དགེ་བསྙེན་ཡེ་བརྫུ་ལྷ་བྲག་འཁོར་བཅས་ཀྱི་བསང་ཡིག― CMR036_Page_0485 ―
[མ་དཔེ་གཟིགས་ན་འདིར་གནོན།]
དགེ་བསྙེན་ཡེ་བརྫུ་ལྷ་བྲག་འཁོར་བཅས་ཀྱི་བསང་ཡིག་རཱ་ག་ཨ་སྱས་མཛད་པ་བཞུགས་སོ། ― CMR036_Page_0486 ―
[མ་དཔེ་གཟིགས་ན་འདིར་གནོན།]
བསང་རྫས་མཆོད་པ་རྣམས་རྒྱས་པར་བཤམས། མདའ་དར་དར་སྣ་ལྔ་བཏགས་པ། བྱ་རྒོད་དང་རུ་དང་བཤོས་བུ་རྩེ་ལྔ་བྱ།་ཡར་ངོས་གཟའ་སྐར་དུས་བཟང་རེ་བྱ། དེས་ཀྱང་གོད་ཁ་ན་ཚ་ཞི། ཐག་རིང་འགྲོ་དུས་རིར་བསངས་བྱས་ན་ལམ་བསང་ཞེས་བྱ་ལམ་སྲུང་མཆོག །ལྷ་བྲག་དཀར་པོ་ལ་སོགས་པ། །དེ་ཡི་མདུན་དུ་མཆོད་པ་བཤམས། །འདི་ཉིད་ཚར་གྲངས་དུ་ཐོན་འདོན། །ལྷ་གསོལ་ལྷ་ངོ་བསྟོད་པའི་མཆོག །རྙིང་མ་གྱེར་བསྒོམ་ཡིན་པའི་ཕྱིར། །འདོན་ཚིག་ཚིག་དོན་ཡིད་ཀྱིས་བསྒོམ། །འདི་ནི་གསང་སྔགས་ཨ་ཏིའི་ལུགས། །དུག་ཕྱུང་མཆོད་པ་བྱིན་རླབས་དང་། །བསང་སྦྱངས་ལ་སོགས་མི་དགོས་སོ།། ན་མོ། དཀོན་མཆོག་ཀུན་འདུས་པདྨ་འབྱུང་གནས་ལ། །སྙིང་ནས་སྐྱབས་ཞུ་གློ་ ― CMR036_Page_0487 ―
[མ་དཔེ་གཟིགས་ན་འདིར་གནོན།]
སྙིང་བྲང་གསུམ་གཏད། །འཇིག་རྟེན་ཕན་ཕྱིར་བསང་མཆོད་བདག་གིས་བྱ། །ཆོས་རྣམས་ཡེ་ནས་སྟོང་ཉིད་རྫོགས་པ་ཆེ།མཁའ་ལ་ཉི་ཤར་བཞིན་དུ་རང་ཉིད་ནི། །རྡོ་རྗེ་གྲོ་ལོད་སྐུ་མདོག་སྨུག་ནག་འབར། །ཞལ་གཅིག་སྤྱན་གསུམ་མཆེ་བས་མ་མཆུ་མནན། །རྡོ་རྗེ་ཕྱར་ཞིང་ཕུར་བུ་བགེགས་ལ་གཟིར། །ཟབ་བེར་ཆོས་གོས་མི་མགོའི་ཕྲེང་བས་བརྒྱན། །དབུ་སྐྲ་ཐོར་ཚུགས་དར་དམར་ཅོད་པན་འཕུར།། སྙན་ཆ་དུང་གི་ཝང་མིག་མཛེས་པས་བརྒྱན། །ཞབས་གཉིས་འདོར་ཐབས་སྟག་མོ་གྲུས་མའི་སྟེང་། །འཇའ་གུར་ཐིག་ལེ་མེ་དཔུང་དབུས་ན་ ― CMR036_Page_0488 ―
[མ་དཔེ་གཟིགས་ན་འདིར་གནོན།]
བཞུགས། །ཡེ་ནས་དམ་ཡེ་དབྱེར་མེད་ཐུགས་སྲོག་ཧཱུྃ། །དེ་ལས་འོད་འཕྲོས་བསང་མགྲོན་སྤྱན་དྲངས་གྱུར། །ཧྲཱི༔ གདོད་ནས་རྣམ་དག་སྐུ་གསུམ་ཞིང་ཁམས་ནས།འཇིག་རྟེན་འདས་དང་མ་འདས་སྲུང་མའི་ཚོགས། །འདིར་གཤེགས་ནམ་མཁའ་བར་སྣང་གང་བར་བཞུགས། །དངོས་འབྱོར་ཡིད་སྤྲུལ་མཆོད་པ་རྒྱ་ཆེན་འབུལ། །ལུས་ངག་ཡིད་གསུམ་གུས་པས་ཕྱག་འཚལ་བསྟོད། །བསང་ཁང་དྷིལས་དུད་པའི་ལྷ་མོ་སྔོ། །ཞི་འཛུམ་དར་དང་རིན་ཆེན་རྒྱན་གྱིས་སྤྲས། །བཞེངས་ཐབས་པདྨ་ཟླ་བའི་གདན་ལ་འགྱིང་། །ཕྱག་གཡས་ཁྲུས་བུམ་ལྷ་སྲུང་ཉམས་གྲིབ་བཀྲུ། །ཕྱག་གཡོན་སྨན་གཞོང་སྤོས་སྤྲིན་ན་བུན་འཕྱུར། །ནམ་མཁའི་མཐར་ཐུག་ཞིང་ཁམས་རབ་འབྱམས་རྣམས།སྤོས་ཀྱི་འཁྲི་ཤིང་དྲ་བས་རབ་ཏུ་འབྲེལ། །དུད་པའི་ཆ་ཤས་ཟེར་མ་རེ་རེ་ཡང་། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །བཟའ་བཏུང་འདོད་ཡོན་སྣ་ཚོགས་ཆར་དུ་འབེབས་། །མགྲོན་རྣམས་མཉེས་བྱེད་མཆོད་པའི་སྤྲིན་དུ་གྱུར། །ཨོཾ་བཛྲ་ཨགྷཾ་སོགས། ཤཔྟ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤུ་ར་ཎ་ས་མ་ཡེ་ཨཱཿཧཱུྃ། འཛམ་གླིང་སྤྱི་བསང་རྗེས་སུ་འདོན་ན་ནི། ― CMR036_Page_0489 ―
[མ་དཔེ་གཟིགས་ན་འདིར་གནོན།]
འདི་ཡན་འདོན་ནི་མི་དགོས་སྒྱུར་བས་ཆོག །བསང་གི་སྔོན་འགྲོའི་ལེའུ་སྟེ་དང་པོའོ།། །།དེ་ནས་མཆོད་པ་གཅིག་བྱ་ཞིང་། །བསྡུ་ན་དེ་ཉིད་ཁོ་ནས་ཆོག་པ་སྟེ། །རྒྱས་པར་འོག་གི་ལེའུ་མཚམས་ཀུན་མཆོད། ཀྱཻ། བསང་གི་རྒྱུད་བྱུང་གང་ནས་བྱུང་། །སྡོང་པོ་བཀོད་པའི་མདོ་ལས་བྱུང་། །གྲངས་མེད་བསྐལ་པའི་སྔོན་རོལ་དུ། །ནོར་བཟང་ཆོས་ཀྱི་དབང་ཕྱུག་གིས། །སིལ་སྙན་རོལ་མོའི་སྒྲ་བསྒྲགས་ཤིང་། །སྨྱོས་ཀྱི་རེང་བུས་བསང་བྱས་ཏེ། །ཞག་བདུན་བར་དུ་འཛམ་བུའི་གླིང་། །སྤོས་ཀྱི་ན་བུན་སྤྲིན་གྱིས་ཁེབས། །སངས་རྒྱས་ཆོས་དབྱིངས་འོད་ཟེར་ནི། །འཁོར་དང་བཅས་པ་མཆོད་པས་མཉེས། །བསོད་ནམས་ཚོགས་ཆེན་རྫོགས་པར་གྱུར།།དེ་བཞིན་དེ་རིང་བསང་མཆོད་འདིས། །ཤཱཀྱ་ཐུབ་པ་ལ་སོགས་པའི།ཕྱོགས་བཅུ་དུས་གསུམ་སངས་རྒྱས་བསང་། །པདྨ་འབྱུང་གནས་ལ་སོགས་པའི། །རྒྱ་བོད་རིག་འཛིན་ཐམས་ཅད་བསང་། །བདེ་མཆོག་ཡབ་ཡུམ་ལ་སོགས་པའི། །ཡི་དམ་ལྷ་ཚོགས་ཐམས་ཅད་བསང་། །དབང་བསྐུར་བྱིན་གྱིས་བརླབ་ཏུ་གསོལ། །དེ་ནས་ཤཱཀྱའི་བསྟན་པ་ལ། །མུ་སྟེགས་གདུག་པའི་ཆོ་འཕྲུལ་གྱིས། །རྡོ་རྗེ་གདན་ལ་མེ་དགྲ་ ― CMR036_Page_0490 ―
[མ་དཔེ་གཟིགས་ན་འདིར་གནོན།]
དར་། །དཔལ་མགོན་འཕགས་པ་ཀླུ་སྒྲུབ་ཀྱིས། །འཛམ་གླིང་སྤྱི་བསང་བསྡུས་པ་མཛད། །རྒྱ་གར་སྲུང་མ་ཐམས་ཅད་མཉེས། །རྡོ་རྗེ་གདན་གྱི་གཙུག་ལག་ཁང་། །སྲ་བརྟན་རྡོ་ལས་གྲུབ་པ་བཞེངས། །སངས་རྒྱས་བསྟན་པ་དར་ཞིང་རྒྱས། །སྔོན་བྱུང་སྲིད་པ་དེ་བཞིན་དུ། །བེར་གུར་ཕྱག་བཞི་ཕྱག་དྲུག་པ། །དུད་སོལ་མ་དང་སྔགས་སྲུང་སོགས། །རྒྱ་གར་སྲུང་མ་ཐམས་ཅད་བསང་། །ལུས་ངག་ཡིད་གསུམ་སྲུངས་ཤིང་སྐྱོབས། །སངས་རྒྱས་བསྟན་པ་དར་བར་མཛོད། །དེ་ནས་ནག་པོ་རྒྱ་ཡི་ཡུལ། །མགར་བློན་སྲོང་བཙན་ཡུལ་བཟུང་དུས། །ཇོ་མོ་རྒྱ་བཟའ་གདན་དྲངས་ཚེ། །རི་རྣམས་རྩེ་བསྣོལ་ལམ་བཀག་དུས། །བློན་པོ་མགར་གྱིས་བསངས་བྱས་པར། །ལམ་བྱེ་ཇོ་མོ་རྒྱ་བཟའ་ལོན། །དེ་བཞིན་དེ་རིང་བསང་མཆོད་འདིས། །ལེགས་ལྡན་བོང་འཛིན་བེར་ནག་ཅན། །རྣམ་སྲས་དམར་པོ་འབྲུག་ཞོན་སོགས། །རྒྱ་ནག་སྲུང་མ་ཐམས་ཅད་བསང་།།ཇི་དར་གོས་ཀྱི་དངོས་གྲུབ་སྩོལ། །བསམ་པ་ཡིད་བཞིན་འགྲུབ་པར་མཛོད། །དེ་ནས་གངས་ཅན་བོད་ཀྱི་ཡུལ། །བསམ་ཡས་གཙུག་ལག་བཞེངས་པའི་དུས། ། ― CMR036_Page_0491 ―
[མ་དཔེ་གཟིགས་ན་འདིར་གནོན།]
ལྷ་ཁང་ཉིན་བཞེངས་མཚན་མོ་བཤིག །ནད་དང་གནོད་པ་སྣ་ཚོགས་བྱུང་། །ཨོ་རྒྱན་ཆེན་པོས་བརྔན་བསང་མཛད། །ལྷ་ཁང་བརྒྱ་དང་རྩ་བརྒྱད་གྲུབ། །ལེགས་པའི་ཡོན་ཏན་དཔག་ཏུ་མེད། །དེ་བཞིན་དེ་རིང་བསང་མཆོད་འདིས། །སེམས་དཔའ་ནམ་མཁའི་སྙིང་པོ་སྤྲུལ། །ས་བརྒྱད་ནོན་པའི་སེམས་དཔའ་སྟེ། །ཇོ་བོ་གཉན་ཆེན་ཐང་ལྷ་བསང་། །ཡུམ་ནི་བརྒྱ་བྱིན་སྲས་མོ་བསང་། །བློན་པོ་ཐང་འབྲིང་ངུར་པོ་བསང་། །ལྷ་འཁོར་སུམ་བརྒྱ་དྲུག་ཅུ་བསང་། །བོད་ཡུལ་ཀླུ་རྣམས་ཀུན་གྱི་རྗེ།། རྒྱལ་མ་གྲོས་གཟི་ཅན་བསང་། །རྒྱལ་འགོང་དམ་སྲིའི་གནོད་པ་ཟློག །བཀྲ་ཤིས་བདེ་ལེགས་ཕུན་ཚོགས་མཛོད། །དེ་ནས་བསྟན་པ་ཕྱི་དར་ལ། །སོག་གི་ཆུ་ལ་ཟམ་བཙུགས་ཚེ། །ཀླུ་བདུད་ནག་པོའི་ཆོ་འཕྲུལ་སྟོན། །སེམས་དཔའ་རང་བྱུང་རྡོ་རྗེ་ཡིས། །འཛམ་གླིང་སྤྱི་བསང་རྒྱས་པ་མཛད། །དམ་ལ་ཐོག་ནས་ལྕགས་ཟམ་ཚུགས། །དེ་བཞིན་དེ་རིང་བསང་མཆོད་འདིས། །ས་བརྒྱད་ནོན་པའི་སེམས་དཔའ་སྟེ། །སངས་རྒྱས་མཆེ་བ་གཡོན་པའི་བདག །རྒྱ་གར་གྲོང་ཁྱེར་སྒྲ་སྒྲོག་དང་། །བོད་ཀྱི་ཡུལ་གྱི་གནས་ ― CMR036_Page_0492 ―
[མ་དཔེ་གཟིགས་ན་འདིར་གནོན།]
ཆེན་བརྒྱད། །ཆུ་ཆེན་བཅོ་བརྒྱད་བདག་པོ་སྟེ། །མཁར་ནག་རྡོ་རྗེ་རྒྱལ་པོ་བསངས། །ཡུམ་ཆེན་ན་ར་སིང་སྔོན་བསང་། །བློན་པོ་བར་བློན་ཆེན་པོ་བསང་། །དབུས་གཙང་ཁམས་གསུམ་ཐམས་ཅད་ཀྱི། །ཆུ་བོ་ཆུ་མདོ་ཐམས་ཅད་ལ། །གནས་པའི་འཁོར་དང་སྤྲུལ་པ་བསང་། །ཆུ་དགྲ་ཀླུ་ནད་གནོད་པ་ཟློག །སྔོན་གྱི་ཁས་བླངས་དམ་བཅས་ལྟར་། །སྒྲུབ་བརྒྱུད་བསྟན་པ་དར་བར་མཛོད། །བསང་རྒྱུད་བྱུང་ཁུང་ལེའུ་སྟེ་གཉིས་པའོ།། །།དེ་ནས་བསང་གཞུང་དངོས་གཞི་ནི། ཀྱཻ། སྔོན་གྱི་བསྐལ་པ་དང་པོ་ལ། །བདེ་མཆོག་རྟ་ཕག་ཡབ་ཡུམ་དང་། །ཐུབ་དབང་འཕགས་པ་སྤྱན་རས་གཟིགས། །རྗེ་བཙུན་སྒྲོལ་མའི་བྱིན་རླབས་ཀྱིས། །ཡུལ་ཆེན་ཉི་ཤུ་རྩ་བཞི་ན། །གནས་ཆེན་སུམ་ཅུ་སོ་གཉིས་བྱུང་། །གནས་ཡུལ་དཔའ་བོ་མཁའ་འགྲོ་བྱུང་། །ཁྱད་པར་གངས་ཅན་བོད་ཡུལ་དུ། །གངས་རི་ཏི་སེ་ལ་སོགས་པའི། །གནས་ཆེན་བརྒྱ་དང་རྩ་བརྒྱད་བྱུང་། །གནས་ཆེན་བརྒྱ་རྩའི་གནས་བདག་སྟེ། །ཞིང་སྐྱོང་ཀུན་དགའི་གཞོན་ནུ་བསང་། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་འཁོར་བཅས་བསང་། །གནས་ཆེན་དཔལ་གྱི་ཙཱ་རི་ ― CMR036_Page_0493 ―
[མ་དཔེ་གཟིགས་ན་འདིར་གནོན།]
ཏྲ། །རང་བྱུང་མཆོད་རྟེན་ཆེན་པོ་ཡི། །ལྷ་ཚོགས་ཉིས་སྟོང་བརྒྱད་བརྒྱ་བསང་། །བལ་ཡུལ་གྲུབ་པའི་གནས་བདུན་ནས། །རོང་བཙན་ཁ་བ་དཀར་པོ་དང་། །ཀཾ་པོ་གངས་རི་ཡིན་ཆོད་དུ། །རྩྭ་རིའི་གནས་ཕྲན་སྟོང་རྩ་གཉིས། །ཡོད་ཅེས་རང་བྱུང་རྡོ་རྗེས་གསུངས། །གནས་ཆེན་གནས་ཕྲན་དེ་དག་ཀུན། །ཨོ་རྒྱན་ཆེན་པོས་ཞབས་ཀྱིས་བཅགས། །མ་འོངས་འགྲོ་ལ་ཕན་པའི་ཕྱིར། །གཏེར་ཁ་བྱེ་བ་ཕྲག་གཅིག་སྦས། །ཡུལ་གླིང་ཆེ་སར་གཏེར་ཆེན་རེ། །ཡུལ་གླིང་ཆུང་སར་གཏེར་ཕྲན་རེ། །ཨོ་རྒྱན་བརྗེད་ཐོ་ཡིན་པར་གསུངས། །དྲན་ཆོག་ཨོ་རྒྱན་རྒྱལ་པོ་བསང་། །གྲུ་གུའི་ལྷ་བྲག་དཀར་པོ་དང་། །སྤོམ་བྲག་ཇོ་ཕོ་ཇོ་མོ་དང་། །དཀར་ཡུ་སེ་ཡུ་གཡང་འབེབས་སོགས། །གནས་ཕྲན་སྟོང་རྩའི་གནས་བདག་ནི། །ཀུན་དགའ་གཞོན་ནུའི་སྤྲུལ་པ་སྟེ། །མཚན་ནི་མེ་རླུང་སེང་ཕྲུག་ཡིན། །ཡབ་ཡུམ་གཉིས་ཀ་སེང་གེའི་ཞལ། །ཡུམ་གྱི་དབུ་སྐྲ་དམར་སེར་ལ། །ཡབ་ནི་གཡུ་ཡི་རལ་པ་སྤྲུགས། །གཉིས་ཀ་སྐུ་མདོག་དཀར་པོ་ལ། །སྐུ་ལ་དར་དཀར་བེར་ཆེན་གསོལ། །མདུང་དར་དཀར་པོ་ཁཊཾ་གཡས། ། ― CMR036_Page_0494 ―
[མ་དཔེ་གཟིགས་ན་འདིར་གནོན།]
གཡོན་གཉིས་ཐོད་པ་བདུད་རྩིའི་བཀང་། །ཆིབས་སུ་རྟ་དཀར་འཕུར་ཤེས་ཆིབས། །བམ་རོ་ཕོ་མོ་སྤྲེའུ་དཀར། །ལག་པ་བྱ་སྡེར་ས་ལ་འཛུགས། །རྐང་པ་གྱེན་བསྟན་དམར་གཏོར་འཛིན། །མེ་དཔུང་འབར་ཞིང་རླུང་ནག་འཚུབ། །ཉིན་གུང་དང་ནི་མཚན་གུང་ལ། །གནས་ཕྲན་སྟོང་རྩ་ལན་བདུན་ཉུལ། །དཔའ་བོ་མཁའ་འགྲོ་འཁོར་དང་བཅས་། །འདིར་གཤེགས་བཤམས་པའི་མཆོད་པ་བཞེས། །བཟང་ཤིང་ཕྱེ་མར་དུད་པས་བསང་། །ཁྱོད་ནི་ཡང་དག་དོན་དུ་ནི། །འཁོར་ལོ་སྡོམ་པའི་སྤྲུལ་པ་སྟེ། །བྱིན་གྱིས་རློབས་ལ་དངོས་གྲུབ་སྩོལ། །ཁྱོད་ནི་ཞིང་ཁམས་ཀུན་གྱི་བདག །ཕྱི་མ་དག་པའི་ཞིང་དུ་སྐྱོལ། ཀྱཻ། སྔ་དར་བསྟན་པའི་ཕྱི་མ་ལ། །བཙད་པོ་མངའ་བདག་ཁྲི་རལ་དེས། །ཆུ་བོ་གང་གཱ་ཚུན་ཆོད་ཀྱི།།འཛམ་གླིང་སུམ་གཉིས་དབང་དུ་བསྡུས། །ནག་པོ་རྒྱ་ལ་དམག་ཆས་ཏེ། །གྲུ་གུའི་ཡུལ་དུ་ཕེབས་པའི་ཚེ། །ཆོས་སྐྱོང་རྒྱལ་པོ་རྣམ་ཐོས་སྲས་། །མངོན་སུམ་ཉིད་དུ་དེར་བྱོན་ནས། །ཡུལ་འདི་ང་ཡི་སྐྱོང་བའི་ཡུལ། །ལས་སྒོ་ཆེན་པོ་བཅོ་བརྒྱད་ལྡན། །ཡུལ་འདིར་བཀའ་བཀྱོན་མི་གནང་ཞུ། །དེ་སྐད་གསོལ་ ― CMR036_Page_0495 ―
[མ་དཔེ་གཟིགས་ན་འདིར་གནོན།]
ནས་ཕྱག་ཀྱང་འཚལ། །ས་བརྒྱད་སེམས་དཔས་ཕྱག་འཚལ་བས། །རྒྱལ་པོ་ས་བཅུའི་སེམས་དཔའ་སྟེ། །ཕྱག་རྡོར་སྤྲུལ་པ་ཡོངས་སུ་གྲགས། །དེ་ལྟར་གྲུ་གུའི་ས་ཕྱོགས་ལ། །རང་བཞིན་ཤུགས་ཀྱིས་འཁོར་བ་དང་། །ཡུལ་དེས་སྐྱེ་འགྲོ་ཐམས་ཅད་ལ། །ཤིན་ཏུ་ཐུགས་བརྩེར་ལྡན་པའི་ལྷ། །རྒྱལ་ཆེན་རྣམ་སྲས་འཁོར་དང་བཅས། །འདིར་གཤེགས་བཤམས་པའི་མཆོད་པ་བཞེས། །བཟང་ཤིང་ཕྱེ་མར་དུད་པས་བསང་། །འདས་པའི་སངས་རྒྱས་རིན་ཆེན་མང་། །མ་འོངས་སངས་རྒྱས་རིན་ཆེན་གདུགས། །ད་ལྟ་རྣམ་སྣང་ཐུགས་ལས་སྤྲུལ། །དུས་གསུམ་སངས་རྒྱས་སྤྲུལ་པ་སྟེ། །གྲངས་མེད་དུས་ནས་སངས་རྒྱས་ཀྱང་། །འགྲོ་བའི་དོན་དུ་ནོར་ལྷའི་ཚུལ། །མགོན་པོ་རྣམ་ཐོས་སྲས་པོ་བསང་། །དཀར་སེར་དམར་ལྗང་མཐིང་ཁ་སོགས། །སྐུ་མདོག་མ་ངེས་ཅིར་ཡང་སྟོན། །ཞི་ཆས་ཁྲོ་ཆས་རྒྱལ་ཆས་དང་། །དམག་ཆས་ལ་སོགས་གང་འདུལ་སྐུ། །རྒྱལ་མཚན་བེ་ཅོན་མདུང་དར་གྲི། །ལྕགས་ཀྱུ་ནེའུ་ལེ་ཚེ་བུམ་འཛིན། །སེང་གེ་རྟ་སྔོན་གཡུ་འབྲུག་ཆིབས། །རྣམ་སྲས་རིགས་དགུ་འཁོར་བཅས་བསང་། ། ― CMR036_Page_0496 ―
[མ་དཔེ་གཟིགས་ན་འདིར་གནོན།]
འཛམ་སེར་ཛཾ་ནག་གར་མཁན་མཆོག །དེ་སོགས་སྲས་པོ་ལྔ་བརྒྱ་བསང་། །ཀླུ་མོ་པདྨའི་གཙུག་ཕུད་ཅན། །གནོད་སྦྱིན་བུ་མོ་ཡིད་འཕྲོག་མ། །བཙུན་མོ་ལྔ་བརྒྱའི་ཚོགས་བཅས་བསང་། །ཡབ་ནི་དྲང་སྲོང་རྣམ་མང་ཐོས། །ལྷ་ཆེན་དབང་ཕྱུག་ཆེན་པོ་སྟེ། །འདོད་ལྷ་རིགས་དྲུག་འཁོར་བཅས་བསང་། །ཁྲོས་ཚེ་སྲིན་མགོན་ཐོད་ཕྲེང་ཅན། །མགོན་པོ་བྲམ་གཟུགས་ཞེས་བྱ་བ། །རྣམ་འགྱུར་ཉི་ཤུ་རྩ་གཅིག་བསང་། །ཡུམ་ནི་ལྷ་མོ་དཔལ་ཆེན་མོ། །བཅུ་གཉིས་མཚན་དང་ལྡན་མ་བསང་། །སྤྱན་ཟུར་ཙམ་ཞིག་གཟིགས་པས་ཀྱང་། །བསོད་ནམས་ལོངས་སྤྱོད་འཕེལ་མཛད་མ། །དེ་རིང་ཁྱོད་ལ་བསང་མཆོད་འབུལ། །བདག་དང་ཡོན་བདག་གཟིགས་ལགས་སམ། །ནོར་རྒྱུན་མ་ལ་སོགས་པ་ཡི། །ནང་སྐོར་ནོར་ལྷ་མོ་བརྒྱད་བསང་། །རྟ་བདག་གནོད་སྦྱིན་ཀུ་བེ་ར། །ལུག་ལྷ་གང་བ་བཟང་པོ་སོགས། །ནང་བློན་ནོར་ལྷ་མཆེད་བརྒྱད་བསངས། །ཆོས་སྤུན་དམག་དཔོན་སུམ་ཅུ་གཉིས། །ལྗོངས་ཅན་གནས་པ་བཅུ་དྲུག་དང་། །ཡུལ་འཁོར་སྐྱོང་བ་ལྔ་བརྒྱ་སོགས། །རྒྱལ་ཆེན་ཕྱི་ཡི་བློན་རྣམས་བསང་། །འཁོར་ནི་གནོད་སྦྱིན་ ― CMR036_Page_0497 ―
[མ་དཔེ་གཟིགས་ན་འདིར་གནོན།]
བྱེ་བ་ཕྲག །དྲུག་ཅུ་དྲུག་ཅུའི་གྲངས་ལྡན་པ། །སྡེ་བོ་ཆེ་ལ་སྟོབས་པོ་ཆེ། །ཕ་རོལ་དཔུང་རྣམས་འཇོམས་པར་བྱེད། །གཞན་གྱི་མི་ཐུབ་དྲག་ཤུལ་ཆེ།རྣམ་སྲས་འཁོར་དང་བཅས་པ་བསང་། །ཚེ་དང་བསོད་ནམས་མངའ་ཐང་སྟོབས། །ཡར་ངོའི་ཟླ་ལྟར་འཕེལ་རྒྱས་མཛོད། ཀྱཻ། བཅོམ་ལྡན་པདྨ་ཧེ་རུ་ཀ །ཁྲོ་བོའི་རྒྱལ་པོ་རྟ་མཆོག་དཔལ། །སངས་རྒྱས་བསྟན་པ་བསྲུང་བའི་ཕྱིར། །ཐུགས་ལས་སྤྲུལ་པའི་འོད་ཟེར་ལས། །དམ་ཅན་རྡོ་རྗེ་ལེགས་པ་བྱུང་། །ངོ་བོ་གཅིག་ཀྱང་སྐུ་མཆེད་ཚུལ། །མཆེད་ཟླ་སུམ་བརྒྱ་དྲུག་ཅུར་སྤྲུལ། །དང་པོ་ཕྱི་རོལ་པ་ཡི་བརྟེན། །སྐྱེས་བུ་སུམ་བརྒྱ་དྲུག་ཅུ་བསང་། །དེ་ནས་གཡུང་དྲུང་བོན་གྱི་བརྟེན། །ཝེར་མ་སུམ་བརྒྱ་དྲུག་ཅུ་བསང་། །དེ་ནས་ཐུབ་པའི་ཞལ་མཐོང་སྟེ། །ཕྱག་ན་རྡོ་རྗེས་དམ་ལ་བཏགས། །དམ་ཅན་སུམ་བརྒྱ་དྲུག་ཅུ་བསང་། །འདོད་རྒྱལ་སྐད་དུ་མཚན་གསོལ་བ། །ཡེ་བརྫུ་སུམ་བརྒྱ་དྲུག་ཅུ་བསང་། །སྐྱེ་བོ་རྣམས་ཀྱིས་མཚན་གསོལ་བ། །དགྲ་ལྷ་སུམ་བརྒྱ་དྲུག་ཅུ་བསང་། །བུད་མེད་རྣམས་ཀྱིས་མཚན་གསོལ་བ། །རྫིའུ་སུམ་བརྒྱ་དྲུག་ཅུ་ ― CMR036_Page_0498 ―
[མ་དཔེ་གཟིགས་ན་འདིར་གནོན།]
བསང་། །མོ་མ་རྣམས་ཀྱིས་མཚན་གསོལ་བ། །མདུད་ལྷ་སུམ་བརྒྱ་དྲུག་ཅུ་བསང་། །རྣོ་མཐོང་མཁན་གྱིས་མཚན་གསོལ་བ། །སྤྱན་རྣོན་སུམ་བརྒྱ་དྲུག་ཅུ་བསང་། མགྲོན་པོ་རྣམས་ཀྱིས་མཚན་གསོལ་བ། །ཅང་པོ་སུམ་བརྒྱ་དྲུག་ཅུ་བསང་། །བརྒྱ་ནི་རྒྱ་གར་ཡུལ་དུ་བཞུགས། །རྒྱ་གར་ཆོས་ཀྱི་སྲུང་མ་བསང་། །བརྒྱ་ཡི་ནང་གི་ཆེ་བ་ལ། །ཕུ་བོ་ཨ་ཇོ་ཆེན་པོར་གྲགས། །རྒྱ་གར་ནུབ་ཕྱོགས་དུར་ཁྲོད་དུ། །ཕ་བང་ལོང་བུ་མཁར་ན་བཞུགས། །དམ་ཅན་མགར་བ་ནག་པོ་བསང་། །བཀའ་སྡོད་གིང་ཆེན་སྡེ་བཞི་བསང་། །བདུད་འཁོར་སུམ་བརྒྱ་དྲུག་ཅུ་བསང་། །བརྒྱ་ནི་རྒྱ་ནག་ཡུལ་ན་བཞུགས། །རྒྱུ་ནག་གཙུག་ལག་སྲུང་མ་བསང་། །ལྔ་བཅུ་གེ་སར་ཡུལ་དུ་བཞུགས། །གེ་སར་དམག་གི་དགྲ་ལྷ་བསང་། །ལྔ་བཅུ་སྟག་གཟིག་ཡུལ་དུ་བཞུགས། །སྟག་གཟིག་ནོར་གྱི་ནོར་ལྷ་བསང་། །དྲུག་ཅུ་བོད་ཀྱི་ཡུལ་དུ་བཞུགས། །བན་བོན་རྣམས་ཀྱི་སྲུང་མ་བསང་། །དྲུག་ཅུ་ནང་གི་ཕུ་བོ་དེ། །གཙང་གི་ཤངས་དང་འོ་ཡུག་མཚམས། །ཕ་བང་ལོང་བུའི་མཁར་ན་བཞུགས། །གཙང་བཙན་རྡོ་རྗེ་ལེགས་པ་བསང་། ། ― CMR036_Page_0499 ―
[མ་དཔེ་གཟིགས་ན་འདིར་གནོན།]
བཙན་འཁོར་སུམ་བརྒྱ་དྲུག་ཅུ་བསང་། །ཤ་མེད་གངས་དཀར་ལ་སོགས་པའི། །དགྱེས་སྡེ་བརྟན་མ་བཅུ་གཉིས་བསང་། །དྲུག་ཅུ་ནང་གི་མཆེད་སྡེ་ལྔ།དགྲ་ལྷ་ཡེ་བརྫུ་མཆེད་ལྔ་བསང་། ཀྱཻ། མཆེད་ལྔ་བཞུགས་པའི་ཡུལ་བཙལ་བ། །རྒྱས་བས་ལུང་བསྟན་གདོང་དམར་ཡུལ། །གངས་ཅན་ཤར་ཕྱོགས་མདོ་ཁམས་སྒང་། །སྒང་ལྔའི་སྒང་གི་གཙོ་བོ་སྟེ། །སྤྱི་བོ་ལྷ་སྐྱིད་ལྷ་འབུར་སྒང་། །ཚ་བའི་རྫ་སྒང་རིང་མོའི་གཡོན། །རབ་སྟོང་ཚར་ཡུ་མར་སྒང་དང་། །བུ་འབོར་སྟག་སྒང་རིང་མོའི་གཡས། ། སྒང་མཆོག་སྨར་ཁམས་ཀེ་རུའི་སྒང་། །ལྷོ་ཡི་དིལ་ཆུ་ནག་མོ་དང་། །རྔུལ་ཆུ་དམ་འཇམ་མེར་བ་དང་། །ལྷོ་ཟླ་ངང་མ་གཡས་ནས་འབབ། །གཡས་འབབ་རྒྱལ་པོའི་ཕྱག་སྐར་གསུམ་། །རྨ་ཡུལ་རྨ་ཆུ་དལ་འཇམ་དང་། །ཟླ་ཆུ་འབྲི་ཆུ་གཡོན་ནས་འབབ། །གཡོན་འབབ་བཙུན་མོའི་གསེར་སྐྱེམས་གསུམ། །རྒྱ་མཚོའི་ལྟེ་བ་ཆུ་དྲུག་བསྐོར། །སྒང་རི་སྨར་ཁམས་ཀེ་རུའི་སྒང་། །ཡུལ་གྱི་མིང་ནི་གྲུ་གུའི་ཡུལ། །སྔོན་ཚེ་ཤེལ་བྲག་གཡུ་རྩེ་ལ། །དེང་སང་ལྷ་བྲག་དཀར་པོར་གྲགས། །ལྷ་བྲག་མཆེད་བརྒྱད་ཤེལ་གྱི་རྫོང་། ། ― CMR036_Page_0500 ―
[མ་དཔེ་གཟིགས་ན་འདིར་གནོན།]
སྔོན་ཚེ་རི་མིང་རོག་སྣལ་ལ། །དེང་སང་རོ་ཕོ་ཞེས་སུ་གྲགས། །རོ་ཕོ་མཆེད་བརྒྱད་ལྕགས་ཀྱི་རྫོང་། །སྔོན་ཚེ་རི་མིང་གུར་ཆེན་ལ། །དེང་སང་གནས་པོ་གུར་མགོན་ཟེར།༔ རྡོ་རྗེ་གུར་ཆེན་རི་ཡི་རྫོང་། །ཀླུ་ཡི་མགོན་པོ་དཀར་པོ་ལ། །དེང་སང་ཆུ་མིག་དཀར་མོར་གྲགས། །རྒྱ་མཚོའི་ལྟེ་བ་ཀླུ་ཡི་རྫོང་། །སྔོན་ཚེ་ཟླ་རྒྱལ་སོང་ལུག་སྟེ། །ཟླ་རྒྱལ་འབྲི་ཅད་སེར་བའི་རྫོང་། །སྔོན་ཚེ་རྫོང་ཆེན་བཅོ་བརྒྱད་ཟེར། །མོ་ཁད་ལྷ་དང་ཐོག་གི་རྫོང་། །རྫོང་ཆེན་དྲུག་ལ་གནས་བཅས་ནས། །དངུལ་ཁ་མཐིང་ཁ་མཚལ་ཁ་དང་།གྲུ་གུའི་ལྷ་བྲག་གཏེར་སྒོ་སོགས། །སྨར་ཁམས་གཏེར་གྱི་གཏེར་སྲུང་དང་། །ར་ལ་རྣམ་པར་སྣང་མཛད་དང་། །འོར་རྔུ་བྱམས་པའི་བཀའ་སྲུང་དུ། །ཨོ་རྒྱན་ཆེན་པོའི་བསྐོས་པའི་ལྷ། །ཡེ་བརྫུ་ཆེན་པོ་འཁོར་དང་བཅས། །འདིར་གཤེགས་བཤམས་པའི་མཆོད་པ་བཞེས། །མཆེད་ལྔའི་གཙོ་བོ་རོག་སྣལ་ནི། །སྐུ་མདོག་མ་ངེས་ཅིར་ཡང་སྟོན། །ར་རྒྱའི་ཐུལ་པ་རྒོད་ཐུལ་དང་། །སྟག་ཐུལ་བེར་ཆེན་སྣ་ཚོགས་མནབས། །གསེར་གྱི་རྡོ་རྗེ་སྦ་ལྕག་དང་། །ཐོག་ཞགས་ལྕགས་ཀྱུ་ཐོ་ལུམ་དང་། །མཁར་ཏེའུ་རྩེ་དགུ་ལ་སོགས་ ― CMR036_Page_0501 ―
[མ་དཔེ་གཟིགས་ན་འདིར་གནོན།]
འཛིན། །སྨུག་རྟ་སྤུན་གསུམ་ར་སྐྱེས་དང་། །ཅང་ཤེས་གཡུ་རྔོག་ལ་སོགས་བཅིབས། །རིན་ཆེན་པྲོག་ཞུ་སྟག་ལྡེམ་ཅན། །རྨོག་ཞུ་དར་ནག་སྲག་ཞུ་གསོལ། །རྡོ་རྗེ་ཕུར་པའི་བཀའ་སྲུང་ཚེ། །ཐེའུ་རང་སྟོང་སྡེའི་དམག་དཔོན་ཟེར། །སྐུ་བླ་ཡེ་བརྫུ་མཐུ་ཆེན་བསང་། །བྷུ་རྒྱལ་ཞང་བློན་ཆེན་པོ་བསང་། །མགོན་པོ་ཞང་བློན་བདུད་འདུལ་བསང་། །ཡུལ་ལྷ་རོག་སྣར་ཆེན་པོ་བསང་། །གནས་པོ་རྡོ་རྗེ་གུར་མགོན་བསང་། །སྡེ་དཔོན་སྐུ་བླ་གསང་བ་བསང་། །སྣང་སྲིད་དགྲ་ལྷའི་སྡེ་ཚོགས་བསང་། །རྡོ་རྗེ་ཕུར་པའི་བཀའ་སྲུང་ཚེ། །ཤར་ཕྱོགས་དཀར་པོ་ནོར་བསྙག་ཟེར། །དགྲ་ལྷ་དབུ་རུ་རྩེ་གསུམ་ནི། །མི་དཀར་གཡུ་ཡི་ཐོར་ཚུགས་ཅན། །དུང་དཀར་གཡས་འཁྱིལ་གཙུག་རྒྱན་བཏགས། །ཤེལ་གྱི་སྦ་ལྕག་བ་དན་ཕྱིར། །ལྷ་གཡག་དཀར་པོ་སེང་གེ་ཆིབས། །དགྲ་ལྷ་དབུ་རུ་རྩེ་གསུམ་བསང་། །རྒྱལ་དམག་ཡོངས་ཀྱི་དམག་དཔོན་བསང་། །ལྷ་དམག་བྱེ་བ་འབུམ་ཚོ་བསང་། །རྡོ་རྗེ་ཕུར་པའི་བཀའ་སྲུང་ཚེ། །བདུད་པོ་ཟུར་ར་ར་སྐྱེས་ཟེར། །དགྲ་ལྷ་ཝེར་ཕྲོམ་ཆེན་པོ་ནི། །དར་མཐིང་བེང་དང་ ― CMR036_Page_0502 ―
[མ་དཔེ་གཟིགས་ན་འདིར་གནོན།]
དུང་ཁྲབ་གསོལ། །མདུང་དར་བ་དན་ཞགས་པ་བསྣམས། །གསེར་བྱ་ངང་པ་རྟ་ནག་དང་། །ཅང་ཤེས་ངང་པ་སེར་ག་བཅིབས། །སྐུ་ལྷ་ཝེར་ཕྲོམ་ཆེན་པོ་བསང་། །བདུད་ཀྱི་ཡང་བདུད་ཆེན་པོ་བསང་། །གཉན་བདུད་ཀུན་གྱི་དམག་དཔོན་བསང་། །གཉན་དམག་འབུམ་དང་བཅས་པ་བསང་། །རྡོ་རྗེ་ཕུར་པའི་བཀའ་སྲུང་ཚེ། །བཙན་དམར་ཤན་པ་ཀུས་འདེབས་ཟེར། །དགྲ་ལྷ་ཝེར་ལྡིང་ཆེན་པོ་ནི། །མི་དམར་དར་དམར་འགྱིང་ཐོད་ཅན། །བེར་དམར་གསོལ་ཞིང་མེ་དཔུང་འབར། །རལ་གྲི་མདའ་གཞུ་མདུང་དར་འཛིན། །མགྱོགས་པའི་བཙན་རྟ་དམར་ཞུར་ཆིབས། །སྐུ་ལྷ་ཝེར་ལྡིང་ཆེན་པོ་བསང་། །བཙན་གྱི་ཡང་བཙན་ཆེན་པོ་བསང་། །བཙན་རྣམས་ཡོངས་ཀྱི་དམག་དཔོན་བསང་། །བཙན་དམག་འབུམ་དང་བཅས་པ་བསང་། །རྡོ་རྗེ་ཕུར་པའི་བཀའ་སྲུང་བ། །མོན་པ་ནག་པོ་སྐུ་འཐེན་ཟེར། །དགྲ་ལྷ་ཝེར་གཤེགས་ཆེན་པོ་ནི། །མི་སྔོན་ཆུ་དར་སྔོན་པོ་གསོལ། །གསེར་གྱི་རྡོ་རྗེ་སྦ་ལྕག་ཕྱར། །ལྕགས་ཁྲོའི་ལྡེའུ་མེ་དཔུང་འཛིན། །ར་དམར་འགྱིང་ནག་ར་ཁམ་བཅིབས། །སྐུ་ལྷ་ཝེར་གཤེགས་ཆེན་པོ་བསང་། ། ― CMR036_Page_0503 ―
[མ་དཔེ་གཟིགས་ན་འདིར་གནོན།]
མོན་པ་འབུམ་གྱི་དམག་དཔོན་བསང་། །མོན་ནག་མགར་བའི་འཁོར་ཚོགས་བསང་། །ཇོ་མོ་གདོང་མོ་སྤུན་དགུ་ནི། །སྐུ་མདོག་དཀར་ལ་འཛུམ་མདངས་ཅན། །གཙོད་ཀྱི་རེ་གུ་མཛེས་པའི་སྟེང་། །དར་དཀར་གོས་ཟུང་སྐུ་ལ་གསོལ། །གསེར་གཡུ་ཤེལ་དང་མུ་ཏིག་བརྒྱན། །ཕྱག་ན་མེ་ལོང་སྣང་སྲིད་གསལ། །སྦ་གླིང་བསྒྱུར་ཞིང་རྒྱང་གླུ་ལེན། །གཙོད་མོ་ཁ་དཀར་རུ་རིང་བཅིབས། །སྐྱིན་མོ་འགྲོ་ཁམས་རོལ་དུ་ཁྲིད། །ཇོ་མོ་གདོང་མོ་སྤུན་དགུ་བསང་། །རྣོ་མཐོང་སྟོན་པའི་རྣལ་འབྱོར་བསང་།ཀླུ་སྨན་ཡོངས་ཀྱི་རྗེ་མོ་བསང་། །སྨན་ཕྲན་འབུམ་དང་བཅས་པ་བསང་། །མགོན་པོ་ཞང་བློན་མཐུ་ཆེན་ནི། །དགུང་སྔོན་དབྱིངས་སུ་གཤེགས་ཙམ་ན། །སེང་ཆིབས་སྐུ་མདོག་དཀར་པོ་སྟོན། །སྐུ་ལ་དར་དཀར་རིལ་ག་གསོལ། །ཕྱག་གཡས་ཤེལ་གྱི་སྦ་ལྕག་གཡུགས། །གཡོན་པས་ཐོག་དང་སེར་ཆེན་འདྲེལ། །གནམ་ལྷ་དཀར་པོ་ཞེས་སུ་གྲགས། །རང་འདྲ་བརྒྱ་དང་ཉི་ཤུས་བསྐོར། །ཡེ་བརྫུ་གནམ་ལྷ་དཀར་པོ་བསང་། །དཀར་པོ་ལྷ་ཡི་དགེ་བསྙེན་ཏེ། །སེང་ཞོན་བརྒྱ་དང་ཉི་ཤུ་བསང་། །ཐོག་སེར་གནམ་ ― CMR036_Page_0504 ―
[མ་དཔེ་གཟིགས་ན་འདིར་གནོན།]
ནད་ཁ་ཁོག་ལ། །མངའ་ཐང་དགུང་བས་མཐོ་བས་མཛོད། །མཐུ་ཆེན་མགོན་པོ་ཡེ་བརྫུ་ནི། །བར་སྣང་ཁམས་སུ་བྱོན་ཙམ་ན། །སྟག་ཆིབས་སྐུ་མདོག་དམར་པོ་སྟོན།བསྲེ་ཁྲབ་བསྲེ་རྨོག་འཕྲུ་ཅན་དང་། །མདུང་དམར་ཕྱར་ཞིང་བཙན་ཞགས་འཕེན། །ཕྱག་ན་བཙན་གྱི་ཤྭ་རྡེལ་འགྲིལ། །སྤྲིན་ནག་རླུང་ཐོན་ནང་ན་རྒྱུག །རང་འདྲ་བརྒྱ་དང་ཉི་ཤུས་བསྐོར། །ཡེ་བརྫུ་བཙན་རྒོད་འབར་བ་བསང་། །སྟག་ཞོན་བརྒྱ་དང་ཉི་ཤུ་བསང་། །དམར་པོ་བཙན་གྱི་དགེ་བསྙེན་ཏེ། །དགེ་བསྙེན་ཡེ་བརྫུ་ཆེན་པོ་ནི། །ས་ཡི་སྟེང་དུ་བྱོན་ཙམ་ན། །ར་ཆིབས་སྐུ་མདོག་ནག་པོར་སྟོན། །སྐུ་ལ་དར་ནག་བེར་ཆེན་གསོལ། །གསེར་སྐད་རིན་ཆེན་འབར་བ་བཅིངས། །ཕྲིན་ལས་གློག་ལྟར་མྱུར་བར་མཛོད་། །གསེར་གྱི་རྡོ་རྗེ་ཐོ་བ་དང་། །སྦྱད་པ་ར་ཡི་རྒྱལ་མཚན་འཛིན། །བདུད་དམག་སུམ་བརྒྱ་དྲུག་ཅུ་བསང་། །རང་འདྲ་བརྒྱ་དང་ཉི་ཤུས་བསྐོར། །ནག་པོ་བདུད་ཀྱི་དགེ་བསྙེན་ཏེ། །ར་ཞོན་བརྒྱ་དང་ཉི་ཤུ་བསང་། །ས་འོག་ཡེ་བརྫུ་མཐུ་ཆེན་ནི། །སྨར་ཁམས་ཆུ་ཡི་བདག་པོ་སྟེ། །སྨར་ཁམས་ས་འོག་རྒྱ་མཚོའི་ནང་། །མཚོ་རླབས་རྦ་ ― CMR036_Page_0505 ―
[མ་དཔེ་གཟིགས་ན་འདིར་གནོན།]
ཀློང་ཀྱི་ལི་ལི། །མཚོ་གླང་ངུར་དང་ཆེམས་སེ་ཆེམ། །ཆུ་གནས་སྣ་ཚོགས་ཉི་ལི་ལི། །རིན་ཆེན་སྣ་ཚོགས་གཅལ་དུ་བཀྲམ། །འོ་མའི་རྒྱ་མཚོ་མེ་རེ་རེ།རིན་ཆེན་སྣ་ཚོགས་གཞལ་ཡས་ཁང་། །ཀླུ་ཡི་ལོངས་སྤྱོད་བསམ་མི་ཁྱབ། །དེ་ན་སུ་བཞུགས་སུ་མི་བཞུགས། །འཇམ་དབྱངས་སྤྲུལ་པས་ས་བརྒྱད་ནོན། །ཀླུ་ཡི་མགོན་པོ་དཀར་པོ་བཞུགས། །ས་འོག་གནས་པའི་ཡེ་བརྫུ་སྟེ། །མགོན་པོ་ཡེ་བརྫུ་མཐུ་ཆེན་བསང་། །ཀླུ་རྒྱལ་མི་མགོན་མཆེད་བདུན་བསང་། །རྡོ་རྗེ་འོད་དཀར་ཆེན་པོ་བསང་།ཆར་འབེབས་ཆེན་པོ་ཞེས་བྱ་བསང་། །མི་མགོན་དཀར་པོ་ཞེས་བྱ་བསང་། །ལྡེམ་ལྡེམ་ར་ཙ་ཞེས་བྱ་བསང་། །རྡོ་རྗེ་ཀླུ་རྒོད་ཅེས་བྱ་བསང་། །ནག་པོ་དབལ་མདང་ཞེས་བྱ་བསང་། །ནམ་མཁའ་ས་གཞིར་བར་སྣང་ཀུན། །ཁྱོད་ཀྱི་སྤྲུལ་པས་ཁྱབ་པའི་ཕྱིར། །ཆ་ལུགས་གཅིག་ཏུ་མ་ངེས་ཀྱང་། །ཀླུ་བརྒྱད་གཙོ་བོ་བྱེད་པའི་ཕྱིར། །ལོ་བརྒྱད་བྱིས་གྱི་སྦ་རིན་ཆེན་བརྒྱན། །གདེངས་ཀ་བདུན་ལྡན་སྤྲུལ་འཇུག་འཁྱིལ། །ཟ་མ་ཏོག་དང་ནོར་བུ་འཛིན། །ཀླུ་རྒྱལ་མི་མགོན་དཀར་པོ་དང་། །ཀླུ་ཆེན་བརྒྱད་དང་བཅས་པ་ ― CMR036_Page_0506 ―
[མ་དཔེ་གཟིགས་ན་འདིར་གནོན།]
བསང་། །བཙུན་མོ་ཀླུ་མོ་འོད་ལྡན་མ། །གསེར་མདོག་འཛུམ་མཛེས་རིན་ཆེན་བརྒྱན། །ཟ་མ་ཏོག་དང་ནོར་བུ་བརྒྱན། །སྦྲུལ་མགོ་ལྔ་ཡི་གདེངས་ཀ་ཅན། །ཀླུ་ཡི་རྗེ་མོ་འོད་ལྡན་མ། །ཀླུ་མོ་བརྒྱ་དང་བཅས་པ་བསང་། །ཀླུ་རྒྱལ་མི་ཡི་མགོན་བྱེད་ཚེ། །མི་དཀར་ཆུ་རྟ་སྔོན་པོ་བཅིབས། །ཕྱག་ན་ལྗོན་ཤིན་མེ་ཏོག་རྒྱས། །འདིར་གཤེགས་བསང་དང་མཆོད་པ་བཞེས། །མི་བུ་ཚང་ནས་སྐྱེད་པ་དང་། །བྱིའུ་སྒོང་ནས་སྤོར་བར་མཛོད། །དབང་ཐང་མགོན་དུ་བྱེད་པའི་ཚེ། །གཡུ་མདོག་གླང་ཆེན་འགྱིང་པ་ཆིབས།ཕྱག་ན་ཡིད་བཞིན་ནོར་བུ་བསྣམས། །འདིར་གཤེགས་བསང་དང་མཆོད་པ་བཞེས། །གསེར་དངུལ་རིན་ཆེན་དངོས་གྲུབ་སྩོལ། །འབྲུ་དང་ལོ་ཏོག་མགོན་བྱེད་ཚེ། །སྐུ་མདོག་སྔོན་པོ་གཡུ་འབྲུག་བཅིབས། །ཕྱག་ན་འབྲས་ཀྱི་སྙེ་མ་བསྣམས། །འབྲུག་སྒྲོག་འབྲུ་ཡི་ཆར་པ་འབེབས། །འདིར་གཤེགས་བསང་དང་མཆོད་པ་བཞེས། །བང་མཛོད་འབྲུ་ཡི་དངོས་གྲུབ་སྩོལ། །ནོར་ཕྱུགས་སེམས་ཅན་མགོན་བྱེད་ཚེ། །མདོག་ལྗང་ཆུ་གླང་དཀར་པོ་བཅིབས། །སྤྲིན་འཁྲིགས་ཆར་འབེབས་རྩི་ཐོག་སྐྱེད། །རྟ་ཕྱུགས་ ― CMR036_Page_0507 ―
[མ་དཔེ་གཟིགས་ན་འདིར་གནོན།]
དུད་འགྲོ་འཕེལ་བར་མཛད། །འདིར་གཤེགས་བསང་དང་མཆོད་པ་བཞེས། །རྐང་བཞི་ཕྱུགས་ཀྱི་དངོས་གྲུབ་སྩོལ། །དམག་དང་ཇག་ལ་འགྲོ་ཙམ་ན།གསེར་མདོག་བསྲེ་ཁྲབ་བསྲེ་རྨོག་ཅན། །འཁོར་གསུམ་བསྐོར་ནས་རྟ་དཀར་བཅིབས། །དར་དཀར་གསོལ་ནས་དགྲ་བོ་དབང་དུ་སྡུད། །འདིར་གཤེགས་བསང་དང་མཆོད་པ་བཞེས་། །ཕ་རོལ་དགྲ་དཔུང་ཆོམ་ལ་ཕོབ། །རྒྱལ་ཁ་རླུང་ཁ་ཐོབ་པར་མཛོད། །ནད་པ་གསོ་བའི་དུས་ཀྱི་ཚེ། །སྐུ་མདོག་དམར་བཀྲ་ཆུ་རྟ་བཅིབས། །ཕྱག་ན་བདུད་རྩིའི་བུམ་པ་བསྣམས། །བདུད་རྩིའི་རྒྱུན་གྱིས་ནད་རྣམས་འདོན། །ཕོལ་མིག་མཛེ་ཡང་སོས་པར་བྱེད། །འདིར་གཤེགས་བསང་དང་མཆོད་པ་བཞེས། །ནད་ཀུན་ད་ལྟ་ཉིད་དུ་སོལ། །དགྲ་ལ་གདུག་པ་སྟོན་པའི་ཚེ། །ཀླུ་བདུད་ནག་པོ་མགོ་དགུ་པ། །ནཱ་ག་རཀཱ་ཞེས་ཀྱང་བྱ། །ཆུ་གཡག་ཆིབས་ཤིང་སྦྲུལ་ཞགས་བསྣམས། །ཞིང་བཅུ་ཚང་བའི་དགྲ་བོ་རྣམས། །གཡག་གིས་བརྡུང་ལ་སྦྲུལ་གྱིས་ཆིངས། །མཛེ་རིགས་བཅོ་བརྒྱད་ཆར་དུ་ཕོབ། །བློན་པོ་དུང་སྐྱོང་དཀར་པོ་ནི། །ཟ་མ་ཏོག་དང་ནོར་བུ་བསྣམས། །སྦྲུལ་མགོ་ ― CMR036_Page_0508 ―
[མ་དཔེ་གཟིགས་ན་འདིར་གནོན།]
ལྔ་ཡི་གདེངས་ཀ་ཅན། །འདིར་གཤེགས་བསང་དང་མཆོད་པ་བཞེས། །ཅི་བསམ་ལྷུན་གྱིས་གྲུབ་པར་མཛོད། །སྲས་ནི་ཀླུ་ཕྲུག་བརྒྱ་རྩ་བརྒྱད། །ཁྱེའུ་གསེར་ཉ་དུང་སྦྲུལ་དང་། །ཆུ་རྟ་བརྒྱ་དང་རྩ་བརྒྱད་སྤྲུལ། །སྨར་ཁམས་ཆུ་མིག་ཀུན་ན་གནས། །འདིར་གཤེགས་བསང་དང་མཆོད་པ་བཞེས། །ཕོག་ཐུག་ཤོར་ན་བཟོད་པར་གསོལ། །ཀླུ་ཡི་མགོན་པོ་དཀར་པོ་ནི། །ཡབ་ཡུམ་བློན་འཁོར་སྲས་དང་བཅས། །བསང་མཆོད་འབུལ་བ་འདི་བཞེས་ལ། །ཕྱག་ན་རྡོ་རྗེ་པདྨ་འབྱུང་། །རྒུ་ལོ་ཕག་གྲུ་ཉག་སེ་ཡི། །སྤྱན་སྔར་ཁས་བླངས་དམ་བཅས་ལྟར། །བསོད་ནམས་མངའ་ཐང་ནམ་མཁའ་མཉམ། །ལྷ་འདྲེ་མི་གསུམ་དབང་དུ་སྡུས། །ཀླུ་ནད་ཞ་གྲུམ་གཅོང་ནད་མེད། །རིགས་རྒྱུད་བུ་དང་བུ་མོ་རྣམས། །གཟུགས་བཟང་ཤ་མདོག་དཀར་ལ་མཛེས། །ཤེས་རབ་ཆེ་ཞིང་ཆོས་ལ་དད། །ཁྱོད་ལ་ཡོད་པའི་དངོས་གྲུབ་དེ། །བདག་དང་ཡོན་བདག་འདི་ལ་སྩོལ། ཀྱི༔ མགོན་པོ་རོག་སྣར་མཐུ་ཆེན་གྱི། །ཤར་ནས་བསྐུལ་བའི་ཕོ་ཉ་སྟེ། །གངས་དཀར་གཉན་གྱི་ཤེལ་བྲག་ཏུ། །གཉན་རྗེ་རྨ་གཉན་སྤོམ་ར་ནི། །ཡ་མཚན་དུང་མི་དཀར་ ― CMR036_Page_0509 ―
[མ་དཔེ་གཟིགས་ན་འདིར་གནོན།]
པོ་ཡི། །དུང་ཁྲབ་དཀར་པོ་སྐུ་ལ་གསོལ། །དབུ་ལ་དངུལ་དཀར་རྨོག་མོ་གསོལ། །ཉི་ཟླའི་ཕོད་རྒྱན་ཀྱི་ལི་ལི། །ཕྱག་གཡས་ཤེལ་གྱི་སྦ་ལྕག་བསྣམས།གཡོན་པས་དར་མདུང་དཀར་པོ་འཛིན། །སྟག་རལ་གཡས་ལ་གཟིག་ཤུབས་གཡོན། །དུང་རྟ་རི་ལོགས་ཙམ་ལ་ཆིབས། །རིན་ཆེན་རྟ་སྒ་ཝངས་སེ་ཝང་། །གསེར་སྲབ་གཡུ་མཐུར་སི་ལི་ལི། །རྨ་སྲས་དུང་མི་དཀར་པོ་དགུ། །སྤུ་རིས་ལྡན་པའི་རྟ་དགུ་ཆིབས། །དུང་རྨོག་ཤེལ་བེར་སྐུ་ལ་གསོལ། །སྟག་རལ་གཟིག་ཤུབས་མདུང་དར་བསྣམས། །སྲིང་མོ་ལྕམ་དགུ་ཡུམ་དང་བཅས། །ཤ་རྐྱང་རྒོ་གཙོད་བྲན་དང་རོལ། །དར་གོས་རིན་ཆེན་སྣ་ལྔས་བརྒྱན། །སྦ་གླིང་མེ་ལོང་ཕྱག་ན་བསྣམས། །སྲིང་ལྕམ་བཞི་བཅུ་རྩ་ལྔ་དང་། །རྨ་རིགས་སུམ་བརྒྱ་དྲུག་ཅུ་མཆེད། །ཡང་འཁོར་སུམ་བརྒྱ་དྲུག་ཅུ་དང་། །ཕྱི་འཁོར་སུམ་བརྒྱ་དྲུག་ཅུ་དང་། །རྨ་སྨན་འབུམ་དང་བཅས་པ་ཡིས། །རྨ་གཉན་ལྕམ་དྲལ་འཁོར་བཅས་རྣམས། །འདིར་གཤེགས་བསང་གི་མཆོད་པ་བཞེས། །གཡུ་ཤུག་ཕྱེ་མར་གསུར་གྱིས་བསང་། །རྨ་གཡང་ཟས་དང་དཀོར་མཛོད་འབྲུ། །རྐང་བཞི་ནོར་ ― CMR036_Page_0510 ―
[མ་དཔེ་གཟིགས་ན་འདིར་གནོན།]
དང་སྙན་གྲགས་སྟོབས། །རིགས་རྒྱུད་བཙན་དར་ཐམས་ཅད་དང་། །དཔུང་ཆེན་དངོས་གྲུབ་བདག་ལ་སྩོལ། །ཡག་ཁ་ཟུང་ལ་རྒྱལ་ཁ་བསྐྱེད། །ཅི་བསམ་དོན་རྣམས་འགྲུབ་པར་མཛོད། །ཨོཾ་བཛྲ་ཀུལླི་མིལ་མན་སརྦ་པཱུ་ཛ་ཁཱ་ཧི། ཀྱཻ། མགོན་པོ་ཡེ་བརྫུ་མཐུ་ཆེན་ནི། །ཉི་མ་ལྷོ་རུ་སྐུ་བསྐྱོད་ཚེ། །ལས་ལ་མངག་པའི་ཕོ་ཉ་ནི། །སྨོན་སྐྱེས་གངས་བཞུར་མཆེད་གསུམ་སྟེ། །སྔོན་ཚེ་བསྟན་པ་སྔ་དར་དུས། །གཟེ་ཡི་རྔ་མོང་གྲྭ་པ་ཟེར། །བསྟན་པ་སྔ་དར་བར་པའི་དུས། །གཟེ་ཡི་རྨ་གཡོག་གྲྭ་པ་ཟེར། །བསྟན་པ་ཚུཕྱི་དར་དེང་སང་དུས། །ཇོ་བོ་གཟེ་རྒྱལ་ཞེས་སུ་གྲགས། །ཉི་མ་ལྷོ་ཕྱོགས་ཕ་ཀི་ན། །ཕ་གནམ་ལྷ་འོད་འབར་དེ་རྗེ་དང་། །མ་ས་ལྷ་དེ་ནི་ཀླུ་མོ་བཙུན། །དེ་གཉིས་བསྡེབས་པའི་མིང་སྲིང་བཞི། །ཆེ་བ་ཀླུ་རྗེ་འོད་འབར་ཡིན། །གསང་མཚན་རྡོ་རྗེ་དབང་དྲག་ཡིན། །སྐུ་མདོག་གངས་ལ་ཉི་ཤར་འདྲ། །དབུ་ལ་ལེ་ཕྲན་སྨུག་པོ་བཅིང་།མཛེས་པའི་མེ་ཏོག་ཟུར་ཕུད་ཅན། །སྐུ་ལ་དུང་བེར་དཀར་པོ་གསོལ། །ཕྱག་གཡས་ཉི་ཟླའི་སྒྲོན་མེ་ཐོགས། །ཕྱག་གཡོན་དངུལ་མདུང་དཀར་པོ་ལ། །དར་དཀར་བ་དན་ ― CMR036_Page_0511 ―
[མ་དཔེ་གཟིགས་ན་འདིར་གནོན།]
བཏགས་པ་བསྣམས། །རག་དཀར་གཡུ་རྔོག་ཆིབས་སུ་ཆིབས། །དཀར་ཕྱོགས་ལྷ་དམག་འབུམ་གྱིས་བསྐོར། །འབྲིང་བ་གནམ་ལྷ་བྱང་ཆུབ་ཡིན།གསང་མཚན་རྡོ་རྗེ་དབང་ཕྱུག་ཡིན། །ཞལ་མདོག་དཀར་གསལ་མཛེས་པ་ལ། །དབུ་ལ་དར་དཀར་ཅོད་པན་བཅིངས། །མཛེས་པ་གཡུ་ཡི་ཟུར་ཕུད་ཅན། །ཕྱག་ན་དངུལ་མདུང་དཀར་པོ་བསྣམས། །ཆིབས་སུ་གྲོ་སྨུག་གདོང་སེ་ཆིབས། །འཁོར་དུ་གཉན་དམག་འབུམ་གྱིས་བསྐོར། །ཆུང་བ་རྡོ་རྗེ་དཔལ་བརྩེགས་ནི། །གསང་མཚན་རྡོ་རྗེ་དཔལ་འབར་ཡིན། །ཞལ་མདོག་གསེར་འོད་འབར་བ་ཡིན། །སྐུ་ལ་གསེར་ཁྲབ་སེར་པོ་གསོལ། །དབུ་ལ་མཚལ་ཐོད་དམར་པོ་བཅིངས། །ཕྱག་ན་ཡ་ཚ་དཀར་པོ་བསྣམས།སྟལ་རལ་གཡས་ལ་གཟིག་ཤུབས་གཡོན། །ཆིབས་སུ་རྐྱང་བུ་ཁ་དཀར་ཆིབས། །བྱ་རྒོད་དཀར་པོ་ཀླད་ན་ལྡིང་། །དུང་གི་སེངྒེ་གཡས་ན་འགྱིང་། །ལྕགས་ཀྱི་བྱ་ཁྲ་གཡོན་ན་འཇུམ་། །འཁོར་དུ་ཀླུ་དམག་འབུམ་གྱིས་བསྐོར། །སྲིང་མོ་ལྷ་ལྕམ་གློག་མ་འཕྲུལ། །བུད་མེད་དཀར་མོ་དུང་ཤཱ་ཆིབས། །བཙུན་མོ་གཡུ་མཚོ་ཆེ་ཆུང་གཉིས། །གཡུ་དང་ ― CMR036_Page_0512 ―
[མ་དཔེ་གཟིགས་ན་འདིར་གནོན།]
བྱི་རུས་བུད་མེད་གཉིས། །བློན་པོ་ཅི་རྒྱལ་ཀ་རྒྱལ་དང་། །སྤེན་ནེ་རི་བཀྲ་དབྱི་རྒྱལ་བཞི། །ཀླུ་རྒྱལ་བཙན་དམར་ལ་སོགས་པའི། །སྨོན་སྐྱེས་གང་ཞུར་མཆེད་ལྕམ་བཞི། །འཁོར་དང་བཅས་པ་མ་ལུས་པ། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱིས་མཆོད། །རྣལ་འབྱོར་བདག་ཅག་འཁོར་བཅས་རྣམས། གཞི་བྱེས་ལམ་གསུམ་གར་འདུག་ཀྱང་། །ཇོ་བོས་མཐུ་རོགས་སྡོང་གྲོགས་གྱིས། །སྔོན་ནས་བསུས་ལ་ཕྱི་ནས་སྐྱོལ། །དཔལ་དང་གྲགས་པ་སྒྲུབ་པ་དང་། །འཁོར་དང་བསྟན་པ་སྲུང་བ་དང་། །ཆོས་དང་མཐུན་པའི་སྡོང་གྲོགས་མཛོད། །ཨོ་ཐོག་ཐོག་ཀླུ། ཨོ་བྱང་ཆུབ་ཐོག་ཐོག་གཉེན་རྒོད། ཨོ་གནམ་ཐོག་ཐོག་བཙན་རྒོད་ཛ་ཛ༔ ས་མ་ཡ་ཛ་ཛ༔ པཱུ་ཛ་ཁཱ་ཧི། ཀྱཻ། མགོན་པོ་ཡེ་བརྫུ་མཐུ་ཆེན་ནི། །ཉི་མ་ནུབ་ཏུ་སྐུ་བསྐྱོད་ཚེ། །ལས་ལ་མངག་པའི་ཕོ་ཉ་ནི། །ལྷ་རབ་ཡར་ལྷ་ཤམ་པོ་སྟེ། །འཇིག་རྟེན་ལྷ་ཡི་སྡེ་དཔོན་ཡིན། །སྐུ་མདོག་གངས་རི་དཀར་པོ་འདྲ། །ན་བཟའ་དར་དཀར་རལ་ག་གསོལ། །ཕྱག་ན་དར་མདུང་དཀར་པོ་བསྣམས། །ཆིབས་སུ་ལྷ་གཡག་དཀར་པོ་ ― CMR036_Page_0513 ―
[མ་དཔེ་གཟིགས་ན་འདིར་གནོན།]
ཆིབས། །འཁོར་དུ་སྣང་སྲིད་ལྷ་འདྲེའི་དམག །སྔོན་ན་དར་ཐོགས་པུ་རུ་རུ། །ཕྱི་ན་མདུང་ཐོགས་ཤིགས་སེ་ཤིག །ཁྱོད་ཀྱི་གཡས་ནས་ཕོ་ཉ་བ། །གེ་ཁོད་སུམ་བརྒྱ་དྲུག་ཅུ་འགྱེད། །གཡོན་ནས་ཕོ་ཉ་ལྷ་སྲིན་འགྱེད། །སུམ་བརྒྱ་དྲུག་ཅུ་ལས་ལ་འཛུད། །འདིར་གཤེགས་བཤམས་པའི་མཆོད་པ་བཞེས། །གཡུ་ཤུག་ཕྱེ་མར་གསུར་གྱིས་མཆོད། །ཁྱོད་ནི་དུས་འཁྲུག་བཏང་བའི་བདག །དུས་ཀྱི་འཁྲུག་པ་ཞི་བ་དང་། །དཀར་ཕྱོགས་ལྷ་ངོ་མཐོ་བར་མཛོད། །ཨོ་དེ་ཝི་ཨ་པཱུ་ཙ་ཁཱ་ཧི། ཀྱཻ། མགོན་པོ་མཐུ་ཆེན་ཡེ་བརྫུ་ནི། །ཉི་མ་བྱང་དུ་སྐུ་བསྐྱོད་ཚེ། །ལས་ལ་མངག་པའི་ཕོ་ཉ་ནི། །ཇོ་བོ་སྒྱོགས་ཆེན་གདོང་ར་སྟེ། །འབྲོག་གནས་མཆེད་ལྔའི་ཡ་རྒྱལ་བ། །ཐུབ་པའི་ཞལ་མཐོང་བསྟན་པ་སྲུངས། །ས་བརྒྱད་གནོན་པའི་སེམས་དཔའ་ཆེ། །ཕྱི་ནི་ཤེལ་བྲག་གངས་ཀྱི་རི། །ནང་ནི་རིན་ཆེན་གཞལ་ཡས་ཁང་། །རིན་ཆེན་པད་ཟླའི་གདན་སྟེང་ན། །སྐུ་མདོག་དམར་པོ་ཟངས་ཀྱི་མདོག །དབུ་ནི་ར་ཡི་དབུ་ཅན་ལ། །ཕྱག་གཡས་ལྕགས་ཀྱུ་རིན་ཆེན་འབར། །གཡོན་གཉིས་པད་སྡོང་བུམ་པ་བསྣམས། །ཡུམ་ནི་རྡོ་ ― CMR036_Page_0514 ―
[མ་དཔེ་གཟིགས་ན་འདིར་གནོན།]
རྗེ་ར་གདོང་མ། །གསེར་མདོག་རིན་ཆེན་ཞགས་པ་འཛིན། །ཡབ་ཡུམ་དར་དང་རིན་ཆེན་བཀླུབས། །བློན་པོ་ཐབས་ལྡན་རྒོད་ཁྲམ་དང་། །འབྲི་གཉེར་རི་ཁྱིམ་ལ་སོགས་པ། །ཁྲི་འབུམ་འཁོར་གྱི་ཚོགས་དང་བཅས། །འདིར་གཤེགས་བཤམས་པའི་མཆོད་པ་བཞེས། །གཡུ་ཤུག་ཕྱེ་མར་གསུར་གྱིས་མཆོད། །བར་ཆད་སོལ་ལ་དགོས་འདོད་བསྒྲུབ། །ཚེ་དང་དབང་ཐང་འཕེལ་བ་དང་། །གསེར་སོགས་རིན་ཆེན་དངོས་གྲུབ་སྩོལ། །ཀླུ་རྒྱལ་མི་མགོན་དཀར་པོ་ཡི། །ཕྱི་བློན་འདོར་རྒྱལ་དེས་ར་ནི། །ཀླུ་རྒྱལ་གཙུག་ན་རིན་ཆེན་ཏེ། །མཚོ་དབུས་རིན་ཆེན་གཞལ་ཡས་ན། །སྐུ་མདོག་ལྗང་གུ་ཕྱིས་སྦའི་གཟུགས། །སྦྲུལ་མགོ་བཅུ་གཅིག་གདེངས་ཀ་ཅན། །སྤྱི་གཙུག་ཡིད་བཞིན་ནོར་བའི་བརྒྱན། །སྐུ་སྨད་སྦྲུལ་འཁྱིལ་པད་ཟླར་འཁྱིལ། །བཙུན་མོ་ཀླུ་མོ་ཀུན་ཤེས་མ། །དཀར་མོ་རིན་ཆེན་རྒྱན་གྱིས་སྤྲ། །མེ་ལོང་མུ་ཏིག་ཕྲེང་བ་འཛིན། །རྒྱལ་རིགས་རྗེ་རིགས་བྲམ་ཟེའི་རིགས། །དམངས་རིགས་གདོལ་པ་ལ་སོགས་པ། །ཀླུ་ཡི་འཁོར་ཚོགས་བསམ་མི་ཁྱབ། །འདིར་གཤེགས་དཀར་གསུམ་མཆོད་པ་བཞེས། །གཡུ་ཤུག་ཕྱེ་ ― CMR036_Page_0515 ―
[མ་དཔེ་གཟིགས་ན་འདིར་གནོན།]
མར་གསུར་གྱིས་མཆོད། །ཁྱེད་ནི་ནོར་གཡང་བདག་པོ་སྟེ། །མཛོ་དང་མཛོ་མོ་འབྲི་དང་གཡག །རྟ་ལུག་ནོར་གསུམ་འཕེལ་བར་མཛོད། །ཨོཾ་ནཱ་ག་རཱ་ཙ་རཏྣ་མ་ཧཱ་ཕུཿ ཡཀྵ་དྷེ་ཝ་ཕུཿ བྷ་སུ་ཀི་ཕུཿ ནཱ་ག་རཱ་ཙ་སརྦ་ཨཱ་ཡུ་རཏྣ་པུཎེ་པུཊྚི་པུཏྟི་སི་ཏི་ས་མ་ཡ། བདག་ལ་ཚེ་རིང་བ་དང་། ནོར་གྱི་དངོས་གྲུབ་ཐམས་ཅད་ཧཱུྃ་ཧཱུྃ་སྭཱ་ཧཱ། ཧཱུྃ༔ ཀླུ་རྒྱལ་མ་གྲོས་གཟི་ཆེན་གྱི། །ཕྱི་བློན་ཁམས་ཀྱི་བྱ་ཐུལ་ཏེ། །བྱ་རྒོད་དུང་གི་ཐུ་ལུ་ཅན། །ཀླུ་ཡི་བློན་པོ་དབང་ཆེན་བསང་། །དུས་ངན་བསྐལ་པའི་ཐ་མ་ལ།མི་རྣམས་སྤྱོད་པ་ངན་པའི་དུས། །དབང་ཆེན་ཁྱོད་ཁྲོས་ཁེང་ལོག་བྱེད། །དུང་དང་ཆུ་སྲིན་འཐབས་བཅུག་པས། །འོག་གི་རྒྱ་མཚོ་ཆེན་པོ་འཁྲུགས། །ས་གཡོས་ས་ལོག་རི་ཉིལ་བཏང་། །ཁྱོད་ནི་ཁྲོས་པའི་རྟག་བསྟན་ཚེ། །འབྲུག་ནི་སར་འབབ་མཚོ་ཆུ་འཐུང་། །དུས་འཁྲུག་ཆེན་པོ་གཏོང་བར་བྱེད། །བསང་དང་མཆོད་པ་འདི་བཞེས་ལ། གལ་ཏེ་ཐུགས་ལ་ཕོག་ན་ཡང་། །དུས་འཁྲུག་ས་ལོག་མ་བཏང་ཞིག །ཡུལ་འདི་བདེ་ཞིང་སྐྱིད་པར་མཛོད། ཀྱཻ། སྒང་ལྔའི་གཙོ་བོ་སྨར་ཁམས་སྒང་། །རྨ་གཡང་ཆགས་པ་ ― CMR036_Page_0516 ―
[མ་དཔེ་གཟིགས་ན་འདིར་གནོན།]
གྲུ་གུའི་ཡུལ། །རིན་ཆེན་རི་བོ་ལྷུན་ཆགས་པ། །རྒྱབ་ཀྱི་ཕྱོགས་ནས་བལྟས་ཙམ་ན། །གསེར་སྤང་སེར་པོ་འོད་དུ་འབར། །ཟ་འོག་གུར་ཆེན་ཕུབ་པ་འདྲ། །མདུན་གྱི་ཕྱོགས་ནས་བལྟས་ཙམ་ན། །ལྷ་བྲག་དཀར་པོ་གཏེར་དགའ་བ། །མཆེད་བརྒྱད་བདེ་གཤེགས་མཆོད་རྟེན་འདྲ། །མཐའ་སྐོར་ས་གཞི་དཀྱིལ་འཁོར་དབྱིབས། །ལྗོན་ཤིང་ནགས་ཚལ་ཐིབས་སེ་ཐིབ། །སྤང་ལྗོངས་མེ་ཏོག་སྐྱེད་མོའི་ཚལ། །ན་བུན་སྤྱི་བུན་ཐུ་ལུ་ལུ། །འཇའ་སྤྲིན་ཉི་ཟླ་ཏ་ལ་ལ། །སྦྲང་ཆར་ཁུ་འཕང་སི་ལི་ལི། །བྱ་རིགས་གཤོག་གདང་ཁྲིགས་སེ་ཁྲིག །རི་དྭགས་རྩེ་ཀྱུ་པྲིངས་སེ་པྲིང་། །གཅན་གཟན་ངར་སྐད་འུ་རུ་རུ། །ཕྱི་ལྟར་བདེ་སྐྱིད་མི་ཡི་ཡུལ། །དེ་ལ་གཉུག་མར་གནས་པ་ཡི། །འཇིག་རྟེན་སྲིད་པའི་གཞི་བདག་བསང་། །ས་བདག་ཀླུ་གཉན་ཐམས་ཅད་བསང་། །ཕ་མཚུན་དགྲ་ལྷ་ཐམས་ཅད་བསང་། །བཟང་དང་བྲག་སྲིན་ཐམས་ཅད་བསང་། །སྨན་དང་རེ་བྱི་ཐམས་ཅད་བསང་། །ནང་ལྟར་རིན་ཆེན་གཞལ་ཡས་ཁང་། །གྲུ་བཞི་སྒོ་བཞི་རྟ་བབས་རྫོགས། །སྐུ་ཚབ་ཤོག་སེར་དམ་རྫ་ས་སོགས། །གུ་རུའི་ཐུགས་གཏེར་མང་པོ་ལ། ། ― CMR036_Page_0517 ―
[མ་དཔེ་གཟིགས་ན་འདིར་གནོན།]
ཆོས་སྐྱོང་ཞིང་སྐྱོང་གཏེར་སྲུང་རྣམས། །ལྷ་མིའི་ཁྲོམ་ལྟར་འདུ་འཚོགས་ཆེ། །ཞིང་སྐྱོང་སེང་གདོང་དཀར་པོ་བསང་། །རྣམ་སྲས་ཚེ་འཛིན་དཀར་པོ་བསང་།ཡེ་བརྫུ་དབལ་དཀར་མཆེད་ལྔ་བསང་། །བཀའ་འཁོར་ཆོས་སྐྱོང་ཐམས་ཅད་བསང་། །གསང་བ་མཁའ་སྤྱོད་ཆུང་ངུའི་གནས། །ས་འོག་སྐུ་ཡི་འཁོར་ལོ་སྟེ། །ཙཱ་རི་དག་པ་བི་ཡི། །གནས་ལག་ཤེལ་བྲག་དཀར་པོ་ན། །རིག་འཛིན་ཌཱ་ཀི་སྤྲིན་ལྟར་འདུ། །སྐུ་མདོག་དཀར་པོ་བུདྡྷའི་རིགས། །དབུ་རྒྱན་ཐོར་ཚུགས་ཅོད་པན་ཅན། །རུས་པའི་རྒྱན་ཆ་ཁྲ་ལ་ལ། །རིན་ཆེན་རྒྱན་ཆ་སི་ལི་ལི། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག།གསང་སྔགས་ཆོས་ཀྱི་འཁོར་ལོ་བསྐོར། །ཟག་མེད་བདེ་བའི་ཚོགས་ལ་རོལ། །གནས་ཆེན་ལྷ་བྲག་དཀར་པོ་ལ། །གནས་པའི་དཔའ་བོ་མཁའ་འགྲོ་བསང་། །རིག་འཛིན་སྲུང་མ་ཐམས་ཅད་བསང་། །བར་ཆད་སོལ་ལ་དངོས་གྲུབ་སྩོལ།ལྷ་བྲག་དཀར་པོ་མཆེད་བརྒྱད་ཀྱི། །ཕྱི་ནང་གསང་བའི་དཀྱིལ་འཁོར་ལ། །འཁོར་གཡོག་བྲན་དང་ཕོ་ཉའི་ཚོགས། །སྨར་ཁམས་ས་ཡི་དཀྱིལ་འཁོར་ལ། །གནས་པའི་ལྷ་ཀླུ་ ― CMR036_Page_0518 ―
[མ་དཔེ་གཟིགས་ན་འདིར་གནོན།]
གནོད་སྦྱིན་དང་། །དྲི་ཟ་གྲུལ་བུམ་མིའམ་ཅི། །སྲིན་པོ་ཡི་དྭགས་ཤ་ཟ་དང་། །ལྟོ་འཕྱེ་ས་བདག་ཐམས་ཅད་བསང་། །བློན་པོ་སྟག་ཐུལ་གྱོན་པ་བསང་། །རེ་ཐུལ་ཅན་གྱི་གཡོག་མོ་བསང་། །རི་རྒྱལ་རེ་ཕོ་མཆེད་བརྒྱད་ལ། །གཉུག་མར་གནས་པའི་གནས་བདག་བསང་། །གུག་རྒྱལ་ཀྲིག་རྒྱལ་སྤ་རྒྱལ་ལ། །གནས་པའི་གཞི་བདག་གཉན་པོ་བསང་། །ཀེ་རེ་ཞལ་དཀར་གཉན་པོ་བསང་། །དགེ་བཙུན་རྡོ་རྗེ་ཐོག་མེད་བསང་། །བ་དྲུག་སེང་གེའི་དབུ་ཅན་བསང་། །ཝེར་མ་རྒྱལ་བ་ལྷ་རྩེ་བསང་། །སིབ་ཀྱི་བྱིས་ཚང་གཉན་པོ་བསང་། །ནང་རིང་མདུང་རྩེའི་གཞི་བདག་བསང་། །གཡུ་ལུང་མདུང་རྩེའི་གཞི་བདག་བསང་། །ཚ་ལུང་དབེན་བྲག་དཀར་པོ་བསང་། །ཐང་འབམ་རི་བོ་ཆེན་པོ་བསང་། །ཡུལ་ལྷ་འཛའ་གཡག་སེ་བོ་བསང་། །རྨོ་རྒྱལ་སེལ་བྲག་གཉན་པོ་བསང་། །ཁྲོ་བོ་ཆེན་པོ་རྫ་འབུམ་བསང་། །ཡུལ་ལྷ་གདོང་ཞོང་དཀར་པོ་བསང་། །ཀ་རྒྱལ་ཞོ་ཚ་གཉན་པོ་བསང་། །དཔའ་རྒྱལ་འཛོམ་ར་གཉན་པོ་བསང་། །རས་བྲག་དཀར་པོའི་གཞི་བདག་བསང་། །ཀེ་རྒྱལ་ལུག་རའི་གཞི་བདག་བསང་། །ཅོག་རོའི་གཡུ་རྩེའི་ ― CMR036_Page_0519 ―
[མ་དཔེ་གཟིགས་ན་འདིར་གནོན།]
གཞི་བདག་བསང་། །དབུ་རྒྱན་བྲག་གར་གཞི་བདག་བསང་། །འོད་ཀྱི་འགའ་ར་འགར་མོ་བསང་། །མིང་དང་མཚན་ནས་མ་ཐོས་པའི། །སྨར་ཁམས་ས་བདག་ཐམས་ཅད་བསང་། །ཐམས་ཅད་མཉེས་ཤིང་ཚིམ་གྱུར་ནས། །རྨུགས་དང་འཐིབས་པ་སངས་གྱུར་ཅིག །ཉམས་དང་རྒུད་པ་སོས་གྱུར་ནས། །བདག་དང་རྒྱུ་སྦྱོར་ཡོན་བདག་གི །ཁ་འཛིན་སྡོང་གྲོགས་རྒྱབ་རྟེན་མཛོད། ཀྱཻ། སྔོན་ཚེ་སྲིད་པ་ཆགས་པའི་དུས། །སེམས་ཅན་སྨྲ་ཤེས་དོན་གོ་ལ། །ཤེད་བུ་ཤེད་བདག་ཤེད་ལས་སྐྱེས། །མི་ཡི་མིང་དེ་རིམ་པར་འགྱུར། །དེ་བཞིན་ས་མིང་ཕལ་ཆེར་འགྱུར། །དོན་གྱི་ངོ་བོ་མི་འགྱུར་ཏེ། །བླ་སྲོག་རྣམ་ཤེས་གསུམ་དུ་སྲིད། །སྲོག་དབུགས་གཤེད་མ་འདྲེ་ཡིས་ཁྱེར་། །རྣམ་ཤེས་ལས་ཀྱི་རྗེས་སུ་འབྲང་། །བླ་ནི་དུར་ས་དེ་ལ་གནས། །ཆ་ལུགས་གསོན་དུས་གཟུགས་དང་འདྲ། །དར་ཞིང་ཕྱུག་ན་མགོན་སྐྱབས་བྱེད། །རྒུད་ཅིང་དབུལ་ན་གསོན་པོ་ལ། །ཟ་རེ་འཐུང་སྐོམ་ན་ཚ་ལྡང་། །ཕྱེ་མར་བང་སོ་མཆོད་པ་དང་། །ཕ་མཚུན་མཆོད་པའི་ཆོ་ག་དར། །ཕ་མཚུན་གཉན་པོ་ཐམས་ཅད་བསང་། །ཕ་ ― CMR036_Page_0520 ―
[མ་དཔེ་གཟིགས་ན་འདིར་གནོན།]
མཚུན་ཐམས་ཅད་དགྲ་ལྷའི་འཁོར། །དགྲ་བླ་ཡོངས་ཀྱི་དད་དཔོན་ནི། །སྐུ་བླ་གསང་བ་ཞེས་བྱ་བ། །མཐུ་ཆེན་མགོན་པོ་ཡེ་བརྫུ་བསང་། །སྲིད་པ་དང་པོའི་ཡབ་དང་ཡུམ། །མཚུན་རྒན་སྨོན་མི་དབུ་ནག་བསང་། །མ་མཚུན་ཕྱུ་ལྕམ་རྒྱལ་མོ་བསང་། །ཡང་མཉེས་རྒྱལ་བུ་མཐིང་གེ་བསང་། །རྒྱ་བོད་ཧོར་གྱི་ཕ་མཚུན་བསང་། །ཕ་མཚུན་བོད་དུ་ལེན་བྱེད་པ། །འཛངས་མ་འཕྲུལ་གྱི་ཕ་མཚུན་བསང་། །རྒྱ་མི་ཁྲི་ཚོ་གཅིག་གི་དོ། །ཨ་མྱེ་ཁྲི་དོ་ཆེན་པོ་བསང་། །གཉེན་ལྕམ་ཁབ་ཏུ་བཞེས་པའི་བུ། །དབྲ་འབྲུ་གདོང་གི་ཕ་མཚུན་བསང་། །དམུ་ཟ་ཁབ་ཏུ་བཞེས་པའི་སྲས། །དམུ་ཚ་སྒ་ཡི་བུ་དགུ་བསང་། །སྲིན་ཟ་ཁབ་ཏུ་བཞེས་པའི་བུ། །དབལ་ཟླ་གཉིས་ཀྱི་ཕ་མཚུན་བསང་། །ཨ་མྱེ་ཁྲི་དོ་ཆེན་པོ་དེས། །ཡོ་མའི་རྟ་ཁྱུ་འཚོ་བའི་དུས། །བདུད་ཀྱི་ཇག་པ་རྐྱ་བདུན་བྱུང་། །ཨ་མྱེས་བདུད་ལ་རབ་མདའ་བྱས། །གཉན་གྱི་གཉན་ལྕམ་དཀར་མོ་དེ། །ཨ་མྱེ་བདུད་ཀྱིས་བསད་དོགས་ནས། །དུང་གི་སྦལ་པ་ལུག་ཙམ་སྤྲུལ། །ཨ་མྱེ་གཡས་སོང་གཡས་ནས་བཀག །ཨ་མྱེ་གཡོན་སོང་གཡོན་ནས་བཀག །ཨ་མྱེ་དེ་ཡི་ཐུགས་ཁྲོས་ནས། ། ― CMR036_Page_0521 ―
[མ་དཔེ་གཟིགས་ན་འདིར་གནོན།]
སྦལ་པ་དེ་ལ་བེར་སྒ་རྒྱབ། །སྦལ་པས་ཙི་ཁུ་ལན་གསུམ་ཤོར། །གཉན་རྒན་དེ་ཝའི་སྙན་གྱིས་གསན། །ཁོང་གི་བུ་མོ་བསད་དགོངས་ནས། །གཉན་གྱིས་དུག་མདའ་ནག་པོ་འཕང་། །ཁྲི་དོ་ཆེན་པོ་ལིང་ཏེ་བསད། །བོད་ཀྱི་མིའུ་གདོང་དྲུག་གི །ཕ་ཤ་བདུད་ལ་ལེན་པའི་ཕྱིར། །གཉན་གྱི་བེར་སྒ་འབྲུག་མགོ་གཡར། །བེར་སྒ་འབྲུག་མགོ་གནམ་དུ་གཡུག །ནམ་མཁའ་གང་བའི་ལྷ་དམག་བསྡུས། །ལྷ་དམག་ནམ་ཁའ་གང་བ་བསང་། །བེར་སྒ་འབྲུག་མགོ་བར་དུ་གཡུག །བར་སྣང་གང་བའི་གཉན་དམག་བསྡུས།། །གཉན་དམག་བར་སྣང་གང་བ་བསང་། །བེར་སྒ་འབྲུག་མགོ་ས་ལ་བརྡབ། །ས་གཞི་གང་བའི་ཀླུ་དམག་བསྡུས། །ཀླུ་དམག་ས་གཞི་གང་བ་བསང་། །དམག་དཔོན་ཨ་ལྕགས་འབྲུ་ཡི་བྱས། །ཨ་ལྕགས་འབྲུ་ཡི་དཔའ་རྒྱུད་བསང་། །བདུད་རྗེ་ཁྱབ་པ་ལག་རིང་བསད། །བདུད་ཕྲུག་མང་པོ་བྲག་ལ་བརྒྱབ། །བདུད་དམག་འདུལ་བའི་མཐུ་བོ་ཆེ། །ཕ་མཚུན་མིའུ་གདོང་དྲུག་བསང་། །གཉེན་དང་ཚ་ཞང་འདུལ་དུ་བསྡུས། །ཞང་རྒན་གཉན་རྒན་དེ་ཝ་དེས། །ཕ་སྟོང་དགྲ་བླ་དྲུག་པོ་བྱིན། །ལྡོང་ ― CMR036_Page_0522 ―
[མ་དཔེ་གཟིགས་ན་འདིར་གནོན།]
ལ་ལྡོང་ལྷ་སྨུག་པོ་བྱིན། །གཡུ་འབྲུག་ཟངས་ཀྱི་ཟེ་བ་ཅན། །མི་མངོན་ནམ་མཁའི་དབྱིངས་ན་འདུག །ལྡོང་རིགས་སྲིད་པའི་དགྲ་བླ་ཡིན། །འདིར་གཤེགས་བཤམས་པའི་མཆོད་པ་བཞེས། །སུར་ཤུག་ཕྱེ་མར་གསུར་གྱི་མཆོད། །དགྲ་བླ་མི་དང་མ་བྲལ་ཅིག །འགྲུ་ལ་འགྲུ་མོ་ཕྲོམ་ཕྲོམ་བྱིན། །བྱ་ཁྲ་གནམ་ལྕགས་མཆུ་སྡེར་ཅན། །གོང་ཁ་འགྲིམ་ཞིང་འགྲུ་བླ་ཉུལ། །འགྲུ་རིགས་སྲིད་པའི་དགྲ་བླ་ཡིན། །འདིར་གཤེགས་བཤམས་པའི་མཆོད་པ་བཞེས། །སུར་ཤུག་ཕྱེ་མར་གསུར་གྱི་མཆོད། །དགྲ་བླ་མི་དང་མ་བྲལ་ཅིག །དབྲ་ལ་དབྲ་མོ་དབྲ་དཀར་བྱིན། །དུང་གཡག་གཡུ་ཡི་རྭ་ཅོ་ཅན། །རྫ་རི་འགྲིམ་ཞིང་དབྲ་བླ་སྲུངས། །དབྲ་རིགས་སྲིད་པའི་དགྲ་བླ་ཡིན། །འདིར་གཤེགས་བཤམས་པའི་མཆོད་པ་བཞེས། །སུར་ཤུག་ཕྱེ་མར་གསུར་གྱི་མཆོད། །དགྲ་བླ་མི་དང་མ་བྲལ་ཅིག །སྒྲ་ལ་ས་མོ་ལེགས་ཕྲོམ་བྱིན། །མཚལ་སྟག་གཡུ་ཡི་རི་མོ་ཅན། ། ནགས་གསེབ་འགྲིམ་ཞིང་སྒ་བླ་སྲུངས། །སྒོ་རིགས་སྲིད་པའི་དགྲ་བླ་ཡིན། །འདིར་གཤེགས་བཤམས་པའི་མཆོད་པ་བཞེས། །སུར་ཤུག་ཕྱེ་མར་གསུར་གྱི་མཆོད། །དགྲ་བླ་ ― CMR036_Page_0523 ―
[མ་དཔེ་གཟིགས་ན་འདིར་གནོན།]
མི་དང་མ་བྲལ་ཅིག །དབའ་ལ་ཤེལ་གྱི་ར་སྐྱེས་བྱིན། །ར་མདུད་སྐར་ཁུང་གསུམ་རྩེག་ལ། །ཉི་མ་ཟླ་བ་སྐར་མ་འཆར། །མེ་འབར་རླུང་འཚུབ་ཚྭ་ཚྭ་འཕྲོ།ཨོག་ཙོམ་སྤུ་རྩིད་ཞོམས་སེ་ཞོམ། །དབའ་རིགས་སྲིད་པའི་དགྲ་བླ་ཡིན། །འདིར་གཤེགས་བཤམས་པའི་མཆོད་པ་བཞེས། །སུར་ཤུག་ཕྱེ་མར་གསུར་གྱི་མཆོད། །དགྲ་བླ་མི་དང་མ་བྲལ་ཅིག །དུང་གི་ཁྱི་མོ་དཀར་མོ་དེ། །ནུ་བོ་ཟླ་ལ་བྱིན་པ་ལ། །ཕ་སྟོང་ཆུང་ཟེར་ཁྲོས་ནག་འཁྱམས། །འཚམས་གཞུང་སྨར་ཁམས་ས་རུ་ཆག །དུད་ནི་འབུམ་ཕྲག་ཞེ་དགུ་ཆགས། །དེ་ནས་ཞང་པོའི་ཕ་སྟོང་བསྣན། །དགྲ་བླ་མཚལ་སྟག་དམར་པོ་བྱིན།།རྔམ་ཆེན་བྲག་དཀར་མཚལ་བཀྲ་ཡིན། འདིར་གཤེགས་བཤམས་པའི་མཆོད་པ་བཞེས།སུར་ཤུག་ཕྱེ་མར་གསུར་གྱི་མཆོད། །དགྲ་བླ་མི་དང་མ་བྲལ་ཅིག །གཞན་ཡང་བྲག་དཀར་མཚལ་བཀྲ་ཡིན། །གནས་པའི་ཡ་མཚུན་དྲག་རྩལ་ཅན། །རཱ་ཛ་གཟི་བརྗིད་ཟིལ་ཆགས་པ། །སྐུ་ལ་རལ་དགུ་སྔོན་པོའི་སྟེང་། །འགག་དཀར་བེར་ཐུལ་ལྷུག་པ་གྱོན། །ཞབས་ལ་ཕྲུག་ལྷམ་སྔོན་པོ་གྱོན། །དར་མདུང་མང་པོའི་མགུལ་པ་ ― CMR036_Page_0524 ―
[མ་དཔེ་གཟིགས་ན་འདིར་གནོན།]
བརྒྱན། །ལག་ན་དུང་གི་ཕྲེང་བ་བསྒྲོན། །སྟོབས་ལྡན་རཱ་ཛ་ཨ་མོ་གྷ། །འདིར་བྱོན་བཤམས་པའི་མཆོད་པ་བཞེས། །སུར་ཤུག་ཕྱེ་མར་གསུར་གྱི་མཆོད། །དགྲ་བླ་མི་དང་མ་བྲལ་ཅིག །རིགས་རྒྱུད་བུ་རྒྱུད་ཐམས་ཅད་ལ། །ཁ་འཛིན་སྡོང་གྲོགས་མ་གཡེལ་ཅིག །མཐུ་དང་ནུས་པ་ཅི་འདུག་ལྟ། ཀྱཻ། གཞན་ཡང་བསངས་ཤིང་མཆོད་པའི་ལྷ། །མེད་ལ་ཡོད་སྲིའི་དགྲ་བླ་བསང་། །སྟོང་ལ་གང་བྱེད་དགྲ་བླ་བསང་། །འབྱུང་བ་རླུང་གི་དགྲ་བླ་བསང་། །སྨོན་པའི་རྫི་རླུང་འཕྱོ་བ་བསང་། །འོད་ཟེར་མི་རྟ་བཅོ་བརྒྱད་བསང་། །ཕྱི་མར་ཆགས་པའི་དགྲ་བླ་བསང་། །ཡེ་ནས་སྲིད་པའི་དགྲ་བླ་བསང་། །སྲིད་པ་ཆགས་པའི་དགྲ་བླ་བསང་། །སྨོན་པ་འགྲུབ་པའི་དགྲ་བླ་བསང་།གནམ་ས་ཆགས་པའི་དགྲ་བླ་བསང་། །རང་ལ་ཡོད་པའི་དགྲ་བླ་བསང་། །རོགས་ཀྱི་འགོ་བའི་དགྲ་བླ་བསང་། །བཟང་བྱེད་ཡག་བྱེད་དགྲ་བླ་བསང་། །ཕ་མྱེས་དར་བའི་དགྲ་བླ་བསང་། །མ་ཕྱི་སྨན་གྱི་དགྲ་བླ་བསང་། །གླིང་བཞི་དར་བའི་དགྲ་བླ་བསང་། །དཔའ་རྩལ་ཆེ་བའི་དགྲ་བླ་བསང་། །མྱུར་འགྱོགས་ཆེ་བའི་དགྲ་བླ་བསང་། །ཕྱི་ ― CMR036_Page_0525 ―
[མ་དཔེ་གཟིགས་ན་འདིར་གནོན།]
རབས་རྒྱུད་ཀྱི་དགྲ་བླ་བསང་། །དམུ་རབས་རྒྱུད་ཀྱི་དགྲ་བླ་བསང་། །གཙུག་རབས་རྒྱུད་ཀྱི་དགྲ་བླ་བསང་། །དགྲ་ལ་རྒྱུག་པའི་དགྲ་བླ་བསང་། །དགྲ་བླ་གྲ་མ་མཆེད་བརྒྱད་བསང་། །སྐྱེས་ཟིན་དགྲ་བླ་སྤུན་གསུམ་བསང་། ཀྱཻ། དགུང་ལ་ཉི་མ་ཤར་བ་བཞིན། །དགྲ་བླ་མི་དང་མི་བྲལ་ཅིག །དགུང་དང་གཡུ་འབྲུག་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །གངས་ལ་སེང་ལྕམ་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །ནགས་དང་རྒྱ་སྟག་འགྲོགས་པ་བཞིན། །དགྲ་བླ་མི་དང་ལྷོམ་བྲལ་ཅིག །རྫོགས་དང་འབྲོང་གཡག་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །ཕུབ་དང་རྔ་ཞོལ་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །ཁྲབ་དང་རྒྱབ་དར་འགྲོགས་པ་བཞིན། །རྨོག་དང་དར་འཕྲུ་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །ཉ་དང་རྒྱ་མཚོ་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །བྱ་དང་འདབ་མ་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །ལུས་དངགྲིབ་མ་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །གཞུ་དང་གཞུ་རྒྱུད་འགྲོགས་པ་བཞིན། ། ― CMR036_Page_0526 ―
[མ་དཔེ་གཟིགས་ན་འདིར་གནོན།]
དགྲ་བླ་མི་དང་མ་བྲལ་ཅིག །མདའ་དང་མདེའུ་འགྲོགས་པ་བཞིན། །དགྲ་བླ་མི་དང་མ་བྲལ་ཅིག །བསངས་དང་མཆོད་པ་འདི་བཞེས་ལ། །གོ་མཚོན་སྣ་དགུ་དགྲ་བླའི་རྟེན་ལ་དགྲ་བླ་བརྟན་པར་བཞུགས། ཀྱཻ། སྨར་ཁམས་ཀེ་རིའི་སྒང་ཟུར་གཡས། །མདོ་ཁམས་སྒང་པའི་འགྲིམ་རོལ་གཡོན། །ཟངས་རི་འབར་བའི་རྩེ་མཐོ་བ། །གཟི་བརྗིད་ཟིལ་ཆགས་ལྟར་མི་བཟོད། །རྫ་སྤང་སེར་པོ་ལམས་སེ་ལམ། །གཡུ་ཡི་ནེའུ་སིང་ཀྱི་ལི་ལི། །ཤེལ་གྱི་ཆུ་མིག་ཤ་ར་ར། །ལྗོན་ཤིང་ནགས་ཚལ་ཐིབས་སེ་ཐིབ། །ཤ་དགོ་ན་སུམ་རུ་གདོང་འཁྲིགས། །དཔའ་རྩལ་ཆེ་བའི་དགྲ་བསང་། །མྱུར་འགྱོགས་ཆེ་བའི་དགྲ་བླ་བསང་། །ཕྱི་རབས་རྒྱུད་ཀྱི་དགྲ་བླ་བསང་། །དམུ་རབས་རྒྱུད་ཀྱི་དགྲ་བླ་བསང་། །གཙུག་རབསརྒྱུད་ཀྱི་དགྲ་བླ་བསང་། །དགྲ་ལ་རྒྱུག་པའི་དགྲ་བླ་བསང་། །དགྲ་བླ་གྲ་མ་མཆེད་བརྒྱད་བསང་། །སྐྱེས་ཟིན་དགྲ་བླ་སྤྱན་གསུམ་བསང་། ཀྱཻ༔ དགུང་ལ་ཉི་མ་ཤར་བ་བཞིན། །དགྲ་བླ་མི་དང་མ་འབྲལ་ཅིག །དགུང་དང་གཡུ་འབྲུག་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །གངས་ལ་སེང་ལྕམ་ ― CMR036_Page_0527 ―
[མ་དཔེ་གཟིགས་ན་འདིར་གནོན།]
འགྲོགས་པ་བཞིན། །ནགས་དང་རྒྱ་སྟག་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །རྫ་དང་འབྲོང་གཡག་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །ཕུབ་དང་རྔ་ཞོལ་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །ཁྲབ་དང་རྒྱབ་དར་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །རྨོག་དང་།དར་འཕྲུ་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །ཉ་དང་རྒྱ་མཚོ་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །བྱ་དང་འདབ་མ་འགྲོགས་པ་བཞིན།དགྲ་བླ་མི་དང་མ་འབྲལ་ཅིག །ལུས་དང་གྲིབ་མ་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །གཞུ་དང་གྲོ་ག་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །མདའ་དང་མདེའུ་འགྲོགས་པ་བཞིན། །དགྲ་བླ་མི་དང་མ་འབྲལ་ཅིག །བསངས་དང་མཆོད་པ་འདི་བཞེས་ལ། །གོ་མཚོན་སྣ་དགུ་དགྲ་བླའི་རྟེན། །རྟེན་ལ་དགྲ་བླ་བརྟན་པར་བཞུགས། ཀྱཻ། སྨར་ཁམས་ཀེ་རེའི་སྒང་ཟུར་གཡས། །མདོ་ཁམས་སྒང་པའི་འགྲིམ་རོལ་གཡོན། །ཟངས་རི་འབར་བའི་རྩེ་མཐོ་བ། །གཟི་བརྗིད་ཟིལ་ཆགས་ལྟར་ ― CMR036_Page_0528 ―
[མ་དཔེ་གཟིགས་ན་འདིར་གནོན།]
མི་བཟོད། །རྫ་སྤང་སེར་པོ་ལམས་སེ་ལམ། །གཡུ་ཡི་ནེའུ་སིང་ཀྱི་ལི་ལི། །ཤེལ་གྱི་ཆུ་མིག་ཤ་ར་ར། །ལྗོན་ཤིང་ནགས་ཚལ་ཐིབས་སེ་ཐིབ། །ཤ་དགོ་རྣ་གསུམ་རུ་གདོང་འཁྲིགས། །གདུག་པའི་གཅན་གཟན་ངར་སྐད་སྒྲོག །ཤ་གཟན་བྱ་ཚོགས་ལྡེང་ཞིང་འཇུམ། །སྟེང་ན་གདུག་པའི་སྤྲིན་ནག་འཁྲིགས། །བསྐལ་པའི་འབྲུག་སྒྲ་ལྡི་རི་རི། དྲག་པོའི་གློག་དམར་ཚུབས་སེ་ཚུབ། །གནམ་ལྕགས་སེར་ཆེན་ཤ་ར་ར། །རླུང་ནག་འཚུབ་མ་ཀྱི་ལི་ལི། །རང་བྱུང་གྲུ་གསུམ་འབར་བའི་དབུས། །རང་སྣང་ཡིད་ལས་གྲུབ་པ་ཡི། །ཟངས་ལྕགས་འདྲེས་པའི་སྐུ་མཁར་ན། །འདོད་ཡོན་ལོངས་སྤྱོད་བསམ་མི་ཁྱབ། །དེ་འདྲའི་གནས་ཀྱི་མངའ་བདག་ནི། །ཞི་བའི་མིང་ལ་དྲག་པོའི་སྐུ། །སྐུ་མདོག་དམར་ལ་སྨུག་པའི་མདངས། །སྨ་ར་སྨིན་མ་ཁམ་སེར་འཁྱིལ། །སྤྱན་གསུམ་དཀར་ཆེན་ཤར་བ་འདྲ། །དུང་སོ་དཀར་པོ་འཁྲིགས་པ་ལ། །འཛུམ་པའི་བཞད་མདངས་ཡ་ལ་ལ། །དབུ་ལ་སྟག་ཞུ་ཁྲ་མོ་ལ། །བྱ་རྒོད་ལྡེམ་དར་པུ་རུ་རུ། །སྐུ་ལ་ཟ་འོག་བེར་ཆེན་ལ། །དཔའ་བོ་སྟག་གི་ངོ་ལག་ཅན། །དབྱི་བསམ་མཛེས་པའི་མུ་རན་ལ། །འཇའ་ ― CMR036_Page_0529 ―
[མ་དཔེ་གཟིགས་ན་འདིར་གནོན།]
ཚོན་སྣ་ལྔའི་སིབ་མ་ཅན། །ཕྱག་གཡས་དར་མདུང་དམར་པོ་ཕྱར། །གཡོན་པས་བཙན་གྱི་ཤྭ་རྡེལ་འདྲིལ། །བཙན་ཞགས་དམར་པོ་གྲུ་ལ་བཀོན། །སྟག་རལ་གཡས་ལ་གཟིག་ཤུབས་གཡོན། །ཡ་ཚ་དཀར་ཕྲན་གློག་ལྟར་འཁྱུག །ཆིབས་སུ་མཚལ་བུ་སྟེང་དཀར་ཆིབས། །སྟག་སྒྲ་ཁྲ་བོ་ཝངས་སེ་ཝང་། །གསེར་སྲབ་གཡུ་མཐུར་སྤྲིངས་སེ་སྤྲིང་། །མུ་མན་གོང་སྨད་ཁྱུགས་སེ་ཁྱུག །དངུལ་དཀར་ཡོབ་ཆེན་ཁྲ་ལ་ལ། །དགེ་བསྙེན་ཞི་བ་རྒྱལ་མཚན་ཁྱོད། །འདིར་གཤེགས་བཤམས་པའི་མཆོད་པ་བཞེས། །སུར་ཤུག་ཕྱེ་མར་དུད་པས་བསང་། །ལྕམ་ཅིག་བཙན་གྱི་སྨན་མོ་ནི། །དཀར་ལ་དམར་མདངས་མཛེས་འཛུམ་ཞལ། །རིན་ཆེན་རྒྱན་ཆ་སི་ལི་ལི། །སྣ་ཚོགས་མཛེས་པའི་ན་བཟའི་སྟེང་། །རས་དཀར་མཛེས་པའི་གོ་ཟུ་གསོལ། །མེ་ཏོག་དམར་པོའི་ཆོ་ལོ་རིས། །ཕྱག་ན་མདའ་དར་མེ་ལོང་འཛིན། །ཆིབས་སུ་ཤ་བ་ཡུ་མོ་ལ། །དུང་གི་མགུལ་རྒྱན་སྒ་སྲབ་ཅན། །འཁོར་གྱི་སྨན་ཕྲན་མང་པོ་ཡང་། །སྦ་གླིང་སྨྱུག་གླིང་ཀྱུ་རུ་རུ། །སྨན་གྱི་བྲོ་ར་སྒོ་རོ་རོ། །འདིར་གཤེགས་བཤམས་པའི་མཆོད་པ་བཞེས། ། ― CMR036_Page_0530 ―
[མ་དཔེ་གཟིགས་ན་འདིར་གནོན།]
སུར་ཤུག་ཕྱེ་མར་དུད་པས་བསང་། །འཁོར་གྱི་བཙན་ཕྲན་མང་པོ་རྣམས། །སྐྱེས་བུ་དར་མ་ཆས་བཟང་ལ། །བསེ་ལྕགས་ཟངས་ཀྱི་ཁྲབ་རྨོག་གསོལ། །སྟག་རལ་གཟིག་ཤུབས་ཆོ་ལོ་རིས། །མཆོག་དཀར་གཞུ་མོ་གྲུ་ལ་བཀོན། །བཙན་མདའ་སྟོང་དམར་ལག་ན་བསིལ། །བཙན་རྟ་རྒྱུག་དང་སྤྲེངས་སེ་སྤྲེང་། །བཤུག་སྒྲ་སིལ་ཆོམ་དི་རི་རི།གླུ་དང་བསྭ་སྒྲ་ལྷངས་སེ་ལྷང་། །འདིར་གཤེགས་བཤམས་པའི་མཆོད་པ་བཞེས། །སུར་ཤུག་ཕྱེ་མར་དུད་པས་བསང་། །བཙན་རྒོད་དགེ་བསྙེན་དྲག་རྩལ་ཅན། །བརྒྱ་ཚོགས་སྟོང་ཚོགས་དབུས་ན་འགྱིང་། །ཁྲི་འགྲོའི་འབུམ་འགྲོའི་སྣ་ལ་རྒྱུག །མང་པོ་འདུས་ན་ཁ་དབང་ཆེ། །ཉུང་ངུ་འདུས་ན་ཁས་བཙན་པོ། །བཙན་རྒོད་ཞི་བ་རྒྱལ་མཚན་ཁྱོད་། །བསང་དང་མཆོད་པ་འདི་དག་བཞེས། །སྔོན་ཚེ་པདྨ་འབྱུང་གནས་དང་། །བར་དུ་གཤེན་སྒོམ་ར་ཐུལ་ཅན། །དེ་རྗེས་རང་བྱུང་རྡོ་རྗེ་ཡི། །སྤྱན་སྔར་ཁས་བླངས་དམ་བཅས་ལྟར། །སངས་རྒྱས་བསྟན་པ་བསྲུང་བ་དང་། །བདག་ཅག་རྣམས་ཀྱི་ཁ་འཛིན་དང་། །སྡོང་གྲོགས་རྒྱབ་རྟེན་དཔུང་གཉེན་མཛོད། །བསམ་པ་ཡིད་བཞིན་འགྲུབ་ ― CMR036_Page_0531 ―
[མ་དཔེ་གཟིགས་ན་འདིར་གནོན།]
པ་དང་། བཀྲ་ཤིས་བདེ་ལེགས་མཛད་དུ་གསོལ། ཀྱཻ། དེ་རིང་བསང་དང་མཆོད་པ་འདིས། །དུད་པ་གནམ་དུ་སོང་བ་ཡི། །ལྷ་སྲུང་རྨུགས་པ་ཐམས་ཅད་སོས། །མི་གཙང་གྲིབ་ཀྱི་ཕོག་པ་སོས། །ཕོག་ཐུག་ཉམས་པ་སྦྱང་དུ་གསོལ། །མེ་སྟག་བར་དུ་འཕྲོས་པ་ཡི། །འབག་རྩོག་གྲིབ་ཀྱི་ཕོག་པ་སོལ། །དམ་ཚིག་ཉམས་པའི་གྲིབ་ཀུན་སོལ། །མེ་ལྕེ་ས་ལ་འཁྱིལ་བ་ཡི། །ཐབ་བཞོག་དམེ་ཡུག་གྲིབ་རྣམས་སོལ། །བྱིང་འཐིབ་དམུ་གབ་ཐམས་ཅད་སོལ། །ན་ཚ་གོད་ཁ་མ་བཏང་ཞིག །བཙའ་པད་སེར་བ་མ་བཏང་ཞིག །འཁྲུག་རྩོད་གླེང་གཞི་བཏང་ཞིག །ཡག་དང་སྤྱོད་ལ་ཉེས་དང་བསྣོལ། །དམག་དཔོན་ཇག་དཔོན་ཚོང་དཔོན་མཛོད། །འགྲོ་འདུག་དུས་སུ་བསུ་སྐྱེལ་མཛོད། །ཡོ་བ་བསང་ལ་ཆད་པ་མཐུད། །གཉིད་ན་སློང་ལ་བརྗེད་ན་བསྐུལ། །བརྒྱ་ཡི་ནང་ནས་གཟི་མདངས་སྐྱེད། །སྟོང་གི་ནང་ནས་དཔའ་གཡེལ་བྱིན། །ཀུན་གྱི་ནང་ནས་སྲུང་མའི་སྐྱོབས། །ལེགས་ཁ་རྒྱལ་ཁ་ཐོབ་པ་དང་། །ཕ་ཕྱོགས་གར་འགྲོ་གར་འདུག་ཀྱང་། །བཀྲ་ཤིས་བདེ་ལེགས་ཕུན་ཚོགས་མཛོད། །དངོས་གཞི་བསང་གི་ལེའུ་ ― CMR036_Page_0532 ―
[མ་དཔེ་གཟིགས་ན་འདིར་གནོན།]
གསུམ་པའོ། །གོང་གི་འདོད་གསོལ་སོ་སོར་ཚང་། །ཁ་འཛིན་དེ་ཡི་ནང་དུ་འཐུས། །བསང་ཆེན་ཡིན་ན་བདུ་ཡེས་ཟླག །ཐབ་བསང་ཐུན་བསང་ལ་སོགས་ལ། །བཅའ་གཞི་མི་དགོས་འདོན་པས་འཐུས། །མགྲོན་རྣམས་ཀུན་གྱི་དངོས་གྲུབ་ནི། །རིན་ཆེན་ཆར་པ་འབེབས་པར་དམིགས། ཀྱཻ། ཁུ་ཡེ་ཁུ་ལྡན་ཁུ་བསྐྱོད་ཅིག །ཕུ་སྐོར་གཡང་སྐོར་ཀྱི་ལི་ལི། །ཕྱུ་ཆ་གཡང་ཆ་སྒ་ར་ར། །འཆི་མེད་པདྨའི་ཚེ་གཡང་དེ། །ཁུ་ཡེ་ཕྱུ་དང་གཡང་དུ་ལེན། །རིག་འཛིན་རྣམས་ཀྱི་བྱིན་རླབས་དེ། །ཁུ་ཡེ་ཕྱྭ་དང་གཡང་དུ་ལེན། །ཡི་དམ་རྣམས་ཀྱི་དངོས་གྲུབ་དེ། །ཁུ་ཡེ་ཕྱྭ་དང་གཡང་དུ་ལེན། །དཔའ་བོ་ཌཱཀྐིའི་རྫུ་འཕྲུལ་དེ། །ཁུ་ཡེ་ཕྱྭ་དང་གཡང་དུ་ལེན། །སེང་གདོང་ཡབ་ཡུམ་གཉིས་བརྗེད་དེ། །ཁུ་ཡེ་ཕྱྭ་དང་གཡང་དུ་ལེན། །རྣམ་ཐོས་སྲས་ཀྱི་དཔལ་འབྱོར་དེ། །ཁུ་ཡེ་ཕྱྭ་དང་གཡང་དུ་ལེན། །ནོར་རྒྱུན་མ་ཡི་ནོར་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །ལྷ་མོ་དཔལ་ཆེན་འབྲུ་གཡང་དེ།། །ཁུ་ཡེ་ཕྱྭ་དང་གཡང་དུ་ལེན།ཀུ་ཝེ་ར་ཡི་རྟ་གཡང་དེ། །ཁུ་ཡེ་ཕྱུ་དང་གཡང་དུ་ལེན། །གང་བ་བཟང་པོའི་ལུག་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །མི་མགོན་དཀར་པོའི་མི་ཡི་གཡང་དེ། །ཁུ་ཡེ་ ― CMR036_Page_0533 ―
[མ་དཔེ་གཟིགས་ན་འདིར་གནོན།]
ཕྱ་དང་གཡང་དུ་ལེན། །གཉན་ཆེན་སྤོམ་རའི་རྨ་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །ཡེ་བརྫུ་མཆེད་ལྔའི་དྲག་རྩལ་དེ། །ཁུ་ཡེ་ཕྱྭ་དང་གཡང་དུ་ལེན། །སྨུག་པོ་གདོང་གི་ཆེ་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །ཨ་ལྕག་འབྲུ་ཡི་དཔའ་གཡང་དེ། །ཁུ་ཡེ་ཕྱ་དང་གཡང་དུ་ལེན། །ཝ་ཁྱུང་དབྲ་ཡི་ཕྱུགས་གཡང་དེ། །ཁུ་ཡེ་ཕྱུ་དང་གཡང་དུ་ལེན། །དམུ་ཚ་སྒ་ཡི་བཙུན་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །གོ་ཁྲབ་བཙན་པོའི་བཙན་གཡང་དེ། །ཁུ་ཡེ་ཕྱྭ་དང་གཡང་དུ་ལེན།བུ་རྟ་མགྱོགས་པའི་མགྱོན་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །ཟད་མེད་གཡང་དང་དངོས་གྲུབ་ཀུན། །ཕྱུ་ཧཱུྃ་གཡང་ཧཱུྃ་བདེ་ཆེན་སྐྱིད་པ་ཧཱུྃ།་བསང་ཆེན་ཡིན་ན་མཆོད་པ་བརྒྱ་། །མིན་ནི་རང་གར་འདོན་པས་འཐུས། ཨོཾ། བསང་མགྲོན་ཀུན་ལ་མཆོད་ཅིང་བསྟོད། །མཆོད་རྗེས་འབག་རྩོག་འགལ་འཁྲུལ་བཤགས། །ཡེ་ཤེས་པ་རྣམས་དབྱིང་སུ་གཤེགས་། །འཇིག་རྟེན་པ་རྣམས་རང་གནས་གཤེགས། བློ་བུར་ལྷག་པའི་འབྱུང་པོ་རྣམས། །མགུ་བར་གྱིས་ལ་གཞན་དུ་སོང་། །བཛྲ་མུ་གཙྩ་གཙྩ༔ རང་ཉིད་རྡོ་རྗེ་གྲོ་ ― CMR036_Page_0534 ―
[མ་དཔེ་གཟིགས་ན་འདིར་གནོན།]
ལོད་ཀྱང་། །མཐའ་ནས་དབུས་ཡལ་སྟོད་པ་ཉིད། །བརྗེད་མེད་སྤྲོས་བྲལ་རྗེན་པར་བུད། །བསང་མཆོད་བྱས་པའི་བསོད་ནམས་ཀྱིས། །ཚེ་འདིར་ཚེ་རིང་མེད་ཅིང་། །ཕྱི་མ་བདེ་ཆེན་ཞིང་ཁམས་སུ། །བརྫུས་སྐྱེས་སྤྲུལ་སྐུ་ཐོབ་པར་ཤོག །བཀྲ་ཤིས་གསུམ་གྱི་བཀྲ་ཤིས་པ། །དཀོན་མཆོག་གསུམ་གྱི་བཀྲ་ཤིས་ཤོག །བཀྲ་ཤིས་བཞི་ཡི་བཀྲ་ཤིས་པ། །ལས་བཞི་འགྲུབ་པའི་བཀྲ་ཤིས་ཤོག །བཀྲ་ཤིས་ལྔ་ཡི་བཀྲ་ཤིས་པ། །རྒྱལ་པ་རིགས་ལྔའི་བཀྲ་ཤིས་ཤོག །བཀྲ་ཤིས་དཔལ་འབར་འཛམ་གླིང་རྒྱན། །འཛམ་གླིང་རྒྱན་པའི་བཀྲ་ཤིས་ཤོག །མངྒ་ལཾ་བྷ་ཝནྟ་སྭཱ་ཧཱ། །ཞེས་པ་འདི་ནི་གྲག་སེང་ལྷ་ཐོག་དཔོན། །ཀརྨ་ཚེ་བརྟན་ཞེས་བྱས་ནན་གྱིས་བསྐུལ། །འོན་ཀྱང་མངོན་ཤེས་སྤྱན་དང་མི་ལྡན་ཕྱིར། །ལྷ་ཀླུ་གཞི་བདག་དངོས་སུ་མཐོང་ལ་མྱོང་། །མ་མཐོང་བར་སྨྲས་ན་ཚུལ་ཁྲིམས་ཉམས། །རྒྱུད་བཤད་གནས་ཡིག་ཆོས་འབྱུང་ཡིག་ཚང་དངོས། །འཇམ་དབྱང་པད་འབྱུང་མ་གཅིག་ལབ་སྒྲོན་གསུངས། །འཁྲུལ་མེད་ཁུངས་བཙུན་རྣམས་ལ་དཔང་པོ་བྱས། །རང་ཉིད་འཁྲུལ་པའི་རྨི་ལམ་དང་བསྟུན་ནས། །ལྕགས་ཕོ་ཕག་ལོ་རྒྱལ་གྱི་ཟླ་བ་ལ། །ཚེས་ལྔ་སྔོན་མ་ནས་བཟུང་ཉི་མ་བཞིར། །རཱ་ག་ཨ་སྱས་ངག་ནས་སྨོས་པ་ལྟར། །ལྷ་ཐོག་རུས་རིགས་ཐོབ་པའི་དགེ་སློང་ནི། །དགེ་བའི་མིང་ཅན་དེ་ ― CMR036_Page_0535 ―
[མ་དཔེ་གཟིགས་ན་འདིར་གནོན།]
ཡིས་ཡི་གེར་བཀོད། །ཉེས་འགལ་མཆིས་ན་ཆོས་སྐྱོང་སྲུང་མར་བཤགས། །བསོད་ནམས་ཚོགས་རྫོགས་བསམ་པ་ལྷུན་གྲུབ་ཤོག །བསང་མགྲོན་གོ་རིམ་འཁྲུགས་མེད་བསྡུས་པ་འདི། །བསྟན་པའི་བྱུང་ཚུལ་བབ་དང་བསྟུན་པ་ཡིན། །ཐོ་བསྲེ་ཤིང་བསྲེ་ལེགས་དགོངས་ན་ཡང་། །མི་རྒན་འཆོལ་གཏམ་ཡིག་པས་ཐུགས་མ་ཁྲེལ། །ཉི་ནག་ཟིན་ཕུད་མེད་དུད་སོལ་གསུམ་ལ། །བསངས་བྱས་བར་སྣང་ལྷ་བྲན་ཐམས་ཅད་ལ། །ལན་ཆགས་རྣང་མ་བྱུང་བས་ཉེས་པ་ཆེ། །ཚེས་གཅིག་བསངས་བྱས་དམེ་ངོ་གྲིབ་ངོ་གདོང་། །ཚེས་དགུ་ཉེར་དགུ་བསངས་བྱས་གཉན་རིགས་འཁྲུག །ཞེ་དྲུག་ཉེར་དྲུག་བཅུ་དྲུག་རྣམས་ལ་ནི། །རི་མགོར་བསང་བྱས་ཞིང་ལྷ་མི་དགྱེས་པས། །ལོ་ཏོག་མི་ལེགས་སྐྱོན་དུ་གྱུར་པ་ཡིན། །དེ་མིན་ནམ་འདོད་བསང་ནི་རུང་བ་སྟེ། །རྒྱུན་དུ་ཆག་མེད་ལ་ནི་བརྩི་སྲོལ་མེད། །བསང་བརྒྱ་བཏང་ངམ་རྒྱུན་བསང་དབུ་འཛུགས་ནས། །སྐར་སྐྱོན་མེད་ཅིང་གཟའ་སྐར་བཟང་བ་གཅེས། །རྗེས་ཆོག་བརྩམ་དོན་ཞལ་གདམས་དང་བཅས་པའི། །བསང་ཡིག་ལེའུ་བཞི་པ་ཡོངས་སུ་ཚར། །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །སརྦ་མངྒ་ལཾ།། ཤུ་བྷཾ། བྷ་ཝནྟུ། ཛཱ་ཡ་ཛཱ་ཡ་སུ་ཛཱ་ཡ་ཨེ་མ་ཧོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། |