ༀ་ཨཱཿ ཧཱུྃ། །མར་ཁུ་ཅུང་ཟད་ཐབ་ཏུ་འབུལ་བྱས་ལ། །མེ་ལྷ་འབར་བའི་ཀློང་ནས་བཞེངས་པར་གྱུར། །ཨོཾ་ཨཀྵེ་དེ་ཝ་ས་པཱ་རི་ཝཱ་ར༔ དེ་ལ་ཨརྒྷཾ་སོགས་ཀྱིས་མཆོད་ལྷག་འབུལ། །འབྲུ་སྔགས་སོ་སོ་བཏགས་ལ་ལྷག་སྒྱོམེད་འབུལ། །མེ་ལྷའི་གཏོར་མ་མར་ཁུས་བྲན་བྱས་ལ། །ཐབ་ཀྱི་གཡོན་ངོས་ཡོན་བདག་དེ་ཡིས་བཀྱག །ཨོཾ་ཨ་ཀཱ་རོ་ཡིས་བྱིན་རླབས་བྱས་ཏེ། ཨོཾ་ཨགེ་དེ་ཝཱ་ས་པཱ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི།

[Full Size]

མེ་སྟེ་བསྲེག་བྱ་ཟ་བའི་ལྷ། །།དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པའི་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །འདོད་གསོལ་ཀུན་གྱི་རྗེས་ཟློས་བཅུག །གཏོར་མའི་ཕུད་ནི་མེ་ནང་མཆོད། །དྲག་པོ་ཡིན་ན་ལྷག་མེད་འབུལ། །འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིའི་དབང་བསྐུར་བས། །ཤེས་རབ་མཆོག་གིས་ཉོན་

[Full Size]

མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཨོཾ་མ་འབྱོར་པ་དང་ཉམས་པ་ནས། །དེ་ཀུན་དྲང་སྲོང་བཟོད་པར་གསོལ། །ཨོ་བཛྲ་སཏཱ་ས་མ་ཡ་སོགས། །འདི་རུ་ཡིག་བརྒྱ་ཚར་གཅིག་བཟླ། །བདག་གི་དོན་དང་གཞན་གྱི་དོན། །བྱིན་ཟ་ཁྱོད་ཀྱིས་བསྒྲུབས་ཀྱིས་གཤེགས། །ཇི་བཞིན་དུས་སུ་སླར་བྱོན་ཏེ། །བདག་གི་དངོས་གྲུབ་ཐམས་ཅད་སྒྲུབས། །ཨོ་ཨགེ་དེ་ཝ་ས་པཱ་རི་ཝཱ་ར་བཛྲ་མུཿ ཡེ་ཤེས་མེ་ལྷ་ཤར་ལྷོར་གཤེགས། །དམ་ཚིག་མེ་ལྷ་འབར་བ་ཡི། །རྣམ་པར་མི་དམིགས་པར་གྱུར་ཏོ། །སྤྱན་འདྲེན་ཕྱག་རྒྱས་ཕྱིར་བསྐྱེད་བྱ། །འདིར་སྐབས་ཐོག་མེ་ལ་ཕུ་སུས་བྱས་ན་སོ་ནད་ཕན་ཞེས་ཟེར། མཆོད་སྦྱིན་གནས་འདིར་གང་ལྷགས་པ། །ནས་བྷ་ཏ་གཙཱའི་བར་དུ་བརྗོད། ཞི་རྒྱས་ཁོ་དབང་གསུམ་བཀྲ་ཤིས་བརྗོད། །དྲག་པོ་ལ་ནི་མི་བརྗོད་དོ། །བགེགས་རིགས་སྟོང་ཕྲག་བརྒྱད་ཅུ་ཞི་སོགས་བྱ། །དེ་ནས་དབྱངས་གསལ་རྟེན་འབྲེལ་སྙིང་པོ་བརྗོད། །དེ་ནས་དགང་གཟར་ཁ་ནི་སྦྱར་བཞག་ཅིང་། །རྡོར་དྲིལ་མི་འབྲལ་ངག་བཅད་དམ་པར་བྱ། །ཞི་བའི་སྦྱིན་སྲེག་ཡིན་པས་སྲུང་སྐུད་མདུད། །སྔགས་ནི་ཡི་དམ་རྩ་སྔགས་མཇུག་ཏུ་ནི། །འཆང་བ་པོ་ལ་རཀྟ་བཏགས་པས་སྔགས། །ལྷ་ནི་མ་གཤེགས་གོང་དུ་སྦྱིན་སྲེག་སྟེང་། །མེ་

[Full Size]

ཁར་ལན་གསུམ་གཡུགས་ནས་འཚག་བྱ་སྟེ། །གཏོར་མ་བཀྱག་ནས་འདོད་གསོལ་བྱེད་པའི་སྐབས། །རང་དང་བསྲུང་བྱ་རྣམས་ལ་བཏགས་པ་ན། །སྦྱིན་སྲེག་ལ་བརྟེན་སྲུང་བའི་ལས་ཚོགས་ཟབ། །ཞི་བ་སྒྲིབ་སྦྱང་ཐལ་བ་ཆུ་ལ་དོར། །ཆུ་འཐུང་སེམས་ཅན་སྒྲིབ་པ་དག་པར་བཤད། །རིམ་གྲོ་ཞི་བའི་ཐལ་བ་ཞིང་བཙའ་སར། །ར་ལུག་གོད་ཀ་ལང་བའི་ལྷས་དང་ནི། །ནད་པའི་ཉལ་ས་འོག་ཏུ་བཏབ་པར་བཤད། །རྒྱས་པའི་ཐལ་བ་མཛོད་ཕུགས་ནོར་ལྷས་ནང་། །དབང་གི་ཐལ་བ་ཆ་གཅིག་ཁྱིམ་དོར་བཞག །ཆ་གཅིག་ཀུན་གྱིས་འཐུང་བའི་ཆུ་ལ་བླུག །དྲག་པོའི་སྦྱིན་སྲེག་རིམ་གྲོ་ཡིན་ན་ནི། །མ་ཎི་འོག་གམ་རྒྱ་གྲམ་ལམ་དུ་བླུག །འབྱུང་པོ་ཕྲན་བུ་ཐལ་བས་འཆི་གསུངས་པས། །ཞོ་ཆང་ལད་པའི་འོག་ཏུ་བླུགས་ན་ཐུབ། །ཐབ་ནི་སོར་བརྒྱད་ནས་བཟུང་ཁྲུ་སྟོང་བར། །རུང་བར་སྡོམ་པ་འབྱུང་བའི་རྒྱུད་ལས་གསུངས། །དེ་ཕྱིར་ལས་ནི་བཞི་ཀར་ཁྲུ་རེ་འདི། །སྟབས་བདེ་སློབ་དཔོན་ཕྱག་ལེན་ལ་ཡོད་དོ། །ཐབ་དབུས་དཀྱིལ་འཁོར་བྲི་དང་ལྷ་ཚོན་སོགས། །མི་དགོས་པ་ནི་མཁས་པ་མང་པོས་གསུངས། །ཐབ་ནི་མི་བརྩེགས་མི་བྲི་སྟེགས་བུའི་སྟེང་། །ཐབ་དབྱིབས་ཤིང་བརྩེགས་ཆོག་པའི་ལུགས་ཀྱང་ཡོད། །དེ་ཕྱིར་ཐབ་དང་ཐབ་ཐིག་ལ་སོགས་པ། །ཧ་ཅང་དཀའ་སྣང་མི་དགོས་ཅི་བྱུང་ཆོག །དོ་གལ་ཆེ་བ་སྔགས་དང་ཏིང་འཛིན་ཡིན། །དང་པོ་ལྷ་ཡི་སྔགས་ནི་གཅིག་བརྗོད་ཅེས། །བསྲེག་རྫས་སྔགས་ཉིད་ཁོ་ན་བརྒྱ་བརྗོད་ཅིང་། །མཇུག་ཏུ་འདོད་གསོལ་ཤམ་བུ་གཅིག་བརྗོད་

[Full Size]

པས། །གྲངས་ཀུན་ཞེས་བྱ་རྣམ་པར་མ་དག་སྟེ། །དེང་སང་རོ་སྲེག་མཁན་པོ་ཀུན་གྱིས་བྱེད། །རྩ་སྔགས་ཤམ་བུ་འབྲུ་སྔགས་གསུམ་སྦྲེལ་ལ། །གཅིག་ཏུ་བརྩི་བའི་གྲངས་ནི་རྣམ་པར་དག །རྡོ་རྗེ་གུར་ལས་སྦྱིན་སྲེག་མ་བྱས་སྐྱོན། །གང་ཡིན་སྦྱིན་སྲེག་མ་བྱས་ན། །འཇིག་རྟེན་འདི་འམ་གཞན་དག་ན། །དེ་ལ་མཆོག་གི་དངོས་གྲུབ་མེད། །ཅེས་གསུངས་པཎ་ཆེན་ཨ་བྷཱ་ཡས། །སྦྱིན་སྲེག་དང་བྲལ་ལས་རྣམས་ལ། །ཡང་དག་དངོས་གྲུབ་མི་འབྱུང་སྟེ། །ཞེས་གསུངས་སྦྱིན་སྲེག་བྱས་པའི་ཕན་ཡོན་ནི། །ཡང་དག་སྦྱོར་བའི་རྒྱུད་ཆེན་ལས། །སྦྱིན་སྲེག་གིས་ནི་ལྷ་རྣམས་ཚིམ། །ཚིམས་ནས་དངོས་གྲུབ་མྱུར་དུ་སྩོལ། །གང་གི་སྔགས་ཀྱི་ལྷག་ཆད་དག །སྦྱིན་སྲེག་གིས་ནི་དེ་ཀུན་བསྐང་། །ཞེས་གསུངས་བརྟག་པ་བཅུ་པ་ལས། །མེ་ནི་ལྷ་ཡི་ཞལ་དུ་བརྗོད། །སྦྱིན་སྲེག་ལྷ་རྣམས་ཚིམ་བྱེད་དེ། །ཚིམ་པ་ལས་ནི་དངོས་གྲུབ་སྩོལ། །སྔགས་འདི་ལྷག་གམ་མ་ཚང་གར། །ཐམས་ཅད་སྦྱིན་སྲེག་དག་གིས་བསྐང་། །དེ་ནས་སྐུ་གསུང་མཆོག་སྐྱེས་པ། །སྦྱིན་སྲེག་གིས་ནི་སྔགས་པ་བརྗོད། །རྩ་རྒྱུད་པདྨ་དྲྭ་བ་ལས། །སྦྱིན་སྲེག་གིས་ནི་ལྷ་མཉེས་ཤིང་། །སྔགས་འགྲུབ་སྔགས་ཀྱི་ལས་རྣམས་འགྲུབ། །དྲང་སྲོང་ཚོགས་རྣམས་ཐམས་ཅད་དང་། །དྲི་ཟའི་ཚོགས་རྣམས་ཐམས་ཅད་དང་། །འབྱུང་པོའི་ཚོགས་རྣམས་ཐམས་ཅད་རྣམས། །སྦྱིན་སྲེག་གིས་ནི་རབ་དགའ་བ། །རྣལ་འབྱོར་གྲོགས་མཛད་སྲུང་བ་དང་། །སྐྱབས་ཕྱིར་ཚེ་རིང་དཔལ་འཕེལ་ཞིང་། །ནད་མེད་

[Full Size]

ལོངས་སྤྱོད་འགྲུབ་པ་དང་། །བསམ་པ་ཡིད་བཞིན་འགྲུབ་པར་འགྱུར། །ཞེས་གསུངས་བཟང་པོ་ཡོངས་བཟུང་ནས། །མ་དྲན་པ་དང་མ་ནུས་པ། །ཆོ་ག་མ་ཚང་གྱུར་པ་རྣམས། །སྦྱིན་སྲེག་གིས་ནི་རྫོགས་པར་བྱེད། །ཅེས་གསུངས་ཆོས་སྐྱོང་གཏོར་རྒྱུད་ལས། །བཅོམ་ལྡན་འདས་ཀྱིས་བཀའ་བསྩལ་པ། །གང་དག་འདོད་པ་ཞི་བ་དང་། །སྡིག་པ་སྒྲིབ་པ་དག་འདོད་པས། །ཞི་བའི་སྦྱིན་སྲེག་བྱ་བའོ། །ཚེ་དང་བསོད་ནམས་རྒྱས་པ་དང་། །དཔལ་འབྱོར་ཐམས་ཅད་རྒྱས་འདོད་པས། །རྒྱས་པའི་སྦྱིན་སྲེག་རྒྱས་པར་བྱ། །འཇིག་རྟེན་འདས་དང་འཇིག་རྟེན་པ། །རྒྱལ་པོའི་བུ་ལ་སོགས་པ་དག །དབང་དུ་འདུ་བར་འདོད་པ་ཡིས། །དབང་གི་སྦྱིན་སྲེག་རྫོགས་པར་བྱ། །དྲག་པོས་དགྲ་བགེགས་མ་ལུས་པ། །དྲག་པོའི་ལས་ཀྱིས་བསྒྲལ་བའི་ཕྱིར། །དྲག་པོའི་སྦྱིན་སྲེག་རྫོགས་པར་བྱ། །ཞེས་གསུངས་བསྲེག་རྫས་སོ་སོའི་དོན། །བདེ་མཆོག་སྡོམ་པ་འབྱུང་བ་ལས། །དེ་ལས་གཞན་ཡང་སྦྱིན་སྲེག་པ། །ཡན་ལག་ཀུན་འབྱུང་འབྲས་རབ་བཤད། །ས་དང་ས་གཞི་ཡན་ལག་རྒྱས། །ཐབ་ཀྱིས་ཡན་ལག་ཡོན་བདག་རྒྱས། །མར་གྱིས་འབྱོར་པ་ཐམས་ཅད་བྱེད། །ཡོམ་ཤིང་གཟི་བརྗིད་རྣམ་པར་འཕེལ་བའོ། །བུད་ཤིང་ལྷག་པར་དཔའ་བར་བྱེད། །ཀུ་ཤས་ཐམས་ཅད་སྲུང་བར་བྱེད། །ཡུངས་དཀར་པོས་ནི་ཞི་བར་བྱེད། །འབྲས་ཀྱིས་རྒྱས་པར་བཤད་པར་བྱེད། །ཏིལ་གྱིས་སྡིག་པ་འཇོམས་པར་བྱེད། །སོ་བས་ནོར་དང་འབྲུ་རྣམས་བཀུག །མ་ཤས་སྟོབས་ནི་ཆེན་པོར་བྱེད། །ནས་ཀྱིས་

[Full Size]

རླུང་གི་ཤུགས་རབ་བརྟན། །དུར་བས་ཚེ་ནི་འཕེལ་བར་བྱེད། །གྲོ་ཡིས་ནད་ནི་འཇོམས་པར་བྱེད། །འོ་མ་སྦྲང་རྩིས་ཤེས་རབ་འཕེལ། །ཟས་མཆོག་གིས་ནི་བདེ་ཀུན་སྟེར། །མེ་ཡིས་འདོད་དོན་དངོས་གྲུབ་སྟེར། །གང་འདོད་ལས་ནི་གྲོལ་བ་སྩོལ། །ལྷག་མ་ལས་ཀྱི་རྗེས་མཐུན་པ། །ཞི་སོགས་ལས་བྱེད་ཤེས་པར་བྱ། །ཞེས་གསུངས་རྒྱ་གཞུང་འགའ་ཞིག་ལས། །ཤིང་ཐོག་ཕུན་ཚོགས་བུ་རྒྱུད་འཕེལ། །མེ་ཏོག་ཁ་དོག་གཟི་བརྗིད་འཕེལ། །དྲི་དང་སོ་རྩིས་བཀྲ་ཤིས་བྱེད། །ཅེས་གསུངས་དོན་ལ་ཡིད་ཆེས་བྱ། །ཨེ་མ། ལས་བཞིའི་ཆོ་ག་རྒྱས་པར་མཁྱེན་འདོད་ན། །མི་བསྐྱོད་ཞབས་དང་དབང་ཕྱུག་རྡོ་རྗེ་ཡིས། །མཛད་པའི་རྒྱུས་པ་རྣམས་ལྟར་ཉམས་སུ་ལོངས། །གསར་རྙིང་སྤྱི་ཡི་ལས་བཞིའི་སྦྱིན་སྲེག་ནི། །དཔེའུ་རིས་དང་བཅས་བདག་གིས་ལོགས་སུ་བཀོད། །འདི་ནི་གསར་བུའི་ལག་ཏུ་བླང་བདེར་བྱས། །བྲམ་ཟེའི་མཆོད་སྦྱིན་རིག་པ་འདི་ཉིད་ལ། །ཁོ་བོ་མི་ཚེར་གོམས་འདྲིས་ཆེ། དྲག་པས། །འདི་ལ་འགལ་འཁྲུལ་ཉེས་པ་མེད་སྙམ་ཡང་། །མཆིས་ན་བླ་མ་ལྷ་དང་དཀྱིལ་འཁོར་བཤགས། །དགེ་བས་འབྲེལ་ཐོགས་ཀུན་གྱི་འགལ་རྐྱེན་བསྲེགས། །མཐུན་རྐྱེན་བཀྲ་ཤིས་དཔལ་དུ་འབར་གྱུར་ཅིག །གསང་སྔགས་བསྟན་པ་མེ་ལྟར་འབར་བར་ཤོག །ཅེས་པ་འདི་ནི་བློ་ཆུང་གསར་བུ་འགས། །ལག་སྡུག་གོ་བ་ཤེས་རབ་ཆུང་བ་ཡང་། །སྦྱིན་སྲེག་བླུག་འདོད་ཆེ་བས་རྣ་བ་རྩོལ། །ལྔ་སེར་བརྩི་ཐབས་ལོགས་སུ་བཀོད་ལ་ལྟོས། །དེ་མིན་གཞན་ནི་འདི་

[Full Size]

ལ་མི་དགོས་སོ། །ཨ་རཱ་གས་སོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལས་བཞིའི་སྦྱིན་སྲེག་ཤིན་ཏུ་བསྡུས་པ།

[Full Size]

ལས་བཞིའི་སྦྱིན་སྲེག་ཤིན་ཏུ་བསྡུས་པ་བཞུགས་སོ། །

[Full Size]

ན་མོ་གུ་རུ་དེ་ཝ་ཌཱ་ཀི་ནི་ཧཱུཾ། ལས་བཞིའི་སྦྱིན་སྲེག་ཤིན་ཏུ་བསྡུས་པ་ནི། །ས་སྟེགས་བཅག་སྟེང་དཀར་གཏོར་གཅིག་བཤམས་བྲན། །ཧཱུྃ་ལས་རིན་ཆེན་སྣོད་དུ་གཏོར་མ་ནི། །དཀར་གསུམ་མངར་གསུམ་བདུད་རྩིའི་རྒྱ་མཚོར་གྱུར། །ས་ཡི་ལྷ་མོ་བརྟན་མ་ལ་སོགས་པའི། །ས་བོདག་ཡུལ་བདག་གྲོང་བདག་གནས་བདག་རྣམས། །ས་རིན་བདུད་རྩིའི་གཏོར་མ་འདི་བཞེས་ལ། །བཞིན་བཟང་འདི་རུ་མ་འདུག་གཞན་དུ་གཟུར། །བདག་གིས་བསྲེག་བླུགས་ཆོ་ག་བྱེད་པ་ལ། །ཀོ་ལོང་རུ་ང་ཕྲག་དོག་མ་མཛད་པར། །བདག་གི་དཔུང་གཉེན་སྟོང་གྲོགས་མཛད་དུ་གསོལ། །

[Full Size]

ཨོཾ་པྲི་ཐི་དེ་ཝི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། སྔགས་ལན་གསུམ་དང་། བཛྲ་མུ༔ ཞེས་ཕུལ། ཐིག་ཚོན་བྱིན་རླབས་ནི། ཨ། སྟོང་པའི་ངང་ལས་ཐིག་དང་ཚོན་རྣམས་ནི། །རིགས་ལྔའི་རང་བཞིན་ཁ་དོག་ལྔ་ལྡན་གྱུར། །ཨོཾ་ཨཱཿ ཧཱུྃ་སྭཱ་ཧཱ། དེ་ནས་ཡེ་ཤེས་པའི་ཐིག་ནམ་མཁར་གདབ། དེ་ནས་ཐིག་ཆེན་བརྒྱད་གདབ། དབུས་སུ་སྣ་ཚོགས་པདྨ་འདབ་བརྒྱད་བྲི། །དེ་དབུས་ཞི་བ་ལ་རྡོ་རྗེ་དཀར་པོ། རྒྱས་པ་ལ་ནོར་བུ་སེར་པོ། དབང་ལ་པདྨ་དམར་པོ། དྲག་པོ་ལ་རྡོ་རྗེ་སྔོན་པོ་ཁ་གདེངས་བ་བྲི། དེ་རྒྱབ་ཐབ་ཀྱི་རྒྱ་ནི། ཞི་བར་ཁྲུ་གང་ཟླུམ་པོ་དཀར། །རྒྱས་པར་གྲུ་བཞི་ཁྲུ་དོ་སེར། །དབང་ནི་ཟླ་གམ་དམར་པོ་སྟེ། །དྲག་པོར་གྲུ་གསུམ་ནག་པོ་

[Full Size]

ཡིན། །དེ་གཉིས་ཁྲུ་རེ་རྙིང་མའི་ལུགས། །དཔེའུ་རིས་ལྟར་བྲིས་པའི་སྟེང་། །ལས་མཐུན་ཤིང་ཡང་དེ་ལྟར་བརྩེགས། །དེ་སྟེང་ལས་མཐུན་མདའ་དར་བཙུགས། །ཞི་རྒྱས་དབང་གསུམ་མཚུངས་པ་སྟེ། །བསྲེག་རྫས་གཡས་ལ་མཆོད་རྫས་གཡོན། །དྲག་པོར་དེ་ལས་གོ་ལྡོག་བྱ། །མཆོད་གཞི་གོས་ལྡན་ཐོད་པ་སོགས། །ལས་ཀྱི་ཁ་དོག་འཛོམས་ན་ལེགས། །ཡི་དམ་མེ་ལྷའི་གཏོར་མ་གཉིས། །དབྱིབས་དང་རྒྱན་ཡང་ལས་དང་བསྟུན། །ཡམ་ཤིང་ཐབ་ཀྱི་ཕྱེད་དེ་ཡིན། །ཡམ་ཤིང་མར་ཁུ་མེད་ཐབས་མེད། །ལས་ནི་གང་སྒྲུབ་བསྲེག་རྫས་རྣམས། །ཅི་མང་འབུལ་ཞིང་བསྲེག་རྫས་གཞན། །ཅི་འཛོམ་འབུལ་ཞིང་མེད་ཀྱང་རུང་། །སྡིག་སྒྲིབ་ཞི་ཕྱིར་ཏིལ་ཉིད་དེ། །བགེགས་ཞི་བ་ལ་ཡུངས་དཀར་ཉིད། །ནད་ཞི་བ་ལ་གྲོ་ཡིན་ནོ། །ཚེ་རྒྱས་པ་ལ་དཱརྦ་སྟེ། །བསོད་ནམས་རྒྱས་པར་འདོད་ན་འབྲས། །ནོར་འབྲུ་རྒྱས་པར་སོ་བ་ཡིན། །བདེ་སྐྱིད་དབང་འདུས་ཟས་མཆོག་སྟེ། །དྲག་པོར་ཤ་དུམ་ལིང་ག་ཡིན། །ལིང་གར་བཀུག་གཞུག་བསྒྲལ་ལས་བྱ། །བདུད་རྩིས་བྲན་ཞིང་བྱིན་བརླབས་ནས། །ཨོཾ་སྭ་བྷ་ཝ་སོགས། སྟོང་པའི་ངང་ལས་ལས་དང་མཐུན་པའི་སྣོད་དུ། བསྲེག་རྫས་འདོད་ཡོན་ཕུན་སུམ་ཚོགས་པར་གྱུར། །ཨོཾ་ཨཱཿ ཧཱུྃ། ཨོཾ་ཋ་ཋ་ཋ་ཋ་ཋ། རྡོ་རྗེ་དང་དྲིལ་བུ་བཅས་པས་དགང་བླུགས་ཁ་སྦྱར་ཞིང་བསྲེག་རྫས་ཐམས་ཅད་ལ་རེག་ཅིང་། ཨོཾ་ཨཱཿ ཧཱུྃ་སྭཱ་ཧཱ། ཡམ་ཤིང་ལ་རེག་ཅིང་། ཨོཾ་ཤྲཱིཾ་སྭཱ་ཧཱ། མར་

[Full Size]

ཁུ་ལ་རེག་ཅིང་། ཨོཾ་ཨ་སྭཱ་ཧཱ། འབྲུ་ཐམས་ཅད་ལ་རེག་ཅིང་། ཨོ་ཛཾ་སྭཱ་ཧཱ། རྫས་ཐམས་ཅད་རེག་ཅིང་། ཨོཾ་ཀུ་རུ་ཀུ་རུ་སྭཱ་ཧཱ། ཀུ་ཤ་ཐབ་ཀྱི་ཁ་ཁྱེར་གཡས་སུ་བསྐོར། །དྲག་པོ་ལ་གཡོན། །དུ་བསྐོར་ཞིང་བཀོད་ཅིང་། །ཨོཾ། ཀུ་ཤ་འདི་ནི་གཙང་ཞིང་དགེ །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པ་འདབ་མའི་སྙིང་། །བདག་གིས་བགེགས་རྣམས་ཐམས་ཅད་ནི། །ཞི་ཞིང་བདེ་ལེགས་མཛད་དུ་གསོལ། །ཨོཾ་བཛྲ་ས་ཏཱ་ཨཱཿ ཞེས་ཀུ་ཤ་ཆུན་པོ་གཉིས་རྒྱ་གྲམ་དུ་བྱས་ལ། རྩེ་མོ་ལས་གང་བྱེད་ཕྱོགས་སུ་བསྟན་ལ་ཐབ་སྟེང་བཞག །དེ་ནས་མེ་ཐབ་བྲན་ལ། ཨོཾ་བཛྲ་ཨ་མྲྀ་ཏེ་ཧཱུཾ་ཕཊ། ཨོཾ་སྭ་བྷ་ཝ་སོགས། སྟོང་པའི་ངང་ལས་ལས་དང་མཐུན་པའི་ཐབ་བྲིས་པ་ལྟ་བུའི་ཐབ་མཚན་ཉིད་ཡོངས་སུ་རྫོགས་པའི་དབུས་སུ་པདྨ་དང་ར་སྐྱེས་ཀྱི་གདན་ལ། རཾ་ལས་མེ་ལྷ་ལས་དང་མཐུན་པའི་ཁ་དོག་ཅན། ཞལ་གཅིག་ཕྱག་བཞི་སྤྱན་གསུམ་རལ་པའི་ཐོར་ཚུགས་ཅན། གཡས་གཉིས་ཚངས་དབྱུག་དང་མི་འཇིགས་པའི་ཕྱག་རྒྱ། གཡོན་གཉིས་ཕྲེང་བ་དང་རིལ་བ་འཛིན་པ། མེ་ལྕེ་སྟོང་གིས་དཀྲིས་ཤིང་འོད་འབར་བར་བསམ། དེའི་དཔྲལ་བར་ཨོཾ། མགྲིན་

[Full Size]

པར་ཨཱཿ ཐུགས་ཀར་ཧཱུྃ་དང་རཾ་གྱིས་མཚན་པར་གྱུར། མེ་རུ་ཐོགས་ལ། ཧཱུྃ། ཕྱོགས་བཞི་ཀུན་ནས་མེ་ལེན་མ། །རིགས་བཞི་མཁའ་འགྲོ་ལས་ཀྱི་མདོག །དྲི་ཟ་གཤིན་རྗེ་གྲུལ་བུམ་དང་། །གནོད་སྦྱིན་ལག་ནས་མེ་ལོངས་ལ། །ལས་འདི་འགྲུབ་པའི་མེ་སྦོར་ཅིག །ཨོཾ་ཛཱ་ལ་ཛཱ་ལ་ཧཱུཾ། ཐབ་ཀྱི་ཤར་ལྷོ་ནས་མེ་སྦར་རོ། །དེ་ནས་བུད་ཤིང་ཞིག་ཐོགས་ལ། །ཧཱུྃ༔ མཚམས་བཞི་ཀུན་ནས་ཤིང་ཐུ་མ། །ཤུགས་འགྲོ་བཞི་པོ་ལས་ཀྱི་མདོག །མེ་ལྷ་བདེན་བྲལ་རླུང་ལྷ་དང་། །དབང་ལྡན་ཡུལ་ནས་ཤིང་ཐུས་ལ། །ལས་འགྲུབ་མེ་ནི་འབར་བར་མཛོད། །རླུང་གཡབ་མ་ཡིས་རླུང་གཡོབ་ཅིག །ཨོཾ་ཨཱཿ ཧཱུཾ། དེ་ནས་མདའ་དར་ཐོགས་ལ། ཧཱུྃ། ཡེ་ཤེས་ལྔ་ཡི་མེ་དཔུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་ཕྱོགས་བཞི་དབུས་ལྔར་མ་འཕྲོ་ཞིག །མེ་ལྕེ་ཕྱོགས་བཞི་དབུས་ལྔར་འཕྲོས་གྱུར་ན། །གང་བརྩམ་ཕྲིན་ལས་འགྲུབ་པར་མི་འགྱུར་བས། །དེ་ཕྱིར་མེ་ལྕེ་གཞན་དུ་མ་འཕྲོ་ཞིག །ཅེས་བརྗོད་མེ་དར་གཡབ་བོ། །ཐབ་ཏུ་གནས་པའི་མེ་ལྷ་དམ་ཚིག་སེམས་དཔའི་ཐུགས་ཀའི་འོད་ཟེར་གྱིས། འཇིག་རྟེན་ཤར་ལྷོ་ནས་མེ་ལྷ་དྲང་སྲོང་སྤྱན་

[Full Size]

དྲངས། བཛྲ་ས་མཱ་ཛ༔ ཕྱག་གཡས་རྡོ་རྗེ་དང་བཅས་མཐེ་བོང་སྲིན་ལག་གི་རྩར་མནན་ཞིང་རྣ་བ་གཡོན་ངོས་སུ་ཁྱེར་ལ། ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་ལྷ་ཆེན་པོ། །མེ་ལྷའི་རྒྱལ་པོ་དྲང་སྲོང་མཆོག །བསྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་གཤེགས་སུ་གསོལ། །ཨོཾ་ཨག་ཡེ་སརྦ་ཛཱ་ལ་ཡ། ཟླཛཧཱུྃ་བཾ་ཧོ༔ མེ་ལྷ་ཡེ་ཤེས་པ་དང་དམ་ཚིག་པ་དབྱེར་མེད་དུ་གྱུར་པ་ལས། དབང་ལྷ་སྤྱན་དྲངས་དབང་བསྐུར་རིགས་བདག་གིས་དབུ་བརྒྱན་པར་གྱུར། དངོས་འབྱོར་ཡིད་ཀྱིས་སྤྲུལ་པ་ཡི། །བསྲེག་རྫས་དམ་རྫས་ཉེར་སྤྱོད་རྣམས། །མེ་ལྷ་དྲང་སྲོང་ཁྱེད་ལ་འབུལ། །བཞེས་ནས་ལས་བཞི་འགྲུབ་པར་མཛོད། །ཨོཾ་ཨག་ཡེ། ཨགྷཾ་པཱདྱེ་པུབྦེ་དྷ་པེ་ཨཱ་ལོ་ཀེ་གྷནྡྷེ་ནེ་ཝི་དུ་ཤརྡ་ཨཱཧཱུྃ། དགང་བླུགས་ཀྱི་ཁར་ཡི་དམ་གྱི་ས་བོན་དང་། མེ་ལྷ་ཞལ་ཅུང་ཟད་གདངས་བའི་ལྗགས་ལ་རཾ་ཡིག་གིས་མཚན་པས་བསྲེག་རྗེས་བདུད་རྩི་བཞེས་པར་གྱུར་པར་བསམས་ལ་རྡོར་དྲིལ་དང་མ་བྲལ་བར་དགང་བླུག་ཏུ་མར་ཁུ་གསུམ་བླུགས་ལ། ཨོཾ་ཨགྣེ་ཡེ་སྭཱ་ཧཱ། དེ་ནས་ཁ་སྦྱར་ལ་ཐབ་ཀྱི་གཡས་ནས་གཡོན་དུ་བསྐོར་ཞིང་། ཨོཾ་ཨགྣེ་ཡེ་ཧ་

[Full Size]

བྱ་ཀ་བྱ་ཝ་ཧ་ན་ཡ་ཨ་དི་བྱ་སྭཱ་ཧཱ། ཞེས་ཐབ་ཏུ་འབུ།་དེ་འདྲ་གསུམ་བྱ་བ་མེ་སྤྲུག་བརྟག་པའོ། །ཨོ་ཨཀྵེ་ཡེ་དྷེ་ཝ་ཏ་ཡེ་སྭཱ་ཧཱ། ཞེས་མེ་ལྷའི་སྔགས་འདི་ལ་བསྲེག་རྫས་གང་ཡོད་རྣམས་གསུམ་མམ་བདུན་ནམ་ཉེར་གཅིག་གང་འབྱོར་སོ་སོར་སྔགས་ཀྱི་ཤམ་བུ་དང་བཅས་ཕུལ་ལ། ཨོཾ་བྷྱོ་དྷི་བྷིཀཱ་ཡེ་སྭཱ་ཧཱ། ཡམ་ཤིང་སྔགས་སོ། །ཞི་བ་ཡིན་ན། བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། རྒྱས་པ་ལ། །གཟི་བརྗིད་ཕུན་སུམ་ཚོགས་པ་པུཏྟིཾ་ཀུ་རུ་ཨོ། དབང་ལ། ཕུན་སུམ་ཚོགས་པ་ཝ་ཤཾ་ཀུ་རུ་ཧོ༔ དྲག་པོ་ལ། བར་དུ་གཅོད་པའི་དགྲ་བགེགས་མཱ་ར་ཡ་ཧཱུྃ་ཕཊ། དེ་ལྟར་ཀུན་ལ་འགྲེའོ། །མར་ཁུ་ལ། ཨོཾ་ཨཀྵེ་ཡེ་སྭཱ་ཧཱ། འབྱོར་བ་ཕུན་སུམ་ཚོགས། ཏིལ་ལ། ཨོཾ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཡུངས་དཀར་ལ། ཨོཾ་སརྦ་ཨརྦ་སིདྡྷི་ཡེ་སྭཱ་ཧཱ། བགེགས་ཐམས་ཅད་༴ ཟས་མཆོག་ལ། ཨོཾ་སརྦ་སཾ་པ་དེ་སྭཱ་ཧཱ། བདེ་བ་ཕུན་སུམ་ཚོགས་པ་དུཏྤ་ལ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་ཕུན་སུམ་ཚོགས་པ༴ ནས་ལ། ཨོཾ་མ་ཧཱ་བྷེ་ག་ཡེ་སྭ་ཧཱ། ཤུགས་ཕུན་སུམ་ཚོགས་པ༴ གྲོ་ལ། ཨོཾ་བཛྲ་གྷསྨཱ་རི་སྭཱ་ཧཱ། ནད་ཐམས་ཅད་སོ་བ་ལ། ཨོཾ་བཛྲ་བཱི་ཛ་ཡེ་སྭ་ཧཱ། །

[Full Size]

ནོར་དང་འབྲུ་ཕུན་སུམ་ཚོགས་པ༴ སྲན་མ་ལ། ༀ་བཛྲ་མ་ཧཱ་བ་ལ་ཡེ་སྭཱ་ཧཱ། སྟོབས་ཕུན་སུམ་ཚོགས་པ་འབྲས་ལ། ཨོཾ་བཛྲ་པུཥྛ་ཡེ་སྭཱ་ཧཱ། བསོད་ནམས་ཕུན་སུམ་ཚོགས་པ་ཤིང་ཐོག་ལ། ཨོཾ་བཛྲ་ཤི་བ་ཡེ་སྭཱ་ཧཱ། རིགས་རྒྱུད་ཕུན་སུམ་ཚོགས་པ་༔ མེ་ཏོག་ལ། ཨོ་པུབྦེ་སྭཱ་ཧཱ། ཁ་དོག་དང་གཟི་བརྗིད་ཕུན་སུམ་ཚོགས་པ༔ ཇ་ཕུད་ལ། ཨོཾ་ཏཾ་བུ་ལ་ཡེ་སྭཱ་ཧཱ། བཀྲ་ཤིས་ཕུན་སུམ་ཚོགས་པ་རས་ལ། ཨོཾ་བཛྲ་ཝསྣ་ཡེ་སྭཱ་ཧཱ། རྒྱན་གོས་ཕུན་སུམ་ཚོགས་པ། ཀུ་ཤ་ལ། ཨོཾ་ཨ་པྲ་ཏི་ཧ་ཏ་བཛྲ་ཡེ་སྭཱ་ཧཱ། །བསྲུང་བ་ཕུན་སུམ་ཚོགས་པ༔ དྲག་པོར་ལིང་ག་ལ། གནོད་བྱེད་དགྲ་བགེགས་སརྦ་ཤ་ཏྲོ་མཱ་ར་ཡ་ཛྭ་ལ་རཾ་ཁཱ་ཧི། ཞེས་ཕུལ་ལོ། །དེ་ནས་བསྟོད་པ་ནི། ཧཱུཾ། གཟི་བརྗིད་ལྡན་པ་མེ་ཡི་ལྷ། །འབར་བཅས་སྐུ་ཡི་རྒྱན་གྱིས་བརྒྱན། །རྔམས་པའི་བྱིན་ཆེན་ལས་ལ་བརྩོན། །བསྲེག་བླུགས་འབུལ་ལོ་ལས་ཀུན་སྒྲུབས། །ཚངས་པ་འཇིག་རྟེན་མགོན་གྱི་སྲས། །ཞི་ལ་སོགས་པའི་ལྷ་དཔལ་ཏེ། །ཇི་ལྟར་འདོད་པའི་དོན་བསྒྲུབ་པ། །གཟི་བརྗིད་རྒྱལ་པོར་ཕྱག་འཚལ་བསྟོད། །དེ་ནས་ཞི་རྒྱས་དབང་གསུམ་ལ། མེ་ལྷའི་ལྟོ་བར༔ དྲག་པོར་མར་ཁུ་

[Full Size]

གསུམ་ཕུལ། མེ་ལྷ་འོད་དུ་ཞུ་མེ་དཔུང་གི་དབུས་སུ། ལྷ་གང་ཡིན་གྱི་མངོན་རྟོགས་སྤྱན་འདྲེན་བཞུགས་གསོལ་མཆོད་པ་རྣམས་ལས་བྱང་ལྟར་ལས། གཏོར་མའི་མཆོད་པ་སྐྱུར། རྒྱས་པར་ན་ཕྱི་མཆོད་དང་སྨན་རཀ་རྣམས་ཅུང་ཟད་རེ་ལྷའབུལ། ལྷ་གང་ཡིན་གྱི་སྔགས་མཐར་བསྲེག་རྫས་སོ་སོའི་ཤམ་བུ་དང་བཅས་སྦྱར་ལ་འབུལ། ཡམ་ཤིང་དང་མར་ཁུ་གཉིས་མེད་ཐབས་མེད། དེ་ནས་བསྲེག་རྫས་གཙོ་བོ་གང་ཡིན་བརྒྱ་རྩ་དང་། གཞན་ཅི་འབྱོར་འབུལ།་མེད་ཀྱང་རུང་། ལྷ་གང་ཡིན་གྱི་ལས་བྱང་ཚིགས་བཅད་ཀྱིས་གཏོར་མ་འབུལ། སོ་སོའི་བསྟོད་པས་བསྟོད། མེ་ཞགས་འཕེན་དགོས་བྱུང་ན་སྐབས་འདིར་འཕེན་ཏེ། མཚམས་གཅོད་ཀྱི་ཚིག་དང་། སུམྦྷ་ནི་སོགས་དང་། ལྷ་གང་ཡིན་གྱི་དྲག་སྔགས་བརྗོད་ཅིང་བརྒྱབ། ཞི་རྒྱས་དབང་གསུམ་ལ་མེ་ཞགས་གསོལ་མེད། འདོད་གསོལ་གང་འདོད་བརྗོད་དོ། །ཚོགས་བྱ། དེ་ནས་རྗེས་ཆོག་ནི། གུ་རུ་དྷེ་ཝ་ཌཱ་ཀི་ནི་ཨབྷཾ་པཱདྱེ་པུཥྛ་དྷ་པེ་ཨཱ་ལོ་ཀེ་གནེ་ནེ་ཝི་དྱ་ཤབྡ་ཨཱཿ ཧཱུྃ། ཞེས་བསྲེག་རྫས་ལྷག་མ་རྣམས་ལན་གཉིས་གསུམ་ཕུལ། བསྟོད་པར་འོས་པ་ཐམས་ཅད། །སོགས་ཀྱིས་བསྟོད། མ་འབྱོར་པ་དང་ཉམས་པ་དང་། །སོགས་ཡིག་བརྒྱ་བཟླ། ཨོ། ཁྱེད་ཀྱིས་སེམས་ཅན་དོན་ཀུན་མཛོད། །སོགས་ནས་གཤེགས། ཡེ་ཤེས་པ་བཛྲ་མུཿ དམ་ཚིག་པ་རང་གི་སྙིང་གར་ཐིམ་པར་གྱུར། དེ་ནས། སྐད་ཅིག་

[Full Size]

གིས་མེ་ལྷ་མེ་དཔུང་གི་དབུས་ནས་བཞེངས་པར་གྱུར་པར་བསམས་ལ། མེ་ལྷའི་གཏོར་མ་མར་ཁུས་བྲན་ལ། མཆོད་གཡོག་པས་ཐབ་གཡོན་ངོས་སུ་བཟུང་ལ། ཨོཾ་ཨ་ཀཱ་རོ་སོགས། ཨོ་ཨཀྵེ་ཡེ་དྷེ་ཝ་ཏ་ཡེ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ལན་གསུམ་བརྗོད། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པའི་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་

[Full Size]

ཀུན་འགྲུབ་མཛོད། །ཚིག་མཇུག་ལན་གསུམ་རྗེས་ཟློས་བཅུག །གཏོར་མའི་རྩེ་མོ་མེ་ནང་དུ་འབུལ། འཕྲོ་མ་ཡོན་བདག་གི་ལོངས་སྤྱོད་དུ་བཅུག །ཨོ་ཨགེ་ཡེ་དྷེ་ཝ་ཏ་ཡེ་ས་པཱ་རི་ཝཱ་ར་ཨབྷཾ་སོགས་ནས། ཤབྡ་པྲ་ཏིཙྪ་ཡེ་སྭཱ་ཧཱ། བསྲེག་རྫས་ལྷག་མ་མེ་ནང་དུ་འབུལ། །དྲག་པོ་ཡིན་ན་སྣོད་ཁ་སྦུབ་ལ། ཧཱུྃ། གཟི་བརྗིད་ལྡན་པ་མེ་ཡི་ལྷ། །འབར་བཅས་སྐུ་ཡི་རྒྱན་གྱིས་བརྒྱན། །རྔམས་པའི་བྱིན་ཆེན་ལས་ལ་བརྩོན། །བསྲེག་བླུགས་འབུལ་ལོ་ལས་ཀུན་སྒྲུབས། །ཚངས་པ་འཇིག་རྟེན་མགོན་གྱི་སྲས། །ཞི་ལ་སོགས་པའི་ལྷ་དཔལ་ཏེ། །ཇི་ལྟར་འདོད་པའི་དོན་བསྒྲུབ་པ། །གཟི་བརྗིད་རྒྱལ་པོར་ཕྱག་འཚལ་བསྟོད། །མ་འབྱོར་པ་དང་ཉམས་པ་དང་། སོགས། དེ་ཀུན་དྲང་སྲོང་བཟོད་པར་གསོལ། །ཡིག་བརྒྱ་བརྗོད། ཁྱེད་ཀྱིས་སེམས་ཅན་དོན་ཀུན་མཛོད། །དྲང་སྲོང་ཡུལ་དུ་གཤེགས་སུ་གསོལ། །དྲང་སྲོང་ཡུལ་དུ་གཤེགས་ནས་ཀྱང་། །སོགས་བརྗོད་ལ། ཨོཾ་ཨག་ཡེ་དྷེ་ཝ་ཏི་ཡེ་བཛྲ་མུཿ ཡེ་ཤེས་པ་རང་གནས་སུ་གཤེགས། དམ་ཚིག་པ་མེ་འབར་བའི་རྣམ་པ་ཅན་དུ་གྱུར། སྟེགས་ཀྱི་འགྲམ་དུ་ཚོགས་གཏོར་ལྷག་མ་འབུལ། །བཀྲ་ཤིས་བསྔོ་བ་སྨོན་ལམ་གཞུང་ལྟར་རོ། །ཞེས་སྤོ་ཁྲེ་སྔགས་འཆང་གིས་བསྐུལ་ནས། །རཱ་ག་

[Full Size]

ཨ་སྱས་ངག་ནས་སྨྲས་པ་ལྟར། །དགེ་སློང་ཀརྨ་བརྩོན་འགྲུས་ཞེས་བྱས་བྲིས། །ཉེས་འགལ་གང་མཆིས་མཐོལ་བཤགས་ཤིང་། །དགེ་བས་བློ་ཆུང་འགའ་ལ་ཕན་པར་གྱུར་ཅིག །སརྦ་མངྒ་ལཾ། དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཇོ་མོ་རྣམས་རི་ཁྲོད་གསར་དུ་འཛིན་པའི་དམིགས་ཐུན།

[Full Size]

ཇོ་མོ་རྣམས་རི་ཁྲོད་གསར་དུ་འཛིན་པའི་དམིགས་ཐུན་ཅིག་ཡོད་ལགས་སོ། །

[Full Size]

ན་མོ་བེ་རོ་ཙ་ན་ཡེ། རི་ཁྲོད་གསར་དུ་འཛིན་པ་ལ། །ས་གཞི་ཤིན་ཏུ་བྱིན་རླབས་དགོས། །ས་ཆ་འདི་ཉིད་དག་པའི་ཞིང་། །བདེ་བ་ཅན་དང་འདྲ་བར་བསྒོམ། །དེ་དཀྱིལ་རང་ཉིད་འདུག་པའི་འོག །གསེར་གྱི་རྡོ་རྗེ་རྒྱ་གྲམ་ནི། །ཤིན་ཏུ་ཆེ་ཞིང་བརྗིད་པ་ཡི། །ལྟེ་བར་མེ་ཏོག་པདྨ་ནི། །འདབ་མ་སྟོང་དང་ལྡན་པ་སྐྱེས། །འདབ་མ་དེ་ཡི་འོག་ཏུ་ནི། །ས་སྐོར་དེ་རྣམས་ཚུད་པར་བསྒོམ། །མེ་ཏོག་དེ་ཡི་སྟེང་དུ་ནི། ཟླ་བའི་དཀྱིལ་འཁོར་ཉ་གང་བ། །གདན་དུ་བཏིང་བའི་སྟེང་དེ་ན། །རང་ཉིད་འཕགས་པ་སྤྱན་རས་གཟིགས། །སྐུ་མདོག་དཀར་པོ་ཞལ་གཅིག་

[Full Size]

པ། །ཕྱག་བཞི་དང་པོས་ཐལ་མོ་སྦྱར། །གཡས་འོག་ཤེལ་དཀར་ཕྲེང་བ་འདྲེན། །གཡོན་འོག་མེ་ཏོག་དཀར་པོ་ནི། །སྙན་གྱི་ཐད་དུ་བྱེ་བ་འཛིན། །དབུ་ལ་འོད་དཔག་མེད་པས་བརྒྱན།། །ཐོར་ཚུགས་དབུ་རྒྱན་ལ་སོགས་ལ། །རིན་ཆེན་རྒྱན་ཆ་ཁྲ་དཔུང་ངེ། །དར་གྱི་སྟོད་གཡོགས་ཤམ་ཐབས་ཅན། །རི་དྭགས་ཀྲི་སྙན་ས་ལེ་ཡི། །པགས་པ་སྔོན་པོ་ཕྲག་གཡོན་གཟར། །ཞབས་ནི་རྡོ་རྗེའི་སྐྱིལ་མོ་ཀྲུང་། །སྤྱན་གཉིས་འགྲོ་ལ་ཐུགས་རྗེས་གཟིགས། །འོད་ཕུང་འབར་བའི་དཀྱིལ་ན་བཞུགས། །དེ་ཡི་ཐུགས་ཀར་ཟླ་བའི་སྟེང་། །ཧཱི༔ཡིག་དཀར་པོ་ལངས་པ་ལ། །

[Full Size]

ཡི་གེ་དྲུག་པས་གཡས་སུ་བསྐོར། །དེ་ལས་འོད་ཟེར་ཕྱོགས་བཅུར་འཕྲོས། །ཕྱོགས་བཅུའི་སངས་རྒྱས་བྱང་སེམས་དང་། །སྤྱན་རས་གཟིགས་དང་སྒྲོལ་མའི་ཚོགས། །ཐམས་ཅད་དེ་རུ་སྤྱན་དྲངས་པས། །ལ་ལ་རང་ལ་ཐིམ་པ་དང་། །ལ་ལ་གནས་དང་ཁང་པར་ཐིམ། །མེ་ཏོག་ཆར་བབ་འཇའ་འོད་འཁྲིགས། །དྲི་བཟང་ངད་པས་ས་ཕྱོགས་ཁྱབ། །དེ་ཚེ་ལྷ་ཀླུ་གཞི་བདག་ཀུན། །རང་ཉིད་སྤྱན་རས་གཟིགས་དབང་ལ། །དད་ཅིང་གུས་པས་ཁྲོམ་ལྟར་འཚོགས། །ཐལ་མོ་སྦྱར་ཞིང་འདུག་པ་ལ། །བདག་གི་ཡིག་དྲུག་གསུངས་པ་ཡིས། །རང་གི་སྐུ་ལས་འོད་དཀར་པོ། །འཕྲོས་ནས་ལྷ་འདྲེ་རྣམས་ལ་ཐིམ། །གདུག་རྩུབ་བསམ་ངན་སྡིག་སྒྲིབ་དག །བྱམས་དང་སྙིང་རྗེ་སེམས་ལ་སྐྱེས། །དེ་ཡི་དྲིན་ལན་གཏང་རག་ལ། །གནས་འདི་དང་ནི་ས་ཆ་འདི། །ཁྱེད་ལ་དད་པས་འབུལ་ལགས་ཀྱིས། །ཆུ་དང་ཤིང་དང་ས་དང་རྡོ། །ཅི་མཁོ་ལོངས་ལ་སྤྱོད་ཅིག་ཅེས། །ལྷ་འདྲེས་རང་ལ་ཕུལ་ལགས་ཀྱང་། །རང་རང་གནས་སུ་སོང་བར་བསྒོམ། །དེ་ཚེ་དམིགས་པ་སྒོམ་བཞིན་དུ། །ཡི་གེ་དྲུག་པ་འདོན་པར་བྱ། །རྗེས་ནས་སྒོམ་མཁན་སེམས་ལ་ལྟ། །མ་མཐོང་ངང་ལ་ལྷོད་དེ་

[Full Size]

བཞག །དེ་ལྟར་ཉིན་རེ་ཐུན་རེ་ལ། །ཟླ་བ་འགའ་ཟུང་བསྒོམས་བྱས་པས། །རྨི་ལམ་སྐྱེས་པ་བུད་མེད་ཀྱིས། །ཕྱག་འཚལ་བ་དང་ཟས་སྐོམ་དང་། །དཀར་གསུམ་ལ་སོགས་འབུལ་བ་འབྱུང་། །དེ་འདྲའི་དམིགས་པ་མ་ཤེས་ན། །ཆུ་བླང་ཀླུ་ལ་མ་བྱིན་ལེན། །རྩྭ་དང་ཤིང་དང་ས་རྡོ་དང་། །གཞི་བདག་དེ་ལ་མ་བྱིན་ལེན། །དེ་ལ་ཉེས་པ་ཡོད་པ་ཡིན། །དམིགས་པ་དེ་འདྲར་བསྒོམས་བྱས་པས། །ཕྱིན་ཆད་དེ་རུ་སུ་བསྡད་ལ། །བར་ཆད་མེད་ཅིང་བཀྲ་ཤིས་ལ། །ཐུགས་དམ་ཉམས་རྟོགས་འཕེལ་བ་ཡིན། །གཞི་བདག་ལྷ་འདྲེ་ཐམས་ཅད་ལ། །དགྲ་ཡི་འདུ་ཤེས་འཇིགས་སྐྲག་སྤངས། །ཡོན་བདག་ཡིན་པའི་ཕན་བསམ་བསྒོམ། །རི་ཆོས་ཀུན་གྱི་ཐོག་མ་ཡིན། །སྤྱི། །རང་རེ་རི་ཁྲོད་བཟུང་མི་ཚོ། །རི་ཁྲོད་འདི་རུ་འོང་བའི་དོན། །དམ་པའི་ཆོས་ཤིག་ཨེ་འགྲུབ་བསམ། །དགེ་སྦྱོར་ཐམས་ཅད་ལ་འབད་པར། །བག་མེད་ཉོན་མོངས་ཡིད་འཁྲེང་ན། །ཕྱོགས་བཅུའི་སངས་རྒྱས་བྱང་སེམས་རྣམས། །ཡེ་ཤེས་སྤྱན་གྱིས་གཟིགས་པས་ཁྲེལ། །ལྷ་ཀླུ་གཞི་བདག་འདི་ཀུན་ལ། །ཟག་བཅས་མངོན་ཤེས་ཡོད་པས་ཁྲེལ། །འཇིག་རྟེན་བྱ་བ་རྒྱབ་

[Full Size]

ཏུ་སྒྱུར། །ད་རེས་རི་ཁྲོད་འགྲིམ་ཚེ་འདིར། །ལུས་ངག་ཡིད་གསུམ་དགེ་སྦྱོར་ལ། །རང་ཡིད་ཆེས་པ་མ་བྱུང་ན། །ཁོག་ན་གློ་སྙིང་མེད་པ་ཡིན། །མགོ་ན་ཀླད་པ་མེད་པ་ཡིན། །སོ་གསོད་ལྐོག་ཉལ་མི་བྱེད་པར། །ད་རེས་ཉམས་ལེན་མི་བྱེད་རེ། །རང་སེམས་ངོ་བོ་མི་ལྟ་རེ། །བྱམས་དང་སྙིང་རྗེ་མི་སྒོམ་རེ། །ཉོན་མོངས་དུག་ལྔའི་རྣམ་རྟོག་ཡང་། །གང་སྐྱེས་མྱུར་དུ་མི་སྤང་རེ། །མི་ལུས་དོན་ལྡན་མི་བྱེད་རེ། །སྡོམ་པ་གཙང་མ་མི་སྲུང་རེ། །རང་ལུས་ཡི་དམ་མི་སྒོམ་རེ། །བསྙེན་པ་གསོལ་འདེབས་མི་བརྩོན་རེ། །ལུས་སྒྲིབ་ཕྱག་འཚལ་མི་སྦྱང་རེ། །བསམ་པའི་ཞེ་བཅད་དྲག་པོ་བྱ། །རི་ཁྲོད་དམིགས་རིམ་བསྒོམ་བྱ་འདི། །རཱ་ག་ཨ་སྱས་འཕྲལ་དུ་བྲིས། །དབོན་མོ་གཉིས་ཀྱི་ཆས་ཇ་མཛོད། །མངྒ་ལཾ།། །ཇོ་མོ་གསར་དུ་རི་ཁྲོད་བཟུང་བ་ལ་གོ་བདེའི་ངོ་སྤྲོད་གཅིག་ཡོད། འདི་ཡང་ཡང་ཐོན་ལ་རོགས་དེས་ཀྱང་གོ་བ་གལ་ཆེ། ན་མོ་མ་ཧཱ་མུ་དྲ་ཡེ། མོས་གུས་སྒོམ་གྱི་མགོ་བོ་ཡིན། །རང་གི་སྤྱི་གཙུག་ནམ་མཁའ་ལ། །དད་པ་གང་ཡོད་བླ་མ་རྣམས། །གཅིག་བསྡུས་རྡོ་རྗེ་འཆང་གི་སྐུ། །སྐུ་མདོག་སྔོན་པོ་རྡོར་དྲིལ་འཛིན། །དར་དང་རིན་ཆེན་རུས་པས་བརྒྱན། །ཞབས་གཉིས་རྡོ་

[Full Size]

རྗེའི་སྐྱིལ་ཀྲུང་བཞུགས། །པདྨ་ཟླ་སྟེང་འོད་ཟེར་འབར། །དེ་ཡི་དབུ་གཙུག་ཐོ་བརྩེགས་སུ། །བརྒྱུད་པའི་བླ་མ་ཐམས་ཅད་ནི། །མུ་ཏིག་སྟར་ལ་བརྒྱུས་པ་ལྟར། །གཞན་ཡང་རྒྱ་བོད་གྲུབ་ཐོབ་ཀུན། །སྤྲིན་ཕུང་འཁྲིགས་ལྟར་ནམ་མཁའ་གང་། །དུས་མིན་འཆི་བ་ཟློག་ལ་སོགས། །མ་ནམ་བཞི་སྐོར་གསོལ་འདེབས་བྱ། །འཁོར་རྣམས་འོད་ཞུ་བླ་མར་ཐིམ། །བླ་མ་འོད་ཞུ་རང་ལ་ཐིམ། །དེ་ནས་ཅི་ཡང་མི་བསམ་པར། །ལུས་གནད་བསྲང་སྟེ་སེམས་ལ་བལྟ། །གཟུགས་དང་ཁ་དོག་མཐོང་རྒྱུ་མེད། །མ་མཐོང་བ་དེ་མཐོང་བའི་མཆོག །སྟོང་པ་ཉིད་ནི་མཐོང་བ་ཡིན། །མ་མཐོང་ངང་ལ་ལྷོད་དེ་ལྟ། །ཅི་ཡང་མེད་པའི་བར་སྣང་བཞིན། །དྲན་པ་མེད་པ་མ་ཡིན་པར། །གར་ཡང་འཕྲོ་ཞིང་ཅི་ཡང་དྲན། །དེ་ལ་འགྱུ་བའི་མིང་དུ་བཏགས། །འགྱུ་བ་མང་ཡང་ངན་རྒྱུ་མེད། །ཆུ་རླབས་མང་ཡང་ཆུ་རང་ཡིན། །འགྱུ་བ་མང་ཡང་སེམས་ཉིད་ཡིན། །རེས་འགའ་མི་འཕྲོ་ཀྱི་ལེར་གནས། །དེ་ལ་གནས་པ་མིང་དུ་བཏགས། །གནས་འགྱུ་གཉིས་ལ་བཟང་ངན་མེད། །ཅི་བྱེད་རིག་པས་རིག་པ་ཟེར། །ཨི་གནས་ཨི་འགྱུ་རིག་པས་ཆོག །ལྟ་ཡུན་རིང་

[Full Size]

ནས་མི་གསལ་ན། །ལྟ་ཡུན་ཐུང་ཞིང་ལྟ་གྲངས་མང་། །དེ་ནི་སྐྱོང་ལུགས་མན་ངག་ཡིན། །ཧ་ཅང་བསྒྲིམ་ན་འཕྲོ་རྒོད་ཆེ། །མ་ཡེངས་ཙམ་དུ་ལུས་སེམས་ལྷོད། །ཧ་ཅང་ལྷོད་ན་བརྗེད་ནི་འགྲོ། །མ་བརྗེད་ཡང་ཡང་དྲན་པར་བྱ། །སྒོམ་དང་མི་སྒོམ་ཁྱད་པར་ནི། །ཡེངས་དང་མ་ཡེངས་ཁྱད་ལས་མེད། །སེམས་ངོ་འཕྲོད་དང་མ་འཕྲོད་གཉིས། །ཕར་ལྟ་ཚུར་ལྟའི་ཁྱད་ལས་མེད། །རང་སེམས་རང་གི་ལྟ་ལ་དྲངས། །ཕར་བལྟས་གཞན་ལ་རེ་རེ་བཞག །དེ་ནི་སེམས་ངོ་མ་འཕྲོད་རྟགས། །ཚུར་ལ་རང་སེམས་རང་གིས་ལྟ། །མ་ཡེངས་དྲན་པའི་རྒྱང་སོ་ཚུགས། །འདི་བསྒོམ་གཏད་སོ་མེད་པ་ནི། །ཉམས་ལེན་སེམས་ངོ་སྐྱོང་བ་ཡིན། །རང་སེམས་རང་ལ་ཡོད་པ་ལ། །གཞན་ནས་ཚོལ་རྒྱུ་ཅི་ལ་ཡོད། །དེ་ཉིད་བསྲུངས་བས་ཆོག་པ་ལ། །དེ་ལ་མི་ཤེས་རྒྱུ་ནི་མེད། །མ་བརྗེད་ཙམ་གྱིས་ཆོག་པ་ལ། །དེ་ལ་དཀའ་ལས་ཅི་ཞིག་ཡོད། །བན་བོན་གསར་རྙིང་ཆོས་ཀུན་ལ། །འདི་བས་ལྷག་ནི་གཅིག་མེད་པས། །དེ་ཉིད་མི་བསྒོམ་ཅི་ཞིག་བསྒོམ། །དེ་ལ་ཡུད་ཙམ་བསྲུང་ན་ཡང་། །བསྐལ་པ་སྟོང་གི་སྒྲིབ་པ་དག །བསྐལ་པར་བསགས་པའི་མུན་ཁུང་ཡང་། །སྒྲོན་མེ་

[Full Size]

གཅིག་གིས་གསལ་དང་འདྲ། །ཆོས་རྣམས་ཐམས་ཅད་དེ་རུ་འདུས། །ཆུ་བརྒྱ་ཟམ་འོག་ཚུད་དང་འདྲ། །འདུས་བྱས་དཀའ་ལས་ཆེ་བ་ཡི། །དགེ་བ་རྒྱ་ཆེན་སྒྲུབ་པ་བས། །སེམས་ངོ་ཡུད་ཙམ་སྲུང་བ་ལྷག །སེམས་ངོ་ཡུད་ཙམ་མ་བསྲུངས་ན། །དགེ་བ་རྒྱ་ཆེན་ཅི་བྱས་ཀྱང་། །ལྷ་མིའི་བདེ་སྐྱིད་ཐོབ་ན་ཡང་། །འཁོར་བའི་གནས་ནས་ཐར་མི་སྲིད། །དེ་ཕྱིར་ཐར་པ་ཐོབ་འདོད་ན། །སེམས་ངོ་སྐྱོངས་ཤིག་ཆོས་སྐུ་མ། །དགེ་མ་གཞན་ལ་ཡང་ཡང་སྨྱོས། །ཉམས་ལེན་སྐྱོང་བདེ་མ་རྙེད་ན། །ཕྱི་བས་སྐུ་མཚམས་བསྡམས་པ་འདྲ། །དེ་ཕྱིར་མ་ཡེངས་གསར་པའི་ཚོགས། །དད་པ་སོ་མས་ཆོས་འགྲུབ་མཛོད། །ཇོ་མོ་སྤུན་གཉིས་ད་རེས་རེམ། །ནས་བརྔའི་བར་དུ་འདུག་ཚེ་འདིར། །གནས་པ་བཟང་པོ་སྐྱེ་ངེས་ཤིག །ད་རེས་མ་ཡེངས་སྙིང་ལ་ཆོངས། །འཕྲལ་དུ་རཱ་ག་ཨ་སྱས་སྨྲས། །དབོན་མོ་གཟའ་དགེ་མ་སྤུན་གཉིས་ལ་གནང་བའོ།། ༈ །།ཇོ་མོ་རྣམས་ལ་ཕན་པའི་རི་ཆོས་དུམ་བུ་ཅུང་ཟད་ཡོད། ན་མོ་གུ་རུ་ཧ་སྱ་བཛྲ་ཡེ། རི་ཁྲོད་གནས་སུ་འདུག་པའི་དུས། །གདུང་མའི་ཞབས་སུ་ཉལ་བ་ན། །ཚེ་ཐུང་གསུངས་པས་ཉལ་མི་བྱ། །གདུང་མའི་མཆུ་དང་རྩིག་པའི་

[Full Size]

སྣ། །ཉལ་ས་བྱས་ན་ནད་མང་གསུངས། །བཟར་ཁ་ཐུར་དུ་ཕྱིར་མི་སྟོན། །ལྷམ་དང་གཞོང་པ་སྔས་མི་བྱ། །སྔས་མགོ་ལུང་པའི་མདོར་མི་སྟོན། །ལུས་ཕྱེད་ཁེབས་འོག་ལུས་ཕྱེད་ནི། །གནམ་མཐོང་ཡིན་སར་ཉལ་ན་ནི། །གཟའ་གྲིབ་ཕོག་པས་དེ་མི་བྱ། །ཉལ་སའི་འོག་གི་ས་འདི་ནི། །ཤིང་གདན་སྟེང་དུ་པད་དཀར་གྱིས། །གཡུང་དྲུང་གཡས་སུ་འཁྱིལ་བར་འབྲི། །དེ་ཡིས་འདུག་ཚུགས་རྟེན་འབྲེལ་ཡིན། །དེ་ཡི་ཟུར་བཞིར་དགའ་འཁྱིལ་བཞི། །བྲིས་པས་ཡིད་སེམས་དགའ་བ་ཡིན། །དེ་སྟེང་སྟན་ནི་བཏིང་བ་དེ། །འགྲོ་ཁ་མ་གཏོགས་སྤྲུག་པ་དང་། །རྡེབ་སོགས་མི་རུང་འགྲོ་དགོས་འོང་། །མཚམས་ནི་དམ་པོ་མིན་ན་ཡང་། །སྒོ་རྩར་ཐོ་ནི་དཀར་པོ་གཅིག །བརྩེགས་ན་བར་ཆད་མི་འོང་ཟབ། །འགྲོ་ན་འོང་ཁ་ཐོ་བཤིག་དགོས། །ཤིང་ནི་མེ་ལ་འབུད་པའི་ཚེ། །རྩེ་མོ་དངོས་དེ་མེ་ལ་བཅུག །མགོ་མཇུག་རྫོགས་ནས་འབུད་མི་རུང་། །ཆུ་དཀོན་ཧུབ་ནི་སྐུ་འདུག་ན། །ཁ་ལེབ་བརྒྱབས་པས་སྐྱ་ཅིག་འོང་། །ཧུབ་ནི་སྐྱ་མོ་འདོད་པ་ན། །ཁ་ལེབ་མ་རྒྱབ་བཀོལ་བས་སྐུ། །གཉིད་ཆེ་ཐུགས་དམ་མ་འཕེལ་ན། །མགོ་ནི་མི་གཏུམ་ཉལ་བས་སྲབ། །

[Full Size]

འཁྱགས་ཤིང་གཉིད་ནི་མ་རྙེད་ན། །མགོ་གཏུམ་ཉལ་བས་དྲོས་ཤིང་གཉིད། །འདུག་མི་ཚུགས་པར་འགྲོ་འདོད་ན། །རང་གི་སྙིང་དཀྱིལ་ཐིག་ལེ་ནི། །ནག་པོ་རིལ་མ་ཆེ་ཤོས་ཙམ། །ལྕགས་སྒོང་བཞིན་དུ་བརྗིད་ཆེ་བ། །བ་དག་ལྟ་བུའི་སྙིང་དང་འབྲེལ། །ཐུར་དུ་སོང་ནས་འོག་སྒོར་ཐོན། །ས་རིམ་དགུ་ཡི་འོག་ཏུ་སོང་། །བ་དག་ལྟ་བུའི་སྙིང་དང་འབྲེལ། །ས་ཞབས་ཐིག་ལེ་ལྕི་མོ་དེར། །རིག་པ་རྩེ་གཅིག་གཏད་ལ་བསྡད། །དེ་ཡིས་འདུག་ནི་ཚུགས་པར་འགྱུར། །རྡོ་རྗེ་ས་འོག་ཏིང་འཛིན་ཡིན། །སེམས་ཡང་མི་དགའ་འདུག་མི་འདོད། །རིག་པ་མི་དྲན་དགུ་དྲན་ན། །རང་གི་སྙིང་གི་དཀྱིལ་དེ་ན། །ཐིག་ལེ་དཀར་པོ་མཐེ་བོང་ཙམ། །ཤེལ་སྒོང་འདྲ་བ་འོད་འབར་བ། །ཕྱི་ནང་མི་སྒྲིབ་པ་ཞིག་ལ། །སེམས་ནི་གཏད་ལ་དམིགས་པ་བཟུང་། །སེམས་ནི་གཞན་ལ་འཕྲོ་སོང་ན། །ཚུར་ལ་འགུགས་ལ་ཐིག་ལེ་བསྒོམ། །འདི་ལ་ཡུན་རིང་བསྒོམ་གལ་ཆེ། །ཞི་གནས་བསྒོམ་པའི་དམིགས་པ་ཟབ། །ཞི་ནི་རྣམ་རྟོག་སྤྱན་སྤུན་ཞི། །གནས་ནི་སེམས་དེ་གར་གཏད་ལ། །ཁྲིག་གེར་གནས་པ་ཞི་གནས་ཏེ། །ཐེག་པ་སྤྱི་ཡི་ཞི་གནས་སོ། །དེ་ལ་ཕན་

[Full Size]

ཡོན་དཔག་ཏུ་མེད། །ཞི་གནས་བརྟན་པོ་འཆར་ཐུབ་ན། །ནམ་ཟླ་གར་སོང་ཆ་མེད་དོ། །སེམས་བདེ་ལུས་བདེ་ཁྲིག་གེར་གནས། །རིམ་གྱིས་ཕྱག་ཆེན་རྟོགས་པ་སྐྱེ། །དེ་ཕྱིར་རེ་ད་རྣམས་ཀྱིས། །ཞི་གནས་དམིགས་པ་འདི་རང་སྒོམས། །ཡིག་དྲུག་ལྐོག་འབུག་གྱིས་ལ་ཐོན། །རྐང་པ་སེམས་དཔའི་སྐྱིལ་ཀྲུང་ཆོས། །ལུས་གནད་བསྲང་ལ་ཡུན་རིང་སྡོད། །དེ་ནི་ཉམས་ལེན་གཙོ་བོ་ཡིན། །།བསྒོམ་རྒྱུའི་དམིགས་པ་མ་ཤེས་ན། །རི་ཁྲོད་བཟུང་ཡང་ཕྱི་བ་འདྲ། །དེ་ཕྱིར་དམིགས་པ་མ་ཡེངས་ཤིག །དེ་སྐད་རཱ་ག་ཨ་སྱ་ཡིས། །དབོན་མོ་སྤུན་གཉིས་ལ་སྤྲིངས་སོ། །མངྒ་ལཾ།། །།རང་གིས་ལྟོས་ཇོ་མོ་རོགས་ཀྱིས་གོ་སར་ཡང་ཡང་དུ་ཐོན། ཇོ་མོ་རྣམས་ཀྱིས་སྡོམ་པའི་སྲུང་མཚམས་ཕན་ཡོན་ཉེས་དམིགས་གསལ་བའི་ཆོས་ཐུན་ཞིག་ཡོད། འདི་འདྲ་བ་འདོན་མི་ཕོད་ངོ་ཚ་སེམས་ན་ཤཱཀྱ་ཐུབ་པའི་གསུང་གསེར་དངུལ་གྱིས་བྲིས་པའི་བཀའ་འགྱུར་ནང་ན་འདི་ཚོ་རྒྱས་པར་ཡོད་པས། འདོན་མི་རུང་བ་ག་ལ་ཡིན། ན་མོ་མ་ཧཱ་མུ་ནེ་ཡེ། སྟོན་པ་ཤཱཀྱ་ཐུབ་པའི་བསྟན་པ་ལ། །བུད་མེད་རབ་ཏུ་བྱུང་བར་མི་རུང་གསུངས། །འོན་ཀྱང་ཐུབ་པའི་ནུ་མ་བསྣུན་པའི་ཡུམ། །སྐྱེ་དགུའི་བདག་མོ་རབ་ཏུ་བྱུང་འདོད་ནས། །ཀུན་དགའ་བོ་ཡིས་ཞུ་སྣ་བྱས་པ་

[Full Size]

ཡིས། །ཐུབ་པའི་སྐུ་ཚེ་ལོ་བཅུ་ཐུང་ན་ཡང་། །མ་ཡུམ་ངོ་མ་ཆོག་པས་རབ་ཏུ་བྱུང་། །དེ་ནས་བུད་མེད་རབ་ཏུ་བྱུང་ས་རྙེད། །དགེ་སློང་མ་དང་དགེ་ཚུལ་མ་དང་ནི། །དགེ་བསྙེན་མ་ནི་དཔག་ཏུ་མེད་པ་བྱུང་། །དེ་དག་ཕལ་ཆེར་དགྲ་བཅོམ་གྲུབ་པ་ཐོབ། །དགེ་སློང་མ་ཡི་སྡོམ་རྒྱུན་བོད་དུ་མེད། །བོད་ཀྱི་བུད་མེད་རབ་ཏུ་བྱུང་བ་ལ། །ཡེ་ཤེས་མཚོ་རྒྱལ་ཤེལ་དཀར་རྡོ་རྗེ་མཚོ། །འབྲོམ་བཟའ་ཏི་དཀར་ཅོག་རོ་མཆོད་གནས་མ། །མོན་མོ་བཀྲ་ཤིས་ཁྱེའུ་འདྲེན་ལ་སོགས་པ། །ཇོ་མོ་བདུན་པོ་གྲུབ་པ་ཐོབ་པ་ཡིན། །མི་ལའི་ཇོ་མོ་རས་ཆུང་མ་ལ་སོགས། །རས་མ་ཉི་ཤུ་རྩ་ལྔ་གྲུབ་པ་ཐོབ། །ཕ་གཅིག་དམ་པའི་ཇོ་མོ་ལབ་སྒྲོན་སོགས། །ཇོ་མོ་ཉི་ཤུ་རྩ་ལྷག་གྲུབ་པ་ཐོབ། །དུས་གསུམ་མཁྱེན་པའི་ཇོ་མོ་ཆུ་སྒོམ་མ། །ལ་སོགས་གྲུབ་པ་ཐོབ་པ་མང་བ་ཡིན། །མ་གཅིག་ཇོ་མོའི་ཐུགས་ཀྱི་སྲས་མོ་བཞི། །དེ་སོགས་བོད་ཀྱི་ཇོ་མོ་ཐམས་ཅད་ནི། །ཚངས་པར་སྤྱོད་པའི་དགེ་བསྙེན་མ་ཡི་ནི། །སྡོམ་པ་ཡིན་གྱི་དགེ་སློང་མ་ནི་མིན། །དེ་ལྟར་དགེ་མ་བྱས་པ་ཐམས་ཅད་ཀྱང་། །དགེ་བསྙེན་མ་ཡི་སྡོམ་པ་ཞུས་པ་ཡིན། །དེ་ཡི་བསྲུང་བྱ་རྩ་བཞི་ཆང་ལྔ་ཡིན། །རྩ་བ་

[Full Size]

བཞི་པོ་ཆང་དང་ལྔ་པོ་འདི། །བྱ་དང་རི་དྭགས་གཅན་གཟན་དུད་འགྲོ་དང་། །སྐྱེས་པ་བུད་མེད་སུ་ཡིས་བྱས་ན་ཡང་། །སྡིག་པ་ཉེས་པ་ཡོད་ལ་ཁྱད་པར་མེད། །མིང་ལ་རང་བཞིན་ཁ་ན་མ་ཐོ་བ། །སྡོམ་པ་ཞུས་ནས་མ་བསྲུངས་དེ་བྱས་ན། །གཞན་གྱིས་བྱས་ལས་བརྒྱ་འགྱུར་ཉེས་སྡིག་ཆེ། །དེ་དོན་སྟོན་པའི་བཀའ་བཅག་ཉེས་པ་ལྗི། །མིང་ལ་སྡོམ་པ་འཆོར་དང་ཚུལ་ཁྲིམས་འཆལ། །བཅོས་པའི་ཁ་ན་མ་ཐོའི་ལྟུང་བའོ། །ཆོས་སྒྲ་མ་ཐོས་དགེ་སྡིག་མི་ཤེས་པས། །དེ་རྣམས་བྱས་ན་ཉེས་པ་ལྷག་པར་ཆེ། །མི་ཤེས་པ་དེ་ཉེས་པ་ཆེ་བར་གསུངས། །མི་ཤེས་པ་དེས་སྡིག་པ་བྱས་པ་དེ། །འགྱོད་པ་མེད་པས་བཤགས་པ་མི་ཤེས་ལྗི། །ཤེས་ནས་འགྱོད་པ་ཡོད་ཅིང་བཤགས་པ་ཤེས། །དེ་ཡིས་ཉེས་པ་ཅུང་ཟད་ཡང་པ་སྟེ། །བླུན་པོའི་སྡིག་པ་ཆུང་ཡང་ལྕི་བ་བྱུང་། །མཁས་པའི་སྡིག་པ་ཆེ་ཡང་ཡང་བར་བཤད། །སྡོམ་པ་མ་ཞུས་པ་དང་མ་ཐུབ་པ། །དེ་གཉིས་མ་ཐུབ་པ་དེ་དགའ་བ་སྟེ། །སྡོམ་པ་མ་ཞུས་པ་དེ་ངན་སོང་དང་། །འཁོར་བར་འཁྱམས་ནས་ནམ་ཡང་ཐར་དུས་མེད། །དེ་ལ་འཁོར་བ་མཐའ་མེད་ཟེར་བ་ཡིན། །སྡོམ་པ་མ་ཐུབ་ཉེས་པས་ངན་སོང་དུ། །སྐྱེ་བ་འབུམ་

[Full Size]

ཕྲག་བརྒྱ་རུ་སྡུག་བསྔལ་མྱོང་། །དེ་ནས་སངས་རྒྱས་སྟོང་གི་རྗེས་མ་ཡི། །སངས་རྒྱས་མོས་པ་ཞེས་བྱའི་བསྟན་པ་ལ། །ད་ལྟ་སྡོམ་པ་ཞུས་ཤིང་ལྷུང་ཚད་ཀུན། །གཅིག་ཀྱང་མི་ལུས་ཐར་པ་ཐོབ་པ་སྟེ། །དེ་ལ་འཁོར་བ་མཐའ་ཡོད་ཅེས་བྱའོ། །དེ་ཕྱིར་རྒྱལ་བ་ཡབ་སྲས་ཐམས་ཅད་ཀྱིས། །སྡོམ་པ་མི་ཐུབ་པ་དེ་དགོངས་ན་ཡང་། །སྡོམ་པ་གནང་བའི་དོན་ཡང་དེ་ཡིན་ཏེ། །དེ་དོན་དམ་ཆོས་དགོངས་པ་གཅིག་པ་ལས། །ཉམས་ལས་མ་ཐོབ་ཉེས་པ་ཆེ་ཞེས་གསུངས། །རྩ་བ་བཞི་པོ་འགའ་རེ་ཤོར་ན་ཡང་། །དེ་འཕྲོ་བསྲུང་ན་ཕན་ཡོན་ཡོད་པ་སྟེ། །སྣ་གཅིག་བསྲུང་ན་མྱང་འདས་རྒྱུར་འགྱུར་གསུངས། །མདོར་ན་ཤཱཀྱ་ཐུབ་པའི་བསྟན་པ་ལ། །ཆེ་འབག་ཆེ་འཚེང་ཆུང་འབག་ཆུང་འཚེང་ཡིན། །སྡོམ་པ་ཞུས་ནས་ལེགས་པར་བསྲུང་ཐུབ་ན། །བདེ་བའི་གནས་ནས་བདེ་བའི་གནས་སུ་འགྲོ། །དེ་ནི་ཤི་ཡང་ཤི་བ་མ་ཡིན་ཏེ། །རྒྱགས་དང་ཁལ་རྟ་བཟང་བའི་མགྲོན་པོ་འདྲ། །སྲོག་འདི་ཚད་ཀྱང་སླར་ཡང་ལུས་བཟང་ལེན། །སྡོམ་པ་སྲོག་བས་གཅེས་པར་བསྲུང་བར་བྱ། །སྲོག་བཅད་ལ་སོགས་རྩ་བ་བཞི་པོ་ལ། །རེ་རེ་ལ་ཡང་འབྲས་བུ་གསུམ་རེ་འབྱུང་། །

[Full Size]

དེ་ནི་སྡོམ་པ་ཞུས་དང་མ་ཞུས་འདྲ། །རྣམ་སྨིན་འབྲས་བུ་དབང་གི་འབྲས་བུ་དང་། །རྒྱུ་མཐུན་འབྲས་བུ་གསུམ་རེ་འབྱུང་བ་སྟེ། །སྲོག་བཅད་རྣམ་སྨིན་འབྲས་བུ་དམྱལ་བར་སྐྱེ། །རྒྱུ་མཐུན་འབྲས་བུ་ནམ་ཞིག་མིར་སྐྱེས་ཀྱང་། །ཚེ་ཐུང་ནད་མང་ཕལ་ཆེར་གཞན་གྱིས་གསོད། །དབང་གི་འབྲས་བུའི་སྐྱེ་བའི་ཡུལ་དེ་ཡང་། །ས་ངན་བཀྲེས་པའི་ས་ཆར་སྐྱེ། །མ་བྱིན་ལེན་ཞེས་བྱ་བ་རྐུ་འཕྲོག་སྟེ། །རྣམ་སྨིན་འབྲས་བུ་ཡི་དྭགས་གནས་སུ་སྐྱེ། །རྒྱུ་མཐུན་འབྲས་བུ་མིར་སྐྱེས་ཀྱང་། །དབུལ་ཕོངས་མུ་གེས་མནར་བར་འགྱུར། །དབང་གི་འབྲས་བུའི་སྐྱེ་བ་ཡང་། །སད་དང་སེར་བ་མང་སར་སྐྱེ། །མི་གཙང་སྤྱོད་ཅེས་བྱ་བ་ནི། །ཕོ་མོས་འདོད་ཆགས་སྤྱོད་ལ་ཟེར། །དེ་ཡི་རྣམ་སྨིན་ཡི་དྭགས་སྐྱེ། །རྒྱུ་མཐུན་འབྲས་བུ་མིར་སྐྱེས་ཀྱང་། །དགྲ་མང་མི་ཡི་ཆུང་མར་སྐྱེ། །དབང་གི་འབྲས་བུ་སྐྱེ་བའི་ཡུལ། །ས་ངན་ཚ་དུག་ཆེ་སར་སྐྱེ། །རྫུན་ནི་སྨྲས་པའི་རྣམ་སྨིན་གྱིས། །དུད་འགྲོ་ལྐུགས་པའི་ལུས་སུ་སྐྱེ། །རྒྱུ་མཐུན་འབྲས་བུ་མིར་སྐྱེས་ཀྱང་། །ཉེས་མེད་མི་ཁ་སྡང་བར་འགྱུར། །དབང་གི་འབྲས་བུ་བསེ་དྲི་ཅན། །ཁ་དང་ལུས་ལ་དྲི་ངན་བྲོ། །ཆང་འཐུང་བ་ཡི་རྣམ་སྨིན་གྱིས། །ཁྲོ་ཆུ་

[Full Size]

ཁོལ་མ་འཐུང་བ་ཡི། །ངུ་འབོད་དམྱལ་བའི་གནས་སུ་སྐྱེ། །དབང་གི་འབྲས་བུ་མིར་སྐྱེས་ཀྱང་། །སེམས་ལ་མི་ཟིན་སྨྱོན་པར་འགྱུར། །རྒྱུ་མཐུན་འབྲས་བུ་མིར་སྐྱེས་ཀྱང་། །སྦྲང་བུ་ལ་སོགས་སྐྱུར་དད་ཅན། །དུད་འགྲོ་འབུ་སྲིན་ལུས་སུ་སྐྱེ། །དེ་ལྟར་རྩ་བཞི་ཆང་དང་ལྔ། །དཔེར་ན་སྲོག་ནི་བཅད་པ་ན། །གྲངས་ཁ་མང་བཞིན་སྡིག་ཆེ་ལྟར། །ཕོ་མོས་མི་གཙང་སྤྱོད་པ་ཡང་། །གྲངས་ཁ་མང་བཞིན་སྡིག་ཆེ་དེར། །གཞན་མ་རྣམས་ཀྱང་དེ་དང་འདྲ། །དཔེར་ན་མི་གཙང་སྤྱོད་པ་ཡང་། །ལན་གཅིག་སྤྱོད་ནས་མ་བཤགས་ན། །ཡི་དྭགས་སྐྱེ་བ་ལྔ་བརྒྱ་དང་། །དགྲ་མང་ཆུང་མ་ལྔ་བརྒྱ་དང་། །ཚད་རོང་ཡུལ་གྱི་སྦལ་སྦྲུལ་གྱི། །སྐྱེ་བ་ལྔ་བརྒྱ་ངེས་པར་ལེན། །དེ་ནི་སྡོམ་པ་མ་ཞུས་པར། །ཀུན་ལ་ངེས་པར་དེ་ལྟར་འགྱུར། །སྡོམ་པ་ཞུས་པས་སྤྱོད་ན་ནི། །སྐྱེ་བ་འབུམ་ཚོ་བརྒྱ་རེ་ལེན། །རྗེས་ནས་འགྱོད་པ་སྐྱེས་ན་ནི། །སྐྱེ་བ་དེ་ཡི་ཕྱི་རེས་ཆོག །འགྱོད་ཅིང་བཤགས་པ་ཆེར་བྱས་ན། །སྐྱེ་བ་རེ་རེ་ཙམ་གྱིས་ཆོག །དེ་ནི་རྩ་བཞི་ཆང་དང་ལྔ། །མ་བསྲུངས་ལན་གྲངས་མང་བསོག་ན། །དེ་ཡིས་ངེས་པར་དམྱལ་བར་སྐྱེ། །དམྱལ་ཚབ་ཆེ་ཆུང་ཚེ་རིང་

[Full Size]

ཐུང་། །ལན་གྲངས་མང་ཉུང་དེ་བཞིན་དང་། །བསགས་གྲངས་འབྲིང་དུ་བསོགས་པ་ནི། །དེ་ནི་ཡི་དྭགས་གནས་སུ་སྐྱེ། །གྲངས་ཁ་ཉུང་བ་དུད་འགྲོར་སྐྱེ། །དེ་དག་ཚེ་ཚད་སྡུག་བསྔལ་ཡང་། །གྲངས་ཁ་ཚན་ནི་ཆེ་ཆུང་ཡིན། །རྩ་བཞི་ཆང་ལྔའི་ཉེས་དམིགས་ནི། །ཟུར་ཙམ་ཡིན་གྱིས་རྒྱས་པ་མིན། །རྩ་བཞི་ཆང་ལྔ་སྤང་བ་ནི། །སྡོམ་པ་ཞུ་ནི་མ་མྱོང་ཡང་། །ཕན་ཡོན་འདི་རྣམས་ཡོད་པ་ནི། །བར་མའི་དགེ་བ་ཞེས་བྱའོ། །སྡོམ་པ་ཞུས་པས་སྤངས་ཐུབ་ན། །སྨོན་ལམ་བཏབ་ན་དག་པའི་ཞིང་། །སྡོམ་པ་གཙང་མ་ཞེས་བྱ་སྟེ། །ཕན་ཡོན་འབུམ་འགྱུར་ཆེ་བ་ཡིན། །སྲོག་བཅད་སྤངས་བའི་འབྲས་བུ་ནི། །སྐྱེ་བ་ཀུན་ཏུ་མཐོ་རིས་སྐྱེ། །རྟག་ཏུ་ཚེ་རིང་ནད་མེད་ཅིང་། །ལྷ་དང་ལྷ་འདྲེས་སྲུང་སྐྱོབ་བྱེད། །རྫོགས་པའི་སངས་རྒྱས་འབྲས་བུ་སོགས། །མཐར་ཐུག་སྨོན་ལམ་གང་བཏབ་འགྲུབ། །མ་བྱིན་ལེན་པ་སྤངས་བ་ཡིས། །སྐྱེ་བ་ཀུན་ཏུ་ཕྱུག་པོར་སྐྱེ། །དགྲ་དང་ཇག་རྐུན་གནོད་པ་མེད། །ཚངས་པ་བརྒྱ་བྱིན་སངས་རྒྱས་སོགས། །མཐར་ནི་སྨོན་ལམ་གང་བཏབ་འགྲུབ། །མི་གཙང་སྤྱོད་པ་སྤངས་པ་ཡིས། །ལྷ་ལུས་མི་ལུས་གཙང་མ་ནི། །སྐྱེ་བ་

[Full Size]

འབུམ་ཕྲག་བརྒྱ་རུ་ལེན། །སྨོན་ལམ་བཏབ་ན་དག་པའི་ཞིང་། །སྐྱེ་ཞིང་སངས་རྒྱས་བྱང་སེམས་སོགས། །སྨོན་ལམ་གང་བཏབ་དེ་ཉིད་འགྲུབ། །ཚེ་འདིར་ལྷ་མི་ཀུན་གྱིས་བསྟོད། །ཀུན་ཀྱང་ཡིད་ཆེས་དད་གུས་བྱེད། །རྫུན་ནི་སྤངས་བའི་འབྲས་བུ་ནི། །སྐྱེ་བ་ཀུན་ཏུ་མཐོ་རིས་སྐྱེ། །རིགས་རྒྱུད་བཟང་ཞིང་གཟུགས་ཀྱང་མཛེས། །ཀུན་གྱི་ཡིད་དུ་འོང་བ་དང་། །ཤ་ཟ་གནོད་སྦྱིན་འདྲེ་རྣམས་ཀྱང་། །དེ་ལ་གནོད་པ་མི་བྱེད་ཅིང་། །ཡིད་ལ་ཅི་བསམ་ཐམས་ཅད་འགྲུབ། །མཐར་ནི་སྨོན་ལམ་གང་བཏབ་པའི། །སངས་རྒྱས་འབྲས་བུ་ལ་སོགས་ཐོབ། །ཆང་སྤངས་བ་ཡི་འབྲས་བུ་ནི། །ཆོས་ཀྱི་དོན་རྣམས་རྟོགས་པར་འགྱུར། །སྐྱེ་རྒ་ན་འཆི་མིང་མེད་པའི། །ཞིང་ཁམས་དག་པར་སྐྱེ་བར་གསུངས། །དེ་ལྟར་རྩ་བཞི་ཆང་དང་ལྔ། །བསྲུང་བའི་ཕན་ཡོན་ཆེ་ཆུང་ཡང་། །སེམས་བསྐྱེད་བསྔོ་བའི་ཁྱད་པར་གྱིས། །ཆུང་འབྲིང་ཆེན་པོ་གསུམ་དུ་འགྱུར། །ཕྱི་མ་ངན་སོང་འགྲོ་དོགས་ཤིང་། །ལྷ་མིའི་བདེ་སྐྱིད་ཐོབ་འདོད་ནས། །སྡོམ་པ་གཙང་མ་བསྲུང་བ་ནི། །སྐྱེ་བ་བརྒྱ་ཡི་བར་དག་ཏུ། །ལྷ་མིའི་ལུས་ནི་བཟང་པོ་ལེན། །བདེ་སྐྱིད་ཕུན་སུམ་

[Full Size]

ཚོགས་ན་ཡང་། །དེ་ལའང་སྐྱེ་རྒ་ན་འཆི་སོགས། །མཐར་ནི་མར་ལ་ལྷུང་དོགས་པས། །ལེགས་སྨོན་སྡོམ་པ་ཞེས་བྱ་བ། །དེ་ཡང་སྡོམ་པ་རྣམ་དག་མིན། །སྐྱེ་རྒ་ན་འཆི་མི་མྱོང་བར། །རང་ཉིད་ཐར་པ་ཐོབ་འདོད་པས། །སྡོམ་པ་གཙང་མ་སྲུང་བ་ན། །གནས་སྐབས་ལྷ་དང་མི་ཡི་ལུས། །གང་སྐྱིད་དགའ་བ་མང་དུ་ལེན། །མཐར་ནི་ཉན་རང་དགྲ་བཅོམ་ཐོབ། །དེ་ནས་འཁོར་བར་ལུས་མི་ལེན། །སྟོང་ཉིད་ངང་ལ་བཞུགས་པ་སྟེ། །དེ་ལ་སྡུག་བསྔལ་གཏན་ནས་མེད། །ཞི་བ་མྱ་ངན་འདས་ཞེས་བྱ། །རང་ཉིད་སངས་ཆུང་རྒྱས་ནས་ཀྱང་། །འགྲོ་དོན་ཅི་ཡང་མི་འགྲུབ་སྟེ། །དེ་ལ་སོ་སོར་ཐར་པ་ཟེར། །དེ་ནི་ཐེག་དམན་འབྲིང་ཙམ་ཡིན། །སེམས་ཅན་ཐམས་ཅད་སངས་རྒྱས་ཀྱི། །གོ་འཕང་འཐོབ་པར་བྱ་བའི་ཕྱིར། །སྡོམ་པ་གཙང་མ་བསྲུང་ན་ནི། །ཚུལ་ཁྲིམས་ཕ་རོལ་ཕྱིན་པ་ཡིན། །གནས་སྐབས་ལྷ་ལུས་མི་ལུས་དང་། །དག་པའི་ཞིང་ཁམས་གང་འདོད་ཐོབ། །མཐར་ནི་རྫོགས་པའི་སངས་རྒྱས་འགྲུབ། །རང་གིས་རྩོལ་བ་མི་དགོས་པའི། །སེམས་ཅན་འགྲོ་དོན་རྒྱ་ཆེན་འགྲུབ། །དེ་ཉིད་མཆོག་ཡིན་དེ་ལྟར་བསྒོམ། །དེ་དོན་དམ་ཆོས་དགོངས་གཅིག་ལས། །

[Full Size]

འདུལ་བ་ཐེག་པ་ཐུན་མོང་སྟེ། །ལྷག་པར་ཐེག་ཆེན་ཡིན་ཞེས་གསུངས། །དེ་ལྟར་རྩ་བཞི་ཆང་ལྔ་ཡི། །སྡོམ་པ་འཆོར་དང་མི་འཆོར་བའི། །བསྲུང་མཚམས་གནད་འགགས་ཤེས་དགོས་སོ། །དུག་དང་མཚོན་དང་གསོད་མི་བསྐོས། །མི་བསད་སྡོམ་པ་རྩ་ནས་འཆོར། །སེམས་ཅན་མི་རུ་ཚོགས་པ་ནི། །བུད་མེད་ལྟོ་བར་བུ་ཆགས་པ། སྦྱོང་བཏང་ལ་སོགས་ཐབས་བྱས་ནས། །བྱིས་པ་བཤིག་ན་སྡོམ་པ་འཆོར། །རང་ཉིད་ལྕེབས་ཏེ་རང་བསད་པ། །ལུས་ལྷ་ཞི་ཁྲོ་ཀུན་བསད་པས། །མི་ནི་སྟོང་ཕྲག་བསད་བས་ཐུ། །ཉ་དང་རི་དྭགས་གཡུང་དྭགས་སོགས། །གསོད་བསམ་བསད་ན་སྡོམ་པ་འཆོར། །གསོད་བསམ་མེད་པར་འབུ་སྲིན་དང་། །བྱ་བྱེའུ་རེས་འུ་ལ་སོགས་པ། །ཤི་ནི་ཤོར་ན་སྡིག་ཡོད་ཀྱང་། །སྡོམ་པ་འཆོར་བ་མ་ཡིན་ནོ། །རང་དང་རྒྱུ་མགོ་མི་གཅིག་པ། །དེ་ལ་རྐུ་བའི་མིང་ཐོག་ཏུ། །རྐུས་ན་སྡོམ་པ་འཆོར་བ་ཡིན། །རྐུས་མིང་མེད་པའི་ཟས་ཧུབ་དང་། །ཕ་མ་མིང་པོ་ལ་སོགས་པ། །ལ་ཆེན་རང་དང་དུད་གཅིག་པའི། །རྐུས་ཀྱང་སྡོམ་པ་མི་འཆོར་ཏེ། །ཉེས་བྱས་ཞེས་བྱའི་ལྟུང་བ་ཡོད། །དགེ་སློང་མ་ཡི་མཆོག་གྱུར་པ། །

[Full Size]

ལྷ་ལྕམ་མནྡཱ་ར་བ་ཡང་། །ཨོ་རྒྱན་ཆེན་པོའི་གསང་ཡུམ་མཛད། །དགེ་སློང་མ་ནི་ཀུན་དགའ་མ། །གྲུབ་ཆེན་ཕག་ཚངས་བ་དང་སྦྱོར། །དེ་དག་སྡོམ་པ་རྣམ་པར་དག །དེ་བཞིན་རྩ་རླུང་དབང་ཐོབ་པའི། །གྲུབ་པ་ཐོབ་དེས་གང་ཟག་དང་། །སྦྱོར་ཡང་སྡོམ་པ་མི་འཆོར་ཏེ། །རང་ཉིད་ཐ་མལ་བུད་མེད་ཀྱང་། །ཡེ་ཤེས་མཁའ་འགྲོ་དངོས་སུ་འགྱུར། །དེ་འདྲའི་གྲུབ་ཐོབ་དེང་སང་མེད། །རྫུན་མ་གྲུབ་ཐོབ་བརྫུ་བ་ཡིས། །ངག་ལ་ཉོན་ན་གཉིས་ཀ་ཕུང་། །དེ་འདྲ་དེང་སང་ས་སྟེང་གང་། །ལོག་ལྟ་གཤེ་སྐུར་མི་རུང་སྟེ། །དད་པ་རྒྱངས་ནས་བྱས་ན་ལེགས། །སྐྱེས་པ་ཕོ་དང་ལུས་འབྲེལ་ནས། །འདོད་ཆགས་སྤྱད་པས་སྡོམ་པ་འཆོར། །ཕོ་དང་ལུས་ནི་མ་འབྲེལ་ཡང་། །རྨི་ལམ་ཡུལ་དུ་འབྲེལ་རྨིས་ནས། །བྱང་སེམས་རཀྟ་ཟག་པ་དང་། །བུད་མེད་ཕན་ཚུན་ལུས་འབྲེལ་སྤྱོད། །བདེ་བ་མྱོང་ཞིང་བྱང་སེམས་ཤོར། །ཡིད་ལ་སྐྱེས་པ་གཟུགས་མཛེས་པ། །དྲན་ནས་ཆགས་པས་བྱང་སེམས་འཆོར།མིའམ་དུད་འགྲོ་ཕོ་མོ་ནི། །ཆགས་པ་སྤྱོད་པ་མཐོང་ངམ་ཐོས། །རང་ཉིད་ཆགས་པ་རབ་ཏུ་སྐྱེས། །བྱང་སེམས་ཟག་པར་གྱུར་པ་དང་། །རང་གི་ལུས་ཀྱིས་འདུ་བྱེད་

[Full Size]

ལ། །བརྟེན་ནས་བྱང་སེམས་ཐིག་ལེ་འཆོར། །དེ་འདྲ་གང་དང་གང་བྱུང་ཡང་། །སྡོམ་པ་ཤོར་བ་མ་ཡིན་ཏེ། །དགེ་འདུན་ལྷག་མ་ཆ་མཐུན་པའི། །ལྟུང་བ་་ཡིན་པས་ཉེས་སྒྲིབ་ཆེ། །དེ་དོན་ཐུབ་པས་གསུངས་པ་ཡི། །དགེ་སློང་མ་ཡི་རྣམ་འབྱེད་ཀྱི། །འདུལ་བའི་པོ་ཏི་ནང་ནས་གསུངས། །ལྷ་ཞལ་མ་མཐོང་མཐོང་ཟེར་དང་། །ལྷ་འདྲེ་མ་མཐོང་མཐོང་རྫུན་དང་། །མི་མགོ་བསྐོར་བའི་རྫུན་ཆེའོ། །རང་ལ་ཕན་ཅིང་གཞན་ལ་ནི། །གནོད་པ་ཆེ་བའི་རྫུན་ཆེན་པོ། །སྨྲས་ན་སྡོམ་པ་འཆོར་བ་ཡིན། །མི་ལ་ཕན་ཐོགས་ཆེ་འདུག་པ། །ཕན་ཕྱིར་སྨྲས་ཤིང་སྐྱོན་མེད་པ། །ཕན་གནོད་མེད་པའི་ཀུ་རེའི་རྫུན། །སྨྲས་ཀྱང་ངག་འཆལ་ཉེས་པ་ཡོད། །དེ་ཡིས་སྡོམ་པ་མི་འཆོར་ཏེ། །ཆང་འཐུང་སྡོམ་པ་མི་འཆོར་ཡང་། །ཉེས་ལྟུང་ཤིན་ཏུ་ཆེ་བ་ཡིན། །ཚོགས་ཚང་ཞལ་བུ་རེ་རེ་བས། །མི་མང་འཐུང་ཡང་ཉེས་པ་མེད། །གལ་ཏེ་ཚོགས་ཆང་མི་འཐུང་ཡང་། །སོར་མོས་ལྕེ་ལ་བཞག་ཙམ་བྱ། །མ་བྱས་ན་ཡང་དམ་ཚིག་གིས། །རྩ་བའི་སྡོམ་པ་མ་ཤོར་ཡང་། །ཕྲ་ཞིབ་ཉེས་ལྟུང་ཆེན་པོ་དང་། །མང་པོ་བྱུང་བའི་བཤགས་པ་ལ། །དཀར་ཕྱོགས་བསྲུང་ན་

[Full Size]

དག་པར་བཤད། །ཕྲ་ཞིབ་ཉེས་དང་འགལ་བྱུང་ལ། །ཉ་མཚམས་བརྒྱད་གསུམ་དུས་བཟང་ལ། །ཉེས་ལྟུང་བཤགས་པའི་བསམ་པ་ཡིས། །གདན་གཅིག་བསྲུངས་བས་དག་པ་སྟེ། །དགེ་བསྙེན་མ་ཡི་གསོ་སྦྱོང་ཡིན། །ཐ་མལ་བུད་མེད་སྟོང་ཕྲག་བརྒྱ། །ཕྱག་བསྐོར་ཡིག་དྲུག་འདོན་པ་དང་། །སེམས་ངོ་སྐྱོང་སོགས་བྱས་པ་དང་། །ཇོ་མོ་གཙང་མ་ཞིག་གིས་ནི། །དགེ་སྦྱོར་བྱས་པ་བསོད་ནམས་མཉམ། །གསེར་དངུལ་རིན་ཆེན་སྣ་ཚོགས་ཀྱི། །མཆོད་རྟེན་བརྒྱ་ནི་རྩ་བརྒྱད་ལ། །འཕང་ནི་རི་བོ་མཆོག་རབ་ཙམ། །བརྩེགས་ཏེ་སངས་རྒྱས་རིང་བསྲེལ་གྱིས། །བཀང་སྟེ་བསྐལ་པ་དུ་མ་ལ། །མཆོད་པ་རྒྱ་མཚོ་དེས་མཆོད་པ། །མཆོད་རྟེན་དེ་བཞིན་མཆོད་པ་བས། །དེང་སང་སྡོམ་པ་ཐུབ་པ་ནི། །དེ་བས་བསོད་ནམས་ཆེ་བར་གསུངས། །གསེར་དངུལ་རིན་ཆེན་སྣ་ཚོགས་ཀྱིས། །འཛམ་གླིང་ཕྱུར་བུར་བཀང་བྱས་ནས། །སངས་རྒྱས་ཐམས་ཅད་མཆོད་པ་དང་། །དེ་རྣམས་སྦྱིན་པ་བཏང་བ་བས། །སྡོམ་པ་བསྲུང་བ་བསོད་ནམས་ཆེ། །དེ་སྐད་བཅོམ་ལྡན་ཐུབ་པས་གསུངས། །ཆོས་སྐུ་མ་ལ་སོགས་པ་ཡི། །ཕྱི་རབས་ཇོ་མོ་ཐམས་ཅད་ཀྱིས། །ཕན་ཡོན་དང་ནི་

[Full Size]

ཉེས་དམིགས་དང་། །སྡོམ་པ་ཡོད་མེད་ས་མཚམས་རྣམས། །ཚིག་ནི་བློ་ལ་ཟིན་མི་དགོས། །དོན་དེ་ཡིད་ལ་ཟུངས་མཛོད་ལ། །སྡོམ་པ་གཙང་ཞིང་འཆི་ཁ་ཡང་། །མི་འགྱོད་བ་རེ་ཙམ་མཛོད་ཅིག །སྡོམ་པ་ཚུལ་ཁྲིམས་འདི་ཉིད་ནི། །ཆོས་དང་དགེ་བའི་གཞི་ཡིན་ཏེ། །མཁར་གྱི་རྨང་དང་ཟོ་ཟོམ་རྐུབ། །ལོ་ཐོག་སྐྱེ་བའི་ཞིང་ས་ལྟར། །མེད་ཐབས་མེད་པ་སྡོམ་པ་ཡིན། །ཡིད་ལ་ཆོངས་ཤིག་ཇོ་མོ་ཀུན། །དེ་སྐད་དགེ་སློང་རྒན་པོ་ནི། །རཱ་ག་ཨ་སྱ་ཞེས་བྱ་བས། ཇོ་མོ་སྤུན་གཉིས་རི་ཁྲོད་དུ། །བསྡད་དུས་མཚམས་ཀྱི་ཁུང་ནས་སྤྲེངས། །ཇོ་མོ་ཀུན་ལ་ཕན་པར་ཤོག །མངྒ་ལཾ།། ༈ །།ཕྱི་རབས་ཇོ་མོ་རྣམས་ལ་ཆོས་མགོ་ཐོན་པ་གལ་ཆེ་བའི་ཆོས་བཤད་ཆོས་ཐུན་གཅིག་ཡོད། ན་མོ་ཤཱཀྱ་མུ་ན་ཡེ། དབུས་གཙང་དག་པའི་ཞིང་ཁམས་ན། །བན་དགོན་ཇོ་དགོན་མང་ཉུང་མེད། །དགོན་པ་རེ་ན་ཇོ་མོ་ཡང་། །སུམ་བརྒྱ་བཞི་བརྒྱ་ཙམ་རེ་ཡོད། །ཇོ་མོའི་བླ་མ་ཆོས་ཁྲིམས་མང་། །ཆོས་ཁྲིམས་ཕོ་ཐོ་བཙུགས་པ་སོགས། །གྲྭ་ས་བཟང་བས་ཕལ་ཆེར་བ། །མགོ་ཐོན་ཆོས་ཚུགས་ཟིན་པར་སྣང་། །ངེད་རང་ཁམས་དང་ངོམ་གཤིས་འདིར། །དེ་འདྲའི་

[Full Size]

མགོ་བཅའ་མེད་པ་དེས། །ཆོས་མགོ་ཐོན་པ་ཉིན་སྐར་ཙམ། །ཆོས་མགོ་མ་ཐོན་དེ་རྣམས་ཀྱང་། །སྲོག་བཅད་མ་བྱིན་ལེན་པ་དང་། །རྫུན་དང་ཆང་གིས་བྱས་པ་མིན། །གཞན་འཕྲུལ་དབང་བྱེད་ལྷ་གནས་མན། །ན་རཀ་དམྱལ་ཁམས་ཡན་ཆད་ཀྱི། །ལུས་འདི་འདོད་ཆགས་རྒྱུ་ལས་གྲུབ། །བདུད་རྒྱལ་དགའ་རབ་དབང་ཕྱུག་གིས། །མེ་ཏོག་ལས་གྲུབ་ལྕེ། མདའ་ལྔ་འཕང་། །དེ་ནི་སེམས་ཅན་ཀུན་ལ་ཟུགས། །མདའ་དེ་འདོད་ཆགས་བདུད་ཀྱི་མདའ། །ཡིན་ཕྱིར་འདོད་ཆགས་སྤང་བར་དཀའ། །འདོད་ཆགས་ངོ་བོ་སྲིན་ཡིན་ཏེ། །སྐྱེས་པ་ཕོ་ལ་མེད་པ་ཡི། །བུད་མེད་སྲིན་རིགས་སུམ་བརྒྱ་ཡོད། །དེ་ཕྱིར་བུད་མེད་ཆགས་པ་ཆེ། །མོ་ནད་རིགས་ཀུན་འབྱུང་བར་གསུངས། །དེ་བས་བུད་མེད་འདོད་ཆགས་ཏེ། །རྩ་བ་བཞི་ཡི་ནང་ནས་ཀྱང་། །མི་གཙང་སྤྱོད་དེ་སྤངས་ཐུབ་ན། །རྫུན་དང་སྲོག་བཅད་རྐུ་འཕྲོག་དང་། །ཆང་ལ་ཁ་རྒྱུན་བྱས་ན་ཡང་། །སྡོམ་པ་གཙང་མར་རྩི་སྲོལ་གདའ། །དེ་ཕྱིར་བོད་ཀྱི་སྡོམ་གཅིག་མ། །མི་གཙང་སྤྱོད་འདི་སྤངས་དགོས་ཏེ། །ཉེས་དམིགས་འདི་རྣམས་ཡིད་ལ་ཟུངས། །དྲན་པ་ཉེར་བཞག་མདོ་ལས་ཀྱང་། །མི་གཙང་

[Full Size]

སྤྱོད་པའི་རྣམ་སྨིན་གྱིས། །བསྡུས་འཇོམས་དམྱལ་བའི་གནས་སུ་སྐྱེ། །ལྕགས་བསྲེགས་གསལ་ཤིང་མེ་འབར་བས། །ཁོག་སྨད་ཡང་དང་ཡང་དུ་ཕུག །ཟངས་ཞུན་ཁྲོ་ཆུ་ཁོལ་མ་ནི། །འདོམས་བར་མཚན་མའི་ནང་དུ་བླུག །ཚེ་ཚད་མི་ལོ་བྱེ་བ་ཕྲག །སུམ་ཅུ་འབུམ་ཕྲག་བརྒྱད་ཁྲི་དང་། །སྟོང་ཕྲག་གཅིག་ཏུ་སྡུག་བསྔལ་མྱོང་། །དེ་ནས་ཐར་ནས་གར་འགྲོ་ནི། །དྲན་པ་ཉེར་བཞག་མདོ་ལས་གསུངས། །ལྕེ་སྐམ་ཚིགས་པའི་མེ་མ་མུར། །སྤུས་ནུབ་ཙམ་དུ་ཁོག་སྨད་ནུབ། །དེ་འདྲའི་ཐང་ལ་འགྲོ་བའི་ཚེ། །རང་གིས་འདོད་ཆགས་སྤྱོད་མྱོང་བའི། །མི་དེ་ཐག་རིང་ཞིག་ནས་མཐོང་། །དེ་ལ་སྔོན་གྱི་བག་ཆགས་ཀྱིས། །དགའ་བའི་འདུ་ཤེས་སྐྱེས་ནས་རྒྱུགས། །རྩ་ན་བསླེབས་པས་མི་དེ་ནི། །མི་གཤིན་རྗེའི་ལས་མཁན་ཏེ། །ལྕགས་སྲེག་མེ་འབར་ལས་གྲུབ་པའི། །སྐྱེས་པ་གཟུགས་ནི་བཟང་པོར་སྣང་། །དེ་ཡིས་རང་གི་ངོ་དང་ལུས། །བཅད་ཅིང་སྦར་ཤད་བྱས་ནས་ཟོས། །ཚ་ན་ཆེ་ཡང་འཆི་མི་ཐུབ། །ཤ་ཟོས་རུས་པ་ཀུམ་བྱས་པས། །དེ་ནས་ཤི་སྟེ་ལན་གཅིག་བརྒྱལ། །བརྒྱལ་སངས་སྔར་ལྟར་ལུས་གྲུབ་ནས། །ཡང་ནི་སྐྱེས་པ་དེ་མཐོང་

[Full Size]

རྒྱུགས། །ཡང་ནི་སྔོན་ལྟར་ཟ་ཞིང་གསོད། །ནམ་ཞིག་དེ་ནས་བྲོས་ཐར་ནས། །ཤལ་མ་རི་ཡི་སྡོང་པོ་ཞེས། །ལྕགས་ཀྱི་ལྗོན་ཤིང་ཆེན་པོ་འདི། །ལོ་མ་ཐམས་ཅད་རྩེ་བསག་འདྲ། །དེ་ཡི་རྩེ་མོ་རང་ཉིད་ལ། །ཆགས་པ་སྤྱོད་པའི་མི་དེ་མཐོང་། །ལས་ངན་འབྲས་བུ་དེ་ལ་དགའ། །ཤིང་ལ་འཛེག་ཅིང་ཡར་སོང་བ། །ཤིང་ལོའི་གྲི་ཀུན་རྩེ་ཕྱིར་བསྟན། །བྲང་དང་ལུས་པོ་ཐམས་ཅད་གཤག །རྩེ་རུ་ཕྱིན་ཛ་མི་དེ་ནི། །ལྕགས་སྲེག་བྱ་ནི་ཆེན་པོར་འགྱུར། །མཆུ་ཟོར་བརྒྱབས་ནས་ཀླད་པ་འཐུང་། །ལན་གཅིག་ཤི་སྟེ་ཡང་སོས་པས། །ལུས་ཀྱི་རྨ་ཡང་མེད་པར་སོས། །མི་དེ་ཤིང་གི་རྩ་བར་མཐོང་། །དེ་དང་འཕྲད་འདོད་ཕྱིར་ལ་བབ། །ཤིང་ལོའི་གྲི་སོ་ཡར་བསྟན་ནས། །ལུས་སྨད་ཐམས་ཅད་ཚལ་པར་གཤགས། །ཤིང་གི་རྩ་བར་ཕྱིན་པ་དང་། །མི་དེ་ལྕགས་སྲེག་ཁྱི་རུ་གྱུར། །ཁོག་སྨད་འབར་ཞིང་རྒྱུ་མ་ཟོས། །དེ་རུ་ལན་གཅིག་ཤི་བ་དང་། །ཡང་ནི་ཡར་འཛེག་མར་ལ་བབ། །དེ་འདྲ་རྒྱུན་དུ་བྱེད་དགོས་གསུངས། །འཕགས་པ་མོའུ་འགལ་གྱི་བུས། །དམྱལ་བར་བྱོན་ནས་མ་འདྲེན་ཞོར། །བུད་མེད་མང་པོ་དེར་གདའ་བ། །གཤིན་རྗེ་རྣམས་ལ་

[Full Size]

ཆོས་བཤད་ནས། །འདི་དག་ཡར་ལ་ཐོངས་གསུངས་པས། །གཤིན་རྗེས་བུད་མེད་འདི་རྣམས་ནི། །འདོད་ཆགས་སྒྲིབ་པ་ཆེ་དྲགས་པས། །ཐར་རྒྱུ་ཡོད་མེད་འདི་གཟིགས་ཟེར། །གཤིན་རྗེའི་ལས་མཁན་དེ་ཉིད་ཀྱིས། །སྐྱེས་པ་གཟུགས་བཟང་ཞིག་ཏུ་སྤྲུལ། །ང་ལ་བུད་མེད་མེད་པས་ན། །གཡོག་འཁོར་ཀྱང་ནི་ང་ལ་མེད། །ཁྱེད་ཅག་བུད་མེད་ཡ་མཚན་པ། །ཡོད་ན་ང་དང་ལྷན་འདུག་ཟེར། །བུད་མེད་དེ་རྣམས་འདོད་ཆགས་སྐྱེས། །རྒྱ་གར་རྒྱལ་པོ་རྒྱུ་འཇིག་གི།མིང་ནས་སོ་སོར་བརྗོད་བྱེད་ཅིང་། །ང་ནི་རྒྱལ་པོའི་བུ་མོ་ཡིན། །ཟེར་ནས་རྫུན་ཀྱང་ལབ་པར་བྱེད། །ལ་ལས་བྲམ་ཟེ་སུ་བཟང་གི །མིང་ནས་བརྗོད་ཅིང་བྲམ་ཟེ་དེའི། །སྲས་པོ་དེ་ནི་ང་ཡིན་ཟེར། །ལ་ལས་མི་ནི་ཕྱུག་པོ་ཚོའི། །མིང་བརྗོད་དེ་ཡི་བུ་མོ་ཡིན། །ང་ལོང་ཟེར་ནས་འོ་དོད་བྱས། །ལ་ལས་ང་ནི་ཤེས་རྒྱ་ཆེ། །རིག་པའི་གནས་ལ་ང་མ་ཁས་ཟེར། །དེ་ཚེ་སྤྲུལ་པའི་མི་དེ་ཡིས། །སྤང་མོ་ཁྱེད་རྣམས་ང་ཕྱིར་ཤོག །དབང་ནི་གང་ཆེ་ང་ཡི་བདག །ང་འགྲོགས་འདོད་མི་སུ་ཡོད་པ། ལ་མོ་ང་ཡི་རྗེས་ན་ཤོག །ཟེར་ངས་མི་དེབཅུག་སོང་བས། །བུད་མེད་དེ་ཚོ་རྗེས་ན་

[Full Size]

རྒྱུགས། །ཐང་ཆད་འགྱེལ་ཞིང་དེད་སོང་བས། །མི་དེ་མེ་དཔུང་ཆེན་པོར་གྱུར། །བུད་མེད་རྣམས་ཀྱིས་བཟུང་མ་ཚུགས། །མོའུ་འགལ་བུ་ལ་ཞུ་བ་ཕུལ། །མེ་ནང་སྐྱེས་པ་འདི་ལོངས་ལ། །ང་ལ་བྱིན་དང་ང་ལ་བྱིན། །ཟེར་ཞིང་འབོད་པ་བྱེད་དོར་ལ། །མེ་དཔུང་དེ་ལ་གཤིན་རྗེ་ཡི། །ལས་མཁན་དཔག་ཏུ་མེད་པར་གྱུར། །བུད་མེད་དེ་དག་ཐམས་ཅད་ཀྱི། །ལུས་ཀྱི་མགོ་མཇུག་སྟོད་སྨད་ཀུན། །མོ་མཚན་མང་པོས་གང་བར་གྱུར། །ལྕགས་སྲེག་ཕུར་པ་མེ་འབར་བ། །མང་པོས་མོ་མཚན་དེ་རྣམས་ལ། །གཤིན་རྗེས་བཙུགས་པས་ན་ཚ་ཡི། །བུད་མེད་ཐམས་ཅད་ངུ་འབོད་བྱེད། །མོའུ་འགལ་བུ་ནི་སྙིང་རྗེ་སྐྱེས། །བུད་མེད་འདི་དག་ཐོངས་གསུངས་པས། །བུད་མེད་འདོད་ཆགས་སྡིག་པས་ནོན། །ས་བོན་ཡོས་སུ་བརྔོས་པ་ལ། །འབྲས་བུ་མི་སྐྱེ་བ་དང་འདྲ། །འདི་ལ་ཐར་ཐབས་ག་ལ་ཡོད། །ངེད་ཅག་རྣམས་ནི་མ་ལན་ཟེར། །དེ་ནས་མོའུ་འགལ་གྱི་བུས། །བུད་མེད་རྣམས་ལ་ཆོས་གསུང་པ། །བསོད་ཟད་དམྱལ་བར་སྐྱེས་ན་ཡང་། །ད་རུང་ཁྱིམ་ཐབས་འདི་འདོད་ནས། །རྫུན་རྣམས་ལབ་ཅིང་མི་འདོད་པ། །ངོ་ཚ་མེད་པའི་བྱུར་ངན་མ། །དམྱལ་བའི་

[Full Size]

ནང་ན་མི་མང་རྩོད། །འདོད་ཆགས་བསམ་དང་མ་བྲལ་བ། །ནམ་ཡང་འདི་ནས་ཐར་དུས་མེད། །འགྱོད་པ་གྱིས་ལ་འདོད་ཆགས་སྤོངས། །གསུངས་པས་བུད་མེད་དེ་རྣམས་ཀྱིས། །སྔར་བྱས་ལས་ལ་འགྱོད་པ་སྐྱེས། །མོའུ་འགལ་བུ་ལ་སྐྱབས་ཞུས་པས། །བུད་མེད་དེ་རྣམས་ཐར་པ་ཡི། །ལོ་རྒྱུས་ངོ་མཚར་རྒྱ་ཆེ་བ། །མོའུ་འགལ་མདོ་ལས་རྒྱས་པར་འབྱུང་། །མོའུ་འགལ་གྱི་བུ་ཡི་མ། །མེ་འགལ་མ་ཞེས་བྱ་བ་དེ། །མནར་མེད་དམྱལ་བར་སྐྱེས་ནས་ནི། །བུ་ཡིས་འདྲེན་པར་མ་ཐུབ་ནས། །ཤཱཀ་ཐུབ་སྤྱན་རས་གཟིགས་གཉིས་ལ། །གསོལ་བ་བཏབ་ནས་འདྲེན་ཐུབ་ཀྱང་། །དེ་ནས་ཡི་དྭགས་ཡུལ་དུ་སྐྱེས། །དེ་ནས་དྲངས་པས་ཁྱི་རུ་སྐྱེས། །དེ་ནས་དྲངས་པས་བུ་མོར་སྐྱེས། །དེ་ནས་ལྷ་ཡུལ་འདྲེན་ཐུབ་ཙམ། །ཤིན་ཏུ་འདྲེན་པར་དཀའ་བ་དེས། །མི་བསོད་ཉ་དེད་དུག་སྦྱོར་སོགས། །ཅི་ཡང་བྱས་པར་མི་གདའ་སྟེ། །ཤིན་ཏུ་ཕྱུག་མོ་གཅིག་རེད་པས། །མོའུ་འགལ་གྱི་ཡབ་འདས་སྔ། །མི་ངན་རྐུན་མ་སྡིག་པ་གསོག །མང་པོ་ལྐོག་ཏུ་བོས་ནས་ཀྱང་། །རྒྱུ་ཟས་ཤ་ཆང་ཟས་ཀྱིས་གསོས། །རྒྱུན་དུ་འདོད་ཆགས་འཁྲིག་པ་སྤྱོད། །དེ་ཡི་

[Full Size]

ཡུལ་མི་ཁྱིམ་མཚེས་སོགས། །ཀུན་གྱིས་འཁོན་པས་འཕྱ་མཁན་མང་། །རྩོད་ཅིང་འཛིངས་བས་ཀུན་དང་འགྲས། །དེ་ལྟར་འདོད་ཆགས་བག་མེད་དུ། །སྤྱད་པས་ཉེས་པ་ཆེའོ་ཞེས། །བླ་མ་དགེ་སློང་ལ་སོགས་ཀྱིས། །གསུངས་ལ་མ་དགའ་འབར་ཤ་བཏང་། །མི་རྣམས་ཁྱིམ་དུ་བསྐུང་བ་དེ། །གཞན་གྱིས་རིག་དོགས་ཉེ་དུ་དང་། །འགྲིམས་པ་སུ་བྱུང་རྣམས་དང་འཛིངས། །དེ་འདྲ་བྱས་པའི་རྣམ་སྨིན་ཏེ། །དོན་ལ་མོ་ནི་མེ་འགལ་མ། །དམྱལ་ཚན་ཆེན་པོར་སྐྱེས་པ་དེ། །ངན་སོང་ལུས་ངན་བླང་བ་དང་། །འདྲེན་པར་ཤིན་ཏུ་དཀའ་བ་དེ། །མོ་ཉིད་སྐྱེས་པ་ལ་དགའ་ནས། །རྒྱུན་དུ་འདོད་ཆགས་སྤྱོད་པ་ཡི། །རྣམ་སྨིན་ཁོ་ན་ཡིན་པའི་ཚུལ། །མོའུ་འགལ་མདོ་ལས་རྒྱས་པར་གསལ། །བུད་མེད་ཡུགས་སས་མི་བཙལ་བས། །ཉེས་པ་དེ་ཙམ་ཡོད་པ་ན། །སྡོམ་པ་ཞུས་པའི་ཇོ་མོ་ཡིས། །མི་བཙལ་ཐར་ཐབས་ག་ལ་ཡོད། །འདི་དག་ང་ཡི་བློ་བཟོ་དང་། །སྡིག་རྒྱུ་བྱེད་ནས་སྨྲ་བ་མིན། །ཐུབ་པས་གསུངས་པའི་མདོ་རྣམས་ཀྱི། །དོན་བསྡུས་ཚིག་ཉུང་གོ་བདེ་བྲིས། །ཕྱི་རབས་ཇོ་མོ་མང་པོ་ལ། །ཕན་ཐོགས་རྒྱ་ཆེན་འབྱུང་བར་ཤོག །དགེ་སློང་རཱ་ག་ཨ་སྱས་

[Full Size]

སྨྲས། །མངྒ་ལཾ།། ༈ །།ཉོན་མོངས་དུག་གསུམ་དགྲ་བོ་དེ་འདུལ་བའི་གདམས་ངག་ཐུབ་པའི་བཀའ་བཞིན་དུ་ཡོད། ན་མོ་ལོ་ཀི་ཤྭ་ར་ཡེ། འདུལ་བ་མདོ་སྡེ་མངོན་པ་གསུམ། །དུག་གསུམ་འདུལ་ཕྱིར་གསུངས་པ་ཡིན། །ཞེ་སྡང་འདུལ་ཕྱིར་མདོ་སྡེ་གསུངས། །དེ་ཡི་བསྒོམ་བྱ་འདི་ཡིན་ནོ། །ཞེ་སྡང་བྱས་པས་དམྱལ་བར་སྐྱེ། །དེ་ཕྱིར་ཞེ་སྡང་སྤང་བར་བྱ། །ཞེ་སྡང་གཅོད་མཁན་སེམས་ཅན་ཡིན། །སེམས་ཅན་གཅིག་ཀྱང་མ་ལུས་པ། །སྐྱེ་བ་མང་པོའི་ཕ་མ་ཡིན། །དེ་ལ་ཞེ་སྡང་ཅི་ལ་བྱ། །ཁོང་ཚོས་དེ་དོན་མ་ཤེས་ནས། །ང་ལ་གནོད་པ་བྱེད་པ་ཡིན། །རང་གིས་ཤེས་བཞིན་མཛད་མི་རུང་། །ཞེ་སྡང་ཕོ་གདོན་རྒྱལ་འགོང་ཡིན། །ཁོང་ཚོ་གདོན་དེས་སྨྱོ་བ་ཡིན། །སྨྱོ་བའི་ཡ་བོ་ཅི་ལ་བྱེད། །རྫོགས་པའི་སངས་རྒྱས་བསྒྲུབ་པ་ལ། །བཟོད་པའི་ཕ་རོལ་ཕྱིན་པ་དགོས། །གནོད་པ་བྱེད་མཁན་མེད་ན་ནི། །བཟོད་པ་སྒོམ་རྒྱུ་མེད་པའི་ཕྱིར། །པཎ་ཆེན་ཇོ་བོ་ཨ་ཏི་ཤ །བོད་དུ་བྱོན་དུས་རྒྱ་གར་ནས། །ཨ་ཙ་ར་ནི་བཙོག་མོ་ཞིག །ཞེ་སྡང་སྦྱོང་མི་ཁྲིད་ནས་བྱུང་། །བོད་དུ་བཟོད་པ་སྒོམ་པ་ནི། །མི་རྙེད་དོགས་ཏེ་གདའི་གསུངས་སྐད། །དེ་བཞིན་ཚིག་ངན་བཏགས་

[Full Size]

བསྐུ་སོགས། །བྱེད་མཁན་རྣམས་ལ་བཟོད་པ་བསྒོམ། །བཟོད་པ་དཀའ་ཐུབ་མཆོག་ཡིན་ནོ། །དེ་ཡང་ཆུང་ས་ནས་བསྒོམས་པས། །དེ་ནས་ཇེ་ཆེར་བསྒོམ་ཐུབ་སྟེ། །མཉམ་དུ་འདུག་མིའི་ཇོ་མོ་སོགས། །སྡང་ཚིག་སྨྲ་བ་རང་ཉིད་ཀྱི། །སེམས་ལ་མི་ངན་བྱུང་ན་ཡང་། །དེ་ལ་ཚིག་ངན་མ་ཤོར་བར། །བཟོད་པ་སྒོམ་པས་བསོད་ནམས་ཐོབ། །སེམས་ལ་ཞེ་སྡང་སྐྱེས་པའི་དུས། །ཞེ་སྡང་སེམས་དེར་ཧྲིག་གེར་ལྟ། །དངོས་པོ་མེད་དེ་སྟོང་པར་ཡལ། །མེ་ལོང་ལྟ་བུའི་ཡེ་ཤེས་ཡིན། །བོགས་འདོན་དེ་བས་ལྷག་པ་མེད། །སེམས་ངོ་ཞེ་སྡང་སྐྱེས་པའི་དུས། །ཁྱི་ཡི་སྐད་དང་འོ་དོད་འབོད། །ཝ་དང་ཁྭ་ཏའི་སྐད་ཀྱིས་གནོད། །དེ་ལ་མི་དགའ་སྡང་སེམས་སྐྱེ། །དེ་དུས་སེམས་ཀྱི་ངོ་བོར་ལྟ། །སྒྲ་དེ་རྣ་བས་ཐོས་བཞིན་དུ། །སྒྲ་དེའི་ངོ་བོ་སྟོང་པར་འཆར། །གྲག་སྟོང་ཕྱག་རྒྱ་ཆེན་པོ་ཡིན། །ནུབ་མོ་མུན་ཆུ་རུབ་པའི་དུས། །འོག་ན་དུར་གླིང་ཡོད་པ་དེར། །རོགས་མེད་རི་ཁྲོད་གསར་པ་ལ། །ལྷ་འདྲེ་སོགས་ལ་སྐྲག་འཇིགས་སྐྱེ། །རླུང་འཚུབ་རི་བོང་རྒྱུག་སོགས་ཀྱིས། །སྒེག་སྒག་ཁྲིག་ཁྲག་གོ་ན་ཡང་། །འདྲེ་ཡིན་བསམས་ནས་སྐྲག་སྔངས་སྐྱེ། །དེ་དུས་སྐྲག་

[Full Size]

མཁན་སེམས་ལ་ལྟོས། །ལྷ་ཡང་སེམས་ཡིན་འདྲེ་ཡང་སེམས། །སེམས་ལ་གཟུགས་དང་ཁ་དོག་མེད། །བལྟས་པས་མ་མཐོང་ངང་ལ་ཞོག །བོགས་འདོན་མཆོག་ཏུ་གྱུར་པ་ཡིན། །སྤྱི། །ལྷ་འདྲེ་གཞི་བདག་གཙོར་བྱས་པའི། །སེམས་ཅན་ཐམས་ཅད་དུས་རྟག་ཏུ། །བདེ་སྐྱིད་དཔག་མེད་ལྡན་གྱུར་ཅིག །བདེ་སྐྱིད་ཐམས་ཅད་འབྱུང་བའི་རྒྱུ། །དགེ་བ་བཅུ་ལ་སྤྱོད་པར་ཤོག །དེ་ལ་ཕྱོགས་དང་རིས་མེད་པ། །ཐམས་ཅད་བདེ་ཞིང་སྐྱིད་པར་ཤོག །དེ་ལྟར་སྙིང་ནས་ཡིད་ལ་བསམ། །དེ་ནི་བྱམས་པ་ཚད་མེད་ཀྱི། །ཏིང་ངེ་འཛིན་དེ་སྲུང་བའི་མཆོག །བྱམས་པའི་གོ་ཆ་བླ་ན་མེད། །ཕན་ཡོན་ཆེན་པོ་བརྒྱད་དང་ལྡན། །ཞེ་སྡང་འདུལ་བའི་ལེའུ་ཟབ། །སྤྱི། །བཅོམ་ལྡན་ཤཱཀྱ་ཐུབ་པ་ཡིས། །འདོད་ཆགས་འཇོམས་ཕྱིར་འདུལ་བ་གསུངས། །དེ་ཡི་ཉམས་ལེན་བསྒོམ་བྱ་ནི། །སྐྱེས་པ་གཟུགས་བཟང་གོས་བཅས་བཟང་། །དེ་འདྲ་མཐོང་དུས་འདོད་ཆགས་སྐྱེ། །དེ་དུས་བསམ་བློ་འདི་ལྟར་བྱ། །མི་འདིའི་པགས་པ་དཀར་ན་ཡང་། །ཁོག་སྟོད་ཁྲག་དང་ཆུ་སེར་གང་། །ཁོག་སྨད་གཅིན་དང་སྟུག་པས་གང་། །སྲིན་རིགས་ཉི་ཁྲི་གཅིག་

[Full Size]

སྟོང་གིས། །ལུས་གང་གྲོག་མའི་ཚང་དང་འདྲ། །ཁྱི་སྟག་དར་གྱིས་གཏུམ་པ་བཞིན། །གོས་ཟས་བཟང་ཡང་ཡག་རྒྱུ་མེད། །རང་གི་ལུས་ཀྱང་དེ་དང་འདྲ། །དེ་ལྟར་བསམས་པས་འདོད་པ་ཞི། །མི་གཙང་སྒོམ་པའི་ཏིང་འཛིན་ཡིན། །སྐྱེས་པ་མཛེས་རུང་མི་མཛེས་རུང་། །སྔོན་གྱི་ལས་ཀྱི་མི་དེ་ལ། །སེམས་ཤོར་འདོད་ཆགས་སྐྱེས་པ་ཡོད། །ཀྱེ་མ་ད་ལྟར་གཞོན་པོ་ཡང་། །འདི་ནི་མི་རྟག་མྱུར་དུ་བསྒོམ། །རྒས་ན་ངོ་ཡང་གཉེར་མས་གང་། །སྐེད་པ་སྒུར་ཞིང་གོམ་ཟོ་འཁྱོར། །དེ་ནས་ཤི་སྟེ་ལུས་འདི་ཡང་། །རོ་རུ་གྱུར་ནས་རུལ་ཞིང་མནམ། །འབུ་ཡང་ཤིག་ཤིག་བྱེད་པར་འགྱུར། །རང་གི་ལུས་ཀྱང་དེ་དང་འདྲ། །བསམས་པས་འདོད་ཆགས་ཞི་བར་འགྱུར། །མི་རྟག་སྒོམ་པའི་ཏིང་འཛིན་ཡིན། །རོ་ནི་རྒོད་ཀྱིས་ཟོས་པ་ཡི། །ཛིང་རྒོག་ཀེང་རུས་ཚང་མ་ཞིག །རང་གི་མདུན་དེར་ཡོད་པར་བསྒོམ། །མིག་དང་ལྕེ་དང་སྣ་རྣམས་ནི། །བྱ་ཡིས་བྲུས་སོང་དམར་ཧ་རེ། །སོ་ཡི་ཕྲེང་བ་སྐྱ་ཁྲིག་གེ །དྲི་ངན་བྲོ་ཞིང་སྦྲང་བུ་འཁོར། །དེ་ཚོ་ཡིད་ལ་བསམ་པ་བསྒོམ། །མི་ནི་སྐྱེ་ཡག་ལུས་ལ་ཡང་། །ནང་དེར་ཀེང་རུས་དེ་ལྟར་ཡོད། །རང་གི་ལུས་ཡང་དེ་དང་འདྲ། །

[Full Size]

པགས་པ་ཡོད་མེད་མ་གཏོགས་པ། །ཀེང་རུས་ཡིན་ལ་ཁྱད་པར་མེད། །དེ་དོན་གོ་བ་སྐྱེས་པ་ན། །འདོད་ཆགས་ཐམས་ཅད་ཞི་བར་གསུངས། །མི་སྡུག་སྒོམ་པའི་ཏིང་འཛིན་ཡིན། །སྡོམ་པ་ཞུས་པའི་ཇོ་མོ་རྣམས། །ཕ་ཡུལ་གྲོང་ནག་འདུག་པའི་ཚེ། །སྐྱེས་པ་གཞོན་ནུ་མང་པོ་ཡང་། །མཉམ་འགྲོ་མཉམ་འདུག་དགོས་པའི་ཚེ། །ཡིད་ལ་བསྒོམ་བྱ་འདི་ཡིན་ནོ། །སྐྱེས་ཕྲན་གཞོན་ནུ་འདི་རྣམས་ཀྱང་། །སྐྱེ་བ་སྟོང་ཕྲག་དུ་མ་ལ། །ང་ཡི་ཕ་དང་མིང་པོར་སྐྱེས། །ཁོང་ཚོས་དེ་དོན་མ་ཤེས་པས། །ང་ལ་མི་འཛེམ་ཅོལ་གཏམ་སྨྲ། །ངས་ནི་ངོ་ཚ་སྲུང་དགོས་ཏེ། །ཕ་དང་མིང་པོ་འདི་རྣམས་ལ། །འདོད་ཆགས་བསམ་པ་ཅི་ལ་སྐྱེ། །བསམ་པ་བསྒོམ་པ་ཡིན་པར་གསུངས། །སྐྱེས་གཞན་ཡོད་དམ་མེད་ཀྱང་རུང་། །སེམས་ལ་འདོད་ཆགས་སྐྱེས་པའི་དུས། །དེ་ཡི་ངོ་བོ་སེམས་ལ་ལྟ། །གཟུགས་དང་ཁ་དོག་དངོས་པོ་མེད། །སྟོང་པ་ཉིད་དུ་ལྷང་ངེར་གནས། །བདེ་སྟོང་ཕྱག་རྒྱ་ཆེན་པོ་སྟེ། །སོ་སོར་རྟོགས་པའི་ཡེ་ཤེས་ཡིན། །འདོད་ཆགས་ཡི་དྭགས་ས་བོན་ཏེ། །ཐབས་རྣམས་དུ་མས་དེ་འདུལ་ཏེ། །དེ་ཡི་ནང་དུ་མ་ཤོར་བྱ། །སྤྱི། བཅོམ་ལྡན་ཤཱཀྱ་

[Full Size]

ཐུབ་པ་ཡིས། །གཏི་མུག་འདུལ་ཕྱིར་མངོན་པ་གསུངས། །མི་ཤེས་པ་དང་མ་རིག་པ། །རང་སེམས་ངོ་བོ་མ་རྟོགས་པ། །དགེ་སྡིག་ཕན་གནོད་མི་ཤེས་པ། །ཐམས་ཅད་གཏི་མུག་ཡིན་པའི་ཕྱིར། །ཡི་གེ་འདོན་དང་དཔེ་ལྟས་དང་། །ཟིན་ཐུན་འདོན་པ་བསླབ་པ་དང་། །དེ་འདྲ་བྱས་པས་ཤེས་རབ་སྐྱེ། །གསོལ་འདེབས་བླ་མའི་རྣལ་འབྱོར་བསྒོམ། །དེ་ཡིས་རང་སེམས་ངོ་བོ་རྟོགས། །ནམ་ཕྱེད་ཟིན་ནས་ཐོ་རངས་བར། །གཉིད་ཀྱི་དུས་ཡིན་མ་གཉིད་ན། །ནད་འཇུག་བྱིང་རྨུགས་དགེ་སྦྱོར་འགྲིབ། །དེ་དུས་སེང་གེའི་ཉལ་སྟབས་ཀྱིས། །འོད་གསལ་བཟུང་བའི་འདུན་པས་གཉིད། །རྨི་ལམ་སེམས་ངོ་ཡི་ཟིན་ལྟ། །དེ་ཚེ་ཡུད་ཅིག་མི་གཉིད་དེ། །ཚེ་རབས་འཁོར་བ་ཐོག་མེད་ནས། །མ་རིག་གཏི་མུག་དེ་ཙམ་ཆོག །རང་གི་ལོ་གྲངས་དུ་ལོན་པའི། །ཕྱེད་དེ་གཉིད་དུ་བསྡད་པ་རེད། །གཉིད་དེ་དགེ་བའི་ཆོམ་པོ་སྟེ། །ཟླ་གཅིག་མཚམས་ལ་བསྡད་ན་ཡང་། །ཞག་མ་བཅོ་ལྔ་གཉིད་ནི་འདུག །འདི་ལ་སྙིང་པོ་ཅི་ཡོད་ཅེས། །ཆོག་ཤེས་རང་ལ་ཞེ་ཁྲེལ་བྱ། །རང་གི་སྤྱི་བོའི་གཙུག་ཏུ་ནི། །མར་མེ་གཅིག་ནི་ཡོད་པར་བསྒོམ། །མར་མེ་གསལ་དང་ཏ་ལ་ལ། །དེ་

[Full Size]

ལ་རིག་པ་གཏད་པ་ན། །གཏི་མུག་ཤུགས་ཀྱིས་ཆུང་བར་འགྱུར། །གཞན་ཡང་ཐུབ་པའི་མཛད་བཅུ་སོགས། །བཀའ་བརྒྱུད་རྣམ་ཐར་ཡིད་ལ་བསྒྲུང་། །དེ་ཡིས་གཏི་མུག་ཞི་བར་གསུངས། །གཏི་མུག་ངོ་བོ་སེམས་ཡིན་ཏེ། །སེམས་ལ་བལྟས་པས་རྣམ་རྟོག་ཉུང་། །གཏི་མུག་པ་ཞིག་ཡོད་པ་དེ། །ངོ་བོ་བལྟས་པས་སྟོང་པ་ཉིད། །ཆོས་ཀྱི་དབྱིངས་ཀྱི་ཡེ་ཤེས་ཏེ། །མི་རྟོག་ཕྱག་རྒྱ་ཆེན་པོ་ཡིན། །བོགས་འདོན་མཆོག་ཅིག་དེ་ཡིན་ནོ། །གྲོལ་ལམ་མདོ་ལུགས་ཤས་ཆེ་བའི། །དུག་གསུམ་འདུལ་བའི་ཞལ་གདམས་འདི། །བཅོམ་ལྡན་ཐུབ་པས་གསུངས་པ་ཡི། །སྡེ་སྣོད་གསུམ་གྱི་སྙིང་པོ་ཡིན། །ཡིག་སྐད་ཆོས་སྐད་མ་བྱས་པ། །ཐ་མལ་རང་རང་ས་ཆ་ཡི། །སྐད་དུ་བྲིས་པས་གོ་བར་སླ། །ཆོས་སྐུ་མ་ལ་གདམས་པ་སྟེ། །ཕྱི་རབས་ཇོ་མོ་མང་པོ་ལ། །ཕན་ཐོགས་རྒྱ་ཆེན་འབྱུང་བར་ཤོག །དེ་སྐད་རཱ་ག་ཨ་སྱ་ཡིས། །དབོན་མོ་སྤུན་གཉིས་རི་ཁྲོད་དུ། །གསར་དུ་བསྡད་པའི་ཆས་ཇར་སྤྲེངས། །རེ་ཞིག་དེ་རྣམས་ཉམས་སུ་ལོངས། །མོས་གུས་སྔ་མ་བསྒོམ་ཟིན་ན། །རྗེས་ནས་བསྒོམ་རྒྱུ་ཟད་མེད་ཡོད། །མངྒ་ལཾ། དགེའོ། །དགེའོ། །དགེའོ།། །།

སློབ་དཔོན་པདྨའི་རྫོང་ཆེན་བཅོ་བརྒྱད་ཀྱི་ཡ་གྱལ།

[Full Size]

སློབ་དཔོན་པདྨའི་རྫོང་ཆེན་བཅོ་བརྒྱད་ཀྱི་ཡ་གྱལ། གནས་ན་བུན་རྫོང་ཆེན་གྱི་གནས་ཀྱི་གསོལ་འདེབས་བཞུགས་སོ། །ན་མོ་གུ་རུ་དེ་ཝ་ཌཱ་ཀི་ནཱི་ཧཱུཾ། གནས་ན་བུན་ཡེ་ཤེས་ཀྱི་ཕུག་པ་ན། །རྟེན་སྐུ་ཚབ་དང་ཤོག་སེར་གཏེར་ཁ་མང་། །གནས་པདྨ་འོད་དང་གཉིས་སུ་མེད། །ཨོ་རྒྱན་རྗེ་འབངས་ཉེར་ལྔ་ལ་གསོལ་བ་འདེབས། །བྱིན་རླབས་སེམས་ལ་འཇུག་པར་བྱིན་གྱིས་རློབས། །གནས་རྩ་གསུམ་འཁོར་ལོ་ལྔ་ཡི་ཚུལ། །དག་པ་མཁའ་སྤྱོད་གནས་དང་གཉིས་སུ་མེད། །ཡི་དམ་ཞི་ཁྲོ་རབ་འབྱམས་ལ་གསོལ་བ་འདེབས། །མཆོག་གི་དངོས་གྲུབ་ཐོབ་པར་བྱིན་གྱིས་རློབས། །གནས་ཧྲིམ་ཧཱུྃ་གི་ཡིག་འབྲུ་གསལ། །རང་བྱུང་ཨོ་རྒྱན་གྱི་གནས་དང་གཉིས་སུ་མེད། །དབང་ཆེན་རྟ་ཕག་ཡབ་ཡུམ་ལ་གསོལ་བ་འདེབས། །འཇའ་ལུས་མཁའ་སྤྱོད་འགྲུབ་པར་བྱིན་གྱིས་རློབས། །གནས་ཤར་ཕྱོགས་ཧདང་རཡིག་དཀར། །ཤར་གཏུམ་དྲག་གནས་དང་གཉིས་སུ་མེད། །རྡོ་རྗེ་མཁའ་འགྲོ་ཡབ་ཡུམ་ལ་གསོལ་བ་འདེབས། །ནད་གདོན་བར་ཆད་ཞི་བར་བྱིན་གྱིས་རློབས། །གནས་ལྷོ་ཕྱོགས་རི་དང་ཙཡིག་སེར། །ལྷོ་གད་རྒྱངས་ཀྱི་གནས་དང་གཉིས་སུ་མེད། །

[Full Size]

རིན་ཆེན་མཁའ་འགྲོ་ཡབ་ཡུམ་ལ་གསོལ་བ་འདེབས། །ཚེ་དང་ལོངས་སྤྱོད་རྒྱས་པར་བྱིན་གྱིས་རློབས། །གནས་ནུབ་ཕྱོགས་ནི༔དང་གྷིཡིག་དམར། །ནུབ་པདྨ་འཁྱིལ་དང་གཉིས་སུ་མེད། །པདྨ་མཁའ་འགྲོ་ཡབ་ཡུམ་ལ་གསོལ་བ་འདེབས། །རླུང་སེམས་དབང་དུ་འདུ་བར་བྱིན་གྱིས་རློབས། །གནས་བྱང་ཕྱོགས་སདང་ཡཡིག་ལྗང་། །བྱང་ཀཱི་ལ་ཡ་དང་གཉིས་སུ་མེད། །ལས་ཀྱི་མཁའ་འགྲོ་ཡབ་ཡུམ་ལ་གསོལ་བ་འདེབས། །བདུད་བཞིའི་གཡུལ་ལས་རྒྱལ་བར་བྱིན་གྱིས་རློབས། །དྷ་ཀི་དང་ཞིང་སྐྱོང་གནས་བདག་ཚོགས། །རྐྱེན་ཕྱི་ནང་གི་བར་ཆད་ཞི་བ་དང་། །དོན་ཆོས་མཐུན་གྱི་བསམ་པ་ཡིད་བཞིན་འགྲུབ། །བཀྲ་ཤིས་དང་བདེ་ལེགས་མཛད་དུ་གསོལ། །ཅེས་པ་འདི་རིག་སྔགས་འཆང་བའི་ཟདགེ་སློང་རཱ་ག་ཨ་སྱས་གནས་འབྲེལ་བྱེད་དུས་བྲིས་པའོ། །སརྦ་མངྒ་ལཾ།། །།

སྐྱིད་འབྱམས་གསོལ་འདེབས།

[Full Size]

སྐྱིད་འབྱམས་གསོལ་འདེབས་བཞུགས་སོ།། ༈ ན་མོ་གུ་རུ་པདྨ་སཾ་བྷ་ཝ་ཧཱུཾ། གནས་རི་བོ་གར་མཛད་ༀ་གྱི་ཚུལ། །སྐྱེ་མེད་ཆོས་སྐུའི་ཡིག་འབྲུས་བརྒྱན། །ཆོས་སྐུ་སྣང་བ་མཐའ་ཡས་ལ་གསོལ་བ་འདེབས། །རང་སེམས་ཆོས་སྐུར་རྟོགས་པར་བྱིན་གྱིས་རློབས། །གནས་རྡོ་རྗེའི་བྲག་ལ་འབྲུ་དྲུག་ཤར། །གསུང་ཡིག་དྲུག་མགོན་པོ་སྤྱན་རས་གཟིགས། །ལོངས་སྐུ་ཐུགས་རྗེ་ཆེན་པོ་ལ་གསོལ་བ་འདེབས། །རིགས་དྲུག་སྐྱེ་སྒོ་ཆོད་པར་བྱིན་གྱིས་རློབས། །གནས་སྐྱིད་འབྱམས་ཨོ་རྒྱན་སྒྲུབ་པའི་ཕུག །གནས་དེ་ན་སྤྲུལ་པ་རྒྱུན་དུ་འབྱོན། །སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས། །ཚེ་ཡི་རིག་འཛིན་ཐོབ་པར་བྱིན་གྱིས་རློབས། །སྐུ་མི་ཟད་རྒྱན་གྱི་འཁོར་ལོའི་གནས། །སྐུ་རང་བྱོན་དང་སྐུ་ཚབ་མང་དུ་བཞུགས། །དུས་གསུམ་རྒྱལ་བའི་སྐུ་ལ་གསོལ་བ་འདེབས། །ལུས་ཀྱི་སྒྲིབ་པ་དག་པར་བྱིན་གྱིས་རློབས། །གསུང་མི་ཟད་རྒྱན་གྱི་འཁོར་ལོའི་གནས། །གསུང་ཡིག་འབྲུ་དང་ཤོག་སེར་དཔག་མེད་བཞུགས། །དུས་གསུམ་རྒྱལ་བའི་གསུང་ལ་གསོལ་བ་འདེབས། །ངག་གི་སྒྲིབ་པ་དག་པར་བྱིན་གྱིས་རློབས། །ཐུགས་

[Full Size]

མི་ཟད་རྒྱན་གྱི་འཁོར་ལོའི་གནས། །ཐུགས་མཆོད་རྟེན་དང་རིང་བསྲེལ་མང་དུ་བཞུགས། །དུས་གསུམ་རྒྱལ་བའི་ཐུགས་ལ་གསོལ་བ་འདེབས། །སེམས་ཀྱི་སྒྲིབ་པ་དག་པར་བྱིན་གྱིས་རློབས། །གནས་དག་པ་མཁའ་སྤྱོད་དང་གཉིས་སུ་མེད། །སྐུ་ཡིག་འབྲུ་དང་ཕྱག་མཚན་བསམ་མི་ཁྱབ། །ཡི་དམ་ཞི་ཁྲོ་རབ་འབྱམས་ལ་གསོལ་བ་འདེབས། །མཆོག་གི་དངོས་གྲུབ་ཐོབ་པར་བྱིན་གྱིས་རློབས། །གནས་སྒྲུབ་ཕུག་མཁའ་འགྲོའི་ཚོགས་ཁང་ན། །ལྷ་མཁའ་འགྲོ་ཆོས་སྐྱོང་སྤྲིན་ལྟར་འཁྲིགས། །གནས་གསུམ་དཔའ་བོ་མཁའ་འགྲོ་ལ་གསོལ་བ་འདེབས། །རྐྱེན་ངན་བར་ཆད་ཞི་བར་བྱིན་གྱིས་རློབས། །གནས་བདག་དང་ཞིང་སྐྱོང་སྲུང་མའི་ཚོགས། །རྐྱེན་ཕྱི་དང་ནང་གི་བར་ཆད་སོལ། །འཇིག་རྟེན་ཀུན་བདེ་ཞིང་སྐྱིད་པ་དང་། །བཀྲ་ཤིས་དང་བདེ་ལེགས་མཛད་དུ་གསོལ། །ཅེས་པ་རཱ་ག་ཨ་སྱས་གནས་འབྲེལ་དུས་བྲིས་པའོ། །མངྒ་ལཾ།། །།

གདན་ས་ཆེན་པོ་འོག་མིན་དཔལ་གྱི་ཀརྨའི་གནས་བསྟོད་སྙན་གྲགས་ལྷ་ཡི་རྔ་ཆེན།

[Full Size]

གདན་ས་ཆེན་པོ་འོག་མིན་དཔལ་གྱི་ཀརྨའི་གནས་བསྟོད། སྙན་གྲགས་ལྷ་ཡི་རྔ་ཆེན་ཞེས་བྱ་བ་བཞུགས་སོ།།

[Full Size]

ན་མོ་གུ་རུ་ཀརྨ་ཀ་ཡེ། པོ་ཊ་ལ་རུ་མགོན་པོ་སྤྱན་རས་གཟིགས། །རྔ་ཡབ་གླིང་དུ་ཨོ་རྒྱན་སྤྲུལ་པའི་སྐུ། །ཁ་བ་ཅན་དུ་དཔལ་ལྡན་ཀརྨ་པ། །ཞྭ་ནག་ཅོད་པན་འཛིན་པ་རྣམས་ལ་འདུད། །འཕགས་ཡུལ་གྲུབ་པའི་ཌོམ་བྷི་ཧེ་རུ་ཀ །གངས་ཅན་ལྗོངས་སུ་སྒོམ་ཆུང་རས་ཆེན་དང་། །ད་ལྟ་རྒྱལ་བའི་ཕྲིན་ལས་མངའ་མཛད་པ། །སི་ཏུ་སྤྲུལ་པའི་སྐུ་ལ་ཕྱག་འཚལ་ལོ། །གནས་གདན་ས་ཆེན་པོ་འོག་མིན་ཀརྨའི་གནས་བཤད་འདི་ལ་ལོ་རྒྱུས་སྤྱི་དང་བྱེ་བྲག་གཉིས་ཏེ། སྤྱིར་ནི་འཕགས་པ་འཇིག་རྟེན་དབང་ཕྱུག་ཀརྨ་པ་དེ་ཉིད། འོག་མིན་ཆོས་དབྱིངས་ལྷུན་གྱིས་གྲུབ་

[Full Size]

པའི་གནས་ན་ཐུགས་ཆོས་སྐུའི་ངོ་བོ་འཁོར་འདས་སྣང་སྲིད་ཐམས་ཅད་ཁྱབ་པར་བཞུགས་ཏེ། དེ་ནི་ས་བཅུའི་སེམས་དཔའ་རྣམས་ཀྱི་ཡང་མུན་པ་ནང་གི་གཟུགས་ཙམ་ལས་མཇལ་བའི་སྐལ་པ་མེད་པར་གསུངས་ན། བདག་ལྟ་བུའི་བརྗོད་པར་ཡང་ག་ལ་ནུས་ཏེ་དོན་དེ་ལ་དགོངས་ནས༔ བསམ་བརྗོད་རེ་བ་ལས་འདས་པ་ལ་གསོལ་བ་འདེབས་སོ། །ཞེས་གདམས་པར་མཛད་དོ།། ༧ འཕགས་པ་ཟ་མ་ཏོག་བཀོད་པའི་མདོ་ལས། འཕགས་པ་འཇིག་རྟེན་དབང་ཕྱུག་ཀརྨ་པ་དེའི་བ་སྤུའི་བུ་ག་གཅིག་ནས་ཀྱང་། སངས་རྒྱས་ཀྱི་ཞིང་ཁམས་བསམ་གྱིས་མི་ཁྱབ་པ་ཞིག་སྤྲུལ་

[Full Size]

ནས་འགྲོ་དོན་མཛད་པར་གསུངས་པས། དེ་ལྟ་བུའི་གནས་དེ་དག་བཤད་པར་ག་ལ་ནུས་ཏེ། དོན་དེ་ལ་དགོངས་ནས། རབ་འབྱམས་ཞིང་གི་བདག་པོ་ལ་གསོལ་བ་འདེབས་སོ། །ཞེས་རྗེས་འཇུག་རྣམས་ལ་གདམས་པར་མཛད་དོ། ༧ །ཆུ་ཀླུང་སྣ་ཚོགས་པའི་མདོ་ལས། འཕགས་པ་འཇིག་རྟེན་དབང་ཕྱུག་ཀརྨ་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དང་མཉམ་པའི་འཇིག་རྟེན་གྱི་ཁམས་རྣམས་སུ་སངས་རྒྱས་སྟོང་རྩ་གཉིས་སྤྲུལ་ནས་སེམས་ཅན་གྱི་དོན་མཛད་པར་གསུངས་པ་དང་། ༧ པུན་དྷ་རི་ཀའི་མདོ་ལས། འཕགས་པ་འཇིག་རྟེན་དབང་ཕྱུག་ཀརྨ་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བཀོད་པ་བར་མའི་འཇིག་རྟེན་གྱི་འབྱུང་བ་ཆེན་པོའི་རྡུལ་ཕྲ་རབ་དང་མཉམ་པའི་མཛད་པ་བཅུ་གཉིས་སུ་སྤྲུལ་ནས་སེམས་ཅན་གྱི་དོན་མཛད་པར་གསུངས་པ་དང་། སྙིང་རྗེ་སྣ་ཚོགས་རོལ་པ་ཞེས་སམ། སྙིང་རྗེ་རྣམ་པར་རྒྱལ་བའམ། སྙིང་རྗེ་རྣམ་པ་རོལ་པའི་མདོ་ལས། འཕགས་པ་འཇིག་རྟེན་དབང་ཕྱུག་ཀརྨ་པ་དེས། འཛམ་གླིང་བྱེ་བ་ཕྲག་བརྒྱའི་རྡོ་རྗེ་གདན་བྱེ་བ་ཕྲག་བརྒྱ་ན། ཤཱཀྱ་ཐུབ་པ་བྱེ་བ་ཕྲག་བརྒྱ། པོ་ཊ་ལ་བྱེ་བ་ཕྲག་བརྒྱ་ན་

[Full Size]

བྱང་ཆུབ་སེམས་དཔའ་སྤྱན་རས་གཟིགས་བྱེ་བ་ཕྲག་བརྒྱ། ར་ས་འཕྲུལ་སྣང་བྱེ་བ་ཕྲག་བརྒྱ་ན། སྤྲུལ་པའི་ཆོས་རྒྱལ་སྲོང་བཙན་སྒམ་པོ་བྱེ་བ་ཕྲག་བརྒྱར་སྤྲུལ་ནས་སེམས་ཅན་གྱི་དོན་མཛད་པར་གསུངས་པའི་ཕྱིར། དོན་དེ་ལ་དགོངས་ནས།་ཞིང་ཁམས་སྤྲུལ་པས་ཁྱབ་པ་ལ་གསོལ་བ་འདེབས་སོ། །ཞེས་རྗེས་འཇུག་རྣམས་ལ་གདམས་པར་མཛད་པའོ། །དེ་དང་མཚུངས་པར་དྭངས་སྙིགས་འབྱེད་པའི་མདོ་བསྡུས་པ་ལས། འཇིག་རྟེན་བྱེ་བ་ཕྲག་བརྒྱ་ན། །ཀརྨ་པ་ཞེས་བྱ་བ་ཡི། །སྤྲུལ་པ་བྱེ་བ་ཕྲག་བརྒྱ་འབྱུང་། །ཞྭ་ནག་གྱོན་ནས་འགྲོ་བ་འདུལ། །ཞེས་དང་། མདོ་སྡེ་རྒྱན་ལ་སོགས་པ་རྣམས་ནས། མཆོག་གི་སྤྲུལ་སྐུ་སངས་རྒྱས་ཤཱཀྱ་ཐུབ་པ་བྱེ་བ་ཕྲག་བརྒྱ་པོའི་འགྲོ་དོན་དང་བསྟན་པ་མཉམ་པར་གསུངས་པའི་ཕྱིར། འཛམ་གླིང་བྱེ་བ་ཕྲག་བརྒྱ་ན། གནས་ཆེན་ཀརྨ་ཡང་བྱེ་བ་ཕྲག་བརྒྱ། རྒྱལ་བ་ཀརྨ་པ་བྱེ་བ་ཕྲག་བརྒྱ། སི་ཏུ་སྤྲུལ་པའི་སྐུ་ན་རིམ་ཡང་བྱེ་བ་ཕྲག་བརྒྱ་འབྱོན་པར་ངེས་པས། དེ་ལྟ་བུའི་རྣམ་ཐར་རྒྱ་ཆེ་བ་ནི། རང་རེའི་སོ་སོའི་སྐྱེ་བོ་རྣམས་ཀྱི་བློ་ལ་ཤོང་བར་དཀའ་བས་སྤྲོས་པ་སྐྱུང་། ༈ སྤྱི་དོན་གཉིས་པ། གདན་ས་ཆེན་པོ་འདི་ཉིད་

[Full Size]

ཀྱི་ལོ་རྒྱུས་ཁོལ་བུར་ཅུང་ཙམ་ཞུ་ན། དེ་ལའང་དང་པོ་གནས་ཀྱི་བྱུང་ཁུངས་དང་། གཉིས་པ་གནས་བྱིན་གྱིས་བརླབས་ཚུལ། གསུམ་པ་གནས་སྒོ་ཕྱེ་ཞིང་བསྟན་པའི་གཞི་མ་གདན་ས་བཞེངས་ཚུལ། བཞི་པ་གནས་བཤད་དཀར་ཆག །ལྔ་པ་ཕན་ཡོན་དགོས་ཆེད་དང་བཅས་པའོ།། ༈ དང་པོ་གནས་ཀྱི་བྱུང་ཁུངས་ནི། དང་པོ་སྲིད་པ་ཆགས་པའི་དུས། ཀུན་ཏུ་བཟང་མོའི་སྤྲུལ་པ་ལས་རྡོ་རྗེ་དབྱིངས་ཕྱུག་མའི་ངོ་བོ་ནམ་མཁའ་སྟོང་པའི་ངང་ལས། ཡུམ་ཆེན་མོ་དམ་ཚིག་སྒྲོལ་མའི་སྤྲུལ་པ་རླུང་གི་དཀྱིལ་འཁོར་ཆགས་སོ། །དེ་བཞིན་དུ་གོས་དཀར་མོའི་སྤྲུལ་པ་མེ་དང་། མ་མཱ་ཀིའི་སྤྲུལ་པ་ཆུ་དང་། སངས་རྒྱས་སྤྱན་མའི་སྤྲུལ་པ་ས་རྣམས་བྱུང་སྟེ། དེ་རྣམས་འདུས་ཤིང་འཚོགས་པ་ལས། གླིང་བཞི་རི་རབ་དང་བཅས་པ་ཆགས། འབྱུང་བའི་དྭངས་བཅུད་འདུས་པ་ལས། ཉི་ཟླ་ནོར་བུ་དཔག་བསམ་གྱི་ཤིང་དང་། གནས་ཆེན་དང་གནས་ཕྲན་རྣམས་གྲུབ་སྟེ། དེ་དག་ཐམས་ཅད་ཀྱང་ཕྱི་ལྟར་ན་སེམས་ཅན་སྤྱི་མཐུན་གྱི་ལས་ལས་བྱུང་། ནང་ལྟར་ན་ཡུམ་ཆེན་ལྔ་ཡི་རྫུ་འཕྲུལ་ལས་སྤྲུལ། གསང་བ་ལྟར་ན་འཕགས་པ་འཇིག་རྟེན་དབང་ཕྱུག་ཀརྨ་པའི་རྫུ་འཕྲུལ་ཆ་གཅིག་ཙམ་ཡིན་ཏེ།

[Full Size]

དེའི་དོན་རྒྱས་པར་ནི། སངས་རྒྱས་ཕལ་པོ་ཆེ་དང་། གསང་བ་རྡོ་རྗེ་ཐེག་པའི་རྒྱུད། བཀའ་ཐང་སྡེ་ལྔ་དང་། ལུང་བསྟན་བཀའ་རྒྱ་མའི་དབུ་རྣམས་ལས་རྒྱ་ཆེར་གསུངས་སོ། །དེ་ལ་འཇིག་རྟེན་ཆགས་ནས་རིང་པོར་མ་ལོན་པར། སྲིད་པའི་མེས་པོ་ལྷ་ཆེན་དབང་ཕྱུག་ཆེན་པོས་དྲག་པོ་འཇིགས་བྱེད་ནག་པོ་དང་། ལྷ་མོ་ཨུ་མས་དུས་མཚན་དམར་མོར་སྤྲུལ། འཇིགས་བྱེད་དེས་དྲག་པོ་ཉི་ཤུ་རྩ་བཞི་དང་། ཨུ་མས་དྲག་མོ་ཉི་ཤུ་རྩ་བཞི་སྤྲུལ་ནས། ཡུལ་ཉི་ཤུ་རྩ་བཞི་བདག་ཏུ་བཟུང་། དེ་དག་རེ་ལ་ཡང་སྤྲུལ་པ་དཔག་ཏུ་མེད་པ་སྤྲུལ་ནས་གནས་ཆེན་དང་གནས་ཕྲན་ཐམས་ཅད་བདག་ཏུ་བཟུང་བའི་ཕྱིར། དབང་ཕྱུག་གི་རྒྱུད་དང་སྒྲུབ་ཐབས་བཤད་ནས་མི་རྣམས་མུ་སྟེགས་ཀྱི་ལམ་ལ་བཀོད་དོ། །དེའི་ཚེ་གནས་འདི་ཡང་དབང་ཕྱུག་དྲག་པོའི་གསུང་གི་སྤྲུལ་པ་ཞིག་གིས་བདག་ཏུ་བཟུང་བའི་ཕྱིར། བྲག་རི་ཁྲོ་བོའི་ཆ་བྱད་འདྲ་བ་དང་། རྡོ་རྣམས་དུར་ཁྲོད་ཀྱི་ཀེང་རུས་འཁྲོལ་མའི་ཚུལ་དུ་ཡོད་དོ། །དེ་ནས་འོག་མིན་འཐུག་པོ་བཀོད་པའི་ཞིང་ཁམས་ནས། འཕགས་པ་འཇིག་རྟེན་དབང་ཕྱུག་ཀརྨ་པ་ལོངས་སྤྱོད་རྫོགས་པའི་སྐུ་དང་། སངས་རྒྱས་རྣམ་པར་སྣང་མཛད་ཆེན་པོ་

[Full Size]

བཅོམ་ལྡན་འདས་འཁོར་ལོ་སྡོམ་པར་སྤྲུལ། ཡུམ་རྡོ་རྗེ་དབྱིངས་ཕྱུག་མ་རྡོ་རྗེ་ཕག་མོར་སྤྲུལ། བྱང་ཆུབ་སེམས་དཔའ་ཉི་ཤུ་རྩ་བཞི་དཔའ་བོ་ཉི་ཤུ་རྩ་བཞིར་སྤྲུལ། བྱང་ཆུབ་སེམས་མ་ཉི་ཤུ་རྩ་བཞི་དཔའ་མོ་ཉི་ཤུ་རྩ་བཞིར་སྤྲུལ་ནས། འཁོར་ལོ་སྡོམ་པ་ལྷ་དྲུག་ཅུ་རྩ་བཞིའི་དཀྱིལ་འཁོར་གཅིག་འོག་མིན་ནས་འཛམ་བུ་གླིང་འདིར་བྱོན་ཏེ། འཇིགས་བྱེད་དང་ཡུམ་ཨུ་མ་གཉིས་ཞབས་འོག་ཏུ་མནན། དཔའ་བོ་ཉེར་བཞིས་དྲག་པོ་ཉེར་བཞི་དང་། དཔའ་མོ་ཉེར་བཞིས་དྲག་མོ་ཉེར་བཞི་བཏུལ་ནས་ཐིམ་པ་དང་། ལོངས་སྤྱོད་རྫོགས་པ་དང་། བདག་པོའི་ཚུལ་གྱིས། དབང་ཕྱུག་ཡབ་ཡུམ་གྱི་གནས་ཐམས་ཅད་བདེ་མཆོག་ཡབ་ཡུམ་གྱི་གནས་སུ་བྱིན་གྱིས་བརླབས་པ་སྟེ། རྒྱས་པར་ནི་བདེ་མཆོག་གི་རྒྱུད་འགྲེལ་རྣམས་ནས་གསུངས་སོ། །དེ་ལ་བོད་ཁ་བ་ཅན་འདིར། ཕག་མོ་ཡུམ་གྱི་གནས་གསུམ་བདེ་མཆོག་ཡབ་ཀྱི་གནས་གསུམ་དང་དྲུག་པོ་གཙོ་ཆེ་བ་ལས། ཡུམ་གྱི་གནས་གསུམ་ནི། སྟོད་ན་རྒྱ་ཆེ་བ་གངས་དཀར་གྱི་རྒྱལ་པོ་ཏི་སེ། སེང་གདོང་དཀར་མོ་སྐུ་ཡི་གནས། བར་དུ་ཡིད་ཆེས་ཤིང་ཁུངས་བཙུན་པ་ལ་ཕྱི་ཆུ་བར། སྟག་གདོང་དམར་མོ་གསུང་གི་གནས། སྨད་ན་ས་གསུམ་འགྲན་

[Full Size]

ཟླ་དང་བྲལ་བ་ལྷོ་གནས་མཆོག་དཔལ་གྱི་ཙཱ་རི་ཏྲ། ཕག་གདོང་ནག་མོ་ཐུགས་ཀྱི་གནས། ཡབ་ཀྱི་གནས་གསུམ་ནི། ཤར་ཕྱོགས་ཀ་མ་རུ་པ་ཀཾ་པོ་གངས་ཀྱི་ར་བ་འཁོར་ལོ་སྡོམ་པ་སྐུ་ཡི་གནས་ས་སྤྱོད་སྐུའི་འཁོར་ལོ། མཚུར་མདོ་བོ་ལུང་ནི་བདེ་མཆོག་ཐུགས་ཀྱི་གནས་ཏེ་མཁའ་སྤྱོད་ཐུགས་ཀྱི་འཁོར་ལོ། ༧ བདེ་མཆོག་གི་གནས་འོག་མིན་ཀརྨ་ས་སྤྱོད་གསུང་གི་འཁོར་ལོ་ཡིན་ཏེ་རྒྱབ་རི་བྲག་བདེ་མཆོག་ཡབ་ཡུམ་གྱི་ཚུལ་དུ་ཡོད་དོ། །དོན་དེ་ལ་དགོངས་ནས་མི་བསྐྱོད་ཞབས་ཀྱི་བཀའ་འབུམ་ནས། རང་བདེ་མཆོག་ཡབ་ཡུམ་བསྒོམས་པའི་རྩ་དབུ་རྐྱང་རོ་གསུམ་གྱི་ནང་དུ་མཚུར་ཕུ་དང་ཀཾ་པོ་གནས་ནང་ཀརྨ་རི་གླིང་གསུམ་བསྒོམ། དེ་གསུམ་གྱི་དབུས་སུ་དུས་མཁྱེན་དང་གྲུབ་ཆེན་པཀྴི་དང་སངས་རྒྱས་མཉན་པ་གསུམ་བསྒོམ་ཞིང་། བདེ་མཆོག་དང་མཉན་པ་ཡབ་སྲས་དབྱེར་མེད་དུ་སྒྲུབ་པའི་ཟབ་ཆོས་རྒྱ་ཆེར་བཞུགས་སོ། །གནས་དེ་གསུམ་གྱི་བྱ་དང་རི་དྭགས་ཡན་ཆད་དཔའ་བོ་ཌཱ་ཀིའི་རང་བཞིན་དུ་རྣམ་པར་དག་ཚུལ་ཡང་གསུངས་སོ། །ཡང་སངས་རྒྱས་འོད་སྲུང་གི་བསྟན་པ་རྫོགས་ནས་ཤཱཀྱ་ཐུབ་པའི་བསྟན་པ་མ་བྱུང་གི་གོང་དུ། རུ་ཏྲ་ཐར་པ་ནག་པོ་ཞེས་བྱ་བ། ལུས་

[Full Size]

གཅིག་ལ་མགོ་གསུམ། ལག་པ་དྲུག་དང་གཤོག་པ་ཅན། བ་སྤུ་མཚོན་ཆར་སྐྱེས་པ་ལ་མེ་འབར་བ་ཞིག་ལས་ཀྱི་དབང་གིས་བྱུང་སྟེ། དེས་ཡུལ་ཉི་ཤུ་རྩ་བཞིའི་ཞིང་སྐྱོང་དང་ཕྱོགས་སྐྱོང་དང་། འཇིག་རྟེན་སྐྱོང་བ་དང་། འཇིག་རྟེན་དཔའ་བོ་ཌཱ་ཀི་དྲེགས་པ་ཅན་ལྷ་སྲིན་བགེགས་རིགས་ཐམས་ཅད་བྲན་དུ་བཀོལ་ནས་གནས་ཆེན་དང་གནས་ཕྲན་ཐམས་ཅད་བདག་ཏུ་བཟུང་༔ ལྷ་མ་ཡིན་དང་སྲིན་པོའི་རྒྱལ་པོ་ཡང་བསད་ཅིང་ཟོས། རྫུ་འཕྲུལ་གྱི་སྟོབས་ཀྱིས་རི་རབ་ཀྱང་མཛུབ་མོའི་རྩེ་ལ་ལན་གསུམ་བསྐོར། སེམས་ཅན་རྣམས་བསད་ཅིང་ཟོས་ནས་འཇིག་རྟེན་སྟོང་ལ་ཁད་དུ་གྱུར་ཏེ། དེའི་ཚེ་སངས་རྒྱས་ཐམས་ཅད་བཀའ་བགྲོས་ནས་བདུད་དེ་འདུལ་བའི་གཉེན་པོར་འཕགས་པ་འཇིག་རྟེན་དབང་ཕྱུག་ཀརྨ་པར་བྱིན་གྱིས་བརླབས་ནས་བཏང་ངོ། །དེར་བདུད་དེ་ཐབས་ཀྱིས་འདུལ་བར་དགོངས་ནས་རྟེའུ་སྔོན་པོ་གཅིག་ཏུ་སྤྲུལ་ནས་བྱོན་པ་ལ། བདུད་ཀྱིས་རྟེའུ་གྱུར་མིད་དུ་བྱས་པ་དང་། ཁོག་ཏུ་བསླེབས་ནས་ཁོའི་རྣམ་པར་ཤེས་པ་འོག་མིན་དུ་གནས་སྤར། བདུད་ཀྱི་ལུས་དེ་ཡེ་ཤེས་ཀྱི་ལུས་སུ་བྱིན་གྱིས་བརླབས། སྤྱི་བོ་ནས་རྟ་དབུ་བསྟན་ནས་ཁམས་གསུམ་དབང་དུ་སྡུས། རུ་ཏྲའི་འཁོར་ཐམས་

[Full Size]

ཅད་དམ་ལ་བཏགས། དེའི་ཚེ་གནས་ཆེན་གནས་ཕྲན་ཐམས་ཅད་ཀྱི་ཞིང་སྐྱོང་ཐམས་ཅད་དབང་དུ་སྡུས། རྟ་མགྲིན་ལ་སྤྲུལ་ནས་རྟ་མགྲིན་གྱི་གནས་སུ་བྱིན་གྱིས་རླབས་སོ། །དེའི་ཚེ་གནས་འདི་ཡང་རྟ་མགྲིན་པདྨ་དབང་ཆེན་གྱི་གནས་སུ་བྱིན་གྱིས་རླབས་པའི་ཕྱིར་རྒྱབ་རིའི་བྲག་ལ་ཟླ་གམ་དབང་གི་དཀྱིལ་འཁོར་འབུར་དུ་དོད་པ་གསལ་བར་ཡོད་དོ། །དེ་ནས་རྒྱལ་བ་ཤཱཀྱ་ཐུབ་པ་སྐུ་མྱ་ངན་ལས་འདའ་བའི་ཚུལ་སྟོན་པར་ཉེ་བ་ན། བདེ་བ་ཅན་གྱི་ཞིང་ཁམས་ནས་སངས་རྒྱས་འོད་དཔག་ཏུ་མེད་པས་གསེར་གྱི་པདྨའི་སྡོང་པོ་ཞིག །འཕགས་པ་འཇིག་རྟེན་དབང་ཕྱུག་ཀརྨ་པ་ལ་བསྐུར་ནས། ཁྱེད་སོང་ལ་སངས་རྒྱས་མྱ་ངན་ལས་མི་འདའ་བའི་གསོལ་བ་ཐོབ་གསུངས། དེ་ནས་སྤྱན་རས་གཟིགས་བྱོན་ནས་གསོལ་བ་བཏབ་པས། ཐུབ་པས་ངའི་གདུལ་བྱ་རྫོགས་པས་མྱ་ངན་ལས་འདའོ་གསུངས་སོ། །ད་དུང་བོད་ཁ་བ་ཅན་ཞབས་ཀྱིས་མ་བཅགས། སྐུའི་འོད་ཟེར་གྱིས་མ་ཁྱབ་པས་མྱ་ངན་ལས་མི་འདའ་བར་བཞུགས་པར་ཞུས་པས། བྱང་ཕྱོགས་ཁ་བ་ཅན་ནི་བྱང་ཆུབ་སེམས་དཔའ་ཁྱོད་ཀྱིས་འདུལ་ཞིང་ཡིན་པས་ཐུལ་ཅིག་གསུངས་ནས། ཐུབ་པའི་ཞལ་ནས་འོད་ཟེར་ཁ་

[Full Size]

དོག་སྣ་ཚོགས་འཇའ་ཚོན་ལྟ་བུར་འཕྲོས་ཏེ་བོད་ཁ་བ་ཅན་དུ་སོང་བས། །འོད་དེ་གར་ཕོག་ས་ན་རང་བྱོན་རྣམས་བྱུང་ཚུལ་རྒྱས་པར་མ་ཎི་བཀའ་འབུམ་རྒྱས་པ་ནས་གསུངས་ཏེ། གནས་འདིར་ཡང་འོད་ཟེར་ཕོག་པའི་རྟགས། གཡོན་རིའི་ཀརྨ་སྤྱིས་ཤེའི་ལོགས་ལ། ཐུབ་པ་གནས་བཅུ་དང་བཅས་པ་སེར་ཕྲེང་གི་ཚུལ་དུ་བྱོན་ཏེ། དེ་ཐུབ་པ་དང་གནས་བཅུ་རང་བྱོན་ཡིན་པ་མི་འགྱུར་རྡོ་རྗེས་གསུངས་སོ། །དེ་ནས་འཕགས་པ་འཇིག་རྟེན་དབང་ཕྱུག་ཀརྨ་པ་ལ་སངས་རྒྱས་འོད་དཔག་ཏུ་མེད་པས་བཀའ་སྩལ་པ། བོད་ཁ་བ་ཅན་གྱི་འོག་ན་གྲང་བའི་དམྱལ་བ་ཟ་མ་ཏོག་ཁ་བཅད་པ་ལྟ་བུ་དེ་དྲོངས་ལ་དེ་ནས་མི་ཡི་འགྲོ་བ་སྤེལ། དེ་ནས་ཆོས་ཀྱིས་ཐུལ་ལ། སེམས་ཅན་དེ་དག་མཐར་ང་ཡི་དྲུང་དུ་ཁྲིད་ལ་ཤོག་ཅིག་གསུངས་སོ། །དེ་ནས་ང་ལ་འབྲེལ་པ་ཆེར་གྱིས་ཐུལ་བཞག་པ་རྣམས་ཁྲིད་ནི་འོང་ངོ་ཞུས་ནས། རི་པོ་ཊ་ལའི་རྩེ་ནས་ཞལ་བོད་དུ་གཟིགས་ནས་འོད་ཟེར་བཀྱེས་ཏེ། བོད་ཀྱི་འོག་ཏུ་གྲང་བའི་དམྱལ་བ་ཟ་མ་ཏོག་ཁ་བཅད་པ་ལྟ་བུ་དེ་ཚལ་པ་བཞིར་བཀས་ནས་དྲངས་སོ། །དེར་གངས་ཞུ་ནས་ས་གཞི་བྱུང་ངོ། །དེ་ནས་སྐུ་ལས་འོད་ཟེར་ཆེན་པོ་སྤྲོས་ཏེ་བོད་ཁ་བ་ཅན་ཁྱབ་པར་མཛད་དེ་ས་གཞི་བྱིན་

[Full Size]

གྱིས་བརླབས་སོ། །དེའི་འོད་གང་དུ་ཐིམ་པའི་སར་རང་བྱོན་དང་གནས་རྣམས་བྱུང་སྟེ། དེ་ཡང་མ་ཎི་བཀའ་འབུམ་དང་། རྒྱལ་པོའི་བཀའ་ཆེམས་འགའ་ཞིག་ནས་རྒྱས་པར་གསུངས་ཏེ། གནས་འདིར་ཡང་སྤངས་ལ་གསེར་ཉ་རང་བྱོན་ཡོད་ཅིང་ཁྱད་པར་བོད་ཀྱི་ས་ཆ་ལ་ལེགས་སྦྱར་སཾ་སྐྲྀ་ཏ་ཡི་སྐད་དུ་ཀརྨ་ཞེས། ས་ཕྱོགས་འདི་ལ་ཀརྨ་མིང་དུ་ཆགས་པ་ནི། དེ་ཡང་སྒྲ་འགྱུར་ལ་ལས། དོན་འགྱུར་ལ་སངས་རྒྱས་ཐམས་ཅད་ཀྱི་ཕྲིན་ལས་ཏེ། འཕགས་པ་འཇིག་རྟེན་དབང་ཕྱུག་ཀརྨ་པའི་གནས་སུ་བྱིན་གྱིས་བརླབས་པའི་ཕྱིར། སྲིད་པ་ཆགས་ནས་ས་ཕྱོགས་འདི་ལ་ཀརྨ་ཞེས་མིང་ཐོགས་ཤིང་གནས་འདི་ལ་ཡུན་རིང་དུ་བཞུགས་པའི་གནད་ཀྱིས། གྲུབ་ཆེན་ཆོས་ཀྱི་བླ་མ་ལ་ཀརྨ་པ་ཞེས་ཡོངས་སུ་གྲགས་པའི་མཚན་དུ་འཇིགས་པའི་ཕྱིར། ཀརྨ་པའི་གདན་ས་གནས་ཐམས་ཅད་ཀྱི་གཙོ་བོ་འདི་ཉིད་ཡིན་ནོ། །གནས་ཀྱི་བྱུང་ཚུལ་ལོ།། ༈ །།དེ་ཡང་སངས་རྒྱས་ཀྱི་ཞབས་ཀྱིས་མ་བཅགས་ལྷ་སྲིན་བྱེ་བའི་ཡུལ་དུ་སོང་བས་ཆོས་དར་མ་བཙུག་པས། མངལ་སྐྱེས་ཤ་ཁྲག་གི་ལུས་ཀྱིས་ལྷ་འདྲེ་མི་ཐུལ་བས་འཕགས་པ་འཇིག་རྟེན་དབང་ཕྱུག་ཀརྨ་པ་དེ་ཉིད། བརྫུས་

[Full Size]

སྐྱེས་ཀྱི་སློབ་དཔོན་པདྨ་འབྱུང་གནས་ཞེས་བྱ་བར་སྤྲུལ་ནས་བྱོན་ཏེ། བོད་ཀྱི་ལྷ་སྲིན་ཐམས་ཅད་དམ་ལ་བཏགས། དཔལ་གྱི་བསམ་ཡས་ལ་སོགས་གཙུག་ལག་ཁང་ཆེ་བ་བརྒྱ་དང་རྩ་བརྒྱད། ཕྲན་བུ་སྟོང་དང་རྩ་གཉིས་བཞེངས། མདོ་རྒྱུད་མན་ངག་ཐམས་ཅད་བོད་དུ་བསྒྱུར། སངས་རྒྱས་ཀྱི་བསྟན་པ་དར་ཞིང་རྒྱས། གྲུབ་ཐོབ་གནམ་གྱི་སྐར་མ་ཙམ་བྱུང་ངོ། །དེར་རྒྱལ་པོ་ཁྲི་སྲོང་ལྡེའུ་བཙན་གྱིས་ཞུས་པའི་ངོར། བསྟན་པའི་དར་རྒུད། སེམས་ཅན་གྱི་བདེ་སྡུག་འབྱུང་ཚུལ་ལུང་བསྟན་ཅིང་། རྒྱལ་པོའི་བཞེངས་པའི་གཙུག་ལག་ཁང་རྣམས་རིམ་པར་འཇིག་ཚུལ་གསུངས་པས་རྒྱལ་པོའི་ཐུགས་ཧ་ལས། སྤྱན་ཆབ་ཐབས་སུ་བཏོན། དབུ་ས་ལ་བརྡབས་ནས་ང་ཡིས་བཞེངས་པའི་གཙུག་ལག་ཁང་རྣམས་མི་རྟག་ཅིང་འཇིག་ན། །མ་འོངས་པའི་དུས་སེམས་ཅན་རྣམས་ཀྱི་བསོད་ནམས་བསགས་པ་དང་། སྡིག་སྒྲིབ་སྦྱངས་བའི་རྟེན་འཇིག་རྒྱུ་མེད་པའི་རྟེན་ཁྱད་པར་ཅན། སློབ་དཔོན་ཐབས་མཁས་ཤིང་ཐུགས་རྗེ་ཆེ་བས་བྱིན་རླབས་དགོས་ཞེས། མཎྜལ་མཆོད་པ་རྒྱ་ཆེར་ཕུལ་ནས་ཞུས་པས། ཨོ་རྒྱན་རིན་པོ་ཆེས་རྒྱལ་པོ་རྗེ་འབངས་རྣམས་སྤྲུལ་པ་དཔག་ཏུ་མེད་པ་སྤྲུལ་ནས། ཡུལ་ལྔ། ལྗོངས་

[Full Size]

གསུམ། གླིང་གཅིག །སྒྲུབ་གནས་བརྒྱད། ཀཾ་པོ་གངས་ར་ལ་སོགས་གངས་ཉི་ཤུ་རྩ་གཅིག །ངོ་མཚར་བའི་གནས་མཆོག་ཉི་ཤུ་རྩ་ལྔ། འོག་མིན་ཀརྨ་ལ་སོགས་གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས་བྱིན་གྱིས་བརླབ་པར་མཛད་དོ། །དེ་དག་རྒྱས་པར་རྩྭ་རིའི་གནས་ཡིག་རྒྱས་པ་དང་།་ཨོ་རྒྱན་རིན་པོ་ཆེའི་རྣམ་ཐར་རྒྱས་པ་དང་། འབྲས་མོ་ལྗོངས་ཀྱི་གནས་ཡིག་རིག་འཛིན་རྒོད་ལྡེམ་གྱི་གཏེར་མ་དང་། ལུང་བསྟན་ཆེན་པོ་བཀའ་རྒྱ་མ་སོགས་ལས་རྒྱ་ཆེར་གསུངས་ཤིང་།་ཁྱད་པར་ཐུགས་རྗེ་ཆེན་པོ་གསང་འདུས་ཀྱི་ཆོས་ཚན་གུ་རུའི་རྣམ་ཐར་གསེར་གྱི་ཕྲེང་བ་དང་། དཀོན་མཆོག་སྤྱི་འདུས་ཀྱི་ཆོས་ཚན་བླ་མའི་རྣམ་ཐར་གཉིས་ཚིག་མཐུན་པར། དེ་ནས་བསམ་ཡས་མཆིམས་ཟླཕུ་ནས་བཟུང་བོད་ཡུལ་གྱི་ས་མ་ལུས་པར། གངས་ཏི་སེ་མན་ཆད་ནས། ཁམས་ཙོང་ཁ། རྒྱ་ནག །གན་འཇོང་། ཞང་ཞུང་དང་། མེ་ཉག །ཧོར། ལི་ཡུལ། གྲུ་གུ། ཀོང་པོ། རྒྱ་ལ། མཆིལ། ཉོང་ཁ། ལོང་བྲག །མོན་སྟག་སྒོ། བུམ་ཐང་། སྤ་གྲོ་ལ་སོགས་པ་ཐམས་ཅད་དུ་སྒྲུབ་གནས་སུ་བྱིན་གྱིས་རླབས་ཤིང་འགྲོ་བ་དཔག་

[Full Size]

ཏུ་མེད་པ་སྨིན་གྲོལ་དུ་བཀོད་དོ། །དེ་ཡང་མཆོག་གི་སྒྲུབ་གནས་ལྔ། ངོ་མཚར་བའི་གནས་མཆོག་ཉི་ཤུ་རྩ་ལྔ་གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས་རྣམས་སུ། མ་འོངས་པའི་དུས་སུ་མཐོང་ཐོས་དྲན་རེག་ཀུན་གྲུབ་པ་ཐོབ་ཅིང་དངོས་གྲུབ་བརྙེས་སོ། །ཞེས་འབྱུང་བའི་ནང་ནས། གནས་ཆེན་བརྒྱ་རྩ་བརྒྱད་ཀྱི་ནང་ནས་ཡ་གྱལ་གཅིག་འོག་མིན་ཀརྨ་འདི་ཡིན་པར་འདུག་ཅེས་མི་འགྱུར་རྡོ་རྗེས་ཀྱང་གསུངས་སོ། །དེ་ནི་གནས་བྱིན་གྱིས་བརླབས་པའི་ཚུལ་ལགས་སོ།། ༈ །།དེ་ཡང་ཨོ་རྒྱན་རིན་པོ་ཆེས་ཡེ་ཤེས་དང་ལས་ཀྱི་མཁའ་འགྲོ་དང་། ཇོ་བོ་སྔགས་ཀྱི་བདག་པོ་དང་། ཡུལ་ལྷ་གཞི་བདག་དང་བཅས་པ་ལ་བཀའ་བསྒོས་ནས་སྲུང་མར་བསྐོས་ཏེ། དུས་ལ་བབ་དུས་ལས་ཅན་སྐྱེས་བུ། །གནས་འདི་ལ་དབང་བའི་གང་ཟག་ལ་གཏོད། དུས་ལ་མ་བབས་སྐལ་མེད་ཀྱིས་ཕྱེས་ན་དབང་པོ་བསྣུབས་ཞེས། དམ་ལ་བཞག་པའི་ཕྱིར། གནས་འདི་ཡང་རང་བཞིན་གྱིས་གབ་ཅིང་སྦས་པའི་ཚུལ་དུ་གནས་པའི་ཕྱིར། གནས་འདི་ལ་གནས་ཆེན་ཡིན་པར་སུས་མ་ཤེས་ཤིང་། གལ་ཏེ་ཤེས་ཀྱང་སུ་ཡིན་གྱིས་མི་ནོན་ཅིང་སྡོད་དུ་མི་དབང་བ་ཡིན་ནོ། །དོན་གསུམ་པ་

[Full Size]

གནས་ཀྱི་སྒོ་ཕྱེ་བའི་ཚུལ་ནི། །ཏིང་འཛིན་རྒྱལ་པོའི་མདོ་ལས། །བྱང་ཆུབ་སེམས་དཔའ་ཟླ་འོད་གཞོན་ནུ་ལུང་བསྟན་པའི་སྐབས་སུ། འདི་ནི་ཕྱི་དུས་འཇིགས་པ་ཆེན་པོ་ལ། །འདི་ལ་མ་ཕམ་ཁྱོད་ཀྱི་ང་ཡིས་དབང་། །རྟག་ཏུ་ཚངས་སྤྱོད་གཙང་ལ་རབ་གནས་ནས། །ཏིང་འཛིན་འདི་ནི་ཤིན་ཏུ་རྒྱས་བྱེད་འགྱུར། །འདི་ལ་མ་ཕམ་ཁྱེད་ཉིད་ང་ཡིས་སྤྱོད། །ཏིང་འཛིན་དམ་པ་འདི་ནི་རབ་འཚོལ་ཞིང་། །ལམ་འདིར་ཞུགས་པས་བྱང་ཆུབ་དེ་ཐོབ་འགྱུར། །ཞེས་སོགས་ནས། །ཡེ་ཤེས་བླ་མེད་དེ་ནི་རབ་བསྒྲུབས་ནས། །ཕྱི་མའི་དུས་ན་དེ་ཉིད་འཇིག་རྟེན་མཆོག །རྒྱལ་བ་དྲི་མེད་འོད་ཅེས་བྱ་བར་འགྱུར། །ཞེས་དང་། མདོ་སྡེ་གཞན་དག་ལས། རྡོ་རྗེ་གདན་གྱི་བྱང་ཕྱོགས་ཁ་བའི་ལྗོངས། །ཆུ་བོ་མ་ཧཱ་ལོ་ཧེ་ཏ་ཡི་འགྲམ། །རི་བྲག་ཚང་ཚིང་ཅན་ན། །དགེ་སློང་འཚོ་བྱེད་ཅེས་གྲགས་པ། །དག་པའི་འཁོར་དང་མ་དག་པའི་འཁོར་འདྲེས་མ་ཞིག །བུ་ལྔ་བརྒྱ་ལས་མི་ཉུང་བ་ལ་ལྷན་དུ༔ དེ་བཞིན་གཤེགས་པའི་ཡེ་ཤེས་ལ་སྤྱོད་པ། ཞེས་དང་། ཨོ་རྒྱན་རིན་པོ་ཆེས། མེ་ཏོག་ཟླ་མཛེས་བྱང་སེམས་སྤྲུལ་པ་གཅིག །གདུལ་བྱའི་མངའ་བདག་དྭགས་པོ་ལྷ་རྗེ་

[Full Size]

འབྱུང་། །ཞེས་བཀའ་གཏེར་གཉིས་ཀ་ནས་རྒྱ་ཆེར་ལུང་བསྟན་པའི། མཉམ་མེད་དྭགས་པོ་ལྷ་རྗེ་དེ་ཉིད་ཀྱི་སྲས་ཀྱི་ཐུ་བོ། དཔལ་ལྡན་དུས་གསུམ་མཁྱེན་པ་ལ། གནས་འདི་ཡི་ཁ་བྱང་ལུང་བསྟན་པ་རྒྱ་ཆེར་ནི། ཁྱེད་ཁམས་ཕྱོགས་གདུལ་བྱའི་དོན་དུ། སྔོན་གྱི་ཌཱ་ཀི་རྣམས་ཀྱི་མཚན་དོན་དང་མཐུན་པ། གླེ་ཐུའམ་ཀརྨ་ཞེས་གྲགས་པ། སངས་རྒྱས་བྱང་སེམས་རྣམས་ཀྱིས་བྱིན་གྱིས་བརླབས་པའི་བྲག་ཚེས་བརྒྱད་ཀྱི་ཟླ་བ་ལྟ་བུའི་རྩ་བར་དཔའ་བོ་དང་མཁའ་འགྲོ་ངང་གིས་འདུ་བ། ཕྱོགས་དེར་སྐལ་ལྡན་སློབ་མ་པདྨའི་མཚོ་ལ་རྐང་དྲུག་འདུ་བ་བཞིན་ཡོད་ཀྱི། དེར་གདན་ས་གྱིས་དང་བསྟན་པ་དང་འགྲོ་བའི་དོན་ཡིད་ལ་སྨོན་དགུ་འགྲུབ་པར་འགྱུར་རོ། །ཞེས་ལུང་བསྟན་ཏོ། ༧ །དེ་ཡང་ཏིང་འཛིན་རྒྱལ་པོའི་མདོ་ལས། ང་འདས་ལོ་ནི་ཉིས་སྟོང་ལ། །གདོང་དམར་ཡུལ་དུ་བསྟན་པ་འབྱུང་། །སྤྱན་རས་གཟིགས་ཀྱི་གདུལ་བྱར་འགྱུར། །དེ་ཡི་བསྟན་པའི་སྙིགས་མ་ལ། །བྱང་ཆུབ་སེམས་དཔའ་སེང་གེའི་སྒྲ།ཏིང་འཛིན་དབང་ཐོབ་འགྲོ་བ་འདུལ། །མཐོང་ཐོས་དྲན་རེག་བདེ་ལ་བཀོད། །ཅེས་དང་། ལང་ཀར་གཤེགས་པ་བསྡུས་པ་ལས། བྱང་ཆུབ་སེམས་དཔའ་སྤྱོད་པ་མ་ངེས་

[Full Size]

པས་འགྲོ་བ་འདུལ་བ། གནས་མ་ངེས་པ་ཀུན་ཏུ་རྒྱུ་བ། ཞེས་དང་། ༧ སྲོང་བཙན་སྒམ་པོའི་ལུང་བསྟན་ལས། ཐུགས་རྗེ་ཆེན་པོའི་སྤྲུལ་པ་ཞིག །རྣལ་འབྱོར་ཞྭ་ནག་འཛིན་པ་གཅིག །ཐོག་བབས་ཚུལ་གྱིས་བྱོན་ནས་ཀྱང་། །བོད་ཡུལ་ཁ་བ་ཅན་དུ་འབྱུང་། །ཞེས་དང་། ཨོ་རྒྱན་རིན་པོ་ཆེའི་ལུང་བསྟན་འགྲོ་མགོན་ཞང་གིས། །འཕྲང་སོ་བྲག་ནས་བཏོན་པའི་ཤོག་སེར་ལས། །དུས་གསུམ་མཁྱེན་པའི་བླ་མ་འདི། །མཚན་ནི་དྷརྨ་ཀཱིརྟི་ཡིན། །བྱམས་པའི་བསྟན་པའི་རྗེས་ཐོག་ཏུ། །སངས་རྒྱས་སེང་གེ་ཞེས་བྱ་བ། །བསྟན་པ་རབ་ཏུ་རྒྱས་པར་འགྱུར། །དྷརྨ་ཀཱིརྟི་ཉིད་ཡིན་ནོ། །དེ་ནས་ཚེ་འཕོས་ཕྱི་མ་ལ། །ཀཱིརྟི་ཀ་ཡི་གྲོང་ཁྱེར་དུ། །ཁྲི་ཕྲག་དྲུག་དང་སྟོང་ཚོ་དྲུག །ཐེ་ཚོམ་མེད་པར་ཤེས་པར་གྱིས། །ཞེས་དང་། ཨོ་རྒྱན་རིན་པོ་ཆེའི་ལུང་བསྟན་ལས། ཆོས་རྒྱལ་རིན་ཆེན་གླིང་པས། མོན་སྟག་སྒོ་དོམ་ཚང་ནས་གཏེར་བཏོན་པ་ལས། ཨེ་མ་ཧོ༔ སྣང་མཐའ་རང་བྱུང་ཀུན་བཟང་ཀློང་༔ ཐུགས་རྗེ་ཆེན་པོའི་འོད་ཟེར་གྱིས༔ པདྨ་འབྱུང་གནས་རྒྱས་པར་འགྱུར༔ སྐུ་གསུང་ཐུགས་དང་ཡོན་ཏན་དང་༔ ཕྲིན་ལས་གསུམ་པོའི་དཀྱིལ་

[Full Size]

འཁོར་ནས༔ སྤྲུལ་པ་གྲངས་མེད་མཐའ་ཡེས་སྤོ༔ མཁའ་མཉམ་འགྲོ་བའི་དོན་དུ་བྱོན༔ བྱེ་བྲག་མི་མཇེད་འཇིག་རྟེན་འདིར༔ སྤྲུལ་པ་ཡང་སྤྲུལ་བསམ་མི་ཁྱབ༔ ཁྱད་པར་འཇིག་རྟེན་འཛམ་གླིང་འདིར༔ རྒྱ་གར་བལ་ཡུལ་ཨོ་རྒྱན་དུ༔ འགྲོ་དོན་ཉི་ཟླ་ལྟ་བུ་འབྱུང་༔ སྒོས་སུ་བོད་འདིར་ཆོས་གཏེར་གྱིས༔ སངས་རྒྱས་བསྟན་པ་གསལ་བར་བྱེད༔ ང་ཡི་སྤྲུལ་པ་དུ་མ་འབྱུང་༔ འགྲོ་དོན་མ་ངེས་གར་ཡང་སྤྱོད༔ ང་ཡི་གནས་མཆོག་སྦྱངས་ནས་ནི༔ ཐུགས་རྗེ་ལས་བྱུང་རྟ་མགྲིན་དབང་༔ དབྱིངས་ནས་བསྐྱེད་པའི་ཕག་མོ་གཉིས་གཉིས་མེད་ཡེ་ཤེས་མཆོག་གི་སྲས༔ སྐྱེ་བ་མངལ་ནས་སྐྱེ་བ་ཡི༔ ཆོ་འཕྲུལ་ཅིར་ཡང་སྤྲུལ་ནས་སུ༔་མི་མཇེད་ཁམས་སུ་སྤྲུལ་པ་བསྟན་འགྲོ་དོན་ཨོ་རྒྱན་ཡུལ་དུ་མཛད། དགོངས་པ་ལྷ་ཡི་ཡུལ་དུ་རྫོགས༔ དངོས་ཉིད་འཛམ་གླིང་གདུལ་བྱ་སྐྱོངས༔ སྐྱེ་བ་བཅུ་གཅིག་རྒྱ་བོད་དུ༔ མཁས་གྲུབ་རྟོགས་ལྡན་ཚུལ་བཟུང་ནས༔ བསྟན་པ་ཀུན་ཏུ་དར་བ་ཡིས༔ ཟབ་རྒྱས་ཆོས་ཀྱི་ས་བོན་ཐེབ༔ ཨོ་རྒྱན་ང་ཡི་ཟབ་ཆོས་ལ༔ རྩལ་དང་ཡོན་ཏན་རྫོགས་པར་བརྟན༔ མ་འོངས་ལྔ་བརྒྱའི་ཐ་མ་ལ༔ མ་རུངས་གདུལ་བྱར་འདུལ་བ་ཡི༔

[Full Size]

ཐུགས་རྗེ་ཆེན་པོ་སྤྱན་རས་གཟིགས༔ རྒྱལ་བ་རྒྱ་མཚོའི་ཕྲིན་ལས་ཀྱིས༔ རྒྱ་བོད་ཧོར་གསུམ་འདུལ་བ་ཡིས༔ དུས་གསུམ་མཁྱེན་པ་མཚུར་ཕུ་ཞེས༔ གྲགས་པ་ཀརྨའི་མིང་ཅན་འབྱུང་༔ ཞེས་དང་༔ མ་གཅིག་ལབ་སྒྲོན་གྱི་གཅོད་ཀྱི་རྣམ་བཤད་ལས། དགེ་སློང་གྲགས་པའི་མཚན་ཅན་ཞེས། དྭགས་པོ་འཛམ་གླིང་གྲགས་པ་དང་། རྒྱལ་བ་འབྲོམ་གྱི་སྐྱེ་བ་དུས་གསུམ་མཁྱེན་པ་ཡིན་པར་གསུངས་པ་ནི། དགེ་སློང་གྲགས་པའི་མཚན་ཐོག་པར་འབྱུང་བ་དང་། གཞན་ཡང་དེ་བས་སྔོན་ཅུང་ཞིག་བྱུང་དུས། རྒྱལ་བའི་རྒྱལ་ཚབ་དམ་པ་དེ་བོད་དུ་འབྱུང་སྟེ་རྒྱལ་བའི་མཚན་ཐོག་པ་དང་། འདི་གཉིས་ནི་བྱང་ཆུབ་སེམས་དཔའ་ཆེན་པོ་ཡིན་པས། འདི་གཉིས་དང་ཁ་ཐུག་པའི་སེམས་ཅན་དེ་དག་ནི། སྙིགས་དུས་བོད་དུ་སྐྱེས་ཀྱང་བསོད་ནམས་ཆེ་རབ་ཏུ་གདའ་ཡི། འདི་གཉིས་ཀྱི་ཡོན་ཏན་བརྗོད་ན། ཕ་མཐའ་ཡས་པ་ནི་རྙེད་དཀའ་དེ་འདུག་གོ །དེ་ཡང་དགེ་སློང་གྲགས་པའི་མཚན་ཅན་ནི། བོད་དུ་སྐྱེ་བ་དེ་ལས་མི་བཞེས་ལ། རྒྱལ་བའི་མཚན་ཅན་ནི་སྐྱེ་བ་ཐོག་མ་ཡིན་ལ། དེ་ཡི་སྐྱེ་བ་ཕྱིར་འབྱུང་བ་ནི། མཁྱེན་པ་གསུམ་དང་ལྡན་པའི་མཚན་ཐོགས་པ་འབྱུང་བ།

[Full Size]

དེ་ནས་སྐྱེ་བ་མཚན་གཅིག་པར་བརྒྱུད་དེ་སྐྱེ་བ་འགའ་ཟུང་བར་ལ། བོད་དུ་བསོད་ནམས་བསགས་པའི་ཞིང་གི་མཚན་དུ་འབྱུང་བ་ཡིན་མོད། བྱང་ཆུབ་སེམས་དཔའ་འདི་ནས་བཟུང་ནས་སངས་རྒྱས་ཀྱི་བསྟན་པ་འཇིག་མཐར་བསྡུས་པའི་བར། འདི་གཉིས་དང་མཚུངས་པའི་བྱང་ཆུབ་སེམས་དཔའ་མི་འབྱུང་ལ། སེམས་ཅན་ཡ་ཟུང་ལ་ཕན་ཐོགས་པའི་སྐྱེས་བུ་དམ་པ་ནི་འགའ་རེ་འབྱུང་སྟེ། ཚིག་གི་འཇིགས་པས་ལན་གཅིག་ཕ་མཐར་བཞག་གོ །ཞེས་གསུངས་སོ། །དེ་ལྟར་སྟོན་པའི་བཀའ་དང་། ཨོ་རྒྱན་རིན་པོ་ཆེའི་གཏེར་ལུང་དང་། ཡེ་ཤེས་མཁའ་འགྲོའི་གསུངས་རྣམས་མཚུངས་པར། འཕགས་པ་འཇིག་རྟེན་དབང་ཕྱུག་ཀརྨ་པ། དུས་གསུམ་མཁྱེན་པ་དེ་ཉིད་ནི་ངོ་བོ་ཐུགས་རྗེ་ཆེན་པོ་ལ། རྣམ་པ་བསྐལ་བཟང་གི་སངས་རྒྱས་དྲུག་པ་སེང་གེ་སྒྲའི་དེ་ཉིད་དུ་ཐེ་ཚོམ་མེད་པ་དེས། གནས་ཆེན་པོ་འོག་མིན་ཀརྨ་འདི་གནས་སྒོ་ཕྱེ་བར་བཞེད་དེ། དགུང་ལོ་བདུན་ཅུ་དོན་གསུམ་ལ་ཀཾ་པོ་ནས་འདིར་ཕེབས་ཏེ། སློབ་དཔོན་རྣམས་གླེ་ཐུ་ནས་ཡར་ཕེབས་ཏེ། འགག་རོང་འདིར་ཕེབས་པ་ན། སྔོན་གྲུབ་ཆེན་ཏེ་ལོ་པས་ཨོ་རྒྱན་གྷནྡྷོ་ལའི་གནས་སུ་ཕེབས་པ་ན། སྒོ་སྲུང་ལས་དང་འཇིག་རྟེན་

[Full Size]

གྱི་ཤ་ཟ་ཌ་ཀི་རྣམས་ཀྱིས་ཆོ་འཕྲུལ་ཆེན་པོ་བསྟན་ཞིང་ལམ་བཀག་པ་ལྟར། འདིའི་སྒོ་སྲུང་མཁའ་འགྲོ་མ་རྣམས་ཀྱིས་སྟག་དང་གཟིག་ཏུ་སྤྲུལ་ནས་ལམ་བཀག་པ་ན། རྗེ་དྭགས་པོ་རིན་པོ་ཆེས་ལུང་བསྟན་པའི་གནས་ཆེན་དེ་འདིར་ཡོད་པར་འདུག་དགོངས་ནས། གཡས་ལུང་མེ་རག་གི་ལ་ཁ་ནས་གཟིགས་པས། འབུམ་ཐང་སྤང་ལྗོངས་ཡིད་དུ་འོང་བར་མཁའ་འགྲོ་རྣམས་ཀྱིས་བྲོ་གར་བྱེད་པར་གཟིགས། ངར་གདོང་གི་མདོ་འདིར་ཕེབས་ནས་གཟིགས་པས། ལུང་པ་ཐམས་ཅད་སངས་རྒྱས་བྱང་སེམས་དཔའ་བོ་ཌཱ་ཀི་རྣམས་ཀྱིས་ཏིལ་གྱི་གོང་བུ་ཁ་བྱེ་བ་ལྟར་གང་བར་གཟིགས། ཤུག་སྡོང་ལ་སྐུ་རྒྱབ་བརྟེན་ཏེ་བཞུགས་པས་བྱིན་རླབས་ཀྱི་ཚན་ཁ་བླ་ལྷག་ཏུ་འཕེལ་ཏེ། དཔེར་ན་བྱང་ཆུབ་སེམས་དཔའ་རྒྱལ་བུ་དོན་འགྲུབ་བྱང་ཆུབ་ཤིང་དྲུང་དུ་སྐྱིལ་མོ་ཀྲུང་བཅས་པ་ལྟ་བུའོ། །ཡེ་གདོད་མ་ནས་གནས་འདི་ཡི་བདག་པོ་རྗེ་ཉིད་ཡིན་མོད་ཀྱང་། འདུལ་བ་ནས་ས་ཡི་བདག་པོས་མ་བྱིན་ན་སྤངས་བའི་ཁང་པ་དང་གཙུག་ལག་ཁང་སོགས་བྱས་ན་ལྟུང་བར་བཤད་པས། རྒྱུད་སྡེ་རྣམས་ནས་ཀྱང་དཀྱིལ་འཁོར་དང་སྒྲུབ་པའི་ས་གཞི་མི་དང་ས་དེའི་གནས་བདག་ལ་སླང་དགོས་པར་བཤད་པ་དང་མི་

[Full Size]

འགལ་བར་བྱས་པའི་ཕྱིར། རུ་བ་འགའ་རེ་ཡོད་པ་ལ་འདིར་སྤྱིལ་པོ་བྱ་ཆོག་གམ་གསུངས་པས། ཆོག་པར་ཞུས། ཀླུ་ཡི་རྒྱལ་པོ་ཇོ་བོ་སྔགས་ཀྱི་བདག་པོ་ཁྱེའུ་ཡིད་དུ་འོང་བ་ཞིག་ཏུ་སྤྲུལ་ནས་ཕྱག་འཚལ་ཞིང་། ཞབས་ཀྱི་ཆུ་མིག་འདི་བདག་གི་ཕོ་བྲང་ལགས་ཏེ། འདིར་གདན་སའི་གཙུག་ལག་ཁང་མཛད་པར་ཞུ། བསྟན་པ་བདག་གིས་བསྲུང་ངོ་ཞེས་ཁས་བླངས། །ཆུ་མིག་གི་མགོ་དེར་ཐུགས་དམ་གཏོར་མ་མཛད་ནས། གདན་ས་མཛད་པར་དགོངས་པ་གཏད་པས། མཉམ་མེད་དྭགས་པོ་ལ་སངས་རྒྱས་བྱང་སེམས་ཀྱིས་བསྐོར་བ་དང་། དཔའ་བོ་ཌཱ་ཀི་མང་པོའང་གར་བསྒྱུར་བ་གཟིགས། བུ་སློབ་ནམ་མཁའི་སྐར་ཚོགས་ཙམ་འདུས་ཏེ་ཕྲིན་ལས་ཀྱི་སྒོ་བྱེ། བླ་མ་དང་ཡི་དམ་གྱིས་ལུང་བསྟན་པ་ལྟར། དཀར་འཛང་དུ་ཟླ་བ་དྲུག་ཕག་མོ་བསྒྲུབས་པས་ནུབ་ཕྱོགས་ནས་འོད་དམར་པོའི་སྣ་ལ། བཅོམ་ལྡན་འདས་མ་འཁོར་དང་བཅས་པ་ཞལ་གཟིགས་པས་གདན་ས་ཕག་མོའི་སྒྲུབ་གནས་མཆོག་ཏུ་གྱུར་ཏེ། དགུང་ལོ་བདུན་ཅུ་དོན་དྲུག་རབ་བྱུང་གསུམ་པའི་ཤིང་མོ་སྦྲུལ་གྱི་ལོ་ལ། ཆུ་མིག་གི་སྟེང་ལ། ད་ལྟ་བླ་མ་ལྷ་ཁང་འདི་དང་། ཕྱི་ཁྱམས་དགེ་འདུན་གྱི་འདུ་ཁང་གི་རྣམ་པ་ཙམ་མཛད་དེ། གཞི་

[Full Size]

བདག་ལ་བཀའ་བསྒོས་པ་དང་། གནས་སྒོ་ཕྱེ་ཞིང་གདན་ས་ཆགས་བཏབ་པའི་ལེའུ་སྟེ་གསུམ་མོ།། ༈ །།བཞི་པ་གནས་བཤད་དཀར་ཆག་ལའང་གཉིས་ཏེ། ཕྱིའི་གནས་བཤད་དང་ནང་གི་རྟེན་བཤད་དོ། །དང་པོ་གནས་བཤད་ནི། འཕགས་པ་འཇིག་རྟེན་དབང་ཕྱུག་ཀརྨ་པའི་གནས། སྐུ་ཡི་གནས་ཀཾ་པོ་གངས་ཀྱི་ར་བ། གསུང་གི་གནས་ཀརྨ་རི་གླིང་། ཐུགས་ཀྱི་གནས་སྟོད་ལུང་མཚུར་ཕུ། ཡོན་ཏན་གྱི་གནས་འདབ་སྤང་ཕུག །ཕྲིན་ལས་ཀྱི་གནས་ཤར་ཕྱོགས་སྤུངས་རི། ཞེས་ཡོངས་སུ་གྲགས་ཤིང་། །གཞན་ཡང་ཀརྨ་པའི་གནས་དང་གདན་ས། དགོན་གནས་སྒྲུབ་སྡེ་རྣམས་གསར་རྙིང་དཔག་ཏུ་མེད་པ་ཡོད་ཅིང་། དེ་རྣམས་ཀྱི་ནང་ནས་གནས་དང་གདན་སའི་གཙོ་བོ་ནི། འོག་མིན་ཀརྨ་འདི་ཉིད་ཡིན་ཏེ། གནས་འདིར་བཞུགས་པ་ལ་བརྟེན་ནས་གནས་ཀྱི་མིང་གང་ཟག་ལ་ཐོགས་ནས་བླ་མ་ཀརྨ་པ་ཞེས་ཡོངས་སུ་གྲགས་པའི་ཕྱིར་ཏེ། དཔེར་ན་ས་སྐྱ་པ་ལ་གདན་ས་དཔག་ཏུ་མེད་ཀྱང་། གཙང་ས་སྐྱ་ལ་བརྟེན་ནས་ས་སྐྱ་ཞེས་མིང་ཐོགས་པས་གཙང་ས་སྐྱ་གདན་སའི་གཙོ་བོ་ཡིན་པ་ལྟ་བུའོ། །དེ་ལ་མདའི་ལུང་པ་འདི་གསུམ་དབུ་རྐྱང་རོ་གསུམ་གྱི་

[Full Size]

མཚོན་བྱེད་ཡིན་ནོ། མདའ་ཡི་འགགས་འདི་ནང་ཕྱིའི་སྒོ་སྲུང་གི་ཚུལ་དུ་དམ་ཅན་སྐྱེས་བུའི་ཕོ་བྲང་ཡོད་པས། དམ་ཅན་འགགས་ཞེས་གྲགས། དེ་ནས་དཔལ་ལྡན་ལྷ་ཡི་ཕོ་བྲང་། །རྗེ་དུས་མཁྱེན་གྱི་དབུ་རྗེས་སོགས་ཡོད། གྲུབ་ཆེན་ཀརྨ་པ་རྒྱ་ནག་ནས་བྱོན་དུས་སྐྱེས་བུ་ཆེན་པོས་རྟག་ཏུ་ཆིབས་ཁ་བྱེད་པ་ལ།་ཡར་བྱོན་དུས་བྲག་འདི་ལ་ཐིམ་པར་གྲགས་སོ། །ལུང་མདའ་འདི་ན་རྗེ་དུས་མཁྱེན་གྱི་ལུས་མཆོད་སྦྱིན་གྱིས་ཏིང་ངེ་འཛིན་མཛད་པས། དངོས་སུ་གྱུར་པའི་རྗེས་ཕ་ཝང་ལ་གསལ་བར་ཡོད་པར་གྲགས་ཏེ་དུར་ཁྲོད་ཀྱི་མཚོན་བྱེད་རང་བྱུང་གི་དུར་ཁྲོད་ཡིན་ནོ། །རྗེ་དུས་མཁྱེན་གྱི་དབུ་ལོ་གཏོར་བ་ལས་སྐྱེས་པར་གྲགས་པའི་ནགས་རི་གསུམ་པོ་གདུགས་ཕུབ་པའི་ཚུལ། སྤངས་ལ་གསེར་ཉ་རང་བྱོན། དུས་མཁྱེན་གྱི་གྲུབ་ཆུ་ལ་དགུན་འཁྱག་ལ་དུང་དཀར་རང་བྱོན་གྱི་གཟུགས། རྒྱབ་རིའི་བྲག་གཉིས་བདེ་མཆོག་ཡབ་ཡུམ་གྱི་ཚུལ། དེའི་རྩེ་ལ་དུས་མཁྱེན་རང་བྱོན། རྗེ་ཞྭ་དམར་པས་གཟིགས་པ་ཡོད་དེ། །འདི་ཤིན་ཏུ་གསལ་ཞིང་བྱིན་རླབས་ཀྱང་དཔག་ཏུ་མེད་པ་འབྱུང་བ་ཡིན་ཏེ། ཕལ་པས་གསལ་པོར་མི་མཐོང་བ་དེ་ཅི་ཡིན་ཨང་། ཞེས་སྤྲུལ་སྐུ་མི་འགྱུར་རྡོ་རྗེས་ཀྱང་གསུངས་སོ། །རྒྱབ་

[Full Size]

རིའི་བྲག་རྩ་ན་རྗེ་དོན་ལྡན་ཞབས་ཀྱིས་རྫུ་འཕྲུལ་གྱིས་བྲིས་པའི་ཡི་གེ་དྲུག་པ་དང་། གཞན་ཡོང་རྒྱབ་རིའི་བྲག་ལ་རང་བྱོན་མང་དུ་ཡོད་དེ། དེ་རྣམས་དུས་ལ་མ་བབ་སྟོན་མི་རུང་གསུངས་སོ། །གཏེར་ཁ་ཡང་མང་དུ་ཡོད་དེ་འདོན་མི་རུང་གསུངས། བཅུད་ཀྱི་གཏེར་ཡིན་པས་འདོན་རྒྱུ་མེད་གསུངས་སོ། །རྗེ་དྭགས་པོའི་ལུང་བསྟན་པའི་བྲག་ཚེས་བརྒྱད་ཀྱི་ཟླ་བ་འདྲ་བ་འདི་ནི། ཐུགས་རྗེ་ཆེན་པོ་རྒྱལ་བ་རྒྱ་མཚོའི་དཀྱིལ་འཁོར་པདྨ་དབང་གི་ཟླ་གམ་རང་བྱུང་ཡིན་པས་གནས་འདི་པདྨ་གསུང་གི་གནས་ཡིན་ནོ། །སྤྱིར་བྲག་སོགས་ས་འོག་ཏུ་གནས་མཇལ་རྒྱུ་ཡོད་པ་རྣམས་ནི། ས་འོག་སྐུའི་འཁོར་ལོའི་གནས། གངས་ཏི་སེའི་རི་རྩེ་ན་བདེ་མཆོག་གི་དཀྱིལ་འཁོར་ཡོད་པ་ལྟ་བུ་ནི། མཁའ་སྤྱོད་ཐུགས་ཀྱི་འཁོར་ལོའི་གནས་སོ། །ས་ཡི་སྟེང་ན་དཔའ་བོ་ཌཱ་ཀི་འདུ་བའི་གནས་རྣམས་ས་སྤྱོད་གསུང་གི་འཁོར་ལོའི་གནས་ཡིན་པས། འབུམ་ཐང་གི་སྤང་ལྗོངས་ཉམས་དགའ་བ། འབུ་སྲིན་སོགས་མེད་པ་འདི་ནི། གནས་འདི་ཡི་གཙོ་བོ་ཡིན་ཏེ། ལས་དག་པ་རྣམས་ཀྱི་གཟིགས་ངོར་གསུང་གི་བདེ་མཆོག་དམར་པོ་ཡབ་ཡུམ། ས་སྤྱོད་གསུང་གི་འཁོར་ལོ་དཔའ་བོ་བརྒྱད་དང་། །

[Full Size]

དཔའ་མོ་བརྒྱད། རེ་རེ་ལ་འཁོར་དཔའ་བོ་ཌཱ་ཀི་འབུམ་ཕྲག་གིས་བསྐོར་ནས་བཞུགས་སོ། །རྗེ་དུས་གསུམ་མཁྱེན་པས་མཁའ་འགྲོ་མ་འབུམ་ཕྲག་གིས་བྲོ་གར་བྱེད་པར་གཟིགས་པས་འབུམ་ཐང་དུ་གྲགས་སོ། ༧ །གནས་འདི་ཡི་འོག་གཞི་སའི་འོག་ཏུ་དེ་བཞིན་གཤེགས་པ་ཀླུ་དབང་རྒྱལ་པོའི་ཕྲིན་ལས་སྤྲུལ་པ། ས་དྲུག་ལ་གནས་པའི་བྱང་ཆུབ་སེམས་དཔའ་ཀླུ་ཡི་རྒྱལ་པོའི་མི་ཚུལ་འཛིན་པ། ཇོ་བོ་སྔགས་བདག་སོག་མ་མེད་ཀྱི་ཕོ་བྲང་ཡོད་དེ། ཕྱག་ན་རྡོ་རྗེས་མཆོད་རྟེན་སྔོན་པོའི་རྒྱུད་ཆེན་པོ་དང་། རས་ཆུང་གི་ལུགས་ཀྱི་ཁྱུང་གི་ལོ་རྒྱུས་དང་སྒྲུབ་པ་བཀའ་བརྒྱད་ཀྱི་རྒྱུད་དང་འདུལ་བ་སོགས་ལས་སྔགས་བདག་ཀླུ་ཐམས་ཅད་ཀྱི་གཙོ་བོ་དང་རྒྱལ་པོ་ཡིན་ཅིང་། ཀླུ་ཆེན་བརྒྱད་ཀྱང་འདི་ཡི་འཁོར་ཡིན། ཀླུ་རིགས་ཐམས་ཅད་འདིའི་བྲན་དང་ཕོ་ཉ་ཡིན་ཅིང་། འཇིག་རྟེན་གྱི་བདེ་སྡུག་དང་སྐྱེ་འགྲོའི་དར་རྒུད། ལོ་ལེགས་ཉེས་ཐམས་ཅད་འདིའི་དབང་ཆེ་བར་བཤད་ཅིང་། འདིའི་སྲས་རི་བོ་ཞེས་བྱ་བ་ཤིན་ཏུ་ཁྲོ་གཏུམ་ཆེ་བ་ཞིག་ཡོད་པ་དེ་ལ་བཅོམ་ལྡན་འདས་ཀྱིས་ཀྱང་དགེ་བསྙེན་གྱི་སྡོམ་པ་མ་གནང་བར་ལས་མཁན་དུ་བཞག་པར་བཤད་པས། འདི་ཡི་གཡས་གཡོན་གྱི་ཆུ་མིག་རྣམས་ཤིན་ཏུ་

[Full Size]

གཉན་པས། བཤང་གཅི་སོགས་ཆུ་མིག་གི་ཉེ་ལོགས་སུ་མ་སོང་བ་གལ་ཆེ། ཀླུ་གཏོར་དང་། ཀླུ་མཆོད་སོགས་བྱས་ན། ཀླུ་ནད་ཐམས་ཅད་ཞི་བ་དང་། ལོངས་སྤྱོད་མངའ་ཐང་རྒྱས་པའི་དངོས་གྲུབ་ཐམས་ཅད་ངེས་པར་འབྱུང་སྟེ། པཎ་ཆེན་ཤཱཀྱ་ཤྲཱིའི་ཛམ་བྷ་ལ་སེར་པོ་དང་སྔགས་བདག་གཉིས་ངོ་བོ་གཅིག་པར་གསུངས་སོ། །གནས་འདིའི་ཞིང་སྐྱོང་བཀའ་སྲུང་ནི། ཡེ་ཤེས་ཀྱི་མ་མགོན་ལྕམ་དྲལ་དང་། ལས་ལ་གྲུབ་པའི་ཀླུ་རྒྱལ་གཞོན་ནུ་གཏུམ་པོ། འཇིག་རྟེན་གྱི་དགེ་བསྙེན་དཔལ་ལྡན་ཤེས་རབ་དང་པདྨ་ཚུལ་ཁྲིམས་རྣམས་ཡིན་ཏེ། དཔལ་ལྡན་ཤེས་རབ་འདི་ནི་སངས་རྒྱས་སྟོང་གི་བསྟན་པ་སྲུང་བའི་དགེ་བསྙེན་ཆེན་པོ་གཅིག་ལགས་སོ། །དེ་ནི་ཕྱིའི་གནས་བཤད་མདོར་བསྡུས་པའོ། ༈ གཉིས་པ་ནང་གི་རྟེན་བཤད་ལ། འབུམ་གསུམ་དབུས་མའི་མཆོད་རྟེན་འདིའི་ནང་ན། རྗེ་དུས་གསུམ་མཁྱེན་པའི་རིང་བསྲེལ་གདུང་ཐལ་རུས། དབུ་ལོ་ན་བཟའ། བཅོམ་ལྡན་འདས་ཤཱཀྱ་ཐུབ་པའི་འཕེལ་གདུང་། རྒྱ་བོད་མཁས་གྲུབ་མང་པོའི་རིང་བསྲེལ་དཔག་ཏུ་མེད་པ་བཞུགས་ཤིང་འགྲོ་མགོན་རས་ཆེན་གྱིས་རབ་གནས་མཛད་ཉིན། རྗེ་དུས་མཁྱེན་ཉིད་

[Full Size]

དངོས་སུ་བྱོན་ནས་བྱིན་གྱིས་བརླབས་པར་མི་ཐམས་ཅད་ཀྱིས་དངོས་སུ་མཐོང་ངོ། །གདུང་འབུམ་ཤར་གཡས་མ་འདི་སངས་རྒྱས་རས་པ་ཆེན་པོའི་གདུང་འབུམ་ཡིན་ཏེ། གདུང་ཐལ་རུས་རིང་བསྲེལ་བརྒྱུད་པའི་དབུ་ལོ་ན་བཟའ། སངས་རྒྱས་ཀྱི་འཕེལ་གདུང་། རྗེ་ཉིད་ཀྱི་གསོལ་ཞལ་སྡེར་སོགས་རྟེན་བཟང་དགུ་བཞུགས་སོ། །ནུབ་ངོས་གདུང་འབུམ་གཡོན་མ་འདི་དུས་མཁྱེན་དངོས་སློབ་མཁས་པ་དབང་གི་རྡོ་རྗེའི་གདུང་འབུམ་ཡིན་ཏེ་འབུམ་གསུམ་སྟེང་གི་གསེར་གདུགས་གསུམ་འདི་ནི། ཇོ་བོ་ཤཱཀྱ་མུ་ནེ་རྒྱ་ནག་ཡུལ་དུ་བཞུགས་དུས་ཀྱི་དབུ་གདུགས་ཏེ། མཆོག་ཟུང་གཉིས་དང་ཇོ་བོ་གཙོ་འཁོར་གསུམ་གྱི་དབུ་གདུགས་ཡིན་པ་ལ། ཇོ་བོ་བོད་དུ་བྱོན་རྗེས་རྒྱ་ནག་གིས་མ་ཆུན་ནས། དེ་མཇལ་བ་ཐམས་ཅད་ལ་ཆོ་འཕྲུལ་མ་རུངས་པ་ཁོ་ན་བྱུང་བས། བྱེ་མའི་འོག་ཏུ་སྦས་ནས་དེར་མི་འགྲོ་མི་ཕོད་པ་ལ། གྲུབ་ཆེན་ཀརྨ་པཀཱིས་བཏོན་ནས། ས་འོག་ནས་ཀླུ་ལ་བསྐུར་ནས་གསེར་རྟགས་སུམ་མདོ་ནས་བུད་པར་གྲགས་ཏེ། ལྟས་ངན་གཡང་དུ་ལེན་མི་དེ། །སྐྱེས་མཆོག་ཀརྨ་པཀྴི་ཡིན། །ཞེས་རྣམ་ཐར་འགའ་ཞིག་ལས་བྱུང་ངོ། །བཞུགས་ཁྲི་འདི་ནི་གྲུབ་ཆེན་ཀརྨ་པཀྵིའི་བཞུགས་ཁྲི་

[Full Size]

སྟེ། ན་རིམ་ཐམས་ཅད་རིམ་པར་བཞུགས་པའི་བྱིན་རླབས་ཅན་ཡིན། རྡོ་འདི་ནི་སི་ཏུ་སྤྲུལ་པའི་སྐུ་འདི་ཉིད་སྐུ་ཕྲ་མོའི་དུས་སུ་ཆུ་འགྲམ་གྲམ་ཁྲོད་ནས་བཏོན་པ་ཡིན། ༧ གསེར་འབུམ་འདི་ནི་དཔལ་ལྡན་འབྲས་སྤུང་གི་མཆོད་རྟེན་གྱི་བཀོད་པ། གྲུབ་ཆེན་རིན་པོ་ཆེ་ཉིད་ཀྱི་ཞལ་བཀོད་གནང་ནས་བཞེངས་ཏེ། གྲུབ་ཆེན་ཀརྨ་པ་ཉིད་ཀྱི་ཚེམས་རིང་བསྲེལ་ཅན་དང་། སངས་རྒྱས་ཀྱི་འཕེལ་གདུང་ལ་སོགས་པ་རྟེན་བཟང་བར་བཞུགས་སོ། ༈ །ཡ་ཀིའི་ཁང་པ་འདི་ཡི་ནང་ན། རྗེ་དུས་མཁྱེན་གྱི་སྐུ་རྒྱབ་གཏད་པའི་ཤུག་སྡོང་བྱིན་རླབས་ཅན། མཆོད་རྟེན་སོགས་བཞུགས་པ་ནི། རྗེ་དུས་མཁྱེན་ཐོག་མར་བཞུགས་མལ་ཡིན་པས་བྱིན་རླབས་ཆེའོ། །སྤོམ་བྲག་གདོང་གི་མཆོད་རྟེན་ཡ་ཀི་ནི། རྗེ་སྤོམ་བྲག་པའི་གདུང་རིལ་པོར་བཞུགས་ཏེ། ཞལ་ཕུ་ལ་གཟིགས་པས་དགོན་པ་འདི་ལ་བཤའི་གནོད་པ་བཟློག་པ་ཞལ་ཙམ་ཡིན་ཏེ། དེ་ཡང་ཨོ་རྒྱན་རིན་པོ་ཆེ་པདྨ་འབྱུང་གནས་ཀྱི་ལུང་བསྟན་ཆེན་པོ་བཀའ་རྒྱ་མ་ལས། ད་ལྟའི་རྣལ་འབྱོར་ལོ་གྱི་ཆུང་བམ་ཁྱོད། །སྨོན་ལམ་དབང་གིས་སྦྱངས་བའི་ལས་སད་དེ། །དེང་སང་མངའ་བདག་ཐུགས་སྲས་སླད་ཀྱི་ཚེ། །མི་

[Full Size]

འགྱུར་ལྷུན་པོའི་གནས་བརྟན་ཆོས་ཁྲིམས་བདག །སྐྱེ་བ་བདུན་ཕྲག་གསུམ་དུ་བྱེད་པ་སྟེ། །བར་ཚིག་ཞིག་རལ་གསོ་བྲན་བརྩོན་བྱེད་པ། །བསོད་ནམས་མིང་འཛིན་ལོངས་སྤྱོད་ཕུན་སུམ་ཚོགས། །མངའ་རིས་ཆོས་སྲིད་ལེགས་པའི་དཔལ་དང་ལྡན། །བག་དྲོ་ལྷུན་ཆགས་གཟི་བརྗིད་ལྡན་པ་འབྱུང་། །ཞེས་གསུངས་ཏེ། བཅོམ་ལྡན་འདས་བཛྲ་ཧེ་རུ་ཀའི་སྤྲུལ་པ། རྒྱ་གར་གྱི་རིག་འཛིན་ཧཱུཾ་ཆེན་ཀ་ར། བོད་ཀྱི་རྗེ་འབངས་ལོ་ཙཱ་ཁྱེའུ་ནམ་མཁའི་བྱ་འཛིན་དེ་ཉིད་གྲུབ་ཆེན་ཀརྨ་པ་ཆེན་པོའི་རིགས་ཀྱི་བདག་པོ་མཛད་པའི་ཕྱིར། བསམ་བཞིན་དུ་སྐྱེ་བ་བཞེས་ཏེ། སྤོམ་བྲག་པ་བསོད་ནམས་རྡོ་རྗེ་དེ་ཉིད་ཡིན་པས། འདི་ཡི་གདུང་འབུམ་འདི་ལ་ཕྱག་དང་བསྐོར་བ་མར་མེ་སོགས་ཕུལ་ན། དམ་ཚིག་དང་སྡོམ་པ་ཉམས་ཆག་ཐམས་ཅད་བསྐང་སྡིག་སྒྲིབ་ཐམས་ཅད་སྦྱངས། ཁྱད་པར་འདིའི་མདུན་དུ་གནས་ཞག་བྱས་ན་སོ་ནད་དང་བད་ཀན་སྨུག་པོའི་ནད་ལ་ཕན་པ། རྗེ་ཉིད་ཀྱི་འདའ་ཁའི་སྨོན་ལམ་ཡིན་པར་གྲགས་སོ། །རི་ཕའི་སྒྲུབ་སྡེ་འདི་ནི། རྗེ་རང་བྱུང་བས་བཙུགས་པ་སྟེ། དེ་ཡང་འཇམ་དཔལ་རྩ་རྒྱུད་ལེའུ་སོ་དྲུག་པ་ལུང་བསྟན་གྱི་ལེའུ་ལས། རྒྱ་གར་གྱི་སློབ་དཔོན་དཔའ་བོ་ལུང་བསྟན་

[Full Size]

པ་ནི། དགེ་སློང་མང་དུ་ཐོས་པ་ནི། །།དེ་ཡི་ཚེ་ན་འབྱུང་འགྱུར་པ། །མ་ཁོལ་ཞེས་ཀྱང་བྱ་བ་སྟེ། །ང་ཉིད་ཀྱང་ནི་བསྟོད་བྱེད་པ། །ཞེས་སོགས་ནས་མཇུག་ཏུ། དེ་ལུས་ཞིག་ནས་མཐོ་རིས་འགྲོ། །ཞེས་གསུངས་ཤིང་། དེའི་སྐྱེ་བ་ཀརྨ་རང་བྱུང་རྡོ་རྗེ་ལུང་བསྟན་པ་ནི། ལྷ་རྣམས་ལས་ནི་ཚེ་འཕོས་ནས། །མི་རྣམས་ནང་དུ་ཉེ་བར་སྐྱེས་ནས་ནི། །ང་ནི་བསྟན་ལ་རབ་ཏུ་ཞུགས། །རང་བྱུང་བདག་ཉིད་ཆེན་པོ་ནི། །དེ་ཚེ་དེ་བཞིན་འབྱུང་བར་འགྱུར། །མ་ཁོལ་ཞེས་བྱ་བརྟུལ་ཞུགས་ཅན། །དེ་ཚེ་དེ་ནི་འབྱུང་བར་འགྱུར། །ཇི་བཞིན་དོན་ནི་སྟོན་པའི་མཆོག །རྣམ་པ་སྣ་ཚོགས་དཔེ་དག་གིས། །འབྱུང་པོ་ཀུན་ལ་ཕན་པའི་ཕྱིར། །ལེགས་པར་བཤད་པ་རབ་བྱེད་པ། །སེམས་ཅན་རྗེས་སུ་བཟུང་བའི་ཕྱིར། །བསྟོད་པ་བརྗོད་པ་གཙོ་བོར་བྱེད། །དུས་དེར་འཇིག་རྟེན་སྨད་པ་ལ། །དེ་ཡི་ཚེ་ནི་འབྱུང་བར་འགྱུར། །རྣམ་པར་སྨིན་པ་དེ་ཡི་ནི། །ལུས་ཞིག་ནས་ནི་མཐོ་རིས་འགྲོ། །བློ་ལྡན་དེ་ནི་མཐར་གྱིས་ནི། །སྡོམ་པ་སྣ་ཚོགས་བདེར་མྱང་ནས། །བསམ་གྱིས་མི་ཁྱབ་མཆོག་གསུངས་པའི། །ཐམས་ཅད་མཁྱེན་པའི་བྱང་ཆུབ་འཐོབ། །ཅེས་

[Full Size]

དང་། ཨོ་རྒྱན་རིན་པོ་ཆེའི་ལུང་བསྟན་རིན་ཆེན་གླིང་པའི་གཏེར་མ་ལས། མི་ཡི་སེང་གེ་སྤྲེལ་ལོ་པ༔ དཔའ་བོ་ཆེན་པོ་གཟི་མདངས་ཅན༔ མིའུ་ཐུང་མགོན་པོ་གཟུགས་མཛེས་པ༔ རབ་བྱུང་ཆས་ལ་ཞྭ་ནག་འཛིན༔ སྤྱན་མིག་ཆོས་དབྱིངས་གྱེན་ལ་གཟིགས༔ སྨེ་བ་ཡི་གེ་ཤ་མཚན་ཅན༔ གསང་བའི་མིང་ནི་གྲགས་པ་ཡིས་རང་བྱུང་ཡེ་ཤེས་རཏྣའི་མཚན༔ ཆོས་རྣམས་ཀུན་གྱི་བདག་པོར་འགྱུར༔ ཡིད་བཞིན་ནོར་བུ་རིན་ཆེན་སྐུ༔ གང་གིས་མཐོང་ཐོས་དྲན་རེག་ཙམ༔ དོན་ཀུན་འགྲུབ་ཅིང་འབྲས་བུ་འཐོབ༔ གཞན་རྐྱེན་བར་ཆད་མ་བྱུང་ན༔ བརྒྱད་ཅུ་རྩ་གཅིག་བར་དུ་འཚོ༔ ས་སྐྱོང་རྒྱལ་པོའི་མཆོད་གནས་བྱེད༔ ཧོར་དང་སོག་པོ་ཐབས་ཀྱིས་འདུལ༔ རྒྱ་ནག་སྐུ་ཡི་གདུལ་བྱར་བཀོད༔ གསུང་དབྱངས་སེང་གེའི་ང་རོ་ཡིས༔ བདུད་དང་མུ་སྟེགས་ཚར་བཅད་ནས༔ ཟབ་དང་རྒྱ་ཆེའི་ཆོས་སྒྲ་སྒྲོག༔ དབུས་གཙང་ཁམས་གསུམ་གདུལ་བྱར་བཀོད༔ སྐལ་ལྡན་གསོལ་བཏབ་བརྒྱར་གཉེར་ན༔ སྟོང་ཕྲག་དྲུག་ཅུའི་འཁོར་ཚོགས་བསྐོར༔ འབུམ་ཕྲག་དྲུག་ཅུ་ཆོས་ལ་བཀོད༔ སྒོམ་བརྒྱུད་ཡོངས་ཀྱི་བསྟན་པ་འཛིན༔ དུས་གཅིག་སྐྱེ་བ་ལྔ་བཟུང་ནས༔ ཞིང་

[Full Size]

ཁམས་ལྔ་ལ་དབང་སྒྱུར་བྱེད༔ ལྷན་སྐྱེས་ཡེ་ཤེས་མཆོག་རྩལ་སྦྱངས༔ ཐུགས་ཀྱི་དགོངས་པ་སྐད་ཅིག་ལ༔ དཔག་མེད་འགྲོ་བ་བདེ་ལ་བཀོད༔ ས་བཅུ་ལ་གནས་སེམས་དཔའ་ཆེ༔ ཀུན་མཁྱེན་ཡེ་ཤེས་ངང་གིས་གསལ༔ པདྨ་ང་དང་གཉིས་སུ་མེད༔ འབྲེལ་ཚད་དོན་ལྡན་སྟོབས་པོ་ཆེ༔ མཁའ་མཉམ་འགྲོ་བ་སྐལ་ལྡན་ལ༔ གསང་གསུམ་འབྲས་བུ་ངོ་སྤྱོད་ཀྱིས༔ བདེ་བ་ཆེན་པོར་འགོད་བྱེད་པ༔ བཅོམ་ལྡན་སེང་གེའི་མཚན་དང་ལྡན༔ བྱམས་མགོན་ཐུགས་རྗེ་ཆེན་པོའི་སྲས༔ འཁོར་བ་དོང་སྤྲུགས་ཞེས་བྱ་བ༔ བདེ་བར་གཤེགས་པའི་ལུང་བསྟན་པའི༔ ཕྱི་ཡི་ལུང་བསྟན་མདོ་ལས་འབྱུང་༔ ནང་གི་ལུང་བསྟན་བླ་མའི་གསུངས༔ འདི་ནི་གསང་བའི་ལུང་བསྟན་ཡིན་མངའ་བདག་རྗེ་བློན་ཐུགས་ལ་ཞོག༔ མ་འོངས་དུས་སུ་ཀུན་ལ་གྲགས༔ འཛམ་གླིང་ཀུན་གྱི་དཔལ་དུ་ཤོག༔ ཅེས་གསུངས་སོ། །ཞེས་ཐུབ་པ་ཨོ་རྒྱན་རིན་པོ་ཆེ་གཉིས་ཀས་གསལ་བར་ལུང་བསྟན་པའི། རང་བྱུང་རྒྱལ་བ་ཆེན་པོ་དེ་ཉིད་སྒོམ་བརྒྱུད་ཡོངས་ཀྱི་བསྟན་པའི་བདག་པོ་ཡིན་པས། ཀརྨ་རི་པ་བཙུགས་ནས་ཐུགས་རྩེ་གཅིག་ཏུ་གཏད་པ་ཡིན་པས། རི་པ་འདིར་

[Full Size]

གནས་འབྲེལ་ཡུད་ཙམ་བྱས་ན་ཡང་། ཉམས་རྟོགས་ཀྱི་ཡོན་ཏན་གོང་དུ་འཕེལ། རྟོགས་པའི་བོགས་ཐོན་པ་ཡིན་པས། ཞི་ཕྱག་རྫོགས་གསུམ། དབུ་མ་བློ་སྦྱོང་། ཆོས་དྲུག་རིམ་ལྔ། དམར་ཁྲིད་སྦྱོར་དྲུག་གང་བསྒོམས་ཀྱང་། གནས་འདིར་བསྒོམས་ན་གེགས་དང་གོལ་ས་མེད་ཅིང་ཉམས་རྟོགས་ཀྱི་རྩལ་མྱུར་དུ་རྫོགས་པར་ངེས་སོ། །བྱམས་ཆེན་ལྷ་ཁང་དུ་ཕྱིན་ནས། དེ་ཡང་ཨོ་རྒྱན་རིན་པོ་ཆེས་མ་འོངས་ལུང་བསྟན་ལས༔ ད་ལྟའི་ལོ་ཙཱ་ཡེ་ཤེས་བྱ་བ་ཁྱོད༔ བོད་འདིར་སྦས་པའི་ཚུལ་གྱིས་གནས༔ དེ་རྗེས་སྤྱོད་པ་དཔག་མེད་རྣལ་འབྱོར་སྤྱོད་པ་བྱེད༔ ལན་གཅིག་ཨོ་རྒྱན་མཁའ་འགྲོའི་གནས་སུ་འགྲོ་དོན་མཛད༔ ལྔ་བརྒྱ་དུས་ཀྱི་ཐ་མ་ལ༔ དབུས་ཀྱི་ས་ཆ་འདི་ཉིད་དུ༔ དུས་གསུམ་མཁྱེན་པ་བྱ་བ་འབྱུང་༔ སྲོད་པ་རླབས་ཆེན་རྫུ་འཕྲུལ་སྟོན༔ འགྲོ་དོན་ཁམས་ཀྱི་ས་རུ་འོང་༔ སྐྱེ་བ་འདི་ཡི་ཕྱི་མ་ལ༔ ཀརྨ་པཀྴི་བྱ་བ་འབྱུང་༔ མཐའ་དམག་འདུལ་བའི་ཕ་ལྟར་འཁྲུངས༔ ཞེས་དང་༔ དེ་ཡང་བཙུན་པ་རྒྱལ་བ་མཆོག་དབྱངས་ཁྱོད༔ ཚེ་རབས་སྔོན་ནས་སེམས་བསྐྱེད་སྨོན་ལམ་ལྡན༔ རྒྱལ་བའི་མཐུ་རྩལ་ཤུགས་དང་དམ་ཚིག་ལྡན༔་དབང་ཆེན་ལྷ་ཡི་བརྟན་ཐོབ་དབང་སྐད་

[Full Size]

སྒྲོགས༔ སྨོན་ལམ་མཐུ་བཙན་འཁོར་བ་མ་སྟོངས་བར༔ འགྲོ་བའི་དོན་བརྩོན་འཛམ་གླིང་ཡོངས་ལ་ཁྱབ་ཁྱད་པར་མ་འོངས་བསྐལ་པ་མར་འགྲིབ་དུས༔ ཤཱཀྱའི་ཞིང་ཁམས་ཁ་བ་ཅན་གྱི་ལྗོངས༔ སྤྱན་རས་གཟིགས་ཀྱི་ཕྲིན་ལས་ངེས་མཛད་ཅིང་༔ སྔགས་ཀྱི་རྣལ་འབྱོར་བརྟུལ་ཞུགས་ཉམས་དང་ལྡན༔ མི་སྨྱོན་ཀརྨའི་མིང་ཅན་རྒྱལ་ཁམས་ཉུལ༔ ས་སྐྱོང་རྒྱལ་པོའི་མཆོད་གནས་བྱེད་པར་འགྱུར༔ དེ་ཚེ་རིམ་བཞིན་བསྟན་པའི་མེ་རོ་བསླང་༔ འགྲོ་འདུལ་ཐབས་མཁས་སེམས་ཅན་སྐྱོབ་པར་བྱེད༔ ཞེས་ལུང་བསྟན་པའི་གྲུབ་ཆེན་ཀརྨ་པ་དེ་ཉིད་གདན་ས་འདིར་ཕེབས་པས། རྗེ་དུས་གསུམ་མཁྱེན་པ་ལ་བཀའ་བརྒྱུད་བླ་མ་དཔག་ཏུ་མེད་པ་དང་། མཁའ་འགྲོ་མ་དཔག་མེད་ཀྱིས་སྐོར་བ་བྱེད་པ་དང་། དེ་རྣམས་ཀྱིས་གདན་སར་དར་རྒྱས་གྱིས་གསུངས་པ་དང་ལུང་པ་འདི་ཐམས་ཅད་རིང་བསྲེལ་གྱི་ཕྱུར་བུར་གང་བ་གཟིགས་པས། གདན་ས་གཞན་ལས་ཁྱད་པར་དུ་འཕགས་པ་མཁྱེན་ནས། ཕྱོགས་བཅུའི་སངས་རྒྱས་དང་མཁའ་འགྲོ་མ་རྣམས་ཀྱིས་མཚན་ཀརྨ་པ་ཞེས་གསོལ་བ་དང་། གནས་ཀྱི་མིང་དང་མཐུན་པ་ཀརྨ་པ་ཞེས་ཡོངས་སུ་གྲགས་སོ། །སྤྱན་རས་

[Full Size]

གཟིགས་ཀྱི་གནས་འདི་ན་བྱམས་ཆེན་ཀྱི་སྐུ་དང་ལྷ་ཁང་བཞེངས་པ་དང་། དགའ་ལྡན་ནས་འོད་ཟེར་མི་རྣམས་ལ་བཀྱེ་བས་འགྲོ་དོན་རྒྱ་ཆེན་པོ་འགྲུབ་བོ། །ཞེས་གསུངས་པས་བཞེངས་པར་དགོངས་པ་ན། སྟེང་ཕྱོགས་དགའ་ལྡན་ལྷ་ཡི་ཡུལ་ནས། རྒྱལ་བ་བྱམས་པའི་སྐུ་ལས་འོད་ཟེར་འབུམ་ཕྲག་དུ་མ་སྤྲོས་ཏེ་འཇིག་རྟེན་ཐམས་ཅད་སྣང་བར་མཛད་དོ། །འོད་དེ་གཅིག་ཏུ་འདུས་པ་ལས། བྱམས་ཁང་གི་ཐད་ཀྱི་ནམ་མཁའ་ལ། བྱམས་པ་སྐུ་ཚད་རྒྱན་ཆ་ལུགས་འདི་འདྲ་བ་ཞིག་གཟིགས་པ་ལ་བརྟེན་ནས་བཞེངས་པ་ཡིན་ཏེ། འདིའི་དབུ་ལ་སངས་རྒྱས་ཀྱི་འཕེལ་གདུང་ཕུལ་གང་དགྲ་བཅོམ་པ་ཉི་མ་གུང་པའི་སྣམ་སྦྱར། རྒྱ་བོད་ཀྱི་མཁས་གྲུབ་དཔག་ཏུ་མེད་པའི་གདུང་རིང་བསྲེལ་དབུ་ལོ་ཕྱག་སེན་དང་རྟེན་ཕྱག་ཏུ་བཞུགས་ཚད་ཀྱིས་ནང་གཞུག་མཛད། རྗེ་ཉིད་ཀྱི་རབ་གནས་མཛད་པ་ན། ཕྱོགས་བཅུའི་སངས་རྒྱས་དང་འཇམ་དབྱངས་སྤྱན་རས་གཟིགས་རྣམས་ཀྱིས་ཀྱང་བྱིན་གྱིས་བརླབས་སོ། །ལི་སེར་ལས་གྲུབ་པའི་པུ་རི་འདི་རྗེ་དུས་མཁྱེན་གྱི་གདུང་རྟེན་འགྲོ་མགོན་རས་ཆེན་གྱིས་བཞེངས་ནས། རབ་གནས་སྐབས་དུས་མཁྱེན་དངོས་སུ་བྱོན་ནས་བྱིན་གྱིས་རླབས་པ་ཡིན་ནོ། །པུ་རི་བར་མ་

[Full Size]

ནི་གྲུབ་ཆེན་ཀརྨ་པཀྵིའི་གདུང་རྟེན་དུ་འཇམ་དབྱངས་བློ་གྲོས་སེང་གེས་བཞེངས་ཏེ། ནང་དུ་སྟོན་པའི་འཕེལ་གདུང་། སྟོན་པའི་གཏད་རབས་སོགས་པཎ་གྲུབ་ཐམས་ཅད་ཀྱི་གདུང་རིང་བསྲེལ། དབུ་ལོ་ཕྱག་སེན་ན་བཟའ་སྐུ་གསུང་ཐུགས་རྟེན་མང་དུ་བཞུགས་སོ། །པུ་རི་འོག་མ་འདི་སངས་རྒྱས་རས་པ་ཆེན་པོའི་གདུང་རྟེན་དུ། རྒྱལ་སྲས་སྤོམ་བྲག་པས་བཞེངས་ཏེ། འགྲོ་མགོན་གྱི་ཐུགས་ལྗགས་སྤྱན་གསུམ་གྱིས་གཙོས་པའི་བྱིན་རླབས་རྟེན་དཔག་ཏུ་མེད་པ་བཞུགས་ཏེ། དེ་ཡང་རཏྟའི་གཏེར་ཁ་ཨོ་རྒྱན་རིན་པོ་ཆེའི་བསྟན་པ་སྤྱི་ལུང་ཆེན་པོ་ལས། བྱམས་པའི་སྤྲུལ་པ་བསྟན་པའི་རྗེས་སྐྱོང་བ། དུས་གསུམ་མཁྱེན་པ་མཚུར་ཕུའི་ས་རུ་འབྱུང་༔ ཞེས་དང་། འགྲོ་མགོན་རས་ཆེན་གྱི་སྐུ་སྐྱེ་བ་གསུམ་ལས་གྲུབ་ཆེན་རི་མགོ་པའི་རྣམ་ཐར་ལས། བྱམས་པ་ཞལ་གཟིགས་གསུང་ཐོས། རང་ཅག་བྱམས་པའི་འོད་ཟེར་ཆ་གཅིག་ཡིན། ད་རེས་ང་དང་འབྲེལ་བ་དང་། ང་མཐོང་བ་དང་ཐོས་པ་ཙམ་ཡང་བྱམས་མགོན་འཛམ་བུའི་གླིང་དུ་སངས་རྒྱས་པའི་དུས་སུ་མངོན་པར་བྱང་ཆུབ་ཐོབ་པ་ཡིན་ནོ། །ཞེས་གསུངས་པས། འདི་ན་རྗེ་དུས་མཁྱེན་དང་རིས་ཆེན་པ་ཡབ་སྲས་ཀྱི་

[Full Size]

གདུང་འབུམ་སངས་རྒྱས་རིང་བསྲེལ་བྱམས་ཆེན་གྱི་སྐུ་དང་བཅས་པ་བཞུགས་པ་འདི་ལ་ཕྱག་དང་བསྐོར་བ་མར་མེ་སྙན་དར་སོགས་ཕུལ་ན། རྒྱལ་བ་བྱམས་པས་རྗེས་སུ་འཛིན་ངེས་ཏེ། །བྱམས་པ་དགའ་ལྡན་དུ་སྐྱེ་བ་བླངས་པའི་མདོ་ལས་དོན་བསྡུས་ཏེ། ཅུང་ཟད་བརྗོད་ན། འདིའི་མདུན་དུ་ཕྱག་འཚལ་ཞིང་རྩེ་གཅིག་ཏུ་བཤགས་ནི་སྡོམ་པ་ཞིག་པ་ལ་སོགས་སྡིག་པ་དང་ལྟུང་བ་ཐམས་ཅད་བྱང་། མཆོད་པ་ཕུལ་བ་དང་ཕྱག་འཚལ་ན། འཆི་བའི་ཚེ་དགའ་ལྡན་ལྷ་ཡི་ཞིང་ནས། རྒྱལ་བ་བྱམས་པའི་མཛོད་སྤྱིའི་འོད་ཟེར་དང་ལྷ་ཐམས་ཅད་ཀྱི་མེ་ཏོག་གི་ཆར་གྱིས་བསུས་ནས། སྐད་ཅིག་ལ་དགའ་ལྡན་གྱི་ལྷའི་ཡུལ་དུ་སྐྱེས་ནས་རྒྱལ་བ་བྱམས་པའི་མཛོད་སྤུའི་འོད་ཟེར་དཀར་པོསརེག་པ་ཙམ་གྱིས། བྱམས་པའི་ཞལ་མཐོང་ཞིང་ཕྱིར་མི་ལྡོག་པ་ཐོབ། སངས་རྒྱས་གངྒའི་ཀླུང་གི་བྱེ་མ་སྙེད་ཞལ་མཐོང་བར་འགྱུར། བསྐལ་པ་དགུ་བཅུའི་སྡིག་པ་བྱང་། བྱམས་པས་ཆོས་གསུངས་པས་སྡིག་པ་ཐམས་ཅད་བྱང་ནས། མ་འོངས་པ་ན་རྒྱལ་བ་བྱམས་པ་འཛམ་བུའི་གླིང་འདིར་འབྱོན་དུས་ཞབས་འབྲིང་བྱེད་ཅིང་བསྐལ་པ་འདིའི་སངས་རྒྱས་སྟོང་དང་། བསྐལ་པ་སྐརྨ་ལྟ་བུའི་སངས་རྒྱས་ཐམས་ཅད་ཀྱང་མཇལ་

[Full Size]

ནས། དེ་དག་གི་དྲུང་དུ་བྱང་ཆུབ་ཏུ་ལུང་བསྟན་པ་ཐོབ་པར་བཤད་དོ། །དེ་ནས་ཐུབ་ཆེན་ལྷ་ཁང་དུ་ཕྱིན་ནས། དེ་ཡང་ཨོ་རྒྱན་རིན་པོ་ཆེའི་ཟབ་ཆོས་ལས། ཐུགས་རྗེ་ཆེན་པོ་གསང་བ་འདུས་པ་དང་༔ རྟ་མགྲིན་གསང་བ་འདུས་པའི་ཆོས་སྐོར་ལུང་བསྟན་ལས། ཨེ་མ༔ དེ་ལྟར་ཆོས་བདག་མང་བསྟན་ཡང་༔ ངོ་མཚར་གསང་འདུས་ཞི་ཁྲོ་ཡི༔ ཁྱད་པར་ཆོས་ཀྱི་དར་བྱེད་པ༔ ས་ལ་གནས་པའི་བྱང་སེམས་འབྱུང་༔ ད་ལྟའི་བཙུན་པ་མཆོག་དབྱངས་ཁྱོད༔ རང་བཞིན་དབང་ཆེན་ཡབ་ཡུམ་གྱི༔ ངོ་བོ་རྣམ་པར་འཕྲུལ་ཕྲིན་ལས་སྤྱན་རས་གཟིགས་དབང་ཉིད༔ མ་འོངས་ཐ་མར་གྱུར་པ་ན༔ སྤྲུལ་པ་དུ་མས་འགྲོ་བ་འདུལ༔ གཅིག་ནི་དགའ་ལྡན་མི་ཕམ་དྲུང་༔ སེམས་དཔའ་ཆོས་ཀྱི་བློ་གྲོས་འགྱུར༔ གཅིག་ནི་ཤར་གྱི་གླིང་དག་ན༔ རྒྱལ་པོ་དགེ་བའི་རྫུ་འཕྲུལ་ཅན༔ གཅིག་ནི་ནུབ་ཕྱོགས་བདེ་ཆེན་ན༔ དགེ་སློང་ཆོས་ཀྱི་གྲགས་པ་ཞེས༔ དག་པའི་འཁོར་ཡང་འབུམ་ཕྲག་གཅིག༔ གཅིག་ནི་ནུབ་ཕྱོགས་ཨོ་རྒྱན་ན༔ རྣལ་འབྱོར་རོལ་པའི་རྡོ་རྗེ་ཞེས༔ སྔགས་ཀྱི་རྣལ་འབྱོར་བརྟུལ་ཞུགས་སྤྱོད༔ དེ་སོགས་གཞན་ཡང་སྤྲུལ་པ་ནི༔ རྣལ་

[Full Size]

འབྱོར་མཐོང་ལམ་ཇི་བཞིན་དུ༔ ཁྱད་པར་ཆོས་འདིའི་བདག་པོ་ཡིན༔ ས་ལ་གནས་པའི་བྱང་ཆུབ་སེམས༔ སྤྲེལ་ལོ་སྨེ་བའི་ག་ཤལ་ཅན༔ དེ་ཡི་མགྲིན་པ་སྲིད་ལྟེ་ལའང་༔ སྨེ་བ་དཀར་དམར་མཚན་པ་ཅན༔ ཐབས་ཀྱི་བརླ་དང་ཐུགས་ལ་བྲིད༔ རྒྱལ་སྲས་དྷརྨཱ་ཀཱིརྟི་ཞེས༔ ངེས་པར་ཨོ་རྒྱན་ངས་ལུང་བསྟན༔ ཨོ་རྒྱན་བདག་དང་ས་ར་ཧ༔ ཏེ་ལོ་པ་དང་མ་ཕམ་སོགས༔ རྣལ་འབྱོར་དབང་ཕྱུག་མང་པོས་ཀྱང་༔ དེ་ལ་ཆོས་ཀྱང་སྟོན་པར་བྱེད༔ འབྲེལ་ཚད་དོན་ལྡན་སེམས་དཔའ་དེ༔ དམ་ཚིག་སེལ་གྱིས་སོ་བདུན་ལ༔ ཤིན་ཏུ་གཉན་བྷྱོཔས་ཚེ་སྒྲུབ་འབད༔ ཅེས་མཐོང་བ་དོན་ལྡན་མཚན་དངོས༔ ཆོས་ཀྱི་གྲགས་པ་ལུང་བསྟན་རྒྱས་པར་གསུངས༔ དེ་འོག་ཕྱི་མའི་དུས་ཀྱི་ཚེ༔ ཁམས་ཀྱི་སེར་རྟོགས་ལྷོ་ཡི་ཆར༔ རི་བོ་ཁྱུང་ལྡིང་འདྲ་བའི་ཞོལ༔ རྗོད་ཅེས་བྱ་བའི་ས་ཕྱོགས་སུ༔ པདྨ་ང་ཡི་རྣམ་འཕྲུལ་ཏེ༔ བྱའམ་ཁྱི་ཡི་ལོ་པ་གཅིག༔ རང་བྱུང་མཚོ་སྐྱེས་རྡོ་རྗེ་ཞེས༔ ས་ལ་གནས་པའི་བྱང་སེམས་འབྱུང་༔ ངན་ལམ་རྒྱལ་བ་མཆོག་དབྱངས་ཉིད༔ སྔོན་གྱི་བག་ཆགས་སད་དུ་འོང་༔ གསུང་གི་མཚན་མ་དག་དང་ལྡན༔ སྙིང་ཐིག་འདུས་པ་སྐོར་བཞི་དང་༔ ཁྱད་པར་རྟ་

[Full Size]

མགྲིན་ཡང་གསང་བདག༔ ཡིན་ཕྱིར་ཚེ་རིལ་དང་བཅས་གཏད༔ མ་འོངས་ཕྱི་མའི་དུས་མཐའི་བར༔ རྒྱ་མཚོའི་མཐའ་ལ་ཐུག་གི་བར༔ དེ་ཡིས་རྒྱས་པར་བྱེད་པའི་ཕྱིར༔ གཏེར་འདི་སྦས་པ་དོན་ཡོད་འགྱུར༔ ཞེས་ལུང་བསྟན་གྱི་མཚན་དངོས་རང་བྱུང་མཚོ་སྐྱེས་རྡོ་རྗེ༔ ཡོངས་གྲགས་རྗེ་ཆོས་གྲགས་རྒྱ་མཚོ་ཞེས་བྱ་བ་ཉིད་དང་། གོའི་ཤྲཱི་དཔལ་འབྱོར་གཉིས་བཀའ་བགྲོས༔ ཐུབ་ཆེན་འདི་བཞེངས་ཤིང་རབ་ཏུ་གནས་པར་མཛད༔ ནང་ཞུགས་བྱིན་རླབས་རྟེན་བསམ་ལས་འདས་པ་བཞུགས་སོ། །དེ་ཡང་འཕགས་པ་༈ འཇིག་རྟེན་དབང་ཕྱུག་ཀརྨ་པ་ལོངས་སྤྱོད་རྫོགས་པའི་སྐུ་བརྙན་ཡིན་ཏེ༔ རྣམ་པར་སྣང་མཛད་མངོན་པར་བྱང་ཆུབ་སེམས་རྒྱུད་ཆེན་པོ་དང་༔ ཨོ་རྒྱན་རིན་པོ་ཆེའི་གསུང་ལ་སོགས་པའི་མདོ་རྒྱུད་དུ་མ་ནས་གསུངས་པའི་དོན་བསྡུས་ཏེ་བཤད་ན། འཕགས་པ་སྤྱན་རས་གཟིགས་དབང་ཕྱུག་ཀརྨ་པའི་མཆན་ཁུང་གཡོན་པའི་བ་སྤུའི་བུ་ག་གཅིག་ན་འོག་མིན་འཐུག་པོ་བཀོད་པའི་ཞིང་ཁམས་བསམ་ལས་འདས་པ་ཞིག་ཡོད་དོ། །དེའི་དབུས་ན་ནོར་བུ་རིན་པོ་ཆེའི་གཞལ་ཡས་ཁང་ན། འཕགས་པ་འཇིག་རྟེན་དབང་ཕྱུག་ཀརྨ་པ་དེས་སྤྲུལ་པའི་ཆ་གཅིག་ལ་ཐུབ་

[Full Size]

པ་རྣམ་པར་སྣང་མཛད་གངས་ཆེན་མཚོ་ཞེས་བྱ་བའི་སངས་རྒྱས་གཅིག་བཞུགས་ཏེ། སངས་རྒྱས་འདིའི་སྐུའི་འོད་ཟེར་དཔག་ཏུ་མེད་པའི་འོད་ཟེར་རེ་རེའི་རྩེ་ལ་ཡང་སངས་རྒྱས་ཀྱི་ཞིང་ཁམས་དཔག་ཏུ་མེད་དོ། །སངས་རྒྱས་འདིའི་སྐུའི་བ་སྤུའི་བུ་ག་རེ་རེ་ན་ཡང་ཞིང་ཁམས་རེ་རེ་ཡོད་དོ། །སངས་རྒྱས་འདི་ཡི་ཕྱག་མཐིལ་ན་སྤོས་ཆུའི་རྒྱ་མཚོ་ཡོད་དོ། །དེ་ལ་པདྨའི་སྡོང་པོ་མེ་ཏོག་ཉི་ཤུ་རྩ་ལྔ་བརྩེགས་མར་ཡོད་དོ། །མེ་ཏོག་རེ་རེའི་སྟེང་ན་ཡང་འཇིག་རྟེན་གྱི་ཁམས་དཔག་ཏུ་མེད་པ་ཡོད་དོ། །འཇིག་རྟེན་ཁམས་འདི་ནི་མེ་ཏོག་བཅུ་གསུམ་པའི་སྟེང་ན་ཡོད་ཅིང་། མེ་ཏོག་དེ་ལ་ཡང་ཟེའུ་འབྲུ་དཔག་ཏུ་མེད་པའི་རེ་རེའི་ནང་ནའང་འཇིག་རྟེན་གྱི་ཁམས་དཔག་ཏུ་མེད་པ་ཡོད་ལ། ངེད་རང་རྣམས་ཀྱི་འཇིག་རྟེན་མི་མཇེད་ཁམས་ནི་ཟེའུ་འབྲུ་དབུས་མའི་སྟེང་ན་ཆགས་ནི་ཡོད་ཅིང་། སངས་རྒྱས་འདིའི་ཐུགས་ཀའི་ཐད་ཡིན་པས་འཇིག་རྟེན་གྱི་ཁམས་གཞན་དུ་དགེ་སྡིག་བསྐལ་པར་སྤྱད་པ་བས། འདིར་སྐད་ཅིག་སྤྱད་པ་སྟོབས་ཆེ་བར་བཤད་དོ། །འདི་ནི་ངེས་པ་ལྔ་དང་ལྡན་པ་ལོངས་སྤྱོད་རྫོགས་པའི་སྐུ་སྟེ། ཆོས་སྐུའི་རྟེན་དུ་པུ་རི་གསུམ་དང་འབུམ་པ་རྣམས། ལོངས་སྐུའི་རྟེན་འཇིག་རྟེན་དབང་ཕྱུག་ཀརྨ་པ་

[Full Size]

ལོངས་སྤྱོད་རྫོགས་པ་ཐུབ་པ་གངས་ཆེན་མཚོའི་སྐུ་འདི་ཡིན། སྤྲུལ་སྐུའི་རྟེན་བླ་མ་ལྷ་ཁང་དང་ཐུབ་པ་ལྷ་ཁང་རྣམས་ཡིན་ནོ། ༈ །དེ་ནས་བླ་མ་ལྷ་ཁང་དུ་ཕྱིན་ནས། དེ་ཡང་ཨོ་རྒྱན་རིན་པོ་ཆེ་པདྨ་འབྱུང་གནས་ཀྱི་མ་འོངས་ལུང་བསྟན་སྤྲུལ་སྐུ་སངས་རྒྱས་གླིང་པའི་གཏེར་ཁ་ལས། ཀརྨ་པ་རབ་བཅུ་གཅིག་འབྱོན་པར་གསུངས་ཏེ། ཞྭ་ནག་འཛིན་པ་སྤྲུལ་པའི་སྐྱེས་མཆོག་གཅིག༔ རྣལ་འབྱོར་མཆོག་དབྱངས་འཛམ་གླིང་བདེ་ལ་བཀོད༔ ཀརྨ་པ་ཞེས་སྐྱེ་བ་བཅུ་གཅིག་ཏུ༔ སྤྱན་རས་གཟིགས་ཀྱི་ཕྲིན་ལས་སྐྱོང་བྱེད་པ༔ མཚུར་ཕུ་ཞེས་བྱར་དུས་གསུམ་མཁྱེན་པ་འབྱུང་༔ དེ་རྗེས་ཀརྨ་པཀཱིས་མཐའ་དམག་ཟློག༔ རང་བྱུང་རྡོ་རྗེ་མཁྱེན་པའི་དཀྱིལ་འཁོར་རྒྱས༔ རོལ་པའི་རྡོ་རྗེས་དུས་གསུམ་གསལ་བར་གཟིགས༔ ཆོས་དཔལ་བཟང་པོ་ཟག་མེད་ཏིང་འཛིན་རྒྱས༔ ཞྭ་ནག་དྲུག་པ་འཛམ་གླིང་ཆོས་གྲགས་དཔལ༔ ཡི་དམ་ལྷ་ཡི་གསལ་སྣང་རྒྱུན་ཆད་མེད༔ མཚོ་སྐྱེས་རྡོ་རྗེས་མ་རུངས་གདུག་པ་འདུལ༔ མི་བསྐྱོད་རྡོ་རྗེས་མཐའ་ཡི་དམག་དཔུང་ཟློག༔ དབང་ཕྱུག་རྡོ་རྗེས་མདོ་སྔགས་བསྟན་པ་བཙུགས༔ ཆོས་དབྱིངས་རྡོ་རྗེས་ཉམས་ལེན་སྒྲུབ་སྡེ་འཛུགས༔ ཡེ་ཤེས་

[Full Size]

རྡོ་རྗེས་གདུལ་བྱའི་ལྷག་མ་སྐྱོང་༔ ཞེས་བཅུ་གཅིག་དང་༔ རཏྣ་གླིང་པའི་གཏེར་ཁ་ནས་བཅུ་གཉིས་བཤད་པའི་ཚིག་གོང་མ་ཐམས་ཅད་འདྲ་བ་ལས། བྱང་ཆུབ་རྡོ་རྗེ་དངོས་གྲུབ་དཔག་མེད་བརྙེས༔ ཞེས་དང་༔ བཅུ་གསུམ་འབྱོན་པ་ནི། རཏྣ་གླིང་པའི་ཨོ་རྒྱན་རིན་པོ་ཆེའི་བསྟན་པ་སྤྱི་ལུང་ཆེན་པོ་ལས། སྤྱན་རས་གཟིགས་དབང་བོད་ཡུལ་མིར་སྤྲུལ་པ། ཀརྨའི་མིང་ཅན་སྐྱེ་བ་བཅུ་གསུམ་དུ༔ འབྲེལ་ཚད་དོན་ལྡན་མཐའ་དམག་བཟློག་ཅིང་འདུལ༔ འབྲེལ་ཚད་བདེ་ཆེན་ཞིང་དུ་ཁྲིད་པ་འོང་༔ ཞེས་གསུངས་པའི་ན་རིམ་གོང་མ་རྣམས་ཀྱིས་གདུང་རྟེན་ལ་བཞེངས་པའི་སྐུ་འདྲ་རྣམས་ཏེ། རྟེན་གྱི་གཙོ་བོ་དུས་མཁྱེན་གྱི་སྐུ། ཁྱད་པར་འཕགས་པ་བདུན་དང་ལྡན་པ་ཡིན་ཏེ། བཟོ་བོ་ཁྱད་པར་དུ་འཕགས་པ་འཇམ་དབྱངས་ཀྱི་སྤྲུལ་པ་སྐྱུ་ར་ལྷ་ཆེན་གྱི་ཕྱག་བཟོ་ཡིན། སྐུ་ཁྱད་པར་འཕགས་པ་རིན་ཆེན་ཟི་ཁྱིམ་ལས་གྲུབ་པ།་བཟོ་ཁྱད་པར་དུ་འཕགས་པ་སྐུ་ཚད་ལས་གཉིས་འགྱུར་གྱི་ཚད་གཅིག་ལྡོགས་སུ་གྲུབ་པ། རབ་གནས་ཁྱད་པར་དུ་འཕགས་པ་འགྲོ་མགོན་རས་ཆེན་པས་རབ་གནས་མཛད་དུས། རྗེ་དུས་མཁྱེན་མངོན་སུམ་དུ་བྱོན་ནས་བྱིན་གྱིས་རླབས་པ། འགྲོ་དོན་

[Full Size]

ཁྱད་པར་དུ་འཕགས་པ་ལས་ཅན་འགའ་རེ་ལ་ཆོས་དྲུག་གསུངས་པས་ཆོས་དྲུག་ཏུ་གྲགས་པ།་མཛད་པ་ཁྱད་པར་དུ་འཕགས་པ་ཀླུ་རྒྱལ་སྔགས་ཀྱི་བདག་པོའི་ཕོ་བྲང་ཆུ་མིག་སྟེང་དུ་བཞུགས་ནས་ཀླུའི་ཁ་གནོན་མཛད་པ། བྱིན་རླབས་ཁྱད་པར་དུ་འཕགས་པ་དུས་ཕྱིས་བར་དུ་གསུངས་ཡང་ཡང་བསྒྲགས་ཤིང་རྗེ་དངོས་དང་ཁྱད་པར་མེད་པ་ཡིན་ནོ། །སྐྱེས་མཆོག་ཀརྨ་པཀྵིའི་སྐུ་ཚད་ལས་ཆེ་བ་འདི་གསེར་གར་བླུགས་གཅིག་ལྡོགས་སུ་གྲུབ་ཅིང་ནང་རྟེན་བསམ་ལས་འདས་པ་བདུད་དཔུང་ཟིལ་གནོན་བྱིན་རླབས་དཔལ་འབར་ཞེས་བྱ་བ་ཡིན་ནོ། རྗེ་དབང་ཕྱུག་རྡོ་རྗེའི་འདྲ་སྐུ་འདི་ནི་ཕུན་སུམ་ཚོགས་པ་གསུམ་དང་ལྡན་ཏེ། རྒྱུ་ཕུན་སུམ་ཚོགས་པ་རྒྱུ་དངུལ་སྲང་ཆེན་ཉིས་སྟོང་ལས་གྲུབ་པ། བཟོ་ཁྱད་པར་འཕགས་པ་སྐུ་ཚད་ལས་ཉིས་འགྱུར་གྱིས་ཆེ་ཞིང་ཆོས་གོས་ཀྱི་རི་མོ་ལའང་ལཉྩའི་མཚན་སྔགས་བཀོད་པ་དང་བྱོན་གཙང་ཞིང་སྐུ་ཚུགས་འདྲ་སྐུར་བྱོན་པ། ནང་ཞུགས་ནི་བྱིན་རླབས་ཀྱི་གཏེར་མཛོད་དུ་བཞུགས་པ་བརྗོད་པར་མི་ནུས་པ་བཞུགས། སྦྱིན་བདག་དང་རབ་གནས་ཞལ་བཀོད་ཐམས་ཅད། ༧ སི་ཏུ་ཆོས་ཀྱི་རྒྱལ་མཚན་པ་ཉིད་ཀྱིས་མཛད་པ་བྱིན་རླབས་དཔག་ཏུ་མེད་

[Full Size]

པའོ། །གཞན་རྣམས་ཀྱང་ན་རིམ་སོ་སོའི་འདྲ་སྐུ་གདུང་རྟེན་ལ་བཞེངས་པ་ཁོ་ན་སྟེ། ནང་རྟེན་ནི་བསམ་ལས་འདས་སོ། །དེང་སང་ཁ་ལ་བདུད་ཞུགས་ནས་ཕྱི་མ་ལྕེ་ལ་ལྕགས་སྲེག་གི་གླང་དོར་ལྔ་བརྒྱས་རྨོ་བར་འགྱུར་བའི་བསོད་ཟད་འགའ་ཞིག་ན་རེ། ཀརྨ་པ་རབ་བརྒྱད་ནི་སྤྱན་རས་གཟིགས་དངོས་ཡིན་ལ། རབ་བརྒྱད་ལས་མེད་པས། དེ་ཕྱིན་ཆད་ཀར་བརྫུ་ཡིན་ནོ་ཞེས་གཤེ་སྐུར་འདེབས་པ་ནི་ཤིན་ཏུ་ནས་སྙིང་རྗེ་བས། ལོག་ལྟ་ཅན་དེ་དག་ལ་ཕན་ཕྱིར་ཅུང་ཟད་བཤད་ན། སངས་རྒྱས་གླིང་པ་དང་རཏྣ་གླིང་པ་གཉིས་ཀའི་གཏེར་ཁ་ནས་ཚིག་མཚུངས་པར། དབང་ཕྱུག་རྡོ་རྗེའི་མདོ་སྔགས་བསྟན་པ་བཙུགས༔ ཞེས་དང་། ཞིག་པོ་གླིང་པའི་བསྟན་པ་སྤྱི་ལུང་ལས། དུས་རྟགས་རྣམས་ལུང་བསྟན་ཅིང་། ད་ལྟའི་ངན་ལམ་རྒྱལ་བ་མཆོག་དབྱངས་ཁྱོད༔ སྤྱན་རས་གཟིགས་དབང་ཐུགས་རྗེས་ཕྲིན་ལས་ཀྱི༔ ཀརྨའི་མིང་ཅན་ཁམས་ཀྱི་ཕྱོགས་ནས་འབྱུང་༔ ཡིག་དྲུག་སྒྲ་ཡིས་སྟོང་གསུམ་གང་བར་བྱེད༔ ཅེས་དང་། རྗེ་མི་བསྐྱོད་རྡོ་རྗེས། ཡུལ་ཏྲེ་ཤོད་གངས་ཀྱི་ར་བའི་སྟོད། །དཔལ་འཇིག་རྟེན་དབང་ཕྱུག་རང་བྱོན་དྲུང་། །ཆུ་སྒྲ་བཅས་དམ་ཆོས་ཉན་པ་ཡོད། །ས་དེ་དང་ཧ་ཅང་མི་རིང་

[Full Size]

བར། །ང་སྐྱེ་བ་ལེན་པའི་མཚན་མ་མཐོང་། །ཞེས་དབང་ཕྱུག་རྡོ་རྗེ་ལུང་བསྟན་པ་དང་། ༈ རྗེ་དབང་ཕྱུག་རྡོ་རྗེས་ཆོས་དབྱིངས་རྡོ་རྗེ་ལུང་བསྟན་པ་ནི། ཡུལ་དེ་ལ་བེ་རི་མགོ་ལོག་ཟེར། །རྒྱབ་དེ་ན་ཕག་མོའི་ལྟོ་བ་འདྲ། །ཐད་དེ་ན་ཆོས་སྡེ་འབུམ་ཕྲག་སྣང་། །སྣ་དེ་ན་ལྕགས་ཀྱི་ཐག་པ་རྒྱུག །ཡབ་དེ་ལ་བེ་རུ་བཀྲ་ཤིས་གྲགས། །ཡུམ་དེ་ལ་སྤོས་རྡོ་ཨ་སྒྲོན་མ། །ང་སྐྱེ་བ་ལེན་པའི་མཚན་མ་མཐོང་། །ཞེས་ཕྱག་བྲིས་མཛད་ནས་ཞྭ་དམར་པ་ལ་གནང་བའོ། ༈ །བཀའ་ཐང་སྡེ་ལྔའི་ལོ་པཎ་བཙུན་མོ་བཀའ་ཐང་ལས། ཨོ་རྒྱན་རིན་པོ་ཆེའི་ལུང་བསྟན་པ། ལོ་ཙཱ་རྒྱལ་བ་མཆོག་དབྱངས་འདི༔ རྒྱ་གར་བྱང་ཕྱོགས་མུ་སྟེགས་ཡུལ༔ དྷེ་ཝ་ཙནྟར་སྐྱེ་བ་ལེན༔ བསྟན་ཞབས་ལྔ་བཅུ་ཁ་རལ་དུས༔ ཆོས་དབྱིངས་མཚན་ཅན་ཞེས་བྱ་འབྱུང་༔ མི་སྲིད་པ་གཅིག་སྲིད་ནས་འོང་༔ དུས་འདི་འགྱུར་ཞིང་མི་རྟག་སྟེ༔ མི་རབས་བཅོ་བརྒྱད་བརྗེས་པའི་དུས༔ རྒྱ་ནག་མ་ནུའི་གནམ་ས་འདྲེ་ལོག་འགྱུར་བ་འབྱུང་༔ ཞེས་དང་། རིག་འཛིན་ལས་འཕྲོ་གླིང་པས། ལྷ་རི་སྣང་མཐའི་སྐུ་རྒྱབ་ནས་བཏོན་པའི་རྟ་ཕག་ཡིད་བཞིན་ནོར་བུའི་ལུང་བསྟན་

[Full Size]

ལས། ཆོས་དབྱིངས་རྡོ་རྗེ་ལུང་བསྟན་པ་ནི། ཆོས་འདིའི་བདག་པོ་ས་བཅུའི་སེམས་དཔའ་ཆེ༔ རྟ་ཕག་ཡིད་བཞིན་ནོར་བུའི་འོད་ཟེར་ནི༔ དགེ་སློང་ཀརྨའི་མིང་ཅན་འབྲུག་སྦྲུལ་ཡོས་ལོ་པ༔ སྐྱེ་བ་ཀུན་ཏུ་ཤཱཀ་ཐུབ་བསྟན་པ་སྐྱོང་༔ དེ་ལ་ཕྱི་ནང་གསང་བའི་བར་ཆད་མང་༔ དེ་ཡི་གཉེན་པོར་ཟབ་དོན་འདི་སྒྲུབས་ཤིག་ཉམས་ལེན་མཛད་པས་དངོས་གྲུབ་འཕྲལ་དུ་འོངས༔ རྨི་ལམ་ཉམས་ལ་དབུ་གཙུག་རྟ་སྐད་འཚེར༔ ཕྱག་མཚན་གསོར་བས་རི་ཉིལ་རྒྱ་མཚོ་འཐོར༔ སྡིགས་མཛུབ་གཏད་པས་རྡོ་རྗེའི་བྲག་རི་གས༔ ལྟ་སྟངས་གཟིགས་པས་འབྱུང་པོའི་ཡུལ་ཀུན་བསྐད༔ འབུམ་ཕྲག་བཅུ་ཡིས་འབྱུང་པོའི་གདུག་པ་ཟློག༔ ཁ་བ་ཅན་གྱི་སེམས་ཅན་བདེ་ལ་བཀོད༔ བསྐལ་པ་བཟང་པོའི་སྔར་སྲོལ་སླར་ཡང་དར༔ འབྲེལ་ཚད་དོན་ལྡན་དེ་ལ་གཏད་པས་ཕྱིས༔ དམ་ཉམས་བདུད་སྤྲུལ་ལྕེ་གཉིས་བརྡབ་པའི་མིས༔ བར་ཆད་བྱུང་ན་དེ་ནི་བསྒྲལ་ཤེས་གྱིས༔ ཞེས་དང་༔ ༧ ཚེ་སྒྲུབ་གནམ་ལྕགས་རྡོ་རྗེའི་ལུང་བསྟན་ལས༔ ཆོས་འདིའི་བདག་པོ་སྐལ་ལྡན་པ༔ ས་གནས་སེམས་དཔའ་ཆེན་པོ་གཅིག༔ དབང་ཆེན་རྟ་མཆོག་ཡབ་ཡུམ་གྱི༔ འོད་ཟེར་ལས་འཁྲུངས་

[Full Size]

ཀརྨའི་མཚན༔ འབྲེལ་ཚད་དོན་ལྡན་རྒྱལ་བ་ནི༔ བཞིན་རས་ཡོ་བྱད་གསུང་དབྱངས་ཕྲ༔ ཞབས་བསྒྲོས་ངང་པ་ཇི་བཞིན་དང་༔ སྨེ་བ་བྱི་སྲིན་འདྲ་བ་ནི༔ དཀར་དམར་ནག་གསུམ་རྒྱབ་ཏུ་ཡོད༔ འགྲོ་བ་དབང་འདུས་རྟེན་འབྲེལ་ཡིན༔ ཧཱིཐཾ་འབྲུ་གཉིས་སྲོག་འདབ་ལ༔་ཤིན་ཏུ་གསལ་བའི་ཕྱག་བྲིས་ཡོད༔ དབང་ཆེན་འོད་ཟེར་ངེས་པའི་རྟགས༔ དེ་ལ་ཆོས་འདིའི་གཏད་རྒྱ་གྱིས༔ རྟེན་འབྲེལ་འཁྱུགས་དང་དུས་ཡོལ་ན༔ ཆོས་བདག་གཞན་ལ་གཏད་པར་འོས༔ ༨༡༥༠ དྱཉཤ༔ འགའ་ཞིག་སྙིང་ལ་རྭ་ཙ་ཞུགས༔ བདུད་སྤྲུལ་ལྕེ་གཉིས་བརྡབས་པ་ཡིས༔ བར་ཆད་འབྱུང་སྲིད་དྲག་པོས་སྒྲོལ༔ ལས་ངན་རྒྱུ་རྐྱེན་ཚར་གཅོད་གྱིས༔ ཡང་ན་གདུགས་དཀར་སྟོང་རྩས་ཟློག༔ ཅེས་དང་། ཡེ་ཤེས་མགོན་པོ་མ་ནིང་ནག་པོའི་ལུང་བསྟན་ཉི་ཟླ་ཁ་སྦྱོར་ལས༔ ཡེ་ཤེས་མགོན་པོ་མ་ནིང་ཟབ་ཆོས་འདི༔ ཆོས་བདག་རྩ་བ་མཆོག་དབྱངས་ཀརྨའི་མཚན༔ ངེས་མེད་འཁྲུལ་པ་ཞིག་ཚུལ་བག་ལ་ཉལ༔ གཞན་ཡང་བློ་སེམས་མི་མཐུན་སྤང་བླང་བྲལ༔ དེ་ཡང་རླུང་སེམས་ཨ་ཝ་དྷུ་ཏིར་གནས༔ འཛམ་གླིང་རྒྱན་གཅིག་དེ་ལ་གཏད་རྒྱུ་གྱིས༔ ཕྱི་ནང་

[Full Size]

བར་ཆད་མི་མཐུན་ཆག་སྒོ་ཟློག༔ ཡང་གཅིག་བདུད་སྤྲུལ་ནག་པོའི་སྦྲུལ་ལྕེ་བརྟན༔ གལ་སྲིད་ཆོས་འདི་ཕྱག་ཏུ་མ་འབྱོར་ན༔ རྒྱ་འདྲེ་སྤུན་དགུའི་སྒྲིབ་གཡོགས་འབྱུང་དོགས་ཡོད་ངེས་མེད་བར་ཆད་གསུམ་གྱི་གཞན་སྣང་ལོག༔ ཕ་རོལ་ལྟས་ངན་ལས་བསགས་སྡིག་ཏུ་འགྲོ༔ ཉ ཀ།ཡརྒཐཾམ༔ དེས་ན་སོ་བདུན་ཞེ་དགུའི་མཚམས་སུ་བསྒྲིམས༔ དེ་ལས་སྒྲོལ་ཞིང་མཐོང་ཐོས་དྲན་རེག་ཀུན༔ ཚོགས་གཉིས་མཐར་ཕྱིན་དལ་འབྱོར་དོན་ལྡན་འགྱུར༔ ཞེས་དང་། ཡང་གཅིག་དཀོན་མཆོག་སྤྱི་འདུས་ཡང་ཟབ་ནོར་བུའི་ལྡེ་མིག་ལས། དེ་འོག་ལྟེ་མཐོ་འོག་མ་ནི༔ ས་ཡི་འོག་ནས་འབྱུང་བར་འགྱུར༔ དུས་རྟོགས་མེད་ན་འདོན་མི་གཏུབ༔ མཆོག་དབྱངས་སྤྲུལ་སྐུ་ཀརྨའི་དོན༔ གསེར་གྱི་རྡོ་རྗེ་འོད་འབར་དང་༔ དངུལ་དྲིལ་བྱི་རུའི་བུམ་ཆུང་ཤེལ༔ གྲི་གུག་གཡུ་ཡི་མཎྜལ་དང་༔ སྙིང་ཐིག་ཆོས་དབྱིངས་རང་གསལ་གཞུན༔ དེ་ཉིད་འདོན་པའི་དུས་འབྱུང་གི༔ རྒྱལ་བ་ཀུན་གྱི་ཕྲིན་ལས་དེ༔ ལུང་པ་དེ་རུ་སྙན་དྲག་པོས༔ འཆི་ལ་ཐུག་ཐབས་ཟད་དེ་འབྱུང་༔ ཡང་ན་གཏེར་གནས་དེ་ཀ་རུ༔ དགོན་སྡེ་ཆོས་གྲྭ་དར་བ་འབྱུང་༔ མཚོ་ཡི་ནང་ནས་མེ་དམར་འབར༔ ཉིན་མོ་ཀུན་

[Full Size]

གྱིས་མཐོང་བར་འོང་༔ རྟགས་མཚན་དེ་ལྟར་བྱུང་ཚེ་སྟོན༔ དུས་རྟགས་མེད་པར་འདོན་མི་རུང་༔ སྲོག་གི་ཕྱིར་ཡང་ཁར་མ་འདོན༔ གལ་ཏེ་དེ་ལས་འདས་པ་ན༔ གཏེར་བདག་ཁྲོས་ནས་དབང་པོ་བསྣུབ༔ དེ་ཕྱིར་སྤྱོད་པ་གཟབ་པར་རིགས༔ ཞེས་གསུངས་སོ༔ ལུང་བསྟན་འོད་ཀྱི་མེ་ལོང་ལས༔ སྡོང་པོ་གཉིས་ནི་དམར་ནག་ཞྭ་ཡི་མཚན༔ གངས་ཅན་བདག་པོ་ཐུབ་བསྟན་འཛིན་པའི་དཔལ༔ སྐྱེས་མཆོག་ཟུང་ལ་ཆོས་འདི་འཕྲོད་པ་ན༔ སྐུ་ཚེ་མཐར་ཕྱིན་རྟེན་འབྲེལ་མང་དུ་འགྲིགས༔ བོད་ཁམས་ཅུང་ཟད་བདེ་ལ་འཁོད་པར་འགྱུར༔ ཞེས་གསུངས་པ་དང་༔ ཨོཾ༔ སྤྲུལ་སྐུ་མི་འགྱུར་རྡོ་རྗེའི་གནམ་ཆོས་ཐུགས་ཀྱི་གཏེར་ཁ་ལས༔ ཤམ ། ༔ ན་མོ་གུ་རུ༔ ད་བླ་མ་བཟང་ངན་ལུང་བསྟན་ནི༔ སྟོང་ཉིད་ཆོས་ཀྱི་དབྱིངས་རོལ་ནས༔ རྡོ་རྗེ་ཐུགས་ཀྱིས་འགྲོ་དོན་མཛད༔ དུས་གསུམ་སངས་རྒྱས་སྤྱན་རས་གཟིགས༔ མཐོང་ཐོས་དྲན་པ་བཟང་ངན་འབྲེལ༔ ཐམས་ཅད་ཆོས་ཀྱི་དབྱིངས་སུ་འདྲེན༔ ། འགྲོ་བ་ཀུན་གྱི་ཞྭ་ལྟར་དུ༔ སྤྱི་བོར་བཀུར་བ་སྣང་མཐའ་དམར༔ སྤྲུལ་སྐུ་ཅོད་པན་འཛིན་པ་ནི༔ འབྲེལ་ཐོགས་ངན་

[Full Size]

སོང་འགྲོ་མི་སྲིད༔ ༈ གསང་བདག་དྲག་པོ་མཆོག་གི་སྤྲུལ༔ ཚངས་དབྱངས་གསུང་གི་སྤྲུལ་པ་ནི༔ འགྲོ་བའི་དོན་དུ་བྱོན་པ་འདི༔ མཐོང་བ་ངན་འགྲོར་ལྟུང་མི་སྲིད༔ ༈ རྟ་ཡི་སྣ་སྒྲ་སེ་སེར་བྱེད༔ དྷ་ཏི་རང་གྲོལ་རྟ་མགྲིན་པ༔ སྤྲུལ་པ་ཡིན་ནོ་མཐོང་དོན་ལྡན༔ ༈ སེམས་དཔའ་ཆེན་པོའི་སྤྲུལ་པ་སྟེ༔ མཐོང་ཚད་ངན་འགྲོར་འགྲོ་བ་མེད༔ ༈ དེས་གསུང་ཚད་མའི་ལུང་ལྟར་གྱིས༔ སེམས་ཅན་རྣམས་ཀྱི་དོན་ལས་ནི༔ གྲུབ་ཐོབ་ཆེན་པོའི་སྤྲུལ་པ་འདིའི༔ མཐོང་ཐོས་ངན་སོང་འགྲོ་བ་མེད༔ ཅེས་པ་དེང་སང་གི་གང་ཟག་བཟང་ངན་ཕལ་ཆེར་ལུང་བསྟན་སྐབས་ནས་གསུངས་སོ༔ དེ་ལྟར་རྒྱལ་བ་ཀརྨ་པ་རབ་བཅུ་གསུམ་འདི་ནི། ཤཱཀྱ་ཐུབ་པས་ལུང་བསྟན༔ ཨོ་རྒྱན་པདྨས་མཚན་གསོལ་བ་སྟེ༔ དགུ་པ་དབང་ཕྱུག་རྡོ་རྗེ༔ བཅུ་པ་ཆོས་དབྱིངས་རྡོ་རྗེ༔ བཅུ་གཅིག་པ་ཡེ་ཤེས་རྡོ་རྗེ༔ བཅུ་གཉིས་པ་བྱང་ཆུབ་རྡོ་རྗེ༔ ཨོ་རྒྱན་རིན་པོ་ཆེས་མཚན་གསོལ་བ་གཏེར་ཁ་དུ་མ་ནས་གསལ་ཞིང་༔ རབ་བཅུ་གསུམ་པའི་མཚན་ནི་མ་གསལ་ཡང་༔ བཅུ་གསུམ་པ་བདུད་འདུལ་རྡོ་རྗེ་ཡིན་ཟེར་བའི་ངག་རྒྱུན་ཐོས་སོ༔ ཇོ་བོ་ཆུས་གདན་དྲངས་ལྷ་སའི་གཙུག་ལག་ཁང་དེ་ཀརྨ་

[Full Size]

པའི་སྤྲུལ་པ་ཀརྨའི་མཚན་ཅན་གྱིས་གསོ་བར་ལུང་བསྟན་ཅིང་༔ རབ་བཅུ་གསུམ་རྫོགས་ནས་ཞྭ་ནག་འཛིན་པའི་ཀརྨ་པ་ངོས་བཟུང་རྒྱུ་མི་འབྱུང་སྟེ༔ ༧ ལུང་བསྟན་ལས། དེ་ནས་ཀརྨ་པ་ཡི་མིང་གི་གྲངས༔ ཟངས་མདོག་དཔལ་རིའི་པདྨ་ང་ཉིད་དང་༔ བཀའ་བགྲོས་བསྟུན་ནས་སྤྲུལ་པ་དཔག་མེད་ཀྱིས༔ འགྲོ་བ་འཁོར་བ་མ་སྟོངས་བར་དུ་ཡང་༔ སྦས་པའི་ཚུལ་གྱིས་འགྲོ་བ་དཔག་མེད་འདྲེན༔ ཁྱད་པར་ཚེ་ལོ་གྲངས་མེད་འཕེལ་འགྱུར་པའི༔ རྒྱལ་པོ་དུང་ཞེས་ཆོས་ཀྱི་རྒྱལ་སྲིད་སྐྱོང་༔ བདེ་གཤེགས་བྱམས་པའི་སྦྱིན་བདག་ཆེན་པོར་འགྱུར༔ དེ་ནས་བྱམས་པ་མྱ་ངན་འདས་པའི་དུས༔ སྐྱེ་རྒུའི་ཚེ་ལོ་དྲུག་ཁྲིའི་དུས་ཀྱི་ཚེ༔ གྲོང་ཁྱེར་མེ་ཏོག་ལྡན་ཞེས་བྱ་བ་རུ༔ མཛད་པ་མཐར་ཕྱིན་རྫོགས་སངས་རྒྱས་ཚུལ་སྟོན༔ བདེ་གཤེགས་སངས་རྒྱས་སེང་གེ་སྟག་ཅེས་བྱ༔ རིགས་ནི་རྒྱལ་རིགས་འོད་ནི་དཔག་ཚད་གཅིག༔ ཡབ་ནི་རྒྱལ་པོ་སེང་གེ་སྟག་ཅེས་བྱ༔ ཡུམ་ནི་དགའ་བའི་དབང་མོ་ཞེས་བྱ་སྟེ༔ སྲས་ནི་སྟོབས་ཆེན་རིམ་གྲོ་དེས་པའོ༔ ཤེས་རབ་ཅན་གྱི་མཆོག་ནི་ཡེ་ཤེས་རྩལ༔ རྫུ་འཕྲུལ་ཅན་གྱི་མཆོག་ནི་སྤྲིན་ལྡན་ནོ༔ འདུས་པ་དང་པོ་ཉན་ཐོས་ཐེར་

[Full Size]

འབུམ་གཅིག༔ གཉིས་པ་ཉན་ཐོས་ཐེར་འབུམ་ཕྲག་དགུ་འབྱུང་༔ གསུམ་པར་ཉན་ཐོས་དུང་ཕྱུར་ཕྲག་དགུ་འབྱུང་༔ སྐུ་ཚེའི་ཚད་ནི་བདུན་ཁྲིའི་བར་དུ་འོ༔ དམ་ཆོས་ཚད་ནི་བྱེ་བའི་བར་དུའོ༔ དེ་ལྟར་རྫོགས་སངས་རྒྱས་པའི་ཚུལ་བསྟན་ནས༔ སྤྲུལ་པས་འགྲོ་དོན་འཁོར་བ་མ་སྟོང་བར༔ མཁའ་མཉམ་སེམས་ཅན་རྣམས་ཀྱི་དོན་མཛད་དེ༔ ཞེས་པ་སངས་རྒྱས་གླིང་པའི་གཏེར་ཁ་ནས་བྱོན་པ་དང་༔ རིན་ཆེན་གླིང་པའི་ཤོག་སེར་ལས་ཀརྨ་པ་ཞེས་ཡོངས་སུ་གྲགས་ཤིང་རབ་བྱུང་ཆས་ལ་ཞྭ་ནག་འཛིན་པ་སྐྱེ་བ་བཅུ་གསུམ་གྱི་བར་དུ་རྒྱ་བོད་མཁས་གྲུབ་ཀྱི་ཚུལ་བཟུང་སྟེ་བསྟན་པ་ཕྱོགས་བཅུར་སྤེལ་བར་མཛད་དོ༔ ཞེས་དང་། ཞི་ཁྲོ་དགོངས་པ་རང་གྲོལ་གྱི་ལུང་བསྟན། ཀརྨ་གླིང་པའི་གཏེར་མ་ལས། སངས་རྒྱས་སྟོང་གི་བསྟན་པ་མ་རྫོགས་བར༔ འགྲོ་འདྲེན་ཀརྨའི་སྐྱེ་བ་རྫོགས་མི་འགྱུར༔ དེ་ལ་འདུན་བྱེད་བདེ་བ་ཅན་དུ་སྐྱེ༔ སྐད་ཅིག་ཆ་ཤས་དེ་ཡི་ཞལ་མཐོང་བ༔ སྐྱེ་བ་བདུན་གྱི་ལས་སྒྲིབ་ངེས་པར་འདག༔ ཐུགས་རྗེ་ཆེན་པོའི་སྤྲུལ་པ་བྱང་ཆུབ་སེམས༔ ངེས་པར་འབྱུང་འགྱུར་རྗེ་འབངས་སྤྱི་བ་གྱིས༔ དེ་ཉིད་གང་དུ་གནས་ཀྱང་ལོངས་སྤྱོད་འདུ༔ ཞེས་དང་། མདོ་སྡེ་

[Full Size]

བསྐལ་བཟང་ལས། སེང་གེ་ཞེས་བྱ་སྣང་མཛད་འགྱུར། །སངས་རྒྱས་དགུ་བརྒྱ་དགུ་བཅུ་ཡི། །རྩ་དགུའི་མཛད་པ་ཇི་སྙེད་ཀུན། །དེ་ཀུན་དེ་ཡིས་མཛད་པར་འགྱུར། །འཇིག་རྟེན་ཕན་ཕྱིར་སངས་རྒྱས་སྙིང་པོ་དག །མྱ་ངན་འདས་པའི་དམ་ཆོས་གནས་འགྱུར་པའི། །ལོ་གྲངས་སྟོང་ཕྲག་དག་གི་མཐའ་ཡང་གནས། །ཞེས་གསུངས་པ་དང་། རྗེ་ཆོས་གྲགས་རྒྱ་མཚོས། རྒྱལ་བ་བྱམས་པའི་རྒྱལ་ཚབ་ཉིད་མཛད་ནས། །བསྐལ་བཟང་སངས་རྒྱས་དྲུག་པ་ནས་བཟུང་སྟེ། །སྣང་མཛད་བར་དུ་སྤྲུལ་པའི་རྫུ་འཕྲུལ་སྟོན། །ཀརྨ་པ་ཡི་སྨོན་ལམ་བདག་འགྲུབ་ཤོག །ཅེས་གསུངས་པས། ཀརྨ་པ་ཞྭ་ནག་ཅོད་པན་འཛིན་པ་བཅུ་གསུམ་ཁོ་ནའང་ཡིན། སྤྲུལ་པ་ནི་འཁོར་བ་མ་སྟོང་བར་ལ་རྒྱུན་མི་འཆད་དེ། སངས་རྒྱས་ཐམས་ཅད་ཀྱི་ཕྲིན་ལས་གང་ཞིག་སངས་རྒྱས་ཀྱི་ཕྲིན་ལས་རྒྱུན་གྱི་རྟག་པ་ཡིན་པའི་ཕྱིར་རོ། །དེ་ཡང་འདིར་ན་རིམ་སྔར་བྱོན་པ་རྣམས་ཀྱིས་འདྲ་སྐུ་བཞེངས་པའི་དོན་ནི། དུས་ཀྱི་འཁོར་ལོ་བླ་མ་ཡོངས་སུ་བཟུང་བའི་རྒྱུད་ལས། རྒྱལ་པོ་ཟླ་བ་བཟང་པོའི་མཁྱེན་སྤྱན་སྟོན་པ་ཉིད་ལ་ནི་འདི་སྐད་ཞུས། ༧ ཡོན་ཏན་འབྱུང་གནས་བླ་མ་དག་

[Full Size]

འདས་པར་གྱུར་ན་བསྙེན་བཀུར་ཡུལ་མེད་པས། །དེ་ཚེ་བསྙེན་བཀུར་བགྱིད་ཐབས་མཆིས་སམ་ཅི། །བཅོམ་ལྡན་རྡོ་རྗེ་འཆང་གིས་བཀའ་སྩལ་པ། །མཚན་ཉིད་ལྡན་པའི་བླ་མ་འདས་པའི་ཚེ། །ཞེས་སོགས་ནས། གསེར་རམ་བཻཌཱུརྱ་སོགས་རིན་ཆེན་ནམ། །ཙནྡན་ཤིང་སོགས་འཇིམ་པའི་ལྡེག་སྐུ་ལ། །རི་མོ་ལས་གྲུབ་འདྲ་འབག་ལས་བྱས་ནས། །ཞེས་སོགས་ནས། མདུན་དུ་མཆོད་རྫས་ཇི་སྙེད་སོགས་བཤམས་ནས། །བཤགས་དང་ཕྱག་འཚལ་ལ་སོགས་བཅུ་བྱས་ན། །དེ་དང་མཚུངས་པའི་དགེ་བ་ངས་མི་རྙེད། །དེ་ཚེ་བླ་མའི་ཡོན་ཏན་དྲན་པ་དང་། །བཀའ་དྲིན་མཛད་པ་རྣམ་ཐར་བྱིན་རླབས་དང་། །རྣམ་པ་ཆ་ལུགས་རྗེས་སུ་དྲན་བྱས་ནས། །དད་མོས་གུས་ཤིང་ཤིན་ཏུ་གདུང་བ་ཡི། །ཐུན་མོང་མཆོག་གི་དངོས་གྲུབ་ཐོབ་པའི་བློས། །ཡང་དང་ཡང་དུ་གསོལ་བ་དྲག་པོ་གདབ། །དེ་ཡིས་མ་འོངས་འཁོར་གྱི་གཙོ་བོར་འགྱུར། །འབག་དང་དམ་ཚིག་ཉམས་ཆག་སོར་ཆུད་ནས། །བར་ཆད་ཞི་ཞིང་སྒྲིབ་གསུམ་མ་ལུས་བྱང་། །ཚོགས་གཉིས་རྫོགས་ནས་འགྲོ་བ་འདྲེན་པར་འགྱུར། །ཞེས་གསུངས་པས་སྐུ་འབག་འདི་རྣམས་ཀྱི་མདུན་དུ་ཞེ་ཐག་པ་ནས་བཤགས་ན་སྡིག་ལྟུང་

[Full Size]

ཉམས་ཆག་ཐམས་ཅད་བྱང་། གསོལ་བ་བཏབ་ན་བར་ཆད་ཐམས་ཅད་ཞི་ཞིང་། ཤེས་བྱའི་སྒྲིབ་པ་ཉོན་མོངས་པའི་སྒྲིབ་པ་སྙོམས་འཇུག་གི་སྒྲིབ་པ་ཐམས་ཅད་བྱང་། ཚོགས་གཉིས་ཡོངས་སུ་རྫོགས་པའི་སངས་རྒྱས་ཀྱི་གོ་འཕང་ཐོབ་སྟེ། བཅོམ་ལྡན་འདས་ཀྱིས་གསུངས་པ་ལ་ཡིད་ཆེས་སོ། ༈ །དེ་ནས་བཀའ་བཞི་ལྷ་ཁང་དུ་ཕྱིན་ནས། །འོག་ན་ཐུབ་པའི་སྐུ་མང་དུ་བཞུགས་པས་ཐུབ་པ་ལྷ་ཁང་དུ་གྲགས། རྟེན་གྱི་གཙོ་བོར་འགྲོ་མགོན་རས་ཆེན་གྱི་སྐུ་འདི་ཡིན་ཏེ། དེ་ཡང་དཔལ་མཁའ་འགྲོ་ཡང་སྙིང་དྲྭ་བ་སྡོམ་པའི་རྒྱུད་ཆེན་ལས། ཕྱི་མར་གྱུར་པའི་དུས་ཀྱི་ཚེ། །སངས་རྒྱས་གཉིས་པ་ལྟ་བུ་ཡི། །རྣལ་འབྱོར་པ་ནི་རྣམ་པ་བརྒྱད། །འགྲོ་བའི་དོན་ཕྱིར་འབྱུང་བར་འགྱུར། །ཞེས་སོགས་ནས། མེ་མཚོ་དཔལ་འདྲེན་ཞེས་བྱ་བར། །རྒྱལ་སྲས་ཌོམྦྷི་ཧེ་རུ་ཀས། །སྟག་ཞོན་སྤྲུལ་གྱི་གདེངས་ཁར་བཅས། །རིགས་ངན་བུད་མེད་དང་བཅས་རོལ། །ཞེས་སོགས་ནས། རྣལ་འབྱོར་བརྒྱད་པོ་འདི་དག་ནི། །འབྲིའམ་དྲན་ནམ་མཚན་བརྗོད་དམ། །ཐོས་ནས་མོས་པ་གང་བྱེད་པ། །དེ་ནི་བདེ་མཆོག་གོ་འཕང་ཐོབ། །ཅེས་གསུངས་ཤིང་རྒྱ་གར་ན་ཌོམྦི་པའི་མཚན་

[Full Size]

འཛིན་པ་གསུམ་འབྱུང་བའི་ནང་ནས། ཌོམྦྷི་ཧེ་རུ་ཀ་ཆེན་པོ་འདི་ནི་གུ་རུ་པདྨ་དང་ཐུགས་རྒྱུད་གཅིག་པ་སྟེ། པདྨ་བཀའ་ཐང་ལས། རེས་འགའ་པདྨ་ཌོམྦི་པ་ཞེས་གྲགས། ཞེས་གསུངས་པ་དང་། གྲུབ་ཆེན་ཀརྨ་པཀིས། ཌོམྦྷི་ཧེ་རུ་ཀ་དང་། སློབ་དཔོན་པདྨ་འབྱུང་གནས་གཉིས་མིང་ལ་ཐ་དད་ཡོད་ཀྱང་དོན་ལ་ཐ་དད་མེད་པ་སྟེ། ཞེས་གསུངས་པ་དང་། དུར་ཁྲོད་ཧ་ཧ་སྒྲོགས་པ་ཌོམྦྷི་ཧེ་རུ་ཀ་ཨཎྜི་རང་ཞེས་ཀྱང་བྱ་བ་ཡེ་ཤེས་མགོན་པོ་ཉིད་དང་ཐ་དད་མེད་པ་སྟེ། ཞེས་གསུངས་པའི་གྲུབ་ཆེན་དེ་བོད་དུ་སྐྱེ་བ་བཞེས་པ་ནི། འགྲོ་མགོན་རས་པ་ཆེན་པོ་དེ་ཉིད་ཡིན་པར་ངེས་པ་སྟེ། ཨོ་རྒྱན་ཆེན་པོའི་ལུང་བསྟན་བཀའ་རྒྱ་མ་ལས། སྔགས་ཀྱི་ཡེ་ཤེས་རྣལ་འབྱོར་མཐུ་ཆེ་བ༔ རྫུ་འཕྲུལ་མཐུ་ལྡན་སྤྲུལ་དང་སྤྲུལ་བསྒྱུར་སྟོན་རྣལ་འབྱོར་སྔགས་སྤྱོད་གྲགས་པའི་མིང་འཛིན་ཅིང་༔ བསྟན་པའི་སྲོལ་འཛིན་སྟོབས་དང་ལྡན་པར་འབྱུང་༔ ཞེས་ལུང་བསྟན་པའི་རས་ཆེན་དར་མ་གྲགས་དེ་ཉིད་ཀྱིས་བཅོམ་ལྡན་འདས་ཀྱི་བསྟན་པའི་སྙིང་པོ་འོག་མིན་ཀརྨའི་གདན་ས་འདི་ཉིད་དགེ་འདུན་གྱི་སྡེ་བཙུགས་པ་སོགས་དར་རྒྱས་སུ་མཛད། རྗེ་ཉིད་ཀྱི་གཟིམ་མལ་སྐུ་འདྲ་འདི།་རྒྱལ་སྲས་སྤོམ་བྲག་པས་

[Full Size]

བཞེངས་ཤིང་རབ་གནས་མཛད། ནང་རྟེན་རྗེ་ཉིད་ཀྱི་འཕེལ་གདུང་དང་དབུ་ལོ་གདུང་ཐལ་རུས་སོགས་བཞུགས་ཤིང་། འགྲོ་མགོན་རས་ཆེན་ཉིད་མཇལ་བ་དང་ཁྱད་པར་མེད་ཅིང་གསུང་ལན་མང་དུ་བྱོན་པ་དང་། སྐྱེས་བུ་དམ་པ་རྣམས་ཀྱིས་མཇལ་བ་ན། ཞལ་དབུགས་རྒྱུ་བ་དང་སྤྱན་ལྡེབ་པ་སོགས་ཡ་མཚན་དཔག་ཏུ་མེད་དོ། །འདི་དང་མཉམ་དུ་རྗེ་དུས་མཁྱེན་གྱི་སྐུ་འདྲ་འདི་ཡང་བཞེངས་ཏེ། དད་རྟེན་རིང་བསྲེལ་རྣམས་ས་བཞིས་བཀང་གསུང་བསྒྲགས་པར་གྲགས་སོ། །གཞན་ཡང་རྟེན་བྱིན་རླབས་ཅན་དཔག་ཏུ་མེད་པ་བཞུགས་སོ། །སློབ་དཔོན་པདྨ་འབྱུང་གནས་དང་ཡེ་ཤེས་མགོན་པོ་དབྱེར་མེད་པའི་སངས་རྒྱས་ས་ལ་རབ་ཏུ་གནས་ཤིང་། མཆོད་གནས་ཆེན་པོ་བྱེད་པ་དང་གཞི་ལ་དེ་དག་ཀྱང་བྱང་ཆུབ་ཆེན་པོའི་གནས་སུ་འགྱུར་ཞིང་། སེམས་ཅན་དེ་དག་ཀྱང་བྱང་ཆུབ་ཆེན་པོའི་ལམ་ཚོལ་བའི་ངང་ཚུལ་ཅན། ཐེག་པ་ཆེན་པོ་ལ་དད་པས་ཏིང་ངེ་འཛིན་ལ་གཞོལ་བར་འགྱུར་རོ། །ཞེས་དང་། ལྷ་མོ་དྲི་མ་མེད་པའི་འོད་ཀྱིས་ཞུས་པའི་མདོ་ལས། །བསྐལ་པ་བཟང་པོའི་རྒྱལ་སྲས་རྣམས། །ལི་ཡུལ་བོད་ཀྱི་གྲོང་ཁྱེར་དེར། །སྐྱེ་བ་དག་ཀྱང་བཞེས་འགྱུར་ཞིང་། །

[Full Size]

མི་དང་འདྲ་བར་སྣང་བར་འགྱུར། །ཞེས་ལུང་བསྟན་པ་ལྟར། སྤྱིར་བོད་དུ་ལུང་བསྟན་པ་ལྟར། སྤྱིར་བཏང་བོད་དུ་བསྟན་པ་དར་ཞིང་། ཁྱད་པར་ཀརྨ་སངས་རྒྱས་ཀྱི་གདན་ས་འདི་བྱང་ཆུབ་ཆེན་པོའི་གནས་ཡིན་ཅིང་། སྐལ་བཟང་སངས་རྒྱས་རྒྱལ་བ་ལྔ་པ་བྱམས་པའི་སྤྲུལ་པ། བྱང་ཆུབ་སེམས་དཔའ་སི་ཏུ་སྤྲུལ་པའི་སྐུ་ན་རིམ་རྣམས། མི་ལས་འདས་ཀྱང་མི་དང་འདྲ་བ་ཡང་ཡང་སྐྱེ་བ་བཞེས་ནས། གཙུག་ལག་ཁང་འདི་ཡི་ཞིག་གསོས་དང་བསྟན་པའི་བྱ་བ་རྒྱ་ཆེར་མཛད་པ་སྟེ། ཁྱད་པར་ཨོ་རྒྱན་རིན་པོ་ཆེའི་ལུང་བསྟན་བཀའ་རྒྱ་མ་ལས། མ་འོངས་འདི་འཛིན་ཆོས་ཀྱི་བཤེས་གཉེན་ཀྱང་༔ ཆོས་སྤྱོད་བསྟན་པའི་སྲོལ་འཛིན་རྣལ་འབྱོར་པ༔ འགྲོ་བའི་དོན་བརྩོན་རྒྱུད་མར་རིམ་བཞིན་དུ༔ ཆོས་ཀྱི་གྲགས་པ་ཆོས་ཀྱི་དབང་ཕྱུག་དང་༔ ཆོས་དབྱིངས་ཡེ་ཤེས་ཆོས་རྒྱལ་དཔལ་བཟང་པོ༔ ཆོས་ཀྱི་རྒྱལ་མཚན་ཆོས་ཀྱི་བློ་གྲོས་དང་༔ ཆོས་ཀྱི་སྤྱན་ཅན་བྱང་ཆུབ་སེམས་དཔའ་དྲུག༔ རྒྱལ་བའི་སྤྲུལ་པས་འདི་འཛིན་འགྲོ་བ་འདྲེན༔ ཞེས་ཆོས་ཀྱི་མཚན་ཅན་བྱང་ཆུབ་སེམས་དཔའ་དྲུག་ལུང་བསྟན་པའི་ནང་ནས་སི་ཏུ་ཆོས་ཀྱི་རྒྱལ་མཚན་པ་དེ་ཉིད་ཀྱིས། ༧ རྗེ་དབང་ཕྱུག་རྡོ་རྗེས་གདན་ས་ཀརྨའི་

[Full Size]

གཙུག་ལག་ཁང་འདི་ཡི་ཞིག་གསོས་དང་སྔར་བས་ཆེར་བསྐྱེད་པར་མཛོད་གསུངས་པ་ལ་བརྟེན་ནས། གཅོ་ཁང་རྩག་རེ་ཡར་སྤར་བ་དང་། རྒྱ་ཆེར་བསྐྱེད་པ་དང་། སྟེང་ཤོད་ཀྱི་ལོགས་བྲིས་ཐམས་ཅད་བཞེངས་པ་སོགས། གདན་ས་འདི་ལ་བཀའ་དྲིན་མཛད་པ་ནི། ཁོང་ལས་ཆེ་བ་སྔར་མ་བྱུང་བ། རྗེ་ཉིད་ཀྱི་གདུང་ཐལ་རུས་སོགས་བཞུགས་ཤིང་གདུང་རྟེན་དུ་བཞེངས་པ་ཡིན་ནོ། །བླ་མའི་ཡོན་ཏན་ཡོངས་སུ་བཟུང་བའི་རྒྱུད་ལས། མཚན་ཉིད་ལྡན་པའི་བླ་མ་འདས་པའི་ཚེ། ཞེས་སོགས་ནས་གདུང་བཞུ་ལུགས་སོགས་གསུངས་ནས༔ ཐལ་བ་སྐུ་ཁྲུས་གསོལ་ནས་མཆོད་རྟེན་བཞེངས། །རབ་ཏུ་གནས་པ་བྱས་ཤིང་མཆོད་པ་འབུལ། །ཕྲ་རབ་རྡུད་སྙེད་འཁོར་ལོས་སྒྱུར་བ་ཐོབ། །མཚན་དང་དཔེ་བྱད་འབར་བའི་ས་ཐོབ་འགྱུར། །ཞེས་གསུངས་པས། འདིའི་མདུན་དུ་མར་མེ་མཆོད་པ་ཕྱག་དང་སྙན་དར་སོགས་ཕུལ་ན། ས་ཆེན་པོའི་རྡུལ་གྱི་གྲངས་དང་མཉམ་པའི་འཁོར་ལོས་སྒྱུར་བའི་རྒྱལ་པོ་ཐོབ་པ་དང་། མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། འོད་འདོམ་གང་གིས་བརྒྱན་པའི་ལུས་ཀྱང་ཐོབ་པ་ནི། བཅོམ་ལྡན་འདས་ཀྱི་

[Full Size]

བཀའ་ཡིན་ནོ། །གཞན་འདི་ན་རིས་སུ་བྲིས་པ་དང་། ལུགས་སུ་བླུགས་པའི་རྟེན་མང་དུ་བཞུགས་སོ། ༈ །དེ་ནས་བཀྲ་ཤིས་གསར་མའི་ནང་དུ་ཕྱིན་ནས། དེ་ནས་དཔལ། ལྡན་དུས་གསུམ་མཁྱེན་པ་དེ་ཉིད་སྐུ་ན་ཕྲ་མོའི་དུས་ན་ཡབ་ལ་ཞུས་པ་ལྷ་མོ་རང་བྱུང་རྒྱལ་མོ་བསྒྲུབས་པས་རྡོ་ལ་ཞབས་རྗེས་བཞག་སྟེ། ལྷ་མོའི་སྒོ་ནས་གྲུབ་པ་ཐོབ་པའི་ཚུལ་བསྟན། །དགྲ་ཞིག་ཡོད་པ་དེ་རྟས་བརྡབས་ནས་ཤི། དེ་ནས་བཟུང་སྟེ་དུས་གསུམ་མཁྱེན་པའི་གདན་ས་དང་ཆོས་བརྒྱུད་ལ་ལྷ་མོ་རྒྱུད་ལྷར་གྱུར། ༧ འགྲོ་མགོན་རས་ཆེན་གྱིས་བེར་ནག་ཅན་དངོས་སུ་འགྲུབ་ནས་བླ་མ་མགོན་པོ་དབྱེར་མེད་གྱུར་ནས། མཐུ་སྟོབས་དབང་ཕྱུག་འགྲོ་མགོན་རས་པ་ཆེན་པོ་ཡོངས་སུ་གྲགས་སོ། །གནས་འདིར་ལྷ་མོ་རང་བྱུང་རྒྱལ་མོ་ཡང་ཡང་དུ་ཞལ་གཟིགས་པ་ལ་བརྟེན་ནས་རྟེན་བཙུགས་སོ། །སྤོམ་བྲག་པས་ཀྱང་གནས་འདིར་ཆོས་སྐྱོང་མ་མགོན་སྤྲུལ་པ་བསམ་གྱི་མི་ཁྱབ་པ་ཞལ་གཟིགས། ཁྱད་པར་ཨོ་རྒྱན་རིན་པོ་ཆེའི་ལུང་བསྟན་ལས། བསིལ་བ་ཚལ་གྱི་ཆོས་སྐྱོང་གི༔ རྣམ་འཕྲུལ་ཀརྨ་པ་ཞེས་གྲགས༔ སྐྱེ་བ་དུ་མར་འགྲོ་དོན་མཛད༔ ཅེས་དང་། གྲུབ་ཆེན་ཀརྨ་པཀྵིའི་ཞལ་ནས། དཔལ་མགོན་

[Full Size]

བེར་ནག་ཅན་དང་། མིང་ཡོངས་སུ་གྲགས་པའི་ཀརྨ་པ་གཉིས་ལ་ཐ་དད་མེད་པར་ཤེས་སམ་མི་ཤེས། དེའི་ཕྱིར་ན་དུས་གསུམ་དུས་མེད་ཐམས་ཅད་དུ། མགོན་པོ་འཁོར་དང་བཅས་པ་འདིའི་བྱ་བ་དང་ཕྲིན་ལས་ཐམས་ཅད་བསྒྲུབ་པ་ཡིན་པར་ཀུན་གྱིས་ཤེས་པར་མཛོད། ཅེས་དང་། ལྷ་མོའི་ཞལ་ནས། དུས་གསུམ་མཁྱེན་པའི་བརྒྱུད་པ་འཛིན་ཅིང་གདན་ས་སྐྱོང་བ་རྣམས། སྒྲུབ་ཐབས་མི་ཤེས་ཀྱང་སངས་རྒྱས་ཀྱི་བསྟན་པ་གནས་ཀྱི་བར་ངེད་ཀྱིས་སྡོང་གྲོགས་དང་ཕྲིན་ལས་ཐམས་ཅད་སྒྲུབ་པ་ཡིན་ཟེར་བ་ཡང་ཡང་བྱུང་གསུངས་བའི་ཕྱིར། གདན་ས་འདི་ལ་ཆོས་སྐྱོང་མ་མགོན་ལྕམ་དྲལ་དངོས་སུ་བཞུགས་པ་ཡིན་ལ། གྲུབ་ཆེན་ཀརྨ་པཀྵིའི་གནས་ཀྱི་གཙོ་བོ་བཀྲ་ཤིས་གསར་མ་འདི་ཡིན་ཏེ། རྗེ་དེ་ཉིད་ཀྱིས་མཛད་པའི་བཀྲ་ཤིས་སྒོ་མང་ལས། བཀྲ་ཤིས་གསར་མའི་དགོན་པ་ན། །སྣང་སྲིད་ཟིལ་གནོན་རྣལ་འབྱོར་པ། །ཀརྨ་པཀྵིའི་ཐུགས་དམ་བསྐང་། །ཞེས་གསུངས་སོ། །དེས་ན་འདི་ནི་གྲུབ་ཆེན་རིན་པོ་ཆེའི་གཟིམ་ཁང་ཡིན་པས་བྱིན་རླབས་ཆེ་ལ་ཤིན་ཏུ་གཉན། ༧ རྗེ་རང་བྱུང་བ། དེ་བཞིན་གཤེགས་པ། དོན་ལྡན་ཞབས་སོགས་ན་རིམ་མང་པོའི་རྟེན་གཏོར་

[Full Size]

ཤིན་ཏུ་གཉན་པ་བཞུགས། ཁྱད་པར་བསྐང་གསོའི་རྒྱུན་འདི་ཡང་སྔར་ནས་མ་ཆད་ཅིང་། ༧ རྗེ་ཆོས་གྲགས་རྒྱ་མཚོའི་ཐུབ་ཆེན་བཞེངས་པའི་བླུགས་གཉའ་ལ་རང་བྱོན་དུ་གྲགས་པའི་ཟུམ་མགོན་གྱི་སྐུ་སོགས་ཕྱི་ནང་གསང་བའི་རྟེན་བསམ་ལས་འདས་པ་བཞུགས་སོ། །དེ་ཡང་འཕགས་པ་རིན་ཆེན་དཔུང་རྒྱན་ལས། བར་སྣང་གི་ལྷ་རྣམས་ཀྱིས་མགོན་པོ་ལ་བསྟོད་པ་ལས། བསྐལ་པ་གྲངས་མེད་འདས་པའི་སྔོན་རོལ་ནས། །མཐའ་ཡས་ཚོགས་རྫོགས་མངོན་པར་སངས་རྒྱས་ཀྱང་། །ཐུགས་རྗེས་དབང་གིས་འགྲོ་བའི་དོན་མཛད་པ། །མགོན་པོ་སྤྱན་རས་གཟིགས་ལ་ཕྱག་འཚལ་བསྟོད། །ཅེས་གསུངས་པས། འཕགས་པ་སྤྱན་རས་གཟིགས་དབང་ཕྱུག་ཀརྨ་པ་དེ་ཉིད་ཡེ་ཤེས་མགོན་པོར་སྐུར་བཞེངས་པ་ནི། བེར་ནག་ཅན་ཡིན་པས། འདིར་གསོལ་ཁ་མཆོད་བསྟོད་སྙན་དར་སོགས་བྱས་ན། བར་ཆད་སེལ་བ་དང་། བཀྲ་ཤིས་པ་དང་། ཕྱི་མ་ལམ་སྣ་འདྲེན་པ་དང་། འཕགས་པ་རིན་ཆེན་དཔུང་རྒྱན་དང་། སྲོག་གི་འཁོར་ལོའི་རྒྱུད་གཉིས་ཚིག་མཐུན་པར་བསྟོད་པའི་ལེའུ་ལས། སྐྱེ་བོ་ཕལ་ཆེར་རྣམས་ཀྱི་སྐྱབས་གྱུར་ཁྱོད། །ཐུགས་རྗེས་དབང་གིས་འགྲོ་བའི་དོན་མཛད་པ། །

[Full Size]

ནད་རྣམས་སེལ་བར་བྱེད་པ་སྨན་པའི་མཆོག །ཚོགས་བདག་བྱིན་གྱིས་གྲུབ་པའི་གནོད་པ་སེལ། །འདི་དང་ཕ་རོལ་གཉིས་ཀ་ཕུན་སུམ་ཚོགས། །འདོད་པ་གཞན་ཡང་ཡིད་ལ་འབྱུང་བ་བཞིན། །དེ་བཞིན་འདོད་པ་ཐམས་ཅད་ལག་ཏུ་སྦྱིན། །སྨན་སྟོང་ལྟ་ན་སྡུག་པས་དུག་གཞིལ་འདྲ། །དཀོན་མཆོག་གཙུག་ལག་ཁང་ནི་སྐྱོང་བར་མཛད། །དགེ་བསྙེན་འཁོར་ཀུན་ལེགས་པར་འཕེལ་བར་མཛད། །གཞོན་ནུ་གཞོན་སྡེ་ཀུན་གྱིས་རྒྱས་པར་མཛད། །།ལོག་འདྲེན་དགྲ་བགེགས་མ་ལུས་འདུལ་བར་མཛད། །སེམས་ཅན་ཀུན་ལ་ཕན་གདག་སྙིང་ལ་བསམ། །ཞེས་དང་། ལྷ་མོ་བསྟོད་པའི་རྒྱུད་ཆེན་པོ་ལས། ཕྱག་ན་རྡོ་རྗེས་བཀའ་སྩལ་པ། ལྷ་མོ་འདི་ལ་བསྟོད་པ་ནི། ང་ལ་བསྟོད་པ་ཡིན་ནོ། །སངས་རྒྱས་ལ་བསྟོད་པ་ཡིན་ནོ། །ལྷ་མོས་ཀྱང་མི་དེ་ལ་སྲུང་བར་བྱེད་དོ། །སྐྱོབ་པར་བྱེད་དོ། །དེ་ཡི་འདོད་པའི་དངོས་གྲུབ་སྟེར་རོ། །ཞེས་དང་། ནག་པོ་སྲོག་གི་འཁོར་ལོའི་རྒྱུད་ལས། ལེགས་ལྡན་བཀའ་ཆད་འབྱུང་བའི་གནས། །ཅི་ཡང་ངེས་པ་མེད་པ་ནི། །ལེགས་ལྡན་ནག་པོ་སྒྲུབ་པ་ན། །དམ་ལ་ཉམས་པ་བྱུང་མ་ཐག །དུས་དེ་ཉིད་དུ་ལས་རྣམས་བྱེད། །

[Full Size]

ལེགས་ལྡན་སྔགས་ཀྱིས་སུས་ཟིན་པ། །ཐ་མ་རྩ་བ་བདུན་བརྒྱུད་ཆོད། །གང་ལ་དམིགས་པའི་སྲོག་དབུགས་ལེན། །ཉམས་པ་རྣམས་ལ་ཆད་པ་གཅོད། །ཅེས་གསུངས་པས། གདན་ས་ཆེན་པོ་འདི་ལ་གནོད་འཚེ་དང་དམ་ལས་འདས་ན། རྩ་བ་བདུན་བརྒྱུད་ཆད་པ་ནི་ཕྱག་ན་རྡོ་རྗེའི་བཀའོ། མགོན་པོའི་འཁོར་གྱི་ཕྱག་ན་རྡོ་རྗེ་དང་། ཡེ་ཤེས་མགོན་པོའི་དྲུང་དུ་ཁས་བླངས་སོ། །སྟོན་པ་ཁྱོད་ཀྱི་སངས་རྒྱས་ཀྱིས། །ངེད་ལ་ཐུགས་རྗེ་མ་ཆུང་ཞིག །སེམས་ཅན་མི་བསྲུན་ལས་ངན་པ། །བདག་ཅག་རྣམས་ཀྱི་འདུལ་སྐལ་གྱིས། །གསང་བདག་ཕྱག་ན་རྡོ་རྗེ་དང་། །ལེགས་ལྡན་ནག་པོ་ཉིད་དང་ནི། །བདག་ཅག་འཁོར་རྣམས་ཐམས་ཅད་ཀྱིས། །སངས་རྒྱས་བསྟན་པ་མ་ནུབ་བར། །དམ་ཚིག་ཅན་གྱི་གྲོགས་བྱ་ཞིང་། །སྔགས་དང་སྙིང་པོ་སུས་འདྲེན་པ། །རང་ཅག་རྣམས་ཀྱི་དམ་ཚིག་ལགས། །ཆོས་བྱེད་རྣམས་ལ་མགོན་བྱ་ཞིང་། །དམ་ལས་ཉམས་ན་ཆད་པ་གཅོད། །གང་ཞིག་ངེད་ལ་སུས་བརྟེན་པ། །ཚེ་དང་དབང་ཐང་སྤེལ་བྱ་ཞིང་། །འཁོར་བཅས་ནོར་ཕྱུགས་སྤེལ་བར་བྱ། །དུས་ལས་ཡོལ་བར་མི་བྱ་ཞིང་། །དམ་ལ་འདའ་བར་མི་བྱའོ། །ངེད་ཀྱི་བཀའ་ལས་

[Full Size]

སུས་འདས་པ། །དུག་དང་རིམས་དང་སྨྱོ་འབོག་དང་། །རྡོ་རྗེ་སྲིན་པོའི་ཁྲག་འཐུངས་ནས། །།རྡོ་རྗེ་དམྱལ་བར་ན་ར་ཀན། །སྒྲུབ་པ་པོ་ཡི་གྲོགས་བྱ་ཞིང་། །འཁོར་རྣམས་བཀྲ་ཤིས་ཕུན་སུམ་ཚོགས། །ཞེས་གསུངས་པས། གདན་ས་ཆེན་པོ་འདི་ལ་བཀུར་སྟི་དང་གུས་ཞབས་བྱས་ན་བཀྲ་ཤིས་དང་བདེ་ལེགས་འབྱུང་། ནད་གདོན་དང་བར་ཆད་ཞིའོ། །གདན་ས་ཆེན་པོ་འདི་ལ་གནོད་པ་དང་བསམ་པ་ངན་པ་ཕྱི་ནང་སུས་བྱས་ན། བཀའ་ཆད་ངེས་པར་འབྱུང་བ་ནི། སྐྱེས་བུ་ཆེན་པོ་དང་། ཁྱབ་འཇུག་རཱ་ཧུ་ལ་དང་། ཀླུ་བདུད་རྡོ་རྗེ་རྒྱལ་པོ་དང་། བཙན་ཀླུ་བདུད་གསུམ་ལ་སོགས་པ་མགོན་པོའི་འཁོར་གདུག་པ་ཅན་རྣམས་ཀྱིས་ལས་མྱུར་མགྱོགས་སུ་སྒྲུབ་པ་ནི། ཁོ་རང་རྣམས་ཀྱི་དམ་ཚིག་ཡིན་པས། གདན་ས་འདི་དང་། གནས་འདི་དང་། ཁྱད་པར་བཀྲ་ཤིས་གསར་མ་འདི་ཤིན་ཏུ་གཉན་ཏེ། ཆོས་སྐྱོང་བཀའ་སྲུང་ཐམས་ཅད་རང་བཞིན་ཤུགས་ཀྱིས་འདུ་བ་དུར་ཁྲོད་བསིལ་བ་ཚལ་དང་ཁྱད་པར་མེད་དེ། གཙང་ལ་སྟོད་བྱི་བོལ་གྱི་གཏེར་རྙིང་ལུང་བསྟན་ཨོ་རྒྱན་རིན་པོ་ཆེའི་གསུང་ལས། ལར་ལྔ་བརྒྱ་དུས་ན་དུ་རུ་ཀའི་དམག་དང་། སོག་པོའི་དམག་

[Full Size]

འོང་། རྒྱ་གར་བལ་པོ་ལ་ཡང་བརྡེག །བོད་འདི་དམ་པའི་ཆོས་ཀྱི་བསྟན་པ་གཉིས་སུ་གྱེས་ཏེ་རེས་མོས་སུ་དམའ་བར་བྱེད། ནུབ་ཀྱིས་དམག་དེས་བྱང་རིགས་པ་ཐམས་ཅད་འཇོམས། དེ་ནས་དབུས་གཙང་ཁམས་གསུམ་ཐམས་ཅད་ལ་བརྡེགས། དེ་འདུལ་བའི་གཉེན་པོ་མང་དུ་འབྱུང་ཡང་སེམས་ཅན་གྱིས་སྲོག་སྐྱབས་དགེ་བ་སྤྱོད་པ་དང་། རྒྱ་གར་བསིལ་བ་ཚལ་གྱི་མགོན་པོའི་སྤྲུལ་པ་ཀརྨ་པ་ཞེས་གྲགས་པ། དབུས་ཀྱི་མཚུར་ཕུ་ཞེས་པར། སྤྱོད་པ་རྩིང་རྩུབ་བསྣོལ་མར་སྟོན་པ་ཞིག །བྱ་བབ་པ་ལྟར་སྔོན་གྱི་ལས་དང་སྨོན་ལམ་སྟོབས་ཀྱིས་འབྱུང་སྟེ། དེ་ཡི་དུས་སུ་ཨོ་རྒྱན་ང་ཡི་སྤྲུལ་པ་ལྔ་འབྱུང་། བྱིན་གྱིས་རླབས་པ་བརྒྱ་རྩ་བརྒྱད་འབྱུང་། སྨོན་ལམ་ལས་འཕྲོ་དང་ལྡན་པ་སྟོང་རྩ་ལྔ་ཡོངས་སོ། །ས་འོག་གི་གཏེར་ཐམས་ཅད་བརྡོལ། ཀུན་ཀྱང་གཏེར་ལ་ཡིད་གཏད་པ་འབྱུང་། མ་ཎིའི་བསྟན་པ་ཐམས་ཅད་རྒྱས། ཐུགས་རྗེ་ཆེན་པོའི་འགྲོ་དོན་རྒྱས་པར་འགྱུར། ཐམས་ཅད་འབྲི་ཀློག་ལ་བརྩོན་པས་ཨོ་རྒྱན་པདྨ་ང་ཡི་བསྟན་པ་དར་བར་འགྱུར་རོ། །རྒྱལ་པོ་གཅིག་གིས་མངའ་འོག་ལ། བོད་འབངས་ལྷག་མ་བག་ཀྱིས་སྐྱིད་པར་འགྱུར། ཞེས་གསུངས་པས། ཀརྨ་པ་བཅུ་

[Full Size]

པའམ། བཅུ་གཅིག་པ་སོགས་ཀྱིས་སྟོད་སོག་ཟློག་པ་དང་ལྷ་ས་ཆུས་འཇིགས་རྗེས་ཞིག་གསོས་མཛད་པར་གསུངས་པ་དང་། ད་ལྟ་བཞུགས་པ་དང་སླད་ནས་འབྱོན་པའི་ཞྭ་ནག་འཛིན་པ་རྣམས་ཀྱང་། ཡེ་ཤེས་མགོན་པོ་དངོས་ཡིན་པ་དང་བསྟན་པ་རྫོགས་པ་མ་ཡིན་པས། ལྷ་རྟགས་དངོས་སུ་འབྱུང་བ་ཐེ་ཚོམ་མེད་པ་ལགས་སོ། །དེ་ཡན་ནི་གནས་བཤད་དང་རྟེན་གྱི་དཀར་ཆག་ཟུར་ཙམ་ཡིན་ལ། རྒྱས་པ་རྟེན་ཡིག་ལས་ཤེས་སོ། ༈ །སྤྱི་དོན་ལྔ་པ་ཕན་ཡོན་དགོས་ཆེད་བསྟན་པ་ལ་ཡང་། ས་བཅད་གསུམ་་སྟེ། གནས་ལ་ཡིད་ཆེས་པའི་ལུང་གནས་ཀྱི་ཕན་ཡོན། བཀུར་སྟིའི་ཕན་ཡོན། ཞར་བྱུང་བསྟན་པའི་མཐའ་རྒྱས་ཚུལ་དང་གསུམ་སྟེ། དང་པོ་འདུལ་བ་ལུང་ལས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྱང་ཕྱོགས་གངས་རའི་ཁྲོད་ནས། རྡོ་བེམ་པོས་ཀྱང་སེམས་ཅན་གྱི་དོན་བྱེད་པ་ཡོད་དོ། །གཤིན་རྗེ་གསལ་ཤིང་གི་རྒྱུད་ལས། ཉི་ཤུ་རྩ་བཞི་གནས་ཀྱི་མཆོག །ཉི་མ་བྱང་ཤར་མཚམས་ཤེད་ནས། །འདི་ནས་རི་བོ་བཅུ་གསུམ་འདས། །གངས་རིའི་བསྐོར་བའི་ར་བ་ན། །རྡོ་རྗེ་ཕག་མོའི་དཀྱིལ་འཁོར་གནས། །ཞེས་དང་། །

[Full Size]

མངོན་འབྱུང་གི་རྒྱུད་ལས། ཀུན་དགའ་གཞོན་ནུའི་གྲོང་ཁྱེར་ན། །བདེ་གཤེགས་ཞི་ཁྲོའི་ཕོ་བྲང་གནས། །ཞེས་དང་། ཨོ་རྒྱན་རིན་པོ་ཆེའི་ལུང་བསྟན་བཀའ་རྒྱ་མ་ལས། ལ་ལར་སངས་རྒྱས་རྣམས་ཀྱི་སྤྲུལ་པ་ལས༔ ས་རྡོ་རི་བྲག་ལམ་འཕྲང་ལ་སོགས་སུ༔ སྐུ་གསུང་ཐུགས་ཀྱི་སྤྲུལ་པར་རང་བྱོན་འབྱུང་༔ དེ་མཐོང་ཐོས་དང་གང་འབྲེལ་ངན་སོང་མེད༔ ཕྱོགས་ནི་མ་ངེས་ཕྱོགས་མཚམས་དབུས་ལ་སོགས༔ ཉེ་རིང་མེད་ཕྱིར་ཀུན་ཏུ་འབྱུང་བར་འགྱུར༔ དེ་བཞིན་དུས་ལ་ངེས་མེད་ནམ་ཡང་འབྱོན༔ ཡུན་ལ་ཚད་བཟུང་མེད་དེ་འཁོར་མཐའི་བར༔ ཞེས་དང་། ཡིག་དྲུག་ལ་སོགས་རང་བྱོན་བསམ་མི་ཁྱབ༔ དེ་སོགས་རྣམ་པ་དུ་མར་སྤྲུལ་ནས་ཀྱང་༔ འགྲོ་བའི་དོན་མཛད་བསྟན་པ་གནས་པར་འགྱུར༔ ཞེས་གསུངས་པ་དང་། རྗེ་རང་བྱུང་རྡོ་རྗེས་མཛད་པའི་རྩྭ་རིའི་གནས་བསྟོད་ལས། སྨད་རོང་བཙན་ཁ་བ་དཀར་པོ་ལ་ཐུག་ཅིང་། སྟོད་བལ་པོའི་ཡུལ་གྲུབ་པའི་གནས་ཆེན་ལ་ཐུག་གི་བར་དང་། ལྷོ་ཕྱོགས་ཀ་མ་རུ་ཡི་མཐར་ཐུག་གི་གནས་ལ་སོགས་པ་ཚུན་ཆད། གནས་དེ་དང་ཉེ་བའི་གནས་ལ་སོགས་པའི་གནས་ཕྲན་སྟོང་ཡོད་པར་བཤད། ཅེས་གསུངས་པ་དང་། ཨོ་

[Full Size]

རྒྱན་རིན་པོ་ཆེའི་ལུང་བསྟན་བཀའ་རྒྱ་མ་ལས། དེ་བཞིན་གནས་དང་གནས་ཕྲན་ལ་སོགས་པ༔ ཡུལ་དང་ཡུལ་འདྲ་སྦས་པའི་ཚུལ་རྣམས་སུ༔ སྒྲུབ་པ་བྱས་པའི་ཡོན་ཏན་བསམ་མི་ཁྱབ༔ ཕལ་པའི་གནས་སུ་ལོ་གཅིག་སྒྲུབ་པ་བས༔ དེ་དག་རྣམས་སུ་ཞག་གཅིག་འགྲུབ་ཐག་ཉེ༔ དེ་དོན་ཤེས་པར་མཛོད་ཅིག་རྗེས་འཇུག་རྣམས༔ ཞེས་གསུངས་པས། ༧ གཞན་དུ་ལོ་གསུམ་སྒྲུབ་པ་དང་། འདིར་ཞག་གསུམ་སྒྲུབ་པ་ཕན་ཡོན་མཉམ། གཞན་དུ་མར་མེ་སུམ་བརྒྱ་དང་དྲུག་ཅུ་ཕུལ་བ་དང་། འདིར་གཅིག་ཕུལ་བ་མཉམ། གཞན་དུ་དར་ལྕོག་སུམ་བརྒྱ་དྲུག་ཅུ་བཙུགས་པ་དང་། འདིར་གཅིག་བཙུགས་པ་མཉམ། གཞན་དུ་བསྐོར་བ་སུམ་བརྒྱ་དྲུག་ཅུ་བྱས་པ་དང་། འདིར་བསྐོར་བ་གཅིག་མཉམ། དེ་བཞིན་དུ་ཚོགས་བརྒྱ། ཆོས་སྤྱོད། བསྐང་གསོལ། ཡིག་དྲུག་ལ་སོགས་པ་དགེ་བའི་བྱ་བ་གང་དང་གང་བྱས་པ་ཐམས་ཅད་སུམ་བརྒྱ་དྲུག་ཅུའི་འགྱུར་ཡོད་དོ། །པར་སྐྱེས་མཆོག་ཀརྨ་པཀྵིས། གཙུག་ལག་ཁང་འདི་མཇལ་བ་དང་། འབུམ་ཐང་ལ་རྡོག་པ་བཞག་ཚད་ཐམས་ཅད་ལ་ངན་སོང་མེད་ཅེས་དབུ་བསྙུང་བཞེས་པར་གྲགས་སོ། །དེས་

[Full Size]

གནས་ཀྱི་ཕན་ཡོན་དགོས་ཆེད་སོང་ནས། བཀུར་སྟིའི་ཕན་ཡོན་ནི། བཅོམ་ལྡན་འདས་ཀྱིས་གསུངས་པའི་མཆོད་རྟེན་བསྐོར་བའི་ཕན་ཡོན་ཚིགས་སུ་བཅད་པའི་མདོ་སྡེ་ལས། སྐད་ཅིག་ཙམ་གྱི་བར་དུ་ཡང་། །མཆོད་རྟེན་བསྐོར་བ་བྱས་པས་ནི། །མི་ཁོམ་བརྒྱད་རྣམས་སྟོང་བར་འགྱུར། །མཆོད་རྟེན་བསྐོར་བ་བྱས་པས་ནི། །རིན་ཆེན་བདུན་དང་ལྡན་པ་ཡི། །འཁོར་ལོས་སྒྱུར་བའི་རྒྱལ་པོ་ཡིས། །ཆོས་ཀྱི་འཁོར་ལོ་སྐོར་བར་བྱེད། །མཆོད་རྟེན་བསྐོར་བ་བྱས་པས་ནི། །འཇིག་རྟེན་དག་ཏུ་དེ་བཞིན་གཤེགས། །མཚན་རྣམས་ཀྱིས་ནི་བརྒྱན་པ་དང་། །གསེར་གྱི་སྐུ་མདོག་ཐོབ་པར་འགྱུར། །ཞེས་སོགས་མཐར་ཐུག་གི་ཕན་ཡོན་དང་། མཆོད་རྟེན་བསྐོར་བ་བྱས་པ་ཡི། །ཤ་ཟ་དང་ནི་གྲིབ་རྣམས་ཀྱིས། །དེ་དག་གནོད་པར་མི་ནུས་སོ། །ལོངས་སྤྱོད་དག་ལ་སྐྱོན་མེད་སྤྱོད། །ཅེས་བར་ཆད་སེལ་ཞིང་དངོས་གྲུབ་ཐོབ་ཚུལ། མཁས་པ་གང་གིས་སངས་རྒྱས་མཆོད་རྟེན་ལ། །དགའ་བའི་སེམས་ཀྱིས་མཆོད་པ་གཅིག་བོར་ན། །འཛམ་བུ་ཆུ་ཀླུང་གསེར་སྲང་འབུམ་གྲངས་རྙེད། །དེ་ནི་དེ་དང་མཚུངས་པ་ཡོད་མ་ཡིན། །ཞེས་གསུངས་པས་ན། གསེར་སྲང་འབུམ་ཕྲག་གཅིག་བས་

[Full Size]

ནི། རང་འཆི་བའི་ནང་པར་བསྐོར་བ་ཅུང་ཟད་ཅིག་དགའ་ཞིང་མཆོག་ཡིན་ནོ། །རྒྱས་པར་མདོ་དེ་ཉིད་ལ་བལྟ་བར་བྱའོ། །མར་མེ་ཕུལ་བའི་མདོ་ལས། མར་མེ་ཕུལ་བའི་རྣམ་སྨིན་འདི་ཡིན་ནོ། །འཆི་དུས་བྱས་ཚེ་རྣམ་སྨིན་སྡུག་བསྔལ་དེས་མི་མྱོང་། །བྱང་ཆུབ་དམ་པ་མཆོག་ལ་སེམས་ཀྱང་དགའ། །དེ་ལ་འཆི་བའི་འཇིགས་པ་འབྱུང་མི་འགྱུར། །དྲང་སྲོང་མཆོད་རྟེན་མར་མེ་ཕུལ་བ་ནི། །དེ་ཡི་ལུས་ནི་རབ་ཏུ་འོད་གསལ་ཞིང་། །གཞན་གྱིས་མི་ཚུགས་དཔལ་དང་ལྡན་པ་དང་། །ལྷ་སྟོང་གིས་ནི་གཙོ་བོར་དེར་འགྱུར་རོ། །དེ་ནི་དེ་ཡི་མར་མེ་ཕུལ་བའི་འབྲས། །དེ་དང་དེ་ནི་ཚེ་རབས་དེས་དྲན་འགྱུར། །བྱ་བའི་འོས་མིན་ལ་ནི་དེས་མི་སྤྱོད། །གདོན་མི་ཟ་བར་དེ་ནི་ཁྱིམ་ནས་འབྱུང་། །ལོང་བར་མི་འགྱུར་ཞུ་བར་མི་འགྱུར་ཞིང་། །དེ་ཡི་མིག་ནི་མེད་པར་འགྱུར་མ་ཡིན། །བདེ་གཤེགས་མཆོད་རྟེན་མར་མེ་ཕུལ་བའི་འབྲས། །རྣམ་གྲོལ་བློ་ལྡན་སྟོབས་བཅུ་རྣམས་ལྡན་ཞིང་། །དེ་བཞིན་མ་འདྲེས་ཆོས་ཀྱི་ཕ་རོལ་སོན། །ཀུན་ལས་སྤྱན་ལྡན་བདེ་བར་གཤེགས་པར་འགྱུར། །ཞེས་སོགས་རྒྱ་ཆེར་གསུངས་པ་ཡང་རྒྱས་པར་མདོ་དེ་ཉིད་ལ་བལྟའོ། ༈ །འདི་ཡི་

[Full Size]

གནས་བཤད་དང་མཇལ་ཁ་ལེགས་པར་བྱས་ན། སྐྱེ་བ་ཐམས་ཅད་དུ་སྐད་སྙན་པ་དང་། སོ་སོ་ཡང་དག་པའི་རིགས་པ་བཞི་ཐོབ་པར་འགྱུར་ཏེ། གསལ་རྒྱལ་གྱིས་ཞུས་པའི་མདོ་ལས། སུ་དག་རྒྱལ་བའི་མཆོད་རྟེན་སྟོན་བྱེད་པ། །དེ་དག་གླིང་བུའི་སྒྲ་དང་གླུ་སྙན་དང་། །སྒྲ་སྙན་ཡིད་དུ་འོང་བར་ཐོབ་པ་དང་། །སོ་སོ་ཡང་དག་རིག་པ་ཐོབ་པར་འགྱུར། །ཞེས་གསུངས་སོ།། ༈ སྙན་དར་ཕུལ་བའི་ཕན་ཡོན་མདོ་དེ་ཉིད་ལས། རྒྱལ་བའི་མཆོད་རྟེན་ལ་ནི་གོས་ཕུལ་བས། །བསོད་ནམས་བྱམས་པ་ཆེ་བའི་གོས་གྱོན་ཏེ། །དགའ་ཞིང་ཡོན་ཏན་ཀུན་ལྡན་སེར་སྣ་མེད། །མདོག་ཀྱང་འཇམ་ཞིང་ཁ་དོག་གསེར་འདྲར་འགྱུར། །ཞེས་གསུངས་སོ། །ཕྱག་འཚལ་བའི་ཕན་ཡོན་ནི། འཕགས་པ་སྤྱན་རས་གཟིགས་ཀྱི་མདོ་ལས། གང་ཞིག་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ལ། །བསྐལ་པ་བྱེ་བ་བརྒྱ་སྟོང་བསྟི་སྟང་བྱེད་པ་བས། །གང་ཞིག་ཕྱི་དུས་བསྐལ་པ་མི་ཟད་འདི་ལ་ནི། །མཆོད་རྟེན་ཕྱག་འཚལ་དེ་ཡི་བསོད་ནམས་ཆེས་མང་ངོ། །ཞེས་དང་། གསལ་རྒྱལ་གྱིས་ཞུས་པའི་མདོ་ལས། མི་རྣམས་གང་དག་སངས་རྒྱས་མཆོག་རྣམས་དང་། །སྐུ་གཟུགས་དག་ལ་མགོས་

[Full Size]

བཏུད་གུས་ཕྱག་འཚལ། །དེ་དག་ལྷ་རྣམས་དང་ནི་མི་རྣམས་ཀྱིས། །ཆེར་ཡང་རྟག་ཏུ་བཀུར་བའི་གནས་སུ་འགྱུར། །ཞེས་དང་། དམ་པའི་ཆོས་པདྨ་དཀར་པོའི་མདོ་ལས། མཆོད་རྟེན་དེ་ལ་གང་གིས་ཐལ་མོ་སྦྱར། །ཡོངས་སུ་ཚང་པའི་ཐལ་མོ་ཡ་གཅིག་གམ། །ཡང་ན་མགོ་བོ་སྐད་ཅིག་བཏུད་པའམ། །གང་གིས་རིང་བསྲེལ་གནས་པ་དེ་དག་ལ། །གཡེང་བའི་སེམས་ཀྱིས་ཕྱག་འཚལ་སངས་རྒྱས་ཞེས། །ཚིག་གཅིག་ལན་འགའ་བརྗོད་པར་བྱས་པ་ཡང་། །དེ་དག་ཀུན་གྱིས་བྱང་ཆུབ་མཆོག་ཉིད་ཐོབ། །ཅེས་|གསུངས། དར་ལྕོག་ཕན་ཡོན་ནི། དགོངས་འདུས་རྩ་བའི་རྒྱུད་ལས། དུག་ཤིང་མིན་པའི་དར་ཤིང་ལ། །དྲི་མེད་དར་ལ་གཟུངས་སྔགས་བྲི། །རི་མཐོ་དགོན་གནས་གྲོང་ཡུལ་དང་། །ཚོང་འདུས་མི་མང་འདུ་སར་བཙུགས། །བདེ་བ་ལྡན་ཞིང་སྡུག་བསྔལ་བྲལ། །རླུང་རྟ་བསྐྱེད་ཅིང་བསོད་ནམས་ལྡན། །རླུང་གིས་གང་ཕོག་སེམས་ཅན་ཀུན། །གཟུངས་སྔགས་དེ་ཡིས་ཞིང་དུ་སྐྱེ། །འདི་ཡི་ཕན་ཡོན་བརྗོད་མི་ནུས། །ཞེས་གསུངས་སོ། །ཞིག་གསོས་བྱས་པའི་ཕན་ཡོན་ནི། ལུང་བསྟན་ཆེན་མོ་བཀའ་རྒྱ་མ་ལས། ཨོ་རྒྱན་རིན་པོ་

[Full Size]

ཆེས་གསུངས་པ། ད་དུས་གཙུག་ལག་རྟེན་བཞེངས་བསོད་ནམས་ལས། །མ་འོངས་ལྔ་བརྒྱ་དུས་ཀྱི་མཐའ་མ་ལ། །གང་གིས་གཙུག་ལག་རྟེན་ཉམས་གསོ་བྱེད་པ། །བརྒྱ་སྟོང་ཆར་མི་ཕོད་ཅིང་དེ་དོན་ཆེ། །གང་ཞིག་ཞིག་གསོས་བྱེད་པའི་གང་ཟག་ནི། །སྔགས་པ་བླ་དཔོན་སྐྱེ་བོ་བྱ་བྲལ་བ། །རིགས་དང་རུས་དང་ཆོ་འབྲང་ཅི་འདྲ་ཡང་། །དེ་རྣམས་རྒྱལ་བའི་ཡུལ་ལམ་སྐལ་ལྡན་མཆོག །ཐ་མ་མ་ཡིན་ཁྱད་པར་ཅན་ཡིན་པས། །བཀུར་སྟི་རིམ་གྲོ་ཕུ་དུད་གུས་པས་མཆོད། །ཅེས་གསུངས་སོ། །དེ་ལྟར་ཞིག་གསོས་དུས་ལས་མི་རྣམས་ཀྱིས། །དགའ་ཞིང་གུས་པར་བྱས་ན་ཕན་ཡོན་ནི། གསལ་རྒྱལ་གྱིས་ཞུས་པའི་མདོ་ལས། མི་རྣམས་སུ་དག་དགའ་ཞིང་གུས་པ་ཡིས། །བླ་མེད་མཆོད་རྟེན་རྣམས་དང་སྐུ་གཟུགས་ལ། །ལུས་ཀྱི་ལས་རྣམས་བྱེད་པ་དེ་དག་གི །སྲིད་པ་ཀུན་ཏུ་མཛོད་རྣམས་ཤིན་ཏུ་རྒྱས། །ཞེས་གསུངས་སོ།། གཞན་ཡང་ལེགས་ཉེས་ཀྱི་རྒྱུད་དང་འབྲས་བུ་བསྟན་པའི་མདོ་བསྡུས་ཏེ་བཤད་ན། མཆོད་རྟེན་ལ་མེ་ཏོག་ཕུལ་ན། ལུས་མཛེས་ཤིང་དྲི་ཞིམ་པ་དང་། མཐོ་རིས་སུ་སྐྱེ་ཞིང་འཁོར་དང་ལོངས་སྤྱོད་ཆེ་བ་དང་། མྱུར་དུ་དགྲ་བཅོམ་པ་ཐོབ་པ་

[Full Size]

སོགས་ཕན་ཡོན་བཅུ་དང་། སྤོས་ཕུལ་བས་གཟུགས་མཛེས་དྲི་ཞིམ་འཁོར་འདུ་བ། ལོངས་སྤྱོད་ཆེ་ཞིང་མཐོ་རིས་སུ་སྐྱེ་བ་དང་། མྱུར་དུ་མྱ་ངན་ལས་འདས་པ་སོགས་ཕན་ཡོན་བཅུ་དང་། དེ་བཞིན་རོལ་མོ་ཕུལ་བ་དང་། ཐལ་མོ་སྦྱར་བ་དང་། ན་བཟའ་འབུལ་བ་སོགས་ལ་ཕན་ཡོན་བཅུ་རེ་གསུངས་སོ། ༧ །ཡོན་ཆབ་ཀྱི་ཕན་ཡོན་ནི། །མདོ་སྡེ་མཛངས་བླུན་ལས། གང་ཞིག་དད་པའི་སེམས་ཀྱིས་ཆུ་སྙིམ་པ་གང་ཙམ་སངས་རྒྱས་ལ་མཆོད་དམ། དགེ་འདུན་ལ་ཕུལ་བའམ། དབུལ་ཕོངས་ལ་སྦྱིན་ན། བསོད་ནམས་འདི་ནི་བསྐལ་པ་དུ་མར་ཡང་མི་ཟད། ཅེས་གསུངས་སོ། །དེ་ཡིས་ཕན་ཡོན་དགོས་ཆེད་སོང་ནས། ཞལ་བྱུང་བཤད་པ་ནི། རྗེ་ནཱ་རོ་པས། མར་པ་ལ་ལུང་བསྟན་པ་ནི། རིགས་རྒྱུད་ནམ་མཁའི་མེ་ཏོག་ཡལ། །ཆོས་བརྒྱུད་ཆུ་བོའི་གཞུང་བཞིན་རྒྱས། །ཞེས་དང་། མར་པས་མི་ལ་ལ་ལུང་བསྟན་པ་ནི། སངས་རྒྱས་བསྟན་པ་གནས་ཀྱི་བར་དུ་ཉམས་དང་རྟོགས་པའི་བརྒྱུད་པ་མི་ཆད་གསུངས་པ་དང་། རྗེ་ཀརྨ་པཀྵིའི་ཞལ་ནས། ཡང་དུས་གསུམ་མཁྱེན་པའི་རིང་བསྲེལ་མང་དུ་བྱོན་སྙམ་བྱེད་དེ། ད་དུང་སྒོམ་ཆེན་མང་པོ་འབྱུང་བའི་

[Full Size]

བརྡར་འདུག་གསུངས་པ་དང་། རླུང་སེམས་ནར་སོན་པའི་སྟོབས་ཀྱིས་དག་སྣང་དཔའ་བོ་མཁའ་འགྲོ་རྣལ་འབྱོར་ཕོ་མོའི་ཚོགས་འོད་དང་གཟུགས་བརྙན་གྱི་ཚུལ་དུ་སྣང་ཞིང་། རྣལ་འབྱོར་དབང་ཕྱུག་གྲངས་མཐའ་ཡས་རྒྱུན་མི་ཆད་པར་འབྱུང་ཞེས་དང་། གྲུབ་ཆེན་ཀརྨ་པ་ལ། རྗེ་བཙུན་སྒྲོལ་མས་ལུང་བསྟན་པ་ལ།་རྣལ་འབྱོར་རང་བྱུང་རྡོ་རྗེ་ལ། །མོས་གུས་བྱེད་པའི་གདུལ་བྱ་རྣམས། །བརྒྱུད་འཛིན་རྣམ་ཐར་སྐྱོང་བ་འོང་། །བུ་སློབ་རྣམས་ཀྱིས་གོ་བར་མཛོད། །ཅེས་དང་། བརྒྱུད་པའི་མཆོག་གྱུར་འདི་ཉིད་ས། །སྔགས་འཆང་རྣལ་འབྱོར་དཔག་མེད་འབྱུང་། །མཐོང་ཐོས་དྲན་པའི་སྐལ་ལྡན་ཀུན། །ཡུན་མི་རིང་བར་སྨིན་གྲོལ་འགྱུར། །དུས་གསུམ་དུས་མེད་ཐམས་ཅད་ཀྱི། །སྐལ་ལྡན་རྣམས་ཀྱིས་མཁྱེན་པར་མཛོད། །ཅེས་དང་། གཞན་ཡང་སེམས་དཔའ་རང་བྱུང་རྡོ་རྗེ། ཚད་མ་དེའི་ཐུགས་རྗེ་ཕྲིན་ལས་རབ་འབྱམས་ལས། ཀརྨ་པའི་ཆོས་གདམས་ངག་བུ་སློབ་གདུལ་བྱའི་ཚོགས་དང་། སྐུ་གསུང་ཐུགས་ཀྱི་རྟེན་རིས་སུ་བྲིས་པ། ལུགས་སུ་བླུགས་པ་འབུར་དུ་བཏོད་པ། ཆོས་ཁྲི། བཞུགས་མལ། སྐུ་དང་སེན་མོ་ལ་སོགས་པ་རྣམས་དང་། འཛམ་གླིང་

[Full Size]

ཡུལ་ཁམས་སྣ་ཚོགས་ཁྱབ་པར་དུས་གསུམ་འགྲོ་དོན་རྒྱུན་ཆད་མེད་པར་འབྱུང་སྟེ། ཐུགས་རྗེ་ཆེན་པོའི་མཚན་ལས་ཀྱང་། །བ་སྤུའི་ཉག་མ་རེ་རེ་ཡང་། །སེམས་ཅན་ཀུན་གྱི་གསོས་སུ་འགྱུར། །ཞེས་གསུངས་པ་བཞིན་ནོ། །ཞེས་གྲུབ་ཆེན་ཀརྨ་པ་ཉིད་ཀྱིས་གསུངས་སོ། ༈ །དེ་ལྟ་བུའི་བསྟན་པ་དང་ཕྲིན་ལས་ཀྱི་མཐའ་དར་རྒྱས་སུ་བྱེད་པ་ཡང་། སི་པའི་སྐུ་ཡིས་མཛད་དགོས་པ་སྟེ། རྗེ་དུས་གསུམ་མཁྱེན་པས། འགྲོ་མགོན་རས་ཆེན་ལ། ཁྱེད་ཀྱིས་གདན་ས་འདི་ཟུང་ལ་དར་རྒྱས་སུ་གྱིས་ལ། ཚེ་རབས་ཐམས་ཅད་དུ་ཁོ་བོ་དང་འབྲལ་བ་མེད་ཅིང་། ཁོ་བོའི་ཕྲིན་ལས་ཀྱི་མཐའ་ཡང་ཁྱེད་ཀྱིས་སྐྱོང་དགོས་པ་ཡིན། ཞེས་གསུངས་པའི་ཕྱིར་རོ། །དེས་ཕན་ཡོན་དང་དགོས་ཆེད་སོང་ནས། ༈ དེ་ནས་བརྩམ་དོན་ནི། འོད་དཔག་མེད་མགོན་མི་གཟུགས་ཅན། །ཀུན་མཁྱེན་ཆོས་ཀྱི་དབང་ཕྱུག་གི །ཞབས་རྡུལ་སྤྱི་བོར་རེག་པའི་མཐུས། །ལྡོག་མེད་དད་པའི་གདུང་ཤུགས་ཅན། །དགེ་སློང་རཱ་ག་ཨ་སྱ་བདག །ཕག་ལོ་ཐ་སྐར་ཟླ་བ་ལ། །འོག་མིན་ཀརྨ་མཇལ་འདོད་ཕྱིར། །ཡོར་དུ་འོང་ནས་ཆོས་རྭ་བྱས། །ཉེར་གཅིག་འོང་རྒྱུའི་ཉི་

[Full Size]

ཤུའི་ནུབ། །དགེ་འདུན་རྣམས་དང་མཐུན་མི་མཐུན། །མཇལ་ཁ་ཅུང་འོང་བརྟགས་པའི་ཚེ། །ཉམས་དང་རྨི་ལམ་འདྲེས་པའི་མཚམས། །མདུན་དེར་མ་མགོན་མགར་གསུམ་ནི། །སྐུ་ཆེ་ཆ་ལུགས་མཐུན་པར་སྣང་། །གཡས་ཕྱོགས་ལྷ་མོ་བཞུགས་པ་ཡིས། །བདག་ལ་ཤིན་ཏུ་དགྱེས་ཚུལ་གྱིས། །ལན་གསུམ་ལྷག་ལྷག་བཞད་པ་མཐོང་། །དེ་ནང་ཐོག་ཏུ་རང་མདུན་དུ། །བྱིས་པ་མང་པོས་སྐྲ་ཕུད་ཕུལ། །ཕྱིར་ཉིན་ཀརྨར་ཕྱིན་པ་ཡི། །ཉེར་གཉིས་ལྷ་བབས་དུས་ཆེན་དང་། །རྒྱལ་ཕུར་འཛོམ་པའི་སྔ་དྲོ་ལ། །བཀྲ་ཤིས་གསར་མར་གདན་འདྲེན་བྱུང་། །སྙན་དར་སྔགས་དམིགས་རྟེན་འབྲེལ་བསྒྲིགས། །སྒར་དུ་རྒྱས་པའི་སྦྱིན་སྲེག་དང་། །གསོལ་ཁ་རྒྱས་པར་བྱེད་བཅུག་ཅིང་། །རང་ཡུལ་གསོལ་ཁ་རྟེན་འབྲེལ་བསྒྲིགས། །དེ་ནུབ་ཉམས་དང་རྨི་ལམ་མཚམས། །ནམ་ཕྱེད་ཉི་མ་མཚན་མོ་ཤར། །ཡར་བལྟས་ནམ་མཁའི་དཀྱིལ་དབུས་ན། །ཉི་ཟླ་གཉིས་པོ་གཅིག་གྱུར་ནས། །ཆེ་ཆུང་ཉི་མ་བཞི་འགྱུར་ཙམ། །ཁ་དོག་བཅོ་ལྔའི་ཟླ་བའི་མདོག །འོད་ཟེར་དབྱར་ལས་བཞི་འགྱུར་ཚ། །དེ་འདྲ་ཤར་རྨིས་བསྟན་པ་ནི། །དར་ཞིང་རྒྱས་པའི་རྟགས་སུ་གོ །དེ་ནས་འཚོགས་

[Full Size]

དབུས་གདན་ཁ་རུ། །སྡོད་ཟེར་རང་ཡང་རུས་སྒོག་ཆེ། །བོད་རྗེའི་གདུང་རིགས་ཡིན་རློམས་བསྡད། །དེ་ནུབ་ཉལ་ཁའི་རྣམ་རྟོག་ལ། །རུང་ངམ་མི་རུང་བརྟགས་པ་ཡིས། །རྨི་ལམ་འཚོགས་དབུས་བདག་འདུག་པའི། །མདུན་གཡས་འཚོགས་འཇུག་བུད་མེད་ནི། །ལྟ་བས་མི་ངོམ་རྒྱན་ལྡན་གསུམ། །ལྷ་མོས་སྤྲུལ་པར་ངོས་ཟིན་ནས། །འཚོགས་དབུས་བསྡད་པ་ལེགས་ཟེར་བའི། །བརྡའ་ཡང་བསྟན་ཞིང་དགའ་ཚུལ་བསྟན། །སྡོམ་ལུང་མང་དུ་ཕོག་པའི་ནུབ། །ལྷ་མོ་དགེ་སློང་མ་ཡི་ཚུལ། །བལྟ་བས་ཆོག་མི་ཤེས་པར་སྤྲུལ། །མདུན་དུ་དགྱེས་པའི་ཚུལ་གྱིས་བཞུགས། །ལྷ་མོ་རང་བྱུང་རྒྱལ་མོ་ཡིས། །སྤྲུལ་པ་ཡིན་པར་འདུག་སྙམ་ནས། །དེ་ཉིད་དངོས་ཡིན་ཟེར་བའི་སྒྲ། །ནམ་མཁའི་མཐོངས་ནས་གསལ་བར་གྲག །དེ་མ་ཐག་ཏུ་བུད་མེད་དེ། །མོ་རང་འདྲ་བ་གསུམ་དུ་སྤྲུལ། །རེ་ཏི་མཆེད་གསུམ་ཡིན་པར་གོ །སྐུ་རིམ་སྦྱིན་སྲེག་འགའ་བླུགས་པས། །དམ་སྲི་རྒྱལ་འགོང་གཟུགས་ཅན་ཞིག །ང་ཡི་གནས་དང་ལོངས་སྤྱོད་བཅས། །མེ་ཡིས་ཚིག་ཅེས་སྨྲེ་ངག་འདོན། །རོད་ངན་བྱོལ་ཏེ་འགྲོ་བ་རྨིས། །ཅུང་ཞིག་ནུས་པ་ཉམས་སམ་སེམས། །

[Full Size]

གྲགས་གྲས་ལྷ་གཉེར་ལ་སོགས་ཀྱིས། །བསྐུལ་ཏེ་ལེགས་པར་བསྒྲིགས་པ་ཡིན། །འགལ་བར་གྱུར་ན་མཁས་ལ་བཤགས། །དགེ་བས་འདི་ཉིད་མཐོང་ཐོས་རྣམས། །བདེ་བ་ཅན་དུ་བརྫུས་ཏེ་སྐྱེས། །ལུས་རྟེན་དེ་ལ་བྱང་ཆུབ་ཤོག །ཀརྨ་པ་དང་དབྱེར་མེད་ཤོག །སརྦ་མངྒ་ལཾ། བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འབུམ་རྫོང་ཆོས་ཀྱི་ཕོ་བྲང་གི་གནས་ཀྱི་ལོ་རྒྱུས་རྒྱས་པར་བཀོད་པ།

[Full Size]

འབུམ་རྫོང་ཆོས་ཀྱི་ཕོ་བྲང་གི་གནས་ཀྱི་ལོ་རྒྱུས་རྒྱས་པར་བཀོད་པ་བཞུགས་སོ།

[Full Size]

ན་མོ་གུ་རུ་དེ་ཝ་ཌཱ་ཀི་ནཱི་ཡེ། འབུམ་རྫོང་ཆོས་ཀྱི་ཕོ་བྲང་གི་གནས་ཀྱི་ལོ་རྒྱུས་ལ་ས་བཅད་གསུམ་ལས། དང་པོ་གནས་ཀྱི་བྱུང་ཁུངས། བར་དུ་གནས་བྱིན་གྱིས་བརླབས་ཚུལ། ཐ་མ་གནས་སྒོ་ཕྱེ་ལུགས་དང་ཕན་ཡོན་བཤད་པའོ། །བསྐལ་པ་འདི་ཆགས་ནས་སྲིད་པའི་མེས་པོ་ལྷ་དབང་ཕྱུག་ཆེན་པོ་ཡབ་ཡུམ་གྱིས། དྲག་པོ་འཇིགས་བྱེད་ཉི་ཤུ་རྩ་བཞིར་སྤྲུལ་ནས། ཡུལ་ཉི་ཤུ་རྩ་བཞི་གནས་ཆེན་པོ་སུམ་ཅུ་རྩ་གཉིས་དང་། །དེ་ལས་འཕྲོས་པའི་གནས་ཕྲན་ཐམས་ཅད་བདག་ཏུ་བཟུང་། དེ་ལ་འཁོར་ལྷོ་མ་སྲིན་དཔག་ཏུ་མེད་པས་བསྐོར་ནས་སེམས་ཅན་ལ་གནོད་འཚེ་བྱེད་

[Full Size]

དོ། །དེའི་ཚེ་དབང་ཕྱུག་ཡབ་ཡུམ་གྱིས་བདག་ཏུ་བཟུང་བའི་ཕྱིར། འདིར་དབང་ཕྱུག་ཡབ་ཡུམ་གྱི་གསང་གནས་ཁ་སྤྲོད་བྱུང་སེམས་བབས་པའི་ཤུལ་ཡང་ཡོད། དེ་ཡི་དུས་ན་འོག་མིན་འཐུག་པོ་བཀོད་པའི་ཞིང་ཁམས་ནས། སངས་རྒྱས་རྣམ་པར་སྣང་མཛད་ཀྱིས་བཅོམ་ལྡན་འདས་འཁོར་ལོ་བདེ་མཆོག་ཏུ་སྤྲུལ་ཡུམ་རྡོ་རྗེ་དབྱིངས་ཕྱུག་མ་ཕག་མོར་སྤྲུལ། བྱང་ཆུབ་སེམས་དཔའ་ཉི་ཤུ་རྩ་བཞི་དཔའ་བོ་ཉི་ཤུ་རྩ་བཞིར་སྤྲུལ། བྱང་ཆུབ་སེམས་མ་ཉི་ཤུ་རྩ་བཞི་དཔའ་མོ་ཉི་ཤུ་རྩ་བཞིར་སྤྲུལ་ནས། འཛམ་བུ་གླིང་འདིར་བྱོན་ཏེ། དབང་ཕྱུག་གི་སྤྲུལ་པ་ཇི་ཙམ་ཡོད་པའི་གྲངས་

[Full Size]

དང་མཉམ་པའི་བདེ་མཆོག་ཡབ་ཡུམ་དུ་སྤྲུལ་ནས། དབང་ཕྱུག་ཡབ་ཡུམ་ཞབས་འོག་ཏུ་མནན་ནས་དམ་ལ་བཏགས། དབང་ཕྱུག་ཡབ་ཡུམ་གྱིས་གནས་ཐམས་ཅད་བདེ་མཆོག་ཡབ་ཡུམ་ལ་ཕུལ་ནས་བདེ་མཆོག་ཡབ་ཡུམ་གྱིས་གནས་སུ་བྱིན་གྱིས་བརླབས་པས། གནས་འདིར་ཡང་བདེ་མཆོག་ཡབ་ཡུམ་གྱི་སྐུ་རང་བྱོན་ཡོད་དོ། །དེ་ནས་སངས་རྒྱས་འོད་སྲུང་གི་བསྟན་པ་ནུབ་ནས་སངས་རྒྱས་ཤཱཀྱ་ཐུབ་པའི་བསྟན་པ་མ་བྱུང་གི་བར་དུ་དེར་བདུད་ཕོ་མ་ཏྲཾ་རུ་ཏྲས་འཇིག་རྟེན་གྱི་ལྷ་འདྲེ་ཐམས་ཅད་དབང་དུ་བསྡུས་ཏེ། བདུད་དམག་བྱེ་བ་འཁོར་དང་བཅས་ནས་ལྷ་མི་ལ་སོགས་པའི་སྲོག་ཆགས་ཐམས་ཅད་ལ་གནོད་པ་བྱེད་དོ། །དེའི་ཚེ་དཔལ་རྟ་མགྲིན་ཡབ་ཡུམ་གྱིས་བདུད་རུ་ཏྲ་ཐར་པ་ནག་པོ་དམ་ལ་བཏགས། དེའི་ཚེ་དབང་ཕྱུག་ཉི་ཤུ་རྩ་བརྒྱད་ཀྱིས་གནས་ཉི་ཤུ་རྩ་བརྒྱད་ཕུལ། ལྷ་ཨ་འཁྲོ་རྒྱལ་པོའི་གནས་འདི་རྟ་མགྲིན་ཡབ་ཡུམ་ལ་ཕུལ། དེར་གནས་བདུད་སྲིན་མོ་སྐུ་ཡི་རལ་པ་ཅན་ཞེས་བྱ་བ་འདིར་གནས་པ་ལ། །སྲིན་མོ་དེ་བསྒྲལ་ནས་གནས་འདི་རྟ་མགྲིན་ཡབ་ཡུམ་གྱི་གནས་སུ་བྱིན་གྱིས་བརླབས་པས། ཕུག་པ་ཟླ་གམ་དམར་པོ་རྟ་མགྲིན་དབང་གི་གནས་དང་། རྟ་མགྲིན་ཡབ་ཡུམ་གྱི་བྱང་

[Full Size]

སེམས་དང་། སྲིན་མོ་བསྒྲལ་བའི་ཐོད་པ་རྣམས་ཡོད་དོ། །དེ་ནས་བཅོམ་ལྡན་འདས་ཤཱཀྱ་ཐུབ་པ་མྱ་ངན་ལ་འདའ་ཁར་བྱང་ཆུབ་སེམས་དཔའ་སྤྱན་རིས་གཟིགས་བྱོན་ནས་ད་དུང་ཁ་བ་ཅན་ཞབས་ཀྱིས་མ་བཅིགས་པས་མྱ་ངན་ལས་མི་འདའ་བར་བོད་ཀྱི་དོན་མཛད་པར་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། ང་ནི་གདུལ་བྱ་རྫོགས་པས།་མྱ་ངན་ལས་འདའོ། །བོད་ཁ་བ་ཅན་འདི་བྱང་ཆུབ་སེམས་དཔའ་ཁྱོད་ཀྱི་གདུལ་བྱ་ཡིན་པས་ཐུལ་ཅིག་གསུངས་ནས། །བཅོམ་ལྡན་འདས་ཀྱི་ཞལ་ནས་འོད་ཟེར་ཁ་དོག་སྣ་ཚོགས་འཇའ་ཚོན་ལྟ་བུར་འཕྲོས་ཏེ་བོད་ཡུལ་དུ་སོང་ནས་འོད་དེ་གར་ཐིམ་པ་རྣམས་སུ་རང་བྱོན་དང་གནས་རྣམས་བྱུང་སྟེ། གནས་འདིར་ཡང་སངས་རྒྱས་ཀྱིས་འོད་ཟེར་ཕོག་པས་སངས་རྒྱས་རྡོ་རྗེ་སེམས་དཔའི་སྐུ་རང་བྱོན་དང་། མཁའ་འགྲོའི་འཇའ་ལམ། དབྱངས་གསལ་གྱི་ཡི་གེ་རྣམས་ཡོད་དོ། །དེ་ནས་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ཀྱི་ལྷོ་ཕྱོགས་རི་བོ་གྲུ་འཛིན་གྱི་རྩེ་ནས་བོད་ཁ་བ་ཅན་ལ་གཟིགས་ཏེ། སྐུ་ལས་འོད་ཟེར་སྣ་ཚོགས་འཕྲོས་ནས་བོད་ཁ་བ་ཅན་གྱི་གནས་རྣམས་བྱིན་གྱིས་བརླབས་ནས། དེ་དུས་འོད་ཟེར་གང་དུ་ཐིམ་པ་རྣམས་

[Full Size]

རང་བྱོན་བྱུང་བས། གནས་འདིར་ཡང་དགྱེས་རྡོར་གྱི་སྐུ། ཕག་མོའི་ཞལ་གཟུགས་དང་གསང་བ་ལ་སོགས་པ་རང་བྱོན་མང་པོ་དང་། ཐུགས་རྗེ་ཆེན་པོའི་གསུང་སྤྲུལ་དམ་པ་རྒྱ་གར་གྱི་སྐུ་དང་། སྒྲོལ་མའི་སྤྲུལ་པ་མ་ལབ་སྒྲོན་གྱི་སྐུ་རང་བྱོན་ཡོད་དོ། །སྤྱིར་དབང་ཕྱུག་ཡབ་ཡུམ་གྱི་གནས་བདེ་མཆོག་ཡབ་ཡུམ་གྱི་གནས་སུ་བྱིན་གྱིས་བརླབས་པ་ཡང་། ས་འོག་སྤྱོད་སྐུའི་དབང་དུ་བྱས་ནས་སྤང་རིའི་ནང་དུ་འཛུལ་ས་ཡོད་པས། ས་འོག་སྤྱོད་སྐུའི་འཁོར་ལོའི་གནས་ཡིན་ཏེ། དཔའ་བོ་མཁའ་འགྲོའི་སྐུ་རང་བྱོན་མང་དུ་ཡོད་དོ། །ཁྱད་པར་ས་འོག་ནས་བྲག་རྒྱུད་འབྲེལ་ནི་ཡོད་པས། ས་འོག་སྤྱོད་པའི་དཔའ་བོ་ཌཱ་ཀི་རྣམས་རྒྱུ་བའི་ལམ་ཡོད་པའི་ཕྱིར། བོད་ཀྱི་རི་བོ་རྩེ་ལྔ། བྱང་ནཱ་ལེནྡྲའི་རྒྱབ་རི་དང་། དབུས་རི་དྲང་སྲོང་སྲིན་པོ་རི་ནས་མཆིམས་ཕུ་ཀུན་བཟང་ནགས་ཁྲོད། ཟངས་རི་མཁར་དམར་ནས་རི་རྒྱུད་རྒྱ་ལ་རྩེ་བདུན། དེ་ནས་མདོ་ཁམས་ཟལ་མོ་སྒང་ནས། རྒྱ་ནག་རི་བོ་རྩེ་ལྔའི་བར་འབྲེལ་ནས་ཡོད་པ་གྲུབ་ཐོབ་ཐང་སྟོང་རྒྱལ་པོས་གསུངས་པ་ལྟར། འདི་ཡང་རྒྱ་ནག་རི་བོ་རྩེ་ལྔའི་གནས་ལག་འཇམ་དབྱངས་ཀྱི་གནས་ཀྱང་ཡིན་པས། འཇམ་དབྱངས་ཀྱི་རལ་གྲི་པུ་ཏིའི་རྗེས་དང་། །

[Full Size]

མ་ཧཱ་གསེར་གྱི་རུས་སྦལ་ཡོད་དོ། །ས་སྤྱོད་གསུང་གི་འཁོར་ལོའི་གནས་ནི། ས་ཡི་སྟེང་དུ་ཡོད་པའི་གནས་ཏེ། དཔལ་ཙཱ་རི་ཏྲ་རང་བྱུང་གི་མཆོད་རྟེན་གྱི་ཕྱོགས་མཚམས་བརྒྱད་དུ་གནས་བརྒྱད་ཡོད་པར་བཤད་པའི། རྫ་རྒྱལ་གོ་བོ་ཁྱུང་ཕུག་ཙཱ་རིའི་ཤར་སྒོའི་གནས། འབུམ་རྫོ་ང་ཆོས་ཀྱི་ཕོ་བྲང་ཙཱ་རིའི་བྱང་ཤར་གྱི་གནས་ལག་ཡིན་པས། སིན་ར་རིགས་ལྔ། མཆོད་པ་རྣམ་པ་ལྔ་སོགས་ས་སྟེང་དུ་ཡོད་དོ། །མཁའ་སྤྱོད་ཐུགས་ཀྱི་འཁོར་ལོའི་གནས་ནི། གནས་བཟང་པོ་འདི་དག་གི་ཐད་ཀྱི་ནམ་མཁའ་ལ། ཕལ་པས་མི་མཐོང་བའི་སངས་རྒྱས་བྱང་སེམས་དཔའ་བོ་མཁའ་འགྲོ་སྤྲིན་གྱི་ཕུང་པོ་ལྟ་བུར་དུས་རྟག་ཏུ་བཞུགས་པས་བསྐོར་བ་བྱས་པས་ཕན་ཡོན་ཆེའོ། །དེ་ཡན་ཆད་སྤྱིར་གནས་ཐམས་ཅད་དང་། །ཁྱད་པར་གནས་འདི་ཡི་བྱུང་ཁུངས་ལགས་སོ།། ༈ །།དེ་ནས་དོན་གཉིས་པ་གནས་བྱིན་གྱིས་རླབས་ལུགས་ནི། ཨོ་རྒྱན་རིན་པོ་ཆེ་བོད་དུ་ཕེབས་ནས་ས་གཞི་རྟ་རྨིག་ཙམ་མ་ལུས་པ་ཞབས་ཀྱིས་བཅགས་ནས། ཁྱད་པར་བོད་ཁ་བ་ཅན་གྱི་རྒྱལ་ཁམས་སུ། ཕྱོགས་བཞིར་སྦས་པའི་ཡུལ་ཆེན་པོ་བཞི། མཚམས་བཞིར་ལུང་ཕྲན་ཆེན་པོ་བཞི། གངས་ཆེན་པོ་

[Full Size]

ཉི་ཤུ་རྩ་གཅིག་དང་། སྒྲུབ་གནས་ཆེན་པོ་བརྒྱ་དང་རྩ་བརྒྱད་ལ་སོགས་པ་རྣམས་སུ། སྒྲུབ་པ་མཛད་ནས་གནས་བྱིན་གྱིས་རླབས་པའི་དུས་སུ། གནས་འདིར་ཡང་ཨོ་རྒྱན་རིན་པོ་ཆེས་སྒྲུབ་གནས་སུ་བྱིན་གྱིས་རླབས་ཤིང་། ཤེར་ཕྱིན་སྟོང་ཕྲག་བརྒྱ་པ་ཤོ་ལོ་ཀ་འབུམ་ཡོད་པ། མཁའ་འགྲོའི་བརྡའ་ཡིག་ཏུ་བྲིས་ནས་གཏེར་དུ་སྦས་པས་འབུམ་རྫོང་དུ་གྲགས་སོ། གནས་ཀྱི་བཀའ་སྲུང་རཱ་ཧུ་ལ་བསྐོས་པས་གཟའ་ཡི་སྐུ་རང་བྱོན་ཡོད། གཞན་ཡང་ཨོ་རྒྱན་རིན་པོ་ཆེ་ཡབ་ཡུམ་གྱི་ཕྱག་ཞབས་ཀྱི་རྗེས་དང་། རྗེ་འབངས་སངས་རྒྱས་ཡེ་ཤེས་ཀྱི་ཞབས་རྗེས་སོགས་ཡོད་དོ། །དེ་ནས་ཨོ་རྒྱན་རིན་པོ་ཆེས་ཡེ་ཤེས་ཀྱི་མགོན་པོ་བྱ་རོག་གདོང་དང་།་མ་མོ་ཨེ་ཀ་ཛཱ་ཊི་དང་། གཟའ་རཱ་ཧུ་ལ་གདོང་མོ་མཆེད་བཞི་དང་བཅས་པ་བཀའ་སྲུང་དུ་བསྐོས་ནས་བཞག་པས། སུ་ཡིན་གྱི་གནས་སྒོ་འབྱེད་པའི་དབང་མེད་དོ། །བསྟན་པ་ཕྱི་དར་གྱི་སྐབས་སུ་རྗེ་ཏེ་ལོ་སངས་རྒྱས་ཀྱི་རྣམ་འཕྲུལ་དྲུང་རྨ་སེ་རིན་པོ་ཆེས་གནས་འདི་བྱིན་རླབས་ཆེ་བར་དགོངས་ནས་ཡུན་རིང་པོར་སྒྲུབ་པ་མཛད་པས་མཆོག་དང་ཐུན་མོང་གི་དངོས་གྲུབ་ཐམས་ཅད་ཐོབ་སྟེ་དབེན་གནས་འབུམ་རྫོང་དུ་གྲགས་པ་ངོ་མཚར་དེ་ཡན་ནི་གནས་བྱིན་

[Full Size]

གྱིས་བརླབས་ཚུལ་ལོ།། ༈ །།གསུམ་པ་གནས་སྒོ་ཕྱེ་ལུགས་དང་ཕན་ཡོན་ནི། པདྨ་བཀའ་ཐང་འབྲིང་པོ་དང་། རྒྱལ་པོ་བཀའ་ཡི་ཐང་ཡིག་དང་། །རཏྣ་གླིང་པ་དང་། བདུད་འདུལ་རྡོ་རྗེ་སོགས། སྔོན་གྱི་གཏེར་ཁ་དུ་མ་ནས་ལུང་བསྟན་པ་ལྟར། ལོ་ཆེན་ཤུད་བུ་དཔའ་སེང་གི་སྐྱེས་མཐའ་རིག་འཛིན་མི་འགྱུར་རྡོ་རྗེ་བདུད་འདུལ་རོལ་པ་རྩལ་དགུང་ལོ་བཅུ་བཞི་པར་ས་ཕྱོགས་དེར་ཕེབས་དུས་རྨང་ལམ་དུ་གནས་འདི་ཡི་ཁ་བྱང་གི་ཡི་གེ་མཚལ་གྱིས་བྲིས་པ་གཅིག་ཕྱག་ཏུ་བྱུང་བར་བརྟེན་ནས་གནས་སྒོ་ཕྱེས། གནས་ནང་དུ་ཨོ་རྒྱན་རིན་པོ་ཆེའི་ཕྱག་ཏུ་གསེར་གྱི་སྒྲོམ་བུའི་ཕྱོགས་བཞིར་འཇའ་གོར་ནང་དུ་ཞལ་གདམས་ལུང་བྱང་གི་ཡི་གེ་ཡོད་པ་རྣམས་ཞལ་གཟིགས། དེ་མ་ཐག་ཨོ་རྒྱན་རིན་པོ་ཆེ་རྩ་བ་གསུམ་གྱི་ལྷ་ཚོགས་དཔག་ཏུ་མེད་པ་གནས་འགྱུར་བར་གཟིགས་པ་ལ་བརྟེན་ནས། རང་བྱོན་རྣམས་འདི་ཡིན་ནོ་ཞེས། ཕྱི་ནང་གི་གནས་ཡིག་ཐམས་ཅད་ཐུགས་ལ་བཀྲ་ལམ་མེར་བྱུང་ནས་མི་རྣམས་ལ་ངོས་སྤྱད་པར་མཛད་དོ། །དེ་ཡང་གནས་བདག་འདི་གཉན་པས་དམ་ཚིག་ཅན་ལ་མཆོག་ཐུན་མོང་གི་དངོས་གྲུབ་ཐོབ། དད་པ་ཅན་གྱིས་མཇལ་ན་སྒྲིབ་པ་དག །

[Full Size]

དད་པ་མེད་པ་དང་ལོག་ལྟ་ཅན་དམ་ཉམས་ཀྱིས་མཇལ་ན་དུག་ཏུ་འགྱུར་ཏེ་བྱུང་དོན་ཡོད་པས་གནས་ནང་དུ་འགྲོ་ཁ་དད་པ་བྱེད་པ་གལ་ཆེའོ། །དད་པ་ཡོད་ཀྱང་རང་བྱོན་རྣམས་བཀོག་ནས་མ་ཁྱེར། བཀའ་སྲུང་གཟའི་ར་མདའ་འོང་དོགས་ཡོད། དེ་ཡང་གནས་འདི་ལ་ཡོད་ལུགས་ཀྱི་གནས་ཡིག་རྒྱས་པ་ནི་འདི་ལྟ་སྟེ། གཡས་རི་གསེར་ཕྲེང་འཐེན་པ་འདྲ། །གཡོན་རི་རྒྱལ་མཚན་ཕྱར་བ་འདྲ། །མདུན་རི་ཕྱག་གི་སོར་ཀ་འདྲ། །རྒྱབ་རི་བསིལ་ཡབ་བཀྲམ་པ་འདྲ། །ཁ་དོག་ལྔ་ནི་རིགས་སྡེ་ལྔ། །འབྱུང་བ་ལྔ་ཡབ་ཡུམ་ལྔའོ། །གཡས་ཕྱོགས་སུ་ཕྱིའི་སྒོ་སྲུང་གད་པ་དུག་སྦྲུལ་གྱི་གཟུགས། བན་དང་བདུད་རྩིར་ཁར་བཟུང་བ། རྡོ་སྦྲུལ་གྱི་གཙུག་གི་ནོར་བུ། གནས་གང་ནས་མཇལ་ཡང་དེར་གཏུགས་དགོས་ལ། དམ་ཚིག་ཅན་ལ་བདུད་རྩི་དང་། དམ་མེད་ལ་དུག་ཏུ་འགྱུར་རོ། །ལུང་པར་སྡིག་པ་རྭ་ཙས་གནས་མཇལ་བའི་གཟུགས་དགོན་པ་ཆེན་པོའི་ཆོས་རྗེ་འཚོགས་པ་སྟོང་གི་ཚོགས་དཔོན་དང་༔ བླ་མ་བརྒྱ་འདུས་སྟོང་འདུས་ཀྱི་ཚོགས་དཔོན་གནས་མཇལ་བའི་ཚུལ། འབུ་བསེ་ཁྲབ་པས་འགྲོ་བ་རིགས་དྲུག་གནས་ནང་དུ་ཁྲིད་པའི་ཚུལ། མ་ཧཱ་གསེར་གྱི་རུས་སྦལ་གྱིས་

[Full Size]

གནས་མཇལ་བའི་ཚུལ། སིན་ར་རིགས་ལྔ། མཆོད་པ་རྣམ་པ་ལྔ་ཡོད། ལྷ་འདྲེ་བརྒྱ་གཤར་བའི་སྒོ་མོ། སྟོང་འཚོགས་པའི་འདུ་ར། བྲག་གི་ནང་ནས་ནམ་མཁའ་མཐོང་བ། འཇའ་ཡི་ནང་ནས་སྤྲིན་མཐོང་བ་ཡོད། རྨ་སེ་བློ་གྲོས་རིན་ཆེན་གྱི་སྒྲུབ་ཕུག །གཤིན་རྗེའི་ཕོ་དོང་། གཤིན་རྗེའི་མོ་དོང་། གཤིན་རྗེའི་དོང་ཆེན། སེམས་ཅན་དམྱལ་བའི་གནས། ཕྱག་འབུལ་སྒང་། མཁའ་འགྲོ་ཕྱག་རྒྱབ་མ། རི་ཡི་རྒྱལ་པོ་ལྷུན་པོ་རི་བོ་མཆོག་རབ། གླིང་བཞི། གླིང་ཕྲན་བརྒྱད་དང་བཅས་པའི་མཎྜལ་སྒང་། བསྟོད་པ་བྱེད་ས། མི་འཇིགས་པ་སེང་གེའི་ཁྲི་གཡུ་རལ་དང་བཅས་པ། དེ་སྟེང་མ་ཆགས་པདྨའི་གདན། ཁྲི་དྲུག་མགྱོགས་ཁྱུང་གིས་བརྒྱན་པ། གཡོན་བྲག་མཚོན་ཆ་གཟིང་འདྲ། གནས་སྲུང་གཏེར་མགོན་ཕྱག་བཞི་པའི་སྤྲུལ་པའི་བྱ་རོག་གི་གཟུགས། རྣམ་པར་ཐར་པའི་སྒོ་གསུམ་མཚོན་པའི་ལམ་གསུམ། ཕུག་པ་ཟླ་གམ་དམར་པོ། རྟ་མགྲིན་དབང་གི་གནས་དགྲ་བགེགས་ལོག་འདྲེན་ཚར་གཅོད་པའི་བརྡར་ཧོ་ཁུང་ནང་དུ་ཕུར་པ་བཏབ་པའི་ཚུལ་ཁྲོ་བོའི་ཞལ་གཟུགས། དབུ་མ་རོ་མ་རྐྱང་མ་གསུམ་གྱི་ངོ་བོ་ནང་དུ་ལམ་གསུམ།

[Full Size]

དགོས་འདོད་ལྷུན་གྱིས་གྲུབ་པའི་ཕྱིར། རིན་པོ་ཆེའི་སྤུག །གཡས་སུ་རིན་པོ་ཆེ་དགོས་འདོད་ཀུན་འབྱུང་ངོ། །དེ་གཉིས་ལ་ཐོད་པ་གཏུགས་ནས་སྨོན་ལམ་གང་བཏབ་ཐམས་ཅད་འགྲུབ་བོ། །དེ་སྟེང་དག་པ་སངས་རྒྱས་ཀྱི་ཞིང་ཁམས་ཡོད་པའི་འོག་ཏུ་མ་དག་འཁོར་བའི་གྲོང་ཁྱེར་དུ་འགྲོ་དོན་མཛད་པ། དེ་ན་སྲིན་པོའི་གྲོང་ཁྱེར་ཡོད་པ་ལ་མགོ་གཏུགས་དང་སྨོན་ལམ་འདེབས་མི་རུང་། གཡོན་ཕྱོགས་སུ་མཁའ་འགྲོའི་ཐག་ར། དེ་སྟེང་སྲིན་པོ་དང་། དམྱལ་དོང་། སྒོ་ཐོད་ཨོ་རྒྱན་རིན་པོ་ཆེའི་ཕྱག་སྦུབ་ཁ་ཡ་ལུང་ཆད་ནས་ཤོར་བའི་མལ་དུ་ཤིང་སྐྱེས་པ། བར་དོའི་འཕྲང་ཆེན་དུ་མཁའ་འགྲོ་མ་རྣམས་འཚོགས་པའི་ཚོགས་དཔོན་རྟ་མགྲིན་ཡབ་ཡུམ་བྱང་སེམས་དཀར་དམར་ནམ་མཁའ་བྲག་གི་གཞལ་ཡས་སུ་བྲག་གི་ཀ་བ་བརྒྱབ་པ། མཁའ་འགྲོ་མ་རྣམས་ཀྱི་འབྱོན་ལམ། ཕུག་པ་དེའི་སྟེང་འོག་ཕྱོགས་མཚམས་ཐམས་ཅད་རྟེན་འབྲེལ་སྙིང་པོ་དང་དབྱངས་གསལ་གྱི་ངོ་བོ་རྣམས་སོ། །ཤལ་མ་ལི་ཡི་སྡོང་པོ། རྡོ་རྗེ་ཕག་མོའི་ཤེལ་གུར་དཀར་མོ་ལ་ཤེལ་གྱི་ཀ་བ་བརྒྱབ་པ། རྡོ་རྗེ་འཆང་གི་སྐུ། སྤྱན་རས་གཟིགས་ཀྱི་སྐུ། ཡི་གེ་དྲུག་རང་བྱོན་ཡོད། སྒོ་བ་ཡབ་ཡུམ་བརྒྱད། མར་

[Full Size]

མེ་རང་འབར། ཤར་སྟག་སྲིན། ཟོར་བའི་གདོང་སོགས་གདོང་མོ་མཆེད་བཞི། རྡོ་རྗེ་རྣམ་པར་འཇོམས་པའི་སྐུ། རིན་པོ་ཆེའི་བེ་ཅོན། མེ་ཏོག་པདྨ་ཡུམ་ཆེན་པདྨ། སློབ་དཔོན་པདྨའི་གསང་རྗེས་གདམས་པ་དང་། མ་ལབ་སྒྲོན་གྱི་སྐུ། དགྱེས་པ་རྡོ་རྗེའི་སྐུ། རིན་པོ་ཆེའི་གཏེར་གྱི་བང་མཛོད་ཀྱི་སྒོ། ལྷ་འདྲེའི་དོང་དུ་མི་ཁྱེར་བའི་ཁ་གནོན་དུ་ཨོ་རྒྱན་རིན་པོ་ཆེའི་ཁྲི། ཅོག་ཙེ་ལྷ་འདྲེའི་ཆོས་ཞུ་ས། ལྷ་འདྲེས་ཕུལ་བའི་ཐུད།་དཔལ་འཁོར་ལོ་བདེ་མཆོག་གི་སྐུ། སློབ་དཔོན་པདྨའི་སྐུ། སློབ་དཔོན་པདྨའི་ཞབས་རྗེས། ཕྱག་གི་རྡོ་རྗེ་རྒྱབ་མལ་དུ་བདུད་རྩི་རྡོལ་བ། མཁའ་འགྲོ་ཡེ་ཤེས་མཚོ་རྒྱལ་གྱི་ཞབས་རྗེས། འཁོར་ལོ་རྩིབས་བརྒྱད། གུ་རུ་པདྨའི་ཕྱག་རྗེས། ཡེ་ཤེས་མཚོ་རྒྱལ་གྱི་ཕྱག་རྗེས། འགྲོ་བ་རིགས་དྲུག་གི་དོང་ཡོད་པར་ལྟ་མི་རུང་། ཨེ་ཀ་ཛཱ་ཊིའི་སྐུ། རྒྱལ་མཚན། ཁྲོ་ཆུའི་སྐུ། ཨོ་རྒྱན་རིན་པོ་ཆེའི་བྷནྡྷའི་རྗེས། ཁ་ཊཾ་རྩེ་དབུས་མའི་རྗེས། གུ་རུ་དྲག་པོའི་ཐོད་སྐམ་གྱི་རྗེས། སངས་རྒྱས་ཡེ་ཤེས་ཀྱི་ཞབས་རྗེས། དུང་གི་ཕུག་རོན་མགོན་དཀར་གྱི་གཟུགས། ལྷ་ཨ་འཁྲོ་རྒྱལ་པོའི་རྟ་རྗེས། འདྲ་དཔེ། ལྷ་དབུ་དཀར་ཅན་གྱི་

[Full Size]

དམག་ཚོགས་བྱེ་བ་དང་ཉི་ཁྲི། མི་དབུ་ནག་ཅན་གྱི་དམག་ཚོགས་བྱེ་བ་དང་ཉི་ཁྲི། ཀླུ་དབུ་སྔོན་ཅན་གྱི་དམག་ཚོགས་བྱེ་བ་དང་ཉི་ཁྲི། མཁའ་འགྲོ་མའི་གཤག་ར། མུན་ནག་གི་གླིང་། ལྷ་ཡི་ནུ་མ་བརྒྱད་བརྒྱད། ཀླུ་ཡི་ནུ་མ་བརྒྱད་བརྒྱད། མི་ཡི་ནུ་མ་བརྒྱད་བརྒྱད། མཁའ་འགྲོ་མའི་ཆའུ། སྨན་སྦྲུལ་དང་དུག་སྦྲུལ་གཉིས་ལྕེ་བརྐྱངས་སུ་སྔ་བྱས་པས། །སྨན་སྦྲུལ་ལྕེ་བརྐྱངས་བས་སེམས་ཅན་ཐམས་ཅད་ལ་བདེ་སྐྱིད་འབྱུང་བ། དུག་སྦྲུལ་གྱི་ལྕེ་བསྐུམ་པ། མ་ཧེ་ཕོ་མོའི་ནུ་མ། མཁའ་འགྲོ་སྡེ་བཞིས་ཀ་བའི་རྒྱན་ནས་མར་མེ་བཟུང་བ། །ལྷ་ཆེན་དབང་ཕྱུག་ཆེན་པོ་དང་། ལྷ་མོ་ཨུ་མ་དེ་ཝ་གཉིས་ཀྱི་གསང་རྗེས། བྱང་སེམས་འབབ་པ། ཨ་འཁྲོ་རྒྱལ་པོའི་ཐེབ་རྗེས། གཏེར་གྱི་བང་མཛོད། ཕུག་པ་ལྷ་འདྲེའི་སྔགས་ཁང་རྔ་བརྡུང་བའི་སྐད་བོང་བ། འོ་མའི་ཆུ་མགོ །ཨ་འཁྲོ་རྒྱལ་པོས་ཕྱུག་རྗེས། ཨ་འཁྲོ་རྒྱལ་པོའི་ངལ་གསོའི་མལ། ཨེ་ཀ་ཛཱ་ཊིའི་གཏོར་ཟོར་བརྒྱབ་པ། བདུད་རྩི་ཆུའི་འབྱུང་ཁུངས། གླང་ཆེན་དྲོད་པར་བདུད་རྩིའི་ཆུ་འཁྱིལ་བ། པ་ཏྲ། སྤྱན་རས་གཟིགས་ཀྱི་ཕྱག་གི་མེ་ཏོག་རང་བྱོན། སྨན་ལྷའི་ཕྱག་གི་ཨ་རུ་ར་རང་བྱོན། མཁའ་འགྲོའི་སྐྱ་འཐེན་

[Full Size]

རུས་སྦལ་གྱི་རྒྱབ། མཁའ་འགྲོའི་སྐྲ་ཆུ།་དུག་སྦྲུལ། སྲིན་པོའི་ཨོལ་ཀྲོང་། དུག་སྦྲུལ་ཆུན་པོ། མཁའ་འགྲོའི་སྐྲ་བསླས། མཁའ་འགྲོའི་འཇའ་ལམ། །ཟངས་མདོག་དཔལ་རི། རྡོ་རྗེ་ཕག་མོའི་ཞལ་གཟུགས། སྲིན་པོའི་ལྗགས། སྲིན་མོ་བསྒྲལ་བའི་ཐོད་པ། ཨ་འཁྲོ་རྒྱལ་པོའི་སྐུ་གཟུགས། སྲིན་པོའི་བྷནྡྷ། མཁའ་འགྲོ་མས་འོ་མས་ཆག་ཆག་བརྡབ་མལ། སྨན་སྦྲུལ་ལྕེ་བརྐྱང་བའི་རྩ་བ་ནས་བདུད་རྩི་འབབ་པ། ལྷ་བླ་མ་ཡི་དམ་མཁའ་འགྲོ་ཐམས་ཅད་ཀྱི་སྤྲུལ་པའི་བྱ་གཅན་རི་དྭགས་གཡུང་དྭགས་སྣ་ཚོགས་ཀྱི་རྩེ་ཀྱུ་བྱས་མལ། མཁའ་འགྲོའི་ཚོགས་ཁང་འདིར་ཨོ་རྒྱན་རིན་པོ་ཆེ་རྩ་བ་གསུམ་གྱི་ལྷ་ཚོགས་གནས་འགྱུར་བ། རྡོ་རྗེ་གསེར་སྒྲོམ་བསྣམས་པ་སྒམ་དེའི་ཕྱོགས་བཞིར་འཇའ་གུར་དང་དུང་མཚལ་གྱི་ཡི་གེ་ཡོད་པ་ཞལ་གཟིགས། འགྲོ་བ་རིགས་དྲུག་གི་ལམ་རང་རང་གི་མདོག་ཅན་པདྨ་སཾ་བྷའི་ཞབས་རྗེས། ཨོ་རྒྱན་རིན་པོ་ཆེའི་ཆའུ་ཆ་ཚང་། མཁའ་འགྲོའི་ལམ་འཁྱིལ་བ་ལ་རྡོའི་སྐྱོལ་བརྒྱབ་པ། མཁའ་འགྲོའི་ཚོགས་ཁང་ལ་ཀ་བ་བརྒྱབ་པ། མཁའ་འགྲོའི་ཚོགས། ཡུར་བ་དང་བཅས་པ། མཁའ་འགྲོའི་གསོལ་བཀྱག་མཁའ་འགྲོའི་དཔོན་

[Full Size]

མོའི་གསོལ་བཀྱག་དང་གསོལ་སྐྱེམས། མཁའ་འགྲོ་མའི་གཏེར་མ་དང་བཅས་པ། མཆོད་རྟེན་བརྒྱ་དང་རྩ་བརྒྱད། མཁའ་འགྲོའི་ཀ་བ་ལ་སྐུ་འདྲ་མང་པོ། མཁའ་འགྲོའི་གཙོ་བོའི་དངུལ་སྐུ། མཁའ་འགྲོས་ཆུ་ལེན་པའི་ཆུ་བོ། མཁའ་འགྲོ་མའི་བྱང་སེམས་དཀར་པོའི་རིལ་བུ། རྡོ་རྗེ་སེམས་དཔའི་སྐུ། ཧོམ་ཁུང་། གསེར་ཉ། ལྷ་ཨ་འཁྲོ་རྒྱལ་པོའི་གསེར་གྱི་ཐག་པ་འདོམ་སྐོར་འདོམ་པ་བརྒྱད་ཅུས་གནས་ལྷ་ཡུལ་དུ་གདན་འདྲེན་ཤོམ་བྱས་པ། བར་དོའི་འཕྲང་ཆུང་ངུ་སྲིན་པོའི་མཆེ་བ། ཚོགས་ཟན་ལན་ས། མཁའ་འགྲོའི་འཇའ་འོད། བཀྲ་ཤིས་པའི་རྟགས་བརྒྱད། མཁའ་འགྲོ་མའི་འོ་མ་བླུགས་པའི་སྐྱེམས། གུ་རུ་སྐུ་ལྔ་མཚན་བརྒྱད་ཀྱི་ཕྱག་རྔ་བཏགས་པ། དུག་སྦྲུལ་མགོ །ཞབས་རྗེས་དང་། པད་ཞྭའི་རྗེས། ཨ་འཁྲོ་རྒྱལ་པོའི་རྟ་རྗེས་ཆ་གཅིག །རྡོ་རྗེ་ཕག་མོའི་གསང་བ། སྲིན་མོ་གནས་འདྲེ་མ་བསྒྲལ་བའི་ཐོད་པ། གསུང་རབ་པོ་ཏི་དམར་པོའི་རྩིག་པ། མཁའ་འགྲོ་མ་རྣམས་ཀྱི་བྲོ་ར་ལ། སྲིན་མོ་སྐུ་ཡི་རལ་པ་ཅན་གྱིས་གཡང་ས་བཟོས་པ། མཁའ་འགྲོ་མ་གཙོ་མོའི་གསོལ་ཞལ་བཞག་པ། ཚོགས་ཀྱི་མཆོད་པ། །དྲང་སྲོང་རཱ་ཧུ་ལའི་སྐུ་ཤིན་ཏུ་གསལ་

[Full Size]

བ། རྡོ་རྗེ་ཕག་མོའི་སྐས་བཙུགས་པ། སྲིན་མོ་སྐྲ་རོལ་མས་འཕྲོག་པ། ལྷ་ཁང་གི་སྒོ་བཀྲ། མཁའ་འགྲོ་མས་དར་དཀར་གྱི་ཡོལ་བ་བཀྱག་པ། མཁའ་འགྲོ་མར་ཁུའི་མཚོ་ལ་རིན་པོ་ཆེ་དང་རྡོ་ཡིས་སྐྱོལ་བརྒྱབ་པ། བར་དོའི་འཕྲང་འབྲིང་བ། བར་དོའི་འཕྲང་། བདུད་རྩི་མར་ཁུའི་ཆུ་འདི་ཁར་སོང་ཚད་ནད་གདོན་བར་ཆད་ཞི། མཁའ་འགྲོའི་དར་དཀར་བདུད་རྩི་ཞུ་བ། མཁའ་འགྲོ་མས་མེ་ཏོག་གི་མཆོད་པ་ཕུལ་བ་འཕགས་པ་འཇམ་དཔལ་གྱི་པདྨའི་སྟེང་དུ་པོ་ཏི་དང་རལ་གྲི་གསུམ་གྱི་རྗེས། ཕུག་སྲུང་སྦལ་གདོང་ཅན། ཕུག་སྲུང་སྤེལ་གདོང་ཅན། མཁའ་འགྲོ་མ་ཡེ་ཤེས་གྱི་གདོང་པ་ཅན་གྱི་ཤངས། རྒྱལ་ཆེན་རྣམ་ཐོས་སྲས་ཀྱི་སྐུ། ལྕགས་སྡིག་གི་གཟུགས། དེ་ཡི་སྟེང་དུ་འབུམ་བཞུགས་སོ། །ཨ་འཁྲོ་རྒྱལ་པོའི་མདའ་མཆོང་གི་ནོར། རིན་པོ་ཆེ་རྔ་མོང་ཉི་ཤུའི་རྒྱབ། གསེར་གྱི་ནོར་བུ་རིན་པོ་ཆེ་གླང་པོ་ཆེ་ལྔ་བརྒྱའི་རྒྱབ། དངུལ་གྱི་ནོར་བུ་རིན་ཆེན་རྟ་སྟོང་གི་རྒྱབ། གཡུ་ཡི་ནོར་བུ་རིན་ཆེན་རྔ་མོང་ལྔ་བརྒྱའི་རྒྱབ། གསེར་གྱི་ནོར་བུ་རིན་པོ་ཆེ་གླང་ཆེན་ཁྲི་ཡི་རྒྱབ། དངུལ་གྱི་ནོར་བུ་རིན་ཆེན་རྟ་ཁྲི་ཡི་རྒྱབ། མཆོང་གི་ནོར་བུ་རིན་ཆེན་མཛོ་ཁྲི་ཡི་

[Full Size]

རྒྱབ། དུང་གི་ཕ་བོང་དཀར་པོ་ལ་གཡུ་ཡི་དྲེག་པ་ཆགས་པའོ། ༈ །དེ་ནས་གནས་ཀྱི་ཕན་ཡོན་ནི། ཁ་བྱང་གི་ཡི་གེ་ལས། ཕྱི་སྐོར་བདུན། བར་སྐོར་བཅུ། ནང་སྐོར་ཉི་ཤུ་དུང་ཕྱུར་ཡིན། ཞེས་པ་སྣང་གསུངས་པས། ཕན་ཡོན་ཡིག་དྲུག་དུང་རེ་དང་མཉམ། གཞན་ཡང་ཨོ་རྒྱན་རིན་ཆེའི་ལུང་བསྟན་བཀའ་རྒྱ་མ་ལས། དེས་ན་གནས་ཆེན་གནས་ཕྲན་ལ་སོགས་དང་༔ ཡུལ་དང་ཡུལ་འདྲ་སྦས་པའི་ཡུལ་རྣམས་སུ༔ བསྒྲུབས་པ་བྱས་པའི་ཡོན་ཏན་བསམ་མི་ཁྱབ༔་ཕལ་པའི་གནས་སུ་ལོ་གཅིག་བསྒྲུབ་པ་བས༔ དེ་དག་རྣམས་སུ་ཞལ་གཅིག་འགྲུབ་ཐག་ཉེ༔ དེ་དོན་ཤེས་པར་མཛོད་ཅིག་རྗེས་འཇུག་རྣམས༔ ཞེས་གསུངས། གནས་ནང་དུ་འགྲོ་དུས་གསོལ་འདེབས་ཡིག་དྲུག་གམ་བཛྲ་གུ་རུ་གཅིག་བཟླས་ཀྱང་བྱེ་བ་མང་པོའི་འགྱུར་ཡོད་དོ། །ཁྱད་པར་བདུད་རྩི་མར་ཁུའི་ཆུ་ཁར་སོང་ཚད་གདོན་རིགས་ཐམས་ཅད་ཀྱི་གནོད་པ་ཞི་ཕྱི་མ་ངན་སོང་མེད་པར་གསུངས། གཞན་ཡང་གནས་འདི་ནི་ཨོ་རྒྱན་རིན་པོ་ཆེ་དང་། གནུབས་སངས་རྒྱས་ཡེ་ཤེས། དམ་པ་སངས་རྒྱས། དྲུང་རྨ་སེ་རྣམས་ཀྱི་སྒྲུབ་གནས་ཡིན་པས་གནས་འདི་མཇལ་བ་དང་བསྐོར་བ་བྱས་ན་བྱིན་རླབས་

[Full Size]

འཇུག་ཉམས་རྟོགས་སྐྱེ། ཙཱ་རིའི་གནས་ལག་ཡི་དམ་འཁོར་ལོ་བདེ་མཆོག་གི་གནས་ཡིན་པས་མཆོག་ཐུན་མོང་གི་དངོས་གྲུབ་ཐོབ། མཁའ་འགྲོ་རྡོ་རྗེ་ཕག་མོ་དང་ཡེ་ཤེས་མཚོ་རྒྱལ་ལབ་སྒྲོན་མ་རྣམས་ཀྱི་གནས་ཡིན་པས་བར་ཆད་ཐམས་ཅད་སེལ། རི་བོ་རྩེ་ལྔའི་གནས་ལག་འཇམ་དབྱངས་སྐུ་ཡི་གནས་ཡིན་པས་ལུས་ཀྱི་སྒྲིབ་པ་དག །ཤེས་རབ་འཕེལ། རྟ་མགྲིན་གསུང་གི་གནས་ཡིན་པས་ངག་གི་སྒྲིབ་པ་ཐམས་ཅད་འདག་ངག་ལ་ནུས་པ་སྐྱེ། དཔལ་ཀྱེ་རྡོ་རྗེ་དང་ཐུགས་མཆོག་རྡོ་རྗེ་སེམས་དཔའི་གནས་ཡིན་པས་ཡིད་ཀྱི་སྒྲིབ་པ་འདག་ཉམས་རྟོགས་འཕེལ། མགོན་པོ་བྱ་རོག་ཅན་དང་སྔགས་སྲུང་ཨེ་ཀ་ཛཱ་ཊི། གཟའ་བདུད་དུག་གི་སྤུ་གྲི་ལྷ་སྲིན་སྡེ་བརྒྱད་དང་བཅས་པའི་འདུ་ར་ཡིན་པས་བར་ཆད་སེལ། །ཚོགས་མཆོད་གཏོར་མ་མར་མེ་ཕུལ་ན་བསམ་པའི་དོན་དང་ཕྲིན་ལས་གང་བརྩམ་འགྲུབ། རྒྱལ་ཆེན་རྣམ་ཐོས་སྲས་ཀྱི་གནས་ཡིན་པས་ནོར་བུ་རིན་པོ་ཆེ་དགོས་འདོད་ཀུན་འབྱུང་སོགས་རིགས་མང་པོ་ཡོད་པས་གནས་འདི་ལ་མཆོད་བསྟོད་བསྐོར་བ་བྱས་ན་ཚེ་དང་བསོད་ནམས་དབང་ཐང་ཐམས་ཅད་འཕེལ་ཞིང་རྒྱས་སོ། །ཞེས་པ་འདི་ནི་སྤྲུལ་སྐུ་མི་འགྱུར་རྡོ་རྗེ་བདུད་འདུལ་

[Full Size]

རོལ་པ་རྩལ་གྱིས་གསུངས་པའི་གནས་ཡིག་ལ་གཞིར་བྱས། གསར་རྙིང་གི་རྒྱུད་སྡེའི་བཤད་པ་རྣམས་དང་། རྒྱལ་པོའི་བཀའ་ཆེམས། པདྨ་བཀའ་ཐང་། ལུང་བསྟན་བཀའ་རྒྱ་མ་སོགས་ནས་གནས་ཀྱི་བཤད་པ་རྒྱ་ཆེར་བྱུང་བའི་དོན་བསྡུས། ཡི་གེ་མང་དོགས་པས་ལུང་འདྲེན་རྣམས་སྤྲོས་པ་སྐྱུང་སྟེ་གོ་བདེ་བར། དགེ་སློང་༧ རཱ་ག་ཨ་སྱས་བྲིས་པ་ལ་འགལ་བ་མཆིས་ན་གནས་གསུམ་མཁའ་འགྲོའི་ཚོགས་ལ་འཆགས་ཤིང་། དགེ་བས་འདི་ལ་འབྲེལ་པ་ཐོགས་ཚད་མཆོག་དང་ཐུན་མོང་གི་དངོས་གྲུབ་མྱུར་དུ་ཐོབ་པར་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འབུམ་རྫོང་གི་གནས་ཕྱི་ནང་གི་བཞུགས་ཚུལ།

[Full Size]

ན་མོ་གུ་རུ༔ རྨང་ལམ་དུ་ཡི་གེ་གསལ་པོ་རྙེད་པའི་ནང་དུ༔ འབུམ་རྫོང་གི་གནས་ཕྱི་ནང་གི་བཞུགས་ཚུལ་ཕལ་ཆེར་བྱུང་བ་ལ༔ གཡས་རི་སེར་ཕྲེང་བྱས་འདྲ༔ གཡོན་རི་རྒྱལ་མཚན་ཕྱར་འདྲ༔ མདུན་རི་ཕྱག་གི་སོར་ཁ་འདྲ༔ རྒྱབ་རི་བསིལ་ཡབ་བཀྲམ་པ་འདྲ་ཁ་དོག་རིགས་ལྔ་འབྱུང་བ་ཡབ་ཡུམ་ལ༔ གཡས་ཕྱོགས་སྣ་སོགས་གད་པ་དུག་སྦྲུལ་གྱི་གཟུགས༔ བྷནྡྷ་དང་བདུད་རྩིར་ཁར་བཟུང་བ༔ རྡོ་གཙུག་གི་ནོར་བུ༔ གནས་གང་ནས་མཇལ་ཡང་དེར་ཐོད་པ་གཏུགས་དགོས་པས༔ དམ་ཚིག་ཅན་ལ་བདུད་རྩི་སྣང་༔ དམ་མེད་ལ་དུག་ཏུ་འགྱུར་རོ༔ ལུང་པ་སྡིག་པ་ར་ཙ་གནས་མཇལ་བའི་གཟུགས༔ དགོན་པ་ཆེན་པོའི་ཆོས་སྡེ༔ འཚོགས་པ་སྟོང་གི་འཚོགས་དཔོན༔ བླ་མ་བརྒྱ་འདུས་སྟོང་འདུས་ཀྱི་འཚོགས་འདོན་གནས་མཇལ་བའི་ཚུལ༔ འབུ་བསེ་ཁྲབ་པས་འགྲོ་བ་རིགས་དྲུག་གནས་ནང་དུ་ཁྲིད་པའི་ཚུལ༔ མ་ཧཱ་གསེར་གྱི་རུས་སྦལ་གྱིས་གནས་མཇལ་བའི་ཚུལ༔ སིནྡྷ་ར་རིགས་ལྔ༔ མཆོད་པ་རྣམ་ལྔ༔ ལྷ་འདྲེ་བརྒྱ་གཤར་བའི་སྒོ་མོ༔ སྟོང་འཚོགས་པའི་འདུ་ལ༔ བྲག་གི་ནང་ནས་ནམ་མཁའ་མཐོང་བ༔ ནམ་མཁའི་ནང་ནས་སྤྲིན་མཐོང་

[Full Size]

བ༔ རྨ་སེ་ཕུག༔ གཤིན་རྗེའི་ཕོ་དོང་༔ གཤིན་རྗེའི་མོ་དོང་༔ གཤིན་རྗེའི་དོང་ཆེན༔ སེམས་ཅན་དམྱལ་བའི་གནས༔ ཕྱག་འབུལ་སྒང་༔ མཁའ་འགྲོའི་ཕྱག་བརྒྱབ་མལ༔ རི་རྒྱལ་ལྷུན་པོ་གླིང་བཞི་གླིང་ཕྲན་དང་བཅས་པ་མཎྜལ་སྒང་༔ བསྟོད་པ་སྒང་༔ སེང་ཁྲི༔ པད་གདན་ཁྲི་དྲུག་མགྱོགས་ཁྱུང་དང་བཅས་པ༔ གཡོན་ནས་མཚོན་ཆ་གཟེང་འདྲའི་གནས་སྲུང་གཏེར་མགོན་ཕྱག་བཞི་པའི་སྤྲུལ་པའི་བྱ་རོག༔ ལམ་གསུམ་ཟླ་གམ་དམར་པོ་རྟ་མགྲིན་དབང་གི་གནས༔ དགྲ་བགེགས་ཚར་ཆོད་བརྡར་ཧོམ་ཁུང་ནང་དུ་ཕུར་པ་བཏབ་པའི་ཚུལ༔ ཁྲོ་བོའི་ཞལ་གཟུགས༔ གང་ལམ་གསུམ༔ དགོས་འདོད་ལྷུན་གྱིས་གྲུབ་ཕྱིར་ནོར་བུ་རིན་པོ་ཆེ་སྤྲུག་དང་༔ རིན་ཆེན་དགོས་འདོད་ཀུན་འབྱུང་དེ་གཉིས་ལ༔ ཐོད་པ་གཏུགས་ནས་སྨོན་ལམ་གང་བཏབ་ཐམས་ཅད་འགྲུབ༔ སྲིན་པོའི་གྲོང་ཁྱེར་དེ་ལ་སྨོན་ལམ་དང་མགོ་གཏུགས་མི་རུང་༔ དེའི་གཡས་སུ་དག་པ་སངས་རྒྱས་ཀྱི་ཞིང་ཁམས༔ འོག་ཏུ་མ་དག་འཁོར་བའི་གནས་སུ་འགྲོ་དོན་མཛད་པ༔ གཡོན་དུ་མཁའ་འགྲོའི་ཐག་ར༔ དེ་སྟེང་སྲིན་དོང་༔ དེ་སྟེང་དམྱལ་དོང་༔ ཨུ་རྒྱན་ཕྱག་སྦུབ་ལུང་ཆད་ཤོར་མལ་ཤིང་སྐྱེས་

[Full Size]

པ༔ བར་དོའི་འཕྲང་ཆེན་དུ་མཁའ་འགྲོ་མ་རྣམས་འཚོགས་པའི་འཚོགས་དཔོན། རྟ་མགྲིན་ཡབ་ཡུམ་གྱི་བྱང་སེམས་དཀར་དམར། ནམ་མཁའ་བྲག་གི་གཞལ་ཡས། །ས་གཞི་བྲག་གི་གཞལ་ཡས་སུ་བྲག་གི་ཀ་བ་བརྒྱབ་པོ༔ མཁའ་འགྲོ་མའི་མགྱོགས་ལམ༔ ཕུག་པ་དེའི་སྟེང་འོག་ཕྱོགས་མཚམས་ཐམས་ཅད་དུ་རྟེན་འབྲེལ་སྙིང་པོ་དང་དབྱངས་གསལ་གྱི་ངོ་བོ་རྣམས་སོ༔ ཤ་མ་རི་ཡི་སྡོང་པོ༔ ཕག་མོའི་ཤེལ་གུར་དཀར་མོ་ལ་ཀ་བ་བརྒྱབ་པ༔ སྒོ་བ་ཡབ་ཡུམ་བརྒྱད༔ མར་མེ་རང་འབར༔ གདོང་མོ་བཞི༔ རྣམ་ཐོས་སྐུ༔ རིན་ཆེན་བེ་ཅོན༔ མེ་ཏོག་པདྨ༔ ཡུམ་ཆེན་སློབ་དཔོན་པདྨའི་གསང་རྗེས༔ དམ་པ་དང་མ་ལབ་སྒྲོན་གྱི་སྐུ༔ དགྱེས་པ་རྡོ་རྗེའི་སྐུ༔ རིན་ཆེན་གཏེར་གྱི་བང་མཛོད་སྒོ༔ ཨུ་རྒྱན་ཆེན་པོའི་བཞུགས་ཁྲི༔ ཅོག་ཙེ༔ ལྷ་འདྲེའི་ཆོས་ཞུ་ས༔ ལྷ་འདྲེས་ཕུལ་བའི་ཐུད༔ འཁོར་ལོ་བདེ་མཆོག་གི་སྐུ༔ ལྷ་འདྲེས་དོང་དུ་མི་མི་འཁྱེར་བའི་ཁ་གནོན་སློབ་དཔོན་པདྨའི་སྐུ༔ ཨུ་རྒྱན་ཞབས་རྗེས༔ ཕྱག་གིས་རྡོ་རྗེ་བརྒྱབ་མལ་ནས་བདུད་རྩི་རྡོལ་བ༔ མཚོ་རྒྱལ་ཞབས་རྗེས༔ འཁོར་ལོ་རྩིབས་བརྒྱད༔ པད་འབྱུང་ཕྱག་རྗེས༔ མཚོ་རྒྱལ་

[Full Size]

ཕྱག་རྗེས༔ འགྲོ་བ་རིགས་དྲུག་གི་དོང་ལྟ་མི་རུང་༔ ཨེ་ཀ་ཙ་ཏིའི་སྐུ༔ རྒྱལ་མཚན༔ པདྨ་བྷནྡྷའི་རྗེས༔ ཁ་ཊཾ་དབུས་མའི་རྗེས༔ དྲག་པོའི་ཐོད་སྐམ་རྗེས་ལྷ་དབུ་དཀར་གྱི་དམག་ཚོགས་བྱེ་བ་དང་ཉི་ཁྲི༔ མི་དབུ་ནག་གི་དམག་ཚོགས་བྱེ་བ་དང་ཉི་ཁྲི༔ ཀླུ་དབུ་སྔོན་གྱི་དམག་ཚོགས་བྱེ་བ་དང་ཉི་ཁྲི༔ མཁའ་འགྲོ་མའི་གཤག་ར༔ མུན་ནག་གི་གླིང་༔་ལྷ་ཀླུ་མི་གསུམ་གྱི་ནུ་མ་བརྒྱད་བརྒྱད༔ མཁའ་འགྲོ་མའི་ཆའུ༔ སྨན་སྦྲུལ་ལྕེ་བརྐྱང་བ༔ དུག་སྦྲུལ་གྱི་ལྟེ་བསྐུམ་པ༔ མ་ཧེ་ཕོ་མོའི་ནུ་མ༔ མཁའ་འགྲོ་སྡེ་བཞིས་ཀ་བའི་རྒྱབ་ནས་མར་མེ་བཟུང་བ༔ ལྷ་ཆེན་དབང་ཕྱུག་དང་ཨུ་མ་གཉིས་ཀྱི་བྱང་སེམས་དང་གསང་རྗེས༔ ལྷ་ཨ་འཁྲོ་རྒྱལ་པོའི་ཐེབ་རྗེས༔ གཏེར་གྱི་བང་མཛོད༔ ཕུག་པ་ལྷ་འདྲེའི་སྔགས་ཁང་རྔ་བརྡུང་བའི་སྐད་འོང་༔ འོ་མའི་ཆུ་མགོ་ཨ་འཁྲོ་རྒྱལ་པོས་ཕྱག་རྗེས༔ ཨ་འཁྲོ་རྒྱལ་པོས་མལ་གསོས་མལ༔ མཁའ་འགྲོ་མི་སྐ་འཐེན་རུས་སྦལ་རྒྱབ༔ མཁའ་འགྲོ་མའི་སྐུ་ཆུ༔ དུག་སྦྲུལ༔ སྲིན་པོས་ཨོལ་ཀྲོང་༔ དུག་སྦྲུལ་ཆུན་པོ༔ མཁའ་འགྲོ་མའི་སྐྲ་བསླས༔ མཁའ་འགྲོའི་འཇའ་ལམ༔ ཟངས་མདོག་དཔལ་རི༔ ཕག་མོའི་ཞལ་

[Full Size]

གཟུགས༔ སྲིན་པོའི་ལྗགས༔ སྲིན་མོ་བསྒྲལ་བའི་ཐོད་པ༔ ཨ་འཁྲོ་རྒྱལ་པོའི་སྐུ་གཟུགས༔ སྲིན་པོའི་བྷནྡྷ༔ མཁའ་འགྲོ་མས་འོ་མའི་ཆག་ཆག་བཏབ་མལ༔ སྨན་སྦྲུལ་ལྕེ་བརྐྱང་བའི་རྩ་བ་ནས་བདུད་རྩི་བབས་པ༔ ལྷ་བླ་མ་ཡི་དམ་མཁའ་འགྲོ་ཐམས་ཅད་ཀྱིས་སྤྲུལ་པའི་བྱ་གཅན་རི་དྭགས་གཡུང་དྭགས་སྣ་ཚོགས་ཀྱི་རྩེ་ཀྱུ་བྱས་མལ༔ མཁའ་འགྲོ་མའི་འཚོགས་ཁང་༔ ཞལ་གཟིགས་ཨོ་རྒྱན་རྩ་གསུམ་ལྷ་ཚོགས་སུ་གནས་འགྱུར་བ༔ རྡོ་རྗེ་དང་གསེར་རྣམས་བཟུང་བ་རྣམས་ཀྱིས་ཕྱོགས་བཞིར་འཇའ་གུར་ནང་དུ་མཚལ་གྱི་ཡི་གེ་ཡོད་པར་སྣང་༔ འགྲོ་བ་རིགས་དྲུག་གི་ལམ་རང་རང་གི་རང་མདོག༔ པདྨ་སཾ་བྷའི་ཞབས་རྗེས༔ ཨུ་རྒྱན་གྱི་ཆའུ་ཆ་ཚང་དང་བཅས་པ༔ མཁའ་འགྲོ་མའི་འོ་མ་འཁྱིལ་བའི་ས་ལ་རྡོ་ཡིས་སྐྱོལ་བརྒྱབ་པ༔ མཁའ་འགྲོ་མའི་ཚོགས་ཁང་ལ་ཀ་བ་བརྒྱབ་པ་སོགས་མཁའ་འགྲོ་མའི་མཚོ་ཡུར་བ༔ མཁའ་འགྲོ་མའི་གསོལ་བཀྱག༔ སློབ་དཔོན་པདྨའི་གསོལ་བཀྱག༔ གསོལ་སྐྱེམས༔ གཏོར་མ་བཅའ་ས༔ མཆོད་རྟེན་བརྒྱ་རྩ་བརྒྱད༔ མཁའ་འགྲོ་མའི་ཀ་བ་སྐུ་འདྲ་མང་པོ༔ མཁའ་འགྲོ་གཙོ་མོའི་དངུལ་སྐུ༔ མཁའ་འགྲོ་མའི་ཆུ་ལེན་

[Full Size]

ས་ཆུ་མགོ༔ མཁའ་འགྲོ་མའི་བྱང་སེམས་དཀར་པོའི་རིལ་བུ༔ རྡོར་སེམས་སྒུ༔ ཧོམ་ཁུང་༔ གསེར་ཉ༔ ཨ་འཁྲོ་རྒྱལ་པོའི་གསེར་ཐག་འདོམ་སྐོར་འདོམ་པ་བརྒྱད་ཅུ་ལྷགནས་ལྷའི་ཡུལ་དུ་གདན་ཤོམ་བྱས་པ༔ བར་དོའི་འཕྲང་ཆུང་དུ་སྲིན་པོའི་མཆེ་བ་ཚོགས་ཟན་ལེན་པ༔ མཁའ་འགྲོའི་འཇའ་ལམ༔ བཀྲ་ཤིས་རྟགས་བརྒྱད༔ མཁའ་འགྲོ་སྡེ་ལྔའི་འོ་མ་བླུགས་པའི་སྐྱེམས༔ སྐུ་ལྔ་མཚན་བརྒྱད་ཀྱི་ཕྱག་རྔ་བཏགས་པ༔ དུག་སྦྲུལ་གྱི་མགོ༔ ཞབས་རྗེས་དང་པད་ཞྭའི་རྗེས༔ ཨ་འཁྲོ་རྒྱལ་པོའི་རྟ་རྗེས་ཆ་གཅིག༔ ཕག་མོའི་གསང་བ༔ སྲིན་མོ་གནས་འདྲེ་སྐའི་ལྭ་བ་ཅན་བསྒྲལ་བའི་ཐོད་པ༔ གསུང་རབ་པོ་ཏི་དམར་པོའི་རྩིག་པ༔ མཁའ་འགྲོའི་བྲོ་ར་ལ་སྐ་རལ་མས་གཡང་ས་བཟོས་པ༔ མཁའ་འགྲོ་གཙོ་མོའི་གསོལ་ཞལ་བཞག་པ༔ ཚོགས་ཀྱི་མཆོད་པ༔ དྲང་སྲོང་གི་སྐུ་གསལ་པོ༔ ཕག་མོས་སྐས་བཙུགས་པ༔ སྐུ་རལ་མས་འཕྲོག་པ༔ ལྷ་ཁང་གི་སྒོ་བཀྲ༔ མཁའ་འགྲོ་མས་དར་དཀར་གྱི་ཡོལ་བ་བཀྱག་པ༔ མཁའ་འགྲོ་མའི་མར་ཁུའི་མཚོ་ལ་རིན་པོ་ཆེ་དང་༔ རྡོའི་སྐྱོལ་བརྒྱབ་པ་ཡོད༔ བར་དོའི་འཕྲང་འབྲིང་བ༔ བར་དོའི་འཕྲང་༔ བདུད་རྩི་མར་

[Full Size]

ཁུའི་ཆུ་ཁར་སོང་ཚད་ངན་སོང་མེད་པ་དང་༔ གདོན་བགེགས་ཐམས་ཅད་ཀྱིས་གནོད་པ་མེད་པ༔ མཁའ་འགྲོ་མའི་དར་དཀར་ཡོལ་བ་བདུད་རྩིར་ཞུ་བ༔ མཁའ་འགྲོ་མས་མེ་ཏོག་གི་མཆོད་པ་ཕུལ་བ་འཕགས་པ་འཇམ་དབྱངས་ཀྱི་པདྨའི་སྟེང་དུ་པོ་ཏི་རལ་གྲིའི་རྗེས༔ ཕུག་སྲུང་སྦལ་མདོང་ཅན༔ སྤྲེལ་གདོང་ཅན༔ མཁའ་འགྲོ་མ་ཤེལ་གྱི་གདོང་པ་ཅན་གྱི་ཤངས༔ རྣམ་སྲས་སྐུ༔ ལྕགས་སྡིག་གི་གཟུགས༔ ཨ་འཁྲོ་རྒྱལ་པོའི་མདའ༔ སངས་རྒྱས་ཡེ་ཤེས་ཀྱི་ཞབས་རྗེས༔ དུང་གི་ཕུག་རོན་འགྲོས་དཀར་གྱི་གཟུགས༔ ཨ་འཁྲོ་རྒྱལ་པོའི་རྟའི་རྗེས་འདྲ་དཔེ༔ མཆོང་གི་ནོར་བུ་རྔ་མོང་ཉི་ཤུའི་རྒྱབ༔ གསེར་གྱི་ནོར་བུ་གླིང་ཆེན་ལྔ་བརྒྱའི་རྒྱབ༔ དངུལ་གྱི་ནོར་བུ་རྟ་ལྔ་བརྒྱའི་རྒྱབ༔ མཆོང་གི་ནོར་བུ་རྔ་མོང་ལྔ་བརྒྱའི་རྒྱབ༔ གསེར་གྱི་ནོར་བུ་གླང་ཆེན་ལྔ་བརྒྱའི་རྒྱབ༔ དངུལ་གྱི་ནོར་བུ་རྟ་སྟོང་གི་རྒྱབ༔ གཡུ་ཡི་ནོར་བུ་རྟ་སྟོང་གི་རྒྱབ༔ གསེར་གྱི་ནོར་བུ་གླང་ཆེན་ཁྲིའི་རྒྱབ༔ དངུལ་གྱི་ནོར་བུ་རྟ་ཁྲིའི་རྒྱབ༔ མཆོང་གི་ནོར་བུ་མཛོ་ཁྲིའི་རྒྱབ༔ དུང་གི་ཕ་བོང་དཀར་པོ་ལ་གཡུ་ཡི་དྲེག་པ་ཆགས་པ༔ ཕྱི་བསྐོར་བདུན༔ བར་བསྐོར་བཅུ༔ ནང་བསྐོར་ཉི་ཤུ་དུང་ཕྱུར་

[Full Size]

ཡིན༔ ཞེས་ཡི་གེར་སྣང་༔ ཞེས་སྤྲུལ་སྐུའི་བཀའ་སྩལ་ཇི་ལྟ་བར་བཀོད་པ༔ མངྒ་ལཾ། །གནས་མཆོག་འབུམ་རྫོང་ཇ་མཆོད་བསྡུས་པ་ནི། མཁའ་འགྲོ་འབུམ་ཕྲག་འདུ་བའི་རྫོང་ཆེན་ན། །བཞུགས་པའི་བླ་མ་ཡི་དམ་མཁའ་འགྲོའི་ཚོགས། །ཆོས་སྐྱོང་སྲུང་མ་གནས་བདག་ཡུལ་ལྷ་ལ། །ཡེ་ཤེས་བདུད་རྩི་གསེར་སྐྱེམས་འདི་འབུལ་བས། །དགྱེས་པར་བཞེས་ལ་དངོས་གྲུབ་བསྩལ་དུ་གསོལ། །ཞེས་༧ ཨ་རཱ་གས་སྦྱར།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྤོམ་ཎེ་རྡོ་རྗེའི་བྲག་གི་ར་བའི་གནས་ཡིག་ངོ་མཚར་ལྷའི་རྔ་ཆེན།

[Full Size]

སྤོམ་ཎེ་རྡོ་རྗེའི་བྲག་གི་ར་བའི་གནས་ཡིག་ངོ་མཚར་ལྷའི་རྔ་ཆེན། རྒྱ་གར་གྱི་ཕྲག་སང་ཞེས་བྱ་བའི་སྐད་དུ་སྤོམ་ཎེ་ལ། བོད་སྐད་དུ་འོད་དཀར་ཅན། དོན་དམ་པ་གནས་འོད་དཀར་རྡོ་རྗེའི་བྲག་དང་། ད་ལྟ་མི་རྣམས་ཀྱི་སྤོམ་ཎེ་བྲག་ཅེས་ཟེར་རོ། །དེའི་ལོ་རྒྱུས་རྒྱས་པར་བཀོད་པ་ནི་ལྟ་ས་ལགས་སོ། །

[Full Size]

ན་མོ་གུ་རུ་དྷེ་ཝ་ཌཱ་ཀི་ནཱི་ཧཱུྃ། དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་བྱིན་རླབས་ཀུན་འདུས་པ། །པདྨ་འབྱུང་གནས་ཞབས་ལ་འདུད། །དེ་ཡི་ཕྲིན་ལས་འགྲོ་དོན་སྒོ། །སྤོམ་ཎེ་རྡོ་རྗེའི་བྲག་རི་ཡི། །ངོ་མཚར་གནས་ཡིག་རྒྱས་པ་ནི། །སྤྲུལ་སྐུས་གསུངས་པའི་རྩ་ཚིག་ལ། །ཡིད་ཆེས་ལུང་གིས་བརྒྱན་པ་བཀོད། །གནས་བདག་ཌཱ་ཀིས་བཀའ་གནང་སྩོལ། །དེ་ལ་ས་བཅད་རྣམ་ལྔ་སྟེ། །དང་པོ་གནས་ཀྱི་བྱུང་ཁུངས་དང་། །གཉིས་པ་གནས་རི་བྱིན་བརླབ་ཚུལ། །གསུམ་པ་གནས་སྒོ་ཕྱེ་ཚུལ་དང་། །དེ་ནས་ལུང་ཁུངས་ཕན་ཡོན་བཅས། །ཞལ་གདམས་

[Full Size]

མན་ངག་བསྟན་པའོ། །དང་པོ་གནས་ཀྱི་བྱུང་ཁུངས་ནི། །དེ་ལ་དང་པོ་ཆགས་པའི་དུས། །མཁའ་ལ་རླུང་གི་དཀྱིལ་འཁོར་ཆགས། །དེ་སྟེང་ཆུ་ཡི་དཀྱིལ་འཁོར་དང་། །དེ་སྟེང་ས་ཡི་དཀྱིལ་འཁོར་རྣམས། །ཡུམ་ཆེན་དབྱིངས་ཕྱུག་མ་དང་ནི། །མ་མཱ་ཀི་དང་གོས་དཀར་མོ། །དམ་ཚིག་སྒྲོལ་མའི་སྤྲུལ་པ་ནི། །འབྱུང་བ་ལྔ་རུ་སྤྲུལ་ནས་ཆགས། །འབྱུང་བའི་བཅུད་དང་དྭངས་མ་རྣམས། །གང་དེ་འདུས་པའི་ས་དེ་རུ། །རི་དང་བྲག་དང་མཚོ་རྣམས་ཀྱང་། །གཞན་ལས་ངོ་མཚར་ཆེ་བ་བྱུང་། །དེ་ནས་མི་རྣམས་ཆགས་ཚར་ནས། །འཇིག་རྟེན་ཀུན་གྱི་མེས་པོ་

[Full Size]

ནི། །ལྷ་ཆེན་དབང་ཕྱུག་ཆེན་པོ་དང་། །ལྷ་མོ་ཨུ་མ་དེ་ཝ་ཡིས། །དྲག་པོ་འཇིགས་བྱེད་ནག་པོ་དང་། །དུས་མཚན་དམར་མོ་གཉིས་སུ་སྤྲུལ། །འཛམ་བུ་གླིང་དུ་འོང་ནས་ཀྱང་། །ཡབ་ཀྱིས་དྲག་པོ་ཉི་ཤུ་བཞི། །ཡུམ་གྱིས་དྲག་མོ་ཉེར་བཞིར་སྤྲུལ། །ཡུལ་ཆེན་ཉི་ཤུ་རྩ་བཞི་ཡི། །གནས་ཆེན་གནས་ཕྲན་བདག་ཏུ་བཟུང་། །དེ་ཕྱིར་གནས་རྣམས་ཕལ་ཆེར་ན། །དབང་ཕྱུག་ཨུ་མའི་མཚན་མ་ཡོད། །དབང་ཕྱུག་རྒྱུད་དང་སྒྲུབ་ཐབས་བཤད། །མི་རྣམས་ལམ་ལོག་མུ་སྟེགས་ཀྱི། །ལམ་ལ་བཀོད་པར་བྱས་པའི་ཚེ། །འོག་མིན་འཐུག་པོ་བཀོད་པ་ནས། །སངས་རྒྱས་རྣམ་སྣང་ཆེན་པོ་ཡིས། །འཁོར་ལོ་བདེ་མཆོག་སྐུ་རུ་སྤྲུལ། །ཡུམ་ཆེན་རྡོ་རྗེ་དབྱིངས་ཕྱུག་མས། །རྡོ་རྗེ་ཕག་མོའི་སྐུ་རུ་སྤྲུལ། །བྱང་ཆུབ་སེམས་དཔའ་ཉེར་བཞི་ཡིས། །དཔའ་བོ་ཉི་ཤུ་རྩ་བཞིར་སྤྲུལ། །བྱང་ཆུབ་སེམས་མ་ཉེར་བཞི་ཡིས། །དཔའ་མོ་ཉི་ཤུ་རྩ་བཞིར་སྤྲུལ། །བདེ་མཆོག་དྲུག་ཅུའི་དཀྱིལ་འཁོར་གཅིག །འཛམ་གླིང་འདི་རུ་བྱོན་ནས་ཀྱང་། །འཇིགས་བྱེད་དུས་མཚན་ཞབས་ཀྱིས་མནན། །དྲག་པོ་དྲག་མོ་བཞི་བཅུ་བརྒྱད། །དམ་ལ་བཏགས་ནས་སྲུང་མར་བསྐོས། །དབང་ཕྱུག་ཆེན་པོའི་གནས་ཆེན་

[Full Size]

དང་། །གནས་ཕྲན་གང་ཡོད་མ་ལུས་དང་། །བདེ་མཆོག་གནས་སུ་བྱིན་གྱིས་བརླབས། །དེ་ཡི་ལོ་རྒྱུས་རྒྱས་པ་ནི། །བདེ་མཆོག་རྒྱུད་འགྲེལ་རྣམས་ན་གསལ། །དེ་དུས་བདེ་མཆོག་ཡབ་ཡུམ་གྱིས། །གནས་འདི་བྱིན་གྱིས་རླབས་པའི་རྟགས། །མཁའ་འགྲོ་རིགས་བཞིའི་ཀ་བ་དང་། །ལས་མགོན་བྱ་རོག་གདོང་ཅན་དང་། །རྩ་འཇིབ་དམར་མོའི་སྐུ་ཡང་ཡོད། །དང་པོ་དབང་ཕྱུག་དྲག་པོ་ཡི། །གནས་འདི་བདག་ཏུ་བཟུང་བའི་རྟགས། །དབང་ཕྱུག་ཆེན་པོ་ཞི་བའི་ཆ། །ལྷ་ཆེན་ཚངས་པའི་སྒེའུ་སྐར་དང་། །མེ་ལྷ་ཨག་ནེ་ར་ཙ་ཡི། །ཕྲེང་བའི་རྗེས་ཀྱང་ཡོད་པ་ཡིན། །དེ་ནས་འོད་སྲུང་བསྟན་པའི་མཇུག །ཤཱཀྱ་ཐུབ་པ་མ་བྱོན་སྔོན། །བདུད་པོ་མ་ཏྲཾ་རུ་ཏྲ་ཡིས། །ལྷ་སྲིན་ཐམས་ཅད་བྲན་དུ་བཀོལ། །བདུད་རིགས་བྱེ་བའི་འཁོར་དང་བཅས། །མ་མོ་ཤ་ཟ་དབང་དུ་བསྡུས། །གནས་ཆེན་གནས་ཕྲན་ཐམས་ཅད་ཀུན། །ཁོ་ཡི་འཁོར་དང་གཡོག་གིས་བདག །དེ་ཚེ་དཔལ་ཆེན་རྟ་མགྲིན་གྱིས། །རུ་ཏྲའི་ཁོག་པའི་ནང་དུ་ཞུགས། །རྣམ་ཤེས་སྤར་ནས་ལུས་ཀྱང་ཕྲོག །ཁོ་ཡི་འཁོར་རྣམས་དམ་ལ་བཏགས། །གནས་རྣམས་རྟ་མགྲིན་གནས་སུ་

[Full Size]

བྱས། །ཁོ་ཡིས་བདག་ཏུ་བཟུང་བ་ཡི། །གནས་དང་གནས་ཕྲན་ཐམས་ཅད་ཀུན། །རྟ་མགྲིན་གནས་སུ་བྱིན་གྱིས་བརླབས། །དེ་དུས་སྤོམ་ཎེའི་གནས་འདི་ཡང་། །དང་པོ་རུ་ཏྲས་བདག་པའི་རྟགས། །བདུད་ཀྱི་མཆོད་རྟེན་བསྐྱིལ་པ་ཡོད། །དེ་ནས་ཁྲོ་བོ་རྟ་མགྲིན་གྱིས། །བདུད་བཏུལ་གནས་འདི་བྱིན་རླབས་རྟགས། །རྟ་མགྲིན་སྐུ་དང་ཁྲོ་བཅུ་ཡི། །ཐོད་སྐམ་དབུ་རྒྱན་ལ་སོགས་ཡོད། །དེ་ཡི་ལོ་རྒྱུས་རྒྱས་པ་ནི། །རྒྱུ་འཕྲུལ་སྡེ་བརྒྱད་རྔམས་གློག་སོགས། །རྫོགས་ཆེན་རྒྱུད་སྡེ་རྣམས་ན་གསལ། །དེ་ནས་ཤཱཀ་ཐུབ་མྱ་ངན་ལས། །འདའ་ཁར་སྤྱན་རས་གཟིགས་དབང་གིས། །ད་དུང་བོད་ཡུལ་ཁ་བ་ཅན། །ཁྱེད་ཀྱི་ཞབས་ཀྱིས་མ་བཅགས་ཤིང་། །སྐུ་ཡི་འོད་ཀྱིས་མ་ཁྱབ་པའི། །མྱ་ངན་མི་འདའ་བཞུགས་གསོལ་ཞུས། །དེ་ཚེ་ཐུབ་པས་བཀའ་སྩལ་པ། །བོད་ཡུལ་ཁ་བ་ཅན་གྱི་ཡུལ། །ང་ཡི་འདུལ་སྐལ་མ་ཡིན་པས། །བྱང་ཆུབ་སེམས་དཔའ་ཁྱོད་ཉིད་ཀྱིས། །འདུལ་ཞིང་ཡིན་པས་ཐུལ་ཅིག་གསུངས། །ཐུབ་པའི་ཞལ་ནས་འོད་ཟེར་ནི། །ཁ་དོག་སྣ་ཚོགས་དཔག་མེད་པ། །སྤྲོས་ནས་བོད་ཡུལ་བྱིན་གྱིས་བརླབས། །དེ་དུས་འོད་ཟེར་གར་ཕོག་རུ། །

[Full Size]

སྐུ་གསུང་ཐུགས་རྟེན་རང་བྱོན་བྱུང་། །དེ་དུས་སྤོམ་ཎེའི་གནས་འདི་ཡང་། །ཐུབ་པས་འོད་ཟེར་ཕོག་པའི་རྟགས། །ཐུབ་པའི་མཛད་བཅུ་ཕལ་ཆེར་དང་། །རང་བྱོན་མཆོད་རྟེན་མང་དུ་ཡོད། །དེ་ནས་བདེ་ཆེན་ཞིང་ཁམས་ན། །སངས་རྒྱས་སྣང་བ་མཐའ་ཡས་ཀྱིས། །སྤྱན་རས་གཟིགས་ལ་བཀའ་སྩལ་པ། །བོད་ཡུལ་ཁ་བ་ཅན་གྱི་ཡུལ། །སེམས་དཔའ་ཁྱོད་ཀྱི་འདུལ་ཞིང་ཡིན། །དང་པོ་མི་ཡི་འགྲོ་བ་སྤེལ། །དེ་ནས་འཇིག་རྟེན་རྒྱལ་ཁྲིམས་སྟོན། །དེ་ནས་དམ་པའི་ཆོས་ལ་འགོད། །མཐར་ནི་སེམས་ཅན་དེ་དག་རྣམས། །ང་ཡི་ཞིང་འདིར་ཁྲིད་ཤོག་གསུངས། །སྤྱན་རས་གཟིགས་ཀྱིས་ཞུས་པ་ནི། །ང་ལ་འབྲེལ་པ་ཆེར་བཞག་པའི། །བོད་ཀྱི་སེམས་ཅན་དེ་དག་རྣམས། །ཞིང་འདིར་ཁྲིད་ཟླནི་འོང་ངོ་ཞུས། །དེ་ནས་འཕགས་པ་སྤྱན་རས་གཟིགས། །རི་བོ་གྲུ་འཛིན་རྩེ་མོར་བྱོན། །བོད་ཡུལ་ཁ་བ་ཅན་དུ་གཟིགས། །སྐུ་ལས་འོད་ཟེར་དཔག་མེད་སྤྲོས། །བོད་ཡུལ་ས་ཡི་འོག་རོལ་དུ། །གྲང་དམྱལ་ཡོད་པ་ཐམས་ཅད་དྲངས། །བོད་ཡུལ་གངས་ཀྱི་རང་རུབ་བཞུས། །དེ་དུས་སྐུ་ཡི་འོད་ཟེར་དེ། །གར་ཕོག་སྐུ་གཟུགས་ཡིག་འབྲུ་རྣམས། །རང་

[Full Size]

བྱོན་དཔག་ཏུ་མེད་པ་བྱུང་། །དེ་དུས་སྤོམ་ཎེའི་གནས་འདི་རུ། །ཐུགས་རྗེ་ཆེན་པོའི་འོད་ཟེར་རྣམས། །ཕོག་པའི་རྟགས་ལ་བཅུ་གཅིག་ཞལ། །སྐུ་གསུང་ཐུགས་ཀྱི་མཆོད་རྟེན་གསུམ། །ཨོ་ཨཱཧཱུྃ་གི་ནང་གཞུག་ཅན། །ཐུགས་མཚན་མེ་ཏོག་འདབ་བཞི་དང་། །།ཕྱག་མཚན་ཆུ་སྐྱེས་པདྨ་ཡོད། །དེ་དག་ལོ་རྒྱུས་རྒྱས་པ་ནི། །ཆོས་རྒྱལ་སྲོང་བཙན་སྒམ་པོ་ཡི། །བཀའ་ཆེམས་བཀའ་འབུམ་རྒྱས་པ་དང་། །མ་གཅིག་ལབ་ཀྱི་སྒྲོལ་མ་ཡི། །གཅོད་ཀྱི་ས་བཅད་རྒྱས་པ་ཡི། །ནང་དུ་དེ་དོན་གསལ་བར་ཡོད། །དེ་ལྟར་གནས་ཆེན་གནས་ཕྲན་དང་། ཁྱད་པར་སྤོམ་ཎེའི་རྡོ་རྗེ་ཡི། །བྲག་གི་ར་བའི་གནས་འདི་ན། །དང་པོ་མ་ཧཱ་དེ་བས་བཟུང་། །དེ་ནས་ལྷ་ཆེན་དམ་ལ་བཏགས། །བདེ་མཆོག་གནས་སུ་བསྒྱུར་བར་མཛད། །བར་སྐབས་རུ་ཏྲ་འཁོར་གྱིས་བཟུང་། །དེ་ནས་རུ་ཏྲ་བཏུལ་བའི་ཚེ། །རུ་ཏྲའི་འཁོར་གྱིས་རྟ་མགྲིན་ལ། །ཕུལ་ནས་རྟ་མགྲིན་གནས་སུ་བྱས། །དེ་ནས་ཤཱཀ་ཐུབ་འོད་ཟེར་དང་། །ཐུགས་རྗེ་ཆེན་པོའི་འོད་ཟེར་ཕོག །བྱིན་གྱིས་བརླབ་ཕྱིར་རང་བྱོན་མང་། །གནས་ཀྱི་བྱུང་ཁུངས་ཀྱི་ལེའུ་སྟེ་དང་པོའོ།། ༈ །།དེ་ནས་གནས་མཆོག་སྤོམ་ཎེ་

[Full Size]

ཞེས། །རྡོ་རྗེའི་བྲག་གི་ར་བ་འདི། །རིག་འཛིན་གྲུབ་ཐོབ་མང་པོ་ཡིས། །བྱིན་གྱིས་རླབས་ཤིང་ཞབས་ཀྱིས་ནི། །ཇི་ལྟར་བཅགས་པའི་ཚུལ་བཤད་པ། །ཆོས་རྒྱལ་ཁྲི་སྲོང་ལྡེའུ་བཙན་གྱིས། །ཨོ་རྒྱན་ཆེན་པོ་སྤྱན་དྲངས་ནས། །བོད་ཡུལ་ལྷ་འདྲེ་དམ་ལ་བཏགས། །བོན་སྐྱོང་རྣམས་ཀྱང་ཆོས་སྐྱོང་བྱས། །དཔལ་གྱི་བསམ་ཡས་གཙོར་བྱས་པའི། །མཐའ་འདུལ་གཙུག་ལག་བརྒྱ་རྩ་བརྒྱད། །ཡང་འདུལ་གཙུག་ལག་སྟོང་རྩ་བཞེངས། །མདོ་སྔགས་དམ་ཆོས་བོད་དུ་བསྒྱུར། །རྗེ་འབངས་ཉི་ཤུ་རྩ་ལྔ་སོགས། །གྲུབ་ཐོབ་རྣམས་ཀྱིས་ལུང་པ་བཀང་། །ས་འོག་ས་སྟེང་ཆོས་ཀྱིས་བཀང་། །དེ་དུས་རྒྱལ་པོས་ཞུས་པ་ནི། །ང་ཡིས་བཞེངས་པའི་གཙུག་ལག་རྣམས། །དར་རྒུད་འཕེལ་འགྲིབ་ཇི་ལྟར་འབྱུང་། །མ་འོངས་ལུང་བསྟན་གསུངས་དགོས་ཞུས། །དེ་དུས་ཨོ་རྒྱན་རིན་པོ་ཆེས། །གཞུ་གང་ཙམ་གྱིས་ནམ་མཁའ་ལ། །འཇའ་དང་འོད་ཀྱིས་གུར་ནང་བཞུགས། །སྐུ་ལས་༔ འོད་ཟེར་སྣ་ཚོགས་འཕྲོས། །རྒྱལ་བློན་འཁོར་རྣམས་ཁྱབ་པར་མཛད། །དེ་ནས་སློབ་དཔོན་བཀའ་སྩལ་པ། །སྤྱིར་ནི་འདུས་བྱས་ཆོས་རྣམས་ཀུན། །ཐམས་ཅད་མི་རྟག་ཆོས་ཉིད་

[Full Size]

ཡིན། །རྒྱལ་པོ་ཁྱེད་ཀྱང་མྱ་ངན་འདས། །ང་ཡང་སྲིན་པོ་འདུལ་དུ་འགྲོ། །རྒྱལ་མཚན་དབོན་ལ་གླང་དར་སྐྱེས། །སངས་རྒྱས་བསྟན་པ་སྣུབ་པར་བྱེད། །ཡིག་ཆ་ཕལ་ཆེར་མེར་བསྲེགས་པས། །ཟབ་ཆོས་ཕལ་ཆེར་གཏེར་དུ་སྦོས། །ཁྱེད་ཀྱིས་བཞེངས་པའི་གཙུག་ལག་རྣམས། །དར་རྒུད་ཞིག་རལ་མང་དུ་འགྱུར། །དེ་དུས་གསོ་བའི་ཆ་རྐྱེན་དུ། །གསེར་དངུལ་སྤྱད་ཆ་གཏེར་དུ་སྦོས། །སྤྲུལ་པས་འདོན་ཞིང་གསོ་བར་འགྱུར། །གསུངས་ཕྱིར་ཆོས་གཏེར་ནོར་གཏེར་སྦོས། །འོན་ཀྱང་རྒྱལ་པོ་ཐུགས་མ་ཚིམ། །བཞེངས་པའི་གཙུག་ལག་རྟེན་གསུམ་ལ། །ཞིག་རྒྱུ་ཡོད་པས་བློ་མ་བདེ། །མ་འོངས་སྙིགས་མའི་སེམས་ཅན་རྣམས། །ཚོགས་བསགས་སྒྲིབ་པ་སྦྱོང་བའི་རྟེན། །འབྱུང་བཞིའི་གནོད་པས་མི་འཇིགས་པ། །དར་རྒུད་ཞིག་རལ་མེད་པ་ཞིག །སློབ་དཔོན་ཐབས་མཁས་ཐུགས་རྗེ་ཆེ།། །སེམས་ཅན་དོན་དུ་གནང་བར་ཞུས། །ཞུས་པས་སློབ་དཔོན་རབ་ཏུ་མཉེས། །དེ་འདྲ་ཐབས་ཀྱང་ཡོད་གསུངས་ནས། །སློབ་དཔོན་རྒྱལ་པོ་རྗེ་འབངས་རྣམས། །སྐུ་ཡི་བཀོད་པ་མང་དུ་སྤྲུལ། །གངས་རི་ཏི་སེ་མན་ཆད་ནས། །རི་བོ་རྩེ་ལྔ་ཡན་ཆད་ཀྱི། །གནས་ཆེན་གནས་ཕྲན་

[Full Size]

ཐམས་ཅད་དུ། །ལོ་ནི་བཅུ་གཉིས་བར་དུ་བྱོན། །གནས་རི་ཐམས་ཅད་བྱིན་གྱིས་བརླབས། །དེ་ཡི་བར་གྱི་བོད་ཡུལ་གྱི། །གནས་ཀྱི་གྲངས་ཀ་མདོར་བསྡུས་ནས། །ཟམ་བུ་ལུང་སོགས་ལུང་པ་ལྔ། །འབྲས་མོ་གཤོང་སོགས་ལྗོངས་ཡུལ་གསུམ། །པདྨ་བཀོད་དང་པདྨ་གླིང་། །གླིང་ནི་གསུམ་སྟེ་གཅིག་ཏུ་བརྩི། །མཆོག་གི་སྒྲུབ་གནས་ཆེན་པོ་ལྔ། །གྲུབ་པ་ཐོབ་པའི་གནས་ཆེན་བརྒྱད། །ཀཾ་པོ་ལ་སོགས་གངས་ར་བཞི། །རོང་བཙན་ལ་སོགས་གངས་ཉེར་གཅིག །གནས་ཆེན་བརྒྱ་དང་རྩ་བརྒྱད་དང་། །ངོ་མཚར་གནས་མཆོག་ཉི་ཤུ་ལྔ། །གནས་ཕྲན་སྟོང་དང་རྩ་གཉིས་རྣམས། །ཞབས་ཀྱིས་བཅགས་ཤིང་བྱིན་གྱིས་བརླབས། །གནས་འདྲེ་ཐམས་ཅད་དམ་ལ་བཏགས། །གནས་བདག་བཀའ་སྲུང་ཆོས་སྐྱོང་བསྐོས། །ཆོས་གཏེར་ནོར་གཏེར་མང་དུ་སྦས། །གཏེར་སྲུང་རྣམས་ལ་གཉེར་དུ་གཏད། །དེ་དག་ལོ་རྒྱུས་གསུང་ཆེ་བ། །པདྨ་བཀའ་ཐང་རྒྱས་བསྡུས་གསུམ། །བཀའ་ཐང་སྡེ་ལྔ་ཞེས་བྱ་དང་། །ཨོ་རྒྱན་རྣམ་ཐར་མདོར་བསྡུས་པ། །ཉང་དང་རཏྠ་འཇའ་ཚོན་པ། །གཏེར་ཁ་དུ་མ་ནས་བྱུང་དང་། །ལུང་བསྟན་ཆེན་པོ་བཀའ་རྒྱ་མ། །ཙཱ་རི་ཏྲ་

[Full Size]

དང་འབྲས་མོ་ཡི། །གནས་ཡིག་རྒྱས་པ་རྣམས་ན་གསལ། །དེ་ལྟར་གནས་ནི་མང་ན་ཡང་། །སྤོམ་ཎེ་རྡོ་རྗེའི་བྲག་ར་འདི། །གུ་རུ་པདྨ་འབྱུང་གནས་ཀྱིས། །ཚེ་དཔག་མེད་པ་གསུང་གི་གནས། །ཚེ་ཡི་བར་ཆད་བསལ་བ་དང་། །ཚེ་ཡི་དངོས་གྲུབ་འབྱུང་བ་དང་། །གནས་སུ་བྱིན་གྱིས་བརླབ་པའི་རྟགས། །ཨོ་རྒྱན་ཉིད་དང་ཚེ་དཔག་མེད། །གོས་དཀར་མོ་ཡི་བཞུགས་ཁྲི་ཡོད། །ཚེ་དཔག་མེད་ཀྱི་སྐུ་དང་ནི། །མཆོད་རྟེན་སྣང་བ་མཐའ་ཡས་ཡོད། །ཚེ་དཔག་མེད་པའི་བརྙན་གཟུགས་དང་། །ཚེ་དཔག་མེད་པའི་དབུ་རྒྱུན་ཡོད། །ཚེ་དཔག་མེད་པའི་ཚེ་བུམ་ནས། །ཚེ་ཡི་བདུད་རྩི་འཕྱུར་བ་ཡོད། །དེ་སོགས་རང་བྱོན་ཡོད་ཚུལ་ནི། །སྤྲུལ་སྐུའི་གནས་ཡིག་ཉིད་ན་གསལ། །འདི་རུ་བྲི་བར་མ་ལོང་ངོ། །ཨོ་རྒྱན་གསང་ཆབ་ཆུ་མིག་ཏུ། །བྱིན་གྱིས་རླབས་པ་ཡོད་པ་ནི། །གྲིབ་ཅན་རྣམས་ཀྱིས་འཁྱོར་ཆུའི་དག །བྱས་ན་སྐམ་དོག་མ་བསྟན་གསུངས། །དེ་ནས་ཛྙཱ་ན་ཏ་པ་དང་། །མི་ཏྲ་ཇོ་ཀི་ལ་སོགས་པ། །རྒྱ་གར་གྲུབ་ཆེན་འགའ་རེ་དང་། གྲུབ་ཆེན་གྲགས་པའི་དཔལ་ཞབས་དང་། །དྷརྨེ་ཤྭ་ར་ལ་སོགས་པ། །སྐྱེས་བུ་དམ་པ་དུ་མ་ཡིས། །གནས་རི་བཟང་བར་

[Full Size]

གཟིགས་ནས་ཀྱང་། །ཞབས་ཀྱིས་བཅགས་ཤིང་དོན་གྱིས་ནི། །གནས་རི་བྱིན་གྱིས་རླབས་པར་ངེས། །རིག་འཛིན་སེམས་དཔའ་མཆོག་རྣམས་ཀྱིས། །གནས་བྱིན་གྱིས་བརླབས་པའི་ལེའུ་སྟེ་གཉིས་པའོ།། ༈ །།གསུམ་པ་གནས་སྒོ་འབྱེད་ཚུལ་ནི། །སྔོན་ཚེ་སློབ་དཔོན་པདྨ་ཡིས། །གནས་ཆེན་གནས་ཕྲན་ཐམས་ཅད་ལ། །ཡེ་ཤེས་ལས་དང་འཇིག་རྟེན་གྱི། །བཀའ་སྲུང་སྒོ་སྲུང་མང་དུ་བསྐོས། །མ་འོངས་འགྲོ་དོན་དུས་བབས་ཚེ། །ལས་ཅན་སྐྱེས་བུ་འབྱུང་བའི་ཚེ། །གནས་སྒོ་གཏོད་ལ་ཕྲིན་ལས་སྒྲུབས། །སྐལ་མིན་དུས་མིན་སྒོ་ཕྱེ་བ། །དེ་ཡི་སྙིང་ཁྲག་ཐང་ལ་ཕོས། །ཞེས་གསུངས་བཀའ་བསྒོས་དམ་བཞག་མཛད། །ཁྱད་པར་སྤོམ་ཎེའི་བྲག་ར་འདི། །ལས་མགོན་བྱ་རོག་གདོང་ཅན་zདང་། །ཡུམ་ཆེན་ལྷ་མོ་རྩ་འཇིབ་མ། །བཀའ་སྲུང་ནག་མོ་ཀླུ་འདུལ་དང་། །ས་བདག་ཧ་ས་གནྡྷ་དང་། །བཞི་ལ་བཀའ་སྲུང་གཉེར་དུ་གཏད། །དེ་ཕྱིར་སྐྱེས་བུ་དམ་པ་རྣམས། གནས་ཆེན་ཡིན་པར་དགོངས་ན་ཡང་། །གནས་སྒོ་འབྱེད་པའི་དབང་མེད་དོ། །སྤྱིར་ནི་གནས་ཆེན་གནས་ཕྲན་རྣམས། །ལ་ལ་སྔར་ནས་གནས་སྒོ་ཕྱེས། །འགྲོ་དོན་རྫོགས་ནས་

[Full Size]

སྐོར་མཁན་ཉུང་། །ལ་ལ་བར་སྐབས་གནས་སྒོ་ཕྱེས། །ད་རུང་འགྲོ་དོན་མ་རྫོགས་པས། །སྐོར་མཁན་དག་ཀྱང་ཅི་རིགས་འབྱུང་། །ལ་ལ་ད་རུང་དུས་མ་བབས། །མ་འོངས་དུས་ལ་བབ་པའི་ཚེ། །གནས་སྒོ་ཕྱེ་བས་འགྲོ་དོན་འབྱུང་། །གནས་སྒོ་ཕྱེ་མཁན་གང་ཟག་ནི། །བླ་མ་སྔགས་པ་མི་སྐྱ་དང་། །སྨོན་པ་བྱ་བྲལ་རྟོགས་ལྡན་སོགས། །ལྟར་སྣང་བཟང་ངན་ཅི་བྱུང་ཡང་། །སྤྲུལ་པ་དོན་གྱི་འགྲོ་དོན་ཡིན། །ཅི་ཕྱིར་ཚུལ་མིན་ཐོ་ཅོ་ཅན། །ཡིན་ན་སྒོ་སྲུང་གནས་བདག་གིས། །སྲོག་གི་དབང་པོ་སྣུབ་པར་ངེས། །ཁྱད་པར་སྤོམ་ཎེ་རྡོ་རྗེ་ཡི། །བྲག་གི་ར་བའི་གནས་ཆེན་འདི། །གནས་སྒོ་འབྱེད་པའི་གང་ཟག་ནི། །སྔོན་ཚེ་ཨོ་རྒྱན་ཆེན་པོ་ཡིས། །གཏེར་ཁ་དུ་མར་ལུང་བསྟན་ཏེ། །སངས་རྒྱས་གླིང་པའི་བཀའ་ཐང་རྒྱས་པ་དང་། །ཨོ་རྒྱན་གླིང་པའི་བཀའ་ཐང་འབྲིང་པོ་གཉིས། །ཚིག་མཐུན་གཏེར་ཆེན་བཞི་བཅུ་ཞེ་དགུ་ཡིས། །རྫོགས་སོ་མི་འགྱུར་རྡོ་རྗེས་ལུང་བསྟན་ལ། །རྡོ་རྗེ་ནང་དམེ་དམ་འཁྲུག་བྱེད་པའི་ཡུལ། །གཙུག་གིས་བློ་གཏད་སྤྱི་ཡི་དཔོན་དུ་འགྱུར། །མཐུ་དང་ནང་འཁྲུག་དུག་ནད་དར་བའི་དུས། །རྟེན་དང་མཆོད་ཆ་རང་བྱོན་སྤྱི་འབྱམས་ཞེས་བྱའི་

[Full Size]

གནས། །གཡས་ཀྱི་བྲག་དཀར་གནམ་འཕྱོང་གཏེར་ཁ་ནི། །མི་བཞག་འདོན་པའི་རྟགས་དེ་བསྟན་ནས་བླང་། །གཏེར་སྟོན་མི་འགྱུར་རྡོ་རྗེ་ཞེས་བྱ་འབྱུང་། །ཁམས་ཀྱི་ཕྱོགས་ཀྱི་གཏེར་ཁ་བརྒྱ་ལ་དབང་། །ཞེས་གསུངས་དེ་བཞིན་རྒྱལ་པོ་བཀའ་ཐང་ལས། །ཤཱཀྱའི་ཞིང་ཁམས་མདོ་ཁམས་ཞེས་པ་ན། །གསང་སྔགས་ཐེག་ཆེན་སྤྱོད་པའི་རྣལ་འབྱོར་པ། །སྔགས་ཀྱི་བདག་པོ་རྡོ་རྗེ་གྲགས་ཞེས་འབྱུང་། །དེ་ནས་འཕོས་ཏེ་སྤྱོད་པ་རླབས་ཆེན་མཛད། །སྟོང་གསུམ་འཇིག་རྟེན་འདི་ཡི་བྱང་ཕྱོགས་སུ། །ཞིང་ཁམས་རྣམ་དག་ཙནྡན་ནགས་ཞེས་སུ། །དེ་བཞིན་གཤེགས་པ་སྐྱེས་བུ་ཁ་ལོ་སྒྱུར། །བླ་མེད་སྟོན་པ་སུམ་སྟོང་འདུས་པ་འབྱུང་། །རྒྱལ་བ་ཡེ་ཤེས་ཀུན་བཟང་ཞེས་བྱ་འབྱུང་། །ཞེས་གསུངས་རཏྣ་གླིང་པའི་གཏེར་ཁ་ཡི། །གཏེར་ཁ་སྤྱི་ཡི་ལུང་བསྟན་འབྲིང་པོ་ནས། །ཆོས་དབྱིངས་རྡོ་རྗེའི་སྐུ་རིང་ལ། །གཏེར་སྟོན་མི་འགྱུར་རྡོ་རྗེ་འབྱོན། །གནས་མཆོག་དེ་ཡི་གཏེར་རྣམས་འབྱོན། །ཁམས་ཀྱི་གཏེར་ཁ་བརྒྱ་ལ་དབང་། །ཞེས་སམ་རཏྣ་གླིང་པའི་གཏེར་ཁ་ཡི། །ཆོས་ཀྱི་བརྒྱུད་པ་འཛིན་པ་ལུང་བསྟན་པ། །རྡོ་རྗེའི་མིང་ཅན་ངོམ་གྱི་ཕྱོགས་ནས་

[Full Size]

འབྱུང་། །གཏེར་སྟོན་ཁྱོད་དང་རྟེན་འབྲེལ་འགྲིགས་པའམ། །འོན་ཏེ་ཡིན་ཀྱང་མ་འོངས་ཆོས་ལ་སྤྱོད། །ཅེས་གསུངས་བདུད་འདུལ་རྡོ་རྗེའི་གཏེར་ཁ་ནས། །ཤུད་བུ་དཔལ་སེང་བླ་མ་ཡབ་ཡུམ་གྱིས། །རིན་ཆེན་མཎྜལ་སྤྱི་བོའི་གཙུག་ཏུ་ཕོག །ཡི་དམ་ལྷ་དབང་རིག་པའི་རྩལ་དབང་ཐོབ། །མ་འོངས་མདོ་ཁམས་རི་ཆེན་ཉེ་བ་ན། །རྡོ་རྗེའི་མིང་འཛིན་ཁ་བྱང་འཛིན། །མཐོང་ཐོས་སྐྱེ་འགྲོ་ངན་སོང་མེད་པར་འགྱུར། །རྟེན་འབྲེལ་ལོག་པའི་དམ་སེལ་མ་བྱུང་ན། །ཟབ་གསང་ཆོས་ཀྱི་བདག་པོར་སྨོན་ལམ་རྒྱ་ཡིས་བཏབ། །ཅེས་གསུངས་གཏེར་ཁ་དུ་མར་ལུང་བསྟན་པའི། །སྤྲུལ་སྐུ་འདི་ཡི་ངོ་བོ་གང་ཞེ་ན། །ཉིད་ཀྱི་གནམ་ཆོས་ཐུགས་ཀྱི་གཏེར་ཁ་ནས། །བེ་རོ་ཙ་ནའི་སྐུ་ཡི་སྤྲུལ། །ཤུད་བུ་དཔལ་སེང་གསུང་གི་སྤྲུལ། །ལང་གྲོ་དཀོན་མཆོག་ཐུགས་ཀྱི་སྤྲུལ། །།སྣ་ནམ་ཡེ་ཤེས་ཡོན་ཏན་སྤྲུལ། །ཤྲཱི་བཛྲ་ཕྲིན་ལས་སྤྲུལ། །ཨོ་རྒྱན་ང་ཡི་སྤྲུལ་པ་ཡིན། །ཞེས་གསུངས་དོན་དང་མཐུན་པ་སྟེ། །དབང་དྲག་རྒྱ་མཚོའི་ཞལ་ཆེམས་ལས། །ང་ནི་འདི་ནས་ཚེ་འཕོས་ནས། །རི་བོ་ཆེ་དང་ཀརྨ་ཡི། །སྟེང་མཚམས་གཅིག་ཏུ་སྐྱེ་བ་ལེན། །གཏེར་སྟོན་མི་འགྱུར་རྡོ་རྗེ་

[Full Size]

སྟེ། །གཏེར་དང་གནས་སྒོ་ཕྱེ་བར་གསུངས། །ལུང་བསྟན་དེ་དང་རྗེས་མཐུན་པར། །དང་པོ་དབང་དྲག་རྒྱ་མཚོ་དེ། །ཞིང་བརྗེས་དམྱལ་བའི་གནས་སུ་བྱོན། །འབྲེལ་ཐོགས་འགྲོ་བ་དཔག་མེད་པ། །དྲངས་ཚུལ་བར་དོའི་རྣམ་ཐར་ཡོད། །སྔོན་གྱི་གཏེར་ཁ་འགའ་རེ་ནས། །གཡོ་སྟོད་ཕྱོགས་སུ་འཁྲུངས་གསུངས་ལྟར། །དེ་རུ་སྐྱེ་བ་གཅིག་བླངས་ཀྱང་། །བར་ཆད་དབང་གིས་ཆུང་ངུ་ནས། སྐུ་གཤེགས་ཟངས་མདོག་དཔལ་རིར་བྱོན། །ཨོ་རྒྱན་ཆེན་པོས་དབང་བསྐུར་ནས། །བོད་ཀྱི་སེམས་ཅན་རྣམས་ཀྱི་དོན་དུ་བརྫོང་། །ཁམས་ཀྱི་གཏེར་དང་གནས་སྒོ་རྣམས། །ཕལ་ཆེར་ཁྱོད་ཀྱིས་དབང་བ་ཡིན། །ཁྱད་པར་སྤོམ་ཎེ་བྲག་ར་ཡི། །གནས་སྒོ་འབྱེད་པ་རེམ་རེམ་གསུངས། །ཕྱག་མཛུབ་ནས་འཇུས་གསུང་བསྒོས་མཛད། །དེ་ལྟར་བྱེད་པའི་དམ་བཅའ་ཕུལ། །དེ་ནས་སྔོན་གྱི་ལུང་བསྟན་ལྟར། །སྐུ་འཁྲུངས་རྟགས་དང་རྟེན་འབྲེལ་སོགས། །བྱུང་ཚུལ་རྣམ་ཐར་རྒྱས་པར་གསལ། །དགུང་ལོ་བཅུ་བཞི་གནམ་འཕྱང་ལོ། །ཐ་སྐར་ཟླ་བའི་དམར་པོའི་ཕྱོགས། །རྒྱལ་བ་ལྷ་ལས་བབ་པའི་དུས། །དུས་ཆེན་ཉིད་ལ་སྒོ་ཕྱེས་སོ། །འཇིག་རྟེན་སྲུང་མར་

[Full Size]

བསང་མཆོད་བརྔན། །ཡེ་ཤེས་ལྷ་ལ་ཚོགས་མཆོད་ཕུལ། །དེ་ནས་ལྷ་ངོ་སྤྲད་པར་མཛད། །སྤྲད་ཚུལ་གནས་ཡིག་ཉིད་ལ་གསལ། །གནས་སྒོ་ཕྱེ་བའི་ལེའུ་སྟེ་གསུམ་པའོ།། ༈ །དེ་ནས་གནས་ཆེན་གནས་ཕྲན་འདི་རྣམས་བོད་དུ་ཡོད་ཚུལ་གྱི་ལུང་བསྟན་ནི། འདུལ་བ་ལུང་ལས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྱང་ཕྱོགས་གངས་རིའི་ཁྲོད་ན་ས་རྡོ་བེམ་པོས་ཀྱང་སེམས་ཀྱི་དོན་བྱེད་པ་ཡོད་དོ་ཞེས་གསུངས་པ་དང་། འཕགས་པ་གཤིན་རྗེའི་གཤེད་གསལ་ཤིང་རྒྱུད་ལས། ཉི་ཤུ་རྩ་བཞི་གནས་ཀྱི་མཆོག །ཉི་མ་བྱང་ཤར་མཚམས་ཤེད་ན། །འདི་ནས་རི་བོ་ནག་པོ་བཅུ་གསུམ་འདས་པ་ན། །གངས་རིའི་བསྐོར་བའི་ར་བ་ན། །རྡོ་རྗེ་ཕག་མོའི་དཀྱིལ་འཁོར་གནས། །ཞེས་གསུངས་པ་དང་། དུར་ཁྲོད་མངོན་འབྱུང་གི་རྒྱུད་ལས། ཀུན་དགའ་གཞོན་ནུའི་གྲོང་ཁྱེར་ན། །བདེ་གཤེགས་ཞི་ཁྲོའི་ཕོ་བྲང་གནས། །ཞེས་གསུངས་སོ། །།ཨོ་རྒྱན་ཆེན་པོའི་རྣམ་ཐར་གསེར་གྱི་ཕྲེང་བ་རཏྣ་གླིང་པའི་གཏེར་མ་ལས། མཆིམས་ཕུའི་སྣ་དྲངས་བོད་ཀྱི་ཡུལ་གནས་མ་ལུས་པ། གངས་རི་ཏི་སེ་མན་ཆད་ཁམས། ཙོང་ཁ།་ལྕིམ་བྲག །རྒྱ་ནག་རི་བོ་རྩེ་

[Full Size]

ལྔ། གན་འཇང་། ཧུ་དང་ལི་ཡུལ། གྲུ་གུ་ཀོང་པོ་རྒྱ་ལ། མོན། སྟག་སྒོ། བུམ་ཐང་། སྤོམ་ཎེ་ལ་སོགས་ཐམས་ཅད་དུ། སྒྲུབ་གནས་གཏེར་སྒོ། ས་གཞི་ཐམས་ཅད་བྱིན་གྱིས་བརླབས་ཤིང་། འགྲོ་དོན་དཔག་ཏུ་མེད་ཅིང་ཐམས་ཅད་སྨིན་གྲོལ་ལ་བཀོད་དོ། །མཆོག་གི་སྒྲུབ་གནས་ལྔ། ངོ་མཚར་གྱི་གནས་མཆོག་ཉི་ཤུ་རྩ་ལྔ། གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས། དེ་ལ་སོགས་པ་རྣམས་སུ་མ་འོངས་མཐོང་ཐོས་དྲན་རེག་ཐམས་ཅད་གྲུབ་པ་ཐོབ་ཅིང་དངོས་གྲུབ་ཐོབ་པ་ནི་དཔག་ཏུ་མེད་པར་མཛད། ཅེས་གསུངས་པའི་ནང་ནས། སྤོམ་ཎེ་རྡོ་རྗེའི་བྲག་ར་ནི་ངོ་མཚར་བའི་གནས་མཆོག་ཉི་ཤུ་རྩ་ལྔའི་ཡ་རྒྱལ་བ་གཅིག་ལགས་སོ། །ཨོ་རྒྱན་ཆེན་པོའི་ལུང་བསྟན་བཀའ་རྒྱ་མ་སྤྲུལ་སྐུ་སངས་རྒྱས་གླིང་པའི་གཏེར་མ་ལས། དེ་བཞིན་གནས་དང་གནས་ཕྲན་ལ་སོགས་དང་། །ཡུལ་དང་ཡུལ་འདྲ་སྦས་པའི་ཡུལ་རྣམས་སུ། །བསྒྲུབས་པ་བྱས་པའི་ཡོན་ཏན་བསམ་མི་ཁྱབ། །ཕལ་པའི་གནས་སུ་ལོ་གཅིག་སྒྲུབ་པ་བས། །དེ་དག་རྣམས་སུ་ཞག་གཅིག་འགྲུབ་ཐག་ཉེ། །དེ་དོན་ཤེས་པར་མཛོད་ཅིག་རྗེས་འཇུག་རྣམས། །ལ་ལར་སངས་

[Full Size]

རྒྱས་རྣམས་ཀྱི་སྤྲུལ་པ་ནི། །ས་རྡོ་རི་བྲག་ལམ་འཕྲང་ལ་སོགས་སུ། །སྐུ་གསུང་ཐུགས་ཀྱི་སྤྲུལ་པ་རང་བྱུང་འབྱོན། །དེ་མཐོང་ཐོས་དང་འབྲེལ་པ་ངན་སོང་མེད། །ཕྱོགས་ནི་མ་ངེས་ཕྱོགས་མཚམས་དབུས་ལ་སོགས། །ཉེ་རིང་མེད་ཕྱིར་ཀུན་ལ་འབྱོན་པར་འགྱུར། །དེ་བཞིན་དུས་ལ་ངེས་མེད་ནམ་ཡང་འབྱོན། །ཡུལ་ལ་ཚད་བཟུང་མེད་དེ་འཁོར་མཐའི་བར། །ཞེས་གསུངས་སོ། །དེས་ན་བཟོ་བོའི་ལག་གི་འདུ་བྱེད་ཀྱི་བཞེངས་མ་དགོས་པར། སངས་རྒྱས་རྣམས་ཀྱི་ཐུགས་རྗེ་དང་བྱིན་རླབས་ཀྱི་སྟོབས་ཀྱིས། རང་བྱུང་དུ་བྱོན་པའི་སྐུ་གཟུགས་དང་ཡིག་འབྲུ་དང་། མཆོད་རྟེན་དང་ལྷའི་ཕྱག་མཚན་ལ་སོགས་པ་འདི་རྣམས་དང་། ལྷ་དང་བཅས་པའི་འགྲོ་བ་ཐམས་ཅད་ཀྱིས་མཆོད་པར་འོས་པའི་རྟེན་མཆོག་ཏུ་གྱུར་པ་ཡིན་པས། །འདི་ལ་བསྐོར་བ་དང་ཕྱག་དང་མར་མེ་དང་ཚོགས་འཁོར་སོགས་བཀུར་བསྟི་བྱས་པའི་ཕན་ཡོན་ནི་དཔག་ཏུ་མེད་དེ། ཅུང་ཟད་ཙམ་ཡིད་ཆེས་ཕྱིར་ལུང་འདྲེན་པར་བྱའོ། །མཆོད་རྟེན་བསྐོར་བའི་ཚིགས་སུ་བཅད་པ་ལས། བཅོམ་ལྡན་ཤཱཀྱ་ཐུབ་པས་བཀའ་སྩལ་པ། མཆོད་རྟེན་བསྐོར་བ་བྱས་པ་ནི། །མི་ཁོམ་བརྒྱད་རྣམས་སྤངས་བར་འགྱུར། །མཆོད་རྟེན་བསྐོར་

[Full Size]

བ་བྱས་པ་ནི། །དྲན་དང་ལྡན་ཞིང་བློ་གྲོས་ལྡན། །ཁ་དོག་ལྡན་ཞིང་མཛངས་པ་དང་། །ཐམས་ཅད་དུ་ནི་མཆོད་པར་འགྱུར། །མཆོད་རྟེན་བསྐོར་བ་བྱས་པ་ནི། །ལྷ་དང་དེ་བཞིན་མི་རྣམས་ཀྱིས། །ཚེ་རིང་པ་ཡང་དེ་ཡིས་ཐོབ། །གྲགས་པ་ཆེན་པོ་འཐོབ་པར་འགྱུར། །མཆོད་རྟེན་བསྐོར་བ་བྱས་ན་ནི། །འཛམ་བུ་གླིང་གི་རིགས་ཀྱི་མཆོག །ཆེ་རིགས་ཡོངས་སུ་དག་པ་དང་། །བློ་ལྡན་དུ་ཡང་སྐྱེ་བར་འགྱུར། །མཆོད་རྟེན་བསྐོར་བ་བྱས་ན་ནི། །ཁ་བཞིན་དག་ཀྱང་བཟང་བ་དང་། །མདོག་སྡུག་པ་དང་མཁས་པ་དང་། །བདེ་བར་གནས་པ་ཐོབ་པར་འགྱུར། །ཕྱུག་ཅིང་ནོར་ཡང་མང་བ་དང་། །སེར་སྣ་མེད་ཅིང་གཏོང་ཕོད་དང་། །སྦྱིན་པ་དག་ལ་དགའ་བར་འགྱུར། །ཡིད་དུ་འོང་ཞིང་ལྟ་ན་སྡུག །མདོག་བཟང་མཐོང་ན་དགའ་བ་དང་། །ལོངས་སྤྱོད་རྒྱ་ཆེན་ཐོབ་པར་འགྱུར། །མཆོད་རྟེན་བསྐོར་བ་བྱས་ན་ནི། །རྒྱལ་རིགས་མཆོག་ཏུ་སྐྱེ་བ་དང་། །བུ་སྨད་དང་ཡང་ལྡན་པ་དང་། །སྟོབས་དང་བརྩོན་འགྲུས་ལྡན་པར་འགྱུར། །མཆོད་རྟེན་བསྐོར་བ་བྱས་ན་ནི། །བྲམ་ཟེ་ཆེ་ཞིང་མཐོང་བ་དང་། །ཚུལ་ཁྲིམས་ལྡན་ཞིང་ཐོས་དང་ལྡན། །རིག་བྱེད་གསང་

[Full Size]

སྔགས་ལྡན་པར་འགྱུར། །མཆོད་རྟེན་བསྐོར་བ་བྱས་ན་ནི། །ཁྱིམ་བདག་ཆེ་ཞིང་མཐོ་བར་སྐྱེ། །ཕྱུག་ཅིང་ནོར་ཡང་མང་བ་དང་། །ནོར་དང་འབྲུ་དང་ལྡན་པར་འགྱུར། །འཛམ་བུ་གླིང་གི་མངའ་བདག་རྗེ། །ས་སྟེང་མཐོ་དག་དབང་བྱེད་པའི། །ཆོས་དང་ལྡན་པའི་རྒྱལ་པོར་འགྱུར། །རིན་ཆེན་བདུན་དང་ལྡན་པ་ཡི། །འཁོར་ལོས་སྒྱུར་བའི་རྒྱལ་པོ་སྟེ། །ཆོས་བཞིན་འཁོར་ལོ་བསྐོར་བར་བྱེད། །མཆོད་རྟེན་བསྐོར་བ་བྱས་ན་ནི། །འདི་ནས་ཤི་འཕོས་མཐོ་རིས་འགྲོ། །སངས་རྒྱས་བསྟན་ལ་དགའ་བར་འགྱུར། །རྣལ་འབྱོར་ལྡན་ཞིང་རྫུ་འཕྲུལ་ཆེ། །མཆོད་རྟེན་བསྐོར་བ་བྱས་ན་ནི། །ཤ་ཟ་དང་ནི་གྲིབ་རྣམས་ཀྱིས། །དེ་ལ་གནོད་པར་མི་ནུས་སོ། །ལོངས་སྤྱོད་དག་ལ་སྐྱོན་མེད་སྤྱོད། །མཆོད་རྟེན་བསྐོར་བ་བྱས་ན་ནི། །བསྐལ་པ་བརྒྱར་ཡང་དེ་དག་རྣམས། །ཞར་བ་རྒུར་སོགས་ཡང་མི་འགྱུར། །ལུས་ཀྱང་རྣམ་པར་དག་པར་འགྱུར། །མཆོད་རྟེན་བསྐོར་བ་བྱས་ན་ནི། །མིག་ཀྱང་རྣམ་པ་དག་པ་དང་། །སྤྱན་རིང་མཐོན་མཐིང་སྡུག་པ་དང་། །ལྷ་ཡི་སྤྱན་ཡང་དེ་ཡིས་ཐོབ། །མཆོད་རྟེན་བསྐོར་བ་བྱས་ན་ནི། །སུམ་ཅུ་རྩ་གསུམ་དབང་ཕྱུག་རྗེ། །རྫུ་འཕྲུལ་ཆེ་བའི་

[Full Size]

བརྒྱ་བྱིན་དང་། །ལྷ་ཡི་དབང་པོ་ཆེན་པོར་འགྱུར། །མཆོད་རྟེན་བསྐོར་བ་བྱས་ན་ནི། །མཐའ་བྲལ་ལྷ་ཡི་རྒྱལ་པོ་དང་། །དེ་བཞིན་ཡོངས་སུ་དགའ་ལྡན་དང་། །འཕྲུལ་དགའ་གཞན་འཕྲུལ་དབང་བྱེད་འགྱུར། །མཆོད་རྟེན་བསྐོར་བ་བྱས་ན་ནི། །ཚངས་པའི་འཇིག་རྟེན་ཚངས་པ་ཡི། །དབང་པོ་ཉིད་དུ་དེ་འགྱུར་ཞིང་། །ལྷ་རྣམས་བྱེ་བ་སྟོང་གིས་མཆོད། །མཆོད་རྟེན་བསྐོར་བ་བྱས་ན་ནི། །དྲན་པ་ཉེ་བར་བཞག་པ་བཞིན། །སེམས་ཅན་ཚད་མེད་བཞི་པོ་དང་། །རྫུ་འཕྲུལ་རྐང་པ་བཞི་ཡང་ཐོབ། །འཕགས་པའི་བདེན་པ་བཞི་པོ་དང་། །བྱང་ཆུབ་ཡན་ལག་འབྲས་བུ་ཐོབ། །མངོན་ཤེས་དྲུག་ལྡན་ཟག་མེད་པ། །ཉོན་མོངས་ཐམས་ཅད་སྤང་བ་ཡིས། །དགྲ་བཅོམ་རྫུ་འཕྲུལ་ཆེན་པོར་འགྱུར། །འདོད་ཆགས་ཐམས་ཅད་སྤངས་བ་དང་། །འཁོར་བ་ཐམས་ཅད་སྤོང་བ་ཡིས། །རང་རྒྱལ་བྱང་ཆུབ་ཐོབ་པར་འགྱུར། །འཇིག་རྟེན་དག་ཏུ་དེ་བཞིན་གཤེགས། །མཚན་རྣམས་ཀྱིས་ནི་བརྒྱན་པ་དང་། །གསེར་གྱི་སྐུ་མདོག་ཐོབ་པར་འགྱུར། །ཞེས་སོགས་དང་། མཁས་པ་གང་གིས་སངས་རྒྱས་མཆོད་རྟེན་ལ། །དགའ་བའི་སེམས་ཀྱིས་གོམ་པ་གཅིག་

[Full Size]

བོར་བའི། །འཛམ་བུ་ཆུ་ཀླུང་གསེར་སྲང་འབུམ་གྲངས་རྙེད། །དེ་ནི་དེ་དང་མཚུངས་པ་ཡོད་མ་ཡིན། །མཁས་པ་གང་གིས་སངས་རྒྱས་མཆོད་རྟེན་ལ། །དགའ་བའི་སེམས་ཀྱིས་གོམ་པ་གཅིག་བོར་བའི། །འཛམ་བུ་ཆུ་ཟླ་གསེར་གྱི་ཕ་ཝང་འབུམ། །དེ་ནི་དེ་དང་མཚུངས་པ་ཡོད་མ་ཡིན། །ཞེས་སོགས་གསུངས་པ་དང་། རྒྱལ་པོ་གསལ་རྒྱལ་གྱིས་ཞུས་པའི་མདོ་ལས། སུ་དག་དད་པ་ཐོབ་པའི་མཆོད་རྟེན་ནམ། །སྐུ་གཟུགས་གང་ལ་སྐོར་བ་བྱེད་པ་དང་། །ཕྱི་མའི་དུས་ན་དགེ་འདུན་རྣམས་ཀྱི་རྒྱུད།། །བཟང་པོའི་སྣོད་གྱུར་ཡོན་ཏན་རྣམས་དང་ལྡན། །ཞེས་དང་། འཕགས་པ་སྤྱན་རས་གཟིགས་ཀྱི་མདོ་ལས། སྲོག་ཆགས་ཀུན་ལ་ཕན་པའི་ཕྱིར། །བྱང་ཆུབ་ཏུ་ནི་སེམས་བསྐྱེད་ནས། །འཇིག་རྟེན་མགོན་གྱི་མཆོད་རྟེན་ལ། །སུ་ཞིག་བསྐོར་བ་བྱས་ན་ནི། །སྐྱེ་བ་དག་ནི་ཐམས་ཅད་དུ། །བྱང་ཆུབ་སངས་རྒྱས་སྤྱོད་པའི་ཚེ། །དྲན་དང་ལྡན་ཞིང་བློ་གྲོས་ལྡན། །བསོད་ནམས་ལྡན་ཞིང་འཇིགས་མེད་འགྱུར། །ཞེས་དང་། འཇིག་རྟེན་མགོན་གྱི་མཆོད་རྟེན་ལ། །མི་གང་སྐོར་བ་བྱེད་པ་ཡི། །བསྔགས་པ་བསྐལ་པ་བྱེ་བར་ཡང་། །བརྗོད་པས་ཟད་པར་བྱ་མི་

[Full Size]

ནུས། །ཞེས་དང་། མཆོད་རྟེན་བསྐོར་བ་བྱས་ན་ནི། །བརྩོན་འགྲུས་བརྟན་ཞིང་མཐུ་བརྟན་ལ། །བརྟན་ཞིང་རྣམ་པར་སྟོན་བརྟན་དང་། །དེས་ནི་མྱུར་དུ་མཁས་པར་འགྱུར། །ཞེས་སོགས་བཅོམ་ལྡན་འདས་ཀྱིས་བསྐོར་བའི་ཕན་ཡོན་མཐའ་ཡས་པ་གསུངས་པའི་ཕྱིར་བསྐོར་བ་བཅུ་གསུམ་དུང་ཕྱུར་དང་མཉམ་པའོ། །དེ་ཡང་ཕལ་པ་རྣམས་བསྐོར་བ་སུམ་བརྒྱ་དྲུག་ཅུ་བྱས་པ་དང་། ཨོ་རྒྱན་རིན་པོ་ཆེས་བྱིན་གྱིས་རླབས་པའི་གནས་སུ་བསྐོར་བ་གཅིག་བྱས་པ་ཕན་ཡོན་མཉམ་པ་གུ་རུ་རིན་པོ་ཆེ་ཉིད་ཀྱིས་གསུངས་པའི་གོང་གི་ལུང་གིས་གྲུབ་པའོ། །ཁྱད་པར་གནས་འདི་མཇལ་ཞིང་ཕྱག་འཚལ་མཆོད་བསྟོད་བྱས་ན་ཚེ་རིང་བ་དང་ཚེའི་བར་ཆད་ཟློག་པ་སོགས་ཕན་ཡོན་དཔག་ཏུ་མེད་ཅིང་བསམ་གྱིས་མི་ཁྱབ་པར་གསུངས་པ་ནི། འདི་ཉིད་ཚེ་དཔག་མེད་གསུང་གི་གནས་ཡིན་པའི་ཕྱིར། དེ་བཞིན་ཕྱག་འཚལ་བ་དང་མཆོད་བསྟོད་བྱས་པའི་ཕན་ཡོན་ཡང་། འཕགས་པ་སྤྱན་རས་གཟིགས་ཀྱི་མདོ་ལས། བཅོམ་ལྡན་འདས་ཀྱིས་བཀའ་སྩལ་པ། །ངས་ནི་གང་དག་བསྟན་པ་ཡིས། །མི་ཁོམ་བརྒྱད་པོ་དེ་དག་སྤོངས། །སངས་རྒྱས་འབྱུང་བ་རབ་མཛེས་པ། །མཉེས་པར་བྱེད་

[Full Size]

འདི་དལ་བ་ཞིག །མདོག་ལྡན་གཟུགས་ནི་ཕུན་སུམ་ཚོགས། །མཚན་གྱིས་ལེགས་པར་བརྒྱན་པ་དང་། །མཐུ་དང་སྟོབས་དང་ལྡན་པར་འགྱུར། །ལེ་ལོ་ཅན་དུ་དེ་མི་འགྱུར། །དེ་ནི་ཕྱུག་ཅིང་ནོར་འཕེལ་འགྱུར། །བསོད་ནམས་ལྡན་ཞིང་རྫི་བ་མེད། །འཇིག་རྟེན་སྒྲོན་མ་མཉེས་བྱས་ནས། །ཡང་དང་ཡང་དུ་བསྟི་སྟང་བྱེད། །ཚོང་དཔོན་ཁྱིམ་དང་རྒྱལ་པོ་དང་། །ཕྱུག་པོ་རྣམས་སུ་སྐྱེ་བར་འགྱུར། །དཔའ་ཞིང་སྦྱིན་པའི་བདག་པོར་འགྱུར། །གཏོང་བ་གཏོང་ཞིང་སེར་སྣ་མེད། །རིས་བསྐོར་རྒྱ་མཚོ་ཚུན་ཆད་ཀྱི། །ས་ཀུན་ལ་ནི་གང་ཟློསྟོན་པ། །གླིང་བཞི་དག་གི་དབང་ཕྱུག་བླ། །རྒྱལ་པོ་ཆོས་དང་ལྡན་པར་འགྱུར། །འཁོར་ལོས་སྒྱུར་བ་རྫུ་འཕྲུལ་ཆེ། །རིན་ཆེན་བདུན་དང་ལྡན་པར་འགྱུར། །རྒྱལ་སྲིད་གནས་ནས་སངས་རྒྱས་ལོ། །ཡང་དང་ཡང་དུ་བསྟི་སྟང་བྱེད། །འདི་ནས་ཤི་འཕོས་མཐོ་རིས་སུ། །སོང་ནས་སངས་རྒྱས་བསྟན་ལ་དད། །ལྷུན་པོ་ཟོམ་གྱི་དབང་ཕྱུག་པོ། །ལྷ་ཡི་དབང་པོ་བརྒྱ་བྱིན་འགྱུར། །ཞེས་དང་། གང་ཞིག་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ལ། །བསྐལ་པ་བྱེ་བ་བརྒྱ་སྟོང་བསྟི་སྟང་བྱེད་པ་བས། །གང་ཞིག་ཕྱི་དུས་མི་ཟད་བསྐལ་པ་འདི་ལ་

[Full Size]

ནི། །མཆོད་རྟེན་ཕྱག་འཚལ་དེ་ཡི་བསོད་ནམས་ཆེས་མང་ངོ། །ཞེས་གསུངས་སོ། །མར་མེ་ཕུལ་བའི་ཕན་ཡོན་ཡང་། མདོ་དེ་ཉིད་ལས། སངས་རྒྱས་མཆོད་རྟེན་མར་མེ་གཅིག་ཕུལ་ན། །འདི་ནས་བཟུང་སྟེ་སྲིད་པའི་རྩེ་མོའི་བར། །སངས་རྒྱས་ཞིང་གི་འཛམ་གླིང་གསེར་གྱིས་གང་། །དེ་འདྲའི་དཔའ་དེ་ཟད་པར་བྱ་མི་ནུས། །བཅོམ་ལྡན་མཆོད་རྟེན་མར་མེ་ཕུལ་བྱས་ན། །དེ་ཡི་ལུས་ནི་མདོག་ངན་ཡོངས་མི་འགྱུར། །གཟུགས་མཆོག་སྲ་ཞིང་ལག་པ་གཟུ་བ་འདྲ། །སྣང་བ་ཐོབ་ནས་འཇིག་རྟེན་ཀུན་ཏུ་ཡང་། །གལ་ཏེ་ཁྲག་ཁྲིག་བརྒྱ་སྟོང་སངས་རྒྱས་ཞིང་། །ཡུངས་འབྲུ་དག་གིས་ཕྱུར་བུར་གང་གྱུར་པ། །བགྲང་བ་དང་ནི་གཞལ་ཞིང་བརྗོད་པར་ནུས། །བདེ་གཤེགས་མར་མེ་གཅིག་ཕུལ་དེ་zལྟར་མིན། །ཞེས་དང་། མར་མེ་འབུལ་བ་ཞེས་པའི་མདོ་ལས། མར་མེ་ཕུལ་བའི་རྣམ་སྨིན་འདི་ཡིན་ཏེ། །འཆི་དུས་བྱེད་ཚེ་དྲན་པ་ཉམས་མི་འགྱུར། །དེ་ལ་ཕྱོགས་རྣམས་སྣང་ཟློབར་བྱེད་པར་འགྱུར། །སྔོན་ཆད་མ་མཐོང་གཟུགས་བཟང་རྣམས་ཀྱང་མཐོང་། །དེ་ནས་ཤི་འཕོས་མཐོ་རིས་ངེས་འགྲོ་ཞིང་། །ལྷ་ཡི་སྟན་ལ་དེ་ལུས་འདུག་པ་ཤེས། །ཞེས་གསུངས་

[Full Size]

སོ། །བདེ་བར་གཤེགས་པའི་མཆོད་རྟེན་རང་བྱོན་དུ་ཡོད་པའི་གནས་བཟང་པོ་འདི་ལྟ་བུ་ལ། དར་ལྕོག་བཙུགས་པའི་ཕན་ཡོན་ཡང་འཕགས་པ་སྤྱན་རས་གཟིགས་ཀྱི་མདོ་ལས། འཇིག་རྟེན་མགོན་པོ་སྐྱོབ་པ་ལ། །དར་གྱི་དབུལ་བ་ཕུལ་བྱས་ནས། །ལྷ་ཡི་དག་དང་མི་རྣམས་ཀྱིས། །དོན་རྣམས་ཐམས་ཅད་འགྲུབ་པར་འགྱུར། །ཞེས་དང་། འཇིག་རྟེན་འགྱུར་ཞེས་མོས་བསྐྱེད་དེ། །བཅོམ་ལྡན་མཆོད་རྟེན་བ་དན་ཕུལ་བྱས་ན། །དེ་ནི་སྐྱེ་བོ་མང་པོས་མཆོད་འོས་འགྱུར། །ཞེས་དང་གསང་སྔགས་རྙིང་མ་མདོ་དགོངས་འདུས་ཞེས་བྱ་བ་ལས། རླུང་རྟ་དར་བར་བྱེད་པའི་མཆོག །དར་ཤིང་རི་རབ་ལྷུན་པོར་བསྒོམ། །ཞེས་སོགས་དར་ཅོག་བྱ་ཐབས་རྒྱས་པར་གསུངས་ཤིང་། དུག་ཤིང་མིན་པའི་དར་ཤིང་ལ། །དྲི་མེད་དར་ལ་གཟུངས་སྔགས་བྲི། །རི་མཐོ་དགོན་གནས་གྲོང་ཡུལ་དང་། །ཚོང་དུས་མི་མང་འདུ་སར་བཙུགས། །བདེ་བ་ལྡན་ཞིང་སྡུག་བསྔལ་བྲལ། །རླུང་རྟ་བསྐྱེད་ཅིང་བསོད་ནམས་ལྡན། །རླུང་གིས་གང་ཕོག་སེམས་ཅན་ཀུན། །གཟུངས་སྔགས་དེ་ཡིས་ཞིང་དུ་སྐྱེ། །འདི་ཡི་ཕན་ཡོན་བརྗོད་མི་ལང་། །འབད་པར་རིགས་སོ་ས་མ་ཡ། །ཞེས་གསུངས་

[Full Size]

པས་དར་ཅོག་ཕུལ་ན། རླུང་རྟ་དར་ཞིང་བསོད་ནམས་སྐྱེའོ། །ས་གཞན་དུ་དར་ཅོག་སུམ་བརྒྱ་དྲུག་ཅུ་བཙུགས་པ་དང་། གནས་འདིར་དར་ཅོག་གཅིག་བཙུགས་པ་ཕན་ཡོན་མཉམ་མོ། །དེ་བཞིན་དུ་ཚོགས་མཆོད་ལ་སོགས་པ་ཡང་གཞན་དུ་བྱས་པ་བས་གནས་བཟང་པོ་འདི་ལྟར་བུར་བྱས་ན་ཕན་ཡོན་ཆེ་སྟེ། དཔའ་བོ་ཌཱ་ཀི་རང་བཞིན་གྱིས་འདུ་བའི་གནས་ཡིན་ནོ། །དེ་ནས་གནས་འདི་ལ་རང་བྱོན་ངོ་མཚར་ཅན་ཡོད་ཚུལ་སྤྲུལ་སྐུའི་གསུངས་པའི་གནས་ཡིག་ཚིགས་སུ་བཅད་དེ་བརྗོད་པར་བྱ་སྟེ། ༈ ཨེ་མ་ངོ་མཚར་རྨད་དུ་བྱུང་། །ཆོས་སྐུ་ཀུན་ཁྱབ་སྣང་མཐའ་ཡས། །ལོངས་སྐུ་འགྲོ་འདུལ་སྤྱན་རས་གཟིགས། །སྤྲུལ་སྐུ་པད་འབྱུང་འགྲོ་བའི་མགོན། །སྐུ་གསུམ་བླ་མའི་ཕྲིན་ལས་ལ། །ཤཱཀྱའི་རྒྱལ་པོས་ལུང་བསྟན་པའི། །བོད་ཡུལ་ཁ་བ་ཅན་གྱི་ཡུལ། །ཐུགས་རྗེ་ཆེན་པོས་ཞིང་ཁམས་ན། །སྐུ་གསུང་ཐུགས་ཀྱི་གནས་གསུམ་ཡོད། །ཕྲིན་ལས་བཞི་ཡི་གནས་བཞི་ཡོད། །མཆོག་གི་གནས་ཆེན་རྣམ་ལྔ་ཡོད། །གྲུབ་པ་ཐོབ་པའི་གནས་བརྒྱད་ཡོད། །ངོ་མཚར་གནས་མཆོག་ཉེར་ལྔ་ཡོད། །གནས་ཆེན་བརྒྱ་དང་རྩ་བརྒྱད་ཡོད། །གནས་ཕྲན་སྟོང་དང་རྩ་

[Full Size]

གཉིས་ཡོད། །གནས་ནི་དེ་དག་ཐམས་ཅད་ལ། །དགེ་བའི་ལས་ནི་གང་བྱས་པ། །འགྱུར་ནི་སུམ་བརྒྱ་དྲུག་ཅུ་ཡོད། །ངོ་མཚར་གནས་མཆོག་ཉེར་ལྔ་ལགས། །སྤོམ་ཎེ་རྡོ་རྗེའི་བྲག་ར་ན། །མདུན་རི་མཆོད་པ་སྤུངས་འདྲ་ཡོད། །གཡས་རི་རྟ་མཆོག་འདྲ་བ་ཡོད། །རྒྱབ་རི་གླང་ཆེན་འགྱིང་འདྲ་ཡོད། །གཡོན་རི་ནམ་མཁའ་བཏེག་འདྲ་ཡོད། །ཕུག་པ་སེར་པོ་གྲུ་བཞི་ཡོད། །དེ་གཉའ་ལྷོ་སྤྲིན་དམར་པོ་ཡོད། །འོག་ན་ཚ་ཚ་དམར་པོ་གཉིས། །ཕུག་སྒོ་རྨ་བྱའི་གདན་ཁྲི་ཡོད། །སྒོ་སྲུང་བྱ་རོག་གདོང་ཅན་ཡོད། །པདྨ་སཾ་བྷའི་དབུ་ཞྭའི་རྗེས། །མཁའ་འགྲོ་མ་ཡི་འཐེན་གླུ་ཡོད། །ཚེ་དཔག་མེད་ཀྱི་སྤྱན་གཟུགས་དང་། །མཚོ་རྒྱལ་དབུ་ཞྭའི་རྗེས་ཀྱང་ཡོད། །ཨོ་རྒྱན་ཕྱག་མཛུབ་བཙུགས་རྗེས་ཡོད། །ལྷ་མི་གཉིས་ཀྱི་གནས་མཇལ་བའི། །སྒོ་ནི་ཆེ་ཆུང་གཉིས་ཀྱང་ཡོད། །འཇིགས་བྱེད་མེ་ཡི་སྤུ་གྲི་ཡོད། །སྒོ་སྲུང་ཧ་ས་གཅུ་ཡོད། །བཀའ་ཡི་སྲུང་མ་ཀླུ་འདུལ་གྱིས། །སྦྲུལ་དང་སྦལ་པ་མནན་ས་ཡོད། །བྱ་རོག་ཆེན་པོའི་ཡ་མཆུ་དང་། །ལས་མགོན་བྱ་རོག་གདོང་ཅན་ཡོད། །ལྷ་མོ་རྩ་འཇིབ་དམར་མོ་ཡོད། །རྒྱ་མཚོ་གསེར་གྱི་རུས་སྦལ་ཡོད། །ཨོ་རྒྱན་སེང་གེ་ཆིབས་

[Full Size]

བྱོན་པའི། །སེང་གེའི་ལག་གཉིས་རྗེས་ཀྱང་ཡོད། །ཕྱག་གི་རྡོ་རྗེའི་རྗེས་ཀྱང་ཡོད། །གུ་རུ་དྲག་པོའི་སྐུ་རྗེས་ཡོད། །ལྷ་ཡི་ཡུལ་ནས་གདན་དྲངས་པའི། །གསེར་གྱི་ལྷ་ལུག་གཟུགས་ཀྱང་ཡོད། །བར་དོར་བསྒྲོད་པའི་འཕྲང་ཡང་ཡོད། །མཁའ་འགྲོའི་དར་ཐག་འཐེན་ས་ཡོད། །མཁའ་འགྲོ་མ་ཡི་དབུ་རྒྱན་ཡོད། །རུས་སྦལ་ཕྲག་ལ་འཕྱང་བ་ཡོད། །སེང་གེ་ཕྱི་ལྟས་བྱས་པ་ཡོད། །དུང་དཀར་གྱེན་དུ་འགྲོ་བ་ཡོད། །ཟེར་ཆེན་ཉ་མོ་ཐུར་རྒྱུག་ཡོད། །མཁའ་འགྲོ་གཡུ་ཕྱེ་མཆོད་ས་ཡོད། །ཨོ་རྒྱན་གུ་རུའི་ཕྱག་གཉིས་ཀྱིས། །ཕུག་པ་བརྒྱངས་བའི་རྗེས་ཀྱང་ཡོད། །ཀླུ་ཡི་ནོར་བུ་མིག་གསུམ་ཡོད། །མཁའ་འགྲོ་རིགས་བཞིའི་ཀ་བ་ཡོད། །ཚེ་དཔག་མེད་ཀྱི་ཚེ་བུམ་ནས། །བདུད་རྩི་ཡར་ལ་ཕྱུར་བ་ཡོད། །ལྷ་མོ་སྒྲོལ་མའི་རྣ་རྒྱན་ཡོད། །འཕགས་པ་ཕྱག་སྟོང་སྤྱན་སྟོང་ཡོད། །མཁའ་འགྲོ་རིགས་བཞིའི་ནུ་མ་ཡོད། །སྲིན་པོའི་གྲོང་ཁྱེར་གཟུགས་ཀྱང་ཡོད། །རང་བྱོན་མཆོད་རྟེན་སྟོང་རྩ་ཡོད། །ཕྱག་རྡོར་དབུ་ཡི་འདྲ་དཔེ་ཡོད། །མཐའ་ཡི་རྒྱ་མཚོའི་གཟུགས་ཀྱང་ཡོད། །ཐུབ་པ་ལྷ་སྦྱིན་རྩལ་འདྲེན་པའི། །གླང་ཆེན་གཉིས་ཀྱི་གཟུགས་ཀྱང་

[Full Size]

ཡོད། །ཐུབ་པས་དཀའ་ཐུབ་མཛད་པ་ཡོད། །ཚེམས་ཤིང་གཉིས་དང་ཆུ་གཉིས་ཡོད། །མཆོད་རྟེན་རྣམ་དག་དྲུང་དུ་ནི། །དབུ་སྐྲ་བསིལ་བའི་ཚུལ་ཡང་ཡོད། །ལུམ་བི་ཚལ་དུ་སྐུ་འཁྲུངས་ཡོད། །ལྷུམས་སུ་སེམས་ཅན་ཆོས་སྟོན་གཟུགས། །གླང་ཆེན་ཐལ་དཀར་གཟུགས་ཀྱིས་ནི། །ལྷ་ལས་བབས་པའི་ཚུལ་ཀྱང་ཡོད། །རིལ་བ་བུམ་པའི་མཆོད་རྟེན་ཡོད། །གྲོང་ཁྱེར་སེར་སྐྱའི་སྒོ་སྲུང་དུ། །སྤྲིན་གྱི་གསེབ་ནས་བྱོན་ས་ཡོད། །བཙུན་མོ་རྣམས་ཀྱི་སྐུ་གཟུགས་དང་། །བྱང་ཆུབ་ཤིང་དྲུང་སངས་རྒྱས་ཤིང་། །བདུད་བཏུལ་བ་ཡི་བཀོད་པ་ཡོད། །འདུས་པ་རྣམས་ལ་ཆོས་འཁོར་བསྐོར། །སྤྲེའུས་སྦྲང་རྩི་ཕུལ་བ་ཡོད། །ཐུབ་པ་གནས་བཅུས་བསྐོར་བ་དང་། །རྒྱལ་པོ་ཆེན་པོ་སྡེ་བཞི་ཡོད། །སངས་རྒྱས་ཞིང་ཁམས་སྟོང་རྩ་ཡོད། །འཇམ་དཔའི་དབྱངས་དང་རྟ་མགྲིན་དང་། །ཕྱག་ན་རྡོ་རྗེའི་སྐུ་ཡང་ཡོད། །སངས་རྒྱས་བྱང་སེམས་སྟོང་རྩ་ནི། །བྲག་རྣམས་ཀུན་ལ་ཚོན་པ་ཡོད། །མ་ནིང་ཛོ་ལྷ་ནག་པོའི་སྐུ། །དུང་དཀར་ཡུངས་དཀར་དཱར་བ་དང་། །གྷི་ཝང་མེ་ལོང་བིལ་བ་དང་། །ཞོ་དང་ལི་ཁྲི་ཕུལ་བ་ཡོད། །རྟ་མགྲིན་རྒྱལ་པོའི་དབྱུག་ཐོ་དང་། །གཤིན་རྗེ་གཤེད་

[Full Size]

ཀྱི་དབྱུག་ཐོ་ཡོད། །སྨན་ལྷ་ཁྲི་དང་རྒྱབ་ཡོལ་བཅས། །ཤཱཀ་ཐུབ་གཙོ་འཁོར་གསུམ་པོ་ཡོད། །བྱང་ཆུབ་ཆེན་པོའི་མཆོད་རྟེན་བརྒྱད། །ལྷ་ཀླུ་མི་ཡིས་མཆོད་པ་ཡོད། །གཞན་ཡང་མཆོད་རྟེན་རྣམ་གསུམ་ཡོད། །རྗེ་བཙུན་སྒྲོལ་མའི་རྣ་རྒྱན་ཡོད། །མཆོད་པ་སྣ་ཚོགས་སྤུངས་པ་ཡོད། །རིན་པོ་ཆེ་ཡི་སྲོག་ཞུ་ཡོད། །རིག་འཛིན་ལྔ་ཡི་སྐུ་ཡང་ཡོད། །ཀུན་ཏུ་བཟང་པོའི་བཞུགས་ཁྲི་ཡོད། །ཚེ་དཔག་མེད་ཀྱི་བཞུགས་ཁྲི་ཡོད། །གོས་དཀར་མོ་ཡི་བཞུགས་ཁྲི་ཡོད། །ཨོ་རྒྱན་པདྨའི་བཞུགས་ཁྲི་ཡོད། །སྐུ་གསུང་ཐུགས་ཀྱི་མཆོད་རྟེན་གསུམ། །ཨོཾ་ཨཱཧཱུྃ་གི་ནང་གཞུག་ཡོད། །ལོངས་སྐུ་རྣམ་པར་སྣང་མཛད་ཡོད། །ཁྲོ་རྒྱལ་མི་གཡོ་མགོན་པོ་ཡོད། །ཚ་ཚ་མཆོད་རྟེན་བརྒྱད་མ་ཡོད། །ཚེ་དཔག་མེད་ཀྱི་རྒྱབ་ཡོལ་ཡོད། །དུར་ཁྲོད་བདག་པོའི་དབུ་དཔེ་ཡོད། །བཅུ་གཅིག་ཞལ་གྱི་མཚོན་བྱེད་ཡོད། །མཁའ་འགྲོ་མ་ཡི་ཚོགས་ཀྱང་ཡོད། །ཚེ་དཔག་མེད་ཀྱི་སྐུ་ཡང་ཡོད། །མཁའ་འགྲོ་མ་ཡི་འོ་རྒྱུན་ཡོད། །བདུད་ཀྱི་མཆོད་རྟེན་མགོ་ཐུར་ཡོད། །མཁའ་འགྲོ་བྲན་མོའི་ཚོགས་ཀྱང་ཡོད། །ཨོ་རྒྱན་རབ་གནས་མཐོར་བ་ཡོད། །ཐུབ་པ་དང་ནི་ཀུན་དགའ་བོར། །

[Full Size]

མཆོད་རྟེན་བརྒྱད་ཀྱིས་བསྐོར་བ་ཡོད། །ཕྱག་ན་རྡོ་རྗེའི་ཞབས་རྗེས་ཡོད། །ཨོ་རྒྱན་བྱ་རྒོད་ཆིབས་པ་ཡི། །གཤོག་པའི་འདྲ་དཔེ་གསལ་པོར་ཡོད། །མཁའ་འགྲོ་མ་ཡི་གཏོར་གསོས་ཡོད། །མཁའ་འགྲོའི་ཚོགས་ཕུད་བླངས་རྗེས་ཡོད། །ཁྲོ་བཅུའི་ཐོད་སྐམ་དབུ་རྒྱན་ཡོད། །གྲི་བཙན་འདུལ་བ་བྱེད་པ་ཡིས། །མཆོད་རྟེན་འབུར་མང་ཞེས་བྱ་ཡོད། །བཀའ་སྲུང་འབུར་མང་ཞེས་བྱ་ཡོད། །ཚངས་པ་དང་ནི་མཁའ་འགྲོ་མས། །མཆོད་རྟེན་བསྐོར་ལམ་བྱས་ན་ཡང་། །མཆོད་རྟེན་གནམ་བཏེག་ནང་ཚུད་པས། །ལམ་མོ་བཏོད་པའི་གཟུགས་ཀྱང་ཡོད། །ལྷ་ཆེན་ཚངས་པའི་གཟིགས་སྐར་དང་། །པདྨ་འདབ་སྟོང་སྟོང་ཡང་ཡོད། །མཁའ་འགྲོ་མ་ཡིས་གཟིགས་སྐར་ཡོད། །མཆོད་རྟེན་སྣང་བ་མཐའ་ཡས་ཡོད། །མཆོད་རྟེན་མཐོང་བ་བཟང་པོ་ཡོད། །མཆོད་རྟེན་གནམ་བཏེག་ཅེས་བྱ་ཡོད། །རྒྱ་མཚོ་ཆུ་ཡི་འཁྱིལ་ཡང་ཡོད། །ཚེ་དཔག་མེད་ཀྱི་བརྙན་གཟུགས་ཡོད། །མཁའ་འགྲོ་རྡོ་ཡི་ཕོ་བྲང་ལས། །རྡོ་ཡི་ཀ་བ་བརྒྱན་པ་ཡོད། །མེ་ཏོག་ཆུ་སྐྱེས་མང་པོ་ཡོད། །རྣམ་པར་སྣང་མཛད་ཕྱག་བྲིས་ཡོད། །མེ་ཏོག་འདབ་ལྡན་རྗེས་ཀྱང་ཡོད། །ཆེ་དཔག་མེད་ཀྱི་དབུ་རྒྱན་

[Full Size]

ལ། །རིན་ཆེན་ཕྲ་ཡིས་བརྒྱན་པ་ཡོད། །ཚེ་དཔག་མེད་ཀྱི་བཞུགས་ས་ཡོད། །མཆོད་རྟེན་མ་རིག་མུན་བསལ་ཡོད། །རྣམ་སྲས་མདུང་དམར་མདུང་ཡུའི་རྗེས། །བཅོམ་ལྡན་རྡོ་རྗེ་སེམས་དཔའི་སྐུ། །གླང་ཆེན་ལངས་ནས་ཁྲི་བཏེག་གཟུགས། །དེ་ཡི་རྒྱུད་དུ་སྐྱེས་བུ་ནི། །ལས་ཅན་མཇལ་དུ་འགྲོ་ཚུལ་ཡོད། །དཔག་བསམ་ལྗོན་ཤིང་གཟུགས་ཀྱང་ཡོད། །ཤང་པ་ལྷ་མགོན་རྔ་གཤང་ཡོད། །ཨཧྥེ་ར་ཙའི་ཕྲེང་བ་ཡོད། །གཞན་ཡང་མཆོད་རྟེན་མང་པོ་ཡོད། །གོས་དཀར་ལྷ་མོའི་གསང་བ་ཡོད། །ཤིང་ཏོག་བི་ཛོ་པུ་རི་ཡོད། །དེ་ལྟར་རང་བྱོན་ཡོད་པ་རྣམས། །བཅག་དང་འཁྱེར་བ་མི་རུང་སྟེ། །བཀའ་སྲུང་རྣམས་ཀྱིས་ར་མདའ་ཡོད། །དེ་ནས་བསྐོར་བའི་མན་ངག་བཤད། །ཕུག་པ་བྲག་རི་དང་བཅས་པ། །རིན་ཆེན་གཞལ་ཡས་རྒྱ་ཆེའི་ནང་། །གཙོ་བོ་ཚེ་དཔག་མེད་པ་ལ། །སངས་རྒྱས་བྱང་སེམས་དཔག་མེད་ལ། །བསྐོར་བ་དམ་ཡེ་དབྱེར་མེད་བཞུགས། །ཕ་མས་གཙོར་བྱས་སེམས་ཅན་ཀུན། །རང་གིས་ཁྲིད་ནས་བསྐོར་བར་དམིགས། །ལྷ་ཚོགས་རྣམས་ལས་འོད་ཟེར་འཕྲོས། །བདག་དང་སེམས་ཅན་ཀུན་ལ་ཐིམ། །སྡིག་སྒྲིབ་ཚེ་ཡི་

[Full Size]

བར་ཆད་ཞི། །ཚོགས་གཉིས་བསོད་ནམས་རྒྱས་པར་བསྒོམ། །དེ་ནས་གསོལ་འདེབས་བྱེད་འདོད་ན། ༈ ན་མོ་གུ་རུ་སིདྡྷི་ཧཱུྃ། གནས་ནུབ་ཕྱོགས་བདེ་ཆེན་ཞིང་ཁམས་དང་། །དོན་དབྱེར་མེད་རྡོ་རྗེའི་བྲག་ར་ནས། །ལྷ་སྣང་བ་མཐའ་ཡས་ཚེ་དཔག་མེད། །བདག་གསོལ་བ་འདེབས་སོ་ཐུགས་རྗེས་ཟུངས། །གནས་ལྷོ་ཕྱོགས་རི་བོ་གྲུ་འཛིན་དང་། །དོན་དབྱེར་མེད་སྤོམ་ཎེའི་བྲག་ར་ན། །ལྷ་ཐུགས་རྗེ་ཆེན་པོ་སྤྱན་རས་གཟིགས། །བདག་གསོལ་བ་འདེབས་སོ་ཐུགས་རྗེས་ཟུངས། །གནས་ལྷོ་ནུབ་ཟངས་མདོག་དཔལ་རི་དང་། དོན་དབྱེར་མེད་སྤོམ་ཎེའི་སྒྲུབ་ཕུག་ན། །ལྷ་པདྨ་འབྱུང་གནས་རིག་འཛིན་ཚོགས། །བདག་གསོལ་བ་འདེབས་སོ་ཐུགས་རྗེས་ཟུངས། །གནས་ནུབ་ཕྱོགས་ཨོ་རྒྱན་ཕོ་བྲང་དང་། །དོན་དབྱེར་མེད་སྤོམ་ཎེའི་བྲག་ར་ན། །མ་མཁའ་འགྲོ་སྡེ་ལྔ་ཤུགས་འགྲོར་བཅས། །བདག་གསོལ་བ་འདེབས་སོ་ཐུགས་རྗེས་ཟུངས། །གནས་བསིལ་བ་ཚལ་གྱི་དུར་ཁྲོད་དང་། །དོན་དབྱེར་མེད་རྡོ་རྗེ་བྲག་ར་ན། །མགོན་བྱ་རོག་གདོང་ཅན་ཡབ་དང་ཡུམ། །བདག་གསོལ་བ་འདེབས་སོ་ཐུགས་རྗེས་ཟུངས། །གནས་སྐུ་གསུམ་དག་པའི་ཞིང་ཁམས་

[Full Size]

དང་། །དོན་དབྱེར་མེད་རྡོ་རྗེའི་བྲག་ར་ན། །ལྷ་རིག་འཛིན་ཡི་དམ་མཁའ་འགྲོའི་ཚོགས། །བདག་གསོལ་བ་འདེབས་སོ་ཐུགས་རྗེས་ཟུངས། །ལས་ངན་པའི་སྡིག་སྒྲིབ་དག་པ་དང་། །རྐྱེན་ཕྱི་ནང་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །ཞེས་གསོལ་བ་འདེབས་པར་བྱའོ། །ཞེས་བྱ་བ་འདི་ནི་བདག་རྣལ་འབྱོར་པ། རཱ་ག་ཨ་སྱས་རི་བོ་ཆེ་མཇལ་ཞོར་གནས་དེ་མཇལ་བསམ་པ་རྩེ་གཅིག་ཏུ་ཡོད་ཀྱང་སྟབས་མ་བདེ། རང་གི་རི་ཁྲོད་དུ་འོང་ནས་མཚམས་ཀྱི་བཅད་རྒྱ་གཅིག་ལ་བསྡད་ཀྱང་ཀླུ་གནས་དེ་ལ་ཡང་ཡང་ཡིད་ཕྲེང་བར་བྱུང་དུས། རྒྱལ་བས་ཆོས་ཀྱི་འཁོར་ལོ་བསྐོར་བའི་དུས་ཆེན་གྱི་ནུབ་ཉམས་དང་རྨི་ལམ་འདྲེས་པའི་སྐབས་སུ་སྤྲིན་གྱི་ཕུང་པོའི་སྟེང་ན་སངས་རྒྱས་ཚེ་དཔག་མེད་ཀྱི་སྐུ་སྣང་ལ་རང་བཞིན་མེད་པ་ཞིག་མཇལ། དེའི་ཕྱིར་ནུབ་རྨི་ལམ་གྱི་སྣང་བར་སྤོམ་ཎེ་བྲག་རའི་གནས་ཡིག་སྔར་མ་མཐོང་བ་ཞིག་ལག་ཏུ་གཏད་བྱུང་བ་ལ་བལྟས་པས། །ལྷའི་སྐད་དང་། ཀླུའི་སྐད། མིའི་སྐད་དང་། རྒྱ་སྐད་སུམ་རྩ་ག་ཡོད་པ་ཞིག་གདའ། ཚིག་རྣམས་ཡིད་ལ་མ་ཟིན་ཀྱང་རྟེན་འབྲེལ་གཅིག་ཡོད་པ་འདྲ་བསམས་པས་སྔར་སྤྲུལ་སྐུས་

[Full Size]

གསུངས་པའི་གནས་ཡིག་ལ་གཞིར་བྱས། མདོ་རྒྱུད་བཀའ་གཏེར་གྱི་ལུང་གིས་བརྒྱན་ཏེ་ཆུ་སྟོད་ཟླ་བའི་ཡར་ཚེས་དྲུག་ལ་ཨ་རཱ་གས་རྫོགས་པར་བྲིས་པ་ལ་ཉེས་འགལ་མཆིས་ན་གནས་བདག་ཌཱ་ཀིའི་ཚོགས་ལ་བཤགས་ཤིང་དགེ་བས་འབྲེལ་ཚད་ཐམས་ཅད་བདེ་ཆེན་ཞིང་དུ་སྐྱེ་བར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནས་ཆེན་རཱ་ཛ་རྫོང་གི་གནས་ཡིག

[Full Size]

གནས་ཆེན་རཱ་ཛ་རྫོང་གི་གནས་ཡིག་བཞུགས་སོ།

[Full Size]

ན་མོ་གུ་རུ་སིདྡྷི་ཧཱུྃ། བླ་མ་ཡི་དམ་དབྱེར་མེད་པའི། །འགྲོ་བ་ཀུན་གྱི་གཙུག་གི་རྒྱན། །དགོས་འདོད་ཀུན་འབྱུང་ཡིད་བཞིན་ནོར། །པདྨ་འབྱུང་གནས་ཞབས་ལ་འདུད། །སྔོན་གྱི་བཀའ་བརྒྱུད་ཐམས་ཅད་ཀྱིས། །ཉམས་མགུར་གནས་བསྟོད་མཛད་པ་ལྟར། །ཁྱུང་ཆེན་རྗེས་སུ་བྱེ་སླེབ་ལྟར། །རྣལ་འབྱོར་ངས་ཀྱང་གནས་བསྟོད་ཀྱི། །གླུ་ཞིག་རིག་པ་དྭངས་ཕྱིར་ལེན། །སྔོན་ཚེ་བསྐལ་པའི་དང་པོ་ལ། །དབང་ཕྱུག་འཇིགས་བྱེད་ནག་པོ་དང་། །ཡུམ་གཅིག་དུས་མཚན་དམར་མོ་ཡིས། །འཇིག་རྟེན་ཐམས་ཅད་དབང་དུ་བསྡུས། །གནས་ཆེན་གནས་ཕྲན་བདག་ཏུ་

[Full Size]

བཟུང་། །ལྷ་སྲིན་མ་མོ་བྲན་དུ་ཁོལ། །།འཇིག་རྟེན་མུ་སྟེགས་ལམ་ལ་བཀོད། །དེ་ཚེ་འོག་མིན་ཞིང་ཁམས་ཀྱི། །འཐུག་པོ་བཀོད་པའི་གནས་མཆོག་ནས། །བཅོམ་ལྡན་རྣམ་པར་སྣང་མཛད་དང་། །ཡུམ་ཆེན་ནམ་མཁའི་དབྱིངས་ཕྱུག་གིས། །འཁོར་ལོ་སྡོམ་པ་ཡབ་ཡུམ་སྤྲུལ། །སེམས་དཔའ་ཉི་ཤུ་རྩ་བཞི་དང་། །དཔའ་བོ་དཔའ་མོ་ཉེར་བཞིར་སྤྲུལ། །འོག་མིན་གནས་ནས་ཞིང་འདིར་བྱོན། །འཇིགས་བྱེད་དུས་མཚན་ཞབས་ཀྱིས་མནན། །ཞིང་སྐྱོང་ཡབ་ཡུམ་ཉེར་བཞི་རྣམས། །དཔའ་བོ་དཔའ་མོ་ཉེར་བཞི་ཡིས། །དམ་ལ་བཏགས་ནས་ཞབས་སུ་མནན། །

[Full Size]

འཇིགས་བྱེད་ཡབ་ཡུམ་འཁོར་བཅས་ཀྱིས། །བདག་ཏུ་བཟུང་བའི་གནས་རྣམས་ནི། །བདེ་མཆོག་ཡབ་ཡུམ་འཁོར་བཅས་ཀྱི། །རང་གི་གནས་སུ་བྱིན་གྱིས་རློབས། །དེ་ཚེ་གནས་ཆེན་རཱཛ་རྫོང་། །བདེ་མཆོག་ཡབ་ཡུམ་གནས་ཉིད་དུ། །བྱིན་གྱིས་རླབས་པའི་མངོན་རྟགས་སུ། །རྒྱབ་རི་བདེ་མཆོག་ཡབ་ཡུམ་སྐུ། །མངོན་སུམ་རང་བྱོན་གསལ་བ་བཞུགས། །ཕ་བོང་འཇིགས་བྱེད་དུས་མཚན་གདན། །སྒོ་དང་རྟ་བབས་སྒོ་རྒྱན་སོགས། །རང་བྱུང་དཀྱིལ་འཁོར་ལྷུན་གྱིས་གྲུབ། །ཆོས་འབྱུང་དྲུག་ཅུ་རྩ་བཞི་ནི། །བདེ་མཆོག་དཀྱིལ་འཁོར་ལྷ་གྲངས་རྫོགས། །སྤང་འབུར་ཆོས་འབྱུང་གྲུ་གསུམ་ནི། །ཡུམ་ཆེན་ཕག་མོའི་དཀྱིལ་འཁོར་རྫོགས། །དེ་ནས་ཤཱཀྱའི་བསྟན་པ་ལ། །ཤཱཀ་ཐུབ་མྱ་ངན་འདའ་ཁའི་ཚེ། །སྤྱན་རས་གཟིགས་ཀྱིས་ཞུས་པའི་ངོར། །ཐུབ་པའི་ཞལ་ནས་འོད་ཟེར་ནི། །བྱང་ཕྱོགས་ཁ་བ་ཅན་དུ་འཕྲོས། །ས་གཞི་བྱིན་གྱིས་བརླབས་པའི་ཚེ། །འོད་དེ་གང་དུ་ཕོག་པའི་སར། །སྐུ་གསུང་ཐུགས་རྟེན་རང་བྱོན་བྱུང་། །དེ་ཚེ་འོད་ཟེར་འདིར་ཕོག་རྟགས། །མཆོད་རྟེན་བརྒྱད་པོ་རང་བྱུང་བྱོན། །རིགས་ལྔ་མཚོན་པའི་བྲག་མདོག་ནི། །ཁ་དོག་སྣ་ལྔ་ལྷུན་གྱིས་གྲུབ། །

[Full Size]

དེ་ནས་ཨོ་རྒྱན་པདྨ་འབྱུང་། །སྤྲུལ་པ་བྱེ་བ་ཕྲག་བརྒྱ་ཡིས། །གངས་ཅན་བོད་ཡུལ་ས་གཞི་ཁོལ། །རྟ་རྨིག་ཙམ་ཡང་མ་ལུས་པར། །ཐམས་ཅད་ཞབས་ཀྱིས་བཅགས་ནས་ཀྱང་། །ལྷ་འདྲེ་ཐམས་ཅད་དམ་ལ་བཏགས། །དེ་ཚེ་མཆོག་གི་གནས་ཆེན་ལྔ། །གྲུབ་པ་ཐོབ་པའི་གནས་ཆེན་བརྒྱད། །ལུང་ལྔ་ལྗོངས་གསུམ་གླིང་གཅིག་དང་། །གངས་རི་གཉན་པོ་ཉི་ཤུ་གཅིག །ངོ་མཚར་གནས་མཆོག་ཉི་ཤུ་ལྔ། །གནས་ཆེན་བརྒྱ་དང་རྩ་བརྒྱད་དང་། །གནས་ཕྲན་སྟོང་དང་རྩ་གཉིས་དང་། །སྒྲུབ་པའི་རྫོང་ཆེན་རྫོང་ཆུང་དང་། །མཐའ་དམག་འབྱུང་དུས་གབ་པའི་གནས། །ས་ཁོལ་བྲག་སྐྱིབ་དཔག་མེད་པ། །བྱིན་གྱིས་རླབས་པར་གསུངས་པ་ལྟར། །འདན་གྱི་ཡུལ་ན་རྡོ་རྗེ་རྫོང་། །ཆམ་གྱི་ཡུལ་ན་ན་བུན་རྫོང་། །ལྕི་ཡི་ཡུལ་ན་རཱ་ཛ་རྫོང་། །རཱ་ཛ་རྒྱ་གར་ཟུར་ཆག་སྐད། །རཱ་ཛ་གནས་ཀྱི་རྒྱལ་པོ་ཡིན། །ཨོ་རྒྱན་ཆེན་པོའི་སྒྲུབ་ཕུག་ཡོད། །ཆོས་དང་ནོར་གྱི་གཏེར་ཁ་སྦས། །དེ་ནས་བསྟན་པ་ཕྱི་དར་ལ། །ཨོ་རྒྱན་ཆེན་པོའི་ཐུགས་སྤྲུལ་ཏེ། །འཁོར་ལོ་སྡོམ་པ་མིར་སྤྲུལ་པ། །བླ་མ་དཔལ་ཆེན་སྒ་ལོ་དེ། །ཧེ་རུ་ཀ་ཡི་སྐུར་བཞེངས་ནས། །

[Full Size]

གཟའ་དང་ཀླུ་དང་ཐེའུ་རང་དང་། །ཐོག་སེར་སྡེ་བརྒྱད་དམ་ལ་བཏགས། །སྲ་མཁྲེགས་རྡོ་ལ་ཞབས་རྗེས་བཞག །ཆིབས་དྲེལ་རྗེས་དང་ཐོག་སེར་རྗེས། །རྒྱ་མཚོའི་ཀློང་ནས་ཀླུ་གཉན་རྣམས། །དམ་བཏགས་ཡར་ལ་དྲངས་བའི་གཟུགས། །མངོན་སུམ་ཀུན་གྱིས་མཐོང་བར་ཡོད། །གྲུབ་ཆེན་དཔལ་ཆེན་སྐྲ་ལོ་དེ། །འཇའ་ལུས་རྡོ་རྗེའི་སྐུ་བརྙེས་ཀྱང་། །གདུལ་བྱ་རྟག་འཛིན་རྫོགས་པའི་ཕྱིར། །མཛད་པའི་ཐ་མ་བསྟན་པ་ཡིས། །གདུང་ཞུས་མལ་གྱི་ས་འབུངས་ལ། །དུས་བཟང་འཇའ་ཡིས་གུར་ཕུབ་པས། །འཇའ་དིལ་མིང་དུ་ཐོགས་པ་ཡོད། །ལ་ཆུང་སྟེང་དུ་འོད་ཕུང་འཁྲིགས། །འོད་འབུར་མིང་དུ་ཐོགས་པ་ཡོད། །སྒ་ལོ་ཆུ་བྲག་ཐོགས་མེད་པ། །རྫུ་འཕྲུལ་བྲག་དཀྱིལ་ཕུག་པ་ན། །རྡོར་དྲིལ་ལ་སོགས་མཆོད་རྫས་ཡོད། །བྲག་རྩེ་མིག་གིས་མི་མཐོང་སར། །རྫུ་འཕྲུལ་བྱོན་ནས་གྱང་བརྡུང་གསལ། །སྒ་ལོའི་ཆོས་འབྲེལ་ཞུས་པ་ཡིས། །ས་ཆེན་ཀུན་སྙིང་མཆོད་རྟེན་ཡོད། །རྒྱལ་སྲིད་སྣ་བདུན་ནོར་བུ་བདུན། །དགོས་འདོད་ལྷུན་གྱིས་གྲུབ་ཚུལ་ཡོད། །རི་བོ་ཁྱུང་ཆེན་ལྡིང་བ་དང་། །བྲག་དཀར་སེང་ལྕམ་དཀར་མོ་ཡོད། །རྒྱངས་ནས་སྐྱེན་པོའི་འབེན་

[Full Size]

དང་འདྲ། །གནས་དང་གནས་ལེན་ཡིན་པའི་ཕྱིར། །རྟ་རྣ་བདེ་མཆོག་ཕོ་བྲང་གི །བདེ་མཆོག་ཡབ་ཡུམ་རང་བྱོན་དང་། །རཱ་ཛའི་བདེ་མཆོག་ཡབ་ཡུམ་གཉིས། །སྐྱེན་པོའི་འབེན་དང་འདྲ་བ་ཡོད། །དེ་ནས་གནས་ཀྱི་བརྡའ་དོན་བཤད། །རྒྱབ་རི་བདེ་མཆོག་ཡབ་ཡུམ་ནི། །འཁོར་ལོས་སྒྱུར་རྒྱལ་ཡབ་ཡུམ་འདྲ། །ཐབས་ཤེས་ཟུང་དུ་འཇུག་པ་དང་། །མཆོག་ཐུན་དངོས་གྲུབ་ཐོབ་པའི་བརྡའ། །ནམ་མཁའ་ཟླུམ་ལ་འཁྱིལ་བ་ནི། །བེ་ཌཱུརྱ་ཡི་མདོག་དང་འདྲ། །ཆོས་དབྱིངས་མཐའ་དབུས་མེད་པ་ཡིས། །ལྟ་བ་ཡས་ནས་ཕུབ་པའི་བརྡའ། །ས་གཞི་པདྨ་འདབ་སྟོང་ལ། །འབུར་དོད་པདྨའི་ཟེའུ་འབྲུ་འདྲ། །འཁོར་བའི་སྐྱོན་གྱིས་མ་གོས་ཤིང་། །སྤྱོད་པ་མས་ནས་འཛེགས་པའི་བརྡའ། །ཆུ་གཉིས་ཆབ་མ་བརྡབ་འདྲ་ནི། །བདེ་སྟོང་ཟུང་དུ་འཇུག་པ་དང་། །སྒྲུབ་བརྒྱུད་ཆུ་བོ་འབྲུབ་པའི་བརྡའ། །ཕ་བོང་གཡས་ནི་འཇིགས་བྱེད་གདན། །རྟག་ཆད་མཐའ་གཉིས་སྤང་བའི་བརྡའ།འཇའ་དིལ་འཇའ་ཚོན་བསྐོར་བ་ནི། །དཔའ་བོ་མོ་ཚོགས་འདུ་བའི་བརྡའ། །འོད་འབུར་འོད་ཕུང་འཁྲིགས་པ་ནི། །དཔའ་བོ་ཕོ་ཚོགས་འདུ་བའི་བརྡའ། །གནས་ཆེན་

[Full Size]

འདི་ཡི་མཐའ་སྐོར་དུ། །ཆོ་འཕྲུལ་རྩུབ་སློང་ཆེ་བ་ནི། །ལས་མགོན་བྱ་རོག་གདོང་པ་ཅན། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་གནོད་སྦྱིན་ཁྲི། །ལྷ་སྲིན་སྡེ་བརྒྱད་འཁོར་དང་བཅས། །དཔལ་ཆེན་གདུང་ལ་མཆོད་པ་དང་། །བཀའ་སྲུང་མེལ་ཚེ་བྱེད་པའི་རྟགས། །གཞན་ཡང་གུར་དང་གཉན་མགོན་དང་། །པཱུ་ཊ་མིང་སྲིང་ལ་སོགས་ཀྱིས། །ས་ཆེན་གདུང་ལ་མཆོད་པ་དང་། །བཀའ་སྲུང་མེལ་ཚེ་བྱེད་པའི་རྟགས། །རྒྱལ་སྲིད་སྣ་བདུན་བསྐོར་བ་ནི། །ལུགས་གཉིས་ཆབ་སྲིད་བསྟན་པ་དང་། །ཆོས་ཀྱི་འཁོར་ལོས་སྒྱུར་བའི་བརྡའ། །ནོར་བུ་ཆ་བདུན་ཡོད་པ་ནི། །དགོས་འདོད་ལྷུན་གྱིས་གྲུབ་པའི་བརྡའ། །བྲག་ཕུག་ཆོས་འབྱུང་རང་བྱུང་ལ། །ནེའུ་ལེའི་རྐྱལ་པ་རང་བྱོན་ནི། །ཆོས་འབྱུང་འཛད་མེད་ནམ་མཁའི་མཛོད། །ནེའུ་ལེའི་རྐྱལ་པ་རིན་ཆེན་སྣོད། །འཛད་མེད་དངོས་གྲུབ་གནང་བའི་བརྡའ། །རིན་ཆེན་ཁྱུང་ཆེན་ལྡིང་འདྲ་ནི། །ལྟ་བའི་ནམ་འཕང་གཅོད་པ་དང་། །ཀླུ་གཉན་གནོད་པ་སྐྱོབས་པའི་བརྡའ། །བྲག་འབུར་སེང་གེ་གནམ་མཆོང་ནི། །སྒོམ་པའི་ཉམས་རྩ་ལ་རྫོགས་པ་དང་། །མི་འཇིགས་གདེང་དང་ལྡན་པའི་བརྡའ། །དེ་ཚོ་དོན་གྱི་

[Full Size]

བརྡའ་མཚོན་ལགས། །ཀུན་རྫོབ་འཇམ་དབྱངས་གསུངས་པའི་གཞུང་། །རྟེན་འབྲེལ་ས་ཡི་དཔྱད་བཤད་ན། །ཤར་ཕྱོགས་ཕྱེས་པ་འདྲ་བ་ནི། །རྣལ་འབྱོར་སྐུ་ཚེ་རིང་བ་དང་། །ཞི་བའི་ཕྲིན་ལས་འགྲུབ་པའི་བརྡའ། །ལྷོ་ཕྱོགས་སྤྱང་པ་འདྲ་བ་ནི། །རྒྱས་པའི་ཕྲིན་ལས་འགྲུབ་པ་ནི། །ལོངས་སྤྱོད་མངའ་ཐང་འཕེལ་བའི་བརྡའ། །ནུབ་ཕྱོགས་སྐྱོལ་བ་འདྲ་བ་ནི། །རི་དམར་གཏེར་གནས་ཡོད་པ་ནི། །དབང་གི་ཕྲིན་ལས་འགྲུབ་པའི་བརྡའ། །བྱང་ཕྱོགས་ཡོལ་བ་བྲིས་འདྲ་ནི། །སྡང་དགྲའི་གནོད་པ་མི་འབྱུང་ཞིང་། །དྲག་པོའི་ཕྲིན་ལས་འགྲུབ་པའི་རྟགས། །ཕྱོགས་བཞིར་བསྲུང་བཞི་ཚང་བ་ནི། །གདུང་རྒྱུད་དཔའ་གཡང་ཐོབ་པའི་རྟགས། །གཡས་འབབ་རྒྱལ་པོའི་ཕྱག་དཀར་ཏེ། །གཡོན་འབབ་བཙུན་མོའི་གསེར་སྐྱེམས་ཡིན། །མདུན་དུ་འཁྱིལ་བ་ཞག་གི་མཚོ། །དབང་ཐང་རྒྱ་མཚོ་འདྲ་བའི་རྟགས། །མདུན་དུ་བྲག་འབུར་མངོན་པ་ནི། །གཡང་ཤ་སྡེར་དུ་བཞག་པ་སྟེ། །ཟས་ནོར་ལོངས་སྤྱོད་རྒྱས་པའི་རྟགས། །མདུན་དུ་ཆུ་ཤིང་ན་སྤང་ཕྱུག །མི་ནོར་ཟས་གསུམ་འཛོམས་པའི་རྟགས། །དེ་ཚོ་ཀུན་རྫོབ་ས་ཡི་དཔྱད། །འཕྲལ་སྐྱིད་པ་མི་ཡི་

[Full Size]

ཆོས་ལགས་སོ། །ཕུག་སྐྱིད་པ་དམ་པ་ལྷ་ཡི་ཆོས། །འཇམ་དབྱངས་མིར་སྤྲུལ་ཀུན་སྙིང་དང་། །བདེ་མཆོག་མིར་སྤྲུལ་སྒ་ལོ་ཡི། །སྐུ་གདུང་མཆོད་རྟེན་འཛམ་གླིང་རྒྱན། །འདི་ལ་ཕྱག་དང་བསྐོར་བ་དང་། །ཞིག་གསོས་མཆོད་པ་སུས་བྱས་པ། །ངན་སོང་སྐྱེ་སྒོ་ཆོད་ནས་ཀྱང་། །མཐར་ཐུག་བྱང་ཆུབ་གོ་འཕང་ཐོབ། །ཅི་ཕྱིར་ཞེ་ན་ཤཱཀ་ཐུབ་ཀྱིས། །བསྐོར་བའི་ཚིགས་བཅད་མདོ་སྡེ་ལས། །མཆོད་རྟེན་བསྐོར་བ་བྱས་པ་ཡིས། །ཕན་ཡོན་བསྐལ་པ་བྱེ་བར་ཡང་། །བརྗོད་པར་ནུས་པ་མིན་གསུངས་ཤིང་། །འཛམ་བུ་ཆུ་གསེར་གསང་ཆེན་གྱིས། །དེ་ལས་བསྐོར་བ་གཅིག་དགའ་གསུངས། །ལུང་བསྟན་ཆེན་པོ་བཀའ་རྒྱ་དང་། །གུ་རུའི་རྣམ་ཐར་གསེར་ཕྲེང་ལས། པདྨ་འབྱུང་གནས་བྱིན་རླབས་པའི། །གནས་ཆེན་གནས་ཕྲན་ཐམས་ཅད་དུ། །འབྲེལ་ཐོགས་ཐར་པའི་ལམ་སྣ་ཟིན། །གཞན་དུ་ལོ་གཅིག་བསྒྲུབ་པ་ལས། །འདི་རུ་ཞག་གཅིག་དགའ་བར་གསུངས། །དེ་ཕྱིར་སུམ་བརྒྱ་དྲུག་ཅུས་འགྱུར། །ཡོད་ཕྱིར་དེ་ཡི་འགྱུར་བརྩིས་ན། །འདི་རུ་བསྐོར་བ་གཅིག་བྱས་ན། །བསྐོར་བ་སུམ་བརྒྱ་དྲུག་ཅུའི་འགྱུར། །འདི་རུ་ཕྱག་གཅིག་འཚལ་བ་ན། །ཕྱག་ནི་སུམ་བརྒྱ་དྲུག་

[Full Size]

ཅུར་འགྱུར། །འདི་རུ་མར་མེ་གཅིག་ཕུལ་ན། །མར་མེ་སུམ་བརྒྱ་དྲུག་ཅུར་འགྱུར། །འདི་རུ་བཟླས་བརྗོད་གཅིག་བྱས་ན། །བཟླས་བརྗོད་སུམ་བརྒྱ་དྲུག་ཅུར་འགྱུར། །འདི་རུ་དར་ལྕོག་གཅིག་བཙུགས་ན། །དར་ལྕོག་སུམ་བརྒྱ་དྲུག་ཅུར་འགྱུར། །འདི་རུ་ཞག་གཅིག་སྒྲུབ་པ་ན། །ལོ་སྒྲུབ་གཅིག་ནི་བྱས་དང་མཉམ། །འདི་རུ་གཏོར་མ་ཚར་གཅིག་བཏང་། །གཏོར་མ་སུམ་བརྒྱ་དྲུག་ཅུར་འགྱུར། །འདི་རུ་ཚོགས་གཅིག་བྱས་པ་ན། །ཚོགས་ནི་སུམ་བརྒྱ་དྲུག་ཅུར་འགྱུར། །དེ་ཕྱིར་བསོད་ནམས་འདོད་པ་ཡིས། །འདི་རུ་ཕྱག་བསྐོར་མཆོད་པ་དང་། །སྒོམ་བཟླས་བསྙེན་སྒྲུབ་མཛད་པར་ཞུ། །པད་འབྱུང་གསུངས་ལ་ངེས་ཤེས་མཛོད། །གནས་ཀྱི་འགྱུར་དང་གང་ཟག་འགྱུར། །དུས་ཀྱི་འགྱུར་དང་རྣམ་པ་གསུམ། །མདོ་རྒྱུད་ཀུན་ནས་གསུངས་ལགས་པས། །འདི་ནི་གནས་ཀྱི་འགྱུར་བརྩི་ཡིན། །དེ་སྐད་རཱ་ག་ཨ་སྱ་ཡིས། །ཕན་ཡོན་ས་ག་ཟླ་བ་ཡི། །དམར་པོ་ཡི་ནི་ཚེས་བརྒྱད་ཉིན། །གནས་ཆེན་དེ་ཡི་རྩེ་མོར་བྲིས།། །།

ཡི་དམ་སྤྱི་ཡི་བྱང་ཆོག་ཤི་ཤོག་གསོན་ཤོག་གང་བྱེད་ཀྱང་འབྲེལ་ཚད་དོན་ལྡན་བདེ་ཆེན་ཞིང་གི་ལམ་བཟང་།

[Full Size]

ཡི་དམ་སྤྱི་ཡི་བྱང་ཆོག་ཤི་ཤོག་གསོན་ཤོག་གང་བྱེད་ཀྱང་འབྲེལ་ཚད་དོན་ལྡན་བདེ་ཆེན་ཞིང་གི་ལམ་བཟང་བཞུགས་སོ།།

[Full Size]

ན་མོ་བུདྡྷ་ཡ། འོད་དཔག་མེད་ཀྱི་ཆོ་ག་རྒྱས་བསྡུས་སམ། །སྨན་བླའི་མདོ་ཆོག་ལ་བརྟེན་ཤི་གསོན་གྱི། །མིང་བྱང་བཞུ་འམ་རོ་ཆོག་བྱ་བའི་ཐབས། །བདག་མདུན་བུམ་གསུམ་སྤྱི་དང་མཚུངས་པ་སྟེ། །ཁྱད་པར་སྨན་བླའི་ཕྱག་རབས་ཚར་བའི་རྗེས། །མདུན་བསྐྱེད་སྐུ་ལས་འོད་ཟེར་འཕྲོས་པ་ཡིས། །བདག་ཉིད་སྨན་བླ་གཙོ་རྐྱང་སྐུར་གྱུར་བསམ། །དེ་ཡང་དམ་ཚིག་ཡེ་ཤེས་དབྱེར་མེད་བསྒོམ། །བུམ་པའི་ནང་དུ་མདུན་བསྐྱེད་འོད་ཟེར་ལས། །གྲུབ་པའི་སྨན་བླ་མཆེད་བརྒྱད་སེམས་དཔའི་ཚོགས། །མེ་ལོང་ནང་གི་གཟུགས་བརྙན་ལྟ་བུ་གསལ། །སྐུ་ལས་བདུད་རྩིའི་རྒྱུན་བབ་བུམ་པ་གང་། །གཟུངས་རིང་གཟུངས་ཐུང་ཅི་ནུས་བཟླས་པའི་མཐར། །འོད་ཞུ་བུམ་ཆུ་ཉིད་དང་དབྱེར་མེད་བསམ། །གནས་ཆོག་ལ་ཡང་དེ་དང་

[Full Size]

མཚུངས་པའོ། །གཟུགས་དང་ནི་ཡིག་མིང་བྱང་བཅས་པའམ། །བསྡུ་ན་ས་བོན་ཙམ་གྱིས་ཆོག་པར་བསམ། །ཨོཾ་ཨ་མྲྀ་ཏེ་ཧཱུཾ་ཕཊ། ཨོཾ་སྭ་བྷ་ཝས་སྦྱང་། །སྟོང་པའི་ངང་ལས་ཚྭ་ཡིག་ལས་མིང་དུ་བྲིས་པའི་དམིགས་ཡུལ་ཕུང་ཁམས་སྐྱེ་མཆེད་ཆ་ལུགས་ཡོངས་སུ་རྫོགས་པ་མངོན་སུམ་ལྟ་བུར་གསལ་བར་གྱུར། རང་གི་ཐུགས་ནས་འོད་ཟེར་དམར་པོ་ལྕགས་ཀྱུ་ལྟ་བུར་ཕྱོགས་བཅུར་འཕྲོས་པས་བར་དོའི་རྣམ་ཤེས་ཨ་ཡིག་དམར་པོ་འོད་དང་བཅས་པ་བཀུག་སྟེ་སྤྱི་བོ་ནས་སྙིང་ཁར་ཞུགས་པའམ། ལུས་བླངས་ཚར་བའམ་གསོན་པོ་ཡིན་ན་འོད་དེས་བཀུག་ནས་མིང་བྱང་ལ་དབྱེར་མེད་པར་བསྒོམ་ཞིང་རྡོ་རྗེས་ནང་བསྡོམ་མཛུབ་མོ་གཉིས་ཅུང་ཟད་བཀུག་མཐེའུ་ཆུང་གཉིས་གཤིབ་སྟེ་བརྐྱངས་ནས་

[Full Size]

རོའམ་བྱང་བུའི་མགོར་བཞག་སྟེ། ན་མོ་དྲིན་ཆེན་རྩ་བ་དང་བརྒྱུད་པར་བཅས་པའི་བླ་མ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཡི་དམ་རྒྱུད་སྡེ་བཞི་ཡི་ལྷ་ཚོགས་རྣམས་ཀྱི་བདེན་པ་དང་། ཆོས་ཉིད་རྣམ་པར་དག་པའི་བདེན་པ་དང་། རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུ་བཅོམ་ལྡན་འདས་སྒེའི་ལྷ་ཚོགས་འཁོར་དང་བཅས་པའི་བདེན་པ་དང་། བདེན་པ་ཆེན་པོའི་མཐུས། གཅིག་ཡིན་ན་ཚེ་འདས་རྨེའི་མིང་ངམ། དམིགས་ཡུལ་མིང་དུ་བྲིས་པ་འདི་རྣམས་སྲིད་པ་གསུམ་རིགས་དྲུག་བར་མ་དོ་གང་དུ་གནས་ཀྱང་སྐད་ཅིག་ཉིད་ལ་འདིར་མཆིས་པར་གྱུར་ཅིག །ཨོཾ་བཛྲ་སཏྭ་ཧཱུཾ། ཨོཾ་བཛྲ་ཨངྐུ་ཤ་ཛ༔ ཛཧཱུྃ་བཾ་ཧོ༔ ཁུ་ཚུར་གཉིས་ཀྱི་ཧཱུྃ་གཉིས་བཅིངས་ནས་གྱེན་དུ་འགྲེང་བ་ལྟུང་བ་ལྟུང་བའི་ཕྱག་སོ་ཤོ་དྷ་ནི་ཤོ་དྷ་ནི་སརྦ་ཨ་པཱ་ཡ་ཨ་པཱ་ཡ་ཧཱུྃ། བསྡོམ་པ་ལས་ཨོཾ་ཏྲཾ་ཨཱཝགསུམ་བརྐྱངས་ཏེ་ཕན་ཚུན་འདུད་པ་སྡིག་པ་འཇོམས་པའི་ཕྱག་རྒྱ། ཨོཾ་སརྦ་བིཏ་སརྦ་པཱ་པཾ་བི་ཤོ་དྷ་ནེ་ཧཱུཾ། རྒྱ་དེ་ལན་གསུམ་བྲལ་ནས། ཨོཾ་སརྦ་བིཏ་ཏཊ། དེ་ནས་ལྕོག་རྡོག་བྲན་ལ། ཨོཾ་ཨ་ཀཱ་རོ་སོགས། གཏོར་མ་སོ་སོའི་ཡིད་དང་མཐུན་པའི་ལོངས་སྤྱོད་རྒྱ་ཆེན་པོ་འདི། གསོན་པོ་རྣམས་ཀྱི་ཚེ་སྲོག་ལ་

[Full Size]

གནོད་ཅིང་། འཆི་ཁ་དབུགས་སྡུད་ཅིང་ཕུང་པོ་བདག་ཏུ་བཟུང་བས། ཚེ་འདས་ཀྱི་གཟུགས་སུ་སྤྲུལ་ནས། ཉེ་འབྲེལ་ལ་གནོད་པ། མཛའ་བཤེས་སུ་སྤྲུལ་ནས་འབོད་ཅིང་། ཚེ་འདས་ཐར་པ་ཐོབ་ཏུ་མི་འཇུག་པ། གཤེད་མར་སྤྲུལ་ནས་ངན་སོང་གི་ལམ་སྟོན་ཅིང་གཤིན་རྗེའི་ཡུལ་དུ་འཁྲིད་པར་བྱེད་པའི་བདུད་བགེགས་གནོད་སྦྱིན་ཤ་ཟ་དང་། འབྱུང་པོའི་རིགས་དང་། གཤིན་རྗེའི་ཆད་པ་ཞེས་བྱ་བའི་ཡི་དྭགས་དང་། དྲི་ཟ་འཆི་ཁ་མ་ཡི་སེམས་ལ་ཉེ་བར་འཇུག་པ་དང་། དྲི་ཟ་ཁྱབ་བྱེད་དང་། དྲི་ཟ་བི་ཤ་ཙི་ན་རྣམས་ཀྱི་རིགས་དང་། གནོད་སྦྱིན་ཕྲ་མ་སྨྲ་འདོད་དང་། གནོད་སྦྱིན་ཝ་ར་ཧི་སྟེ་ཀུན་ཏུ་རྟོག་འདོད་ཅེས་བྱ་བའི་རིགས་སུ་གཏོགས་པ་དཔག་ཏུ་མེད་པ་བསམ་གྱིས་མི་ཁྱབ་པ།ཐུག་པ་མེད་པ། བར་སྣང་ཁམས་ན་གནས་པ་ཐམས་ཅད་ལ་བསྔོའོ། །སྦྱིན་ནོ། །མགུ་ཞིང་ཚིམས་ནས་དམིགས་ཡུལ་མིང་དུ་བྲིས་པ་འདི་རྣམས་ལ་གནོད་ཅིང་འཚེ་བ་སྤོངས་ལ་རང་རང་སོ་སོར་སོངས་ཤིག །ཨོཾ་སརྦ་བིགྷཱན་ན་མཿསརྦ་ཏ་ཐཱ་ག་ཏེ་བྷྱོ་སོགས། གཡས་གཡོན་དུ་ལན་གསུམ་བསྐོར་རོ། །ཏིང་ལོ་ཆངས་བུ་ཡང་དེ་བཞིན་དུ་བསྐོར་ཞིང་། ཨོཾ་སུམྦྷ་ནི་སོགས། རང་གི་

[Full Size]

ཐུགས་ཀའི་འོད་ཟེར་གྱིས་ཁྲོ་བོའི་ཚོགས་དཔག་ཏུ་མེད་པ་སྤྱན་དྲངས། ཨོཾ་བཛྲ་ཀྲོ་ཏ་ས་མ་ཡ་ཛ༔ ཧཱུྃ། བདེན་པའི་བཀའ་ལ་མི་ཉན་པའི། །བགེགས་དང་ལོག་འདྲེན་འབྱུང་པོ་རྣམས། །ཁྲོ་བོ་བརྩོན་འགྲུས་མཐའ་ཡས་ཀྱིས། །རྡོ་རྗེ་ཕུར་པས་དམ་དུ་ཐོབ། །གཙུག་ཏོར་འཁོར་ལོས་སྒྱུར་རྒྱལ་གྱིས། །བགེགས་ཀྱི་རྫུ་འཕྲུལ་མེད་པར་གྱིས། །ཁྲོ་བོ་འདོད་པའི་རྒྱལ་པོ་ཡིས། །དེ་ཡི་བརྩོན་འགྲུས་ཉམས་པར་གྱིས། །དབྱུག་སྔོན་ཅན་གྱིས་དབྱུག་ཐོས་བརྡུང་། །གནོད་མཛེས་ཀྱིས་ནི་རེངས་པར་གྱིས། །མི་གཡོ་མགོན་པོས་དམ་དུ་ཆིངས། །ཡེ་ཤེས་མེ་ཡི་འོད་ཀྱིས་བསྲེགས། །ཨོཾ་སུམྦྷ་ནི་སོགས། ཡུངས་ཀར་རམ་མེད་ན་ནས་ཐུན་གྱིས་བྲབ། གཡས་སུ་མར་མེའམ་མེ་གཡོན་དུ་ཆུ་སྣོད་དབུས་སུ་ཏིལ་བཞག །སྟོང་པའི་ངང་ལས་ཞི་བའི་ཐབ་ཁུང་ནི། །མཚན་ཉིད་ཡོངས་རྫོགས་མེ་དཔུང་འབར་བའི་ནང་། །པད་ཉིར་འཇིགས་དུས་གདན་ལ་ཧཱུྃ་ཡིག་ལས། །ཟ་བྱེད་རྡོ་རྗེ་མཁའ་འགྲོ་སྐུ་མདོག་མཐིང་། །ཞལ་གཅིག་སྤྱན་གསུམ་མཆེ་གཙིགས་གར་དགུའི་ཉམས། །ཕྱག་རྒྱ་དྲུག་ལྡན་རྡོར་དྲིལ་ཐུགས་ཀར་བསྣོལ། །ཞལ་གདངས་ཞབས་གཉིས་གཡས་བརྐྱངས་སྟབས་

[Full Size]

ཀྱིས་འགྱིངས། །གནས་གསུམ་འབྲུ་གསུམ་འོད་ཀྱིས་ཡེ་ཤེས་པ། །སྤྱན་དྲངས་བསྟིམ་ཞིང་དབང་ལྷས་དབང་བསྐུར་གྱུར། །དབང་རྟགས་མི་བསྐྱོད་པ་ཡིས་རྒྱུདབུ་བརྒྱན་གྱུར། །ཨགྷཾ་སོགས། དམིགས་ཡུལ་རྣམས་ཀྱི་སྙིང་ཁར་པོ་ནག་པོ། །དེ་ལ་ལུས་ངག་ཡིད་གསུམ་སྡིག་སྒྲིབ་ཐིམ། །རྐང་མཐིལ་གཉིས་སུ་ཡཾ་ལས་རླུང་འཕྲོས་པས། །ལྟེ་བར་གཏུམ་མོ་ཡེ་ཤེས་མེ་འབར་བས། །པཾ་ཡིག་དེ་རྣམས་སྣ་བུག་གནས་པ་ནས། །སྡིག་པ་རྭ་ཅན་གཟུགས་སུ་ཏིལ་ལ་ཐིམ། །རྡོ་རྗེ་མཁའ་འགྲོའི་ཞལ་དུ་ཕུལ་བར་བསམ། །ལག་པ་གཡས་གཡོན་གྱིས་ཏིལ་བླངས་ལ་ལན་དགུ་བསྐོར་ཞིང་འབུལ། ཨོཾ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ད་ཧ་ན་བྷསྨིན་ཀུ་རུ་སྭཱ་ཧཱ། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ཀྱི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོར་ཕྱག་འཚལ་བསྟོད། །དམིགས་ཡུལ་རྣམས་ཀྱི་སྡིག་སྒྲིབ་དང་། །ཉམས་ཆག་ནད་གདོན་བར་ཆད་ཀུན། །ཞི་ཞིང་བྱང་བར་མཛད་དུ་གསོལ། །རྡོ་རྗེ་མཁའ་འགྲོ་དབྱིངས་སུ་གཤེགས། །བཛྲ་མུ༔ བྱེ་མ་ལ་ལྷ་གང་ཡིན་གྱི་གཟུངས་དང་། སྤྱན་རས་གཟིགས་སོགས་ལྷ་གཞན་ལ་

[Full Size]

སོ་སོའི་སྙིང་པོ་དང་ཡིག་བརྒྱས་བྲབ། སྔགས་གཙོ་བོ་ནི། ཨོཾ་པདྨོ་ཨུཏྟཱི་ཥ་བི་མ་ལེ་ཧཱུཾ་ཕཊ། ཨོཾ་ད་ཧ་ད་ཧཱ་སརྦ་ན་ར་ཀ་ག་ཏེ་ཧེ་ཏུན་ཧཱུཾ་ཕཊ། ཨོཾ་པ་ཙ་པ་ཙ་སརྦ་པྲ་ཏ་ཀ་ག་ཏེ་ཧེ་ཏུན་ཧཱུྃ་ཕཊ། ཨོཾ་མ་ཐ་མ་ཐ་སརྦ་ཏིར་ཀ་ག་ཏེ་ཧེ་ཏུན་ཧཱུྃ་ཕཊ། དེ་ནས་ལྷ་ཁྲུས་ནི། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་བསྩལ་དུ་གསོལ། །རྒྱལ་བའི་སྐུ་གསུང་ཐུགས་ལ་ཉོན་མོངས་མི་མངའ་ཡང་། །སེམས་ཅན་ལུས་ངག་ཡིད་གསུམ་སྒྲིབ་པ་སྦྱང་སླད་དུ། །རྒྱལ་བའི་སྐུ་གསུང་ཐུགས་ལ་ཁྲུས་ཆབ་འདི་གསོལ་བས། །སེམས་ཅན་ལུས་ངག་ཡིད་གསུམ་སྒྲིབ་པ་དག་གྱུར་ཅིག །ཨོཾ་ན་མསརྦ་ཏ་ཐཱ་ག་ཏ་ཨ་བྷི་ཥི་ག་ཏེ་ས་མ་ཡ་ཤྲཱི་ཡེ་ཧཱུཾ། དེ་དག་སྐུ་ལ་མཚུངས་པ་མེད་པའི་གོས། གཙང་ལ་དྲི་བྲལ་ལྡན་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །

[Full Size]

རྒྱུན་མཆོག་བརྒྱ་ཕྲག་དེ་དང་དེ་དག་འབུལ། །ཨོཾ་བཛྲ་ཝསྡུ་ཨཱཧཱུཾ། དེ་ནས་ཁྲུས་ཆུ་བུམ་པ་གཞན་དུ་བླུགས་ལ། འདི་ནི་ཕ་རོལ་ཕྱིན་དྲུག་ཆུ། །དྲི་མ་རྣམ་དྲུག་སྦྱོང་མཛད་པ། །ཕར་ཕྱིན་དྲུག་ལ་ལེགས་འགོད་ཆུ། །ཁྲུས་ལེགས་མཛད་ལ་ཕྱག་འཚལ་ལོ། །ཆུ་བོ་དྲུག་གིས་ཁྲུས་བྱས་པས། །བག་ཆགས་རྣམ་དྲུག་སྦྱངས་ནས་ནི། །གང་ལ་ཉེས་པ་མི་མངའ་བའི། །ཁྲུས་ལེགས་མཛད་ལ་ཕྱག་འཚལ་ལོ། །དྲི་ཆུ་དྲུག་གིས་ཁྲུས་བྱས་ནས། །དྲི་མ་རྣམ་དྲུག་སྦྱོང་མཛད་ཅིང་། །རྒྱ་ཆེན་ཡོན་ཏན་དྲུག་ལྡན་པ། །ཁྲུས་ལེགས་མཛད་ལ་ཉེས་མི་མངའ། །དྲི་མ་རྣམ་དྲུག་དག་པ་ཡིས། །ཡོན་ཏན་ཐམས་ཅད་དང་ལྡན་པ། །སངས་རྒྱས་ཐམས་ཅད་མཆོད་དོན་དུ། །དད་པས་བདག་གིས་ཁྲུས་བགྱིའོ། །གཙུག་དགུའི་རྒྱུད་བརྟག་པ་ཕྱོགས་གཅིག་ལས། སྔགས་ཀྱི་ཆུ་མཆོག་གིས་ཀྱང་བཀྲུ་བར་བྱ། ཞེས་གསུངས་པས་འོད་དཔག་མེད་དང་། སྨན་བླ་གང་ཡིན་གྱི་གཟུངས་སམ་སྙིང་པོའི་མཚན་སྔགས་ཏེ། ཨོ་བྷི་ཥ་ཕྱི། ཨོཾ་ཨ་མི་ཏེའི་མཇུག་ཏུ། དམིགས་ཡུལ་གྱི་སྡིག་པ་དང་སྒྲིབ་པ་ཐམས་ཅད་ཤིནཾ་ཀུ་རུ་ཡེ་སྭཱ་ཧཱ། ཞེས་ཤོ་ལོ་ཀ་རེའི་མཚམས་སུ་སྦྱར་ཞིང་མཇུག་ཏུ། དམིགས་ཡུལ་གྱི་སྡིག་པ་དང་སྒྲིབ་པ་ཐམས་

[Full Size]

ཅད་དང་ཕར་ཕྱིན་དྲུག་གི་མི་མཐུན་པའི་ཕྱོགས་ཐམས་ཅད་དག་ནས་ཕྱིན་དྲུག་ཡོངས་སུ་རྫོགས་པར་གྱུར་ཅིག །འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །དཀོན་མཆོག་གསུམ་པོ་དུག་མི་མངའ། །དཀོན་མཆོག་བདེན་པས་དུག་བཅོམ་མོ། །གཟུངས་སམ་སྔགས་དང་། དམིགས་ཡུལ་གྱི་དུག་ལྔ་དུག་གསུམ་གྱི་སྒྲིབ་པ་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། །ས་ཆུ་མེ་རླུང་འབྱུང་བ་བཞི། །འབྱུང་བཞི་དུག་གི་ཕ་ཡིན་ཏེ། །འབྱུང་བཞི་དུག་གི་མ་ཡང་ཡིན། །བདེན་པའི་བདེན་ཚིག་འདི་དག་གིས། །རྒྱུསེམས་ཅན་དུག་ནི་དུག་མེད་ཤོག །གཟུངས་སམ་སྔགས་དང་། དམིགས་ཡུལ་གྱི་འབྱུང་བ་དང་འབྱུང་བ་ལས་གྱུར་པའི་དུག་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། སངས་རྒྱས་བསོད་ནམས་མཐུ་དག་དང་། །ལྷ་རྣམས་ཀུན་གྱིས་བསམས་པ་ཡིས། །ཁྱོད་ཀྱི་འདོད་དོན་གང་ཡིན་པ། །དོན་དེ་དེ་རིང་འགྲུབ་གྱུར་ཅིག །རྐང་གཉིས་ཁྱེད་ཅག་བདེ་ལེགས་ཤོག ། རྐང་བཞི་ཁྱེད་ཅག་བདེ་ལེགས་ཤོག །ཁྱེད་ཅག་ལམ་འགྲོ་བདེ་ལེགས་ཤོག །ཕྱིར་འོང་རྣམས་ཀྱང་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་

[Full Size]

ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་ཤོག །ཁྱོད་ལ་སྡིག་པར་མ་གྱུར་ཅིག །དམིགས་ཡུལ་མི་མཐུན་པའི་ཕྱོགས་ཐམས་ཅད་ལས་རྒྱལ་བར་གྱུར་ཅིག །དེ་ཉིད་བསྡུས་པའི་རྒྱུད་ལས་གསུངས་པ་འདི་ཁོང་རྣམས་ཀྱིས་ཟེར་བར་དམིགས་ཤིང་། བཅོམ་ལྡན་འདས་བདག་ཅག་སྡུག་བསྔལ་གྱིས་གཟིར་བ་འདི་དག་ལ་བསྐྱབ་ཏུ་གསོལ། །བདག་ཅག་རྣམས་སངས་རྒྱས་དང་ཆོས་དང་དགེ་འདུན་དང་ཁྱེད་རྣམས་ལ་ཡང་སྐྱབས་སུ་མཆིའོ། །བསྡུས་པ་དེས་ཆོག་གསུངས། སྤྲོ་ན་གཙོ་རྒྱལ་མི་བྱའོ།། ༈ མཎྜལ་ཕུལ། བྱང་ཆུབ་རྡོ་རྗེ་སངས་རྒྱས་ལ། །མཆོག་ཆེན་ཇི་ལྟར་བསྩལ་བ་ལྟར། །བདག་ཅག་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །གསུམ་མམ་གཅིག །འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །རྟག་པར་བདག་ནི་སྐྱབས་སུ་མཆི། །ཤེས་རབ་སྙིང་བརྩེར་བཅས་པ་ཡིས། །བརྩོན་པས་སེམས་ཅན་དོན་དུ།བདག་སངས་རྒྱས་མདུན་དུ་གནས་བྱས་ནས། །རྫོགས་པའི་བྱང་ཆུབ་སེམས་བསྐྱེད་བགྱི། །ཨོཾ་ཨ་མྲྀ་ཏ་སོགས། ཨོཾ་སྭ་བྷ་ཝ་སོགས། སྟོང་པའི་ངང་ལས་དམིགས་ཡུལ་

[Full Size]

རྣམས། བཅོམ་ལྡན་སྒེའི་སྐུ་མཚན་བཟང་པོ་སུམ་ཅུ་རྩ་གཉིས། དཔེ་བྱད་བཟང་པོ་བརྒྱད་ཅུས་སྤྲས་པ། འོད་དང་འོད་ཟེར་འཕྲོ་བ། དེའི་གནས་གསུམ་དུ་ཨོཾ་ཨཱཿ ཧཱུྃ་གསུམ། ཐུགས་ཀའི་སྟོད་དུ་ས་བོན་དེ་ལས་འོད་ཟེར་འཕྲོས། ཕྱོགས་བཅུའི་ཞིང་ཁམས་ཐམས་ཅད་ནས། ཆེ་གེའི་སྐུ་གྲངས་མེད་པ་ཉི་ཟེར་གྱི་རྡུལ་འཁྲིགས་པ་ལྟར་བྱོན་ནས་ཁྱེད་རང་ལ་ཐིམ་པས་གཉིས་སུ་མེད་པར་གྱུར། ཨོཾ་བཛྲ་པྲ་ཝེ་ཤ་ཡ་ཨ་ཨཱ༔ རོལ་མོ་དང་རྡོ་རྗེ་སྤྱི་བོར་བཞག་པར་བསམས་ལ། ཏིཥྛ་བཛྲ། རང་གི་ཐུགས་ཀ་ནས་འོད་ཟེར་འཕྲོས་པས་དབང་ལྷ་རིགས་ལྔ་སྤྱན་དྲངས་བཛྲ་ས་མ་ཡ་ཛ༔ འདི་རྣམས་ལ་དབང་བསྐུར་བར་མཛད་དུ་གསོལ། དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་པ་ཡིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། བུམ་པའི་ཆུས་ལུས་ཀྱི་གནས་བཞི་གང་། །སྒྲིབ་བཞི་དག། དབང་བཞི་ཐོབ། ཆུ་ཡི་ལྷག་མ་གྱེན་དུ་ལུད་པ་ལས། རིགས་ཀྱི་བདག་པོས་དབུ་བརྒྱན་པར་གྱུར། གཙོ་བོས་ཇི་ལྟར་བཀའ་བསྩལ་པ། སོགས། ཨོ་ལས་ལྷ་རྫས་འདོད་

[Full Size]

ཡོན་ནམ་མཁའ་གང་བར་གྱུར། ཨོཾ་སམ་བྷ་ར་སོགས། ཧཱུྃ། སྣང་སྲིད་འགྲོ་བ་རིགས་དྲུག་དང་། །ཚེ་འདས་རིགས་ཀྱི་བུ་ཁྱོད་ཀྱང་། །རང་གི་ཚེ་རབས་ཡུན་གྱི་རྒྱགས། །ལོངས་སྤྱོད་ཚེ་ཡི་རྒྱགས་འདི་ལོངས། །ཟས་ཀྱི་ཐ་མ་འདི་ཡིན་ཏེ། །དེ་ཕྱིར་ཁྱོད་ཀྱིས་ཟས་འདི་ལོངས། །ཟས་ཀྱི་ཐ་མ་འདི་ཡིན་པས། །སྐྱེ་བ་གཏན་གྱི་ལོངས་སྤྱོད་ཟས། །མི་ཟད་ནམ་མཁའི་མཛོད་ལ་སོགས། །སྦྱིན་པའི་ཕར་ཕྱིན་ཡོངས་རྫོགས་པའི། །ཟས་གཏད་འདི་ནི་དགའ་བས་ལོངས། །གསོན་ཡང་གཤིན་ལ་མི་ཕྲེང་ངོ། །གཤིན་ཡང་གསོན་ལ་མ་ཆགས་པར། །བདེ་ཆེན་དག་པའི་ཞིང་དུ་གཤེགས། །འཁོར་བ་འདི་ནི་སྡུག་བསྔལ་ཆེ། །བྱས་པས་མི་ཟིན་ལས་ཡོད་པས། །འཁོར་བ་འདི་རུ་མ་གནས་པར། །རང་གི་ཆོས་ཉིད་འདི་རིག་ལ། །བདེ་བ་ཅན་གྱི་ཞིང་ཁམས་ན། །སྟོང་པ་ཆེན་པོ་ཡུན་རེ་རིང་། །འཁོར་བ་རིགས་དྲུག་གཅོང་རོང་ཆེ། །པདྨ་བཀོད་པའི་ཞིང་ཁམས་སུ། །ཆོས་ཉིད་འོད་གསལ་ལྷུན་རེ་འཐུག །སེམས་དཔའ་སེམས་མ་གྲོགས་རེ་བཟང་། །དེ་བས་ཚེ་འདས་ཆེ་གེ་ཁྱོད། །ཟས་འདི་ལོངས་ལ་བདེ་བར་གཤེགས། །

[Full Size]

འདོད་ཡོན་ནམ་མཁའི་མཛོད་བཞིན་དུ། །ལོངས་སྤྱོད་ཟད་པ་མེད་པ་དང་། །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །འདོད་པའི་ཡོན་ཏན་ལྔ་ལ་སོགས་པ་དག་ཅིང་འབྱོར་པ་འདི་དག་ཐམས་ཅད། ཡུན་གྱི་ཟས་སྐལ་དང་། མི་ཟད་པའི་ལོངས་སྤྱོད་དང་། དགེ་བའི་རྩ་བར་བསྔོ་བའི། ཟས་གཏད་འདི་ལོངས་ལ། འཁོར་བ་འདིར་མ་ཞེན་པར། སེམས་སྟོང་པ་སྐྱེ་འཆི་མེད་པར་དོན་ལྟོས་ལ། བདེ་ཆེན་དག་པའི་ཞིང་དུ་བཞུད་ཅིག །ཨོཾ་ཨཱཿ ཧཱུྃ་སྭཱ་ཧཱ། ལམ་བྷ་ཏ། བྷ་ཏུ་ཡ་ཡ། ཨ་ལི། ཨུ་ལི། ཏ་ལི་པ་ཏ་ཨརྒྷཾ་པྲ་ཏཱི་ཛ་ཧོཿ གསོན་ཤོག་རྐྱང་པ་ལ་ཟས་བསྔོ་ལམ་བསྟན་གཉིས་མི་བྱའོ། །གཞན་ཁྱད་པར་མེད་དོ། །མེ་སྦྱར་འདི་ཐུན་མོང་གི་ཡིན་ཁྱད་པར་མེད། ཟླ་བའི་དཀྱིལ་འཁོར་སྟེང་དུ་ནི།བསྒྲུབ་བྱ་ལྷ་ཡི་སྐུར་གནས་པའི། །ལྟེ་འོག་ཨ་ཐུང་ཡེ་ཤེས་མེ། །འབར་བས་སྡིག་སྒྲིབ་སྡུག་བསྔལ་དག །རྣམ་སྨིན་ལུས་དང་ཡིད་ལུས་ཀྱི། །སྒྲིབ་པའི་བར་ཆད་ཐམས་ཅད་བསྲེགས། །དག་པ་བཅོམ་ལྡན་ཆེ་གེ་ཡི། །སྐུ་རུ་མངོན་སུམ་ཉིད་དུ་གྱུར། །འོད་ཕུང་འཁྲིགས་པའི་དབུས་ན་བཞུགས། །བདག་གི་ཐུགས་ཀའི་འོད་ཟེར་གྱིས། །

[Full Size]

རྡོར་སེམས་ལ་སོགས་བཅོམ་ལྡན་འདས། །དཀར་པོ་སྤྱན་དྲངས་གྲངས་མེད་བསྟིམ། །སྡིག་སྒྲིབ་ནད་གདོན་ཐམས་ཅད་ཞི། །འཇམ་དབྱངས་ལ་སོགས་སེམས་དཔའི་ཚོགས། །སེར་པོ་དཔག་མེད་སྤྱན་དྲངས་བསྟིམ། །བསོད་ནམས་ཡེ་ཤེས་མཁྱེན་པ་རྒྱས། །ཕག་མོ་ལ་སོགས་ཌཱ་ཀིའི་ཚོགས། །དམར་མོ་གྲངས་མེད་སྤྱན་དྲངས་བསྟིམ། །རླུང་སེམས་རང་དབང་ཐོབ་པར་གྱུར། །ཧེ་རུ་ཀ་སོགས་ཁྲོ་བོའི་ཚོགས། །མཐིང་ནག་དཔག་མེད་སྤྱན་དྲངས་བསྟིམ། །བདུད་བཞི་ཉོན་མོངས་ཟད་པར་བྱ། །དམིགས་ཡུལ་རྒྱུད་ཀྱི་མ་དག་པའི། །ཕུང་པོ་ཁམས་དང་སྐྱེ་མཆེད་རྣམས། །སྐུ་ལྔ་ཡེ་ཤེས་ལྔ་ཡི་མེས། །བསྲེགས་པས་བྱང་ཞིང་དག་པར་གྱུར། །བླ་མའི་མཚན་ནས་རྒྱང་འབོད་དང་། །གཟུགས་མེད་སྒྲ་མེད་ནས་ཆོས་མེད་བར་ལྷ་གང་ཡིན་གྱི་གཟུངས་སམ་ཀཾ་ཀ་བརྗོད་ཅིང་བསྲེག །འཕོ་བ་དུས་ལྟར་ཚེ་འདས་རྣམ་ཤེས་སྤྱི་བོ་ནས་ཨ་ཡིག་གི་རྣམ་པར་བཏོན་ཏེ་འཕེན་པར་བཤད་ཀྱང་། རང་ལུགས་ལ་དེ་མི་འདུག་པས་ཚེ་འདས་ཀྱི་རྣམ་ཤེས་དང་། ཡེ་ཤེས་སེམས་དཔའ་དབྱེར་མེད་པར་ཟླ་བའི་དཀྱིལ་འཁོར་ལ་གནས་པ་དེ་ནམ་མཁར་བཏེགས་ཏེ། ཧོཿ ཚེ་ལས་འདས་པ་ཁྱོད་ཉོན་དང་། །འདི་ནས་ནུབ་

[Full Size]

ཕྱོགས་བདེ་ཆེན་ན། །མགོན་པོ་སྤྱན་རས་གཟིགས་དབང་དང་། །སངས་རྒྱས་སྣང་བ་མཐའ་ཡས་བཞུགས། །བྱང་ཆུབ་སེམས་དཔའི་འཁོར་དང་བཅས། །སྲིད་པའི་སྡུག་བསྔལ་ཀུན་ལས་གྲོལ། །ཞིང་དེའི་ཡོན་ཏན་བརྗོད་ལས་འདས། །སུ་ཤིག་དེ་ཡི་མཚན་འཛིན་པ། །མོས་ཞིང་གུས་པས་མཆོག་བསྐྱེད་ན། །ཞིང་མཆོག་དེ་རུ་སྐྱེ་བར་གསུངས། །དེ་ཕྱིར་ཁྱོད་ཀྱི་གོམ་ཆེན་སྐྱོད། །ང་ནི་ཆེ་གེ་མོ་སྟེ། ཁྱོད་ཀྱི་ལམ་མཆོག་འདྲེན་པ་ཡིན། །འདི་དང་ཞིང་དེའི་བར་ལམ་དུ། །ཁྱོད་ཀྱི་ཕ་མ་ང་ཡིན་ཟེར། །ཁྱོད་ཀྱི་ཟླ་གྲོགས་ང་ཡིན་ཟེར། །འོ་དོད་ལྷང་ལྷང་འབོད་པ་ལ། །དེ་ལ་སྐད་ལེན་མ་སྦྱིན་ཅིག །དེ་ལ་ཕྱི་མིག་མ་བལྟ་ཞིག །ཉེ་འཁོར་ཡུལ་ལ་མ་ཆགས་ཤིག །སྡུག་བསྔལ་སེམས་ལ་མ་འཕྲེང་ཞིག །བདེ་བ་ཅན་གྱི་ཞིང་དུ་བཞུད། །ཀྱེ། ཚེ་འདས་ཆེ་གེ་ཁྱོད་ཉོན་ཅིག །འདི་ནས་ངེས་པར་ནུབ་ཕྱོགས་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་ན། བཅོམ་ལྡན་འདས་སྣང་བ་མཐའ་ཡས་ཞེས་བྱ་བ་བྱང་ཆུབ་སེམས་དཔའི་ཚོགས་དང་། འཕགས་པའི་དགེ་འདུན་དཔག་ཏུ་མེད་པས་བསྐོར་ནས་རྟག་ཏུ་ཆོས་ཀྱི་འཁོར་ལོ་

[Full Size]

བསྐོར་བ་དེར་རིགས་ཀྱི་བུ་ཁྱོད་སེང་གེའི་འགྲོས་སྟངས་ཀྱིས་སོངས་ཤིག །གླང་ཆེན་གྱི་ལྟ་སྟངས་ཀྱིས་ལྟོས་ཤིག །ཞིང་ཁམས་དེ་ཡིད་ལ་དུང་དུང་པའི་ངང་ནས། རིག་པ་མ་འཁྲུལ་བར་སྐད་ཅིག་ལ་མདའ་འཕངས་པ་ལྟར་བཞུད་ཅིག །རྩེ་གཅིག་ཏུ་བཞུད་ཅིག །བདེ་ཆེན་གཏན་གྱི་ཞིང་ཁམས་དམ་པ་དེ་ཡིད་ལ་ཟུང་ཞིག །ཨོཾ་པདྨེ་པདྨེ་པདྨ་སམ་བྷ་ཝ་མ་ཧཱ་སུ་ཁ་བ་ཏི་གཙྪན་སྭ་ཧཱུྃ། བདེ་བ་ཅན་གྱི་འོད་དཔག་མེད་གཙོ་འཁོར་གསུམ་ལ་མོས་གུས་དུང་དུང་བྱས་པ་ཙམ་གྱིས་སྐུ་གསུང་ཐུགས་ལས། །ཐུགས་རྗེའི་འོད་ཟེར་འཇའ་སྣམ་གྱི་ཤར་བུ་བརྒྱང་བ་ལྟར་ནར་གྱིས་བྱུང་བའི་སྣ་ལ་ཚེ་འདས་ཀྱིས་འཇུས་པ་དང་། ཡར་ཙེན་གྱིས་བླངས་ནས་མདུན་གྱི་པདྨའི་སྦུབས་སུ་ཐིམ་པས། རྫུས་སྐྱེས་ཀྱི་སྤྲུལ་པའི་སྐུ་ཐོབ་པར་གྱུར་ཅིག །ཕཊ་ཕཊ་ཕཊ། གསོན་ཤོག་རྐྱང་པ་ལ། སྦྱིན་བདག་ལྷར་གསལ་བ། ཁོ་རང་གང་དུ་གནས་པ་དབྱེར་མེད་དུ་གྱུར་པའི། དཔྲལ་བར་ཨོ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ལྟེ་བར་སྭ་སེར་པོ། གསང་བར་ཧཾ་ལྗང་གུ། གཙུག་ཏོར་དུ་ལྟ་དུད་ཁས་མཚན་པས་ལུས་ལ་རྡོ་རྗེའི་གོ་ཁྲབ་

[Full Size]

ཞུ་ལུབས་སུ་གྱོན་པར་གྱུར། ཨོཾ་ཧྲི་མཾ་ན་མཿ ཀཱ་ཡ་ཝཱཀ་ཙིཏྟ་རཀྵ་རཀྵ་སྭཱ་ཧཱ། བསོད་ནམས་རི་བོ་༔ ལོ་བརྒྱ་ཐུབ་ཅིང་སོགས། ཞེས་གཉེར་པ་ཆོས་འཕེལ་འཆི་ལ་ཁད་ཀྱི་དོན་ལ་དམིགས་ཏེ། རྣམ་གྲོལ་སྒོ་ཆེན་དང་ཀུན་རིག་ཆེན་མོ་གཉིས། རྗེ་མི་བསྐྱོད་ཞབས་དང་ཆོས་ཀྱི་དབང་ཕྱུག་གིས་མཛད་པའི་མི་འཁྲུགས་རྒྱས་བསྡུས་གཉིས། མཁས་པ་བུ་སྟོན་པས་མཛད་པ་དུས་ཀྱི་འཁོར་ལོའི་གཤིན་པོ་རྗེས་འཛིན་རྒྱས་པ་དང་། ཐུགས་རྗེ་ཆེན་པོ་གསང་འདུས་ཀྱི་གཤིན་དོན་བདུན་ཚིགས་མ་བུ་གསུམ། རྒྱལ་ཚབ་གྲགས་པ་མཆོག་དབྱངས་ཀྱིས་མཛད་པའི་གསོན་ཤོག་རྣམས་ཀྱི་དོན་བསྡུས་ཏེ། ཡི་དམ་གང་ལ་ཡང་སྦྱར་རུང་བའི་ཤི་བྱང་གསོན་བྱང་། ཁེར་ཞུས་དང་། སྤོམ་ཞུས་གང་བྱེད་ཀྱང་རུང་བར་གསུངས། རཱ་ག་ཨ་སྱས་བསྒྲིགས་ཅིང་། དགེ་སློང་པདྨ་ཐབས་མཁས་ཀྱིས་ཡི་གེར་བཀོད་པ། འགལ་འཁྲུལ་མཆིས་ན་ལྷ་ལ་བཤགས་ཤིང་། དགེ་བས་སེམས་ཅན་དཔག་ཏུ་མེད་པ་བདེ་བ་ཅན་དུ་སྐྱེ་བར་གྱུར་ཅིག །གཟུགས་མས་མེ་ལོང་འཛིན་པ་འདི། །ཚེ་འདས་སྤྱན་ལ་མཆོད་པ་འབུལ། །སྤྱན་གྱི་མཆོད་པ་བཞེས་སུ་གསོལ། །སྒྲ་མས་པི་ཝཾ་འཛིན་པ་འདི། །ཚེ་འདས་སྙན་ལ་མཆོད་པ་འབུལ། །།སྙན་གྱི་མཆོད་པ་བཞེས་སུ་གསོལ། །དྲི་མས་དུང་ཆོས་འཛིན་པ་འདི། །ཚེ་འདས་ཤངས་ལ་མཆོད་པ་འབུལ། །ཤངས་ཀྱི་མཆོད་པ་བཞེས་

[Full Size]

སུ་གསོལ། །རོ་མས་ཞལ་ཟས་འཛིན་པ་འདི། །ཚེ་འདས་ལྗགས་ལ་མཆོད་པ་འབུལ། །ལྗགས་ཀྱི་མཆོད་པ་བཞེས་སུ་གསོལ། །རེག་མས་ན་བཟའ་འཛིན་པ་འདི། །ཚེ་འདས་སྐུ་ལ་མཆོད་པ་འབུལ། །སྐུ་ཡི་མཆོད་པ་བཞེས་སུ་གསོལ། །ཆོས་མས་ཆོས་འབྱུང་འཛིན་པ་འདི། །ཚེ་འདས་ཐུགས་ལ་མཆོད་པ་འབུལ། །ཐུགས་ཀྱི་མཆོད་པ་བཞེས་སུ་གསོལ། །འཇིག་རྟེན་ཕ་རོལ་སོང་བའི་ཚེ་འདས་ལ། །ཤུལ་དུ་མཆིས་པའི་ཉེ་དྲུང་བརྩེ་བ་ཡིས། །ཁྱོད་ལ་གཏད་པའི་ཟས་སྐོམ་འདི་བསྔོས་པས། །ཟས་ཀྱི་མཆོག་ནི་འབྲས་དཀར་སཱ་ལུ་ཡིན། །སྐོམ་གྱི་མཆོག་ནི་ཤངས་དཀར་རྩེ་མོ་ཡིན། །ཚེ་འདས་ཁྱོད་ལ་མི་ཟད་གཏེར་དུ་བསྔོ། །ཚེ་འདས་མི་ཟད་གཏེར་ལ་ལོངས་སྤྱོད་ཤོག །ཨོཾ་བཛྲ་ས་ཏྭ་ཧཱུཾ། ན་མོ་འཇིག་རྟེན་འདི་ནས་ཕ་རོལ་དུ་ཚེ་ལས་འདས་པ་འདི་ཉིད་ཀྱི། མིག་གི་ཡུལ་དུ་གཟུགས་མཛེས་པར་གྱུར་ཅིག །རྣ་བའི་ཡུལ་དུ་སྒྲ་སྙན་པར་གྱུར་ཅིག །སྣ་ཡི་ཡུལ་དུ་དྲི་ཞིམ་པར་གྱུར་ཅིག །ལྕེ་ཡི་ཡུལ་དུ་རོ་མངར་བར་གྱུར་ཅིག །ལུས་ཀྱི་ཡུལ་དུ་རེག་བྱ་འཇམ་པར་གྱུར་ཅིག །ཡིད་ཀྱི་ཡུལ་དུ་བཟའ་བ་དང་བཏུང་བ་ལ་སོགས་

[Full Size]

པའི་འདོད་པའི་ཡོན་ཏན་ལྔ་ཕུན་སུམ་ཚོགས་པའི་སྒོ་ནས་རྟེན་དཀོན་མཆོག་གསུམ་མཆོད་པའི་སྐལ་བ་དོམ་པ་ལ་ལོངས་སྤྱོད་པར་གྱུར་ཅིག །བཅོམ་ལྡན་འདས་མགོན་པོ་མི་འཁྲུགས་པ་ལ་ཕྱག་འཚལ་ལོ། །མི་འཁྲུགས་པའི་སྙིང་པོ་སོགས་བརྗོད་དོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཤིན་དོན་གྱི་ཆོ་ག་གང་རུང་ལ་སྦྱར་ཆོག་པའི་གྲི་ཁྲོལ་མན་ངག

[Full Size]

གཤིན་དོན་གྱི་ཆོ་ག་གང་རུང་ལ་སྦྱར་ཆོག་པའི་གྲི་ཁྲོལ་མན་ངག་བྱང་བུར་འགུགས་བསྟིམས་གསུམ་ཟིན་འཕྲལ། མདུན་དུ་ཏིལ་དང་གཡས་སུ་མེ་གཡོན་དུ་ཆུ་བཤམས་ནས། ཚེ་འདས་རྣམ་ཤེས་ཨ་ཡིག་དཀར་པོ་དེ། ནི་ཡིག་སྔོ་སྐྱ་ཀ་ཡིག་དམར་སྐྱ་ཡི༔ དྲྭ་བས་རུས་པ་ལྤགས་པའི་ཚུལ་དུ་བཏུམས༔ བདག་གི་ཐུགས་ལས་ཧཱུྃ་ཡིག་དཀར་པོ་དང་༔ ཕཊ་ཡིག་དམར་སེར་དཔག་མེད་འཕྲོས་པ་ཡིས༔ ཚྭ་དང་ཀླུ་ཡི་དྲ་བ་དངོས་མེད་བཤིགས༔ ཏིལ་དང་ཡུངས་ཀར་མིང་བྱང་ལ་བསྐོར། མེ་ཆུ་ལ་དོར་ཞིང་༔ ཨ་ཀྲྀ་ཀཱ་ཧཱུྃ་ཕཊ༔ བརྒྱ་རྩ་བརྒྱད་དམ་བདུན་སོགས་བརྗོད། དཀོན་མཆོག་་གསུམ་དང་ཞི་ཁྲོ་་འདིར་ཡི་དམ་གང་ཡིན་མཚན་བསྒྱུར། རབ་འབྱམས་ཀྱི༔ བདེན་པ་ཆེན་པོས་ཚེ་འདས་འདི་ཉིད་ཀྱི༔ འཆི་ཁའི་མཚམས་སྦྱོར་སྐག་སྣང་འུར་འཇིགས་ཀྱི༔ བག་ཆགས་ངན་པའི་གྲི་གཅགས་བྲལ་གྱུར་ཅིག༔ སོར་མོ་བསྣོལ་བ་ཕྱིར་གྲོལ་བའི་ཕྱག་རྒྱས། ཨོཾ་བཛྲ་བན་ཏྲ་ཐ༔ ཨོཾ་བཛྲ་བྷིད་ཏྲ་ཐ༔ དེ་ནས་ལས་བུམ་གྱི་ཀུ་ཤས་མཚན་བྱང་ལ་གཏོར་ཞིང་༔ ཨོཾ་ཨ་མྲྀ་ཏེ་ཧཱུཾ་ཕཊ༔ མེ་ཆུ་ནང་དུ་བླུགས་ལ་བྱང་བུ་ལ་ལན་གསུམ་བསྐོར་ཞིང་། ཨོཾ་བཛྲ་བྷིད་ཏྲ་བ༔ ཅེས་ཕྱིར་དོར། གྲི་གོས་མཚན་བྱང་ཚེ་འདས་ལུས་སུ་གསལ༔ པྲ་ཝེ་ཤ་ཡ་ཕཊ་ཅེས་ལུས་སྒོ་ཕྱེས༔ ནྲྀ་

[Full Size]

ཨཱ་ཝེ་ཤ་ཡ་ཨ་ཞེས་བརྗོད་པ་ཡིས༔ རྣམ་པར་ཤེས་པ་ཨ་ཡིག་དངུལ་ཆུའི་མདོག༔ ལུས་ལ་ཞུགས་པས་ཚེ་འདས་དངོས་གྱུར་པའི༔ སྙིང་ཁར་ཡེ་ཤེས་རྡོ་རྗེ་རྩེ་ལྔ་པ༔ ལྟེ་བར་ཧཱུྃ་ཡིག་དཀར་པོས་མཚན་པ་ལ༔ ཛཿཧཱུྃ་བཾ་ཧོས་མི་འགྱུར་རྒྱས་བཏབ་འགྱུར༔ རྡོ་རྗེ་རྩེ་ལྔའི་ཕྱག་རྒྱ་མིང་བྱང་སྤྱི་བོར་བཞག་ལ། ལུས་ལ་རྡོ་རྗེའི་གོ་ཁྲབ་ཞུ་ལུབས་སུ་བཀོན་པར་གྱུར། ཨོ་བཛྲ་ཀ་ལ་ཤ་རཀྟ་རཀྟ་ཧཱུྃ༔ མིང་བྱང་སྤྱི་བོར་རྡོ་རྗེ་བཞག་ལ། ཕྱི་རོལ་རྡོ་རྗེའི་གུར་ཁང་ཆེན་པོར་གྱུར༔ བཛྲརཀྵ་རཀྟ་ཧཱུྃ༔ ཞེས་འཆི་ཁའི་མཚམས་སྦྱོར་གྱི་རིགས་གང་ཡང་རུང་བ་རེད་ཕྱིན། གྲི་ཁྲོལ་མ་བྱས་ན་ཚེ་འདས་ལ་དགེ་རྩ་ཐོབ་ཏུ་མི་འཇུག་པའི་བར་ཆད་བྱེད་ཅེས་རྒྱུད་གཞུང་ལས་གསུངས་པས་རོཏ་གླིང་ཐུགས་རྗེ་གསང་འདུས་ཆ་ལག་ལས་ཀརྨ་ཆགས་མེད་ཀྱིས་བསྒྲིགས་པ་འདི་བཞིན་འགྲོ་དོན་བྱེད་མཁན་རྣམས་ནས་ཕྱག་ལེན་བཏབ་ན་ལེགས། སརྦ་མངྒ་ལཾ།། །།

ཐུགས་དམ་གསལ་འདེབས་སྐོར་བསྡུས་པ།

[Full Size]

ཐུགས་དམ་གསལ་འདེབས་སྐོར་བསྡུས་པ་བཞུགས་སོ།

[Full Size]

ན་མོ་གུ་རུ་མ་ཧཱ་མུ་དྲ་ཡེ། དཔལ་ལྡན་བླ་མའི་ཞབས་ལ་ཕྱག་འཚལ་ནས། །བར་དོ་དང་པོའི་མན་ངག་ཅུང་ཟད་བྲི། །གནས་གསུམ་ཌཱཀྐིས་བཀའ་གནང་བྱིན་གྱིས་རློབས། །དེ་ལ་ས་མཚམས་ནི། སྒོམ་མེད་ཀྱི་རྟོགས་པ་གཤའ་མ་སྐྱེས་པ་དེ་རྟེན་འབྲེལ་འགྲིགས་ན་འཇའ་ལུས་སུ་འགྱུར་ཏེ་ཕུང་པོ་ལྷག་མེད་དུ་མཁའ་སྤྱོད་དུ་འགྲོའོ། །རྟེན་འབྲེལ་མ་འགྲིགས་ན་ཡང་གསོན་དུས་ནས་སངས་རྒྱས་པ་ཡིན་པས། འཆི་དུས་སླར་འོད་གསལ་བཟུང་ནས་ཆོས་སྐུ་སླར་ཐོབ་མི་དགོས་ཏེ། དབུགས་ཆད་མ་ཐག་ཏུ་དག་པའི་ཞིང་དུ་ལོངས་སྤྱོད་རྫོགས་སྐུར་སྣང་ཞིང་མ་

[Full Size]

དག་པའི་ཞིང་ཐམས་ཅད་དུ་གང་ལ་གང་འདུལ་གྱི་སྤྲུལ་སྐུ་འཆར་རོ། །དེ་གཉིས་པོ་ནི་ཚེ་འདིར་སངས་རྒྱས་པ་ཡིན་པས། ཐུགས་དམ་ཟིན་མ་ཟིན་གྱི་སྤྲོས་པ་མེད་པའི་ཕྱིར། རྒྱ་བོད་ཀྱི་གྲུབ་ཐོབ་ཆེས་མང་པོ་དང་། སངས་རྒྱས་བཅོམ་ལྡན་འདས། རྒྱལ་བ་ཡབ་སྲས་ལ་ཐུགས་དམ་ཟེར་བའི་སྲོལ་མེད་པ་དེ་ཡིན་ནོ། །རོ་གཅིག་ཆེན་པོའི་མན་ཆད་དེ་ནང་དབུགས་ཆད་མ་ཐག་སྐད་ཅིག་དང་པོ་ལ་འོད་གསལ་འཆར།། གཉིས་པ་ལ་ངོས་ཟིན། གསུམ་པ་ལ་གྲོལ་ཏེ་སྐད་ཅིག་གསུམ་གྱི་ཡུན་ལ་སངས་རྒྱས་པར་རྫོགས་ཆེན་རྣམས་ནས་རྒྱ་ཆེར་གསུངས་སོ། །རོ་

[Full Size]

གཅིག་ཆུང་ངུ་མན་ཆད་སྤྲོས་བྲལ་ཡན་ཆད་རྟོགས་པ་གཅིག་འོད་གསལ་ཟིན་ནས་ཞག་ཞེ་དགུ་གནས་ནུས་ན་འོད་གསལ་རོ་གཅིག་རྟོགས་ནས་སྒྲིབ་པ་ཐམས་ཅད་བཅོམ་ནས་དེ་ཉིད་དུ་སངས་རྒྱས་པར་འགྱུར་ཏེ། དེ་ལ་འཆི་བ་ཆོས་ཀྱི་སྐུར་སངས་རྒྱས་པ་ཞེས་བྱའོ། །དེ་བས་ཡུན་ཐུང་ན་ཡང་རང་རྟོགས་པའི་ས་མཚམས་མང་དུ་ཡོད་པ་དེའི་རྩལ་དང་ཡོན་ཏན་རྫོགས་པར་འགྱུར་རོ། །ཞེས་དྲུང་པས་གསུངས་སོ། །ལ་ལས་ཞག་གསུམ་སོགས་ཐུགས་དམ་གོ་མི་ཆོད་རྣམ་ཤེས་ཞག་གསུམ་དྲོས་བཞི་ཐམས་ཅད་སྡོད་པ་ཡིན་ཟེར་མཁན་འདུག་སྟེ༔ རྣལ་འབྱོར་པས་འོད་གསལ་ཟིན་ནས་དེའི་ངང་ལ་ཡུད་ཙམ་བསྡད་ན་ཡང་གསོན་དུས་ལོ་ཟླར་སྒོམ་པ་བས་སྟོབས་དང་ཡོན་ཏན་ཆེ་ལ། ཐ་མལ་པའི་དབུགས་ཆད་ནས་འོད་གསལ་ཤར་བ་ལ་སྐྲག་སྣང་སྐྱེས་ནས་བརྒྱལ་ཏེ་དྲན་མེད་དུ་ཞིག་གསུམ་མམ་རྩ་བཟང་བ་ཞག་བདུན་དུ་ཡང་འདུག་པར་བཀའ་གདམས་གླེགས་བམ་ནས་བཤད་དེ། འདུག་ལུགས་གཉིས་ལ་ཁྱད་ཆེན་པོ་ཡོད་པས་ཤེས་པར་བྱའོ། །ཡང་འོད་གསལ་མ་ཟིན་ན་བསྒོམས་ཚད་འཕྲོ་བརླག་པ་ནི་མ་ཡིན་ཏེ།། ལུས་སེམས་བྲལ་ཚར་ནས་བར་དོའི་འཁྲུལ་སྣང་མ་ཤར་

[Full Size]

བའི་བར་དེར་འོད་གསལ་གཉིས་པ་འཆར་བ་ཟིན་པར་གསུངས་པས་སོ། །འོད་གསལ་མ་ཟིན་ན་བར་དོར་སྒྱུར་ལུས་འཆར་དུས་དང་པོ་ལྷ་བསྒོམ། དེ་ནས་འོད་གསལ་བསྒོམས་པས་དེའི་ངང་ལ་ཞག་ཞེ་དགུ་གནས་ནུས་ན་ལོངས་སྤྱོད་རྫོགས་སྐུར་སངས་རྒྱས་པར་གསུངས་སོ། །ལར་ངོ་བོ་ཅུང་ཟད་ཙམ་དང་རྩེ་གཅིག་ལྟག་འོག་རྣམས། འཆི་བའི་འོད་གསལ་ཟིན་དཀའ། བར་དོའི་སྐབས་སུ་ཟིན་པར་གསུངས་སོ། །དེ་ལ་ཟིན་ནམ་མི་ཟིན་གྱི་ཚད་ནི། ད་ལྟ་གཉིད་དུས་འོད་གསལ་རྒྱུན་དུ་ཟིན་ན་ཐུགས་དམ་བསྐུལ་མ་མི་དགོས་མཚམས་སྦྱོར་བཟང་ངན་དང་གནད་གཅོད་ཆེ་ཆུང་ལ་མི་ལྟོས་པར་ཟིན་ནོ། །ད་ལྟ་གཉིད་ཀྱི་འོད་གསལ་མི་ཟིན་རྨི་ལམ་འོད་གསལ་ཟིན་ན། འཆི་བའི་འོད་གསལ་མི་ཟིན་བར་དོར་ཟིན་ནོ། །ཟིན་གྲངས་ནི་ཟླ་རེ་ལན་རེ་ཙམ་ཟིན་པའམ། ལར་རྨི་ལམ་ལན་བདུན་ཟིན་ན་བར་དོར་ཟིན་པ་ཨོ་རྒྱན་རིན་པོ་ཆེས་གསུངས་ལ། དྭགས་པོ་རིན་པོ་ཆེས་ནི་རྨི་ལམ་དུས་ད་ལྟ་བས་མི་གསལ་དུ་འགྲོ། བར་དོ་ན་ད་ལྟ་བས་གསལ་དུ་འགྲོ་བས་རྨི་ལམ་མ་ཟིན་ཀྱང་བར་དོར་ཟིན་གསུངས། ད་ལྟ་སེམས་ངོ་ཨིན་ཙམ་མཐོང་བས་ཀྱང་ཟིན་

[Full Size]

གསུངས་སོ། །ཐིམ་རིམ་ངོ་སྤྲོད་བཤད་པ་རྒྱ་ཆེར་ཡོད་ཀྱང་རྒོད་ཚང་པ་སོགས་བཀའ་བརྒྱུད་ཀྱི་བཞེད་པས་སྤ་སྤོ་མང་པོ་མེད་པར་ཉམས་ལེན་ཁོ་རང་གི་ངང་ལ་བཞག་པས་ཟིན་པར་འགྱུར་གསུངས། བར་དོ་ཐོས་གྲོལ་ཆེན་མོ་ལས། གང་ཟག་གོ་བ་བཟང་ཡང་ངོ་མ་འཕྲོད་པ་དང་། ངོ་འཕྲོད་ཀྱང་གོམས་འདྲིས་ཆུང་བ་རྣམས་དང་། སོ་སོའི་སྐྱེ་བོ་ཉམས་ཁྲིད་ཞུ་མྱོང་བ་རྣམས་ལ་འདི་ལྟར་ངོ་སྤྲད་པས་གཞིའི་འོད་གསལ་ཆོས་སྐུ་སྐྱེ་བ་མེད་པར་འཐོབ་གསུངས་སོ། །དེས་ན་དོན་ལ་རྨི་ལམ་དང་གཉིད་དུས་འོད་གསལ་ཡང་ཡང་ཟིན་ན། །བསྐུལ་མ་མེད་ན་ཡང་མཚམས་སྦྱོར་བཟང་ན་ཟིན་ལ། མཚམས་སྦྱོར་བཟང་ཞིང་ཐུགས་དམ་བསྐུལ་མ་མཁས་པས། དུས་གནད་ཟིན་པར་བསྐུལ་ན་སེམས་ངོ་ཨེན་ཙམ་མཐོང་བས་ཀྱང་ཟིན་པར་ངེས་ཏེ་མཐོང་བ་བརྒྱུད་པ་ལ་ཡང་གསལ་ལོ། །དེང་སང་བསྐྱེད་རིམ་རྐྱང་པས་ཐུགས་དམ་ཟིན་ན་བརྟན་པོ་འོང་ཟེར། དེ་འདྲ་མཐོང་ཡང་མཐོང་སྟེ་འདིས་འོད་གསལ་ཟིན་པའི་གོ་མི་ཆོད་ལ། འདི་ཐེར་ཟུག་ཏུ་གོལ་ན་སྐྱོན་ཡང་ཆེ་བར་མངོན་ནོ། །དེ་བཞིན་དུ་ཞི་གནས་བདེ་གསལ་མི་རྟོག་པ་ལ་ཆགས་ན་ཡང་གོལ་ས་ཡོད་པར་སྣང་། ལ་

[Full Size]

ལས་གཞིའི་འོད་གསལ་ལ་གོལ་ས་མི་སྲིད་ཟེར་ཡང་། གོལ་སར་ཤོར་ན་དེ་ལ་ཡང་བསྐུལ་མ་གདབ་ལུགས་སྦྱོར་དྲུག་གི་བར་དོའི་འོད་གསལ་ངོ་སྤྲོད་ནས་གསུངས་པའི་ཕྱིར་ཐུགས་དམ་ལ་གོལ་ས་ཡོད་པར་ངེས་སོ། །དེ་ཡང་ད་ལྟར་གོལ་ནས་ཡོད་ན་དེ་ཡང་གོལ། ད་ལྟ་མ་གོལ་ན་དེར་མི་གོལ་ལོ། །འཆི་ཁ་ཆགས་ཞེན་ཐམས་ཅད་སྤངས་བ་དང་། འཆི་དུས་དམ་ཚིག་གི་སེལ་དང་ཆགས་སྡང་སྐྱེ་ཡུལ་དྲུང་དུ་མེད་པ་དང་། ཐུགས་དམ་ཟིན་ནས་ཉམས་གྲིབ་དང་ཀུ་ཅོ་སྤོས་དང་མར་མེའི་གསུར་དྲི་ལྡེག་ཆོམ་ངུ་སྒྲ་རོལ་མོའི་སྒྲ་ཐམས་ཅད་སྤངས་དགོས་པར་གསར་རྙིང་ཐམས་ཅད་ནས་བཤད་ཅིང་། བླ་མའི་གསུང་རྒྱུན་དང་རང་གི་མྱོང་བས་འགྲུབ་བོ། །ལ་ལས་ཐུགས་དམ་བསྐུལ་མ་ལ་བཤད་པ་རྒྱ་ཆེན་མཛད་སྲོལ་འདུག་ཅིང་། ལུང་འདྲེན་དང་བཤད་པ་བྱས་ན་ཟད་མཐའ་མེད་ཀྱང་། བཤད་མང་ན་སྣང་མཆེད་ཐོབ་པའི་ཡུན་སྐད་ཅིག་ཙམ་ལས་མེད་དུས་ཡོལ་ནས་འགྲོ་བས། མ་ཟིན་པའི་རྐྱེན་དུ་གྱུར། ལ་ལས་འབྱུང་བའི་ཐིམ་རིམ་བཤད་པ་མང་དུ་བྱེད་ནའང་། ཐིམ་རིམ་ངོ་སྤྱད་ན་ཕྱི་དབུགས་མ་ཆད་ཚུན་ལ་བཤད་དགོས། དབུགས་ཆད་

[Full Size]

ནས་བྱུང་ཚར་བ་བཤད་པས་ཕན་མེད་པར་སྣང་ངོ། །ངོ་སྤྲོད་དངོས་ཀྱང་ལུང་འདྲེན་རྣམས་ཕལ་པས་གོ་ཡང་དཀའོ་བས། གནད་དུ་ཐེབ་པའི་ཚིག་བྱིན་རླབས་ཆེ་བ་འགའ་ཟུང་སྤྱོད་པ་ཟབ་བོ། །དེ་ནས་འཆི་ཁ་ནུབ་ནས་རྣམ་སྣང་ཆོས་བདུན་བྱས་བསྒོམ་སྐྱེད་བསྒོམ་ཤིང་མན་ཏ་རྒྱབ་ལ་གྲོགས་ཀྱིས་བརྟེན། དེ་མ་ནུས་ན་ཙོག་པུར་མེ་ཐབ་དྲུག་ཆིངས་ལྟར་འདུག་ལ་བསྒོམ་ཐག་གིས་བསྡམ་མ་རག་པ་བྱས་ལ་བརྟེན་ནི་འདུག །དེ་ཡང་མ་ནུས་ན་སེང་གེའི་ཉལ་ཐབས་བྱས་ལ་ཕྱི་དབུགས་ཆད་མ་ཐག་ཤིན་ཏུ་མྱུར་བར་གདུང་ཆས་བྱས་ལ། མིང་ཚུནས་དལ་བུས་བོས་ལ་རྣ་བ་ལ་ཁ་གཏད་ནས། ཐུགས་དམ་མ་ཡེངས་ཞེས་བརྗོད་ནས། མདོ་ལས། ལུས་ཅན་རྣམས་ནི་འཆི་བ་ན། །དབང་པོ་ཐིམ་དང་འབྱུང་བ་ཐིམ། །སྣང་བ་ཐིམ་དང་རྟོག་པ་ཐིམ། །རགས་པ་ཐིམ་དང་ཕྲ་བ་ཐིམ། །ཐིམ་པའི་རྗེས་ལ་གོམས་པ་ཡིས། །རང་བཞིན་གྱིས་ནི་འོད་གསལ་འཆར། །ཞེས་གསུངས་པ་ལྟར། ཕྱིའི་འབྱུང་བ་བཞི་གཅིག་ལ་གཅིག་ཐིམ་དབང་པོ་རྣམས་འགགས་ནས། ད་ལྟ་ཕྱི་རོལ་དུ་ཟླ་བ་ཤར་བ་ལྟ་བུ། ནང་དུ་སྨིག་རྒྱུ་དང་དུད་ལོང་ལྟ་བུ་འཆར་ཞིང་། སྒོམ་རྩེ་གཅིག་གི་

[Full Size]

རྟོགས་པ་དེ་སྐད་ཅིག་ལ་འཆར་བས་ངོས་ཟུངས་ཤིག །དེ་ནས་ཕྱི་རོལ་ཐམས་ཅད་ཉི་འོད་ལྟ་བུ་དམར་ལམ་མེ་བ་དང་། ནང་དུ་དམར་ཚེག་ཚེག་པ་ཞིག་འབྱུང་སྟེ་ཁྱེད་ལ་ད་ལྟ་སྒོམ་སྤྲོས་བྲལ་གྱི་རྟོགས་པ་དེ་སྐད་ཅིག་གཉིས་ལ་དངོས་སུ་འཆར་བས་ངོས་ཟུངས་ཤིག །དེ་ནས་ཕྱི་རོལ་ཐམས་ཅད་ནག་ཐིབས་སེ་མུན་རུབ་པ་ལྟ་བུ་ལ་ནང་དུ་གསལ་སེང་ངེ་བ་གཅིག་ཁྱེད་ལ་ད་ལྟ་ཡོད་དོ། །ད་ལྟ་སྒོམ་རོ་གཅིག་གི་རྟོགས་པ་དེ་སྐད་ཅིག་གསུམ་ལ་འཆར་བས་ངོ་ཤེས་པར་མཛོད། དེ་ནས་ད་ལྟ་ཁྱེད་ལ་ཕྱི་རོལ་རྣམས་སྐྱ་རེངས་ཤར་བ་ལྟ་བུར་ཅུང་ཟད་གསལ་ཞིང་། ནང་དུ་ནམ་མཁའ་དྭངས་བ་ལ་ཉི་མ་ཤར་བ་ལྟ་བུར་སྟོང་ཞིང་གསལ་བ། སྨྲ་བརྗོད་དང་བྲལ་བ། ཕྱག་རྒྱ་ཆེན་པོ་སྒོམ་མེད་ཀྱི་རྟོགས་པ་མངོན་སུམ་དུ་འཆར་རོ། །དེ་ལ་ངོ་མ་ཤེས་ན་ནི་གཉུག་མའི་སྐད་ཅིག་བཞིའམ་རིང་ན་ལུག་བཤའ་ཡུན་ཙམ་ལས་མི་གནས་པར་ནཱ་རོ་པས་གསུངས་སོ། །སྟོང་ཉིད་ཆོས་སྐུ་དེའི་ངང་ལ་མ་ཡེངས་པར་ཞོག་ཅིག །རྡོ་རྗེའི་ཚིག་རྐང་ལས། དཀར་དམར་སེམས་གསུམ་ཆུ་སྐྱེས་དབུས་སུ་འཛོམ། །དབང་པོ་ཡང་རབ་ཆོས་སྐུའི་རྒྱལ་ས་ཟིན། །ཞེས་གསུངས་པས།

[Full Size]

ད་ལྟ་ཆོས་སྐུའི་རྒྱལ་ས་འདི་ཟུངས་ཤིག །འདི་ལ་ཞག་ཞེ་དགུ་གནས་ནུས་ན་འཆི་བ་ཆོས་སྐུར་སངས་རྒྱས་པ་ཡིན་ནོ། །མ་ཡེངས་པར་འདིའི་བར་དུ་བཞུགས་ཤིག །ཅེས་བརྗོད་ནས་བསྐྱོར་ལ་ཡུན་ཨེན་ཙམ་བསྡད་པས་ཤ་བཀྲག་གསལ་ཞིང་སྣུམ་ལ་འོད་ཆགས་པ་མིག་ཟིན་བུ་ཞལ་འཛུམ་པ་འདྲ་ན་ཟིན་པ་ཡིན་ནོ། །དེ་ནི་ཕྱག་རྒྱ་ཆེན་པོའི་གསལ་འདེབས་ལུགས་སོ། ༈ ཡང་ཐབས་ལམ་གཏུམ་མོ་ལ་གོམས་པ་གཅིག་ཡིན་ན། འོ་ཆེ་གེ་མོ་མ་ཡེངས་པར་ཐུགས་དམ་ཟུངེས་མཛོད། དེ་ཡང་རྒྱུད་ལས། ལུས་ཅན་རྣམས་ནི་འཆི་བ་ན། །བདུད་རྩིའི་ཟླ་བ་ཐུར་དུ་འབབ། །དམར་ཚ་ཉི་མ་གྱེན་ལ་འབར། །ཞེས་གསུངས་པས། འབྱུང་བ་བཞིའི་རླུང་དང་རྣམ་པར་རྟོག་པ་རགས་པ་རྣམས་བསྐྱེད་པའི་རླུང་ཉི་ཁྲི་ཆིག་སྟོང་དྲུག་བརྒྱ་ལས་རླུང་ཕྲ་བ་ལ་ཐིམ་ཞིང་། ཡེ་ཤེས་ཀྱི་རླུང་དང་རོ་གཅིག་པར་གྱུར་པའི་སྐབས་ཡིན་པས། སྤྱི་བོ་ནས་ཡབ་ཧེ་རུ་ཀའི་ངོ་བོ་ཐིག་ལེ་ཧཾ་ཡིག་དབུ་མའི་ལམ་ནས་ཐུར་དུ་བབས་ནས། ད་ལྟ་ཁྱེད་ལ་དགའ་བའི་ཡེ་ཤེས་སྐད་ཅིག་ལ་འཆར་བས་ངོ་ཤེས་པར་གྱིས་ཤིག་།དེ་ནས་ལྟེ་འོག་ནས་ཨ་ཐུང་ཕག་མོའི་ངོ་བོ་བྱང་སེམས་དམར་པོ་གྱེན་དུ་འཕར་བས་མཆོག་དགའི་ཡེ་ཤེས་སྐད་ཅིག་གཉིས་ལ་འཆར་བས་

[Full Size]

ངོས་ཟིན་པར་མཛོད་ཅིག །དེ་ནས་འཁོར་ལོ་ལྔ་ཡི་རྩ་ཡི་ནུས་པ་ཐམས་ཅད་དབུ་མ་དོན་དམ་གྱི་རྩ་ལ་ཐིམ། ཐིག་ལེ་རླུང་སེམས་དབུ་མའི་ནང་དུ་ཞུགས་པས་ཕྱིའི་རྟོག་པ་ཐམས་ཅད་འགགས་ནས། ད་ལྟ་དགའ་བྲལ་གྱི་དགའ་བ་ཁྱེད་ལ་སྐད་ཅིག་གསུམ་དུ་འཆར་བས་ངོ་ཤེས་པར་གྱིས་ཤིག །དེ་ནས་སྙིང་ཁ་ཆོས་ཀྱི་འཁོར་ལོའི་དབུས་ན་ཐིག་ལེ་དཀར་དམར་ཁ་སྦྱོར་བའི་བར་ན་ཀུན་གཞིའི་རྣམ་ཤེས་ཚུད་དེ། ད་ལྟ་ཁྱེད་ལ་ལྷན་ཅིག་སྐྱེས་པའི་དགའ་བ་སྐད་ཅིག་བཞིའམ་ལུག་བཤའ་ཡུན་ཙམ་ལ་འཆར་རོ། །ངོ་ཤེས་པར་གྱིས། ཐབས་ལམ་བསྒོམས་པའི་དོན་གོ །བདེ་སྟོང་ཟུང་འཇུག་གི་རྟོགས་པ་རྡོ་རྗེ་འཆང་ཆེན་པོའི་དགོངས་པ་དེ་ད་ལྟ་ཤར་ནས་ཡོད་དོ། །ངོ་ཤེས་པར་མཛོད་ཅིག །སྐད་ཅིག་གཅིག་གིས་རྫོགས་སངས་རྒྱས། །ཞེས་གསུངས་པས། སྔགས་ལུགས་ཀྱི་མངོན་པར་བྱང་ཆུབ་པའི་དུས་ད་ལྟ་ཡིན་པས་མ་ཡེངས་པར་རྩེ་གཅིག་དེ་ཡི་ངང་ལ་ཡུན་དུ་བཞུགས་པར་ཞུ། ཞེས་གསལ་བཏབ་བོ། ༈ །འོད་གསལ་ལ་གོམས་པ་གཅིག་ཡིན་ན། འོ་ལགས་ཆེ་གེ་ཞེས་བྱ་བ་ད་ལྟ་འོད་གསལ་བཟུང་བའི་དུས་ལ་བབ་ནི་ཡོད་དེ། ཕྱི་རོལ་གྱི་འབྱུང་བ་བཞི་དང་

[Full Size]

དབང་པོ་ལྔ་སྙིང་པདྨ་འདབ་བཞི་ལ་ཐིམ་པས་ཕྱི་རོལ་མི་གསལ་བར་གདའོ། །པད་འདབ་བཞིའི་ཤར་དུ་ཨ་དཀར་པོ། དེ་ཡང་མི་དམིགས་པར་གཡོས་སུ་ནུ་སེར་པོ། དེ་ཡང་མི་དམིགས་པར་རྒྱབ་ཏུ་རྟ་དམར་པོ། དེ་ཡང་མི་དམིགས་པར་གཡོན་དུ་ར་ལྗང་གུ། དེ་ཡང་མི་དམིགས་པར་སྙིང་དབུས་ཧཱུྃ་ལ་སེམས་ཟུངས་ཤིག་དང་། སྣང་མཆེད་ཐོབ་པའི་འོད་གསལ་གཞི་རིམ་པར་འཆར་རོ། །ཕྱིའི་རྣམ་ཤེས་ཚོགས་དྲུག་གི་རྟོག་པ་མེད་པར་ནང་དུ་སེམས་ཀྱི་ངོ་བོ་ཅུང་ཟད་གསལ་བ་ཞིག་སྐད་ཅིག་ཙམ་འབྱུང་བ་དེ་སྣང་བའི་ཡེ་ཤེས་ཡིན་པས་ངོ་ཤེས་པར་གྱིས་ཤིག །ཡེ་ཤེས་དེ་ཆེར་མཆེད་ནས་གསལ་ལ་རྟོག་པ་མེད་པ་ཞིག་སྐད་ཅིག་གཉིས་ལ་འཆར་བས་དེ་མཆེད་པའི་ཡེ་ཤེས་ཡིན་པས་ངོ་ཤེས་པར་གྱིས་ཤིག །ཡེ་ཤེས་དེ་གསལ་སེང་ངེ་གནས་པ་ཞིག་སྐད་ཅིག་གསུམ་འབྱུང་བ་དེ་ཐོབ་པའི་ཡེ་ཤེས་ཡིན་པས་ངོ་ཤེས་པར་གྱིས་ཤིག །དེའི་རྗེས་སུ་གསལ་སྟོང་སྤྲོས་པའི་མཐའ་ཐམས་ཅད་དང་བྲལ་བ་ནམ་མཁའ་གཡའ་དག་པ་ལྟ་བུ་ཞིག་སྐད་ཅིག་བཞིའི་ལུག་བཤའ་ཡུན་ཙམ་ལ་འཆར་རོ། །དེ་ནི་ཉེར་ཐོབ་ཀྱི་ཡེ་ཤེས་འོད་གསལ་སྟོང་པ་ཉིད་ཡིན་པས་ངོ་ཤེས་པར་གྱིས་ཤིག །

[Full Size]

སྔར་འོད་གསལ་བསྒོམ་པའི་དོན་གོ་གཞིའི་འོད་གསལ་ད་ལྟ་ཤར་ནི་ཡོད་དོ། །མ་ཡེངས་པར་དེའི་ངང་ལ་བཞུགས་ཤིག །གསང་འདུས་གཉིས་མེད་རྣམ་རྒྱལ་ལས་ཉེ་བར་ཐོབ་པ་དྲི་མ་མེད་པ་སྟེ། །རང་བྱུང་རང་གསལ་བདེ་བ་དམིགས་སུ་མེད། །ཕྲ་རགས་རབ་ཞི་ཏིང་འཛིན་མཆོག་ཏུ་འགྱུར། །ཞེས་གསུངས་པའི་དོན་ཡིན་པས་མཉམ་པར་ཞོག་མཛོད། ཅེས་གསལ་བཏབ་བོ།། ༈ རྫོགས་ཆེན་ལ་གོམས་པ་གཅིག་ཡིན་ན། འོ་ལགས་ད་ནི་འཆི་བ་སླེབ་ནི་གདའོ། །ད་ལྟ་ཕྱི་དབུགས་ཆད་མ་ཐག་གི་དུས་འདིར་ཁྱེད་རང་སྤྱན་གཉིས་ནས་འོད་གསལ་ཁ་དོག་ལྔ་པ་སྐས་ལྟ་བུ་དུང་གི་ཐག་པ་ལྟ་བུ་གཅིག་ད་ལྟ་འཆར་རོ། །དེ་ནི་རྡོ་རྗེ་སེམས་དཔའི་སྣ་དག་ཐུགས་རྗེས་རྒྱུན་ལམ་ཡིན་ནོ། །དེ་ཡེ་ཤེས་སུ་ངོ་ཤེས་པར་གྱིས་ལ་སེམས་རྫོགས་པ་ཆེན་པོའི་ངང་ལ་མ་ཡེངས་ཤིག །འོ་ལགས་ད་ནི་ཐིག་ལེ་དཀར་དམར་དབུ་མར་ཞུགས་པའི་རྟེན་འབྲེལ་ལ། བདེ་གསལ་མི་རྟོག་ཉམས་གསུམ་ཡུན་པར་ཡུད་ཙམ་རེ་འཆར་རོ། །དེ་ངོ་ཤེས་པར་མཛོད་ཅིག །དེའི་རྗེས་ལ་དབྱར་མ་སྟོན་གྱི་ནམ་མཁའ་ལྟ་བུ་གཅིག་འཆར་རོ། །ནམ་མཁའ་སྤྲིན་དང་བྲལ་བ་ལྟར་སྟོང་

[Full Size]

རྗེན་ལྷན་ནེ་བ། གསལ་སྟོང་མཐའ་དབུས་མེད་པའི་དྲི་མེད་རྗེན་པ་གཅིག་ཤར་ནས་ཡོད་དོ། །ད་ལྟ་ཁྱེད་ལ་ཆོས་ཉིད་དག་པའི་སྣང་བ་འོད་གསལ་ཤར་ནས་ཡོད་དོ། །ངོ་ཤེས་པར་གྱིས་ཤིག །ད་ལྟའི་ཤེས་རིག་གི་ངོ་བོ་སེང་ངེ་བ་འདི་དངོས་པོ་མཚན་མ་ཁ་དོག་ཅི་ཡང་མ་གྲུབ་པ་སྟོང་སེང་ངེ་འདུག་པ་འདི་ཀ །ཆོས་ཉིད་ཀུན་ཏུ་བཟང་པོ་ཡིན་ནོ། རང་གི་ཤེས་རིག་སྟོང་བརྣོ་ཙམ་སྟོང་པ་ཕྱལ་ཆེད་དུ་མ་སོང་བར། རང་གི་ཤེས་རིག་མ་འགགས་པར་ས་ལེ་སིང་ངེ་བ་འདི་ཀ་རིག་པ་སངས་རྒྱས་ཀུན་ཏུ་བཟང་མོ་ཡིན་ནོ། །རང་གི་རིག་པ་དངོས་པོ་ཅིར་ཡང་མ་གྲུབ་པའི་ངོ་བོ་སྟོང་པ་དང་། རང་གི་ཤེས་རིག་ས་ལེ་བར་འདུག་པ་འདི་གཉིས་དབྱེར་མི་ཕྱེད་པར་འདུག་པ་འདི་ཀ་སངས་རྒྱས་ཆོས་ཀྱི་སྐུ་ཡིན་ནོ། །རང་གི་རིག་པ་གསལ་སྟོང་དབྱེར་མེད་འོད་ཀྱི་ཕུང་པོ་ཆེན་པོར་བཞུགས་པ་འདི་སྐྱེ་འཆི་མེད་པ་སངས་རྒྱས་འོད་མི་འགྱུར་བ་འདི་ཀ་ཡིན་ནོ། །དེ་ངོ་ཤེས་པས་ཆོག་གོ །དེའི་ངང་ལ་ཡུན་རིང་དུ་བཞུགས་ཤིག །ཅེས་གསལ་བཏབ་བོ།། ༈ དབུ་མ་ལ་གོམས་པ་གཅིག་ཡིན་ན། འོ་ཆེ་གེ་ལགས། ཁྱེད་སྐུ་ཚེའི་འདུ་བྱེད་བཏང་བའི་དུས་ལ་བབ་ནི་གདའ་བས། སེམས་

[Full Size]

ཅན་ཐམས་ཅད་ཀྱི་དོན་དུ་འཆི་བ་དོན་དམ་པའི་བདེན་པ་མངོན་སུམ་རྟོགས་པར་བྱ་སྙམ་པའི་ཐུགས་བསྐྱེད་དང་ལྡན་པས་གསན་འཚལ། ད་ལྟ་ཕྱི་འབྱུང་བཞིའི་གཏོང་ལེན་ཚར་ནས་ནང་ཆོས་ཉིད་ཀྱི་ཐོབ་པའི་ཏིང་ངེ་འཛིན་སྟོང་པ་ཉིད་བཞི་པོ་འཆར་བའི་སྐབས་སུ་གདའ་ལགས། ད་ལྟ་ཤེས་པ་སྨིག་རྒྱུའི་དུ་བ་ལྟར་ལང་ལོང་འབྱུང་ཞིང་། ཞེ་སྡང་གི་རྟོག་པ་སོ་གསུམ་འགགས་ནས་སྟོང་པ་ཉིད་སྐད་ཅིག་ལ་ལྷང་ངེ་འཆར་རོ། །ངོ་ཤེས་པར་གྱིས་ཤིག །སྣང་བ་སྲིན་བུ་མེ་ཁྱེར་ལྟར་དམར་ཕྲ་ཕྲོ་བྱེད་ཅིང་ཕྱི་མ་གང་དུ་སྐྱེ་བའི་སྲིད་པའི་ས་བོན་འཇོག་པས། དེར་སངས་རྒྱས་ཀྱི་ཞིང་ཁམས་དྲན་པར་མཛོད་ཅིག །སྟོང་ཉིད་ཀྱི་དོན་གསལ་ལ་འཛིན་པ་མེད་པ་ཞིག་སྐད་ཅིག་གཉིས་ལ་འཆར་རོ། །དེ་ངོ་ཤེས་པར་གྱིས་དང་ཤིན་ཏུ་སྟོང་པ་ཡིན་ནོ། །དེ་ནས་ཀུན་གཞིའི་རྣམ་ཤེས་སྤྱོད་པས་ཚོགས་བརྒྱད་འགགས་ནས། ནང་གི་རྣམ་པར་ཤེས་པ་གསལ་སང་ངེ་བ་སྐད་ཅིག་གཅིག་ལ་འབྱུང་སྟེ། དེ་ངོ་ཤེས་པར་གྱིས་དང་སྟོང་པ་ཆེན་པོ་ཞེས་བྱའོ། །དེ་ནས་ཕྱི་འབྱུང་བ་བཞིའི་འདུས་པ་ཞིག །འབྱུང་བ་ལྔའི་རླུང་དབུ་མར་གནས་པའི་ཚེ། ནམ་མཁའ་གཡའ་

[Full Size]

དག་པ་ལྟ་བུའི་གསལ་དང་ངེ། ཡོད་མེད་རྟག་ཆད་སྐྱེ་འགག་གནས་གསུམ་དང་བྲལ་བ་བསམ་བརྗོད་ཀྱི་ཡུལ་ལས་འདས་པ་མཐའ་བྲལ་དབུ་མའི་དོན། འཕགས་པ་ཀླུ་སྒྲུབ་ཡབ་སྲས་ཀྱི་བཞེད་དགོངས་ཇི་ལྟ་བ་དེ་ད་ལྟ་ཆོས་ཉིད་ཀྱི་སྟོབས་ཀྱིས་ཁྱེད་ལ་ཤར་ནི་ཡོད་པས། དེ་ངོས་ཟུངས་ལ་དེའི་སྟེང་དུ་མཉམ་པར་ཞོག་ཅིག །གང་གི་རྟེན་ཅིང་འབྲེལ་པར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། །གང་ཞིག་རྐྱེན་ལས་སྐྱེས་པ་དེ་མ་སྐྱེས། །དེ་ལ་སྐྱེ་བའི་རང་བཞིན་ཡོད་མ་ཡིན། །རྐྱེན་ལས་རག་ལས་གང་དེ་སྟོང་པ་དེ། །གང་གིས་སྟོང་ཉིད་ཤེས་ཏེ་བག་ཡོད་ཡིན། །འོ་དེ་ནི་རང་བཞིན་གྱི་སྟོང་པ་ཉིད་ཅེས་བྱ་བ་སྟེ། ལྟ་བ་ཐམས་ཅད་ཀྱི་མཆོག་དབུ་མ་ཐལ་འགྱུར་བའི་ལྟ་བ་ཡིན་པས། དེའི་ངང་དུ་ཡུན་རིང་དུ་བཞུགས་པར་ཞུ་ལགས། ཞེས་གསལ་གདབ་བོ།། ༈ ཕར་ཕྱིན་ལ་གོམས་པ་གཅིག་ཡིན་ན། འོ་ལགས་ཁྱེད་འདའ་ཁ་རུ་སོང་ནས་གདའ་བས། འདའ་ཀའི་

[Full Size]

ཡེ་ཤེས་ངོས་འཛིན་པར་ཞུ། སྐུ་ཚེའི་འཕེན་པ་ཟད་ནས་ཕྱི་དབུགས་ཆད་ནི་ད་ལྟ་ཆོས་ཉིད་ཀྱི་ཐོབ་པའི་ཏིང་ངེ་འཛིན་བཞི་འཆར་བ། བཟུང་བའི་སྐབས་སུ་གདའ་ལགས། ནང་དུ་དུད་པ་ལྟ་བུ་ལང་ལོང་དུ་འབྱུང་ཞིང་འཆི་བ་ཡོང་ངོ་ཤེས་ཏེ། དེར་ཕ་རོལ་ཏུ་ཕྱིན་པའི་དོན་སྐད་ཅིག་ལ་ལྷང་ངེར་འཆར་རོ། །དེ་ངོ་ཤེས་པར་གྱིས་དང་སེང་གེ་རྣམ་པར་འགྱིང་བའི་ཏིང་ངེ་འཛིན་ཞེས་བྱ་བ་ཡིན་ནོ། །དེ་ནས་སྲིན་བུ་མེ་ཁྱེར་ལྟ་བུ་དམར་ཚེག་ཚེག་པ་དང་། གང་དུ་སྐྱེ་བའི་སྣང་བ་ཡུད་ཙམ་འཆར་བས་ཕྱི་མའི་ས་བོན་འཇོག་པས། དགའ་ལྡན་ན་བྱམས་པ་བཞུགས་པ་དེ་དྲན་པར་མཛོད་ཅིག །དེ་དང་མཉམ་དུ་ཕ་རོལ་ཏུ་ཕྱིན་པའི་དོན་གསལ་སེང་ངེ་བར་ཡུད་ཙམ་འཆར་བས། དེ་ངོ་ཤེས་པར་གྱིས་དང་། སྒྱུ་མ་ལྟ་བུའི་ཏིང་ངེ་འཛིན་ཞེས་བྱའོ། །དེ་ནས་ཚོགས་དྲུག་འགགས་ནས་ནང་དུ་རྣམ་པར་ཤེས་པ་གསལ་ཏ་ལེ་གནས་པ་ཞིག་སྐད་ཅིག་གསུམ་ལ་འཆར་ཏེ། དེ་ངོ་ཤེས་པར་གྱིས་དང་། དཔའ་བར་འགྲོ་བའི་ཏིང་ངེ་འཛིན་ཞེས་བྱ་བ་ཡིན་ནོ། །དེ་ནས་ཕྱི་རོལ་ཡང་སྐྱ་རེངས་ཤར་བ་ཙམ་དུ་གསལ་བའི་ཉམས་དང་། ནང་གི་སེམས་ཉིད་དོན་གྱི་ནམ་

[Full Size]

མཁའི་སྤྲིན་དང་ཁུ་རླངས་དང་བྲལ་བ་ལྟ་བུ་ཞིག་འཆར་རོ། །ད་ལྟ་ཁྱེད་ལ་སྨྲ་བསམ་བརྗོད་དུ་མེད་པའི་དོན་དེ་མངོན་སུམ་དུ་ཤར་ནས་ཡོད་དོ། །དེ་ནི་རྡོ་རྗེ་ལྟ་བུའི་ཏིང་ངེ་འཛིན་ཞེས་བྱ་བ་སྟེ། སྤང་བྱ་ཐམས་ཅད་འཇོམས་ཤིང་གཞན་གྱིས་གཞོམ་དུ་མེད་པས་སོ། །ཡུམ་ཕ་རོལ་ཏུ་ཕྱིན་མ་ཞེས་བྱ་སྟེ། འཕགས་པ་བཞི་ཀ་འདི་ཁོ་ན་ལས་སྐྱེད་པར་བྱེད་པ་ཡིན་ནོ། །དོན་དམ་པ་སྟོང་པ་ཉིད་ཀྱང་འདི་ཡིན་ནོ། །ཡེ་ཤེས་ཀྱང་འདི་ཡིན་ནོ། །གཞི་འབྲས་དབྱེར་མེད་དོ། །འདའ་ཀ་ཡེ་ཤེས་ལས། སེམས་རྟོགས་ན་སངས་རྒྱས་ཡིན་པས་སངས་རྒྱས་གཞན་ནས་མི་འཚོལ་བའི་འདུ་ཤེས་བསྒོམ་པར་བྱའོ། །ཞེས་གསུངས་པས། འབྲས་བུ་སངས་རྒྱས་ཆོས་སྐུ་འདི་རང་ཡིན་པས་འདིའི་ངང་ལ་ཡུན་རིང་དུ་མཉམ་པར་ཞོག་ཅིག །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །སེམས་ལ་སེམས་མ་མཆིས་ཏེ་སེམས་ཀྱི་རང་བཞིན་འོད་གསལ་བའོ། །ཞེས་ངོ་སྤྲོད་གསལ་བཏབ་པར་བྱའོ། ། ༈ ཡང་དབང་བཞིའི་འགྲོས་ལ་གོམས་པ་ཞིག་ཡིན་ན།

[Full Size]

འོ་ཆེ་གེ་ལགས་ཁྱེད་རྣམ་སྨིན་གདོས་བཅས་ཀྱི་ལུས་འདི་བཏུལ་ནས་ཕྱི་དབུགས་ཆད་པའི་སྐབས་སུ་གདའ་བས། ད་ལྟ་ཁྱེད་ལ་ཆོས་ཉིད་ཀྱི་ཐོབ་པའི་དབང་བཞིའི་ཡེ་ཤེས་རྣམས་འཆར་ཞིང་འདུག་པ་ངོས་བཟུང་བར་འཚལ། དེ་ཡང་ཕྱི་རྟེན་དང་བརྟེན་པའི་དཀྱིལ་འཁོར་དང་དཀྱིལ་འཁོར་པ་ཐམས་ཅད་ནང་འོད་གསལ་ཞུགས་ནས་ཐིམ་པས། ཚོགས་བརྒྱུད་རྣམས་འགགས་ནས་ཐལ་ལོ། །དེ་ནས་སྤྱི་བོ་ནས་ཡབ་ཧེ་རུ་ཀའི་ངོ་བོ་བྱང་སེམས་དཀར་པོ་དེ་བུམ་པ་ཆུའི་དབང་བསྐུར་བའི་ཚུལ་དུ་བབས་པས། གསལ་སྟོང་གི་ཉམས་ཤིག་སྐད་ཅིག་ལ་སྐྱེ་བ་དེ་བུམ་དབང་གི་དབང་དོན་དུ་ངོ་ཤེས་པར་གྱིས་ཤིག །ལུས་ཀྱི་རྩ་གནས་ཐམས་ཅད་ནས་ལས་རླུང་ཉི་ཁྲི་ཆིག་སྟོང་དྲུག་བརྒྱ་པོ་དེ་དབུ་མའི་ནང་དུ་ཞུགས་པས། ལྟེ་བ་ནས་ཨ་ཐུང་ཕག་མོའི་ངོ་བོ་གྱེན་དུ་འབར་ནས། བདེ་སྟོང་གི་ཉམས་ཤིག་སྐད་ཅིག་གཉིས་ལ་འཆར་བ་དེ་གསང་དབང་གི་དབང་དོན་དུ་ངོ་ཤེས་པར་གྱིས་ཤིག །དེ་ནས་ཐིག་ལེ་གཉིས་སྙིང་ཁར་འཕྲད་པས་རིག་སྟོང་གི་རྟོགས་པ་ཁྱད་པར་ཅན་ཞིག་སྐད་ཅིག་གསུམ་ལ་འཆར་བས་ཤེས་རབ་ཡེ་ཤེས་ཀྱི་དབང་དོན་དུ་ངོ་ཤེས་པར་གྱིས་ཤིག །དེ་

[Full Size]

ནས་དཀར་དམར་སེམས་གསུམ་སྙིང་གར་དབུ་མའི་ནང་དུ་ཚུད་པས་ཚིག་དབང་རིན་པོ་ཆེ་སྔར་བླ་མས་ངོ་སྤྲད་པའི་ཕྱག་རྒྱ་ཆེན་པོ་སྤྲོས་པའི་ཡུལ་ལས་འདས་པ་དེ་ད་ལྟ་ཁྱེད་ལ་མངོན་སུམ་དུ་ཤར་ནས་ཡོད་པས།་དེ་ངོ་ཤེས་པར་གྱིས་མ་ཡེངས་པར་དེའི་སྟེང་དུ་མཉམ་པར་ཡུན་རིང་དུ་ཞོག་ཅིག །ཆོས་ཐམས་ཅད་དངོས་པོའི་དེ་ཉིད་དུ་མ་གྲུབ། ཁྱེད་རང་གི་སེམས་གཞི་མེད་རྩ་བྲལ་སྤྲོས་པའི་མཐའ་ཐམས་ཅད་དང་བྲལ་བ། སྣང་སེམས་དབྱེར་མེད་ཆོས་ཀྱི་སྐུར་ངོས་བཟུང་མེད་པར་ངོ་ཤེས་པར་གྱིས་ཤིག །ཅེས་ངོ་སྤྲད་དོ།། ༈ ཡང་བླ་མའི་རྣལ་འབྱོར་ལ་གོམས་པ་ཞིག་ཡིན་ན། འོ་ན་ཁྱོད་ལ་ད་ལྟ་ཕྱི་འབྱུང་བ་བཞིའི་ཐིམ་སྡུད་ཚར་ནས། ད་ལྟ་ཁྱེད་ལ་བླ་མ་སྐུ་བཞིའི་དགོངས་པ་དངོས་སུ་འཆར་སྐབས་སུ་གདའོ། །ཁྱེད་རང་གི་ལུས་ངག་ཡིད་གསུམ་དང་བླ་མའི་སྐུ་གསུང་ཐུགས་དབྱེར་མེད་ལྷུན་གྲུབ་ཏུ་བཞུགས་ནས་ཡོད་དོ། །དཀར་ལམ་གྱི་སྣང་བ་དང་གསལ་སྟོང་གི་ཉམས་སྐད་ཅིག་ལ་འཆར་བ་དེ་གསལ་སྟོང་དབྱེར་མེད་བླ་མ་སྤྲུལ་པའི་སྐུ་ཡིན་ནོ། །ངོ་ཤེས་པར་གྱིས་ཤིག །དམར་ལམ་གྱི་སྣང་བ་དང་བདེ་སྟོང་གི་ཉམས་སྐད་ཅིག་གཉིས་ལ་འཆར་བ་དེ་བདེ་སྟོང་ཟུང་འཇུག་བླ་