མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ངི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

མཚན་འབུམ་གཟུངས་འབུམ་ཀུན་འདུས་ཡིད་བཞིན་ནོར་བུ་དབང་གི་རྒྱལ་པོ།

[Full Size]

མཚན་འབུམ་གཟུངས་འབུམ་ཀུན་འདུས་ཡིད་བཞིན་ནོར་བུ་དབང་གི་རྒྱལ་པོ་ཞེས་བྱ་བ་བཞུགས་སོ། །

[Full Size]

ཨོཾ། འགྲོ་བ་མ་ལུས་སངས་རྒྱས་ཐོབ་པའི་ཕྱིར། །མཚན་བསྒྲགས་གཟུངས་སྒྲོགས་བཀའ་རྣམས་ཀློག་པར་བྱེད། །རང་ཉིད་སྐད་ཅིག་ཐུགས་རྗེ་ཆེན་པོའི་སྐུ། །ཁམས་གསུམ་ཁྱབ་པའི་ཡ་རྐན་ཆོས་ཀྱི་རྔ། །ལྕེ་ཡི་དབྱུག་གུས་བསྐུལ་བའི་ཆོས་ཀྱི་སྒྲ། །འགྲོ་བ་ཀུན་གྱིས་ཐོས་པས་སྒྲིབ་སྦྱོང་གྱུར། །ཨོཾ་སམྦྷ་ར་སམྦྷ་ར་བི་མ་ན་སཱ་ར་མ་ཧཱ་ཛམྦྷ་ཧཱུྃ་ཕཊ་སྭཱ་ཧཱ། བྱེ་བའི་འགྱུར། ཕྱོགས་བཅུའི་ཞིང་ན་བདག་པོས་མ་བཟུང་དང་། །ཡིད་ལས་སྤྲུལ་པའི་ཀུན་བཟང་མཆོད་པའི་སྤྲིན། །བདག་ལུས་ཞིང་གི་རྡུལ་སྙེད་སྤྲུལ་བྱས་ཏེ། །རྒྱལ་བ་སྲས་བཅས་མཆོད་ཅིང་ཕྱག་

[Full Size]

འཚལ་ལོ། །ཐལ་མོ་ཁོང་སྟོང་སྦྱར་བ་ནམ་མཁའ་མཛོད་ཀྱི་ཕྱག་རྒྱས་མཆོད་པ་ཟད་མེད་དུ་འཕེལ། ཨོཾ་སརྦ་བིད་པཱུ་ར་པཱུ་ར་སུ་ར་སུ་ར་ཨཱཿ་བརྟ་ཡ་ཨཱཿ་བརྟ་ཡ་ཧོ༔ ཨོཾ་བཛྲ་སྤ་ར་ཎ་ཁཾ། ཐལ་མོ་སྦྱར་ལ། ཨེ་མ་ཧོ༔ ཕྱོགས་དུས་བདེ་གཤེགས་རྒྱལ་བ་མ་ལུས་པ། །ཐུགས་དམ་དབང་གིས་འདིར་གཤེགས་གདན་ལ་བཞུགས། །སེམས་ཅན་ལས་སྒྲིབ་སྦྱང་ཕྱིར་ཕྱག་མཆོད་བཞེས། །བཛྲ་ས་མཱ་ཛཿ ནམ་མཁའ་གང་བར་བྱོན་ནས་བཞུགས་པར་བསམ། ཐལ་མོ་སྦྱར་ལ་མགོ་བོས་འདུད་བྱ་ཞིང་། །རྡོ་རྗེ་འཆང་ཆེན་གྲུབ་ཆེན་བརྒྱད་ཅུ་བཞི། །པདྨ་འབྱུང་གནས་རྗེ་འབངས་ཉེར་ལྔ་དང་། །རྩ་བརྒྱུད་

[Full Size]

བླ་མ་གྲུབ་ཐོབ་རྒྱ་མཚོ་ལ། །ཕྱག་འཚལ་མཆོད་འབུལ་སྐྱབས་མཆི་གསོལ་བ་འདེབས། །ཐུགས་རྗེ་ཆེན་པོ་རིགས་བཞིའི་སྤྱན་རིས་གཟིགས། །བསྐལ་པ་བཟང་པོའི་སངས་རྒྱས་སྟོང་རྩ་གཉིས། །རྒྱ་མཚོ་ལྔ་ཡི་ལྷ་ཚོགས་ཐམས་ཅད་ལ། །ཕྱག་འཚལ་མཆོད་འབུལ་སྐྱབས་མཆི་གསོལ་བ་འདེབས། །བདག་ཅག་རྣམས་ཀྱི་སྟོན་པ་ཤཱཀྱ་ཐུབ། །གནས་བརྟན་བཅུ་དྲུག་དགེ་བསྙེན་དྷརྨ་ཏཱ། །བྱང་སེམས་ཉན་རང་འཕགས་པ་ཐམས་ཅད་ལ། །ཕྱག་འཚལ་མཆོད་འབུལ་སྐྱབས་མཆི་གསོལ་བ་འདེབས། །ཀུན་བཟང་རིགས་ལྔ་ཡབ་ཡུམ་ཐུབ་པ་དྲུག །སེམས་དཔའ་སེམས་མ་སྒོ་བ་ཡབ་ཡུམ་བརྒྱད། །ཞི་བ་བུདྡྷ་བཞི་བཅུ་རྩ་གཉིས་ལ། །ཕྱག་འཚལ་མཆོད་འབུལ་སྐྱབས་མཆི་གསོལ་བ་འདེབས། །ཆེ་མཆོག་རིགས་ལྔ་ཁྲག་འཐུང་ཡབ་དང་ཡུམ། །ཀེ་སེང་སྒོ་བ་དབང་ཕྱུག་ཉི་ཤུ་བརྒྱད། །ཁྲག་འཐུང་འབར་བ་ལྔ་བཅུ་རྩ་བརྒྱད་ལ། །ཕྱག་འཚལ་མཆོད་འབུལ་སྐྱབས་མཆི་གསོལ་བ་འདེབས། །ན་མོ་རཏྣ་ཏྲ་ཡཱ་ཡ། ན་མོ་བུདྡྷ་ཡ། ན་མོ་དྷརྨཱ་ཡ། ན་མསངྒ་ཡོ། འཕགས་བཞི་བསྐྱེད་པའི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། །ཞེས་

[Full Size]

དང་སྤྲོ་ན། མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་གངས་ཅན་མཚོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། གསེར་འོད་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་

[Full Size]

ཏོར་ཅན་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། སྨན་བླ་མཆེད་བདུན་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟང་དྲི་མེད་རིན་ཆེན་སྣང་བ་བརྟུལ་ཞུགས་གྲུབ་པའི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་གྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་

[Full Size]

གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོའི་མཆོག་གི་བློས་རྣམ་པར་རོལ་པ་མངོན་པར་མཁྱེན་པའི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ཇོ་བོའི་པོ་ཏི་ལྔ་བརྒྱ་ནས་བཏུས་པ་ངོ་མཚར་ཆེ་བའི་མཚན་བརྒྱད་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་བའི་མཛོད་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན།

[Full Size]

ཀུན་ནས་འོད་ཀྱི་རྒྱལ་པོ་མེ་འོད་རབ་ཏུ་གསལ་བ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་དང་མེ་ཏོག་ལ་དབང་བ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བརྒྱའི་གང་གཱའི་ཀླུང་གི་བྱེ་མ་སྙེད་ཀྱི་གྲངས་དང་མཉམ་པར་ངེས་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཟི་བརྗིད་ངེས་པར་གནོན་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོ་གས་པའི་སངས་རྒྱས་རྡོ་རྗེ་དཔལ་བརྟན་ཤིང་དུལ་བ་ཞི་བ་ཕ་རོལ་གྱི་སྟོབས་རབ་ཏུ་འཇོམས་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་

[Full Size]

གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་ཟླ་འོད་སྐྱབས་གནས་དམ་པ་སྒྲའི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་རྣམ་པར་བརྩེགས་པ་གྲགས་པའི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ།། ཕྱོགས་བཅུའི་སངས་རྒྱས་ནི། ཤར་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རིན་ཆེན་དཔག་ཏུ་མེད་པ་བཀོད་པའི་གཟི་བརྗིད་ཀྱི་རྒྱལ་པོ་ལྟ་བུ་ལ་ཕྱག་འཚལ་ལོ། །དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ལྷོ་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རིན་ཆེན་དཔལ་བཀོད་པའི་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ནུབ་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པ་

[Full Size]

རྫོགས་པའི་སངས་རྒྱས་ཆོས་ཐམས་ཅད་སྤོབས་པ་བཀོད་པའི་དཔལ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། །བྱང་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པ་དཔག་ཏུ་མེད་པ་རྡུལ་དང་བཀོད་པ་ཡང་དག་སྤྱད་པའི་བློ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ཤར་ལྷོའི་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་འབྲུག་སྟོང་བསྒྲག་པའི་སྒྲ་སྐད་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ལྷོ་ནུབ་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་མཆོག་འོད་དཔལ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ནུབ་བྱང་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཟི་བརྗིད་ཀྱི་རྒྱལ་པོ་རྣམ་མང་དཔལ་སྣང་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བྱང་ཤར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་

[Full Size]

པར་རྫོགས་པའི་སངས་རྒྱས་བསྐལ་པ་བྱེ་བ་གྲངས་མེད་པར་བྱང་ཆུབ་ཡང་དག་པར་སྒྲུབ་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། སྟེང་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟང་པོ་དང་ནམ་མཁའ་ངེས་པར་སྒྲོགས་པ་བཀོད་པའི་འོད་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། འོག་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ཀྱི་ཚུལ་ལས་རྣམ་པར་འཕྲུལ་པ་ངེས་པར་འབྱུང་བ་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། མེ་ལྕེ་འབར་བའི་རྒྱུད་ལས། མར་མེ་མཛད་ལ་སོགས་པ་འདས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །།མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། འཇམ་དཔལ་ཞིང་བཀོད་ལས། མགོན་པོ་ཀུན་ཏུ་གཟིགས་ལ་སོགས་པ་མ་བྱོན་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །མཆོད་དོ་སྐྱབས་

[Full Size]

སུ་མཆིའོ། །བྱིན་གྱིས་བརླབ་ཏུ་གསོལ། སྙིང་རྗེ་པད་དཀར་ལས། པདྨ་དམ་པ་ལ་སོགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །མཆོད་དོ། སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། དམ་ཆོས་པད་དཀར་ལས། འཇིགས་པ་འཇིགས་པ་མེད་པར་སྦྱིན་པ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དེ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། སྤྱན་རས་གཟིགས་ཀྱི་མཚན་བརྒྱད་ནི། པདྨ་བསྣམས་པ་ལ་ཕྱག་འཚལ་ལོ། །པདྨ་ལས་འཁྲུངས་པ་ལ་ཕྱག་འཚལ་ལོ། །ཕྱག་ན་པདྨ་ལ་ཕྱག་འཚལ་ལོ། །པདྨའི་དཔལ་ལ་ཕྱག་འཚལ་ལོ། །པདྨའི་གཙོ་ལ་ཕྱག་འཚལ་ལོ། །པདྨའི་སྤྱན་ལ་ཕྱག་འཚལ་ལོ། །འཇིག་རྟེན་དབང་ཕྱུག་ལ་ཕྱག་འཚལ་ལོ། །པདྨའི་དབང་ཕྱུག་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། རིག་པ་མཆོག་གི་རྒྱུད་ལས། རིག་པའི་རྒྱལ་པོ་ཆེན་པོ་མཆོག་ཕྱག་ན་རྡོ་རྗེ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ཕྱག་ན་རྡོ་རྗེའི་མཚན་བརྒྱད་ནི། བ་གླང་སྣ་ལ་ཕྱག་འཚལ་

[Full Size]

ལོ། །ཤིན་ཏུ་བརྒྱན་པ་ལ་ཕྱག་འཚལ་ལོ། །རིན་ཆེན་ཡོན་ཏན་དབྱངས་ལ་ཕྱག་འཚལ་ལོ། །ཤིན་ཏུ་རྣམ་པར་འདས་པ་ལ་ཕྱག་འཚལ་ལོ། །བདེ་བའི་སྤྲིན། ལ་ཕྱག་འཚལ་ལོ། །དགའ་བའི་གཟུགས་རྣམ་པར་བརྒྱན་པ་ལ་ཕྱག་འཚལ་ལོ། །འོད་འཕྲོ་འབར་བ་ལ་ཕྱག་འཚལ་ལོ། །རིབ་ཏུ་གཟུགས་བཟང་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བྱམས་པའི་མདོ་སྣ་གཉིས་ལས། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་ཚབས་བྱམས་པ་མགོན་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། སའི་སྙིང་པོ་མདོ་ལས། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། རྟ་མགྲིན་རྣམ་བཀོད་ཀྱི་མདོ་ལས། བྱང་ཆུབ་སེམས་དཔའ་སེམས་དཔའ་ཆེན་པོ་དཔལ་རྟ་མགྲིན་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ཕྱོགས་བཅུ་དུས་གསུམ་གྱི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་བཞུགས་པ་ཐམས་ཅད་ལ་ཕྱག་འཚལ་ལོ། །མཆོད་

[Full Size]

དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ཐར་མདོའི་དོན། སྡེ་སྣོད་གསུམ་དང་གསུང་རབ་ཡན་ལག་བཅུ་གཉིས་རྣམས་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བདེ་བར་གཤེགས་པ་ཐམས་ཅད་ཀྱི་སྐུ་གདུང་རིང་བསྲེལ་མཆོད་རྟེན་རྣམས་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། དེ་ནས་གཟུངས་ནི། ཨོཾ་ཨ་མོ་གྷ་ཤཱི་ལ། སཾ་བྷ་ར་སཾ་བྷ་ར། བྷ་ར་བྷ་ར། མ་ཧཱ་ཤུདྡྷ་སཏྭ་པདྨ་བི་བྷུ་ཥི་ཏ། བྷུ་ཛ་དྷ་ར་དྷ་ར། ས་མནྟ་ཨ་བ་ལོ་ཀི་ཏེ་ཧཱུྃ་ཕཊ་སྭཱ་ཧཱ། ཚུལ་ཁྲིམས་རྣམ་པར་དག་པའོ། །ན་མ་སརྦ་བུདྡྷ་བོ་དྷི་སཏྭཱ་ནཾ། །ཨོཾ་བི་ར་ཛི་བི་ར་ཛི་མ་ཧཱ་བཛྲ། པ་ཏ་པ་ཏ། པོ་ར་ཏེ་པ་ར་ཏེ། ཏྲ་ཡི་ཏྲ་ཡི། བི་དྷ་མ་ནི་སཾ་བྷཉྫ་ནི། ཏ་ར་མ་ཏི་སིདྡྷི་ཨ་གྲེ་ཏྲེ་སྭཱ་ཧཱ། དེས་ནི་དཀྱིལ་འཁོར་ཐམས་ཅད་དུ་ཞུགས་པར་འགྱུར་གསུངས་སོ། །ཐལ་མོ་དམ་དུ་སྦྱར་བ་སླར་པདྨའི་ཚུལ་བྱས་མཛུབ་མོ་ནོར་བུའི་ཚུལ་བྱས། གུང་མོ་ཡིད་ཙམ་བཀུག་པ་ཡིད་བཞིན་ནོར་བུ་རྒྱལ་མཚན་རྩེ་མོའི་ཕྱག་རྒྱ་འདིས་ལག་པ་སྤྱི་བོར་བརྐྱངས་ནས་བཞག་སྟེ་སྤྱི་བོར་དབང་བསྐུར་ཞིང་། ཨོཾ་སྟེ་ཡ་དྷ་ནུ་ག་ཏ། ཨ་བྷི་ཥིཉྩ་ཏུ། སརྦ་སྟེ་ཡ་དྷ། ཨ་བྷི་ཥེ་ཀེ། པདྨ་མ་ཎི་སུ་པདྨེ། ཨ་

[Full Size]

མོ་བྷེ། སརྦ་ཏ་ཐཱ་ག་ཏ། ཨ་དྷིཊྛི་ཏེ་ཧཱུྃ། འདིས་སངས་རྒྱས་ཐམས་ཅད་ཀྱིས་དབང་བསྐུར་ཞིང་སྤྱན་རས་གཟིགས་ཀྱི་ཕྱག་གིས་དབང་བསྐུར་བར་འགྱུར་རོ། །ཨོཾ་ན་མོ་བྷ་ག་ཝ་ཏེ་ཤཱཀྱ་མུ་ན་ཡེ། ཏ་ཐཱ་ག་ཏ་ཡ་ཨརྟ་ཏེ་སཾ་མྱཀཾ་བུདྡྷཱ་ཡ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ། ན་མོ་རཏྣ་ཏྲ་ཡ་ཡ། ཨོཾ་ན་མོ་བྷ་ག་ཝ་ཏེ། ཨ་མི་ཏ་བྷཱ་ཡ། ཏ་ཐཱ་ག་ཏཱ་ཡ། ཨདྷ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ཨོཾ་ཨ་མི་ཏེ། ཨ་མི་ཏོཏྟཱ་བེ། ཨ་མི་སམྦྷ་བེ། ཨ་མི་ཏ་བི་ཀྲེན་ཏེ་ཨ་མི་ཏ་གཱ་མི་ནི། ག་ག་ན་ཀཱིརྟི་ཀ་རེ། སརྦ་གླེ་ཤ་ཀྵ་ཡཾ་ཀ་རི་སྭཱ་ཧཱ། སྣང་བ་མཐའ་ཡས་ཀྱི་གཟུངས་ཕན་ཡོན་བསྔགས་པ་དཔག་ཏུ་མེད་པ་ཡང་ཟེར་རོ། །ཨོཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨཱཿ་ཡུཛྙཱ་ན་སུ་བི་ནིཉྩི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྡ་ཏེ་ཊྛ། སམྱཀཾ་བུདྡྷ་ཡ། ཏདྱ་ཐཱ། ཨོཾ་པུཎྱེ་པུཎྱེ་མ་ཧཱ་པུཎྱེ་ཨ་པ་རི་མི་ཏ་པུཎྱེ་ཨ་པ་རི་མི་ཏ་པུཎྱ་ཛྙཱ་ན་སཾ་བྷཱ་རོ་པ་ཙི་ཏེ། ཨོཾ་སརྦ་སཾ་སྐུ་ར་པ་རི་ཤུདྡྷེ་དྷརྨ་ཏེ་ག་ག་ན་ས་མུཏྟ་ཏེ་སྭ་བྷཱ་ཝ་བི་ཤུདྡྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། ཚེ་མདོ་གཟུངས་གཉིས་དང་སྔགས་བར་པ་སྦྱོང་རྒྱུད་ནས་གསུངས་སོ། །ན་མཿ ས་མནྟ་པྲ་བྷ་རཱ་ཛ་ཡ། ཏ་ཐཱ་ག་ཏཱ་ཡ་ཨརྟ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ན་མོ་

[Full Size]

མཉྫཤི་ཡེ་ཀུ་མཱ་ར་བྷུ་ཏཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ནི་རཱ་ལཾ་བྷེ་ནི་རྭ་བྷཱ་སེ། ཛ་ཡེ་ཛ་ཡ་ལབྷེ། མ་ཧཱ་མ་ཏེ། དཀྵེ་དཀྵི་ཎི་མེ་པ་རི། ཤོ་དྷ་ཡ་སྭཱ་ཧཱ། ཡོན་སྦྱོང་གཟུངས་འཇམ་དཔལ་གྱི་གཟུངས་ཀྱང་ཡིན་ནོ། །ན་མོ་རཏྣ་ཏྲ་ཡཱ་ཡ། ཨོཾ་ཀཾ་ཀ་ནི། ཀཾ་ཀ་ནི། རོ་ཙ་ནི། རོ་ཙ་ནི། ཏྲོ་ཊ་ནི། ཏྲོ་ཊ་ནི། ཏྲཱ་ས་ནི། ཏྲཱ་ས་ནི། པྲ་ཏི་ཧ་ན། པྲ་ཏི་ཧ་ན། སརྦ་ཀརྨ་པ་རཾ་པ་རཱ་ཎི་མེ་སརྦ་སཏྭཱ་ནཱཉྩ་སྭཱ་ཧཱ། ལས་སྒྲིབ་སྦྱོང་བ་དང་སྤྱོད་རྒྱུད་གཉིས་ཀ་ནས་གསུངས་སོ། །ཨོཾ་ན་མོ་བྷ་ག་ཝ་ཏེ། སརྦ་དུརྒ་ཏི་པ་རི་ཤོ་དྷ་ནི་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྟ་ཏེ་སཾ་མྱཀཾ་བུདྡྷཱ་ཡ། ཏདྱ་ཐཱ། ཨོཾ་ཤོ་དྷ་ནེ་ཤོ་དྷ་ནེ་སརྦ་པཱ་པཾ་བི་ཤོ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨ་ཨ་ཝ་ར་ན་བི་ཤོ་དྷ་ནེ་སྭཱ་ཧཱ། ངན་སོང་སྦྱོང་རྒྱུད་ནས་གསུངས། ན་མོ་རཏྣ་ཏྲ་ཡཱ་ཡ། ན་མ་ཨཱཿརྱ་ཛྙཱ་ན་སཱ་ག་ར། བེ་རོ་ཙ་ན་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྒ་ཏེ་སཾ་མྱཀཾ་བུདྡྷ་ཡ། ན་མཿསརྦ་ཏ་ཐཱ་ག་ཏེ་བྷུ་ཨདྷ་བྷུ༔ སཾ་མྱཀཾ་བུདྡྷེ་བྷྱཿ ན་མཿཨཱཿརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ།

[Full Size]

རུ། ཨིཊྚེ་ཝིཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མ་ཝ་རེ། ཨི་ལི་མི་ལི་ཙི་ཏི་ཛྭ་ལ་མ་པ་ན་ཡ་སྭཱ་ཧཱ། པདྨ་དྲྭ་བ་པདྨ་ཅོད་པན། བཅུ་གཅིག་ཞལ་གྱི་གཞུང་རྣམས་ནས་གསུངས་སོ། །ན་མོ་རཏྣ་ཏྲ་ཡཱ་ཡ། ན་མཨཱཿརྱ་ཨ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཙཀྲ་བརྟི་ཙིནྟཱ་མ་ཎི་མ་ཧཱ་པདྨེ་རུ་རུ་ཏིཥྛ་ཛྭ་ལ་ཨཱཿ་ཀར་ཡ་ཧཱུྃ་ཕཊ་སྭཱ་ཧཱ། ཨོཾ་པདྨ་ཙིནྟ་མ་ཎི་མ་ཧཱ་བཛྲ་བྷ་ར་ཧཱུཾ། ཨོཾ་བྷ་ར་ཏ་པདྨེ་ཧཱུཾ། ཨོཾ་མ་ཎི་བཛྲ་ཎི་ཧཱུཾ། སྤྱན་རས་གཟིགས་ཡིད་བཞིན་འཁོར་ལོའི་གཟུངས་ལསོ། །ཨོཾ་པི་ཅུ་པི་ཙུ་པྲཛྙཱ་བནྡྷ་ནི། ཛཱ་ལ་ཛཱ་ལ་མེ་དྷ་བནྡྷ་ནི། དྷི་རི་དྷི་རི་བུདྡྷི་བནྡྷ་ནི་སྭཱ་ཧཱ། ཤེས་རབ་བསྐྱེད་པའི་གཟུངས། གཤེད་དམར་ནག་རྒྱུད་དང་། རྡོ་རྗེ་གུར་ནས་གསུངས་སོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཨ་པྲ་ཏི་ཧ་ཏ་བ་ལ་ཧཱུཾ་ཕཊ། སརྦ་བིགྷཱན་ཨན་ར་ཡ་བི་ན་ཤ་ཀ་ར་མཱ་ར་ཡ་ཧཱུཾ་ཕཊ། བར་ཆད་སེལ་བའི་གཟུངས་སོ། །ཨོཾ་བཛྲ་ཀྲོ་དྷ་མ་ཧ་བ་ལ་ཧ་ན་ད་ཧ་པ་ཙ་མ་ཐ་བི་དྷནཱ་ཡ་ཛ་ཊི་ལཾ་བྷྱོ་དྷ་ར་ཨུཙྪཀྲོ་དྷ་ཧཱུྃ་ཕཊ། སྟོབས་པོ་ཆེའི་གཟུངས་སོ། །ཏདྱ་ཐཱ། གྷུ་མེ་གྷུ་མེ། ཨི་མི་ནི་མི་ཧི། མ་ཏི་མ་ཏི། སཔྟ་ཏ་ཐཱ་ག་ཏ་ས་མཱ་དྷྱ་དྷིཥྛི་ཏེ། ཨ་

[Full Size]

ཏི་མ་ཏེ་པཱ་ལེ་པཱ་པཾ་ཤོ་དྷ་ནི། སརྦ་པཱ་པཾ་ནཱ་ཤ་ཡ། མ་མ་བུདྡྷེ། བུདྡྷོཏྟ་མེ། ཨུ་མེ། ཀུ་མེ། བུདྡྷ་ཀྵེ་ཏྲ་པ་རི་ཤུ་དྷ་ནི། དྷ་མེ་ནི་དྷ་མེ་མེ་རུ་མེ་རུ། མེ་རུ་ཤི་ཁ་རེ། སརྦ་ཨ་ཀ་ལ་མྲ་སྐྱུ་ནི་བཱ་རི་ཎི། བུདྡྷེ་སུ་བུདྡྷེ། བུདྡྷ་ཨ་དྷིཥྛན་ཨ་དྷིཊྛི་ཏེ་ན། རཀྵནྟུ་མེ། སརྦ་དེ་བཱ། ས་མེ། ཨ་ས་མེ། ས་མ་ནཱ་ཧཱ་རནྟུ་མེ། སརྦ་བུདྡྷ། བོ་དྷི་སཏཱ་ནཾ། ཤ་མེ་ཤ་མེ། པྲ་ཤ་མནྟ་མེ་སརྦ་ཨིཏུ་པ་དྲ་བ་བྱུ་དྷ་ཡ། པཱུ་ར་ཎི་པཱུ་ར་ཎི། པཱུ་ར་ཡ་མེ། སརྦ་ཨཱཿ་ཤ་ཡ་བེཟླུརྒྱ་པྲ་ཏི་བྷ་སེ་སརྦ་པཱ་པཾ་ཀྵ་ཡཾ་ཀ་རི་སྭཱ་ཧཱ། སྨན་བླ་མཆེད་བདུན་ནོ། །ཨོཾ་པདྨོ་ཨུཎྜི་ཥ་བི་མ་ལེ་ཧཱུཾ་ཕཊ། དོན་ཞགས་པདྨ་གཙུག་ཏོར་དྲི་མ་མེད་པའོ། །ༀ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། མི་གཡོ་བ། ཨོཾ་བཛྲ་ཤྲཱི་ཁ་ལེ་ཧཱུཾ་ཧཱུཾ་ཕཊ་སྭཱ་ཧཱ། རྡོ་རྗེ་ལུ་གུ་རྒྱུད་མའོ། །ཨཱཿ་ལི་ཀཱ་ལི་ཆུ་ཀླུང་ཆེན་པོའི་རྒྱུད་ནས། ཨཱི་ན་ར་སི་པ་ཧྭ་ཏ་ལ་སྭ་ཧཱ། ཚེ་འདི་ལ་ཡིད་དབྱུང་བའི་སྔགས་སོ། །ཨི་སུ་མེ་པ་ར་ཏི་ནེ་ལ་སྭ་ཧཱ། འཁོར་བ་ལ་བློ་ལོག་པའི་སྔགས་སོ། །ཨི་མེ་སུ་ར་ཧྲི་པ་ཏི་ལེ་སྭཱ་ཧཱ། བྱམས་སྙིང་རྗེ་སྐྱེ་བའི་སྔགས་སོ། །ཨུ་ཧུ་ཏ་མ་ཀུ་ལུ་ཛི་ཡ་སྭཱ་ཧཱ། མོས་གུས་སྐྱེ་བའི་སྔགས་སོ། །ཨ་ཏི་ཀནི་མ་ཧཱ་ཀནི་སྭཱ་ཧཱ། ཆོས་བརྒྱད་ཞི་སྔགས་སོ། །ཨི་མ་དྷི་རུ་ས་པ་ནི་རི་

[Full Size]

སྭཱ་ཧཱ། ཉམས་རྟོགས་འཕེལ་བའི་སྔགས་སོ། །ཤ་རི་བྷ་ར་ཏི་ན་ཧྲི་ཏ་སྭཱ་ཧཱ། བསྐྱེད་རིམ་གསལ་བའི་སྔགས་སོ། །ང་པ་ཧ་རི་ནི་ས་ཧྲི་ཏ་སྭཱ་ཧཱ། མཁའ་འགྲོའི་བཀའ་ཆད་མི་འབྱུང་བའི་སྔགས། ག་རུ་ཙནྡ་མ་ནུ་ཧྲི་ཏི་སྭཱ་ཧཱ། ཡི་དམ་ཞལ་མཐོང་བའི་སྔགས་སོ། །ཋ་ན་སིངྒ་གྷ་རུ་ཧྲི་ཏ་སྭཱ་ཧཱ། རླུང་དབུ་མར་ཚུད་པའི་སྔགས་སོ། །ན་ར་ཧ་རི་ཡ་མ་བྷ་བྷ་སྭཱ་ཧཱ། བྱིང་འཐིབས་མི་འབྱུང་བའི་སྔགས་སོ། །ཨེ་ཝཾ་མ་ཡ་དྷ་ན་ཧྲི་ཏ་སྭཱ་ཧཱ། རྟོགས་པ་འབྲལ་མེད་འཆར་སྔགས་སོ། །།ཨ་ར་པ་ཙ་མི་ཏ་ཧྲི་ཏ་སྭཱ་ཧཱ། མ་བསྒྲུབས་པར་སངས་རྒྱས་པའི་སྔགས་སོ། །ཐླྷིཾ། འཇམ་དབྱངས་ཡི་གེ་གཅིག་མའོ། །བྷྲཱུཾ། ཤེར་ཕྱིན་ཡི་གེ་གཅིག་མའོ། །རྒྱ་གར་སྐད་དུ། ཨཱཿརྱ་མ་ཤི་ཏན་ཙིཏྟ༔ བོད་སྐད་དུ༔ འཕགས་པ་འཇམ་དཔལ་གྱི་རྒྱུད་ཀྱི་ཡང་སྙིང་༔ འཇམ་དཔལ་གཞོན་ནུ་གྱུར་པ་ལ་ཕྱག་འཚལ་ལོ༔ འདི་ལྟར་སངས་རྒྱས་བཅོམ་ལྡན་འདས༔ ཡེ་ཤེས་སྐུ་སྟེ་རང་བྱུང་བ་ཡེ་ཤེས་མིག་གཅིག་དྲི་མ་མེད༔ ཡེ་ཤེས་སྣང་བ་ལམ་མེ་བ༔ ཨ་ར་པ་ཙ་ན་ཡ་ཏེ་ན་མཿ ཡེ་ཤེས་སྐུ་ཉིད་ཁྱོད་ལ་འདུད༔ རྫོགས་པའི་སངས་རྒྱས་རྣམས་ཀྱིས་བཤད༔ བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའི་དོན་དམ་པའི་མཚན་ཡང་

[Full Size]

དག་པར་བརྗོད་པ༔ དེ་བཞིན་གཤེགས་པ་ཤཱཀྱ་ཐུབ་པས་གསུངས་པ་རྫོ་བ།ས་སོ༔ ཨོ་རྒྱན་གྱི་ཤེལ་བཟའ་སྒྲོལ་མ་ལ་གནང་༔ གཏེར་གཏོན་བན་ཕྱར་ཕྱོགས་མེད་ཀྱི་གཏེར་མའོ༔ བརྡ་ཡིག༔ ཀ་ལ་པིང་ཀ་དྷོ་ཡོ་ཀི་ནིའི་སྐད་དུ༔ བུདྡྷ་གུཏྟཱ་དྷ་ཀཱ་ཨེ། བོད་སྐད་དུ༔ སངས་རྒྱས་སྲས་གཅིག་གསང་བ་ཅོད་པན་ས་བོན་གྱི་རྒྱུད༔ རང་བྱུང་དོན་གྱི་ཀློང་ལ་ཕྱག་འཚལ་ལོ༔ སྟོན་པ་ཀུན་བཟང་ཡབ་ཡུམ་གྱིས༔ རང་བཞིན་ཀློང་ནས་བཀའ་སྩལ་པ༔ གནས་ལུགས་རང་རྩལ་འཁོར་རྣམས་གསོན༔ ཉག་གཅིག་རང་བྱུང་ཡེ་ཤེས་འདི༔ སངས་རྒྱས་ཀུན་གྱི་སྲས་གཅིག་ཡིན༔ ཏི་ལ་སྟོང་པས་ལས་ཀུན་བྱེད༔ ཀུན་ཏུ་བཟང་པོའི་ས་བོན་ནོ༔ ཐམས་ཅད་འདི་ལས་བྱུང་ཞིང་གྲོལ༔ རང་བྱུང་ཉག་གཅིག་རྒྱུད་འདི་ནི༔ མཐོང་ཟཐོས་བཅངས་པས་སངས་རྒྱའོ༔ སངས་རྒྱས་སྲས་གཅིག་ས་བོན་གྱི་རྒྱུད་རྫོགས་སོ༔ སྐུ་གསུང་ཐུགས་ཀྱི་རྒྱ་ཡོད་དོ༔ ས་མ་ཡ༔ རྒྱ་རྒྱ་རྒྱ༔ ཆགཙོ་ཐཙྩཐུབ༔ ཡདཱི༔ སྤྱི༔ ལས་འབྲེལ་རྩལ་གྱི་མཁའ་འགྲོའི་སྙིང་ཐིག་ནས་བཏོན་ནོ༔ འདི་སྣོད་མིན་ལ་བཏོན་ན་ལྟུང་བ་འོང་སྟེ་གུས་པ་དང་རང་གི་གདུལ་བྱ་ལ་ནི་བསྟན་ཏེ༔ རྒྱུད་འདི་ཐོས་པས་སངས་རྒྱས་ངེས་པར་ཐོབ་པ་གདོན་མི་

[Full Size]

ཟའོ༔ ཞེས་གསུངས་སོ༔ ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །རྟེན་འབྲེལ་སྙིང་པོའི་ཆོས་དང་། སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ཞེས་སྡེ་སྣོད་གསུམ་འདུས་པ་བཀའི་ཚིགས་བཅད་ཀློག །རྒྱལ་བ་སྲས་བཅས་ཐམས་ཅད་ལ། །དངོས་སུ་འབྱོར་དང་ཡིད་ཀྱིས་སྤྲུལ། །བདག་པོའི་ཡོངས་སུ་མ་བཟུང་བའི། །བླ་ན་མེད་པའི་མཆོད་པའི་ཚོགས། །མ་ལུས་བློ་ཡིས་བླངས་ཏེ་འབུལ། །བདག་དང་སེམས་ཅན་ཀུན་གྱི་སྡིག་པའི་ལས། །ཉེས་པར་གྱུར་གང་མཐོལ་ཞིང་བཤགས་པར་བགྱི། །སླན་ཆད་ནམ་ཡང་བགྱིད་པར་མ་གྱུར་ཅིག །ལས་ཀྱི་སྒྲིབ་པའང་གཏན་དུ་ཟད་བྱེད་ཤོག །ལྟུང་བཤགས་ཀྱི་དོན། སེམས་ཅན་ཐམས་ཅད་བདེ་མཛད་པའི། །ཐུགས་བསྐྱེད་དགེ་བ་རྒྱ་མཚོ་དང་། །སེམས་ཅན་ཕན་པར་མཛད་པ་ལ། །དགའ་བས་རྗེས་སུ་ཡི་རང་ངོ། །ཕྱོགས་རྣམས་ཀུན་གྱི་སངས་རྒྱས་ལ། །ཐལ་མོ་སྦྱར་ཏེ་གསོལ་བ་

[Full Size]

ནི། །སེམས་ཅན་སྡུག་བསྔལ་མུན་འཐོམས་ལ། །ཆོས་ཀྱི་སྒྲོན་མེ་སྦར་དུ་གསོལ། །རྒྱལ་བ་མྱ་ངན་འདའ་བཞེད་ལ། །ཐལ་མོ་སྦྱར་ཏེ་གསོལ་བ་ནི། །འགྲོ་འདི་ལྗོངས་པར་མི་འགོད་ཅིང་། །བསྐལ་པ་གྲངས་མེད་བཞུགས་པར་གསོལ། །འདི་ལྟར་བགྱིས་པའི་བསོད་ནམས་དཔག་མེད་ཀྱིས། །བདག་དང་བདག་ལ་འབྲེལ་ཐོགས་འགྲོ་བ་རྣམས་། །མི་གཙང་ལུས་འདི་བོར་བར་གྱུར་མ་ཐག །བདེ་བ་ཅན་དུ་བརྫུས་ཏེ་སྐྱེ་ཕྱིར་བསྔོ། །སྐྱེས་མ་ཐག་ཏུ་ས་བཅུ་རབ་བགྲོད་ནས། །སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག།དཀོན་མཆོག་གསུམ་ལ་ཕྱག་འཚལ་ལོ། །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ན་ཡེ་སྭཱ་ཧཱ། སྣོད་བཅུད་ཚོགས་ཞིང་རང་ཐིམ་མི་དམིགས་གྱུར། ཞེས་སྨོན་ལམ་འགྲུབ་པའི་གཟུངས་སོ། །ཨེ་མ་ཧོ། མདོ་རྒྱུད་མན་ངག་ཀུན་གྱི་བཅུད་བསྡུས་པ། །ལན་གཅིག་བཀླགས་ཀྱང་སྡིག་སྒྲིབ་ཀུན་བྱང་ཞིང་། །ངན་སོང་སྤངས་ནས་བྱང་ཆུབ་ལམ་སྣ་ཟིན། །ཕན་ཡོན་རྒྱས་པར་གཞན་དུ་བཀོད་ལ་ལྟོས། །འདི་འདྲའི་དམ་ཆོས་ཡིད་བཞིན་ནོར་བུ་འདི། །བླ་མ་ཆོས་དབང་ཀུན་བཟང་གིས་བསྐུལ་ནས། །མཆོག་གི་སྤྲུལ་སྐུ་གཤེགས་པའི་དུས་མཆོད་ཉིན། །ཐ་སྐར་ཟླ་བའི་ཚེས་བརྒྱད་ནས་བརྩམས་ནས། །དེ་ཡི་ཕྱིར་ཉིན་རྫོགས་པར་བཀོད་པ་

[Full Size]

ལ། །འགལ་འཁྲུལ་ཉེས་པ་གང་མཆིས་མཐོལ་ཞིང་བཤགས། །དགེ་བས་བདེ་ཆེན་ཞིང་དུ་སྐྱེ་ཕྱིར་བསྔོ། །ཞེས་དགེ་སློང་རཱ་ག་ཨ་སྱས་བྲིས་པའོ། །བྷ་ཝནྟུ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པོར་བསྐྲུན་ཞུས།

ཐར་མདོ་བསྡུས་པ།

[Full Size]

ཐར་མདོ་བསྡུས་པ་བཞུགས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདས་པ་དང་། མ་བྱོན་པ་དང་། ད་ལྟ་བཞུགས་པའི་སངས་རྒྱས་དང་བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །མཆོད་རྟེན་རྣམས་དང་། སྐུ་གདུང་དང་། རིང་བསྲེལ་ཐམས་ཅད་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། གཟུངས་ཆེན་པོ་དང་། མདོ་སྡེ་བཅུ་གཉིས་ལ་ཕྱག་འཚལ་ལོ། །མདོའི་སྡེ་ལ་ཕྱག་འཚལ་ལོ། །ལུང་དུ་བསྟན་པའི་སྡེ་ལ་ཕྱག་འཚལ་ལོ། །ཚིགས་སུ་བཅད་པའི་སྡེ་ལ་ཕྱག་འཚལ་ལོ། །དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། །ཆེད་དུ་བརྗོད་པའི་སྡེ་ལ་ཕྱག་འཚལ་ལོ། །གླིང་བཞིའི་སྡེ་ལ་ཕྱག་འཚལ་ལོ། །རྟོགས་པ་བརྗོད་པའི་སྡེ་ལ་ཕྱག་འཚལ་ལོ། །འདས་པ་བརྗོད་པའི་སྡེ་ལ་ཕྱག་འཚལ་ལོ། །སྐྱེས་པ་རབས་ཀྱི་སྡེ་ལ་ཕྱག་འཚལ་ལོ། །ཤིན་ཏུ་རྒྱས་པའི་སྡེ་ལ་ཕྱག་འཚལ་ལོ། །རྨད་དུ་བྱུང་བའི་སྡེ་ལ་ཕྱག་འཚལ་ལོ། །གཏན་ལ་ཕབ་པའི་སྡེ་ལ་ཕྱག་འཚལ་ལོ། །

[Full Size]

ཐེག་པ་ཆེན་པོའི་སྡེ་སྣོད་ཐམས་ཅད་ལ་ཕྱག་འཚལ་ལོ། །ཞེས་པ་ཐར་མདོ་བསྡུས་པ་འདི་རཱ་ག་ཨ་སྱས་མཛད་པའོ། །དགེའོ། དགེའོ། དགེའོ།། ༈ ཨོཾ་ན་མོ་བྷ་ག་ཝ་ཏེ། པྲཛྙཱ་པ་ར་མི་ཏ་ཡེ། ཨོཾ་ན་ཏ་ད་ཏི་ཏ། ཨི་ལི་ཤི་ཨི་ལི་ཤི། མི་ལི་ཤི་མི་ལི་ཤི། བྷི་ན་ཡན་བྷི་ན་ཡན། ན་མོ་བྷ་ག་བ་ཏེ་པྲ་ཏྱཾ་པྲ་ཏི། ཨི་རི་ཏི་ཨི་རི་ཏི། མི་རི་ཏི་མི་རི་ཏི། ཤུ་རི་ཏི་ཤུ་རི་ཏི། ཨུ་ཤུ་རི་ཨུ་ཤུ་རི། བྷ་ཡུ་ཡེ་བྷ་ཡུ་ཡེ་སྭཱ་ཧཱ། རྡོ་རྗེ་གཅོད་པའི་སྔགས་འདི་ལན་གཅིག་བཟླས་པས་ན་རྡོ་རྗེ་གཅོད་པ་ཁྲི་དགུ་སྟོང་ཀློག་པར་འགྱུར་རོ། །ཡེ་དྷརྨུ་སོགས། །ཐར་མདོ་བསྡུས་པ་བཞུགས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདས་པ་དང་། མ་བྱོན་པ་དང་། ད་ལྟ་བཞུགས་ཟཔའི་སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །མཆོད་རྟེན་དང་སྐུ་གདུང་རིང་བསྲེལ་ཐམས་ཅད་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ་བྱིན་གྱིས་བརླབ་ཏུ་གསོལ། ཞེས་པ་འདི་ཨ་རཱ་གས་སོ།། །།

སྡིག་པ་བཤགས་པའི་མདོ།

[Full Size]

སྡིག་པ་བཤགས་པའི་མདོ་བཞུགས་སོ། །ཨོཾ་ཇོ་བོ་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་བཛྲ་དགེ་བཅུ་ཧཱུཾ། ཤིག་བསད་པའི་སྡིག་པ་དག་པར་ཤོག །ཨོཾ་བཛྲ་ཡ་མནྟ་ཀ་ཧཱུྃ། མི་བསད་པའི་སྡིག་པ་དག་པར་ཤོག །ཨོཾ་བཛྲ་རོ་ལ་ཁ་ནི་ཏྲ་ཧཱུྃ། རྟ་བསད་པའི་སྡིག་པ་དག་པར་ཤོག །ཨོཾ་བཛྲ་ཛ་ཧཱུྃ་ཡ་ཧཱུྃ༔ མནའ་ཟོས་པའི་སྡིག་པ་དག་པར་ཤོག །ཨོཾ་བཛྲ་ཤ་ཤ་འབད་ནི་ཧཱུྃ། རི་བོ་དང་གཙུག་ལག་ཁང་དང་ཟམ་པ་རྣམས་མེ་ལ་བསྲེགས་པའི་སྡིག་པ་དག་པར་ཤོག །ཨོཾ་བཛྲ་འབུམ་ཁྲི་ཧཱུྃ་ཧཱུྃཧཱུྃ་ཀ་ཧཱུཾ། ཐམས་ཅད་ལ་དུག་དྲངས་པ་དང་མི་དགེ་བ་བཅུ་བྱས་པའི་སྡིག་པ་དག་པར་ཤོག །ཨོཾ་བཛྲ་ཡ་ས་པ་ཡི་ས་པ་ཡ་ནི། འབུ་བསད་པའི་སྡིག་པ་དག་པར་ཤོག་ཨོཾ་བཛྲ་སི་ས་ར་ཡེ་སྭཱ་ཧཱ། སྒོ་ནོར་དང་རི་དྭགས་དང་ལྟོ་ལེ་བསད་པའི་སྡིག་པ་དག་པར་ཤོག །ཨོཾ་བཛྲ་སཏྭ་ཧཱུྃ། འཇིག་རྟེན་ཁམས་ཀྱི་མི་རྣམས་ལ་ཤོད་ལ་གཤིན་རྗེ་ཆོས་ཀྱི་རྒྱལ་པོའི་ཞལ་ནས་གསུངས་པའི་སྡིག་བཤགས་འདི། ཉིན་རེ་ཚར་གསུམ་བརྗོད་ན་འཁོར་བ་ངན་སོང་གི་སྡུག་བསྔལ་ལས་ཐར་བར་ཐེ་ཚོམ་མེད་དོ། །ཡིད་བཞིན་ནོར་བུ་རིན་ཆེན་སྙིང་པོ་དང་འདྲ་བ་ཀརྨ་ཆགས་མེད་ལ་སྙིང་རྗེ་ཆོས་ཀྱི་རྒྱལ་པོའི་ཞལ་

ཆགས་མེད་རཱ་ག་ཨ་སྱ་ལ་གཤིན་རྗེ་ཆོས་ཀྱི་རྒྱལ་པོའི་གསུངས་པའི་མནའ་སྡིག་བཤགས་པ།

[Full Size]

ཆགས་མེད་རཱ་ག་ཨ་སྱ་ལ་གཤིན་རྗེ་ཆོས་ཀྱི་རྒྱལ་པོའི་གསུངས་པའི་མནའ་སྡིག་བཤགས་པ་བཞུགས་སོ། །རྒྱ་གར་སྐད་དུ། ན་མ་སརྦ་ཏ་ཐཱ་ག་ཏ་ཧྲི་ད་ཡ། བོད་སྐད་དུ། དེ་བཞིན། གཤེགས་པ་གསེར་གྱི་སྙིང་པོ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །ན་མ་སརྦ་ཏ་ཐཱ་ག་ཏ་ཧྲི་ད་ཡ་ཨ་ནུ་ག་ཏེ་ༀ་ཀུ་རུམ་གི་ནི་སྭཱ་ཧཱ། འདི་ལན་གཅིག་བརྗོད་པའི་བསོད་ནམས་ཀྱིས། བསྐལ་པ་འབུམ་ཕྲག་སྟོང་དུ་བསགས་པའི་སྡིག་པ་མ་ལུས་པ་བྱང་བར་འགྱུར། ཨོཾ་ཇོ་བོ་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་བཛྲ་དགེ་བཅུ་ཧཱུྃ་ཕཊ། ཤིག་བསད་པའི་སྡིག་པ་དག་པར་གྱུར་ཅིག །ཨོཾ་བཛྲ་ཡ་མནྟ་ཀ་ཧཱུཾ་ཕཊ། མི་བསད་པའི་སྡིག་པ་དག་པར་གྱུར་ཅིག །ཨོཾ་བཛྲ་རོ་ཤནྟ་ཧཱུྃ་ཕཊ། རྟ་བསད་པའི་སྡིག་པ་དག་པར་གྱུར་ཅིག །ཨོཾ་བཛྲ་ཛ་ཧཱུྃ་ཕཊ། མནའ་ཟོས་པའི་སྡིག་པ་དག་པར་གྱུར་ཅིག །ཨོཾ་བཛྲ་ཤྲཱི་ཤ་ནི་དྷ་ར་ཧཱུཾ་ཧཱུཾ་ན་ཧྲིག་ཀ་ཧཱུཾ་ཕཊ། །ཐམས་ཅད་ལ་དུག་དྲངས་པ་དང་། མི་དགེ་བ་བཅུ་བྱས་པའི་སྡིག་པ་དག་པར་གྱུར་ཅིག །ཨོཾ་བཛྲ་ཡལ་སྤེལ་ས་མ་ཡ་ནི་ཧཱུཾ་ཕཊ། གཙུག་ལག་ཁང་དང་ཟམ་པ་རྣམས་མེ་ལ་

[Full Size]

བསྲེགས་པའི་སྡིག་པ་དག་པར་གྱུར་ཅིག །ཨོཾ་བཛྲ་འབུ་ཊི་ཧཱུྃ་ཕཊ། འབུ་བསད་པའི་སྡིག་པ་དག་པར་གྱུར་ཅིག །ཨོཾ་བཛྲ་པི་པ་ཏ་ཡེ་སྭཱ་ཧཱ། སྒོ་ནོར་དང་རི་བོང་རི་དྭགས་ལྟོ་ལེ་ཁྱི་བསད་པ་དང་། བྱ་རིགས་ཝ་སྤང་དོམ་དྲེད་ལི་ལི་སྲེ་མོང་རྣམས་བསད་པའི་སྡིག་པ་དག་པར་གྱུར་ཅིག །ཨོཾ་མ་ཎི་པདྨེ་ཧཱུྃ་ཧྲཱིཿ ལན་བདུན་བརྗོད། གསུང་མཆོག་རྒྱལ་པོ་ཡི་གེ་དྲུག །ཐུབ་པ་དྲུག་གི་སྙིང་པོའོ། །རིགས་དྲུག་འདྲེན་པའི་ལྕགས་ཀྱུའོ། །ཞེས་གསུངས་སོ། །གཤིན་རྗེ་ཆོས་ཀྱི་རྒྱལ་པོའི་ཞལ་ནས་གསུངས་པ། མནའ། སྡིག་ལྟུང་། ཤ་ཟོས་ཚད་དང་། ངན་སེམས་ང་རྒྱལ་ཕྲག་དོག་བྱས་ཚད་དང་། དགེ་བ་ཅན་ལ་ཁྱད་གསོད་དང་། བརྙས་བཞག་བྱས་པ་དང་། སྡོམ་པ་ལ་ཆག་ཉམས་བྱུང་ཚད་ལོ་བསྐལ་པ་སྟོང་ཕྲག་བདུན་ལས་ཐར་མེད་དམྱལ་ཁམས་བཅོ་བརྒྱད་ཀྱི་མར་ཞབས་སུ་འདུག་དགོས་བྱུང་བས་འདི་འབྲི་ཀློག་དང་། ཉིན་རེ་ཚར་རེ་མ་ཆག་པར་བྱས་ན། སྡིག་པ་མི་དགེ་བ་བཅུ་བྱས་ཀྱང་བྱང་ཞིང་ཕན་ཆེ་བར་ཡོད་ཅིང་། མ་ཎི་བྱེ་བ་བཅུ་གསུམ་དང་མཉམ་མོ་གསུངས་སོ། །འདི་བཞེངས་པའི་ཕན་ཡོན་ལ་མ་ཎི་དུང་ཆེན་ཞིག་གི་འགྱུར་ཡོད་དོ། །དེ་

[Full Size]

ནས་འཇིག་རྟེན་ཁམས་ལ་དེ་སྐད་ཤོད་ཅིག་གསུངས་སོ། །གཤིན་རྗེ་ཆོས་ཀྱི་རྒྱལ་པོའི་བཀའ། དཔལ་ལྡན་བླ་མ་དམ་པ་དམྱལ་ཁམས་འགྲིམ་སྐབས་གསུངས་པའི་དམ་ཆོས་འདི། ཆགས་མེད་རཱ་ག་ཨ་སྱ་དེ་ཉིད་ཞལ་ནས་གསུངས་སོ། །འདི་ལ་དད་འདུན་དང་མོས་གུས་བྱེད་མི་རྣམས་དང་། ཚེ་འདིར་ཅི་བསམ་འགྲུབ་པ་དང་། ཚེ་རིང་ནད་མེད་བདེ་སྐྱིད་ཕུན་སུམ་ཚོགས། ཕྱི་མ་བླ་མེད་ཞིང་དུ་སྐྱེ། །སྐད་ཅིག་ཉིད་དུ་སྐྱེ་བར་ཤོག །ཅེས་གསུངས་སོ།། །།

ཁྱི་དང་རྨོངས་ཙི་ལི་ལི་བསད་པའི་སྡིག་བཤགས།

[Full Size]

རྒྱ་གར་སྐད་དུ། ཨཱཿརླ་རཏྣ་མ་པྲ་ས་མྲྀ་ཏི་ན་མ། བོད་སྐད་དུ། འཕགས་པ་དཀོན་མཆོག་གསུམ་ལ་ཕྱག་འཚལ་ལོ། །ཁྱི་དང་རྨོངས་ཙི་ལི་ལི་བསད་པའི་མདོ། རིགས་བདག་རྡོ་རྗེ་འཆང་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་བ་འཇིག་སྐྱོབ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་ལ་ཕྱགའཚལ་ལོ། །དེ་བཞིན་གཤེགས་པ་དེ་དག་ལ་སོགས་པའི་སངས་རྒྱས་སྟོང་རྩ་གཉིས་ལ་ཕྱག་འཚལ་ལོ། །བྱམས་པ་ལ་སོགས་པའི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །རབ་འབྱོར་ལ་སོགས་པའི་ཉན་ཐོས་རྣམས་ལ་ཕྱག་འཚལ་ལོ། །བདུད་རྩི་འཁྱིལ་བ་ལ་སོགས་པའི་ཁྲོ་བོའི་ཚོགས་རྣམས་ལ་ཕྱག་འཚལ་ལོ། །ལྷ་མོ་དབྱིངས་ཕྱུག་མ་ལ་སོགས་ཁྲོ་མོའི་ཚོགས་རྣམས་ལ་ཕྱག་འཚལ་ལོ། །སྟོང་ཆེན་མོ་རབ་ཏུ་འཇོམས་པ་ལ་སོགས་ཏེ་གཟུངས་ཆེན་སྡེ་ལྔའི་ལྷ་ཚོགས་རྣམས་ལ་ཕྱག་འཚལ་ལོ། །བྱིས་པ་ཆུང་ངུའམ། ད་ལྟའི་དུས་ལ་གཅན་གཟན་བྱི་བ་ཁྱི་དང་རྨོངས་ཙི་ལི་ལི་བསད་པའི་སྡིག་

[Full Size]

པ་དང་སྒྲིབ་པ་ཐམས་ཅད་བྱང་ནས་རྒྱལ་བ་འོད་དཔག་མེད་ཀྱི་ལྷ་ཚོགས་རྣམས་ཀྱི་ཐུགས་རྗེས་དྲང་དུ་གསོལ། རྒྱལ་བ་འོད་དཔག་མེད་ཀྱི་ཞིང་དུ་ཉིད་ཀྱི་སྐུ་དང་དབྱེར་མེད་དུ་སངས་རྒྱས་པར་གྱུར་ཅིག །ཨོཾ་པདྨོ་ཨུཏྟཱི་ཥ་བི་མ་ལེ་ཧཱུཾ་ཕཊ། ཅེས་ཁྱི་དང་རྨོངས་ཙི་ལི་ལི་བསད་པའི་སྡིག་བཤགས་འདི་ནི། འགྲོ་བ་ཀུན་ལ་ཕན་སྙམ་ནས་དགེ་སློང་རཱ་ག་ཨ་སྱས་གནམ་ཆོས་ནས་བསྒྲིགས་པའོ།། །།

ཚ་ཚ་སྤྱི་འགྲོས་ཕྱག་ལེན།

[Full Size]

ཚ་ཚ་སྤྱི་འགྲོས་ཕྱག་ལེན་བཞུགས་སོ།

[Full Size]

ན་མོ་ལོ་ཀི་ཤྭ་ར་ཡེ། འཇིག་རྟེན་མགོན་ལ་ཕྱག་འཚལ་ལོ། །སཱཙྪ་གདབ་ཆོག་མདོར་བསྡུས་བཤད། དེ་ཡང་དཔུང་བཟང་གིས་ཞུས་པའི་རྒྱུད་ལས། །བདེ་གཤེགས་མཆོད་རྟེན་རྟེན་འབྲེལ་སྙིང་པོ་ཅན། །སྡིག་པ་དག་ཕྱིར་རྟག་ཏུ་གདབ་པར་བྱ། །ཞེས་དང་། ཐུགས་རྗེ་ཆེན་པོ་གསང་འདུས་རྒྱུད་ལས། དེ་ནས་ཚོགས་ཆེན་གསོག་པའི་ཕྱིར། །ཆ་ཚའི་རིམ་པ་བཤད་པར་བྱ། །ས་བཟང་རིན་ཆེན་བརྡར་བ་ལ། །ཞེས་སོགས་ནས། ཡོན་ཏན་མཐའ་ཡས་བསམ་པ་འགྲུབ། །ཅེས་པའི་བར་རྒྱས་པར་གསུངས་པས། ས་བསྟན་པ་ནི་ས་སྤྱིན་པོ་ཡོད་ཅིང་གདོན་དྲག་པོ་མེད་པའི་སར། ས་ཆོག་ནི་རྒྱས་པར་བྱས་ལ་བསླང་བ་གྲུབ་ན་རབ། འབྲིང་གནས་དེར་སའི་བདག་པོ་ལ་གཏོར་མ་ཕུལ་ལ་ས་སློང་། ཐ་མའང་

[Full Size]

ཁྱིམ་ནས་གནས་དེའི་ས་བདག་ལ་གཏོར་མ་བསྔོས་ལ་ས་སློང་། དེ་མ་བྱས་འཕྲོག་འོང་བའམ། མ་བྱུང་ཡང་མ་བྱིན་བླངས་བའི་ཉེས་པ་འབྱུང་སྟེ། ས་ལ་བདག་པོ་སྤྱིར་ལྷ་མོ་བརྟན་མ་དང་ལྟོ་འཕྱེ། བྱེ་བྲག་བདག་པོ་རེ་རེ་ངེས་པར་ཡོད་དོ། །དེ་ཡང་བསྡུ་ན་དཀར་གཏོར་གཅིག་བཤམས། ཨ། སྟོང་པའི་ངང་ལས་ཧཱུྃ་ཡིག་ལས། །རིན་ཆེན་སྣོད་དུ་གཏོར་མ་ནི། །དཀར་གསུམ་བདུད་རྩི་ཆེན་པོར་གྱུར། །ཨོཾ་ཨཱཿཿཧཱུྃ་གིས་བྱིན་གྱིས་བརླབས། །ས་བདག་ལྟོ་འཕྱེ་ཆེན་པོ་དང་། །ས་ཡི་ལྷ་མོ་བརྟན་མ་དང་། །སྲས་པོ་ས་འཛིན་ལག་པ་ཆེ། །ཡུལ་རིས་འདི་ལ་གནས་པ་དང་། །ཁྱད་པར་ས་སྤྱིན་ལེན་པ་ལ། །གནས་པའི་ས་

[Full Size]

བདག་ཐམས་ཅད་ཀུན། །བདུད་རྩི་གཏོར་མ་འདི་བཞེས་ལ། །བདེ་གཤེགས་མཆོད་རྟེན་བཞེངས་པའི་ཕྱིར། །ས་འདི་བདག་ལ་གནང་བར་མཛོད། །ཨོཾ་པྲི་ཐི་ཝི་དེ་ཝི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཏོར་མ་གནས་དེར་བསྐྱལ་ལམ་དེ་ཕྱོགས་སུ་ཕུལ། དེ་ནས་ས་འདུལ་བའི་བགེགས་བསྐྲད་ནི། ཧཱུཾ། བདག་ཉིད་སྐད་ཅིག་ཁྲོ་རྒྱལ་རྟ་མཆོག་དམར། །། ཕྱག་གཡོན་སྡིགས་མཛུབ་བགེགས་ལ་གཟིར་བྱེད་ཅིང་། །ཕྱག་གཡས་སེང་ལྡེང་ཕུར་བུ་ས་དེ་ལ། །བཏབ་པས་གཏོར་མས་བྲིད་ཀྱང་མི་ཉན་པའི། །བགེགས་རྣམས་དཔག་ཚད་ཙམ་དུ་བྲོས་གྱུར་པས། །ས་དེ་བདག་གིས་རང་དབང་ཐོབ་པར་གྱུར། །ཨོཾ་པདྨནྟ་ཀྲྀཏ་བཛྲ་ཀཱི་ལི་ཀཱི་ལ་ཡ། སརྦ་དུཥཱན་ཧཱུྃ་ཕཊ། དེ་ནས་སྐག་ལེ་ཐོགས་ཏེ་ས་རྐོ་བ། དཔྱིད་ཟླ་གསུམ་ལ་བྱང་དུ་ཁ་སྒྱུ་རྐོ། །དབྱར་ཟླ་གསུམ་ལ་ཤར་དུ་ཁ་རྒྱུ་རྐོ། །སྟོན་ཟླ་གསུམ་ལ་ལྷོ་རུ་ཁ་རྒྱུ་ནོ། །དགུན་ཟླ་གསུམ་ལ་ནུབ་ཏུ་ཁ་གྲུ་ཀོ། །དེ་ལྟར་ལྟོ་འཕྱེ་མ་བརྩིས་ཉེས་སྐྱོན་འབྱུང་། །ཚེས་པ་བཅུ་གཉིས་ནམ་ཡང་ས་མི་ནོ། །གྲུ་རེ་བརྐོས་ན་མི་རེ་འཆི་བར་བཤད། །དེ་ནི་ས་བདག་ཐེ་སེ་སྤྲེལ་ཁོག་ཟེར། །ཧཱུཾ། ཁྲོ་བོ་བགེགས་མཐར་བྱེད་པ་སྐུ་མདོག་མཐིང་། །ཞབས་གཉིས་སྣ་ཚོགས་རྡོ་རྗེ་ཉི་ཟླའི་སྤྱན། །ཕྱག་གཉིས་ཧཱུྃ་

[Full Size]

མཛད་ཕྱག་རྒྱས་རྡོ་རྗེ་ཡི། །ཏོག་ཚེ་འཛིན་པས་ས་ནི་རྐོ་བར་གྱུར། །ཨོཾ་བཛྲ་མུངྒ་ར་ཨཱཿ་ཀོ་ཊ་ཡ་ཨཱཿ་ཀོ་ཊ་ཡ་ཧཱུཾ་ཕཊ། སྐག་ལེ་ལྔ་བརྒྱབ་དེ་ནས་ཅི་བདེར་རྐོ། །ཡང་ན་སྔགས་དང་དམིགས་པ་ཁྱིམ་ནས་བྱ། །ས་རྐོ་བ་ལ་ཁ་ཡི་རྒྱུ་ཕྱོགས་བསླབ། ཧྲཱིཿ བརྐོས་པའི་ས་ཡི་ཕུང་པོ་དེ་ཉིད་ནི། །རིན་ཆེན་སྣ་ལྔའི་ཕུང་པོ་དཔག་མེད་གྱུར། །ཨོཾ་བཛྲ་རཏྣ་ས་མ་ཏི་ཡེ་ཧཱུྃ༔ ས་དེ་ས་བདག་རྣམས་ཀྱིས་བྱིན་བརླབས་པའི། །དངོས་གྲུབ་ཆེན་པོར་བསྒོམ་ལ་ཁྱིམ་དུ་ཁྱེར། །རིན་ཆེན་བརྡར་ཞིང་སྤོས་ཆུས་བྲན་པར་བྱ། །དེ་ནས་ས་དེ་སྦྱང་བར་བྱ་བ་ནི། ཧཱུྃ། རང་ཉིད་ཁྲོ་བོ་བདུད་རྩི་འཁྱིལ་པ་ལྗང་། །ཕྱག་གཉིས་རྡོ་རྗེ་རྩེ་ལྔའི་ཕྱག་རྒྱ་ཡིས། །ས་ལ་རེག་པས་ས་ཡི་དངོས་འཛིན་སྦྱངས། །ས་དེ་ཆོས་སྐུ་སྐྱེ་མེད་རང་བཞིན་གྱུར། །ཨོཾ་སྭ་བྷ་ཝ་ཤུདྡྷསརྦ་དྷརཿ ས་བྷཱ་ཝ་ཤུདྡྷོཉཧཾ། འོག་གཞི་རྡོ་རྗེའི་གདན་དུ་གྱུར་པའི་སྟེང་། །ཕྱག་གཡས་རྡོ་རྗེ་རྩེ་ལྔའི་ཕྱག་རྒྱ་ཡིས། །ས་དེ་བརྡལ་ཞིང་རབ་ཏུ་བརྡུངས་བྱས་པས། །བདག་དང་འགྲོ་བ་སེམས་ཅན་ཐམས་ཅད་ཀྱི། །ལས་དང་ཉོན་མོངས་བག་ཆགས་ཀུན་སྦྱང་གྱུར། །ཨོཾ་བཛྲ་མུངྒ་ར་ཨཱཿ་ཀོ་ཊ་ཡ། ཨཱཿ་ཀོ་ཊ་ཡ་ཧཱུྃ་ཕཊ། ཞིབ་བརྡུངས་ཆུ་གཙང་སྨན་སྤོས་འཇིམ་པར་བྱ། །ལས་

[Full Size]

བུམ་ཆུའམ་ཆུ་གཙང་བྲན་བྱས་ལ། །ཨོཾ་ཨཱཿབིགྷ་ནཱན་ཏ་ཀྲྀཏྟ་ཧཱུྃ་ཕཊ། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་པདྨ་ཟླ་བའི་སྟེང་། །ཧཱུཾ་ལས་འཇིམ་པ་རིན་ཆེན་སྣ་ཚོགས་ཀྱི། །།ཕུང་པོ་ཆེན་པོར་གྱུར་ཅིང་བདག་ཉིད་ཀྱི། །ཐུགས་ཀའི་ཧཱུཾ་ལས་འོད་ཟེར་འཕྲོས་པ་ཡིས། །འོག་མིན་རྣམ་པར་སྣང་མཛད་ཐུགས་ཀར་ཕོག །བཅོམ་ལྡན་སྐུ་མཆོག་རྣམ་པར་སྣང་མཛད་ཀྱིས། །འཇིམ་པ་འདི་ལ་བྱིན་བརླབ་མཛད་དུ་གསོལ། །གསོལ་བ་བཏབ་པས་རྣམ་སྣང་ཐུགས་ཀ་ནས། །འོད་ཟེར་སྣ་ལྔ་མཛོད་སྤུ་ནས་ཐོན་ཏེ། །འཇིམ་པ་ལ་ཕོག་འཇིམ་པ་ཐམས་ཅད་ནི། །རྒྱལ་བའི་ཡེ་ཤེས་ལྔ་ཡི་རང་བཞིན་གྱུར། །ལག་གཡོན་གན་རྐྱལ་མཐེ་བོང་མཛུབ་ཆུང་མནན། །སོར་མོ་གསུམ་བརྐྱང་གཡས་ཀྱང་དེ་བཞིན་སྒྲུབ། །འཇིམ་པར་རེག་ཅིང་སྔགས་འདི་ཉེར་གཅིག་བརྗོད། །ཨོཾ་ན་མོ་བྷ་ག་ཝ་ཏེ་བེ་རོ་ཙ་ན་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྟ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ཨོཾ་སུཀེ་སུཀྵེ། ས་མེ་ས་མེ། ས་མ་ཡེ་ཤཱནྟེ་དནྟེ། ཨ་ས་མ་རོ་པེ། ཨ་ན་ལནྡྷེ། ཏ་རམྦྷེ། ཡ་ཤོ་བ་ཏི། མ་ཧཱ་ཏེ་ཛཱ། ནིར་ཀུ་ལེ། ནིཝཱ་ཎེ། སརྦ་བུདྡྷ། ཨ་དྷིཥྛ་ན། ཨ་དྷིཥི་ཏེ་སྭཱ་ཧཱ། དེ་ནས་འཇིམ་པ་བཅད་པའི་སྔགས། ཨོཾ་

[Full Size]

བཛྲ་ཨཱཿཡུ་ཥེ་སྭཱ་ཧཱ། ཨོཾ་ཧཱུྃ་ཧཱུྃ་ཧྲཱིཿཨཱཿ་དང་ནི། ཨོཾ་ཨཱཿཿཧཱུྃ་དང་རྟེན་འབྲེལ་སྙིང་པོ་གཙུག་ཏོར་དྲི་མེད་སོགས་ཤོག་དྲིལ། རིན་ཆེན་འབྲུ་སྨན་བྱིན་རླབས་རྟེན། །ནང་དུ་གཞུག་ཅིང་འབི་འབི་བྱ། །འབི་འབི་ཡེ་ཤེས་ལྔ་པོ་ཡི། །རང་བཞིན་ཤིན་ཏུ་རྒྱས་པར་གྱུར། །ཨོཾ་བཛོཊྚ་བཱ་ཡེ་སྭཱ་ཧཱ། སངས་རྒྱས་རྣམས་ནི་ཐམས་ཅད་ཀྱི། །ཡེ་ཤེས་ཁོང་དུ་ཆུད་པར་གྱུར། །ཨོཾ་བཛྲ་དྷ་ཏུ་གནྡྷེ་སྭཱ་ཧཱ། ཞེས་བརྗོད་ནང་གཞུག་བཞག་པར་བྱ། ཨོཾ་ཨཱཿཝཔྲ་ཏིཥྛ་ཏེ་བཛྲ་ཡེ་སྭཱ་ཧཱ། ཞེས་བརྗོད་འབི་འབི་ས་ལ་བཞག །བྱང་ཆུབ་སེམས་ནི་རིན་པོ་ཆེས། །ཀུན་ཏུ་བཟང་པོར་བསྒོས་པར་གྱུར།ཨོཾ་ཨཱཿཨ་ར་ཛེ་བི་ར་ཛེ་སྭཱ་ཧཱ། ཞེས་བརྗོད་འབི་འབི་སྣུམ་གྱིས་བྱུག །ཨོཾ་བཛྲ་དྷ་ཏུ་གནྡྷེ་སྭཱ་ཧཱ། ཞེས་བརྗོད་འབི་འབི་ལག་ཏུ་ལེན། །བརྐོས་ཕོར་སྟོང་པ་ཆོས་ཀྱི་སྐུ། །འབི་འབི་གཟུགས་སྐུ་ལོངས་སྤྱོད་རྫོགས། །ཐབས་ཤེས་ཟུང་དུ་འཇུག་པར་གྱུར། །ཨོཾ་དྷརྨ་དྷ་ཏུ་གནྡྷ་སྭཱ་ཧཱ། ཞེས་བརྗོད་བརྐོས་ཕོར་ནང་དུ་གཞུག །ཐབས་ཤེས་དབྱེར་མེད་ཡེ་ཤེས་ལས། །ཚ་ཚ་སྤྲུལ་སྐུ་ལམ་ལམ་བྱོན། །ཨོཾ་བཛྲ་མུརྒ་ར་ཨཱཿ་ཀོ་ཊ་ཡ་ཨཱཿ་ཀོ་ཊ་ཡ་ཧཱུྃ་ཕཊ། ཅེས་བརྗོད་ཐོ་བས་བརྡུངས་གསུངས་ཀྱང་། །ཤིང་གི་འཛེར་ལ་བརྡབ་ན་ལེགས། །བཟོ་བཅོས་བྱེད་ཚེ་རྟེན་འབྲེལ་སྔགས། །

[Full Size]

ཡང་ན་བོད་སྐད་དུ་བཟླས་པ། །ཆོས་རྣམས་ཐམས་ཅད་རྒྱུ་ལས་བྱུང་། །རྒྱུ་དེ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས་། །ཞེས་དང་། རྒྱུ་དང་འབྲས་བུའི་ཆོས་རྣམས་ཀུན། །ཡོངས་སུ་རྫོགས་པ་ཉིད་དུ་གྱུར། །ཨོཾ་དྷརྨུ་ར་ཏེ་སྭཱ་ཧཱ། ཞེས་བརྗོད་སྤར་ནས་དལ་བུས་ཕྱུང་། །ཐབས་དང་ཤེས་རབ་འབྲེལ་པ་ལས། །རྒྱལ་བ་ཆོས་སྐུའི་བདག་ཉིད་གྱུར། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་སམ། ཨོཾ་སརྦ་ཏ་ཐཱ་གཱ་ཏ་དྷརྨ་ཀཱ་ལ་མ་ཧཱ་སུ་ཁ་བཛྲ་སུ་ར་ཏ་ས་མ་ཡ་སྟེ། །ཞེས་བརྗོད་བཞུགས་སུ་གསོལ་བར་བྱ། །པད་ཉི་ཟླ་སྟེང་ཚ་ཚ་རྣམས། །རིན་ཆེན་མཆོད་རྟེན་དཔག་མེད་ནང་། །རྩ་གསུམ་རྒྱལ་བ་སྲས་བཅས་བཞུགས། །འོད་འཕྲོས་བདག་གཞན་སྒྲིབ་པ་སྦྱངས། །འགྲོ་དོན་དཔག་མེད་མཛད་པར་གྱུར། །ཨོཾ་སརྦ་ཏ་ཐཱ་ག་ཏ་སཾ་བྷྱོ་ག་ཀཱ་ཡ་ས་མ་ཡ་ཧཱུཾ། ཨོཾ་སརྦ་ཏ་ཐཱ་ག་ཏ་ནིར་མ་ཎ་ཀཱ་ཡ་ས་མ་ཡ་ཧཱུཾ། དེ་ཡིས་སྐུ་གསུམ་ངོ་བོ་འགྲུབ། །རང་བཞིན་གནས་ནས་ཡེ་ཤེས་པ། །རང་བྱུང་མཆོད་རྟེན་རྟེན་མཆོག་རྣམས། །སྤྱན་དྲངས་གཉིས་མེད་བརྟན་པར་བཞུགས། །ཨོཾ་སརྦ་ཛྙཱ་ན་ཀ་ནི་ཀ་ཛཿཧཱུྃ་བཾ་ཧོཿ ཨོཾ་སརྦ་ཏ་ཐཱ་ག་ཏ་མ་

[Full Size]

ཎི་ཤབ་དིསྟེ་ཛཱ་ལ་ཛཱ་ལ་དྷརྨཱ་དྷ་ཏུ་གནྡྷེ་སྭཱ་ཧཱ། ཞེས་བརྗོད་རབ་ཏུ་གནས་པའོ། །དེ་ལྟར་རིམ་བཞིན་ཐུབ་ན་ལེགས། །འབི་འབི་བྱེད་མཁན་སྣུམ་བྱུག་མཁན། །འདེབས་མཁན་བཞག་མཁན་རབ་གནས་མཁན། །མི་མང་ཆེ་ན་སོ་སོ་བྱ། །ཡང་ན་སློབ་དཔོན་གཅིག་པུ་ཡིས། །རིམ་པ་བཞིན་དུ་ཅི་ནུས་བཏབ། །མི་མང་ཡིག་དྲུག་བཟླ་བཞིན་བཏབ། །ཐ་ན་བྱིན་རླབས་སྔགས་རྣམས་དང་། །ཡོངས་རྫོགས་སྔགས་ཀྱིས་བྱིན་བརླབས་པས། །བསྲེས་པའི་འཇིམ་པ་མི་མང་པོས། །ཡིག་དྲུག་བཟླ་ཞིང་འདེབས་པར་བྱ། །བླ་མེད་བྱང་ཆུབ་སེམས་མཆོག་དང་། །ཀུན་ནས་ཀུན་ཏུ་བཟང་པོ་ཡི། །རྣམ་དག་སྤྱོད་པས་བསྒོས་པར་གྱུར། །ཨོཾ་ཨ་ར་ཛེ་བི་ར་ཛེ་སྭཱ་ཧཱ། ཞེས་བརྗོད་དཀར་རྩི་བྱུག་པར་བྱ། །དེ་བཞིན་མེ་ཆུ་རླུང་ལ་ཡང་། །སྔགས་བཟླས་བརྐོས་ཕོར་གཡུག་པ་དང་། །དམིགས་པ་བསྒོམ་ན་ས་དང་འདྲ། །རབ་གནས་བསྡུས་པ་གོང་དེས་ཆོག །རྒྱས་པར་ཆེན་པོ་ཐམས་ཅད་ཀྱིས། །བུམ་པར་ཡི་དམ་གང་རུང་གི །མདུན་བསྐྱེད་གཞུང་ལྟར་རྒྱས་པར་བྱ། །མཆོད་བསྟོད་ཚོགས་ཀྱི་འཁོར་ལོ་འབུལ། །མཆོད་རྟེན་ལྷར་བཅས་འོད་ཟེར་གྱིས། །བདག་དང་འགྲོ་བའི་སྒྲིབ་སྦྱོང་བསམ། །ཡི་དམ་སྙིང་པོ་མང་དུ་བཟླ། །འོད་ཞུ་མཆོད་རྟེན་སོ་སོར་བསམ། །བཀྲ་ཤིས་བསྔོ་སྨོན་རྒྱས་པར་བྱ། །བདེ་གཤེགས་མཆོད་རྟེན་དྲི་མེད་ལ། །དངོས་བཤམས་ཡིད་ལས་སྤྲུལ་པ་

[Full Size]

ཡི། །གདུགས་དང་རྒྱལ་མཚན་སྲོག་ཤིང་འབུལ། །བསོད་ནམས་ཡེ་ཤེས་ཚོགས་རྫོགས་ཤོག །ཨོཾ་བཛྲ་ཨཱཿ་ཡུ་ཥེ་སྭཱ་ཧཱ། བཛྲ་པྲ་མ་ན་ཡ་སྭཱ་ཧཱ། དར་དཔྱངས་མེ་ཏོག་ཕྲེང་བ་དང་། །མེ་ལོང་དར་ཟབ་ན་བཟའ་འབུལ། །ཨོཾ་བཛྲ་ཏར་བྱེ་ཡེ་སྭཱ་ཧཱ། ཨོཾ་ཨ་ར་ཛེ་བི་ར་ཛེ་སྭཱ་ཧཱ། མཆོད་པའི་སྤྲིན་དབུས་མཆོད་རྟེན་རྣམས། །འཇིག་རྟེན་སྐྱོང་དང་འགྲོ་དྲུག་ཀུན། །རྟག་ཏུ་བསྐོར་ཞིང་མཆོད་པར་གྱུར། །དེ་ནས་སྔགས་འདིས་སྤྱན་འདྲེན་ཏེ། །ཨོཾ་སྭ་བྷཱ་ཝ་བི་ཤུདྡྷ་ཨ་ཧ་ར་ཨ་ཧ་ར། ཨ་གཙྪ་ཨ་གཙྪ་དྷརྨ་དྷཱ་ཏུ་གནྡྷེ་སྭཱ་ཧཱ། ས་གཙང་ཚ་ཚ་བཞི་མདོ་ཡི། །སྐོར་བ་འཕེལ་བར་ཚ་ཁང་བྱ། །རུས་ཚ་བྲག་ཕུག་དབེན་པར་བཞུགས། །ཆོ་ག་ལྷག་ཆད་ནོར་འཁྲུལ་དང་། །སྤྱན་འདྲེན་དུས་སུ་ཆག་གྲུམས་སོགས། །ཉེས་འགལ་ཐམས་ཅད་བཟོད་པར་གསོལ། །ཨོཾ་ཨཱཿཀ་ཤ་དྷ་ཏུ་གནྡྷེ་སྭཱ་ཧཱ། རྒྱལ་ཆེན་ཕྱོགས་སྐྱོང་ཡུལ་འདིའི་ལྷ། །སྔོན་ཚེ་རིག་འཛིན་བཀའ་བསྒོས་བཞིན། །མཆོད་རྟེན་འདི་རྣམས་སྲུང་བར་མཛོད། །ཚ་ཚ་འདི་རྣམས་བཞེངས་པའི་མཐུས། །བདག་དང་སྦྱིན་བདག་དམིགས་ཡུལ་གྱིས། །གཙོར་བྱས་མ་རྒན་སེམས་ཅན་ཀུན། །མྱུར་དུ་བྱང་ཆུབ་ཐོབ་གྱུར་ཅིག །ཅེས་བརྗོད་སྟོང་

[Full Size]

ཉིད་རྒྱ་ཡིས་གདབ། །གསར་རྙིང་རྒྱུད་གཞུང་དུ་མ་ཡི། །བཅུད་བསྡུས་ཞིབ་རྒྱས་ཕྱག་ལེན་འདི། །རཱ་ག་ཨ་སྱས་སྦྱར་བ་ལ། །ཉེས་བཤགས་དགེ་བ་བྱང་ཆུབ་བསྔོ། །དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁའི་ཁ་བཀང་སཱཙྪའི་ཆོ་ག་བསོད་ནམས་རི་བོ།

[Full Size]

གནམ་ཆོས་ཐུགས་ཀྱི་གཏེར་ཁའི་ཁ་བཀང་སཱཙྪའི་ཆོ་ག་བསོད་ནམས་རི་བོ་བཞུགས་སོ། །

[Full Size]

གུ་རུ་རིན་པོ་ཆེ་ལ་ཕྱག་འཚལ་ལོ༔ དེ་ཡང་གནམ་ཆོས་ཐུགས་ཀྱི་གཏེར་ཁ་ལས༔ བསོད་ནམས་འཕེལ་ཐབས་སཱཙྪ་རིགས་གཉིས་གསུངས༔ དེ་ཉིད་ལག་ལེན་གསལ་བ་འདིར་བཀོད་བྱ༔ ས་ནི་ས་བདག་ཡིན་པས་ས་སླང་དགོས༔ དེ་མིན་ས་བདག་ཁྲོས་པས་བཀྲ་མི་ཤིས༔ ས་མ་བྱིན་བླངས་པའི་ཉེས་པས་ཕན་ཡོན་ཆུང་༔ དཀར་གཏོར་འབྲུ་སྣ་ཕུད་དང་སྐག་ལེ་ཁྱེར༔ ས་སྤྱིན་ཡོད་སར་སོང་ལ་དཀར་གཏོར་བྲན༔ ཧཱུྃ༔ དམ་ཚིག་ཡེ་ཤེས་དབྱེར་མེད་པའི༔ རང་ཉིད་འཇིག་རྟེན་དབང་ཕྱུག་དཀར༔ ཞལ་གཅིག་ཕྱག་གཉིས་གཡས་མཆོག་སྦྱིན༔ གཡོན་པས་པདྨ་དཀར་པོ་འཛིན༔ དར་དང་རིན་ཆེན་རྒྱན་གྱིས་སྤྲས༔ པདྨ་ཟླ་གདན་སྐྱིལ་ཀྲུང་

[Full Size]

བཞུགས༔ ཕྱག་གཡས་ས་ལ་ལན་གསུམ་བརྡབ༔ ས་ཡང་རྣམ་པ་དྲུག་ཏུ་གཡོས༔ ས་ཡི་འོག་ནས་བརྟན་མ་ནི༔ གསེར་མདོག་རྒྱན་རྣམས་ཀུན་ཏུ་སྤྱས༔ ཕྱག་གཡས་ཁས་ལེན་ཕྱག་རྒྱ་དང་༔ གཡོན་པས་གཏེར་གྱི་བུམ་པ་འཛིན༔ ལྟེ་བ་མན་ཆད་ས་ནས་ཐོན། ས་བདག་ཚོགས་ཀྱིས་བསྐོར་ཏེ་བྱོན༔ ཨོཾ་པྲི་ཐི་དེ་ཝཱི་ས་པ་རི་ཝཱ་ར༔ བཛྲ་ས་མཱ་ཛཿ ཏིཥྛ་ལྷན༔ ཨགྷཾ་སོགས། རིན་ཆེན་སྣོད་དུ་གཏོར་མ་བདུད་རྩིའི་རྒྱ་མཚོར་གྱུར༔ ཨོཾ་ཨཱཿཿཧཱུྃ་ཧ་ཧོ༔ཧྲཱིཿ ས་ཡི་ལྷ་མོ་བརྟན་མ་དང་༔ ལྟོ་འཕྱེ་ལ་སོགས་ས་བདག་ཚོགས༔ འདིར་གནས་ས་ཡི་བདག་

[Full Size]

པོ་ཀུན༔ ས་གླུད་མཆོད་གཏོར་འདི་བཞེས་ལ༔ ས་འདི་བདག་ལ་གནང་བར་མཛོད༔ བདག་གིས་མཆོད་རྟེན་མང་བཞེངས་པའི༔ དགེ་བའི་ཆ་ཤས་ཁྱེད་ལ་བྱིན༔ དེ་ཕྱིར་དགེ་ཞིང་བྱང་སེམས་ཀྱིས༔ ས་འདི་བཀྲ་ཤིས་མཛད་དུ་གསོལ༔ བརྗོད་པས་བརྟན་མ་ལ་སོགས་དགྱེས་ས་འདི་གནང་བས་འགྲོ་དོན་སྤྱོད༔ གསུངས་ནས་བརྟན་མ་ས་ལ།ཐིམ༔ ས་བདག་གཞན་རྣམས་བྱེར་བར་གྱུར༔ སེང་ལྡེང་ཕུར་པ་སོར་བརྒྱད་པ༔ སྟོད་ནི་རྟ་མགྲིན་དམར་པོ་སྟེ༔ རྟ་སྐད་སྒྲོག་ཅིང་གྲི་ཐོད་འཛིན༔ སྐུ་སྨད་ཕུར་པ་མེ་དཔུང་འབར༔ གདེངས་ཤིང་ས་ལ་བཏབ་པ་ཡིས༔ གཏོར་མས་བྲིད་ཀྱང་མི་ཉན་པའི༔ གདུག་པ་ཅན་རྣམས་བྲོས་པར་གྱུར༔ ཨོཾ་པདྨནྟ་ཀྲིཏྟ་བཛྲ་ཀཱི་ལི་ཀཱི་ལ་ཡ་སརྦ་དུཥཱན་ཧཱུྃ་ཕཊ༔ དེ་ནས་ཧཱུྃ་མཛད་ཕྱག་རྒྱས་སྐག་ལེ་བཟུང་༔ དཔྱིད་གསུམ་བྱང་དང་དབྱར་གསུམ་ཤར་གྱི་ཕྱོགས༔ སྟོན་གསུམ་ལྷོ་དང་དགུན་གསུམ་ནུབ་ཀྱི་ཕྱོགས༔ ཁ་གྱུ་བྲུས་པས་ལྟོ་འཕྱེའི་ལྟོ་ཚིལ་ལོན༔ ས་ཡང་རིན་ཆེན་སྣ་ལྔའི་གཏེར་ཁ་སྟེ༔ ས་གཡང་དངོས་གྲུབ་ཐམས་ཅད་ཐོབ་པར་འགྱུར༔ ཨོཾ་ག་རུ་ཊ་ཧཱུྃ་ཕཊ༔ ཅེས་གསུངས་སྐག་ལེ་ས་ལ་ལན་གསུམ་རྒྱབ༔ ས་ཡང་རིན་ཆེན་སྣ་ལྔའི་ཕུང་པོར་གྱུར༔ ཨོཾ་བཛྲ་རཏྭ་ས་མ་ཏེ་ཡེ་ཧཱུྃ༔ ཚེས་

[Full Size]

གྲངས་བཅུ་གཉིས་ཐེ་སེ་སྤྲེལ་ཁོག་རྒྱུ༔ དེ་ཉིན་སོར་གྲངས་དུ་བརྐོས་མི་རེ་འཆི༔ དེ་ཕྱིར་བཅུ་གཉིས་ས་ཆོག་ས་བརྐོ་སྤངས༔ དེ་མིན་ས་སློང་ཚར་ནས་ནམ་འདོད་དུས༔ ལས་མི་རྣམས་ཀྱིས་རྐོ་དང་ལེན་པར་རུང་༔ ས་སློང་བའི་ལེའུ་སྟེ་དང་པོའོ༔ ས་རྣམས་ཁྱིམ་དུ་བླངས་ནས་སྤུངས་བྱས་ཏེ༔ སྤོས་ཆུའི་ནང་དུ་རིན་ཆེན་བརྡར་བས་བྲན༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སརྦ་ས་མ་ཏྲི་ས་ལེ་ཡེ་སྭཱ་ཧཱཿ ཞེས་པས་མི་གཙང་བ་རྣམས་སོང་བར་བསམ༔ རང་ཉིད་ཁྲོ་བོ་བདུད་རྩི་འཁྱིལ་པ་ལྗང་༔ ཕྱག་གཉིས་རྡོ་རྗེ་རྩེ་ལྔའི་ཕྱག་རྒྱ་ཡིས༔ ས་ལ་ལན་གྲངས་ཉེར་གཅིག་རེག་པ་ཡིས༔ ས་དེ་སྟོང་ཉིད་ཆོས་སྐུ་རྣམ་དག་འགྱུར༔ ཨོཾ་སྭ་བྷ་ཝ་སོགས། སྟོང་པའི་ངང་ལས་པདྨ་ཟླ་བའི་སྟེང་༔ ཧཱུྃ་ལས་ས་ཕུང་རིན་ཆེན་ཕུང་པོར་གྱུར༔ ཨོཾ་བཛྲ་ཁ་ན་ཁ་ན་ཧཱུྃ༔ རང་གི་ཐུགས་ཀའི་ཧཱུཾ་ལས་འོད་འཕྲོས་པས༔ འོག་མིན་རྣམ་པར་སྣང་མཛད་ཆེན་པོ་ཡི༔ ཐུགས་ཀར་ཕོག་པས་ཐུགས་དམ་རྒྱུད་བསྐུལ་ནས༔ སྨིན་མཚམས་མཛོད་སྤུའི་འོད་ཟེར་འཕྲོས་པ་ཡིས༔ ས་ཕུང་དེར་ཐིམ་ཡེ་ཤེས་ལྔ་རུ་གྱུར༔ ལག་གཉིས་མཛུབ་ཆུང་མཐེ་བོང་གཉིས་ཀྱིས་མནན༔ སོར་མོ་གསུམ་བརྐྱང་ལག་གཡོན་གན་རྐྱལ་ཏེ༔ ལག་གཡས་སྒྲུབ་པས་སོར་མོ་དྲུག་པ་སྟེ༔ ལན་རེ་རེག་ཅིང་གཟུངས་འདི་ཚར་རེ་སྟེ༔

[Full Size]

ལན་གྲངས་ཉེར་གཅིག་ཕྱོགས་རྣམས་ཀུན་ནས་རེག་ན་མོ་བྷ་གཱ་ཝཱ་ཏེ་བེ་རོ་ཙ་ན་པྲ་བྷ་རཱ་ཛཱ་ཡ༔ ཏ་ཐཱ་ག་ཏཱ་ཡ༔ ཨརྡ་ཏེ་སཾམྱཀཾ་བུདྡྷ་ཡ༔ ཏདྱ་ཐཱ༔ སུཀེ་སུམྦྷེ༔ ས་མེ་ས་མ་ཡ༔ ཤཱནྟེ་དནྟེ༔ ཨ་ས་མ་རོ་པེ༔ ཨ་ན་ལམྦྷེ༔ ཏ་རམྦྷེ༔ ཡ་ཤོ་ཝརྟི༔ མ་ཧཱ་ཏེ་ཛཿ ནིར་ཀུ་ལེ༔ ནིརྡ་ཎེ། སརྦ་བུདྡྷ་ཨདྷིཥྛ་ན༔ ཨ་དྷིཥི་ཏེ་སྭཱ་ཧཱཿ ལག་པ་རྡོ་རྗེ་རྩེ་ལྔའི་ཕྱག་རྒྱ་ཡིས༔ ས་ཕུང་གདབ་པ་རྡོ་རྗེའི་གདན་གྱི་སྟེང་༔ ས་སྒང་བརྡུང་བས་བདག་དང་འགྲོ་ཀུན་གྱི༔ ལས་དང་ཉོན་མོངས་སྒྲིབ་པ་བཅོམ་པར་གྱུར༔ ཨོཾ་བཛྲ་མུདྨ་ར་ཨཱཿ་ཀོ་ཊ་ཡ་ཨཱཿ་ཀོ་ཊ་ཡ་ཧཱུྃ་ཕཊ༔ སློབ་དཔོན་གྱིས་བརྡུང་ཚུལ་བྱ༔ སཱཙྪ་གཙང་མ་ཡིག་བདུན་ལ་སོགས་ཀྱི༔ གཟུངས་ཆུའམ་བུམ་ཆུས་ཁྲུས་བྱ་ཁྲུས་ཆོག་གིས༔ གལ་ཏེ་ཚེ་འདས་རུས་ཚྭ་འདེབས་ན་ནི༔ ཨོཾ་བཛྲ་ས་མཱ་ཛཿཛཿཧཱུྃ་བཾ་ཧོཿ བརྗོད་ཅིང་རུས་པ་སྣོད་གཙང་ནང་དུ་བླུག༔ མེ་ལོང་ངོས་སུ་རུས་པ་འཆར་བཅུག་ལ༔ གཟུངས་ཆུ་འམ་ནི་བུམ་ཆུ་ནས༔ ཇི་ལྟར་བལྟམས་པ་ལ་སོགས་ཁྲུས་གསོལ་བྱ༔ སྡིག་ཅན་མིན་ཞིང་ཉེ་དུ་མིན་པས་ནི༔ རུས་པ་ཞིབ་པར་བརྡུང་ལ་ཆུ་ལ་སྦྱང་༔ སེ་གཅིག་མེད་ཅིང་ཆུ་མདོག་འགྱུར་ཙམ་བྱ༔ དེ་ཡིས་ས་ཝིས་སྦྲུ་བར་བྱ་བ་སྟེ༔ གསོན་པོའི་སོ་དང་སྐྲ་སེན་དེ་དང་མཚུངས༔ འཇིམ་པ་བྱ་བའི་ལེའུ་སྟེ་གཉིས་པའོ༔ རབ་ནི་གསེར་དངུལ་འབྲིང་ནི་མཚལ་རྒྱ་སྣག༔ ཐ་མ་དྲི་བཟང་སྦྱར་བའི་སྣག་ཚ་

[Full Size]

ཡིས༔ ཨོཾ༔ ཡིག་དྲུག་ཤམ་དུ་རྟེན་འབྲེལ་སྙིང་པོའི་སྔགས༔ བྲིས་པའི་ཤོག་དྲིལ་དག་ཀྱང་བཅུག་བྱས་ཏེ༔ ཨོཾ་མ་ཧཱ་ཀཱ་ལ་རེ་མ་ཏི་ཧཱུྃ་ཕཊ༔ ཧ་སྭཱ་ཧཱཿ ཧ་སྭ་ཧྭ༔ མུ་ནེ་མུ་ནེ་སྭཱ་ཧཱཿ པུཎེ་པུཎྱེ་པུཊྚི་ཀུ་རུ་སྭཱ་ཧཱཿ ཞེས་བྲིས་པ་ཡི་ཤོག་དྲིལ་ཉི་ཤུ་བྱ༔ ཨོཾ་ཨཱཿཿཧཱུྃ་ཞེས་བྲིས་པའི་ཤོག་དྲིལ་ལ༔ མང་ཉུང་དང་བསྟུན་ཅི་འབྱོར་ཙམ་ཞིག་བྱ༔ བྱིན་རླབས་རྟེན་དང་སྨན་སྣ་ཞིབ་པར་བཏུལ༔ རིན་ཆེན་སྣ་ལྔ་ཅི་འབྱོར་ཕྱེ་མ་དང་༔ འབྲུ་སྣ་ཟས་ཕུད་རྙེད་ཚད་གཟུངས་ཆུས་སྦག༔ དེ་སྲིད་སྨན་སྣ་བྱིན་རྟེན་བཏབ་པ་དཀྲུགས༔ ནང་གཞུག་ཤོག་དྲིལ་ཡོད་པའི་སཱཙྪ་རྣམས༔ བཏབ་ནས་མ་ནོར་སཱཙྪ་སོ་སོར་བཞག་པར་བྱ༔ ནང་དུ་གཟུངས་འཇུག་མེད་པ་འབྲུ་སྣ་ཁོ་ན་སྟེ༔ ནས་འབྲུ་བདུན་བས་ཉུང་བ་མི་རུང་ཞིང་༔ ཧ་ཀྱང་མང་ན་ལྗང་བུས་སཱཙྪ་འཇིག༔ དེ་ཕྱིར་མང་ཉུང་ཚོད་དང་སྦྱར་ལ་བཅུག༔ ནང་གཞུག་གི་ལེའུ་སྟེ་གསུམ་པའོ༔ སཱཙྪ་འདེབས་པའི་མཁན་སློབ་གཙོ་བོ་ཉིད་ཤཱཀྱ་ཐུབ་པ་སྤྲུལ་སྐུའི་ཆ་ལུགས་ཅན༔ ཆོས་གོས་གསུམ་གསོལ་སེང་གེའི་ཁྲི་ལ་བཞུགས༔ དྲན་རྫོགས་དམ་ཡེ་དབྱེར་མེད་གསལ་བ་ཡི༔ ཕྱག་གཡོན་བརྐོས་ཕོར་ཤེས་རབ་སྟོང་པ་ཉིད༔ ཕྱག་གཡས་འབི་འབྲི་ཐབས་ཀྱི་རང་བཞིན་གཉིས༔ སྦྱར་བས་ལྷ་དང་མི་ཡི་བསོད་ནམས་བསྟན༔ གཟུགས་སྐུ་མཆོད་རྟེན་དཔག་མེད་འབྱོན་པར་གྱུར༔ ཨོཾ་ཡེ་དྷརྨ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱན་ཏ་ཐཱ་ག་ཏོ་ཧྱ་ཝ་དཏ་ཏེ་ཥཉྩཡོ་ནི་རོ་དྷ་ཨེ་བཾ་བཱ་དཱི་མ་ཧཱ་

[Full Size]

ཤཱ་མ་ཎཿཡེ་སྭཱ་ཧཱཿ དེ་ནས་འཇིམ་པ་བཅད་ཅིང་༔ ན་མ་ས་མནྟ་བུདྡྷཱ་ནཾ༔ ཨོབཛྲ་ཨཱཿ་ཡུ་ཥེ་སྭཱ་ཧྭ༔ ནང་འཇུག་གཞུག་ཅིང་༔ ཨོཾ་བཛོདྡྷཱ་བཱ་ཡ་སྭཱ་ཧཱཿ འབི་འབི་བྱ་ཞིང་༔ ཨོཾ་བཛྲ་ཨ་ར་ཛེ་བི་ར་ཛེ་སྭཱ་ཧཱཿ སྣུམ་བྱུག་ཅིང་༔ བྱང་ཆུབ་སེམས་ཀྱིས་བསྒོས་པར་གྱུར༔ ཨོཾ་བཛྲ་དྷརྨ་དྷ་ཏུ་གནྡྷེ་སྭཱ་ཧཱཿ དེ་ནས་འབི་འབི་ཡར་བཞག་ཅིང་༔ ཨོཾ་ཨ་ས་ཏིཥྛ་ཏི་བཛྲ་ཡེ་སྭཱ་ཧཱཿ བརྐོས་ཕོར་དུ་བཅུག་ཅིང་༔ ཐབས་ཤེས་ཟུང་དུ་འཇུག་པར་གྱུར༔ ཨོཾ་དྷརྨ་དྷ་ཏུ་གནྡྷེ་སྭཱ་ཧཱཿ བརྐོས་ཕོར་རྡེབ་བམ་ཐོ་བས་བརྡུང་༔ ཨོཾ་བཛྲ་མུངྒ་ར་ཨཱཿ་ཀོ་ཊ་ཡ་ཨཱཿ་ཀོ་ཊ་ཡ་ཧཱུྃ་ཕཊ༔ དེ་ནས་བརྐོས་ཕོར་ནས་ཕྱུང་ཞིང་༔ རྒྱུ་འབྲས་ཚོགས་རྣམས་ཡོངས་རྫོགས་གྱུར༔ ཨོཾ་དྷརྨ་ར་ཏེ་སྭཱ་ཧཱཿ ཚེ་འདས་དོན་དུ་ཡིན་ན་རྩ་རིག་དང་༔ ཀཾ་ཀ་མ་ཎི་བཟླ་ཞིང་འདེབས་ཆོག་གོ༔ ཀུན་གྱིས་མི་འཁྲུགས་པ་ཡི་གཞུང་བཞིན་གསུངས༔ ཨོཾ༔ དེ་ནས་ས་ལ་བཞག་ཅིང་༔ རྒྱལ་བ་རྒྱ་མཚོའི་སྐུ་ཡི་བདག་ཉིད་དུ་གྱུར༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ མཆོད་རྟེན་རྩེ་ལ་ལག་པས་རེག་ཚུལ་གྱིས༔ ཨོཾ་སརྦ་ཏ་ཐཱ་ག་ཏ་མ་ཎི་ཤབ་ཏིཊྛི་ཛཱ་ལ་དྷརྨ་དྷ་ཏུ་གནྡྷེ་སྭཱ་ཧཱཿ ཞེས་བརྗོད་དེ་ནི་འཕྲལ་གྱི་རབ་གནས་ཡིན༔ གཅིག་གིས་ཡིན་ན་དེ་དག་རིམ་པ་བྱ༔ ཤེས་མཁན་མང་ན་སྔགས་རྣམས་སོ་སོར་དགོས༔ མི་རེས་ལས་ཀ་རེ་དང་སྔགས་རེ་བྱ༔ ཤེས་མཁན་ཉུང་ན་ཀུན་གྱིས་ཡིག་བདུན་ནམ༔ ཡིག་དྲུག་བཟླས་

[Full Size]

པས་སྔགས་ཀུན་དེས་ཆོག་པར༔ གསར་རྙིང་ཐུགས་རྗེ་ཆེན་པོའི་གཞུང་ནས་གསུངས༔ སྒྲིབ་པ་དག་པར་འདོད་ན་ཡིག་བརྒྱ་དང་༔ ཚེ་རིང་འདོད་ན་ཚེ་གཟུངས་ཚེ་དཔག་སྔགས༔ དེ་བཞིན་ནད་ཞི་འདོད་ན་སྨན་ལྷའི་སྔགས༔ སྲིའུ་གསོ་བར་འདོད་ན་སོ་འབྲོང་སྔགས༔ ལོངས་སྤྱོད་རྒྱས་པར་འདོད་ན་འཛམ་ལྷའི་སྔགས༔ དེ་ལྟར་བཟླ་ཞིང་མཆོད་རྟེན་སོ་སོར་འབུལ༔ གང་ཡིན་ལྷ་དེའི་སྐུ་ནི་ལམ་ལམ་གསལ༔ དེ་ལས་འོད་འཕྲོས་དམིགས་ཡུལ་ལ།ཐིམ་པས་འདོད་དོན་འགྲུབ་པར་སྒོམ་ཞིང་སྨོན་ལམ་གདབ༔ དེ་ནས་སྐམ་ཐག་ཆོད་པར་སྐམ་བཅུག་སྟེ༔ ཡིག་དྲུག་ནང་གཞུག་ཅན་རྣམས་སེར་པོ་བྱ༔ མགོན་པོའི་སྔགས་ཅན་ཉི་ཤུ་སྔོན་པོ་བྱ༔ འབྲུ་གསུམ་ནང་གཞུག་ཅན་རྣམས་སེར་པོ་བྱ༔ གཞན་ཀུན་དཀར་རྩི་གསོལ་ན་ལེགས༔ སཱཙྪ་འདེབས་པའི་ལེའུ་སྟེ་བཞི་པའོ༔ གཤིན་པོའི་རུས་ཆོག་གསོན་པོའི་སྐྲ་ཚ་ནི༔ བསྐོར་བ་མི་ཁྱག་བསོད་ནམས་ཉམས་འགྱུར་ཕྱིར༔ གནས་བདག་གདུག་པ་ཅན་ནི་མི་གནས་ཤིང་༔ ས་དཔལ་བཟང་ཞིང་ས་དགྲ་མེད་པའི་ས༔ འོག་ཏུ་བརླན་མེད་ཆར་པ་ཁེབས་པ་ཡི༔ བྲག་ཕུག་ས་ཕུག་སོགས་སུ་སྦས་བྱས་ཏེ༔ གནས་བདག་དེ་ལ་དཀར་གཏོར་ཕུལ་བར་བྱ༔ དགོན་པ་གྲོང་པ་རི་ཁྲོད་གང་རུང་གི །ཤར་དུ་ཚ་ཁང་བྱས་ན་བཀྲ་མི་ཤིས༔ ཤར་ལྷོ་མཚམས་སུ་བྱས་ན་ཟ་ཁ་འགགས༔ ལྷོ་རུ་བྱས་ན་ནོར་དང་ལོངས་སྤྱོད་ཉམས༔ ལྷོ་ནུབ་མཚམས་བྱས་བྱི་ཕག་ལོ་ལ་ངན༔ ནུབ་ཏུ་བྱས་ན་ནད་ཉུང་རིམ་གྲོ་མཆོག༔ ནུབ་བྱང་མཚམས་སུ་

[Full Size]

བྱས་ན་སད་སེར་ཉུང་༔ བྱང་དུ་བྱས་ན་དགྲ་དང་ཁ་མཆུ་ཉུང་༔ བྱང་ཤར་མཚམས་བྱས་ཆུ་ཁམས་པ་ལ་ངན༔ ལྟག་ཏུ་བྱས་ན་གཉའ་གནོན་མར་འགྲོ་ཆེ༔ འོག་ཏུ་བྱས་ན་མལ་ས་ནོན་པ་ཡིན༔ ཁྱིམ་གྱི་ནང་དུ་བླུགས་ཀྱང་ཕྱོགས་དེར་བརྩི༔ ཁྱིམ་ནང་གང་དུ་ཚ་ཁང་བྱས་པ་ཡིས༔ ས་རྒོད་གཉན་པོ་ཡིན་ཀྱང་ངེས་པར་ནོན༔ སྐྲ་རྒན་གཡང་ཅན་རུས་ཚ་ཁྱིམ་བཞག་ན༔ མི་གཡང་མི་ཉམས་བཀྲ་ཤིས་དགེ་བ་ཡིན༔ འཆི་ལུགས་ངན་དང་གཞོན་ཤི་རུས་ཚ་ནི༔ ཁྱིམ་དུ་མི་ཉལ་རི་ལ་བསྐྱལ་བ་ལེགས༔ གསོན་པོའི་སྐྱ་སོའི་སཱཙྪ་ཁྱིམ་དུ་རུང་༔ དེ་མིན་ཚ་ཚ་གཙད་མི་ཚྭ་ཁང་ནི༔ གང་དུ་བྱ་སར་ས་འདེབས་རྒྱས་པར་བྱ༔ དེ་མ་བྱས་ན་ལྷ་འདྲེའི་ཕོག་ཐུག་འོང་༔ དེ་ལྟར་ཚ་ཁང་ནང་དུ་སཱཙྪ་རྣམས༔ གཟའ་སྐར་བཟང་པོའི་ཉིན་པར་ཁྱེར་བའི་ཚེ༔ སྤྱན་འདྲེན་སྔགས་འདི་བརྗོད་ཅིང་སྤྱན་འདྲེན་ནོ༔ ཨོཾ་སྭ་བྷ་ཝ་བི་ཤུདྡྷེ་ཨ་ཧ་ར་ཨཙྩ་ཨཙཱ་དྷརྨ་དྷ་ཏུ་གནྡྷེ་སྭཱ་ཧཱཿ ཚ་ཁང་ནང་དུ་སཱཙྪ་རྣམས༔ མགོ་མཇུག་མ་ལོག་ལེགས་པར་སྤུངས༔ སྤྱན་འདྲེན་བྱེད་ཚེ་ཆག་གྲུག་སོགས༔ འོ་རྒྱལ་བྱུང་བའི་བཟོད་གསོལ་སྔགས༔ ཨོཾ་ཨཱཿཤ་ཤ་དྷ་ཏུ་གནྡྷེ་སྭཱ་ཧཱཿ ཞེས་པ་མང་ཞིག་བརྗོད་པར་བྱ༔ ཚ་ཁང་གི་ལེའུ་སྟེ་ལྔ་པའོ༔ ཡིག་དྲུག་ནང་གཞུག་ཅན་གྱི་ཚ་ཚ་བརུ༔ ཨོཾ་མ་ཎི་པདྨེ་ཧཱུྃ༔ མ་མ་པུཎེ་པུཊྚི་ཀུ་རུ་སྭཱ་ཧཱཿ སྟོང་བཟླས་སཱཙྪ་རྣམས་ལ་ཕུ་བཏབ་ལ༔ སཙྪ་ཀུན་གྱི་སྟེང་དང་དབུས་སུ་བཞག༔ མགོན་པོའི་སྔགས་གཞུག་སཱཙྪ་ཉི་ཤུ་པོ༔ ཨོཾ་མ་ཧ་ཀ་ལ་རེ་མ་ཏི་ཧཱུྃ་

[Full Size]

ཕཊ༔ ཧ་སྭཱ་ཧཱཿ ཧ་སྭཱ་ཧཱཿ མུ་ནེ་མུ་ནེ་སྭཱ་ཧཱཿ པུཎྱེ་པུཎྱེ་པུཎྚི་ཀུ་རུ་སྭཱ་ཧཱཿ སྟོང་བཟླས་ཚ་ཚ་ལ་ཕུས་གདབ་བྱས་ལ༔ སཱཙྪ་མང་མའི་སྟེང་གི་ཕྱོགས་མཚམས་ཀྱི༔ མཐའ་ནས་བསྐོར་ཏེ་བཞག་པར་བྱ་བ་ཡིན༔ རབ་གནས་རྒྱས་པར་གནམ་ཆོས་གཞུང་ལྟར་བྱ༔ བསྡུ་ན་བགེགས་གཏོར་བཏང་ཞིང་བགེགས་བསྐྲད་ལ༔ གནས་བདག་དེ་ལ་དཀར་གཏོར་ཕུལ་བའི་རྗེས༔ མེ་ལོང་ངོས་ནས་ཁྲུས་གསོལ་སྤྱི་ལྟར་བྱ༔ ཨོཾ་སྭ་བྷཱ་ཝ་སོགས། ཆོས་རྣམས་མི་དམིགས་ཡེ་ནས་སྟོང་པ་ཉིད༔ དེ་ཡི་ངང་ལས་འབྱུང་བ་རིམ་བརྩེགས་སྟེང་༔ ཚ་ཁང་ཡེ་ཤེས་ཧཱུཾ་ཡིག་ཡོངས་གྱུར་ལས༔ རིན་ཆེན་སྣ་ཚོགས་ལས་གྲུབ་གཞལ་ཡས་ཁང་༔ ཡངས་ཤིང་རྒྱ་ཆེ་ཆོས་ཀྱི་དབྱིངས་དང་མཉམ༔ དེ་དབུས་སྣ་ཚོགས་པད་ཟླ་གྲངས་མེད་སྟེང་༔ ཧཱུཾ་ཡིག་དགུ་ཚོམ་དཔག་མེད་ཡོངས་གྱུར་ལས། རིན་ཆེན་སྣ་ཚོགས་ལས་གྲུབ་མཆོད་རྟེན་ནི༔ གཙོ་འཁོར་དགུ་དགུ་དཔོག་ཏུ་མེད་པ་ཡི༔ བུམ་པ་རྣམས་ཀྱི་ནང་དུ་གཞལ་ཡས་ཁང་༔ དེ་དབུས་པདྨ་འདབ་མ་སྟོང་ལྡན་རེ་དབུས་ཀྱི་ལྟེ་བར་བཅོམ་ལྡན་ཤཱཀྱ་ཐུབ༔ འདབ་མ་སྟོང་ལ་སངས་རྒྱས་སྟོང་གིས་བསྐོར༔ ཕྱོགས་མཚམས་བརྒྱད་པོའི་ལྟེ་བར་ཉེ་སྲས་བརྒྱད༔ རེ་རེར་བྱང་ཆུབ་སེམས་དཔའ་

[Full Size]

སྟོང་རེས་བསྐོར༔ ཀུན་གྱིས་ཡི་གེ་དྲུག་པའི་ཆོས་གསུངས་ཤིང་༔ གནས་གསུམ་འབྲུ་གསུམ་ཐུགས་རྗེའི་ཧཱུཾ་འོད་ཀྱིས༔ ཕྱོགས་བཅུའི་ཞིང་ནས་རྒྱལ་བ་སྲས་བཅས་ཀུན༔ ཤཱཀ་ཐུབ་ཉེ་སྲས་བརྒྱད་དང་མཆོད་རྟེན་གྱི༔ རྣམ་པར་ཆར་བཞིན་བབས་ནས་རྟེན་ལ་ཐིམ༔ ཧཱུྃ༔ ཤཱཀ་ཐུབ་ཉེ་སྲས་བརྒྱད་དང་སྐུ་གདུང་ཚོགས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ ཐུགས་རྟེན་སྐུ་གདུང་རྣམས་ལ་དབང་མཆོག་བསྐུར༔ ལོག་འདྲེན་བགེགས་ཀྱི་བར་ཆད་བསལ་དུ་གསོལ༔ ཨོཾ་ཤཱཀྱ་མུ་ནེ་སརྦ་སཏཱ་ཤ་རི་རི་བཛྲ་ཨཱཿ་ཝེ་ཤ་ཡ་ཨ་ཨཱཿཿ རྡོ་རྗེ་བསྡུ་བའི་ཕྱག་རྒྱ་དང་བཅས་ཏེ༔ རོལ་མོ་འཁྲོལ་ཞིང་སྔགས་དེ་ལན་བདུན་བརྗོད༔ ཇི་སྲིད་འབྱུང་བཞིའི་གནོད་པས་མ་ཞིག་བར༔ རྟེན་འདི་རྣམས་ལ་བརྟན་པར་བཞུགས་སུ་གསོལ༔ ཏིཥྛ་ལྷན༔ རྟེན་འབྲེལ་སྙིང་པོ་བརྒྱ་རྩིས་སྔགས་ལ༔ ཕྱོགས་བཅུའི་ཞིང་ནས་རྒྱལ་བ་སྲས་བཅས་ཀྱི༔ སྐུ་གསུང་ཐུགས་ཀྱི་ངོ་བོ་ཨོཾ་དཀར་དང་༔ ཨཱཿདམར་ཧཱུྃ་མཐིང་རྣམ་པ་ཆར་ལྟར་བབ༔ རྟེན་ལ་ཐིམ་པས་སྐུ་གསུམ་ཡོངས་རྫོགས་གྱུར༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ ཞེས་བརྗོད་ནས་དེ་ལན་བདུན་གཏོར་བར་བྱ༔ དེ་ནས་གདུགས་ནི་དངོས་སམ་ཙཀླུ་འམ༔ ཡང་ན་ལག་

[Full Size]

པ་གདུགས་ཀྱི་ཕྱག་རྒྱ་འགྲོ་བ་ཀུན་གྱིས་འདི་འདོན་བྱ༔ བླ་མེད་སྐྱབས་དང་ལྡན་པ་ཡི༔ མཆོད་རྟེན་རྣམས་ཀྱི་དབུ་ལ་གདུགས་འབུལ་ལོ༔ ཨོཾ་བཛྲ་བྷ་ལ་ན་ཡེ་སྭཱ་དོམ་ཆོས་མི་ནུབ་བརྟན་པའི་སྲོག་ཤིང་འབུལ༔ ཨོཾ་བཛྲ་ཨཱཿ་ཡུ་ཥེ་སྭཱ་ཧཱཿ འགྲོ་ཀུན་སྟོབས་བཅུ་ཐོབ་ཕྱིར་འཁོར་ལོ་འབུལ༔ ཨོཾ་པྲ་མར་ད་ན་ཡ་སྭཱ་ཧཱཿ རྒྱལ་བ་བསྙེན་བཀུར་བྱ་ཕྱིར་ཅོད་པན་འབུལ་ཨོཾ་པ་ཌ་ཀ་ལཾ་བྷ་ཡ་སྭཱ་ཧཱཿ ཆོས་ཀྱི་སྙན་གྲགས་ཐོབ་ཕྱིར་དར་པན་འབུལ༔ ཨོཾ་བཛྲ་པ་ཏཾ་ཀི་སྭཱ་ཧཱཿ བདུད་བཞིའི་གཡུལ་ལས་རྒྱལ་བའི་རྒྱལ་མཚན་འབུལ༔ ཨོཾ་ཧཱུྃ་བྷི་ར་དྷ་ཛཡ་སྭཱ་ཧཱཿ འགྲོ་ཀུན་དཔེ་བྱད་ཐོབ་ཕྱིར་ཕྲེང་བ་འབུལ༔ ཨོཾ་རཏྣ་མཱ་ལེ་ཧཱུྃ་སྭཱ་ཧཱཿ འགྲོ་ཀུན་པད་གདན་ཐོབ་ཕྱིར་གདན་ཁྲི་འབུལ༔ ཨོཾ་པུཎྜེ་དྷ་རི་ཛ་ཡེ་སྭཱ་ཧཱཿ འགྲོ་ཀུན་ལོངས་སྤྱོད་ལྡན་ཕྱིར་ཞལ་ཟས་འབུལ༔ ཨོཾ་བཛྲ་ནེ་ཝིདྱ་པྲ་ཏིཙྪ་སྭཱ་ཧཱཿ དེ་རྣམས་དངོས་སམ་ཕྱག་རྒྱ་འམ༔ ཡིད་ཀྱིས་དམིགས་པས་ཡུལ་ཀྱང་ཆོག་པ་ཡིན༔ དེ་ནས་མར་མེ་ཅི་འབྱོར་ཕུལ་བྱས་ལ༔ མར་མེ་སྟོང་དུ་འགྱུར་བར་ཤོག༔ བི་ཛ་ཀ་ལ་ཨ་ཛི་ཏེ༔ སྔགས་དེ་བདུན་ནམ་ཉེར་གཅིག་བརྗོད༔ དེ་ནས་དེར་ཡོད་ཀུན་གྱིས་ཕྱག་འཚལ་ཞིང་༔ ཨ་མྲྀ་ཏ་ཡེ་བི་ཛ་ཡེ༔ ཕྱག་གཅིག་ཁྲི་རུ་

[Full Size]

འགྱུར་བར་ཤོག༔ དེ་ནས་སྐོར་བ་བདུན་སོགས་བྱ་བའི་དུས༔ རྒྱལ་ཆེན་ཕྱོགས་སྐྱོང་ཡུལ་དེའི་གཞི་བདག་དང་༔ འགྲོ་དྲུག་ཀུན་གྱིས་སྐོར་བ་བྱེད་པར་གྱུར༔ ད་ལོ་ཤཱ་ཙ་ཀོ་རོ་རོ༔ སྐོར་བ་འབུམ་དུ་འགྱུར་བར་ཤོག༔ འཇིག་རྟེན་སྐྱོང་བ་ཐམས་ཅད་དང་༔ ཡུལ་འདིའི་གཞི་བདག་ཐམས་ཅད་དང་༔ ཁྱད་པར་གནས་འདིའི་གཞི་བདག་གིས༔ སྐུ་གདུང་ཚ་ཚའི་ཁང་བུ་འདི༔ བདག་ཏུ་བཟུང་ལ་གཉེར་ཁ་མཛོད༔ ཞིག་རལ་མ་བཏང་སྲུང་ཞིང་སྐྱོངས༔ སྔོན་གྱི་དམ་ལ་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ཨ་ཡ་མ་དུ་རུ་ཙ་ཤ་ན་ས་མ་ཡ་རཀྟ༔ དེ་ནས་ཡིག་དྲུག་འུར་འདོན་བྱ༔ བཀྲ་ཤིས་གང་ཤེས་རྒྱས་པར་བརྗོད༔ མི་དམིགས་ངང་ནས་བསྔོ་སྨོན་བྱ༔ དེ་ཡིས་སཱཙྪ་བཞེངས་མཁན་དང་༔ སྐོར་བ་བྱེད་མཁན་ཐམས་ཅད་ཀྱི༔ སྐྱེ་བོ་བསོད་ནམས་འཕེལ་བ་ཡི༔ རབ་གནས་ལེའུ་སྟེ་དྲུག་པའོ༔ ༈ ཡང་སྙིང་འདུས་པའི་རྒྱུད་ལས༔ ཞིང་ཁམས་རྣམ་དག་དེས་འགྲུབ་འགྱུར༔ ཅེས་དང་༔ རབ་བདེ་བ་ཅན་དུ་སྐྱེ༔ འབྲིང་འཁོར་ལོས་སྒྱུར་བའི་རྒྱལ་པོ༔ ཐ་མ་འཇིག་རྟེན་གྱི་ཁམས་སུ་བདེ་ལེགས་ཤིང་༔ ཚེ་རིང་བར་འགྱུར་རོ༔ དགོངས་འདུས་སཱཙྪ་ལས༔ བསྐལ་པ་གྲངས་མེད་པར་ལས་དང་ཉོན་མོངས་པའི་སྡིག་པ་དང་སྒྲིབ་པ་ཉེས་བྱས་ཅི་བསགས་པ་ཐམས་ཅད་དག་པ་དང་༔ བསོད་ནམས་ཀྱི་ཚོགས་རྒྱ་ཆེན་པོ་ཡར་ལྡན་དུ་འཕེལ་ཞིང་༔ འབྲས་བུ་ཡེ་ཤེས་ཀྱི་ཚོགས་ཡུན་རིང་འགྱང་

[Full Size]

བ་མྱུར་དུ་སྨིན་པ་དང་༔ གནས་སྐབས་ཚེ་འདིར་ནད་དང་གནོད་པ་རྐྱེན་ངན་བར་ཆད་འབྱུང་པོ་མི་དང་མི་མ་ཡིན་པའི་གནོད་འཕ་རོལ་གྱི་བསམ་སྦྱོར་རིག་སྔགས་ཀྱི་སྦྱོར་བ་ངན་པ་ལ་སོགས་མི་མཐུན་པའི་ཕྱོགས་ཐམས་ཅད་བཟློག་ཅིང་ཞི་ནས༔ ཚེ་རིང་ནད་མེད་ཟས་ནོར་ལོངས་སྤྱོད་དང་༔ དཔལ་འབྱོར་ཆོས་སྲིད་ལ་སོགས་བདེ་ལེགས་ཀྱི་ཡོན་ཏན་ཐམས་ཅད་འཕེལ་ཏེ༔ བསམ་པའི་དངོས་པོ་ཐམས་ཅད་འཕེལ་ཏེ༔ ཡིད་བཞིན་དུ་འགྲུབ་པར་འགྱུར་བ་སྟེ༔ མདོར་ན་ལེགས་པའི་ཡོན་ཏན་ཐམས་ཅད་ཡར་ལྡན་དུ་འཕེལ་ནས་ཉེས་པའི་སྐྱོན་མཐའ་དག་མྱུར་དུ་བྱུང་བར་འགྱུར༔ མཐར་ཐུག་བླ་ན་མེད་པ་ཡང་དག་པར་རྫོགས་པའི་སངས་རྒྱས་མྱུར་དུ་ཐོབ་པར་བྱེད་པའི་རྒྱུར་གྱུར་ཅིག༔ གང་གིས་གཟུངས་སྔགས་ཀྱི་ཆོ་ག་དང་བཅས་འཇིམ་པའི་གང་བུ་ལ་སཱཙྪ་གཅིག་བཏབ་ན༔ བྱེ་བ་བཏབ་པར་འགྱུར་རོ༔ དེ་བཞིན་དུ་བརྒྱ་རེ་བཏབ་པའི་ཕན་ཡོན་ནི༔ འཕགས་པ་ཉན་ཐོས་དགྲ་བཅོམ་པ་རྣམས་ཀྱིས་ཀྱང་བརྗོད་པར་མི་ནུས་སོ༔ སྟོང་བཏབ་པའི་ཕན་ཡོན་ནི༔ བྱང་ཆུབ་སེམས་དཔའ་རྣམས་ཀྱིས་ཀྱང་བརྗོད་པར་མི་ནུས་སོ༔ འབུམ་བཏབ་པའི་ཕན་ཡོན་ནི༔ ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་ཀྱང་བརྗོད་པར་མི་ནུས་སོ༔ གསང་འདུས་རྒྱུད་ལས༔ བསོད་ནམས་མཐའ་ཡས་བསམ་པ་འགྲུབ༔ ཅེས་དང་༔ སཙྪ་སྤྲུལ་སྐུ༔ གསུང་སྔགས་ཡིག་འབྲུ་ལོངས་སྐུ༔ ཏིང་འཛིན་ཆོས་ཀྱི་སྐུ་སྟེ༔ ཚ་ཚ་རེ་རེ་ལ་སྐུ་གསུང་ཐུགས་རྟེན་ཡོངས་སུ་རྫོགས་པའི་ཡོན་ཏན་དཔག་ཏུ་མེད་དོ།

[Full Size]

གནས་སྐབས་ལ་ཕྱི་ནང་གི་བར་ཆད་སེལ་ཞིང་མཐར་ཐུག་སྐུ་གསུམ་ཐོབ་པར་འགྱུར་ཏེ༔ ཡོན་ཏན་ཐམས་ཅད་འགྲུབ་སྟེ་ངོ་མཚར་རོ༔ ཐུགས་སྒྲུབ་ཡང་སྙིང་འདུས་པའི་ཚ་ཚ་ལས༔ མདོར་ན་བསོད་ནམས་ཡེ་ཤེས་ཀྱི་ཚོགས་བསག་དང་ལམ་གྱི་བར་ཆད་ཐམས་ཅད་སེལ་བ་ལ་སྐུ་གསུམ་ཚ་ཚ་བཏབ་པ་ལས་ཕན་ཡོན་ཆེ་བ་མེད་པར་མདོ་རྒྱུད་དང་ལུང་དུ་མ་ནས་གསུངས་སོ༔ དཔུང་བཟང་གིས་ཞུས་པ་ལས༔ བདེ་གཤེགས་མཆོད་རྟེན་རྟེན་འབྲེལ་སྙིང་པོ་ཅན༔ སྡིག་པ་དག་ཕྱིར་རྟག་ཏུ་གདབ་པར་བྱ༔ ཞེས་དང་༔ འཇམ་དཔལ་ཆོ་ག་འདུས་པའི་རྒྱུད་ལས་ཀྱང་གསུངས་པ་ལྟར༔ ཡུན་རིང་བསྒོམས་ཀྱང་ཉམས་རྟོགས་མ་སྐྱེས་སམ༔ ཡི་དམ་བསྒྲུབས་ཀྱང་ཡི་དམ་མ་འགྲུབ་ན༔ ཚ་ཚ་ཁྲི་སྟོང་བརྒྱ་དང་བཅུ་གཉིས་བཏབ། མཆོད་རྟེན་འབུམ་ཕྲག་ལྷག་ཙམ་ཡིན་པའི་ཕྱིར༔ ཉམས་དང་རྟོགས་པའི་གོ་སྐྱེད་ཆེན་པོ་དང་༔ ཡི་དམ་ལྷ་ཡི་འགྲུབ་རྟགས་གསལ་པོར་འཆར༔ དེ་ཡི་ཚ་ཚ་ལེགས་པར་ཚར་བའི་རྗེས༔ མཚམས་སྒྲུབ་ཅུང་ཟད་བྱ་དགོས་མན་ངག་ཡིན༔ དེ་ལྟར་གནམ་ཆོས་ཁ་བཀང་ཚ་ཚ་འདི༔ ཐག་རིང་དགའ་རྗེའི་ཕྱོགས་ནས་བྱོན་པ་ཡི༔ བཙུན་པ་བཞི་ཡིས་ནན་གྱིས་བསྐུལ་བའི་ཕྱིར༔ གཏེར་བློན་རཱ་ག་ཨ་སྱ་ཞེས་བྱ་བས༔ མཚམས་ཀྱི་ཁུང་ནས་ངག་ནས་སྨྲས་པ་ལྟར༔ དགེ་སློང་བརྩོན་འགྲུས་ཞེས་བྱས་བྲིས༔ ཉེས་འགལ་མཆིས་ན་སྲུང་མ་རྣམས་ལ་བཤགས༔ དགེ་བས་གཏེར་སྟོན་དགོངས་པ་རྫོགས་པ་དང་༔ གནམ་ཆོས་བསྟན་པ་འཕེལ་ཞིང་རྒྱས་པར་མཛོད༔ སརྦ་མངྒ་ལཾ༔ ༔

སཱཙྪའི་ཕན་ཡོན་མདོར་བསྡུས་པ་རིན་པོ་ཆེའི་ཕུང་པོ།

[Full Size]

སཱཙྪའི་ཕན་ཡོན་མདོར་བསྡུས་པ་རིན་པོ་ཆེའི་ཕུང་པོ་ཞེས་བྱ་བ་བཞུགས་པའི་དབུ་ཕྱོགས་ལགས་སོ། །

[Full Size]

ན་མོ་ལོ་ཀི་ཤྭ་ར་ཡེ། འཕགས་པ་ཐུགས་རྗེ་ཅན་ལ་ཕྱག་འཚལ་ནས། །སྐུ་གདུང་སཱཙྪའི་ཕན་ཡོན་ཅུང་ཟད་བརྗོད། །དེ་ལ་སངས་རྒྱས་བཅོམ་ལྡན་འདས་ཀྱི་རྟེན་ནི། ཆོས་སྐུའི་རྟེན་དང་། ལོངས་སྐུའི་རྟེན་དང་། སྤྲུལ་སྐུའི་རྟེན་གསུམ་ལས། སཱཙྪ་ཆོས་སྐུའི་རྟེན། སྐུ་ལོངས་སྤྱོད་རྫོགས་སྐུ། པར་བཏབ་པ་ལོངས་སྐུའི་རྟེན། ཐུབ་དབང་དང་བླ་མ་སོགས་སྐུ་གཟུགས་པར་བཏབ་པ་སྤྲུལ་པའི་སྐུའི་རྟེན་ཡིན་ནོ། །ཆོས་སྐུའི་རྟེན་ལ་ལྷུང་བཟེད་ཁ་སྦུབ་པ་ལྟར་ཡོངས་སུ་གྲགས་པ་དང་། ཁང་བུ་ལྟར་ཡོངས་སུ་གྲགས་པ་དང་།། རྒྱལ་མཚན་ལྟར་ཡོངས་སུ་གྲགས་པ་

[Full Size]

དང་། གསུམ་ལས། སཱཙྪ་འདི་རྒྱལ་མཚན་ལྟར་ཡོངས་སུ་གྲགས་པ་དེ་ཡིན་ནོ། །རྒྱལ་མཚན་ལྟར་ཡོངས་སུ་གྲགས་པ་དེ་ལའང་དབྱེ་ན། བདེ་གཤེགས་མཆོད་རྟེན་བརྒྱད་ཡོད་པ་ལས། བརྒྱད་ཁ་སཱཙྪ་འདི་ལ་ཚང་བ་ཡིན་ཏེ། བརྒྱད་ཁ་ལ་མཆོད་རྟེན་གྲུ་བཞིའམ་ཟླུམ་པོའམ། །པདྨའམ་ཟླ་གམ་ཅི་མཛེས་ཆོག་པར་གསུངས་པས་འདི་པདྨའི་གདན་ཡིན་པས་རྨང་དགེ་བ་བཅུ་མཚོན་ནོ། །པདྨའི་འདབ་མ་ཅན་ནི་པདྨ་ཅན་ཏེ་སྐུ་བལྟམས་པའི་མཆོད་རྟེན། བང་རིམ་བཞི་པ་ནི་རྡོ་རྗེ་གདན་དུ་བྱང་ཆུབ་པའི་མཆོད་རྟེན། བཀྲ་ཤིས་སྒོ་མང་གི་མཆོད་རྟེན་ནི་ཆོས་ཀྱི་འཁོར་ལོ་བསྐོར་

[Full Size]

བའི་མཆོད་རྟེན། ཕྱོགས་བཞི་འབུར་ཡོད་པ་ནི་ཆོ་འཕྲུལ་ཆེན་པོ་བསྟན་ནས་མུ་སྟེགས་ཕམ་བྱེད་མཆོད་རྟེན། སྐས་ཡོད་པ་ནི་ལྷ་བབ་མཆོད་རྟེན། བང་རིམ་བཞིའི་ཟུར་བཅད་པ་ནི་དགེ་འདུན་དབྱེན་ཟླུམ་མཆོད་རྟེན། བང་རིམ་གསུམ་པོ་ཟླུམ་པོ་ནི་སྐུ་ཚེ་བྱིན་གྱིས་བརླབས་པའི་མཆོད་རྟེན། མགུལ་ཆུ་མན་ཆད་བཞུགས་པ་ནི། མྱ་ངན་འདས་པའི་མཆོད་རྟེན། རླུང་དགེ་བ་བཅུ། བང་རིམ་དང་པོ་དྲན་པ་ཉེར་བར་གཞག་པ་བཞི། གཉིས་པ་ཡང་དག་པའི་སྤོང་བ་བཞི། གསུམ་པ་རྫུ་འཕྲུལ་གྱི་རྐང་པ་བཞི། བཞི་པ་དབང་པོ་ལྔ། བུམ་རྟེན་མགུལ་ཆུ་ནི་སྟོབས་ལྔ། བུམ་པ་ནི་བྱང་ཆུབ་ཀྱི་ཡན་ལག་བདུན། པུ་ཤུ་སྟེ་བྲེ་ནི་འཕགས་པའི་ལམ་ཡན་ལག་བརྒྱད། སྲོག་ཤིང་ནི་ཤེས་པ་བཅུ། །ཆོས་འཁོར་ནི་སྟོབས་བཅུ་དང་དྲན་པ་ཉེར་གཞག་གསུམ། གདུགས་ནི་ཐུགས་རྗེ་ཆེན་པོ། ཏོག་ནི་ཆོས་སྐུའི་རང་བཞིན་མཚོན་ནོ། །དེ་ལྟར་མཆོད་བརྒྱད་མ་ནི། བདེ་གཤེགས་མཆོད་རྟེན་བརྒྱད་ཚང་ལ། །མཆོད་བརྒྱ་མ་ལ་ཡང་། མྱ་འདས་མཆོད་རྟེན་བརྒྱ་རྩ་ཚང་བ་ཡིན་ཏེ། ཨོ་རྒྱན་རིན་པོ་ཆེས། མཚོན་པ་རྟོགས་ཀྱི་མཆོད་རྟེན་ལ་རྣམ་པ་མང་ཡང་། བདེ་བར་གཤེགས་པའི་སྐུ་གདུང་

[Full Size]

བཅུ་གཉིས་ལ་སོགས་པ་མང་ཡང་འདིར་བྱ་སླ་ལ་ཕན་ཡོན་ཆེ་བ་ཚ་ཚའི་རིམ་པ་བསྟན་པ་ནི། ཞེས་གསུངས་སོ། །དེ་ལྟར་སྐུ་གདུང་ཚ་ཚ་ཡང་། ཆོས་སྐུ་སྐྱེ་མེད་ཆོས་ཀྱི་དབྱིངས་དང་ཐ་དད་མེད་དེ། ཐུགས་རྗེ་ཆེན་པོ་གསང་འདུས་ཀྱི་སྐུ་གདུང་ཚ་ཚའི་རིམ་པ་ལས། ངོ་བོ་རང་བཞིན་ཆོས་སྐུ་སྐྱེ་བ་མེད་པ་ལས། གཟུགས་སྐུ་ཡང་དོན་ཆོས་སྐུའི་གདུང་ལས་འགྱུར་བ་མེད་པས་སྐུ་གདུང་ཞེས་བྱ། དེས་ལས་དང་ཉོན་མོངས་སྲེག་ཅིང་འགྲོ་བའི་དཔལ་དུ་འབར་བས་སྐུ་གདུང་ཞེས་བྱའོ། །ཞེས་གསུངས་སོ། །ཆོས་སྐུའི་རྟེན་ཡིན་པར་མ་ཟད། སངས་རྒྱས་སྐུ་གསུམ་ཚ་ཚ་ལ་ཚང་སྟེ། ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས། དེ་ནས་ཚོགས་ཆེན་བསག་པའི་ཕྱིར། །ཚ་ཚའི་རིམ་པ་བཤད་པར་བྱ། །ས་བཟང་རིན་ཆེན་བརྡར་བ་ལ། །ཡིག་བདུན་བཟླ་ཞིང་འབི་འབི་བྱ། །རང་ཉིད་ཡི་དམ་ལྷར་གསལ་བས། །སྐུ་པར་སྟོང་པ་ཆོས་སྐུ་ལ། །འབི་འབི་ལོངས་སྤྱོད་རྫོགས་པའི་སྐུ། །ཚ་ཚ་སྤྲུལ་སྐུ་འགྲོ་བའི་དོན། །ཐུགས་རྗེ་ཆེན་པོར་ལམ་ལམ་བྱོན། །ཨོཾ་མ་ཎི་པདྨེ་ཧཱུྃ་ཧྲཱིཿ ཆོས་སྐུ་སྟོང་པའི་ངང་ཉིད་ལས། །རང་བྱུང་ཐུགས་རྗེ་ཆེན་པོར་ཤར། །འགྲོ་བའི་དོན་

[Full Size]

ལ་བཞུགས་སུ་གསོལ། །ཞེས་པ་བརྗོད་ཅིང་གདབ་པར་བྱ། །ཞེས་གསུངས་སོ། །ཚ་ཚ་བཏབ་པས་རྫོགས་པའི་སངས་རྒྱས་ཀྱང་འཐོབ་ན་གཞན་ཡོན་ཏན་ལྟ་ཅི་སྨོས། དམ་པའི་ཆོས་པདྨ་དཀར་པོ་ཞེས་བྱའི་མདོ་ལས། ས་དང་སོ་ཕག་དག་ལ་རྩིག་པ་ཡིས། །རྒྱལ་བའི་མཆོད་རྟེན་འགའ་ཞིག་བྱས་པ་དང་། །དེས་ནི་ས་རྡུལ་ཕུང་པོ་དག་ལས་ཀྱང་། །མྱ་ངམ་དགོན་པ་གང་དུ་བྱས་པ་དང་། །བྱིསྱའི་རྩེད་མོ་དེ་དང་དེ་དག་ཏུ། །གང་གིས་རྒྱལ་བ་དེ་ཕྱིར་མཆོད་རྟེན་འགའ། །བྱེ་མ་ལས་ནི་ཕུང་པོ་བྱས་པ་ཡང་། །དེ་དག་རྣམས་ཀྱང་བྱང་ཆུབ་ཐོབ་པར་འགྱུར། །ཅེས་གསུངས་ལ། ས་ལ་སྐུ་གཟུགས་པར་བཏབ་པ་ཡང་དེ་དང་ཕན་ཡོན་འདྲ་སྟེ། མདོ་སྡེ་དེ་ཉིད་ལས། རོ་ཉེ་དང་ནི་ལྕགས་སམ་ས་ཡང་རུང་། །བདེ་བར་གཤེགས་པ་རྣམས་ཀྱི་སྐུ་བྱས་ཏེ། །ལྟ་ན་སྡུག་པ་འཇིམ་པའི་ལས་བྱེད་བཅུག །དེ་དག་ཐམས་ཅད་བྱང་ཆུབ་ཐོབ་པར་འགྱུར། །ཅེས་གསུངས་སོ། །སྐུ་གཟུགས་པར་བཏབ་པས་སྡིག་པ་དག་སྟེ། དེ་བཞིན་གཤེགས་པའི་སྐུ་གཟུགས་ལེའུ་ལས། གང་ཡང་མི་དགེ་བཅུའི་ལས་ཀྱི་ལམ་དང་ལྡན་པར་གྱུར་ལ། དེ་བཞིན་གཤེགས་པ་ལ་དད་པ་རྙེད་ནས། དེ་

[Full Size]

བཞིན་གཤེགས་པ་དེའི་སྐུ་གཟུགས་བྱེད་ན། དེས་སྡིག་པ་དེ་ཡང་མི་མངོན་པར་འགྱུར་རོ། །ཞེས་གསུངས་སོ། །ཁྱད་པར་དུ་རང་གི་ལག་གིས་ཚ་ཚ་བཏབ་ན་ཕན་ཡོན་ཆེ་སྟེ། འཇམ་དཔལ་རྩ་རྒྱུད་ལས། ལུས་སྦྱང་བར་བྱས་ལ་རང་གི་ལག་གིས་མཆོད་རྟེན་བྱས་ན། མཚམས་མེད་པ་ལྔ་བྱས་པས་ཀྱང་འགྲུབ་བོ། །མཆོད་རྟེན་འབུམ་བྱས་ན་རིག་པ་འཛིན་པའི་འཁོར་ལོས་སྒྱུར་བའི་རྒྱལ་པོར་འགྱུར་ཏེ། བསྟན་པ་ཐམས་ཅད་མངོན་པར་ཤེས་པ་དང་ལྡན་ཞིང་བསྐལ་པར་གནས་ལ་ཤི་ནས་ཀྱང་སྐྱེ་བ་རྣམས་སུ་རྒྱལ་པོ་བྱེད་ཅིང་ངན་སོང་དུ་མི་འགྲོའོ། །ཡུལ་དབུས་སུ་ཉི་མ་ཤར་བ་ལྟ་བུའི་དབང་པོ་ཐམས་ཅད་ལྡན་པར་འགྱུར་རོ། །ཐོས་པ་འཛིན་པ་དང་སྐྱེ་བ་དྲན་པར་འགྱུར་རོ། །ཞེས་གསུངས་པས་ཚ་ཚ་མཆོད་བརྒྱད་མ་ཁྲི་ཕྲག་གཅིག་དང་། སྟོང་ཕྲག་གཅིག་དང་། བརྒྱ་ཕྲག་གཅིག་དང་བཅུ་གཉིས་བཏབ་ན་མཆོད་རྟེན་འབུམ་ཐེར་ཡིན་ལ། མཆོད་བརྒྱ་མ་ཡིན་ན་ནི། ཚ་ཚ་སྟོང་ཕྲག་གཅིག་གིས་མཆོད་རྟེན་འབུམ་

[Full Size]

ཐེར་འགྲོ་བས། ཚེ་འདི་ལ་ཡང་མངོན་ཤེས་དང་ཚེ་བསྐལ་པར་གནས་པ་སོགས་རིག་འཛིན་གྱི་ས་ལ་གནས་པ་དང་། སྐྱེ་བ་ཐམས་ཅད་དུ་ཡང་འཁོར་ལོས་སྒྱུར་རྒྱལ་འཐོབ་ཅིང་མཐར་འཚང་རྒྱའོ། །ཁྱད་པར་དུ་ཡི་དམ་ཇི་ལྟར་བསྒྲུབས་ཀྱང་འགྲུབ་པའི་རྟགས་མ་བྱུང་ན། རང་གི་ལག་གིས་ཚ་ཚ་སྟོང་ཁྲི་ཙམ་བཏབ་ནས་བསྒྲུབས་ན་མྱུར་དུ་འགྲུབ་སྟེ། གོང་གི་རྒྱུད་ལུང་དེས་ཤེས་པའོ། །ཕྲིན་ལས་གང་སྒྲུབ་ཀྱང་ཡིག་དྲུག་གམ་ཡིག་བདུན་མཇུག་ཏུ་ཤམ་བུར་སྦྱར་བའམ།གཟུངས་སོགས་གང་དགོས་བཟླ་ཞིང་ཚ་ཚ་བཏབ་ན་འགྲུབ་སྟེ། ཐུགས་རྗེ་ཆེན་པོ་གསང་འདུས་ཀྱི་རྒྱུད་ལས། དེ་ལས་ཁ་བསྒྱུར་ཡིག་བདུན་ནི། །ཤམ་བུར་བཏགས་པ་ཤེས་པར་བྱ། །ཞི་རྒྱས་དབང་དྲག་རིམ་པ་རུ། །ཤཱནྟིཾ་ཀུ་རུ་སྭཱ་ཧཱ། པུཎྚི་ཀུ་རུ་སྭཱ་ཧཱ། པ་ཤང་ཀུ་རུ་སྭཱ་ཧཱ། མཱ་ར་ཡ་ཕཊ། སྒྲིབ་པ་སྦྱང་ན་ཡིག་བརྒྱ་བཟླ། །ཚེ་རིང་བ་ལ་ཚེ་དཔག་གཟུངས། །བཟླ་ཞིང་ཅོད་པན་ན་བཟའ་འབུལ། །རབ་གནས་ལེགས་བྱས་དབེན་པར་གཞུག །ཡོན་ཏན་མཐའ་ཡས་བསམ་པ་འགྲུབ། །ཅེས་དང་། རྒྱུད་སྡེའི་འགྲེལ་པ་ཨོ་རྒྱན་རིན་པོ་ཆེས་མཛད་པ། ཐུགས་རྗེ་ཆེན་པོ་གསང་བ་འདུས་པའི་སྐུ་གདུང་ཚ་ཚའི་རིམ་པ་

[Full Size]

ལས། དེ་ལྟར་བཏབ་པའི་ཕན་ཡོན་ནི། རྒྱུད་ལས། ཡོན་ཏན་མཐའ་ཡས་བསམ་པ་འགྲུབ། །ཅེས་པས། ཚ་ཚ་སྤྲུལ་སྐུ། གསུང་སྔགས་དང་ཡིག་འབྲུ། ལོངས་སྐུ། ཏིང་འཛིན་ཆོས་སྐུ་སྟེ། ཚ་ཚ་རེ་ལ་སྐུ་གསུང་ཐུགས་རྟེན་ཡོངས་སུ་རྫོགས་པའི་ཡོན་ཏན་དཔག་ཏུ་མེད་དོ། །གནས་སྐབས་ལམ་གྱི་བར་ཆད་སེལ་ཞིང་མཐར་ཐུག་སངས་རྒྱས་སྐུ་གསུམ་ཐོབ་པར་འགྱུར་ཏེ་ཡོན་ཏན་ཐམས་ཅད་འགྲུབ་སྟེ་ངོ་མཚར། ཞེས་གསུངས་སོ། །དེ་བཞིན་དུ་ཐུགས་རྗེ་ཆེན་པོ་ཡང་སྙིང་འདུས་པའི་རྒྱུད་འགྲེལ་ཨོ་རྒྱན་རིན་པོ་ཆེས་མཛད་པ་ཚ་ཚའི་རྣལ་འབྱོར་ལས། བཞི་པ་ཚ་ཚའི་དགོས་ཆེད་ནི། རྒྱུད་ལས། ཞིང་ཁམས་རྣམ་དག་དེས་འགྲུབ་འགྱུར། །ཅེས་པས། རབ་བདེ་བ་ཅན་དུ་སྐྱེ། འབྲིང་འཁོར་ལོས་སྒྱུར་བའི་རྒྱལ་པོ། ཐ་མ་འཇིག་རྟེན་གྱི་ཁམས་སུ་ཚེ་རིང་ཞིང་བདེ་བར་གཤེགས་པར་འགྱུར་རོ། །ཞེས་གསུངས་ཤིང་། དེ་དང་མཚུངས་པར་ཐུགས་སྒྲུབ་ཡང་སྙིང་འདུས་པའི་སྐུ་གདུང་ཚ་ཚའི་རིམ་པ་ལས། མདོར་ན་བསོད་ནམས་དང་ཡེ་ཤེས་གཉིས་ཀའི་ཚོགས་དང་ལམ་གྱི་བར་ཆད་ཐམས་ཅད་སེལ་བ་ལ། སྐུ་གདུང་ཚ་ཚ་བཏབ་པ་ལས་ཕན་ཡོན་ཆེ་བ་མེད་པ་

[Full Size]

མདོ་རྒྱུད་ལུང་དུ་མ་ནས་གསུངས་སོ། །ཞེས་འབྱུང་ངོ། །ཁྱད་པར་ཚེ་འདས་ཀྱི་དོན་ལ་ཚ་ཚ་བཏབ་ན། ངན་སོང་སྦྱོང་བའི་ཐབས་ཆེན་པོ་ཟབ་ལ་རྒྱ་ཆེ་བ་ཡིན་ཏེ། འཇམ་དཔལ་ཆོ་ག་འདུས་པའི་རྒྱུད་ལས། གང་ཟག་ཚེ་ཡི་དུས་བྱས་པའི། །ངན་སོང་སྦྱོང་བའི་ཐབས་ཆེན་པོ། །རུས་པ་གོས་སམ་མིང་ལ་ནི། །ཡེ་ཤེས་སྐུ་ཡི་སྔགས་ཀྱིས་གདབ། །རྫས་རྣམས་ཀུན་དང་བསྲེས་ཏེ་འབྱུང་། །འཇིམ་པའི་ཕུང་པོ་རིན་ཆེན་ལྔ། །སྔགས་པ་རྣལ་འབྱོར་ལྡན་པ་ཡིས། །ཚ་ཚའི་ཕུང་པོ་དཔག་མེད་བྱ། །ནམ་མཁའི་ལྷ་རྣམས་སྤྱན་དྲངས་ལ། །གཉིས་སུ་མེད་པར་མཆོད་པས་མཆོད། །།རབ་ཏུ་གནས་པ་ཚུལ་བཞིན་བྱ། །ཞེས་གསུངས་སོ། །དེ་དང་མཚུངས་པར་ངན་སོང་སྦྱོང་རྒྱུད་ལས། ཡང་ན་མེད་པར་གྱུར་ན་ཡང་། །བཟླ་ཞིང་བསྒོམ་པའི་ཚུལ་གྱིས་ནི། །མིང་ཙམ་ལེགས་པར་བྲིས་ནས་ཀྱང་། །མཆོད་རྟེན་ཕྲེང་བ་བྱ་བ་དང་། །ཡང་ན་གཟུགས་སུ་བྱས་ཀྱང་རུང་། །སྦྱིན་སྲེག་མངོན་པར་དབང་། བསྐུར་ན། །གདོན་མི་ཟ་བར་བདེ་འགྲོར་སྐྱེ། །ཞེས་དང་། དེ་ཡི་མིང་ནི་སྨོས་ནས་ནི། །གུར་གུམ་བཟང་པོས་སྔགས་བྲིས་ལ། །རིམ་གྱིས་འབུམ་གྱི་ཚད་ཙམ་དུ། །མཆོད་

[Full Size]

རྟེན་ལས་ནི་རབ་ཏུ་བྱ། །སྡིག་ཅན་སྡིག་ནི་ཟད་བྱའི་ཕྱིར། །བྱེ་བ་སྙེད་ནི་ཚང་བར་བྱ། །དེས་ནི་ངེས་པར་དམྱལ་གནས་ལ། །འདི་བྱས་པས་ནི་གྲོལ་བར་འགྱུར། །ཡི་དྭགས་བྱོལ་སོང་སྡུག་བསྔལ་ལས། །གྲོལ་ཏེ་ལྷ་ཡི་གནས་སུ་སྐྱེ། །ཞེས་གསུངས་པས། ཚེ་འདས་སྡིག་པ་ཆུང་བའི་རིགས་ལ་མཆོད་རྟེན་ཕྲེང་བ་སྟེ། མཆོད་རྟེན་བརྒྱ་ཡིན་ཏེ། ཚ་ཚ་བཅུ་གཉིས་ཙམ་གྱིས་ངན་སོང་ལས་གྲོལ་བ་དང་། སྡིག་པ་ཆེ་བ་ལ་མཆོད་རྟེན་འབུམ་སྟེ། མཆོད་བརྒྱད་མ་གཅིག་ཁྲི་གཅིག་སྟོང་བརྒྱ་དང་བཅུ་གཉིས་སམ།། མཆོད་བརྒྱ་མ་སྟོང་ཕྲག་གཅིག་གིས་ངན་སོང་ལས་ཐར་ཞིང་། ཚེ་འདས་ཤིན་ཏུ་སྡིག་ཆེན་ཡིན་ན། མཆོད་རྟེན་བྱེ་བ་སྟེ། མཆོད་བརྒྱ་མ་ཁྲི་ཕྲག་གཅིག་གམ།། མཆོད་བརྒྱད་མ་གོང་གི་དེ་བཅུ་འགྱུར་དེའི་མཆོད་རྟེན་བྱེ་ཆུང་གཅིག་ཡིན་པས་དེས་ངན་སོང་ལས་ཐར་བར་གསུངས་སོ། །དཔག་ཏུ་མེད་པའི་སྡིག་སྟོབས་ཅན་ལ་ནི་བྱེ་ཆེན་ཏེ། བྱེ་ཆུང་བཅུ་ཡིན་ནོ། །མི་འཁྲུགས་པའི་རྒྱུད་ལས་ཀྱི་སྒྲིབ་པ་རྣམ་པར་སྦྱོང་བའི་གཟུངས་ལས་ཀྱང་། དེའི་མིང་བྲིས་པ་གཟུངས་སྔགས་བཟླས་བརྗོད་བྱེད་ཅིང་མཆོད་རྟེན་འབུམ་བྱས་པར་གདུགས་དང་རྒྱལ་

[Full Size]

མཚན་དང་བ་དན་ལ་སོགས་པས་ལེགས་པར་མཆོད་ནས་རྒྱ་མཚོ་ཆེན་པོའམ། ཡང་ན་ཆུ་ཀླུང་དུ་བཏང་ན། དེས་ནི་སེམས་ཅན་དམྱལ་བ་ལ་སོགས་པ་ལས་ཐར་བར་འགྱུར་རོ། །ཞེས་གསུངས་པས། ཚ་ཚའི་ནང་དུ་མིང་བཅུག་པའམ། རུས་པ་སྐྱ་སོགས་འདྲེས་པ་ནི། བསྐོར་བ་མི་ཕོག་སར་བཞག་དགོས་ཀྱི། གལ་ཏེ་དེ་ལ་བསོད་ནམས་དང་ཡོན་ཏན་ཆེ་བས་བསྐོར་ན། ཚེ་འདས་ལ་གནོད་པ་འོད་སྲུང་རྫོགས་བྱེད་ཀྱི་གཏམ་རྒྱུད་ལས་གསུངས། མི་འཁྲུགས་པའི་ལས་ཚོགས་ཚ་ཚ་འདི། ཆུར་གཤེགས་པར་བཤད་པ་ནི། འདིའི་ཁྱད་ཆོས་ཡིན་གྱི་ཚ་ཚ་གཞན་ཆུར་དོར་མི་རུང་བར་རྗེ་ཆོས་ཀྱི་དབང་ཕྱུག་དང་། དཀོན་མཆོག་འབངས་དང་། སྟག་ཚང་ལོ་ཙཱ་རྣམས་ཀྱིས་གསུངས་སོ། །ཡང་རྟེན་འབྲེལ་སྙིང་པོའམ་ཨོཾ་ཨཱཿཧཱུཾ་ལྟ་བུའི་ནང་གཞུག་ཅན་གྱི་སཱཙྪ་བཏབ་པས་སྡིག་པ་འདག་པར་བཤད་དོ། །དཔུང་བཟང་གིས་ཞུས་པའི་རྒྱུད་ལས། བདེ་གཤེགས་མཆོད་རྟེན་རྟེན་འབྲེལ་སྙིང་པོ་ཅན། སྡིག་པ་དག་ཕྱིར་རྟག་ཏུ་གདབ་པར་བྱ། ཞེས་གསུངས་ལ། དེ་དང་མཚུངས་པར་ཐུགས་སྒྲུབ་ཚ་ཚའི་གཞུང་ལས་ཀྱང་། ཨོཾ་ཨཱཿཿཧཱུྃ་གང་སྒྲུབ་པའི་སྙིང་པོ། ཡི་གེ་བརྒྱ་པ། ཡེ་དྷརྨཱ་སོགས། རབ་

[Full Size]

གསེར། འབྲིང་དངུལ། ཐ་མ་ཡང་སྣག་ཚས་བྲིས་ནས་བསྡུས་ཙམ་ལོན་པ་ནང་དུ་གཞུག་སྟེ། དེ་ནས་སྐུ་གསུང་ཐུགས་ཀྱི་རྟེན་གསུམ་ཡོངས་སུ་འགྱུར་བར་ཤེས་པར་བྱ། ཞེས་གསུངས་ལ། གྲྭ་ས་རྣམས་སུ་ནི་འབྲུ་སྣ་སྨན་སྣ་རིན་པོ་ཆེ་སྣ་ཚོགས་ཇ་བུ་རམ་སོགས་ཟས་ཕུད་སྣ་ཚོགས། བྱིན་རླབས་རྟེན་སྣ་ཚོགས་ཀྱི་གསུང་ཕྱེ་མ་རྣམས་ནང་དུ་འཇུག་སྲོལ་སྣང་ཡང་། དེ་རྣམས་མ་འཛོམས་ན་ནས་འབྲུ་བདུན་རེས་ཆོག །ཇོ་བོ་རྗེས་ཚ་ཚ་རྣམ་པ་དགུར་གསུངས་ཏེ། དང་པོ་དགེ་བའི་བཤེས་གཉེན་གྱི་ཐུགས་དགོངས་རྫོགས་པའི་དོན་དུ་གདབ། གཉིས་པ་ཕ་མའི་དོན་དུ་གདབ། གསུམ་པ་བསླབ་བྱ་དང་འགལ་བའི་དོན་དུ་གདབ། བཞི་པ་སྡིག་པ་ལྕི་བའི་དོན་དུ་གདབ། ལྔ་པ་ལོག་པའི་བཤེས་གཉེན་དང་སྡིག་པའི་གྲོགས་པོའི་དབང་དུ་མི་འགྲོ་བའི་དོན་དུ་གདབ། དྲུག་པ་འགྲོ་བ་མཐའ་དག་གི་དོན་དུ་གདབ། བདུན་པ་འཆི་ཁ་མའི་སེམས་ཅན་ཐམས་ཅད་ཀྱི་དོན་དུ་གདབ། བརྒྱད་པ་བར་དོའི་སེམས་ཅན་ཐམས་ཅད་ཀྱི་དོན་དུ་གདབ། དགུ་པ་སེམས་ཅན་ཐམས་ཅད་ཀྱི་དོན་དུ་གདབ། ཅེས་གསུངས་སོ། །དེ་དག་ལ་དོན་གང་འདོད་སྨོན་ལམ་བཏབ་པས་དོན་གང་ཡིན་

[Full Size]

ཐམས་ཅད་འགྲུབ་པར་གསུངས་སོ། །དེ་ལྟར་དོན་གང་འདོད་ཐམས་ཅད་འགྲུབ་པ་ནི་ཕན་ཡོན་ཡིན་ལ། ཚ་ཚ་འདེབས་ལུགས་རྒྱས་པ་ནི། གསར་རྙིང་གི་གཞུང་སོ་སོར་ཤེས་པར་བྱོས་ལ། འདིར་ཐམས་ཅད་ལ་ཕན་པའི་བསྡུས་པ་བཤད་ན། དགེ་སློང་མ་དཔལ་མོའི་ལུགས་ཀྱི་ཐུགས་རྗེ་ཆེན་པོའི་དམར་ཁྲིད་ལས། ས་རྐོ་བ། ས་བྱིན་གྱིས་རླབས་པ། འབི་འབིའི་སྔགས། འདེབས་པའི་སྔགས། ཕྱུང་བའི་སྔགས། བཞུགས་གསོལ་སྔགས། ཡེ་ཤེས་བསྟིམ་སྔགས། རབ་གནས་སྔགས། ཨོཾ་མ་ཎི་པདྨེ་ཧཱུྃ་གིས་ཆོག་པར་བཤད་དོ། །དེ་བཞིན་དུ་ཐུགས་རྗེ་ཆེན་པོ་ཡང་སྙིང་འདུས་པ་དང་། ཐུགས་རྗེ་ཆེན་པོ་གསང་འདུས་རྒྱུད་གཞུང་ནས། ཨོཾ་མ་ཎི་པདྨེ་ཧཱུྃ་ཧཱུྃ༔ བཟླ་ཞིང་བཏབ་པས་ཆོག །སྔགས་གཞན་མི་དགོས་པར་གསུངས་སོ། ཚ་ཚའི་དམིགས་རིམ་ཡང་། འཇིམ་པ་རིན་པོ་ཆེ་སྣ་ལྔའི་ཕུང་པོ། །བརྐོས་ཕོར་སྟོང་པ་ཆོས་སྐུ། འབི་འབི་ལོངས་སྤྱོད་རྫོགས་སྐུ། ཚ་ཚ་སྤྲུལ་པའི་སྐུ་ཡིན་སྙམ་དུ་མོས་ལ། ཚ་ཚ་མཆོད་རྟེན་རིན་པོ་ཆེའི་རང་བཞིན་རི་རབ་ཙམ་གྱི་བུམ་པར། གཞལ་ཡས་ཁང་གི་ནང་དུ། སྔགས་གང་འདོན་པའི་ལྷ་དེ། འཁོར་བཅས་བཞུགས་པར་

[Full Size]

ལམ་ལམ་བསྒོམས་ལ། འོག་མིན་ནས་ཡེ་ཤེས་པ་བསྟིམ་མོ། །ལྷ་དེ་དང་མཆོད་རྟེན་ལས་འོད་ཟེར་འཕྲོས་ནས་རང་དང་བསྒྲུབ་བྱ་ལ་ཕོག་པས། སྡིག་པ་སྦྱང་བ་དང་བསོད་ནམས་འཕེལ་བ་སོགས་དོན་གང་ཡིན་འགྲུབ་པར་བསྒོམ་མོ། །དེ་ནས་འབྱུང་བཞི་ལ་གདབ་པ་ནི། ཐུགས་རྗེ་ཆེན་པོ་ཡང་སྙིང་འདུས་པའི་རྒྱུད་ལས། དེ་ནས་ཚ་ཚའི་རྣལ་འབྱོར་བཤད། ས་ཆུ་མེ་རླུང་འབྱུང་བཞི་ལ། ཡང་སྙིང་བཟླ་ཞིང་བརྐོས་ཕོར་གདབ། །ཅེས་དང་། དེའི་འགྲེལ་པ་ཨོ་རྒྱན་རིན་པོ་ཆེས་མཛད་པ་ལས། འབྱུང་བ་མེ་ཆུ་རླུང་གསུམ་ལ་བརྐོས་ཕོར་བསྟན་ཞིང་ཡང་སྙིང་བརྗོད་ཅིང་བཏབ་པས་འཕགས་པའི་སྐུ་ཝལ་ཝལ་བསམ་སྟེ། འཇིག་རྟེན་སྐྱོང་ཞིང་འགྲོ་དོན་མཛད་པར་བསམ་མོ། །ཞེས་དང་། ཐུགས་སྒྲུབ་ཚ་ཚ་ལས། ནམ་མཁའ་རླུང་ཆུ་མེ་ལ་ཡང་སྔགས་དང་ཏིང་ངེ་འཛིན་རྣམས་གསལ་བར་བཏབ་ན། བསོད་རྣམས་གོང་དང་མཉམ་མོ། །ཞེས་གསུངས་སོ། །དེ་ཡང་ཆུ་རྒྱུན་འབབ་གཙང་མ་དང་། མེ་དྲི་བཟང་ཤིང་གི་མེ་དང་། རླུང་ཤར་ནས་ནུབ་ཏུ་རྒྱུ་བ་ལ་བྱ་བར་བཤད་དོ། །དེ་ལྟར་དངོས་གཞི་བཤད་ནས། ལས་ཚོགས་སོགས་རྒྱུད་གཞུང་དུ་མ་ནས་གསུངས་པ་གོ་

[Full Size]

བདེ་བར་ཚིགས་སུ་བཅད་དེ་བརྗོད་པ་ནི། བདེ་གཤེགས་ཆོས་སྐུའི་རྟེན་མཆོག་ཚ་ཚ་འདིའི། །ཕན་ཡོན་རྒྱུད་གཞུང་རྒྱ་མཚོ་ལྟ་བུ་ནས། །བཅུད་བསྡུས་ཆུ་ཐིགས་ཙམ་ཞིག་བཤད་ཀྱིས་ཉོན། །ཚ་ཚ་གཅིག་ལ་མཆོད་རྟེན་བརྒྱ་རྩ་ཚང་། །ཇི་ལྟར་ཉུང་ཡང་དགུ་ལས་ཉུང་བ་མེད། །མཆོད་རྟེན་རེ་ལ་དགེ་བ་བཅུ་དང་ནི། །བྱང་ཆུབ་ཕྱོགས་ཀྱི་ཆོས་རྣམས་ཐམས་ཅད་ཚང་། །སྐུ་པར་ཆོས་སྐུ་འབི་འབི་ལོངས་སྤྱོད་རྫོགས། །ཚ་ཚ་སྤྲུལ་པའི་སྐུ་སྟེ་སྐུ་གསུམ་ཚང་། །ས་ལ་མཆོད་རྟེན་གཟུགས་བརྙན་ཚ་ཚ་དང་། །བྱིས་པས་རྩེད་མོར་ཚ་ཚ་བཏབ་ན་ཡང་། །བྱང་ཆུབ་ཐོབ་པར་ཤཱཀྱའི་སྐྱེས་མཆོག་གསུངས། །དེ་བཞིན་སྐུ་གཟུགས་པར་དུ་བཏབ་ན་ཡང་། །བྱང་ཆུབ་འཚང་རྒྱ་འགྱུར་ཞེས་ཐུབ་དབང་གསུངས། །རང་གི་ལག་གིས་ཚ་ཚ་བཏབ་བྱས་ན། །མཚམས་མེད་ལྔ་ཡི་སྡིག་པ་བྱང་འགྱུར་ཞེས། །རྒྱལ་བས་འཇམ་དཔལ་རྩ་བའི་རྒྱུད་ལས་བཤད། །།མཆོད་བརྒྱད་མ་ཡི་ཚ་ཚ་གཅིག་ཁྲི་དང་། །གཅིག་སྟོང་གཅིག་བརྒྱ་དང་ནི་བཅུ་དང་གཉིས། །ཡང་ན་མཆོད་བརྒྱ་མ་ཡི་ཚ་ཚ་སྟོང་། །བཏབ་པ་དེ་ནི་མཆོད་རྟེན་འབུམ་ཐེར་ཡིན། །གང་གིས་དེ་བཞིན་བསྐལ་པའི་ཚེ་ཐུབ་ཅིང་། །ཚེ་འདིར་

[Full Size]

མངོན་པར་ཤེས་པ་ལྔ་ཐོབ་ནས། །སྐྱེ་བ་ཀུན་ཏུ་ཡུལ་དབུས་རྒྱལ་པོར་འགྱུར། །སྐྱེ་བ་དྲན་ཞིང་ཐོས་པ་རྒྱ་མཚོ་འདྲ། །རིམ་གྱིས་བླ་མེད་བྱང་ཆུབ་ཐོབ་པར་གསུངས་། །རིམ་གྲོ་མདོས་ཟློག་དུས་སུ་ཚ་ཚ་བཏབ། །རིམ་འགྲོའི་རྒྱབ་རྟེན་མཆོག་ཏུ་དེ་འགྱུར་རོ། །སྒྲུབ་པ་དགེ་སྦྱོར་སྔོན་དུ་ཚ་ཚ་བཏབ། །བར་ཆད་མེད་ཅིང་དངོས་གྲུབ་མྱུར་དུ་འགྲུབ་། །སྔགས་པས་ལྷ་སྒྲུབ་རྟགས་མཚན་མ་ཐོན་ན། །རང་གི་ལག་གིས་ཚ་ཚ་སྟོང་ངམ་ཁྲི། །བཏབ་པས་སྒྲུབ་ན་མྱུར་དུ་འགྲུབ་པར་འགྱུར། །རང་གི་ཡི་དམ་སྔགས་ཤམ་ཕྲིན་ལས་བཞིའི། །ཤམ་བུར་བཏགས་ན་འོད་ཟེར་ལས་མཐུན་སྤྲོ། །ཚ་ཚ་བཏབ་ན་ཕྲིན་ལས་རྣམ་བཞི་འགྲུབ། །མི་འཁྲུགས་པ་ཡི་གཟུངས་ནི་བཟླ་བྱེད་ཅིང་། །ཚ་ཚ་བཏབ་ན་ལས་སྒྲིབ་རྒྱུན་ཆད་འགྱུར། །ཡིག་བརྒྱ་བཟླ་ཞིང་ཚ་ཚ་བཏབ་པ་ན། །སྡིག་པ་འདག་ཅིང་ཉམས་ཆག་བསྐང་བར་འགྱུར། །ཚེ་དཔག་མེད་པའི་གཟུངས་སམ་སྙིང་པོ་བཟླ། །ཚ་ཚ་བཏབ་ན་ཚེ་ནི་འཕེལ་བར་འགྱུར། །སྦྱོང་རྒྱུད་རྩ་རིག་བཟླ་ཞིང་ཚ་ཚ་བཏབ། །ཚེ་འདས་ངན་སོང་གནས་ནས་ཐར་བར་འགྱུར། །ཚེ་འདས་སྡིག་པ་ཤིན་ཏུ་ཆུང་བའི་དོན། །ཚ་ཚ་བཏབ་སྟེ་

[Full Size]

དེ་ནི་མ་ཞིག་བར། །ཚེ་འདས་དེ་ནི་ངན་སོང་མི་འགྲོ་ཞེས། །ཡོངས་འཛིན་རྣམས་ཀྱི་གསུང་ལས་བདག་གིས་ཐོས། །ཅུང་ཟད་སྡིག་ཡོད་ཚེ་ལས་འདས་པའི་དོན། །ཚ་ཚ་བཅུ་གཉིས་བཏབ་ན་ངན་སོང་གྲོལ། །དེ་བས་སྡིག་ཆེ་ལ་ནི་ཚ་ཚའི་གྲངས། །གཅིག་ཁྲི་གཅིག་སྟོང་གཅིག་བརྒྱ་བཅུ་གཉིས་ཏེ། །དེ་ལས་ཀྱང་ནི་སྡིག་པ་ཆེ་བ་ལ། །དེ་ཡི་བཅུ་འགྱུར་བཏབ་ན་ངེས་པར་ཐར། །དེ་ཡང་ཚེ་འདས་དེ་ལ་བསྔོ་གལ་ཆེ། །གང་དག་མི་འཁྲུགས་པ་ཡི་གཟུངས་བཟླ་ཞིང་། །ཚ་ཚ་ཁྲི་དང་གཅིག་སྟོང་བརྒྱ་དང་བཅུ་གཉིས་བཅས། །བཏབ་ནས་མཆོད་པ་བྱས་ཏེ་ཆུར་གཤེགས་ན། །ཚེ་འདས་ངན་སོང་གནས་ལས་ཐར་བར་ངེས། །བླ་མ་ཞིང་གཤེགས་དོན་དུ་ཚ་ཚ་བཏབ། །ཐུགས་དགོངས་རྫོགས་ཤིང་ས་ལམ་བར་ཆད་ཞི། །རྗེས་འཇུག་སྨིན་གྲོལ་ལམ་ལ་འགོད་པར་ངེས། །ཕ་མའི་དོན་དུ་ཚ་ཚ་བཏབ་བྱས་ན། །སྡིག་སྒྲིབ་དག་ཅིང་ཚོགས་རྫོགས་དྲིན་ལན་འཁོར། །།སྡིག་པ་བཤགས་ཕྱིར་སཱཙྪ་བཏབ་བྱས་ན། །མི་དགེ་མཚམས་མེད་རྩ་ལྟུང་ལ་སོགས་བྱང་། །ལྟུང་བ་བཤགས་ཕྱིར་སཱཙྪ་བཏབ་བྱས་ན། །སོ་ཐར་བྱང་སྡོམ་སྔགས་ཀྱི་ཉམས་ཆག་བསྐང་། །ཁྱད་པར་སཱཙྪ་འབུམ་ཐེར་གཅིག་བཏབ་

[Full Size]

ན། །།སྐུ་ཡི་དམ་ཚིག་ཉམས་པ་སོས་འགྱུར་ཞེས། །ཡེ་ཤེས་མགོན་པོའི་རྒྱུད་ནས་གསུངས་པ་ཡིན། །སཱཙྪ་བཏབ་པས་གྲོགས་ངན་སྡིག་གྲོགས་འགྲོགས། །ལོག་པའི་བཤེས་གཉེན་བསྟེན་པའི་ཉེས་སྒྲིབ་བྱང་། །ནད་པའི་དོན་དུ་སཱཙྪ་བཏབ་པ་ན། །རླུང་མཁྲིས་བད་ཀན་འདུས་པའི་ནད་རྣམས་ཞི། །འཆི་ཁའི་སེམས་ཅན་དོན་དུ་སཱཙྪ་བཏབ། །གནད་གཅོད་འཁྲུལ་སྣང་འཇིགས་སྐྲག་རབ་ཞི་ནས། །ངན་སོང་ལམ་འགག་དག་པའི་ཞིང་དུ་སྐྱེ། །བར་དོའི་སེམས་ཅན་དོན་དུ་སཱཙྪ་བཏབ། །འཁྲུལ་སྣང་འཇིགས་སྐྲག་ཞི་ནས་བྱུང་ཆུབ་ཐོབ། །སྡིག་ཆེན་ཡིན་ཡང་མི་དང་ལྷར་སྐྱེས་ཏེ། །དགེ་སེམས་སྐྱེས་ནས་ཆོས་ལ་འབད་པར་འགྱུར། །སེམས་ཅན་ཐམས་ཅད་དོན་དུ་སཱཙྪ་བཏབ། །ང་ཉིད་བྱང་ཆུབ་ཞིང་ཁམས་དག་པ་ཐོབ། །སོ་འབྲང་མ་ཡི་སྔགས་བཟླ་ཚ་ཚ་བཏབ། །སྲིའུ་ཤི་འཕྲོ་ཆད་ཅིང་ནད་མེད་འཚོ། །འཛམ་བྷ་ལ་ཡི་སྔགས་བཟླ་སཱཙྪ་བཏབ། །བསོད་ནམས་ལོངས་སྤྱོད་འབྱོར་པ་འཕེལ་བར་འགྱུར། །ནོར་རྒྱུན་མ་ཡི་སྔགས་བཟླ་སཱཙྪ་བཏབ། །ནོར་དང་རིགས་རྒྱུད་དར་ཞིང་རྒྱས་པར་འགྱུར། །ཡིག་དྲུག་ལ་སོགས་ཡི་དམ་སྔགས་ཤམ་དུ། །ཤིནཾ་ཀུ་རུ་ཡེ་སྭཱ་

[Full Size]

ཧཱ་ཞེས་སྔགས། །བཏགས་ནས་བཟླ་ཞིང་ཚ་ཚ་བཏབ་ན་ནི། །མེ་ཆུ་གཅན་གཟན་རྒྱལ་པོའི་ཆད་པ་དང་། །དུག་སྦྲུལ་ཤ་ཟ་དགྲ་འཇིགས་ཆོམ་རྐུན་ཞི། །པུཏྟིཾ་ཀུ་རུ་སྭཱ་ཧཱ་བཏགས་ཤིང་བཏབ། །བསོད་ནམས་ཚེ་དཔལ་འབྱོར་བ་རྒྱས་པར་འགྱུར། །པཱ་ཤཾ་ཀུ་རུ་ཧོ་བཏགས་སཱཙྪ་བཏབ། །རླུང་སེམས་སྣང་སེམས་མོས་བཞི་དབང་སྡུད་འགྱུར། །མཱ་ར་ཡ་ཕཊ་བཏགས་བཟླ་སཱཙྪ་བཏབ། །བདུད་དང་དགྲ་དང་བགེགས་རྣམས་ཚར་གཅོད་འགྱུར། །རྒྱུན་དུ་སཱཙྪ་བདུན་རེ་མ་ཆག་ན། །རྒྱལ་དང་རྒྱལ་བའི་སྲས་ལ་སྡིག་བསགས་དང་། །སྐུར་པ་བཏབ་པའི་སྡིག་པ་དག་འགྱུར་ཞེས། །སྒྲོལ་མས་ཇོ་བོ་རྗེ་ལ་གསུངས་པ་ཡིན། །སྔོན་ཚེ་མི་གཅིག་ཚ་ཚ་གཅིག་བཏབ་ནས། །ལམ་དཀྱིལ་བཞག་ཅིང་གཅིག་གིས་ལམ་གཉར་བཞག །ཆར་གྱིས་ཞིག་དོགས་གཅིག་གིས་ལྷམ་སྐད་བཀབ། །གཅིག་གིས་ལྷམ་སྐད་དོར་ནས་བྲག་ཕུག་བསྐྱལ། །དེ་ལྟར་བཞི་ཀས་བསོད་ནམས་འབྲས་ཐོབ་ཅེས། །སྔོན་རབས་གཏམ་རྒྱུད་འཆད་པའི་ངག་ལས་ཐོས། །གང་དག་དྲག་སྔགས་སྦྱོར་བས་གཞན་བསྒྲལ་ནས། །ཚ་ཚ་མང་བཏབ་དེ་ཡི་སྒྲིབ་བྱང་ཞེས། །སྔགས་གཞུང་འགའ་ནས་གསུངས་པའི་མན་

[Full Size]

ངག་ཡིན། །གང་དག་རུས་ཚ་མིན་པའི་ས་གཙང་ལ། །ཚ་ཚ་བཏབ་ནས་ལམ་མདོར་ཚ་ཁང་བྱ། །དེ་ལ་བསྐོར་ཞིང་འགྲོ་བའི་ཕན་ཡོན་ནི། །སྤྱན་རས་གཟིགས་ཀྱི་མདོ་ལས་འདི་སྐད་གསུངས། །ཨོཾ་མ་ཎི་པདྨེ་ཧཱུྃ་ཧཱུྃ༔ ཐུགས་རྗེ་ཆེན་པོ་ལ་ཕྱག་འཚལ་ལོ། །འཇིག་རྟེན་མགོན་གྱི་མཆོད་རྟེན་ལ། །མི་གང་བསྐོར་བ་བྱས་པ་ཡི། །བསྔགས་པ་བསྐལ་པ་བྱེ་བར་ཡང་། །།བརྗོད་པས་ཟད་པར་བྱ་མི་ནུས། །མཆོད་རྟེན་བསྐོར་བ་བྱས་ན་ནི། །བརྩོས་འགྲུས་བརྟན་ཞིང་མཐུ་བརྟན་ལ། །བརྟན་ཅིང་རྣམ་པར་བཏོན་བརྟན། །དེ་ནི་མྱུར་དུ་མཁས་པར་འགྱུར། །ཞེས་གསུངས་ཕྱིར་ན་ཡོན་ཏན་བསམ་མི་ཁྱབ། །ཚ་ཁང་གཅིག་ན་ཚ་ཚ་མཆོད་བརྒྱད་མ། །ཁྲི་དང་གཅིག་སྟོང་བརྒྱ་དང་བཅུ་གཉིས་པ། །ཡང་ན་མཆོད་བརྒྱ་མ་ཡི་ཚ་ཚ་སྟོང་། །ཡོད་ན་དེ་ནི་མཆོད་རྟེན་འབུམ་ཐེར་ཡིན། །དེ་ལ་བསྐོར་བ་བཅུ་གཅིག་ཕོག་པ་ན། །བསྐོར་བ་འབུམ་ཐེར་གཅིག་ཏུ་འགྱུར་བའི། །འགྲོ་དོན་དེ་འདྲ་བསམ་གྱིས་ག་ལ་ཁྱབ། །བསྐོར་བསམ་མེད་ཀྱང་བསོད་ནམས་ཐོབ་པ་ནི། །སྦྱར་བ་ཆུས་ཁྱེར་བསྐོར་བ་བསྐོར་འདྲ་བའི། །དགེ་བའི་རྩ་བས་དགྲ་བཅོམ་

[Full Size]

ཐོབ་པ་ཐོས། །དེས་ན་ཚ་ཚ་འདེབས་དང་ཚ་ཁང་བཞེངས། །འདི་ལས་བསོད་ནམས་ཁྱད་འཕགས་བསམ་མཐའ་ཡས། །དེ་ཡང་གྲོང་ཁྱེར་རམ་ནི་དགོན་པ་ཡི། །ཤར་དང་ལྷོ་ཕྱོགས་ལྟག་ཏུ་མི་རུང་སྟེ། །ནུབ་ཕྱོགས་ཚ་ཁང་བྱས་པས་ན་ཚ་ཉུང་། །བྱང་དུ་ཚ་ཁང་བྱས་པས་དགྲ་ཇག་ཞི། །ཚ་ཁང་བྱེད་སར་རབ་ཏུ་ས་བསླང་བྱ། །ཡང་ན་བསང་དང་གཏོར་མ་བཀའ་བསྒོ་བྱ། །ཚ་ཁང་མ་འཛོམས་གཉའ་དང་ཤར་མིན་པའི། །བྲག་ཕུག་གམ་ནི་ཁང་པའི་ནུབ་ངོས་བླུགས། །བཀྲ་ཤིས་སྨོན་ལམ་བསྔོ་སྦྱང་གང་ཤེས་བྱ། །དེ་ནི་ཚ་ཚའི་ཁྱད་པར་གོ་སླ་ཡིན། །དོན་དམ་ནང་དང་གསང་བའི་ཚ་ཚ་ནི། །ཡང་སྙིང་འདུས་པའི་རྒྱུད་ལས་འདི་སྐད་གསུངས། །རང་ལུས་གཞལ་ཡས་མཆོད་རྟེན་ཁང་། །རྟོག་ཚོགས་ལྷར་གསལ་ཚ་ཚ་དེ། །ཆོས་དབྱིངས་སྟོང་པའི་བརྐོས་ཕོར་དུ། །རིག་པ་ཡེ་ཤེས་མཆོད་རྟེན་གཞུག །མཆོད་རྟེན་མཆོག་ཏུ་བདག་འགྱུར་ངེས། །ཐབས་ཤེས་རྒྱུ་རྐྱེན་བརྐོས་ཕོར་དུ། །རང་ལུས་མཆོད་རྟེན་རང་སེམས་ནི། །ཐུགས་རྗེ་ཆེན་པོའི་ལྷ་ཚོགས་ཡིན། །ཆོས་དབྱིངས་སྟོང་པའི་བརྐོས་ཕོར་དུ། །སྣང་སྟོང་དབྱེར་མེད་མཆོད་རྟེན་ཏེ། །དེ་ལྟར་རྟོགས་པ་མཐར་ཕྱིན་

[Full Size]

ན། །རང་ཉིད་མཆོད་རྟེན་མཆོག་ཏུ་འགྱུར། །ནང་དང་གསང་བའི་ཚ་ཚ་ཡིན། །སཱཙྪའི་ཕན་ཡོན་མདོར་བསྡུས་འདི། །དོན་གཉེར་འགའ་ཡིས་བསྐུལ་བའི་ངོར། །༧རཱ་གའི་མིང་ཅན་དེ་ཡིས་སྦྱར། །འགལ་འཁྲུལ་མཁས་པའི་སྤྱན་སྔར་བཤགས། །དགེ་བས་འགྲོ་བའི་ཚོགས་རྫོགས་ཤོག །འདེབས་ཚུལ་རྒྱས་པ་གཞན་དུ་ལྟོས། །འདི་ནི་ཀུན་ལ་ཕན་ཕྱིར་ཡིན། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབངོ་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཀོན་མཆོག་གསུམ་རྗེས་སུ་དྲན་པའི་མདོ།

[Full Size]

དཀོན་མཆོག་གསུམ་རྗེས་སུ་དྲན་པའི་མདོ་བཞུགས་སོ། །

[Full Size]

རྒྱ་གར་སྐད་དུ། ཨཱཿརླ་དྲི་རཏྣ་ཨ་ནུ་སྨྲ་ཏི་ན་མ་སུ་ཏྲ། བོད་སྐད་དུ། འཕགས་པ་དཀོན་མཆོག་གསུམ་རྗེས་སུ་དྲན་པ་ཞེས་བྱ་བའི་མདོ། ཐམས་ཅད་མཁྱེན་པ་ལ་ཕྱག་འཚལ་ལོ། །འདི་ལྟར་སངས་རྒྱས་བཅོམ་ལྡན་འདས་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་སོ། །དེ་བཞིན་གཤེགས་པ་དེ་ནི་བསོད་ནམས་དག་གི་

[Full Size]

རྒྱུ་མཐུན་པ། དགེ་བའི་རྩ་བ་རྣམས་ཆུད་མི་ཟ་བ་བཟོད་པ་དག་གིས་རབ་ཏུ་བརྒྱན་པ། བསོད་ནམས་ཀྱི་གཏེར་རྣམས་ཀྱི་གཞི། དཔེ་བྱད་བཟང་པོ་རྣམས་ཀྱིས་སྤྲས་པ། མཚན་རྣམས་ཀྱི་མེ་ཏོག་རྒྱས་པ། སྤྱོད་ཡུལ་རན་པར་མཐུན་པ། མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་པོ། མྱ་ངན་ལས་འདས་པའི་གྲོང་ཁྱེར་

[Full Size]

དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ། སྤོབས་པ་བསམ་གྱིས་མི་ཁྱབ་པ། གསུང་རྣམ་པར་དག་པ། དབྱངས་སྙན་པ། སྐུ་བྱད་བལྟ་བས་ཆོག་མི་ཤེས་པ། སྐུ་མཚུངས་པ་མེད་པ། འདོད་པ་དག་གིས་མ་གོས་པ། གཟུགས་དག་གིས་ཉེ་བར་མ་གོས་པ། གཟུགས་མེད་པ་དག་དང་མ་འདྲེས་པ། སྡུག་བསྔལ་དག་ལས་རྣམ་པར་གྲོལ་བ། ཕུང་པོ་དག་ལས་རབ་ཏུ་རྣམ་པར་གྲོལ་བ། ཁམས་རྣམས་དང་མི་ལྡན་པ། སྐྱེ་མཆེད་རྣམས་བསྡམས་པ། མདུད་པ་རྣམས་ཤིན་ཏུ་བཅད་པ། ཡོངས་སུ་གདུང་བ་དག་ལས་རྣམ་པར་གྲོལ་བ། སྲིད་པ་ལས་གྲོལ་བ། ཆུ་བོ་ལས་བརྒལ་བ། ཡེ་ཤེས་ཡོངས་སུ་རྫོགས་པ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སྐུ་ཆེ་བའི་ཡོན་ཏན་ཡང་དག་པ་རྣམས་སོ། །དམ་པའི་ཆོས་ནི་ཐོག་མར་དགེ་བ། བར་

[Full Size]

དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། བཅོམ་ལྡན་འདས་ཀྱི་ཆོས་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་གཏོད་པ། འདི་མཐོང་བ་ལ་དོན་ཡོད་པ། མཁས་པ་རྣམས་ཀྱིས་སོ་སོ་རང་གིས་རིག་པར་བྱ་བ། བཅོམ་ལྡན་འདས་ཀྱིས་གསུངས་པའི་ཆོས་འདུལ་བ་ལ་ལེགས་པར་སྟོན་པ། ངེས་པར་འབྱུང་བ། རྫོགས་པའི་བྱང་ཆུབ་ཏུ་འགྲོ་བར་བྱེད་པ། མི་མཐུན་པ་མེད་ཅིང་འདུས་པ་དང་ལྡན་པ། བརྟན་པ་ཡོད་པ། རྒྱུ་བ་བཅད་པའོ། །ཐེག་པ་ཆེན་པོའི་དགེ་འདུན་ནི་ལེགས་པར་བཞུགས་པ། རིག་པར་བཞུགས་པ། དྲང་པོར་བཞུགས་པ། མཐུན་པར་བཞུགས་པ། ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ། བསོད་ནམས་ཀྱི་དཔལ་གྱི་ཞིང་ཡོན་ཡོངས་སུ་སྦྱོང་བ་ཆེན་པོ། སྦྱིན་པའི་གནས་སུ་གྱུར་པ། ཀུན་ཏུ་ཡང་སྦྱིན་པའི་གནས་སུ་གྱུར་པ་ཆེན་པོའོ། །རྣམ་དག་སྐུ་མངའ་མཆོག་ཏུ་གཟུགས་བཟང་བ། །ཡེ་ཤེས་རྒྱ་

[Full Size]

མཚོ་གསེར་གྱི་ལྷུན་པོ་འདྲ། །གྲགས་པ་འཇིག་རྟེན་གསུམ་ན་ལྷང་ངེ་བ། །མགོན་པོ་མཆོག་གྱུར་ཁྱོད་ལ་ཕྱག་འཚལ་ལོ། །མཚན་མཆོག་ལྡན་པ་དྲི་མེད་ཟླ་བའི་ཞལ། །གསེར་མདོག་འདྲ་བ་ཁྱོད་ལ་ཕྱག་འཚལ་ལོ། །རྡུལ་བྲལ་ཁྱོད་འདྲ་སྲིད་པ་གསུམ་མ་མཆིས། །མཉམ་མེད་མཁྱེན་ལྡན་ཁྱོད་ལ་ཕྱག་འཚལ་ལོ། །མི་མཆོག་འདུལ་བ་ཁ་ལོ་སྒྱུར་མཛད་ཅིང་། །ཀུན་སྦྱོར་འཆིང་བ་གཅོད་མཛད་དེ་བཞིན་གཤེགས། །དབང་པོ་ཞི་ཞིང་ཉེར་ཞི་ལ་མཁས་པ། །མཉན་ཡོད་བཞུགས་པ་དེ་ལ་ཕྱག་འཚལ་ལོ། །མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པ་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ་། །དགེ་བས་ངན་སོང་ལས་གྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ཞིང་། །དགེ་འདུན་ལ་ཡང་ཕྱག་འཚལ་ལོ། །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་

[Full Size]

པ་བླ་མེད་དགེ་འདུན་རིན་པོ་ཆེ། །བླ་མེད་དཀོན་མཆོག་གསུམ་ལ་མཆོད་པ་འབུལ། །སངས་རྒྱས་ཡོན་ཏན་བསམ་མི་ཁྱབ། །ཆོས་ཀྱི་ཡོན་ཏན་བསམ་མི་ཁྱབ། །དགེ་འདུན་ཡོན་ཏན་བསམ་མི་ཁྱབ། །བསམ་མི་ཁྱབ་ལ་དད་བྱས་ན། །རྣམ་པར་སྨིན་པའང་བསམ་མི་ཁྱབ། །རྣམ་དག་ཞིང་དུ་སྐྱེ་བར་ཤོག །སངས་རྒྱས་གཙོ་ལ་ཕྱག་འཚལ་ལོ། །སྐྱོབ་པའི་ཆོས་ལ་ཕྱག་འཚལ་ལོ། །དགེ་འདུན་སྡེ་ལ་ཕྱག་འཚལ་ལོ། །གསུམ་ལ་རྟག་ཏུ་གུས་ཕྱག་འཚལ། །ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ། །ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་བའི་འགྲོ་བ་འདི་དག་ཀུན། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །གུང་ཚིགས་དུས་རྒྱས་པར་དཀོན་མཆོག་རྗེས་དྲན་མདོ་གསུམ་པོ་འདོན་དགོས་ཀྱང་མ་ལྕོགས་ན། སངས་རྒྱས་གཙོ་ལ་ཕྱག་འཚལ་ལོ། །སྐྱོབ་པའི་ཆོས་ལ་ཕྱག་འཚལ་ལོ། །དགེ་འདུན་སྡེ་ལ་ཕྱག་འཚལ་ལོ། །

[Full Size]

ཞེས་པཎྜི་ཏ་མ་ཁོལ་ནང་པར་གྱུར་མ་ཐག་གསུངས་པ་སྟེ། དཀོན་མཆོག་གསུམ་ཡིད་ལ་དྲན་པར་བྱས་ལ། ཕུད་མཆོད་ཟུར་གསུམ་མི་རུང་ཟླུམ་པོ་བཞག་སྟེ། ཨོཾ་གུ་རུ་བཛྲ་ནེ་ཝི་དྱ་ཨཱཿཿཧཱུྃ། ཞེས་རྩ་བརྒྱུད་བླ་མ་ལ་གཅིག་ཕུལ། ཨོཾ་སརྦ་བུདྡྷ་བྷྱོ་དྷི་སཏྭ་བྷ་བཛྲ་ནི་ཝི་དྱ་ཨཱཿཿཧཱུྃ། ཞེས་བྱང་ཆུབ་སེམས་དཔའ་ཐམས་ཅད་ལ་གཅིག་ཕུལ། ཨོཾ་ཀཱ་མ་དེ་ཝ་མཎྜལ་བཛྲ་ནེ་ཝི་དྱ་ཨཱཿཿཧཱུཾ། ཞེས་འཕགས་པའི་གནས་བརྟན་བཅུ་དྲུག་དགྲ་བཅོམ་ཁྲི་དྲུག་སྟོང་བཞི་བརྒྱ་དང་བཅས་ལ་གཅིག་འབུལ། དེ་རྣམས་ཀྱི་ཚོགས་རྫོགས་བསོད་ནམས་མི་ཟད་པས་ཟ་སྐལ་མི་རྫོགས་འཕེལ་ལོ། །ཨོཾ་ཨ་མྲྀ་ཏ་ཧཱུྃ་ཕཊ༔ བཛྲ་ནེ་ཝི་དྱ་ཨཱཿཿཧཱུྃ། ཞེས་བདུད་རྩི་འཁྱིལ་པ་ལ་ཕུལ་བས་བགེགས་ཀྱི་གནོད་པ་བསྲུང་ཟས་བདུད་རྩིར་འགྱུར་རོ། །ཨོཾ་བི་དྷརྨ་པཱ་ལ་བཛྲ་ནེ་ཝི་དྱ་ཨཱཿཧཱུྃ། ཞེས་ཡེ་ཤེས་ཀྱི་ཆོས་སྐྱོང་རྣམས་ལ་ཕུལ་བས་སྲུང་སྐྱོབ་བྱེད་དོ། །དེ་ལྟར་ཕུད་མཆོད་ལྔ་ཚོམ་གཙོ་འཁོར་ཚུལ་དུ་བཞག་སྟེ། དེ་ཡང་ཆེ་ཞིང་བཟའ་བ་བཞག་ནས་རང་མ་བརྒྱག་ན་སླར་ཡང་བཟའ་རུང་ངོ། །དེ་རྗེས་ཕུད་ཀྱི་སྦྱིན་པ་ནི། ཨོཾ་ཧ་རི་ཏེ་སྭཱ་ཧཱ། ཞེས་གནོད་སྦྱིན་འཕྲོག་མ་ལ་ཆངས་བུ་གཅིག་སྦྱིན། ཨོཾ་ཧ་རི་ཏེ་མ་ཧཱ་བཛྲ་ཡཀྵི་ཎི་ཧ་ར་ཧ་ར་སརྦ་པ་པཾ་ཡཀྱི་སྭཱ་ཧཱ། ཞེས་ལྷ་མོ་འཕྲོག་མ་སྟེ་ཁ་འབར་མ་བུ་ལྔ་བརྒྱ་དང་བཅས་པ་ལ་ཆངས་བུ་གཅིག་སྦྱིན། འདི་མ་སྦྱིན་ན་སྟོན་པའི་བཀའ་དང་འགལ། བྱིན་ན་ནད་ཉུང་ལོངས་སྤྱོད་ཆེ་བའི་གྲོགས་བྱེད་དོ། །ཨོཾ་

[Full Size]

ཨ་གྲ་པཎྜ་ཨ་ཤི་བྷ་སྭཱ་ཧཱ། ཞེས་ཕུད་ལ་དབང་བའི་འབྱུང་པོ་ཐམས་ཅད་ལ་ཆངས་བུ་གཅིག་སྦྱིན་ཏེ། འདི་ལ་ཕོ་ལྷ་དགྲ་བླ་སོགས་འཇིག་རྟེན་པའི་ལྷ་ཚོགས་ལའོ། །དེ་ལྟར་ཆངས་བུ་གསུམ་བཞག་པ་ཡན་མདོ་ལུགས་སོ། །དེ་ནས་སྔགས་ལུགས་ལ། ཨོཾ་བརྗོད་པས་སྟོང་པར་བསམ། ཨཱཿབརྗོད་པས་ཟས་སྣོད་ཡེ་ཤེས་ཀྱི་ཀ་པཱ་ལ་བསམས་ལ། ཧཱུྃ་བརྗོད་པས་ཟས་ཡེ་ཤེས་ཀྱི་བདུད་རྩིར་བསྒོམ། རང་ལུས་ཐུགས་རྗེ་ཆེན་པོའི་སྤྱི་བོ་མགྲིན་པ་ཐུགས་ཀ་ལྟེ་བ་གསང་གནས་ལྔར། ཐུགས་རྗེ་ཆེན་པོ་དཀར་དམར་སེར་ལྗང་གུ་ལྔ་འཁོར་མཁའ་འགྲོ་མ་གཙོ་བོའི་མདོག་ཅན་རྩའི་གྲངས་བཞུགས་པར་བསྒོམས་ལ། དེ་དག་ལ་མཆོད་པར་བསམས་ལ་ཟ་འཐུང་བྱ་སྟེ། ཕོ་བ་བུམ་པ་དང་འདྲ་ཞེས་སུམ་གཉིས་གང་སུམ་གཅིག་སྟོང་པའི་ཚོད་ཙམ་ཟོས་པས་ལུས་བདེ་ནད་ཉུང་ངོ། །ཟོས་ཚར་ནས། ཨོཾ་ཨུཙྪིཥྛ་པཎཱ་ཨ་ཤི་བྷ་སྭ་ཧཱ། ཞེས་ལྷག་མ་ལ་དབང་བའི་འབྱུང་པོ་ཐམས་ཅད་ལ་ཆངས་བུ་གཅིག་བྱིན་པས་བགེགས་དང་ལོག་འདྲེན་ཐམས་ཅད་ལ་བླུད་བྱིན། དེ་ནས་ཟོས་ལྷག་མེད་ཀྱང་རུང་གདའ་ན་གཞན་བཀྲེས་པ་བྱ་ཁྱི་སོགས་ཉམ་ཐག་ལ་སྦྱིན་པར་གསུང་གི་བོ་གཏོར་ཆུད་ཟོས་མི་བྱའོ། །དེ་ནས་ཡོན་སྦྱོང་བ་ཞེས་དཀོར་སྒྲིབ་སྦྱང་བ་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ནས་འོད་ཀྱི་རྒྱལ་པོ་མེ་འོད་རབ་ཏུ་གསལ་བ་ལ་ཕྱག་འཚལ་ལོ། །མཚན་འདི་ལན་གཅིག་

[Full Size]

བརྗོད་པས་དཀོར་གྱི་ཕུང་པོ་རི་རབ་ཙམ་འཇུ་བར་གསུངས་སོ། །དཀོར་སྒྲིབ་སྦྱོང་བའི་གཟུངས་ནི། ན་མ་ས་མནྟ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨདྷ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ན་མོ་མཉྫཤཱི་ཡེ་ཀུ་མཱ་ར་བྷུ་ཏཱ་ཡ། བོ་དྷི་སཏྭ་ཡ། མ་ཧཱ་སཏྭ་ཡ། མ་ཧཱ་ཀུ་རུ་ཎི་ཀཱ་ཡ། ཏདྱ་ཐཱ། ཨོཾ་ནི་རཱ་ལཾ་བྷེ་ནི་རཱ་བྷ་སེ། ཛ་ཡེ་ཛ་ཡ་ལ་བྷེ། མ་ཧཱ་མ་ཏེ། དཀྵེ་དཀྵི་ཎི་མེ་པ་རི་ཤུ་དྷ་ཡ་སྭཱ་ཧཱ། གཟུངས་འདི་བརྗོད་པ་ཙམ་གྱིས་དཀོར་སྒྲིབ་ཐམས་ཅད་བྱང་བར་གསུངས། དེ་ནས་བསྔོ་སྨོན་ནི། རང་ལུས་རྒྱལ་བའི་དཀྱིལ་འཁོར་ལ། །བཟའ་བ་ཕུལ་བའི་བསོད་ནམས་ཀྱིས། །ཁ་དོག་སྟོབས་དང་ལྡན་གྱུར་ཏེ། །རོ་བརྒྱ་ལྡན་པའི་ཟས་རྙེད་ནས། །བསམ་གཏན་ཟས་ཀྱིས་འཚོ་བར་ཤོག །བཏུང་བ་ཕུལ་བའི་བསོད་ནམས་ཀྱིས། །ཉོན་མོངས་བཀྲེས་སྐོམ་ཞི་བ་དང་། །སྦྱིན་སོགས་ཡོན་ཏན་ལྡན་པ་ཡིས། །སྐོམ་དད་མེད་པའི་གནས་སུ་སྐྱེ་བར་ཤོག །གང་གིས་སྦྱིན་པ་གང་ལ་སྦྱིན། །སྦྱིན་པ་ཇི་ལྟར་མི་དམིགས་པ། །སྦྱིན་པ་མཉམ་པ་དེ་ཉིད་ཀྱིས། །སྦྱིན་བདག་དེ་ལ་ཡོངས་རྫོགས་ཤོག །རྒྱལ་པོ་སྦྱིན་བདག་ཉིད་དང་ནི། །སེམས་ཅན་དམན་པ་གཞན་དག་ལ། །ཚེ་རིང་ནད་མེད་ཕུན་སུམ་

[Full Size]

ཚོགས། །གཏན་དུ་བདེ་བ་ཐོབ་པར་ཤོག །སྦྱིན་པ་རྒྱ་ཆེན་གྱུར་པ་འདི་ཡི་མཐུས། །འགྲོ་བའི་དོན་དུ་རང་བྱུང་སངས་རྒྱས་ཤོག །སྔོན་གྱི་རྒྱལ་བ་རྣམས་ཀྱིས་མ་བསྒྲལ་བའི། །སྐྱེ་འགྲོའི་ཚོགས་རྣམས་སྦྱིན་པས་གྲོལ་གྱུར་ཅིག །བསོད་ནམས་སྟོབས་ཆེན་འདི་ཡི་མཐུས། །སོགས། དེ་ནས་འཚོགས་ཆེན་ཡིན་ན་ཟབ་མདོ་རྒྱས་པ་འདོན་སྲོལ་ཡོད་ནའང་འདི་ཙམ་གྱིས་འཐུས། དགེ་ཚུལ་སློང་གུང་ཚིགས་བྱེད་པ་ལ་འདི་གལ་ཆེ་ཞིང་། དགེ་སློང་དྲོ་འདྲེན་མི་བྱུང་ན་མེད་ཐབས་མེད། གྲྭ་པ་རོགས་རྣམས་དགོང་མོ་མདོ་མཁན་དང་། དགེ་བསྙེན་རྣམས་ཀྱང་འདི་འཚོགས་པས་མཉམ་དུ་འདོན་སྲོལ་གདའ་བས། དྲོ་གོང་ལ་བཏོན་ན་ལེགས། ཉིན་ཕྱེད་ཡོལ་ནས་འདོན་སྲོལ་མེད། གྲྭ་པ་རྣམས་ལ་ཕན་ཕྱིར། དགེ་སློང་རཱ་ག་ཨ་སྱས་གཞུང་མན་ངག་མཐོང་བ་བརྒྱུད་པ་དང་རང་གི་ཉམས་མྱོང་དང་བསྟུན་ཏེ་བྲིས་པར་འཕེལ་རྒྱས་སུ་གྱུར་ཅིག །མངྒ་ལཾ། ཟས་ཀྱི་རྗེས་སུ་མདོ་སྒྲོགས་པ་ནི་ཟབ་མདོ་ལྟ་བུ་ལ་ང་རུང་འདོན་ཞིང་། བསྡུ་ན། གང་གིས་རྟེན་ཅིང་འབྲེལ་བར་འབྱུང་སོགས་དང་། བསོད་ནམས་འདི་ཡིས་སོགས་བརྗོད།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་ཕག་ཡིད་བཞིན་ནོར་བུའི་ཕྱི་སྒྲུབ་ལྟུང་བཤགས་ཆོ་གའི་ཟིན་བྲིས་འདོན་འགྲིགས་བལྟས་ཆོག་ཏུ་བཀོད་པ།

[Full Size]

རྟ་ཕག་ཡིད་བཞིན་ནོར་བུའི་ཕྱི་སྒྲུབ་ལྟུང་བཤགས་ཆོ་གའི་ཟིན་བྲིས་འདོན་འགྲིགས་བལྟས་ཆོག་ཏུ་བཀོད་པ་བཞུགས་སོ།

[Full Size]

ཨོྃ༔ རྩ་གསུམ་ཀུན་འདུས་ཧཱུྃ་ནག་མེ་འབར་ལ། །གུས་པས་ཕྱག་འཚལ་བཀའ་གནང་བྱིན་གྱིས་རློབས། །རང་གཞན་ཉེས་ལྟུང་དྲི་མ་སྦྱོང་བའི་ཕྱིར་། །རྟ་ཕག་ཡིད་བཞིན་ནོར་བུའི་ཕྱི་སྒྲུབ་ཀྱི། །ལྟུང་བཤགས་ཆོ་ག་རྒྱས་པར་བྱས་ནས་ཀྱང་། །གཤིན་པོ་རྣམས་ཀྱི་ལྟུང་བ་སྦྱོང་བའི་ཐབས། །ལྟུང་བཤགས་ལྷ་གྲངས་ཞལ་ཐང་ཡོད་ན་བཤམ། །ཡང་ན་ཤོག་བུར་ཟླུམ་སྐོར་བྲིས་པའི་ནང་། །པད་འདབ་བཅུ་ཚོ་སུམ་རིམ་བྲིས་པའི་དབུས། །འདབ་བཞི་དབུསལྔར་རང་མདོག་ཐིག་ལེ་བཀོད། །བསྡུ་ན་ལྷ་གྲངས་ཚོམ་བུ་བཀོད་པའམ། །ཐུབ་དབང་སྐུ་ཞིག་བཤམས་ཀྱང་ཆོག་པ་ཡིན། །བུམ་པ་མཆོད་གཏོར་ལ་སོགས་སྤྱི་ལྟར་བཤམས། །སྨན་རཀ་མི་དགོས་གཏོར་མ་ཟླུམ་གཏོར་བཤམ། །གཤིན་དོན་ཡིན་ན་བྱང་

[Full Size]

ཆས་རྣམས་ཀྱང་བཞག །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་སོགས་སྐྱབས་སེམས་བསྡུས་པ་ལན་གསུམ་བརྗོད། །རང་ལུས་ཨོཾ་སྭ་བྷ་ཝས་སྟོང་པར་སྦྱང་། ཧྲཱིཿ རང་བཞིན་ལྷུན་གྲུབ་མཉམ་ཉིད་རང་མདངས་ལས༔ པདྨ་ཉི་ཟླའི་གདན་སྟེང་ཡི་གེ་ཧཱུྃ༔ དེ་ལས་འོད་འཕྲོས་རང་གཞན་དོན་གཉིས་བྱས༔ སླར་ཡང་རང་ཉིད་ཐུགས་རྗེ་ཆེན་པོའི་སྐུ༔ ཞལ་གཅིག་ཕྱག་གཉིས་བཞེངས་སྟབས་ཀྲོང་གིས་བསྐྱེད༔

[Full Size]

ཕྱག་གཡས་མཆོད་སྦྱིན་གཡོན་པས་པད་དཀར་གྱི༔ ཡུ་བ་ཐུགས་ཀར་འཛིན་ཅིང་སྙན་གྱི་ཐད༔ མེ་ཏོག་ཁ་ཕྱེ་འདབ་བརྒྱད་འོད་ཟེར་འབར༔ ཞི་འཛུམ་མཛེས་པའི་མདངས་ལྡན་རྒྱན་གྱིས་བརྒྱན༔ དབུ་སྐྲ་གྱེན་བརྫེས་དབུས་སུ་སྣང་མཐའ་བཞུགས༔ སྣང་སྟོང་སྒྱུ་མ་འཇའ་འོད་ཀློང་དུ་གསལ་གནས་གསུམ་ཡིག་འབྲུ་གསུམ་ལས་འོད་ཟེར་འཕྲོས༔ དུས་གསུམ་བདེ་གཤེགས་མ་ལུས་དེ་ལྟ་བུ༔ སྤྱན་དྲངས་བདག་དང་གཉིས་མེད་ཐིམ་པར་གྱུར༔ བཛྲ་ས་མ་ཡ་ཛཿ ཛཿཧཱུྃ་བཾ་ཧོཿ ཧྲཱིཿ སླར་ཡང་དབང་ལྷ་རིགས་ལྔ་འཁོར་བཅས་ཀྱིས༔ ཁྲུས་གསོལ་དབང་བསྐུར་སྐུ་གང་དྲི་མ་དག༔ ཆུ་ལྷག་ཡར་ལུད་རིགས་བདག་གསལ་བར་གྱུར༔ ཐུགས་ཀར་པདྨ་འདབ་དྲུག་གྱེས་པའི་དབུས༔ ཧྲཱིཿཡིག་མཐའ་རུ་ཡི་གེ་འབྲུ་དྲུག་འཁོར༔ འོད་ཟེར་དཔག་མེད་མཆོད་སྦྱིན་བསམ་མི་ཁྱབ༔ གང་ལ་གང་འདུལ་འགྲོ་བའི་སྐྱབས་མགོན་གྱུར༔ ཨོཾ་མ་ཎི་པདྨེ་ཧཱུྃ་ཧྲཱིཿ དེ་ནས་མདུན་བསྐྱེད་བུམ་བསྐྱེད་གཉིས། །སྤྱན་འདྲེན་མཆོད་བསྟོད་དུས་གཅིག་བྱ། ན་མོ༔ བཙོ་མའི་མདོག་འདྲ་ས་གཞི་ཁོད་སྙོམས་ཤིང་༔ མེ་ཏོག་བཀྲ་ལེགས་དྲི་བཟང་ངད་པ་འཐུལ༔ ཡིད་འོང་སྙན་པའི་བྱ་སྐད་

[Full Size]

སྣ་ཚོགས་སྒྲོག༔ འཇའ་ཚོན་འཁོར་ཡུག་དྲྭ་བ་དྲྭ་ཕྱེད་བྲེས༔ དེ་དབུས་སངས་རྒྱས་སུམ་ཅུ་རྩ་ལྔ་བཞུགས༔ བདག་སོགས་འགྲོ་བ་ཡོངས་ཀྱི་སྐྱབས་གནས་ཞུ༔ ག་སྒྲིབ་ཉེས་ལྟུང་དག་པ་དང་༔ ཚུལ་ཁྲིམས་རྣམ་པར་དག་པར་བྱིན་གྱིས་རློབས༔ དབུས་ཕྱོགས་རྡོ་རྗེའི་གདན་སྟེང་དུ༔ བཅོམ་ལྡན་ཤཱཀྱའི་རྒྱལ་པོ་ནི༔ གསེར་མདོག་ས་གནོན་མཉམ་བཞག་མཛད༔ དེ་ཡི་གཡས་སུ་སངས་རྒྱས་ནི༔ རྡོ་རྗེ་སྙིང་པོ་རབ་འཇོམས་བཞུགས༔ སྔོན་པོ་ཕྱག་གཉིས་རྡོ་རྗེ་བསྣམས༔ རྒྱབ་ཏུ་རིན་ཆེན་འོད་འཕྲོ་ནི༔ དཀར་པོ་རྡོ་རྗེ་ཉི་མ་བསྣམས༔ གཡོན་དུ་ཀླུ་དབང་རྒྱལ་པོ་ནི༔ སྔོན་པོ་ཀླུ་ཤིང་སྦྲུལ་སྔོན་བསྣམས༔ མདུན་དུ་སེར་པོ་དཔའ་བོའི་སྡེ༔ ཕྱག་གཉིས་པོ་ཏི་རལ་གྲི་བསྣམས༔ ཕྱི་རིམ་པད་འདབ་བཅུ་ཡི་སྟེང་༔ དཔལ་དགྱེས་དམར་སེར་ཕྱག་གཉིས་སུ༔ ཉི་ཟླ་པདྨ་བསྣམས་པའོ༔ སྐུ་མདོག་དམར་པོ་རིན་ཆེན་མེ༔ ཕྱག་གཉིས་རིན་ཆེན་ཀླུ་མེ་དཀྱིལ་བསྣམས༔ རིན་ཆེན་ཟླ་འོད་སྐུ་མདོག་དཀར༔ ཕྱག་གཡས་རིན་ཆེན་ཟླ་བ་གཡོན༔ མཐོང་བ་དོན་ཡོད་སྐུ་མདོག་ལྗང་༔ ཕྱག་གཉིས་སངས་རྒྱས་སྤྱན་མིག་

[Full Size]

བསྣམས༔ རིན་ཆེན་ཟླ་བ་དཀར་ལྗང་མདོག༔ ཕྱག་གཉིས་རིན་ཆེན་ཟླ་བ་བསྣམས༔ དྲི་མ་མེད་པ་དུད་པའི་མདོག༔ ཕྱག་གཉིས་མེ་ལོང་དྲི་མེད་བསྣམས༔ དཔས་བྱིན་དཀར་པོ་ཕྱག་གཉིས་སུ༔ དཔལ་འབྲས་སྡོང་པོ་ལོ་འདབ་བཅས༔ སྐུ་མདོག་དམར་སེར་ཚངས་པ་ནི༔ ཕྱག་གཉིས་མེ་ཏོག་པདྨ་འཛིན༔ ཚངས་པས་བྱིན་ནི་སྐུ་མདོག་སེར་ཕྱག་གཉིས་པདྨ་དཀར་པོ་བསྣམས༔ ཆུ་ལྷ་སྐུ་མདོག་སྔོན་པོ་ལ༔ ཆུ་ཡི་དཀྱིལ་འཁོར་ཆོས་འཆད་མཛད༔ དེ་ཡི་ཕྱི་རིམ་འདབ་བཅུ་ལ༔ ཆུ་ལྷའི་ལྷ་ནི་སྐུ་མདོག་དཀར༔ ཆུ་ཡི་དཀྱིལ་འཁོར་མེ་ལོང་བསྣམས༔ དཔལ་བཟང་སྐུ་མདོག་དམར་པོ་ལ༔ ཕྱག་གཉིས་པདྨ་དཔག་བསམ་ཤིང་༔ སྐུ་མདོག་དམར་སེར་ཙན་དན་དཔལ༔ ཕྱག་གཉིས་ཙན་དན་དཔལ་འབྲས་བསྣམས༔ དམར་ལྗང་གཟི་བརྗིད་མཐའ་ཡས་ནི༔ ཕྱག་གཉིས་ཉི་མ་ཟླ་བ་བསྣམས༔ འོད་དཔལ་སྐུ་མདོག་དཀར་པོ་ལ༔ ཕྱག་གཉིས་ཟླ་བའི་དཀྱིལ་འཁོར་འཛིན༔ སྔོ་སྐྱ་མྱ་ངན་མེད་པའི་དཔལ༔ མྱ་ངན་མེད་པའི་ཕྱག་རྒྱ་མཛད༔ སྲེད་མེད་བུ་ནི་སྐུ་མདོག་སྔོ༔ ཕྱག་གཉིས་རི་རབ་པདྨ་བསྣམས༔ སྐུ་མདོག་སེར་པོ་མེ་

[Full Size]

ཏོག་དཔལ༔ ཕྱག་གཉིས་ཤིང་ཐོག་དཔལ་འབྲས་བསྣམས༔ ཚངས་པའི་འོད་ཟེར་རྣམ་རོལ་ནི༔ དཀར་པོ་པདྨ་འོད་ཕུང་བསྣམས༔ པདྨའི་འོད་ཟེར་རྣམ་རོལ་ནི༔ དམར་པོ་པད་ཉིའི་ཕྱག་རྒྱ་ཅན་དེ་ཡི་ཕྱི་རིམ་འདབ་བཅུ་ལ༔ ནོར་དཔལ་དཀར་ལ་དམར་མདངས་ཅན༔ ཕྱག་གཉིས་རིན་ཆེན་ཕྱག་རྒྱ་མཛད༔ དྲན་པའི་དཔལ་ནི་སྐུ་མདོག་སེར༔ ཕྱག་གཉིས་པོ་ཏི་རལ་གྲི་བསྣམས༔ མཚན་དཔལ་ཤིན་ཏུ་ཡོངས་གྲགས་ནི༔ སྐུ་མདོག་ལྗང་གུ་ཕྱག་གཉིས་ཀྱིས༔ དེ་བཞིན་གཤེགས་པའི་གཙུག་ཏོར་ནི༔ དབུ་ཡི་སྟེང་དུ་འདེག་ཚུལ་བསྣམས༔ དབང་པོའི་ཏོག་གི་རྒྱལ་མཚན་ནི༔ སྐུ་མདོག་སེར་པོ་ཕྱག་གཉིས་ཀྱིས༔ རིན་ཆེན་ཏོག་གི་རྒྱལ་མཚན་བསྒྲེངས༔ ཤིན་ཏུ་རྣམ་པར་གནོན་པའི་དཔལ༔ དཀར་པོ་ས་གནོན་ཕྱག་རྒྱ་མཛད༔ གཡུལ་ལས་ཤིན་ཏུ་རྣམ་རྒྱལ་ནི༔ སྐུ་མདོག་ནག་པོ་རལ་གྲི་བསྣམས༔ རྣམ་པར་གནོན་པས་གཤེགས་པའི་དཔལ༔ དཀར་པོ་ས་གནོན་མི་འཇིགས་རྒྱ༔ ཀུན་ནས་སྣང་བ་བཀོད་པའི་དཔལ༔ སྐུ་མདོག་སེར་པོ་ཕྱག་གཉིས་སུ༔ ཉི་མ་རིན་ཆེན་སྡོང་པོ་བསྣམས༔ རིན་ཆེན་

[Full Size]

པདྨ་རྣམ་པར་གནོན༔ དམར་པོ་རིན་ཆེན་པདྨ་བསྣམས༔ རི་དབང་རྒྱལ་པོ་ནམ་མཁའི་མདོག༔ ཕྱག་གཉིས་རི་རབ་འདེགས་པའོ༔ ཀུན་ཀྱང་མཚན་དང་དཔེ་བྱད་རྫོགས༔ ཆོས་གོས་རྣམས་གསུམ་སྐུ་ལ་གསོལ༔ རྡོ་རྗེའི་སྐྱིལ་ཀྲུང་པད་ཟླར་གཞུགས༔ མཚན་ཉིད་ཡོངས་རྫོགས་བུམ་པའི་ནང་༔ བཅོམ་ལྡན་ཤཱཀྱའི་རྒྱལ་པོ་ནི༔ གསེར་མདོག་ས་གནོན་མཉམ་བཞག་མཛད༔ པད་ཟླའི་གདན་ལ་སྐྱིལ་ཀྲུང་བཞུགས༔ ལས་བུམ་ནང་དུ་བདུད་རྩི་འཁྱིལ༔ ལྗང་སྔོན་རྡོར་དབྱུག་སྡིགས་མཛུབ་མཛད༔ ཁྲོ་བོའི་ཆ་ལུགས་ལྡན་པར་བསྐྱེད། །དེ་ལྟར་གསལ་བའི་ལྷ་རྣམས་ཀྱི། །སྤྱི་བོར་ཨོཾ་ཡིག་དཀར་པོ་དང་། །མགྲིན་པར་ཨཱཿཿཡིག་དམར་པོ་དང་། །ཐུགས་ཀར་ཧཱུཾ་ཡིག་སྔོན་པོས་མཚན། །ཐུགས་ནས་འོད་ཟེར་དཔག་མེད་འཕྲོས། །བདེ་གཤེགས་ཐམས་ཅད་སྐད་ཅིག་ལ། །སྤྲིན་འཁྲིགས་ལྟ་བུར་སྤྱན་དྲངས་གྱུར། །ཧཱུྃ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཧཱུྃ།

[Full Size]

མ་ལུས་ཕྱོགས་དུས་ཀུན་ན་བཞུགས་པ་ཡི། །བླ་མ་སངས་རྒྱས་བྱང་ཆུབ་སེམས་དཔའི་ཚོགས། །དེ་བཞིན་གཤེགས་པ་སུམ་ཅུ་སོ་ལྔ་དང་། །སྐྱབས་གནས་ཐམས་ཅད་སྤྱན་འདྲེན་གཤེགས་སུ་གསོལ། །ཇི་ལྟར་སངས་རྒྱས་ཤཱཀ་ཐུབ་དགའ་ལྡན་ནས། །སྤྲུལ་པ་དམ་པ་ཏོག་དཀར་ལྷ་ཡི་བུ། །མི་ཕམ་མགོན་ལ་རྒྱལ་ཚབ་དབང་བསྐུར་ནས། །གཟིགས་པ་རྣམ་བཞིས་འཛམ་གླིང་ཀུན་གཟིགས་ཤིང་། །གླང་ཆེན་ཐལ་དཀར་ལྟར་གཤེགས་ལྷུམས་ཞུགས་ལྟར། །རྡོ་རྗེ་རིན་ཆེན་པདྨའི་རིགས་མཆོག་དང་། །ལས་ཀྱི་རིགས་དང་དེ་བཞིན་གཤེགས་པའི་རིགས། །ཕྱོགས་བཅུ་དུས་བཞིའི་བཅོམ་ལྡན་བདེ་གཤེགས་རྣམས། །དེང་འདིར་བདག་གིས་དད་པས་སྤྱན་འདྲེན་ན། །མཆོད་པའི་གནས་འདིར་འབྱོན་པར་མཛད་དུ་གསོལ། །ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་བཅོམ་ལྡན་འདས། །འགྲོ་བའི་དོན་དུ་མཆོད་པའི་ཕྱིར། ཐུགས་རྗེའི་དབང་གིས་གཤེགས་སུ་གསོལ། །ཨེ་ཧེ་ཧི་བྷ་ག་ཝན། མ་ཧཱ་ཀཱ་རུ་ཎི་ཀཱ་དྲི་ཤུ་ཧོ༔ ས་མ་ཡ་ཧཱུཾ། ཛཿཧཱུྃ་བི་ཧོ༔ བཅོམ་ལྡན་འདིར་ནི་བྱོན་པ་ལེགས། །

[Full Size]

བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་ནས་ཀྱང་། །ཐུགས་ལ་དགོངས་ཤིང་གནང་བར་མཛོད། །བདེ་བར་གཤེགས་སོ་བཅོམ་ལྡན་འདས། །ལྷ་ཚུར་གཤེགས་འདིར་ནི་བཞུགས་སུ་གསོལ། །བདག་གི་མཆོད་ཡོན་བཞེས་ནས་ཀྱང་། །འདི་ཉིད་དུ་ནི་བཞུགས་སུ་གསོལ། །ཨོཾ་སརྦ་ཏ་ཐཱ་ག་ཏ་ས་མ་ཡ་ཏིཥྛ་ལྷན། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་པ། །དེ་སྲིད་བཅོམ་ལྡན་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་སྟོང་གེ་སར་བཅས། །བདེ་ཞིང་ཡངས་པ་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །པདྨ་ཀ་མ་ལཱ་ཡ་ཧཱུཾ། ཡེ་ཤེས་ལྔ་ཡི་དབང་རྫོགས་ཤོག །ཨོཾ་ཧཱུྃ་ཧཱུྃ་ཧཱུྃཨཱཿ བདག་བསྐྱེད་འཕགས་པའི་ཐུགས་ཀ་ནས། །ཐ་མལ་ལུས་ནི་གྲངས་མེད་སྤྲུལ། །ཚེ་ལས་འདས་པས་གཙོར་བྱས་པའི། །སེམས་ཅན་ཀུན་གྱིས་ཕྱག་འཚལ་དམིགས། །

[Full Size]

དུས་རྟག་པར་བླ་མ་ལ་ཕྱག་འཚལ་ལོ༔ སངས་རྒྱས་ལ་ཕྱག་འཚལ་ལོ༔ ཆོས་ལ་ཕྱག་འཚལ་ལོ༔ དགེ་འདུན་ལ་ཕྱག་འཚལ་ལོ༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ༔ དེ་བཞིན་གཤེགས་པ་རྡོ་རྗེ་སྙིང་པོ་རབ་ཏུ་འཇོམས་པ་ལ་ཕྱག་འཚལ་ལོ༔ དེ་བཞིན་གཤེགས་པ་རིན་ཆེན་འོད་འཕྲོ་ལ་ཕྱག་འཚལ་ལོ༔ དེ་བཞིན་གཤེགས་པ་ཀླུ་དབང་གི་རྒྱལ་པོ་ལ་ཕྱག་འཚལ་ལོ༔ དེ་བཞིན་གཤེགས་པ་དཔའ་བོའི་སྡེ་ལ་ཕྱག་འཚལ་ལོ༔ དེ་བཞིན་གཤེགས་པ་དཔལ་དགྱེས་ལ་ཕྱག་འཚལ་ལོ༔ དེ་བཞིན་གཤེགས་པ་རིན་ཆེན་མེ་ལ་ཕྱག་འཚལ་ལོ༔ དེ་བཞིན་གཤེགས་པ་རིན་ཆེན་ཟླ་འོད་ལ་ཕྱག་འཚལ་ལོ༔ དེ་བཞིན་གཤེགས་པ་མཐོང་བ་དོན་ཡོད་ལ་ཕྱག་འཚལ་ལོ༔ དེ་བཞིན་གཤེགས་པ་རིན་ཆེན་ཟླ་བ་ལ་ཕྱག་འཚལ་ལོ༔ དེ་བཞིན་གཤེགས་པ་དྲི་མ་མེད་པ་ལ་ཕྱག་འཚལ་ལོ༔ དེ་བཞིན་གཤེགས་པ་དཔས་བྱིན་ལ་ཕྱག་འཚལ་ལོ༔ དེ་བཞིན་གཤེགས་པ་ཚངས་པ་ལ་ཕྱག་འཚལ་ལོ༔ དེ་བཞིན་གཤེགས་པ་ཚངས་པས་བྱིན་ལ་ཕྱག་འཚལ་ལོ༔ དེ་བཞིན་

[Full Size]

གཤེགས་པ་ཆུ་ལྷ་ལ་ཕྱག་འཚལ་ལོ༔ དེ་བཞིན་གཤེགས་པ་ཆུ་ལྷའི་ལྷ་ལ་ཕྱག་འཚལ་ལོ༔ དེ་བཞིན་གཤེགས་པ་དཔལ་བཟང་ལ་ཕྱག་འཚལ་ལོ༔ དེ་བཞིན་གཤེགས་པ་ཙན་དན་དཔལ་ལ་ཕྱག་འཚལ་ལོ༔ དེ་བཞིན་གཤེགས་པ་གཟི་བརྗིད་མཐའ་ཡས་ལ་ཕྱག་འཚལ་ལོ༔ དེ་བཞིན་གཤེགས་པ་འོད་དཔལ་ལ་ཕྱག་འཚལ་ལོ༔ དེ་བཞིན་གཤེགས་པ་མྱ་ངན་མེད་པའི་དཔལ་ལ་ཕྱག་འཚལ་ལོ༔ དེ་བཞིན་གཤེགས་པ་སྲེད་མེད་ཀྱི་བུ་ལ་ཕྱག་འཚལ་ལོ༔ དེ་བཞིན་གཤེགས་པ་མེ་ཏོག་དཔལ་ལ་ཕྱག་འཚལ་ལོ༔ དེ་བཞིན་གཤེགས་པ་ཚངས་པའི་འོད་ཟེར་རྣམ་པར་རོལ་པ་མངོན་པར་མཁྱེན་པ་ལ་ཕྱག་འཚལ་ལོ༔ དེ་བཞིན་གཤེགས་པ་པདྨའི་འོད་ཟེར་རྣམ་པར་རོལ་པ་མངོན་པ་མཁྱེན་པ་ལ་ཕྱག་འཚལ་ལོ༔ དེ་བཞིན་གཤེགས་པ་ནོར་དཔལ་ལ་ཕྱག་འཚལ་ལོ༔ དེ་བཞིན་གཤེགས་པ་དྲན་པའི་དཔལ་ལ་ཕྱག་འཚལ་ལོ༔ དེ་བཞིན་གཞེགས་པ་མཚན་དཔལ་ཤིན་ཏུ་ཡོངས་གྲགས་ལ་ཕྱག་འཚལ་ལོ༔ དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ༔ དེ་བཞིན་གཤེགས་པ་ཤིན་ཏུ་རྣམ་པར་གནོན་པའི་དཔལ་ལ་ཕྱག་འཚལ་ལོ༔ དེ་

[Full Size]

བཞིན་གཤེགས་པ་གཡུལ་ལས་ཤིན་ཏུ་རྣམ་པར་རྒྱལ་བ་ལ་ཕྱག་འཚལ་ལོ༔ དེ་བཞིན་གཤེགས་པ་རྣམ་པར་གནོན་པས་གཤེགས་པའི་དཔལ་ལ་ཕྱག་འཚལ་ལོ༔ དེ་བཞིན་གཤེགས་པ་ཀུན་ནས་སྣང་བ་བཀོད་པའི་དཔལ་ལ་ཕྱག་འཚལ་ལོ༔ དེ་བཞིན་གཤེགས་པ་རིན་ཆེན་པདྨ་རྣམ་པར་གནོན་པ་ལ་ཕྱག་འཚལ་ལོ༔ དེ་བཞིན་གཤེགས་པ་དགྲ་བཅོམ་པ་ཡང་དག་རྫོགས་པའི་སངས་རྒྱས་རིན་པོ་ཆེའི་པདྨ་ལ་རབ་ཏུ་བཞུགས་པ་རི་དབང་གི་རྒྱལ་པོ་ལ་ཕྱག་འཚལ་ལོ༔ མཆོད་དོ༔ སྐྱབས་སུ་མཆིའོ༔ མཆོད་པ་འབུལ་ལོ༔ སྡིག་པ་བཤགས་སོ༔ དགེ་བའི་རྩ་བ་ལ་རྗེས་སུ་ཡི་རང་ངོ་༔ ཆོས་ཀྱི་འཁོར་ལོ་བསྐོར་དུ་གསོལ༔ སྐུ་མྱ་ངན་ལས་མི་འདའ་བར་གསོལ་བ་འདེབས་སོ༔ དགེ་བའི་རྩ་བ་བྱང་ཆུབ་ཏུ་ཡོངས་སུ་བསྔོ་བར་བགྱིའོ༔ མདོ་ལུགས་མཆོད་པ་བྱིན་རླབས་མཆོག །མཆོད་པའི་སྤྲིན་གྱི་གཟུངས་འདི་ཉིད། །དྲན་པ་ཙམ་གྱིས་མཆོད་སྤྲིན་གྱིས། །སངས་རྒྱས་ཞིང་ཀུན་ཁྱབ་པར་གསུངས། ན་མོ་རཏྣ་ཏྲ་ཡཱ་ཡ། ན་མོ་བྷ་ག་བ་ཏེ། བཛྲ་སཱ་ར་པྲ་མཱརྫུ་ནི་ཏ་ཐཱ་ག་ཏཱ་ཡ། ཨརྡ་ཏེ་ས་མྱཀཾ་བུདྡྷ་ཡ། ཏདྱ་ཐཱ། ཨོཾ་བཛྲ་བཛྲ། མ་ཧཱ་བཛེ། མ་ཧཱ་ཏེ་ཛོ་བཛྲ། མ་ཧཱ་བིདྱ་

[Full Size]

བཛྲེ། མ་ཧཱ་བོ་དྷི་ཙིཏྟ་བཛྲ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲ། སརྦ་ཀརྨ་ཨཱཿ་བ་ར་ཎ་བི་ཤོ་དྷ་ན་བཛྲ་སྭཱ་ཧཱ། ཧཱུྃ་ཧྲཱིཿ མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་འབུལ། །རྒྱལ་བ་སྲས་བཅས་མཉེས་གྱུར་ཅིག །ཨོཾ་སརྦ་ཏ་ཐཱ་ག་ཏ་པུཊྚེ་དྷུ་པེ་ཨཱཿ་ལོ་ཀེ་གནྡྷེ་ནེ་བི་དྱ་ཤརྡ་པྲ་ཏཱིཙྪ་སྭཱ་ཧཱ། ཧཱུྃ་ཧྲཱི་གཟུགས་སྒྲ་དྲི་རོ་རེག་ལྡན་པའི། །མཆོག་ཏུ་གྱུར་པའི་ལོངས་སྤྱོད་རྣམས། །བདག་གིས་དད་པས་འབུལ་བར་བགྱི། །ཚོགས་གཉིས་ཡོངས་སུ་རྫོགས་པར་ཤོག །ཨོཾ་སརྦ་ཏ་ཐཱ་ག་ཏ་རཱུ་པ་ཤབྡ་གནྡྷེ་ར་ས་སྤྱནེ་པྲ་ཏིཙྪ་སྭཱ་ཧཱ། ཧཱུྃ་ཧཱུྃ༔ ཇི་ལྟར་མི་དབང་འཁོར་ལོས་སྒྱུར་བ་ནི། །རིན་ཆེན་སྣ་བདུན་ཚོགས་དང་ལྡན་པ་ལྟར། །རྒྱལ་བ་རྣམས་དང་བྱང་ཆུབ་སེམས་དཔའ་ལ། །རིན་ཆེན་སྣ་བདུན་ཚོགས་བཅས་འབུལ་བར་བགྱི།། །ཨོཾ་སརྦ་ཏ་ཐཱ་ག་ཏ་སཔྟ་རཏྣ་པྲ་ཏིཙྪ་སྭཱ་ཧཱ། ཧཱུྃ་ཧྲཱིཿ ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །རྒྱལ་བ་རྣམས་དང་བྱང་ཆུབ་སེམས་དཔའ་ལ། །བཀྲ་ཤིས་རྫས་བརྒྱད་དག་གིས་མཆོད་པར་བགྱི། །ཨོཾ་སརྦ་ཏ་ཐཱ་ག་ཏ་

[Full Size]

ཨཊྚ་མངྒ་ལཾ་དྲ་བྱ་པྲ་ཏིཙྪ་སྭཱ་ཧཱ། རིན་ཆེན་གདུགས་དང་གསེར་ཉ་པདྨ་དུང་། །བུམ་པ་དཔལ་བེའུ་རྒྱལ་མཚན་འཁོར་ལོ་སྟེ། །ལྷ་ཡི་དགའ་ཚལ་མཛེས་པར་བྱེད་པ་ཡི། །བཀྲ་ཤིས་རྟགས་བརྒྱད་དག་ནི་འབུལ་བར་བགྱི། །ཨོཾ་སརྦ་ཏ་ཐཱ་ཏ་ཨབྦ་མངྒ་ལཾ་ཧེ་ཏུ་པྲ་ཏིཙྪ་སྭཱ་ཧཱ།། གཞན་ཡང་ཕྱི་ནང་གསང་བ་དང་། །དེ་བཞིན་མཆོད་བྱ་མཆོད་བྱེད་རྣམས། །ཀུན་བཟང་ཡངས་པའི་ཀློང་དུ་འབུལ། །འཁོར་གསུམ་ཡོངས་དག་དབྱིངས་སུ་བསྔོ། །ཨོཾ་སརྦ་ཏ་ཐཱ་ག་ཏ་སརྦ་པཱུ་ཛ་པྲ་ཏཱིཙྪ་སྭཱ་ཧཱ། ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ། །ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་བའི་འགྲོ་བ་འདི་དག་ཀུན། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་སརྦ་ཏ་ཐཱ་ག་ཏ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། རྒྱལ་བ་ཟླ་བ་དྲི་མ་མེད་པའི་སྐུ། །རྒྱལ་བ་ཉི་མ་འོད་ཟེར་སྟོང་གི་འོད། །རྒྱལ་བ་པདྨ་དྲི་མ་མེད་པའི་སྤྱན། །རྒྱལ་བ་མེ་ཏོག་པད་རྩ་རྡུལ་མེད་ཚེམས། །རྒྱལ་བའི་ཡོན་ཏན་རྒྱ་མཚོ་ལྟ་བུ་སྟེ། །རིན་པོ་ཆེ་ནི་དུ་མའི་འབྱུང་གནས་གྱུར། །རྒྱལ་བ་རྒྱ་མཚོ་ཡེ་ཤེས་ཆུ་ཡིས་གང་། །ཏིང་འཛིན་བརྒྱ་

[Full Size]

ཕྲག་སྟོང་གིས་ཀུན་ཏུ་གང་། །རྒྱལ་བའི་ཞབས་ནི་འཁོར་ལོ་བྲིས་པ་སྟེ། །འཁོར་ཡུག་མུ་ཁྱུད་དེ་བཞིན་རྩིབས་མ་སྟོང་། །ཕྱག་དང་ཞབས་ནི་དྲྭ་བས་སྤྲས་པ་སྟེ། །ཞབས་ཀྱི་དྲྭ་བ་ངང་པའི་དབང་པོ་བཞིན། །གསེར་གྱི་རི་བོ་ལྟ་བུར་རབ་ཏུ་གདའ། །རྒྱལ་བ་དྲི་མེད་གསེར་གྱི་རི་དབང་པོ། །ཡོན་ཏན་ཐམས་ཅད་རི་དབང་འདྲ་བ་སྟེ། །སངས་རྒྱས་རི་དབང་རྒྱལ་ལ་ཕྱག་འཚལ་བསྟོད། །དེ་བཞིན་གཤེགས་པ་ཟླ་བ་ཆུ་ཟླ་འདྲ། །ནམ་མཁའ་དང་ཡང་མཚུངས་ཤིང་འདྲ་བ་སྟེ། །སྒྱུ་མ་སྨིག་སྒྱུ་ལྟ་བུར་ཆགས་པ་མེད། །རྒྱལ་བ་དྲི་མ་མེད་ལ་ཕྱག་འཚལ་བསྟོད། །ཧཱུཾ། ཁྲོ་ཆེན་བདུད་རྩི་འཁྱིལ་བ་ཡི། །སྤྲུལ་པའི་འོད་ཟེར་དགྲ་བགེགས་འདུལ། །དངོས་གྲུབ་བདུད་རྩིའི་རྒྱ་མཚོར་འཁྱིལ། །བགེགས་ཀྱི་སྦྱོར་བ་རྒྱུན་ཆོད་ཅིག །བདག་གི་ཐུགས་ལས་འོད་འཕྲོས་པས། །མདུན་བུམ་ལྷ་ཡི་ཐུགས་རྒྱུད་བསྐུལ། །མདུན་བུམ་གཙོ་བོའི་ཐུགས་ཀ་རུ། །ཟླ་སྟེང་ཧཱུཾ་སེར་སྔགས་ཀྱིས་བསྐོར། །དེ་ལས་འོད་ཟེར་འཕྲོས་པ་ཡིས། །དུས་གསུམ་བདེ་གཤེགས་བྱིན་རླབས་བསྡུས། །བུམ་ལྷར་ཐིམ་པས་བདུད་རྩི་བབ། །བུམ་པའི་ཆུ་དང་དབྱེར་མེད་

[Full Size]

གྱུར། །གཟུངས་འདི་ལན་གཅིག་བརྗོད་པས་ཀྱང་། །བསྐལ་པ་བྱེ་བ་བརྒྱ་ཕྲག་ནས། །བརྒྱད་ཁྲིའི་བར་དུ་བྱས་པ་ཡི། །སྡིག་ལྟུང་ཐམས་ཅད་བྱང་བར་གསུངས། །ཨོཾ་ན་མོ་བྷ་ག་ཝ་ཏེ་ཤཱཀྱ་མུ་ནཱ་ཏ་ཐཱ་ག་ཏཱ་ཡ། ཨདྷ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། བདུན་ནམ་ཉེར་གཅིག་གང་འགྲུབ་དང་། །སྦྱོང་རྒྱུད་གཙུག་དགུ་ནས་གསུངས་སྔགས། །ཨོཾ་མུ་ནི་མུ་ན་ཡེ་སྭཱ་ཧཱ། བརྒྱ་རྩ་ཡན་ཆད་ཅི་འགྲུབ་བཟླ། ཨོཾ་ཨ་མྲྀ་ཏ་ཀུཎྜ་ལི་ཚིནྡྷ་ཚིན་ཧཱུྃ་ཕཊ༔ ལས་བུམ་ལ་དམིགས་ཅུང་ཟད་བཟླ། །དེ་ནས་ཚེ་འདས་གནས་འདྲེན་ནི། །རོའམ་གཟུགས་བྲིས་མདུན་དུ། ཨོཾ་སྭ་བྷ་ཝ་ཤུདྡྷསརྦ་དྷིསྭ་བྷ་ཝ་ཤུདྡྷོཉཧཾ་གིས་སྟོང་པར་སྦྱངས། སྟོང་པའི་ངང་ལས་ཡི་གེ་ནི་ཡིག་ལས་ཚེ་ལས་འདས་པ་དེ་ཉིད༔ གསོན་པོའི་གནས་སྐབས་དང་འདྲ་བ་ལ་བཀྲག་མདངས་འོད་དང་ལྡན་པ༔ ལག་ན་མེ་ཏོག་པདྨ་འདབ་བརྒྱད་བསྣམས་ནས་ཕྱོགས་བཅུའི་བླ་མ་དང་དཀོན་མཆོག་ལ་སྐྱབས་ཞུ་བའི་འདུན་མ་མཛད་པར་གྱུར༔ ན་མོ༔ དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་

[Full Size]

འདུན་གྱི་བཀའ་བདེན་པ་དང་༔ ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཁྱད་པར་དུ་ལྟུང་བཤགས་ཀྱི་ལྷ་ཚོགས་སུམ་ཅུ་སོ་ལྔའི་བཀའ་བདེན་པ་དང་༔ ཆོས་ཉིད་རྣམ་པར་དག་ཅིང་ལས་རྒྱུ་འབྲས་བསླུ་བ་མེད་པའི་མཐུ་དང་ནུས་པ་ལ་བརྟེན་ནས༔ འཇིག་རྟེན་འདི་ནས་ཕ་རོལ་དུ་ཚེ་ལས་འདས་པ་མིང་འདི་ཞེས་བྱ་བའི༔ རྣམ་པར་ཤེས་པས་འོག་ས་སྟེང་ས་བླ༔ མཐོ་སྲིད་པའི་རྩེ་མོ་མན༔ དམའ་ན་རིག་དམྱལ་ཁམས་ཡན་ཆད་གར་གནས་གར་ཡོད་ཀྱང་རང་དབང་མེད་པར་གཟུགས་རྟེན་འདི་དང་གཉིས་སུ་མེད་པར་གྱུར༔ བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ༔ བཛྲ་སྤོ་ཊ་པཾ༔ བཛྲ་གནྡྷེ་ཧོ༔ བཛྲ་ཨཱཿ་བེ་ཤ་ཡ་ཧོ༔ ཞེས་ལན་གསུམ། ཁུ་ཚུར་གཉིས་ཀྱིས་ཧཱུཾ་གཉིས་བཅིངས་ནས་གྱེན་དུ་༈ དགྲོལ་ལྟུང་བ་སློང་བའི་ཕྱག་རྒྱས། ཨོཾ་ཤོ་དྷ་ནི་ཤོ་དྷ་ནི་སརྦ་ཨ་པཱ་ཡ་ཨ་པཱ་ཡ་ཧཱུྃ༔ བསྙམས་པ་ལས་ཨོཾ་ཧཱུྃ་ཨཱཿགསུམ་བརྐྱངས་ཏེ་སྦྱར་ནས་ཕན་ཚུན་འདུད་པ་སྡིག་པ་འཇོམས་པའི་རྒྱས། ཨོཾ་སརྦ་བིད་སརྦ་པཱ་པཾ་ཤོ་དྷ་ནི་ཧཱུཾ། རྒྱ་དེ་ལན་གསུམ་དྲལ་བས། ཨོཾ་སརྦ་བིད་ཏུཊ། དེ་ནས་ལྕོག་རྡོག་གསུམ་བྲན་ལ་རིམ་པར། ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཾ་ཨདྱ་ནུཏྤནྣ་ཏྭ་ཏ་ཨོཾ་ཨཱཿཿཧཱུྃ་ཕཊ་སྭཱ་ཧཱ། གཏོར་མ་སོ་སོའི་

[Full Size]

ཡིད་དང་མཐུན་པའི་ལོངས་སྤྱོད་རྒྱ་ཆེན་པོ་འདིས། གསོན་པོ་རྣམས་ཀྱི་ཚེ་སྲོག་ལ་གནོད་ཅིང་འཆི་ཁ་དབུགས་སྡུད་ཕུང་པོ་བདག་ཏུ་བཟུང་ནས། ཚེ་འདས་ཀྱི་གཟུགས་སུ་སྤྲུལ་ཏེ་ཉེ་འབྲེལ་ལ་གནོད་པ། མཛའ་བཤེས་སུ་སྤྲུལ་ནས་འབོད་ཅིང་ཚེ་འདས་ཐར་པ་ཐོབ་ཏུ་མི་འཇུག་པ། གཤེད་མར་སྤྲུལ་ནས་ངན་སོང་གི་ལམ་སྟོན་ཅིང་གཤིན་རྗེའི་ཡུལ་དུ་ཁྲིད་པར་བྱེད་པ་བདུད་བགེགས་གནོད་སྦྱིན་དང་། ཤ་ཟ་དང་འབྱུང་པོའི་རིགས་དང་། གཤིན་རྗེའི་ཆད་པ་ཞེས་བྱ་བའི་ཡི་དྭགས་དང་། དྲི་ཟ་འཆི་ཁ་མའི་སེམས་ལ་ཉེ་བར་འཇུག་པ་དང་། དྲི་ཟ་ཁྱབ་བྱེད་དང་། དྲི་ཟ་པཱི་ཤ་ཙ་པཎི་རྣམས་ཀྱི་རིགས་དང་། གནོད་སྦྱིན་སྨྲ་འདོད་དང་། གནོད་སྦྱིན་ཝ་ར་ཧི་ཏ་ཀུན་ཏུ་གཏོགས་འདོད་ཅེས་བྱ་བའི་རིགས་སུ་གཏོགས་པ་དཔག་ཏུ་མེད་པ་བསམ་གྱིས་མི་ཁྱབ་པ་ཐུག་པ་མེད་པ། བར་སྣང་ཁམས་ན་གནས་པ་ཐམས་ཅད་ལ་བསྔོའོ། །སྦྱིན་ནོ། །མགུ་ཞིང་ཚིམས་ནས་སྒྱུ་དམིགས་ཡུལ་མིང་དུ་བྲིས་པ་འདི་རྣམས་ལ་གནོད་ཅིང་འཚེ་བ་སྤོངས་ལ་རང་རང་སོ་སོའི་གནས་སུ་སོངས་ཤིག །ཨོཾ་སརྦ་བིགྷཱན་ན་མསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ།

[Full Size]

ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་གྲིདྡེ་དཾ་བ་ལི་ཏ་སྭཱ་ཧཱ། གཡས་གཡོན་དུ་ལན་གསུམ་བསྐོར་ལ་དོར། ཏིང་ལོ་ཆངས་བུ་གསུམ་ཡང་དེ་བཞིན་ལན་གསུམ་བསྐོར་ཞིང་དོར། ཨོཾ་སུཾ་བྷ་ནི་སོགས་ཧཱུྃ་བཞིའི་སྔགས་ལན་གསུམ་བརྗོད། རང་གི་ཐུགས་ཀའི་འོད་ཟེར་གྱིས་ཡེ་ཤེས་ཀྱི་ཁྲོ་བོ་དཔག་ཏུ་མེད་པ་སྤྱན་དྲངས། བཛྲ་ཀྲོ་དྷ་ས་མཱ་ཛཿ ཧཱུྃ༔ བསྒོ་བའི་བཀའ་ལ་མི་ཉན་པའི༔ བགེགས་དང་ལོག་འདྲེན་འབྱུང་པོ་རྣམས༔ ཁྲོ་བོ་བརྩོན་འགྲུས་མཐའ་ཡས་ཀྱིས༔ རྡོ་རྗེ་ཕུར་པས་དམ་དུ་ཐོབ༔ གཙུག་ཏོར་འཁོར་ལོས་སྒྱུར་རྒྱལ་གྱིས༔ བགེགས་ཀྱི་རྫུ་འཕྲུལ་མེད་པར་གྱིས༔ ཁྲོ་བོ་འདོད་པའི་རྒྱལ་པོ་ཡིས༔ དེ་ཡི་བརྩོན་འགྲུས་ཉམས་པར་གྱིས༔ དབྱུག་སྔོན་ཅན་གྱིས་དབྱུག་ཏོས་རྡུངས༔ གནོད་མཛེས་ཀྱིས་ནི་རེངས་པར་གྱིས༔ མི་གཡོ་མགོན་པོས་དམ་དུ་ཆིངས༔ ཡེ་ཤེས་མེ་ཡི་འོད་ཀྱིས་སྲེགས༔ ཨོཾ་སུཾ་བྷ་ནི་སོགས་གསུམ། ཡུངས་དཀར་མེད་ན་ནས་ཐུན་གྱིས་བྲབ་བོ། །དེ་ནས་གཡས་སུ་མར་མེའམ་མེ། གཡོན་དུ་ཆུ་སྣོད། དབུས་སུ་མེ་ལོང་སྟེང་དུ་ཏིལ་ནག་བཞག་ལ། ཚེ་ལས་འདས་པའི་རྐང་མཐིལ་གཉིས་སུ་ཡཾ་ལས་རླུང་གི་དཀྱིལ་འཁོར། ལྟེ་བར་གཏུམ་མོ་ཡེ་ཤེས་ཀྱི་མེ། སྙིང་གར་སྡིག་སྒྲིབ་ཀྱི་ས་བོན་ཀཾ་ནག་པོ་ལ། ལུས་ངག་

[Full Size]

ཡིད་གསུམ་གྱི་སྡིག་སྒྲིབ་ཐམས་ཅད་འདུས་ཏེ་ཡོད་པ། རླུང་གཡོས་ལྟེ་བའི་གཏུམ་མོ་ལས་ཡེ་ཤེས་ཀྱི་མེ་འབར་བས་སྙིང་ཁའི་ཀཾ་དེ་སྡིག་པ་རྭ་ཛའི་རྣམ་པར་སྣ་སྒོ་ནས་ཕྱིར་ཐོན། མདུན་གྱི་ཏིལ་ནག་ལ་ཐིམ་པར་གྱུར། མདུན་གྱི་མེ་ཆུ་བྲན་ལ། ཨོཾ་སྭ་བྷ་སོགས། མེ་ནང་དུ་ཁྲོ་བོ་བྱ་བྱེད་རྡོ་རྗེ་མཁའ་འགྲོ་རྡོ་རྗེ་དང་དྲིལ་བུ་འཛིན་པ་ཞལ་ཤིན་ཏུ་གདངས་བའི་ནང་དུ་སྡིག་གཟུགས་བསྲེགས་པར་གྱུར། ཏིལ་ཚེ་འདས་ལ་པད་ཀོར་བཅས་ཀྱིས་བསྐོར་ཞིང་ལན་དགུར་བསྲེག་ཅིང་། ཨོཾ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི། སརྦ་པཱ་པཾ་ད་ཧ་ན་བྷསྨིན་ཀུ་རུ་སྭཱ་ཧཱ། དགུ། བཛྲ་མུཿ མི་དམིགས་པར་བསམ། བདེ་གཤེགས་སུམ་ཅུ་སོ་ལྔའི་སྐུའི་འོད་ཟེར་གྱིས་སྡིག་སྒྲིབ་རྣམས་བ་མོ་ལ་ཉི་ཟེར་ཕོག་པ་ལྟར་བསམ་ཞིང་། ཨོཾ་སརྦ་པཱ་པཾ་ད་ཧ་ན་བཛྲ་ཧཱུྃ་ཕཊ། ཨོཾ་སརྦ་པཱ་པཾ་བི་ཤོ་དྷ་ནེ་བཛྲ་ཧཱུྃ་ཕཊ། ཨོཾ་སརྦ་ཀརྨ་ཨཱཿ་བ་ར་ཎ་ནི་བྷསྨི་ཀུ་རུ་ཧཱུྃ་ཕཊ། ཨོཾ་ཧཱུཾ་བི་ནཱ་ཤ་ཡ་ཨཱཿ་བ་ར་ཎ་ནི་བཛྲ་ཧཱུྃ་ཕཊ། ཨོཾ་ཧཱུྃ་བི་ཤོ་དྷ་ཡ་ཨཱཿ་བ་ར་ཎཱ་ནི་བཛྲ་ཧཱུྃ་ཕཊ། ༀ་ཛ་ཀླུ་ལ་ཛཱ་ལ་དྷ་ཀ་དྷ་ཀ་ཧ་ན་ཧ་ན་ཨཱཿ་བ་ར་ཎཱ་ནི་ཧཱུཾ་ཕཊ། ཨོཾ་སྭ་ས་ར་ས་ར་པྲ་ས་ར་པྲ་ས་རཾ་སརྦ་ཨཱཿ་བ་ར་ཎཱ་ནི་ཧཱུཾ་ཕཊ། ཨོཾ་ཧཱུཾ་ཧ་ར་ཧ་ར་སརྦ་ཨཱཿ་བ་ར་ཎཱ་ནི་ཧཱུཾ་ཕཊ། ཨོཾ་ཧཱུཾ་ཕཊ་སརྦ་ཨཱཿ་

[Full Size]

བ་ར་ཎཱ་ནི་སྤོ་ཊ་ཡ་ཧཱུྃ་ཕཊ། ཨོཾ་བྲི་ཏ་ཧྲི་ཏ་སརྦ་ཨཱཿ་བ་ར་ཎཱ་ནི་ཧཱུཾ་ཕཊ། ཨོཾ་ཏྲཊ་ཏྲཊ་སརྦ་ཨཱཿ་བ་ར་ཎཱ་ནི་ཧཱུཾ་ཕཊ། ཨོཾ་ཚིནྡྷ་ཚིན་སརྦ་ཨཱཿ་བ་ར་ཎཱ་ནི་ཧཱུཾ་ཕཊ། ཨོཾ་ད་ཧ་ད་ཧ་སརྦ་ན་ར་ཀ་ག་ཏེ་ཧེ་ཏུ་ཧཱུྃ་ཕཊ༔ ཨོཾ་པ་ཙ་པ་ཙ་སརྦ་པྲ་ཏ་ཀ་ག་ཏེ་ཧེ་ཏུཾ་ཧཱུྃ་ཕཊ། ཨོཾ་མ་ཐ་མ་ཐ་སརྦ་ཏིརླ་ཀ་ག་ཏེ་ཧེ་ཏུཾ་ཧཱུྃ་ཕཊ། ཞེས་བྱེ་མས་བྲབ། དཀྱིལ་འཁོར་རམ་གསེར་སྐུ་མེ་ལོང་ངོས་ལ་འཆར་བ་ལ་ཁྲུས་བྱ་ཞིང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་སུམ་ཅུ་རྩ་ལྔ་ལ་ཡོ་བྱད་ཐམས་ཅད་དང་ལྡན་པའི་སྐུ་ཁྲུས་འདི་གསོལ་བར་བགྱིའོ། །ཧཱུཾ། རྒྱལ་བའི་སྐུ་ལ་ཉེས་སྐྱོན་མི་མངའ་ཡང་། །སེམས་ཅན་སྒོ་གསུམ་དྲི་མ་སྦྱང་སླད་དུ། །ཆུ་གཙང་འདག་ཆལ་སྨན་སྤོས་ཁྲུས་བགྱིས་པས། །སེམས་ཅན་སྒོ་གསུམ་དྲི་མ་དག་གྱུར་ཅིག །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བི་ཤོ་དྷ་ནེ་སྭཱ་ཧཱ། ཁམས་གསུམ་ཀུན་གྱིས་ཕྱག་བྱས་པ། །གསང་བ་གསུམ་གྱི་གནས་ལས་བྱུང་། །དབང་བསྐུར་བ་ནི་རྡོ་རྗེ་ཆེ། །མི་ལྡོག་པ་ཡིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བི་ཤོ་དྷ་ནེ་སྭཱ་ཧཱ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་

[Full Size]

གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བི་ཤོ་དྷ་ནེ་སྭཱ་ཧཱ། ཇི་ལྟར་དམ་པ་ཏོག་དཀར་དགའ་ལྡན་ནས། །ལྷ་མཛེས་ལྷུམས་ནས་བལྟམས་ཚེ་ཁྲུས་གསོལ་ལྟར། །སྐུ་གདུང་རིང་བསྲེལ་དྲི་མ་མེད་པར་གྱུར། །སྤྲུལ་སྐུ་ཡིད་འོང་རྣམས་ལ་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བི་ཤོ་དྷ་ནེ་སྭཱ་ཧཱ། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་སྩོལ་བར་མཛོད། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བི་ཤོ་དྷ་ནེ་སྭཱ་ཧཱ། དེ་བཞིན་གཤེགས་དང་དེ་ཡི་སྲས་རྣམས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བས་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བི་ཤོ་དྷ་ནེ་སྭཱ་ཧཱ། གོས་འབུལ་བ་ནི། ཧཱུྃ་ཧཱུྃ༔ སྣ་སྤྱཚོགས་དབང་པོའི་གཞུ་བཞིན་རབ་བཀྲ་བ། །གང་ལ་རེག་ན་བདེ་བའི་རྒྱུར་གྱུར་པའི། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་

[Full Size]

པར་ཤོག །ཨོཾ་སརྦ་ཏ་ཐཱ་ག་ཏ་ཝསྐུ་ཨཱཿཧཱུྃ། ཁྲུས་ཆུ་བུམ་པ་གཞན་དུ་བླུགས་ལ་བུམ་པ་གཞན་མེད་ཀྱང་དེ་གས་རུང་། དམིགས་རྟེན་བཀྲུ་ཞིང་། ཧཱུཾ། གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པ། །ཆོས་ཀྱི་དབྱིངས་ཀྱི་ཡེ་ཤེས་ཀྱིས། །དཔལ་ལྡན་སྐུ་ཡི་ཁྲུས་གསོལ་ལོ། །གཟུངས་སྔགས་རིང་ཐུང་གང་རུང་གི་མཇུག་ཏུ། ཚེ་ལས་འདས་པའི་སྡིག་སྒྲིབ་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། འོག་གི་ཚིག་མཚམས་ཀུན་ལ་འགྲེའོ། །ཧཱུཾ། ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པ། །མཉམ་པ་ཉིད་ཀྱི་ཡེ་ཤེས་ཀྱིས། །དཔལ་ལྡན་ཡོན་ཏན་ཁྲུས་གསོལ་ལོ། །གཟུངས་མཐར། ཚེ་ལས་འདས་པའི་སྡིག་སྒྲིབ་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཧཱུྃ་འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པ། །སོ་སོར་རྟོག་པའི་ཡེ་ཤེས་ཀྱིས། །དཔལ་ལྡན་གསུང་གི་ཁྲུས་གསོལ་ལོ། །གཟུངས་མཐར། ཚེ་ལས་འདས་པའི་སྡིག་སྒྲིབ་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཧཱུྃ། འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པ། །བྱ་བ་གྲུབ་པའི་ཡེ་ཤེས་ཀྱིས། །དཔལ་ལྡན་ཕྲིན་ལས་ཁྲུས་གསོལ་ལོ། །

[Full Size]

གཟུངས་མཐར། ཚེ་ལས་འདས་པའི་སྡིག་སྒྲིབ་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། །ཧཱུྃ། རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པ། །མེ་ལོང་ལྟ་བུའི་ཡེ་ཤེས་ཀྱིས། །དཔལ་ལྡན་ཐུགས་ཀྱི་ཁྲུས་གསོལ་ལོ། །གཟུངས་མཐར། ཚེ་ལས་འདས་པའི་སྡིག་སྒྲིབ་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཧཱུྃ། འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱང་སླད་དུ། །སྦྱིན་པའི་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ལ་ཕྱག་འཚལ་ལོ། །ཧཱུཾ། འདི་ནི་ཚུལ་ཁྲིམས་རང་བཞིན་ཆུ་། །འཆལ་བའི་དྲི་མ་སྦྱང་སླད་དུ། །ཚུལ་ཁྲིམས་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ལ་ཕྱག་འཚལ་ལོ། །འདི་ནི་བཟོད་པའི་རང་བཞིན་ཆུ། །ཁོང་ཁྲོའི་དྲི་བམ་སྦྱང་སླད་དུ། །བཟོད་པ་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ལ་ཕྱག་འཚལ་ལོ། །འདི་ནི་བརྩོན་འགྲུས་རང་བཞིན་ཆུ། །ལེ་ལོའི་དྲི་མ་སྦྱང་སླད་དུ། །བརྩོན་འགྲུས་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ལ་ཕྱག་འཚལ་ལོ། །འདི་ནི་བསམ་གཏན་རང་བཞིན་ཆུ། །རྣམ་གཡེང་དྲི་མ་སྦྱང་སླད་དུ། །བསམ་གཏན་དྲི་

[Full Size]

ཡིས་ལེགས་བགོས་ཆུས། །ཁྲུས་ལེགས་མཛད་ལ་ཕྱག་འཚལ་ལོ། །འདི་ནི་ཤེས་རབ་རང་བཞིན་ཆུ། །ཤེས་འཆལ་དྲི་མ་སྦྱང་སླད་དུ། །ཤེས་རབ་དྲི་ཡིས་ལེགས་བགོས་ཆུས་། །ཁྲུས་ལེགས་མཛད་ལ་ཕྱག་འཚལ་ལོ། །གཟུངས་མཐར། ཚེ་ལས་འདས་པའི་སྡིག་སྒྲིབ་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །དཀོན་མཆོག་གསུམ་པོ་དུག་མི་མངའ། །དཀོན་མཆོག་བདེན་པས་དུག་བཅོམ་མོ། །གཟུངས་དང་། དམིགས་ཡུལ་གྱི་དུག་གསུམ་གྱི་སྒྲིབ་པ་ཐམས་ཅད་ཤཱནྟཾ་ཀུ་རུ་སྭཱ་ཧཱ། འབྱུང་བཞི་དུག་གི་ཕ་ཡང་ཡིན། །འབྱུང་བཞི་དུག་གི་མ་ཡང་ཡིན། །བདེན་པའི་བདེན་ཚིག་འདི་དག་གིས། །ཚེ་འདས་དུག་ནི་དུག་མེད་ཤོག །གཟུངས་དང་། དམིགས་ཡུལ་གྱི་འབྱུང་བ་དང་འབྱུང་བ་ལས་གྱུར་པའི་དུག་ཐམས་ཅད་ཤཱནྟིཾ་ཀུ་རུ་སྭཱ་ཧཱ། སངས་རྒྱས་བསོད་ནམས་མཐུ་དག་དང་། །ལྷ་རྣམས་ཀུན་གྱི་བསམ་པ་ཡིས། །ཁྱོད་ཀྱི་འདོད་དོན་གང་ཡིན་པ། །དོན་དེ་དེ་རིང་འགྲུབ་གྱུར་ཅིག །རྐང་གཉིས་ཁྱེད་ཅག་བདེ་ལེགས་ཤོག །རྐང་བཞི་ཁྱེད་ཅག་བདེ་ལེགས་ཤོག །ཁྱེད་

[Full Size]

ཅག་ལམ་འགྲོ་བདེ་ལེགས་ཤོག །ཕྱིར་འོང་དག་ཀྱང་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་ཤོག །ཁྱོད་ལ་སྡིག་པར་མ་གྱུར་ཅིག །དམིགས་ཡུལ་མི་མཐུན་པའི་ཕྱོགས་ཐམས་ཅད་ལས་རྒྱལ་བར་གྱུར་ཅིག །དེ་ཡང་བར་དོ་རྩ་བའི་ཚིག་ལས། ཀྱཻ༔ མ་བདག་ལ་སྲིད་པ་བར་དོ་འཆར་དུས་འདིར༔ འདུན་པ་རྩེ་གཅིག་སེམས་ལ་བཟུང་བྱས་ནས༔ བཟང་པོ་ལས་ཀྱི་འཕྲོ་ལ་ནན་གྱིས་མཐུད༔ ཅེས་དང་། གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །ཞེས་གསུངས་པས། ཁྱེད་རང་གི་མདུན་གྱི་ནམ་མཁར་རང་གི་རྩ་བའི་བླ་མ་དེ་ཉིད་ངོ་བོ་བླ་མ་ཡིན་པ་ལ། རྣམ་པ་བཅོམ་དས་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པར་བསྒོམ། དེ་ལ་དཀྱིལ་འཁོར་ནང་མ་ལ་སངས་རྒྱས་བཞིས་བསྐོར་བ། དེའི་ཕྱི་རིམ་གསུམ་ལ་སངས་རྒྱས་སུམ་ཅུས་ཀླུ་བསྐོར་བ། སྟེང་གི་ནམ་མཁའ་ལ་རྫོགས་ཆེན་བརྒྱུད་པའི་བླ་མ་རྣམས་དང་། གཞན་ཡང་ཡི་དམ་མཁའ་འགྲོ་ཆོས་སྐྱོང་སྲུང་མ་ཐམས་ཅད་འཇའ་སྤྲིན་འཐིབས་པ་ལྟ་བུར་བཞུགས་

[Full Size]

པའི་དྲུང་དུ། ཚེ་འདས་ཁྱེད་རང་གི་ཕྱག་འཚོལ་ཞིག་དང་། ཁྱེད་ཀྱི་གྲོགས་ལྡན་དུ་དམིགས་ནས་ངེད་དཔོན་སློབ་དང་། ཁོང་གཉེན་འདུན་རྣམས་ཀྱིས་ཀྱང་ཕྱག་འཚལ་བར་བྱེད་པ་ཡིན་ནོ། །ཉེ་དུ་སེམས་བརྩེ་བ་ལ་ཕྱག་འཚལ་བཅུག །རང་གིས་ཀྱང་ཐལ་མོ་སྦྱར་ཏེ་མགོ་བོ་འདུད་པ་རེ་དང་བཅས། ཚེ་ལས་འདས་པ་རྨི་དུས་རྟག་པར་བླ་མ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །སོགས་དང་། རི་དབང་གི་རྒྱལ་པོ་ལ་ཕྱག་འཚལ་ལོ། །བར་བརྗོད། དེ་དག་ཀུན་ལ་ཕྱག་འཚལ་བས། །སྡིག་སྒྲིབ་མ་ལུས་དག་པར་གྱུར། །མི་མཆོག་རྒྱལ་བ་ཚེགང་དག་ད་ལྟར་བཞུགས་པ་དང་། །གང་དག་འདས་པ་དག་དང་དེ་བཞིན་གང་མ་བྱོན། །ཡོན་ཏན་བསྔགས་པ་མཐའ་ཡས་རྒྱ་མཚོ་འདྲ་ཀུན་ལ། །ཐལ་མོ་སྦྱར་བར་བགྱིས་ཏེ་སྐྱབས་སུ་ཉེ་བར་མཆིའོ། །ད་ཚེ་ལས་འདས་པ་ཁྱོད་རང་གི་སྡིག་པ་ཐམས་ཅད་བཤགས་པའི་མོས་པས་ངེད་ཀྱི་ལད་མོ་གྱིས། དེ་བཞིན་གཤེགས་པ་སུམ་ཅུ་རྩ་ལྔ་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་གང་ཇི་སྙེད་ཅིག་བཞུགས་ཏེ་འཚོ་ཞིང་

[Full Size]

བཞེས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་བདག་ལ་དགོངས་སུ་གསོལ། བདག་གིས་སྐྱེ་བ་འདི་དང་སྐྱེ་བ་ཐོག་མ་དང་ཐ་མ་མ་མཆིས་པ་ནས་འཁོར་བ་ན་འཁོར་བའི་སྐྱེ་གནས་ཐམས་ཅད་དུ་སྡིག་པའི་ལས་བགྱིས་པ་དང་། བགྱིད་དུ་བསྩལ་བ་དང་། བགྱིས་པ་ལ་རྗེས་སུ་ཡི་རང་བའམ། མཆོད་རྟེན་གྱི་དཀོར་རིམ། དགེ་འདུན་གྱི་དཀོར་རམ། ཕྱོགས་བཅུའི་དགེ་འདུན་གྱི་དཀོར་འཕྲོག་པ་དང་། འཕྲོག་ཏུ་བསྩལ་བ་དང་། འཕྲོག་པ་ལ་རྗེས་སུ་ཡི་རང་བའམ། མཚམས་མ་མཆིས་པ་ལྔའི་ལས་བགྱིས་པ་དང་། བགྱིད་དུ་བསྩལ་བ་དང་། བགྱིས་པ་ལ་རྗེས་སུ་ཡི་རང་བའམ། མི་དགེ་བ་བཅུའི་ལས་ཀྱི་ལམ་ཡང་དག་པར་བླང་བ་ལ་ཞུགས་པ་དང་། འཇུག་ཏུ་བསྩལ་བ་དང་། འཇུག་པ་ལ་རྗེས་སུ་ཡི་རང་བའམ། ལས་ཀྱི་སྒྲིབ་པ་གང་གིས་བསྒྲིབས་ནས། བདག་སེམས་ཅན་དམྱལ་བར་མཆི་བའམ། དུད་འགྲོའི་སྐྱེ་གནས་སུ་མཆི་བའམ། གླུ་ཡི་དྭགས་ཀྱི་ཡུལ་དུ་མཆི་བའམ། ཡུལ་མཐའ་འཁོབ་ཏུ་སྐྱེ་བའམ། ཀླ་ཀློར་སྐྱེ་བའམ། ལྷ་ཚེ་རིང་པོ་རྣམས་སུ་སྐྱེ་བའམ། དབང་པོ་མ་ཚང་བར་འགྱུར་བའམ། ལྟ་བ་ལོག་

[Full Size]

པར་འཛིན་པར་འགྱུར་བའམ། སངས་རྒྱས་འབྱུང་བ་ལ་མཉེས་པར་མི་བགྱིད་པར་འགྱུར་བའི་ལས་ཀྱི་སྒྲིབ་པ་གང་ལགས་པ་དེ་དག་ཐམས་ཅད་སངས་རྒྱས་བཅོམ་ལྡན་འདས་ཡེ་ཤེས་སུ་གྱུར་པ། སྤྱན་དུ་གྱུར་པ། དཔང་དུ་གྱུར་པ། ཚད་མར་གྱུར་པ། མཁྱེན་པ་གཟིགས་པ་དེ་དག་གི་སྤྱན་སྔར་མཐོལ་ལོ་འཆགས་སོ། །མི་འཆབ་བོ། །མི་སྦེད་དོ། །སླད་ཆད་ཀྱང་གཅོད་ཅིང་བསྡོམ་པར་བགྱིད་ལགས་སོ། །བདག་གམ། གཞན་ནམ། ཚེ་འདས་ལུས་ཀྱི་ལས་ནི་རྣམ་པ་གསུམ། །ངག་གི་རྣམ་པ་བཞི་དག་དང་། །གང་ཡང་ཡིད་ཀྱི་རྣམ་གསུམ་པོ། །མི་དགེ་བཅུ་པོ་སོ་སོར་བཤགས། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །བདག་དང་སེམས་ཅན་ཀུན་གྱི་སྡིག་པའི་ལས། །ཉེས་པར་གྱུར་གང་མཐོལ་ཞིང་བཤགས་པར་བགྱི། །སླད་ཆད་ནམ་ཡང་བགྱིད་པར་མ་གྱུར་ཅིག །ལས་ཀྱི་སྒྲིབ་པའམ་གཏན་དུ་ཟད་བྱེད་ཤོག །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་

[Full Size]

པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་།དབང་གིས་བྱས་པ་དག །དེ་ཡིས་ལྟུང་བ་བཤགས་པ་འདི་བརྗོད་པོས། །དེ་དག་མ་ལུས་ཡོངས་སུ་བྱང་བར་འགྱུར། །དེ་ལས་བཟང་པོའི་འཕྲོ་མཐུད་ནས། དཀྱིལ་འཁོར་དུ་འཇུག་ཅིང་དབང་ཞུ་བའི་ཕྱིར་མཎྜལ་དང་རྗེས་ཟློས་རྣམས་ཀྱི་ལད་མོ་གྱིས། ས་གཞི་སྤོས་སོགས། ཨེ་མ་བླ་མ་རིན་པོ་ཆེ༔ དཀོན་མཆོག་གསུམ་གྱི་ངོ་བོ་ཉིད༔ བདག་ཅག་འཁོར་བའི་བཙོན་རར་ཚུད༔ འདི་ལ་ཐུགས་རྗེས་གཟིགས་སུ་གསོལ། དབང་མཆོག་དམ་པ་བསྩལ་དུ་གསོལ༔ བླ་མས་ལན་གདབ་པ༔ ཧོ༔ བུ་ཁྱོད་སུ་ཡིན་ཅི་ཞིག་བྱ༔ གསང་སྔགས་ཟབ་མོའི་དཀྱིལ་འཁོར་འདིར༔ འཇུག་པའི་སྐལ་ལྡན་ལས་འཕྲོ་ཅན༔ བརྒྱ་ལམ་ན་ནི་རེས་འགའ་ཙམ༔ རྩ་གསུམ་དམ་ཚིག་བསྲུང་ནུས་སམ༔ ཡང་སློབ་བུས་ཞུ་བ་འདིའི་རྗེས་ཟློས༔ བདག་ནི་རིགས་ཀྱི་བུ་གཅིག་ཡིན༔ སྔོན་སྦྱངས་ལས་འཕྲོ་ཅན་ཡིན་ནོ༔ རྩ་བའི་དམ་ཚིག་བདག་གིས་བསྲུང་༔ ཐུགས་རྗེས་དགོངས་ལ་དབང་བསྐུར་ཞུ༔ ཞེས་བླ་མ་དང་དཀྱིལ་འཁོར་ལ་ཕྱག་དང་བསྐོར་བ་

[Full Size]

ལན་གསུམ་བྱས་པའི་མོས་པ་མཛོད། མིག་དར་བཀབ་ལ། ཧོ༔ རྩ་གསུམ་བླ་མའི་དཀྱིལ་འཁོར་འདིར༔ རང་རིག་སྣང་བའི་མེ་ཏོག་འབུལ༔ སྔོན་ནས་ལས་འཕྲོ་ཡོད་པ་ཡི༔ ཡི་དམ་ལྷ་ལ་འབབ་པར་ཤོག༔ མེ་ཏོག་དཀྱིལ་འཁོར་ནང་དུ་དོར༔ ཁྱོད་ཀྱི་མིང་ནི་དྲི་མེད་རྡོ་རྗེའོ༔ ཨོཾ་སྭ་བྷ་ཝ་སོགས།། སྟོང་པའི་ངང་ལས་ཚེ་འདས་ཉིད་་ཚེ་ལྡན་ཉིད། མཆན། བཅོམ་ལྡན་ཤཱཀྱའི་རྒྱལ་པོ་ནི༔ གསེར་མདོག་ས་གནོན་མཉམ་བཞག་མཛད༔ གནས་གསུམ་འབྲུ་གསུམ་ཧཱུཾ་འོད་ཀྱིས༔ འོག་མིན་གནས་ནས་དེ་བཞིན་གཤེགས༔ སུམ་ཅུ་སོ་ལྔ་ཆར་བཞིན་བབས༔ ཁྱེད་དང་དབྱེར་མེད་གཅིག་ཏུ་གྱུར༔ ཨོཾ་སརྦ་ཏ་ཐཱ་ག་ཏ་བཛྲ་ཨཱཿ་ཝེ་ཤ་ཡ་ཨ་ཨཱཿ དྲིལ་བུ་འཁྲོལ་ཞིང་ལན་མང་བརྗོད༔ བརྟན་ཕྱིར་རྡོ་རྗེ་སྤྱི་བོར་བཞག །ཏིཥྛ་བཛྲ༔ ཧོ༔ ཇི་ལྟར་མིག་མཁན་མིག་འབྱེད་ལྟར༔ ཁྱོད་ཀྱི་མ་རིག་ལིང་ཏོག་ནི༔ རིག་པའི་ངང་དུ་ད་དབྱེ་བས༔ དཀྱིལ་འཁོར་ལྷ་ལ་ལེགས་པར་ལྟོས༔ ཨོཾ་བཛྲ་པ་ཤྱ་ཧོ༔ ཅེས་ལྷ་ངོ་སྤྲད་དོ༔ བུམ་པ་བཟུང་ལ་དབྱངས་དང་བཅས༔ ཧཱུྃ༔ རིན་ཆེན་བུམ་པ་གཞལ་ཡས་ཁང་༔ ལྟུང་བ་བཤགས་པའི་ལྷ་ཚོགས་བཞུགས་རིགས་ཀྱི་བུ་ལ་དབང་བསྐུར་བས༔ ལྷ་དབང་

[Full Size]

ནཾ༔ ལུས་ལ་ཐོབ་པར་ཤོག༔ ཨོཾ་སརྦ་ཏ་ཐཱ་ག་ཏ་བཛྲ་ཨ་བྷི་ཥིཉྩ་ཨཱཿཧཱུྃ༔ ཧཱུྃ༔ རྒྱལ་པ་རབ་འབྱམས་ཅོད་པན་དབང་༔ སྐལ་ལྡན་ཁྱོད་ལ་བསྐུར་བར་བྱ༔ བྱང་ཆུབ་ཆེན་པོ་བསྒྲུབ་པར་གྱིས༔ ཅོད་པན་དབང་ནི་ཁྱོད་ཀྱིས་ལོངས༔ རཏྣ་ཨ་བྷི་ཥིཉྩ་ཧཱུྃ༔ ཧཱུྃ༔ སངས་རྒྱས་ཀུན་གྱི་རྡོ་རྗེའི་དབང་༔ མི་ཕྱེད་རྡོ་རྗེ་གསང་བ་ལས༔ སྐལ་ལྡན་བུ་ལ་འདི་བསྐུར་བས༔ རྡོ་རྗེའི་དབང་ནི་ཁྱོད་ཀྱིས་ལོངས༔ པདྨ་ཨ་བྷི་ཥིཉྩ་ཧཱུྃ༔ ཧཱུྃ༔ ཐབས་དང་ཤེས་རབ་གཉིས་མེད་པའི༔ འགྲོ་དོན་མཉམ་ཉིད་དྲིལ་བུའི་དབང་༔ སྐལ་ལྡན་བུ་ལ་འདི་བསྐུར་བས༔ དྲིལ་བུའི་དབང་ནི་ཁྱོད་ཀྱིས་ལོངས༔ ཀརྨ་ཨ་བྷི་ཥིཉྩ་ཨཱཿ ཧཱུྃ༔ རྡོ་རྗེ་མིང་གི་དབང་བསྐུར་ནི༔ སྐལ་ལྡན་ཁྱོད་ལ་སྦྱིན་པར་བྱ༔ ཅིས་ཀྱང་མི་ཆོད་མི་ཤིགས་པ༔ མིང་གི་དབང་ནི་སྦྱིན་པར་བྱ༔ ཁྱོད་ཀྱི་མིང་ནི་དྲི་མེད་རྡོ་རྗེ་ཞེས་བྱའོ༔ དེ་ལྟར་ཐུན་མོང་རིག་པའི་དབང་ལྔ་བསྐུར་བས་དུག་ལྔའི་ཕུང་པོ་ཀླུགནས་དག༔ ཡེ་ཤེས་ལྔ་དང་སྐུ་ལྔ་རང་བཞིན་ལྷུན་གྲུབ་ཀྱི་དབང་ཐོབ་སྟེ༔ སེམས་ཅན་གྱི་དོན་ཐོགས་པ་མེད་པར་འབྱུང་བར་གྱུར་ཅིག༔ དེ་ནས་གསུང་ཡིག་འབྲུ་ལ་ཨཱཿ་ལི་ཀཱ་ལིས་བསྐོར་བ་

[Full Size]

ངག་ལ་ཐིམ་པའི་མོས་པ་གྱིས༔ ཧཱུྃ༔ དུས་གསུམ་རྒྱལ་བའི་སྒྲ་དབྱངས་ནི༔ ཐབས་ཤེས་ཡིག་འབྲུའི་རྣམ་པ་ཅན༔ མ་ངེས་ཁ་དོག་སྣ་ཚོགས་པ༔ ཨཱཿ་ལི་ཀཱ་ལི་བཞི་བཅུ་བརྒྱད༔ ཡིག་འབྲུ་གསུང་གི་དབང་ཐོབ་ཤོག༔ ཡིག་བརྒྱ་དང་ཨཱཿ་ལི་ཀཱ་ལི་རྟེན་འབྲེལ་སྙིང་པོ་དང་བཅས་པ་བཟླ་ཞིང་མགྲིན་པར་བསྐུར༔ ཕྱག་མཚན་ལྔའི་ཙཀླུ་སྙིང་ཁར་བཞག་ལ༔ ཧཱུྃ༔ དུས་གསུམ་རྒྱལ་བའི་དཀྱིལ་འཁོར་ནི༔ རྡོ་རྗེ་རིན་ཆེན་པདྨ་དང་༔ རལ་གྲི་འཁོར་ལོ་རྣམ་པ་ལྔ༔ གཞན་ཡང་ཕྱག་འཚལ་བསམ་མི་ཁྱབ༔ ཐུགས་མཆོག་དབང་བསྐུར་ཐོབ་པར་ཤོག༔ དེ་ནས་ཐིག་ཟླུལེ་དཀར་སེར་དམར་ལྗང་སྔོ་བ་རྣམས་ལྟེ་བའི་གནས་སུ་བཞག་ལ༔ ཧཱུྃ༔ སྲིད་པ་ཆགས་བྱེད་ལྟེ་བ་ལ༔ ཁ་དོག་ལྔ་ཡི་དབང་བསྐུར་བས༔ ཉོན་མོངས་བག་ཆགས་རྩད་ནས་འབྱིན༔ རྩ་མདུད་ཐམས་ཅད་རང་གྲོལ་ནས༔ ཡོན་ཏན་རང་བཞིན་རྒྱས་པར་ཤོག༔ ས་ཆུ་མེ་རླུང་ནམ་མཁའི་གཟུགས་དབྱིབས་ལྔའི་ཙཀ་ལི་གསང་གནས་སུ་བཞག་ལ༔ ཧཱུྃ༔ ཕྱི་ནང་དབྱེར་མེད་ཟང་ཐལ་ཡང་འབྱུང་བ་ལྔ་ནི་སོ་སོར་གསལ༔ གང་ལ་གང་འདུལ་དེ་ལ་དེར་སྟོན་པ༔ འབྱུང་བས་གར་ཁྱབ་དེ་ཉིད་དུ༔ དམ་པའི་ཆོས་ཀྱིས་ཁྱབ་པར་ཤོག༔ བསྡུ་ན་དེས་ཆོག་ལ་

[Full Size]

རྒྱས་པར་སྤྲོ་ན་བཀྲ་ཤིས་རྫས་རྟགས་རྒྱལ་སྲིད་སྣ་བདུན་རྣམས་ཀྱིས་མཐའ་རྟེན་བྱའོ། །ཐེག་པ་སྤྱི་དབང་ནས་ཁོལ་འདོན་རུང་བར་གསུངས་པ་ལྟར་ཡིན་པས་འདི་གུད་དུ་ཐོབ་མི་དགོས་སོ། །དེ་ནས་དབང་གི་མཐའ་རྟེན་ནི། བཀྲ་ཤིས་རྟགས་བརྒྱད་ཀྱི་དབང་ལ༔ ཧཱུྃ༔ སྐྱོབ་བྱེད་གསེར་གདུགས་བླ་ན་མེད༔ འགྲོ་བའི་ཚ་གདུང་སེལ་བར་ཤོག༔ གསེར་ཉ་ཤེས་རབ་མིག་དང་ལྡན༔ འཁོར་འདས་ཆོས་རྣམས་འབྱེད་པར་ཤོག༔ ཆོས་དུང་གཡས་འཁྱིལ་རང་སྒྲ་སྒྲོག༔ སྟོང་གསུམ་སྙན་གྲགས་ལྡན་པར་ཤོག༔ པདྨ་དྲི་བྲལ་མདངས་དང་ལྡན༔ ཆོས་རྣམས་ཀུན་གྱི་ཆར་འབེབ་ཤོག༔ བུམ་པ་དགོས་འདོད་རེ་བ་བསྐང་༔ འགྲོ་རྣམས་སྨིན་ཅིང་གྲོལ་བར་ཤོག༔ རྒྱལ་མཚན་མི་ནུབ་བརྟན་པའི་དཔལ༔ སངས་རྒྱས་བསྟན་པ་འཛིན་པར་ཤོག༔ དཔལ་གྱི་བེའུ་འོད་འབར་ཆེ༔ འཁྲུལ་མེད་ཐུགས་དང་ལྡན་པར་ཤོག༔ འཁོར་ལོ་རྩིབས་བརྒྱད་ཕྱག་ཞབས་མཚན༔ མི་ཤིགས་རྡོ་རྗེ་བརྟན་པར་ཤོག༔ མངྒ་ལཾ་ཨ་བྷི་ཥིཉྩ་ཧཱུྃ༔ སླར་ཡང་བཀྲ་ཤིས་རྫས་བརྒྱད་ཀྱི་དབང་ནི༔ ཧཱུྃ༔ མེ་ལོང་ཡེ་ཤེས་རྒྱ་མཚོ་ཆེན་པོ་སྟེ༔ ཀུན་མཁྱེན་ཀུན་གཟིགས་ཆོས་ལ་དབང་ཐོབ་ཤོག༔ ཨཱཿ་དར་ཨ་བྷི་ཥིཉྩ་ཧཱུྃ༔ ཧཱུྃ༔ ལི་ཁྲི་

[Full Size]

མཚལ་ཆེན་དབང་གི་རང་བཞིན་ཏེ༔ ཁམས་གསུམ་སྐྱེ་འགྲོ་དབང་དུ་འདུས་པར་ཤོག༔ པདྨ་ལི་ཁྲི་ཨ་བྷི་ཥིཉྩ་ཧཱུྃ༔ ཧཱུྃ༔ གི་ཝཾ་དུག་གསུམ་སེལ་བ་སྨན་གྱི་མཆོག༔ རྒྱུ་འབྲས་ནད་རྣམས་ཞི་བའི་དབང་ཐོབ་ཤོག༔ དུ༔ཁ་ཤཱནྟཾ་ཀུ་རུ་ཡེ་ཨ་བྷི་ཥིཉྩ་ཧཱུྃ༔ ཧཱུྃ༔ ཡུངས་དཀར་དྲག་པོའི་རྫས་མཆོག་དམ་པ་འདིས༔ བར་ཆད་གདོན་བགེགས་ཞི་བའི་དབང་ཐོབ་ཤོག༔ ཛཤྲཱི་ཤཱནྟིཾ་ཀུ་རུ་ཡེ་ཨ་བྷི་ཥིཉྩ་མཾ༔ ཧཱུྃ༔ རྩ་མཆོག་དཱར་བས་ཚེ་ཡི་དངོས་གྲུབ་སྟེར༔ འཆི་མེད་བསོད་ནམས་རྒྱས་པའི་དབང་ཐོབ་ཤོག༔ ཨཱཿ་ཡུ་ཥེ་ཨ་བྷི་ཥིཉྩ་ཧཱུྃ་ཧཱུྃ༔ འོ་མ་ཞོ་ནི་བཅུད་མཆོག་དམ་པ་སྟེ༔ ཡོན་ཏན་ཀུན་གྱི་སྙིང་པོ་ལེན་པར་ཤོག༔ ཧྲི་ད་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ ཆོས་དུང་དཀར་པོ་སྙན་པས་ས་གསུམ་གཡོ༔ དམ་ཆོས་སྒྲ་ཆེན་ཡོངས་ལ་ཁྱབ་པར་ཤོག༔ ན་མསརྦ་ཨ་བྷི་ཥིཉྩ་ཧཱུྃ༔ ཧཱུྃ༔ མཆོད་རྫས་བིལ་བར་བཀྲ་ཤིས་རྫས་འདུས་ཏེ༔ དངོས་གྲུབ་རྣམ་གཉིས་ཚེ་འདིར་ཐོབ་པར་ཤོག༔ བཱི་ཛ་པཱུ་ར་ཨ་བྷི་ཥིཉྩ་ཧཱུྃ༔ དེ་ལྟར་བཀྲ་ཤིས་རྫས་བརྒྱད་ཀྱིས་དབང་བསྐུར་བས༔ རྒྱལ་བུ་རྒྱལ་སར་ཁྲི་སྟོན་བྱེད་པ་ལྟ་བུར་འགྱུར་རོ༔ དེ་ནས་རྒྱལ་སྲིད་སྣ་བདུན་གྱི་དབང་

[Full Size]

ནི༔ ཧཱུྃ༔ འཁོར་ལོ་རིན་ཆེན་རྣམ་བཅུ་ལྡན༔ ཆོས་ཀྱི་འཁོར་ལོ་བསྐོར་བར་ཤོག༔ ཙཀྲ་རཏ་ཨ་བྷི་ཥིཉྩ་ཧཱུྃ༔ ཧཱུྃ༔ བཙུན་མོ་རིན་ཆེན་རྣམ་བརྒྱད་གཏེར༔ ཡིད་བཞིན་དཔལ་འབྱོར་དབང་ཐོབ་ཤོག༔ པྲཛྙཱ་པཱ་ར་མི་ཏ་ཨ་བྷི་ཥིཉྩ་ཧཱུྃ༔ ཧཱུྃ༔ ནོར་བུ་རིན་ཆེན་མཆོག་གསུམ་གནས༔ ལྷན་ཅིག་ནོར་བདུན་ཕྱུག་པར་ཤོག༔ མ་ཧཱ་མ་ཎི་རཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ ཁྱིམ་བདག་རིན་ཆེན་སྣ་བདུན་ལྡན༔ ཤེས་བྱ་ཐོགས་མེད་དབང་ཐོབ་ཤོག༔ མ་ཧཱ་ཏ་རཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ བློན་པོ་རིན་ཆེན་དམག་དཔོན་མཆོག༔ བརྩོན་འགྲུས་གོ་གྱོན་དབང་ཐོབ་ཤོག༔ མ་ཏི་རནྟ་ཨ་བྷི་ཥིཉྩ་ཧཱུྃ༔ ཧཱུྃ༔ རྟ་མཆོག་རིན་ཆེན་ས་ལམ་བགྲོད༔ རྫུ་འཕྲུལ་རྐང་ལྡན་དབང་ཐོབ་ཤོག༔ ཀ་ལཱ་ཤ་ཨ་བྷི་ཥིཉྩ་ཧཱུྃ༔ ཧཱུྃ༔ གླང་པོ་རིན་ཆེན་ཐེག་པ་ཆེ༔ ཡང་དག་སྙིང་པོའི་དོན་རྟོགས་ཤོག༔ ཧསྟི་རནྟ་ཨ་བྷི་ཥིཉྩ་ཧཱུྃ༔ དེ་ལྟར་རྒྱལ་སྲིད་སྣ་བདུན་གྱིས་དབང་བསྐུར་བས༔ འཕགས་པའི་ནོར་བདུན་དང་ལྡན་ཏེ་སེམས་ཅན་གྱི་དོན་རྒྱ་ཆེན་པོ་བྱེད་པར་གྱུར་ཅིག༔ ༈ དེ་ནས་ཟས་བསྔོ་བྲན་གསུར་བྱས་ལ། ཨོཾ་ལས་ལྷ་རྫས་འདོད་ཡོན་ནམ་མཁའ་གང་

[Full Size]

བར་གྱུར༔ ན་མསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ༔ འཇིག་རྟེན་འདི་ནས་ཚེ་ལས་འདས་པ་འདི་ལ་སྦྱིན་ནོ༔ བསྔོའོ༔ མིག་གི་ཡུལ་དུ་གཟུགས་མཛེས་པ༔ རྣ་བའི་ཡུལ་དུ་སྒྲ་སྙན་པ༔ སྣའི་ཡུལ་དུ་དྲི་ཞིམ་པ༔ ལྕེའི་ཡུལ་དུ་རོ་བྲོ་བ༔ ལུས་ཀྱི་ཡུལ་དུ་རེག་བྱ་འཇམ་པ༔ ཡིད་ཀྱི་ཡུལ་དུ་བདེ་བས་ཚིམ་པ༔ བར་དོ་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་ཀྱིས་བརྒྱན་པར་གྱུར་ཅིག༔ ཧཱུྃ༔ སྣང་སྲིད་འགྲོ་བ་རིགས་དྲུག་དང་༔ ཚེ་འདས་རིགས་ཀྱི་བུ་ཁྱོད་ཀྱང་༔ རང་གི་ཚེ་རབས་ཡུན་གྱི་རྒྱགས༔ ལོངས་སྤྱོད་ཚེ་ཡི་རྒྱགས་འདི་ལོངས༔ འདི་ནི་སྔོན་གྱི་དམ་ཚིག་སྟེ༔ དེ་ཕྱིར་ལོངས་སྤྱོད་ཟས་འདི་ལོངས༔ ཟས་ཀྱི་ཐ་མ་འདི་ཡིན་པས༔ སྐྱེ་བ་གཏན་གྱི་ལོངས་སྤྱོད་ཟས༔ མི་འཛད་ནམ་མཁའི་མཛོད་ལ་སྤྱོད༔ སྦྱིན་པའི་ཕ་རོལ་ཡོངས་རྫོགས་པའི༔ ཟས་གཏད་འདི་ནི་དགའ་བས་ལོངས༔ གསོན་ཡང་གཤིན་ལ་མི་འཕྲེང་ངོ་༔ གཤིན་ཡང་གསོན་ལ་མ་ཆགས་པར༔ བདེ་ཆེན་དག་པའི་གནས་སུ་གཤེགས༔ འཁོར་བ་འདི་ན་སྡུག་བསྔལ་ཆེ༔ བྱས་པས་མི་ཟིན་ལས་ཡོད་པས༔ འཁོར་བ་འདི་རུ་མ་གནས་

[Full Size]

པར༔ རང་གི་ཆོས་ཉིད་འདི་རིག་ལ༔ བདེ་བ་ཅན་གྱི་ཞིང་ཁམས་ན༔ སྟོང་པ་ཆེན་པོ་ཡུལ་རེ་ཡངས་འགྲོ་བ་རིགས་དྲུག་གཅོང་རོང་ཚེ༔ པདྨོ་བཀོད་པའི་ཞིང་ཁམས་ན༔ ཆོས་ཉིད་འོད་གསལ་ལྷུན་རེ་སྡུག༔ སེམས་དཔའ་སེམས་མ་གྲོགས་རེ་བཟང་༔ དེ་བས་ཚེ་འདས་ནི་ཁྱོད༔ ཟས་འདི་ལོངས་ལ་བདེ་བར་གཤེགས༔ འདོད་པའི་ཡོན་ཏན་ལྔ་ལ་སོགས་པ་དག་ཅིང་འབྱོར་པ་འདི་དག་ཐམས་ཅད་ཡུན་གྱི་ཟས་སྐལ་དང་༔ མི་འཛད་པའི་ལོངས་སྤྱོད་དང་༔ དགེ་བའི་རྩ་བར་བསྔོ་བའི་ཟས་གཏད་འདི་ལོངས་ལ༔ འཁོར་བའི་གནས་འདིར་མ་ཞེན་པར༔ སེམས་སྟོང་པ་སྐྱེ་ཤི་མེད་པའི་དོན་ལྟོས་ལ་བདེ་ཆེན་དག་པའི་ཞིང་དུ་བཞུད་ཅིག༔ ཨོཾ་ཨཱཿཿཧཱུྃ་སྭཱ་ཧཱ༔ ལཾ་བྷ་ཏ་བྷ་དུ་ཡ་ཡ༔ ཨ་ལི་ཨུ་ལི༔ ཏ་ལི་ཏ་ལི༔ ཨནྡྷཾ་པྲ་ཏིཙྪ་ཧོ༔ འཕྲལ་དུ་བྱང་བུ་བཞུའམ་མི་བཞུ་ན་ཡང་། འདིར་མར་མེ་བསྟན་ཙམ་བྱས་ལ་འདོན། ཟླ་བའི་དཀྱིལ་འཁོར་སྟེང་དུ་ནི། །བསྒྲུབ་བྱ་ལྷ་ཡི་སྐུར་གནས་པའི། །ལྟེ་འོག་ཨ་ཐུང་ཡེ་ཤེས་མེ། །འབར་བས་སྡིག་སྒྲིབ་སྡུག་བསྔལ་དང་། །རྣམ་སྨིན་ལུས་དང་ཡིད་ལུས་ཀྱི། །སྒྲིབ་པའི་བག་ཆགས་ཐམས་ཅད་

[Full Size]

བསྲེགས། །དག་པ་བཅོམ་ལྡན་ཤཱཀ་ཐུབ་ཀྱི། །སྐུ་རུ་མངོན་སུམ་ཉིད་དུ་གྱུར། །འོད་ཕུང་འཁྲིགས་པའི་དབུས་ན་བཞུགས། །བདག་གི་ཐུགས་ཀའི་འོད་ཟེར་གྱིས། །རྡོར་སེམས་ལ་སོགས་བཅོམ་ལྡན་འདས། །དཀར་པོ་གྲངས་མེད་སྤྱན་དྲངས་བསྟིམས། །སྡིག་སྒྲིབ་ནད་གདོན་ཐམས་ཅད་ཞི། །འཇམ་དབྱངས་ལ་སོགས་སེམས་དཔའི་ཚོགས། །སེར་པོ་དཔག་མེད་སྤྱན་དྲངས་བསྟིམས། །བསོད་ནམས་ཡེ་ཤེས་མཁྱེན་པ་རྒྱས། །ཕག་མོ་ལ་སོགས་ཌཱ་ཀིའི་ཚོགས། །དམར་མོ་གྲངས་མེད་སྤྱན་དྲངས་བསྟིམས། །རླུང་ཚེསེམས་རང་དབང་ཐོབ་པར་གྱུར། །ཧེ་རུ་ཀ་སོགས་ཁྲོ་བོའི་ཚོགས། །མཐིང་ནག་དཔག་མེད་སྤྱན་དྲངས་བསྟིམས། །བདུད་བཞི་ཉོན་མོངས་ཟད་པར་བྱས། །དམིགས་ཡུལ་རྒྱུད་ཀྱི་མ་དག་པའི། །ཕུང་པོ་ཁམས་དང་སྐྱེ་མཆེད་རྣམས། །སྐུ་ལྔ་ཡེ་ཤེས་ལྔ་ཡི་མེས། །བསྲེགས་པས་བྱང་ཞིང་དག་པར་གྱུར། །ཨོ་རྒྱན་སོགས་ཀྱི་མཚན་ནས་རྒྱང་འབོད་དང་། །གཟུགས་མེད། སྒྲ་མེད། དྲི་མེད། རོ་མེད། རེག་བྱ་མེད། ཆོས་མེད་དོ། །གོང་གི་གཟུངས་རིང་བཟླ་ཞིང་བསྲེག །ཚེ་འདས་ཀྱི་རྣམ་ཤེས་དང་ཡེ་ཤེས་སེམས་དཔའི་དབྱེར་མེད་པ་ཟླ་བའི་དཀྱིལ་

[Full Size]

འཁོར་ལ་གནས་པ་དེ་ཉིད་ནམ་མཁར་བཏེགས་ཏེ། ཧོ༔ ཚེ་ལས་འདས་པ་ཁྱོད་ཉོན་དང་༔ འདི་ནས་ནུབ་ཕྱོགས་བདེ་ཆེན་ཞིང་༔ མགོན་པོ་སྤྱན་རས་གཟིགས་དབང་དང་༔ སངས་རྒྱས་སྣང་བ་མཐའ་ཡས་བཞུགས༔ བྱང་ཆུབ་སེམས་དཔའི་འཁོར་དང་བཅས་སྲིད་པའི་སྡུག་བསྔལ་ཀུན་ལས་གྲོལ༔ ཞིང་དེའི་ཡོན་ཏན་བརྗོད་ལས་འདས༔ སུ་ཞིག་དེ་ཡི་མཚན་འཛིན་ནས༔ མོས་ཤིང་གུས་པ་མཆོག་བསྐྱེད་ན༔ ཞིང་མཆོག་དེ་རུ་སྐྱེ་བར་གསུངས༔ དེ་ཕྱིར་ཁྱོད་ཀྱིས་གུས་ཆེན་བསྐྱེད༔ ང་ནི་ཐུགས་རྗེ་ཆེན་པོ་སྟེ། ཁྱོད་ཀྱི་ལམ་མཆོག་འདྲེན་པ་ཡིན༔ འདི་དང་ཞིང་དེའི་བར་ལམ་དུ༔ ཁྱོད་ཀྱི་ཕ་མ་ང་ཡིན་ཟེར༔ ཁྱོད་ཀྱི་ཟླ་གྲོགས་ང་ཡིན་ཟེར༔ འོ་དོད་ལྷང་ལྷང་འབོད་པ་ལ༔ དེ་ལ་སྐད་ལན་མ་སྦྱིན་ཅིག༔ དེ་ལ་ཕྱི་མིག་མ་བལྟ་ཞིག༔ ཉེ་འཁོར་ཡུལ་ལ་མ་ཆགས་ཤིག༔ སྡུག་བསྔལ་སེམས་ལ་མ་འཕྲེང་ཞིག༔ བདེ་བ་ཅན་གྱི་ཞིང་དུ་བཞུད༔ ཀྱཻ༔ ཚེ་ལས་འདས་པ་ཆེ་བྱང་ཆུབ་སེམས་དཔའ་ཁྱོད་ཉོན་ཅིག༔ འདི་ནས་ངེས་པར་ནུབ་ཕྱོགས་ཀྱི་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་ན༔ བཅོམ་ལྡན་འདས་སྣང་བ་མཐའ་ཡས་

[Full Size]

ཞེས་བྱ་བ་བྱང་ཆུབ་སེམས་དཔའི་ཚོགས༔ འཕགས་པའི་དགེ་འདུན་དཔག་ཏུ་མེད་པས་བསྐོར་ནས་རྟག་ཏུ་ཆོས་ཀྱི་འཁོར་ལོ་བསྐོར་བ་དེར་རིགས་ཀྱི་བུ་ཁྱོད་སེང་གེའི་འགྲོས་སྟངས་ཀྱིས་སོང་ཞིག༔ གླང་ཆེན་གྱི་ལྟ་སྟངས་ཀྱིས་ལྟོས་ཤིག༔ ཞིང་ཁམས་དེའི་ཡོན་ཏན་ལ་མོས་གུས་དུང་དུང་བའི་ངང་ནས་རིག་པ་མ་འཁྲུལ་བར་སྐད་ཅིག་ལ་མདའ་འཕངས་བ་ལྟར་བཞུད་ཅིག༔ རྩེ་གཅིག་ཏུ་བཞུད་ཅིག༔ བདེ་བ་ཅན་གྱི་ཞིང་ཁམས་དམ་པ་དེ་ཟུངས་ཤིག༔ ཨོཾ་པདྨེ་པདྨེ་པདྨ་སམྦྷ་ཝེ་མ་ཧཱ་སུ་ཁ་ཝ་ཏི་གཙྪནྟུ་སྭཱ་ཧཱཿ བདེ་བ་ཅན་གྱི་འོད་དཔག་མེད་གཙོ་འཁོར་གསུམ་ལ་མོས་གུས་དུང་དུང་བྱས་པ་ཙམ་གྱིས་སྐུ་གསུང་ཐུགས་ལས་ཐུགས་རྗེའི་འོད་ཟེར་འཇའ་སྣམ་གྱི་ཤར་བུ་བརྐྱང་བ་ལྟར་ནར་གྱིས་བྱུང་བའི་སྣ་ལ་ཚེ་འདས་ཀྱིས་ཟའཇུས་པ་དང་ཡར་ཙེན་གྱིས་བླངས་ཏེ༔ མདུན་གྱི་པདྨའི་སྦུབས་སུ་ཐིམ་པས་བརྫུས་སྐྱེས་སྤྲུལ་པའི་སྐུ་ཐོབ་པར་གྱུར༔ ཕཊ། ཕཊ། ཕཊ། སངས་རྒྱས་བཅོམ་ལྡན་འདས་སུམ་ཅུ་སོ་ལྔའི་ལྷ་ཚོགས་དེ་དག་ཐམས་ཅད་ཚེ་ལས་འདས་པ་ལ་དགོངས་སུ་གསོལ། ཚེ་འདས་ཀྱི་སྐྱེ་བ་འདི་དང་སྐྱེ་བ་ཐོག་མ་དང་ཐ་མ་མ་མཆིས་པ་ནས་འཁོར་བ་ན་འཁོར་བའི་སྐྱེ་

[Full Size]

བ་གཞན་དག་ཏུ་སྦྱིན་པ་ཐ་ན་དུད་འགྲོའི་སྐྱེ་གནས་སུ་སྐྱེས་པ་ལ་ཟས་ཁམ་གཅིག་ཙམ་བསྩལ་བའི་དགེ་བའི་རྩ་བ་གང་ལགས་པ་དང་། ཚུལ་ཁྲིམས་བསྲུངས་བའི་དགེ་བའི་རྩ་བ་གང་ལགས་པ་དང་། ཚངས་པར་སྤྱོད་པ་ལ་གནས་པའི་དགེ་བའི་རྩ་བ་གང་ལགས་པ་དང་། སེམས་ཅན་ཡོངས་སུ་སྨིན་པར་བགྱིས་པའི་དགེ་བའི་རྩ་བ་གང་ལགས་པ་དང་། བྱང་ཆུབ་མཆོག་ཏུ་སེམས་བསྐྱེད་པའི་དགེ་བའི་རྩ་བ་གང་ལགས་པ་དང་། བླ་ན་མེད་པ་ཡེ་ཤེས་ཀྱི་དགེ་བའི་རྩ་བ་གང་ལགས་པ་དེ་དག་ཐམས་ཅད་གཅིག་ཏུ་བསྡུས་ཤིང་བཟླུམས་ཏེ་བསྡོམས་ནས་བླ་ན་མ་མཆིས་པ་དང་། གོང་ན་མ་མཆིས་པ་དང་། གོང་མའི་ཡང་གོང་མ། བླ་མའི་ཡང་བླ་མར་ཡོངས་སུ་བསྔོ་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །ཇི་ལྟར་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་བསྔོས་པ་དང་། ཇི་ལྟར་མ་བྱོན་པའི་སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་བསྔོ་བར་འགྱུར་བ་དང་། ཇི་ལྟར་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་བསྔོ་བར་མཛད་པ་དེ་བཞིན་དུ་ཚེ་

[Full Size]

འདས་ཀྱིས་ཡོངས་སུ་བསྔོ་བར་བགྱིའོ། །སྡིག་པ་ཐམས་ཅད་ནི་སོ་སོར་བཤགས་སོ། །བསོད་ནམས་ཐམས་ཅད་ལ་རྗེས་སུ་ཡི་རང་ངོ། །སངས་རྒྱས་ཐམས་ཅད་ལ་བསྐུལ་ཞིང་གསོལ་བ་འདེབས་སོ། །ཚེ་འདས་ཀྱིས་བླ་ན་མེད་པ་ཡེ་ཤེས་ཀྱི་མཆོག་དམ་པ་ཐོབ་པར་གྱུར་ཅིག །པད་མོ་འདམ་གྱིས་མ་གོས་ལྟར། །སྲིད་གསུམ་དྲི་མས་མ་གོས་པར། །སྲིད་པའི་པད་མོ་ལས་བྱུང་བ། །བདེ་བ་ཅན་དུ་སྐྱེ་བར་ཤོག ༈ །དེ་ནས་རྗེས་ཆོག་ནི། ཨོཾ་སརྦ་ཏ་ཐཱ་ག་ཏ་ཨབྷཾ་ནས། ཤརྡ་པྲ་ཏཱིཙྪ་སྭཱ་ཧཱ། མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པ་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་གཞི། །དེ་བཞིན་གཤེགས་ལ་ཕྱག་འཚལ་བསྟོད། མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་བསྩལ་བ། །དེ་ཀུན་མགོན་པོས་བཟོད་པར་གསོལ། །ཡིག་བརྒྱ་བཟླ། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །དེར་ནི་དེ་ཡིས་ལུང་བསྟན་རབ་ཐོབ་ནས། །

[Full Size]

སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་བགྱིད་ཤོག །སོགས་ཀྱིས་དགེ་རྩ་རྣམས་བསྔོའོ། །མདུན་བསྐྱེད་ཀྱི་དེ་བཞིན་གཤེགས་པའི་ལྷ་ཚོགས་རྣམས་འོད་དུ་ཞུ་ནས་རང་ལ་ཐིམ། དེས་བསྐལ་པར་བསགས་པའི་སྡིག་སྒྲིབ་ཉེས་ལྟུང་ཐམས་ཅད་འཕྲལ་དུ་དག་པར་འགྱུར་རོ༔ ཟབ་ཆོས་རྟ་ཕག་ཡིད་བཞིན་ནོར་བུ་ལས་ཕྱི་མདོ་དང་བསྟུན་ནས་མདུན་བསྐྱེད་སྒྲུབ་པའི་གདམས་པ་ཟབ་མོ༔ བཅོམ་ལྡན་འདས་ཉིད་ཀྱི་ཞལ་ནས་གསུངས་པའི་ཆོས་ཉ་པ་ལྔ་བརྒྱའི་དོན་དུ་མཛད་པས༔ ཉ་དང་མི་ཐམས་ཅད་དག་པའི་ཞིང་དུ་སྐྱེས་པའོ༔ སངས་རྒྱས་སུམ་ཅུ་རྩ་ལྔ་འདི་དག་གི་མཚན་རེ་རེ་ཙམ་རྣ་བར་ཐོས་པས་ཀྱང་ལས་ངན་སྡིག་སྒྲིབ་མ་ལུས་པར་འདག་ནས་ཕྱིར་མི་ལྡོག་པའི་ས་ལ་སྐྱེ་བར་གསུངས་སོ༔ ཕྱི་སྒྲུབ་འདི་ནི་ཤཱཀྱ་ཐུབ་པའི་དཀྱིལ་འཁོར་ཡིན་ལ། ངན་སོང་སྦྱོང་རྒྱུད་ཤཱཀྱ་ཐུབ་པའི་སྐུའི་དཀྱིལ་འཁོར་གྱི་སྐབས་སུ། ཤི་བའི་རོའམ་གཟུགས་སམ་མིང་ལ་སོགས་པ་བྲིས་ཏེ། བཟླས་པ་དང་། སྦྱིན་སྲེག་དང་དབང་རྣམས་སྔ་མ་བཞིན་དུ་བསྐུར་བས་ངན་སོང་ཐམས་ཅད་ལས་གྲོལ་བར་བྱེད་དོ། །ཞེས་གསུངས་པའི་དོན་ཡིན་ནོ། །ཞེས་པ་ཆོས་འདིའི་བདག་པོ་རིན་པོ་ཆེ་བསྟན་པ་དར་རྒྱས་ཀྱི་སྤྲུལ་པའི་སྐུ་དང་། དབོན་པོའི་གསུང་གིས་བསྐུལ་བ་ལ། རྩ་བ་གསུམ་གྱི་ལྷ་ཚོགས་ལ་མཎྜལ་བརྒྱ་རྩ་ཕུལ་ནས་གསོལ་བ་བཏབ་པས། མ་

[Full Size]

བཀག་ཅིང་འགྲོ་དོན་ཨན་ཙམ་འབྱུང་བའི་ལྟས་མཐོང་བས། ཆུ་ཕོ་བྱི་བའི་ཆོ་འཕྲུལ་ཆེན་པོའི་ཡར་ཚེས་དྲུག་ནས་བཟུང་སྟེ། ཐུབ་པའི་བཀའ་དང་གཏེར་གཞུང་ནས་བཏུས་ཏེ། རཱ་ག་ཨ་སྱས་བསྒྲིགས་པ་ཚེས་བརྒྱད་ལ་ལེགས་པར་གྲུབ་པའི་ཡི་གེ་པ་ནི་དགེ་སློང་བརྩོན་འགྲུས་སོ། །འདི་ལ་ཉེས་འགེལ་གང་མཆིས་ཆོས་བདག་གཏེར་སྲུང་རྣམས་ལ་བཤགས་ཤིང་། དགེ་བས་འདི་དང་འབྲེལ་པ་ཐོགས་ཚད་ཉེས་ལྟུང་ཐམས་ཅད་བྱང་ཞིང་དག་ནས་བདེ་བ་ཅན་དུ་སྐྱེ་བར་གྱུར་ཅིག །སརྦ་མངྒ་ལཾ། བྷ་ཝནྟུ། ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྟུང་བ་བཤགས་པའི་མདོ་ལས་བདེ་བར་གཤེགས་པ་སུམ་ཅུ་སོ་ལྔའི་མངོན་རྟོགས།

[Full Size]

ལྟུང་བ་བཤགས་པའི་མདོ་ལས་བདེ་བར་གཤེགས་པ་སུམ་ཅུ་སོ་ལྔའི་མངོན་རྟོགས་བཞུགས་སོ།། ན་མོ་སརྦ་བྷུདྡྷ་ཡེ། ལྟུང་བ་བཤགས་པའི་མདོ་སྡེ་ལས་གསུངས་པའི། །བདེ་བར་གཤེགས་པ་སུམ་ཅུ་རྩ་ལྔ་པོ། །བདག་དང་འགྲོ་བའི་ཉེས་ལྟུང་སྦྱང་བའི་ཕྱིར། །ཐུགས་རྗེའི་དབང་གིས་གནས་འདིར་གཤེགས་སུ་གསོལ། །ཡིད་སྤྲུལ་སེང་ཁྲི་པད་ཟླའི་གདན་ལ་བཞུགས། །དངོས་འབྱོར་ཡིད་སྤྲུལ་མཆོད་པ་རྒྱ་མཚོས་མཆོད། །ཞིང་གི་རྡུལ་སྙེད་ལུས་ཀྱིས་ཕྱག་འཚལ་ལོ། །གསེར་གྱི་མདོག་ཅན་ས་གནོན་མཉམ་བཞག་ཅན་། །སྟོན་པ་ཤཱཀྱ་ཐུབ་ལ་ཕྱག་འཚལ་ལོ། །སེར་པོ་ཆོས་ཀྱི་འཁོར་ལོའི་ཕྱག་རྒྱ་ཅན། །རྡོ་རྗེའི་སྙིང་པོ་རབ་འཇོམས་ལ་ཕྱག་འཚལ། །པདྨ་རཱ་གའི་མདོག་ཅན་མཉམ་བཞག་མཛད། །བདེ་གཤེགས་རིན་ཆེན་འོད་འཕྲོ་ལ་ཕྱག་འཚལ། །ཞལ་དཀར་སྐུ་སྔོ་ཆོས་འཁོར་ཕྱག་རྒྱ་ཅན། །སངས་རྒྱས་ཀླུ་དབང་རྒྱལ་པོ་ལ་ཕྱག་འཚལ། །གསེར་ཨ་མདོག་གཡས་པས་སྐྱབས་སྦྱིན་གཡོན་ཆོས་འཆད། །།བདེ་གཤེགས་དཔའ་བོའི་སྡེ་ལ་ཕྱག་འཚལ་ལོ། །སེར་པོ་ཆོས་ཀྱི་འཁོར་ལོའི་ཕྱག་རྒྱ་ཅན། །དེ་བཞིན་གཤེགས་པ་དཔལ་

[Full Size]

དགྱེས་ལ་ཕྱག་འཚལ། །དམར་གསལ་ས་གནོན་མཉམ་བཞག་ཕྱག་རྒྱ་ཅན། །བཅོམ་ལྡན་རིན་ཆེན་མེ་ལ་ཕྱག་འཚལ་ལོ། །སྐུ་མདོག་དཀར་པོ་ས་གནོན་མཉམ་བཞག་ཅན། བདེ་གཤེགས་རིན་ཆེན་ཟླ་འོད་ལ་ཕྱག་འཚལ། །ལྗང་སྔོན་སྐྱབས་སྦྱིན་ཕྱག་ཐབས་མཉམ་བཞག་ཅན། །མཐོང་བ་དོན་ཡོད་སྐུ་ལ་ཕྱག་འཚལ་ལོ། །དུང་མདོག་བྱང་ཆུབ་མཆོག་གི་ཕྱག་རྒྱ་ཅན། །བདེ་གཤེགས་རིན་ཆེན་ཟླ་བ་ལ་ཕྱག་འཚལ། །མཐིང་སྐྱ་ཕྱག་གཉིས་ཏིང་འཛིན་ཕྱག་རྒྱ་ཅན། །སངས་རྒྱས་དྲི་མ་མེད་དཔལ་ལ་ཕྱག་འཚལ། །གསེར་མདོག་ཐུགས་ཀར་ཆོས་འཆད་སྟེང་འོག་འཛིན། །བདེ་གཤེགས་དཔལ་སྦྱིན་ལ་ཡང་ཕྱག་འཚལ་ལོ། །སེར་པོ་ས་གནོན་མཉམ་བཞག་ཕྱག་རྒྱ་ཅན། །བདེ་གཤེགས་ཚངས་པ་ལ་ཡང་ཕྱག་འཚལ་ལོ། །དམར་སེར་ཐུགས་ཀར་ཆོས་འཁོར་ཕྱག་རྒྱ་ཅན། །སངས་རྒྱས་ཚངས་པས་བྱིན་ལ་ཕྱག་འཚལ་ལོ། །མདོག་དཀར་ཆོས་ཀྱི་འཁོར་ལོའི་ཕྱག་རྒྱ་ཅན། །བཅོམ་ལྡན་ཆུ་ཡི་ལྷ་ལ་ཕྱག་འཚལ་ལོ། །དུང་མདོག་ཕྱག་གཉིས་མཉམ་བཞག་ཕྱག་རྒྱ་ཅན། །བཅོམ་ལྡན་ཆུ་ལྷའི་ལྷ་ལ་ཕྱག་འཚལ་ལོ། །སེར་པོ་སྐྱབས་སྦྱིན་ཆོས་འཆད་ཕྱག་

[Full Size]

རྒྱ་ཅན། །བདེ་གཤེགས་དཔལ་བཟང་ལ་ཡང་ཕྱག་འཚལ་ལོ། །མཐིང་མདོག་ས་གནོན་མཉམ་བཞག་མཛད། །ཙནྡན་དཔལ་ལ་ཕྱག་འཚལ་ལོ། །མཚལ་མདོག་ཆོས་འཁོར་ཕྱག་རྒྱ་ཅན། །གཟི་བརྗིད་མཐའ་ཡས་ལ་ཕྱག་འཚལ། །སྔོན་པོ་བྱང་ཆུབ་མཆོག་གི་ཕྱག་རྒྱ་ཅན། །སངས་རྒྱས་འོད་དཔལ་ལ་ཕྱག་འཚལ། །དམར་སྐྱ་མཉམ་བཞག་ཕྱག་རྒྱ་མཛད། །།སངས་རྒྱས་མྱ་ངན་མེད་དཔལ་ལ་ཕྱག་འཚལ། །སེར་པོ་ཕྱག་གཉིས་ཆོས་འཆད་སྟེང་འོག་འཛིན། །བཅོམ་ལྡན་སྲེད་མེད་བུ་ལ་ཕྱག་འཚལ་ལོ། །གསེར་མདོག་སྐྱབས་སྦྱིན་ཕྱག་སྟབས་མཉམ་བཞག་མཛད། །དེ་བཞིན་གཤེགས་པ་མེ་ཏོག་དཔལ་ཕྱག་འཚལ། །གསེར་གྱི་མདོག་ཅན་ས་གནོན་མཉམ་བཞག་ཅན། ། ཚངས་པའི་འོད་ཟེར་རྣམ་རོལ་ལ་ཕྱག་འཚལ། །དམར་པོ་ས་གནོན་མཉམ་བཞག་ཕྱག་རྒྱ་ཅན། །པདྨའི་འོད་ཟེར་མངོན་མཁྱེན་ལ་ཕྱག་འཚལ། །སྐུ་མདོག་མཐིང་ཁ་ཏིང་འཛིན་སྒྱུ་ཕྱག་རྒྱ་ཅན། །དེ་བཞིན་གཤེགས་པ་ནོར་དཔལ་ལ་ཕྱག་འཚལ། །སེར་པོ་ཕྱག་གཉིས་མཉམ་བཞག་ཕྱག་རྒྱ་ཅན། །སངས་རྒྱས་དྲན་པའི་དཔལ་ལ་ཕྱག་འཚལ་ལོ། །མདོག་

[Full Size]

དཀར་ཆོས་འཆད་མཉམ་བཞག་ཕྱག་རྒྱ་ཅན། །མཚན་དཔལ་ཤིན་ཏུ་ཡོངས་བསྒྲགས་ལ་ཕྱག་འཚལ། །སྔོན་པོ་རྒྱལ་མཚན་འཛིན་ཅིང་མཉམ་བཞག་མཛད། །དབང་པོ་ཏོག་གི་རྒྱལ་མཚན་ལ་ཕྱག་འཚལ། །སྔོན་པོ་རལ་གྲི་ཕྱར་ཞིང་མཉམ་བཞག་མཛད། །ཤིན་ཏུ་རྣམ་པར་གནོན་པ་ལ་ཕྱག་འཚལ། །སྐུ་མདོག་སྔོན་པོ་ཕྱག་གཉིས་གོ་ཆ་འཛིན། །གཡུལ་ལས་ཤིན་ཏུ་རྣམ་རྒྱལ་ལ་ཕྱག་འཚལ། །མཐིང་ཁ་ས་གནོན་མཉམ་བཞག་ཅན། །རྣམ་པར་གནོན་པས་གཤེགས་དཔལ་ལ་ཕྱག་འཚལ། །ལི་ཁྲིའི་མདོག་ཅན་སྐྱབས་སྦྱིན་ཆོས་འཆད་ཕྱག །ཀུན་ནས་སྣང་བ་བཀོད་ལ་ཕྱག་འཚལ་ལོ། །དམར་སེར་སྐྱབས་སྦྱིན་ཆོས་འཆད་ཕྱག་རྒྱ་ཅན། །རིན་ཆེན་པདྨ་རྣམ་གནོན་ལ་ཕྱག་འཚལ། །སེར་པོ་ཕྱག་གཉིས་ཐུགས་ཀར་རི་རབ་འཛིན། །སངས་རྒྱས་རི་དབང་རྒྱལ་པོ་ལ་ཕྱག་འཚལ། །ཀུན་ཀྱང་མཚན་དཔེ་རབ་རྫོགས་ཆོས་གོས་གསོལ། །པད་ཟླར་སྐྱིལ་ཀྲུང་བཞུགས་ལ་ཕྱག་འཚལ་ལོ། །བདག་དང་མཐའ་ཡས་སེམས་ཅན་ཐམས་ཅད་ཀྱིས། །སྡིག་ལྟུང་མི་དགེ་གང་བགྱིས་ཐམས་ཅད་བཤགས། །བདེར་གཤེགས་ཁྱེད་རྣམས་མཛད་ལ་རྗེས་ཡི་

[Full Size]

རང་། །འགྲོ་ལ་ཕན་ཕྱིར་ཆོས་འཁོར་བསྐོར་བར་བསྐུལ། །ནམ་མཁའ་ཇི་སྲིད་འགྲོ་ལ་ཕན་ཕྱིར་བཞུགས། །དེ་ལྟར་བགྱིས་པའི་དགེ་བས་འགྲོ་བ་ཀུན། །སྒྲིབ་གཉིས་བྲལ་ནས་མྱུར་དུ་འཚང་རྒྱ་ཤོག །དེ་ལྟར་ཕྱག་འཚལ་གསོལ་བ་བཏབ་པ་ཡིས། །བདེ་གཤེགས་སུམ་ཅུ་ལྔ་ལས་འོད་འཕྲོས་པས། །འགྲོ་བ་སེམས་ཅན་ཀུན་གྱི་སྡིག་ལྟུང་སྦྱངས། །བདེ་གཤེགས་སོ་ལྔ་འོད་ཞུ་བདག་ལ་ཐིམ། །བདེ་གཤེགས་ཐུགས་དང་རང་སེམས་དབྱེར་མེད་གྱུར། །།བཤགས་བྱ་བཤགས་བྱེད་བཤགས་ཡུལ་མི་དམིགས་པ། །རང་སེམས་ཀ་དག་ཆེན་པོར་ལྷུན་གྱིས་གྲུབ། །ཨ་ཨཱཿ ཞེས་བཙུན་པ ༧ རཱ་ག་ཨ་སྐྱེས་སྦྱར་བའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྟུང་བཤགས་ཀྱི་ཟིན་བྲིས་ཉུང་ངུ་གོ་བདེ་སྡིག་ལྟུང་དག་བྱེད་ཡེ་ཤེས་བདུད་རྩིའི་ཁྲུས་ཆར།

[Full Size]

ལྟུང་བཤགས་ཀྱི་ཟིན་བྲིས་ཉུང་ངུ་གོ་བདེ་སྡིག་ལྟུང་དག་བྱེད་ཡེ་ཤེས་བདུད་རྩིའི་ཁྲུས་ཆར་ཞེས་བྱ་བ་བཞུགས་སོ།།

[Full Size]

ཀྱེ། མ་གསོན་དང་བདག་དང་བདག་འདྲ་ཀུན། །བསྐལ་པ་གྲངས་མེད་འདས་པའི་སྔོན་རོལ་ནས། །ལུས་ལ་མ་བླངས་པ་ནི་གཅིག་ཀྱང་མེད། །སྟོང་གསུམ་འཇིག་རྟེན་ཁམས་ཀྱི་སེམས་ཅན་ཀུན། །སྐྱེ་མ་མྱོང་དང་ཤི་མ་མྱོང་བའི་ས། །ཁབ་ཀྱི་རྩེ་མོ་ཙམ་ཞིག་མེད་པར་གསུངས། །དེ་ཚེ་སྡིག་སྒྲིབ་བསགས་པའི་ལས་ངན་ནི། །གཟུགས་སུ་གྲུབ་ན་ནམ་མཁར་མི་ཤོང་ཙམ། །དེ་དག་ནམ་ཞིག་རང་ལ་ངེས་པར་སྨིན། །སྐྱེ་བ་འདི་དང་མ་འོངས་ཐམས་ཅད་དུ། །སྡུག་བསྔལ་འབྱུང་བའི་རྒྱུ་ནི་སྡིག་སྒྲིབ་སྟེ། །དེ་དག་བཤགས་ན་དག་ཅིང་མ་བཤགས་ན། །བསྐལ་པ་བྱེ་

[Full Size]

བ་བརྒྱར་ཡང་ཆུད་མི་ཟ། །ནམ་ཞིག་རང་གི་ལུས་ངག་ཡིད་ལ་སྨིན། །རང་རེ་དམ་པའི་ཆོས་ཀྱི་སྒོར་ཞུགས་ནས། །སྡོམ་གཙང་དམ་ཚིག་ལྡན་པར་རློམ་ན་ཡང་། །ཕྲ་ཞིབ་ལྟུང་བའི་ཆར་རྒྱུན་བར་མཚམས་མེད། །རང་གིས་ཚོར་དང་མ་ཚོར་ལྟུང་བ་མང་། །དེ་དག་ཚུལ་བཞིན་བཤགས་པ་མ་བྱས་ན། །ལྟུང་བ་རེ་རེས་ངན་སོང་གནས་དེར་ལྟུང་། །དེ་ཕྱིར་ལྟུང་བ་ཞེས་བྱ་ཡིན་པར་གསུངས། །ཉེས་བྱས་བདུན་བསགས་ལྟུང་བ་གཅིག་ཏུ་གྲགས། །བཤགས་པ་མ་བྱས་པ་ཡི་ཉེས་ལྟུང་རྣམས། །ཞག་རེ་སོང་ཞིང་སྐྱེད་རེ་འཕེལ་བའི་ཕྱིར། །སྡིག་ལྟུང་ཆུང་ངུ་རེ་ཡང་ཆེན་པོར་

[Full Size]

གྱུར། །དེ་ཕྱིར་བླུན་པོའི་སྡིག་པ་ཆུང་ཡང་ལྗི། །བཤགས་པ་བྱས་ན་རྩད་ནས་མ་དག་ཀྱང་། །དེ་ཕྱིར་སྐྱེད་ནི་འཕེལ་བར་མི་འགྱུར་ཏེ། །དེ་ཕྱིར་མཁས་པའི་སྡིག་པ་ཆེ་ན་ཡང་། །སྡིག་པ་ཆུང་ངུ་སྐྱོན་མེད་མ་ཡིན་ཏེ། །བཙན་དུག་ཆུང་ངུས་ཚེ་སྲོག་གཅོད་དང་མཚུངས། །དེ་དོན་རྒྱ་མཚོའི་ཞུས་པའི་མདོ་སྡེ་ལས། །དང་པོ་བསྐལ་པ་ཆགས་པའི་དུས་ཙམ་ན། །རྒྱ་མཚོའི་ནང་ན་ཀླུ་ནི་མང་པོ་མེད། །ད་ནི་རྒྱ་མཚོའི་ནང་ན་མི་ཤོང་ཙམ། །འདི་ཡི་དོན་དེ་ཅི་ཡིན་ཐུབ་པར་ཞུས། །འཁོར་བ་འཇིག་དང་གསེར་ཐུབ་འོད་སྲུང་དང་། །འདས་པའི་སངས་རྒྱས་གསུམ་གྱི་བསྟན་པ་ལ། །འདུལ་ཁྲིམས་ཞུས་ནས་ཆེ་ཁོག་མ་ཉམས་ཏེ། །ལྟ་བ་རྣམ་པར་དག་པ་ཡོད་ན་ཡང་། །སྤྱོད་པ་འདུ་ཁྲིམས་ཕྲ་ཞིབ་མ་བསྲུངས་ནས། །དེ་དག་དམྱལ་བ་ཡི་དྭགས་མི་སྐྱེས་ཏེ། །བཙུན་པ་དེ་དག་ཀླུ་རུ་སྐྱེ་བའི་ཕྱིར། །དེ་ཕྱིར་ཀླུ་རྣམས་མང་བ་ཡིན་ནོ་གསུངས། གསུངས་འདི་རང་རེ་བཙུན་པ་རྣམས་ལ་འཇིགས། །དེ་ཕྱིར་ཕྲ་ཞིབ་བསྲུང་བར་དཀའ་ན་ཡང་། །འཕྲལ་དུ་བཤགས་པ་བྱེད་པ་གདམས་ངག་ཡིན། །བཤགས་པ་དེ་ལ་སྟོབས་བཞི་ཚང་དགོས་ཏེ། །སྟོབས་བཞིའི་སྒོ་ནས་བཤགས་པ་བྱས་པ་ན། །

[Full Size]

མི་དག་པ་ཡི་སྡིག་ལྟུང་གཅིག་ཀྱང་མེད། །རྟེན་གྱི་སྟོབས་དང་རྣམ་པར་སུན་འབྱིན་སྟོབས། །གཉེན་པོ་ཀུན་ཏུ་སྤྱོད་དང་ཆུར་ལོན་སྟོབས། །དེ་བཞི་ཚང་ན་སྡིག་སྒྲིབ་ཐམས་ཅད་འདག །རྒྱ་གར་ཉ་པ་རྣམས་ལ་ཕན་པའི་ཕྱིར། །འཕགས་པ་ཉེ་བ་འཁོར་གྱིས་ཞུས་ནས་ཀྱང་། །ཐུབ་པས་ལྟུང་བ་བཤགས་པའི་མདོ་གསུངས་པས། །ཉ་པ་ཉར་བཅས་དག་པའི་ཞིང་དུ་སྐྱེས། །བྱང་ཆུབ་སེམས་དཔའ་ཆོས་རྒྱལ་ཁྲི་སྲོང་གིས། །བཀའ་འགྱུར་བསྟན་འགྱུར་བོད་དུ་བསྒྱུར་བའི་དུས། །མཐའ་དབུས་མཁས་པ་བརྒྱ་དང་རྩ་བརྒྱད་ཀྱིས་། །རྒྱལ་པོའི་ཁྲིམས་བཅད་དམག་འདྲེན་མང་བ་ཡིས། །སྒྲིབ་སྦྱོང་ལྟུང་བཤགས་འདི་ཉིད་ལྷག་གསུངས་ཕྱིར། །རྒྱལ་པོའི་སྒྲིབ་སྦྱོང་འདི་ཉིད་འདོན་སྲོལ་བཙུགས། །རྒྱལ་པོའི་ཐུགས་དམ་མདོ་བཅུའི་ནང་ན་ཡོད། །དགེ་འདུན་སྡེ་རྣམས་རྒྱུན་གྱི་འཚོགས་འདོན་དར། །རྒྱ་གར་ཡུལ་དུ་སྡིག་སྒྲིབ་ཆེན་པོ་ཅན། །རེ་རེས་སྐབས་འགར་འདོན་པ་མ་གཏོགས་པ། །རྒྱུན་དུ་འདོན་པའི་སྲོལ་ནི་མེད་པ་སྟེ། །བོད་དུ་ལྟུང་བཤགས་རྒྱུན་དུ་འདོན་དགོས་པའི། །སྡིག་ཆེན་དེ་འདྲ་ཡོད་ཅེས་འཕྱ་འོ་སྐད། །ལྷ་ཚོགས་སུམ་ཅུ་སོ་ལྔ་འདི་དག་གི །

[Full Size]

རེ་རེའི་མཚན་ནི་ཐོས་པའི་ཕན་ཡོན་དང་། །རེ་རེར་ཕྱག་འཚལ་སྡིག་པ་དག་ལུགས་རྣམས། །རྒྱས་པར་བོ་དྷི་ས་ཏཱའི་འགྲེལ་ཆེན་གསལ། །ལྷ་ཚོགས་སོ་སོའི་སྐུ་མདོག་ཕྱག་མཚན་ནི། །གསར་མའི་གཞུང་དུ་འདྲ་མིན་སྣ་ཚོགས་ཏེ། །བླ་མ་རྣམས་ཀྱིས་ཞལ་གཟིགས་ལུགས་ཀྱང་ཡོད། །གཡུལ་ལས་རྣམ་པར་རྒྱལ་བས་གོ་མཚོན་བསྣམས། །དེ་ཉིད་མི་འཐད་ས་པཎ་བཀག་པ་ཡོད། །དེ་བཞིན་རྟ་ཕག་ཡིད་བཞིན་ནོར་བུ་ཡི། །ཕྱི་སྒྲུབ་ལྟུང་བཤགས་ལྷ་ཚོགས་སོ་ལྔ་ཡི། །སྐུ་མདོག་ཕྱག་མཚན་མངོན་རྟོགས་གསལ་ན་ཡང་། །དེ་ཉིད་འདོན་པ་གཅིག་ཀྱང་མི་འགྲུབ་ཅིང་། །བློ་ཆུང་རྣམས་ཀྱིས་དམིགས་པ་ཟིན་པར་དཀའ། །དེ་བས་མདོར་བསྡུས་ཁྱེར་བདེ་འདི་བརྗོད་ན། །ས་ཕྱོགས་འདི་ཉིད་སྤང་ལྗོངས་མེ་ཏོག་ཚལ། ཁོད་སྙོམས་སྤོས་དྲི་འཇའ་གུར་མེ་ཏོག་ཆར། །དག་པའི་ཞིང་ཁམས་ལྟ་བུར་གྱུར་པའི་དབུས། །མདུན་དུ་སྣ་ཚོགས་པདྨའི་སྡོང་པོ་ནི། །ནང་དུ་འདབ་བཞི་དེ་རྒྱབ་རིམ་པ་གསུམ། །འདབ་མ་བཅུ་རེ་ལྡན་ཞིང་རྒྱ་ཆེ་བ། །དབུས་སུ་བཅོམ་ལྡན་ཤཱཀ་ཐུབ་གཞུང་ལྟར་ལས། །འདབ་མ་སོ་བཞི་སངས་རྒྱས་སུམ་ཅུ་བཞི། །ཐམས་ཅད་གཅིག་པར་གསེར་མདོག་མཚན་

[Full Size]

དཔེ་ལྡན། །རྡོ་རྗེའི་སྐྱིལ་ཀྲུང་ཆོས་གོས་རྣམ་གསུམ་བཀླུབས། །ཕྱག་ཀུན་སྡིག་སྒྲིབ་བསྲེགས་པའི་རྟེན་འབྲེལ་གྱིས། །རྡོ་རྗེ་མེ་ཡི་ཕྱག་རྒྱ་མཛད་པ་སྟེ། །གཙོ་བོ་རྩ་བའི་བླ་མ་དབྱེར་མེད་བསྒོམ། །སྤྱན་འདྲེན་མི་དགོས་དམ་ཡེ་དབྱེར་མེད་དེ། །གང་ཞིག་སངས་རྒྱས་ཡིད་ལ་བྱེད་རྣམས་ཀྱི། །མདུན་དུ་ཐུབ་དབང་བཞུགས་པར་གསུངས་ཕྱིར་རོ། །དེ་ནི་སྡིག་སྒྲིབ་གང་ལ་བཤགས་པའི་ཡུལ། །རྟེན་གྱི་སྟོབས་ཞེས་བྱ་བ་ཡིན་པའོ། །དེ་མདུན་རང་གི་ལུས་ནི་གྲངས་མེད་སྤྲུལ། །ཐོགས་མེད་དུས་ནས་ད་ལྟ་ཡན་ཆད་ཀྱི། །སྡིག་སྒྲིབ་བསགས་ལ་ངོ་གནོང་ངོ་ཚ་དང་། །འགྱོད་པ་དྲག་པོས་ཁོང་དུག་སོང་བ་བཞིན། །སྙིང་ནས་བསྒོམ་པ་རྣམ་པར་སུན་འབྱིན་སྟོབས། །དེ་དོན་འོག་ནས་སེམས་ཅན་དམྱལ་བ་སོགས། །གསུངས་པའི་དོན་དེ་ཡིན་པ་ཤེས་པར་བྱ། །དེ་ལྟར་སྡིག་སྒྲིབ་ཉེས་པས་གོས་པ་དེ། །སངས་རྒྱས་ཁྱེད་རྣམས་ཐུགས་རྗེས་བྱང་བ་དང་། །དག་པ་ཐུགས་རྗེས་ཟུངས་སྙམ་རྒྱུདད་གུས་ཀྱིས། །སྐྱབས་འགྲོ་ནས་བཟུང་ཕྱག་རབས་སོ་ལྔ་བརྗོད། །གྲངས་མེད་སྤྲུལ་པའི་ལུས་ཀྱིས་ཕྱག་འཚལ་བསྒོམ། །རང་ཉིད་གཅིག་པུ་ཡིན་ན་དངོས་སུ་འཚལ། །དེ་ལྟར་

[Full Size]

ཕྱག་འཚལ་སྡིག་པ་སྦྱོང་བའི་ཐབས། །གཉེན་པོ་ཀུན་ཏུ་སྤྱོད་པའི་སྟོབས་ཡིན་ནོ། །བདག་ལ་དགོངས་སུ་གསོལ་ཞེས་བྱ་བ་ནས། །མི་འཆབ་མི་སྦེད་ཅེས་པའི་བར་དེ་ནི། །གོང་དུ་བཤད་པའི་རྣམ་པར་སུན་འབྱིན་སྟོབས། །སྡིག་པ་བྱས་ཀྱང་སྐྱོན་མེད་བཤགས་ཆོག་སྙམ། །ཕྱིན་ཆད་མི་བྱའི་སྡོམ་སེམས་མེད་ན་ནི། །བཤགས་པ་བྱས་ཀྱང་དག་པར་མི་འགྱུར་གསུངས་། །དེ་ཕྱིར་ཕྱིན་ཆད་མི་བྱེད་དམ་བཅའ་ཡིས། །གཅོད་ཅིང་བསྡོམས་པར་བགྱིད་ཅེས་ཚིག་གཅིག་དེ། །ཕྱིན་ཆད་མི་བགྱིད་ཆུར་ལོན་སྟོབས་ཡིན་ནོ། །ཚུར་ལོན་ཞེས་བྱ་ཚུ་རགས་བརྩིགས་པའི་མིང་། །དེ་ནི་མི་དགེ་སྡིག་པ་འདྲེས་དོགས་ཀྱིས། །སེམས་ལ་དམ་བཅའ་དྲག་པོས་རིགས་བརྩིག་གོ །དེ་ནས་དེ་ཡི་དགེ་བའི་རྩ་བ་དེ། །ལྷ་མའི་བདེ་བ་འདོད་ཕྱིར་མི་བསྔོ་ལ། །རང་ཉིད་ཐར་འདོད་ཁོ་ནར་མི་བསྔོ་སྟེ། །འགྲོ་བའི་དོན་དུ་སངས་རྒྱས་ཐོབ་ཕྱིར་བསྔོ། །དེ་ཡང་རང་རེ་སོ་སོ་སྐྱེ་བོ་ཡིས། །འཁོར་གསུམ་ཡོངས་དག་བསྔོ་བ་མི་ཤེས་པས། །དུས་གསུམ་སངས་རྒྱས་རྣམས་ཀྱིས་བསྔོ་བ་མཆོག །མཛད་པ་དེ་བཞིན་ཡོངས་སུ་བསྔོ་ཞེས་བརྗོད། །དེ་ནས་ཡན་ལག་བདུན་པའི་མཇུག་སོགས་ཀྱི། །གོང་གི་དེ་

[Full Size]

རྣམས་ཚིགས་བཅད་དུ་གསུངས་པ། །དེ་དག་ཝོར་ལོགས་ཡིན་པས་བཤད་མི་དགོས། །མདོ་སྡེ་དབྱངས་སུ་སྙེད་པའི་སྡེ་རྣམས་ལས། །ཚིག་ལྷུག་རྗེས་ནས་ཚིགས་བཅད་གསུང་ཝིག་སྲོལ། །འདི་ཡང་དོན་ལ་དེ་དང་འདྲ་བར་སྣང་། །དེ་ནས་མདུན་གྱི་སངས་རྒྱས་སུམ་ཅུ་བཞི། །གཙོ་བོ་ལ་ཐིམ་གཙོ་བོ་ཤཱཀྱ་ཐུབ། །བླ་མ་དབྱེར་མེད་རང་གི་སྙིང་གར་ཐིམ། །དེ་ནས་བཤགས་ཡུལ་བཤགས་མཁན་བཤགས་བྱའི་སྡིག །གང་ཡང་མ་གྲུབ་རང་རིག་སྟོང་པའི་གཤིས། །དེ་ཡི་ངང་ལ་མཉམ་པར་བཞག་པའི་ཚེ། །ནམ་མཁའ་སྟོང་པ་ཅིས་ཀྱང་མ་གཡོགས་བཞིན། །སེམས་ཉིད་སྟོང་པར་དགེ་སྡིག་གོས་པ་མེད། །དེ་དོན་མདོ་ལས་ཐུབ་པའི་དབང་པོ་ཡིས། །གལ་ཏེ་བཤགས་པ་བྱེད་པར་འདོད་པ་ན། །དྲང་པོར་བཞག་ལ་ཡང་དག་ལྟོས་གསུང་ཞིང་། །བཤགས་བྱ་བཤགས་བྱེད་བྲལ་བའི་བཤགས་པ་དེ། །དྲི་མེད་བཤགས་པའི་རྒྱུད་ལས་རྒྱས་པར་གསུངས། །ཕུང་པོ་ཞེས་པ་མང་པོ་སྤུངས་པའི་མིང་། །དང་པོ་ཕྱག་འཚལ་དགེ་བའི་ཕུང་པོ་གཅིག །དེ་ནས་བཤགས་པ་དགེ་བའི་ཕུང་པོ་གཉིས། །དེ་ནས་བསྔོ་བ་དགེ་བའི་ཕུང་པོ་གསུམ། །དེ་ཕྱིར་ཕུང་པོ་གསུམ་པའི་མདོ་

[Full Size]

ཞེས་བྱ། །དེ་སྐད་དྲིན་ཅན་ཆོས་ཀྱི་དབང་ཕྱུག་གིས། །འདི་ཡི་ལྗགས་ལུང་གནང་སྐབས་གསུངས་པ་ཐོས། །ལྟུང་བཤགས་དམིགས་རིམ་ཤིན་ཏུ་བསྡུས་པ་འདི། །གྲྭ་སློབ་རྣམས་ལ་ཕན་པར་བྱ་བའི་ཕྱིར། །༧ རཱ་ག་ཨ་སྱས་ཐུན་སྐབས་ཤིག་ལ་སྨྲས། །སྔོན་གྱི་བཀའ་གདམས་དགེ་བཤེས་ཐམས་ཅད་ཀྱིས། །ཉིན་མོའི་ཉེས་བྱས་ལྟུང་བ་ནུབ་མོ་བཤགས། །མཚན་མོའི་ཉེས་བྱས་ལྟུང་བ་ཐོ་རངས་བཤགས། །ལྟུང་བ་དང་ནི་ཞག་ལ་མི་འགྲོགས་གསུངས། །དེ་མ་གྲུབ་ན་ཞག་གཅིག་ཉེས་ལྟུང་རྣམས། །ནམ་ལངས་དུས་སུ་བཤགས་དགོས་མི་ལས་གསུངས། །དེ་ཕྱིར་དེང་སང་གྲོང་ཆོག་པ་ཀུན་གྱིས། །དང་པོ་ལངས་ནས་ལྟུང་བཤགས་འདོན་སྲོལ་དར། །ཁྱད་པར་དགེ་འདུན་ལྷག་མའི་ལྟུང་བ་འདི། །དགོན་སྡེ་ཀུན་ཏུ་ཁྲིམས་མེད་དར་ཆེ་ཞིང་། །སྤངས་བར་དཀའ་ཡང་རང་ལ་སྙིང་རྗེ་ལྟོས། །ལྟུང་བཤགས་ལ་སོགས་བཤགས་པ་གྱིས་ཤིག་ཅེས། །མཆོག་གི་སྤྲུལ་སྐུའི་བཙའ་ཡིག་ནང་དུ་གསུངས། །དེ་ཕྱིར་ཉེས་ལྟུང་ཕྲ་ཞིབ་བྱུང་བ་རྣམས། །ལྟུང་བཤགས་འདི་ལ་ཐུགས་དམ་མཛད་གལ་ཆེ། །ཡི་གེ་པ་ནི་པདྨ་མཐར་ཕྱིན་ནོ། །འདི་ཡིས་གཞན་ཕན་དཔག་མེད་འབྱུང་བར་ཤོག །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱལ་བའི་བཀའ་ཟབ་མོ་མདོ་སྡེ་སྒྲོགས་སྐབས་ཀློག་བསྒོམ།

[Full Size]

རྒྱལ་བའི་བཀའ་ཟབ་མོ་མདོ་སྡེ་སྒྲོགས་སྐབས་ཀློག་བསྒོམ་བྱ་བ་ནི། བདག་གཞན་མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །ཆོས་སྐུ་ཡུམ་ཆེན་མོ་ལ་སྐྱབས་སུ་མཆིའོ། །བསྟན་པའི་གཙོ་བོ་རྒྱལ་བ་ཤཱཀྱ་ཐུབ་པ་ལ་སྐྱབས་སུ་མཆིའོ། །བསྐལ་པ་བཟང་པོའི་སངས་རྒྱས་སྟོང་རྩ་གཉིས་ལ་སྐྱབས་སུ་མཆིའོ། །མཁྱེན་རབ་ཀྱི་མངའ་བདག་འཕགས་པ་འཇམ་དཔལ་དབྱངས་ལ་སྐྱབས་སུ་མཆིའོ། །སྙིང་རྗེའི་མངའ་བདག་སྤྱན་རས་གཟིགས་ལ་སྐྱབས་སུ་མཆིའོ། །མཐུ་སྟོབས་ཀྱི་མངའ་བདག་ཕྱག་ན་རྡོ་རྗེ་ལ་སྐྱབས་སུ་མཆིའོ། །འདས་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྐྱབས་སུ་མཆིའོ། །།སྐྱབས་འོག་དམ་པ་རུ་ཚུད་པར་མཛད་དུ་གསོལ། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། མར་གྱུར་

[Full Size]

སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག སྡུག་བསྔལ་མེད་པའི་བདེ་བ་དམ་པ་དང་མི། འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཆེན་པོ་ལ་ཡུན་རིང་དུ་གནས་པར་གྱུར་ཅིག །ལན་གསུམ། མདུན་བསྐྱེད་ནི། སྟོང་པའི་ངང་ལས་མདུན་གྱི་ནམ་མཁར་གྱད་དང་རིན་པོ་ཆེའི་ཁྲི་ཡངས་ཤིང་རྒྱ་ཆེ་བ། དེ་ཡི་སྟེང་དུ་བསྟན་པའི་གཙོ་བོ་རྒྱལ་བ་ཤཱཀྱ་ཐུབ་པ་སྐུ་མདོག་གསེར་བཙོ་མའི་མདོག་ལྟར་འཚེར་བ། ཞལ་གཅིག་ཕྱག་གཉིས་གཡས་སྐྱབས་སྦྱིན། གཡོན་མཉམ་བཞག་གིས་ལྷུང་བཟེད་འཛིན་ཅིང་། ཆོས་གོས་གསུམ་གྱི་གྲྭ་བསྟན་པ། སྐུ་ལ་མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྤྲས་པ། འོད་དང་འོད་ཟེར་དཔག་ཏུ་མེད་པ་འཕྲོ་བ། དེའི་གཡས་སུ་ཤཱ་རིའི་བུ་སྐུ་མདོག་དམར་སེར། གཡོན་དུ་མོའུ་འགལ་གྱི་བུ་སྐུ་མདོག་དམར་སེར། མདུན་དུ་རབ་འབྱོར། རྒྱབ་ཏུ་ཀུན་དགའ་བོ་ལ་སོགས་པ་འཁོར་ཉན་ཐོས་ཆེན་པོ་མཆོག་བརྒྱད། གཞན་ཡང་སངས་རྒྱས་དང་བྱང་ཆུབ་སེམས་དཔའི་ཚོགས་

[Full Size]

དཔག་ཏུ་མེད་པས་བསྐོར་བ་མདུན་གྱི་ནམ་མཁའི་གནས་སུ་བཛྲ་ས་མཱ་ཛཿ མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡ་ཧཱུཾ། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་སྣང་གསལ་དྲི་ཆབ་དང་། །ཞལ་ཟས་རོལ་མོ་ལ་སོགས་པ། །ཇི་སྙེད་རྒྱལ་བ་སྲས་དང་བཅས། །དེ་ཉིད་རྣམས་ལ་མཆོད་འབུལ་ན། །ཐུགས་རྗེའི་མངའ་བདག་ཁྱེད་རྣམས་ཀྱིས། །ཅི་བདེ་བར་ནི་བཞེས་ནས་ཀྱང་། །སེམས་ཅན་དོན་ཀུན་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་ཨནྡྷཾ་པཱཏྱཾ་སོགས། ས་གཞི་སྤོས་ཆུས་སོགས། བསྟོད་པ་ནི། སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་

[Full Size]

ཆེ། །བླ་མེད་དཀོན་མཆོག་གསུམ་ལ་ཕྱག་འཚལ་ལོ། །ཐབས་མཁས་ཐུགས་རྗེ་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་ཁྱེད་ལ་འཚལ་ལོ། །འཇམ་དབྱངས་ཕྱག་ན་རྡོ་རྗེ་སྤྱན་རས་གཟིགས། །ས་ཡི་སྙིང་པོ་སྒྲིབ་པ་རྣམ་པར་སེལ། །ནམ་མཁའི་སྙིང་པོ་བྱམས་པ་ཀུན་ཏུ་བཟང་། །ཉེ་བའི་སྲས་ཆེན་བརྒྱད་ལ་ཕྱག་འཚལ་ལོ། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་འཚལ་ལོ། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །གཞོན་ནུ་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་ཏུ་རྒྱན། །འཇིག་རྟེན་གསུམ་གྱི་མུན་སེལ་བ། །འཇམ་དཔལ་དབྱངས་ལ་ཕྱག་འཚལ་ལོ། །སྐྱོན་གྱིས་མ་གོས་སྐུ་མདོག་དཀར། །རྫོགས་སངས་རྒྱས་ཀྱི་དབུ་ལ་བརྒྱན། །

[Full Size]

ཐུགས་རྗེ་ཅན་གྱིས་འགྲོ་ལ་གཟིགས། །སྤྱན་རས་གཟིགས་ལ་ཕྱག་འཚལ་ལོ། །ལྕང་ལོ་ཅན་གྱི་གནས་མཆོག་དམ་པ་རུ། །གསང་སྔགས་རིག་སྔགས་ཀུན་གྱི་བདག་པོ་སྟེ། །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ། །གསང་བདག་རྡོ་རྗེ་འཛིན་ལ་ཕྱག་འཚལ་བསྟོད། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱིས། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། །ཧཱུྃ། འཇིགས་པའི་ཧཱུཾ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་ལོ། །ཧཱུཾ། ཆོས་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་སྒྱུ་པའི་བགེགས་ཚོགས་ཀུན་ཉོན་ཅིག །ང་ཡིས་གནས་འདིར་སྲུང་བའི་འཁོར་ལོ་སྒྲུབ། །ཁྱེད་རྣམས་འདིར་གནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་སྤྱན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་ནི་འགས་འགྱུར་ཞིང་། །བགེགས་རྣམས་བརླག་པར་འགྱུར་བ་གདོན་མི་ཟ། །དེ་བས་ད་ལྟ་ཉིད་དུ་ཕྱིར་

[Full Size]

དེངས་ཤིག །ཨོཾ་སུམྦྷ་ནི་བརྗོད། འོག་ཐམས་ཅད་རྡོ་རྗེའི་ས་གཞི། བར་ཐམས་ཅད་རྡོ་རྗེ་ར་བ་དང་དྲྭ་བ། སྟེང་ཐམས་ཅད་རྡོ་རྗེའི་གུར་དང་བླ་བྲེ་བཅས་པའི་དབུས་སུ་བཛྲ་རཀྵ་རཀཱ་ཡེ་སྭཱ་ཧཱ། ཨཱཿ སྟོང་ཉིད་སྙིང་རྗེའི་ངང་ཉིད་ལས། །མི་འཇིགས་སེང་གེའི་ཁྲི་སྟེང་དུ། །རང་ཉིད་བསྟན་པའི་གཙོ་བོ་ནི། །སྐུ་མདོག་སེར་པོ་གསེར་འདྲ་ཞིང་། །མཚན་དང་དཔེ་བྱད་རྣམས་ཀྱིས་སྤྲས། །ཤཱ་རིའི་བུ་ལ་སོགས་པ་ཡི། །འཁོར་ཉན་ཐོས་ཆེན་པོ་མཆོག་བརྒྱད་ནི། །སྤྲིན་གྱི་ཕུང་པོ་ལྟ་བུར་གྱུར། །ཞལ་གཅིག་པ་ལ་ཕྱག་གཉིས་པ། །ཕྱག་གཉིས་ས་གནོན་མཉམ་བཞག་མཛད། །ལྗགས་ཀྱི་དཀྱིལ་དུ་པདྨ་སྟོང་། །པདྨའི་འདབ་སྟོང་རེ་རེ་ལ། །བསྐལ་བཟང་སངས་རྒྱས་རེ་རེ་བཞུགས། །ཤཱཀྱ་༈ ཐུབ་པའི་ཐུགས་ཀ་ནས། །མ་ཡུམ་ཆེན་ཤེས་རབ་ཕ་རོལ་ཕྱིན། །མ་གཅིག་སྐྱེ་མེད་ཡི་གེ་ཨཱཿ། །པདྨའི་འོད་ཀྱི་ཟེའུ་འབྲུ་ལས། །འོད་དང་འོད་ཟེར་ཕྱོགས་བཅུར་འཕྲོས། །འོད་དེ་གང་ལ་ཕོག་པ་ཡིས། །འགྲོ་དྲུག་སེམས་ཅན་གང་སུ་དག །དེང་འདིར་དམ་པ་ཆོས་ཀྱི་ཆར་འབེབས་ཀྱི། །ཟབ་མོ་རྒྱལ་བའི་བཀའ་ལ་གུས་པར་ཉོན། །གང་དག་

[Full Size]

ཕྱོགས་བཅུའི་སྟོང་གི་འཇིག་རྟེན་ན། །བདེ་གཤེགས་སློབ་མར་གྱུར་པ་གང་སུ་དག །དེང་འདིར་སྟོན་པའི་ཆོས་ཀྱི་ཆར་འབེབས་ཀྱིས། །གསན་པར་འདོད་པ་ཐམས་ཅད་འདིར་གཤེགས་ཤིག །དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །བྱ་རྣམས་དང་ནི་ཤིང་རྣམས་ལ། །འོད་ཟེར་སྣ་ཚོགས་མཁའ་ལ་འཕྲོ། །དམ་པ་ཆོས་ཀྱི་སྒྲ་རྒྱུན་མི་འཆད་པ། །འགྲོ་བ་ལུས་ཅན་ལུས་མེད་རྣམས་ཀྱིས་ཐོས་ནས་ཀྱང་། །སྐྱེ་གནས་ཀུན་གྱི་ཕ་མ་དང་། །དུས་གསུམ་ཀུན་གྱི་ཕ་དང་མ། མཁན་པོ་དང་སློབ་དཔོན། རྒྱུ་སྦྱོར་ཡོན་གྱི་བདག་པོས་གཙོར་བྱས་པའི། ནམ་མཁའ་དང་མཉམ་པའི་སེམས་ཅན་ཐམས་ཅད་ལ། སྟེང་ལྷ་ཡི་གདུག་པ། འོག་ཀླུ་ཡི་གདུག་པ། བར་གཉན་གྱི་གདུག་པ། །འབྱུང་པོ་མི་དང་མི་མ་ཡིན་གྱི་ཁ་རླངས་གདུག་རྩུབ་དབལ་ཟུར་མི་མཐུན་པའི་ཕྱོགས་ཐམས་ཅད་ཉེ་བར་ཞི་ནས། འཕྲལ་གྱི་རྐྱེན་ཟློག །ཡུན་གྱི་སྒྲིབ་པ་བྱང་། མཐར་ཐུག་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེ་ཡི་ཆེད་དུ་གསུང་རབ་བདེ་བར་གཤེགས་པའི་བཀའ་ཟབ་མོ་ཆོས་ཀྱི་འཁོར་ལོ་བསྐོར་བར་བགྱིའོ། །ཆོས་ལ་དགའ་

[Full Size]

བར་བགྱིའོ། །ཆོས་ལ་མོས་པའི་རྣལ་འབྱོར་ལ་བརྩོན་པར་བགྱིའོ། །ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཱ་ཧཱ། སྨྲ་བའི་མཆོག་རྒྱལ་བའི་གསུང་རབ་རིན་པོ་ཆེ་ལ་བློ་ལུས་ངག་ཡིད་གསུམ་གྱི་སྒོ་ནས་ཕྱག་འཚལ་ཞིང་སྐྱབས་སུ་ཉེ་བར་མཆིའོ། །རང་ཉིད་བསྟན་པའི་བདག་པོ་ཡི། །ཆོས་ཀྱི་སྒྲ་ཆེན་སྒྲོགས་པ་ཡིས། འགྲོ་བ་མི་དང་མི་མ་ཡིན་གྱིས་ཐོས་པ་ཙམ་གྱིས་གྲོལ་ནུས་པར་གྱུར་ཅིག །ལུས་ཅན་ཀུན་གྱི་བྱ་རྣམས་དང་། །ཤིང་དང་འོད་ཟེར་ཐམས་ཅད་དང་། །ནམ་མཁའ་ལས་ཀྱང་ཆོས་ཀྱི་སྒྲ། །རྒྱུན་མི་འཆད་པ་ཐོས་པར་ཤོག །སེམས་ཅན་རྣམས་ཀྱི་བསམ་པ་དང་། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །ན་མོ། གང་ཞིག་ལྷ་ཡི་སྐད་དང་ཀླུ་དང་གནོད་སྦྱིན་སྐད། །དྲི་ཟ་གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་སྐད་ཇི་ཙམ་པར། །ཐམས་ཅད་རང་རང་སྐད་དུ་བདག་གིས་ཆོས་བསྟན་ཏོ། །ཨ་རཱ་གས་སོ།། །།

རྒྱལ་བའི་གསུང་རབ་ཀློག་པའི་སྔོན་འགྲོ།

[Full Size]

རྒྱལ་བའི་གསུང་རབ་ཀློག་པའི་སྔོན་འགྲོ་བཞུགས་སོ།། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིན་སངས་རྒྱས་འགྲུབ་པར་ཤོག །མ་གྱུར་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཆེན་པོ་ལ་ཡུན་རིང་དུ་གནས་པར་གྱུར་ཅིག །ནམ་མཁའ་དང་མཉམ་པའི་སེམས་ཅན་ཐམས་ཅད་བདེ་བ་དང་ལྡན། སྡུག་བསྔལ་དང་བྲལ་ནས་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ་བའི་ཆེད་དུ། བདག་གིས་བཀའ་ཐེག་པ་ཆེན་པོའི་ཆོས་ཀྱི་འཁོར་ལོ་བསྐོར་བ་ལ་འཇུག་པར་བགྱིའོ། །ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷཱ་ཤུདྡྷོཉཧཾ། སྟོང་པ་ཉིད་དུ་གྱུར། སྟོང་པའི་ངང་ལས་རང་རིག་པའི་ངོ་བོ་ཡེ་གེ་ཨ་ཡོངས་སུ་གྱུར་པ་ལས། རང་ཉིད་སྐད་ཅིག་གིས་བཅོམ་ལྡན་འདས་རྒྱལ་བ་

[Full Size]

ཤཱཀྱ་ཐུབ་པ། སྐུ་མདོག་གསེར་བཙོ་མའི་མདོག་ལྟ་བུ། ཞལ་གཅིག་ཕྱག་གཉིས་གཡས་ས་གནོན། གཡོན་མཉམ་བཞག །དབུ་གཙུག་ཏོར་ཞབས་འཁོར་ལོ་སོགས་མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྤྲས་པ། འོད་དང་འོད་ཟེར་ཕྱོགས་བཅུར་འཕྲོ་བ། དེའི་གཡས་སུ་ཤཱ་རིའི་བུ། གཡོན་དུ་མོའུ་འགལ་གྱི་བུ། །མདུན་དུ་རབ་འབྱོར། རྒྱབ་ཏུ་ཀུན་དགའ་བོ་ལ་སོགས་པ་འཁོར་ཉན་ཐོས་ཆེན་པོ་མཆོག་བརྒྱད། རང་རྒྱལ་ཆེན་པོ་བཅུ་གཉིས། དགྲ་བཅོམ་པ་ལྔ་བརྒྱ་དང་ལྔ་སྟོང་ལ་སོགས་པ་འདས་དང་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ། དེའི་མདུན་གྱི་ནམ་མཁའི་གནས་སུ་སེང་གེ་བརྒྱད་ཀྱིས་བཏེག་པའི་ཁྲི་ཕུན་སུམ་ཚོགས་པའི་དབུས་སུ་ཡི་གེ་ཚྭ་སེར་པོ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས་ཆོས་སྐུ་ཡུམ་ཆེན་མོ་སྐུ་མདོག་གསེར་བཙོ་མའི་མདོག་ལྟ་བུ་ཞལ་གཅིག་ཕྱག་བཞི། དང་པོ་གཉིས་རྡོ་རྗེ་དང་གླེགས་བམ། འོག་མ་གཉིས་མཉམ་བཞག་གི་ཕྱག་རྒྱ་མཛད་པ། དེ་ལ་ཕྱོགས་བཅུའི་

[Full Size]

སངས་རྒྱས་དང་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ་མདུན་གྱི་ནམ་མཁའི་གནས་སུ་བཛྲ་ས་མཱ་ཛཿ ཧཱུྃ། མ་ལུས་སེམས་ཅན་ཀུན་གྱི་༈ མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མཱ་ཛཿ ཛཿཧཱུྃ་བཾ་ཧོཿ པདྨ་ཀ་མ་ལཱ་ཡ་ཧཱུཾ། ཨགྷཾ་པཱཏྱཾ་སོགས། ཤབྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། རྣམ་དག་སྐུ་མངའ་མཆོག་ཏུ་གཟུགས་བཟང་བ། །ཡེ་ཤེས་རྒྱ་མཚོ་གསེར་གྱི་ལྷུན་པོ་འདྲ། །གྲགས་པ་འཇིག་རྟེན་གསུམ་ན་ལྷང་ངེ་བ། །མགོན་པོ་མཆོག་བརྙེས་མཛད་ལ་ཕྱག་འཚལ་ལོ། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །འགྲོ་བ་རྣམས་དང་ཤིང་རྣམས་སྣ་ཚོགས་པ། །འོད་ཟེར་དང་ནི་ནམ་མཁའ་ཐམས་ཅད་ལས། །དམ་པ་ཆོས་ཀྱི་སྒྲ་རྒྱུན་མི་འཆད་པ། །སེམས་ཅན་ཐམས་ཅད་ཀྱིས་ནི་ཐོས་པར་

[Full Size]

ཤོག །སྟོང་ཉིད་བཅོ་བརྒྱད་ཆོས་ཀྱི་སྡོང་པོ་ལ། །ཕ་རོལ་ཕྱིན་དྲུག་མཛེས་པའི་རྒྱན་གྱིས་སྤྲས། །ཚད་མེད་བཞི་ཡི་ལོ་འདབ་རྒྱས་པ་ལ། །སྐྱེ་འགག་མེད་པར་འབྲས་བུ་སོ་སོར་གསལ། །ཟབ་དང་རྒྱ་ཆེའི་གསུང་རབ་རིན་པོ་ཆེ་ལ་བློ་ལུས་ངག་གསུམ་གྱི་སྒོ་ནས་གུས་པས་ཕྱག་འཚལ་ཞིང་དྭངས་བས་སྐྱབས་སུ་མཆིའོ། །ས་གཞི་སྤོས་ཆུས་བྱུག་ཅིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་དུ་སྤྱོད་པར་ཤོག །མཉེས་བྱེད་མཎྜལ་བཟང་པོ་འདི་ཕུལ་བས། །བྱང་ཆུབ་ལམ་ལ་བར་ཆད་མི་འབྱུང་ཞིང་། །དུས་གསུམ་བདེ་གཤེགས་དགོངས་པ་རྟོགས་པ་དང་། །སྲིད་པར་མི་འཁྲུལ་ཞི་བར་མི་གནས་ཤིང་། །ནམ་མཁའ་དང་མཉམ་པའི་འགྲོ་རྣམས་སྒྲོལ་བར་ཤོག །གང་ཞིག་ལྷ་ཡི་སྐད་དང་ཀླུ་དང་གནོད་སྦྱིན་སྐད། །དྲི་ཟ་གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་སྐད་ཇི་ཙམ་པར། །ཐམས་ཅད་རང་རང་སྐད་དུ་བདག་གིས་ཆོས་བསྟན་ཏོ། །ཐམས་ཅད་སོ་སོ་རང་རང་གིས་གོ་བར་ཆོས་སྟོན་པར་བགྱིའོ། །རྣལ་འབྱོར་པ་བདག་ཅག།

[Full Size]

དཔོན་སློབ་ཡོན་མཆོད་འཁོར་དང་བཅས་པའི་ཚེ་འདིའི་འགལ་རྐྱེན་ནད་དང་གནོད་པ་རྐྱེན་ངན་བགེགས་སོགས་གློ་བུར་ཡེ་འདྲོག་མི་མཐུན་པའི་ཕྱོགས་ཐམས་ཅད་ཉེ་བར་ཞི་ཞིང་མཐར་ཐུག་མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཐར་པ་དང་ཐམས་ཅད་མཁྱེན་པའི་གོ་འཕང་རིན་པོ་ཆེ་ཐོབ་པར་བྱ་བའི་ཆེད་དུ། རྒྱལ་བ་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གསུང་རབ་རིན་པོ་ཆེ་ལ་བློ་ལུས་ངག་ཡིད་གསུམ་གུས་པས་ཕྱག་འཚལ་ཞིང་དད་པས་སྐྱབས་སུ་མཆིའོ། །ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ། ལུས་ཅན་ཀུན་གྱིས་བྱ་རྣམས་དང་། །ཤིང་དང་འོད་ཟེར་ཐམས་ཅད་དང་། །ནམ་མཁའ་ལས་ཀྱང་ཆོས་ཀྱི་སྒྲ། །རྒྱུན་མི་འཆད་པ་ཐོས་པར་ཤོག །ཏདྱ་ཐཱ། ཨོཾ་ག་ཏེ་ག་ཏེ་པཱ་ར་ག་ཏེ་པཱ་ར་སཾ་ག་ཏེ་བོ་དྷི་སྭཱ་ཧཱ། མཐར་ཡིག་བརྒྱ་དབྱངས་གསལ་རྟེན་སྙིང་བཀྲ་ཤིས་བསྔོ་སྨོན་བཅས་བྱའོ།། ཧཱུྃ། འཇིགས་པའི་ཧཱུཾ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་ལོ། །ཧཱུཾ། ཆོས་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་

[Full Size]

ཚོགས་ཀུན་ཉོན་ཅིག །ངས་ནི་གནས་འདིར་ཡུམ་ཆེན་ཆོས་སྒྲ་སྒྲོག །ཁྱེད་རྣམས་འདིར་གནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་སྤྱན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་ནི་འགས་གྱུར་ཞིང་། །བགེགས་རྣམས་བརླག་པར་འགྱུར་བ་གདོན་མི་ཟ། །དེ་བས་ད་ལྟ་ཉིད་དུ་ཕྱིར་དེངས་ཤིག །ཨོཾ་སུམྦྷ་ནི་བརྗོད། སྟེང་ཐམས་ཅད་རྡོ་རྗེའི་གུར་ཁང་། འོག་ཐམས་ཅད་རྡོ་རྗེའི་ས་གཞི། བར་མཚམས་ཐམས་ཅད་རྡོ་རྗེའི་ར་བ་དང་དྲྭ་བ། ཕྱི་རོལ་ཐམས་ཅད་ཡེ་ཤེས་ཀྱི་མེ་རབ་ཏུ་འབར་བ་སྲུང་བའི་འཁོར་ལོ་རྒྱ་ཆེན་པོར་གྱུར། བཛྲ་རཀྵ་རཀྟ་ཡེ་སྭཱ་ཧཱ། གང་དག་ཕྱོགས་བཅུའི་སྟོང་གི་འཇིག་རྟེན་ན། །བདེ་གཤེགས་སློབ་མར་བཅས་པ་གང་སུ་དག །དེང་འདིར་སྟོན་པའི་ཆོས་ཀྱི་ཆར་འབེབས་ཀྱིས། །ཆོས་ཉན་འདོད་པ་ཐམས་ཅད་འདིར་གཤེགས་ཤིག །ན་མོ། གང་ཞིག་ལྷ་ཡི་སྐད་དང་ཀླུ་དང་གནོད་སྦྱིན་སྐད། །དྲི་ཟ་གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་སྐད་ཇི་ཙམ་པར། །ཐམས་ཅད་རང་རང་སྐད་དུ་བདག་གིས་ཆོས་བསྟན་ཏོ། །ཞེས་ཀརྨ་ཆགས་མེད་རིན་པོ་ཆེས་མཛད་པའོ།། །།

རྒྱལ་བཀའ་སྒྲོགས་ཐབས་བསྡུས་པ།

[Full Size]

སྐྱབས་སེམས་སྔོན་དུ་སོང་ནས། ཨཱཿཿ རང་ཉིད་ཡུམ་ཆེན་གསེར་གྱི་མདོག །ཞལ་གཅིག་ཕྱག་བཞི་སྐྱིལ་ཀྲུང་བཞུགས། །གཡས་གཉིས་ཆོས་འཆད་རྡོ་རྗེ་དང་། ༈ གཡོན་གཉིས་མཉམ་བཞག་གླེགས་བམ་འཛིན། །མཚན་དཔེ་དར་དང་རིན་ཆེན་བརྒྱན། །སེང་ཁྲི་པད་ཟླའི་གདན་ལ་བཞུགས། །ཡེ་ཤེས་དམ་ཚིག་དབྱེར་མེད་པའི། །ཐུགས་ཀར་ཟླ་སྟེང་ཨཱཿཿཡིག་མཐར། །གཱ་ཏེའི་སྔགས་ཀྱིས་བསྐོར་བར་བསྒོམ། །ལྗགས་ནི་པདྨ་འདབ་མ་སྟོང་། །འདབ་མ་རེ་རེའི་སྟེང་དུ་ནི།། །བསྐལ་བཟང་སངས་རྒྱས་རེ་རེ་བཞུགས། །ཤེར་ཕྱིན་ཆོས་ཀྱི་འཁོར་ལོ་བསྐོར། །ཆོས་སྒྲས་འཇིག་རྟེན་ཐམས་ཅད་ཁྱབ། །རིགས་དྲུག་སོ་སོའི་སྐད་དུ་གོ །ལྷ་ཀླུ་གནོད་སྦྱིན་དྲི་ཟ་སོགས། །དཀར་ཕྱོགས་ཐམས་ཅད་རབ་ཏུ་དགའ། །མེ་ཏོག་ཆར་འབེབས་སྲུང་སྐྱོབ་མཛད། །ནག་ཕྱོགས་བདུད་རིགས་སྐྲག་ཅིང་སྔངས། །ནམ་མཁའི་ཕར་མཐར་བསྐྲད་པར་གྱུར། །ག་ཏེའི་སྔགས་བརྗོད། ཅེས་པ་འདི་ཨ་རཱ་གས་མཆོད་རྒན་རེ་ནི་སྲུང་ལ་གནང་བའོ།། །།

འཕགས་པ་གནམ་ས་སྣང་བརྒྱད་རྒྱ་ནག་གི་མདོ་དོན་བསྡུས་པ།

[Full Size]

འཕགས་པ་གནམ་ས་སྣང་བརྒྱད་རྒྱ་ནག་གི་མདོ་དོན་བསྡུས་པ་བཞུགས་སོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་འཕགས་པ་ཉན་རང་རྣམས་ལ་ཕྱག་འཚལ་ལོ། །དེ་རྣམས་ཀྱི་བདེན་པའི་བྱིན་རླབས་ཀྱིས། སྣང་སྲིད་ཀྱི་ལྷ་ཀླུ་མཐུ་བོ་ཆེ་རྣམས་བཅོས་ཏེ། སྐྱོང་བྱེད་ཆེན་པོ་བཞི། རྒྱལ་ཆེན་བཞི། ཕྱོགས་སྐྱོང་བཅུ། ལྷ་ཆེན་བརྒྱད། སུམ་ཅུ་རྩ་གསུམ་གྱི་ལྷ། ཀླུ་གཉན། ནོར་སྲུང་རྣམས་དང་། གཟའ་བརྒྱད་འཁོར་དང་བཅས་པ། སྤར་ཁ་བརྒྱད་ལ་སོགས་པ་དེ་དག་རྣམས་བདག་དང་ཡོན་བདག་དང་མཐུན་པར་བཅོས་སོ། །ཞི་བ་དང་བདེ་ལེགས་སུ་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨཱཿ་ཡུཔུཊྚི་ཀུ་རུ་སྭཱ་ཧཱ། གཞན་ཡང་འབྱུང་བ་ལྔ་ལོ་བཅུ་གཉིས་ལོ་སྐོར་དྲུག་ཅུ་ལ་གནས་པའི་ས་བདག་རྣམས་བདག་དང་ཡོན་བདག་དང་མཐུན་པར་བཅོས་སོ། །།ཞི་བ་དང་བདེ་ལེགས་སུ་བཅོས་སོ། །དགྲ་དང་གཤེད་དུ་མ་འཛིན་ཅིག །ལྷ་དང་དཔལ་དུ་བསྐྱེད་ཅིག །ཨོཾ་ཀི་ལི་མི་ལི་པི་ཏ་ཨ་དྷི་པ་ཏ་ཡེ་ཧུ་ཡ་ཧུ་ཡ་སྲུང་རུང་ཅི་ནི་ཨ་དྷི་མ་ཧཱ་ལི་སྭཱ་ཧཱ། སྨིན་

[Full Size]

དྲུག་ལ་སོགས་རྒྱུ་སྐར་ཉེར་བརྒྱད་རྣམས་བདག་དང་ཡོན་བདག་དང་མཐུན་པར་བཅོས་སོ། །ཞི་བ་དང་བདེ་ལེགས་སུ་བཅོས་སོ། །ལས་དགེ་ལ་སོགས་ཅི་བྱས་ཀྱང་གཟའ་སྐར་མ་རྩིས་པའི་སྐྱོན་ལ་ཐུག་པས། ཁྲོས་པར་གྱུར་ན་སྨན་སྣ་ཚོགས་དང་ལྡན་པའི་མཐུ་འདིས་བཅོས་སོ། །མ་འཁྲུགས་མ་གནོད་ཅིག །གལ་ཏེ་གནོད་ན་མགོ་བོ་དང་སྙིང་འགས་ཤིང་ཚིག་པར་འགྱུར་རོ། །ཨོཾ་ཨ་ཀ་ནི་ནི་ཀ་ནི་ཨ་བྱི་ལ་མན་ལ་མཎྜ་ལེ་སྭཱ་ཧཱ། ས་བདག་གི་རྒྱལ་པོ་ཤི་ཧྲི་དྷ་བ་ཕག་མགོ་ཅན། ས་འཛིན་ལག་པ་ཆེན་པོ། ས་ཡི་ལྷ་མོ་བརྟན་མ། །ཤར་ཕྱོགས་ན་ས་བདག་ཐེ་སེ། ལྷོ་ན་གཙང་ཀུན། ནུབ་ན་ཧོང་ཕན། བྱང་གི་བེའུ་འབྱིན། ཤར་སྟག་སྐྱ། ལྷོའི་འབྲུག་སྔོན། ནུབ་བྱ་དམར་མོ། བྱང་གི་རུས་སྦལ་སེར་པོ། ཤར་ལྷོའི་པི་ལིང་འཕར་མ། བྱང་ཤར་གྱི་གསེར་གཉེ་བོ། ནུབ་བྱང་གི་དྲང་ལྷ་མེ་བོ་ཆེ། ལྷོ་ནུབ་ཀྱི་གྲུབ་གཉན་ལག་པ་ཅན། ཤར་ན་འཁོར་ལོ་ནག་པོ། ལྷོའི་བ་དན་སེར་པོ། ནུབ་ན་གཟིག་གི་མཇུག་མ་ཅན། བྱང་ན་བྱའི་ཟེ་བ་ཅན། གངས་རི་རྫ་རི་ལ་ཀླུང་སྤང་གཤོང་ཕ་ཝང་ཤིང་རྡོ་ལ་སོགས་སྟོད་སྨད་ལ་གནས་པའི་ས་བདག་ལྷ་ཀླུ་

[Full Size]

སྨན་གཉན་དང་བྲག་རི་ལ་གནས་པའི་རྗེ་བདུད་རྗེ་བཙན་མཚོ་དང་ལྡིང་ཀ་ཆུ་མིག་ལ་གནས་པའི་ལྷ་ཀླུ་གཉན་དང་ཞིང་གི་ཚངས་པ། མཁར་གྱི་རྩེ་ལྷ། རྩིག་རྨང་གི་བེའུ་སྣ། ལྷས་འདབས་ཀྱི་གཞོན་ནུ། དུར་དང་འཆད་ཀའི་ཁྲི་སྙན། ཐབ་ལྷ། ཞིང་མུའི་གོས་སྔོན་ཅན། ས་སྣ་ལྔའི་ས་བདག་ཀླུ་གཉན་ཁམས་སེར་ནག་གི་ས་བདག །སྨེ་བ་དགུའི་ས་བདག་ཀླུ་ཆེན་སྤྲིན་གྱི་ལྷ་ཨོག་ཚོར། དྲག་པ་རབ་གསལ། སྦལ་པ་ཅན་དེ་རྣམས་བདག་དང་ཡོན་བདག་དང་མཐུན་པར་བཅོས་སོ། །ཞི་བ་དང་བདེ་ལེགས་སུ་གྱུར་ཅིག །བསྡུ་ན་འདི་ཡན་ཆོག །ཨོཾ་ཀྱི་ལ་པ་ར་ན་ཨ་པ་ཡ། ཧཱུཾ་ཧཱུཾ་ཧཱུཾ། ཧོ་ཧོ་ཧོ། ཐཱ་ཐཱ་ཐཱ། །ནཱ་ག་སརྦ་སྭཱ་ཧཱ། གཞན་ཡང་ས་བདག་ཐེ་སེ་དང་། ཐེ་ཁྱིམ་བཙུན་མོ་དང་། །ཧང་ནེ་ཧང་ཕེན་དང་། ཏེ་སོ་སྲས་བུ་དང་། གཙང་ཀུན་བློན་པོ་དང་། བླ་མཁྱེན་སེ་ཤར། སྐུ་སྲུང་དང་། སེ་ལོ་ས་འཕྱགས་སེ་བ་གདན་འདིང་དང་། །རྟ་ཁྲིད་རང་རྟ་ནོར་སྲུང་བྱ་རི་བ། །དུས་འཛིན་ཧལ་ཁྱི་དཀར་ཤམ་སྦལ་ཐེ་དང་། །གནམ་ཐིལ་སེར་ནག་འབྲུག་སྔོན་ཆུ་ཚག་དང་། །སྟག་དཀར་ཧན་བུ་སྐྱེས་ཅན་དང་། །གནམ་གཤེད་འབྲུག་ལྷ་

[Full Size]

ག་པ་དང་། །བྱི་ལམ་ཕག་མགོ་ཟླ་རླུང་ལྷ་བླ་སྔོན་ས་རྒྱལ། །ས་སྨན་ས་ཡི་བརྟན་མ་དང་། །ས་བདག་རྒན་རྒོན་ནང་ལྷ་དང་། །རྔ་ཟོར་གྱི་ལམ་སྔོན་མོ་དང་། །གཉན་འཕར་མགོ་དགུ་དང་། ལྷ་དགུ་ས་རྒྱལ་ལྷ་ལྔ་གནམ་ཁྱི་རྣམས་བདག་དང་ཡོན་བདག་དང་མཐུན་པར་བཅོས་སོ། །ཞི་བ་དང་བདེ་ལེགས་སུ་བཅོས་སོ། །ཏྲི་ཏྲི་ཤུ་མ་ཏྲ་ཛ་ཤ་ག་ཛ་ཏྲ་ཛ་ཏྲ་ཧཱུྃ་ཛཿ ཨོཾ་བྷྱོ་དྷི་ཙིཏྟ་ཏྲ་ཏེ་ཁ་རོ་བོ་དྷི་ཙིཏྟ་ཨུ་མ་ཏ་ཡ་ནི་ཀ་པ་ཙ་དུང་དུང་རཀྟ་ཧ་ཧ་མ་རཾ་རཾ་མ་ཧཱ་ཀཱ་ལ་ཁར་ཀར་སུརྟ་རྡོ་ཏ་ཡཾ་ཡཾ་ཁཾ་འབྲུ་འདུས་སྭཱ་ཧཱ། ཨོཾ་མུར་དྷི་མུར་དྷི་སྭཱ་ཧཱ། མར་མར་ཤྲཱི་ཐུ་སྭཱ་ཧཱ། གནམ་སའི་གཏོ་ཆེན་པོ་འདིས་བཀྲ་མི་ཤིས་པ་ཐམས་ཅད་ཤིས་པར་གྱུར་ཅིག །ས་བདག་ཁྱེད་རྣམས་མཉེས་པར་གྱིས་ཤིག །བྲག་གཉན་ཆེན་པོ་མ་རལ་ཞིག །ས་ཆེན་པོ་མ་གཡོ་ཞིག །ཆུ་ཆེན་པོ་མ་འཁྲུག་ཅིག །སྐར་མདའ་ས་ལ་མ་འགྲིམ་ཞིག །མེ་ལྕེ་ས་ལ་མ་འབེབས་ཤིག །སེར་བ་དྲག་པོ་ས་ལ་མ་འབེབས་ཤིག །མི་ནད་ཕྱུགས་ནད་རིམས་ནད་མ་གཏོང་ཞིག །སད་སེར་བཙའ་དང་མུ་གེ་མ་གཏོང་ཞིག །ཁྱུང་དམར་པོས་གཤོག་པ་མ་གཡོབ་ཅིག །འབྲུག་སྔོན་པོས་རྐན་མ་རྡེབ་

[Full Size]

ཅིག །སྤེའུ་སེར་པོས་གར་མ་བྱེད་ཅིག །ཉ་དཀར་མོའི་རྔ་མ་མ་གཡོབ་ཅིག །གཡུའི་བྱི་བས་ཁྱི་སྐད་མ་ཟུག་ཅིག །ཕག་ཁྲ་བོ་མ་འཁྲུག་ཅིག །སྦྲུལ་ནག་པོས་ལྕེ་མ་སྐྱོངས་ཤིག །གཡག་ཁམ་པས་རུ་མ་བརྡར་ཅིག །གླང་བུ་སྟག་རིས་མ་གཏོར་ཞིག །རྡོ་ལུག་གྲོ་མོ་མ་འཁུན་ཅིག །བདུད་དང་བཙན་མ་འཁྲོ་ཞིག །ཞི་བ་དང་བདེ་ལེགས་སུ་གྱུར་ཅིག །ཅེས་པ་འདི་ནི་སྣང་བརྒྱད་རྒྱ་ནག་མའི་དོན་བསྡུས་པའོ། །ཨ་རཱ་གས་སྨྲས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ས་སྣང་བརྒྱད་ཀྱི་མདོ་ཡི་དོན་བསྡུས་སྲིད་ཞིའི་བདེ་ལེགས་དཔལ་སྟེར།

[Full Size]

གནམ་ས་སྣང་བརྒྱད་ཀྱི་མདོ་ཡི་དོན་བསྡུས་སྲིད་ཞིའི་བདེ་ལེགས་དཔལ་སྟེར་བཞུགས་སོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཨོཾ་མུ་ནེ་མུ་ནེ་མ་ཧཱ་མུ་ནེ་ཤཱཀྱ་མུ་ནེ་ཡེ་སྭཱ་ཧཱ། ཨོཾ་སརྦ་ཏ་ཐཱ་ག་ཏ་ཨཱཿ་ཡུར་པུཎྚི་ཀུ་རུ་སྭཱ་ཧཱ། འགྲོ་བ་རིགས་དྲུག་གི་སེམས་ཅན་རྣམས་ཀྱི་སོ་སོའི་སྡུག་བསྔལ་རྣམས་ཞི་ནས་བདེ་ལེགས་སུ་གྱུར་ཅིག །ཨོཾ་ཀི་ལི་མི་ལི་པེ་ཏི་ལ་ཨ་དྷི་པ་ཏ་ཡེ་ཧུ་ཡ་ཧུ་ཡ་སྲུ་རུང་ཙི་ནི་ཨ་དྷི་མ་ཧཱ་ལི་སྭཱ་ཧཱ། དམ་པའི་ཆོས་ལ་ས་བདག་ལྷ་ཀླུ་རྣམས་ཡིད་ཆེས་ནས་བྱང་ཆུབ་མཆོག་ཏུ་སེམས་བསྐྱེད་པར་གྱུར་ཅིག །ཨོཾ་ཨ་ཀ་ནི་ནི་ཀ་ནི་ཨ་བྱི་ལ་མན་དྷ་ལེ་མཎྜ་ལེ་སྭཱ་ཧཱ། སྣང་སྲིད་ཀྱི་ས་བདག་ཀླུ་གཉན་གང་ཡིན་པ་ཐམས་ཅད་ཞི་བས་མི་འདུལ་བ་ཐམས་ཅད་ཐུགས་ཞི་བ་བྱང་ཆུབ་ཀྱི་སེམས་དང་ལྡན་པར་གྱུར་ཅིག །ཨོཾ་ཀྱི་ལ་པ་རི་ཤ་ཨཱཿ་པ་ཡཧཱུཾ་ཧཱུཾ་ཧཱུཾ། ཧོ་ཧོ་ཧོ ཐཱ་ཐཱ་ཐཱ། ནཱ་ག་སརྦ་སྭཱ་ཧཱ། ས་བདག་རྗེ་བློན་བཅུ་བདུན་ལ་སོགས་པ། ལོ་ཟླ་ཞག་དུས་ལ་དབང་བསྒྱུར་བ་རྣམས་ཀྱང་ཞི་བ་བྱང་ཆུབ་ཀྱི་སེམས་དང་ལྡན་ནས་ཞི་བ་དང་བདེ་ལེགས་སུ་གྱུར་ཅིག །ཀྲྀཏྲི་ཤུ་མ་ཏྲ་ཛ་ཤ་ག་ཛ་ཏྲ་ཛ་ཏྲ་ཧཱུྃ་ཛཿ ཨོཾ་བོ་དྷི་ཙིཏྟ་པྲ་ཏེ་ཁ་རོ་བོ་དྷི་ཙིཏྟ་

[Full Size]

ཨུ་མ་ཏ་ཡ་ནི་ཀ་ས་ཛ་དུང་དུང་རཀྟ་ཧ་ཧ་མ་རཾ་རཾ་མ་ཧཱ་ཀཱ་ལ་ཁར་ཀར་སུརྟ་དྷོ་ཏ་ཡཾ་ཡཾ་ཁཾ་འབྲུ་འདུས་སྭཱ་ཧཱ། ཨོཾ་མུར་དྷི་མུར་དྷི་སྭཱ་ཧཱ། མར་མར་ཤྲཱི་ཐུ་བཀྲ་མི་ཤིས་པ་ཐམས་ཅད་ཞི་བར་གྱུར་ཅིག །ས་འོག་ས་སྟེང་བར་སྣང་ལ་གནས་པའི་གཞི་བདག་ཀླུ་གཉན་རྣམས་ཡོན་བདག་དང་མཐུན་པར་གྱུར་ཅིག །ཁམས་གསུམ་ན་གནས་པའི་སེམས་ཅན་ཐམས་ཅད་བདེ་ལེགས་སུ་གྱུར་ཅིག །གཟུངས་འདི་བསྒྲགས་པའི་བྱིན་རླབས་ཀྱིས། ས་བདག་ལྷ་ཀླུ་ཀུན་དགའ་ཞིང་། ཡི་རང་ནས་བྱང་ཆུབ་མཆོག་ཏུ་སེམས་བསྐྱེད་དེ་ཞི་བ་དང་བདེ་ལེགས་སུ་གྱུར་ཅིག །ཅེས་པའང་༧ ཨ་རཱ་གས་སྦྱར་བ་མངྒ་ལཾ། དགེའོ། །དགེའོ། །དགེའོ།། །།

སྣང་བརྒྱད་ཀྱི་མདོ་བསྡུས་པ།

[Full Size]

སྣང་བརྒྱད་ཀྱི་མདོ་བསྡུས་པ་བཞུགས་སོ། །སྣང་བརྒྱད་ཚར་གསུམ་བཀླགས་ན་གང་དགོས་འགྲུབ་པ་དང་། ཉེས་སྐྱོན་ཐམས་ཅད་སེལ་བར་གསུངས་སོ། །ན་མོ་མཉྫའི་ཡེ། མིག་གིས་གཟུགས་སྣ་ཚོགས་འབྱེད་དོ། །གཟུགས་ཉིད་ཀྱང་སྟོང་པའོ། །སྟོང་པ་ཉིད་ཀྱང་གཟུགས་སོ། །རྣ་བས་སྒྲ་སྣ་ཚོགས་ཐོས་སོ། །སྒྲ་ཉིད་ཀྱང་སྟོང་པའོ། །སྟོང་པ་ཉིད་ཀྱང་སྒྲའོ། སྣས་དྲི་སྣ་ཚོགས་ཚོར་བའོ། །དྲི་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་དྲིའོ། །ལྕེས་རོ་སྣ་ཚོགས་འབྱེད་དོ། །རོ་ཉིད་ཀྱང་སྟོང་པའོ། །སྟོང་པ་ཉིད་ཀྱང་རོའོ། ལུས་ཀྱིས་ཚོར་བ་སྣ་ཚོགས་འབྱེད་དོ། །ཚོར་བ་ཉིད་ཀྱང་སྟོང་པའོ། །སྟོང་པ་ཉིད་ཀྱང་ཚོར་བའོ། །ཡེ་ཤེས་ཀྱིས་ནི་ཆོས་སྣ་ཚོགས་འབྱེད་དོ། །ཡེ་ཤེས་ཉིད་ཀྱང་སྟོང་པའོ། །སྟོང་པ་ཉིད་ཀྱང་ཡེ་ཤེས་སོ། །ཉི་མ་ཐམས་ཅད་དགེ་བ་ཡིན། །རྒྱུ་སྐར་ཐམས་ཅད་བཟང་པོ་ཡིན། །དགྲ་བཅོམ་ཐམས་ཅད་ཟག་པ་མེད། །སངས་རྒྱས་ཐམས་ཅད་རྫུ་འཕྲུལ་ཆེ། །བཙས་པའི་ཉི་མ་ཤིན་ཏུ་དགེ །བསྡུར་བའི་ཉི་མ་ཤིན་ཏུ་བཟང་། །གསོན་གཤིན་གཉིས་ཀྱི་བསོད་ནམས་སུ། །བཀླགས་པས་བསོད་ནམས་འཐོབ་པར་འགྱུར། །

[Full Size]

བྱང་ཆུབ་སེམས་དཔའི་བླ་ན་མེད་པ་དང་། བྱང་ཆུབ་སེམས་དཔའ་སྤྱན་རྣམ་པར་དག་པ་དང་། བྱང་ཆུབ་སེམས་དཔའ་རི་བོའི་དཔལ་དང་། བྱང་ཆུབ་སེམས་དཔའ་དགེ་བའི་བཤེས་གཉེན་དང་། བྱང་ཆུབ་སེམས་དཔའ་མཐུན་སྦྱོར་དང་། བྱང་ཆུབ་སེམས་དཔའི་སྐྱབས་ཆེན་དང་། བྱང་ཆུབ་སེམས་དཔའ་འཁོར་ལོས་སྒྱུར་བའི་རྒྱལ་པོ་དང་། བྱང་ཆུབ་སེམས་དཔའ་དྲི་མ་དག་དང་། བྱང་ཆུབ་སེམས་དཔའ་དེ་རྣམས་ལ་ཕྱག་འཚལ་ལོ། །ཨོཾ་ཨ་ཀ་ནི། ནི་ཀ་ནི། ཨ་བྱི་ལ། མན་ད་ལེ་མཎྜ་ལེ་སྭཱ་ཧཱ། རྣམ་པར་ཤེས་པ་བརྒྱད་ཀྱི་རྩ་བ་ནི། དངོས་པོ་སྟོང་ཞིང་སྟོང་པ་ཉིད་ཡིན་ནོ། །སངས་རྒྱས་ཀྱི་ཆོས་སོ། །མཚན་ནི་སྟོང་པ་ཞེས་བྱའོ།། །ཞེས་པ་མདོ་མང་སྣང་བརྒྱད་དཀར་པོའི་དོན་བསྡུས། ༧ རཱ་ག་ཨ་སྱས་བྲིས་པའི་དགེ་བས་སེམས་ཅན་ཐམས་ཅད་བདེ་བར་གྱུར་ཅིག །དེ་ནས་བྱམས་སྙིང་རྗེ་བསྒོམས་པས་ལྷ་འདྲེ་ཐམས་ཅད་གྲོགས་སུ་འགྱུར། བདག་མེད་ཀྱི་དོན་བསྒོམས་པས་ལྷ་འདྲེ་ཐམས་ཅད་དབང་དུ་འདུའོ། །སརྦ་མངྒ་ལཾ། དགེའོ།། །།

དག་པ་གསེར་ཐིག་གི་མདོ་དོན་བསྡུས་པ།

[Full Size]

དག་པ་གསེར་ཐིག་གི་མདོ་དོན་བསྡུས་པ་བཞུགས་སོ། །ན་མོ་མཉྫཤྲཱི་ཡེ། འབྱུང་བ་ལྔ་ཡི་གཞལ་ཡས་དབུས། །རང་ཉིད་བཅོས་ལྡན་འཇམ་པའི་དབྱངས། །འབྱུང་བ་ལྔ་ཡི་ལྷ་ཚོགས་ཀུན་གྱིས་བསྐོར། །ཕྱི་ནང་དམ་ཡེ་དབྱེར་མེད་གསལ་བ་ལས། །འགྲོ་ལ་ཕན་པའི་དོན་དུ་ནི། །དངོས་འབྱོར་ཡིད་སྤྲུལ་མཆོད་པ་འབུལ། །ཕྱོགས་མཚམས་འབྱུང་བ་ལྔ་མཛད་པའི། །ལྷ་ལྔ་ཀུན་ལ་ཕྱག་འཚལ་ལོ། །ལུས་ངག་ཡིད་གསུམ་སྡིག་སྒྲིབ་རྣམས། །ཉམས་ཆག་མ་ལུས་མཐོལ་ལོ་བཤགས། །ཡཾ་ཡཾ་སལ་སལ་གེ་རེ་འདུ། ཡཾ་ཏེ་ཁྲུ་ཏེ་ཚེ་ཡང་ཕཊ། །ཞི་ཞི་ཡི་གེ་རྒྱུ་མ་སྭཱ་ཧཱ། རླུང་གི་གནོད་པ་ཞི་གྱུར་ཅིག །རཾ་རཾ་ཏིང་ཕུང་རཾ་གེ་རེ་འདུ། རྩ་བ་ཕཊ། མ་མ་རཾ་ཏེ་ཉ་ཕུར། གེ་གྷ་དྷ་སང་ཞི་བ་འདུལ། །མེ་ཡི་གནོད་པ་ཞི་གྱུར་ཅིག །མཾ་མཾ་ས་མོ་དུ་ཡེ་མཾ་འདུ། པྲ་ཧ་ར་ཧཱུྃ་དུ་ཕཊ། ཨོཾ་དྷ་ཀེ་ཤ་ཁོ་རེ་དུ། ཆུ་ཡི་གནོད་པ་ཞི་གྱུར་ཅིག །ཁཾ་ར་སིལ་མ་དུ་མ་གི་དུ་མ་ཡེ། ཁཾ་ཀེ་མ་ཨ ཧཱ་ཨ་ནུ་དུ། ས་ཡི་གནོད་པ་ཞི་གྱུར་ཅིག །ཁ་ར་སི་ལ་མ་ཏུ་ཞིག་ནག་པོ་ཆོམ། ཁཾ་འདུ་མ་ཀི་མ་ཧཱ་ཨ་དྷུ། ཤིང་གི་གནོད་པ་ཞི་གྱུར་ཅིག །ཨོཾ་ཨ་མྲྀ་ཏེ་པ་རོ་མ་ཁྲེར་དུ་མ་ཨ་

[Full Size]

རཾ་ཁེར་ན་ཡུ། ཨ་ཧཱུཾ་ཀྵེ་ཉ་མ་ཧཱུྃ། ལྕགས་ཀྱི་གནོད་པ་ཞི་གྱུར་ཅིག །ཨ་པཱ་སརྦ་རཀཱ་དྷུ་ཨ་མ་རཀཱ་མ་ཧཱ་ཧཱུཾ། ཧཱུཾ་ཧཱུཾ་དྷ་དྷ་དྷུ་ཀ་མ་ཡེ། དྷ་ཀེ་ཚ་ར་ཧཱུྃ་ཕཊ། ས་བདག་ཀླུ་གཉན་གནོད་པ་ཞི་གྱུར་ཅིག །ཨོཾ་ཨགི་དྷ་ཤ་མ་ལེ་ཧཱུཾ། ས་ལེ་ས་མ་ཡ་ཀྲ་ཏྲ་ཡ་ནེ་ཕཊ། ག་ཏ་གུ་ཡེ་ཏ་མ་ཡེ་སྭཱ་ཧཱ། སྤར་ཁའི་ཉེས་སྐྱོན་ཞི་གྱུར་ཅིག །མལ་མལ་ཞི་ཞི་སྭཱ་ཧཱ། ཨ་མུར་ཡུ་ཏི་ས་གུར་ཞི། ཧ་ལ་ཧ་སུ་དུ་ཏྲི་སྭཱ་ཧཱ། སྨེ་བའི་ཉེས་སྐྱོན་ཞི་གྱུར་ཅིག །ཨོཾ་ཨ་ས་ཧཱུཾ་གེ་རཾ་ཏེ་ཕཊ། དྷ་ཧ་ན་མ་ས་ར་མ་ཏྲེ་དྷ་ན་ཧཱུཾ་ཧཱུཾ་ཞི་ཞི་མལ་མལ་འབུར་མ་ཀེ་ཤེ་མ་ཧཱ་ཧ་ན་ཧཱུྃ་ཧཱུྃ་སྭཱ་ཧཱ། ལོ་ཟླ་ཞག་དུས་ཀག་རྣམས་ཞི་གྱུར་ཅིག །ཨོཾ་དྷ་ལ་མ་དྷུ་སི་ཡེ་པདྨེ་ཧཱུྃ། བཞི་བརྗོད། གཟའ་སྐར་ཉེས་པ་ཞི་གྱུར་ཅིག །ཨ་རཀྵ་སི་མ་དྷུ། དྷུ་ཏྲེ་དུ་སི་ནག་པོ་ཞི་ས་མ་ཡ་ནི་ཕཊ། གུར་མ་གུར་ཏི་ནག་པོ་ཞི། ས་བདག་འགྲམས་འཁྲུགས་ཞི་གྱུར་ཅིག །ཨོཾ་ཨ་དུ་སརྦ་རཀྵ་ཧཱུྃ། དྷ་ཧ་དྷ་ཧ་ན་མ་ཧེ་མ་ཧེ་མ་མ་རུ་ལུ་རསྤྲོ་རྦད། ཞི་ཞི་དུལ་དུལ་སྭཱ་ཧཱ་ལྷན། སྣང་སྲིད་ལྷ་སྲིན་སྡེ་བརྒྱད་ཀྱི། །གནོད་པ་ཐམས་ཅད་ཞི་གྱུར་ཅིག །ཀོང་ཙེའི་ཡི་དམ་མདོ་ཐིག་འདི། །ལུས་ལ་འཆང་ངམ་ཀློག་པ་

[Full Size]

ཡིས། །འབྱུང་བའི་ལྷ་ཚོགས་ཐམས་ཅད་དང་། །བདེ་བར་གཤེགས་པ་ཀུན་གྱིས་སྐྱོབ། །སྟོང་ཕྲག་བརྒྱད་ཅུའི་གདུག་པ་འཇོམས། །གཏོ་མཁན་རང་ལུས་སྲུང་བ་དང་། །དོགས་ཚེ་ཉམ་ང་ཀུན་བྲལ་ཤོག །སྒྲིབ་པ་བྱང་ནས་བླ་མེད་ཐོབ། །དག་པ་གསེར་གྱི་མདོ་ཐིག་འདི། །ཉེས་པ་ཐམས་ཅད་བཤགས་པར་བགྱི། །བསོད་ནམས་བཀྲ་ཤིས་འཕེལ་བར་ཤོག །དག་པ་གསེར་གྱི་མདོ་ཐིག་གི་དོན་བསྡུས་པ་རྫོགས་སོ། །ལོ་ཙཱ་ཁ་ཙོ་སྡང་ཡག་གིས། རྒྱ་ནག་ཡུལ་ནས་བོད་དུ་བསྒྱུར། །མདོ་སྡེའི་ནང་ནས་སྔགས་དོན་ནི། །རྩིས་མཁན་རཱ་གའི་མིང་སྒྱུ་ཅན་གྱིས། །རང་དང་གཞན་ལ་ཕན་ཕྱིར་བཀོད། །ཉེས་མཆིས་འབྱུང་བའི་ལྷ་ལ་བཤགས། །དགེ་བས་འགྲོ་ཀུན་བདེ་ལེགས་ཤོག །སརྦ་མངྒ་ལཾ། དགེའོ། །དགེའོ། །དགེའོ།།

རྒྱ་ནག་པོའི་ཀག་ཟློག་བསྡུས་པ།

[Full Size]

རྒྱ་ནག་པོའི་ཀག་ཟློག་བསྡུས་པ་བཞུགས་སོ། །སྟག་གི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་ཧཱུཾ་སྭཱ་ཧཱ། ཡོས་ཀྱི་ཟླ་བ་དང་ཞིག་དུས་ཀྱི་ཀག་སྒྱུར་ཅིག །ཨོཾ་ཡཾ་སྭཱ་ཧཱ། འབྲུག་གི་ཟླ་བ་དང་ཞག་དུས་ཀྱི་ཀག་སྒྱུར་ཅིག ཨོཾ་འི་སྭཱ་ཧཱ། སྦྲུལ་གྱི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་སྦམ་སྭཱ་ཧཱ། རྟ་ཡི་ཟླ་བ་དང་ཞག་དུས་ཀྱི་ཀག་སྒྱུར་ཅིག སྣ་ཨོཾ་ཏཾ་སྭཱ་ཧཱ། ལུག་གི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་ལཾ་སྭཱ་ཧཱ། སྤྲེལ་གྱི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་པྲ་སྭཱ་ཧཱ། བྱ་ཡི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་ཁཾ་སྭཱ་ཧཱ། ཁྱི་ཡི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་ཁཾ་སྭཱ་ཧཱ། ཕག་གི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་ཝཾ་སྭཱ་ཧཱ། བྱི་བའི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་བཾ་སྭཱ་ཧཱ། གླང་གི་ཟླ་བ་དང་ཞག་དུས་ཀྱི་ཀག་སྒྱུར་ཅིག །ཨོཾ་གཾ་སྭཱ་ཧཱ། ཟླ་བ་གང་རྩུབ་དེའི་སྔགས་གྲངས་མང་དགོས། ཞེས་སྔགས་འཆང་རཱ་ག་ཨ་སྱས་འཇམ་དཔལ་རྒྱུད་དང་། རྒྱ་ནག་སྐག་ཟློག་གནམ་ཆོས་ལས་བྱུང་བ་རྣམས་ཕྱོགས་གཅིག་ཏུ་བསྒྲིགས་པའོ། །འདི་ནི་འཇམ་དཔལ་དམར་སེར་གྱིས་གསུངས་པ་ཁོ་ནའོ། །སྤྱི། ས་མ་ཡ། རྒྱ་རྒྱ་རྒྱ། ཉམ་ཆུང་དང་དབུལ་པོ་འགའ་

འཕགས་པ་བཀྲ་ཤིས་བརྩེགས་པའི་མདོ་ཤིན་ཏུ་བསྡུས་པ།

[Full Size]

འཕགས་པ་བཀྲ་ཤིས་བརྩེགས་པའི་མདོ་ཤིན་ཏུ་བསྡུས་པ་བཞུགས་སོ། །ན་མོ་ཨརྱ་མངྒ་ལ་ཀུ་ཊ་ཡེ། བཀྲ་ཤིས་སྤུངས་པའི་ཕོ་བྲང་དུ། །བཅོམ་ལྡན་ཤཱཀྱའི་དབང་པོ་བཞུགས། །བཀྲ་ཤིས་འཁོར་ཚོགས་མང་པོས་བསྐོར། །བཀྲ་ཤིས་རིག་སྔགས་གསུང་རབ་གསུངས། །ན་མོ་བུདྡྷ་ཡ། ན་མོ་དྷརྨཱ་ཡཱ། ན་མསངྒཱ་ཡ། སངས་རྒྱས་ཆོས་དང་དགེ་འདུན་ལ། །ཕྱག་འཚལ་སྐྱབས་གསོལ་བཀྲ་ཤིས་སྩོལ། །ཨོཾ་བུདྡྷ་ཡ་དྷུ། ཨོཾ་བཛྲ་ཡ་དྷ། ཨོཾ་རཏྣ་ཡ་དྷུ། ཨོཾ་པདྨ་ཡ་དྷུ། ཨོཾ་ཀརྨ་ཡ་དྷུ། བཅོམ་ལྡན་རྒྱལ་བ་རིགས་ལྔ་ཡིས། །བཀྲ་ཤིས་བདེ་ལེགས་དེང་འདིར་སྩོལ། །ཨོཾ་ཧཱུཾ་རཏྣ་ཤྲཱི་ནི་ཨ་ཡུམེ། བཀྲ་ཤིས་པར་གྱུར་ཅིག །དཀོན་མཆོག་གསུམ་གྱི་བཀྲ་ཤིས་གང་ལགས་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཏདྱ་ཐཱ། ག་ཏེ་ག་ཏེ་པཱ་ར་ག་ཏེ་པཱ་ར་སངྒ་ཏེ་བོ་དྷི་སྭཱ་ཧཱ། དཀོན་མཆོག་གསུམ་གྱི་བཀྲ་ཤིས་དེང་འདིར་སྩོལ། །ཨོཾ་བྷེ་ཤི་ཏེ། རཏྣ་བྷེ་ཤི་ཏེ། །ས་མུཏཱ་ཏི་ཡེ་སྭཱ་ཧཱ། ཨོཾ་བཅུ་སུ་ལ་བྷ་མ་ཁཾ་རྩེ། སྨྲ་ར་ཙྪེ་ད་ནཱཉྩེ་སྭཱ་ཧཱ། བཀྲ་ཤིས་དེས་ཀྱང་དངོས་གྲུབ་དམ་པའི་མཆོག །བཀྲ་ཤིས་རྟགས་བརྒྱད་བཀྲ་ཤིས་དེང་འདིར་

[Full Size]

སྩོལ། །ཨོཾ་སརྦ་ཨཱཿ་ཡུཛྙཱ་ན་རཏྣ་ཧ་མུ་ཀི་ཧཱུཾ་ཧཱུཾ་སྭཱ་ཧཱ། བྷཱུ་ཧཱུཾ་ཧཱུཾ་པྲ་ཧཀྵེ་མུ་ནི་མུ་ནི་མུནེ་ཨ་བྷེ། ཌེ་མུ་ར་ཉེ། ཞལ་ནས་གསུངས་པའི་བཀྲ་ཤིས་སྨོན་ལམ་མཐུས། །ཚེ་འདིར་ཚེ་རིང་བཀྲ་ཤིས་བདེ་ལེགས་ཤོག །སདྱ་ཐེ་དན། བྷི་ཛཱི་ཡེ་བྷི་ཛཱ། ཨུག་གེ་ཨུག་གེ་སྭ་སྟི་ཀྲ་མ་ཏི། ཨུ་མུ་དྷི་པྲ་སྭ་ར་དྭ། སྭསྟི་སྭསྟི་ཧཱུཾ་ཧཱུཾ་ཧཱུཾ་བྲ་ཧཀྵེ། མུ་ནེ་མུ་ནེ། གུ་ར་ཎེ་གུ་ར་ཎེ། ཨ་ཁེ་མུ་ཁེ། མུ་ར་ཀེ་མུ་ར་ཀེ །ཨཱཿ་མ་ཏི་གུ་ར་ཎ་ཡ། སྭསྟི་སྭསྟི་སྭསྟི། གུ་ལེ་མུ་ལེ། ཀེ་ཤེ་ཀེ་ཤེ །ཙུར་ཎ་ཙུར་ཎ། བྷི་ར་མ་ལེ་སྭཱ་ཧཱ། བཀྲ་ཤིས་མཆོག་བདེ་ཕྱོགས་སྐྱོང་བཅུའི། །དཀོན་མཆོག་གསུམ་ལ་ཕྱག་འཚལ་ལོ། །བཀྲ་ཤིས་དོན་གྱི་ལྷ་ལྔ་ལ་ཕྱག་འཚལ་ལོ། །ཉེས་པའི་ཉེས་སྐྱོན་ཐམས་ཅད་བསལ་དུ་གསོལ། ། ཅེས་བརྗོད། དཀོན་མཆོག་གསུམ་ལ་ཕྱག་འཚལ་ལོ། །བཀྲ་ཤིས་བདེ་ལེགས་བྱེད་པ་དེས། །ཁྱོད་ཀྱི་དོན་རྣམས་འགྲུབ་གྱུར་ཅིག །དགོས་པ་ལ་ལ་གང་གི་ཕྱིར། །ཕྱོགས་བཞིར་དག་ན་འགྲོ་བ་ན། །རང་གཞན་རྒྱུ་སྦྱོར་སྐྱོང་གྱུར་ཅིག །རྒྱལ་ཆེན་བཞི་ཡིས་བཀྲ་ཤིས་སྩོལ། །གཟའ་བདུད་རྣམས་ཀྱིས་སྲུང་བར་ཤོག །ལྷ་མོ་སུམ་ཅུ་རྩ་གཉིས་

[Full Size]

དང་། །དགེ་སྦྱོང་བརྒྱ་དང་བྲམ་ཟེ་བརྒྱད། །དེ་དག་རྣམས་ཀྱིས་རྟག་སྲུངས་ཤིག །ཐམས་ཅད་བཀྲ་ཤིས་བདུད་རྩི་ཤེས་ཐོབ་ཤོག །ཚོགས་དང་མགྲོན་པོ་གྲུ་རྣམས་དང་། །གནོད་སྦྱིན་བཅས་པའི་བསྲུང་བའི་བཀྲ་ཤིས་སྩོལ། །རྟག་ཏུ་བདག་གཞན་ཚེ་ནི་སྐྱོང་བར་ཤོག །ཞལ་ནས་གསུངས་པའི་བཀྲ་ཤིས་སྨོན་ལམ་འདིས། །དགེ་བ་ཕྱོགས་མཚམས་བླ་མེད་སངས་རྒྱས་ཤོག །བཀྲ་ཤིས་བརྩེགས་པའི་མདོ་སོགས་ལས། །དེ་ཕྱིར་ཉུང་ངུར་བསྡུས་པ་འདི། །སྔགས་འཆང་རཱ་ག་ཨ་སྱས་བྲིས། །ཉེས་འགལ་མཆིས་ན་འབྱུང་བའི་ལྷ་ལ་བཤགས། །དགེ་བས་བླ་མེད་བྱང་ཆུབ་མྱུར་ཐོབ་ཤོག །སརྦ་མངྒ་ལཾ།། །།

ཕྱོགས་བཅུ་མུན་སེལ་བསྡུས་པ།

[Full Size]

ཕྱོགས་བཅུ་མུན་སེལ་བསྡུས་པ་བཞུགས་སོ། །ཕྱོགས་བཅུའི་སངས་རྒྱས་བྱང་སེམས་མ་ལུས་རྣམས། །མདུན་གྱི་ནམ་མཁར་བཞུགས་གསོལ་ཕྱག་འཚལ་ལོ། །མཆོད་སྤྲིན་རྒྱ་མཚོས་མཆོད་ཅིང་བསྟོད་པར་བགྱི། །སངས་རྒྱས་དགྱེས་སྤྱོད་སེམས་བསྐྱེད་མངོན་པར་འཕགས། །ཁོན་དང་རྒྱགས་པ་རྣམ་གནོན་རིན་ཆེན་གཟུགས། །ཡིད་གཉིས་ཀུན་འཇོམས་འཁོར་ལོ་འབྱུང་བའི་དཔལ། །རིན་ཆེན་གདུགས་འཕགས་བྱང་ཆུབ་སེམས་དཔའ་འདུལ། །སྐྲག་མེད་མུན་བྲལ་ཐེ་ཚོམ་གཅོད་པར་མཛད། །བྱང་སེམས་འདུལ་བ་རྣམས་ལ་ཕྱག་འཚལ་ལོ། །ཇི་ལྟར་སྟོན་པ་ཤཱཀྱ་གཞོན་ནུ་ཡིས། །ཕྱོགས་བཅུ་མུན་སེལ་མདོ་སྡེ་གསུངས་པ་ལས། །མདོ་སྡེའི་ཡོན་ཏན་ཇི་ལྟར་འབྱུང་བ་བཞིན། །བདག་ཅག་འཁོར་བཅས་འགྲོ་འཆག་ཉལ་དང་འདུག །སྤྱོད་ལམ་ཀུན་ཏུ་མེ་ཆུ་དུག་མཚོན་དང་། །དགྲ་དང་ཆོམ་རྐུན་གཅན་གཟན་མ་རུངས་པའི། །འཇིགས་ཆེན་བརྒྱད་ལས་ཐུགས་རྗེས་བསྐྱབ་ཏུ་གསོལ། །ཕྱོགས་བཅུ་ཀུན་ཏུ་འགྲོ་བའི་དོན་ཀུན་འགྲུབ། །ལྷ་རྣམས་ཀུན་གྱིས་རབ་ཏུ་བསྲུང་བ་དང་། །ནོར་རྣམས་རྙེད་ནས་སླར་ཡང་ལྡོག་པར་ཤོག །ཕྱོགས་

[Full Size]

བཅུའི་ཞིང་ཁམས་ཀུན་ལ་བཞུགས་པ་ཡི། །སངས་རྒྱས་དང་ནི་བྱང་ཆུབ་སེམས་དཔའི་ཚོགས། །བརྩེ་བ་ཆེན་པོས་རབ་ཏུ་དགོངས་ནས་ནི། །བདག་ཅག་འཁོར་བཅས་ཕྱོགས་བཅུ་གར་འགྲོ་ཡང་། །རྟག་ཏུ་བཀྲ་ཤིས་བསམ་དོན་ཀུན་འགྲུབ་ཤོག །ཏདྱ་ཐཱ། ནཀྵ་ཏྲེ་སརྦ་ཏི་ཐི་མུརྟི་ན་ཤ་ཏྲ་ནི་མེ་ས་མི་ཏ་དྷ་ནི་བྷ་ཝནྟ་སྭཱ་ཧཱ། ཕྱོགས་བཅུ་གར་འགྲོ་ཡང་འགྲོ་ཁ་ལན་བདུན་རེ་བརྗོད་ན་དོན་ཐམས་ཅད་འགྲུབ་པར་འགྱུར་རོ། །ཕྱོགས་བཅུའི་མུན་སེལ་མདོར་བསྡུས་འདི་ནི་ཨ་རཱ་གས་སྦྱར་བ། སེམས་ཅན་ཐམས་ཅད་ལ་ཕན་པར་གྱུར་ཅིག ༈ ཕྱོགས་བཅུའི་སྟེང་འོག་བཞུགས་པའི་སངས་རྒྱས་ལ། །ཕྱག་འཚལ་སྐྱབས་མཆི་བདག་ཅག་གར་འགྲོ་ཡང་། །དགྲ་ཇག་ཆོམ་རྐུན་མེ་ཆུ་གཅན་གཟན་སོགས། འཇིགས་པ་ཀུན་སྐྱོབ་བསམ་དོན་མྱུར་འགྲུབ་མཛོད། །ཅེས་ཕྱོགས་བཅུ་མུན་སེལ་དོན་བསྡུས་༧ཨ་རཱ་གས་སོ།། །།

རྒྱལ་མཚན་རྩེ་མོའི་དཔུང་རྒྱན་བསྡུས་པ།

[Full Size]

རྒྱལ་མཚན་རྩེ་མོའི་དཔུང་རྒྱན་བསྡུས་པ་བཞུགས་སོ།། ཨོཾ་གུ་རུ་ཡི་དམ་རྒྱལ་མཚན་རྩེ་མོའི་ཏོག །དཔུང་རྒྱན་ལྷ་ཚོགས་ཁྱེད་ལ་སྐྱབས་སུ་མཆི། །བདག་ཅག་སྙིང་ནས་གསོལ་བ་བཏབ་པའི་མཐུས། །རྒུད་པ་ཀུན་ལས་མྱུར་དུ་བསྐྱབ་ཏུ་གསོལ། །ཨོཾ་ཧཱུྃ་སྭཱ་ཧཱ། དཔུང་རྒྱན་ལྷ་ཚོགས་ཁྱེད་ཀྱི་རྫུ་འཕྲུལ་མཐུས། །བདག་དང་རྒྱུ་འབྱོར་ཡོན་བདག་༔ འཁོར་བཅས་ལ། །རྨི་ལམ་ངན་པ་བསམ་ངན་སྦྱོར་རྩུབ་ཟློག །བྱད་ཁ་ཕུར་ཁ་འཐབ་རྩོད་འཁྲུག་སློང་ཟློག །སྲོག་ལུས་དབང་ཐང་རླུང་རྟ་རྒུད་པ་ཟློག །མི་ལ་ན་ཚ་ཕྱུགས་ལ་གོད་ཁ་ཟློག །ཚེ་དབང་བསོད་ནམས་དཔལ་དང་གྲགས་ལ་སོགས། །ཉིན་མཚན་ཀུན་ཏུ་བདེ་ལེགས་མཛད་དུ་གསོལ། །ཨ་རཱ་གས་གསུངས་སོ།། །།

འཕགས་པ་སྡོང་པོ་བརྒྱན་པ་ཞེས་བྱ་བའི་གཟུངས།

[Full Size]

འཕགས་པ་སྡོང་པོ་བརྒྱན་པ་ཞེས་བྱ་བའི་གཟུངས་ཀྱི་དབུ་ཕྱོགས་ལེགས་པར་བཞུགས་སོ།། རྒྱ་གར་སྐད་དུ། ཨརྨ་བྷ་ར་ཤ་ཡ་ན་མ་དྷ་ར་ནི། བོད་སྐད་དུ། འཕགས་པ་སྡོང་པོ་རྒྱན་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་གྱིས་བསྐྱབ་ཏུ་གསོལ། །།བྱང་ཆུབ་མཆོག་ལ་ཕྱག་འཚལ་ལོ། །འཕགས་པ་ཀུན་གྱིས་བསྐྱབ་ཏུ་གསོལ། །རྡོ་རྗེ་མཆོག་ལ་ཕྱག་འཚལ་ལོ། །རིག་བྱེད་ཀུན་གྱིས་བསྐྱབ་ཏུ་གསོལ། །ལྷ་རྣམས་ཀུན་ལ་ཕྱག་འཚལ་ལོ། །གནོད་སྦྱིན་ཀུན་གྱིས་བསྐྱབ་ཏུ་གསོལ། །ཚངས་རིགས་ལྷ་ལ་ཕྱག་འཚལ་ལོ། །མགོན་པོ་ཀུན་གྱིས་བསྐྱབ་ཏུ་གསོལ། །བར་སྣང་ལྷ་ལ་ཕྱག་འཚལ་ལོ། །སྲིད་པ་གསུམ་གྱིས་བསྐྱབ་ཏུ་གསོལ། །ཁམས་གསུམ་སྲིད་ལ་དབང་བསྒྱུར་བ། །ཀུན་ལ་ཕྱག་འཚལ་རྗེས་སུ་མཆོད། །བདག་གི་དབང་པོ་ཡན་ལག་ལ། །ཐུགས་རྗེའི་བྱིན་གྱིས་བརླབ་ཏུ་གསོལ། །དེ་ཡི་སྙིང་པོ་འདི་སྐད་གསུངས། ཨོཾ་ཀ་ར་ཀ་ར་སྭཱ་ཧཱཿ ཀུ་རུ་ཀུ་རུ་སྭཱ་ཧཱ༔ བྷ་ར་བྷ་ར་སྭཱ་ཧཱཿ བྷུ་རུ་བྷུ་རུ་སྭཱ་ཧཱཿ དྷ་ར་དྷ་ར་སྭཱ་ཧཱི༔ དྷུ་རུ་དྷུ་རུ་སྭཱ་ཧཱ༔ ཙ་ར་ཙ་ར་སྭཱ་ཧཱ༔ ཙུ་རུ་ཙུ་རུ་སྭཱ་ཧྭ༔ བདག་གི་དབང་

[Full Size]

པོ་ཡན་ལག་ལ༔ ལོ་མི་རུང་བ་དང་༔ ཟླ་བ་མི་རུང་བ་དང་༔ ཞག་མི་རུང་བ་དང་༔ ཟ་མ་མི་རུང་བ་དང་༔ གཟའ་མི་རུང་བ་དང་༔ སྐར་མ་མི་རུང་བ་དང་༔ ཉིན་མི་རུང་བ་དང་༔ མཚན་མི་རུང་བ་དང་༔ ཉིན་མཚན་ཕྱེད་མར་མི་རུང་བ་དང་༔ སྔ་དྲོ་མི་རུང་བ་དང་༔ ཕྱི་དྲོ་མི་རུང་བ་དང་༔ སྲོད་ཐོ་རངས་མི་རུང་བ་དང་༔ ཕྱོགས་ཐོ་རངས་མི་རུང་བ་དང་༔ ཕྱོགས་མི་རུང་བ་དང་༔ མཚམས་མི་རུང་བ་དང་༔ སྟེང་མི་རུང་བ་དང་༔ འོག་མི་རུང་བ་དང་༔ འདྲེ་ལྔ་གདོན་དང་བདུད་གཅོད་དང་༔ དེ་དག་ཀུན་ལས་བསྐྱབ་ཏུ་གསོལ༔ དེའི་སྙིང་པོ་འདི་སྐད་གསུངས༔ ཨོཾ་པྲཛྙཱ་པྲཛྷེ་མ་ཧཱ་པྲཛྷེ། ཨ་ཝ་ལོ་ཀི་ཏེ་བྷ་ར་ཡེ༔ སརྦ་ཨཱཿརྱ་མཉྫན་ཐ་ཡེ་སྭཱ་ཧཱ༔ བྷ་ཏ་མ་ནི་སུ་སིདྡྷི༔ ཨརྱ་ཛོ་བྷ་ནི་མཉྫཡེ་སྭཱ་ཧཱཿ བདག་གི་དབང་པོ་ཡན་ལག་ལ༔ དམར་གྱི་ཐུན་དང་ཕྲ་མེན་དང་༔ གློ་བུར་ངན་པ་འོང་བ་དང་༔ གཟུགས་ཅན་དགྲ་དང་གཟུགས་མེད་བགེགས་ལོ་ཀག་ཟླ་ཀག་ཞག་ཀག་དང་དེ་བཞིན་ཟ་མའི་སྐག་ལ་སོགས༔ རྨི་ལམ་ངན་དང་མཚན་མ་ངན༔ དུས་མིན་འཆི་བ་ལ་སོགས་པ༔ མུན་པ་ལྟ་བུའི་དབང་བྱས་ཀྱང་༔ ཉི་

[Full Size]

ཟླ་ལྟ་བུའི་འོད་ཕྱུང་སཿ མཐའ་ནས་རྣམ་པར་བསལ་བར་གསུངས་ཕྱོགས་སྐྱོང་རྣམས་ཀྱིས་བསྲུང་དུ་གསོལ༔ དེ་ཡི་སྙིང་པོ་འདི་སྐད་གསུངས༔ ཧཱུྃ་ཧཱུྃ་ཁཾ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ནི༔ ཧཱུཾ་ཧཱུཾ་ཀྱི་ཧཱུྃ་ཧཱུྃ་ཏེ་སྭཱ་ཧཱཿ བདག་གི་དབང་པོ་ཡན་ལག་ལ༔ ཐོག་མ་མེད་པའི་དུས་མཐའ་ནས༔ ད་ལྟ་མི་ལུས་འདི་བར་དུ༔ མི་དགེ་བཅུ་དང་མཚམས་མེད་ལྔ༔ ལྕི་བ་བཞི་དང་ལོག་པ་བརྒྱད༔ ཁ་ན་མ་ཐོ་གསུམ་པོ་དང་༔ བྲི་ཉེས་པ་དང་ཀློག་ཉེས་དང་༔ ཉན་ཉེས་པ་དང་བཤད་ཉེས་དང་༔ སྒོམ་ཉེས་པ་དང་སྒྲུབ་ཉེས་དང་༔ ཁྱིམ་ཉམས་སྡོམ་པ་ཉམས་པ་དང༔ སྙིང་པོ་གྲ་ཆག་ཟུར་ཉམས་དང་༔ ཕྱག་རྒྱ་ནོར་ཅིང་འཁྲུལ་པ་དང་༔ དམ་ཚིག་ཉམས་པ་ལ་སོགས་པ༔ ཉམས་ཆག་ཐམས་ཅད་བྱང་གྱུར་ཅིག༔ ཨོཾ་ན་མོ་བྷ་ག་ཝ་ཏཿ སརྦ་དུ་ཡོ་དུ་ཡེ་སྟན་སྭཱ་ཧཱཿ འཕགས་པ་སྡོང་པོ་བརྒྱན་པའི་ཆོ་ག་ཞེས་བྱ་བའི་གཟུངས་རྫོགས་སོ༔ གཟུངས་སྔགས་འདི་ཡི་བྱིན་རླབས་ཀྱིས༔ བདག་དང་ཡོན་བདག་འཁོར་བཅས་ཀྱི༔ ལྟས་ངན་ལ་ཉེ་ངན་པ་དང་༔ རྨི་ལམ་ངན་དང་མཚན་མ་ངན༔ ལོ་དང་ཟླ་བ་ངན་པ་དང་༔ ཞག་དང་ཟ་མ་ངན་

[Full Size]

པ་དང་༔ གཟའ་དང་རྒྱུ་སྐར་ངན་པ་དང་༔ ལོ་སྐག་སུམ་བརྒྱ་དྲུག་ཅུ་དང་༔ ལྟས་ངན་བརྒྱད་ཅུ་རྩ་གཅིག་དང་༔ ཡེ་འདྲོག་སུམ་བརྒྱ་དྲུག་ཅུ་དང༔ གློ་བུར་དགུ་བཅུ་རྩ་གཅིག་དང་༔ བྱིསྱའི་གདོན་ཆེན་བཅོ་ལྔ་དང་༔ བགེགས་རིགས་སྟོང་ཕྲག་བརྒྱད་ཅུ་དང་དུས་མིན་འཆི་བ་རྣམ་བརྒྱད་དང་༔ ཞང་ཞུང་བཙོ་དམར་འཕེན་པ་དང་༔ སུམ་པའི་གླང་ཟོར་དང་༔ བྲམ་ཟེའི་ངན་སྔགས་དང་༔ མུ་སྟེགས་ཀྱི་གཟེར་བུ་དང་༔ ཀླུའི་བྱད་ཀ་དང་༔ སྲིན་མོའི་རྗོད་སྟོང་དང་༔ རྒྱལ་པོའི་རླངས་ཁ་དང་༔ བདུད་ཀྱི་ཁྲམ་ཁ་དང་༔ བཙན་གྱི་གཟེར་མདའ་དང་༔ མ་མོའི་ཁྲག་ནད༔ འབྱུང་པོའི་རིམས་ནད༔ མི་ཁ་བྲ་མཆུ་ཐམས་ཅད་དང་༔ བྱུར་དང་ནད་ཡམས་དང་༔ སྟེང་གི་ཆེ་སྲི༔ གཡོན་གྱི་མོ་སྲི་བྱིས་པའི་ཆུང་སྲི་ལ་སོགས་པ་རྐྱེན་དང་བར་དུ་གཅོད་པ་ཐམས་ཅད་སྤེན་མའི་ཕྱགས་མས་ཕྱོགས་ཤིག༔ རིལ་མ་བཞིན་དུ་ཆུས་ཁྱེར་ཞིག༔ བོང་བ་བཞིན་དུ་ཆུས་ཤིག་ཅིག༔ འཇག་མ་བཞིན་དུ་རླུང་གིས་སྐྱེལ་ཅིག༔ འཇག་མའི་རྟ་ཆིབས་བདག་གི་གླུད་དུ་སོངས་ཤིག༔ ཨོཾ་ཐི་གུ་ཐཱ་ཐི་གུ་ཐཱ༔ སརྦ་བྷི་ཛ་ར་ན་ཡེ་སྭཱ་ཧཱཿ འཕགས་པ་

[Full Size]

སྡོང་པོ་བརྒྱན་པའི་ཆོ་ག་ཞེས་བྱ་བའི་གཟུངས་རྫོགས་སོ༔ ན་མོ་སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ དཀོན་མཆོག་གསུམ་གྱི་བཀའ་བདེན་པའི་བྱིན་རླབས་ཀྱིས༔ བདག་དང་རྒྱུ་སྦྱོར་ཡོན་གྱི་བདག་པོ་རྒེའི་ནད་དང་གནོད་པ་རྐྱེན་དང་བར་ཆད་དུས་མ་ཡིན་པར་འཆི་བ་ལ་སོགས་པའི་སྔ་ལྟས་ངན་པ་ཐམས་ཅད་ཟློག་ཅིག༔ སྒྱུར་ཅིག༔ ཅེས་པ་འཕགས་པ་སྡོང་པོ་བརྒྱན་པའི་གཟུངས་འདི་ནི་བྱིན་རླབས་ཤིན་ཏུ་ཆེ་བར་ཡོད་པས། འདི་བརྒྱ་ཚར་རམ་མང་དུ་བཏོན་ན། ལོ་སྤར་ཀག་སོགས་དང་༔ རྨི་ལམ་ངན་པ་ཐན་དང་ལྟས་ངན་ཕྱོགས་ངན་པ་དང་༔ མི་མཐུན་པའི་ཕྱོགས་ཐམས་ཅད་བཟློག་པ་རྒྱུད་ལས་གསུངས། ཞེས་པ་འདི་༧ དགེ་སློང་རཱ་ག་ཨ་སྱས་བསྒྲིགས་པའོ།། །།

དཔལ་རྡོ་རྗེ་སྡེར་མོ་བསྡུས་པའི་གཟུངས།

[Full Size]

དཔལ་རྡོ་རྗེ་སྡེར་མོ་བསྡུས་པའི་གཟུངས་བཞུགས་སོ། །དཀོན་མཆོག་གསུམ་དང་ཁྲོ་མོ་རྡོ་རྗེ་སྡེར་མོ་ལ་ཕྱག་འཚལ་ཞིང་སྐྱབས་སུ་མཆིའོ། །བདག་ཅག་ལ་ནད་གདོན་དང་། །རྐྱེན་དང་བར་གཅོད་ཐམས་ཅད་དང་། བསམ་པ་ངན་ཞིང་སྦྱོར་བ་རྩུབ་པ། རྗེ་དཔོན་དང་ཡུལ་མིའི་དགྲ་སྡང་བ་དང་། ཕ་ཚན་དང་། སྤུན་ཟླ་དང་། ཞང་ཉེ་དང་། མ་སྲུ་གྲོགས་དང་། མག་པ་ཚ་སྤུག་བྲན་ཁོལ་དང་། ཁྱིམ་མཚེས་ཀྱི་དགྲ་སྡང་བ་ཐམས་ཅད་རིག་སྔགས་འདིས་བཅད་དོ། །ཕུར་བུས་གདབ་བོ། །ཐོ་བས་བརྡུང་ངོ། །ཕྱག་རྒྱས་མནན་ནོ། །ན་མས་མནྟ་བུདྡྷ་ནཱཾ། ཀཱ་ཡ་ཝཱཀ་ཙིཏྟ་བཛྲ་ཧཱུྃ། ཨོཾ་གྷ་གྷ་གྷ་ཏཱ་ཡ། གྷ་ཏཱ་ཡ། སརྦ་དུཏྟཾ་མཱ་ར་ཡ། བདག་ལ་སྔ་དགྲ་ལག་ལ་བརྡར་བ་དང་། ཕྱི་དགྲ་ཡིད་ལ་སེམས་པ་དང་། ད་དགྲ་ཁྱི་ལྟར་ཟུག་པ་ཐམས་ཅད་མཱ་ར་ཡ་རྦད་ཕཊ་ཕཊ། ཀཱི་ལི་ཀཱི་ལ་ཡ་སརྦ་པཱ་པཾ་ཧཱུྃ་ཧཱུྃ་ཧཱུྃ། བཛྲ་ཀཱི་ལི་ཀཱི་ལ་ཡ། བཛྲ་དྷ་རོད་ཨཱཿཛཱ་པ་ཡ་ཏི་ཀཱ་ཡ་ཝཱཀ་ཙིཏྟ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཨོཾ་ཨ་ཀྲོ་དྷེ་ཀ་མུངྒ་ར་ཧཱུྃ་ཕཊ། ཨོཾ་བཛྲ་ཀྲོ་ཏ་མ་ཧཱ་བ་ལ་ཧ་ན་ད་ཧ་པ་ཙ་བི་དྷྭཾ་ས་ཡ། ཛ་ཊི་ལམྦོ་དྷ་རི་ཨུ་ཙུཥྛ་ཀྲོ་དྷ་ཧཱུྃ་ཕཊ། དཔལ་དང་

[Full Size]

ལྡན་པའི་རྡོ་རྗེ་སྡེར་མོ་ཁྱོད། །མཁའ་མཉམ་བདེ་ལ་རོལ་མཛད་ཁྲོ་མོའི་སྐུ། །ཆགས་པའི་མདངས་ཀྱིས་ཁྲོ་བོའི་སྐུ་ལ་འཁྲིལ། །དཔལ་ལྡན་མཁའ་འགྲོ་ཁྱོད་ལ་ཕྱག་འཚལ་བསྟོད། །ཅེས་པ་འདི་ཀརྨ་ཨ་རཱ་གས་སྦྱར་བ་དགེ་ལེགས་འཕེལ།། །།

ཁ་མཆུ་ཞི་བྱེད་གདུག་པའི་སྤུ་མདའ་ནག་པོའི་འཁོར་ལོའི་ཡུམ་དང་འདོན་ཆ་ཕྱོགས་དྲིལ།

[Full Size]

ཁ་མཆུ་ཞི་བྱེད་གདུག་པའི་སྤུ་མདའ་ནག་པོའི་འཁོར་ལོའི་ཡུམ་དང་འདོན་ཆ་ཕྱོགས་དྲིལ་རཱ་ག་ཨ་སྱས་བ།དམས་པ་ནི། ཀྱེ་མ་སྟོན་པ་བཅོམ་ལྡན་འདས། །བདག་ཅག་ཡུལ་འདིར་མཆིས་པ་རྣམས་ལ་རྒྱལ་པོའི་ཆད་པ་རྣམས་དང་། ཡུལ་གཞན་གྱི་མི་ཡིས་རྩོད་པ་དང་། སྐྱེ་བོ་ཕལ་པས་མཚང་འབྲུ་བ་དང་། དགྲ་རྣམས་ཀྱིས་ཁ་མཆུའི་བསྙད་ཚོལ་རྩོད་པའི་གཞི་བཏིང་བ་ལ། མ་སྐྲག་མ་སྔངས་ནས་མན་ངག་ལ་བརྩོན་པར་བྱའོ། །དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་རིགས་ལྔའི་ལྷ་ལ་ཕྱག་འཚལ་ལོ། །ཞེས་ལན་གསུམ། །གང་གིས་དཀྱིལ་འཁོར་གཅིག་གི་ཁོག་ཕུབ་ལ། །སྐྱབས་འགྲོ་སེམས་བསྐྱེད་ནས་བཟུང་བསྙེན་བཟླས་མཐར། །ཨོཾ་ན་མོ་བྷ་ག་ཝ་ཏེ་ཨརྒ་ཏེ་སཾ་མྱཀྑཾ་བུདྡྷ་ཡ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ནེ་རཀྵ། སརྦ་པུཊྚི་ཀུ་རུ་སརྦ་ཏ་ཐཱ་ག་ཏ་ཨ་དྷིཥྛ་ན་ཨ་དྷིཥྛ་ཏེ་མ་མ་སརྦ་རཀྵ་རཀྵ་སྭཱ་ཧཱ། ཨོཾ་ཁ་དུ་རཀྟ། ཨོཾ་ཁ་མཆུ་སོད། ཏྲ་རཀྵ། ཁ་མཆུ་མཱ་ར་ཡ་ཕཊ༔ སོད་ཏྲ་རྦད་ས་མ་ཡ་པུཏྟཾ་ཧཱུཾ་ཧཱུཾ་ཕཊ༔ ཨོཾ་ཎི་ཝ་ར་ས་ནི་རཀྵ། ཧ་ར་ཧ་ར་རཀྵ་རཀྵ་སྭཱ་ཧཱ། ཏདྱ་ཐཱ། ཨོཾ་བཛྲ་པཱ་ཎི་མ་མ་རཀྵ་རཀྵ། ཨོཾ་བྷྱོ་བཟློག །ཁ་མཆུ་མཱ་ར་ཡ་ཕཊ། ས་མ་ཡ་དུ་རཀྵ་ཧཱུྃ་ཧཱུྃ་ཕཊ་ཕཊ་

[Full Size]

བདག་འཁོར་དང་བཅས་པ་ལ་ཡས་ཀྱི་བདུད་གཡོས་པ་དང་། མས་ཀྱི་སྲི་ལང་བ་དང་། ཕ་བུའི་བྱུར་འདྲེ་དང་། དགྲ་བོ་དང་། ཉེ་དུ་བའི་ལན་ཆགས་དང་། བཀྲ་མི་ཤིས་པ་དང་། སྐྱེ་བོའི་རྩོད་པ་དང་། རྒྱལ་པོའི་ཆད་པ་དང་། མཚང་འབྲུ་བ་དང་། ཁ་མཆུ་རྩོད་པ་དང་། ངན་སེམས་དང་། བསམ་པ་ངན་པའི་གྲོགས་དང་། རྨིས་ལྟས་ངན་པ་དང་། གདོན་ཐམས་ཅད་བཟློག་པར་འགྱུར་རོ། །སྡང་བའི་དགྲ་རྣམས་འདུལ་དུ་གསོལ། ཁ་མཆུ་དང་། བྱོལ་ཟོར་དང་རྦོད་གཏོང་དང་། རིམས་དང་ལྟས་ངན་པ་ཐམས་ཅད་ཞི་བ་ཤཱནི་ཀུ་རུ་ཡེ་སྭཱ་ཧཱ། ཞེས་པ་འདི་འཆང་བ་དང་། ཟློག་པ་དང་། མེ་ཆུ་ལ་སྐོར་ན། མི་དེ་ལ་བསྲུང་བ་དང་། བསྐྱབ་པ་དང་། ཕ་རོལ་གྱི་རྩོད་པ་རྣམས་འཇོམས་སོ། །འཁོར་ལོ་ནི་ཟླུམ་པོ་གང་ཡང་རུང་། གཡས་འཁོར་གཡོན་འཁོར་གང་བདེར་བྱ། ཞེས་པ་འདི་ནི་ཁས་ཞན་ཉམས་ཆུང་ལ་སྙིང་རྗེའི་སེམས་ཀྱིས་རཱ་ག་ཨ་སྱས་སྦྱར་བའོ། །གདུག་པའི་སྤུ་མདའ་ནག་པོའི་སྔགས་ཤམ་ནི། ཨོཾ་བུདྡྷ་ན་མོ་དྷ་ར་ནི་སྭཱ་ཧཱ། ཨོཾ་ཏ་རེ་ཏཱཾ་སྭཱ་ཧཱ། ཨོཾ་སཾ་དྷ་ཡ་ཀྲོ་ཏ་ནི་སྭཱ་ཧཱ། ཨོཾ་བྷུདྡྷ་སརྦ་ཊ་ཐ་ནི་སྭཱ་ཧཱ། ཨོཾ་ཨ་མྲྀ་ཏ་བྷ་དྷ་དྷ་རི་ཧཱུྃ་སྭཱ་ཧཱ། ཏདྱ་ཐཱ། མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། ཨོཾ་མ་ཧཱ་ནུ་

[Full Size]

མནྡྷ་ན་ཀྱཻ་མ་བྷྱོ་བྷྱོ༔ ཨོཾ་ཨ་ནན་ཏ་ཏྲི་བདག་ལ་སྲུངས་ཤིག་རཀྵ་རཀྵ༔ བདག་ལ་རྒྱལ་པོའི་འཇིགས་པ་ལས་བསྲུང་དུ་གསོལ། ཁ་མཆུ་ངན་པ་ལས་བསྲུང་དུ་གསོལ། རྐྱེན་ངན་པ་ལས་བསྲུང་དུ་གསོལ། བན་བོན་གྱི་ཁ་ཡོག་ལྕེ་དཀྲུགས་ལས་བསྲུང་དུ་གསོལ། ཧོར་འདྲའི་ཁ་ཡོག་མདའ་མདུང་ལས་བསྲུང་དུ་གསོལ། ཡུལ་མི་ཁྱིམ་ལྷམཚེས་གྱི་ཁ་མཆུ་གཡོ་བ་ལས་བསྲུང་དུ་གསོལ། མུ་སྟེགས་ཀྱི་བྱད་ཁ་རྫས་ངན་ལས་བསྲུང་དུ་གསོལ། མི་དཔོན་གྱི་ཁ་ཡོག་དང་ལྷ་འདྲེའི་རྨོང་བྱེད་ལས་བསྲུང་དུ་གསོལ། རཀྟ་མན་ཆད་འཁོར་ལོའི་ཤམ་སྦྱར། ཞེས་པ་འགྲོ་བ་མི་རྣམས་ལ། ཕ་རོལ་བདུད། གྲི་བོ་དང་། གྲི་མོ་དང་། མི་དང་མི་མ་ཡིན་པ་དང་། སྲིན་པོ་དང་། ཕོ་འདྲེ་མོ་འདྲེ་ཐམས་ཅད་ནི། །འགྲོ་བའི་སྙིང་ལ་ཞུགས་པས་ན། །སེམས་ཅན་བསམ་པ་མི་འགྲུབ་པ། །ཚེ་མཐར་མི་ཕྱིན་བསོད་ནམས་ཆུང་། །སྡུག་བསྔལ་ཆེ་ཞིང་བྱུར་ཡུག་མང་། །དེ་ཕྱིར་འགྲོ་བ་མི་རྣམས་ལ། །ཕན་དང་བདེ་བའི་ཕྱིར་དུ་ནི། ཁ་མཆུ་སྒྱུར་བྱེད་ཆེན་པོ་བཀོད། །དེ་ཡི་དགེ་བ་འདི་དག་གིས། །འགྲོ་བའི་སྡུག་བསྔལ་ཞི་བྱེད་ཤོག །ཅེས་པ་འདི་ནི་བདག་བསོད་སྙོམས་ལ་འགྲོ་སྐབས་ཡོན་བདག་ཁ་མཆུའི་མནར་བ་ཞིག་ལ་དགོངས་ནས་ཞུན་མར་ཆུང་བ་ཞིག་གི་ངོགས་ནས་ངོམ་ཡུལ་ཆུ་བོ་གསེར་ལྡན་འགྲམ་

[Full Size]

རོལ་ནས། རཱ་ག་ཨ་སྱས་སྦྱར་བའོ། །མི་ཁ་བཟློག་པའི་སྔགས་སོ། །ཨོཾ་སརྦ་མི་ཏྲ་ཏ་ལེ་ཡེ་སྭཱ་ཧཱ། གང་མང་བརྗོད།

ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་པའི་འབུམ་ཏིག

[Full Size]

ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་པའི་འབུམ་ཏིག་བཞུགས་ལགས་སོ།

[Full Size]

ན་མོ་པྲཛྙཱ་པ་ར་མི་ཏ་ཡེ། ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ་འདི་ནི་ནམ་མཁའ་དང་འདྲ་བར་འཁོར་འདས་ཐམས་ཅད་ལ་ཁྱབ་པར་བཞུགས་སོ། །ཉན་ཐོས་འཕགས་པ་རང་རྒྱལ་འཕགས་པ་དང་། བྱང་སེམས་འཕགས་པ་དང་སངས་རྒྱས་འཕགས་པ་སྟེ་འཕགས་པ་བཞི་ཀ །ཡུམ་ཆེན་མོ་ཤེར་ཕྱིན་ལ་འཁྲུངས་བས་ཡུམ་ཞེས་བྱའོ། །དེ་ཡང་ཡེ་ཐོག་དང་པོ་སངས་རྒྱས་དང་སེམས་ཅན་རིས་སུ་མ་བྱེ་བའི་དུས། ཀུན་ཏུ་བཟང་པོས་ཡེ་ནས་ཡུམ་དོན་རྟོགས་ཏེ་སངས་རྒྱས། སེམས་ཅན་ཐམས་ཅད་ཡུམ་གྱི་དོན་མ་རྟོགས་པས་འཁོར་བར་འཁྱམས་སོ། །དེ་ནས་ཀུན་ཏུ་

[Full Size]

བཟང་པོས་སེམས་ཅན་ཐམས་ཅད་འཁོར་བར་འཁྱམས་པ་དེ་འཁོར་བ་ནས་འདྲེན་པ་ལ། ཆོས་སྐུ་སྟོང་པའི་ངང་ལས་འོག་མིན་གྱི་གནས་སུ་གཟུགས་སྐུ་རྡོ་རྗེ་འཆང་དུ་སྐུ་བཞེངས་ནས། ས་བཅུ་གཅིག་པ་ཡན་གྱི་བྱང་ཆུབ་སེམས་དཔའ་རྣམས་ལ་ཡུམ་དོན་བསྟན་ཏོ། །རྡོ་རྗེ་འཆང་ཆེན་པོ་དེ་ཡང་ལོངས་སྐུ་རྣམ་སྣང་གངས་ཆེན་མཚོ་རྒྱལ་དུ་སྤྲུལ་ནས་ས་བརྒྱད་པ་ཡན་གྱི་བྱང་ཆུབ་སེམས་དཔའ་རྣམས་ལ་ཡུམ་དོན་བསྟན་ཏོ། །རྣམ་སྣང་དེའི་ཡེ་ཤེས་བཞི་ལས་རིགས་བཞིའི་སངས་རྒྱས་སུ་སྤྲུལ་ནས་ས་དང་པོ་ཡན་གྱི་བྱང་ཆུབ་སེམས་དཔའ་རྣམས་ལ་ཡུམ་དོན་བསྟན་ཏོ། །དེ་ཡན་

[Full Size]

བརྡའ་བསྟན་པས་དོན་གོ་བ་སྟེ་ངག་ནས་གསུངས་པ་ནི་མེད་དོ། །དེ་ནས་རིགས་ལྔའི་སངས་རྒྱས་སུ་སྤྲུལ་ནས་དེ་རྣམས་ཀྱི་ཐུགས་རྗེ་གཅིག་ཏུ་བསྡུས་ཏེ་འཕགས་པ་སྤྱན་རས་གཟིགས་སུ་སྤྲུལ་ནས། འགྲོ་བ་སེམས་ཅན་ཐམས་ཅད་ཀྱི་དོན་འཁོར་བ་ཇི་སྲིད་དུ་བྱེད་པར་དབང་བསྐུར་བཀའ་བསྒོས་སོ། །དེ་ནས་ཐུགས་རྗེ་ཆེན་པོས་ལན་གསུམ་འཁོར་བ་དོང་ནས་སྤྲུགས་ཀྱང་སེམས་ཅན་གྱི་ཁམས་ལ་འཕེལ་བ་དང་། འགྲིབ་པ་མ་བྱུང་བས། ད་ནི་སེམས་ཅན་ཐམས་ཅད་འདྲེན་མི་ནུས་བདག་རང་སངས་རྒྱས་པར་བྱ་དགོངས་པས་ཐུགས་བསྐྱེད་དང་དམ་བཅའ་ཉམས་ནས། དབུ་ཚལ་པ་བརྒྱ་དང་སྐུ་དུམ་བུ་སྟོང་དུ་གས་སོ། །དེར་སངས་རྒྱས་ཐམས་ཅད་དང་རིགས་བདག་འོད་དཔག་མེད་བྱོན་ནས་སྐུ་དུམ་བུ་སྟོང་དེ་ཕྱག་སྟོང་། དབུ་དུམ་བུ་བརྒྱ་དེ་ཞལ་དགུར་བྱིན་གྱིས་བརླབས་གདུག་པ་ཅན་འདུལ་ཕྱིར་ཕྱག་རྡོར་གྱི་ཁྲོ་ཞལ་དང་བཅུ། དེའི་སྟེང་དུ་འོད་དཔག་མེད་ཀྱི་ཞལ་དང་བཅུ་གཅིག་སུ་བྱིན་གྱིས་བརླབས་ཏེ། ད་སྔར་ལས་ཀྱང་སེམས་བསྐྱེད་དང་འགྲོ་དོན་ཆེ་བར་གྱིས་ཤིག་གསུངས་སོ། །དེར་ཕྱག་སྟོང་འཁོར་ལོས་སྒྱུར་བའི་རྒྱལ་པོ་སྟོང་དུ་སྤྲུལ་ཏེ། བསྐལ་པ་ཡར་དར་གྱི་ཚེ་སེམས་ཅན་རྣམས་དགེ་བ་

[Full Size]

བཅུའི་ཁྲིམས་ལ་བཀོད། ཕྱག་མཐིལ་གྱི་སྤྱན་སྟོང་ལ་བསྐལ་པ་བཟང་པོའི་སངས་རྒྱས་སྟོང་དུ་སྤྲུལ་ནས། བསྐལ་པ་མར་འགྲིབ་ཀྱི་སེམས་ཅན་རྣམས་ལ་ཡུམ་དོན་དམ་པའི་ཆོས་སྟོན། དེ་ཅིའི་ཕྱིར་མར་འགྲིབ་ལ་ཆོས་སྟོན་ཞེ་ན། མར་འགྲིབ་ལ་སེམས་ཅན་སྐྱོ་ཤས་ཆེ་བས་ཆོས་ལ་འཇུག་གོ །ཡར་འཕེལ་ལ་བདེ་སྐྱིད་ཆེ་བས་ཆོས་ལ་མི་འཇུག་པའི་ཕྱིར་རོ། །དེ་ཡང་སངས་རྒྱས་སྟོང་ཆ་གཅིག་ཁོ་ན་མ་ཡིན། འཛམ་གླིང་བྱེ་བ་ཕྲག་བརྒྱ་ན་བསྐལ་བཟང་གི་སངས་རྒྱས་བྱེ་བ་ཕྲག་བརྒྱའི་སྤྲུལ་པ་ནི། གདུལ་བྱ་སྐོར་གཅིག་ཡིན་གྱི། གངྒཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ཀྱི་གྲངས་དང་མཉམ་པའི་འཇིག་རྟེན་གྱི་ཁམས་ན་སངས་རྒྱས་དེ་སྙེད་སྤྲུལ་ལོ། །དེ་རྣམས་ཀྱང་དང་པོ་ནས་སངས་རྒྱས་ཀྱི་ཚུལ་དུ་བཞུགས་ན་འགྲོ་དོན་མི་འོང་བར་དགོངས་ནས། དང་པོ་སོ་སོའི་སྐྱེ་བོ་ཐ་མལ་པར་སྤྲུལ་ཏེ་ཚོགས་བསགས་སྒྲིབ་སྦྱངས་བྱས་ནས་རིམ་པར་སངས་རྒྱས་ཚུལ་བསྟན་ཏོ། །དེས་ན་ངེས་པའི་དོན་དུ་བདག་ཅག་གི་སྟོན་པ་ཤཱཀྱ་ཐུབ་པ་ནི། དང་པོའི་སངས་རྒྱས་ཀུན་ཏུ་བཟང་པོ་ཉིད་ཡིན་ཏེ། བསྐལ་པ་བྱེ་སྟོང་བསམ་གྱིས་མི་ཁྱབ་པ། །དེ་ཡི་ཚད་ནི་སུས་ཀྱང་མེད་པ་ལ། །བྱང་

[Full Size]

ཆུབ་མཆོག་རབ་དེ་ནི་ངེས་རྙེད་དེ། །ངས་ནི་རྟག་ཏུ་ཆོས་ཀྱང་རབ་འཆད་དོ། །ཞེས་གསུངས་ཏེ། དེ་དང་མཐུན་པར་རྫོགས་པ་ཆེན་པོའི་རྒྱུད་སྡེ་རྣམས་ཀྱང་། ཀུན་ཏུ་བཟང་པོ་ནས་བཟུང་སྟེ། ཤཱཀྱ་ཐུབ་པའི་བར་གྱི་སྟོན་པ་བཅུ་གཉིས་བྱོན་པ་ཐམས་ཅད་ཀུན་ཏུ་བཟང་པོ་ཉིད་ཡིན་པར་གསུངས་སོ། །དྲང་དོན་དུ་ས་ལམ་བསྒྲོད་ཚུལ་བསྟན་པའི་ཚུལ་ནི། དང་པོ་ཐུབ་པའི་དབང་པོ་འདི་ཉིད་དམྱལ་བ་ལྕགས་སྲེག་གི་ཤིང་རྟ་འདྲེན་པའི་གྱད་ཐང་ཞེས་པར་འཁྲུངས་པའི། རང་རོགས་གྱད་གཅིག་གིས་ཤིང་རྟ་འདྲེན་མི་ཐུབ་པའི་སྡུག་བསྔལ་གཟིགས་ཏེ་སྙིང་རྗེ་སྐྱེས་ནས། རོགས་འདི་དང་གཉིས་ཀའི་སྡུག་བསྔལ་ངས་ཁུར། རོགས་འདི་བཏང་བར་ཞུ་སྨྲས་པས། གཤིན་རྗེའི་ལས་མཁན་གྱིས་སྨྲས་པ། སེམས་ཅན་རང་རང་གི་ལས་ལ་སྤྱོད་པ་སུས་ཅི་བྱ་ཟེར་ནས། གཤིན་རྗེའི་ལས་མཁན་ཁྲོས་ནས་ཐལ་ལྕག་བརྒྱབས་པས་ཚེ་འཕོས་ཏེ་དམྱལ་བ་ནས་ཐར་རོ། །དེ་ནས་རྒྱལ་པོ་འོད་ལྡན་དུ་སྐྱེས་ཏེ། སངས་རྒྱས་དང་མཇལ་བའི་སྨོན་ལམ་བཏབ། དེ་ནས་ཁྱེའུ་དྲི་མ་མེད་པའི་དཔུང་ཞེས་བྱ་བར་སྐྱེས་ཏེ། སངས་རྒྱས་མི་ཐུབ་པའི་རྒྱལ་མཚན་དང་མཇལ་ནས་དགེ་བསྙེན་ཞུས། དེ་ནས་རྫ་མཁན་གྱི་བུ་

[Full Size]

ཁྱེའུ་སྣང་བྱེད་དུ་སྐྱེས་ཏེ། སངས་རྒྱས་ཤཱཀྱ་ཐུབ་ཆེན་དང་མཇལ་ནས་བྱང་ཆུབ་སེམས་བསྐྱེད་ཞུས། དེ་ནས་བྲམ་ཟེ་རྒྱལ་པོའི་བུ་རུ་སྐྱེས་ཏེ། སངས་རྒྱས་རིན་ཆེན་སྙིང་པོའི་དྲུང་དུ་ཐུགས་བསྐྱེད་ཅིང་སྨོན་ལམ་ལྔ་བརྒྱ་བཏབ་པས་བྱང་ཆུབ་ཏུ་ལུང་བསྟན་ཐོབ། དེ་ནས་བྲམ་ཟེའི་ཁྱེའུ་སྤྲིན་ཞེས་བྱ་བར་སྐྱེས་ཏེ། སངས་རྒྱས་མར་མེ་མཛད་ཀྱི་དྲུང་དུ་དོན་དམ་པའི་མཆོག་ཏུ་སེམས་བསྐྱེད་དོ། །སངས་རྒྱས་ཤཱཀྱ་ཐུབ་ཆེན་ནས་སངས་རྒྱས་ཡུལ་འཁོར་སྐྱོང་གི་བར། སངས་རྒྱས་བདུན་ཁྲི་ལྔ་སྟོང་མཆོད་ཅིང་། བསྐལ་པ་གྲངས་མེད་གཅིག་ཚོགས་བསགས། ས་དང་པོ་རབ་ཏུ་དགའ་བ་ཐོབ། སངས་རྒྱས་ལེགས་མཛད་ནས། སངས་རྒྱས་དབང་པོ་རྒྱལ་མཚན་ཐུབ་པའི་བར་དུ། སངས་རྒྱས་དྲུག་ཁྲི་དྲུག་སྟོང་མཆོད་ཅིང་། བསྐལ་པ་གྲངས་མེད་པ་གཅིག་ཏུ་ཚོགས་བསགས། ས་གཉིས་པ་དྲི་མ་མེད་པ་དང་། གསུམ་པ་འོད་འཕྲོ་བ་དང་། བཞི་པ་འོད་བྱེད་པ་དང་། ལྔ་པ་སྦྱངས་དཀའ་བ་དང་། དྲུག་པ་མངོན་དུ་ཕྱོགས་པ་དང་། ས་བདུན་པ་རིང་དུ་སོང་བའི་བར་ཐོབ། དེ་ནས་སངས་རྒྱས་མར་མེ་མཛད་ནས། སངས་རྒྱས་འོད་སྲུང་བར་དུ་སངས་རྒྱས་བདུན་ཁྲི་བདུན་

[Full Size]

སྟོང་མཆོད་ཅིང་བསྐལ་པ་གྲངས་མེད་པ་གཅིག་ཏུ་ཚོགས་བསགས་པས། ས་བརྒྱད་པ་མི་གཡོ་བ་དང་། དགུ་པ་ལེགས་པའི་བློ་གྲོས་དང་། ས་བཅུ་པ་ཆོས་ཀྱི་སྤྲིན་ཐོབ། དེ་ནས་དགའ་ལྡན་ལྷའི་ཡུལ་ན་དམ་པ་ཏོག་དཀར་པོར་འཁྲུངས་ནས་ལྷ་རྣམས་ལ་ཆོས་སྟོན། བྱང་ཆུབ་སེམས་དཔའ་བྱམས་མགོན་རྒྱལ་ཚབ་ཏུ་བསྐོས་ནས་འཛམ་བུའི་གླིང་འདིར་བྱོན་ཏེ་རྒྱལ་བུ་དོན་གྲུབ་ཏུ་འཁྲུངས། ཡི་གེ་དང་བཟོ་དང་རྩིས་དང་མདའ་དང་སྒྱུ་རྩལ་དྲུག་ཅུ་རྩ་གཉིས་ལ་སུས་ཀྱང་འགྲན་ཟླ་མེད་པར་གྱུར། བཙུན་མོ་སྟོང་ཁབ་ཏུ་བཞེས། སྲས་སྒྲ་གཅན་འཛིན་བཞག་སྟེ། གླིང་བཞི་ལ་དབང་བའི་འཁོར་ལོས་སྒྱུར་རྒྱལ་ཉེ་བ་ན། དེ་ལ་སྙིང་པོ་མེད་པར་དགོངས་ནས་རབ་ཏུ་བྱུང་། ནེ་རཉྫནའི་འགྲམ་དུ་ལོ་དྲུག་ཏུ་དཀའ་བ་སྤྱད། འགོག་པའི་ཏིང་ངེ་འཛིན་ལ་ཞུགས་ནས་སྐུ་ལུས་སྐམ། དབུགས་རྒྱུ་བ་མེད་པའི་ཚུལ་བསྟན། དོན་དམ་པ་ནི་རྣམ་ཤེས་འོག་མིན་དུ་བྱོན་ནས་སངས་རྒྱས་ཏེ། རྣམ་སྣང་ཆུང་ངུའི་ཚུལ་གྱིས་ཡོ་གའི་རྒྱུད་ཐམས་ཅད་གསུངས་ཏེ། སླར་ཆུ་འགྲམ་གྱི་སྐུ་ལུས་ལ་ཞུགས་ཏེ། རྡོ་རྗེ་གདན་བྱང་ཆུབ་ཤིང་དྲུང་དུ་སྲོད་ལ་བདུད་བཏུལ། ཐོ་རངས་མངོན་པར་རྫོགས་པར་སངས་རྒྱས་སོ། །

[Full Size]

ཚངས་པས་གསེར་གྱི་འཁོར་ལོ་ཕུལ་ནས་ཆོས་གསུང་པར་ཞུས་པས་ཝཱ་རཱ་ཎ་སཱི་དྲང་སྲོང་ལྷུང་བ་རི་དྭགས་ཀྱི་ནགས་སུ་འཁོར་ལྔ་སྡེ་བཟང་པོ་དང་ལྷ་བརྒྱད་ཁྲི་ལ་བདེན་པ་བཞིའི་ཆོས་ཀྱི་འཁོར་ལོ་ལོ་བདུན་བསྐོར། དེ་ནི་འབྲས་བུ་ཉན་ཐོས་དགྲ་བཅོམ་པ་དང་རང་སངས་རྒྱས་ཐོབ་པའི་ཐབས་གཙོ་ཆེར་ཡིན་ཅིང་། ཉོན་མོངས་པ་སྤངས་བའི་ལམ་ཡིན། དེ་གསུངས་པས་དགྲ་བཅོམ་པ་ཁྲི་དྲུག་སྟོང་བཞི་བརྒྱ་ལ་སོགས་དཔག་ཏུ་མེད་པ་བྱུང་ངོ། །དེ་དག་གི་གཙོ་བོ་དགེ་སློང་བརྒྱ་ཕྲག་ཕྱེད་དང་བཅུ་གསུམ་པོ་ཡིན་ནོ། །གནས་བྱ་རྒོད་ཕུང་པོའི་རི་བོ་ལ་འཁོར་དགེ་སློང་སྟོང་ཉིས་བརྒྱ་ལྔ་བཅུ་དང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་སོགས་ལ། བར་པ་མཚན་ཉིད་མེད་པའི་ཆོས་ཡུམ་ལྔ་གཅིག་ཆར་དུ་གསུངས་པས། གདུལ་བྱ་སོ་སོས་རྒྱས་འབྲིང་བསྡུས་གསུམ་དུ་གོ་ཞིང་། རྗེས་ལ་འཁོར་རྣམས་དགའ་ཕྱིར་སྡུད་པ་ཚིགས་སུ་བཅད་པ་མ་ག་ཏའི་སྐད་དུ་གསུངས་སོ། །དེ་དག་གི་དོན་ནི་སྟོང་ཉིད་གཙོ་བོར་སྟོན་ཅིང་། རྣམ་པ་ཐམས་ཅད་མཁྱེན་པ་ཐོབ་པའི་ཐབས་སོ། །དེ་གསུངས་པས་ས་ཐོབ་པ་དང་ས་ནས་སར་འཕར་བ་གྲངས་སུ་མེད་

[Full Size]

དོ། །ཡུན་ནི་ལོ་བདུན་དང་དགུ་དང་བཅུ་གཉིས་དང་བཅུ་བདུན་བསྐོར་བར་འདོད་པ་མང་ངོ། །དེ་ནས་རྩྭ་མཆོག་དྲུང་སོགས་སུ་མྱ་ངན་འདས་ཆེན་དང་། པདྨ་དཀར་པོ་དང་། །དགོངས་པ་ངེས་འགྲེལ་སོགས་བཀའ་ཐ་མ་ངེས་པར་རྣམ་པར་འབྱེད་པའི་ཆོས་ཀྱི་འཁོར་ལོ་ལོ་ཉི་ཤུ་བསྐོར། སྟོང་ཉིད་དང་རྟེན་འབྲེལ་ཟུང་དུ་འཇུག་པ་སྟོན་ནོ། །འདི་སྐབས་ལྷ་སྲིན་སྡེ་བརྒྱད་སོ་སོའི་གནས་རྣམས་སུ་བྱ་བ་དང་སྤྱོད་པའི་རྒྱུད་མང་པོ་དང་། ལྷ་ཡུལ་དང་ཨོ་རྒྱན་ཡུལ་དུ་གསང་སྔགས་མང་པོ་གསུངས་པ་ནི་སྤྲུལ་པས་གསུངས་ཏེ། དུས་ལ་ཚད་བཟུང་དཀའ་ཞིང་། སླར་མྱ་ངན་ལས་འདའ་ཁར་འབྲས་སྤུང་གི་མཆོད་རྟེན་དུ་དུས་ཀྱི་འཁོར་ལོ་ལ་སོགས་བླ་མེད་ཀྱི་རྒྱུད་ཉུང་ངུ་ཐམས་ཅད་ཞལ་ཆེམས་ཀྱི་ཚུལ་དུ་གསུངས་སོ། །དེ་ལྟར་བླ་མེད་རྣམས་ནི་ཉོན་མོངས་པ་མི་སྤོང་ལམ་དུ་ཁྱེར་ནས་ཚེ་གཅིག་ལ་རྡོ་རྗེ་འཆང་ཐོབ་པའི་ཐབས་སོ། །དེ་ནས་ཐེག་པ་ཐུན་མོང་གི་རྒྱལ་ཚབ་ལ་ཉན་ཐོས་འོད་སྲུང་། ཐེག་པ་ཆེན་པོའི་རྒྱལ་ཚབ་ལ་རིགས་གསུམ་མགོན་པོ་བསྐོས་སོ། །ཁྱད་པར་གསང་སྔགས་ཀྱི་རྒྱལ་ཚབ་ཨོ་རྒྱན་རིན་པོ་ཆེ་ལུང་བསྟན་ཐུབ་པ་མྱ་ངན་ལས་འདའ་ཚུལ་བསྟན་ཏོ། །དེ་ནས་འོད་སྲུང་གིས་མངོན་པ་

[Full Size]

བསྡུས། ཉེ་བར་འཁོར་གྱིས་འདུལ་བ་བསྡུས། ཀུན་དགའ་བོས་མདོ་སྡེ་བསྡུས། གསང་བའི་བདག་པོས་གསང་སྔགས་བསྡུས་སོ། །དེ་ཡང་བཀའ་བསྡུ་ལན་གསུམ་བྱས་པའི་དང་པོ་ལ་ཐམས་ཅད་ཀྱིས་མི་བརྗེད་པའི་གཟུངས་ཐོབ་པས་ཐུགས་ནས་འདོན་པ་ལས་ཡི་གེར་བཀོད་པ་ཆེར་མེད། དེ་ནས་གཟུངས་ཐོབ་པ་ཉུང་ངུ་སོང་བས་བཀའ་བསྡུ་གཉིས་པ་དང་གསུམ་པའི་སྐབས་སུ་གླེགས་བམ་དུ་བཀོད་དོ། །དེ་ཡང་གསང་སྔགས་རྙིང་མའི་ལུགས་ལ་མུ་སྟེགས་ཀྱི་རྒྱལ་པོ་སྟོབས་ཆེན་རྣམས་འབྱུང་བར་སྟོན་པས་ལུང་བསྟན་པས། གླེགས་བམ་སྲེག་དོགས་ནས། ཀླུའི་ཡུལ་སོགས་སུ་བཀའ་རྣམས་གཏེར་དུ་སྦས། གདུལ་བྱ་དུས་ལ་བབ་དུས་འདོན་པར་སྨོན་ལམ་བཏབ་པར་བཞེད། གསར་མའི་ལུགས་ལ་ལྷ་ཀླུས་ཐོབ་ཤ་བྱས་ཏེ། འབུམ་ཀླུས། ཉི་ཁྲི་མིས་ཐོབ། བརྒྱད་སྟོང་ལྷས་ཐོབ། ཁྲི་པ་ལྷ་མ་ཡིན་གྱིས་ཐོབ། སྡུད་པ་སའི་ལྷ་མོ། རབ་རྩལ་རྡོར་གཅོད་བྱང་སེམས་རྣམས། ཤེར་འདུས་ཉན་ཐོས་སོགས་ཀྱིས་ཐོབ་ཟེར་རོ། །གང་ལྟར་ཤེར་ཕྱིན་ཤིན་ཏུ་རྒྱས་པར་བྱེ་བ་ཕྲག་བརྒྱ་པ་དྲི་ཟའི་ཡུལ་ན་བཞུགས་སོ། །དེ་འོག་རྒྱས་པར་ཤེར་ཕྱིན་འབུམ་ཕྲག་བརྒྱ་པ་ལྷའི་

[Full Size]

དབང་པོའི་གནས་ན་བཞུགས་སོ། །དེ་འོག་རྒྱས་པ་ཤེར་ཕྱིན་སྟོང་ཕྲག་བརྒྱ་པ་འདི་ཀླུའི་ཡུལ་ན་བཞུགས་སོ། །གཞན་ཐེག་ཆེན་ཐམས་ཅད་ཀྱང་སྡེ་བརྒྱད་སོ་སོའི་ཡུལ་ན་བཞུགས་སོ། །གསང་སྔགས་ཐམས་ཅད་ཨོ་རྒྱན་མཁའ་འགྲོའི་གནས་དང་ཆོས་བཟང་སྤྲིན་གྱི་ཡངས་རྫོང་དུ་སྦས་སོ། །མི་ཡུལ་དུ་ཐེག་ཆེན་དང་གསང་སྔགས་དངོས་སུ་མི་བཞུགས་སོ། །དེའི་ཚེ་ཐེག་དམན་གྲུབ་མཐའ་བཅོ་བརྒྱད་གྱེས་སོ། །དེ་ནས་གྲུབ་ཆེན་རྣམས་ཀྱིས་མདོ་སྡེ་རྣམས་དང་། སྔགས་ཀྱི་རྒྱུད་སྡེ་ཅུང་མི་ཡུལ་དུ་གདན་དྲངས་པའི་ཚེ་ན་ཉན་ཐོས་ཕལ་ཆེར་གྱིས་ཐེག་ཆེན་དང་གསང་སྔགས་བཀའ་མིན་ཞེས་སྐུར་པ་བཏབ་པ་ལ་བརྟེན་ནས། རྒྱལ་ཚབ་བྱམས་པས་མདོ་སྡེ་རྒྱན་དུ་ཐེག་ཆེན་བཀའ་ཡིན་པར་སྒྲུབ་པ་ཡང་དེའི་ཕྱིར་རོ། །དེ་ནས་མུ་སྟེགས་སྤྲང་པོ་ཉི་མས་ཉི་མ་བསྒྲུབས་ནས། མིག་ནས་མེ་འབར་བས་རྡོ་རྗེ་གདན་གྱི་གཙུག་ལག་ཁང་བསྲེགས་པས། བཀའ་ཕལ་ཆེར་ཚིག་ནས་རབས་ཆད། ཉི་ཟླ་གཟས་འཛིན་དང་མངོན་པའི་སྐོར་ཨོ་རྒྱན་རིན་པོ་ཆེ་མེའི་ནང་དུ་བྱོན་ནས་ལོན། དུ་བ་མཚོ་ལ་ཕོག་པས་ཀླུའི་རྒྱལ་པོ་བཏང་བཟུང་ནད་ཀྱིས་ཐེབས་པས། ཆེར་མ་བབ་སྟེ་འཛམ་བུའི་གླིང་དུ་ལོ་བཅུ་གཉིས་སུ་ས་

[Full Size]

ཚིག་མུ་གེ་བྱུང་། དེ་དུས་ཀླུའི་རྒྱལ་པོ་དུང་སྐྱོང་འོང་ནས་སྨན་པ་འཚོ་བྱེད་གཞོན་ནུའི་བུ་ཀླུ་སྒྲུབ་སྙིང་པོ་ཀླུ་ཡུལ་དུ་གདན་དྲངས་ཏེ། ཀླུའི་ནད་བསལ། གཏང་རག་ཏུ་རིན་པོ་ཆེ་སྣ་ཚོགས་ཕུལ་བ་མ་བཞེས་ནས་འབུམ་འདི་ཕུལ་གསུངས་པ་ལ། གླེགས་བམ་ཀླུའི་མཆོད་གནས་སུ་མཁོ་བས། ཁྱེད་གཟུངས་ཐོབ་པས་བཟུང་བའི་དཔེ་འབུལ་སྲོག་རིན་ཡིན་ཞེས་ཟེར་ནས། ཞབས་སྡུམ་མ་གཏོགས་ཕུལ་བ་སློབ་དཔོན་ཐུགས་ལ་བཟུང་ནས། ཞབས་སྡུམ་ནི་ད་རུང་རྗེས་ནས་འབྱོན་པའི་ཆེད་དུ་མ་ཕུལ་ལོ། །དེ་ནས་ཀླུ་སྒྲུབ་ཀྱིས་མི་ཡུལ་དུ་ཡི་གེར་བཀོད་པ་ལ། ཉན་ཐོས་སན་དྷ་པ་རྣམས་ན་རེ་འདི་བཀའ་མ་ཡིན། ཀླུ་སྒྲུབ་ཀྱི་བརྩམས་ཆོས་ཡིན་ཞེས་སྐུར་པ་བཏབ་བོ། །ཀླུ་སྒྲུབ་ལ་ཡང་སྐུར་པ་བཏབ་མོད་ཀྱི། ཀླུ་སྒྲུབ་ནི་མདོ་སྡེ་བཅུ་གཉིས་ནས་ལུང་བསྟན། སྟོན་པ་གཉིས་པ་ལྟ་བུ་ཡིན། འབུམ་ཀླུ་ཡུལ་དུ་ལོ་ཉིས་བརྒྱ་དང་བཞི་བཅུ་བཞུགས་སྐད་དོ། །དོན་ལ་འབུམ་ཀླུ་ཡུལ་ནས་གཏེར་ནས་བཏོན་པ་སྟེ། བཀའ་ཕལ་ཆེར་གཏེར་དུ་མ་སོང་བ་མེད། གཏེར་དུ་མ་སོང་བའི། བཀའ་ཕལ་ཆེར་མུ་སྟེགས་པས་བསྲེགས་ནས་བསྣུབ་བོ། །དེ་ནས་འབུམ་གྱི་ཞབས་སྡུམ་སྤྱན་

[Full Size]

འདྲེན་པ་ལ་ཀླུ་སྒྲུབ་འབྱོན་པར་ཞུས་པ་ལ། དེར་བྱོན་ན་སྐུ་ཚེ་ལ་བར་ཆད་འོང་བ་དང་། ཞབས་སྡུམ་དེ་ཡང་ཉི་ཁྲིའི་ཞབས་སྡུམ་དང་ཚིག་དོན་གཅིག་པར་མངོན་པར་ཤེས་པས་མཁྱེན་ནས་མ་བྱོན་ནོ། །རྣམ་པ་གཅིག་ཏུ་ན་ཚིག་ཤོ་ལོ་ཀ་འབུམ་དུ་ཚང་བ་དང་། དོན་ཆོས་ཉིད་མི་འགྱུར་བས་ལེའུ་ཡོད་པས་དོན་ཚང་བར་འགྱུར་རེ་སྐན་ཡོད་པས་ཚིག་ཚང་བ་སྟེ། དོན་ལ་མ་ཚང་བ་ཡང་མེད་པར་གསུངས་སོ། །དེ་ལ་བློ་གྲོས་མི་ཟད་པ་དང་ཏིང་ངེ་འཛིན་གྱི་རྒྱལ་པོའི་མདོ་གཉིས་ཀྱི་རྗེས་སུ་འབྲངས་ནས། ཀླུ་སྒྲུབ་ཡབ་སྲས་དང་དབུ་མ་རྣམ་པ་གཉིས་ཀྱི་བཀའ་བར་པ་འདི་རྣམས་ངེས་པའི་དོན་བཞེད། ཐོག་མེད་སྐུ་མཆེད་སོགས་སེམས་ཙམ་པ་རྣམས་ཀྱིས། མདོ་སྡེ་དགོངས་པ་ངེས་འགྲེལ་དང་མྱ་ངན་ལས་འདས་པ་སོགས་ཀྱི་རྗེས་སུ་འབྲངས་ནས། བཀའ་དང་པོ་དང་བར་པ་གཉིས་དྲང་དོན་དང་། བཀའ་ཐ་མ་ངེས་དོན་དུ་བཞེད་དོ། །བཀའ་བར་པའི་སྐོར་དེང་སང་མི་ཡུལ་དུ་བཞུགས་པ་ལ། མངོན་པར་རྟོགས་པ་བརྒྱད་ཀྱི་དོན་སྟོན་པའི་ཡུམ་དྲུག །དོན་དམ་པའི་སྟོང་ཉིད་དང་རྣམ་ཐར་སྒོ་གསུམ་གཙོ་བོར་སྟོན་པའི་སྲས་བཅུ་གཅིག་སྟེ། སྟོང་ཕྲག་བརྒྱ་པ། ཉི་ཁྲི་ལྔ་སྟོང་པ་ཉི་ཤུ་ལྔ་པ་དང་།

[Full Size]

ཁྲི་བརྒྱད་སྟོང་པ། ཤེས་རབ་ཁྲི་པ། བརྒྱད་སྟོང་པ། སྡུད་པ་དང་དྲུག་ལ་ཡུམ་དྲུག་ཟེར། རབ་རྩལ་རྣམ་གནོན་གྱིས་ཞུས་པ། ཤེར་ཕྱིན་ལྔ་བརྒྱ་དང་། རྡོ་རྗེ་གཅོད་པ། ཚུལ་བརྒྱ་ལྔ་བཅུ་པ། ཀོའུ་ཤི་ཀའི་མདོ། སྒོ་ཉི་ཤུ་རྩ་ལྔ་པ། ལྔ་བཅུ་པ། ཤེས་རབ་སྙིང་པོ། ཡི་གེ་ཉུང་ངུ་པ། ཡི་གེ་གཅིག་མ། ཤེར་ཕྱིན་བདུན་པ་དང་བཅུ་གཅིག་པ་ནི་སྲས་སོ། །དེ་ལྟར་ཡུམ་སྲས་བཅུ་བདུན་ཡིན་ནོ། དེ་དག་གི་དགོངས་འགྲེལ་བསྟན་ཆོས་ཀྱི་རྒྱ་གཞུང་ལ། འཕགས་པ་ཀླུ་སྒྲུབ་ཀྱིས་སྟོང་ཉིད་བདུན་ཅུ་པ། རྩ་བ་ཤེས་རབ། རིགས་པ་དྲུག་ཅུ་པ། རྩོད་པ་བཟློག་པ། ཞིབ་མོ་རྣམ་འཐག །ཐ་སྙད་གྲུབ་པ་དང་དྲུག་མཛད་དེ། དབུ་མ་རིགས་པའི་ཚོགས་དྲུག་གོ །དེ་དག་གི་དོན་འགྲེལ་ཨཱཿརྱ་དེ་བས་བཞི་བརྒྱ་པ། ཟླ་གྲགས་ཀྱིས་འཇུག་པ་སོགས་མང་དུ་མཛད། བྱམས་པས་བྱམས་ཆོས་སྡེ་ལྔ། སེང་གེ་བཟང་པོས་དོན་གསལ་སོགས་བདུན་བོད་དུ་བསྒྱུར། འབུམ་གྱི་འགྲེལ་པ་བདུན་ཅུ་རྩ་བརྒྱད་པ་དཀྵ་སེ་ནས་མཛད་པ་ཁ་ཅིག་གིས་ཁྲི་སྲོང་ལྡེའུ་བཙན་གྱིས་མཛད་པར་འདོད་པ་དང་། འབུམ་གྱི་འགྲེལ་པ་དབྱིག་གཉེན་གྱིས་མཛད་པ་དང་། ཁ་ཆེ་དྷརྨ་

[Full Size]

ཤྲཱིས་མཛད་པ་དང་། ཇོ་བོ་སྨྲི་ཏི་ཤྲཱིས་མཛད་པ་དང་འབུམ་ལ་འགྲེལ་པ་བཞི་ཡོད་དོ། །ཉི་ཁྲིའི་འགྲེལ་པ་འཕགས་པ་སྡོང་སྡེས་མཛད་པ། བཙུན་པ་གྲོལ་སྡེས་མཛད་པ། སེང་གེ་བཟང་པོས་མཛད་པ། ཤན་ཏི་པས་མཛད་པ་དང་བཞི་ཡོད། བརྒྱད་སྟོང་པ་ལ། སེང་གེ་བཟང་པོ་དང་། ཤཱནྟི་པ་དང་། འཇིགས་མེད་འབྱུང་གནས་སྦས་པས་མཛད་པ་དང་འགྲེལ་ཆེན་གསུམ། ཕྱོགས་ཀྱི་གླང་པོའི་འགྲེལ་པ། དེའི་འགྲེལ་པ་སློབ་དཔོན་དཀོན་མཆོག་འབངས་ཀྱིས་མཛད་པ་ཡན་རྗེས་སུ་འབྲང་བའི་འགྲེལ་པ་ཡོད་དོ། །མདོར་ན་བཀའ་བར་པའི་དགོངས་འགྲེལ་ཕར་ཕྱིན་སྐོར་ལ་སུམ་ཅུ་རྩ་དྲུག །དབུ་མའི་སྐོར་ལ་དྲུག་ཅུ་རྩ་གཉིས། སྤྱོད་འཇུག་སྐོར་ལ་བཅུ་སྟེ། བརྒྱ་དང་བརྒྱད་བོད་དུ་འགྱུར་བ་ཕལ་ཆེར་བསྟན་ཆོས་ནང་དུ་བཞུགས་སོ། །དེ་དག་ལ་བརྟེན་ནས་བོད་ཀྱི་མཁས་གྲུབ་རྣམས་ཀྱིས་ཊིཀ་དང་། སྤྱི་དོན་དང་། ཐལ་ཕྲེང་དང་། འབྲུ་འབྱོར་དང་། ཁྲིད་ཡིག་དཔག་མེད་མཛད་དོ། དེ་ནས་བོད་དུ་བསྒྱུར་ཚུལ་ནི། རྒྱལ་པོ་སྲོང་བཙན་སྒམ་པོའི་དུས་ཐོན་མི་སམ་བྷྱོ་ཊས་ཤེས་རབ་སྙིང་པོ་སོགས་ཅུང་ཟད་བསྒྱུར། རྒྱལ་པོ་མེས་ཨག་ཚོམ་རིང་ལ་རྒྱལ་པོ་མདོ་ལྟར་གྲགས་

[Full Size]

པ་བསྒྱུར་རོ། །རྒྱལ་པོ་ཁྲི་སྲོང་ལྡེའུ་བཙན་རིང་ལ་དང་པོ་རྒྱལ་པོ་མདོ་བཅུ་སོགས་བསྒྱུར། བཻ་རོ་ཙ་ནས་དང་པོ་བརྒྱད་སྟོང་ཐུགས་ལ་བཟུང་ནས་བྱོན་པས། བེ་རོ་ཙ་ནའི་ཐུགས་འགྱུར་དུ་གྲགས། དེ་བཞིན་དུ་ལོ་ཆེན་ལོ་ཆུང་བཞི། སྤྱིར་ལོ་ཙཱ་ཤེས་པ་བརྒྱ་དང་རྩ་བརྒྱད་བྱོན་པས་མདོ་རྒྱུད་དཔག་མེད་བསྒྱུར། མཁས་པ་བརྒྱ་རྩ་བརྒྱད་བོད་དུ་སྤྱན་དྲངས་ནས་མང་དུ་བསྒྱུར་ཀྱང་རུང་། འབུམ་ནི་འགྱུར་མ་ཐུབ་ནས་ལུས་པས། དུས་ཕྱིས་ལོ་ཙཱ་བ་གཉག་ཁམས་པ་གོ་ཆ་ཞེས་མི་བརྗེད་པའི་གཟུངས་ཐོབ་པ་ལ་གསེར་མང་དུ་བསྐུར་ནས་རྒྱ་གར་དུ་བརྗེ་ངས། ཁོང་གིས་ཚར་གཅིག་གཉིས་བཏོན་ནས་ཐུགས་ལ་ཟིན་ནས་ཀློག་ཅིང་བྱོན་པས། པོ་ཏི་སྐེ་རགས་ཟེར་བ་དེ་ནས་བྱུང་། རྒྱལ་པོས་འབུམ་གར་ཡོད་ཅི་ཉེས་གསུངས་པས། བདག་དར་མ་ལགས་སོ་ཞེས་ཁ་ཐོན་མཛད་བཙུན་མོ་ཤི་བའི་ཁྲག་དང་མཚལ་དང་ར་འོ་སྦྱར་ནས་བཞི་དུམ་པ་བྱས་ནས་བྲིས་པ་ར་ཟི་མང་པོའི་མིང་ཐོགས། ད་ལྟ་ཡང་ཐུགས་འགྱུར་དེ་དབུས་རུ་ན་མང་དུ་ཡོད་སྐད། ཐུགས་འགྱུར་དེ་ལ་ཐུགས་མ་ཆེས་ནས། རྒྱལ་པོས་རྒྱ་བོད་མཚམས་བར་གདན་དྲངས་པའི་རྒྱ་དཔེ་ལ་ཞུ་དག་བྱས་པས་མ་གཅིག་ཆད་པ་

[Full Size]

ཀླད་ཀོར། ས་གཅིག་ཆད་པ་ས་བཏགས་སུ་སྣང་བས། ཁམས་པ་གོ་ཆ་ལ་དར་མ་གོ་ཆར་བཏགས་ཏེ་ཡིད་ཆེས། སླར་ཡང་བོད་འབངས་ལ་གསེར་ཁྲལ་བསྡུས་ནས། ཉང་ཨ་ཙརྱ་ཨ་རོ་དང་། སྦས་མཉྫབྲི་གཉིས་ལ་གསེར་བྲེ་གང་བསྐུར་ནས་འབུམ་གདན་འདྲེན་ལ་བཏང་བས། རྒྱ་གར་ནས་རྒྱ་དཔེ་བླངས་པས་བབ་མཚན་ཐོག །དེ་ལ་དཔེ་བྱས་རམ་དང་རའོ་སྦྱར་ནས་བྲིས་པས་ར་ཟི་སྔོན་པོ་ཟེར། སྐུ་ཆིངས་མེད་པར་ལྕགས་ཐུར་བརྒྱུས་པས་ལྕགས་ཐུར་ཅན་ཟེར། དེ་ཡང་བཞི་དུམ་པ་ཡིན། དེ་ནས་པ་གོར་བེ་རོ་ཙ་ནས་ལྕགས་ཐུར་ཅན་དང་རྒྱ་དཔེ་བསྟུན་ནས་ཞུ་ཆེན་མཛད་པས། དྲུག་དུམ་པ་གཅིག་བཞེངས་ནས་སྔར་ལས་འགྱུར་རྒྱས་པ་གཅིག་བྱུང་སྟེ། གླེགས་ཤིང་ལ་མཚན་ཐོག་པ་རྒྱལ་པོའི་ཐུགས་དམ་སྤར་ཁབ་ཅན་ཞེས་གྲགས་ཏེ། བླ་འགྱུར་འབྲིང་པོ་ཡིན་ཅིང་། དེ་བཞུགས་པའི་ལོགས་ལ་ཕ་ཝང་གི་ཚང་བཅས་པས་ཕ་ཝང་ཅན་ཡང་ཟེར། ལྕེ་ཁྱི་འབྲུག་དང་ཡེ་ཤེས་སྡེས་ཀྱང་བསྒྱུར་སྐད། དེ་ནས་མངའ་བདག་ཁྲི་རལ་གྱིས་པཎ་གྲུབ་མང་དུ་སྤྱན་དྲངས། བཀའ་བསྟན་ཆོས་རྣམས་ཞུ་ཆེན་མཛད། ཕར་ཕྱིན་སྐོར་རྣམས་རྒྱལ་བུ་སིརྒྱ་ནི་དྷ་ར་སུ་ལན་བོ་དྷི་དང་། ལོ་ཙཱ་སྐ་ཅོག་

[Full Size]

གཉིས་སོགས་ཀྱིས་འཕེན་ཡུལ་སྨད་ཀྱི་ཀ་བ་ན་ལ་ཆན་སཾ་སྐྲྀ་ཏའི་སྐད་དང་སྦྱར་ནས་སྐད་གསར་བཅད་ཀྱིས་གཏན་ལ་ཕབ། ཕར་ཕྱིན་སྐོར་ཞུ་ཆེན་མཛད་པས་བླ་འགྱུར་ཆེན་མོ་ཞེས་བྱ་བར་གྱུར། དུམ་པ་དྲུག་པ་སྟེ་ན་བཟའ་ལས་མཚན་ཐོག་པ་ན་ཤ་སྒྲོ་ཅན་ནོ། །ཕྱིས་རྔོག་ལོ་ཙཱ་བ་ཆེན་པོས་བསམ་ཡས་ཀྱི་རྒྱ་དཔེ་དང་ལྕགས་ཐུར་ཅན་ལ་གཟིགས་ནས་གསར་འགྱུར་དང་ཧོར་སྐད་མང་པོ་བསབས་ཏེ་འགྱུར་ཤིན་ཏུ་རྒྱས་པའོ། །ཡང་ལོ་ཆེན་རིན་ཆེན་བཟང་པོས་སྔར་གྱི་ཆད་ལྷག་གི་ཧོར་སྐད་མང་པོ་བསབས་པས་རྒྱས་པ་ཆེན་པོ་བྱུང་ངོ། །དེ་ལ་དང་པོ་མཁས་པ་གོ་ཆའི་ཐུགས་འགྱུར་ར་ཟི་དམར་པོ་ལ་རྒྱ་སྐད་ལ་ཊིཀ་ཡོད་དོ། །ཉང་ཨ་ཙརྱ་ཨ་རོ་དང་། སྦས་མཉྫཤྲཱི་གཉིས་ཀྱི་འགྱུར་ར་ཟི་སྔོན་པོ་ལ་རྒྱ་སྐད་ལ་ཊིཀ་མེད་པའོ། །བེ་རོ་ཙཱ་ནའི་འགྱུར་སྤར་ཁབ་ཅན་ལ། ལེའུ་ཐམས་ཅད་ཀྱི་དབུ་ལ་རྒྱ་སྐད་ལ་ཨཅུ་དང་། བོད་སྐད་ལ་འཕགས་པ་ཡོད་དོ། །མཚན་གྱི་འོག་ཏུ་སངས་རྒྱས་དང་བྱང་ཆུབ་སེམས་དཔའ་དང་འཕགས་པ་ཉན་ཐོས་དང་རང་སངས་རྒྱས་ཐམས་ཅད་ལ་ཕྱག་འཚལ་ལོ་དང་། མ་དམྱའ་དང་ད་དྲག་མེད་པ་རྔོག་འགྱུར་རོ། །དེ་ཡང་ཁྲི་སྲོང་ལྡེའུ་བཙན་དུས་བཞི་དུམ་

[Full Size]

པ། ཁྲི་རལ་དུས་དྲུག་དུམ་པ། དེ་ནས་བརྒྱ་དང་བཅུ་གཉིས་དང་བཅུ་བཞི་བཅོ་བརྒྱད་དུམ་པོ་ཡང་བྱས་སོ། །དེ་ཡང་སྔར་རྒྱལ་པོའི་དུས་གཞན་ལ་མེད་པ་རྒྱལ་པོའི་ཁྱད་འདོན་གྱི་ཆོས་ཡིན་པས། ཕལ་ཆེར་ལ་བཞེད་དབང་མེད་པས་དབུས་གཙང་ལ་འབུམ་ཆ་བཅུ་དྲུག་ལས་མེད་སྐད། དེའི་ནང་ནས་རུ་མཚམས་ཀྱི་གཙང་རྡོར་རྡོར་ཅང་འབུམ་བཞི་དུམ་པ་གཅིག་ཡོད་པ་ཁམས་སུ་ཕྱིན་ཏེ། གཙང་རུ་མཚམས་ལ་སྟོད་བྱང་ནས་བོད་ཆོས་རྒྱལ་གྱི་གདུང་རྒྱུད་འགའ་རེ་ཁམས་སུ་བྱོན་པས་གདན་དྲངས་པ་འདྲའོ། །དེའི་རྒྱུད་ཤར་ཙོང་ཁ་རྒྱལ་པོ་དང་ངོམ་པ་ཡིན་སྐད་དོ། །འབུམ་དེ་དང་སྔར་བོད་ཆོས་རྒྱལ་དུས་བཞག་པའི་འདོན་གླང་ཐང་སྒྲོན་མ་ན་འབུམ་ཞལ་དམར་ཅན་བྱ་བ་དང་། དེ་གཉིས་ལ་དཔེ་བྱས་ནས་འབུམ་ཆ་གཅིག་བཞེངས་ནས་དྲེལ་ལ་བཀལ་ནས་དབུས་གཙང་གི་འབུམ་ཆ་བཅུ་དྲུག་ཐམས་ཅད་ལ་ཞུ་དག་བྱས་པས་གཙང་རྡོར་གྱིས་ཚུལ་གྱི་འབུམ་དེ་དག་ཅིང་འགྱུར་རྒྱས་ཤོས་ཡིན་སྐད་དོ། །དེ་ནས་དབུས་གཙང་ནི་དྲུག་ཅུ་རྩ་ལྔ་ཙམ་འཕེལ། དེ་ནས་མང་དུ་འཕེལ་ལོ། །དེ་ཡང་ཡུམ་སྲས་ཀྱི་མདོ་སྡེ་དུ་མ་ནས། མ་འོངས་པ་ན་བྱང་ཕྱོགས་རྒྱུད་དུ་རྒྱལ་ཡུམ་རྒྱས་པར་འགྱུར་ཞེས་ཡང་

[Full Size]

ཡང་ལུང་བསྟན་པ་ལྟར་ཤེར་ཕྱིན་བོད་དུ་རྒྱས་ཏེ། སྲོང་བཙན་སྒམ་པོ་ནས་རྔོག་ལོ་དང་རིན་ཆེན་བཟང་པོའི་བར་དུ་ཡང་ཡང་བསྒྱུར་ཞིང་ཞུ་དག་བྱས་ཏེ། ཆེར་མ་འཕེལ་ལོ། །མདོ་ཏིང་ངེ་འཛིན་གསུངས་སྐབས་སུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཏིང་ངེ་འཛིན་ཟབ་མོ་འདི་མ་འོངས་པ་ན་སུ་ཡིས་འཛིན། ཞེས་གསུངས་པའི་ཚེ་བྱང་ཆུབ་སེམས་དཔའ་ཟླ་འོད་གཞོན་ནུའི་མ་འོངས་པ་ན་ལུས་དང་སྲོག་ལ་མི་ལྟ་བར་འཛིན་པར་དམ་བཅས། དེའི་ཚེ་དགེ་སློང་བརྒྱད་ཁྲིས་ཀྱང་བྱང་ཕྱོགས་རི་བྲག་ཚང་ཚིང་ཅན་ན་དགེ་སློང་འཚོ་མཛད་ཅེས་བྱ་བ་བུ་ལྔ་བརྒྱ་ལས་མི་ཉུང་བ་འབྱུང་སྟེ། ཕར་ཕྱིན་གྱི་ཏིང་ངེ་འཛིན་ཟབ་མོ་འདི་རྒྱ་ཆེར་སྟོན་པར་འགྱུར་ཞེས་ལུང་བསྟན་པ་ལྟར། མཉམ་མེད་དྭགས་པོ་ལྷ་རྗེས་ཡུམ་དོན་འདི་ཇི་ལྟར་རྟོགས་ནས་དོན་ཤེར་ཕྱིན་འདི་ལ་གསང་སྔགས་ཕྱག་ཆེན་གྱིས་མཚན་པ་གསོལ་ནས་ཐམས་ཅད་ལ་ཤེར་ཕྱིན་གྱི་དོན་བཤད་པས། ཤེར་ཕྱིན་གྱི་དོན་བསྒོམས་ཤིང་སྒྲུབ་པ་བསྟན་པ་སྟེ། ད་ལྟའི་བར་དུ་འཕེལ་ལོ། །བློ་ལྡན་ལོ་ཧི་ཏ་ལས་གཞན། ཞེས་སོགས་རྔོག་ལོ་ཆེན་པོ་འཇམ་དབྱངས་ཀྱི་སྤྲུལ་པ་དེས་ཤེར་ཕྱིན་འཆད་ཉན་གྱི་བསྟན་པ་བཙུགས་ཏེ། གསང་

[Full Size]

བའི་རྨ་བྱ་སྨྲ་བའི་སེང་གེ །གཙང་ནག་མིའི་སེང་གེ །ཆ་པ་ཆོས་བྱེད་ཀྱི་སེང་གེ་ལ་སོགས་པ་སེང་གེ་བརྒྱད་དང་། ཀུན་མཁྱེན་གཡག་རོང་རྣམ་གཉིས་སོགས་ནས་བཟུང་། ས་དགེ་ཀར་འབྲུག་སོགས་ལ་ཕར་ཕྱིན་གྱི་བཤད་གྲྭ་ཆེན་མོ་དུ་མ་དེང་སང་གི་བར་དུ་འཕེལ་ལོ། །རྒྱལ་པོ་ཁྲི་སྲོང་གི་ཐུགས་དམ་ར་ཟི་དམར་སྔོ་ནས་བཟུང་སྟེ་མང་དུ་འཕེལ། བར་སྐབས་སུ་བྲི་བའི་བསྟན་པ་བྱུང་སྟེ། དབུས་པ་བློ་གསལ་གྱི་བཀའ་འགྱུར་རོ་ཅོག་ཕྱོགས་གཅིག་ཏུ་བྲིས་པ་ནས་བཟུང་སྟེ། རབ་བཀའ་བསྟན་འགྱུར། འབྲིང་གིས་རྒྱས་འབྲིང་རྣམ་གསུམ། ཐ་མ་བ་མ་དོར་མདོ་མ་བཞེངས་ན་མི་གྲལ་དུ་མི་ཚུད་པ་བྱུང་སྐད། ད་ནི་བསྒོམ་པ་དང་བྲི་བ་དང་བཤད་པའི་བསྟན་པ་ཅུང་ཟད་ཉམས་ནས། འདོན་པའི་བསྟན་པ་དར་སྐབས་སུ་སྣང་ངོ། །དེ་ཡང་མཁས་པ་གོ་ཆས། འབུམ་འདི་བྱང་ཕྱོགས་ཁ་བ་ཅན་དུ་རྒྱས་པར་འགྱུར་རོ། །ཐ་མར་བོད་དུ་བྱ་སྤུ་རླུང་གིས་གཏོར་བ་བཞིན་དུ་དར་དྲག་ལ་མ་སྨིན་པ་ཞིག་སྣང་ངོ། །ཞེས་ལུང་བསྟན་པ་ལྟར་དེང་སང་བོད་དུ་འབུམ་འདི་དར་སྲོལ་ཆེ་ན་ཡང་། འདིའི་ཚིག་གི་ཆ་བཤད་པ་མཐར་ཕྱིན་པ་ཤིན་ཏུ་དཀོན། དོན་གྱི་ཆ་འདིའི་རྟོགས་པ་རྒྱུད་ལ་སྐྱེས་པ་དེ་བས་ཀྱང་

[Full Size]

དཀོན་ནོ། སྤྱིར་མདོ་སྡེ་ཤོ་ལོ་ཀ་འབུམ་བློ་ནས་ཐོན་པ་མདོ་སྡེ་འཛིན་པ། འདུལ་བ་ཤོ་ལོ་ཀ་འབུམ་བློ་ནས་ཐོན་ན་འདུལ་བ་འཛིན་པ། མངོན་པ་ཤོ་ལོ་ཀ་འབུམ་བློ་ནས་ཐོན་པ་མ་མོ་འཛིན་པ། དེ་གསུམ་ཀ་བློ་ནས་ཐོན་པ་སྡེ་སྣོད་འཛིན་པ་སྟེ། དེ་ལྟ་བུའི་དགེ་སློང་ནི་བསྟན་པའི་གསལ་བྱེད་ཡིན་པས་དགེ་འདུན་གྱི་སྡེ་ཆེན་པོས་ཀྱང་བསུ་བར་སེར་ཕྲེང་བྱེད་དགོས་པར་བཤད་ལ། བོད་དུ་མཁས་པ་གོ་ཆ་ནས་བཟུང་སྟེ། འབུམ་རམ་པ་དང་འདུལ་འཛིན་མང་དུ་བྱོན་ཅིང་། དུས་ཕྱིས་ཐུབ་བསྟན་ཉིན་གླིང་དུ་རྒྱས་འབྲིང་གསུམ་ཐུགས་ལ་མངའ་བ། འབུམ་རམ་པ་ཚེ་འཕེལ། འབུམ་རམ་པ་ཀརྨ་ལྷ་རྒྱལ། འབུམ་རམ་པ་གསལ་བྱེད། འདུལ་ལུང་བློ་ལ་བཞུགས་པ་ཆོས་མཛད། དཔེལ་དམར་བ། གནམ་རུ་ཆོས་མཛད་སོགས་བྱོན་ནོ། །དེ་ཡང་བོད་དུ་མཁས་པ་གོ་ཆས་འབུམ་བློ་ལ་བཞུགས་པ། ཚིག་དོན་ཐམས་ཅད་ཐུགས་ལ་བཞུགས་པ་བདེན་ནམ་མི་བདེན་བརྟགས་པའི་ཆེད་དུ། ལྷ་ཚངས་པ་དང་ཁྱབ་འཇུག་གཉིས་འོངས་ནས་ཚེག་དང་ཤད་དུ་ཡོད་ཀྱི་དྲི་བ་མང་པོ་བྱས་སོ། །དེའི་དོན་བསྡུས་ཏེ་བཤད་ན། ཡུམ་སྟོང་ཕྲག་བརྒྱ་པ་འདི་གནས་ཕུན་སུམ་ཚོགས་པ་བྱ་རྒོད་

[Full Size]

སྤུངས་རིར། སྟོན་པ་ཕུན་སུམ་ཚོགས་པ་ཤཱཀྱ་ཐུབ་པ། འཁོར་ཕུན་སུམ་ཚོགས་པ་བྱང་ཆུབ་སེམས་དཔའི་འཁོར་རྣམ་བཞི་ལ། དུས་མྱ་ངན་ལས་འདས་པ་འདའ་ཁ་མན་གསུངས། དགོས་པ་སེམས་ཅན་ཐམས་ཅད་རྣམ་མཁྱེན་ཐོབ་ཕྱིར་རོ། །འབུམ་འདི་ལ་བམ་པོ་སུམ་བརྒྱ་ཡོད། ལེའུ་བདུན་ཅུ་རྩ་གཉིས་ཡོད། ཚིག་རྐང་སྟོང་ཕྲག་བརྒྱ། ཞུས་བརྒྱ་ཉི་ཤུ། །རྣམ་གྲངས་བཅུ་གཉིས། འགྲེས་རྐང་བརྒྱ་རྩ་བརྒྱད་ཡོད། ཤད་བཞི་ཁྲི་བཞི་འབུམ་ཡོད། ཚེག་བྱེ་བ་བཞི་དང་འབུམ་ཚོ་བཞི་ཡོད། གཟུགས་ནས་རྒ་ཤི་ཡན་ཆད་འཁོར་བའི་འགྲེས། སྦྱིན་པ་ནས་རྣམ་པ་ཐམས་ཅད་མཁྱེན་པའི་བར་མྱ་ངན་ལས་འདས་པའི་འགྲེས། སྦྱིན་པའི་ཕར་ཕྱིན་ནས་ཡེ་ཤེས་ཀྱི་ཕར་ཕྱིན་བར་ནི་ཕ་རོལ་ཏུ་ཕྱིན་པའི་འགྲེས། ཕྱོགས་ཀྱི་འགྲེས་ནི་གླིང་བཞི་ཕྱོགས་བསྐོར། དཔའ་བར་འགྲོ་བ་ནས་གོས་པ་མེད་པའི་བར་ནི་ཏིང་འཛིན་གྱི་འགྲེས་ཏེ། ཏིང་ངེ་འཛིན་བརྒྱ་དང་བརྒྱད་ཅུ་ཡོད། ས་ཆེན་པོ་རབ་ཏུ་གཡོ་བ་ནས་ལྟས་ཆེན་པོ་བཅོ་བརྒྱད་བསྟན་པ་ནི་ཆོ་འཕྲུལ་བསྟན་པའི་འགྲེས་ཡིན། བྲིས་པ་དང་ཀློག་པ་དང་ཞེས་པ་བསོད་ནམས་ཆོས་སྤྱོད་ཀྱི་འདྲེས་ཡིན། ནོར་བུ་དང་ཉི་ཟླ་དང་མུན་ལོང་དང་བུད་

[Full Size]

མེད་ལ་སོགས་པ་དཔེ་བརྒྱ་དང་བརྒྱད་ཅུ་ཡོད་པ་ནི་མཚོན་པའི་དཔེ་ཡིན། དོན་དང་ལྡན་པའི་ཡི་གེ་ནི་ཡི་གེ་བཞི་བཅུ་རྩ་གཉིས་ཡིན། ཚིགས་སུ་བཅད་པ་གཅིག་ཡོད་པ་ཞི་བའི་བློ་གྲོས་ཚིག་ཟླ་མེད་ཅིག་ཡོད་པ་ནི་ཕུབ་མ་སྤར་གང་། སྟོན་པ་ཟླ་མེད་ཤཱཀྱ་ཐུབ་པ། འཁོར་ཟླ་མེད་ཀུན་དགའ་བོ། དོན་ཟླ་མེད་སྟོང་ཉིད་བཅོ་བརྒྱད། སྔོན་བྱུང་བ་བསྟན་པ་ནི་ཐུབ་པའི་སྔོན་བྱུང་གངྒཱའི་ལྷ་མོའི་སྔོན་བྱུང་ངོ། །གཏམ་རྒྱུད་ནི་ཆོས་འཕགས་དང་རྟག་ཏུ་ངུའི་གཏམ་རྒྱུད་གཉིས་སོ། །།སྐབས་ནི་བརྒྱད་པའོ། །ལམ་ནི་ཚོགས་སྦྱོར་མཐོང་སྒོམ་མི་སློབ་ལྔ། ས་ནི་བཅུ། ས་ལ་བསྟན་པ་ནི་བཅུ་གསུམ་རྡོ་རྗེ་འཛིན་གྱི་སའོ། །རྒྱལ་པོ་མེད་པའི་ཁྲིམས་གཏམ་ནི་ལུགས་དང་མཐུན་པ་དང་ལུགས་དང་མི་མཐུན་པའོ། །ཆོས་རྣམ་བཞི་ནི། ཆོས་རྣམས་སྔོན་གྱི་མཐའ་མི་སྦྱོར་མི་འབྱེད་དེ། དེ་ནི་འདི་ལྟར་ཆོས་བཞི་ཡང་གཞན་ལ་སྒྱུ་མ་ཡང་གཞན་ཞིག་ཡིན་སྙམ་མམ།། གསོལ་པ། བཅོམ་ལྡན་འདས་དེ་ལྟར་མ་ལགས་སོ། །ཆོས་རྒྱ་ཆེ་བའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་རྒྱ་ཆེ་བ་ཡིན་ཏེ། དེ་ཅིའི་ཕྱིར་ཞེ་ན། དེ་ནི་ཆོས་རྣམ་བཞིའོ། །

[Full Size]

འདི་ཅི་ཞིག་ཅི་ཡི་ཕྱིར་ནི་དག་གི་གུ་བདུན་བརྩེགས་ཡིན། ཅིའི་ཕྱིར་ན་ལྕེ་བསམ་གྱིས་མི་ཁྱབ་དཔག་ཏུ་མ་མཆིས་གཞལ་དུ་མ་མཆིས་ཤིང་མི་མཉམ་པ་དང་མཉམ་པ་ལ་སོགས་པ་ལུས་ཡིད་གཟུགས་སྒྲ་དྲི་རོ་སོགས་གི་གུ་དྲུག་ཅུ་རྩ་གཉིས་ཡིན་ནོ། །ཕ་ཁོར་ཉལ་ནི། བདག་གི་ཕ་དེ་བཞིན་གཤེགས་པའི་སྤྱོད་ཡུལ་ལ་སྤྱོད་པ་ཡིན་ནོ། །མ་སྨྲས་པ་ནི་རྨ་མ་བྱུང་བར་མི་འགྱུར་ཞིང་ཞེས་པའོ། །བོན་པོ་མེད་པའི་བསྲོ་ནི་ངལ་བསྲོ་བའི་གཟུགས་ཀྱང་རུང་ཟེར་རོ། །མཆིལ་པ་མེད་པའི་གཅིག་གཅིག་ནི། གཅིག་ལ་གཅིག་གོ་ཟེར་རོ། །འཁོར་བའི་འགྲེས་དྲུག་ནི་གསོལ་བཅོམ་འགྲེས་དྲུག །མྱ་ངན་ལས་འདས་པའི་འགྲེས་བཅོ་བརྒྱད་ནི་ལྷ་རབས་ཡིན་ནོ། །དེ་ནས་འགྱུར་རྒྱས་བསྡུས་ཀྱི་ཁྱད་ལ། སྔར་གྱི་འགྱུར་རྙིང་ལ། ༼ཀ༽ པའི་བམ་པོ་གསུམ་པ་ནས་ཡོངས་སུ་རྫོགས་པའི་འགྲེས་ལ། འཕགས་པའི་བདེན་པ་ལ་འཕྲེང་གཅིག་ཆད། ཏིང་ངེ་འཛིན་དང་གཟུངས་ཀྱི་སྒོ་གཉིས་ཆད་དོ། །དེ་རྔོག་འགྱུར་ལ་བཙུད་ནས་ཡོད། ༼ཁ༽ པའི་བམ་པོ་གཉིས་པ་ནས་མཚན་མ་མེད་པའི་འགྲེས་ལ་སའི་ཁམས་ནས་རྒ་ཤིའི་བར་དུ་ཆད། གཙང་འབུམ་ལ་ཚང་བར་ཡོད། ༼ག༽ པའི་བམ་པོ་གཉིས་

[Full Size]

པ་ནས་རློམས་སེམས་རིང་མོའི་འགྲེས་ལ་ཕར་ཕྱིན་དྲུག་ཆད། བམ་པོ་གསུམ་པ་ནས་གཟུགས་ནི་བདག་གམ་བདག་གིས་སྟོང་ཞེས་བྱ་བ་ལ་ཕུང་ལྔ་ཆད། ༼་པའི་བམ་པོ་བཅུ་པ་ནས་རྣམ་པར་དག་པའི་འགྲེས་ལ་ཤཱ་རིའི་བུ་དྲུག་ཆད། ༼ཏ༽ པའི་བམ་པོ་ཉེར་གཅིག་པ་ནས་ངང་ཚུལ་འདྲེས་ལ་ཡིད་ནས་རྒ་ཤིའི་བར་ཆད། ༼ཐ༽ པ་ལ་བམ་པོ་བཅུ་པ་ནས་སྟོང་ཉིད་བཅོ་བརྒྱད་ཆད། ༼ད༽ པ་ལ་བམ་པོ་གསུམ་པ་ནས་བཅོམ་ལྡན་འདས་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་དེ་ཆད། ༼ཨ༽ པ་ལ་བམ་པོ་དྲུག་པ་ནས་བྱིས་པ་སོ་སོའི་སྐྱེ་བོ་དང་། མངོན་པར་ཤེས་པ་དྲུག་དང་ཡོངས་སུ་ཤེས་པ་དང་། དྲན་པ་ཉེ་བར་བཞག་པ་དང་། བཞི་བཅུ་རྩ་གཉིས་ལོ་ཙཱ་བ་རིན་ཆེན་བཟང་པོས་བསྣན་པ་ཡིན་སྐད། དེ་ལྟར་རྒྱས་འབྲིང་རྣམ་གསུམ་འདི་སྔོན་རྣམ་སྣང་གི་སྤྲུལ་པ་བེ་རོ་ཙཱ་ན་དང་། སྤྲུལ་པའི་ལོ་ཙཱ་སྐ་ཅོག་རྣམ་གཉིས་དང་། ཕྱིས་འཇམ་དབྱངས་ཀྱི་སྤྲུལ་པ་རྔོག་ལོ་ཆེན་དང་། འཇམ་དབྱངས་དངོས་དང་དབྱེར་མེད་པ་ལོ་ཆེན་རིན་ཆེན་བཟང་པོས། འགྱུར་བཅོས་ཞུ་དག་མང་དུ་མཛད་པའི་ཆོས་ཁུངས་བཙུན་པ་འདི་ལ་

[Full Size]

ཐམས་ཅད་ཀྱིས་བྲི་འདོན་ཀློག་གསུམ་བྱས་ན། བསོད་ནམས་དཔག་ཏུ་མེད་པ་ཐོབ་ཚུལ་རྒྱས་པར་ཤེར་ཕྱིན་ཉིད་ནས་རྒྱ་ཆེར་གསུངས་པ་ཡིད་ལ་བྱའོ། །ཞེས་བྱ་བ་འདི་ནི་རོང་སྟོན་ཤེས་བྱ་ཀུན་རིག་གིས་མཛད་པའི་འབུམ་ཊིཀ་དང་། ཀུན་མཁྱེན་སངས་རྒྱས་འཕེལ་གྱིས་མཛད་པ་དང་། མཁས་པ་གོ་ཆའི་ལོ་རྒྱུས་ཡིག་རྙིང་དང་། བུ་སྟོན་ཆོས་འབྱུང་སོགས་བསྟན་པ་སྤྱིའི་བབ་ཀྱི་ལོ་རྒྱུས། བཀའ་གསར་རྙིང་གི་བཤད་སྲོལ་མི་འདྲ་བ་དུ་མ་ཞིག་མཐོང་ཞིང་ཐོས་པ་ལ་བརྟེན་ནས་ཨ་མཆོད་གསར་བུ་རྣམས་ལ་ཕན་ཕྱིར་དང་། རང་ཉིད་ཕར་ཕྱིན་ལ་འབྲེལ་པ་བཞག་པའི་ཆེད་དུ། དགེ་སློང་རཱ་ག་ཨ་སྱས་སྦྱར་བ་ལ་འགལ་འཁྲུལ་གང་མཆིས་བཤགས་ཤིང་འདི་བྲིས་དགེ་བས་བདག་དང་སེམས་ཅན་ཐམས་ཅད་ཚེ་འདི་ལ་ཡུམ་གྱི་དོན་མངོན་སུམ་དུ་རྟོགས་ནས་མྱུར་དུ་འཚང་རྒྱ་བར་གྱུར་ཅིག །མངྒ་ལ་ཤཱི་ཛྭ་ལ་ཛམྦ་དཱི་པ་ཨ་ལང་ཀ་ར། ཤུ་བྷ་ཝནྟུ། སརྦ་ཛ་ག་ཏཾ། ༈ འདི་བྲིས་པའི་དགེ་བས་ཕ་མས་གཙོས་པའི་མཁའ་ཁྱབ་ཀྱི་སེམས་ཅན་ཐམས་ཅད་རྒྱལ་ཡུམ་ཤེར་ཕྱིན་གྱི་དོན་རྟོགས་ནས་མྱུར་དུ་རྣམ་པ་ཐམས་ཅད་མཁྱེན་པའི་གོ་འཕང་ཐོབ་པར་གྱུར་ཅིག །མངྒ་ལཾ།། །།

དམ་ཉམས་མདོ་བྲུབ་བསྒྲུབ་ཚུལ།

[Full Size]

དམ་ཉམས་མདོ་བྲུབ་བསྒྲུབ་ཚུལ་བཞུགས་སོ།

[Full Size]

ན་མོ་པྲཛྙཱ་པ་ར་མི་ཏ་ཡེ། པད་འབྱུང་ཀླུ་སྒྲུབ་ལ་སོགས་ཀྱི། །བསྟན་པ་ནུབ་ལ་ཉེ་བ་ན། །སྔགས་པ་ནང་འགྲས་བྱེད་པ་འབྱུང་། །དམ་ལོག་བན་དགྲས་བསྟན་པ་སྣུབ། །དེ་ནི་བསྒྲལ་བའི་ཞིང་ཡིན་པས། །ཐུབ་པའི་བདེན་པས་སྲོག་གཅོད་ཅིང་། །ཡུམ་གྱི་བདེན་པས་གནས་ནས་སྤོར། །བསྟན་དགྲ་མ་རུངས་བརླག་པར་བགྱི། །ཕར་ཕྱིན་རྒྱལ་བའི་བཀའ་མཐུ་འདིས། །ལུས་སེམས་བླ་ཚེ་སྲོག་དང་བྲལ། །།བྱད་མའི་སྲོག་གི་སྤུ་གྲི་སྟེ། །བསྟན་པ་སྲུང་བའི་མཚོན་ཆ་སྟེ། །བན་དགྲ་སྔགས་ཟློག་མཁན་གྱི་གཤེད། །མྱུར་མགྱོགས་རླུང་གི་སྤུ་གྲི་འདི། །རྫས་སླ་

[Full Size]

མཐུ་མྱུར་འགྲུབ་ཐག་ཉེ། །ནང་དུ་འཇམ་ལ་ཕྱི་རུ་རྩུབ། །མཁུ་ལྡོག་ཆུང་ལ་ནུས་པ་ཆེ། །རྒྱལ་མཐུ་ཚན་ཆེ་ཚུར་མི་ལྡོག །ཉམས་པའི་དགྲ་བོ་མཐོ་རིས་དྲོངས། །རྣམ་སྨིན་མི་འོང་ཚོགས་སུ་འགྲོ། །འདི་ལ་མཚམས་ཡང་བཅད་མི་དགོས། །སྐབས་སུ་བདག་ལ་ལྷ་སྒྲུབ་དགའ། །བསྟན་པ་སྲུང་བའི་སྒྲུབ་ཡིག་ལ། །འདི་ལས་ལྷག་པ་ཡོད་རེ་ཀན། །གསུངས་པའི་ལག་ལེན་འདི་ལྟར་རོ། །དམ་ལོག་སེར་ཆགས་རང་གཤེད་ལ། །འབེབས་ཕྱིར་རས་ནི་སེར་པོ་ལ། །ལིང་ལྕེ་ཡི་བྲང་ཁེབས་བྲི། །ལྕེ་དཀྱིལ་རྡོ་རྗེ་རྒྱ་གྲམ་མཐར། །ཁཾ་ཡིག་ནག་པོ་དྲུག་

[Full Size]

བྲིའོ། །དེ་མཐར་སྔགས་མགོ་ནང་དུ་བསྟན། །སྔགས་འདི་གཡོན་བསྐོར་དག་ཏུ་བྲི། །ཏདྱ་ཐཱ། བྷ་ག་བ་ཏི་པྲ་ཛྙ་པ་ར་མི་ཏ་ཧྲི་དཱ་ཡ། དྷེ་བ་དྷ་ཏུ། ཀ་ཀ་ར་ཙི་ཀྲོ་དྷ་ཡ་རྩ་བའི་གནོད་བྱེད་ཛ་ལ་ས་ཡ་མུག་ཤག་ནན། ལྟེ་བར་ཁ་སྤྲོད་ཛ་ཡིག་བར་ཚིགས་དང་དེ་མཐར་མིང་རུས་མཐར། ཁུག་ཅིག་ཕོབ་ཅིག་ཨཾ་ཀུ་ཤ་ཛཿ ཅེས་ཡིག་མགོ་ཕྱིར་བསྟན་གཡོན་བསྐོར་བྲི། །སྤྱི་བོར་ནན་དང་རྐང་ཞབས་ཡཾ། །ཡན་ལག་ཛཿཧཱུྃ་བཾ་ཧོཿབྲི། །ཐ་མར་ཛདང་ཁྲོམ་གྱིས་བསྐོར། །ཁྱི་སྤུ་ར་བལ་སྐུད་པ་ནི། །ནི༔ཡིག་ཟངས་ཁབ་ཕུག་ལ་བཏགས། །ཟློབག་ཟན་ནང་བཅུག་ལིངྒ་བཅས། །སྐུད་སྣེ་ཟངས་ཁབ་ཕྱིར་ཕྱུངས་ནས། །སྤྱི་བོ་ནས་དྲངས་མགྲིན་པར་ཕྱུང་། །སླར་ཡང་སྙིང་གར་བཙུགས་ལ་བཞག །མདུན་དུ་ཧོ་ཁུང་ནང་དུ་བཅུག །ཁ་བཀབ་ཚ་ཚ་ནག་པོས་མནན། །མདོ་སྒྲུབ་སྙིང་པོ་ག་ཏེ་དང་། །ལིངྒའི་ནང་བྲིས་སྔགས་དེ་ཉིད། །དུག་ཤོག་དག་ལ་ཕྲེང་གཅིག་བྲི། །སྐྱེར་ཚེར་གཅིག་གི་རྩེ་ལ་བཏགས། །མི་རོ་བསྲེགས་པའི་ཐལ་བ་དང་། །མི་བསད་ཤུལ་གྱི་རྡོ་ནག་དང་། །ཕུང་ཐུན་རི་གཉན་རྡོ་ནག་ཐུན། །དེ་ལྟར་བཅས་རྣམས་རྫོགས་པ་དང་། །ཨ། སྐད་ཅིག་

[Full Size]

དྲན་རྫོགས་རང་ཉིད་ནི། །བཅོམ་ལྡན་ཤཱཀ་ཐུབ་སྐུ་མདོག་ནག །དར་ལིང་ནག་པོའི་ཆོས་གོས་གསོལ། །ཞབས་གཉིས་རྡོ་རྗེའི་སྐྱིལ་ཀྲུང་བཞུགས། །ཕྱག་གཉིས་འཁར་གསིལ་གདིང་བ་བསྣམས། །ཡེ་ཤེས་དམ་ཚིག་དབྱེར་མེད་པའི། །བྲུབ་ཁུང་གནམ་ལྕགས་ཁང་སྒྲོམ་ནང་། །ནཾལས་དགྲ་བོ་སྔོ་ཞིང་རིད། །སྐྲ་ཟིང་ལུས་འདར་ཁྲག་སྐྱུགས་པ། །ཡན་ལག་ལྕགས་སུ་བཅུག་པ་གསལ། །ཡུམ་ཆེན་རྒྱལ་བ་སྲས་དང་བཅས། །ཐུབ་པ་ནག་པོའི་བདེན་མཐུ་ཡིས། །དམ་ཉམས་ཆེའི་བླ་སྲོག་རྣམས། །ལིངྒ་འདི་ལ་མྱུར་དུ་ཁུག་བཛྲ་ཨཾ་ཀུ་ཤ་ཛཿ ཛཿཧཱུྃ་བཾ་ཧོཿ འགུགས་གཞུག་ཉེར་གཅིག་བྱ། བདེན་མཐུས་དབང་མེད་བཀུག་པར་བསམ། །རང་གི་རྒྱབ་ཏུ་བརྒྱད་སྟོང་གི །པོ་ཏི་ཁུར་ལ་ལིངྒ་ལ།། ཕྱག་འཚལ་ཁོ་ལ་འཚལ་བར་བསམ། །བདག་ཉིད་ཐུབ་པ་ནག་པོ་དང་། །དུས་གསུམ་སངས་རྒྱས་ཐམས་ཅད་ཀྱི། །རྗེ་ཁྱོད་ལ་ཕྱག་འཚལ་ལོ། །སངས་རྒྱས་ཕྱག་སྣ་མི་ཁྱག་པའི། །དགྲ་ཡི་ལྷ་སྲུང་ཐམས་ཅད་བྲོས། །མ་བྲོས་པ་རྣམས་སྙིང་གས་ནས། །ཐལ་བ་རྡུལ་དུ་བརླག་པར་འགྱུར། །ལྷ་དང་བྲལ་བའི་དམ་ཉམས་དེས། །ལྕེ་སྟེང་པཾ་ཡིག་ནག་པོ་

[Full Size]

དེ། །མཆོད་རྟེན་ནག་པོ་དྲུག་ཏུ་གྱུར། །ངག་མནན་སྨྲ་མེད་མིག་ཧྲིག་ནས། །ཏདྱ་ཐཱ། བྷ་ག་ཝ་ཏི་པྲཛྙཱ་པཱ་ར་མི་ཏ་ཧྲི་དཱ་ཡ་དྷེ་ཝ་དྷ་ཏུ། ཀ་ཀ་ར་ཙི་ཀྲོ་དྷ་ཡ། ཆེ་གེའི་ངག་གི་ནུས་པ་ཛ་ལ་ཡ་མུག་ཤག་ནན། སྔགས་དེ་ཉེར་གཅིག་ཙམ་རེ་བཟླ། །རོ་སྐུ་རོ་གཡམ་བདུག་པ་དང་། །བནེ་སྡོམ་ཉམས་དྲི་ཆེན་དང་། །ལྷམ་འབོལ་དྲི་ཚིལ་གུ་གུལ་གྱི། །ཐུམ་བུ་ལིངྒའི་སྙིང་གར་བཞག །ལིངྒ་དྲིལ་འདྲེག་རྫ་ས་དེ་རྣམས། །དུད་པ་རང་ལ་མ་ཕོག་བདུག །རང་ཉིད་ཐུབ་པ་ནག་པོ་ཡི། །ཐུགས་ལས་སྤྲུལ་པའི་ལས་མཁན་ནི། །ལྷ་ཡི་ཐུབ་པ་བརྒྱ་བྱིན་ནི། །དུད་ཁ་གླང་ཆེན་ས་སྲུང་ཞོན། །ལག་ནི་སྤུ་གྲི་ཐོད་ཁྲག་ཐོགས། །ཁོ་ཡི་བཤང་ལམ་ནས་ཞུགས་ཏེ། །ཁྲག་འཐུང་ཤ་རྣམས་ཟད་པར་ཟོས། །དགྲ་བོའི་སེམས་ཉིད་ཨ་ཡིག་དཀར། །སྤྱི་བོ་ཚངས་པའི་བུ་ག་ནས། །ཐོན་ཏེ་མདུན་གྱི་ནམ་མཁའ་ན། །སངས་རྒྱས་སྟོང་རྩའི་ཐུགས་ཀར་ཕོག །ཆོས་སྐུ་སྐྱེ་མེད་ཐོབ་པར་བསམ། །ཨོཾ་ན་མོ་བྷུདྡྷ་ཡ༔ དྷརྨཱ་ཡ། སང་གྷ་ཡ། བྷྱོ་དྷི་སཏྭ་ཡ། ཏདྱ་ཐཱ། ཨོཾ་ག་ཏེ་ག་ཏེ་པཱ་ར་ག་ཏེ་པཱ་ར་སཾ་ག་ཏེ་བྷྱོ་དྷི་སྭཱ་ཧཱ། ཧང་ཁྲི་ཏ་ཁྲ་ཁ་ཁ་རཾ་ཀྲེ། ཅ་རོ་ཀྲེ། ཀུ་རུ་དུ་རུ། ཙིཏྟཾ་ཐཾ། མཱ་

[Full Size]

ར་མ་ར། སྒྲའི་ཙིཏྟ་ཡ། ཧ་ར་ཧ་ར། ཁ་རླངས་མཆི་མ་མ་སོང་བར། །ཐུན་ལ་ཕུ་བཏབ་ལིངྒ་བྲབ། །ཚེར་ལྕགས་སྔགས་བྱང་བཏགས་པ་སྟེ། །ཐུབ་པ་ནག་པོ་འཁར་གསིལ་གྱུར། །དམ་ཉམས་དགྲ་བོའི་མགོ་ལ་བརྒྱབས། །མར་མེ་རླུང་གིས་བསད་པ་བཞིན། །དྲན་མེད་ནག་ཆོམ་དབང་པོ་གཏོར། །སྟོང་གསུམ་དུག་གི་ནུས་པ་ཀུན། །ཕྱག་གཡོན་གདིང་བའི་ནང་དུ་བསྡུས། །ཐུན་རྣམས་ཧ་ལ་ཆེན་པོར་གྱུར། །དུག་ཆུ་རྡོ་ཐུན་བྲབ་པ་ཡིས། །འདུ་བ་རྣམ་བཞིའི་ནད་རིགས་ཀུན། །དམ་ཉམས་དགྲ་ལ་ཆར་ལྟར་ཕོབ། །སྟོབས་ཉམས་རྣམ་ཤེས་རྟེན་དང་ཕྲལ། །སྔགས་ནི་དྲག་པོར་བཟླ་ཞིང་བྲབ། །སྐབས་སུ་གོས་ནི་མགོ་བཤམ་བསྒྱུར། །ཤེས་རབ་སྙིང་པོ་ཚར་གསུམ་བཟླ། །སྒོ་ཐེམ་ལ་ནི་སྔས་གཏད་ལ། །འབུམ་བཟློག་བརྒྱ་རྩ་བརྒྱད་དུ་བཟླ། །དེ་ལྟར་ཞག་གྲངས་གཉིས་སམ་གསུམ། །ཤིན་ཏུ་གལ་ཆེ་ཞག་བདུན་བསྒྲུབ། །སྒྲུབ་པའི་རྟགས་ནི་འདི་ལྟར་རོ། །བྱ་དང་རི་དྭགས་དུད་འགྲོ་བསད། །ཤ་ཟོས་ཁྲག་འཐུང་རུས་པ་མུར། །གློ་སྙིང་ནང་རོལ་སྟེར་དང་ཟོས། །དགྲ་བོ་དངོས་སུ་བསད་པ་དང་། །ཤིང་བཅད་བྲག་གཤག་རྦབ་ཆེན་

[Full Size]

འཕང་། །དགྲ་བོའི་བླ་དག་བསད་པ་དང་། །རང་གི་སྔས་མགོ་གཡས་གཡོན་དུ། །དགྲ་དེ་སྲོག་ཆགས་བསད་རྨིས་ན། །ངེས་པར་འགྲུབ་པའི་རྟགས་ཡིན་ཏེ། །འདི་ལ་གྱེར་དང་ལྷ་གཏོར་མ་མེད། །དགྲ་བོའི་བཟློག་པ་བྱས་གྱུར་ཀྱང་། །རང་ལ་མི་བཟློག་ཁོ་རང་འཆི། །ལྷ་ཆེན་ཚངས་པ་བརྒྱ་བྱིན་ཡང་། །ཞག་པོ་བདུན་ནས་འཆི་གསུངས་ན། །སེམས་ཅན་གཞན་ལ་སྨོས་ཅི་དགོས། །བསད་པའི་སྦྱོར་བ་མ་བྱས་པར། །བཟློག་པ་ཁོ་ལ་བརྒྱབས་པས་ཀྱང་། །ལོ་མི་འགོར་བར་འཆི་འདུག་ཅེས། །བླ་མ་པཎ་གྲུབ་རྣམས་ཀྱིས་གསུངས། །གལ་ཏེ་ལན་གཅིག་མ་འགྲུབ་ན། །ལན་གཉིས་ལན་གསུམ་བསྐྱལ་ལ་བྱ། །དེ་ཡིས་ཐེ་ཚོམ་མེད་པར་འགྲུབ། །དགྲ་བོ་ཁྲག་ཏུ་བསྐྱུགས་ནས་འཆི། །ནུས་པ་ཆུང་དང་བོན་པོ་ལ། །བསད་ལས་འདི་ཙམ་བྱེད་མི་དགོས། །བྱས་ན་རང་ཉིད་ལྷ་དང་བྲལ། །མི་རྟགས་རྫོགས་ནས་ལིངྒ་དེ། །སྡོམ་པ་ཤོར་བའི་ཆོས་གོས་ཀྱི། །དུམ་བུས་བཏུམ་ལ་སྔགས་པ་ནི། །དམ་ཚིག་ཉམས་པའི་སྐུ་ཡིས་བཅིངས། །གླང་བུའི་ཐོད་པར་བཅུག་བྱས་ལ། །དེ་སྟེང་གདིང་བ་འཁར་གསིལ་བརྡེག །དེ་སྟེང་སྣམ་སྦྱར་བལྟེབས་ལ་བཞག །དེ་ནས་ལིངྒ་

[Full Size]

གླང་ཐོད་བཅས། །ལྷ་ཁང་ཐེམ་འོག་དོང་བྲུས་མནན། །རྡོ་ལེབ་རྒྱ་གྲམ་བྲིས་པས་བཅད། །ལེགས་པར་བརྡུང་ལ་མིང་དོན་སྦས། །རྗེས་སུ་རིང་བསྲུང་སྒོམ་བཟླས་དང་། །བསྔོ་སྨོན་སྲུང་བའི་སྐབས་ལྟར་བྱ། །མན་ངག་གབ་སྦས་ཡོད་པ་རྣམས། །ཕལ་ཆེར་གསལ་བར་བཀོད་པའོ། །འབུམ་བཟློག་ལ་སོགས་ཞལ་ཤེས་འགའ། །ཡོད་པ་གསེར་གྱིས་སྒྲུབ་པར་གྱིས། །ཞལ་ཤེས་མེད་པར་འདི་བསྒྲུབས་ན། །དགྲ་སྲོག་བས་ཀྱང་རང་སྲོག་མྱུར། །འདི་འདྲ་བྲི་བར་མི་རིགས་ཀྱང་། །སེང་གེ་འབུ་ཡིས་གསོད་པ་བཞིན། །ཐུབ་བསྟན་སེར་གོས་གྱོན་པས་བཤིགས། །སློབ་མ་དམ་ཉམས་སེང་ལྟར་འཕྱོ། །དེ་ཕྱིར་དམ་ཉམས་བསྒྲལ་བའི་ཐབས། །བསྟན་ལ་ཕན་ཕྱིར་རཱ་གས་བསྒྲིགས། །ཉེས་པ་ལྷ་དང་སྲུང་མར་བཤགས། །དགེ་བས་ཐུབ་བསྟན་འཕེལ་རྒྱས་ཤོག །མངྒ་ལཾ།། །ཤེར་སྙིང་ཡང་ཟློག་གི་དགྲ་བོ་བམ་ལོག་ཤིད་ཏུ་བསད་པ་དང་། པྲཛྙཱ་པ་ར་མི་ཏ་ན་མོ། དམ་ཉམས་བསྟན་པའི་རུ་ཏྲ་ཡིས། །ཚུར་ལ་ཟློག་པ་བྱེད་པའམ། །ཤེར་སྙིང་མཁན་པོ་ནང་འགྲས་ན། །ཡང་ཟློག་དུག་གི་སྤུ་གྲི་ནི། །དུག་ཤོག་དག་ལ་ཡི་གེ་བྲི། །ལྕེ་ཕྱུང་སྟེང་དུ་

[Full Size]

འཁོར་ལོ་ནི། །རྩིབས་དྲུག་བོ་ཡིག་དྲུག་གིས་མཚན། །དབུས་སུ་རྡོ་རྗེ་རྒྱ་གྲམ་བྲི། །ལྟེ་བར་ནཾ༔ལ་མིང་གིས་བསྐོར། །ཡན་ལག་ཛཿཧཱུྃ་བཾ་ཧོཿས་འཛེར། །བྲུབ་ཁུང་ནང་བཅུག་ཤར་ངོས་བཞག །དགོང་མོའི་གྲིབ་སོ་ཚུར་གུག་དུས། །ཉི་མ་དག་ལ་རྒྱབ་རྟེན་ནས། །རང་ཉིད་ཐུབ་པ་རི་རབ་ཙམ། །སྐུ་མདོག་སོལ་བ་རྒྱ་སྣག་མདོག །སྐྱིལ་ཀྲུང་དར་ནག་ཆོས་གོས་གསོལ། །ཕྱག་གཡས་ས་གནོན་ཕྱག་རྒྱ་ཡིས། །བྱད་མའི་ལྷ་སྲུང་འགུལ་མི་ནུས། །ཕྱག་གཡས་པར་བུ་ནག་པོའི་ནང་། །བྱད་མ་ལྷ་སྲུང་བཅས་པ་བཅུག །གནམ་ལྕགས་རྡོ་རྗེ་རྒྱ་གྲམ་གྱིས། །ཁ་བཅད་ཐར་དུས་མེད་པར་བསམ། །མདུན་དུ་ཧཱུྃ་ལས་བྱད་མ་དེ། །རིད་ཅིང་སྔོ་ཧམ་ལྕེས་བྲང་ཁྱབ། །ལྕེ་སྟེང་འཁོར་ལོ་རྩིབས་དྲུག་པ། །བཻ་ཡིག་དྲུག་མཚན་འཁོར་ལོའི་ལྟེ། །གསེར་གྱི་རྡོ་རྗེ་རྒྱ་གྲམ་མནན། །ལུས་ངག་གཡོ་འགུལ་བྲལ་བར་གྱུར། །ཁཾ་ཡིག་སྟོང་ཕྲག་གསུམ་བཟླས་ལ། །ཉུང་ནག་ཐུན་ལ་ཁ་རླངས་དང་། མཆིལ་མ་མ་སོང་ཕུ་ཡིས་སྔགས། །ཐུན་དེར་བྲབ་ཅིང་སྒྲུབ་པ་ནི། །ཉི་མ་དམར་ཐག་འདས་པར་བསྒྲུབ། །དམར་ཐག་ཆད་ནས་ཤོག་ལིང་དེ། །བྲ་བོ་ནག་པོའི་སོག་མས་

[Full Size]

བསྲེགས། །ཐལ་བ་གཡག་རོག་ལྕི་བར་བསྲེ། །ཉ་བོ་བྱས་ལ་མིང་ཡིག་བཅུག །རྒྱས་པར་ལིངྒ་སྔོན་བཞིན་བཅུག །ལིངྒ་མིང་ཡིག་མེད་ཀྱང་ཆོག །ཉ་བོ་ལྷ་ཁང་ཐེམ་པའི་འོག །བཀུག་གཞུག་བྱས་ལ་དོང་བྲུས་མནན། །ལེགས་པར་མི་མངོན་དམ་དུ་སྦས། །བན་དགྲ་སྔགས་ཟློག་མཁན་གྱི་གཤེད། །མྱུར་མགྱོགས་རླུང་གི་སྤུ་གྲི་འདི། ཡང་བཟློག་ནག་པོ་ཞེས་བྱ་བ། །བསྟན་པ་སྲུང་བའི་མཚོན་ཆ་སྟེ། །བྱད་མའི་སྲོག་གི་སྤུ་གྲི་ཡིན། །ཀུན་ལ་མེད་པའི་ཁྱད་ཆོས་འདི། །སྣོད་མིན་རྣམས་ལ་ཤིན་ཏུ་གསང་། །འདི་བྲིས་ཉེས་པ་རབ་ཏུ་འཆགས། །དགེ་བས་ཐུབ་བསྟན་དར་རྒྱས་ཤོག །རཱ་ག་ཨ་སྱས་ཟིན་བྲིས་བྱས། །ཞལ་ཤེས་ཐུགས་ལ་གབ་བོ་རྒྱ། །སྤྱི། པ་དསབ་དུ་གོལ་མབ་བོ་གྲད་གི་གཟློབ་ངཡ་ངསི་རཤེ། ༈ ན་མོ་པྲཛྙཱ་པཱ་ར་མི་ཏ་ཡེ། ཤེས་རབ་སྙིང་པོའི་བཟླས་བརྗོད་ལ། །བརྟེན་ནས་རྔོད་གཏོང་ཟློག་པ་ནི། །རང་ཉིད་ཐུབ་པའི་བསྐྱེད་རིམ་ནི། །སྲུང་བ་དུས་ལྟར་བསྒོམས་བྱས་ཏེ། །སྲུང་འཁོར་བར་དུ་སངས་རྒྱས་ཀྱི། །སྐུ་རྣམས་སྒོམ་པར་མི་བྱའོ། །རང་ཉིད་ཐུབ་པའི་འོད་ཟེར་ཕྱོགས་བཅུར་འཕྲོས། །གནོད་བྱེད་བྱད་མ་རང་

[Full Size]

དབང་མེད་པར་བཀུག །ཕྱི་རོལ་འཁོར་ལོའི་རྩིབས་བར་རྣམས་སུ་བཞག །འཁོར་ལོའི་རྩིབས་སྟོང་སྤུ་གྲི་ངར་རྣོ་བས། །གནོད་བྱེད་ཧྲུག་ཧྲུག་གཏུབས་ནས་བེམ་རིག་བྲལ། །མེས་བསྲེགས་རླུང་གིས་གཏོར་ནས་རྗེས་མེད་བཏང་། །ཁོ་ཡི་རྣམ་ཤེས་ཨ་ཡིག་རྣམ་པ་རུ། །སྟོན་པའི་མཛོད་སྤུར་ཐིམ་པས་ཆོས་སྐུ་ཐོབ། །ཟབ་མདོ་བདུན་ནམ་གསུམ་བཟླས་དེ་ཡི་རྗེས། །ཏདྱ་ཐཱ། ཨོཾ་ག་ཏེ་ག་ཏེ་པཱ་ར་ག་ཏེ་པཱ་ར་སཾ་ག་ཏེ་བྷྱོ་དྷི་སྭཱ་ཧཱ། གནོད་བྱེད་བྱད་མ་ཨ་བྷྱོ་ཛཿ ཨ་ཝཱཀྐ་ཙིཏྟ་ཧཱུཾ་བྷ་ཡ་ནན་ཟློག །ཨོཾ་ཟློག །ཨཱཿཟློག །ཧཱུྃ་ཟློག་སྭཱ་ཧཱ། སྔགས་གྲངས་བརྒྱའམ་ཉེར་གཅིག་བདུན་སོགས་བཟླ། །རང་ཉིད་ཤཱཀ་ཐུབ་ནམ་མཁའ་ཁྱབ་པའི་སྐུ། །ཕྱག་གཡས་ཉི་མ་བསྐལ་པའི་མེ་ཆེན་འབར། །ཕྱག་གཡོན་ཟླ་བ་བསྐལ་པའི་རླུང་ནག་འཚུབ། །ཐུགས་ཀའི་འོད་ཀྱིས་གནོད་བྱེད་དགྲ་བགེགས་རྣམས། །རང་དབང་མེད་པར་ཉི་ཟླའི་བར་དུ་བཀུག །ཕྱག་གཉིས་བརྡབས་པས་གནོད་བྱེད་བྱད་མ་རྣམས། །མེས་བསྲེགས་ཐལ་བ་རླུང་གཏོར་ལུས་ངག་བརླག།སེམས་ཀྱི་གདུག་རྩུབ་ཁོ་རང་ཉིད་ལ་སྨིན། །ན་མོ་བླ་མ་ལ་ཕྱག་འཚལ་ལོ། །ནས། རབ་ཏུ་ཞི་བར་གྱུར་ཅིག །ཏདྱ་ཐཱ།

[Full Size]

ཨོཾ་ག་ཏེ་སོགས་དང་། གནོད་བྱེད་བྱེད་མ་ལ་ཨ་བྷྱོ་ཛ། ཨ་ཝཀྐ་ཙིཏྟ་སྭཱ་བྷ་ཡ་ནན་ཟློག །ཨོཾ་ཟློག །ཨཱཿཟློག ཧཱུྃ་ཟློག་སྭཱ་ཧཱ། གནོད་བྱེད་སྡེ་བརྒྱད་བྱད་མའི་ཤ་རུས་ཁྲག་རྩ་ལ་ཧུར་ཧུར་ཟློག །ཐལ་མོ་བརྡབ་ཅིང་འབུམ་ཟློག་ཉེར་གཅིག་བཀླག །བགེགས་རིགས་སྟོང་ཕྲག་བརྒྱད་ཅུ་ཞི་བ་ལ་སོགས་བརྗོད། །འདི་ལ་ཞལ་ཤེས་ཐུགས་ལ་སྦས་། །དེ་ནས་དམིགས་མེད་སྟོང་ཉིད་རྒྱ་ཡིས་གདབ། །ཟློག་པ་འདི་ཉིད་ཁོ་ན་བྱས་པས་ཀྱང་། །ལོ་ལ་མི་འགོར་ཕ་རོལ་བརླག་པར་གསུངས། །བཟློག་རྟགས་ནམ་མཁར་སྔགས་སྒྲ་གྲག་པ་དང་། །གཞན་གྱིས་ཕྱག་འཚལ་ཤག་ལས་རྒྱལ་བ་དང་། །གཡུལ་ལས་རང་རྒྱལ་སེར་བ་ཟློག་སོགས་འབྱུང་། །འདི་བྲིས་ཉེས་བཤགས་དགེ་བ་འགྲོ་ལ་བསྔོ། །རཱ་ག་ཨ་སྱས་བྲིས་པ་སྤྱི་རྒྱུ། མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྨན་བླའི་བརྒྱུད་འདེབས།

[Full Size]

གསོལ་འདེབས་ནི། ན་མོ་བྷི་ཥ་ཛུ་མ་ཧཱ་རཱ་ཛ་ཡེ། བསོད་ནམས་ཡོན་ཏན་རྒྱ་མཚོའི་གཏེར་མངའ་ཞིང་། །བསམ་གྱིས་མི་ཁྱབ་ཐུགས་རྗེའི་བྱིན་རླབས་ཀྱིས། །འགྲོ་བའི་སྡུག་བསྔལ་གདུང་བ་ཞི་མཛད་པ། །བཻཌཱུརྱ་ཡི་འོད་ལ་གསོལ་བ་འདེབས། །ཤིན་ཏུ་སེར་སྣ་དྲག་པོས་རབ་བཅིངས་པས། །ཡི་དྭགས་གནས་སུ་སྐྱེ་བའི་སྐྱེ་བོ་ཡིས། །ཁྱོད་མཚན་ཐོས་ན་མིར་སྐྱེ་སྦྱིན་པར་དགལ། །བཅོམ་ལྡན་སྨན་གྱི་བླ་ལ་གསོལ་བ་འདེབས། །ཚུལ་ཁྲིམས་འཆལ་དང་གཞན་ལ་གཤེ་བརྩོན་པས། །དམྱལ་བར་སྐྱེ་བའི་འགྲོ་བ་འདི་དག་གིས། །ཁྱོད་མཚན་ཐོས་ན་མཐོ་རིས་སྐྱེ་བར་གསུངས། །སྨན་གྱི་རྒྱལ་པོ་དེ་ལ་གསོལ་བ་འདེབས། །གང་དག་དབྱེན་དང་ཕྲ་མ་དུ་མ་ཡིས། །རབ་ཏུ་འབྱེད་ཅིང་ལུས་སྲོག་ཕྲལ་བ་དག །ཁྱོད་མཚན་ཐོས་ན་དེ་དག་འཚེ་མི་ནུས། །སྨན་པའི་རྒྱལ་པོ་དེ་ལ་གསོལ་བ་འདེབས། །མཚན་ལེགས་གསེར་བཟང་དྲི་མེད་སྣང་བ་དང་། །མྱ་ངན་མེད་མཆོག་དཔལ་དང་ཆོས་བསྒྲགས་དབྱངས། །མངོན་མཁྱེན་རྒྱལ་པོ་སྒྲ་དབྱངས་རྒྱལ་པོ་དང་། །ཤཱཀྱའི་རྒྱལ་པོ་རྣམས་ལ་གསོལ་བ་འདེབས། །འཇམ་དཔལ་སྐྱབས་གྲོལ་

[Full Size]

ཕྱག་ན་རྡོ་རྗེ་འཛིན། །ཚངས་དབང་བརྒྱ་བྱིན་ཕྱོགས་བཞིའི་རྒྱལ་པོ་བཞི། །གནོད་སྦྱིན་སྡེ་དཔོན་ཆེན་པོ་བཅུ་གཉིས་སོགས། །དཀྱིལ་འཁོར་ཡོངས་སུ་རྫོགས་ལ་གསོལ་བ་འདེབས་། །དེ་བཞིན་གཤེགས་པ་བདུན་གྱི་སྨོན་ལམ་མདོ། །སྨན་གྱི་ལྷ་ཡི་མདོ་སྡེ་ཉིད་དང་ནི། །མཁན་ཆེན་ཞི་བ་འཚོས་མཛད་གཞུང་ལ་སོགས། །དམ་ཆོས་གླེགས་བམ་ཚོགས་ལ་གསོལ་བ་འདེབས། །བོ་དྷི་སཏཱ་ཁྲི་སྲོང་ལྡེའུ་བཙན་སོགས། །ལོ་པཎ་རྒྱལ་བློན་བྱང་ཆུབ་སེམས་དཔའ་དང་། །བརྒྱུད་པའི་བླ་མ་དམ་པ་ཐམས་ཅད་དང་། །ཆོས་ཀྱི་ཕྱུག་སོགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །གནས་སྐབས་ནད་དང་འཇིགས་པ་སྣ་ཚོགས་ཞི། །འཆི་ཚེ་ངན་སོང་འཇིགས་པ་ཀུན་ཞི་ནས། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་པ་འདི་སྔ་སོར་རྗེ་སྤྲུལ་པའི་སྐུ་དྲུག་པའི་ཞལ་སྔ་ནས། དེ་བཞིན་གཤེགས་པ་བདུན་མཆོད་པའི་ཆོ་ག་རྗེ་གྲགས་པ་དོན་གྲུབ་ཀྱིས་མཛད་པ་དང་། དེའི་བྱིན་རླབས་དང་བཅས་པ་ལེགས་པར་ཐོབ་པས། ཕྱིས་མཚན་ཐོས་པའི་ཕན་ཡོན་དྲན་ནས། ཨ་རཱ་གས་གསོལ་བ་བཏབ་པའོ།། །།

དེ་བཞིན་གཤེགས་པ་བདུན་མཆོད་པའི་ཆོ་ག

[Full Size]

དེ་བཞིན་གཤེགས་པ་བདུན་མཆོད་པའི་ཆོ་ག་བསྡུས་ཏེ་བྱ་བ་བཞུགས་སོ།

[Full Size]

སངས་རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ་ལ་སོགས་པ་དེ་བཞིན་གཤེགས་པ་བདུན་ལ་ཕྱག་འཚལ་ལོ། །དེ་བཞིན་གཤེགས་པ་བདུན་མཆོད་པའི་ཆོ་ག་བསྡུས་ཏེ་བྱ་བར་འདོད་པས། སོ་སོར་ཐར་པའི་སྡོམ་པ་གང་རུང་དང་ལྡན་ཞིང་བྱང་ཆུབ་ཏུ་སེམས་བསྐྱེད་ལ། དུས་ཚེས་བརྒྱད་ལྟ་བུའམ། རྒྱུན་དུ་གནས་ཡིད་དུ་འོང་བ་གཙང་མར་བྱས་པའི་གནས་སུ་མཎྜལ་མེ་ཏོག་གི་ཚོམ་བུ་ལྷ་གྲངས་མཉམ་པར་བཀོད། སྐུ་གསུང་ཐུགས་ཀྱི་རྟེན་ཅི་རིགས་པར་བཞུགས། མཆོད་པ་ཅི་འབྱོར་ཡང་བཤམས་ཏེ་ནུས་པ་མ་བསྲིས་པར་བཤམས་། དེ་ནས་ཁྲུས་བྱས་ཏེ་སྟན་བདེ་བ་ལ་འདུག་ལ་སྟོང་པ་ཉིད་ཀྱི་ཏིང་ངེ་འཛིན་ཅི་རིགས་སུ་བསྒོམ། གང་གིས་རྟེན་ཅིང་འབྲེལ་པར་འབྱུང་། །འགག་པ་མེད་པ་

[Full Size]

སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། །ཞེས་པ་དང་། གང་ཞིག་རྐྱེན་ལས་སྐྱེས་པ་དེ་མ་སྐྱེས། །དེ་ལ་སྐྱེ་བའི་རང་བཞིན་ཡོད་མ་ཡིན། །རྐྱེན་ལས་རིག་ལས་གང་དེ་སྟོང་པ་དེ། །གང་གིས་སྟོང་ཉིད་ཤེས་དེ་བག་ཡོད་ཡིན། །ཞེས་པ་དག་དོན་དྲན་བཞིན་དུ་བརྗོད། དེ་ལས་ལངས་ནས། སེམས་ཅན་ཐམས་ཅད་ཀྱི་དོན་དུ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་

[Full Size]

ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཚད་མེད་བཞི་བསྒོམ་ཞིང་། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པ་འདི་དག་གིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་གྱིས་བྱང་ཆུབ་ཀྱི་སེམས་ཡིད་ལ་བྱ། དེ་ནས་རང་གི་ནུས་པ་དང་ཕྱོགས་བཅུའི་དེ་བཞིན་ཚེགཤེགས་པ་སྲས་དང་བཅས་པས་དེ་ལྟར་བྱིན་གྱིས་བརླབས་པ་ཡང་བསམས་ལ། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མཐུ་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རང་བཞིན་གྱིས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས། ཡུལ་ཕྱོགས་འདི་ཐམས་ཅད་ཞིང་ཁམས་རྣམ་པར་དག་པ་འཇིག་རྟེན་གྱི་ཁམས་བདེ་བ་ཅན་ལྟ་བུ་ཡོན་ཏན་བསམ་གྱིས་མི་ཁྱབ་པ་དང་ལྡན་པར་གྱུར་ཅིག །གཞལ་མེད་ཁང་ཆེན་པོ་རྒྱུ་རིན་པོ་ཆེ་སྣ་ཚོགས་ལས་གྲུབ་པ་

[Full Size]

རྒྱ་སྟོང་གསུམ་གང་གཱའི་ཀླུང་གི་བྱེ་མ་དང་མཉམ་པ། རྣམ་པར་ཐར་པའི་སྒོ་བསམ་གྱིས་མི་ཁྱབ་པ་དང་ལྡན་པ་འོད་ཟེར་ཆེན་པོ་རབ་ཏུ་འབར་བ། སེམས་ཅན་ཐམས་ཅད་ཀྱི་དོན་ཐམས་ཅད་ཡོངས་སུ་རྫོགས་པར་བྱེད་པ། གདན་རིན་པོ་ཆེ་དང་སེང་གེའི་ཁྲི་པདྨ་དང་ཟླ་བ་དཔག་ཏུ་མེད་པ་དང་། མཆོད་པའི་སྤྲིན་བཟང་པོ་སྤྱོད་པའི་སྨོན་ལམ་ལས་བྱུང་བ་བསམ་གྱིས་མི་ཁྱབ་པ་དང་ལྡན་པར་གྱུར་ཅིག །ཅེས་ལན་གསུམ་བཟླ། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེ་བཞིན་དུ་གྱུར་ཅིག །ལན་གསུམ་བཟླས་ལ། དེ་ནས་འཕགས་པ་སྤྱན་དྲངས་ཏེ་པུས་མོ་བཙུགས་ཏེ་མེ་ཏོག་བླངས། ཐལ་མོ་སྦྱར་ནས་འདི་སྐད་ཅེས། བཅོམ་ལྡན་འདས་དེ་བཞིན་གཤེགས་པ་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་དང་། དེ་བཞིན་གཤེགས་པ་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་དང་། དེ་བཞིན་གཤེགས་པ་གསེར་

[Full Size]

བཟང་དྲི་མེད་རིན་ཆེན་སྣང་བརྟུལ་ཞུགས་གྲུབ་པ་དང་། དེ་བཞིན་གཤེགས་པ་མྱ་ངན་མེད་མཆོག་དཔལ་དང་། དེ་བཞིན་གཤེགས་པ་ཆོས་བསྒྲགས་རྒྱ་མཚོའི་དབྱངས་དང་། དེ་བཞིན་གཤེགས་པ་ཆོས་རྒྱ་མཚོ་མཆོག་གི་བློས་རྣམ་པར་རོལ་པ་མངོན་པར་མཁྱེན་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་བསྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། །སངས་རྒྱས་སྨན་གྱི་བླ་བཻཌཱུརྱའི་འོད་ཀྱི་རྒྱལ་པོ་དང་། ད་ལྟར་བདག་ཅག་གི་སྟོན་པ་བཅོམ་ལྡན་འདས་ཤཱཀྱ་ཐུབ་པ་འཛམ་བུའི་གླིང་འདིར་མྱ་ངན་ལས་འདས་པའི་ཚུལ་བསྟན་ཀྱང་། ཞིང་ཁམས་གཞན་དུ་དེ་བཞིན་གཤེགས་པའི་རྣམ་པར་རོལ་པ་སྣ་ཚོགས་ཀྱིས་འགྲོ་བའི་དོན་མཛད་ཅིང་བཞུགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། རྒྱལ་བའི་སྲས་སྐྱབས་གྲོལ་དང་། ཕྱག་ན་རྡོ་རྗེ་ལ་སོགས་པ་དཔག་ཏུ་མེད་པ་དང་། དམ་པའི་ཆོས་དང་འཁོར་རྣམ་བཞི་སྐྱོང་བར་ཞལ་གྱིས་བཞེས་

[Full Size]

པའི་ལྷའི་དབང་པོ་བརྒྱ་བྱིན་དང་། ཚངས་པ་དང་། རྒྱལ་པོ་ཆེན་པོ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་ཇི་འཇིགས་ལ་སོགས་པ་གནོད་སྦྱིན་གྱི་སྡེ་དཔོན་ཆེན་པོ་ཐམས་ཅད་ལ་ཡང་སྔོན་གྱི་ཐུགས་དམ་བཟང་པོ་ལས་གླེང་སྟེ། བདག་ཅག་ལ་སོགས་པ་འགྲོ་བ་མང་པོ་བསྐྱབ་པའི་སླད་དུ་མགོན་སྐྱབས་དང་དཔུང་གཉེན་དུ་སྤྱན་འདྲེན་ཞིང་མཆིས་ན་མཆོད་པའི་ཚོགས་སྦྱར་བའི་ཕོ་བྲང་གི་དཀྱིལ་འཁོར་འདིར་གཤེགས་ཤིང་གདན་འཛོམས་པ་ཆེན་པོ་མཛད་དེ་བྱིན་གྱིས་རླབས་པར་ཅི་གནང་། ལན་གཅིག་བཟླ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེས་རྣམ་སྦྱངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱེད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་

[Full Size]

སེམས་ཅན་ཚོགས་རྣམས་བསྒྲལ་བའི་ཕྱིར། །ཡོངས་དག་འཁོར་དང་བཅས་ཏེ་གཤེགས་སུ་གསོལ། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པ་ལྡན་།།བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པའི་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །སྤྱན་དྲངས་པའི་རྗེས་ལ། སོ་སོའི་ཞིང་ཁམས་ནས་རྫུ་འཕྲུལ་གྱིས་ནམ་མཁའ་ལ་གཤེགས་ཏེ་གཞལ་མེད་ཁང་གི་དབུས་སུ་སེང་གེའི་ཁྲི་ཆེན་པོ་བརྒྱད་ལ། དེ་བཞིན་གཤེགས་པ་བརྒྱད་བཞུགས། ཆོས་པོ་ཏི་ཡང་བཞུགས། བར་གྱི་སྣམ་བུ་ལ་བྱང་ཆུབ་སེམས་དཔའ་འཇམ་དཔལ་ལ་སོགས་པ་དཔག་ཏུ་མེད་པ་བཞུགས། གསུམ་པ་ལ་གཡས་གྲལ་དུ་ཚངས་པ་དང་བརྒྱ་བྱིན། གཡོན་གྲལ་དུ་གནོད་སྦྱིན་གྱི་སྡེ་དཔོན་བཅུ་གཉིས། སྒོ་བཞི་ལ་རྒྱལ་པོ་ཆེན་པོ་བཞི་རང་རང་གིས་དམ་བཅས་པ་བཞིན་དུ་སྒྲུབ་ཅིང་བཞུགས་པར་གྱུར། པར་བསམ། དེ་ལྟར་བསམ་པའི་རྗེས་ལ། ཁྲུས་གསོལ་རྒྱས་པ་ཕྱག་ལེན་ལྟར་དང་མཎྜལ་རྒྱས་པར་འབུལ། སྨོན་ཐུང་འདོན་སྲོལ་གདའ་

[Full Size]

ནའང་རྒྱུན་དུ་བསྡུས་པ་འདི་ཙམ་གྱིས་འཐུས་ཏེ། ཁྲུས་ཀྱི་ཁང་པ་ཤིན་ཏུ་དྲི་ཞིམ་པར། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བས་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་སྩོལ་བར་མཛོད།། དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བགོས་པས་སྐུ་ཕྱིའོ། །སྲབ་འཇམ་ཡངས་པ་ལྷ་ཡི་གོས། །མི་བསྐྱོད་རྡོ་རྗེའི་སྐུ་བརྙེས་ལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ལྷག་བསམ་དག་པའི་ན་བཟའ་འདི་ཕུལ་བས། །ལུས་ལ་ངུར་སྨྲིག་གོས་གྱོན་སེམས་ལ་ནི། །ངོ་ཚ་ཁྲེལ་ཡོད་བཟོད་པའི་

[Full Size]

གོས་གྱོན་ནས། །རྒྱལ་བ་བསྐྱེད་པའི་ཡུམ་ལ་མཆོད་པར་བགྱི། །སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་གྱུར་པའི། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ས་གཞི་སྤོས་ཆུས་སོགས། མཉེས་བྱེད་མཎྜལ་བཟང་པོ་འདི་ཕུལ་བས། །བྱང་ཆུབ་ལམ་ལ་བར་ཆད་མི་འབྱུང་ཞིང་། །དུས་གསུམ་བདེ་གཤེགས་དགོངས་པ་རྟོགས་པ་དང་། །སྲིད་པར་མི་འཁྲུལ་ཞི་བར་མི་གནས་ཤིང་། །ནམ་མཁའ་དང་མཉམ་པའི་འགྲོ་རྣམས་སྒྲོལ་བར་ཤོག །ཨོཾ་ཨཱཿཿཧཱུྃ་མ་ཧཱ་གུ་རུ་དེ་བ་ཌཱ་ཀི་ནཱི་རཏྣ་མཎྜལ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཿཿཧཱུཾ། ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །ཕྱོགས་བཅུ་དུས་གསུམ་གྱི་བདེ་བར་གཤེགས་པ་སྲས་དང་བཅས་པ་རྣམས་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་

[Full Size]

ལེགས་པར་ཡོངས་བསྒྲགས་དཔལ་གྱི་རྒྱལ་པོ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟང་དྲི་མེད་རིན་ཆེན་སྣང་བརྟུལ་ཞུགས་གྲུབ་པ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་ལ་ཕྱག་འཚལ་ལོ། མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་ལ་ཕྱག་འཚལ་ལོ། མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོ་མཆོག་གི་བློས་རྣམ་པར་རོལ་པ་མངོན་

[Full Size]

པར་མཁྱེན་པ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཊྛརླའི་འོད་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །སྟོན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱལ་བ་ཤཱཀྱ་ཐུབ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །མ་རིག་མུན་སེལ་སྒྲོན་མེ་མཆོག །སྡུག་བསྔལ་ནད་སེལ་སྨན་གྱི་ཕུལ། །དམ་ཆོས་དཀོན་མཆོག་ཐམས་ཅད་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྐྱབས་གྲོལ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དཔལ་ཕྱག་ན་རྡོ་རྗེ་ལ་སོགས་པ་རྣམས་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །ཚངས་པ་དང་བརྒྱ་བྱིན་དང་རྒྱལ་པོ་ཆེན་པོ་བཞི་ལ་སོགས་

[Full Size]

པ་ཆོས་སྐྱོང་བ་རྣམས་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །གནོད་སྦྱིན་གྱི་སྡེ་དཔོན་ཆེན་པོ་ཇི་འཇིགས་ལ་སོགས་པ་གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་གཡོག་བདུན་འབུམ་བདུན་འབུམ་དང་བཅས་པ་རྣམས་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །འཕགས་པའི་ཚོགས་དེ་དག་ཐམས་ཅད་ལ་མཆོད་ཡོན་དང་བྱུག་པ། མེ་ཏོག་དང་བདུག་སྤོས། མར་མེ་དང་ཞལ་ཟས། རོལ་མོ་དང་སིལ་སྙན། གདུགས་དང་བ་དན་ལ་སོགས་པ་དངོས་སུ་ཅི་འབྱོར་བ་འདི་དག་དང་། །ཕྱོགས་བཅུ་ན་བདག་པོས་ཡོངས་སུ་མ་བཟུང་བའི་ལྷ་དང་མིའི་རྫ་ས་དམ་པ་བདེ་བའི་ཡོ་བྱད་ཕུན་སུམ་ཚོགས་པ་ཐམས་ཅད་དང་། གཟུངས་དང་རིག་པའི་མཐུ་དང་མོས་པའི་སྟོབས་ཀྱིས་བསྐྱེད་པའི་མཆོད་པའི་སྤྲིན་བཟང་པོ་སྤྱོད་པའི་སྨོན་ལམ་ལས་བྱུང་བ་རྒྱ་མཚོ་ཐམས་ཅད་ཀྱིས་ནམ་མཁའི་ཁམས་ཀྱི་མཐའ་ཀླས་པ་ཐམས་ཅད་བཀངས་ཏེ་འབུལ་ལོ། །མཆོད་དོ། །སྐྱབས་སུ་མཆིའོ། །བདག་ཅག་རྣམས་ཀྱིས་ཐོག་མ་མ་མཆིས་པའི་འཁོར་བ་ན་འཁོར་བའི་ཚེ་རབས་ཐམས་ཅད་དུ་སྡིག་པ་མི་དགེ་བའི་ལས་མདོར་ན་ཅི་བགྱི་བར་འོས་པའི་

[Full Size]

ལས་ནི་བགྱིས། བགྱི་བར་འོས་པའི་ལས་མ་བགྱིས་པ་ལ་སོགས་པ་དངོས་སྡིག་ཅི་མཆིས་པ་ཐམས་ཅད་ཡང་དག་པར་འཆགས་སོ། །དུས་གསུམ་གྱི་འཕགས་པ་དང་སོ་སོའི་སྐྱེ། བོའི་དགེ་བ་མཐའ་དག་གི་བསོད་ནམས་ཐམས་ཅད་ལ་རྗེས་སུ་ཡི་རང་ངོ། །ཕྱོགས་བཅུའི་རྒྱལ་བ་ཐམས་ཅད་ལ་ཆོས་ཀྱི་འཁོར་ལོ་བླ་ན་མེད་པ་བསྐོར་བར་བསྐུལ་ལོ། །འཇིག་རྟེན་གྱི་སྒྲོན་མེ་གང་དག་མྱ་ངན་ལས་འདའ་བའི་ཚུལ་སྟོན་པར་བཞེད་པ་དེ་དག་ཐམས་ཅད་ལ་མྱ་ངན་ལས་མི་འདའ་བར་འཇིག་རྟེན་གྱི་དོན་མཛད་ཅིང་ཡུན་རིང་དུ་བཞུགས་པར་གསོལ་བར་འཚལ་ལོ། །བཅོམ་ལྡན་འདས་གདན་འཛོམས་པ་ཆེན་པོ་དགོངས་སུ་གསོལ་ལོ། །བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སླད་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་ལྟར་བཅོས་པ་འབྱུང་བ་ན་སེམས་ཅན་ལས་ཀྱི་སྒྲིབ་པ་སྣ་ཚོགས་ཀྱིས་བསྒྲིབས་པ། ནད་སྣ་ཚོགས་ཀྱིས་གཟིར་བ། མྱ་ངན་དང་སྡུག་བསྔལ་སྣ་ཚོགས་ཀྱིས་གཙེས་པ། ཕོངས་པར་གྱུར་པའི་སེམས་ཅན་ཐམས་ཅད་རྗེས་སུ་བཟུང་ཞིང་ལྷ་དང་མི་རྣམས་ཀྱི་དོན་དང་ཕན་པ་དང་བདེ་བའི་སླད་དུ། སྔོན་བཅོམ་ལྡན་འདས་དེ་བཞིན་གཤེགས་

[Full Size]

པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་བདུན་གྱིས་ཐབས་མཁས་པ་དང་། སྔོན་གྱི་སྨོན་ལམ་ཁྱད་པར་རྒྱས་པ་རླབས་པོ་ཆེ་དག་ཇི་ལྟར་བཏབ་ཅིང་། །བྱིན་གྱིས་བརླབས་པོ་དང་། དོན་དེ་ཉིད་ད་ལྟར་བདག་ཅག་གི་སྟོན་པ་བཅོམ་ལྡན་འདས་དཔལ་ཤཱཀྱ་ཐུབ་པས་ཇི་ལྟར་བཀའ་བསྩལ་ཞིང་བྱིན་གྱིས་བརླབས་པ་དང་། འཕགས་པ་འཇམ་དཔལ་དང་སྐྱབས་གྲོལ་དང་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་རྣམས་ཀྱིས་ཇི་ལྟར་བྱིན་གྱིས་བརླབས་པ་དང་། ཚངས་པ་དང་ལྷའི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་ལ་སོགས་པ་དམ་པའི་ཆོས་སྐྱོང་བའི་དགེ་བསྙེན་ཆེན་པོ་རྣམས་དང་ཐམས་ཅད་གདན་འཛོམས་པའི་སྤྱན་སྔར་ཕོ་བྲང་གི་དཀྱིལ་འཁོར་བཤམས། འབྱོར་པའི་སྟོབས་ཅི་མཆིས་པས་མཆོད་པའི་ཚོགས་སྦྱར་ནས་མཚན་ནས་བརྗོད་དེ་མཆོད་པ་འབུལ། བཀའ་དྲིན་ནོད་ཅིང་མཆིས་ན་གདན་འཛོམས་པས་སྔོན་ཇི་ལྟར་བྱིན་གྱིས་བརླབས་ཤིང་བཀའ་བསྩལ་པ་བཞིན་དུ་མདོ་སྡེའི་ཕན་ཡོན་ཇི་སྐད་འབྱུང་བའི་བཀའ་དྲིན་ཐམས་ཅད། ཆེ་གེ་མོའམ། བདག་ཅག་ལ་སོགས་

[Full Size]

སེམས་ཅན་ཐམས་ཅད་ཀྱིས་འཕྲལ་དུ་ཐོབ་པར་བྱིན་གྱིས་བརླབ་པར་མཛད་དུ་གསོལ། གོང་གི་ཕྱོགས་བཅུ་དུས་གསུམ་གྱི་སོགས་ནས་འདིའི་བར་ལན་གསུམ། སྐབས་འདིར་གཟུངས་སྔགས་བཟླ་བ་ནི། ཏདུ་ཐཱ། བྷུ་མེ་གྷུ་མེ། ཨི་མི་ནི་མི་ཧི། མ་ཏི་མ་ཏི། སཔྟ་ཏ་ཐཱ་ག་ཏ་ས་མཱ་དྨ་དྷིཊྛིཏེ། ཨ་ཏི་མ་ཏེ། པཱ་ལེ། པཱ་པཾ་ཤོ་དྷ་ནི། སརྦ་པཱ་པཾ་ནཱ་ཤ་ཡ། མ་མ་བུདྡྷེ། བུདྡྷོཏྟ་མེ། ཨུ་མེ། ཀུ་མེ། བུདྡྷ་ཀྵེ་ཏྲ་པ་རི་ཤོ་དྷ་ནི། དྷ་མེ། ནི་དྷ་མེ། མེ་རུ་མེ་རུ། མེ་རུ་ཤི་ཁ་རེ། སརྦ་ཨ་ཀཱ་ལ་ཨ་མྲྀ་ཏུ་ནི་ཝཱ་ར་ཎི། བུདྡྷེ་སུ་བུདྡྷེ་བུདྡྷ་ཨ་དྷིཥྛ་ན། །རཀྵནྟ་མེ། སརྦ་དེ་ཝཱ། ས་མེ་ཨ་ས་མེ་ས་མ་ནཱ་ཧ་རནྟ་མེ། སརྦ་བུདྡྷ། བོ་དྷི་ས་ཏཱ་ནཾ། ཤ་མེ་ཤ་མེ། པྲ་ཤ་མནྟུ་མེ་སརྦ་ཨི་ཁྱུ་པ་དྲ་བ་བྱུ་དྷ་ཡ༔ པཱུ་ར་ཎི་པཱུ་ར་ཎི། པཱུ་ར་ཡ་མེ། སརྦ་ཨཱཿ་ཤཱ་ཡ་བེཌཱུརྱ་པྲ་ཏི་བྷ་སེ་སརྦ་པཱ་པཾ་ཀྵ་ཡཾ་ཀ་རི་སྭཱ་ཧཱ། ཞེས་ཆོ་ག་ཚར་རེ་ལ་བརྒྱ་རྩ་བརྒྱད་དམ། ཉི་ཤུ་རྩ་གཅིག་གམ། བདུན་རེ་གང་འོས་ལོང་སྐབས་དང་བསྟུན་ཏེ། དེ་ནས། བླ་མ་མཉམ་མེད་སངས་རྒྱས་རིན་པོ་ཆེ། །དུས་གསུམ་བདེ་གཤེགས་སྲས་བཅས་ཐམས་ཅད་ཀྱི། །སྐུ་གསུང་ཐུགས་ཀྱི་ངོ་བོར་བྱིན་བརླབས་པ། །བཀའ་དྲིན་ཆེན་པོའི་ཞབས་ལ་ཕྱག་

[Full Size]

འཚལ་ལོ། །མ་བཅོས་སྤྲོས་བྲལ་བླ་མ་ཆོས་ཀྱི་སྐུ། །བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ། །པད་སྡོང་ལས་འཁྲུངས་བླ་མ་སྤྲུལ་པའི་སྐུ། །སྐུ་གསུམ་རྡོ་རྗེ་འཆང་ལ་ཕྱག་འཚལ་ལོ། །ཟ་ཧོར་རྒྱལ་པོའི་རིགས་འཁྲུངས་དགེ་སློང་གང་། །མཁན་པོ་བྱང་ཆུབ་སེམས་དཔའ་ཞི་བ་འཚོ། །སྡོམ་བརྩོན་རིག་པའི་གནས་ལྔ་ཀུན་ལ་མཁས། །བསླབ་པ་གསུམ་ལྡན་དེ་ལ་ཕྱག་འཚལ་ལོ། །འཕགས་མཆོག་རིགས་གསུམ་མགོན་པོ་བསམ་བཞིན་དུ། །བོད་འབངས་ཆོས་ལ་འགོད་ཕྱིར་སྐུ་སྤྲུལ་པ། །མངའ་བདག་ཐོ་རི་སྲོང་བཙན་ཁྲི་ལྡེའུ་བཙན། །ཆོས་རྒྱལ་མེས་དབོན་དེ་ལ་ཕྱག་འཚལ་ལོ། །དགའ་ལྡན་གནས་ན་ནམ་མཁའ་དྲི་མ་མེད། །འཕགས་པའི་ཡུལ་ན་དཱི་པཾ་ཀ་ར་ཞེས། །ཁ་བ་ཅན་ན་དཔལ་ལྡན་ཨ་ཏི་ཤ །ས་སྟེང་གྲགས་པས་ཁྱབ་ལ་ཕྱག་འཚལ་ལོ། །མ་འོངས་སངས་རྒྱས་བདུན་པ་རབ་གསལ་གང་། །སྒྲོལ་མས་རྗེས་བཟུང་མཁས་ཤིང་གྲུབ་པ་བརྙེས། །ཤཱཀྱ་ཤྲཱི་བྷ་དྲ་ཞེས་གྲགས་པའི། །ཁ་ཆེའི་མཁས་པ་དེ་ལ་ཕྱག་འཚལ་ལོ། །མཁྱེན་རབ་ཐུགས་རྗེ་ཚད་མེད་མངའ་བ་ལས། །མི་ཕམ་མགོན་པོའི་རྣམ་པར་སྣང་བ་ཅན། །བློ་

[Full Size]

གྲོས་ཟད་མེད་ཡོན་ཏན་གཏེར་མངའ་བ། །འཇམ་དབྱངས་བླ་མའི་ཞབས་ལ་ཕྱག་འཚལ་ལོ། །འཇིག་རྟེན་དབང་ཕྱུག་ཕྱག་ན་པདྨ་དང་། །རྒྱལ་ཀུན་འདུས་ཞལ་པདྨ་ཀཱ་ར་ཡི། །ཐུགས་རྗེའི་སྒྱུ་འཕྲུལ་ལས་འཁྲུངས་རྡོ་རྗེ་འཛིན། །ཀརྨ་ཆགས་མེད་ཞབས་ལ་ཕྱག་འཚལ་ལོ། །ཕྱོགས་བཅུར་བཞུགས་པའི་རྒྱལ་བ་མ་ལུས་དང་། །བྱང་ཆུབ་སེམས་དང་རྒྱལ་སྲས་མ་ལུས་ཚོགས། །རྡུལ་གཅིག་སྟེང་ན་རྡུལ་སྙེད་བཞུགས་པ་ཡི། །བླ་མེད་འཕགས་པའི་ཚོགས་ལ་ཕྱག་འཚལ་ལོ། །ཞེས་པའི་རྗེས་སུ་བདེ་བར་གཤེགས་པ་བརྒྱད་ཀྱི་བསྟོད་པ་མཁན་པོ་ཉིད་ཀྱིས་མཛད་པ་ནི། མཚན་གྱི་མེ་ཏོག་རྒྱས་ཤིང་དག་པ་ལ། །དཔེ་བྱད་བཟང་པོའི་འབྲུ་ཆགས་མཛེས་པའི་སྐུ། །གང་གིས་མཐོང་ཐོས་དྲན་པའི་དཔལ་གྱུར་པ། །མཚན་གྱི་རྒྱལ་པོ་དེ་ལ་ཕྱག་འཚལ་ལོ། །རིན་ཆེན་ཟླ་དང་པདྨས་རབ་བརྒྱན་ཅིང་། །ཤེས་བྱ་ཀུན་ལ་མཁས་པའི་མཁྱེན་པ་འཕགས། །རྒྱ་མཚོ་ལྟ་བུ་ཟབ་པའི་སྐུ་མངའ་བ། །སྒྲ་དབྱངས་རྒྱལ་པོ་དེ་ལ་ཕྱག་འཚལ་ལོ། །འཛམ་བུའི་ཆུ་བོ་གསེར་ལྟར་ལྷང་ངེ་བ། །ཉི་མ་སྟོང་བས་ལྷག་པའི་གཟི་བརྗིད་འབར། །དྲི་མེད་གསེར་གྱི་མཆོད་སྡོང་ལྟ་བུའི་སྐུ། །གསེར་བཟང་

[Full Size]

དྲི་མེད་སྣང་ལ་ཕྱག་འཚལ་ལོ། །མྱ་ངན་འདས་ཤིང་བདེ་བའི་མཆོག་བརྙེས་པ། །འགྲོ་བའི་སྡུག་བསྔལ་གདུང་བ་ཞི་མཛད་ཅིང་། །འགྲོ་དྲུག་མགོན་དང་དཔལ་དུ་གྱུར་པ་ཡི། །མྱ་ངན་མེད་མཆོག་དཔལ་ལ་ཕྱག་འཚལ་ལོ། །ཆོས་སྒྲ་ཆེན་པོས་ཕ་རོལ་རྒོལ་བ་འཇོམས། །རྒྱ་མཚོ་ལྟ་བུར་ཟབ་པའི་སྐུ་མངའ་ཞིང་། །འགྲོ་བའི་དུག་གསུམ་མ་ལུས་ཞི་མཛད་པ། །ཆོས་བསྒྲགས་རྒྱ་མཚོའི་དབྱངས་ལ་ཕྱག་འཚལ་ལོ། །ཆོས་ཀྱི་བློ་གྲོས་གཏིང་དཔག་དཀའ་བའི་ཐུགས། །རྣམ་དག་ཆོས་ཀྱི་དབྱིངས་ལ་རོལ་མཛད་ཤེས་བྱ་མ་ལུས་མངོན་གསུམ་གཟིགས་པ་པོ། །ཆོས་བློ་མངོན་པར་མཁྱེན་ལ་ཕྱག་འཚལ་ལོ། །འགྲོ་བའི་ནད་གསོ་མཛད་པ་སྨན་པའི་མཆོག །བེཟླུརྨ་ལྟར་དྭངས་བའི་ཞིང་། །སྐུ་ཡི་འོད་ཀྱིས་འགྲོ་བ་སྒྲོལ་མཛད་པ། །སྨན་པའི་རྒྱལ་པོ་དེ་ལ་ཕྱག་འཚལ་ལོ། །ཐུགས་རྗེས་ཀུན་ལ་སྙོམས་པའི་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་སྡུག་བསྔལ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་ལོ། །ཉི་མ་ལྟ་བུར་མ་རིག་མུན་པ་སེལ། །ཟླ་བ་ལྟ་བུར་

[Full Size]

ཉོན་མོངས་གདུང་བ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་ལོ། །ལྷ་མིའི་སྟོན་པ་སྨན་པའི་རྒྱལ་པོ་སྟེ། །བཅོམ་ལྡན་འཇིག་རྟེན་གསུམ་ལ་སྐྱབས་མཛད་པ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་ལོ། །ཁྱོད་ནི་འཇིག་རྟེན་གསུམ་གྱི་སྨན་པ་སྟེ། །འདོད་ཆགས་ཞེ་སྡང་གཏི་མུག་རྩད་ནས་གཅོད། །སེམས་ཅན་ཐམས་ཅད་བདེ་ལ་རབ་ཏུ་འགོད། །བཻཌཱུརྱ་ཡི་འོད་ལ་ཕྱག་འཚལ་ལོ། །ཡེ་ཤེས་སྤྱན་གྱིས་འགྲོ་བ་ཀུན་ལ་གཟིགས། །ཐུགས་རྗེའི་སྤྱན་གྱིས་འགྲོ་བ་ཀུན་ལ་ཁྱབ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་ལོ། །རླུང་དང་མཁྲིས་པ་བད་ཀན་འདུས་པ་སོགས། །འབྱུང་བ་ཆེན་པོ་འཁྲུགས་པར་གྱུར་པ་ལ། །ནད་ཀྱི་གཉན་པོ་ཕྱག་གཡས་ཨ་རུ་ར། །སྨན་པའི་རྒྱལ་པོ་ཁྱོད་ལ་ཕྱག་འཚལ་ལོ། །སྐུ་མདོག་མཐིང་ཀ་ཨུཏྤལ་སྔོན་པོ་འདྲ། །ཕྱག་གཡོན་བདུད་རྩི་སྨན་གྱི་ལྷུང་བཟེད་བསྣམས། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་ལོ། །ཉེས་པ་རྒྱ་མཚོ་དག་གི་གཞི་སྤངས་ནས། །

[Full Size]

ཡོན་ཏན་རྒྱ་མཚོ་དག་གི་ཕ་རོལ་སོན། །ཐམས་ཅད་མཁྱེན་པ་ལྷ་ཡི་ལྷར་གྱུར་པ། །བཻཌཱུརྱ་ཡི་འོད་ལ་ཕྱག་འཚལ་ལོ། །སྨོན་ལམ་རྒྱ་ཆེན་ཡོངས་སུ་དག་གྱུར་པའི།། ཡིད་བཞིན་ནོར་བུ་ལྟ་བུར་གཞན་དོན་མཛད། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་ལོ། །ཐབས་མཁས་ཐུགས་རྗེས་ཤཱཀྱའི་རིགས་འཁྲུངས་ཤིང་། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་མཛེས་པའི་སྐུ། །ཤཱཀྱའི་རྒྱལ་པོ་དེ་ལ་ཕྱག་འཚལ་ལོ། །ཞེས་དང་། ཆོས་དཀོན་མཆོག་དང་འཁོར་གྱི་བསྟོད་པ་ལག་ལེན་མཐོང་རྒྱུད་ནི། མ་རིག་མུན་སེལ་སྒྲོན་མེའི་མཆོག །སྡུག་བསྔལ་ནད་སེལ་སྨན་གྱི་ཕུལ། །དམ་ཆོས་དཀོན་མཆོག་ཐམས་ཅད་ལ། །ཕྱག་འཚལ་མཆོད་ཅིང་སྐྱབས་སུ་མཆི། །གཞོན་ནུ་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་བརྒྱན་ཞིང་། །འཇིག་རྟེན་གསུམ་གྱི་མུན་སེལ་བ། །འཇམ་པའི་དབྱངས་ལ་ཕྱག་འཚལ་ལོ།། འགྲོ་དྲུག་འཇིགས་པ་བརྒྱད་ལས་སྐྱོབ་མཛད་ཅིང་། །འཁོར་བའི་རྒྱ་མཚོ་ཆེ་ལས་སྒྲོལ་བའི་གྲུ། །མྱ་ངན་འདས་སར་ཕྱིན་པའི་དེད་དཔོན་མཆོག །སེམས་དཔའ་སྐྱབས་གྲོལ་

[Full Size]

མཛད་ལ་ཕྱག་འཚལ་ལོ། །ལྕང་ལོ་ཅན་གྱི་གནས་མཆོག་དམ་པ་ནས། །གསང་སྔགས་རིག་སྔགས་ཀུན་གྱི་བདག་པོ་སྟེ། །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ། །བཅོམ་ལྡན་རྡོ་རྗེ་འཛིན་ལ་ཕྱག་འཚལ་ལོ། །ཚངས་དང་བརྒྱ་བྱིན་རྒྱལ་པོ་ཆེན་པོ་བཞི། །རང་རང་སྡེ་བཅས་མཐུ་དང་དཔལ་ལྡན་པ། །སྟོན་པའི་དམ་ཆོས་སྐྱོང་བར་མཛད་པ་ཡི། །ལྷའི་དགེ་བསྙེན་རྣམས་ལ་ཕྱག་འཚལ་ལོ། །བདེ་གཤེགས་བསྟན་པ་སྲུང་བའི་དགེ་བསྙེན་མཆོག །འཇིགས་པའི་གཟུགས་དང་རྔམས་པའི་ཆ་ལུགས་ཅན། །བདུན་འབུམ་འཁོར་གྱིས་བསྐོར་བའི་བཅུ་གཉིས་པོ། །གནོད་སྦྱིན་སྡེ་དཔོན་རྣམས་ལ་ཕྱག་འཚལ་ལོ། །ཞེས་བརྗོད་པས་ཕྱག་འཚལ་ཞིང་། འཕགས་པའི་ཚོགས་དེ་དག་ཐམས་ཅད་ལ་མཆོད་ཡོན་དང་བྱུག་པ། མེ་ཏོག་དང་བདུག་སྤོས། མར་མེ་དང་ཞལ་ཟས། རོལ་མོ་དང་སིལ་སྙན། གདུགས་དང་བ་དན་ལ་སོགས་པ་དངོས་སུ་ཅི་འབྱོར་བ་འདི་དག་དང་། ཕྱོགས་བཅུ་ན་བདག་པོས་ཡོངས་སུ་མ་བཟུང་བའི་ལྷ་དང་མིའི་རྫ་ས་དམ་པ་བདེ་བའི་ཡོ་བྱད་ཕུན་སུམ་ཚོགས་པ་ཐམས་ཅད་དང་། གཟུངས་དང་རིག་པའི་མཐུ་དང་མོས་པའི་སྟོབས་

[Full Size]

ཀྱིས་བསྐྱེད་པའི་མཆོད་པའི་སྤྲིན་བཟང་པོ་སྤྱོད་པའི་སྨོན་ལམ་ལས་བྱུང་བ་རྒྱ་མཚོ་ཐམས་ཅད་ཀྱིས་ནམ་མཁའི་ཁམས་ཀྱི་མཐའ་ཀླས་པ་ཐམས་ཅད་བཀངས་ཏེ་འབུལ་ལོ། །མཆོད་དོ། །བདག་ཅག་རྣམས་ཀྱིས་ཐོག་མ་མ་མཆིས་པ་ནས་འཁོར་བ་ན་འཁོར་བའི་ཚེ་རབས་ཐམས་ཅད་དུ་སྡིག་པ་མི་དགེ་བའི་ལས་མདོར་ན་མི་བགྱི་བར་རིགས་པའི་ལས་ནི་བགྱིས། བགྱི་བར་འོས་པའི་ལས་མ་བགྱིས་པ་ལ་སོགས་པ་དངོས་སྡིག་ཅི་མཆིས་པ་ཐམས་ཅད་ཡང་དག་པར་འཆགས་སོ། །དུས་གསུམ་གྱི་འཕགས་པ་དང་སོ་སོའི་སྐྱེ་བོའི་དགེ་བ་མཐའ་དག་གི་བསོད་ནམས་ཐམས་ཅད་ལ་རྗེས་སུ་ཡི་རང་ངོ། །ཕྱོགས་བཅུའི་རྒྱལ་བ་ཐམས་ཅད་ལ་ཆོས་ཀྱི་འཁོར་ལོ་བླ་ན་མེད་པ་བསྐོར་བར་བསྐུལ་ལོ། །འཇིག་རྟེན་གྱི་སྒྲོན་མེ་གང་དག་མྱ་ངན་ལས་འདའ་བའི་ཚུལ་སྟོན་པར་བཞེད་པ་དེ་དག་ཐམས་ཅད་ལ་མྱ་ངན་ལས་མི་འདའ་བར་འཇིག་རྟེན་གྱི་དོན་མཛད་ཅིང་ཡུན་རིང་དུ་བཞུགས་པར་གསོལ་བར་འཚལ་ལོ། །ཞེས་བརྗོད་པས་འཕགས་པ་གདན་འཛོམས་པའི་མཆོད་པ་ཅི་འབྱོར་པ་བྱ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདུན་དང་། སྟོན་པ་བཅོམ་

[Full Size]

ལྡན་འདས་དཔལ་ཤཱཀྱ་ཐུབ་པ་འཁོར་དང་བཅས་པ་སྤྱན་དྲངས་ཏེ་མཚན་ནས་བརྗོད་ཅིང་ཕྱག་འཚལ་བ་དང་། མཆོད་ཅིང་དེ་དག་གི་སྔོན་གྱི་སྨོན་ལམ་བཏབ་པ་དང་། དེ་དག་གི་སྤྱན་སྔར་སྡིག་པ་བཤགས་པ་དང་། དགེ་བ་ལ་རྗེས་སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་ཞིང་མྱ་ངན་ལས་མི་འདའ་བར་གསོལ་བ་བཏབ་པ་དང་། དེ་དག་གི་མཐུ་དཔལ་དང་བྱིན་གྱིས་བརླབས་ཀྱི་སྟོབས་ཀྱིས་བདག་ཅག་གིས་ཐོག་མ་མ་མཆིས་པའི་འཁོར་བ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་བྱང་ཞིང་དག་པར་གྱུར་ཅིག །ལུས་ལ་ནད་མེད་པ་དང་ཚེ་རིང་བར་གྱུར་ཅིག །འཇིག་རྟེན་དང་འཇིག་རྟེན་ལས་འདས་པའི་དཔལ་ཕུན་སུམ་ཚོགས་པ་ལ་མངའ་བརྙེས་པར་གྱུར་ཅིག །མཐར་ཚོགས་གཉིས་ཡོངས་སུ་རྫོགས་ནས་རྡོ་རྗེའི་སྐུ་ཆོས་ཀྱི་རྒྱལ་པོ་སངས་རྒྱས་བཅོམ་ལྡན་འདས་ཀྱི་གོ་འཕང་བརྙེས་པར་གྱུར་ཅིག །ཡུལ་ཁམས་ཐམས་ཅད་དུ་ཡང་མི་ནད་དང་ཕྱུགས་ནད་དང་ལོ་ཉེས་པ་དང་དགྲ་བོའི་གནོད་པ་ལ་སོགས་པ་བཀྲ་མི་ཤིས་པའི་བག་ཅི་ཡང་མི་འབྱུང་བར་གྱུར་ཅིག །ཆར་ཆུ་དུས་སུ་བབ་སྟེ་ལོ་ཕྱུགས་འཕེལ་ཞིང་རྒྱས་པ་དང་། བདེ་སྐྱིད་ཀྱི་དཔལ་ཕུན་སུམ་

[Full Size]

ཚོགས་པ་དང་ལྡན་པར་གྱུར་ཅིག །སེམས་ཅན་ཐམས་ཅད་བདེ་བ་དང་ལྡན་ཏེ། ཞིང་ཁམས་དེ་དག་ཏུ་སྐྱེས་ནས། དེ་བཞིན་གཤེགས་པ་དེ་དག་གི་གདམ་ངག་ཚོགས་གཉིས་ཡོངས་སུ་རྫོགས་ནས་སངས་རྒྱས་པར་གྱུར་ཅིག །ཁྱད་པར་དུ་ཡང་དམ་པའི་ཆོས་ཡུན་རིང་དུ་གནས་ཤིང་རྒྱས་པར་གྱུར་ཅིག །དེ་ནས་བཟོད་པར་གསོལ་ཏེ། ཆེ་གེ་དག་ཅིག་ལ་སོགས་པ་འགྲོ་བ་མང་པོའི་དོན་མཛད་པར་གསོལ་བའི་སྐབས་འདིར་བདག་ཅག་དུས་ངན་པའི་སེམས་ཅན་སྤྱོད་པ་དམན་ཞིང་མ་དག་པས་མ་འཚལ་བ་དང་། ལུས་ངག་ཡིད་གསུམ་གྱི་སྤྱོད་པ་ཉོན་མོངས་པ་དང་འདྲེས་པ་དང་། མཆོད་པའི་དངོས་པོ་ཆུང་ཞིང་དམན་པ་དང་། གཙང་སྦྲས་མ་ཕྱེད་པ་དང་། མདོ་ལས་བྱུང་བའི་ཆོ་ག་བཞིན་དུ་མ་ལྕོགས་པ་ལ་སོགས་པ་འཁྲུལ་ཞིང་ནོངས་པ་ཐམས་ཅད་འཕགས་པ་ཐུགས་རྗེ་ཆེན་པོ་དང་ལྡན་པ་རྣམས་ལ་བཟོད་པར་གསོལ་ཞིང་མཆིས་ན། ཐུགས་བརྩེ་བར་དགོངས་ཏེ་བཟོད་པར་བཞེས་ཤིང་འཕྲལ་དང་ཡུན་དུ་བདག་ཅག་གི་སྒྲིབ་པར་མི་འགྱུར་བར་བྱིན་གྱིས་བརླབ་ཏུ་གསོལ། དེའི་རྗེས་ལ་གཤེགས་སུ་གསོལ་ཏེ། མགོན་པོ་ཐུགས་རྗེ་ཆེན་པོ་དང་ལྡན་པ་ཁྱེད་རྣམས་

[Full Size]

ཀྱིས་བདག་ཅག་དང་སེམས་ཅན་ཐམས་ཅད་ཀྱི་དོན་མཛད་ལགས་ཀྱིས། སོ་སོའི་ཞིང་ཁམས་སུ་འཁོར་དང་བཅས་པ་གཤེགས་སུ་གསོལ། སླར་ཡང་སེམས་ཅན་དོན་ལ་ཐུགས་རྗེས་འབྱོན་པར་ཞུ། དེ་ནས་བཟང་སྤྱོད་ཚར་རེ་འདོན་པ་ལག་ལེན་ཡིན་ཅིང་། ཉིན་ཆོག་ཚར་རེ་ཡིན་ན་མཎྜལ་དང་མཆོད་པ་བསྡུ། ཡང་ཉིན་རེ་ལ་ཆོ་ག་ཚར་གཉིས་གསུམ་སོགས་བལྡབས་པ་དང་སྒྲུབ་མཆོད་ཞག་སྦྲེལ་ཡིན་ན་མ་གྲོལ་བར་མཎྜལ་དེ་གར་བཞག་ནས་མཆོད་པ་རྣམས་བརྗེའོ། །དེ་བཞིན་གཤེགས་པ་བདུན་མཆོད་པའི་ཆོ་ག་བསྡུས་ཏེ་བྱ་བ་སློབ་དཔོན་བོ་དྷི་སཏྲས་མཛད་པའི་གཞུང་སོར་བཞག་ལ། ཞལ་འཕང་རྣམས་རྒྱལ་ཚབ་རིན་པོ་ཆེས་མཆན་བུར་མཛད་པ་དཀྱུས་སུ་བཅུག་སྟེ། ཀཾ་ཚང་གི་ཕྱག་ལེན་ལྟར་སྦྱར་བ་ལ་ནོངས་པ་མཆིས་ན་བཟོད་པར་འཆགས་ཤིང་། དགེ་བ་མཆིས་ན་བསྟན་འགྲོའི་དོན་དུ་བསྔོ་བར་བགྱིའོ། །ཞེས་པ་རྗེ་ཐམས་ཅད་མཁྱེན་པ་དྲུག་པ་ཆོས་ཀྱི་དབང་ཕྱུག་གིས་ལེགས་པར་བསྒྲིགས་ནས་པར་དུ་འཁོད་པ་ལ་འཁྲུགས་ཅུང་ཟད་ཡོད་པ་དང་ཁ་འཕང་ངག་ནས་ཤེས་དགོས་པ་རྣམས་བཙུད་ནས་བལྟས་ཆོག་འདོན་འགྲིགས་སུ་བྲིས་པ་ཀརྨ་ཨ་རཱ་གས་སོ།། ༈ སྨན་བླའི་ཞལ་ཐང་དང་གསེར་སྐུ་ཡོད་ན་བཤམས། མཎྜལ་སྟེང་དུ་འབྲུའི་ཚོམ་བུ་བརྒྱད་དབུས་དང་དགུར་བཀོད། དེའི་མདུན་དུ་ལྷ་བཤོས་བརྒྱད་དང་། མར་མེ་བརྒྱད་དང་ཏིང་བདུན་དུ་ཡོན་ཆབ་བཤམས། རོལ་མོ་མཆོད་རོལ་སྐབས་སུ་བྱེད་པའོ། །མངྒ་ལཾ། བྷ་ཝ། ཤུ་བྷཾ།། །།

སྨན་བླའི་མདོ་ཆོག་གི་བརྟན།

[Full Size]

རྟེན་ཡོད་ན། མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་བདག་ཅག་དང་སེམས་ཅན་ཐམས་ཅད་ཀྱི་དོན་མཛད་པ་འདི་ལགས་ཀྱི། ཡུན་དང་ཡུན་དུ་སྐུ་གསུང་ཐུགས་ཀྱི་རྟེན་འདི་རྣམས་ལ་རྫུ་འཕྲུལ་གྱིས་འཁོར་དང་བཅས་པ་བརྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་བདག་ཅག་ལ་སོགས་པའི་སེམས་ཅན་ཐམས་ཅད་ལ་ཉེ་བར་དགོངས་ཏེ་བསྒྲལ་ཞིང་དབུགས་དབྱུང་བར་མཛད་དུ་གསོལ། ཆེ་བའི་ཆེ་མཆོག་སྟོན་མཆོག་བླ་ན་མེད། །ཆོས་རྗེ་ཉི་མ་རྒྱལ་བའི་བྱིན་རླབས་ཀྱིས། །བདུད་དང་བགེགས་རིགས་གནོད་པའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཆོས་ཉིད་བདེན་པའི་ཆོས་མཆོག་བླ་ན་མེད། །དམ་ཆོས་བདུད་རྩི་བདེན་པའི་བྱིན་རླབས་ཀྱིས། །ཉོན་མོངས་སྡུག་བསྔལ་གདུང་བའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །དགེ་འདུན་ཡོན་ཏན་རིན་ཆེན་དཔལ་འབར་བ། །རྒྱལ་སྲས་ཕན་མཛད་བདེན་པའི་བྱིན་རླབས་ཀྱིས། །ཉེས་པའི་སྐྱོན་བྲལ་དགེ་ཚོགས་རྣམ་པར་འཕེལ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཚངས་དང་ལྷ་དབང་སྲུང་

[Full Size]

མའི་བྱིན་རླབས་ཀྱིས། །ཕན་མཛད་ལྷ་ཡི་བཀྲ་ཤིས་གནས་གྱུར་ཏེ། །བདེ་ལེགས་བསམ་པ་ཡིད་བཞིན་འགྲུབ་པ་དང་། །ཚེ་རིང་ནད་མེད་བདེ་སྐྱིད་ལྡན་པར་ཤོག །མངྒ་ལཾ།། །།

དེ་བཞིན་གཤེགས་པ་སྨན་བླ་མཆེད་བདུན་གྱི་བྱིན་རླབས་དབང་གི་རིམ་པ།

[Full Size]

དེ་བཞིན་གཤེགས་པ་སྨན་བླ་མཆེད་བདུན་གྱི་བྱིན་རླབས་དབང་གི་རིམ་པ་ཁྱེར་བདེ་བ་བཞུགས་སོ། །

[Full Size]

ན་མོ་གུ་རུ་བྷཻ་ཥ་ཛྱཻ་ཡེ། བླ་མ་སྨན་གྱི་ལྷ་ལ་ཕྱག་འཚལ་ནས། སྨན་བླ་མཆེད་བདུན་བྱིན་རླབས་རིམ་པ་བྲི། མཎྜལ་ལ་འབྲུའི་ཚོམ་བུ་བདུན་བཀོད། ཟླུམ་གཏོར་མེ་ཏོག་གི་རྒྱན་ཅན་ལ་ཡོད་ན་སྨན་བླའི་ཙཀླུ་བཙུགས། བཀའ་སྲུང་གནོད་སྦྱིན་སྡེ་དཔོན་རྣམས་ལ་དཀར་གཏོར་བཤམས། གཞི་བདག་དང་འབྱུང་པོ་ལ་སྔོན་འགྲོ་གཏོར་མ་བཤམས། །དཀྱིལ་འཁོར་མཐར་མཆོད་པ་བཤམས། བདག་བསྐྱེད་ནི། རང་ཉིད་སྐད་ཅིག་གིས་སྨན་གྱི་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་པས་བླ་མ་མི་བསྐྱོད་པའི་རྣམ་པ་དབུའི་ཆ་ལ་བཞུགས་པའི་བཅོམ་ལྡན་འདས་སྨན་བླ་མཆེད་བདུན་ལ་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ་

[Full Size]

སྤྱན་དྲངས། བཛྲ་ས་མཱ་ཛཿ གུ་རུ་བྷེ་ཥ་ཛེ་ན་མཿ ཞེས་ཕྱག་འཚལ་ནས། ཨགྷཾ་སོགས་ཀྱིས་མཆོད་ལ། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་དང་། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཅེས་ཚད་མེད་བཞི་བསྒོམས་ནས། བཛྲ་མུ༔ ཚོགས་ཞིང་རང་བཞིན་གནས་སུ་གཤེགས། ཨོཾ་སྭ་བྷ་ཝཱ་

[Full Size]

ཤདྡྷཿསརྦ་སོགས། སྟོང་པའི་ངང་ལས་པཾ་ལས་པདྨ་ཨ་ལས་ཟླ་བའི་སྟེང་དུ། རང་སེམས་སྒྲའི་རྣམ་པ་ཨོཾ་དཀར་པོ་ལས་འོད་འཕྲོས་དོན་གཉིས་བྱས་ནས་ཚུར་འདུས་པ་ལས། ཨཱཿཙྪདམར་པོར་གྱུར། དེ་ལས་འོད་འཕྲོས་དོན་གཉིས་བྱས་ནས་ཚུར་འདུས་པ་ལས། ཧཱུཾ་སྔོན་པོར་གྱུར། དེ་ལས་འོད་འཕྲོས་དོན་གཉིས་བྱས་ཚུར་འདུས་ཡོངས་སུ་གྱུར་པ་ལས། རང་ཉིད་བཅོམ་ལྡན་འདས་སྨན་གྱི་བླ་སྐུ་མདོག་མཐིང་ཀ་བེཟླུརྒྱ་ལྟ་བུར་ཞལ་གཅིག་ཕྱག་གཉིས་ཞབས་རྡོ་རྗེའི་སྐྱིལ་ཀྲུང་གིས་པད་ཟླ་ལ་བཞུགས་པ། དར་དམར་པོའི་ཤམ་ཐབས་དང་ཆོས་གོས་གསོལ་བ། ཕྱག་གཡས་མཆོག་སྦྱིན་གྱི་ཕྱག་རྒྱས་སྨན་མཆོག་ཨ་རུ་ར་རྣམ་པར་རྒྱལ་བ་འཛིན་ཅིང་། གཡོན་མཉམ་བཞག་གི་སྟེང་ན་བདུད་རྩིའི་ལྷུང་བཟེད་འཛིན་པ་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་ཅིང་འོད་དང་འོད་ཟེར་འཕྲོ་བ། དབུ་གཙུག་ན་བླ་མ་མི་བསྐྱོད་པ་ཡིད་བཞིན་གྱི་ནོར་བུ་དབང་གི་རྒྱལ་པོའི་ངོ་བོར་བཞུགས་པའོ། །དེའི་གཡས་སུ་ཟླ་བ་ལ་མཾ་ལས་རྒྱལ་སྲས་ཉི་ལྟར་སྣང་མཛད་དམར་སེར། ཕྱག་གཡོན་པདྨའི་ཡུ་བ་ཐུགས་ཀར་འཛིན་པའི་པདྨའི་སྟེང་དུ་ཉི་མ་ལ་གནས་

[Full Size]

པ། གཡོན་དུ་པད་ཟླ་ལ་ཨ་ལས་རྒྱལ་སྲས་ཟླ་ལྟར་སྣང་མཛད་དཀར་པོ་ཕྱག་གཡོན་ཟླ་བས་མཚན་པའི་པདྨའི་ཡུ་བ་ཐུགས་ཀར་འཛིན་པ་གཉིས་ཀའང་ཕྱག་གཡས་མཆོག་སྦྱིན་མཛད་ཅིང་། ལོངས་སྤྱོད་རྫོགས་པའི་རྒྱན་ཅན་བཞེངས་པའི་སྟབས་ཀྱིས་གཙོ་བོ་ལ་གཟིགས་པའོ། །གཙོ་འཁོར་གསུམ་ཀའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། བཛྲ་ས་མཱ་ཛཿ ཨགྷཾ་སོགས། ཛཿཧཱུྃ་བཾ་ཧོཿ དམ་ཚིག་པ་དང་དབྱེར་མེད་པར་གྱུར། སླར་ཡང་ཐུགས་ཀའི་འོད་ཀྱིས་རིགས་ལྔ་སྤྱན་དྲངས། ཨནྡྷཾ་སོགས། བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་རིགས་ལྔས་དབང་བསྐུར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་དབང་བསྐུར་རིགས་བདག་ཆུ་ལྷག་ཡར་ལུད་པ་ལས་མི་བསྐྱོད་པ་རིགས་བཞིས་བསྐོར་བས་དབུ་བརྒྱན་པར་གྱུར། དེ་ནས་རང་གི་དཔྲལ་བའི་ཨོཾ་དཀར་པོ་ཡོངས་སུ་གྱུར་པ་ལས་རྣམ་པར་སྣང་མཛད་ལ་འཁོར་རྒྱལ་བ་རིགས་བཞིས་བསྐོར་བ། མགྲིན་པའི་དམར་པོ་ཡོངས་སུ་གྱུར་པ་ལས་འོད་དཔག་མེད་ལ་གཞན་

[Full Size]

རིགས་བཞིས་བསྐོར་བ། ཐུགས་ཀར་ཧཱུྃ་མཐིང་ནག་ཡོངས་སུ་གྱུར་པ་ལས་མི་བསྐྱོད་པ་ལ་གཞན་རིགས་བཞིས་བསྐོར་བ། དེ་ལྟར་སྐུ་གསུང་ཐུགས་ཀྱི་ལྷ་གསུམ་གྱི་ཐུགས་ཀར་སྨན་བླ་ཡེ་ཤེས་སེམས་དཔའ་རེ་རེའི་ཐུགས་ཀར་ཟླ་བའི་གདན་ལ་ཧཱུཾ་མཐིང་ནག་གི་མཐར་ཉེ་སྙིང་དང་གཟུངས་རིང་གཉིས་ཀྱིས་བསྐོར་བ་ལས་འོད་ཟེར་འཕྲོས་པས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ཏེ་བྱང་ཆུབ་ཀྱི་ས་ལ་བཀོད། སངས་རྒྱས་ཐམས་ཅད་མཉེས་པར་བྱས། འོད་ཟེར་ཚུར་འདུས་པ་ལས་བདེ་གཤེགས་བདུན་གྱི་བྱིན་རླབས་ཞུགས་པར་གྱུར། ཏདྱ་ཐཱ། ཨོཾ་བྷི་ཥ་ཛེ་གྷོ་ཥ་ཛེ་མ་ཧཱ་བྷི་ཥ་ཛོ་རཱ་ཛ་ས་མུཏྟ་ཏེ་སྭཱ་ཧཱ། ཞེས་ཉེ་སྙིང་དང་། ཨོཾ་ན་མོ་བྷ་ག་ཝ་ཏེ། བྷི་ཥ་ཛེ་གུ་རུ་བཻཌཱུརྱ་པྲ་བྷ་རཱ་ཛ་ཡ་ཏ་ཐཱ་ག་ཏཱ་ཡ། ཨརྒ་ཏེ་སམྱཀཾ་བུདྡྷ་ཡ། ཏདྱ་ཐཱ། ཨོཾ་བྷི་ཥ་ཛེ་གྷོ་ཥ་ཛེ་མ་ཧཱ་བྷེ་ཥ་ཛྭ་རཱ་ཛ་ས་མུཏྟ་ཏེ་སྭཱ་ཧཱ། ཞེས་མཚན་སྔགས་གཟུངས་རིང་དང་། ཏདྱ་ཐཱ། གྷུ་མེ་གྷུ་མེ། ཨི་མི་ནི་མི་ཧི། མ་ཏི་མ་ཏི། །སཔྟ་ཏ་ཐཱ་ག་ཏ་ས་མཱ་དྨ་དྷིཊྛི་ཏེ། ཨ་ཏི་མ་ཏེ། པཱ་ལེ། །པཱ་པཾ་ཤོ་དྷ་ནི། སརྦ་པཱ་པཾ་ནཱ་ཤ་ཡ། མ་མ་བུདྡྷེ། བུདྡྷོཏྟ་མེ། ཨུ་མེ། ཀུ་མེ། བུདྡྷ་ཀྵེ་ཏྲ་པ་རི་ཤོ་དྷ་ནི།

[Full Size]

དྷ་མེ། ནི་དྷ་མེ། མེ་རུ་མེ་རུ། མེ་རུ་ཤི་ཁ་རེ། སརྦ་ཨ་ཀཱ་ལ་ཨ་མྲྀཏུ་ནི་ཝཱ་ར་ཎི། བུདྡྷེ་སུ་བུདྡྷེ་བུདྡྷ་ཨ་དྷིཥྛ་ན། རཀྵནྟུ་མེ། སརྦ་དེ་ཝཱ། ས་མེ་ཨ་ས་མེ་ས་མ་ནཱ་ཧ་རནྟ་མེ། སརྦ་བུདྡྷཾ། བོ་དྷི་ས་ཏྭཱ་ནཾ། ཤ་མེ་ཤ་མེ། པྲ་ཤ་མནྟུ་མེ་སརྦ་ཨི་ཏུ་པ་དྲ་བ་བྱུ་དྷ་ཡ༔ པཱུ་ར་ཎི་པཱུ་ར་ཎི། པཱུ་ར་ཡ་མི། སརྦ་ཨཱཿ་ཤཱ་ཡ་བེཟླུརྨ་པྲ་ཏི་བྷ་སེ་སརྦ་པཱ་པཾ་ཀྵ་ཡཾ་ཀ་རི་སྭཱ་ཧཱ། ཅི་ནུས་བཟླས་ལ། ཨགྷཾ་སོགས། ཐུགས་རྗེས་ཀུན་ལ་སྙོམས་པའི་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་སྡུག་བསྔལ་སྐྱོབས། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་ལོ། །བཅོམ་ལྡན་འདས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོས། སྔོན་སྨོན་ལམ་ཆེན་པོ་བཅུ་གཉིས་བཏབ་པའི་བཀའ་དྲིན་དང་། མཚན་ཐོས་པའི་མདོ་ལས་ཇི་སྐད་བཤད་པ་ཐམས་ཅད་བདག་དང་སེམས་ཅན་ཐམས་ཅད་ཀྱིས་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཅེས་བརྗོད། མདུན་བསྐྱེད་ཚོམ་བུ་བསང་སྦྱངས། ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་མཎྜལ་རིན་པོ་ཆེའི་གཞལ་ཡས་ཁང་ཡངས་ཤིང་རྒྱ་ཆེ་བའི་དབུས་སུ་པདྨ་འདབ་

[Full Size]

མ་དྲུག་གི་དབུས་དང་འདབ་མར་སེང་གེའི་ཁྲི་པདྨ་དང་ཟླ་བའི་གདན་བདུན་ལ་དབུས་སུ་བཅོམ་ལྡན་འདས་སྨན་གྱི་བླ་མཐིང་ཀ་མཆོག་སྦྱིན་དང་མཉམ་བཞག་གི་ཕྱག་གིས་ཨ་རུ་ར་དང་ལྷུང་བཟེད་འཛིན་པ། འདབ་མ་དྲུག་ལ་རིམ་པ་ལྟར་དུ་མཚན་ལེགས་སེར་པོ་སྐྱབས་སྦྱིན་མཉམ་བཞག །རིན་ཆེན་ཟླ་བ་དམར་སེར་མཆོག་སྦྱིན་མཉམ་བཞག །གསེར་བཟང་དྲི་མེད་སེར་པོ་ཆོས་འཆད་མཉམ་བཞག །མྱ་ངན་མེད་མཆོག་དམར་སྐྱ་མཉམ་བཞག །ཆོས་བསྒྲགས་རྒྱ་མཚོའི་དབྱངས་དཀར་དམར་ཆོས་འཆད་མཉམ་བཞག །ཆོས་བློ་མངོན་མཁྱེན་དམར་སྨུག་མཆོག་སྦྱིན་མཉམ་བཞག་མཛད་པ། དེ་ཐམས་ཅད་མཚན་དང་དཔེ་བྱད་ཀྱིས་བརྒྱན་ཅིང་ཆོས་གོས་གསུམ་གྱིས་བཀླུབས་ནས་རྡོ་རྗེའི་སྐྱིལ་ཀྲུང་གིས་བཞུགས་པ་འཇམ་དཔལ་དང་སྐྱབས་གྲོལ་དང་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་བཅུ་དྲུག་དང་། ཚངས་པ་དང་བརྒྱ་བྱིན་དང་ཕྱོགས་སྐྱོང་བ་བཅུ་དང་གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་འཁོར་བདུན་འབུམ་བདུན་འབུམ་དང་བཅས་པ་དང་། སྒོ་བཞི་ལ་རྒྱལ་པོ་ཆེན་པོ་བཞི་དང་བཅས་པ་གསལ་བར་གྱུར། ལྷ་རྣམས་ཀྱི་གནས་གསུམ་ཡི་གེ་གསུམ་

[Full Size]

ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཨོཾ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ས་མཱ་ཛཿ ཛཿཧཱུྃ་བཾ་ཧོཿ དམ་ཚིག་པ་དང་ཡེ་ཤེས་པ་དབྱེར་མེད་པར་གྱུར། སླར་ཡང་དབང་ལྷ་སྤྱན་དྲངས་དབང་བསྐུར་དབང་རྟགས་སུ་རྡོ་རྗེ་སེམས་དཔས་དབུ་བརྒྱན་པར་གྱུར། སྨན་བླ་མཆེད་བདུན་ཐུགས་ཀར་ཟླ་བའི་གདན་ལ་ཧཱུྃ་ཡིག་གི་མཐར་གཟུངས་ཀྱིས་བསྐོར་བའི་འོད་ཀྱིས་བདག་དང་སློབ་མས་གཙོར་བྱས་སེམས་ཅན་ཐམས་ཅད་ཀྱི་སྒྲིབ་པ་སྦྱང་བར་གྱུར། ཏདྱ་ཐཱ། གྷ་མེ་སོགས་ཅི་ནུས་བཟླས་ལ། ཨོཾ་བཛྲ་སྤ་ར་ཎ་ཁཾ་ཞེས་བྱིན་གྱིས་བརླབས་ནས། དངོས་འབྱོར་ཡིད་ཀྱིས་རྣམ་སྤྲུལ་པའི། །ལྷ་རྫས་དག་པའི་ཉེར་སྤྱོད་རྣམས། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་བདག་ལ་དངོས་གྲུབ་སྩོལ། །ཨོཾ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨབྷཾ་པཱཏྱཾ་སོགས་དང་། སྲབ་འཇམ་ཡངས་པ་ལྷ་ཡི་གོས། །སོགས་ནས། ཨོཾ་བཛྲ་

[Full Size]

ཝསྟྲ་ཨཱཿཿཧཱུྃ། གཏོར་མ་བྲན་ལ། བྷྲུཾ་ལས་རིན་པོ་ཆེའི་སྣོད་དུ་ཨོཾ་ཨཱཿཿཧཱུཾ་འོད་དུ་ཞུ་བ་ལས་གཏོར་མ་བདུད་རྩིའི་རྒྱ་མཚོར་གྱུར། ན་མཿསརྦ་ཏ་ཐཱ་ག་ཏེ་བྷྱོ་སོགས་ཀྱིས་བྱིན་གྱིས་བརླབས། ནམ་མཁའ་མཛོད་ཀྱི་ཕྱག་རྒྱ་བྱས་ལ། ཨོཾ་སརྦ་ཏ་ཐཱ་ག་ཏ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། གཏོར་མ་གཉིས་ལ། ཨ་ཀཱ་རོས་བྱིན་གྱིས་བརླབས་ལ། ཨོཾ་ཡཀྵ་ལོ་ཀ་པ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བསྔོ་ཞིང་འབུལ་བའི་གནས་ནི། སྨན་བླ་མཆེད་བདུན་འཁོར་དང་བཅས་པ་དང་ཚངས་པ་དང་བརྒྱ་བྱིན་ཕྱོགས་༈ སྐྱོང་བ་བཅུ་རྒྱལ་པོ་ཆེན་པོ་བཞི་འཁོར་དང་བཅས་པ། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་གཡོག་བདུན་འབུམ་བདུན་འབུམ་དང་བཅས་པའི་ཞལ་དུ་ཁ་ཁ་ཁཱ་ཧི་ཁཱ་ཧི། བཅོམ་ལྡན་འཁོར་དང་བཅས་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པའི་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་

[Full Size]

ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཅེས་ཕྲིན་ལས་བཅོལ། འགྲོ་བའི་ནད་གསོ་མཛད་པ་སྨན་གྱི་མཆོག །བཻཌཱུརྨ་ལྟར་དྭངས་བའི་སྐུ་མངའ་ཞིང་། །སྐུ་ཡི་འོད་ཀྱིས་འགྲོ་བ་སྒྲོལ་མཛད་པ། །སྨན་གྱི་རྒྱལ་པོ་དེ་ལ་ཕྱག་འཚལ་བསྟོད། །མཚན་ལེགས་སྒྲ་དབྱངས་གསེར་བཟང་མྱ་ངན་མེད། །ཆོས་བསྒྲགས་མངོན་མཁྱེན་སྨན་བླ་ཤཱཀྱ་ཐུབ། །སྨོན་ལམ་རྒྱ་ཆེན་དགོངས་པ་ཡོངས་རྫོགས་མཛད། །བདེ་བར་གཤེགས་པ་བརྒྱད་ལ་ཕྱག་འཚལ་བསྟོད། །བདེར་གཤེགས་བསྟན་པ་སྲུང་བའི་དགེ་བསྙེན་མཆོག །འཇིགས་པའི་གཟུགས་དང་རྔམས་པའི་ཆ་ལུགས་ཅན། །བདུན་འབུམ་འཁོར་གྱིས་བསྐོར་བའི་བཅུ་གཉིས་པོ། །གནོད་སྦྱིན་སྡེ་དཔོན་རྣམས་ལ་ཕྱག་འཚལ་བསྟོད། །བསྟོད་པར་འོས་པ་

[Full Size]

ཐམས་ཅད་ལ། །སོགས་བསྟོད། ༈ དེ་ནས་སློབ་མ་རྣམས་འདུས་ལ་ཁྲུས་བྱས་མེ་ཏོག་བཀྱེ། སྔོན་འགྲོ་གཏོར་མ་བྲན་ལ། བགེགས་དང་འབྱུང་པོ་གནས་བདག་ལ་བསྔོས་ནས་བགེགས་བསྐྲད། ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ངས་ནི་གནས་འདིར་དཀྱིལ་འཁོར་ཆེན་པོ་བསྒྲུབ། །ཁྱོད་རྣམས་འདི་ནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་ནི་འགས་འགྱུར་ཞིང་། །བགེགས་རྣམས་བརླག་པར་འགྱུར་བ་གདོན་མི་ཟ། །སུམ་བྷ་ནི་བརྗོད་པས་བསྲུང་ངོ།། ༈ འོ་ན་ད་ལམ་ཁྱེད་རྣམས་ལ་བདེ་གཤེགས་སྨན་བླ་མཆེད་བདུན་གྱི་དབང་བསྐུར་བྱིན་རླབས་དང་བཅས་པ་བྱེད་པ་ལ། ཐོག་མར་ལོ་རྒྱུས་ནི། སྔོན་སྟོན་པ་ཤཱཀྱ་ཐུབ་པ་དེ་ཉིད་འཁོར་དཔག་ཏུ་མེད་པ་དང་ཐབས་ཅིག་ཏུ་ཡངས་པ་ཅན་གྱི་རོལ་མོའི་སྒྲ་ཅན་གྱི་ཤིང་དྲུང་ན་བཞུགས་པའི་ཚེ་འཇམ་དཔལ་གྱིས་མ་འོངས་པའི་སེམས་ཅན་རྣམས་རྗེས་སུ་འཛིན་པའི་ཕྱིར། གང་ཐོས་པ་ཙམ་གྱིས་སྡིག་སྒྲིབ་ཐམས་ཅད་སྦྱངས་ཤིང་བྱང་ཆུབ་ལས་ཕྱིར་མི་ལྡོག་པར་འགྱུར་བའི།

[Full Size]

དེ་བཞིན་གཤེགས་པ་དེ་དག་གི་མཚན་དང་སྨོན་ལམ་རྒྱས་པར་ཞུས་པའི་ངོར། བཅོམ་ལྡན་འདས་སྨན་གྱི་བླ་མའི་མདོ་དང་། སྨན་བླ་མཆེད་བདུན་གྱི་མདོ་གཉིས་སུ་གསུངས་ཏེ། དེ་ཡང་འདི་ནས་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་འདས་པའི་ཕ་རོལ་ན། འཇིག་རྟེན་གྱི་ཁམས་གཞན་གྱིས་མི་ཐུབ་པ་ན་སངས་རྒྱས་མཚན་ལེགས་དང་། འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ན་སངས་རྒྱས་རིན་ཆེན་ཟླ་བ་དང་། འཇིག་རྟེན་གྱི་ཁམས་སྤོས་ཀྱིས་ཡོངས་སུ་གང་བ་རིན་པོ་ཆེ་བརྩེགས་པ་ན་སངས་རྒྱས་གསེར་བཟང་དྲི་མེད་དང་། འཇིག་རྟེན་གྱི་ཁམས་མྱ་ངན་མེད་པ་ན་སངས་རྒྱས་མྱ་ངན་མེད་མཆོག་དང་། འཇིག་རྟེན་གྱི་ཁམས་ཆོས་ཀྱི་རྒྱལ་མཚན་ན་སངས་རྒྱས་ཆོས་བསྒྲགས་རྒྱ་མཚོའི་སྒྲ་དབྱངས་དང་། འཇིག་རྟེན་གྱི་ཁམས་རིན་པོ་ཆེའི་རྒྱ་མཚོར་ལེགས་པར་གནས་པ་ན་སངས་རྒྱས་ཆོས་བློ་མངོན་མཁྱེན་དང་། འཇིག་རྟེན་གྱི་ཁམས་བཻཌཱུརྨ་སྣང་བ་ན། སངས་རྒྱས་སྨན་གྱི་བླ་རྣམས་བཞུགས་ཏེ། སངས་རྒྱས་ཀྱི་ཞིང་དེ་དག་ནི་ཡོན་ཏན་ཕུན་སུམ་ཚོགས་པ་བདེ་བ་ཅན་ལྟ་བུའི་བཀོད་པ་དང་། སངས་

[Full Size]

རྒྱས་དེ་དག་གི་སྔོན་གྱི་སྨོན་ལམ་གྱི་ཁྱད་པར་དང་། སངས་རྒྱས་དེ་དག་གི་མཚན་ཐོས་ཤིང་བཟུང་བའི་ཕན་ཡོན་དཔག་ཏུ་མེད་པ་རྣམས་རྒྱ་ཆེར་གསུངས་སོ། །དེའི་ཚེ་གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་རེ་རེ་ལ་གཡོག་བདུན་འབུམ་བདུན་འབུམ་དང་བཅས་པས། ཚིག་གཅིག་ཏུ་མ་འོངས་པ་ན་སངས་རྒྱས་སྨན་གྱི་བླ་ཡི་མཚན་འཆང་བ་དང་། མཆོད་པར་བྱེད་པ་དེ་རྣམས་སྲུང་ཞིང་སྐྱོང་བ་དང་བསམ་པ་ཐམས་ཅད་ཡོངས་སུ་རྫོགས་པར་ཁས་བླངས་དམ་བཅས་སོ། །དེའི་ཚེ་ལྷའི་བུ་ཤེས་རབ་ཆུང་བ་ཁ་ཅིག་གིས་ཤར་ཕྱོགས་འཇིག་རྟེན་གྱི་ཁམས་གངྒའི་ཀླུང་འདས་པའི་ཕ་རོལ་ན་བཞུགས་པའི་སངས་རྒྱས་དེ་རྣམས་ཀྱི་མཚན་ཐོས་པ་དང་བཟུང་བའི་ཕན་ཡོན་དེ་ཙམ་ཇི་ལྟར་ཐོབ་བམ་ཞེས་ཐེ་ཚོམ་དུ་གྱུར་པ་དེའང་། སྟོན་པ་ཤཱཀྱ་ཐུབ་པས་མཁྱེན་ནས་ཏིང་ངེ་འཛིན་ལ་སྙོམས་པར་ཞུགས་པ་དང་། འཇིག་རྟེན་གྱི་ཁམས་རབ་ཏུ་གཡོས་ཙནྡན་གྱི་ཕྱེ་མ་དང་མེ་ཏོག་གི་ཆར་བབས། སྨན་བླ་མཆེད་བདུན་པོ་ཡང་སྐད་ཅིག་གིས་དེར་བྱོན་ནས་བྱང་ཆུབ་སེམས་དཔའི་ཚོགས་ཀྱིས་བསྐོར་ཞིང་། ཤཱཀྱ་ཐུབ་པ་དང་ཐབས་ཅིག་ཏུ་སེང་གེའི་ཁྲི་སོ་སོ་ལ་བཞུགས་པར་སྣང་བས། ལྷའི་བུ་

[Full Size]

དེ་དག་རབ་ཏུ་དད་ནས་ལེགས་སོ་ལེགས་སོ་བརྗོད་ཅིང་མཆོད་པ་དུ་མས་མཆོད་ཅིང་ཕྱག་དང་བསྐོར་བ་བྱས་ནས་རང་རང་གི་སྨོན་ལམ་ཡང་བཏབ་བོ། །དེ་ནས་འཇམ་དཔལ་གྱིས་མ་འོངས་པ་ན་སེམས་ཅན་བསོད་ནམས་ཆུང་བ་དང་གཟའ་སྐར་དང་དགྲའི་གནོད་པ་དང་འཇིགས་པ་ཐམས་ཅད་ལས་སྐྱོབ་པ་དང་། སངས་རྒྱས་རྣམས་མཇལ་ཞིང་བསམ་པ་ཐམས་ཅད་འགྲུབ་པའི་གཟུངས་སྔགས་གསུང་བར་ཞུས་པས་བསམ་པ་ཐམས་ཅད་འགྲུབ་ཅིང་ལས་སྒྲིབ་ཐམས་ཅད་དག་ནས་སངས་རྒྱས་ཀྱི་ཞིང་དུ་སྐྱེ་བར་བྱེད་པ། དེ་བཞིན་གཤེགས་པ་ཏིང་ངེ་འཛིན་དང་སྟོབས་བསྐྱེད་པའི་བེཟླུརྒྱའི་འོད་ཅེས་བྱ་བའི་གཟུངས། ཏདྱ་ཐཱ། གྷུ་མེ་གྷུ་མེ་ཞེས་སོགས། གསུངས་པས་ས་ཆེན་པོ་རབ་ཏུ་གཡོས་ཤིང་འོད་ཀྱི་སྣང་བ་ཆེན་པོ་བྱུང་ངོ། །དེ་ནས་ཕྱག་ན་རྡོ་རྗེ་དང་ཚངས་པ་དང་བརྒྱ་བྱིན་རྒྱལ་པོ་ཆེན་པོ་བཞི་རྣམས་ཀྱིས་མ་འོངས་པ་ན་སངས་རྒྱས་ཀྱི་མཚན་འདི་དག་འཆང་བ་དང་མཆོད་པ་རྣམས་བསྲུང་ཞིང་བསྐྱང་བ་དང་། གནོད་པ་ཐམས་ཅད་ཟློག་པ་དང་མཐུན་རྐྱེན་ཐམས་ཅད་བསྒྲུབ་པར་ཁས་བླངས་དམ་བཅས་ནས་བྲོ་བོར་རོ། །དེ་ནས་སངས་རྒྱས་མྱ་ངན་ལས་འདས་

[Full Size]

རྗེས་ཀུན་དགའ་བོས་མདོ་སྡེ་འདི་ཡང་བཀའི་བསྡུ་བ་མཛད་དེ། མདོ་འདིའི་དབང་ལུང་མན་ངག་ཐམས་ཅད་འཇམ་དཔལ་དབྱངས་ཉིད་ཀྱིས་མཁན་པོ་བོ་དྷི་སཏཱ་ལ་གནང་། བོ་དྷི་སཏཱས་རྒྱ་གར་དུ་ཉིད་ཀྱི་དབོན་པོ་བོ་དྷི་སཏྭ་ཆུང་བ་ལ་གནང་། མཁན་པོ་ཉིད་བོད་དུ་བྱོན་ནས་སྨན་བླའི་ཆོ་ག་རྒྱས་བསྡུས་གསུམ་མཛད་ཅིང་། རྒྱལ་པོ་ཁྲི་སྲོང་ལྡེའུ་བཙན་གྱི་སྐུ་རིམ་དང་སྒྲིབ་སྦྱང་། བོད་ཀྱི་རབ་བྱུང་རྣམས་ལ་ཆོ་ག་བཙུགས། དེ་ནས་རྒྱལ་པོ་སད་ན་ལེགས། ལྷ་ལུང་དཔལ་གྱི་རྡོ་རྗེ། བཙན་པོ་འོད་སྲུང་། དཔལ་འཁོར་ཅན། ཉི་ཟླུམ་མགོན། བཀྲ་ཤིས་སྡེ། སྟོང་སྡེ། ལྷའི་སྡེ། འོད་སྡེ། མངའ་བདག་རྩེ་སྡེ། བླ་མ་མངའ་རིས་པ། ཞུ་ལྡན། དར་མ་རྒྱལ་མཚན། བྲོ་མོ་ཆེ་བ། ནམ་མཁའ་གྲགས་སོགས་ལ་རིམ་པར་བརྒྱུད་པ། སྔ་འགྱུར་རྙིང་མའི་ལུགས་དང་། ཡང་གསར་མའི་ལུགས་ནི། བོ་དྷི་སཏྭ་ཆུང་བས། རྒྱལ་པོ་དགའ་བའི་དཔལ་ལ་གནང་། །དེས་དབང་པོ་དགེ་བའི་དཔལ་ལ་གནང་། དེས་ཇོ་བོ་ལྷ་གཅིག་ལ་གནང་སྟེ། ཇོ་བོས་མངའ་རིས་བྱང་ཆུབ་འོད་ལ་གནང་ཞིང་། ཁྱད་པར་ཇོ་བོ་ཡབ་སྲས་ཡེར་པ་ན་བྱམས་པའི་སྐུ་

[Full Size]

དྲུང་ན་བཞུགས་དུས་དགེ་བཤེས་རྔོག་ཆོས་ཞུ་ལ་བྱོན་ནས། དགེ་སློང་ཆོས་གོས་རྡོ་ཚོས་མ་གསོལ་བ་ཞིག་ཇོ་བོ་ཡབ་སྲས་ཀྱི་དབུས་ན་བཞུགས་ནས་ཆོས་གསུང་མཐོང་། བྱམས་པའི་སྐུ་འདྲའི་ཐུགས་ཀ་ནས་འོད་ཟེར་ཞིག་བྱུང་བའི་སྣ་ནས་དགེ་སློང་མི་སྣང་། དགེ་སློང་དེ་སུ་ལགས་ཞུས་པས་བྱམས་པ་ཡིན་གསུངས། དེ་མ་ཐག་ཇོ་བོ་མི་སྣང་བ་དགའ་ལྡན་དུ་གཤེགས། དེ་ནས་ཕུག་པའི་ཕྱི་དེ་ན་སྒྲ་སྙན་པ་དང་དྲི་ཞིམ་པོས་ཤར་ཕྱོགས་ནས་འཇའ་སྔོན་པོ་གཅིག་ཕུག་པའི་སྒོར་ཟུག་བྱུང་བའི་སྣ་ལ་ཁྱེའུ་སྔོན་པོ་ཟུར་ཕུད་ཅན་མང་པོ་མེ་ཏོག་དང་སྤོས་ཐོགས་ནས་གླུ་དབྱངས་སྒྲོག་ཅིང་སྣང་བ། ཕུག་པའི་ནང་དུ་སོང་ཙ་ཇོ་བོ་བྱོན་ནས་སྨན་བླའི་ཕོ་བྲང་བཞེངས་བདེར་གཤེགས་མཆེད་བརྒྱད་སོ་སོ་སྐྱེ་བོ་ལྟར་འཁོར་དང་བཅས་པ་འོད་ཀྱི་རྣམ་པར་བཞུགས་གདའ། འབྲོམ་གྱི་ཐུགས་ཀ་ནས་སྔོན་གྱི་རྒྱལ་བློན་བྱང་ཆུབ་སེམས་དཔའ་ཐམས་ཅད་མཆོད་རྫས་དུ་མ་ཐོགས་ནས་བྱོན། ཇོ་བོའི་ཐུགས་ཀ་ནས་མཁའ་འགྲོ་ཞི་བ་འཚོ་ཐོན་ནས་ཇོ་བོས་བྱམས་པ་བཞུགས་པའི་བྲག་ཁུང་དེར་རིན་པོ་ཆེ་སྣ་ཚོགས་ལས་གྲུབ་པའི་ས་གཞི་གཞལ་ཡས་ཁང་དང་བཅས་པའི་དབུས་སུ་

[Full Size]

པད་འདབ་སེར་པོ་ལྟེ་བ་སྔོན་པོ་ལ་ཇོ་བོ་ཉིད་བསྟན་པའི་བདག་པོ་དང་ཡུམ་ཆེན་མོ་དང་སྒྲོལ་མ་ལ་སོགས་གདུལ་བྱའི་བསམ་པ་དང་མཐུན་པར་སྣང་། འདབ་མ་བརྒྱད་ལ་བདེ་གཤེགས་བརྒྱད། དེ་ལ་པད་འདབ་བཅུ་དྲུག་གྱེས་པ་ལ་སེམས་དཔའ་བཅུ་དྲུག །དེ་ལ་ཉེར་ལྔ་བྱས་ཏེ་ཕྱོགས་སྐྱོང་བཅུ་དང་གནོད་སྦྱིན་བཅུ་གཉིས་རེ་རེའི་འཁོར་བདུན་འབུམ་ཕྱོགས་སྐྱོང་རང་རང་གི་འཁོར་དང་བཅས་པ་འདབ་མ་རེ་རེའི་སྟེང་ན་མི་དོགས་པར་འདུག །གཞན་ཡང་ཁྱེའུ་དང་བུ་མོ་དཔག་ཏུ་མེད་པས་མཆོད་པ་ཕུལ་བ་དང་། ཕྱོགས་བཞིར་པདྨ་རེ་རེ་གྱེས་ཏེ་རྒྱལ་པོ་བཞི་འཁོར་དང་བཅས་པ་ཕོ་བྲང་གི་ཕྱོགས་བཞིར་པད་སྡོང་བཞི་རེ་སྣང་། དེ་ནས་ཞི་བ་འཚོ་དམར་གཡོ་གཙང་གསུམ་བླ་ཆེན་སོགས་བོད་ཀྱི་ཁྲིམས་ལྡན་ཐམས་ཅད་སྣང་བས་ཕྱག་འཚལ་ཡན་ལག་བདུན་པ་བྱེད་དོ། །དེ་ནས་འབྲོམ་སྟོན་གྱིས་རྒྱལ་བ་རྒྱ་མཚོ་བཞེངས་ཏེ་འདོད་གསོལ་བཀྲ་ཤིས་སྨོན་ལམ་སོགས་མཛད། བདེར་གཤེགས་རྣམས་དང་མཁན་སློབ་ཨ་ཏི་ཤ་ལ། རྒྱལ་བློན་ཐམས་ཅད་འབྲོམ་ལ་ཐིམ། རྒྱལ་པོ་བཞི་དང་དགེ་བསྙེན་རྣམས་འོད་ཀྱི་རྣམ་པར་གཤེགས་སོ། །དེ་ལྟར་ཡང་ཡ་མཚན་

[Full Size]

ཆོ་འཕྲུལ་བསྟན་ཅིང་བཀའ་བབས་པས། རྒྱལ་སྲས་སྐུ་མཆེད་གསུམ་སོགས་བཀའ་གདམས་ཀྱི་དགེ་བཤེས་ཐམས་ཅད་ཀྱིས་སྨན་བླའི་ཆོ་ག་འདི་ཐུགས་དམ་མཛད་ཅིང་ལྷ་བླ་མ་བྱང་ཆུབ་འོད་ནས་ཏི་སེ་པ་ཆེན་པོ་བྱང་སེམས་ཟླ་བ་རྒྱལ་མཚན་རྗེ་འོད་ལུང་གྲགས་པ། སྤྱིའུ་ལྷས་པ་བྱང་ཆུབ་འོད། རྨ་ཤཱཀྱ་སེང་གེ །མཆིམས་ནམ་མཁའ་གྲགས་སོགས་ལ་བརྒྱུད་པ་ནི་གསར་མ་ཡིན་ལ་ཁྱད་པར་འབྲོམ་གྱི་ལུང་བསྟན་ལས། གཞན་ཡང་གྲགས་པའི་མཚན་རལ་ཅན། །མང་པོས་འགྲོ་བའི་བདེ་སྐྱིད་བསྐྲུན། །ཅེས་དང་། སྙིགས་མའི་དུས་སུ་འབྲོམ་གྱི་སྤྲུལ་པ་གྲགས་པའི་མིང་ཅན་བདུན་བརྒྱུད་འབྱུང་བར་ལུང་བསྟན་པ་ལྟར་རྒྱལ་ཚབ་ན་རིམ་རྣམས་ཀྱིས་བཀའ་གདམས་ཀྱི་ཆོས་ལུགས་གཙོ་བོར་མཛད་ཅིང་། སྨན་བླའི་ཆོ་ག་འདི་ཐུགས་དམ་དུ་མཛད་པའི་ནང་ནས། སྨན་ཆོག་བསྡུས་པ་འདི་ཕྱག་ལེན་མཐོང་བ་བརྒྱུད་པ་ལྟར་ཞྭ་དམར་དྲུག་པ་ཆོས་ཀྱི་དབང་ཕྱུག་གིས་ཟུར་དུ་འབྲི་བར་མཛད་ཅིང་། ཐུབ་བསྟན་ཉིན་བྱེད་གླིང་གི་ཚོགས་ལ་འཛུགས་པར་མཛད་ཅིང་། རྗེ་ཉིད་ཀྱི་སྨན་བླ་ཞལ་ཡང་གཟིགས་པས་བྱིན་རླབས་ཀྱི་བཀའ་བབས་ཆེན་པོ་དང་ལྡན་

[Full Size]

ཞིང་། འདིའི་དབང་ལུང་གཉིས་ཀ་རྗེ་ཉིད་ཀྱི་དྲུང་ནས་ཐོབ་པས་ཁུངས་ཤིན་ཏུ་བཙུན་པ་ཡིན་ནོ། །དེ་ལྟ་བུའི་ཁུངས་བཙུན་པའི་དབང་ཞུ་བའི་ཕྱིར་མཎྜལ་ཕུལ། ས་གཞི་སྤོས་ཆུ་སོགས། བླ་མ་དང་བཅོམ་ལྡན་འདས་སྨན་གྱི་བླ་མར་གསལ་བ་དང་མདུན་གྱི་མཎྜལ་བདེ་བར་གཤེགས་པ་བརྒྱད་ཀྱི་དཀྱིལ་འཁོར། རྟེན་བརྟེན་པ་དང་བཅས་པ་མངོན་སུམ་དུ་བཞུགས་པའི་དྲུང་དུ་གསོལ་བ་འདེབས་པ་འདིའི་རྗེས་ཟློས་མཛོད། བླ་མ་རྡོ་རྗེ་འཛིན་པ་ལ་སོགས་པ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། བདེ་བར་གཤེགས་པ་སྨན་བླ་མཆེད་བདུན་དང་། སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་བཅོམ་ལྡན་འདས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ་ཡི་དམ་དུ་སློབ་དཔོན་གྱིས་བསྩལ་དུ་གསོལ། ལན་གསུམ། ད་བདེ་བར་གཤེགས་པ་བདུན་འཁོར་དང་བཅས་པའི་དྲུང་དུ་སྐྱབས་སུ་འགྲོ་བ་དང་སེམས་བསྐྱེད་པའི་སྡོམ་པ་ལེན་སྙམ་པས་འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་

[Full Size]

དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་མཆོག་གི་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར་། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། ད་ཁྱེད་རང་རྣམས་ཐ་མལ་པར་གནས་པའི་སྤྱི་བོར་གཏོར་མ་འདི་དང་ཐ་དད་མེད་པར་པཾ་ལས་པདྨ་ཨ་ལས་ཟླ་བའི་གདན་ལ་བཅོམ་ལྡན་འདས་སྨན་གྱི་བླ་སྐུ་མདོག་མཐིང་ཁ་ཕྱག་གཡས་མཆོག་སྦྱིན་གྱི་ཕྱག་རྒྱས་ནད་ཐམས་ཅད་སེལ་བའི་སྨན་མཆོག་ཨ་རུ་ར་རྣམ་པར་རྒྱལ་བ་འཛིན་ཅིང་། ཕྱག་གཡོན་མཉམ་བཞག་གི་སྟེང་ན་འཆི་མེད་བདུད་རྩིས་གང་བའི་ལྷུང་བཟེད་འཛིན་པ། དར་དམར་པོའི་ཤམ་ཐབས་དང་ཆོས་གོས་གསོལ་ནས་རྡོ་རྗེའི་སྐྱིལ་ཀྲུང་གིས་བཞུགས་པ། དེའི་དབུ་གཙུག་ཏུ་ཆོས་བློ་མངོན་མཁྱེན་དམར་སྨུག་མཆོག་སྦྱིན་མཉམ་བཞག་མཛད་པ། དེའི་དབུ་གཙུག་ཏུ་ཆོས་

[Full Size]

བསྒྲགས་རྒྱ་མཚོའི་དབྱངས་དཀར་དམར་ཆོས་འཆད་མཉམ་བཞག་མཛད་པ། དེའི་དབུ་གཙུག་ཏུ་མྱ་ངན་མེད་མཆོག་དཔལ་དམར་སྐྱ་མཉམ་བཞག་མཛད་པ། དེའི་དབུ་གཙུག་ཏུ་ཤུགསེར་བཟང་དྲི་མེད་སེར་པོ་ཆོས་འཆད་མཉམ་བཞག་མཛད་པ། དེའི་སྟེང་གི་ནམ་མཁར་རིན་ཆེན་ཟླ་བ་དམར་སེར་མཆོག་སྦྱིན་མཉམ་བཞག་མཛད་པ། དེའི་དབུ་གཙུག་ཏུ་མཚན་ལེགས་སེར་པོ་སྐྱབས་སྦྱིན་མཉམ་བཞག་མཛད་པ། དེ་ཐམས་ཅད་ཀྱང་མཚན་དང་དཔེ་བྱད་ཀྱིས་བརྒྱན་ཅིང་ཆོས་གོས་གསུམ་གྱིས་བཀླུབས་ནས་རྡོ་རྗེའི་སྐྱིལ་ཀྲུང་གིས་བཞུགས་པར་སྒོམས། དེ་རྣམས་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་མཐིང་ག །ཐུགས་ཀའི་ཧཱུཾ་ལས་འོད་ཟེར་ཤར་ཕྱོགས་སུ་འཕྲོས་པས་རང་རང་གི་སངས་རྒྱས་ཀྱི་ཞིང་ནས་སྨན་བླ་མཆེད་བདུན་སྤྱན་དྲངས་ནས་གཉིས་སུ་མེད་པར་ཐིམ་ནས་མངོན་སུམ་དུ་བཞུགས་པ་ལ་ཚོགས་བསག་པའི་ཕྱིར་ཡན་ལག་བདུན་པ་འབུལ་བ་འདིའི་རྗེས་ཟློས་མཛོད། ཅེས་བརྗོད་ནས། དེ་ཡང་དེ་བཞིན་གཤེགས་པ་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་འདིས་དང་པོ་བྱང་ཆུབ་ཏུ་ཐུགས་བསྐྱེད་ནས་བཟུང་

[Full Size]

སྟེ། སྨོན་ལམ་ཆེན་པོ་བརྒྱད་རྒྱུན་མ་ཆད་པར་བཏབ་སྟེ། བདག་སངས་རྒྱས་པའི་ཚེ་བདག་གི་མིང་ཡིད་ལ་བྱས་ཤིང་ཡིད་ཀྱིས་བརྗོད་པའི་ཚེ། ནད་དང་གདོན་དང་རིམས་ཐམས་ཅད་ཞི་བ་དང་། ནད་ཀྱིས་ལོང་བ་དང་།། འོན་པ་དང་། སྨྱོ་བ་དང་། དབང་པོ་མ་ཚང་བ་ཐམས་ཅད་ཚང་བ་དང་། དུག་གསུམ་དང་མཚམས་མེད་པ་ལྔ་དང་། ཆོས་སྤངས་པས་དམྱལ་བར་སྐྱེས་པའི་སྒྲིབ་པ་ཐམས་ཅད་བྱང་ནས་ནམ་དུའང་དམྱལ་བ་དང་། ངན་སོང་དུ་མི་ལྟུང་བར་བདེ་འགྲོར་སྐྱེ་བ་དང་། དབུལ་པོ་རྣམས་ཟས་གོས་འབྲུ་ནོར་ཕུན་སུམ་ཚོགས་པ་དང་། བཙོན་དུ་བཅུག་ཅིང་བཅིངས་བ་དང་། བརྡེག་པ་ལས་ཐར་བ་དང་།། གཅན་གཟན་དང་དུག་སྦྲུལ་གྱི་གནོད་པ་ཞི་བ་དང་། འཁྲུག་པ་དང་འཐབ་རྩོད་ཀྱི་གནོད་པ་ཞི་བ་དང་། ཆུ་ཡི་འཇིགས་པས་སྲོག་འདོར་བའི་འཇིགས་པ་ཞི་བའི་སྨོན་ལམ་ཆེན་པོ་བརྒྱད་བཏབ་བོ། །དེ་ལྟར་སངས་རྒྱས་དེའི་སྨོན་ལམ་དེ་རྣམས་ཀྱི་བཀའ་དྲིན་ཁྱོད་རང་གིས་ཐོབ་པའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་

[Full Size]

སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་མཚན་ལེགས་ཡོངས་བསྒྲགས་དཔལ་གྱི་རྒྱལ་པོས་སྔོན་སྨོན་ལམ་ཇི་ལྟར་བཏབ་པ་བཞིན་དུ་བདག་དང་སེམས་ཅན་ཐམས་ཅད་ལ་སྐད་ཅིག་གིས་འབྱོར་བར་བྱིན་གྱིས་བརླབ་ཏུ་གསོལ། རྒྱས་པར་ལན་གསུམ་བསྡུ་ན་གཅིག །དེ་ལྟར་གསོལ་བ་བཏབ་པས་བཅོམ་ལྡན་འདས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོའི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་ཁྱེད་རང་རྣམས་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས་བྱུང་སྙམ་པའི་མོས་པ་རྩེ་གཅིག་ཏུ་མཛོད། གཏོར་མ་སྤྱི་བོར་བཞག་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོས་སྔོན་སྨོན་ལམ་ཆེན་པོ་བརྒྱད་ཇི་ལྟར་བཏབ་པའི་བྱིན་རླབས་དང་བཀའ་དྲིན་ཐམས་ཅད་རྡོ་རྗེའི་སློབ་མ་འདི་རྣམས་ཀྱིས་ཐོབ་པར་བྱིན་གྱིས་བརླབ་པར་མཛད་དུ་གསོལ། ཏདྱ་ཐཱ་གླུ་མེ་སོགས། དེ་ནས་མེ་ཏོག་འཐོར་ཞིང་། མཚན་གྱི་མེ་ཏོག་རྒྱས་ཤིང་དག་པ་ལ། །དཔེ་བྱད་

[Full Size]

བཟང་པོའི་འབྲུ་ཆགས་མཛེས་པའི་སྐུ། །གང་གི་མཐོང་ཐོས་དྲན་པའི་དཔལ་གྱུར་པ། །མཚན་གྱི་རྒྱལ་པོ་དེ་ཡི་བཀྲ་ཤིས་ཤོག །ཅེས་བཀྲ་ཤིས་འགྲེས་སོ། །དེ་ནས་མཚན་ལེགས་རྒྱལ་པོ་ཐུགས་རྗེའི་དབང་གིས་འོད་དུ་ཞུ་ནས་རིན་ཆེན་ཟླ་བའི་དབུ་གཙུག་ཏུ་ཐིམ་པར་སྒོམས་ཤིག །དེ་ཡང་སངས་རྒྱས་རིན་ཆེན་ཟླ་བ་འདི་ཉིད་སྔོན་བྱང་ཆུབ་སེམས་དཔར་གྱུར་པའི་ཚེ་སྨོན་ལམ་ཆེན་པོ་བརྒྱད་བཏབ་སྟེ། མ་འོངས་པ་ན་བདག་འཚང་རྒྱ་བའི་ཚེ་བདག་གི་མིང་རྣ་ལམ་དུ་གྲག་ཅིང་དྲན་པ་དང་བརྗོད་པས། དབུལ་ཏེ་ཞིང་ལ་སོ་ནམ་དང་ཚོང་ལ་དགའ་བའི་ཉེས་པ་བྱང་ཞིང་དག་ནས་ཚེ་རབས་ཐམས་ཅད་དུ་ལོངས་སྤྱོད་ཕུན་སུམ་ཚོགས་ཤིང་ངན་སོང་དུ་མི་ལྟུང་བ་དང་། སྐྱེ་གནས་གསུམ་དང་ཚ་གྲང་བཀྲེས་སྐོམ་གྱི་སྡུག་བསྔལ་ལས་ཐར་བ་དང་། ནམ་དུའང་སྐྱེ་གནས་གསུམ་གྱི་སྡུག་བསྔལ་མི་མྱོང་བ་དང་། བུད་མེད་རྣམས་ཀྱིས་བཙས་པའི་སྡུག་བསྔལ་ཞི་བ་དང་། འཆི་བ་དང་དགྲའི་གནོད་པ་མྱ་ངན་ཐམས་ཅད་ཞི་བ་དང་། མུན་ནག་གི་ནང་དུ་འཇིགས་པ་དང་སྡུག་བསྔལ་སྣ་ཚོགས་མྱོང་བའི་སྡུག་བསྔལ་ལས་ཐར་བ་དང་། བློ་དམན་ཞིང་ཤེས་རབ་ཆུང་བ་

[Full Size]

རྣམས་བློ་དང་ལྡན་ཞིང་ཤེས་རབ་ཐོབ་པ། ཐེག་པ་དམན་ལ་ཞུགས་པ་རྣམས་ཐེག་པ་ཆེན་པོར་འཇུག་ནས་ཕྱིར་མི་ལྡོག་པར་འགྱུར་བ་དང་། བསྐལ་པ་འཇིགས་པའི་དུས་བསྐལ་པའི་མེས་སྲེག་པའི་ལས་སྒྲིབ་བྱང་ནས་བརྫུས་ཏེ་སངས་རྒྱས་ཀྱི་ཞིང་དུ་སྐྱེ་བ་དང་། དེ་ལྟར་སྨོན་ལམ་ཆེན་པོ་དེ་བརྒྱད་བཏབ་པ་ཡིན་པས་སངས་རྒྱས་ཀྱི་བཀའ་དྲིན་དེ་ཞུ་བའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བཅོམ་ལྡན་འདས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོས་སྔོན་སྨོན་ལམ་ཇི་ལྟར་བཏབ་པ་བཞིན་དུ་བདག་དང་སེམས་ཅན་ཐམས་ཅད་ལ་སྐད་ཅིག་གིས་འབྱོར་པར་བྱིན་གྱིས་བརླབ་ཏུ་གསོལ། །འོ་དེ་ལྟར་གསོལ་བ་བཏབ་པས་བཅོམ་ལྡན་འདས་རིན་ཆེན་ཟླ་བའི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་ཁྱེད་རང་རྣམས་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས་བྱུང་

[Full Size]

སྙམ་པའི་མོས་པ་རྩེ་གཅིག་ཏུ་མཛོད་ཅིག །གཏོར་མ་བཟུང་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོས་སྔོན་སྨོན་ལམ་ཆེན་པོ་བརྒྱད་ཇི་ལྟར་བཏབ་པའི་བྱིན་རླབས་དང་བཀའ་དྲིན་ཐམས་ཅད་རྡོ་རྗེའི་སློབ་མ་འདི་རྣམས་ལ་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཏདྱ་ཐཱ། གྷུ་མེ་སོགས་བྱ། དེ་ནས་བཀྲ་ཤིས་ནི། རིན་ཆེན་ཟླ་བ་པདྨས་རབ་བརྒྱན་ཅིང་། །ཤེས་བྱ་ཀུན་ལ་མཁས་པའི་མཁྱེན་པ་འཕགས། །རྒྱ་མཚོ་ལྟ་བུར་ཟབ་པའི་སྐུ་མངའ་བ། །སྒྲ་དབྱངས་རྒྱལ་པོ་དེ་ཡི་བཀྲ་ཤིས་ཤོག །མེ་ཏོག་འཐོར། དེ་ནས་རིན་ཆེན་ཟླ་བ་ཐུགས་རྗེའི་དབང་གིས་འོད་དུ་ཞུ་ནས་གསེར་བཟང་དྲི་མེད་ཀྱི་དབུ་གཙུག་ཏུ་ཐིམ་པར་སྒོམས་ཤིག །དེ་ཡང་སངས་རྒྱས་གསེར་བཟང་དྲི་མེད་འདི་སྔོན་བྱང་ཆུབ་སེམས་དཔར་གྱུར་པའི་ཚེ་སྨོན་ལམ་ཆེན་པོ་བཞི་བཏབ་སྟེ་མ་འོངས་པ་ན་བདག་འཚང་རྒྱ་བའི་ཚེ། བདག་གི་མིང་ཐོས་པ་བཟུང་བས། སེམས་ཅན་སྣ་ཚོགས་ཀྱི་སྲོག་བཅད་པས་ཚེ་ཐུང་ཞིང་ནད་མང་བ་དང་། ཆུ་

[Full Size]

དང་། དུག་དང་། མཚོན་གྱིས་དུས་མ་ཡིན་པར་འཆི་བར་འགྱུར་བའི་ལས་སྒྲིབ་ཐམས་ཅད་བྱང་ནས་ཚེ་རིང་བ་དང་ནད་མེད་པར་འགྱུར་བ་དང་། །གཞན་གྱི་ནོར་རྫས་རྐུ་འཕྲོག་བྱས་པའི་རྣམ་སྨིན་གྱིས་དབུལ་པོར་སྐྱེས་ནས་བཀྲེས་སྐོམ་གྱི་སྡུག་བསྔལ་མྱོང་བའི་ལས་སྒྲིབ་ཐམས་ཅད་དག་ནས་ཚེ་རབས་ཐམས་ཅད་དུ་བཟའ་བཏུང་ཕུན་སུམ་ཚོགས་པར་འགྱུར་བ་དང་། ཕན་ཚུན་གཅིག་གིས་གཅིག་ལ་གནོད་སེམས་དང་། འཐབ་རྩོད་བྱེད་པ་ཐམས་ཅད་ཞི་ནས་བྱམས་པའི་སེམས་སུ་གནས་པ་དང་། དུག་གསུམ་གྱི་དབང་གིས་ཚུལ་ཁྲིམས་འཆལ་ཏེ། སྡིག་པ་བྱེད་པས་ངན་སོང་དུ་ལྟུང་བའི་ལས་སྒྲིབ་བྱང་ནས་ཚེ་རབས་ཐམས་ཅད་དུ་ཉོན་མོངས་པ་དང་བྲལ་ནས་ཚུལ་ཁྲིམས་དང་ལྡན་པར་གྱུར་ཏེ། སྨོན་ལམ་ཆེན་པོ་དེ་བཞི་བཏབ་པ་ཡིན་པས་སངས་རྒྱས་དེའི་སྨོན་ལམ་དེ་བཞིའི་བྱིན་རླབས་དང་བཀའ་དྲིན་ཁྱེད་རང་གིས་ཐོབ་པའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟང་དྲི་མེད་རིན་ཆེན་སྣང་བརྟུལ་ཞུགས་གྲུབ་པ་ལ་ཕྱག་འཚལ་ལོ། །མཆོད་དོ་སྐྱབས་སུ་

[Full Size]

མཆིའོ། །བཅོམ་ལྡན་འདས་གསེར་བཟང་དྲི་མེད་རིན་ཆེན་སྣང་བརྟུལ་ཞུགས་གྲུབ་པས་སྨོན་ལམ་ཇི་ལྟར་བཏབ་པ་བཞིན་དུ་བདག་དང་སེམས་ཅན་ཐམས་ཅད་ལ་སྐད་ཅིག་གིས་འབྱོར་བར་བྱིན་གྱིས་བརླབ་ཏུ་གསོལ། དེ་ལྟར་གསོལ་བ་བཏབ་པས་བཅོམ་ལྡན་འདས་གསེར་བཟང་དྲི་མེད་ཀྱི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་ཁྱེད་རང་རྣམས་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས་བྱུང་སྙམ་པའི་མོས་པ་རྩེ་གཅིག་ཏུ་མཛོད། གཏོར་མ་བཟུང་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟང་དྲི་མེད་རིན་ཆེན་སྣང་བརྟུལ་ཞུགས་གྲུབ་པས་སྨོན་ལམ་ཆེན་པོ་བཞི་ཇི་ལྟར་བཏབ་པའི་བྱིན་རླབས་དང་བཀའ་དྲིན་ཐམས་ཅད་རྡོ་རྗེའི་སློབ་མ་འདི་རྣམས་ཀྱིས་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཏདྱ་ཐཱ་གླུ་མེ་སོགས་བརྗོད། འཛམ་བུ་ཆུ་བོའི་གསེར་ལྟར་ལྷང་ངེ་བ། །ཉི་མ་སྟོང་བས་ལྷག་པའི་གཟི་བརྗིད་ཅན། །དྲི་མེད་གསེར་གྱི་མཆོད་སྡོང་ལྟ་བུའི་སྐུ། །གསེར་བཟང་དྲི་མེད་སྣང་བའི་བཀྲ་ཤིས་ཤོག །མེ་ཏོག་འཐོར་རོ། །དེ་ནས་གསེར་བཟང་དྲི་མེད་ཐུགས་རྗེའི་དབང་གིས་

[Full Size]

འོད་དུ་ཞུ་ནས་མྱ་ངན་མེད་མཆོག་གི་དབུ་གཙུག་ཏུ་ཐིམ་པར་སྒོམས་ཤིག །དེ་ཡང་སངས་རྒྱས་མྱ་ངན་མེད་མཆོག་འདི་སྔོན་བྱང་ཆུབ་སེམས་དཔར་གྱུར་པ་ན་སྨོན་ལམ་ཆེན་པོ་བཞི་བཏབ་སྟེ། མ་འོངས་པ་ན་བདག་འཚང་རྒྱ་བའི་ཚེ། བདག་གི་མིང་ཐོས་པ་དང་ཡིད་ལ་བྱེད་ན་ཚེ་རིང་ཞིང་མྱ་ངན་དང་སྡུག་བསྔལ་དང་ཡིད་མི་བདེ་བ་ཐམས་ཅད་ཞི་བ་དང་། །སྡིག་པ་མི་དགེ་བ་སྣ་ཚོགས་བྱས་ནས་དམྱལ་བར་སྐྱེས་ན་ཡང་། སངས་རྒྱས་དེའི་སྐུའི་འོད་ཟེར་གྱིས་དམྱལ་བ་ནས་འདྲེན་པ་དང་། སྡིག་པ་མི་དགེ་བ་སྣ་ཚོགས་དང་རྐུ་འཕྲོག་བྱས་ནས་དབུལ་པོར་སྐྱེས་ནས་ཟས་གོས་དང་ནོར་མེད་ཅིང་བཀྲེས་སྐོམ་འཁྱག་པ་དང་། ངལ་དུབ་ཀྱི་སྡུག་བསྔལ་འབྱུང་བ་ཐམས་ཅད་བྱང་ཞིང་དག་ནས། སྐྱེ་བ་ཐམས་ཅད་དུ་ཟས་གོས་ལོངས་སྤྱོད་ཕུན་སུམ་ཚོགས་པ་དང་། གདོན་སྣ་ཚོགས་ཀྱི་གནོད་པས་ནད་ཀྱི་སྡུག་བསྔལ་མྱོང་བ་ཐམས་ཅད་ཞི་ཞིང་ཚེ་རབས་ཐམས་ཅད་དུ་ནད་གདོན་ལས་ཐར་བ་དང་། སྨོན་ལམ་ཆེན་པོ་དེ་བཞིའི་བྱིན་རླབས་དང་བཀའ་དྲིན་ཁྱེད་རང་གིས་ཐོབ་པའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་

[Full Size]

པ་ཡང་དག་རྫོགས་པའི་སངས་རྒྱས་མྱ་ངན་མེད་མཆོག་དཔལ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བཅོམ་ལྡན་འདས་མྱ་ངན་མེད་མཆོག་དཔལ་གྱི་སྔོན་སྨོན་ལམ་ཇི་ལྟར་བཏབ་པ་བཞིན་དུ་བདག་དང་སེམས་ཅན་ཐམས་ཅད་ལ་སྐད་ཅིག་གིས་འབྱོར་བར་བྱིན་གྱིས་བརླབ་ཏུ་གསོལ། འོ་དེ་ལྟར་གསོལ་བ་བཏབ་པས་མྱ་ངན་མེད་མཆོག་དཔལ་གྱི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་ཁྱེད་རང་རྣམས་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས་བྱུང་སྙམ་པའི་མོས་པ་རྩེ་གཅིག་ཏུ་མཛོད་ཅིག །གཏོར་མ་ཐོགས་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་གྱིས་སྔོན་སྨོན་ལམ་ཆེན་པོ་ཇི་ལྟར་བཏབ་པའི་བྱིན་རླབས་དང་བཀའ་དྲིན་ཐམས་ཅད་རྡོ་རྗེའི་སློབ་མ་འདི་རྣམས་ཀྱིས་དེ་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཏདྱ་ཐཱ་གྷ་མེ་སོགས་བརྗོད་ལ་མེ་ཏོག་འཐོར་ཞིང་། བཀྲ་ཤིས་བརྗོད་པ་ནི། མྱ་ངན་འདས་ཞི་བདེ་བའི་མཆོག་བརྙེས་པ། །འགྲོ་བའི་སྡུག་བསྔལ་གདུང་བ་ཞི་མཛད་ཅིང་། །འགྲོ་དྲུག་མགོན་དང་དཔལ་དུ་གྱུར་པ་ཡི། །མྱ་ངན་མེད་མཆོག་དཔལ་གྱི་

[Full Size]

བཀྲ་ཤིས་ཤོག །ཅེས་མེ་ཏོག་དོར། དེ་ནས་མྱ་ངན་མེད་མཆོག་ཐུགས་རྗེའི་དབང་གིས་འོད་དུ་ཞུ་ནས་ཆོས་བསྒྲགས་རྒྱ་མཚོའི་དབུ་གཙུག་ཏུ་ཐིམ་པར་གྱུར། ཆོས་བསྒྲགས་རྒྱ་མཚོའི་དབྱངས་འདི་སྔོན་བྱང་ཆུབ་སེམས་དཔར་གྱུར་པ་ན་སྨོན་ལམ་ཆེན་པོ་བཞི་བཏབ་སྟེ། བདག་མ་འོངས་པ་ན་འཚང་རྒྱ་བའི་ཚེ་བདག་གིས་མིང་ཐོས་པས་དཀོན་མཆོག་གསུམ་དང་ཆོས་ལ་ལོག་པར་ལྟ་བ་ཅན་དུ་གྱུར་པའི་སྒྲིབ་པ་བྱང་ནས་དཀོན་མཆོག་གསུམ་ལ་དད་པ་དང་། བྱང་ཆུབ་ཀྱི་སེམས་རྒྱུད་ལ་ལྡན་པར་འགྱུར་བ་དང་། དཀོན་མཆོག་གསུམ་དང་ཆོས་ཀྱི་སྒྲ་མི་གྲག་པའི་ཡུལ་འཐའ་ཁོབ་ཏུ་སྐྱེས་ནས་སྡིག་པ་སྣ་ཚོགས་བྱས་ཏེ་དམྱལ་བར་སྐྱེ་བར་འགྱུར་བའི་སྡིག་པ་དག་ནས། སྐྱེ་བ་ཐམས་ཅད་དུ་བྱང་ཆུབ་ཀྱི་སེམས་དང་མི་འབྲལ་བར་འགྱུར་བ་དང་། ནོར་དང་ལོངས་སྤྱོད་མེད་པས་སྡིག་པ་སྣ་ཚོགས་བྱས་པའི་སྡིག་སྒྲིབ་བྱང་ནས་སྐྱེ་བ་ཐམས་ཅད་དུ་ནོར་དང་ལོངས་སྤྱོད་ཕུན་སུམ་ཚོགས་པ་དང་། སྔོན་ལས་ཀྱིས་དགྲ་དང་འཐབ་རྩོད་མང་སྟེ་གཅིག་གིས་གཅིག་ལ་གནོད་པ་དང་འཐབ་རྩོད་དང་མཚོན་འདེབས་པ་དང་གསོད་པར་འགྱུར་བ་ཐམས་ཅད་ཞི་ནས་སྐྱེ་བ་ཐམས་ཅད་དུ་དགྲ་མེད་ཅིང་

[Full Size]

བྱམས་པར་འགྱུར་བ་དང་། སྨོན་ལམ་ཆེན་པོ་དེ་བཞི་བཏབ་པས། སངས་རྒྱས་དེའི་སྨོན་ལམ་དེ་བཞིའི་བྱིན་རླབས་དང་བཀའ་དྲིན་ཐམས་ཅད་ཁྱེད་རང་གིས་ཐོབ་པའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བཅོམ་ལྡན་འདས་ཆོས་བསྒྲགས་རྒྱ་མཚོའི་དབྱངས་ཀྱིས་སྔོན་སྨོན་ལམ་ཇི་ལྟར་བཏབ་པ་དེ་བཞིན་དུ་བདག་དང་སེམས་ཅན་ཐམས་ཅད་ལ་སྐད་ཅིག་གིས་འབྱོར་བར་བྱིན་གྱིས་བརླབ་ཏུ་གསོལ། འོ་དེ་ལྟར་གསོལ་བ་བཏབ་པས་ཆོས་བསྒྲགས་རྒྱ་མཚོའི་དབྱངས་ཀྱི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་ཁྱེད་རང་རྣམས་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས་བྱུང་སྙམ་པའི་མོས་པ་རྩེ་གཅིག་ཏུ་མཛོད་ཅིག །གཏོར་མ་བཟུང་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་ཀྱིས་སྔོན་སྨོན་ལམ་ཆེན་པོ་བཞི་ཇི་ལྟར་བཏབ་པའི་བྱིན་རླབས་དང་བཀའ་དྲིན་ཐམས་ཅད་རྡོ་

[Full Size]

རྗེའི་སློབ་མ་འདི་རྣམས་ཀྱིས་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཏདྱ་ཐཱ་གླུ་མེ་སོགས་བརྗོད་ལ། ཆོས་སྒྲ་ཆེན་པོས་ཕ་རོལ་རྒོལ་བ་འཇོམས། །རྒྱ་མཚོ་ལྟ་བུར་ཟབ་པའི་སྐུ་མངའ་ཞིང་། །འགྲོ་བའི་དུག་གསུམ་མ་ལུས་ཞི་མཛད་པ། །ཆོས་བསྒྲགས་རྒྱ་མཚོའི་དབྱངས་ཀྱི་བཀྲ་ཤིས་ཤོག །མེ་ཏོག་འཐོར་རོ། །དེ་ནས་ཆོས་བསྒྲགས་རྒྱ་མཚོའི་དབྱངས་ཐུགས་རྗེའི་དབང་གིས་འོད་དུ་ཞུ་ནས་ཆོས་བློ་མངོན་པར་མཁྱེན་པའི་དབུ་གཙུག་ཏུ་ཐིམ་པར་སྒོམས་ཤིག །དེ་ཡང་སངས་རྒྱས་ཆོས་བློ་མངོན་མཁྱེན་འདི་སྔོན་བྱང་ཆུབ་སེམས་དཔར་གྱུར་པ་ན། སྨོན་ལམ་ཆེན་པོ་བཞི་བཏབ་སྟེ་མ་འོངས་པ་ན་བདག་འཚང་རྒྱ་བའི་ཚེ་བདག་གི་མིང་ཐོས་པས་ཞིང་གི་སོ་ནམ་དང་ཚོང་ཁེ་དང་འཐབ་རྩོད་ཀྱི་ལས་སྒྲིབ་བྱང་ནས་ལོངས་སྤྱོད་དང་ལྡན་ཞིང་དགེ་བ་བྱེད་པར་འགྱུར་བ་དང་། མི་དགེ་བ་བཅུ་བྱས་པས་དམྱལ་བར་འགྲོ་བའི་ལས་སྒྲིབ་བྱང་ནས་དགེ་བ་བཅུ་ལ་སྤྱོད་པར་འགྱུར་བ་དང་། གཞན་གྱིས་ཆད་པ་བཅད་པ་བཙོན་ཏུ་བཟུང་བ་བརྡེག་ཅིང་གསོད་པར་ཤོམ་པ་ལས་ཐར་ནས་སྐྱེ་བ་ཐམས་ཅད་དུ་དེ་ལྟར་མི་འགྱུར་བ་དང་། ཚེ་ཐུང་བ་རྣམས་ཀྱིས་འཆི་ཁ་རྣ་ལམ་དུ་ཐོས་

[Full Size]

པས་སྡིག་པ་ཐམས་ཅད་དག་ནས་མཐོ་རིས་སུ་སྐྱེས་ཏེ་བྱང་ཆུབ་མ་ཐོབ་ཀྱི་བར་དུ་ལྷ་དང་མིའི་བདེ་བ་མྱོང་བར་འགྱུར་བ་དང་། སྨོན་ལམ་ཆེན་པོ་དེ་བཞི་བཏབ་པ་ཡིན་པས་སངས་རྒྱས་དེའི་སྨོན་ལམ་དེ་བཞིའི་བྱིན་རླབས་དང་བཀའ་དྲིན་ཐམས་ཅད་ཁྱེད་རང་གིས་ཐོབ་པར་བྱའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོའི་མཆོག་གི་བློས་རྣམ་པར་རོལ་པ་མངོན་པར་མཁྱེན་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོའི་མཆོག་གི་བློས་རྣམ་པར་རོལ་པ་མངོན་པར་མཁྱེན་པས་སྔོན་གྱི་སྨོན་ལམ་ཇི་ལྟར་བཏབ་པ་དེ་བཞིན་ཏུ་བདག་དང་སེམས་ཅན་ཐམས་ཅད་ལ་སྐད་ཅིག་གིས་འབྱོར་བར་བྱིན་གྱིས་བརླབ་ཏུ་གསོལ། འོ་དེ་ལྟར་གསོལ་བ་བཏབ་པས་ཆོས་བློ་མངོན་པར་མཁྱེན་པའི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་ཁྱེད་རང་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས་བྱུང་སྙམ་པའི་མོས་པ་རྩེ་གཅིག་ཏུ་མཛོད་ཅིག །

[Full Size]

གཏོར་མ་ཐོགས་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོའི་མཆོག་གི་བློས་རྣམ་པར་རོལ་པ་མངོན་པར་མཁྱེན་པས་སྔོན་སྨོན་ལམ་ཆེན་པོ་བཞི་ཇི་ལྟར་བཏབ་པའི་བྱིན་རླབས་དང་བཀའ་དྲིན་ཐམས་ཅད་རྡོ་རྗེའི་སློབ་མ་འདི་རྣམས་ཀྱིས་ད་ལྟ་ཉིད་དུ་ཐོབ་པ་བྱིན་གྱིས་བརླབ་ཏུ་གསོལ། ཏདྱ་ཐཱ་གྲུ་མེ་སོགས་བརྗོད། ཆོས་ཀྱི་བློ་གྲོས་གཏིང་དཔག་དཀའ་བའི་ཐུགས། །རྣམ་དག་ཆོས་ཀྱི་དབྱིངས་ལ་རོལ་མཛད་ཅིང་། །ཤེས་བྱ་མ་ལུས་མངོན་སུམ་གཟིགས་པ་པོ། །ཆོས་བློ་མངོན་པར་མཁྱེན་པའི་བཀྲ་ཤིས་ཤོག །མེ་ཏོག་འཐོར། དེ་ནས་ཆོས་བློ་མངོན་མཁྱེན་ཐུགས་རྗེའི་དབང་གིས་འོད་དུ་ཞུ་ནས་སངས་རྒྱས་སྨན་གྱི་བླའི་དབུ་གཙུག་ཏུ་ཐིམ་པར་སྒོམས་ཤིག །དེ་ཡང་སངས་རྒྱས་སྨན་གྱི་བླ་འདི་སྔོན་བྱང་ཆུབ་སེམས་དཔར་གྱུར་པ་ན་སྨོན་ལམ་ཆེན་པོ་བཅུ་གཉིས་བཏབ་སྟེ། བདག་མ་འོངས་པ་ན་འཚང་རྒྱ་བའི་ཚེ་བདག་གི་མིང་ཐོས་པའི་ཚེ་སྡོམ་པ་གསུམ་གྱིས་བསྡམས་པས་ཚུལ་ཁྲིམས་ཉམས་པ་མེད་པར་འགྱུར་བ་དང་། དབང་པོ་མ་ཚང་ཞིང་ཡན་ལག་ཉམས་པ་དང་། འོན་པ་དང་། ལོང་བ་དང་། ནད་སྣ་

[Full Size]

ཚོགས་ཀྱིས་བཏབ་པ་རྣམས་ཀྱང་སྒྲིབ་པ་དག་ནས་ནད་ཞི་ཞིང་དབང་པོ་ཡན་ལག་ཚང་བར་འགྱུར་བ་དང་། ཉམ་ཐག་པ་ནད་སྣ་ཚོགས་ཀྱིས་སྡུག་བསྔལ་བ་མགོན་སྐྱབས་མེད་པ་དབུལ་འཕོང་དམན་པ་དང་། སྨན་མི་འབྱོར་བ་རྣམས་ཀྱི་ནད་ཐམས་ཅད་རབ་ཏུ་ཞི་ཞིང་སྐྱེ་བ་ཐམས་ཅད་དུ་ནད་མེད་པར་འགྱུར་བ་དང་། དེ་ལྟར་མཚན་ཐོས་པའི་ཕན་ཡོན་གྱི་སྨོན་ལམ་གསུམ་དང་། གཞན་ཡང་གསོལ་བ་རྩེ་གཅིག་ཏུ་བཏབ་ན་བུད་མེད་གང་དག་བུད་མེད་ཀྱི་སྐྱེ་གནས་ལས་ཐར་བར་འདོད་ན་བུད་མེད་ཀྱི་སྐྱེ་སྒོ་ཆོད་ཅིང་སྐྱེ་བ་ཐམས་ཅད་དུ་སྐྱེས་པའི་ལུས་ཐོབ་ནས། ལྟ་བ་ངན་པ་སྣ་ཚོགས་སུ་གྱུར་པ་རྣམས་ཡང་དག་པའི་ལྟ་བ་ཅན་དུ་འགྱུར་བ་དང་། རྒྱལ་པོའི་འཇིགས་པས་བཅིངས་ཤིང་བརྡེག་ལ་གསོད་པར་འོས་པ་ལས་ཐར་བ་དང་། བཀྲེས་ཞིང་སྐོམ་པས་ཟས་ཀྱི་ཕྱིར་སྡིག་པ་བྱེད་པ་རྣམས་ཀྱང་ཟས་ཕུན་སུམ་ཚོགས་པ་རྙེད་ནས་ཕྱིན་ཆད་ཆོས་ལ་གནས་པར་འགྱུར་བ་དང་། །གོས་མེད་པས་ཚ་གྲང་གི་སྡུག་བསྔལ་མྱོང་བ་རྣམས་གོས་བཟང་པོ་སྣ་ཚོགས་རྙེད་ཅིང་བསམ་པ་འགྲུབ་པ་དང་། སྐྱེ་བ་ཐམས་ཅད་དུ་ལོངས་སྤྱོད་མི་ཟད་པ་དང་ལྡན་ཞིང་ཕོངས་པ་མེད་

[Full Size]

པ་དང་། ལམ་ངན་པར་ཞུགས་པ་རྣམས་བྱང་ཆུབ་ཀྱི་ལམ་དུ་འཇུག་པ་དང་། དེ་ལྟར་འགྲོ་དོན་འགྲུབ་པའི་སྨོན་ལམ་བདུན་དང་། སྐུ་ལུས་ཀྱི་འོད་ཀྱིས་འཇིག་རྟེན་གྱི་ཁམས་དཔག་ཏུ་མེད་པ་གསལ་ཞིང་། ཞིང་དེའི་སེམས་ཅན་ཐམས་ཅད་མཚན་དང་དཔེ་བྱད་དང་ལྡན་པ་དང་། སྐུ་ལུས་ཀྱི་འོད་ཀྱིས་འཇིག་རྟེན་གྱི་ཁམས་མང་པོའི་མུན་པ་བསལ་བ་དང་། ཞིང་དེའི་སེམས་ཅན་ཐམས་ཅད་ལུས་ནོར་བུ་བཻཌཱུརྨ་ལྟར་དག་ཅིང་གཙང་བ་དང་གཟི་བརྗིད་འབར་ཞིང་ཉི་མ་དང་ཟླ་བ་དང་ལྷའི་འོད་ཀྱི་དྲྭ་བས་བརྒྱན་པར་འགྱུར་བ་སྟེ། ཞིང་ཁམས་ཡོངས་སུ་དག་པའི་སྨོན་ལམ་གཉིས་དང་སྨོན་ལམ་ཆེན་པོ་བཅུ་གཉིས་བཏབ་པ་ཡིན་པས། སངས་རྒྱས་དེའི་སྨོན་ལམ་བཅུ་གཉིས་ཀྱི་བྱིན་རླབས་དང་བཀའ་དྲིན་ཁྱེད་རང་ཟགིས་ཐོབ་པར་བྱ་བའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་ཁེཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །།མཆོད་དོ་སྐྱབས་སུ་མཆིའོ། །སངས་རྒྱས་སྨན་གྱི་བླ་བཻཀརྨ་འོད་ཀྱི་རྒྱལ་པོས་སྔོན་སྨོན་ལམ་ཆེན་པོ་ཇི་ལྟར་བཏབ་པ་དེ་བཞིན་དུ། །

[Full Size]

བདག་དང་སེམས་ཅན་ཐམས་ཅད་ལ་སྐད་ཅིག་གིས་འབྱོར་བར་བྱིན་གྱིས་བརླབ་ཏུ་གསོལ། དེ་ལྟར་གསོལ་བ་བཏབ་པས་སྨན་བླའི་སྐུ་ལས་འོད་ཟེར་ཁ་དོག་སྣ་ཚོགས་བྱུང་ནས་ཁྱེད་རང་རྣམས་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས་བྱུང་སྙམ་པའི་མོས་པ་རྩེ་གཅིག་ཏུ་མཛོད། གཏོར་མ་མགོར་བཞག་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོས་སྔོན་སྨོན་ལམ་ཆེན་པོ་བཅུ་གཉིས་ཇི་ལྟར་བཏབ་པའི་བྱིན་རླབས་དང་བཀའ་དྲིན་ཐམས་ཅད་ད་ལྟ་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཏདྱ་ཐཱ་གླུ་མེ་སོགས་སྔགས་རིང་ཐུང་གཉིས་དང་། ལྷ་མའི་སྟོན་པ་སྨན་པའི་རྒྱལ་པོ་སྟེ། །བཅོམ་ལྡན་འཇིག་རྟེན་གསུམ་ན་སྐྱབས་མཛད་པ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ཀྱི་བཀྲ་ཤིས་ཤོག །མེ་ཏོག་འཐོར། འོ་དེ་ནས་སྤྱི་བོའི་སངས་རྒྱས་སྨན་གྱི་བླ་ལ་འདུན་པ་རྩེ་གཅིག་ཏུ་བྱས་པས་བཅོམ་ལྡན་འདས་སྨན་གྱི་བླ་དེ་ཐུགས་རྗེའི་ཤུགས་ཀྱིས་འོད་དུ་ལྟེམ་གྱིས་ཞུ་སྟེ། །ཁྱེད་རང་གི་སྤྱི་བོ་ཚངས་པའི་བུ་ག་ནས་འོད་དེ་མར་ཐིམ་པས་འོད་དེས་ཁྱེད་རང་

[Full Size]

རྣམས་ཀྱི་ཚེ་རབས་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་དེད་ནས་འོག་སྒོ་དང་རྐང་མཐིལ་གཉིས་ནས་ནག་ནུ་རུ་རུ་སོང་བས་རང་གི་ལུས་ཕུ་མ་ཕུས་བཏབ་པ་ལྟར་སོང་སྟེ་ཤེལ་སྒོང་གཡའ་དག་པ་ལྟར་དྲི་མ་དང་བྲལ་བའི་མོས་པ་མཛོད། འོ་དེས་ཁྱེད་རང་གི་སྡིག་སྒྲིབ་ཐམས་ཅད་དག་ནས་ཐ་མལ་གྱི་ལུས་མ་ཡིན་པར་སྐད་ཅིག་གིས་ཁྱེད་རང་རྣམས་བཅོམ་ལྡན་འདས་སྨན་གྱི་བླ་བཻཌཱུརླ་འོད་ཀྱི་རྒྱལ་པོ་ཞལ་གཅིག་ཕྱག་གཉིས། གཡས་མཆོག་སྦྱིན་གྱི་ཕྱག་རྒྱས་ནད་བཞི་བརྒྱ་རྩ་བཞིའི་གཉེན་པོ་ཨ་རུ་ར་རྣམ་པར་རྒྱལ་བ་ལོ་མ་དང་བཅས་པ་འཛིན་ཅིང་། ཕྱག་གཡོན་མཉམ་བཞག་གི་ཕྱག་རྒྱས་འཆི་མེད་བདུད་རྩིས་བཀང་བའི་ལྷུང་བཟེད་འཛིན་པ། སྐུ་ལ་དར་ལིང་དམར་པོའི་ཆོས་གོས་དང་ཤམ་ཐབས་གསོལ་ཞིང་། རྡོ་རྗེ་སྐྱིལ་ཀྲུང་གིས་པདྨ་དང་ཟླ་བའི་གདན་ལ་བཞུགས་པ། མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་ཅིང་འོད་དང་འོད་ཟེར་དཔག་ཏུ་མེད་པ་འཕྲོ་བ། ཡིད་ལ་དྲན་པ་ཙམ་གྱིས་ཀྱང་འཁོར་བ་དང་ངན་སོང་གི་སྡུག་བསྔལ་ཐམས་ཅད་ཞི་ཞིང་ནུས་པ་གཅིག་ཏུ་གྱུར་པར་སྒོམས།

[Full Size]

དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿཿདམར་པོ། ཐུགས་ཀར་ཧཱུཾ་སྔོན་པོས་མཚན་པ། ཐུགས་ཀའི་ཧཱུཾ་ལས་འོད་ཟེར་ཕྱོགས་བཅུར་འཕྲོས་པས། ཕྱོགས་བཅུ་དུས་གསུམ་ན་བཞུགས་པའི་བླ་མ་ཡི་དམ་སངས་རྒྱས་བྱང་ཆུབ་སེམས་དཔའི་ཚོགས་དཔག་ཏུ་མེད་པ་ཁ་བ་བུ་ཡུག་ལྟར་སྤྱན་དྲངས་ནས་ཁྱེད་རང་གི་སྤྱི་བོ་ནས་མར་སིབ་སིབ་ཐིམ་མི་པར་སྒོམས་ཤིག །ཏདྱ་ཐཱ་གྷ་མེ་སོགས་ཞེས་པའི་སྔགས་རིང་མཇུག་ཏུ། ཨོཾ་བཛྲ་ཨཱཿ་བེ་ཤ་ཡ་ཨ་ཨཱཿ ཞེས་བརྗོད་ནས་སྤོས་དང་རོལ་མོ་བྱ། ནས་བྲབ་སྲོལ་ཡང་ཡོད། དེ་ལྟར་བྱིན་རླབས་དབབ་པ་དེ་ཉིད་བྱང་ཆུབ་མ་ཐོབ་ཀྱི་བར་དུ་བརྟན་པར་གྱུར། ཨོཾ་ཏིཥྛ་བཛྲ། ཞེས་རྡོ་རྗེ་རྒྱ་གྲམ་མེ་ཏོག་དང་བཅས་པས་ཚངས་བུག་བཀག །དེ་ནས་མདུན་གྱི་མཎྜལ་འདི་ཉིད་ཐར་པ་ཆེན་པོའི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས་དང་བཅས་པའི་དབུས་སུ། སེང་གེའི་ཁྲི་དང་པདྨ་དང་ཟླ་བའི་གདན་རྣམས་ལ་དེ་བཞིན་གཤེགས་པ་བདུན། ཤར་གྱི་སྣམ་བུ་ལ་འཇམ་དཔལ་སྐྱབས་གྲོལ་ཕྱག་ན་རྡོ་རྗེ་ལ་སོགས་བྱང་ཆུབ་སེམས་དཔའ་བཅུ་དྲུག །གཡས་གྲལ་དུ་ཚངས་པ་དང་བརྒྱ་བྱིན། གཡོན་གྲལ་དུ་གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས། སྒོ་

[Full Size]

བཞི་ལ་རྒྱལ་པོ་ཆེན་པོ་བཞི་དང་བཅས་པ་མངོན་སུམ་དུ་བཞུགས་པའི་མོས་པ་མཛོད་ལ། དེ་ནས་ཁྱེད་རང་རྣམས་སྨན་བླར་གསལ་བའི་ཐུགས་ཀའི་ཧཱུཾ་ལས་འོད་ཟེར་འཕྲོས། མདུན་བསྐྱེད་ལ་ཕོག་པས། མདུན་བསྐྱེད་ལས་བདེ་བར་གཤེགས་པ་བདུན་གྱི་ལྷ་ཚོགས་སྐུ་ཆེ་བ་རི་རབ་ཙམ་ཆུང་བ་ཡུངས་དཀར་གྱི་འབྲུ་ཙམ་ཁ་བ་བུ་ཡུག་ལྟར་བྱོན་ནས་ཁྱེད་རང་རྣམས་ལ་ཐིམ་པའི་མོས་པ་རྩེ་གཅིག་ཏུ་མཛོད་ཅིག །གཏོར་མ་བཟུང་ནས་མགོར་བཞག །བཅོམ་ལྡན་འདས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ། མཚན་ལེགས། རིན་ཆེན་ཟླ་བ། གསེར་བཟང་དྲི་མེད། མྱ་ངན་མེད་མཆོག།ཆོས་བསྒྲགས་རྒྱ་མཚོ། ཆོས་བློ་མངོན་མཁྱེན། སྟོན་པ་ཤཱཀྱ་ཐུབ་པ། བྱང་ཆུབ་སེམས་དཔའ་སྐྱབས་གྲོལ། ཕྱག་ན་རྡོ་རྗེ་ལ་སོགས་པ་སེམས་དཔའ་བཅུ་དྲུག་དང་། མགོན་པོ་འཇམ་པའི་དབྱངས། མཁན་པོ་བོ་དྷི་སཏཱ། །ཆོས་རྒྱལ་ཁྲི་སྲོང་ལྡེའུ་བཙན། ལྷ་སྲས་སད་ན་ལེགས། ལྷ་ལུང་དཔལ་གྱི་རྡོ་རྗེ། བཙད་པོ་འོད་སྲུང་ལ་སོགས་པ་སྔ་འགྱུར་བརྒྱུད་པའི་བླ་མ་རྣམས་དང་། བོ་དྷི་སཏཱ་ཆུང་བ། རྒྱལ་པོ་དགའ་བའི་དཔལ། དབང་པོ་དགེ་བའི་དཔལ། ཇོ་བོ་ཨ་ཏི་ཤ །ལྷ་བླ་

[Full Size]

མ་བྱང་ཆུབ་འོད་ལ་སོགས་པ་གསར་མ་བརྒྱུད་པའི་བླ་མ་རྣམས་དང་། རྒྱལ་ཚབ་གྲགས་པ་དོན་གྲུབ། དཔལ་ལྡན་གར་དབང་ཆོས་ཀྱི་དབང་ཕྱུག་ལ་སོགས་བཀའ་བབས་བརྒྱུད་པའི་བླ་མ་རྣམས་ཀྱིས་བྱིན་གྱིས་རློབས་ཤིག །འཁོར་བ་དང་ངན་སོང་གི་སྡུག་བསྔལ་ཐམས་ཅད་ལས་ཐར་བ་དང་། ལས་དང་ཉོན་མོངས་པའི་སྡིག་སྒྲིབ་ཐམས་ཅད་བྱང་ཞིང་དག་པ་དང་། འཇིགས་པ་ཆེན་པོ་བརྒྱད་དང་བཅུ་དྲུག་ལས་ཐར་བ་དང་། ནད་རིགས་བཞི་བརྒྱ་རྩ་བཞི་ཐམས་ཅད་ཞི་ཞིང་བྱང་བ་དང་། གདོན་ཐམས་ཅད་དང་བྱད་སྟེམས་དང་དུས་མ་ཡིན་པར་འཆི་བ་ཐམས་ཅད་ཉེ་བར་ཞི་བ་དང་། བཀྲ་མི་ཤིས་པ་དང་ལྟས་ངན་པ་དང་། འཐབ་རྩོད་དང་དབུལ་ཕོངས་ཐམས་ཅད་ཞི་བ་དང་། ཚེ་དང་བསོད་ནམས་བཀྲ་ཤིས་བདེ་ལེགས་ཐམས་ཅད་འཕེལ་ཞིང་རྒྱས་པ་དང་། དགེ་བ་བཅུ་དང་ཕ་རོལ་ཏུ་ཕྱིན་པ་བཅུ་ལ་ལོངས་སྤྱོད་ཅིང་། ཕྱི་མ་སངས་རྒྱས་ཀྱི་ཞིང་ཁམས་རྣམ་པར་དག་པར་སྐྱེས་ནས་མྱུར་དུ་འཚང་རྒྱ་བར་བྱིན་གྱིས་རློབས་ཤིག །ཏདྱ་ཐཱ། གྷུ་མེ་སོགས་མཚན་སྔགས་རིང་ཐུང་གཉིས་ཀྱང་སྤྲོ་ན་འདོན་ནོ། །འགྲོ་བའི་ནད་གསོ་མཛད་པ་སྨན་པའི་མཆོག །

[Full Size]

བཻ་ཌཱུརྻ་ལྟར་དྭངས་བའི་སྐུ་མངའ་ཞིང་། །སྐུ་ཡི་འོད་ཀྱིས་འགྲོ་བ་སྒྲོལ་མཛོད་པ། །སྨན་པའི་རྒྱལ་པོ་དེ་ཡི་བཀྲ་ཤིས་ཤོག །མེ་ཏོག་འཐོར། འོ་དེ་ཡན་ཆད་སྨན་བླ་མཆེད་བདུན་གྱི་བྱིན་གྱིས་བརླབས་པའི་རྗེས་གནང་ཞེས་བྱ་བ་དེ་ལེགས་པར་སོང་བ་ཡིན། ད་གཉིས་པ་སྔགས་ཀྱི་རྗེས་གནང་གི་དོན་དུ་དམིགས་པ་འདི་ལྟར་དུ་མཛོད། མདུན་བསྐྱེད་དང་སློབ་དཔོན་གྱི་ཐུགས་ཀ་ནས་སྔགས་ཀྱི་ཕྲེང་བ་ལྷ་སོ་སོའི་ཁ་དོག་ཅན་འཕྲོས་ནས་ཁྱེད་རང་གི་ཐུགས་ཀར་ཧཱུྃ་མཐིང་གི་མཐར་འཁོད་ཅིང་། འགའ་ཞིག་ཧཱུྃ་ཡིག་ལ་ཐིམ་པའི་མོས་པས་སྔགས་འདིའི་རྗེས་ཟློས་ཤེས་ན་མཛོད། ཏདྱ་ཐཱ། གྷུ་མེ་སོགས་དང་། སྤྲོ་ན་མཚན་སྔགས་རྒྱས་པ། ཨོཾ་བྷི་ཥ་དྲི་བྷི་ཥ་ཕྱི་མ་ཧཱ་བྷི་ཥ་ཛྭ་རཱ་ཛ་ས་མུཏྟ་ཏེ་སྭཱ་ཧཱ། སྙིང་པོ་འདི་ལན་གསུམ་བྱ། །གཟུངས་རིང་ལན་གསུམ་ཐོན་ན་ལེགས། མ་ཐོན་ན་སྙིང་པོ་གཉིས་གསུམ་བྱའོ། །ད་སློབ་དཔོན་ལ་མེ་ཏོག་གི་ཕྲེང་བ་ཞིག་ཕུལ་བར་མོས་པས་འདིའི་རྗེས་ཟློས་ལན་གསུམ་མཛོད། བཅོམ་ལྡན་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་བསྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །ཕྲིན་ལས་

[Full Size]

རྫོགས་པར་མཛད་དུ་གསོལ། །སློབ་དཔོན་གྱིས་མདུན་བསྐྱེད་ཀྱི་ཚོམ་བུ་རྡོ་རྗེ་དང་བཅས་པ་སློབ་མའི་སྤྱི་བོར་བཞག་ལ། བཅོམ་ལྡན་འདི་ལ་བསྩལ་ལགས་ཀྱིས། །ཞེས་སོགས་གོང་ལྟར་དང་། བཅོམ་ལྡན་འདས་སྨན་བླ་མཆེད་བདུན་འཁོར་དང་བཅས་པའི་སྐུ་གསུང་ཐུགས་ཀྱི་བྱིན་རླབས་དང་ཡོན་ཏན་གཟུངས་སྔགས་ཀྱི་ནུས་པ་ཐམས་ཅད་རྡོ་རྗེའི་སློབ་མ་འདི་རྣམས་ལ་འཇུག་ཅིང་བརྟན་པར་གྱུར་ཅིག །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། མེ་ཏོག་དོར་ཞིང་། སྨོན་ལམ་རྒྱ་ཆེན་ཡོངས་སུ་དག་གྱུར་པའི། །ཡིད་བཞིན་ནོར་བུ་ལྟ་བུར་གཞན་དོན་མཛད། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ཀྱི་བཀྲ་ཤིས་ཤོག །འོ་དེས་སྔགས་ཀྱི་རྗེས་གནང་ཞེས་བྱ་བ་དེ་ལེགས་པར་སོང་བ་ཡིན། ད་གསུམ་པ་དམ་བཅའ་ཁས་ལེན་པ་ཞེས་བྱ་བའི་དོན་དུ་ཕན་ཡོན་ཅུང་ཟད་ཞུ་ན། སྤྱིར་བདེ་གཤེགས་བདུན་པོ་འདིའི་མཚན་བཟུང་ནས་ཡི་དམ་དུ་བྱས་ན་སོ་སོ་ནས་ཕན་ཡོན་དཔག་ཏུ་མེད་པ་ཡོད་ལ། ཁྱད་པར་དུ་བཅོམ་ལྡན་འདས་སྨན་གྱི་བླ་མ་འདི་ཉིད་ཀྱི་མཚན་ཐོས་པ་ཙམ་ཁོ་ན་ཡང་ཕན་ཡོན་མཐའ་ཡས་ཏེ། དེ་ཡང་མི་གང་དག་སེར་སྣ་ཆེན་པོས་བཅིངས་ཏེ།

[Full Size]

སྦྱིན་པ་ཅུང་ཟད་ཀྱང་མི་བྱེད་པར་གྱུར་པ་རྣམས་ཀྱིས་ཡི་དྭགས་དང་དུད་འགྲོར་སྐྱེ་བར་འགྱུར་ཏེ། དེས་ཀྱང་ད་ལྟ་སྨན་གྱི་བླའི་མཚན་ཐོས་ན་ཡི་དྭགས་དང་དུད་འགྲོར་སྐྱེས་ཀྱང་སངས་རྒྱས་དེའི་བྱིན་རླབས་ཀྱིས་སྨན་བླའི་མཚན་ཡིད་ལ་དྲན་ནས་མྱུར་དུ་ཐར་ཏེ་མིར་སྐྱེ། དེར་ཡང་སྦྱིན་པ་ལ་དགའ་ཞིང་སྦྱིན་པའི་ཕ་རོལ་ཏུ་ཕྱིན་པའི་ཚོགས་རྫོགས་པར་འགྱུར་བར་གསུངས་སོ། །ཡང་རབ་ཏུ་བྱུང་ནས་ཚུལ་ཁྲིམས་ལོག་པར་ཞུགས་པ་དང་། ལྟ་བ་ལོག་པར་ཞུགས་པ་དང་། ཚུལ་ཁྲིམས་སྲུང་ཡང་མང་དུ་ཐོས་པ་སྤང་བར་བྱེད་པས་རྒྱལ་བའི་གསུང་རབ་ཀྱི་དོན་མི་ཤེས་པ་དང་། མང་དུ་ཐོས་པའི་ང་རྒྱལ་གྱིས་གཞན་ཁྱད་དུ་གསོད་པས་ཆོས་སྤང་གི་ལས་བསགས་པ་རྣམས་ནི་དམྱལ་བ་ཆེན་པོར་ལྟུང་བར་འགྱུར་ཏེ། དེས་ཀྱང་སྨན་བླའི་མཚན་ཐོས་པའི་བྱིན་རླབས་ཀྱི་མཐུས་དམྱལ་བ་ན་ཡང་མཚན་དེ་དྲན་ནས་མྱུར་དུ་ཐར་ནས། དེ་མིར་སྐྱེས་ནས་དད་པ་དང་བརྩོན་འགྲུས་དགེ་བའི་བསམ་པ་ཅན་དུ་འགྱུར་བ་དང་། རབ་ཏུ་བྱུང་སྟེ་བྱང་ཆུབ་ཀྱི་སྤྱོད་པ་སྤྱད་པར་འགྱུར་བར་གསུངས་སོ། །གང་དག་ཕྲག་དོག་གི་དབང་གིས་བདག་ལ་བསྟོད་ཅིང་གཞན་ལ་སྨད་པར་བྱེད་པ་རྣམས་ནི་

[Full Size]

ངན་སོང་དུ་ལོ་སྟོང་ཕྲག་མང་པོར་སྡུག་བསྔལ་མྱོང་ཞིང་། རྟ་དང་རྔ་མོང་བོང་བུ་རྣམས་སུ་སྐྱེས་ནས་ཁལ་ཆེན་པོ་འགལ་ཞིང་རྡུང་རྩོག་གི་སྡུག་བསྔལ་མྱོང་ལ། དེ་ནས་མིར་སྐྱེས་ཀྱང་བྲན་དུ་སྐྱེ་བར་འགྱུར་ལ། དེ་ཡང་སྨན་བླའི་མཚན་ཐོས་ན་དེའི་བྱིན་རླབས་ཀྱིས་ངན་སོང་ལས་ཐར་ནས་དུད་འགྲོར་མི་སྐྱེ་ཞིང་། མིར་སྐྱེས་ནས་དབང་པོ་གསལ་བ་དང་ཤེས་རབ་ཆེ་བ་དང་ཆོས་ལ་མོས་པར་འགྱུར་ཏེ། དགེ་བའི་བཤེས་གཉེན་ལ་བསྟེན་ཏེ། རིམ་གྱིས་འབྲས་བུ་ཐོབ་པར་གསུངས་སོ། །གཞན་ཡང་གཞན་གྱི་ཕྲ་མ་དང་འཐབ་རྩོད་དང་གནོད་སྦྱིན་དང་སྲིན་པོ་ཤ་ཟ་དང་འབྱུང་པོ་དང་རོ་ལངས་རྣམས་ཀྱི་ངན་སྔགས་ཀྱིས་བྱེད་དུ་བཅུག་ཀྱང་། སྨན་གྱི་བླའི་མཚན་ཐོས་པ་དེ་ལ་བར་ཆད་བྱ་བར་མི་ནུས་པར་གསུངས་ཤིང་འདིའི་མཚན་ཐོས་ན་ངན་སོང་དུ་འགྲོ་བའི་གོ་སྐབས་མེད་པར་གསུངས་ལ། གཞན་ཡང་ཕན་ཡོན་མཐའ་ཡས་པ་གསུངས་པས། སངས་རྒྱས་སྨན་གྱི་བླ་བཻཌཱུརྨ་འོད་ཀྱི་རྒྱལ་པོ་ལ་ཕྱག་འཚལ་ལོ། །ཞེས་པ་འདི་ཞག་རེ་རབ་བརྒྱ་རེ། འབྲིང་ཉེར་གཅིག །ཐ་མ་བདུན་རེ་མི་ཆག་པར་ཡི་དམ་བྱེད་པའི་དམ་བཅའ་ཁས་ལེན་པ་དབང་འདིའི་དམ་

[Full Size]

ཚིག་ཡིན་པས་ཤིན་ཏུ་གལ་ཆེ། ཁས་ལེན་སོ་སོར་བྱེད་བཅུག །ཡང་བྱེ་བ་འབུམ་ཕྲག་ཁྲི་སོགས་ཁས་ལེན་ཡང་བྱེད། འོ་ད་ནས་བཟུང་སྟེ་སངས་རྒྱས་སྨན་གྱི་བླ་ཡི་དམ་དུ་བཟུང་ལ་མཚན་དེ་མ་བརྗེད་པར་འདོན་པ་དང་། ཤེས་ན་སྨན་བླའི་ཆོ་ག་མཆོད་བསྟོད་བཟླས་བརྗོད་ལ་བརྩོན་པ་དང་། མི་ཤེས་ན་ཡང་སངས་རྒྱས་སྨན་གྱི་ལྷ་ལ་ཕྱག་འཚལ་བ་དང་ཟས་ཀྱི་ཕུད་མཆོད་པ་རྣམས་མཛད་པའི་ཕྱིར་དམ་ཚིག་ཁས་ལེན་པ་འདིའི་རྗེས་ཟློས་མཛོད། གཙོ་བོས་ཇི་ལྟར་བཀའ་བསྩལ་པ། །སོགས་ལན་གསུམ། ཐུགས་རྗེས་ཀུན་ལ་སྙོམས་པའི་བཅོམ་ལྡན་འདས་། །སོགས་ནས། བཀྲ་ཤིས་ཤོག །བར་དང་། མེ་ཏོག་གཏོར། འོ་དེས་དམ་བཅའ་ཁས་ལེན་པ་དེ་སོང་ནས། དེས་སྨན་བླ་མཆེད་བདུན་གྱི་དབང་ཡོངས་སུ་རྫོགས་པ་ཐོབ་པ་ཡིན་པས་གཏང་རག་གི་མཎྜལ་ཕུལ། ས་གཞི་སྤོས་ཆུས་བྱུགས་སོགས། དེ་ནས་སློབ་མ་གྲོལ་ལ། ཨོཾ་སརྦ་ཏ་ཐཱ་ག་ཏ་རྒྱུ་སོགས་ཀྱིས་མཆོད། བསྟོད་པར་འོས་པ་ཐམས་ཅད་ལ། །སོགས་ཀྱིས་བསྟོད་ནས། དེ་བཞིན་གཤེགས་པ་བདུན་གྱིས་སྔོན་སྨོན་ལམ་ཇི་ལྟར་བཏབ་པའི་བཀའ་དྲིན་ཐམས་ཅད། བདག་དང་སེམས་ཅན་ཐམས་ཅད་ཀྱིས་ད་ལྟ་ཉིད་དུ་ཐོབ་པར་བྱིན་

[Full Size]

གྱིས་བརླབ་ཏུ་གསོལ། མ་འབྱོར་པ་དང་ཉམས་པ་དང་། །སོགས། ཨོཾ་བཛྲ་ས་ཏྭ་ས་མ་ཡ་ཞེས་སོགས་ཡིག་བརྒྱས་ཆད་ལྷག་ཁ་བསྐང་། རྟེན་ཡོད་ན་བརྟན་བཞུགས། ཡེ་ཤེས་པ་རྣམས་རྟེན་འདི་ལ་བརྟན་པར་བཞུགས། ཨོཾ་སུ་པྲ་ཏིཥྛ་བཛྲ་སྭཱ་ཧཱ། རྟེན་མེད་ན། ཨོ། ཁྱེད་ཀྱིས་སེམས་ཅན་དོན་ཀུན་མཛད། །སོགས་ནས། བཛྲ་མུ༔ འཇིག་རྟེན་པ་རྣམས་རང་གནས་སུ་བཛྲ་མུ༔ དམ་ཚིག་པ་རང་ལ་ཐིམ་ནས་མི་དམིགས་པར་གྱུར། ཉིན་མོ་བདེ་ལེགས་མཚན་བདེ་ལེགས། །སོགས་བཀྲ་ཤིས་བརྗོད། མི་གཙང་ལུས་འདི་བོར་བར་གྱུར་མ་ཐག །ཅེས་སོགས་བསྔོ་སྨོན་བྱའོ། །དེ་ཡང་མཚན་བརྗོད་པའི་ཕན་ཡོན་གོང་དུ་སོང་བ་ལྟ་བུ་དང་། གཟུངས་འདི་བརྗོད་པས་བསམ་པ་ཐམས་ཅད་འགྲུབ་པ་སངས་རྒྱས་ཀྱིས་དགོངས་ཤིང་བྱིན་གྱིས་བརླབས་པ་དང་། །ལས་ཀྱི་སྒྲིབ་པ་ཐམས་ཅད་དག་ནས་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །མཆོད་བསྟོད་བྱས་པས་ལྟས་ངན་དང་བཀྲ་མི་ཤིས་པ་ཐམས་ཅད་དང་། མེ་ཆུ་དུག་མཚོན་དང་གཡང་ས། གཅན་གཟན་དང་། དམག་དང་ཆོམ་རྐུན་གྱི་འཇིགས་པ་ཞི་བ་དང་། ཚུལ་ཁྲིམས་འཆལ་བའི་སྒྲིབ་པ་དག་ནས་ངན་སོང་དུ་མི་ལྟུང་བ་དང་། བུད་མེད་སྦྲུམ་མ་ཡང་བདེ་བར་བཙའ་ཞིང་། བྱི་སྦ་ནད་ཉུང་ཞིང་ཤེས་རབ་ཅན་དུ་འགྱུར་བ་སོགས་ཕན་ཡོན་མང་པོ་གསུངས་ཏེ། དབང་

[Full Size]

སྒྲུབ་དུས་བདག་མདུན་མཆོད་བསྟོད་བཟླས་པ་དང་བཅས་པ་ཡོད་པས་ཕན་ཡོན་དེ་དག་འབྱུང་བ་དང་། དབང་ཚར་གཅིག་གིས་རང་གཞན་གྱི་དོན་ཐམས་ཅད་འགྲུབ་པ་ཡིན་ནོ། །འདི་ནི་སྔོན་གྱི་མཁས་པ་རྣམས་ཀྱིས་མཛད་པ་ལ་གཞི་བྱས། རྗེ་ཞྭ་དམར་དྲུག་པས་གཏོར་དབང་བསྐུར་བར་མཛད་པའི་སྤྱན་ལྟོས་ཅུང་ཟད་མཐོང་ཡང་གྲྭ་ཚང་དུ་འདིའི་དཔེ་དཀོན་ལ། གྲྭ་པ་འགའ་ཞིག་གིས་ཞུས་ནས་བླ་མ་ཝ་རྒན་པས་འདིའི་དབང་ཆོག་ཞིག་བརྩམས་ཤིང་འདུག་པ་ལ་ཡང་བདག་གི་རྟོག་པ་བཅུག་པ་ཡིན་ལ། འདིའི་རྗེས་གནང་སྤྱི་མཚམས་དང་ཁྱད་པར་དུ་མ་ལ་ཡུན་རིང་དུ་གོམས་པར་བྱས་ཤིང་མདོ་སྡེ་གཉིས་དང་། བོ་དྷི་སཏཱའི་ཆོ་ག་རྒྱས་བསྡུས་དང་། ཆོ་གའི་རྣམ་བཤད་རྒྱས་པ་དང་། སྨན་བླ་སྤྲུལ་སྐུ་ལྟར་སྒྲུབ་པ་དང་། བདེ་གཤེགས་བདུན་གྱི་བྱིན་རླབས་སོགས་དོན་བསྡུས་ནས་ཁྱེར་བདེ་བར་བྱས་པའོ། །འདི་ལ་འགལ་འཁྲུལ་གང་མཆིས་བདེ་གཤེགས་བདུན་ལ་བཤགས། །དགེ་བས་བདག་དང་བདག་གི་རྗེས་འབྲང་དང་། །དབང་ཆོག་འདི་ལ་འབྲེལ་ཐོགས་འགྲོ་བ་ཀུན། །ལུས་འདི་བོར་ནས་ལུས་གཞན་མི་ལེན་པར། །བདེ་བ་ཅན་གྱི་ཞིང་དེར་སྐྱེ་བར་ཤོག །དེ་རུ་སྐྱེས་ནས་རྫུ་འཕྲུལ་སྟོབས་ཀྱིས་ནི། །སྨན་བླ་མཆེད་བདུན་མཆོད་པས་མཉེས་བྱེད་ཤོག །དེ་སྐད་བརྗོད་པ་རཱ་གའི་མིང་ཅན་ནོ། །བཀྲ་ཤིས་དགེ་ལེགས་ཕུན་སུམ་ཚོགས་པར་ཤོག །མངྒ་ལཾ། དགེའོ།། །།

སྨན་བླའི་གཟུངས་རིང་།

[Full Size]

ཏདྱ་ཐཱ། གྷུ་མེ་གྷུ་མེ་ཨི་མི་ནི་མི་ཧི། མ་ཏི་མ་ཏི། སཔྟ་ཏ་ཐཱ་ག་ཏ་ས་མཱ་དྨ་དྷིཊྛི་ཏེ་ཨ་ཏི་མ་ཏེ། པཱ་ལེ་པཱ་པཾ་ཤོ་དྷ་ནི། སརྦ་པཱ་པཾ་ན་ཤ་ཡ། མ་མ་བུདྡྷེ། །བུདྷོཏྟ་མེ། ཨུ་མེ། ཀུ་མེ། བུདྡྷ་ཀྵེ་ཏྲ་པ་རི་ཤོ་དྷ་ནི། དྷ་མི་ནི་དྷ་མེ། མེ་རུ་མེ་རུ། མེ་རུ་ཤི་ཁ་རེ། སརྦ་ཨ་ཀ་ལ་ཚིགས་ཁྱུ་ནི་བཱ་ར་ནི། བུདྡྷེ་སུ་བུདྡྷེ། བུདྡྷ་ཨ་དྷིཥྛ་ན། རཀྵནྟུ་མེ། སརྦ་དེ་བཱ། ས་མེ་ཨ་ས་མེ་ས་མ་ནཱ་ཧ་རནྟ་མེ། སརྦ་བུདྡྷ་བོ་དྷི་ས་ཏཱ་ནཾ། ཤ་མེ་ཤ་མེ། པྲ་ཤ་མནྟུ་མེ་སརྦ་ཨི་ཏུ་པ་དྲ་བ་བྱུ་དྷ་ཡ༔ པཱུ་ར་ཎི་པཱུ་ར་ཎི། །པཱུ་ར་ཡ་མེ། སརྦ་ཨཱཿ་ཤཱ་ཡ་བཻཌཱུརྱ་པྲ་ཏི་བྷཱ་སེ་སརྦ་པཱ་པཾ་ཀྵ་ཡཾ་ཀ་རི་སྭཱ་ཧཱ། ཞེས་དང་། ཏདྱ་ཐཱ། ཨ་གླུ། མ་གླུ། ཏ་ར་གླུ། མ་མ་གླུ། གླུ་རེ། ཧ་ཧུ་ཧེ། མྲ་མྲ་སྲ་མ། ཛུ་ཛུ་རི། ཛུ་རི་སྭཱ་ཧཱ། ཞེས་ཅི་ནུས་བཟླས་ལ།།

སྨན་བླའི་ཆོ་ག་བསྡུས་པ་རྗེ་ཞྭ་དམར་པ་ཆོས་ཀྱི་དབང་ཕྱུག་གིས་མཛད་པའི་ཕྱག་ལེན་ཞལ་ཤེས་ཟིན་བྲིས།

[Full Size]

སྨན་བླའི་ཆོ་ག་བསྡུས་པ་རྗེ་ཞྭ་དམར་པ་ཆོས་ཀྱི་དབང་ཕྱུག་གིས་མཛད་པའི་ཕྱག་ལེན་ཞལ་ཤེས་ཟིན་བྲིས་བཞུགས་སོ།།

[Full Size]

ན་མོ་བྷེ་ཥ་ཕྱི་ཡེ། བཅོམ་ལྡན་ཤཱཀྱའི་རྒྱལ་པོ་ཡིས། །སྨན་མདོ་རྒྱས་བསྡུས་གཉིས་གསུངས་པ། །ཀུན་དགའ་བོ་ཡིས་ཡི་གེར་བཀོད།སྟོན་པ་འདས་རྗེས་འཇམ་དབྱངས་ཀྱིས། །མཁན་པོ་བྷྱོ་དྷི་སཏྭ་ལ། །དེ་ཡི་དབང་ལུང་མན་ངག་གནང་། །མཁན་པོས་སྨན་བླའི་ཆོ་ག་ནི། །རྒྱས་འབྲིང་བསྡུས་གསུམ་མཛད་པ་ལས། །འདི་ནི་བསྡུས་པའི་ལུགས་ཡིན་ཏེ། །།གཞུང་ཚིག་མཁན་པོས་གསུང་དངོས་ཡིན། །དེ་ཕྱིར་རྒྱ་གཞུང་བྱིན་རླབས་ཆེ། །བོད་དུ་ཁྲི་སྲོང་ལྡེའུ་བཙན་གྱི། །སྐུ་རིམ་སྒྲིབ་སྦྱོང་གཉིས་ཀ་ལ། །སྨན་བླའི་ཆོ་ག་རྒྱས་པ་བཙུགས། །དེ་ཉིད་ད་རུང་མ་

[Full Size]

ནུབ་དར། །ཟ་ཧོར་མཁན་པོས་དབོན་པོ་ནི། །བྷྱོ་དྷི་སཏྭ་ཆུང་བར་གནང་། །དེ་ནས་ཇོ་བོ་རྗེས་བསྒྱུར་བ། །གསར་མ་ཡིན་ཏེ་ཚིག་དོན་གཅིག །བཀའ་གདམས་ལུགས་ལ་དར་ཞིང་རྒྱས། །མཚན་ཉིད་དགེ་བཤེས་མཁས་པ་ཀུན། །ཆོས་རྣམས་ཕལ་ཆེར་སྐྱོན་འདོགས་ཤིང་། །ཤིན་ཏུ་མགུ་བར་དཀའ་ན་ཡང་། །རབ་འབྱམས་གྲྭ་སྐོར་གཏོང་བའི་ས། །དཔལ་འཁོར་ཆོས་སྡེར་སྟོང་ར་ཆེན། །ངམ་སྟེང་སུམ་སྟོང་བརྒྱད་བརྒྱ་འཚོགས་། །ཀུན་གྱི་འདོན་རྒྱུ་སྨན་བླ་ཡིན། །བཀའ་གདམས་ལུགས་ཀྱི་ཁྱད་པར་ཆོས། །ཀུན་རིག་མི་དར་སྨན་བླ་ཡིན། །སྙིགས་དུས་འབྲོམ་གྱི་

[Full Size]

སྤྲུལ་པ་ནི། །གྲགས་པའི་མིང་ཅན་བདུན་བརྒྱུད་འབྱུང་། །གར་དབང་ཆོས་ཀྱི་དབང་ཕྱུག་གིས། །ཆོ་ག་འདི་ཉིད་པར་དུ་བཀོད། །གཙང་པ་ཕུན་ཚོགས་རྣམ་རྒྱལ་གྱིས། །གཤེགས་རྫོངས་ཉིན་གླིང་ཆོ་ག་བཙུགས། །དེས་ན་འདི་ཉིད་ཁུངས་བཙུན་ནོ། །ཕྱག་ལེན་རྒྱས་པ་བསྡུས་པ་གཉིས། །སྤྲོས་མེད་ལུགས་དང་རྣམ་པ་བཞི། །རྒྱས་པར་དཀྱིལ་འཁོར་བྲིས་པ་སྟེ། །གྲུ་བཞི་སྒོ་བཞི་སྤྱི་དང་མཚུངས། །ཁྱད་པར་དུར་ཁྲོད་མེད་པའོ། །དབུས་སུ་པད་མ་འདབ་བརྒྱད་དེ། །དེ་རྒྱབ་འདབ་མ་བཅུ་དྲུག་གོ །དེ་རྒྱབ་འདབ་མ་ཉི་ཤུ་གཉིས། །སྒོ་བཞིར་རྒྱལ་ཆེན་ཐིག་ལེ་བཀོད། །དེ་སྟེང་དབུས་སུ་མཉྫིའི་སྟེང་། །དར་སྣ་ལྔ་ཡིས་དྲིལ་བ་ཡི། །སྨན་མདོའི་གླེགས་བམ་བཞུགས་པར་བྱ། །སྟེང་ན་ལྷ་གྲངས་ཙཀ་གདུགས་ཕུབ། །མཐའ་སྐོར་མཆོད་པ་སྣ་བདུན་ནི། །ལྷ་གྲངས་མཉམ་པ་བཀོད་པར་བྱ། །ཟུར་བཞིར་རྒྱལ་མཚན་བཞི་དང་ནི། །ལོགས་བཞིར་ཚོན་སྐུད་དྲྭ་བ་བྲི། །སྟེང་ན་གདུགས་སམ་བླ་བྲེ་ཕུབ། །དེ་ནི་དཀྱིལ་འཁོར་རྒྱས་པ་སྟེ། །ཙཀ་གདུགས་དབུས་གཙང་ཀུན་ཏུ་དར། །འབྲིང་པོ་སྨན་བླའི་ཐང་སྐུའམ། །མེད་ན་ཐུབ་པའི་གསེར་སྐུའི་མདུན། །

[Full Size]

མཎྜལ་སྟེང་དུ་འབྲས་སམ་ནས། །ཚོམ་བུ་དགུ་ནི་བཀོད་པར་བྱ། །བདེ་གཤེགས་བརྒྱད་ནི་གླེགས་བམ་ཡིན། །དེ་མདུན་ལྷ་བཤོས་བརྒྱད་དང་ནི། །དེ་མདུན་མར་མེ་བརྒྱད་དང་ཡོན་ཆབ་བརྒྱད། །བདེ་གཤེགས་བརྒྱད་པོ་འཁོར་བཅས་མཆོད། །དེ་ནི་རྒྱུན་དུ་ཕྱག་ལེན་སྲོལ། །བསྡུས་པར་དེ་ལྟར་མ་འཛོམས་ཀྱང་། །གཙུག་ལག་ཁང་ངམ་མཆོད་ཁང་དུ། །སྨན་བླའི་སྐུ་དང་མར་མེ་དང་། །ཡོན་ཆབ་ཡོད་ན་དམིགས་པ་གཏད། །སོ་སོར་ནམ་འདོད་འདོན་སྲོལ་ཡོད། །སྤྲོས་མེད་ལུགས་ལ་གཞི་བྱས་ཀྱི། །འགྲོ་འདུག་ལ་སོགས་བྱེད་དུས་ཀྱང་། །མདུན་གྱི་ནམ་མཁར་དཀྱིལ་འཁོར་བསྒོམ། །མཆོད་པ་ཡིད་ཀྱིས་སྤྲུལ་པ་དང་། །འཇིག་རྟེན་ཁམས་ནི་དཔག་མེད་ན། །ཡོད་པ་ཐམས་ཅད་ཡིད་ཀྱིས་ཕུལ། །འགྲོ་འདུག་སྤྱོད་ལམ་ཚེ་ན་ཡང་། །ཆབ་བསིལ་ཚེ་ན་མི་རུང་ངོ། །དེ་མིན་ནམ་ཡང་འདོན་དུ་རུང་། །ཕྱག་ལེན་གྱི་ལེའུ་སྟེ་གཉིས་པའོ།། ༈ །།དེ་ནས་བསྒོམ་བྱའི་དམིགས་རིམ་ལ། །གང་གིས་བརྟེན་ཅིང་ཞེས་པ་ནས། །བག་ཡོད་ཡིན་ཞེས་བྱ་བའི་བར། །རང་སེམས་ངོ་བོ་བལྟས་པས་འཐུས། །སེམས་ཅན་ཐམས་ཅད་བདེ་ལྡན་སོགས། །

[Full Size]

ཚད་མེད་བཞི་པོའི་ཚིག་དེ་ནི། །དེ་ལྟར་གྱུར་ཅིག་བསམ་པ་ལས། །གཞན་གྱི་དམིགས་པ་བསྒོམ་མི་དགོས། །སངས་རྒྱས་ཆོས་ཚོགས་སྐྱབས་སེམས་དེ། །གོ་སླ་ལན་གསུམ་བཏོན་ན་ལེགས། །འདི་ནི་བྱ་རྒྱུད་འདོན་ཆོག་སྟེ། །བདག་བསྐྱེད་མེད་དེ་མདུན་བསྐྱེད་ཡིན། །ས་ཕྱོགས་ཐམས་ཅད་ཁོད་མཉམ་པ། །བཻཌཱུརླ་ཡི་ས་གཞི་ལ། །མེ་ཏོག་སྣ་ཚོགས་ཚལ་རྒྱས་པ། །འཇའ་གུར་མེ་ཏོག་ཆར་པ་འབེབས། །དག་པའི་ཞིང་ཁམས་ལྟ་བུའི་དབུས། །རིན་ཆེན་སྣ་ཚོགས་ལས་གྲུབ་པའི། །གཞལ་ཡས་ཁང་པ་བསམ་འདས་བསྒོམ། །དཀྱིལ་འཁོར་དེ་ཡི་ཕྱི་ཁྱམས་ལ། །མཆོད་རྫས་འདོད་པའི་ཡོན་ཏན་ཚོགས། །དཔག་མེད་ཟད་མི་ཤེས་པ་བསྒོམ། །དཀྱིལ་འཁོར་ནང་གི་པད་འདབ་རྣམས། །བྲིས་པ་བཞིན་དུ་བྷཻཾ་པ་ཡིན། །འདབ་མ་བརྒྱད་དང་དགུ་སོགས་ལ། །སེང་ཁྲི་པད་ཟླའི་གདན་རེ་བསྒོམ། །དེ་མིན་འདབ་མ་ཐམས་ཅད་དང་། །སྒོ་བཞིར་ཟླ་བའི་གདན་རེ་བསམ། །བདེན་པའི་བྱིན་རླབས་བརྗོད་པ་ཡིས། །དེ་ལྟར་དངོས་སུ་གྱུར་དམིགས་ཤིང་། །དཀོན་མཆོག་གསུམ་གྱི་ཞེས་པ་ནས། །གྱུར་ཅིག་བར་དུ་ལན་གསུམ་བརྗོད། །ས་གཞི་བྱིན་གྱིས་རླབས་པ་དང་། །

[Full Size]

ཕོ་བྲང་གཞལ་ཡས་བསྐྱེད་པ་དང་། །མཆོད་པ་བྱིན་རླབས་གསུམ་ཁ་ཡིན། །དེ་ནས་སྤྲོས་པ་ལ་དགའ་ན། །ཆོས་གོས་ལ་སོགས་ལུས་ཚག་གཟབ། །ཐལ་མོ་སྦྱར་བའི་བར་དུ་ནི། །མེ་ཏོག་གམ་ནི་སྤོས་ཐུར་སྦར། །ཤར་གྱི་ཕྱོགས་སུ་ཁ་གྱུས་ཏེ། །བཅོམ་ལྡན་འདས་ཞེས་བྱ་བ་ནས། །བྱིན་གྱིས་རློབས་པ་ཅི་གནང་བར། །སྙན་གསན་དབབ་པའི་ཚིག་ཡིན་ཏེ། །དེ་བརྗོད་སངས་རྒྱས་བྱང་སེམས་རྣམས། །མངོན་པར་ཤེས་པས་དེ་མཁྱེན་ཏེ། །རྡོ་རྗེའི་སྙན་གྱིས་ཚིག་དེ་གསན། །སྔོན་གྱི་སྨོན་ལམ་དམ་བཅའ་དྲན། །འབྱོན་པར་དགོངས་པ་གཏད་པར་བསྒོམ། །མ་ལུས་སེམས་ཅན་ཞེས་པ་ནས། །གཤེགས་སུ་གསོལ་ལོ་ཞེས་པའི་བར། །སངས་རྒྱས་དཀོན་མཆོག་བདེ་གཤེགས་བརྒྱད། །ཆོས་རྣམས་པོ་ཏི་གླེགས་བམ་ཚུལ། །དགེ་འདུན་བྱང་ཆུབ་སེམས་དཔའི་ཚོགས། །དེ་དག་ཞབས་འབྲིང་རྒྱལ་ཆེན་བཞི། །ཕྱོགས་སྐྱོང་གནོད་སྦྱིན་སྡེ་དཔོན་བཅས། །བོད་ཀྱི་དགེ་བཤེས་ཐམས་ཅད་ཀྱང་། །ནམ་མཁའ་གང་བར་བྱོན་བྱུང་བས། །དགའ་ནས་ལེགས་པར་ཚིག་བརྗོད་ཅིང་། །སྔོན་ནས་བསྒོམས་པའི་གཞལ་ཡས་ཁང་། །གདན་དང་བཅས་པ་ཕུལ་བ་

[Full Size]

ཡིས། །ཆོས་ཀུན་དབུས་ཀྱི་གླེགས་བམ་ཐིམ། །དེ་ཉིད་སྐད་ཅིག་དྲན་རྫོགས་སུ། །ཆོས་སྐུ་ཡུམ་ཆེན་ལི་ཁྲིའི་མདོག །ཕྱག་གཡས་ཆོས་འཆད་གཡོན་མཉམ་བཞག །འོག་གཉིས་རྡོ་རྗེ་གླེགས་བམ་འཛིན། །རྡོ་རྗེའི་སྐྱིལ་མོ་ཀྲུང་གིས་བཞུགས། །གཡས་ཕྱོགས་སེང་གེའི་ཁྲི་ལ་བཞེངས། །མཚན་ལེགས་རྒྱལ་པོ་ནས་བཟུང་སྟེ། །བདེ་གཤེགས་བརྒྱད་པོ་གཡས་བསྐོར་བཞུགས། །མདུན་ངོས་སངས་རྒྱས་སྨན་བླ་དང་། །གཡས་ཟུར་ཤཱཀ་ཐུབ་བྷེ་པ་ཡི། །སྤྲོ་བསྡུའི་དམིགས་པ་བདེ་བ་ཡིན། །དེ་རྒྱབ་འདབ་མ་བཅུ་དྲུག་ལ། །སེམས་དཔའ་བཅུ་དྲུག་བཞུགས་པར་བྷྱོ། །དེ་རྒྱབ་འདབ་མ་ཉེར་གཉིས་ལ། །གཡས་ངོས་ཕྱོགས་སྐྱོང་བཅུ་པོ་སྟེ། །རེ་རེའི་འཁོར་ནི་འབུམ་ཕྲག་སྟེ། །གཡོན་ངོས་སྡེ་དཔོན་བཅུ་གཉིས་ལ། །རེ་རེའི་འཁོར་ནི་བདུན་འབུམ་སྟེ། །མི་ཤོང་མེད་པར་ཡངས་བར་བྷེ། །སྒྱུ་མ་མེ་ལོང་གཟུགས་བརྙན་བཞིན། །སྣང་ལ་རང་བཞིན་མེད་པའོ། །སྒོ་བཞིར་རྒྱལ་པོ་ཆེན་པོ་བཞི། །ཕྱི་ཡི་བར་ཁྱམས་འཁོར་ཡུག་ལ། །ཕྱོགས་བཅུ་དུས་གསུམ་སངས་རྒྱས་ནི། །བྱང་སེམས་ཉན་ཐོས་འཁོར་དང་བཅས། །ཆོས་རྒྱལ་གསུམ་དང་མཁན་སློབ་གཉིས། །བོད་ཀྱི་ཁྲིམས་

[Full Size]

ལྡན་དགེ་བཤེས་རྣམས། །ཁྲོམ་ཚོགས་བཞིན་དུ་བཞུགས་པར་དམིགས། །སོ་སོའི་ཞིང་ཁམས་ཞེས་པ་ནས། །བཞུགས་པར་གྱུར་ཞེས་བྱ་བའི་བར། །འདོན་ཚེའི་དམིགས་པ་དེ་ཡིན་ནོ། །ཁྲུས་གསོལ་མཎྜལ་གཉིས་པོ་ནི། །རྒྱས་པ་དངོས་སུ་བྱེད་སྲོལ་ཡོད། །མ་འཛོམས་ཡིད་ཀྱིས་བྱས་ཀྱང་ཆོག།འདི་ནི་ཕྱག་ལེན་ཡིན་མོད་ཀྱི། །གཞུང་གི་པར་མའི་ནང་ན་མེད། །དེ་ཕྱིར་མ་བྱས་ན་ཡང་བཟོད། །རྒྱུན་དུ་ཉུང་ངུ་སྦྱར་ན་ལེགས། །གེལ་དུ་བྱེད་ན་དམིགས་པ་ནི། །དཀྱིལ་འཁོར་དེ་ཡི་ཤར་ཁྱམས་སུ། །ཁྲུས་ཀྱི་ཁང་པ་ཤེལ་ལས་གྲུབ། །མེ་ལོང་དག་པ་ལྟ་བུའི་ངོས། །དཀྱིལ་འཁོར་ལྷ་ཚོགས་སྐུ་འཆར་བ། །དེ་ལ་ཁྲུས་གསོལ་རས་ཀྱིས་ཕྱི། །སྤོས་ཀྱིས་བྱུག་ཅིང་ན་བཟའ་གསོལ། །མཎྜལ་ཡོད་ན་ལག་ཏུ་ཐོགས། །ཚོམ་བུ་བཀོད་ཅིང་རྒྱས་པར་འབུལ། །མེད་ན་ལག་པས་ཕྱག་རྒྱ་བྱ། །གླིང་བཞི་རི་རབ་ཉི་ཟླས་བརྒྱན། །ལྷ་མིའི་ལོངས་སྤྱོད་དུ་མས་བསྐོར། །ཡིད་ཀྱིས་སྤྲུལ་ཏེ་འབུལ་བ་དང་། །སྟོང་གསུམ་འཇིག་རྟེན་རབ་འབྱམས་ན། །དངོས་སུ་ཡོད་རྣམས་ཡིད་ཀྱིས་འབུལ། །ཚོགས་ཞིང་བསྙེན་པའི་ལེའུ་སྟེ་གསུམ་པའོ།། ༈ །།དེ་

[Full Size]

ནས་རང་ཉིད་ཐ་མལ་ལུས། །བྱེ་བ་དུང་ཕྱུར་གྲངས་མེད་སྤྲུལ། །ཕྱག་འཚལ་ཟེར་དུས་ཕྱག་ཕུལ་བསྒོམ། །མཆོད་བསྟོད་ཟེར་དུས་སྔར་བསྒོམས་པའི། །མཆོད་པ་དེ་དག་ཕུལ་བར་བསྒོམ་། །སྐྱབས་མཆི་ཟེར་དུས་ཐལ་མོ་སྦྱར། །དད་པས་སངས་རྒྱས་ཞལ་ལྟ་བསྒོམས། །།དེ་དག་འོག་མ་ཀུན་ལ་འགྲེས། །སྐབས་འདིར་ཚར་གསུམ་འདོན་པའི་ཚེ། །སངས་རྒྱས་སྐུ་ལ་སེམས་གཏད་དེ། །མཚན་ལེགས་སེར་པོ་སྐྱབས་སྦྱིན་དང་། །མཉམ་བཞག་ཆོས་གོས་རྣམ་གསུམ་ཅན། །རིན་ཆེན་ཟླ་བ་སྐུ་མདོག་སེར། །མཆོག་སྦྱིན་མཉམ་བཞག་མཛད་པའོ། །གསེར་བཟང་སེར་པོ་ཕྱག་གཉིས་ཀྱིས། །ཐུགས་ཀར་ཆོས་འཁོར་ཕྱག་རྒྱ་མཛད། །མྱ་ངན་མེད་མཆོག་སྐུ་མདོག་དམར། །ཕྱག་གཉིས་མཉམ་བཞག་ཕྱག་རྒྱ་མཛད། །ཆོས་གྲགས་རྒྱ་མཚོ་སྐུ་མདོག་དཀར། །ཕྱག་གཉིས་ཐུགས་ཀར་ཆོས་འཁོར་རྒྱ། །ཆོས་བློ་མངོན་མཁྱེན་སྐུ་མདོག་དམར། །མཆོག་སྦྱིན་མཉམ་བཞག་མཛད་པའོ། །འདི་དག་ཕྱག་དང་སྐུ་མདོག་ལ། །འདྲ་མིན་འགའ་རེའང་བྱེད་སྲོལ་འདུག །ཤཱཀ་ཐུབ་སྨན་བླ་གཞུང་ལྟར་ཡིན། །སྐྱབས་གྲོལ་འཇམ་དབྱངས་ཕྱག་རྡོར་གསུམ། །ཞི་བ་བྱང་ཆུབ་སེམས་དཔའི་

[Full Size]

ཚུལ། །སྤྱི་དང་འདྲ་བས་བཤད་མི་དགོས། །རྒྱལ་ཆེན་བཞི་དང་ཕྱོགས་སྐྱོང་བཅུ། །གནོད་སྦྱིན་སྡེ་དཔོན་བཅུ་གཉིས་སོགས། །ཞི་བ་ཙཀ་གདུགས་ནང་ལྟར་ཏེ། །མོས་པ་ཙམ་ཆོག་བཤད་མི་དགོས། །དེ་ནས་དེ་དག་ཐམས་ཅད་ལ། །འཕགས་པའི་ཚོགས་ཞེས་བྱ་བ་ནས། །མཆོད་པའི་བར་ལྟར་གཞུང་ལྟར་བསྒོམ། །བདག་ཅག་རྣམས་ཀྱི་ཞེས་པ་ནས། །འཚལ་ལོའི་བར་ལྟར་གཞུང་ལྟར་བསྒོམ། །དེ་ནས་མཛད་དུ་གསོལ་གྱི་བར། །དངོས་གྲུབ་ཞུ་བའི་ཚིག་ཡིན་ནོ། །བདག་ཅག་ལ་སོགས་ཟེར་བའི་མལ༔ །ཚེ་འདས་ཡིན་ན་མིང་བརྗོད་དོ། །ཆོ་གའི་དངོས་གཞིའི་ལེའུ་སྟེ་བཞི་པའོ།། ༈ །།དེ་ནས་གཟུངས་བཟླ་དམིགས་པ་ནི། །བདེ་གཤེགས་བརྒྱད་ཀྱི་ཐུགས་ཀ་རུ། །ཟླ་སྟེང་རང་མདོག་ཧཱུྃ་ཡིག་མཐར། །གཟུངས་རིང་གཡས་སུ་བཅུད་ནས་འཁོར། །ཏདྱ་ཐཱ་ནི་ཕྱི་ཡིན་ཏེ། །སྭཱ་ཧཱ་ནང་དུ་ཡོད་པའོ། །ཁྱད་པར་སྨན་བླའི་ཐུགས་ཀ་རུ། །གཟུངས་རིང་ནང་དུ་གཟུངས་ཐུང་བསྒོམ། །དེ་ནས་གཟུངས་ཉིད་བཟླས་པའི་ཚེ། །བདག་གི་རམ་བུའི་ཚུལ་དུ་ནི། །ལྷ་ཚོགས་ཀུན་གྱིས་གཟུངས་བཟླས་པ། །བདེ་གཤེགས་བརྒྱད་ཀྱི་

[Full Size]

ཐུགས་རྒྱུད་བསྐུལ། །སྔགས་ཕྲེང་གཡས་སུ་ཀྱི་ལི་ལི། །དེ་ལས་འོད་ཟེར་སྣ་ཚོགས་བྱུང་། །མཛོད་སྤུའི་སྒོ་ནས་ཕྱིར་ཐོན་པ། །མུན་པར་ཉི་མ་ཤར་བ་བཞིན། །འཇིག་རྟེན་ཐམས་ཅད་འོད་ཀྱིས་གང་། །བདག་དང་སེམས་ཅན་ཐམས་ཅད་ཀྱི། །ལས་དང་ཉོན་མོངས་སྒྲིབ་པ་ཀུན། །བ་མོར་ཉི་ཟེར་ཕོག་པ་བཞིན། །གཟུངས་ནི་གསལ་ལ་དག་པར་བཟླ། །རབ་ལ་བརྒྱ་དང་བརྒྱད་ཡིན་ཏེ། །འབྲིང་ནི་ཉི་ཤུ་རྩ་གཅིག་གསུངས། །ཐ་མ་བདུན་ལས་ཉུང་ཐབས་མེད། །གལ་ཏེ་ལོང་སྐབས་མ་བྱུང་ན། །གཟུངས་རིང་གསུམ་པོའམ་གཅིག་གི་མཇུག །གཟུངས་ཐུང་ཅི་ནུས་བཟླས་པས་འཐུས། །གཟུངས་རིང་བརྒྱད་ཁའི་ཐུན་མོང་ཡིན། །གཟུངས་ཐུང་སྨན་ལྷ་ཁོ་ནའོ། །དེ་ནས་ཏིང་འཛིན་སྒོམ་པ་ནི། །གཟུངས་སམ་སྔགས་ནི་ཡིད་ཀྱིས་བཟླ། །བརྒྱད་ཁའམ་ནི་སྨན་བླ་ཡི། །ཐུགས་ཀའི་ས་བོན་ཟླ་བ་སྔགས། །དབུགས་ནི་ཕར་ལ་འགྲོ་བའི་དུས། །དེ་ལ་རིག་པ་རྩེ་གཅིག་གཏད། །དབུགས་ནི་ཚུར་ལ་རྔུབ་པའི་དུས། །ཟླ་བ་སྔགས་ཕྲེང་ས་བོན་བཅས། །ཚུར་བྱོན་རང་གི་ཁོག་ཏུ་ཞུགས། །དབུགས་ནི་ཁོག་ཏུ་བཟུང་བའི་ཕྱིར། །སྙིང་དཀྱིལ་ཟླ་བ་ས་བོན་དང་། །སྔགས་

[Full Size]

ཕྲེང་བཅས་ལ་དམིགས་པ་གཏད། །ཡང་ན་དབུགས་གཅིག་ཕར་བཏང་དུས། །མདུན་གྱི་ཐུགས་ཀར་སྔར་བཞིན་དུ། །ཟླ་བ་ས་བོན་སྔར་བཞིན་བསྒོམ། །དེ་ནས་སྔར་བཞིན་བྱ་བ་སྟེ། །དེ་འདྲ་ཡུན་རིང་བསྒོམས་ན་ནི། །ཞི་ལྷག་ཏིང་འཛིན་སྐྱེ་བ་དང་། །སྒྲིབ་པ་དག་པའི་རྟགས་རྣམས་འབྱུང་། །གཟུངས་སྒྲུབ་ཏིང་འཛིན་གྱི་ལེའུ་སྟེ་ལྔ་པའོ།། ༈ །།དེ་ནས་སྔར་ལྟར་ལུས་གྲངས་མེད། །སྤྲུལ་པའི་ཕྱག་ནི་འཚལ་བར་བསྒོམ། །རབ་ནི་ཚིག་རིས་དང་བསྒྲག་ནས། །འཚོགས་པ་བཞེངས་ནས་ཕྱག་འཚལ་སྲོལ། །མ་འཛོམས་ཐལ་མོ་སྦྱར་བྱས་ནས། །མགོ་བོས་འདུད་པ་རེ་བྱ་ཞིང་། །ཐ་མ་ངག་གིས་ཕྱག་འཚལ་ཞིང་། །ཡིད་ཀྱིས་ཕྱག་འཚལ་བསྒོམས་པས་འཐུས། །དེ་ནས་འཕགས་པའི་ཚོགས་ཞེས་པའི། །མཆོད་པ་དེ་ནི་རྗེས་ཆོག་ཡིན། །དེ་ནས་བསྔོ་སྦྱང་དེ་ཡི་སྐབས། །བདག་ཅག་གི་ནི་ཟེར་བའི་བར། །ཚེ་འདས་ཡིན་ན་མིང་བཙུད་དོ། །ཞིང་ཁམས་དེ་དག་ཅེས་པའི་བར། །ཞིང་ཁམས་བདེ་བ་ཅན་ཞེས་སྦྱར། །དེ་རྣམས་རང་གི་འདོད་པ་ཡིན། །བཟོད་གསོལ་གཞུང་ལྟར་གོ་བ་སླ། །སྐུ་གཟུགས་དཀྱིལ་འཁོར་མེད་པའི་

[Full Size]

སར། །གཤེགས་གསོལ་གཞུང་ལྟར་བྱ་ཡོད་ཀྱི། །སྐུ་གཟུགས་དཀྱིལ་འཁོར་ཡོད་ན་ནི། །སོ་སོའི་སྐུ་གཟུགས་འདི་རྣམས་ལ། །འབྱུང་བ་བཞི་ཡིས་གནོད་པས་མ་ཞིག་བར། །བརྟན་པར་བཞུགས་སུ་གསོལ་ཞེས་བརྗོད། །ཞག་མང་ངམ་ནི་ཚར་མང་དུས། །གཤེགས་གསོལ་བྱ་བ་མ་ཡིན་ཏེ། །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིས་བར། །དེ་སྲིད་བཅོམ་ལྡན་བཞུགས་སུ་གསོལ། །ཞེས་བརྗོད་སྨན་བླའི་ཆོ་ག་འདི། །དྲིལ་བུ་སྦུབས་ཆོལ་སྲོལ་མེད་དོ། །རབ་ལ་རྔ་དང་ཟི་ཆལ་དང་། །དུང་སོགས་མཆོད་རོལ་བྱེད་སྲོལ་ཡོད། །འབྲིང་ལ་ཏིང་ཤག་འཁར་རྔ་སྟེ། །ཐ་མ་མེད་ཀྱང་ཆོག་པ་ཡིན། །རང་གི་སྙིང་གར་བསྒོམས་པ་ཡི། །སྔགས་ཕྲེང་མི་དམིགས་ངོ་བོ་ལ། །གཤེགས་གསོལ་བྱེད་ན་ལྷ་ཚོགས་རྣམས། །རང་རང་གནས་སུ་གཤེགས་པར་བསྒོམ། །བརྟན་བཞུགས་བྱས་ན་ལྷ་ཚོགས་རྣམས། །འོད་ཞུ་རྟེན་ལ་ཐིམ་པར་བསྒོམ། །གཞལ་ཡས་གདན་ཁྲི་བཅས་པ་དེ། །གནས་དང་ས་དེར་ཐིམ་བསྒོམས་པས། །ས་གཞི་བྱིན་རླབས་མཆོག་ཏུ་འགྱུར། །འགྲོ་འདུག་ལ་སོགས་སྐབས་ཡིན་ན། །འོད་དུ་

[Full Size]

ཞུ་ནས་རང་ལ་བསྟིམ། །རྗེས་ཀྱི་ལེའུ་སྟེ་དྲུག་པའོ།། ༈ །།འདི་ཡི་སྒྲུབ་པ་བྱེད་ན་ནི། །ཚོགས་རྫས་མིན་པའི་ཤ་ཆང་སྤང་། །ཆབ་ལེན་གཙང་སྦྲ་དག་ལ་འབད། །གལ་ཏེ་ཁྱིམ་པ་ཡིན་ན་ནི། །བསྙེན་གནས་ཡན་ལག་བརྒྱད་པ་བསྲུང་། །ཟླ་དྲུག་ཟླ་གསུམ་ཟླ་གཅིག་དང་། །ཞག་བདུན་ཡན་ཆད་གང་འགྲུབ་སྟེ། །གྲངས་ནི་གཟུངས་རིང་འབུམ་ཕྲག་བཞི། །གསུམ་མམ་ཡང་ན་གཅིག་བྱའོ། །ཡང་ན་གཟུངས་ཐུང་འབུམ་ཕྲག་བཞི། །རྟགས་ནི་སྒྲིབ་པ་དག་རྟགས་འབྱུང་། །ཕན་ཡོན་བྲི་བར་མི་ལོང་སྟེ། །སྨན་མདོ་གཉིས་ལ་གཟིགས་དང་གསལ། །བདེ་ཆེན་ཞིང་དུ་སྐྱེ་འདོད་པས། །སྨན་བླ་འདི་ལ་འབྲེལ་བཞག་ན། །བར་དོའི་སྐབས་སུ་སེམས་དཔའ་བརྒྱད། །བྱོན་ནས་ལམ་སྟོན་མཛད་པར་གསུངས། །ཚེ་འདིར་འདུལ་ཁྲིམས་སྡོམ་པ་ལ། །ཉེས་ལྟུང་གང་བྱུང་དག་པ་དང་། །ནད་རྣམས་ཐམས་ཅད་ཞི་བ་དང་། །གདོན་དང་དགྲ་དང་བྱད་ཁ་སོགས། །འཇིགས་པ་ཐམས་ཅད་སྐྱོབས་པར་བཤད། །ཞལ་ཆེམས་ཀྱི་ལེའུ་སྟེ་བདུན་པའོ།། ༈ །།གྲྭ་པ་སྨན་སྒྲུབ་ཐུགས་དམ་མཁན། །འགའ་རེ་ཡོད་པས་ཕན་སྙམ་ནས། །རཱ་ག་ཨ་

[Full Size]

སྱས་ཐུན་མཚམས་གཅིག །སྨྲས་པ་མཐར་ཕྱིན་ཞེས་བྱས་བྲིས། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཅོམ་ལྡན་འདས་སྨན་ལྷ་མཆེད་བརྒྱད་ཀྱི་བསྙེན་པ་བྱ་ཚུལ་ཕྱག་ལེན་དམིགས་རིམ་ཤིན་ཏུ་གསལ་བ།

[Full Size]

བཅོམ་ལྡན་འདས་སྨན་ལྷ་མཆེད་བརྒྱད་ཀྱི་བསྙེན་པ་བྱ་ཚུལ་ཕྱག་ལེན་དམིགས་རིམ་ཤིན་ཏུ་གསལ་བ་བཞུགས་སོ།།

[Full Size]

ན་མོ་བྷཻ་ཥ་ཛྱཻཾ་ཡེ། བཅོམ་ལྡན་འདས་སྨན་གྱི་བླ་ལ་ཕྱག་འཚལ་ལོ། །འདིར་དེ་བཞིན་གཤེགས་པ་བདུན་གྱི་སྨོན་ལམ་གྱི་མདོ་དང་། དེ་བཞིན་གཤེགས་པ་སྨན་གྱི་བླ་ཉིད་ཀྱི་མདོ་གཉིས་ཀྱི་དོན་སྨན་བླའི་ཆོ་ག་འདི་ཉིད་ཀྱི་གདམས་པ། རྗེ་བཙུན་འཇམ་པའི་དབྱངས་ཀྱིས་བྱང་ཆུབ་སེམས་དཔའ་ཞི་བ་འཚོ་ཞེས་བྱ་བ། མཚན་གཞན་མཁན་པོ་བྷྱོ་དྷི་སཏྭ་ཞེས་པ་དེ་ལ་གནང་། དེ་བོད་དུ་ཕེབས་ནས་རྒྱལ་པོ་ཁྲི་སྲོང་ལྡེའུ་བཙན་གྱི་སྐུ་རིམ་ལ་དམིགས་ནས། སྨན་ལྷའི་ཆོ་ག་རྒྱས་པར་མཛད་དེ་བསམ་ཡས་བྱང་ཆུབ་ཆེན་པོའི་དྲུང་དུ་མཆོད་པའི་རྒྱུན་བཙུགས་པ་ད་ལྟའི་བར་དུ་ཡང་ཅི་རིགས་པ་

[Full Size]

དར། ཡང་ཟ་ཧོར་ཡུལ་དུ་མཁན་པོ་བྷྱོ་དྷི་སཏྭ་ཉིད་ཀྱི་དབོན་པོ་བྷྱོ་དྷི་སཏྭ་ཆུང་བ་ལ་གནང་། དེས་ཇོ་བོ་རྗེ་ལ་གནང་། ཇོ་བོ་རྗེས་བོད་དུ་དབང་ལུང་གི་རྒྱུན་སྤེལ་ནས། ད་ལྟ་བྱང་ངམ་རིང་།གཙང་དཔལ་འཁོར་ཆོས་སྡེ་ལ་སོགས་མཚན་ཉིད་ཀྱི་གྲྭ་ས་ཆེན་པོ་ཐམས་ཅད་ལ་ནི་ཤི་ཆོག་གསོན་ཆོག་ཐམས་ཅད་ལ་སྨན་བླའི་ཆོ་ག་རྒྱས་པ་འདི་དར། མར་མེ་ཉག་རབ་སྒང་དུ་ཡང་དགོན་སྡེ་མང་པོ་འདུ་ནས་ཆོ་ག་འདི་གཏོང་དར་སྐད། དེ་ལྟར་ཆོ་ག་རྒྱས་པ་དེའི་ནང་དུ་རྒྱས་འབྲིང་བསྡུས་གསུམ་གྱི་འདོན་ལུགས་མཚལ་སེར་གྱི་ཚུལ་དུ་ཡོད་པ་ལས། རྒྱལ་ཚབ་པ་ན་རིམ་རྣམས་

[Full Size]

འབྲོམ་གྱི་སྤྲུལ་པ་ཡིན་པར་བཀའ་གདམས་གླེགས་བམ་གྱི་ཆ་ལག་འབྲོམ་གྱི་ལུང་བསྟན་ན་གསལ་བའི་ཕྱིར། བཀའ་གདམས་པའི་ཆོས་ལུགས་གཙོ་ཆེར་མཛད་པས། སྨན་བླ་བསྡུས་པ་འདི་དུས་བཟང་རྣམས་སུ་སྐུ་གཞོགས་སུ་བཏང་བར་མཛད་ཅིང་གུད་དུ་བྲི་བར་མཛད་དེ། དེ་ཉིད་རྗེ་ཞྭ་དམར་དྲུག་པས་པར་དུ་བསྐོས་ཤིང་། ཐུབ་བསྟན་ཉིན་བྱེད་གླིང་དུ་བཙུགས་པ་ལ། ཕྱག་ལེན་དང་འདོན་ཆ་འགའ་ཞིག་ནས་གཞན་ཁ་སྐོང་དགོས་པ་དང་། ཚིག་འགའ་རེ་དཔེ་ལ་མི་གསལ་བློ་ནས་འཛུད་དགོས་པ་རྣམས་བལྟས་ཆོག་ནག་པོ་འགྲོ་ཤེས་སུ་བདག་གིས་བཀོད་པ་ཡིན་ལ། དེ་ཡང་མཎྜལ་ཁྲུས་གསོལ་གཉིས་རྒྱས་པར་སྦྱར་སྲོལ་ཡོད་ཀྱང་། རྒྱུན་དུ་འདོན་མཁན་ཡོད་པ་ཚོས་ནི་རྒྱས་པར་བྱེད་སྲོལ་མི་གདའ་བས། འདིར་ཡང་བསྡུས་པ་བྱས་པ་ཡིན་ནོ། །འདིའི་དབང་ལུང་གཉིས་ཀ་རྗེ་ཐམས་ཅད་མཁྱེན་པ་དྲུག་པོ་ཉིད་ལས་ཐོབ་པས་བྱིན་རླབས་ཆེ། རྗེ་ཞྭ་དམར་པ་ནི། མཁན་པོ་བྷྱོ་དྷི་སཏྭ་དང་། ཇོ་བོ་རྗེ་དང་ཡང་ཐུགས་རྒྱུད་གཅིག་པར་བཤད་པས་བཀའ་བབས་ཀྱང་ཡིན་ནོ། །འདི་ལ་དང་པོ་སྟ་གོན་བྱ་ཚུལ་རྒྱས་པ་ནི། དཀྱིལ་འཁོར་སྟེགས་བུ་གྲུ་བཞི་འདོམ་སྐོར་ཁྲིའུ་ལྟར་བྱས་པའི་དབུས་སུ་

[Full Size]

དཀྱིལ་འཁོར་ཡར་འདིང་བཏིང་ངམ་རྡུལ་ཚོན་གྱིས་པདྨ་འདབ་བརྒྱད། དེ་རྒྱབ་འདབ་མ་བཅུ་དྲུག །དེ་རྒྱབ་ཉེར་ལྔ། དེ་རྒྱབ་ཐིག་ལེ་བཞི་བྲི། སྒོ་རྫོགས་གྲུབ་ན་འཇིག་རྟེན་འཁོར་ཡུག་དུར་ཁྲོད་སོགས་མེད། པདྨའི་ར་བ་རྡོ་ར་མེ་རི་བྲི། སྒོ་རྫོགས་མ་ཐུབ་ན་ཟླུམ་བསྐོར་གྱིས་ཆོག་པར་བཤད། དེའི་དབུས་མཉྫིའི་སྟེང་དུ་མདོ་གཉིས་པོ་གསེར་གྱིས་བྲིས་པ་ལ་དར་སྣ་ལྔའི་ན་བཟའ་གསོལ་པོ་བཞག །འདབ་མ་བརྒྱད་ལ་བདེར་གཤེགས་བརྒྱད་ཀྱི་གསེར་སྐུ་ཡོད་ན་བཞག །མེད་ན་ཡང་བདུན་པོ་དེར་སྨན་བླའམ་ཐུབ་པའི་གསེར་སྐུ་བཞག །དེའི་སྟེང་དུ་ལྷ་གྲངས་བླ་མ་བརྒྱུད་པ་དང་བཅས་པའི་ཙཀ་གདུགས་ཞི་ཁྲོ་འདྲ་བར་ཕུབ། མཐར་མཆོད་ཡོན། སྤོས་རེང་། མར་མེ། ཞལ་ཟས་སོགས་ལྷ་གྲངས་ཀྱིས་བསྐོར། ཟུར་བཞིར་རྒྱལ་མཚན་བཞི། ཚོན་སྐུད་དྲྭ་བ། སྟེང་དུ་གདུགས་ཕུབ། གཞན་ཡང་བ་དན་དང་རོལ་མོ། བླ་བྲེ་དང་འཕན། ཕྱེ་མ་ཕུར་མ། སྤོས་སོགས་རྒྱ་ཆེར་བཤམས་པའོ།། ༈ འབྲིང་ནི་དཀྱིལ་ཐང་བཏིང་བ་ཅི་འབྱོར་མཆོད་པས་བསྐོར། དེའི་གཉའ་ན་སྨན་བླ་གཙོ་འཁོར་ཡོངས་རྫོགས་ཀྱི་ཐང་སྐུ་ཆེན་པོ་བཤམ་མོ། །ཐ་མ་མཎྜལ་

[Full Size]

སྟེང་དུ་ལྷ་གྲངས་ཀྱི་ནས་སམ་འབྲས་ཀྱིས་ཚོམ་བུ་བཀོད། གོང་དུ་སྨན་བླའི་སྐུ་བཤམས། དེའི་མདུན་དུ་ལྷ་བཤོས་བརྒྱད། མར་མེ་བརྒྱད། ཡོན་ཆབ་བརྒྱད་བཤམ་པ་གྲྭ་ཚང་གི་ལུགས་སོ།། ༈ ཤིན་ཏུ་བསྡུས་ན་མཎྜལ་སྟེང་དུ་ནས་ཚོམ་དགུ་བཀོད་པ་ནི་དཀྱིལ་འཁོར་རོ། །དེའི་མདུན་དུ་མཆོད་པ་རྣམ་ལྔ་ཚར་གཅིག་བཤམ་མོ།། ༈ ཡང་རི་ཁྲོད་སོགས་ཡིན་ན་ཤོག་བུ་ལ་མཎྜལ་པདྨ་འདབ་བརྒྱད། དེ་རྒྱབ་བཅུ་དྲུག །དེ་རྒྱབ་ཉེར་ལྔ། དེ་རྒྱབ་ཟླུམ་བསྐོར་བྲིའོ། །ལྷ་བཤོས་སམ་ཟླུམ་གཏོར་ཤ་ཆང་མ་འདྲེས་པར་གཏོར་སྒམ་དུ་བཤམས། ཏིང་བདུན་དུ་ནས་དང་ཆུ་བཤམས་པ་ཙམ་གྱིས་ཆོག་གོ །མར་མེ་རྒྱུན་དུ་འབུལ་རྒྱུ་མ་འབྱོར་ན་གཅིག་བཤམས་ལ་བཞག་གོ། ༈ དགེ་ཚུལ་སློང་སོགས་ཡིན་ན་དེས་འཐུས། དེ་མིན་ན་བསྙེན་གནས་སྲུང་། ཁྲུས་དང་གཙང་སྦྲ་བྱ། ཚོགས་རྫས་མ་གཏོགས་པའི་ཤ་ཆང་སྤང་ལ་བསྒྲུབ་བོ། །གང་གིས་རྟེན་ཅིང་སོགས་བརྗོད་པའི་ཚེ་ཉམས་ལེན་སྟོང་ཉིད་ལྟ་བའི་ངང་ལ་མ་ཡེངས་ནས་འདོན། སེམས་ཅན་ཐམས་ཅད་བདེ་བ་དང་ཞེས་སོགས་ཚད་མེད་བཞི་ཡང་དེ་ལྟར་གྱུར་ཅིག་སྙམ་དུ་ཞེ་ཐག་པ་ནས་བྱེད། སངས་རྒྱས་ཆོས་

[Full Size]

ཚོགས་དུས་དཀོན་མཆོག་གསུམ་ལ་སྐྱབས་སུ་འགྲོ་ཞིང་བདག་སངས་རྒྱས་ཐོབ་པར་བྱ་སྙམ་དུ་ཞེ་ཐག་པ་ནས་དམ་བཅའ་བཟུང་ནས། བདག་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པའི་ཆེད་དུ་སྨན་བླ་མཆེད་བརྒྱད་བསྒྲུབ་སྙམ་དུ་བྱ། དེ་ནས་དཀོན་མཆོག་གསུམ་དང་ཞེས་སོགས་འདོན་དུས་ས་ཕྱོགས་འདི་སངས་རྒྱས་ཀྱི་ཞིང་ཕུན་སུམ་ཚོགས་པ། དེའི་དབུས་ན་མཎྜལ་དེ་རིན་པོ་ཆེའི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས། མཚན་ཉིད་ཡོངས་རྫོགས་སུ་གསལ་བའི་དབུས་སུ་པདྨའི་ལྟེ་བ་དང་འདབ་མ་བརྒྱད་ལ་རིན་པོ་ཆེའི་སེང་གེའི་ཁྲི་དགུ། ཁྲིའི་སྟེང་དང་པད་འདབ་རེ་རེའི་སྟེང་དུ་པདྨ་དང་ཟླ་བའི་གདན་རེ་རེ་བསྒོམ་སྟེ། འདབ་མ་བརྒྱད་ཀྱི་རྒྱབ་ཏུ་འདབ་མ་བཅུ་དྲུག །དེ་རྒྱབ་ཉེར་ལྔ་བསྒོམ། དེའི་ཞོར་ལ་མཆོད་རྫས་བཟང་ཞིང་རྒྱ་ཆེ་བ་འཇིག་རྟེན་ཐམས་ཅད་གང་བར་བསྒོམ། དཀོན་མཆོག་གསུམ་གྱི་བདེན་སྟོབས་སོགས་ཀྱིས་ཇི་ལྟར་བསྒོམས་པ་དེ་ལྟར་འགྱུར་བར་བྱིན་གྱིས་བརླབས་པར་བསྒོམ་ཞིང་། བདེན་སྟོབས་དེ་ལན་གསུམ་བརྗོད། དེ་ནས་རང་ཤར་དུ་ཁ་གྲུ་ལ་ཡོད་ན་སྤོས་གཏསམ། པུས་བཙུགས་ཐལ་མོ་སྦྱར། ཡོད་ན་མེ་ཏོག་ཀྱང་ཐལ་མོའི་

[Full Size]

བར་དུ་བཟུང་ལ། ཤར་ཕྱོགས་ཀྱི་སངས་རྒྱས་ཀྱི་ཞིང་ཁམས་བདུན་ནས་བདེར་གཤེགས་བདུན་ལ་སྤྱན་འདྲེན་པའི་སྙན་གསན་ཕབ་པས། སངས་རྒྱས་དེ་དག་འཁོར་དང་བཅས་པས་མངོན་པར་ཤེས་པས་མཁྱེན། ཐུགས་ཀྱིས་དགོངས་ཡེ་ཤེས་ཀྱི་སྤྱན་གྱིས་ཡང་ཡང་གཟིགས་ནས་འདིར་འབྱོན་པར་བཞེད་པར་བསྒོམ། མ་ལུས་སེམས་ཅན་སོགས་བརྗོད་ཅིང་རོལ་མོ་བྱས་པས། སོ་སོའི་ཞིང་ཁམས་ནས་བྱ་ངང་པའི་ཁྱུ་འཕུར་བ་ལྟར་འཁོར་དང་བཅས་པ་ཆོས་གོས་ཀྱི་གཤོག་པ་བྱས་ཏེ་ནམ་མཁའ་ལ་འཕུར་ནས་བྱོན་ཏེ། གཞལ་ཡས་ཁང་གི་ཁྲི་སོ་སོ་ལ་བཞུགས་པར་གྱུར་པར་བསམ་སྟེ། འདིར་བྱ་རྒྱུད་ལུགས་ཡིན། དམ་ཚིག་པ་སྒོམ་མི་དགོས་པ་ཡེ་ཤེས་པ་སྤྱན་དྲངས་ནས། བཞུགས་པའི་དུས་འདི་ཉིད་ལ་སྐུ་མདོག་ཕྱག་མཚན་གསལ་འདེབས་ཡིན་ཏེ། དེ་ཡང་ཁྲི་དབུས་མར་ཆོས་པུ་ཏི་དང་ཐ་དད་མེད་པའི་ཆོས་སྐུ་ཡུམ་ཆེན་མོ་དམར་སེར། ཞལ་གཅིག་ཕྱག་བཞི་མ། ཕྱག་དང་པོ་གཉིས་རྡོ་རྗེ་དང་པོ་ཏི། འོག་མ་གཉིས་མཉམ་བཞག་ཅན་ལོངས་སྤྱོད་རྫོགས་པའི་ཆ་ལུགས་ཅན་ནོ། །འདབ་མ་བརྒྱད་ལ་གཡས་བསྐོར་དུ་ཤར་ལྷོར་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་སེར་པོ་ཕྱག་

[Full Size]

གཡས་སྐྱབས་སྦྱིན་གཡོན་མཉམ་བཞག་ཅན། ལྷོར་རིན་པོ་ཆེ་དང་ཟླ་བ་པདྨས་རབ་ཏུ་བརྒྱན་པ་དམར་སེར་མཆོག་སྦྱིན་མཉམ་བཞག །ལྷོ་ནུབ་ཏུ་གསེར་བཟང་དྲི་མེད་རིན་ཆེན་སྣང་བརྟུལ་ཞུགས་གྲུབ་པ་སེར་པོ་ཆོས་འཆད་མཉམ་བཞག །ནུབ་ཏུ་མྱ་ངན་མེད་མཆོག་དམར་སྐྱ་ཕྱག་གཉིས་མཉམ་བཞག །ནུབ་བྱང་དུ་ཆོས་བསྒྲགས་རྒྱ་མཚོའི་དབྱངས་དཀར་དམར་ཆོས་འཆད་མཉམ་བཞག །བྱང་དུ་ཆོས་རྒྱ་མཚོ་མཆོག་གི་བློས་རྣམ་པར་རོལ་པ་མངོན་པར་མཁྱེན་པ་དམར་སྨུག་མཆོག་སྦྱིན་མཉམ་བཞག །བྱང་ཤར་དུ་སྨན་གྱི་བླ་བཻཌཱུརྱའི། འོད་མཐིང་ཀ་ཕྱག་གཡས་མཆོག་སྦྱིན་སྨན་མཆོག་ཨ་རུ་ར་རྣམ་རྒྱལ་གཡོན་བདུད་རྩིའི་ལྷུང་བཟེད་བསྣམས་པ། ཤར་དུ་ཤཱཀ་ཐུབ་གསེར་མདོག་ས་གནོན་མཉམ་བཞག་སྟེ། བརྒྱད་ཁ་ཡང་དབུ་གཙུག་ཏོར་སོགས་མཚན་དཔེ་ཡོངས་སུ་རྫོགས་ཤིང་། ཆོས་གོས་རྣམ་གསུམ་གསོལ་ནས་རྡོ་རྗེ་སྐྱིལ་ཀྲུང་གིས་བཞུགས་པ། དེ་རྒྱབ་འདབ་མ་བཅུ་དྲུག་ལ་སེམས་དཔའ་བཅུ་ཟློདྲུག་བཞུགས་ཏེ། བར་གྱི་སྣམ་བུ་ལ་བྱང་ཆུབ་སེམས་དཔའ་འཇམ་དཔལ་ལ་སོགས་པ་དཔག་ཏུ་མེད་པ་གསུངས་པའི་དོན་ནི་སངས་རྒྱས་རེ་རེའི་ཐད་པདྨའི་འདབ་མ་གཉིས་རེ་ལ་སོ་སོའི་

[Full Size]

ཉེ་གནས་ཀྱི་ཚུལ་དུ་སེམས་དཔའ་གཉིས་རེ་བཞུགས་པས་བཅུ་དྲུག་སྟེ། མཚན་ལེགས་པར་ཡོངས་བསྒྲགས་ཀྱི་དྲུང་དུ་ཕྱག་རྡོར་ལྗང་གུ་རྡོ་རྗེ། བློ་གྲོས་ཆེན་པོ་པདྨ་དཀར་པོ་འཛིན་པ། །རིན་ཆེན་ཟླ་བའི་དྲུང་དུ་བྱམས་པ་དམར་སེར་ཀླུ་ཤིང་འཛིན་པ། རྣམ་པར་གནོན་པ་དོན་ཡོད་སེར་པོ་བུམ་པ་འཛིན་པ། གསེར་བཟང་དྲི་མེད་ཀྱི་དྲུང་དུ་སྤོབས་པ་བརྩེགས་པ་དཀར་པོ་སྤོས་སྣོད་འཛིན་པ། མུན་པ་མུན་ནག་ཐམས་ཅད་ངེས་པར་འཇོམས་པའི་བློ་གྲོས་ལྗང་སེར་རལ་གྲི་ཐོགས་པ། མྱ་ངན་མེད་མཆོག་གི་དྲུང་དུ་མི་ཤེས་པའི་མུན་པ་འཇོམས་པའི་བློ་གྲོས་དཀར་པོ་ལྗོན་ཤིང་ཡལ་ག །ལྟ་ན་སྡུག་དཀར་པོ་གླེགས་བམ། ཆོས་བསྒྲགས་རྒྱ་མཚོའི་དྲུང་དུ་ལེགས་པར་རྣམ་པར་སེམས་དཔའ་དཀར་པོ་བུམ་པ་བསྣམས་ནས་ཐལ་སྦྱར། ལྷུན་པོ་བརྩེགས་པ་དཀར་པོ་ཟླ་བ་རྣམས་བསྣམས་ནས་ཐལ་སྦྱར་དེ་གཉིས་གཙོ་བོ་ལ་འདུད་པ། ཆོས་བློ་མངོན་མཁྱེན་གྱི་དྲུང་དུ། སང་སང་པོའི་མི་བྱང་སྔོན་པོ་རྡོ་རྗེ། ལྷུན་པོ་རྩེ་འཛིན་རྒྱལ་པོ་དཀར་པོ་བུམ་པ། སྨན་བླའི་དྲུང་དུ་ཉི་ལྟར་སྣང་བྱེད་དམར་སེར་ཉི་མ། ཟླ་བ་ལྟར་མཛེས་དཀར་པོ་ཟླ་བ། ཤཱཀ་ཐུབ་དྲུང་དུ་འཇམ་དཔལ་སེར་པོ་རལ་གྲི། སྐྱབས་གྲོལ་དཀར་

[Full Size]

པོ་པདྨ་དཀར་པོ། དེ་ཐམས་ཅད་དར་དང་རིན་པོ་ཆེའི་རྒྱན་ཅན་ཕྱག་གཡོན་ཆོས་འཆད་སོགས། ཞབས་ཕྱེད་སྐྱིལ་ཅན་ནོ། །དེ་རྒྱབ་མདུན་དང་པོ་ནས་བརྩམས་ཏེ་གཡས་བསྐོར་དུ། གཡས་གྲལ་དུ་ཚངས་པ་སེར་པོ་གདོང་བཞི་ངང་པ་ཞོན་ནས་གསེར་གྱི་འཁོར་ལོ་འཛིན་པ། བརྒྱ་བྱིན་དཀར་པོ་གླང་པོ་ཆེ་ལ་ཞོན་པ་རྡོ་རྗེ་ཐོགས་པ། མེ་ལྷ་དམར་སེར་བགྲང་ཕྲེང་རིལ་བ་ཐོགས་པ་རྭ་སྐྱེས་ལ་ཞོན་པ། གཤིན་རྗེ་སྔོན་པོ་མ་ཧེ་ལ་ཞོན་པ་དབྱུག་ཏོ་ཐོགས་པ། སྲིན་པོ་སྔོ་ནག་རོ་ལངས་ལ་ཞོན་པ་རལ་གྲི་ཐོགས་པ། ཆུ་ལྷ་དཀར་པོ་ཆུ་སྲིན་ལ་ཞོན་པ་སྦྲུལ་ཞགས་ཐོགས་པ། རླུང་ལྷོ་ལྗང་སྔོན་ཤྭ་བ་ལ་ཞོན་པ་བ་དན་ཐོགས་པ། གནོད་སྦྱིན་སེར་པོ་རྟ་ལ་ཞོན་པ་རིན་པོ་ཆེའི་ནེའུ་ལེ་འཛིན་པ། དབང་ལྡན་དཀར་པོ་སྔོ་སྐྱ་རྩེ་གསུམ་ཐོགས་པ་གླང་ལ་ཞོན་པ། སའི་ལྷ་མོ་ཕག་རྒོད་ཞོན་པ་བུམ་པ་ཐོགས་པ། ཕྱག་གཡོན་རྣམས་སྡིགས་མཛུབ་དང་བཅས་པའི་ཞགས་པ་ཕལ་ཆེར་འདྲ་བ། ཉི་མ་སེར་པོ་ཉི་མ་འཛིན་པ། ཟླ་བ་དཀར་པོ་ཟླ་བ་འཛིན་པ་དེ་གཉིས་རླུང་གིས་དྲངས་བའི་ཤིང་རྟ་ལ་གནས་པ། གཟའ་སྒྲ་གཅན་དུད་ཁ་ལུས་མིག་གིས་གང་ཞིང་དབུ་སྟེང་བྱ་རོག་གི་དབུ་ཅན་སྤྲིན་ལ་ཞོན་

[Full Size]

པ་མདའ་གཞུ་ཐོགས་ཏེ་གཡས་གྲལ་ལོ། །དེ་ཐམས་ཅད་དར་དང་རིན་པོ་ཆེའི་རྒྱན་ཅན་ལྷའི་གཟུགས་ཅན་ནོ། །མདུན་དབུས་ནས་བརྩམས་ཏེ་གཡོན་གྲལ་དུ་གནོད་སྦྱིན་གྱི་སྡེ་དཔོན་བཅུ་གཉིས་ནི་རིམ་པ་ལྟར་དུ། ཇི་འཇིག་སེར་པོ་གཡས་རྡོ་རྗེ། གནོད་སྦྱིན་རྡོ་རྗེ་དམར་སེར་རལ་གྲི། རྒྱན་འཛིན་སེར་པོ་མདུང་། གཟའ་འཛིན་སྔོན་པོ་དབྱུག་པ། རླུང་འཛིན་དམར་སྐྱ་མདུང་ཐུང་། གནས་བཅས་ལྗང་གུ་རལ་གྲི། དྲག་འཛིན་དམར་པོ་རིན་ཆེན་བེ་ཅོན། མདུང་འཛིན་སེར་པོ་རིན་ཆེན་དབྱུག་པ། སྒྲ་འཛིན་སྔོན་པོ་དགྲ་སྟེ། བསམ་འཛིན་སེར་པོ་རྡོ་རྗེའི་ཞགས་པ། གཡོ་འཛིན་སྔོན་པོ་རིན་ཆེན་དབྱུག་ཐོ། རྫོགས་བྱེད་སེར་པོ་བུམ་པའོ། །འདི་ལ་ལས་དར་དང་རིན་པོ་ཆེའི་རྒྱན་ཅན། གཡོན་ཕལ་ཆེར་སྡིགས་མཛུབ་ཅན་དུ་འདོད་པ་ཡོད་ནའང་། བདག་གིས་གཙང་དུ་རྒྱལ་མཁར་རྩེའི་ཕོ་བྲང་གི་ཁྱམས། དཔལ་འཁོར་ལོ་བདེ་ཆེན་སོགས་སུ་བྲིས་སྐུ་ཁུངས་མ་ལ་ཐམས་ཅད་བསེ་ཁྲབ་བསེ་རྨོག་ཅན་ལ། ཕྱག་གཡོན་ཐམས་ཅད་ནེའུ་ལེ་ཞབས་རྒྱལ་པོ་རོལ་པའི་འདུག་སྟངས་ཅན་བྱས་གདའ་སྣང་ཡོད་པས་དེ་ལགས་སོ། །དེ་ལྟར་ཕྱོགས་སྐྱོང་གནོད་སྦྱིན་རྣམས་པད་འདབ་རེ་རེའི་

[Full Size]

སྟེང་ན་འཁོར་བདུན་འབུམ་རེ་ཡང་མི་དགོས་པར་ཤོང་བ། སྒོ་བཞི་ལ་རྒྱལ་པོ་ཆེན་པོ་བཞི་རང་རང་གི་འཁོར་དུ་མ་དང་བཅས་པ། དཀྱིལ་འཁོར་གཞལ་ཡས་ཁང་གི་ཕྱི་པདྨ་རྡོ་རའི་ནང་དུ་འཁོར་ཡུག་རེ། མཁན་པོ་ཞི་བ་འཚོ་སློབ་དཔོན་པདྨ། ཆོས་རྒྱལ་མེས་དབོན་གསུམ་ནས། དམར་གཡོ་གཙང་གསུམ་ཡན་གྱི་ལོ་པཎ་ཐམས་ཅད། ཇོ་འབྲོམ་ཁུ་རྔོག །ཁ་ཆེ་པཎ་ཆེན་ནས་རྗེ་ཆོས་ཀྱི་དབང་ཕྱུག་ཡན་ཆད་ཀྱི་ཕྱི་དར་གྱི་མཁས་གྲུབ་ལོ་པཎ་ཐམས་ཅད་ཀྱང་། བདེ་གཤེགས་བདུན་ལ་མཆོད་པ་འབུལ་ཞིང་བཞུགས་པ་དེ་དག་གི་བར་མཚམས་ཐམས་ཅད་དུ་ལྷའི་བུ་དང་བུ་མོ་དཔག་ཏུ་མེད་པ་མཆོད་པ་འབུལ་བཞིན་པར་བསྒོམ་མོ། །དམ་བཅས་པ་བཞིན་དུ་བསྒྲུབ་ཅིང་བཞུགས་པར་གྱུར་ཞེས་པ་ཡན་གྱི་དམིགས་རིམ་མོ། །དེ་ནས་གཞུང་གི་ཕྱིའི་ཁྱམས་ན་ཤར་སྒོའི་ཐད་དུ་ཁྲུས་ཀྱི་ཁང་པ་རྒྱུ་རིན་པོ་ཆེ་ཤེལ་ལས་གྲུབ་པ་དྭངས་ཤིང་འོད་གསལ་བ་མེ་ལོང་གི་ངོས་ལྟ་བུ་རིན་པོ་ཆེའི་ཀ་བ་བཞིས་བཏེག་པ་མདུན་དང་ལོགས་གསུམ་ཧད་པོ། རྒྱབ་ལོགས་མེ་ལོང་ལྟར་གསལ་བ། དེ་ནས་དཀྱིལ་འཁོར་དབུས་ཀྱི་ལྷ་རྣམས་ཀྱི་སྐུ་གཟུགས་སྐུ་སྤྲུལ་ལྟ་བུ་རེ་ལྷ་རྣམས་ཀྱི་ཐུགས་ཀ་ནས་བྱོན་པར་

[Full Size]

གྱུར་པ་ལ་རང་གི་ཐུགས་ཀ་ནས་སྐུ་སྤྲུལ་པ་ལྷ་མོ་མང་པོས་ལྷ་སོ་སོ་ལ་ལ་ལས་ཁྲུས་གསོལ། ལ་ལས་ཀ་ཤི་ཀའི་རས་ཀྱིས་ཕྱི། ལ་ལས་ཙནྡན་གྱི་བྱུགས་པས་བྱུག །ལ་ལས་ལྷའི་ན་བཟའ་གསོལ། དེ་ལྟར་བྱས་ནས། ཐམས་ཅད་དཀྱིལ་འཁོར་གྱི་ལྷ་སོ་སོའི་ཐུགས་ཀར་སྐུ་ལས་སྤྲུལ་པ་བསྡུས་པར་བསྒོམས་ལ་ཁྲུས་གསོལ། གླིང་བཞི་རི་རབ་ཡིད་ཀྱིས་སྤྲུལ་པའི་མཎྜལ། དངོས་སུ་ཡང་གླིང་བཞི་རི་རབ་ཉི་ཟླ་བྱེ་བ་ཕྲག་བརྒྱ་ཡོད་པ་བློས་བླངས་ནས་ཕུལ་བར་དམིགས་ལ་མཎྜལ་ཕུལ། དེ་ནས་རང་གི་ལུས་བྱེ་བ་དུང་ཕྱུར་རྡུལ་གཅིག་སྟེང་ན་རྡུལ་སྙེད་སྤྲུལ་པ་སྟེ། ལྷ་ཚོགས་རེ་རེའི་དྲུང་དུ་བདག་ལུས་གྲངས་མེད་པས། ལ་ལས་ཕྱག་འཚལ། ལ་ལས་མཆོད་པ་བྱེད། ལ་ལས་སྐྱབས་སུ་འགྲོ་བ་ཞུ་བར་བསྒོམས་ལ་ཕྱག་འཚལ་མཆོད་སོགས་བརྗོད། དེ་ནས་ཡིད་ལས་སྤྲུལ་པའི་ལྷའི་བུ་དང་བུ་མོ་གྲངས་མེད་པས། མེ་ཏོག་བདུག་སྤོས་སོགས་མཆོད་པ་སོ་སོར་དཔག་ཏུ་མེད་པ་ཐོགས་ཏེ། སོ་སོར་གྱ་ནོམ་པས་མཆོད་པར་བསྒོམ་པ་དང་། སངས་རྒྱས་ཀྱི་ཞིང་ཐམས་ཅད་ན་བདེ་སྐྱིད་དང་ལོངས་སྤྱོད་མདོ་སྡེ་རྣམས་ནས་གསུངས་པ་དེ་ཐམས་ཅད་ཀྱང་བློས་བླངས་ཏེ་མཆོད་པར་འབུལ་ལོ་སྙམ་པ་

[Full Size]

དང་། །འཇིག་རྟེན་ཁམས་འདི་དང་གཞན་རྣམས་སུ་བདག་པོ་མེད་པའི་རྒྱ་མཚོའི་འགྲམ་ན་རྡོ་ཐམས་ཅད་རིན་པོ་ཆེ་དང་བྱེ་མ་ཐམས་ཅད་གསེར་དུ་ཡོད་པ། ལྷ་ཡུལ་དང་བདུད་རྩི་དར་ཟབ་ཐམས་ཅད་ཤིང་ལས་བདག་མེད་དུ་གྲུབ་པ་ཐམས་ཅད་འབུལ་བར་དམིགས། བདག་དང་སེམས་ཅན་ཐམས་ཅད་ཀྱི་ཚེ་ཐོག་མེད་ནས་བསགས་པའི་སྡིག་ལྟུང་ཐམས་ཅད་ངོ་ཚ་ཞིང་གནོང་འགྱོད་ཆེན་པོས་བཤགས་སྙམ་པ་དང་། གང་དག་དགེ་བ་སུས་བྱས་པ་དེ་ལ་རྗེས་སུ་ཡི་རང་སྙམ་པའི་ཡིད་དགའ་བར་བྱས་པ་དང་། བདེ་གཤེགས་དེ་དག་སོགས་ལ་ཆོས་འཁོར་བསྐོར་བ་ཞུ་བ་འབུལ་བ་དང་། མྱ་ངན་ལས་མི་འད་འ་བར་བཞུགས་པར་ཞུ་བ་དང་། འདིར་མདོ་སྡེ་གཉིས་ནས་གསུངས་པ་ལྟ་བུའི་ཆོ་ག་བྱས་པ་ཡིན་པས། དེའི་ཕན་ཡོན་མདོ་སྡེ་གཉིས་ནས་ཇི་སྐད་གསུངས་པ་ཐམས་ཅད་བདག་དང་སེམས་ཅན་ཐམས་ཅད་ཀྱིས་ད་ལྟ་ཉིད་དུ་ཐོབ་པར་མཛད་དུ་གསོལ། སྙམ་པས་གཞུང་གི་འདོད་གསོལ་བྱས་ལ། དེ་ནས་སངས་རྒྱས་བརྒྱད་པོའི་ཐུགས་ཀར་ཟླ་བའི་གདན་ལ་སྐུ་མདོག་དང་མཐུན་པའི་ཧཱུཾ་ཡིག་ལ། སྐུ་མདོག་གི་ཁ་དོག་དང་མཐུན་པའི་གཟུངས་འདིས་སོ་སོར་བསྐོར་བར་བསྒོམ་སྟེ།

[Full Size]

བརྒྱད་ཁའི་གཟུངས་གཅིག་འདི་ཡིན་ནོ། །དེ་ནས་མདུན་གྱི་སངས་རྒྱས་བརྒྱད་ཁའམ། གཙོ་ཆེར་སྨན་ལྷའི་ཐུགས་ཀར་སྔགས་ཕྲེང་དེ་རང་གི་ཡི་གེ་ལྟར་འདོན་པའི་ཚུལ་དུ་འཛབ་བཟླ་། དེ་བཞིན་དུ་སངས་རྒྱས་བརྒྱད་ཁ་ལ་སོ་སོར་དམིགས་ལ་བཟླ། དེ་ནས་ཧཱུཾ་ཡིག་གི་མཐར་སྔགས་ཕྲེང་མི་གཡོ་བར་འོད་ཟེར་ཁ་དོག་ལྔ་པ་གཡས་སུ་འཁོར་བར་དམིགས་ལ་བཟླ་དེ་སྔགས་ཕྲེང་གཡས་སུ་འཁོར་བར་དམིགས་ལ་བཟླ། དེ་ནས་སྔགས་ཕྲེང་ཧཱུྃ་དང་བཅས་པ་ལས་འོད་ཟེར་འཕྲོས་ཏེ་སྐུ་གང་། འོད་ཟེར་མཛོད་སྤུའི་སྒོ་ནས་ཐོན་ཏེ་བདག་དང་བསྲུང་བྱའི་གཙོར་བྱས་སེམས་ཅན་ཐམས་ཅད་ལ་འོད་ཟེར་ཕོག་པས། སྡིག་སྒྲིབ་སྦྱང་སྨན་བླ་མཆེད་བརྒྱད་ཀྱི་བྱིན་རླབས་འཇུག་པར་བསྒོམས་པ་ཁོ་ནས་ཀྱང་ཆོག་ལ། རྒྱས་པར་སྤྲོ་ན་བདེ་གཤེགས་བརྒྱད་སོ་སོར་དམིགས་ཏེ། མཚན་ལེགས་པར་ཡོངས་བསྒྲགས་ཀྱི་ཐུགས་ཀ་ནས་འོད་ཟེར་གསེར་བཙོ་མ་ལྟ་བུ་འཕྲོས་པས་བདག་དང་སེམས་ཅན་ཐམས་ཅད་ཀྱི་ནད་གདོན་བར་ཆད་ཐམས་ཅད་ཞི། མིག་སོགས་དབང་པོའི་ནད་ཞི་བ་དང་། མཚམས་མེད་ལ་སོགས་པའི་སྡིག་པ་དག་པ་དང་ངན་སོང་གི་ལམ་འགགས་པ་དང་། ནོར་དང་ལོངས་སྤྱོད་ཕུན་སུམ་

[Full Size]

ཚོགས་པ་དང་། བཙོན་དང་ཆད་པ་ལས་ཐར་བ་དང་། གཅན་གཟན་དུག་སྦྲུལ་འཇིགས་པ་ཞི་བ་དང་། འཐབ་རྩོད་ཀྱི་འཇིགས་པ་ཐམས་ཅད་ཞི་བ་དང་། ཆུའི་འཇིགས་པ་ཐམས་ཅད་ཞི་བར་བྱས་པར་བསྒོམ་མོ། །སངས་རྒྱས་རིན་ཆེན་ཟླ་བའི་ཐུགས་ཀ་ནས་འོད་ཟེར་དམར་སེར་ལི་ཁྲིའི་ཁ་དོག་འཕྲོས། བདག་དང་བསྲུང་བྱ་ལ་སོགས་སེམས་ཅན་ཐམས་ཅད་ལ་ཕོག་པས། དཀའ་ལས་མི་དགོས་པར་ལོངས་སྤྱོད་ཕུན་སུམ་ཚོགས་པ་དང་། སྐྱེ་བ་ལེན་པའི་སྡུག་བསྔལ་ལས་ཐར་བ་དང་། མངལ་ནས་བཙའ་བའི་སྡུག་བསྔལ་རྒྱུན་ཆད་པ་དང་། འཆི་བའི་འཇིགས་པ་དང་དགྲའི་འཇིགས་པ་ལས་ཐར་བ་དང་། སྐྱེ་བ་ཀུན་ཏུ་མུན་ནག་ལས་ཐར་བ་དང་། སྐྱེ་བ་ཀུན་ཏུ་ཤེས་རབ་ཕུན་སུམ་ཚོགས་པ་དང་། ཐེག་པ་ཆེན་པོ་ལས་ཕྱིར་མི་ལྡོག་པ་དང་། བསྐལ་པ་འཇིག་དུས་ཀྱི་སྡུག་བསྔལ་མི་མྱོང་བར་བྱས་པར་བསྒོམ་ཞིང་བཟླ། གསེར་བཟང་དྲི་མེད་ཀྱི་ཐུགས་ཀ་ནས་འོད་ཟེར་གསེར་གྱི་ཁ་དོག་ལྟ་བུ་བདག་དང་སེམས་ཅན་ཐམས་ཅད་ལ་ཁྱབ་པས། དུས་མིན་འཆི་བ་ཐམས་ཅད་མི་འབྱུང་བ་དང་། བསྒྲེས་སྐོམ་དབུལ་ཕོངས་ཞི་བ་དང་། ཕན་ཚུན་གནོད་སེམས་ཞི་ནས་བྱམས་པའི་

[Full Size]

སེམས་ཀྱིས་གནས་པ་དང་། ཚུལ་ཁྲིམས་མི་ཉམས་པར་གྱུར་པར་བསྒོམས་ལ་བཟླའོ། །སངས་རྒྱས་མྱ་ངན་མེད་མཆོག་དཔལ་གྱི་ཐུགས་ཀ་ནས་འོད་ཟེར་དམར་སྐྱ་འཕྲོས་ཏེ་བདག་དང་སེམས་ཅན་ཐམས་ཅད་ལ་ཁྱབ་སྟེ། མྱ་ངན་དང་སྡུག་བསྔལ་ཞི་བ་དང་སྡུག་བསྔལ་མི་མྱོང་། དམྱལ་བ་ལས་ཐར་ཞིང་བྱང་ཆུབ་མ་ཐོབ་བར་དུ་ལྷ་མིའི་བདེ་བ་མྱོང་བ་དང་། ཟས་གོས་བཟའ་བཏུང་ཕུན་སུམ་ཚོགས་པ་དང་། སྐྱེ་བ་ཐམས་ཅད་དུ་བདུད་དང་ལྷ་འདྲེས་མི་ཚུགས་པ་དང་། དེ་རྣམས་གྲུབ་པར་བྱས་པར་བསྒོམ་ཞིང་བཟླའོ། །སངས་རྒྱས་ཆོས་བསྒྲགས་རྒྱ་མཚོའི་ཐུགས་ཀ་ནས་འོད་ཟེར་དཀར་ལ་དམར་བའི་མདོག་ཅན་འཕྲོས་པས་བདག་སོགས་སེམས་ཅན་ཐམས་ཅད་ལ་ཁྱབ་པས། ལོག་ལྟའི་སྒྲིབ་པ་བྱང་ནས་སྐྱེ་བ་ཐམས་ཅད་དུ་ཡང་དག་པའི་ལྟ་བ་ཅན་དུ་འགྱུར་བ་ན་མཐའ་འཁོབ་ཏུ་མི་སྐྱེ། །ཡོ་བྱད་ཕུན་སུམ་ཚོགས་པ་དང་། འཐབ་རྩོད་དང་གནོད་པ་དང་བསད་ཤོམ་དང་བརྡུང་བཏགས་སྨྲས་འགྲམ་གྱི་གནོད་པ་སྐྱེ་བ་ཐམས་ཅད་དུ་མི་འབྱུང་། ནམ་དུ་ཡང་དགྲ་མི་འབྱུང་བ་བྱས་པར་བསྒོམ་ལ་བཟླའོ། །སངས་རྒྱས་ཆོས་བློ་མངོན་མཁྱེན་གྱི་ཐུགས་ཀ་ནས་འོད་ཟེར་དམར་སྨུག་འཕྲོས་ཏེ་བདག་དང་

[Full Size]

སེམས་ཅན་ཀུན་ལ་ཕོག་པས། ཟས་ནོར་འདོད་ཕྱིར་མི་དགེ་བ་བྱེད་པ་ཞི་བ་ནས་མི་དགོས་པར་ལོངས་སྤྱོད་འཕེལ་བ་དང་། དགེ་བ་བཅུ་དང་ལྡན་ཞིང་དམྱལ་བར་མི་འགྲོ་བ་དང་། ཆད་པ་དང་བཀྱིག་བརྡུང་དང་བཙོན་ར་ལས་ཐར་བ་དང་། སྐྱེ་བ་ཐམས་ཅད་དུ་མཐོ་རིས་སུ་སྐྱེ་བར་བྱས་པར་བསྒོམས་ལ་སྔགས་བཟླའོ། །སྨན་བླའི་ཐུགས་ཀ་ནས་འོད་ཟེར་བེཟླུརླ་ལྟ་བུ་བྱུང་བས་བདག་གཞན་ཐམས་ཅད་ལ་ཁྱབ་སྟེ། ཚུལ་ཁྲིམས་མི་ཉམས་པ་དང་དབང་པོ་མ་ཚང་བ་ཐམས་ཅད་ཞི་བ་དང་། ནད་ཐམས་ཅད་ཞི་བ་དང་། བུད་མེད་ཀྱི་སྐྱེ་སྒོ་ཆོད་པ་དང་། སྤྱོད་པ་དང་ལྟ་བ་རྣམ་པར་དག་པ་དང་། རྒྱལ་པོའི་ཆད་པ་དང་། རྡེག་པ་དང་གསོད་པ་ལས་ཐར་བ། ཟས་དང་གོས་ཕུན་སུམ་ཚོགས་པ་དང་། ངན་སོང་གསུམ་གྱི་སྡུག་བསྔལ་ལས་ཐར་ཏེ་ཉོན་མོངས་པའི་སྒྲིབ་པ་ཐམས་ཅད་བྱང་བར་བསྒོམས་ལ་བཟླའོ། །ཤཱཀ་ཐུབ་ཀྱི་ཐུགས་ཀ་ནས་འོད་ཟེར་སེར་པོ་འཕྲོས་པས། བྱང་ཆུབ་ལས་ཕྱིར་མི་རྗེལྡོག་པ་དང་། སངས་རྒྱས་ཀྱི་བསྟན་པ་རྒྱས་པར་བྱས་པར་བསྒོམས་ལ་བཟླའོ། །མཇུག་ཏུ་འཁོར་ཐམས་ཅད་ཀྱི་ཡང་རང་རང་གི་དམ་བཅས་པའི་ཕྲིན་ལས་སྐད་ཅིག་མས་སྒྲུབ་ཡོད་སྙམ་

[Full Size]

དུ་བསྒོམ་སྟེ། གཟུངས་རིང་བཅུ་བདུན་ཡན། སྟོང་ཕྲག་མན་ཆད་ཅི་ཐོན་པ་ཞིག་འདོན་ནོ། །དེ་ནས་རང་ལུས་ཞིང་གི་རྡུལ་སྙེད་དུ་སྤྲུལ་ལ་ཕྱག་འཚལ་བའི་མོས་པས། ཕྱག་རབ་ལྟའདོན་ཅིང་ཕྱག་འཚལ་བའམ། ཐལ་མོ་སྦྱར་ནས་འདུད་པར་བྱའོ། །དེ་ནས་འཕགས་པའི་ཚོགས་ཞེས་སོགས་རྗེས་ཆོག་མཆོད་པ་དང་། མཐར་ཐུག་འཚང་རྒྱ་བ་དང་། གནས་སྐབས་ཕུན་སུམ་ཚོགས་པ་དང་། འཇིག་རྟེན་ཐམས་ཅད་དུ་བདེ་ལེགས་འབྱུང་བའི་འདོད་དོན་ཞུས་ནས། བཟོད་གསོལ་སོགས་གཞུང་ལྟར་ལས། རྟེན་མེད་ན་གཞུང་ལྟར་ལ། སྐུ་གཟུགས་སོགས་ཡོད་ན། དོན་མཛད་ལགས་ཀྱི་ཡེ་ཤེས་པ་རྣམས་སྐུ་གསུང་ཐུགས་ཀྱི་རྟེན་འདི་རྣམས་ལ་ཇི་སྲིད་འབྱུང་བ་བཞིའི་གནོད་པས་མ་འཇིག་གི་བར་དུ་བརྟན་པར་བཞུགས། འཇིག་རྟེན་པ་རྣམས་སོ་སོའི་ཁམས་སུ་བཞུད་པར་ཞུ། དེ་ནས་རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །ཞེས་སོགས་བདེ་བ་ཅན་དུ་སྐྱེ་བའི་བསྔོ་བ་སྨོན་ལམ་བྱའོ། །ཐུན་མཚམས་འདིར་རིག་བཏང་དགོས་ན་ཡང་བཏང་། ཐུན་ཞབས་སུ་མི་རུང་། དེ་མིན་ཆབ་བསིལ་དང་ཟས་ཟ་འཐུངས་བྱས་ན་ཆབ་ལེན་ནོ། །ཧ་བགད་གླལ་བ་འོག་རླུང་ཤོར་ཡང་ཕྲེང་

[Full Size]

བ་ཐང་དུ་བཞག་ལ་ཆབ་ལེན། ཨོཾ་བཛྲ་སཏཱ་སོགས་བཤགས་ཚིག་རེ་བརྗོད་པར་བྱའོ། །དེ་ཅི་ཞེ་ན། བདག་བསྐྱེད་མེད། བདག་ཐ་མལ་པའི་ལུས་སུ་ཡོད་པས་ལྷ་རྗེ་དཔོན་གྱི་ཚུལ་དུ་སྒྲུབ་པ་བྱ་རྒྱུད་ལུགས་ཡིན་ནོ། །དེ་ནས་སྔར་ལྟར་ཐུན་བཟུང་སྟེ། སྔ་དྲོ་ཐུན་གཉིས། ཕྱི་དྲོ་ཐུན་གཉིས་དང་བཞི་བྱ། མ་ཐུབ་ན་སྔ་དྲོ་ཉིན་ཕྱེད་དགོང་ཁ་གསུམ་བྱའོ། །རྒྱས་པར་ཉིན་གསུམ་མཚན་གསུམ་བཤད་ཀྱང་དེ་ནི་འཁྱོངས་དཀའ་བས། མཚན་ལ་རྒྱུན་ཁྱེར་གྱི་ཐུན་ཐམས་ཅད་བྱེད་པ་ལེགས་སོ། །ལྷ་ཡེ་ཤེས་པ་གཤེགས་པའམ་བསྟིམ་པར་མི་བྱེད་པར་ཞག་ཕོག་མི་རུང་བ་བྱ་སྤྱོད་ལུགས་སོ། །དེ་ལྟར་ཚེས་བརྒྱད་ནས་རྒྱབ་རེས་ཚེས་བཅོ་ལྔ་བར། ཞག་ཞེ་དགུའམ་ཟླ་བ་གཅིག་གམ། ཉེར་གཅིག་གམ། །བདུན་གཉིས་བདུན་གཅིག་ཡན་ཅི་ལྕོགས་བསྒྲུབ། རྟགས་ནི་སྤྱི་དང་འདྲ་བས་འདིར་གེལ་དུ་གསུངས་པ་མི་སྣང་ངོ། །འོན་ཏེ་སྒྲིབ་པ་དག་པ་དང་། ནད་ཞི་བ་དང་། འཇིགས་པ་ཐམས་ཅད་ལས་ཐར་བ་དང་བསོད་ནམས་འཕེལ་བའི་རྨིས་ལྟས་སྤྱི་ལྟར་འོང་ངེས་སོ། །ཕན་ཡོན་བྲིར་མི་ལོང་མདོ་གཉིས་ལ་བལྟ་བར་བྱའོ། །ཞེས་མཐར་ཕྱིན་ལ་སོགས་ལ་ཕན་ཕྱིར་ཨ་

[Full Size]

རཱ་གས་བྲིས་པ་ལ་ཉེས་འགལ་བཤགས་ཤིང་དགེ་བ་བྱང་ཆུབ་ཐོབ་ཕྱིར་བསྔོའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བྲིས་སྐུ་འབུར་སྐུའི་ཕན་ཡོན།

[Full Size]

བྲིས་སྐུ་འབུར་སྐུའི་ཕན་ཡོན་བཞུགས་པའི་དབུ་ལེགས་སྤྲོ།

[Full Size]

ན་མོ་ཤཱཀྱ་མུ་ན་ཡེ། མཆོད་རྟེན་སྐུ་གཟུགས་དཀྱིལ་འཁོར་སོགས། །རིས་སུ་བྲིས་དང་འབུར་དུ་བཏོད། །བཞེངས་པའི་ཕན་ཡོན་ཅུང་ཟད་བརྗོད། །དེ་ཡང་དམ་ཆོས་པདྨ་དཀར་པོ་ལས། །ས་དང་སོ་ཕག་ལ་ནི་རྩིག་པ་ལས། །རྒྱལ་བའི་མཆོད་རྟེན་དགའ་བཞིན་བྱས་པ་དང་། །དེ་ཕྱིར་ས་རྡུལ་ཕུང་པོ་དག་ལས་ཀྱང་། །མྱ་ངམ་དགོན་པ་གང་དུ་བྱས་པ་དང་། །བྱིསྦས་རྩེད་མོར་དེ་དང་དེ་དག་ཏུ། །གང་གིས་རྒྱལ་བ་དེ་ཕྱིར་མཆོད་རྟེན་དག །བྱེ་མ་ལས་ནི་ཕུང་པོ་བྱས་པ་དང་། །དེ་རྣམས་ཀྱིས་ཀྱང་བྱང་ཆུབ་ཐོབ་པར་འགྱུར། །ཞེས་དང་། གང་གིས་རྩིག་ངོས་

[Full Size]

གཟུགས་ཀྱི་རི་མོ་དག །བསོད་ནམས་མཚན་གྱི་ཡོངས་སུ་རྫོགས་པའི་སྐུ། །བདག་གིས་བྲིས་སམ་འབྲི་རུ་བཅུག་ཀྱང་རུང་། །དེ་དག་ཐམས་ཅད་བྱང་ཆུབ་ཐོབ་པར་འགྱུར། །སྐྱེས་བུ་དག་གམ་འོན་ཏེ་གཞན་ཡང་རུང་། །གང་དག་ལ་ལ་དེ་ན་སློབ་པའི་ཚེ། །རྩེད་མོ་དག་གམ་ཚད་པར་བྱེད་པ་ན། །རྩིག་ངོས་སེན་མོ་ཤིང་བུས་གཟུགས་བྲིས་པ། །དེ་དག་ཐམས་ཅད་བྱང་ཆུབ་ཐོབ་འགྱུར་ཏེ། །ཞེས་དང་། འཕགས་པ་སྤྱན་རས་གཟིགས་ཀྱི་མདོ་ལས། གང་གིས་སྟོན་པ་མི་མཆོག་གཟུགས་བྱེད་པ། །རས་སམ་རྩིག་ངོས་འབྲི་འམ་གསེར་ལས་བྱས། །དེ་ཡི་ཆོས་ཀྱི་

[Full Size]

ཁྱད་པར་གང་ཡིན་པ། །དེ་དག་མ་ལུས་རབ་ཏུ་རིམ་གྱིས་ཉོན། །མིག་ལྟ་མ་ཡིན་ལོང་བ་ཞར་མི་འགྱུར། །སྒྱུར་པོར་མི་འགྱུར་ཡན་ལག་མི་སྡུག་མིན། །དེ་ནི་གཟུགས་དང་ལྡན་ཞིང་ཁ་དོག་ལྡན། །སུམ་ཅུ་རྩ་གཉིས་མཚན་གྱི་གོ་ཆར་འགྱུར། །ལུས་ནི་རྣམ་པར་དག་ཅིང་ཁྱད་པར་ཐོབ། །སྤོབས་པ་ཐོབ་ཅིང་སྒྲ་སྙན་ཡིད་དུ་འོང་། །ཤེས་བཞིན་ལྡན་ཞིང་འཇིག་རྟེན་ཀུན་གྱི་གཙོ། །དེ་མཐོང་སེམས་ཅན་ལྡན་ཞིང་དགའ་བར་འགྱུར། །སྡིག་བྱེད་མི་འགྱུར་ཞེ་སྡང་མེད་སེམས་ལྡན། །གཡོ་སྒྱུ་མེད་ཅིང་རྒྱལ་པོ་འཁྲུག་མི་བྱེད། །མཐུ་དང་ལྡན་ཞིང་དབང་ཆེ་གྲགས་པར་འགྱུར། །བྱམས་ལ་གནས་ཤིང་མི་དམན་སེམས་དང་ལྡན། །ཞེས་སོགས་རྒྱ་ཆེར་གསུངས་པ་བཞིན། །ཡང་གསལ་རྒྱལ་གྱིས་ཞུས་པའི་མདོ་ལས། སུ་དག་འདིར་ནི་རྒྱལ་བའི་གཟུགས་བྱེད་པ། །དེ་དག་གཟུགས་བཟང་འོད་དང་ལོངས་སྤྱོད་ལྡན། །དབང་པོ་གསལ་ཞིང་འོད་འབར་ཉི་མ་བཞིན། །འཇིག་རྟེན་དག་ན་མིག་ཏུ་སྡུག་པར་འགྱུར།སུ་དག་བདེ་བར་གཤེགས་པའི་སྐུ་གཟུགས་བྱེད། །དེ་ཡི་ལུས་ནི་དྲི་མ་མེད་པ་དང་། །པདྨའི་སྙིང་པོ་ལྟ་བུར་འཇམ་ལ་ཡང་། །ནད་དང་མྱ་ངན་སྡུག་བསྔལ་འཇིགས་ལས་

[Full Size]

ཐར། །སུ་དག་འཇིག་རྟེན་མགོན་གྱི་གཟུགས་བྱེད་པ། །བྲན་དུ་མི་སྐྱེ་མངག་གཞུག་སྐྱེ་མི་འགྱུར། །དབུལ་པོར་མི་འགྱུར་རིགས་དམན་མི་སྐྱེ་ཞིང་། །དབང་པོ་རྣམས་ཀྱང་ཉམས་པར་ཡོངས་མི་འགྱུར། །ཐུབ་དབང་མཆོད་རྟེན་བྱེད་པའི་མི་རྣམས་ནི། །མྱ་ངན་ཡོང་མེད་ལུས་ཀྱང་བརྟན་པ་དང་། །ལོངས་སྤྱོད་མཆོག་ལྡན་རིན་ཆེན་མཛོད་མང་ལྡན་། །དགྲ་བོའི་ཚོགས་རྣམས་ཀྱང་ནི་ཐུབ་པར་འགྱུར། །རྒྱལ་བའི་མཆོད་རྟེན་སྲོག་ཤིང་ཕུལ་བ་ཡིས། །ཆོས་ཀྱི་རྗེས་མཐུན་ཆོས་ལ་བསྒྲུབ་པ་དང་། །ཚུལ་ཁྲིམས་ཐོབ་དང་བཟོད་པའི་མཆོག་དང་ལྡན། །འཇིག་རྟེན་དག་ན་དོན་ཀུན་འགྲུབ་པར་མཛོད། །ཐུབ་དབང་མཆོད་རྟེན་རྡོ་ཐལ་བྱུག་པ་ཡིས། །ལྷ་མིའི་འཇིག་རྟེན་དག་ན་ཚེ་རིང་ཞིང་། །ལུས་སེམས་ནད་དང་མྱ་ངན་མེད་འགྱུར་ཏེ། །རྟག་ཏུ་སྐྱིད་ཅིང་ནོར་ལྡན་ཕྱུག་པོར་འགྱུར། །ཞེས་དང་། སུ་དག་སངས་རྒྱས་མཆོད་རྟེན་སྐུ་གཟུགས་ལ། །ཚོན་རྩི་སྣ་ཚོགས་དག་གིས་མཛེས་བྱེད་པ། །དེ་ནི་བདེ་གཤེགས་མངའ་བའི་ཡོན་ཏན་རྣམས། །སྣ་ཚོགས་ལྡན་པ་ཀུན་གྱིས་བརྩེགས་པར་འགྱུར། །དཀོན་མཆོག་གསུམ་ཕྱིར་མི་རྣམས་གང་དག་གིས། །

[Full Size]

འཕགས་པ་རྒྱལ་བའི་དཀྱིལ་འཁོར་བྱས་པས་ནི། །རྐང་ལག་སོར་མོ་དྲ་བས་འབྲེལ་བ་དང་། །ཡན་ལག་ཐམས་ཅད་ཀྱང་ནི་སྐྱོན་མེད་འགྱུར། །ཞེས་དང་། བཅོམ་ལྡན་འདས་ཀྱི་མཆོད་རྟེན་རྣམས་དང་ནི། །སྐུ་གཟུགས་རྣམས་ལ་རྡུལ་ཕྲན་ཅི་སོང་བ། །དེ་ཡི་གྲངས་སྙེད་དེ་སྙེད་མི་རྣམས་ཀྱིས། །ལྷ་ཡུལ་ས་སྟེང་ངེས་པར་རྒྱལ་སྲིད་འཐོབ། །གཟུགས་དང་གཟུགས་མེད་ཁམས་ཀྱི་ཏིང་ངེ་འཛིན། །ཕུན་སུམ་ཚོགས་པའི་དཔལ་མཆོག་ཀུན་མྱོང་ནས། །ཐ་མར་སྐྱེ་དང་རྒ་ལ་སོགས་པ་ཡི། །སྡུག་བསྔལ་མེད་པའི་སངས་རྒྱས་གོ་འཕང་ཐོབ་། །ཅེས་སོགས་རྒྱ་ཆེར་གསུངས་ཤིང་། གཞན་ཡང་འཕགས་པ་དགའ་བ་ཆེན་པོའི་མདོ་ལས། གླིང་བཞི་ཐམས་ཅད་རྒྱུན་དུ་ཞུགས་པ་དང་དགྲ་བཅོམ་པས་གང་བ་ལ། ཇི་སྲིད་འཚོའི་བར་དུ་ཡོ་བྱད་ཐམས་ཅད་ཀྱིས་བསྙེན་བཀུར་བ་ལས། དེ་བཞིན་གཤེགས་པའི་སྐུ་གཟུགས་ཚོན་གང་བ་གཅིག་བྱེད་ན་བསོད་ནམས་འབུམ་འགྱུར་གྱིས་ཆེ་བར་གསུངས། གཞན་ཡང་དེ་བཞིན་གཤེགས་པའི་སྐུ་གཟུགས་བཞག་པ་ཞེས་བྱ་བའི་མདོ་ལས་ཤིན་ཏུ་རྒྱ་ཆེར་གསུངས་ཀྱང་བྲི་བར་མི་ལོངས་ལ། རང་གི་ལུས་ཀྱིས་བཞེངས་པའི་ཕན་ཡོན་ཡང་། གསལ་

[Full Size]

རྒྱལ་གྱིས་ཞུས་མདོར། མི་རྣམས་སུ་དག་དགའ་ཞིང་གུས་པ་ཡིས། །བླ་མེད་ཆེན་པོ་རྣམས་དང་སྐུ་གཟུགས་ལ། །ལུས་ཀྱི་ལས་རྣམས་བྱེད་པ་དེ་དག་ནི། །པ་ཀུན་ཏུ་མཛོད་རྣམས་ཤིན་ཏུ་རྒྱས། །ཞེས་སོགས་གསུངས་སོ། །ག་ཚད་ཐིག་ཚད་མ་ཚང་བ་ལ་ཕན་ཡོན་མི་འབྱུང་བ་ནི་མ་ཡིན་ཏེ། བྱིསྦས་རྩེད་མོའི་ཕྱིར་འབྲི་བ་དང་། རི་མོ་བསླབ་པའི་ཚེ་སེན་མོའི་ངོས་སུ་འབྲི་བ་དང་། འབྲི་ཕེར་རམ་ཚད་སྤྱིའི་ཕྱིར་བྲིས་པ་ལ་ཡང་ཕན་ཡོན་བྱང་ཆུབ་འཐོབ་པར་གསུངས་པའི་ཕྱིར། དེ་ཙམ་ལ་བྱང་ཆུབ་འཐོབ་པར་གསུངས་པ་ནི། རྫོགས་པའི་སངས་རྒྱས་ལ་འབྲེལ་པ་ཅུང་ཟད་རེ་ཐོགས་པ་ཐམས་ཅད་མཐར་བྱང་ཆུབ་ཐོབ་ཅིང་། དེ་མ་ཐོབ་བར་དུ་དེ་མི་ཟད་པ་རྒྱ་མཚོའི་ཆུ་ཐིགས་ལྟ་བུ་ཡིན་གྱི། དེ་ཁོ་ནས་དུས་ཉེ་བར་བྱང་ཆུབ་ཐོབ་གསུངས་པ་ནི་མིན་པར་གོ་བར་བྱའོ། །ཞེས་པ་ཡང་བླ་མ་ཆོས་དབང་ཀུན་བཟང་གིས་བསྐུལ་ནས་ཨ་རཱ་གས་འཕྲལ་དུ་བསྡུས་ཏེ་བཀོད་པས་དགེ་བསྐུལ་རྒྱ་ཆེན་པོར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྷ་ཞི་བ་རྣམས་ཀྱི་ཐིག་རྩ་ཐམས་ཅད་མདོར་བསྡུས་པ་དོན་གསལ་བ།

[Full Size]

ལྷ་ཞི་བ་རྣམས་ཀྱི་ཐིག་རྩ་ཐམས་ཅད་མདོར་བསྡུས་པ་དོན་གསལ་བ་བཞུགས་པའི་དབུ་ཕྱོགས་ལགས་སོ།།

[Full Size]

ན་མོ་མཉྫུ་གྷོ་ཥ་ཡ། དུས་གསུམ་བདེར་གཤེགས་ཐམས་ཅད་ཀྱིས། །སྐུ་ཡི་གསང་བའི་མཛོད་འཆང་བ། །འཇམ་དཔལ་དབྱངས་ལ་གུས་བཏུད་ནས། །རི་མོའི་ཐིག་རྩ་གསལ་བཀོད་བྱ། །དེ་ལ་ཤཱ་རིའི་བུས་ཞུས་ཐིག་རིགས་མི་འདྲ་བ་གསུམ་དང་། དྲང་སྲོང་ཨ་འདྲེའི་བུས་བཤད་པའི་ཐིག་རྩ་རྣམས་ནི། བོད་བླུན་པོའི་རང་བཟོ་བྱས་པ་རྒྱ་གཞུང་ལ་ཁ་གཡར་བ་ཡིན། དུས་འཁོར་སྡོམ་འབྱུང་སོགས་མདོ་རྒྱུད་ཚད་ལྡན་རྣམས་ཀྱི་ལུང་དང་འགལ་བ་དང་། རིགས་པས་བརྟག་ན་ཡང་ཚིག་སྔ་ཕྱི་འགལ་བ་དང་། སྐུ་གཟུགས་ཆུ་ཞེང་མི་གབ་པར་ཤང་ཤང་པོར་གྱུར་པས་

[Full Size]

མཛེས་པ་སོགས་མཁས་པས་ལེགས་པར་བརྟག་ན་སྐྱོན་དུ་མ་དང་ལྡན་ཞེས་སྤྲུལ་སྐུ་སྨན་ཐང་ཆེན་པོས་བཀག་པ་རྒྱ་ཆེར་མཛད་མོད། འོན་ཀྱང་ཆོས་མ་ཡིན་པ་ཆོས་སུ་སྨྲ་བ་དང་། ཆོས་ལ་ཆོས་མ་ཡིན་པར་སྨྲ་བ་ནི་ཆོས་སྤང་གི་ལས་ཏེ་མཚམས་མེད་ལྔ་ལས་སྡིག་ཆེ་བར་གསུངས་པའི་ཕྱིར། ཐིག་རྩ་དེ་རྣམས་བཀག་པ་ཡང་མི་བྱ། རྗེས་སུ་ཡང་མི་འཇུག་པར་བཏང་སྙོམས་སུ་བཞག་ནས། རང་ལུགས་དཔལ་དུས་ཀྱི་འཁོར་ལོའི་རྒྱུད་འགྲེལ་ཆེན་པོ་དྲི་མེད་འོད་ལས་སོར་བརྒྱ་དང་ཉེར་ལྔ་གསུངས་པ་དང་། སྡོམ་འབྱུང་ནས་སོར་བརྒྱ་དང་ཉི་ཤུ་གསུངས་ཀྱང་། སྡོམ་འབྱུང་གི་

[Full Size]

འགྲེལ་པ་ལས་དེ་བཞིན་གཤེགས་པའི་སྐུ་ལ་ཞལ་རེ་ལ་སོར་ཕྱེད་ཕྱེད་སྣོན་པར་བཤད་པ་གཉིས་དགོངས་པ་མཐུན་པར། འཇམ་དབྱངས་ཀྱི་སྤྲུལ་པ་སྨན་ཐང་ཆེན་པོའི་ལུགས་འདི་ཡིན། འདི་ལ་རྒྱུད་གཞུང་གི་ལུང་འདྲེན་དགག་བཞག་དང་། འབུར་སྐུའི་སྐོར་ཐིག་སོགས་ཐམས་ཅད་མཉམ་དུ་གསུངས་པས། ཅུང་ཟད་གོ་དཀའ་བར་ཡོད་པས། སློབ་དཔོན་གྱི་གསུང་རྒྱུན་བསླད་མེད་དང་། བརྟག་དཔེ་ཁུངས་ཐུབ་དང་། ཐིག་རྩ་རྣམས་བསྟུན་ཏེ་གོ་བདེ་བར་བརྗོད་པ་ནི། ༈ ཆག་འགོ་བསྐོར་ནས་ཚངས་ཐིག་གདབ། །དེ་ནས་སྟོན་པ་རྣམ་གསུམ་སོགས་། །སངས་རྒྱས་སྤྲུལ་པའི་སྐུ་ཡི་གཙུག་ཏོར་གྱི་ཏོག་སོར་དོ། གཙུག་ཏོར་སོར་བཞི། དབུ་སྐྲ་སོར་ཕྱེད་ལྔ། སྐུ་མཚམས་ནས་མཛོད་སྤུའི་བར་སོར་བཞི། དེ་ནས་ཤངས་རྩེའི་བར་སོར་བཞི། དེ་ནས་སྐོས་སྐོའི་བར་སོར་བཞི། སྐོས་སྐོ་སོར་ཕྱེད། དེ་ལྟར་ཚད་གཅིག་ལ་སོར་ཕྱེད་བཅུ་གསུམ་ཡོད། དེ་ནས་མགྲིན་པ་སོར་བཞི། དེ་ནས་ཐུགས་ཀའི་བར་དུ་ཞལ་ཚད་གཅིག །ཐུགས་ཀ་ནས་ལྟེ་བའི་བར་ཞལ་གང་། ལྟེ་བ་སོར་བཞི་གསང་སྒོ་སོར་ཕྱེད་དགུ་ཡིན་ཀྱང་བཞུགས་སྐུ་ལ་སོར་ཕྱེད་གབ་པ་དངོས་སུ་རྒྱབ་མི་དགོས་པར་སྨན་

[Full Size]

ཐང་པ་ཡིས་བཞེད་པ་ཡིན་པས་སོར་བརྒྱད་བྱ། དེ་ནས་སོར་བཞི་པ་གཉིས་རྒྱབ་པ་སྐྱིལ་ཀྲུང་། དེ་ནས་སོར་བཞི་གོས་མཁྱུད་འདབ་མའོ། །འཕྲད་ཐིག་ནི། །ཚངས་ཐིག་ནས་མཆན་ཁུང་བར་ཞལ་གང་། དེ་ནས་སོར་བཞི་དཔུང་མགོ །དེ་ནས་སོར་དོ་དཔུང་ཟུར། དེ་ནས་སོར་བརྒྱད་པུས་མོ་ཡིན། དེ་ནས་ཞལ་ཐིག་ནི། ཚངས་ཐིག་ནས་སོར་ཕྱེད་དྲུག་སྙན་གྱི་རྩ་བ། དེ་ནས་སོར་དོ་སྙན་སྟོད་ཀྱི་ཞེང་ཡིན་ནོ། །དཔྲལ་ཞེང་སོར་བརྒྱད་དམ་བཅུ། ཟླ་ཞལ་སྒོང་ཞལ་གང་བྱེད་ཀྱི་ཁྱད་པར་རིམ་པར་བྲིའོ། །མཛོད་སྤུའི་ཕྲད་ཐིག་ལ་སྨིན་མའི་དབུས་མཐོ་བ་དང་། སྙན་གྱི་རྩེ་མོ་གཉིས་གཏད་དོ། །དེ་ནས་སོར་གང་འཕྲད་ཐིག་འོག་ལ་སྤྱན་བཏོད། ཤངས་རྩེའི་འཕྲད་ཐིག་གི་སྙན་དང་སྙན་ཤལ་མཚམས་ནས་སྐུ་མཚམས་ཚངས་ཐིག་སྟེང་ཐིག་བཏབ་པས། སྤྱན་གྱི་ཕྱི་སོ་གཏད་པ་འབྱུང་། མ་ནེའི་ཚངས་ཐིག་ནས་སོར་གཉིས་རེ་བྱས་པས་མ་ནེའི་སོར་བཞི་ཡི་ཟུར་ནས་སྐུ་མཚམས་སུ་ཐིག་བཏབ་པས་སྤྱན་གྱི་སྔ་སོ་གཏད་པ་དང་ཤངས་མཁལ་གྱི་ཕྱི་གཏད་པ་དང་། ཞལ་བཞུགས་ཀྱི་འཛུམ་གཉིས་ཀྱིས་ནང་གཉིས་ཀྱི་གཏད་པ་དང་གསུམ་འབྱུང་། མ་ནེའི་ཕྱི་ཟུར་ནས་

[Full Size]

སྙན་གྱི་རྩེ་མོ་དང་མཛོད་སྤུའི་འཕྲད་ཐིག་འཛོམ་པར་ཐིག་བཏབ་པས་ཞལ་དཀྱིལ་གྱི་མཆུ་འབྱུང་། ཞལ་དང་མགྲིན་པའི་མཚམས་ཀྱི་འཕྲད་ཐིག་དང་དཔུང་ཟུར་སོར་བཞི་དང་སོར་གཉིས་འཛོམས་སོ་ནས་ཐུར་དུ་གཅུས་ཐིག་ཟངས་དུང་ཁ་ལྟར་ཟླ་གདན་དང་སྐྱིལ་ཀྲུང་མཚམས་ཀྱི་ཚངས་ཐིག་ལ་ཐུག་པའི་ཐིག་གཉིས་བཏབ་པས། རྩིབ་ལོགས་དང་ལྟེ་བ་གསང་གནས་རྣམས་འབྱུང་ཞིང་ལོང་བུའི་དཀྱིལ་ཐིག་ཡིན། ཟླ་གདན་དང་ངར་གདོང་གི་ཐིག་སོར་བཞི་དང་སོར་གཉིས་འཛོམས་སོ་ནས་གྱེན་དུ་མགྲིན་པ་དང་ཐུགས་ཀའི་མཚམས་ཀྱི་ཚངས་ཐིག་ལ་ཐུག་པའི་ཐིག་གཉིས་བཏབ་པས། ཞབས་མགོ་དང་ཞབས་ཀྱི་སོར་མོ་ཡི་དཀྱིལ་ཚད་དང་གསུས་པའི་འདིར་གྱིས་ཐིག་དེ་ལ་ཐུག་ཙམ་དང་། ཐིག་དེའི་ཕྱི་སོར་རེའི་སོ་ནས་ནུ་མ་གཉིས་འབྱུང་སྟེ་ཐུགས་ཀའི་འཕྲད་ཐིག་ལའོ། །ངར་གདོང་དང་ཟླ་གདན་གྱི་མཚམས་ཀྱི་སོར་བཞི་དང་སོར་དོ་འཛོམ་སོ་ནས། གསང་གནས་དང་ཞབས་ཀྱི་ཐིག་གཉིས་ཀྱི་མཚམས་སོར་བཞི་དང་སོར་འཛོམ་སོ་ནས་དཀྱུས་ཐིག་གཉིས་བཏབ་པས་ཞབས་མགོ་ཡི་ཚད་དང་རྗེ་ངར་གཉིས་འབྱུང་ངོ། །དེ་ལྟར་ཐིག་མ་ནོར་བར་བཏབ་པས་སྐུའི་དབྱིབས་ཐིག་ལ་ཧ་ལམ་པ་དོད་ནས་འོང་ངོ། །

[Full Size]

དེ་ནས་ཐིག་རྒྱོབ་མི་བདེ་ཡང་ཚད་ཐུར་ལ་ཚད་ཅིང་བྲི་སྟེ། སྨིན་མའི་རིང་ཐུང་ཕྲད་ལ་སོར་བཞི་བྲིའོ། སྤྱན་དཀྱུས་སོར་བཞི་ཞེང་ན་གཉིས། སྤྱན་གཉིས་བར་དུ་སོར་དོ། སྤྱན་གཞུག་སྙན་གྱི་བར་དུ་སོར་དོ། ཞལ་དཀྱུས་སོར་བཞི། མགྲིན་པའི་རི་མོ་དང་པོ་སོར་གཉིས་མེད་ཙམ། གཉིས་པ་སོར་གཅིག་ཅུང་ཟད་ལྷག་ཙམ། གསུམ་པ་སོར་དོའོ། །ཤངས་རྩེའི་འཕྲད་ཐིག་དང་སྙན་གྱི་རྩ་བ་འཛོམ་པའི་འོག་ནས་སོར་ཕྱེད་ལྔ་གཅིག་དང་གཉིས་དང་གསུམ་དང་ཕྱེད་གསུམ་གྱིས་རིམ་པར་ཞལ་ལ་ཕྲ་བས། ཞལ་སྨད་སྒོ་ངའི་དབྱིབས་སུ་བྲིའོ། །སྙན་དངོས་ཐུར་དུ་སོར་ཕྱེད་ལྔ་སྙན་ཤལ་སོར་ལྔ། ཞེང་སོར་མོ་ཕྱེད་དོ། །སྙན་ཤ་འབུར་སོར་ཕྱེད། ནང་རྒྱུ་སོར་གང་ངོ། །ཕྱིའི་ལྕགས་རི་སོར་ཕྱེད། དཔུང་གིང་རྩ་ནས་མཆན་ཁུང་བར་དུ་སོར་དྲུག་དང་ནས་གསུམ། མཆན་རྩེ་ནས་ཕྲག་གང་སྟོད་བར་སོར་དགུ། དཔུང་ལྷུ་སོར་ཉི་ཤུ། གྲུ་ཚིགས་སོར་རེ། ཕྱག་ངར་སོར་བཅུ་དྲུག །དཔུང་པའི་སྦོམ་ས་ལ་ཞེང་དུ་སོར་ཕྱེད་བཞི་དང་ནས་གང་དྲག་ཙམ། ཕྱག་ངར་སྦོམ་ས་ལ་སོར་ལྔ་དང་རྐང་པ་གཅིག་དང་ནས་ཕྱེད་ཙམ་ཞེང་དུའོ། །བྲང་ཞེང་སོར་ཉི་ཤུ་རྩ་ལྔ་སྟེ། མཚན་

[Full Size]

ཁུང་རྩ་ནས་རྩ་བའི་བར་དུ་ཡིན་ནོ། །ནུ་མ་གཉིས་ཀྱི་བར་དུ་ཞལ་གང་ཡོད། གསང་གནས་ཀྱི་འཕྲད་ཞིང་ལ་སོར་བཅོ་བརྒྱད་དོ། །ཞབས་མཐིལ་སོར་བཅུ་གཉིས། སོར་མོ་ཚུན་ཞབས་དཀྱུས་སོར་བཅུ་བཞིའོ། །ཕྱག་མཐིལ་སྲིད་དང་ཞེང་དུ་སོར་བདུན། གུང་མོ་སོར་ལྔ་སོར་མོ་གཞན་ཚིག་ཕྱེད་རེས་ཐུང་བའོ། །སེན་མོ་ནི་ཚིག་གིས་ཕྱེད་ནས་སྐྱེས་པའོ། །ཕྱག་གི་མཁྲིག་མའི་ས་ནས་སོར་བཞི་སོ་ནས་མཐེ་བོང་གི་རྩ་བ་འབྱུང་བའི་མཐེ་བོང་སོར་བཞི་བྱའོ། །དཔྱི་སོར་བཞི། བླ་ཞལ་ཚད་གཉིས། པུས་མོ་སོར་བཞི། རྗེ་ངར་ཞལ་ཚད་གཉིས། སྐྱིལ་ཀྲུང་བསྣོལ་མཚམས་རྟིང་པར་སོར་དོ། ཞབས་ཀྱི་དཔངས་སུ་སོར་ཕྱེད་ལྔ། སྐྱིལ་ཀྲུང་པུས་མགོ་གཉིས་དང་། སྐྱིལ་ཀྲུང་བསྣོལ་མཚམས་ནས་མཛོད་སྤུའི་བར་ཚད་མཉམ་མོ། །དེ་ལྟར་གཙུག་ཏོར་ནས་ཞབས་མཐིལ་བར་དུ་སོར་བརྒྱ་དང་ཉེར་ལྔ། ཕྱག་གཡས་ཀྱི་རྩེ་ནས་གཡོན་གྱི་རྩེའི་བར་དུ་སོར་བརྒྱ་དང་ཉི་ཤུ་རྩ་ལྔ་ཡོད་པས། སྐུ་ནི་ནྱ་གྲོ་དྷ་ལྟར་ཆུ་ཞེང་གབ་ཅེས་གསུངས་པ་དང་མཐུན་ནོ། །རུས་ཁོག་ཐིག་དེ་རྣམས་མ་འཆུགས་པའི་སྟེང་ནས་འདྲ་སྙམ་ཅི་མཛེས་རུང་བར་བྱའོ། །རིགས་ལྔ་སོགས་སངས་རྒྱས་ལོངས་སྤྱོད་

[Full Size]

རྫོགས་སྐུའི་ཐིག་ནི། གོང་གི་སྤྲུལ་སྐུ་དང་ཁྱད་པར་མེད་ལ། ཁྱད་པར་ནི་གཙུག་ཏོར་ཐོར་ཅོག་གི་ནང་དུ་སྦས་པའི། །རལ་པའི་ཐོར་ཅོག་སོར་བརྒྱད་དང་ནོར་བུ་ཏོག་གི་རིགས་བདག་སོར་གཉིས་ཡིན། གཞན་ཐམས་ཅད་འདྲའོ། །སྤྱན་རས་གཟིགས་དང་འཇམ་དཔལ་དབྱངས་སོགས་བྱང་ཆུབ་སེམས་དཔའི་ཐིག་ནི། གཞན་ཐམས་ཅད་སངས་རྒྱས་དང་ཁྱད་མེད་ལ། ཞལ་ཚད་ལ་སོར་ཕྱེད་སོ་དེ་ཕྱི་ནས་སོར་བཅུ་གཉིས་རྐྱང་པ་བྱ་ཞིང་། རལ་བའི་ཐོར་ཅོག་སོར་བརྒྱུད་ནོར་བུའི་ཏོག་སོར་དོ་བྱའོ། །བྱང་ཆུབ་སེམས་དཔའི་སྤྱན་དཀྱུས་སོར་གསུམ་སྤྱན་ཞེང་སོར་ཕྱེད་ཡིན་ནོ། །བྱམས་པ་ཐམས་ཅད་ཞལ་བྱམས་བཞུགས་ལ་བླ་ཞལ་དོ་མི་རུང་སྟེ་ཞལ་གང་ལ་ཆ་ཞན་ཙམ་ཞིག་གབ་དགོས་པ་མན་ངག་གོ །དེ་ལྟར་སངས་རྒྱས་ལ་སོར་བརྒྱ་དང་ཉི་ཤུ་རྩ་ལྔ། བྱང་ཆུབ་སེམས་དཔའ་ལ་སོར་བརྒྱ་དང་ཉི་ཤུ་ཡིན་ཏེ། དཀྱིལ་འཁོར་གྱི་འཁོར་དུ་བཞུགས་པའི་མི་བསྐྱོད་པ་སོགས་དེ་བཞིན་གཤེགས་པ་རྣམས་ལ་སོར་བརྒྱ་ཉི་ཤུ་པ་འདི་ཉིད་དགོས་གསུངས་སོ། །དེ་ཡན་ཐམས་ཅད་མཐོ་བཅུ་པ་ཡིན་ནོ། །སྒྲོལ་དཀར་སྔོན་ཕག་མོ་སོགས་ལྷ་མོ་རྣམས་མཐོ་དགུ་པ་ཡིན་ཏེ། རིགས་བདག་

[Full Size]

ནོར་བུའི་ཏོག་སོར་དོ། རལ་པ་ཕྱེད་བཅིངས་པ་སོར་དྲུག །ཐོད་པའི་དཔངས་སོར་གསུམ། ཞལ་སོར་མོ་བཅུ་གཉིས་སྒོ་ངའི་དབྱིབས། མགྲིན་པ་སོར་གསུམ་ཞེང་དུ་དྲུག །མགྲིན་པ་ནས་ཐུགས་ཀའི་བར་ཞལ་གང་། ཐུགས་ཀ་ནས་ལྟེ་བའི་བར་ཞལ་གང་། དེ་ནས་གསང་གནས་བར་ཞལ་གང་གི་བར་སོར་དོ། ལྟེ་བ་དེ་ནས་སོར་གསུམ་དཔྱི། དེ་ནས་སོར་བདུན་གྱི་སྨད་ཞེང་རྒྱས་པར་བྱའོ། །དེ་ནས་གར་སྟབས་རོལ་པའི་སྟབས་གང་ཡིན་ཀྱང་ཚད་ཐུར་ལ་ཚད་ཅིང་སོ་སོར་བརྒྱབས་པས། ཚད་ཅིང་འབྲི་ན་ཡང་རུང་སྟེ། བླ་ཞལ་དོ། པུས་མོ་སོར་གསུམ། བྱིན་པ་ཞལ་དོ། བོལ་གང་སོར་གསུམ་མོ། །ཚངས་ཐིག་ནས་མཆན་ཁུང་རྩེའི་བར་དུ་སོར་མོ་བཅུ། དཔུང་ལྷ་སོར་མོ་བཅོ་བརྒྱད། ཕྱག་ངར་སོར་བཅུ་བཞི། ཕྱག་མགོ་སོར་བཅུ་གཉིས་སོ། །ནུ་མའི་རྒྱ་སོར་མོ་བརྒྱད་དོ། །ཕག་མོ་སོགས་ཅུང་ཟད་ཁྲོས་པ་ཡིན་ན། སྤྱན་ཞེང་སོར་གཅིག །སྤྱན་དཀྱུས་སོར་གསུམ་བྱ། སྒྲོལ་མ་སོགས་སྒེག་པའི་ཉམས་ཅན་ལ། སྤྱན་དཀྱུས་སོར་ཕྱེད་བཞི། སྤྱན་ཞེང་ནས་དྲུག་གོ །དཔུང་མགོ་ཟླུམ་ཞིང་རྐེད་སྒབ་ཕྱེད་པར་བྲིའོ། །དབང་ཕྱུག་ཆེན་པོ་དང་ཀླུ་སོགས་ལ་ཡང་

[Full Size]

ཚད་འདི་ཉིད་བྱ་བར་བཤད་དོ། །དེ་ལྟར་ལྷ་མོ་རྣམས་ཕྱག་གི་རྩེ་ནས་ཕྱག་གི་རྩེའི་བར་དང་། རལ་པ་མི་ཐེ་བའི་སྤྱི་བོ་ནས་ཞབས་མཐིལ་ཡན་ཚད་མཉམ་པར་སོར་བརྒྱ་དང་བརྒྱད་རེ་མཉམ་མོ། །དེ་ལྟར་ཐིག་བཏབ་ཀྱང་ཐིག་ཐོག་ཏུ་རི་མོ་མ་སོང་བའམ། སོང་ཡང་བྲི་ལུགས་ཀྱིས་སྐྱོན་འདི་རྣམས་སྤང་བ་གལ་ཆེ་སྟེ། ཀོསྐྱའི་མགྲིན་པ་བྱིན་པ་རིང་དང་སྦོམ་པའི་སྐྱོན་དང་། སྙན་དང་ཤངས་དང་ཕྱག་སོར་ཐུང་པའི་སྐྱོན། བྱིན་པ་ཞལ་དང་མཁུར་ཚོས་སྦོམ་པའི་སྐྱོན། འགྲམ་པ་བྲང་དང་རྩིབ་ལོགས་ཞོམ་པའི་སྐྱོན། ནུ་མ་ཤངས་དང་དཔྲལ་བ་སྤྱན་ཡོ་བའི་སྐྱོན། བླ་དང་དཀུ་དང་ནམ་ཚོང་ཉམས་པའི་སྐྱོན། སྙན་དང་མཆུ་དང་དཔྲལ་བ་དང་ཤངས་ཉམས་པའི་སྐྱོན། རྒྱབ་ཡོལ་གདུགས་དང་རྒྱན་རྣམས་དོགས་པའི་སྐྱོན་གྱེན་གཟིགས་གདན་ཡོ་ཕྱག་མཚན་ནོར་བའི་སྐྱོན། ཚིགས་དང་ལྟོ་བ་སེན་མོ་སྦོམ་པའི་སྐྱོན། རྣ་བ་མིག་དང་སེན་མོ་ཐུང་བའི་སྐྱོན། མིག་དང་ལག་པ་རྐང་པ་ཐུང་བའི་སྐྱོན། སྡུག་བསྔལ་ཚོར་བས་སྙན་འདྲ་ཁ་ཞིང་སྐྱུར་བ་ཟོས་འདྲའི་ཉམས་ཀྱི་སྐྱོན་དང་། སྐྱོན་དེ་དག་ནི་རི་མོ་མཁན་དང་ཡོན་བདག་ཡུལ་ཁམས་དང་བཅས་པ་ལ་མི་དགེ་དུ་མ་འབྱུང་བར་

[Full Size]

གསུངས་པས། ལེགས་པར་བརྟག་ལ་སྐྱོན་མེད་པར་བྱའོ། །ཞིང་ཁམས་འདིར་བྱོན་པའི་ཉན་ཐོས་དང་རང་སངས་རྒྱས་རྣམས་ནི་མི་ཡི་ཚད་ཡིན་པས་སྲིད་དུ་ཁྲུ་ཕྱེད་བཞི། ཁྲུ་རེ་ལ་ཞལ་ཚད་དམ་མཐོ་དོ་རེ་ཡོད་པར་བཤད་ཀྱང་། མི་ཡི་ཚད་ལ་ངེས་པ་ཆེར་མེད་པས། ཅི་མཛེས་སུ་འབྲི་ཆོག་པས་ན་བློ་སྐུ་ལ་ཞལ་ཚད་ཕྱེད་ལྔ་ལེགས་ཞེས་སྨན་ཐང་བའི་ལུགས་སོ། །འོན་ཀྱང་བླ་སྐུ་ལ་ཐིག་ངེས་པ་མེད་པས་ཅི་མཛེས་སམ། འདྲ་ཉམས་གཙོ་བོར་བྱའོ། །གོང་གི་སངས་རྒྱས་བྱང་སེམས་ཞི་བ་རྣམས་ལ་དབུ་ཁོང་དང་རྒྱབ་ཡོལ་དང་པད་གདན་དང་ཁྲི་རྣམས་ལ་ཐིག་རྩ་ཅུང་ཟད་གསུངས་པ་ཡོད་ན་ཡང་། འབྲི་ལུགས་ཀྱི་ཁྱད་པར་མི་འདྲ་བས་ངེས་པ་མེད་ལ། དེ་རྣམས་དོགས་པ་དང་ཆུང་བ་མི་རུང་ལ། གཞན་ཅི་མཛེས་སུ་བྲིས་པས་ཆོག་སྟེ། སྨན་ཐང་དང་མཁྱེན་བརྩེ་བྱིའུ་སོགས་ལ་རྒྱབ་འོད་དང་ཁྲི་ཡི་བྱེད་ལུགས་མི་འདྲ་བར་ཅི་མཛེས་སུ་བྲི་བར་མཛད་པའི་ཕྱིར་རོ། །ཞི་བ་རྣམས་ཀྱི་ཐིག་རྩ་གོ་བདེ་བར་བཀོད་པ་འདི་ནི། སྤྲུལ་སྐུ་བ་རྣམ་རྒྱལ་གྱི་ཐུགས་བཞེད་ལྟར། དགེ་སློང་ཀརྨ་ཨ་རཱ་གས་གླང་ལོ་གྲོ་ཞུན་ཟླ་བའི་ཚེས་བཅུའི་ཉིན་མགྱོགས་པར་བྲིས་པའོ། །ཨེ་མ་ཧོ༔ རྒྱུད་ཀྱི་རྒྱལ་པོ་སྡོམ་

[Full Size]

འབྱུང་རྩ་འགྲེལ་དང་། །དམ་པ་དང་པོའི་སངས་རྒྱས་དུས་འཁོར་དང་། །རྒྱས་འགྲེལ་ཆེན་པོ་དྲི་མ་མེད་པའི་འོད། །དེ་དག་རྣམས་ཀྱི་དགོངས་པ་ཇི་ལྟ་བར། །སྤྲུལ་པའི་བཟོ་བོ་སྨན་ཐང་ཆེན་མོ་ཡིས། །མན་ངག་གསུང་རྒྱུན་སླད་མེད་དང་བསྟུན་ནས། །རི་མོ་མཁན་པོ་ཀུན་ལ་ཕན་པའི་ཕྱིར། །ཚིག་ཉུང་གོ་བདེ་ནག་པོ་འགྲོ་ཤེས་སུ། །བཀོད་པ་འདི་ལ་ཉེས་པ་མཆིས་སྲིད་ན། །དཔལ་མགོན་ཆོས་ཀྱི་སྤྱན་ལྡན་རྣམས་ལ་བཤགས། །འདི་བྲིས་དགེ་བས་རིན་ཆེན་གྲུ་གཟིངས་ཀྱིས། །མཐའ་མེད་འཁོར་བའི་ཆུ་བོ་རབ་བསྒྲལ་ནས། །ནུབ་ཕྱོགས་བདེ་ཆེན་དག་པའི་ཞིང་ཁམས་སུ། །པདྨོ་མཆོག་ལ་བརྫུས་ཏེ་སྐྱེས་ནས་ཀྱང་། །འོད་དཔག་མེད་མགོན་མཆོད་པས་མཉེས་བྱེད་ཤོག །མངྒ་ལཾ། །ཆ་ཆེན་ཞེས་པ་དང་། ཐལ་མོ་ཞེས་པ་དང་། གདོང་ཞེས་པ་དང་། མཐོ་གང་དང་། མཐིལ་གང་ཞེས་པ་དང་། ཞལ་ཚད་གཅིག་དེ་རྣམས་དོན་གཅིག་གོ །སོར་བཞི་ཆ་ལ་རྐང་པ་ཞེས་སོ། །སོར་གྱི་བརྒྱད་ཆ་གཅིག་ལ་ནས་ཞེས་བྱའོ།། །།

ས་ཆོག་མདོར་བསྡུས།

[Full Size]

ས་ཆོག་མདོར་བསྡུས་བྱ་ཚུལ་གསལ་བ་བཞུགས་སོ།

[Full Size]

ན་མོ་མཉྫུ་ཤྲཱི་ཡེ། སྤུར་རམ་ལྷ་ཁང་མཆོད་རྟེན་གསས་མཁར་སོགས། །ས་ཆོག་དགོས་པ་ལྟོ་འཕྱེ་ལེགས་པར་བརྩིས། །གདོང་མི་གཏུག་ལ་ས་ལྷའི་གཏོར་མ་གཅིག །འགྲུབ་ན་རྣམ་ལྔ་མ་གྲུབ་ཡིད་ཀྱིས་སྤྲུལ། །སློབ་དཔོན་སྐད་ཅིག་གསང་བའི་བདག་པོ་དང་། །པད་འབྱུང་ལ་སོགས་ཡི་དམ་གང་རུང་བ། །སྐད་ཅིག་བསྒོམས་ལ་ལག་གཡས་རྡོ་རྗེ་གཡས། །ས་ལ་ལན་གསུམ་འདེབས་ཚུལ་འདོན་སྒོམ་སྦྲགས། ཧཱུྃ། རང་ཉིད་ཡི་དམ་རྗེ་ཡི། །ཕྱག་གཡས་ས་ལ་བརྡབ་པ་ཡིས། །ས་གས་རྣམ་པ་དྲུག་ཏུ་གཡོས། །དེ་ནང་ས་ལྷ་གསེར་གྱི་མདོག །ཐར་སྦྱར་བུམ་བསྣམས་སྐུ་སྟོད་ཐོན། །དགྱེས་པའི་འཛུམ་མདངས་ཕྱུང་བར་གྱུར། །ཨོཾ།

[Full Size]

ཚུར་སྤྱོན་ཚུར་སྤྱོན་ས་ཡི་ལྷ། །ལྷ་མོ་བརྟན་མ་ད་ཚུར་བྱོན། །སྔོན་བྱོན་ཐུབ་པའི་དབང་པོ་ཡི། །སྤྱན་སྔར་ཅི་བགྱིས་དམ་བཅས་ལྟར། །ས་གླུད་གཏོར་མ་གསེར་སྐྱེམས་འབུལ། །མཆོད་པ་རྣམ་པ་བདུན་གྱིས་མཆོད། །ཨོཾ་པྲ་བྷཾ་དེ་བཱི་ས་པ་རི་བཱ་ར་ཨརྒྱུ་ནས། ཤརྡ་པྲ་ཏིཙྪ་པཱུ་ཛ་ཧོ༔ ཨོ། སྔོན་བྱུང་བཅོམ་ལྡན་དབང་མཛད་ལྟར། །ས་འདི་བདག་ཞུ་གནས་འདི་དོར། །བཅོམ་ལྡན་འདས་ཀྱི་ཞབས་བརྟེན་པ། །ས་ཡི་ལྷ་མོར་ཕྱག་འཚལ་ལོ། །ཞེས་བསྟོད་ནས། ས་ཡི་ལྷ་མོ་འཛུམ་ཕྱུངས་ནས། །ས་འདི་ཁྱོད་འབུལ་ཅི་བདེར་སྤྱོད། །ཅེས་གསུངས་

[Full Size]

ལྷ་མོ་ས་དེར་ཐིམ། །ས་ཡང་གསེར་གྱི་ཕུང་པོར་གྱུར། །ཧཱུཾ་ལས་རིན་ཆེན་སྣོད་ཡངས་པར། །དཀར་གསུམ་གཏོར་མ་བདུད་རྩིའི་མཚོ། །ས་གླུད་བཟང་པོ་བཅས་པ་འདི། །ཨོཾ་ཨཱཿཧཱུྃ་གིས་བྱིན་བརླབས་ནས། །ས་ཡི་ལྷ་མོ་བརྟན་མ་དང་། །ལྟོ་འཕྱེ་ས་འཛིན་ལག་པ་ཆེ། །ཐེ་སེ་སྤྲེལ་ཁོག་ས་སྨན་དང་། །ས་ལ་དབང་བའི་ལྷ་ཀུན་དང་། །ལོ་སྐོར་བཅུ་གཉིས་སྟེང་གནས་པའི། །ས་བདག་གདུག་པའི་རིགས་ཅན་རྣམས། །ཁྱད་པར་ཡུལ་ཕྱོགས་འདི་ཡི་བདག །བྲག་བདག་ཆུ་བདག་རྡོ་ཡི་བདག །ཤིང་བདག་རི་བདག་ཀུན་ལ་འབུལ། །ཁྱད་པར་ས་སྐོར་ས་མིག་འདིར། །གཉུག་མར་གནས་པ་ཀུན་ལ་འབུལ། །མཆོད་སྦྱིན་གཏོར་མ་འདི་བཞེས་ལ། །ས་འདི་གནང་བར་མཛད་དུ་གསོལ། །ཨོཾ་པྲ་ཤྲཱི་དེ་ཝཱི་སརྦ་བྷུ་མི་པ་ཏི་ས་པ་རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་མམ་བདུན་གྱིས་འབུལ། ས་གླུད་ས་སྲིན་བཀྲོལ་བ་ནི། འབྱུང་པོ་ས་འདྲེ་ས་སྲིན་དང་། །ས་ལ་བགེགས་བྱེད་བར་ཆད་རྣམས། །ས་གླུད་བཟང་པོ་འདི་བཞེས་ལ། །འབྱུང་པོའི་ཚོགས་རྣམས་གནས་བཟུར་ལ། །ས་བདག་རྣམས་ཀྱིས་ས་འདི་འདུལ། །བཀྲ་ཤིས་བྱིན་ལྡན་

[Full Size]

མཛད་དུ་གསོལ། །སརྦ་ཨུཙྪིཥྛ་བྷ་ལི་ཏ་གྷཾཏྟ་ཁཱ་ཧི་ཁཱ་ཧི་སྭཱ་ཧཱ། དེ་ནས་སློབ་དཔོན་ལངས་ཏེ་ཕུར་པ་འདྲིལ་ལ། སྐད་ཅིག་གིས་དབང་ཆེན་རྟ་མགྲིན་སྐུ་སྨད་ཕུར་པ་མགལ་གྱི་སོལ་མལ་ལས་བླང་བ་ལྟར་དུ་དམར་ཟང་ངེ་བ་ཕྱག་གི་ཕུར་པ་འདྲིལ་བས་ས་འདྲེ་ས་སྲིན་ཐམས་ཅད་དམྱལ་ཁམས་རྡོ་རྗེ་གདན་ལ་གཟིར་བར་བསམས་ལ་ངག་ཏུ། ཧཱུྃ་ཧཱུྃ་ཧ་ཧ་ཝེ་ཕོ། ལན་བདུན་ཙམ་དུ་ཕྱོགས་བཅུར་གདང་མིག་ཏུ་བལྟ་ཞིང་ཕུར་པ་འདྲིལ། འཆམས་སྟབས་བྱ་ཞིང་། ས་འདུལ་དྲག་སྔགས་ནི། ཨོཾ་གྷ་གྷ་གྷ་ཏ་ཡ་སརྦ་དུཏྟཾ་ཨཛཱ་པ་ཡ་ཏི་ཀཱ་ཡ་ཝཱཀ་ཙིཏྟ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ་ཕཊ་ས་འདྲེ་ས་སྲིན་ཨུཙཊྚ་ཡ་ཕཊ། དེས་ས་འདུལ་བའོ། །ས་སྦྱོང་བ་ནི། ཨོཾ་སྭ་བྷ་ཝ་ལན་བདུན་གྱིས་སྦྱང་། ས་ཉིད་གསེར་གྱི་ཕུང་པོར་གྱུར། །དེ་ནས་མེ་ཏོག་ཚོམ་བུ་ལྔ་བཀོད་ལ་སྔགས་འདི།བཏབ། ཨོཾ་བུདྡྷ་བཛྲ་རཏྣ་པདྨ་ཀརྨ་སརྦ་ཧཱུཾ། ལན་གསུམ། སྟོང་པའི་ངང་ལས་གཞལ་ཡས་ཁང་གྲུ་བཞི། །སྒོ་བཞི་རྟ་བབས་བཞི་ལྡན་མཚན་ཉིད་རྫོགས། །འཇའ་འོད་དྲ་བས་བྲེས་ཤིང་ཤིན་ཏུ་དྭངས། །སྐྱུག་བཀོད་ཡོན་ཏན་དང་མཉམ་དེ་དབུས་སུ། །སེང་ཁྲིར་རྣམ་སྣང་དཀར་པོ་འཁོར་ལོ་འཛིན། །ཤར་དུ་གླང་ཁྲིར་མི་བསྐྱོད་རྡོ་རྗེ་བསྣམས། །ལྷོ་རུ་

[Full Size]

རྟ་ཁྲིར་རིན་འབྱུང་རིན་ཆེན་བསྣམས། །ནུབ་ཏུ་རྨ་བྱར་སྣང་མཐའ་པདྨ་བསྣམས། །བྱང་དུ་ཤང་ཤང་དོན་གྲུབ་རྒྱ་གྲམ་བསྣམས། །གཡོན་རྣམས་དྲིལ་བུ་རིགས་ཀྱི་སེམས་དཔས་བསྐོར་། །གནས་གསུམ་འོད་འཕྲོས་རང་འདྲ་སྤྱན་དྲངས་བསྟིམ། །ཧཱུྃ། སྟུག་པོ་བཀོད་དང་མངོན་དགའ་དཔལ་ལྡན་མཛེས། །བདེ་བ་ཅན་དང་ལས་རབ་ཞིང་ཁམས་ནས། །རིགས་ལྔའི་སངས་རྒྱས་བྱང་སེམས་བཅས་པ་རྣམས། །འདིར་བྱོན་ཚེ་འདས་ལས་སྒྲིབ་སྦྱང་དུ་གསོལ། །སྐུ་གདུང་གསས་མཁར་འདི་ལ་རྒྱས་པར་མཛོད། །སོགས་སྦྱར་རོ། །ལུས་ངག་ཡིད་གསུམ་དད་པས་ཕྱག་འཚལ་ལོ། །ཚེ་འདས༴ ཡོན་བདག༴ །གནས་མར་བདེ་ཕྱིར་བཞུགས་སུ་གསོལ། །གཞན་ཡང་མཆོད་བསྟོད་དཔག་མེད་ཡིད་སྤྲུལ་མཆོད་། །ཨོཾ་བུདྡྷ་བཛྲ་རཏྣ་པདྨ་ཀརྨ་བོ་དྷི་སཏྭ་ས་པ་རི་བཱ་ར་ཨརྒྱུ་ནས། ཤབྡའི་བར་གྱི་སྔགས་དང་ཕྱག་རྒྱ་འགྲེས། མཎྜལ་པཉྩཀཱི་ལ་ག་ཎ་ཙཀྲ་རཏྣ་སརྦ་པཱུ་ཛ་ཧོ༔ རྡོ་རྗེ་གཏི་མུག་དྭངས་ལ་འདུད། །རྡོ་རྗེ་ཞེ་སྡང་དྭངས་ལ་འདུད། །རྡོ་རྗེ་ང་རྒྱལ་བཅོམ་ལ་འདུད། །རྡོ་རྗེ་འདོད་ཆགས་འཇོམས་ལ་འདུད། །རྡོ་རྗེ་ཕྲག་དོག་ཞི་ལ་འདུད། །ཕྱོགས་བཅུའི་

[Full Size]

སངས་རྒྱས་ཐམས་ཅད་དང་། །བླ་མ་ཡི་དམ་མཁའ་འགྲོ་བཅས་ལ་འདུད། །དྲང་སྲོང་རིག་འཛིན་གྲུབ་པའི་བདེན་པ་ཡིས། །རིགས་ལྔའི་སངས་རྒྱས་བྱང་སེམས་བཅས་པ་རྣམས། །གནས་འདིར་བརྟན་བཞུགས་སྡིག་སྒྲིབ་སྦྱང་བར་མཛོད། །བར་ཆད་ཐམས་ཅད་སེལ་བར་མཛད་དུ་གསོལ། །ཨོཾ་བུདྡྷཱ་བེ་རོ་ཙ་ན་ཨོྃ། ཡེ་དྷརྨཱ་དང་བཅས་ལན་བདུན་བརྗོད། ཨོཾ་བཛྲ་ཨཀྟ་བྷཧཱུྃ། ཡེ་དྷརྨ་བདུན། ཨོཾ་རཏྣ་སཾ་བྷ་བ་ཏྭཾ། ཡེ་དྷརྨ་བདུན། ཨོཾ་པདྨ་དྷེ་བ་དྷཱི། ཡེ་དྷརྨ་བདུན། ཨོཾ་ཀརྨ་ཨ་མོ་གྷ་སིདྡྷི་ཨཱཿ ཡེ་དྷརྨ་བདུན་སོགས་གོང་ལྟར་བདུན་བརྗོད་ལ་རབ་ཏུ་གནས་པར་བྱའོ། །དམར་དུར་སོགས་ཀུན་ལ་མཁོ་ཆེ་བ་ཚེ་འདས་བླ་དང་རྣམ་སྣང་གཉིས་དབྱེར་མེད་བསྐྱེད་པས་ཕན་ཡོན་ཆེའོ། །གཞན་ཚོམ་བུ་རང་ལ་བསྐྱེད་དོ། །དེ་ལྟར་ས་བྱིན་རླབས་སོང་ནས་དཀར་ལས་གསས་མཁར་ཁང་བཟོ་སོགས་འདི་འདྲ་མ་གཏོགས་གཞན་མི་དགོས། དེ་རྗེས་དཀར་གཏོར་ཡུལ་ལྷ་དེ་ལ་བྱིན་ནས་ལས་འདི་ཞེས་བྱ་བ་ལ། རུ་ང་དང་ཕྲག་དོག་མ་མཛད། །ཅེས་བཀའ་བསྒོའོ། །དེ་ནས་བཀྲ་ཤིས་ཚིག་བརྗོད་ནས་ས་མིག་དེར་རིགས་ལྔའི་ཕྱག་མཚན་བཀོད་ལ། ཧཱུྃ། དབུས་ནས་བཀྲ་ཤིས་དོན་གྱི་ལྷ། །རྣམ་པར་སྣང་མཛད་བཀྲ་ཤིས་གང་ལགས་པ། །བཀྲ་ཤིས་དེས་ཀྱང་དེང་

[Full Size]

འདིར་བདེ་ལེགས་ཤོག །ཤར་ནས་བཀྲ་ཤིས་དོན་གྱི་ལྷ། །རྡོ་རྗེ་སེམས་དཔའི་བཀྲ་ཤིས་གང་ལགས་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ལྷོ་ནས་བཀྲ་ཤིས་དོན་གྱི་ལྷ། །རིན་ཆེན་འབྱུང་ལྡན་བཀྲ་ཤིས་གང་ལགས་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ནུབ་ནས་བཀྲ་ཤིས་དོན་གྱི་ལྷ། །སྣང་བ་མཐའ་ཡས་བཀྲ་ཤིས་གང་ལགས་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །བྱང་ནས་བཀྲ་ཤིས་དོན་གྱི་ལྷ། །དོན་ཡོད་གྲུབ་པའི་བཀྲ་ཤིས་གང་ལགས་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །གཞན་ཡང་བཀྲ་ཤིས་ཚིགས་བཅད་གང་ཤེས་བརྗོད། །ཚེ་འདས་དོན་ལ་ཚེ་འདས་སྤྱན་རས་གཟིགས་དང་། དུར་ས་བདེ་བ་ཅན་དུ་བསྐྱེད་ལ་ཡེ་ཤེས་པ་བསྐྱེད་བསྟིམ་བྱ། ཡིག་དྲུག་བརྒྱའམ་སྟོང་བཟླས་ནས་རབ་ཏུ་གནས་པར་བྱས་བཀྲ་ཤིས་སྨོན་ལམ་མདོར་བསྡུས་བཏབ་པས་ཕན་ཡོན་ཆེན་པོ་དཔག་ཏུ་མེད་པ་ཡོད་པ་དང་། དུར་གྱི་འདྲེ་ལྟོགས་དྲི་ཟའི་གནོད་པ་མི་བྱེད་པར་འགྲོ་གསུངས། གཅོད་ལས་ཐོས་སོ། །ཨེ་མ། རྒྱ་ནག་ནས་འགྱུར་ས་ཕབ་ས་མིག་བཙལ། །རྒྱ་གར་ནས་འགྱུར་ས་ཕབ་རྒྱ་གྲམ་བཅའ། །མེ་ཉག་ནས་འོངས་ས་མདའ་ས་མིག་བཙུགས། །ནག་རྩིས་སོགས་ལས་མ་བྱུང་ཡོད་པ་ཀུན། །ཉེས་པ་ཆེ་བས་ས་མཁན་དམྱལ་བར་སྐྱེ། །

[Full Size]

དེ་ཕྱིར་ཀྲི་ཡ་དང་ནི་དགོངས་འདུས་ལས། །ས་འདུལ་ས་སློང་བྱིན་རླབས་དང་། །ས་གཞི་རབ་གནས་ཉུང་ཙམ་མདོར་བསྡུས་བྲིས། །ཡི་གེ་དོན་ཚིག་འདོན་ཆ་ཚང་བར་ཡོད། །ཕྱི་རབས་བླུན་རྨོངས་འགའ་ལ་ཕན་པའི་ཕྱིར། །སྔགས་རྒན་རྭག་ཨ་སྱས་འཕྲལ་དུ་བྲིས། །སྔགས་ཆུང་ཨོ་རྒྱན་མགོན་གྱིས་ཡི་གེར་བཏབ། །ཉེས་འགལ་ས་སྙིང་ལ་བཤགས་དགེ་བ་དེས། །འགྲོ་ཀུན་ས་འཁྲུགས་ཉེས་པ་ཞི་གྱུར་ཅིག ༈ །ལྟོ་འཕྱེ་ཁ་གྲུ་ཕྱོགས། དཔྱིད་གསུམ་བྱུང་། དབྱར་གསུམ་ཤར། སྟོན་གསུམ་ལྷོ། དགུན་གསུམ་ནུབ་ལ་གྲུ་ནས་ས་བརྐོ་མཁན་རང་ཡང་དེ་ལྟར་ཁ་གྲུ་ནས་ས་མིག་ཏུ་འབྱོར་བུ་ལན་གསུམ་བརྡེག་གོ །ཚེས་བཅུ་གཉིས་ནམ་ཡང་བརྐོ་མི་རུང་བས་ཕྱིར་ནངས་བརྐོ་ཆོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཆོད་རྟེན་དབྱེ་བ།

[Full Size]

མཆོད་རྟེན་དབྱེ་བ་བཞུགས་སོ།། ན་མོ་ལོ་ཀེ་ཤྭ་ར་ཡེ། འཇིག་རྟེན་མགོན་པོ་ལ་ཕྱག་འཚལ་ལོ། །ཆོས་སྐུའི་རྟེན་གྱི་རྣམ་དབྱེ་བརྗོད། །ལྷུང་བཟེད་ཁ་སྦུབ་ལྟ་བུ་དང་། །ཁོང་བུ་རྒྱལ་མཚན་ལྟར་གྲགས་གསུམ། །པད་ཟླའི་སྟེང་དུ་ལྷུང་བཟེད་སྦུབ། །ཆོས་སྐུ་མཚན་མ་བྲལ་བའི་མཚོན། །འབིམ་པའམ་ནི་འབུམ་པ་ཟེར། །གྲུ་བཞི་གཅིག་གམ་གཉིས་བརྩེགས་པ། །ཆོས་སྐུ་ཡོན་ཏན་ཐམས་ཅད་རྫོགས། །མཉམ་པ་ཉིད་མཚོན་ཁང་བུ་ཟེར། །རྒྱལ་མཚན་ལྟར་གྲགས་མཆོད་རྟེན་ལ། །བདེ་གཤེགས་མཆོད་རྟེན་རིགས་བརྒྱད་ཡོད། །ཐམས་ཅད་གདན་ཁྲི་ངེས་པ་མེད། །གྲུ་བཞི་ཟླུམ་པོར་པད་ཟླ་དང་། །ཟླ་གམ་ལ་སོགས་ཅི་མཛེས་ཏེ། །རྨང་འདི་དགེ་བ་བཅུ་ཡིན་ནོ། །མགུལ་ཆུ་ཟླ་དཀྱིལ་ཡན་རྣམས་མཐུན། །འོན་ཀྱང་སྒོ་མང་འབུམ་པ་ལ། །ཕྱོགས་བཞི་སྒོ་འབུར་རེ་རེ་འབྱུང་། །བར་གྱི་བང་རིམ་ཐོག་མ་ལ། །ཟླུམ་པོ་པདྨའི་འདབ་མ་ཅན། །བཞིའམ་བདུན་རེ་ཕྱོགས་བཞིར་བརྩེགས། །སེར་སྐྱ་སྐུ་བལྟམས་གོམ་བདུན་བོར། །པདྨ་པདྨ་སྐྱེས་དུས་བཞེངས། །པདྨ་ཅན་ཞེས་བྱ་བ་ཡིན། །བང་རིམ་བཞི་པོ་གྲུ་བཞི་པ། །རྡོ་རྗེ་གདན་དུ་བྱང་ཆུབ་

[Full Size]

དུས། །བྱུང་བ་བྱང་ཆུབ་མཆོད་རྟེན་ཟེར། །ཕྱོགས་བཞི་བང་རིམ་ཕྱོགས་བཞི་ལ། །སྒོ་ནི་བཞིའམ་བརྒྱད་བཅུ་གཉིས། །བཅུ་དྲུག་བདེན་བཞི་རྣམ་ཐར་བརྒྱད། །རྟེན་འབྲེལ་སྟོང་ཉིད་བཅུ་དྲུག་མཚོན། །ཝཱ་ར་ཎཱ་སཱིར་ཆོས་གསུངས་ཆེ། །བྱུང་བ་ཆོས་འཁོར་མཆོད་རྟེན་ནམ། །བཀྲ་ཤིས་སྒོ་མང་ཆོས་སྒོ་མཚོན། །ཡེ་ཤེས་མཆོད་རྟེན་ཞེས་ཀྱང་ཟེར། །བང་རིམ་བཞི་ལྡན་ཕྱོགས་བཞི་ན། །འབུར་བཞི་ཡོད་པ་མཉན་ཡོད་ན། །མུ་སྟེགས་རྫུ་འཕྲུལ་འདྲེན་དུས་བྱུང་། །མུ་སྟེགས་ཕམ་བྱེད་མཆོད་རྟེན་ནི། །ཆོ་འཕྲུལ་ཆེར་བསྟན་མཆོད་རྟེན་ཟེར། །བང་རིམ་ཕྱོགས་བཞིར་སྐས་གདོང་བཞི། །སེམས་ཅན་དོན་ལ་འབྱོན་པ་མཚོན། །ཟླ་གསུམ་ལྷ་ལ་ཆོས་བསྟན་ནས། །ཚངས་དང་བརྒྱ་བྱིན་ལ་སོགས་ཀྱིས། །གསེར་དངུལ་བེཟླུར་སྐས་བཙུགས་སར། །གྲོང་ཁྱེར་གསལ་ལྡན་བབས་དུས་བརྩེགས། །ལྷ་ལས་བབ་པའི་མཆོད་རྟེན་ནམ། །སུམ་ཅུས་ལྷས་མཆོད་མཆོད་རྟེན་ཟེར། །བང་རིམ་ཟུར་བཅད་བརྒྱད་བཞོག་འདྲ། །ཟུར་བརྒྱད་ལོགས་བརྒྱད་བང་རིམ་བཞི། །རྣམ་འཕྲུལ་དུ་མས་འགྲོ་དོན་མཚོན། །རྒྱལ་པོས་ཁབ་ཏུ་བྱུང་བ་སྟེ། །དགེ་འདུན་དབྱེན་ཟླུམ་མཆོད་རྟེན་

[Full Size]

ནམ། །བྱམས་དངོས་མཆོད་རྟེན་ཞེས་སུ་གྲགས། །བང་རིམ་གསུམ་པོ་ཟླུམ་པོ་ནི། །རྣམ་པར་ཐར་པའི་སྒོ་གསུམ་མཚོན། །ཡངས་པ་ཅན་གྱི་གྲོང་ཁྱེར་དུ། །ལ་སྐུ་ཚེ་འདུ་བྱེད་བྱིན་རླབས་དུས། །བྱུང་བ་རྣམ་རྒྱལ་མཆོད་རྟེན་ནམ། །སྐུ་ཚེ་བྱིན་རླབས་མཆོད་རྟེན་ཟེར། །གདན་ཁྲི་ངེས་མེད་གང་རུང་སྟེང་། །བུམ་ལྡན་མགུལ་ཆུ་ཡན་ཆད་བཞུགས། །བྲེ་ལ་ཕྱོགས་བཞིར་འབུར་ཡོད་དང་། །ཁྲེ་དང་བྲེ་སྐེ་ཟླུམ་པོའང་མཐོང་། །སྤྲོས་པ་ཐམས་ཅད་ཉེར་ཞི་མཚོན། །རྩྭ་མཆོག་དྲུང་དུ་འདས་དུས་བྱུང་། །པུ་རིའི་རྒྱུ་འདས་མཆོད་རྟེན་ཟེར། །དེ་ལྟར་མཆོད་རྟེན་དེ་རྣམས་ཀྱི། །མཚོན་བྱ་རྣམ་པར་དག་ཚུལ་ནི། །རྨང་ནི་དགེ་བཅུའི་བང་རིམ་ནི། །དང་པོ་དྲན་པ་ཉེར་གཞག་བཞི། །གཉིས་པ་ཡང་དག་སྤོང་བ་བཞི། །གསུམ་པ་རྫུ་འཕྲུལ་རྐང་པ་བཞི། །བང་རིམ་བཞི་པ་དབང་པོ་ལྔ། །བུམ་གདན་མགུལ་ཆུ་སྟོབས་ལྔ་སྟེ། །བུམ་པ་བྱང་ཆུབ་ཡན་ལག་བདུན། །པུ་ཤུ་ཞེས་བྱ་བྲེ་ཡིན་ཏེ། །འཕགས་ལམ་ཡན་ལག་བརྒྱད་མཚོན་ནོ། །སྲོག་ཤིང་ཤེས་པ་བཅུ་ཡིན་ཏེ། །འཁོར་ལོ་བརྩེགས་མ་བཅུ་གསུམ་ནི། །བཅུ་ནི་སྟོབས་བཅུ་ལྷག་མ་གསུམ། །

[Full Size]

དྲན་པ་ཉེར་གཞག་གསུམ་མཚོན་ནོ། །ཆར་ཁེབས་གདུགས་ཏེ་ཐུགས་རྗེ་ཆེ། །ཏོག་ནི་མཉམ་མེད་ཆོས་སྐུའོ། །འཁོར་ལོ་ཆོས་འཁོར་གདུགས་དོན་གཅིག །རྫོགས་སངས་རྒྱས་ལ་བཅུ་གསུམ་མོ། །བསེ་རུ་ལྟ་བུ་ཆར་ཁེབས་མེད། །རང་རྒྱལ་བདུན་ལ་དགྲ་བཅོམ་ལྔ། །ཕྱིར་འོང་ཕྱིར་མི་འོང་ལ་གསུམ། །རྒྱུན་ཏུ་ཞུགས་ལ་གཅིག་ཀྱང་སྟེ། །སོ་སྐྱེའི་མཆོད་རྟེན་ཆོས་འཁོར་མེད། །མཆོད་རྟེན་བྱི་བོ་ཞེས་བྱའོ། །འོན་ཀྱང་ཆོས་སྐུའི་རིང་བསྲེལ་ཞེས།། །གཟུངས་སྔགས་གཞུག་ན་སངས་རྒྱས་ཡིན། །མཆོད་རྟེན་ཡིན་ཕྱིར་བཅུ་གསུམ་རུང་། །སྟེང་གི་གདུགས་ཆེན་ཆར་ཁེབས་གཅིག།དེ་དག་མཆོད་རྟེན་དངོས་གཞི་ཡིན། །གཞན་ཡང་མཆོད་རྟེན་རྒྱན་རྣམས་ཀྱང་། །སངས་རྒྱས་ཡེ་ཤེས་རྣམ་དག་མཚོན། །རྡོ་རིང་མི་འཇིགས་པ་བཞིའོ། །ཐེམ་སྐས་བསྲུང་བ་མེད་པ་གསུམ། །ཆུ་སྲིན་གྱི་ནི་རྒྱལ་མཚན་བཞི། །བདུད་བཞི་དགྲ་ལས་རྒྱལ་བའོ། །མེ་ཏོག་ཕྲེང་བ་ཚུལ་ཁྲིམས་ཀྱི། །ཕུང་པོ་ལེགས་བསྒྲུབ་མཚན་དཔེའི་མཚོན། །འཇིག་རྟེན་སྐྱོང་བ་བདེན་པ་བཞི། །བཤད་པས་སྐྱེ་བོ་བཞི་ལ་ཕན། །དྲིལ་བུས་གསུང་དབྱངས་དྲུག་ཅུ་སྟོན། །ཟླ་ཚེས་བླ་མེད་ཡེ་ཤེས་

[Full Size]

ཀྱི། །བྱང་ཆུབ་སེམས་ནི་སྣང་བར་བྱེད། །གདུགས་ཀྱིས་འགྲོ་ཀུན་སྐྱོབ་པར་འགྱུར། །ཏོག་ནི་ཆོས་སྐུའི་སྟེང་ན་གཡོགས། །ཏོག་ཆེན་པོ་ཏི་མངོན་ཤེས་དྲུག །མེ་ལོང་ཡེ་ཤེས་བཞི་ཡིན་ཏེ། །དར་གྱི་ཅོད་པན་བླ་མེད་ཀྱི། །ཡེ་ཤེས་བྱང་ཆུབ་ཅོད་པན་འཐོབ། །བ་དན་ཆོས་ཀྱི་སྙན་གྲགས་ཁྱབ། །དེ་ལྟར་མཆོད་རྟེན་རྒྱན་རྣམས་ཀྱང་། །སངས་རྒྱས་ཉིད་ཀྱི་རྣམ་འཕྲུལ་མཚོན། །མཚོན་པ་རྟགས་ཀྱི་མཆོད་རྟེན་ཡིན། །ངོ་བོ་རང་བཞིན་ཆོས་ཀྱི་སྐུ། །སྐྱེ་བ་མེད་པའི་ངང་ཉིད་ལས། །ཀུན་རྫོབ་གཟུགས་བརྙན་མཆོད་རྟེན་ཀྱང་། །དོན་དམ་ཆོས་སྐུའི་གདུང་ཉིད་ལས། །འགྱུར་བ་མེད་ཕྱིར་སྐུ་གདུང་ཟེར། །དེ་ནི་མཆོད་རྟེན་ངོ་བོ་ཡིན། །དེ་ཉིད་བཞེངས་དང་ཕྱག་མཆོད་དང་། །བསྐོར་བ་ལ་སོགས་མཐོང་ཐོས་རེག །ལས་དང་ཉོན་མོངས་ཀུན་བསྲེགས་ནས། །བསོད་ནམས་ཡེ་ཤེས་དཔལ་འབར་བའི། །ལྷ་མི་ཀུན་གྱི་མཆོད་པའི་རྟེན། །འདི་ནི་མཆོད་རྟེན་ངེས་ཚིག་ཡིན་། །དབྱེ་བ་མཆོད་རྟེན་རྣམ་གསུམ་བརྒྱད། །གོང་དུ་བཤད་པ་དེ་དག་གོ །རང་རིག་སྐྱེ་མེད་ཆོས་ཀྱི་སྐུ། །འཁོར་འདས་དབྱེར་མེད་ཡེ་སངས་རྒྱས། །།དམ་རྟོགས་དོན་གྱི་

[Full Size]

མཆོད་རྟེན་ཏེ། །མཚོན་བྱའི་མཆོད་རྟེན་ཡིན་པར་བཤད། །མདོར་ན་བདེ་གཤེགས་མཆོད་རྟེན་ནི། །སྐུ་གསུམ་ཡོངས་སུ་རྫོགས་པ་སྟེ། །རི་རབ་ལྟ་བུ་གྲུ་བཞི་པ། །ལོངས་སྤྱོད་རྫོགས་པའི་རྟེན་ཡིན་ནོ། །དེ་སྟེང་ལྷུང་བཟེད་སྒྲུབ་འདྲ་བ། །ཆོས་ཀྱི་སྐུ་ཡི་རྟེན་ཡིན་ནོ། །དེ་སྟེང་རྒྱལ་མཚན་འདྲ་བ་ནི། །སྤྲུལ་པའི་སྐུ་ཡི་རྟེན་དུ་བཤད། །དཀྱིལ་འཁོར་ཆེན་པོའི་རྒྱུད་དང་ནི། །གསང་འདུས་ཡང་སྙིང་འདུས་པའི་རྒྱུད། །ཀླུ་སྒྲུབ་མཆོད་རྟེན་རྟོགས་པ་དང་། །པཎ་ཆེན་ཞི་བའི་སྙིང་པོ་ཡི། །མཆོད་རྟེན་ཆ་དབྱེ་ཞེས་བྱ་དང་། །ཨོ་རྒྱན་ཆེན་པོའི་གསུངས་པ་དང་། །མཆོད་རྟེན་མང་དུ་མཐོང་བ་དང་། །གཞན་ཡང་བོད་གཞུང་འགའ་བསྟུན་ནས། །རཱ་གའི་མིང་ཅན་བདག་གིས་བྲིས། །འགལ་འཁྲུལ་ཆོས་ཀྱི་སྐུ་ལ་བཤགས། །དགེ་བས་འགྲོ་ཀུན་སྒྲིབ་དག་ནས། །སྐྱེ་མེད་ཆོས་སྐུ་ཐོབ་པར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཆོད་རྟེན་ནག་པོ་གདུག་པ་ཀུན་འདུལ་ཅ་ཏི།

[Full Size]

མཆོད་རྟེན་ནག་པོ་གདུག་པ་ཀུན་འདུལ་ཅ་ཏི་ཞེས་བྱ་བ་བཞུགས་སོ།

[Full Size]

རྒྱ་གར་སྐད་དུ། པྲཛཱ་ཏ་སུ་ཧ། བོད་སྐད་དུ། མཆོད་རྟེན་ནག་པོ་བརྩེགས་པའི་ཆོ་ག་ལགས་སོ། །དཀོན་མཆོག་གསུམ་ལ་ཕྱག་འཚལ་ལོ། །མཆོད་རྟེན་ནག་པོ་བརྩེགས་པའི་ཆོ་ག་འདི་ལ། ཡུལ་དུ་ཐན་ལྟས་ཆེན་པོ་རྒྱུག་གམ། འཁྲུག་པ་ཆེན་པོ་བྱུང་ངམ། བྱད་ཀྱིས་སྡིགས་སམ། མུ་གེ་གདུག་དཀའ་བྱས་སམ། ནད་ཡམས་འབྱུང་ངམ། བྱ་ཐན་ལ་སོགས་ཐན་ལྟས་སྣ་ཚོགས་མཐོང་ངམ། མཁར་ཁང་རྨིས་སམ། ལྷ་འདྲེའི་འགྲིམ་སྲང་དོད་དམ། བདུད་བགེགས་ཀྱི་བྱ་ཁྲི་བཅག་གམ། གདུག་རྩུབ་བསྒྱུར་བ་དང་། བྱད་ཆེན་པོ་ཟློག་པ་དང་། མི་ནད་ཕྱུགས་ནད་བཅད་པ་དང་། ས་ངན་གྱི་གདུག་པ་ཟློག་པ་དང་། གོད་ཁ་ཆེན་པོ་བཅད་པའི་ཕྱིར། སྔགས་པ་ལྷ་བསྙེན་སོང་

[Full Size]

བ་ཡིས། མཆོད་རྟེན་ནག་པོ་བརྩེག་པར་བྱ། ལས་ལ་བརྩམ་པའི་ལིངྒ་བྲི་བ་ནི། ཁྱི་ར་ཕག་གསུམ་གྱི་ཁྲག་དང་རོ་སོལ་ཕྱེ་མ་བཏབ་པའི་སྣག་ཚ་ཡིས། སྲི་ཅན་བླ་ནི་ཁྱི་དང་ཕག །ཆུང་སྲི་བླ་ནི་རྒང་རྩེ་དང་ཏེ་ལོ། ཐེའུ་བླ་ནི་ར་ཕག །ཕུལ་འདྲེའི་བླ་ནི་བོང་དྲེལ། ལོ་ཉེས་བླ་ནི་གཟེ་དང་ཡུག་པོ་བྲི། གོད་འདྲེའི་བླ་ནི་བྱ་རོག །མི་ལིའི་བླ་ནི་སྐྱ་ག་དང་རི་བོང་། རྨེ་འདྲེའི་བླ་ནི་སྤྲེལ་དམར། ཤི་གཤེད་བླ་ནི་སྲིན་པོ་ཕག་ཞོན། ཆུ་ཀླུ་གདོན། སྲིའི་བླ་ནི་སྡོམ་སྡིག །བཙོག་ནལ་བླ་ནི་བྱ་མ་བྱི་ལུ། བུ་སྲིན་འདྲེ་ནི་ར་དང་གྲུམ་པ། བྲན་གྱི་བླ་ནི་ར་ཚག་དང་རྨིག་པ་བྲི། ༈ སྟག་རུས་བཅུ་གསུམ་བསྐོར། ཐུབ་ཚད་སྤྲེའུ་གྲུམ་པ་སྟོབས་ཆེན་དང་། རླུང་དགུའི་ར་དང་། ཕྲ་བའི་རྨིག་པ་དགུ། མི་ལ་ཕོ་ལྟེ་དགུ། དེ་རྣམས་ཚོན་

[Full Size]

སྐུད་སྣ་ལྔས་རྒྱ་གྲམ་དུ་བཅིངས། རྫ་མ་གསར་པ་བྲུབ་ཁུང་ནག་པོའི་ནང་དུ་བཅུག །ས་ཕྱེའི་དུག་དང་རྡོ་ཕྱེའི་དུག །ལྕགས་ཕྱེ་ཟངས་ཕྱེ་ཡུངས་དཀར་ནག །གྲོག་ཚང་བསྲེས་པའི་ཐུན་རྫས་དང་། དྲག་པོའི་གཏོར་མ་ཁྲག་གིས་བྱུག་པ་ཚགས་སུ་བཙལ། ༈ བདག་ཉིད་དྲག་པོ་ཁྲོ་བོར་བསྒོམ། །ལྕགས་ཀྱུའི་ཕྱག་རྒྱ་བཅས་ནས་ནི། །གནོད་བྱེད་བཀུགས་ནས་གཟུགས་ལ་བསྟིམ། །གོང་གི་ཐུན་རྫས་རྣམས་ཀྱིས་བྲབ། །ཟངས་ལྕགས་སེང་ལྡེང་ཕུར་པས་གདབ། ཐར་མེད་མུན་ཁུང་བུག་པར་བསྟིམ། ༈ །རབ་ནི་མཚན་རྟགས་མ་བྱུང་བར་དུ་བསྒྲུབ། །འབྲིང་ནི་ཞག་གསུམ་བར་དུ་བསྒྲུབ། །ཐ་མ་ཞག་གཅིག་འགུགས་འདྲེན་བྱ། །དེ་ནས་སཙྪ་ནག་པོ་བརྒྱ་རྩའམ་ཡང་ན་ཉེར་གཅིག་བྱས་པའི་ནང་དུ་བཅུག་པ་དེ་རབ། མ་འབྱོར་ན་རེ་བས་དྲིལ་ལ་སྐུད་པ་དཀར་ནག་གིས་བཅིངས། ༈་ས་སྤྲིན་པོའི་འཇིམ་པ་ལ། རྔ་མོང་གཅིག་གི་གཟུགས་བྱས་ལ། སྦྱང་མ་རམ་པ་ཡོས་སྙིགས་བྲ་སྲན་ལ་སོགས་འབྲུ་ནག །ཟོ་ཤེ་རྐྱལ་ཤེ་སྐྱེད་དྲེག་སླང་དྲེག་གོ་རྒུམ་ཤ་ཤུན་གོ་རོག་ཐོལ་སུལ་གཟེན་ཡུག་པོ་ཆག་དགུ་ཞིག་བཅུ་དེ་རྣམས་རེ་སྒྱེ་ནང་དུ་ཡས་བྱས་ལ་བཀལོ། སམ་ནག་གི་སྲོག་ཤིང་དམར་པོ་བྱས་ལ་ཤིང་པ་ཟུར་གསུམ་དུ་བཞག་ལ། ཏྲི་ཝཾ་རཾ་གྱི་སྔགས་བྲིས་པ་དེ་རྣམས་ཚགས་བྱའོ། ༈ །དེ་ནས་མཆོད་རྟེན་བཞེངས་པའི་ས་དཔྱད་ནི། ལུང་གསུམ་མདོའམ་སྒང་གསུམ་གྱི་སྣའམ། ལྷ་འདྲེའི་འགྲིམ་སྲོང་ངམ། ཐང་ངན་པའི་ཐ་མ། ལུང་པ་ངན་པའི་ཁ། ས་ངན་པའི་རྟེན་ཕུར། ས་དགྲ་ཅན་གྱི་

[Full Size]

གཉའ་གནོན་དུ་བཞེངས་ཏེ། དེར་ཡོན་བདག་ཀུན་འགྲོ་ལ་ལྷ་གཞི་བཏིང་། ཚོམ་བུ་ལྷ་གྲངས་དང་མཉམ་པ་བཀོད། མཆོད་རྫས་རྣམས་བཤམས། ཞི་བའི་ལྷ་ལ་རྣམ་ལྔ། ཡི་དམ་ལ་དམར་གཏོར། ཕྱི་རིགས་སྲུང་མ་ལ་དཀར་གཏོར་རྣམས་ལ་བསྔོ། རང་གི་ཡི་དམ་དང་ཆོས་སྐྱོང་ལ་དམར་གཏོར་འབུལ། བསྟོད་བསྐུལ་བྱ། བཀའ་བསྒོ་བདེན་པ་བརྡར། དེ་ནས་ས་བདག་དང་ས་ཡི་ལྷ་མོ་ལ་དཀར་གཏོར་འབུལ། ས་ས་སོ་སོར་བྱེར་ཞིག་བྱས་ལ་བཀའ་བསྒོ། དེ་རྣམས་ཚར་ནས་ཁྲོ་བོའི་གར་དང་སྟངས་སྟབས་བྱས་ལ་རང་གི་ཐུ་བ་གཡོན་པ་ལན་གསུམ་བརྡབ་ལ། ས་དེ་ཁ་དྲུག་ཏུ་གས་པར་བསམ་དོང་བྲུས་ལ་དེའི་ནང་དུ་གཤིན་རྗེའི་གྲོང་ཆེར་ཡོད་པར་བསམས་ལ། དམར་གཏོར་གཅིག་བཤམས་ལ། གཤིན་རྗེ་རྣམས་དགྲ་བགེགས་གཏད་པའི་གཉེར་ཟས་ལ་དམར་གཏོར་དེ་ཕུལ་བར་བསྒོམ་མོ། །དོང་བྲུ་གསུམ་བྲིས་པའི་ནང་དམར་གཏོར་དེ་བཅུག་གོ །དེའི་སྟེང་དུ་རྫ་མ་གཟུགས་བྱང་དང་ཡས་རྫས་རྣམས་བཞག་གོ །དེའི་སྟེང་དུ་རྔ་མོའི་གཟུགས་ཡས་བཀལ་བ་དེ་བཞག །ཁ་བྱང་དུ་བསྟན། དེའི་སྟེང་དུ་ཐོད་དགུ་རུས་བཅུ་བཀྲམ། གོ་ཐལ་གྱིས་བཀབ་སོལ་ཕྱེ་བཏབ། སྔགས་པ་བདུད་ཀྱི་ཆས་སུ་ཞུགས་ནས་བཞེངས་ཏེ་འགུགས་གཞུག་བྱས་ལ་འདི་སྐད་དོ།། ཀྱི། དེ་རིང་བདག་དང་ཡོན་གྱི་བདག་པོ་ལ། །ཕ་མྱེས་རྒན་རབས་ཆེ་ཆུང་ཚུན་ཆད་དང་། །བུ་ཚ་འདི་ལ་ཐུག་པ་ཡན་ཆད་ལ། །སྲིད་པའི་འདྲེ་དང་གཙུག་

[Full Size]

ལག་གདོན། །མི་རབས་འཕེལ་དུ་མི་སྟེར་བའི། །རྨང་འདྲེ་དང་ནི་གདོན་བགེགས་རྣམས། །མཆོད་རྟེན་ནག་པོ་འདི་ཡི་ཞབས་སུ་བཅུག །བདག་ལ་ཤག་རོགས་མཛའ་འདྲེ་རྣམས། །མཆོད་རྟེན་ནག་པོ་འདི་ཡི་ཞབས་སུ་བཅུག །སྣ་འདྲེ་རྙིང་པ་ད་འདྲེ་སོ་མ་རྣམས། །མཆོད་རྟེན་ནག་པོ་འདི་ཡི་ཞབས་སུ་བཅུག །ཁྱིམ་མཚེས་དགོས་འདྲེ་ཉེ་བའི་བྱུར་འདྲེ་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །མེ་རྨུགས་དེ་ནི་ནལ་གསུམ་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །སྔ་ཐན་དེ་ནི་མཚིལ་གསུམ་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །གོད་འདྲེ་དེ་ནི་གོད་སྲི་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །ཆུང་འདྲེ་དེ་ནི་ཆུང་སྲི་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །སྨྱོ་འདྲེ་དེ་ནི་སྨྱོ་བྱེད་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །མི་ལ་དེ་ནི་མཚིལ་འདྲེ་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །ས་འདྲེ་དེ་ནི་ས་སྲི་ཡང་། །མཆོད་རྟེན་ནག་པོ་འདི་ཡི་ཞབས་སུ་བཅུག །ཅེས་པས་ལིངྒ་ལ་འདྲེ་གདོན་རྣམས་བསྟིམས། དེའི་འདྲེ་གདོན་རྣམས་མིང་ཙམ་ཡོད་དེ་གནོད་མི་ནུས་སོ། །

[Full Size]

གནོད་པའི་མིང་ཡང་མེད། ༈ དེ་སྟེང་མ་ཧཱ་བ་ལའི་སྐུ་གཟུགས་སྒྲུབ། དེ་སྟེང་རོ་ཡམ་ལ་རོ་སོལ་གྱིས་རྡོ་རྗེ་རྒྱ་གྲམ་བྲིས་ལ་དོང་ཁ་བཅད། དེ་སྟེང་རི་རབ་བང་རིམ་གསུམ་བྲིས་ལ་འདི་སྐད་དོ།། ཀྱཻ། རི་རབ་ཁྲི་འཕང་གཅིག་གི་ཞབས་སུ་ནི། །མི་རབས་གཅིག་གི་འདྲེ་བགེགས་དང་། །སྐྱེས་པའི་ཚེ་དང་དཔལ་ལ་གནོད་པ་རྣམས། །མཆོད་རྟེན་ནག་པོ་འདི་ཡི་ཞབས་སུ་བཅུག །རི་རབ་ཁྲི་འཕང་གཉིས་ཀྱི་ཞབས་སུ་ནི། །མི་རབ་གཉིས་ཀྱི་འདྲེ་བགེགས་དང་། །བུད་མེད་ཚེ་དང་དཔལ་ལ་གནོད་པ་རྣམས། །མཆོད་རྟེན་ནག་པོ་འདི་ཡི་ཞབས་སུ་བཅུག །རི་རབ་ཁྲི་འཕང་གསུམ་གྱི་ཞབས་སུ་ནི། །མི་རབས་གསུམ་གྱི་འདྲེ་བགེགས་དང་། །བུ་ཚའི་ཚེ་དང་དཔལ་ལ་གནོད་པ་རྣམས། །མཆོད་རྟེན་ནག་པོ་འདི་ཡི་ཞབས་སུ་བཅུག །ཨ་ནན། ཡང་ནན། རཾ་ནན། ཁོ་ནན། ས་འདྲེ་ས་སྲི་ནན། དེ་ལྟར་བྱས་རྡོག་པས་ལན་དགུ་མནན། དེ་ནས་མཆོད་རྟེན་བཞེངས་ཏེ། འདྲེ་ལིང་གི་སྟེང་དུ་མཆོད་རྟེན་ནག་པོ་བཞེངས་ལ། དང་པོ་ནས་སྲོག་ཤིང་ཚགས་ཏེ། ཐོག་སེར་ཟློག་པ་དང་། ནད་ཡམས་ཟློག་པ། འཚེར་རྩུབ་བསྒྱུར་བ་ལ་དབྱར་པས་བྱེད། གོད་འདྲེ་མནན་པ་དང་སྦྱིན་སྲེག་བྱེད་ན་གླང་མས་བྱེད། ཆུང་སྲི་བཏུལ་བ་དང་ས་ངན་བཏུལ་བ་ལ་སམ་ནག་གིས་བྱེད།

[Full Size]

རྟིང་པ་ཟུར་གསུམ་བྱ། ལོགས་གསུམ་ལ་སྔགས་འདི་བྲི། ཏྲི་ཝཾ་རཾ་གནོད་བྱེད་མཱ་ར་ཡ་ཁུག་ཛ་རཾ་རཾ། ཞེས་བྲི་རི་རབ་ཀྱི་ལྟེ་བར་བཙུགས། རྩེ་ལ་རྡོ་རྗེ་རྩེ་ལྔ་བྱ། དེ་ལ་རིགས་ལྔའི་ས་བོན་བྲི། ཨོཾ་ཧཱུྃ་ཏྲཱཾ་ཧྲིཿདེའི་འོག་ཏུ་རི་བོ་དགུ་རིམ་བྲི། །དེ་ལ་རེ་བའི་བ་དན་བཏགས། ༈ དེ་ནས་མཆོད་རྟེན་བཞེངས་པ་ལ། །ཚད་ནི་ཆེ་འབྲིང་ཆུང་གསུམ་སྟེ། །གྲུ་བཞི་བདེ་ལ་འཇམ་པ་སྟེ། །ཐིག་ནི་གྲུ་བཞི་ཤྭ་ལྟར་བཅད། །ཆེ་བའི་ཚད་ནི་ལོགས་བཞི་འདོམ་བཞི་བྱེད། །འབྲིང་བའི་ཚད་ནི་འདོམ་ཕྱེད་བཞི། །ཆུང་བའི་ཚད་ནི་མདའ་གང་བཞི། །དབུས་སུ་གྲུ་གསུམ་མཐོ་གང་བསྐོར། །འཕང་གི་སྲོག་ཤིང་ཚད་ཀྱང་དེ་ལྟར་བྱ། ༈ །དེ་ནས་ས་ཡི་འཇིམ་སྤྱིན་ལ། དང་པོ་གྲུ་བཞི་བརྩེགས། དེ་ནས་བང་རིམ་ལྔ། དེ་ནས་སྲོག་ཤིང་བཙུགས། དེའི་རྩ་བར་སཱཙྪ་ནག་པོ་གཅིག་བཅུག །རྣམ་སྣང་སྐུ་མདོག་ནག་པོར་བསྒོམ། དེ་ནས་བུམ་པ་ཏོག་དང་ལྡན་པར་བྱ། རེ་བའི་བ་དན་བཏགས། མཆོད་རྟེན་སོལ་ཆུས་བྱུགས་ལ། ༈ །ཤཱཀ་ཐུབ་སྐུ་མདོག་ནག་པོར་བསྒོམ། །དེ་ནས་བསྐྱེད་རིམ་བརྟན་པ་ནི། །ཕྱོགས་བཞི་མཚམས་བརྒྱད་སྟེང་འོག་གི །དགྲ་འདྲེ་གནོད་བྱེད་གདོན་བགེགས་རྣམས། །མཆོད་རྟེན་འདི་ཡི་ཞབས་སུ་ཚུད་པར་བསམ། །འབྱུང་བ་ལྔ་ཡིས་ནན་གྱིས་མནན་པར་བསམ། །མཆོད་རྟེན་དེ་ཡི་ཤར་ཕྱོགས་སུ་རྒྱལ་པོ་ཡུལ་འཁོར་སྲུང་།

[Full Size]

ལྷོ་ཕྱོགས་སུ་འཕགས་སྐྱེས་པོ། ནུབ་ཕྱོགས་སུ་སྤྱན་མི་བཟང་། བྱང་ཕྱོགས་སུ་རྣམ་ཐོས་སྲས། ཟུར་བཞི་ལ་ཕྱོགས་སྐྱོང་བཅུ། རི་མོ་དགུ་ལ་ཡན་ཁམས་དགུ་། བ་དན་ལ་རླུང་ལྷ་ནག་པོ། རྩེ་མོ་རྡོ་རྗེ་རྩེ་ལྔ་ལ་རིགས་ལྔའི་སངས་རྒྱས་བསམ། མཆོད་རྟེན་ལྷ་དང་བཅས་པ་ལས་འོད་ཟེར་སྣ་ཚོགས་འཕྲོས་པས་གནོད་བྱེད་ཐམས་ཅད་ཟིལ་གྱིས་གནོན། སྣང་སྲིད་ལྷ་འདྲེའི་གདུག་སེམས་རྣམས། །མི་ནུས་རང་སར་ཞི་བར་བསམ། །མི་ནད་ཕྱུགས་ནད་རྒྱུན་ཆད་ནས། །ཆར་ཆུ་དུས་སུ་བབ་ལོ་འབྲས་རྟག་ཏུ་སྨིན་པར་བསམ། །དེར་འབྲུ་ཟན་སྣ་དགུའི་གཏོར་མ། །འཕགས་པ་མཉེས་པའི་གཏོར་མ་འབུལ། །ལྷ་འདྲེ་མཉེས་པའི་གཏོར་མ་བཏང་། །རིགས་དྲུག་རྣམས་ལ་ལན་ཆགས་འཇལ། །དེ་ན་སྔགས་འཆང་གིས་སྣང་སྲིད་ལྷ་འདྲེ་ལ་སྲིད་པའི་མཆོད་རྟེན་ནག་པོའི་རྒྱུད་འདུལ་ཞིང་བཤད་དེ། ཀྱཻ། སྲིད་པའི་མཆོད་རྟེན་ནག་པོ་འདི། །སྔོན་དང་པོ་ཇི་ལྟར་དུས་སྲིད་ན། །རྒྱ་གར་ཡུལ་གྱི་ཤར་ཕྱོགས་སུ། །སྐྱེད་མོས་ཚལ་ཞེས་བྱ་བ་ནས། །རྒྱལ་བུ་དོན་གྲུབ་ཀྱིས་མཆོད་རྟེན་བཞེངས་པས། རྒྱལ་སྲིད་རྣམས་དབང་དུ་སྡུས། སྲས་དང་བཙུན་མོ་སྤང་ནས་དཀར་པོ་དགེ་བ་མཛད། དེ་ནས་

[Full Size]

དགུང་ལོ་སུམ་ཅུ་ལོན་ནས་སུ། རྒྱ་གར་རྡོ་རྗེ་གདན་གྱི་ཤར་ཕྱོགས་སུ། ཆུ་བོ་ནེ་རཉྫནའི་འགྲམ་དུ། བདུད་འདུལ་བའི་མཆོད་རྟེན་བརྩེགས། རྒྱ་གར་ཡུལ་གྱི་ལྷོ་ཕྱོགས་སུ། རྒྱལ་མོ་མངའ་སྐྱེས་དགའ་བའི་ཡུལ་དུ། གླང་པོ་ཆེ་བརྩེགས་པའི་མཆོད་རྟེན་བརྩེགས། རྒྱ་གར་ཡུལ་གྱི་ནུབ་ཕྱོགས་ནས། ཝཱ་ར་ཎཱ་སཱིར་སེང་ལྡེང་བརྩེགས་པའི་མཆོད་རྟེན་བརྩེགས། རྒྱ་གར་ཡུལ་གྱི་བྱང་ཕྱོགས་སུ། །སྲིན་པོ་འདུལ་བའི་མཆོད་རྟེན་བརྩེགས། དེ་ནས་རྒྱལ་པོ་མྱ་ངན་ལས་འདས་པའི་མཆོད་རྟེན་བརྩེགས། རྒྱ་གར་ཡུལ་དུ་སངས་རྒྱས་བཅོམ་ལྡན་འདས་མྱ་ངན་ལས་འདས་པའི་མཆོད་རྟེན་བརྩེགས། །རྒྱ་གར་ཡུལ་གྱི་རྔམ་མཆོག་ཏུ་དར་མ་ཨ་ཤྭ་ཀའི་མཆོད་རྟེན་བརྩེགས། མཆོད་རྟེན་དཔལ་དབང་ཕྱུག་ནི་བེ་དཀར་ཐུབ་པའི་དོན་དུ་མཆོད་རྟེན་བརྩེགས། ནཱ་ག་རྫུ་ན་གཉིས་ཀྱིས་རྒྱ་མཚོའི་འགྲམ་དུ་ཀླུ་འདུལ་གྱི་མཆོད་རྟེན་བརྩེགས། རི་གསུམ་གྱི་རྩེ་མོ་ལ་མཆོད་རྟེན་བརྒྱ་རྩ་བཞེངས་པས་མཆོད་རྟེན་བརྩེགས། བགེགས་ཀྱི་སོ་ཕ་དང་བྱ་ར་བ་བཏུལ། ལུང་གསུམ་གྱི་མདོར་བརྩེགས་པས། འདྲེ་གདོན་གྱི་ཉུལ་ལམ་དང་འཇབ་པའི་དུར་ལམ་བཅད། རེ་བའི་བ་

[Full Size]

དན་བར་སྣང་དུ་ཕྱུར་བས། འདྲེ་གདོན་གྱི་གབ་སྐུང་བཏབ། དེའི་ཡོན་ཏན་གྱི་རྒྱལ་པོ་ཨ་ཤྭ་ཡང་ལོ་བརྒྱ་ལོན་ནས་ཕུང་པོ་མ་བཞག་པར་སངས་རྒྱས་སོ། །འོག་གི་འཁོར་འབངས་རྣམས་ནད་སོས། ཆར་ཆུ་བབས་ནས་ལོ་ཏོག་སྨིན། རྒྱལ་བུ་མངའ་ཐང་ཆེ། ཕོ་བྲང་བྱིན་ཆེ། སྔོན་ཡང་མཆོད་རྟེན་བརྩེགས་པས་འདྲེ་གདོན་དེ་ལྟར་ཐུལ། ༈ དེ་རིང་བདག་དང་རྒྱུ་སྦྱོར་ཡོན་བདག་གིས། །མཆོད་རྟེན་ནག་པོ་འདི་བརྩེགས་པས། །བདག་ཅག་སྔགས་མཁན་རྒྱལ་པོ་ཡིས། །སྔགས་དང་ཕྱག་རྒྱས་དབང་བསྐུར་ནས། །ཏིང་ངེ་འཛིན་གྱིས་བྱིན་གྱིས་བརླབས། །རི་རབ་ཆེན་པོར་མངའ་ཡང་གསོལ། །སྲིད་པའི་འདྲེ་དང་གཙུག་ལག་གདོན། །བགེགས་རིགས་གདུག་རྩུབ་སྟོན་པ་རྣམས། །རི་རབ་ཆེན་པོའི་ཞབས་སུ་བཅུག །ཤར་བདུད་ཤར་བཙན་ཤར་གྱི་གདོན་བགེགས་རྣམས། །ཤར་གྱི་ཁྲི་འཕང་ཞབས་སུ་བཅུག །ལྷོ་བདུད་ལྷོ་བཙན་ལྷོ་ཡི་གདོན་བགེགས་རྣམས། །ལྷོ་ཡི་ཁྲི་འཕང་ཞབས་སུ་བཅུག །ནུབ་བདུད་ནུབ་བཙན་ནུབ་ཀྱི་གདོན་བགེགས་རྣམས། །ནུབ་ཀྱི་ཁྲི་འཕང་ཞབས་སུ་བཅུག །བྱང་བདུད་བྱང་

[Full Size]

བཙན་བྱང་གི་གདོན་བགེགས་རྣམས། །བྱང་གི་ཁྲི་འཕང་ཞབས་སུ་བཅུག །མཚམས་བཞིའི་གཤེད་བཞིའི་གདོན་བགེགས་རྣམས། །མཚམས་བཞིའི་ཁྲི་འཕང་ཞབས་སུ་བཅུག །འོག་གི་ས་འདྲེ་ས་སྲི་ས་སྒོ་བྱེ་བ་ཡང་། །བགེགས་ལིང་གཟུགས་བཟང་འདི་ཡིས་བཙང་། །རི་རབ་ཆེན་པོའི་བརྗིད་ཀྱིས་མནན། །མཆོད་རྟེན་ནག་པོའི་ཞབས་སུ་བཙུད། །སྔོན་ཡང་འདྲེ་གདོན་དེ་ལྟར་འདུལ། །སྔོན་གྱི་དཔེ་ཡག་བཟང་སྲོལ་དུ། །ད་ཡང་འདྲེ་གདོན་དེ་ལྟར་འདུལ། །རང་གནས་རང་གི་གནས་སུ་དེངས། །སྔོན་བཅོམ་ལྡན་ཕྱག་ན་རྡོ་རྗེ་ཡིས། །རི་གསུམ་འདུས་པའི་སྣ་དང་ལུང་གསུམ་འདུས་པའི་མདོར། །རི་རབ་དེ་ལ་དཔེ་བླང་པའི། །གདུག་པ་འདུལ་བའི་མཆོད་རྟེན་བརྩེགས། །དེ་རིང་བདག་དང་ཡོན་བདག་གི །མཆོད་རྟེན་བརྩེགས་པའི་གཞི་བཟུང་ངོ། །དེ་ནས་བདག་ཉིད་པདྨ་འབྱུང་གནས་སམ་ཕྱག་རྡོར་གང་རུང་དུ་བསྒོམས་ལ། གསེར་སྐྱེམས་བཏང་ལ་ལས་བཅོལ་བྱ། སྲུང་འཁོར་བསྒོམ་པར་བྱ། །ཀྱེ། དང་པོ་མཆོད་རྟེན་ནག་པོ་གར་སྲིད་ན། །དང་པོ་འབྱུང་བ་རིམས་སུ་ཆགས། །དེ་སྟེང་རི་རབ་ལྷུན་པོ་བརྩེགས། །སྟོང་གསུམ་རབ་འབྲིང་གསུམ་དུ་སྲིད། །དེ་ཡི་

[Full Size]

གཟུགས་ཀྱི་དང་པོ་ལ། །བདེ་བར་གཤེགས་པ་རིགས་ལྔ་སྲིད། །དེ་འོག་ཡན་ཁམས་དགུ་རུ་སྲིད། །དེ་འོག་ཕྱོགས་སྐྱོང་བཅུ་རུ་སྲིད། །ཐ་མར་ལྷ་སྲིན་སྡེ་བརྒྱད་སྲིད། །རི་རབ་ཞབས་སུ་རྒྱ་མཚོ་སྲིད། །ཆུ་སྲིན་མ་ཧཱ་ཀ་ར་སྟེང་ན་ཉལ། །ཆུ་སྲིན་རྒྱལ་པོའི་གྲེ་ཁུང་དུ། །འདྲེ་སྲིན་མང་པོའི་ཚང་ནི་བཅས། །དེས་མི་ལ་གདུག་པ་སྣ་དགུ་སྲིད། །ཆུ་སྲིན་རྒྱལ་པོ་གདུག་པ་ཆེ། །ལྷ་འདྲེ་ཀུན་གྱི་ནང་དབྱེན་བྱེད། །བརྐྱང་བསྐུམ་བྱེད་ཅིང་གདུག་རྩུབ་བྱེད། །སྐྱི་མདངས་ཡོ་ནས་དགུན་འབུད་བཏང་། །གདུག་པ་སྣ་ཚོགས་མི་ལ་བཏང་། །།འཛམ་གླིང་ཁ་ཞབས་ལོག་ལ་ཁད། །ལན་རེ་འདྲེ་ལོག་བྱེད་པའི་དུས། །དགུང་དང་མཚོ་ཡང་ཁ་ཞབས་འགུལ། །ལན་རེ་ངར་སྐད་བྱེད་པའི་དུས། །གནམ་ལྕགས་ཐོག་སེར་འབེབས་པར་བྱེད། །སྐར་མདའ་བཏང་ཞིང་སྡང་བར་བྱེད། །ཕྱོགས་སྐྱོང་བཅུ་ཡིས་འབོད་འགྲོས་བྱེད། །འཛམ་བུ་གླིང་གི་མི་རྣམས་འཁྲུག །འཛམ་གླིང་མི་ལ་འདུག་ཡུལ་མེད། །འཛམ་གླིང་མི་རྣམས་སྡུག་ཆེ་བས། །དེ་ལ་མགོན་སྐྱབས་ཞུ་བ་ནི། །སྲིད་པ་ཀུན་ལ་དྲིས་པ་ལ། །རི་རབ་རི་ཡི་རྩེ་མོ་ནས། །

[Full Size]

སངས་རྒྱས་ཤཱཀྱ་ཐུབ་པ་བཞུགས། །དེ་ཐབས་མཁས་ཐུགས་རྗེ་ཆེ་བ་ཡི། །སེམས་ཅན་ཀུན་ལ་མགོན་སྐྱབས་མཛད། །དེ་ལ་མགོན་སྐྱབས་ཞུ་བ་གྱིས། །དེ་ནས་འཛམ་གླིང་མི་རྣམས་ཀྱིས། །ཤཱཀྱ་ཐུབ་པར་ཞུ་བ་བགྱིས། །དེ་ཚེ་རི་རབ་རྩེ་མོ་ནས། །སངས་རྒྱས་ཤཱཀྱ་ཐུབ་པ་བཞེངས། །རི་རབ་རྩེ་ནས་གཟིགས་པ་ཡིས། །རྒྱ་མཚོ་འཁྱིལ་པའི་གཏིང་རུམ་དུ། །ལྷ་སྲིན་གདུག་པ་བྱེད་པ་མཐོང་། །ཉི་མ་ཚ་བ་བདུན་བདུན་བྱུང་། །མེ་ཏོག་རྩི་ཤིང་ལོ་ཏོག་སྐམ། །དེ་ཚེ་སྟོན་པ་བཅོམ་ལྡན་འདས། །གླིང་བཞིའི་མི་ལ་ཐུགས་རྗེས་གཟིགས། །འགྲོ་བ་སེམས་ཅན་དོན་ཡང་མཛད། །ཐབས་མཁས་ཐུགས་རྗེ་ཆེ་བ་དེས། །གསེར་གྱི་རྡོ་རྗེ་འཕངས་བ་ཡིས། །ཆུ་སྲིན་གདུག་པའི་ཁར་གཅིག་བརྒྱབ། །ཙནྡན་ཤིང་གཅིག་ཁང་པར་ཐལ། །གསེར་གྱི་རྡོ་རྗེ་རྩེ་དགུ་དེས། །ཆུ་སྲིན་གདུག་པའི་མིག་ཀྱང་བཅར། །མིག་ནས་བདུད་རྩི་ཆར་བབས་པས། །ལོ་ཏོག་རྩི་བཅུད་ཐམས་ཅད་དང་། །འབྲས་དྲུག་ཐན་པས་གདུང་བ་སོས། །སེམས་ཅན་ཀུན་གྱི་གསོས་སུ་གྱུར། །དེ་ཡང་ཐུབ་པའི་ཐུགས་རྗེ་ལགས། །དེ་ཚེ་ཆུ་སྲིན་ཁང་པ་ནས། །

[Full Size]

ཤིང་གཅིག་སྐྱེས་པ་ཁ་རུ་བྱུང་། །དེ་ནས་དཔག་བསམ་ལྗོན་ཤིང་ཡིན། །གནོད་སྦྱིན་གདུག་པ་དྲག་པོ་དང་། །ས་འོག་འདྲེ་སྲིན་ལངས་བ་ཡིས། །མི་ལ་གདུག་པ་སྣ་ཚོགས་སྟོན། །དེ་ནས་བཅོམ་ལྡན་འདས་ལ་ཞུ་བ་གསོལ། །བཅོམ་ལྡན་འདས་ཀྱིས་ཐུགས་རྗེས་གཟིགས། །ཕྱག་ན་རྡོ་རྗེའི་བཀའ་ཉན་པ། །ཤཱཀྱ་ཐུབ་པའི་འཁོར་ལ་ཞུས། །དེ་ལ་བཀའ་ཚིག་བསྒོས་པ་ནི། །འཛམ་གླིང་མི་རྣམས་ཉོན་རེ་མོངས། །ཆུ་སྲིན་གདུག་པས་ཉན་པ་ལ། །ཕྱག་ན་རྡོ་རྗེའི་མགོན་སྐྱོབས་མཛད། །རི་རབ་ལྷུན་པོར་ཁྱེད་བཞུགས་ལ། །ཆུ་སྲིན་གདུག་པའི་མགོ་བོ་མནན། །གདུག་རྩུབ་ཞེ་སྡང་ཅི་བྱས་པ། །རི་རབ་ལྷུན་པོའི་ཞབས་སུ་མནན། །ཆུ་སྲིན་ཁ་སྦུབ་ཁ་རུ་མནན། །ཡུལ་འདྲེ་ཡུལ་སྲི་མང་པོ་ཀུན། །རི་རབ་ཆེན་པོའི་བརྗིད་ཀྱིས་མནན། །རི་རབ་བང་རིམ་གསུམ་པ་ལ། །མཆོད་རྟེན་བང་རིམ་ལྔ་བྱས་ཏེ། །རི་རབ་གླིང་བཞི་དབུས་དང་ལྔ། །མཆོད་རྟེན་ལྔ་ཡི་ཁ་བད་བྱས། །དཔག་བསམ་ཤིང་གི་སྡོང་པོ་ལ། །མཆོད་རྟེན་དེ་ཡི་སྲོག་ཤིང་བྱས། །རི་རབ་དེ་ལ་མཆོད་རྟེན་འགྱིང་། །གསེར་རི་བདུན་དང་རོལ་མཚོ་

[Full Size]

བདུན། །རི་རབ་དེ་ཡི་ཞབས་སུ་གནས། །དེ་སྐད་ཅེས་ནི་བཀའ་སྩལ་ནས། །བཅོམ་ལྡན་ཕྱག་ན་རྡོ་རྗེ་ཡིས། །ཤཱཀྱ་ཐུབ་པའི་བཀའ་ལ་ཉན། །རི་རབ་རི་རྒྱལ་ལྷུན་པོ་ཡང་། །མཆོད་རྟེན་ཆེན་པོར་བྱིན་གྱིས་བརླབས། །དེས་འདྲེ་སྲིན་གདུག་བྱེད་མགོ་ཡང་མནན། །ཅིས་ཀྱང་མི་ཐུབ་རྡོ་རྗེ་རྒྱ་གྲམ་གྱིས། །ཆུ་སྲིན་གདུག་བྱེད་མིག་དང་རྣ་བ་བཙང་། །མིག་གིས་བལྟས་ཀྱང་མི་རིག་དང་། །རྣ་བས་ཉན་ཀྱང་མི་ཐོས་པར། །འདྲེ་དང་གདོན་གྱི་གཉའ་ཡང་མནན། །གནོད་བྱེད་གདོན་བགེགས་མཱ་ར་ཡ། །རི་རབ་ཆེན་པོའི་བརྗིད་ཀྱིས་མནན། །ཤར་ནས་དྲི་ཟའི་འདྲེ་ལང་བ། །རྒྱལ་པོ་ཡུལ་འཁོར་སྲུང་གིས་བསྲུང་དུ་གསོལ། །ལྷོ་ནས་གཤིན་རྗེ་འདྲེ་ལང་བ། །རྒྱལ་པོ་འཕགས་སྐྱེས་པོ་ཡིས་བསྲུང་དུ་གསོལ། །ནུབ་ནས་ཀླུ་ཡི་འདྲེ་ལང་བ། །རྒྱལ་པོ་སྤྱན་མི་བཟང་གིས་བསྲུང་དུ་གསོལ། །བྱང་ནས་གནོད་སྦྱིན་འདྲེ་ལང་བ། །རྒྱལ་པོ་ཆེན་པོ་རྣམ་ཐོས་སྲས་ཀྱིས་བསྲུང་དུ་གསོལ། །མཚམས་བཞིའི་གདོན་དང་བགེགས་ཀྱི་སྡང་བ་ན། །ཕྱོགས་སྐྱོང་བཅུ་ཡིས་བསྲུང་དུ་གསོལ། །སྟེང་ནས་ཟེར་ཁམས་འདྲེ་ལང་བ། །འབྱུང་བ་ལྔ་

[Full Size]

ཡིས་བསྲུང་དུ་གསོལ། །རི་རབ་མཆོད་རྟེན་བརྗིད་ཆེ་དང་། །དཀྱིལ་འཁོར་ལྷ་ཚོགས་རྣམས་ཀྱིས་ནི། །བདག་ཅག་ཡོན་བདག་བསྲུང་དུ་གསོལ། །དེ་ནས་གཡས་སྐོར་ཉེར་གཅིག །གཡོན་བསྐོར་ནང་འཕྲོད་བྱས་ལ། །བྱེ་མ་སྤང་རམ་གང་འཕྲོད་གཏོར། ཀྱི། དང་པོ་ཅི་ཡང་མེད་པ་ལ། །དེ་ལ་ཡེར་ཡོད་ཅུང་ཙམ་སྲིད། །དེ་ལ་འཇིག་རྟེན་ཆོས་རྒྱལ་སྲིད། །རྒྱལ་པོ་དགའ་བྱེད་ཅེས་བྱ་སྲིད། །དེ་ཡི་བུ་ལ་སེང་གེ་ཟ་འགྲམ་སྲིད། །དེ་ཡི་བུ་ལ་རྒྱལ་པོ་ཟས་གཙང་སྲིད། །ཡུམ་སྒྱུ་མ་ལྷ་མཛེས་མ་ལ། །སྲས་རྒྱལ་བུ་དོན་གྲུབ་སྲིད། །དེ་ཡི་རྫུ་འཕྲུལ་སྣ་ཚོགས་ཀྱིས། །ཚེ་རབས་སྔ་ཕྱི་འབྱུང་བར་ཤེས། །དུགེ་བ་བྱས་པའི་ཡོན་ཏན་གྱིས། །མཐོ་རིས་གནས་སུ་སྐྱེ་བར་ཤེས། །སྡིག་པ་བྱས་པའི་ཉེས་པ་ཡིས། །ངན་སོང་གནས་སུ་འགྲོ་བར་ཤེས། །དེ་ལ་འགྲན་ཟླ་མེད་པ་ལ། །བདུད་ཤཱཀ་རིགས་ཀྱི་འགྲན་ཟླ་བྱས། །དེ་ནས་མཐུ་རྩལ་ཆེན་པོ་བསྟན། །ཤཱཀྱ་ཐུབ་པས་སེམས་ཅན་རྣམས། །བསྟན་པ་བདེ་སྐྱིད་དགོངས་པ་སྤེལ། །སྐྱེ་རྒ་ན་འཆིའི་བདུད་ཀྱང་བཏུལ། །དགེ་བ་སྣ་ཚོགས་ཉམས་སུ་བླང་། །འགྲོ་བ་སེམས་ཅན་དོན་ཡང་མཛད། །

[Full Size]

སེམས་ཅན་ཀུན་གྱི་ཕ་མ་བྱས། །བྱོལ་སོང་མི་སྐད་གོ་བར་བྱས། །འབོད་ན་ཚུར་ལ་འོང་བ་དང་། །གཤེད་ན་ཕར་ལ་འགྲོ་བ་དང་། །གཞན་གྱི་མཐུ་རྩལ་མ་ལགས་ཏེ། རྒྱལ་བུ་ཀུན་ཤེས་མཐུ་ཡིས་བྱས། །ཉ་ནི་ཆུ་ལ་རྐྱལ་བ་བཞིན། །དེ་དག་ཀུན་གྱི་བར་སྐབས་སུ། །རྒྱལ་པོ་དགའ་བྱེད་རྒྱལ་པོ་སྲིད། །།སྦལ་ལྕོང་རྣམས་ལ་མེར་བྱེད་བསམ། །མི་ལུས་ཐུབ་པར་མི་འགྱུར་ཡང་། །སྡེར་མོ་མི་ཡི་རྐང་ལག་འཐོག །མི་ཡི་ལུས་དང་མཉམ་པར་བྱས། །དགེ་བའི་རྩ་བ་འབད་པའི་ཕྱིར། །ལུས་ནི་མི་མར་བཏང་བར་བྱས། །ཙན་དན་སྡོང་པོའི་ནགས་ཁྲོད་ནས། །སྟག་མོ་མ་སྨད་རྟོགས་ལ་ཐུག །ཤ་ཁྲག་ཟ་བཙུག་སྦྱིན་པ་བཏང་། །དེ་ཡང་བཟོད་པའི་སེམས་བསྐྱེད་པས། །ལུས་ལ་ལྕགས་འཛེར་སྟོང་ཡང་བཀོད། །དམུས་ལོང་རྣམས་ཀྱི་མིག་ཀྱང་ཕྱེས། །ཞ་གྲུམ་རྣམས་ཀྱི་རྐང་ལག་བཏང་། །ནད་པ་རྣམས་ཀྱི་སྨན་ཡང་གསོས། །སེམས་ཅན་ཀུན་ལ་འོ་བྱམས་པས། །དེ་ཡི་དགེ་བའི་རྩ་བ་ཡིས། །མར་མེ་མཛད་ཀྱི་ཞལ་ཡང་མཐོང་། །མེ་ཏོག་ཨུཏྤལ་སྔོན་པོ་བདུན། །མར་མེ་མཛད་ལ་མཆོད་པ་ཕུལ། །མར་མེ་མཛད་ཀྱི་ཐུགས་རྗེ་ཡིས། །

[Full Size]

ཤཱཀྱ་ཐུབ་པར་ལུང་ཡང་བསྟན། །ཆོས་རྣམས་སྤྱོད་པའི་དབང་ཡང་བསྐུར། །བདུད་རྣམས་བཏུལ་བའི་མཐུ་ཡང་བྱིན། །སྐྱེ་བ་གཅིག་གི་ཐོབ་པའི་མི། །ལྷ་ཡི་རྒྱལ་པོར་གྱུར་པའི་དུས། །དམ་པ་ཏོག་གི་མཚན་ཡང་གསོལ། །ཟས་གཙང་རྒྱལ་པོ་ཡབ་ཏུ་གཟིགས། །སྒྱུ་མ་ལྷ་མཛེས་ཡུམ་ལ་གཟིགས། །སྐྱེ་རྒ་ན་འཆི་ཐར་བྱེད་པ། །ནི་རཉྫརའི་ཆུ་འགྲམ་དུ། །དགུང་ལོ་དྲུག་ལ་དཀའ་ཐུབ་མཛད། །བྱང་ཆུབ་མཆོག་གི་ཤིང་དྲུང་དུ། །ལྷ་ཡི་བུ་ཡི་བདུད་རྣམས་བཏུལ། །ཤཱཀྱ་ཐུབ་པར་མཚན་ཡང་གསོལ། །ཆོས་ཀྱི་རྒྱལ་པོ་ཆེན་པོར་གྱུར། །འགྲོ་བ་འདྲེན་པའི་ཐབས་ལ་མཁས། །ཆོས་རྣམས་བཤད་པའི་སྟོན་པ་མཛད། །ཉན་ཐོས་ཐམས་ཅད་སློབ་མར་བྱས། །ཟུང་བཞི་ཡ་བརྒྱད་ཞལ་འབྲེལ་མཛད། །དེ་ནས་ཤཱཀྱ་ཐུབ་པ་དེས། །ཝཱ་ར་ཎཱ་སཱིར་ཆོས་འཁོར་བསྐོར། །བྱ་རྒོད་ཕུང་པོའི་རི་ལ་ལྡིང་། །འགྲོ་བའི་དོན་རྣམས་མཐར་ཕྱིན་ནས། །གྲོང་ཆེར་རྩྭ་མཆོག་དྲུང་ཚལ་དུ། །ཡོངས་སུ་མྱ་ངན་འདས་པ་བསྟན། །དུས་ངན་ཐ་མ་དེ་ལས་བྱུང་། །ཟུང་བཞི་ཡ་བརྒྱད་ཞལ་འབྲེལ་བྱས། །ཉན་ཐོས་མཆོག་བརྒྱད་འདུས་པ་ཡིས། །

[Full Size]

རྒྱ་ཆེའི་ཆོས་ལ་བདུན་ཚིག་བྱས། །ཕན་བསོད་ཆེ་བ་དགེ་རྩ་བྱས། །ཐུབ་པ་མྱ་ངན་འདས་པ་ལ། །ལྷ་ཡི་ཁམས་ནས་ལྷ་རྣམས་འདུས། །མི་ཡི་ཁམས་ནས་མི་རྣམས་འདུས། །ཀླུ་ཡི་ཁམས་ནས་ཀླུ་རྣམས་འདུས། །རྒྱ་གར་ཡུལ་ནས་བྲམ་ཟེ་འདུས། །སྲིན་པོའི་ཡུལ་ནས་སྲིན་པོ་འདུས། །གནོད་སྦྱིན་ཡུལ་ནས་གནོད་སྦྱིན་འདུས། །ཤཱཀྱ་ཐུབ་པའི་སྐུ་གདུང་དེ། །ལྷས་ནི་ལྷ་ཡི་ཡུལ་དུ་ཁྱེར་དགོས་ཟེར། །ལྷ་མིན་ལྷ་མིན་ཡུལ་དུ་ཁྱེར་དགོས་ཟེར། །མིས་ཀྱང་མི་ཡི་ཡུལ་དུ་ཁྱེར་དགོས་ཟེར། །ཀླུས་ཀྱང་ཀླུ་ཡི་ཡུལ་དུ་ཁྱེར་དགོས་ཟེར། །སྲིན་པོས་སྲིན་པོའི་ཡུལ་དུ་ཁྱེར་དགོས་ཟེར། །གནོད་སྦྱིན་གནོད་སྦྱིན་ཡུལ་དུ་ཁྱེར་དགོས་ཟེར། །བྱོལ་སོང་བྱོལ་སོང་ཡུལ་དུ་ཁྱེར་དགོས་ཟེར། །ཡི་དྭགས་ཡི་དྭགས་ཡུལ་དུ་ཁྱེར་དགོས་ཟེར། །དམྱལ་བས་དམྱལ་བ་ཡུལ་དུ་ཁྱེར་དགོས་ཟེར། །དེ་རྣམས་གང་ལ་མ་བསྐུར་ནས། །ཤ་རུ་ར་ཡི་ཞུགས་ལ་བཞག །ཡེ་ཤེས་འབར་བའི་མེ་ལ་བསྲེགས། །ཤ་རུ་ར་ཡི་རུས་པ་དེ། །སྐུ་གདུང་རིང་བསྲེལ་དག་ཏུ་གྱུར། །རྒྱ་གར་ཡུལ་གྱི་བྲེ་ལ་འཇལ། །བྲེ་འོ་ཆེ་ཡི་ཁལ་ནི་བཅུ་བཞི་བྱུང་། །དེ་དག་ཆ་ནི་ལྔ་རུ་

[Full Size]

བསྒོས། །ཆ་གཅིག་ལྷ་ཡི་གདན་དྲངས་ནས། །ལྷ་ཡི་ཡུལ་དུ་མཆོད་རྟེན་བརྩེགས། །ལྷ་རྣམས་ཀུན་གྱི་མཆོད་གནས་བྱས། །ཆ་གཅིག་མི་ཡི་ཡུལ་དུ་གདན་དྲངས་ནས། །མི་ཡི་ཡུལ་དུ་མཆོད་གནས་བྱས། །ཆ་གཅིག་ཀླུ་ཡི་ཡུལ་དུ་གདན་དྲངས་ནས། །ཀླུ་ཡི་ཡུལ་དུ་མཆོད་རྟེན་བརྩེགས། །ཀླུ་རྣམས་ཀུན་གྱི་མཆོད་གནས་བྱས། །ཆ་གཅིག་རྒྱ་གར་ཡུལ་དུ་གདན་དྲངས་ནས། །རྒྱ་གར་ཡུལ་དུ་མཆོད་རྟེན་བརྩེགས། །རྒྱ་གར་མི་རྣམས་མཆོད་གནས་བྱས། །ཆ་གཅིག་བྲམ་ཟེའི་ཡུལ་དུ་གདན་དྲངས་ནས། །བྲམ་ཟེ་རྣམས་ཀྱི་མཆོད་རྟེན་བརྩེགས། །འདྲེ་སྲིན་རྣམས་ཀྱི་བསྐལ་པ་བཅད། །སྐུ་གདུང་རིང་བསྲེལ་མ་ཐོབ་པས། །འདྲེ་སྲིན་གདོན་བགེགས་ཐུགས་ཁྲོས་ནས། །མི་ལ་གདུག་པ་སྣ་ཚོགས་བཏང་། །ཁྲོ་ཆུ་ཁོལ་མའི་མདའ་ཡང་འཕངས། །མི་ནད་ཕྱུགས་ནད་སྣ་ཚོགས་འབྱུང་། །སྲིན་ཡུལ་ལང་ཀ་པུ་རི་ནས། །སྲིན་པོ་མང་བརྒྱ་ཉུང་བཅུ་ཡང་། །རོ་ཡི་གཞོབ་དང་གསུར་ལ་ལངས། །སྲིན་པོ་ཤ་ཟ་མང་པོ་ཡིས། །འཛམ་གླིང་མི་ལ་གདུག་པ་བཏང་། །དེ་ནས་ཉན་ཐོས་མཆོག་བརྒྱད་ཀྱིས། །དགེ་སློང་གཞོན་ནུ་བྱ་བ་

[Full Size]

དེ། །འདྲེ་སྲིན་ཡུལ་ཁམས་བརྟག་ཏུ་བཏང་། །སྲིན་ཡུལ་ལང་ཀ་པུ་རི་དེ། །དབྱིབས་དང་ཁ་དོག་ཅི་ལྟར་འདྲ། །དེ་ན་གནས་པའི་སྲིན་པོ་ཀུན། །གོས་སུ་ཅི་གྱོན་ཟས་སུ་ཅི་ཟ་རྣམས། །དགེ་སློང་གཞོན་ནུས་བརྟག་པ་ལ། །སྲིན་ཡུལ་ལང་ཀ་པུ་རི་དེ། །མདོག་ནི་ནག་ལ་ཟླ་གམ་འདྲ། །སོལ་ཕྱེ་བཏབ་པའི་རི་བོ་འདྲ། །ཟས་སུ་ཤ་དང་ཁྲག་ལ་དགའ། །གོས་སུ་རེ་བ་ནག་པོ་གྱོན། །དེ་སྐད་ཅེས་ནི་གསུངས་པ་དང་། །དེ་ཚེ་ཉན་ཐོས་མཆོག་བརྒྱད་ཀྱིས། །བྲམ་ཟེ་བི་ན་ཡ་ག་བསྙག །བྲམ་ཟེའི་ཆོས་གོས་ནག་པོ་གྱོན། །ཡུངས་དཀར་ཕོ་ཉ་ཕྱོར་བཅུར་བཏང་། །།སྐུ་གདུང་བསྲེག་པའི་ཐལ་བ་དང་། །སོལ་བ་དང་ནི་ངན་སྙིགས་དང་། །ས་ཚིག་རྡོ་ཚིག་ཕྱེ་ཕྱེ་དང་། །འཁོར་ར་ཡུག་ཡུག་བསྡུས་ནས་ནི། །ལང་ཀ་པུ་རའི་མདོག་འདྲ་བའི། །མཆོད་རྟེན་ནག་པོ་བཞེངས་སུ་གསོལ། །མདོག་ནི་ནག་ལ་ཁྲོས་པ་འདྲ། །ལྷ་འདྲེ་འཇིགས་པའི་རི་བོ་བརྩེགས། །སྲིན་པོ་སྔགས་པའི་ཁྲི་འཕང་ཅན། །གདོན་བགེགས་བརྒྱལ་བའི་འོད་ཟེར་ཅན། །དེ་ལ་མིང་དང་མཚན་བཏགས་པ། །གདུག་པ་འདུལ་བའི་མཆོད་རྟེན་ལགས། །སམ་ནག་ཚེར་

[Full Size]

མ་གདུག་པ་ཅན། །དྲག་པོའི་ཤིང་ལ་སྲོག་ཤིང་བྱས། །འདྲེ་སྲིན་མང་པོའི་བླ་ཡང་བྲིས། །ལང་ཀ་པུ་རའི་གཉའ་གནོན་བྱས། །འཛམ་བུ་གླིང་གི་མི་རྣམས་ཀྱིས། །གྲོ་ག་ཤ་ཤུན་སྟག་སྡེབ་ལ། །སོལ་ཕྱེ་ནག་པོའི་སྣག་ཚ་དང་། །ཕག་རའི་ཁྲག་གིས་འདྲེ་ལིང་བྲིས། །ལིང་ག་གཟུགས་ཅན་བྲིས་ནས་ནི། །དཀར་ནག་སྐུད་པས་དམ་དུ་བཅིང་། །ཤེལ་ཚིགས་རམ་པ་རུག་པ་དང་། །ཟན་དྲུག་དང་ནི་ཡོས་སྙིགས་དང་། །ཙ་སྦྲུལ་ཐོད་དགུ་རུས་བཅུ་དང་། །འདྲེ་སྲིན་གདོན་བགེགས་གནོད་བྱེད་རྣམས། །བཀར་དང་བྲབ་པའི་ཡས་སྟགས་རྣམས། །མཆོད་རྟེན་ནག་པོའི་ཞབས་སུ་བཅུག །མི་དང་ཕྱུགས་ཀྱི་གླུད་དུ་བཏང་། །ཡོན་གྱི་བདག་པོས་བསྐོར་བ་བྱས། །ཡོན་མཆོད་ཀུན་གྱིས་གཡས་སྐོར་བྱེད་ཅིང་ནས་འབྲུ་གཏོར། མཆོད་པ་འབུལ། མཆོད་ཡོན་འབུལ་ལ་གཉེར་ཡང་བསྐོས། །ཆོས་སྐུ་ཆེན་པོར་མངའ་ཡང་གསོལ། །དེ་ཡི་ནུས་པ་ཡོན་ཏན་གྱིས། །མི་ནད་ཕྱུགས་ནད་ཆད་པ་དང་། །བཀྲ་ཤིས་ཕུན་སུམ་ཚོགས་པར་བྱ། །དབང་སྐུར་བྱེད་ཅིང་སྨོན་ལམ་བཏབ། །བདག་དང་ཡོན་བདག་འཁོར་བཅས་ཀྱི། །བསྐོར་བ་བྱས་ལ་རབ་གནས་བྱ། །ཡེ་དྷརྨཱས་རབ་གནས་

[Full Size]

བྱ། འདིར་ཐུབ་པ་ནག་པོ་བསྒོམ། དེ་ནས་མཆོད་རྟེན་ལ་སྨོན་ལམ་བཏབ་ལ་སྐོར་བ་བྱེད་ཅིང་འདི་སྐད་བརྗོད། དབང་བསྐུར། ན་མོ། དཀོན་མཆོག་གསུམ་ལ་ཕྱག་འཚལ་ལོ། །སྔོན་བཅོམ་ལྡན་འདས་ཤཱཀྱ་ཐུབ་པའི་སྐུ་ལས་སྤྲུལ་ཏེ། བདུད་བཏུལ་བའི་མཆོད་རྟེན་འདི་བརྩེགས་དྲང་སྲོང་མངོན་ཤེས་པ་བྱ་བ་དེས། རི་བོ་ཏ་ལའི་རྩེར་མཆོད་རྟེན་བཞེངས་ཏེ། དེའི་བཅོམ་ལྡན་འདས་མངོན་པར་རྫོགས་པར་སངས་རྒྱས་པ་ལྟར། དེ་རིང་བདག་དང་ཡོན་བདག་རྣམས། ཡང་བཀྲ་ཤིས་ཕུན་སུམ་ཚོགས་པར་གྱུར་ཅིག །སྔོན་དྲང་སྲོང་བདེ་མགོན་གྱི་ཆུ་བོ་ནེ་རཉྫརའི་དྲུང་དུ་ཀླུ་འདུལ་བའི་མཆོད་རྟེན་བརྩེགས་པས། ཆུ་བོ་ནེ་རཉྫན་སྐམ་པ་ཡང་འབྲུབ། རི་བོ་ཏ་ལ་ཉིལ་བ་ཡང་རངས། བཅོམ་ལྡན་འདས་མངོན་པར་རྫོགས་པར་སངས་༈ རྒྱས་པ་ལྟར། བདག་དང་ཡོན་བདག་རྣམས་འཚོ་མཛད་ཀྱི་གསོས་ལ་ཚེ་རིང་བར་གྱུར་ཅིག །སྔོན་ཡང་རྒྱལ་པོ་དྲག་ལྡན་བྱ་བས་རྒྱ་མཚོ་ནི་སྐམ། ས་གཞི་ནི་གས། རྒྱལ་བརྒྱུད་ནི་ཆད་དུ་ཉེ་བར། མཆོད་རྟེན་བརྩེགས་པའི་ཡོན་ཏན་གྱིས་རྒྱལ་པོ་འཁོར་བཅས་འཁོར་འདབ་རྒྱས་པ་ལྟར། དེ་རིང་བདག་དང་ཡོན་བདག་ཡང་འཁོར་འདབ་འཕེལ་ལ་

[Full Size]

རྒྱས་པར་གྱུར་ཅིག །སྔོན་རྒྱལ་པོ་དགའ་བྱེད་ཀྱིས་རི་གསུམ་གྱི་གོང་དུ་མཆོད་རྟེན་བརྩེགས་པས། འདྲེ་གདོན་གྱི་སོ་བ་དང་བྱ་ར་བ་ཆད་པ་ལྟར། དེ་རིང་བདག་དང་ཡོན་བདག་གིས་དགྲ་རྐུན་མེདི་ནས་བཙན་ས་ཟིན་པར་གྱུར་ཅིག །།ལུང་གསུམ་གྱི་མདོ་ན་མཆོད་རྟེན་བརྩེགས་པས། བགེགས་ཀྱི་འགྲིམ་སྲང་བཅད་པ་ལྟར། དེ་རིང་བདག་དང་ཡོན་བདག་གིས་ཇག་ཤོད་དང་སྐྲག་སྔངས་མེད་པར་གྱུར་ཅིག །རི་ལུང་མང་པོ་འདུས་པའི་སར་མཆོད་རྟེན་བརྩེགས་པས་བགེགས་ཀྱི་འགྲིམ་སྲང་བཅད་པ་ལྟར། དེ་རིང་བདག་དང་ཡོན་བདག་གི་བགེགས་རིགས་ཐམས་ཅད་ཞི་བར་གྱུར་ཅིག །ས་དགྲ་ཅན་གྱི་སར་བརྩེགས་པས། ས་བཟང་བར་བྱས་པས་མི་ཡི་ཁམས་རྣམས་བདེ་བར་ལྟར་དེ་རིང་བདག་དང་ཡོན་བདག་བདེ་བར་གྱུར་ཅིག །འཁོར་རྣམས་བདེ་བར་གྱུར་ཅིག །སྔོན་ཡང་ས་ངན་པ་བཏུལ་བ་དང་། ས་བདག་གདུག་རྩུབ་ཅན་དང་། ས་འདྲེ་ས་སྲི་འགྲིམ་ལམ་དུ་མཆོད་རྟེན་བརྩེགས་པས་ས་འདྲེ་ས་སྲི་མནན་པ་དང་འདྲེ་སྲིན་གྱི་འགྲུལ་ལམ་བཅད་པ་ལྟར། དེ་རིང་བདག་དང་ཡོན་བདག་གི་མཆོད་རྟེན་ནག་པོ་འདི་གར་བརྩེགས་ཀྱང་།

[Full Size]

ཡོན་བདག་བཀྲ་ཤིས་ཤིང་རིགས་རྒྱུད་འཕེལ་བར་ཤོག །ཅེས་བརྗོད། ཨོཾ་ཛི་ན་ཛིཀ །ལཾ་ཏེ་ཤྭ་ར་ཏི་སིཾ། སྲ་རཏྣ་དྷིཀ །མཾམོ་ཧ་ར་ཏི། ཨོཾ་ཨཱཿ་རོ་ལིཀ །པྱོ་ར་ག་ཏི། །ཧཔྲཛྙཱ་དྷིཀ །ཏཾ་བཛྲ་ར་ཏི། ཙ་ཏི་ཤྭ་རི་མུན་བཟློག།བརྒྱའམ་གང་ཚར་བཟླ་ཞིང་། ཡོན་མཆོད་ཀུན་གྱིས་མེ་ཏོག་འཐོར་ལ་གཡས་སྐོར་བྱེད་ཅིང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསྲུང་བའི་གུར་དུ་གྱུར་པར་བསམ། བསྲུང་བའི་རྒྱལ་པོ་ལ་གསོལ་བ་བཏབ། དེ་ནས་གཡོན་བསྐོར་བྱས་ལ། ཡོན་བདག་གི་ནད་གདོན་བུད་ནས་པུ་རི་དེ་ལ་ཐིམ་པར་བསམ། ལུས་ཤེལ་སྒོང་གསལ་ལ་དག་པ་ལྟར་དུ་བསྒོམ། དུར་སྒོ་དང་ས་སྒོ་བཅད་པའི་གཉེར་གཏད་དོ། ༈ །དེ་ནས་ལྷག་མ་བྱེད་བརྟན་མ་སྐྱོང་། བཀྲ་ཤིས་བརྗོད། ཡེ་ཤེས་པ་གཤེགས། དམ་ཚིག་པ་ཅ་ཏི་ལ་བསྡུས། ཅ་ཏི་རྣམ་སྣང་དངོས་སུ་དམིགས། །བསྔོ་བ་སྨོན་ལམ་རྒྱས་པར་བྱ། དེ་ནས་མི་དམིགས་པའི་ངང་ལ་རྒྱས་གདབ་བོ། ༈ །ད་ནི་མཆོད་རྟེན་གྱི་ལྷ་བསྐྱེད། སྤྱན་དྲངས། བརྟན་གཞུག་ཕྱག་འཚལ་མཆོད་བསྟོད། འདོད་པའི་དོན་ལ་གསོལ་བ་བཏབ་པ་ནི། ཧཱུྃ། མི་གནས་དམིགས་མེད་ཆོས་སྐུ་དག་པ་ལ། །གཟུགས་སྐུ་མཚན་མའི་ཕྱག་རྒྱ་སྐུར་སྟོན་པ། །རང་བྱུང་བདུད་འདུལ་མཆོད་རྟེན་ནག་པོའི་སྐུ། །ཉོན་མོངས་

[Full Size]

དབང་གིས་བཞེངས་བཞུགས་མི་མངའ་ཡང་། །ཐུགས་རྗེ་སྤྲུལ་སྐུའི་འགྲོ་བའི་དོན་མཛད་ཕྱིར། །རང་བྱུང་མཆོད་རྟེན་ཆེན་པོར་གཤེགས་སུ་གསོལ། །ཨོཾ་མ་ཧཱ་ཅ་ཏི་ས་མ་ཡ་ཛཧཱུྃ། ཧཱུྃ། ཆོས་སྐུ་རྣམ་དག་ཡེ་ནས་མཁའ་ལྟར་དག །ལོངས་སྤྱོད་རྫོགས་སྐུ་ཉི་ཟླའི་འོད་གསལ་ཞིང་། །ཅི་ཡང་སྤྲུལ་སྐུ་ཐུགས་རྗེའི་འོད་ཟེར་འཕྲོ། །རང་བྱུང་ལྷུན་གྲུབ་མཆོད་རྟེན་ནག་པོའི་སྐུ། །ཐུགས་རྗེ་ཐབས་ཀྱིས་འགྲོ་བའི་དོན་མཛད་པ། །གྲུ་གསུམ་མཐིང་ནག་གདན་ལ་བཞུགས་སུ་གསོལ། །ཨོཾ་མ་ཧཱ་ཅ་ཏི་ས་མ་ཡ་ཧཱུཾ། ཧཱུྃ་སྐུ་གསུང་ཐུགས་ལས་སྤྲུལ་པའི་སྐུ་གདུང་གཙོ། །ཡོན་ཏན་བྱིན་རླབས་ཆེན་པོ་རྨད་བྱུང་གཙོ། །ཕྱི་ནང་ལྷ་སྲིན་སྡེ་བརྒྱད་བདུད་འདུལ་གཙོ། །མཆོད་རྟེན་ནག་པོའི་སྐུ་ལ་ཕྱག་འཚལ་བསྟོད། །ཨོཾ་མ་ཧཱ་ཅ་ཏི་སརྦ་ན་མོ། ཧཱུྃ། རང་བྱུང་གདོད་ནས་དག་པའི་རིང་བསྲེལ་གཙོ། །བདག་དང་མཐའ་ཡས་སེམས་ཅན་ཐམས་ཅད་ཀྱི། །མ་རིག་ཉོན་མོངས་འཁྲུལ་པའི་རྣམ་རྟོག་གི །མི་དགེ་སྡིག་པའི་ལས་རྣམས་ཅི་མཆིས་པ། །བདེ་གཤེགས་རིང་བསྲེལ་སྤྱན་སྔར་མཐོལ་ལོ་བཤགས། །ཨོཾ་ཧཱ་ཅ་ཏི་ས་མ་ཡ་སྭཱ་ཧཱ། ཧཱུྃ།

[Full Size]

མ་རིག་མུན་སེལ་སྣང་གསལ་སྒྲོན་མེ་འདི། །བདེ་གཤེགས་རིང་བསྲེལ་སྐུ་ལ་མཆོད་པ་འབུལ། །ཨོཾ་མ་ཧཱ་ཅ་ཏི་ཨཱཿ་ལོ་ཀེ་ས་མ་ཡ་སྭཱ་ཧཱ། ཧཱུྃ། རྣམ་དག་དྲི་མ་མེད་པའི་ཁྲུས་ཆབ་འདི། །བདེ་གཤེགས་རིང་བསྲེལ་སྐུ་ལ་མཆོད་པ་འབུལ། །ཨོཾ་མ་ཧཱ་ཅ་ཏི་ཨགྷི་ས་མ་ཡ་སྭཱ་ཧཱ། ཧཱུཾ། དྲི་ཞིམ་ངད་དང་ལྡན་པའི་སྤོས་མཆོག་འདི། །བདེ་གཤེགས་རིང་བསྲེལ་སྐུ་ལ་མཆོད་པ་འབུལ། །ཨོཾ་མ་ཧཱ་ཅ་ཏི་དྷ་པེ་ས་མ་ཡ་སྭཱ་ཧཱ། ཧཱུྃ། འབྱུང་ལྔར་སྐྱེས་པའི་ལྷ་རྫས་མེ་ཏོག་འདི། །བདེ་གཤེགས་རིང་བསྲེལ་སྐུ་ལ་མཆོད་པ་འབུལ། །ཨོཾ་མ་ཧཱ་ཅ་ཏི་པུལླེ་ས་མ་ཡ་སྭཱ་ཧཱ། ཧཱུཾ། དྲི་ཞིམ་རྣམ་པར་དག་པའི་བྱུག་ཚོགས་འདི། །བདེ་གཤེགས་རིང་བསྲེལ་སྐུ་ལ་མཆོད་པ་འབུལ། །ཨོཾ་མ་ཧཱ་ཅ་ཏི་གནེ་ས་མ་ཡ་སྭཱ་ཧཱ། ཧཱུཾ། རོ་མཆོག་བཅུད་དང་ལྡན་པའི་ཞལ་ཟས་འདི། །བདེ་གཤེགས་རིང་བསྲེལ་སྐུ་ལ་མཆོད་པ་འབུལ། །ཨོཾ་མ་ཧཱ་ཅ་ཏི་ནེ་ཝིདྱ་ས་མ་ཡ་སྭཱ་ཧཱ། །ཧཱུྃ། སྟོང་ཉིད་སྒྲ་དབྱངས་སྒྲ་སྙན་རོལ་མོ་འདི། །བདེ་གཤེགས་རིང་བསྲེལ་སྐུ་ལ་མཆོད་པ་འབུལ། །ཨོཾ་མ་ཧཱ་ཅ་ཏི་ཤཐཱ་ས་མ་ཡ་སྭཱ་ཧཱ། ཧཱུྃ། རྣམ་དག་རྟོགས་གྲོལ་ཆོས་ཀྱི་དབྱིངས་ཉིད་

[Full Size]

སྐུ། །ཐམས་ཅད་རྒྱན་ལྡན་ལོངས་སྤྱོད་རྫོགས་པའི་སྐུ། །ཐབས་ཤེས་མཚན་མའི་ཕྱག་རྒྱ་ཅི་ཡང་སྟོན། །འགྲོ་དོན་མཐར་ཕྱིན་སྐུ་གདུང་ལྷུན་གྱིས་གྲུབ། །རིགས་ལྔ་རྫོགས་པའི་བང་རིམ་ལྔ་བརྩེགས་ལ། །ཆོས་ཉིད་དབྱིངས་ཀྱི་བུམ་པ་ཏོག་བཅས་ལྡན། །ཚད་མེད་བཞི་ལྡན་ཟུར་བཞི་ཟ་ར་བརྩེགས། །བུམ་པ་དཔལ་བེའུ་ནམ་མཁའ་ལྟ་བུ་ལ། །ཏོག་དང་པན་བཙུགས་གདུགས་ཀྱིས་མཚན། །སིལ་སྙན་དྲིལ་བུ་མེ་ལོང་རྒྱུན་དང་ལྡན། །མ་སྐྱེས་མི་འགགས་ཆོས་སྐུ་རྣམ་པར་དག །ཕྱི་ནང་སྣོད་བཅུད་ལོངས་སྤྱོད་རྫོགས་པའི་སྐུ། །གཟུགས་སྐུ་རྣམ་གཉིས་ཐུགས་རྗེས་དོན་མཛད་པ། །མི་འགྱུར་མི་གཡོ་འགྱུར་མེད་ཆོས་ཀྱི་སྐུ། །མི་སྐྱེས་མི་འགགས་འགྱུར་མེད་ཆོས་ཀྱི་གསུང་། །མི་གནས་མི་རྟོག་འཁྲུལ་མེད་ཆོས་ཀྱི་ཐུགས། །ཕྱི་ནང་སྣོད་བཅུད་སྟོང་པ་ཉིད་དུ་ཤེས། །སྟོང་ལ་རང་བཞིན་མེ་ལོང་ལྟ་བུ་ཤེས། །ཐམས་ཅད་མཉམ་པ་ཉིད་དུ་ཡེ་ནས་ཤེས། །གཉིས་མེད་དོན་ལ་བབ་པ་ཡེ་ནས་ཤེས། །དབྱིངས་དང་ཡེ་ཤེས་གཉིས་སུ་མེད་པའི་སྐུ། །སྐུ་གདུང་རིང་བསྲེལ་མཆོད་རྟེན་ནག་པོའི་སྐུ། །ཐབས་ཤེས་གཉིས་མེད་འབྲེལ་བའི་

[Full Size]

འགྲོ་དོན་མཛད། །ཅ་ཏི་ནག་པོའི་ལྷ་སྲིན་གདུག་པ་འདུལ། །སངས་རྒྱས་ཆོས་དང་དགེ་འདུན་དཀོན་མཆོག་འདྲེན། །རིགས་ལྔ་རིགས་གསུམ་བདེ་གཤེགས་མཆོད་པའི་རྟེན། །སྐུ་གདུང་མཆོད་རྟེན་སྐུ་ལ་ཕྱག་འཚལ་བསྟོད། །དམ་ཚིག་ཉམས་པའི་ས་བོན་ལྟ་ལོག་གི །ལུས་ངག་ཡིད་གསུམ་དྲན་པའི་དབང་པོ་རྣམས། །ལྷ་སྲིན་སྡེ་བརྒྱད་གདུག་པའི་དམོད་པ་ཀུན། །།བདེ་གཤེགས་མཆོད་རྟེན་སྐུ་གདུང་མཐུ་སྟོབས་ཀྱིས། །སྐུ་ཡི་བདེན་པས་ཐམས་ཅད་བསལ་དུ་གསོལ། །གསུང་གི་བདེན་པས་ཐམས་ཅད་བསལ་དུ་ལྕེགསོལ། །ཐུགས་ཀྱི་བདེན་པས་ཐམས་ཅད་བསྒྱུར་དུ་གསོལ། །ཨོཾ་ལཾ་ནན། ཧཱུཾ་ལཾ་ནན། གསོལ་བ་བཏབ་པ་དང་རབ་གནས་ཀྱི་ཆོ་ག་ལགས་སོ། །རྫོགས་སོ།། །།ད་ནི་ཆུང་སྲི་བཏུལ་བ་ལ་འདི་སྐད་བྱའོ། །ལིངྒ་དོང་དུ་སྦས་པ་ལ་འདྲེ་གདོན་རྣམས་བསྟིམ། དམིགས་པ་གསལ་བ་དང་། ཡི་དམ་ལྷ་ཡི་ང་རྒྱལ་གྱིས་འགུགས་གཞུགས་བྱས་ལ་འདི་སྐད་དོ། །སྔོན་ཨོཾ་ད་ཀ་ར་ཡི་སྲིན་མོ་ལ། །མ་བདུད་རྒྱལ་མོར་སྤྲུལ། །དེ་ལ་བུ་མོ་ལྔ་སྲིད་པ། །གོར་མོ་ཁྲི་བཙུན་ཐང་ལོ་གསེར་མིག་དང་། །བརྡ་ལྷ་བཙུན་མོ་རྐང་ལྷ་དེ་མོ་དང་། །བྱང་སྨན་སྐྱི་འཐིང་རྡོ་རྗེ་ཏིང་ལོ་སྨན། །དེ་ལྔས་

[Full Size]

སྤྲུལ་པ་ཆེ་རུ་སྤྲུལ་ཙམ་ན། །གཡག་ཟན་སྨད་དགུར་སྤྲུལ། །འབྲིང་དུས་སྤྲུལ་ཙམ་ན། །བུད་མེད་ནག་མོ་རལ་པ་ཅན། །ལག་ན་སྦྲུལ་ནག་ཞགས་པ་ཐོགས། །དུར་ཕག་ཁྲ་བོ་རོལ་དུ་ཁྲིད། །དུར་བྱ་ནག་པོ་ཀླད་ན་ལྡིང་། །དེ་ནས་ཆུང་ངུར་སྤྲུལ་ཙ་ན། །སྲེ་མོ་ཕག་དང་རྨང་ཚེ་དང་། །ཤ་ཁྱི་སྤྲུལ་པ་བདག་པོ་སྟེ། །དེ་ཡི་མི་ལ་དབུལ་འདྲེ་གོད་འདྲེ་དང་། །ནད་འདྲེ་དང་ནི་ཡམས་འདྲེ་དང་། །ཆུང་སྲི་དང་ནི་རྨོངས་འདྲེ་བྱས། །དེ་ལ་གླུད་དང་ཡས་འབུལ་བ། །བྱིའུ་ཚང་འཁྱིལ་པའི་ནང་དུ་ནི། །གླུད་ཟན་ངར་མི་བཅུག །ཚེ་བུ་རྙིང་པ་བཀོན། །ཤ་དགུ་ཟན་དགུ་དང་། །གླུད་ཟན་ཆངས་བུ་དང་། །སྲེ་མོ་འོལ་ལྕམ་དང་། །རྫ་བྲ་སྣ་དམར་དང་། །རྨང་ཚེ་གསེར་མིག་དང་། །ཁྱིའུ་ཕེ་གུ་དང་། །སྲིན་འབུ་དུང་ལྷག་དང་། །འགལ་བ་འཆང་གང་དང་། །འཛར་བུ་ཐེམ་གསུམ་དང་། །མདའ་ཆུང་གཞུ་ཆུང་དང་། །དུག་བམ་ནག་པོ་དང་། །འབྲུ་ཟན་སྣ་དགུ་དང་། །ཆུང་ཡས་སྣ་ཚོགས་ཀྱིས། །ཆུང་སྲི་གདོན་ཆེན་བཅོ་ལྔ་བཀར། །ཆུང་སྲི་སྤུན་དགུ་ལ། །འགྲོ་བའི་རྔན་པ་སྦྱིན། །བྱེད་པའི་རྫོང་བཏབ་

[Full Size]

བོ། །གཞན་སྤང་རིགས་རྣམས་ལ་རྫོང་བཏབ་བོ། །སྲིན་པོ་ཐང་ང་མགོ་དགུ་དང་། །ས་འདྲེ་རྒྱལ་པོ་སྲས་བཅས་དང་། །འཁོན་འདྲེ་ནག་མོ་དང་། །རྨང་འདྲེ་རོག་པོ་དང་། །རྨུགས་འདྲེ་ཐུ་ལམ་དང་། །ནལ་འདྲེ་སྦག་པ་དང་། །ཐབ་འདྲེ་ནག་པོ་དང་། །རྨུག་འདྲེ་བྱིང་བ་དང་། །མཚེལ་འདྲེ་མཁུན་བུ་དང་། །དགུ་བཅུ་བྱུང་། དེ་རྣམས་ཀྱི་ནད་དང་ཆུང་སྲི་བྱེད། །དབུལ་འདྲེ་དང་གོད་འདྲེ་བྱེད། །ཆུང་སྲི་དང་རྨོངས་འདྲེ་བྱེད། །དེ་ལ་གླུད་དང་ཡས་འབུལ་ལོ། །སོ་དོག་རྨང་རས་དང་། །སྤྲེའུ་དང་བྱ་མ་བྱིའུ། །རྨེ་ཤིང་སྐྱེར་པ་དང་། །ཁྲ་དང་བ་གྷར་དང་། །རུལ་ཕོའི་ཐོད་པ་དང་། །ཁྱི་ཐོད་ཕག་ཐོད་དང་། །ར་ཡི་སླ་གཞི་དང་། ཆག་དགུ་ཞིག་བཅུ་དང་། །གནམ་ལ་འཕུར་དགུ་དང་། །ས་ལ་འཛུལ་བའི་སྲོབ་རིས་དང་། །ཡས་སྟགས་སྣ་ཚོགས་ཀྱིས། །འདྲེ་གདོན་ཆུང་སྲི་སྤུན་དགུ་རྣམས་ལ། །འགྲོ་བའི་བརྔན་དུ་སྦྱིན། །བྱེ་བའི་རྫོང་བཏབ་བོ། །ཞེས་བརྗོད་ལ་རྡོ་རྗེ་རྒྱ་གྲམ་གྱིས་དོང་ཁ་བཅད། ཀྱཻ། རི་རབ་ཁྲི་འཕང་གཅིག་གི་ཞབས་སུ་མན་ཆད་གཞུང་ལྟར་གྱེར་རོ། །ཅ་ཏི་འདི་ཡིག་རྙིང་བཞི་ཙམ་བལྟས་པས་ཡིག་རྙིང་པ་གཅིག་དང་གཞན་

[Full Size]

གསུམ་དང་བཞི་ཀ་མཐུན་པར་འདུག་པ་དེ་ལ་སོར་བཞག་བྱས། ཆུ་སྲིན་བཏུལ་བ་གོང་དུ་འདུག་ན་ཟུར་དུ་བླངས་གཞན་ཡི་གེ་མང་དུ་མཐོང་བ་ལ་བརྟེན་ནས་འཁྲུལ་པ་ཆེར་མི་འདུག་ཀྱང་། ལ་ལར་ཅུང་ཟད་འཁྲུལ་འདུག་པ་དེ་ཡིག་རྙིང་དག་པ་ལ་བརྟེན་ནས་ཁོ་བོས་བྲིས། དེ་ཡང་ཡི་གེ་འགྲིགས་རིམ་ལྟར་དུ་དབང་བསྐུར་ཡན་ཆེད་དུ་ལག་ལེན་མཁས་ཆོས་མ་བྱེད་པར་རིམ་བཞིན་འདོན་པར་བྱོས་ཤིག །དབང་བསྐུར་གྱི་གོང་དུ་མངའ་གསོལ་བརྟན་བཞུགས་དེ་སྦྱར་ན་འཐུས་སྙམ་མོ། །དེ་ནས་དབང་བསྐུར་སྨོན་ལམ་བཏབ་ཡོད་ལེགས་པར་སྙམ། དེ་སློབ་དཔོན་གྱི་ངག་ཁྲིད་དང་རང་གི་གོམས་འདྲིས་དང་། རིག་པའི་མདའ་ལ་བཏུན་པ་ཡིན་ནོ། །རང་གཞུང་གི་ས་བཅད་ལས། །དབང་བསྐུར་མངའ་གསོལ་སྨོན་ལམ་བཏབ། །ཅེས་གསུངས་པ་དང་ཆ་མཐུན་པར་ཡོད། དེ་ཡང་མི་ལེགས་སྙམ་ན་ལེགས་པར་རྟོགས་ན་རང་རང་གི་གང་དགའ་སྤྱོད་པར་གྱིས་ཤིག །སྔགས་ནག་ཕ་ཇོ་རྣམས་ཀྱི་སྤྱོད་ཡུལ་གྱིས། །ཁོ་བོ་རཱ་ག་ཨ་མྱས་བྲིས་པའོ། །འདི་བྲིས་དགེ་བས་དགྲ་གདོན་བགེགས་ཚོགས་ཀུན། །ཐར་མེད་བཙོན་རར་ཚུད་ནས་སྐྱེ་འགྲོ་ཀུན། །ཐམས་ཅད་བདེ་གར་སྤྱོད་པའི་བཀྲ་ཤིས་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཆོད་རྟེན་ནག་པོའི་ལྷན་ཐབས་ཟུར་འདེབས་ཉི་མའི་སྒྲོན་མེ་མ་རིག་མུན་སེལ།

[Full Size]

མཆོད་རྟེན་ནག་པོའི་ལྷན་ཐབས་ཟུར་འདེབས་ཉི་མའི་སྒྲོན་མེ་མ་རིག་མུན་སེལ་ཨ་རཱ་ག་ཁོ་བོས་སྦྱར་ཡོད་དོ་ཨང་།

[Full Size]

དཀོན་མཆོག་གསུམ་ལ་ཕྱག་འཚལ་ལོ། །ཅ་ཏི་ནག་པོའི་འགྲིགས་དང་ལག་ལེན་ལས་ཐབས་ཟིན་བྲིས་སུ་བྲིས་པ་ནི། དེ་ལ་གནད་ཀྱི་མན་ངག་གུད་དུ་བསྟན་པ་ནི། །ཐོག་མར་བསྒྲུབ་པའི་ཞག་གྲངས་བསྟན་པ་དང་། །དེ་ནས་འདེབས་པའི་ས་མིག་བསྟན་པ་དང་། །དེ་ནས་བྱ་བའི་ལས་ཐབས་བསྟན་པ་དང་། །དེ་ནས་གཞུང་གི་ཆོ་ག་བསྟན་པ་དང་། །དེ་ནས་རྗེས་ཀྱི་བྱ་བ་བསྟན་པ་དང་ལྔའོ། ༈ །ཐོག་མར་སྒྲུབ་པའི་ཞག་གྲངས་བསྟན་པ་ནི། །འགུགས་པའི་ས་རུ་སྒྲུབ་པ་ཚུལ་བཞིན་བྱ། །ཡི་དམ་གཞུང་སྲོང་བསྐང་བ་བསྐུལ་པ་བྱ། །རང་མདུན་ཐུན་ཁུང་ནང་དུ་གཟུགས་བྱ་རྣམས། །བཞིག་ལ་དགྲ་བགེགས་གང་གནོད་དམིགས་བྱ་སྟེ། །དབང་མེད་བཀུག་ལ་གཟུགས་བྱང་རྣམས་ལ་བསྟིམ། །གཞུང་ནས་

[Full Size]

བཤད་པའི་ཟོར་དང་ཐུན་གྱིས་བྲབ། །དེ་ལྟར་རབ་ནི་ཞག་བདུན་འབྲིང་ནི་གསུམ། །ཐ་མ་གཅིག་གིས་སྒྲུབ་པ་གཟུགས་བྱང་རྣམས། །།འབྱོར་ན་ཚ་ཚ་ནག་པོའི་ནང་དུ་གཞུག །རྣམ་འབྱོར་རེ་བ་ནག་པོའི་བཏུམ་བྱས་ལ། །ཤི་སྐྱ་ཚོན་སྐུད་སྣ་ལྔས་རྒྱ་གྲམ་བཅིངས། །ཚེར་མའི་ཤིང་གི་རྐམ་པའི་བར་དུ་ལྟེམ། །བྲོ་མའི་ཤིང་གི་ཁ་ནི་བསྡམ་པར་བྱ། །མ་བསྒྲུབས་མནན་པ་བྱ་བ་ག་ལ་སྲིད། །དེ་ནི་སྒྲུབ་པ་ཡིན་ཏེ་ཤེས་མཁན་དཀོན། ༈ །དེ་ནས་འདེབས་པའི་ས་དམིགས་བསྟན་པ་ནི། །ལུང་གསུམ་མདོ་དང་སྒང་གསུམ་སྣ་ལ་འདེབས། །ལུང་པ་ངན་པའི་ཁ་རུ་གདབ་པར་བྱ། །ས་ངན་ཐ་མའི་རྟེན་ཕུར་དང་། །ས་དགྲ་རྩུབ་པའི་གཉའ་ནོན་དང་། །མཆོད་རྟེན་ནག་པོ་གདབ་པར་བྱ། ༈ །ཡང་ཁ་ཅིག་ལ་ནི་འདི་སྐད་

[Full Size]

གསུངས། །གོད་འདྲེ་མནན་པ་ཁང་སྒོའི་མདུན་ཕྱོགས་གདབ། །བྱད་ཁ་མནན་པ་ཆུ་ཆེན་འགྲམ་དུ་གདབ། །ཆུང་སྲི་ཁང་འོག་རྨང་འདྲེ་ཁང་རོལ་ཞབས། །སེར་མ་རི་གསུམ་རྩེ་དང་དུར་སྲི་ལ། །དུར་ཁྲོད་ནང་དུ་མནན་པ་ཤེས་པར་གསུངས། །སྲིད་ཁ་བཀྲོལ་བར་འདོད་ན་ཆུ་བོ་ཡི། །མདུད་པ་བྱས་པའི་སྣ་ལ་གདབ་པ་ཤེས། ༈ །ཡང་ཁ་ཅིག་ལ་ནི་འདི་སྐད་གསུངས། །བྲག་དམར་སྲེ་མོ་འདྲ་དང་བྲག་ནག་ནི། །སོག་པོ་ཁྲོས་འདྲ་དང་ནི་གཅན་གཟན་གྱི། །ཁ་གདངས་འདྲ་བའི་བྲག་གི་རྩ་བ་རུ། །རིམ་བཞིན་ཆུང་སྲི་རྨང་འདྲེ་གོད་འདྲེ་གདབ། །བྲག་ནི་སེང་གེ་འདྲ་བ་དང་། །ས་དབྱིབས་མཆོད་རྟེན་ཐུར་གྱུའི་སྣ། །སྦྲུལ་ནག་ཐུར་རྒྱུག་འདྲ་བའི་ཁ། །ཆུ་སྲིན་ཁ་གདངས་འདྲ་བའི་ཁ། །རིམ་བཞིན་ཤི་སྒབ་བཅད་པ་དང་། །བྱད་ཁ་མནན་དང་ཕུང་ཤིག་དབྱེ་བ་གདབ། །ལུང་གསུམ་སྒང་གཅིག་མདོ་དེ་རུ། །གྲུ་གསུམ་ཕུར་སོ་སྦྱར་འདྲ་ལ། །མཐུ་སྒྲུབ་མཆོད་རྟེན་དེ་རུ་ཤེས། །ཞེས་གསུངས་སོ། ༈ །དེ་ནས་བྱ་བའི་ལས་ཐབས་བསྟན་པ་ནི། །གང་འཐད་ས་དེར་འདུག་ལ་རང་ཉིད་དང་། །ཡོན་བདག་རྣམས་ཀྱི་ལོ་ལྷ་ཡོད་ཕྱོགས་ལ། །རྒྱབ་བརྟེན་བྱས་ལ་གནོད་པའི་ཕྱོགས་དེའམ། །ཡང་ན་འདྲེ་ལྔ་བདུད་གཅོད་ཡོད་པའི་སར། །མཐུ་སྒྲུབ་ཡིན་ན་དགྲ་དེའི་ལོ་ཡི་ཕྱོགས། །ཁ་བསྟན་གསེར་སྐྱེམས་གཏོར་མ་དཀར་གཏོར་བྲན། །ཕྱི་རིགས་དཔལ་མགོན་གཞི་བདག་ཐམས་ཅད་ལ། །དཀར་གཏོར་སྤྱི་ལྟར་བསྔོས་ལ་བཀའ་བསྒོ་བྱ། །ཕྲིན་ལས་སྡོང་གྲོགས་བཅོལ་ལོ་འབུལ་ལོ་

[Full Size]

བྱ། །དེ་ནས་དཀར་གཏོར་གཅིག་བྲན་གསེར་སྐྱེམས་ཐོགས། །ས་ཡི་ལྷ་མོར་ས་སློང་སྤྱི་ལྟར་བྱ། ༈ །སྤྲེའུ་ཟླ་བའི་ལྔ་ལ་མནན་པ་མི་རུང་འཆི། །ཟླ་བ་གང་ཡང་རུང་བའི་བཅུ་བདུན་དང་། །བཅུ་གཉིས་ལ་ས་རྐོ་མི་རུང་ངོ། །དཔྱིད་གསུམ་བྱང་དང་དབྱར་གསུམ་ཤར་དུ་བལྟས་ཏེ་ཀོ། །སྟོན་གསུམ་ལྷོ་དང་དགུན་གསུམ་ནུབ་བལྟས་རྐོ། །ལྟོ་འཕྱེ་ཙང་ཀུན་ཐེ་སེ་སྤྲེལ་ཁོག་དང་། །ས་བསྒྱུར་ཆེན་པོ་རྣམས་དང་དོན་མཐུན་ནོ་མཆན། ༈ དེ་ནས་རང་ཉིད་ཡི་དམ་དྲག་པོར་བསྐྱེད། །རྡོ་རྗེ་མདའ་དར་ཐོགས་ལ་ཕྱོགས་མཚམས་བསྐོར། །རྡོ་རྗེའི་འཆམ་དང་སྟངས་སྟབས་བྱས་པ་ལ། །ཧཱུྃ་ཧཱུྃ༔ ཕེམ་ཕེམ་ཕཊ་དང་ཧ་ཧ་སྒྲོགས། །ས་བདག་དམ་ལ་བཏགས་པའི་ས་འདུལ་ཡིན། །རྟ་རྨིག་ལ་སོགས་རྨིག་པའི་རིགས་རྣམས་དང་། །གཙོད་རུ་ལ་སོགས་བརྡུང་དགུའི་རྭ་རྣམས་དང་། །གྱང་མདུང་རྐང་མདུང་འཇོར་གཡག་རྫས་རྣམས་ཀྱིས། །བརྡུང་དང་བཅག་དང་གཟིར་དང་བྲབ་པར་བྱ། །གཉན་པོ་རྫས་ཀྱིས་འདུལ་བའི་ས་འདུལ་ཡིན། །དེ་ནས་རང་གི་མཐུ་བ་གཡོན་པ་ཡིས། །ས་དེར་ལན་གསུམ་བརྡབས་ནས་སྐག་ལེ་བརྒྱབ། །ཁ་དྲུག་གས་ནས་འོག་གི་རྒྱ་མཚོ་དེ། །སྔོ་མེར་མཐོང་ནས་ཆུ་སྲིན་ཁ་ཡར་གདངས། །ཆུ་སྲིན་གྲེ་བར་གཤིན་རྗེའི་གྲོང་ཁྱེར་དམིགས། །དེ་ནས་ས་ནི་གྲུ་གསུམ་གྲུ་གང་བྲུས། །དེ་ནས་དམར་གཏོར་གཤིན་རྗེའི་ཁ་རུ་བརྒྱབ། །སྡང་དགྲ་གནོད་བྱེད་གཏད་པའི་ཡོན་དུ་འབུལ། །གཤིན་རྗེ་ཁ་གདངས་ལྟོ་བ་ཟད་པ་ལ། །ཞབས་མེད་མུན་

[Full Size]

པའི་འཁོར་ལོ་ཞིག་ཏུ་དམིགས། །དེ་ནས་སྤྲོ་ན་ཡི་དམ་ཆོས་སྐྱོང་ལ། །གསེར་སྐྱེམས་བཏང་ཞིང་གཟུ་དཔང་བདེན་པ་བརྡར། །དེ་ནས་རྫ་ནང་གཟུང་བཟང་སཱཙྪ་བཞག །དོང་དུ་སྦ་ལ་ཨེ་ཁང་སྤྱི་ལྟར་བསྐྱེད། །གནོད་བྱེད་བཀུག་ལ་གཟུགས་ལ་བསྟིམ་པར་བྱ། །དེ་ནས། ཀྱི། དེ་རིང་བདག་དང་ཡོན་གྱི་བདག་པོ་ལ། །ཞེས་ནས། མཆོད་རྟེན་ནག་པོའི་ཞབས་སུ་བཅུག །ཡན་བརྗོད་པར་གྱེར། སྤྲོ་ན་རང་གི་ཡི་དམ་ཆོས་སྐྱོང་རྣམས། །དབྱངས་དང་རོལ་མོ་བཅས་པས་བསྐུལ་བར་བྱ། །དེ་ནས་ཕོ་ཉ་བསྐུལ་ལ་ཕུར་སྐོར་ཚར་གཅིག་བྱ། །དེ་ནས་ཁྲོ་བོའི་རྔམ་བསྐུལ་འདི་ལྟར་བྱ། །ཧཱུཾ། ང་ནི་ཁྲོ་རྒྱལ་ཆེན་པོ་ཡིན། །གནོད་བྱེད་འདུལ་བའི་དུས་ལ་བབ། །དམ་སྲི་འདུལ་བའི་དུས་ལ་བབ། །དམ་སྲི་སོགས་ཆེ་འདུལ་བའི་དུས་བབ། །ལས་ཀྱི་མནར་བའི་དམ་སྲི་རྒེ་ཁྱོད། །བསྐྱོན་ནོ་འཁོར་ལོའི་རྩིབས་ལ་བསྐྱོན། །དྲིལ་ལོ་རེ་བ་ནག་པོའི་དྲིལ། །བཅིང་ངོ་སྔོ་དམར་སྐུད་པས་བཅིངས། །གཟིར་རོ་ཁྲོ་བོའི་མཚོན་ཆས་གཟིར། །སྲེག་གོ་གདུག་པའི་མེ་ལ་བསྲེགས། །བརྡུང་ངོ་རྡོ་རྗེའི་ཐོ་བས་རྡུང་། །བྲབ་བོ་ཡུངས་ཀར་ཐུན་གྱིས་བྲབ། །གླུད་དོ་ཤར་གྱི་ལམ་དུ་གླུད། །བཤས་སོ་སོག་ལེ་ངར་མས་བཤས། །རྐྱེབ་བོ་རྒྱ་གྲམ་ཟུར་མས་རྒྱབ། །བཙོས་སོ་

[Full Size]

ཁྲོ་ཆུ་ཁོལ་མས་བཙོས། །བསྒྱུར་རོ་ཆུ་ཡི་གཞུང་དུ་སྒྱུར། །མནན་ནོ་རི་རབ་ལྗིད་ཀྱིས་མནན། །གནོད་པར་བྱེད་པའི་དམ་སྲི་རྒེ་འདི། །ཉི་ཟླ་ཐང་དུ་ལྷུང་ཡང་མ་བཏང་ཞིག །བྱ་རོག་དཀར་པོ་འགྱུར་ཡང་མ་བཏང་ཞིག །ཆུ་བོ་གྱེན་དུ་ལོག་ཀྱང་མ་བཏང་ཞིག །བསྐལ་པ་ཆགས་འཇིག་མ་བྱུང་བར་ཡང་མ་ལྡང་ཞིག །གནོད་བྱེད་ཕོ་འདྲེ་མོ་འདྲེ་མཱ་ར་ཡ་ནྟཾ་བྷ་ཡ་ནན། ཞེས་དྲག་སྔགས་བཟླ་ཞིང་ཐུན་དང་ཟོར་གྱིས་བྲབ་བོ། །དེ་སྟེང་འགེལ་མཛོ་ཇ་མོ་ག་པ་བཞག །ཁ་ལ་ཡས་གླུད་བརྒྱག་ཕྱེ་རྫོང་འདེབས་རྣམས། །གཞུང་ནས་བཤད་ལྟར་རེ་སྒྱེ་ནང་དུ་བླུགས། །རྔ་མོའི་གོང་དུ་བཀལ་པ་ཁོ་ཡི་རྒྱགས། །དེ་སྟེང་ཐོད་དགུ་རུས་བཅུ་བཀྲམ་པ་དང་། །ཐལ་སོལ་མང་པོའི་སྟེང་ནས་དགབ་པར་བྱ། །ཧོ་གནོད་བྱེད་སྒྲེ་དམ་སྲི་ཕོ་མོ་རྣམས། །འགེལ་མཛོ་རྔ་མོའི་གོང་གི་བརྒྱག་ཕྱེ་འདི། །དེ་རིང་བདག་དང་རྒྱུ་སྦྱོར་ཡོན་བདག་གི །ཁྱོད་ལ་ཡས་དང་གླུད་ཀྱི་རྫོངས་སུ་འདེབས། །ཁྱོད་ཀྱི་ཚེ་ཟས་གཏན་ཟས་འདི་ཟོ་ལ། །བྱམས་པ་མ་བྱོན་པར་དུ་མ་ལྡང་ཞིག །དེ་ནས་ལོང་ལ་བྱང་ཆུབ་སེམས་བསྐྱེད་ཞུས། །ཞེས་བརྗོད་དོ། །དེ་སྟེང་རོ་ཡམ་ལ་ནི་རོ་སོལ་གྱིས། །རྡོ་རྗེ་རྒྱ་གྲམ་བྲིས་ལ་མནན་པར་བྱ། །དེ་སྟེང་གྲོད་པ་རླུང་གིས་བཀང་ལ་བཞག་

[Full Size]

དེ་སྟེང་མེ་བླུག་ས་ཡིས་དགབ། །རིམ་བཞིན་ངག་འདོན་དམིགས་པ་འདི་བཞིན་བྱ། །ཡཾ་ཡཾ་ལས་གདུག་པ་རླུང་ནག་འཚུབ་མའི་དཀྱིལ་འཁོར་གྱི་སྒབ་འདྲེ་གནོད་བྱེད་ཆེ་སརྦ་སྟེ་བྷ་ཡ་ནན། རཾ་རཾ་ལས་བསྐལ་པའི་མེ་དཔུང་དམར་ནག་ཏུ་འབར་བའི་དཀྱིལ་འཁོར་གྱི་གནོད་བྱེད་ཚེ་སརྦ་སིཾ་བྷ་ཡ་ནན། ཁཾ་ཁཾ་ལས་ཆུ་ཡི་རྒྱ་མཚོ་རྦ་རླབས་དྲག་ཏུ་འཁྲུགས་པའི་དཀྱིལ་འཁོར་གྱི་གནོད་བྱེད་ཆེ་སརྦ་ཙཱ་བྷ་ཡ་ནན། སུཾ་སུཾ་ལས་དབང་ཆེན་གྱི་ས་གཞིའི་རི་རབ་གླིང་བཞིའི་དཀྱིལ་འཁོར་གྱི་གནོད་བྱེད་ཆེ་སརྦ་སྟེ་བྷ་ཡ་ནན། །ཞེས་བརྗོད། དེ་སྟེང་ས་ཁོད་རིམ་དགུའི་བར་མཚམས་ལ། །རྒྱ་གྲམ་དགུ་བྲིས་རིམ་བཞིན་རྒྱས་གདབ་བོ། །ཧཱུཾ། གཅིག་པ་ཏིང་ངེ་འཛིན་གྱི་རྒྱ། །གཉིས་པ་ཐབས་དང་ཤེས་རབ་རྒྱ། །གསུམ་ནི་སྐུ་གསུང་ཐུགས་ཀྱི་རྒྱ། །བཞི་ནི་ཚད་མེད་རྣམ་བཞིའི་རྒྱ། །ལྔ་པ་རྒྱལ་བ་རིགས་ལྔའི་རྒྱུ། །དྲུག་ནི་ཕ་རོལ་ཕྱིན་དྲུག་རྒྱ། །བདུན་ནི་སངས་རྒྱས་རབ་བདུན་རྒྱ། །བརྒྱད་ནི་རྣམ་ཐར་བརྒྱད་ཀྱི་རྒྱུ། །དགུ་ནི་ཐེག་པ་རིམ་དགུའི་རྒྱ། །དོན་དང་བརྡའ་སྦྱར་རྟགས་ཀྱི་ཚུལ། །གཉིས་སུ་མེད་པར་རྒྱས་གདབ་བོ། །ཨོཾ་ལཾ། ཧཱུཾ་ལཾ། སུཾ་ལཾ། ཧཱུཾ་བྷ་ཡ་ནན། དེ་ནས་བྲོ་ར་བཅའ་ལ་རྟ་བྲོ་གང་

[Full Size]

ཤེས་བརྡུང་། དེ་སྟེང་མཆོད་རྟེན་བང་རིམ་གསུམ་པ་བྱ། དེ་ནས་སྲོག་ཤིང་བཙུགས་ལ་སཱཙྪ་གཅིག་ནག་པོ་བྱས་ལ་རྣམ་སྣང་ནག་པོར་བསྒོམ། དེའི་རྩ་བར་བཞག་ལ། ཧཱུྃ་ཡོངས་སུ་གྱུར་པ་ལས་གཞལ་ཡས་ཁང་། དེའི་ནང་དུ་ཟླ་བ་ནག་པོའི་གདན་གྱི་སྟེང་དུ། ཨོཾ་ཡོངས་སུ་གྱུར་པ་ལས་སངས་རྒྱས་རྣམ་པར་སྣང་མཛད་སྐུ་མདོག་ནག་པོ། བྱང་ཆུབ་མཆོག་གི་ཕྱག་རྒྱ་ཅན། དབུ་རྒྱན་མགུལ་ཆིངས། སེ་མོ་དོ་ཤལ་ཅན། རྣ་རྒྱན་དཔུང་རྒྱན། ཕྱག་པདྨ་དང་། ཞབས་འཁོར་ལོ། ཆོས་གོས་ནག་པོ། ཞལ་འཛུམ་པ་སྤྱན་གཉིས་མཉམ་པར་གཟིགས་པ་། གདན་དང་རྒྱབ་ཡོལ་ཟླ་བ་ནག་པོ་འཇའ་ཚོན་ནག་པོའི་བསྐོར་བར་བསམ། སྟེང་གི་ནམ་མཁར་རྒྱལ་བ་རིགས་ལྔ་སངས་རྒྱས་སྟོང་དང་ཡི་དམ་ལྷ་ཚོགས་བསྒོམ་མོ། །དེ་ནས་གཞུང་གི་ཆོ་ག་བསྟན་པ་ནི། ཀྱི། རི་རབ་ཁྲི་འཕང་གཅིག་གི་ཞབས་སུ་མནན་ནས་སྨོན་ལམ་ཡན་ཆད་གཞུང་ལྟར་རོ། །དེ་ནས་རྗེས་ཀྱི་བྱ་བ་བསྟན་པ་ནི། །ཡོན་བདག་སྔོན་བཏང་རང་ཉིད་རྗེས་ནས་འོང་། །ཕྱི་མིག་མི་ལྟ་ཁྱུང་སྔགས་བསྒྲུངས་ཤིང་འོང་། །བྱ་ཁྱུང་འཇིགས་པས་ཕྱི་བསྡིག་དྲག་ཏུ་བྱ། །དེ་ནས་གནས་ཁང་སྲུང་བཙུགས་གུར་ཆུང་ཕུབ། །གནས་དེར་དྲག་པོའི་སྦྱིན་སྲེག་བྱས་ན་ལེགས། །བསོད་ནམས་ཆེ་ཕྱིར་ཚོགས་ཀྱི་འཁོར་ལོ་བསྐོར། །

[Full Size]

བསམ་པ་འགྲུབ་ཕྱིར་བཀྲ་ཤིས་དགུ་བརྩེགས་བྱ། །ཉམས་ཆག་བསྐང་ཕྱིར་བཤགས་མདོ་སཱཙྪ་བཏབ། །ས་གནད་མེད་ཕྱིར་ས་བདག་འཁྲུགས་བཅོས་གྱིས། །ཞེས་པའི་འགྲིགས་དང་ཆ་ལག་འདི་རྣམས་ཁོ་བོ་རཱ་ག་ཨ་སྱས་སྦྱར་བའོ། །ཉེས་པ་མཆིས་ན་ལྷ་ལ་བཟོད་པར་གསོལ། སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཆོད་རྟེན་དབང་།

[Full Size]

ཀྱཻ། དེ་རིང་སྲིད་པའི་གནམ་ལ་སྐར་མ་བཟང་། །ས་ལ་དུས་ཚོད་དེ་རིང་བཟང་། །དེ་རིང་གདུགས་ཀྱི་སྔ་དྲོ་ལ། །ཤཱཀྱ་ཐུབ་པ་སྟོབས་ཆེན་མ་ཡི་དཔལ། །རྣམ་པར་སྣང་མཛད་གསེར་མདོག་སྐུ་ཡི་རྟེན། །ལྷུང་བཟེད་བསྣམས་པའི་མཆོད་རྟེན་བཞེངས་ཡག་ལ། །བཅོམ་ལྡན་ཤཱཀྱ་ཐུབ་པས་དབང་བསྐུར་རོ། །མཆོད་རྟེན་དབང་མཆོག་དམ་པ་དང་ལྡན་པར་གྱུར་ཅིག །ཏདྱ་ཐཱ། ཨོཾ་མུ་ནི་མུ་ནི་མ་ཧཱ་མུ་ནེ་ཨ་བྷི་ཥིཉྩ་ཧཱུཾ་ཧཱུཾ། ཀྱི། དེ་རིང་སྲིད་པའི་གནམ་ལ་སྐར་མ་བཟང་། །ས་ལ་དུས་ཚོད་དེ་ཟ་རིང་བཟང་། །དེ་རིང་གདུགས་ཀྱི་སྔ་དྲོ་ལ། །ཤཱཀྱ་ཐུབ་པ་སྟོབས་ཆེན་མ་ཡི་དཔལ། །རྣམ་པར་སྣང་མཛད་གསེར་མདོག་སྐུ་ཡི་རྟེན། །འཁོར་ལོ་བརྩེགས་པའི་མཆོད་རྟེན་བཞེངས་ཡག་ལ། །རྣམ་པར་སྣང་མཛད་འཁོར་ལོའི་དབང་བསྐུར་རོ། །མཆོད་རྟེན་དབང་མཆོག་དམ་པ་དང་ལྡན་པར་གྱུར་ཅིག །ཨེ་བྷེ་རོ་ཙ་ན་ཨོཾ་ཨ་བྷི་ཥིཉྩ་ཨོཾ། ཀྱཻ། །དེ་རིང་སྲིད་པའི་གནམ་ལ་སྐར་མ་བཟང་། །ས་ལ་དུས་ཚོད་དེ་རིང་བཟང་། །དེ་རིང་གདུགས་ཀྱི་སྔ་དྲོ་ལ། །ཤཱཀྱ་ཐུབ་པ་སྟོབས་ཆེན་མ་ཡི་དཔལ། །རྡོ་རྗེ་སེམས་དཔའ་ཤེལ་

[Full Size]

མདོག་ཐུགས་ཀྱི་རྟེན། །རྡོ་རྗེ་བསྣམས་པའི་མཆོད་རྟེན་བཞེངས་ཡག་ལ། །རྡོ་རྗེ་སེམས་པས་དབང་བསྐུར་རོ། །མཆོད་རྟེན་དབང་མཆོག་དམ་པ་དང་ལྡན་པར་གྱུར་ཅིག །ཧཱུྃ་བཛྲ་ཨ་བྷི་ཥིཉྩནྟཾ། ཀྱཻ། དེ་རིང་སྲིད་པའི་གནམ་ལ་སྐར་མ་བཟང་། །ས་ལ་དུས་ཚོད་དེ་རིང་བཟང་། །དེ་རིང་གདུགས་ཀྱི་སྔ་དྲོ་ལ། །ཤཱཀྱ་ཐུབ་པ་སྟོབས་ཆེན་མ་ཡི་དཔལ་། །རིན་ཆེན་འབྱུང་ལྡན་གསེར་མདོག་ཡོན་ཏན་གྱི། །རིན་ཆེན་འབྱུང་ལྡན་མཆོད་རྟེན་བཞེངས་ཡག་ལ། །རིན་ཆེན་འབྱུང་ལྡན་རིན་ཆེན་དབང་བསྐུར་རོ། །མཆོད་རྟེན་དབང་མཆོག་དམ་པ་དང་ལྡན་པར་གྱུར་ཅིག །ཏཱཾ་རཏྣ་ཨ་བྷི་ཥིཉྩ་ཧཱུཾ། ཀྱཻ། དེ་རིང་སྲིད་པའི་གནམ་ལ་སྐར་མ་བཟང་། །ས་ལ་དུས་ཚོད་དེ་རིང་བཟང་། །དེ་རིང་གདུགས་ཀྱི་སྔ་དྲོ་ལ། །ཤཱཀྱ་ཐུབ་པ་སྟོབས་ཆེན་མ་ཡི་དཔལ། །སྣང་བ་མཐའ་ཡས་དམར་པོ་གསུང་གི་རྟེན། །པདྨ་གསུང་གི་མཆོད་རྟེན་བཞེངས་ཡག་ལ། །སྣང་བ་མཐའ་ཡས་པདྨའི་དབང་བསྐུར་རོ། །མཆོད་རྟེན་དབང་མཆོག་དམ་པ་དང་ལྡན་པར་གྱུར་ཅིག །ཧཱིཔདྨ་ཨ་བྷི་ཥིཉྩནྟཾ། ཀྱཻ། དེ་རིང་སྲིད་པའི་གནམ་ལ་སྐར་མ་བཟང་། །ས་ལ་དུས་ཚོད་དེ་

[Full Size]

རིང་བཟང་། །དེ་རིང་གདུགས་ཀྱི་སྔ་དྲོ་ལ། །ཤཱཀྱ་ཐུབ་པ་སྟོབས་ཆེན་མ་ཡི་དཔལ། །དོན་ཡོད་གྲུབ་པ་ལྗང་ཁུ་ཕྲིན་ལས་རྟེན། །རྒྱ་གྲམ་གཏམས་པའི་མཆོད་རྟེན་བཞེངས་ཡག་ལ། །དོན་ཡོད་གྲུབ་པའི་རྒྱ་གྲམ་དབང་བསྐུར་རོ། །མཆོད་རྟེན་དབང་མཆོག་དམ་པ་དང་ལྡན་པར་གྱུར་ཅིག །ཧཱ་ཀརྨ་ཨ་བྷི་ཥིཉྩ་མཱི། རིམ་པ་བཞིན་དུ་མཆོད་རྟེན་ལ་དབང་བསྐུར་བར་བྱའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ནང་གཞུག་བཞག་པའི་ཞལ་ཤེས་མཐོང་བ་བརྒྱུད་པ།

[Full Size]

ནང་གཞུག་བཞག་པའི་ཞལ་ཤེས་མཐོང་བ་བརྒྱུད་པ་ཡོད།

[Full Size]

ན་མོ་གུ་རུ་མཉྫགྷོ་ཥ་ཡེ། བླ་མ་འཇམ་པའི་དབྱངས་ལ་ཕྱག་འཚལ་ནས། །ནང་གཞུག་བཞག་ལུགས་མཐོང་བ་བརྒྱུད་པ་བྲི། །སྐུ་གཟུགས་མཆོད་རྟེན་ཆེ་ཆུང་ཁྱད་པར་གྱིས། །ནང་གཞུག་བཞག་ལུགས་གཅིག་ཏུ་མ་ངེས་ཏེ། །དང་པོ་ས་ནས་སྲོག་ཤིང་རིང་པོ་བཙུགས། །དེ་ནས་འོག་ནས་ནང་རྟེན་རིམ་བཞིན་བཞག །ཕྱི་ནས་རིམ་བཞིན་བརྩེགས་ཤིང་ཡར་ལ་བཟོ། །དེ་ནི་སྐུ་གཟུགས་མཆོད་རྟེན་ཆེན་པོའི་ལུགས། །བླུགས་སྐུ་ལྡེར་སོ་མི་ཚད་ཚུན་ཆད་ལ། །དང་པོ་འདག་ཆལ་ཆུ་ཡིས་ཁྲུས་གསོལ་ཏེ། །བླུགས་སྐུ་ཡིན་ན་ནང་རྣམས་ལེགས་པར་བཀྲུ། །ལྡེར་སོ་

[Full Size]

ཡིན་ན་མེ་ལོང་ངོས་ནས་བཀྲུ། །བཟོ་བོའི་མཆིལ་མ་དྲི་མ་བཀྲུ་ཚུལ་ཡིན། །དེ་དང་མཉམ་དུ་གུ་གུལ་གྱིས་ཀྱང་བདུག །སྤོས་སྣ་སྨན་སྣ་སྦྱར་བའི་འདེ་གུ་ཡིས། །ནང་རྣམས་ཐམས་ཅད་འཐུག་པོར་བྱུགས་སྲོལ་གདའ། །གནས་ཡིག་ལ་སོགས་གཟུངས་གཞུག་སྔགས་རྣམས་ཀུན། །ཡིག་འབྲུའི་རྐང་པ་ནོན་ཙམ་ཤར་གྱིས་བྱུག །ལེགས་པར་སྐམ་པའི་གནས་ཡིག་སོ་སོ་ནི། །སྐུ་འདྲའི་ནང་ནས་སྤྱན་ཤངས་སོ་སོའི་ཐད། །ཡིག་ངོ་ཕྱིར་བསྟན་སྦྲང་གིས་སྦྱར་སྲོལ་གདའ། །སྐུ་འདྲ་ཆུང་ནས་ལག་པ་མི་ཐར་ན། །གནས་ཡིག་ཐམས་ཅད་ཤོག་དྲིལ་བྱས་པ་དེ། །སྲོག་ཤིང་སྟོད་དུ་

[Full Size]

དཀྲི་བའི་ཕྱག་སྲོལ་གདའ། །སྲོག་ཤིང་ཤུག་པ་རྩ་རྩེ་མ་ལོག་པ། །གྲུ་བཞི་ཐིག་ཤིང་འདྲ་བ་ཅུང་རྩེ་ཕྲ། །རྩེ་མོ་གྲུ་བཞིའི་དབྱིབས་སུ་སོ་བཏོན་པ། །གས་མེད་འཇམ་པར་སྤོས་ཀྱི་ལྡེ་གུས་བྱུགས། །རྩེ་ཡི་ཕྱོགས་བཞིར་ཨོཾ་བྷཾ་སྭཱ་ཧཱ་ནི། །ཕྱོགས་བཞིར་ཡིག་འབྲུ་རེ་རེ་བྲི་བའམ། །ཨོཾ་གྱི་ཐད་དུ་ཐུར་དུ་ཨོཾ་དང་ནི། །ཨཱཿཧཱུྃ་སྭཱ་ཧཱ་གནས་ལྔར་ཐུར་དུ་བྲི། །དེ་ལ་གཟུངས་གཞུག་ཐམས་ཅད་དཀྲི་བྱ་སྟེ། །རྩེ་རུ་བླ་མ་བརྒྱུད་པའི་མཚན་སྔགས་དང་། །དེ་འོག་གཉིས་མེད་རྒྱུད་དང་ཨ་ཏིའི་རྒྱུད། །དེ་འོག་ནང་རྒྱུད་ཨ་ནུ་ཡོ་གའི་རྒྱུད། །དེ་འོག་མ་རྒྱུད་མ་ཧཱ་ཡོ་གའི་རྒྱུད། །དེ་འོག་རྣལ་འབྱོར་རྒྱུད་སྡེའི་སྔགས་རྣམས་དང་། །དེ་འོག་བྱ་སྤྱོད་རྒྱུད་དང་གཟུངས་ཀྱི་རིགས། །དེ་ཡང་ཕ་རྒྱུད་དང་ནི་ཕོ་ཡི་རིགས། །ཡིག་ངོ་ཕྱི་ལ་བསྟན་ནས་མཇུག་ནས་དྲིལ། །བདེ་མཆོག་ལ་སོགས་མ་རྒྱུད་མོ་ཡི་རིགས། །ཡིག་ངོ་ནང་དུ་བསྟན་ནས་མཇུག་ནས་དྲིལ། །ཤོག་བུས་བཏུམས་ནས་དར་རས་སྐུད་པས་བཅིངས། །སྲོག་ཤིང་ནང་དུ་བཅུག་དུས་འདི་སྐད་བརྗོད།། ༈ སེམས་ཅན་ཤེས་བཅུ་ལྡན་གྱུར་ཅིག །བསྟན་པ་ཡུན་རིང་གནས་པར་ཤོག །སེམས་ཅན་ལྷག་བསམ་ལྡན་པ་ཡིས།

[Full Size]

ཀུན་བཟང་སྨོན་ལམ་ལ་འཇུག་ཤོག །ཨོཾ་བཛྲ་ཨཱཿཡུ་ཥེ་སྭཱ་ཧཱ། ཞེས་བརྗོད་སྲོག་ཤིང་ནང་དུ་བཅུག་པར་བྱ། །འདི་ནི་སྤྱི་ཙམ་ཡིན་གྱི་ཞིབ་པར་ནི། །གཟུངས་པར་མ་སོ་སོའི་ཁ་ཡིག་གསལ། །དེ་ལ་མི་གསལ་ཁྱད་པར་གདམས་ངག་ནི། །རང་གི་ཡི་དམ་གཙོ་བོ་གང་ཡིན་གྱི། །སྙིང་པོ་གསེར་དངུལ་མཚལ་སོགས་རིན་ཆེན་གྱིས། །ལ་རབ་ཏུ་བརྒྱ་ཚར་ཐ་ནའང་། །བདུན་བས་མི་ཉུང་བཞག་ན་བྱིན་རླབས་ཆེ། །བླ་མའི་མཚན་སྔགས་རྡོ་རྗེ་འཆང་ནས་བཟུང་། །ཟུང་འཇུག་བརྒྱུད་པའི་མཚན་སྔགས་ཚང་མ། །དེ་མིན་ས་ཐོབ་མིན་པའི་བླ་མ་ཡི། །མཚན་སྔགས་བཅུག་པས་བྱིན་རླབས་མི་འབྱུང་ཞིང་། །ཕྱག་སྐོར་འགྲོ་བས་བླ་མ་ཉིད་ལ་གནོད། །བླ་བརྒྱུད་ཚང་མ་ཀུན་གྱི་མཚན་སྔགས་ནི། །ཨོཾ་ཨཱཿསརྦ་གུ་རུ་ཧཱུྃ་སྭཱ་ཧཱ། དེ་ལ་མཚན་སྔགས་ཐམས་ཅད་འདུས་པ་ཡིན། །ས་ཐོབ་འཕགས་པ་ཡིན་ངེས་བླ་མ་ཡི། །གདུང་རུས་ཐམས་ཅད་སྐུ་གདུང་རིང་བསྲེལ་ཡིན། །དབུ་ལོ་ཕྱག་སེན་ན་བཟའ་ལ་སོགས་པ། །སྐུ་བལ་རིང་བསྲེལ་ཞེས་ནི་བྱ་བ་སྟེ། །རང་བྱོན་ལ་སོགས་ཡོད་མེད་ཁྱད་པར་མེད། །དབུ་ལོ་ན་བཟའ་བཞུགས་གདན་སྐུ་ཆས་

[Full Size]

སོགས། །གོ་རིམ་མ་འཆུགས་སྤྱི་སྲོལ་བཞིན་དུ་བཞག །ས་ཐོབ་མིན་ན་བླ་མ་བཟང་ནའང་། །ཐུགས་ལྗགས་རིང་བསྲེལ་སྐུ་གཟུགས་ཡིག་འབྲུ་སོགས། །བྱོན་པ་རྣམས་ནི་དར་གྱིས་བཏུམས་ལ་བཞག །དེ་མིན་གདུང་རུས་རྩིང་ཞིབ་ཐམས་ཅད་ཀུན། །ཉེ་ཐག་མིན་ཅིང་སྡིག་ཅན་མིན་པའི་མིས། །བྱིན་རླབས་རྟེན་དང་བསྲེས་ནས་ཞིབ་པར་བཏགས། །ཆུ་ལ་སྤྱོས་པས་སྤར་སྐུ་ཚ་ཚ་བཏབ། །སྐམ་ཐག་ཆོད་པར་བྱས་ནས་ནང་གཞུག་བཞག །སྐུ་འདྲ་ཆུང་ངུ་མཐོ་རེ་ཚུན་ཆད་ལའང་། །གནས་ཡིག་གཟུངས་གཞུག་གཞན་རྣམས་མི་དགོས་ཏེ། །དབྱངས་གསལ་རྟེན་འབྲེལ་སྙིང་པོ་ཡི་དམ་སྔགས། །གང་ཡིན་ལྷ་དེའི་སྙིང་པོ་ཙམ་གྱིས་ཆོག །སྲོག་ཤིང་བྱིན་རླབས་རྫ་ས་སོགས་སྔོན་དང་འདྲ། །ཁྱད་པར་རིལ་བུ་རིང་བསྲེལ་ནང་ཐིག་སོགས། །དར་རམ་རྒྱ་ཤོག་སོགས་སུ་དམ་པར་དྲིལ། །མྱུ་གུས་སག་ལ་དམ་དུ་བརྫོང་བྱ་སྟེ། །ལག་པས་གཡུགས་ན་ཁྲོག་སྒྲ་མི་གྲག་བྱ། །ཁྲོག་སྒྲ་གྲག་ན་ནང་འཁྲུག་འོང་ཞེས་ཟེར། །དེ་ནས་སྐུ་ལུས་དང་ནི་པད་གདན་གཉིས། །པད་གདན་ལ་ཡང་སྟོད་སྨད་རྣམ་གཉིས་ཏེ། །སྟོད་ཆར་ཆོས་སྐྱོང་ཡེ་ཤེས་པ་རྣམས་དང་། །དེ་འོག་འཇིག་རྟེན་

[Full Size]

པ་ཡི་ཆོས་སྐྱོང་རྣམས། །རྒྱལ་ཆེན་ཆོས་སྐྱོང་ལ་སོགས་སྔགས་རྣམས་གཞུག། ༈ དེ་ནས་འཛམ་ལྷ་ཕོ་དགུ་མོ་དགུ་ཡི། །ཕོ་དགུ་སྟེང་དང་མོ་དགུ་འོག་ཏུ་བྱ། །སྦྲང་དང་བུ་རམ་མར་དཀར་བསྲེས་པ་ཡིས། །ཡབ་ཡུམ་འཁོར་ལོ་མ་འཆུགས་འཕྲོད་པར་སྦྱོར། ་མི་གཅིག་སོ་སོ་ཡིན་པའི་མཚོན་བྱེད་དུ། །རས་སམ་ཤོག་བུས་བར་ལ་ཆོད་བྱ་ཞིང་། །པད་གདན་ལ མཆན། །དར་སེར་གྱིས་བཏུམ་སྐུད་པ་སེར་པོ་ཡིས། །རྒྱ་གྲམ་བཅིངས་པའི་ཁུག་སོ་སྟེང་དུ་བྱ། །ཤར་ངོས་མདུན་དུ་འོང་བར་བྱས་ལ་གཞུག །དེ་ཡི་འོག་དང་གཡས་གཡོན་གར་བདེ་རུ། །རུ་རམ་རས་ནི་སེར་པོའི་ཁུག་མའི་ནང་། །འབྲུ་སྣ་སྨན་སྣ་རིན་ཆེན་སྣ་ཚོགས་དང་། །གསེར་དངུལ་ལ་སོགས་མར་ཆ་གང་ཡོད་བཅུག །ཁྱད་པར་གནོད་སྦྱིན་འཁོར་ལོའི་འོག་དེ་རུ།།གྲི་དང་མདེའུ་མཚོན་ཆའི་རིགས་རྣམས་བཞག །མཚོན་གྱི་བསྐལ་པ་ཞི་བའི་རྟེན་འབྲེལ་ཡིན། །སྐུ་འདྲ་ཆུང་ཆུང་ལ་སོགས་ཡིན་ན་ནི། །ཞབས་སྡོམ་ལེགས་པར་བཙུད་པའི་ཕྱི་དེ་རུ། །བབ་བླ་སོགས་ཀྱིས་རྡོ་རྗེ་རྒྱ་གྲམ་བྲི། །མཆོད་རྟེན་ཆེན་པོ་ལ་སོགས་ཡིན་ན་ནི།། །པད་གདན་ནང་གི་དེ་དག་སེང་ཁྲིར་བཅུག །བླ་མ་ཕལ་པའི་གདུང་རུས་མ་འདྲེས་

[Full Size]

པའི་། །ཐལ་སོལ་མེ་དྲག་ཕོག་པའི་ས་རྣམས་ཀུན། །ཚ་ཚ་གྲུབ་ལེགས་གལ་ཏེ་མ་གྲུབ་ཀྱང་། །སེང་ཁྲི་ནང་དུ་བླུགས་པར་བྱ་བ་ཡིན། །མཆོད་རྟེན་སྐུ་འདྲ་ཆེན་པོ་ལ་སོགས་པ། །ནང་གཞུག་བཞག་ཁ་ཁྲུས་གསོལ་མེད་ནའང་། །རབ་གནས་དུས་སུ་བྱས་པར་ཆོག་པར་བརྩི། ༈ ཐང་སྐུའི་རྒྱབ་ཏུ་མཆོད་རྟེན་བྲི་བ་དང་། །དེའི་ནང་སངས་རྒྱས་རབས་བདུན་གསོ་སྦྱོང་བྲི། །ཨཱཿ་ལི་ཀཱ་ལི་རྟེན་འབྲེལ་སྙིང་པོ་བྲི། །གཞན་ཡང་ལྷ་མགྲོན་དེ་དག་ཐམས་ཅད་ཀྱི། །གནས་གསུམ་ཡིག་འབྲུ་གསུམ་པོ་བྲི་བར་བྱ། །གནས་ཡིག་གཟུངས་གཞུག་འོག་མིན་ཀརྨ་སོགས། །དགོན་སྡེ་རྣམས་སུ་རྒྱས་འབྲིང་བསྡུས་སོགས་ཀྱི། །པར་ཤིང་བཞུགས་པས་པར་ལ་འདེབས་པར་གྱིས། །བྲིས་ཀྱང་མི་དག་མང་པོ་བྲི་མི་གྲུབ། །མཐོང་བ་བརྒྱུད་པར་པར་མ་བཞག་པ་མཐོང་། །རྒྱལ་བ་ཆོས་ཀྱི་དབང་ཕྱུག་ཞིང་བརྗེས་ནས། །སྐུ་ཚབ་སྐུ་འདྲ་གསེར་སྐུ་སྐུ་ཚད་བཞེངས། །གྲྭ་ཚང་ནམ་མཁའི་དབོན་པོ་ཀུན་མཁྱེན་གྱིས་། །གནས་ཡིག་གཟུངས་གཞུག་འཛམ་ནག་སྲོག་འཁོར་བཅས། །ཟླ་དུམ་ཙམ་དུ་བྲིས་ནས་བཞག་རན་ཛ། །དེ་ལ་ཡིན་མིན་རྩོད་གཞི་མང་པོ་བྱུང་། །རྒྱལ་བ་ཆོས་ཀྱི་དབང་

[Full Size]

ཕྱུག་ཁོང་རང་གིས། །ཕྱག་ཁྲིད་ཕྱག་གཡོག་ལན་མང་བྱས་པ་ཡིས། །ཆོས་རྗེ་ཁྲ་ཚང་པ་དེ་སྒར་ཆེན་ན། །བཞུགས་པ་སྤྱན་དྲངས་དེ་ཡིས་ཕྱག་ཁྲིད་བྱས། །སྔོན་དུ་བྲིས་པ་ཕལ་ཆེར་གཞུག་མ་ཉན། །དེ་ཚེ་ཀུན་མཁྱེན་ཁོང་ལ་ཀུན་གྱིས་འབར། །འདི་ཡིས་མི་ཤེས་པ་དེ་མཁས་འདོད་ཆེ། །གྲྭ་ཚང་བརླགས་ཤོམ་བྱས་པ་རེད་ཅེས་འབར། །དེ་དུས་གཟུངས་གཞུག་བཞག་ལུགས་དེ་རྣམས་ལ། །གྲྭ་པ་ཀུན་གྱིས་རྟོགས་དཔྱོད་ལེགས་པར་བཞག །སློབ་དཔོན་སྐུ་འདྲ་པར་མ་མཐོ་གང་ཙམ། །པར་བཏབོ་གྲྭ་པ་མི་རེས་རེ་རེ་བཞེངས་། །ཁམས་སུ་གདན་དྲངས་དད་པའི་རྟེན་དུ་བྱས། །ཞལ་གྱི་མཁུར་ཚོས་འབུ་རུ་བུད་པ་ལྟར། །རིང་བསྲེལ་རྡོལ་ལ་ཁད་པ་གཅིག་ཀྱང་བྱུང་། །ཕྱིས་སུ་མགྲིན་པ་ཅུང་ཟད་གས་བྱུང་བས། །དེ་དུས་སྐབས་སུ་གྲྭ་ཚང་དུས་ལོག་ཟིན། །ད་ལྟ་ཨོ་རྒྱན་གསེར་སྐུའི་ཐུགས་ཀ་རུ། །ཡེ་ཤེས་སེམས་དཔའི་ཚུལ་དུ་བཞུགས་ནས་ཡོད། །དེ་ལྟར་གཟུངས་གཞུག་དེ་དག་རྣམས་ཀྱི་མཇུག །བཀྲ་ཤིས་བསྔོ་སྨོན་གང་འདོད་བྲི་ཆོག་སྟེ། །ཀཾ་པོ་གནས་སུ་མར་མེ་མཛད་ཀྱི་སྐུ། །ཆོས་ཀྱི་དབང་ཕྱུག་ཉིད་ཀྱིས་བཞེངས་པ་ཡི། །ནང་གཞུག་བཀྲ་ཤིས་

[Full Size]

སྨོན་ལམ་མཇུག་ཏུ་ནི། །ཆོས་ཀྱི་དབང་ཕྱུག་ཉིད་ཀྱི་མཚན་བྲིས་ཀྱང་། །དེ་དང་རང་རེ་ཕལ་པ་མི་འདྲ་བས། །རང་དང་ཡོན་བདག་རྣམས་ཀྱི་མིང་ཡིག་ཀྱང་། །བྲི་བར་བཤད་ཀྱང་བྲི་བར་མི་རུང་སྟེ། ༈ །དེ་ནས་གསུང་རྟེན་ཆོས་ཀྱི་དཀར་ཆག་ལའང་། །མིང་ནི་བྲི་སྲོལ་འདུག་ཀྱང་བྲི་མི་རུང་། །ཅི་ཕྱིར་ལྷ་ཆེན་མཆོད་རྟེན་ཆོས་བརྩེགས་ཀྱི། །ཞབས་སུ་མིང་ཡིག་མནན་པ་མཐུ་རུ་འགྱུར། །བཀའ་འགྱུར་བྲིས་པ་མི་འཕག་ཟེར་ན་ཡང་། །དེ་ཡི་ཉེས་སྐྱོན་ཡིན་པར་ཁོ་བོས་གོ །རང་དང་སྦྱིན་བདག་བསྔོ་དགོས་གང་ཡོད་རྣམས། །རབ་གནས་སྐབས་སུ་བསྔོ་བ་བྱས་པས་འཐུས། །ཐ་མལ་པ་ཡི་མིང་དང་རུས་ཚིག་སོགས། །ས་ཐོབ་རྣམས་ཀྱི་ཕྱག་སྲོལ་བྱས་པ་ན། །མི་ཁྱག་ཚེ་འདས་དེ་ལ་གནོད་པ་སྟེ། །མུ་སྟེགས་སྟོན་པ་འོད་སྲུང་རྫོགས་བྱེད་ཀྱི། །སྐུ་གདུང་མཉན་ཡོད་གྲོང་ཁྱེར་བཞི་མདོ་རུ། །མཆོད་རྟེན་བྱས་ནས་ལོ་མང་སོང་བའི་རྗེས། །ཐུབ་པའི་ཉན་ཐོས་མོའུ་འགལ་གྱི་བུ། །རྫུ་འཕྲུལ་ཆེ་ནས་ཉིན་རེ་ལན་རེ་ལ། །འགྲོ་བ་རིགས་དྲུག་གནས་སུ་གཟིགས་སུ་བྱོན། །འོད་སྲུང་རྫོགས་བྱེད་དམྱལ་བར་སོང་ནས་འདུག །དེ་ཡིས་མོའུ་འགལ་བུ་ལ་ཆ་བཏང་ནས། །ང་ཡི་

[Full Size]

མཆོད་རྟེན་གྲོང་ཁྱེར་མདོར་བརྩེགས་སར། །ཕལ་པས་བསྐོར་བ་བྱས་ཀྱང་མི་གནོད་དེ། །ང་བས་ཐེག་པ་མཐོ་བ་ཐུབ་པའི་འཁོར། །རྣམས་ཀྱིས་འབྱོན་ཞོར་བསྐོར་བ་ཤུགས་ལ་འགྲོ། །དེ་ཡིས་ང་ལ་གནོད་པ་ཆེན་པོ་བྱུང་། །འཕགས་པ་ཁྱེད་ཀྱིས་ང་ཡི་རྗེས་འཇུག་ལ། །མཆོད་རྟེན་ཤིག་ལ་དབེན་པར་བརྩེགས་གསུངས་ཟེར། །དེ་ནས་མུ་སྟེགས་པ་ཀུན་འཚོགས་པའི་སར། །ཆ་འཕྲིན་དེ་ཉིད་གསུངས་པས་མུ་སྟེགས་ཁྲོས། །མོའུ་འགལ་གྱི་བུ་བརྡུང་ལང་ཉམས་མེད། །ཉན་ཐོས་རྣམས་ཀྱིས་ཆ་བཅིངས་ཁུར་དགོས་བྱུང་། །ཁྱེད་ནི་རྫུ་འཕྲུལ་ཆེ་བའི་མཆོག་ཡིན་པས། །རྫུ་འཕྲུལ་མ་བསྟན་འདི་ཙམ་བརྡུངས་བཅུག་ཞུས། །འཕྲུལ་བ་ཕར་སྐྱུར་རྫུ་བའང་མ་དྲན་གསུངས། །དེ་དོན་ཅི་ཡིན་སྟོན་པ་ལ་ཞུས་པས་། །བསྐལ་པ་དཔག་མེད་གོང་རོལ་མོའུ་འགལ་བུས། །མུ་སྟེགས་དེ་རྣམས་ཕར་ལ་བརྡུངས་བ་ཡི། །ལས་ཀྱི་རྣམ་སྨིན་ཡིན་ཚུལ་སྐྱེས་རབས་གསུངས། །དེ་ལྟར་ལས་ཀྱི་རྣམ་པར་སྨིན་པ་ནི། །རྫུ་འཕྲུལ་ཐོབ་ཀྱང་བཟློག་ཏུ་མེད་པའི་ཚུལ། །རྒྱས་པར་གསུངས་པའི་ལོ་རྒྱུས་འབྱུང་ཕྱིར་རོ། །དེ་ལྟར་ནང་གཞུག་བཞག་ཚུལ་ཞལ་གདམས་འདི། །རབ་གནས་

[Full Size]

བྲིས་པའི་བུ་ཡིག་ཚུལ་དུ་བཀོད། ༧ །རཱ་ག་ཨ་སྱས་ངག་ནས་སྨྲས་པ་ལྟར། །དགེ་སློང་བརྩོན་འགྲུས་བརྩོན་འགྲུས་ཆེ་ཕྱིར་བྲིས། །འགལ་འཁྲུལ་མཆིས་ན་མཁས་པ་རྣམས་ལ་བཤགས། །དགེ་བས་མ་འོངས་འབྱོར་ལྡན་སྐྱེས་བུ་རྣམས། །སྐུ་གསུང་ཐུགས་རྟེན་ཆེ་ཕྲ་ཅི་བཞེངས་ཀྱང་། །འགལ་འཁྲུལ་མེད་ཅིང་ལམ་དུ་འགྲོ་བ་དང་། །རབ་གནས་ཆགས་ཤིང་ཡུལ་ཕྱོགས་བཀྲ་ཤིས་དགེ །སྦྱིན་བདག་རྣམས་ཀྱི་རིགས་རྒྱུད་ཆོས་བརྒྱུད་ཀྱང་། །རྒུད་ཅིང་ཉམས་པར་མི་འགྱུར་འཕེལ་རྒྱས་ཤོག །མངྒ་ལཾ། བཀྲ་ཤིས་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་སོགས་ཡི་དམ་སྤྱི་ལ་སྦྱར་དུ་རུང་བའི་རབ་གནས་བཀའ་གཏེར་ཟུང་འཇུག་བཀྲ་ཤིས་ཆར་འབེབས།

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་སོགས་ཡི་དམ་སྤྱི་ལ་སྦྱར་དུ་རུང་བའི་རབ་གནས་བཀའ་གཏེར་ཟུང་འཇུག་བཀྲ་ཤིས་ཆར་འབེབས་ཞེས་བྱ་བ་བཞུགས་སོ། །

[Full Size]

ན་མོ་གུ་རུ་ལོ་ཀི་ཤྭ་ར་ཡེ། བླ་མ་ཡི་དམ་དབྱེར་མེད་དམ་སྤྱན་རིས་གཟིགས། །རྒྱལ་བ་རྒྱ་མཚོའི་ཞབས་ལ་ཕྱག་འཚལ་ནས། །གསར་རྙིང་བཀའ་གཏེར་ཟུང་འཇུག་རབ་གནས་བྲི། །བཀའ་ཡིས་གནང་བ་སྩོལ་ལ་བྱིན་གྱིས་རློབས། །རབ་གནས་མཐའ་ཆོད་བཤད་པ་ན་ཡམ་སྐྱུར། །གོ་བདེ་ལག་ཏུ་ལེན་ངེས་བཤད་པ་ནི། །རྙིང་མ་ཡིན་ན་སྒྲུབ་ཆེན་རྒྱས་པ་དང་། །གསར་མ་ཡིན་ན་སྒྲུབ་མཆོད་རྒྱས་པར་བྱ། །དེ་ཡི་མཇུག་ཏུ་རབ་གནས་བྱ་བ་ནི། །དེ་འདྲ་དེང་སང་བྱེད་པ་མི་འཛོམས་པས། །འདི་རུ་བྲི་བར་མི་ལོངས་དགོས་པ་མེད། །འདིར་ནི་ཡི་དམ་རས་བྲིས་དཀྱིལ་འཁོར་བཤམས། །དེ་ཕྱིར་ས་ཆོག་ཐིག་སོགས་མི་དགོས་ཏེ། །ཡོ་བྱད་རྣམས་ནི་ཞག་མ་གོང་

[Full Size]

ནས་བསྒྲུབས། །ནས་འབྲུ་མདོག་དམར་མང་བ་ཅི་མང་ཞིག །རབ་ལ་ཁ་ཆེ་འབྲིང་ལ་ཡུངས་བ་དང་། །ཐ་ན་སྐྱེར་ཤུན་ཁུ་བར་གུར་གུམ་བཏབ། །ནས་ཀྱི་མདོག་བསྒྱུར་སོ་སོར་བྱས་ན་སྙམ། །རིན་ཆེན་ལ་སོགས་སྣོད་ནང་མདུན་དུ་བཞག །རང་ཉིད་དྲན་རྫོགས་ཐུབ་པའི་སྐུར་གསལ་བའི། །།འོག་མིན་གནས་ནས་རྟེན་འབྲེལ་སྙིང་པོའི་སྔགས། །དཔག་མེད་སྤྱན་དྲངས་ནས་འབྲུར་ཐིམ་དམིགས་ཤིང་། །རྟེན་འབྲེལ་སྙིང་པོ་རབ་ཏུ་འབུམ་ཕྲག་གཅིག །འབྲིང་དུ་ཁྲི་ཕྲག་ཐ་མ་སྟོང་ཕྲག་བཟླ། །ནས་ལ་ཕུ་བཏབ་རབ་གནས་བསྙེན་པ་ཡིན། །དེ་བཞིན་བུམ་རྫས་སྔར་ནས་བསྡུ་བྱ་ཞིང་། །བུམ་པ་བརྒྱད་སོགས་མང་པོ་ཡོད་པ་ན། །རྫས་རྣམས་སོ་སོར་བསྔགས་ཤིང་བུམ་པ་ཡང་། །སོ་

[Full Size]

སོའི་ནང་དུ་སོ་སོར་བླུགས་རྒྱུ་སྟེ། །བུམ་པ་གསུམ་བས་མང་བ་མི་རྙེད་ན། །བུམ་རྫས་ཕྱོགས་གཅིག་བསྡུས་ལ་སྔགས་འདི་རྣམས། །ཅི་འགྲུབ་བཟླས་པས་ཕུ་ཡིས་གདབ་པར་བྱ། །ཨོཾ་མ་ལ་སྣ་ན་པཱུ་ཛ་མེ་གྷ་ས་མུ་ཏྲ་སྤུ་ར་ཎ་ས་མ་ཡེ་ཨཱཿཿཧཱུྃ། དེ་བཞིན་དུ། ཕ་ལ་སྣ་ན། བྲི་ཧི་སྣ་ན། ལཛྫ་སྣ་ན། ཤངས་སྣ་ན། མ་ཎི་སྣ་ན། རྣམ་པ་སོ་སོའི་མགོར་ཨོཾ་དང་མཐར་པཱུ་ཛ་མེ་གྷ་སོགས་སྦྱར་ཏེ་ཅི་རིགས་སུ་བཟླ། བུམ་ཐོག་ཤུག་པ་སེ་ཤིང་འབྲས་བུའི་ཕྱིར། །རིན་ཆེན་སྤོས་ཆུ་སྦྱར་བས་འདག་ཆལ་ཟེར། །དེ་དག་བསྡུས་ལ་ལོགས་སུ་འཚག་པར་བྱ། །རབ་གནས་དགོས་ཚད་རྟེན་གསུམ་ལེགས་པར་བཤམས། །དེ་ཡི་མདུན་དུ་མཆོད་པ་སྣ་བདུན་བློབཤམས། །དེ་མདུན་རྟེན་རྣམས་ཀུན་གྱི་མཐོང་ས་རེད། །ཅོག་ཙེའི་སྟེང་དུ་སྟན་ཁེབས་བཀབ་བྱས་ནས། །དེ་སྟེང་འབྲུ་ཡི་ཚོམ་བུ་བཀོད་པའི་སྟེང་། །ཀ་ཊོ་ར་སོགས་ཁྲུས་སྡེར་ཆེན་པོ་བཤམས། །རྟེན་རྣམས་ཀུན་གྱི་གཡོན་ངོས་སློབ་དཔོན་འདུག །དེ་ཡི་གཡས་ངོས་མཆོད་གཞི་བྱས་པའི་སྟེང་། །དབང་བུམ་ཁྲུས་བུམ་འདག་ཆལ་བུམ་པ་གསུམ། །ཡི་དམ་གང་ཡིན་དེ་ཡི་དཀྱིལ་ཐང་བཤམས། །དེའི་མཐར་མཆོད་པ་སྣ་བདུན་སྤྱི་ལྟར་བཤམས། །སྨན་རཀ་གཏོར་གསུམ་ཚོགས་དང་གཏོར་འབུལ་སོགས། །ཡི་དམ་བདག་མདུན་འདོན་པའི་ཆས་རྣམས་བཤམས། །ཆོས་སྐྱོང་བདག་གི་སྲུང་མར་བསྐོ་འདོད་པ། །ནོར་ལྷ་གང་གི་དཀོར་བདག་བསྐོ་འདོད་པ། །དེ་དག་གཏོར་མ་ཆེ་ལ་གཙང་བར་

[Full Size]

བཤམས། །ཡུངས་ཀར་གུ་གུལ་སུམ་བྷ་ནིས་སྔགས་འཚག །མཆོད་སྟེགས་ལོགས་སུ་རྡུལ་ཚོན་བཀོད་གསུངས་ཀྱང་། །ལོགས་སུ་སྒོ་ཁྲི་ལ་སོགས་སྟེགས་ཆེན་སྟེང་། །ཡང་ན་མཆོད་སྟེགས་བང་རིམ་ཅན་ཡང་རུང་། །རྟེན་མདུན་མིན་པའི་གཡས་གཡོན་གར་བདེ་རུ། །མཎྜལ་ཆེ་ལ་ལེགས་པ་གཅིག་དང་ནི། །འཛོམ་ན་རག་འགགས་ལི་སྡེར་ལ་སོགས་དང་། །མེད་ན་ཏིང་འགི་ཆེན་པོ་རྣམས་ཀྱི་ནང་། །ཟན་སྦྱར་དེ་སྟེང་ཤིང་ལ་ཙཀ་ལི་བཙུགས།།རྩ་བ་ནས་ཀྱིས་བཀང་བར་བྱ་བ་སྟེ། །རྒྱལ་སྲིད་སྣ་བདུན་བཀྲ་ཤིས་རྫས་རྟགས་བཤམས། །སྐུ་གཟུགས་མཆོད་རྟེན་ཆེན་པོའི་མགོ་གྲངས་ཀྱིས། །ལྷ་བཤོས་ཆེ་ལེགས་མར་མེའང་དེ་རུ་བཤམས། །རང་གི་མདུན་དུ་ནས་ནི་མང་ཞིག་དང་། །སྔར་ནས་བསྔགས་པའི་ནས་སྡེར་སེར་པོ་བཤམས། །ཁྲུས་གདན་དྲུང་དུ་མཎྜལ་ཕུལ་རྒྱུའི་ནས། །ཁྲུས་རས་ལྷ་རྣམས་འགོས་པའི་དར་རས་ཚོགས། །སྙན་དར་ན་བཟའ་འབུལ་རྒྱུའི་དར་ཟབ་སོགས། །གལ་ཏེ་སྦྱིན་སྲེག་ལ་སོགས་བླུགས་ན་ནི། །དེ་ཡི་ཆས་ཀ་རྣམས་ཀྱང་འཛེམ་པར་བསག །དེ་ནས་དུས་ཚོད་གཟའ་སྐར་རིམ་པ་ནི། །ཉི་མ་བྱང་བགྲོད་དཀར་ཕྱོགས་གཟའ་ཚེས་སྐར། །སྦྱོར་བ་བྱེད་པ་བཟང་ལ་བརྩམ་པར་བྱ། །གང་ཚེ་གཟའ་དང་ཚེས་གཉིས་མ་མཐུན་ན། །ནག་པོའི་ཕྱོགས་ལའང་བརྩམ་པར་བྱ། །གང་ཚེ་ཐམས་ཅད་མཐུན་གྱུར་ན། །མི་རྣམས་བཀྲ་ཤིས་འཕེལ་བར་བྱེད། །གནམ་སྟོང་དང་ནི་དེ་བཞིན་དུ། །ཉི་ཤུ་དགུ་ལ་བྱ་བ་མིན། །ཞེས་པ་ལྟར་རོ། །

[Full Size]

སྐར་མ་ཤིས་པ་ནི། ཆུ་སྟོད་སྣར་མ་གྲོ་བཞིན་དབོ། །ལག་སྣོན་སྣུབས་དང་རྒྱལ་ཆུ་སྨད། །ཁྲུམས་སྨད་མེ་བཞི་མགོ་ལྷག་འཚམས་རྣམས་སོ། །ཕུར་བུ་ལག་པ་པ་སངས་ཟླ། །རྣམ་བཞི་ཤེས་པའི་གཟའ་ཡིན་ནོ། །ཉི་མ་སྤེན་པ་མིག་དམར་གསུམ། །ནོར་རྣམས་འཇོམས་པས་སྤང་བར་བྱ། །མདོར་ན་འཆི་སྦྱོར་བསྲེག་ཚེས་བིཏྟི་སྤུངས་པའི་དུས་སྦྱོར་བཟང་བ་ལ་བྱའོ། །ཞེས་གསུངས་ལྟར་རམ་འགྲུབ་སྦྱོར་བཟང་པོ་ལ། །ཡི་དམ་གང་ཡིན་བདག་མདུན་བུམ་གསུམ་མམ། །བདག་དང་མདུན་བསྐྱེད་ལས་བུམ་ཚང་བར་བྱ། །རྙིང་མ་ཡིན་ན་ལས་བྱུང་ཚར་གཅིག་གིས། །བདག་མདུན་བུམ་གསུམ་དུས་གཅིག་བསྐྱེད་པས་འཐུས། །ལས་བུམ་སོ་སོའི་གཞུང་ལྟར་ཡིན་མོད་ཀྱིས། །བདུད་རྩི་འཁྱིལ་པ་ཀུན་ལ་མཆོག་ཡིན་པས། །ཨོཾ་སྭ་བྷ་ཝས་སྦྱངས། ལས་བུམ་མི་དམིགས་པ་ལས་རིན་པོ་ཆེའི་བུམ་པར་པདྨ་དང་ཉི་མའི་སྟེང་དུ་ཧཱུྃལས་བདུད་རྩི་འཁྱིལ་པ་སྐུ་མདོག་ལྗང་སྔོན་གཡས་རྡོ་རྗེའི་དབྱུག་པ་དང་གཡོན་སྡིགས་མཛུབ་ཅན་ཁྲོ་བོའི་ཆས་དང་ལྡན་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿཿདམར་པོ། ཐུགས་ཀར་ཧཱུཾསྔོན་པོས་མཚན་པ་དེའི་ཐུགས་ཀར་ཧཱུྃལ་སྔགས་ཀྱིས་བསྐོར་བར་གྱུར་པ་ལ་དམིགས་ནས། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཅེས་པའི་བཟླས་པ་ཅི་རིགས་སུ་བྱ། གང་ལྟར་ཡང་། ལས་བུམ་གྱི་བཟླས་པ་ཐོན་ནས་བུམ་གཉིས་མ་རྩ་བར་མི་

[Full Size]

གསལ་རུང་ལྷན་ཐབས་ཀྱི་དགོངས་པ་བཞིན་དྲི་མ་ཁྲུས་བུམ་ལ། ཨོཾ་ན་མཿསརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཞེས་བཟླ་ཞིང་། དེ་ནས་ཡོན་བདག་དངོས་སམ། མི་བདེ་ན་དེའི་ཚབ་ཀྱི་མིའམ། ཡོན་བདག་མང་པོ་ཡོད་ན་གང་འོས་གཅིག་གིས། སློབ་དཔོན་ལ་མཎྜལ་ཕུལ་ནས་རྗེས་ཟློས་མཛོད། ཀྱི། དུས་གསུམ་རྒྱལ་བ་ཀུན་གྱི་གཙོ། །དཀོན་མཆོག་གསུམ་གྱི་ངོ་བོ་མཆོག །བདག་ཉིད་ཆེན་པོ་དེ་ཉིད་མཁྱེན། །རབ་ཏུ་གནས་པར་མཛད་དུ་གསོལ། །ཅེས་ལན་གསུམ་ཞུའོ། །དེ་ནས་རྟེན་གྱི་མདུན་དུ་གནས་བདག་ལ་དཀར་གཏོར་འབུལ། རྒྱས་པར་གྲུབ་ན་ཆ་གསུམ་བཏང་། སློབ་དཔོན་ནམ་ལས་ཀྱི་རྡོ་རྗེས་ཏིང་ལོ་དང་བཅས་པའི་དཀར་གཏོར་གཅིག་རྟེན་ལ་གཡས་ཕྱོགས་ནས་ལན་གསུམ་གྱིས་ཕྱིར་བསྐོར་ཞིང་། ཨོཾ་སརྦ་བིབྷཱ་ན་མསརྦ་ཏ་ཐཱ་ག་ཏ་བྷྱོ་བྷི་ཤྭ་མུ་ཁེ་བྷྱཿ སརྦ་ཏད་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་གཱིཉྩ་དཾ་བ་ལི་དེ་སྭཱ་ཧཱ། གཏོར་མ་དེ་རྟེན་ལ་ལན་གསུམ་བསྐོར་བའི་རྗེས་སུ། སྐུ་གསུང་ཐུགས་ཀྱི་རྟེན་འདི་རབ་ཏུ་གནས་པ་ལ་བར་དུ་གཅོད་པའི་གདོན་བགེགས་ཞི་བས་སྦྱང་བར་འོས་པ་ཐམས་ཅད་གཏོར་མ་འདིས་ཚིམ་པར་གྱིས་ལ་རང་གནས་སུ་དེངས་ཤིག །ཅེས་ཀྱང་བརྗོད་ལ་ཕྱིར་བཏང་། ཏིང་ལོ་ཆངས་བུ་སྔ་མ་ལྟར་བསྐོར་ཞིང་། ཨོཾ་སརྦ་བིགྷཱན་ན་མསརྦ་ཏ་ཐཱ་ག་

[Full Size]

ཏ་བྷྱོ་བྷི་ཤྭ་མུ་ཁེ་བྷྱཿ སརྦ་ཏད་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་གྷིཉྩ་དཾ་བ་ལི་དི་སྭཱ་ཧཱ། སུམ་བྷ་ནིས་བསྐྲད་པ་དང་། སྐུ་གསུང་ཐུགས་ཀྱི་རྟེན་རབ་ཏུ་གནས་པ་ལ་བར་དུ་གཅོད་པའི་གདོན་བགེགས་ཞི་དྲག་ཕྱེད་མས་སྦྱང་བར་འོས་པ་ཐམས་ཅད་གཏོར་མ་འདིས་ཚིམ་པར་གྱིས་ལ་རང་གནས་སུ་དེངས་ཤིག །གལ་ཏེ་མི་འགྲོ་བ་དེ་དག་རྡོ་རྗེའི་མེ་ལྕེས་བརླག་པར་འགྱུར་རོ། །ཞེས་ཀྱང་བརྗོད་དེ་ཕྱིར་བཏང་ངོ། །རང་ཉིད་ལྷ་ཡི་ང་རྒྱལ་དང་ལྡན་པས། ཧཱུྃ། འཇིགས་པའི་ཧཱུཾ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་ལོ། །ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ངས་ནི་གནས་འདིར་རབ་ཏུ་གནས་པར་བྱེད། །ཁྱེད་རྣམས་འདི་ནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་ནི་འགས་འགྱུར་ཞིང་། །བགེགས་རྣམས་བརླག་པར་འགྱུར་བ་གདོན་མི་ཟ། །སུཾ་བྷ་ནི་སོགས་བརྗོད་ཅིང་རྟེན་ལ་གུ་གུལ་གྱིས་བདུག་ཡུངས་དཀར་གྱིས་

[Full Size]

བྲབ་ནས་རྟེན་ལ་བགེགས་ཀྱི་རིགས་ཞུགས་པ་ཡོད་ན་སྤྱན་དྲངས་པའི་ཁྲོ་བོའི་མེ་དང་མཚོན་ཆས་བསྐྲད་པར་བསམས་ལ། རྡོ་རྗེ་གསོར་ཞིང་དམིགས་པ་དྲུག་ཏུ་བྱ། དེ་ནས་ཆོ་ག་རང་རང་གི་གཞུང་བཞིན་དུ་སྲུང་འཁོར་བསྒོམ་སྟེ། རྙིང་མ་ཡིན་ན་བཀའ་བསྒོ་མཚམས་གཅོད་འདིར་སབ། གཉིས་པ་སྡིག་པ་སྦྱང་བ་ནི། བདག་ཉིད་ཀྱི་མདུན་དུ་ཏིལ་ནག་ལ་སྡིག་པའི་གཟུགས་བྱས་པའམ་མ་བྱས་པ་གང་རུང་། གཡས་སུ་མེ་གཡོན་དུ་ཆུ་རྣམས་སྣོད་སོ་སོར་བཞག་ལ་ཐམས་ཅད་ཀྱིས། སྙིང་ཁར་ཀཾལས་སྡིག་སྒྲིབ་ཀྱི་ངོ་བོ་སྡིག་པའི་གཟུགས་སུ་གྱུར་པ་ལྟེ་བ་ནས་ཧཱུྃལས་རྡོ་རྗེ་གནོད་སྦྱིན་དུ་གྱུར་པས་སྣ་སྒོའི་ལམ་ནས་དེད་ཅིང་མདུན་གྱི་ཏིལ་ལ་ཐིམ་པར་གྱུར། ལས་ཀྱི་རྡོ་རྗེས་ཏི་ལ་འགྲིམ་པ་ལ་སྣ་བུག་གཡས་ནས་རླུང་འབུད་པའི་ཚུལ་བྱས་ལ་སླར་མེ་ཆུའི་བར་དུ་བཞག་ལ། ཨོཾ་བཛྲ་ཀྲོ་ཏ་ཏྲི་ལོཀྱ་བི་ཛ་ཡ་ཁ་ཁ་ཁཱ་ཧི་ཁཱ་ཧི། སརྦ་པཱ་པཾ་ད་ཧ་ན་བྷསྨི་ཀུ་རུ་ཧཱུྃ་སྭཱ་ཧཱ། ཞེས་བརྗོད་བཞིན་ལག་གཉིས་རྡོ་དྲིལ་འཛིན་པའི་མཐེབ་སྲིན་གྱིས་བླངས་ནས་གྱེན་དུ་ཕྱོགས་ལ་སྟེང་འོག་བརྗེ་གཡས་གཡོན་དུ་ལན་གསུམ་བསྐོར་དེ་སྔགས་རྫོགས་ནས་མེ་ཆུར་དོར་བའམ། སྔགས་རྫོགས་པ་དང་། །གཡས་སུ་ཡེ་ཤེས་ཀྱི་མེར་བསྲེག་གཡོན་དུ་རྒྱ་མཚོ་ཆེན་པོར་དོར་བས་སྦྱང་ཞིང་དག་པར་གྱུར། མེར་བསྲེགས་ཆུར་བླུགས་ཏེ་ཕྱིར་དོར་རོ། །མེ་ལོང་དུ་གཟུགས་བརྙན་འཆར་བར་བྱས་ལ། བཅོམ་ལྡན་

[Full Size]

འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ལ་བདག་གིས་ཡོ་བྱད་ཐམས་ཅད་དང་ལྡན་པའི་ཁྲུས་འདི་གསོལ་བར་བགྱིའོ། །ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་ལྟར། །རིན་ཆེན་འབར་བའི་ཀ་བ་ཡིད་འོད་ལྡན། །མུ་ཏིག་འོད་ཆགས་བླ་རེ་བྲིས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོའི་སྤོས་ཀྱིས་ཆུས། །ཡིད་འོང་ལེགས་པར་བཀང་བའི་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །ཨོཾ་ན་མསརྦ་ཏ་ཐཱ་ག་ཏ་ཨ་བྷི་ཊི་ཀ་ཏེ་ས་མ་ཡ་ཤྲི་ཡེ་ཧཱུྃ། སྟོང་གསུམ་ཀུན་ཏུ་དྲི་ངད་ལྡང་བ་ཡིས། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱང་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤྭ་དྷ་ནེ་སྭཱ་ཧཱ། རྟེན་དངོས་སམ་མེ་ལོང་དུ་ཤར་བའི་གཟུགས་ལ་དཱུར་ཝའི་ཕོན་པོའི་པིར་གྱིས་དྲི་བཟང་དང་སྦྱར་བའི་སྣུམ་དང་སྲན་དཀར་གྱི་

[Full Size]

ཕྱེ་མའི་འདག་ཆལ་བྱུགས་ལ་དེ་རྙེད་ཀྱི་མཉེ་ཞིང་དྲུད། དེ་ནས་ལས་བུམ་ཐོགས་ལ། ཁྲོ་ཆེན་བདུད་རྩི་འཁྱིལ་པ་ཡི། །བྱིན་རླབས་ཡེ་ཤེས་ཆུ་ཡི་ཁྲུས། །རྒྱལ་བའི་སྐུ་ལ་ཁྲུས་གསོལ་བས། །སྒྲིབ་པའི་ཚོགས་རྣམས་དག་གྱུར་ཅིག །ཨོཾ་ཨ་མྲྀ་ཏ་སརྦ་ཏ་ཐཱ་ག་ཏ་ཨ་བྷི་ཊི་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་བཀྲུ་ཞིང་རོལ་ཆེན་བྱ་སྟེ། ཨ་མྲྀ་ཏའི་སྔགས་དང་། ལས་བུམ་དུ་ལྷ་གང་བསྐྱེད་པ་དེའི་མཚན་དང་སྔགས་སྦྱར་རོ། །དེ་ནས་དྲི་བཟང་གིས་བགོས་པའི་དར་རམ་རས་དཀར་པོ་ཐོགས་ལ། རྒྱལ་དང་རྒྱལ་བའི་སྲས་ཀྱི་སྐུ་རྣམས་ལ། །རས་དཀར་སྨན་དང་ལྡན་པས་སྐུ་ཕྱིས་པ་མི་ཤེས་སྒྲིབ་པ་མ་ལུས་ཀུན་བསལ་ནས། །ཉེས་པའི་ཚོགས་རྣམས་མ་ལུས་དག་གྱུར་ཅིག །ཨོཾ་ཧཱུཾ་ཏྲཾ་ཧྲཱིཿ བརྗོད་ཅིང་ཁྲུས་རས་ལ། ས་བོན་དེ་ལྔ་མཚོན་བྱེད་ཀྱི་དྲིའི་ཐིག་ལེ་ལྔ་བྱས་ལ། ཀ་ཡ་བི་ཤྭ་དྷ་ནེ་སྭཱ་ཧཱ། སྐུ་ཕྱི། སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱང་བཙོ་མ་བྱི་དོར་བྱེད་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤྭ་དྷ་ནེ་སྭཱ་ཧཱ། དྲིའི་སྣུམ་དང་འདག་ཆལ་བྱུག་ཅིང་མཉེས་ནས་དྲི་མ་ཁྲུས་བུམ་ཐོགས་ལ། ཇི་ལྟར་བལྟམས་པ་ཙམ་གྱིས་ནི། །ལྷ་

[Full Size]

རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ན་མསརྦ་ཏ་ཐཱ་ག་ཏ་ཀཱ་ཡ་ཝཱཀྐ་ཙིཏྟ་བི་ཤྭ་དྷ་ནེ་ཧཱུྃ། ཞེས་པ་ཁྲུས་གསོལ་སྤྱི་འགྲོ་ལ་གྲགས་པ་དང་། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་སྩོལ་བར་མཛོད། །ན་མསརྦ་ཏ་ཐཱ་ག་ཏ་ཀཱ་ཡ་ཝཱཀྐ་ཙིཏྟ་བི་ཤྭ་དྷ་ནེ་ཧཱུྃ། ཞེས་བུམ་གཉིས་མ་རྩ་བར་གསུངས་པ་དང་། རྒྱལ་བའི་སྐུ་གསུང་ཐུགས་ལ་ཉོན་མོངས་མི་མངའ་ཡང་། །སེམས་ཅན་ལུས་ངག་ཡིད་གསུམ་སྒྲིབ་པ་སྦྱང་སླད་དུ། །རྒྱལ་བའི་སྐུ་གསུང་ཐུགས་ལ་ཁྲུས་ཆབ་འདི་གསོལ་བས། །སེམས་ཅན་ལུས་ངག་ཡིད་གསུམ་སྒྲིབ་པ་དག་གྱུར་ཅིག །ཅེས་ཀྱང་ཁྲུས་གསོལ་ཡོངས་ལ་གྲགས་པ་རྣམས་རེ་རེའི་མཐར་ཡང་། ན་མསརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བི་ཤུ་དྷ་ནེ་ཧཱུྃ། ཞེས་བཏགས་ལ་བརྗོད་ཅིང་བཀྲུས་ནས། སྔར་ལྟར། རྒྱལ་དང་རྒྱལ་བའི་སྲས་ཀྱི་སྐུ་རྣམས་ལ། །རས་དཀར་སྨན་དང་ལྡན་པས་སྐུ་ཕྱིས་པས། །མི་ཤེས་སྒྲིབ་པ་མ་ལུས་ཀུན་བསལ་ནས། །ཉེས་པའི་ཚོགས་རྣམས་མ་ལུས་དག་གྱུར་ཅིག །ཨོཾ་ཧཱུྃ་ཏྲཱཾ་ཧྲཱིཿཨཱཿཿ ཀཱ་ཡ་བི་ཤྭ་དྷ་ནེ་སྭཱ་

[Full Size]

ཧཱ། སངས་རྒྱས་གྱི་སྐུ་ལ། རི་བོ་ལྟར་ནི་མཛེས་པ་ཡི། །ཡོན་ཏན་དམ་པའི་རྒྱན་དང་ལྡན། །མཆོད་གནས་རིན་ཆེན་འདི་དག་ལ། །།བདག་གིས་ཁྲུས་འདི་གསོལ་བར་བགྱི། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དང་། ཁྲོ་བོའི་སྐུ་ལ། བསྐལ་པ་མཐའ་མའི་དངོས་འཇོམས་པ། །འཇིགས་བྱེད་མེ་ཡི་ཆ་བྱད་ཅན། །མགོན་པོ་སྙིང་རྗེའི་སྟོབས་ལྡན་ལ། །བདག་གིས་ཁྲུས་འདི་གསོལ་བར་བགྱི། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དང་། བླ་མའི་སྐུ་ལ། མཆོག་ཏུ་ཚིམ་ཞིང་སྐལ་བ་བཟང་། །དམ་པའི་བདུད་རྩི་མཛེས་ཆ་བྱེད། །དཔལ་ལྡན་བླ་མ་རྡོ་རྗེ་ལ། །བདག་གིས་ཁྲུས་འདི་གསོལ་བར་བགྱི། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དང་། བྱང་སེམས་དང་ཉན་རང་གི་སྐུ་ལ། གདུལ་བྱའི་སེམས་ཅན་གང་དག་ལ། །རྒྱལ་བའི་སྤྲུལ་སྐུ་མང་པོ་ཡི། །ཆ་ད་ལྷ་ཡི་རྣམ་པ་ཅན། །སྙིང་རྗེ་ཡིས་ནི་ངེས་གང་བས། །མཆོག་དང་ཕན་དང་བདེ་མཛད་པ། །མཆོག་ཏུ་དུལ་བ་དེ་དག་ལ། །བདག་གིས་ཁྲུས་འདི་གསོལ་བར་བགྱི། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་

[Full Size]

ཧཱུྃ༔ ཞེས་དང་། གསུང་རབ་ལ། མ་རིག་འཇོམས་པའི་ཉི་མ་སྟེ། །སྲིད་པའི་ནད་ནི་སེལ་བའི་སྨན། །དམ་ཆོས་རིན་ཆེན་འདི་དག་ལ། །བདག་གིས་ཁྲུས་འདི་གསོལ་བར་བགྱི་། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུཾ། ཞེས་དང་། །མཆོད་རྟེན་ལ། ཆོས་ཀྱི་སྐུ་ཡི་བདག་ཉིད་ཀྱི། །མཆོག་གིས་ཡོན་ཏན་གཟུགས་བརྙན་ཅན། །།མཆོད་རྟེན་རིན་ཆེན་འདི་དག་ལ། །བདག་གིས་ཁྲུས་འདི་གསོལ་བར་བགྱི། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དང་། གཙུག་ལག་ཁང་སོགས་ལ། སངས་རྒྱས་གཟུགས་བརྙན་གནས་དང་ནི། །སློབ་མའི་དགེ་འདུན་གནས་ཀྱི་ས། །གཙུག་ལག་ཁང་དང་གནས་གཞན་ལ། །བདག་གིས་ཁྲུས་འདི་གསོལ་བར་བགྱི། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུཾ། ཞེས་པ་རྣམས་ལ་རྟེན་དང་འཚམས་པས་སྐབས་ཐོབ་བཞིན་བརྗོད་པའམ། རྟེན་སྣ་ཚོགས་ལ་ཚང་བར་བརྗོད་པའི་མཐར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་སྦྱར་བ་བརྗོད་ཅིང་། དྲི་མ་ཁྲུས་བུམ་གྱིས་བཀྲུས་ནས་སྔར་ལྟར་སྐུ་ཕྱིས་ལ། འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱོང་མཛད་ཅིང་། །གཏོང་བ་དྲི་ཡི་ལེགས་བསྒོས་ཆུ། །ཁྲུས་ལེགས་

[Full Size]

མཛད་ཀྱིས་སྐུ་ཁྲུས་གསོལ། །ན་མཿསརྦ་ཏ་ཐཱ་ག་ཏ་མ་ལ་སྣ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འདི་ནི་ཚུལ་ཁྲིམས་རང་བཞིན་ཆུ། །ཚུལ་འཆལ་དྲི་མ་སྦྱོང་མཛད་ཅིང་། །ཚུལ་ཁྲིམས་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ལ་སྐུ་ཁྲུས་གསོལ། །ན་མསརྦ་ཏ་ཐཱ་ག་ཏ་ཕ་ལ་སྣ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། །འདི་ནི་བཟོད་པའི་རང་བཞིན་ཆུ། །ཁོང་ཁྲོའི་དྲི་མ་སྦྱོང་མཛད་ཅིང་། །བཟོད་པའི་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ཀྱིས་སྐུ་ཁྲུས་གསོལ། །ན་མསརྦ་ཏ་ཐཱ་ག་ཏ་ཤི་ཧི་སྣ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འདི་ནི་བརྩོན་འགྲུས་རང་བཞིན་ཆུ། །ལེ་ལོའི་དྲི་མ་སྦྱོང་མཛད་ཅིང་། །བརྩོན་འགྲུས་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ཀྱིས་སྐུ་ཁྲུས་གསོལ། །ན་མཿསརྦ་ཏ་ཐཱ་ག་ཏ་ལཛྫ་སྣ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འདི་ནི་བསམ་གཏན་རང་བཞིན་ཆུ། །རྣམ་གཡེང་དྲི་མ་སྦྱོང་མཛད་ཅིང་། །བསམ་གཏན་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ཀྱིས་སྐུ་ཁྲུས་གསོལ། །ན་མཿསརྦ་ཏ་ཐཱ་ག་ཏ་ཤངས་སྣ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འདི་

[Full Size]

ནི་ཤེས་རབ་རང་བཞིན་ཆུ། །ཤེས་འཆལ་དྲི་མ་སྦྱོང་མཛད་ཅིང་། །ཤེས་རབ་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ཀྱིས་སྐུ་ཁྲུས་གསོལ། །ན་མཿསརྦ་ཏ་ཐཱ་ག་ཏ་མ་ཎི་སྣ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ།། ཕར་ཕྱིན་དྲུག་གི་ཁྲུས་བྱ། སྐུ་ཕྱི་བྱའོ། དེ་ནས་བདེ་ལེགས་ཀྱི་ཁྲུས་གསོལ་བ་ནི། ཡང་སྔར་ལྟར་དྲིའི་སྣ་བུམ་དང་འདག་ཆལ་ཕུལ་ནས། དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱིས་ཆུ། །ཡིད་འོང་ལེགས་པར་བཀང་བའི་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །ཞེས་བརྗོད་པ་སྔོན་དུ་འགྲོ་བས་དྲི་མ་ཁྲུས་བུམ་གྱིས་ཆུས་བཀྲུ་ཞིང་། སྟོན་མཆོག་དམ་པ་ལྷ་མིའི་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ། །དེ་དག་ཐམས་ཅད་དེང་འདིར་བདེ་ལེགས་ཤོག །ཞི་བ་ཆགས་བྲལ་ལྷ་མིའི་མཆོད་འོས་པ། །ཆོས་ལ་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཚོགས་ཀྱི་དམ་པ་ལྷ་མིའི་མཆོད་འོས་པ། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །

[Full Size]

སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱི་བདེ་ལེགས་ཤོག །ཅེས་བརྗོད་ལ་གོང་བཞིན་དུ་སྐུ་ཕྱི་བའང་བྱ་སྟེ། དེ་ལྟར་ཁྲུས་ཀྱི་ཚིགས་བཅད་རྒྱས་བསྡུས་གང་བྱེད་ཀྱང་ཁྲུས་ཚན་རེ་རྫོགས་པའི་མཚམས་སུ་རོལ་ཆེན་དང་སྔགས་ཚིག་ཀུན་གྱི་མཚམས་སུ་དྲིལ་བསིལ་དང་བཅས་པ་བྱའོ། །སྲབ་འཇམ་ཡངས་པ་ལྷ་ཡི་གོས། །མི་བསྐྱོད་རྡོ་རྗེའི་སྐུ་བརྙེས་ལ། །མི་ཕྱེད་དད་པས་འབུལ་ལགས་ན། །བདག་ཀྱང་རྡོ་རྗེའི་སྐུ་ཐོབ་ཤོག །ཨོཾ་བཛྲ་ཝསྡུ་ཨཱཿཧཱུྃ། སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་གྱུར་པ། །གོས་བཟང་རིན་ཆེན་བདག་བློ་སྦྱོང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ཅེས་པ་ལ་གོང་གི་སྔགས་བཏགས་པའང་། བརྗོད་ཅིང་འབུལ། བཞི་པ་རྟེན་དང་བརྟེན་བསྐྱེད་པ་ནི། རྟེན་རྣམས་ལ། ཨོཾ་སྭ་བྷ་ཝ་ནས་ཧཾ་གིས། སྟོང་པའི་ངང་ལས་ཆོ་ག་རང་རང་གི་མདུན་བསྐྱེད་བཞིན་དུ་བསྐྱེད་དོ། །འདིར་དཀྱིལ་འཁོར་གང་ཡིན་པ་དེའི་སྤྱན་འདྲེན་བཞུགས་གསོལ་རྒྱས་པར་བྱ། མ་

[Full Size]

ལུས་སེམས་ཅན་ཀུན་གྱི་མགོན་གྱུར་ཞིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཇི་ལྟར་སངས་རྒྱས་རྣམས་ནི་དགའ་ལྡན་ནས། །སྤྲུལ་པ་དམ་པ་ཏོག་དཀར་ལྷ་ཡི་བུ། །མི་ཕམ་མགོན་ལ་རྒྱལ་ཚབ་དབང་བསྐུར་ནས། །གཟིགས་པ་རྣམ་བཞིས་འཛམ་བུའི་གླིང་གཟིགས་ཤིང་། །གླང་ཆེན་ཐལ་དཀར་ལྟར་གཤེགས་ལྷུམས་ཞུགས་བཞིན། །རྡོ་རྗེ་རིན་ཆེན་པདྨའི་རིགས་མཆོག་དང་། །ལས་ཀྱི་རིགས་དང་དེ་བཞིན་གཤེགས་པའི་རིགས། །ཕྱོགས་བཅུའི་རྒྱལ་བ་སྲས་དང་བཅས་པ་རྣམས། །དུས་འདིར་བདག་གིས་དད་པས་སྤྱན་འདྲེན་ནས། །རྟེན་མཆོག་འདི་ལ་འབྱོན་པར་མཛད་དུ་གསོལ། །ན་མ་སརྦ་ཏ་ཐཱ་ག་ཏ་ས་མ་ཡ་ཛཿཧཱུྃ་བཾ་ཧོ༔ ཅེས་བརྗོད་ལ་ལག་པ་བསྣོལ་ཞིང་སེ་གོལ་བརྡབ་རོལ་ཆེན་བྱའོ། །དེ་ནས་གྲལ་དུ་འདུག་ལ། བཅོམ་ལྡན་ཁྱོད་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་ནས་ཀྱང་། །འདི་ཉིད་དུ་ནི་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །

[Full Size]

པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །པདྨ་ཀ་མ་ལཱ་ཡེ་ཧཱུཾ། སྤྱན་དྲངས་པའི་ཡེ་ཤེས་པ་རྣམས་མདུན་གྱི་ནམ་མཁའ་ལ་བཞུགས་པར་བསམ་མོ། །རྟེན་གྱི་དྲུང་དུ་མཆོད་པ་གསར་པ་ཞིག་བཤམས་ལ། ཡི་དམ་གང་ཡིན་པ་དེའི་མཆོད་པ་རྣམས་རྒྱས་པར་འདོན་ཏེ། མཆོད་ཕྲེང་ལས་བྱུང་བ་ལྟར་གྱི་མཆོད་བསྟོད་རྒྱས་བསྡུས་སྐབས་དང་སྦྱར་བར་བྱའོ། །སྙན་གསན་དབབ་པ་ནི། འགྲེངས་པས་མེ་ཏོག་འཛིན་ཅིང་འདུད་པའི་ཚུལ་གྱིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱལ་བ་སྲས་དང་བཅས་པ་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པ་རྣམས་དགོངས་སུ་གསོལ། སེམས་ཅན་ཐམས་ཅད་ལ་ཕན་པ་དང་བདེ་བའི་དོན་གྱི་ཕྱིར་དང་། ཁྱེད་རྣམས་ལ་ཡང་མཆོད་པའི་དོན་དུ་རབ་ཏུ་གནས་པ་བགྱིད་པ་འཚལ་ནས་འདུས་པ་ཐམས་ཅད་བྱིན་གྱིས་རླབས་པ་དང་ད་ལྟ་ནང་པར་རྟེན་འདི་ལ་འབྱོན་པར་མཛད་དུ་གསོལ། ཞེས་མེ་ཏོག་འཐོར་ཞིང་རོལ་ཆེན་དང་བཅས་པ་ལན་གསུམ་བྱ་སྟེ། གལ་ཏེ་རྟེན་མང་པོ་ཡོད་ན་རྟེན་འདི་རྣམས་ལ་ཞེས་པའི་མང་ཚིག་གཞུག་གོ །ཞིབ་པར་བྱེད་ན་འདི་མན་ནས། ༈ །བདུན་པ་རྒྱས་གདབ་ཅིང་རྟེན་དགབ་པ་ནི། །

[Full Size]

ཐོག་མར། རྟེན་རྣམས་ཀྱི་སྤྱི་བོར་འཁོར་ལོའི་ལྟེ་བར་ཨོཾ། མགྲིན་པར་པདྨའི་ལྟེ་བར་ཨཱཿཿ སྙིང་ཁར་རྡོ་རྗེ་རྩེ་ལྔ་པའི་ལྟེ་བར་ཧཱུྃ་གིས་མཚན་པས་རྒྱས་གདབ་པར་གྱུར། རྟེན་དངོས་སམ་མེ་ལོང་དུ་ཤར་བའི་གཟུགས་ལ་གནས་གསུམ་དུ། འདོན་པ་དང་བསྟུན་ལ་རྡོ་རྗེའི་དྲིའི་ཐིག་ལེ་དང་བྱས་པས་རྒྱས་གདབ་ལ། ཧཱུྃ། རབ་མཛེས་དྲི་མེད་ཞལ་བསྲོ་བདུན། །ཡན་ལག་བདུན་ལྡན་བསོད་ནམས་རྟེན། །མི་ཤེས་ཉོན་མོངས་བསེར་བ་སྐྱོབས། །བྱང་ཆུབ་ཐོབ་ཕྱིར་དབུལ་བར་བྱ། །ཨོཾ་དྷི་པ་པྲ་སུ་ཡེ་སྭཱ་ཧཱ། ཞེས་དབུལ་ལོ། །ཨོཾ་བཛྲ་ཝས་ཧཱུྃ། ཞེས་དར་སེར་པོས་གདོང་ཕྱོགས་གསོལ་ཏེ། དེའི་དོན་ནི་རྒྱལ་བུ་རྒྱལ་སར་མ་བཏོན་པ་དང་འདྲ་སྟེ། ཡེ་ཤེས་པ་མ་བཅུག་གི་བར་མཆོད་པ་མི་དབང་བ་ཡིན་ནོ། །ཞེས་གསུངས་སོ། །ཚོགས་ཀྱི་མཆོད་པ་ཡོད་ནའང་བྱིན་གྱིས་རླབས་པའི་ཕུད་གཏོར་མ་བྲན་ལ་རྟེན་གཏོར་ཆོས་སྐྱོང་ལ་གཉེར་གཏད་བྱེད་རྒྱུའི་གཏོར་མ་ལས་གཞན་པའི་ཡི་དམ་དང་ཆོས་སྐྱོང་གི་གཏོར་མ་རྣམས་རང་རང་གི་ཆོ་གས་ཕུལ་བའི་རྗེས་སུ་ཚོགས་ལ་ལོངས་སྤྱོད་ལྷག་མ་བཏང་ནས་གཤེགས་གསོལ་མ་གཏོགས་པའི་དཀྱིལ་འཁོར་གྱི་རྗེས་མཆོད་བསྟོད་བཟོད་གསོལ་སོགས་ཆོ་ག་གང་ཡིན་གྱི་གཞུང་བཞིན་བྱ་སྟེ། དེ་དག་གི་ནུབ་དང་པོ་རང་དུ་གནས་པའི་སྟ་གོན་ནམ་སྔོན་འགྲོའི་ཆོ་གའོ། ༈ གཉིས་པ་དངོས་གཞི་ལ། ཕྱིར་ནངས་སྔ་བར་རྟེན་གཏོར་མ་གཏོགས་པའི་

[Full Size]

མཆོད་གཏོར་རྣམས་གསར་པ་བརྗེ་བའམ། མ་གྲུབ་ན་ཁ་གསོས་ལ། བདག་བསྐྱེད་ནས་བརྩམས་ཏེ་བདག་འཇུག་ཡན་ཆད་ཀྱི་ཆོ་གའི་གཞུང་མཆོད་བསྟོད་བཟླས་པ་རྣམས་རྒྱས་བསྡུས་ཅི་རིགས་སྐབས་དང་སྦྱར་བ་སྔར་ཉིན་བཞིན་བྱ་ཞིང་། བུམ་པ་བསྐྱེད་བཟླས་འབྲུ་དྲི་ཡུངས་ཀར་བྱིན་རླབས་རྣམས་མ་བྱས་ཀྱང་རུང་། སྤྲོ་ན་ཁྲུས་དང་སྐུ་ཕྱི་བ་སོགས་སྔར་ཉིན་ལྟར་ལས་ཅུང་བསྡུས་པ་ཙམ་བྱ་སྟེ། དེ་ནས་རྟེན་སྔར་བསྐྱེད་པ་རྣམས་གསལ་བཏབ་ལ། ཡེ་ཤེས་པ་སྤྱན་འདྲེན་བཞུགས་གསོལ་མཆོད་བསྟོད་རྣམས་སྟ་གོན་དུས་བཤད་པ་ལྟར་བྱས་ལ། སྙན་གསན་དབབ་པ་དང་། རྟེན་དགབ་པ་རྒྱས་གདབ་དང་བཅས་པ་དག་དོར་ནས། གོང་དུ་མ་བྱས་ན་བར་འདིར་མེ་ཏོག་གི་བསྙེན་པ་ཅི་འགྲུབ་ཞིག་བྱའོ།། ༈ །།གཉིས་པ་དངོས་གཞི་ཉི་མ་དྲུག་གི་དང་པོར་གསོལ་བ་གདབ་པ་ནི། ལངས་ཏེ་བླ་གོས་ཕྲག་པ་གཅིག་ཏུ་བྱས་སྙིམ་པ་མེ་ཏོག་དང་བཅས་པས་ཐལ་མོ་སྦྱར་ལ་འདུད་པའི་ཚུལ་གྱིས། འདི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པ་ཡོན་ཏན་

[Full Size]

ཐམས་ཅད་ཀྱི་མངའ་བདག་རྡོ་རྗེའི་རིགས་དང་། རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་དང་། དེ་བཞིན་གཤེགས་པའི་རིགས་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་མུ་མེད་པ་ན་བཞུགས་པའི་རྒྱལ་བ་སྲས་དང་བཅས་པ་རྣམས་འགྲོ་བ་ལྷ་དང་བཅས་པ་ལ་ཕན་པ་དང་བདེ་བའི་ཕྱིར་རྟེན་འདི་རྣམས་ལ་འབྱོན་པར་མཛད་དུ་གསོལ༔ ཞེས་མེ་ཏོག་འཐོར་ཞིང་རོལ་ཆེན་དང་བཅས་པས་ལན་གསུམ་དུ་བརྗོད་པའི་ཐ་མ་ལ། བྱོན་ནས་ཀྱང་བརྟན་པར་བཞུགས་སུ་གསོལ། ཞེས་བརྗོད་སྔགས་བྱིན་གྱིས་བརླབ་པའི་ཕྱིར། ཨོཾ་ན་མོ་བྷ་ག་ཝ་ཏེ་ཤཱཀྱ་མུ་ན་ཡེ་ཏ་ཐཱ་ག་ཏ་ཡ་ཨརྟ་ཏེ་སམྱཀཾ་བུདྡྷཱ་ཡཱ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ། ཞེས་པ་དང་། འདིར་ཡི་དམ་གང་ཡིན་གྱི་བསྙེན་པ་དང་། རྟེན་ཉིད་ཀྱི་ལྷ་གཙོ་འཁོར་རྣམས་ཀྱི་སྔགས་ཅི་རིགས་སུ་བཟླ་ཞིང་བྱམས་དང་སྙིང་རྗེ་བྱང་ཆུབ་ཀྱི་སེམས་ཡུན་རིང་དུ་བསྒོམས་ནས། རྙིང་མ་ཡིན་ན་འདིར་རིག་འཛིན་བྱིན་འབེབས་བྱས་ནས།། ༈ །།གཉིས་པ་ཡེ་ཤེས་པ་གཞུག་ཅིང་མེ་ཏོག་དོར་བ་ནི། དཀྱིལ་འཁོར་གང་ཡིན་གྱི་ལྷ་ཚོགས་རྣམས། །ཛཿཧཱུྃ་བཾ་ཧོཿ ཡེ་ཤེས་པ་དང་དམ་ཚིག་པ་དབྱེར་མེད་གྱུར། ཨཱཿ་ཝེ་ཤ་ཡ་ཨཱཿའི་བར་དུ་ཆོ་ག་རང་གཞུང་གི་དམ་ཡེ་བསྲེ་བ་བྱས་པའི་རྗེས་སུ། ཨོཾ་ན་མོ་བུདྡྷ་ཡ། ན་མོ་དྷ་ཡ། ན་

[Full Size]

མཿསཾ་གྷ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་ཝཱ་ཧེནྟ་ཏེཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བ་དཱི་མ་ཧཱ་ཤྲ་མ་ཎཿསྭཱ་ཧཱ། ཞེས་ལན་གསུམ་མམ་བདུན་ཙམ་བརྗོད་ཅིང་རོལ་ཆེན་དང་བཅས་པས་རྟེན་ལ་སྔར་བྱིན་གྱིས་རླབས་པའི་མེ་ཏོག་གི་ཆར་དབབ། དེ་ནས། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པའི་འདབ་འདྲའི་སྤྱན་མངའ་བ། །འདི་ནི་འཇིག་རྟེན་དགེ་བའི་བཀྲ་ཤིས་དང་པོའོ། །དེ་ཡིས་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་དགུ་རྣམས་ལ་ཞི་བྱེད་པ། །འདི་ནི་འཇིག་རྟེན་དགེ་བའི་བཀྲ་ཤིས་གཉིས་པའོ། །དགེ་འདུན་དམ་པ་ཆོས་ལྡན་ཐོས་པའི་བཀྲ་ཤིས་ཕྱུག། །ལྷ་དང་མི་དང་ལྷ་མ་ཡིན་གྱི་མཆོད་པའི་གནས། །ཚོགས་གཉིས་མཆོག་རབ་ངོ་ཚ་ཤེས་དང་དཔལ་གྱི་གཞི། །འདི་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །ཞེས་པ་ལྟ་བུ་ལ་སོགས་པའི་བཀྲ་ཤིས་ཀྱི་སྒྲ་ཇི་རིགས་པ་བསྒྲགས་ཏེ་ཏིང་ངེ་འཛིན་གྱིས། ཕྱོགས་བཅུའི་རྒྱལ་བ་སྲས་དང་བཅས་པ་རྣམས་འབྲུ་དང་ཐ་དད་མེད་པར་བྱོན་ནས་རྟེན་སོ་སོ་ལ་ཐིམ་པས་གཉིས་སུ་མེད་

[Full Size]

པར་གྱུར་པར་བསམས་ལ། དེ་ནས་གྲལ་དུ་འདུག་ལ། གསུམ་པ་དབང་བསྐུར་བ་ནི། ཆོ་ག་རང་གི་གཞུང་ལྟར་སློབ་མ་དབང་བསྐུར་བའི་ཆོ་གས་དབང་བསྐུར། དབང་རྒྱས་པར་མ་གྲུབ་ན་ཡོན་བདག་གམ་མཆོད་གཡོག་པས་མཎྜལ་ཕུལ་ནས། ཀྱཻ། བླ་མ་སྐུ་གསུམ་བདག་ཉིད་ཅན། །དཀྱིལ་འཁོར་ཀུན་གྱི་མངའ་བདག་གཙོ། །རྟེན་དང་བདག་ཅག་འཁོར་བཅས་དང་། །དབང་རྫོགས་དམ་པ་བསྐུར་དུ་གསོལ། །རྣམ་རྒྱལ་བུམ་པ་ཐོགས་ལ། ཧཱུྃ། དྲི་མེད་ཕུན་ཚོགས་གཞལ་ཡས་ན། །ཡི་དམ་རྒྱལ་བའི་ལྷ་ཚོགས་བཞུགས། །རྟེན་མཆོག་འདི་ལ་དབང་བསྐུར་བས། །སྐུ་མཆོག་རྡོ་རྗེའི་དབང་ཐོབ་ཤོག །མ་འགགས་རང་བྱུང་འཛིན་པ་མེད། །ཆགས་མེད་སྐྱོན་བྲལ་རྒྱལ་བའི་གསུང་། །རྟེན་མཆོག་འདི་ལ་དབང་བསྐུར་བས། །བདེ་གཤེགས་གསུང་གི་དབང་ཐོབ་ཤོག །མ་བཅོས་སྤྲོས་བྲལ་ཆོས་ཀྱི་དབྱིངས། །ཀུན་ཁྱབ་རང་གསལ་ཐུགས་རྗེའི་བདག །རྟེན་མཆོག་འདི་ལ་དབང་བསྐུར་བས། །བདེ་ཆེན་ཐུགས་ཀྱི་དབང་ཐོབ་ཤོག །ཞི་རྒྱས་དབང་དྲག་མངོན་སྤྱོད་སོགས། །སྐུ་གསུང་ཐུགས་ཡོན་ཕྲིན་ལས་རྫོགས། །རྟེན་མཆོག་འདི་ལ་དབང་བསྐུར་བས། །དབང་བཞི་ཡོངས་རྫོགས་ཐོབ་

[Full Size]

པར་ཤོག །ཡི་དམ་གང་ཡིན་གྱི་སྔགས་ཤམ་དུ། ཨ་བྷི་ཥིཉྩ་ཨོཾ་ཨཱཿཿཧཱུྃ་སྭཱ་ཧཱ། ཞེས་བུམ་པ་གནས་ལྔར་གཏུགས་བུམ་ཆུས་ཐིག་ལེ་བྱའོ། །དེ་མི་བདེ་ན་གཏུགས་པར་བསྒོམ། མེ་ལོང་ལ་འཆར་བའི་གནས་ལྔར་ཐིག་ལེ་བྱ། སྦྱིན་བདག་དབང་བསྐུར་ཡང་རུང་བར་བཤད་པས་སྐབས་དང་བསྟུན། འབྲུ་གསུམ་བརྗོད་ཅིང་ཐིག་ལེ་བྱ་བ་གོང་བཞིན་ལ། རྟེན་རྣམས་ཀྱི་སྤྱི་བོར་འཁོར་ལོའི་ལྟེ་བར་ཨོཾ། མགྲིན་པར་པདྨའི་ལྟེ་བར་ཨཱཿཿ སྙིང་ཁར་རྡོ་རྗེའི་ལྟེ་བར་ཧཱུྃ་གིས་མཚན་པས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་དང་དབྱེར་མེད་པར་གྱུར་པར་བསམ་མོ།། ལྔ་པ་སྤྱན་དབྱེ་བ་ནི། གསེར་གྱི་ཐུར་མ་ཐོགས་ལ་སྤྱན་དབྱེ་ཚུལ་བྱ་ཞིང་། ཀུན་མཁྱེན་ཡེ་ཤེས་སྤྱན་ལྡན་སྐྱོན་བྲལ་ཡང་། །གུས་པས་འཕགས་པའི་སྤྱན་ནི་དབྱེ་བགྱིས་པས། །ནམ་མཁའི་མཐར་ཐུག་གྱུར་པའི་སེམས་ཅན་རྣམས། །སངས་རྒྱས་ཡེ་ཤེས་སྤྱན་ནི་ཐོབ་པར་ཤོག །ཨོཾ་ཙཀླུ་ཙཀྵ་ས་མནྟ་ཙཀྵ་བྷི་ཤྭ་དྷ་ནེ་སྭཱ་ཧཱ། ཞེས་བརྗོད་ལ་སྤྱན་དབྱེ་ཞིང་། ཤེས་བྱ་ཐམས་ཅད་ལ་གཟིགས་པའི་སྤྱན་ཕུན་སུམ་ཚོགས་པ་མངའ་ཞིང་སྦྱིན་བདག་ལ་ཞི་བས་གཟིགས་པ་ལྷུར་ལེན་པར་གྱུར། ཞེས་ཀྱང་བརྗོད་ཅིང་བསམ་མོ།། དྲུག་པ་བརྟན་པར་བྱ་བ་ནི། སློབ་དཔོན་གྱིས་རྡོ་རྗེས་རྟེན་ལ་རེག་ཅིང་། །

[Full Size]

ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པ་མ་ཐོབ་ཀྱི་བར་དུ་བརྟན་པར་བཞུགས་སུ་གསོལ། བྱེ་བྲག་ཏུ་རྟེན་འདི་རྣམས་འབྱུང་བ་ཆེན་པོ་བཞིའི་གནོད་པས་ཞིག་པར་མ་གྱུར་གྱི་བར་དུ་སེམས་ཅན་ཐམས་ཅད་ཀྱི་དོན་དུ་སངས་རྒྱས་དང་བྱང་ཆུབ་སེམས་དཔའ་རྣམས་འདི་རྣམས་ལ་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཁྱེད་རྣམས་ལ་བྱམས་པའི་ཐུགས་མཁྱེན་པའི་ཡེ་ཤེས་བརྩེ་བའི་ཐུགས་རྗེ་མཛད་པའི་ཕྲིན་ལས་སྐྱོབས་པའི་ནུས་མཐུ་བསམ་གྱིས་མི་ཁྱབ་པ་མངའ་བ་ལགས་པས། སྤྱིར་ཕན་བདེའི་འབྱུང་གནས་སངས་རྒྱས་ཀྱི་བསྟན་པ་རིན་པོ་ཆེ་དར་ཞིང་རྒྱས་པ་དང་སེམས་ཅན་ཐམས་ཅད་ཀྱི་ཕན་བདེའི་གཞིར་ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པ་མ་ཐོབ་ཀྱི་བར་དུ་བརྟན་པར་བཞུགས་སུ་གསོལ། ཁྱད་པར་

[Full Size]

དུ་ཡང་རྟེན་འདི་རྣམས་འབྱུང་བ་ཆེན་པོ་བཞིའི་གནོད་པས་མ་ཞིག་གི་བར་དུ་རྟེན་འདི་རྣམས་ལ་བརྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་འགྲོ་བ་ལྷ་དང་བཅས་པའི་སྐྱབས་གནས་དམ་པ་མཛད་དེ་རྟེན་འདི་མཐོང་བ་དང་ཐོས་པ་དང་དྲན་པ་དང་རེག་པ་ཐམས་ཅད་བླ་ན་མེད་པའི་བྱང་ཆུབ་ཀྱི་གོ་འཕང་ལས་ཕྱིར་མི་ལྡོག་པ་དང་རྟེན་འདི་རྣམས་གང་དུ་བཞུགས་པའི་སར་ཡང་སྐྱེ་འགྲོའི་སྡུག་བསྔལ་དང་གནོད་པ་ཐམས་ཅད་ཞི་ཞིང་བཀྲ་ཤིས་དང་བདེ་ལེགས་རྒྱ་ཆེན་པོ་འབྱུང་བར་བྱིན་གྱིས་བརླབ་ཏུ་གསོལ། །»ཞེས་པའི་མཐར། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། བརྗོད་པས་བརྟན་པར་བྱ་བའི་རྗེས་སུ། ཡེ་ཤེས་པ་རྣམས་དགྱེས་པ་དང་བཅས་ཏེ་རྟེན་ལ་དབྱེར་མེད་དུ་བརྟན་པར་བཞུགས་པར་གྱུར། ཅེས་ཀྱང་བརྗོད་ཅིང་བསམས་ནས་རྟེན་ཞལ་བསྒྱུར་བ་ནི། མགོན་པོ་བསྐལ་པ་ཇི་བཞིན་དུ། །སྣ་ཚོགས་གཟུགས་ནི་བཟུང་ནས་ཀྱང་། །ཕྱོགས་བཅུའི་འཇིག་རྟེན་ཁམས་ཀུན་ཏུ། །དེས་ནི་འགྲོ་བའི་དོན་ཀུན་མཛོད། །བཅོམ་ལྡན་ཡི་དམ་འི་དཀྱིལ་འཁོར་རྟེན་དང་བརྟེན་པར་བཅས་པ་འོད་དུ་ཞུ་བ་ལས། སྐུ་གསུང་ཐུགས་ཀྱི་རྟེན་སོ་སོའི་རྣམ་པར་གྱུར་པར་བསམ་མོ། །

[Full Size]

མངའ་འབུལ་བ་ལས། མཆོད་པ་བཟང་དུ་བཤམས་ལ། ཆོ་ག་གང་ཡིན་གྱི་རང་གཞུང་ལྟར་བསངས་སྦྱངས་བྱིན་གྱིས་བརླབས་ནས། འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་ཀུན། །བདག་གིས་གུས་པར་བཤམས་པ་འདི། །རྒྱལ་བ་སྲས་དང་བཅས་རྣམས་མཆོད། །ན་མཿསརྦ་ཏ་ཐཱ་ག་ཏ་ཨབྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འཇིག་རྟེན་ཁམས་ནི་དཔག་མེད་ན། །མེ་ཏོག་ཇི་སྙེད་ཡོད་པ་ཀུན། །བདག་གིས་གུས་པར་བཤམས་པ་འདི། །རྒྱལ་བ་སྲས་དང་བཅས་རྣམས་མཆོད། ན་མསརྦ་ཏ་ཐཱ་ག་ཏ་པུངྒེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འཇིག་རྟེན་ཁམས་ནི་དཔག་མེད་ན། །བདུག་སྤོས་ཇི་སྙེད་ཡོད་པ་ཀུན། །བདག་གིས་གུས་པར་བཤམས་པ་འདི། །རྒྱལ་བ་སྲས་དང་བཅས་རྣམས་མཆོད། །ན་མཿསརྦ་ཏ་ཐཱ་ག་ཏ་དྷུ་པེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འཇིག་རྟེན་ཁམས་ནི་དཔག་མེད་ན། །སྣང་གསལ་ཇི་སྙེད་ཡོད་པ་ཀུན། །བདག་གིས་གུས་པར་བཤམས་པ་འདི། །རྒྱལཾ་བ་སྲས་དང་བཅས་རྣམས་མཆོད། །ན་མསརྦ་ཏ་ཐཱ་ག་ཏ་ཨཱཿ་ལོ་ཀེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འཇིག་

[Full Size]

རྟེན་ཁམས་ནི་དཔག་མེད་ན། །དྲི་མཆོག་ཇི་སྙེད་ཡོད་པ་ཀུན། །བདག་གིས་གུས་པར་བཤམས་པ་འདི། །རྒྱལ་བ་སྲས་དང་བཅས་རྣམས་མཆོད། །ན་མསརྦ་ཏ་ཐཱ་ག་ཏ་གནྡྷེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འཇིག་རྟེན་ཁམས་ནི་དཔག་མེད་ན། །ཞལ་ཟས་ཇི་སྙེད་ཡོད་པ་ཀུན། །བདག་གིས་གུས་པར་བཤམས་པ་འདི། །རྒྱལ་བ་སྲས་དང་བཅས་རྣམས་མཆོད། །ན་མསརྦ་ཏ་ཐཱ་ག་ཏ་ནེ་ཝི་ཏྱ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། འཇིག་རྟེན་ཁམས་ནི་དཔག་མེད་ན། །སྒྲ་སྙན་ཇི་སྙེད་ཡོད་པ་ཀུན། །བདག་གིས་གུས་པར་བཤམས་པ་འདི། །རྒྱལ་བ་སྲས་དང་བཅས་རྣམས་མཆོད། །ན་མསརྦ་ཏ་ཐཱ་ག་ཏ་ཤརྡ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། ཞེས་དང་། གཞན་ཡང་གོང་འོག་གི་རོལ་མོས་མཆོད་པ་ཀུན་ལ་རོལ་ཆེན་བྱའོ། །རྡོ་རྗེ་སེམས་དཔའ་བསྡུས་པ་ན། ཨོཾ་བཛྲ་ས་ཏཱ་སུ་སཾ་གྲ་ཧཱ། ཨོཾ་བཛྲ་ལཱ་སྱ་ཧཱུཾ། རྡོ་རྗེ་རིན་ཆེན་བླ་ན་མེད། ཨོཾ་བཛྲ་རཏྣ་མ་ནུ་ཏཱ་རཾ། ཨོཾ་བཛྲ་མཱ་ལེ་ཧཱུཾ། རྡོ་རྗེ་ཆོས་ཀྱི་གླུ་བླངས་པས། ཨོཾ་བཛྲ་དྷརྨ་ག་ཡ་ནི། ཨོཾ་བཛྲ་གིརྟི་ཧཱི། རྡོ་རྗེ་ལས་ཀུན་བྱེད་པར་གྱུར། ཨོཾ་བཛྲ་

[Full Size]

ཀརྨ་ཀ་རོབྷ་ཝེ། ཨོཾ་བཛྲ་ནིརྟི་ཨཱཿ། དེ་བཞིན་དུ། རྡོ་རྗེ་སེམས་དཔའ་བསྡུས་པ་ན། ཨོཾ་བཛྲ་ས་ཏྭ་སུ་སཾ་གྲ་ཧཱ། ཨོཾ་བཛྲ་དྷུ་པེ་ཧཱུཾ། རྡོ་རྗེ་རིན་ཆེན་བླ་ན་མེད། ཨོཾ་བཛྲ་རཏྣ་མ་ནུ་ཏཱ་རཾ། ཨོཾ་བཛྲ་པུབྦེ་ཏཾ། རྡོ་རྗེ་ཆོས་ཀྱི་གླུ་བླངས་པས། ཨོཾ་བཛྲ་དྷརྨཱ་ག་ཡ་ནི། ཨོཾ་བཛྲ་ཨཱཿ་ལོ་ཀེ་ཧཱུྃ༔ རྡོ་རྗེ་ལས་ཀུན་བྱེད་པར་འགྱུར། ཨོཾ་བཛྲ་ཀརྨ་ཀ་རོནྡྷ་ཝེ། ཨོཾ་བཛྲ་གྷནྡྷེ་ཨ། ཞེས་པད་ཀོར་སོ་སོའི་ཕྱག་རྒྱ་དང་བཅས་པས་མཆོད་པ་སྒེག་སོགས་བརྒྱད་དང་། གསེར་གྱི་འཁོར་ལོ་ནོར་བུ་རིན་པོ་ཆེ། །བཙུན་མོ་ཁྱིམ་བདག་གླང་པོ་རྟ་མཆོག་དང་། །གཡུལ་ལས་རྒྱལ་བྱེད་དམག་དཔོན་རིན་ཆེན་ཏེ། །རྒྱལ་སྲིད་རིན་ཆེན་བདུན་ཡང་འབུལ་བར་བགྱི། །ན་མཿསརྦ་ཏ་ཐཱ་ག་ཏ་སབྟ་རཏྣ་པྲ་ཏཱིཙྪ་ཨཱཿཧཱུྃ། ཞེས་པའམ། བདེ་བར་གཤེགས་པ་ཐམས་ཅད་ལ། །འཁོར་ལོ་རིན་ཆེན་འདི་འབུལ་བས། །སྲིད་པའི་འཁོར་ལོ་རྒྱུན་བཅད་དེ། །ཆོས་ཀྱི་འཁོར་ལོ་བསྐོར་བར་ཤོག །ཨོཾ་སརྦ་ཏ་ཐཱ་ག་ཏ་ཙཀྲ་རཏྣ་པཱུ་ཛི་ཏེ་ཨཱཿཧཱུྃ༔ རྒྱལ་བ་སྲས་བཅས་ཐམས་ཅད་ལ། །ནོར་བུ་རིན་ཆེན་འདི་འབུལ་བས། །བཀྲེས་ཤིང་ཕོངས་པ་རྒྱུན་བཅད་དེ། །འབྱོར་པ་ཕུན་སུམ་ཚོགས་པར་ཤོག །ཨོཾ་སརྦ་

[Full Size]

ཏ་ཐཱ་ག་ཏ་མ་ཎི་རཏྣ་པུ་ཛི་ཏེ་ཨཱཿཿཧཱུཾ། རྒྱལ་བ་སྲས་དང་བཅས་རྣམས་ལ། །བཙུན་མོ་རིན་ཆེན་འདི་འབུལ་བས། །མ་རིག་མུན་པ་རྒྱུན་བཅད་དེ། །ཤེས་རབ་༈ དབྱིངས་ཀྱི་དོན་རྟོགས་ནས། །ཐབས་དང་ཤེས་རབ་འབྲེལ་བར་ཤོག །ཨོཾ་སརྦ་ཏ་ཐཱ་ག་སྟི་རཏྣ་པཱུ་ཛི་ཏེ་ཨཱཿཿཧཱུཾ། རྒྱལ་བ་སྲས་དང་བཅས་རྣམས་ལ། །བློན་པོ་རིན་ཆེན་འདི་འབུལ་བས། །ཕྱི་ནང་གསང་གསུམ་ཐེག་གསུམ་ལྡན། །བསམ་ཡས་བསྟན་པ་རབ་འཛིན་ཅིང་། །ཡོན་ཏན་ཐམས་ཅད་ལྡན་པར་ཤོག །ཨོཾ་སརྦ་ཏ་ཐཱ་ག་ཏ་པུ་རུ་ཥ་རཏྣ་པུ་ཛི་ཏེ་ཨཱཿཧཱུཾ། རྒྱལ་བ་སྲས་དང་བཅས་རྣམས་ལ། །གླང་པོ་རིན་ཆེན་འདི་འབུལ་བས། །ལྟ་ངན་རྣམས་ནི་རབ་བསལ་ནས། །བླ་མེད་ཐེག་པ་རབ་ཞོན་ཏེ། །ཐམས་ཅད་མཁྱེན་གྲོང་བསྒྲོད་པར་ཤོག །ཨོཾ་སརྦ་ཏ་ཐཱ་ག་ཏ་ཧསྟི་རཏྣ་པཱུ་ཛི་ཏེ་ཨཱཿཧཱུཾ། རྒྱལ་བ་སྲས་དང་བཅས་རྣམས་ལ། །རྟ་མཆོག་རིན་ཆེན་འདི་འབུལ་བས། །སྲིད་པའི་གཟེབ་ལས་ངེས་གྲོལ་ཏེ། །རྫུ་འཕྲུལ་མཆོག་གི་ཤུགས་ཐོབ་ནས། །སངས་རྒྱས་ཞིང་དུ་བསྒྲོད་པར་ཤོག །ཨོཾ་སརྦ་ཏ་ཐཱ་ག་ཏ་རུངྒ་ཨ་ཤྭ་རཏྣ་པཱུ་ཛི་ཏེ་ཨཱཿཧཱུཾ། རྒྱལ་བ་སྲས་དང་བཅས་རྣམས་

[Full Size]

ལ། །དམག་དཔོན་རིན་ཆེན་འདི་འབུལ་བས། །ཉོན་མོངས་དགྲ་ལས་རབ་རྒྱལ་ནས། །ཕས་ཀྱི་རྒོལ་བ་ཚར་བཅད་དེ། །སྙེམས་བྲལ་མཆོག་ནི་ཐོབ་པར་ཤོག །ཨོཾ་སརྦ་ཏ་ཐཱ་ག་ཏ་ཁངྒ་རཏྣ་པཱུ་ཛི་ཏེ་ཨཱཿཿཧཱུཾ། རོལ་མོ་སོགས་སོ་སོའི་ཕྱག་རྒྱ་དང་བཅས་པས་རྒྱལ་སྲིད་རིན་ཆེན་སྣ་བདུན་དང་། རིན་ཆེན་གདུགས་དང་གསེར་ཉ་པདྨ་དུང་། །བུམ་པ་དཔལ་བེའུ་རྒྱལ་མཚན་འཁོར་ལོ་སྟེ། །ལྷ་ཡི་དགའ་ཚལ་མཛེས་པར་བྱེད་པ་ཡི། །བཀྲ་ཤིས་རྟགས་བརྒྱད་རྣམས་ནི་འབུལ་བར་བགྱི། །ན་མསརྦ་ཏ་ཐཱ་ག་ཏ་ཨཊྚ་ཧེ་ཏུ་མངྒ་ལཾ་པྲ་ཏིཙྪ་ཨཱཿཧཱུྃ། ཞེས་པས་བཀྲ་ཤིས་རྟགས་བརྒྱད་རྣམས་འབུལ་བར། སྤྲོ་ན། །ཧཱུཾ། རིན་ཆེན་གདུགས་མཛེས་གསེར་གྱི་ཡུ་བ་ཅན། །རྒྱལ་བའི་སྐུ་ལ་བསིལ་བྱེད་རྟེན་ཕུལ་བས། །འགྲོ་ཀུན་ཚ་གདུང་འཇིགས་དང་བྲལ་བར་ཤོག །ཨོཾ་ད་ཙི་ནི་ད་ཙི་ནི་སྭཱ་ཧཱ། ཧཱུཾ། རིན་ཆེན་གསེར་ཉ་དྲི་མེད་ཡེ་ཤེས་སྤྱན། །རྒྱལ་བའི་སྐུ་ལ་དྲི་བྲལ་མཆོག་ཕུལ་བས། །འགྲོ་ཀུན་ཡེ་ཤེས་སྤྱན་ལྡན་ཐོབ་པར་ཤོག །ཨོཾ་པྲ་ས་ཀ་རི་ཡེ་སྭཱ་ཧཱ། ཧཱུྃ། བཀྲ་ཤིས་དུང་དཀར་ཆོས་གསུང་ཚེམས་མཆོག་ལྡན། །དྲི་མེད་རྣམ་དག་བཀྲ་ཤིས་དུང་ཕུལ་བས། །འགྲོ་ཀུན་སྐྱེ་ཤི་ལོག་

[Full Size]

རྟོག་རྩད་གཅོད་ཤོག །ཨོཾ་མ་ནོ་སཏཱ་ཡེ་སྭཱ་ཧཱ། ཧཱུྃ། ཆགས་མེད་སྐྱོན་བྲལ་དྲི་མེད་པདྨའི་འདབ། །ཆོས་སྒྲ་རྒྱ་ཆེན་ལྗགས་ལ་འདི་ཕུལ་བས། །འགྲོ་ཀུན་ཡན་ལག་རྒྱ་མཚོའི་ཆོས་ཐོབ་ཤོག །ཨོཾ་ཏ་ཀ་ཏ་ཀ དུ་ན་དུ་ན། ཛ་ལ་ཛ་ལ། པྲ་ཛ་ལ་ཡེ་སྭཱ་ཧཱ། ཧཱུཾ། རྒྱལ་བའི་མགུལ་ལ་བཀྲ་ཤིས་བུམ་པའི་བཅུད། །ཆོས་སྒྲ་རྒྱ་མཚོའི་གསུང་གི་ང་རོ་ཡིས། །འགྲོ་ཀུན་ཏིང་འཛིན་ཟས་ཀྱིས་འཚོ་བར་ཤོག།ཨོཾ་མ་ལ་ཛ་ར་ཛ་ར་བི་ཤ་པི་ཤ་ཡེ་མ་ལ་ས་ཀ་སྭཱ་ཧཱ། བདེ་གཤེགས་ཐུགས་ལ་རིན་ཆེན་དཔལ་གྱི་བེའུ། །དྲི་མེད་མཚན་ལྡན་དམ་པ་ཕུལ་བ་ཡིས། །འགྲོ་ཀུན་འཁྲུལ་མེད་ཏིང་འཛིན་ལྡན་པར་ཤོག །ཨོཾ་བྷི་མ་ལེ་བྷི་མ་ལེ་པྲ་ས་ཀ་ར་མ་ཛུ་སྭཱ་ཧཱ། ཨོཾ་རྒྱལ་བའི་སྐུ་ལ་མི་ནུབ་རྒྱལ་མཚན་མཆོག །གུས་པས་འབུལ་བས་ལུས་ཅན་འགྲོ་བ་རྣམས། །མི་འགྱུར་གཡུང་དྲུང་རྟག་པའི་སྐུ་ཐོབ་ཤོག །ཨོཾ་ཛ་ཡེ་ཛ་ཡེ་པ་ཏེ་སརྦ་ཤ་ཏུཾ་བྷི་ན་སརྦ་དུཥྛན་ནཾ་པ་ནི་ཨ་ལོ་ཀ་པ་ར་ཙིཏྟ་སྭཱ་ཧཱ། ཧཱུྃ། དམ་ཆོས་རིན་ཆེན་ཆོས་ཀྱི་འཁོར་ལོའི་ཚུལ། །རྒྱལ་བའི་ཕྱག་ཞབས་མཚན་པར་རབ་ཕུལ་བས། །ཕྱོགས་དུས་ཀུན་ཏུ་ཆོས་འཁོར་བསྐོར་བར་

[Full Size]

ཤོག །ཨོཾ་ཙི་ལི་ཙི་ལི། མི་ལི་མི་ལི། སྤོ་ཏྲ་ཡ་སྭཱ་ཧཱ། སྐུའི་དབང་པོའི་གནས་སོ་སོར་འབུལ་ལོ། །འདོད་ཡོན་ལྔས་མཆོད་པ་ནི། ཁ་དོག་དབྱིབས་ལེགས་ཡིད་འོང་རྒྱན་ཕྲེང་ལྡན། །ཕྱོགས་དུས་ཀུན་ན་གཟུགས་མཆོག་ཅི་མཆིས་པ། །མོས་བློས་རྒྱལ་བ་སྲས་བཅས་ལ་འབུལ་ན། །བཞེས་ནས་བླ་མེད་གྲུབ་མཆོག་བསྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་རཱུ་པ་ཀ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུྃ་སྭཱ་ཧཱ། ཕྱོགས་དུས་ཀུན་ནས་ཟིན་དང་མ་ཟིན་པའི། །ཡོན་ཏན་ཚིག་བརྗོད་སྒྲ་སྙན་ཡིད་འོང་ལྡན། །མོས་བློས་རྒྱལ་བ་སྲས་བཅས་ལ་འབུལ་ན། །བཞེས་ནས་བླ་མེད་གྲུབ་མཆོག་བསྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་ཤབྷ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཿཧཱུྃ་སྭཱ་ཧཱ། ཕྱོགས་དུས་ཀུན་ནས་ཙནྡན་སྦྲུལ་སྙིང་དང་། །ཨ་གར་ལ་སོགས་དབང་པོ་ཚིམ་བྱེད་དྲི། །མོས་བློས་རྒྱལ་བ་སྲས་བཅས་ལ་འབུལ་ན། །བཞེས་ནས་བླ་མེད་གྲུབ་མཆོག་བསྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་གྷནྡྷེ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུཾ་སྭ་ཧཱ། ཕྱོགས་དུས་ཀུན་ན་རོ་དང་བཅུད་ལྡན་པའི། །ལུས་སེམས་བརྟས་བྱེད་རོ་མཆོག་ཅི་མཆིས་པ། །མོས་བློས་རྒྱལ་བ་སྲས་བཅས་ལ་འབུལ་ན། །བཞེས་ནས་བློ་

[Full Size]

མེད་གྲུབ་མཆོག་བསྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་རཱ་ས་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུྃ་སྭཱ་ཧཱ། ཕྱོགས་དུས་ཀུན་ན་འཇམ་མཉེན་འཁྲིལ་ཆགས་པའི། །རེག་བྱའི་ཁྱད་པར་འཕགས་པ་ཅི་མཆིས་པ། །མོས་བློས་རྒྱལ་བ་སྲས་བཅས་ལ་འབུལ་ན། །བཞེས་ནས་བླ་མེད་གྲུབ་མཆོག་བསྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་སྤརེ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུྃ་སྭཱ་ཧཱ། སོ་སོའི་ཕྱག་རྒྱ་དང་བཅས་པས་ཕུལ་བའི་རྗེས། དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སེལ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག།དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་འཆད་པར་འབེབས་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་བཞིན་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་

[Full Size]

ཀུན་ཏུ་འབྱུང་གྱུར་ཅིག །ཅེས་བརྗོད་པས་འཕགས་ཆེན་རྣམས་ཀྱིས་ཇི་ལྟར་མཆོད་པ་དང་མཐུན་པར་མཆོད་པའི་མོས་པ་བྱའོ། །མཉམ་མེད་མི་གཡོ་མཉམ་མེད་མཆོག་གི་ཆོས་ཉིད་ཅན། །ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་བར་བྱེད། །ཡོན་ཏན་མཐའ་ཡས་དངོས་གྲུབ་མཆོག་རྣམས་སྦྱིན་མཛད་པ། །དྲི་མེད་མི་གཡོ་མཉམ་མེད་དམ་པའི་ཆོས་མཆོག་ཅན། །ཡོན་ཏན་ཤིན་ཏུ་ཕྲ་བའི་ཆ་ལའང་ཚད་མེད་དོ། །དཔེ་ནི་ནམ་མཁའ་དང་ནི་བསྐྲུན་དུ་ཡོད་མ་ཡིན། །དངོས་གྲུབ་མཐའ་ཡས་མཉམ་མེད་དཔེ་དང་བྲལ་བ་རྣམས། །སེམས་ཅན་ཁམས་ལ་དངོས་གྲུབ་མཆོག་རྣམས་ངེས་པར་སྩོལ། །རྟག་ཏུ་དྲི་མ་མེད་པ་ཐུགས་རྗེའི་ཤུགས་ལས་བྱུང་། །སྨོན་ལམ་གྲུབ་པ་འགགས་པ་མེད་པའི་ཆོས་ཉིད་ཅན། །འགྲོ་བའི་དོན་བསྒྲུབ་རབ་ཏུ་བརྩོན་པ་མཐའ་ཡས་པ། །ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང་། །ཚད་མེད་ཚད་དང་བྲལ་བ་ཤིན་ཏུ་རྫོགས་པ་ཡི། །བདེ་བར་གཤེགས་པའི་གོ་འཕང་དམ་པ་མཉེས་གྱུར་ཀྱང་། །ཁམས་གསུམ་རྣམས་ལ་དངོས་གྲུབ་མཆོག་སྩོལ་མཛད་པ་ཡི། །ཐུགས་རྗེའི་སྤྱོད་པ་མི་གཡོ་འགགས་པར་ཡོངས་མི་འགྱུར། །ཨེ་མ་ཧོ།

[Full Size]

ཤིན་ཏུ་བཟང་པོའི་ཆོས་ཉིད་མཆོག་དང་ལྡན། །མཆོག་སྦྱིན་རྣམས་ཀྱི་ནང་ནས་གོ་འཕང་མཆོག་བརྙེས་པ། །ཁམས་གསུམ་ཀུན་ལ་རྟག་ཏུ་དངོས་གྲུབ་མཆོག་སྩོལ་མཛད། །མགོན་པོ་དུས་གསུམ་སྒྲིབ་པ་མེད་པར་རབ་མཁྱེན་པ། །དམ་ཚིག་མཆོག་གསུམ་དངོས་གྲུབ་དམ་པ་བདག་ལ་སྩོལ། །འདི་དེ་སངས་རྒྱས་ཐམས་ཅད་ཀྱི། །ཡང་དག་ཡོན་ཏན་རྒྱས་པ་སྟེ། །ལན་གཅིག་ཙམ་ཞིག་བརྗོད་པས་ཀྱང་། །སངས་རྒྱས་ཐོམས་ཅད་འགྲུབ་པར་འགྱུར། །གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །བླ་མ་དཔལ་ལྡན་རྡོ་རྗེ་འཆང་། །ཀུན་གྱི་བྱེད་པོ་བླ་མ་སྟེ། །བླ་མོ་རྣམས་ལ་ཕྱག་འཚལ་ལོ། །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །བླ་མེད་དཀོན་མཆོག་གསུམ་ལ་ཕྱག་འཚལ་ལོ། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །

[Full Size]

དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་ལྟ་བུར་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་འཚལ་ལོ། །གྲོགས་ཆེན་ཤེས་རབ་ཆེན་པོ་པ། །ཐུབ་ཆེན་དཔའ་བོ་ཆེན་པོ་པ། །སྲིད་པའི་མྱ་ངན་བརྒལ་བ་པོ། །བསྐལ་བཟང་སངས་རྒྱས་སྟོང་ལ་སོགས། །སྲས་དང་བཅས་ལ་ཕྱག་འཚལ་ལོ། །ཕྱོགས་བཅུར་བཞུགས་པའི་རྒྱལ་བ་མ་ལུས་དང་། །བྱང་ཆུབ་སེམས་དང་རྒྱལ་སྲས་མ་ལུས་ཚོགས། །རྡུལ་གཅིག་སྟེང་ན་རྡུལ་སྙེད་བཞུགས་པ་ཡི། །བླ་མེད་འཕགས་པའི་ཚོགས་ལ་ཕྱག་འཚལ་ལོ། །བྱ་སྤྱོད་རྣལ་འབྱོར་རྒྱུད་སྡེ་བཞི། །སྟོན་པ་ཉིད་ཀྱིས་གང་གསུངས་པ། །ཕྱི་དང་ནང་དུ་གསང་བ་ཡི། །ཡི་དམ་རྣམས་ལ་ཕྱག་འཚལ་ལོ། །བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་བྱེད་པའི་གང་ཟག་ལ། །བུ་བཞིན་སྐྱོང་བར་མཛད་པ་ཡི། །ཆོས་སྐྱོང་རྣམས་ལ་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་

[Full Size]

བསྟོད་པར་བགྱི། །ཞེས་སོགས་རྟེན་དང་མཚུངས་པའི་བསྟོད་པ་ཇི་རིགས་པའང་བྱའོ། །གཉིས་པ་བྱེ་བྲག་གི་མཎྜལ་འབུལ་བ་ལ། ཐུན་མོང་དང་སོ་སོའི་མངའ་འབུལ་ལས། ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་འབུལ་བ་ཡིས། །འགྲོ་ཀུན་རྣམ་དག་ཞིང་དུ་སྤྱོད་པར་ཤོག །ཨོཾ་བཛྲ་རེ་ཁེ་ཨཱཿཿཧཱུྃ་སྭཱ་ཧཱ། ཡིས་གླིང་བཞི་རི་རབ་དང་བཅས་པའི་རི་མོ་འབུལ། དེ་ནས། སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཨོཾ་བཛྲ་གྷནྡྷེ་ཨཱཿཧཱུྃ་སྭཱ་ཧཱ། ཞེས་པས་དྲི་བཟང་དང་སྦྱར་བའི་ཁྲུས་ཆབ། སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་གྱུར་པ། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ཨོཾ་བཛྲ་ཝསྡུ་ཨཱཿཧཱུྃ་སྭཱ་ཧཱ། ཞེས་པས་ན་བཟའ་ཕུལ་ལོ། །མི་དབང་རིན་ཆེན་སྣ་བདུན་འདི་དག་ནི། །རྒྱལ་བ་སྲས་དང་བཅས་པ་མ་ལུས་ལ། །བཤམས་ཤིང་ཡིད་ཀྱིས་སྤྲུལ་ཏེ་ཕུལ་བ་ཡིས། །འགྲོ་

[Full Size]

བ་མི་བཟད་གཏེར་ལ་སྤྱོད་པར་ཤོག །ཨོཾ་སབྷ་མ་ཧཱ་རཏྣ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། ཞེས་པས་རྒྱལ་སྲིད་རིན་ཆེན་བདུན་ཕུལ་ལོ། །ཐེག་མཆོག་བླ་རེ་གདུགས་དང་བ་དན་དང་། །བདུད་བཅོམ་རྒྱལ་མཚན་ལྷབ་ལྷུབ་སྟེང་འཕན་དང་། །གར་དང་རོལ་མོ་མཆོད་པའི་སྒྲ་དབྱངས་ཀྱིས། །རྒྱལ་བའི་དཀྱིལ་འཁོར་མཛེས་པས་བརྒྱན་པར་བགྱི། །ཨོཾ་བཛྲ་མ་ཧཱ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། འཕན་གདུགས་རྒྱལ་མཚན་སོགས་དབུལ། ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །རྒྱལ་བ་རྣམས་དང་བྱང་ཆུབ་སེམས་དཔའ་ལ། །བཀྲ་ཤིས་རྫས་བརྒྱད་དག་གིས་མཆོད་པར་བགྱི། །འཇིག་རྟེན་ཁྱིམ་བདག་རྣམས་ནི་དཔལ་བརྟེན་ནས། །བིར་ཝ་དྷརྦ་བུམ་པ་བཟང་དང་བཅས། །མདུན་དུ་བདར་ནས་བཀྲ་ཤིས་བྱེད་པ་ལྟར། །རྒྱལ་བ་སྲས་དང་བཅས་ལ་འབུལ་བར་བགྱི། །ཨོཾ་ཨཥཱ་མངྒ་ལཾ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། ཞེས་པས་བཀྲ་ཤིས་རྟགས་བརྒྱད་དང་རྫས་བརྒྱད་དབུལ། གཟུགས་སྒྲ་དྲི་རོ་རེག་ལྡན་པའི། །མཆོག་ཏུ་གྱུར་པའི་ལོངས་སྤྱོད་རྣམས། །བདག་གིས་དད་པས་འབུལ་བར་བགྱི། །ཅི་བདེ་བར་ནི་བཞེས་སུ་གསོལ། །ཨོཾ་བཛྲ་

[Full Size]

པཉྩ་ཀཱ་མ་གུ་ཎ་པཱུ་ཛི་ཏེ་ཨཱཿཿཧཱུྃ་སྭཱ་ཧཱ། ཞེས་པས་འདོད་ཡོན་ལྔ་འབུལ་ཞིང་། དེ་ནས་སྣོད་མཛེས་པ་གཅིག་གམ་ལྔའི་ནང་དུ་སྨན་ལྔ་འབྲུ་ལྔ་དྲི་ལྔ་རིན་ཆེན་ལྔ་སྙིང་པོ་ལྔ་རྣམས་བླུགས་ལ་འབུལ་ཞིང་། །རྒྱལ་བ་མགོན་པོ་དཔལ་གྱི་ལྷམ་མེར་བཞུགས། །བསོད་ནམས་ཡེ་ཤེས་སྐུ་ལྔ་བརྙེས་པ་ལ། །ལྔ་ཕྲག་ལྔ་ལྡན་སྙིང་པོ་དམ་པ་འབུལ། །འགྲོ་བས་བདེ་གཤེགས་སྙིང་པོ་ཐོབ་པར་ཤོག །ཨོཾ་བཛྲ་པཉྩ་པཉྩ་བི་མ་ལ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། ཞེས་པས་ལྔ་ཕྲག་ལྔ་དང་། རིན་ཆེན་དུ་མ་ལས་གྲུབ་སེངྒེའི་ཁྲི། །ཡིད་འཕྲོག་སྣ་ཚོགས་གོས་ཀྱིས་བཀབ་པ་འདི། །སྤྲོས་བྲལ་རྒྱལ་བ་རྣམས་ལ་འབུལ་བ་ཡིས། །འགྲོ་ཀུན་རྡོ་རྗེའི་གདན་ལ་བཞུགས་པར་ཤོག །ཨོཾ་བཛྲ་སིདྡྷ་ཨཱཿ་ས་ན་ཨཱཿཿཧཱུྃ་སྭཱ་ཧཱ། ཞེས་སེངྒེའི་ཁྲི་འབུལ་ལོ། །གཉིས་པ་མངའ་འབུལ་བ་ལ་སྐུ་༧གཟུགས་མཆོད་རྟེན་གླེགས་བམ་གསུམ་གྱི། དང་པོ་སྐུ་གཟུགས་མངའ་འབུལ་ལའང་ཐུན་མོང་དང་ཐུན་མོང་མ་ཡིན་པ་གཉིས་ལས། དང་པོ་སངས་རྒྱས་ལོངས་སྤྲུལ་བྱང་སེམས་ཉན་རང་སྐུ་གཟུགས་སོགས་ཀྱི་རིགས་ཐམས་ཅད་ལ་ཐུན་མོང་དུ་འབུལ་བ་ནི། སྙན་དང་ཤངས་དང་ཞལ་དབྱེའི་ཕྱིར། །སྒྲ་དང་དྲི་དང་ཚེམས་ཤིང་འབུལ། །ཞེས་པ་ལྟར་གྱི་གསེར་གྱི་སྤབ་བཞར་འབུལ་ཞིང་། ཉེ་རིང་མི་མངའ་ཀུན་ཏུ་གསལ། །ཐུབ་པའི་སྒྲ་འཛིན་རབ་

[Full Size]

དག་ཀྱང་། །དག་བྱེད་བདག་གིས་འབུལ་ལགས་ཀྱི། །འགྲོ་རྣམས་རྟག་ཏུ་ཆོས་ཐོབ་ཤོག །ཨོཾ་བཛྲ་ཀཎ་ཤྭ་དྷ་ཡ་ཨཱཿཿཧཱུྃ་སྭཱ་ཧཱ། དེ་ནས་གསེར་གྱི་རྨོང་གཟེར་འབུལ་ཞིང་། ཟག་བཅས་ཕུང་པོའི་དྲི་སྤངས་ཀྱང་། །འགྲོ་བ་སེམས་ཅན་དོན་གྱི་ཕྱིར། །མོས་པས་འཛིན་སྤྱད་འདི་འབུལ་བས། །འགྲོ་རྣམས་ཚུལ་ཁྲིམས་དྲི་ཐོབ་ཤོག །ཨོཾ་བཛྲ་རོ་མ་དྷ་ར་ཎི་ཨཱཿཧཱུྃ་སྭཱ་ཧཱ། གསེར་གྱི་ལྗགས་གཞར་འབུལ་ཞིང་། ཧཱུྃ། ཆོས་དབྱིངས་ཞལ་ལ་རོ་བྲོ་དབྱེར་མེད་ཀྱང་། །འགྲོ་ཀུན་ཆོས་རྣམས་རོ་གཅིག་མྱོང་བའི་ཕྱིར། །གསེར་ཐུར་དྲི་བྲལ་ཞལ་ལ་འདི་འབུལ་བས། །ཡན་ལག་ཆོས་སྣང་འགྲོ་ཀུན་ཚིམ་བྱེད་ཤོག།ཨོཾ་དི་བ་བྱ་མུ་ཁ་ཡ་གྷནྡྷེ་ཡེ་སྭཱ་ཧཱ། ཞལ་ཟས་སོགས་རོ་མཆོག་ཏུ་གྱུར་པ་འབུལ་ཞིང་། རོ་མཆོག་བརྒྱད་ལྡན་ཞལ་ཟས་མཆོག །དད་པས་རྒྱལ་ལ་འབུལ་ལགས་ཀྱིས། །ཆོས་ཀྱི་རོ་ནི་དགའ་བ་ཡིས། །འགྲོ་བ་ཐམས་ཅད་ཚིམ་གྱུར་ཅིག །ཨོཾ་དིབ་བྱ་མུ་ཁ་ཡེ་ཨཱཿཿཧཱུྃ་སྭཱ་ཧུ། ཚེམས་ཤིང་འབུལ་ཞིང་། རིན་ཆེན་ཀ་ར་ཝི་ར་ཡིས། །ཚེམས་ཤིང་དད་པས་འབུལ་བ་ཡིས། །རྒྱལ་བའི་གསུང་གི་དོན་རྟོགས་ཤོག །འགྲོ་ཀུན་སྐད་དུ་ཆོས་སྟོན་ཤོག །ཨོཾ་བཛྲ་ན་ཏ་ཤཱ་དྷ་ནི་

[Full Size]

ཨཱཿཿཧཱུྃ་སྭཱ་ཧཱ། ཞེས་བརྗོད། གཉིས་པ་ཐུན་མོང་མ་ཡིན་པ་ལ་གཉིས་ཀྱི་དང་པོ་སངས་རྒྱས་མཆོག་གི་སྤྲུལ་པའི་སྐུ་ལ་སོགས་རབ་བྱུང་གི་ཆ་ལུགས་ཅན་རྣམས་ལ་འབུལ་བ་ནི། སྤུ་གྲི་འབྲེག་སྤྱད་གོས་ལྷུང་བཟེད། ཅེས་པ་ལྟར། སྤུ་གྲི་ཐོགས་ལ། རྒྱལ་བའི་དབུ་སྐྲ་མཐོན་མཐིང་སྐྱོན་བྲལ་ཡང་། །གཞན་དོན་བསྒྲུབ་ཅིང་ཁྱིམ་པའི་རྟགས་སྤངས་ཕྱིར། །དད་པས་གསེར་གྱི་འབྲེག་སྤྱད་འདི་འབུལ་བས། །འགྲོ་རྣམས་སྡུག་བསྔལ་ཀུན་ལས་གྲོལ་བར་ཤོག །ཨོཾ་བཛྲ་ཀ་ཙོནུ་ལ་ཨཱཿཧཱུྃ་སྭཱ་ཧཱ། སེན་མོའི་འབྲེག་སྤྱད་ཐོགས་ལ། ཟངས་མདོག་ལྟར་མཛེས་ཡིད་འོང་སྐྱོན་བྲལ་ཡང་། །བདག་ཅག་དད་པས་ཕྱག་དང་ཞབས་རྣམས་ཀྱིས། །སེན་མོའི་འབྲེག་སྤྱད་ཕུལ་བས་འགྲོ་ཀུན་གྱིས། །སངས་རྒྱས་དཔེ་བྱད་བཟང་པོ་ཐོབ་པར་ཤོག །ཨོཾ་བཛྲ་ན་ཁཙྩད་ན་ཨཱཿཿཧཱུྃ་སྭཱ་ཧཱ། ཆོས་གོས་ཐོགས་ལ། ཇི་ལྟར་སྨན་པའི་རྒྱལ་པོ་འཚོ་བྱེད་ཀྱིས། །རྒྱལ་བའི་སྐུ་ལ་ན་བཟའ་གསོལ་བ་ལྟར། །དེ་བཞིན་འགྲོ་བ་རྣམས་ལ་ཕན་པའི་ཕྱིར། །ཐར་པའི་རྒྱལ་མཚན་ངུར་སྨྲིག་གསོལ་བར་བགྱི། །ཨོཾ་བྷི་བྱ་བི་སི་པྲ་མ་ཎ་ཡེ་ཨཱཿ་ཧཱུཾ་སྭཱ་ཧཱ། ལྷུང་བཟེད་ཐོགས་ལ། ཇི་ལྟར་རྒྱལ་པོ་ཆེན་པོ་བཞི་པོ་ཡི། །དེ་བཞིན་གཤེགས་ལ་ལྷུང་

[Full Size]

བཟེད་ཕུལ་བ་ལྟར། །དེ་བཞིན་འགྲོ་བ་སེམས་ཅན་དོན་གྱི་ཕྱིར། །ཡོན་ཏན་སྣོད་དུ་རུང་བ་འབུལ་བར་བགྱི། །ༀ་བུ་ག་ས་པ་རི་ཀ་རི་ཡེ་ཨཱཿཿཧཱུྃ་སྭཱ་ཧཱ། ཞེས་བརྗོད། གཉིས་པ་སངས་རྒྱས་ལོངས་སྤྱོད་རྫོགས་པའི་སྐུ་དང་སེམས་དཔའ་སེམས་མ་ཁྲོ་བོ་ཁྲོ་མོ་སོགས་ལོངས་སྐུའི་ཆ་ལུགས་ཅན་རྣམས་ལ་འབུལ་བ་ནི། དབུ་རྒྱན་དང་ནི་སོ་མང་དང་། །རྒྱན་ཕྲེང་ཡོ་བྱད་ཕྲན་ཚེགས་སོ། ཞེས་པ་ལྟར། དབུ་རྒྱན་ཐོགས་ལ། བདེ་གཤེགས་སྐུ་ལ་མཚན་དང་དཔེ་བྱད་ལྡན། །བྱང་ཆུབ་མཆོག་གི་རྒྱན་གྱིས་མཛེས་ལགས་ཀྱང་། །རིན་ཆེན་དབུ་རྒྱན་དར་དཔྱངས་ལ་སོགས་པ། །རྒྱན་གྱི་ཁྱད་པར་དམ་པ་མཆོད་པ་འབུལ། །ཨོཾ་རཏྣ་ཨ་ལངྐ་ར་ཨཱཿཧཱུྃ་སྭཱ་ཧཱ། དུང་གི་སོ་མང་ཐོགས་ལ། དབུ་སྐྲ་ལྕང་ལོ་མཐོན་མཐིང་གཡས་འཁྱིལ་བ། །རིན་ཆེན་འབར་བས་བརྒྱན་པ་རབ་ཏུ་མཛེས། །ལྷ་མི་ཀུན་གྱིས་ལྟ་བས་མི་ངོམས་ཏེ། །བསོད་ནམས་ཐོབ་ཕྱིར་རྒྱལ་བའི་དབུ་སྐྲ་བཤད། །ཨོཾ་ཀརྨི་ཏ་ར་ལ་ཨཱཿཧཱུྃ་སྭཱ་ཧཱ། རིན་ཆེན་རྒྱན་ཕྲན་ཐོགས་ཏེ། རྒྱལ་བ་མཚན་དཔེའི་རང་བཞིན་རྒྱན་ལྡན་ཕྱིར། །རྒྱན་གཞན་དག་གིས་བརྒྱན་པར་མི་འཚལ་ཡང་། །རིན་ཆེན་རྒྱན་ཆ་འབུལ་བས་འགྲོ་ཀུན་གྱིས། །མཚན་དཔེས་བརྒྱན་པའི་སྐུ་ལུས་འཐོབ་

[Full Size]

པར་ཤོག །ཨོཾ་བཛྲ་ཨ་ལངྐ་ར་བྷཀྵ་ཨཱཿཧཱུྃ་སྭཱ་ཧཱ། དེ་ནས་ཡོ་བྱད་ཕྲན་ཚེགས་རྣམས་འབུལ་ཞིང་། འགྲོ་བ་སེམས་ཅན་རྣམས་ལ་ཕན་པའི་ཕྱིར། །རིག་པའི་གནས་ལྔ་དག་ལ་བསླབ་བྱ་ཞེས། །ཇི་ལྟར་ཐུགས་དམ་རྒྱ་ཆེན་བཞེངས་པ་ལ། །མཁོ་བའི་ཡོ་བྱད་རྣམས་ནི་འབུལ་བར་བགྱི། །ཨོཾ་ཨཱཿཝ་ཡུ་ཡུ་ག་ས་མ་ར་ཀ་ར་ཝེ་ཨཱཿཧཱུྃ་སྭཱ་ཧཱ། ཞེས་བརྗོད། ཁྲོ་བོ་ལ་པྲོག་ཞུ་འབུལ་བ་ནི། ཧཱུྃ༔ ཞི་བ་གདུལ་དཀའ་ཆེ་བཙན་དྲག་པོ་ལ། །གདུལ་དཀའ་འདུལ་མཛད་རིགས་ལྔའི་གྲོགས་མཛད་རྟགས། །དེ་བཞིན་སྲོག་ཞུ་ཕུལ་བའི་གྲོགས་རྣམས་ལ། །རྗེས་སུ་འཛིན་ལ་གཡེལ་བ་མེད་པར་ཤོག །ཨོཾ་ཧཱུྃ་ཧཱུྃ་ཧཱུྃཨཱཿབཛྲ་ཀ་ལེ་ཧཱུཾ། ཐོད་སྐམ་ཕུལ་ལ། གང་འདུལ་འགྲོ་འདུལ་ཆས་སུ་རབ་བཞེངས་རྟགས། །སྐམ་གཤེད་ཐོད་པའི་རྩིས་སུ་ཤར་བ་བཞིན། །གུས་པས་འབུལ་བའི་གདུལ་བྱའི་ཞིང་རྣམས་ཀུན། །སྨིན་ཅིང་གྲོལ་བའི་ལམ་ལ་འཁོད་པར་ཤོག །ཨོཾ་ཨཱཿཛྙཱ་ན་བཛྲ་ཨཱཿཧཱུཾ། མགོ་ཕྲེང་ཕུལ་ལ། ཧཱུྃ༔ ཐུགས་རྗེ་ཆགས་པས་འགྲོ་ཀུན་ངང་གིས་དགྲོལ། །རབ་འབྲིང་དམན་པའི་འགྲོ་བ་གྲོལ་བའི་མདངས། །སྐམ་རློན་ར་རིད་གསུམ་དུ་ཤར་བ་བཞིན། །ཕུལ་

[Full Size]

བས་འགྲོ་ཀུན་ཐབས་ལ་མཁས་པར་ཤོག །ཨོཾ་ན་ར་ཀ་ཧ་ར་ཨ་ཝ་ཧ་ར་ཧཱུཾ། གླང་ཆེན་ཀོ་རློན་ཕུལ་ལ། ཧཱུྃ༔ འཇིགས་བྱེད་ཆེན་པོའི་གཏི་མུག་དབྱིངས་ནས་གྲོལ། །ཐུགས་རྗེ་ཆགས་པ་ལྟ་བུའི་ཀོ་རློན་བརྒྱན། །དེ་བཞིན་ཕུལ་བས་བདག་སོགས་འགྲོ་བ་ཀུན། །ཐེག་མཆོག་ཡང་དག་སྟོན་ལ་མཁས་གྱུར་ཅིག །ཨོཾ་ཧ་དེར་ཝཊྚ་ཧཱུྃ་སྭཱ་ཧཱ། སྦྲུལ་ཆུན་ཕུལ་ལ། ཧཱི༔ གཙོ་བོའི་སྙིང་པོ་ཞེ་སྡང་ཡང་གྲོལ་གྱི། །གཉེན་ལྕགས་འཁྲིལ་བའི་ཡ་མཚན་ཆས་སུ་བཞེངས། །དེ་བཞིན་མངའ་གསོལ་འདས་ཀྱང་འགྲོ་ཀུན་གྱི། །ཞེ་སྡང་ལས་གྱུར་རྟོག་པ་ཞི་བར་ཤོག །ཨོཾ་པ་ན་ཏ་ཀ་པཱུ་ཛ་ཨཱཿཿཧཱུྃ། ཞིང་ལྤགས་གཡང་གཞི་ཕུལ་ལ། ཧཱུྃ༔ དཔའ་བོ་དབྱིངས་ནས་བདུད་བཞིའི་རྟོགས་ཚོགས་གྲོལ། །ལོག་རྟོགས་བཤུས་པའི་གཡང་གཞི་རོལ་པ་བཞིན། །ཕུལ་བས་སྲིད་གསུམ་གདུལ་བྱའི་ཞིང་ཁམས་ལ། །ཕྲིན་ལས་རྣམ་བཞིའི་ཐབས་ལ་མཁས་པར་ཤོག །ཧཱུྃ་བཾ་ཧཱུྃ་བསྟན་པ་ཁ་ཧཱུྃ། སྟག་ཤམ་ཕུལ་ལ། ཁྲོ་རྒྱལ་ཆེན་པོའི་གཞན་རྒྱུད་ལས་སྣང་དང་། །སོ་སོའི་རྟོག་ཚོགས་གཞོམ་པའི་རྟགས་སུ་བཀྲག །དཔའ་མཚན་ཆེན་པོ་འདི་ཡི་མངའ་གསོལ་བགྱི། །གཞན་རྒྱུད་

[Full Size]

གྲོལ་བའི་ཆེ་བཙན་དབང་བར་ཤོག །ཨོཾ་བྱ་ཏྲི་པུ་ཀ་ཧཱུྃ། མེ་དཔུང་ཕུལ་ལ། མ་རིག་རྨོངས་པའི་རྟོག་ཚོགས་སྲེག་མཛད་པའི། །བསྐལ་པ་འཇིག་པ་ལྟ་བུའི་དབུས་སུ་བཞེངས། །ཆེ་བཙན་རྟགས་འདི་དཔལ་ཆེན་ལ་འབུལ་ནས། །འགྲོ་ཀུན་རྨོངས་ཚོགས་བསིལ་བའི་མཐུ་ལྡན་ཤོག །ཨོཾ་ཛྙཱ་ན་བཛྲ་ཀྲོ་ཏ་ཛྭ་ལ་རཾ་ཧཱུྃ་སྭཱ་ཧཱ། རཀྟའི་ཐིག་ལེ་ཕུལ་ལ། ཧྲཱིཿ གཙོ་མཆོག་འབར་བས་ཁམས་གསུམ་ཡོངས་སྒྲོལ་ཕྱིར།། །དམར་ཆེན་ཞལ་ལ་ཐིག་ལེར་གསལ་བ་བཞིན། །དབང་ཕྱུག་ཆེ་བའི་མཆོག་ལ་མངའ་གསོལ་གྱིས། །འགྲོ་བའི་དུག་གསུམ་གཞོམ་ལ་མཁས་གྱུར་ཅིག །ཨོཾ་བྷི་ཏུ་མ་ཧཱ་རཀྟ་ཧཱུྃ་སྭཱ་ཧཱ། ཞག་གི་ཟོ་རིས་ཕུལ་ལ། ཆོས་ཉིད་དབྱིངས་ནས་དྲག་པོའི་སྐུར་བཞེངས་ནས། །རྒྱུ་དྲུག་འཁོར་བའི་བཅུད་ཆེན་མཁུར་ཚོ་ནས། །ཟོ་རིས་ཤར་བཞིན་མཚན་རབ་མངའ་གསོལ་བའི། །རྒྱུ་དྲུག་བཅུད་ཆེན་ཀློང་དུ་ཚུད་པར་ཤོག །ཨོཾ་སུཾ་བྷ་ག་ཏ་ཡ་ཨཱཿ་ཧཱུྃ་སྭཱ་ཧཱ། དར་དཔྱངས་ཕུལ་ལ། ཧྲཱིཿ གཙོ་བོ་གཟི་མདངས་མི་བཟད་རྒྱན་དུ་ཤར། །གདུལ་བྱའི་དར་གྱི་ལྡ་ལྡི་དུ་མར་སྣང་། །གོས་ཀྱི་ཁྱད་པར་ཕུལ་བས་འགྲོ་བ་རྣམས། །

[Full Size]

མོས་པ་རྣམ་བཞིའི་རྒྱན་དུ་ཤར་གྱུར་ཅིག །ཨོཾ་ཛྙཱ་ན་པཉྩ་ལི་ཀ་ཨ མགུལ་ཆུ་དང་དོ་ཤལ་ཕུལ་ལ། ཧཱི༔ ཁྲོ་རྒྱལ་ཡོན་ཏན་དུ་མའི་གཟི་མདངས་མཆོག །ཕྱི་ནང་མ་སྒྲིབ་མགུལ་ཆུ་དོ་ཤལ་འཕྱངས། །དེ་ཡི་རབ་མཛེས་རྒྱན་གྱི་ཁྱད་པར་མཆོག །ཕུལ་བས་གང་འདོད་ལོངས་སྤྱོད་འཕེལ་བར་ཤོག །ཨོཾ་རཏྣ་ཀརྨ་ཨཱཿ་ཕྱག་མཚན་གྱི་རིགས་ཕུལ་ལ། ཨེ་མ་ཧོ༔ བཅོམ་ལྡན་དམ་ཚིག་རྟེན་འདི་ལ། །རབ་ཞུགས་ཐུགས་ཀར་ཉི་གདན་ལ། །ཕྱག་མཚན་ལྟེ་བར་སྙིང་པོ་མཚན། །ཕུལ་བས་ནུས་མེད་བསྟན་པ་འཕེལ། །ཨོཾ་ཀརྨ་བཛྲ་ཏིཥྛ་བཛྲ་ཡེ་སྭཱ་ཧཱ། དེ་རྣམས་ནི་སྐུ་གཟུགས་ཀྱི་མངའ་འབུལ་ལོ། །གཉིས་པ་མཆོད་རྟེན་ལ་མངའ་འབུལ་བ་ནི། སྲོག་ཤིང་འཁོར་ལོ་ཅོད་པན་འཕན། །རྒྱལ་མཚན་གདུགས་དང་ཕྲེང་བ་གདན། །ཞེས་པ་ལྟར་ཅུང་ཟད་རྒྱས་པར་བྱེད་ན། དཔལ་མཁའ་སྤྱོད་པས་བཀྲ་ཤིས་རོལ་པར་གསུངས་པ་བཞིན་དུ་ཐོག་མར་སྲོག་ཤིང་ཐོགས་ལ། སེམས་ཅན་ཤེས་བཅུ་ལྡན་གྱུར་ཅིག །བསྟན་པ་ཡུན་རིང་གནས་པར་ཤོག །སེམས་ཅན་ལྷག་བསམ་ལྡན་པ་ཡིས། །ཀུན་བཟང་སྨོན་ལམ་ལ་འཇུག་ཤོག །ཨོཾ་བཛྲ་ཨཱཿ་ཡུ་ཥེ་སྭཱ་ཧཱ། དེ་བཞིན་དུ་འཁོར་ལོ་ཐོགས་ལ། ཁམས་གསུམ་སེམས་ཅན་མ་ལུས་པ། །སྟོབས་དང་མ་

[Full Size]

འདྲེས་ཆོས་དང་ནི། །དྲན་པ་ཉེར་བཞག་རྣམ་ཐར་བརྒྱད། །ཡེ་ཤེས་ལྔ་སོགས་ལྡན་པར་ཤོག །ཨོཾ་པྲ་བར་དྷ་ན་ཡ་སྭཱ་ཧཱ། དར་གྱི་ཅོད་པན་ཐོགས་ལ། སེམས་ཅན་རྣམས་ནི་མ་ལུས་པས། །བདེ་བར་གཤེགས་པའི་སྐུ་གཟུགས་ལ། །དར་དང་ལྷབ་ལྷུབ་ལ་སོགས་པས། །བྱང་ཆུབ་མཆོག་ཏུ་མཆོད་པར་བགྱི། །ཨོཾ་པ་ཏངྒ་ལཾ་བྷ་ཡ་སྭཱ་ཧཱ། འཕན་ཐོགས་ལ། སེམས་ཅན་རྣམས་ནི་མ་ལུས་པས། །ཕྱོགས་བཅུར་སྙན་པ་བ་དན་ནི། །འཚེ་བ་མེད་ཅིང་ཆོས་ལྡན་པའི། །གྲགས་པས་རྒྱས་པར་འགེངས་པར་ཤོག །ཨོཾ་པ་ཏཾ་ཀ་སྭཱ་ཧཱ། ཆུ་སྲིན་གྱི་རྒྱལ་མཚན་ཐོགས་ལ། འཁོར་བ་མ་སྟོངས་བར་དུ་ནི། །བདུད་བཞི་དག་ལས་རབ་རྒྱལ་བ། །སྟོན་པའི་སྟོན་པ་ཟབ་མོ་དག །མི་ནུབ་རྒྱལ་མཚན་ཐོབ་པར་ཤོག །ཨོཾ་ཀུཉྩི་ན་དྷཱ་ཛ་ཡ་སྭཱ་ཧཱ། གདུགས་ཐོགས་ལ། ཁམས་གསུམ་སེམས་ཅན་མ་ལུས་པ། །ཉོན་མོངས་ཚད་པས་གདུང་བ་ལ། །ཐུགས་རྗེའི་བྱང་ཆུབ་སེམས་ཀྱི་གདུགས། །ཕུལ་བས་བདེ་དགའ་ཚིམ་པར་ཤོག །ཨོཾ་བྷ་མ་ར་ཡ་སྭཱ་ཧཱ། མེ་ཏོག་གི་ཕྲེང་བ་ཐོགས་ལ། ཁམས་གསུམ་སེམས་ཅན་མ་ལུས་པ། །མཚན་དང་དཔེ་བྱད་

[Full Size]

ལྡན་པར་ཤོག །ལྟ་བས་མི་ངོམས་གཟུགས་ཀྱིས་ནི། །སེམས་ཅན་དོན་རྣམས་ཀུན་བྱེད་ཤོག །ཨོཾ་རཏྣ་མ་ལེ་ཏྲ་ན་མ་ཏྲེ་ཡ་དྷ་ཨ་ནུ་ག་ཏེ་པྲ་ཏིཥྛ་ཏི་སུ་པུཊྚེ་ཀེ་ཏ་བེ་ཏ་ཐཱ་ག་ཏ་ཡ་ཨདྷ་ཏེ་སཾ་མྱཀཾ་བུདྡྷཱ་ཡ། ཏདྱ་ཐཱ། ཨོཾ་པུབྦེ་ཨཱཿཧཱུྃ་སྭཱ་ཧཱ། རིན་པོ་ཆེ་ལ་སོགས་པའི་གདན་ཐོགས་ལ། སེམས་ཅན་མ་ལུས་སངས་རྒྱས་ཏེ། །སྟོབས་བཅུ་ལྡན་པས་གླང་པོའི་གདན། །མི་འཇིགས་བཞི་ལྡན་སེངྒེའི་གདན། །རྫུ་འཕྲུལ་རྐང་པ་རྟ་ཡི་གདན། །ཐོགས་མེད་ཤུགས་ལྡན་མཁའ་ལྡིང་ལྡན། །འདོད་དགུ་འབྱུང་བའི་རིན་ཆེན་གདན། །སྐྱོན་གྱིས་མ་ཚོགོས་པདྨའི་གདན། །རང་བཞིན་འོད་གསལ་ཉི་ཟླའི་གདན། །གདན་རྣམས་མྱུར་དུ་ཐོབ་པར་ཤོག །ཨོཾ་པུ་ན་དྷ་རི་ཛ་ཡེ་སྭཱ་ཧཱ། ཞེས་འབུལ་བའོ། །བསྡུ་ན་བུམ་གཉིས་མ་རྩ་བ་ལས་བྱུང་བ་ལྟར་རྡོ་རྗེའི་སྲོག་ཤིང་དང་རྒྱན་གྱི་མིང་ཇི་ལྟར་བྱུང་བ་ལ་རེག་ཅིང་། བྱང་ཆུབ་ཤིང་མཆོག་ཆོས་འཁོར་གདུགས་ཀྱི་རྒྱན། །ཅོད་པན་ཆུ་སྲིན་རྒྱལ་མཚན་ཕྲེང་བ་དང་། །རིན་ཆེན་རྒྱན་མཆོག་ཡིད་འོང་མཛེས་པ་འདི། །བསོད་ནམས་ཕུན་སུམ་ཚོགས་ཕྱིར་ཕུལ་བ་ཡིས། །འགྲོ་རྣམས་བསོད་ནམས་ཡེ་ཤེས་ཚོགས་རྫོགས་ཤོག །ཨོཾ་བཛྲ་ཉི་ན་ཨཱཿཧཱུྃ་སྭཱ་ཧཱ། ཞེས་པ་ཙམ་

[Full Size]

གྱིས་དབུལ་ཏེ་དེ་རྣམས་ནི་མཆོད་རྟེན་གྱི་མངའ་འབུལ་ལོ། །གསུམ་པ་གླེགས་བམ་གྱི་མངའ་འབུལ་ནི། ཆོས་ཁྲི་དང་ནི་ན་བཟའ་དང་། །གླེགས་ཤིང་གླེགས་ཐག་དབུལ་བར་བྱ། །ཞེས་པ་ལྟར། རིན་ཆེན་དུ་མ་ལས་གྲུབ་སེངྒེའི་ཁྲི། །ཡིད་འཕྲོག་སྣ་ཚོགས་གོས་ཀྱིས་དགབ་པ་ཡི། །སྤྲོས་བྲལ་གསུང་རབས་ཆོགས་ལ་ཕུལ་བ་ཡིས། །འགྲོ་ཀུན་རྡོ་རྗེའི་གདན་ལ་བཞུགས་པར་ཤོག །ཨོཾ་བཛྲ་སིདྡྷི་ལ་ས་ན་ཧཱུྃ་སྭཱ་ཧཱ། ཞེས་ཆོས་ཁྲི་ཕུལ་ལོ། །སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་གྱུར་པ། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ཨོཾ་བཛྲ་ཝས་ཨཱཿཧཱུྃ་སྭཱ་ཧཱ། ཞེས་པས་ན་བཟའ་ཕུལ་ལོ། །ཟུང་འཇུག་དམ་ཆོས་འཛིན་པ་ཀུན་བྲལ་ལ། །ཐབས་དང་ཤེས་རབ་རྗེས་སུ་འབྲེལ་གྱུར་པའི། །ཉི་ཟླ་ལྟ་བུའི་རྟེན་འབྲེལ་དགབ་བྱ་བ། །ཕུལ་བས་སྐྱེ་བོས་ཟུང་འཇུག་རྟོགས་པར་ཤོག །ཨོཾ་བཛྲ་པྲཛྙཱ་ཨུ་པ་ཡ་ཨཱཿཧཱུྃ་སྭཱ་ཧཱ། ཞེས་གླེགས་ཤིང་ཕུལ་ལ། སྤྲོས་པ་དུ་མ་རབ་ཏུ་རྒྱས་གྱུར་ཀྱང་། །ཡེ་ཤེས་ཆེན་པོ་རོ་གཅིག་གྱུར་པ་ལྟར། །གླེགས་བམ་གཅིག་གྱུར་ཡོ་བྱད་མཆོག་ཕུལ་བས། །འགྲོ་ཀུན་

[Full Size]

ཡེ་ཤེས་ཆེན་པོ་རྟོགས་པར་ཤོག །ཨོཾ་བཛྲ་པུཏྟི་ཀ་བྷན་ཨཱཿཧཱུྃ་སྭཱ་ཧཱ། ཞེས་གླེགས་ཐག་དབུལ་ཏེ། དེ་རྣམས་ནི་གླེགས་བམ་གྱི་མངའ་འབུལ་ལོ། །དེ་ནས་ཐུན་མོང་རྩ་རུ་བཟའ་བ་འབུལ་བ་ནི། སྣོད་བཟང་པོར་ལྷ་བཤོས་ཆེན་པོ་རྒྱན་གྱིས་བརྒྱན་ཅིང་བཟའ་བཏུང་སྣ་ཚོགས་པས་བསྐོར་བར་བཤམས་ཏེ། བླ་མེད་ཀྱི་ཆོ་ག་དང་འབྲེལ་བའི་དགའ་སྟོན་ལ་ཚོགས་ཀྱི་མཆོད་པ་ཡོད་ན་སྐབས་འདི་རང་རང་གི་གཞུང་ལྟར་བྱིན་གྱིས་རླབས་པའི་ཕུད་ཀྱང་ཞལ་ཟས་དེར་བྲན་ནས། ན་མསརྦ་ཏ་ཐཱ་ག་ཏ་བྷྱོ་བྷི་ཤྭ་མུ་ཁེ་བྷ༔ ཞེས་བྱིན་གྱིས་བརླབས་ནས། ཞལ་ཟས་རོ་བརྒྱ་ལྡན་ཞིང་ཡིད་འོང་བའི། །ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་བས་འགྲོ་བ་མ་ལུས་པ། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་སརྦ་དི་བྱ་ཨར་ས་མ་དྷི་དྷ་ན་པྲ་ཎ་ནི་ཨཱཿཿཧཱུྃ་སྭཱ་ཧཱ། ཞེས་དབུལ་ལོ། །དེ་ནས་བུམ་གཉིས་མ་རྩ་བར་མ་གསུངས་ཀྱང་སྔགས་ཀྱིས་མངའ་འབུལ་བྱ་བར་སྤྲོ་ན། སློབ་དཔོན་གྱི་རྡོ་རྗེས་རྟེན་ལ་རེག་པའམ། གཟུངས་ཐག་བཏགས་པའི་སྣེ་བཟུང་། ཐམས་ཅད་ལ་མེ་ཏོག་གཏད་ལ་གོང་གི་ཡེ་ཤེས་པ་གཞུག་པའི་སྐབས་སུ་བཤད་པ་ལྟར་གྱིས། ཨོཾ་ཡེ་དྷརྨ་དང་། ༀ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཨོཾ་ཧཱུྃ་ཧཱིཧིཾ་ཁཾ་བཛྲ་བྷ་ཝ་དྲི་ཌྷ་ཏིཥྛ་བྷཱུ་ཁཾ་སྭཱ་ཧཱ། རྟེན་དེ་ཉིད་ལས་འོད་ཟེར་སྣ་ཚོགས་སྤྲུལ་སྐུར་འཕྲོས་ཏེ་སྟོང་གསུམ་ལ་

[Full Size]

སོགས་འཇིག་རྟེན་ཁམས་ཁྱབ། མཛད་པ་བཅུ་གཉིས་ཚུལ་གྱིས་འགྲོ་བ་འདུལ་བར་གྱུར། །ལན་གསུམ་ཡེ་དྷརྨཱ་རེ། དེས་སྤྲུལ་སྐུའི་ཕྲིན་ལས་འགྲུབ་བོ། །རྟེན་དེ་ཉིད་མཚན་དཔེ་ཕུན་སུམ་ཚོགས་པའི་འོད་ཀྱིས་འཇིག་རྟེན་གྱི་ཁམས་གསུམ་ཁྱབ། མཛད་པ་བཅུ་གཉིས་ཚུལ་གྱིས་འགྲོ་བ་འདུལ་བར་གྱུར། ལན་གསུམ། ཡེ་དྷརྨཱ། དེས་སྤྲུལ་སྐུའི་ཕྲིན་ལས་འགྲུབ་བོ། །རྟེན་དེ་ཉིད་མཚན་དཔེ་ཕུན་སུམ་ཚོགས་པའི་འོད་ཀྱིས་འཇིག་རྟེན་གང་བར་གྱུར། ལན་གསུམ། ཡེ་དྷམཱ། དེས་ལོངས་སྐུའི་ཕྲིན་ལས་འགྲུབ་བོ། །དེ་རྗེས་སློབ་དཔོན་སློབ་མར་བཅས་པ་དེ་ཉིད་རྟེན་དང་ཡོན་བདག་ལ་སོགས་པ་ཆོས་རྣམས་སེམས་ཉིད་རང་བཞིན་གཉིས་མེད་ངང་ལ་གཏད་རང་གནས་སུ་ལྷོད་ཀྱིས་ཀློད་ལ་བཞག །དེས་ཆོས་སྐུའི་ངང་དུ་སེམས་ཉིད་རྣམ་པར་དག་པར་གྱུར་རོ། །རྟེན་དེ་ཉིད་ལས་རང་བྱུང་རང་གྲོལ་སྐྱོན་མེད་དུ་མོས་བྱ་ཞིང་། གསུམ། ཡེ་དྷརྨཱ། ཞི་བའི་ལས་འགྲུབ་བོ། །རྟེན་དེ་ཉིད་དགོས་པ་ཀུན་འབྱུང་དུ་བསམས་ལ། གསུམ། ཡེ་དྷརྨཱ། རྒྱས་པའི་ལས་འགྲུབ་བོ། །རྟེན་དེ་ཉིད་འཇིག་རྟེན་དབང་ཕྱུག་ཏུ་བསམ། གསུམ། ཡེ་དྷརྨཱ། དབང་གི་ཕྲིན་ལས་འགྲུབ་བོ། །རྟེན་དེ་ཉིད་ཀརྨ་ཧེ་རུ་ཀར་བསམ། རྟེན་དེ་ཉིད་ཀུན་སྒྲོལ་ཀརྨ་ཧེ་རུ་ཀར་བསམ། གསུམ། ཡེ་དྷརྨཱ།

[Full Size]

མངོན་སྤྱོད་ཀྱི་ཕྲིན་ལས་འགྲུབ་བོ། །གསུམ་པ་རྗེས་ཀྱི་ཆོ་ག་རབ་གནས་ཀྱི་རྗེས་ཆོག་དང་དཀྱིལ་འཁོར་གྱི་རྗེས་ཆོག་གཉིས་ཀྱིས་དང་པོ་ལ་དྲུག་ལས། དང་པོ་གཏོར་མ་འབུལ་བ་ནི། ཆོ་གའི་གཞུང་གང་ལ་བརྟེན་པ་དེ་ཉིད་ཀྱི་དཀྱིལ་འཁོར་ལ་སོགས་པའི་གཏོར་མ་སོ་སོའི་ཆོ་གས་འབུལ་ཞིང་། གཉིས་པ་ཆོས་སྐྱོང་སྐོང་བ་ནི། དེ་ནས་ཆོས་སྐྱོང་སྲུང་མ་སྤྱི་དང་ཁྱད་པར་དུ་ནག་པོ་ཆེན་པོ་དང་རྣམ་ཐོས་ཀྱི་བུ་སོགས་ལ་དམིགས་པའི་གཏོར་མ་གཏའ་གཏོར་དང་བཅས་པ་རྣམས་རང་རང་གི་གཏོར་ཆོ་ག་རྒྱས་པའམ་བསྡུས་ན་མ་དག་སྣོད་བཅུད་མ་ལྟ་བུའི་གཏད་པའི་རྗེས་སུ་ཕྱག་བཞེས་མཐོང་བརྒྱུད་ལས་བྱེད་པ་ལྟར་གཏའ་གཏོར་བཏེག་ལ། ཧཱུྃ། སྔོན་ཚེ་རྒྱལ་བའི་སྤྱན་སྔ་རུ། །བསྟན་པ་བསྲུང་བར་ཞལ་བཞེས་པའི། །ཆོས་སྐྱོང་སྲུང་མ་མཐུ་རྩལ་ཅན། །དེང་གི་གནས་མཆོག་དམ་པ་འདིར། །རྒྱལ་བའི་སྐུ་གསུང་ཐུགས་རྟེན་འདི། །སངས་རྒྱས་བསྟན་པ་གནས་ཀྱི་བར། །རྟེན་གསུམ་བསྲུང་བའི་དཀོར་བདག་མཛོད། །མཐུན་པའི་རྐྱེན་རྣམས་མ་ལུས་སྒྲུབས། །གནོད་ཅིང་འཚེ་བའི་རུ་ཊ་རྣམས། །མངོན་སྤྱོད་ཐལ་བ་རྡུལ་དུ་རློགས། རང་གི་ལུས་དང་གྲིབ་བཞིན་དུ། །རྟག་ཏུ་སྲུང་དང་སྐྱོབ་པར་མཛོད། །ཅེས་གཉེར་གཏད་དྲག་ཏུ་བྱའོ། །དེ་ནས་ཐམས་ཅད་ཀྱིས་མེ་ཏོག་བཟུང་ཞིང་ཐལ་མོ་སྦྱར་ལ་བདེན་པའི་སྟོབས་བརྗོད་དོ།། ན་མོ།

[Full Size]

སངས་རྒྱས་ཆོས་དང་དགེ་འདུན་དང་། །བླ་མ་ཡི་དམ་མཁའ་འགྲོ་དང་། །ཆོས་སྐུ་ལོངས་སྐུ་སྤྲུལ་སྐུ་དང་། །སྔགས་དང་ཕྱག་རྒྱ་ཏིང་འཛིན་དང་། །ཆོ་ག་རྟེན་འབྲེལ་ཟབ་མོའི་མཐུས། །།བདེན་པ་ཆེན་པོའི་བྱིན་རླབས་ཀྱིས། །རྒྱལ་བའི་སྐུ་གསུང་ཐུགས་རྟེན་ལ། །བསོད་ནམས་དང་ནི་ཡེ་ཤེས་ཀྱིས། །ཚོགས་ཆེན་མ་ལུས་ཡོངས་རྫོགས་ཕྱིར། །དེང་ནས་འཁོར་བ་གནས་ཀྱི་བར། །བདག་ཅག་འགྲོ་བ་ཐམས་ཅད་ཀྱིས། །ཕྱག་མཆོད་གུས་པའི་རྟེན་མཛད་ནས། །རྟག་ཏུ་མཆོད་ཅིང་བཀུར་བར་ཤོག །བསོད་ནམས་དགེ་ཚོགས་འདི་ཡི་མཐུས། །བདག་ཅག་ཚེ་དཔལ་གཟི་བརྗིད་ལྡན། །ལོངས་སྤྱོད་དཔལ་འབྱོར་སྙན་གྲགས་དང་། །ཡོན་ཏན་མཐའ་ཡས་འགྲུབ་པར་ཤོག །ཆོས་སྐྱོང་བའི་སྲུང་མ་ཁྱེད་རྣམས་རབ་ཏུ་གནས་པར་བྱ་བའི་རྟེན་འདི་རྣམས་ཀྱི་ཡོན་བདག་གྱིས་ལ་ཕྱི་མའི་མུ་མཐར་ཐུག་གི་བར་དུ་སྲུངས་ཤིག་སྐྱོབས་ཤིག །ཕྲིན་ལས་སྤེལ་ཅིག ཅེས་བརྗོད་པའི་མཐར་རོལ་ཆེན་དང་བཅས་ཏེ་གཏའ་གཏོར་རྟེན་གྱི་དྲུང་དེ་ཉིད་ལ་ཕྱོགས་པས་བཞག་པའམ། རྡོ་རྗེ་བསྡོམས་པས་ཆོས་སྐྱོང་གི་སྙིང་ཁར་བཞག་ཚུལ་བྱ་ཞིང་། ཨོཾ་བཛྲ་རཀྵ་ཧཱུྃ། ཞི་སྔགས་ཀྱིས་གོས་བཀོན་ཏེ་ནུས་

[Full Size]

པ་བསྐྱེད་ནས་མགོ་བོར་རྡོ་རྗེ་བཞག་པའི་ཚུལ་གྱིས། རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །གལ་ཏེ་དམ་ལས་འདས་གྱུར་ན། །ཞིག་འགྱུར་འདི་ལ་ཐེ་ཚོམ། མེད། །ཨོཾ་མ་ཧཱ་ས་མ་ཧ་ན་ཧཱུྃ་ཕཊ། ཅེས་པས་དམ་ལ་བཞག་སྟེ། ཆོས་སྐུ་དྲུག་པ་རྡོ་རྗེ་འཆང་ཆེན་པོ་ནས་རྩ་བའི་བླ་མའི་བར་དུ་བྱོན་པའི་བཀའ་བརྒྱུད་ཀྱི་བླ་མ་རྣམས་ཀྱི་བཀའ་དང་དམ་ལས་མི་འདའ་བ་ཚུལ་བཞིན་ཏུ་རྣལ་འབྱོར་པ་བདག་ཅག་གི་གཡར་དམ་ལ་མ་འདའ་བར། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། བདག་དང་ཡོན་བདག་འཁོར་དང་བཅས་པ་རྣམས་བསྲུང་བ་དང་། བསམ་པ་ཐམས་ཅད་འགྲུབ་ཅིང་ཕྲིན་ལས་རྣམ་པ་བཞི་ལྷུན་གྱིས་གྲུབ་པ་དང་། རྟེན་འདི་རྣམས་ལ་མཆོད་པ་བསམ་གྱིས་མི་ཁྱབ་པ་རྒྱུན་མི་ཆད་པར་གྱིས་ལ་ཕྲིན་ལས་སྤེལ་ཅིག།ཅེས་ཀྱང་བརྗོད་པས་བཀའ་བསྒོས་ལ་གཏའ་གཏོར་རྟེན་ལ་ཕྱོགས་ཏེ་བཞག་གོ །གསུམ་པ་མཆོད་ཅིང་བཟོད་པར་གསོལ་བ་ནི། རབ་ཏུ་གནས་པ་འགྲུབ་པའི་རྟེན་རྣམས་ཀྱི་སྤྱན་སྔར་མཆོད་པ་བཟང་དུ་བཤམས་ནས། ཡི་དམ་གང་ཡིན་གྱི་ཕྱི་མཆོད་ཀྱིས་འབུལ། དེ་ལ་རབ་གནས་ཆགས་པའི་རྟགས་སུ། ཕྱི་རྟགས་སུ་དེ་ཉིན་འབྱུང་བ་སྙོམས་པ་དང་། འཇའ་འོད་ཀྱི་གུར་ཕུབ་པ་

[Full Size]

དང་། མེ་ཏོག་གི་ཆར་ལེགས་པར་འབབས་པ། ས་གཡོ་བ། ནང་རྟགས་སུ་རྟེན་ལ་འོད་འཕྲོ་བ། རྟེན་དེ་ལ་མེ་ཏོག་ཆགས་པ་སོགས་འབྱུང་ངོ། །གསང་རྟགས་སུ་རྟེན་ལ་སེམས་ཟིན་པ་དང་། འཇའ་ཟུག་པ་དང་། འོད་དུ་འབར་བ་ལ་སོགས་འབྱུང་ངོ། །གལ་ཏེ་ཁ་སྤྱོད་ངན་པ་དང་། རྟགས་ངན་པ་བྱུང་ན། བགེགས་ཡོད་པའི་རྟགས་ཡིན་པས་འདིར་དྲག་པོའི་སྦྱིན་སྲེག་བྱའོ། །ལྟས་བཟང་ངན་དང་དེ་ཉིན་ཚར་དགོས་པ་ཡོད་ན། སྦྱིན་བདག་བོས་ལ། ཁྱེད་ཀྱིས་ང་ལ་གང་གསོལ་བའི། །སྐུ་གཟུགས་དག་གིས་ཁྱད་པར་དུ། །ཇི་ལྟར་གསུངས་པ་དེ་བཞིན་དུ། །དེ་དག་དོན་ནི་ངས་བྱས་ཏེ། །དེ་རྣམས་དོན་ནི་འགྲུབ་ཟིན་གྱིས། །ཅི་བདེ་བར་ནི་མཆོད་པར་བགྱི། །ཞེས་བསྟན་ལ། ཁྱོད་ཀྱིས་ང་ལ་གསོལ་བ་བཏབ་པས་རབ་ཏུ་གནས་པ་ལེགས་པར་ཚར་བར་བྱས་ཀྱིས། ཁྱོད་ཀྱིས་རྟེན་འདི་ལ་ཞག་བདུན་བར་དུ་མཆོད་པ་རྒྱ་ཆེན་པོ་གྱིས་ཤིག །དེ་ནས་ཀྱང་ཅི་འབྱོར་པའི་མཆོད་པ་རྒྱུན་མ་ཆད་པར་གྱིས་ཤིག །ཅེས་བསྒོ་སྟེ། འདིར་བཀྲ་ཤིས་རྫས་རྟགས་སོགས་འབྲུའི་སྣོད་དུ་སོ་སོར་བཤམས་ལ། ཡོན་བདག་བླ་ཆེན་དང་རྒྱལ་པོ་སོགས་ཡིན་ན། མཆོད་གཡོག་པས་རྫས་དེ་རྣམས་བཟུང་ལ། དང་པོ་རྟེན་རྣམས་མདུན་དུ་བཀོད་པ་བྲན་ཚུལ་རེ་བྱ། དེ་ནས་དཔོན་སློབ་རྣམས་ཀྱིས་རེག་པའམ། རེག་ཚུལ་རེ་བྱ། །

[Full Size]

དེ་ནས་སྦྱིན་བདག་ཡི་དམ་དུ་བསྐྱེད་ལ་མདུན་དུ་བཀོད་པར་བཤད། བླ་ཆེན་དང་རྒྱལ་པོ་སོགས་མིན་ན། མཆོད་གཡོག་པས་བཏེག་ལ་དཔོན་སློབ་རྣམས་དང་སྦྱིན་བདག་རྣམས་ཀྱིས་རེག་པར་བྱས་ལ། དེ་ནས་རྟེན་རྣམས་ཀྱི་མདུན་ཕྲེད་དུ་ཕྲེང་གཅིག་བྱ། ཙཀ་ལི་ཡིན་ན་རི་མོ་རྣམས་ཕྱི་ལ་བཤམས། མེ་ལོང་ཐོགས་ལ། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། གཟུགས་ཀྱི་ལྷ་མོ་འོད་འཆང་མས་མེ་ལོང་ཕུལ་ནས་བཀྲ་ཤིས་པའི་རྫས་སུ་བྱིན་གྱིས་བརླབས་པར་མཛད་པ་དེ་བཞིན་དུ། དེང་འདིར་ཡང་མེ་ལོང་གི་རྫས་ཀྱིས་བཀྲ་ཤིས་པར་གྱུར་ཅིག །མེ་ལོང་ཡེ་ཤེས་རྒྱ་མཚོ་ཆེན་པོ་ཡིས་། །ཡེ་ཤེས་རྒྱ་མཚོ་མཆོག་ཏུ་དག་གྱུར་ཏེ། །རྣམ་དག་ཆོས་ལ་ཐོགས་མེད་ལོངས་སྤྱོད་པའི། །བཀྲ་ཤིས་དེས་ཀྱང་སྒྲིབ་པ་དག་གྱུར་ཅིག །གི་ཝཾ་ཐོགས་ལ། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། གླང་པོ་ཆེ་ས་སྲུང་གིས་གི་ཝཾ་ཕུལ་ནས་བཀྲ་ཤིས་པའི་རྫས་སུ་བྱིན་གྱིས་བརླབས་པར་མཛད་པ་དེ་བཞིན་དེང་འདིར་ཡང་གི་ཝཾ་གི་རྫས་ཀྱིས་བཀྲ་ཤིས་པ་གྱུར་ཅིག །གི་ཝཾ་དུག་གསུམ་འཇོམས་པ་ནད་ཀྱི་སྨན། །སྨན་མཆོག་ཆོས་ཉིད་རབ་ཏུ་རྟོགས་གྱུར་ནས། །ཉོན་མོངས་ཟུག་རྔུ་མེད་པར་གྱུར་པ་ཡི། །

[Full Size]

བཀྲ་ཤིས་དེས་ཀྱང་སྡུག་བསྔལ་ཞི་གྱུར་ཅིག །ཞོ་ཐོགས་ལ། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། གྲོང་པའི་བུ་མོ་ལེགས་སྐྱེས་མས་བ་ཉིས་སྟོང་བཞོས་པའི་ཞོ་ཕུལ་ནས། བཀྲ་ཤིས་པའི་རྫ་ས་སུ་བྱིན་གྱིས་བརླབས་པར་མཛད་པ་དེ་བཞིན་དུ། དེང་འདིར་ཡང་ཞོ་ཡི་རྫས་ཀྱིས་བཀྲ་ཤིས་པར་གྱུར་ཅིག །ཞོ་ནི་ཀུན་གྱི་སྙིང་པོ་གྱུར་པ་སྟེ། །སྙིང་པོ་རྣམ་དག་ཡེ་ཤེས་དོན་རྟོགས་ནས། །ཡོན་ཏན་ཀུན་གྱི་དབྱིངས་སུ་གྱུར་པ་ཡི། །བཀྲ་ཤིས་དེས་ཀྱང་དུག་གསུམ་ཞི་བར་ཤོག །དུརྦ་ཐོགས་ལ། སྔོན་ཡང་དག་པར་རྫོ་གས་པའི་སངས་རྒྱས་ཤཱཀྱ་ཐུབ་པ་ལ། །རྩྭ་མཆོག་ཁྱེའུ་བཀྲ་ཤིས་ཀྱི་དཱརྦ་ཕུལ་ནས། བཀྲ་ཤིས་པའི་རྫ་ས་སུ་བྱིན་གྱིས་བརླབས་པར་མཛད་པ་དེ་བཞིན་དུ། དེང་འདིར་ཡང་དུརྦའི་རྫས་ཀྱིས་བཀྲ་ཤིས་པར་གྱུར་ཅིག །དཱར་བས་ཚེ་འདི་འཕེལ་བར་བྱེད་པ་སྟེ། །རྡོ་རྗེ་སེམས་དཔའི་ཚེ་ནི་རབ་བསྒྲུབས་ནས། །ཉོན་མོངས་སྐྱེ་ཤི་རྒྱུན་ཆད་གྱུར་པ་ཡི། །བཀྲ་ཤིས་དེས་ཀྱང་ཚེ་ནི་འཕེལ་བར་ཤོག །བིལ་བ་ཐོགས་ལ། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། ཤིང་གི་ལྷ་མོས་ཤིང་ཐོག་གི་བིལ་བ་

[Full Size]

ཕུལ་ནས། བཀྲ་ཤིས་པའི་རྫས་སུ་བྱིན་གྱིས་བརླབས་པར་མཛད་པ་དེ་བཞིན་དུ། དེང་འདིར་ཡང་བིལ་བའི་རྫས་ཀྱིས་བཀྲ་ཤིས་པར་གྱུར་ཅིག །བིལ་བ་རྒྱུ་རྐྱེན་འབྲས་བུར་བཅས་པའི་ཆོས། །འཇིག་རྟེན་འཇིག་རྟེན་འདས་པའི་སྤྱོད་པ་ཀུན། །བྱང་ཆུབ་སྙིང་པོ་མཆོག་ཏུ་གྱུར་པ་ཡིས། །བཀྲ་ཤིས་དེས་ཀྱང་དོན་ཀུན་འགྲུབ་པར་ཤོག །དུང་དཀར་གཡས་འཁྱིལ་ཐོགས་ལ། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། ལྷའི་དབང་པོ་བརྒྱ་བྱིན་གྱིས་དུང་དཀར་པོ་གཡས་སུ་འཁྱིལ་པོ་ཕུལ་ནས། བཀྲ་ཤིས་པའི་རྫས་སུ་བྱིན་གྱིས་བརླབས་པར་མཛད་པ་དེ་བཞིན་དུ། དེང་འདིར་ཡང་དུང་དཀར་གྱི་རྫས་ཀྱིས་བཀྲ་ཤིས་པར་གྱུར་ཅིག །དུང་ནི་ཆོས་ཀྱི་སྒྲ་རྣམས་སྒྲོགས་པའི་ཚུལ། །ཡེ་ཤེས་རྒྱ་མཚོ། ཉིད་དུ་དག་གྱུར་ཏེ། །ཆོས་རྣམས་མ་ནོར་ཡོངས་སུ་སྟོན་པ་ཡིས། །བཀྲ་ཤིས་དེས་ཀྱང་ཚིག་དབང་ཐོབ་པར་ཤོག །ལི་ཁྲི་ཐོགས་ལ། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། སའི་ལྷ་མོ་བརྟན་མས་ལི་ཁྲི་ཕུལ་ནས། བཀྲ་ཤིས་པའི་རྫས་སུ་བྱིན་གྱིས་བརླབས་པར་མཛད་པ་དེ་བཞིན་དུ། དེང་འདིར་ཡང་ལི་ཁྲིའི་རྫས་ཀྱིས་བཀྲ་ཤིས་

[Full Size]

པར་གྱུར་ཅིག །ལི་ཁྲི་དམར་པོ་དབང་གི་རང་བཞིན་ཏེ། །ཆོས་རྣམས་མ་ལུས་དབང་དུ་འདུས་ནས་ཀྱང་། །ཆོས་ཀྱི་རྒྱལ་སྲིད་རབ་ཏུ་བརྟན་གྱུར་པའི། །བཀྲ་ཤིས་དེས་ཀྱང་ཆོས་སྲིད་བརྟན་གྱུར་ཅིག །ཡུངས་ཀར་ཐོགས་ལ། སྔོན་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། གསང་བའི་བདག་པོ་ཕྱག་ན་རྡོ་རྗེས་ཡུངས་ཀར་ཕུལ་ནས། བཀྲ་ཤིས་པའི་རྫས་སུ་བྱིན་གྱིས་བརླབས་པར་མཛད་པ་དེ་བཞིན་དུ། དེང་འདིར་ཡང་ཡུངས་ཀར་རྫས་ཀྱིས་བཀྲ་ཤིས་པར་གྱུར་ཅིག །ཡུངས་ཀར་རྡོ་རྗེའི་རིགས་ཏེ་ཐམས་ཅད་དུ། །བགེགས་རྣམས་མ་ལུས་འཇོམས་པར་བྱེད་པ་སྟེ། །མཐུ་སྟོབས་ཡོན་ཏན་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་བགེགས་རྣམས་ཞི་བར་ཤོག །ཅེས་བརྗོད་ཅིང་། བསྡུ་ན་ཚིག་ལྷུགས་རྣམས་དོར་ལ་ཚིགས་བཅད་ཉིད་བརྗོད་པས་ཆོག་གོ །དེ་ནས་བཀྲ་ཤིས་ཀྱི་བྱེ་བྲག་གཞན་ཡང་བྱ་བར་སྤྲོན། ཕྱག་བཞེས་མཐོང་བརྒྱུད་ལ་བྱེད་པ་ལྟར། གདུགས་ཐོགས་ལ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གདུགས་བཟང་གསེར་གྱི་ཡུ་བ་ཅན། །ཐོགས་ནས་རྒྱལ་བའི་དབུ་ལ་མཆོད་པ་ལྟར། །དབུ་ལ་གདུགས་ཀྱི་བཀྲ་ཤིས་ཐོབ་པར་ཤོག །གསེར་

[Full Size]

ཉ་ཐོགས་ལ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གསེར་གྱི་ཉ་མོ་འོད་འབར་བ། །ཐོགས་ནས་རྒྱལ་བའི་སྤྱན་ལ་མཆོད་པ་ལྟར། །སྤྱན་ལ་གསེར་ཉ་ཡི་བཀྲ་ཤིས་ཐོབ་པར་ཤོག །པདྨ་ཐོགས་ལ། བཀྲ་ཤི་གང་ཞིག་མཆོད་པའི་ལྷ་མོ་ནི། །ཕྱག་ན་པདྨ་དམར་པོ་འདབ་བརྒྱད་པ། །ཐོགས་ནས་རྒྱལ་བའི་ལྗགས་ལ་མཆོད་པ་ལྟར། །ལྗགས་ལ་པདྨའི་བཀྲ་ཤིས་ཐོབ་པར་ཤོག །བུམ་པ་ཐོགས་ལ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་རིན་ཆེན་བུམ་པ་རབ་མཛེས་པ། །ཐོགས་ནས་རྒྱལ་བའི་མགུལ་ལ་མཆོད་པ་ལྟར། །མགུལ་ལ་བུམ་པའི་བཀྲ་ཤིས་ཐོབ་པར་ཤོག །དཔལ་བེའུ་ཐོགས་ལ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་དཔལ་གྱི་བེའུ་རབ་འབར་བ། །ཐོགས་ནས་རྒྱལ་བའི་ཐུགས་ལ་མཆོད་པ་ལྟར། །ཐུགས་ལ་དཔལ་བེའུ་བཀྲ་ཤིས་ཐོབ་པར་ཤོག །རྒྱལ་མཚན་ཐོགས་ལ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་རིན་ཆེན་རྒྱལ་མཚན་རབ་མཛེས་པ། །ཐོགས་ནས་རྒྱལ་བའི་སྐུ་ལ་མཆོད་པ་ལྟར། །སྐུ་ལ་རྒྱལ་མཚན་བཀྲ་ཤིས་ཐོབ་པར་ཤོག །དུང་དཀར་ཐོགས་ལ། བཀྲ་ཤིས་གང་ཞིག་མཆོད་

[Full Size]

པའི་ལྷ་མོ་ནི། །ཕྱག་ན་ཆོས་ཀྱི་དུང་སྒྲ་སྒྲོག་མཛད་པ། །ཐོགས་ནས་རྒྱལ་བའི་གསུང་ལ་མཆོད་པ་ལྟར། །གསུང་ལ་དུང་གི་བཀྲ་ཤིས་ཐོབ་པར་ཤོག །འཁོར་ལོ་ཐོགས་ལ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གསེར་གྱི་འཁོར་ལོ་རྩིབས་བརྒྱད་པ། །ཐོགས་ནས་རྒྱལ་བའི་ཞབས་ལ་མཆོད་པ་ལྟར། །ཞབས་ལ་འཁོར་ལོའི་བཀྲ་ཤིས་ཐོབ་པར་ཤོག །ཅེས་བཀྲ་ཤིས་རྟགས་བརྒྱད་དང་། ལྷ་རྫ་ས་ལས་བྱས་ལྟེ་བ་ཤིན་ཏུ་ཟླུམ། །རྩིབས་སྟོང་ལྡན་ཞིང་མུ་ཁྱུད་རབ་མཉམ་བཟང་། །དང་པོའི་སར་གནས་རྣམ་པར་རྒྱལ་གྱུར་གང་། །འཁོར་ལོ་རིན་ཆེན་དམ་པའི་བཀྲ་ཤིས་ཤོག །རིན་ཆེན་ངོ་བོ་ལྷ་རྫས་བཻཌཱུརྱ། །ཀུན་ཏུ་དཔག་ཚད་ཙམ་དུ་སྣང་བྱེད་ཅིང་། །དྲི་མེད་ཉིན་མོ་ཇི་བཞིན་མཚན་དེ་བཞིན། །ནོར་བུ་རིན་ཆེན་དམ་པའི་བཀྲ་ཤིས་ཤོག།གཟུགས་མཛེས་ལྟ་ན་སྡུག་ཅིང་ཚུལ་བཟང་མ། །པགས་པའི་མདོག་ལེགས་འཇམ་ཞིང་དྲི་མཆོག་ལྡན། །ཡིད་འོང་འདོད་དགུའི་རེག་བྱ་དང་ལྡན་པའི། །བཙུན་མོ་རིན་ཆེན་དམ་པའི་བཀྲ་ཤིས་ཤོག །གང་ཡང་རྒྱལ་བ་མུ་ཏིག་མདངས་ལྡན་པས། །གསེར་སོགས་མང་པོ་ཐུབ་ལ་ཕུལ་

[Full Size]

བ་ལྟར། །བཟོད་ལྡན་མཚུངས་པའི་ཁྱིམ་བདག་ནོར་ལྡན་ཏེ། །བློན་པོ་རིན་ཆེན་དམ་པའི་བཀྲ་ཤིས་ཤོག །ཡན་ལག་ཐམས་ཅད་ལེགས་སྐྱེས་ས་ལ་ནི། །རབ་གནས་གངས་ཅན་རི་འདྲ་གླང་པོ་ཆེ། །རྒྱལ་པོ་ལ་འོས་མཁའ་ལ་རབ་འགྲོ་བའི། །གླང་པོ་རིན་ཆེན་དམ་པའི་བཀྲ་ཤིས་ཤོག །ཐོ་རངས་དུས་སུ་ཕྱོགས་རྣམས་མ་ལུས་པའི། །ས་རྣམས་བསྐོར་ནས་སླར་ཡང་ལྡོག་གྱུར་པ། །རྨ་བྱའི་མགྲིན་པའི་སྤུ་ལྟར་ཡིད་འོང་བའི། །རྟ་མཆོག་རིན་ཆེན་དམ་པའི་བཀྲ་ཤིས་ཤོག །འགྲོ་དང་ལྡོག་དང་ཀུན་ནས་འོང་གྱུར་པའི། །མ་ལུས་བདུད་དཔུང་འཇོམས་པར་བྱེད་ཡི། །དཔལ་ལྡན་འབྱོར་པའི་དཔུང་ཚོགས་དང་བཅས་པ། །དམག་དཔོན་རིན་ཆེན་དམ་པའི་བཀྲ་ཤིས་ཤོག །དེ་ནས་དགའ་སྟོན་གྱི་ཚོགས་འཁོར་བྱ། ཚོགས་ཕུད་དང་གཏོར་བསྔོས་སོགས་བྱས་ནས། ཞག་གཅིག་ཡིན་ན་སྔོན་གྱི་དེས་ཆོག །ཚོགས་སྐལ་དང་མཉམ་དུ་ཙ་རུའི་བཟའ་བ་ཞེས་པ་ལྷ་ལ་ཕུལ་བའི་ལྷག་མ་དང་མཆོད་རོ་རྣམས་བསྡུས་ཏེ་ཁྱི་དང་བྱ་རོག་སོགས་ལ་སྦྱིན་མི་རུང་། ཡོན་བདག་སོགས་དེ་ཡོད་ཐམས་ཅད་ལ་བཀྱེས་པས་བཀྲ་ཤིས་པར་འགྱུར་གསུངས་པས། བདེར་གཤེགས་ལྷག་མ་འདི་དག་ནི། །ཟོ་ཞིག་སྡིག་པ་བྱང་བར་གྱུར། །དཀྱིལ་འཁོར་མཆོད་པའི་ཡོ་བྱད་བཞིན། །ཅི་དགའ་

[Full Size]

ཕོངས་བ་རྣམས་ལ་སྦྱིན། །ཞེས་གསུངས་པ་ལྟར་བྱ་ཞིང་ཀུན་གྱིས་ཚོགས་ལ་ལོངས་སྤྱོད་ཚེ་དཔོན་སློབ་རྣམས་ཀྱིས་བཀྲ་ཤིས་བརྗོད་དེ། སླར་ཡང་སྟོང་ཆེན་རབ་འཇོམས་ལས་གསུངས་པའི་བདེ་གཤེགས་ཀྱི་ཚིགས་སུ་བཅད་པ་ནི། སྟོན་མཆོག་དམ་པ་ལྷ་མིའི་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཞི་བ་ཆགས་བྲལ་ལྷ་མིའི་མཆོད་འོས་པ། །ཆོས་ལ་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཚོགས་ཀྱི་དམ་པ་ལྷ་མིའི་མཆོད་འོས་པ། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །དུས་གསུམ་སངས་རྒྱས་སྐུ་གསུང་ཐུགས། །དཔའ་བོ་དགྱེས་མཛད་བདུད་དཔུང་འཇོམས། །སྒེག་པའི་ཉམས་ལྡན་ཅོད་པན་ཅན། །རྡོ་རྗེ་འཆང་གི་བཀྲ་ཤིས་ཤོག །བཀའ་བཞི་བརྒྱུད་པས་བྱིན་རླབས་ཤིང་། །དག་སྣང་རྡོ་རྗེ་འཆང་དང་མཇལ། །འཁོར་ལོ་བདེ་མཆོག་རྣལ་

[Full Size]

འབྱོར་པ། །ཏེ་ལོ་པ་ཡི་བཀྲ་ཤིས་ཤོག །གནས་ལྔ་མཐར་ཕྱིན་པཎྜི་ཏ། །ཕག་མོས་ལུང་བསྟན་རྗེ་དང་མཇལ། །བཅུ་གཉིས་དཀའ་སྤྱད་དངོས་གྲུབ་བརྙེས། །ནཱ་རོ་པ་ཡི་བཀྲ་ཤིས་ཤོག །ཟབ་མོ་སྔགས་ཀྱི་ཆར་རྒྱུན་འབེབས། །འཇམས་དབྱངས་སྤྲུལ་པས་འགྲོ་བ་འདྲེན། །སྐྱེས་མཆོག་འཕོ་བ་གྲོང་འཇུག་མཛད། །ལྷོ་བྲག་པ་ཡི་བཀྲ་ཤིས་ཤོག །སྙན་བརྒྱུད་བདུད་རྩིའི་བཅུད་འཐུང་ཞིང་། །རི་དྭགས་རྒྱལ་པོ་སེངྒེ་ལྟར། །གངས་དཀར་རྩེ་ལ་འགྲན་ཟླ་མེད། །མི་ལ་མཆོག་གི་བཀྲ་ཤིས་ཤོག །གསེར་མདོག་ཅན་གྱིས་ལུང་བསྟན་ཞིང་། །རྒྱལ་སྲས་མཆོག་ཏུ་དབང་བསྐུར་བ། །སྙིང་པོ་དོན་གྱི་རྗེ་བཙུན་མཆོག །སྒམ་པོ་པ་ཡི་བཀྲ་ཤིས་ཤོག །སྦྱངས་སྟོབས་དཔག་ཏུ་མེད་པ་ཡིས། །རླུང་སེམས་དབང་ཐོབ་རྫུ་འཕྲུལ་ཅན། །དགོངས་པ་རྒྱལ་བ་རྣམས་དང་མཉམ། །དུས་གསུམ་མཁྱེན་པའི་བཀྲ་ཤིས་ཤོག །རང་བྱུང་ཡེ་ཤེས་ཐམས་ཅད་མཁྱེན། །རྒྱལ་བས་གསུངས་པའི་མདོ་རྒྱུད་ལ། །མཁྱེན་པ་གཉིས་ལྡན་ཆོས་ཀྱི་རྗེ། །རས་ཆེན་པ་ཡི་བཀྲ་ཤིས་ཤོག །གནས་ལུགས་རྒྱ་མཚོ་ལྷུན་གྱིས་གྲུབ། །དངོས་གྲུབ་རྣམ་གཉིས་རིན་ཆེན་

[Full Size]

གཏེར། །བདག་གཞན་ཡོངས་ཀྱི་དབུལ་བ་སེལ། །རྒྱལ་སྲས་མཆོག་གི་བཀྲ་ཤིས་ཤོག །དག་པ་ལྷ་ཡིས་ལུང་བསྟན་ཞིང་། །རྩོད་ལྡན་བསྟན་པའི་སྙིགས་མ་ལ། །འགྲོ་བ་འདྲེན་མཛད་བཀའ་དྲིན་ཅན། །ཀརྨ་པ་ཡི་བཀྲ་ཤིས་ཤོག །བཀྲ་ཤིས་བྱིན་རླབས་དཔག་མེད་ཀྱི། །དངོས་གྲུབ་སྟེར་མཛད་བཀའ་བརྒྱུད་རྣམས། །མཁའ་ལ་ཁྲི་གདུགས་ཤར་བ་ལྟར། །ཕྱོགས་རིས་མེད་པའི་བཀྲ་ཤིས་ཤོག །ཅེས་དང་། གཞན་ཡང་། ཤིས་བརྗོད། ཧཱུཾ། རྒྱལ་བའི་སྐུ་ནི་རི་རྒྱལ་ལྷུན་པོ་ལྟར། །གཟི་བརྗིད་ལྷུན་ཆགས་ས་གཞི་ཟིལ་གྱིས་མནོན། །ལྟ་བས་མི་ངོམས་འགྱུར་མེད་རྡོ་རྗེ་སྟེ། །ཡིད་བཞིན་ནོར་མཆོག་སྐུ་ཡི་བཀྲ་ཤིས་ཤོག །རྒྱལ་བའི་གསུང་ནི་ཚངས་པའི་སྒྲ་དབྱངས་ལྟར། །འུར་ཏིང་སིང་ཁྲོལ་ཆོས་དབྱངས་འབྲུག་སྒྲ་སྒྲོག །འགྲོ་རྣམས་རབ་འབྱམས་བདུད་རྩིས་ངོམས་པར་མཛད། །རང་འབྱུང་འགགས་མེད་གསུང་གི་བཀྲ་ཤིས་ཤོག །རྒྱལ་བའི་ཐུགས་ནི་སྐྱོན་བྲལ་ནམ་མཁའ་ལྟར། །ཀུན་ཁྱབ་བདེ་གསལ་མི་རྟོག་ཐུགས་རྗེ་ཅན། །འགྲོ་རྣམས་ཡལ་བར་མི་དོར་བུ་བཞིན་སྐྱོངས། །མཁྱེན་བརྩེ་ཡེ་ཤེས་ཐུགས་ཀྱི་བཀྲ་ཤིས་

[Full Size]

ཤོག རྒྱལ་བ་རྣམས་ཀྱི་ཡོན་ཏན་དཔག་ཡས་ཤིང་། །འཁོར་འདས་དབྱེར་མེད་ལྷུན་འབྱམས་ཡོངས་ལ་མངའ། །གཏིང་ཟབ་ཡངས་པའི་བདུད་རྩི་ཆར་རྒྱུན་འབེབས། །ཡོན་ཏན་མི་ཟད་མཆོག་གི་བཀྲ་ཤིས་ཤོག །རྒྱལ་བའི་ཕྲིན་ལས་ཡོངས་ལ་མངའ་བརྙེས་པའི། །ཐབས་དང་ཤེས་རབ་མཛད་པ་དུ་མ་ཡི། །མཐུ་སྟོབས་རྩལ་གྱིས་འགྲོ་བ་སྒྲོལ་བར་མཛད། །ཕྲིན་ལས་མཐར་ཕྱིན་བཀྲ་ཤིས་ཡོངས་ཁྱབ་ཤོག །དེ་ནས་ཡི་དམ་ལྷ་གཞུང་གང་ཡིན་དེའི་བཀྲ་ཤིས་སོགས་བཀྲ་ཤི་ས་གང་འོས་རྒྱས་པར་བརྗོད། དེ་ནས་ཉམས་ལེན་སྟོང་ཉིད་ཀྱི་གཤིས་དང་མ་བྲལ་བར་བསྔོ་བ་བྱ་སྟེ། ཐལ་མོ་སྦྱར་ལ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། འཕགས་པ་དང་སོ་སོའི་སྐྱེ་བོའི་དགེ་བའི་རྩ་བ་ཐམས་ཅད་ལ་རྗེས་སུ་ཡི་རང་བར་བགྱིའོ། །དེ་ལྟར་རྗེས་སུ་ཡི་རང་བའི་དགེ་བའི་རྩ་བ་དང་། སྐུ་གསུང་ཐུགས་ཀྱི་རྟེན་འདི་རྣམས་བཞེངས་པ་དང་བཞེངས་སུ་བཅུག་པ་དང་། འདི་བཞེངས་པ་ལ་ཟང་ཟིང་གི་དངོས་པོ་བཏང་བ་དང་། རྒྱུ་བ་རོགས་ལྡན་ཚགས་བརྩོན་འགྲུས་བྱས་པ་དང་། འདི་ལྟར་རབ་གནས་ཀྱི་ཆོ་ག་ལེགས་པར་བགྱིས་པ་

[Full Size]

དང་། དུས་ད་ནས་བཟུང་སྟེ་རྟེན་འདི་ཇི་སྲིད་གནས་ཀྱི་བར་དུ། མཇལ་བ་དང་ཕྱག་དང་སྐོར་བ་བྱེད་པ་དང་། མར་མེ་ཡོན་ཆབ་སོགས་མཆོད་པ་བྱེད་པའི་དགེ་བའི་རྩ་བ་དེ་དག་ཐམས་ཅད། གཅིག་ཏུ་བསྡུས་ན་བསྡོམ་སྟེ་བཟླུམས་ནས། སངས་རྒྱས་འོད་དཔག་མེད་ལ་སོགས་པ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་སྔར་འབུལ་བར་བགྱིའོ། །དེ་ལྟར་ཕུལ་བ་ལ་བརྟེན་ནས་མཆོད་སྤྲིན་རྒྱ་མཚོ་དུས་གསུམ་རྒྱུན་ཆད་མེད་པར་འབྱུང་བར་གྱུར་ཅིག །དེ་ལ་བརྟེན་ནས་སངས་རྒྱས་ཀྱི་བསྟན་པ་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །བསྟན་འཛིན་གྱི་སྐྱེས་བུ་དམ་པ་རྣམས་ཀྱི་སྐུ་ཚེ་དང་ཕྲིན་ལས་དར་ཞིང་རྒྱས་པར་གྱུར་ཅིག །བླ་མ་གོང་མ་སྐུ་ཞི་བར་གཤེགས་པ་རྨེ་རྣམས་ཀྱི་ཐུགས་ཀྱི་དགོངས་པ་ཡོངས་སུ་རྫོགས་ནས་ས་ལམ་གྱི་ཡོན་ཏན་གོང་ནས་གོང་དུ་འཕེལ་བར་གྱུར་ཅིག །བླ་མ་གོང་མ་རྣམས་དང་བདག་ཅག་དཔོན་སློབ་འཁོར་དང་བཅས་པ་རྣམས་དང་། ཟས་གོས་ཆོས་གསུམ་གྱི་འབྲེལ་བ་ཐོགས་ཚད་སེམས་ཅན་ཐམས་ཅད་དང་། རྒྱུ་སྦྱོར་སྦྱིན་པའི་བདག་པོ་ཚེ་དང་ལྡན་པ་ཚེ་ལས་

[Full Size]

འདས་པ་ཐམས་ཅད་ཀྱིས་ཐོག་དྲངས། མར་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ལ་ཡོངས་སུ་བསྔོ་བར་བགྱིའོ། །བསྔོས་པ་བཞིན་དུ་ཐོབ་ནས། སེམས་ཅན་ཐམས་ཅད་བདེ་བ་དང་ལྡན་སྡུག་བསྔལ་དང་བྲལ་ནས་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་རིན་པོ་ཆེ་མྱུར་དུ་ཐོབ་པར་གྱུར་ཅིག །དེ་ལྟ་བུའི་དགེ་བའི་རྩ་བ་ཐམས་ཅད་གཅིག་ཏུ་བསྡུས་ནས། བདག་ཅག་དཔོན་སློབ་སྒེ་དང་སྦྱིན་པའི་བདག་པོ་སྒོ་རྣམས་ཀྱི་རྒྱུད་ལ་ད་ལྟ་ཉིད་དུ་ཡོངས་སུ་སྨིན་པར་གྱུར་ཅིག །དེ་ལྟར་སྨིན་པ་ལ་བརྟེན་ནས་སྐུ་ཞི་བར་གཤེགས་པ་རྨེ་དང་། ཚེ་ལས་འདས་པ་རྒུ་རྣམས་འཁོར་བ་དང་ངན་སོང་གི་སྐྱེ་སྒོ་ཆོད་པར་གྱུར་ཅིག །སྐྱེ་བ་གཞན་གྱིས་བར་མི་ཆོད་པར་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སྐྱེ་བར་གྱུར་ཅིག །སངས་རྒྱས་འོད་དཔག་མེད་ཀྱི་ཞལ་མངོན་སུམ་དུ་མཐོང་ནས་གསུང་གི་གདམས་པ་ནོད་པར་གྱུར་ཅིག །ལུས་རྟེན་དེ་ལ་ས་ལམ་གྱི་ཡོན་ཏན་རྫོགས་ནས་མངོན་པར་སངས་རྒྱས་པར་གྱུར་ཅིག །དེ་ལྟ་བུའི་དགེ་བའི་རྩ་བ་དེ་དག་ལ་བརྟེན་ནས་བདག་ཅག་དཔོན་སློབ་རྒེ་རྣམས་དང་། སྦྱིན་བདག་སྒོ་རྣམས་ཀྱི། ནད་དང་གདོན་

[Full Size]

དང་དུས་མ་ཡིན་པའི་འཆི་བ་ཐམས་ཅད་ཞི་བར་གྱུར་ཅིག །མེ་ཆུ་དུག་མཚོན་དགྲའི་འཇིགས་པ་སོགས་བཅུ་དྲུག་ལས་ཐར་བར་གྱུར་ཅིག །ཚེ་དང་བསོད་ནམས་དཔལ་དང་འབྱོར་པ་སྟོབས་དང་མངའ་ཐང་ཉམས་དང་རྟོགས་པའི་ཡོན་ཏན་ཐམས་ཅད་ཡར་ངོའི་ཟླ་ལྟར་འཕེལ་ཞིང་རྒྱས་པར་གྱུར་ཅིག །བསྐྱེད་རྫོགས་ལ་བརྟན་པ་ཐོབ་ནས་སྣང་བཞི་མཐར་ཕྱིན་པར་གྱུར་ཅིག །དུས་ལ་བབས་ཏེ་འཆི་བའི་ཚེ། འཆི་བ་ཆོས་ཀྱི་སྐུར་སངས་རྒྱས་པར་གྱུར་ཅིག །བར་དོར་ཡི་དམ་གྱི་ལྷ་དང་དབྱེར་མེད་ལོངས་སྤྱོད་རྫོགས་པའི་སྐུ་ཐོབ་པར་གྱུར་ཅིག །སྐྱེ་བ་སྤྲུལ་པའི་སྐུ་བདེ་བ་ཅན་གྱི་ཞིང་ཁམས་སུ་མེ་ཏོག་པདྨའི་སྦུབ་ལས་བརྫུས་ཏེ་སྐྱེ་བར་གྱུར་ཅིག །སྐྱེས་མ་ཐག་ཏུ་མེ་ཏོག་པདྨའི་ཁ་བྱེ་ནས་སངས་རྒྱས་འོད་དཔག་མེད་པའི་ཞལ་མངོན་སུམ་དུ་མཐོང་བར་གྱུར་ཅིག །གསུང་གི་གདམས་པ་ནོད་ཅིང་ས་ལམ་གྱི་ཡོན་ཏན་རྫོགས་ནས་མངོན་པར་འཚང་རྒྱ་བར་གྱུར་ཅིག །སངས་རྒྱས་ནས་ཆོས་སྐུ་ཀུན་ཏུ་བཟང་པོ་དང་དགོངས་པ་མཉམ་པར་གྱུར་ཅིག །ལོངས་སྐུ་རིགས་ལྔའི་སངས་རྒྱས་དང་བཀོད་པ་མཉམ་པར་གྱུར་ཅིག །སྤྲུལ་སྐུ་བསྐལ་བཟང་གི་སངས་

[Full Size]

རྒྱས་སྟོང་རྩ་གཉིས་བྱེ་བ་ཕྲག་བརྒྱ་དང་མཛད་པ་མཉམ་པར་གྱུར་ཅིག །རྗེ་བཙུན་འཇམ་པའི་དབྱངས་བྱེ་བ་ཕྲག་བརྒྱ་དང་མཁྱེན་པ་མཉམ་པར་གྱུར་ཅིག །འཕགས་པ་སྤྱན་རས་གཟིགས་བྱེ་བ་ཕྲག་བརྒྱ་དང་འགྲོ་དོན་མཉམ་པར་གྱུར་ཅིག །གསང་བདག་ཕྱག་ན་རྡོ་རྗེ་བྱེ་བ་ཕྲག་བརྒྱ་དང་མཐུ་སྟོབས་མཉམ་པར་གྱུར་ཅིག །གུ་རུ་པདྨ་འབྱུང་གནས་བྱེ་བ་ཕྲག་བརྒྱ་དང་སྐུ་ཚེ་དང་རྫུ་འཕྲུལ་མཉམ་པར་གྱུར་ཅིག །སྐུ་གསུང་ཐུགས་རྟེན་འདི་རྣམས་ཀྱང་བཀུར་སྟི་དང་བཅས་ཏེ་ཡུན་རིང་དུ་གནས་པར་གྱུར་ཅིག །སྐུ་གསུང་ཐུགས་རྟེན་འདི་རྣམས་ལ་འབྲེལ་བ་ཐོབ་ཚད། གནས་སྐབས་སུ་ནད་གནོད་བར་ཆད་ཐམས་ཅད་སྐད་ཅིག་ཉིད་ལ་ཞི་བར་གྱུར་ཅིག །སྡིག་སྒྲིབ་ཐམས་ཅད་དག་ནས་རིགས་དྲུག་གི་སྐྱེ་སྒོ་ཆོད་པར་གྱུར་ཅིག །ཚེ་འཕོས་ནས་ཀྱང་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སྐྱེ་བར་གྱུར་ཅིག །སྐུ་གསུང་ཐུགས་རྟེན་འདི་རྣམས་བཞུགས་པའི་ས་ཕྱོགས་སུ་ཡང་། ཆར་ཆུ་དུས་སུ་འབེབས་པ་དང་། ལོ་ཕྱུགས་རྟག་ཏུ་ལེགས་པར་གྱུར་ཅིག །མི་ནད་དང་ཕྱུགས་ནད་ཕྱི་ནང་གི་འཁྲུག་རྩོད་ཐམས་ཅད་ཞི་བར་གྱུར་ཅིག །དུས་རྟག་ཏུ་བཀྲ་ཤིས་བདེ་ལེགས་ཕུན་

[Full Size]

སུམ་ཚོགས་པར་གྱུར་ཅིག །དཀོན་མཆོག་གསུམ་གྱི་བདེན་པ་དང་སོགས། ཏདྱ་ཐཱ་པཉྩ་དྲི་ཡ་ཨ་ཝ་བོ་དྷ་ན་ཡེ་སྭཱ་ཧཱ། ཞེས་ཉམས་ལེན་གྱི་ངང་ལ་ཡུད་ཙམ་བཞག །དེ་ནས་དཀྱིལ་འཁོར་གྱི་རྗེས་ཆོག་མཆོད་བསྟོད་བསྡུས་པ་ཙམ་དང་། །རྫོགས་སངས་རྒྱས་དང་དེ་ཡི་སྲས། །ཚངས་སོགས་ལྷ་ཡི་ཚོགས་རྣམས་ཀྱིས། །གང་དག་ཆོ་གའི་བྱ་བ་ལ། །འགལ་ཞིང་།འཁྲུལ་པ་གང་མཆིས་དང་། །མ་ཚང་བ་དང་ལྷག་པ་དང་། །ནོངས་པར་གྱུར་པ་གང་ལགས་ཏེ། །ཀུན་ཏུ་བཟོད་པར་མཛད་དུ་གསོལ། །སྤྱན་དྲངས་པའི་ཡེ་ཤེས་སེམས་དཔའ་དང་མདུན་བསྐྱེད་དང་བུམ་བསྐྱེད་ཀྱི་ཡེ་ཤེས་པ་ཐམས་ཅད། སྐུ་གསུང་ཐུགས་རྟེན་འདི་རྣམས་ལ་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ས་མ་ཡེ་སྭཱ་ཧཱ། བདག་བསྐྱེད་ཀྱང་མི་དམིགས་སྟོང་པ་ཉིད་དུ་གྱུར། འབྱུང་པོ་གང་དག་འདིར་ནི་ལྷགས་གྱུར་ཏེ། །སའམ་འོན་ཏེ་བར་སྣང་འཁོད་པ་དག །སྐྱེ་དགུ་རྣམས་ལ་རྟག་ཏུ་བྱམས་བྱེད་ཤོག །ཉིན་དང་མཚན་དུ་ཆོས་ལ་སྤྱོད་པར་ཤོག །སྟོན་པ་འཇིག་རྟེན་ཁམས་སུ་བྱོན་པ་དང་། །བསྟན་པ་ཉི་འོད་བཞིན་དུ་གསལ་བ་དང་། །བསྟན་འཛིན་དཔོན་སློབ་ཤིན་ཏུ་མཐུན་པ་

[Full Size]

ཡི། །བསྟན་པ་ཡུན་རིང་གནས་པའི་བཀྲ་ཤིས་ཤོག །དཀོན་མཆོག་རིན་ཆེན་གསུམ་ལ་ཕྱག་འཚལ་ལོ། །དགེ་བ་འདི་ཡིས་ཉེ་བར་མཚོན་ནས་ནི། །སེམས་ཅན་རྣམས་ཀྱིས་དུས་གསུམ་བསགས་པ་ཡི། །ཟག་བཅས་ཟག་མེད་ཟུང་འཇུག་དགེ་བ་རྣམས། །བླ་མེད་བྱང་ཆུབ་ཆེན་པོར་བསྔོ་བར་བགྱི། །འགྲོ་ཀུན་ཐམས་ཅད་མཁྱེན་པ་ཐོབ་པར་ཤོག །དང་པོ་རྟེན་གྱི་མདུན་དུ་ཕྱིན་པ་དང་། །དཀར་གཏོར་བགེགས་གཏོར་ཆ་གསུམ་ལ་སོགས་བཏང་། །གནས་བདག་གཞི་བདག་ལ་ཡང་གཏོར་མ་འབུལ། །དེ་ནས་དགའ་སྟོན་ཆ་ལག་བསྒྲུབ་བཞིན་དུ། །སློབ་དཔོན་རྣམས་ཀྱི་ཡི་དམ་གང་ཡིན་གྱིས། །ཉིན་རེ་བཞིན་དུ་ཆོ་ག་ཚར་རེ་དང་། །དཔོན་སློབ་ཀུན་གྱིས་སྤྱི་སོ་ནས་བསོགས་ཏེ། །རྟེན་འབྲེལ་སྙིང་པོ་འབུམ་ཕྲག་གཅིག་བཟླས་ནས། །རབ་འབུམ་འབྲིང་ཁྲི་ཐ་མ་སྟོང་བཟླས་ནས། །ཁ་དོག་བསྒྱུར་བའི་ནས་ལ་ཕུ་ཡིས་གདབ། །དེ་ནི་རབ་གནས་བསྙེན་པ་ཞེས་བྱའོ། །བསྙེན་པ་བསོགས་ཚེ་ཞག་པོ་བཞི་ཡི་ཚེ། །ལས་བཞིའི་སྦྱིན་སྲེག་བཞི་ཀ་རྒྱས་པར་བྱ། །དེ་ནས་ཉིན་གཅིག་རབ་གནས་སྟ་གོན་དང་། །དེ་ནས་ཉིན་གཅིག་རབ་གནས་དངོས་གཞི་བྱ། །ཉིན་བག།ཅིག་ཤིས་བརྗོད་ཉིན་གཅིག་དགའ་སྟོན་བྱ། །དེ་ལྟར་ཞག་པོ་དགུ་ལ་རབ་གནས་རྫོགས། །དེ་ལས་བསྡུས་ན་གཞུང་ལྟར་ཆས་ཀ་བསྒྲུབ། །ཉིན་གཅིག་དགའ་སྟོན་ཉིན་གཅིག་རབ་གནས་དང་། །ཉིན་གཅིག་ཤིས་

[Full Size]

བརྗོད་ཉིན་གཅིག་དགའ་སྟོན་བྱ། །དེ་ལས་བསྡུས་ན་སྟ་གོན་ཞག་གཅིག་དང་། །རབ་གནས་ཤིས་བརྗོད་བཅས་པ་ཞག་གཅིག་སྟེ། །དེ་ལ་ཆོས་སྐྱོང་བསྐང་གསོ་མི་དགོས་པར། །གཏོར་བསྔོས་ཙམ་ཞིག་བྱས་པས་ཆོག་པ་ཡིན། །དེ་བས་བསྡུས་པ་ཉིན་གཅིག་རྫོགས་པ་ཡིན། །ཡི་དམ་ཆོ་ག་བསྡུས་པས་གཞུང་བསྲངས་ནས། །ཆ་གསུམ་དཀར་གཏོར་སོགས་ཀྱང་མི་དགོས་ཤིང་། །ཁྲུས་གསོལ་སྐབས་སུ་སྐུ་ཕྱི་གོས་འབུལ་སོགས། །གཅིག་གིས་ཆོག་གིས་ཡང་ཡང་བྱ་མི་དགོས། །སྙན་གསན་དབབ་དུས་ནངས་པར་མི་བརྗོད་པར། །ད་ལྟ་ཞེས་པའི་ཚིག་གི་བསྒྱུར་སོ་བྱ། །རྫས་བརྒྱད་རྟགས་བརྒྱད་རྒྱལ་སྲིད་སྣ་བདུན་གྱི། །བཀྲ་ཤིས་རྫས་རྣམས་མ་བྱས་ན་ཡང་ཆོག །ལོངས་ཁྱབ་བྱུང་ན་བྱས་ཀྱང་ལེགས་པ་ཡིན། །ཡོ་བྱད་རྣམས་ཀྱང་རྒྱས་ན་ལེགས་པ་སྟེ། །དཔལ་ལྡན་དུས་ཀྱི་འཁོར་ལོའི་རྒྱུད་ཆེན་ལས། །ཆོ་ག་དམན་པས་མི་བྱ་སྟེ། །རབ་གནས་རྟག་པར་བཀྲ་མི་ཤིས། །འཇིག་རྟེན་འདིར་ཡང་སྡུག་བསྔལ་ལས། །འཇིག་རྟེན་ཕ་རོལ་འཇིགས་པ་ཆེ། །དེ་བས་འབད་པ་ཐམས་ཅད་ཀྱིས། །དངོས་གྲུབ་འདོད་པས་ནན་ཏན་བྱ། །ཞེས་གསུངས་སོ། །རབ་གནས་ལེགས་པར་བྱས་པའི་ཕན་ཡོན་ནི། ཆོ་ག་བདག་ཉིད་ནུས་པ་ཡིས། །བརྟགས་པ་ལས་གསུངས་ཚུལ་ལེགས་པས། །དེ་བས་བསོད་ནམས་ཆེ་བ་ནི། །མཐོང་དང་མ་མཐོང་འབྲས་བུ་བསྐྱེད། །སྐུ་གཟུགས་ཀྱི་ནི་མཚན་ཉིད་ཀྱིས། །དེ་ལ་བྱིན་རླབས་འཇུག་པར་འགྱུར། །དེ་དག་ཕྱག་ལེན་རྒྱས་པའི་ལུགས་

[Full Size]

ཡིན་ཏེ། །བསྡུས་པ་འདོད་ན་གནམ་ཆོས་ལུགས་ལྟར་མཛོད། །ཁོ་བོས་སྔར་དུས་གནས་བཅུ་ཞིག་ལ་ནི། །རབ་གནས་དགོས་ཟེར་ཐུགས་སྒྲུབ་ལུགས་ལྟར་བྱས། །ད་རེས་སྐུ་གཟུགས་མཆོད་རྟེན་འགའ་བཞེངས་པས། །གསར་རྙིང་རབ་གནས་མང་པོ་གབ་སྤྲད་ནས། །ཞག་གཅིག་ཉིན་གཅིག་རྫོགས་པ་ལན་མང་བྱས། །གྲྭ་སློབ་རྣམས་ཀྱིས་གབ་ཀྱང་འཕྲོད་དཀའ་ཞིང་། །རང་རེ་གསར་རྙིང་གཉིས་ཀ་མོས་པ་དེས། །གསར་རྙིང་སྤྱི་ལ་རུང་བའི་རབ་གནས་འདི། །བླ་མ་ཀརྨ་རྒྱ་མཚོས་རིང་ནས་བསྐུལ། །མ་འོངས་རྗེས་འཇུག་རྣམས་ལ་ཕན་ཕྱིར་དང་། །འདུལ་བ་ལུང་སོགས་གླེགས་བམ་བཞི་བཅུ་དང་། །ཞིང་བཀོད་བཅུ་གསུམ་གསར་དུ་བཞེངས་པ་ལས། །རབ་ཏུ་གནས་ཕྱིར་རང་བྱུང་རྒྱལ་བ་ཡིས། །མཛད་པའི་རབ་གནས་བུམ་གཉིས་མ་དང་ནི། །མཁན་ཆེན་བསོད་ནམས་བཟང་པོའི་དུས་འཁོར་ལུགས། །དབང་ཕྱུག་རྡོ་རྗེའི་མཱ་ཡཱ་བདེ་མཆོག་ལུགས། །ཐུགས་སྒྲུབ་གསང་འདུས་ཡང་སྙིང་འདུས་པའི་ལུགས། །ཡེ་ཤེས་རབ་འབར་ལུགས་སོགས་དོན་བསྡུས་ཏེ། །སློབ་དཔོན་ཞལ་རྒྱུན་རང་གི་ཉམས་མྱོང་བསྟུན། །རཱ་ག་ཨ་སྱས་ལེགས་པར་བསྒྲིགས་པ་ཡིན། །འདི་ལ་ཉེས་འགལ་གང་མཆིས་ལྷ་ལ་བཤགས། །དགེ་བས་འགྲོ་དོན་རྒྱ་ཆེན་འབྱུང་བ་དང་། །ཡི་གེ་པ་ནི་དགེ་སློང་བརྩོན་འགྲུས་ཀྱིས། །བྱི་ལའི་ཕྲུག་གུ་བརྫིས་ནས་ཤི་ཤོར་བའི། །སྡིག་སྒྲིབ་སྲོག་གི་ལན་ཆགས་ཀུན་བྱང་ནས། །བྱི་ལའི་ཕྲུག་གུ་དེ་ཉིད་འཕོས་མ་ཐག །བདེ་བ་ཅན་གྱི་ཞིང་དུ་སྐྱེ་གྱུར་ཅིག །དཔེ་རྒྱུན་

[Full Size]

འདི་ཡང་མི་ནུབ་རྒྱ་ཆེར་འཕེལ། །འདི་ཡི་སྒོ་ནས་རབ་གནས་བྱས་ཚད་ལ། །རྒྱལ་འགོང་དམ་སྲིའི་རིགས་རྣམས་མི་འཁྲི་ཞིང་། །རྒྱལ་ཆེན་སྡེ་བཞིའི་རྟག་ཏུ་བསྲུང་ཞིང་སྐྱོབས། །མ་འོངས་ཚེ་ལོ་བདུན་བརྒྱ་ཉེ་བ།གནས་བརྟན་རྣམས་ཀྱི་བསྟན་པ་མ་བསྡུས་བར། །རྟེན་གསུམ་དེ་དག་མི་ཉམས་བཀུར་སྟི་བཅས། །འབྲེལ་ཚད་དོན་ལྡན་འགྲོ་དོན་དཔག་མེད་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་རྟེན་གསུམ་རབ་གནས།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔

[Full Size]

ཨོ་རྒྱན་རིན་པོ་ཆེ་ལ་ཕྱག་འཚལ་ལོ༔ རྟེན་གསུམ་རབ་ཏུ་གནས་པ་ནི༔ ཧཱུྃ༔ སྒེའི་སྐུ་གཟུགས་འདི་ལ་ནི༔ བར་དུ་གཅོད་དང་འཁྲི་བ་དང་༔ ཐོས་དང་རེག་དང་རྟོག་པ་ཡི༔ གདོན་བགེགས་རྒྱལ་འགོང་ཐམས་ཅད་ཀྱིས༔ མཐེབ་སྐྱ་ཏིང་ལོ་འདི་བཞེས་ལ༔ མ་གནས་གཞན་དུ་འགྲོ་བར་གྱིས༔ གལ་ཏེ་འགྲོ་བར་མི་བྱེད་ན༔ བདག་ནི་ཁྲོ་རྒྱལ་དབང་ཆེན་ཏེ༔ རྡུལ་ཕྲན་བཞིན་དུ་བརླགས་ནས་ཀྱང་༔ རྡོ་རྗེ་དམྱལ་བར་ཤི་ཀ་རེ༔ དེ་བས་མ་འདུག་གཞན་དུ་དེངས༔ ཧཱུྃ་ཧཱུྃ་ཨུ་ཙ་ཏ་ཡ་ཕཊ༔ སུམྦྷ་ནི་སོགས། འདིར་ཡུངས་ཀར་རམ་མེད་ན་ནས་ལྕགས་བྲབ་ཅིང་

[Full Size]

སུམྦྷ་ནི་མང་དུ་བརྗོད༔ རོལ་མོ་བྱ་ཡོད་ན་གུ་གུལ་བདུག་གོ༔ ཧཱུྃ༔ སྟེང་ཡང་རྡོ་རྗེའི་གུར་ཁང་ལ༔ འོག་ཀྱང་རྡོ་རྗེའི་ས་གཞི་སྟེ༔ བར་མཚམས་རྡོ་རྗེའི་ར་བར་གྱུར༔ ཨོཾ་བཛྲ་རཀྵ་རཀྵ་ཧཱུྃ༔ མང་དུ་བརྗོད༔ རོལ་མོ་བྱ༔ ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར༔ སྟོང་པའི་ངང་ལས་སྐུ་འདི་ཉིད༔ ཅེས་སོ་སོ་གང་ཡིན་བསྐྱེད༔ སྐུ་གཟུགས་བསྟན་པའི་བདག་པོ་ནི༔ སྐུ་མདོག་གསེར་གྱི་རི་བོའི་མདོག༔ ཞལ་གཅིག་ཕྱག་གཉིས་གཡས་ས་ནོན༔ གཡོན་པས་མཉམ་བཞག་འོད་ཟེར་འཕྲོ༔ ཆོས་གོས་རྣམ་གསུམ་སྐུ་ལ་གསོལ༔ རྫོགས་པའི་སངས་རྒྱས་ཆ་ལུགས་རྫོགས༔

[Full Size]

པདྨ་ཉི་ཟླ་སེང་ཁྲིར་བཞུགས༔ ཨཻ༔ འདི་གནམ་ཆོས་གནས་བཅུ་ནས་སོབ་པ་སྟེ༔ ལྷ་སོ་སོའི་མངོན་རྟོགས་མ་ཐོན་ཀྱང་༔ ཐུབ་པ་བསྐྱེད་པས་ཐམས་ཅད་འཐུས་པར་བཤད་དོ༔ བུམ་པ་ཐོགས་ལ༔ ཧཱུྃ༔ བདག་གིས་དྲི་ལྡན་དྲི་ཆབ་ཀྱིས་རྒེའི་སྐུ་ལ་ཁྲུས་གསོལ་ལོ༔ ལྷ་ལ་དྲི་མ་མི་མངའ་ཡང་༔ སྡིག་སྒྲིབ་དག་པའི་རྟེན་འབྲེལ་བགྱི༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ རས་དཀར་ཐོགས་ལ། ཧཱུྃ༔ རས་དཀར་འཇམ་དྲི་དང་ལྡན་པ་ཡིས༔ རྨེའི་སྐུ་ཉིད་ཕྱི་བར་བགྱི༔ སྐུ་ལ་དྲི་མ་མི་མངའ་ཡང་༔ སྡུག་བསྔལ་བྲལ་བའི་རྟེན་འབྲེལ་བགྱི༔ གསེར་གྱི་སྤྱན་ཐུར་ཐོགས་ལ༔ གསེར་གྱི་ཐུར་མ་མཛེས་པ་ཡིས༔ རྒྱལ་བ་རྒེའི་སྤྱན་དབྱེའོ༔ སྤྱན་ལ་མ་རིག་མི་མངའ་ཡང་༔ ཡི་དམ་ཞལ་མཐོང་རྟེན་འབྲེལ་བགྱི༔ དངུལ་གྱི་རྣ་བྲུས་ཐོགས་ལ༔ ཧཱུྃ༔ དངུལ་གྱི་སྙན་བྲུས་མཛེས་པ་ཡིས༔ རྒྱལ་བ་རྒུའི་སྙན་བསལ་ལོ༔ སྙན་ལ་མ་ལེགས་མི་མངའ་ཡང་༔ ཆོས་སྒྲས་ཁྱབ་པའི་རྟེན་འབྲེལ་བགྱི༔ གསེར་གྱི་སོ་བྲུས་ཐོགས་ལ༔ ཧཱུྃ༔ གསེར་གྱི་ཚེམས་བྲུས་མཛེས་པ་ཡིས༔ རྒྱལ་བ་ཚེའི་ཚེམས་བསལ་ནས༔ ཚེམས་ལ་དྲི་མ་མི་མངའ་ཡང་༔ བདེ་ལེགས་འབྱུང་བའི་

[Full Size]

རྟེན་འབྲེལ་བགྱི༔ གསེར་གྱི་སྐྲ་བཞར་ཐོགས་ལ༔ ཧཱུྃ༔ གསེར་གྱི་སྤུ་གྲི་མཛེས་པ་ཡིས༔ རྒྱལ་བ་རྒོའི་དབུ་སྐྲ་བསིལ༔ དབུ་སྐྲ་རིང་བར་མི་ལྡན་ཀྱང་༔ བཀྲ་ཤིས་འབྱུང་བའི་རྟེན་འབྲེལ་བགྱི༔ དུང་གི་སོ་མང་ཐོགས་ལ༔ ཧཱུྃ༔ དུང་གི་སོ་མང་མཛེས་པ་ཡིས༔ རྒྱལ་བ་རྨེའི་དབུ་སྐྲ་བཤད༔ དབུ་སྐྲ་འཛིང་བ་མི་མངའ་ཡང་༔ ཆོས་བསིལ་ཁྱབ་པའི་རྟེན་འབྲེལ་བགྱི༔ གསེར་གྱི་འཇབ་རྩེ་ཐོགས་ལེ། ཧཱུྃ༔ གསེར་གྱི་རྨང་མཛེས་ལེགས་པ་ཡིས༔ རྒྱལ་བའི་སྨྲ་ར་འབྱེད་པར་བགྱི༔ ཞལ་ལ་ངན་རྟོག་སྤུ་མེད་ཀྱང་༔ སེམས་ཅན་དགེ་བའི་རྟེན་འབྲེལ་བགྱི༔ ཆོས་གོས་ཐོགས་ལ༔ ཧཱུྃ༔ ན་བཟའ་མཛེས་ལྡན་ངུར་སྨྲིག་འདི༔ རྒྱལ་བའི་སྐུ་ལ་གསོལ་བར་བགྱི༔ སྐུ་ལ་བསིལ་བ་མི་མངའ་ཡང་༔ བཀྲག་མདངས་འཕེལ་བའི་རྟེན་འབྲེལ་བགྱི༔ རིན་ཆེན་རྒྱན་ཕྲེང་ཐོགས་ལ༔ ཧཱུྃ༔ རིན་ཆེན་རྒྱན་ཆ་མཛེས་པ་འདི༔ རྒྱལ་བའི་སྒེའི་སྐུ་ལ་གསོལ༔ སྐུ་ལ་རྒྱན་གསོལ་མི་མངའ་ཡང་༔ གཟི་བརྗིད་ཆེ་བའི་རྟེན་འབྲེལ་བགྱི༔ ཧཱུྃ༔ དེ་ཡི་གནས་གསུམ་འབྲུ་གསུམ་ལས༔ ཨོཾ་དཀར་ཨཱཿཉྩདམར་ཧཱུྃ་མཐིང་དང་༔ ས་བོན་ལས་ནི་འོད་འཕྲོས་

[Full Size]

པས༔ ཆེགེའི་ཡེ་ཤེས་པ་དུང་ཕྱུར༔ ཁ་བ་བུ་ཡུག་འཚུབ་བཞིན་བྱོན༔ སྐུ་དང་གཉིས་སུ་མེད་པར་ཐིམ༔ སྤྲོ་ན་སྐབས་འདིར༔ མ་ལུས་སེམས་ཅན་ཀུན་གྱི་སོགས། ལྷ་སོ་སོའི་སྤྱན་འདྲེན་དང་༔ བྱིན་འབེབས་རྒྱས་བསྡུས་གང་འདོད་སྦྱར༔ མ་སྦྱར་ཀྱང་ཆོག་གོ༔ བུམ་པ་ཐོགས་ལ༔ ཧཱུྃ༔ རྒྱལ་བ་ཚེའི་སྐུ་ལ་ནི༔ བདག་གི་བུམ་པས་དབང་བསྐུར་རོ༔ ལྷ་ལ་དབང་བསྐུར་མི་མངའ་ཡང་༔ ཡོན་ཏན་རྫོགས་པའི་རྟེན་འབྲེལ་བགྱི༔ ཀུམྦྷ་ཨ་བྷི་ཥིཉྩ་ཧཱི༔ གཞུང་འདིས་ཀྱང་ཚང་ལ༔ སྤྲོ་ན་འདིར་ཇི་ལྟར་བལྟམས་པ་སོགས༔ རྗེས་གནང་དུས་ལྟར་བུམ་པས་དབང་བསྐུར་ཚུལ་ལམ༔ ཀུན་རིག་ལྟར་དབུ་རྒྱན་དར་དཔྱངས་མེ་ཏོག་ཕྲེང་དབང་གསུམ་བྱའོ༔ དབུ་རྒྱན། ཧཱུྃ༔ དེ་ཡི་སྤྱི་བོར་ཨོཾ་ཧཱུཾ་དང་༔ ཏྭཾ་ཧཱིཝཨཱཿཋལས་འོད་འཕྲོས་པས༔ རྒྱལ་བ་རིགས་ལྔ་སྤྱན་དྲངས་ནས༔ རྒེའི་དབུ་ལ་བརྒྱན་པར་གྱུར༔ འདིར་དབུ་རྒྱན་བསྐོན་ཚུལ་བྱས་ན་ལེགས་མ་བྱས་ཀྱང་རུང་༔ འདོན་ཡོན་ལྔ༔ ཧཱུྃ༔ མེ་ཏོག་བདུག་སྤོས་མར་མེ་དྲི༔ གཟུགས་སྒྲ་དྲི་རོ་རེག་བྱའི་ཆོས༔ བདག་གིས་མཆོད་པ་འབུལ་བར་བགྱི༔ བདག་ཅག་ཚོགས་གཉིས་རྫོགས་པར་ཤོག །ཨགྷཾ་སོགས་དང་། རཱུ་པ་སོགས། བཀྲ་ཤིས་རྫས་བརྒྱད༔ ཧཱུྃ༔ བཀྲ་ཤིས་གཙོ་

[Full Size]

བོ་རྫས་བརྒྱད་དེ༔ གཙོ་མཆོག་རྒྱལ་པོ་ཡུངས་ཀར་སོགས༔ བདག་གིས་ལྷ་ལ་མཆོད་པ་འབུལ༔ ཚོགས་གཉིས་ཡོངས་སུ་རྫོགས་པར་ཤོག༔ མངྒ་ལཾ་ཨརྦ་སིདྡྷི་ཧཱུྃ༔ བཀྲ་ཤིས་རྟགས་བརྒྱད༔ ཧཱུྃ༔ བཀྲ་ཤིས་གཙོ་བོ་རྟགས་བརྒྱད་དེ༔ གཙོ་མཆོག་རྒྱལ་པོ་བུམ་པ་སོགས༔ བདག་གིས་ལྷ་ལ་མཆོད་པ་འབུལ༔ སེམས་ཅན་ཚོགས་གཉིས་རྫོགས་པར་ཤོག༔ མངྒ་ལཾ་ཀུམྦྷ་ཧཱུྃ༔ རྒྱལ་སྲིད་སྣ་བདུན༔ ཧཱུྃ༔ འདོད་ཡོན་རྩ་བ་རིན་ཆེན་བདུན༔ གཙོ་མཆོག་རྒྱལ་པོ་ནོར་བུ་སོགས༔ བདག་གིས་ལྷ་ལ་མཆོད་པར་འབུལ༔ བདག་ནི་ཚོགས་གཉིས་རྫོགས་པར་ཤོག༔ ཨོཾ་མ་ཎི་རཏྣ་ཧཱུྃ༔ རི་རབ་གླིང་བཞི༔ ཀུན་གྱི་གཙོ་བོ་རི་རབ་གླིང་༔ རི་རབ་གླིང་བཞི་གླིང་ཕྲན་བཅས༔ བདག་གིས་ལྷ་ལ་མཆོད་པར་འབུལ༔ ཚོགས་གཉིས་ཡོངས་སུ་རྫོགས་པར་ཤོག༔ འདིར་མཎྜལ་རྒྱས་པ་ཕུལ་ན་རུང་མེད་ཀྱང་ཆོག༔ དེ་ནས་མེ་ཏོག་ག་ཏོར་བྱ་ཞིང༔ ཨོཾ་ཡེ་དྷརྨཱ༔ ཧེ་ཏུ་པྲ་བྷ་ཝཱ༔ དུན་ཏེ༔ ཥཱནྟ་ཐཱ་ག་ཏོ༔ རྒྱ་ཝ་དཏཿ ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི༔ མ་ཧཱ་ཤྲཱ་མ་ཎ་ཡེ་སྭཱ་ཧཱཿ ཚར་གང་མང་དང་༔ ཨོཾ་ཏིཥྛ་བཛྲ་ཡེ་སྭཱ་ཧཱཿ རྒྱས་པར་སྤྲོ་ན༔ ཨོཾ་སུ་པྲ་ཏིཥྛ་བཛྲ་

[Full Size]

ཡེ་སྭཱ་ཧཱཿ ཞེས་མང་དུ་བརྗོད་ལ་ནས་གཏོར༔ ཨོཾ༔ ཧཱུྃ༔ རྒྱལ་བ་རྒེ་ཡེ་ཤེས་པ༔ སྐུ་གཟུགས་འདི་ལ་བཞུགས་སུ་གསོལ༔ མེས་བསྲེགས་ཆུས་ཁྱེར་གྲུམ་ཞིང་ཆག༔ འབྱུང་བས་མ་ཞིག་བར་དུ་བཞུགས༔ ཏིཥྛ་བཛྲ་ཡེ་སྭཱ་ཧཱཿ བཀྲ་ཤིས་བརྗོད༔ ས་མཱ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ ཅེས་པ་འདི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ཆོ་འཕྲུལ་ཆེན་པོའི་བཅུ་བདུན་ཉིན་ཨོ་རྒྱན་ཆེན་པོས་དངོས་སུ་གསུངས་སོ༔ སྐུ་གསུམ་བླ་མ་རྣམས་ཀྱི་བཀྲ་ཤིས་ཤོག༔ ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག༔ མཁའ་འགྲོ་ཆོས་སྐྱོང་ནོར་ལྷའི་བཀྲ་ཤིས་ཤོག༔ གཏེར་སྲུང་དམ་ཅན་རྒྱ་མཚོའི་བཀྲ་ཤིས་ཤོག༔ ཅེས་གནམ་ཆོས་ནས་བྱུང་བའི་བཀྲ་ཤིས༔ ཞལ་གདམས་ལ༔ གནམ་ཆོས་རབ་གནས་ལ་པདྨ་འོད་འབར་སོགས་ཡི་དམ་ཞིག་འདོན་ཅིང་༔ བུམ་པ་དང་མཆོད་པ་རྣམས་འཛོམས་ན་བཤམས༔ མེད་ན་ཡང་ཙཀ་ལི་སྟོན་ཅིང་དམིགས་པ་བསྒོམ་པ་ཁོ་ནས་རྒྱས་པར་ཚང་བའོ༔ ༈ གལ་ཏེ་རྒྱས་པར་འདོད་ན་རང་གིས་ཡི་དམ་རྒྱལ་བ་རྒྱ་མཚོའི་བདག་མདུན་རྒྱས་པར་བྱ༔ དེ་ནས་ཆ་གསུམ་བཏང་ལ༔ ཙཀ་ལི་རྫོགས་པར་བྱས་རྗེས་ཚོགས་བྱ༔ ཚོགས་ཕུད་གཏོར་མར་བླུག་པ་ལྷ་མདུན་དུ་བཞག་ལ་གཏོར་བསྔོས་དང་༔ དེ་ཡང་སྔོན་དུ་ཀུན་རིག་ལྟར་ཁྲུས་གསོལ་རྒྱས་པ༔ མཎྜལ་རྒྱས་པ༔ རབ་འབྱམས་སོགས་མཆོད་པ་

[Full Size]

ཐམས་ཅད་ཕྱག་རྒྱ་དང་བཅས་པས༔ ཡོད་ན་དངོས་སུ་ཕུལ༔ རྗེས་ནས་རྒྱལ་བ་རྒྱ་མཚོ་ལྟར་རམ་ཆོས་སྤྱོད་ལྟར་བཀྲ་ཤིས་གང་ཤེས་ཐམས་ཅད་རྒྱས་པར་བྱའོ༔ དེ་ནས་གཏོར་འབུལ་བྱས་ལ་བཀའ་སྲུང་དུ་བཀའ་བསྒོ་བ་ཡིན་ནོ༔ ཞག་བདུན་དུ་མཆོད་པ་ཅི་ཙམ་འབྱོར་པ་རྒྱས་པར་ཕུལ་བཅུག་པ་ནི་རྟེན་ཞལ་བསྲོ་ཞེས་གསུངས་ཏེ་གལ་ཆེ༔ སྙན་དར་ཡོད་ན་འབུལ་བ་དང་༔ དེ་ཉིན་གནམ་འཇམ་རྩུབ་དང་ཁ་ལྟས་བཟང་ངན་ལ་རྟེན་འབྲེལ་ཆེན་པོ་ཡོད་པར་གསར་རྙིང་ཐམས་ཅད་ནས་རྒྱ་ཆེར་གསུངས་སོ༔ འཇའ་དང་ཉི་སྤྲིན་འཛོམ་པ༔ སེམས་བདེ་ཉམས་ལེན་གསལ་ན་བཟང་བར་གསུངས་སོ༔ ཨ་རཱ་གས་བྲིས་པའོ༔ མངྒ་ལཾ། བྷ་ཝནྟུ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།