མཁས་གྲུབ་ཀརྨ་ཆགས་མེད་ཀྱི་གསུང་འབུམ།

མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ཉི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

གཏོ་མཁན་ཀུན་གྱི་སྔོན་འགྲོའི་གསོལ་འདེབས་ཐར་པའི་སྒྲོན་མེ་མཚན་ཐོས་ཕ་རོལ་རྒོལ་འཇོམས།

― CMR038_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོ་མཁན་ཀུན་གྱི་སྔོན་འགྲོའི་གསོལ་འདེབས་ཐར་པའི་སྒྲོན་མེ་མཚན་ཐོས་ཕ་རོལ་རྒོལ་འཇོམས་བཞུགས་སོ།།

― CMR038_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེ་མ་ཧོ༔ ཆོས་སྐུ་ཀུན་བཟང་དྲུག་པ་རྡོ་རྗེ་འཆང་། །སྟོན་པ་རྡོར་སེམས་བཅོམ་ལྡན་ཤཱཀྱ་ཐུབ། །དགྲ་བཅོམ་འཕགས་པའི་གནས་བརྟན་ཉེ་སྲས་བརྒྱད། །ཕྱོགས་བཅུའི་སངས་རྒྱས་རྒྱལ་སྲས་བཅས་རྣམས་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །དགའ་རབ་ཤྲཱི་སེང་བི་མ་པདྨ་འབྱུང་། །མགོན་པོ་ཀླུ་སྒྲུབ་ཐོགས་མེད་རྒྱན་དྲུག་དང་། །ཏེ་ལོ་ནཱ་རོ་ལུ་ཧི་ཌ་བྷི་པ། །ས་ར་ཧ་སོགས་གྲུབ་བརྙེས་རྗེ་འབངས་གྲོགས། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །མར་པ་མི་ལ་ཆོས་རྗེ་སྒམ་པོ་པ། །པཀྴི་རང་བྱུང་རྡོ་རྗེ་གཡུང་

― CMR038_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་ཞབས། །འབྲི་སྟག་འབྲུག་པ་ཆེ་བཞི་ཆུང་བརྒྱད་ཀྱི། །ཕྱག་ཆེན་བརྒྱུད་པའི་བླ་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །སོ་ཟུར་གནུབས་དང་རོང་ཟོམ་ཆོས་བཟང་དང་། །དམ་གཙང་བྱམས་གསུམ་ཀློང་ཆེན་རབ་འབྱམས་དང་། །པདྨ་དབང་རྒྱལ་གཏེར་བདག་གླིང་པ་སོགས། །རྫོགས་ཆེན་བརྒྱུད་པའི་བླ་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །ཟབ་གཏེར་མངའ་བདག་སངས་རྒྱས་བླ་མ་དང་། །ཉང་རལ་ཆོས་དབང་གླིང་པ་བཅུ་གཅིག་ཞབས། །དྲི་མེད་སྡེ་ལྔ་མི་

― CMR038_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་རྡོ་རྗེ་སོགས། །ཟབ་མོ་གཏེར་བརྒྱུད་བླ་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །ཇོ་བོ་རྗེ་དང་འབྲོམ་སྟོན་གླང་ཐང་པ། །འབན་དང་པོ་ཏོ་འཆད་ཁ་ཁ་རག་དང་། །ཙོང་ཁ་པ་དང་རྒྱལ་ཚབ་མཁས་གྲུབ་རྗེ། །ལམ་རིམ་བརྒྱུད་པའི་བླ་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །རྡོ་རྗེ་འཆང་དངོས་བླ་ཆེན་སྙིང་པོའི་ཞབས། །བསོད་ནམས་རྩེ་མོ་གྲགས་པ་རྒྱལ་མཚན་དང་། །ས་པཎ་འཕགས་པ་ཀུན་དགའ་བཟང་པོ་སོགས། །ལམ་འབྲས་བརྒྱུད་པའི་བླ་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །ཡུམ་ཆེན་ཤཱཀ་ཐུབ་སྨྲ་སེང་སྒྲོལ་མ་དང་། །སུ་ཁ་སིདྡྷི་ཨརྱ་དེ་བ་རྗེ། །དམ་པ་སངས་རྒྱས་མ་གཅིག་ལབ་ཀྱི་སྒྲོན། །ཐོད་སྨྱོན་བསམ་འགྲུབ་རྒྱལ་བ་དོན་གྲུབ་སོགས། །གཅོད་ཡུལ་བརྒྱུད་པའི་བླ་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །ལྷ་ལུང་དཔལ་རྡོར་ར་ལོ་རྡོ་རྗེ་གྲགས། །རོང་སྟོན་ལྷ་དགའ་གཡུང་སྟོན་ཁྲོ་རྒྱལ་དང་། །དུམ་པ་ཞང་ཁྲོ་ཁུ་ལུང་ཡོན་ཏན་མགོན། །དྲག་སྔགས་གྲུབ་

― CMR038_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

བརྙེས་བླ་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །དུས་འཁོར་གསང་འདུས་འཇིགས་བྱེད་འཁོར་ལོ་སྡོམ། །ཡཱ་དགྲ་ནག་གདོང་དྲུག་གཤེད། །མི་གཡོ་གཤིན་རྗེ་རྟ་མགྲིན་བདུད་རྩི་འཁྱིལ། །སྒྲུབ་པ་བཀའ་བརྒྱད་སྒྱུ་འཕྲུལ་ཞི་ཁྲོའི་ཚོགས། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །མགོན་པོ་ཕྱག་བཞི་ཕྱག་དྲུག་གུར་མགོན་དང་། །བེང་དམར་བེར་ནག་ཅན་དང་ཨ་གྷོ་ར། །བདེ་ཆེན་ཞིང་སྐྱོང་དུར་བདག་ཡབ་ཡུམ་སོགས། །མགོན་པོ་ཕོ་རྒྱུད་དམ་ཅན་ཆོས་སྐྱོང་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །ཨེ་ཀ་ཛཱ་ཊི་ལྷ་མོ་རེ་མ་ཏི། །ཚེ་རིང་མཆེད་ལྔ་ཨ་ཕྱི་གཡུ་སྒྲོན་མ། །ཁ་རག་ཁྱུང་བཙུན་བརྟན་མ་བཅུ་གཉིས་སོགས། །ལྷ་མོ་མོ་རྒྱུད་སྲུང་མ་ཐམས་ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །བྱ་རྒོད་སྤུང་རི་མཆོད་རྟེན་རྣམ་དག་དྲུང་། །ཙཱ་རི་གངས་རི་རོང་བཙན་ཁ་བ་དཀར། །རི་བོ་རྩེ་ལྔ་ལྷ་ས་བསམ་ཡས་དང་། །བལ་ཡུལ་མཆོད་རྟེན་སྲས་མཁར་དགུ་ཐོག་སོགས། །འཛམ་གླིང་གནས་ཆེན་སྒྲུབ་གནས་ཐམས་

― CMR038_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ལ། །གསོལ་བཏབ་ཐུགས་རྗེས་བདག་གཞན་བར་ཆད་སོལ། །ལྷ་ཀླུ་གནོད་སྦྱིན་ཕྱོགས་སྐྱོང་རྒྱལ་ཆེན་བཞི། །མགུར་ལྷ་བཅུ་གསུམ་དགེ་བསྙེན་ཉེར་གཅིག་དང་། །བརྟན་མ་བཅུ་གཉིས་གངས་ལྗོངས་ཡུལ་གཞིའི་བདག །དཀར་ཕྱོགས་སྐྱོང་ཞིང་ནག་ཕྱོགས་འདུལ་བ་དང་། །གསོལ་བཏབ་ཐུགས་རྗེས་གྲོགས་དན་ཕྲིན་ལས་མཛོད། །ཁམས་གསུམ་དབང་དུ་འདུ་བའི་ཕྲིན་ལས་མཛོད། །སྲིད་གསུམ་ཟིལ་གྱིས་གནོན་པའི་ཕྲིན་ལས་མཛོད། །ནད་ཡམས་དུས་འཁྲུགས་ཟློག་པའི་ཕྲིན་ལས་མཛོད། །གདོན་བགེགས་བར་ཆད་འདུལ་བའི་ཕྲིན་ལས་མཛོད། །བསམ་སྦྱོར་ལོག་པའི་དགྲ་བགེགས་ཟློག་སྒྱུར་མཛོད། །རྒྱལ་ཁམས་ཆོས་ལ་བསྒྱུར་ཞིང་དབང་དུ་འདུས། །ཕ་རོལ་དགྲ་བགེགས་བརླག་བྱང་ཆུབ་ལམ་ལ་བཀོད་ནུས་ཤོག །འགྲོ་དོན་མཐར་ཕྱིན་འཇའ་ལུས་འགྲུབ་པར་ཤོག །ཅེས་གནམ་ཆོས་ཀྱི་གཏེར་ཁ་སྙན་བརྒྱུད་ཟབ་མོའི་ཆ་ལག་གྲུབ་མཐའ་རིས་མེད་ཀྱི་གསོལ་འདེབས་ཐར་པའི་སྒྲོན་མེ་བར་

― CMR038_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་གདོན་འདུལ་ཕ་རོལ་རྒོལ་འཇོམས་འདི་གཏོ་མཁན་རང་གི་ནུས་སྲུང་ཡིན་པའི་ཕྱི་རབས་རྣམས་ནས་བཅོས་བསླད་མི་བྱ་བར་རང་སོར་བཞག་པར་ཞུ། གསུམ་སྲུང་མར་བཤགས། །དགེ་བས་འགྲོ་བ་ཀུན་ལ་གནས་སྐབས་དང་། །མཐར་ཐུག་ཕན་བདེའི་དགའ་སྟོན་རྒྱས་བྱེད་ཤོག །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་མདོས་འབུམ་ལ་ཉེ་བར་མཁོ་བའི་བདག་བསྐྱེད།

― CMR038_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་མདོས་འབུམ་ལ་ཉེ་བར་མཁོ་བའི་བདག་བསྐྱེད་ནི། མདུན་རྟེན་ཆུ་གཉིས་ཉེར་སྤྱོད་གང་དགོས་བཤམས། སྐྱབས་སེམས་ནི། སངས་རྒྱས་ཆོས་དང་ཚོགས། སོགས་ལན་གསུམ་དང་། སེམས་ཅན་ཐམས་ཅད་བདེ་བ་དང་། སོགས་ལན་གསུམ། ཨོཾ་སྭ་བྷ་ཝས་སྟོང་པར་སྦྱངས་ལ། སྟོང་པའི་ངང་ལས་སྐད་ཅིག་གིས། །པཾ་ལས་པདྨ་ཨ་ལས་ཟླ་བ་ཡི། །སྟེང་དུ་རང་རིག་ཡི་གེ་དྷིཿ །དམར་སེར་ཚེག་དྲག་ལྡན་པ་ལས། །འོད་འཕྲོས་འཕགས་པའི་ཚོགས་ལ་མཆོད། །སེམས་ཅན་དོན་བྱས་ཚུར་འདུས་པས། །རང་ཉིད་འཇམ་དཔལ་གཞོན་ནུར་གྱུར། །སྐུ་མདོག་དམར་སེར་ཞལ་གཅིག་པ། །ཕྱག་གཉིས་གཡས་པས་ཤེས་རབ་ཀྱི། །རལ་གྲི་ཕྱར་ཐབས་གཡོན་མེ་ཏོག །ཨུཏྤལ་འདབ་མ་སྙན་བྱེའི་སྟེང་། །སྟོང་ཕྲག་བརྒྱ་པའི་གླེགས་བམ་བསྣམས། །ཞབས་གཉིས་སྐྱིལ་མོ་ཀྲུང་གིས་བཞུགས། །དར་དང་རིན་ཆེན་རྒྱན་སྤྲས་པའི། །དཔྲལ་བར་ཨོཾ་ལ་མགྲིན་པར་ཨཱ། །ཐུགས་ཀར་ཧཱུྃ་སྔོན་འོད་འཕྲོས་པས། །སེམས་ཅན་ཡོངས་ཀྱི་མ་རིག་བསལ། །ཤེས་རབ་ཡེ་ཤེས་སྣང་བ་རྒྱས། །འོད་ཟེར་ཚུར་འདུས་རང་ལ་ཐིམ། །མཆོག་ཐུན་དངོས་གྲུབ་ཐོབ་པར་

― CMR038_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར། །ཅེས་བཟླས་པ་ནི། ན་མོ་མཉྫ་ཤྲི་ཡེ་ཀུ་མཱ་རཱ་བྷུ་ཏཱ་ཡ་བྷྱོ་དྷི་སཏྭ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ར་ཛེ་བི་ར་ཛེ་ཤུདྡྷེ་བི་ཤུདྡྷེ་ཤོ་དྷ་ཡ། བི་ཤོ་དྷ་ཡ། ཨ་མ་ལེ། བི་མ་ལེ། ནིརྨ་ལེ། ཛ་ཡ་ཝ་རེ་རུ་རུ་ཙ་ལེ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཞེས་དང་། ཨོཾ་ཨ་ར་པ་ཙ་ན་དྷི༔ སོགས་བཟླས་མཐར། ཨརྱ་མཉྫ་བྲི་ཨནྡྷཾ་སོགས་ཀྱིས་མཆོད། །གཞོན་ནུ་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་ཏུ་བརྒྱན། །འཇིག་རྟེན་གསུམ་གྱི་མུན་སེལ་བ། །འཇམ་དཔལ་དབྱངས་ལ་ཕྱག་འཚལ་བསྟོད། །འདི་བསྒྲུབས་པ་ལས་བྱུང་བ་ཡི། །དགེ་བ་བདག་གིས་གང་ཐོབ་པ། །དེས་ནི་སྐྱེ་བོ་ཐམས་ཅད་ཀྱིས། །བདེ་གཤེགས་ཤེས་རབ་ཐོབ་པར་ཤོག །ཅེས་ཕྲིན་ལས་བཅོལ་ལོ། །དགེའོ།། །།

མདོས་འབུམ་བྱིན་རླབས།

― CMR038_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཉིད་བཅོམ་ལྡན་ཤཱཀྱ་ཐུབ། །ཕྱག་རྒྱའི་ཡི་གེ་ཨ་དཀར་ལས། །འོད་འཕྲོས་གཏོར་རྫས་དངོས་འཛིན་གྱི། །དྲི་མ་སྦྱངས་ནས་སྟོང་པར་གྱུར། །ཐལ་མོ་ཁོང་སྟོང་སྦྱར་ལ། ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷཱ་བ་ཤུདྡྷོཉཧཾ། ལན་གསུམ་བཟླས་བཞིན་ཕྱག་རྒྱ་བཀྲོལ་ནས་སེ་གོལ་གཏོགས་པ་ཕྱི་མ་རྣམས་ལའང་འགྲེ། ཆོས་ཉིད་རྣམ་དག་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་ཀྱི། །འབག་བཙོག་ཉམས་གྲིབ་ཉེས་སྐྱོན་དང་། །མཚན་འཛིན་དྲི་མ་དག་གྱུར་ཅིག །བདག་ཉིད་བཅོམ་ལྡན་རྣམ་སྣང་མཛད། །ཕྱག་རྒྱའི་ཡི་གེ་ཁཾ་སྔོན་ལས། །འོད་འཕྲོས་གཏོར་རྫས་ཟད་མེད་མཛོད། །ནམ་མཁའི་ཁམས་ཀུན་ཁྱབ་པར་གྱུར། །ཐལ་མོ་སྦུབ་སྟོང་གིས་སྦྱར་བའི་ཚིག་བར་པ་རྣམས་བཅག་པ་རིན་ཆེན་སྒྲོམ་བུའི་ཕྱག་རྒྱ་སྨིན་བལ་མཚམས་སུ་བསྐོར་ཞིང་། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏྠ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ནམ་མཁའ་མཛོད་ཀྱི་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་རྣམས། །བསྐལ་པའི་བར་དུ་ཟད་མི་ཤེས། །རྒྱ་ཆེ་ནམ་མཁའ་གང་གྱུར་ཅིག །བདག་ཉིད་བཅོམ་ལྡན་བདུད་རྩི་འཁྱིལ། །ཕྱག་རྒྱའི་ཡི་གེ་ཧྲིདམར་ལས།

― CMR038_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་འཕྲོས་གཏོར་རྫས་ཡེ་ཤེས་ཀྱི། །བདུད་རྩི་ཆེན་པོའི་རང་བཞིན་གྱུར། །མཐེ་བོང་བསྣོལ་སོར་མོ་གཞན་རྣམས་གཤོག་པ་ལྟར་གདེངས་པ་ཁ་ཡི་ཐད་དུ་བཞག་ལ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། བདུད་རྩི་ཐབས་སྦྱོར་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་རྣམས། །བདུད་རྩི་ཡེ་ཤེས་ལྔ་ཡི་དངོས། །འཆི་གསོས་དུག་ལྔའི་སྨན་གྱུར་ཅིག །བདག་ཉིད་བཅོམ་ལྡན་རིན་ཆེན་འབྱུང་། །ཕྱག་རྒྱའི་ཡི་གེ་ཧཱུྃ་སེར་ལས། །འོད་འཕྲོས་གཏོར་རྫས་འདོད་ཡོན་ལྔ། །སོ་སོའི་མོས་པ་ཇི་བཞིན་གྱུར། །ལག་གཉིས་མཛུབ་མོ་བསྒྲེངས་པའི་ཁུ་ཚུར་གཡོན་སྙིང་གར་བཞག་ལ། གཡས་བརྐྱངས་ཏེ་རྫས་ལ་གཏོད་པའི་ཚུལ་བྱས་ལ། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། རྒྱ་ཆེན་ཤུགས་ལྡན་ཕྱག་རྒྱ་སྔོགས། །ཏིང་འཛིན་བདེན་པས་གཏོར་རྫ་ས་རྣམས། །དབང་པོའི་སྤྱོད་ཡུལ་ཚིམ་བྱེད་པའི། །འདོད་ཡོན་སྣ་ཚོགས་ཆར་འབེབས་ཤོག །བདག་ཉིད་བཅོམ་ལྡན་དོན་ཡོད་གྲུབ། །ཕྱག་རྒྱའི་ཡི་གེ་ཧ་ལྗང་ལས། །འོད་འཕྲོས་མཆོག་དམན་སྐལ་པ་བཞིན། །འཐབ་རྩོད་མེད་པར་ཐོབ་པར་གྱུར། །ལག་གཡས་རྡོ་རྗེ་ཁུ་ཚུར་སྙིང་ཁར་བཅངས། གོ་ལྡོག་པའང་སྣང་་་་གཡོན་པ་མཆོད་སྦྱིན་གྱི་ཕྱག་

― CMR038_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་སྣོད་འདེགས་པའི་ཚུལ་བྱས་ལ། ཨོཾ་ཛྙཱ་ན་ཨ་བ་ལོ་ཀི་ཏེ་ས་མནྟ་སྤ་ར་ཎ་རསྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུྃ། ཡེ་ཤེས་སྐར་མདའི་ཕྱག་རྒྱ་སྔགས། །ཏིང་འཛིན་བདེན་པས་མགྲོན་རྣམས་ཀུན། །ཕམ་རྒྱལ་འཁྲུག་རྩོད་མེད་པར་ཐོབ། །དགྱེས་ཤིང་རེ་བ་གང་གྱུར་ཅིག །བདག་ཉིད་བཅོམ་ལྡན་རྡོ་རྗེ་འཛིན། །ཕྱག་རྒྱའི་ཡི་གེ་ཛདམར་ལས། །འོད་འཕྲོས་མགྲོན་རྣམས་དབང་དུ་འདུས། །ཕྲིན་ལས་གང་འདོད་སྒྲུབ་པར་གྱུར། །ལག་གཉིས་སོར་མོ་ནང་དུ་བསྣོལ་བའི་ཁུ་ཚུར་ངོས་མཐེ་བོང་གཉིས་གཤིབས་ཏེ་བརྐྱང་པ་སྤྱི་བོར་བསྐོར་ཏེ། ན་མཿས་མནྟ་བུདྡྷཱ་ནཾ་གྲ་ཧེ་ཤྭ་རི་པྲ་བྷ་ཛྷོ་ཏི་ནི་མ་ཧཱ་ས་མ་ཡ་སྭཱ་ཧཱ། དབང་སྒྱུར་འཁོར་ལོའི་ཕྱག་རྒྱ་སྔགས། །ཏིང་འཛིན་བདེན་པས་མགྲོན་རིགས་ཀུན། །བདག་གི་དབང་འདུས་གང་བཅོལ་ལས། །སྒྲུབ་པའི་སྡོང་གྲོགས་མཛད་གྱུར་ཅིག །མཐར། ན་མོ་བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་དང་། །ལན་ཆགས་མགྲོན་རྣམས་བརྔན་པ་དང་། །སེམས་ཅན་འདོད་པས་ཚིམ་པ་དང་། །དོན་རྣམས་གང་དག་བསམ་

― CMR038_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོགས་པ་མེད་པ་འབྱུང་གྱུར་ཅིག །ཅེས་བདེན་པའི་སྟོབས་ཀྱིས་བྱིན་གྱིས་བརླབ་བོ། ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་ལོ། །དཀོན་མཆོག་བདེན་པའི་བྱིན་རླབས་ཀྱིས། །བར་སྣང་ཁམས་ཀྱང་འགུགས་བྱེད་ན། །ལུས་ཅན་རྣམས་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །འདིར་ནི་གནོད་བྱེད་དགུག་ཏུ་གསོལ། །

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་ཆོས་སྐོར་ལས་ཉེ་བར་མཁོ་བའི་གཏོ་འབུམ་དྲུག་ཅུ་རྩ་གཉིས་ཕན་བདེའི་རྒྱ་མཚོ།

― CMR038_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་ཆོས་སྐོར་ལས་ཉེ་བར་མཁོ་བའི་གཏོ་འབུམ་དྲུག་ཅུ་རྩ་གཉིས་ཕན་བདེའི་རྒྱ་མཚོ་བཞུགས་སོ།།

― CMR038_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀི་ཤྭ་ར་ཡེ། གནམ་ཆོས་ཐུགས་ཀྱི་གཏེར་ཁ་ལས། །སྙན་བརྒྱུད་ཟབ་མོའི་ཆ་ལག་གི །ཉེ་བར་མཁོ་བའི་གཏོ་འབུམ་ནི། །ཐོག་མར་གསོལ་འདེབས་སྐྱབས་སེམས་བྱ། །ན་མོ། དཀོན་མཆོག་གསུམ་དང་རྩ་བ་གསུམ། །སྐྱབས་གནས་རྣམས་ལ་སྐྱབས་སུ་མཆི། །འགྲོ་ཀུན་སངས་རྒྱས་ལ་འགོད་ཕྱིར། །བྱང་ཆུབ་མཆོག་ཏུ་སེམས་བསྐྱེད་དོ། །ལན་གསུམ་བྱ། བདག་བསྐྱེད་བྱ། གླུད་མདོས་གང་ཡིན་དམིགས་ལ་མཆོད་སྦྱིན་སྦྱང་སྤེལ་བྱ། ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷཱ་ཝས་སྦྱངས་ལ། སྟོང་པའི་ངང་ལས་ཧཱུྃ་ཡིག་ཡོངས་གྱུར་པའི། །རིན་ཆེན་སྣོད་མཆོག་རྒྱ་ཆེའི་ནང་དུ་ནི། །ཡིད་འོང་

― CMR038_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་ལྡན་ངར་གྱི་མི་བོ་ཆེ། །ཁམས་དང་སྐྱེ་མཆེད་དབང་པོ་རྣམ་ལྔ་ཚང་། །རེ་རེ་ལ་ཡང་བརྒྱ་སྟོང་གྲངས་མེད་གྱུར། །འདོད་ཡོན་ལྔ་ལྡན་ལོངས་སྤྱོད་ཟད་མེད་པས། །རང་རང་མཁོ་དགུའི་དཔལ་དང་ལྡན་པར་གྱུར། །བདེ་གཤེགས་རིན་ཆེན་མང་དང་གཟུགས་མཛེས་པ། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །ཨོཾ་ན་མཿསརྦ་ཏ་ཐཱ་ག་ཏེ་བྷྱོ༴ སོགས་ལན་གསུམ་བརྗོད། རྒྱས་པར་གྲུབ་ན། བདག་ཉིད་བཅོམ་ལྡན་ཤཱཀྱ་སོགས་གཞན་ནས་འབྱུང་བ་ལྟར་བརྗོད། བསྡུ་ན་དཀྱུས་བཞིན་བྱ། ཨོཾ་ན་མ་སརྦ་སོགས་ནས། སཾ་བྷ་ར་ཧཱུྃ༴ གྲངས་གང་འགྲུབ་ཀྱི་

― CMR038_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར། ན་མོ། བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །ལན་ཆགས་མགྲོན་རྣམས་བརྔན་པ་དང་། །སེམས་ཅན་ཀུན་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོགས་པ་མེད་པར་འབྱུང་གྱུར་ཅིག །ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་ལོ། །དཀོན་མཆོག་བདེན་པའི་བྱིན་རླབས་ཀྱིས། །བར་སྣང་ཁམས་ཀྱང་འགུགས་བྱེད་ན། །ལུས་ཅན་རྣམས་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །འདིར་ནི་གནོད་བྱེད་དགུག་ཏུ་གསོལ། །བདེན་སྟོབས་བརྗོད་ལ། ན་མོ། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་ཀྱི་བཀའ་བདེན་པ་དང་། བདེན་པ་ཆེན་པོའི་མཐུས། བདག་ཅག་མི་ནོར་བསྲུང་བྱ་ཐམས་ཅད་ལ་གནོད་ཅིང་འཚེ་བར་བྱེད་པའི་ཅེས་གླུད་

― CMR038_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཡིན་ཁ་བསྒྱུར་བྱ། གླུད་ཀྱི་གཏོར་མ་ལེན་པའི་ཆེད་དུ་འདིར་མཆིས་པར་གྱུར་ཅིག །ཊཱཀྐི་ཧཱུྃ་ཛ༔ ལན་གསུམ་བརྗོད་མཐར། དཀོན་མཆོག་རྩ་གསུམ་རབ་འབྱམས་བདེན་སྟོབས་ཀྱིས། །འདྲེ་ལྟོགས་གཤེད་འཁྱམས་གནོད་སྦྱིན་མི་མ་ཡིན། །བདག་ཅག་མི་ནོར་བསྲུང་བྱ་ཐམས་ཅད་ལ། །འཚེ་བར་བྱེད་པ་གང་ཡིན་མིང་སོ་སོར་སྨོས་ལ། མ་ལུས་པ། །ས་འོག་ས་སྟེང་ས་བླར་གར་གནས་ཀྱང་། །དམིགས་པའི་གླུད་གཟུགས་འདི་ལ་དབྱེར་མེད་གྱུར། །ལན་གསུམ་བརྗོད་མཐར་གཏོ་གཞུང་གང་ཡིན་སྦྱར། ༈ ༡༽ དེ་ཡང་སྒེར་མདོས་སོ་སོའི་བཅའ་ཐབས་དང་འདོན་བྱ་གཉིས་ལས། དང་པོ་སྤར་ཁའི་སྤྱི་མདོས་བསྡུས་པ་བཅའ་ཐབས་ལ། དམར་གཏོར་གཅིག་ལ་གཏོར་ཆུང་བརྒྱད་ཀྱིས་བསྐོར། མཐེབ་སྐྱུ་འབྲུ་སྣ་དར་ཟབ་ཆངས་བུས་བསྐོར།ཧཱུྃ། ཕྱོགས་བཞི་མཚམས་བརྒྱད་སྟེང་འོག་བཅུ། །ལ་གནས་སྡེ་བརྒྱད་འབྱུང་པོའི་ཚོགས། །ས་ཆུ་མེ་རླུང་འབྱུང་བ་བཞིའི། །ལོ་སྐོར་བཅུ་གཉིས་གཟའ་ཆེན་བརྒྱད། །སྤར་བརྒྱད་སྨེ་དགུའི་དགྲ་དང་གཤེད། །ལོ་ཟླ་ཞག་དུས་རྒྱུ་བའི་བདུད། །འདོད་ཡོན་གླུད་མདོས་འདི་བཞེས་ལ། །དགྲ་གཤེད་བདུན་ཟུར་རྩུབ་པ་ཟློག །བཟློག་ཅིག་སྒྱུར་རོ་ས་མ་ཡ། །

― CMR038_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གནམ་ལོའི་བདུན་ཟུར་ཕྱོགས་སུ་ཕུལ་ལོ།། ༈ ༢༽ སྡོང་པོ་རྒྱན་མདོས་བསྡུས་པ་ནི། ངར་མི་ནག་པོ་ཞིག་ལ་དཀར་གཏོར་བཞིས་བསྐོར། འབྲུ་སྣ་ཆངས་བུ་ཟས་སྣ་མར་མེ་བཞག །ངར་མིའི་སྟེང་དུ་རྩྭ་ཐུར་ཉེར་གཅིག་བཙུགས། རྩ་ལ་བལ་ཚོན་དར་ཟབ་སྣ་ཚོགས་ཀྱིས་བརྒྱན། རི་བོང་རིལ་མ་དགུ་དང་། ཝ་ཤུལ་ནང་དུ་ཆུ་བླུགས་ལ་རིལ་མ་དགུ་པོ་ཆུའི་ནང་དུ་འཕང་ལ་སྔོན་དུ་བཞག ཀྱཻ། གནམ་ས་གླིང་བཞི་སྲིད་པ་གསུམ། །འབྱུང་བ་བཞི་ལས་གྲུབ་པའི་བདུད། །ཁམས་གསུམ་འཁོར་བའི་འདྲེ་བོ་ཆེ། །ལྷ་བདུད་འབྱུང་པོའི་རྒྱལ་པོ་ཆེ། །འཇག་མ་རྩྭ་ཡི་བརྟན་མཁར་འཛུགས། །རི་བོང་རིལ་མ་གྲོགས་སུ་བཅོལ། །ཝ་ཆུ་མཐུན་རྫས་འདི་ཁྱེར་ལ། །བསྐལ་པ་ཆགས་འཇིག་མ་སྟོང་བར། །ཚེ་རབས་ཐོགས་མ་མེད་པ་ནས། །བསགས་པའི་ལན་ཆགས་བུ་ལོན་བྱང་། ནད་གདོན་རླུང་མཁྲིས་བད་ཀན་སོལ། །ཕྱི་ནང་བར་ཆད་བཟློག་ཅིང་སྒྱུར། །ཅེས་མཁར་རྩེའམ་རི་མཐོ་སར་ཕུལ།། ༈ ༣༽ མཚོ་སྨན་གུར་མདོས་བསྡུས་པ་ནི། དཀར་གཏོར་འདབ་བརྒྱད་ཀླུ་སྨན་འབྲུ་སྣ་དར་ཟབ་བརྒྱན་པ་བཤམས། ཀྱཻ། མགུར་ལྷ་བརྟན་མ་ཕྱོགས་སྐྱོང་བཅུ། །ས་བདག་དབང་ཆེན་བརྟན་མ་དང་། །དགེ་བསྙེན་ཉེར་གཅིག་ཀླུ་ཆེན་བརྒྱད། །དྲི་ཟ་འབྱུང་པོ་མི་མ་

― CMR038_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །གནས་པའི་རི་བྲག་ལྗོན་ཤིང་མཚོ། །གང་དག་ཇི་སྙེད་གནས་པའི་ཚོགས། །མཆོད་སྦྱིན་གཏོར་མ་འདི་འབུལ་ལོ། །ལོ་ཕྱུག་འབྲུ་འཕེལ་རྐང་བཞི། སྲུངས། །ལེགས་ཚོགས་དགེ་མཚན་དེང་འདིར་སྩོལ། །ཅེས་གཏོར་མ་ཆུ་མིག་ཕྱོགས་སུ་འབུལ་ལོ།། ༈ ༤༽ སྡེ་བརྒྱད་ཁེང་མདོས་བསྡུས་པ་ནི། གླང་ཆེན་སྟེང་དུ་དཀར་གཏོར་འབྲུ་སྣ་དར་ཚོན་རྒྱན་པ་བཞག །ཀྱཻ། ཀླུ་རྒྱལ་འཁོར་བཅས་ཀླུ་ཆེན་བརྒྱད། །གཟའ་ཀླུ་རྒྱལ་བཙན་གཤིན་རྗེ་མ་མོའི་ཚོགས། །གླང་ཆེན་རབ་བསྟན་དར་ཚོན་འབྲུ་སྣ་འབུལ། །དལ་ཡམས་སྡེ་བརྒྱད་ཁེང་ལོག་གནོད་པ་ཟློག །ནད་མཚོན་མུ་གེའི་བསྐལ་པ་ཞི་གྱུར་ཅིག །ལེགས་ཚོགས་ལྷུན་གྲུབ་ཕྲིན་ལས་ཐོགས་མེད་མཛོད། །ཅེས་རི་བྲག་ཆུ་མིག་ཏུ་འབུལ་ལོ།། ༈ ༥༽ རྒྱལ་མགྱོགས་བསྡུས་པ་ལ། མཁར་ཐབས་གྲུ་བཞིའི་སྟེང་དུ་དམར་གཏོར་ལྔ། དེ་ལ་དར་ཟབ་འབྲུ་སྣ་གསེར་སྐྱེམས་བཤམས། ཧཱུྃ། སྔོན་ཚེ་རྒྱལ་བ་རིགས་ལྔ་པདྨ་འབྱུང་། །ཐ་ཚིག་སྲུང་མ་ཆོས་སྐྱོང་རྒྱལ་པོ་ཆེ། །སྐུ་ལྔ་འཁོར་ཚོགས་སྤྲུལ་པ་ཡང་སྤྲུལ་བཅས། །གཏོར་མ་འདི་བཞེས་ཕྲིན་ལས་ཐོགས་མེད་སྒྲུབས། །གནོད་འཚེ་འཁུ་ལྡོག་ཡམས་ནད་སྨྱོ་འབོགས་ཟློག །

― CMR038_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་རྟེན་དཀོར་ཁང་བསམ་ཡས་ཚོང་དུས་གླིང་། །རང་རང་གར་བཞུགས་གནས་སུ་གཤེགས་པར་ཞུ། །ལྕགས་སྡིག་མགོ་དགུས་རྒྱལ་འགོང་བརླག་པར་མཛོད། །ཅེས་ཚ་ཁང་ངམ་གསས་མཁར་རྒྱ་མཁར་ཕྱོགས་སུ་ཕུལ་ལོ།། ༈ ༦༽ འདྲེ་མོ་རྫ་མདོས་བསྡུས་པ་ནི། བུད་མེད་ཁྱི་ནག་ཞོན་པ་གཅིག་ལ་དམར་གཏོར་དགུས་བསྐོར། རྫ་ལུང་ཐེ་ཁེ་རེ་དུམ་ཐལ་སྣ་དགུ་འཛོམ་བཞག །ཟས་སྣ་ཆངས་བུ་ཤ་དུམ་མར་མེ་སོགས་སྔོན་ལ་བཤམས། ཀྱཻ། སྲིད་གསུམ་ཕུང་བྱེད་སྨན་མོ་ཁྱོད། །ཁམས་གསུམ་འདྲེ་མོ་དགུ་འཁོར་བཅས། །བུ་ལོན་སྙོག་པའི་ལན་ཆགས་བདུད། །མི་ནོར་ལས་ལྷག་ཚུལོངས་སྤྱོད་བསྔོ། །བསམ་སྦྱོར་ལོག་པ་ཀུན་ཞི་ཤོག །རྫ་ལུང་ཐེ་དགུ་ཆངས་བུ་བསྔོ། །མི་ནོར་ཡམས་ནད་འཚེ་བ་ཟློག །ཅེས་ལུང་གསུམ་མདོ་ལ་བསྐྱལ་ལོ།། ༈ ༧༽ བཙན་མདོས་བསྡུས་པ་ནི། མཁར་ཐབས་སྟེང་དུ་དམར་གཏོར་དགུ། །དར་དམར་ཤ་ཁྲག་འབྲུ་སྣས་བརྒྱན།། ཀྱཻ། ལྗོན་ཤིང་བྲག་རི་པདྨའི་ཚལ། །ཁམས་གསུམ་སྐྱེ་འགྲོ་སྲོག་གི་བདག །འབར་བ་སྤྱན་དགུ་ལྷ་འདྲེའི་ཚོགས། །ཀླུ་བདུད་དགེ་བསྙེན་བཙན་དམག་འབུམ། །འཁོར་ཚོགས་ཕོ་ཉར་བཅས་རྣམས་ལ། །མཁར་ཐབས་བཤོས་བུ་ཤ་ཁྲག་འབུལ། །རིམས་ནད་སྨྱོ་འབོག་མ།

― CMR038_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོང་ཞིག །མི་ནོར་བཙན་གྱི་གནོད་པ་ཟློག །ཅེས་རི་མཐོ་བྲག་དམར་རྩེ་ལ་ཕུལ། ༈ ༨༽ ཀླུ་མདོས་བསྡུས་པ་ནི། ངར་མི་སྦྲུལ་མགོ་རུས་སྦལ་ཞོན་པ་ལ་ཆུ་གནས་སྣ་ཚོགས་ཀྱིས་བསྐོར་བའི་མདུན་ལ་ཀླུ་སྨན་འབྲུ་སྣ་ཆངས་བུ་མར་མེ་བཅས་བཞག་ལ། ཀྱཻ། ཡིད་འོང་ལྗོན་ཤིང་ཆུ་མིག་མཚོ། །རིན་ཆེན་རི་རབ་གནས་པའི་ཀླུ། །ཀླུ་ཆེན་བརྒྱད་དང་བྲམ་ཟེའི་རིགས། །ཁ་མིག་སྟོང་དང་འདབ་མ་ཅན། །གཉུག་མར་གནས་པའི་ཀླུ་རིགས་ཀུན། །ངར་མི་མཆོད་སྦྱིན་འདོད་ཡོན་ཚོགས། །འདི་བཞེས་བདག་ཅག་ལོངས་སྤྱོད་སྩོལ། །རྨ་གཉན་སྐྲང་ལྷོག་ཀླུ་གདོན་སོལ། །ཅེས་ཆུ་མིག་གམ་ཆུ་བོ་རྒྱུན་བབས་ཕྱོགས་སུ་ཕུལ་ལོ།། ༈ ༩༽ ཡུལ་ལྷ་སྤྱི་མདོས་བསྡུས་པ་ནི། དཀར་གཏོར་གཅིག་ལ་གཡག་ལུག་ར་གསུམ་བསྐོར་བ་དང་། དར་སྣ་འབྲུ་སྣ་གསེར་སྐྱེམས་བཤམས་ཤུལ། ཀྱཻ། ཡུལ་ལ་གཡང་ཆགས་ཕ་མྱེས་འགོ་བའི་ལྷ། །ཁང་ཁྱིམ་ཐབ་ལྷ་ཟས་ནོར་མ་སྲུའི་གཡང་། །སྔོན་ནས་བརྟེན་པའི་བན་བོན་སྲུང་མའི་ཚོགས། །ཡུལ་ལྷ་ཟོ་དོར་ཚེ་རབས་སྔོན་གྱི་ལྷ། །བདག་ལ་གྲོགས་དན་མགོན་སྐྱབས་དཔུང་གཉེན་ཀུན། །འདིར་གཤེགས་མཆོད་སྦྱིན་གཏོར་མ་འདི་བཞེས་ལ། །མི་ནོར་ལོངས་སྤྱོད་དཔལ་ཀུན་རྒྱས་པར་

― CMR038_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། ཅེས་གཏོར་མ་ཐབ་ཐོག་ཏུ་ཕུལ་ལོ།། ༈ ༡༠༽ བརྒྱ་བཞི་བསྡུས་པ་ནི། ཕྱག་སོར་བཞི་ལ་ངར་མི་བཞི། མཚམས་བཞི་ལ་ཞལ་ཟས་བཞི། ངར་མི་གོས་དུམ་ཆངས་བུ་བཅས། །བདུན་རེ་གཏོར་ཟླུམ་སཱཙྪདང་། །ཟས་སྣ་མར་མེ་ཤ་དུམ་བཞི་བཞི་བཤམས་ལ། ཀྱཻ། ཤཱཀ་ཐུབ་དགྲ་བཅོམ་འཕགས་པའི་བདེན་ཚིག་གིས། །ཁམས་གསུམ་གནས་པའི་བདུད་དང་བགེགས་རིགས་ཚོགས། །གཟའ་ཀླུ་རྒྱལ་བཙན་གཤིན་རྗེ་མ་མོའི་གདོན། །དྲི་ཟ་འབྱུང་པོ་བདུད་བཞིའི་གཡུལ་ངོ་བསྒྱུར། །ཤ་རིན་ཁྲག་ཚབ་གླུད་གཏོར་འདི་འབུལ་ལོ། །གནོད་འཚེ་བསམ་སྦྱོར་ལོག་པའི་འདྲེ་གདོན་བགེགས། །བཀྲེས་སྐོམ་སྡུག་བསྔལ་ཞི་ནས་བྱང་སེམས་ལྡན། །མཐར་ཐུག་སངས་རྒྱས་ཐོབ་ཕྱིར་མཆོད་སྦྱིན་བསྔོ། །ལོ་བདུད་ཕྱོགས་སུ་ཕུལ་ལོ།། ༈ ༡༡༽ ཤེར་ཕྱིན་བཟློག་མདོས་བསྡུས་པ་ལ། ངར་མི་གཡག་ནག་ཞོན་པ་ཁྱི་ནག་རྗེས་སུ་འབྲང་བ། དམར་གཏོར་བཞི་ལ་ཆངས་བུས་བསྐོར་བ། དར་སྣ་ཟས་སྣ་མར་མེ་བཞག་ལ་ཏིང་ངེ་འཛིན་གྱི་ངང་ལས། ཀྱཻ། ཡུམ་ཆེན་རྒྱལ་བ་ཤཱཀ་ཐུབ་མཐུ་དག་གིས། །སྲིད་གསུམ་ལྷ་འདྲེ་བདུད་བཞི་འབྱུང་པོའི་ཚོགས། །ལྷ་ཀླུ་བརྟན་མ་གནོད་སྦྱིན་ལ་སོགས་པའི། །བསམ་སྦྱོར་ལོག་པའི་འདྲེ་གདོན་མི་མ་ཡིན། །མཁོ་

― CMR038_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

དགུའི་འདོད་ཡོན་ཟད་མེད་མཆོད་སྦྱིན་བསྔོ། །ལྷ་འདྲེ་མི་གསུམ་ཕ་རོལ་བྱད་མ་ཟློག །ལུང་སུམ་མདོ་ལ་བསྐྱལ་ལོ། ༈ ༡༢༽ ཆ་གསུམ་བསྡུས་པ་ལ། །དཀར་གཏོར་ཆངས་བུ་མར་མེས་བསྐོར། ཀྱཻ། ཐུབ་དབང་དགྲ་བཅོམ་འཕགས་པའི་ཚོགས་རྣམས་ཀྱིས། །བཀའ་བཞིན་བྱིན་རླབས་མཆོད་སྦྱིན་དམིགས་པའི་མགྲོན། །གཙུག་ལག་ཁང་དང་མཆོད་རྟེན་གནས་རྣམས་དང་། །ནགས་ཚལ་ཆུ་བོ་རི་བྲག་གནས་རྣམས་ཚོགས། །ལྷ་ཀླུ་བརྟན་མ་གནོད་སྦྱིན་འབྱུང་པོ་རྣམས། །གཏོར་མ་འདི་བཞེས་ལན་ཆགས་བུ་ལོན་བྱང་། །བདག་ཅག་ཕྱི་ནང་འགལ་རྐྱེན་བར་ཆད་ཟློག །ལོ་ཡི་བདུན་ཟུར་རམ་ནི་ནད་པའི་བདུན་ཟུར་ཕྱོགས་ལ་ཕུལ་ལོ།།༈ ༡༣༽ ཁ་འབར་མའི་གླུད་བསྡུས་པ་ནི། ངར་མི་ནག་པོ་ལག་ན་ཁྲམ་ཤིང་དང་ཤཱ་རྡེལ་ཐོགས་པ་ཁ་ན་དཔལ་འབར་བཟུང་བ་དེ་ལ་མདའ་འཕང་ནམ་མཁའ་དར་ཟབ་འབྲུ་སྣ་ཆངས་བུ་མར་མེ་ཟས་སྣ་བཞག་ལ། ཀྱཻ། ཉི་མ་ཕྱོགས་མཚམས་རྒྱུ་བའི་སྨན་མོ་ཁྱོད། །འཇིག་རྟེན་ཁམས་འདིར་བསམ་སྦྱོར་ལོག་པའི་བདུད། །མི་ཕྱུགས་དལ་ཡམས་མི་ཁ་གཏོང་བའི་འདྲེ། །ཕུང་བྱེད་འདྲེ་མོ་བུད་མེད་ཁ་འབར་མ། །གླུད་མདོས་འདོད་ཡོན་རྒྱན་ཅན་འདི་ཁྱེར་ལ། །

― CMR038_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

བན་བོན་ཕ་རོལ་བྱད་མ་མི་ཁ་ཟློག །མ་ལུས་འཁོར་བཅས་ངོམ་ཞིང་ཚིམ་གྱུར་ཅིག །ལུང་གསུམ་མདོ་ལ་བསྐྱལ་ལོ།།༈ ༡༤༽ སྒྲོལ་མའི་གཡུལ་མདོས་བསྡུས་པ་ལ། ངར་མི་གཅིག་ལ་གཏོར་ཆུང་བཅོ་བརྒྱད་བསྐོར། །དེ་ལ་ནམ་མཁའ་རྒྱང་བུ་མདའ་འཕང་འཛུགས། །ཆངས་བུ་མར་མེ་དར་ཚོན་ཟས་སྣས་བསྐོར། །ཧཱུྃ། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །དུས་མིན་འཆི་བ་བཅོ་བརྒྱད་བདུད་དང་བགེགས། །མ་རུངས་སྡེ་བརྒྱད་འབྱུང་པོ་མི་མ་ཡིན། །ཕ་རོལ་འཁྲུག་རྩོད་དུས་ཀྱི་གཡུལ་ངོ་སྒྱུར། །མི་ཕྱུགས་དལ་ཡམས་དུས་མིན་འཆི་བ་དང་། །ནད་གདོན་བར་ཆད་མཐའ་དམག་དུས་འཁྲུག་ཟློག །མཆོད་ཡོན་འདི་བཞེས་ལས་ཀུན་མྱུར་འགྲུབ་མཛོད། །ཅེས་དགྲ་ཕྱོགས་སུ་འཕེན་ནོ། ༈ ༡༥༽ ས་བདག་སྡེར་ཆོག་བསྡུས་པ་ནི། རི་རབ་བང་རིམ་བཞི་པའི་སྟེང་དུ་རུས་སྦལ་དེའི་སྟེང་དུ་དཀར་གཏོར་གཅིག་དེ་ལ་སྤར་སྨེ་ལོ་བཤོས་བཅུ་གཉིས་ཀྱིས་བསྐོར་ལ་བལ་ཚོན་དར་སྣ་ཟས་སྣ་འབྲུ་སྣ་མར་མེ་བཞག ཀྱཻ། །སངས་རྒྱས་ཤཱཀ་ཐུབ་ས་སྙིང་པདྨ་འབྱུང་། །རྒྱལ་སྲས་སྨོན་ལམ་ལས་གྲུབ་བྱིན་བརླབས་པས། །འབྱུང་བ་རིམ་བརྩེགས་རི་རབ་རུས་སྦལ་སྟེང་། །དཀར་གསུམ་གཏོར་མ་འདོད་

― CMR038_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ལྔ་ལྡན་པ། །ས་བདག་བརྟན་མ་དབང་ཆེན་རྒྱལ་བློན་བཅོས། །སྤར་བརྒྱད་སྨེ་དགུ་འབྱུང་ལྔ་ལོ་སྐོར་གཟའ། །ས་བདག་ཀླུ་གཉན་མགུར་ལྷ་བརྟན་མའི་ཚོགས་། །གཏོར་མ་འདི་བཞེས་ལོ་ལེགས་ཕྱུགས་འཕེལ་ནས། །སྤར་སྨེ་བདུན་ཟུར་འབྱུང་ལྔའི་དགྲ་གཤེད་ཟློག །བདུན་ཟུར་ཕྱོགས་སུ་ཕུལ་ལོ།། ༈ ༡༦༽ གཤེད་མདོས་བསྡུས་པ་ལ། །རུས་སྦལ་སྟེང་དུ་ངར་མི་ནག་པོ་གནམ་ལོ་བདུན་ཟུར་རྟ་ལ་ཞོན་པ། ནམ་མཁའ་མདའ་འཕང་རྒྱང་བུ་དར་སྣས་བརྒྱན་པ་དམར་གཏོར་བཞི་དང་ཆངས་བུ་མར་མེ་ཟས་སྣ་བཞག་ལ། ཀྱཻ། སྲིད་གསུམ་དབང་ཆེན་འཇམ་དཔལ་གཤིན་རྗེའི་གཤེད། །མཐུ་སྟོབས་ལྷ་འདྲེ་མི་གསུམ་འབྱུང་པོ་འདུལ། །དབང་ཆེན་རུས་སྦལ་རི་རབ་འབྱུང་བཞིའི་སྟེང་། །གཤེད་པོ་ཐེ་སེ་བདུན་ཟུར་རྟ་ལ་ཞོན། །སྤར་བརྒྱད་སྨེ་དགུ་ལོ་སྐོར་བཅུ་གཉིས་བསྐོར། །ལོ་ཟླ་ཞག་དུས་གཟའ་སྐར་འབྱུང་བ་བཞི། །ཟ་འདྲེ་ཤི་གཤེད་བདུད་བཞི་འབྱུང་པོའི་ཚོགས། །མཆོད་སྦྱིན་གླུད་མདོས་འདོད་ཡོན་དཔག་མེད་འདི། །དྲི་ཟ་གཤེད་མ་བགེགས་རིགས་ཀུན་ལ་བསྔོ། །བཞེས་ནས་ལོ་གཤེད་མ་བྱེད་ལོ་ལྷ་མཛོད། །ཅེས་ལོ་བདུད་ཕྱོགས་སུ་ཕུལ་ལོ།། ༈ ༡༧༽ ས་སྒོ་གཅོད་པའི་དོན་བསྡུས་

― CMR038_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ངར་མི་ལུག་ལ་ཞོན་པ་ཆངས་བུ་འབྲུ་སྣ་མར་མེ་བཞག་ལ། ཀྱཻ། ལྷོ་ནུབ་ཁོན་མ་རྒན་མོ་ལུག་ལ་ཞོན། །ས་བདག་རྒྱལ་བློན་ཡབ་ཡུམ་སྲས་འཁོར་བཅས། །གླུད་མདོས་འདི་བཞེས་མི་ཕྱུགས་དལ་ཡམས་སོལ། །རྨ་གཉན་སྐང་ལྷོག་དུར་ལོངས་ས་སྒོ་ཆོད། །ཅེས་ས་འོག་ཏུ་སྦས་སོ།། ༈ ༡༨༽ གནམ་སྒོ་གཅོད་པའི་ཐབས་བསྡུས་པ་ལ། ངར་མི་ཁྱི་དཀར་ཞོན་པ་ནམ་མཁའ་ཆངས་བུ་འབྲུ་སྣ་དར་སྣས་བརྒྱན་པ་བཞག་ལ། ཀྱཻ། ཁེན་པ་དུང་རལ་གནམ་ཁྱི་དཀར་པོ་ཞོན། །ལོ་བདག་སྤར་སྨེ་གཟའ་བརྒྱད་འབྱུང་བ་ལྔ། །གླུད་མདོས་འདི་བཞེས་བདུན་ཟུར་རྩུབ་པ་ཟློག །གནམ་དགྲ་གཟའ་སྐར་ཐོག་སེར་བུ་ཡུག་ཆོད། །ཅེས་ལོ་བདུད་ཕྱོགས་སུ་ཕུལ་ལོ།། ༈ ༡༩༽ རི་སྒོ་གཅོད་པའི་གཏོ་བསྡུས་པ་ནི། ངར་མི་གླང་ལ་ཞོན་པ་ལག་ན་རུས་སྦལ་བཟུང་བ་འབྲུ་སྣ་ཆངས་བུ་མར་མེ་བཞག་ལ། ཀྱཻ། གིན་རི་རྒན་པ་གླང་ལ་ཞོན། །ས་བདག་བརྟན་མ་སྡེ་བརྒྱད་ཚོགས། །འབྲུ་སྣ་ཆངས་བུ་འདི་ལོངས་ལ། །གནམ་ས་དུས་འཁྲུགས་འབྱུང་བ་བཞི། །ས་གཡོས་རི་ཉིལ་གཡུལ་ངོ་ཟློག །ཅེས་རི་བྲག་ཞིག་རལ་ཕྱོགས་སུ་ཕུལ་ལོ།། ༈ ༢༠༽ རླུང་སྒོ་གཅོད་པའི་མདོས་བསྡུས་པ་ལ། ངར་མི་འབྲུག་གདོང་ཤ་བ་ཞོན་པ། ལག་ན་བ་དན་ཐོགས་པ། འབྲུ་སྣ་ཆངས་བུ་

― CMR038_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའ་མདའ་འཕང་བ་དན་རྒྱན་པ་བཞག་ལ། ཀྱཻ། རླུང་ལྷ་འབྲུག་གདོང་འབྱུང་པོ་ཤ་བ་ཞོན། །ལོ་བདག་སྤར་སྨེ་གཟའ་སྐར་འབྱུང་བཞི་བཅས། །འདོད་ཡོན་གླུད་དང་གཏོར་མ་འདི་ལོངས་ལ། །སྲོག་ལུས་དབང་ཐང་བདུན་ཟུར་དགྲ་གཤེད་དང་། །གནམ་ས་ཁ་ཤིང་མེ་རླུང་འཚུབ་པ་ཟློག །ཅེས་ལོ་བདུད་ཕྱོགས་སུ་ཕུལ། ༈ ༢༡༽ གླིང་བཞི་སྤྱི་མདོས་ནི། ངར་མི་གཅིག་ལ་ཁྱི་འབྲུག་གླང་ལུག་བཞི་ཡིས་བསྐོར། ནམ་མཁའ་དར་ཟབ་འབྲུ་སྣ་ཆངས་བུས་བསྐོར་བ་རེ་རེ་བཞག་སྟེ། ཀྱཻ། འཇམ་དཔལ་ས་སྙིང་གསང་བདག་པདྨ་འབྱུང་། །བྱིན་རླབས་བདེན་སྟོབས་དུས་ཀྱི་གཡུལ་ངོ་སོལ། །སྟེང་འོག་ཕྱོགས་མཚམས་སྡེ་བརྒྱད་འབྱུང་པོའི་ཚོགས། །གནམ་ཁྱི་གཟའ་སྐར་ས་བདག་བརྟན་མ་དང་། །སྤར་སྨེ་ལོ་བདག་ཁྱི་འབྲུག་གླང་ལུག་བཞི། །དར་ཟབ་ན་བཟའ་འབྲུ་སྣ་འདོད་ཡོན་འབུལ། །ས་ཆུ་མེ་རླུང་འབྱུང་བཞིའི་དགྲ་དང་གཤེད། །ལོ་ཟླ་ཞག་དུས་བདུན་ཟུར་རྩུབ་པ་ཟློག །ཅེས་ལོ་བདུད་ཕྱོགས་སུ་ཕུལ་ལོ།། ༈ ༢༢༽ དྲི་ཟའི་བཟློག་མདོས་ལ། ངར་མི་རྟ་མགོ་ཅན་ལ་ཆངས་བུ་མར་མེ་ཟས་སྣ་བཞག་ལ། ཀྱཻ། དྲི་ཟའི་རྒྱལ་པོ་གནོད་སྦྱིན་རྟ་མགོ་ཅན། །ལྷ་ཀླུ་གནོད་སྦྱིན་དྲི་ཟ་འབྱུང་པོའི་

― CMR038_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས། །ཁྱེད་རྣམས་དབང་པོའི་ཁམས་མཐུན་འདོད་ཡོན་ལོངས། །ཚེ་སྲོག་བར་དུ་གཅོད་པའི་བདུད་དང་བགེགས། །བན་བོན་བྱད་མའི་བསམ་སྦྱོར་ལོག་པ་ཟློག །ཅེས་དགྲ་ཕྱོགས་སུ་ཕུལ་ལོ།། ༈ ༢༣༽ གཤིན་རྗེའི་ཟློག་མདོས་ལ། ངར་མི་གླང་མགོ་ཅན་ལ་ཆངས་བུ་མར་མེ་ཟས་སྣ་བཞག་ལ། ཀྱཻ། གཤིན་རྗེའི་སྡེ་དཔོན་འཆི་བདག་གླང་གི་མགོ །གཤེད་མ་དྲི་ཟ་བདུད་བཞི་བགེགས་ཚོགས་ཀུན། །འདོད་ཡོན་གཏོར་གླུད་མཆོད་པ་འདི་བཞེས་ལ། །ངོམ་ཞིང་ཚིམས་པས་བསམ་སྦྱོར་ཀུན་ཞི་ནས། །བདག་གི་སྔོན་ལས་འཕྲལ་རྐྱེན་བཟློག་ཅིང་སྒྱུར། །ཅེས་ལོ་བདུད་ཕྱོགས་སུ་ཕུལ་ལོ། །༈ ༢༤༽ མ་མོའི་ཁྲག་མདོས་བསྡུས་པ་ལ། རི་རབ་བང་རིམ་བཞིའི་སྟེང་དུ་བུད་མེད་ནག་མོ་ལག་ན་ཁྲག་ཟོར་འབྱུང་བ་བཞི། ཟུར་བཞི་ལ་དམར་གཏོར་བཞི་དང་། ཁྲག་ཀོང་ཤ་ཁྲག་ཟས་སྣ་ཆངས་བུ་མར་མེ་མདའ་འཕང་ནམ་མཁའ་བཙུགས་ལ་བཞག ཀྱཻ། དུག་ལྔ་ནད་མཚོན་འཁྲུག་པའི་ཀློང་དཀྱིལ་ནས། །ཁམས་གསུམ་སྨན་མོ་སྲིད་གསུམ་སྡེ་བརྒྱད་གཙོ། །མི་ཕྱུགས་དལ་ཡམས་ནད་དང་གདོན་གྱི་བདག །ཤ་ཟ་ཁྲག་ལ་རྔམ་པའི་མ་མོའི་ཚོགས། །ལྷ་ཀླུ་སྡེ་བརྒྱད་འདྲེ་མོ་དགུ་འཁོར་བཅས། །གླུད་མདོས་འདི་བཞེས་དཔོན་གཡོག་རང་

― CMR038_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་གཤེགས། །མི་ཕྱུགས་དལ་ཡམས་རིམས་ནད་གོད་ཁ་ཆོད། །ཁྲག་ཀོང་ནང་གི་ཁྲག་ཕྱོགས་བཞིར་མཆོད། །གཏོར་མ་དགྲ་ཕྱོགས་སུ་ཕུལ་ལོ།། ༈ ༢༥༽ དམ་སྲི་གླུད་མདོས་ལ། ངར་མི་དྲེད་མོང་ལ་ཞོན་པ་ཆང་བུ་ཡོས་ཀྲ་འབྲུ་སྣ་ཤ་ཁྲག་མར་མེ་བཞག་གོ། ཀྱཻ། སྲིད་པའི་ཕོ་འདྲེ་མོ་གདོན་འདྲེ་ཅན་བཞི། །ལྟེ་ཕུར་ནག་མོ་དམ་སྲི་འདྲེ་གདོན་བགེགས། །མཆོད་སྦྱིན་འདི་བཞེས་གནོད་འཚེའི་བསམ་སྦྱོར་སྤོངས། །དམ་སྲི་འབྱུང་པོའི་བར་ཆད་བཟློག་ཅིང་སྒྱུར། །ཅེས་ལུང་གསུམ་མདོ་ལ་བསྐྱལ་ལོ།། ༈ ༢༦༽ ཐེའུ་རང་བཀར་མདོས་ལ། ངར་མི་ར་ལ་ཞོན་པ་ཆངས་བུ་ཡོས་བཀྲ་ཤྭ་རྡེའུ་འབྲུ་སྣ་མར་མེ་བཞག་ལ། ཀྱཻ། གནམ་ས་བར་སྣང་སྟོང་པའི་འདྲེ་བདུད་བགེགས། །ཐེའུ་རང་སྤྱན་དགུ་བདུད་དང་དམ་སྲིའི་ཚོགས། །སྨན་མོ་ཤྭ་འདེབས་གླུ་ལེན་འདྲེ་གདོན་བགེགས། །མི་ཕྱུགས་སྒབ་འདྲེ་གནོད་འཚེའི་བསམ་སྦྱོར་སྤོངས། །མཁོ་དགུ་ཟད་མེད་ནམ་མཁའི་མཛོད་བཞིན་གྱུར། །ཅེས་ལུང་གསུམ་མདོ་ལ་བསྐྱལ་ལོ། ༈ ༢༧༽ འགོང་པོ་བཀར་ཐབས་ལ། ངར་མི་རི་བོང་ལ་ཞོན་པ། སྣོད་ཆག་ནང་དུ་བཞག་ལ། ཟས་སྣ་ཤ་ཁྲག་ཆངས་བུ་མར་མེ་བཞག་ལ། ཀྱཻ། བསེ་རག་རི་ཞོན་སྤྱན་དགུའི་ཚོགས། །མི་

― CMR038_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུགས་ཕུང་བདུད་དབུལ་འདྲེ་བགེགས། །མེད་དགའ་ལྟོགས་འགོང་འབྱུང་པོའི་ཚོགས། །མཐུན་རྫས་འདོད་ཡོན་ལྔ་ལྡན་འདི། །ཁྱེར་ཅིག་ཕུང་འདྲེས་བགེགས་མ་བྱེད། །གོད་འདྲེ་བསེ་རག་བཟློག་ཅིང་སྒྱུར། །ལུང་པའི་མདོ་རུ་བསྐྱལ་ལོ།། ༈ ༢༨༽ ཕྱུགས་གླུད་བཀར་ཐབས་ནི།ངར་མི་ནག་པོ་གཡག་ལུག་ར་རྟས་བསྐོར་བ་ཟས་སྣ་ཤ་ཁྲག་ཆངས་བུ་མར་མེ་བཞག་ལ། ཀྱཻ། རྐང་བཞི་སྒོ་ཕྱུགས་དལ་ཡམས་ནད་ཀྱི་བདག །གོད་འདྲེ་མི་ནག་བདུད་བཞི་འགོང་པོའི་ཚོགས། །རྟ་དྲེལ་ནོར་ལུག་རྐང་བཞིའི་ལན་ཆགས་བདུད། །གོད་འདྲེ་ཕུང་སྲི་ནད་ཡམས་དལ་ཁ་སྒྱུར། །འདོད་ཡོན་འདི་བཞེས་མི་ཕྱུགས་བར་ཆད་ཟློག།འཕར་སྤྱང་གནོད་པ་ཀུན་ཞི་གོད་ཁ་ཆོད། །དགྲ་ཕྱོགས་སུ་ཕུལ་ལོ།། ༈ ༢༩༽ ཆོམ་རྐུན་ཟློག་མདོས་ནི། །ངར་མི་རྟ་ནག་ཞོན་པ་ལག་པ་རྒྱབ་ཏུ་བཅིངས་པ། རྐང་པ་ལྕགས་སྒྲོག་རྒྱབ་པ། སྦྲུལ་ནག་བཞིས་མཐའ་ནས་བསྐོར་བ་ཆངས་བུ་ཤ་ཁྲག་བཏབ་ལ།ཀྱི།ལྷ་མོ་འོད་ཟེར་ཅན་དང་དུར་བདག་མོ། །རྩ་གསུམ་རབ་འབྱམས་བདེན་པས་ཆོམ་རྐུན་གྱི། །བླ་ཡིད་སེམས་གསུམ་ཆིངས་ཤིག་གནོད་བྱེད་པ། །དགྲ་འདྲེ་ཡམས་སྣ་མི་ཁ་གཏོང་བའི་བདུད། །ཤ་ཁྲག་ཆངས་བུ་འདོད་ཡོན་འདི་

― CMR038_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས་ལ། །བསམ་སྦྱོར་ལོག་པའི་དགྲ་འདྲེ་ཕུང་སྲི་ཟློག །སྤར་སྨེ་གཟའ་སྐར་ལོ་ཟླ་ཞག་དུས་ཚེས། །དགྲ་སྣ་རྐུན་སྲི་ཁ་སྨྲས་གླེང་གྱོད་ཟློག །ཅེས་དགྲ་ཕྱོགས་སུ་ཕུལ་ལོ།། ༈ ༣༠༽ མི་ཁ་བྲ་མདོས་ལ། ངར་མི་ནག་པོ་ཁ་ལ་མེ་འབར་བཟུང་བ་ཅན་ལ་ཆངས་བུ་མར་མེ་འབྲུ་སྣ་བཞག་ལ། །མི་ཁ་དགྲ་འདྲེ་ཁ་མཆུ་གཏོང་བའི་བདུད། །མེ་འབར་ལྟས་ངན་མི་དང་མི་མ་ཡིན། །བསམ་ངན་སྦྱོར་རྩུབ་ཁ་མཆུ་གྱོད་ཚུར་དགྲ། །དམོད་ཟོར་མི་ཁ་གཏོང་བའི་དགྲ་འདྲེ་ཟློག །གླུད་མདོས་འདི་བཞེས་ཚེ་རབས་མི་ཁ་སྒྱུར། །ཅེས་དགྲ་ཕྱོགས་སུ་བསྐྱལ་ལོ།། ༈ ༣༡༽ ཐན་ངན་ཟློག་མདོས་ལ། ངར་མི་གཅིག་ལ་མགོ་གསུམ་སེང་ཞལ་བྱ་མགོ་ཁྱིའི་གདོང་པ། མི་ཕྱུགས་ཐན་ལྟས་ཇི་ལྟར་བྱུང་བ་དེ་འོག་ཏུ་ཞོན་པ་ལ། ནམ་མཁའ་མདའ་འཕང་དར་ཚོན་འབྲུ་སྣ་ཆངས་བུ་མར་མེ་ཤ་ཁྲག་བཞག་ལ། ཧཱུྃ་བྷྱོ༔ སྲིད་གསུམ་ལྟས་ངན་ཐན་དྲུག་རྒྱལ་པོ་ཁྱེད། །མ་ཧཱ་བྷ་ལ་ཧཱ་ས་གནྡྷ་ཞེས། །མི་ལུས་བྱ་མགོ་སེང་ཞལ་ཁྱི་ཡི་གདོང་། །ཕྱག་དྲུག་གཡས་གཡོན་ལྟས་ངན་སྣ་ཚོགས་འཛིན། །ཞལ་དུ་དགྲ་བོའི་ཤ་ཁྲག་དོན་སྙིང་གསོལ། །སྟེང་ཕྱོགས་ལྷ་ཡི་ལྟས་ངན་དུས་འཁྲུགས་ཟློག །བར་ཕྱོགས་ལྟས་ངན་སྡེ་བརྒྱད་འཁྲུག་

― CMR038_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཟློག །འོག་ཕྱོགས་ཀླུ་གདོན་ས་བདག་ལྟས་ངན་ཟློག །མི་ནོར་དལ་ཡམས་ལྟས་ངན་དུས་འཁྲུག་ཟློག །ཐན་དང་ལྟས་ངན་བརྒྱད་ཅུའི་འཚེ་བ་ཟློག །ཅེས་ལུང་གསུམ་མདོ་ལ་བསྐྱལ་ལོ།། ༈ ༣༢༽ རྨི་ལམ་འཁྲུགས་མདོས། །ཆངས་བུ་ལོ་གྲངས་དང་སྐྲ་སེན་བཞག་ལ། ཀྱཻ། རྨི་ལམ་སྣང་བ་འཁྲུག་པའི་ལྟས་ངན་བདུད། །སྤར་སྨེ་བདུན་ཟུར་ལོ་ཟླ་ཞག་དུས་སྐག །གྲིབ་གདོན་རྨི་ལམ་ཐན་ལྟས་འདྲེ་བདུད་བགེགས། །ཟློག་ཅིག་སྒྱུར་རོ་ཆངས་བུ་འདི་བཞེས་བསྔོ། །ཅེས་ལོ་བདུད་ཕྱོགས་སུ་ཕུལ་ལོ།། ༈ ༣༣༽ ཀླུ་གདོན་བཀར་ཐབས་ལ། ངར་མི་སྦྲུལ་མགོ་རུས་སྦལ་ཞོན་པ་ལ་ཆངས་བུ་འབྲུ་སྣ་བལ་ཚོན་མར་མེ་བཞག །ཀྱཻ། ཡིད་འོང་ལྗོན་ཤིང་རི་བྲག་ཆུ་མིག་མཚོ། །རིན་ཆེན་རི་རབ་རུས་སྦལ་ལ་གནས་ཀླུ། །ས་བདག་རྒྱལ་བློན་བཅུ་བདུན་བརྟན་མའི་ཚོགས། །ས་རྡོ་རི་བྲག་ནགས་ཚལ་གདེངས་ཀ་སོགས། །གར་གནས་ལྷ་ཀླུ་དྲི་ཟ་འབྱུང་པོའི་གདོན། །རྨ་ལྷོག་སྐྱང་གཉན་ཤུ་འབྲུམ་མཛེ་ནད་ཟློག །གླུད་མདོས་འདི་བཞེས་སྔོན་ལས་འཕྲལ་རྐྱེན་སྒྱུར། །ཅེས་ཆུ་མིག་ཕྱོགས་སུ་ཕུལ་ལོ།། ༈ ༣༤༽ དུར་སྒོ་བྱེ་ཟློག་ལ། ངར་མི་ཁྱི་མགོ་ལུག་ལ་ཞོན་པ་ཆངས་བུ་འབྲུ་སྣ་ཤ་དུམ་བརྒྱད་ཀྱིས་བསྐོར་ལ། ཀྱཻ།

― CMR038_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ས་རི་རབ་ཕ་མྱེས་དུར་གྱི་སྒོ། །གནམ་ཁྱི་དཀར་པོ་ས་ལུག་སེར་པོ་ཁྱོད། །ངར་གླུད་ཆངས་བུ་ཤ་དུམ་འདོད་ཡོན་བཞེས། །སྤར་སྨེ་བདུན་ཟུར་དུར་སྐེག་ལང་པ་ཟློག།གནམ་སྐེག་ས་དགྲ་དུར་སྒོ་བྱེ་བ་ཆོད། །ཅེས་དུར་སའི་ཕྱོགས་སུ་ཕུལ་ལོ། ༈ ༣༥༽ བྱིས་པའི་གདོན་མདོས་ལ། ངར་མི་སེང་ཞལ་དྲེད་མོང་ཞོན་པ་ལ། ལག་ན་ཕྲུ་གུ་བཟུང་བ། །སྔོན་ལ་མ་ཡི་ནུ་ཞོ་དང་སྐྲ་སེན་ཆངས་བུ་ཟས་སྣ་མར་མེ་བཞག་ལ། ཀྱཻ། བུད་མེད་སེང་ཞལ་མ་བུའི་གཟུགས། །སྒབ་འདྲེ་བྱིས་པའི་གདོན་དང་བགེགས། །སྤར་སྨེ་བདུན་ཟུར་དགྲ་དང་གཤེད། །གདོན་ཆེན་བཅོ་ལྔ་ལོ་ཟླ་ཞག །སྲི་སྐེག་མ་བུའི་སྲོག་བདུད་གཤེད། །མ་བུ་ལས་ལྷག་གླུད་མདོས་ཁྱེར། །ཆུང་སྲི་བྱིས་པའི་དུར་སྐེག་ཟློག །ཅེས་ལོ་བདུད་ཕྱོགས་སུ་བསྐྱལ་ལོ།། ༈ ༣༦༽ སྲིའུ་སྲུང་ཟློག་ལ། ངར་མི་ཁྱི་ཞོན་པ་ལ་མ་བུའི་སྐྲ་སེན་ཆངས་བུ་འབྲུ་སྣ་བཞག་ལ། ཀྱཻ། ཕོ་མོ་མངལ་ལས་སྐྱེས་པའི་རིགས་རྒྱུད་འཕེལ། །ལྷ་ཀླུ་བརྟན་མས་གྲོགས་མཛོད་བུ་རྒྱུད་སྐྱོངས། །སྒབ་འདྲེ་འབྱུང་པོ་ཆིངས་ལ་བར་ཆད་ཟློག །ཕ་ལྷས་མི་གཡང་རིགས་རྒྱུད་བུ་རྫི་མཛོད། །འདོད་ཡོན་བཞེས་ལ་ཆུང་སྲིའི་གནོད་པ་ཟློག །ཉལ་སར་སྦས་

― CMR038_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

ན་བུ་རྒྱུད་འཕེལ་བར་ཐེ་ཚོམ་མེད། ༈ ༣༧༽ རྣ་བའི་གྲིབ་གླུད་ལ། ངར་མི་པི་ཝཾ་ཐོགས་པ་ཆངས་བུ་མར་མེ་འབྲུ་སྣ་བཞག་ལ། ཀྱཻ། རྣམ་པར་འཇོམས་པའི་མཐུ་སྟོབས་བྱིན་རླབས་ཀྱིས། །མི་གཙང་གྲིབ་དང་ཁྲག་སྲིན་རྣ་བའི་ནད། །སྔོན་ལས་འཕྲལ་རྐྱེན་གདོན་བགེགས་འབྱུང་པོའི་ཚོགས། །གླུད་མདོས་འདི་བཞེས་གྲིབ་དང་བར་ཆད་སོལ། །ཅེས་ལོ་བདུད་ཕྱོགས་སུ་ཕུལ་ལོ།། ༈ ༣༨༽ མིག་གླུད་བཏང་ཐབས་ལ། ངར་མི་ལག་ན་མར་མེ་འཛིན་པ་ཆངས་བུ་འབྲུ་སྣ་བཞག་ལ། ཀྱཻ། མིག་འབྱེད་རྒྱལ་པོའི་མཐུ་སྟོབས་བྱིན་རླབས་ཀྱིས། །རླུང་མཁྲིས་བད་ཀན་ཁྲག་སྲིན་བཙོག་གྲིབ་དང་། །མིག་ལ་འཚེ་བྱེད་གྲིབ་གདོན་འབྱུང་པོའི་ཚོགས། །གླུད་མདོས་འདི་བཞེས་གྲིབ་གདོན་བར་ཆད་སོལ། །ཅེས་ལོ་བདུད་ཕྱོགས་སུ་ཕུལ་ལོ།། ༈ ༣༩༽ ཞ་གླུད་གཏོང་ཐབས་ལ། ངར་མི་ལག་ན་ལྕགས་སྒྲོག་ཐོགས་པ་ཆངས་བུ་མར་མེ་འབྲུ་སྣ་བཞག་ལ། ཀྱཻ། ཀླུ་དབང་རྒྱལ་པོའི་མཐུ་སྟོབས་བྱིན་རླབས་ཀྱིས། །ལྷ་ཀླུ་ས་བདག་བན་བོན་བྱད་གཏད་ཆིངས། །གྲིབ་གདོན་ཡན་ལག་ཞི་བཅིངས་ནད་ལས་ཁྲོལ། །གླུད་མདོས་འདི་བཞེས་ན་ནད་བར་ཆད་ཟློག །ཅེས་ལོ་བདུད་ཕྱོགས་སུ་ཕུལ་ལོ།། ༈ ༤༠༽ གྲིབ་མདོས་ལ། ངར་མི་རྟ་

― CMR038_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་ཞོན་པ་ཆངས་བུ་ཟས་སྣ་མར་མེ་བཞག་ལ། ཀྱཻ། རྣམ་རྒྱལ་གཤེད་དམར་སྨེ་བརྩེགས་མཐུ་སྟོབས་ཀྱིས། །གྲིབ་བདག་བདུད་བཙན་གཤིན་རྗེ་མ་མོའི་ཚོགས། །དམ་སྲི་འབྱུང་པོ་གྲིབ་གདོན་ནད་ཀྱི་བདག །མི་དམར་རྟ་ནག་བྱ་སེར་ཁྱི་སྐྱ་བཞི། །ལྷ་ཀླུ་གནོད་སྦྱིན་བདུད་བཞི་འབྱུང་པོའི་ཚོགས། །ཡས་གླུད་འདི་བཞེས་གྲིབ་གདོན་ནད་བདག་ཚིམས། །དམེ་རླུགས་ཟས་གོས་མི་གཙང་ཉམས་གྲིབ་ཟློག །ས་ཆུ་མེ་རླུང་འབྱུང་བཞིའི་གྲིབ་གདོན་སྒྱུར། །གླུད་འདི་ལོངས་ལ་མི་གཙང་དམེ་མནོལ་སོལ། །ཅེས་ལོ་བདུད་ཕྱོགས་སུ་ཕུལ། ༈ ༤༡༽ སྤར་ཁའི་ཟམ་བཅོས་སམ་གདན་བགོས་ལ། ཆུ་ཟམ་ཁ་ལ་ཤིང་ལེབ་བཞག་ལ་སྣེ་གཉིས་སྟེང་དཀར་གཏོར་གཅིག་དང་དམར་གཏོར་གཅིག་བཞག་པའི་བར་ན། ཆངས་བུ་བརྒྱད་བཞག་ནས། ཀྱཻ། །འཇམ་དཔལ་དབྱངས་དང་ཀོང་ཙེ་འཕྲུལ་རྒྱལ་གྱིས། །བྱིན་རླབས་བཀའ་བཞིན་རྒྱུ་སྦྱོར་ཡོན་བདག་གི །ཆངས་བུ་འབྲུ་སྣ་གཤིན་གསོན་ཟས་གོས་བསྔོ། །སྤར་བརྒྱད་བདུན་ཟུར་སྨེ་དགུའི་དགྲ་དང་གཤེད། །གཤིན་གསོན་ལམ་འབྲེལ་ཕོ་མོའི་དགྲ་གཤེད་ཟློག །གཏོར་གླུད་འདི་བཞེས་འགལ་རྐྱེན་བར་ཆད་སྒྱུར། །ཅེས་གཏོར་མ་ཟམ་ཤིང་ཆངས་བུ་བཞི་རེ་ཆུ་དང་

― CMR038_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་དཀར་གཏོར་ཡར་མཆོད། དམར་གཏོར་མར་མཆོད། ༈ ༤༢༽ སྨེ་བའི་གདན་བགོས་ལ། ངར་མི་དཀར་ནག་གཉིས་དང་ཆངས་བུ་འབྲུ་སྣ་མར་མེ་བཞག་ལ། ཀྱཻ། འཇམ་དཔལ་དབྱངས་དང་ཀོང་ཙེ་འཕྲུལ་རྒྱལ་གྱི། །བྱིན་རླབས་བཀའ་བཞིན་རྒྱུ་སྦྱོར་ཡོན་བདག་གི །སྨེ་བའི་བདུན་ཟུར་འབྱུང་བཞིའི་དགྲ་དང་གཤེད། །ལོ་རྒན་དྲུག་ཅུའི་བདུན་ཟུར་དགྲ་གཤེད་ཟློག །ཅེས་ངར་མི་དཀར་པོ་སྟེང་དུ་མཆོད། ནག་པོ་འོག་ཏུ་མཆོད། ༈ ༤༣༽ གཤིན་གསོན་ལག་སྦྲེལ་བཅད་ཐབས་ལ། ཐེ་གུ་དཀར་ནག་གཉིས་མཐུད་པའི་སྟེང་དུ་ངར་མི་དཀར་ནག་གཉིས་ལ་ཆངས་བུ་དར་ཟབ་འབྲུ་སྣ་མར་མེ་བཞག་ལ། ཀྱཻ། འཇམ་དཔལ་དབྱངས་དང་ཀོང་ཙེ་འཕྲུལ་རྒྱལ་གྱིས། །བྱིན་རླབས་བཀའ་བཞིན་རྒྱུ་སྦྱོར་ཡོན་བདག་གི །ནམ་མཁའ་གང་བའི་འདོད་ཡོན་འདི་བསྔོས་པས། །སྤར་སྨེ་ལོ་ཟླ་ཞག་དུས་གཟའ་སྐར་ཚེས། །འགྲོ་ལམ་འདུག་ས་གཅིག་པའི་སྲོག་བདུད་གཤེད། །གཤིན་གསོན་ལག་སྦྲེལ་དཀར་ནག་མདུད་པ་ཁྲོལ། །གཤིན་པོ་ཐར་ལམ་སངས་རྒྱས་མྱུར་ཐོབ་ནས། །གསོན་པོའི་ན་སྐག་ཚེ་གླུད་བཟློག་ཅིང་སྒྱུར། །ཅེས་ཐག་པ་དཀར་ནག་མཚམས་སུ་ཆོད་ལ་གླུད་དང་བཅས་དཀར་པོ་ཡར་མཆོད། ནག་པོ་མར་འཕངས།༈ ༤༤༽ གྲི་ཁ་མཚོན་བསྒྱུར་

― CMR038_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། གྲི་གསུམ་སྟེང་དུ་ངར་མི་ཆངས་བུ་སོགས་གླུད་རྫས་ཀྱིས་བསྐོར་བ་བཞག་ལ། ཀྱཻ། མི་གཡོ་གཤིན་རྗེ་རྟ་མགྲིན་བདུད་རྩི་འཁྱིལ། །བྱིན་རླབས་ནུས་མཐུས་རྒྱུ་སྦྱོར་ཡོན་བདག་གི །སྤར་སྨེ་ལོ་ཟླ་ཞག་དུས་འབྱུང་བ་ལྔ། །དགྲ་གཤེད་བདུན་ཟུར་གྲི་ཁ་མཚོན་གྱིས་སྒྱུར། །གླུད་མདོས་ལོངས་ལ་སྔོན་ལས་འཕྲལ་རྐྱེན་ཟློག །ཅེས་བདུན་ཟུར་ཕྱོགས་སུ་འཕངས་ལ། གྲི་ཟོར་དགུ་བྲབ་བོ།། ༈ ༤༥༽ ཤི་འདྲེ་གླུད་མདོས་ནི། ངར་མི་ཆངས་བུ་མར་མེ་འབྲུ་སྣ་བཞག་ལ། ཀྱཻ། འཇམ་དཔལ་ཕྱག་རྡོར་འཕགས་མཆོག་ཐུགས་རྗེའི་མཐུས། །དྲི་ཟ་གཤེད་མ་བགེགས་རིགས་ལན་ཆགས་མགྲོན། །མཆོད་སྦྱིན་འདི་འབུལ་རྒྱུ་སྦྱོར་ཡོན་བདག་གི །བར་ཆད་ཀུན་ཞི་བུ་ལོན་སྦྱངས་ཕྱིར་བསྔོ། །ལུང་གསུམ་མདོ་ལ་བསྐྱལ་ལོ།། ༈ ༤༦༽ རྟ་ནད་གཅོད་མདོས་ལ། ངར་མི་རྟ་མགོ་ཅན་ལ་ཆངས་བུ་འབྲུ་སྣ་མར་མེ་དར་སྣ་བཞག་ལ། ཀྱཻ། ཁྲོ་རྒྱལ་རྟ་མགྲིན་ལྷ་ཚོགས་ཐུགས་རྗེའི་མཐུས། །རྟ་དྲེལ་འཚེ་བྱེད་གདོན་བགེགས་འབྱུང་པོའི་ཚོགས། །གླུད་མདོས་འདི་བཞེས་འཚེར་རྩུབ་བར་ཆད་ཟློག །རྟ་སྲི་གོད་ཁ་ཟློག་སྒྱུར་བདེ་ལེགས་ཤོག །ཅེས་བྲག་དམར་རྩ་རུ་བསྐྱལ་ལོ།། ༈ ༤༧༽ གློ་ཧོན་ཁ་ཚའི་ཟློག་པ་ལ། ངར་མི་

― CMR038_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོ་ཁྱི་མགོ་ཅན་བདུན་ཟུར་རྟ་ལ་ཞོན་པ་ལག་ན་གྲི་དང་རྒྱུ་མ་བཟུང་བ་ཕོ་ཁའི་ཞ་དང་ཁྲག་དྲོད་ཁུར་བ། ཕྲག་གཡས་གཡོན་སྡེ་དགུའི་ཐལ་བ་དང་། ཁྲོ་ཆག་དུམ་དགུ་སྣེ་མེ་གང་བྱས། གོད་རུས་གློ་བ་ཤ་ཁྲག་དུམ་བུ་དགུ་རེ། རེ་ནག་ཁུག་ཆུང་གཉིས་ནང་དུ་བཅུག་ལ་ཁ་གཉིས། ཁྱི་སྤུ་ར་སྤུ་གཉིས་ཀྱིས་སྐུད་པ་ནག་ཁྲས་བཅིངས་པ་གཟར། ནམ་མཁའ་མདའ་འཕང་དར་ཚོན་གྱིས་བརྒྱན། སྔོན་ལ་རི་བོང་རིལ་མ་དགུ་རྩྭ་ཐུར་དགུ་བྱ་གོ་བོའི་སྒྲོ་དགུ་ལ་ཆངས་བུ་འབྲུ་སྣ་མར་མེ་བཅས་བཞག་ལ། ཀྱེ།བླ་མ་ཡི་དམ་མཁའ་འགྲོ་ནོར་ལྷའི་ཚོགས། །ཐུགས་རྗེའི་མཐུ་དཔུང་བགེགས་ཚོགས་མ་ལུས་པ། །གོད་འདྲེ་ནད་བདག་གློ་ཧོན་རྒྱལ་པོ་ཁྱོད། །མི་ནག་ཁྱི་གདོང་བདུན་ཟུར་རྟ་ལ་ཞོན། །ཕོ་ཁའི་ཞྭ་གྱོན་བཤའ་གྲི་རྒྱུ་མ་བཟུང་། །ནད་བདག་རྒྱལ་ཆེན་སྲིད་པའི་འདྲེ་དགུས་བསྐོར། །གོད་འདྲེ་ནད་བདག་ལྟས་ངན་འབྱུང་པོའི་ཚོགས། །འདོད་ཡོན་འདི་ཁྱེར་ལན་ཆགས་བུ་ལོན་བྱང་། །གློ་ཧོན་ཁ་ཚ་ཐོམ་ཡམས་ས་ནད་སོགས། །ནོར་གོད་ཡམས་ནད་བར་ཆད་བཟློག་ཅིང་སྒྱུར། །ཅེས་ལུང་གསུམ་མདོ་ལ་བསྐྱལ་ལོ།། ༈ ༤༨༽ ལུག་ནད་གོད་མདོས་ལ། ངར་མི་སྤྱང་གདོང་ཕག་ནག་ཞོན་པ་ལ། ཆངས་བུ་འབྲུ་སྣ་ཤ་ཁྲག་མར་མེ་བཞག་ལ། ཀྱཻ། །དཀོན་མཆོག་རྩ་གསུམ་རབ་འབྱམས་བདེན་སྟོབས་

― CMR038_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས། །ལུག་ནད་གོད་འདྲེ་དམ་སྲི་འབྱུང་པོའི་ཚོགས། །འདིར་ཁུག་གླུད་མདོས་འདི་ཁྱེར་ནད་གདོན་བགེགས། །མ་ལུས་ཚིམ་ཞིང་གནོད་སེམས་ལན་ཆགས་བྱང་། །གོད་ཁ་ཆོད་ལ་བར་ཆད་བཟློག་ཅིང་སྒྱུར། །ཅེས་ལུང་གསུམ་མདོ་ལ་བསྐྱལ་ལོ།། ༈ ༤༩༽ བོར་འདྲེ་བཀར་ཐབས་ལ། ངར་མི་མགོ་ལ་སྣེ་མེ་གྱོན་པ་ཆངས་བུ་འབྲུ་སྣ་མར་མེ་བཞིག་ལ། ཀྱཻ། སྒབ་འདྲེ་འབྱུང་པོ་ལག་ཟེད་རྗེས་འཁྱམས་ཁྱོད། །འདོད་ཡོན་ཆངས་བུ་མཐུན་རྫས་འདི་ཁྱེར་ལ། །གནོད་སེམས་ཕུང་འདྲེ་བོར་སྟོར་གེགས་མ་བྱེད། །ཚེ་རབས་ལན་ཆགས་བུ་ལོན་སྦྱང་ཕྱིར་བསྔོ། །ཞེས་ལུང་གསུམ་མདོ་ལ་བསྐྱལ་ལོ།། ༈ ༥༠༽ ཆག་འདྲེ་བཀར་ཐབས་ལ། ངར་མི་ནག་པོ་ཆག་དུམ་བཟུང་བ་ལ་འབྲུ་སྣ་མར་མེ་བཞག་ལ། ཀྱཻ། མི་ནོར་བགེགས་དང་ཆག་འདྲེ་འགོང་པོའི་གདོན། །དམ་སྲི་ཐེའུ་རང་ཕུང་འདྲེ་དགུ་འཁོར་བཅས། །ཆག་འདྲེ་དབུལ་བདུད་འབྱུང་པོ་རྗེས་འཁྱམས་ཁྱོད། །འདོད་ཡོན་འདི་ཁྱེར་ལན་ཆགས་བུ་ལོན་བྱང་། །ཆག་འདྲེའི་དམ་སྲི་འགོང་པོ་བཟློག་ཅིང་སྒྱུར། །ཅེས་ལུང་གསུམ་མདོ་ལ་བསྐྱལ་ལོ། ༈ ༥༡༽ ན་ཤི་དུར་གླུད་ལ། ངར་མི་སྤུར་འདྲ་བ་བྱས་ལ། ནད་པའི་གོས་རྙིང་པའི་ནང་ལ་སྐྲ་སེན་ཆངས་བུ་བརྒྱ་བརྒྱད་དེ་

― CMR038_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཤ་ཁྲག་བཞག་པའི་སྔོན་ལ། བགེགས་གཏོར་འབྲུ་སྣ་དར་ཟབ་རྨུ་ཐག་ཞྭ་ལྷམ་བཅས་པ་བཞག །ཁྱི་ལ་སྒ་སྲབ་བྱས་པ་བཟུང་བཅོལ་ལ། ཀྱཻ། ཉོན་ཅིག་འཆི་བདག་ནད་འདྲེ་གདོན་བགེགས་ཚོགས། །བདག་ལུས་གཅེས་འཛིན་ཕུང་པོ་སྒྱུ་མའི་གཟུགས། །དུག་ལྔ་ནད་ཀྱིས་ཟིན་ནས་མོ་མ་བཀུག །སྟོད་སྨད་ཚ་གྲང་འཐབ་ནས་སྨན་པ་བསྙགས། །ནད་གདོན་སོ་སོར་ཕྱེ་ཕྱིར་བླ་མ་བོས། །སྲོག་དང་ནོར་གཉིས་བརྗེ་ཕྱིར་རིམ་གྲོ་བྱས། །འདྲེ་གདོན་འབྱུང་པོ་རེ་ཞིང་ཆགས་ཆེ་བའི། །སྨན་སྤྱད་རིམ་གྲོས་བསླུ་ཐབས་མ་བྱུང་བས། །འདོད་ཆགས་མི་ལུས་བོར་བའི་ལུས་སེམས་བྲལ། །འཆི་བདག་གཤེད་མས་དེད་ནས་གཤིན་རྗེས་ཁྲིད། །འདྲེ་གདོན་འབྱུང་པོ་ལྷ་འདྲེའི་དམག་གིས་དེད། །ཞེ་སྡང་གཟུགས་ཀྱི་ཕུང་པོ་ས་ལ་ཐིམ། །ས་བདག་ཧལ་ཁྱི་སྡེ་བརྒྱད་རོ་འདི་བཞེས། །འཚོ་སྐྱོང་སྡུག་གིས་བསགས་པའི་ནོར་རྫ་ས་འདིས། །བན་བོན་བླ་སེར་གདན་དྲངས་བསྔོ་རྟེན་ཞོག །གཏི་མུག་རྨོངས་པའི་བྲང་བརྡུང་ངུ་ཚིག་གྱིས། །འདྲེ་གདོན་འབྱུང་པོ་དགའ་བའི་རེ་ཆགས་ཞི། །ཞྭ་གོས་ལྷམ་སོགས་ཕུང་པོ་འདི་ཁྱེར་ལ། །མ་ཆགས་མ་ཞེན་འདྲེ་གདོན་འབྱུང་པོའི་ཚོགས། །མ་འདུག་ན་ཤི་

― CMR038_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

དུར་གླུད་འདི་ཁྱེར་ལ། །དུར་ས་ལུང་གསུམ་མདོ་ལ་བཟློག་ཅིང་སྒྱུར། །ཅེས་ཁྱི་ལ་བཀལ་ནས་ལོ་བདུད་ཕྱོགས་སམ་ལུང་གསུམ་མདོ་ལ་བསྐྱལ་ལོ།། ༈ ༥༢༽ བྱ་ཐན་ཟློག་པ་ལ། ངར་མི་རྔ་མོང་ཞོན་པ་ཆངས་བུ་དང་སྡེ་དགུའི་ཐལ་བ་ཟས་སྣ་མར་མེ་བཞག་ལ། ཀྱཻ། བྱ་ནག་ཐན་བསྒྱུར་ལྷ་འདྲེ་མི་མ་ཡིན། །རྨི་ལམ་རྟགས་མཚན་ལྟས་ངན་འབྱུང་པོའི་གདོན། །མི་ནོར་ཚེ་སྲོག་བར་ཆད་བཏང་བའི་བདུད། །འདྲེ་སྲིན་བྱ་ནག་ཐན་ལྟས་བཟློག་ཅིང་སྒྱུར། །ཡས་གླུད་འདི་བསྔོ་མི་དང་དུད་འགྲོའི་རིགས། །སྟེང་འོག་གནམ་ས་བར་གྱི་ཐན་ལྟས་དང་། །འབྱུང་བ་བཞི་སོགས་བརྡ་ཐན་ངན་པ་ཟློག །ཅེས་སྣོད་ཁ་བརྡུང་ཞིང་ལུང་གསུམ་མདོ་ལ་བསྐྱལ་ལོ། ༈ ༥༣༽ གླང་ཆེན་སྣ་བསྒྱུར་རམ་ནད་བདག་སྟོབས་འཇོམས་ལ། ངར་མི་ནག་པོ་གླང་ཆེན་གདོང་ཅན། ཕག་ནག་ཞོན་པ་ཆངས་བུ་འབྲུ་སྣ་ཤ་ཁྲག་མར་མེ་བཞག་ལ། སྟེང་དུ་ནམ་མཁའི་མདའ་འཕང་དར་ཚོན་བརྒྱན་པར་བྱའོ།། ཀྱཻ། ནད་བདག་འདྲེ་སྲིན་བགེགས་ཀྱི་རྒྱལ་པོ་ཁྱོད། །མི་ནག་གླང་ཆེན་གདོང་ཞལ་ཕག་ལ་ཞོན། །བགེགས་ཆེན་བཞི་དང་སྟོང་ཕྲག་བརྒྱད་ཅུའི་གདོན། །ཕོ་འདྲེ་མོ་འདྲེ་བཙན་འཁྱམས་ལམ་འདྲེ་དང་། །ནད་ཡམས་དལ་བདག་གནོད་བྱེད་ཚོགས་ཀུན་གྱིས། །

― CMR038_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་རབས་མང་པོའི་ལན་ཆགས་སྙག་པའི་བདུད། །བསད་བཅད་བརྡུང་བརྡེགས་ལན་ཆགས་བུ་ལོན་མགྲོན། །ཤ་རིན་ཁྲག་ཚབ་གླུད་གཏོར་འདི་འབུལ་བས། །བཀྲེས་སྐོམ་སྡུག་བསྔལ་ཀུན་ཞི་ཕན་སེམས་ལྡན། །ཚེ་རབས་གཏན་གྱི་ལོངས་སྤྱོད་ཐོབ་པར་ཤོག །ཅེས་ལུང་གསུམ་མདོ་ལ་བསྐྱལ་ལོ།། ༈ ༥༤༽ བྱིས་ཆུང་འཕུར་མདོས་ལ་རུས་སྦལ་སྟེང་དུ་བྱིས་ཆུང་དགུ་བཞག་དེ་ལ་བྱ་སྒྲོ་བཅུ་གཉི་ས་འཛུགས་ལ་ཆངས་བུ་ཉེར་གཅིག་འབྲུ་སྣ་དང་རྡེའུ་དྲུག་ཅུ་བཞག་ལ། ཀྱཻ། སྲིད་པའི་དབང་ཆེན་རུས་སྦལ་སེར་པོའི་སྟེང་། །ལྷ་བུ་ཀླུ་མོ་གཉན་གྱི་བྱིས་ཆུང་དགུ། །འབྱུང་བཞི་ལུས་ཁམས་ཚང་བའི་འདབ་ཆགས་རིགས། །སྤར་བརྒྱད་སྨེ་དགུ་ལོ་སྐོར་བཅུ་གཉིས་གཟུགས། །ལོ་ཟླ་ཞག་དུས་ལོ་རྒན་དྲུག་ཅུ་ཤར། །འབྱུང་བཞི་སྒྲ་གཅན་འཁོར་ལོའི་མདའ་དང་གཞུ། །དགྲ་གཤེད་བདུན་ཟུར་སེང་ཞལ་ཆུ་སྲིན་གདོང་། །བྱིས་ཆུང་དགུ་མདོས་རྡེའུ་དྲུག་ཅུས་ཟློག །མཐུན་པའི་ཡས་གླུད་སྣ་ཚོགས་འདི་བཞེས་ལ། །སྤྱིར་སྨེ་བདུན་ཟུར་དགྲ་གཤེད་བཟློག་ཅིང་སྒྱུར། །ཅེས་གནམ་ལོའི་བདུན་ཟུར་ཕྱོགས་སུ་ཕུལ་ལོ།། ༈ ༥༥༽ སྤར་ཁའི་གཏོ་བརྒྱད་བསྡུས་པ་ལ། རུས་སྦལ་གན་རྐྱལ་སྟེང་དུ་དམར་གཏོར་དགུ། ཟན་ཀོང་བཞི་ནང་ས་ཆུ་མེ་རླུང་

― CMR038_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག །དར་ལྗང་ནམ་མཁའ་འཛུགས། ཆངས་བུ་ཉེར་བརྒྱད་འབྲུ་སྣ་མར་མེ་བཞག ཀྱཻ། འཇམ་དབྱངས་ས་སྙིང་བྱམས་པ་བཅོམ་ལྡན་འདས། །བཀའ་བཞིན་ས་བདག་དབང་ཆེན་བརྟན་མའི་ཚོགས། །སྤར་བརྒྱད་སྨེ་དགུ་ཕྱག་རྒྱ་དགུ་ལིང་ལ། །ལོ་སྐོར་བཅུ་གཉིས་ལོ་རྒན་དྲུག་ཅུས་བསྐོར། །ལོ་ཟླ་ཞག་དུས་གཟའ་སྐར་འབྱུང་བ་ལྔ། །སྲོག་ལུས་དབང་ཐང་རླུང་རྟ་དགྲ་གཤེད་དང་། །དྲི་ཟ་གཤིན་རྗེ་མ་མོ་གནོད་སྦྱིན་བགེགས། །འདོད་ཡོན་མཐུན་རྫས་གླུད་གཏོར་འདི་འབུལ་བཞེས། །བདུད་བཞིའི་བར་ཆད་གཡུལ་ངོ་བཟློག་ཅིང་སྒྱུར། །ཅེས་ལོ་བདུད་ཕྱོགས་སུ་བསྐྱལ་ལོ།། ༈ ༥༦༽ ས་བདག་དབང་ཆེན་དོན་བསྡུས་ལ། རི་རབ་བང་རིམ་བཞི་པའི་སྟེང་དུ་རུས་སྦལ་གདན་སྟེང་དཀར་གཏོར་འདབ་བརྒྱད་ཆེ་བ་གཅིག་དེའི་མཐར་ལོ་བཤོས་བཅུ་གཉིས་སྨེ་བཤོས་དགུ་དང་། དེ་རྒྱབ་དཀར་གཏོར་བཞི་ལ་གཟུགས་འགྲོས་སྣ་ཚོགས་ཀྱིས་བསྐོར་བ་དར་ཟབ་ནམ་མཁའ་བལ་ཚོན་ཤིང་རྩི་སྣ་ཚོགས་འབྲུ་སྣ་ཡོས་ཁྲ་དཀར་གསུམ་ཀླུ་སྨན་མར་མེ་བཞག་ལ། ཀྱཻ། འབྱུང་བ་རིམ་བརྩེགས་རི་རབ་རུས་སྦལ་སྟེང་། །ས་སྙིང་སྨྱུ་གུ་དྲིལ་འཛིན་བཀའ་བཞིན་དུ། །ས་བདག་དབང་ཆེན་ཡུམ་སྲས་རྒྱལ་བློན་དང་། །ས་ཡི་ལྷ་མོ་བརྟན་མ་ཀླུ་ཆེན་བརྒྱད། །ནོར་

― CMR038_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་བུམ་འཛིན་སྦྲུལ་མཇུག་གདེངས་ཀ་ཅན། །ས་བདག་རྒྱལ་བློན་བཅུ་བདུན་འཁོར་དང་བཅས། །སྤར་བརྒྱད་སྨེ་དགུ་ལོ་རྒན་དྲུག་ཅུའི་འཁོར། །ཁྱི་འབྲུག་གླང་ལུག་ལོ་སྐོར་བཅུ་གཉིས་དང་། །ལོ་ཟླ་ཞག་དུས་འབྱུང་བ་ལྔ་ལས་གྲུབ། །དྲི་ཟ་གཤིན་རྗེ་མ་མོ་གནོད་སྦྱིན་གདོན། །ཚེས་གྲངས་དུས་ལ་རྒྱུ་བའི་དགྲ་གཤེད་དང་། །ཀླུ་གདོན་ས་བདག་སྡེ་བརྒྱད་འཁྲུག་པ་དང་། །རྨ་གཉན་སྐྱོང་ལྷོག་ཞ་ལོང་ཤུ་འབྲུམ་མཛེ། །བཙའ་སད་སེར་བ་ལོ་ཉེས་དམག་འཁྲུག་རྩོད། །མི་ཕྱུགས་དལ་ཡམས་ནད་དང་གདོན་བགེགས་སྲི། །མི་མཐུན་གཡུལ་ངོ་དུས་ཀྱི་རྒུད་པ་སོགས། །བཟློག་ཅིང་སྒྱུར་རོ་ཀླུ་གདོན་ས་བདག་རྣམས། །རི་བྲག་ལྗོན་ཤིང་ཆུ་མིག་གནས་མལ་སོགས། །ས་རྐོ་རྡོ་བརླག་ཤིང་བཅད་ཐབ་གཞོབ་སོགས། །ལྷ་ཀླུ་ས་བདག་འགལ་འཁྲུལ་ཅི་མཆིས་པ། །འདོད་ཡོན་དཀར་གསུམ་མཐུན་པའི་དམ་རྫས་དང་། །གཏོར་མ་འདི་བཞེས་མཐོལ་བཤགས་བཟོད་པར་གསོལ། །ཕྱིན་ཆད་སྒྲིབ་པར་མི་འགྱུར་དངོས་གྲུབ་སྩོལ། །ཅེས་པ་ས་ཆུ་གང་ལ་ཕོག་ཐུག་སོང་ན་དེ་ཕྱོགས་འབུལ་ལོ།། ༈ ༥༧༽ བདུད་བཞི་གཡུལ་མདོས་ལ། སཱཙྪ་གཅིག་དང་ངར་མི་བཞི། ཆངས་བུ་

― CMR038_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་ཟས་མར་མེ་བཞི་རེ་འབྲུ་སྣ་དར་ཚོན་རྫོང་འདེབས་བཞག་ལ། ཀྱཻ། སངས་རྒྱས་སྨོན་ལམ་ལས་གྲུབ་མཆོད་རྟེན་དྲུང་། །ཐ་ཚིག་མཆོད་སྦྱིན་བདུད་བཞི་འབྱུང་པོའི་ཚོགས། །མི་ནོར་ཚེ་སྲོག་བར་ཆད་བྱེད་པའི་བགེགས། །ཤར་ཕྱོགས་ལྷ་བདུད་མི་དཀར་མཛེས་པའི་གཟུགས། །འདོད་ཡོན་འདི་བཞེས་ལན་ཆགས་བུ་ལོན་བྱང་། །གནོད་འཚེ་བར་ཆད་བཟློག་ལ་གདོན་བགེགས་སྒྱུར། །ལྷོ་ཕྱོགས་འཆི་བདག་མི་སེར་མཛེས་པའི་གཟུགས། །འདོད་ཡོན་འདི་བཞེས་ལན་ཆགས་བུ་ལོན་བྱང་། །གནོད་འཚེ་བར་ཆད་བཟློག་ལ་གདོན་བགེགས་སྒྱུར། །ནུབ་ཕྱོགས་ཉོན་བདུད་མི་དམརོ་མཛེས་པའི་གཟུགས། །འདོད་ཡོན་འདི་བཞེས་ལན་ཆགས་བུ་ལོན་བྱུང་། །གནོད་འཚེ་བར་ཆད་བཟློག་ལ་གདོན་བགེགས་སྒྱུར། །བྱང་ཕྱོགས་ཕུང་བདུད་མི་ནག་མཛེས་པའི་གཟུགས། །འདོད་ཡོན་འདི་བཞེས་ལན་ཆགས་བུ་ལོན་བྱུང་། །གནོད་འཚེ་བར་ཆད་བཟློག་ལ་གདོན་བགེགས་སྒྱུར། །དྲི་ཟ་གཤིན་རྗེ་གནོད་སྦྱིན་མ་མོའི་གདོན། །བདུད་བཞི་སྡེ་བརྒྱད་འབྱུང་པོ་གདོན་བགེགས་ཚོགས། །བཟློག་ཅིང་སྒྱུར་རོ་ནད་ཡམས་དལ་ཁ་ཆོད། །ཅེས་ཕྱོགས་བཞིར་

― CMR038_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེན་ནོ།། ༈ ༥༨༽ རྟ་གླུད་སྲབ་མདའ་དཀར་ནག་ལ། རྟ་དཀར་སྒ་སྲབ་བྱས་ལ་སྲབ་མདའ་དཀར་པོ་ཡོན་བདག་གིས་བཟུང་བཅོལ། ཁྱི་ནག་ལ་སྒ་སྲབ་བྱས་སྲབ་མདའ་ནག་པོ་བུད་མེད་མཚན་ངན་ཞིག་གིས་བཟུང་བཅོལ་ལ། དེ་གཉིས་ཀྱི་བར་ན་གདན་དཀར་པོའི་སྟེང་དུ་ནས་ཀྱི་གཡུང་དྲུང་གཡས་འཁྱིལ་བྲིས་པའི་སྟེང་དུ་མདའ་དར་དཀར་པོ་དང་ནག་པོ་གཉིས་འཛུགས་ལ་ཕྱེ་མར་དང་། ཐལ་བ་སྡེར་གང་བཞག །ཕྱེ་མར་ཐོག་ལ་དཀར་གཏོར་དར་ཚོན་རྒྱན་པ་༈ འབྲུ་སྣ་བཞག །ཐལ་སྡེར་ཐོགས་ལ་དམར་གཏོར་དར་ནག་རྒྱན་པ་ཆངས་བུ་ཤ་ཁྲག་བཞག་ལ། བསྭོ། བསྐུལ་ལོ་བསྐུལ་ལོ་རྟ་ལྷ་རེ་མནྟ། །ཛཾ་ལྷ་རྣམ་སྲས་རྟ་བདག་ཀུ་བེ་ར། །རྔོག་ཆགས་རྟ་ཕྱུགས་སྐྱོངས་ལ་བདག་པོ་མཛོད། །རྟ་ཕྱུགས་གོད་ཁ་བཟློག་ལ་གཡུལ་ངོ་སྒྱུར། །འཚེར་ལྷད་འཐིང་གྲུམ་ཨོག་ཆམ་གློ་བུར་གཟེར། །དམ་སྲི་སྒབ་འདྲེ་བཙན་འཁྱམས་ལམ་འདྲེ་ཟློག །ཕ་མྱེས་སྲུང་མ་མ་སྲུ་རིགས་རྒྱུད་གཡང་། །བུ་རྟ་སྒོ་ཕྱུགས་སྐྱོང་ལ་འཚོ་རྫི་མཛོད། །གཏོར་མ་འདི་བཞེས་ཕྲིན་ལས་གྲོགས་མཛོད་ཅིག །རྔོག་ཆགས་རྟ་འཕེལ་རྟེའུ་བསྲུང་བསྐྱབས་ནས། །འཚོ་སྐྱོང་བྱ་ར་མེལ་ཚེ་གྲོགས་མཛོད་ཅིག །ཅེས་དཀར་གཏོར་སྟེང་ཕྱོགས་མཆོད་ལ། བསྲོ། ཉོན་ཅིག་འདྲེ་བགེགས་འབྱུང་པོ་མི་མ་ཡིན། །རྟ་ཕྱུགས་གོད་འདྲེ་

― CMR038_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་སྲི་གདོན་དང་བགེགས། །བཙན་འདྲེ་ཁྱི་ནག་རྗེས་སུ་འབྲང་བའི་བདུད། །རྟ་ཕྱུགས་སྒབ་འདྲེ་ལན་ཆགས་འགོང་པོའི་ཚོགས། །གླུད་གཏོར་འདི་ཁྱེར་རྟ་ནད་འཚེར་རྩུབ་ཟློག །སྒོ་ཕྱུགས་དལ་ཡམས་བར་ཆད་བཟློག་ཅིང་སྒྱུར། །ཅེས་གླུད་གཏོར་ཁྱི་རྒྱབ་བཀལ་ཁྱི་རྗེས་ཐལ་བ་བཏབ་ལ་དགྲ་ཕྱོགས་སུ་བསྐྱལ་ལོ།། ༈ ༥༩༽ ཕྱུགས་ལྷ་གཡང་བསྟོད་ནི། །མདའ་དར་ཕྱེ་མར་བཅས་ཐོགས་ལ། ཀྱཻ། ཕོ་ལྷ་རྟ་ཕྱུགས་སྒོ་ནོར་ལོངས་སྤྱོད་གཡང་། །མདའ་དར་ཕྱེ་མར་ཁྱིམ་བདག་བུ་ལ་གཏད། །སྒོ་ནོར་རྟ་ཕྱུགས་ལོངས་སྤྱོད་དགེ་མཚན་|རྒྱས་། །བཀྲ་ཤིས་རིགས་རྒྱུད་མི་ནོར་འཛོམ་པར་ཤོག །ཅེས་མི་རྟ་ཕྱེ་མར་རོལ། ཀི་བསྭོ་ལྷ་རྒྱལ་ལོ། །ཞེས་བརྗོད་ལ་བཀྲ་ཤིས་བཅས་རང་གནས་གཤེགས་སོ།། ༈ ༦༠༽ གཟའ་ནད་བཀར་gཐབས་ལ། ར་གྲོད་ནང་ཆངས་བུ་ལོ་གྲངས་རྡེའུ་དཀར་ནག་དགུ་བླུགས། ངར་མི་སྤྲུལ་མཇུག་ཅན་ལ་ནད་པའི་སྐྱ་སེན་གོས་དུམ་དང་སེམས་ཅན་གང་ཡིན་མིག་འབྲས་དགུ་དང་བཅས་པ་བཞག །མིག་འབྲས་མ་འཛོམ་ན་རྡེའུ་དགུ་ལ་ཁ་མིག་བྲི་ཆོག་པས་གང་འཛོམ་བཞག་ནས་ཕུ་བཏབ་ལ། དཔལ་འབར་དགུ་འཛུགས། སྐུད་པ་ཁྲ་བོས་ཁ་བཅིང་གྲོད་པའི་ཕྱི་ལ་ཁ་དགུ་མིག་བརྒྱད་བྲིས་ལ་སྔགས་ནི། ཀཿནཱ་ག་མ་མ་ཡོ་གཟའ་འགྲམ་ཆད་ནན། ཚར་བརྒྱད་

― CMR038_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིས་ལ་བཞག ཀྱཻ། དཀོན་མཆོག་རྩ་གསུམ་གསང་བདག་བདེན་སྟོབས་ཀྱིས། །ཉི་ཟླ་འདོམ་གང་དབང་བའི་སྒྲ་གཅན་འཛིན། །འབྱུང་བ་ལྔ་ལས་རྒྱུ་བའི་གཟའ་ཆེན་བརྒྱད། །གནམ་ས་མེ་ཆུ་རླུང་གཟའ་བདུད་དང་བགེགས། །མ་ལུས་བརྟེན་མཁར་འདི་ལ་དབྱེར་མེད་ཐིམ། །ཁྱོད་ལ་མཁོ་བའི་ལོངས་སྤྱོད་འདི་བཞེས་ལ། །གཟའ་གདོན་གྲིབ་དང་འབྱུང་པོའི་རྒྱབ་རྟེན་ཁྲོལ། །བཟློག་ཅིང་སྒྱུར་རོ་ཧཱུྃ་ཧཱུྃ་ནཱ་ག་ཀླུ། །གཟའ་གདོན་ནད་བདག་གྲོལ་ལ་བར་ཆད་ཟློག །ཅེས་བརྡུང་གྲབ་བྱས་ཏེ། ཉེར་གཅིག་བརྗོད། མཐར་དཔལ་འབར་སྦར་ལམ་བསྟན་བྱའོ། །གཟའ་གདོན་གྲིབ་དང་བགེགས་རིགས་འབྱུང་པོའི་ཚོགས། །ས་ཆུ་མེ་རླུང་དྲང་སྲོང་རང་གནས་སུ། །མཐའ་མེད་རྒྱ་མཚོའི་ཕ་རོལ་མྱུར་དུ་གཤེགས། །སྟེང་འོག་ཕྱོགས་མཚམས་རྡོ་རྗེའི་གུར་ཁང་གྱུར། །ཅེས་ལོ་བདུད་ཕྱོགས་སམ་ཆུ་བོ་ལ་ཕུལ་ལོ།། ༈ ༦༡༽ ཆུང་སྲི་གདོན་མདོས་ལ། ངར་མི་རི་བོང་ཞོན་པ་ལ་ཆངས་བུ་འབྲུ་སྣ་ཤ་ཁྲག་མར་མེ་བཞག་ལ། ཀྱཻ། དམ་སྲི་ཡ་མ་ཆུང་སྲི་སྒབ་འདྲེ་དང་། །མི་ཕྱུགས་དལ་ཡམས་ནད་བདག་གདོན་བགེགས་ཚོགས། །གླུད་མདོས་འདི་བཞེས་ལན་ཆགས་བུ་ལོན་བྱང་། །ཆུང་སྲི་བསྲེ་རག་གོད་འདྲེ་བཟློག་

― CMR038_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་སྒྱུར། །ཅེས་ལོ་བདུད་ཕྱོགས་སུ་བསྐྱལ་ལོ།། ༈ ༦༢༽ གླུད་འཕྱང་མཆོད་སྦྱིན་རྒྱ་མཚོ་དང་། ངར་མི་ཕོ་གླུད་མོ་གླུད་གཉིས་ལ་ནམ་མཁའ་རྒྱང་བུ་མདའ་འཕང་དར་ཚོན་འཛུགས་པ་འབྲུ་སྣ་ཡོས་བཀྲ་ཆངས་བུ་དྲི་གླུད་ཟས་སྣ་ཤ་ཁྲག་མར་མེ་རྫོང་འདེབས་རིགས་བཞག་ལ། ཨོཾ་ཨཱཿཧཱུྃ། ལན་གསུམ་བྱ། སྟོང་པའི་ངང་ལས་ཧཱུྃ་ཡིག་ཡོངས་གྱུར་ལས། །སྟོང་གསུམ་འཇིག་རྟེན་གང་བའི་འདོད་ཡོན་ཚོགས། །ཟད་མེད་ལོངས་སྤྱོད་མཆོད་སྦྱིན་བསྔོ་བའི་མགྲོན། །ལྷ་ཡི་བུ་ཆུང་མི་དཀར་མཛེས་པའི་གཟུགས། །དར་གོས་རྒྱན་ཆས་སྦ་དམར་གྲི་ཆུང་རྐེད། །ཝ་དམར་ཅོག་ཞྭ་རྨ་བྱའི་ལྡེམ་འཕྲུ་ཅན། །ཀླུ་ཡི་བུ་མོ་དཀར་དམར་མཛེས་པའི་གཟུགས། །དར་གོས་རྒྱན་ཆས་མུ་ཏིག་ལན་ཚར་ཅན། །ལྷ་ཡི་བུ་ཆུང་ཀླུ་ཡི་བུ་མོ་གཉིས། །ལུས་ནི་རིན་ཆེན་ལས་གྲུབ་རྒྱན་སྤྲས་མཛེས། །ཁོག་སྟོད་རིན་ཆེན་གསེར་དང་དངུལ་ལས་གྲུབ། །ཁོག་སྨད་ཟངས་ལྕགས་སྐེད་པ་གཡུ་ལས་གྲུབ། །ལུང་ཐང་མིག་ལ་མགྲོན་བུའི་སོ་ལས་གྲུབ། །ཟེར་མོའི་སྐུ་དང་རྨ་བྱའི་མདོངས་ལས་གྲུབ། །ཁམས་དང་སྐྱེ་མཆེད་དབང་པོ་སྒོ་ལྔ་ཚང་། །འགྲོ་རྒྱུག་ལྡེམ་ལྡེམ་ཀླུ་ལེན་ཀྱུ་རུ་རུ། །ནམ་མཁའ་རྒྱང་བུ་མདའོ་འཕང་ལྡེམས་སེ་

― CMR038_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡེམ། དར་ཟབ་འབྲུ་སྣ་ཆངས་བུ་སྤུངས་སེ་སྤུང་། །མཛེས་པའི་མར་མེ་མེ་ཏོག་ལམས་སེ་ལམ། །སྒྲ་སྙན་དྲི་ཞིམ་རོ་མཆོག་ཏ་ལ་ལ། །འདབ་ཆགས་བྱ་རིགས་རྩེ་འཇོ་ཀྱི་ལི་རི་དྭགས་སྣ་ཚོགས་རྒྱུག་དང་བྲིངས་སེ་བྲིང་། །རྟ་རྐྱང་བོང་དྲེལ་འཚེར་དང་ལྷངས་སེ་ལྷང་། །འབྲི་གཡག་མང་པོ་ངར་དང་ཆེམས་སེ་ཆེམ། །བ་གླང་རྣམས་ནི་སྐད་སྒྲ་དི་རི་རི། །ར་ལུག་རྣམས་ནི་འབའ་དང་དི་རི་རི། །གཅན་གཟན་རྣམས་ཀྱི་ངར་སྐད་ཆི་ལི་ལི། །གསེར་དངུལ་གཡུ་ཕྱེ་མུ་ཏིག་ལམས་སེ་ལམ། །ནས་འབྲས་གྲོ་སྲན་ཡུངས་ཏིལ་མར་དང་ཇ། །དཀར་དམར་ཤ་ཁྲག་བཟའ་བཏུང་ཕུན་སུམ་ཚོགས། །དར་གོས་སྣམ་ཕྲུག་ཞྭ་ལྷམ་སྐེ་རགས་བཅས། །ཡུལ་མཁར་སྦྲ་གུར་ཐབ་དཔྱད་རྒྱན་ཆས་སོགས། །ལས་ལྷག་པའི་ཕོ་མོ་བྱིས་པའི་གླུད། །ནོར་ཕྱུགས་ས་ཞིང་ལྗང་བུ་དངོས་ལྷག་གླུད། །མདོར་ན་མ་ཚང་མེད་པའི་མཆོད་སྦྱིན་གྱི། །འདོད་ཡོན་མཁོ་དགུའི་ལོངས་སྤྱོད་བསམ་མི་ཁྱབ། །དེ་འདྲའི་བརྒྱ་སྟོང་གྲངས་མེད་ལས་གྱུར་པའི། །སྟེང་འོག་ཕྱོགས་མཚམས་འཛམ་གླིང་ལྷ་དང་ཀླུ། །དྲི་ཟ་གཤིན་རྗེ་མ་མོ་གནོད་སྦྱིན་ཁྲི། །གཟའ་ཀླུ་རྒྱལ་བཙན་ཐེའུ་

― CMR038_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

རང་འབྱུང་པོའི་གདོན། །བདུད་བཞི་བགེགས་ཚོགས་འདྲེ་སྲིན་མི་མ་ཡིན། །བསམ་སྦྱོར་ལོག་པའི་དགྲ་འདྲེ་རྣམས་ལ་བསྔོ། །གློ་བུར་དུས་མིན་འཆི་བའི་བར་ཆད་ཟློག །ལྷ་ཀླུ་སྡེ་བརྒྱད་བན་བོན་བྱེད་མ་སོགས། །མཐུ་གཏད་བསམ་ངན་སྦྱོར་རྩུབ་ཁྲམ་ཁ་ཟློག །མི་ཁ་བྲ་མཆུ་ཐན་ལྟས་ངན་པ་དང་། །ཀླུ་ནད་ཞ་གྲུམ་མཛེ་དུག་ནད་ཡམས་སོལ། །འཇིགས་ཆེན་བརྒྱད་དང་གདོན་བགེགས་སྟོང་ཕྲག་སྒྱུར། །མ་བསད་སྲོག་ལན་མ་ཟོས་བུ་ལོན་སོགས། །རེ་ཞིང་ཆགས་པའི་སྲོག་བདུད་ལན་ཆགས་ཟློག །སྔོན་ལས་འཕྲལ་རྐྱེན་ཕྱི་ནང་བར་ཆད་བདུད། །ཡམས་སྣ་ཕུང་གྱོད་བདུན་ཟུར་དུར་སྐག་ཟློག །བདག་གི་ཚེ་རབས་ཐོག་མ་མེད་པ་ནས། །མི་ནོར་ལན་ཆགས་བུ་ལོན་སྦྱངས་ཕྱིར་བསྔོ། །ཞེས། སཾ་བྷ་ར། བརྒྱའམ་ཉེར་གཅིག་སོགས་བརྗོད་མཐར་ལོ་བདུད་དམ་དགྲ་ཕྱོགས་སུ་བསྐྱལ་ལོ།། ༈ མདོས་གླུད་ཐམས་ཅད་ཀྱི་མཇུག་ཏུ་རྫོང་འདེབས་བསྔོ་བ། སྙིང་རྗེ་ཆེན་པོས་བྱའོ།། ཨོཾ་ཨཱཿཧཱུྃ༔ བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །བགེགས་ཆེན་བཞི་དང་སྟོང་ཕྲག་བརྒྱད་ཅུའི་གདོན། །

― CMR038_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བསེན་དམ་སྲི་རྒྱ་འདྲེ་ཡུལ་འདྲེ་དང་། །སྲིད་པའི་འཁྲུག་འདྲེ་ཐན་སྐྱ་ཉི་ཤུ་གཅིག །མི་ཁ་བྲ་མཆུ་ཀླུ་སྲིན་ཕོ་མོའི་གདོན། །ཟ་འདྲེ་ཤི་གཤེད་ལྟོགས་འགོང་དབུལ་སྲི་དང་། །ལྟེ་ཕུར་ནག་མོ་འདྲེ་སྲིན་དགུ་འཁོར་བཅས། །སོ་འདྲེ་མོ་གདོན་བཙན་འདྲེ་ལམ་འདྲེ་དང་། །བྱིས་པའི་གདོན་ཆེན་བཅོ་ལྔ་ལོ་སྤར་སྨེ། །སྔགས་བཙུན་བུད་མེད་གཅོད་པ་དམ་ལས་འདས། །སྨོན་ལམ་ལོག་པའི་མཚམས་སྦྱོར་ངན་པ་ཡིས། །ལས་ངན་འདྲེ་འགྱུར་ཤི་འདྲེ་ཤི་སྲི་དང་། །བདག་ཅག་དཔོན་སློབ་བསྲུང་བྱ་མི་ནོར་ལ། །ཚེ་རབས་འཁོར་བ་ཐོག་མ་མེད་པ་ནས། །ཟས་ནོར་སྲོག་གི་ལན་ཆགས་ཡོད་པ་རྣམས། །ཟ་རེ་འཐུང་སྐོམ་བྱེད་པའི་འདྲེ་གདོན་རིགས། །མ་ལུས་ལུས་པ་མེད་པ་ཐམས་ཅད་ལ། །ཤ་རིན་ཁྲག་ཚབ་གླུད་གཏོར་འདི་འབུལ་ལོ། །དཀོན་མཆོག་རྩ་གསུམ་རབ་འབྱམས་བདེན་པའི་མཐུས། །ཐམས་ཅད་མ་ལུས་ངོམ་ཞིང་ཚིམ་གྱུར་ཅིག །བཀྲེས་སྐོམ་སྡུག་བསྔལ་ཀུན་ཞི་ཕན་སེམས་ལྡན། །མཐར་ཐུག་བདག་གཞན་སངས་རྒྱས་ཐོབ་པར་ཤོག །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ཅེས་བརྗོད་ལ། ཧོཿ གླུད་གཏོར་འདོད་ཡོན་

― CMR038_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ལྡན་འདི། །ཕྱོགས་འདིར་གནས་ཤིང་རྒྱུ་བ་ཡི། །རེ་ཞིང་ཆགས་དང་གནོད་དང་འཚེ། །སྣ་ཚོགས་གཟུགས་ཅན་ཡོངས་ཚོལ་སེམས། །འབྱུང་པོའི་རིགས་སུ་གྱུར་རྣམས་ལ། །བསྔོ་འོ་དགའ་མགུ་ཡི་རངས་ཚིམ། །འགལ་རྐྱེན་སྡུག་བསྔལ་འཁྲུལ་སྣང་ཀུན། །བདེ་ཆེན་ཀློང་དུ་གྲོལ་གྱུར་ཅིག །ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཚོགས་དང་ཞེན་པ་དང་། །དྲན་དང་གཟུགས་དང་བསམ་དང་རེག །གློད་དང་ཞི་དང་གྲོལ་བར་མཛོད། །ཨ་ཨ། རྗེས་རྫོང་འདེབས་བྱས་ཏེ་གླུད་གང་ཡིན་ལ་བརྒྱའམ་ཉེར་གཅིག་གང་ལྕོགས་མཐར། ན་མོ། ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །དེ་ལ་འགོགས་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །མཐར་མར་མེ་སྦྱར་ལ་གཏོར་གླུད་ཁ་ཕྱིར་བསྒྱུར་ཏེ་བཞག་ནས། བསྲོ། བསྐུལ་ལོ་འདྲེ་གདོན་འབྱུང་པོའི་ཚོགས། །དཔོན་གཡོག་ཡང་སྤྲུལ་འཁོར་བཅས་ཀུན། །མི་ནོར་ལས་ལྷག་འདོད་

― CMR038_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་འདི། །ཁྱེར་ཅིག་བཞེས་ཤིག་ལྷ་འདྲེའི་ཚོགས། །བདག་དང་རྒྱུ་སྦྱོར་ཡོན་བདག་གི །ཚེ་བརྐུ་སྲོག་བདུད་བགེགས་མ་བྱེད། །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཁྱོག །བུ་ལོན་བྱང་ལ་ལན་ཆགས་སྒྱུར། །མི་ལ་ན་ཚ་བར་ཆད་སྒྱུར། །ཕྱུགས་ལ་གོད་ཁ་ཡམས་ནད་སྒྱུར། །ཞིང་ལ་བཙའ་སད་སེར་བ་སྒྱུར། །སྡེ་བརྒྱད་བན་བོན་བྱད་མ་སྒྱུར། །ནད་མུག་མཚོན་འཁྲུག་གཡུལ་ངོ་སྒྱུར། །སྤར་སྨེ་ལོ་ཟླ་ཞག་དུས་ཀྱི། །སྐེག་བདུད་གཤེད་གསུམ་བཟློག་ཅིང་སྒྱུར། །དགྲ་འདྲེའི་བསམ་སྦྱོར་ལ་སོགས་པ། །ལྟས་ངན་ཐམས་ཅད་ཟློག་ཅིང་སྒྱུར། །ཅེས་ལམ་བསྟན་པ་ནི། ཧཱུྃ་ཧཱུྃ་ཧཱུྃ། རང་གཞན་ཀུན་ལ་གནོད་བྱེད་འདྲེ་གདོན་བགེགས། །སྟོང་ཉིད་སྙིང་རྗེའི་མཆོད་སྦྱིན་མགྲོན་རིགས་ཀུན། །ས་འོག་ས་སྟེང་ས་བླ་གར་གནས་ཀྱང་། །དགའ་མགུ་ངོམ་པར་གྱིས་ལ་རང་གནས་སུ། །ཚད་མེད་སྟོང་ཉིད་དབྱིངས་སུ་འཇའ་ལྟར་གཤེགས། །ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སརྦ་བྷུ་ཏ་གཙཱ། ཞེས་དགྲ་ཕྱོགས་སམ་བདུན་ཟུར་ལུང་མདོའི་གནས་སུ་གོམ་པ་བརྒྱ་དང་བརྒྱད་ཅུའི་ཕ་རོལ་དུ་བསྐྱལ་ལོ། །བགེགས་ཚོགས་འབྱུང་པོ་ཀུན་མཐའ་ཡི་རྒྱ་མཚོའི་ཕ་རོལ་དུ་བསྐྲད།

― CMR038_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསྒོམས་ལ་རོལ་མོ་སྦྲགས་ལ་ཐུན་གྱིས་བྲབ། གུ་གུལ་བདུག་ལ་དྲག་སྔགས་ལ་ཨོཾ་སུཾ་བྷ་ནི་སོགས། ཞེས་བརྗོད་ལ་མཐར་སྲུང་འཁོར་བསྒོམ་པ་ནི། ཧཱུྃ། ཤར་ལྷོ་ནུབ་བྱང་སྟེང་འོག་ཕྱོགས་མཚམས་ནས། །མི་གཡོ་གཤིན་རྗེ་རྟ་མགྲིན་བདུད་རྩི་འཁྱིལ། །རྣམ་རྒྱལ་དབྱུག་སྔོན་ཁམས་གསུམ་འདོད་པའི་རྒྱལ། །ཧཱུྃ་ཀར་སྟོབས་ཆེན་རྣམས་ཀྱིས་རིམ་བཞིན་སྲུངས། །མེ་དཔུང་རྡོ་རྗེའི་གུར་ཁང་ཚྭ་ཚྭ་འཕྲོས། །མི་ནོར་བསྲུང་བྱ་ཐམས་ཅད་ཚུད་པར་གྱུར། །བཛྲ་རཏྣ་པདྨ་ཀརྨ་ཛྭ་ལ་བྷྱོ་རིཀ་རཀྟ། ཞེས་བརྗོད་མཐར་ཚེ་འགུགས་ཚེ་གཟུངས་གང་ཐོན་བྱའོ། །དེ་ནས་རང་ལུགས་ཡི་དམ་དང་སྲུང་མའི་ཚོགས་བསྐང་དང་གཏོར་འབུལ་རྗེས་ཆོག་ཤིས་བརྗོད་བསྡུ་རིམ་སོགས་བྱའོ། །ཨེ་མ་སྐྱེ་དགུ་སེམས་ཅན་སྙིང་རེ་རྗེ། །ཤཱཀ་ཐུབ་བསྟན་པའི་ཉི་མ་སྔོན་ནས་གཟིམས། །མ་ཕམ་དུང་གི་ཟླ་བ་ཚེས་མ་བྱུང་། །སྔར་བྱོན་པཎ་གྲུབ་རིག་འཛིན་གྲངས་མེད་བྱོན། །ཆོས་རྒྱལ་བཀའ་ཁྲིམས་དུང་གི་ཀ་བ་ཉམས། །ནག་ཕྱོགས་རྒྱལ་བློན་འབྱུང་པོས་རྒྱལ་བསྟན་བཤིགས། །སྤྱོད་ངན་རང་བྱས་རྣམ་སྨིན་འབྱུང་པོའི་གདོན། །གཟའ་ཀླུ་རྒྱལ་བཙན་གཤིན་རྗེ་མ་མོས་འཚེ། །མི་ཕྱུགས་དལ་ཡམས་བར་ཆད་བཟློག་པའི་ཕྱིར། །དགོས་ཞེས་ཚིག་ཉུང་དོན་བསྡུས་གཏོ་འབུམ་འདི། །དེང་སང་སྙིགས་མའི་སེམས་ཅན་ཕན་པའི་ཐབས། །ཟབ་དོན་སྤྲོས་ཆུང་སྔགས་ཀྱི་རྣལ་འབྱོར་

― CMR038_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

འགས། །མ་འོངས་གྲོང་ཆོག་བདལ་བའི་དུས་སྐབས་སུ། །ནན་ཏན་བསྐུལ་ངོར་དབོན་པོ་ཆོས་འཕེལ་གྱིས། །ལྷ་རྫས་རིན་ཆེན་མཎྜལ་ཕུལ་ནས་ཞུས། །དུས་བཟང་དཔྱིད་ཟླ་ར་བའི་ཚེས་བརྒྱད་ནས། །བརྩམས་ཏེ་ཁོ་བོ་རཱ་ག་ཨ་སྱ་ཡིས། །གཏོ་འབུམ་བརྒྱ་བརྒྱད་མཛད་པའི་རྗེས་ཐོག་ཏུ། །གཏོ་འབུམ་དོན་བསྡུས་གཏོ་སྣ་རེ་གཉིས་འདི། །འགྲོ་ལ་ཕན་པའི་ཐུགས་བསྐྱེད་སྨོན་ལམ་གྱིས། །སྔགས་ཆུང་ཨོ་རྒྱན་མགོན་ལ་སྤེལ་ཏེ་བྲིས། །ཉེས་འགལ་མཆིས་ན་ཡི་དམ་ལྷ་ལ་བཤགས། །འདི་ཕྱིའི་སྒྲིབ་པར་མ་གྱུར་དངོས་གྲུབ་སྩོལ། །འདི་བྲིས་རྩོམ་པའི་དགེ་བས་འགྲོ་བ་ཀུན། །བར་ཆད་ཀུན་ཞི་འགྲོ་དོན་མཁའ་ཁྱབ་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོ་འབོད་གསང་བ་ཀུན་འདུས།

― CMR038_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོ་འབོད་གསང་བ་ཀུན་འདུས་བཞུགས་པའི་དབུ་ཕྱོགས་ལགས་སོ། །

― CMR038_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

མཉྫ་ཤི་ལ་ན་མོ། ཀོང་ཙེ་རྒྱལ་པོས་མཛད་པའི་གཏོ་ཐམས་ཅད་ཀྱི་གོང་སེལ་སྲིད་པའི་གཏོ་འབོད་ཆེན་མོ། སྤར་ཁ་ཐམས་ཅད་ཀྱི་སྤྱི་གཞུང་ཆེན་པོ་ཡིན་ཏེ། དེ་ལ་བཅའ་ཐབས་ནི་སོ་སོའི་གཞུང་ལས་བྱུང་བ་ལྟར་བྱས་ལ་འདི་སྐད་དོ།། ཀྱཻ། ཉོན་ཅིག་ལྷ་སྲིན་སྡེ་བརྒྱད་རྣམས། །གནམ་ལོ་རྒྱལ་པོའི་མངའ་འོག་ན། །ཟླ་བ་བློན་པོའི་མཆན་འོག་ན། །ཞིག་དང་ཟ་མའི་དུས་ཚོད་ལ། །གཏོ་མཁན་རྒྱལ་པོས་གཏོ་བྱེད་ན། །དཔྱད་མཁན་རྒྱལ་པོས་དཔྱད་ཅིག་བྱེད་། །འབྱུང་བ་འཁྲུག་པ་ང་ཡིས་བསྡེབ། །གཏོ་འདི་དང་པོ་སུས་མཛད་ན། །སྔོན་གྱི་བསྐལ་པ་དང་པོ་ལ། །འོག་མིན་ཆོས་ཀྱི་ཕོ་བྲང་

― CMR038_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །འཕགས་པ་འཇམ་དཔལ་གཞོན་ནུས་མཛད། །བར་གྱི་བསྐལ་པ་དབུས་མ་ལ། །དགའ་ལྡན་ལྷ་ཡི་ཕོ་བྲང་ན། །རྣམ་པར་རྒྱལ་བའི་ཁང་བཟང་དུ། །ལྷ་ཡི་རྒྱལ་པོ་ཚངས་པས་མཛད། །དེ་ནས་བསྐལ་པ་ཐ་མ་ལ། །རི་བོ་མཆོག་རབ་སྟེང་ཤོད་ན། །ཀླུ་ཤིང་ཏ་ལའི་ལོ་མ་ལ། །ལྷ་མོ་རྣམ་རྒྱལ་མ་ཡིས་མཛད། །དེ་ནས་གཏོ་འདི་སུས་མཛད་ན། །རི་བོ་མཆོག་རབ་སྐྱེད་པ་ན། །རྒྱལ་ཆེན་རིགས་བཞི་ལྷ་ཡིས་མཛད། །དེ་ནས་གཏོ་འདི་སུས་མཛད་ན། །རི་བོ་མཆོག་རབ་རྩ་བ་རུ། །ཀོང་ཙེ་འཕྲུལ་གྱི་རྒྱལ་པོས་མཛད། །དེ་ནས་

― CMR038_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོ་འདི་སུས་མཛད་ན། །རྒྱུ་མངོན་པར་ཤེས་པ་མི་བཞིས་མཛད། །གཏོ་མཁན་བདག་ལ་མ་གནོད་ཅིག །ལོ་ཡི་མགོ་ལ་གཏོ་བྱེད་ན། །ཤིང་ཕོ་བྱི་བ་གཏོ་ལ་བྱོན། །གཏོ་མཁན་བདག་ལ་མ་གནོད་ཅིག །དྲུག་ཅུ་ལོ་ཡི་སྐག་སྒྱུར་ཅིག །ཟླ་བའི་མགོ་ལ་གཏོ་བྱེད་ན། །མེ་ཕོ་སྟག་ནི་གཏོ་ལ་བྱོན། །ཟླ་བ་བཅུ་གཉིས་སྐག་སྒྱུར་ཅིག །ཉི་མའི་མགོ་ལ་གཏོ་བྱེད་ན། །ས་ཕོ་སྟག་ནི་གཏོ་ལ་བྱོན། །ཉི་མས་དམག་ལམ་མ་བྱེད་ཅིག །ཉི་སྐག་སུམ་བརྒྱ་དྲུག་ཅུ་སྒྱུར། །དུས་ཚོད་མགོ་ལ་གཏོ་བྱེད་ན། །ལྕགས་མོ་ཡོས་ནི་གཏོ་ཚེལ་བྱོན། །དུས་ཚོད་བདུད་དུ་མ་གཅོད་ཅིག །གཟའ་ཡི་མགོ་ལ་གཏོ་བྱེད་ན། །གཟའ་ཆེན་ཉི་མ་གཏོ་ལ་བྱོན། །གཟའ་ནད་གདུག་པ་མ་གཏོང་ཞིག །རྒྱུ་སྐར་མགོ་ལ་གཏོ་བྱེད་ན། །སྐར་མ་སྨིན་དྲུག་གཏོ་ལ་བྱོན། །གཟའ་སྐར་ངན་པ་བསྒྱུར་དུ་གསོལ། །སྤར་ཁའི་མགོ་ལ་གཏོ་བྱེད་ན། །ལི་ཡི་བུ་མོ་གཏོ་ལ་བྱོན། །སྤར་ཁའི་གདན་ས་ངན་པ་ཟློག །སྨེ་བའི་མགོ་ལ་གཏོ་བྱེད་ན། །སྨེ་བ་གཅིག་དཀར་གཏོ་ལ་བྱོན། །སྨེ་སྡོད་ངན་པ་བཟློག་ཏུ་གསོལ། །འབྱུང་བ་མགོ་ལ་གཏོ་བྱེད་ན། །འབྱུང་བ་ཤིང་ནི་གཏོ་ལ་

― CMR038_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན། །འབྱུང་བ་འཁྲུགས་པ་གཏོ་ཡིས་ཟློག །དར་གུད་མགོ་ལ་གཏོ་བྱེད་ན། །དབུགས་རྒྱུ་ཉིད་ཀྱང་གཏོ་ལ་བྱོན། །དར་གུད་སྐྱེ་གནས་ངན་པ་ཟློག ༈ ། ཀྱཻ༔ སྣང་སྲིད་ལྷ་འདྲེ་ཀུན་ཉོན་དང་། །སངས་རྒྱས་རྐང་གཉིས་གཙོ་སྟེ་བདེན་པའི་མཆོག །ཆོས་ཉིད་ཆགས་དང་བྲལ་ཏེ་བདེན་པའི་མཆོག །དགེ་འདུན་འདུས་པའི་གཙོ་སྟེ་བདེན་པའི་མཆོག །བདེན་པའི་མཆོག་ནི་དཀོན་མཆོག་གསུམ་གྱི་བཀའ། །བདེན་པའི་བཀའ་ལ་མི་ཉན་གང་ཡང་མེད། །སྲིད་པའི་ཆུ་ལ་མི་འཐུང་གང་ཡང་མེད། །རི་རབ་ཟོམ་ལ་མི་བརྟེན་གང་ཡང་མེད། །གཙུག་ལག་གཏོ་ཡིས་མི་འགྱུར་གང་ཡང་མེད། །ཀོང་ཙེས་དེ་སྐད་གསུངས་པ་ལས། །སློབ་མ་ཡང་རྩེས་འདི་སྐད་ཞུས། །ལྷས་སྦྱིན་ནག་པོས་རྒྱལ་བའི་བཀའ་མི་ཉན། །བདུད་ཀྱི་བདེན་དགུ་ཟོར་མོ་མདའ་ཡིས་ཕུག །བྱ་ཁྱུང་རྒྱལ་པོས་སྲིད་པའི་ཆུ་མི་འཐུང་། །ལས་ཀྱི་རྣམ་སྨིན་ཀོང་ཙེས་གཏོས་མི་འགྱུར། །ཡང་ཅེས་དེ་སྐད་ཞུས་པ་ལ། །ཀོང་ཙེ་རྒྱལ་པོས་འདི་སྐད་གསུངས། །ལྷ་སྲིན་སྡེ་བརྒྱད་རྒྱལ་བའི་བཀའ་ལ་འདུས། །བྱ་ཁྱུང་རྒྱལ་པོས་དཔག་བསམ་ཆུ་ལ་འཐུང་། །བདུད་ཀྱི་

― CMR038_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་དགུ་ཟོར་མོ་མདའ་ཡིས་ཕིག །ལོ་ཀག་ཟླ་ཀག་ཀོང་ཙེའི་གཏོ་ཡིས་འགྱུར། །ལས་ཀྱི་རྣམ་སྨིན་ཆོས་ཉིད་བདེན་པས་སྦྱོང་། །ལྷས་སྦྱིན་ནག་པོས་རྒྱལ་བའི་བཀའ་ལ་ཉན། །སེམས་ཅན་ཐམས་ཅད་སྲིད་པའི་ཆུ་ལ་འཐུང་། །རི་དྭགས་ཆེ་དགུ་རི་རབ་ཟོམ་ལ་བརྟེན། །བདག་དང་རྒྱུ་སྦྱོར་ཡོན་བདག་འདི་དག་གིས། །སྲིད་པ་ལས་ཀྱི་གཏོ་བྱེད་ན། །རྒྱུ་སྦྱོར་ཡོན་བདག་བསྐྱབ་ཏུ་གསོལ། །འཇམ་ལྕགས་ཀྱི་མཆིལ་མ་ཐིགས་གཅིག་ལ། །འབྱུང་བ་དང་པོ་ཆུ་རུ་སྲིད། །འཇམ་དཔལ་སྐུ་ཡི་སྤྲུལ་པ་ལས། །རུས་སྦལ་སེར་པོ་གཅིག་ཏུ་སྲིད། །བརྟག་ན་སྣང་བ་མ་ཡིན་པས། །དེ་ནས་འབྱུང་བ་ལྔ་རུ་སྲིད། །དྭངས་མ་ཁེན་པ་གཏོ་ལ་བྱོན། །སྙིང་མ་ཁོན་མ་གཏོ་ལ་བྱོན། །གིན་ཟོན་ལྕམ་དྲལ་གཏོ་ལ་བྱོན། །དྭ་ལི་ལྕམ་དྲལ་གཏོ་ལ་བྱོན། །ནལ་ཕྲུག་ཁམ་ཟིན་གཏོ་ལ་བྱོན། །མ་ཧཱ་གསེར་གྱི་རུས་སྦལ་གྱི། །རྩ་རྒྱུས་མཆིན་པའི་སྤྲུལ་པ་ལས། །འབྱུང་བ་དང་པོ་ཤིང་དུ་སྲིད། །ཤིང་གི་སྟག་ཡོས་གཏོ་ལ་བྱོན། །མ་ཧཱ་གསེར་གྱི་རུས་སྦལ་གྱི། །དྲོད་དང་སྙིང་གི་སྤྲུལ་པ་ལས། །འབྱུང་བ་གཉིས་པ་མེ་རུ་སྲིད། །མེ་ཡི་རྟ་སྦྲུལ་གཏོ་ལ་

― CMR038_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན། །མ་ཧཱ་གསེར་གྱི་རུས་སྦལ་གྱི། །རུས་དང་གློ་བའི་སྤྲུལ་པ་ལས། །འབྱུང་བ་གསུམ་པ་ལྕགས་སུ་སྲིད། །ལྕགས་ཀྱི་བྱ་སྤྲེའུ་གཏོ་ལ་བྱོན། །མ་ཧཱ་གསེར་གྱི་རུས་སྦལ་གྱི། །རླན་དང་མཁལ་མའི་སྤྲུལ་པ་ལས། །འབྱུང་བ་བཞི་པ་ཆུ་རུ་སྲིད། །ཆུ་ཡི་བྱི་ཕག་གཏོ་ལ་བྱོན། །མ་ཧཱ་གསེར་གྱི་རུས་སྦལ་གྱི། །མཚེར་པ་ཤ་ཡི་སྤྲུལ་པ་ལས། །འབྱུང་བ་ལྔ་པ་ས་རུ་སྲིད།། །ཁྱི་འབྲུག་གླང་ལུག་བཞི་པོ་གཏོ་ལ་བྱོན། །དུག་ལྔ་འདུས་པའི་སེམས་ཀྱིས་མ་བྱོན་ཅིག །སྙིང་རྗེ་བྱམས་པའི་སེམས་ཀྱིས་གཏོ་ལ་བྱོན། །མ་ཧཱ་གསེར་གྱི་རུས་སྦལ་གྱི། །མིག་གི་རྫི་མ་ཆགས་པ་ལས། །ཐོ་རས་སྐར་ཆེན་གཅིག་ཏུ་སྲིད། །སྨེ་བ་གཅིག་དཀར་གཏོ་ལ་བྱོན། །མིག་གི་འབྲས་བུ་ནག་པ་ལ། མྱ་ངན་བྱུར་གྱི་མཚེ་གཉིས་བྱུང་། །སྨེ་བ་གཉིས་ནག་གཏོ་ལ་བྱོན། །ཤངས་ལ་བྱེ་བྲལ་རླུང་གསུམ་བྱུང་། །སྨེ་བ་གསུམ་མཐིང་གཏོ་ལ་བྱོན། །ཞལ་གྱི་རླངས་པ་སྔོན་པོ་ལ། །བྱུར་གྱི་མཚོ་མོ་རྡོལ་བ་སྟེ། །གྱོད་ཀྱི་དུ་བ་སྤུན་བཞི་བྱུང་། །སྨེ་བ་བཞི་ལྗང་གཏོ་ལ་བྱོན། །མ་ཧཱ་གསེར་གྱི་རུ་སྦལ་གྱི། །ཤ་དང་པགས་པའི་བར་ཤེད་ན། །ཆུ་

― CMR038_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་གྱི་ནི་མཚོ་ལྔ་བྱུང་། །སྨེ་བ་ལྔ་སེར་གཏོ་ལ་བྱོན། །རུ་སྦལ་སྒལ་ཚིགས་བར་ཤེད་ནས། །དཔལ་གྱི་གངས་རི་དྲུག་ཏུ་བྱུང་། །སྨེ་བ་དྲུག་དཀར་གཏོ་ལ་བྱོན། །ལྟེ་བ་ཁྲག་གི་ཐིགས་པ་བདུན། །སྨེ་བ་དེ་ནི་བདུན་དམར་བྱུང་། །དེ་ལ་ཤན་པ་མི་བདུན་སྲིད། །སྨེ་བ་བདུན་དམར་གཏོ་ལ་བྱོན། །རུས་སྦལ་དཔྲལ་བའི་འཁོར་ལོ་ནས། །མེ་ཏོག་ཧ་ལོ་དཀར་པོ་བྱུང་། །།དེ་ལ་སྨེ་བ་བརྒྱད་དཀར་སྲིད། །སྨེ་བ་བརྒྱད་དཀར་གཏོ་ལ་བྱོན། །དབང་པོ་བུ་གའི་སྒོ་དགུ་ནས། །ནོར་ལྷ་ལྕམ་དྲལ་དགུ་རུ་སྲིད། །སྨེ་བ་དགུ་དམར་གཏོ་ལ་བྱོན། །རུས་སྦལ་སྤྱན་མིག་གཡས་གཡོན་ལ། །ཉི་མ་ཟླ་བ་གཉིས་སུ་བྱུང་། །ཉི་མ་ཟླ་བ་གཏོ་ལ་བྱོན། །མཆེ་བ་བཞི་ཡི་ཟུར་བརྒྱད་ལ། །དྲང་སྲོང་དེ་ནི་གཟའ་བརྒྱད་བྱུང་། །གཟའ་ཆེན་བརྒྱད་པོ་གཏོ་ལ་བྱོན། །སྒལ་ཚིགས་ཉི་ཤུ་རྩ་བརྒྱད་ལ། །རྒྱུ་སྐར་ཉི་ཤུ་རྩ་བརྒྱད་བྱུང་། །རྒྱུ་སྐར་ཉེར་བརྒྱད་གཏོ་ལ་བྱོན། །རུས་སྦལ་ངར་སྐད་ལྕེ་གཉིས་ལ། །གློག་དང་གཡུ་འབྲུག་གཉིས་སུ་བྱུང་། །གློག་འབྲུག་ངར་ཅན་གཏོ་ལ་བྱོན། །སྙན་གཉིས་འཇའ་ཚོན་སྣ་ལྔ་བྱུང་། །འཇའ་ཚོན་སྣ་ལྔ་གཏོ་ལ་

― CMR038_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན། །རུས་སྦལ་ཁྲོས་པས་ཐོག་སེར་འབེབས། །ཐོག་སེར་བདག་པོ་གཏོ་ལ་བྱོན། །རུས་སྦལ་ཁ་ཡི་རླངས་པ་ལ། །ཁ་ཆར་རླུང་དང་བུ་ཡུག་བྱུང་། །བུ་ཡི་ཡུག་བདག་པོ་གཏོ་ལ་བྱོན། །ཡས་ཀྱི་དེ་ནི་ཡ་བདུད་དང་། །མས་ཀྱི་དེ་ནི་མ་བདུད་དང་། །ལྷ་སྲིན་སྡེ་བརྒྱད་ཐམས་ཅད་ཀྱང་། །ཐམས་ཅད་དུག་ལྔའི་སེམས་ཀྱིས་མ་བྱོན་པར་། །སྙིང་རྗེ་བྱམས་པའི་སེམས་ཀྱིས་གཏོ་ལ་བྱོན། །དེ་རིང་གཏོ་ལ་མ་བྱོན་ན། །འཕགས་པ་རྣམས་ཀྱི་བཀའ་ཆད་ཀྱིས། །ལུས་དང་སེམས་ཀྱང་འབྲལ་བར་འགྱུར། །གལ་ཏེ་འོང་ནས་གཏོ་བླངས་ན། །ཁྱེད་རྣམས་བཀྲ་ཤིས་ཕུན་སུམ་ཚོགས། །རྒྱུ་སྦྱོར་ཡོན་བདག་སྐག་ལས་ཐར། །གཏོ་མཁན་བདག་ཀྱང་ངོ་སོ་ཆེ། །བཤམས་པའི་ཡས་ཀྱང་ཆུད་མ་ཟོས། །ཀྱཻ། དང་པོ་ཅི་ཡང་མེད་པ་ལ། །ནམ་མཁའ་གྲུ་གསུམ་ཡངས་པ་སྲིད། །དེ་ལ་རླུང་གི་དཀྱིལ་འཁོར་སྲིད། །དེ་ལ་ཆུ་ཡི་དཀྱིལ་འཁོར་སྲིད། །དེ་ལ་གསེར་གྱི་ས་གཞི་སྲིད། །དེ་སྟེང་རི་རབ་གླིང་བཞི་སྲིད། །དེ་ནས་འགྲོ་བ་རིགས་དྲུག་སྲིད། །དེ་ནས་མི་དང་གདོན་གཉིས་མ་མཐུན་ནས། །འཕགས་པ་འཇམ་དཔལ་ཐུགས་

― CMR038_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཡིས། །ཞལ་ནས་བཀའ་སྩལ་གསུངས་པ་ལ། །སྣང་སྲིད་ལྷ་འདྲེ་ཁྱེད་རྣམས་ཀྱང་། །བགེགས་ཀྱི་དབྱེན་ལ་མ་ཉོན་ཅིག །བདེན་ཚིག་རྒྱལ་བའི་བཀའ་མ་བཅག །གལ་ཏེ་རྒྱལ་བའི་བཀའ་བཅག་ན། །ཁྱེད་རྣམས་རྡུལ་དུ་རླག་པར་བྱེད། །གལ་ཏེ་ང་ཡི་བཀའ་ཉན་ན། །ཁྱེད་ལ་ཅི་འདོད་དངོས་གྲུབ་འོང་། །སྣང་སྲིད་ལྷ་འདྲེ་ཁྱེད་རྣམས་ཀྱང་། །མཐོ་བའི་གནས་ནས་སྤྱན་འདྲེན་ན། །དཀོན་མཆོག་གསུམ་གྱི་ཞབས་དྲུང་དུ། །འཁོར་ཞིང་འཁོར་ཞིང་གཏོ་ལ་བྱོན། །སྟོན་པའི་དམ་ཆོས་ཉན་ཕྱིར་གཏོ་ལ་བྱོན། །དགེ་འདུན་ཞལ་མཐོང་དགོངས་ཤིང་གཏོ་ལ་བྱོན། །མཐོ་རིས་བདེ་སྐྱིད་དགོངས་ཤིང་གཏོ་ལ་བྱོན། །དབང་པོ་ཚང་བར་དགོངས་ཤིང་གཏོ་ལ་བྱོན། །གཤིན་རྗེའི་ཞགས་པ་བཀྲོལ་ཞིང་གཏོ་ལ་བྱོན། །རི་རབ་རི་བདུན་ཀུན་ནས་གཏོ་ལ་བྱོན། །རོལ་པའི་མཚོ་བདུན་ཀུན་ནས་གཏོ་ལ་བྱོན། །གླིང་བཞི་གླིང་ཕྲན་ཀུན་ནས་གཏོ་ལ་བྱོན། །རི་རྩེ་མཐོན་པོ་ཀུན་ནས་གཏོ་ལ་བྱོན། །ལུང་པ་ཆུ་ཀླུང་ཀུན་ནས་གཏོ་ལ་བྱོན། །རི་སུལ་གད་ཁུག་ཀུན་ནས་གཏོ་ལ་བྱོན། །མཆོད་སྦྱིན་དར་བའི་ཡུལ་ནས་གཏོ་ལ་བྱོན། །རི་རབ་བང་རིམ་ཀུན་

― CMR038_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གཏོ་ལ་བྱོན། །ལྗོན་ཤིང་བྲག་རི་ཀུན་ནས་གཏོ་ལ་བྱོན། །སྤང་སྣ་སྤང་ལྗོངས་ཀུན་ནས་གཏོ་ལ་བྱོན། །རྒྱ་མཚོ་ཆེ་ཆུང་ཀུན་ནས་གཏོ་ལ་བྱོན། །ཆུ་ཀླུང་འབབ་ཆུ་ཀུན་ནས་གཏོ་ལ་བྱོན། །ལུ་མ་ལྡིང་ཀ་ཀུན་ནས་གཏོ་ལ་བྱོན། །ཤིང་གཅིག་དུར་ཁྲོད་ཀུན་ནས་གཏོ་ལ་བྱོན། །ལམ་སྲང་སུམ་མདོ་ཀུན་ནས་གཏོ་ལ་བྱོན། །ཕོ་བྲང་འདུན་ས་ཀུན་ནས་གཏོ་ལ་བྱོན། །ཚོང་འདུས་ལུང་མདོ་ཀུན་ནས་གཏོ་ལ་བྱོན། །མྱ་ངན་འགོག་པའི་ཡུལ་ནས་གཏོ་ལ་བྱོན། །མེ་ཏོག་ནགས་ཚལ་ཀུན་ནས་གཏོ་ལ་བྱོན། །དམྱལ་བ་ཚ་གྲང་ཡུལ་ནས་གཏོ་ལ་བྱོན། །ཡི་དྭགས་བཀྲེས་སྐོམ་ཡུལ་ནས་གཏོ་ལ་བྱོན། །བྱོལ་སོང་གླེན་ལྐུགས་ཡུལ་ནས་གཏོ་ལ་བྱོན། །བྲེལ་ཕོངས་མི་ཡི་ཡུལ་ནས་གཏོ་ལ་བྱོན་། །འཐབ་རྩོད་ལྷ་མིན་ཡུལ་ནས་གཏོ་ལ་བྱོན། །ཕམ་ལྟུང་ལྷ་ཡི་ཡུལ་ནས་གཏོ་ལ་བྱོན། །སྟེང་འོག་ཕྱོགས་མཚམས་ཀུན་ནས་གཏོ་ལ་བྱོན། །ས་འོག་ས་སྟེང་ཀུན་ནས་གཏོ་ལ་བྱོན། །ཉིན་མོ་རྒྱུ་བའི་གདོན་རྣམས་གཏོ་ལ་བྱོན། །མཚན་མོ་རྒྱུ་བའི་གདོན་རྣམས་གཏོ་ལ་བྱོན། །སྲོག་ཆགས་ཀུན་ལ་གནོད་པ་ཡི། །ལོ་སྐག་དང་ནི་ཟླ་སྐག་དང་། །

― CMR038_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་སྐག་དང་ནི་དུས་ཚོད་སྐག་རྣམས་ལ། །དབང་རྣམས་བྱེད་ཅིང་གནོད་པ་ཡི། །སྐག་དང་གཤེད་དང་དུར་འཁྲུག་དང་། །དེ་དག་བཟློག་ཅིང་བསྒྱུར་བའི་ཕྱིར། །དེ་རིང་གཏོ་ལ་སྤྱན་འདྲེན་ནོ། །འདོད་ཆགས་གླེན་པའི་སེམས་ཀྱིས་མ་འབྱོན་ཅིག །གཏི་མུག་རྨོངས་པའི་སེམས་ཀྱིས་མ་འབྱོན་ཅིག །ཞེ་སྡང་འཐབ་རྩོད་སེམས་ཀྱིས་མ་འབྱོན་ཅིག །ང་རྒྱལ་ཁོང་ཁྲོའི་སེམས་ཀྱིས་མ་འབྱོན་ཅིག །ཕྲག་དོག་ངན་པའི་སེམས་ཀྱིས་མ་འབྱོན་ཅིག །སྙིང་རྗེ་བྱམས་པའི་སེམས་ཀྱིས་གཏོ་ལ་བྱོན། །དགའ་དང་གུས་པའི་སེམས་ཀྱིས་གཏོ་ལ་བྱོན། །སྣང་སྲིད་ལྷ་འདྲེ་ཁྱེད་རྣམས་ཀྱང་། །ཚོང་པ་རིན་ཆེན་གླིང་དུ་ཕྱིན་པ་ལྟར། །དགོས་འདོད་རེ་བ་སྐོང་བའི་གཏོ་བཅོས་བྱེད། །སྣང་སྲིད་ལྷ་འདྲེ་ཁྱེད་རྣམས་ཀྱང་། །འདུས་འདུས་དེ་ནི་གཏོ་ལ་འདུས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཤིང་རིས་ནམ་རྒྱང་མདའ་འཕང་སོགས་ཀྱི་འཕྱོང་།

― CMR038_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་རིས་ནམ་རྒྱང་མདའ་འཕང་སོགས་ཀྱི་འཕྱོང་ནི། ཧཱུྃ། ལོ་ཟླ་ཞག་དུས་བདག་པོ་ལ། །ལོ་བདུད་ལོ་གཤེད་བཅུ་གཉིས་དང་། །ལན་ཆགས་བདག་པོ་ཐམས་ཅད་ལ། ། མཐུན་པའི་དམ་རྫས་འབུལ་བ་ནི། །མདའ་བཀྲ་སྐྱེས་པ་སྟག་ཆོས་ཅན། །གཅིག་ལས་བརྒྱ་སྟོང་དུ་མ་འཕྲོ། །སྐྱེས་པ་ཕོ་ཡི་གླུད་དུ་འབུལ། །འཕང་བཀྲ་མོ་བཙུན་གསེར་གཡུས་བརྒྱན། །གཅིག་ལས་བརྒྱ་སྟོང་དུ་མ་འཕྲོ། །ཟ་མ་མོ་ཡི་གླུད་དུ་འབུལ། །རྒྱང་བུ་འཇའ་ཚོན་གཟི་བརྗིད་འབར། །གཅིག་ལས་བརྒྱ་སྟོང་དུ་མ་འཕྲོ། །བྱིས་པ་ཆུང་བའི་གླུད་དུ་འབུལ། །ཤིང་རིས་འཇའ་ཚོན་འོད་དུ་འབར། །རང་རང་སྤར་ཁའི་ཕྱག་རྒྱ་གསལ། །ཡུལ་དང་མཁར་གྱི་གླུད་དུ་འབུལ། །ནམ་ནི་ཕྱི་ཡི་ཡུལ་ཡིན་ཏེ། །མཁའ་ནི་ནང་གི་སེམས་ཡིན་པས། །གཉིས་མེད་མཚོན་པའི་ནམ་མཁའ་འདི། །སྟོང་པ་སེམས་ཀྱི་གླུད་དུ་འབུལ། །ཤེལ་ཚིགས་ཁྲི་དཀར་སྟོང་ནག་འདི། །རྟ་བརྒྱ་གནག་སྟོང་བེའུ་ལུག་ཁྲི། །སྔགས་དང་ཕྱག་རྒྱས་བྱིན་གྱིས་བརླབས། །རྟ་ཕྱུགས་རྣམས་ཀྱི་གླུད་དུ་འབུལ། །མི་ནད་ནོར་ནད་བསྒྱུར་དུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། །

― CMR038_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་རྭ་གས་སྦྱར་བའོ། །སརྦ་མངྒ་ལཾ།། །།

གླུད་གཏོར་བསྡུས་པ་བརྒྱ་རྩ་གཏོང་ཐབས།

― CMR038_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

གླུད་གཏོར་བསྡུས་པ་བརྒྱ་རྩ་གཏོང་ཐབས་བཞུགས་སོ། །ཐེབ་ཙེ་ནང་ངམ་གང་རུང་སྣོད་དུ་ནི། །རྒྱུན་དུ་གཏོང་ན་ཆུ་དང་ནས་ཀྱང་རུང་། །ནད་པའི་གླུད་དུ་བཏང་ན་ངར་མིའི་གཟུགས། །ཆངས་བུ་ཏིང་ལོ་ལ་སོགས་བཤམས་བྱས་ལ། །སྐྱབས་འགྲོ་སེམས་བསྐྱེད་ཚད་མེད་རྣམ་བཞི་བསྒོམ། །ཨོཾ་སྭ་བྷཱ་བ་ཤུདྡྷསརྦ་དྷརྨཱསྭ་བྷ་བ་ཤུདྡྷོཉཧཾ། རང་ཉིད་ཁ་སར་པ་ཎིའི་སྐུ་རུ་གྱུར། །ཧཱུྃ་ལས་རིན་ཆེན་སྣོད་དུ་གཏོར་མ་ནི། །འདོད་པའི་ཡོན་ཏན་ལྔ་དང་ལྡན་པར་གྱུར། །ཨོཾ་ཨཱཿཧཱུྃ། དཀོན་མཆོག་གསུམ་གྱི་བདེན་པའི་མཐུ་སྟོབས་ཀྱིས། །བདག་ཅག་དཔོན་སློབི་མི་ནོར་འཁོར་བཅས་ལ། །གནོད་པའི་ལན་ཆགས་བགེགས་རྣམས་འདིར་ཁུག་ཅིག །ཊཱ་ཀི་ཧཱུྃ་ཛ༔ བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །བགེགས་ཆེན་བཞི་དང་སྟོང་ཕྲག་བརྒྱད་ཅུའི་བགེགས། །ལན་ཆགས་བུ་ལོན་ཤ་འཁོན་བཅས་རྣམས་ལ། །བདག་ཅག་དཔོན་སློབ་མི་ནོར་འཁོར་བཅས་ཀྱི། །ཤ་རིན་ཁྲག་ཚབ་གླུད་གཏོར་འདི་འབུལ་ལོ། །ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། གླུད་གཏོར་འདི་ཡིས་མགུ་ཞིང་ཚིམ་གྱིས་ལ། །ཕྱིན་ཆད་འཁོར་འདིར་

― CMR038_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པར་མ་བྱེད་ཅིག །ཅེས་ཚར་མང་དུ་གཏོང་རྗེས། ཆོས་སྦྱིན་སྤྱི་ལྟར་བྱས་ལ། གནོད་བྱེད་བགེགས་རིགས་ལན་ཆགས་རྣམས། །སོ་སོ་རང་རང་གནས་སུ་གཤེགས། །སརྦ་བྷཱུ་ཏ་གཙྪགཙྪ། ཞེས་པས་མགྲོན་རྣམས་རང་གནས་སུ་བཏང་རྗེས། གཏོར་མ་ཕྱི་རོལ་དུ་བསྐྱལ། ནད་པ་ཡིན་ན་ལོ་གྲངས་བཏང་ནས་ལོ་བདུད་ཕྱོགས་སུ་འབུལ། གང་ལྟར་ཡང་བསྔོ་སྨོན་དང་ཤིས་བརྗོད་ཀྱིས་མཐའ་བརྒྱན་པར་བྱའོ། །འདི་ནི་རྒྱུན་དུ་བཏང་ན་རང་ངམ་ནད་པ་ལ་ཤིན་ཏུ་ཕན་པས་ཉམས་སུ་བླང་བ་གལ་ཆེའོ། །ཞེས་རང་ངམ་ནད་པ་གང་ལའང་སྦྱར་ཆོག་པའི་གླུད་གཏོར་ལོ་གྲངས་དང་བརྒྱ་རྩ་སོགས་ཁྱེར་བདེ་འདི་བཞིན་དགོས་པ་འགའ་བྱུང་ནས་ཀརྨ་ཨ་རཱ་གས་སྦྱར་བའོ།། །།ཤུ་བྷཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གླུད་འཕྱོང་ལྷན་ཐབས་བསྡུས་པ།

― CMR038_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

གླུད་འཕྱོང་ལྷན་ཐབས་བསྡུས་པ་ནི། ཧཱུྃ། བགེགས་རྒྱལ་བྱི་ན་ཡ་ཀ་ནི། །བགེགས་རིགས་ཀུན་གྱི་སྡེ་དཔོན་ཆེན་པོ་ཡིན། །སྟོང་གསུམ་བདག་པོ་སྤྲིན་གྱི་སྒྲོན། །རྡོ་རྗེ་མཆུ་ལ་སོགས་པ་ཡི། །གཙོ་བོ་གདོན་ཆེན་བཅོ་བརྒྱད་དང་། །བྱི་སྦའི་གདོན་ཆེན་བཅོ་ལྔ་དང་། །བགེགས་རིགས་སྟོང་ཕྲག་བརྒྱད་ཅུ་དང་། །ལན་ཆགས་བདག་པོ་ཐམས་ཅད་ལ། །བདག་ཅག་ཡོན་མཆོད་འཁོར་བཅས་ཀྱི། །ཚེ་རྐྱེན་སྲོག་གླུད་ངར་མི་འབུལ། །ཆངས་རྗེས་དྲི་གླུད་ཤེལ་ཚིགས་སྦྱིན། །གཤེད་པོ་ཡབ་རྗེ་ནག་པོ་དང་། །ཁྱི་འབྲུག་གླང་ལུག་གཤེད་ཀྱི་ཕ། །གློག་འགྱུ་མ་ནི་གཤེད་ཀྱི་མ། །གཤེད་བུ་ཕྱོགས་བཞིའི་སྐྱ་པ་བཞི། །མི་ནག་ཁྲམ་ཐོགས་བཅུ་གསུམ་དང་། །དུར་གྱི་ཕྲ་མེན་མཆེད་བཞི་སོགས། །ཟ་བའི་འདྲེ་དང་ཤི་བའི་གཤེད། །ཐམས་ཅད་གླུད་འདིས་ཚིམ་གྱུར་ཅིག །བསེ་རག་རྒྱལ་པོ་གཞོན་ནུ་པ། །མི་རྒན་ཁོ་ཤོག་གྱོན་པ་སོགས། །བསེ་རག་ལྟོགས་འགོང་དབུལ་སྲི་རྣམས། །གླུད་འདི་ཁྱེར་ལ་མྱུར་དུ་སོང་། །ལྟེ་ཕུར་ནག་མོ་བྱ་མཆུ་མ། །ཕོ་གྱོང་གཟའ་ནི་དཔོན་གཡོག་གསུམ། །འདྲེ་སྲིན་ནག་པོ་འཁོར་བཅས་རྣམས། །

― CMR038_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ངར་མི་ཚངས་སྤྱོད་ཁྱེར་ལ་སོང་། །གཞན་ཡང་བདག་དང་ཡོན་བདག་ལ། །ཚེ་རབས་ཐོག་མ་མེད་པ་ནས། །ཟས་ནོར་སྲོག་གི་ལན་ཆགས་པའི། །ཟ་རེ་འཐུང་སྐོམ་བྱེད་པ་ནི། །འདྲེ་ངན་གདོན་རིགས་མ་ལུས་པ། །ངར་མི་ཤ་དུམ་ཆངས་བུ་དང་། །འབྲུ་ནག་རམ་རུག་སྦང་མ་སོགས། །ཡས་སྟགས་འདི་ཡིས་ཚིམས་གྱུར་ནས། །བུ་ལོན་ལན་ཚགས་བྱང་གྱུར་ཅིག །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ཁྱེད་ཅག་མི་རྟག་ཚེ་འཕོས་ཚེ། །རང་བྱས་རང་ལ་སྨིན་གྱུར་ནས། །མནར་མེད་སྡུག་བསྔལ་ཡ་རེ་ང་། །དེ་བས་མ་གནོད་གཞན་དུ་དེངས། །བྱང་ཆུབ་སེམས་དང་ལྡན་གྱུར་ཅིག །ཅེས་ངར་མི་འཕང་ངོ། །ཀརྨ་ཨ་རཱ་གས་སྦྱར་བའོ།། །།

གཏོ་གླུད་གསེར་སྐྱེམས།

― CMR038_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་གཡོག་པར་གསེར་སྐྱེམས་གཏོར་བཅུག་ཅིང་། ཧཱུྃ། ང་ནི་འཕགས་པ་འཇམ་དཔལ་གཤིན་རྗེའི་གཤེད། །སྲིད་གསུམ་འདི་ན་ང་དབང་ཆེ། །སྣང་ཞིང་སྲིད་པའི་ལྷ་འདྲེ་ཀུན། །ཐམས་ཅད་ང་ཡི་བཀའ་ལ་ཉོན། །།ཀོང་ཙེ་སྲིད་པའི་གཏོ་ནག་འདི། །དོ་ནུབ་གང་དང་གང་དུ་གཏོང་། །ཐེ་སེ་གཙང་ཀུན་ཧལ་ཁྱི་དང་། །སེ་བ་བླ་མཁྱེན་སྔ་ཕྱི་གཉིས།དེ་སོགས་ལོ་ལ་འཁོར་བ་ཡི། །ས་བདག་རྗེ་བློན་བཅུ་བདུན་གྱི། །སྟེང་དུ་གཏོ་གླུད་མི་གཏོང་ངོ། །གལ་ཏེ་ཕྱོགས་ནོར་ཤོར་སྲིད་ན། །གསེར་སྐྱེམས་མཆོད་པ་འདི་བཞེས་ལ། །ཀོ་ལོང་རུ་ང་མ་མཛད་པར། །གཏོ་གླུད་ལེན་པའི་སྡོང་གྲོགས་མཛོད། །ལྷ་ཆེན་བཙུན་མོ་བློན་པོ་དང་། །གྲུལ་བུམ་བ་དན་ཁྲ་བོ་དང་། །ཟླ་བའི་ས་བདག་བཅུ་བདུན་དང་། །ལྔ་སེར་གནམ་ཐེལ་སེར་ནག་གི །སྟེང་དུ་གཏོ་གླུད་མི་གཏོང་ངོ། །གལ་ཏེ་ཕྱོགས་ནོར་ཤོར་སྲིད་ན། །གསེར་སྐྱེམས་མཆོད་པ་འདི་བཞེས་ལ། །ཀོ་ལོང་རུ་ང་མ་མཛད་པར། །གཏོ་གླུད་ལེན་པའི་སྡོང་གྲོགས་མཛོད། །བདག་དང་རྒྱུ་སྦྱོར་ཡོན་བདག་གི །སྲོག་ལྷ་ལུས་ལྷ་དཔལ་དང་གཡང་། །གནམ་སྨན་གནས་པའི་ཕྱོགས་

― CMR038_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སུ། །སྟེང་དུ་གཏོ་གླུད་མི་གཏོང་ངོ། །གལ་ཏེ་ཕྱོགས་ནོར་ཤོར་སྲིད་ན། །གསེར་སྐྱེམས་མཆོད་པ་འདི་བཞེས་ལ། །ཀོ་ལོང་རུ་ང་མ་མཛད་པར། །གཏོ་གླུད་ལེན་པའི་སྡོང་གྲོགས་མཛོད། །རྣལ་འབྱོར་མ་བརྒྱད་མཁའ་འགྲོ་ལྔ། །གཟའ་བརྒྱད་ཐུབ་ཕྱེད་སྒྲ་གཅན་དང་། །བིཊྚི་དུས་མཚན་ཆེན་མོ་དང་། །གྱི་ལིང་དང་ནི་ཁྲ་ཚ་དང་། །གསེར་མཛོད་གཡུ་མཛོད་ལ་སོགས་དང་། །ཞག་དང་དུས་ལ་རྒྱུ་བ་ཡི། །སྟེང་དུ་གཏོ་གླུད་མི་གཏོང་ངོ། །གལ་ཏེ་ཕྱོགས་ནོར་ཤོར་སྲིད་ན། །གསེར་སྐྱེམས་མཆོད་པ་འདི་བཞེས་ལ། །ཀོ་ལོང་རུ་ང་མ་མཛད་པར། །གཏོ་གླུད་ལེན་པའི་སྡོང་གྲོགས་མཛོད། །ཡུལ་ཕྱོགས་འདི་ལ་གནས་པ་ཡི། །ཡུལ་ལྷ་བཙན་དང་ཀླུ་བདུད་སོགས། །གཉུག་མར་གནས་པ་མཐུ་ཆེན་གྱི། །སྟེང་དུ་གཏོ་གླུད་མི་གཏོང་ངོ། །གལ་ཏེ་ཕྱོགས་ནོར་ཤོར་སྲིད་ན། །གསེར་སྐྱེམས་མཆོད་པ་འདི་བཞེས་ལ། །ཀོ་ལོང་རུ་ང་མ་མཛད་པར། །གཏོ་གླུད་ལེན་པའི་སྡོང་གྲོགས་མཛོད། །འོ་ན་གཏོ་གླུད་གང་དུ་གཏོང་། །བདག་དང་རྒྱུ་སྦྱོར་ཡོན་བདག་ལ། །།གནོད་པའི་གདོན་གྱི་སྟེང་དུ་གཏོང་། །འདྲེ་ལྔ་བདུད་གཅོད་

― CMR038_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ་གཏོང་། །ལོ་བདུད་གནས་པའི་སྟེང་དུ་གཏོང་། །ཟླ་བའི་ཡས་ལམ་ཕྱོགས་སུ་གཏོང་། །ལྷ་དང་འདྲེ་ཡང་གྲངས་མང་བས། །གཙང་དང་མི་གཙང་ཕྱོགས་འཛོམ་ན། །གསེར་སྐྱེམས་མཆོད་པ་འདི་བཞེས་ལ། །མཐོ་བ་རྣམས་ཀྱིས་ཞབས་ཡར་སྐུམས། །དམའ་བ་རྣམས་ཀྱིས་དབུ་མར་ཁུག །བར་པ་རྣམས་ཀྱང་སྐུ་གཟུར་ལ། །གཡས་སུ་ཡོད་པ་གཡོས་སུ་གཟུར། །གཡོན་དུ་ཡོད་པ་གཡོན་དུ་གཟུར། །ཕོ་བྲང་རྣམས་ཀྱང་སྒོ་ཆོད་ལ། །སྤྱན་གཡོས་ན་བཟའ་མཐུ་བ་སྡུས། །གལ་ཏེ་གཏོ་གླུད་གྲིབ་ང་ནི་མ་ཉེས་མ་ལེན་གྱིས། །ཉེས་ལན་དགྲ་དང་བགེགས་ལ་ཆོད། །ཨོཾ་སརྦ་ལོ་ཀ་པཱ་ལ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། ཞེས་གཏོ་གླུད་སྤྱི་ཡི་འགེབས་སུ་ཨ་རཱ་གས་སྦྱར། སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསེར་སྐྱེམས།

― CMR038_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་གསེར་སྐྱེམས་མེད་ན་ཛ་གད་ཕུད་ནང་དུ་འོ་ཆབ་འབྲུ་སྣ་བཏབ་ལ་མཆོད་པ་འབུལ་བའི་ཕྱོགས་སུ་མཆོད་བཅུག་ཅིང་། ཀྱཻ། རིན་ཆེན་ལས་གྲུབ་སྣོད་མཆོག་ཏུ། །བདུད་རྩི་ཆང་དང་ཡུ་མར་ཇ། །ཡན་ལག་བརྒྱད་ལྡན་ཆུ་གཙང་དང་། །ལྷ་མིའི་ཞལ་ཟས་འོ་མ་ཞོ། །འབྲུ་སྣ་རིན་ཆེན་ཕྱེ་མ་བརྡར། །རིན་ཆེན་གསེར་སྐྱེམས་དང་སྦྱར་བ། །མཆོད་པའི་རྫ་ས་མཆོག་གསེར་སྐྱེམས་འདི། །ཕྱོགས་མཚམས་སྟེང་འོག་གནས་པ་ཡི། །སྣང་སྲིད་ལྷ་སྲིན་ཀུན་ལ་འབུལ། །གསེར་སྐྱེམས་མཆོད་པ་འདི་བཞེས་ལ། །སྲིད་པའི་མདོས་གཏོར་འབུལ་བ་ཡི། །རྒྱབ་རྟེན་སྡོང་གྲོགས་དམ་པ་མཛོད། །མདོས་ཀྱི་གདོང་ན་བཞུགས་པ་ཡི། །གཟའ་དང་བིཊྚི་རྣལ་འབྱོར་མ། །དབང་ཕྱུག་དུས་མཚན་གྱི་ལིང་དང་། །གནམ་ཁྱི་བྱ་བྱེད་རྣམ་པ་སོགས་། །གསེར་སྐྱེམས་མཆོད་པ་འདི་བཞེས་ལ། །བདག་ཅག་མ་རིག་དབང་གྱུར་པས། །གདོང་དུ་མདོས་གཏོར་བྱུང་ན་ཡང་། །ཀོ་ལོང་ཕྲག་དོག་མ་མཛད་པར། །མཐོན་པོ་རྣམས་ཀྱིས་ཞབས་སྐུམས་ལ། །དམའ་བ་རྣམས་ཀྱིས་དབུ་ཆུམ་ལ། །བར་པ་རྣམས་ཀྱིས་སྐུ་གཟུར་ཅིག །མདོས་གཏོར་གནས་སུ་ཐེངས་བར་མཛོད། །ལོ་ཟླ་ཞག་ལ་འཁོར་

― CMR038_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཡི། །ཐེ་སེ་ཧལ་ཁྱི་བླ་མཁྱེན་དང་། །འགྲོལ་བུ་ལྔ་སེར་མཐིང་ནག་དང་། །གསེར་མཛོད་གཡུ་མཛོད་ལ་སོགས་པ། །ས་བདག་གཉན་པོ་ཁྱེད་རྣམས་ལ། །གསེར་སྐྱེམས་མཆོད་པ་འདི་བཞེས་ལ། །བདག་ཅག་མ་རིག་རྨོངས་པ་ཡི། །མདོས་འདི་གདོང་ལ་བྱུང་ན་ཡང་། །ཁྱེད་ལ་བསྡོ་བ་མ་ཡིན་པས། །ཀོ་ལོང་ཕྲག་དོག་མ་མཛད་པར། །མདོས་འདི་ལེགས་པའི་སྡོང་གྲོགས་མཛོད། །ཁྱད་པར་མདོས་འདི་འབུལ་བ་ཡི། །ཆུ་བོ་ཆུ་མདོ་འདི་དག་ལ། །གནས་པའི་ས་བདག་ཀླུ་གཉན་དང་། །ཀླུ་བདུད་ཀླུ་བཙན་ཀླུ་སྲིན་དང་། །ཀླུ་ཐེལ་ཆུ་གཉན་ཅིག་མ་རྣམས། །གསེར་སྐྱེམས་མཆོད་པ་འདི་བཞེས་ལ། །མདོས་འདི་མཚོ་དང་ཆུ་བོ་ལ། །འབུལ་ལོ་ཕྲག་དོག་མ་མཛད་ཅིག །ལྷ་མོ་མཚོ་སྨན་དཔོན་གཡོག་དང་། །མཚོ་སྨན་རྒྱལ་མོ་མཆེད་དགུ་ཡི། །མདོས་ཆེན་དེ་རུ་འབྱོན་པའི་ཚེ། །དགའ་ཞིང་གུས་པས་བསུ་བར་གྱིས། །བཀུར་སྟི་གུས་ཞབས་དང་བཅས་པས། །མདོས་གླུད་གནས་སུ་ཐེངས་བར་མཛོད། །བཀྲ་ཤིས་བདེ་ལེགས་རྒྱས་པར་ཤོག །ཨོཾ་སརྦ་ལོ་ཀ་པཱ་ལ་ས་པཱ་རི་ཝཱ་ར་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། ཞེས་པ་འདི་ཨ་རཱ་གས་སྦྱར་བའོ། །

སྒྲུབ་པ་བཀའ་བརྒྱད་ཀྱི་འཆི་བ་བསླུ་བའི་གཏོ་བསྒྱུར་ཆེན་པོ་དང་། གནམ་ཆོས་ཀྱི་སྤར་ཁ་ལོ་ཟླའི་སྐག་བསྒྱུར་དང་རྒྱ་ནག་ཀོང་ཙེའི་གཏོ་བསྒྱུར་རྣམས་ཕྱོགས་གཅིག་ཏུ་དྲིལ་བའི་ཟིན་བྲིས།

― CMR038_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་པ་བཀའ་བརྒྱད་ཀྱི་འཆི་བ་བསླུ་བའི་གཏོ་བསྒྱུར་ཆེན་པོ་དང་། གནམ་ཆོས་ཀྱི་སྤར་ཁ་ལོ་ཟླའི་སྐག་བསྒྱུར་དང་རྒྱ་ནག་ཀོང་ཙེའི་གཏོ་བསྒྱུར་རྣམས་ཕྱོགས་གཅིག་ཏུ་དྲིལ་བའི་ཟིན་བྲིས་ཕྱི་རབས་སྔགས་འཆང་དང་ཡོན་བདག་དབུལ་པོ་རྣམས་ལ་རཱ་ག་ཨ་སྱས་བཞག་པ་ཆེན་པོ་མ་ཧཱ་བ་ལ་ཧོ༔

― CMR038_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་ཁྲོ་བཀའ་བརྒྱད་ཡོངས་རྫོགས་ལྷ་ལ་ཕྱག་འཚལ་ལོ༔ ལམ་གྱི་རྣལ་འབྱོར་ཚེ་བསྲིང་ཕྱིར༔ དུས་མིན་འཆི་བ་བསླུ་བའི་དོན་དྲུག་བསྟན༔ ངོ་བོ་ངེས་ཚིག་དགོས་ཆེད་དང་༔ དབྱེ་བ་སྒྲུབ་ཐབས་ཕན་ཡོན་ནོ༔ དང་པོ་འཆི་བསླུའི་ངོ་བོ་ཚེའི་བར་ཆད་བསལ་བའོ༔ གཉིས་པ་ངེས་ཚིག་ནི༔ དུས་མིན་འཆི་བ་ཐབས་ཤེས་ཀྱི་བསླུ་བའོ༔ གསུམ་པ་དབྱེ་བ་ལ་བཞི་སྟེ༔ ཕྱི་རྟེན་འབྲེལ་གཏོ་ཡིས་བསླུ་བ་དང་༔ ནང་ཚོགས་སོགས་སྨན་གྱིས་བསླུ་བ་དང་༔ གསང་བ་འབྱུང་ལྔ་འཁོར་ལོས་བསླུ་བ་དང་༔ དེ་ཁོ་ན་ཉིད་སྙིང་པོ་དོན་གྱིས་བསླུ་ཐབས་སོ༔ བཞི་པ་དགོས་ཆེད་ནི༔ ཚེ་དུས་སུ་བསྲིངས་ཏེ༔ ཉམས་ལེན་མཐར་ཕྱིན་པའི་དགོས་པ་ཡོད་པའོ༔ ལྔ་པ་འཆི་བ་བསླུ་ཐབས་ཀྱི་རིམ་པ་བཞི་

― CMR038_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ལས༔ ཐོག་མར་ཕྱི་རྟེན་འབྲེལ་གཏོའི་བསླུ་ཐབས་ནི༔ རྒྱུད་གཞན་རྗེས་སུ་འབྲངས་ནས་འཆི་ལྟས་རེ་རེ་ལ་བསླུ་བའི་རྟེན་འབྲེལ་རེ་རེས་སེལ་བར་གསུངས་ཀྱང་༔ དར་ཙམ་གྱི་ཕན་ཡོན་ལས་མེད་པས༔ འདིར་རྟེན་འབྲེལ་ཡོངས་རྫོགས་གཏོ་ཆེན་པོས་བསླུ་བའི་ཐབས་ནི༔ གནས་དབེན་པའི་རང་ཁྱིམ་དུ་ས་གཙང་མར་དཀྱིལ་འཁོར་མདའ་གང་གྲུ་བཞིའི་དབུས་སུ༔ ཁམ་སའི་རུ་སྦལ་སེར་པོ་གཅིག་ཁ་ལྷོར་བསྟན་ལ་བཞག༔ དེའི་སྟེང་དུ་ས་སྣ་ལྔ་་་དཀར་སེར་དམར་ལྗང་སྔོ། ཤིང་སྣ་ལྔ་་་ཤུག་པ་གླང་མ་འོམ་བུ་སྐྱེར་པ། ཐབ་མི་གཅིག་པ་ལྔ་ནས་བླངས་བའི་མེ་སྣ་ལ༔ ཆུ་སྣ་ལྔ་་གཙང་ཆུ་གངས་ཆུ་རྫ་ཆུ་ཁྲོན་པ་ཆུ་མིག ལྕགས་སྣ་ལྔ་སྨྱུ་གུ་ཟོར་བ་ཤོམ་ལྕགས་ཀོ་མང་སོག་ལེ། མཚན། སྦྱར་ཏེ་སྲོག་ཤིང་ཚུལ་དུ་བྱས་པའི་ཕྱི་གཡོག་ཏུ་འབྲུ་སྣ་ལྔའི་ཕྱེ་བྲེ་བཅུ་

― CMR038_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དང་༔ རྣལ་འབྱོར་པ་གང་འཆི་བ་བསླུ་བའི་ཟག་རྫས་དྲི་མ་རྣམས་དང་༔ རཏྣ་ལྔའི་ཕྱེ་མ་དཀར་གསུམ་མངར་གསུམ་སྦྱར་ཏེ༔ མི་བོ་ཆེ་རང་འདྲ་བའི་འབགས་སུ་བྱས་ཏེ་ཁ་ལྷོར་བསྟན་ལ་བཞག༔ དེ་ལ་ལུང་ཐང་གི་མིག༔ མགྲོན་བུའི་སོ༔ ལེ་བརྒན་ལྕེ༔ སྙིང་ཁར་རྣལ་འབྱོར་པ་ལོ་གང་ཡིན་པའི་སེམས་ཅན་སྙིང་དང་བླ་དྭགས་བཞུགས༔ ཟབ་ཟེར་མོང་སྐྲ་བཙུགས༔ ལག་པ་གཉིས་སུ་དབང་ལག་རེ་རེ་སྦྱར༔ རྐང་གཡས་ལྕགས་གཡོན་པ་ཟངས་ཕོ་མོའི་མཚན་མ་བཏོད༔ ཕོ་མོ་གང་ལ་ཤེས་པའི་སྟག་པའམ་གླང་མ་ལ་ལོ་གྲངས་ཀྱི་ཁྲམ་ངོས་གཅིག་ལ་གདབ༔ ངོས་གཅིག་ལ༔ འབྱུང་བ་དགྲའི་དགྲ་གྲལ་ཐམས་ཅད་ཟློག༔ མི་མཐུན་སྡང་དགྲ་གཤེད་ཀྱི་དུག་ཐམས་ཅད་ཆིངས༔ དྲག་པོ་འཆི་བདག་གི་ཡུལ་ཐམས་ཅད་ཟློག༔ ནག་པོ་བདུད་ཀྱི་ཁྲམ་ཐམས་ཅད་སྒྱུར་ཅིག༔ ཅེས་བྲིས་པ་དེ་ཕྲག་པ་གཡས་སུ་གཟུགས༔ ངར་གླུད་ཆག་གང་བ་གཅིག་གི་ཁོང་དུ༔ རང་གི་ན་ཟླའི་མིང་རུས་བྲིས་པ་གཞུག༔ ཁ་དོག་རང་སྤར་ཁ་གང་ལ་བབ་པའི་ཁ་དོག་ཏུ་སྒྱུར༔ དར་སྔོན་གྱིས་གོས་བྱས་ཏེ་གླུད་ཆེན་ལ་གཡོན་དུ་སྒྱུར༔ དེ་ནས་ངར་གླུད་འདྲ་འབག་ཆེན་པོའི་ལྷུ་བཅུ་གཉིས་མགོ་དང་བཅུ་གསུམ་ལ༔ ངར་གླུད་མཚེ་ཡུང་སྒྲོས་བརྒྱན་པ་རེ་དང་༔ ལྷ་བཤོས་རེ་རེ༔ ཤ་དུམ་རེ་རེ༔ དར་སྣའི་རྒྱལ་མཚན་རེ་རེ༔ མདའ་དང་འཕང་དང་རྒྱང་བུ་དང་༔ ནམ་མཁའ་དང་༔ གནམ་ལོ་བཅུ་གཉིས༔ རང་ལོ་བཅུ་གསུམ་དང་༔ ཁ་དོག་

― CMR038_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་པ་རེ་རེ་གཟུགས་སོ༔ ར་རོག་རེ་རེ༔ ལུག་དཀར་མོ་རེ་རེ་གཟུགས་སོ༔ དེ་ལྟར་རུ་སྦལ་གླུད་བཅས་དེའི་ཕྱི་རོལ་ཁོར་ཡུག་ཏུ་པདྨ་འདབ་བརྒྱད་བྲི་སྟེ༔ ཤར་སྔོ་ལྷོ་དམར་ནུབ་དཀར་བྱང་ནག་མཚམས་བཞིར་སེར་པོར་བྱུག་གོ༔ པད་འདབ་རེ་ལ་ཁ་དོག་མཐུན་པའི་རུ་སྦལ་ཆུང་དུ་བ་རེ་རེའི་རྒྱབ་ཏུ་སྤར་ཁ་བརྒྱད་ཀྱི་ཕྱག་རྒྱ་བྲིས་ལ་བཞག༔ རུ་སྦལ་དེ་དག་གི་སྟེང་དེར་འབྱུང་བའི་ལྷ་མོ༔ ཤར་དུ་ཤིང་གི་ལྷ་མོ་སྔོ༔ ལྷོར་མེའི་ལྷ་མོ་དམར༔ ནུབ་ཏུ་ལྕགས་ཀྱི་ལྷ་མོ་དཀར༔ བྱང་དུ་ཆུའི་ལྷ་མོ་ནག༔ མཚམས་བཞིར་སའི་ལྷ་མོ་སེར་པོ་རེ་རེ་འགོད༔ ཕྱག་མཚན་རང་རྟགས་འབྱུང་བ་ཐོགས་པའོ༔ དེ་ནས་ཕྱོགས་བཞིར་རུ་སྦལ་བཞིའི་མགོ་ལ༔ ཤར་དུ་སྟག་སྐྱ་བོ༔ ལྷོར་གཡུ་འབྲུག་སྔོན་མོ༔ ནུབ་ཏུ་བྱ་དམར་མོ༔ བྱང་དུ་རུ་སྦལ་ནག་པོ་རྣམས་བཞག༔ དེ་ནས་སྤར་ཁའི་གཏོ་རྫས་ནི༔ ཤར་གྱི་རུས་སྦལ་སྟེང་དུ༔ ངར་གླུད་སྔོན་པོ་དར་སྔོན་པོ་གོས་ཅན་བདུན་དང་༔ ཁྱི་ཐོད་དུ་ཟས་སྐོམ་སྣ་ཚོགས་བླུག་ལ་བཞག་གོ༔ ལྷོའི་རུ་སྦལ་སྟེང་དུ་ངར་གླུད་མཚལ་ཐིག་ཅན་དར་དམར་གོས་ཅན་ཉེར་ལྔ་དང་༔ ཁྲག་སྣ་རྟ་ཐོད་དུ་བཙལ་ལ་བཞག༔ ནུབ་ཀྱི་རུ་སྦལ་གྱི་སྟེང་དུ་སྤྲེའུ་གདོང་དམར་དགུའི་ལག་ཏུ་ལྕགས་ཀྱི་ཟོར་བ་རེ་རེ་བསྐུར་བ་དང་མི་དཀར་མོ་བཅུ་གསུམ་བཞག༔ བྱང་དུ་རུ་སྦལ་སྟེང་དུ་ཆུ་བྱ་ནག་མོ་ཉེར་གཅིག་དང་༔ བུད་མེད་ནག་མོ་བདུན༔ རྫོ་མ་ནག་པོ་ཆུས་བཀང་བ་གཅིག་བཞག༔ བྱང་ཤར་དུ་རུ་སྦལ་སྟེང་དུ་གླང་ནག་བཅུ་གསུམ་བཞག་ལ་བལ་

― CMR038_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོན་སྣ་ལྔའི་གཉའ་རྟེན་བཀལ་བ༔ ཤ་རུས་སྟག་པ་ལ་ཁྲམ་བྲིས་པའི་གཉའ་ཤིང་གཏད༔ ཤར་ལྷོའི་རུ་སྦལ་སྟེང་དུ་བུད་མེད་སྨྱོན་མའི་གཟུགས་བདུན༔ ཚ་ཁང་གི་སྟེག་ཆ་ལས་བཤུས་པའི་ཐལ་བ་དང་༔ ཕྱེ་བསྲེག་པའི་གླུད་ནག་གཅིག་བྱས་ལ་བཞག༔ ལྷོ་ནུབ་ཏུ་རུས་སྦལ་སྟེང་དུ་ལུག་ཐོད་ནང་དུ་རྒན་མོ་རྒུར་མོ་བདུན་གྱི་གཟུགས་བཞག༔ ཆུ་གཏོར་ཆ་གཅིག་ནང་དུ་ངར་གླུད་རྣལ་འབྱོར་པའི་ལོ་གྲངས་བླུག་ལ་བཞག༔ ནུབ་བྱང་དུ་རུ་སྦལ་སྟེང་དུ་ཁྱི་དཀར་སྣ་དམར་བཅུ་གསུམ་ལ་དུང་སྒ་བཏད་སྟག་སྒྲོ་གཟིག་སྒྲོ་དག་ལ་ལུག་ཤ་དཔུང་ལྷུ་གཅིག༔ བཤོས་བུ་ཟུར་གསུམ་པ་བཞི༔ སྨྱུག་རྒོད་ལྕགས་བུ་དཀར་པོས་བརྒྱན་པ་གཅིག་བཞག་གོ༔ སྨེ་བ་དགུའི་གཏོ་རྫས་ལ༔ ལྷོ་ངོས་སུ་བུད་མེད་སྨུག་མོ་དགུ༔ ལྷོ་ནུབ་ཏུ་མི་ནག་རྟ་ནག་གཉིས༔ ནུབ་ཏུ་མི་དམར་རྟ་དམར་བདུན༔ ནུབ་བྱང་དུ་མི་ལུས་ཁྱིའི་མགོ་ཅན་དྲུག༔ བྱང་དུ་ངར་གླུད་བྱ་མགོ་ཅན་གཅིག༔ བྱང་ཤར་དུ་གཡག་དཀར་པོ་བཞི༔ ཤར་དུ་བུད་མེད་སྔོན་མོ་རལ་པ་ཅན་གསུམ༔ ཤར་ལྷོར་ཀླུ་རྒྱལ་བརྒྱད་འགོད་དོ༔ ལོ་གླུད་དུ་ལོ་བཅུ་གཉིས་ཀྱི་མགོ་བརྙན་ཅན་ཕྱོགས་མཚམས་སུ་འགོད༔ དེ་ནས་འདབ་བརྒྱད་ཕྱི་རོལ་མུ་ཁྱུད་ཕྱོགས་མཚམས་ལ༔ གཟའ་བརྒྱད་ལ་ངར་གླུད་རུ་དར་ཕྱར་བ་བརྒྱད༔ རྒྱུ་སྐར་ཉེར་བརྒྱད་ལ་བཤོས་བུ་ཉུང་དཀར་བརྒྱན་པ་ཉེར་བརྒྱད་བཙུགས༔ དེ་དག་གི་མཐར་འབྱུང་བའི་ཕྱོགས་དང་མདོག་མཐུན་པར་ངར་གླུད་རང་གི་ལོ་གྲངས་ཙམ་པ་ཕྱོགས་མཚམས་ཁྱབ་པར་ཚན་རེ་རེ་འགོད༔ ཟན་དང་ཤ་ལྷུ་དང་ཆང་ཏོག་དང་

― CMR038_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་ཆངས་བུ་དེ་དག་ཀུན་ལོ་གྲངས་རེ་རེ་བཤམས་ལ་བཞག༔ ཞེས་གསུངས་པ་ལྟར་ལས༔ དབུས་སུ་གནམ་ལོ་སྦྲུལ་མཇུག་གཤོག་པ་ཅན་གཅིག་བཞག༔ མཐའ་བསྐོར་དུ་ལྟས་ངན་གང་བྱུང་བའི་གཟུགས་དང་ཁྱིམ་དུ་སྤང་ཤ་སྐྱེས་མལ་གྱི་ས་དང་ཐན་ཁྲིད་པའི་ཤ་རུས་སོགས༔ རྣམ་རྟོག་གང་ཡོད་པ་རྣམས་བླུག༔ དེའི་ངར་མི་དང་གཏོར་ཆུང་མ་གཏོགས་འཇིམ་པ་ལ་བཅའ༔ ཀོང་ཙེའི་གཏོ་ནག་རྒྱས་པ་སྟེ་སྔགས་ནག་ཕལ་པ་རྣམས་ཀྱི་ལུགས་ཏེ༔ བཅའ་ཚོགས་དཀའ་ཏེ་འགྱུར་ཤིན་ཏུ་ཆེ་བ་རྒྱ་ནག་གི་གཏོ་ཐིག་ཐམས་ཅད་འདི་ཉིད་ལ་ཚང་བའོ༔ ༈ ཡང་མདོས་གཞིའི་སྟེང་དུ༔ རུ་སྦལ་དགུ་པོ་རྡུལ་ཚོན་གྱི་བྲི༔ ཡང་ན་ཤོག་བུ་ལ་བྲི་སྟེ་གཏོར་སྣོད་ཞབས་སུ་བཏིང་ཡང་རུང་༔ གནམ་ལོ་མ་གཏོགས་གཟུགས་རིས་ཐམས་ཅད་ཙཀླུ་བྱ་སྟེ༔ གོང་དུ་ཡི་གེ་སེར་བརྒྱབ་པ་རྣམས་བྲི༔ གནམ་ལོ་ངར་མི་རྣམས་ཟན་ལ་བྱ་སྟེ༔ དེ་ཡང་ཤོག་བུའམ་གྲོ་གའམ་ཀོག་གེ་ལ་བྲིས་པའི་གཟུགས་ཆུང་ངུ་ཞིག་བྱས་ལ༔ དེ་ལ་མཆོད་ཕྱེ་བྲེ་བཅུ་གསུམ་འཇལ་ལ་བཅའོ༔ དེ་ལྟར་འཇིམ་གཟུགས་མི་དགོས་པ་འདི་ཀོང་ཙེ་གཏོ་འགྱུར་དཀར་པོ་སྟེ༔ དགེ་ཚུལ་སློང་སོགས་བླ་མ་རྣམས་ཀྱིས་བཅའ་རུང་བའོ༔ དེ་གཉིས་རྒྱས་པ་ཡིན་ལ༔ རུ་སྦལ་དགུ་པོ་ས་ལ་བཅའ༔ གཟུགས་བརྙན་བཅའ་དཀའ་ཞིང་འཛོམ་དཀའ་བའི་རྫས་རྣམས༔ ཙཀ་ལི་བྲི༔ བཅའ་སླ་བའི་གཟུགས་བརྙན་ཧྲག་བསྡུས་འཇིམ་པ་ལ་བཅའ་གཏོར་མ་དང་ངར་མི་གཉིས་ཟན་ལ་བཅའ༔ དེ་ནི་ཀོང་ཙེ་ཁྲ་བོ་སྟེ་སྔགས་པ་རྣམས་ཀྱི་བཅའ་

― CMR038_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུའོ༔ ༈ ཡང་སྦྱིན་བདག་འབྱོར་པ་ཆུང་བ་དང་༔ སྔགས་པ་བཅའ་ལོང་མེད་པར་མགྱོགས་པར་ཚར་དགོས་ན༔ ཕུབ་ལ་སོགས་པའི་སྣོད་གཅིག་རིལ་མས་བཀང་༔ དེ་སྟེང་འཇིམ་པའི་ཞ་ལ་བྱས་ཏེ༔ དབུས་སུ་རུ་སྦལ་ཆེ་བ་གཅིག་ཐུ་རུས་བྲི༔ དེའི་སྟེང་དུ་ལིང་ཚེ་དགུ་བྲིས་ཏེ༔ གཅིག་ཡིག་གཉིས་ཡིག་སོགས་སྨེ་བའི་གྲངས་ཀ་བརྒྱབས་པས་སྨེ་བའི་གོ་ཆོད་བཅའ་མི་དགོས༔ དེ་རྒྱབ་ཕྱོགས་མཚམས་བརྒྱད་དུ་རུ་སྦལ་བྲིས་པའི་སྟེང་དུ་སྤར་ཁ་བརྒྱུད་སོ་སོའི་ཕྱག་རྒྱུ་བྲི༔ དེས་སྤར་ཁ་བརྒྱད་ཀྱི་ཡས་དང་གཟུགས་རྣམས་གོ་ཆོད༔ དབུས་སུ་གཙོ་བོ་གནམ་ལོ་སྦྲུལ་མཇུག་བྱ་གཤོག་ཅན༔ དེའི་མདུན་དུ་ངར་མི་མཐོ་གང་༔ དེ་གཉིས་ཀྱི་མཐའ་སྐོར་དུ་ངར་ཆུང་པར་མ་བཅུ་གསུམ་གྱིས་བསྐོར༔ དེ་རྒྱབ་ཏུ་ལོ་སྐོར་བཅུ་གཉིས་འཇིམ་གཟུགས་ཚོན་བྱས་པ་བཀོད༔ ཕྱོགས་བཞིར་སྲུང་བཞི༔ མཚམས་བཞིར་ལྟས་ངན་གང་བྱུང་གི་གཟུགས་བརྙན་བཞག༔ དེའི་མཐར་རུ་སྦལ་བརྒྱད་ཀྱི་སྟེང་དུ༔ འབྱུང་བའི་ལྷ་མོ་བརྒྱད་ཀྱི་གཟུགས་བཅའ༔ དེ་དག་གི་བར་མཚམས་སུ་དཀར་གཏོར་ཆུང་ངུ་བརྒྱད་བཀྲམ༔ དེའི་མཐའ་བསྐོར་དུ༔ མདའ་བཀྲ་ལྔ་འཕང་བཀྲ་ལྔ་ཤིང་རིས་འཇའ་རིས་ཅན་ལ༔ དབུས་སུ་ནམ་མཁའ་ཁྲ་བོ་གཅིག༔ ནང་དུ་ཡོས་བཀྲ་དང་འབྲུ་སྣ་གང་འཛོམ༔ བདག་དང་ཡོན་བདག་རྣམས་ཀྱི་གླུད་ཆངས་བུ༔ ཤ་དུམ་མཐེབ་སྐྱུ་མང་དུ་བླུགས་ལ་བྲན་ནོ༔ དེ་ཡང་བཀའ་བརྒྱད་ཀྱི་གཞུང་ལས༔ དེ་ནས་མཁན་པོ་ཉིད་འཇམ་དཔལ་གཤིན་རྗེའི་གཤེད་དུ་བསྒོམས་ལ༔ སྔགས་དྲུག་ཕྱག་

― CMR038_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་གི་ཡས་རྣམས་བྱིན་གྱིས་བརླབས༔ འབྱུང་ལྔའི་ལྷ་འདྲེ་ཐམས་ཅད་མཉེས་པར་བྱ༔ ཞེས་དང་༔ གནམ་ཆོས་སྤར་ཁའི་སྐག་བསྒྱུར་ལས༔ རང་ཉིད་འཇམ་དཔལ་གཤིན་རྗེའི་གཤེད་དུ་བསྒོམ་ཞེས་གསུངས་པའི་དོན༔ བླ་མ་རྡོ་རྗེ་གདན་པས་མཛད་པའི་གཏོ་མཁན་རང་བསྲུང་འཇམ་དཔལ་གཤིན་རྗེའི་གཤེད་ནག་པོ་འདི་ལ༔ ཡེ་ཤེས་སྤྱན་འདྲེན་སོགས་མི་དགོས་དྲན་རྫོགས་སུ་སྒོམ་པ་ནི༔ ༈ རང་ཉིད་འཇམ་དཔལ་ནག་པོ་དབུ་སྐྱ་སྤྱི་བོར་བཅིངས་པ༔ ཞལ་གཅིག་ཕྱག་གཉིས་པ༔ གཡས་རལ་གྲི་མེ་འབར་བས་དགྲ་བགེགས་ཐམས་ཅད་ལ་བསྣུན་པར་བྱེད་པ༔ གཡོན་པོ་ཏི་ཐུགས་ཀར་བསྣམས་པ༔ ལྟོ་བ་ཆེ་བ་ཞབས་གཡས་བསྐུམས་གཡོན་བརྐྱང་བ༔ སྤྱན་གསུམ་དམར་ཞིང་ཟླུམ་པ༔ ཡེ་ཤེས་ཀྱི་མེ་འབར་བའི་དབུས་ན་བཞུགས་པ༔ དེའི་སྤྱི་བོར་རྩ་བའི་བླ་མ་དང་དབྱེར་མེད་པའི༔ འཇམ་དཔལ་དམར་སེར་གཡས་རལ་གྲི་དང་༔ གཡོན་ཨུཏྤལ་སྟེང་ན་པོ་ཏི་བསྣམས་པ༔ དར་དང་རིན་པོ་ཆེས་བརྒྱན་པ་གསལ་བར་གྱུར༔ ཨོཾ་པྲ་སོད༔ ཆུ་སོད༔ དུརྟ་སོད༔ དུར་མི་སོད༔ སྙིང་མགོ་ལ་ཆོད༔ གཉན་མགོ་ལ་ཆོད༔ ཁ་ལ་ཛཀཾ་ཤཾ་ཏྲི་རྦད་ཕཊ་སྭཱ་ཧཱ༔ ཞེས་བརྒྱའམ་ཉེར་གཅིག་བཟླ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཤཱཀྱ་

― CMR038_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པའི་བྱིན་རླབས་ཀྱིས༔ ཐལ་མོ་ཁོང་སྟོང་ཕྱག་རྒྱའི་ནང་༔ ཨ་ཡིག་དཀར་པོ་འོད་འཕྲོས་པས༔ ད་མདོས་དངོས་པོར་འཛིན་པ་དང་༔ མི་གཙང་དྲི་མ་ཐམས་ཅད་དག༔ དོན་དམ་སྟོང་ཉིད་ངོ་བོར་གྱུར༔ ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ༔ ཨེ་ཡཾ་རཾ་བཾ་ལཾ་སུ་རྣམས་ལས༔ མཁའ་ལ་འཇའ་ཚོན་ཤར་བ་ལྟར༔ འབྱུང་བ་རིམ་པར་བརྩེགས་པའི་སྟེང་༔ ཕྱི་ལྟར་གླིང་བཞི་རི་རབ་ལ༔ ནང་ལྟར་རིན་ཆེན་གཞལ་ཡས་ཁང་༔ གསང་བ་གསེར་གྱི་རུ་སྦལ་ནི༔ གན་རྐྱལ་ཉལ་བའི་ལུས་ཀྱི་ཚུལ༔ དབྱེར་མེད་མེ་ལོང་གཟུགས་བརྙན་ལྟར༔ དབུས་སུ་ཏྲི་ལས་གནམ་ལོ་ནི༔ བྱ་གཤོག་སྦྲུལ་མཇུག་གནམ་ལོའི་དབུ༔ གཡས་གཡོན་ཁྲམ་ཤིང་ནད་རྐྱལ་འཛིན༔ དེ་ཡི་དྲུང་དུ་ལྔ་སེར་ནི༔ རུ་སྦལ་མགོ་ཅན་རུ་སྦལ་ཆིབས༔ ལག་ན་བདུད་རྩི་རིན་ཆེན་བསྣམས༔ རྒྱབ་ཏུ་གཅིག་དཀར་ས་ཡི་ལྷ་མོ་ནི༔ ཕག་ཆིབས་རི་རབ་བུམ་པ་འཛིན༔ གཡས་ཟུར་གཉིས་ནག་མི་རྟ་ནག༔ ཁྲམ་ཤིང་ཞགས་བསྣམས་བདུད་ཀྱི་རྗེ༔ གཡོན་དུ་གསུམ་མཐིང་ཁྱི་མགོ་མ༔ ཁྱི་ཆིབས་ཐོད་ཕྲེང་བྷན་ཐོགས༔ གཡོན་ཟུར་བཞི་ལྗང་ཀླུ་ཡི་རྗེ༔ གདེངས་

― CMR038_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་སྦྲུལ་ཞགས་ནད་རྐྱལ་འཛིན༔ རྒྱབ་གཡས་དྲུག་དཀར་གླང་ཆེན་མགོ༔ སིང་ཆིབས་རྒྱལ་མཚན་བུམ་པ་འཛིན༔ གཡོན་དུ་བདུན་དམར་རྟ་ཡི་མགོ༔ མདུང་དམར་ཞགས་འཛིན་རྟ་དམར་ཞོན༔ རྒྱབ་གཡོན་བརྒྱད་དཀར་གླང་ཆེན་ཞོན༔ རྩེ་གསུམ་རྒྱལ་མཚན་ལག་ནི་འཛིན༔ མདུན་དུ་དགུ་དམར་དྲེལ་མགོ་མ༔ དྲེལ་ཆིབས་མཚོན་གྲུག་ནད་རྐྱལ་འཛིན༔ དེ་ལྟར་སྡེ་བརྒྱད་ས་བདག་བཅས༔ སྨེ་བ་དགུ་དང་དབྱེར་མེད་གསལ༔ དེ་རྒྱབ་ཕྱོགས་མཚམས་བརྒྱད་པོ་ལ༔ ལྷོ་རུ་ལི་ནི་རྟ་མགོ་མ༔ དམར་མོ་ལག་ན་མེ་དཔུང་འཛིན༔ མེ་ཡི་གནོད་པ་ཟློག་པར་བྱེད༔ ལྷོ་ནུབ་ཁོན་མ་རྒན་མོ་ནི༔ ལུག་ཞོན་ལག་ན་འཇོར་ཐོགས་པ༔ ས་ཡི་གནོད་པ་ཟློག་པར་བྱེད༔ ནུབ་ཏུ་དྭ་དཀར་སྐྱེས་ཕྲན་གཟུགས༔ ར་ཆིབས་ཁྲབ་དང་རལ་གྲི་ཐོགས༔ ལྕགས་ཀྱི་གནོད་པ་ཟློག་པར་བྱེད༔ ནུབ་བྱང་ཁེན་པ་རྒན་པོ་སེར༔ ཁྱི་ཞོན་འཁར་བ་ལག་ན་ཐོགས་གནམ་གྱི་གནོད་པ་ཟློག་པར་བྱེད༔ བྱང་དུ་ཁཾ་ནག་རལ་པ་ཅན༔ ཕག་ཞོན་ཆུ་རྐྱལ་ཐོ་བ་ཐོགས༔ ཆུ་ཡི་གནོད་པ་ཟློག་པར་བྱེད༔ བྱང་ཤར་གིན་རི་གླང་ཆེན་ཞོན༔ བཙུན་

― CMR038_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་པོ་ཏི་འཛིན་པ་ཡི༔ རི་ཡི་གནོད་པ་ཟློག་པར་བྱེད༔ ཤར་དུ་ཟིན་ནི་བོང་བུ་ཞོན༔ ལག་གཉིས་གཅུས་ཏེ་ཤིང་ལོ་འཛིན༔ ཤིང་གི་གནོད་པ་ཟློག་པར་བྱེད༔ ཤར་ལྷོ་ཟོན་མ་མཛོ་ལ་ཞོན༔ རླུང་རྐྱལ་རླུང་གི་བུ་ཡུག་འཛིན༔ རླུང་གི་གནོད་པ་ཟློག་པར་བྱེད༔ དེ་ཡི་ཕྱི་རོལ་ཕྱོགས་མཚམས་སུ༔ ཤར་དུ་སྟག་དང་ཡོས་གཉིས་ལྗང་༔ ཤིང་ལོ་བཅུ་གཉིས་འཁོར་གྱིས་བསྐོར༔ ལྷོ་རུ་རྟ་དང་སྦྲུལ་གཉིས་དམར༔ མེ་ལོ་བཅུ་གཉིས་འཁོར་གྱིས་བསྐོར༔ ནུབ་ཏུ་བྱ་དང་སྤྲེལ་གཉིས་དོཀར་ལྕགས་ལོ་བཅུ་གཉིས་འཁོར་གྱིས་བསྐོར༔ བྱང་དུ་བྱི་བ་ཕག་གཉིས་སྔོ༔ ཆུ་ལོ་བཅུ་གཉིས་འཁོར་གྱིས་བསྐོར༔ མཚམས་བཞིར་ཁྱི་འབྲུག་གླང་ལུག་སེར༔ ས་ལོ་བཅུ་གཉིས་འཁོར་གྱིས་བསྐོར་ཀུན་ཀྱང་དུད་འགྲོ་སོ་སོའི་དབུ༔ མི་ལུས་བྱ་གཤོག་སྦྲུལ་མཇུག་ཅན༔ གཡས་གཡོན་ཁྲམ་ཤིང་རི་རབ་འཛིན༔ སྲོག་ནི་ཁོང་སྦས་དབུ་ནི་མདོག༔ ལུས་ཀྱི་འབྱུང་བ་གདན་དུ་བཏིང་༔ དབང་ཐང་འབྱུང་བ་གོས་སུ་གྱོན༔ སྲུང་རྟའི་མགོ་བོ་ཁ་ན་ཁྱེར༔ བླ་གཟའ་ཕྲག་པའི་གོང་དུ་ཁུར༔ དེ་ལ་གཟའ་དང་རྒྱུ་སྐར་སོགས༔ ཉི་མའི་འོད་ཟེར་བཞིན་དུ་

― CMR038_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར༔ རྒྱལ་བློན་བཅུ་བདུན་སྤྲིན་ལྟར་ལྡིང་༔ དེ་རྒྱབ་རྒྱལ་བསེན་བགེགས་རིགས་སོགས༔ ཡུལ་འདྲེ་ཐན་དང་ཐན་བདག་བཅས་ཁྲོམ་འཚོགས་བཞིན་དུ་འཚོགས་པ་རྣམས༔ ཁས་ལེན་ཡས་ལེན་ཕྱག་རྒྱ་ཅན༔ སྙིང་ཁར་ཏྲི་ཡིག་རེ་རེས་མཚན༔ ཕྱོགས་བཞིར་སྲུང་བཞི་སྒོ་སྲུང་ཚུལ༔ དེ་དག་སོ་སོའི་མདུན་རྣམས་སུ༔ ཨ་ཎི་སུ་ཏྲི་པྲ་དུ་ཛ༔ ཡོངས་གྱུར་སྲིད་གསུམ་བཅུད་བསྡུས་པས༔ སྐུ་གླུད་ངར་གྱི་མི་བོ་ཆེ༔ ཕུང་ཁམས་སྐྱེ་མཆེད་ཡོངས་སུ་རྫོགས༔ སྦྱིན་བདག་དངོས་འདྲ་དངོས་བས་ལྷག༔ ལུང་ཐང་མིག་ལ་མགྲོན་བུའི་སོ༔ མུ་ཏིག་ཀླད་པ་ཟེར་མོའི་སྐུ༔ ཞོ་ཤའི་སྙིང་ལ་བསེ་ཡི་ཤ་དུང་གི་རུས་ལ་དར་ཟབ་ལྤགས་རིན་ཆེན་སྣ་ལྔའི་ནང་ཁྲོལ་ཅན༔ རླུང་གི་དབུགས་ལ་མེ་ཡི་དྲོད༔ ནམ་མཁའི་སེམས་ལྡན་འཕྲུལ་གྱི་མི༔ བསྐལ་པའི་ཚེ་ཅན་བཟང་དགུ་ཚང་༔ གླུ་ལེན་བྲོ་རྡུང་གར་ཐབས་འཁྱུགས༔ ལོ་རྒྱགས་རྒྱབ་ཁུར་ཟླ་རྒྱགས་པང་༔ མི་བས་གླུད་བཟང་ལྷ་ཡི་སྲས༔ གཞན་ཡང་བཤོས་བུ་འབྲུ་སྣ་དང་༔ རིན་ཆེན་དར་ཚོན་ཆངས་བུ་དང་༔ བལ་ཚོན་ཡོས་བཀྲ་ཤ་ཁྲག་རུས༔ འདབ་ཆགས་གཅན་

― CMR038_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

གཟན་རི་དྭགས་དང་༔ གཡུང་དྭགས་ཆུ་གནས་སྣ་ཚོགས་གཟུགས༔ ཤིང་རིས་མདའ་འཕང་ནམ་མཁའ་དང་རྒྱང་བུ་ཕོ་ཐོང་མོ་ཐོང་སོགས༔ དངོས་འབྱོར་ཡིད་སྤྲུལ་ཡས་སྟགས་རྣམས༔ བདག་ཅག་ཡོན་མཆོད་མི་ནོར་གྱི༔ ཚེ་ཡི་གླུད་དང་སྲོག་གི་སྤྲིན༔ ལན་ཆགས་བུ་ལོན་འཇལ་བའི་རྫས༔ སྣང་སྲིད་ལྷ་འདྲེ་ཐམས་ཅད་ཀྱིས༔ དབང་པོ་དྲུག་གི་སྤྱོད་ཡུལ་དུ༔ འདོད་པའི་ཡོན་ཏན་རྣམ་པ་ལ༔ སྤྲིན་ལྟར་འཁྲིགས་ཤིང་ཆར་ལྟར་འབེབས༔ ཟད་མེད་ནམ་མཁའི་མཛོད་དུ་གྱུར༔ རྣམ་པར་སྣང་མཛད་བྱིན་རླབས་ཀྱིས༔ ཐལ་མོ་ཚིག་བཅག་ཕྱག་རྒྱའི་ནང་༔ ཡི་གེ་ཁཾ་ལས་འོད་འཕྲོས་པས༔ ཡས་གླུད་དེ་དག་འཕེལ་ཞིང་རྒྱས༔ སྟོང་གསུམ་འཇིག་རྟེན་གནམ་ས་གང་༔ ༀ་ན་མཿསརྦ་ཏ་ཐཱ་ག་ཏེ་བྷྱོ་ཤྭ་མུ་ཁེ་བྷེ༔ སརྦ་ཏད་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ༔ བདུད་རྩི་འཁྱིལ་པའི་བྱིན་རླབས་ཀྱིས༔ ཐལ་མོ་ཁ་གྱེད་ཕྱག་རྒྱའི་ནང་༔ ཛཿཡིག་དམར་པོར་འོད་འཕྲོས་པས༔ ཡས་གླུད་ཟག་མེད་བདུད་རྩིར་གྱུར༔ ཨོཾ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ རིན་ཆེན་འབྱུང་ལྡན་བྱིན་རླབས་ཀྱིས༔ མཆོག་སྦྱིན་ཕྱག་རྒྱ་ཏཱཾ་སེར་ལས༔

― CMR038_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་འཕྲོས་མགྲོན་རྣམས་ཐམས་ཅད་ལ༔ བསྔོས་པ་བཞིན་དུ་ཐོབ་གྱུར་ཅིག༔ ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ དོན་ཡོད་གྲུབ་པའི་བྱིན་རླབས་ཀྱིས༔ ཁུར་ཚུར་མཆོག་སྦྱིན་ཕྱག་རྒྱའི་ནང་༔ ཧ་ལྗང་འོད་ཟེར་འཕྲོས་པའི་མཐུས༔ མགྲོན་ཀུན་མཉེས་ཤིང་ཚིམ་གྱུར་ཅིག༔ ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མ་ས་མནྟ་ཨ་མྲྀ་ཏ་སྤ་ར་ཎ་རསྨི་བྷ་ཝ་མ་ཧཱ་མ་ནི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ༔ ཕྱག་ན་རྡོ་རྗེའི་བྱིན་རླབས་ཀྱིས༔ སོར་བསྣོལ་ཕྱག་རྒྱ་ཛདམར་ལས༔ འོད་འཕྲོས་མགྲོན་ཀུན་དབང་དུ་བསྡུས༔ བདག་གི་བཀའ་བཞིན་བསྒྲུབ་པར་གྱུར༔ ན་མཿས་མནྟ་བྷུདྡྷཱ་ནཾ་ག་རི་ཀྲོ་དྷི་ཤྭ་རི་པྲ་བྷ་ཛྷཱ་ན་མཱ་ར་ཡ་སྭཱ་ཧཱ༔ མགྲོན་རྣམས་ཀུན་གྱི་ས་བོན་ལས༔ འོད་ཟེར་སྣ་ཚོགས་འཕྲོས་པ་ཡིས༔ སོ་སོའི་གནས་ནས་སོ་སོ་རྣམས༔ སྤྱན་དྲངས་སོ་སོར་ཐིམ་པར་གྱུར༔ ཧཱུྃ༔ འགྲོ་བའི་མགོན་པོ་འཕགས་པ་འཇམ་དཔལ་དང་༔ གཞི་མ་གསེར་གྱི་རུ་སྦལ་སྤྲུལ་པའི་སྐུ༔ འབྱུང་བ་ལྔ་ཡི་ལྷ་མོ་རྣམ་པ་ལྔ༔ དགོས་འདོད་འབྱུང་བ་རིན་ཆེན་གཏེར་གྱི་ལྷ༔ འབྱུང་བའི་ལྷ་ཚོགས་འཁོར་དང་བཅས༔ རང་བཞིན་གནས་ནས་སྤྱན་

― CMR038_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་གྱིས༔ འགྲོ་བའི་དོན་ལ་གཤེགས་སུ་གསོལ༔ དཀྱིལ་འཁོར་འདི་ལ་བཞུགས་སུ་གསོལ༔ ཧཱུྃ༔ སྟོན་པ་ཐམས་ཅད་མཁྱེན་པ་འཇམ་དཔལ་དང་༔ གསེར་གྱི་རུས་སྦལ་འགྲོ་བའི་སྡུག་བསྔལ་སེལ༔ གང་འདོད་ཀུན་སྟེར་འབྱུང་ལྔའི་མཁའ་འགྲོ་མ༔ འབྱུང་བའི་མངའ་བདག་ཡེ་ཤེས་ལྷ་ཡི་ཚོགས༔ གསེར་མདོག་འཕགས་པ་འཁོར་དང་བཅས་པ་ལ༔ རབ་ཏུ་གུས་པས་ཕྱག་འཚལ་ལོ༔ ཧཱུྃ༔ ཆོས་སྐུ་རྣམ་དག་ངང་ལས་མ་གཡོས་ཀྱང་༔ ཐུགས་རྗེའི་དབང་གིས་འགྲོ་ལ་སྐུར་སྟོན་པ༔ མཁྱེན་རབ་མངའ་བདག་འཇམ་དབྱངས་འགྲོ་བའི་མགོན༔ གཞོན་ནུ་ཚུལ་མཛེས་ཡིད་འོང་ཆ་བྱད་ཅན༔ གསེར་མདོག་འོད་འབར་ཨུཏྤལ་རལ་གྲི་བསྣམས༔ ཀུན་མཁྱེན་ལྷ་ཡི་ལྷ་ལ་ཕྱག་འཚལ་ལོ༔ ངན་བཟློག་སྐག་ཆེན་བསྒྱུར་བའི་རྫུ་འཕྲུལ་ཅན༔ འབྱུང་བ་ལྔ་ལ་ས་རུ་སྲིད༔ ས་བདག་རྒྱལ་པོ་ལ་སོགས་པ༔ ས་ལས་གྲུབ་པའི་ལྷ་འདྲེ་རྣམས༔ གནས་འདིར་གཏོ་ལ་གཤེགས་སུ་གསོལ༔ ཀྱེ༔ ཀོང་ཙེ་རྒྱལ་པོའི་འཕྲུལ་གྱི་གཏོ༔ སྲིད་པ་དང་པོ་ཕྱུ་ཡི་ལུགས༔ འབྱུང་བ་འཁྲུགས་པ་བསྡུས་པའི་གཏོ༔ སྲིད་པ་ཡོ་བཅོས་རྒྱུད་ཀྱི་སྨང་༔

― CMR038_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་དང་ས་ཡི་ལྷ་ཀླུ་དང་༔ གཏོ་མཁན་རྒྱལ་པོ་གཏོ་ལ་བྱོན༔ ནམ་མཁའ་ཡངས་པའི་དཀྱིལ་འཁོར་ནས༔ ཁེན་པ་རྒན་པོ་གཏོ་ལ་བྱོན༔ ལྷོ་ནུབ་ས་ཡི་དཀྱིལ་འཁོར་ནས༔ ཁོན་མ་རྒན་མོ་གཏོ་ལ་བྱོན༔ རི་བོ་མཆོག་རབ་གདན་སྟེང་ནས༔ བུ་ཆེན་གིན་རི་གཏོ་ལ་བྱོན༔ རྒྱ་གྲམ་རླུང་གི་གཏོ་ལ་བྱོན༔ བུ་མོ་ཟོན་ཡང་གཏོ་ལ་བྱོན༔ ལྕགས་ཀྱི་ཁང་སྒོམ་དཀར་པོ་ནས༔ བུ་འབྲིང་དྭ་དཀར་གཏོ་ལ་བྱོན༔ ལྷོ་ཕྱོགས་མེ་རི་དཔུང་པ་ནས༔ བུ་མོ་ལ་ཡང་གཏོ་ལ་བྱོན༔ བྱང་ཕྱོགས་རྒྱ་མཚོ་མེར་བ་ནས༔ ནལ་བུ་ཁཾ་ཡང་གཏོ་ལ་བྱོན༔ ཤར་ཕྱོགས་ཤིང་གི་བསིལ་གྲིབ་ནས༔ འབྲིང་མོ་ཟིན་ཡང་གཏོ་ལ་བྱོན༔ ཐོ་རངས་སྐར་ཆེན་གདན་སྟེང་ནས༔ གཅིག་དཀར་རྒྱལ་པོ་གཏོ་ལ་བྱོན༔ མྱ་ངན་བྱུར་གྱི་མཚོ་ནང་ནས༔ གཉིས་ནག་རྒྱལ་པོ་གཏོ་ལ་བྱོན༔ བྱེ་བྲག་རླུང་གི་དཀྱིལ་འཁོར་ནས༔ གསུམ་མཐིང་བསེན་མོ་གཏོ་ལ་བྱོན༔ ཀླུ་ཡི་ནེའི་སིང་སྔོན་པོ་ནས༔ བཞི་ལྗང་ཀླུ་རྒྱལ་གཏོ་ལ་བྱོན༔ ཆུ་སེར་འཁྱིལ་པའི་མཚོ་ནང་ནས༔ ལྔ་སེར་ས་བདག་གཏོ་ལ་བྱོན༔ ཤེལ་མཁར་ཉི་ཟེར་མཁར་ནང་ནས༔ དྲུག་དཀར་རྒྱལ་

― CMR038_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་གཏོ་ལ་བྱོན༔ བཙན་བྲག་དམར་པོའི་རྩེ་མོ་ནས༔ བདུན་དམར་བྲག་བཙན་གཏོ་ལ་བྱོན༔ གངས་རི་ཤེལ་གྱི་སྐུ་མཁར་ནས༔ བརྒྱད་དཀར་ལྷ་ཚོགས་གཏོ་ལ་བྱོན༔ ཁྲག་མཚོ་མེར་བའི་གནས་དགུ་ནས༔ དགུ་དམར་མ་མོ་གཏོ་ལ་བྱོན༔ ཤར་ཕྱོགས་ཤིང་ལས་གྲུབ་པ་ཡི༔ སྟག་དང་ཡོས་བུ་གཏོ་ལ་བྱོན༔ ལྷོ་ཕྱོགས་མེ་ལས་གྲུབ་པ་ཡི༔ རྟ་དང་སྦྲུལ་གཉིས་གཏོ་ལ་བྱོན༔ ནུབ་ཕྱོགས་ལྕགས་ལས་གྲུབ་པ་ཡི༔ སྤྲེལ་བྱ་གཉིས་པོ་གཏོ་ལ་བྱོན༔ བྱང་ཕྱོགས་ཆུ་ལས་གྲུབ་པ་ཡི༔ ཕག་དང་བྱི་བ་གཏོ་ལ་བྱོན༔ མཚམས་བཞི་ས་ལས་གྲུབ་པ་ཡི༔ ཁྱི་འབྲུག་གླང་ལུག་གཏོ་ལ་བྱོན༔ དེ་ལྟར་འབྱུང་ལྔ་ལས་གྲུབ་པའི༔ དྲུག་ཅུའི་ལྷ་ཚོགས་གཏོ་ལ་བྱོན༔ འབྱུང་བ་ཤིང་ལས་གྲུབ་པ་ཡི༔ གཟའ་ཆེན་ཕུར་བུ་གཏོ་ལ་བྱོན༔ འབྱུང་བ་མེ་ལས་གྲུབ་པ་ཡི་ཉི་མ་མིག་དམར་གཏོ་ལ་བྱོན༔ འབྱུང་བ་ཆུ་ལས་གྲུབ་པ་ཡི༔ ཟླ་བ་ལྷག་པ་གཏོ་ལ་བྱོན༔ འབྱུང་བ་ལྕགས་ལ་གྲུབ་པ་ཡི༔ པ་ཝ་སངས་ཡང་གཏོ་ལ་བྱོན༔ འབྱུང་བ་ས་ལས་གྲུབ་པ་ཡི༔ ཁྱབ་འཇུག་སྤེན་པ་གཏོ་ལ་བྱོན༔ ཤར་ཕྱོགས་ཤིང་ལས་གྲུབ་པ་ཡི༔ སྨིན་དྲུག་སྣར་མ་མགོ་

― CMR038_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་དང་༔ ནབས་སོ་རྒྱལ་སྐག་གཏོ་ལ་བྱོན༔ ལྷོ་ཕྱོགས་མེ་ལས་གྲུབ་པ་ཡི༔ མཆུ་གྲེ་སྦོ་ཁྲ་ནག་པ་དང་༔ ས་རི་ས་ག་གཏོ་ལ་བྱོན༔ ནུབ་ཕྱོགས་ལྕགས་ལས་གྲུབ་པ་ཡི༔ ལྷ་མཚམས་སོར་ཀ་གདུ་གུ་ཆུ་སྟོད་སྨད༔ བྱི་ཞུན་གྲོ་ཞུན་གཏོ་ལ་བྱོན༔ བྱང་ཕྱོགས་ཆུ་ལས་གྲུབ་པ་ཡི༔ བོན་སྤྱིར་སེ་སྟོད་སེ་སྨད་དང་༔ ནམ་གྲུ་ཐ་སྐར་གཏོ་ལ་བྱོན༔ མཚམས་བཞི་ས་ལས་གྲུབ་པ་ཡི༔ སྐག་དང་ས་རི་བྱི་ཞུན་བྲ་ཉེ་སོགས༔ མཚམས་སྐར་བཞི་པོ་གཏོ་ལ་བྱོན༔ སྟག་སྐྱ་འབྲུག་སྔོན་བྱ་དམར་རུ་སྦལ་དང་༔ ཕྱོགས་བཞི་ས་བདག་གཏོ་ལ་བྱོན༔ རྒྱལ་པོ་ལོ་ཡི་ས་བདག་ནི༔ ཐེ་སེ་ཐེ་ཁྱིམ་བཙུན་མོ་དང་བློན་པོ་བླ་མཁྱེན་སྐུ་སྲུང་དང་༔ ས་བདག་གདན་བཏིང་རྟ་ཁྲིད་དང་༔ ཚིག་དང་ནོར་སྲུང་བྱ་ར་བ༔ དུས་འཛིན་དང་ནི་སྒོ་ཁྱི་དང་༔ བུ་མོ་མག་པ་བག་མར་བཅས༔ བྱི་སྦ་རྟ་བདུད་ཤན་པ་བདུད་སླེབ་དང་༔ རྒྱལ་པོ་ལོ་ལ་དབང་བ་ཡི༔ ས་བདག་འཁོར་བཅས་གཏོ་ལ་བྱོན༔ གཞན་ཡང་ས་བདག་རྒན་རྒོན་འཁོར་བཅས་དང་༔ ནང་ལྷ་གཡུང་བཅུ་ལྔ་སེར་དང་༔ ས་བདག་གྱི་ལིང་སྔོན་པོ་དང་༔ གནམ་ཁྱི་ནག་པོ་ལ་

― CMR038_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པ༔ ཟླ་བར་འཁོར་ཞིང་དབང་བྱེད་པ༔ ས་བདག་ཚོགས་བཅུ་གཏོ་ལ་བྱོན༔ གསེར་མཛོད་གཡུ་མཛོད་ལ་སོགས་པ༔ ཞག་དང་དུས་ལ་དབང་བ་ཡི༔ ས་བདག་རྣམས་ཀྱང་གཏོ་ལ་བྱོན༔ གཞན་ཡང་སྔོན་གྱི་ལན་ཆགས་དང་༔ བགེགས་དང་འབྱུང་པོ་གདོན་རྣམས་དང་༔ བྲག་བསེན་ས་བསེན་ས་སྲི་དང་༔ ཡུལ་བདག་བཙན་དང་སྨན་མོ་དང་༔ འགོ་ཞིང་སྡོང་གྲོགས་བྱེད་པ་རྣམས༔ གཞན་ཡང་གནོད་པའི་བགེགས་རིགས་དང་གཞན་ཡང་གནོད་བྱེད་ཐམས་ཅད་རྣམས༔ གནས་འདིར་སྤྱན་འདྲེན་གཤེགས་སུ་གསོལ༔ ཞེ་སྡང་གདུག་པའི་སེམས་དང་མ་འབྱོན་ཅིག༔ ཁྲོ་གཏུམ་ང་རྒྱལ་སེམས་དང་མ་འབྱོན་ཅིག༔ ཞི་བའི་སེམས་དང་ལྡན་ཏེ་བྱོན༔ གཏོ་ཡས་ལེན་པའི་སེམས་དང་ལྡན་ཏེ་བྱོན༔ ཨོཾ་སརྦ་དྷེ་ཝ་ཏྲི་སརྦ་ཨ་སུ་ར་ཨེ་ཧེ་ཧི༔ བཛྲ་ས་མཱ་ཛ༔ ཧཱུྃ༔ རང་སྣང་ཡིད་ལས་གྲུབ་པ་ཡི༔ རིན་ཆེན་སྣ་ཚོགས་གཞལ་ཡས་ཁང་༔ རུ་སྦལ་པདྨ་ཉི་ཟླའི་སྟེང་༔ གཙོ་དང་འཁོར་དུ་བཅས་པ་རྣམས༔ ཇི་སྲིད་མཆོག་སྦྱིན་མ་ཚར་བར༔ དགྱེས་ཤིང་བརྟན་པར་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ ཀྱཻ༔ ཀོང་

― CMR038_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

ཙེའི་ལྗགས་ཀྱི་མཆིལ་མ་ཐིགས་གཅིག་ལ༔ འབྱུང་བ་དྭངས་མ་ལྔ་རུ་སྲིད༔ འོད་ཟེར་སྐུ་ཡི་སྤྲུལ་པ་ལས༔ མ་ཧཱ་གསེར་གྱི་རུ་སྦལ་སྲིད༔ བརྟགས་ན་སྣང་བ་ཙམ་ཡེངས་པར༔ དེ་ལ་འབྱུང་བ་ལྔ་རུ་སྲིད་༔ དང་མ་ཁེན་པ་རྒན་པོས་གཏོ་འདི་ལོངས༔ སྙིགས་མ་ཁོན་མ་རྒན་མོ་གཏོ་འདི་ལོངས༔ གིན་ཟོན་ལྕམ་དྲལ་གཏོ་འདི་ལོངས་དྭ་ལི་ལྕམ་དྲལ་གཏོ་འདི་ལོངས༔ ནལ་ཕྲུག་ཁཾ་ཟིན་གཉིས་པོས་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ རྩ་རྒྱུས་མཆིན་པའི་སྤྲུལ་པ་ལས༔ འབྱུང་བ་དང་པོ་ཤིང་དུ་སྲིད༔ ཤིང་ལོ་བཅུ་གཉིས་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ དྲོད་དང་སྙིང་གི་སྤྲུལ་པ་ལས༔ འབྱུང་བ་གཉིས་པ་མེ་རུ་སྲིད༔ མེ་ལོ་བཅུ་གཉིས་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ གློ་བ་རུས་པའི་སྤྲུལ་པ་ལས༔ འབྱུང་བ་གསུམ་པ་ལྕགས་སུ་སྲིད༔ ལྕགས་ལོ་བཅུ་གཉིས་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ མཁལ་མ་ཆུ་ཡི་སྤྲུལ་པ་ལས༔ འབྱུང་བ་བཞི་ལྗང་ཆུ་རུ་སྲིད༔ ཆུ་ལོ་བཅུ་གཉིས་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ ཕོ་བ་མཚེར་པའི་སྤྲུལ་པ་ལས༔ འབྱུང་

― CMR038_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལྔ་པ་ས་རུ་སྲིད༔ ས་ལོ་བཅུ་གཉིས་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ མིག་གི་འབྲས་བུ་དཀར་པོ་ལ༔ ཐོ་རངས་སྐར་ཆེན་གཅིག་ཏུ་ཤར༔ སྨེ་བ་གཅིག། དཀར་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ མིག་གི་འབྲས་བུ་ནག་པོ་ལ༔ མྱ་ངན་བྱུར་གྱི་མཚོ་གཉིས་བྱུང་༔ དེ་ལ་སྨེ་བ་གཉིས་ནག་སྲིད༔ སྨེ་བ་གཉིས་ནག་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ སྣ་བུག་གཉིས་ནས་རླུང་གསུམ་བྱུང་༔ དེ་ལ་སྨེ་བ་གསུམ་མཐིང་སྲིད༔ སྨེ་བ་གསུམ་མཐིང་གཏོ་འདི་ལོངས༔ མ་ཧཱ་གསེར་ཚེགྱི་རུ་སྦལ་གྱི༔ ཞལ་གྱི་རླངས་པ་སྔོ་དམར་ལ༔ བྱུར་གྱི་མཚོ་མོ་རྡོལ་བ་སྟེ༔ གྱོད་གྱི་དུ་བ་སྤུན་བཞི་བྱུང་༔ སྨེ་བ་བཞི་ལྗང་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ ཤ་དང་རུས་པའི་བར་ཤད་ནས༔ ཆུ་སེར་ཐིགས་པ་ལྔ་རུ་བྱུང་༔ སྨེ་བ་ལྔ་སེར་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ སྒལ་ཚིགས་རུས་པའི་བར་དུ་ནི༔ དཔལ་གྱི་ཆུ་མིག་དྲུག་ཏུ་ཤར༔ སྨེ་བ་དྲུག་དཀར་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ ལྟོ་བ་ཁྲག་གི་ཐིགས་པ་ལ༔ དེ་ལ་ཤན་པ་མི་བདུན་བྱུང་༔ སྨེ་བ་བདུན་དམར་གཏོ་

― CMR038_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ལོངས༔ མ་ཧཱ་གསེར་གྱི་རུ་སྦལ་གྱི༔ རུ་སྦལ་དཔྲལ་བའི་དཀྱིལ་འཁོར་ནས༔ དཀར་པོ་ཧ་ལོ་ལྷ་བརྒྱད་བྱུང་༔ སྨེ་བ་བརྒྱད་དཀར་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ དབང་པོའི་བུ་གའི་སྒོ་དགུ་ནས༔ ནོར་ལྷ་ལྕམ་དྲལ་དགུ་རུ་སྲིད༔ སྨེ་བ་དགུ་དམར་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ རུ་སྦལ་སྤྱན་མིག་གཉིས་པོ་ལ༔ ཉི་མ་ཟླ་བ་གཉིས་པོ་སྲིད༔ ཉི་ཟླ་གཉིས་པོ་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ མཆེ་བ་བཞི་ཡི་ཟུར་བརྒྱད་ལ༔ དྲང་སྲོང་གཟའ་ཆེན་བརྒྱད་དུ་སྲིད༔ གཟའ་ཆེན་བརྒྱད་ཀྱིས་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ སྒལ་ཚིགས་ཉི་ཤུ་རྩ་བརྒྱད་ལ། རྒྱུ་སྐར་ཉི་ཤུ་རྩ་བརྒྱད་བྱུང་༔ རྒྱུ་སྐར་ཉེར་བརྒྱད་གཏོ་འདི་ལོངས༔ མ་ཧཱ་གསེར་གྱི་རུ་སྦལ་གྱི༔ ལྕེ་ལ་གློག་དང་སྐད་ལ་འབྲུག༔ གློག་འབྲུག་གཉིས་ཀྱིས་གཏོ་འདི་ལོངས༔ སྙན་ལ་འཇའ་ཚོན་སྣ་ལྔ་བྱུང་༔ འཇའ་ཚོན་སྣ་ལྔས་གཏོ་འདི་ལོངས༔ བགད་པས་རླུང་དང་བུ་ཡུག་བྱུང་༔ རླུང་དང་བུ་ཡུག་གཉིས་ཀྱིས་གཏོ་འདི་ལོངས༔ རུ་སྦལ་ཁྲོས་པས་ཐོག་སེར་འབེབས༔ ཐོག་སེར་བདག་པོས་གཏོ། །

― CMR038_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ལོངས༔ ལོ་སྐག་ཟླ་སྐག་གཏོ་འདིས་ཟློག༔ ཞག་སྐག་ཟ་སྐག་གཏོ་འདིས་ཟློག༔ གཏོ་ཡས་ལོངས་ལ་སྐག་སྒྱུར་ཅིག༔ དེ་ཡང་བཀའ་བརྒྱུད་གཞུང་ལས་འདི་སྐད་གསུངས༔ དེ་ནས་གཏོ་བསྒྱུར་ཏེ༔ རྒྱུད་ལས༔ འབྱུང་བཞི་ནད་གདོན་ཀུན་འདུས་པ༔ ཞི་བྱེད་འཆི་བསླུའི་སྔགས་འདི་བཟླས༔ ཞེས་པ་ནི། འཇམ་དཔལ་དུ་གསལ་བས༔ ཨོཾ་མ་ཧཱ་ཀ་ལི་མོ་ཏ་ཡེ་སྭཱ་ཧཱ༔ ཨོཾ་མ་མ་རཾ་རཾ་ཡེ་སྭཱ་ཧཱ༔ ཨོཾ་མ་མ་ཁཾ་ཁཾ་ཡང་ཡང་ཡེར་པ་ཡེ་སྭཱ་ཧཱ༔ ཨོཾ་སུ་སུ་མ་མ་ཏང་ཏང་ཡེ་སྭཱ་ཧཱ༔ ཨོཾ་མ་མ་ཀ་ར་ཀ་ར་ཡེ་སྭཱ་ཧཱ༔ ཨོཾ་མ་མ་སྔོ་ཏ་སྔོ་ཏ་ཡེ་སྭཱ་ཧཱ། ཁ་ཞུ་ཁ་ཞུ་སྭཱ་ཧཱ་ཤི་མ་ག་ལ་སྭཱ་ཧཱ༔ ཨ་ཧཾ་ཨ་ཀྲྀ་ཨ་ཏྲི་སྭཱ་ཧཱ༔ ཨ་ཏ་ན་མ་མ་ཧཱ་གྲ་ཧ་ཧ་ན་མ་བྷི་ན་ཏི་པུ་ན་སྭཱ་ཧཱ༔ ཨོཾ་དྲུང་ཧཱུྃ་ཧཱུྃ་ཕཊ༔ ཨོཾ་བྷི་ཤྭ་མ་ཡེ་སྭཱ་ཧཱ༔ ཨོཾ་དུ་མུ་དྲུ་མུ་སྭཱཧཱ༔ ཨོཾ་ཛི་མི་ཛི་མི་མི་ཛི་བག་ཤཾ་ཤཾ་རྦད་ཏོ་མ་ཧཱ་ཡཀྵ་བོ་དེ་ཨ་སར་ཤར་ཡཾ༔ ཀི་རོ་ཀི་རོ་ཧཱུྃ་ཕཊ༔ ཨོཾ་ས་མ་ཡ་ཨི་མི་ཡ་ཡ་དུ་ཡེ་དུ་ཡེ་མི་ཏི་ཏ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཨ་ན་རུ་ཤྲཱི་ས་དུས༔ སརྦ་ཨ་ཡ་གྷ་ཚ་གྷ་ཚ་ཕཊ༔ ཨ་ཀ་ནི་ནི་ཀ་ནི་ཨ་བྷི་ལ་མནྟ་ལི་མན་དྷ་ལི་སྭཱ་ཧཱ༔ ཞེས་བརྒྱ་སྟོང་དུ་བརྗོད་པར་བྱ༔ དེ་རྗེས་མིང་གི་བསྔོ་བ་ནི༔ ན་མོ༔ དཀོན་མཆོག་རྒྱལ་བའི་བཀའ་བདེན་

― CMR038_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུས༔ འཇམ་དཔལ་སྤྲུལ་པ་རུ་སྦལ་དང་༔ འབྱུང་བ་ལྔ་ཡི་ལྷ་སྲིན་དང་བཅུ་གསུམ་ལོ་དང་སྤར་ཁ་བརྒྱད༔ སྨེ་བ་གླིང་དགུ་གཟའ་སྐར་ཚོགས༔ སྣང་སྲིད་ལྷ་འདྲེ་ཐམས་ཅད་ལ༔ ཚེ་སྲོག་བླ་བའི་གཏོ་ཆེན་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམ་པ་ཀློད་ལ་མནན་པ་ཁྱོག༔ ལན་ཆགས་བུ་ལོན་ད་ཁྱེར་སོང་། ཨོཾ་དྷ་ལ་མ་དྷུ་སི་ཡེ་པདྨེ་ཧཱུྃ༔ ཞེས་ལན་བདུན་སྦྱར་ཞིང་བརྗོད་ལ༔ ཀྱཻ༔ སངས་རྒྱས་རྐང་གཉིས་གཙོ་སྟེ་བདེན་པའི་མཆོག༔ ཆོས་ཉིད་ཆགས་དང་བྲལ་ཏེ་བདེན་པའི་མཆོག༔ དགེ་འདུན་འདུས་པའི་གཙོ་སྟེ་བདེན་པའི་མཆོག༔ རྒྱལ་བའི་བཀའ་ལ་མི་ཉན་གང་ཡང་མེད༔ ཀོང་ཙེའི་གཏོ་ཡིས་མི་འགྱུར་གཅིག་ཀྱང་མེད༔ འབྱུང་བ་ལྔ་ལ་མི་བརྟེན་གང་ཡང་མེད༔ ལྷ་འདྲེ་དམ་ལ་མི་གནས་གང་ཡང་མེད༔ ཟོར་མོ་མདའ་ཡིས་མི་ཕུག་གང་ཡང་མེད༔ རྣོ་བའི་མཚོན་ཆས་མི་འཇིགས་གང་ཡང་མེད༔ སྲིད་པའི་ཆུ་ལ་མི་འཐུང་གང་ཡང་མེད༔ གཙུག་ལག་གཏོ་ཡིས་མི་འགྱུར་གང་ཡང་མེད༔ ཀོང་ཙེས་དེ་སྐད་གསུངས་པ་དང་༔ སློབ་མ་ཡང་མྱེས་འདི་སྐད་དོ༔ ལྷས་སྦྱིན་ནག་པོས་རྒྱལ་བའི་བཀའ་མི་

― CMR038_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན༔ བདུད་གཉིས་ནག་པོ་ཟོར་མོ་མདས་མི་ཕུག༔ བྱ་ཁྱུང་རྒྱལ་པོས་སྲིད་པའི་ཆུ་མི་འཐུང་༔ ལས་ཀྱི་རྣམ་སྨིན་ཀོང་ཙེའི་གཏོས་མི་འགྱུར༔ ཡང་ཅེས་དེ་སྐད་ཞུས་པ་ལས༔ ཀོང་ཙེའི་རྒྱལ་པོ་འདི་སྐད་གསུངས༔ ལྷ་སྲིན་སྡེ་བརྒྱད་རྒྱལ་བའི་བཀའ་ལ་འདུ༔ བྱ་ཁྱུང་རྒྱལ་པོས་སྲིད་པའི་ཆུ་མིག་འཐུང་༔ བདུད་ཀྱི་བདེན་དགུ་ཟོར་མོ་མདའ་ཡིས་ཕུག༔ ལོ་སྐག་ལྟས་ངན་ཀོང་ཙེའི་གཏོ་ཡིས་སྒྱུར༔ ལས་ཀྱི་རྣམ་སྨིན་ཆོས་ཉིད་བདེན་པས་སྦྱངས༔ ལྷ་སྦྱིན་ནག་པོས་རྒྱལ་བའི་བཀའ་ལ་ཉན༔ སེམས་ཅན་ཐམས་ཅད་སྲིད་པའི་ཆུ་ལ་འཐུང་༔ རི་དྭགས་ཆེ་དགུ་རི་རབ་ཟོམ་ལ་བརྟེན༔ བདག་དང་རྒྱུ་སྦྱོར་ཡོན་བདག་གི༔ གཅིག་པ་རང་སྐག་བསྒྱུར་དུ་གསོལ༔ གཉིས་པ་ནད་དགྲ་བསྒྱུར་དུ་གསོལ༔ གསུམ་པ་ཕུང་གྱོད་བསྒྱུར་དུ་གསོལ༔ བཞི་པ་བཞི་གཤེད་བསྒྱུར་དུ་གསོལ༔ ལྔ་པ་བྱེ་བྲལ་བསྒྱུར་དུ་གསོལ༔ དྲུག་པ་བརྡའ་ཐན་བསྒྱུར་དུ་གསོལ༔ བདུན་པ་བདུན་ཟུར་བསྒྱུར་དུ་གསོལ༔ བརྒྱད་པ་མཚན་དམར་བསྒྱུར་དུ་གསོལ༔ དགུ་པ་དགུ་གཤེད་བསྒྱུར་དུ་གསོལ༔ བཅུ་པ་འཚེར་རྩུབ་བསྒྱུར་དུ་གསོལ༔ བཅུ་གཅིག་དུ་སེ་

― CMR038_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་དུ་གསོལ༔ བཅུ་གཉིས་གཤེད་ལག་བསྒྱུར་དུ་གསོལ༔ བཅུ་གསུམ་ལོག་འདྲེན་བསྒྱུར་དུ་གསོལ༔ བཅུ་བཞི་གནམ་རྒྱལ་བསྒྱུར་དུ་གསོལ༔ བཅོ་ལྔ་ས་རྒྱལ་བསྒྱུར་དུ་གསོལ༔ བཅུ་དྲུག་འདྲེས་པ་བསྒྱུར་དུ་གསོལ༔ བཅུ་བདུན་བདུན་ཟུར་བསྒྱུར་དུ་གསོལ༔ བཅོ་བརྒྱད་ལྟས་ངན་བསྒྱུར་དུ་གསོལ༔ བཅུ་དགུ་ཡ་བདུད་བསྒྱུར་དུ་གསོལ༔ ཉི་ཤུ་མ་བདུད་བསྒྱུར་དུ་གསོལ༔ ཀྱཻ། གཏོ་བསྒྱུར་སུམ་བརྒྱ་དྲུག་ཅུ་ལ། སུམ་བརྒྱ་སྣོད་ལ་ཞུག་ལ་བཞུས། །སླད་ནས་དྲུག་ཅུ་མཆིས་པ་ལ། །སྤྱི་བསེར་སྒོ་བརྒྱག་རྒྱ་གར་གཏོ། །སུམ་བརྒྱ་ཐ་རམ་དྲུག་ཅུ་སྟག་གཟིག་གཏོ། །འགྲེང་བཙན་དགུ་བདུན་སོག་པོའི་གཏོ། །རྨང་བྱེད་ཁ་སྦྱོར་ཧོར་གྱི་གཏོ། །དམུ་བདུད་མདའ་འཕེན་གེ་སར་གཏོ། །ཟོར་ཤིང་ཚེ་ཕུར་མེ་ཉག་གཏོ། །དེ་ལ་མ་གཏོགས་གཏོ་རྣམས་ནི། །ར་ཐོམ་ཐུག་གཏོང་འོད་འབར་བོད་ཀྱི་གཏོ། །ཟོར་མདའ་ནག་པོ་གཏོང་བ་བོད་ཀྱི་གཏོ། །མཉམ་གཉིས་བརྗེ་བ་བོད་ཀྱི་གཏོ། །གླུད་ཟན་བསྔོ་བ་བོད་ཀྱི་གཏོ། །བྱེ་བྲལ་ལ་བརྒལ་བོད་ཀྱི་གཏོ། །གཉན་བཅོས་བྱ་གཏོང་བོད་ཀྱི་གཏོ། །ཤིང་བཙན་གཏོར་

― CMR038_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་བཙུགས་པ་བོད་ཀྱི་གཏོ། །ས་བཅོས་རྡོ་བརྩིགས་བོད་ཀྱི་གཏོ། །ཤི་དགབ་རྡོ་བསམ་བོད་ཀྱི་གཏོ། །དེ་ལ་མ་གཏོགས་གཏོ་རྣམས་ནི། །ཀོང་ཙེ་ཁ་རྒྱང་གཏོ་འདི་ལ། །འགྲིང་བཙན་ཡེ་ཕུར་བསྒྱུར་བ་ཀོང་ཙེའི་གཏོ། །ལོ་ཤིང་ཚེ་ཕུར་འཇུག་པ་ཀོང་ཙེའི་གཏོ། །རྒྱ་ཆད་སྲུང་ལམ་ཀོང་ཙེའི་གཏོ། །ཟོར་ཤིང་ཐར་ཆ་ཀོང་ཙེའི་གཏོ། །གཏོ་བསྒྱུར་སྣ་ཚོགས་གཏོང་བ་ཀོང་ཙེའི་གཏོ། །གཏོ་ཡི་རབ་འབྱམས་དཀྱིལ་འཁོར་འདིར། །གཏོ་ཡི་དཀྱིལ་འཁོར་བྲིས་རེ་ལེགས། །ཟོར་མོ་ཚེ་ཕུང་བཙུགས་རེ་ཡག །མཉམ་གཉིས་བརྗེ་ན་གནོང་མི་གནོང་། །མཚུངས་གཉིས་བསོར་ན་ལེགས་རེ་གནང་། །ཀྱཻ། །ཀོང་ཙེའི་གཏོ་འདི་ཡེ་ཤེས་ཆེ། ཀོང་ཙེའི་གཏོ་འདི་མཁྱེན་པ་ཆེ། ཀོང་ཙེའི་གཏོ་འདི་བྱིན་རླབས་ཆེ། །ཀོང་ཙེའི་གཏོ་འདི་གཟི་བརྗིད་ཆེ། །ཀོང་ཙེའི་གཏོ་འདི་ཀུན་དང་མཐུན། །ཀོང་ཙེའི་གཏོ་འདི་མཐུ་སྟོབས་ཆེ། །ཀོང་ཙེའི་གཏོ་འདི་བློ་གྲོས་ལྡན། །ཀོང་ཙེའི་གཏོ་འདི་ལྷ་དང་ལྡན། །ཀོང་ཙེའི་གཏོ་འདི་ཤེས་རབ་ལྡན། །དེ་བས་མི་འགྱུར་གང་ཡང་མེད། །ཀྱཻ། །བྱི་བའི་སྦྲ་ནག་གཏོ་ལ་བབ། །གླང་གི་ཕུང་གྱོད་གཏོ་ལ་བབ། །

― CMR038_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་གི་མཆེ་བ་གཏོ་ལ་བབ། །ཡོས་བུའི་ནལ་རྫི་གཏོ་ལ་བབ། །འབྲུག་གི་ངུ་འབོད་གཏོ་ལ་བབ། །སྦྲུལ་གྱི་འགར་འདྲེ་གཏོ་ལ་བབ། །རྟ་ཡི་དོ་མ་དམག་རྟ་གཏོ་ལ་བབ། །ལུག་གི་ཟླ་བདུད་བཙན་དམར་གཏོ་ལ་བབ། །སྤྲེལ་གྱི་འགགས་འདྲེ་བྱེ་བྲལ་གཏོ་ལ་བབ། །སྐྱུང་ཁའི་བྱ་ཡི་བདུད་བྱ་ལྟས་ངན་གཏོ་ལ་བབ། །ཁྱི་ཡི་ལྟས་ངན་ངུ་ཟུག་གཏོ་ལ་བབ། །ཕག་གི་དུར་ཕག་སྒོ་འབྱེད་གཏོ་ལ་བབ། །ཕོ་བདུད་གནམ་ལས་གཡོས་པ་གཏོ་ལ་བབ། །མོ་བདུད་ས་ལ་གཏོང་བ་གཏོ་ལ་བབ། །འཇིག་བྲལ་གནམ་སྒོ་བྱེ་བ་གཏོ་ལ་བབ། །བོན་ཁུང་ས་སྒོ་བྱེ་བ་གཏོ་ལ་བབ། །གཅོད་དྲལ་བྱེ་བྲལ་གཏོ་ལ་བབ། །འཚེར་རྩུབ་སྐག་གཉེན་གཏོ་ལ་བབ། །བྱི་རྟ་རུ་ཆོད་གཏོ་ལ་བབ། །ཕག་སྦྲུལ་དགྲ་གཤེད་གཏོ་ལ་བབ། །ཁྱི་འབྲུག་ཐོག་བརྫིས་གཏོ་ལ་བབ། །གླང་ལུག་ཕུང་གྱོད་གཏོ་ལ་བབ། །སྟག་སྤེལ་བདུན་ཟུར་གཏོ་ལ་བབ། །བྱ་ཡོས་བྱེ་བྲལ་གཏོ་ལ་བབ། །ཀྱཻ། །བསྒྱུར་བའི་རྒྱལ་པོས་བསྒྱུར་དུ་གསོལ། །གཏོ་མཁན་རྒྱལ་པོ་གཏོ་ལ་ཆོས། །གཏོ་མཁན་རྒྱལ་པོས་གཏོ་བྱེད་ན། །དུས་གསུམ་སངས་རྒྱས་གཟུ་དང་

― CMR038_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

དཔང་། བསྟན་སྲུང་དཔལ་མགོན་གཟུ་དང་དཔང་། །གནམ་སའི་ལྷ་ཀླུ་གཟུ་དང་དཔང་། །གཏོ་མཁན་བདག་ལ་མ་གནོད་ཅིག །གཏོ་མཁན་འཁོར་ལ་མ་སྡིག་ཅིག །ངས་ནི་འབྱུང་བ་ལས་ཀྱི་གཏོ་བྱེད་དོ། །སྲིད་པ་ལས་ཀྱི་ཁོག་སྦྱོར་རོ། །ཞལ་ལྕེ་ཞུ་གཏུགས་ལྕོགས་སེ་ལྕོག །ཟོར་མོ་མདའ་འཕེན་རྒྱངས་སེ་རྒྱང་། །ང་ནི་བསྒྱུར་བའི་རྒྱལ་པོ་ཡིན། །ཤར་གྱི་ཕྱོགས་ནས་བསྒྱུར་བ་ནི། །ཤར་ཁམས་འབྱུང་བ་ཤིང་གི་གཉན། །ཕ་ཁུའི་རྒན་འདྲེ་བསྒྱུར་དུ་གསོལ། །ལྷོ་ཡི་ཕྱོགས་ནས་བསྒྱུར་བ་ནི། །མེ་ཁམས་འབྱུང་བ་མེ་ཡི་གཉན། །བུ་ཚའི་སྦྲང་རོ་བསྒྱུར་དུ་གསོལ། །ནུབ་ཀྱི་ཕྱོགས་ནས་བསྒྱུར་བ་ནི། །ནུབ་ཁམས་འབྱུང་བ་ལྕགས་ཀྱི་གཉན། །ནོར་གྱི་གོད་ཁ་བསྒྱུར་དུ་གསོལ། །བྱང་གི་ཕྱོགས་ནས་བསྒྱུར་བ་ནི། །བྱང་ཁམས་འབྱུང་བ་ཆུ་ཡི་གཉན། །ཉེ་བའི་སྐྱོར་ཁ་བསྒྱུར་དུ་གསོལ། །དབུས་ཀྱི་ཕྱོགས་ནས་བསྒྱུར་བ་ནི། །དབུས་ཁམས་འབྱུང་བ་ས་ཡི་གཉན། །དུར་སྒྲོན་བཅུ་གཉིས་བསྒྱུར་དུ་གསོལ། །ཤར་ལྷོ་མཚམས་ནས་བསྒྱུར་བ་ནི། །རླུང་ཁམས་འབྱུང་བ་ས་ཡི་གཉན། །བྱ་ཁྱུང་གཤོག་སྡེབ་བསྒྱུར་དུ་གསོལ། །ལྷོ་

― CMR038_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་མཚམས་ནས་བསྒྱུར་བ་ནི། །ས་ཁམས་འབྱུང་བ་ས་ཡི་གཉན། །དུར་བདུད་དུར་བཙན་བསྒྱུར་དུ་གསོལ། །ནུབ་བྱང་མཚམས་ནས་བསྒྱུར་བ་ནི། །ནམ་མཁའ་འབྱུང་བ་འཇོག་པོའི་གཉན། །དོ་མ་འབྲིང་པོ་བསྒྱུར་དུ་གསོལ། །བྱང་ཤར་མཚམས་ནས་བསྒྱུར་བ་ནི། །ས་ཁམས་འབྱུང་བ་རིག་ལྡན་གཉན། །ཅོང་མོའི་རྔ་ཡབ་བསྒྱུར་དུ་གསོལ། །ཕྱག་རྒྱ་ལྔ་བརྟག་བརྟེན་པ་ནི། །འདི་འབྱུང་བ་ལྔ་ཡི་ཕྱག་རྒྱ་སྟེ། །དང་ཁའི་དབུས་སུ་ཐལ་མོ་སྦྱར་ནས་གཏོ་ལ་སྟོན། དེ་ནས་ལུས་ཀྱི་གཡས་གཡོན་དང་། ལྟག་ཁུང་སོགས་ཐལ་མོ་དང་བཅས་གཏོ་ལ་སྟོན་པའི་ཚུལ་བྱ་ཞིང་། ༈ དབུས་སུ་ཕྱག་རྒྱ་བསྟན་པ་ནི། །འབྱུང་བ་མེ་ཡི་ཕྱག་རྒྱ་ཡིས། །ཡོན་བདག་མི་ཕྱུགས་འཁོར་བཅས་ཀྱི། །ཚ་བའི་ནད་དང་གྲང་བའི་ནད། །འཁྲུགས་ནད་མགོ་ནད་བསྒྱུར་དུ་གསོལ། །གཡས་ཀྱི་སྟ་ཟུར་བསྟན་པ་ནི། །འབྱུང་བ་ཤིང་གི་ཕྱག་རྒྱ་ཡིས། །ཞ་གྲུམ་ནད་དང་རྐང་པའི་ནད། །སྐྲན་ནད་སྨྱོ་ནད་བསྒྱུར་དུ་གསོལ། །གཡོན་གྱི་སྟ་ཟུར་བསྟན་པ་ནི། །འབྱུང་བ་ལྕགས་ཀྱི་ཕྱག་རྒྱ་ཡིན། །ནུབ་ཀྱི་བཙན་དང་གྲི་བོ་དང་། །ནོར་གོད་ཕུང་གྱོད་བསྒྱུར་དུ་གསོལ། །ལྟག་པའི་འགྱིང་

― CMR038_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་བསྟན་པ་ནི། །འབྱུང་བ་ཆུ་ཡི་ཕྱག་རྒྱུ་ཡིན། །ནུབ་ཀྱི་བཙན་དང་གྲི་བོ་དང་། །ནོར་གོད་ཕུང་གྱོད་བསྒྱུར་དུ་གསོལ། །ཆུ་གྲི་སྐྱེས་ནག་བསྒྱུར་དུ་གསོལ། །སྐྱིལ་ཀྲུང་ཕྱག་རྒྱ་བསྟན་པ་ནི། །ས་འབྲུག་སྡིག་པའི་ཕྱག་རྒྱ་ཡིན། །ལེ་གུའི་ལྕེབ་འདྲེ་བསྒྱུར་དུ་གསོལ། །ཕྱག་རྒྱ་རྣམས་ཀྱི་བྱིན་རླབས་ཀྱིས། །འདྲེ་ལྔ་སྟོབས་ཆེན་བསྒྱུར་དུ་གསོལ། །དབུ་ནི་འདུན་འདུན་བྱེད་པ་ནི། །དམུ་བདུད་འདུལ་བའི་ཕྱག་རྒྱ་ཡིན། །མདུན་གྱི་ཞལ་ཁ་བསྟན་པ་ནི། །ཁཾ་གྱི་ཕྱག་རྒྱ་བསྟན་པ་ཡིན། །ཡོན་བདག་མི་ནོར་འཁོར་བཅས་ཀྱི། །དུར་འཁྲུག་མཆིས་པ་བསྒྱུར་དུ་གསོལ། །སྤར་ཁ་དྭ་ཐོག་ཏུ་དེ་རྣམས་འདོན། ཀྱཻ། ལི་ཡི་ལོང་འདྲེ་ཐོ་རངས་ཡིན། །འགག་འདྲེ་གཞོབ་འདྲེ་མགོ་ཆགས་དང་། །རྟ་གྲི་བོན་བྱེད་བསྒྱུར་དུ་གསོལ། །ཁོན་གྱི་འཁོན་དང་དུར་འགྲམ་དང་། །གཏིབ་གྲི་དབལ་གྲི་མུག་གྲི་དང་། །ས་འདྲེ་བན་བྱེད་བསྒྱུར་དུ་གསོལ། །དྭ་ཡི་རྨེ་གྲི་བྱེ་བྲལ་དང་། །གྲི་བོ་རབས་ཆད་བན་བྱེད་དང་། །དུ་བུའི་གོ་ལྡོག་བསྒྱུར་དུ་གསོལ། །ཁེན་གྱི་བརྒྱ་བྱིན་གནམ་ཐེལ་དང་། །ཞ་འདྲེ་ཐོ་རངས་ལྕེབ་འདྲེ་དང་། །ཞ་གྲུམ་ནད་རྣམས་བསྒྱུར་དུ་

― CMR038_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །ཁཾ་གྱིས་རོ་བག་བཙོག་འདྲེ་དང་། །བཙོག་དང་རྨུག་འདྲེ་ནི་གྲི་དང་། །སྦྲ་ནག་སྐྱས་ནག་བསྒྱུར་དུ་གསོལ། །གིན་གྱི་ལྷ་ནད་ཆུ་སེར་དང་། །ཞ་གྲུམ་ལྐུགས་འདྲེ་ཁྱི་གྲི་དང་། །རབས་ཆད་སྒབ་འདྲེ་བསྒྱུར་དུ་གསོལ། །ཟིན་གྱི་འགགས་འདྲེ་ཕུང་སྲི་དང་། །རྒྱལ་འགོང་ཤིང་གྲི་ཐེའུ་རང་དང་། །གྲི་བོ་གྲི་མོ་བསྒྱུར་དུ་གསོལ། །ཟོན་གྱི་སྨྱོ་འདྲེ་རླུང་ཐན་དང་། །དམ་སྲི་གཡབ་གྲི་ཤུ་འབྲུམ་དང་། །ཡན་ལག་ནད་རྣམས་བསྒྱུར་དུ་གསོལ། །གཟའ་པ་ཕོ་སྤར་ཁ་དེའི་སྟེང་དང་། །མོ་སྤར་ཁ་དེ་ཡི་སྟེང་དུ་ན་སའོ། །ལི་ཁཾ་ཐོ་ཡོར་བསྒྱུར་དུ་གསོལ། །དྭ་ཟིན་གྲི་ཕུར་བསྒྱུར་དུ་གསོལ། །གིན་ཟོན་བཤའ་གྲི་བསྒྱུར་དུ་གསོལ། །ཁོན་ཁམ་མྱ་ངན་བསྒྱུར་དུ་གསོལ། །གནམ་ལོ་དང་རང་ལོ། །སྟག་སྤྲེལ་བདུན་ཟུར་བསྒྱུར་དུ་གསོལ། །བྱ་ཡོས་བྱེ་བྲལ་བསྒྱུར་དུ་གསོལ། །ཁྱི་འབྲུག་ཐོག་བརྫིས་བསྒྱུར་དུ་གསོལ། །ཕག་སྦྲུལ་ཟ་བྱེད་བསྒྱུར་དུ་གསོལ། །བྱི་རྟ་རུ་ཆོད་བསྒྱུར་དུ་གསོལ། །གླང་ལུག་ཕུང་གྱོད་བསྒྱུར་དུ་གསོལ། །སྤར་ཁ་དགྲ་བདུད་བསྒྱུར་དུ་གསོལ། །ན་ཤི་དུར་ཞུགས་བསྒྱུར་དུ་གསོལ། །སྲོག་ལུས་དབང་ཐང་རླུང་རྟ་

― CMR038_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །སྨེ་བ་གཟའ་དང་ལོ་རྣམས་དང་། །དར་རྒུད་དུར་ཞུགས་བསྒྱུར་དུ་གསོལ། །བདུད་གཅོད་ཕྱོགས་ངན་བསྒྱུར་དུ་གསོལ། །གཤེད་བཞི་ཕུང་གྱོད་བསྒྱུར་དུ་གསོལ། གནམ་རྒྱང་ཆད་དང་ས་རྒྱང་འགུལ། །རྒྱ་མ་ཟག་འཚམས་བསྒྱུར་དུ་གསོལ། །སྔས་དང་སྟན་མང་འགུལ་བ་དང་། །གནམ་སྒོ་ས་སྒོ་བྱེ་བ་དང་། །གནམ་གྱི་འཇུ་ཐག་ཆད་པ་དང་། །ས་ཡི་རྟེན་ཕུར་ཕུད་པ་དང་། །སྲིན་པོའི་དུར་ནི་འབོད་པ་དང་། །ཐན་གྱི་མི་བདུད་བསྒྱུར་དུ་གསོལ། །གནམ་གྱི་དོ་མ་སྒོ་སྐྱེལ་ངར། །དམག་རྟ་ལྕམ་མཛོད་བསྒྱུར་དུ་གསོལ། །གནམ་རིམ་པ་བཅུ་གསུམ་ཡར་སྟེང་ནས། །བྱ་ཁྱུང་གཤོབ་རྡེབ་བསྒྱུར་དུ་གསོལ། །ས་རིམ་པ་དགུ་ཡི་འོག་ཤེད་ནས། །དུར་ཕག་ས་བརྐོ་བསྒྱུར་དུ་གསོལ། །ཉི་མ་བྱང་ཤར་མཚམས་ཤེད་ནས། །ཟངས་གླང་རྭ་བདར་བསྒྱུར་དུ་གསོལ། །ཉི་མ་ཤར་ལྷོ་མཚམས་ཤེད་ནས། །གཡུ་འབྲུག་སྔོན་པོ་འབབ་པ་བསྒྱུར་དུ་གསོལ། །ཉི་མ་ལྷོ་ནུབ་མཚམས་ཤེད་ནས། །རྡོ་ལུག་གྲོ་མོ་འཁུན་པ་བསྒྱུར་དུ་གསོལ། །ཉི་མ་ནུབ་བྱང་མཚམས་ཤེད་ནས། །གཤིན་ཁྱི་ནག་པོ་ཟུག་པ་བསྒྱུར་དུ་གསོལ། །རི་རབ་ཟུར་ལ་ར་

― CMR038_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

གན་གྱི། །སྤྲེལ་སེར་གར་བྱེད་བསྒྱུར་དུ་གསོལ། །མཐིང་སྦྲུལ་ཞགས་པ་འདོར་བ་བསྒྱུར་དུ་གསོལ། །ལོ་ཟླ་ཞག་དང་དུས་ཚོད་ཀྱི། །སྐག་དང་འཚེར་རྩུབ་བསྒྱུར་དུ་གསོལ། །ཕོ་ལྷ་སྲིན་པོའི་ཉོ་ཚོང་དང་། །ལྟས་ངན་ཆོ་འཕྲུལ་བསྒྱུར་དུ་གསོལ། །ཧེ་ཧེ་སྔགས་རྒོད་བྱིན་རླབས་ཀྱིས། །ས་བདག་ཀླུ་གཉན་འཁོར་བཅས་དང་། །སྲིད་གསུམ་གདོན་བགེགས་ཐམས་ཅད་ཀྱི། །གདུག་པའི་སེམས་ནི་ཞི་བར་མཛོད། །སྙིང་པོ་ལྔ་ནི་འདི་ལྔ་སྟེ། །ལུས་ཀྱི་སྔགས་བཟླས་ཚིག་ཐ་ཧཱུྃ། །ངག་གི་སྔགས་བཟླས་ཆོས་ཀྱི་ཧཱུྃ། །ཡིད་ཀྱི་སྔགས་བཟླས་དགེ་བ་ཧཱུྃ། །མན་ངག་སྔགས་བཟླས་བྱིན་རླབས་ཀྱིས། །འགོང་པོ་ས་བདག་ཀླུ་གཉན་གྱི། །ནད་གདོན་འབྱུང་པོ་ཐམས་ཅད་ཀྱི། །གདུག་པའི་སེམས་ནི་ཞི་གྱུར་ཅིག །བདག་དང་ཡོན་བདག་འཁོར་བཅས་ལ། །ཕན་པའི་སེམས་ཀྱིས་བསྲུང་དུ་གསོལ། །ཀྱཻ། ལོ་ཡི་རྒྱལ་པོ་ཤིང་ཕོ་བྱི་བ་ལོ་ལ་ཕྱག་འཚལ་ལོ། །བྱི་བ་འཁུན་པའི་ལྟས་ངན་དང་། །ལྷ་དུག་ཁྱིམ་ཆིང་བསྒྱུར་དུ་གསོལ། །ཤིང་མོ་གླང་ལ་ཕྱག་འཚལ་ལོ། །དུར་གླང་རྭ་བརྡར་ལྟས་ངན་དང་། །ཚེར་ཤིང་རྭ་བརྡར་

― CMR038_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་དུ་གསོལ། །མེ་ཕོ་སྟག་ལ་ཕྱག་འཚལ་ལོ། །གཤིན་ཆུ་ངན་པའི་ལྟས་ངན་དང་། །ནག་པོ་ཐན་ཡས་བསྒྱུར་དུ་གསོལ། །མེ་མོ་ཡོས་ལ་ཕྱག་འཚལ་ལོ། །ཡུགས་སའི་སྐུ་བཤིག་ལྟས་ངན་དང་། །ལོ་མཐིང་རྗེས་བོར་བསྒྱུར་དུ་གསོལ། །ས་ཕོ་འབྲུག་ལ་ཕྱག་འཚལ་ལོ། །ཀུ་ཅོ་ང་རོའི་ལྟས་ངན་དང་། །བདུད་ཆེན་སྐག་ཆེན་བསྒྱུར་དུ་གསོལ། །ས་མོ་སྦྲུལ་ལ་ཕྱག་འཚལ་ལོ། །སྲིའུ་འགུམ་པའི་ལྟས་ངན་དང་། །མཐིང་སྦྲུལ་ལྕེ་ནག་བསྒྱུར་དུ་གསོལ། །ལྕགས་ཕོ་རྟ་ལ་ཕྱག་འཚལ་ལོ། །དོ་མ་རྒྱུག་པའི་ལྟས་ངན་དང་། །བྱང་རྟ་སྔོན་པོ་བསྒྱུར་དུ་གསོལ། །ལྕགས་མོ་ལུག་ལ་ཕྱག་འཚལ་ལོ། །ས་ལུག་འཁུན་པའི་ལྟས་ངན་དང་། །ཚེ་ཤིང་བདུད་བཙན་བསྒྱུར་དུ་གསོལ། །ཆུ་ཕོ་སྤྲེལ་ལ་ཕྱག་འཚལ་ལོ། །སྐྱེས་པའི་གཤིན་ལམ་ལྟས་ངན་དང་། །སྤྲེལ་དམར་མེ་ཁྱེར་བསྒྱུར་དུ་གསོལ། །ཆུ་མོ་བྱ་ལ་ཕྱག་འཚལ་ལོ། །བླ་བྱ་ཡར་བའི་ལྟས་ངན་དང་། །བདུད་བྱ་མཁའ་ལྡིང་ལྟས་ངན་བསྒྱུར་དུ་གསོལ། །ཤིང་ཕོ་ཁྱི་ལ་ཕྱག་འཚལ་ལོ། །བླ་ཁྱི་བརྟག་པའི་ལྟས་ངན་དང་། །ལྕགས་ཁྱིའི་ངུ་ཟུག་ལྟས་ངན་བསྒྱུར་དུ་གསོལ། །ཤིང་

― CMR038_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་ཕག་ལ་ཕྱག་འཚལ་ལོ། །འོག་ནས་ས་སྒོ་འགུལ་བའི་ལྟས་ངན་དང་། །བཙན་གྱི་དུར་ཕག་ཁྲ་བོ་བསྒྱུར་དུ་གསོལ། །ཀྱཻ། །མེ་ཕོ་བྱི་བས་ཆེ་བཞི་མཛོད། །ལྷ་སྲིན་འགུལ་བའི་ལྟས་ངན་དང་། །བཙན་གྱི་དུར་ཕག་ཁྲ་བོ་དང་། །བདུད་ཀྱི་ངུ་འབོད་བསྒྱུར་དུ་གསོལ། །མེ་མོ་གླང་གི་ཆེ་བཞི་མཛོད། །གླང་གི་ཕུང་གྱོད་ཆེ་བ་དང་། །ལོ་ཡི་དུར་ཞུགས་བསྒྱུར་དུ་གསོལ། །ས་ཕོ་སྟག་གི་ཆེ་བཞི་མཛོད། །སྲིན་པོའི་ཉམས་མྱོང་ཚང་ཞུགས་དང་། །སྤྱི་སེར་ངུ་འབོད་བསྒྱུར་དུ་གསོལ། །ས་མོ་ཡོས་ཀྱི་ཆེ་བཞི་མཛོད། །སྤྱང་ཀི་འཇབ་པའི་ལྟས་ངན་དང་། །བཙན་གྱི་གནོད་པ་བསྒྱུར་དུ་གསོལ། །ལྕགས་ཕོ་འབྲུག་གི་ཆེ་བཞི་མཛོད། །གནམ་སྒོ་བྱེ་བའི་ལྟས་ངན་དང་། །རྫི་ལུང་ངུ་འབོད་བསྒྱུར་དུ་གསོལ། །ལྕགས་མོ་སྦྲུལ་གྱི་ཆེ་བཞི་མཛོད། །བླ་རྡོ་འགུལ་བའི་ལྟས་ངན་དང་། །རི་མོ་བསྟན་ཁུར་བསྒྱུར་དུ་གསོལ། །ཆུ་ཕོ་རྟ་ཡི་ཆེ་བཞི་མཛོད། །རི་མོ་རྟེན་ཁུར་བསྒྱུར་དུ་གསོལ། །ཆུ་མོ་ལུག་གི་ཆེ་བཞི་མཛོད། །སྐྱིན་ལུག་འགུལ་བའི་ལྟས་ངན་དང་། །ཚེ་ཤིང་མཁའ་ལྡིང་བསྒྱུར་དུ་གསོལ། །ཤིང་ཕོ་སྤྲེལ་གྱི་ཆེ་བཞི་མཛོད། །

― CMR038_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་ཟམ་ཟུག་པའི་ལྟས་ངན་དང་། །ཚེ་ཤིང་ངུ་འབོད་བསྒྱུར་དུ་གསོལ། །ཤིང་མོ་བྱ་ཡི་ཆེ་བཞི་མཛོད། །བླ་བྱ་ཡལ་བའི་ལྟས་ངན་དང་། །བསེ་ཡི་བྱ་མོ་བསྒྱུར་དུ་གསོལ། །མེ་ཕོ་ཁྱི་ཡི་ཆེ་བཞི་མཛོད། །བརྡའ་ཐན་བབ་པའི་ལྟས་ངན་དང་། །གཤིན་གྱི་ཞལ་ལྕེ་བསྒྱུར་དུ་གསོལ། །།མེ་མོ་ཕག་གིས་ཆེ་བཞི་མཛོད། །དུར་ཕག་ངུ་འབོད་ལྟས་ངན་དང་། །ཤིང་རྡོ་འགུལ་བའི་ལྟས་ངན་བསྒྱུར། །ཀྱཻ། ས་ཕོ་བྱི་བའི་ཞལ་ན་རེ། །ཡོན་བདག་མི་ཕྱུགས་འཁོར་བཅས་ལ། །ངུ་འབོད་མི་གཏོང་མི་ཟེར་རམ། །སྦྲང་ཐན་བར་བཙུགས་ངུ་འབོད་བྱེད། །དེ་ཡི་ངུ་འབོད་བསྒྱུར་དུ་གསོལ། །ཕྱག་གཉེན་བར་དུ་ངུ་འབོད་བྱེད། །དེ་ཡི་ཆོ་ངེས་བསྒྱུར་དུ་གསོལ། །མཚམས་བཞིར་གཤེད་བཞི་ངུ་འབོད་བྱེད། །དེ་ཡི་ངུ་འབོད་བསྒྱུར་དུ་གསོལ། །འགྱིང་བཙན་ལྷ་ཁང་སྟོང་པ་དེ། །དེ་ཡི་སྟོང་པ་བསྒྱུར་དུ་གསོལ། །གཤེད་ཀྱི་ངུ་འབོད་སྡུག་ཟན་སྐྱེལ། །དེ་ཡི་སྡུག་ཟན་བསྒྱུར་དུ་གསོལ། །འགྲིང་བཙན་ལྷ་གསོལ་ལྕམ་མཛེས་འདྲེན། །དེ་ཡི་ལྕམ་མཛེས་བསྒྱུར་དུ་གསོལ། །སྐྱི་སེར་ངུ་འབོད་མཆི་མ་འཛག དེ་ཡི་མཆི་མ་བསྒྱུར་དུ་

― CMR038_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །འགྲིང་བཙན་མི་ཅིག་ཅོར་ཁ་སྐྱེལ། །དེ་ཡི་སྐྱོར་ཁ་བསྒྱུར་དུ་གསོལ། །ཟར་བྱ་མཁའ་ལྡིང་གཤེད་བོན་ཆས། །དེ་ཡི་གཤེད་བོན་བསྒྱུར་དུ་གསོལ། །སྲི་མཐིང་འུག་མོ་སྲི་བུ་རྐུ། །དེ་ཡི་སྲི་རྐུན་བསྒྱུར་དུ་གསོལ། །ས་མོ་གླང་གིས་དཔང་པོ་མཛོད། །ན་ཞིང་དུར་དུ་ཞུགས་པ་དང་། །ཐེལ་གྱི་གགས་པ་བསྒྱུར་དུ་གསོལ། །ལྕགས་ཕོ་སྟག་གིས་དཔང་པོ་མཛོད། །ན་ཤི་དུར་ཞུགས་ལྟས་ངན་དང་། །སྐྱིད་ཀྱི་སྐེད་ཆད་བསྒྱུར་དུ་གསོལ། །ལྕག་མོ་ཡོས་ཀྱིས་དཔང་པོ་མཛོད། །མནའ་རྐུ་མྱ་ངན་བསྒྱུར་དུ་གསོལ། །ཆུ་ཕོ་འབྲུག་གིས་དཔང་པོ་མཛོད། །སྐྱེས་པ་ཕོ་ཡི་བྱུར་འདྲེ་བསྒྱུར་དུ་གསོལ། །ཆུ་མོ་སྦྲུལ་གྱིས་དཔང་པོ་མཛོད། །སྡུག་པའི་རོ་འཛིན་བསྒྱུར་དུ་གསོལ། །ཤིང་ཕོ་རྟ་ཡིས་དཔང་པོ་མཛོད། །དའུ་གོ་སྡོད་བསྒྱུར་དུ་གསོལ། །ཤིང་མོ་ལུག་གིས་དཔང་པོ་མཛོད། །རྨི་ལམ་ངན་པ་བསྒྱུར་དུ་གསོལ། །མེ་ཕོ་སྤྲེལ་གྱིས་དཔང་པོ་མཛོད། །གཤིན་གྱི་ངུ་འབོད་བསྒྱུར་དུ་གསོལ། །མེ་མོ་བྱ་ཡིས་དཔང་པོ་མཛོད། །མ་ཕྱི་དུར་གྱི་རྣ་སྲོལ་བསྒྱུར་དུ་གསོལ། །།ས་ཕོ་ཁྱི་ཡིས་དཔང་པོ་མཛོད། །སྲིན་

― CMR038_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཕག་ཞོན་བསྒྱུར་དུ་གསོལ། །ས་མོ་ཕག་གིས་དཔང་པོ་མཛོད། །བདུད་ནག་ལུག་ཁྲིད་བསྒྱུར་དུ་གསོལ། །ཀྱཻ། །ལྕགས་ཕོ་བྱི་བས་རྫུ་འཕྲུལ་མཛོད། །བདག་དང་ཡོན་བདག་འཁོར་བཅས་ལ། །ཡ་མཚན་མི་བཏང་མི་ཟེར་རམ། །སྲེ་མོང་ཁ་ཡི་བྱི་རོ་འདི། །བཙོག་ནལ་ཡོད་པའི་ལྟས་ངན་ཡིན། །ལྷ་དུག་གཡོས་པ་བསྒྱུར་དུ་གསོལ། །ཆོས་གླང་རོལ་དུ་མཁྱེན་པ་དེ། །ས་བདག་གཡོས་པའི་ལྟས་ངན་ཡིན། །ས་བདག་ཀླུ་སྲིན་བསྒྱུར་དུ་གསོལ། །སྲིན་འཇའ་ཁ་ཡི་འབུ་རོ་འདི། །ཕོ་ལྷ་གཡེལ་བའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །རི་བོང་ཁྱིམ་དུ་འོང་བ་དེ། །མ་དང་བྲན་གྱི་བཙོག་ནལ་ཡིན། །དེ་ཡི་བཙོག་ནལ་བསྒྱུར་དུ་གསོལ། །ཁང་ཁྱིམ་ཕུགས་སུ་མེ་ཤོར་དང་། །ཞིང་མུ་གཤའ་ཡི་ཁྱེར་བ་དེ། །ཡུལ་འདྲེ་སྡིག་པའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །སྦྲ་ལ་བྱ་རྗེས་དོད་པ་དང་། །སྦྲུལ་ནག་ལྟོ་སྦྱོར་མཐོང་བ་ནི། །མ་ཡར་བུ་རོགས་བཙོག་ནལ་ཡིན། །དེ་ཡི་བཙོག་ནལ་བསྒྱུར་དུ་གསོལ། །བུ་སྲིང་གོ་ཕུག་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །མག་པས་རྒྱུག་མོ་

― CMR038_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

འཚེས་པ་དེ། །བྱེ་བྲལ་འོང་བའི་ལྟས་ངན་ཡིན། །།དེ་ཡི་ལྟས་ངན་བསྒྱུར་དུ་གསོལ། །སོག་པའི་མེ་ལོང་བུག་པ་དང་། །ར་ལུག་ལྷག་ཆད་མང་བ་དེ། །རིམས་ནད་འོང་བའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །འུག་པ་ཉིན་པར་དགོད་པ་དང་། །སྲིན་བྱ་ནུབ་མོ་ཀུས་འདེབས་དེ། །མ་སྨད་བྲལ་བའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །བཅའ་དུ་ལམ་མདོར་ལམ་ཕྲད་པ་དེ། །བྱེ་བྲལ་འོང་བའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །སྒོ་ཁྱིའི་ངུ་ཟུག་བྱེད་པ་དང་། བྱི་ལོང་ཁྱིམ་དུ་འོང་བ་དེ། །བུ་ཚ་དའུ་ལུས་པའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །ཤ་བ་རུ་འཛིང་མཐོང་བ་དང་། །མེ་སྙིང་དམར་པོ་རད་པ་དེ། །གཤིན་པོས་གསོན་ལ་སྡིག་པ་ཡིན། །དེ་ཡི་ལྟས་ངན་བསྐྱར་དུ་གསོལ། །སྲོད་ལ་ཝ་མོ་བརྒྱལ་བ་དང་། །སྲམ་ནག་བུད་པ་མཐོང་བ་ནི། །ཕུང་སྲི་གནོད་པའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །རླུང་ཐོག་དྲག་པོ་བྱུང་བ་དང་། །ཕྱི་ནང་སྒོ་མོ་འཁྲོགས་པ་ནི། །གནོད་སྦྱིན་འཁྲུག་པའི་ལྟས་ངན་ཡིན། །དེ་ཡི་ལྟས་ངན་

― CMR038_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་དུ་གསོལ། །རྣ་ཐོང་བྲག་ལ་ལྟུང་བ་དང་། །བྱིའུ་ཚང་ནང་དུ་སྦྲུལ་ཞུགས་མཐོང་བ་དེ། །གཉེན་ཐན་གཡོས་པའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། ལྷཕུག་ན་བྱི་བ་འཁུན་པ་དང་། །དྲེལ་རྟས་རྔ་རྔོག་འཆས་པ་ནི། །མཚོན་ཆ་གཡོས་པའི་ལྟས་ངན་ཡིན། །དེ་ཡི་ལྟས་ངན་བསྒྱུར་དུ་གསོལ། །བྱ་ཝང་འཁུན་པ་ཚོར་བ་དང་། ལུས་ལ་བྱ་ཐལ་ཕོག་པ་དེ། །མདུན་ངོ་ཕོག་པའི་ལྟས་དོན་ཡིན། །དེ་ཡི་ལྟས་ངན་བསྒྱུར་དུ་གསོལ། །སྡིག་པའི་མཚོན་ཆ་བསྒྱུར་དུ་གསོལ། །རྨིས་ལྟས་ངན་པ་བསྒྱུར་དུ་གསོལ། །དལ་ཁ་ཡམས་ཁ་བསྒྱུར་དུ་གསོལ། །ལྟས་ངན་ཐམས་ཅད་བསྒྱུར་དུ་གསོལ། །ལྕོང་མོའི་རྔ་ཡབ་བསྒྱུར་དུ་གསོལ། །ལྕགས་ཕོ་བྱི་བས་རྫུ་འཕྲུལ་མཛོད། །མོ་བ་ངན་རྨི་ལམ་ངན་པ་དང་། །ལྟས་ངན་སྣ་ཚོགས་བསྒྱུར་དུ་གསོལ། །ལྕགས་མོ་གླང་གི་རྫུ་འཕྲུལ་མཛོད། །འདྲེ་གདོན་གནོད་པ་མང་པོ་དང་། །དུག་གི་རྒྱལ་མོའི་སྨྱོ་འདྲེ་བསྒྱུར་དུ་གསོལ། །ཆུ་ཕོ་སྟག་གིས་རྫུ་འཕྲུལ་མཛོད། །སྲིན་མོ་ཁྱི་ཚང་སྡུག་བསྔལ་དང་། །གྱོད་འདྲེ་བྱུར་སྲི་བསྒྱུར་དུ་གསོལ། །ཆུ་མོ་ཡོས་ཀྱིས་རྫུ་འཕྲུལ་དང་། །མི་གཙང་སྨེ་

― CMR038_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

མནོལ་ཐམས་ཅད་དང་། །ཉོན་མོངས་ཐམས་ཅད་བསྒྱུར་དུ་གསོལ། །ཤིང་ཕོ་འབྲུག་གིས་རྫུ་འཕྲུལ་མཛོད། །གཏི་མུག་སྡུག་བསྔལ་ཐམས་ཅད་དང་། །ཚངས་པས་སྡུག་རོག་བསྒྱུར་དུ་གསོལ། །ཤིང་མོ་སྦྲུལ་གྱིས་རྫུ་འཕྲུལ་མཛོད། །སེར་སྣ་བཀྲེས་སྐོམ་སྡུག་བསྔལ་དང་། །སྟོད་སྨད་བཙོག་ནལ་བསྒྱུར་དུ་གསོལ། །མེ་ཕོ་རྟ་ཡིས་རྫུ་འཕྲུལ་མཛོད། །ང་རྒྱལ་ཕྲག་དོག་སྡུག་བསྔལ་དང་། །སྐྱེ་འཆི་འཕེལ་སྒྲིབ་བསྒྱུར་དུ་གསོལ། །།མེ་མོ་ལུག་གིས་རྫུ་འཕྲུལ་མཛོད། །ཞེ་སྡང་གདུག་རྩུབ་སྡུག་བསྔལ་དང་། །གཞོན་སྲི་ལང་བ་བསྒྱུར་དུ་གསོལ། །ས་ཕོ་སྤྲེལ་གྱིས་རྫུ་འཕྲུལ་མཛོད། །སྐྱེ་འཆིའི་འཕེལ་བའི་སྡུག་བསྔལ་དང་། །ངན་སོང་སྡེ་གསུམ་བསྒྱུར་དུ་གསོལ། །ས་མོ་བྱ་ཡིས་རྫུ་འཕྲུལ་མཛོད། །ངན་སོང་གསུམ་གྱི་སྡུག་བསྔལ་དང་། །གནོད་པ་སྣ་ཚོགས་བསྒྱུར་དུ་གསོལ། །ལྕགས་ཕོ་ཁྱི་ཡིས་རྫུ་འཕྲུལ་མཛོད། །སྲི་ཅན་གནོད་པ་མང་པོ་དང་། །ལྟས་ངན་སྣ་ཚོགས་བསྒྱུར་དུ་གསོལ། །ལྕགས་མོ་ཕག་གིས་རྫུ་འཕྲུལ་མཛོད། །ན་ཆ་ཉོན་མོངས་སྡུག་བསྔལ་དང་། །བག་སྣ་སྐྱས་སྣ་བསྒྱུར་དུ་གསོལ། །ཆུ་ཕོ་བྱི་

― CMR038_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མཐུ་སྟོབས་ཀྱིས། །གནམ་རྡོ་ས་ལ་ལྷུང་བ་དང་། །སྲིན་པོ་སྡུག་བྱེད་བསྒྱུར་དུ་གསོལ། །ཆུ་མོ་གླང་གི་མཐུ་སྟོབས་ཀྱིས། །སྲིན་པོ་གཉའ་རིང་གཡུ་རྐུན་དང་། །གནོད་སྦྱིན་གདུག་པ་བསྒྱུར་དུ་གསོལ། །ཤིང་ཕོ་སྟག་གི་མཐུ་སྟོབས་ཀྱིས། །བརྒྱ་བྱིན་གདུག་པ་སྟོན་པ་དང་། །གནོད་སྦྱིན་ཐོག་རྒོད་བསྒྱུར་དུ་གསོལ། །ཤིང་མོ་ཡོས་བུའི་མཐུ་སྟོབས་ཀྱིས། །རྒྱལ་པོ་མི་ཡི་ནད་རྣམས་དང་། །ཕུང་སྲི་ལྕམ་དྲལ་བསྒྱུར་དུ་གསོལ། །མེ་ཕོ་འབྲུག་གི་མཐུ་སྟོབས་ཀྱིས། །ནད་ཡམས་གདུག་རྩུབ་ཐམས་ཅད་དང་། །ཕུང་སྲི་གདུག་པ་བསྒྱུར་དུ་གསོལ། །མེ་མོ་སྦྲུལ་གྱི་དུས་ལ་བབ། །དགྲ་དང་ཕུང་སྲི་བསྒྱུར་དུ་གསོལ། །ས་ཕོ་རྟ་ཡི་མཐུ་སྟོབས་ཀྱིས། །སྟག་འདྲེ་བྱིན་གྱི་ནད་རྣམས་དང་། །ས་འདྲེ་དུར་སྲི་གདུག་པ་བསྒྱུར་དུ་གསོལ། །ས་མོ་ལུག་གི་མཐུ་སྟོབས་ཀྱིས། །ལྷ་གང་བྱིན་གྱི་ནད་རྣམས་དང་། །བསྙེན་པའི་འཕར་ཞོན་བསྒྱུར་དུ་གསོལ། །ལྕགས་ཕོ་སྤྲེལ་གྱི་མཐུ་སྟོབ་ཀྱིས། །བསྒྲེན་འདྲེ་ཡམས་ཆེན་སྣ་དགུ་དང་། །མནའ་གྲི་ངན་པ་བསྒྱུར་དུ་གསོལ། །ལྕགས་མོ་བྱ་ཡི་མཐུ་སྟོབས་ཀྱིས། །ས་འོག་ཀླུ་ཡི་གདུག་པ་དང་། །ནད་

― CMR038_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ཡམས་ཐམས་ཅད་བསྒྱུར་དུ་གསོལ། །ཆུ་ཕོ་ཁྱི་ཡི་མཐུ་སྟོབས་ཀྱིས། །གནོད་སྦྱིན་ཐེའུ་རང་ནད་རྣམས་དང་། །བྱུར་དུ་ཤ་ཆིང་བསྒྱུར་དུ་གསོལ། །ཆུ་མོ་ཕག་གི་མཐུ་སྟོབས་ཀྱིས། །དུག་གི་རྐྱལ་པའི་ནད་རྣམས་དང་། །མི་དང་བྱོལ་སོང་ལྟས་ངན་བསྒྱུར་དུ་གསོལ། །གནམ་སྒོ་ས་སྒོ་མ་འགུལ་ཅིག །བདག་དང་ཡོན་བདག་འཁོར་བཅས་ལ། །རྐྱེན་དང་བར་ཆད་ཡོད་པ་ནི། །དེ་རིང་ཀོང་ཙེའི་གཏོ་ཡིས་བསྒྱུར་དུ་གསོལ། །མོ་ངན་ཕྱོགས་སྡིག་བསྒྱུར་དུ་གསོལ། །ཀྱཻ། །ཤར་གྱི་ཕྱོགས་ནས་བསྒྱུར་བ་ནི། །ས་བདག་བུ་མོ་འབྲིང་བ་ནི། །ཟུར་རྩེ་དང་རྩེ་ཕུང་རྩེ་དང་། །རལ་གྲི་སྣ་ནི་བསྒྱུར་དུ་གསོལ། །བུ་མོ་འབྲིང་བའི་བདུད་དུ་མ་འབེབས་ཤིག ཤར་ལྷོ་མཚམས་ནས་བསྒྱུར་བ་ནི། །ས་བདག་བུ་མོ་ཆེ་བ་ཡིན། །སྨྱོ་འདྲེ་ནད་ཡམས་ཆེ་དགུ་བསྒྱུར་དུ་གསོལ། །བུ་མོ་ཆེ་བའི་བདུད་དུ་མ་འབེབས་ཤིག །ལྷོ་ཡི་ཕྱོགས་ནས་བསྒྱུར་བ་ནི། །ས་བདག་བུ་མོ་ཆུང་བ་ཡིན། །སྨེ་མནོལ་བུ་ཚའི་སྦྲང་རོ་བསྒྱུར་དུ་གསོལ། །བུ་མོ་ཆུང་བའི་བདུད་དུ་མ་འབེབས་ཤིག །ལྷོ་ནུབ་མཚམས་ནས་བསྒྱུར་བ་ནི། །ས་བདག་ཁོན་མ་

― CMR038_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

རྒན་མོ་ཡིན། །དུར་ཉེས་དུར་བསྒྲེན་འཁོན་དང་ནི། །ས་སྒོ་བྱེ་བ་ཆོད་ལ་ཐོངས། །བུད་མེད་རྒན་མོའི་བདུད་དུ་མ་འབེབས་ཤིག །ནུབ་ཀྱི་ཕྱོགས་ནས་བསྒྱུར་བ་ནི། །ས་བདག་བུ་ཚ་འབྲིང་བ་ནི། །རོ་གལ་དང་ནི་གྲི་སྣ་བསྒྱུར་དུ་གསོལ། །སྐྱེས་པ་དར་མའི་བདུད་དུ་མ་འབེབས་ཤིག །ནུབ་བྱང་མཚམས་ནས་བསྒྱུར་བ་ནི། །ས་བདག་ཁེན་པ་རྒན་པོ་ཡིན། །ཐེའུ་རང་བསྒྱུར་ལ་གནམ་སྒོ་ཆོད། །མི་རྒན་བདུད་དུ་མ་འབེབས་ཤིག །བྱང་གི་ཕྱོགས་ནས་བསྒྱུར་བ་ནི། །ས་བདག་བུ་ཚ་ཆུང་བ་ནི། །སྐྱས་སྣ་སྤྱད་ནག་ཡམས་སྣ་བསྒྱུར། །བུ་ཚ་ཆུང་བའི་བདུད་དུ་མ་འབེབས་ཤིག །བྱང་ཤར་མཚམས་ནས་བསྒྱུར་བ་ནི། །ས་བདག་བུ་ཚ་ཆེ་བ་ཡིན། །བན་བྱད་རིབས་ཆད་སྣ་སྒྱུར་ཅིག །བུ་ཚ་ཆེ་བའི་བདུད་དུ་མ་འབེབས་ཤིག །ས་བདག་རྒྱལ་པོ་བ་དན་ཁྲ་བོ་ཅན། །རུ་སྦལ་བརྡའ་ཐན་བསྒྱུར་དུ་གསོལ། །བྱ་ཁྱུང་གཤོག་རྡེབ་བསྒྱུར་དུ་གསོལ། །གཙང་ཀུན་རྒྱལ་པོས་འགག་གྲི་ནལ་སྡིག་བསྒྱུར་དུ་གསོལ། །བྱི་ལིང་རྒྱལ་པོས་གྲི་བོའི་སྣ་སྒྱུར་ཅིག །ས་བདག་སྦལ་སྣས་དུར་བཏབ་ཉེས་པ་བསྒྱུར་དུ་གསོལ། །ས་བདག་གཟིག་མཇུག་ནག་པོ་

― CMR038_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །ཉེས་པའི་གཡེར་ངན་བསྒྱུར་དུ་གསོལ། །ས་བདག་ཐེ་སེ་རྒྱལ་པོ་ཡིས། །བྱ་བྱའི་བརྡ་ཐན་ངན་པ་བསྒྱུར་དུ་གསོལ། །ས་བདག་ཐེ་ཁྱིམ་བཙུན་མོ་ཡིས། །བག་མ་བླང་ཉེས་ལྟས་ངན་བསྒྱུར་དུ་གསོལ། །མེ་ཆུ་གཉིས་ཀྱི་དགྲ་གཤེད་བསྒྱུར་དུ་གསོལ། །ས་ཆུ་གཉིས་ཀྱི་བཤིག་བཀྲལ་བསྒྱུར་དུ་གསོལ། །ཤིང་ལྕགས་གཉིས་ཀྱི་གཅོད་འདྲལ་བསྒྱུར་དུ་གསོལ། །ས་ཤིང་གཉིས་ཀྱི་བུག་རྡོལ་བསྒྱུར་དུ་གསོལ། །མེ་ལྕགས་གཉིས་ཀྱི་བཞུ་བཏུལ་བསྒྱུར་དུ་གསོལ། །རྟ་སྦྲུལ་གནམ་སྒོ་བྱེ་བ་ཕག་གིས་བཅད། །ས་སྒོ་བྱེ་བ་ཁྱི་ཡིས་བཅད། །གཤེད་སྒོ་བྱེ་བ་རླུང་གིས་བཅད། །ལུག་གི་གནམ་སྒོ་བྱེ་བ་སྤེལ་གྱིས་བཅད། །ས་སྒོ་བྱེ་བ་སྟག་དང་ཡོས་བུས་བཅད། །གཤེད་སྒོ་བྱེ་。བ་ཕག་དང་བྱི་བས་བཅད། །བྱ་སྤྲེལ་གནམ་སྒོ་བྱེ་བ་ལུག་གིས་བཅད། །ས་སྒོ་བྱེ་བ་འབྲུག་གིས་བཅད། །ཁྱི་ཡི་གནམ་སྒོ་བྱེ་བ་ཕག་གིས་བཅད། །ས་སྒོ་བྱེ་བ་རྟ་དང་སྦྲུལ་གྱིས་བཅད། །གཤེད་སྒོ་བྱེ་བ་སྟག་དང་ཡོས་བུས་བཅད། །ཕག་དང་བྱི་བའི་གནམ་སྒོ་བྱེ་བ་ཁྱི་ཡིས་བཅད། །ས་སྒོ་བྱེ་བ་ལུག་གིས་བཅད། །གཤེད་སྒོ་བྱེ་བ་སྟག་དང་ཡོས་

― CMR038_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

བུས་བཅད། །གླང་གི་གནམ་སྒོ་བྱེ་བ་སྟག་དང་ཡོས་བུས་བཅད། །ས་སྒོ་བྱེ་བ་བྱ་དང་སྤྲེལ་གྱིས་བཅད། །གཤེད་སྒོ་བྱེ་བ་རྟ་དང་སྦྲུལ་གྱིས་བཅད། །སྟག་ཡོས་གནམ་སྒོ་བྱེ་བ་གླང་གིས་བཅད། །ས་སྒོ་བྱེ་བ་ཕག་དང་བྱི་བས་བཅད། །གཤེད་སྒོ་བྱེ་བ་བྱ་དང་སྤྲེལ་གྱིས་བཅད། །ཀྱཻ། རྒྱལ་པོ་བྱི་བའི་ལོ་བདུད་ནི། །བདུད་རེ་ལྡེ་མགོ་ཉག་བསྒྱུར་དུ་གསོལ། །བརྟུལ་ཞུགས་གླང་གི་ལོ་བདུད་ནི། །བདུད་ཤན་པ་གྲི་ཐོག་བསྒྱུར་དུ་གསོལ། །གདུག་པ་སྟག་གི་ལོ་བདུད་ནི། །བདུད་ཕོ་ཁ་རྟ་གྲི་ཡུག་བསྒྱུར་དུ་གསོལ། །ཚངས་ཆེན་ཡོས་བུའི་ལོ་བདུད་ནི། །བདུད་ངམ་རྗེ་རྩོལ་པས་བསྒྱུར་དུ་གསོལ། །གཏུམ་པོ་འབྲུག་གི་ལོ་བདུད་ནི། །བདུད་པོ་ཁྲོ་རྒྱལ་ཆེན་པོས་བསྒྱུར་དུ་གསོལ། །ཞེ་སྡང་སྦྲུལ་གྱི་ལོ་བདུད་ནི། །བདུད་པོ་ལག་རིང་བསྒྱུར་དུ་གསོལ། །མགྱོགས་པ་རྟ་ཡི་ལོ་བདུད་ནི། །བདུད་གཏུམ་པོ་བང་མགྱོགས་བསྒྱུར་དུ་གསོལ། །གཡང་ཆེན་ལུག་གི་ལོ་བདུད་ནི། །བདུད་གནམ་ཐོག་རྩོལ་པོས་བསྒྱུར་དུ་གསོལ། །གཤེད་པོ་སྤྲེལ་གྱི་ལོ་བདུད་ནི། །བདུད་རྗེ་རྩོལ་པོ་བསྒྱུར་དུ་གསོལ། །འདོད་ཆགས་བྱ་ཡི་ལོ་བདུད་ནི། །

― CMR038_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་པོ་གཟུགས་མེད་ཆེན་པོ་བསྒྱུར་དུ་གསོལ། །གཤེད་པོ་ཁྱི་ཡི་ལོ་བདུད་ནི། །གནམ་བདུད་འཁོར་ལོས་བསྒྱུར་དུ་གསོལ། །དུར་མོ་ཕག་གི་ལོ་བདུད་ནི། །བདུད་འཁོར་མི་འགྲམ་རིང་བསྒྱུར་དུ་གསོལ། །ཀྱཻ། གླུད་འདོད་རྣམས་ལ་གླུད་འབུལ་བས། །སྤྱི་བདུད་ནག་པོ་མི་ཡི་འཚོགས་སྨེ་འདོད། །འཚོགས་སྨེའི་གླུད་དང་སྐྱིན་དུ་ངར་མི་ཟན་ཆངས་འབུལ། །སྤར་ཁ་བརྒྱད་ཀྱིས་མི་ཡི་ཀླད་པ་འདོད། །ཀླད་པའི་གླུད་དང་སྐྱིན་དུ་ངར་མི་ཟན་ཆངས་འབུལ། །ཟོར་མོ་རྒ་མཁན་མི་ཡི་ཨུལ་ཀྲོང་འདོད། །ཨུལ་ཀྲོང་གླུད་དང་སྐྱིན་དུ་ངར་མི་ཟན་ཆང་འབུལ། །མི་བདུད་བུ་ཆུང་མ་ཡི་ནུ་མ་འདོད། །ནུ་མའི་གླུད་དང་སྐྱིན་དུ་ངར་མི་ཟན་ཆངས་འབུལ། །མ་བདུད་གྲག་མཁན་མི་ཡི་རྩིབ་མ་འདོད། །རྩིབ་མའི་གླུད་དང་སྐྱིན་དུ་ངར་མི་ཟན་ཆངས་འབུལ། །མ་ཤི་འཚོ་མཛད་མི་ཡི་མཁྲིས་པ་འདོད། །མཁྲིས་པའི་གླུད་དང་སྐྱིན་དུ་ངར་མི་ཟན་ཆངས་འབུལ། །མ་ཤི་འཚོ་མཛད་མི་ཡི་གློ་བ་འདོད། །གློ་བའི་གླུད་དང་སྐྱིན་དུ་ངར་མི་ཟན་ཆངས་འབུལ། །རྫིང་མཆོག་ཞོ་བཤིགས་མི་ཡི་མཆིན་པ་འདོད། །མཆིན་པའི་གླུད་དང་སྐྱིན་དུ་ངར་མི་

― CMR038_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

ཟན་ཆངསའབུལ། །ཁ་བརྒྱད་གླུད་ལེན་མི་ཡི་མཁལ་མ་འདོད། །མཁལ་མའི་གླུད་དང་སྐྱིན་དུ་ངར་མི་ཟན་ཆངས་འབུལ། །བཞི་བཅུ་རྩ་བཞི་མི་ཡི་དོན་སྙིང་འདོད། །མི་སྙིང་གླུད་དང་སྐྱིན་དུ་ངར་མི་ཟན་ཆངས་འབུལ། །བཞི་བཅུ་གཉེར་འཚོགས་མི་ཡི་གཉེར་མ་འདོད། །གཉེར་མའི་གླུད་དང་སྐྱིན་དུ་ངར་མི་ཟན་ཆངས་འབུལ། །སྲིན་པོ་ཐག་འཐག་མི་ཡི་རྒྱུ་མ་འདོད། །རྒྱུ་མིའི་གླུད་དང་སྐྱིན་དུ་ངར་མི་ཟན་ཆངས་འབུལ། །ནག་པོ་ཐང་ཡན་མི་ཡི་ལོང་ཀ་འདོད། །ལོང་ཀའི་གླུད་དང་སྐྱིན་དུ་ངར་མི་ཟན་ཆངས་འབུལ། །ནག་པོ་ཐང་ཡན་མི་ཡི་ཕོ་བ་འདོད། །ཕོ་བའི་གླུད་དང་སྐྱིན་དུ་ངར་མི་ཟན་ཆངས་འབུལ། །ཟོར་མོ་མདའ་འཕེན་མི་ཡི་དཔུང་པ་འདོད། །དཔུང་པའི་གླུད་དང་སྐྱིན་དུ་ངར་མི་ཟན་ཆངས་འབུལ། །བཙན་ལག་མདའ་འཕེན་མི་ཡི་ལག་ངར་འདོད། །ལག་ངར་གླུད་དང་སྐྱིན་དུ་ངར་མི་ཟན་ཆངས་འབུལ། །མ་བདུད་ཁྲ་བོས་མི་ཡི་ཚང་ར་འདོད། །ཚང་རའི་གླུད་དང་སྐྱིན་དུ་ངར་མི་ཟན་ཆངས་འབུལ། །འདོད་མཆོག་རྒན་མོས་མི་ཡི་ཕོ་མཚན་འདོད། །ཕོ་མཚན་གླུད་དང་སྐྱིན་དུ་ངར་མི་ཟན་ཆངས་འབུལ། །འདོད་མཆོག་རྒན་པོས་མི་

― CMR038_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་མོ་མཚན་འདོད། །མོ་མཚན་གླུད་དང་སྐྱིན་དུ་ངར་མི་ཟན་ཆངས་འབུལ། །མོ་བདུད་འདབ་རབ་མི་ཡི་སོག་པ་འདོད། །སོག་པའི་གླུད་དང་སྐྱིན་དུ་ངར་མི་ཟན་ཆངས་འབུལ། །ཡར་མོ་རྫིབ་རྫིབ་མི་ཡི་རྐང་པ་འདོད། །རྐང་པའི་གླུད་དང་སྐྱིན་དུ་ངར་མི་ཟན་ཆངས་འབུལ། །སྐྱིན་གྱི་རྩ་དང་ཡུན་ཆེན་འབུལ། །སྐྱོན་གྱི་སྟོང་རྩེ་དཀར་ནག་འབུལ། །སྐྱིན་གྱི་ཚེ་ཕུར་བཅུ་གསུམ་འབུལ། །འབུལ་བ་ང་ཡིས་མ་ནོར་ལ། །བཞེས་པ་ཁྱོད་ཀྱིས་མ་ནོར་ཅིག །མི་དང་གླུད་བརྗེ་རེ་བ་ཁོང་། །གླུད་ཀྱི་བདག་པོས་གླུད་ལོངས་ཤིག །མདོས་ཀྱི་བདག་པོས་མདོས་ཁྱེར་ཅིག །ཀྱཻ། ཟན་གྱི་ངར་མི་འདི་དག་ནི། །འདི་ལ་དེ་ནི་ལྕེ་དེ་ནི། །ཕ་ཝང་འདི་ནི་ལྕེ་ཡང་བཏགས། །སྤྱད་པའི་དཀོར་ནི་ཉ་མགོ་ལག་ཏུ་གཏད། །བསམ་པའི་སྙིང་དང་ནང་ཆ་ནི། །དོན་སྙིང་ཞོ་ཤ་ལྔ་ལ་བྱས། །འཛིན་པའི་སྦར་མོ་ལྕགས་ལ་བྱས། །གཅོད་པའི་སོ་ནི་ཕག་རྒོད་མཆེ་བ་ལ། །ཕྱག་གཡས་གསེར་ལ་གཡོན་པ་གཡུ། །མིག་གཉིས་དེ་ནི་རིན་ཆེན་གསལ། །རྣ་བ་དེ་ནི་གཡུ་ཡང་གསལ། །ཁ་རུ་དེ་ནི་བྱི་རུ་གསལ། །སྐྱེ་ལ་དེ་ནི་མུ་ཏིག་

― CMR038_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། །ལུས་ལ་དེ་ནི་བེར་ཡང་བཀོན། །མགོ་ལ་དེ་ནི་ཐོད་ཀྱང་བཅིངས། །ཞབས་སུ་དེ་ནི་གདན་ཡང་བཏིང་། །གདོང་ལ་དེ་ནི་མཚལ་ཡང་བྱུག །རྒྱལ་པོ་དེ་ནི་སྐུ་བས་བཙུན་། །བློན་པོ་དེ་ནི་ཐབས་རེ་མཁས། །འགྲོ་ན་དེ་ནི་སྟབས་རེ་སྡུག །སྨྲ་བ་དེ་ནི་སྐད་རེ་སྙན། །ལྟ་བ་དེ་ནི་མིག་ནི་རྣོ། །ཉན་པ་དེ་ནི་རྣ་བ་གསང་། །བསམ་པ་དེ་ནི་སེམས་རེ་བསལ། །ཉོན་པ་དེ་ནི་ལེགས་དང་ལྡན། །བཟའ་བ་དེ་ནི་ཤ་རེ་ཆེ། །བཏུང་བ་དེ་ནི་ཁྲག་རེ་མང་། །འདི་རྒྱལ་པོ་དེ་ནི་སྐུ་ཡི་གླུད། །བློན་པོ་དེ་ནི་ལྗགས་ཀྱི་ཚབ། །ཚེ་ཡི་སྐྱིན་དང་སྲོག་གི་གླུད། །ལུས་ཀྱི་ཚབ་དང་ངག་གི་སྐྱིན། །སེམས་ཀྱི་གླུད་དུ་ནམ་མཁའ་འཇལ། །དབུགས་ཀྱི་གླུད་དུ་རླུང་འདི་འཇལ། །དྲོད་ཀྱི་གླུད་དུ་མེ་འདི་འཇལ། །ཁྲག་གི་གླུད་དུ་ཆུ་འདི་འཇལ། །ཤ་ཡི་གླུད་དུ་ས་འདི་འཇལ། །རུས་པའི་གླུད་དུ་རྡོ་འདི་འཇལ། །ད་ངར་མི་རྒྱན་ལྡན་སྟེང་དུ་སོང་། །སྟེང་གི་གནམ་སྒོ་བྱེ་བ་ཁྱོད་ཀྱིས་ཆོད། །བྱ་ཁྱུང་འབོད་པ་ཁྱོད་ཀྱིས་ཆོད། །ད་དེར་མི་རྒྱལ་པོ་འོག་ཏུ་སོང་། །ས་སྒོ་བྱེ་བ་ཁྱོད་ཀྱིས་ཆོད། །དུར་ཕག་འཁུན་པ་ཁྱོད་ཀྱིས་ནོན། །ངར་མི་རྒྱལ་པོ་

― CMR038_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་བཞིར་སོང་། །གཤེད་བཞིའི་མཆེ་བ་ཁྱོད་ཀྱིས་ཆོག །ཕྱོགས་བཞི་དང་ནི་མཚམས་བརྒྱད་དང་། །སྟེང་འོག་གཉིས་སུ་ཁྱོད་སོང་ལ། །བྲོ་བརྡུང་གླུ་ལེན་གར་ཡང་གྱིས། །དར་ཕྱར་དུང་འབུད་འོ་དོད་བོས། །བདུད་བགེགས་ཐམས་ཅད་བསྒྱུར་དུ་གསོལ། །ཕུང་པོའི་བདུད་བགེགས་ཤར་དུ་ཟློག །ཉོན་མོངས་བདུད་བགེགས་ལྷོ་རུ་ཟློག །འཆི་བདག་བདུད་བགེགས་ནུབ་ཏུ་ཟློག །གཤིན་རྗེའི་བདུད་བགེགས་བྱང་དུ་ཟློག །ལོ་གཤེད་ཐམས་ཅད་བསྒྱུར་དུ་གསོལ། །ཡེ་འདྲོག་ཐམས་ཅད་བསྒྱུར་དུ་གསོལ། །ས་སྒོ་བྱེ་བ་ཁྱོད་ཀྱིས་ཆོད། །རོ་བདུད་ཟུག་པ་ཁྱོད་ཀྱིས་བསྒྱུར། །སྤར་ཁ་འཁྲུག་པ་ཁྱོད་ཀྱིས་ཆོད། །དགྲ་གཤེད་འཁྲུགས་པ་ཁྱོད་ཀྱིས་ཆོད། །ལོ་ཁམས་ཐམས་ཅད་བདེ་ལ་ཁོད། །ཟླ་བ་བཅུ་གཉིས་བཀྲ་ཤིས་ཤོག །གནུམ་ཁྱིའི་གདུག་པ་ཞི་བར་ཤོག །འཚེར་རྩུབ་སྐག་ཆེན་བསྒྱུར་དུ་གསོལ། །མོ་ངན་སོག་སྡིག་བསྒྱུར་དུ་གསོལ། །དྲུག་ཅུའི་ཐན་སྣ་བསྒྱུར་དུ་གསོལ། །ས་བདག་གདུག་པ་ཞི་བར་ཤོག །ལོ་སྐོར་འཁྲུག་པ་ཞི་བར་མཛོད། །དུར་འཁྲུག་བསྒྲེན་ངན་ཞི་བར་མཛོད། །ཉི་ཟླ་

― CMR038_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

གཟའ་སྐར་འཁྲུགས་པ་ཞི་བར་མཛོད། །ནད་ཡམས་ཐམས་ཅད་བསྒྱུར་དུ་གསོལ། །ཕོ་ཡི་དགུ་མིག་བསྒྱུར་དུ་གསོལ། །མོ་ཡི་བདུན་ཟུར་བསྒྱུར་དུ་གསོལ། །ཕོ་བདུད་དལ་ཁ་གཡས་སུ་བསྒྱུར། །མོ་བདུད་དལ་ཁ་གཡོན་དུ་བསྒྱུར། །ཆུང་བདུད་དལ་ཁ་ཐད་དུ་བསྒྱུར། །བཙན་བདུད་དམུ་ཡི་གདུག་རྩུབ་བསྒྱུར་དུ་གསོལ། །ལྷ་འདྲེའི་ཆོ་འཕྲུལ་ངན་པ་བསྒྱུར་དུ་གསོལ། །མི་ཡི་གྲངས་ལ་མ་རྐུ་ཞིག །ཕྱུགས་ཀྱི་རྩིས་ལ་མ་འཇབ་ཅིག །ནད་དང་ཡམས་ཁ་མ་གཏོང་ཞིག ༈ །ཀྱཻ། ད་ནི་ལྟས་ངན་བསྒྱུར་བ་ནི། །དང་པོ་ལྟས་ངན་གང་ནས་བྱུང་། །ལྟས་ངན་དང་པོ་སྙིང་ལ་བྱུང་། །མི་བསམ་བསམ་པར་བྱེད་པ་དང་། །མི་དྲན་དྲན་པར་བྱེད་པ་དང་། །ལྟས་ངན་དང་པོ་མིག་ལ་བྱུང་། །ཉི་ཟླ་ཤི་བ་མིག་གིས་རིགས། །ཤ་ཕོ་རུ་འཛིང་བྱ་ནག་སྡེར་འཛིངས་དང་། །ལྟས་ངན་ཆ་མ་ཆོ་རིགས་རྣམས། །ལྟ་བྱེད་རྒྱལ་པོ་མིག་གིས་མཐོང་། །ལྟས་ངན་སྨྲ་བ་རྣ་བས་ཐོས། །ལྟས་ངན་དང་པོ་ཁ་ནས་བྱུང་། །དགྲ་ཡི་ལྟས་ངན་ཐམས་ཅད་ནི། །ལྟས་ངན་རྔ་མོང་ནག་པོ་ལ། །ལྟས་ངན་སྐྱལ་པ་ཟུང་ཞིག་བཀལ། །ལུང་གསུམ་མདོ་རུ་བསྐྱལ་ཏེ་

― CMR038_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་། །དགུན་ཟླ་དེ་ནི་འབྲིང་པོ་ལ། །བྱི་ལོང་ཐང་ན་བྱུང་བ་མཐོང་བ་དང་། །སྦྲུལ་ནག་ཐང་ནས་བྱུང་བ་མཐོང་བ་དང་། །གྲུམ་པའི་ཚང་ཡོས་མཐོང་བ་དང་། །སྟོན་ཟླ་དེ་ནི་འབྲིང་པོ་ལ། །སྲིན་བྱ་ཁ་ཡི་འབུ་རོ་ཐོག་ཏུ་བསྒྱུར་བ་དང་། །དབྱར་ཟླ་དེ་ནི་འབྲིང་པོ་ལ། །བྱིའུ་ཚང་ནང་དུ་སྦྲུལ་ཞུགས་མཐོང་བ་དང་། །རྟ་ལ་མཚེ་མ་བྱུང་བ་དང་། །བ་ལ་གསུམ་མཚེ་བྱུང་བ་དང་། །ར་ལུག་ལྷག་ཆད་མང་བ་དང་། །ཁྱི་ལ་ལྷག་ཆད་བྱུང་བ་དང་། །སྲོད་ལ་བྱ་ཕོ་གྲག་པ་དང་། །འུག་པ་ཉིན་ལ་དགོད་པ་དང་། །མཚན་ལ་སྲིན་བྱས་འབོད་པ་དང་། །ཤ་བ་རུ་འཛིང་མཐོང་བ་དང་། །བྱ་ནག་སྡེར་འཛིང་མཐོང་བ་དང་། །ཀ་བ་ཁ་ནས་འཛུལ་བ་དང་། །གདུང་མ་རྐེད་དུ་ཆག་པ་དང་། །སྤར་ཁ་བརྒྱད་པོ་འཁྲུག་པ་དང་། །རོ་འཛིན་ལག་པ་བརྗེས་པ་དང་། །དོ་མ་སྒྱིད་ལུག་འགུལ་པ་དང་། །ནམ་མཁའ་དབུ་ཤུགས་འགུལ་བ་དང་། །སོག་པའི་རུལ་ཁུང་དོད་པ་དང་། །གསོན་དང་ཤི་བའི་སོ་མཚམས་སུ། །ལྷ་འདྲེས་ཉོ་ཚོང་རྒྱབ་པ་དང་། །མི་གྲངས་ཀྱི་ནི་མཁར་བུ་ལ། །འབོ་དོད་ནག་པོ་གཏོང་བ་དང་། །སྤྲེལ་དཀར་ལ་

― CMR038_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཁར་ཐལ་བ་དང་། །ལས་ཀྱི་གྲི་མདུང་ཟུག་པ་དང་། །སྤར་ཁ་དགྲ་བདུད་ལང་བ་དང་། །རོ་དོང་ནག་པོ་དོད་པ་དང་། །ཕྱི་སྐོར་གཡུལ་བཞི་འཁྲུག་པ་དང་། །སོག་པའི་དཀྱིལ་དུ་བུག་པ་དང་། །ཡ་བདུད་སྐར་མིག་འགྲིགས་པ་དང་། །བསེ་གླང་རྔ་མ་གཡུག་པ་དང་། །བྱ་ནག་གཤོག་པ་རྡེབ་པ་དང་། །བདུད་ཕོ་མི་ནག་རལ་པ་བསིགས་པ་དང་། །མི་ནག་དོང་ནག་བརྐོ་བ་དང་། །ནུབ་ཀྱི་སྤྲེལ་བུ་གླུ་ལེན་དང་། །བདུད་བྱ་ནག་པོ་འབབ་པ་དང་། །དུར་གླིང་ནག་པོ་མཚུན་རྐུན་དང་། །རྨང་པོ་རོ་བདུད་ལྟས་ངན་དང་། །གཟའ་སྐར་ཐང་ལ་ལྷུང་བ་དང་། །ས་ཡི་བྱད་འདྲེ་ལང་བ་དང་། །ཤ་བ་དབྱར་ན་ངུ་བ་དང་། །ཕུག་ཤུད་དགུན་ལ་གྲགས་པ་དང་། །ས་ལ་གྲིབ་བྱ་བབས་པ་དང་། །འོལ་བ་དགུན་ནས་འོང་བ་དང་། །བྱི་བས་མི་སྐུ་བཅད་པ་དང་། །སྣོད་ཀྱི་ནང་དུ་ཚང་བཅས་དང་། །བྱི་ལོང་སྐྱེད་རྩར་ཕྱིན་པ་དང་། །ཁྱི་ལ་ཁྱི་ཡི་ལྟས་ངན་དང་། །ཞིང་ལ་ཐུར་དོང་བྱུང་བ་དང་། །སྦལ་པས་ཉ་ཟོས་མཐོང་བ་དང་། །ལྟས་ངན་དང་ནི་ཡུལ་སྡིག་དང་། །བྱ་དགུར་དང་ནི་མི་བཏུན་དང་། །ཞིག་ཅིང་རལ་དང་བྱེ་བྲལ་དམོད་བྱེད་དང་། །

― CMR038_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

་ཆད་འོང་དང་ཁ་འགྱོད་འོང་བ་དང་། །ཕུང་འགྱོད་འོང་དང་རྨང་སྲི་དང་། །དུར་སྲི་ལང་དང་གདོན་བགེགས་གནོད་པ་དང་། །གཞན་ཡང་རྒན་སྲི་ལང་བ་དང་། །གཞོན་སྲི་ཆུང་སྲི་ཟླ་སྲི་ཞག་སྲི་དང་། །ཕོ་སྲི་མོ་སྲི་ལོ་དགྲ་བྱེད་ཟུར་དང་། །མནའ་སྲི་ཡུལ་སྲི་ཐེའུ་རང་ཡུལ་གདོན་དང་། །འགོང་པོ་གྲི་བོ་ལོག་འདྲེན་བྱུར་ཡུགས་དང་། །ལྷ་གདོན་གཡང་གྲི་ཆུ་གྲི་སྲུབ་གྲི་དང་། །ལྕེབ་གྲི་ཐོག་གྲི་ཚིག་གྲི་རྟ་གྲི་དང་། །ཕྱམ་གྲི་ཤིང་གྲི་གདོན་བགེགས་ཐམས་ཅད་ཀུན། །ལུང་གསུམ་མདོ་རུ་མར་བྲུབ་བོ། །མནན་ནོ་མ་ལྡང་ཞིག །རྒྱ་ཡིས་ཆུ་ཞིགས་ངན་པ་མནན་ནོ་བསྒྱུར་རོ། །བོད་ཀྱི་ལྷ་བཀྲ་མཐོང་སྡུད་ངན་པ་དང་། །མེ་ཉག་སོག་མོ་རྩ་དོང་ངན་པ་དང་། །ཞང་ཞུང་དུ་ཐིག་མདུད་པ་ངན་པ་དང་། །རྨིས་ལྟས་ངན་དང་ཡུལ་སྡིག་ཐམས་ཅད་སྒྱུར། །ལོ་སྐག་ཟླ་སྐག་ཞག་སྐག་དང་། །ཟ་མ་དུས་ཚོད་སྐག་རྣམས་སྒྱུར། །འཚེར་རྩུབ་ངན་པ་བསྒྱུར་དུ་གསོལ། །སྐག་རིགས་སུམ་བརྒྱ་དྲུག་ཅུ་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །མོ་ངན་སོག་སྡིག་ཐམས་ཅད་ཟློག །བཅོལ་བའི་ཕྲིན་ལས་འགྲུབ་པར་

― CMR038_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །དེ་ནས་རང་ངམ་ཡོན་བདག་སྨེ་བ་གང་ལ་རྩུབ་པའི་སྔགས་མང་དུ་བཟླ། གཞན་རྣམས་ལན་རེ་བཟླས་པས་ཆོག ཨོཾ་སྲི་རི་ཀ་ལེ་སྭཱ་ཧཱ༔ གཅིག་དཀར་གྱི་སྐག་སྒྱུར་ཅིག༔ ཨོཾ་པ་ཏ་ཤི་ལེ་སྭཱ་ཧཱ༔ གཉིས་ནག་གི་སྐག་སྒྱུར་ཅིག༔ ཨོཾ་བྱ་བ་ལི་ན་ན་སྭཱ་ཧཱ། གསུམ་མཐིང་གི་སྐག་སྒྱུར་ཅིག༔ ཨོཾ་པྲ་ནི་ཡ་ས་སྭཱ་ཧཱ། བཞི་ལྗང་གི་སྐག་སྒྱུར་ཅིག༔ ཨོཾ་མ་ནི་སི་ཡ་སྭཱ་ཧཱ༔ ལྔ་སེར་གྱི་སྐག་སྒྱུར་ཅིག༔ ཨོཾ་ར་ཛ་ཧོ་ནི་སྭཱ་ཧཱ༔ དྲུག་དཀར་གྱི་སྐག་སྒྱུར་ཅིག༔ ཨོཾ་དུ་ཧ་ཀཱ་ལི་སྭཱ་ཧཱ༔ བདུན་དམར་གྱི་སྐག་སྒྱུར་ཅིག༔ ཨོཾ་ཏེ་ཀ་ཁིས་སྭཱ་ཧཱ༔ བརྒྱད་དཀར་གྱི་སྐག་སྒྱུར་ཅིག༔ ཨོཾ་བྱི་ལམ་ཐིའུ་སྭཱ་ཧཱ༔ དགུ་དམར་གྱི་སྐག་སྒྱུར་ཅིག༔ ཨོཾ་ལི་ཀྲྀ་ཏ་རཾ་ཀུ་རུ་ཧཱུྃ་ཧཱུྃ་ཕཊ༔ ལིའི་སྐག་སྒྱུར་ཅིག༔ ཨོཾ་ཁོན་ཁཾ་ཧཱུྃ་ཕཊ༔ ཁོན་གྱི་སྐག་སྒྱུར་ཅིག༔ ཨོཾ་དྭ་དཾ་མཱ་ར་ཡ་ཕཊ༔ དྭའི་སྐག་སྒྱུར་ཅིག༔ ཨོཾ་ཁེ་འགུམ་ཧཱུྃ༔ ཁེན་གྱི་སྐག་སྒྱུར་ཅིག༔ ཨོཾ་ཁཾ་ཁཾ་ཧཱུྃ་ཕཊ༔ ཁཾ་གྱི་སྐག་སྒྱུར་ཅིག༔ ཨོཾ་གི་རི་ཧཱུྃ་ཕཊ༔ གིན་གྱི་སྐག་སྒྱུར་ཅིག༔ ཨོཾ་ཟིན་སྭཱ་ཧཱ༔ ཟིན་གྱི་སྐག་སྒྱུར་ཅིག༔ ཨོཾ་ཟོན་ཡཾ་ཧཱུྃ་ཕཊ༔ ཟོན་གྱི་སྐག་སྒྱུར་ཅིག༔ རང་དང་ཡོན་བདག་གང་ལ་སྤར་ཁ་གང་རྩུབ་པ་ལ་སྔགས་མང་

― CMR038_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུག་གཞན་ལ་ནི་ཚར་རེས་ཆོག༔ དེ་བཞིན་དུ་རང་དང་གནམ་ལོ་སང་ཕོད་གནང་ཡོད་ལ་མང་བཅུག༔ གཞན་རྣམས་ལ་ཚར་རེས་ཆོག་གོ༔ ཨོཾ་ཅི་ཅི་སྭཱ་ཧཱ༔ བྱི་བ་ལོ་པའི་སྐག་སྒྱུར་ཅིག༔ ཨོཾ་ཉ་ཅི་སྭཱ་ཧཱ༔ གླང་ལོ་པའི་སྐག་སྒྱུར་ཅིག༔ ཨོཾ་པ་ཅི་སྭཱ་ཧཱ༔ སྟག་ལོ་པའི་སྐག་སྒྱུར་ཅིག༔ ༀ་ཞ་ཅི་སྭཱ་ཧཱ༔ ཡོས་ལོ་པའི་སྐག་སྒྱུར་ཅིག༔ ཨོཾ་ང་ཅི་སྭཱ་ཧཱ༔ འབྲུག་ལོའི་སྐག་སྒྱུར་ཅིག༔ ཨོཾ་དུ་ཅི་སྭཱ་ཧཱ༔ སྦྲུལ་ལོའི་སྐག་སྒྱུར་ཅིག༔ ཨོཾ་བི་ཅི་སྭཱ་ཧཱ༔ རྟ་ལོ་པའི་སྐག་སྒྱུར་ཅིག༔ ཨོཾ་ད་ཉ་སྭཱ་ཧྭ༔ ལུག་ལོ་པའི་སྐག་སྒྱུར་ཅིག༔ ཨོཾ་ག་ཉ་སྭཱ་ཧཱ༔ སྤྲེལ་ལོ་པའི་སྐག་སྒྱུར་ཅིག༔ ཨོཾ་ཀུ་ཉ་སྭཱ་ཧཱ༔ བྱ་ལོ་པའི་སྐག་སྒྱུར་ཅིག༔ ཨོཾ་ཅི་ཅི་སྭཱ་ཧཱ༔ ཁྱི་ལོ་པའི་སྐག་སྒྱུར་ཅིག༔ ཨོཾ་ཅི་ཉ་སྭཱ་ཧཱ༔ ཕག་ལོ་པའི་སྐག་སྒྱུར་ཅིག༔ ཟླ་བ་གང་རྩུབ་ཤེས་ན་དེའི་སྔགས་མང་བཅུག་གཞན་ལ་ཚར་རེས་ཆོག༔ ཨོཾ་ཧཱུྃ་སྭཱ་ཧཱ༔ སྟག་ཟླ་བའི་སྐག་སྒྱུར་ཅིག༔ ཨོཾ་ཡཾ་སྭཱ་ཧཱ༔ ཡོས་ཟླ་བའི་སྐག་སྒྱུར་ཅིག༔ ཨོཾ་འདཾསྭཱ་ཧཱ༔ འབྲུག་ཟླ་བའི་སྐག་སྒྱུར་ཅིག༔ ཨོཾ་སྦེ་སྭཱ་ཧཱ༔ སྦྲུལ་ཟླ་བའི་སྐག་སྒྱུར་ཅིག༔ ཨོཾ་རྟ་སྭཱ་ཧཱ༔ རྟ་ཟླ་བའི་སྐག་སྒྱུར་ཅིག༔ ཨོཾ་ལཾ་སྭཱ་ཧཱ༔ ལུག་ཟླ་བའི་སྐག་སྒྱུར་ཅིག༔ ཨོཾ་པུཾ་སྭཱ་ཧཱ༔

― CMR038_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲེལ་ཟླ་བའི་སྐག་སྒྱུར་ཅིག༔ ཨོཾ་བཻ་སྭཱ་ཧཱ༔ བྱ་ཟླ་བའི་སྐག་སྒྱུར་ཅིག༔ ཨོཾ་ཁཾ་སྭཱ་ཧཱ༔ ཁྱི་ཟླ་བའི་སྐག་སྒྱུར་ཅིག༔ ཨོཾ་ཛཾ་སྭཱ་ཧཱ༔ ཕག་ཟླ་བའི་སྐག་སྒྱུར་ཅིག༔ ཨོཾ་བྱི་སྭཱ་བྱི་ཟླ་བའི་སྐག་སྒྱུར་ཅིག༔ ཨོཾ་གཾ་སྭཱ་ཧཱ༔ གླང་ཟླ་བའི་སྐག་སྒྱུར་ཅིག༔ དེ་ནས་མཆོད་གཡོག་པས་གསེར་སྐྱེམས་ཕྱོགས་ཀུན་ཏུ་གཏོར་བཅུག་ཅིང་༔ ཧཱུྃ༔ ང་ནི་འཇམ་དཔལ་གཤིན་རྗེའི་གཤེད༔ སྲིད་གསུམ་འདི་ན་ང་དབང་ཆེ༔ སྣང་ཞིང་སྲིད་པའི་ལྷ་འདྲེ་ཀུན༔ ཐམས་ཅད་ང་ཡི་བཀའ་ལ་ཉོན༔ ཀོང་ཙེའི་སྲིད་པའི་གཏོ་བསྒྱུར་འདི༔ དོ་ནུབ་གང་དང་གང་དུ་གཏོང་༔ ཐེ་སེ་གཙང་ཀུན་ཧལ་ཁྱི་དང་༔ སེ་བ་བླ་མཁྱེན་སྔ་ཕྱི་གཉིས༔ དེ་སོགས་ལོ་ལ་འཁོར་བ་ཡི༔ ས་བདག་རྗེ་བློན་བཅུ་བདུན་གྱི༔ སྟེང་དུ་གཏོ་གླུད་མི་གཏོང་ངོ་༔ གལ་ཏེ་ཕྱོགས་ནོར་ཤོར་སྲིད་ན༔ གསེར་སྐྱེམས་མཆོད་པ་འདི་བཞེས་ལ༔ ཀོ་ལོང་རུ་ང་མ་མཛད་པར༔ གཏོ་གླུད་ལེགས་པའི་སྡོང་གྲོགས་མཛོད༔ ལྷ་ཆེན་བཙུན་མོ་བློན་པོ་དང་༔ གྲུལ་བུམ་བ་དན་ཁྲ་བོ་དང་༔ ཟླ་བའི་ས་བདག་བཅུ་བདུན་དང་༔ ལྔ་སེར་རྣམ་ཐིག་སེར་ནག་གི༔ སྟེང་དུ་གཏོ་གླུད་མི་གཏོང་ངོ་༔ གལ་ཏེ་ཕྱོགས་ནོར་ཤོར་

― CMR038_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ན༔ གསེར་སྐྱེམས་མཆོད་པ་འདི་བཞེས་ལ༔ ཀོ་ལོང་རུ་ང་མ་མཛད་པར༔ གཏོ་གླུད་ལེགས་པའི་སྡོང་གྲོགས་མཛོད༔ བདག་དང་རྒྱུ་སྦྱོར་ཡོན་བདག་གི༔ སྲོག་ལྷ་ལུས་ལྷ་དཔལ་དང་གཡང་༔ གནམ་སྨིན་གནས་པའི་ཕྱོགས་རྣམས་སུ༔ གཏོ་དང་ཡས་གླུད་མི་གཏོང་ངོ་༔ གལ་ཏེ་ཕྱོགས་ནོར་ཤོར་སྲིད་ན༔ གསེར་སྐྱེམས་མཆོད་པ་འདི་བཞེས་ལ༔ ཀོ་ལོང་རུ་ང་མ་མཛད་པར༔ གཏོ་གླེད་ལེགས་པའི་སྡོང་གྲོགས་མཛོད༔ སྲོག་ལྷ་ལུས་ལྷ་དཔལ་དང་གཡང་༔ གནམ་སྨན་གནས་པའི་ཕྱོགས་རྣམས་སུ༔ གཏོ་དང་ཡས་གླུད་མི་གཏོང་ངོ་༔ གལ་ཏེ་ཕྱོགས་ནོར་ཤོར་སྲིད་ན༔ གསེར་སྐྱེམས་མཆོད་པ་འདི་བཞེས་ལ༔ ཀོ་ལོང་རུ་ང་མ་མཛད་པར༔ གཏོ་གླུད་ལེགས་པའི་སྡོང་གྲོགས་མཛོད༔ རྣལ་འབྱོར་མ་བརྒྱད་མཁའ་འགྲོ་ལྔ༔ གཟའ་བརྒྱད་ཐུན་ཕྱེད་སྒྲ་གཅན་དང་༔ བིཥི་དུས་མཚན་ཆེན་མོ་དང་༔ གྱི་ལིང་དང་ནི་ཁྲ་ཚ་དང་༔ གསེར་མཛོད་གཡུ་མཛོད་ལ་སོགས་དང་༔ ཞག་དང་དུས་ལ་རྒྱུ་བ་ཡི༔ སྟེང་དུ་གཏོ་དང་གླུད་འདི་མི་གཏོང་ངོ་༔ གལ་ཏེ་ཕྱོགས་ནོར་ཤོར་སྲིད་ན༔ གསེར་སྐྱེམས་མཆོད་པ་འདི་

― CMR038_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས་ལ༔ ཀོ་ལོང་རུ་ང་མ་མཛད་པར༔ གཏོ་གླུད་ལེགས་པའི་སྡོང་གྲོགས་མཛོད༔ ཡུལ་ཕྱོགས་འདི་ལ་གནས་པ་ཡི༔ ཡུལ་ལྷ་བཙན་དང་ཀླུ་བདུད་སོགས༔ གཉུག་མར་གནས་པ་མཐུ་ཆེན་གྱི༔ སྟེང་དུ་གཏོ་གླུད་མི་གཏོང་ངོ་༔ གལ་ཏེ་ཕྱོགས་ནོར་ཤོར་སྲིད་ན༔ གསེར་སྐྱེམས་མཆོད་པ་འདི་བཞེས་ལ༔ ཀོ་ལོང་རུ་ང་མ་མཛད་པར༔ གཏོ་གླད་ལེགས་པའི་སྡོང་གྲོགས་མཛོད༔ འོ་ན་གཏོ་གླུད་གང་དུ་གཏོང་༔ བདག་དང་རྒྱུ་སྦྱོར་ཡོན་བདག་ལ༔ གནོད་པའི་གདོན་གྱི་སྟེང་དུ་གཏོང་༔ འདྲེ་ལྔ་བདུད་གཅོད་སྟེང་དུ་གཏོང་༔ ལོ་བདུད་གནས་པའི་སྟེང་དུ་གཏོང་༔ ཟླ་བའི་ཡས་ལམ་ཕྱོགས་སུ་གཏོང་༔ ལྷ་དང་འདྲེ་ཡང་གྲངས་མང་བས༔ གཙང་དང་མི་གཙང་ཕྱོགས་འཛོམ་ན༔ གསེར་སྐྱེམས་མཆོད་པ་འདི་བཞེས་ལ༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་མར་ཁུག༔ བར་པ་རྣམས་ཀྱིས་སྐུ་གཟུར་ལ༔ གཡས་སུ་ཡོད་པ་གཡས་སུ་སྐྱེན༔ གཡོན་དུ་ཡོད་པ་གཡོན་དུ་གཟུར༔ ཕོ་བྲང་རྣམས་ཀྱང་སྒོ་ཆོད་ལ༔ སྤྱན་གཡོལ་ན་བཟའི་མཐུ་བ་བསྡུས༔ གལ་ཏེ་གཏོ་གླུད་གྲིབ་ཕོག་ན༔ ང་ནི་མ་ལན་མ་ཉེས་

― CMR038_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས༔ ཉེས་ལན་དགྲ་དང་བགེགས་ལ་ཆོད༔ ཨོཾ་སརྦ་ལོ་ཀ་པ་ལ་ཨ་མྲྀ་ཏ་པཱ་ཙ་ཁ་ཁ་ཁཱ་ཧི་ཁཱ་ཧི༔ དེ་ནས་གཏོ་ཕར་ཁ་བསྒྱུར་འབྲུ་སྣ་དང་ཡོས་བཀྲ་སོགས་རྫོངས་སུ་འདེབས་ཤིང་༔ ཧཱུྃ༔ འབྱུང་བ་ལྔ་ལས་གྲུབ་པ་ཡི༔ ལོ་ཟླ་ཞག་དུས་སྤར་སྨེའི་བདག༔ སྲིད་པའི་བདག་པོ་མཐུ་ཆེན་རྣམས༔ དང་པོ་ལན་གཅིག་མི་འབྱོན་རྒྱུ༔ གཤིན་རྗེའི་གཤེད་པོའི་བཀའ་སྩལ་གཉན༔ དེ་ནས་ཡས་གླུད་མི་ལེན་རྒྱུ༔ ལན་ཆགས་འཇལ་བའི་དམ་ཚིག་རྫས༔ ད་ནི་རང་གནས་མི་གཤེགས་རྒྱུ༔ ཡུན་རིང་བཞུགས་པའི་སྐབས་མེད་དེ། ཁྱེད་རྣམས་གཙང་མ་ལྷ་ཡི་རིགས༔ མི་རྣམས་མི་གཙང་ཐབ་གཞོབ་མང་༔ ད་ནི་ཞལ་བསྒྱུར་གཤེགས་རེ་རན༔ སྲིད་པའི་བདག་པོ་ཁྱེད་རྣམས་ལ༔ ཟངས་ལྕགས་འཁར་བ་ལ་སོགས་པའི༔ རིན་ཆེན་སྣ་ཚོགས་རྫོངས་སུ་འདེབས༔ ཅི་བསམ་ལྷུན་གྱིས་གྲུབ་པར་མཛོད༔ ནས་གྲོ་སྲན་མ་ལ་སོགས་པའི༔ འབྲུ་རིགས་སྣ་ཚོགས་རྫོངས་སུ་འདེབས༔ རྟག་ཏུ་ལོ་ལེགས་འབྲུ་འཕེལ་མཛོད༔ ཕྱག་ཚང་སྐྱ་བ་ལ་སོགས་པའི༔ ཀླུ་སྨན་སྣ་ཚོགས་རྫོངས་སུ་འདེབས༔ ནད་རིགས་ཐམས་ཅད་ཞི་བར་མཛོད༔ མར་ཐུད་སྒྱུར་བ་ལ་

― CMR038_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པའི༔ དཀར་གསུམ་ཟས་སྣ་རྫོངས་སུ་འདེབས༔ སྐལ་ངན་མུ་གེ་ཞི་བར་མཛོད༔ དར་ཚོན་ཕྲུག་རས་ལ་སོགས་པའི༔ དར་གོས་རིགས་རྣམས་རྫོངས་སུ་འདེབས་དཔའ་བརྗིད་བཀྲག་མདངས་རྒྱས་པར་མཛོད༔ ཡུལ་འདྲེ་སྒབ་འདྲེ་དམ་སྲི་དང་༔ གཤེད་འཁྱམ་ཆུང་སྲི་བསེ་རག་དང་༔ ལན་ཆགས་བགེགས་རིགས་ཐམས་ཅད་ལ༔ ཤ་ཁྲག་རུས་གསུམ་རྫོངས་སུ་འདེབས༔ སྲོག་གི་ལན་ཆགས་བྱང་བར་མཛོད༔ ཚ་སྒོག་གཡེར་གསུམ་རྫོངས་སུ་འདེབས༔ མི་ཁ་གཏམ་ངན་མེད་པར་མཛོད༔ དྲི་གླུད་གོས་གསུམ་རྫོངས་སུ་འདེབས༔ མི་ལ་ན་ཚ་མ་གཏོང་ཞིག༔ ཤེལ་ཚིགས་ཁྲ་བོ་རྫོངས་སུ་འདེབས༔ ནོར་ལ་གོད་ཁ་མ་གཏོང་ཞིག༔ ནས་སྙིགས་སྦང་རམ་རྫོངས་སུ་འདེབས་ཞིང་ལ་བཙའ་སད་སེར་གསུམ་མ་གཏོང་ཞིག༔ ཁ་ལྷག་ཁྲུས་ཆུ་རྫོངས་སུ་འདེབས༔ ཟ་རེ་འཐུང་སྐོམ་མ་བྱེད་ཅིག༔ ཞོ་ལད་ཆང་ལད་རྫོངས་སུ་འདེབས༔ ཁ་འགོང་སྲིས་རྐུན་མ་བྱེད་ཅིག༔ མོ་ངན་རྩིས་ངན་རྨི་ལམ་ངན༔ ཐན་དང་ལྟས་ངན་བྱུང་ཚད་ཀུན༔ རྫོངས་སུ་འདེབས་སོ་ཁལ་དུ་འགེལ༔ དམ་པོར་ཟུང་ལ་ཁུར་དུ་ཁུར༔ གཅིག་ཀྱང་མ་

― CMR038_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཁྱེར་ལ་སོང་༔ དེ་ནས་ཕྱིར་ལ་བསྒྱུར་ཏེ་ཁྱེར་གྲབས་བྱས་ལ་ལམ་བསྟན་ནི། ཧཱུྃ༔ ཉོན་ཅིག་སྣང་སྲིད་ལྷ་འདྲེའི་ཚོགས༔ བཀའ་འདི་ཆེ་མཆོག་དཔལ་གྱི་བཀའ༔ ལུང་འདི་འཇམ་དཔལ་གཞོན་ནུའི་ལུང་༔ གཏོ་འདི་ཀོང་ཙེ་འཕྲུལ་གྱི་གཏོ༔ སྤྲིན་དང་གློག་དང་འབྲུག་དང་གསུམ༔ ལན་གཅིག་སྤྲུལ་པ་དངོས་སུ་བྱུང་༔ དེ་ནས་ནམ་མཁའི་ཀློང་དུ་ཐིམ༔ འཇའ་ཚོན་ཁ་དོག་རྣམ་པ་ལྔ༔ ལན་གཅིག་སྤྲུལ་པ་དངོས་སུ་བྱུང་༔ དེ་ནས་བར་སྣང་ཀློང་དུ་ཐིམ༔ ས་བདག་ལྷ་འདྲེ་བགེགས་རིགས་རྣམས༔ སྲིད་པ་གཏོ་ཡི་དཀྱིལ་འཁོར་འདི༔ ལན་གཅིག་སྤྲུལ་པ་དངོས་སུ་བྱུང་༔ ད་ནི་ཆོས་ཀྱི་དབྱིངས་སུ་གཤེགས༔ ཤིང་གི་ལྷ་འདྲེ་ཤར་དུ་གཤེགས༔ ཆག་གྲུམ་འགགས་གྲི་གཟེར་གི་ཟློག༔ མེ་ཡི་ལྷ་འདྲེ་ལྷོ་རུ་གཤེགས༔ ཁྲག་སྐྱུག་ཞར་ལོང་རྟ་གྲི་ཟློག༔ ལྕགས་ཀྱི་ལྷ་འདྲེ་ནུབ་ཏུ་གཤེགས༔ རྨ་ངོ་ཁྲག་ངོ་མཚོན་གྲི་ཟློག༔ ཆུ་ཡི་ལྷ་འདྲེ་བྱང་དུ་གཤེགས༔ མཁལ་ནད་ཞ་གྲུམ་ཆུ་གྲི་ཟློག༔ རི་ཡི་ལྷ་འདྲེ་བྱང་ཤར་གཤེགས༔ བརྒྱལ་ནད་སྲོག་རླུང་རྐང་ནད་ཟློག༔ རླུང་གི་ལྷ་འདྲེ་ཤར་ལྷོར་གཤེགས༔ ཡམས་ནད་རིམས་ནད་སྨྱོ་འབོག་

― CMR038_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག༔ ས་ཡི་ལྷ་འདྲེ་ལྷོ་ནུབ་གཤེགས༔ ལྡི་འཐོབ་བད་ཀན་སྐྲན་ནད་ཟློག༔ གནམ་གྱི་ལྷ་འདྲེ་ནུབ་བྱང་གཤེགས༔ ཁྱིས་ཕུག་ཐོག་སེར་གཟའ་གྲིབ་ཟློག༔ གནས་ལ་ངེས་པ་མ་མཆིས་པས༔ བགེགས་རིགས་སྟོང་ཕྲག་བརྒྱད་ཅུ་དང་༔ གདོན་འཁྱམས་འགོང་པོ་འབྱུང་པོའི་ཚོགས༔ གླུད་དང་ཡས་སྟགས་འདི་ཁྱེར་ལ༔ དཔག་ཚད་འདས་པའི་རྒྱབ་ཏུ་སོང་༔ རྒྱང་གྲགས་གཅིག་ལས་ཚུར་མ་ཉེ༔ ལུང་གསུམ་འདུས་པའི་མདོ་ན་སོང་༔ ཆུ་གསུམ་འདུས་པའི་གཞུང་ན་སོང་༔ དུར་ཁྲོད་དུར་གླིང་ནང་ན་སོང་༔ ལྷ་ཁང་སྟོང་པའི་ནང་ན་སོང་བྲག་ཕུག་སྟོང་པའི་ནང་ན་སོང་༔ གྲོག་རལ་ཕུག་རྡུགས་ནང་ན་སོང་༔ ཕྱིན་ཆད་གནས་འདིར་མ་འགྲིམ་ཞིག༔ དཔལ་ཆེན་ཆེ་མཆོག་བཀའ་མ་བཅག། གཤིན་རྗེ་གཤེད་པོའི་དམ་མ་བཀྲལ༔ གལ་ཏེ་བཀའ་དང་དམ་འདས་ན༔ སྙིང་ལ་མེ་འབར་ལུས་ཚིག་ནས༔ རྡོ་རྗེ་དམྱལ་བར་ལྟུང་ལ་རེ༔ དེ་བས་དམ་ལ་མ་འདའ་ཞིག༔ མ་ཧཱ་ས་མ་ཡ༔ སརྦ་ལོ་ཀ་དྷེ་ཝ་སརྦ་བྷུ་ཏ་གཙྩ་གཙྩ༔ འདྲེ་ལྔ་བདུད་གཅོད་གནས་སའམ༔ རང་ངམ་སྦྱིན་བདག་གི་ལོ་བདུད་ཕྱོགས་སུ་གོམ་པ་བདུན་ཅུ་ལས་མི་ཉེ་བར་ཕུལ༔ ཕྱི་མིག་མི་བལྟ་བར་ལོག་ལ༔ གཏོར་

― CMR038_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད་རྣམས་སྒོ་དྲུང་དུ་སྒྲུབས་ལ་ཞོག་ཅེས་བསྒོའོ༔ སྔགས་པ་རང་གིས་རོལ་མོ་དང་བཅས་པས་ཡི་དམ་གང་ཡིན་བཀའ་བསྒོ་མཚམས་གཅོད་སུམྦྷ་ནི་དྲག་ཏུ་བརྗོད༔ གཏོ་སྐྱེལ་བ་རྣམས་ཚུར་མ་ཕྱིན་གྱི་བར་དུ་རྫ་རོལ་མི་བཅད༔ དེ་ནས་ཡོད་ན་མདའ་དར་གཡབ་ཅིང་འདི་སྐད་དོ། ཧཱུྃ༔ བདག་ཉིད་གཤིན་རྗེའི་གཤེད་པོ་ཡི༔ སྤྱི་གཙུག་བླ་མ་འཇམ་པའི་དབྱངས༔ སྐད་ཅིག་ཉིད་ལ་གནས་འགྱུར་ནས༔ གསུང་གི་རྡོ་རྗེ་འཇམ་པའི་དབྱངས༔ དམར་པོ་ཞལ་གཅིག་ཕྱག་གཉིས་པ༔ ཕྱག་གཉིས་མཉམ་བཞག་ལྷུང་བཟེད་བསྣམས༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ སྤྲུལ་པའི་ལྷ་མོ་མགྱོགས་མ་ལྔས༔ ཚེ་བུམ་འཛིན་ཅིང་མདའ་དར་གཡབ༔ འབྱུང་བའི་བཅུད་བསྡུས་ལྷུང་བཟེད་ཐིམ༔ ལྷུང་བཟེད་ཚེ་ཡི་བདུད་རྩིས་གང་༔ དེ་ནས་རང་ལ་ཐིམ་པར་གྱུར༔ ཧཱུྃ༔ མདའ་དར་ཤར་དུ་གཡུག་པའི་ཚེ༔ རླུང་གི་བཅུད་རྣམས་བསྡུས་པ་ལས༔ འཇའ་ཚོན་ལྗང་གུ་འོད་དུ་འབར༔ དེ་དབུས་རླུང་གི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་ལྗང་༔ བུམ་པ་འཛིན་ཏེ་གར་ཁྱུག་ཁྱུག༔ ལྗང་འོད་འབར་བའི་བྲོ་ཁྲིག་ཁྲིག༔ མདའ་དར་ལྷོ་རུ་གཡུག་པའི་ཚེ༔ མེ་ཡི་བཅུད་

― CMR038_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་འདུས་པ་ལས༔ འཇའ་ཚོན་དམར་པོ་འོད་དུ་འབར༔ དེ་དབུས་མེ་ཡི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་དམར༔ བུམ་པ་འཛིན་ཏེ་གར་ཁྱུག་ཁྱུག༔ དམར་འོད་འབར་བའི་བྲོ་ཁྲིག་ཁྲིག༔ མདའ་དར་ནུབ་ཏུ་གཡུག་པའི་ཚེ༔ ལྕགས་ཀྱི་བཅུད་རྣམས་འདུས་པ་ལས༔ འཇའ་ཚོན་དཀར་པོ་འོད་དུ་འབར༔ དེ་དབུས་ལྕགས་ཀྱི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་དཀར༔ བུམ་པ་འཛིན་ཏེ་གར་ཁྱུག་ཁྱུག༔ དཀར་འོད་འབར་བའི་བྲོ་ཁྲིག་ཁྲིག༔ མདའ་དར་བྱང་དུ་གཡུག་པའི་ཚེ༔ ཆུ་ཡི་བཅུད་རྣམས་འདུས་པ་ལས༔ འཇའ་ཚོན་སྔོན་པོ་འོད་དུ་འབར༔ དེ་དབུས་ཆུ་ཡི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་སྔོ༔ བུམ་པ་འཛིན་ཏེ་གར་ཁྱུག་ཁྱུག༔ སྔོ་འོད་འབར་བའི་བྲོ་ཁྲིག་ཁྲིག༔ མདའ་དར་སྟེང་དུ་གཡུག་པའི་ཚེ༔ ས་ཡི་བཅུད་རྣམས་འདུས་པ་ལས༔ འཇའ་ཚོན་སེར་པོ་འོད་དུ་འབར༔ དེ་དབུས་ས་ཡི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་སེར༔ བུམ་པ་འཛིན་ཏེ་གར་ཁྱུག་ཁྱུག༔ སེར་འོད་འབར་བའི་བྲོ་ཁྲིག་ཁྲིག༔ ཕྱོགས་བཞི་སྟེང་གི་ལྷ་མོ་ལྔས༔ འབྱུང་བ་ལྔ་ཡི་བཀྲག་སྡུས་

― CMR038_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ལ༔ བདག་གི་བཀྲག་མདངས་རྒྱས་པར་མཛོད༔ ཕྱོགས་བཞི་སྟེང་གི་ལྷ་མོ་ལྔས༔ འབྱུང་བ་ལྔ་ཡི་ཆེ་སྡུས་ལ༔ བདག་གི་ཚེ་འདི་བརྟན་པར་མཛོད༔ ཕྱོགས་བཞི་སྟེང་གི་ལྷ་མོ་ལྔས༔ འབྱུང་བ་ལྔ་ཡི་བཅུད་སྡུས་ལ༔ བདག་གི་ཚེ་བཅུད་རྒྱས་པར་མཛོད༔ ཕྱོགས་བཞི་སྟེང་གི་ལྷ་མོ་ལྔས༔ འབྱུང་བ་ལྔ་ཡི་འོད་སྡུས་ལ༔ བདག་གི་འོད་ནི་རྒྱས་པར་མཛོད༔ ཏདྱ་ཐཱ། ཌཱ་ཀཱི་ནི་ཧ་རི་ནི་ས་མ་མ་ཨཱ་ཡུསིདྡྷི་ཕ་ལ་པུཊྚི་ཀུ་རུ་ཡེ་སྭཱ་ཧཱ༔ ཞེས་བརྗོད་ལ་ཚེ་གཟུངས་ཚར་གསུམ་འདོན་བཀྲ་ཤིས་བརྗོད། བདག་བསྐྱེད་སོགས་མི་དམིགས་པའི་ངང་ལ་བཞག །འདིའི་ཕན་ཡོན་སོགས། སྒྲུབ་པ་བཀའ་བརྒྱད་ཀྱི་རྒྱུད་ཆེན་གསང་བ་འདུས་པ་ལས། རང་གི་ལོ་སྤར་ཁ་དུས་སྐག་ལ། །འདྲེ་ལྔ་གནོད་པའི་ཕྱོགས་སུ་བསྐྱལ། །དེ་ལྟར་བྱས་ན་ཚེ་ཟད་ཀྱང་། །ལོ་གསུམ་བཤོལ་གྱིས་ཐེབས་པ་ཡིན། །དུས་མིན་འཆི་བསླུ་སྨོས་ཅི་དགོས། །ལུས་རྟགས་གོ་བཟློག་སྨོས་ཅི་དགོས། །ཞེས་དེའི་འགྲེལ་པ་ཨོ་རྒྱན་ཆེན་པོས་མཛད་པ། གུ་རུ་ཆོས་དབང་གི་གཏེར་གཞུང་ལས། རང་གི་ལོ་སྤར་དུས་སམ། གྲོགས་ཀྱི་དུས་སུ་འདྲེ་ལྔ་གནོད་སར་གཏོ་རྣམས་བསྐྱལ། ཕྱི་མིག་མི་བལྟ་བར་ལོག་ལ་བསྐྲད་པ་དྲག་པོ་བྱ། ཚེ་འགུགས་བཀྲ་ཤིས་གསལ་བར་བྱས་ནས་ལྷ་འདྲེའི་གདུག་རྩུབ་ཐམས་ཅད་ཞི་ནས་ཚེ་ཟད་ཀྱང་ལོ་གསུམ་བསྲིང་བར་ནུས་པས། དུས་མིན་

― CMR038_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་བ་ངེས་པར་ཟློག །ཅེས་གསུངས་སོ། །དེ་ཡང་སྦྱིན་བདག་དབུལ་པོ་འབྱོར་པ་མེད་པ་ལ། ལོ་སྤར་ཁའི་སྐག་ཆེ་བ་དང་། མོ་ངན་སོག་སྡིག་རྨིས་ལྟས་ངན་པ་དང་། ཐན་དང་ལྟས་ངན་གྱི་རིགས་ཅི་བྱུང་ཡང་། འདི་བཅས་པས་ཕན་པ་ཡིན་ཞེས་སྔགས་རྒན་རྣམས་ཀྱི་ཕྱག་སྲོལ་ལ་འདུག་པས་ཀུན་ལ་གྲགས་ཆེ། འདི་གཞན་མང་སྲོལ་མེད། ཞག་གཅིག་གི་གཏོ་ཡིན་པས། ཡོན་བདག་དབུལ་པོ་ཡིན་ཡང་། འགྲུབ་པས་ཕན་ཡོན་ཆེའོ།། ༈ ཀྱེ་མ། སྔགས་རྒན་རཱ་ག་ཨ་སྱ་བདག །སྔོན་གྱི་ལས་འཕྲོས་སྔགས་པའི་བུ་རུ་སྐྱེས། །ཆུང་ངུ་དུས་སུ་གཏོ་ཚོགས་མང་དུ་བསླབ། །ལོ་གསུམ་ཙམ་ཞིག་སྔགས་པའི་གྲོང་ཆོག་ཟོས། །བཅུ་དགུ་ལོན་ནས་རབ་བྱུང་གཏོ་ཆོག་སྒྱུར། །དེ་ཕྱིར་གཏོ་ཆོག་མཁོ་བ་མི་གདའ་སྟེ། །དེང་སང་སྔགས་པ་འགའ་ལ་སྙིང་རྗེ་སྐྱེས། །འཇམ་དབྱངས་སྤྲུལ་པ་ཀོང་ཙེ་འཕྲུལ་རྒྱལ་གྱིས། །གཏོ་འདི་མཛད་པས་ཀོང་ཙེའི་གཏོ་བསྒྱུར་ཟེར། །དེ་དོན་མ་ཤེས་ཀོང་ཙེ་སྒོག་གཏོ་ལ། །འབག་དང་འདྲ་བའི་ཁ་མིག་བཏོད་བྱས་ནས། །ནང་དུ་གླུད་བླུགས་ལམ་མདོར་འཕེན་པ་མཐོང་། །ད་ནི་དུས་ངན་སྙིགས་མའི་མཐའ་ལ་ཉེ། །མི་རུངས་ལྟས་ངན་མང་ཞིང་ན་ཚ་རྒོད། །ཕྱུག་པོ་རྣམས་ཀྱིས་རིམ་གྲོ་ཅི་བྱས་འགྲུབ། །དབུལ་པོ་རྣམས་ལ་མོ་ངན་སོག་སྡིག་དང་། །སྐག་ཆེན་ལྟས་ངན་བྱུང་ཡང་བྱ་ཐབས་སྡུག །ཡི་མུག་སེམས་སྡུག་སྐྲག་དང་ཛབ་བེ་སྡུག །དེ་དག་རྣམས་ལ་སྙིང་རྗེས་ཕན་སེམས་ཀྱིས། །གཏེར་ཁ་གསར་རྙིང་རྒྱ་ནག་ཀོང་ཙེའི་གཞུང་། །ཀུན་གྱི་དོན་བསྡུས་ཆ་ཚང་

― CMR038_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ལེན་བདེ། །དཀར་ནག་རྒྱས་བསྡུས་རང་གི་གང་འདོད་ཆོག །སྔོན་གྱི་ལས་ཀྱི་རྣམ་སྨིན་མ་གཏོགས་པའི། །འཆི་ལྟས་སྐག་རིགས་ཅི་བྱུང་ཡང་། །འདི་ཡིས་བཟློག་པར་ཐེ་ཚོམ་སོམ་ཉི་མེད། །ཕྱི་རབས་སྔགས་ཆུང་གསར་བུ་མང་པོ་དང་། །ཡོན་བདག་བསོད་ཆུང་དབུལ་པོ་མང་པོ་ལ། །༧ རཱ་ག་ཨ་སྱས་བཞག་པ་ཆེན་པོ་བྱས། །ཉེས་འགལ་མཆིས་ན་རྩ་གསུམ་ལྷ་ལ་བཤགས། །དགེ་བས་ཇི་སྲིད་འཁོར་བ་མ་སྟོངསཔར། །འདི་ཡི་ཕན་ཐོགས་རྒྱ་ཆེན་འབྱུང་བར་ཤོག །ཡི་གེ་པ་ནི་ཤཱཀྱའི་དགེ་སློང་མེཏྲི་པའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྡོང་པོ་བརྒྱན་པའི་མདོས་ཕྱི་ནང་གསང་གསུམ་གཅིག་ཏུ་བསྡོམས་པ་ཤིན་ཏུ་ཟབ་ཅིང་འགྱུར་ཆེ་བ་བལྟས་ཆོག་ཏུ་གབ་སྦས་སྤང་བ།

― CMR038_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོང་པོ་བརྒྱན་པའི་མདོས་ཕྱི་ནང་གསང་གསུམ་གཅིག་ཏུ་བསྡོམས་པ་ཤིན་ཏུ་ཟབ་ཅིང་འགྱུར་ཆེ་བ་བལྟས་ཆོག་ཏུ་གབ་སྦས་སྤང་བ་བཞུགས་སོ།།

― CMR038_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤཱཀྱ་མུ་ན་ཡེ། སྡོང་པོ་རྒྱན་མདོས་ཕྱི་ནང་གསང་བ་གསུམ། །ཕྱི་ལྟར་ཞལ་ནས་གསུངས་པའི་སྡོང་རྒྱན་མདོས། །སྔགས་པ་རྣམས་ལ་ཕྱག་ལེན་དག་པ་དང་། །མ་དག་པ་ཡི་ཕྱག་ལེན་དཔེ་བརྒྱུད་འཕེལ། །དེ་ལ་ཀཿཐོག་ནམ་མཁའ་སེང་གེ་ཡིས། །མཛད་པའི་རྒྱས་པ་ཀ༔ཐོག་ཕྱོགས་སུ་དར། །གཟུངས་ཀྱང་ཉིད་ལ་ཕྱག་ལེན་འདེབས་པའི་སྲོལ། །བདག་གི་སློབ་དཔོན་སྔགས་པས་མཛད་པ་མཐོང་། །ནང་ལྟར་འཇམ་དཔལ་རྩ་རྒྱུད་ལས་གསུངས་པའི། །ཁྲོ་བོ་གཙུག་ཏོར་འབར་བའི་ལས་ཚོགས་ཀྱིས། །བྱད་ཁ་ལ་སོགས་བསྒྱུར་བའི་སྡོང་རྒྱན་ནི། །རྗེ་བཙུན་དབང་ཕྱུག་རྡོ་རྗེས་མཛད་པ་ལྟར། །ཀཾ་ཚང་དགེ་བཤེས་འགའ་རེས་ཕྱག་ལེན་མཛད། །གསང་བ་ཞིང་སྐྱོང་མགོན་པོའི་ལས་ཚོགས་ཀྱི། །སྡོང་རྒྱན་མན་

― CMR038_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་དཀོན་མཆོག་ཡན་ལག་གིས། །མཛད་པའི་ཞིང་སྐྱོང་སྒྲུབ་སྐོར་ནང་ནས་འབྱུང་། །འདིར་ནི་ཕྱི་ནང་གསང་གསུམ་གཅིག་ཏུ་བསྡོམས། །འདི་ནི་ཟབ་ཅིང་ཤིན་ཏུ་འགྱུར་ཆེ་སྟེ་། །ཞིང་སྐྱོང་ལས་ཚོགས་ཅུང་ཞིག་བཀའ་ཡང་གཉན། །གཞན་ལས་རྣོ་ཆོད་ནུས་པ་ཁྱད་པར་འཕགས། །མི་གཉན་འདོད་ན་ཞིང་སྐྱོང་སྔགས་སྒྱུར་ཆོག །གལ་ཏེ་མདོ་ལུགས་རྐྱང་པ་བྱེད་ན་ནི། །གཙུག་ཏོར་འབར་བ་གདུགས་དཀར་ཕྱག་རྡོར་རྣམས། །སྔགས་རྣམས་སྒྱུར་ལ་སྡོང་རྒྱན་གཟུངས་ཀྱང་བྱ། །འོན་ཀྱང་ཕྱི་ནང་གསང་གསུམ་སྤྲུགས་བྱས་ན། །མཐུ་སྟོབས་ནུས་པ་གནམ་ལྕགས་ཐོག་དང་འདྲ། །འདི་ཡི་ཕན་ཡོན་དགོས་ཆེད་བསྟན་པ་ནི། །རྣལ་འབྱོར་མི་གཙང་གྲིབ་ཀྱིས་ཕོག་པ་དང་། །ལྟས་ངན་བྱུང་ངམ་རྨི་ལམ་སྤུ་ལྟས་ངན། །བྱད་ཁ་འོད་གཏོང་དྲག་

― CMR038_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཐུག་པ་དང་། །སྤར་ཁ་ཟོན་ལ་མང་དུ་སྤུང་བའམ། །མཚམས་བཞི་ལོ་པ་དགྲ་ཐོག་ཟིན་ལ་ཕྱིན། །དེ་དག་རིམ་གྲོར་སྡོང་རྒྱན་འདི་མཆོག་ཡིན། །སྤྱིར་བཤད་པའི་ལེའུ་སྟེ་དང་པོའོ།། །།སྟོད་དུ་གཞི་འགྲམ་ཟླུམ་སྐོར་གཅིག་གི་ནང་། །པད་འདབ་བཅུ་བཞི་ཚོན་གྱིས་བྲི་བའམ། །ཡང་ན་འབྲུ་ཡི་ཚོམ་བུ་བཅོ་ལྔའི་དབུས། །ཐུབ་པའི་གསེར་སྐུ་བཞུགས་པར་བྱ་བའི་མདུན། །མཆོད་པ་སྣ་བདུན་ལེགས་པར་བཤམ་པར་བྱ། །གཞི་འགྲམ་དཀར་གཏོར་གཅིག་དང་དམར་གཏོར་བཤམས། །མདུན་འོག་སྐྱེད་པུ་གསུམ་ནི་བཙུགས་པའི་སྟེང་། །ཟངས་སམ་བལ་མ་ལྕགས་སྣོད་ཆེ་བའི་ནང་། །ཆུ་ཡིས་ཕྱེད་ཙམ་བཀང་བའི་ནང་དུ་ནི། །འཇག་མ་ལ་ནི་རྟ་ཡི་གཟུགས་བྱས་བཞག །དེ་ལ་ངར་མི་ཆེ་བ་གཅིག་བསྐྱོན་ཏེ། །འཛོམ་ན་མུ་ཏིག་ཀླད་དང་ལུང་ཐང་མིག །མགྲོན་བུའི་སོ་དང་བླ་གོར་ཞོ་ཤའི་སྙིང་། །ལག་གཉིས་གསེར་དངུལ་རྐང་གཉིས་ཟངས་དང་ལྕགས། །རིན་ཆེན་སྣ་ལྔའི་འབྲུ་སྣའི་ནང་གཞུག་དང་། །དར་ཚོན་སྣ་ལྔའི་གོས་དང་རྒྱན་དགོས་ཏེ། །ཡོད་ན་ལེགས་ཤིང་མེད་ན་ཡོད་པར་བསྒོམ། །སྡེར་སོགས་ནང་དུ་ངར་གླུད་གཅིག་ལ་ནི། །བཙོག་གླུད་ཆངས་བུས་བསྐོར་ཞིང་གོས་དུམ་བཀོན། །ངར་མི་ཆངས་བུ་གཞན་ཚོ་གཙང་མ་དགོས། །ངར་མི་ཆེ་བའི་མདུན་ཐད་ཝ་ཆུང་བཙུགས། །གླུད་རྣམས་ཝ་རྒྱུད་ནང་དུ་འགྲོ་བར་བྱ། །དེ་ཉིད་ཕྱགས་པའི་པན་སྡུད་ཆུང་ངུའང་བཞག །དེ་རྣམས་རྒྱས་བསྡུས་གང་བྱེད་ཀུན་ལ་དགོས། །དེ་ནས་མདུན་དེར་ས་སྟེགས་བཅག་པའི་སྟེང་། །རྡུལ་

― CMR038_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོན་གྱིས་ནི་བྲི་སྲོལ་ཡོད་ན་ཡང་། །བསྡུ་ན་གཞི་སྟེང་ཚོན་གྱིས་བྲི་བའམ། །ཤོག་བུར་ཚོན་གྱིས་བྲིས་པ་ཁྱེར་ཡང་རུང་། །ལྗོན་ཤིང་སྡོང་པོ་རྩ་བ་གཅིག་ཡིན་པར། །ཡལ་གའི་སྡོང་པོ་རིང་པོ་བཅུ་དང་ནི། །རྩེ་མོ་དང་བཅས་བཅུ་གཅིག་ཡོད་པར་བྲི། །སྡོང་པོའི་གཞུང་ལ་ངར་གླུད་ཆེ་བ་བཅུ། །ཡལ་ག་ཡི་ནི་སྡོང་པོ་བཅུ་པོ་ལ། །ངར་ཆུང་དགུ་བཅུ་གོ་བརྒྱུད་བཀོད་པར་བྱ། །རེ་རེའི་དྲུང་དུ་བོང་བ་དུམ་རེ་དང་། །མཐེབ་སྒྱུ་རེ་དང་ཆངས་བུ་རེ་རེ་བཞག །ཀུ་ཤའི་སྙི་མ་ཁྲུ་རེ་ཙམ་པ་ནི། །ངར་མའི་རེ་རེའི་དྲུང་དུ་རེ་རེ་བཙུགས། །རི་བོང་རིལ་མ་རེ་ཡང་ངར་མིའི་དྲུང་། །བཞག་པ་ང་ཡི་སློབ་དཔོན་ཕྱག་ལེན་ཡིན། །དེ་བཞིན་རིལ་མ་རེའང་བཞག་སྲོལ་གདའ། །ཀཿཐོག་ལུགས་ལ་དེ་རྣམས་མི་དར་ཟེར། །མཁར་སྒོང་བཞག་མཁན་ཡོད་ཀྱང་དེ་མི་འཐད། །དེ་ནི་བཅའ་ཚོགས་རྒྱས་པའི་རིམ་པ་ཡིན། ༈ །འབྲིང་ནི་ངར་ཆུང་བདུན་ཅུ་རྩ་གཅིག་སྟེ། །བསྡུ་ན་ཡལ་ག་རེ་ལ་རེ་རེས་ཆོག །དེ་ཡི་མོ་ལུང་སེལ་ཙམ་འོང་བ་སྟེ། ༈ །རྒྱས་པར་བརྒྱ་རྩ་བརྒྱད་པོ་ཚར་ལྔའམ། །ཡང་ན་ལོ་གྲངས་སུམ་འགྱུར་བྱས་ཀྱང་རུང་། །མདོར་ན་གླུད་རེ་སྡོང་རྒྱན་གཟུངས་ཚར་རེ། །དེ་ལྟར་ཚར་གྲངས་བརྒྱ་རྩ་བརྒྱད་འགྲུབ་ན། །འབུམ་ཚར་གཅིག་དང་ཧཱུྃ་ཕན་ཡོན་མཉམ་པར་བཤད། །དེ་བཞིན་གཙུག་ཏོར་འབར་མ་གདུགས་དཀར་དང་། །ཕྱག་རྡོར་སྔགས་དང་རྫས་རེ་བསྒྲགས་ལ་ཕུལ། །དེ་ལྟར་བརྒྱ་རྩ་བརྒྱད་ནི་རྫོགས་པ་ནི། །བྱད་ཁ་ཟློག་པའི་མཆོག་ཏུ་གསུངས་པ་ཡིན། །དེ་

― CMR038_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཞིང་སྐྱོང་སྔགས་དང་རྫས་རེ་སྦྲག །ལོ་གྲངས་སུམ་འགྱུར་རམ་ནི་ལོ་གྲངས་ཀྱི། །བྱད་ཁ་རྨི་ལམ་ལྟས་ངན་བཟློག་པའི་མཆོག །སྡོང་རྒྱན་གཟུངས་ལ་ཚར་བདུན་འགྲོ་བར་བྱ། །གཞན་གྱི་སྔགས་གསུམ་ཚར་གསུམ་རེ་བྱས་པའི། །མོ་ལུང་སེལ་གྱི་སྡོང་རྒྱན་སྐག་བསྒྱུར་འགྲུབ། །གལ་ཏེ་སློབ་དཔོན་མང་པོ་ཡོད་ན་ནི། །མཉམ་དུ་གྱེར་ནས་མི་རེས་གཟུངས་རེ་བཏོན། །སྡོང་རྒྱན་གཟུངས་ནི་ཚར་རེ་འདོན་པའི་ཚེ། །སྔགས་ཐུང་གཞན་རྣམས་ཚར་མང་སོང་ཡང་རུང་། །འདོན་མི་དུ་ཡོད་གྲངས་ཀའི་ངར་གླུད་དང་། །རྫས་རྣམས་ཆ་རེ་བཤམས་པར་བྱས་པས་མགྱོགས། །འཇག་མཾ་སོར་བཞིའི་རྩེ་ལ་རིལ་མ་བཙུགས། །ངར་མི་ཆེ་བ་བཅུ་ཡི་དཔུང་གཡས་དང་། །སྤེན་མ་དུམ་རེ་དཔུང་པ་གཡོན་དུ་བཙུགས། །དེ་དག་མཆོད་གཡོག་པ་ཡིས་བཙུགས་པའི་ཚེ། །སློབ་དཔོན་རང་གིས་འདི་ཉིད་ལན་འགའ་བརྗོད།། ཨོཾ་འཇིགས་པའི་གད་མོ་ཀུན་ཁ་ཁེངས། །མ་ལུས་བགེགས་ཆེན་ཁྱོད་ཀྱི་གཡོས། དམ་པ་འདིར་ནི་གཟིར་བར་མཛོད། །དེ་ནས་ངར་ཆུང་གཞན་རྣམས་ལ། །གཡོན་དུ་འཇག་མ་གཡས་སུ་སྤེན་མ་བཙུགས། །དེ་ཚེ་སློབ་དཔོན་རང་གིས་འདི་སྐད་བརྗོད། སྲིད་གསུམ་ཁྱབ་པའི་ཀུན་ཁ་ཁེངས་། །མ་ལུས་བགེགས་ཆེན་ཁྱོད་ཀྱི་གཡོན། །དམ་པ་འདིར་ནི་གཟིར་བར་མཛོད། །བཅའ་ཚོགས་ཀྱི་ལེའུ་སྟེ་གཉིས་པའོ།། །།དེ་ནས་འདི་ཡི་བདག་མདུན་ནི། །མི་བསྐྱོད་རྡོ་རྗེས་མཛད་

― CMR038_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡི། །ལོགས་སུ་གསལ་བར་བཀོད་ལྟར་འདོན། །མུ་ནེའི་བསྙེན་པ་ཕྲེང་སྐོར་ཙམ། །དེ་ནས་གླུད་ཡས་ཆུ་གཙང་བྲན། །ཨོཾ་སྭ་བྷ་ཝ་སོགས། སྟོང་པའི་ངང་ལས་ངར་གྱི་མི་བོ་ཆེ། །མུ་ཏིག་ཀླད་ལ་ལུང་ཐང་མིག་འབྲས་ཅན། །བྱུ་རུའི་ལྗགས་ལ་མགྲོན་བུའི་སོ་བྱས་པ། །ཟེར་མོའི་སྐྲ་ལོ་ཤ་ནི་བསེ་ལས་གྲུབ། །རིན་ཆེན་སྣ་ཚོགས་འབྲུ་སྣའི་ཁོག་བཅུད་ཅན། །ཞོ་ཤའི་སྙིང་དང་མཁལ་མ་ཞོ་ཤའི་མཁལ། །བླ་སྒང་བྲོད་པ་དར་ཚོན་སྣ་ལྔའི་པགས། །ལག་གཡས་གསེར་ལ་གཡོན་པ་དངུལ་ལས་གྲུབ། །རྐང་གཡས་ཟངས་དང་གཡོན་པ་ལྕགས་ལས་གྲུབ། །རྫུ་འཕྲུལ་རླུང་གི་ཤུགས་ལྡན་འཇིག་རྟ་ཆིབས། །གཅིག་ལས་བརྒྱ་སྟོང་བྱེ་བ་དུ་མ་འཕྲོས། །དབང་པོ་ཁམས་དང་སྐྱེ་མཆེད་ཡོངས་སུ་རྫོགས། །སྨྲ་མཁས་ལྗགས་ལྗགས་འགྲོ་མཁས་ལྡེམ་ལྡེམ་བྱེད། །སྣང་སྲིད་ལྷ་འདྲེ་ཀུན་གྱི་སྤྱན་ལམ་ན། །མི་བས་གླུད་བཟང་ལྷ་ཡི་བུ་ཕོ་འདྲ། །དེ་བཞིན་ངར་ཆེན་བཅུ་དང་ངར་ཆུང་ཀུན། །མཛེས་སྡུག་ཡིད་འོང་མི་བས་དགུ་འགྱུར་ལྷག །ཆངས་བུ་རྣམས་ནི་སོ་སོའི་འདོད་ཡོན་ཚོགས། །སྒང་ལྔ་འདོད་པའི་ཡོན་ཏན་ལྔ་དང་ལྡན། །གཤོང་དྲུག་རིགས་དྲུག་འདོད་པ་

― CMR038_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིམ་པར་བྱེད། །འབུར་ཆུང་བཅུ་གཉིས་ལོ་བདུད་བཅུ་གཉིས་ཚིམ། །ཨོཾ་ཧཱུྃ་ཏཱཾ་ཧཱུྃཨཱཡིས་སྔགས་བརྗོད་པས། །ཨོཾ་གྱིས་མགྲོན་རིགས་ཀུན་ལ་ཁྱབ་གྱུར་ཏེ། །མགྲོན་རྣམས་རེ་རེའི་མདུན་དུ་ཡོངས་རྫོགས་རེ། །ཧཱུྃ་གྱིས་རིན་ཆེན་གཞལ་ཡས་ཁང་གྱུར་ཏེ། །སོ་སོའི་སྡོད་གནས་ལྷུན་གྱིས་གྲུབ་པར་འགྱུར། །ཏྭཾ་གྱིས་རིན་ཆེན་སྣ་ཚོགས་ཆར་པ་འབེབས། །ཡིས་ངར་མི་གསུང་དབྱངས་དྲུག་ཅུར་ལྡན། །ཨཱཡིས་གདོན་རིགས་རྣམས་ཀྱི་རྒྱུ་འབྲས་ཀྱི། །ཆོས་ཀྱི་དོན་གོ་བྱམས་པའི་སེམས་དང་ལྡན། །ཁཾ་གྱིས་བདུད་རྩིའི་ཆར་བབས་སྒྲིབ་པ་དག །ཧཱུྃ་གིས་མགྲོན་རྣམས་ཉོན་མོངས་དུག་ལྔ་སངས། །ཨོཾ་ཧཱུྃ་ཏྲཾ་ཧཱུྃཨཱཁཾ་ཧཱུྃ། མདུན་གྱི་ནམ་མཁར་པཾ་ལས་པདྨ་དང་། །རཾ་ལས་ཉི་མའི་དཀྱིལ་འཁོར་སུ་བསྒྲིགས་སྟེང་། །འོག་ཏུ་གཅིག་དང་བཞི་མཚམས་གསལ་བར་གྱུར། །བདག་ཉིད་ཁ་སར་པཱ་ཎིའི་འོད་ཟེར་གྱིས། །ཐུབ་པ་བསྐུལ་ཞིང་ཐུབ་པའི་འོད་ཟེར་གྱིས། །གཙུག་ཏོར་འབར་བ་གདུགས་དཀར་གསང་བའི་བདག །མགོན་པོ་སེང་གདོང་སྐད་ཅིག་སྤྱན་དྲངས་ནས། །མདུན་གྱི་པད་ཉིའི་གདན་ལ་བཞུགས་པར་གྱུར། །བཛྲ་ས་མ་ཡ་ཛཿ

― CMR038_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

ཏིཥྛ་ལྷན། དེ་ནས་ལྷ་བཞི་རིམ་པར་གསལ་བཏབ་པ། །མདུན་དབུས་གཙུག་ཏོར་འབར་བའི་ཁྲོ་བོ་ཆེ། །སྐུ་མདོག་དམར་པོ་མེ་ཞུན་ཐིགས་པ་འཛག །ཞལ་གཅིག་རབ་ཁྲོས་སྤྱན་གསུམ་བགེགས་ལ་གཟིར། །གཡས་པས་རལ་གྲི་མེ་འབར་ནམ་མཁར་ཕྱར། །གཡོན་པས་ཐུགས་ཀར་སྡིགས་མཛུབ་མཛད་པའི་རྩེར། །འཁོར་ལོ་རྩིབས་བརྒྱད་མེ་ལྕེ་འབར་བ་འཁོར། །སྦོམ་ཐུང་གསུས་འཕྱང་སྟག་སྤྲུལ་རིན་ཆེན་བརྒྱན། །མེ་དཔུང་ནང་དུ་འདོར་ཐབསབགེགས་རྣམས་བརྫིས། །འདིར་གཤེགས་གདན་བཞུགས་ཕྱག་འཚལ་མཆོད་ཅིང་བསྟོད། །གཡས་སུ་གདུགས་དཀར་དཀར་སྔོ་དམར་བའི་ཞལ། །སྤྱན་གསུམ་རབ་འཇིགས་དར་དང་རིན་ཆེན་བརྒྱན། །ཕྱག་བརྒྱད་གཡས་བཞི་གདུགས་དཀར་འཁོར་ལོ་དང་། །ལྕགས་ཀྱུ་གཞུ་འཛིན་གཡོན་གྱི་ཕྱག་བཞི་ན། །ཕྱག་མཚན་རྡོ་རྗེ་མདའ་དང་སྡིགས་མཛུབ་ཞགས། །ཞབས་གཡོན་ཅུང་ཟད་བརྐྱང་བའི་ཕྱེད་སྐྱིལ་ཅན། །འདིར་གཤེགས་གདན་བཞུགས་ཕྱག་འཚལ་མཆོད་ཅིང་བསྟོད། །གཡོན་དུ་ཕྱག་རྡོར་སྔོན་པོ་ཁྲོ་ཆས་ཅན། །རྡོ་རྗེ་ཕྱར་ཞིང་སྡིགས་མཛུབ་ཞགས་པ་བསྣམས། །

― CMR038_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་བསྐུམ་གཡོན་བརྐྱང་ལོག་འདྲེན་གླང་སྣ་བརྫིས། །འདིར་གཤེགས་གདན་བཞུགས་ཕྱག་འཚལ་མཆོད་ཅིང་བསྟོད། །འོག་ཏུ་མ་ཧཱ་ཀཱ་ལ་སེང་གེའི་གདོང་། །སྦོམ་ཐུང་གསུས་འཕྱང་གྲི་གུག་ཐོད་ཁྲག་འཛིན། །མེ་འབར་དུར་ཁྲོད་ཆས་རྫོགས་འདོར་ཐབས་ཞབས། །འདིར་གཤེགས་གདན་བཞུགས་ཕྱག་འཚལ་མཆོད་ཅིང་བསྟོད། །ཤཱཀ་ཐུབ་ལ་སོགས་དཀོན་མཆོག་རིན་ཆེན་གསུམ། །གཙུག་ཏོར་འབར་བ་གདུགས་དཀར་གསང་བའི་བདག །མ་ཧཱ་ཀཱ་ལ་སེང་གདོང་བདེན་པའི་མཐུས། །བདག་དང་བསྲུང་བྱ་རྣམས་ལ་གནོད་བྱེད་པའི། །སྐག་དང་བྱད་ཁ་རྨིས་ལྟས་མཚན་མ་ངན། །ཆག་ཆེན་ཉམ་ང་མོ་ངན་སོགས་སྡིག་རྣམས། །རྩི་སྐྱ་བོང་བ་རིལ་མ་ལ་སོགས་པའི། །ཡས་སྟགས་རྣམས་ལ་སྐད་ཅིག་ཉིད་ལ་ཁུག །ཁྲོ་བོ་རྣམས་ཀྱི་འོད་ཀྱིས་བསྡུས་ལ་བསྟིམ། །ཛཧཱུྃ་བཾ་ཧོས་དབྱེར་མེད་གཅིག་ཏུ་གྱུར། །དམིགས་པ་དང་བཅས་འགུགས་བསྟིམ་ལན་གསུམ་བྱ། །བདག་གི་ཐུགས་ཀའི་འོད་ཀྱིས་ཐུབ་དབང་བསྐུལ། །ཐུབ་པའི་འོད་ཀྱིས་ཁྲོ་བོ་རྣམས་བསྐུལ་བས། །ཁྲོ་བོ་དཔག་མེད་འཕྲོས་ནས་གནོད་བྱེད་བཀུག །ཧཱུྃ། དཀོན་མཆོག་བདེན་པའི་

― CMR038_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རླབས་ཀྱིས། །བར་སྣང་ཁམས་ཀྱང་འགུགས་བྱེད་ན། །ལུས་ཅན་རྣམས་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །འདིར་ནི་གནོད་བྱེད་དགུག་ཏུ་གསོལ། །ལན་གསུམ། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་ཡོངས་སུ་བྲལ་བ་ལ་ཕྱག་འཚལ་ལོ། །།ཚེ་རབས་འཁོར་བ་ཐོག་མེད་ནས། །ཟས་ནོར་སྲོག་གི་ལན་ཆགས་དང་། །བུ་ལོན་ཤ་འཁོན་ཆགས་རྣམས་ལ། །བདུད་རྩིའི་གཏོར་མ་འདི་འབུལ་ལོ། །ན་མཿསརྦ་ཏ་ཐཱ་ག་ཏ་ཨ་འཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། རྒྱ་གར་སྐད་དུ། ཨཱརྱ་དྷ་མཉྫན་ནཱ་མ་མ་ཧཱ་ཡ་ན་སུ་ཏྲ། བོད་སྐད་དུ། འཕགས་པ་སྡོང་པོ་རྒྱན་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་གྱིས་བསྐྱབ་ཏུ་གསོལ། །བྱང་ཆུབ་མཆོག་ལ་ཕྱག་འཚལ་ལོ། །འཕགས་པ་ཀུན་གྱིས་བསྐྱབ་ཏུ་གསོལ། །རྡོ་རྗེ་མཆོག་ལ་ཕྱག་

― CMR038_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་ལོ། །རིག་བྱེད་ཀུན་གྱིས་བསྐྱབ་ཏུ་གསོལ། །ཀླུ་རྣམས་ཀུན་ལ་ཕྱག་འཚལ་ལོ། །གནོད་སྦྱིན་ཀུན་གྱིས་བསྐྱབ་ཏུ་གསོལ། །ཚངས་རིགས་ལྷ་ལ་ཕྱག་འཚལ་ལོ། །འཇིག་རྟེན་ལྷས་ནི་བསྐྱབ་ཏུ་གསོལ། །བར་སྣང་ལྷ་ལ་ཕྱག་འཚལ་ལོ། །སྲིད་པ་གསུམ་གྱིས་བསྐྱབ་ཏུ་གསོལ། །ཁམས་གསུམ་སྲིད་ལ་དབང་མཛད་པའི། །ཀུན་ལ་ཕྱག་འཚལ་རྗེས་སུ་གསོལ། །བདག་གི་ལྔ་ཕུང་འདི་དག་ལ། །ཐུགས་རྗེས་བྱིན་གྱིས་བརླབ་ཏུ་གསོལ། །བདག་ལ་ངན་པར་གྱུར་པ་དག །དེ་དག་ཟིལ་གྱིས་གནོན་པར་གསུངས། །དེ་ཡི་སྙིང་པོ་འདི་སྐད་གསུངས། །ཨོཾ་ཀ་ར་ཀ་ར་སྭཱ་ཧཱ། ཀུ་རུ་ཀུ་རུ་སྭཱ་ཧཱ། བྷ་ར་བྷ་ར་སྭཱ་ཧཱ། བྷུ་རུ་བྷུ་རུ་སྭཱ་ཧཱ། དྷ་ར་དྷ་ར་སྭཱ་ཧཱ། དྷུ་རུ་དྷུ་རུ་སྭཱ་ཧཱ། ཙ་ར་ཙ་ར་སྭཱ་ཧཱ། ཙུ་རུ་ཙུ་རུ་སྭཱ་ཧཱ། བདག་གི་དབང་པོ་ཡན་ལག་ལ། ལོ་མི་རུང་བ་དང་། ཟླ་བ་མི་རུང་བ་དང་། ཞག་མི་རུང་བ་དང་། ཟ་མ་མི་རུང་བ་དང་། གཟའ་མི་རུང་བ་དང་། སྐར་མ་མི་རུང་བ་དང་། ཉིན་མི་རུང་བ་དང་། མཚན་མི་རུང་བ་དང་། ཉིན་མཚན་ཕྱེད་མ་མི་རུང་བ་དང་། སྔ་དྲོ་མི་རུང་བ་དང་། ཕྱི་དྲོ་མི་རུང་བ་དང་། སྲོད་

― CMR038_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཐོ་རངས་མི་རུང་བ་དང་། ཕྱོགས་མི་རུང་བ་དང་། མཚམས་མི་རུང་བ་དང་། སྟེང་མི་རུང་བ་དང་། འོག་མི་རུང་བ་དང་། འདྲེ་ལྔ་གདོན་དང་བདུད་གཅོད་དང་། དེ་དག་ཀུན་ལས་བསྐྱབ་ཏུ་གསོལ། དེ་ཡི་སྙིང་པོ་འདི་སྐད་གསུངས། ཨོཾ་པྲངྒེ་པྲཛྙཱ་པྲཛྙཱ་ཨ་ཝ་ལོ་ཀི་ཏི་བྷི་ར་ཡེ། སརྦ་ཨཱརྱ་མཉྫ་ཡེ་སྭཱ་ཧཱ། དྷ་རེ་མ་མ་ནི་སུ་སིདྡྷི། ཨཱརྱ་ཛམྦྷ་ནི་མཉྫཡེ་སྭཱ་ཧཱ། བདག་གི་དབང་པོ་ཡན་ལག་ལ། །དམར་གྱི་ཐུན་དང་ཕྲ་མེན་དང་། །གློ་བུར་ངན་པ་འོང་བ་དང་། །གཟུགས་ཅན་དགྲ་དང་གཟུགས་མེད་བགེགས། །ལོ་སྐག་ཟླ་སྐག་ཞག་སྐག་དང་། །དེ་བཞིན་ཟ་མའི་སྐག་ལ་སོགས། །རྨི་ལམ་ངན་དང་མཚན་མ་ངན། །དུས་མིན་འཆི་བ་ལ་སོགས་པ། །མུན་པ་ལྟ་བུའི་དབང་བྱས་ཀྱང་། །ཉི་ཟླ་ལྟ་བུའི་འོད་ཕྱུང་སྟེ། །མཐའ་ནས་རྣམ་པར་གསལ་བར་གསུངས། །ཕྱོགས་སྐྱོང་རྣམས་ཀྱིས་བསྲུང་དུ་གསོལ། །དེ་ཡི་སྙིང་པོ་འདི་སྐད་གསུངས། །ཧཱུྃ་ཧཱུྃ་ཁཾ། ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ནི། ཧཱུྃ་ཧཱུྃ་ཀྱི། ཧཱུྃ་ཧཱུྃ་ཏི་སྭཱ་ཧཱ། བདག་གི་དབང་པོ་ཡན་ལག་ལ། །ཐོག་མ་མེད་པའི་དུས་མཐའ་ནས། །ད་ལྟ་མི་ལུས་འདི་ཡི་བར། །མི་

― CMR038_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བཅུ་དང་མཚམས་མེད་ལྔ། །ལྕི་བ་བཞི་དང་ལོག་པ་བརྒྱད། །ཁ་ན་མ་ཐོ་གསུམ་པོ་དང་། །བྲི་ཉེས་པ་དང་ཀློག་ཉེས་དང་། །ཉན་ཉེས་པ་དང་བཤད་ཉེས་དང་། །སྒོམ་ཉེས་པ་དང་སྒྲུབ་ཉེས་དང་། །ཁྲིམས་ཉམས་སྡོམ་པ་ཉམས་པ་དང་། །སྙིང་པོ་སྒྲ་ཆག་ཟུར་ཉམས་པ། །ཕྱག་རྒྱ་ནོར་ཞིང་འཁྲུལ་པ་དང་། །དམ་ཚིག་ཉམས་པ་ལ་སོགས་པའི། །ཉམས་ཆག་ཐམས་ཅད་བྱང་གྱུར་ཅིག །ཨོཾ་ན་མོ་བྷ་ག་ཝ་ཏེ། སརྦ་དུ་ཡེ་དུ་ཡེ་སྟན་སྭཱ་ཧཱ། འཕགས་པ་སྡོང་པོ་བརྒྱན་པའི་མཆོག་ཅེས་བྱ་བའི་གཟུངས་རྫོགས་སོ།། །།གཟུངས་སྔགས་འདི་ཡི་བྱིན་བརླབ་ཀྱིས། །བདག་དང་ཡོན་བདག་འཁོར་བཅས་ཀྱི། །ལྟས་ངན་ལ་ཉེ་ངན་པ་དང་། །ལོ་དང་ཟླ་བ་ངན་པ་དང་། །ཞག་དང་ཟ་མ་ངན་པ་དོང་། །གཟའ་དང་རྒྱུ་སྐར་ངན་པ་དང་། །ལོ་སྐག་སུམ་བརྒྱ་དྲུག་ཅུ་དང་། །ལྟས་ངན་བརྒྱད་ཅུ་རྩ་གཅིག་དང་། །ཡེ་འདྲོག་སུམ་བརྒྱ་དྲུག་ཅུ་དང་། །གློ་བུར་དགུ་བཅུ་རྩ་གཅིག་དང་། །བྱིས་པའི་གདོན་ཆེན་བཅོ་ལྔ་དང་། །བགེགས་རིགས་སྟོང་ཕྲག་བརྒྱད་ཅུ་དང་། །དུས་མིན་འཆི་བ་རྣམ་བརྒྱད་དང་། །ཞང་ཞུང་གཙང་དམར་འཕེན་པ་དང་། །

― CMR038_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་པའི་གླང་ཟོར་དང་། བྲམ་ཟེའི་ངན་སྔགས་དང་། མུ་སྟེགས་ཀྱི་གཟེར་བུ། ཀླུའི་བྱད་ཁ་དང་། སྲིན་པོའི་ཆོད་གཏོང་དང་། རྒྱལ་པོའི་ཀླན་ཀ་དང་། བདུད་ཀྱི་ཁྲམ་ཁ་དང་། བཙན་གྱི་གཟེར་མདའ་དང་། མ་མོའི་ཁྲག་ནད་དང་། འབྱུང་པོའི་རིམས་ནད་དང་། མི་ཁ་དང་བྲ་མཆུ་དང་། བྱུར་དང་ནད་ཡམས་དང་། སྟེང་གི་ཕོ་སྲི་གཡོན་གྱི་མོ་སྲི་བྱི་སྦའི་ཆུང་སྲི་ལ་སོགས་པ། རྐྱེན་དང་བར་དུ་གཅོད་པ་ཐམས་ཅད། སྤེན་མའི་ཕྱགས་མས་ཕྱིར་ཕྱོགས་ཤིག །རིལ་མ་བཞིན་དུ་ཆུས་ཁྱེར་ཞིག །བོང་བ་བཞིན་དུ་ཆུས་ཞིག་ཅིག །འཇག་མ་བཞིན་དུ་ཆུས་བསྐྱོད་ཅིག །འཇག་མའི་རྟ་ཆིབས་བདག་གི་གླུད་དུ་སོང་ཞིག༔ ཨོཾ་ཐེ་གུ་ཐཱ་ཐེ་གུ་ཐཱ། སརྦ་བྷི་ཛ་ར་ན་འཕགས་པ་སྡོང་པོ་བརྒྱན་པའི་མཆོག་ཅེས་བྱ་བའི་གཟུངས་རྫོགས་སོ།། ༈ །།ན་མོ་སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། དཀོན་མཆོག་གསུམ་གྱི་བཀའ་བདེན་པའི་བྱིན་རླབས་ཀྱིས། བདག་དང་རྒྱུ་སྦྱོར་ཡོན་གྱི་བདག་པོ་སྒོའི་ནད་དང་གནོད་པ་རྐྱེན་དང་བར་ཆད་དུས་

― CMR038_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན་པར་འཆི་བ་ལ་སོགས་པའི་སྔ་ལྟས་ངན་པ་ཐམས་ཅད་ཟློག་ཅིག་སྒྱུར་ཅིག༔ དེ་ལྟར་གཟུངས་འདོན་ཚེ་མི་དུ་ཡོད་ཀྱི་གྲངས་ཀའི་རྫས་རྣམས་ཐེབ་ཙེའམ་སྡེར་སོགས་སུ་བཞག་ནས། ནད་པའམ་ཡོན་བདག་ལ་མཆོད་གཡོག་པས་ལག་གིས་གཡོན་དུ་ལན་གསུམ་རེ་བསྐོར་བའི་ཚུལ་བྱས་ལ་ཝ་ནང་དུ་བླུག །དེ་ནས་ཆུ་བླུག་ངར་ཆེན་ནང་དུ་འགྲོ་བར་བྱས། མ་སོང་བ་སྤེན་ཕྱགས་ཀྱིས་ཕྱག་ཚུལ་བྱས་ལ་འཕང་། ཡང་ངར་ཆེན་གྱི་སྣོད་ཆུང་བའམ་མི་ཁྱབ་དོགས་ན། ངར་མི་རྣམས་སྣོད་གཞན་ཞིག་ཏུ་བསག་གོ། རིལ་མ་དང་བོང་བ་དང་ཆངས་བུ་གསུམ་ཝ་ལ་འགྲིམ་ཡང་རུང་། ངར་མི་ལ་བཙུགས་པ་རེ་མིན་པའི་རིལ་མ་དེ་ཡང་དགོས། རིལ་མ་ནི་ར་ལུག་གི་རིལ་མ་མ་ཡིན་ལ། བོང་གི་རིལ་མ་བྱ་སྲོལ་ཡང་འདུག །བོང་བ་ནི་གོང་མོའི་སྤོ་ཐོ་ཡིན། དེ་གལ་ཏེ་མ་རྙེད་ན་རི་བོང་རིལ་མས་དེའི་ཚབས་འོང་ཟེར་བ་ཐོས། དེ་ལྟར་སྡོང་རྒྱན་གྱི་གཟུངས་འདི་ལ་ཚར་བདུན་རེ་ལས་ཉུང་མི་རུང་། དེ་ཡན་ཆད་མང་ཉུང་གོང་དུ་བཤད་པ་ལྟར་སྐབས་དང་བསྟུན། དེ་བཞིན་ཏུ། ༈ ན་མཿས་མནྟ་བུདྡྷཾ་ནཾ། ཨ་པྲ་ཏི་ཧ་ཏ་ས་ཤ་ནཱ་ནཱཾ། ཨོཾ་ཁ་ཁ་ཁཱ་ཧི་ཁཱ་ཧི། ཧཱུྃ་ཧཱུྃ་ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ་ཏིཥྛ་ཏིཥྛ་ཕཊ་ཕཊ༔ སརྦ་དུར་ནི་མིཏྟེ། དུསྲ་སྣན་ཤཱནྟི་ཀུ་རུ་ཡེ་སྭཱ་ཧཱ། བདག་དང་སྦྱིན་བདག་བསྲུང་བྱ་འདི་རྣམས་ལ་གནོད་ཅིང་འཚེ་བར་བྱེད་པའི་ནད་རིགས་བཞི་བརྒྱ་རྩ་བཞི། བགེགས་

― CMR038_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་སྟོང་ཕྲག་བརྒྱད་ཅུ། སྐག་རིགས་སུམ་བརྒྱ་དྲུག་ཅུ། ལྟས་ངན་བརྒྱད་ཅུ་རྩ་གཅིག །ཆགེ་ཆེན་ཉམ་ང་ཐམས་ཅད་རིལ་མ་བཞིན་དུ་ཆུས་ཁྱེར་ཅིག །བོང་བ་བཞིན་དུ་ཆུས་ཤིག་ཅིག །སྤེན་ཕྱགས་ཀྱིས་ཕྱོགས་ཤིག །ཏདྱཐཱ། ཨོཾ་ཨ་ན་ལེ་ཨ་ན་ལེ། ཨ་ཙ་ལེ་ཨ་ཙ་ལེ། ཁ་ཁ་མེ་ཁ་ཁ་མེ། ཁི་ཁི་མེ་ཁི་ཁི་མེ། ཤོ་ཥ་མེ་ཤོ་ཥ་མེ། བཻ་ར་བཱི་ར། བི་ཥ་མེ་བི་ཥ་མེ། སོ་མེ་སོ་མེ། ཤནྟེ་ཤནྟེ། དནྟེ་དནྟེ། བཛྲ་དྷ་ར་བྷནྡྷ་བྷནྡྷ། བཛྲ་པཱ་ཎི་ཕཊ༔ ཨོཾ་ཧཱུྃ་ཧཱིཏྟཾ་ཕཊ༔ སྭཱ་ཧཱ། བདག་དང་སྦྱིན་བདག་བསྲུང་བྱ་འདི་རྣམས་ལ་གནོད་ཅིང་འཚེ་བ་བྱེད་པའི་ནད་རིགས་བཞི་བརྒྱ་རྩ་བཞི། བགེགས་རིགས་སྟོང་ཕྲག་བརྒྱད་ཅུ། སྐག་རིགས་སུམ་བརྒྱ་དྲུག་ཅུ། ལྟས་ངན་བརྒྱད་ཅུ་རྩ་གཅིག༔ ཆག་ཆེན་ཉམ་ང་ཐམས་ཅད་རིལ་མ་བཞིན་དུ་ཆུས་ཁྱེར་ཅིག༔ བོང་བ་བཞིན་དུ་ཆུས་ཤིག་ཅིག༔ སྤེན་ཕྱགས་ཀྱིས་ཕྱོགས་ཤིག །ཨོཾ་བཛྲ་པཱ་ཎི་བྷནྡྷ་བྷན་བཛྲ་པ་ཤ་ན། སརྦ་དུཥཱན་བི་ན་ཡ་ཀ་ནཾ་ཧཱུྃ་ཧཱུྃ་ཕཊ། རཀྵ་རཀྵ་མཾ་སཏཱཉྩ་སྭཱ་ཧཱ། བདག་དང་སྦྱིན་བདག་བསྲུང་བྱ་འདི་རྣམས་ལ་གནོད་ཅིང་འཚེ་བར་བྱེད་པའི་ནད་རིགས་བཞི་བརྒྱ་རྩ་

― CMR038_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི། བགེགས་རིགས་སྟོང་ཕྲག་བརྒྱད་ཅུ། སྐག་རིགས་སུམ་བརྒྱ་དྲུག་ཅུ། ལྟས་ངན་བརྒྱད་ཅུ་རྩ་གཅིག །ཆག་ཆེན་ཉམ་ང་ཐམས་ཅད་རིལ་མ་བཞིན་དུ་ཆུས་ཁྱེར་ཅིག །བོང་བ་བཞིན་དུ་ཆུས་ཤིག་ཅིག །སྤེན་ཕྱགས་ཀྱིས་ཕྱོགས་ཤིག །ཨོཾ་མ་ཧཱ་ཀཱ་ལ་སིང་ཧ་མུ་ཁ་ཧཱུྃ་ཕཊ༔ ཐེ་ཀུ་ཏ། བྷི་ཏ། ཐེ་ཀུ་ཏ་ཧཱུྃ་ཕཊ། བདག་དང་སྦྱིན་བདག་བསྲུང་བྱ་འདི་རྣམས་ལ་གནོད་ཅིང་འཚེ་བར་བྱེད་པའི་ནད་རིགས་བཞི་བརྒྱ་རྩ་བཞི། བགེགས་རིགས་སྟོང་ཕྲག་བརྒྱད་ཅུ། སྐག་རིགས་སུམ་བརྒྱ་དྲུག་ཅུ། ལྟས་ངན་བརྒྱད་ཅུ་རྩ་གཅིག་།ཆག་ཆེན་ཉམ་ང་ཐམས་ཅད་རིལ་མ་བཞིན་དུ་ཆུས་ཁྱེར་ཅིག །བོང་བ་བཞིན་དུ་ཆུས་ཤིག་ཅིག །སྤེན་ཕྱགས་ཀྱིས་ཕྱོགས་ཤིག །དེ་ནས་ངར་མི་གཅིག་ལྷག་ཡོད་པ་དེ་ངར་མི་ཚེ་བའི་ནང་དུ་འཕངས་ལ། ཀྱཻ། དེ་རིང་བདག་དང་ཡོན་བདག་གི །ཉམས་ཆག་ཐམས་ཅད་བཟློག་པའི་ཕྱིར། །ངར་གྱི་མི་ཕོ་ཁྱོད་བཏང་ན། །ཁྱོད་ཀྱིས་མི་བཟློག་གང་ཡང་མེད། །ངར་གྱི་རྒྱལ་པོ་ཁྱོད་ཀྱིས་ནི། །ནག་པོ་བདུད་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་ཟློག །ཡ་ཅོ་བཙན་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་

― CMR038_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག །གཏི་མུག་ཀླུ་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་ཟློག །གནམ་ཐེལ་འདྲེ་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་ཟློག །མ་བདུད་འདྲེ་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་ཟློག །ཕུང་སྲི་འདྲེ་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་ཟློག །ཡུལ་གྱི་འདྲེ་བགེགས་ཐམས་ཅད་ཀྱང་། །ངར་གླུད་རྒྱལ་པོ་ཁྱོད་ཀྱིས་ཟློག །རྦད་པའི་འདྲེ་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་ཟློག །སྲི་ལང་འདྲེ་དང་འཕྲད་ན་ཡང་། །ངར་གླུད་རྒྱལ་པོ་ཁྱོད་ཀྱིས་ཟློག །རྣལ་འབྱོར་སྔགས་འཆང་བདག་ཅག་དང་། །རྒྱུ་སྦྱོར་ཡོན་གྱི་བདག་པོ་ལ། །གནོད་པའི་ལྷ་སྲིན་སྡེ་བརྒྱད་དང་། །སྣང་སྲིད་ལྷ་འདྲེ་གདོན་བགེགས་རྣམས། །གང་དང་འཕྲད་ཀྱང་ཁྱོད་ཀྱིས་ཟློག །དེ་སྐད་གླུད་ལ་སྨྲ་ཞིང་བསྒོམ། ཀྱཻ། སྔགས་འཆང་བདག་གི་དབྱངས་ལ་ཉོན། །ཡོན་བདག་བྱི་བ་ལོ་པ་ཡི། །ལོ་བདུད་རེ་ལྡེ་མགོ་ཉག་དང་། །ཡོན་བདག་གླང་གི་ལོ་པ་ཡི། །ལོ་བདུད་ཁྲོ་རྒྱལ་ནག་པོ་དང་། །ཡོན་བདག་སྟག་གི་ལོ་པ་ཡི། །ལོ་བདུད་ཕག་སྟག་འབྲིང་ཡུག་དང་། །ཡོན་བདག་ཡོས་བུ་ལོ་པ་

― CMR038_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི། །ལོ་བདུད་མང་ཤང་ཆེན་པོ་དང་། །ཡོན་བདག་འབྲུག་གི་ལོ་པ་ཡི། །ལོ་བདུད་མོ་རྒྱལ་ཆེན་པོ་དང་། །ཡོན་བདག་སྤྲུལ་གྱི་ལོ་པ་ཡི། །ལོ་བདུད་གཏམ་པ་ལག་རིང་དང་། །ཡོན་བདག་རྟ་ཡི་ལོ་པ་ཡི། །ལོ་བདུད་མྱུར་མགྱོགས་ཆེན་པོ་དང་། །ཡོན་བདག་ལུག་གི་ལོ་པ་ཡི། །ལོ་བདུད་ཤན་པ་གྲི་ཐོགས་དང་། །ཡོན་བདག་སྤྲེལ་གྱི་ལོ་པ་ཡི། །ལོ་བདུད་ངམ་ནག་ཆེན་པོ་དང་། །ཡོན་བདག་བྱ་ཡི་ལོ་པ་ཡི། །ལོ་བདུད་གཟུགས་མེད་ཆེན་པོ་དང་། །ཡོན་བདག་ཁྱི་ཡི་ལོ་པ་ཡི། །ལོ་བདུད་སྟོབས་མཁྱེན་ཆེན་པོ་དང་། །ཡོན་བདག་ཕག་གི་ལོ་པ་ཡི། །ལོ་བདུད་ཡོར་པ་འགྲམ་རིང་དང་། །ཞེས་ཡོན་བདག་གི་ལོ་རུས་གང་ཡིན་དང་། ལོ་བདུད་ལོ་གཤེད་ཐམས་ཅད་ལ། །སྐུ་གླུད་རིན་ཐང་འདི་བཞེས་ལ། །རྒྱུ་སྦྱོར་ཡོན་བདག་འདི་དག་ལ། །བཟུང་བ་ཐོངས་ལ་བཅིངས་བ་ཁྲོལ། །བསྡམ་པ་གློད་ལ་མནན་པ་ཁྱོག །ལོ་ཡི་སྐག་དང་ཟླ་བའི་སྐག །ཆེ་བའི་སྐག་དང་ཆུང་བའི་སྐག །ཕོ་ཡི་སྐག་དང་མོ་ཡི་སྐག །སྐག་རིགས་སུམ་བརྒྱ་དྲུག་ཅུ་རྣམས། །གླུད་མདོས་འདི་ཡིས་སྒྱུར་ཅིང་ཟློག །རྒྱུ་སྦྱོར་ཡོན་བདག་འཁོར་བཅས་ཀྱི། །མི་མཐུན་

― CMR038_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ངན་ཐམས་ཅད་ཟློག །མོ་ངན་སོག་སྡིག་ཐམས་ཅད་ཟློག །ལྟས་ངན་ཆོ་འཕྲུལ་ངན་པ་ཟློག །བྱོལ་ངན་བྱུར་ཡུག་ཐམས་ཅད་ཟློག །སྡོང་པོ་རྒྱན་གྱི་ཆོ་ག་འདིས། །རྐྱེན་ངན་བར་ཆད་ཐམས་ཅད་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །ཡེ་འདྲོག་སུམ་བརྒྱ་དྲུག་ཅུ་ཟློག །གློ་བུར་ཉི་ཁྲི་ཆིག་སྟོང་ཟློག །ནད་རིགས་བཞི་བརྒྱ་རྩ་བཞི་ཟློག །གཤིན་རྗེའི་ཁྲམ་ཁ་ངན་པ་ཟློག །མ་མོའི་དལ་ཟེར་ཐམས་ཅད་ཟློག །མི་ནད་ཕྱུགས་ནད་ཐམས་ཅད་ཟློག །སྣང་ཞིང་སྲིད་པའི་ལྷ་འདྲེ་དང་། ། ༈ བགེགས་རིགས་སྟོང་ཕྲག་ཁྱེད་རྣམས་ཀྱིས། །གླུད་མདོས་ཆེན་པོ་འདི་བཞེས་ལ། །ཕྱིན་ཆད་འཁོར་འདིར་གནོད་པ་མ་བྱེད་ཅིག །སོ་སོ་རང་རང་གནས་སུ་སོང་། །དེ་ནས་དཀར་གཏོར་བྲན་ལ། ཨོཾ་སྭ་བྷཱ་ཝས་སྦྱངས། སྟོང་པའི་ངང་ལས་རིན་པོ་ཆེའི་སྣོད་དུ་གནས་པའི་གཏོར་མ་བདུད་རྩིའི་རང་བཞིན་སོ་སོའི་ཡིད་དང་མཐུན་པའི་ལོངས་སྤྱོད་དུ་གྱུར། ཨོཾ་ད་ཤ་དིག་ལོ་ཀ་པ་ལ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཛྲ་དྷ་ར་ཨཛྫཱ་པ་ཡ་ཏི་སྭཱ་ཧཱ། ཧཱུྃ། ཤར་ལ་ཕྱོགས་པའི་ཕྱོགས་བཅུ་ན། །གནས་པའི་ལྷ་ཀླུ་མི་མ་ཡིན། །

― CMR038_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་བཀའ་ཡི་གཏོར་མ་ལོངས། །རིག་འཛིན་བདག་གི་ངག་འདི་ཉོན། །བདེ་གཤེགས་བསྟན་ལ་སྤྱི་དགྲ་བྱུང་། །འདི་ལ་ཁྲག་འཐུང་ཆེན་པོའི་བཀས། །དྲེགས་པ་ཐམས་ཅད་དམག་ཏུ་སྡུས། །ལམ་དུ་གནས་པའི་མཐུ་ཆེན་དེངས། །མ་རུངས་ལྷ་སྲིན་འཁོར་དང་བཅས། །ཐམས་ཅད་དེ་རིང་དམག་ལ་དྲོངས། །དྲང་སྲོང་རྒྱལ་པོ་རཱ་ཧུ་ལ། །འཁོར་བཅས་བདག་གི་སྡོང་གྲོགས་མཛོད། །དེ་ནས་བགེགས་གཏོར་ཁྲུས་གདན་སྟེང་དུ་ནད་པའམ་ཡོན་བདག་ལ་ཁྲུས་བྱས་ལ། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་ཡོངས་སུ་བྲལ་བ་ལ་ཕྱག་འཚལ་ལོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན་བརྗོད། སྔོན་ཚེ་ལྷ་དབང་བརྒྱ་བྱིན་གླུད། །ད་ལྟ་རྒྱུ་སྦྱོར་ཡོན་བདག་གླུད། །ཤ་ཡི་གླུད་འདི་ས་ལ་གཏོང་། །ས་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ཁྲག་གི་གླུད་འདི་

― CMR038_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་རྣམས་། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རུས་པའི་གླུད་འདི་བྲག་ལ་གཏོང་། །བྲག་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རྩ་རྒྱུས་གླུད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །པགས་པའི་གླུད་འདི་ཐང་ལ་གཏོང་། །ཐང་ལ་གནས་པའི་ལྷ་འདྲེ་རྣམས། །གླུད་དང་ཚངས་བུ་འདི་ཁྱེར་ལ། །འཁོར་འདིར་གནོད་པ་མ་ཀླུ་བྱེད་ཅིག །སེམས་ཉིད་གླུད་འདི་མཁའ་ལ་གཏོང་། །མཁའ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །

― CMR038_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་གྱི་བྱད་ཁ་ཕུར་ཁ་དང་། །ཟོར་ཁ་མནན་པ་ལ་སོགས་ཟློག །སྐག་དང་སྲི་ངན་ཐམས་ཅད་དང་། །གནོད་བྱེད་ཐམས་ཅད་བཟློག་ཏུ་གསོལ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །སོགས་བརྗོད། དེ་ནས་དཀར་གཏོར་འདིར་བཞག་ལ། དེའི་རྗེས་སུ་གླུད་གཏོར་བཞག །དེ་རྒྱབ་ཡས་སྟགས་ངར་ཆུང་གི་སྣོད་ལོགས་སུ་ཡོད་ན་བཞག །དེ་རྒྱབ་ངར་ཆེན་ཁ་ཕྱིར་བསྒྱུར། ལྗོན་ཤིང་བྲིས་པའི་རྡུལ་ཚོན་ཡོད་ན་བཏབ། ཀྱཻ། འདི་ནས་ཉི་མ་ཤར་ཕྱོགས་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །དྲི་ཟའི་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་ལྷང་། །དེ་ཡི་ཁ་ཁོག་ངོ་ལེན་དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་ངར་མི་ལྡེམས་སེ་ལྡེམ། །གཟུགས་འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཟུ་ལུ་ལུ། །འཇག་རྟ་རྣམས་ཀྱང་སྤྲིངས་སེ་སྤྲིང་། །བ་དན་མང་པོ་ལྷུབས་སེ་ལྷུབ། །ཤར་ཕྱོགས་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། འདི་ནས་ཉི་མ་ལྷོ་ཕྱོགས་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །གཤིན་རྗེའི་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་

― CMR038_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷང་། །དེ་ཡི་ཁ་ཁོག་ངོ་ལེན་དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་ངར་མི་ལྡེམས་སེ་ལྡེམ། །གཟུགས་འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཟུ་ལུ་ལུ། །འཇག་རྟ་རྣམས་ཀྱང་སྤྲིངས་སེ་སྤྲིང་། །ཁ་དན་མང་པོ་ལྷུབས་སེ་ལྷུབ། །ལྷོ་ཕྱོགས་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། འདི་ནས་ཉི་མ་ནུབ་ཕྱོགས་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །ཀླུ་ཡི་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་ལྷང་། །དེ་ཡི་ཁ་ཁོག་ངོ་ལེན་དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་ངར་མི་ལྡེམས་སེ་ལྡེམ། །གཟུགས་འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཟུ་ལུ་ལུ། །འཇག་རྟ་རྣམས་ཀྱང་སྤུངས་སེ་སྤུང་། །བ་དན་མང་པོ་ལྷུབས་སེ་ལྷུབ། །ནུབ་ཕྱོགས་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། འདི་ནས་ཉི་མ་བྱང་ཕྱོགས་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །གནོད་སྦྱིན་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་ལྷང་། །དེ་ཡི་ཁ་ཁོག་ངོ་ལེན་

― CMR038_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་ངར་མི་ལྡེམས་སེ་ལྡེམ། །གཟུགས་འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཟུ་ལུ་ལུ། །འཇིག་རྟ་རྣམས་ཝཱཀྱང་སྤྲིངས་སེ་སྤུང་། །བ་དན་མང་པོ་ལྷུབས་སེ་ལྷུབ། །བྱང་ཕྱོགས་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། འདི་ནས་ཉི་མ་ཤར་ལྷོ་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །དྲང་སྲོང་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་ལྷང་། །དེ་ཡི་ཁ་ཁོག་ངོ་ལེན་དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་ངར་མི་ལྡེམས་སེ་ལྡེམ། །གཟུགས་འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཟུ་ལུ་ལུ། །འཇག་རྟ་རྣམས་ཀྱང་སྤུངས་སེ་སྤྲིང་། །བ་དན་མང་པོ་ལྷུབས་སེ་ལྷུབ། །ཤར་ལྷོ་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། འདི་ནས་ཉི་མ་ལྷོ་ནུབ་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །སྲིན་པོའི་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་ལྷང་། །དེ་ཡི་ཁ་ཁོག་ངོ་ལེན་དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་

― CMR038_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

ངར་མི་ལྡེམས་སེ་ལྡེམ། །གཟུགས་འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཁྲུ་ལུ་ལུ། །འཇིག་རྟ་རྣམས་ཀྱང་སྤྱིངས་སེ་སྤུང་། །བ་དན་མང་པོ་ལྷུབས་སེ་ལྷུབ། །ལྷོ་ནུབ་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། འདི་ནས་ཉི་མ་ནུབ་བྱང་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །རླུང་ལྷའི་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་ལྷང་། །དེ་ཡི་ཁ་ཁོག་ངོ་ལེན་དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་ངར་མི་ལྡེམས་སེ་ལྡེམ། །གཟུགས་འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཟུ་ལུ་ལུ། །འཇག་རྟ་རྣམས་ཀྱང་སྤྲིངས་སེ་སྤུང་། །བ་དན་མང་པོ་ལྷུབས་སེ་ལྷུབ། །ནུབ་བྱང་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། འདི་ནས་ཉི་མ་བྱང་ཤར་ཕ་ཀི་ན། །སྟོང་གསུམ་སྟོང་གི་ཕ་རོལ་ན། །དབང་ལྡན་གདོན་འཁོར་མང་པོ་དང་། །འདྲེ་སྲིན་མང་པོ་ངུ་འབོད་ལྷངས་སེ་ལྷང་། །དེ་ཡི་ཁ་ཁོག་ངོ་ལེན་དུ། །གླུད་མདོས་ལམ་ཡང་དེ་རུ་བསྟན། །སྟོབས་ཆེན་ངར་མི་ལྡེམས་སེ་ལྡེམ། །གཟུགས་

― CMR038_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོས་རྣམས་ཀྱང་ཤ་ར་ར། །གླུད་ཟས་རྣམས་ཀྱང་ཟུ་ལུ་ལུ། །འཇིག་རྟ་རྣམས་ཀྱང་སྤྲིངས་སེ་སྤྲིང་། །བ་དན་མང་པོ་ལྷུབས་སེ་ལྷུབ། །བྱང་ཤར་ལྷ་འདྲེ་ཐུགས་མཉེས་ནས། །འདྲེ་སྲིན་ཐམས་ཅད་ཕྱིར་དེངས་ཤིག །ཀྱཻ། སྣང་ཞིང་སྲིད་པའི་ལྷ་འདྲེ་དང་། །ལན་ཆགས་བགེགས་རིགས་ཐམས་ཅད་ཀྱི། །རྒྱུ་སྦྱོར་ཡོན་གྱི་བདག་པོ་ཡི། །ཚེ་གླུད་སྲོག་སྐྱིན་འདི་ལོངས་ལ། །ཕོ་བདུད་དཱལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །ཆུང་བདུད་དེལ་ཁ་ཐད་དུ་སྒྱུར། །གླུད་ཀྱིས་མི་བཟློག་གང་ཡང་མེད། །ཡས་ཀྱིས་མི་བསྒྱུར་གང་ཡང་མེད། །གཏོ་གླུད་གཏོར་མ་འདི་ལོངས་ལ། །ཡས་ཀྱི་བདུད་དུ་གཡོས་པ་ཟློག །མས་ཀྱི་སྲི་རུ་ལང་པ་ཟློག །སྤར་ཁ་ཤི་མིག་ཚུད་པ་ཟློག །དུར་ཁུར་རོ་གར་འགུལ་བ་ཟློག །རོ་འཛིན་དཔུང་པ་བརྫིས་པ་ཟློག །མི་ཁྱག་རོ་ཁུར་བྱེད་པ་ཟློག །མི་ཞིམ་སྡུག་ཟས་ཟ་བ་ཟློག །མིག་ནས་མཆིལ་མ་འོང་བ་ཟློག །བྲང་ལ་ཁུ་ཚུར་རྒྱབ་པ་ཟློག །ཉེ་བས་རྩོད་ཁ་སྐྱེལ་བ་ཟློག །ཡུལ་མི་གཏམ་ངན་དྲི་བ་ཟློག །གཤིན་ལམ་ནག་པོ་བྱེ་བ་ཟློག །རོ་ལམ་སེར་པོ་དོད་

― CMR038_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཟློག །ཤི་མིག་གསོན་ལ་བགྲད་པ་ཟློག །གསོན་དང་གཤིན་ལག་འབྲེལ་བ་ཟློག །ཐམས་ཅད་སྡང་བའི་དགྲ་ལ་སྒྱུར། །གནོད་པར་བྱེད་པའི་བགེགས་ལ་སྒྱུར། །ཟ་བར་བྱེད་པའི་འདྲེ་ལ་སྒྱུར། །རྒྱལ་པོ་ལོ་ཡི་སྐག་སྒྱུར་ཅིག །ཟླ་བ་བློན་པོའི་སྐག་སྒྱུར་ཅིག །དམག་མི་ཞག་གི་སྐག་སྒྱུར་ཅིག །མཚོན་ཆའི་དུས་ཀྱི་སྐག་སྒྱུར་ཅིག །སྐག་རིགས་སུམ་བརྒྱ་དྲུག་ཅུ་ཟློག །ཀླུ་རིགས་དགུ་བཅུ་གོ་དགུ་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག །ནད་རིགས་བཞི་བརྒྱ་རྩ་བཞི་ཟློག །དུས་མིན་འཆི་བ་རྣམ་བཞི་ཟློག །ན་ལྟས་འཆི་ལྟས་ཐན་ལྟས་ངན། །ཐམས་ཅད་དགྲ་བགེགས་བྱད་མའི་སྟེང་དུ་བྷྱོ་བྷྱོ་ཟློག་ཟློག༔ སྒྱུར་སྒྱུར། དེ་ནས་རྒྱབ་ཏུ་གཏོར་མ་བཞག་ལ་བྲན། ཨོཾ་བརྗོད་པས་སྟོང་པར་གྱུར། །ཨཱབརྗོད་པས་ཐོད་པ་དཀར་པོ་ཡངས་ཤིང་རྒྱ་ཆེ་བ། ཧཱུྃ་བརྗོད་པས་དགྲ་བགེགས་ཀྱི་ཤ་ཁྲག །ཧོབརྗོད་པས་ཡེ་ཤེས་བདུད་རྩིར་གྱུར། ཨོཾ་ཨཱཿཧཱུྃ་ཧོཿ གསུམ། ཨོཾ་ཨུཙྪི་ཁ་ཛྭ་ལ་ཨི་དཾ་བ་ལིཾ་ཏ་ཁཱ་ཧི། ཨོཾ་མ་མ་ཧཱུྃ་ནི་སྭཱ་ཧཱ། ཨི་དམ་བ་ལིཾ་ཏ་ཁཱ་ཧི། ༀ་བཛྲ་པཱ་ཎི་སྭཱ་ཧཱ། ཨི་དཾ༴ ཨོཾ་མ་

― CMR038_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱ་ཀཱ་ལ་སིང་ཧ་མུ་ཁ་ཧཱུྃ་ཕཊ། ཨི་དཾ༴ རྒྱལ་བའི་གཙུག་ཏོར་ལས་འཁྲུངས་ཤིང་། །ཉི་མ་བྱེ་བའི་གཟི་འབར་བ། །གཙུག་ཏོར་འབར་བ་ཞེས་གྲགས་པའི། །ཁྲོ་བོའི་དབང་པོ་ཁྱོད་ལ་བསྟོད། །བརྒྱན་པའི་གཏོར་མ་འདི་བཞེས་ལ། །འགལ་རྐྱེན་བར་ཆད་བཟློག་ཏུ་གསོལ། །སྐྱོབ་པ་ཤཱཀྱ་སེང་གེ་ཡི། །གཙུག་ཏོར་འོད་ཀྱི་འཕྲོ་འདུ་ལས། །འཁྲུངས་པའི་ལྷ་མོ་སྟོབས་ཆེན་མོ། །རིག་པའི་རྒྱལ་མོ་ཁྱོད་ཕྱག་འཚལ། །བརྒྱན་པའི་གཏོར་མ་འདི་བཞེས་ལ། །འགལ་རྐྱེན་བར་ཆད་བཟློག་ཏུ་གསོལ། །ཧཱུྃ་མཛད་ཧཱུྃ་ཏེ་ཙཎྜ་རོ་ཥ་ཎ། །བདེན་གཉིས་ཐུགས་ཆུད་ཆོས་ཀྱི་སྐུ་བརྙེས་ཤིང་། །སྤྲུལ་པའི་སྐུར་སྟོན་ཕྱག་ན་རྡོ་རྗེ་ཚེ། །དུས་མཐའི་མེ་ལྟར་འབར་ལ་ཕྱག་འཚལ་བསྟོད། །བརྒྱན་པའི་གཏོར་མ་འདི་བཞེས་ལ། །འགལ་རྐྱེན་བར་ཆད་བཟློག་ཏུ་གསོལ། །རྒྱལ་བས་དབང་བསྐུར་ཀུན་དགའ་གཞོན་ནུ་སྟེ། །ཞིང་སྐྱོང་ཆེན་པོ་ཨ་མྲ་གཙིགས་པའི་ཞལ། །ཤ་ཟ་ཁྲག་འཐུང་ཟ་བྱེད་སེང་གེའི་གདོང་། །སྲོག་བདག་ཆེན་པོ་ཁྱོད་ལ་ཕྱག་འཚལ་བསྟོད། །བརྒྱན་པའི་གཏོར་མ་འདི་བཞེས་ལ། །འགལ་རྐྱེན་བར་ཆད་བཟློག་ཏུ་གསོལ། །

― CMR038_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཅག་འཁོར་དང་བཅས་ལ་གནོད་པ་ཡི། །སྲིད་པའི་ཁྲམ་ཁ་ཐམས་ཅད་དགྲ་ལ་སྒྱུར། །ལྷ་འདྲེའི་དམག་ཚོགས་མ་ལུས་དགྲ་ལ་དྲོངས། །ཕ་རོལ་བསམ་སྦྱོར་ངན་པའི་ལས་བརྩམས་པ། །བྱད་ཁ་ཕུར་ཁ་རྦོད་གཏོང་དྲག་པོ་དང་། །མཚེ་ཟོར་རྦད་འདྲེ་ཡུངས་ཟོར་འཕེན་པ་ཟློག །ས་བདག་ཀླུ་ཡི་བྱད་དུ་བཅུག་པ་ཟློག །ཐེའུ་རང་འགོང་པོའི་སྲིས་རྐུན་ཐམས་ཅད་ཟློག །གཤིན་རྗེའི་འཁོར་ལོ་བདུད་ཀྱི་ཁྲམ་འདེབས་དང་། །མུ་སྟེགས་ངན་པའི་བར་ཆད་བྱེད་པ་ཟློག །རྒྱལ་བསེན་རྣམས་ཀྱིས་སྨྱོ་འབོག་གཏོང་བ་ཟློག །དྲང་སྲོང་གཟའ་དང་ཀླུ་གདོན་གནོད་པ་ཟློག །ཞང་ཞུང་ཛོ་ཟོར་སུམ་པའི་གླང་ཟོར་དང་། །བོན་པོ་རྣམས་ཀྱིས་ལྟ་ཟོར་འཕེན་པ་ཟློག །བན་དེའི་སྔགས་ཟོར་སྐྱེས་པའི་མདའ་ཟོར་དང་། །བུད་མེད་རྣམས་ཀྱིས་དམོད་ཟོར་འཕེན་པ་ཟློག །བདུད་ཀྱི་གཤེད་བཞི་རོ་ལངས་འབྱུང་པོ་དང་། །མ་མོ་རྣམས་ཀྱིས་ཁྲག་ཟོར་འཕེན་པ་ཟློག །མོ་རྩིས་ངན་དང་རྨི་ལམ་མཚན་མ་ངན། །ལྟས་ངན་མི་རུང་བརྒྱད་ཅུ་རྩ་གཅིག་ཟློག །བཞི་བརྒྱ་རྩ་བཞིའི་ནད་རྣམས་མ་ལུས་དང་། །གདོན་རིགས་ཉི་ཁྲི་གཅིག་སྟོང་ཚོགས་

― CMR038_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཟློག །སྟོང་ཕྲག་བརྒྱད་ཅུའི་བགེགས་ཚོགས་མ་ལུས་དང་། །ཡེ་འདྲོག་ཆེན་པོ་སུམ་བརྒྱ་དྲུག་ཅུ་ཟློག །གདོན་ཆེན་བཅོ་ལྔ་ལོ་ཟླ་ཞག་དུས་སྐག །མི་མཐུན་ཕྱོགས་རྣམས་དགྲ་བགེགས་སྟེང་དུ་ཟློག །དུས་མིན་འཆི་བའི་འཇིགས་པ་བརྒྱད་རྣམས་དང་། །ལྟས་ངན་ཆོ་འཕྲུལ་དགྲ་བོའི་སྟེང་དུ་ཟློག །ཨེ་ཀ་དུ་ན་ཟློག །མ་ཧཱ་དུ་ན་ཟློག །ས་ག་དུ་ན་ཟློག །ར་ཙ་དུ་ན་ཟློག །ཙ་དུར་སྙིང་ན་ཟློག །སུམ་ཏྲི་རཀྟ་ཟློག །བྱེད་ཟོར་ཕུར་ཁ་ཆོག་ཆེན་ཉམ་ང་ཐམས་ཅད་མཱ་ར་ཡ་བྷྱོ་བྷྱོ་ཟློག་ཟློག །དེ་ནས་སྔོན་དུ་དཀར་གཏོར་སོགས་རིམ་པར་བཤམས་པ་ལྟར་ཁྱེར། རྗེས་ནས་དམར་གཏོར་དང་དར་ནག་ཡོད་ན་རྟིང་ཕུལ་དུ་ཁྱེར་བཅུག །བདེ་རིམ་ཡིན་ན་ཕྱོགས་གཙང་སའམ་ཡས་ལམ། ནད་པའི་དོན་ཡིན་ན་ལོ་ལྷ་བདུད་དང་འདྲེ་ལྔ་བདུད་གཅོད་ཀྱི་ཐོག །བྱེད་ཟློག་ཡིན་ན་གནོད་པའི་ཕྱོགས་སུ་ཕུལ་ཏེ།ས་ཤིན་ཏུ་གཉན་པ་ཡིན་ན་མི་ཕུལ་བ་ཀཿཐོག་ནམ་མཁའ་སེང་གེས་གསུངས། ཡང་ཡུངས་ཀར་གྱི་སྒོང་བུ་བརྒྱ་རྩ་བརྒྱད། མེད་ན་འབྲུ་ལ་བརྒྱ་རྩ་བརྒྱད་དམར་གཏོར་དེའི་རྩེ་ལ་སྦྱར་ནས། །སྡོང་རྒྱན་གྱི་གཟུངས་ཚར་བརྒྱད་བཟླས་ལ། གནོད་པའི་ཕྱོགས་སུ་ཟོར་དུ་འཕངས་ན། བྱད་ཁ་དང་རྦོད་གཏོང་རིམས་ནད་བཟློག་པར་བཤད། རྨི་ལམ་ངན་པ་ཟློག་ན་ཁྲུས་བྱས་པའི་ངར་གླུད་དང་དམར་གཏོར་གཉིས་མ་གཏོགས་ཆུ་ཆེན་

― CMR038_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དོར། དེ་རྣམས་ནི་སྡོང་རྒྱན་གཞུང་གི་དོན་ཡིན་ལ། ཡང་ཁྲོ་བོ་གསུམ་པོ་སོ་སོའི་འོད་ཀྱིས་གནོད་བྱེད་ཐམས་ཅད་བདས་ཏེ་རྒྱ་མཚོར་ཁྱེར་བར་བསམས་ལ་ཐལ་མོ་བརྡབ། དང་པོ་དཀར་གཏོར་ཆུར་འཕང་། དེ་ནས་ཁྲུས་བྱས་པའི་བགེགས་གཏོར་དེ་ཆུ་འགྲམ་དུ་ཕུལ། དེ་ནས་ངར་ཆེན་ཡས་དང་བཅས་པ་ཆུར་འཕང་། དེ་ནས་དམར་གཏོར་དེ་ཆུ་འགྲམ་ནས་རྩེ་ཕར་བསྟན་ལ་ཕུལ། དེ་ནི་ཁྲོ་བོ་གཙུག་ཏོར་འབར་བའི་ལས་ཚོགས་བྱད་ཁ་ཆུ་ལ་བསྐུར་ཏེ་བཟློག་ཉེས་པ་ཤིན་ཏུ་ཆེ་གསུངས། ཡང་ན་ཕྱོགས་གཙང་སའི་རྒྱ་ལམ་ཞིག་ཏུ་ཕུལ་ཏེ། དེ་ནི་ཞིང་སྐྱོང་གི་ལས་ཚོགས་བྱེད་ཁ་དང་རྨི་ལམ་ངན་པ་ཟློག་པའི་མཆོག་ཡིན། དེ་དག་རང་འགྲོ་མི་དགོས་འབུལ་རྒྱུ་བསྐུར་ཏེ། ཨོཾ་སུམྦྷ་ནི་སོགས་བརྗོད་ཅིང་ནས་ལྕགས་བྲབ། རོལ་མོ་དང་བཅས་པས་མཚམས་གཅོད་གྱེར་ཞིང་སྲུང་འཁོར་བསྒོམ་མོ། །དེ་ནས་རྗེས་ཆོག་ནི། ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏིཙྪ་ཨཱཿཧཱུྃ། དེ་བཞིན་དུ། པཱདྱཾ༴ པུཥྤེ༴ དྷུཔེ༴ ཨཱ་ལོ་ཀེ༴ གྷནྡྷེ༴ ནེ་ཝི་དྱ༴ ཤབྡ་ཨཱཿཧཱུྃ། བསྟོད་པར་འོས་པ་ཐམས་ཅད་སོགས། བསྟོད་པར་བགྱི། །མ་འབྱོར་པ་དང་ཉམས་པ་དང་། །གང་ཡང་བདག་བློ་ཀྱི་རྨོངས་པ་ཡིས། །ཉེས་བྱས་ཅུང་ཟད་གང་བགྱིས་པ། །དེ་ཀུན་ཁྱོད་ཀྱིས་བཟོད་མཛད་རིགས། །ཨོ། ཁྱེད་ཀྱིས་སེམས་ཅན་དོན་ཀུན་མཛོད། །རྗེས་སུ་མཐུན་པའི་དངོས་

― CMR038_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཡེ་ཤེས་པ་གཤེགས་སམ་རྟེན་ལ་སྟིམ། །ཨོཾ་ཨཱཿཧཱུྃ་དམ་ཚིག་པ་རྣམས་རང་གི་སྙིང་གར་ཐིམ། །བདག་བསྐྱེད་ཀྱང་མི་དམིགས་པར་བསམ། བགེགས་རིགས་སྟོང་ཕྲག་བརྒྱད་ཅུ་ཞི་བ་སོགས། །ཤིས་པ་བརྗོད། ཨེ་མ་ཧོ། སྡོང་པོ་བརྒྱན་པའི་གཟུངས་འདི་ནི། །བཀའ་འགྱུར་ཀུན་གྱི་ནང་ན་བཞུགས། །རྩོད་མེད་རྒྱལ་བའི་བཀའ་ཡིན་པས། །མཁས་པ་ཀུན་གྱིས་ཚད་མར་འཛིན། །བྱ་བའི་རྒྱུད་ཀྱི་ཁོངས་སུ་གཏོགས། །འདི་ཡི་ཕྱག་ལེན་སྡོང་རྒྱན་མདོས། །སྐག་དང་བྱད་ཁ་རྨི་ལམ་ངན། །བཟློག་པའི་མཆོག་ཏུ་བསྔགས་ནས་སྦྲགས། །ཁྱད་པར་ཁྱི་འབྲུག་གླང་ལུག་ལོ། །སྤར་ཁ་ཟིན་ལ་ཕྱིན་པའི་དུས། །སྡོང་རྒྱན་མདོས་འདི་མེད་ཐབས་མེད། །སྲོག་ལུས་དབང་ཐང་རླུང་རྟ་རྣམས། །ས་ཁམས་པ་ལ་ཤིང་གི་དགྲ། །དར་ན་སྡོང་རྒྱན་མདོས་འདིས་ཕན། །འོན་ཀྱང་ཇི་བཞིན་ཤེས་པ་དཀོན། །འདི་ཡི་དཔེ་བརྒྱུད་མང་མཐོང་ཡང་། །ཆ་ཚང་ལག་ལེན་བདེ་བ་ཉུང་། །དེ་ཕྱིར་འགྲོ་ལ་ཕན་པའི་ཕྱིར། །ཕྱི་ལྟར་སྡོང་རྒྱན་གཟུངས་ཀྱིས་ནི། །ཕྱག་ལེན་བྱ་རྒྱུད་སོར་བཞག་ལུགས། །བདག་བསྐྱེད་མདུན་བསྐྱེད་མཆོད་བསྟོད་ནི། །མི་བསྐྱོད་རྡོ་རྗེས་མཛད་པ་ལྟར། །འདོན་འགྲིགས་མཐོང་བ་བརྒྱུད་པ་ལྟར། །ལོགས་སུ་བྲིས་པ་དེ་ཉིད་འདོན།

― CMR038_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་རྒྱུན་ཙམ་ཡང་མེད་པ་ཡི། །ཉབ་ཉོབ་མང་པོས་ཅི་ཞིག་བྱ། །ཕྱི་ལྟར་སྡོང་རྒྱན་གཟུངས་དེ་ཉིད། །ཅི་མང་བྱ་བ་སྡོང་རྒྱན་མདོས། །ནང་ལྟར་རྡོ་རྗེ་གདན་པའི་ལུགས། །འཇམ་དཔལ་རྩ་རྒྱུད་ནས་གསུངས་པའི། །གཙུག་ཏོར་འབར་བ་གདུགས་དཀར་དང་། །ཕྱག་རྡོར་སྔགས་གསུམ་མང་བཅུག་པས། །བྱད་ཀ་ཆུ་ལ་བསྒྱུར་བའི་ཐབས། །བྱད་ཟློག་སྟོབས་དང་ལྡན་པ་ཡིན། །གསང་བ་ཞིང་སྐྱོང་ཟློག་སྔགས་ཏེ། །ལོ་གྲངས་ཙམ་ཞིག་འགྲོ་བྱས་ན། །བྱད་ལྟས་རྨི་ལམ་ངན་པ་རྣམས། །ཟློག་ཐབས་རྣོ་མྱུར་འཇིགས་སུ་རུང་། །འདི་འདྲའི་མན་ངག་ཟབ་མོའི་གནད། །ཀུན་ལ་སྤེལ་དུ་མི་རུང་ཡང་། །སྙིགས་དུས་བར་ཆད་རྐྱེན་ངན་མང་། །སྐྱ་སེར་ཀུན་ལ་ན་ཚ་རྒོད། །ཁྱད་པར་ད་ལོ་ཆུ་བྱི་ལོ། །ཉི་ཤུ་ནང་དུ་ཡོད་པ་ཡི། །མི་གཞོན་བདུན་ཙམ་གློ་བུར་གུམ། །དེ་དག་རྣམས་ཀྱིས་རྐྱེན་བྱས་ནས། །སྙིགས་མའི་འགྲོ་ལ་སྙིང་རྗེ་སྐྱེས། །ཐོབ་དཀའི་མི་ལུས་རིན་པོ་ཆེ། །བར་ཆད་དབང་དུ་མི་འགྲོ་བར། །ནད་དང་གདོན་ལས་ཐར་བའི་ཐབས། །སྡོང་རྒྱན་ཕྱི་ནང་གསང་བ་གསུམ། །གཅིག་བསྡོམས་ཕྱག་ལེན་གཏན་ལ་ཕབ། །སྦྲ་འོས་གསལ་བཀོད་ཉེས་མཆིས་ན། །ཆོས་བདག་སྲུང་མའི་ཚོགས་ལ་བཤགས། །ཇི་སྲིད་འཁོར་བ་གནས་ཀྱི་བར། །སྣོན་འཕྲི་མེད་པར་འཕེལ་ཞིང་རྒྱས། །རྐང་གཉིས་མགོ་ནག་མི་རྣམས་ཀྱི། །སྐྱབས་མགོན་དམ་པར་འགྱུར་བར་ཤོག །ནམ་མཁའ་སེང་གེས་མཛད་པ་ལ། །ངར་མི་ཞུས་ལན་སྦྱར་འདུག་ཀྱང་། །སྡོང་

― CMR038_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

མང་པོ་དང་། །སྔར་དུས་ཡབ་རྒན་སྔགས་འཆང་གིས། །སྡོང་རྒྱན་མདོས་ནི་བཅའ་བའི་དུས། །ཁོ་བོས་མཆོད་གཡོག་རམ་བུ་བཀྱག །དབང་ཕྱུག་རྡོ་རྗེས་མཛད་པ་དང་། །དཀོན་མཆོག་འབངས་ཀྱིས་མཛད་པ་ཡི། །དབང་ལུང་རྒྱུན་ཡང་ཅི་རིགས་ཐོབ། །དེ་དག་ཐམས་ཅད་གོ་བསྟུན་ནས། །གོ་སླ་ཁྱེར་བདེ་དོན་ཟབ་པ། །སྔགས་རྒན་རཱ་ག་ཨ་སྱས་བསྒྲིགས། །དགེ་སློང་བརྩོན་འགྲུས་ཞེས་བྱས་བྲིས། །མ་འོངས་སྔགས་འཆང་ཐམས་ཅད་དང་། །རྒྱུ་སྦྱོར་ཡོན་བདག་ཐམས་ཅད་ལ། །ཕན་ཐོགས་བཞག་པ་ཆེན་པོ་ཡིན། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཚོ་སྨན་རྒྱལ་མོའི་གུར་མདོས་འདོན་འགྲིགས་བལྟས་ཆོག་ཏུ་བཀོད་པ།

― CMR038_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་སྨན་རྒྱལ་མོའི་གུར་མདོས་འདོན་འགྲིགས་བལྟས་ཆོག་ཏུ་བཀོད་པ་བི་ཛ་ཧ་ར།

― CMR038_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་རིན་པོ་ཆེ་ལ་ཕྱག་འཚལ་ལོ། །མཚོ་སྨན་གུར་མདོས་བཅའ་ཐབས་ལ། །རྒྱས་འབྲིང་བསྡུས་སོགས་རྣམ་གྲངས་ནི། །མདོས་གདན་སྣོད་གཙང་ཆེན་པོའི་ནང་། །ཕུབ་ཕྱེ་ཐང་ལུད་སོགས་ཀྱིས་བཀང་། །དེ་སྟེང་འཇིམ་པ་འཐུག་པོས་གཡོགས། །དེ་སྟེང་པད་དཀར་འདབ་བརྒྱད་ནི། །ཐ་མ་ཆུ་རིས་སྔོན་པོས་བསྐོར། །འདབ་བརྒྱད་དབུས་ཀྱི་མདུན་ཕྱོགས་སུ། །ཐུར་དུ་མཚོ་གཟུགས་སྒོ་མོ་བྱ། །དེ་ནང་མར་གྱིས་ཤན་པའི་ནང་། །འོ་ཆབ་བླུག་ལ་མཚོ་དགུ་ཡིན། །མཚོ་དགུའི་རྒྱབ་ངོས་མཁར་དགུ་དང་། །གཡས་ངོས་བུད་མེད་དཔོན་མོ་དགུ། །མཚོ་གཡོན་བུད་མེད་གཡོག་མོ་དགུ། །དེ་རྣམས་འཇིམ་པ་ལ་བྱ་སྟེ། །ཁ་དོག་སོ་སོར་གསུངས་ན་ཡང་། །ཞི་བའི་ཕྲིན་ལས་སྒྲུབ་པའི་ཕྱིར། །ཐམས་ཅད་དཀར་པོ་བྱ་བ་

― CMR038_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས། །གུར་དགུ་རབ་ནི་དར་རས་ལ། །ཅོག་ཅོག་ཞྭ་ཆུང་འདྲ་རེ་བྱ། །འབྲིང་ནི་ཤོག་བུར་བྱ་བ་སྟེ། །ཐ་ན་འཇིམ་པར་ཅོག་པུ་འདྲ། །ཐམས་ཅད་དཀར་པོ་ཁོ་ན་བྱ། །མདའ་དགུ་འཕང་དགུ་རྒྱང་བུ་དགུ། །ཤིང་རིས་དགུ་ནི་འཇའ་རིས་ཏེ། །རྒྱང་བུ་སྨྱུག་རྒོད་དམ་ནི་སྨྱུ་ག་ལ། །དར་ཚོན་བཏག་པ་དགུ་ཡིན་ནོ། །དེ་དགུ་དབུས་དང་ཕྱོགས་མཚམས་བཙུགས། །སྟག་པའི་ཕོ་ཐོང་གཡས་ཕྱོགས་དང་། །གླང་མའི་མོ་ཐོང་གཡོན་དུ་བཙུགས། །འོམ་བུའམ་ཚར་བའི་བུ་ཤིང་མདུན། །བཟང་ཤིང་གང་རྙེད་ཚན་པ་དགུ། །དབུས་དང་ཕྱོགས་མཚམས་སོ་སོར་བཙུགས། །ཟན་ནི་ཤིན་ཏུ་གཙང་མ་ལ། །སྨན་བཤོས་བཅུ་གཅིག་བཟོས་པ་ཡི། །དབུས་ཀྱི་ལྷ་མོ་དཔོན་གཡོག་གི །རྩེ་ལ་ཁྲག་གམ་འབྲི་མོག་བྱུག །གཞན་རྣམས་ཤ་

― CMR038_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་མི་རུང་ངོ། །སྦལ་སྤྲུལ་ཉ་ལྕོང་གཟུགས་བརྙན་ནི། །དབུས་དང་ཕྱོགས་མཚམས་པད་འདབ་བཀོད། །ཤང་ཤང་རྨ་བྱ་གླང་ཆེན་དུང་། །སྟག་གཟིག་ལུག་དང་ངང་པ་དང་། །ངུར་པ་ཁྱི་རྟ་ར་དང་དྲེལ། །བྱིའུ་རྣམས་ནི་ཚར་གཅིག་ཆོག །བསྐང་འབྲས་པར་བཏབ་གང་བདེར་བཙུགས། །མཚོ་སྨན་ལྷ་མོ་དཔོན་གཡོག་དང་། །མཚོ་སྨན་མཆེད་དགུ་དཔོན་གཡོག་གི །ཙཀླི་ཡང་ནི་སོ་སོར་བཙུགས། །རྩིབས་བརྒྱད་གུར་གྱི་ནམ་མཁའ་ཞིག །དེ་ཡི་སྟེང་ནས་ཕུབ་པར་བྱ། །དབྱར་ཁ་ཡིན་ན་ཤང་དྲིལ་སོགས། །དུག་རིགས་མིན་པའི་མེ་ཏོག་བཏབ། །དེ་ནི་བཅའ་ཚོགས་རྒྱས་པའོ།། ༈ དེ་ནས་འབྲིང་དུ་བྱ་བ་ནི། །མཁར་ནི་དབུས་ཀྱི་གཅིག་གིས་ཆོག །ཤིང་རིས་མདའ་འཕང་རྒྱང་བུ་རྣམས། །རེ་རེ་ཙམ་གྱིས་ཆོག་པ་ཡིན། །ཙཀྲི་མི་དགོས་འཇིམ་གཟུགས་ཆོག །འདབ་བརྒྱད་ཆུ་རིས་ལ་སོགས་པ། །ཚོན་ནི་མི་དགོས་ཐུ་རུས་འབྲི། །རྩིབས་བརྒྱད་ནམ་མཁའ་མི་དགོས་ཏེ། །ནམ་མཁའི་ཁྲ་བོ་གཅིག་གིས་ཆོག །དེ་ནི་བཅའ་ཚོགས་འབྲིང་པོ་སྟེ། །དེ་ལྟར་རྒྱས་འབྲིང་གཉིས་པོ་ནི། །སྔགས་པ་རྣམས་ཀྱིས་བྱ་རྒྱུ་ཡིན། ༈ །ཤོག་བུར་པདྨ་འདབ་བརྒྱད་བྲི། །འདབ་བརྒྱད་དབུས་དགུར་མཚོ་དགུ་བྲི། །དེ་མཐའ་ཆུ་རིས་ཟླུམ་པོས་བསྐོར། །དེ་ཉིད་མདོས་ཀྱི་གདན་དུ་བཏིང་། །དེ་སྟེང་ཀ་ཏོ་ར་ལ་སོགས། །སྣོད་ནི་གཙང་མ་བཞག་པའི་ནང་། །དབུས་སུ་སྨན་བཤོས་གཙོ་འཁོར་གསུམ། །ཕྱོགས་མཚམས་བརྒྱད་དུ་རེ་རེ་བཤམས། །ཆུ་གནས་གཟུགས་རྣམས་ཚར་དགུ་སྟེ། །

― CMR038_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་དང་ཕྱོགས་མཚམས་རྣམས་སུ་བཀྲམ། །བསྐང་འབྲས་རྣམས་ཀྱང་པར་བཏབ་བཞག །མདའ་འཕང་ཤིང་རིས་རྒྱང་བུ་རེ། །ཕོ་ཐོང་མོ་ཐོང་བུ་ཐོང་དང་། །ནམ་མཁའ་གཅིག་གིས་ཆོག་པ་དང་། །ཤིང་རྩི་སྣ་ཚོགས་ཚན་པ་དགུ། །འཇིམ་པའི་སྤོ་ཐོ་དུམ་དགུར་བཙུགས། །གཏོར་སྣོད་ཕྱི་ཡི་མཐའ་ནས་བསྐོར། །འབུལ་དུས་ཕྱོགས་གཅིག་བསྡུས་ལ་ཁྱེར། །དེ་ནི་བཅའ་ཚོགས་བསྡུས་པ་སྟེ། །དགེ་སློང་སོགས་ཀྱིས་བྱ་རུང་ངོ། །དེ་ལ་འཇིམ་པའི་གཟུགས་བརྙན་རྣམས། །ཐམས་ཅད་ཙཀླུ་དགུ་ལ་བྲིས། །སྨན་བཤོས་དགུ་ལ་བཙུགས་པས་འཐུས། །དེ་ལྟར་རྒྱས་བསྡུས་གང་བྱེད་ཀྱང་། །དོན་ལ་ཀླུ་མཆོད་ཡིན་པའི་ཕྱིར། །ཤིན་ཏུ་གཙང་བ་གལ་ཆེ་ཞིང་། །ཆངས་བུ་གཙང་མ་བཞག་ཀྱང་རུང་། །གླུད་དང་ཤ་དུམ་སོགས་མི་རུང་། །འབྲུ་སྣ་རིན་ཆེན་དར་ཚོན་དང་། །འོ་ཆབ་ཀླུ་སྨན་བཏབ་པ་དང་། །གླ་རྩི་མ་འདྲེས་སྤོས་འབུལ་སོགས། །ཀླུ་མཆོད་དུས་ལྟར་གཙང་སྦྲ་བྱ། །སྤོས་རུམ་བྱ་ཞིང་ཆུ་གཙང་བྲན། །རང་ཉིད་ཡི་དམ་གང་རུང་བསྐྱེད། །དེ་ནས་འདི་ཉིད་འདོན་སྒོམ་སྦྲགས། །ཨོཾ་སཾ་ཤཱ་དྷ་ནི་ཧཱུྃ་ཕཊ༔ རཾ་ཡཾ་ཁཾ་གིས་མི་གཙང་སྦྱངས། །ཤཱཀྱ་ཐུབ་པའི་བྱིན་རླབས་ཀྱིས། །ཐལ་མོ་ཁོང་སྟོང་ཕྱག་རྒྱའི་ནང་། །ཨ་དཀར་འོད་འཕྲོས་དངོས་འཛིན་སྦྱངས། །ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷ་ཝ་ཤུདྡྷོཉཧཾ། ཆོས་རྣམས་ཡེ་ནས་སྟོང་པ་ཉིད། །དེ་ཡི་ངང་ལས་སྐད་ཅིག་

― CMR038_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

གིས། །མདོས་གཞི་འབྱུང་བ་རིམ་བརྩེགས་སྟེང་། །དབང་ཆེན་གསེར་གྱི་ས་གཞིའི་སྟེང་། །པཾ་ལས་པད་དཀར་འདབ་མ་བརྒྱད། །ཡངས་ཤིང་རྒྱ་ཆེ་ས་གཞི་ཁྱབ། །དེ་ཡི་དབུས་དང་འདབ་བརྒྱད་ལ། །དཔག་ཚད་དུ་མའི་མཚོ་ཆེན་དགུ། །དེ་དགུའི་དབུས་སུ་རིན་ཆེན་ནི། །སྣ་ཚོགས་ལས་གྲུབ་སྐུ་མཁར་དགུ། །མཁར་དགུའི་ནང་དུ་ཟ་འོག་གི །གུར་ཆེན་དགུ་ཡི་དབུས་མའི་ནང་། །པད་ཟླའི་གདན་ནི་སུམ་ཚོམ་ནང་། །ཕྱོགས་མཚམས་པད་ཟླ་རེ་རེའི་སྟེང་། །དབུས་སུ་ཧཱུྃ་བྷྱོཕུདང་གསུམ། །ཕྱོགས་མཚམས་ཡིག་རེ་རེ་ལས། །མཚོ་སྨན་གཙོ་མོ་རྣམ་དགུ་དང་། །དེ་ཡི་གཡོག་མོ་དགུ་དང་བཅས། །མཚོ་སྨན་སྤུན་ལྔ་ལ་སོགས་པ། །འཛམ་གླིང་བོད་ཡུལ་མཐའ་དབུས་ཀྱི། མཚོ་སྨན་རིགས་གྱུར་ཐམས་ཅད་ནི། །ཁྲོམ་ཚོགས་བཞིན་དུ་བསྐོར་བ་རྣམས། །ཀུན་ཀྱང་བུད་མེད་མཛེས་མའི་གཟུགས། །འཛུམ་མཛེས་མདོག་དཀར་འོད་ཟེར་འཕྲོས། དར་ཟབ་གསེར་གཡུ་མུ་ཏིག་བརྒྱན། །གླུ་ལེན་བྲོ་བརྡུང་གར་སྟབས་འཁྲུགས། །ཐུགས་ཀའི་ས་བོན་འོད་ཟེར་གྱིས། །རང་རང་གནས་ནས་སྤྱན་དྲངས་ཐིམ། །བྷྱོ༔ གླིང་

― CMR038_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་མུན་པ་འདས་བའི་ཕ་རོལ་ན། །གསེར་གྱི་རི་བདུན་འདས་པའི་ཕ་རོལ་ན། །ལྕགས་མཚོ་ནག་པོ་འཁྱིལ་པའི་ཕ་རོལ་ན། །གསེར་གྱི་ཁྲི་ལ་གཡུ་ཡི་གདན་བཏིང་བ། །སྣང་སྲིད་ཐམས་ཅད་དབང་སྡུད་མ། །སྐྱེ་འགྲོའི་ཚེ་ལ་ལེགས་ཉེས་སྟངས་འཛིན་མ། །ཐོག་གི་རྒྱལ་མོ་གློག་ཕྲེང་མ། །སྲིང་གཅིག་ཆེན་མོ་ཀླུ་ཡི་རྗེ། །གནས་ནི་མ་ཕམ་མཚོ་ལ་གནས། །ཐུགས་རྗེའི་མཚོ་ནི་ཆོས་ཀྱི་དབྱིངས། །སྲིད་པ་གསུམ་གྱི་མཚོ་ཆེན་ཡང་། །དབྱར་ནི་མི་སྐྱེ་དགུན་མི་འཁྱག །མ་ཕམ་མཚོ་ལ་དཔལ་གནས་སོ། །མ་ཕམ་མཚོ་ནས་གཤེགས་སུ་གསོལ། །དཔལ་ཆེན་ཐུགས་ལས་སྤྲུལ་པའི་སྲས་མོ་སྟེ། །མཚན་ནི་དཀར་མོ་དབུ་དགུ་མ། །གནས་ནི་རོལ་མཚོ་བདུན་ལ་གནས། །རོལ་མཚོ་བདུན་ནས་གཤེགས་སུ་གསོལ། །ཀྱཻ། རི་རབ་ཆེན་པོའི་དབུས་ཕྱོགས་ནས། །རྒྱ་མཚོ་ཆེན་པོ་ཀྱི་ལི་ལི། །རྒྱ་མཚོ་ཆེན་པོའི་ནང་ཤེད་ནས། །གཡུ་གུར་སྔོན་མོ་དི་རི་རི། །གསེར་གྱི་ཆོན་ཐག་རྒྱངས་སེ་རྒྱང་། །དངུལ་གྱི་ཆོན་ཐག་ཁྲིགས་སེ་ཁྲིག །གཡུ་མཁར་ལྡན་པའི་ནང་ཤེད་ནས། །མཚོ་སྨན་རྒྱལ་མོ་གཤེགས་སུ་གསོལ། །ཀྱཻ།

― CMR038_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་འཛམ་གླིང་ཤར་ཕྱོགས་ནས། །རིན་ཆེན་རྒྱ་མཚོའི་ནང་ཤེད་ནས། །གསེར་མཁར་གསེར་གུར་ནང་ཤེད་ནས། །རྒྱལ་མོ་ཆེན་མོ་ཁྲོ་མཆོག་ལྡན། །མཐའ་ཡས་ལྕམ་གཅིག་གཤེགས་སུ་གསོལ། །ཀྱཻ། འཇིག་རྟེན་འཛམ་གླིང་ལྷོ་ཕྱོགས་ནས། །རྒྱ་མཚོ་ཆེན་པོའི་ཕོ་བྲང་ནས། །བསེ་གུར་བསེ་མཁར་ཕོ་བྲང་ནས། །མཚོ་སྨན་རྒྱལ་མོ་དབྱིངས་ཕྱུག་ལྡན། །སྟོབས་རྒྱུའི་རྒྱལ་མོ་གཤེགས་སུ་གསོལ། །ཀྱཻ། འཇིག་རྟེན་འཛམ་གླིང་ནུབ་ཕྱོགས་ནས། །འོ་མཚོར་འཁྱིལ་བའི་ནང་ཤེད་ནས། །ཤེལ་མཁར་ཤེལ་གུར་ལྡེམ་པ་ནས། །མཚོ་སྨན་རྒྱལ་མོ་འོད་ལྡན་མ། །ཐབས་མཁས་རྒྱལ་མོ་གཤེགས་སུ་གསོལ། །ཀྱཻ། འཇིག་རྟེན་འཛམ་གླིང་བྱང་ཕྱོགས་ནས། །དུག་མཚོ་ནག་པོའི་ནང་ཤེད་ནས། །ལྕགས་མཁར་ལྕགས་གུར་ནང་ཤེད་ནས། །མཚོ་སྨན་རྒྱལ་མོ་དུང་མཚོ་ལྡན། །རིགས་ལྡན་ལྕམ་གཅིག་གཤེགས་སུ་གསོལ། །ཀྱཻ། འཇིག་རྟེན་འཛམ་གླིང་ཤར་ལྷོ་ནས། །མ་ཕམ་མཚོ་ཆེན་ནང་ཤེད་ནས། །ཤེལ་མཁར་ཤེལ་གུར་ནང་ཤེད་ནས། །མཚོ་སྨན་རྒྱལ་མོ་མདངས་ལྡན་མ། །ནོར་རྒྱལ་ལྕམ་གཅིག་གཤེགས་སུ་

― CMR038_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །ཀྱཻ། འཇིག་རྟེན་འཛམ་གླིང་ལྷོ་ནུབ་ནས། །དུང་མཚོ་དཀར་མོའི་ནང་ཤེད་ནས། །དུང་མཁར་དུང་གུར་ཕོ་བྲང་ནས། །མཚོ་སྨན་རྒྱལ་མོ་གསལ་མོ་ལྡན། །དུང་སྐྱོང་ལྕམ་གཅིག་གཤེགས་སུ་གསོལ། །ཀྱཻ། འཇིག་རྟེན་འཛམ་གླིང་ནུབ་བྱང་ནས། །ཟངས་མཚོ་དམར་པོའི་ནང་ཤེད་ནས། །ཟངས་གུར་ཟངས་མཁར་ནང་ཤེད་ནས། །མཚོ་སྨན་རྒྱལ་མོ་འཕྲུལ་མོ་ལྡན། །པདྨའི་ཡུམ་གཅིག་གཤེགས་སུ་གསོལ། །ཀྱཻ། འཇིག་རྟེན་འཛམ་གླིང་བྱང་ཤར་ནས། །མཆོང་མཚོ་སྨུག་པོའི་ནང་ཤེད་ནས། །མཆོང་གུར་མཆོང་མཁར་ཕོ་བྲང་ནས། །མཚོ་སྨན་རྒྱལ་མོ་ཛ་ལྡན་མ། །ཆུ་ལྷའི་ལྕམ་གཅིག་གཤེགས་སུ་གསོལ། །མཚོ་སྨན་རྒྱལ་མོ་སྤྱན་ལྔ་སོགས། །འཇིག་རྟེན་སྲིད་པའི་མཚོ་སྨན་རྣམས། །འཁོར་བཅས་མ་ལུས་གཤེགས་སུ་གསོལ། །ཨོཾ་མ་ཧཱ་ཀ་ལི་དེ་ཝི་སཱ་ག་ར་ས་པཱ་རི་ཝཱ་ར་ཨེ་བྱེ་ཧི་བཛྲ་ས་མཱ་ཛ༔ ཀྱཻ། མཚོ་སྨན་རྒྱལ་མོ་བློ་དཔལ་མོ་ལྡན། །འོད་དེ་ཆེན་མོ་མཐུ་ཆེན་མོ། །མ་མོ་ཀུན་གྱི་གཙོ་མོ་མཛད། །ཀླུ་རྒྱལ་ཀུན་གྱི་གཙོ་མོ་སྟེ། །ས་བདག་ཀུན་གྱི་ཡང་རྗེ་མོ། །ས་མ་ཡ་ལ་དགོངས་ནས་

― CMR038_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །མཚོ་སྨན་རྒྱལ་མོ་མཆེད་དགུ་དེ། །རྒྱལ་མོ་དང་ནི་བློན་མོ་དང་། །གཡོག་དགུ་དང་ནི་བྲན་མོ་དགུ། །ཡང་སྤྲུལ་དགུ་དང་སྤྲུལ་པ་བསམ་མི་ཁྱབ། །གསེར་ཁྲི་གཡུ་ཁྲིའི་གདན་ལ་བཞུགས་སུ་གསོལ། །ཨོཾ་མ་ཧཱ་ཀཱ་ལི་དེ་ཝི་སྭཱ་ག་ས་པཱ་རི་ཝཱ་ར་ཛ༔ཧཱུྃ་བཾ་ཧོ༔ཏིཥྛ་ལྷན། ཧཱུྃ། མཚོ་སྨན་ལྷ་མོ་དཔོན་དང་གཡོག །མཚོ་སྨན་རྒྱལ་མོ་སྤུན་དགུ་དང་། །གཡོག་མོ་དགུ་དང་མཚོ་སྨན་ལྔ། །སྣང་སྲིད་མཚོ་སྨན་རིགས་གྱུར་ཀུན། །ཐུབ་དབང་གསང་བདག་པད་འབྱུང་གི །སྤྱན་སྔར་ཁས་བླངས་དམ་བཅས་ལྟར། །རྣལ་འབྱོར་བདག་གིས་གང་བཅོལ་བའི། །ཕྲིན་ལས་ཐོགས་མེད་འགྲུབ་པར་མཛོད། །ཁྱེད་རྣམས་མཆོད་པའི་དམ་རྫས་ནི། །སྲིད་པའི་གུར་མདོས་གཞུང་བཞིན་བཤམས། །སོ་སོའི་ཡིད་མཐུན་འདོད་ཡོན་ཚོགས། །མཚོ་དགུ་མཁར་དགུ་གུར་དགུ་དང་། །མགྲོན་རྣམས་སོ་སོའི་གྲངས་མཉམ་པའི། །ཆུ་གནས་རྣམ་པ་སྣ་ཚོགས་དང་། །རིགས་མཐུན་འདབ་ཆགས་དུད་འགྲོའི་ཚོགས། །བལ་ཚོན་ཤིང་རྩི་མདའ་འཕང་དང་། །ཕོ་ཐོང་མོ་ཐོང་ཤིང་རིས་དང་། །ནམ་མཁའ་རྒྱང་བུ་དར་ཟབ་དང་། །འབྲུ་སྣ་སྨན་སྣ་རིན་ཆེན་

― CMR038_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས། །དཀར་གསུམ་མངར་གསུམ་ཀླུ་སྨན་རྣམས། །ཟད་མེད་ནམ་མཁའི་མཛོད་གྱུར་པ། །ཁ་དོག་དྲི་རོ་ནུས་པར་ལྡན། །མཚོ་སྨན་རིགས་གྱུར་ཐམས་ཅད་ལ། །ཟག་མེད་བདེ་བ་བསྐྱེད་ནུས་གྱུར། །རྣམ་པར་སྣང་མཛད་བྱིན་རླབས་ཀྱིས། །ཐལ་མོ་ཚིག་བཅག་ཕྱག་རྒྱའི་ནང་། །ཁཾ་སྔོན་འོད་འཕྲོས་སྣོད་བཅུད་སྤེལ། །ཨོཾ་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐད་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བདུད་རྩི་འཁྱིལ་པའི་བྱིན་རླབས་ཀྱིས། །ཐལ་མོ་ཁ་གྱེད་ཕྱག་རྒྱའི་ནང་། །དམར་འོད་འཕྲོས་བདུད་རྩིར་གྱུར། །ཨོཾ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ རིན་ཆེན་འབྱུང་ལྡན་བྱིན་རླབས་ཀྱིས། །མཆོག་སྦྱིན་ཕྱག་རྒྱ་ཧཱུྃ་སེར་ལས། །འོད་འཕྲོས་ཀུན་གྱིས་འབད་མེད་ཐོབ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། དོན་ཡོད་གྲུབ་པའི་བྱིན་རླབས་ཀྱིས། །ཁུ་ཚུར་མཆོག་སྦྱིན་ཕྱག་རྒྱའི་ནང་། །ཧ་ལྗང་འོད་འཕྲོས་བདུད་རྩིར་གྱུར། །ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿས་མན་ཨ་མྲྀ་ཏ་སྤ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཛྭ་ལ་ནི་སྭཱ་ཧཱ། ཕྱག་ན་རྡོ་རྗེའི་བྱིན་རླབས་ཀྱིས།

― CMR038_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

སོར་བསྣོལ་ཕྱག་རྒྱ་ཛདམར་ལས། །འོད་འཕྲོས་མགྲོན་ཀུན་དབང་འདུས་གྱུར། །ན་མས་མན་བུདྡྷཱ་ནཾ་གྲ་ཧེ་ཤོ་རི་པྲ་བྷ་ཛྷོ་ཏི་མ་ཧཱ་ས་མ་ཡ་སྭཱ་ཧཱ། བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ལོ། །སྲིད་པའི་མཚོ་སྨན་གུར་གྱི་མདོས། །འདོད་པའི་ཡོན་ཏན་ལྔ་ལྡན་འདི། །མཚོ་སྨན་ལྷ་མོ་དཔོན་གཡོག་དང་། །མཚོ་སྨན་མཆེད་དགུ་གཡོག་མོ་དགུ། །བོད་ཀྱི་མཚོ་སྨན་སྤུན་ལྔ་སོགས། །མཚོ་སྨན་རིགས་གྱུར་ཀུན་ལ་འབུལ། །ཐམས་ཅད་མཉེས་ཤིང་ཚིམ་གྱུར་ཅིག །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། བདུན་ནམ་ཉེར་གཅིག་བརྗོད། ཨོཾ་མ་ཧཱ་ཀཱ་ལི་དེ་ཝི་སཱ་ག་ར་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བདུན་ནམ་གསུམ་བརྗོད། ཧཱུྃ༔ མ་གཅིག་དཔལ་ལྡན་ལྷ་མོ་ནི། །ཀླུ་རྣམས་བྲན་དུ་བཀོལ་བའི་ཕྱིར། །གཙུག་ན་རིན་ཆེན་བུ་མོར་སྤྲུལ། །རྒྱ་མཚོའི་ཀློང་ནས་མེ་འབར་མ། །མཚོ་རྣམས་སྐེམ་པར་ནུས་མ་སྟེ། །མཚོ་སྨན་ཀུན་གྱི་ཡང་རྗེ་མོ། །སྐུ་ལ་རྨ་བྱའི་ཐུལ་པ་གསོལ། །ཐ་མ་གཡུ་ཡི་རྡོ་རྗེས་གཏམས། །མུ་མེན་གསེར་

― CMR038_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གོ་ཅོག་ཅན། །སྤྱན་མིག་གཡས་པ་ཟླ་བ་འཁྱིལ་བ་ཙམ། །གཡོན་པ་ཉི་མ་འཁྱིལ་བ་ཙམ། །བཞུགས་ནི་ཉི་མ་ལྷོ་ན་བཞུགས། །མཚོ་སྨན་ཆེན་མོ་ལེགས་ཉེས་སྟངས་འཛིན་མ། །སྐུ་ནི་མི་མངོན་དབྱིངས་ན་བཞུགས། །ཕྱག་ན་འཕྲུལ་གྱི་མེ་ལོང་བསྣམས། །རྣམ་པར་ཐར་པའི་ལམ་སྟོན་མ། །སངས་རྒྱས་རྣམས་དང་དགོངས་པ་མཐུན། །དབང་ཕྱུག་ཕྲ་མེན་རྣམས་ཀྱི་དགོངས་སྤྱོད་ཅན། །སྲིད་པ་གསུམ་གྱི་ལེགས་ཉེས་སྟངས་འཛིན་མ། །གླིང་བཞིའི་སེམས་ཅན་ཚེ་ཚད་གཏན་ལ་འབེབས། །རྒྱལ་རིགས་རྣམས་དང་ལས་ཐབས་གཅིག །ལེགས་ལྡན་ནག་པོ་ཕོ་ཉར་འགྱེད། །ཀླུ་ཡང་ཕོ་ཉར་ཕྱོགས་བཅུར་འགྱེད། །ཀླུ་རྣམས་ཀུན་ལ་དབང་སྒྱུར་མ། །ཁམས་གསུམ་མ་ལུས་དབང་དུ་སྡུད། །གཡས་ན་སྲིད་པའི་འཁོར་ལོ་བསྣམས། །གཡོན་ན་འཕྲུལ་གྱི་མེ་ལོང་བསྣམས། །ཚེ་ཡི་བུམ་པ་ཕྱག་ན་བསྣམས། །ལེགས་ཉེས་གཉིས་ཀྱི་སྟངས་འཛིན་མ། །རྣལ་འབྱོར་དམ་ཚིག་ཅན་ལ་དངོས་གྲུབ་སྩོལ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ལ། །

― CMR038_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་མེད་ཚེ་ཡི་དངོས་གྲུབ་སྩོལ། །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ ཁོལ་མོ་ལྷ་མོ་རེ་མ་ཏི། །ཀླུ་མོ་ནག་མོ་ཆུ་སྲིན་གདོང་། །མཚོ་སྨན་བློན་མོ་མཛད་པའི་ཚེ། །མཚན་ནི་དཀར་མོ་དབུ་དགུ་མ། །དཔལ་ཆེན་ཐུགས་ལས་སྤྲུལ་པའི་སྲས་མོ་སྟེ། །གནས་ནི་རོལ་མཚོ་བདུན་ལ་གནས། །ཆིབས་སུ་འཇིགས་པ་དགུ་ལ་ཆིབས། །སྐུ་ནི་ཤེལ་སྒོང་དྭངས་པ་འདྲ། །ཉི་མའི་ཟེར་བས་ཤིན་ཏུ་འཚེར། །ཟླ་བའི་འོད་ལས་དཀར་ལ་དྭངས། །སྐུ་ཡི་འོད་ཀྱིས་སྟོང་ཁམས་ཁྱབ། །ཞལ་ནས་འཇིགས་པའི་སྐར་མདའ་འཕྲོ། །དགུ་ཚིགས་གཞུ་རུ་བརྡུང་བ་མོ། །སྐར་ཆེན་མདའ་རུ་འཕེན་པ་མོ། །དགྲ་སྙིང་ཕུར་གྱིས་འདེབས་པ་མོ། །ཆེ་ཞེ་ཆེན་མོ་དབང་ཕྱུག་མ། །ཤ་ཁྲག་དམར་གྱི་དྲི་བསྣོམ་མ། །།ལེགས་ཉེས་གཉིས་ཀྱི་སྟངས་འཛིན་མ། །དམ་ཚིག་ཉམས་པའི་རྗེས་གཅོད་མ། །ཐོག་དང་སེར་བ་ཞལ་ནས་འཐོར། །སྦྲུལ་ནག་སྟོང་གི་ཞགས་པ་འཕེན། །ཟླ་བ་ཚེས་པའི་སྤྱན་ཟུར་གཟིགས། །ཁམས་གསུམ་མ་ལུས་ས་ལེར་མཁྱེན། །སྲིད་གསུམ་མ་ལུས་ཟིལ་གྱིས་གནོན། །དགྲ་བོ་དམ་ཉམས་སྙིང་གི་གཤེད་མར་ཞལ་གྱི་བཞེས། །

― CMR038_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

རྣལ་འབྱོར་དམ་ཚིག་ཅན་ལ་དངོས་གྲུབ་སྩོལ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །མཚོ་སྨན་རྒྱལ་མོ་དབྱིངས་ཆེན་ལྡན། །བཞུགས་ནི་དབྱིངས་མེད་ངང་ལ་བཞུགས། །གསེར་ཁྲི་གཡུ་ཁྲིའི་གདན་སྟེང་ན། །སྐུ་མདོག་སྔོན་མོ་ལྡེམ་པ་ལ། །སྐུ་ལ་གཡུ་ཡི་སླག་པ་གསོལ། །གཡུ་ཡི་ལེན་བུ་ཤ་ར་ར། །གསེར་དང་དངུལ་གྱི་ཐོར་ཚུགས་ཅན། །གཡས་ན་འཕྲུལ་གྱི་མེ་ལོང་སྣམས། །སྲིད་པ་གསུམ་ཡང་ས་ལེར་གསལ། །གཡོན་ན་སྲིད་པའི་འཁོར་ལོ་འཛིན། །འཇིག་རྟེན་ཁམས་ཀུན་བྷྱོ་ཟློག་བྱེད། །མུ་མེན་གསེར་གྱི་གོ་ཅོག་ཅན། །སྤྱན་རྩ་རིག་རིག་མཛད་པ་ཡིས། །འཛམ་བུ་གླིང་དུ་མེ་རུ་འབར། །རིན་ཆེན་སྣ་བདུན་ཁྲི་ལ་བཞུགས། །གཡུ་ཡི་སྐུ་མཁར་ལྡན་པ་ནི། །རྨ་ཆུ་སྔོན་མོའི་བ་གམ་ཅན། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་

― CMR038_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། །མཚོ་སྨན་རྒྱལ་མོ་ཁྲོ་མཆོག་ལྡན། །སྐུ་ལ་ཆུ་སྲིན་གཡང་གཞི་གསོལ། །རུས་སྦལ་ནག་པོའི་སེར་རལ་ཁ། །ཕྱག་གཡས་ཆུ་སྲིན་རྒྱལ་མཚན་བསྣམས། །གཡོན་ན་འཕྲུལ་གྱི་མེ་ལོང་བསྣམས། །དབུ་སྐྲ་སྦྲུལ་གྱི་རལ་པ་ཅན། །སྦྲུལ་ནག་སྟོང་གི་དབུ་རྒྱན་ཅན། །ཀླུ་རྒྱལ་སྟོང་གི་མཚོ་ལ་བཞུགས། །ཁྱོད་ཀྱི་ཐུགས་ཀྱི་ཕོ་ཉ་ནི། །མགྱོགས་པ་འཇིགས་དགུ་ཕོ་ཉར་འགྱེད། །ཆིབས་སུ་བསེ་ཡི་རྔ་མོང་ཆིབས། །བསེ་ཡི་སྒྲ་སྙན་ཝངས་སེ་ཝང་། །གཡུ་མཐུར་སྔོན་མོ་སྤུངས་སེ་སྤུང་། །མཚོ་མོ་གུར་ཆེན་ཁྲིགས་སེ་ཁྲིག །བསེ་མཁར་གནམ་དུ་ཟངས་སེ་ཟང་། །གཡུ་སྒོ་སྔོན་པོ་ཐིབས་སེ་ཐིབ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་ནི། །མཚོ་སྨན་རྒྱལ་མོ་ཡེ་ཤེས་ལྡན། །སྐུ་ལ་གསེར་གྱི་སླག་པ་གསོལ། །གཡུ་ཡི་ལན་ཕྲན་ཆ་བྱད་ཅན། །སྨན་ལྕེ་དུག་ལྕེ་གློག་ལྟར་འཁྱུག །གཡས་ན་བྷན་དམར་པོ་བསྣམས། །གཡོན་ན་འཕྲུལ་གྱི་མེ་ལོང་འཛིན། །ཆིབས་སུ་གཡུ་ཡི་རྔ་མོང་

― CMR038_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིབས། །གཡུ་ཡི་སྒ་སྟན་ཝངས་སེ་ཝང་། །ལས་སུ་རྡོ་དང་ཐོག་འཕེན་མ། །དགྲ་ལ་ནད་ཡམས་སྣ་ཚོགས་གཏོང་། །ཕོ་ཉ་མང་པོ་འཁོར་དང་བཅས། །ཀླུ་རྒྱལ་འཇོག་པོའི་མཚོ་ལ་བཞུགས། །གསེར་མཁར་གནམ་དུ་ཟངས་སེ་ཟང་། །བསེ་ཡི་སྒོ་མོ་ཐིབས་སེ་ཐིབ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་ནི། །མཚོ་སྨན་རྒྱལ་མོ་དབྱིངས་ཕྱུག་ལྡན། །ན་བཟའ་མཐིང་ནག་ལེའུ་གསོལ། །གསེར་གྱི་རྡོ་རྗེའི་ཆ་བྱད་ཅན། །སྐུ་ལ་གློག་ལྟར་འོད་ཟེར་འཕྲོ། །སྦྲུལ་ནག་རལ་པ་སི་ལི་ལི། །ཆིབས་སུ་གསེར་གྱི་རྔ་མོང་ཆིབས། །གཡུ་ཡི་ས་སྟན་ཝངས་སེ་ཝང་། །གཡས་ན་བདུད་ཀྱི་ཁྲམ་བམ་བསྣམས། །གཡོན་ན་འཕྲུལ་གྱི་མེ་ལོང་འཛིན། །སྲིད་པ་གསུམ་ཡང་ས་ལེར་གཟིགས། །ཀྱི་ལེགས་ཉེས་ཀུན་གྱི་སྟངས་ཡང་འཛིན། །དམ་ཉམས་རྣམས་ཀྱི་སྲོག་གཅོད་མ། །ཀླུ་ཆེན་སྟོབས་རྒྱུའི་མཚོ་ལ་བཞུགས། །རྨ་ཆུ་སྔོན་མོའི་ཁ་བད་ཅན། །ལྕགས་སྒོ་སྔོན་མོ་

― CMR038_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིབས་སེ་ཐིབ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་ནི། །མཚོ་སྨན་རྒྱལ་མོ་དུང་མཚོ་ལྡན། །སྐུ་ལ་སྦལ་ནག་ཐུལ་བ་མནབས། །གདུག་པའི་སྦྲུལ་ནག་རྒྱན་དུ་བྱས། །ཆིབས་སུ་སྦྲུལ་ནག་རྟ་རུ་ཞོན། །གཡུ་སྦལ་སྔོན་པོ་རོལ་དུ་ཁྲིད། །བསེ་བྱ་སྔོན་པོ་ཀླད་ལ་ལྡིང་། །ཡ་མཚན་སྤྲུལ་པའི་འཕྲུལ་མོ་ཆེ། །སྐུ་མདོག་ནག་མོ་མུན་པ་འདྲ། །འཇའ་དང་གློག་གི་ཤམ་ཐབས་ཅན། །སྤྱན་མིག་ཉི་མ་ཤར་བ་འདྲ། །ཀླུ་ཆེན་རིགས་ལྡན་མཚོ་ལ་བཞུགས། །ལྕགས་མཁར་གནམ་དུ་ཟངས་སེ་ཟང་། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་ནི། །རྡོ་རྗེ་གར་གྱི་མདངས་ལྡན་མ། །མཚོ་སྨན་ཀུན་གྱི་ཕོ་ཉ་མོ། །འཛམ་གླིང་ཀུན་ལ་གར་གྱི་འགྲོ། །ན་བཟའ་ཤེལ་དཀར་ལའུ་གསོལ། །མུ་ཏིག་དཀར་པོའི་ལན་ཚར་ཅན། །མཐའ་མ་གཡུ་ཡི་ཆ་ག་

― CMR038_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། །ཕྱག་གཡས་གཡུ་ཡི་བུམ་པ་འཛིན། །གཡོན་པས་འཕྲུལ་གྱི་མེ་ལོང་འཛིན། །ལས་སུ་མངག་པའི་ཕོ་ཉ་མཛད། །ཡུན་ནི་གློག་བས་མགྱོགས་ཤིང་མྱུར། །ལས་ལ་བརྩོན་ཞིང་ཐམས་ཅད་སྒྲོལ། །ཀླུ་ཆེན་ནོར་རྒྱས་མཚོ་ལ་བཞུགས། །ཀླུ་མོ་དཀར་མོ་འབུམ་གྱི་བསྐོར། །ཤེལ་གྱི་སྐུ་མཁར་ཟངས་སེ་ཟང་། །གཡུ་ཡི་སྒོ་མོ་ཁྲིགས་སེ་ཁྲིག །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་ནི། །མཚོ་སྨན་རྒྱལ་མོ་གསལ་མོ་ལྡན། །ན་བཟའ་དུང་གི་ལའུ་གསོལ། །གསེར་དང་གཡུ་ཡི་འཇའ་རིས་ཅན། །ཕྱག་གཡས་དུང་གི་བུམ་པ་བསྣམས། །གཡོན་པས་དུང་གི་མེ་ལོང་འཛིན། །ཞལ་ནས་དུང་སྐད་སྒྲ་ཡང་སྒྲོག །ཆིབས་སུ་དུང་གི་རྔ་མོང་ཆིབས། །ཀླུ་ཆེན་དུང་སྐྱོང་མཚོ་ལ་བཞུགས། །དུང་གི་སྐུ་མཁར་དཀར་པོ་ལ། །གཡུ་ཡི་བ་གམ་ལམས་སེ་ལམ། །གསེར་སྒོ་སེར་པོ་ཐིབས་སེ་ཐིབ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་

― CMR038_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་ནི། །མཚོ་སྨན་རྒྱལ་མོ་འཕྲུལ་མོ་ལྡན། །ན་བཟའ་ཆུ་སྲིན་སླག་པ་གསོལ། །ཕྱག་གཡས་ཆུ་སྲིན་རྒྱལ་མཚན་འཛིན། །གཡོན་ན་འཕྲུལ་གྱི་མེ་ལོང་འཛིན། །ཆིབས་སུ་གཡུ་སྦལ་སྔོན་མོ་ཆིབས། །དགྲ་བགེགས་ཕྱོགས་སུ་བསྐུལ་བའི་ཚེ། །གཡོ་བ་མེད་པར་ནད་རྣམས་ཀྱིས། །འཚེར་བ་མེད་པར་ཐམས་ཅད་སྒྲོལ། །ཀླུ་རྒྱལ་པདྨའི་མཚོ་ལ་བཞུགས། །ལྕགས་མཁར་གནམ་དུ་ཟངས་སེ་ཟང་། །ཟངས་སྒོ་དམར་པོ་ཐིབས་སེ་ཐིབ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །དེ་ཡི་མཆེད་ཀྱི་ཆུང་བ་ནི། །མཚོ་སྨན་རྒྱལ་མོ་ཛ་ལྡན་མ། །སྐུ་ལ་ན་བཟའ་གསོལ་བ་ནི། །སྦལ་ནག་སྟོང་གི་སླག་པ་གསོལ། །དབུ་སྐྲ་གློག་མོ་འཁྱིལ་བ་འདྲ། །སྤྱན་མིག་ཉི་མ་ཤར་བ་འདྲ། །ཞོལ་དུ་དགྲ་བགེགས་སྙིང་ཁྲག་གསོལ། །གཡས་ན་གསེར་གྱི་བུམ་པ་བསྣམས། །གཡོན་ན་འཕྲུལ་གྱི་མེ་ལོང་འཛིན། །ཆིབས་སུ་ཀླུ་སྦལ་ཁྲ་

― CMR038_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་ཆིབས། །དགྲ་དང་བགེགས་ལ་ཟད་པའི་ཚེ། །ལས་སུ་མཛེ་དང་ཤུ་བ་གཏོང་། །ཀླུ་ཆེན་ཆུ་ལྷ་ཡི་མཚོ་ལ་བཞུགས། །མཆོང་གི་སྐུ་མཁར་ཟངས་སེ་ཟང་། །གསེར་གྱི་བ་གམ་ལིངས་སེ་ལིང་། །གསེར་གྱི་སྒོ་མོ་ཐིབས་སེ་ཐིབ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །བཅོལ་བའི་ཕྲིན་ལས་འགྲུབ་པར་མཛོད། །བྱང་ཕྱོགས་ཁམས་ཀྱི་དབྱར་མོ་ཐང་། བོད་ཀྱི་ཁྲི་ཤོར་རྒྱལ་མོ་མཚོ། །སྐྱ་པས་ཞག་བདུན་འཁོར་བ་ཙམ། །མཚོ་སྨན་རྒྱལ་མོ་དབྱར་མོ་བསིལ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །བོད་དང་ཞང་ཞུང་སོ་འཚམས་ན། །མ་ཕམ་གཡུ་མཚོ་མུ་ལེ་ཧར། །རྟ་པས་ཟླ་བ་གཅིག་གིས་འཁོར། །མཚོ་སྨན་རྒྱལ་མོ་སྟག་རི་རོང་། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་

― CMR038_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི། །ནད་གདོན་བར་ཆད་ཐམས་ཅད་སོལ། །སྐར་མ་སྨེ་བདུན་འཆར་བའི་འོག །བྱང་གི་གནམ་མཚོ་ཕྱུག་མོ་ནི། །སྐྱ་པས་བཅུ་གཅིག་ཞག་གིས་འཁོར། །མཚོ་སྨན་བརྒྱ་བྱིན་སྲས་མོ་སྟེ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །བོད་ཀྱི་ཡར་འབྲོག་མཚོ་མོ་ཆེ། །སྐྱ་པས་ཞག་པོ་དྲུག་གིས་འཁོར། །མཚོ་སྨན་རྡོ་རྗེ་ཀུན་གྲགས་མ། །འདིར་བྱོན་དམ་བསྐང་ཕྲིན་ལས་མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །ལྷོ་བྲག་གནུབས་མཚོ་པདྨ་གླིང་། །ཀོང་པོ་བྲག་གསུམ་བདུད་ཀྱི་མཚོ་། །འཇམ་ནེ་མཚོ་དང་འོ་མཚོ་དང་། །གཙང་ཁ་ཡི་ནི་མཚོ་སྔོན་དང་། །དཱའུ་ཚྭ་མཚོ་དཀར་མོ་དང་། །རྨ་ཡུལ་སྐྱ་རིང་སྔོ་རིང་མཚོ། །རྒྱམ་གྱི་ཡུལ་གྱི་མཚོ་ནག་མ། །ཚ་བའི་རི་མཚོ་ཕྱུག་མོ་དང་། །སྤུ་ཐོག་མཚོ་ཆེན་མཚོ་ཆུང་སོགས། །མཚོ་ནི་ཆེ་འབྲིང་ཆུང་གསུམ་ལ། །གནས་པའི་མཚོ་སྨན་མ་ལུས་ཀུན། །འདིར་བྱོན་དམ་བསྐང་ཕྲིན་ལས་

― CMR038_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །གུར་མདོས་མཆོད་གཏོར་འདི་བཞེས་ལ། །བདག་དང་ཡོན་གྱི་བདག་པོ་ཡི། །ནད་གདོན་བར་ཆད་ཐམས་ཅད་སོལ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་མཚོ་སྨན་མཆེད་དགུ་ལ་མདོས་གླུད་འབུལ་བ་ནི། སྔགས་འཆང་གི་ལག་ཏུ་མདར་དར་ཐོགས་ལ་འདི་སྐད་དོ།། ཀྱཻ། དོ་ནུབ་གནས་ཁང་དམ་པ་འདིར། །བདག་དང་ཡོན་བདག་འཁོར་བཅས་ཀྱིས། །ཀླུ་ལ་མདོས་གླུད་འབུལ་བ་ནི། །འདོད་ཡོན་ལྔ་ཡི་གླུད་འབུལ་ན། །སྲིད་པའི་གླུད་འདི་ད་བཞེས་ཤིག །མདོས་བདག་མདོས་འདི་བཞེས་སུ་གསོལ། །གསེར་གྱི་རི་བདུན་ཕ་རོལ་ན། །མ་ཕམ་གཡུ་མཚོའི་ནང་ཤེད་ན། །མཁར་ནི་གཡུ་མཁར་སྔོན་མོ་དེ། །གསེར་གྱི་བ་གམ་ཁྲིགས་སེ་ཁྲིག །གསེར་སྒོ་སེར་པོ་ཐིབས་སེ་ཐིབ། །དེ་འདྲ་མཁར་གྱི་ནང་ཤེད་ན། །གསེར་དང་གཡུ་ཡི་ནང་ཤེད་ན། །གསེར་གྱི་བུ་མོ་གཟི་མདངས་ལྡན། །མཚོ་སྨན་རྒྱལ་མོའི་སྐུ་བཞུགས་པ། །འཁོར་དུ་རིགས་བཞི་ཀླུ་ཡིས་བསྐོར། །ཀླུ་ཆེན་རྣམས་ཀྱི་ཡུམ་གཅིག་མ། །ཐུགས་ལ་མཚོ་སྨན་མཆེད་དགུས་བསྐོར། །སྔོན་མོའི་ཚོགས་ཀྱིས་གཙོ་མོ་མཛད། །མདོས་དང་གླུད་འདི་

― CMR038_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ་ལགས་ཀྱིས། །འཁོར་དང་བཅས་པས་བཞེས་སུ་གསོལ། །གནས་ཁང་དམ་པ་འདི་ཉིད་དུ། །གསེར་ཁྲི་གཡུ་ཁྲིའི་གདན་སྟེང་ན། །དགྱེས་ཤིང་བརྟན་པར་བཞུགས་ལ་བཞེས། །དེ་ཡི་ཐུགས་རྗེས་སྤྲུལ་པ་ལས། །མཚོ་སྨན་རྒྱལ་མོ་མཆེད་དགུ་སྲིད། །ནང་གི་ཕོ་མོ་བཅས་པ་དེ། །རིན་ཆེན་དབྱིངས་ཀྱི་ནང་ཤེད་ནས། །ཀླུ་ཡི་རྒྱལ་མོ་ལྕམ་གཅིག་མ། །མཚོ་སྨན་རྒྱལ་མོ་དཔལ་མོ་ལྡན། །མདོས་བདག་ཡིན་པས་མདོས་བཞེས་ཤིག །གླུད་བདག་ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་ས། །དེ་འོག་མཚོ་སྨན་རྒྱལ་མོ་ནི། །འཇོག་པོ་གཡུ་མཚོའི་ནང་ཤེད་ན། །མཁར་ནི་བསེ་མཁར་སྨུག་པོ་ལ། །གཡུ་ཡི་སྒོ་མོ་ཐམས་སེ་ཐམ། །དེ་འདྲ་མཁར་གྱི་ནང་ཤེད་ན། །གསེར་ཁྲི་གཡུ་ཁྲིའི་གདན་སྟེང་ན། །དགྱེས་ཤིང་བཞུགས་ལ་མདོས་འདི་བཞེས། །འཇོག་ཆུང་སེམས་དཔའི་ལྕམ་གཅིག་མ། །མཚོ་སྨན་རྒྱལ་མོ་ཁྲོ་མཆོག་ལྡན། །གླུད་བདག་ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་སྲ། །དེ་འོག་མཚོ་སྨན་རྒྱལ་མོ་ནི། །མ་དྲོས་མཚོ་མོའི་ནང་ཤེད་ན། །གསེར་མཁར་སེར་པོའི་ནང་ཤེད་ན། །

― CMR038_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

བཻཌཱུརླའི་སྒོ་མོ་ཐམས་སེ་ཐམ། །དེ་འདྲའི་མཁར་གྱི་ནང་ཤེད་ན། །ཀླུ་རྒྱལ་མ་དྲོས་ལྕམ་གཅིག་མ། །མཚོ་སྨན་རྒྱལ་མོ་ཡེ་ཤེས་ལྡན། །གླུད་བདག་ཡིན་པས་གླུད་བཞེས་ཤིག །མདོས་བདག་ཡིན་པས་མདོས་བཞེས་ཤིག །མི་གླུད་འཇལ་ཕྱིར་སྙན་མ་སྲ། །དེ་འོག་མཚོ་སྨན་རྒྱལ་མོ་ནི། །མི་གཡོ་མཚོ་ཡི་ནང་ཤེད་ནས། །རིན་ཆེན་དུང་གི་སྐུ་མཁར་ལ། །སྨྲ་མོ་མཆོང་གི་བ་གམ་ཅན། །ལྕགས་ཀྱི་སྒོ་མོ་ཁྲིགས་སེ་ཁྲིག །དེ་འདྲ་མཁར་གྱི་ནང་ཤེད་ནས། །གསེར་ཁྲི་གཡུ་ཁྲིའི་གདན་སྟེང་ན། །ཀླུ་རྒྱལ་དགའ་བའི་ལྕམ་གཅིག་མ། །མཚོ་སྨན་རྒྱལ་མོ་དབྱིངས་ཕྱུག་ལྡན། །མདོས་བདག་ཡིན་པས་མདོས་བཞེས་ཤིག །གླུད་བདག་ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་ས། །དེ་འོག་མཚོ་སྨན་རྒྱལ་མོ་ནི། །མཚོ་ཆེན་དུང་མཚོའི་ནང་ཤེད་ནས། །གནམ་ལྕགས་ཨུར་མོའི་སྐུ་མཁར་ལ། །དུང་གི་བ་གམ་ཁྲིགས་སེ་ཁྲིག །དེ་འདྲའི་མཁར་གྱི་ནང་ཤེད་ནས། །ལེགས་ལྡན་ནག་པོའི་ལྕམ་གཅིག་མ། །མཚོ་སྨན་རྒྱལ་མོ་ཤེས་རབ་གསལ། །མདོས་བདག་ཡིན་པས་མདོས་བཞེས་ཤིག །གླུད་བདག་

― CMR038_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་སྲ། །དེ་འོག་མཚོ་སྨན་རྒྱལ་མོ་ནི། །མ་སྤངས་སྙན་དགའི་མཚོ་ཆེན་ན། །མཁར་ནི་ཤེལ་མཁར་དཀར་པོ་ནས། །འོད་གསལ་མཚལ་གྱི་བ་གམ་ཅན། །གཡུ་སྒོ་སྔོན་མོ་ཁྲིགས་སེ་ཁྲིག །དེ་འདྲ་མཁར་གྱི་ནང་ཤེད་ན། །གསེར་གཡུ་རིན་ཆེན་ཁྲི་སྟེང་དུ། །ཀླུ་ཆེན་སྙན་དགའི་ལྕམ་གཅིག་མ། །མཚོ་སྨནཱ་གར་གྱི་འགྲོས་ལྡན་མ། །མདོས་བདག་ཡིན་པས་མདོས་བཞེས་ཤིག །གླུད་བདག་ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་སྲ། །དེ་འོག་མཚོ་སྨན་རྒྱལ་མོ་ནི། །དུང་མཚོ་འཁྱིལ་བའི་ནང་ཤེད་ནས། །དུང་གི་སྐུ་མཁར་དཀར་པོ་ནི། །གཡུ་ཡི་ཁ་བད་ལིངས་སེ་ལིང་། །གསེར་གྱི་སྒོ་མོ་ཁྲིགས་སེ་ཁྲིག །དེ་འདྲ་མཁར་གྱི་ནང་ཤེད་ན། །ཀླུ་རྒྱལ་དུང་སྐྱོང་ལྕམ་གཅིག་མ། །མཚོ་སྨན་རྒྱལ་མོ་གསལ་མོ་ལྡན། །མདོས་བདག་ཡིན་པས་མདོས་བཞེས་ཤིག །གླུད་བདག་ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་སྲ། །དེ་འོག་མཚོ་སྨན་རྒྱལ་མོ་ནི། །ལྕགས་མཚོ་འཁྱིལ་བའི་ནང་ཤེད་ནས། །མཚོ་སྨན་རྒྱལ་མོ་འཕྲུལ་མོ་ལྡན། །མདོས་བདག་ཡིན་པས་མདོས་

― CMR038_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས་ཤིག །གླུད་བདག་ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་སྲ། །དེ་འོག་མཚོ་སྨན་རྒྱལ་མོ་ནི། །དུག་མཚོ་ཁོལ་མའི་ནང་ཤེད་ནས། །མི་མགོ་རློན་པའི་མཁར་ནང་ནས། །ཀླུ་ཆེན་རྒྱལ་མོའི་བཙུན་མོ་ནི། །མཚོ་སྨན་རྒྱལ་མོ་ར་ཙ་ལྡན། །མདོས་བདག་ཡིན་པས་མདོས་བཞེས་ཤིག །གླུད་བདག་ཡིན་པས་གླུད་བཞེས་ཤིག །མི་གླུད་འཇལ་ཕྱིར་སྙན་མ་སྲ། །གཞལ་ཡས་གཙང་མའི་གནས་འདི་རུ། །རིན་ཆེན་སྣ་ལྔའི་ཁྲི་སྟེང་དུ། །དགྱེས་པར་བཞུགས་ལ་མཆོད་པ་དང་། །མདོས་དང་གླུད་འདི་བཞེས་སུ་གསོལ། །ཅེས་མདོས་གླུད་འབུལ། མདའ་དར་ཐོགས་ལ། ཀྱཻ། ལྷ་སྨྱུག་དེ་ནི་ཚིགས་མང་ལ། །རིན་ཆེན་རྣམ་པ་སྣ་ཚོགས་དང་། །དར་ཟབ་རྣམ་པ་སྣ་ཚོགས་དང་། །མདོས་གླུད་དམ་པ་རྒྱན་ཅན་གྱིས། །གཉན་མོའི་ཐུགས་དམ་བསྐང་གྱུར་ཅིག །ཕོ་ཐོང་མོ་ཐོང་ཤིང་རིས་རྣམས། །མ་མཆིས་དང་པོ་གང་དུ་བཙལ། །མི་དབང་ཕ་བཅུ་ཆས་སྟེང་དུ། །དེ་ཡི་ཕ་དང་མ་སྨོས་པ། །ཕ་ནི་གནམ་ཤིང་ཟིལ་པ་ཅན། །མ་ནི་ས་ཤིང་དྲོད་རླན་མ། །དེ་གཉིས་སྤྲུལ་པ་བསྡེབ་པ་ལས། །ཕུ་རུ་གསེར་ཤིང་

― CMR038_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་པ་སྐྱེས། །མདའ་རུ་ཆུ་ཤིང་གླང་མ་སྐྱེས། །བར་དུ་ཚེ་ཤིང་འོམ་བུ་སྐྱེས། །ཁ་མེད་དེ་ལ་ཁ་ཡང་གཏོད། །སྨྲ་འདོད་དེ་ནི་ས་ལ་ལ། །མིག་མེད་དེ་ལ་མིག་ཡང་གཏོད། །ལྟ་བ་དེ་ནི་ཧྲིགས་སེ་ཧྲིག །རྐང་མེད་དེ་ལ་རྐང་ཡང་གཏོད། །འགྲོ་མཁན་དེ་ནི་ལྡེམས་སེ་ལྡེམ། །ལག་མེད་དེ་ལ་ལག་ཡང་གཏོད། །བསྙབ་པ་དེ་ནི་ཡུགས་སེ་ཡུག །ལུས་ལ་ཟ་འོག་དར་གྱིས་བརྒྱན། །སྟག་པ་ཕོ་ཡི་གླུད་དུ་འབུལ། །གླང་མ་མོ་ཡི་གླུད་དུ་འབུལ། །འོམ་བུ་བུ་ཡི་གླུད་དུ་འབུལ། །མཚོ་སྨན་རྒྱལ་མོའི་ཐུགས་དམ་བསྐང་། །ཀླུ་དང་གཉན་གྱི་ནད་རྣམས་ཟློག །ཡང་ནི་སྐྱེས་ཤིང་ལྕང་མ་ལ། །བཀའ་བཀས་དེ་ནི་བཞོག་བཞག་ནས། །བཙུན་མོ་དེ་ནི་བཞུགས་པའི་གནས། །རི་རབ་ཟོམ་ལ་དཔེ་བླངས་ནས། །མོ་གླུད་དེ་ནི་འཕང་བཀྲ་བྱས། །རྩེ་མོ་དེ་ནི་ཕྲ་བར་བྱས། །རྩ་བ་དེ་ནི་སྦོམ་པར་བྱས། །ཁ་དོག་དེ་ནི་ཚོན་གྱིས་བསྒྱུར། །གཅིག་པ་གཡུ་འཕང་གཡུ་ལོ་ཅན། །གཉིས་པ་དངུལ་འཕང་དངུལ་ལོ་ཅན། །གསུམ་པ་གསེར་འཕང་གསེར་ལོ་ཅན། །བཞི་པ་བཻཌཱུརྱ་ཡི་འཕང་། །མུ་ཏིག་མཛེས་པའི་འཕང་ལོ་སྦྱར། །ལྔ་པ་དུང་འཕང་དུང་ལོ་

― CMR038_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། །དྲུག་པ་ལྕགས་འཕང་ཟངས་ལོ་ཅན། །བདུན་པ་བྱུར་འཕང་མཆོང་ལོ་ཅན། །ཟེར་མོ་མགོ་ཡི་སྐུ་རུ་བྱས། །ལུང་ཐང་དར་ཚོན་གོས་ཀྱང་བཀོན།། གསེར་གཡུ་དངུལ་དང་ཟངས་ལྕགས་སོགས། །གཟི་མཆོང་མགུལ་པའི་རྒྱན་དུ་བྱས། །དེ་ཡི་འཕང་ལ་ཆས་སུ་བྱས། །མོ་གླུད་རིན་ཆེན་འཕང་ལོ་ཡང་། །བཙལ་ནི་འཛམ་བུ་གླིང་དུ་བཙལ། །མཚོ་སྨན་རྒྱལ་མོའི་ཐུགས་དམ་བསྐང་། །མི་ནད་བཟློག་ཕྱིར་གླུད་འདི་འབུལ། །མི་ནད་ཕྱུགས་ནད་བཟློག་ཏུ་གསོལ། །ཀྱཻ། ཤིང་རིས་རྒྱན་ལྡན་དཀར་པོ་འདི། །ཕྱི་བཞོག་དེ་ནི་ནང་དུ་བཞོག །དཀར་པོ་དུང་གི་མདོག་དང་འདྲ། །དཀར་པོ་དེ་ནི་ཡམས་སེ་ཡམ། །ཅོག་ལ་འཚལ་གྱི་ཁུ་བ་དང་། །ཁུང་ལུང་དངུལ་གྱི་ཁུ་བ་དང་། །ཡུང་པ་དེ་ནི་གསེར་ཚ་དང་། །རྒྱ་ཡི་དེ་ནི་ནི་ཙི་དང་། །དཀར་པོ་དེ་ནི་ན་བུན་དང་། །ཚོན་རྩི་རྣམ་པ་སྣ་ལྔ་ཡི། །སྣང་ཞིང་སྲིད་པའི་དཔེ་རུ་བླངས། །གཉེན་མོ་རྣམས་ཀྱི་སྐུ་ཞལ་དང་། །སྣང་ཞིང་སྲིད་པའི་དཔེ་རུ་བྲིས། །སྟོང་གསུམ་གང་བའི་འདོད་ཡོན་གསོལ། །གླུད་ཀྱི་ཤིང་རིས་རྒྱན་ལྡན་འདི། །བཙལ་ནི་འཛམ་བུ་གླིང་དུ་

― CMR038_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

བཙལ། །མཚོ་སྨན་རྒྱལ་མོ་ཐུགས་དམ་བསྐང་། །གླུད་བདག་རྣམས་ཀྱི་གླུད་བཞེས་ཤིག །ས་བདག་གདུག་པ་ཞི་བར་མཛོད། །མཚོ་སྨན་རྒྱལ་མོ་དགུ་རྣམས་ལ། །དར་སྣ་རྣམ་པ་སྣ་ཚོགས་འབུལ། །ཡང་གཅིག་ཐུགས་དམ་བསྐང་བ་ནི། །གཉེན་མོའི་ཐུགས་དམ་བསྐང་བ་ནི། །དར་ཚོན་སྣ་དགུ་མ་མཆིས་ན། །ཤར་ཕྱོགས་རྒྱལ་ཡུལ་གཏང་བཟང་ན། །ཕ་དང་ཡབ་ཀྱི་མཚན་ལ་ནི། །རླུ་སྲས་གསེར་སྦྱང་ལགས་སྐད་དོ། །མ་དང་ཡུམ་གྱི་མཚན་ལ་ནི། །ལྷ་ལྕམ་མཆིས་མོ་ལགས་སྐད་དོ། །དེ་འདྲ་བཤོས་པའི་ཚོསྲས་པོ་ལ། །སྲིན་བུ་དེ་ནི་མཆུ་ལ་འབྲངས། །རྒྱ་ཁང་དེ་ནི་རིམ་དགུ་རུ། །རྒྱ་ཤིང་ལོ་བཟང་འདབ་མ་ལ། །བསོགས་བསོགས་དེ་ནི་གནམ་གནམ་ནས། །སྲིན་འཚེར་དེ་ནི་གྱེན་དུ་འཚེར། །བར་སྙིང་ཐུ་དུ་རྙིང་བ་ལ། །དེ་ལ་རྒྱལ་མོ་སྤུན་གསུམ་གྱིས། །བླང་བ་དེ་ནི་ཕྱག་གིས་བླངས། །སྨད་སྨད་གཡེངས་གཡེངས་བྱས་ནས་ནི། །བཀལ་ལམ་དེ་ནི་མ་བཀལ་ནས། །སེན་མོའི་དེ་ནི་མིག་ནས་བཀལ། །བཏགས་སམ་དེ་ནི་མ་བཏགས་ན། །བཅང་བཅང་དེ་ནི་བཀྲུགས་བཀྲུགས་ནས། །ཚོན་དང་དེ་ནི་དམ་སྦྱར་ནས། །

― CMR038_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་དོག་དེ་ནི་སྣ་ཚོགས་བསྒྱུར། །དར་དཀར་གངས་ལ་ཉི་ཤར་འདྲ། །དར་ནག་མཚོ་ལ་མུན་ཕོག་འདྲ། །དམར་པོ་སྤང་ལ་མེ་མཆེད་འདྲ། །སྔོན་པོ་མཚོ་ལ་ཉི་ཤར་འདྲ། །སྨུག་པོ་གླང་ཆེན་མཆིན་པ་འདྲ། །དར་ཟབ་སྣ་དགུ་ཟ་འོག་བཅུ། །བཅོམ་ལྡན་འདས་ཀྱི་ཕྱག་ཏུ་ཕུལ། །དར་གྱི་དེ་ནི་གུར་ཡང་ཕུབ། །གུར་ཁྱིམ་དེ་ནི་དང་པོ་དང་། །གཅིག་པ་དར་སྔོན་གུར་ཆེན་ཀྱི་ལི་ལི། །གསེར་གྱི་ཁྱོན་ཐག་རྒྱངས་སེ་རྒྱང་། །གཉིས་པ་དར་ནག་གུར་ཆེན་ཀྱི་ལི་ལི། །དངུལ་གྱི་ཁྱོན་ཐག་རྒྱུངས་སེ་རྒྱང་། །གསུམ་པ་དར་སེར་གུར་ཆེན་ཀྱི་ལི་ལི། །གཡུ་ཡི་ཁྱོན་ཐག་རྒྱངས་སེ་རྒྱང་། །བཞི་པ་དར་ཆེན་གུར་ཆེན་ཀྱི་ལི་ལི། །དུང་གི་ཁྱོན་ཐག་རྒྱངས་སེ་རྒྱང་། །ལྔ་པ་དར་དཀར་གུར་ཆེན་ཀྱི་ལི་ལི། །བྱི་རུའི་ཁྱོན་ཐག་རྒྱངས་སེ་རྒྱང་། །དྲུག་པ་དར་སྔོན་གུར་ཆེན་ཀྱི་ལི་ལི། །ཟངས་ཀྱི་ཁྱོན་ཐག་རྒྱངས་སེ་རྒྱང་། །བདུན་པ་དར་དམར་གུར་ཆེན་ཀྱི་ལི་ལི། །མཚལ་གྱི་ཁྱོན་ཐག་རྒྱངས་སེ་རྒྱང་། །བརྒྱད་པ་དར་ཆེན་གུར་ཆེན་ཀྱི་ལི་ལི། །དངུལ་གྱི་ཁྱོན་ཐག་རྒྱངས་སེ་རྒྱང་། །དགུ་པ་དར་ལྗང་གུར་ཆེན་ཀྱི་ལི་ལི། །མུ་མེན་ཁྱོན་ཐག་

― CMR038_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུངས་སེ་རྒྱང་། །དར་སྣའི་གུར་ཆེན་དགུ་པོ་འདི། །བཙལ་བ་འཛམ་བུ་གླིང་དུ་བཙལ། །མཚོ་ཆེན་མཆེད་དགུའི་ཐུགས་དམ་བསྐང་། །།ཁྱེད་ཀྱི་ཐུགས་དམ་བསྐངས་གྱུར་ནས། །རྣལ་འབྱོར་ཡོན་མཆོད་འཁོར་བཅས་ཀྱི། །ཀླུ་ཡི་དལ་ཁ་ཐམས་ཅད་ཟློག །བཙན་གྱི་ཤོ་རྡེལ་གཏོང་བ་ཟློག །གཤིན་རྗེའི་ཁྲམ་ལ་བཏབ་པ་ཟློག །སྔོན་གྱི་སྐྱེས་བུ་དེ་ཤང་གླུད། །དེ་རིང་ཡོན་བདག་འདི་ཡི་གླུད། །གླུད་ཆེན་དམ་པ་འདི་བཞེས་ལ། །ཀླུ་ཡི་ནད་རྣམས་ཞི་བར་མཛོད། །རྒྱུ་སྦྱོར་ཡོན་བདག་འཁོར་བཅས་རྣམས། །ཟློབཟུང་བ་ཐོངས་ལ་བཅིངས་པ་གློད། །བསྡམ་པ་གློད་ལ་མནན་པ་ཁྱོག །དུས་ལ་བབས་པའི་ཚེ་ཟད་ཀྱང་། །ལོ་མང་བར་དུ་ཤོལ་ཐོབ་ཅིག །མི་མཐུན་རྐྱེན་ངན་ཐམས་ཅད་ཟློག་ཁྱོད་ཀྱིས་མྱུར་དུ་བསྒྱུར་དུ་གསོལ། །བྷྱོ་བྷྱོ་ཟློག་ཟློག༔ བྷྱོ་ཟློག་ཅིག །དེ་ནས་གསེར་སྐྱེམས་སམ། མེད་ན་ཇ་ཕུད་དང་འོ་ཆབ་ནང་དུ་འབྲུ་སྣ་བཏབ་ལ། མདོས་ཕུལ་བའི་ཕྱོགས་སུ་མཆོད་བཅུག་ཅིང་། ཀྱཻ། རིན་ཆེན་ལས་གྲུབ་སྣོད་མཆོག་ཏུ། །བདུད་རྩི་ཆང་དང་ཡུ་མར་ཇ། །ཡན་ལག་བརྒྱད་ལྡན་ཆུ་གཙང་དང་། །ལྷ་ཡི་ཞལ་ཟས་འོ་མ་ཞོ། །འབྲུ་སྣ་རིན་ཆེན་ཕྱེ་མ་

― CMR038_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡར། །རིན་ཆེན་གསེར་དང་སྐྱེམས་སྦྱར་ནས། །མཆོད་པའི་རྫས་མཆོག་གསེར་སྐྱེམས་འདི། །ཕྱོགས་མཚམས་སྟེང་འོག་ལ་གནས་པའི། །སྣང་སྲིད་ལྷ་འདྲེ་ཀུན་ལ་འབུལ། །གསེར་སྐྱེམས་མཆོད་པ་འདི་བཞེས་ལ། །སྲིད་པའི་གུར་མདོས་འབུལ་བ་ནི། །རྒྱབ་རྟེན་སྡོང་གྲོགས་དམ་པ་མཛོད། །མདོས་ཀྱི་གདོང་ལ་བཞུགས་པ་ཡི། །གཟའ་དང་བིཊྛི་རྣལ་འབྱོར་མ། །དབང་ཕྱུག་དུས་མཚན་གྱི་ལིང་དང་། །གནམ་ཁྱི་ཟ་བྱེད་རྔམ་པ་སོགས། །གསེར་སྐྱེམས་མཆོད་པ་འདི་བཞེས་ལ། །བདག་ཅག་མ་རིག་དབང་གྱུར་པས། །གདོང་དུ་མདོས་གཏོར་སོང་ན་ཡང་། །ཀོ་ལོང་ཕྲག་དོག་མ་མཛད་པར། །མཐོ་མཐོ་རྣམས་ཀྱིས་ཞབས་སྐུམས་ལ། །དམའ་དམའ་རྣམས་ཀྱིས་དབུ་ཆུམ་ལ། །བར་པ་རྣམས་ཀྱིས་སྐུ་གཟུར་ཅིག །མདོས་གཏོར་གནས་སུ་ཐིངས་བར་མཛོད། །ལོ་ཟླ་ཞག་ལ་འཁོར་བ་ཡི། །ཐེ་སེ་བླ་མཁྱེན་ཧལ་ཁྱི་དང་། །འགྲོལ་བུ་གནམ་ཀྱི་ཐིག་སེ་ནག་དང་། །གསེར་མཛོད་གཡུ་མཛོད་ལ་སོགས་པ། །ས་བདག་གཉན་པོ་ཁྱེད་རྣམས་ཀྱང་། །གསེར་སྐྱེམས་མཆོད་པ་འདི་བཞེས་ལ། །བདག་ཅག་མ་རིག་རྨོངས་པ་

― CMR038_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །མདོས་འདི་གདོང་དུ་བྱུང་ན་ཡང་། །ཁྱོད་ལ་བསྡོ་བ་མ་ཡིན་པས། །ཀོ་ལོང་ཕྲག་དོག་མ་མཛད་པར། །མདོས་འདི་ལེགས་པའི་སྡོང་གྲོགས་མཛོད། །ཁྱད་པར་མདོས་འདི་འབུལ་བ་ཡི། །ཆུ་བོ་ཆུ་མདོ་འདི་དག་ལ། །གནས་པའི་ས་བདག་ཀླུ་གཉན་དང་། །ཀླུ་བདུད་ཀླུ་བཙན་ཀླུ་སྲིན་དང་། །ཀླུ་ཐིལ་ཀླུ་གཉན་ཏ་མ་རྣམས། །གསེར་སྐྱེམས་མཆོད་པ་འདི་བཞེས་ལ། །མདོས་དང་མཚོ་དང་ཆུ་བོ་དང་། །འབུལ་ལོ་ཕྲག་དོག་མ་བྱེད་ཅིག །ལྷ་མོ་མཚོ་སྨན་དཔོན་གཡོག་དང་། །མཚོ་སྨན་རྒྱལ་མོ་མཆེད་དགུ་ཡི། །ཁྱེད་རྣམས་ཡང་འཁོར་སྡེ་རིགས་ཏེ། །ཁྱེད་རྣམས་ཀུན་གྱི་རྗེ་མོ་དང་། །ཡང་རྗེ་མོ་དང་དཔོན་མོ་ཡི། །མདོས་ཆེན་དེ་རུ་འབྱོན་པའི་ཚེ། །དགའ་ཞིང་གུས་པས་བསུ་བ་གྱིས། །བཀུར་སྟི་གུས་ཞབས་དང་བཅས་ནས། །མདོས་གླུད་གནས་སུ་ཐིངས་བ་དང་། །བཀྲ་ཤིས་བདེ་ལེགས་རྒྱས་པར་མཛོད། །ཨོཾ་སརྦ་ལོ་ཀ་པ་ལ་ས་པཱ་རི་ཝཱ་ར་ཨ་མི་ཏ་ཁ་ཁ་ཁཱ་ཧི་ཁཱ་ཧི། དེ་ནས་མདོས་ཁ་ཕྱིར་སྒྱུར་ལ་རྫོངས་འདེབས་བྱ། བྷྱོ༔ མ་ཕམ་གཡུ་མཚོའི་མངའ་བདག་མོ། །མ་གཅིག་ལྷ་མོ་ཞལ་བསྒྱུར་རོ། །རོལ་པའི་མཚོ་བདུན་མངའ་

― CMR038_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་མོ། །དཀར་མོ་དབུ་དགུ་ཞལ་བསྒྱུར་རོ། །ཀླུ་ཆེན་དགུ་ཡི་བླ་མཚོའི་བདག །མཚོ་སྨན་མཆེད་དགུ་ཞལ་བསྒྱུར་རོ། །བོད་ཡུལ་མཚོ་ཆེན་ལྔ་ཡི་བདག །མཚོ་སྨན་མཆེད་ལྔ་ཞལ་བསྒྱུར་རོ། །མཚོ་ཆེན་མཚོ་བྲན་ཀུན་གྱི་བདག །མཚོ་སྨན་ཐམས་ཅད་ཞལ་བསྒྱུར་རོ། །གསེར་དངུལ་ཟངས་ལྕགས་ལ་སོགས་པའི། །རིན་ཆེན་སྣ་ཚོགས་རྫོངས་སུ་འདེབས། །ཤེལ་ཚིགས་ཁྲི་དཀར་སྟོང་ནག་འདི། །རྟ་ལུག་ནོར་གྱི་ཁྱུ་རུ་དམིགས། །དཀོར་ནོར་སྣ་ཚོགས་རྫོངས་སུ་འདེབས། །ནས་འབྲས་བྲོ་སྲན་ལ་སོགས་པའི། །འབྲུ་སྣ་སྣ་ཚོགས་རྫོངས་སུ་འདེབས། །དར་ཚོན་བལ་ཚོན་སྣམ་རས་སོགས། །གོས་དར་སྣ་ཚོགས་རྫོ་ངས་སུ་འདེབས། །ཨ་བར་སྐྱུར་གསུམ་ལ་སོགས་པའི། །ཀླུ་སྨན་སྣ་ཚོགས་རྫོངས་སུ་འདེབས། །ནཱ་གི་སྤོས་དཀར་ལ་སོགས་པའི། །དྲི་ཞིམ་སྣ་ཚོགས་རྫོངས་སུ་འདེབས། །མར་ཐུད་གྲོ་ཐུད་ཕྲུམ་ལ་སོགས། །ཟས་ཕུད་སྣ་ཚོགས་རྫོངས་སུ་འདེབས། །བདག་དང་རྒྱུ་སྦྱོར་ཡོན་བདག་གི །སྐྱེ་བ་ལྔ་བརྒྱ་ཚུན་ཆད་དུ། །མཚོ་སྨན་ཐུགས་དང་གང་འགལ་བཤགས། །ཕ་མྱེས་བདུན་རྒྱུད་ཚུན་ཆད་

― CMR038_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །བུ་ཚ་ཕྱི་རབས་ཡན་ཆད་ཀྱིས། །ཉ་སྲམ་ལ་སོགས་ཆུ་གནས་དང་། །ངང་ངུར་ལ་སོགས་ཆུ་བྱའི་ཚོགས། །བསད་པ་མཆིས་ན་མཐོལ་ལོ་བཤགས། །རྡོ་ལྕགས་ཤུགནུར་དང་ཐབ་བཞོབ་དང་། །མནའ་ཉན་བསྐྱེལ་ལེན་དཔང་པོ་བྱས། །དེ་འདྲ་ཐུགས་དང་འགལ་སྲིད་ན། །མཐོལ་ལོ་བཤགས་སོ་བཟོད་པར་བཞེས། །མཚོ་ཆེན་མཚོ་བྲན་ཆུ་བོ་ལ། །མི་གཙང་རྫས་དང་བཙོ་ཁྲག་བླུག །དྲག་པོའི་རྫས་དང་གཏད་མནན་སོགས། །བྱས་པ་མཆིས་ན་མཐོལ་ལོ་བཤགས། །མཚོ་དང་ཆུ་བོ་ཆེན་པོ་ལ། །གྲུ་ཟམ་བཙུགས་དང་སྐྱས་ནག་ཕུད། །མེ་མདའ་ཕོག་སོགས་བྱུང་སྲིད་ན། །མཐོལ་ལོ་བཤགས་སོ་བཟོད་པར་གསོལ། །སྲིད་པའི་གུར་མདོས་འདི་ཉིད་ལ། །མཆོད་རྫས་མ་ཚང་རྫས་མ་འཛོམ། །མཆོད་གཏོར་ཆུང་ཞིང་འབག་བཙོག་ཤོར། །ཏིང་འཛིན་མ་གསལ་ལྷ་གཡེལ་སོགས། །འགལ་འཁྲུལ་ནོངས་པ་ཅི་མཆིས་པ། །མཐོལ་ལོ་བཤགས་སོ་བཟོད་པར་གསོལ། །མི་སྒྲིབ་ཚངས་པའི་དངོས་གྲུབ་སྩོལ། །བདག་དང་ཡོན་བདག་བསྲུང་བྱ་ལ། །གྲང་ནད་དམུ་ཆུ་མཁལ་རྐེད་ནད། །པགས་ནད་སྐན་དང་འབྲས་ལ་

― CMR038_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །མཚོ་སྨན་ནད་རྣམས་ཞི་བར་མཛོད། །མཚོ་ལྷུད་བཤའ་དང་ཆུས་ཁྱེར་དང་། །ཆར་ཞོད་མི་སྙོམས་གངས་ཐན་དང་། །གྲུ་ལོག་ཆུ་ཡིས་ཁྱེར་བ་སོགས། །ཆུ་ཡི་གནོད་པ་མེད་པར་མཛོད། །ནང་འཁྲུག་གྲི་རྨེ་གྲི་ལིང་སོགས། །མཚོ་གཉན་འཁྲུག་པའི་གནོད་པ་རྣམས། །ཐམས་ཅད་ཞི་ཞིང་མེད་པར་མཛོད། །མི་འཕེན་རྟ་ཧྲག་ཆོས་སྲིད་བརྟན། །ལོ་ལེགས་འབྲུ་འཕེལ་རྩ་ཁ་རྒྱས། །ཆར་ཆུ་དུས་སུ་འབེབས་པ་སོགས། །འཇིག་རྟེན་བདེ་བའི་དངོས་གྲུབ་སྩོལ། །རྟག་ཏུ་མ་དང་སྲིང་ལྟར་དུ། །བྱམས་པའི་ཐུགས་རྗེས་རྒྱང་ནས་སྐྱོངས། །ཀྱཻ། མཚོ་སྨན་རྗེ་མོ་ཡང་རྗེ་མོ། །དཔལ་ལྡན་ལྷ་མོ་དཔོན་གཡོག་དང་། །ཀླུ་ཆེན་དགུ་ཡི་ལྕམ་དང་སྲིང་། །མཚོ་སྨན་མཆེད་དགུ་དཔོན་དང་གཡོག །འཛམ་གླིང་བརྟན་པའི་བརྟན་མ་སྟེ། །གསེར་མཚོ་མ་དང་གཡུ་མཚོ་མ། །བོད་ཁམས་སྐྱོང་བའི་སྐྱོང་མ་སྟེ། །བོད་ཀྱི་མཚོ་སྨན་སྤུན་ལྔ་སོགས། །མཚོ་སྨན་རིགས་གྱུར་ཐམས་ཅད་ཀུན། །དང་པོ་སྤྱན་འདྲེན་མི་བྱེད་རྒྱུ། །སྲིད་པའི་མཚོ་སྨན་མཆོད་ན་མཉེས། །དེ་ནས་ལན་གཅིག་མི་འབྱོན་རྒྱུ། །སྔོན་གྱི་

― CMR038_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་དམ་དམ་ཚིག་གཉན། །དེ་ནས་མཆོད་པ་མི་བཞེས་རྒྱུ། །ཡོན་བདག་སྔོན་གྱི་ལན་ཆགས་སྦྱངས། །ད་ནི་བཞུགས་པ་ཡུན་མ་རིང་། །ཁྱེད་ཅག་གཙང་མ་ལྷ་ཀླུའི་རིགས་། །བྲམ་ཟེ་འདྲ་སྟེ་གཙང་སྦྲའི་བདག །ངེད་ཅག་དུས་ངན་སྙིགས་མའི་མི། །སྨེ་བཙོག་ཐབ་གཞོབ་སྤྱོད་པ་རྩིང་། །སྐུ་ལ་གྲིབ་ཀྱིས་ཕོག་ཉན་མཆིས། །དེ་བས་ད་ནི་གནས་སུ་གཤེགས། །མུ་ལེ་མཐིང་མཚོའི་ནང་དུ་གཤེགས། །མ་ཕམ་གཡུ་མཚོའི་ནང་དུ་གཤེགས། །རོལ་པའི་མཚོ་བདུན་ནང་དུ་གཤེགས། །རྒྱ་མཚོ་ཆེན་པོའི་ནང་དུ་གཤེགས་། །མཚོ་ཆེན་དགུ་ཡི་ནང་དུ་གཤེགས། །གསེར་མཚོ་གཡུ་མཚོའི་ནང་དུ་གཤེགས། །ཁྲི་ཤོར་རྒྱལ་མོའི་ནང་དུ་གཤེགས། །གནམ་མཚོ་ཕྱུག་མོའི་ནང་དུ་གཤེགས། །མཚོ་ཆེན་མཚོ་ཆུང་ནང་དུ་གཤེགས། །རང་རང་བླ་མཚོའི་ནང་དུ་གཤེགས། །ད་གཤེགས་དེ་ནི་ཤ་ར་ར། །ད་བཞུད་དེ་ནི་སི་ལི་ལི། །འཇའ་དང་འོད་དུ་འཁྱིལ་ཞིང་གཤེགས། །གློག་འགྱུར་འབྲུག་སྒྲ་སྒྲོག་ཅིང་གཤེགས། །སྦྲང་ཆར་ཁུ་འཕང་སི་ལི་གཤེགས། །ད་གཤེགས་ད་གཤེགས་མྱུར་དུ་གཤེགས། །ཨོཾ་ནཱ་གི་སརྦ་གཙྪགཙྪ། དེ་ནས་

― CMR038_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་དེ་མཚོའམ་ཆུ་འགྲམ་དུ་ཁྱེར་ལ། ཐང་དུ་བཞག་ནས། དང་པོ་ཤིང་རྩི་རྣམས་ཆུར་འཕང་། དེ་ནས་གཏོར་མ་རྣམས་དང་ཆུ་གནས་ཀྱི་གཟུགས་ཐམས་ཅད་ཆུར་འཕང་། འབྲུ་སྣ་དང་འཇིམ་པ་ལ་བཅས་པ་རྣམས་མཚོ་འགྲམ་སྐམ་སར་བླུག །དེ་ནས་ཚུར་ཟད་ཆུ་སྐྱེས་དུས་ཀྱང་མི་སླེབ་པའི་སར་མདོས་གདན་སྦུབས་ལ་བྱོས། དེ་ནས་ཕྱི་མིག་མི་ལྟ་བར་འོང་ནས་མདོས་གདན་སྒོ་རྩར་སྒྲུབ་སྔགས་པས་ཁྱིམ་ནས་རྟ་བྲོ་བསྡུས་པ་འདོན། དེ་ནས་བཀྲ་ཤིས་བརྗོད། ཅེས་པ་མ་མོ་འབུམ་གྱི་རྒྱུད་ལུང་ཆེན་པོ་དང་། སྤྱི་རྗེ་རྨོངས་པའི་དོན་དུ་ཨོ་རྒྱན་ཆེན་པོས་མཛད་པའི་ཡིག་རྙིང་གཉིས་གབ་སྤྲད་བསྐྱེད་ཆོག་མཆོད་པ་བྱིན་རླབས་གསེར་སྐྱེམས་གཤེགས་གསོལ་སོགས་གསར་དུ་བདག་གིས་བརྩམས་ཏེ། སྤར་ཁ་ཁཾ་ལ་རྩུབ་པ་དང་། ཆུ་ནད་ཀྱི་རིགས་ལ་ཕན་པའི་ཕྱིར། རཱ་ག་ཨ་སྱས་བསྒྲིགས་པའི་ཡི་གེ་པ་ནི་པདྨ་བརྩོན་འགྲུས་ཏེ། འདི་ལ་ཉེས་འགལ་མཆིས་ན་དཔལ་ལྡན་ལྷ་མོ་དཔོན་གཡོག་མཚོ་སྨན་ཚོགས་དང་བཅས་ལ་བཤགས་ཤིང་། དགེ་བས་མིའི་འཇིག་རྟེན་ཇི་སྲིད་གནས་ཀྱི་བར་དུ། ཕན་ཐོགས་རྒྱ་ཆེན་པོ་འབྱུང་བར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཚོ་སྨན་མཆོད་ཐབས་གུར་མདོས་བསྡུས་པ།

― CMR038_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་སྨན་མཆོད་ཐབས་གུར་མདོས་བསྡུས་པ་བཞུགས་སོ། །

― CMR038_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་པདྨ་བཛྲ་ཡེ། ཆར་འབོད་དམ་ནི་ཀླུ་མཆོད་དུས། །ཡང་ན་སྤར་ཁའི་བཅོས་སོགས་ལ། །མཚོ་སྨན་མཆོད་པར་བྱེད་འདོད་ན། །དཀར་གཏོར་དགུའམ་ཡང་ན་གཅིག །རྒྱས་པར་ཆུ་གནས་སྣ་ཚོགས་གཟུགས། །ཤིང་རྩི་འབྲུ་སྣ་རིན་ཆེན་རིགས། །བསྡུ་ན་དཀར་གཏོར་གཅིག་ལ་ནི། །ཀླུ་སྨན་འོ་མས་བྲན་བྱས་ལ། །ཡི་དམ་བསྐྱེད་རིམ་ལྡན་པས་གྱེར། །སྟོང་པའི་ངང་ལས་པད་དཀར་འདབ་བརྒྱད་པའི། །འདབ་བརྒྱད་དབུས་དང་དགུ་ལ་མཚོ་ཆེན་དགུ། །དེ་ནང་རིན་ཆེན་མཁོར་ནང་དར་གུར་དགུ། །རིན་ཆེན་ཁྲི་ལ་མཚོ་སྨན་མཆེད་དགུ་པོ། །རིན་ཆེན་རྒྱན་དང་དར་གྱི་ན་བཟའ་ཅན། །འཁོར་ཚོགས་དང་བཅས་མངོན་

― CMR038_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་ལྟ་བུར་གསལ། །རང་རང་ཐུགས་ཀའི་འོད་ཀྱིས་སྤྱན་དྲངས་གྱུར། །ཀྱཻ། རི་རབ་དབུས་དང་འཛམ་གླིང་ཕྱོགས་མཚམས་ནས། །ཀླུ་ཆེན་དགུ་ཡི་ལྕམ་མོ་མཚོ་སྨན་དགུ། །ལྷབ་ལྷུབ་ན་བཟའ་སིལ་སྙན་སྒྲ་དང་བཅས། །བྲན་དང་གཡོག་འཁོར་བཅས་པ་གཤེགས་སུ་གསོལ། །ཡིད་སྤྲུལ་རིན་ཆེན་དར་ཟབ་ཁྲི་སྟེང་དུ། །ཇི་སྲིད་མཆོད་པ་འབུལ་ཚེ་བརྟན་པར་བཞུགས། ཨོཾ་ནཱ་ག་རཱ་ཛ་ས་པ་རི་ཝཱ་ར་བཛྲ་ས་མ་ཡ་ཛ༔ ཛཿཧཱུྃ་བཾ་ཧོཿ ཏིཥྛ་ལྷན། ཧཱུྃ། མཚོ་སྨན་མཆེད་དགུ་འཁོར་དང་བཅས་པ་རྣམས། །སྔོན་ཚེ་ཐུབ་དབང་གསང་བདག་པད་

― CMR038_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་གི། །སྤྱན་སྔར་ཁས་བླངས་དམ་ཚིག་དྲན་མཛོད་ལ། །བདག་གིས་བཅོལ་བའི་ཕྲིན་ལས་འགྲུབ་པར་མཛོད། །མཚོ་སྨན་མཆེད་དགུ་འཁོར་བཅས་མཆོད་པའི་རྫས། །ཆུ་སྐྱེས་མེ་ཏོག་ཆུ་སྲིན་སྡེར་མོ་སྨྱོས། །ནོར་བུའི་འོད་དང་ཙནྡན་སྦྱར་བའི་ཆབ། །དཀར་གསུམ་ཞལ་ཟས་སྙན་པའི་རོལ་མོ་འབུལ། །ཆུ་གནས་སྣ་ཚོགས་གཟུགས་དང་བསྟོད་དབྱངས་སྒྲ། །སྤོས་དཀར་དྲི་དང་བུར་སྦྲང་ཀ་རའི་རོ། །དར་ཟབ་ཆུ་དར་སྣ་ཚོགས་བཀྲག་མདངས་རིགས། །འབྲུ་སྣ་རིན་ཆེན་སྣ་ཚོགས་ཤེལ་ཚིགས་དང་། །བཟང་ཤིང་སྣ་ཚོགས་ཀླུ་སྨན་ཚང་བ་དང་། །བ་དཀར་ར་དཀར་འབྲི་ཟལ་འོ་མའི་མཚོ། །དངོས་འབྱོར་ཡིད་སྤྲུལ་མཆོད་པ་རྒྱ་མཚོས་མཆོད། །མཚོ་སྨན་འཁོར་བཅས་མཉེས་ཤིང་ཚིམ་གྱུར་ཅིག་་ཨརྒྷཾ་སོགས། ཤབྟ་པྲ་ཏིཙྪ་ཧོ༔ ཨོཾ་སྭ་བྷ་ཝ་སོགས། ཨོཾ་ཨ་ཀཱ་རོ་སོགས། ཨོཾ་ནཱ་ག་རཱ་ཛ་ས་པ་རི་ཝཱ་ར་ཨི་དཾ་བ་ལིཾཏ་ལ་ཁ་ཁ་ཁཱ་ཧི་ཁཱ་ཧི། རིན་ཆེན་སྣོད་དུ་གཏོར་མ་བདུད་རྩིའི་མཚོ། །འདོད་ཡོན་ལྔ་ལྡན་དབང་པོ་དྲུག་ཚིམ་པ། །ཟད་མེད་ནམ་མཁའི་མཛོད་དུ་གྱུར་པ་ནི། །ཀླུ་སྨན་མཚོ་སྨན་ཀུན་གྱི་ཡུམ་གཅིག་མ། །གསེར་གྱི་བུ་མོ་མཚོ་

― CMR038_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་རྒྱལ་མོ་ཆེ། །དཔལ་ལྡན་མ་དང་ཁྲོ་མཆོག་ལྡན་མ་དང་། །དབྱིངས་ཕྱུག་ལྡན་མ་དང་ནི་འོད་ལྡན་མ། །དུག་མཚོ་ལྡན་མ་དང་ནི་མདངས་ལྡན་མ། །གསལ་མོ་ལྡན་དང་འཕྲུལ་ལྡན་ཛ་ལྡན་མ། །འཁོར་དང་བཅས་ལ་འབུལ་ལོ་དགྱེས་པར་རོལ། །སྐུ་གསུང་ཐུགས་རྣམས་མཉེས་ཤིང་ཚིམས་གྱུར་ནས། །འཇིག་རྟེན་བདེ་ཞིང་ལོ་ལེགས་འཁྲུག་པ་ཞི། །ཆར་ཆུ་དུས་འབེབས་སད་སེར་མེད་པར་མཛོད། །ཁྱད་པར་བདག་ཅག་དཔོན་སློབ་ཡོན་མཆོད་ལ། །ཆུ་ནད་རྨུ་ཆུ་གྲང་འགྲམ་མཁལ་རྐེད་ནད། །སྐྱོང་པ་ལྷོག་རྒོད་མཛེ་ཤུ་རྐང་འབམ་དང་། །དྲེག་གྲུམ་ལ་སོགས་ནད་རྣམས་མེད་པར་མཛོད། །ནོར་ཕྱུགས་དར་རྒྱས་ལོངས་སྤྱོད་ཀླུ་གཡང་ཕོབ། །མིང་གཅིག་སྲིང་གཅིག་བཞིན་དུ་གདུང་སེམས་ཀྱིས། །དུས་རྣམས་ཀུན་ཏུ་ཁ་འཛིན་སྡོང་གྲོགས་མཛོད། །བྷྱོ༔ ཀླུ་ཆེན་མཚོ་སྨན་ཀུན་གྱི་ཡུམ། །གསེར་གྱི་བུ་མོ་གཟི་མདངས་ལྡན། །ཐུགས་ལས་མཚོ་སྨན་མཆེད་དགུ་སྤྲུལ། །རིགས་བཞིའི་ཀླུ་རྣམས་འཁོར་གྱིས་བསྐོར། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་

― CMR038_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །མེ་ཉི་ཆུ་ལས་བྱས་པ་དང་། །ཀླུ་ལ་གནོད་པའི་ལས་བྱས་བཤགས། །སྤར་ཁ་ཁཾ་ལ་རྩུབ་པ་ཡི། །ཆུ་ཡི་སྐག་རྣམས་ཐམས་ཅད་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ མཚོ་སྨན་རྒྱལ་མོ་དབྱིངས་ཆེན་ལྡན། །སྔོན་མོ་མེ་ལོང་འཁོར་ལོ་འཛིན། །གཡུ་རལ་གསེར་གྱི་ཐོར་ཅོག་ཅན་། །མུ་མིན་གསེར་གྱི་ཆ་ག་ལ། །གསེར་གཡུའི་ཁྲི་ལ་མཛེས་པར་བཞུགས། །ས་བདག་རྗེ་མོ་ཀླུ་ཡི་གཙོ། །མ་མོའི་གཙོ་མོ་བྷྱོ་བཟློག་མཁན། །འོད་ཟེར་ཆེན་མོ་མཐུ་མོ་ཆེ། །ཀླུ་ཡི་རྒྱལ་མོ་ལྕམ་གཅིག་མ། །དཔལ་མོ་ལྡན་ཞེས་འཁོར་དང་བཅས། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ ཤར་ཕྱོགས་འཇོག་པོའི་གཡུ་མཚོ་ནས། །མཐའ་ཡས་ལྕམ་གཅིག་འཇོག་པོས་ཡུམ། །སྦྲུལ་རལ་ཆུ་སྲིན་གཡང་གཞི་གྱོན། །རུས་སྦལ་ནག་པོ་སེ་རལ་ཁ། །ཆུ་སྲིན་རྒྱལ་མཚན་མེ་ལོང་བསྣམས། །བསྲེ་ཡི་རྔ་མོང་བསྲེ་སྒ་ཆིབས། །

― CMR038_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

མགྱོགས་པ་མིག་དགུ་ཕོ་ཉ་འགྱེད། །མཚོ་སྨན་རྒྱལ་མོ་ཁྲོ་མཆོག་ལྡན། །འཁོར་དང་བཅས་པ་ཐམས་ཅད་ལ། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ ལྷོ་ཕྱོགས་སྟོབས་རྒྱུའི་མཚོ་མོ་ནས། །དགའ་བོའི་ལྕམ་གཅིག་སྟོབས་རྒྱུའི་ཡུམ། །སྦྲུལ་རལ་མཐིང་གི་ལ་འུ་གསོལ། །ཁྲམ་བམ་འཕྲུལ་གྱི་མེ་ལོང་འཛིན། །སྲིད་གསུམ་གཟིགས་ཤིང་གཏོང་གཅོད་བྱེད། །གློག་འཁྱུག་གསེར་གྱི་རྔ་མོང་ཆིབས། །དབྱིངས་ཕྱུག་ལྡན་མ་འཁོར་དང་བཅས། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་ལོ། གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ ནུབ་ཕྱོགས་འོ་མཚོའི་འཇོག་པོའི་མཚོ། །ཡེ་ཤེས་ལྡན་མ་གསེར་སླག་གསོལ། །སྦྲུལ་རལ་གཡུ་ཡི་ལེན་ཕྲན་བརྒྱན། །ཕྱག་ནི་བྷནྡྷ་མེ་ལོང་འཛིན། །གཡུ་ཡི་རྔ་མོང་གཡུ་སྒྲ་ཆིབས། །རྡོ་དང་ཐོག་

― CMR038_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

འབེབས་ནད་ཡམས་གཏོང་། །མ་དྲོས་ལྕམ་གཅིག་འོད་ལྡན་མ། །འཁོར་དང་བཅས་པ་ཐམས་ཅད་ལ། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ བྱང་ཕྱོགས་རིགས་ལྡན་དུག་མཚོ་ནས། །རིགས་ལྡན་ལྕམ་གཅིག་མུན་པའི་མདོག །སྦལ་ནག་ཐུལ་པ་སྦྲུལ་གྱིས་བརྒྱན། །སྦྲུལ་ནག་ཆིབས་ཤིང་གཡུ་སྦལ་ཁྲིད། །རིགས་ལྡན་ལྕམ་གཅིག་དུག་མཚོ་ལྡན། །ཤེས་རབ་གསལ་བ་འཁོར་དང་བཅས། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ ཤར་ལྷོ་མ་སང་གཉན་དགའི་མཚོ། །གཉན་དགའ་ནོར་རྒྱལ་ལྕམ་གཅིག་མ། །དཀར་མོ་དར་དཀར་མུ་ཏིག་བརྒྱན། །གཡུ་འབུམ་འཕྲུལ་གྱི་མེ་ལོང་འཛིན། །གློག་བས་མྱུར་ཏེ་འཛམ་གླིང་བསྐོར། །མཚོ་སྨན་ཀུན་གྱི་ཕོ་ཉ་མོ། །ལས་ལ་བརྩོན་ཞིང་ཐམས་ཅད་བསྒྲལ། །རྡོ་རྗེ་

― CMR038_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

གར་གྱི་མདངས་ལྡན་མ། །ཀླུ་མོ་དཀར་མོ་འབུམ་དང་བཅས། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ ལྷོ་ནུབ་དུང་སྐྱོང་དུང་མཚོ་ནས། །དུང་སྐྱོང་ལྕམ་གཅིག་དུང་སྒྲ་སྒྲོག །དུང་གི་ལེའུ་གསེར་གཡུའི་རྒྱན། །དུང་གི་བུམ་པ་མེ་ལོང་འཛིན། །ཆིབས་སུ་དུང་གི་རྔ་མོང་ཆིབས། །གསལ་མོ་ལྡན་ཞེས་འཁོར་དང་བཅས། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ ནུབ་བྱང་པད་མའི་ཟངས་མཚོ་ནས། །ཀླུ་རྒྱལ་པདྨའི་ལྕམ་མོ་སྟེ། །ཆུ་སྲིན་རྒྱལ་མཚན་མེ་ལོང་བསྣམས། །ཆུ་སྲིན་ལྤགས་གྱོན་གཡུ་སྦལ་ཆིབས། །མ་མོ་ཀླུ་ཆེན་འབུམ་དང་བཅས། །བསྐུལ་བ་ཙམ་གྱིས་ནད་རྣམས་ཀྱིས། །འཆོལ་བ་མེད་པར་དགྲ་བགེགས་སྒྲོལ། །མཚོ་སྨན་རྒྱལ་མོ་འཕྲུལ་ལྡན་མ། །དཀར་གསུམ་བ་ལི་ཀླུ་སྨན་འབུལ། །

― CMR038_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔ བྱང་ཤར་དུག་མཚོ་ནག་པོ་ནས། །ཆུ་ལྷའི་ལྕམ་གཅིག་སྦལ་ཐུལ་གྱོན། །སྤྱན་མིག་ཉི་ཟླ་དབུ་སྐྲ་གློག །གསེར་བུམ་འཕྲུལ་གྱི་མེ་ལོང་འཛིན། །དགྲ་སྙིང་གསོལ་ཞིང་སྦལ་ཁྲ་ཆིབས། །རྦད་ན་དགྲ་ལ་མཛེ་ཤུ་གཏོང་། །རཱ་ཛ་ལྡན་མ་ཛ་ལྡན་མ། །འཁོར་དང་བཅས་པ་ཐམས་ཅད་ལ། །དཀར་གསུམ་བ་ལི་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །།བྷྱོ༔ མཚོ་སྨན་རྒྱལ་མོ་མཆེད་སྡེ་དགུ། །བློན་མོ་དགུ་དང་གཡོག་མོ་དགུ། །སྤྲུལ་པ་དགུ་དང་ཡང་སྤྲུལ་དགུ། །འཁོར་ཚོགས་དཔག་མེད་གྲངས་འདས་ཀྱང་། །དཀར་གསུམ་བ་ལིཾ་ཀླུ་སྨན་འབུལ། །བསྟོད་དོ་བསྔགས་སོ་གསོལ་ལོ་མཆོད། །རང་རང་དངོས་གྲུབ་ཐམས་ཅད་སྩོལ། །ཀླུ་ནད་ཆུ་ནད་རྐྱེན་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །ཁྱེད་ཅག་ཐུགས་དང་

― CMR038_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་བའི་ལས། །ཐབ་གཞོབ་མནའ་གཉན་བསྐྱེལ་ལེན་དང་། །གྲུ་ཟམ་བཙུགས་དང་ཆུ་གནས་བསད། །ཁྲག་མཚོ་དྲག་ལས་གཏད་ཁྲམ་བརྒྱབ། །ཉེས་པ་གང་མཆིས་མཐོལ་ཞིང་བཤགས། །བཟོད་པར་བཞེས་ལ་དངོས་གྲུབ་སྩོལ། །གྲུ་ལོག་ཆུ་གྲི་ཆུ་ཁྱེར་སད་སེར་དང་། །དམུ་ཆུ་གྲང་ནད་མཁལ་སྐེད་ཆུ་ནད་དང་། །ཆུ་བྱིང་སྐྱང་ལྷོག་གནོད་པ་མ་གཏོང་ཞིག །གྲི་དམེ་ནང་འཁྲུག་གནོད་པ་བཟློག་ཏུ་གསོལ། །མི་འཕེལ་རྟ་ཧྲག་ནོར་ཕྱུགས་འཕེལ་ཁ་དང་། །ལོ་ལེགས་དཔལ་འབྱོར་ཀླུ་གཡང་དབབ་ཏུ་ལ་གསོལ། །རྟག་ཏུ་མིང་སྲིང་ཚུལ་གྱིས་ཕན་འདོགས་ཤིང་། །བྱམས་པའི་སེམས་ཀྱིས་རང་རང་གནས་སུ་གཤེགས། །ཕྱིན་ཆད་འཁོར་འདིར་གནོད་པ་མ་བྱེད་ཅིག །བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །ནཱ་ག་རཱ་ཛ་ས་པ་རི་ཝཱ་ར་གཙྪགཙྪ། ཞེས་བརྗོད་གཏོར་མ་ཆུའམ་མཚོ་རུ་འབུལ། འདི་ནི་གུར་མདོས་དོན་བསྡུས་ཉུང་ངུར་བྲིས། །ཉེས་འགལ་བཤགས་ཤིང་དགེ་བ་བྱང་་ཆུབ་བསྔོ། །ཞེས་པ་རཱ་ག་ཨ་སྱས་སྦྱར་བའོ། །དགེ་ལེགས་འཕེལ།། །། ༧ ནང་ཆེན་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།

དགོངས་གཏེར་ཐུགས་ཀྱི་ཀློང་གསལ་ལས་སྡེ་བརྒྱད་ཁེང་ལོག་བཅོས་པའི༔ མདོས་ཆེན་གཅིག་དང་མདོས་ཕྲན་བརྒྱ༔ དེ་ལ་བཅའ་ཐབས་རྒྱས་བསྡུས་འབྲིང་གསུམ༔ ཤིན་ཏུ་བསྡུས་དང་བཞི་རེ་སྟེ༔ སྲིད་པ་སྤྱི་མདོས་ཟེར༔ མདོས་སྣ་བཞི་བཅུ་ཞེ་བཞི་བཞུགས།

― CMR038_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་གཏེར་ཐུགས་ཀྱི་ཀློང་གསལ་ལས་སྡེ་བརྒྱད་ཁེང་ལོག་བཅོས་པའི༔ མདོས་ཆེན་གཅིག་དང་མདོས་ཕྲན་བརྒྱ༔ དེ་ལ་བཅའ་ཐབས་རྒྱས་བསྡུས་འབྲིང་གསུམ༔ ཤིན་ཏུ་བསྡུས་དང་བཞི་རེ་སྟེ༔ སྲིད་པ་སྤྱི་མདོས་ཟེར༔ མདོས་སྣ་བཞི་བཅུ་ཞེ་བཞི་བཞུགས་སོ༔

― CMR038_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་རྡོ་རྗེ་གྲོ་ལོད་ལ་ཕྱག་འཚལ་ལོ༔ བསྐལ་པ་དུས་ཀྱི་སྙིགས་མ་ལ༔ ལྷ་འདྲེའི་ཁེང་ལོག་བྱུང་ན་བཅོས་ཐབས་ནི༔ དང་པོ་ལྷའི་ཁེང་ལོག་བཅོས་ཐབས་ནི༔ ལྷའི་རྒྱལ་པོའི་གཟུགས་བྱ༔ སྤྲོ་ན་མི་དཀར་པོ་བཞིའམ་བརྒྱད༔ དེའི་མཐར་འཇིམ་པས་བསྐོར་ལ་མདུང་དར་དཀར་པོ་བརྒྱད་བཙུགས༔ མདུན་དེར་དཀར་གཏོར་ལེགས་པ་ཞིག་བཞག༔ དེ་གཞི་དཀར་པོའི་སྟེང་དུ་བཞག༔ འབྲུ་སྣ་རིན་ཆེན་སྨན་སྣ་དར་སྣ་རྣམས་བླུག༔ ༈ གཤིན་རྗེའི་ཁེང་ལོག་བཅོས་པ་ནི༔ གཤིན་རྗེའི་རྒྱལ་པོའི་གཟུགས་བྱས་ལ༔ སྤྲོ་ན་མི་སྔོན་པོ་བཞིའམ་བརྒྱད་བྱ༔ དེའི་མཐར་འཇིམ་པས་བསྐོར་ལ་ཁྲམ་ཤིང་སྔོན་པོ་བརྒྱད་འཛུགས༔ མདུན་དེར་གཏོར་མ་དཔེའུ་རིས་ལྟར་ལེགས་པ་ཞིག་བཞག༔ དེ་གཞི་སྔོན་པོའམ་ནག་པོའི་

― CMR038_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ་བཞག༔ འབྲུ་སྣ་རིན་ཆེན་ཤ་སྣ་རྣམས་བླུག༔ ༈ མ་མོའི་ཁེང་ལོག་བཅོས་པ་ནི༔ མ་མོའི་རྒྱལ་པོའི་གཟུགས་བྱ༔ སྤྲོ་ན་མ་མོ་དཀར་མོ་བཞིའམ་བརྒྱད་བྱ༔ དེའི་མཐར་འཇིམ་པས་བསྐོར་ལ་མདའ་དར་དཀར་པོ་བརྒྱད་འཛུགས༔ མདུན་དེར་གཏོར་མ་དཔེའུ་རིས་ལྟར་ལེགས་པ་ཞིག་བཞག༔ དེ་གཞི་དཀར་པོའི་སྟེང་དུ་བཞག༔ འབྲུ་སྣ་རིན་ཆེན་སྨན་སྣ་དར་སྣ་རྣམས་བླུག༔ ༈ བདུད་ཀྱི་ཁེང་ལོག་བཅོས་པ་ནི༔ བདུད་ཀྱི་རྒྱལ་པོའི་གཟུགས་བྱ༔ སྤྲོ་ན་མི་ནག་པོ་བཞིའམ་བརྒྱད་བྱ༔ དེའི་མཐར་འཇིམ་པས་བསྐོར་ལ་དགྲ་སཱུ་ནག་པོ་བརྒྱད་འཛུགས༔ མདུན་དེར་གཏོར་མ་ཟུར་གསུམ་ནག་པོ་འཇིགས་པ་ཞིག་བཞག༔ དེ་གཞི་ནག་པོའི་སྟེང་དུ་བཞག༔ འབྲུ་སྣ་རིན་ཆེན་ཤ་སྣ་ཁྲག་སྣ་རྣམས་བླུག༔ ༈ བཙན་གྱི་ཁེང་ལོག་

― CMR038_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོས་པ་ནི༔ བཙན་གྱི་རྒྱལ་པོའི་གཟུགས་བྱ༔ སྤྲོ་ན་མི་དམར་པོ་བཞིའམ་བརྒྱད་བྱ༔ དེའི་མཐར་འཇིམ་པས་བསྐོར་ལ་མདའ་དར་དམར་པོ་བརྒྱད་འཛུགས༔ མདུན་དེར་བཤོས་བུ་དམར་པོ་ཞིག་བཞག༔ དེ་གཞི་དམར་པོའི་སྟེང་དུ་བཞག༔ འབྲུ་སྣ་རིན་ཆེན་བལ་ཚོན་དར་ཟབ་བླུག༔ ༈ རྒྱལ་པོའི་ཁེང་ལོག་བཅོས་པ་ནི༔ རཱ་ཙའི་རྒྱལ་པོའི་གཟུགས་གཅིག་བྱ༔ སྤྲོ་ན་མི་དཀར་པོ་ཞྭ་ཐེབ་དམར་པོ་གྱོན་པ་བཞིའམ་བརྒྱད་བྱ༔ དེའི་མཐར་འཇིམ་པས་བསྐོར་ལ་ཤིང་གི་འཁར་གསིལ་བརྒྱད་འཛུགས༔ མདུན་དེར་རྒྱལ་བཤོས་ལེགས་པ་ཞིག་བཞག༔ དེ་གཞི་དཀར་པོའི་སྟེང་དུ་བཞག༔ འབྲུ་སྣ་རིན་ཆེན་དར་སྣ་ཚྭ་ཁང་ངམ་གཙུག་ལག་ཁང་གང་རུང་གཅིག་གི་ས་བླུག༔ ༈ གནོད་སྦྱིན་ཁེང་ལོག་བཅོས་པ་ནི༔ གནོད་སྦྱིན་རྒྱལ་པོའི་གཟུགས་བྱ༔ སྤྲོ་ན་མི་ལྗང་སྔོན་བཞིའམ་བརྒྱད་བྱ༔ མཐར་འཇིམ་པས་བསྐོར་ལ་བ་དན་ལྗང་སྔོན་བརྒྱད་འཛུགས༔ མདུན་དེར་གནོད་སྦྱིན་བཤོས་བུ་ལེགས་པ་ཞིག་བཞག༔ དེ་གཞི་ལྡང་སྔོན་ནམ་ནག་པོའི་སྟེང་དུ་བཞག༔ འབྲུ་སྣ་རིན་ཆེན་དར་སྣ་ས་ཚོན་སྣ་ཚོགས་བླུག༔ ༈ ཀླུའི་ཁེང་ལོག་བཅོས་པ་ནི༔ ཀླུའི་རྒྱལ་པོའི་གཟུགས་བྱ༔ སྤྲོ་ན་མི་མཐིང་ནག་གདེངས་ཀ་སྦྲུལ་མཇུག་ཅན་བཞིའམ་བརྒྱད་བྱ༔ མཐར་འཇིམ་པས་བསྐོར་ལ་དཔེའུ་རིས་ལྟར་ཆུ་སྲིན་རྒྱལ་མཚན་བརྒྱད་འཛུགས༔ མདུན་དེར་ཀླུའི་བཤོས་བུ་ལེགས་པ་ཞིག་བཞག༔ དེ་གཞི་ནག་པོའི་སྟེང་དུ་བཞག༔ འབྲུ་སྣ་དར་སྣ་རིན་ཆེན་ཀླུ་སྨན་རྣམས་བླུག༔ ༈ ཐེའུ་རང་ཁེང་ལོག་བཅོས་པའི་

― CMR038_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས༔ ཐེའུ་རང་རྒྱལ་པོའི་གཟུགས་བྱ༔ སྤྲོ་ན་ཐེའུ་རང་ནག་པོ་བཞིའམ་བརྒྱད་བྱ༔ དེའི་མཐར་འཇིམ་པས་བསྐོར་ལ་ཐོ་བ་ནག་པོ་བརྒྱད་འཛུགས༔ མདུན་དེར་ཐེའུ་རང་བཤོས་བུ་ལེགས་པ་ཞིག་བཞག༔ དེ་གཞི་ནག་པོའི་སྟེང་དུ་བཞག༔ འབྲུ་སྣ་རིན་ཆེན་ར་སྤུ་དར་སྣ་རྣམས་བླུག༔ ༈ གཟའི་ཁེང་ལོག་བཅོས་པ་ནི༔ གཟའི་རྒྱལ་པོའི་གཟུགས་བྱ༔ སྤྲོ་ན་གཟའ་གཟུགས་ལྗང་གུ་བཞིའམ་བརྒྱད་བྱ༔ དེའི་མཐར་འཇིམ་པས་བསྐོར་ལ་རལ་གྲི་བརྒྱད་འཛུགས༔ མདུན་དེར་གཟའ་བཤོས་འཇིགས་པ་ཞིག་བཞག་གོ༔ དེ་གཞི་སྔོན་པོའམ་ལྗང་གུའམ་ནག་པོའི་སྟེང་དུ་བཞག༔ འབྲུ་སྣ་རིན་ཆེན་དར་སྣ་ཤ་ཁྲག་རྣམས་བླུག༔ ༈ ད་ནི་ལྷ་འདྲེ་སྤྱིའི་ཁེང་ལོག་བཅོས་པ་ནི༔ གཞི་གང་རུང་ཆེན་པོ་སྒོ་ཁྲི་སོགས་ཀྱི་སྟེང་དུ༔ དཔེའུ་རིས་ལྟར་ནས་ཀྱི་བྲི༔ དེའི་དབུས་སུ་གཟའ་དང་ཐེའུ་རང་གཉིས་ཀྱི་གཟུགས་བྱ༔ དེའི་མཐར་འཇིམ་པ་ལ་རལ་གྲི་བརྒྱད་དང་ཐོ་བ་བརྒྱད་འཛུགས༔ མདུན་རྒྱབ་ཏུ་སོ་སོའི་བཤོས་བུ་བཞག༔ དེ་རྒྱབ་སྡེ་བརྒྱད་ཀྱི་སྐུ་བརྒྱད༔ སོ་སོའི་ཐད་དུ་སོ་སོའི་ཕྱག་མཚན༔ དེ་རྒྱབ་སོ་སོའི་ཐད་དུ་སོ་སོའི་བཤོས་བུ༔ སོ་སོའི་མཐུན་རྫས་དང་འབྲུ་སྣ་སོགས་གོང་ལྟར་བླུག་གོ༔ འདོན་བྱ་སྔོན་དང་མཚུངས་ཏེ༔ ཐམས་ཅད་ལ་སོ་སོར་གཟུགས་དང་མཐུན་རྫས་རྣམས་འབུལ༔ གཟའ་ཐེལ་གཉིས་སྔོན་ལ་འདོན༔ དེ་ཡང་བསྡུས་པ་བྱེད་ན༔ རལ་གྲི་སོགས་སོ་སོའི་ཤིང་རིས་རེ་རེ་བྱ༔ སོ་སོའི་ཐད་དུ་བཙུགས༔ སོ་སོའི་ཐུན་རྫས་ཡུང་གི་ཤུ་སོགས་རྣམས་ཀྱང་༔

― CMR038_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་བརྒྱ་དང་བརྒྱད་རེ༔ འབྲིང་སྦྱིན་བདག་གི་ལོ་གྲངས༔ ཐ་མ་ཡང་ཉེར་གཅིག༔ བཅུ་གསུམ་བདུན་ཡན་ཆད་བྱའོ༔ གཟུངས་ཀྱི་གྲངས་ཀྱང་དེ་དང་འདྲའོ༔ སྡེ་བརྒྱད་གནོད་ཚབས་གང་ཆེ་བ་ལ་མང་༔ གཞན་ཉུང་ཆོག༔ ༈ དེ་ཡང་སྡེ་བརྒྱད་ཀྱི་གཟུགས་རྣམས་འཇིམ་པ་ལ་བཅའ་བ་ནི་སྔགས་པ་རྣམས་ཀྱི་བྱ་རྒྱུ་ཡིན་ནོ༔ སྡེ་བརྒྱད་གཙོ་བོ་བཅུའི་སྐུ་ཙཀ་ལི་བྲིས་ལ་འཛུགས༔ འཁོར་ནི་བཅའ་མི་དགོས༔ སྐུ་གཟུགས་གཏོར་མའི་རྒྱབ་ནས་ཚུར་བཙུགས༔ ཙཀ་ལིའི་རྒྱབ་ཏུ་ཀྵ་གཟའ་ཏྲི་ཐེའུ་རང་སྲོག་ཡིག་གོ༔ ཨ་ཡ་མ་དུ་རུ་ཙ་ཤ་ན་ཞེས་པའི་སོ་སོའི་སྲོག་ཡིག་འབྲུ་རེ་བྲི༔ ཙཀ་ལི་ལ་རལ་གྲི་བརྒྱད་དང་ནམ་མཁའ་སོགས་སོ་སོའི་མདོས་ཆས་རྣམས་བྲིས་ཏེ་མདུན་ནས་ཕར་བཙུགས༔ སྤྱི་མདོས་ལ་མདའ་དར་བཅུ་སོགས༔ ཕྱོགས་མཚམས་དབུས་སུ་བཙུགས་པ་གྲུབ་ན་ལེགས༔ གེལ་མདོས་ལ་མདའ་དར་རེ་རེས་ཆོག༔ གཏོར་མདོས་ཏེ་བླ་མ་དང་དགེ་ཚུལ་སློང་གི་བྱ་རྒྱུའོ༔ འདོན་ཆ་སྤྱི་མདོས་བཅའ་ན་བསྒྲིགས་ཚུགས་འདོན༔ གེལ་མདོས་བཅའ་ན་དེའི་ནང་ནས་གསལ་ཤེས་པར་བྱའོ༔ དམ་ཚིག་ནི་བདག་གིས་མདུན་བསྐྱེད་ཟིལ་གྱིས་གནོན༔ ཞེས་པ་ནི༔ བདག་བསྐྱེད་མ་གཏོགས་མདུན་དུ་སྡེ་བརྒྱད་གཟའ་ཐེའུ་རང་ལས་གཙོ་བོ་གཞན་མི་བསྒོམ༔ དེ་ཚེ་གནོད་པའི་བགེགས་དང་མི་འགྲོགས༔ ཞེས་པ་འཛའ་མོ་དང་༔ གཏོར་མ་ལོག་པར་མི་བཅའ༔ ཞེས་པ་དྲང་གཏམ་མ་གཏོགས་གཞན་གྱི་གཏོར་མ་ཡིན་མི་སྨྲ༔ གཏོར་མ་ངན་པར་མི་བཅའ་ཞེས་པ་ནི༔ ཤིན་ཏུ་གཙང་དགོས༔ གཏོར་

― CMR038_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལོག་པར་མི་བཅའ༔ ཞེས་དཔེའུ་རིས་ལྟར་མ་གཏོགས་གཞན་གཏོར་མ་མི་བཅའ༔ སྤྱན་འདྲེན་ལྕགས་ཀྱུས་མི་འགུགས་ཞེས་པ་ནི༔ འོད་ཟེར་ལྕགས་ཀྱུས་འགུགས་སོགས་མི་རུང་ངོ་༔ ཞུས་ལེན་ངན་པར་མི་ལབ་ཅེས་པ་ནི༔ ཚིག་གསལ་པོར་མ་རྟོགས་མི་གོ་ཙམ་དུ་མི་འདོན༔ ཀུན་ཕུང་ཕྱོགས་སུ་མི་བཞག༔ ཞེས་པའི་རྫས་ངན་ནི་མི་འཆང་༔ སྤྱན་འདྲེན་ཟིལ་དམར་མི་འགྲོགས༔ ཞེས་པ་ནི་སྤྱན་འདྲེན་ཚེ་ཟིལ་ཆེན་དང་དམེ་ཕོར་མི་འགྲོགས༔ གནོལ་མི་ཕབ༔ ཅེས་པ་ནི་བྱི་ཕྲུག་གིས་མི་མཆོད༔ བཟང་བརྫུ་ཡུགས་སའི་ཟས་ཀྱང་མནོལ་མི་ཕབ༔ ཅེས་པ་སྡོམ་མེད་དང་ཡུགས་ཟས་མཆོད་པ་མི་བྱ༔ གཞི་གཙང་མའི་སྟེང་དུ་བཤམས༔ མདོས་སྣོད་ཀྱང་གཙང་མ་དགོས༔ སྤྱི་མདོས་ཡིན་ན་སོ་སོའི་ཕྱོགས་མཚམས་དང་༔ གེལ་མདོས་ཡིན་ན་སོ་སོའི་མདུན་དུ༔ ཡུང་གི་ཤྭ་སོགས་སོ་སོའི་མཐུན་རྫས་བཤམས་༔ དེ་རྣམས་སྤོས་རུམ་མེད་ན་ཤུག་རུམ་བྱ༔ མདོས་དང་མཆོད་རྫས་འབུལ་རྒྱུ་ཀུན་ཀྱང་ཆུ་གཙང་གིས་བྲན༔ དེ་ནས་ལྷ་གཞུང་སྔོན་དུ་སོང་བའམ་མིན་ཀྱང་རུང་༔ རང་ཉིད་པདྨ་འབྱུང་གནས་དཀར༔ རྡོ་རྗེ་གཡས་ལ་བྷན་གཡོན༔ ཁ་ཊཾ་གྲུ་མོར་བརྟེན་པར་བསྐྱེད༔ སྤྲུལ་སྐུའི་ཆ་ལུགས་ཡོངས་སུ་རྫོགས༔ དམ་ཡེ་དབྱེར་མེད་ཐུགས་སྲོག་ཧཱི༔ དེ་མཐར་སྔགས་ཕྲེང་གཡས་སུ་འཁོར༔ འོད་ཟེར་འཕྲོས་པས་རྔ་ཡབ་ནས༔ རང་འདྲ་དཔག་མེད་སྤྱན་དྲངས་ཐིམ༔

― CMR038_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རླབས་གཟི་བརྗིད་འོད་དུ་འབར༔ དེ་ཡི་ངང་ལས་སྔགས་འདི་བཟླས༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཨརྒྷཾ་སོགས། ཨ་མྲྀ་ཏ་བྷ་ལིཾ་ཏ་རཀྟ་ཁཱ་ཧི༔ ཧཱུྃ༔ སྐྱེ་རྒ་ན་འཆིའི་སྐྱོན་གྱིས་མ་གོས་ཤིང་༔ ཕ་མེད་མ་མེད་པདྨའི་སྦྱབ་ནས་འཁྲུངས༔ རིགས་མེད་རུས་མེད་རྫོགས་སངས་རྒྱས་པའི་སྐུ༔ པད་འབྱུང་བྷན་འཛིན་ལ་ཕྱག་འཚལ་བསྟོད༔ དེ་ལྟར་གསལ་བའི་ངང་ནས་འདི་སྐད་དོ༔ ཨོཾ་ཨ་མྲྀ་ཏེ་ཧཱུྃ་ཕཊ་ཤཱཀྱ་ཐུབ་པའི་བྱིན་རླབས་ཀྱིས༔ ཐལ་མོ་ཁོང་སྟོང་ཕྱག་རྒྱའི་ནང༔ ཨ་ཡིག་དཀར་པོར་འོད་འཕྲོས་པས༔ མདོས་མཆོད་དངོས་པོར་འཛིན་པ་དང་༔ མི་གཙང་དྲི་མ་ཐམས་ཅད་དག༔ དོན་དམ་སྟོང་ཉིད་ངོ་བོར་གྱུར༔ ཨོཾ་སྭ་བྷ་ཝ་ཤུདྡྷ༔ སརྦ་དྷསྭ་བྷ་ཝ་ཤུདྡྷོཉཧཾ༔ མདོས་དང་མཆོད་རྫས་དངོས་པོ་ལ་རྣམས༔ དངོས་འཛིན་དྲི་མ་དག་གྱུར་ནས༔ ངོ་བོ་སྟོང་ལ་རང་བཞིན་གསལ༔ མཁའ་ལ་འཇའ་ཚོན་ཤར་བ་བཞིན༔ ཨེ་ཡཾ་བཾ་ལཾ་སུ་རྣམས་ལས༔ འབྱུང་བ་རིམ་བརྩེགས་རི་རབ་སྟེང་༔ སྤྱི་མདོས་ལ༔ དབུས་ཀྱི་གཡས་གཡོན་གཉིས་དང་ནི༔ ཕྱོགས་བཞི་དང་ནི་མཚམས་བརྒྱད་ལ༔ དབུས་སུ་ཀྵ་དང་ཏྲི་ཡིག་སྟེ༔ ཕྱོགས་བཞིར་ཨ་དང་ཡ་མ་

― CMR038_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

དུ༔ མཚམས་བཞིར་རུ་ཙ་ཤ་ན་ལ༔ དབུས་སུ་གཟའ་དང་རྡོར་ལེགས་ཏེ༔ ཕྱོགས་མཚམས་ལྷ་སྲིན་སྡེ་བརྒྱད་ཀྱི༔ གཙོ་བོ་བཅུ་པོ་གསལ་བ་ཡང་༔ ལས་གཟའི་རྒྱལ་པོ་ལྗང་གུ་འབྲུག་ལྗང་གུ་ལ་ཞོན་པ༔ ལག་ན་རལ་གྲི་ལྗང་གུ་ཐོགས་པ༔ ཏྲི་ལས་ཐེའུ་རང་གི་རྒྱལ་པོ་ནག་པོ་རྭ་སྐྱེས་ནག་པོ་ལ་ཞོན་པ༔ ལག་ན་ཐོ་བ་ནག་པོ་ཐོགས་པ༔ ཨ་ལས་ལྷའི་རྒྱལ་པོ་དཀར་པོ་གཡག་དཀར་པོ་ལ་ཞོན་པ༔ ལག་ན་མདུང་དར་དཀར་པོ་ཐོགས་པ༔ ཡ་ལས་གཤིན་རྗེའི་རྒྱལ་པོ་སྔོན་པོ་མ་ཧེ་ལ་ཞོན་པ༔ ལག་ན་ཁྲམ་ཤིང་སྔོན་པོ་ཐོགས་པ༔ མ་ལས་མ་མོའི་རྒྱལ་མོ་དཀར་མོ་འབྲུག་དཀར་མོ་ལ་ཞོན་པ༔ ལག་ན་མདའ་དར་དཀར་པོ་ཐོགས་པ༔ དུ་ལས་བདུད་ཀྱི་རྒྱལ་པོ་ནག་པོ་རྟ་ནག་པོ་ལ་ཞོན་པ༔ ལག་ན་དགྲ་སྟ་ནག་པོ་ཐོགས་པ༔ རུ་ལས་བཙན་གྱི་རྒྱལ་པོ་དམར་པོ་རྟ་དམར་པོ་ལ་ཞོན་པ༔ ལག་ན་མདའ་གཞུ་དམར་པོ་འཛིན་པ༔ ཙ་ལས་ར་ཙའི་རྒྱལ་པོ་སེང་གེ་དཀར་པོ་ལ་ཞོན་པ༔ ལག་ན་འཁར་གསིལ་ལྗང་སྔོན་ཐོགས་པ༔ ཤ་ལས་གནོད་སྦྱིན་རྒྱལ་པོ་ལྗང་སྔོན་སྟག་ལྗང་སྔོན་ལ་ཞོན་པ༔ ལག་ན་བ་དན་ལྗང་སྔོན་ཐོགས་

― CMR038_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

པ༔ ན་ལས་ཀླུའི་རྒྱལ་པོ་མཐིང་ནག་དུག་སྦྲུལ་མཐིང་ནག་ལ་ཞོན་པ༔ ལག་ན་ཆུ་སྲིན་རྒྱལ་མཚན་མཐིང་ནག་ཐོགས་པ༔ དེ་ལྟར་སྤྱི་མདོས་ལ་ཡོངས་རྫོགས༔ གེལ་མདོས་ལ་མངོན་རྟོགས་སོ་སོར་བསྒོམ༔ རིགས་མཐུན་འཁོར་ཚོགས་གྲངས་མེད་བསྐོར༔ ཧཱུྃ་ལས་རིན་ཆེན་སྣོད་ནང་དུ༔ བཤོས་བུ་རི་རྒྱལ་ལྷུན་པོ་ཙམ༔ རོ་བརྒྱ་ནུས་པ་སྟོང་དང་ལྡན༔ ཕྱག་མཚན་ལ་སོགས་མཐུན་པའི་རྫས༔ ནམ་མཁའ་དར་ཚོན་འབྲུ་སྣ་དང་༔ འདོད་པའི་ཡོན་ཏན་རྣམ་པ་ལྔས༔ ས་དང་ནམ་མཁའ་བར་སྣང་གང་༔ སྤྲིན་ལྟར་འཁྲིགས་ཤིང་ཆར་ལྟར་འབེབས༔ ཟག་མེད་བདེ་བ་བསྐྱེད་པར་གྱུར༔ རྣམ་པར་སྣང་མཛད་བྱིན་རླབས་ཀྱིས༔ ཐལ་མོ་ཁོང་སྟོང་ཕྱག་རྒྱའི་ནང་༔ ཡི་གེ་ཁཾ་ལས་འོད་འཕྲོས་པས༔ མདོས་མཆོད་དེ་༈ དག་འཕེལ་ཤིང་རྒྱས༔ སྟོང་གསུམ་འཇིག་རྟེན་གནམ་ས་གང་༔ ༀ་ན་མཿསརྦ་ཏ་ཐཱ་ག་ཏ་བྷྱོ་བྷི་ཤྭ་མི་ཁེ་བྷུ༔ སརྦ་ཐ་ཁཾ་ཨུཏ་ག་ཏེ་སྤ་ར་ཎ་ཧི་མཾ་ག་ག་ན་ཁཾ་སྭཱ་ཧཱ༔ བདུད་རྩི་འཁྱིལ་པའི་བྱིན་རླབས་ཀྱིས༔ ཐལ་མོ་ཁ་གྱེད་ཕྱག་རྒྱའི་ནང་༔ ཛཡིག་དམར་པོ་འོད་འཕྲོས་པས༔ མདོས་མཆོད་ཟད་མེད་བདུད་རྩིར་གྱུར༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་

― CMR038_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ཧ་ན་ཧཱུྃ་ཕཊ༔ རིན་ཆེན་འབྱུང་ལྡན་བྱིན་རླབས་ཀྱིས༔ མཆོག་སྦྱིན་ཕྱག་རྒྱ་ཏྲི་སེར་ལས༔ འོད་འཕྲོས་མགྲོན་རྣམས་ཐམས་ཅད་ལ༔ བསྔོས་པ་བཞིན་དུ་ཐོབ་པ་གྱུར་ཅིག༔ ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ༔ དོན་ཡོད་གྲུབ་པའི་བྱིན་རླབས་ཀྱིས༔ ཁུ་ཚུར་མཆོག་སྦྱིན་ཕྱག་རྒྱའི་ནང་༔ ཧ་ལྗང་འོད་ཟེར་འཕྲོས་པའི་མཐུས༔ མགྲོན་ཀུན་མཉེས་ཤིང་ཚིམ་གྱུར་ཅིག༔ ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཐས་མནྟ་ཨ་མྲྀ་ཏ་སྤ་ར་ཎ་རསྨི་བྷ་ཝ་མ་ཧཱ་མ་ཎི་དུ་རུ་དུ་རུ་ཧིདཱ་ཡ་ཛྭ་ལ་ནི་སྭཱ་ཧཱ༔ ཕྱག་ན་རྡོ་རྗེའི་བྱིན་རླབས་ཀྱིས༔ སོར་བསྣོལ་ཕྱག་རྒྱ་ཛདམར་ལས༔ འོད་འཕྲོས་མགྲོན་ཀུན་དབང་དུ་བསྡུས༔ བདག་གི་བཀའ་བཞིན་བསྒྲུབ་པར་གྱུར༔ ན་མས་མན་བུདྡྷཱ་ནཾ་གྲ་ཧེ་ཤཱ་རི་པྲ་བྷ་ཛྷཱ་ན་མཱ་ར་ཡ་སྭཱ་ཧཱ༔ སྤྱི་མདོས་གེལ་མདོས་གང་བྱེད་ཀྱང་སྤྱན་འདྲེན་པ་ནི༔ ཧཱུྃ༔ གཟའ་ཡི་རྒྱལ་པོ་གཟའ་ཡི་རྗེ༔ འཛམ་བུ་གླིང་གི་སྟེང་ཕྱོགས་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ གཟའ་ཡི་རྒྱལ་པོ་སྤྱན་འདྲེན་ནོ༔ ཧཱུྃ༔ ཐེའུ་

― CMR038_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རྒྱལ་པོ་ཐེའུ་རང་རྗེ༔ འཛམ་བུ་གླིང་གི་འོག་ཕྱོགས་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་། མཆོད་ཅིང་བཀའ་བསྒོ་མང་དུ་ཡོད༔ ཐེའུ་རང་རྒྱལ་པོ་སྤྱན་འདྲེན་ནོ༔ ཧཱུྃ༔ ལྷ་ཡི་རྒྱལ་པོ་ལྷ་ཡི་རྗེ༔ འཛམ་བུ་གླིང་གི་ཤར་ཕྱོགས་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ ལྷ་ཡི་རྒྱལ་པོ་སྤྱན་འདྲེན་ནོ༔ ཧཱུྃ༔ གཤིན་རྗེའི་རྒྱལ་པོ་གཤིན་རྗེའི་རྗེ༔ འཛམ་བུ་གླིང་གི་ལྷོ་ཕྱོགས་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ གཤིན་རྗེའི་རྒྱལ་པོ་སྤྱན་འདྲེན་ནོ༔ ཧཱུྃ༔ མ་མོའི་རྒྱལ་པོ་མ་མོའི་རྗེ༔ འཛམ་བུ་གླིང་གི་ནུབ་ཕྱོགས་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ མ་མོའི་རྒྱལ་པོ་སྤྱན་འདྲེན་ནོ༔ ཧཱུྃ༔ བདུད་ཀྱི་

― CMR038_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་བདུད་ཀྱི་རྗེ༔ འཛམ་བུ་གླིང་གི་བྱང་ཕྱོགས་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ བདུད་ཀྱི་རྒྱལ་པོ་སྤྱན་འདྲེན་ནོ༔ ཧཱུྃ༔ བཙན་གྱི་རྒྱལ་པོ་བཙན་གྱི་རྗེ༔ འཛམ་བུ་གླིང་གི་ཤར་ལྷོ་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ བཙན་གྱི་རྒྱལ་པོ་སྤྱན་འདྲེན་ནོ་ཧཱུྃ༔ རྭ་ཙའི་རྒྱལ་པོ་ར་ཙའི་རྗེ༔ འཛམ་བུ་གླིང་གི་ལྷོ་ནུབ་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ རྭ་ཙའི་རྒྱལ་པོ་སྤྱན་འདྲེན་ནོ༔ ཧཱུྃ་གནོད་སྦྱིན་རྒྱལ་པོ་གནོད་སྦྱིན་རྗེ༔ འཛམ་བུ་གླིང་གི་ནུབ་བྱང་ནས༔ ཡང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ གནོད་སྦྱིན་རྒྱལ་པོ་སྤྱན་འདྲེན་ནོ༔

― CMR038_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླུ་ཡི་རྒྱལ་པོ་ཀླུ་ཡི་རྗེ༔ འཛམ་བུ་གླིང་གི་བྱང་ཤར་ནས༔ ཡོང་ཅིག་ཚུར་ལ་སྙན་གསོན་དང་༔ མཆོད་པ་རྒྱ་ཆེན་འདི་ན་ཡོད༔ ཡང་ཅིག་ཚུར་གཟིགས་འདི་ཉོན་དང་༔ མཆོད་ཅིང་བཀའ་བསྒོ་མང་དུ་ཡོད༔ ཀླུ་ཡི་རྒྱལ་པོ་སྤྱན་འདྲེན་ནོ༔ ཨེ་ཀྱེ་ཧི་བཛྲ་ས་མ་ཡ་ཛ༔ ཛཿཧཱུྃ་བཾ་ཧོཿ ཏིཥྛ་ལྷན༔ གེལ་མདོས་ལ་ཞུས་ལན་མེད་ཀྱང་རུང་༔ སྤྱི་མདོས་དུས་མེད་དུ་མི་རུང་སྟེ༔ མར་གསུང་སྔ་བའོ༔ ཀ༽ ཧཱུྃ༔ གཟའ་ཡི་རྒྱལ་པོ་གཟའ་ཡི་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ཁ༽ ཧཱུྃ༔ ཐེའུ་རང་རྒྱལ་པོ་ཐེའུ་རང་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ག༽ ཧཱུྃ༔ ལྷ་ཡི་རྒྱལ་པོ་ལྷ་ཡི་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ང༽ ཧཱུྃ༔ གཤིན་རྗེའི་རྒྱལ་པོ་གཤིན་རྗེའི་རྗེ༔ བྱོན་པ་གང་གི་ཕྱོགས་ནས་

― CMR038_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ཅ༽ ཧཱུྃ༔ མ་མོའི་རྒྱལ་པོ་མ་མོའི་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ཆ༽ ཧཱུྃ༔ བདུད་ཀྱི་རྒྱལ་པོ་བདུད་ཀྱི་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས་ཇ༽ ཧཱུྃ༔ བཙན་གྱི་རྒྱལ་པོ་བཙན་གྱི་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ཉ༽ ཧཱུྃ༔ རྭ་ཙའི་རྒྱལ་པོ་རྭ་ཙའི་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ཏ༽ ཧཱུྃ༔ གནོད་སྦྱིན་རྒྱལ་པོ་གནོད་སྦྱིན་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་

― CMR038_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་རྫས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ ཐ༽ ཧཱུྃ༔ ཀླུ་ཡི་རྒྱལ་པོ་ཀླུ་ཡི་རྗེ༔ བྱོན་པ་གང་གི་ཕྱོགས་ནས་བྱོན༔ འབྱོན་པ་ཅི་ཡི་དོན་ལ་འབྱོན༔ དགྱེས་པ་མཐུན་རྗེས་ཅི་ལ་དགྱེས༔ བཤགས་ན་བཤགས་པ་གང་ལྟར་དགོས༔ དེ་ནས་མདུན་དུ་སྡེར་རམ་ཐེབ་ཙེའི་ནང་དུ༔ སོ་སོའི་མཐུན་རྫས་གང་ཡིན་དང་༔ འབྲུ་སྣ་ལ་སོགས་བླུགས་ལ་བྲན༔ མཆོད་གཡོག་པས་ལག་པ་བཀྲུས་ཏེ་འདུག༔ ཧཱུྃ༔ གཟའ་ཡི་རྒྱལ་པོ་གཟའ་ཡི་རྗེ༔ སྐུ་མདོག་ལྗང་གུ་འབྲུག་ལ་ཞོན༔ ཕྱག་ན་རལ་གྲི་ལྗང་གུ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ ཤ་ཁྲག་འབྲུ་སྣ་རིན་ཆེན་དང་༔ དར་ཟབ་མང་པོ་ཁྱོད་ལ་སྦྱིན༔ གཟའ་ཡི་རྒྱལ་པོས་གཙོར་བྱས་པའི༔ གཟའ་ཡི་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀ་ལི་ཧཱུྃ༔ ཧ་ཤཱི༔ མག་ལེ༔ ཧུན་ཏེ༔ ཝི་རི༔ ཀ་ཨ་ནི༔ ཝ་ཀ་ནི༔ ཤ་མེ་ཤ་མེ༔ ཏུ་ཏ༔ མི་ནུ་ཡེ༔ མི་ནུ་ཡེ༔ སྐྱེ་སྱེ༔ ཨ་ཏྲང་ཏྲེ་ཏྲེ་ཏྲ་ཊ་སུན་ཏི་ཡེ༔ ཨཀྵེ༔ སར་ཨཀྵེ༔ ཝིན་རྒྱུ་ཝིན་ནུ༔ པུ་པཱུ༔ ཨིཀྐ་ཨིཀྐ༔ ཝགཱི་ཝཀྵེ༔ ཀེ་ཀེ༔ མ་ལི་ཀ་ལི༔

― CMR038_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་ཏུ་ཡེ་ཨ་ཏུ་ཡེ༔ མ་ཎི༔ སབ་ཛ་སབ་ཛ༔ ཕྱ་ཕྱ༔ ནིར་ནིར༔ ཝཀཱ་མི་ཀི་མི༔ ཧུན་ཧུན༔ མི་ཧུན་མི་ཧུན༔ ཏེལ་པ་གྱང་མཆོད་ཅེས་གཟུངས་རེ་དང་དཔེའུ་རིས་ལྟར་གཏོར་མ་རེ་སྦྲགས་ལ་མཆོད༔ ཧཱུྃ༔ ཐེའུ་རང་རྒྱལ་པོ་ཐེའུ་རང་རྗེ༔ སྐུ་མདོག་ནག་པོ་ར་ལ་ཞོན༔ ཕྱག་ན་ཐོ་བ་ནག་པོ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ལ་འབྱོར་སྒྲུབ་པ་པོ༔ ར་སྤུ་འབྲུ་སྣ་རིན་པོ་ཆེ༔ དར་ཟབ་མང་པོ་ཁྱོད་ལ་འབུལ༔ ཐེའུ་རང་རྒྱལ་པོས་གཙོར་བྱས་པའི༔ ཐེའུ་རང་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀ་ལི་བཱི༔ རཾ་ཤྲཱི༔ བྷཧྥེ་སུ་བྷཀྵེ༔ ས་རུ་བྷངྒེ༔ མི་མུ་བ་བ་ཡུ་ཡུ༔ ས་ས་མི་མི༔ ཨུ་ཨཱུ༔ རུ་རི༔ པུ་སི༔ མག་ལེ༔ ཤུ་ཤུ༔ ཨུ་ཨུ༔ ཝར་ཝར༔ ཤཀེ་སུ་ཤཀེ༔ ཨ་པེ༔ ཤཀེ༔ སོད་ཧ༔ ཡུ་ཡུ༔ རུ་མྱི༔ ཕྱ་ཕྱ༔ ཤ་ཤ༔ བི་བི༔ ལ་ལ༔ ཀ་ཤུག༔ བ་མེ་ཡུ༔ ཨ་ཨ༔ རུ་རུ་ཏི༔ ལྕགས་ཏིལ་མཆོད༔ ཅེས་བཟླས་ཟན་ལ་ལྕགས་ཏེ་མང་དུ་བཟོས་ཏེ་གཟུངས་དང་སྦྲགས་ལ་རེ་རེ་བཞིན་མདོས་ནང་མཆོད༔ ཧཱུྃ༔ ལྷ་ཡི་རྒྱལ་པོ་ལྷ་ཡི་རྗེ༔ སྐུ་མདོག་དཀར་པོ་གཡག་ལ་

― CMR038_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ཞོན༔ ཕྱག་ན་མདུང་དར་དཀར་པོ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ སྨན་སྣ་འབྲུ་སྣ་རིན་ཆེན་དང་༔ དར་ཟབ་མང་པོ་ཁྱོད་ལ་མཆོད༔ ལྷ་ཡི་རྒྱལ་པོས་གཙོར་བྱས་པའི༔ ལྷ་ཡི་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀཱ་ལི་ཤི༔ ཤི་ཤྲཱི༔ མག་ལེ༔ དུན་ཏེ༔ ཝི་རི༔ ཨ་ཀ་ནི༔ ཝ་ཀ་ནི༔ ཤ་མེ་ཤ་མེ༔ སྐྱུ་ཎྱ༔ མི་ཏྲ་ཡེ་མི་ཏྲ་ཡེ༔ མྱ་སྱ༔ མ་ཏང་ཏྲེ་ཏྲེ༔ ཏྲ་ཊ་སུན་ཏི་ཡེ༔ མག་གེ་ས་ར་མག་ཀེ༔ ཝིན་རྒྱུ་ཝིན་རཱུ༔ སུ་སུ་པྲིཀྐ་པྲིཀྐ༔ ཝཀེ་ཝཀྵེ༔ ཀྵེ་ཀྵེ༔ ཨ་ལི་ཀ་ལི༔ མ་ཏུ་ཡེ༔ མ་ཏུ་ཡེ༔ ཨ་ནི༔ སབ་ཟ་སབ་ཟ༔ ཕྱ་ཕྱ༔ ནིར་ནིར༔ ཝཀཱ་ལི་ཀི་ལི༔ དུན་དུན་མི་དུན་མི་་དུན༔ ཤྭ་དཀར་པོ་མཆོད༔ ཅེས་བཟླས་ལ་ཡུང་མ་ལ་ཤྭ་དཀར་པོ་མིག་མང་པོ་ཅན་མང་དུ་བྱས་ལ་མདོས་ནང་དུ་གཟུངས་རེ་བཟླས་ལ་རེ་རེ་བཞིན་མཆོད༔ ཧཱུྃ༔ གཤིན་རྗེའི་རྒྱལ་པོ་གཤིན་རྗེའི་རྗེ༔ སྐུ་མདོག་སྔོན་པོ་མ་ཧེ་ཞོན༔ ལག་ན་ཁྲམ་ཤིང་སྔོན་པོ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ འབྲུ་སྣ་རིན་ཆེན་ཤ་སྣ་དང་༔ དར་ཟབ་མང་པོ་

― CMR038_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་ལ་འབུལ༔ གཤིན་རྗེའི་རྒྱལ་པོས་གཙོར་བྱས་པའི༔ གཤིན་རྗེའི་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་མ་ལི་ནི༔ ས་ཏེ༔ ནག་ཤ་ལི༔ ནག་ཤ་ལེ༔ མྲྀ་ཏུ་མྲྀ་ཏྱཱ༔ ཤ་མེ་ཤ་མེ༔ བྱུ་བྱུ༔ ཧི་ཏྲ་ཡེ་ཧི་ཏྲ་ཡེ༔ ཏུ་པ་ཏང་ཀྲེ་ཀྲེ༔ ཀྲ་ཏྲ༔ ཡུན་ཏི་ཡ༔ མགོ་ཀེ༔ སར་མག་ཀེ༔ ཨིན་ནྱུ་ཨིན་ནྱུ༔ ཏུ་ཏུ་མཱིཀྐ་པྲིཀྐ༔ ཝཀླུ་ཝཀྵེ༔ ཀླུ་ཀྵེ༔ ཡ་ལི་ཀ་ལི༔ མ་ཏུ་ཡེ་མ་ཏུ་ཡེ༔ ཡ་ནི་སབ་ཛ་སབ་ཛ༔ བྱ་བྱ༔ ནིར་ནིར༔ ཝཀ་ལི་ལི་ཀི་ལི༔ ཏུན་ཏུན༔ མི་ཏྱན་མི་ཏུན༔ གཏོར་མ་ཆུང་ངུ་མཆོད༔ ཅེས་དམར་གཏོར་ཆུང་ངུ་རེ་དང་གཟུངས་རེ་སྤྲད་ལ་མདོས་ནང་དུ་མཆོད༔ ཧཱུྃ༔ མ་མོའི་རྒྱལ་པོ་མ་མོའི་རྗེ༔ སྐུ་མདོག་དཀར་པོ་འབྲུག་ལ་ཞོན༔ ཕྱག་ན་མདའ་དར་དཀར་པོ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ སྨན་སྣ་འབྲུ་སྣ་རིན་ཆེན་དང་༔ དར་ཟབ་མང་པོ་ཁྱོད་ལ་མཆོད༔ མ་མོའི་རྒྱལ་པོས་གཙོར་བྱས་པའི༔ མ་མོའི་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀཱ་ལི་ཤཱི༔ བི་ཤི་མག་ལེ༔ ཡུན་

― CMR038_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ༔ ཧི་རི༔ མ་ཀ་ནི༔ ཝ་ཀ་ནི༔ ཤ་མེ་ཤ་མེ༔ ར་ཡུ་ར་ཡུ༔ མི་ཏྲ་ཡེ་མི་ཏྲ་ཡེ༔ མྱ་སྱ༔ མ་ཏང་ཏྲེ་ཏྲེ༔ ཏྲ་ར༔ བུན་ཡི་ཡེ༔ རཀྵ་སར་རཀེ༔ ཨིན་རྒྱུ་ཨིན་རཱུ༔ ཝུ་ཝུ༔ མཱིཀྐ་མཱིཀྐ༔ ཝཀེ་ཝཀྐི༔ རྨེ་རྨེ༔ མ་ལི་ཀ་ལི༔ མུ་ཏུ་ཡེ་པྲ་ཏུ་ཡ༔ མ་ནི༔ སབ་ཛ་སབ་ཛ༔ མྱ་ནི་ར་ནི་ར༔ ཝག་མ་ལི་ཀི་ལི༔ ཤུན་ཤུན༔ མི་ཤུན་མི་ཤུན༔ གཏོར་མ་ཆུང་ངུ་མཆོད༔ ཅེས་གཏོར་ཆུང་ཟླུམ་པོ་རེ་དང་གཟུངས་རེ་སྤྱད་ལ་མདོས་ནང་དུ་མཆོད་དོ༔ ཧཱུྃ༔ བདུད་ཀྱི་རྒྱལ་པོ་བདུད་ཀྱི་རྗེ༔ སྐུ་མདོག་ནག་པོ་རྟ་ནག་ཞོན༔ ཕྱག་ན་དགྲ་སྟ་ནག་པོ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ འབྲུ་སྣ་རིན་ཆེན་ཤ་སྣ་དང་༔ ཁྲག་སྣ་མང་པོ་ཁྱོད་ལ་མཆོད་བདུད་ཀྱི་རྒྱལ་པོས་གཙོར་བྱས་པའི་བདུད་ཀྱི་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀ་ལི་ཧཱུྃ༔ ནི་ཤྲཱི༔ མག་ལེ༔ སུན་ཏེ༔ བི་རི༔ དུ་ཀ་ནི༔ ཝ་ཀ་ནི༔ ཤ་མེ་ཤ་མེ༔ ཏུ་ཏྟུ༔ རི་ཏྲ་ཡེ་རི་ཏྲ་ཡེ༔ རྒྱ་རྒྱ༔ དུ་ཏང་༔ པྲ་པྲ༔ ཏྲ་ཏྲ༔ ལུན་ཏི་ཡེ༔ མག་ཀེ༔ སར་མག་ཀེ༔ རིན་རྒྱུ་རིན་

― CMR038_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

ནྱུ༔ ཝུ་ཝུ༔ པྲིཀྐ་མཱིཀྐ༔ ཝག་ཝེ་ཝག་ཝེ༔ ཀྭ་ཀྭ༔ དུ་ལི་ཀ་ལི༔ མ་ཏུ་ཡེ་པྲ་ཏུ་ཡེ༔ དུ་ནི༔ སབ་ཛ་སབ་ཛ༔ ཀྱ་ཀྱ༔ ནིར་ནིར༔ ཝག་ཝ་་ལི༔ ཡུན་ཡུན༔ མི་ཡུན་མི་ཡུན༔ ཤྭ་ནག་པོ་མཆོད༔ ཅེས་ཟན་ནག་གི་ཤྭ་མིག་གཉིས་པ་མང་དུ་བྱས་ལ་གཟུངས་རེ་རེ་དང་སྤྱད་ལ་མདོས་ནང་དུ་མཆོད་དོ༔ ཧཱུྃ༔ བཙན་གྱི་རྒྱལ་པོ་བཙན་གྱི་སྐུ་མདོག་དམར་པོ་རྟ་དམར་ཞོན༔ ཕྱག་ན་མདའ་གཞུ་དམར་པོ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ འབྲུ་སྣ་རིན་ཆེན་དར་ཟབ་དང་༔ བལ་ཚོན་མང་པོ་ཁྱོད་ལ་མཆོད༔ བཙན་གྱི་རྒྱལ་པོས་གཙོར་བྱས་པའི༔ བཙན་གྱི་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀ་ལི་ས༔ ཚོ་ཤཱི༔ རི་བྲི་མག་ལེ༔ མ་མ༔ སི་རི་སི་རི༔ རུ་རུ༔ མ་ཏ་མ་ཏ༔ ཤ་མེ་ཤ་མེ་ཏུ་ཏྟཱི༔ ཨི་ཐི་ཨི་ཐི༔ ཏ་ཀ༔ རུ་སེ་རུ་སེ༔ ཨ་ལ་ལ་རུ་རུ༔ ཧ་ཏ་ཡེ་ཧ་ཏ་ཡེ༔ མ་ས་མ་ས༔ ཨི་ཁང་ཨི་ཁང་༔ བི་ཁང་བི་ཁང་༔ རུ་ཁང་རུ་ཁང་༔ ཡབ་ཏ་ཡབ་ཏ༔ ཤན་ཏེ་ཤན་ཏེ༔ ཝང་ཝང་༔ ཡ་མ་ཡ་མ༔ ས་ལེ་ས་ལེ༔ སལ་

― CMR038_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

སལ༔ མ་རུ་ཡེ་མ་རུ་ཡེ༔ ར་ཡུ་ར་ཡུ༔ སལ་སལ༔ ཏྲེ་ཏྲ༔ རི་རི༔ མལ་མལ༔ ཤ་ཏ་ཤ་ཏ༔ ཨི་ཧང་༔ མ་ཏ་ཡེ་སོད་ཧ༔ ཤིང་དམར་པོ་མཆོད༔ ཅེས་མཛོ་མོ་ཤིང་ངམ་ཚེར་ནག་ནང་སྙིང་ངམ་སེ་བའི་ནང་ངམ་སེང་ལྡེང་ངམ་ཙན་དན་སོགས་དུམ་བུ་རེ་གཟུངས་རེ་སྤྲུགས་ལ་མཆོད་དོ༔ ཧཱུྃ༔ རཱ་ཙའི་རྒྱལ་པོ་རྭ་ཙའི་རྗེ༔ སྐུ་མདོག་དཀར་པོ་སེང་གེ་ཞོན༔ ཕྱག་ན་འཁར་གསིལ་དཀར་པོ་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ འབྲུ་སྣ་རིན་ཆེན་དར་ཟབ་དང་༔ ཁང་ས་རྣམས་ཀྱིས་ཁྱོད་ལ་མཆོད༔ རྭ་ཙའི་རྒྱལ་པོས་གཙོར་བྱས་པའི༔ རྒྱལ་པོའི་རིགས་ནི་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀ་ལི་ཤཱི༔ རི་ཤྲཱི༔ མག་ལེ༔ དུན་ཏེ༔ ཨ་བི་ཡ༔ ཙ་ཙ༔ ཙ་སེ་ཙ་སེ༔ མཱིཀྐ་ཡེ་མིཀྐ་ཡེ༔ བི་ལྷ༔ དྷ་དྷ༔ བྷྱོ་བྷྱོ༔ ཝི་ཏ་ཡེ༔ ཧ་ཏ་ཡེ༔ བྲེ་བྲེ༔ བྲེ་མོ་བྲེ་མོ༔ ཧི་ཧ༔ ཝི་ཧ༔ མི་ཧ༔ ཙ་པ་ཏྲི་ཏ༔ ཝ་ཏ་ཡེ༔ མི་ཏ་ཀུ་རུ༔ ཙ་རུ་ཙ་རུ༔ ཙ་ཤ་ཙ༔ སབ་ཛ་སབ་ཛ༔ ཤ་མེ་ཤ་མེ༔ ཏུ་ཏྟཱི༔ བྱུ་བྱུ༔ སྱ་སྱཱ༔ མིག་ཏ་ནི་ལི་ཏ་ཏ༔ བཀླུ༔ བི་ཧ༔ སན་ཏ༔ མྲྀ་

― CMR038_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ༔ ཨ་ཧང་ཏ༔ ཤི་ལི་ཏ་ཡེ་སོད་ཧ༔ རྡོ་དཀར་པོ་མཆོད༔ ཅེས་སྔགས་ཚར་རེ་དང་མཁར་སྒོང་སོགས་རྡོ་དཀར་པོ་གང་རུང་རེ་སྤྱད་ལ་མདོས་ནང་དུ་མཆོད༔ ཧཱུྃ༔ གནོད་སྦྱིན་རྒྱལ་པོ་གནོད་སྦྱིན་རྗེ༔ སྐུ་མདོག་ལྗང་སྔོན་སྟག་ལྗང་ཞོན༔ ཕྱག་ན་བ་དན་ལྗང་སྔོན་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ འབྲུ་སྣ་རིན་ཆེན་དར་སྣ་དང་༔ ས་ཚོན་སྣ་ཚོགས་ཁྱོད་ལ་མཆོད༔ གནོད་སྦྱིན་རྒྱལ་པོས་གཙོར་བྱས་པའི༔ གནོད་སྦྱིན་རིགས་རྣམས་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀ་ལི་ཤྲཱི༔ རི་ཤྲཱི༔ མག་ལེ༔ དུན་ཏེ་ལ་ར་ཧྲ་ཡི༔ མིལ་མིལ་མིལ༔ ཤི་ཏ༔ ཁ་རོག༔ མ་ཤ་ཡེ༔ བ་ཧ་ཏེ༔ ས་ཏ༔ མི་ལ་ལ༔ ན་ནི༔ ཨ་ཏ་ཡེ༔ སུ་ཨ་ཏ་ཡེ༔ ཡཀླུ་ཨ་ཏ་ཡེ༔ མི་རི་མི་རི༔ ཨ་མི་རི༔ ས་ལི༔ ནག་མོ༔ ནག་མོ༔ ཧྲི་ཥ་ཥ༔ མ་ལ༔ ཨ་ཅ༔ ས་མཿ ཤྲཱི་ཏེ༔ སུ་ཀྲྀ་ཏེ༔ ཡཀྵ་གཽ་ཏེ༔ རུ་རུ་ནི་སོད་ཨ་ཨ༔ ས་ནེ༔ ལི་ལི༔ ཨ་ཨ་ནག་མོ་ནག་མོ༔ བི་ཏ་ཡེ༔ ཧ་བི་ཏ་ཡེ༔ ཤ་ཏ་བིག་ཊ་ཡེ༔ ཨ་ནི་ནི༔ མི་ལི་ལི༔ ཨ་བི་བི༔ ཨ་

― CMR038_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་ཏ༔ མི་ལི༔ ཤབ་ཏ་མི་ལི༔ རག་མོ་མི་ལི༔ ཧ་པ་མི་ལི༔ ཧྲི་ག་ག་མི་ལི༔ ཧ་ཧ་ས་སྟ་ནི་སྭཱ་ཧཱ༔ སྟག་རི་བཀྲ་མཆོད༔ ཅེས་སྐང་སྤར་བཏབ་པའི་སྟག་གི་གཟུགས་དང་གཟུངས་རེ་དང་སྤྲད་ལ་མདོས་ནང་དུ་མཆོད་དོ༔ ཧཱུྃ༔ ཀླུ་ཡི་རྒྱལ་པོ་ཀླུ་ཡི་རྗེ༔ སྐུ་མདོག་མཐིང་ནག་སྦྲུལ་ནག་ཞོན༔ ཕྱག་ན་ཆུ་སྲིན་རྒྱལ་མཚན་ཐོགས༔ ཁྱོད་ནི་ལྷ་འདྲེ་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ འབྲུ་སྣ་རིན་ཆེན་དར་སྣ་དང་༔ ཀླུ་སྨན་སྣ་ཚོགས་ཁྱོད་ལ་མཆོད༔ ཀླུ་ཡི་རྒྱལ་པོས་གཙོར་བྱས་པའི༔ ཀླུ་རིགས་རྣམས་ནི་ཐམས་ཅད་ཀྱིས༔ ཁེང་ལོག་བྱས་པ་སོར་ཆུད་མཛོད༔ ཨོཾ་ཀ་ལ་ཤཱི༔ བི་ཤཱི༔ ཡབ་ཏ་ལ༔ མི་ས་ཏེ༔ ཨ་རི་རི༔ ཤ་ནེ༔ ཨ་ཤ་ནེ༔ མི་ཤ་ནེ༔ ལུག་ལི་ཤ་ནེ༔ ཨི་མཾ་ཤ་ནེ༔ ནཱ་ག། ཤ་ནེ༔ ཤ་མེ་ཤ་མེ༔ ཏུ་ཏུ༔ ཨིད་ཁྱུ་ཨིད་ཏཱུ༔ ས་ཏྱ་སིད་ཎྱ༔ མི་ཏ་ཡེ་ན་མཿ ལྗིད་ཏུ་ལྗིད་ཏ༔ ཨི་མཾ་ཨི་མཾ༔ ས་ཏ་ནི༔ སྦལ་པ་ནག་པོ་མཆོད༔ ཅེས་གཟུངས་ཚར་རེ་དང་ཟན་ལ་སྦལ་པ་མཐེབ་སྐྱུ་འདྲ་བ་རེ་སྦྲག་ལ་མདོས་ནང་དུ་མཆོད༔ ༈ ད་ནི་གཟུངས་ཚར་བ་དང་བཤགས་པ་ནི༔ ཧཱུྃ༔ གཟའ་ཡི་རྒྱལ་པོ་གཟའ་ཡི་རྗེ༔ ཡང་ཅིག་ཚུར་ལ་གཟིགས་མཛོད་དང་༔

― CMR038_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

རྣལ་འབྱོར་བདག་དང་འཁོར་གཏོགས་རྣམས༔ གཟའ་རྒོད་མནན་དང་སེར་བར་འཚེ༔ ནམ་མཁའི་ཐོགས་ལ་རྒྱབ་བསྟན་དང་༔ སྟེང་གི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ གཟའ་ཡི་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཧཱུྃ༔ ཐེའུ་རང་རྒྱལ་པོ་ཐེའུ་རང་རྗེ་ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ ར་བསད་མགར་བའི་ཏི་ཚ་བཅིག༔ གནམ་ལྕགས་ཐོག་ལ་ལོག་ལྟ་བྱས༔ ས་དྷ་ཆེན་པོར་བཟུང་བ་དང༔ འོག་གི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ ཐེའུ་རང་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་ལྟོ་གསོལ༔ ཧཱུྃ༔ ལྷ་ཡི་རྒྱལ་པོ་ལྷ་ཡི་རྗེ༔ ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ ཉི་མ་ནག་པོར་བསང་བྱས་དང་༔ ཁྱི་ནག་བསང་རྫས་གཡབ་པ་དང་༔ སྤུ་རྟགས་ཅན་གྱི་གཡག་བསད་དང་༔ ཤར་གྱི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ ལྷ་ཡི་ཁེང་ལོག་དེ་

― CMR038_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཧཱུྃ༔ གཤིན་རྗེའི་རྒྱལ་པོ་གཤིན་རྗེའི་རྗེ༔ ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ བ་མེན་མ་ཧེ་གླང་བསད་དང་༔ གཏོར་མར་མི་གཙང་རྫས་སོང་དང་༔ ལྷོ་ཡི་ཕྱོགས་སུ་དམག་དྲངས་དང་༔ མཆོད་པར་ཡུགས་ཟས་བལྟས་པ་དང་༔ བསྟན་ལ་གནོད་པའི་ལས་བྱས་རྣམས༔ གཤིན་རྗེའི་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཧཱུྃ༔ མ་མོའི་རྒྱལ་པོ་མ་མོའི་རྗེ༔ ཡང་ཅིག་ཚུར་ལ།གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ སྨན་སྣ་རྣམས་ལ་དུག་འདྲེས་དང་༔ གཟས་བཟུང་ཉི་མར་བསང་བྱས་དང་༔ བོང་བུ་བསད་དང་རལ་གྲི་བཅག༔ གསང་སྔགས་མ་གསང་ལོར་མ་མཆོད༔ ནུབ་ཀྱི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ མ་མོའི་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཧཱུྃ༔ བདུད་ཀྱི་རྒྱལ་པོ་བདུད་ཀྱི་རྗེ༔ ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ རྟ་ནག་

― CMR038_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

བསད་དང་དྲེལ་ནག་ཛ༔ ཁྱི་ནག་བརྡུངས་དང་གཡག་ནག་བསད༔ བོང་ངའི་ལོ་མ་མཆོད་པ་དང་༔ བྱང་གི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ བདུད་ཀྱི་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཧཱུྃ༔ བཙན་གྱི་རྒྱལ་པོ་བཙན་གྱི་རྗེ༔ ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ རྟ་དམར་བསད་དང་ཁྱི་དམར་བརྡུངས༔ ཝ་ཤ་ཟོས་དང་ཁྱི་ཤ་ཟོས༔ ལྕང་ལོ་དམར་པོ་གནམ་དུ་ཧ༔ ཤར་ལྷོའི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ བཙན་གྱི་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཧཱུྃ༔ རྭ་ཙའི་རྒྱལ་པོ་རཱ་ཙའི་རྗེ༔ ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ ཕོ་བྲང་བཤིག་དང་ལྟུང་ལ་བརྒྱ༔ སྡེ་དགོན་གཉན་པོ་བཤིག་པ་དང་༔ ལྷོ་ནུབ་མཚམས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ རྒྱལ་པོའི་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔

― CMR038_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ གནོད་སྦྱིན་རྒྱལ་པོ་གནོད་སྦྱིན་རྗེ༔ ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ རམ་པ་བཏོགས་དང་བྱ་ཕོ་བསད༔ བྱ་མོ་བསད་དང་ལུག་ནག་བསད༔ སྟག་མོ་བསད་དང་གཟིག་དུག་བྱིན༔ སྟག་ལ་སྦྱང་བླུད་འོལ་ལྕམ་བསད༔ ཤིན་ཏུ་རྩི་ལ་ཝ་སྦྱར་དང་༔ ནུབ་བྱང་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ གནོད་སྦྱིན་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཧཱུྃ༔ ཀླུ་ཡི་རྒྱལ་པོ་ཀླུ་ཡི་རྗེ༔ ཡང་ཅིག་ཚུར་ལ་གཟིགས་མཛོད་དང་༔ རྣལ་འབྱོར་བདག་དང་འཁོར་གཏོགས་རྣམས༔ སྦལ་ནག་བསད་དང་སྤྲུལ་སྔོན་བསད༔ གཟུགས་མ་ཚང་བའི་ཆུ་སྲིན་བྲིས༔ གློག་འབྲུག་ཐོག་ལ་འཚེ་བ་དང་༔ མཚོ་དང་ཆུ་མིག་སྐམ་པ་དང༔ ཉ་མོ་བསད་དང་ལྕོང་མོར་འཚེ༔ བྱང་ཤར་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ ཀླུ་ཡི་ཁེང་ལོག་དེ་ལས་བྱུང་༔ མཐོལ་ལོ་བཤགས་སོ་བསལ་དུ་གསོལ༔ ཅེས་བཤགས་པ་བྱའོ༔ ༈ དེ་ནས་སྤྱི་ལ་བཀའ་བསྒོ་བ་ནི༔ ཧཱུྃ༔ གཟའ་ཐེལ་ལྷ་སྲིན་སྡེ་བརྒྱད་བཅས༔ ཡང་

― CMR038_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ ཧཱུྃ༔ གཟའ་ཡི་རྒྱལ་པོ་གཟའ་ཡི་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ ཐོག་སེར་མི་འབྱུང་གཟའ་ནད་ཞི༔ བསམ་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཐེའུ་རང་རྒྱལ་པོ་ཐེའུ་རང་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ ཕོ་ནད་ཞི་ཞིང་ར་ལུག་སྤེལ༔ འདོད་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ལྷ་ཡི་རྒྱལ་པོ་ལྷ་ཡི་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ ནོར་གོད་མ་གཏོང་གནག་ཕྱུགས་སྤེལ༔ བསམ་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ གཤིན་རྗེའི་རྒྱལ་པོ་གཤིན་རྗེའི་རྗེ༔ ཡང་ཅིག་ཚུར་ལ་

― CMR038_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ ཚེ་བསྲིང་དུས་མིན་འཆི་བ་ཟློག༔ བསམ་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ མ་མོའི་རྒྱལ་པོ་མ་མོའི་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ སྲིད་སྤེལ་རིམས་ནད་ཡམས་ནད་ཆོད༔ ཐན་པ་ལོ་ཉེས་མ་བཏང་ཞིག༔ བསམ་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ བདུད་ཀྱི་རྒྱལ་པོ་བདུད་ཀྱི་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ དགྲ་དང་ཤི་ཆད་མ་བཏང་ཞིག༔ བསམ་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ བཙན་གྱི་རྒྱལ་པོ་བཙན་གྱི་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ རྟ་ནད་རྟ་གོད་འཐབ་རྩོད་ཆོད༔ བསམ་པའི་དོན་

― CMR038_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ རྭ་ཙའི་རྒྱལ་པོ་རཱ་ཙ་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ དགོན་གནས་ཡུལ་འཁོར་བརྟན་པར་མཛོད༔ སྨྱོ་ཞི་བསྟན་པ་དར་བར་མཛོད༔ བསམ་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ གནོད་སྦྱིན་རྒྱལ་པོ་གནོད་སྦྱིན་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ ནོར་ནད་ཞི་ཞིང་འབྲུ་འཕེལ་མཛོད༔ བསམ་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཀླུ་ཡི་རྒྱལ་པོ་ཀླུ་ཡི་རྗེ༔ ཡང་ཅིག་ཚུར་ལ་སྙན་གསོན་དང་༔ མཆོད་དང་བཤགས་པ་དེ་ལྟར་བྱེད༔ ཁེང་ལོག་མ་མཛད་སྲུང་མགོན་མཛོད༔ མཐའ་དམག་དུས་འཁྲུག་ཐོག་སེར་དང་༔ ཀླུ་ནད་ཐམས་ཅད་ཞི་བར་མཛོད༔ འདོད་པའི་དོན་རྣམས་ཐམས་ཅད་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ གེལ་མདོས་ལ་

― CMR038_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་གསོལ་སོ་སོར་སྦྱར་ཤེས་པར་བྱའོ༔ ༈ དེ་ནས་ལམ་བསྟན་ནི༔ གསེར་སྐྱེམས་གཏོར་ཞིང་འདི་སྐད་དོ༔ ཧཱུྃ༔ གཟའ་ཡི་རྒྱལ་པོ་གཟའ་ཡི་རྗེ༔ ཡང་ཅིག་ཚུར་ལ་སྙན་གསོན་དང་གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་སྟེང་དུ་བསྟན༔ སྟེང་དུ་ཚངས་པ་ཆེན་པོ་སྟེ༔ ལྷ་ཡི་ཕོ་བྲང་བཅས་པ་ཡོད༔ མི་ཚད་གཟའ་ཡི་ཕོ་བྲང་ཡོད༔ སྟེང་གི་ཕྱོགས་སུ་ལམ་བསྟན་ན༔ ཚངས་པ་ཆེན་པོ་གཡས་སུ་གཟུར༔ གཟའ་ཡི་ཚོགས་རྣམས་གཡོན་དུ་བཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་སྟེང་གི་དགྲ་ལ་བསྟན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཐེའུ་རང་རྒྱལ་པོ་ཐེའུ་རང་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་འོག་ཏུ་བསྟན༔ འོག་ཏུ་ས་ཡི་ལྷ་མོ་སྟེ༔ ས་བདག་ཕོ་བྲང་བཅས་པ་ཡོད༔ མི་ཚད་ཐེའུ་རང་ཕོ་བྲང་ཡོད༔ འོག་གི་ཕྱོགས་སུ་ལམ་བསྟན་ན༔ ས་ཡི་ལྷ་མོ་གཡས་སུ་གཟུར༔ ཐེའུ་རང་ཚོགས་

― CMR038_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས་དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་འོག་གི་དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ལྷ་ཡི་རྒྱལ་པོ་ལྷ་ཡི་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་ཤར་དུ་བསྟན༔ ཤར་དུ་རྒྱལ་ཆེན་ཡུལ་འཁོར་སྲུང་༔ དྲི་ཟའི་ཕོ་བྲང་བཅས་པ་ཡོད༔ མི་ཚད་ལྷ་ཡི་ཕོ་བྲང་ཡོད༔ ཤར་གྱི་ཕྱོགས་སུ་ལམ་བསྟན་ན༔ རྒྱལ་ཆེན་ཡུལ་འཁོར་གཡས་སུ་གཟུར༔ ལྷ་ཡི་ཚོགས་རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་མར་ཆུམས༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་ཤར་གྱི་དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ གཤིན་རྗེའི་རྒྱལ་པོ་གཤིན་རྗེའི་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་

― CMR038_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷོ་རུ་བསྟན༔ ལྷོ་རུ་རྒྱལ་ཆེན་འཕགས་སྐྱེས་པོ༔ གཤིན་རྗེའི་འཁོར་དང་བཅས་པ་ཡོད༔ མི་ཚད་གཤིན་རྗེའི་ཕོ་བྲང་ཡོད༔ ལྷོ་ཡི་ཕྱོགས་སུ་ལམ་སྟོན་ན༔ རྒྱལ་ཆེན་འཕགས་སྐྱེས་གཡས་སུ་གཟུར༔ གཤིན་རྗེའི་ཚོགས་རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་གཟུར་ལ༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་ལྷོ་ཡི་དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ མ་མོའི་རྒྱལ་པོ་མ་མོའི་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་ནུབ་ཏུ་བསྟན༔ ནུབ་ཏུ་རྒྱལ་ཆེན་སྤྱན་མི་བཟང་༔ ཀླུ་ཡི་འཁོར་དང་བཅས་པ་ཡོད༔ མི་ཚད་ཀླུ་ཡི་ཕོ་བྲང་ཡོད༔ ནུབ་ཀྱི་ཕྱོགས་སུ་ལམ་སྟོན་ན༔ རྒྱལ་ཆེན་སྤྱན་མི་གཡས་སུ་གཟུར༔ ཀླུ་ཡི་ཚོགས་རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཚུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་ནུབ་ཀྱི་

― CMR038_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ བདུད་ཀྱི་རྒྱལ་པོ་བདུད་ཀྱི་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་བྱང་དུ་བསྟན༔ བྱང་དུ་རྒྱལ་ཆེན་རྣམ་ཐོས་སྲས༔ གནོད་སྦྱིན་འཁོར་དང་བཅས་པ་ཡོད༔ མི་ཚད་གནོད་སྦྱིན་ཕོ་བྲང་ཡོད༔ བྱང་གི་ཕྱོགས་སུ་ལམ་སྟོན་ན༔ རྒྱལ་ཆེན་རྣམ་སྲས་གཡས་སུ་གཟུར༔ གནོད་སྦྱིན་ཚོགས་རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཚུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་བྱང་གི་དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ བཙན་གྱི་རྒྱལ་པོ་བཙན་གྱི་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་ཤར་ལྷོར་བསྟན༔ ཤར་ལྷོར་ཨཧྥེ་ར་ཙ་ཡོད༔ དྲང་སྲོང་འཁོར་དང་བཅས་པ་ཡོད༔ མི་ཚད་བཙན་གྱི་ཕོ་བྲང་ཡོད༔ ཤར་ལྷོའི་ཕྱོགས་སུ་ལམ་སྟོན་ན༔ ཨགེ་ར་ཙ་གཡས་སུ་གཟུར༔ བཙན་གྱི་ཚོགས་

― CMR038_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་ཤར་ལྷོའི་དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ རྭ་ཙའི་རྒྱལ་པོ་རཱ་ཙའི་རྗེ༔ ཡང་ཅིག་ཚུར་ལ་སྙན་གསོན་དང་གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་ལྷོ་ནུབ་བསྟན༔ ལྷོ་ནུབ་སྲིན་པོ་ནི་རི་ཏི༔ སྲིན་པོའི་ཕོ་བྲང་བཅས་པ་ཡོད༔ མི་ཚད་ར་ཙའི་ཕོ་བྲང་ཡོད༔ ལྷོ་ནུབ་ཕྱོགས་སུ་ལམ་སྟོན་ན༔ སྲིན་པོ་ནི་རི་ཏི་གཡས་སུ་གཟུར་རྒྱལ་པོའི་ཚོགས་རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་ལྷོ་ནུབ་དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ གནོད་སྦྱིན་རྒྱལ་པོ་གནོད་སྦྱིན་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་ནུབ་བྱང་བསྟན༔ ནུབ་བྱང་

― CMR038_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་ལྷ་བྷ་ཡ་བྷེ༔ རླུང་ལྷའི་ཕོ་བྲང་བཅས་པ་ཡོད༔ མི་ཚད་གནོད་སྦྱིན་ཕོ་བྲང་ཡོད༔ ནུབ་བྱང་ཕྱོགས་སུ་ལམ་སྟོན་ན༔ བྷ་ཡ་བྷེ་ནི་གཡས་སུ་གཟུར༔ གནོད་སྦྱིན་ཚོགས་རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་ནུབ་བྱང་དགྲ་ལ་སྟོན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཀླུ་ཡི་རྒྱལ་པོ་ཀླུ་ཡི་རྗེ༔ ཡང་ཅིག་ཚུར་ལ་སྙན་གསོན་དང་༔ གཏོར་མའི་ལམ་བསྟན་གང་དུ་བསྟན༔ གཏོར་མའི་ལམ་བསྟན་བྱང་ཤར་བསྟན༔ བྱང་ཤར་དབང་ལྡན་ཨི་ཤྭ་ར༔ དབང་ལྡན་ཕོ་བྲང་བཅས་པ་ཡོད༔ མི་ཚད་ཀླུ་ཡི་ཕོ་བྲང་ཡོད༔ བྱང་ཤར་ཕྱོགས་སུ་ལམ་སྟོན་ན༔ ཨི་ཤྭ་ར་ནི་གཡས་སུ་གཟུར༔ འབྱུང་པོའི་ཚོགས་རྣམས་གཡོན་དུ་གཟུར༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་གཟུར་ཅིག༔ མདོས་དང་གསེར་སྐྱེམས་འདི་བཞེས་ལ༔ གཏོར་ལམ་བྱང་ཤར་དགྲ་ལ་སྟོན༔ བཅོལ་

― CMR038_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཕྲིན་ལས་འགྲུབ་པར་མཛོད༔ ཅེས་ལམ་སྟོན་ནོ༔ ༈ དེ་ནས་གཟའ་མདོས་དེ་ཕུལ་བ༔ ཕུག་པ་བྱང་གྲུའམ༔ དུར་ཁྲོད་དམ༔ རི་མཐོན་པོའི་རྩེ་ལ་བཞག༔ དེས་གཟའ་ནད་མི་འབྱུང་༔ ཐོག་སེར་མི་འོང་བསམ་པ་འགྲུབ་བོ༔ ༼ཨྠྀི༽ ཐེའུ་རང་མདོས་ནི༔ ས་ཕུག་སྟོང་པའམ་གད་པ་སྟོང་པར་བསྐྱལ་ལོ༔ དེ་ལྟར་བྱས་པས་ཕོ་ནད་ཞི༔ ར་ལུག་འཕེ་ལ་ལོ༔ ༼ཨྠྀི༽ ལྷའི་མདོས་དེ༔ ས་མཐོ་སར་བཞག་གོ༔ དེ་ལྟར་བྱས་པས་ནོར་གོད་ཆད༔ གནག་ཕྱུགས་འཕེལ་ལོ༔ ༼ཨྠ྄ྀི༽ གཤིན་རྗེའི་མདོས་དེ༔ ནགས་ཚལ་ལམ༔ ཤིང་གཅིག་སོགས་སུ་བཞག་གོ༔ དེ་ལྟར་བྱས་པས་དུས་མིན་འཆི་བ་བཟློག་ཅིང་ཚེ་རིང་ངོ་༔ མ་མོའི་མདོས་དེ༔ བྲོག་གི་སྐར་ཁུང་ངོམ༔ དེའི་ཐད་དུ་འབུལ༔ བྲག་གམ་རིའི་གནམ་སྒྲོན་གཤིན་རྗེའི་མཆེ་ཟུར་མཐོང་ས༔ དེ་མ་རྙེད་ན་རི་གཉིས་གཤིབ་པའི་བར་དུ་བཞག་གོ༔ དེས་རིམས་ནད་དང་ཡམས་ནད་ཆད་ཅིང་མི་འབྱུང་ངོ་༔ ཐན་པ་དང་ལོ་ཉེས་མི་འབྱུང་ངོ༔ ༼ཨྠྀི༽ བདུད་ཀྱི་མདོས་དེ༔ བྲག་ནག་གམ༔ རི་ནག་ཕ་བོང་ནག་པོའམ༔ གད་པ་ནག་པོའི་རྩར་བཞག་གོ༔ དེས་མི་ལ་ཤི་ཆད་ཉུང་༔ དགྲ་མི་འབྱུང་ངོ་༔ ༼ཨྠྀི༽ བཙན་མདོས་ནི༔ བྲག་དམར་པོ་ཡི་རྩ་བའམ་རིའམ་དེའུ་དམར་པོ༔ རྒྱ་ལམ་དམར་པོའམ༔ ལ་བཙས་སོགས་ཀྱི་དྲུང་དུ་བཞག་པར་བྱའོ༔ དེས་རྟ་ནད་དང་རྟ་གོད་ཆད༔ འཐབ་རྩོད་དང་གྲི་འཁྲུག་ཞིའོ༔ ༼ཨྠྀི༽ རྒྱལ་པོའི་མདོས་དེ༔ ཚྭ་ཁང་ངམ༔ ལྷ་ཁང་ངམ༔ མཆོད་

― CMR038_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ནམ༔ གྱང་རལ་ལམ༔ མ་ཎི་བརྒྱ་མཁར་སོགས་སུ་བཞག་གོ༔ དེས་སངས་རྒྱས་ཀྱི་བསྟན་པ་དར༔ དགོན་གནས་ཡུལ་གྲོང་བརྟན༔ སྨྱོ་འབོག་ཞིའོ༔ ༼ཨྠྀི༽ གནོད་སྦྱིན་མདོས་དེ༔ སྣང་གཡེར་ཆེ་སར་བཞག་གོ༔ དེས་ལྷོག་པ་སོགས་ནོར་ནད་ཐམས་ཅད་ཆད་དོ༔ འབྲུ་འཕེལ་ལོ༔ ༼ཨྠྀི༽ ཀླུའི་མདོས་དེ༔ ཆུ་མིག་ཏུ་བསྐྱལ་ལོ༔ དེས་མཐའ་དམག་དང་དུས་འཁྲུག་ཐོག་སེར་ཀླུ་ནད་ཞིའོ༔ ༼ཨྠྀི༽ འདིའི་ཞལ་གདམས་ལ༔ དཔེའུ་རིས་ལྟར་བྲིས་ནམ་མཁའ་རྣམས་སོ་སོར་བཙུགས༔ གེལ་མདོས་ལ་མེད་ཀྱང་རུང་༔ གྲུབ་ན་ལེགས༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ནི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་བཞི་པ་ལ༔ རྒྱལ་ཟླའི་ཡར་ཚེས་ལ་དགོངས་གཏེར་ལས་བྱུང་བ་སྟེ༔ བརྩམས་ཆོས་སོགས་ནི་མ་ཡིན་ཏེ་ངོ་མཚར་ཆེའོ༔ བཀའ་ཐང་སྡེ་ལྔ་ནས་སྙིགས་དུས་སྡེ་བརྒྱད་ཁེང་ལོག་འབྱུང་ཚུལ་རྒྱ་ཆེར་གསུངས་པ་འདི་ལ་བཅོས་ཐབས་ཤིག་མེད་ལགས་སམ་ཞུས་པས༔ དེ་ཡོད་གསུངས་ནས་གནང་བའོ༔ བཀའ་ཐང་ནས་རྒྱ་ཆེར་གསུངས་པའི་དོན་བསྡུས་ནི༔ ལྷའི་ཁེང་ལོག་རྫུན་མར་བློ་གཏད་བྱེད༔ ནག་ཕྱོགས་ཁ་རྒྱལ་མུན་གླིང་ནང་དུ་ཤོར༔ བཙན་གྱི་ཁེང་ལོག་གཡོག་པོའི་དཔོན་ལ་བསྡོས༔ ཕུ་ནུ་སྤུན་ཟླ་དམེ་བྱེད་སྲོལ་ངན་བཞག༔ བདུད་ཀྱི་ཁེང་ལོག་མི་ཆོས་བསྟན་པ་ནུབ༔ གཟའ་ཡི་ཁེང་ལོག་རྗེ་འབངས་མི་འཆམ་ནང་དམེ་བྱེད༔ ཆར་ཆུ་མི་སྙོམས་མུ་གེ་ཆེན་པོ་འབྱུང་༔ གནོད་སྦྱིན་ཁེང་ལོག་ས་གཡོས་ས་འགུལ་འཁྲུགས༔ རྒྱལ་པོ་བླ་མ་གང་

― CMR038_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་སྐུ་ཚེ་ཐུང་༔ གཙུག་ལག་ཁང་འཇིག་ཅི་ནུས་སྡིག་ལ་འབད༔ མ་མོས་རྒྱལ་ཁམས་ཐམས་ཅད་ནད་ཡམས་ཁེངས༔ དམེ་དང་དུག་དང་ཡུལ་དབུས་ཁྲག་མཚོར་འཁྱིལ༔ ཐེའུ་རང་རྒྱལ་ཁམས་འཇིགས་ཤིང་དམག་སྣ་ཁྲིད༔ ཀླུ་ཡིས་མི་འདོད་ཀུན་འབྱུང་འདོད་དགུ་བྲལ༔ མི་ནད་ཕྱུགས་ནད་ཆར་ཆུ་སྒང་གཤོང་ཆེ༔ ཞྭ་ལོང་རབས་ཆད་ལོ་ཉེས་མང་བར་བཤད༔ ཁེང་ལོག་ཞེས་པ་ནད་འཁྲུག་མིང་ཡིན་ཏེ༔ སྡེ་བརྒྱད་འདི་དག་ལྷ་དང་སྲུང་མ་ཡིན༔ དུས་ངན་མི་རྣམས་སྤྱོད་པ་ངན་པའི་ཕྱིར༔ ཁ་འཛིན་མི་བྱེད་གནོད་པ་བྱེད་པའི་ཕྱིར༔ གཙོ་བོ་བཅུ་པོ་ས་བརྒྱད་སེམས་དཔའ་སྟེ༔ དེ་དག་རྣམས་ཀྱི་རིགས་དང་འཁོར་རྣམས་སུ༔ མ་འདུས་པ་ནི་ལྷ་སྲིན་གཅིག་ཀྱང་མེད༔ འདི་ཡི་སྤྱི་མདོས་རྒྱས་པ་གྲུབ་ན་ནི༔ རིམ་གྲོའི་མཆོག་ཡིན་ཡུལ་ཕྱོགས་ལ་ཡང་ཕན༔ བསྡུས་པ་བཅས་སམ་སོ་སོར་བཅའ་ན་ཡང་༔ གོང་དུ་གསུངས་ལྟར་སོ་སོར་དེ་དག་གི༔ སྤར་སྨེའི་བཅོས་ཀྱང་འདི་ཡིས་ཆོག་པ་སྟེ༔ ལི་ལ་བཙན་མདོས་ཁོན་ལ་མ་མོའི་མདོས༔ དྭ་ནི་སྐྱེས་ཕྲན་ཐེའུ་རང་སྐྱེས་བུའི་མདོས༔ ཁེན་ནི་གནམ་ལྷ་ཡིན་ཕྱིར་གཟའ་མདོས་བྱ༔ ཁམ་ནི་མི་ནག་རལ་ཆེན་བདུད་ཀྱི་མདོས༔ གིན་ལ་དཀོར་བདག་རྒྱལ་པོའི་མདོས་བྱའོ༔ ཟིན་ནི་ལྗང་གུ་གནོད་སྦྱིན་མདོས་བྱའོ༔ རི་རབ་ཡོད་ཕྱིར་རི་རབ་བརྩེགས་མདོས་ཚང་༔ ཟོན་ནི་གཤེད་སྒོ་ཡིན་ཕྱིར་གཤིན་རྗེའི་མདོས༔ སྨེ་བ་གཅིག་དཀར་དྲུག་དཀར་ལྷ་ཡི་མདོས༔ གཉིས་ནག་བདུད་དང་གསུམ་མཐིང་དམུ་བདུད་དེ༔ གཉིས་ཀ་ལ་ཡང་བདུད་ཀྱི་མདོས། །

― CMR038_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ༔ ཀླུ་ནི་གཙོ་བོ་ཡིན་ཕྱིར་ས་བདག་དེ་ཡི་འཁོར༔ བཞི་ལྗང་ཀླུ་ཡིན་ལྔ་སེར་ས་བདག་སྟེ༔ གཉིས་ཀ་ལ་ཡང་ཀླུ་ཡི་མདོས་བྱའོ༔ བདུན་དམར་དགུ་དམར་ལ་ཡང་བཙན་གྱི་མདོས༔ བརྒྱད་དཀར་དགྲ་ལྷའི་རྒྱལ་པོ་བེ་དཀར་མདོས༔ སྤར་ཁ་གང་དང་སྨེ་བ་གང་ལ་རྩུབ༔ ལེགས་པར་རྩིས་ལ་དེ་ཡི་མདོས་བྱའོ༔ དེ་བཞིན་གཟའ་ནད་ཅན་ལ་གཟའ་ཡི་མདོས༔ ཕོ་ལྷོག་གླང་ཐབས་དུག་ཏུ་མཁྲིས་པའི་ནད༔ དེ་ལ་ཐེའུ་རང་མདོས་ཀྱི་ཕན་པའོ༔ གཞི་བདག་ཕོག་ཐུག་ཤོར་ན་ལྷ་མདོས་བཅའ༔ ཤི་ཆད་མང་ན་གཤིན་རྗེའི་མདོས་ཀྱིས་ཕ༔ རིམས་ནད་ནོར་ནད་གཅོད་ལ་མ་མོའི་མདོས༔ ན་ཚ་རྒོད་དང་གང་བསམ་ལོག་པར་འགྲོ༔ དེ་ལ་བདུད་མདོས་བྱས་ན་ཕན་པའོ༔ ཁྲག་སྐྱུག་རྟ་གོད་རྨ་ངོ་བཙན་མདོས་བྱ༔ རྒྱལ་འགོང་གནོད་པ་ཆེ་ན་རྒྱལ་མདོས་བྱ༔ གོད་ཁ་ཆེ་ཞིང་རྟོགས་འགོང་ཞུགས་པ་ནི༔ གཏེར་བདག་གནོད་སྦྱིན་མདོས་ཀྱིས་ཕན་པའོ༔ སྤྱི་མདོས་བཅས་པ་དེ་དག་ཀུན་ལ་ཕན༔ དེ་དག་རྣམས་ནི་སྙིགས་སོ་དུས་སྔགས་འཆང་བ༔ རཱ་ག་ཨ་སྱ་བདག་གི་ཞལ་གདམས་ཡིན༔ དེ་མན་གཞུང་ནི་སྤྲུལ་སྐུའི་དགོངས་གཏེར་ཏེ༔ བརྩམས་ཆོས་མ་ཡིན་སྤྲུལ་སྐུའི་དགོངས་གཏེར་གཏེར་གཞུང་ཡིན༔ དེ་ཡང་འཁྲུགས་ཆེ་འགྲེས་སོགས་བཤངས་ཀའ་བས༔ འཁྲུགས་བསྡེབ་འགྲེས་བཤང་ཕྱག་ལེན་གཏན་ལ་ཕབ༔ མཆོད་པ་བྱིན་རླབས་སོགས་ཀྱིས་ཁ་བཀང་སྟེ༔ གཏེར་བློན་༧ རཱ་ག་ཨ་སྱས་བསྒྲིགས་པ་ཡིན༔ ཡི་གེ་པ་ནི་དགེ་སློང་བརྩོན་འགྲུས་ཡིན༔ ཉེས་འགལ་མཆིས་ན་སྣང་

― CMR038_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ལྷ་འདྲེ་ཡི༔ གཙོ་བོ་རྒྱལ་པོ་བཅུ་ཡི་མདུན་དེར་བཤགས༔ དགེ་བས་ཇི་སྲིད་འཁོར་བ་གནས་ཀྱི་བར༔ འདི་ཉིད་མི་ནུབ་ཕྱོགས་བཅུར་འཕེལ་ཞིང་དར༔ སྣང་སྲིད་ལྷ་འདྲེ་མཆོད་པས་མཉེས་ཤིང་ཚིམས༔ མི་རྣམས་ཀུན་ལ་བཀྲ་ཤིས་བདེ་ལེགས་ཤོག༔ ས་མ་ཡ༔ རྒྱ་རྒྱ་རྒྱ༔ མངྒ་ལཾ༔ ཤུ་བྷཾ༔ རྫས་ཀྱི་གྲངས་ལ༔ ཡུངས་ལ་ཤྭ་མིག་མང་དུ་བྲིས་པ་སུམ་ཅུ༔ དམར་གཏོར་ལྕོག་རྡོག་སུམ་ཅུ༔ ལྕོག་རྡོག་ཙམ་གྱི་ཚོགས་བུ་སུམ་ཅུ༔ ཟན་ནག་གི་ཤྭ་མིག་གཉིས་རེ་ཡོད་པ་སུམ་ཅུ༔ སེ་ཝ་ལྟུང་ཤིང་དམར་པོ་དུམ་བུ་མཛུ་གུ་ཙམ་སུམ་ཅུ༔ རྡོ་དཀར་པོ་གཙང་མ་ཐེ་བོང་ཙམ་སུམ་ཅུ༔ ཟན་ལ་སྟག་གི་སྤར་བཏབ་པ་སུམ་ཅུ༔ ཟན་ནག་པོ་མཐེབ་སྐྱུ་འདྲ་བ་སྤྲུལ་བའི་གཟུགས་དོད་ཙམ་སུམ་ཅུ་ལྕགས་ཏེ་སུམ་ར༔ ཏིལ་པ་སུམ་ཅུ་བྱའོ་གསུངས༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྡེ་བརྒྱད་ཡར་ཞུས།

― CMR038_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ཡར་ཞུས་ནི། ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་སྟེང་གི་ཕྱོགས་ནས་འོང་༔ གཟའ་ཡི་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་ཏིལ་གྱང་དགྱེས༔ གཟའ་མནན་སེར་བར་རྒྱབ་བསྟན་འཚེ༔ སྟེང་ཕྱོགས་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ནི༔ ཁེང་ལོག་མི་བྱེད་རྐྱེན་ངན་སེལ༔ ༼ཁ༽ ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་འོག་གི་ཕྱོགས་ནས་འོང་༔ ཐེའུ་རང་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་ལྕགས་ཏེལ་དགྱེས་ས་རྡུ་ཆེར་བཟུང་ཏི་ཚ་བཅག༔ འོག་ཕྱོགས་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ན༔ ཁེང་ལོག་མི་བྱེད་རྐྱེན་ངན་སེལ༔ ༼ག༽ ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་ཤར་གྱི་ཕྱོགས་ནས་འོང་༔ ལྷ་ཡི་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་ཤ་

― CMR038_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དགྱེས༔ ཉི་ནག་བསང་བྱས་ཁྱི་ཡིས་གཡབ༔ ཤར་ཕྱོགས་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ན༔ ཁེང་ལོག་མི་བྱེད་རྐྱེན་ངན་སེལ༔ ༼ང༽ ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་ལྷོ་ཡི་ཕྱོགས་ནས་འོང་༔ གཤིན་རྗེའི་ཁེང་ལོག་བྱེད་དུ་འོང་༔ སྔགས་འཚང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་གཏོར་ཆུང་དགྱེས༔ བ་མེན་མ་ཧེ་གླང་བསད་དང་༔ ལྷོ་ཕྱོགས་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ནི༔ ཁེང་ལོག་མི་བྱེད་རྐྱེན་ངན་སེལ༔ ༼ཅ༽ ཧོ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་ནུབ་ཀྱི་ཕྱོགས་ནས་འོང་༔ མ་མོའི་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་གཏོར་ཆུང་དགྱེས༔ གསང་སྔགས་མ་གསང་བོང་བུ་བསད་ནུབ་ཕྱོགས་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ན༔ ཁེང་ལོག་མི་བྱེད་རྐྱེན་ངན་སེལ༔ ༼ཆ༽ ཧཱུྃ༔ སྔགས་

― CMR038_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་རྒྱལ་པོ་སྙན་གསོན་དང་༔ ང་འོང་བ་བྱང་གི་ཕྱོགས་ནས་འོང་༔ བདུད་ཀྱི་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་ཤྭ་ལ་དགྱེས༔ དྲེལ་ལ་ཛ་དང་བོང་ངས་མཆོད༔ བྱང་ཕྱོགས་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ན༔ ཁེང་ལོག་མི་བྱེད་རྐྱེན་ངན་སེལ། ༽ ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་ཤར་ལྷོའི་ཕྱོགས་ནས་འོང་༔ བཙན་གྱི་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་ཤིང་མར་དགྱེས༔ ལྕང་ལོ་གནམ་ཧ་ཝ་ཤ་ཟོས༔ ཤར་ལྷོར་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ན༔ ཁེང་ལོག་མི་བྱེད་རྐྱེན་ངན་སེལ༔ ༼ཉ༽ ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་ལྷོ་ནུབ་ཕྱོགས་ནས་འོང་༔ རྒྱལ་པོའི་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་ཁང་སར་དགྱེས༔ ལྕང་ལ་བརྒྱ་དང་དགོན་གནས་

― CMR038_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

བཤིག༔ ལྷོ་ནུབ་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ཁེང་ལོག་མི་བྱེད་རྐྱེན་ངན་སེལ༔ ༼ཏ༽ ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་ནུབ་བྱང་ཕྱོགས་ནས་འོང་༔ གནོད་སྦྱིན་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་སྟག་ལ་དགྱེས༔ སྟག་བསད་སྦྲང་བླུད་འོལ་ལྕམ་བསམ༔ ནུབ་བྱང་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ན༔ ཁེང་ལོག་མི་བྱེད་རྐྱེན་ངན་སེལ༔ ༼ཐ༽ ཧཱུྃ༔ སྔགས་འཆང་རྒྱལ་པོ་སྙན་གསོན་དང་༔ ང་འོང་བ་བྱང་ཤར་ཕྱོགས་ནས་འོང་༔ ཀླུ་ཡི་ཁེང་ལོག་བྱེད་དུ་འོང་༔ སྔགས་འཆང་རྒྱལ་པོས་བོས་ཕྱིར་འོང་༔ མདོས་དང་གཏོར་མ་སྦལ་ནག་དགྱེས༔ གློག་འབྲུག་ཐོག་འཚེ་མཚོ་ཆུ་སྐམ༔ བྱང་ཤར་དམག་དྲངས་བསྟན་ལ་གནོད༔ དེ་ལ་སོགས་པ་བཤགས་པར་བགྱི༔ མཆོད་ཅིང་བཤགས་པ་བྱས་པ་ན༔ ཁེང་ལོག་མི་བྱེད་རྐྱེན་ངན་སེལ༔ ཞེས་ཡར་ཞུས་རྫོགས་སོ༔ སེམས་ཅན་རྣམས་ལ་བཀྲ་ཤིས་ཤོག༔ མངྒ་ལཾ།། །།

ལྷ་སྲིན་སྡེ་བརྒྱད་ཀྱི་ཁེང་ལོག་བཅོས་ཐབས།

― CMR038_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་སྲིན་སྡེ་བརྒྱད་ཀྱི་ཁེང་ལོག་བཅོས་ཐབས་བཞུགས་སོ༔

― CMR038_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་རིན་པོ་ཆེ་ལ་ཕྱག་འཚལ་ལོ༔ ལྷ་འདྲེའི་ཁེང་ལོག་བཅོས་པའི་ཐབས༔ ཟན་ལ་གླང་ཆེན་གཟུགས་གཅིག་བྱ༔ དཀར་གཏོར་དཀར་གསུམ་མངར་གསུམ་རིན་པོ་ཆེ་སྣ་ཚོགས༔ འབྲུ་སྣ་ཚོགས་ཤིང་ཐོག་སྣ་ཚོགས་སྟག་རས་གཟིག་རས་སྣ་ཚོགས༔ ངར་གླུད་ཆངས་བུ་གཙང་མ་དང་༔ དེ་ལ་རྫོངས་འདེབས་རྒྱུ་ཡང་བཞག༔ བསྡུ་ན་དེ་ཡིས་ཆོག་པ་སྟེ༔ རྒྱས་པར་ཀླུ་ཡི་གཟུགས་རྣམས་ནི༔ འོག་ནས་འབྱུང་བ་བཞིན་དུ་བྱ༔ དར་ཟབ་སྣ་ཚོགས་ཐམས་ཅད་ནི༔ ཕྱོགས་དང་ཁ་དོག་བསྟུན་ལ་བཞག༔ བསྡུ་ན་སྦལ་སྦྲུལ་ལ་སོགས་པ། ཆུ་གནས་སྣ་ཚོགས་གཟུགས་ཀྱིས་བསྐོར༔ རང་ཉིད་པདྨ་འབྱུང་གནས་བསྒོམ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝས་སྦྱངས། འདོད་ཡོན་བདུད་རྩིའི་རྒྱ་མཚོར་

― CMR038_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ༔ ཨ་ཀཱ་རོས་བྱིན་གྱིས་བརླབས༔ ཧཱུྃ༔ ཡུལ་གྱི་མིང་ནི་བོད་ཀྱི་ཡུལ༔ མ་དྲོ་བ་ལམ་གྲམ་པ་ཕུག༔ གྲམ་པ་མཛོད་ཀྱི་གནས་མཆོག་ནས༔ ཀླུ་རྒྱལ་མ་དྲོ་གཟི་ཅན་ནི༔ གནས་འདིར་མཆོད་ཕྱིར་གཤེགས་སུ་གསོལ༔ བཙུན་མོ་གཉེར་པ་བྱང་ཐལ་སོགས༔ སྣང་སྲིད་ས་བདག་ཀླུ་གཉན་རྣམས༔ ལྷ་སྲིན་སྡེ་བརྒྱད་མ་ལུས་རྣམས༔ མཆོད་པའི་གནས་འདིར་མྱུར་དུ་བྱོན༔ གཙོ་འཁོར་འཚམས་པའི་གདན་ལ་བཞུགས༔ སྔོན་ཚེ་སློབ་དཔོན་པདྨ་ཡི༔ བཀའ་དང་དམ་ལ་མ་འདའ་བར༔ བདག་གིས་བཅོལ་བའི་ཕྲིན་ལས་མཛོད༔ ཨོཾ་ནཱ་ག་རཱ་ཙ་

― CMR038_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཿཡཿམཿདུཿརཿཙཿཤཿམཿ ས་པཱ་རི་ཝ་ར་བཛྲ་ས་མ་ཡ་ཛ་ཛ༔ ཛཿཧཱུྃ་བཾ་ཧོཿ ཏིཥྛ་ལྷན༔ ཨ་ཏི་པཱུ་ཧོ༔ ཨརྒྷཾ་སོགས། ཧཱུྃ༔ ཀླུ་རྒྱལ་མ་དྲོ་གཟི་ཅན་ནི༔ སྐུ་མདོག་དཀར་པོ་སྦྲུལ་མགོ་བདུན༔ སྐུ་སྨད་སྦྲུལ་འཁྱིལ་གླང་ཆེན་ཆིབས༔ ཀླུ་རིགས་ཀུན་གྱི་རྗེ་བོ་སྟེ༔ ཁྱོད་ལ་མཆོད་པ་འབུལ་བ་ནི༔ གླང་ཆེན་རབ་ཏུ་བརྟན་ནས་ནི༔ རིན་ཆེན་སྣ་ཚོགས་འབྲུ་སྣ་དང་༔ སྟག་རས་གཟིག་རས་དར་སྣ་དང་༔ ཤིང་རྩི་ཀླུ་སྨན་སྣ་ཚོགས་འབུལ༔ བདག་ཅག་དཔོན་སློབ་འཁོར་བཅས་ལ༔ ཀླུ་དང་ས་བདག་སྡེ་བརྒྱད་ཀྱིས༔ ཁེངས་ལོག་གནོད་པ་མ་བཏང་ཞིག༔ མལ་དྲོ་ཀླུ་རྒྱལ་གཡས་གཡོན་ན༔ བཙུན་མོ་བུད་མེད་སྔོན་མོ་གཉིས༔ དབུ་ལ་གཡུ་ཡི་ཐོར་ཅོག་ཅན༔ ཀླུ་ཡི་བཙུན་མོ་ཆེན་མོ་སྟེ༔ ཁྱོད་ལ་མཆོད་པ་འབུལ་བ་ནི༔ གླང་ཆེན་རབ་ཏུ་བརྟན་པ་ནི༔ རིན་ཆེན་སྣ་ཚོགས་མཆོད་པ་འབུལ༔ སྟག་རས་གཟིག་རས་དར་སྣ་དང་༔ ཤིང་རྩི་ཀླུ་སྨན་སྣ་ཚོགས་འབུལ༔ བདག་ཅག་དཔོན་སློབ་འཁོར་བཅས་ལ༔ ཀླུ་དང་ས་བདག་སྡེ་བརྒྱད་ཀྱིས༔ ཁེང་ལོག་གནོད་པ་མ་བཏང་ཞིག༔ གཉེར་པ་སེ་འཕང་ནག་པོ་ནི༔ སྐུ་མདོག་

― CMR038_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོ་མི་ཡི་གཟུགས༔ སྦྲུལ་མགོ་བདུན་པ་སྐུ་སྨད་སྦྲུལ༔ གཟི་ཆེན་གཡས་གཡོན་རུ་འདྲེན་པ༔ ཚོང་དཔོན་ནག་པོ་མི་ལུས་དཀར༔ སྦྲུལ་མགོ་ལྔ་ཡི་གདེངས་ཀ་ཅན༔ གཟི་ཅན་གཡོན་གྱི་རུ་འདྲེན་པ༔ ཁམས་ཀྱི་བྱ་ཐུལ་མི་ལུས་སེར༔ སྦྲུལ་མགོ་གཉིས་ཀྱི་གདེངས་ཀ་ཅན༔ བློན་པོ་རུ་འདྲེན་བཅས་པ་ལ་ཁྱོད་ལ་མཆོད་པ་འབུལ་བ་ནི༔ གླང་ཆེན་རབ་ཏུ་བརྟན་པ་ནི༔ རིན་ཆེན་སྣ་ཚོགས་མཆོད་པ་འབུལ༔ སྟག་རས་གཟིག་རས་དར་སྣ་དང་༔ ཤིང་རྩི་ཀླུ་སྨན་སྣ་ཚོགས་འབུལ༔ བདག་ཅག་དཔོན་སློབ་འཁོར་བཅས་ལ༔ ཀླུ་དང་ས་བདག་སྡེ་བརྒྱད་ཀྱིས༔ ཁེང་ལོག་གནོད་པ་མ་བཏང་ཞིག༔ གཟི་ཅན་སྔོན་གྱི་ཤུལ་སེལ་བ༔ གཅུང་པོ་དགྲ་བོའི་ཆུ་ཡི་ལྷ༔ ཁ་རྒྱལ་ཞྭ་མོ་ཞེས་བྱ་བ༔ སེར་མོ་གླང་གི་མགོ་བོ་ཅན༔ འཁོར་གྱི་གདུག་པ་ཅན་བཞི་ནི༔ མཐོང་བའི་དུག་ཅན་སྦྲུལ་མགོ་ཅན༔ བསམ་པའི་དུག་ཅན་རྟ་མགོ་ཅན༔ ཁ་རླངས་དུག་ཅན་ཁྱི་མགོ་ཅན༔ རེག་པའི་དུག་ཅན་བྱ་མགོ་ཅན༔ ཤུལ་སེལ་དང་ནི་གདུག་པ་ཅན༔ ཁྱོད་ལ་མཆོད་པ་འབུལ་བ་ནི༔ གླང་ཆེན་རབ་ཏུ་བརྟན་པ་ནི༔ རིན་ཆེན་སྣ་

― CMR038_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་མཆོད་པ་འབུལ༔ སྟག་རས་གཟིག་རས་དར་སྣ་དང་༔ ཤིང་རྩི་ཀླུ་སྨན་སྣ་ཚོགས་འབུལ༔ བདག་ཅག་དཔོན་སློབ་འཁོར་བཅས་ལ༔ ཀླུ་དང་ས་བདག་སྡེ་བརྒྱད་ཀྱིས༔ ཁེང་ལོག་གནོད་པ་མ་བཏང་ཞིག༔ ཚལ་ནགས་ཀླུ་ནི་སྦྲུལ་ནག་གཟུགས༔ རྒྱང་བུ་ཚལ་གྱི་ཀླུ་ཆེན་ནི༔ ཁྱེའུ་ཆུང་ཟུར་ཕུད་ཅན་གྱི་གཟུགས༔ ནག་པོ་ཀླུ་གདོལ་ཞེས་པའི་ནག་པོ་ཀླུ་ལ་མེ་ཐོགས་པ༔ ལུ་མ་ནག་པོའི་ཀླུ་ཆེན་ནི༔ རྟ་སྔོན་མི་ཡི་མགོ་བོ་ཅན༔ ཟངས་གྲི་མཚོ་དམར་གླང་དམར་གཟུགས༔ ཁྱེད་ཅག་འཁོར་བཅས་ཐམས་ཅད་ལ༔ ཁྱོད་ལ་མཆོད་པ་འབུལ་བ་ནི་གླང་ཆེན་རབ་ཏུ་བརྟན་པ་ནི༔ རིན་ཆེན་སྣ་ཚོགས་མཆོད་པ་འབུལ༔ སྟག་རས་གཟིག་རས་དར་སྣ་དང་༔ ཤིང་རྩི་ཀླུ་སྨན་སྣ་ཚོགས་འབུལ༔ བདག་ཅག་དཔོན་སློབ་འཁོར་བཅས་ལ༔ ཀླུ་དང་ས་བདག་སྡེ་བརྒྱད་ཀྱིས༔ ཁེང་ལོག་གནོད་པ་མ་བཏང་ཞིག༔ མ་དྲོ་ཀླུ་ཡི་ནང་འཁོར་ནི༔ འབུམ་ཕྲག་ལྔ་ཡི་གྲངས་དང་མཉམ༔ གཞན་ཡང་གཟའ་ཀླུ་ས་བདག་སོགས༔ སྣང་སྲིད་ལྷ་འདྲེ་ཐམས་ཅད་དང་༔ བོད་ཡུལ་ས་བདག་ཐམས་ཅད་ལ༔ ཁྱོད་ལ་མཆོད་པ་འབུལ་བ་ནི༔ གླང་

― CMR038_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་རབ་ཏུ་བརྟན་པ་ནི༔ རིན་ཆེན་སྣ་ཚོགས་མཆོད་པ་འབུལ༔ སྟག་རས་གཟིག་རས་དར་སྣ་དང་༔ ཤིང་རྩི་ཀླུ་སྨན་སྣ་ཚོགས་འབུལ༔ བདག་ཅག་དཔོན་སློབ་འཁོར་བཅས་ལ༔ ཀླུ་དང་ས་བདག་སྡེ་བརྒྱད་ཀྱིས༔ ཁེང་ལོག་གནོད་པ་མ་བཏང་ཞིག༔ ཨོཾ་ནཱ་ག་ར་ཙ༔ ཨཡཐམདུརཿཙཤན༔ ཨི་དཾ་བ་ལིང་ཏ་ཁ་ཁ་ཁཱ་ཧི་ཁཱ་ཧི༔ རྫོངས་འདེབས་བྱེད་པ་འདི་སྐད་དོ༔ ཧཱུྃ༔ ཀླུ་རྒྱལ་མ་དྲོ་འཁོར་དང་བཅས༔ སྣང་སྲིད་ལྷ་འདྲེ་ཐམས་ཅད་ལ༔ ཡས་སྟགས་གླང་ཆེན་རབ་བརྟན་གཟུགས༔ དར་ཟབ་འབྲུ་སྣ་རིན་ཆེན་འདི༔ རྩི་ཤིང་སྣ་ཚོགས་རྫོངས་སུ་འདེབས༔ ལྷ་འདྲེའི་འཁྲུག་པ་ཞི་གྱུར་ཅིག༔ རྫུན་ལ་བློ་གཏད་ནག་ཕྱོགས་རྒྱལ༔ ཕ་ཚན་ནང་དུ་དུག་གཡོས་དང་༔ ལྷ་ཡི་ཁེང་ལོག་གནོད་པ་ཟློག༔ བུ་ཡིས་ཕ་བརྡུང་ཕུ་ནུ་གསོད༔ གཡོག་གིས་དཔོན་བསྡོ་ངན་རྗེས་འགུགས༔ བཙན་གྱི་ཁེང་ལོག་གནོད་པ་ཟློག༔ མི་སྐྱ་ཐམས་ཅད་སེར་གོས་གྱོན༔ སྐྱེ་བོའི་ཁྱིམ་ཐབས་བཙུན་མས་བྱེད། བུད་མེད་ཕོ་སྐད་ཞྭ་ལྷམ་ལོག༔ བདུད་ཀྱི་ཁེང་ལོག་གནོད་པ་ཟློག༔ གློ་བུར་མི་ཡི་སྐྱེ་བོ་འགྱུར༔ རྗེ་འབངས་མི་འཆམས་འཁྲུག་པ་

― CMR038_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད༔ ཆར་ཆུ་མི་སྙོམས་མུ་གེ་འབྱུང་༔ ནམ་མཁའ་ཁྲག་མདོག་ཉི་ཟླ་དུས་གཅིག་འཆི༔ གཟའ་ཡི་ཁེང་ལོག་གནོད་པ་ཟློག༔ གཟའ་མི་མ་རབས་ངན་སྤྱོད་གཏིང་ནས་བརྙས༔ ངན་པས་གྲོས་བཤོལ་རྒྱལ་ཕྲན་འཁྲུག༔ ལྷ་ཆོས་བརྙས་ཤིང་ས་གཡོས་ཆེ༔ ཡུལ་ཕུང་སྡིག་ཅན་རྒྱལ་པོ་དར༔ གཙུག་ལག་གསུང་རབ་རྟེན་གསུམ་འཇིག༔ གནོད་སྦྱིན་ཁེང་ལོག་གནོད་པ་ཟློག༔ བླ་མ་བཟང་པོ་སྐུ་ཚེ་ཐུང་༔ སྡིག་ལ་བརྩོན་ཤིང་དམག་དཔུང་གཡོ༔ གཙུག་ལག་ཁང་རྣམས་རི་རྡོལ་འབྱུང་༔ རྒྱལ་པོའི་ཁེང་ལོག་གནོད་པ་ཟློག༔ དམེ་དང་དུག་དང་ཡམས་ནད་མང་༔ ཡུལ་དབུས་ཁྲག་གི་མཚོ་མོ་འཁྱིལ༔ མ་མོའི་ཁེང་ལོག་གནོད་པ་ཟློག༔ སྙིགས་དུས་འདྲེ་འཁྲུག་རྒྱལ་ཁྲིམས་འཁྲུག༔ དམག་དཔུང་བཅའ་ཞིང་དམག་སྣ་འཁྲིད༔ མི་སྐྱེས་ཚེ་ཟད་སྡེ་བརྒྱད་འཁྲུག༔ ཐེའུ་རང་ཁེང་ལོག་གནོད་པ་ཟློག༔ འདོད་དགུ་འདྲེས་ཁྱེར་མི་འདོད་འབྱུང་༔ དུས་གཉན་བརླགས་ཤིང་ཁྲིམས་གཉན་ཞིག༔ ན་སྨོན་ཤི་སྨོན་འདེབས་པ་སོགས༔ ཀླུ་ཡི་ཁེང་ལོག་གནོད་པ་ཟློག༔ མ་དྲོས་ཁེང་ལོག་རྒྱ་དམག་གཡོ༔ ཚོང་དཔོན་ཁེང་ལོག་འབྲུག་ཐང་ལྷུང་༔ བྱ་

― CMR038_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུལ་ཁེང་ལོག་ས་འགུལ་ཆེ༔ ཁ་རྒྱལ་ཁེང་ལོག་བསྡའ་ཀུན་བསྡུད༔ གདུག་ཅན་བཞི་ཡི་ཁེང་ལོག་པས༔ དམ་སྲི་སྤུན་དགུ་བོད་དུ་འོང་༔ བཙུན་མོའི་ཁེང་ལོག་ཆར་མི་སྙོམ༔ ནག་པོ་ཀླུ་ཡི་ཁེང་ལོག་པས༔ མི་ཕྱུགས་ལོ་ལ་ནད་མང་འབྱུང་༔ ཞྭ་ལོང་རབས་ཆད་མང་བ་དང་༔ དུས་ལོག་ས་མི་ཟིན་པ་དང་༔ གྲགས་པ་ངན་ཞིང་རང་སྐྱིད་ཕུང་༔ སྐྱིད་པ་གང་ཡང་མེད་པ་དང་༔ གླང་དམར་མཁའ་རྒྱུག་འབུ་ཡིས་བདས༔ མི་བདེ་བ་ཡི་འཚུབ་མ་ལྡང་༔ དེ་སོགས་ཀླུ་ཡི་ཁེང་ལོག་པས༔ གནོད་པ་ཐམས་ཅད་བཟློག་ཏུ་གསོལ༔ བདག་ཅག་དཔོན་སློབ་འཁོར་བཅས་རྣམས༔ སློབ་དཔོན་པདྨའི་རྗེས་འཇུག་ཡིན༔ སྙིགས་དུས་མི་ཡི་སྤྱོད་ངན་ལས༔ ཁྱེད་ཅག་ལྷ་འདྲེ་མ་དགྱེས་ཀྱང་༔ བཀའ་ཆད་ཁེང་ལོག་གནོད་པ་རྣམས༔ གང་ཡིན་ལས་ངན་དེ་ལ་ཕོབ༔ སངས་རྒྱས་བསྟན་དང་བདག་ཅག་ལ༔ ཁེང་ལོག་གནོད་པ་མ་བཏང་ཞིག༔ རང་རང་གནས་སུ་གཤེགས་ནས་ཀྱང་༔ རྟག་ཏུ་ཁ་འཛིན་སྡོང་གྲོགས་མཛོད༔ ཨཡམདུ༔རུཙཤན༔ གཙྩ་གཙྩ༔ ཞེས་ཆུ་བོ་ཆེན་པོ་ལ་བསྐྱལ༔ ལུས་ལ་ནད་སྣ་ཚོགས་བཏང་བ་དང་༔ ལྷ་འདྲེའི་

― CMR038_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ཁེང་ལོག་འཇིགས་པ་བཅུ་དྲུག་ཞི་བའི་ཐབས༔ དུས་ནི་རྩི་ཐོག་མ་ནོར་བའི་དུས་སུ་བྱས་པས་ཟློག༔ ཅེས་པ་བཀའ་ཐང་སྡེ་ལྔའི་ནང་ནས༔ ༧ ཨ་རཱ་གས་བསྡུས་པའོ༔ ཞལ་དྲོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྡེ་བརྒྱད་ཁེངས་མདོས་ཀྱི་གཏོར་མའི་དཔེ་རིས་དང་ནམ་མཁའ་སོགས་ཀྱི་དཔེ།

― CMR038_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

― CMR038_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མོ་ཡོད།

སྡེ་བརྒྱད་སྲོག་དབང་།

― CMR038_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་རིན་པོ་ཆེ་ལ་ཕྱག་འཚལ་ལོ༔ སྡེ་བརྒྱད་སྲོག་དབང་ལ་སོགས་བྱེད་པའི་དུས༔ དཀར་གཏོར་དམར་གཏོར་གཉིས་བཤམས་བྱིན་གྱིས་བརླབས་ནས༔ ཧཱུྃ༔ སྔོན་ཚེ་སློབ་དཔོན་པདྨ་འབྱུང་གནས་ཀྱི༔ བཀའ་དང་དམ་ལ་བཏགས་པའི་ལྷ་འདྲེ་རྣམས། འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ སྔོན་ཚེ་སློབ་དཔོན་དམ་ལས་མ་འདའ་བར༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ གདོང་དམར་སྲིན་པོ་ལྷ་འདྲེ་གདུག་པའི་ཡུལ༔ ཤམ་པོས་གཙོར་བྱས་ལྷ་རིགས་ལུག་ཁྱུ་འདྲ༔ མི་དཀར་རྟ་དཀར་ཚོགས་ནི་མེ་རེ་རེ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ ལྷ་ཡི་ཁེང་ལོག་གནོད་པ་དགྲ་ལ་སྒྱུར༔ རྫོང་བཙན་གཙོར་བྱས་བཙན་དམག་སེར་བ་འདྲ༔ མི་དམར་རྟ་དམར་ཚོགས་ནི་ཁྲིགས་སེ་ཁྲིག༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ བཙན་གྱི་ཁེང་ལོག་གནོད་པ་དགྲ་ལ་སྒྱུར༔ ནག་པོ་བཀྲག་མེད་གཙོར་བྱས་བདུད་ཀྱི་ཚོགས༔ གཡག་ཁྱུ་བསྐོལ་འདྲ་མགར་ནག་མི་རྟ་ནག༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ བདུད་ཀྱི་ཁེང་ལོག་གནོད་པ་དགྲ་ལ་སྒྱུར༔ རཱ་ཧུ་ལ་ཡི་

― CMR038_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོར་བྱས་གཟའ་ཡི་དམག༔ གཡུལ་ཆེན་བཤམས་འདྲ་དམག་དཔོན་ཀྱི་ལི་ལི༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ གཟའ་ཡི་ཁེང་ལོག་གནོད་པ་དགྲ་ལ་སྒྱུར༔ རྡོ་རྗེ་བདུད་འདུལ་གཙོར་བྱས་གནོད་སྦྱིན་ཚོགས༔ རྒྱལ་བློན་མང་པོ་དུང་དང་སྐར་ཚོགས་འདྲ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ གནོད་སྦྱིན་ཁེང་ལོག་གནོད་པ་དགྲ་ལ་སྒྱུར༔ པེ་ཀར་རྒྱལ་པོའི་གཙོར་བྱས་ངང་ཁྱུ་འདྲ༔ དགེ་བཤེས་བཙུན་པ་མང་པོ་ཤིགས་སེ་ཤིག༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ རྒྱལ་པོའི་ཁེང་ལོག་གནོད་པ་དགྲ་ལ་སྒྱུར༔ འབར་བ་སྤུན་བདུན་གཙོར་བྱས་མ་མོའི་ཚོགས༔ ལྟད་མོའི་ཁྲོམ་ཚོགས་བུད་མེད་སྒ་ར་ར༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ མ་མོའི་ཁེང་ལོག་གནོད་པ་དགྲ་ལ་སྒྱུར༔ ཡ་མ་ར་ཙས་གཙོར་བྱས་གཤིན་རྗེའི་ཚོགས༔ མ་ཧེ་ནག་པོ་ཞོན་ནས་དམག་དཔོན་འདྲ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ གཤིན་རྗེའི་ཁེང་ལོག་གནོད་པ་དགྲ་ལ་སྒྱུར༔ རྡོ་རྗེ་ལེགས་པས་གཙོར་བྱས་ཐེའུ་རང་རྣམས༔ དཀར་དམར་བྱིསྶ་སྤྱང་སྤྱང་

― CMR038_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུང་བ་འདྲ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ ཐེའུ་རང་ཁེང་ལོག་གནོད་པ་དགྲ་ལ་སྒྱུར་མ་དྲོ་གཟི་ཅན་ལ་སོགས་ཀླུ་རིགས་ཚོགས༔ དབྱར་ཁའི་རྩྭ་བཞིན་སྦྲུལ་སྡིག་མེ་རེ་རེ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ ཀླུ་ཡི་ཁེང་ལོག་གནོད་པ་དགྲ་ལ་སྒྱུར༔ དེ་ལྟར་སྣང་སྲིད་ལྷ་འདྲེ་སྡེ་བརྒྱད་ཀུན༔ མཆོད་སྦྱིན་གཏོར་མ་འདི་ཡིས་མགུ་བྱོས་ལ༔ བདག་ཅག་དཔོན་སློབ་ཡོན་མཆོད་འཁོར་བཅས་ལ༔ གནོད་འཚེ་མ་བྱེད་ཁ་འཛིན་སྡོང་གྲོགས་མཛོད༔ ནད་གདོན་བར་ཆད་རྐྱེན་ངན་ཐམས་ཅད་ཟློག༔ རང་རང་འཁུ་ལྡོག་ནང་འཁྲུག་དགྲ་ལ་ཐོངས༔ རང་རང་སོ་སོའི་གནས་སུ་གཤེགས་ནས་ཀྱང་༔ ཕ་ཁུ་སྤུན་ཟླ་ཤག་རོགས་ཇི་བཞིན་དུ༔ རྟོག་ཏུ་ཁ་འཛིན་སྡོང་གྲོགས་མ་གཡེལ་ཅིག༔ ཨཡཐམདུརཿཙཤན༔ ཨི་དཾ་བ་ལིང་ཏ་ཁ་ཁ་ཁཱ་ཧི་ཁཱ་ཧི༔ པཱུ་ཛ་ཧོ༔ གཤེགས་དུས༔ གཙྪགཙྪ༔ ཞེས་ཕྱོགས་གཙང་སར་ཆུ་བོར་དོར་ཞེས་པ་འདི་ནི་སྙིགས་དུས་འགྲོ་བ་མང་པོ་ལ་ཕན་པ་རྒྱ་ཆེར་འོང་བ་དང་༔ ལྷ་སྲིན་སྡེ་བརྒྱད་ཀྱི་འཁྲུག་རྩོད་ཐམས་ཅད་ཞི་ཞིང་༔ ཡུལ་ཕྱོགས་ཐམས་ཅད་བདེ་ལེགས་སུ་འགྱུར་བའི་ཆེད་དུ་དགོངས་ནས༔ བཀའ་ཐང་སྡེ་ལྔའི་ནང་ལྟར་དོན་

― CMR038_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་འདི༔ ༧ཀརྨ་ཨ་རྭ་གས་བགྱིས་པའོ༔ ཡི་གེ་པ་ནི་བི་རྱ་ས་ག་རས་བྲིས་སོ༔ ཞལ་དྲོ༔

བསྟན་སྲུང་གིང་གི་མགོན་པོ་ནག་པོ་པེ་ཧ་རིའི་གསོལ་མགྱོགས་སྦྲགས་མ།

― CMR038_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་སྲུང་གིང་གི་མགོན་པོ་ནག་པོ་པེ་ཧ་རིའི་གསོལ་མགྱོགས་སྦྲགས་མ་བཞུགས་པའི་དབུ་ཕྱོགས་སོ༔

― CMR038_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་པདྨ་ཀྲོ་ཏ་ཡེ༔ དབང་དྲག་པདྨའི་ཞབས་ལ་ཕྱག་འཚལ་ནས༔ གིང་གི་མགོན་པོ་པེ་ཧར་མཆོད་ཐབས་བཀོད༔ པད་འབྱུང་བཀའ་སྲུང་བཅས་པས་བཀའ་གནང་སྩོལ༔ དེ་ཡང་སྡེ་བརྒྱད་སྲོག་དབང་གི་དམ་ཚིག་སུ་ཡང་སྡེ་བརྒྱད་སྲུང་མར་བརྟེན་དགོས་པར་གསུངས་ཏེ༔ དུས་འདི་ནས་སྲུང་མར་བཟུང་སྟེ་གཏོར་མ་མ་ཆག་པར་བཏང་༔ ཞེས་དང་༔ དྲག་པོའི་ལོ་རྒྱུས་ལས༔ ཕྱི་རབས་ཆོས་བྱེད་བུ་བཞིན་སྐྱོང་བ་དང་༔ སངས་རྒྱས་བསྟན་པ་བསྲུང་བ་དང་༔ ཁྱད་པར་གཙུག་ལག་སྐྱོང་བ་དང༔ སྔགས་པའི་སྲུང་མ་བྱེད་དེ་ཕྲིན་ལས་སྒྲུབ་པ་དང་༔ ཁྱད་པར་གསང་སྔགས་རྙིང་མ་དང་༔ ཨོ་རྒྱན་ཆེན་པོའི་བརྒྱུད་འཛིན་ལ་འཁུ་ལྡོག་མི་བྱེད་ཅིང་༔ བུ་བཞིན་སྐྱོང་ནས་

― CMR038_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་གང་བཅོལ་བསྒྲུབ་པར་བྲོ་བོར་དམ་བཅས་པ་བཤད་པ་དང་དྲག་པོ་མེ་ལྕེ་ཕྲེང་བ་འི་ལོ་རྒྱུས་ལས༔ བསྟན་པ་བསྲུང་བར་ཁས་བླངས་དམ་བཅས་པ༔ དགྲ་རྣམས་ཟས་སྐལ་དུ་བསྔོ་བ༔ སློབ་དཔོན་གྱི་གདུང་བརྒྱུད་འཛིན་པ་རྣམས་ཀྱི་བྲན་དུ་ཁས་བླངས་སོ༔ ཞེས་དང་༔ མགོན་པོའི་སྤྱི་རྒྱུད་ཆེན་པོ་ཁྲག་མཚོ་ཁོལ་ཆེན་ལས༔ གིང་ཆེན་ཚངས་པ་དུང་གི་ཐོར་ཚུགས་ཅན་ལ་སོགས་ཁྲི་ཕྲག་བཞི་ནི༔ དགྲ་བོ་སྨྱོ་འབོག་བརྒྱལ་ནད་གཏོང་བ་དང་༔ གིང་ཆེན་ཁུ་ལེ་ལག་དགུ་ནི་གཟེར་ནད་གླང་ཐབས་གཏོང་བ༔ གིང་ཆེན་ནག་པོ་འཛུམ་མེད་ཀྱིས་ནི་གྲི་རྒོད་མཛེ་ནད་གཏོང་བ༔ གིང་ཆེན་གནམ་ལྷདབང་ཕྱུག་གིས་ནི་ཡེ་འདྲོགས་དང་ཁྲག་སྐྱུགས་གཏོང་བར་བྱེད་པ་སྟེ༔ གིང་ཆེན་ཁྲི་ཕྲག་བཅོ་བརྒྱད་ནི་བྲན་དུ་འཁོར་བའོ༔ ཞེས་དང་

― CMR038_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཡང་མ་ནིང་རྒྱུད་ལས༔ མགོན་པོ་སྟག་ཞོན་རྒྱུད་སོགས༔ རྒྱུད་སྡེ་ཆེན་པོ་དུ་མ་ནས༔ ཆོས་སྐྱོང་འདི་ཉིད་སྒྲུབ་པ་དང་མཆོད་པའི་ཐབས་གསུངས་ལ༔ ཁྱད་པར་བཀའ་བརྒྱུད་བྱེ་བྲག་གི་རྒྱུད་འཇིག་རྟེན་མཆོད་བསྟོད་ལས༔ རྒྱལ་པོ་སྐུ་ལྔའི་རྒྱུད་ཆེན་པོ་ལྔ་ཡོད༔ དེ་ལ་སོགས་པའི་གིང་དཀར་ནག་ཁྲ་གསུམ་གྱི་སྒྲུབ་བསྐོར་དྲག་སྔགས་མཐའ་ཡས་པར་ཡོད་པ་གཡུང་སྟོན་པས་གསུངས་སོ༔ སངས་རྒྱས་གླིང་པའི་གཏེར་མ་རྒྱལ་གསོལ་ལས༔ གཙུག་ལག་ཁང་དང་མཆོད་རྟེན་དང་༔ གསུང་རབ་ལ་སོགས་བཞེངས་པ་དང་༔ རབ་གནས་ལ་སོགས་བྱ་བ་དང་༔ གཞན་ཡང་དགེ་བའི་ལས་གང་བྱེད་ཀྱང་འདི་དགོས་སོ༔ འཇིག་རྟེན་ལྷ་འདྲེའི་གཙོ་བོ་ཡིན་པས༔ འདི་མཆོད་ན་ཅི་བསམ་གྱི་དོན་འགྲུབ་བོ༔ ཁྱད་པར་སྲིའུ་གསོ་བ་ལ་འདི་གལ་ཆེའོ༔ ཞེས་དང་གཞན་ཡང་ཕན་ཡོན་རྒྱ་ཆེར་གསུངས་པ་དང་༔ རྟ་མགྲིན་ཡང་གསང་ཁྲོས་པའི་རྒྱུད་ལས༔ སྲོག་བདག་ཡོངས་ཀྱི་སྡེ་བརྒྱད་ཀྱི་སྐྱེས་བུ་ཞེས་བྱ་སྟེ༔ ཆོས་སྐྱོང་འདི་ཉིད་རྟ་མགྲིན་སྤྲུལ་པར་གསུངས་པ་དང་༔ རྒྱལ་པོ་པུ་ཏྲ་ནག་པོ་འདི་ཉིད་མགོན་པོ་གུར་གྱི་སྤྲུལ་པ་ཡིན་པའི་ཕྱིར༔ ཆོས་སྐྱོང་འདི་ཉིད་འདྲེར་བཟུང་ནས་གླུད་དང་ཚངས་སྤྲད་སྦྱིན་ནས་བཀར་ཡང་མི་རུང་ལ༔ གལ་ཏེ་ལྷར་བརྟེན་ན་ཡང་འདི་ཡི་འཁོར་དུ་སྔགས་པ་དམ་ཉམས་དང་༔ བཙུན་པ་ཁྲིམས་ཉམས་སློབ་དཔོན་དམ་ཚིག་ཉམས་པ་ཐམས་ཅད་སྐྱེས་ནས་ཡོད་པའི་ཕྱིར༔ ཤིན་ཏུ་རྩུབ་ཆ་ཆེ་ཞིང་འཁུ་ལྡོག་རྐྱེན་པས༔ འདིར་གསོལ་མགྱོགས་སྦྲགས་མའི་ཚུལ་དུ་བྱས་པ་འདི་

― CMR038_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་སོ༔ ༈ དེ་ལ་རྡོ་ལེབ་གཙང་མའི་སྟེང་དུ་རི་རབ་བང་རིམ་གསུམ་པ༔ དེའི་སྟེང་དུ་རྒྱལ་བཤོས་རྩེ་ལྔ༔ དེའི་གཡས་སུ་གསང་ཕྱི༔ གཡོན་དུ་སྨན་ཏིང་༔ མདུན་དུ་ཟུར་གསུམ༔ རྒྱབ་ཏུ་ཧ་ཞལ༔ མཐར་མཐེབ་སྒྱུ༔ ཆངས་བུ་ཏིང་ལོ༔ ཤ་དུམ༔ དེ་ལ་དཀར་དམར་བརྒྱན་དང་འབྲུ་སྣ་དར་ཚོན་སོགས་ཀྱིས་བརྒྱན༔ ནད་པའི་དོན་ཡིན་ན་ངར་མི་གཙང་མ་གཅིག༔ གསེར་སྐྱེམས་བདུད་རྩི་རཀྟ་རྣམས་ཀྱིས་བྲན་ལ་མདུན་དུ་བཤམས་ནས༔ རང་ཉིད་དྲག་པོ་རྟ་མགྲིན་དུ་གསལ་བས༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་རང་གི་མདུན་དུ༔ ཚངས་པ་འཕྲུལ་གྱི་གཞལ་ཡས་ཁང་ཆེན་པོ་ཡིད་དུ་འོང་བ་ལྟ་ན་སྡུག་པ༔ རིན་པོ་ཆེའི་རྒྱན་དུ་མས་བལྟམས་པའི་དབུས་སུ༔ སྟོབས་ལྡན་སེང་གེ་དཀར་མོའི་སྟེང་དུ༔ ཡི་གེ་ཙཡོངས་སུ་གྱུར་པ་ལས༔ ཚངས་པ་འཕྲུལ་གྱི་རྒྱལ་དམར་སྨུག་ཅུང་ཟད་ཁྲོ་ཞིང་འཛུམ་པ༔ ཕྱག་གཡས་གསེར་གྱི་རྡོ་རྗེ་རྩེ་ལྔ་པ་དང་གསེར་གྱི་རྒྱལ་མཚན་ནམ་མཁའ་ལ་ཕྱར་བ༔ གཡོན་པས་ཡིད་བཞིན་ནོར་བུ་་པོ་ཆེ་དབང་གི་རྒྱལ་པོ་བསྣམས་ནས༔ སེམས་ཅན་ཐམས་ཅད་ལ་དགོས་འདོད་ཆར་ལྟར་འབེབས་པ༔ དབུ་ལ་དར་གདུགས་དང་སྐུ་ལ་ཟ་འོག་དགུ་བརྩེགས་གསོལ་བ༔

― CMR038_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་ལ་སག་ལྷམ་གསོལ་ཞིང་རྒྱལ་པོ་རོལ་པའི་འདུག་སྟངས་ཀྱིས་བཞུགས་པ༔ དེ་ཡི་གཡས་སུ་ཐུགས་ཀྱི་རྒྱལ་པོ་མཐིང་ནག་རྔམ་ཞིང་ཁྲོས་པ༔ ཟ་འོག་གི་འཇོལ་བེར་དང་དོམ་གྱི་སླག་པ་གྱོན་པ༔ དར་ནག་གི་འཐིབ་ཞུ་ཅན་གཡས་སྤུ་གྲི་ཕྱར་ཞིང་༔ གཡོན་བདུད་ཞགས་བསྣམས་པ༔ བ་གླང་སྣ་རིང་ལ་ཞོན་པ༔ དེ་ལ་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ཀྱི་རྒྱལ་པོ་བཞིས་བསྐོར་བོ༔ གཡོན་དུ་ཡུམ་ཤན་ཏི་རོ་ཟན་མ་དར་དང་རིན་པོ་ཆེས་བརྒྱན་པ༔ རལ་གྲི་ཕྱར་ཞིང་ནེའུ་ལེ་དཀུར་བརྟེན་པ་ལ་སོགས་ཡུམ་ཆེན་ལྔ༔ རྒྱབ་ཏུ་བློན་པོ་ཤན་པ་བྱ་ཁྲི་མིག་གཅིག་སྔོན་པོ་སྒ་ནག་ལ་ཆིབས་ནས་ཞིང་དབྱུག་དང་རྡོ་རྗེ་གསོར་བ་ལ་སོགས་པ་བློན་པོ་ལྔ༔ མདུན་དུ་ཙི་དམར་བ་བསེ་ཡི་ཁྲབ་རྨོག་བགོས་ཤིང་མདུང་དམར་དང་ཞགས་པ་བཟུང་ནས་རྟ་རྒོད་བྲ་བོ་གཡུ་རྔོག་ཞོན་པ་སྤྲུལ་པ་ལྔས་བསྐོར་བ༔ གཞན་ཡང་སྤྲུལ་པ་ཤེལ་གིང་དཀར་པོ་དང་༔ དཀར་པོ་སྤྱན་གཅིག་དང་༔ ཁུ་ལེ་ལག་དགུ༔ ཡམ་ཤུད་དམར་པོ༔ བྱེ་བ་གུང་རིང་གནམ་ས་བར་གསུམ་གྱི་ཐེའུ་རང་གཟའ་ཐེལ་དམར་པོ་དང་གནོད་སྦྱིན་བསེའི་གདོང་ཅན་དང་༔ ཚངས་

― CMR038_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དུང་གི་ཐོར་ཚུགས་ནག་པོ་འཛུམ་མེད་དང་༔ གིང་ཆེན་ཁྲི་ཕྲག་བཅོ་བརྒྱད་དང་༔ རུ་འདྲེན་སྡེ་བཞི༔ བྲན་གར་ཚེ་དང་གུར་ཚེ༔ སོག་པོ་མེ་ཉག་ན་ཆུང་། མིག་རིང་ཨ་ཙ་ར༔ རྒྱལ་བསེན་དམ་སྲིའི་རིགས་སུ་གྱུར་པ་ཐམས་ཅད་ཀྱིས་བསྐོར་བ་ཐམས་ཅད་ཀྱང་བྱམས་པའི་སེམས་དང་ལྡན་པ་འཛུམ་པའི་མདངས་ཅན༔ ཕྱག་ན་ནོར་བུ་དང་རྒྱལ་མཚན་བཀྲ་ཤིས་པའི་རྫས་རྟགས་ཀྱི་བྱེ་བྲག་བསྣམས་པའོ༔ བདག་གི་ཐུགས་ཀ་ནས་ཁྲོ་བོ་འདོད་རྒྱལ་དམར་པོ་ལྕགས་ཀྱུ་དང་ཞགས་པ་ཅན་དཔག་ཏུ་མེད་པ་འཕྲོས་པས་མགྲོན་རྣམས་སྐད་ཅིག་ལ་བཀུག་པར་གྱུར༔ ཊཀི་རཱ་ཙ་ཧཱུྃ༔ ཧཱུྃ༔ སྔོན་ཚེ་དགུང་སྔོན་མཐོན་པོར་བཞུགས༔ བར་དུ་ཧོར་གྱི་སྒོམ་གྲྭར་བཞུགས༔ ད་ལྟ་བསམ་ཡས་གླིང་དུ་སྒྱུ་བཞུགས༔ ཆོས་འཁོར་རྒྱལ་པོ་གཤེགས་སུ་གསོལ༔ དགའ་རབ་ཤྲཱི་སེང་ཨོ་རྒྱན་གྱིས༔ གསེར་གྱི་རྡོ་རྗེ་སྤྱི་བོར་བཞག༔ རྒྱལ་མཚན་བརྒྱད་ཀྱི་དབང་ཡང་བསྐུར༔ གསང་བའི་གནས་ནས་གཤེགས་སུ་གསོལ༔ རྒྱལ་ཆེན་ཡབ་ལྔ་ཡུམ་ལྔ་དང་༔ བློན་པོ་ལྔ་དང་སྤྲུལ་པ་ལྔ༔ ཁྱད་པར་ལས་མཁན་གནོད་སྦྱིན་ཆེ༔ འཁོར་དང་བཅས་པ་གཤེགས་སུ་

― CMR038_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ༔ གནམ་ལྷ་ལ་སོགས་མཆེད་སྡེ་དགུ༔ གཙུག་ལག་ཆོས་འཁོར་ཐམས་ཅད་ནས༔ བཞུགས་པའི་འཁོར་དང་སྤྲུལ་པའི་ཚོགས༔ མཆོད་པའི་གནས་འདིར་གཤེགས་སུ་གསོལ༔ ཁྱེད་ཀྱི་འཁོར་དུ་གཏོགས་པ་ཡི༔ བདག་དང་ཡོན་བདག་འཁོར་བཅས་ལ༔ གནོད་པའི་འགོང་པོ་དམ་སྲིའི་ཚོགས༔ ལན་ཆགས་སྦྱངས་ཕྱིར་འདིར་འདུས་ཤིག༔ ལུས་ལ་མཚོན་ཆ་མ་ཐོགས་ལ༔ ཐུགས་ལ་ཞེ་སྡང་མ་འཆང་བར༔ མཆོད་སྦྱིན་གཏོར་མ་བཞེས་སླད་དུ༔ བྱམས་པའི་ཐུགས་ཀྱིས་གཤེགས་སུ་གསོལ༔ རྒྱལ་ཆེན་ཡབ་ཡུམ་བློན་པོ་འབངས༔ གཙོ་དང་འཁོར་དུ་འཚམས་པ་ཡི༔ རིན་ཆེན་གསེར་གྱི་ཁྲི་སྟེང་དུ༔ དགྱེས་པའི་ཚུལ་གྱིས་བཞུགས་སུ་གསོལ༔ རཱ་ཙ་གིང་ཀ་ར་ས་པཱ་རི་ཝཱ་ར་ཨེ་ཧྱེ་ཧིཿ མཱ་ཡ་ཛ༔ ཛཿཧཱུྃ་བཾ་ཧོཿ ས་མཱ་ཡ་སཾ༔ ནང་མཆོད་གཏོར་ལ༔ ཧཱུྃ༔ དུས་གསུམ་སངས་རྒྱས་ཀུན་གྱི་གསང་བའི་ཆུ༔ རྡོ་རྗེ་མནའ་ཆུ་བདེན་པའི་བདུད་རྩི་འདི༔ རྒྱལ་ཆེན་ཡབ་ཡུམ་བློན་འབངས་རྣམས་ལ་སྦྱིན༔ རྡོ་རྗེ་ཅན་གྱི་ཆུ་འདི་འཐུང་བར་གྱིས༔ དམ་ཚིག་བསྲུངས་ན་དངོས་གྲུབ་རྣམ་གཉིས་ཐོབ༔ དམ་ཚིག་ཉམས་ན་མནར་མེད་དམྱལ་བར་

― CMR038_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟུང་༔ འདི་ནི་བཛྲ་ན་ར་ཀན༔ རྡོ་རྗེ་ཐོགས་ལ༔ ཧཱུྃ༔ སངས་རྒྱས་ཀུན་གྱི་བྱིན་རླབས་གཅིག་བསྡུས་པའི༔ འགྱུར་བ་མེད་པའི་ཡེ་ཤེས་རྡོ་རྗེ་མཆོག༔ ཅིས་ཀྱང་མི་ཆོད་མི་ཤིགས་སྐྲག་པ་མེད༔ འགྱུར་དུ་མེད་པའི་དངོས་པོ་མེད་པ་ཡི༔ སྟོང་ཉིད་རྡོ་རྗེ་ཁྱོད་སྙིང་གནས་པར་གྱུར༔ མ་འདའ་འདས་ན་ལུས་ངག་ཡིད་གསུམ་བསྲེགས༔ འདི་ནི་བཛྲ་ས་མཱ་ཡ༔ ཞེས་བརྗོད་པས་བདག་གི་བཀའ་ཉན་གསུང་སྡོད་པར་དམིགས༔ མཆོད་པ་བྲན༔ རཾ་ཡཾ་ཁཾ༔ མི་གཙང་བ་ཐམས་ཅད་བསྲེགས་གཏོར་བཀྲུས༔ ཨོཾ་སྭ་བྷ་ཝ་སོགས། སྟོང་པའི་ངང་ལས༔ ཨོཾ་ལས་རིན་པོ་ཆེའི་སྣོད་དུ་རྒྱལ་བཤོས་རིན་པོ་ཆེ་སྣ་ཚོགས་ལས་གྲུབ་པའི་རི་རབ༔ དར་ཚོན་གྱི་བླ་བྲེ་ཡོལ་བ་ཕྱེ་མ་ཕུར་མ་འདོད་པའི་ཡོན་ཏན་སྣ་ཚོགས༔ རྒྱལ་སྲིད་སྣ་བདུན་བཀྲ་ཤིས་རྟགས་བརྒྱད༔ རིན་པོ་ཆེ་སྣ་ཚོགས༔ དར་སྣ་ཚོགས་འབྲུ་སྣ་ཚོགས༔ མཆོད་པའི་བྱེ་བྲག་བསམ་གྱིས་མི་ཁྱབ་པར་གྱུར༔ ན་མཿསརྦ་ཏ་ཐཱ་ག་ཏ་བློ་སོགས། ནམ་མཁའ་མཛོད་ཀྱི་ཕྱག་རྒྱ་བྱའོ།། ཧཱུྃ༔ བསྟན་སྲུང་གིང་གི་མགོན་པོ་མཆོད་པའི་ཕྱིར༔ མཉེས་པའི་སྤྱན་གཟིགས་ཟག་མེད་མཆོད་སྦྱིན་འདི༔ ས་གཞི་ནམ་མཁའ་

― CMR038_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

བར་སྣང་གླིང་བཞི་གང་༔ མཆོད་ཡོན་ཞབས་བསིལ་མེ་ཏོག་བདུག་སྤོས་དང་༔ མར་མེ་དྲི་ཆབ་ཞལ་ཟས་རོལ་མོ་དང་༔ གདུགས་དང་རྒྱལ་མཚན་བ་དན་བླ་བྲེ་དང་༔ འཁོར་ལོ་ནོར་བུ་བཙུན་མོ་རིན་ཆེན་དང་བློན་པོ་གླང་པོ་རྟ་མཆོག་རིན་ཆེན་དང་༔ དམག་དཔོན་ལ་སོགས་རྒྱལ་སྲིད་སྣ་བདུན་རྣམས༔ ཆོས་སྐྱོང་རྒྱལ་པོ་འཁོར་དང་བཅས་ལ་འབུལ༔ རིན་ཆེན་གསེར་གཡུ་དངུལ་དང་མུ་ཏིག་དང་༔ བྱུ་རུ་དུང་ལྕགས་རིན་ཆེན་གཏེར་བུམ་འདི༔ རྒྱལ་པོ་པེ་ཧར་འཁོར་དང་བཅས་ལ་འབུལ༔ རྔ་དང་ཆ་ལང་དྲིལ་བུ་ཅང་ཏེ་དང་༔ འཁར་རྔ་ཟངས་གླིང་རྒྱ་གླིང་རྔ་གླིང་དང་༔ དུང་དཀར་གཡས་འཁྱིལ་རྐང་གླིང་རོལ་མོ་ཡི༔ སྒྲ་སྙན་ཡིད་འོང་མདངས་དང་ལྡན་པ་འདི༔ ཆོས་སྐྱོང་གིང་ཆེན་གི༔ འཁོར་དང་བཅས་ལ་འབུལ༔ འབྲུ་བཅུད་ཆང་གི་རྒྱ་མཚོ་ཀྱི་ལི་ལི༔ རཀྟ་ཁྲག་གི་རྒྱ་མཚོ་མེ་རེ་རེ༔ ཚིལ་ཆེན་བསྲེགས་པའི་དུད་པ་ཐུ་ལུ་ལུ༔ ཞལ་ཟས་གཏོར་མའི་ཚོགས་ནི་མདངས་དང་ལྡན༔ སྤོས་མཆོག་བསྲེགས་པའི་དུད་པ་ཐུ་ལུ་ལུ༔ དགྲ་བླ་ཆེན་པོ་འཁོར་དང་བཅས་ལ་འབུལ༔ རྒྱལ་བཤོས་རི་རབ་རིན་ཆེན་གྲུ་བཞི་ལ༔ བང་རིམ་གསུམ་

― CMR038_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་ནམ་མཁའི་མཐའ་དང་མཉམ༔ གྲུ་བཞི་སྒོ་བཞི་གསེར་གྱི་མདངས་དང་ལྡན༔ རིན་ཆེན་ཕྲ་བཀོད་སྤོས་ཀྱི་ངད་དང་ལྡན༔ འདོད་ཡོན་ཆར་འབེབས་དགོས་འདོད་ལྷུན་གྱིས་གྲུབ༔ འདབ་ཆགས་རྒྱལ་པོ་ཁྱུང་ཆེན་མཁའ་ལ་ལྡིང་༔ གཅན་གཟན་རྒྱལ་པོ་སེང་གེ་དཀར་མོ་འགྱིང་༔ སྡེར་ཆགས་རྒྱལ་པོ་གཡུ་འབྲུག་ང་རོ་ལྡིར༔ སེམས་ཅན་སྣ་ཚོགས་མཛེས་པའི་རྒྱན་དང་ལྡན༔ རོ་བརྒྱ་ལྡན་པའི་ཟས་ཀྱི་མཆོད་པ་འདི༔ བཀའ་སྲུང་རྒྱལ་པོ་འཁོར་དང་བཅས་ལ་འབུལ༔ བཅོལ་བའི་ཕྲིན་ལས་མྱུར་དུ་འགྲུབ་པར་མཛོད༔ ར་ཙ་གིང་ཀ་ར་ས་པཱ་རི་ཝཱ་ར་ཨཧཱུྃ་ནས། ཤབྡ་པྲ་ཏིཙྪ་སྭཱ་ཧཱ༔ དེ་ནས་གཏོར་མ་བསྔོ་བ་ནི༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བར༔ གཏོར་མ་བདུད་རྩིའི་རྒྱ་མཚོ་བསམ་གྱིས་མི་ཁྱབ་པ་འདོད་པའི་ཡོན་ཏན་ལྔ་དང་ལྡན་པར་གྱུར༔ ཨོཾ་ཨ་ཀཱ་རོ་མུ་ཁཾ་སོགས་བྱིན་གྱིས་བརླབས་ནས། ཧཱུྃ༔ ཆོས་འཁོར་རྒྱལ་པོ་འཁོར་བཅས་ལ༔ མཐུན་པའི་བཤོས་བུ་དམ་རྫས་དང་༔ བདུད་རྩི་སྨན་གཏོར་རཀྟ་དང་༔ གསང་ཕྱི་དཀར་མོའི་

― CMR038_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་གཡས་དང་༔ ཤ་ཁྲག་འདོད་ཡོན་དཔག་མེད་ཀྱིས༔ རྒྱལ་ཆེན་འཁོར་བཅས་ཐུགས་དམ་བསྐང་༔ ཚངས་པ་འཕྲུལ་གྱི་རྒྱལ་པོ་དང་༔ ཡབ་ལྔ་ཡུམ་ལྔ་བློན་པོ་ལ༔ སྤྲུལ་པ་ལྔ་དང་རུ་འདྲེན་ཚོགས༔ ཡང་འཁོར་རྣམས་ཀྱི་ཐུགས་དམ་བསྐང་༔ གནམ་ལྷ་ལ་སོགས་མཆེད་སྡེ་དགུ༔ གནོད་སྦྱིན་ཆེན་པོ་ཙི་དམར་བ༔ བསྟན་སྲུང་ཆེན་པོ་གཡུ་ཕྲེང་ཅན༔ འཁོར་དང་བཅས་པའི་ཐུགས་དམ་བསྐང་༔ གིང་ཆེན་ཁྲི་ཕྲག་བཅོ་བརྒྱད་དང་༔ རྒྱལ་ཕྲན་བྱེ་བ་ས་ཡ་དང་༔ ཡང་འཁོར་དུང་ཕྱུར་གྲངས་འདས་རྣམས༔ ཐམས་ཅད་ངོམས་ཤིང་ཚིམ་གྱུར་ཅིག༔ ཨོཾ་ར་ཙ་སིདྡྷི་ས་མ་ཡ་ཤྲཱི་ཛ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ར་ཙ་གིང་ཀ་ར་སརྦ་སིདྡྷི་ཧཱུྃ༔ ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨོཾ་རཀྵ་ཙིཏྟ་ར་ག་ཧཱུྃ་ཛ༔ ཨི་དཾ༴ ཨོཾ་བཛྲ་སུ་ཏྲ་རཀྵ་རཱ་ཛ༔ ས་མ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཨི་དཾ༔ ཏྲེ་དུ་དུ་ཧཱུྃ་ཏྲེ་དུ་དུ་ཧ་རི་ཏི་ཛ༔ ཨི་དཾ༔ སྔགས་ལན་གསུམ་གྱིས་བསྔོས་ལ། བསྟོད་པ་ནི། ཧཱུྃ༔ ཆོས་འཁོར་རྒྱལ་པོ་ཆེན་པོ་ནི༔ སྐུ་ནི་སྤྲུལ་པ་ཅིར་ཡང་སྟོན༔ སེང་གེ་གླང་ཆེན་རྐྱང་ལ་ཆིབས༔ སྐུ་ལ་མེ་ཏྲི་དམར་པོ་གསོལ༔ དབུ་ལ་སག་ཞུ་ཆེན་པོ་

― CMR038_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ༔ རྡོ་རྗེ་སྙིང་དང་གསེག་ཤིང་ཐོགས༔ གཙུག་ལག་དཀོར་སྲུང་ཁྱོད་ལ་བསྟོད༔ ཧཱུྃ༔ ཚངས་པ་འཕྲུལ་གྱི་རྒྱལ་པོ་ཆེ༔ སྐུ་མདོག་དམར་སྨུག་ཁྲོ་འཛུམ་བརྗིད༔ ཕྱག་གཡས་རྡོ་རྗེ་རྒྱལ་མཚན་ཕྱར༔ གཡོན་པས་ཡིད་བཞིན་ནོར་བུ་བསྣམས༔ སྐུ་ལ་ཟ་འོག་དགུ་བརྩེགས་གསོལ༔ སེང་གེའི་སྟེང་ན་རོལ་པར་བཞུགས༔ ནོར་ལྷ་ཆེན་པོ་ཁྱོད་ལ་བསྟོད༔ ཁྱོད་ཀྱི་སྲུང་མ་མཛད་ཙམ་ན༔ ཉན་ཐོས་ཆ་ལུགས་ཆོས་གོས་གསོལ༔ དར་གྱི་གདུགས་ཆེན་དབུ་ལ་མནབས༔ ལྷུང་བཟེད་འཁར་གསིལ་ཀྱི་ཕྱག་ན་བསྣམས༔ ཤེལ་ཕྲེང་རིག་པ་རྒྱན་དུ་མཛེས༔ གླང་ཆེན་ས་སྲུང་སྟེང་ན་བཞུགས༔ སྒྲ་ཚད་དོན་རྣམས་ཐུགས་སུ་ཆུད༔ དཀོན་མཆོག་དབུ་འཕང་མཐོ་བར་བྱེད༔ དགེ་རྒྱུའདུན་འབུམ་གྱི་བསྟན་པ་སྲུང་༔ དཀོར་སྲུང་ཆེན་པོ་ཁྱོད་ལ་བསྟོད༔ བཙན་གྱི་དམག་དཔོན་མཛད་ཙ་ན༔ སོག་པོའི་ཆ་ལུགས་གཟི་མདངས་ཅན༔ སྐུ་ལ་དར་དཀར་རལ་ག་གསོལ༔ སྟག་རལ་གཡས་ལ་གཟིག་ཤུབས་གཡོན༔ དམག་དཔོན་ཆེན་པོ་ཁྱོད་ལ་བསྟོད༔ དམག་དཔོན་མགྲོན་དཔོན་མཛད་ཙ་ན༔ བྷ་ཏ་ཧོར་གྱི་ཆ་ལུགས་མཛད༔ དགྲ་

― CMR038_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་སྣ་དགུ་གཡང་དུ་ལེན༔ ནོར་སྲུང་ཆེན་པོ་ཁྱོད་ལ་བསྟོད༔ ཧཱུྃ༔ ཚངས་པ་གིང་ཆེན་ཐོར་ཚུགས་ཅན༔ སྲིད་པའི་རྒྱལ་པོ་ལི་བྱིན་ཧར༔ ཁུ་ལེ་ལག་དགུ་དམུ་རྗེ་བཙན། སྐུ་ལྔར་བརྫུ་བའི་བརྒྱ་བྱིན་ཏེ༔ མཐིང་ནག་ཤིན་ཏུ་ཁྲོས་པ་བཞིན༔ མི་སྡུག་དགྲ་བོའི་ཕྱོགས་སུ་བསྟན༔ ཞགས་པས་འཆིང་ཞིང་སྤུ་གྲིས་བསིལ༔ བེར་དང་དོམ་གྱི་སླག་པ་གསོལ༔ དར་ནག་མཐིང་ཞྭ་དབུ་ལ་མནབ༔ བ་ལང་ཆེན་པོ་སྣ་རིང་ཆིབས༔ དཔལ་གྱི་ལྷ་མོ་འཆར་ཁའི་མདོག༔ ཤན་ཏི་རོ་ཟན་མ་ལ་རོལ༔ གཙུག་ལག་ཁང་གི་སྲུང་མ་མཛད༔ དམ་པ་ཆོས་ཀྱི་ཁུར་རྩ་བ༔ དགེ་འདུན་ཡོངས་ཀྱི་འབངས་གཅིག་པུ༔ ནང་བློན་མོན་བུ་པུ་ཏྲ་དང་༔ བྷ་དྲ་སྲིང་མོ་ནག་མོ་དང་༔ མངག་གཞུག་མཛད་པ་རྩི་དམར་བ༔ རུ་འདྲེན་ཆེན་པོ་སྡེ་བཞིས་བསྐོར༔ གདུག་པ་ཐལ་བར་བརླགས་ལ་བསྟོད༔ ཅེས་བསྟོད་ལ། སླར་གཏོར་མ་དེ་གསོ་བྲན་བྱས་ལ༔ སྔོན་གྱི་ཁུང་སྨོས་ཤིང་དམ་བརྡར་བ་ནི༔ ཨོཾ་ཨ་ཀཱ་རོ༴ ལན་གསུམ་གྱིས་བྱིན་གྱིས་བརླབས་ནས༔ ཧཱུྃ༔ སྤྱན་རས་གཟིགས་དབང་ཧྲིལས་རྔམ་ཆེན་སྐུ༔ རྟ་མགྲིན་རྟ་སྐད་བཞད་ལ་ཕྱག་འཚལ་བསྟོད༔ སྐྱེ་འཆི་མེད་པ་ཚེ་ཡི་དངོས་གྲུབ་

― CMR038_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

དེ༔ བདག་ཅག་སྒྲུབ་པ་པོ་ལ་བསྩལ་དུ་གསོལ༔ ཀྱཻ༔ དགེ་བསྙེན་དགྲ་བླ་པེ་དཀར་ཁྱོད༔ ཕ་དང་དེ་ནི་ཡབ་སྨོས་པ༔ ཡབ་ལྷ་ཤོད་ཀྱི་སྐྱེས་ཏ་རེ༔ ཡ་བདུད་དེ་ནི་རྒྱལ་པོ་ལགས༔ མ་དང་དེ་ནི་ཡུམ་སྨོས་པ༔ ས་བདག་པདྨའི་ཕྲེང་བ་དེ༔ དབྱིངས་ཀྱི་དེ་ནི་རྒྱལ་མོ་ལགས༔ ཡབ་ཡུམ་གཉིས་སུ་བཤོས་པའི་སྲས༔ ལྕམ་དྲལ་དེ་ནི་མཆེད་གཉིས་བལྟམས༔ མིང་པོ་དེ་ནི་དྲག་པོ་ལགས༔ ཤར་ཕྱོགས་ཤེལ་གིང་དཀར་པོ་ལ༔ སྲིང་མོ་དེ་ནི་ལྕམ་མོ་ལ༔ པདྨ་གར་གྱི་དབང་ཕྱུག་མ༔ མིང་པོ་དེ་ནི་དྲག་པོ་ལ༔ རྒྱ་གར་ཆོས་ཀྱི་རྒྱལ་པོ་ཡིན༔ ཁྱོད་ལ་མིང་དང་མཚན་གསོལ་བ༔ ཚངས་པ་དུང་གི་ཐོར་ཚུགས་ཅན༔ བྷྱོ༔ སྤུ་རྒྱལ་བོད་ཀྱིས་མཚན་བཏགས་པ༔ ཞལ་གསུམ་སྟོད་ཀྱི་མི་བོ་ཆེ༔ ཞང་ཞུང་སྟོད་ཀྱིས་མཚན་བཏགས་པ༔ སྐུ་ལྷ་སྨུག་ཐོར་མཐུ་བོ་ཆེ༔ གཙུག་ལག་བོན་གྱིས་མཚན་བཏགས་པ༔ ཉེ་དབང་སྲས་ཀྱི་འཕྲུལ་པོ་ཆེ༔ ཤཱཀྱ་ཐུབ་པས་མཚན་བཏགས་པ༔ དགེ་བསྙེན་གཏེར་སྲུང་གཉེར་ལེགས་པོ༔ ཁྱོད་ནི་བཞུགས་པའི་ཡུལ་བཙལ་བ༔ དགུང་སྔོན་མཐོན་པོའི་ཡང་སྟེང་ན༔ ཉི་ཟླ་པདྨའི་གདན་སྟེང་

― CMR038_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ན༔ རྒྱལ་པོ་སྐུ་གཅིག་བཞུགས་པ་ནི༔ སྐུ་ལ་དར་དཀར་རལ་ག་གསོལ༔ ཕྱག་ན་ཤེལ་གྱི་འགྱིང་དཀར་བསྣམས༔ ཤེལ་གྱི་དབྱིག་ལྕག་སྐེད་ལ་བཅུག༔ དབུ་ལ་སྒྲ་གཅིག་པུ་རུ་རུ༔ ཞལ་ནས་ཚེམས་གཅིག་ལྷངས་སེ་ལྷང་༔ དཔྲལ་བར་སྤྱན་གཅིག་ཡེ་རེ་རེ༔ ཁྱོད་ནི་གནམ་ལྷ་བབ་ཙམ་ན༔ ཆིབས་སུ་སྔོན་པོ་ཉ་འདྲ་ཆིབས༔ སྐུ་ལ་ཟ་འོག་ཐུལ་པ་གསོལ༔ དབུ་ལ་ཝ་ཏི་སྨུག་པོ་གསོལ༔ ཕྱག་ན་བདུད་ཞགས་ནག་པོ་བསྣམས༔ ལྕགས་ཀྱི་བྱ་ཁྲ་མཁའ་ལ་ལྡིང་༔ ལྕགས་ཀྱི་སྤྱང་མོ་ཕྱི་ནས་འབྲང་༔ ཟངས་ཀྱི་འཕར་བ་རོལ་དུ་ཁྲིད༔ ཕྱག་བརྙན་མང་པོ་སྐར་ལྟར་འཁྲུག༔ སྤྲུལ་པ་མང་པོ་ཁྲ་ལྟར་ཉུལ༔ བདག་ལ་སྡང་བའི་དགྲ་བོ་འདི༔ ཁྱོད་ལ་གཏད་དོ་ཤོར་ར་རེ༔ དེ་ནས་རྒྱ་གར་ཡུལ་དུ་བྱོན༔ དཔལ་གྱི་ཤྲཱི་ནཱ་ལེནྡྲའི༔ གཙུག་ལག་ཁང་གི་ནང་ཤེད་ན༔ སློབ་དཔོན་བུདྡྷ་གུཔ་ཡིས༔ གསང་བ་ཡི་ནི་དཀྱིལ་འཁོར་བཞེངས༔ རྫས་དང་ལག་ཆ་སྔོན་དུ་བཀྲམ༔ ལག་ཏུ་དེ་ནི་རྡོ་རྗེ་བྱིན༔ གསང་བ་དེ་ནི་མཚན་བཏགས་པ༔ གནམ་ལྷ་དེ་ནི་བྱང་ཆུབ་ལ༔ བཀའ་ལ་དེ་ནི་མ་འདའ་ཞིག༔ དམ་ལ་དེ་ནི་མ་ལྡོག་ཅིག༔ རྣལ་འབྱོར་བདག་

― CMR038_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མ་འཁུ་ཞིག༔ ཡོན་བདག་འདི་ལ་མ་གནོད་ཅིག༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ དགྲ་བོ་འདི་ལ་རྟགས་ཕྱུངས་ཤིག༔ ཐུགས་དམ་བཞིན་དུ་ཕྲིན་ལས་མཛོད༔ དེ་ནས་བྷ་ཏ་ཧོར་གྱི་ཡུལ༔ བསམ་གྲུབ་ཤེལ་གྱི་བྲག་ཕུག་ཏུ༔ སློབ་དཔོན་པདྨ་འབྱུང་གནས་ཀྱིས༔ དབང་ཆེན་དེ་ནི་དཀྱིལ་འཁོར་བཞེངས༔ རྫས་དང་ལག་ཆ་སྔོན་དུ་བཀྲམ༔ ལག་ཏུ་དེ་ནི་རྡོ་རྗེ་བྱིན༔ གསང་བ་དེ་ནི་མཚན་བཏགས་པ༔ རྡོ་རྗེ་ཁྱུང་ཆེན་ཀླུ་འབྲུག་འདུལ༔ བཀའ་ལ་དེ་ནི་མ་འདའ་ཞིག༔ དམ་ལ་དེ་ནི་མ་ལྡོག་ཅིག༔ རྣལ་འབྱོར་བདག་ལ་མ་འཁུ་ཞིག༔ ཡོན་བདག་འདི་ལ་མ་གནོད་ཅིག༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ དགྲ་བོ་འདི་ལ་རྟགས་ཕྱུངས་ཤིག༔ ཐུགས་དམ་བཞིན་དུ་ཕྲིན་ལས་མཛོད༔ དེ་ནས་བོད་ཡུལ་དབུས་སུ་བྱོན༔ ལྷོ་བྲག་དེ་ནི་མཁར་ཆུ་རུ༔ སློབ་དཔོན་བོ་དྷི་ས་ཏྭ་ཡིས༔ གསང་བ་དེ་ནི་དཀྱིལ་འཁོར་བཞེངས༔ རྫས་དང་ལག་ཆ་སྔོན་དུ་བཀྲམ༔ གོས་སུ་ཆོས་གོས་སྣམ་སྦྱར་གྱོན༔ ལག་ཏུ་གསེག་ཤང་པར་བུ་བསྐུར༔

― CMR038_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བསྙེན་ཆེན་པོར་གཏན་ཁྲིམས་ཕོག༔ གསང་བ་དེ་ནི་མཚན་བཏགས་པ༔ རྡོ་རྗེ་དེ་ནི་འགྱིངས་པ་ལགས༔ བཀའ་ལ་དེ་ནི་མ་འདའ་ཞིག༔ དམ་ལ་དེ་ནི་མ་ལྡོག་ཅིག༔ རྣལ་འབྱོར་བདག་ལ་མ་འཁུ་ཞིག༔ ཡོན་བདག་འདི་ལ་མ་གནོད་ཅིག༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ དགྲ་བོ་འདི་ལ་རྟགས་ཕྱུངས་ཤིག༔ ཐུགས་དམ་བཞིན་དུ་ཕྲིན་ལས་མཛོད༔ དེ་ནས་ལྷ་ས་འཕྲུལ་སྣང་དུ༔ སློབ་དཔོན་ཤྲཱི་ཀུ་མཱ་ར༔ གསང་བ་དེ་ནི་དཀྱིལ་འཁོར་བཞེངས༔ རྫས་དང་ལག་ཆ་སྔོན་དུ་བཀྲམ༔ ལག་ཏུ་དེ་ནི་རྡོ་རྗེ་བྱིན༔ དེ་ལ་གསང་བའི་མཚན་བཏགས་པ༔ རྡོ་རྗེ་དེ་ནི་གབ་པའི་གཏེར༔ བཀའ་ལ་དེ་ནི་མ་འདའ་ཞིག༔ དམ་ལ་དེ་ནི་མ་ལྡོག་ཅིག༔ རྣལ་འབྱོར་བདག་ལ་མ་འཁུ་ཞིག༔ ཡོན་བདག་འདི་ལ་མ་གནོད་ཅིག་བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ དགྲ་བོ་འདི་ལ་རྟགས་ཕྱུངས་ཤིག༔ ཐུགས་དམ་བཞིན་དུ་ཕྲིན་ལས་མཛོད༔ དེ་ནས་དབུ་རུ་ཀླུང་འགྲམ་སྟེ༔ ཀོང་རྗེ་དེ་ནི་བཙན་པོ་དང་༔ སྐྱེས་བུ་དེ་ནི་ལུང་བཙན་དང་ཟུར་ཕུད་དེ་ནི་

― CMR038_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལ་བསྡུས༔ མདུན་ན་དེ་ནི་སུ་སུ་གནས༔ ཤ་ཁྲག་དེ་ནི་མནའ་ཐོ་བཅད༔ བཙན་དང་དེ་ནི་ཀླུ་གཉིས་ཀྱི༔ རྒྱལ་པོའི་ཆ་བསྙེན་ཞལ་གྱིས་བཞེས། བཙན་ལ་བཙན་རྒྱང་དམར་པོ་ཕུལ༔ ཀླུ་ལ་ནེའུ་ར་གཅིག་ཕུལ༔ རྒྱལ་པོ་ཀླུ་དང་བཙན་དང་བསྡོང་༔ བཀའ་ལ་དེ་ནི་མ་འདའ་ཞིག༔ དམ་ལ་དེ་ནི་མ་ལྡོག་ཅིག༔ རྣལ་འབྱོར་བདག་ལ་མ་འཁུ་ཞིག༔ ཡོན་བདག་འདི་ལ་མ་གནོད་ཅིག༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ དགྲ་བོ་འདི་ལ་རྟགས་ཕྱུངས་ཤིག༔ ཐུགས་དམ་བཞིན་དུ་ཕྲིན་ལས་མཛོད༔ དེ་ནས་སྔགས་པའི་གླིང་ཤེད་དུ༔ བཙན་པོ་ཁྲི་སྲོང་ལྡེའུ་བཙན་གྱིས༔ དབང་ཆེན་དེ་ནི་དཀྱིལ་འཁོར་བཞེངས༔ རྫས་དང་ལག་ཆ་སྔོན་དུ་བཀྲམ༔ ལག་ཏུ་གསེག་ཤང་པར་བུ་བསྐུར༔ དེ་ལ་གསང་བའི་མཚན་རྟགས་པ༔ དཔེ་དཀར་དེ་ནི་དགྲ་ལྷ་ལ༔ གཏན་གྱི་དེ་ནི་གྲོགས་དངོས་ལ༔ ཤཱནྟི་དེ་ནི་རོ་ཟན་ལགས༔ གཏན་གྱི་དེ་ནི་འབངས་དངོས་པ༔ མོན་ཕྲུག་དེ་ནི་སྤུ་ར་ལགས༔ གཏན་གྱི་དེ་ནི་ཡུལ་བཙན་པ༔ བྱང་ཤར་དེ་ནི་པེ་དཀར་གླིང་༔ རྣལ་འབྱོར་ཡོངས་ཀྱི་

― CMR038_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ལྷར་བསྐོས༔ བཀའ་ལ་དེ་ནི་མ་འདའ་ཞིག༔ དམ་ལ་དེ་ནི་མ་ལྡོག་ཅིག༔ རྣལ་འབྱོར་བདག་ལ་མ་འཁུ་ཞིག༔ ཡོན་བདག་འདི་ལ་མ་གནོད་ཅིག༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ དགྲ་བོ་འདི་ལ་རྟགས་ཕྱུངས་ཤིག༔ ཐུགས་དམ་བཞིན་དུ་ཕྲིན་ལས་མཛོད༔ ལྷ་རྡོ་དེ་ནི་དཀར་པོ་དང་༔ ལྷ་ཤུག་དེ་ནི་རྟིང་དཀར་དང་༔ ཆ་རྒོད་སྨྱུག་རྒོད་ཚིགས་དགུ་ཡང་༔ རྒྱལ་པོ་མཐུན་པའི་རྫས་སུ་འབུལ༔ གསང་བ་ཡེ་ནི་ཆེ་བ་དང་༔ དཀར་མོ་ལག་གཡས་ཤ་ཕུད་དང་༔ གསེར་སྐྱེམས་དེ་ནི་བདུད་རྩི་འབུལ༔ དཀར་ཕུད་དམར་ཕུད་ཆང་ཕུད་འབུལ༔ འབྲུ་སྣ་དར་ཟབ་རིན་པོ་ཆེ༔ གསོལ་ཁའི་མཆོད་པ་རྒྱ་ཆེན་འདི༔ བདག་ཅག་དད་པས་འབུལ་ལགས་ན༔ དད་པ་ལོག་ཏུ་མ་བཅུག་ཅིག༔ བསྟོད་ན་དེ་ནི་ཡ་མ་ང་༔ བསྐུལ་པ་དེ་ནི་ཕྲག་མ་དོག༔ མངགས་ན་དེ་ནི་བང་མ་བུ༔ རྦད་ན་དེ་ནི་མཐུ་མ་ཆུང་༔ འཇང་དང་དེ་ནི་ཤགས་འདྲེན་ན༔ སྨྲ་གོང་དེ་ནི་ཤོར་ར་རེ༔ གྱད་དང་དེ་ནི་སྟོབས་འདྲེན་ན༔ རྩལ་གོང་དེ་ནི་ཤོར་ར་རེ༔ ཕྱུགས་དང་དེ་ནི་ནོར་འགྲན་ན༔ རྫས་གོང་དེ་ནི་ཤོར་ར་

― CMR038_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

རེ༔ འཕན་དང་དེ་ནི་བུ་འགྲན་ན༔ མི་གོང་དེ་ནི་ཤོར་ར་རེ༔ བྱས་དང་དེ་ནི་ལེགས་འགྲན་ན༔ དགེ་གོང་དེ་ནི་ཤོར་ར་རེ༔ ཤེས་དང་དེ་ནི་ལེགས་འགྲན་ན༔ དཔལ་གོང་དེ་ནི་ཤོར་ར་རེ༔ ནུས་པ་དེ་ནི་མཐུ་འགྲན་ན༔ མཐུ་གོང་དེ་ནི་ཤོར་ར་རེ༔ རིག་པ་དེ་ནི་གནས་འགྲན་ན༔ ལྔ་གོང་དེ་ནི་ཤོར་ར་ར༔ ནུས་མཐུ་དེ་ནི་མ་ཆུང་ཞིག༔ དྲག་རྩལ་དེ་ནི་མ་ཞན་ཅིག༔ དགྲ་བླ་ཡབ་ཡུམ་འཁོར་བཅས་ཀྱིས༔ དགྲ་བགེགས་དགྲ་བླ་རྩད་ནས་ཆོད༔ ཕྱི་དགྲ་དེ་ནི་ཤོར་ར་ར༔ བཟློག་ཅིང་བསྒྱུར་བར་མཛད་དུ་གསོལ༔ ཁྱེའུ་ཆུང་དེ་ནི་ཟུར་ཕུད་ཅན༔ མོན་ཕྲུག་པུ་ར་ནག་པོ་དང་༔ མོན་ཕྲུག་དེ་ནི་དར་བསྟན་དང་༔ མོན་ཕྲུག་དེ་ནི་སྟག་འདུལ་དང་༔ མོན་ཕྲུག་དེ་ནི་གཞི་འཛིན་དང་༔ མོན་ཕྲུག་དེ་ནི་ཆང་ཁུང་དང་༔ མོན་ཕྲུག་ལེགས་པའི་ཤེས་རབ་དང་༔ མོན་ཕྲུག་རྡོ་རྗེ་ཀུན་འབར་དང་༔ མོན་ཕྲུག་དར་བསྟན་རྡོ་རྗེ་རྒྱལ༔ མོན་ཕྲུག་དེ་ནི་བྱིལ་ཆུང་མཁར༔ རྡོ་རྗེའི་གནས་བརྟན་རྡོ་རྗེ་མཁར༔ རྡོ་ཕྲུག་རྡོ་རྗེ་དྲག་པོ་རྒྱལ༔ ཤ་ཁྲག་དེ་ནི་མནའ་ཐོ་བཅད༔ བཀའ་ལ་དེ་ནི་མ་འདའ་ཞིག༔ དམ་ལ་དེ་ནི་མ་ལྡོག་

― CMR038_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག༔ རྣལ་འབྱོར་བདག་ལ་མ་འཁུ་ཞིག༔ ཡོན་བདག་འདི་ལ་མ་གནོད་ཅིག༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ དགྲ་བོ་འདི་ལ་རྟགས་ཕྱུངས་ཤིག༔ ཐུགས་དམ་བཞིན་དུ་ཕྲིན་ལས་མཛོད༔ ཅེས་དམ་བདར་ནས༔ ༈ སྐུ་ལྔའི་གསོལ་ཁ་ནི༔ ཧཱུྃ༔ དགྲ་བགེགས་ལོག་འདྲེན་ཚར་གཅོད་གནས་མཆོག་འདིར། རིན་ཆེན་སྣ་ལྔའི་རི་རབ་གཞལ་ཡས་ཁང་༔ ཉི་ཟླ་པདྨ་རུ་ཏྲའི་གདན་གྱི་སྟེང་༔ སྤྲུལ་པའི་རྒྱལ་ཆེན་སྐུ་ལྔ་དབྱིངས་ནས་བཞེངས༔ སྐུ་མདོག་སྨུག་ནག་དོམ་གྱི་སླག་པ་གསོལ༔ གཡས་གཡོན་ཕྱག་ན་བདུད་ཞགས་སྤུ་གྲི་བསྣམས༔ དར་ནག་བེར་གསོལ་བ་གླང་སྣ་རིང་ཆིབས༔ ཐུགས་ཀྱི་རྒྱལ་ཆེན་གསོལ་ལོ་ཕྲིན་ལས་མཛོད༔ མོན་བུ་མཐིང་ནག་མན་ཏྲི་དམར་པོ་གསོལ༔ གཡས་གཡོན་ཕྱག་ན་རྡོ་རྗེ་གསེག་ཤང་ཐོགས༔ མཐིང་ཞུ་གསོལ་ཞིང་དོམ་ནག་སྨྱོན་པ་ཁྲིད༔ སྐུ་ཡི་རྒྱལ་ཆེན་གསོལ་ལོ་ཕྲིན་ལས་མཛོད༔ གནོད་སྦྱིན་ནག་པོ་སྦྲུལ་སྟག་གཡང་གཞིས་བརྒྱན༔ གཡས་གཡོན་སྟ་གྲི་བདུད་ཞགས་དགྲ་ལ་འདེབས༔ ཁྱུང་མགོས་དབང་སྡུད་སྲིད་པའི་གཡུ་འབྲུག་ཁྲིད༔ ཡོན་ཏན་རྒྱལ་ཆེན་གསོལ་ལོ་

― CMR038_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་མཛོད༔ དགྲ་ལྷ་སྐྱེས་གཅིག་དར་ནག་འཇོལ་བེར་གསོལ༔ གཡས་གཡོན་སྦ་མཁར་ཙནྡན་བེང་ཆེན་གསོར༔ སྤྱང་མོ་ཁྲིད་ཅིང་ཕོ་ཉ་བྱ་ཁྲ་གཏོང་༔ གསུང་གི་རྒྱལ་ཆེན་གསོལ་ལོ་ཕྲིན་ལས་མཛོད༔ པེ་དཀར་ཞལ་གསུམ་ཕྱག་དྲུག་སག་ཞུ་གསོལ༔ ལྕགས་ཀྱུ་སྤུ་གྲི་མདའ་རལ་ཞིང་དབྱུག་ཐོགས༔ དར་དཀར་གསོལ་ཞིང་སྟག་ཆས་སེང་གེ་ཆིབས༔ ཕྲིན་ལས་རྒྱལ་ཆེན་གསོལ་ལོ་ཕྲིན་ལས་མཛོད༔ རྒྱལ་ཆེན་སྐུ་ལྔ་ཡབ་ཡུམ་འཁོར་བཅས་ལ༔ སྨན་རཀ་ཤ་ཁྲག་གཏོར་མས་ཐུགས་དམ་བསྐང་༔ ཉམས་བཤགས་ཡུལ་འཁོར་ལོངས་སྤྱོད་བསྟན་པ་སྲུངས༔ ཐུགས་ཡུམ་ཤན་ཏི་རོ་ཟན། ཡོན་ཏན་ཡུམ་གསེར་གྱི་སྤུ་གྲི་མ། གསུང་ཡུམ་མཛེས་བྱེད་པདྨ་སྟེ། ཕྲིན་ལས་ཡུམ་གཟའ་བདུད་སྨན་དཀར་མ། བུད་མོ་རོ་ལངས་མིག་དམར་མའོ།། ཕྲིན་ལས་རྣམ་བཞི་དངོས་གྲུབ་བསྩལ་དུ་གསོལ༔ དེ་ནས་ཙི་དམར་གསོལ་ཁ་ནི༔ ཧཱུྃ༔ སྔོན་ཚེ་རྒྱལ་བའི་བསྟན་པ་བསྲུང་བ་ཡི༔ ལས་སྨོན་མཐུ་ལས་གྲུབ་པའི་དམ་ཚིག་ཅན༔ ཆོས་སྐྱོང་གནོད་སྦྱིན་དམར་པོ་ཞེས་གྲགས་པའི༔ བཀའ་སྡོད་སྟོབས་ལྡན་ཁྱོད་ལ་བདག་བསྟོད་དོ༔ རབ་འཇིགས་བསྐལ་པའི་མེ་ལྟར་འབར་

― CMR038_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྐུ༔ ཁྲོ་གཉེར་བཞིན་བསྡུས་ཨག་ཚོམ་སྡང་མིག་བགྲད༔ མདུང་དམར་ཞགས་པས་རུ་ཏྲ་འཆིང་ཞིང་སྒྲོལ༔ དམ་ཉམས་གཤེད་མ་ཁྱོད་ལ་བདག་བསྟོད་དོ༔ རིག་འཛིན་ལྷཔདྨའི་རྗེ་འབངས་སྤྱན་སྔ་རུ༔ ཇི་ལྟར་ཞལ་བཞེས་ཐུགས་དམ་མ་གཡེལ་ཞིང་༔ དཔལ་གྱི་བསམ་ཡས་མི་འགྱུར་བར་ཁང་དུ༔ སྨོན་ལམ་གཅིག་བསྡུས་ལྷ་སྲིན་འདུལ་བའི་བཀའ་ཡི་ཐུགས་དམ་གཉེན་པོ་ཇི་བཞིན་དུ༔ རིག་འཛིན་རྣམས་དང་བརྒྱུད་པར་བཅས་པ་ཡི༔ དམ་ཆོས་བསྒྲུབ་དང་ཚུལ་བཞིན་སྐྱོང་བ་ལ༔ བསྟན་པའི་དགྲ་ལྷ་ཆོས་སྐྱོང་ཁྱོད་རྫོགསོལ་ལོ༔ སངས་རྒྱས་བསྟན་སྲུང་བསྟན་དང་བསྟན་འཛིན་སྤེལ༔ བར་ཆད་བགེགས་ཐུལ་སྡང་བའི་དགྲ་བོ་སྒྲོལ༔ ཆོས་འཁོར་བསྟན་སྐྱོང་མཐའ་ཡི་དམག་དཔུང་ཟློག༔ ཕྲིན་ལས་རྣམ་བཞི་མྱུར་དུ་འགྲུབ་པར་མཛོད༔ དམ་རྫ་ས་བརྒྱན་པའི་གཏོར་མ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ སྐུ་ལྔ་དང་ཙི་དམར་བ་འདི་འབྲི་གུང་ཞབས་དྲུང་རིན་ཆེན་ཕུན་ཚོགས་ཀྱིས་མཛད་པའོ༔ དེ་ནས་ཡོན་ཏན་བསྔགས་པ་བརྗོད་དེ༔ ཧཱུྃ༔ ས་བརྒྱད་ནོན་པའི་སེམས་དཔའ་ཆེན་པོ་ཁྱོད༔ ཁྱོད་ཀྱི་ཡོན་ཏན་བརྗོད་ལས་འདས་པ་སྟེ༔

― CMR038_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་ལྷ་འདྲེ་ཀུན་གྱི་དེད་དཔོན་མཆོག༔ ད་ལྟ་སྔགས་འཆང་ཀུན་གྱི་མཆོད་ཅིང་བསྟོད༔ ཁྱེད་ལ་མཆོད་པའི་ཡོན་ཏན་བསམ་མི་ཁྱབ༔ སྙན་དང་གྲགས་པ་འབྲུག་ལྟར་གྲགས་པ་ཡང་༔ དགྲ་ལྷ་ཆེན་པོ་མཆོད་པའི་ཡོན་ཏན་ཡིན༔ བསོད་ནམས་འབྱོར་པ་ལོངས་སྤྱོད་ཆེ་བ་ཡང་༔ ནོར་ལྷ་པེ་དཀར་མཆོད་པའི་ཡོན་ཏན་ཡིན༔ ཟས་ནོར་ཟང་ཟིང་མང་པོ་འདུ་བ་ཡང་༔ གནམ་ལྷ་བྱང་ཆུབ་མཆོད་པའི་ཡོན་ཏན་ཡིན༔ ཕ་རོལ་ཐམས་ཅད་ཟིལ་གྱིས་གནོན་པ་ཡང་༔ དགྲ་འདུལ་ཆེན་པོ་མཆོད་པའི་ཡོན་ཏན་ཡིན༔ ཁམས་གསུམ་དབང་དུ་འདུ་ཞིང་འཁོར་བ་ཡང་༔ དཀོར་སྲུང་ཆེན་པོ་མཆོད་པའི་ཡོན་ཏན་ཡིན༔ མི་མཐུན་ཕྱོགས་ལས་རྣམ་པར་རྒྱལ་བ་ཡང་༔ དེ་ཡང་རྒྱལ་ཆེན་མཆོད་པའི་ཡོན་ཏན་ཡིན༔ སྣང་སྲིད་མ་ལུས་ཟིལ་གྱིས་གནོན་པ་ཡང་༔ དེ་ཡང་གིང་ཆེན་མཆོད་པའི་ཡོན་ཏན་ཡིན༔ འཇིག་རྟེན་འདི་ན་ཆེ་བཙན་ལྡན་པ་ཡང་༔ ཆོས་འཁོར་རྒྱལ་པོ་མཆོད་པའི་ཡོན་ཏན་ཡིན༔ སྡང་བའི་དགྲ་བོ་རྡུལ་དུ་བརླག་པ་ཡང་༔ ཆོས་སྐྱོང་རྒྱལ་པོ་མཆོད་པའི་ཡོན་ཏན་ཡིན༔ རྒྱལ་པོའི་ཡོན་ཏན་བསམ་གྱིས་མི་ཁྱབ་སྟེ༔ རྩིས་

― CMR038_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འདས་ཤིང་བརྗོད་ཀྱིས་མི་ལོང་ངོ་༔ ཁྱོད་ཀྱི་དགེ་ཕྱོགས་མཛད་པ་བསམ་མི་ཁྱབ༔ དགྱེས་པར་མཛོད་ལ་དངོས་གྲུབ་བདག་ལ་སྩོལ༔ ཨོཾ་ར་ཙ་གིང་ཀ་རི་སརྦ་སིདྡྷི་ཤྲཱི་ས་པཱ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ ཧོཿ དམ་རྫས་བརྒྱན་པའི་གཏོར་མ་རྒྱ་ཆེན་པོ་འདི༔ ཚངས་པ་འཕྲུལ་གྱི་རྒྱལ་པོ༔ རྒྱལ་ཆེན་ཡབ་ལྔ་ཡུམ་ལྔ༔ བློན་པོ་ལྔ༔ སྤྲུལ་པ་ལྔ༔ གནམ་ལྷ་བྱང་ཆུབ༔ ཁུ་ལེ་ལག་དགུ་ལ་སོགས་པ་མཆེད་སྡེ་ཆེན་པོ་དགུ༔ པུ་ཏྲ་བྷ་ཏྲ་སྲིན་མོ་ཁྲག་མིག་མ་རྒྱལ་པོ་གཡུ་ཕྲེང་ཅན༔ གནོད་སྦྱིན་རྩི་དམར་བ༔ བྲན་གར་ཚེ་གུར་ཚེ༔ རུ་འདྲེན་སྡེ་བཞི༔ གིང་ཆེན་ཁྲི་ཕྲག་བཅོ་བརྒྱད༔ རྒྱལ་ཕྲན་བྱེ་བ་ས་ཡ༔ ཡང་འཁོར་དུང་ཕྱུར་གྲངས་མེད་རྣམས་ལ་འབུལ་ལོ༔ བསྔོའོ༔ སྦྱིན༔ མཉེས་ཤིང་ཚིམ་དགའ་ཞིང་མགུ་ནས༔ སྔོན་ཚེ་བཅོམ་ལྡན་འདས་ཆེ་མཆོག་ཧེ་རུ་ཀ་དང་དཔལ་རྟ་མགྲིན་དང་༔ གཤིན་རྗེའི་གཤེད་དང་༔ ཕྱག་ན་རྡོ་རྗེ་དང་༔ ཨོ་རྒྱན་ཆེན་པོ་པདྨ་འབྱུང་གནས་དང་༔ མཁན་པོ་བྷྱོ་དྷི་ས་ཏྭ་དང་༔ ཆོས་རྒྱལ་ཁྲི་སྲོང་ལྡེའུ་བཙན་དང་གཏེར་སྟོན་རཏྣ་གླིང་པ་རྣམས་ཀྱི་སྤྱན་སྔར་ཁས་བླངས་དམ་བཅས་པའི་

― CMR038_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ལས་མ་འདའ་བར༔ སྤྱིར་སངས་རྒྱས་ཀྱི་བསྟན་པ་སྲུངས༔ དཀོན་མཆོག་གི་དབུ་འཕང་བསྟོད༔ རྣལ་འབྱོར་པ་བདག་ལ་སྡང་བའི་དགྲ་སོད༔ གནོད་པའི་བགེགས་ཐུལ༔ བར་ཆད་ཀྱི་རྐྱེན་ཟློག༔ ཁྱད་པར་དུ་བདག་ཅག་དཔོན་སློབ་མི་ནོར་འཁོར་དང་བཅས་པ་རྣམས་དང་༔ བསྲུང་བྱ་ཡོན་བདག་མི་ནོར་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་མ་བྱེད༔ བཟུང་བ་ཡོད་ན་ཐོངས༔ བཅིངས་པ་ཡོད་ན་ཁྲོལ༔ བསྡམ་པ་ཡོད་ན་ཀློད༔ མནན་པ་ཡོད་ན་ཁྱོག༔ དེང་ཕྱིན་ཆད་ནམ་ཡང་གནོད་འཚེ་འཁུ་ལྡོག་མ་བྱེད་ཅིག༔ བཀའ་དང་དམ་ལས་མ་འདའ་ཞིག༔ བཛྲ་ས་མ་ཡ་ནཱ་ར་ཀན༔ ཞེས་ནས་དཀར་མོ་ལ་ཇི་ལྟར་འདོད་པའི་དོན་སྨོད་ནས་བཤོས་བུ་ནང་དུ་གཏོར་ལ༔ ༈ དེ་ནས་གཏོར་མ་ཁ་ཕྱིར་བསྒྱུར་ལ་ཆང་ཕུད་མཆོད༔ ཀྱཻ༔ རིན་ཆེན་གསེར་ལས་རིན་ཆེ་མེད༔ བདུད་རྩི་ཆང་བས་ངོ་ཆེ་མེད༔ བདུད་རྩི་གསེར་སྐྱེམས་འདི་བཞེས་ལ༔ རྒྱལ་ཆེན་བཙུན་མོ་འཁོར་བཅས་ལ༔ འཇིག་རྟེན་གང་བའི་གླུད་བཟང་དང་༔ གཙང་མར་སྦྱར་བའི་ཕུད་རྣམས་དང་༔ རིན་ཆེན་གུ་ལང་གསེར་གྱི་མཆོད༔ བདག་དང་ཡོན་བདག་

― CMR038_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བཅས་ལ༔ སྲོག་ལ་བར་ཆད་མ་བྱེད་ཅིག༔ ནོར་ལ་གོད་ཁ་མ་བཏང་ཞིག༔ གློ་བུར་ཡེ་འདྲོག་མ་བཏང་ཞིག༔ འཁོར་འདིར་གནོད་པ་མ་བྱེད་ཅིག༔ རྒྱལ་ཆེན་རང་གི་གནས་སུ་གཤེགས༔ རྒྱལ་པོའི་བཞུགས་ས་འདི་ན་མེད༔ ར་ཚང་ནང་དུ་མཛོ་མ་བཏགས༔ ཁང་ཆུང་ནང་དུ་རྒྱལ་མ་བཞུགས༔ རྒྱལ་པོ་བཞུགས་ས་འདི་ན་མེད༔ འོད་དཀར་སྤྲིངས་སེ་ཡུལ་དུ་གཤེགས༔ གཡོག་འཁོར་མང་པོར་བཅས་པ་རྣམས༔ རྒྱལ་གསོལ་དམ་པ་འདི་བཞེས་ལ༔ གནམ་གྱི་སྟེང་དུ་གཤེགས་ན་ཆེ༔ སྲོག་བདག་དཀར་པོ་གྱེན་ལ་གཤེགས༔ རིན་ཆེན་གསེར་སྐྱེམས་འདི་བཞེས་ལ༔ འཁོར་འདིར་གནོད་པ་མ་བྱེད་ཅིག༔ དེ་ནས་གཏོར་མ་བཀྱགས་ལ༔ ཀྱཻ༔ དགྲ་བླའི་རྒྱལ་པོ་པེ་དཀར་ཁྱོད༔ འཁོར་དང་ཡང་འཁོར་བཅས་པ་རྣམས༔ མཆོད་སྦྱིན་གཏོར་མ་འདི་བཞེས་ལ༔ བདག་ཅག་ཡོན་མཆོད་འཁོར་བཅས་ལ༔ སྔོན་གྱི་ལན་ཆགས་ཡོད་ན་ཡང་༔ མཆོད་སྦྱིན་འདི་ཡིས་བྱང་བར་གྱིས༔ འཕྲལ་གྱི་འགལ་རྐྱེན་ཡོད་ན་ཡང་༔ མཆོད་སྦྱིན་འདི་ཡིས་བྲལ་བར་གྱིས༔ བུ་ལོན་ཤ་འཁོན་ཡོད་ན་ཡང་༔ མཆོད་སྦྱིན་འདི་ཡིས་བྲལ་བར་གྱིས༔ དོན་

― CMR038_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་གནོད་པ་ཡོད་ན་ཡང་༔ མཆོད་སྦྱིན་འདི་ཡིས་ཚིམས་གྱུར་ཅིག༔ རང་གི་ལུས་ལ་དཔེ་ལོངས་ལ༔ གཞན་ལ་གནོད་པ་མ་བྱེད་ཅིག༔ ཕྱིན་ཆད་འཁོར་འདིར་གནོད་པ་མ་བྱེད་ཅིག༔ ཇི་ལྟར་ས་བོན་གང་བཏབ་པ༔ འབྲས་བུ་དེ་ལྟར་སྨིན་པ་ལྟར༔ རང་བྱས་རང་ལ་སྨིན་པར་འགྱུར་ཞེ་སྡང་གདུག་པའི་སེམས་སྤོངས་ལ་ཞི་བའི་སེམས་དང་ལྡན་པར་མཛོད༔ རྒྱལ་བའི་བཀའ་ལས་མ་འདའ་བར༔ རྒྱལ་པོ་འཁོར་དང་བཅས་པ་ཀུན༔ གཙང་རིས་གནས་སུ་ད་གཤེགས་ཤིག༔ གསོལ་ཀ་ཤོ་ལོ་ཀ་འདི་གཉིས་བསྒྱུར་རོ༔ གལ་ཏེ་མི་འགྲོ་འདུག་གྱུར་ན༔ སྤྱན་རས་གཟིགས་དབང་ཐུགས་ཁྲོས་ནས༔ དཔལ་ཆེན་རྟ་མགྲིན་སྐུར་གྱུར་ནས༔ རྡོ་རྗེ་མཚོན་ཆའི་ཆར་ཕབ་སྟེ༔ ལུས་སེམས་རྡུལ་དུ་བརླགས་ནས་ཀྱང་༔ ཚེ་འདིར་སྡུག་བསྔལ་དཔག་མེད་མྱོང་༔ ཕྱི་མ་མནར་མེད་དམྱལ་བར་ལྟུང་༔ དེ་བས་རང་གི་གནས་སུ་གཤེགས༔ ༈ བདག་ཅག་ཡོན་མཆོད་འཁོར་བཅས་ལ༔ གནོད་པའི་ཞེ་སྡང་སེམས་སྤོངས་ལ༔ བྱམས་པའི་སེམས་དང་ལྡན་པར་མཛོད༔ འདི་ལྟར་མཆོད་སྦྱིན་གཏོར་མ་ཡིས༔ ཁྱོད་ཀྱི་རེ་བ་སྐོང་གྱུར་

― CMR038_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག༔ ད་ནི་བསམ་ཡས་གླིང་དུ་གཤེགས༔ ལྷ་ས་ཁྲ་འབྲུག་དེ་རུ་གཤེགས༔ ལྷོ་བྲག་མཁར་ཆུ་དེ་རུ་གཤེགས་སྤུ་བོ་ཆུ་མདོ་དེ་རུ་གཤེགས༔ འཁོར་རྣམས་རང་རང་གནས་སུ་གཤེགས༔ གཤེགས་སོ་དེ་ནི་ཤ་ར་ར༔ བཞུད་དོ་དེ་ནི་ས་ལི་ལི༔ ཕྱིན་ཆད་གནོད་པ་མ་བྱེད་ཅིག༔ ཨོཾ་ར་ཙ་གིང་ཀ་ར་ས་པ་རི་ཝཱ་ར་སརྦ་བྷུ་ཏ་གཙྩ་གཙྩ༔ ཞེས་མ་ཎི་ཚ་ཁང་ཕྱོགས་སུ་བསྐྱལ་ལོ༔ ཞེས་པ་འདི་བཀའ་བརྒྱུད་བྱེ་བྲག་གི་རྒྱུ༔ རྒྱལ་པོ་སྐུ་ལྔའི་རྒྱུད་ཆེན་པོ་ལྔ་དང་༔ འཇིག་རྟེན་མཆོད་བསྟོད་རྒྱུད་དང་དྲག་སྔགས་རྒྱུད༔ མགོན་པོའི་སྤྱི་རྒྱུད་ཁྲག་མཚོ་ཁོལ་ཆེན་དང་༔ མ་ནིང་ལས་རྒྱུད་མགོན་པོ་སྟག་ཞོན་རྒྱུད༔ ཨོ་རྒྱན་རྗེས་མཛད་རྒྱལ་པོའི་གསོལ་ཁ་ནི༔ སངས་རྒྱས་གླིང་པའི་གཏེར་དང་རཀཱ་གཏེར༔ ཉང་གིས་མཛད་དང་འཕྲེང་པོ་གཏེར་སྟོན་མཛད༔ འབྲུག་པ་པདྨ་དཀར་པོས་མཛད་པ་དང་༔ འབྲི་གུང་རིན་ཆེན་ཕུན་ཚོགས་མཛད་པ་དང་དེ་བཞིན་གསོལ་མགྱོགས་མི་གཅིག་དུ་མ་རྣམས༔ ཕྱོགས་གཅིག་གུང་བསྡེབས་ལེགས་པར་བསྒྲིགས་པ་འདི༔ སྙིགས་དུས་རྒྱལ་པོས་གནོད་འཚེ་ཆེ་བའི་དུས༔ འགྲོ་བ་ཀུན་ལ་ཕན་པའི་བསམས་པས་བྲིས༔ འདི་ལ་འགལ་འཁྲུལ་ཉེས་པ་ཅི་མཆིས་པ༔ གིང་ཆེན་མགོན་པོ་འཁོར་དང་བཅས་ལ་བཤགས༔ དགེ་བས་འགྲོ་ཀུན་བར་ཆད་རྐྱེན་བྲལ་ནས༔ མྱུར་དུ་རྣམ་མཁྱེན་སངས་རྒྱས་ཐོབ་པར་ཤོག༔ ཅེས་པ་རཱ་ག་ཨ་སྱས་ལེགས་པར་

― CMR038_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲིགས་པའོ༔ ༈ མགྱོགས་མི་བྱེད་གསོལ་ཁ་རྐྱང་པ་ལ་ཡང་གཤེགས་གསོལ་དགོས་པ་འདི་སྦྱར་རོ༔ ཧཱུྃ༔ དབང་ཆེན་རྟ་མགྲིན་ཡང་སྤྲུལ་ཏེ༔ གུར་གྱི་མགོན་པོའི་ཐུགས་ལས་སྤྲུལ༔ ས་བརྒྱད་ནོན་པའི་སེམས་དཔའ་ཆེ༔ ཆོས་སྐྱོང་རྒྱལ་པོ་པེ་ཧ་ར༔ རྒྱལ་པོ་སྐུ་ལྔ་ཡབ་དང་ཡུམ༔ སྤྲུལ་པ་ལྔ་དང་བློན་པོ་ལྔ༔ ལས་མཁན་ཆེན་པོ་ཅི་དམར་བ༔ ཁྱེད་རྣམས་སྔོན་གྱི་དམ་ཚིག་ཅན༔ རྟ་མགྲིན་གསང་བདག་པད་འབྱུང་གིས༔ དམ་བཏགས་དབང་བསྐུར་སྲུང་མར་བསྐོས༔ ཆོས་སྐྱོང་སྲུང་མ་ཆེན་པོ་ཡིན༔ དེ་ཕྱིར་རྒྱུ་སྦྱོར་ཡོན་བདག་གིས༔ ལོ་དུས་བཞིན་དུ་མཆོད་ལགས་ཀྱིས༔ ལ་ཆེན་ཁ་འཛིན་དབྱིངས་ནས་མཛོད༔ བདག་དང་ཡོན་བདག་འཁོར་བཅས་རྣམས༔ ལྟ་བ་འཕང་དམའ་སྤྱོད་པ་རྩིང་༔ བསྐྱེད་རིམ་མ་གསལ་བཟླས་བརྗོད་ཉུང་༔ དམ་རྫས་མ་འཛོམས་མཆོད་གཏོར་ཞན༔ མངོན་ཤེས་མི་ལྡན་ཕོག་ཐུག་འཆོར༔ དེ་ཕྱིར་རྒྱལ་ཆེན་འཁོར་བཅས་དང་༔ རྒྱུན་དུ་འགྲོགས་པའི་སྐལ་པ་མེད༔ གནམ་ལྷ་བྱང་ཆུབ་གནམ་དུ་གཤེགས༔ གནམ་བདུད་མི་ལ་མ་འབེབས་ཤིག༔ དགུང་ལྷ་དཀར་པོ་དགུང་དུ་གཤེགས༔ མ་ཧཱ་ར་ཙ་བཛྲ་

― CMR038_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

མུ༔ དགུང་སྔོན་མཐོན་པོའི་ཡང་སྟེང་ན༔ ཉི་ཟླ་པདྨའི་གདན་ལ་བཞུགས༔ སེར་ཆགས་ཡོངས་ཀྱི་དགྲ་བླ་ཆེ༔ སྟོང་གསུམ་རབ་འབྱམས་འཇིག་རྟེན་གྱི༔ བསྟན་པ་སྤྱི་དང་། བྱ་ར་མཛོད༔ གཙུག་ལག་བྱེ་བ་དགུ་ཁྲི་ལ༔ སྐྱོང་དར་ཞིག་གསོས་ཕྲིན་ལས་མཛོད༔ རྒྱལ་ཆེན་འཁོར་དུ་གཏོགས་པ་ཡི༔ རྒྱལ་འགོང་དམ་སྲི་ཐེའུ་རང་༔ བགེགས་དང་འབྱུང་པོ་བསེ་རག་རིགས༔ རིག་འཛིན་རྒྱལ་བའི་ཞལ་མ་མཐོང་༔ དམ་ལ་མ་ཐོགས་ནག་པོའི་རིགས༔ འདི་རུ་མ་འདུག་གཞན་དུ་དེངས༔ རང་གི་ལུས་ལ་དཔེ་ལོངས་ལ༔ ཆ་གཞན་ལ་གནོད་པ་མ་བྱེད་ཅིག༔ སློབ་དཔོན་པདྨ་འབྱུང་གནས་ཀྱི༔ བཀའ་བརྒྱུད་འཛིན་པ་ང་ཡིན་པས༔ ང་ཡི་བཀའ་ལ་མ་འདའ་ཞིག༔ གལ་ཏེ་མི་འགྲོ་གནོད་བྱེད་ན་དུས་ཆེན་ཚེས་བཅུ་ཤར་བའི་ཚེ༔ སློབ་དཔོན་པདྨ་འབྱུང་གནས་ནི༔ མཁའ་འགྲོ་སྡེ་བཞི་འཁོར་དང་བཅས༔ སྤྲུལ་པ་བྱེ་བ་ཕྲག་བརྒྱ་ཡིས༔ བོད་ཁམས་ཁྱབ་པར་འབྱོན་པའི་ཚེ༔ སློབ་དཔོན་པདྨ་ཐུགས་ཁྲོས་ནས༔ གུ་རུ་དྲག་པོའི་སྐུར་བཞེངས་ཏེ༔ བཀའ་ལ་འདས་པའི་འབྱུང་པོ་ལ༔ གནམ་ལྕགས་རྡོ་རྗེའི་ཆར་ཕབས་ནས༔ ལུས་ངག་ཡིད་

― CMR038_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་རྡུལ་དུ་བརླག༔ གནམ་ལྕགས་སྡིག་པས་སྙིང་ཁྲག་འཇིབས༔ ཤི་ནས་མནར་མེད་དམྱལ་བར་ལྟུང་༔ དེ་བས་དོན་ཆུང་གལ་མ་བསྐྱེད༔ བདག་དང་ཡོན་བདག་འཁོར་བཅས་ལ༔ གནོད་ཅིང་འཚེ་བ་མ་བྱེད་ཅིག༔ རང་རང་སོ་སོའི་གནས་སུ་སོང་༔ མྱུར་དུ་ད་ལྟ་ཉིད་དུ་སོང་༔ ཕྱིན་ཆད་གནོད་པ་མ་བྱེད་ཅིག༔ ཨོཾ་སརྦ་བྷཱུ་ཏ་གཙྩ་གཙྩ༔ ཨོཾ་སུམ་བྷ་ནི་སོགས་བརྗོད༔ ཅེས་པ་ཆོས་སྐྱོང་གང་ལ་ཡང་གསོལ་མཆོད་མཇུག་ཏུ་གཤེགས་གསོལ་ཡོད་པས༔ རྒྱལ་གསོལ་ལ་གཤེགས་གསོལ་དགོས་པ་དང་༔ འཁོར་རྣམས་དམ་སྲི་གདུག་པ་ཅན་ཡང་མང་བས་བགེགས་བསྐྲད་དམ་བདར་གལ་ཆེ་བ་དང་༔ རྒྱལ་ཆེན་རྒྱུན་དུ་བརྟེན་ན་རྩུབ་ཆ་ཆེ་ཞིང་ཆུན་དཀའ༔ ལོ་དུས་ཟླ་དྲུག་ཙམ་ལ་གསོལ་ཁ་བཏང་ཞིང་ཤེས་ན་འཇམ་པའི་ཕྱིར་གཤེགས་གསོལ་འདི་ཡང༔ ༧ སྔགས་འཆང་རཱ་ག་ཨ་སྱས་འཕྲལ་དུ་སྦྱར་བའོ༔ གསོལ་མགྱོགས་སྦྲགས་མ་བྱེད་ན་གཞུང་ལྟར་རོ༔ སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འདྲེ་མོ་སྤུན་དགུའི་མདོས་ཀྱིས་དམ་སྲི་ཕྱི་ནང་གཉིས་ཀྱི་གབ་བསྐུང་ཕུད་ཐབས།

― CMR038_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་མཁས་གྲུབ་ཀརྨ་ཆགས་མེད་ཀྱི་འདྲེ་མོ་སྤུན་དགུའི་མདོས་ཀྱིས་དམ་སྲི་ཕྱི་ནང་གཉིས་ཀྱི་གབ་བསྐུང་ཕུད་ཐབས་བཞུགས་པ་སློབ་བུ་གསར་པ་རེ་ཞིག་ལ་ཕན་པ་ནི་འགའི་བསྐུལ་ངོར་ཅན་རྔ་ཡུ་མ་ཤོར་ཙམ་གྱི་ཁྱད་ཆོས་ངོ་མཚར་ཅན་གྱི་འདུ་བྱེད་དོ།།

― CMR038_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

བན་དེ་སྐྱེ་བོ་མི་ནོར་ཐམས་ཅད་དང་། །ཁྱད་པར་བུད་མེད་གནོད་འཚེ་འཁུ་ལྡོག་ལ། །འདྲེ་མོ་སྤུན་དགུའི་མདོས་དང་རྒྱལ་བསེན་སྦྲེལ། །ཕོ་མོ་འདི་ཡི་མདོས་བས་ལྷག་པ་མེད། །རྒྱས་པར་ག་བ་བསྐུང་ཕུད་འདོད་ན། །ཡིག་རྙིང་རྒྱས་པའི་ནང་དུ་ལྟོས། །བསྡུ་ན་བུད་མེད་སྦལ་པ་ཞོན། །སྔགས་ནག་བཅའ་འགྲིགས་མཐོང་བརྒྱུད་ལྟར། ༈ །དེ་ནས་སྔགས་ཆས་ཞུགས་བྱས་ལ། །སྔགས་པས་ཡོན་བདག་འདི་ལྟར་འབོད། །ཨེ་མ་ཧོ༔ བདག་དང་རྒྱུ་སྦྱོར་བ་ཡོན་གྱི་བདག་པོ་རྒེ་ཡ་བའི་ཚང་། ལན་གསུམ་འབོད། ཡོན་བདག་གིས་ཨ་བརྗོད། ཁྱེད་ཚང་གི་ཕུ་ན་རི་བཟང་པོ་དེ་རྨ་གཉན་སྤོམ་ར་དེ་ཨེ་ཡོད། ཕུག་ན་ལྷ་བཟང་པོ་དེ་ཨོ་རྒྱན་པདྨ་འབྱུང་གནས་ཨེ་བཞུགས།

― CMR038_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ན་མི་རྒོད་པོ་དེ་བསྐོས་རྗེ་དྲང་དཀར་དེ་ཨེ་རྒོད། གློ་ན་མཚོན་རྣོ་བ་དེ་རལ་གྲི་ཡ་ཚ་སྐར་ཕྲན་དེ་ཨེ་རྣོ། སྒོ་ན་ཁྱི་གསང་བ་དོམ་བུ་ཐུག་དཀོར་དེ་ཨེ་རྒོད། མདའ་ན་ཆུ་ཆེ་བ་དེ་ཡར་ཆབ་གཙང་པོ་དེ་ཨེ་འབབ། འོ་ཁྱེད་ཚང་གི་ཕུ་ན་རི་བཟང་། ཕུག་ན་ལྷ་བཟང་། བར་ན་མི་རྒོད། གློ་ན་མཚོན་རྣོ། སྒོ་ན་ཁྱི་གསང་། མདའ་ན་ཆུ་ཆེ་སྟེ། དེ་རྣམས་ཀྱི་བར་བར་ན་ཁར་སང་ཕུ་མོ་མ་ལ་མོ་བཏབ། མདའ་ཕྱུ་པ་ལ་ཕྱུ་བརླན།། བར་རྩིས་པ་ལ་རྩིས་བརྩིས། ཞང་ཞུང་གི་ཇུ་ཐིག །མེ་ཉག་གི་སོག་མོ། བོད་ཀྱི་ཧབ་ཀ་བརྩིས། རྟེན་འབྲེལ་ཁྱད་པར་

― CMR038_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱི་སློབ་དཔོན་ངེད་བཀུག་པས། རྒྱུ་སྦྱོར་ཡོན་བདག་ཁྱེད་ཚང་ལ་དམ་སྲི་འདྲེ་མོ་སྤུན་དགུ་ཁྱིམ་སྒོ་ལམ་བསྲང་འདི་ལ་ཞུགས་ཤིང་། ཕོ་ཡི་སྟོང་ལ་བརྐུས་སོ། །མོ་ཡི་མངལ་ལ་འཇབ་བོ། །ཕུག་གི་སྲིས༴ སྒོ་ཡི་ནོར༴ བུ་ཆུང་གི་སྲོག༔ མཆིག་ཐོག་གི་ཕྱེ༔ གཞོན་གྱི་ནུ་མ༔ ཕོ་ཡི་བརླ༔ རྟ་ཡི་བང༔ རྐྱེལ་པའི་མར༴ ཡོའི་ཆང་ཡོད་པ་ལ་མེད་པ་བྱས་སོ་ཟེར་བས། ཁྱེད་ཚང་གི་ཚོར་མཐོང་ཡོད་དམ་མེད། འོ་ན་ང་ཨོ་རྒྱན་གུ་རུ་པདྨ་འབྱུང་གནས་ཀྱི་རྗེས་འཇུག་ཁྲོ་བོ་རྟ་མགྲིན་ཡིན་པས། ང་ཡིས་ཚོར་མཐོང་། ཡོད་པ་བསྐུངས་ནས་ཕུད་པ་ཨེ་འཐད། འོ་དེས་ན་ལ་ཆེན་པོའི་ཕ་རོལ་ན་རྟ་དང་རྐྱང་གིས་བསུ་དགོས་པ་དེ་ཨེ་ཡོད། ཆུ་ཆེན་པོའི་ཕ་རོལ་ནས་གྲུ་དང་རྫིང་གིས་བསུ་དགོས་པ་དེ་ཨེ་ཡོད། དབུ་ལ་ཐོད་གཅིག་བཅིངས་དགོས་པ་དེ་ཨེ་ཡོད། ཞལ་དུ་སྐྱེམས་གཅིག་དྲངས་དགོས་པ་དེ་ཨེ་ཡོད། ཞབས་སུ་ན་ནམ་གྱི་གདན་གཅིག་བཏིང་དགོས་པ་དེ་ཨེ་ཡོད། །ཕྱག་ཏུ་མདའ་དར་གཅིག་གཏད་དགོས་པ་དེ་ཨེ་ཡོད། སྒྲོན་མ་ལ་གསེར་ཉི་མ་ཙམ་གཅིག་དགོས་པ་དེ་ཨེ་ཡོད། དངུལ་ཟླ་བ་ཙམ་གཅིག་དགོས་པ་དེ་ཨེ་ཡོད། དུང་ལུག་གུ་

― CMR038_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་གཅིག་དགོས་པ་དེ་ཨེ་ཡོད། ཤེལ་སྐར་མ་ཙམ་གཅིག་དགོས་པ་དེ་ཨེ་ཡོད། གཡུ་འབྲི་སྐམ་གྱི་སེ་བ་རུས་ཙམ་གཅིག་དགོས་པ་དེ་ཨེ་ཡོད། ག་པུར་ལ་སོགས་སྨན་སྣ་དགོས་པ་དེ་ཨེ་ཡོད། ཙནྡན་ལ་སོགས་སྤོས་སྣ་དགོས་པ་དེ་ཨེ་ཡོད། རྔ་དུང་ལ་སོགས་སྒྲ་སྙན་དགོས་པ་དེ་ཨེ་ཡོད། གྲོ་ནས་ལ་སོགས་འབྲུ་སྣ་དགོས་པ་དེ་ཨེ་ཡོད། གཡག་ཤ་ལ་སོགས་ཤ་སྣ་དགོས་པ་དེ་ཨེ་ཡོད། ཐུད་མར་ལ་སོགས་དཀར་གསུམ་དགོས་པ་དེ་ཨེ་ཡོད། བུ་རམ་ལ་སོགས་མངར་རིགས་དགོས་པ་དེ་ཨེ་ཡོད། རྒུན་འབྲུམ་ལ་སོགས་ཤིང་ཐོགས་དགོས་པ་དེ་ཨེ་ཡོད། དར་སྟག་ལ་སོགས་སྟག་གཟིག་དགོས་པ་དེ་ཨེ་ཡོད། གཅན་གཟན་ལ་སོགས་དབྱི་སྤྱང་དགོས་པ་དེ་ཨེ་ཡོད། ལྕགས་ཀྱི་ངལ་པ་དགོས་པ་དེ་ཨེ་ཡོད། ཞགས་པ་ནག་པོ་འདོམ་པ་དགུ་དགོས་པ་དེ་ཨེ་ཡོད། མདའ་རྒོད་སྒྲོ་མའི་མགུལ་དུ་དར་སྣ་བཅུ་གཉིས་བཏགས་ནས་བཞིན་དགོས་པ་དེ་ཨེ་ཡོད། མགོ་བསེ་བའི་རྒྱ་སྟ་ཧལ་པ་དགོས་པ་དེ་ཨེ་ཡོད། དོན་སྙིང་སྣོད་སྒྲོ་བ་ཆུ་ཐུབ་གཅིག་ཨེ་ཡོད། སྙིང་རྩ་བྲག་པའི་གནམ་ལྕགས་ཟོར་བ་དེ་ཨེ་ཡོད། བྱ་ཁྱུང་ལ་སོགས་འདབ་

― CMR038_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་དགོས་པ་དེ་ཨེ་ཡོད། གཡག་ལུག་ལ་སོགས་སྡེར་ཆགས་དགོས་པ་དེ་ཨེ་ཡོད། སེང་གེ་ལ་སོགས་གཅན་གཟན་དགོས་པ་དེ་ཨེ་ཡོད། རུ་རུ་ལ་སོགས་རི་དྭགས་དགོས་པ་དེ་ཨེ་ཡོད། ཆུ་སྲིན་ལ་སོགས་ཆུ་གནས་དགོས་པ་དེ་ཨེ་ཡོད། ཁ་གསེར་དང་ཁ་གཡུ་དགོས་པ་དེ་རྣམས་ཀུན་མ་ཚང་བ་མེད་པ་ཚང་ཞིང་ཡིད་དུ་འོང་བ་ཨེ་ཡོད། འོ་ང་ནི་དཔལ་ཆེན་ཐུགས་ལས་སྤྲུལ་པའི་ཁྲོ་བོ་སྲིད་པ་གསུམ་ན་ཆེ་བཙན་འགྲན་ཟླ་དང་བྲལ་བའི་སྔགས་འཆང་ངེད་རྣམས་ཕྱི་ནང་གསང་གསུམ་གྱི་ཡོན་དང་རྫ་ས་ལ་མགུ་ནས། སྲིད་པ་དབང་ཆེན་གསེར་གྱི་ས་གཞི་ལྷུན་གྲུབ་གཞལ་ཡས་འདིར། བསྐལ་པ་རླུང་གི་འཁོར་ལོ་དང་། ཚ་བ་མེའི་འཁོར་ལོ་དང་། རླན་པ་ཆུའི་འཁོར་ལོ་དང་། བརྟན་པ་སའི་འཁོར་ལོ་དེ་རྣམས་གཞིའི་དཔེ་བླངས་སོ། །སྒྲོན་མ་ནི་ཉི་ཟླ་ལ་དཔེ་བླངས། སྒྲོན་རྟ་ནི་དཔག་བསམ་ལྗོན་ཤིང་ལ་དཔེ་བླངས་ཏེ། ཡས་ཡོན་འཕྲང་གསུམ་བཤད་ལྟར་ཁྱེར་ཤོག་དང་། དམ་སྲི་སྤུན་དགུ་ངས་ཕུད་དོ། །དེ་ནས་ཡོན་བདག་གིས་ཆང་བྱའམ་ཤ་ལུག་གཟུགས་གཡས་པ་དྲང་ཞིང་གདན་ལ་འཁོད་དོ།། ༈ དེ་ནས་ཡི་དམ་ལྷའི་ང་རྒྱལ་གྱིས་བསྟོད་བསྐུལ་བྱ། སྤྲུལ་པ་ཁྲོ་བོ་བཅུ་སྤྱན་དྲངས་པ་ནི།

― CMR038_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཉིད་ཡི་དམ་གྱི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས། ཁྲག་འཐུང་རིགས་ལྔ་ཁྲོ་བོ་བཅུ་ཁྲ་ཐབས་དང་བཅས་པ་སྐད་ནམ་མཁའ་ས་གཞི་བར་སྣང་གང་ནས་བཞུགས་པར་གྱུར། ཧཱུྃ། བདག་ཉིད་དཔལ་ཆེན་ཧེ་རུ་ཀ །ཆེ་བའི་ལྷ་རྣམས་ང་ཡི་འཁོར། །ཕྱོགས་བཅུ་ཁྲོ་བོའི་སྤྲུལ་པ་འགྱེད། །ཧཱུྃ། དཔལ་ཆེན་ཁྲོ་བོ་འབར་བ་ཡི། །སྤྲུལ་པ་ཁྲོ་བོ་ཡབ་ཡུམ་བཅུ། །ཡང་སྤྲུལ་ཁྲ་ཐབས་ཉི་ཤུ་འགྱེད། །རྒྱུ་སྦྱོར་ཡོན་གྱི་བདག་པོ་ཡི། །མི་དང་ནོར་ལ་གནོད་པ་ཡི། །དམ་སྲི་འདྲེ་མོ་སྤུན་དགུ་འཁོར་དང་བཅས། །གབ་བསྐུང་ཕུད་པའི་དུས་ལ་བབ། །ཤིང་སྤྱད་ཤིང་ཐོགས་སྤུ་ཤུན་དང་། །ཁྱིམ་གྱི་ཤར་དུ་གབ་པ་ན། །ཤར་གྱི་ཁྲོ་བོ་རྣམ་པར་རྒྱལ། །སྤྲུལ་པ་སྟག་དང་བྱ་རྒོད་མགོས། །ཁྱིམ་གྱི་ཤར་ནས་སྐུང་ནས་ཕུད། །གནས་འདིར་མ་འདུག་ཤར་དུ་སོང་། །ཆོས་དང་ཟངས་སྤྱད་དམར་པོའི་རིགས། །ཁྱིམ་གྱི་ལྷོ་རུ་གབ་པ་ན། །ལྷོ་ཕྱོགས་ཁྲོ་བོ་གཤིན་རྗེའི་གཤེད། །སྤྲུལ་པ་ཤ་བ་འུག་པའི་མགོས། །ཁྱིམ་གྱི་ལྷོ་ནས་སྐུང་ནས་ཕུད། །གནས་འདིར་མ་འདུག་ལྷོ་

― CMR038_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་སོང་། །གོ་མཚོན་ལྕགས་སྤྱད་དཀར་པོའིརིགས། །ཁྱིམ་གྱི་ནུབ་ཏུ་གབ་པ་ན། །ནུབ་ཕྱོགས་ཁྲོ་བོ་རྟ་མགྲིན་རྒྱལ། །སྤྲུལ་པ་བྱི་ལ་པུ་ཤུད་མགོས། །ནུབ་ཀྱི་ཕྱོགས་ནས་ཟླ། སྐུང་ནས་ཕུད། །གནས་འདིར་མ་འདུག་ནུབ་ཏུ་སོང་། །སྤྱད་ནག་གྲུ་གུ་སྔོན་པོའི་རིགས། །ཁྱིམ་གྱི་བྱང་དུ་གབ་པ་ན། །བྱང་ཕྱོགས་ཁྲོ་བོ་བདུད་རྩི་འཁྱིལ། །སྤྲུལ་པ་སེང་གེ་ཕ་ཝང་མགོས། །ཁྱིམ་གྱི་བྱང་ནས་སྐུང་ནས་ཕུད། །གནས་འདིར་མ་འདུག་བྱང་དུ་སོང་། །དར་དང་ཟ་འོག་ནོར་གཡུའི་རིགས། །ཁྱིམ་གྱི་ཤར་ལྷོར་གབ་པ་ན། །ཤར་ལྷོའི་ཁྲོ་བོ་དབྱུག་སྔོན་ཅན། །སྤྲུལ་པ་གཡག་དང་བྱ་རོག་མགོས། །ཤར་ལྷོར་མཚམས་ནས་སྐུང་ནས་ཕུད། །གནས་འདིར་མ་འདུག་ཤར་ལྷོར་སོང་། །བལ་དང་ཐག་ཤ་གདན་གྱི་རིགས། །ཁྱིམ་གྱི་ལྷོ་ནུབ་གབ་པ་ན། །ལྷོ་ནུབ་ཁྲོ་བོ་མི་གཡོ་མགོན། །སྤྲུལ་པ་གཟིག་དང་ཁྭ་ཏའི་མགོས། །ལྷོ་ནུབ་མཚམས་ནས་སྐུང་ནས་ཕུད། །གནས་འདིར་མ་འདུག་ལྷོ་ནུབ་སོང་། །ཞྭ་ཕྱིན་མཆིག་དང་སྒོ་ཡི་ཁྱི། །ཁྱིམ་གྱི་ནུབ་བྱང་གབ་པ་ན། །ནུབ་བྱང་ཁྲོ་བོ་འདོད་པའི་རྒྱལ། །སྤྲུལ་པ་སྤྱང་ཀི་ཁྲ་ཡི་མགོས། །ནུབ་བྱང་

― CMR038_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་ནས་སྐུང་ནས་ཕུད། །གནས་འདིར་མ་འདུག་ནུབ་བྱང་སོང་། །མཆོད་ཆའི་རིགས་དང་འོད་ཅན་རྫས། །ཁྱིམ་གྱི་བྱང་ཤར་གབ་པ་ན། །བྱང་ཤར་ཁྲོ་བོ་ཁམས་གསུམ་རྒྱལ། །སྤྲུལ་པ་དོམ་དང་སྲེ་མོང་མགོས། །བྱང་ཤར་མཚམས་ནས་སྐུང་ནས་ཕུད། །གནས་འདིར་མ་འདུག་བྱང་ཤར་སོང་། །ཁང་ཐོག་ཡ་ཐོག་བྱ་ཁྲི་ལྕམ། །སྦྲ་ཁྱིམ་སྟེང་འོག་གབ་པ་ན། །སྟེང་གི་ཁྲོ་བོ་ཧཱུྃ་ཀཱ་ར། །སྤྲུལ་པ་ཕག་དང་སྒྲིག་བུའི་མགོས། །སྟེང་གི་ཕྱོགས་ནས་སྐུང་ནས་ཕུད། །གནས་འདིར་མ་འདུག་སྟེང་ཕྱོགས་སོང་། །རྨིག་ཟླུམ་རྔ་བྲན་རྐང་བྲན་སོགས། །འོག་ཁང་ནོར་ལ་གབ་པ་ན། །འོག་གི་ཁྲོ་བོ་སྟོབས་པོ་ཆེ། །སྤྲུལ་པ་དྲེད་དང་བྱི་ལའི་མགོས། །འོག་ཁང་ཕྱོགས་ནས་སྐུང་ནས་ཕུད། །གནས་འདིར་མ་འདུག་འོག་ཕྱོགས་སོང་། ཧཱུྃ་ཧཱུྃ་ཧཱུྃ༔ མ་ཧཱ་ཀྲོ་ཏ་བྷི་ཤ་ཀྲོ་ཏ་མཎྜལ་ལ་ཧ་ལ་ཧ་ལ་ཧཱུྃ་ཕཊ༔ ཧཱུྃ་ཛཿཧཱུྃ་བཾ་ཧོཿ དེ་ནས་སྔགས་པས་ཡི་དམ་ང་རྒྱལ་གྱི་ཞགས་པ་ནག་པོ་ཐོགས་ནས། འཇིམ་གཟུགས་དེ་ལ་ཞགས་པས་འདེབས་ཤིང་རྙེད་ཚུལ་གྱིས་བླངས་ལ། ཡོན་བདག་ལ་གནོད་པའི་འདྲེ་མོ་འདིར་གདའ། འདྲེ་མོ་ཨ་ལ་ལ། དམ་སྲི་མོའི་གབ་སྐུང་

― CMR038_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུད། འདྲེ་མོའི་གབ་སྐུང་ཕུད། ཤི་འདྲེ་མོའི་གབ་སྐུང་ཕུད། གསོན་འདྲེ་མོའི་གབ་སྐུང་ཕུད། །རག་མོ་ས་ཕ་ར་ན་ཕཊ༔ ཧཱུྃ༔ དཔལ་ཆེན་ཁྲོ་བོ་འབར་བ་ཡིས། །འདྲེ་མོ་ཐམས་ཅད་སྐུང་ནས་ཕུད། །ནམ་མཁའི་ཁམས་ཀྱི་གློག་སྲིན་མ། །སྤྲིན་གྱི་རུམ་དུ་མ་འདུག་སྐུང་ནས་ཕུད། །གངས་སྲིན་ནག་མོ་ཝ་ཞོན་མ། །གངས་དཀར་མ་འགྲིམས་སྐུང་ནས་ཕུད། །སྤང་སྲིན་ནག་མོ་སྲེ་ཞོན་མ། །སྤང་ཁ་མ་འགྲིམས་སྐུང་ནས་ཕུད། །ནགས་སྲིན་ནག་མོ་དྲེད་ཞོན་མ། །ནགས་མཐའ་མ་འགྲིམས་སྐུང་ནས་ཕུད། །ཆུ་སྲིན་དེ་ནི་ཉ་ཞོན་མ། །ཆུ་ལ་མ་འགྲིམས་སྐུང་ནས་ཕུད། །ས་སྲིན་ནག་མོ་ཕག་ལ་ཞོན། །ས་མཐའ་མ་འགྲིམས་སྐུང་ནས་ཕུད། །རྡོ་སྲིན་དེ་ནི་སྲེ་ཞོན་མ། །བྲག་ནས་མ་འགྲིམས་སྐུང་ནས་ཕུད། །བྲག་སྲིན་དེ་ནི་འུག་ཞོན་མ། །བྲག་དམར་མ་འགྲིམས་སྐུང་ནས་ཕུད། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །ཡོན་བདག་མི་ནོར་འཁོར་བཅས་ལ། །ཕྱིན་ཆད་འཁོར་འདི་གནོད་པ་མ་བྱེད་ཅིག །ཀྱཻ། སྐྱེས་པ་ཕོ་ཡི་སྟོང་ལ་མ་རྐུ་སྐུང་ནས་ཕུད། །ཟ་མ་མོ་ཡི་

― CMR038_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

མངལ་ནས་མ་རྐུ་སྐུང་ནས་ཕུད། །བུ་ཆུང་སྲོག་ལ་མ་རྐུ་སྐུང་ནས་ཕུད། །ཕུག་གི་སྲིས་ལ་མ་རྐུ་སྐུང་ནས་ཕུད། །སྒོ་ཡི་ནོར་ལ་མ་རྐུ་སྐུང་ནས་ཕུད། །གོད་འདྲེ་དང་མ་སྡོང་སྐུང་ནས་ཕུད། །ཆུང་སྲི་དང་མ་སྡོང་སྐུང་ནས་ཕུད། །ཐེའུ་རང་དང་མ་སྡོང་སྐུང་ནས་ཕུད། །ཁྱོད་མོ་འདྲེ་དང་མ་སྡོང་སྐུང་ནས་ཕུད། །སྐུང་ནས་ཕུད་པའི་ཕྲིན་ལས་མཛོད། ཕཊ༔ ལྟེ་ཕུར་མ༴ དམར་རྒྱུན་མ༔ ཕོ་ཡང་གཟའ་འབྲོག་ཟ་ལྷ་ལྷམ༴ གཙང་ཟ་ཁྱི་ཐར༔ ཐིས་མོ་ར་ཞོན་མ། ཆུ་བསེན་མ། ས་བསེན་མ། །མཁར་བསེན་མ། ཤི་འདྲེ་མ། གསོན་འདྲེ་མ། སྒབ་འདྲེ་མ། ཡུལ་འདྲེ་མ། གཉའ་འདྲེ་མ། ལྕེབ་འདྲེ་མ། དམ་སྲི་མ་རྣམས་ད་འགྲོ་རན། འདུག་ས་ལ་ཡུན་མ་རིང་། ནས་འདིར་མ་འདུག་གཞན་དུ་སོང་། ཞེས་མཚམས་བཅད་དྲག་པོ་བྱ་ཞིང་སྲུང་འཁོར་ཕུབ། ཡོན་བདག་གི་མཎྜལ་འབུལ་ཞིང་དཀྱིལ་འཁོར་ལ་ཕྱག་འཚལ་ཞིང་། ཐམས་ཅད་ཀྱིས་ལྷ་རྒྱལ་ལོ། །འདྲེ་འདུལ་ལོ་ཞེས་བརྗོད། དེ་ནས་མདོས་ལ་འཇུག འཇིམས་གཟུགས་རྫ་མ་དབུས་དཀྱིལ་བཞག་སྔགས་ཆུང་གསར་བུ་མང་གིས་ནི། །རྔ་ཡུ་མ་ཤོར་ཙམ་ཞིག་གིས། །གཏོ་ཆོག་ཕོ་མོའི་སྦྲེལ་མདོས་ཀྱི། །གབ་སྐུང་ཕུད་པའི་འགྲིགས་ཆགས་

― CMR038_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

འདི། །སློབ་དཔོན་པདྨའི་མདོས་གཞུང་གི །ལྟེ་འཕུར་གཙོར་བྱས་དགུ་མདོས་ཀྱི། །གབ་སྐུང་ཕུད་ཐབས་ཞིབ་རྒྱས་འདི། །གད་མོའི་སྐབས་ཀྱི་མཚར་མཚར་བྲིས། །དགེ་བས་སེམས་ཅན་ཐམས་ཅད་ལ། །ཕན་སྙམ་རཱ་ག་ཨ་སྱ་མིང་གིས་བྲིས། །ཉེས་འགལ་སློབ་དཔོན་པདྨར་བཤགས། །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒོང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འདྲེ་མོ་བཀར་ཡས། འདྲེ་མོ་རྫ་མདོས། འདྲེ་མོ་དགུ་མདོས། ཀུན་གྱི་དོན་བསྡུས།

― CMR038_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེ་མོ་བཀར་ཡས། འདྲེ་མོ་རྫ་མདོས། འདྲེ་མོ་དགུ་མདོས། ཀུན་གྱི་དོན་བསྡུས་བཞུགས་སོ།།

― CMR038_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་རྒྱ་གྲི་ཝ་ཡེ། རྡོ་མདོས་བསྡུས་པའི་བཅའ་ཐབས་ནི། རྫ་ནག་ཉོབ་བཀང་ས་ཞིབ་བཀོད། །བུད་མེད་དགུ་ཡི་གཟུགས་བྱས་བཞག །གཙོ་མོའི་མདུན་དུ་རྫ་མའི་གཟུགས། །ལུང་དགུའི་རྩ་རུ་མིག་དགུ་གཏོད། །ཁ་དགུ་ལུང་དགུ་མཚོན་ཙམ་ཡིན། །འཇའ་རིས་བྲིས་པའི་ཤིང་རིས་དགུ། །མདའ་དགུ་འཕང་དགུ་མཐའ་ལ་བསྐོར། །དབུས་སུ་ནམ་མཁའ་ནག་པོ་བཙུགས། །བསྡུས་པ་འདྲེ་མོ་བཀར་ཡས་ཡིན། །དེང་སང་ཀུན་གྱི་འདི་རང་བྱེད། །རྫ་མ་ནག་པོ་ཆེན་པོ་ལ། །སྐེད་པར་ཐག་པས་དཀྲིས་བྱས་ཏེ། །ཐག་པ་ནག་པོའི་ལུང་དགུ་བཏགས། །ཉོབ་དང་ས་ཕྱེས་བཀང་བའི་སྟེང་། །ཤིང་ནག་རྒྱ་གྲམ་ཆོད་བྱས་ཏེ། །ཁ་དགུ་ལུང་དགུ་མཚོན་ཙམ་ཡིན། །རེ་མིག་རེ་རེའི་ནང་དུ་ནི། །བུད་མེད་ཐག་ཤ་ཁུར་བ་

― CMR038_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག །རེ་རེ་ངར་ཆུང་གཏོར་ཆུང་དང་། །བྱ་མོ་ར་ཕག་མཛོ་མོ་ཏོལ། །ཟན་ནག་བསྐང་པར་བཏབ་ལ་འཕང་། །དབུས་སུ་ནམ་མཁའ་ནག་པོ་ཞིག །ཐ་མ་མདའ་འཕང་ཤིང་རིས་དགུ། །འབྲིང་པོ་རྫ་མདོས་བཅའ་ལུགས་ཡིན། །ས་ནག་བརྡལ་ལམ་ཕྱར་ནག་བཏིང་། །གོ་ཐལ་སྐྱ་བོའི་དགུ་གྲམ་ནི། །རེ་རེས་ཁྲུ་ཚད་ཡོད་པར་བྲི། །ལིང་ཚེ་དགུ་ནང་རྫ་ནག་དགུའམ། །རེ་རེར་ཐག་ནག་ལུང་རེ་བཏགས། །དབུས་མར་ལྷ་ཁང་མཁར་འདྲེའི་སྟེང་། །བུད་མེད་སྤྱང་ཀི་ཞོན་པ་བཞག །འདོན་ཆོག་ནང་ནས་འབྱུང་བ་ལྟར། །ཞོན་པ་ཅན་གྱི་བུད་མེད་བརྒྱད། །རྫ་མ་བརྒྱད་པོའི་དཀྱིལ་ཁུག་བཞག །དེ་འདྲ་རེ་ཡི་དྲུང་དུ་ནི། །བྱ་མོ་ར་ཕག་མཛོ་མོ་ཁྱི། །ངར་མི་བཤོས་བུ་ནག་པོ་རེ། །སྲེ་ལོང་ལྟག་རྩ་འཁོར་མོ་རེ། །ནམ་མཁའ་ནག་པོ་

― CMR038_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་འཕང་རེ། །རྩི་སྐྱ་རེ་དང་འགལ་དུམ་རེ། །རྒྱང་བུ་རེ་དང་ཤིང་རིས་རེ། །དེ་ནི་དགུ་མདོས་རྒྱས་པ་ཡིན། །ཆངས་བུ་ཏིང་ལོ་ཤ་དུམ་དང་། །ཡོས་བཀྲ་འབྲུ་ནག་ཚ་གཡེར་སོགས། །ཡས་སྟགས་རྣམས་ནི་འདུ་བར་བྱ། །རྒྱས་པར་གབ་སྐུང་ཕུད་འདོད་ན། །བུད་མེད་སྦལ་པ་ཞོན་པའི་གཟུགས། །ཁྱིམ་གུད་གཅིག་ཏུ་སྐུང་ལ་བཞག །དེ་ནས་སྔགས་པས་ཡོན་བདག་བོས། །ཀྱཻ། མི་ཁྱོད་ཀྱི་ཁྱིམ་ན་འདྲེ་མོ་འདུག་པ་མཐོང་ངམ། ལྷ་དང་སྲུང་མ་ལ་ཡོན་འབུལ་ལམ་མི་འབུལ། ཞེས་བརྗོད། ཡོན་བདག་དེས་འདི་སྐད་རྗེས་ཟློས་བྱ། བདག་གིས་ལྷ་གཉེན་པོ་དང་སྔགས་འཆང་རིག་པ་ཅན་གྱི་བཀའ་མི་བཅག །རྟ་དང་གླང་པོ་མ་ཧེ་དང་། །རིན་ཆེན་གསེར་གཡུ་དངུལ་ལ་སོགས། །འཇིག་རྟེན་གང་བའི་ནོར་དང་གཡུ། །ལྷ་ལ་རྟེན་དང་ཡོན་དུ་འབུལ་ལགས་ཀྱིས། །དམ་སྲི་བསེན་མོ་གབ་སྐུང་༄༅ཕུད་པར་ཞུ། དེ་ནས་སྔགས་པས་ཡི་དམ་ལྷའི་ང་རྒྱལ་གྱིས་ཞགས་པ་ནག་པོ་ཐོགས་ནས། འཇིམ་གཟུགས་དེ་ཞགས་པས་འདེབས་ཚུལ་གྱིས་བླངས་ལ། ཡོན་བདག་ལ་གནོད་པའི་འདྲེ་མོ་འདིར་གདའ། འདྲེ་མོ་ཨ་ལ་ལ། དམ་སྲི་མོའི་གབ་སྐུང་ཕུད། འདྲེ་མོའི་གབ་སྐུང་ཕུད། ཤི་འདྲེ་མོའི་གབ་སྐུང་ཕུད། གསོན་འདྲེ་མོའི་གབ་སྐུང་ཕུད། རག་མོ་སྤ་ར་ཎ་ཕཊ༔ རག་མོ་ཨུ་ཙ་

― CMR038_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་ཡ་ཕཊ༔ ཅེས་བརྗོད་རྫ་མ་དབུས་མའི་ནང་དུ་བཞག །ལྷ་གཞུང་ཚོགས་སོགས་སྔོན་དུ་སོང་བའི་རྗེས། མདོས་ལ་ཆུ་གཙང་བྲན་ལ་འདི་སྐད་དོ། །ཨོཾ་སྭ་བྷ་ཝ་ཤུདྡྷསརྦ་དྷརྨུསྭ་བྷ་ཝ་ཤུདྡྷོཉཧཾ། སྟོང་པ་ཉིད་དུ་གྱུར། སྟོང་པའི་ངང་ལས་བདག་ཉིད་ཡི་དམ་དུ་གསལ་བའི་མདུན་དུ། རཾ་ཡཾ་ཁཾ་གསུམ་དེའི་སྟེང་དུ་ཡུལ་གྲུ་ཚད་དགུའི་རྫ་མ་ནག་པོ་ཁ་དགུ། ལུང་དགུ་པ་རྣམས་ཀྱི་ནང་དུ། ཏྲི་དགུ་ཡོངས་སུ་གྱུར་པ་ལས། དབུས་སུ་དམ་སྲི་ལྟེ་ཕུར་ནག་མོ་འདྲེ་བསེན་མ། ཆིབས་སུ་སྤྱང་ཀི་ལ་ཆིབས་པ། དེའི་ཤར་དུ་ནགས་བསེན་མ། །ལྷོར་སྤང་བསེན་མ། ནུབ་ཏུ་བྲག་བསེན་མ། བྱང་དུ་གནམ་བསེན་མ། ཤར་ལྷོར་མཁར་བསེན་མ། ལྷོ་ནུབ་ཏུ་ཆུ་བསེན་མ། ནུབ་བྱང་དུ་མེ་བསེན་མ། བྱང་ཤར་དུ་རླུང་བསེན་མ། དེའི་འཁོར་དུ་ཡུལ་འདྲེ་མོ། ཤི་འདྲེ་མོ། གསོན་འདྲེ་མོ། སྒབ་འདྲེ་མོ་ལ་སོགས་པ། འདྲེ་བསེན་གྱི་རིགས་སུ་གྱུར་པ་ཐམས་ཅད་བདག་ལ་ཡས་སློང་ཤིང་གུས་པ་དང་། བཀའ་ཉན་པ་དང་། གསུང་སྡོད་པའི་ཚུལ་གྱིས་འདར་ལྡི་ལི་ལི་བྱེད་པར་གྱུར། ན་མོ། རྩ་བརྒྱུད་ཀྱི་བླ་མ་ཡི་དམ་ལྷ་ཚོགས་དང་། དཔའ་བོ་རྟ་མགྲིན་

― CMR038_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཁྲོ་བོ་མི་གཡོ་མགོན་པོའི་བདེན་པ་དང་། དཀོན་མཆོག་གསུམ་གྱི་བདེན་པ་དང་། གསང་སྔགས་རིག་སྔགས་རྣམས་ཀྱི་བདེན་པའི་མཐུས། བདག་ཅག་ཡོན་མཆོད་མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་འདྲེ་མོ། དམ་སྲི་མོ། ཤི་འདྲེ་མོ། གསོན་འདྲེ་མོ། སྒབ་འདྲེ་མོ། ཡུལ་འདྲེ་མོ་ཐམས་ཅད་རང་གཟུགས་གཏོ་གླུད་འདི་ལ་ཁུག་ཅིག །ལྟེ་ཕུར་ནག་མོ་མཱ་ར་ཡ་ཛཿཛཿ ཛཿཧཱུྃ་བཾ་ཧོཿ ལན་གསུམ། ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་དབུས་དང་ཕྱོགས་མཚམས་ནས། །ཉོན་མོངས་འདོད་ཆགས་རྒྱུ་ལས་བྱུང་། །དམ་ཚིག་ཉམས་པས་རྐྱེན་བྱས་ཏེ། །སྨོན་ལམ་ངན་པས་མཚམས་སྦྱར་ནས། །།ཡས་དང་གླུད་ལ་དབང་བའི་ཕྱིར། །གནོད་ཅིང་འཚེ་བར་བྱེད་པ་རྣམས། །མདོས་དང་ཡས་ལ་སྤྱན་འདྲེན་ན། །གདུག་པའི་སེམས་དང་མ་བྱོན་པར། །ཞི་ཞིང་བྱམས་པའི་སེམས་ཀྱིས་བྱོན། །དམ་སྲི་རྣམས་ཀྱི་ཆེ་བ་དེ། །བུད་མེད་ནག་མོ་བྱ་མཆུ་མོ། །སྤྱན་ནི་སྐར་ཆེན་ཤར་བ་འདྲ། །མཆེ་བ་ཟླ་བ་ཚེས་པ་འདྲ། །སྨིན་མ་ན་རོ་བྲིས་པ་འདྲ། །རྫི་མ་ཁྲ་གཤོག་བརྐྱང་བ་འདྲ། །ནུ་མ་རིན་ཆེན་འབུར་བ་

― CMR038_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ། །ལག་པས་ཡས་ལེན་ཧབས་སེ་ཧབ། །རྐང་པས་གར་སྟབས་ཁྱུགས་སེ་ཁྱུག །མདོས་དང་ཡས་ལ་གཤེགས་སུ་གསོལ། །དེ་ཡི་འཁོར་ཚོགས་བུད་མེད་བརྒྱད། །གངས་བསེན་མ་དང་གཡའ་བསེན་མ། །སྤང་བསེན་མ་དང་བྲག་བསེན་མ། །ནགས་བསེན་མ་དང་ས་བསེན་མ། །ཤིང་བསེན་མ་དང་ཆུ་བསེན་མ། །གྲོང་རྒྱུགས་མ་དང་བདུད་མོ་གསུམ། །རྡོ་རྗེ་སྣ་ཡོན་ཤ་ཞོན་དགུ། །ཚེ་སྤོང་གཟའ་དང་ཕོ་ཡོང་བཟའ། །ཤི་འདྲེ་མ་དང་གསོན་འདྲེ་མ། །བསེན་མོ་དུང་ཕྱུར་ལྔ་བརྒྱའི་ཚོགས། །ཀུན་ཀྱང་ཆ་ལུགས་མཐུན་པར་ངེས། །སྤྱན་ནི་སྐར་ཆེན་ཤར་བ་འདྲ། །མཆེ་བ་ཟླ་བ་ཚེས་པ་འདྲ། །སྨིན་མ་ན་རོ་བྲིས་པ་འདྲ། །རྫི་མ་ཁྲ་གཤོག་བརྐྱངས་བ་འདྲ། །ནུ་མ་རིན་ཆེན་འབུར་བ་འདྲ། །ལག་པས་ཡས་ལེན་ཧབས་སེ་ཧབ། །རྐང་པས་གར་སྟབས་ཁྲིགས་སེ་ཁྲིག །མདོས་དང་ཡས་ལ་སྤྱན་འདྲེན་ན། །གདུག་པའི་སེམས་དང་མ་བྱོན་ཅིག །ཁས་གདུག་པ་སྨྲ་ཞིང་མ་འབྱོན་ལ། །ཕྱག་གདུག་པ་བརྐྱང་ཞིང་མ་འབྱོན་ཅིག །དགའ་བདེ་ཞི་བའི་སེམས་ཀྱིས་བྱོན། །རང་རང་གཟུགས་ལ་ཐིམ་སྟེ་སྡོད། །ཧཱུྃ། །

― CMR038_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་མགྲིན་ལྷ་ཡིས་འདི་སྐད་གསུངས། །སྲིད་པ་བས་ཀྱང་ང་སྔའོ། །འོ་སྐོལ་བས་ཀྱང་ང་སྔའོ། །སངས་རྒྱས་བས་ཀྱང་ང་སྔའོ། །དམ་སྲི་བས་ཀྱང་ང་སྔའོ། །ང་ནི་ཐོག་མ་རང་ནས་ཡོད། །ཁུག་ཅིག་ཕོབ་ཅིག་གཟུགས་ལ་ཕོབ། །དེ་སྐད་བརྗོད་པས་འདྲེ་མོ་རྣམས། །སྐྲག་ཅིང་འདར་ནས་ཐལ་མོ་སྦྱར། །དཔའ་བོ་ཆེན་པོ་ཧེ་རུ་ཀའི། །བཀའ་དང་དམ་ལ་བདག་མི་འདའ། །ཡས་དང་གླུད་མདོས་བདག་ལ་སྦྱིན། །གནོད་པར་བྱེད་རེ་ན་ར་ཀན། །དེ་སྐད་ཟེར་ཞིང་འཁོད་པར་གྱུར། ལྟེ་ཕུར་ནག་མོ་མཱ་ར་ཡ་ཛ་ཛ༔ ལྟེ་ཕུར་ནག་མོ་མཱ་ར་ཡ་ནན། དམ་སྲི་འདྲེ་མོ་མཱ་ར་ཡ་ཛ་ཛ༔ དམ་སྲི་འདྲེ་མོ་མཱ་ར་ཡ་ནན། སླར་ཡང་ཡས་གླུད་ཆུ་གཙང་གིས་བྲན་ལ། ཡས་དང་གླུད་མདོས་མི་གཙང་བའི་ཉེས་སྐྱོན་ཐམས་ཅད་དག་པར་གྱུར། ཨོཾ་སྭ་བྷཱ་ཝ་བི་ཤུདྡྷེ་སརྦ་དྷརཿསྭ་བྷཱ་ཝ་ཤུདྡྷོཉཧཾ། རྫ་མ་མི་དམིགས་པ་ལས། རིན་པོ་ཆེ་སྣ་ཚོགས་ལས་གྲུབ་པའི་ཕོ་བྲང་ལིང་ཚེ་དགུ་དང་ལྡན་པ། ཤིང་རིས་ཐམས་ཅད་ནི་འདུག་པའི་དུས་ན་ཡུལ། གཤེགས་པའི་དུས་ན་ལམ། མདའ་བཀྲ་སྐྱེས་པ་སྟག་ཆས་ཅན། འཕང་བཀྲ་བུད་མེད་དར་ཟབ་ཀྱིས་བརྒྱན་པ། ནམ་མཁའ་

― CMR038_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སེམས་ཀྱི་གླུད། གཟུགས་འགྲོས་རྣམས་ནི་ལུས་ཀྱི་གླུད། ཚ་ཡོས་རམ་རུག་དཀོར་ནོར་གྱི་གླུད། གཏོར་མ་འབྲང་རྒྱས་ཆངས་བུ་ཏིང་ལོ་རྣམས་འདོད་པའི་ཡོན་ཏན་སྣ་ཚོགས་ཟད་མི་ཤེས་པར་གྱུར། ཨོཾ་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྱ་སརྦ་ཐ་ཁཾ་ཨུཏྤ་ཏེ་སྤ་ར་ཎ། ཨི་མཾ་ག་ག་ན་ཁཾ་སྭཱ་ཧཱ། ཡས་གླུད་རྣམས་ཟད་མེད་བདུད་རྩིའི་རང་བཞིན་ལུས་དང་སེམས་ལ་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ གླུད་ཡས་རྣམས་ཀྱིས་ལན་ཆགས་བྱང་བུ་ལོན་སོད། བསྔོས་པ་ཙམ་གྱིས་ཚིམ་པར་གྱུར། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ་ཕཊ༔ མགྲོན་ཐམས་ཅད་ཀྱིས་འཐབ་རྩོད་ཕམ་རྒྱལ་མེད་པར་ཐོབ་པར་གྱུར། ཨོཾ་ཛཱ་ན་ཨ་ཝ་ལོ་ཀི་ཏེ་ན་མཿས་མནྟ་སྤ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུྃ། མགྲོན་རྣམས་དགའ་ཞིང་བདག་གི་དབང་དུ་འདུས་ནས། །ཇི་ལྟར་བཀའ་བསྒོས་པ་བཞིན་དུ་བྱེད་པར་གྱུར། ཨོཾ་ན་མཿས་མནྟ་བུདྡྷཱ་ནཾ། གྲ་ཧེ་ཤོ་རི་པྲ་བྷན་ཛྭ་ཏི་མ་ཧཱ་ས་མ་ཡེ་སྭཱ་ཧཱ། དེ་ནས་ཡི་དམ་ལྷའི་ང་རྒྱལ་གྱིས་ཟིལ་གྱིས་མནན་པ་ནི། ཧཱུྃ། ང་ནི་ཁྲོ་རྒྱལ་

― CMR038_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱི་རྗེ། །སངས་རྒྱས་ཀུན་གྱི་ཡེ་ཤེས་སྐུ། །སྐུ་ནི་དྲག་ཏུ་བསྐྱོད་པའི་ཚེ། །སྣང་སྲིད་ཐམས་ཅད་གཡོ་ཞིང་འགུལ། །གསུང་ནི་ལྷང་ལྷང་སྒྲོག་པའི་ཚེ། །སྟོང་ཁམས་ཐམས་ཅད་དབང་དུ་སྡུས། །བགེགས་དང་གནོད་བྱེད་གདོན་གྱི་ཚོགས། །དམ་སྲི་ལྟེ་ཕུར་ནག་མོ་དང་། །འདྲེ་མོ་གནོད་བྱེད་གང་ཡིན་པ། །ཁྱོད་ཀྱི་སྙིང་ཁྲག་ང་ལ་ཡོད། །བདག་གི་བཀའ་ལ་མ་འདའ་ཞིག །ང་ནི་སྲིད་པ་ཀུན་གྱི་ཡབ། །ང་ནི་སྐྱེ་འགྲོ་ཀུན་གྱི་རྗེ། །ང་ནི་གླུད་བདག་ཀུན་གྱི་རྗེ། །ང་ཡི་བཀའ་ལ་མ་འདའ་ཞིག །བདག་དང་རྒྱུ་སྦྱོར་ཡོན་བདག་ལ། །གནོད་པར་བྱེད་པའི་འདྲེ་བསེན་རྣམས། །དེ་རིང་གླུད་དང་མདོས་ལ་བསྐྱོད། །དེ་ནས་འཕྲོག་མོ་བཀར་བ་དང་ཡར་བསེན་ཕྱེ་བ་ནི། ཟངས་ཐེབ་སོགས་སྣོད་གཙང་མར་ཆངས་བུ་གཙང་མ་དགུ་འབྲུ་སྣ་བཏབ་ལ་ཆུ་གཙང་གིས་བྲན། ཏིང་ངམ་ཐེབ་ཙེའི་ནང་དུ་ཇ་ཕུད་ཆང་ཕུད་གང་འཛོམ་བཤམས་ལ། ཧཱུྃ། བཅོམ་ལྡན་ཤཱཀྱ་ཐུབ་པ་ཡི། །བཀའ་དང་དམ་ལ་བཏགས་པ་ཡི། །འཇིག་རྟེན་ལས་ཀྱི་འདྲེ་མོ་ནི། །གླིང་བར་མུན་པའི་ནང་ན་འདུག །མཚན་མོ་རེ་ལ་སྟོང་གསུམ་ལ། །མཚན་མོ་ནག་མོའི་གདོན་ཞེས་བྱ། །སྐྲ་ཤད་ཟེང་བས་ཡུགས་སའི་

― CMR038_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས། །མིག་ནི་སེར་ལ་སྡང་མིག་བགྲད། །མཆེ་བ་སྟག་གཟིག་ཁ་གདངས་འདྲ། །ལག་ན་གྲི་གུག་ཁྲག་རྫ་བཟུང་། །རྒྱབ་ན་རེ་སྐྱེ་རྒུ་དགུ་ཁུར། །འཛམ་གླིང་མི་ལ་གླུད་ཁྲལ་སྡུད། །གླུད་བདག་གྲོང་རྒྱུག་འདྲེ་མོ་ལ། །སོར་མཛུབ་ལྔ་ཡི་རྗེས་དོད་པའི། །རྒྱལ་བས་བྱིན་རླབས་ཆངས་བུ་འདི། །ཁྱོད་ལ་ཁྲག་དང་གླུད་དུ་འབུལ། །འདོད་ཡོན་ལྔ་ཡིས་ཚིམས་གྱུར་ནས། །ནད་རིམས་རྐྱེན་ཁ་ཁྱོད་ཀྱིས་ཟློག །ཧཱུྃ། དུར་ཁྲོད་འདྲེ་མོ་ཤ་ཟན་རིགས། །ནག་མོ་དུར་བྱ་རྒོད་ཀྱི་མགོ། །།ལ་ལ་གཅན་གཟན་སྣ་ཚོགས་གདོང་། །ཁྱི་སྤྱང་ཚོགས་རྣམས་རོལ་དུ་ཁྲིད། །སྐྱེ་ཤིང་ཟེར་བའི་མིང་གཅིག་མོ། །ལས་སུ་མི་ནད་སྣ་ཚོགས་གཏོང་། །ཁྱོད་རྣམས་ནད་ཀྱི་བདག་མོ་སྟེ། །འཁོར་དང་བཅས་པ་ཐམས་ཅད་ཀྱི། །འདོད་ཡོན་གླུད་གཏོར་འདི་བཞེས་ལ། །འཆི་བདག་བདུད་ལས་ཐར་བར་མཛོད། །མི་ལ་ན་ཚ་མ་གཏོང་ཞིག །ཕྱུགས་ལ་གོད་ཁ་མ་གཏོང་ཞིག །བདུད་མོ་འབར་མ་སྤུན་གསུམ་ནི། །རྒྱལ་མོ་སྨད་འཚོང་ཡུལ་ནས་བྱུང་། །གནས་མེད་ཀོ་བ་བྲག་ཕུག་བརྟེན། །ཉེས་མེད་འགྲོ་བ་མང་པོ་ལ།

― CMR038_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་མེད་ཟས་སུ་ཟ་བར་བྱེད། །གོས་མེད་གོས་སུ་གྱོན་པར་བྱེད། །དལ་ཡམས་རྐྱེན་ཁ་སློང་བར་བྱེད། །ཁྲོས་ཚེ་བདུད་མོ་འཇིགས་པ་གསུམ། །སྟོབས་དང་རྫུ་འཕྲུལ་བསམ་མི་ཁྱབ། །ཞི་བ་ན་ཆུང་གཞོན་ནུ་གསུམ། །སྐྱེས་པ་ཕོ་ཡི་བླ་ཚེ་རྐུ། །རང་གཟུགས་མི་སྡུག་རྒན་མོ་གསུམ། །ར་ཙག་གྱོན་ནས་བྲང་ལག་སྦྱར། །མིག་འཕང་སྨད་ནས་ཤུམ་ཤུམ་ངུ། །དུས་ངན་བསྐལ་པའི་སྙིགས་མ་ལ། །བདུད་མོ་གསུམ་གྱི་སྤྲུལ་པ་འགྱེད། །བུད་མེད་ཕལ་གྱི་སྙིང་ལ་འཇུག །གསོན་འདྲེར་གྱུར་ནས་ཀུན་ལ་གནོད། །མི་ནོར་མང་པོའི་སྲོག་དབུགས་ལེན། །བདུད་མོ་འབར་མ་སྤུན་གསུམ་ལ། །གླུད་གཏོར་ཆངས་བུ་འདི་འབུལ་གྱིས། །ཁྱོད་ཀྱི་འདོད་པ་ཚིམས་གྱུར་ནས། །རྒྱུ་སྦྱོར་ཡོན་བདག་མོ་རྣམས་ལ། །ལུས་དང་གྲིབ་བཞིན་མ་འགྲོགས་ལ། །ཐག་ནག་བཞིན་དུ་མ་ཁྲིད་ཅིག །ཤ་རུལ་སྦྱང་བཞིན་མ་འཁོར་ཅིག །ཤ་ཁྱི་བཞིན་དུ་མ་འབྲང་ཞིག །མི་མོ་འདྲེ་མོར་མ་སྒྱུར་ཅིག །མི་དང་ནོར་ལ་མ་གནོད་ཅིག །ཧཱུྃ། དཔོན་མོ་རྡོ་རྗེ་སྣ་ཡོན་མ། །ཆིབས་སུ་གཏུམ་དྲག་ཤ་བ་ཆིབས། །གསེར་གཡུ་བྱི་རུའི་རྒྱན་གྱིས་བརྒྱན། །ཤ་

― CMR038_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

ཞོན་སྤུན་དགུ་རི་རྩེ་འགྲིམས། །སྤྱང་ནག་ཞོན་ནས་རི་རྩེབ་འགྲིམ། །ཝ་མོ་ཞོན་ནས་དུར་ཁྲོད་འགྲིམ། །ཁྱི་མོ་ཞོན་ནས་གྲོང་མཐའ་འགྲིམ། །བསོད་ནམས་ཅན་གྱི་དཀོར་བདག་བྱེད། །བསོད་ཟད་རྣམས་ཀྱི་སྒབ་འདྲེ་བྱེད། །གླུད་གཏོར་མཆོད་པ་འདི་བཞེས་ལ། །བདག་དང་རྒྱུ་སྦྱོར་ཡོན་བདག་ལ། །ངན་གྱི་སྣ་འདྲེན་མ་ག །ཏྲི་རག་མོ་སརྦ་པཱུ་ཙ་ཁཱ་ཧི། ཞེས་ཆངས་བུ་དང་ཕུད་དེ་རྣམས་རྫ་མདོས་ནང་དུ་འབུལ། སླར་རྫ་མདོས་སུ་ཡས་དང་གླུད་བླུགས་ལ་བྲན་ནས། མར་བསེན་གྱི་སྐྱེ་རྒྱུད་བཤད་ཅིང་མདོས་བསྔོ་བ་ནི། ཧཱུྃ། ང་ནི་དཔལ་ཆེན་ཧེ་རུ་ཀ །ང་ནི་པདྨ་ཧེ་རུ་ཀ །ཆོས་ཉིད་བདེན་པའི་བཀའ་ལ་ཉོན། །ཁྱོད་ཀྱི་སྲོག་སྙིང་ང་ལ་ཡོད། །འདི་ཙམ་ཁྱོད་ཀྱི་མཚན་ནས་འབོད། །འདི་ཙམ་ཁྱོད་ཀྱི་སྐྱེ་རྒྱུད་བཤད། །སྐྱེ་རྒྱུད་ཕུག་ནས་མ་བཤད་ན། །མི་ཤེས་བསམ་ནས་གནོད་པ་བྱེད། །གནད་ནས་བསྐུལ་ཕྱིར་ཚིག་འདི་ཉོན། །སྔོན་གྱི་བསྐལ་པ་དང་པོ་ལ། །དཔལ་ལྡན་ལྷ་མོ་ནག་མོ་དེས། །རྒྱ་མཚོའི་འགྲམ་དུ་བཞུགས་པ་ལ། །ཀླུ་རྒྱལ་ཆུ་སྲིན་བྱ་བ་དེས། །ཡིད་ཀྱིས་སྦྱོར་བ་བྱས་པ་ལ། །ཆུ་སྲིན་ཡི་ནི་བུ་ཆགས་ཏེ། །ཟླ་དགུ་ཟླ་བ་ཅུང་

― CMR038_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་ནས། །ཟླ་བ་བཅུ་གཉིས་ལྟོར་བསྡད་ནས། །མ་ལ་བུ་མོ་སྐྱེས་པ་ནི། །ཞེ་སྡང་ཆེ་བས་མིག་རྩ་སེར། །འདོད་ཆགས་ཆེ་བས་ས་རྩ་ཁམ། །གཏི་མུག་ཆེ་བས་ལྟེ་བ་ནག །དེ་ཕྱིར་ལྟེ་ཕུར་ནག་མོ་ཡིན། །ཡན་ལག་བྱ་རྐང་སྡེར་མོ་ཅན། །ལུས་པོ་མིག་གིས་གང་བ་སྟེ། །དེ་ཕྱིར་ལྟེ་ཕུར་སྟོང་ཁམས་ཁྱབ། །མི་ཡི་ལུས་ལ་བྱ་ཡི་གདོང་། །དེ་ཕྱིར་ལྟེ་ཕུར་བྱ་མཆུ་མ། །ཕུར་བུ་སྒྲུབ་པའི་དམ་སྲི་བྱས། །དེ་ཕྱིར་ལྟེ་ཕུར་དམ་སྲི་མ། །ཀླུ་དང་ས་བདག་སྣ་ཡང་འདྲེན། །དེ་ཕྱིར་ལྟེ་ཕུར་ཀླུ་བསེན་མོ། །སྐྱེས་པ་དར་མའི་བདུད་ཡང་བྱེད། །དེ་ཕྱིར་ལྟེ་ཕུར་མི་རྐུན་མ། །མ་ཡམས་བརྟན་མའི་སྣ་ཡང་འདྲེན། །དེ་ཕྱིར་ལྟེ་ཕུར་ཡམས་བདག་ཡིན། །བུད་མེད་རྣམས་ཀྱི་སྲི་ལ་རྐུ། །དེ་ཕྱིར་ལྟེ་ཕུར་སྲི་རྐུན་མ། །བྱིས་སྦ་ཆུང་གི་ཚེ་ལ་རྐུ། །དེ་ཕྱིར་ལྟེ་ཕུར་ཚེ་རྐུན་མ། །བུད་མེད་ནག་མོ་གདུག་པ་ཅན། །ཁྱོད་ཀྱིས་ལས་ངན་ཅི་ཡང་བྱས། །དང་པོ་འཛམ་གླིང་རྒྱལ་ཁམས་ཕུང་། །ལྷ་མོ་སྒྲུབ་ལ་བར་ཆད་བྱས། །བར་དུ་ཕུར་སྒྲུབ་གྲོགས་ངན་བྱས། །ནོར་ལུག་བུ་ཆུང་ཚེ་ལ་གནོད། །ཐ་མ་བུད་མེད་མཛེས་མའི་གཟུགས། །དུས་དང་བསྐལ་པ་དེ་

― CMR038_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ལ། །ལྷ་ཆེན་གར་གྱི་དབང་ཕྱུག་གི །དགོངས་པ་མཛད་པའི་ཉམས་ལས་བྱུང་། །འདི་སྐད་ཅེས་ནི་གསོལ་པ་དང་། །དམ་སྲི་མོ་དང་ས་སྲི་མོ། །ངས་ནི་ངོས་བཟུང་འདྲེ་རུ་བཟུང་། །དེ་སྐད་ཀྱིས་ནི་གསོལ་བ་དང་། །རྟ་མགྲིན་ལྷ་བསྒོམ་ཞལ་ན་རེ། །ངོས་ནི་དམ་སྲི་འདྲེ་རུ་བཟུང་། །དེ་སྐད་ཅེས་ནི་གསུངས་པ་དང་། །དབང་གི་རྒྱལ་པོ་ཐུགས་ཁྲོས་ནས། །དམ་སྲི་མོ་ཡི་མགོ་ནས་བཟུང་། །ཞགས་པ་ནག་པོས་སྐེ་ནས་བཅིངས། །ཁྱོད་ལྷ་རུ་མཆོད་ན་འདྲེ་རུ་སྡང་། །དམ་སྲི་ས་སྲིན་བཟུང་ལ་བཞག །ལྕགས་ཀྱུ་ཅན་གྱིས་སྙིང་ནས་ཟུངས། །ལྕགས་སྒྲོག་ཅན་གྱིས་ཡན་ལག་སྡོམས། །དྲིལ་བུ་ཅན་གྱིས་མྱོས་སུ་བཅུག །དབང་ཆེན་ལྷ་ཡིས་བཀའ་སྩལ་པ། །ལས་ངན་བུད་མེད་ནག་ཆགས་རིགས། །ད་ལྟ་འོང་བ་མ་ལགས་ཏེ། །སྔོན་གྱི་ལས་ངན་ཟབ་མོའི་ཡིན། །སྲིན་ཟ་ལྟེ་ཕུར་ནག་མོ་ནི། །འཁོར་དང་སྤྲུལ་པ་མང་པོ་ཡིས། །འཛམ་གླིང་བདེ་བར་མི་སྟེར་ཏེ། །མི་ནད་ཕྱུགས་ནད་དལ་ཡམས་གཏོང་། །དམ་སྲི་ལྷ་རུ་མི་མཆོད་ལ། །དམ་སྲི་འདྲེ་རུ་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །

― CMR038_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་འདིར་གནོད་པ་མ་བྱེད་ཅིག །གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། སྔོན་གྱི་བསྐལ་པ་དང་པོ་ལ། །ཚེ་སྤོང་བཟའ་ཡི་དམར་རྒྱན་མ། །རྒྱལ་པོའི་བཙུན་མོ་དབང་ཆེན་མ། །ལྷ་ཁང་བཞེངས་པའི་སྟོབས་ཆེན་མ། །ས་བརྒྱད་ནོན་པའི་སེམས་དཔའ་ཆེར། །སྐུར་པ་འདེབས་པའི་ལས་ངན་མ། །བཀའ་ཆད་སྡིག་པའི་སྡུག་ཁུར་མ། །མནའ་མ་བསད་པའི་སྡིག་ཅན་མ། །དེ་ནས་བུ་བསད་དུག་སྐྱེ་མ། །སྨོན་ལམ་ངན་པའི་སྐྱེ་མཆེད་ཀྱིས། །བོད་ཁམས་ཕུང་བའི་ཕུང་སྲི་མོ། །དུས་ངན་བསྐལ་པའི་སྙིགས་མ་ལ། །ཁྱོད་ཀྱི་སྤྲུལ་པ་མང་པོ་ཡི། །རྫུ་འཕྲུལ་སྣ་ཚོགས་སྟོན་བྱེད་ཅིང་། །འབྲེལ་ཚད་ངན་སོང་གནས་སུ་ཁྲིད། །དེ་ཕྱིར་ལྷ་རུ་ཁྱོད་མི་མཆོད། །འདྲེ་རུ་ཡང་ནི་མི་བརྡུང་སྟེ། །གླུད་མདོས་རྒྱན་ཅན་འདི་བཞེས་ལ། །བདག་ཅག་ཡོན་མཆོད་མི་ནོར་ལ། །གནོད་ཅིང་འཚེ་བར་མ་བྱེད་ཅིག །ཟབ་ཡང་དཔལ་གྱི་བསམ་ཡས་ཀྱི། །ཁམས་གསུམ་ཟངས་ཁང་གླིང་དུ་གཤེགས། །གཙུག་ལག་དཀོར་གྱི་བདག་མོ་མཛོད། །ཧཱུྃ། སྔོན་ཚེ་རྒྱ་རྗེའི་སྲས་མོ་ནི། །བོད་ཀྱི་ཡུལ་དུ་ཆས་ཙམ་

― CMR038_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི། །མག་པ་ལྷ་སྲས་ཐག་སེར་བླངས། །བོད་ཀྱི་ས་གནད་ཉམས་པར་བྱས། །སྐྱེ་བ་དེ་ཡི་ཕྱི་མ་ལ། །ཕོ་ཡོང་བཟའ་ཡི་རྒྱལ་མོ་བཙུན། །མཚར་སྡུག་ཨུ་དུམ་ཝ་ར་འདྲ། །འཛམ་གླིང་རྒྱལ་པོའི་ཐུགས་ཀྱི་གཅེས། །རིན་ཆེན་གསེར་གྱི་བདག་མོར་བསྐོས། །ལྷ་ཁང་གཡུ་རྩེ་འོད་འབར་བཞེངས། །མངའ་བདག་སྐུ་ཚེ་ཐུང་བར་གྱུར། །རྒྱལ་པོའི་སྲས་དང་སྡོད་ཙམ་ན། །ཆེན་མས་ཕྲག་དོག་གཤེད་མ་བསྐོས། །བྲོས་བསམ་མ་ཐར་སྐྱབས་མགོན་མེད། །གཡོག་མོ་གཉིས་དང་དཔོན་གཡོག་གསུམ། །བུ་ཚལ་གསེར་ཁང་གླིང་དུ་ལྕིབས། །ཕོ་ཡོང་བཟའ་ཡི་རྒྱལ་མོ་དང་། །འབྲོམ་བཟའ་དེ་ནི་ལྷ་ལྕམ་དང་། །གཙང་བཟའ་ཁྱི་ཐར་མ་དང་གསུམ། །པེ་ཀར་རྒྱལ་པོའི་བཙུན་མོར་སྐྱེས། །རྒྱལ་བསེན་བསྡོངས་ནས་ཀུན་ལ་གནོད། །སྐྱེས་པའི་ཐིག་ལེ་འཆོར་བར་བྱེད། །མཛེས་མར་སྤྲུལ་ནས་བླ་ཚེ་རྐུ། །དེ་ཡང་ཁྱོད་ཀྱི་ཆོ་འཕྲུལ་ཡིན། །བུད་མེད་ཀྱི་གཅེར་བུ་མོ་མཚན་སྟོན། །མཆེ་རིས་ཅན་དང་སྐུ་སིག་ཅན། །བྱི་སྦ་བསམ་མེད་རུམ་པ་རྨིས། །མི་རྒན་མགོ་སེ་རུམ་པ་རྨིས། །ངོ་ཚ་མེད་ཅིང་གཅེར་འགྲོས་བྱེད། །སེམས་

― CMR038_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་རང་སྲོག་གཅོད་སྙིང་འདོད། །དེ་ཡང་ཁྱོད་ཀྱི་ཆོ་འཕྲུལ་ཡིན། །བསེན་མོ་དཔོན་གཡོག་འཁོར་དང་བཅས། །ལྷ་རུ་ཡང་ནི་མི་མཆོད་དེ། །འདྲེ་རུ་ཡང་ནི་མི་བརྡུང་ངོ། །གླུད་མདོས་རྒྱན་ཅན་འདི་ཁྱེར་ལ། །བདག་ཅག་ཡོན་མཆོད་མི་ནོར་ལ། །གནོད་ཅིང་འཚེ་བར་མ་བྱེད་ཅིག །བུ་ཚལ་གསེར་ཁང་གླིང་དུ་གཤེགས། །ཆོས་སྐྱོང་རྒྱལ་པོའི་སྐྱོང་རོགས་མཛོད། །དང་པོ་སྲིད་པ་ཆགས་ཙམ་ན། །སྒོ་ང་ནག་པོ་དགུ་རུ་སྲིད། །ལྕགས་སྒོང་ནག་པོ་བརྡོལ་ནང་ནས། །ས་སྲིན་ནག་མོ་སྤུན་དགུ་བྱུང་། །དམ་སྲི་ནག་མོ་ཆེ་བ་དེ། །བུད་མེད་ཁྲག་གི་གདོང་པ་ཅན། །ལྕགས་ཀྱི་ཐག་ཤ་རྒྱབ་ན་ཁུར། །ན་ཆུང་གཡང་གཞི་ཕྲག་ལ་བཀལ། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིག་ཚག་ཕྲེང་བ་འདྲེན། །ཆིབས་སུ་སྤྱང་ཀི་སྔོན་མོ་བཅིབས། །ཁྱོད་ཀྱི་གནས་དང་འཕང་ར་ནི། །ལྷ་ཁང་སྟོང་པའི་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་

― CMR038_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །བུད་མེད་ནག་མོ་ཟངས་ཀྱི་གདོང་པ་ཅན། །རྒྱབ་ན་ཟངས་ཀྱི་ཐག་ཤ་ཁུར། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིལ་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་སྤྱང་ཀི་སྔོན་མོ་བཅིབས། །ཁྱོད་ཀྱི་གནས་དང་འཕང་ར་ནི། །ལྷ་ཁང་སྟོང་པའི་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །བུད་མེད་ནག་མོ་བསེ་ཡི་གདོང་པ་ཅན། །བསེ་ཡི་ཐག་ཤ་རྒྱབ་ཏུ་ཁུར། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིལ་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་དོམ་ནག་

― CMR038_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

གྲྭ་པ་ཆིབས། །ཁྱོད་ཀྱི་གནས་དང་འཕང་ར་ནི། །མཆོད་རྟེན་རུལ་པའི་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག་སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །བུད་མེད་ནག་མོ་བྱི་རུའི་གདོང་པ་ཅན། །སྙུག་མའི་ཐག་ཤ་རྒྱབ་ན་ཁུར། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིལ་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་དྲེད་མོང་ཁམས་པ་ཆིབས། །ཁྱོད་ཀྱི་གནས་དང་འཕང་ར་ནི། །ཚ་ཚ་དུམ་པའི་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་

― CMR038_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །བུད་མེད་ནག་མོ་མཚལ་གྱི་གདོང་པ་ཅན། །སྦ་ཡི་ཐག་ཤ་རྒྱབ་ན་ཁུར་། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིལ་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་བོང་བུ་གྲྭ་པ་ཆིབས། །ཁྱོད་ཀྱི་གནས་དང་འཕང་ར་ནི། །རྫ་བུ་ཤཱ་རིའི་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །བུད་མེད་ནག་མོ་མཆེ་རིས་གདོང་པ་ཅན། །ཡུགས་ས་མ་ཡི་གཟུགས་སུ་འདུག །གླང་མའི་ཐག་ཤ་རྒྱབ་ཀྱིལ་ཁུར། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིལ་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་དྲེལ་ནག་མགོ་དགུ་ཆིབས། །ཁྱོད་ཀྱི་

― CMR038_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དང་འཕང་ར་ནི། །གླང་མ་དེ་མའི་རྐང་གཅིག་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་ནི། །བུད་མེད་ནག་མོ་དུང་གི་གདོང་པ་ཅན། །བསེ་ཡི་ཐག་ཤ་རྒྱབ་ལ་ཁུར། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིལ་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་ཁྱི་མོ་ནག་མོ་ཆིབས། །ཁྱོད་ཀྱི་གནས་དང་འཕང་ར་ནི། །དབེན་གནས་ཧྲིལ་པོའི་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་ཕུང་། །དེ་

― CMR038_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །བུད་མེད་ནག་མོ་གཡུ་ཡི་གདོང་པ་ཅན། །གཡུ་ཡི་ཐག་ཤ་རྒྱབ་ལ་ཁུར། །བུ་ཆུང་ཐོད་ཕྲེང་མགོ་ལ་བཅིངས། །བུ་ཆུང་ཚིལ་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་ཁྱིམ་བྱ་རུ་མ་ཆིབས། །ཁྱོད་ཀྱི་གནས་དང་འཕང་ར་ནི། །བྲག་ཕུག་རྙིང་པའི་ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ་། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །བུད་མེད་ནག་མོ་མཐིང་ཤུན་གདོང་པ་ཅན། །ཟངས་མའི་ཐག་ཤ་རྒྱབ་ལ་ཁུར། །བུ་ཆུང་ཐོད་ཕྲེང་མགོ་ལ་བཅིངས་། །བུ་ཆུང་ཚིག་ཚག་ཕྲེང་བ་འདྲེན། །ན་ཆུང་གཡང་གཞི་ཕྲག་ལ་བཀལ། །ཆིབས་སུ་རྔ་མོང་གཱ་པ་བཅིབས། །ཁྱོད་ཀྱི་གནས་དང་འཕང་ར་ནི། །ཆུ་མིག་ཚག་ཚིག་

― CMR038_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་ན་གནས། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། །སྔགས་སྡོམ་ཟབ་མོ་མ་ཐུབ་པས། །ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཧཱུྃ། དེ་ཡི་སྤྲུལ་པ་ཕྱག་བརྙན་མོ། །རྩང་གི་ཐིལ་མོ་ཝ་ཞོན་མ། །འདྲེ་མོ་ཕག་སྣ་མ་ལ་སོགས། །ས་སྲི་མོ་དང་ཕུང་སྲི་མོ། །ཤི་འདྲེ་མོ་དང་ཡུལ་འདྲེ་མོ། །གསོན་འདྲེ་མོ་དང་སྒབ་འདྲེ་མོ། །ཆུ་འདྲེ་མོ་དང་རྦབ་འདྲེ་མོ། །ན་འདྲེ་མོ་དང་ལྕིབས་འདྲེ་མོ། །དམེ་འདྲེ་མོ་དང་ཕུང་འདྲེ་མོ། །ཁྱོད་སྔོན་ཡང་སྔགས་སྡོམ་ཟབ་མོ་བསྲུང་། ད་ལྟ་དམ་སྲི་འདྲེ་མོར་སྐྱེས། །དམ་སྲི་ལྷ་ཡང་མི་མཆོད་ལ། །དམ་སྲི་འདྲེ་ཡང་མི་བརྡུང་ངོ། །ནག་མོ་དགུ་མདོས་འདི་བཞེས་ལ། །འཁོར་འདིར་གནོད་པ་མ་བྱེད་ཅིག༔ སྔར་གནོད་པ་བྱས་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །ཁྱེད་རྣམས་ཀུན་ལ་ཡས་གླུད་བསྔོ། །རྫ་མ་ཁ་དགུ་ལུང་དགུ་བཞེས། །འབྲུ་སྣ་དགུ་ལ་གཤེད་དེ་

― CMR038_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས། །ནམ་མཁའ་དགུ་ལ་གཟིགས་ཏེ་གཤེགས། །རྒྱང་བུ་དགུ་ལ་བལྟས་ཏེ་གཤེགས། །མདའ་བཀྲ་དགུ་ལ་གསོར་ཏེ་གཤེགས། །འཕང་བཀྲ་དགུ་ལ་གཤེད་དེ་གཤེགས། །སྲེ་ལོང་དགུ་ལ་ཞོན་ཏེ་གཤེགས། །ལྟག་རུས་དགུ་ལ་བསྐོར་ཏེ་གཤེགས། །ཐོད་རུས་དགུ་ལ་བསྣམས་ཏེ་གཤེགས། །འགལ་པ་དགུ་ལ་བབ་སྟེ་གཤེགས། །འབྲང་རྒྱས་དགུ་ལ་གསོལ་ཏེ་གཤེགས། །མར་མེ་དགུ་ལ་བཤུས་ཏེ་གཤེགས། །ར་དགུ་ཁྱི་དགུ་ཕག་དགུ་དང་། །བ་དགུ་མཛོ་དགུ་རྟོལ་བུ་དགུ། །སྦྲུལ་དང་སྦལ་པ་ལྕོང་མོ་དང་། །དགུ་དགུ་འདུས་པའི་ཡས་སྟགས་རྣམས། །དམ་སྲི་ནག་མོ་འཁོར་བཅས་ལ། །འདོད་པའི་ནོར་དང་དཀོར་དུ་བཞེས། །རམ་པ་རུག་པ་ཚྭ་དང་བུལ་ཏོག་དང་། །གྲོ་མ་སྐྱུར་བ་ཤེལ་ཚིགས་དང་། །སྐག་དང་གཡེར་མ་མཚུར་དང་ཚེ། །འདི་རྣམས་འདོད་པའི་ཡས་སུ་བཞེས། །འདི་རྣམས་བཟའ་བའི་ཟས་སུ་བཞེས། །འདི་རྣམས་ལོངས་སྤྱོད་ནོར་དུ་བཞེས། །འདོད་ཡོན་ལྔ་ཡི་མཐུན་རྫས་ཡིན། །དབང་པོ་ལྔ་ཡི་ལྷ་ཚོགས་ཡིན། །འདོད་པའི་ཡས་སྟགས་འདི་རྣམས་ཀུན། །རྒྱུ་སྦྱོར་ཡོན་བདག་འདི་

― CMR038_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ། །མེད་པ་དེ་ནི་མི་ལས་བཙལ། །ཡོད་པ་དེ་ནི་ཕུག་ནས་ཕྱུང་། །སྲ་བ་དེ་ནི་བྲག་ལས་བསྐོས། །སྙི་བ་དེ་ནི་ཆུ་ལས་བཅུས། །ལན་ཆགས་གླུད་དང་ཡས་སུ་འབུལ། །གླུད་མདོས་དམ་པ་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །ཕོ་ཡི་སྟོང་ལ་མ་དགུག་ཅིག །མོ་ཡི་མངལ་ལ་མ་འཇབ་ཅིག །བྱི་སྦ་ཆུང་ནས་མ་གསོད་ཅིག །སྒོ་ཡི་ནོར་ལ་མ་འཕྲོག་ཅིག །ཕུག་གི་སྲིད་ལ་མ་རྐུ་ཞིག །ཁྱིམ་སྒོ་འདི་རུ་མ་འགྲིམ་ཞིག །སྔར་བྱས་གནོད་པས་ཁྱོད་རང་ཕུང་། །དེ་ཕྱིར་མི་གནོད་དམ་ཆོས་ཤིག །རང་གི་ལུས་ལ་དཔེ་ལོངས་ལ། །སེམས་ཅན་གཞན་ལ་གནོད་པ་མ་བྱེད་ཅིག །སྔར་བྱས་མི་དགེའི་ལས་རྣམས་ནི། །ཕྱི་མ་རྣམ་སྨིན་རང་ལ་སྡིག །བདག་ཅག་སྔགས་འཆང་རྣལ་འབྱོར་གྱི། །བདེན་པའི་བཀའ་དྲིན་བཀའ་ལ་ཉོན། །བྱིན་གྱིས་བརླབས་པའི་གླུད་མདོས་བཞེས། །ཕྱིན་ཆད་འཁོར་འདིར་གནོད་པ་མ་བྱེད་ཅིག །རང་རང་གནས་སུ་བདེ་བར་དེངས། །ཁྱོད་མི་ཤ་དག་ལ་ཟ་བསམ་སྟེ། །ཤ་འདི་ཡུམ་མཆོག་སངས་རྒྱས་སྤྱན། །ཟོས་ན་ཡི་ག་འཆིང་བར་བྱེད། །ཁྱོད་མི་ཡི་ཁྲག་ལ་འཐུང་བསམ་སྟེ། །

― CMR038_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་འདི་ཡུམ་མཆོག་མཱ་མ་ཀཱི། །འཐུང་ན་ཡི་ག་འཆིང་བར་བྱེད། །ཁྱོད་མི་ཡི་དྲོད་ལ་བསྙག་བསམ་སྟེ། །དྲོད་འདི་ཡུམ་མཆོག་ན་བཟའ་དཀར། །བསྙག་ན་ཡི་ག་འཆིང་བར་བྱེད། །ཁྱོད་མི་ཡི་དབུགས་ལ་རྩུབ་བསམ་སྟེ། །དབུགས་འདི་ཡུམ་མཆོག་དམ་ཚིག་སྒྲོལ། །རྔུབ་ན་ཡི་ག་འཆིང་བར་བྱེད། །ཟས་ཀྱི་ལ་ཡོག་མྱུར་དུ་སྡིག །ཡང་བུད་མེད་ནག་མོ་གཏི་མུག་ཆེ། །ཕག་ནག་དགུ་པོ་དེད་ལ་སོང་། །བུད་མེད་ནག་མོ་འདོད་ཆགས་ཆེ། །བྱ་ནག་དགུ་པོ་དེད་ལ་སོང་། །བུད་མེད་ནག་མོ་ཞེ་སྡང་ཆེ། །སྦྲུལ་ནག་དགུ་པོ་དེད་ལ་སོང་། །བུད་མེད་ནག་མོ་ཕྲག་དོག་ཆེ། །ཁྱི་ནག་དགུ་པོ་དེད་ལ་སོང་། །ཁྱོད་ཧ་ཅང་སྐྱུར་ལ་དད་མ་ཆེ། །ཧ་ཅང་སྐྱུར་ལ་དད་ཆེ་ན། །གཏི་མུག་བྱོལ་སོང་གནས་སུ་སྐྱེ། །གླེན་ལྐུགས་གནས་ནས་ཐར་དུས་མེད། །ཧ་ཅང་དཀར་ལ་དད་མ་ཚེ། །ཧ་ཅང་དཀར་ལ་དད་ཆེ་ན། །སེར་སྣ་ཡི་དྭགས་གནས་སུ་སྐྱེ། །བཀྲེས་སྐོམ་གནས་ལས་ཐར་དུས་མེད། །ཧ་ཅང་དམར་ལ་དད་མ་ཆེ། །ཧ་ཅང་དམར་ལ་དད་ཆེ་ན། །ཐར་མེད་དམྱལ་བའི་གནས་སུ་འགྲོ། །ཚ་གྲང་སྡུག་བསྔལ་ཐར་དུས་མེད། །

― CMR038_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཉིད་བདེན་པའི་བཀའ་ལ་ཉོན། །བསྔོས་པའི་གླུད་མདོས་འདི་བཞེས་ལ། །མ་ཆགས་མ་འཁོར་དམ་སྲི་མ། །རང་རང་གནས་སུ་བདེ་བར་དེངས། །སྐར་མ་རབ་རིབ་མར་མེ་དང་། །སྒྱུ་མ་ཟིལ་པ་ཆུ་བུར་དང་། །རྨི་ལམ་གློག་དང་སྤྲིན་ལྟ་བུ། །འདུས་བྱས་ཆོས་རྣམས་དེ་ལྟར་ལྟོ། །ལུས་ཀྱི་སྡོམ་པ་ལེགས་པ་ནི། །ངག་གི་སྡོམ་པ་ལེགས་པ་ཡིན་། །ཡིད་ཀྱི་སྡོམ་པ་ལེགས་པ་ན། །ཐམས་ཅད་དུ་ནི་སྡོམ་པ་ལེགས། །རྒྱལ་བའི་བཀའ་འདི་བསྒྲགས་པའི་མཐུས། །ཁྱེད་ཅག་གདུག་རྩུབ་ཞི་གྱུར་ནས། །བྱང་ཆུབ་སེམས་དང་ལྡན་གྱུར་ཅིག །དེ་ནས་མདོས་ཁ་ཕྱིར་བསྒྱུར་ལ་ཡོས་བཀྲ་འབྲུ་ནག་ཚྭ་སྒོག་རམ་རུག་སོགས་རྫོངས་སུ་འདེབས་ཟེར་དུས་འདེབས་འཇུག་ཅིང་། ཀྱཻ། ལྷ་ཡང་གསོན་ལ་འདྲེ་ཡང་ཉོན། །སྲིད་པའི་གཙུག་ལག་བདེན་པའི་གཉེན། །བདག་གི་སྲུང་མ་བཀའ་བདེན་ནོ། །ཡི་དམ་ལྷ་ཚོགས་བཀའ་བདེན་ནོ། །ཆོས་སྐྱོང་སྲུང་མ་བཀའ་བདེན་ནོ། །ཡུལ་ལྷ་ཟོ་དོར་བཀའ་བདེན་ནོ། །རྒྱུ་སྦྱོར་ཡོན་བདག་འདི་དག་ལ། །གནོད་པར་བྱེད་པའི་འདྲེ་བསེན་མ། །འདོད་པའི་ཡས་སྟགས་རྫོངས་སུ་འདེབས། །ཀྱཻ། ངར་གྱི་མི་ཆུང་དགུ། སྨྲ་དང་

― CMR038_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ལ་ལ། འགྲོ་བའི་ཡས་སུ་བཟང་། འདྲེ་བསེན་དགུ་ལ་རྫོ་ངས་སུ་འདེབས། གཏོར་མ་དམར་པོ་དགུ། དམར་དང་སྒ་ར་རོ། འདྲེ་བསེན་དགུ་ལ་རྫོངས་སུ་འདེབས། འདྲེ་རི་ནག་པོ་དགུ། འབའ་དང་དི་རི་རི། འདྲེ་བསེན་དགུ་ལ་རྫོངས་སུ་འདེབས། འབྲང་རྒྱས་ཁྲ་བོ་དགུ། ཁྲ་དང་མེ་རེ་རེ། འདྲེ་བསེན་དགུ་ལ་རྫོངས་སུ་འདེབས། ཏིང་ལོ་ནག་པོ་དགུ། འཁོར་དང་སྒ་ར་ར། འདྲེ་བསེན་དགུ་ལ་རྫོངས་སུ་འདེབས། ཕག་པ་ནག་པོ་དགུ། འདུར་དང་ཞུ་ལུ་ལུ། འདྲེ་བསེན་དགུ་ལ་རྫོངས་སུ་འདེབས། ལྕགས་ཀྱི་ཁྱི་རྒན་དགུ། ཟུག་པ་ལྷངས་སེ་ལྷང་། འདྲེ་བསེན་དགུ་ལ་རྫོ་ངས་སུ་འདེབས། རྔ་མོང་ག་པ་དགུ། འཕག་དང་ལིངས་སེ་ལིང་། འདྲེ་བསེན་དགུ་ལ་རྫོངས་སུ་འདེབས། སྲེག་པ་གལ་བྱེད་དགུ། འཕུར་དང་ཕྱ་ར་ར། འདྲེ་བསེན་དགུ་ལ་རྫོངས་སུ་འདེབས། མཆོང་གི་བྱེ་ལྡེབ་དགུ། སྐྱ་དང་ཐ་ར་ར། འདྲེ་བསེན་དགུ་ལ་རྫོངས་སུ་འདེབས། སྤྲེའུ་ངོ་དམར་དགུ། འཇག་དང་ཁྱུགས་སེ་ཁྱུག །འདྲེ་བསེན་དགུ་ལ་རྫོངས་སུ་འདེབས། བྱ་མོ་ནག་མོ་དགུ། འཕུར་དང་ལྷབས་སེ་ལྷབ། །

― CMR038_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེ་བསེན་དགུ་ལ་རྫོངས་སུ་འདེབས། ནམ་མཁའ་ནག་པོ་དགུ། ནག་དང་ཝངས་སེ་ཝང་། འདྲེ་བསེན་དགུ་ལ་རྫོངས་སུ་འདེབས། མདའ་བཀྲ་ཁྲ་མོ་དགུ། ཁྲ་དང་སི་ལི་ལི། འདྲེ་བསེན་དགུ་ལ་རྫོངས་སུ་འདེབས། འཕང་བཀྲ་གཡུ་ལོ་དགུ། འཁོར་དང་སྒ་ར་ར། འདྲེ་བསེན་དགུ་ལ་རྫོངས་སུ་འདེབས། རྒྱང་བུ་ནག་པོ་དགུ། ནག་དང་ལྕེ་ལྡེམས་སེ་ལྡེམ། འདྲེ་བསེན་དགུ་ལ་རྫོ་ངས་སུ་འདེབས། རེ་བའི་བ་དན་དགུ། ནག་དང་ཕྱ་ར་ར། འདྲེ་བསེན་དགུ་ལ་རྫོངས་སུ་འདེབས། ཤིང་རིས་རྣམ་པ་སྣ་ཚོགས་རྣམས་ཁྲི་དང་མེ་རེ་རེ། འདྲེ་བསེན་དགུ་ལ་རྫོངས་སུ་འདེབས། རྩྭ་སྐྱ་ལྡེམ་པ་དགུ། སྐྱ་དང་སི་ལི་ལི། འདྲེ་བསེན་དགུ་ལ་རྫོངས་སུ་འདེབས། སྟག་རས་གཟིག་རས་དགུ། ཁྲ་དང་མེ་རེ་རེ། འདྲེ་བསེན་དགུ་ལ་རྫོངས་སུ་འདེབས། ནོར་རུ་མིག་དོད་དགུ། ཁྲ་དང་སི་ལི་ལི། འདྲེ་བསེན་དགུ་ལ་རྫོངས་སུ་འདེབས།ཐལ་བའི་མི་མགོ་དགུ། སྐྱ་དང་སུ་ལུ་ལུ། འདྲེ་བསེན་དགུ་ལ་རྫོངས་སུ་འདེབས། མགལ་བུ་མཆུ་ནག་དགུ། ཁྲ་དང་ཚུབས་སེ་ཚུབ། འདྲེ་བསེན་དགུ་ལ་རྫོངས་སུ་འདེབས། ལྟག་

― CMR038_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

རུས་ཁོར་མོ་དགུ། འཁོར་དང་སྒ་ར་ར། འདྲེ་བསེན་དགུ་ལ་རྫོ་ངས་སུ་འདེབས། ཨ་འཁྲང་སྲེ་ལོང་དགུ། བཞད་གད་ལྷངས་སེ་ལྷང་། འདྲེ་བསེན་དགུ་ལ་རྫོངས་སུ་འདེབས། གོ་སྒུམ་རམ་བརྒྱག་དགུ། ཐལ་དང་ཚུབས་སེ་ཚུབ། འདྲེ་བསེན་དགུ་ལ་རྫོ་ངས་སུ་འདེབས། ཟོ་བཤལ་རྐྱལ་བཤལ་དང་། ཚྭ་ཡོས་རམ་རུག་དང་། ཐག་ཆད་རྡང་ཆད་དང་། ནོར་གླུད་ངར་གླུད་འདི། མི་བས་གླུད་རེ་བཟང་། བྱ་བས་སྤུ་རེ་འཐུག །འདྲེ་བསེན་དགུ་ལ་རྫོངས་སུ་འདེབས། ཕྱིན་ཆད་འཁོར་འདིར་གནོད་པ་མ་བྱེད་ཅིག །དེ་ནས་མདོས་ཀྱི་མདུན་ནས་ཐལ་དཀར་གྱིས་ལམ་དགུ་བྲིས་ལ། ལམ་བསྟན་པ་ནི། ལྟེ་ཕུར་མ། དམར་རྒྱན་མ། ཕོ་ཡོང་བཟའ། འབྲོག་བཟའ་ལྷ་ལྕམ། རྩང་བཟའ་ཁྱི་ཐར། ཐིའུ་མོ་ར་ཞོན། གློག་བསེན་མ། རླུང་བསེན་མ། གངས་བསེན་མ། གཡའ་བསེན་མ། སྤང་བསེན་མ། བྲག་བསེན་མ། ནགས་བསེན་མ། ཆུ་བསེན་མ། ས་བསེན། མཁར་བསེན་མ། ཤི་འདྲེ་མ། གསོན་འདྲེ་མ། སྒབ་འདྲེ་མ། ཡུལ་འདྲེ། རྣ་འདྲེ་མ། ལྕིབ་འདྲེ་མ། ཆུ་འདྲེ། དམ་སྲི་མ་རྣམས་འགྲོ་

― CMR038_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

རན༔ འདུག་ས་ལ་ཡུན་མ་རིང་། རང་རང་གནས་སུ་བདེ་བར་དེངས་ཤིག །ཀྱཻ། ཉི་མ་ཤར་ཕྱོགས་ཕ་ཀི་ན། །དུང་གི་མི་རྟ་ཆས་རེ་བཟང་། །དྲི་ཟའི་ཡུལ་དུ་ལམ་བསྟན་ནོ། །འདྲེ་མོ་མང་པོའི་འབོད་གདངས་དི་རི་རི། །གཡབ་དང་དེ་ནི་ལིངས་སེ་ལིང་། །དཔོན་མོ་འདིར་བྱོན་རྗེ་མོ་འདི་བྱོན་ཟེར། བྲོ་རྡུང་དེ་ནི་ཁྲིགས་སེ་ཁྲིག །གླུ་ལེན་དེ་ནི་ཀྱུ་རུ་རུ། །དེ་ཡུལ་དེ་ཡི་ས་ཆ་ན། །མ་མོ་བསེན་མོ་དེ་རུ་སོང་། །མོ་འདྲེ་གསོན་འདྲེ་དེ་རུ་སོང་། །ཡོན་བདག་སྐུ་གླུད་དེ་རུ་འཇལ། །མོ་ངན་འཚེར་རྩུབ་དེ་རུ་སྒྱུར། །ཀྱཻ། ཉི་མ་ལྷོ་ཕྱོགས་ཕ་ཀི་ན། །གཡུ་ཡི་མི་རྟ་ཆས་རེ་བཟང་། །གཤིན་རྗེ་ཡུལ་དུ་ལམ་བསྟན་ནོ། །འདྲེ་མོ་མང་པོའི་འབོད་གདངས་དི་རི་རི། །གཡབ་དང་དེ་ནི་ལིངས་སེ་ལིང་། །དཔོན་མོ་འདིར་བྱོན་རྗེ་མོ་འདི་བྱོན་ཟེར། །བྲོ་བརྡུང་དེ་ནི་ཁྲིགས་སེ་ཁྲིག །གླུ་ལེན་དེ་ནི་ཀྱུ་རུ་རུ། །དེ་ཡུལ་དེ་ཡི་ས་ཆ་ན། །མ་མོ་བསེན་མོ་དེ་རུ་སོང་། །མོ་འདྲེ་གསོན་འདྲེ་དེ་རུ་སོང་། །ཡོན་བདག་སྐུ་གླུད་དེ་རུ་འཇལ། །མོ་ངན་འཚེར་རྩུབ་དེ་རུ་སྒྱུར། །ཀྱཻ། ཉི་མ་ནུབ་ཕྱོགས་ཕ་ཀི་ན། །བྱི་རུའི་མི་རྟ་ཆས་རེ་བཟང་། །ཀླུ་

― CMR038_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་ཡུལ་དུ་ལམ་བསྟན་ནོ། །འདྲེ་མོ་མང་པོའི་འབོད་གདངས་དི་རི་རི། །གཡབ་དང་དེ་ནི་ལིངས་སེ་ལིང་། །དཔོན་མོ་འདིར་བྱོན་རྗེ་མོ་འདི་བྱོན་ཟེར། །བྲོ་བརྡུང་དེ་ནི་ཁྲིགས་སེ་ཁྲིག །གླུ་ལེན་དེ་ནི་ཀྱུ་རུ་རུ། །དེ་ཡུལ་དེ་ཡི་ས་ཆ་ན། །མ་མོ་བསེན་མོ་དེ་རུ་སོང་། །མོ་འདྲེ་གསོན་འདྲེ་དེ་རུ་སོང་། །ཡོན་བདག་སྐུ་གླུད་དེ་རུ་འཇལ། །མོ་ངན་འཚེར་རྩུབ་དེ་རུ་བསྒྱུར། །ཀྱཻ། ཉི་མ་བྱང་ཕྱོགས་ཕ་ཀི་ན། །གསེར་གྱི་མི་རྟ་ཆས་རེ་བཟང་། །གནོད་སྦྱིན་ཡུལ་དུ་ལམ་བསྟན་ནོ། །འདྲེ་མོ་མང་པོའི་འབོད་གདངས་དི་རི་རི། །གཡབ་དང་དེ་ནི་ལིངས་སེ་ལིང་། །དཔོན་མོ་འདིར་བྱོན་རྗེ་མོ་འདི་བྱོན་ཟེར། །བྲོ་བརྡུང་དེ་ནི་ཁྲིགས་སེ་ཁྲིག །གླུ་ལེན་དེ་ནི་ཀྱུ་རུ་རུ། །དེ་ཡུལ་དེ་ཡི་ས་ཆ་ན། །མ་མོ་བསེན་མོ་དེ་རུ་སོང་། །མོ་འདྲེ་གསོན་འདྲེ་དེ་རུ་སོང་། །ཡོན་བདག་སྐུ་གླུད་དེ་རུ་འཇལ། །མོ་ངན་འཚེར་རྩུབ་དེ་རུ་བསྒྱུར། །ངར་འགྲོ་དེ་ནི་ལྡེམས་སེ་ལྡེམ། །མདོས་འགྲོ་དེ་ནི་ཤིགས་སེ་ཤིག །གླུད་འགྲོ་དེ་ནི་སི་ལི་ལི། །མ་ཡམས་དང་ནི་མ་བདུད་དང་། །མོ་འདྲེ་དམ་སྲི་བསེན་མོ་རྣམས། །ཆུ་བོ་ཆེན་པོའི་གཞུང་

― CMR038_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སོང་། །ཀླུ་བདུད་རྣམས་ཀྱི་དགྱེས་སྡེ་མཛོད། །དུར་ཁྲོད་ཆེན་པོའི་གླིང་དུ་སོང་། །མ་མོ་རྣམས་ཀྱི་གཡོག་མོ་མཛོད། །བྲག་རི་དམར་པོའི་རྩ་རུ་སོང་། །བཙན་ཕྲན་རྣམས་ཀྱི་མཛའ་མོ་གྱིས། །བྲག་ཕུག་སྟོང་པའི་ནང་དུ་སོང་། །ཐེའུ་རང་རྣམས་ཀྱི་རྩེ་རོག་མཛོད། །ཀྱེ་མ་དམ་སྲི་དམན་མོའི་ཚོགས། །མཁའ་ལ་རྒྱུ་བའི་ཡི་དྭགས་རིགས། །རྟག་ཏུ་ལྟོགས་སྐོམ་མེ་ལྟར་འབར། །ཤ་ཁྲག་དྲི་ཚོར་བཟོད་གླག་མེད། །དེ་ཕྱིར་ཕྱག་ན་རྡོ་རྗེ་ཡིས། །གནང་བའི་ཟ་ལམ་ཁྱོད་ལ་སྟོན། །སངས་རྒྱས་བསྟན་པ་བཤིག་པ་དང་། །དཀོན་མཆོག་དབུ་འཕང་སྨད་པ་དང་། །བླ་མའི་སྐུ་ལ་བསྡོ་བ་དང་། །ཕྲག་དོག་དུག་སྦྱོར་བྱེད་པ་དང་། །བསྒྲལ་བའི་ཞིང་བཅུ་ཚང་བ་ཡི། །དགྲ་བོ་མ་སྲི་བུ་མང་ལ། །མགོ་ལ་གསེར་དང་གཡུ་ཡིས་བརྒྱན། །ལུས་ལ་དར་དང་ཟབ་ཀྱིས་བརྒྱན། །བྲོ་རྡུང་དེ་ནི་ཁྲིགས་སེ་ཁྲིག །གླུ་ལེན་དེ་ནི་ཀྱུ་རུ་རུ། །འབོད་དང་དེ་ནི་སྟོངས་སེ་སྟོང་། །རྗེ་མོ་འདིར་བྱོན་འདྲེ་མོ་འདིར་ཤོག་ཟེར། །དེ་རུ་སོང་དང་དེ་རུ་སྐྱིད། །ཟ་ཁ་འཐུང་ཁ་དེ་རུ་སྟོན། །ཟད་མེད་ལོངས་སྤྱོད་དེ་ལ་གྱིས། །འདྲེ་མོ་དམན་མོ་གཙཱ་གཙྪ། །ཞེས་ཕྱོགས་

― CMR038_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་ས་དང་རིང་དུ་བསྐྱལ་ལོ། །དེ་ནས་མོ་འདྲེ་དང་འབྲེལ་གཅོད་པ་ནི། རང་གི་སྙིང་ཁར་ཡི་གེ་ཧཱུྃ་མཐིང་ནག་དེ་ལས་ཡེ་ཤེས་ཀྱི་མེ་འབར་བས་བདག་ལུས་གདོས་བཅས། ཤ་ཁྲག་གྲིབ་དང་མི་གཙང་བ་ཐམས་ཅད་བསྲེགས་ནས། མེ་དཔུང་ཆེན་པོར་གྱུར་པའི་དབུས་སུ་རང་ཉིད་ཡེ་ཤེས་ཀྱི་ལུས་ཁྲོ་བོ་མི་གཡོ་བ་ནམ་མཁའ་དྭངས་པའི་མདོག་ཅན། ཞལ་གཅིག་སྤྱན་གསུམ་ཨམ་གཙིགས་བསྡམ་པ། དབུ་སྐྲ་སྤྱི་བོར་བཅིངས་ཤིང་སྨ་ར་དང་ཨག་ཚོམ་མེ་ལྟར་འབར་བ། གཡས་རལ་གྲི་ཀླད་ལ་བསྐོར་ཞིང་གཡོན་སྡིགས་མཛུབ་ཞགས་པ་ཐུགས་ཀར་འཛིན་པ། ཞབས་གཡས་ཀྱི་ཕྱི་རྟིང་དང་གཡོན་གྱི་པུས་མོ་ཉི་ཟླའི་གདན་ལ་བཙུགས་པ། དར་དང་རིན་པོ་ཆེ་སྤྲུལ་གྱིས་བརྒྱན་པ། ཐུགས་ཀར་ཧཱུྃ་ཡིག་གི་ནང་དུ་བསྲུང་བྱ་རྣམས་ཚུད་པར་གྱུར། ཨོཾ་ཨརྱ་ཨ་ཙ་ལ་དམན་མོ་ཙཀྵ་བྷནྡྷ་བྷནྡ་ཁ་ཐཾ་ཁ་ཐཾ། ཁ་ཆིངས་ཁ་ཆིངས་སྭཱ་ཧཱ། ཞེས་ལན་བདུན་ནམ་ཉེར་གཅིག་ཙམ། ༀ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ བདག་ཅག་མི་ནོར་ཐམས་ཅད་ལ་སྲུངས་ཤིག་རཀྵ་རཀྵ། ཞེས་བརྒྱ་ཙམ་བཟླའོ། །འདི་མ་ཤེས་ན་རྫ་མདོས་མང་དུ་བཅས་པས་འདྲིས་འབག་གི་ཚུལ་དུ་ཆགས་སེམས་ཀྱིས་འདྲེ་མོ་རྗེས་སུ་འབྲངས་ནས། རང་གི་བུ་

― CMR038_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

སྨད་དང་ནོར་སྒབ་ལ་གནོད་དོགས་ཡོད། རང་སྲུང་འདི་ཤིན་ཏུ་ཟབ་ཨྠྀི། ཤིང་རིས་བསྡུས་པ་འཇའ་རིས་ཀྱིས་ཆོག་ལ། རྒྱས་པར་ཤིང་རིས་དགུ་ཡི་སྟེང་དུ་ནོར་བུ་ཉི་ཟླ་སྐར་གསུམ་ཀུན་དང་འདྲ། དེ་འོག་ལྟེ་ཕུར་མ་ལ་ཕུར་པ་དང་སྤྱང་ཀི༔ དེ་བཞིན་དུ་ནགས་རི། བྲག་རི། སྤང་རི། སྤྲིན། མཁར། ཆུ། མེ། རླུང་རྣམས་ཀྱི་གཟུགས་བྲི། དེ་འོག་ཏུ་སོ་སོའི་ཞོན་པ་བརྒྱད། རྒྱས་པར་སྤྲོ་ན། བྱ་མོ་ནག་མོ་ལ་སོགས་ཡས་སྟགས་ཀྱི་གཟུགས་ཅི་རིགས་སུ་བྲིའོ། །སོ་སོའི་མཇུག་ཏུ་ལྟེ་ཕུར་མ་ལ་འབུལ་ལོ་སོགས་འབྲིའོ། །ཞེས་པ་འདི་ནི་དཔལ་ལྡན་ལྷ་མོའི་རྒྱུད་གཞུང་རྣམས་ནས། ལྟེ་ཕུར་མའི་མནན་བསྲེགས་རྐྱང་པ་དང་། ལྷ་འདྲེ་བཀའ་ཐང་། བཙུན་མོ་བཀའི་ཐང་། དགུ་མདོས་ཀྱི་བཅའ་ཐབས་ཡིག་རྙིང་དང་། རྫ་མདོས་ལྟེ་ཕུར་མ། ཤ་ཞོན་མ། གཡུ་རྩེ་མ། ཀུ་སུ་ལུས་གསུངས་པའི་གསོན་འདྲེ་མའི་བཅའ་ཐབས་རྣམས་མདོར་བསྡུས་ཏེ། མ་འོངས་སེམས་ཅན་རྣམས་ལ་ཕན་པའི་སེམས་བསྐྱེད་ནས། །སྔགས་ནག་༧ རཱ་ག་ཨ་སྱས་བསྒྲིགས་པ་སྟེ། ཡི་གེ་པ་ནི་གླིང་གི་བཙུན་པ་པདྨ་དད་པས་བྲིས། འདི་བྲིས་ཉེས་འགལ་མཆིས་ན་བཤགས་ཤིང་། འདྲེ་མོ་རྣམས་བླུད་ཀྱིས་ཚིམས་ནས་ཕན་པ་དང་། ཡོན་བདག་རྣམས་རྐྱེན་ངན་ཞི་ནས་བདེ་བས་ཡུན་རིང་འཚོ་བར་གྱུར་ཅིག །མངྒ་ལཾ། །། ༧ ནང་ཆེན་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཙན་མཆོད་བདེ་ལེགས་ཀུན་འབྱུང་རི་ཆོས་མཚམས་ཀྱི་ཞལ་གདམས།

― CMR038_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་མཆོད་བདེ་ལེགས་ཀུན་འབྱུང་རི་ཆོས་མཚམས་ཀྱི་ཞལ་གདམས་བཞུགས་སོ།

― CMR038_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཡི་དམ་དཔའ་བོ་མཁའ་འགྲོ་ལ། །གཉིས་མེད་གུས་པའི་ཚུལ་གྱིས་ཕྱག་འཚལ་ལོ། །རི་ཆོས་མཚམས་ཀྱི་ཞལ་གདམས་ལས། །བཙན་མཆོད་བདེ་ལེགས་ཀུན་འབྱུང་བསྟན། །དེ་ལ་དངོས་རྫས་བསགས་པ་དང་། །ལྟ་སྒོམ་སྤྱན་འདྲེན་མཆོད་འབུལ་དང་། །ཕྲིན་བཅོལ་གཤེགས་གསོལ་སྤྱི་དོན་དྲུག་ཏུ་བསྟན། །དེ་ལ་མཐུན་རྫས་བསགས་པ་ནི། །རིན་ཆེན་སྣོད་དུ་བཤོས་ལྡེམ་བརྗིད་ལྡན་ནི། །བཙན་བཤོས་གཡོན་དཀྱུས་འཁོར་བདུན་གྱིས་བསྐོར་བྱ། །མདུན་དུ་ཁ་ཤའི་རྭ་ལ་མཚལ་བྱུག་བཙུགས། །གཡས་སུ་སེ་བའི་བལ་ཚོན་དམར་པོ་དང་། །གཡོན་དུ་མི་དམར་མགོ་ལ་བྱ་སྤུ་ཅན། །རྒྱབ་ནས་བཙན་བྱ་དམར་པོ་ཀླད་ལ་ལྡིང་། །ནམ་མཁའ་ལྗང་བུ་མདའ་དང་མདུང་ལ་སོགས། །ཀུན་

― CMR038_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་བདུན་རེའི་གྲངས་སུ་ཤེས་པར་གྱིས། །སྟག་རས་གཟིག་རས་དར་ཚོན་འཕན་དར་སོགས། །ཤ་དར་ཚིལ་དར་ལ་སོགས་འབྱོར་དང་བསྟུན། །བྱ་དམར་ཁྱི་དམར་རྟ་དམར་མི་དམར་སོགས། །མར་མེ་ཏིང་ལོ་ཆངས་བུ་ཤ་དུམ་སོགས། །ནས་འབྲས་གྲོ་དང་དཀར་གསུམ་མངར་གསུམ་སོགས། །ཀུན་ཀྱང་བདུན་རེའི་གྲངས་ནི་ངེས་པར་དགོས། །འཛོམ་ན་ཤོག་བཀྲ་གྲི་ཤིང་གང་རུང་ལ། །བསེ་ཁྲབ་བསེ་རྨོག་མདའ་གཞུ་རལ་གྲི་དང་། །མདུང་དང་ཞགས་པ་རུ་མཚོན་དམར་པོ་སོགས། །རྔམས་ཤིང་བརྗིད་དང་ལྡན་པ་བཤམ་པར་བྱ། །སྔགས་དྲུག་ཕྱག་དྲུག་དག་གིས་བྱིན་གྱིས་རླབས། །དེ་ནི་ཐོག་མར་རྫ་ས་ཀྱི་རིམ་པའོ།། །།གཉིས་པ་རང་ཉིད་ལྷ་སྒོམ་རིམ་པ་ནི། །རང་ཉིད་གནས་གྱུར་སྐད་ཅིག་དྲན་རྫོགས་

― CMR038_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

སུ། །རྟ་མགྲིན་དམར་པོ་གཡས་པས་དབྱུག་ཏོ་འཛིན། །གཡོན་པས་སྡིགས་མཛུབ་བཀའ་འདས་ཡོངས་སུ་བསྒྲལ། །སྐུ་ལས་ཁྲོ་ཆས་མ་ལུས་རབ་ཏུ་རྫོགས། །སྤྱི་གཙུག་རྟ་དབུ་ལྗང་ཁུར་འཚེར་བ་ཡིས། །བཙན་གྱི་གཙོར་བྱས་སྡེ་བརྒྱད་མ་ལུས་ཀུན། །ཤ་རུས་སྦྲང་མ་འདུས་པའི་ངང་ཚུལ་གྱིས། །ཞལ་གྱི་འཛུམ་མདངས་བསྟན་ནས་བྱོན་པར་བསམ། །ཡི་དམ་གཞུང་བཏོན་རང་ཉིད་སྟན་ལ་འདུག །གསུམ་པ་སྤྱན་འདྲེན་རིམ་པ་འདི་སྐད་དོ།། ཧཱུྃ་ཧཱུྃ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཕྱོགས་བཞི་མཚམས་བརྒྱད་ན། །བཙན་རྗེ་རྒྱལ་པོ་འཁོར་དང་བཅས། །གནས་འདིར་སྤྱན་འདྲེན་གཤེགས་སུ་གསོལ། །ཤར་ཕྱོགས་དུང་མཁར་ལྡེམ་པ་ནས། །བཙན་རྗེ་མི་དཀར་རྟ་དཀར་ཅན། །དར་མདུང་དུང་ཁྲབ་དུང་རྨོག་ཅན། །མདའ་གཞུ་འཁོར་གསུམ་སྐུ་ལ་བརྒྱན། །ཁྱེད་ཀྱིས་ཞི་བའི་ལས་མཛོད་ལ། །གནས་འདིར་སྤྱན་འདྲེན་གཤེགས་སུ་གསོལ། །ལྷོ་ཕྱོགས་གསེར་མཁར་ལྡེམ་པ་ནས། །བཙན་རྗེ་མི་སེར་རྟ་སེར་ཅན། །གསེར་མདུང་གསེར་ཁྲབ་གསེར་རྨོག་གསོལ། །མདའ་གཞུ་འཁོར་གསུམ་སྐུ་ལ་བརྒྱན། །ཁྱེད་ཀྱིས་རྒྱས་པའི་ལས་

― CMR038_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་ལ། །གནས་འདིར་སྤྱན་འདྲེན་གཤེགས་སུ་གསོལ། །ནུབ་ཕྱོགས་ཟངས་མཁར་ལྡེམ་པ་ནས། །བཙན་རྗེ་མི་དམར་རྟ་དམར་ཅན། །ཟངས་མདུང་ཟངས་ཁྲབ་ཟངས་རྨོག་གསོལ། །ཁྱེད་ཀྱིས་དབང་གི་ལས་མཛོད་ལ། །གནས་འདིར་སྤྱན་འདྲེན་གཤེགས་སུ་གསོལ། །བྱང་ཕྱོགས་གཡུ་མཁར་ལྡེམ་པ་ནས། །བཙན་རྗེ་མི་སྔོན་རྟ་སྔོན་ཅན། །གཡུ་མདུང་གཡུ་ཁྲབ་གཡུ་རྨོག་གསོལ། །མདའ་གཞུ་འཁོར་གསུམ་སྐུ་ལ་གསོལ། །ཁྱེད་ཀྱིས་དྲག་པོའི་ལས་མཛོད་ལ། །གནས་འདིར་སྤྱན་འདྲེན་གཤེགས་སུ་གསོལ། །ཧཱུྃ། ཕྱོགས་ཕྱོགས་དག་ཀྱང་སྟེང་གི་ཕྱོགས་རོལ་ནས། །ཕྱོགས་མེད་ནམ་མཁའ་ཡངས་པའི་དཀྱིལ་འཁོར་ནས། །ལྷ་བཙན་དཀར་པོ་ཞི་ཚུལ་བག་དང་ལྡན། །ཁྲོས་པའི་ཆ་ལུགས་ལྷ་བཙན་འབར་བའི་སྐུ། །མི་བརྫུ་དགུ་བརྫུ་སྤྲུལ་པ་སྣ་ཚོགས་འགྱེད། །།རྣལ་འབྱོར་བདག་གིས་གདུང་བས་སྤྱན་འདྲེན་ན། །མ་ཐོགས་གནས་འདིར་མྱུར་དུ་གཤེགས་སུ་གསོལ། །ཧཱུྃ། བོད་ཁམས་མཐའ་དབུས་ཀུན་ལ་དབང་བསྒྱུར་བའི། །བཙན་རྒོད་འབར་བ་མ་རུངས་མཆེད་སྡེ་བདུན། །སྔོན་ཚེ་སློབ་

― CMR038_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་པདྨའི་སྤྱན་སྔ་རུ། །ཁས་བླངས་དམ་བཅའ་བཞིན་དུ་ད་ཚུར་བྱོན། །དགེ་བསྙེན་ཆེན་པོ་རྡོ་རྗེ་དྲག་པོ་རྩལ། །རྡོ་རྗེ་དབང་བཙན་རྡོ་རྗེ་ཡེ་ཤེས་རྩལ། །རྡོ་རྗེ་མཆོང་རྒོད་རྡོ་རྗེ་གཡང་དྲུང་རྩལ། །རྡོ་རྗེ་དགྲ་འཇོམས་རྡོ་རྗེ་ལེགས་པ་རྩོལ། །ཀུན་ཀྱང་མི་བཟད་ཆོ་འཕྲུལ་དུ་མ་སྟོན། །རྣལ་འབྱོར་བདག་གིས་གདུང་བས་སྤྱན་འདྲེན་ན། །མ་ཐོགས་གནས་འདིར་མྱུར་དུ་གཤེགས་སུ་གསོལ། །ཧཱུྃ། ཕྱོགས་བཞི་མཚམས་བརྒྱད་སྟེང་འོག་ཐམས་ཅད་དང་། །ས་འོག་ས་སྟེང་ས་བླ་གནས་པའི་བཙན། །འདས་དང་མ་འདས་ཡེ་ཤེས་འཇིག་རྟེན་གྱི། །བཙན་རྒོད་འབར་བ་མ་རུངས་འཁོར་བཅས་རྣམས། །དམ་ཚིག་དབང་གིས་གནས་འདིར་གཤེགས་སུ་གསོལ། །གཞན་ཡང་གནམ་བཙན་དང་ནི་ས་བཙན་དང་། །གངས་བཙན་དང་ནི་གཡའ་བཙན་དང་། །ཆུ་བཙན་དང་ནི་བྲག་བཙན་དང་། །ལ་བཙན་དང་ནི་ལུང་བཙན་དང་། །བར་སྣང་ཁམས་ན་གནས་པའི་བཙན་རྣམས་དང་། །ཁ་བཞི་མིག་བརྒྱད་ཡ་བ་རྐྱ་གཅིག་དང་། །བཀའ་དང་དམ་ལ་གནས་པའི་བཙན་རྣམས་ཀྱང་། །མ་ཐོགས་གནས་འདིར་གཤེགས་སུ་གསོལ། །བཞི་པ་མཆོད་པ་

― CMR038_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ་བ་ནི། །ཧཱུྃ། བཙན་རྗེ་རྒྱལ་པོ་འཁོར་དང་བཅས་པ་ལ། །དངོས་འབྱོར་ཡིད་སྤྲུལ་མཆོད་པ་འབུལ་བ་ནི། །རིན་ཆེན་སྣོད་དུ་བཤོས་དམར་རི་ལྟར་སྤུངས། །རང་རང་དགྱེས་པའི་མཆོད་རྫས་སྣ་ཚོགས་དང་། །འདོད་ཡོན་ལྔ་སོགས་མཆོད་རྫས་བསམ་མི་ཁྱབ། །བཙན་རྒོད་འབར་བ་འཁོར་དང་བཅས་ལ་འབུལ། །གཞན་ཡང་མཆོད་པའི་བྱེ་བྲག་སྣ་ཚོགས་འདི། །རང་རང་མཐུན་པའི་བཤོས་བུ་སྣ་ཚོགས་དང་། །དམ་རྫས་མཁོ་དགུ་རི་ལྟར་སྤུངས་པ་འདི། །བཙན་རྗེ་རྒྱལ་པོ་འཁོར་དང་བཅས་ལ་འབུལ། །གོ་ཁྲབ་དར་མདུང་རལ་གྲི་རུ་མཚོན་དང་། །བསེ་ཕུག་སྟག་རིལ་གཟིག་ཤུབས་འཁོར་གསུམ་རྣམས། །བཙན་རྗེ་རྒྱལ་པོ་འཁོར་དང་བཅས་ལ་འབུལ། །ནམ་མཁའ་མདའ་འཕང་ཤིང་རིས་གཟུགས་འགྲོས་དང་། །བཙན་རྟ་བཙན་ཁྱི་བཙན་བྱ་མི་དམར་སོགས། །བཙན་རྗེ་རྒྱལ་པོ་འཁོར་དང་བཅས་ལ་འབུལ། །འབྲུ་སྣ་ཁྲག་སྣ་རིན་ཆེན་སྣ་ཚོགས་དང་། །ཕྱེ་མར་མདའ་དར་སྣང་སྲིད་མེ་ལོང་རྣམས། །བཙན་རྗེ་རྒྱལ་པོ་འཁོར་དང་བཅས་ལ་འབུལ། །དར་ཚོན་འཕན་དང་སྟག་རས་གཟིག་རས་དང་། །མར་མེ་ཞལ་ཟས་

― CMR038_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

ཆངས་བུ་མཐེབ་སྐྱ་སོགས། །བཙན་རྗེ་རྒྱལ་པོ་འཁོར་དང་བཅས་ལ་འབུལ། །ཤ་དང་ཁྲག་དང་རུས་པ་ནང་རོལ་དང་། །དབང་པོ་རྣམ་ལྔ་གསང་བའི་དམ་རྫ་ས་འདི། །བཙན་རྗེ་རྒྱལ་པོ་འཁོར་དང་བཅས་ལ་འབུལ། །ལྔ་པ་ཕྲིན་ལས་བཅོལ་བ་ནི། །ཧཱུྃ། བཙན་རྗེ་རྒྱལ་པོ་འཁོར་དང་བཅས་རྣམས་ལ། །རྣལ་འབྱོར་བདག་གིས་ཕྲིན་ལས་བཅོལ་བ་ནི། །སངས་རྒྱས་བསྟན་པ་གཉན་པོ་ཁྱེད་ཀྱིས་སྲུངས། །དཀོན་མཆོག་གསུམ་གྱི་དབུ་འཕང་ཁྱོད་ཀྱིས་བསྟོད། །བླ་མ་དམ་པའི་ཕྲིན་ལས་ཁྱོད་ཀྱིས་སྒྲུབས། །རྣལ་འབྱོར་བདག་གིས་སྐུ་ཚེ་ཁྱོད་ཀྱིས་སྲིངས། །སྦྱིན་བདག་སྐུ་ཡི་བར་ཆད་ཁྱོད་ཀྱིས་ཟློག །བྱིས་པ་ཆུང་གི་འགལ་རྐྱེན་ཁྱོད་ཀྱིས་སོལ། །མི་མཐུན་རྐྱེན་ངན་བར་ཆད་ཁྱོད་ཀྱིས་ཟློག །སྡང་དགྲ་གདོན་བགེགས་བསམ་ངན་སྦྱོར་རྩུབ་དང་། །ངན་སྔགས་མཐུ་དང་མི་ཁ་བྲ་མཆུ་སོགས། །མིང་ཙམ་མེད་པར་ཐལ་བ་རྡུལ་དུ་རློགས། །གཞན་ཡང་ཁྱེད་ལ་ཕྲིན་ལས་བཅོལ་བ་ནི། །བདག་དང་རྒྱུ་སྦྱོར་ཡོན་བདག་ལ། །ན་བ་སེལ་ལ་ཚ་བ་སེལ། །ཡོ་བ་བསྲང་ལ་ཆད་པ་མཐུད། །རལ་བ་དྲུབ་ལ་གས་པ་སྦྱོར། །ལ་ཁ་གསུམ་ནས་སོ་མ་བཙུགས། །

― CMR038_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་ཁུང་གསུམ་ནས་སོ་མ་བཙུགས། །ལུང་ཁུང་གསུམ་ནས་རྐུ་མ་འཇབས། །བྲག་དམར་ཟུར་ནས་མདའ་མ་འཕེན། །རྒྱུ་ལམ་གཞུང་ནས་མི་མ་བཤའ། །ལམ་འཕྲང་དཀྱིལ་ནས་སར་མ་འདེབས། །དམག་གི་ཚུལ་དུ་གོ་མ་གྱོན། །ཇག་པའི་ཚུལ་དུ་འཕྲུ་མ་བཙུགས། །རྐུན་མའི་ཚུལ་དུ་ཞགས་མ་འདེབས། །སྐྱེས་པ་ཕོ་ཡི་སེམས་མ་དཀྲུགས། །ཟ་མ་མོ་ཡི་མངལ་མ་བརྐུ། །འདོ་བ་རྟ་ཡི་གཡང་མ་བརྐུ། །རྣལ་འབྱོར་བདག་གིས་ཁྱོད་མཆོད་ནས། །ཉི་མ་དེ་རིང་ཕྱིན་ཆོད་ལ། །ཁྱོད་ལ་ཐུགས་ཀྱང་དོ་མི་བསྡོ། །ཁྱོད་ལ་ཕོག་ཀྱང་མདའ་མི་འཕེན། །སྔར་བྱས་ལས་ཀྱི་གཉེར་ལེན་བྱེད། །ད་བྱས་ལས་ཀྱི་གཏང་རག་འབུལ། །།སྡང་བའི་དགྲ་བོ་མྱུར་དུ་སྒྲོལ། །ཉིན་གསུམ་ཉིན་གྱི་བྱ་ར་གྱིས། །མཚན་གསུམ་མཚན་གྱི་མེལ་ཚེ་མཛོད། །བདག་དང་རྒྱུ་སྦྱོར་ཡོན་བདག་ལ། །མཐུ་དཔུང་སྡོང་གྲོགས་མགོན་སྐྱབས་མཛོད། །དྲུག་པ་གཤེགས་སུ་གསོལ་བ་ནི། །ཡེ་ཤེས་བཙན་རྣམས་དབྱིངས་སུ་གཤེགས། །འཇིག་རྟེན་བཙན་རྣམས་རང་ཡུལ་གཤེགས། །འབྱུང་པོ་ས་འོག་རྒྱུ་བ་དང་། །གང་ཡང་ས་སྟེང་འཁོད་པ་དང་། །ས་

― CMR038_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

བླར་རྒྱུ་བ་གང་ཡིན་པ། །མགུ་བར་གྱིས་ལ་རང་གནས་སུ། །ཐམས་ཅད་ཐམས་ཅད་འགྲོ་བར་གྱིས། ཕྱིར་དུ། །ཞེས་བཙན་མཆོད་བདེ་ལེགས་ཀུན་འབྱུང་འདི། །འགྲོ་བ་ཉམ་ཆུང་དག་ལ་ཕན་ཕྱིར་དུ། །སྔགས་ཀྱི་བཙུན་པ་རཱ་ག་ཨ་སྱས་མཛད། །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཤ་རུ་བཙན་མཆོད།

― CMR038_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་རུ་བཙན་མཆོད་ནི། ཤིང་བྱང་ལ་བཙན་མཁར་དང་བཙན་མི་དམར་རྟ་དམར་བཅས་པ་ཕྱག་གཡས་ན་ནོར་བུ་གཡོན་ན་མདའ་དར་འཛིན་པ་བྲི། བཙན་ཁྱི་ར་ལུག །མདའ་དར་མདུང་དར་ཤ་རུ་དམར་པོ་བྱས་ལ་ཁང་ཐོག་གམ་བྲག་དམར་སོགས་ལ་བཙན་མཁར་བརྩིགས་ལ་དེའི་ནང་དུ་དམར་གཏོར་ལྔ་བཞག་གོ་མགོ་ལ་སྤྱི་ལྟར་བཤམས་པ་དང་གསོལ་ཁ་གང་མོས་བཤམས་མདུན་བསྐྱེད་བྱ་ན་འདི་སྐད་དོ།། ཧོ༔ མདུན་དུ་དཀྱིལ་འཁོར་གྱི་ནང་དུ་རིན་པོ་ཆེ་སྣ་ཚོགས་ལས་གྲུབ་པའི་བཙན་མཁར་གྱི་ནང་དུ་བཙན་གྱི་རྒྱལ་པོ་ཤུ་བ་ལག་རིང་། སྐུ་མདོག་དཀར་པོ་ཞལ་གཅིག་ཕྱག་གཉིས་པ། གཡས་ནོར་བུ་འཛིན་པ། གཡོན་མདའ་དར་དང་པདྨ་འཛིན་པ། སྐུ་ལ་ཟ་འོག་གི་བེར་གསོལ་བ། རྟ་མཆོག་དམར་པོ་ཕུད་དཀར་ལ་ཆིབས་པ། སྟག་རལ་གཡས་དང་གཟིག་ཤུབས་གཡོན་དུ་བརྒྱན་པ། འཁོར་ཡང་དེ་འདྲ་བ་འབུམ་གྱིས་བསྐོར་བར་གྱུར། དེའི་ཤར་ཕྱོགས་སུ་བཙན་མི་དཀར་རྟ་དཀར་ལ་ཞོན་པ། སྐུ་ལ་དར་དཀར་གྱི་རལ་ག་གསོལ་བ། ཕྱག་གཡས་ཡིད་བཞིན་གྱི་ནོར་བུ་དང་གཡོན་མདའ་དར་དང་པདྨ་འཛིན་པ། སྟག་རས་གཡས་ལ་གཟིག་ཤུབས་གཡོན་དུ་བརྒྱན་པ། འཁོར་ཡང་དེ་འདྲ་བ་འབུམ་གྱིས་བསྐོར་བའོ། །ལྷོ་ཕྱོགས་སུ་

― CMR038_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་མི་སེར་རྟ་སེར་ལ་ཆིབས་པ། སྐུ་ལ་དར་སེར་པོའི་ན་བཟའ་གསོལ་བ། ཕྱག་གཡས་ཡིད་བཞིན་གྱི་ནོར་བུ་དང་། གཡོན་མདའ་དར་དང་པདྨ་འཛིན་པ། སྟག་རལ་གཡས་ལ་གཟིག་ཤུབས་གཡོན་དུ་བརྒྱན་པ། འཁོར་ཡང་དེ་འདྲ་བ་འབུམ་གྱིས་བསྐོར་བ། ནུབ་ཕྱོགས་སུ་བཙན་མི་དམར་རྟ་དམར་ལ་བཅིབས་པ། སྐུ་ལ་དར་དམར་གྱི་རལ་ག་གསོལ་བ། ཕྱག་གཡས་ཡིད་བཞིན་གྱི་ནོར་བུ་དང་། གཡོན་མདའ་དར་དང་པདྨ་འཛིན་པ། སྟག་རལ་གཡས་ལ་གཟིག་ཤུབས་གཡོན་དུ་བརྒྱན་པ། འཁོར་ཡང་དེ་འདྲ་བ་འབུམ་གྱིས་བསྐོར་བ། བྱང་ཕྱོགས་སུ་བཙན་མི་ལྗང་རྟ་ལྗང་ལ་བཅིབས་པ། སྐུ་ལ་དར་ལྗང་རལ་ག་གསོལ་བ། ཕྱག་གཡས་ཡིད་བཞིན་ནོར་བུ་དང་། གཡོན་མདའ་དར་དང་པདྨ་འཛིན་པ། སྟག་རལ་གཡས་ལ་གཟིག་ཤུབས་གཡོན་དུ་བརྒྱན་པ། འཁོར་ཡང་དེ་འདྲ་བ་འབུམ་གྱིས་བསྐོར་བ། དེའི་ཕྱི་རོལ་དུ་འབྱུང་བ་ལྔའི་བཙན་རིགས་སུམ་བརྒྱ་དྲུག་ཅུསབསྐོར་བ། དེའི་ཕྱི་རོལ་དུ་བཙན་ཕྲན་བྱེ་བ་ས་ཡའི་ཚོགས་ཀྱིས་བསྐོར་བའོ། །ཛཿཧཱུྃ་བཾ་ཧོཿ ཞེས་པས་སྤྱན་འདྲེན་པ་འདི་སྐད་དོ།། ཀྱཻ། དགུང་སྔོན་མཐོན་པོའི་ཡང་སྟེང་

― CMR038_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །ཡུལ་ཡང་ཆེ་བཙན་བཙན་གྱི་ཡུལ། །བཙན་མཁར་དམར་པོ་ལྡེམས་སེ་ལྡེམ། །བཙན་གྱི་ཕོ་ཉ་སི་ལི་ལི། །གཡུ་ཡི་ན་བུན་ཐུ་ལུ་ལུ། །དུང་གི་སེར་བ་ཤ་ར་ར། །སྟེང་ན་བཙན་བྱ་སྲེག་པ་ལྡིང་། །བཙན་གྱི་ཁྱི་ཟུག་ཁེངས་སེ་ཁང་། །བཙན་མཁར་དེ་ཡི་ནང་ཤེད་ན། །རྒྱལ་པོ་ཤུ་བ་ལག་རིང་བཞུགས། །མི་དཀར་དེ་ནི་རྟ་རུ་དཀར། །སྐུ་ལ་ཟ་འོག་བེར་ཆེན་གསོལ། །ཕྱག་གཡས་ཡིད་བཞིན་ནོར་བུ་བསྣམས། །བདག་ལ་དགོས་འདོད་ཆར་བཞིན་ཕོབ། །ཕྱག་གཡོན་མདའ་དར་པདྨ་འཛིན། །ལྷ་འདྲེ་མི་གསུམ་དབང་དུ་སྡུས། །སྟག་རལ་གཡས་ལ་གཟིག་ཤུབས་གཡོན། །རིན་ཆེན་རྒྱན་གྱིས་མཛེས་པར་བརྒྱན། །འཁོར་དུ་བཙན་དམག་བྱེ་བས་བསྐོར། །ལྷ་སྲིན་སྡེ་བརྒྱད་ཕྱག་བརྙན་འགྱེད། །སྤྲུལ་པའི་བ་སྤུ་ཉག་རེ་ལ། །བཙན་དམག་སྤྲུལ་པ་དཔག་མེད་འགྱེད། །ཐོག་དང་སེར་བའི་སྣ་འདྲེན་བྱེད། །སྐུ་སྤྲུལ་བདུད་དམག་བརྒྱད་ཁྲི་འགྱེད། །གསུང་སྤྲུལ་གཤིན་རྗེ་འབུམ་འབུམ་འགྱེད། །ཐུགས་སྤྲུལ་བཙན་དམག་སྟོང་སྟོང་འགྱེད། །ཞལ་ནས་རིན་ཆེན་ཆར་པ་འབེབས། །གཡས་ན་ཉི་མ་རེ་རེ་

― CMR038_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

རེ། །གཡོན་ན་ཟླ་བ་སྒ་ར་ར། །གཟའ་ཆེན་བརྒྱད་ཀྱི་སྤྲུལ་པ་འགྱེད། །ཁྱེད་ཀྱི་སྐུ་ཡི་མཚན་གསོལ་བ། །འཇིག་རྟེན་ཀུན་ཁྱབ་ཅེས་ཀྱང་བྱ། །འཛམ་གླིང་ཀུན་ལ་ཁྱབ་པར་རྒྱུག །ཞེ་ས་རིམ་གྲོའི་ཚུལ་དུ་མཆོད། །མཆོད་ཅིང་བསྟོད་ལ་ཕྲིན་ལས་མཛོད། །ཅེས་དང་། བསྟོད་པ་ནི། ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཤར་ཕྱོགས་དྲི་ཟ་བཙན་གྱི་རྗེ། །མི་ཡང་དཀར་པོ་རྟ་ཡང་དཀར། །སྐུ་ལ་དར་དཀར་རལ་ག་གསོལ། །ཕྱག་གཡས་ཡིད་བཞིན་ནོར་བུ་བསྣམས། །བདག་ལ་དགོས་འདོད་ཆར་ལྟར་ཕོབ། །གཡོན་པས་མདའ་དར་པདྨ་འཛིན། །ལྷ་འདྲེ་མི་གསུམ་དབང་དུ་བསྡུས། །སྟག་རལ་གཡས་ལ་གཟིག་ཤུབས་གཡོན། །བཙན་ཕྲན་འབུམ་ནི་ཕོ་ཉར་འགྱེད། །ཁྱོད་ལ་མཆོད་པ་འབུལ་བ་ནི། །ཞེ་ས་རིམ་གྲོའི་ཚུལ་དུ་མཆོད། །མཆོད་ཅིང་བསྟོད་ལ་དངོས་གྲུབ་སྩོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ལྷོ་ཕྱོགས་གྲུལ་བུམ་བཙན་གྱི་རྗེ། །མི་ཡང་སེར་ལ་རྟ་ཡང་སེར། །སྐུ་ལ་དར་སེར་རལ་ག་གསོལ། །ཕྱག་གཡས་ཡིད་བཞིན་ནོར་བུ་བསྣམས། །བདག་ལ་དགོས་འདོད་ཆར་ལྟར་ཕོབ། །གཡོན་པས་མདའ་དར་

― CMR038_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་འཛིན། །ལྷ་འདྲེ་མི་གསུམ་དབང་དུ་བསྡུས། །སྟག་རལ་གཡས་ལ་གཟིག་ཤུབས་གཡོན། །བཙན་ཕྲན་འབུམ་ནི་ཕོ་ཉར་འགྱེད། །ཁྱོད་ལ་མཆོད་པ་འབུལ་བ་ནི། །ཞེ་ས་རིམ་གྲོའི་ཚུལ་དུ་མཆོད། །མཆོད་ཅིང་བསྟོད་དོ་བར་ཆད་སོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ནུབ་ཕྱོགས་རླུང་ལྷ་བཙན་ཀྱི་རྗེ། །མི་ཡང་དམར་ལ་རྟ་ཡང་དམར། །སྐུ་ལ་དར་དམར་རིལ་ག་གསོལ། །ཕྱག་གཡས་ཡིད་བཞིན་ནོར་བུ་བསྣམས། །བདག་ལ་དགོས་འདོད་ཆར་ལྟར་ཕོབ། །གཡོན་པས་མདའ་དར་པདྨ་འཛིན། །ལྷ་འདྲེ་མི་གསུམ་དབང་དུ་བསྡུས། །སྟག་རལ་གཡས་ལ་གཟིག་ཤུབས་གཡོན། །བཙན་ཕྲན་འབུམ་ནི་ཕོ་ཉར་འགྱེད། །ཁྱོད་ལ་མཆོད་པ་འབུལ་བ་ནི། །ཞེ་ས་རིམ་གྲོའི་ཚུལ་དུ་མཆོད། །མཆོད་ཅིང་བསྟོད་དོ་རྐྱེན་ངན་ཟློག །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །བྱང་ཕྱོགས་གནོད་སྦྱིན་བཙན་གྱི་རྗེ། །མི་ཡང་ལྗང་ལ་རྟ་ཡང་ལྡང་། །སྐུ་ལ་དར་ལྗང་རལ་ག་གསོལ། །ཕྱག་གཡས་ཡིད་བཞིན་ནོར་བུ་བསྣམས། །བདག་ལ་དགོས་འདོད་ཆར་ལྟར་ཕོབ། །གཡོན་པས་མདའ་དར་པདྨ་འཛིན། །

― CMR038_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་འདྲེ་མི་གསུམ་དབང་དུ་བསྡུས། །སྟག་རལ་གཡས་ལ་གཟིག་ཤུབས་གཡོན། །བཙན་ཕྲན་འབུམ་ནི་ཕོ་ཉར་འགྱེད། །ཁྱོད་ལ་མཆོད་པ་འབུལ་བ་ནི། །ཞེ་ས་རིམ་གྲོའི་ཚུལ་དུ་མཆོད། །མཆོད་ཅིང་བསྟོད་དོ་ནད་གདོན་ཞི། །ཀྱཻ། གནམ་བཙན་དང་ནི་ས་བཙན་དང་། །ཆུ་བཙན་དང་ནི་བྲག་བཙན་དང་། །འབྱུང་བ་ལྔ་ལས་བྱུང་བའི་བཙན། །བཙན་དུ་མ་གྱུར་གང་ཡང་མེད། །དྲག་པོ་བཙན་གྱི་སྡེ་ཚོགས་ལ། །བ་ལི་ཞལ་ཟས་འདི་བཞེས་ལ། །བསང་དང་མཆོད་པ་འདི་ཕུལ་ལོ། །ཞི་རྒྱས་དབང་དྲག་ཕྲིན་ལས་མྱུར་འགྲུབ་ཤོག །རྣལ་འབྱོར་བདག་ཅག་འཁོར་བཅས་དང་། །རྒྱུ་སྦྱོར་ཡོན་གྱི་བདག་པོ་ལ། །སྟོང་གསུམ་ནོར་གྱི་དངོས་གྲུབ་སྩོལ། །འཛམ་གླིང་གཏེར་གྱི་དངོས་གྲུབ་སྩོལ། །སྙན་གྲགས་དབང་གི་དངོས་གྲུབ་སྩོལ། །ཕྱོགས་བཞི་མཚམས་བརྒྱད་གར་འགྲོ་ཡང་། །བར་ཆད་བདུད་དཔུང་ཞི་བར་མཛོད། །དོན་རྣམས་མ་ལུས་འགྲུབ་པར་མཛོད། །ཅེས་བཙན་མཆོད་ཡིད་བཞིན་ནོར་བུ་རྫོགས་སོ། །སྔགས་འཆང་རཱ་གས་བགྱིས་པའོ། །བཀྲ་ཤིས་པར་གྱུར་ཅིག །

བརྒྱ་བཞི་སྡོང་རྒྱན་ཁ་འབར་མ་རྣམས་ཀྱི་མདོས་ཆོག་ལ་ཉེ་བར་མཁོ་བའི་བདག་མདུན་བསྐྱེད་ཆོག

― CMR038_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་བཞི་སྡོང་རྒྱན་ཁ་འབར་མ་རྣམས་ཀྱི་མདོས་ཆོག་ལ་ཉེ་བར་མཁོ་བའི་བདག་མདུན་བསྐྱེད་ཆོག་བཞུགས་སོ།།

― CMR038_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་སྔགས་དང་རིག་སྔགས་དང་གཟུངས་སྔགས་ཀྱི་ངོ་བོ་རྡོ་རྗེ་འཛིན་པ་རྣམས་ལ་ཕྱག་འཚལ་ལོ། །འདིར་སྒྲུབ་པ་པོ་ལ་ཕ་རོལ་གྱི་ཅོད་གཏོང་ཟློག་པ། འཆི་བ་བསླུ་བའི་ཆེད་དུ་དཔལ་རྡོ་རྗེ་གདན་གྱི་ཆོས་སྐྱོང་བར་བྱེད་པ། ཡི་དྭགས་ཀྱི་ཚུལ་བཟུང་ཞིང་རིགས་སུ་གཏོགས་པ་ཁ་ལ་མེ་འབར་མ་ལ་གཏོར་མ་གཏོང་བའི་རིགས་ལ་བཞི། ཞེས་གསུངས་ཏེ། ཁ་འབར་མ་དང་། བརྒྱ་བཞིའི་ཆོ་ག །སྡོང་པོ་རྒྱན་པའི་མདོས་གང་བྱེད་ཀྱང་འདྲ་སྟེ། དང་པོ་དྲི་བཟང་གིས་བྱུག་པའི་མཎྜལ་གྱི་དབུས་དང་ཕྱོགས་མཚམས་སུ། མེ་ཏོག་ཚོམ་བུ་བཅོ་ལྔ་བཀོད་ཅེས་གསུངས་པས། མཎྜལ་གྱི་སྟེང་དུ་ནས་སམ་འབྲས་སྤོས་ཆུས་སྦགས་ཏེ་ཚོམ་བུའི་སྲོལ་འདུག་ཀྱང་མཎྜལ་མེད་ན་ནས་གཙང་མས་སྤྱི་འཚམས་སུ་བཀོད། དེའི་སྟེང་

― CMR038_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

མཉྫིའི་ཁར་ཐུབ་པའི་གསེར་སྐུ་ཡོད་ན་བཞག །མེད་ཀྱང་རུང་། ཉེར་སྤྱོད་ལ་སོགས་པའི་མཆོད་པ་ཞེས་པ། དེའི་མདུན་དུ་མཆོད་པ་རྣམ་བདུན་ལེགས་པར་བཤམས་ལ། གཉིས་པ་ནི། རང་ཉིད་ལྷ་གང་རུང་གི་རྣལ་འབྱོར་སྔོན་དུ་སོང་བས། ཞེས་གསུངས་པས། མཐོང་བ་བརྒྱུད་པ་ནི། སངས་རྒྱས་ཆོས་དང་སོགས་ལན་གསུམ། ཨོཾ་སྭ་བྷ་ཝས་སྦྱངས་ལ། ཆོས་རྣམས་ཐམས་ཅད་སྟོང་པར་གྱུར། །དེ་ཡི་ངང་ལས་སྐད་ཅིག་གིས། །པད་ཟླའི་སྟེང་དུ་རང་ཉིད་ནི། །ཐུགས་རྗེ་ཆེན་པོ་སྐུ་མདོག་དཀར། །ཞལ་གཅིག་ཕྱག་གཉིས་གཡས་པ་ཡི། །མཆོག་སྦྱིན་གཡོན་པས་ཨུཏྤལ་འཛིན། །རྡོ་རྗེའི་སྐྱིལ་མོ་ཀྲུང་གིས་བཞུགས།

― CMR038_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་འོང་རྒྱན་དང་ལྡན་པར་གྱུར། །ཐུགས་ཀར་ཧཱུྃཡིག་མཐའ་སྐོར་དུ། །ཡི་གེ་དྲུག་གིས་བསྐོར་བར་གྱུར། །ཨོཾ་མ་ཎི་པདྨེ་ཧཱུྃ། བརྒྱ་རྩ་བཟླ། མཆོད་བསྟོད་བྱའོ། །མཎྜལ། ཨོཾ་བཛྲ་ཡཀྵ་ཧཱུྃ་གིས་བསངས། ཨོཾ་སྭ་བྷ་ཝ་སོགས་ཀྱིས་སྦྱངས། སྟོང་པའི་ངང་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་མེད་ཁང་གྲུ་བཞི་སྒོ་བཞི་རྟ་བབས་དང་བཅས་པ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་པདྨ་འདབ་མ་བཅུ་བཞི་པའི་ལྟེ་བར་པདྨ་དང་ཟླ་བའི་གདན་ལ། བཅོམ་ལྡན་འདས་ཐུབ་པའི་དབང་པོ་སྐུ་མདོག་གསེར་བཙོ་མ་ལྟ་བུ་ཞལ་ཕྱག་གཉིས་གཡས་ས་གནོན་གཡོན་མཉམ་གཞག་གི་ཕྱག་རྒྱ་ཅན། ན་བཟའ་ཆོས་གོས་གསུམ་དང་ལྡན་ཞིང་བྱང་ཆུབ་ཀྱི་ཤིང་ལ་སྐུ་རྒྱབ་གཏད་པ། ཤར་གྱི་འདབ་མ་ལ་འཕགས་པ་འཇིག་རྟེན་དབང་ཕྱུག །གཞན་རྣམས་ལ་གཡས་སྐོར་དུ་རིམ་པ་བཞིན་དུ། ཤཱ་རིའི་བུ། མོའུ་འགལ་གྱི་བུ། རབ་འབྱོར། འོད་སྲུང་། ཀུན་དགའ་བོ། ཀ་ཏ་ཡཱ་ན། མ་ཕམ་པ། ཉེ་བར་འཁོར། མདུན་ནས་གཡོན་སྐོར་དུ། ཀུན་ཤེས་ཀོའུ་ཌི་ཏྱཱ། བ་ཀུ་ལ། རླངས་པ། རྟ་ཐུལ། མིང་ཆེན་རྣམས་ཆོས་གོས་གསུམ་དང་

― CMR038_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་ཞིང་རབ་ཏུ་བྱུང་བའི་ཆ་བྱད་ཅན་གྱིས་འབྱུང་པོ་ཐམས་ཅད་སེམས་ཞི་བར་བྱེད་ནུས་པ་ཅན་དུ་གྱུར། རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས། །བཅོམ་ལྡན་ཤཱཀྱ་སེང་གེ་ལ་སངས་རྒྱས་བྱང་ཆུབ་སེམས་དཔའ་དང་ཁྲོ་བོ་ཁྲོ་མོའི་ཚོགས་དཔག་ཏུ་མེད་པས་བསྐོར་བ་བཛྲ་ས་མཱ་ཛ༔ མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཆོས་རྣམས་ཀུན་གྱི་དབང་ཕྱུག་གཙོ། །བཙོ་མ་གསེར་གྱི་མདོག་འདྲ་ཞིང་། །ཉི་མ་ལས་ལྷག་གཟི་བརྗིད་ཆེ། །དད་པས་སྤྱན་ནི་དྲངས་བར་བགྱི། །ཞི་ཞིང་ཐུགས་རྗེ་ཆེ་ལྡན་པ། །དུལ་ཞིང་བསམ་གཏན་ས་ལ་བཞུགས། །ཆོས་དང་ཡེ་ཤེས་ཆགས་བྲལ་བ། །ཀུན་ཏུ་མི་བཟད་ནུས་པར་ལྡན། །ཚུར་སྤྱོན་ཚུར་སྤྱོན་ཞི་དག་ལྷ། །ཐུབ་པ་སྐྱེས་མཆོག་ཐམས་ཅད་མཁྱེན། །འདིར་ནི་གཟུགས་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །དུས་མིན་འཆི་བའི་བར་ཆད་ཟློག །ཨོཾ་

― CMR038_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཀཱ་མ་ལཱ་ཡ་ཧཱུྃ། ཞེས་གདན་འབུལ། དེ་ནས་མཆོད་པ་རྣམས་བསངས་སྦྱངས་ཞེས་གསུངས་པས། ཨོཾ་བཛྲ་ཡཀྵ་ཧཱུྃ། ཨོཾ་བཛྲ་ཛྭ་ལ་ཨ་ན་ལ་ཧཱ་ན་དཱ་ཧ་པ་ཙ་མ་ཐ་བྷནྡྷ་ར་ཎ་ཧཱུྃ་ཕཊ༔ ཨོཾ་སྭ་བྷཱ་ཝ་སོགས། སྟོང་པའི་ངང་ལས་ཨོཾ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿཧཱུྃ་འོད་དུ་ཞུ་བ་ལས་མཆོད་ཡོན། མེ་ཏོག །བདུག་སྤོས། སྣང་གསལ༔ དྲི་ཆབ། ཞལ་ཟས། རོལ་མོ་ལ་སོགས་པའི་མཆོད་རྫས་དྭངས་ཤིང་ཐོགས་པ་མེད་པ། འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་ལས་ཀྱང་ཆེས་ཆེར་ལྷག་པ་རབ་འབྱམས་ནམ་མཁའི་མཐའ་ཀླས་པ་རྒྱས་པར་འགེངས་ཤིང་འཁོར་བ་ཇི་སྲིད་མ་སྟོངས་ཀྱི་བར་དུ་རྒྱུན་མི་འཆད་པ་འཕགས་པ་རྣམས་མཉེས་པར་བྱེད་པའི་རང་བཞིན་ཅན་དུ་གྱུར། ཐལ་མོ་ཁོང་སྟོང་སྦྱར་བ་ནམ་མཁའ་མཛོད་ཀྱི་ཕྱག་རྒྱས། ཨོཾ་སརྦ་བིད་པཱུ་ར་སོགས། ཨོཾ་བཛྲ་སྤ་ར་ཎ་ཁཾ། ཨོཾ་སརྦ་བིད་ཨརྒྷཾ་ཨཱཿཧཱུྃ། དེ་བཞིན་དུ། པུཥཱ་ནས། ཤརྡ་ཨཱཿཧཱུྃ། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །ཇི་སྙེད་རྒྱལ་བ་སྲས་དང་

― CMR038_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས། །དེ་སྙེད་རྣམས་ལ་མཆོད་འབུལ་ན། །ཐུགས་རྗེའི་མངའ་བ་ཁྱེད་རྣམས་ཀྱིས། །ཅི་བདེ་བར་ནི་བཞེས་ནས་ཀྱང་། །སེམས་ཅན་དོན་ཀུན་མཛད་དུ་གསོལ། །མཆོད་ཡོན་གྱི་མལ་དུ། མེ་ཏོག །བདུག་སྤོས། སྣང་གསལ། དྲི་ཆབ། ཞལ་ཟས། རོལ་མོ། རྣམས་ལ་ཤོ་ལོ་ཀ་རེ་རེ་བཞིན་སྦྱར། ཨོཾ་སརྦ་ཏ་ཐཱ་ག་ཏཱ་ཨཧཱུྃ་པྲ་ཏིཙྪ། ནས་ཧཱུྃ། དེ་བཞིན་དུ་ཨརྒྷཾ་གྱི་གནས་སུ། པུཥཱ་དྷ་པེ་ཨཱ་ལོ་ཀེ་གནེ་ནེ་ཝི་དྱ་ཤབྡ་པྲ་ཏཱིཙྩ་ནས་ཧཱུྃ། བར་ཤོ་ལོ་ཀ་རེ་རེའི་མཐར་སྦྱར། བསྟོད་པ་ནི། མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པ་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་བསྟོད། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་གྲོལ་བའི། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་བསྟོད། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་རྣམས་ལ་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་

― CMR038_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་བསྟོད། །ཨོཾ་མུ་ནི་མུ་ནི་མ་ཧཱ་མུ་ནི་སྭཱ་ཧཱ། འདི་ཁ་འབར་མ་དང་བརྒྱ་བཞི། །སྡོང་པོ་རྒྱན་མདོས་ཀུན་ལ་ཁྱད་པར་མེད་པར་མི་བསྐྱོད་ཞབས་ཀྱིས་མཛད་པ་ལས་ཨ་རཱ་གས་བསྒྲིགས་པ་ཉེས་འགལ་མཆིས་ན་སྲུང་མ་རྣམས་ལ་བཤགས་སོ།། ༈ མདུན་བསྐྱེད་ཐུབ་དབང་རྡོ་རྗེ་གདན་པ་ཞེས། །གཙོ་འཁོར་གསུམ་བསྐྱེད་མཆོད་བསྟོད་འདི་ལྟར་དུ། །སྐད་ཅིག་དྲན་རྫོགས་གྱེར་སྒོམ་སྦྲགས་པས་འཐུས། །ཐོག་མར་ཐུབ་དབང་གཙོ་འཁོར་གསུམ་བསྐྱེད་ནི། །ཨོཾ་སྭ་བྷ་ཝས་སྦྱང་། སྟོང་པའི་ངང་ལས་ཕུང་པོའི་བདུད་སེར་པོ། ཉོན་མོངས་པའི་བདུད་དམར་པོ། འཆི་བདག་གི་བདུད་ནག་པོ། ལྷའི་བུའི་བདུད་དཀར་པོ་རྣམས་ཀྱི་སྟེང་དུ་སེང་གེས་བཏེག་པའི་རིན་པོ་ཆེའི་ཁྲི་སྣ་ཚོགས་པདྨ་དང་རྡོ་རྗེ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དེ་ལས་འོད་ཟེར་འཕྲོས་འཕགས་པ་མཆོད། སེམས་ཅན་གྱི་དོན་བྱས། སླར་འདུས་ཡོངས་སུ་གྱུར་པ་ལས། ཐུབ་དབང་རྡོ་རྗེ་གདན་པ་སྐུ་མདོག་གསེར་བཙོ་མའི་མདོག་ཅན་ཞལ་གཅིག་ཕྱག་གཉིས་པའི། གཡས་ས་གནོན་དང་གཡོན་ཏིང་ངེ་འཛིན་གྱི་ཕྱག་རྒྱ་ཅན། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། ན་བཟའ་ཆོས་གོས་རྣམ་

― CMR038_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ངུར་སྨྲིག་གསོལ་ཞིང་། མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་སྤྲས་པ། ཚངས་པར་སྤྱོད་པའི་ཆ་ལུགས། དེ་ཡི་གཡས་སུ་བྱམས་པ་སེར་པོ་གཡས་རིན་པོ་ཆེའི་རྔ་ཡབ་དང་། གཡོན་ཀླུ་ཤིང་གི་ཡལ་ག་མེ་ཏོག་དང་བཅས་པ་འཛིན་པ། གཡོན་དུ་སྤྱན་རས་གཟིགས་དབང་ཕྱུག་དཀར་པོ་གཡས་རིན་པོ་ཆེའི་རྔ་ཡབ་དང་གཡོན་པདྨ་དཀར་པོ་འཛིན་པ། གཉིས་ཀ་མཉམ་པའི་སྟབས་ཀྱིས་བཞེངས་ཤིང་། རིན་པོ་ཆེའི་རྒྱན་དང་དར་སྣ་ཚོགས་ཀྱི་ན་བཟའ་ཅན་བཅོམ་ལྡན་འདས་ཀྱི་ཞལ་ལ་བལྟ་ཞིང་བཞུགས་པ། དེ་དག་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས་དེ་བཞིན་གཤེགས་པ་ཐམས་ཅད་དམ་ཚིག་གསུམ་བཀོད་གཙོ་འཁོར་གསུམ་གྱི་རྣམ་པར་ཨོཾ་བཛྲ་ས་མ་ཡ་ཛ༔ ཨོཾ་ཤཱཀྱ་མུ་ནི་ས་པ་རི་ཝཱ་ར་ཨནྡྷཾ་པྲ་ཏཱིཙྪ་སྭཱ་ཧཱ། པཱཏྱཾ་སོགས་ནས་ཤབྡའི་བར་གྱིས་མཆོད། ཛཿཧཱུྃ་བཾ་ཧོཿ སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མ་ཡ་ཛ༔ ཨོཾ་པཉྩ་ཀུ་ལ་ས་པ་རི་ཝཱ་ར་ཨགྣི་

― CMR038_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། ཤརྡ་ཡན་བརྗོད་ལ། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་བ་བསྩལ་དུ་གསོལ། ཞེས་གསོལ་བ་བཏབ་པས། ཨོཾ་བཛྲ་བྷ་ཝ་ཨ་བྷི་ཥིཉྩ་ཧཱུྃ༔ ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར་སྐུ་གང་དྲི་མ་དག །ཆུ་ཡི་ལྷག་མ་ཡར་ལུད་པ་ལས་གཙོ་བོ་ལ་མི་བསྐྱོད་པ། བྱམས་པ་ལ་རྣམ་པར་སྣང་མཛད། སྤྱན་རས་གཟིགས་ལ་འོད་དཔག་མེད་ཀྱིས་དབུར་བརྒྱན། ཨོཾ་ཤཱཀྱ་མུ་ནི་ས་པ་རི་ཝཱ་ར་ཨརྒྷཾ་པྲ་ཏིཙྪ་སྭཱ་ཧཱ། དེ་བཞིན་དུ། པུཎྜེ་ནས་ཤབྡའི་བར་གྱིས་མཆོད། དེ་ནས་བསྟོད་པ་ནི། དྲིལ་བུ་འཁྲོལ་ཞིང་། ཐབས་མཁས་ཐུགས་རྗེས་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་མཆོག་ལ་ཕྱག་འཚལ་བསྟོད། །རྣམ་དག་སྐུ་མངའ་མཆོག་ཏུ་གཟུགས་བཟང་བ། །ཡེ་ཤེས་རྒྱ་མཚོ་གསེར་གྱི་ལྷུན་པོ་འདྲ། །གྲགས་པ་འཇིག་རྟེན་གསུམ་ན་ལྷམ་མེ་བ། །མགོན་པོ་མཆོག་བརྙེས་ཁྱོད་ལ་ཕྱག་འཚལ་བསྟོད། །འཇམ་དབྱངས་ཕྱག་ན་རྡོ་རྗེ་སྤྱན་རས་གཟིགས། །ས་ཡི་སྙིང་པོ་སྒྲིབ་པ་རྣམ་པར་སེལ། །ནམ་མཁའི་སྙིང་པོ་བྱམས་པ་

― CMR038_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་བཟང་། །ཉེ་བའི་སྲས་ཆེན་བརྒྱད་ལ་ཕྱག་འཚལ་བསྟོད། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་བསྩལ་དུ་གསོལ། ཨོཾ་བཛྲ་སཏཱ་ས་མ་ཡ་སོགས་ཡི་གེ་བརྒྱ་པས་ཁ་བཀང་བར་བྱའོ། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བརྒྱ་བཞིའི་ཆོ་ག་མདོ་སྔགས་ཟུང་འཇུག་གི་ལུགས། དངོས་ཀྱི་བརྒྱ་བཞི་རྒྱས་བསྡུས་གཉིས། གཟུགས་བརྙན་གྱི་བརྒྱ་བཞི་རྒྱས་བསྡུས་གཉིས། ཏིང་ངེ་འཛིན་གྱི་བརྒྱ་བཞི་དང་ལྔ་ཡི་ཕྱག་ལེན་འདོན་ཆ་འགྲིགས་ཆོག་ཏུ་བཀོད་པ།

― CMR038_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་བཞིའི་ཆོ་ག་མདོ་སྔགས་ཟུང་འཇུག་གི་ལུགས། དངོས་ཀྱི་བརྒྱ་བཞི་རྒྱས་བསྡུས་གཉིས། གཟུགས་བརྙན་གྱི་བརྒྱ་བཞི་རྒྱས་བསྡུས་གཉིས། ཏིང་ངེ་འཛིན་གྱི་བརྒྱ་བཞི་དང་ལྔ་ཡི་ཕྱག་ལེན་འདོན་ཆ་འགྲིགས་ཆོག་ཏུ་བཀོད་པ། དེ་ལྟར་རྒྱས་བསྡུས་ལྔ་པོ་འབྱོར་པ་དང་བསྟུན་མཛོད་འདོན་ཆ་གཞུང་ལ་ཁྱད་པར་མེད་དོ། །

― CMR038_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤཱཀྱ་མུ་ནི་བཛྲ་པཱ་ཎི་ཡེ། །ཐུབ་དབང་གསང་བདག་བཅས་ལ་ཕྱག་འཚལ་ནས། །མདོ་སྔགས་ཟུང་འཇུག་བརྒྱ་བཞི་ཁྱེར་བདེར་བཀོད། །འགྲོ་ལ་ཕན་ཕྱིར་བཀའ་གནང་བྱིན་གྱིས་རློབས། །གོང་དུ་མཆོད་གཞི་པད་འདབ་བཅུ་བཞིའམ། །ཡང་ན་ཚོམ་བུ་བཀོད་སྟེང་མཎྜལ་ཁར། །ཐུབ་དབང་སྐུ་བཤམས་མདུན་ནས་གཡས་བསྐོར་དུ། །མཆོད་པ་སྣ་བདུན་སྤྱི་ལྟར་བཤམས་པར་བྱ། །འོག་ཏུ་ས་སྟེགས་སྟེང་དུ་རྡུལ་ཚོན་ནམ། །ཡང་ན་གཞི་སྟེང་ཤོག་བུར་བྲིས་པས་ཆོག །གྲུ་བཞི་སུམ་རིམ་སྟེང་དུ་འདབ་བརྒྱད་དབུས། །ཐུབ་པའི་ཕྱག་གཡས་བཅག་གྲུ་གང་གི་ཚད། །ཕྱག་སོར་བཞི་ལ་བདུད་བཞིའི་གཟུགས་དེ་ནི། །སྔགས་པས་བྱེད་ན་འཇིམ་གཟུགས་བྱེད་སྲོལ་འདུག །དེ་ལ་མི་གཟུགས་དཀར་སེར་དམག་ནག་

― CMR038_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི། །དེ་ལ་ཕྱག་མཚན་ལ་སོགས་མི་དགོས་སོ། །བཙུན་པས་བྱེད་ན་ཙཀ་ལི་གཞུང་ནས་བཤད། །ཟན་ནམ་ཡུངས་རྡོག་སོགས་ལ་བཙུགས་ནས་བཞག །ཕྱག་མཐིལ་སྡེར་ནང་ཡོན་བདག་དེ་ཡི་གཟུགས། །ངར་མི་ཆངས་བུས་བསྐོར་ལ་གོས་དུམ་བསྐོན། །དེ་མཐར་ཚ་ཚ་བརྒྱ་ཡིས་བསྐོར་བ་ནི། །སཱཙྪ་འདེབས་ཆོག་བྱིན་རླབས་སོགས་མི་དགོས། །ཡིག་དྲུག་འདོན་ཅིང་བཏབ་པས་འཐུས་པ་ཡིན། །དེ་རྒྱབ་མར་མེ་བརྒྱ་ཡིས་བསྐོར་བ་དང་། །དེ་རྒྱབ་ལྷ་བཤོས་ཆུང་བ་བརྒྱ་དང་ནི། །ཟན་དུམ་འདྲ་བས་མཐེབ་སྐྱུ་བརྒྱ་ཡིས་བསྐོར། །དེ་རྒྱབ་ངར་མི་བརྒྱ་དང་ཆངས་བུ་བརྒྱ། །དེ་ནི་ཡོན་བདག་འབྱོར་བ་རབ་རྣམས་ཀྱིས། །བརྒྱ་བཞི་དངོས་སུ་བཤམས་པ་རྒྱས་པ་ཡིན། །དེ་ལས་ཅུང་ཞིག་བསྡུས་པར་འདོད་པ་ན། །མཐེབ་སྐྱུ་ཆངས་བུ་

― CMR038_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ནི་མི་དགོས་སོ། །ཡང་ན་གཏོར་མའི་ཚབ་ལ་མཐེབ་སྐྱུདང་། །ངར་མིའི་ཚབ་ལ་ཆངས་བུས་ཆོག་པར་བཤད། །ཡང་ན་གཏོར་མ་ཤར་དང་མར་མེ་ལྷོ། །སཱཙྪ་ནུབ་དང་ངར་མི་བྱང་དུ་བཤམས། །འབྱོར་པ་འབྲིང་ལ་གཟུགས་བརྙན་བརྒྱ་བཞི་སྟེ། །དང་པོ་སཱཙྪ་ཉེར་ལྔ་སྔོན་ལྟར་ཏེ། །དེ་རྒྱབ་འཇིམ་པའམ་ཡུང་གི་ཀོང་བུའི་ནང་། །སྡོང་བུ་ལྔ་རེ་བཙུགས་པའི་མར་མེ་ལྔ། །དེ་རྒྱབ་ལྷ་བཤོས་དང་ནི་ངར་མི་ཡང་། །ཉི་ཤུ་རྩ་ལྔ་རེ་ཡིས་བསྐོར་བར་བྱ། །དེ་རྒྱབ་ཕྱོགས་བཞིར་མདའ་འམ་སྙུག་རྒོད་ལ། །མེ་ལོང་བཞི་བཏགས་གཟུགས་བརྙན་བརྒྱ་བཞི་ཚང་། །དེ་ལས་བསྡུས་ན་སཱཙྪ་བཅུ་ཡིས་ཆོག །མར་མེ་བཞི་ལ་སྡོང་བུ་ལྔ་རེ་འོ། །བཤོས་བུ་ངར་མི་ཡང་ན་བཅུ་རེ་བྱ། །གཞུང་ལས་དོན་ལ་ཀློབཅུ་རེ་ཚང་ཞེས་གསུངས། །དེ་ཉིད་འདོན་ཚེ་ལག་ཏུ་མེ་ལོང་བཟུང་། །མེ་ལོང་ཕྱི་ཞིང་ལན་བཅུ་བསྟན་པས་འཐུས། །དེ་ནི་གཟུགས་བརྙན་བརྒྱ་བཞི་རྒྱས་བསྡུས་སོ། །ཐ་མ་ཏིང་ངེ་འཛིན་གྱི་བརྒྱ་བཞི་ནི། །སཱཙྪ་གཅིག་དང་དེ་བཞིན་མར་མེ་གཅིག །ངར་མི་ལྷ་བཤོས་གཉིས་ནི་བཞི་རེ་བྱ། །ཏིང་ངེ་འཛིན་གྱི་བརྒྱ་རེ་ཡིད་ཀྱིས་སྤྲུལ། །འདོན་ཆ་རྣམས་ནི་ཚར་གཅིག་འདོན་པ་སྟེ། །དམིགས་པ་གསལ་ན་དེས་ཀྱང་འགྲུབ་པ་སྟེ། །མི་གསལ་ན་ནི་ཕན་ཐོགས་ཆུང་བར་བཤད། །འོན་ཀྱང་མོ་ལུང་སེལ་ཙམ་འོང་བ་ཡིན། །དེ་ལྟར་རྒྱས་བསྡུས་འབྲིང་གསུམ་གང་བྱེད་ཀྱང་། །གོང་དུ་ཐུབ་པའི་སྐུ་དང་མཆོད་པ་དང་། །འོག་ཏུ་ཐུབ་པའི་ཕྱག་མཐིལ་ངར་མི་དང་། །ཕྱག་སོར་བདུད་བཞིའི་གཟུགས་རྣམས་

― CMR038_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ལ་དགོས། །དེ་ནས་མཆོད་པ་ཐམས་ཅད་བྲན་བྱས་ཏེ། །བདག་བསྐྱེད་སྤྱན་རས་གཟིགས་ཀྱི་སྒོམ་བཟླས་དང་། །མདུན་བསྐྱེད་ཐུབ་པ་སྤྱན་འདྲེན་མཆོད་བསྟོད་ནི། །ཁུངས་བཙུན་མི་བསྐྱོད་ཞབས་ཀྱིས་མཛད་ལྟར་འདོན། །དེ་ནས་འདི་དག་གྱེར་སྒོམ་སྦྲགས་པས་འཐུས། ཨོཾ་སྭ་བྷ་ཝ་སོགས། ཆོས་རྣམས་ཡེ་ནས་མི་དམིགས་སྟོང་པའི་ངང་། །ཡཾ་རཾ་བཾ་ལཾ་ལས་བྱུང་འབྱུང་རིམ་བརྩེགས། །དེ་ལྟར་སྣང་སྟོང་མཁའ་ལ་འཇའ་ཤར་ལྟར། །ཐུབ་པའི་ཕྱག་གཡས་ཡངས་ཤིང་རྒྱ་ཆེ་བ། །མཛུབ་མོའི་སྟེང་དུ་ལྷ་ཡི་བུ་ཡི་བདུད། །དཀར་པོ་ལྷ་ཕྲུག་གཞོན་ནུའི་ཆ་བྱད་ཅན། །གུང་མོའི་སྟེང་དུ་ཉོན་མོངས་པ་ཡི་བདུད། །དམར་པོ་སྒེག་ཅིང་ཆགས་པའི་ཉམས་ལྡན་པ། །སྲིན་ལག་སྟེང་དུ་ཕུང་པོའི་བདུད་སེར་པོ། །བྲམ་ཟེའི་ཆ་ལུགས་རྒས་ཤིང་འཁོག་པའི་ཉམས། །མཐེའུ་ཆུང་སྟེང་དུ་འཆི་བདག་བདུད་ནག་པོ། །གཤིན་རྗེའི་ཆ་ལུགས་ཁྲོ་ཞིང་གཏུམ་པའི་གཟུགས། །བཞི་ཀས་ལག་ན་ཁྲམ་ཤིང་ཞགས་པ་ཐོགས། །རང་རང་རིགས་མཐུན་འཁོར་ཚོགས་རྒྱ་མཚོས་བསྐོར། །ཕྱག་མཐིལ་འབྲུ་མཆོག་ངར་གྱི་མི་བོ་ཆེ། །ཕུང་ཁམས་སྐྱེ་མཆེད་ཆ་ལུགས་ཡོངས་སུ་རྫོགས། །སྦྱིན་བདག་དངོས་འདྲ་དངོས་

― CMR038_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བརྒྱ་སྟོང་ལྷག །རང་འདྲའི་སྤྲུལ་པ་གདོན་གྱི་གྲངས་མཉམ་འཕྲོ། །ཚ་ཚ་རྣམས་ནི་ཧཱུྃ་ཡིག་དཀར་པོ་ལས། །འོད་འཕྲོས་རྣམ་སྣང་དཔག་མེད་སྤྱན་དྲངས་ཐིམ། །ཨོཾ་ཨཱཿཧཱུྃ་གིས་སྐུ་གསུང་ལྷུན་འགྲུབ་པའི། །རྣམ་རྒྱལ་མཆོད་རྟེན་དཀར་པོ་བརྒྱ་ཕྲག་ནི། །ཕུང་པོའི་བདུད་རྣམས་སེལ་བའི་བྱིན་རླབས་ཅན། །བཻ་རོ་ཙ་ན་ཨོཾ་གྱིས་བྱིན་གྱིས་བརླབས། །ཀོང་བུ་པདྨ་མར་ཁུ་ཟླ་དཀྱིལ་དབུས། །སྡོང་བུ་ཧཱུྃ་ལས་ཡེ་ཤེས་ལྔ་ཡི་མེ། །ཉོན་མོངས་བདུད་རྣམས་སེལ་བའི་འོད་ཅན་དུ། །བཛྲ་དྷི་པཾ་ཧཱུྃ་གིས་བྱིན་གྱིས་བརླབས། །འབྲུ་སྣའི་བཤོས་བུ་རོ་བརྒྱ་ནུས་པ་སྟོང་། །དཀར་ཟླུམ་རི་རབ་ཙམ་པ་བརྒྱ་ཕྲག་ནི། །ལྷ་བུའི་བདུད་རྣམས་སེལ་བའི་བཅུད་ལྡན་དུ། །བཛྲ་ནེ་ཝི་དྱ་ཡིས་བྱིན་གྱིས་བརླབས། །ངར་མི་འཕྲུལ་གྱི་མི་ཕོ་ཡ་མཚན་ཅན། །གླ་ལེན་བྲོ་རྡུང་བྱེད་པ་བརྒྱ་ཕྲག་སྟེ། །འཆི་བདག་བདུད་རྣམས་བཟློག་པའི་སྟོབས་ལྡན་དུ། །བཛྲ་རཱུ་པ་ཧཱུྃ་གིས་བྱིན་གྱིས་བརླབས། །རང་ཉིད་སྤྱན་རས་གཟིགས་ཀྱི་འོད་ཟེར་གྱིས། །མདུན་གྱི་ཐུབ་པའི་ཐུགས་ཀར་ཕོག་པ་ཡིས། །ཐུབ་པའི་ཐུགས་ལས་འོད་ཟེར་འཕྲོས་བྱས་པས། །དཔེར་ན་ཉི་མ་དང་ནི་འོད་

― CMR038_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་བཞིན། །ཐུབ་པའི་འཁོར་དུ་ཁྲོ་བོའི་ཚོགས་བཞུགས་པ། །སྤྲོས་ཏེ་གདོན་གྱི་ཚོགས་རྣམས་མདུན་དུ་བཀུག །བདག་དང་ཐུབ་པའི་བཀའ་ཉན་གསུང་བསྒྲུབ་གྱུར། །ཧཱུྃ་མཛད་ཀྱི་ཕྱག་རྒྱས། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། །གསང་སྔགས་དང་། རིག་སྔགས་དང་། གཟུངས་སྔགས་རྣམས་ཀྱི་བདེན་པ་དང་། ཡི་དམ་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་རྣམས་ཀྱི་བདེན་པ་དང་། བདེན་པ་ཆེན་པོའི་མཐུས། ལྷའི་བུའི་བདུད། ཉོན་མོངས་པའི་བདུད། ཕུང་པོའི་བདུད། འཆི་བདག་གི་བདུད། དེ་དག་གི་རིགས་དང་འཁོར་དུ་གཏོགས་པའི་བསྲུང་བྱ་སྦྱིན་བདག་འདི་ལ་གནོད་ཅིང་འཚེ་བར་བྱེད་པ་གང་ཡིན་པ་ཐམས་ཅད་འདིར་མཆིས་པར་གྱུར་ཅིག །ཊཱཀྐི་ཧཱུྃ་ཛ༔ ཧཱུྃ། དཀོན་མཆོག་བདེན་པའི་བྱིན་རླབས་ཀྱིས། །བར་སྣང་ཨཱུ་ཁམས་ཀྱང་འགུགས་བྱེད་ན། །ལུས་ཅན་རྣམས་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །འདིར་ནི་གནོད་བྱེད་འགུག་

― CMR038_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་གསོལ། །ཛཿཧཱུྃ་བཾ་ཧོཿ ཧཱུྃ། སྣང་ཞིང་སྲིད་པའི་ལྷ་འདྲེ་རྣམས། །བདུད་བཞིའི་རིགས་སུ་མ་འདུས་མེད། །ལྷས་ཀྱང་གསོན་ལ་འདྲེས་ཀྱང་ཉོན། །འདས་པའི་སངས་རྒྱས་མར་མེ་མཛད། །མར་མེ་བརྒྱ་ནི་སྦྱིན་པ་བཏང་། །མ་རིག་མུན་པ་བསལ་བ་ལྟར། །དེ་རིང་མར་མེ་མཆོད་སྦྱིན་བྱ། །བཅོམ་ལྡན་ཤཱཀྱ་ཐུབ་པ་ཡིས། །སྐུ་གདུང་མཆོད་རྟེན་འཛམ་གླིང་བཀང་། །འགྲོ་བ་མང་པོ་ཚོགས་གཉིས་རྫོགས། །དེ་བཞིན་མཆོད་རྟེན་ཚ་ཚ་བཞེངས། །སྔོན་ཚེ་ལྷ་དབང་བརྒྱ་བྱིན་དེ། །ལྷ་དང་ལྷ་མིན་འཐབ་པའི་ཚེ། །ལྷ་རྣམས་ཕམ་ཞིང་ལྷ་མིན་རྒྱལ། །བརྒྱ་བྱིན་འཆི་བདག་བདུད་ཀྱིས་ཟིན། །ཚེ་འཕོས་ངན་སོང་སྐྱེ་བར་ཤེས། །ཤིན་ཏུ་འཇིགས་ཤིང་སྐྲག་གྱུར་ནས། །ཕྱག་ན་རྡོ་རྗེ་ལ་ཞུས་པ། །ཀྱེ་མ་བཅོམ་ལྡན་ཐུགས་རྗེ་ཅན། །བདུད་བཞི་འདུལ་བ་གང་ལྟར་ལགས། །ལྷ་ཡི་བུ་ཡི་བདུད་ཀྱིས་ནི། །ལྷ་མིན་དམག་དྲངས་གཡུལ་ཕམ་གྱུར། །ཕུང་པོའི་བདུད་ཀྱིས་ལུས་འདི་ལ། །སྐྱེ་རྒས་ན་འཆིའི་སྡུག་བསྔལ་བྱུང་། །འཆི་བདག་བདུད་ཀྱིས་སྲོག་བཅད་ཅིང་། །ཉོན་མོངས་བདུད་ཀྱིས་ངན་སོང་ལྟུང་། །རྡོ་རྗེ་འཆང་གིས་བདག་ལ་

― CMR038_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས། །ཞེས་ཞུས་གསང་བའི་བདག་པོ་ཡིས། །བཅོམ་ལྡན་ཐུབ་པ་ཉིད་ལ་ཞུས། །ཐུབ་པས་བརྒྱ་བཞིའི་ཆོ་ག་མཛད། །ལྷ་དབང་བརྒྱ་བྱིན་སྙུང་ལས་ཐར། །བརྒྱ་བཞི་སྦྱིན་པ་བཏང་བ་དེས། །བརྒྱ་བྱིན་ཞེས་བྱའི་མཚན་ཡང་ཐོགས། །སྔོན་གྱི་སྲིད་པ་ཇི་བཞིན་དུ། །སྦྱིན་བདག་བར་ཆད་བསལ་བའི་ཕྱིར། །བརྒྱ་བཞིའི་མཆོད་སྦྱིན་བཞེས་སླད་དུ། །ཧཱུྃ། འཆི་བདག་བདུད་དང་ཕུང་པོའི་བདུད། །ཉོན་མོངས་བདུད་དང་ལྷ་བུའི་བདུད། །བདུད་བཞི་བདུད་ཀྱི་དམག་དཔོན་ཚོགས། །སྔོན་ཚེ་ལྷ་དབང་བརྒྱ་བྱིན་དེ། །འཆི་བདག་ནག་པོ་བདུད་ཀྱིས་ཟིན། །བདུད་བཞི་སེལ་བའི་གཏོ་སྤྱད་དུ། །བཅོམ་ལྡན་རྒྱལ་བ་ཤཱཀ་ཐུབ་ཀྱིས། །བརྒྱ་བཞི་སྦྱིན་པར་བཏང་བས་སངས། །ལྷ་དབང་བརྒྱ་བྱིན་སྙུན་ལས་ཐར། །ད་ལྟ་རྒྱུ་སྦྱོར་ཡོན་བདག་ལ། །མོ་ངན་རྨི་ལྟས་ངན་པ་དང་། །མོ་རྩིས་ངན་པའི་གཏོ་སྤྱད་དུ། །བརྒྱ་བཞིའི་ཡས་དང་རྫས་གླུ་བསགས་ཏེ། །འབྱུང་བའི་བདུད་བཞི་སྤྱན་དྲངས་ཏེ། །ཐང་ཅིག་ཡུད་ཙམ་འདིར་གཤེགས་ནས། །ཕྱག་སོར་བཞི་ཡི་རྩེ་ལ་བཞུགས་སུ་གསོལ། །ཀྱཻ། ལྷ་བུའི་བདུད་ནི་

― CMR038_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོ་སྟེ། །ཤེས་བྱའི་སྒྲིབ་པའི་རྒྱུ་ལས་བྱུང་། །ཉོན་མོངས་བདུད་ནི་སེར་པོ་སྟེ། །དུག་ལྔ་ཉོན་མོངས་སྒྲིབ་ལས་བྱུང་། །ཕུང་པོའི་བདུད་ནི་དམར་པོ་སྟེ། །བག་ཆགས་སྒྲིབ་པའི་རྒྱུ་ལས་བྱུང་། །འཆི་བདག་བདུད་ནི་ནག་པོ་སྟེ། །རྣམ་སྨིན་ལས་ཀྱི་སྒྲིབ་ལས་བྱུང་། །དེ་ལྟར་རྒྱུ་སྦྱོར་ཡོན་བདག་ལ། །སྒྲིབ་པ་རྣམ་བཞི་སྦྱང་བའི་ཕྱིར། །མཆོད་དང་སྦྱིན་པའི་གནས་ཉིད་ནི། །མཆོད་པའི་གནས་འདིར་དཀོན་མཆོག་གསུམ། །མཆོད་རྫས་མར་མེ་ཞལ་ཟས་སོགས། །འབུལ་ཞིང་ཚོགས་ནི་རབ་བསགས་པའི། །ཉོན་མོངས་ཤེས་བྱའི་སྒྲིབ་གཉིས་བྱང་། །ལྷ་བདུད་ཉོན་མོངས་བདུད་ལས་ཐར། །སྦྱིན་པའི་གཏོར་མ་རྒྱ་ཆེན་བཏང་། །འཆི་བདག་ནག་པོའི་བདུད་ལས་ཐར། །ལན་ཆགས་སྲོག་གླུད་འདི་བསྔོས་པས། །འཆི་བདག་ཕུང་པོའི་བདུད་ལས་ཐར། །བདུད་བཞི་སེལ་བའི་གཏོར་མཆོད་འདི། །སྔོན་ཚེ་རྒྱལ་བའི་བྱིན་རླབས་དང་། །གསང་སྔགས་དང་ནི་རིག་སྔགས་དང་། །བདག་གི་བསམ་པ་དག་པའི་མཐུས། །བདུད་བཞིའི་གནོད་སེམས་ཞི་གྱུར་ཅིག །མཆོད་སྦྱིན་རྒྱས་པའི་ཆོ་ག་འདི། །བདུད་བཞི་སེལ་བའི་མཆོག་ཡིན་ཏེ། །

― CMR038_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་ཚེ་ལྷ་ཡི་དབང་པོས་མཛད། །ད་ལྟ་རྒྱུ་སྦྱོར་ཡོན་བདག་གི །བར་ཆད་རྐྱེན་རྣམས་བཟློག་ཏུ་གསོལ། །བདུད་སྒོ་ཆོད་ལ་ལས་སྒོ་སྐྱོལ། །སྒྲིབ་པ་མི་ཚོགཙང་དྲི་མའི་ཚོགས། །ཚོགས་གཉིས་བསགས་པས་དག་པར་གྱིས། །བདུད་ཚོགས་ཐམས་ཅད་མ་ལུས་པའི། །གཙོ་བོ་བདུད་ཆེན་རྣམ་པ་བཞི། །སྣང་གསལ་བརྒྱ་བཞིའི་མཆོད་པ་བཞེས། །མཆོད་སྦྱིན་ཆེན་པོ་འདི་བསྔོས་པའི། །བདུད་ཆེན་བཞི་ཡི་ཐུགས་དམ་བསྐང་། །གཟུགས་དང་ཕུང་པོ་འཇིགས་བྱེད་པའི། །ནད་བཞི་འདུལ་བ་སྨན་གྱིས་གསོ། །བར་ཆད་གློ་བུར་ཡེ་འདྲོག་རྐྱེན། །བགེགས་ཀྱི་རྒྱལ་པོ་བདུད་ཆེན་བཞི། །བརྒྱ་བཞིའི་མཆོད་སྦྱིན་འདི་བཞེས་ལ། །བར་ཆད་ཐམས་ཅད་བཟློག་ཏུ་གསོལ། །དངོས་དང་གཟུགས་བརྙན་ཏིང་འཛིན་གྱིས། །བསགས་ཤིང་མེ་ལོང་བློས་སྤྲུལ་ནས། །བྱིན་གྱིས་བརླབས་ཤིང་སྦྱིན་བཏང་འདི། །བདུད་ཆེན་བཞི་ལ་འབུལ་ལགས་ན། །འདིར་གཤེགས་བཞེས་ཏེ་དགྱེས་པར་མཛོད། །ཀྱཻ། སྔོན་ཚེ་བཅོམ་ལྡན་ཤཱཀ་ཐུབ་ཀྱི། །མཆོད་སྦྱིན་ཕྱག་རྒྱ་གཡས་པ་རུ། །མཆོད་གཏོར་རྫས་དང་ཡས་བསགས་ཏེ། །

― CMR038_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་སོར་རྩེ་ལ་མགྲོན་བཀུག་ནས། །བདུད་བཞིའི་མགྲོན་ལ་སྦྱིན་པ་བཏང་། །རྒྱུ་སྦྱོར་ཡོན་གྱི་བདག་པོ་ཡི། །དད་ཅན་ཡོན་བདག་ཕྱག་མཐིལ་དུ། །བཞག་ཅེས་བརྗོད་ནས་དབང་བསྐུར་བས། །སྒྲིབ་པ་བཞི་ལས་གྱུར་པ་ཡི། །བདུད་བཞི་བསལ་ཏེ་མདངས་དང་ལྡན། །སྔོན་ཚེ་བདེན་པའི་བྱིན་བརླབས་པས། །བདེན་པའི་བྱིན་རླབས་དེ་ལྟར་ལགས། །ད་ལྟ་བདག་དང་ཡོན་བདག་གིས། །གཟུགས་དང་གླུད་ཆེན་འདི་བསྔོས་ཏེ། །མཐའ་མ་བརྒྱ་བཞིའི་རྫས་ཀྱིས་བསྐོར། །བདུད་བཞི་ཕྱག་སོར་བཞུགས་པ་རྣམས། །མཛུབ་མོར་ལྷ་བདུད་དཀར་པོ་ཉོན། །གུང་མོར་ཕུང་བདུད་སེར་པོ་ཉོན། །སྲིན་ལག་ཉོན་བདུད་དམར་པོ་ཉོན། །མཐེའུ་ཆུང་འཆི་བདག་བདུད་ནག་ཉོན། །བསགས་པའི་དམ་རྫ་ས་འདི་རྣམས་ལ། །བདག་གིས་ཏིང་འཛིན་སྟོབས་དང་ནི། །ཕྱོགས་བཅུའི་དཀོན་མཆོག་བདེན་པ་དང་། །ཆོས་སྐྱོང་རྣམས་ཀྱི་མཐུ་རྩལ་གྱིས། །བདུད་བཞིའི་དམག་དང་བགེགས་ཚོགས་རྣམས། །ཚིམ་ཞིང་དགྱེས་པའི་སེམས་དང་ལྡན། །གདུག་པའི་སེམས་ཞི་བདེ་བར་མཛོད། །སྔོན་ཚེ་ཐུབ་པ་ཆེན་པོའི་བཀའ། །བརྒྱ་བཞི་སྦྱིན་པ་རྣམ་

― CMR038_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་སྟེ། །ཚ་ཚ་བརྒྱ་ནི་ཚོགས་ལམ་ལ། །བརྟེན་ནས་སྐྱབས་ཀྱི་སྦྱིན་པ་ཡིན། །གཏོར་མ་བརྒྱ་ནི་སྦྱོར་ལམ་ལ། །བརྟེན་ནས་ཟང་ཟིང་སྦྱིན་པ་ཡིན། །མར་མེ་བརྒྱ་ནི་མཐོང་ལམ་ལ། །བརྟེན་ནས་བྱམས་པའི་སྦྱིན་པ་ཡིན། །ངར་མི་བརྒྱ་ནི་བསྒོམ་ལམ་ལ། །བརྟེན་ནས་སྲོག་གི་ལན་ཆགས་སྦྱོང་། །དེ་ཕྱིར་ཆོས་ཀྱི་སྦྱིན་པ་ཡིན། །སྔོན་ཚེ་བརྒྱ་བྱིན་ལུས་ཀྱི་སྦྱིན། །ངར་མི་བརྒྱ་བཏང་བདུད་ལས་ཐར། །དེ་བཞིན་བརྒྱ་བཞི་འདི་བཏང་བས། །ནད་དང་གདོན་ལས་ཐར་གྱུར་ཅིག །ཧཱུྃ། འགྲོ་བ་མ་རིག་འཁྲུལ་པ་ཡི། །ལས་ལ་ཐུགས་རྗེས་རབ་གཟིགས་པའི། །རིན་ཆེན་སྣ་ལྔའི་ས་བསྡུས་ནས། །འབྱུང་བ་ཆུ་ཡིས་རབ་སྦྱར་ཏེ། །ཏིང་ངེ་འཛིན་གྱིས་བྱིན་བརླབས་ནས། །རྐོས་ཕོར་ཆོས་ཀྱི་དབྱིངས་ཀྱི་ཡུམ། །འབུ་འབུ་ཐབས་དང་ཤེས་རབ་སྲས། །གཉིས་སུ་མེད་པར་བརྡབས་པ་ནི། །སྐུ་གདུང་མཆོད་རྟེན་དཔག་ཏུ་མེད། །སེམས་ཀླུབསྐྱེད་ཆེ་བས་ཁྱད་པར་འཕགས། །བསྒྱུར་སྟོབས་ཆེ་བས་རླུང་དང་འདྲ། །རྟེན་འབྲེལ་ཀུན་ཚོགས་སྐུ་ཡི་རྟེན། །ཡོན་ཏན་ལྡན་ཏེ་ཐོགས་པ་མེད། །སྐུ་གདུང་མཆོད་རྟེན་

― CMR038_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་དང་། །མཆོད་པའི་གནས་སུ་གྱུར་པ་དང་། །བདག་ཅག་ཡོན་མཆོད་འཁོར་བཅས་དང་། །སེམས་ཅན་རྣམས་ཀྱི་སྐྱབས་སུ་ཆེ། །དེ་ཕྱིར་དཀོན་མཆོག་གསུམ་པོ་དང་། །ཡི་དམ་ཆོས་སྐྱོང་ལྷ་ཚོགས་ཀྱི། །སྐུ་གསུང་རྟེན་མཆོག་གྱུར་པ་རྣམས། །སྤྱི་བོའི་གཙུག་ཏུ་བཀུར་བྱས་ནས། །ཕྱག་གི་གནས་སུ་བཟུང་བར་བགྱི། །བྱིན་རླབས་སྐྱབས་ཆེན་དཀོན་མཆོག་གསུམ། །ཕྱག་གི་རྟེན་དུ་བཞུགས་སུ་གསོལ། །དེང་ནས་སྙིང་པོ་བྱང་ཆུབ་བར། །སེམས་ཅན་རྣམས་ཀྱི་མགོན་སྐྱབས་སུ། །བདེ་བར་གཤེགས་པར་རབ་སྤྲུལ་ནས། །སེམས་ཅན་རྣམས་ཀྱི་དོན་ལ་དགོངས། །འོད་དཔག་མེད་པའི་ཐུགས་རྗེ་ཡིས། །བྱིན་གྱིས་བརླབས་པའི་ཡོན་ཏན་ལྔ། །འགྲོ་བ་སེམས་ཅན་ཐམས་ཅད་ཀྱིས། །ཕྱག་གི་གནས་སུ་བཟུང་བར་གྱིས། །བསོད་ནམས་རྟེན་དུ་བཟུང་བར་གྱིས། །སྔོན་གྱི་རྒྱལ་པོ་པ་རི་ཤ་པ་དེ། །འཆི་བདག་བདུད་ཀྱི་ཁྱེར་ལ་ཁད། །ཚ་ཚ་བརྒྱ་རྩ་བརྩམས་པ་ཡིས། །པ་རི་ཤ་པ་བདུད་ལས་ཐར། །སྔོན་གྱི་དེ་ལ་དཔེ་བླངས་ནས། །རྒྱུ་སྦྱོར་ཡོན་གྱི་བདག་པོ་ཡི། །བརྒྱ་བཞིའི་ཆོ་ག་འདི་བྱས་པས། །བྱ་སྤྲེལ་ལྕགས་ཀྱི་

― CMR038_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་ཞིག །བཙའ་མ་དགུ་རྒྱུག་བྱེད་པ་ཡི། །ནུབ་ཀྱི་བགེགས་གཉན་བཟློག་ཏུ་གསོལ། །ཧཱུྃ། མཉམ་པ་ཉིད་ཀྱི་ཞིང་ཁམས་ནས། །རིན་ཆེན་ཕོ་བྲང་དཀྱིལ་འཁོར་ནས། །རྩི་ཐོག་སྙིང་པོ་མར་དང་ནི། །འབྲུ་མར་སྙིང་པོ་སྣ་ཚོགས་ཀྱི། །རྒྱུ་ཡི་མཆོག་ལས་བྱུང་བ་ཡི། །གསལ་བའི་ཡེ་ཤེས་མར་མེ་དང་། །སྣང་ཞིང་གསལ་བའི་སྒྲོན་མེ་དང་། །ཉི་མ་ཟླ་བ་ལ་སོགས་རྣམས། །ཡུལ་ཕྱོགས་ཀུན་ཏུ་གསལ་བྱས་པས། །གློག་དང་སྐར་མ་ལ་སོགས་པ། །ཡུལ་རྣམས་ཀུན་ཏུ་གསལ་བྱས་པས། །རིན་ཆེན་རང་བཞིན་ཆེར་འབར་བས། །མར་མེ་ལས་ལ་གྲུབ་པ་ཡི། །ཟླ་བ་ཆུ་ལས་གྲུབ་པ་དེས། །འོད་ཀྱི་སྣང་བ་སྣ་ཚོགས་ཀྱིས། །ལྷོ་ཕྱོགས་གདུག་པའི་སྐག་གཉན་དང་། །འབྱུང་བ་མེ་ཡི་སྐག་ལས་ཐར། །དེ་ཕྱིར་ཕན་ཡོན་དཔག་ཏུ་མེད། །བརྒྱ་བཞི་བརྩམས་པའི་ཕན་ཡོན་གྱིས། །ཁྱིམ་བདག་མགོན་མེད་ཟས་སྦྱིན་གྱི། །སྟག་གཟིག་གདུག་པ་ཞི་ཕྱི་བ་དང་། །མར་མེ་འདི་ཡི་ཕན་ཡོན་གྱིས། །འོད་གསལ་སྣང་གསལ་མར་མེ་འདི། །ཡེ་ཤེས་ལྷ་ལ་ཕུལ་བ་ཡིས། །སྟེང་གི་སྐག་གཉན་བཟློག་ཏུ་གསོལ། །མེས་ནི་བར་སྣང་

― CMR038_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

གདུག་པ་ཞི། །ཐལ་བས་འོག་ཕྱོགས་གདོན་རྣམས་སེལ། །འོད་ཀྱིས་ཕྱོགས་རྣམས་ཀུན་གསལ་ཞིང་། །བརྒྱ་བཞིའི་ཕན་ཡོན་རབ་ལྡན་པས། །ལྷོ་ཕྱོགས་བྱེ་བྲལ་མེ་ཡི་གདུག་པ་ཞི། །ལྷོ་ཕྱོགས་མེ་ཡིས་དལ་ཁ་སྒྱུར། །འབྱུང་བའི་ནད་ལས་ཐར་གྱུར་ཅིག །ཚ་བ་མེ་ཡིས་ཡམས་ནད་དང་། །གདུག་པའི་སྐག་གཉན་སུམ་བརྒྱ་དང་། །དྲུག་ཅུ་རྩ་བཞི་ཐམས་ཅད་ཀུན། །མར་མེ་བརྒྱ་རྩའི་སྟོབས་ཀྱིས་ཟློག །བརྒྱ་བཞིའི་ཕན་ཡོན་འདི་དག་གིས། །རྩུབ་འཁྲུགས་ཐམས་ཅད་བསྒྱུར་དུ་གསོལ། །ཚེ་དང་བསོད་ནམས་འཕེལ་བར་མཛོད། །ཧཱུྃ། འཇིག་རྟེན་དག་ན་གནས་པ་ཡི། །ལྷ་དང་ཀླུ་དང་ལྷ་མིན་གདོན། །དྲི་ཟ་དང་ནི་སྲུལ་པོའི་གདོན། །མིའམ་ཅི་དང་ལྟོ་འཕྱེ་དང་། །མ་མོ་གཤིན་རྗེ་མཁའ་འགྲོའི་ཚོགས། །མཁའ་ལ་འཕྱོ་དང་བར་སྣང་འཕྱོ། །ས་ལ་གནས་རྣམས་མ་ལུས་དང་། །ས་དང་ཆུ་དང་མེ་དང་རླུང་། །འབྱུང་བ་ལྔ་ལ་གནས་པ་དང་། །བདུད་བཞི་བདུད་རིགས་འཁོར་བཅས་དང་། །རི་ཀླུང་ནགས་ཚལ་ལ་གནས་དང་། །ཁང་སྟོང་ཕུག་སྟོང་ལ་སོགས་དང་། །ལྷ་ཁང་མཆོད་རྟེན་རེ་རལ་རྙིང་པ་དང་། །རྒྱ་གྲམ་ལམ་

― CMR038_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལ་བཙས་ལ་གནས་དང་། །འཛམ་བུ་གླིང་ལ་དབང་དགོས་འདྲེ་སྲིན་དང་། །གདོན་དང་འབྱུང་པོ་མ་ལུས་ཀུན། །མཆོད་སྦྱིན་གཏོར་མ་རྒྱ་ཆེན་འདི་ཁྱེར་ལ། །གནོད་པའི་བསམ་སྦྱོར་ངན་པ་མི་གཏོང་བར། །ཞི་བའི་བསམ་པས་རང་རང་གནས་སུ་དེངས། །ཟང་ཟིང་སྦྱིན་པས་ལུས་ངག་ཡིད་གསུམ་ཚིམ། །དེ་ལྟར་གཏོར་མ་དམ་པ་འདི་ཁྱེར་ལ། །སངས་རྒྱས་བདེ་བར་གཤེགས་པའི་བཀའ་ལ་ཉོན། །ཕྱིན་ཆད་འཁོར་འདིར་གནོད་པ་མ་བྱེད་ཅིག །ཀྱཻ། ངར་མིའི་རྒྱུ་བཙལ་གང་དུ་བཙལ། །འབྲུ་སྣ་དགུ་ཡི་རྒྱུ་འབྲས་ནི། །བྱུང་ཁུངས་ནག་པོ་རྒྱ་ནས་བྱུང་། །རྒྱ་ཞིང་མུ་མེད་ལྗོངས་སུ་བཏབ། །ཐབས་ཤེས་གླང་པོའི་རྨོས་དོར་ལ། །གཉའ་ཤིང་ཐོང་ལྕགས་རོལ་དུ་རྨོས། །བརྩོན་འགྲུས་ཐབས་ཀྱིས་སོ་ནམ་བྱས། །ཕ་དགུང་སྔོན་གནམ་གྱི་ཆབ་ཀྱིས་བྲན། །མ་ས་གཞི་བརླན་གྱི་ངད་ཀྱིས་སྐྱེས། །བུ་ནི་འབྲུ་སྣ་དགུ་རུ་སྲིད། །ཟོར་གྱིས་བརྗེས་ནས་གླུ་ཐབས་ཀྱིས་བརྡུངས། །རིན་ཆེན་མཛེས་པའི་སྣོད་དུ་བླུག །ཡན་ལག་བརྒྱད་ལྡན་ཆབ་ཀྱིས་བྲན། །རྣལ་འབྱོར་བདག་གི་ཕྱག་ཏུ་ཕུལ། །ཡོན་བདག་གླུད་དུ་ངར་མི་བྱས། །

― CMR038_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་སྣ་དགུ་ཡི་ངར་མི་དེ། །སྤྱན་བཟང་གཟི་མདངས་ཡ་ལ་ལ། །ཤངས་བཟང་དྲི་ཞིམ་ཐུ་ལུ་ལུ། །ཚེམས་བཟང་དུང་ལྟར་ཁྲིགས་སེ་ཁྲིག །ལྗགས་བཟང་གློག་ལྟར་ཁྱུགས་སེ་ཁྱུག །གཟུགས་བཟང་ཉི་ལྟར་ལྷངས་སེ་ལྷང་། །སྨྲ་མཁན་དེ་ནི་ས་ལ་ལ། །འགྲོ་མཁས་དེ་ནི་ཟུ་ལུ་ལུ། །གོས་བཟང་དེ་ནི་ལྷུབས་སེ་ལྷུབ། །དབང་པོ་རྣམ་ལྔ་འདི་ལ་ཚང་། །སྐྱེ་མཆེད་བཅུ་གཉིས་འདི་ལ་ཚང་། །མི་བས་གླུད་བཟང་ཡ་ལ་ལ། །རྗེ་བས་ཁ་དྲོ་ཐིབས་སེ་ཐིབ། །བདག་དང་ཡོན་བདག་གླུད་དུ་འབུལ། །གླུད་བདག་རྣམས་ཀྱིས་གླུད་འདི་ལོངས། །ཡོས་བདག་རྣམས་ཀྱིས་ཡས་འདི་ལོངས། །མོ་ངན་རྨིས་ངན་ལྟས་ངན་རྣམས། །ལོ་ཟླ་ཞག་དང་ཟ་མའི་སྐག།ཆོ་འཕྲུལ་ལྟས་ངན་ཅི་མཆིས་པ། །སྐུ་གླུད་འདི་ཡིས་བྱང་བར་མཛོད། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །བདག་

― CMR038_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ཀུན་མ་ལུས་པ། །ཐོགས་པ་མེད་པ་འབྱུང་གྱུར་ཅིག །དེ་ནས་སྡེར་རམ་སྣོད་གཅིག་གི་ནང་དུ། ལྷའི་བུ་ཡི་བདུད་དཀར་པོ་བཞག །དེའི་ནང་དུ་ཤར་ངོས་ཀྱི་གཏོར་མ་དང་། ངར་མི། ཆངས་བུ། མཐེབ་སྐྱུ། མར་མེ་རྣམས་བླངས་ལ་བཞག །འདོན་མི་མང་ན་དུ་ཡོད་ཀྱི་གྲངས་བླངས་ལ་བཞག །དེའི་ནང་དུ་འབྲུ་སྣ་ཡོས་བཀྲ་ཅུང་ཟད་བཏབ་ལ་བྲན། ཨོཾ་བཛྲ་ཡཀྵ་ཧཱུྃ། །ཨོཾ་སྭ་བྷ་ཝ་སོགས། གླུད་དང་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་ཀླུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །ན་མ་སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས། སྔགས་ལྔ་འམ་བདུན་

― CMR038_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་ལ། མཆོད་སྦྱིན་གྱི་གླུད་གཏོར་རྒྱ་ཆེན་པོ་འདི། བསྔོ་ཞིང་སྦྱིན་པའི་གནས་སུ་གྱུར་པ་ནི། བདག་དང་བསྲུང་བྱ་ལ་གནོད་ཅིང་འཚེ་བར་བྱེད་པའི་ལྷའི་བུ་ཡི་བདུད་ཀྱི་རིགས་སུ་གྱུར་པ་རྣམས་ལ་སྦྱིན་ནོ། །བསྔོ་ཞིང་འབུལ་ལོ། །ལྷའི་བུ་ཡི་གནོད་པ་དང་བར་ཆད་བསམ་སྦྱོར་ངན་པ་གདུག་རྩུབ་མཚན་ལྟས་ངན་པ་ཐམས་ཅད་ཞི་ཞིང་བསྒྱུར་དུ་གསོལ། མོ་ངན་པ་དང་རྨི་ལམ་ངན་པ་ཐམས་ཅད་ཟློག་ཅིག །དེ་ལྟར་ཚར་ཉི་ཤུ་རྩ་ལྔ་བྱ་སྟེ། འདོན་མི་མང་ན་གཏོར་མ་དང་གླུད་ཀྱིས་མ་ལྡངས་ན་གླུད་དང་གཏོར་མ་གསར་པ་བསྣན་པའམ། མེད་ན་འབྲུ་སྣ་དང་ཡོས་བཀྲ་བསྣན་ལ་བཏོན་ཏེ། བརྒྱ་ནི་གྲངས་ཚད་ཡིན་གྱི་དེ་ལས་མང་ན་ལེགས་པ་ལས་སྐྱོན་དུ་མི་འགྱུར་གསུངས། བརྒྱ་བཞི་འབྲིང་དང་བསྡུས་པ་ལ་ནི་གང་བཅས་གྲངས་དེ་ལས་མང་མི་དགོས། དེ་ལྟར་ཉེར་ལྔ་རྫོགས་ནས་དེ་ཁ་ཕྱིར་བསྟན་ལ། ཀྱཻ། སྔོན་ཚེ་ལྷ་དབང་དོན་ཆེད་དུ། །བཅོམ་ལྡན་རྒྱལ་བ་ཤཱཀ་ཐུབ་ཀྱིས། །མཆོད་སྦྱིན་ཕྱག་མཐིལ་གཡས་པ་རུ། །རྒྱུ་དང་ཡོན་དུ་འབྱོར་པ་ཡི། །དད་ལྡན་སྦྱིན་བདག་མཆོད་སྦྱིན་བཞག་།ཕྱག་སོར་བཞི་ལ་བདུད་བཞི་བཀུག །ཐུགས་རྗེས་དབང་བསྐུར་ཉོན་མོངས་ལས། །སྡུག་བསྔལ་ཤེས་བྱའི་སྒྲིབ་ལས་བྱུང་། །ལྷ་བདུད་བསལ་བས་མདངས་དང་

― CMR038_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན། །སྔོན་ཚེ་བདེན་མཐུས་བྱིན་རླབས་ཀྱིས། །ད་ལྟ་བདག་ཅག་རྒྱུ་སྦྱོར་གྱི། །མཆོད་སྦྱིན་གླུད་ཆེན་འདི་བཅས་ཏེ། །ཐ་མ་ཉི་ཤུ་རྩ་ལྔས་བསྐོར། །ལྷ་བདུད་ཕྱག་སེན་རྩེ་ལ་བཀོད། །གནོད་པ་བསལ་ཕྱིར་ཁྱེད་ལ་འབུལ། །བདེན་པ་ཆེན་པོའི་བཀའ་ལ་ཉོན། །ལྷ་བདུད་དཀར་པོ་མཐུ་སྟོབས་ཅན། །ཅི་ཡང་མེད་པའི་གནས་སུ་དེངས། །ཤེས་བྱའི་སྒྲིབ་པ་ལས་བྱུང་བའི། །ལྷ་ཡི་བུ་བདུད་དཀར་པོ་ཁྱེད། །བརྒྱ་བཞིའི་མཆོད་པ་འདི་བཞེས་ལ། །ཡོན་བདག་འདི་ཞེས་བྱ་བ་ཡི། །བཟུང་བ་ཐོངས་ཨཱལ་བཅིངས་བ་ཁྲོལ། །མནན་པ་ཁྱོག་ལ་བསྡམས་པ་ཀློད། །ལྷ་བདུད་མི་ལ་མ་གནོད་གཞན་དུ་དེངས། །ཨོཾ་མུ་ནེ་མུ་ནེ་མ་ཧཱ་མུ་ནེ་སྭཱ་ཧཱ། དྷེ་ཝ་དྷ་ཏུ་རུ་ཏྲ་པྲ་ཝེ་ཤ་ཡ་ཕཊ༔ ཅེས་གླུད་ཀྱི་གཏོར་མ་དེ་ཤར་དུ་ཁ་བསྟན་ལ་བཞག །དེ་ནས་སྣོད་ནང་དུ་ཕུང་པོའི་བདུད་བཞག་ལ་སྔར་ལྟར་ལྷོ་ངོས་ཀྱི་གཏོར་མ་སོགས་དང་། འབྲུ་སྣ་བཏབ་ལ་བྲན། ཨོཾ་བཛྲ་ཡཀྵ་ཧཱུྃ། ཨོཾ་སྭ་བྷ་ཝ་སོགས། གླུད་དང་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། དེ་བཞིན་གཤེགས་པ་བཞིའི་མཚན་བརྗོད་ལ། ན་མཿསརྦ་ཏ་ཐཱ་ག་ཏ་སོགས། མཆོད་སྦྱིན་གྱི་གླུད་གཏོར་རྒྱ་ཆེན་པོ་འདི། །

― CMR038_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔོ་ཞིང་སྦྱིན་པའི་གནས་སུ་གྱུར་པ་ནི། བདག་དང་བསྲུང་བྱ་ལ་གནོད་ཅིང་འཚེ་བར་བྱེད་པའི་ཕུང་པོའི་བདུད་ཀྱི་རིགས་སུ་གྱུར་པ་རྣམས་ལ་སྦྱིན་ནོ། །བསྔོ་ཞིང་འབུལ་ལོ། །ཕུང་པོའི་བདུད་ཀྱི་གནོད་པ་དང་བར་ཆད་བསམ་སྦྱོར་ངན་པ་གདུག་རྩུབ་མཚན་ལྟས་ངན་པ་ཐམས་ཅད་ཞི་ཞིང་བསྒྱུར་དུ་གསོལ། མོ་ངན་པ་དང་རྨི་ལམ་ངན་པ་ཐམས་ཅད་ཟློག་ཅིག །གོང་ལྟར་ཉེར་ལྔ་བརྫོགས་ནས་དེ་ཕྱིར་ཁ་བསྟན་ལ། ཀྱི་སྔོན་ཚེ་ལྷ་དབང་དོན་ཆེད་དུ། །བཅོམ་ལྡན་རྒྱལ་བ་ཤཱཀ་ཐུབ་ཀྱིས། །མཆོད་སྦྱིན་ཕྱག་མཐིལ་གཡས་པ་རུ། །རྒྱུ་དང་ཡོན་དུ་འབྱོར་པ་ཡི། །དད་ལྡན་བརྒྱ་བཞིའི་མཆོད་པ་བཞག །ཕྱག་སོར་བཞི་ལ་བདུད་བཞི་བཀུག །ཐུགས་རྗེས་དབང་བསྐུར་ཉོན་མོངས་ལས། །སྡུག་བསྔལ་ཤེས་བྱའི་སྒྲིབ་ལས་བྱུང་། །ཕུང་པོའི་བདུད་བསལ་མདངས་དང་ལྡན། །སྔོན་ཚེ་བདེན་མཐུའི་བྱིན་རླབས་ཀྱིས། །ད་ལྟ་བདག་ཅག་རྒྱུ་སྦྱོར་གྱིས། །།མཆོད་སྦྱིན་གླུད་ཆེན་འདི་བཅས་ཏེ། །ཐ་མ་ཉི་ཤུ་རྩ་ལྔས་བསྐོར། །ཕུང་བདུད་ཕྱག་སེན་རྩེ་ལ་བཀོད། །གནོད་པ་བསལ་ཕྱིར་ཁྱེད་ལ་འབུལ། །བདེན་པ་ཆེན་པོའི་བཀའ་ལ་ཉོན། །ཕུང་བདུད་སེར་པོ་

― CMR038_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་སྟོབས་ཅན། །ཡོད་མིན་མེད་མིན་གནས་སུ་དེངས། །བག་ཆགས་སྒྲིབ་ལས་བྱུང་བ་ཡི། །ཕུང་པོའི་བདུད་ནི་སེར་པོ་ཁྱོད། །བརྒྱ་བཞིའི་མཆོད་པ་འདི་བཞེས་ལ། །ཡོན་བདག་འདི་ཞེས་བྱ་བ་ཡི། །བཟུང་བ་ཐོངས་ལ་བཅིང་བ་ཁྲོལ། །མནན་པ་ཁྱོག་ལ་བསྡམས་པ་ཀློད། །ཕུང་བདུད་མི་ལ་མ་གནོད་གཞན་དུ་དེངས། །ཨོཾ་མུ་ནེ་མུ་ནེ་མ་ཧཱ་མུ་ནེ་སྭཱ་ཧཱ།དྷེ་ཝ་དྷ་ཏུ་རུ་ཏྲ་པྲ་ཝེ་ཤ་ཡ་ཕཊ༔ ཅེས་ལྷོ་རུ་ཁ་བསྟན་ལ་བཞག །ཡང་ཉོན་མོངས་པའི་བདུད་སྣོད་དུ་བཞག །ནུབ་ངོས་ཀྱི་གཏོར་གླུད་སོགས་དང་འབྲུ་སྣ་བཏབ་ལ་བྲན། ཨོཾ་བཛྲ་ཡཀྵ་ཧཱུྃ། ཨོཾ་སྭ་བྷ་ཝ་སོགས། གླུད་དང་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། དེ་བཞིན་གཤེགས་པ་བཞིའི་མཚན་བརྗོད་ལ། ན་མཿསརྦ་ཏ་ཐཱ་ག་གོང་ལྟར་བརྗོད་ལ། མཆོད་སྦྱིན་གྱི་གླུད་གཏོར་རྒྱ་ཆེན་པོ་འདི་བསྔོ་ཞིང་སྦྱིན་པའི་གནས་སུ་གྱུར་པ་ནི། བདག་དང་བསྲུང་བྱ་ལ་གནོད་ཅིང་འཚེ་བར་བྱེད་པའི་ཉོན་མོངས་པའི་བདུད་ཀྱི་རིགས་སུ་སྤུ་གྱུར་པ་རྣམས་ལ་སྦྱིན་ནོ། །བསྔོ་ཞིང་འབུལ་ལོ། །ཉོན་མོངས་པའི་བདུད་ཀྱི་གནོད་པ་དང་བར་ཆད་བསམ་སྦྱོར་ངན་པ་གདུག་རྩུབ་མཚན་ལྟས་ངན་པ་ཐམས་ཅད་ཞི་ཞིང་བསྒྱུར་དུ་

― CMR038_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། མོ་ངན་པ་དང་རྨི་ལམ་ངན་པ་ཐམས་ཅད་ཟློག་ཅིག །ཉེར་ལྔ་རྫོགས་ནས་ཁ་ཕྱིར་བསྟན་ལ། ཀྱཻ། སྔོན་ཚེ་ལྷ་དབང་དོན་ཆེད་དུ། །བཅོམ་ལྡན་རྒྱལ་བ་ཤཱཀ་ཐུབ་ཀྱིས། །མཆོད་སྦྱིན་ཕྱག་མཐིལ་གཡས་པ་རུ། །རྒྱུ་དང་ཡོན་དུ་འབྱོར་པ་ཡི། །དད་ལྡན་བརྒྱ་བཞིའི་མཆོད་པ་བཞག །ཕྱག་སོར་བཞི་ལ་བདུད་བཞི་བཀུག །ཐུགས་རྗེའི་དབང་བསྐུར་ཉོན་མོངས་ལས། །སྡུག་བསྔལ་ཉོན་མོངས་སྒྲིབ་ལས་བྱུང་། །ཉོན་མོངས་བདུད་བསལ་མདངས་དང་ལྡན། །སྔོན་ཚེ་བདེན་མཐུས་བྱིན་རླབས་ཀྱིས། །ད་ལྟ་བདག་ཅག་རྒྱུ་སྦྱོར་གྱིས། །མཆོད་སྦྱིན་གླུད་ཆེན་འདི་བཅས་ཏེ། །ཐ་མ་ཉི་ཤུ་རྩ་ལྔས་བསྐོར། །ཉོན་བདུད་ཕྱག་སེན་རྩེ་ལ་བཀོད། །གནོད་པ་བསལ་ཕྱིར་ཁྱེད་ལ་འབུལ། །བདེན་པ་ཆེན་པོའི་བཀའ་ལ་ཉོན། །ཉོན་མོངས་བདུད་ཆེན་དམར་པོ་ཁྱོད། །རྣམ་ཤེས་མཐའ་ཡས་གནས་སུ་དེངས། །ཉོན་མོངས་སྒྲིབ་ལས་བྱུང་བ་ཡི། །ཉོན་མོངས་བདུད་ནི་དམར་པོ་ཁྱོད། །བརྒྱ་བཞིའི་མཆོད་པ་འདི་བཞེས་ལ། །ཡོན་བདག་འདི་ཞེས་བྱ་བ་ཡི། །བཟུང་བ་ཐོངས་ལ་བཅིངས་བ་ཁྲོལ། །མནན་པ་ཁྱོག་ལ་བསྡམས་པ་ཀློད། །ཉོན་བདུད་

― CMR038_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ལ་མ་གནོད་གཞན་དུ་དེངས། །ཨོཾ་མུ་ནེ་མུ་ནེ་མ་ཧཱ་མུ་ནེ་སྭཱ་ཧཱ། དྷེ་ཝ་དྷ་ཏུ་རུ་ཏྲ་པྲ་ཝེ་ཤ་ཡ་ཕཊ༔ དེ་ནས་ཁ་ནུབ་ཏུ་བསྟན། འཆི་བདག་གི་བདུད་སྡེར་ནང་དུ་བཞག་བྱང་ངོས་ཀྱི་གཏོར་མ་སོགས་དང་འབྲུ་སྣ་བཏབ་ལ་བྲན། ཨོཾ་བཛྲ་ཡཀྵ་ཧཱུྃ། ཨོཾ་སྭ་བྷ་ཝ་སོགས། གླུད་དང་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། ལན་གསུམ། དེ་བཞིན་གཤེགས་པ་བཞིའི་མཚན་བརྗོད་ལ། ན་མཿསརྦ་ཏ་ཐཱ་ག་ཏ་གོང་ལྟར་བརྗོད་ལ། མཆོད་སྦྱིན་གྱི་གླུད་གཏོར་རྒྱ་ཆེན་པོ་འདི་བསྔོ་ཞིང་སྦྱིན་པའི་གནས་སུ་གྱུར་པ་ནི། བདག་དང་བསྲུང་བྱ་ལ་གནོད་ཅིང་འཚེ་བར་བྱེད་པའི་འཆི་བདག་གི་བདུད་ཀྱི་རིགས་སུ་གྱུར་པ་རྣམས་ལ་སྦྱིན་ནོ། །བསྔོ་ཞིང་འབུལ་ལོ། །འཆི་བདག་བདུད་ཀྱི་གནོད་པ་དང་བར་ཆད་བསམ་སྦྱོར་ངན་པ་གདུག་རྩུབ་མཚན་ལྟས་ངན་པ་ཐམས་ཅད་ཞི་ཞིང་བསྒྱུར་དུ་གསོལ།མོ་ངན་པ་དང་རྨི་ལམ་ངན་པ་ཐམས་ཅད་ཟློག་ཅིག །གོང་ལྟར་ཉེར་ལྔ་རྫོགས་ནས་དེ་ཁ་ཕྱིར་བསྟན་ལ། ཀྱཻ། སྔོན་ཚེ་ལྷ་དབང་དོན་ཆེད་དུ། །བཅོམ་ལྡན་རྒྱལ་བ་ཤཱཀ་ཐུབ་ཀྱིས། །མཆོད་སྦྱིན་ཕྱག་མཐིལ་གཡས་པ་རུ། །རྒྱུ་དང་ཡོན་དུ་འབྱོར་པ་ཡི། །དད་ལྡན་བརྒྱ་བཞིའི་མཆོད་པ་བཞག །

― CMR038_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་སོར་བཞི་ལ་བདུད་བཞི་བཀུག །ཐུགས་རྗེའི་དབང་བསྐུར་ཉོན་མོངས་ལས། །སྡུག་བསྔལ་ལས་ཀྱི་སྒྲིབ་ལས་བྱུང་། །འཆི་བདག་བདུད་བསལ་མདངས་དང་ལྡན། །སྔོན་ཚེ་བདེན་མཐུས་བྱིན་རླབས་ཀྱིས། །ད་ལྟ་བདག་དང་རྒྱུ་སྦྱོར་གྱི། །མཆོད་སྦྱིན་གླུད་ཆེན་འདི་བཅས་ཏེ། །ཐ་མ་ཉི་ཤུ་རྩ་ལྔས་བསྐོར། །འཆི་བདག་ཕྱག་སེན་རྩེ་ལ་བཀོད། །གནོད་པ་བསལ་ཕྱིར་ཁྱེད་ལ་འབུལ། །བདེན་པ་ཆེན་པོའི་བཀའ་ལ་ཉོན། །འཆི་བདག་བདུད་ཆེན་ནག་པོ་ཁྱོད། །ནམ་མཁའ་མཐའ་ཡས་གནས་སུ་དེངས། །འཆི་བདག་ལས་ཀྱི་སྒྲིབ་ལས་བྱུང་། །འཆི་བདག་བདུད་ནི་ནག་པོ་ཁྱོད། །བརྒྱ་བཞིའི་མཆོད་སྦྱིན་འདི་བཞེས་ལ། །ཡོན་བདག་འདི་ཞེས་བྱ་བ་ཡི། །བཟུང་བ་ཐོངས་ལ་བཅིངས་བ་ཁྲོལ། །མནན་པ་ཁྱོག་ལ་བསྡམས་པ་ཀློད། །འཆི་བདག་མི་ལ་མ་གནོད་གཞན་དུ་དེངས། །ཨོཾ་མུ་ནེ་མུ་ནེ་མ་ཧཱ་མུ་ནེ་སྭཱ་ཧཱ། དྷེ་ཝ་དྷ་ཏུ་རུ་ཏྲ་པྲ་ཝེ་ཤ་ཡ་ཕཊ༔ ཅེས་བྱང་དུ་ཁ་བསྟན་ལ་བཞག །དེ་ནས་ཕྱག་མཐིལ་གྱི་ངར་མི་ལ་འབྲུ་སྣ་ཡོས་བཀྲ་བཏབ་ལ་བྲན། ཀྱཻ། སྔོན་ཚེ་ཤཱཀྱ་ཐུབ་པ་ཡི། །མཆོད་སྦྱིན་ཕྱག་རྒྱ་གཡས་པ་རུ། །མཆོད་གཏོར་རྫ་ས་དང་ཡས་

― CMR038_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

བསགས་ཏེ། །ཕྱག་སོར་རྩེ་ལ་མགྲོན་བཀུག་ནས། །བདུད་བཞིའི་མགྲོན་ལ་སྦྱིན་པ་བཏང་། །མཛུབ་མོར་ལྷ་ཡི་བུ་ཡི་བདུད། །གུང་མོའི་རྩེ་ལ་ཕུང་པོའི་བདུད། །སྲིན་ལག་རྩེ་ལ་ཉོན་མོངས་བདུད། །མཐེའུ་ཆུང་ལ་འཆི་བདག་བདུད། །རྒྱུ་དང་ཡོན་དུ་འབྱོར་བ་ཡི། །དད་ལྡན་ཡོན་བདག་ཕྱག་གི་མཐིལ། །གླུད་ཆེན་རྒྱན་གྱིས་སྤྲས་ཏེ་བཞག །གཅེས་པར་མཛད་མེད་དབང་བསྐུར་ནས། །གླུད་ཆེན་སྦྱིན་པ་བཏང་བའི་མཐུས། །བདུད་བཞི་བསལ་ཏེ་མདངས་དང་ལྡན། །སྔོན་ཚེ་བདེན་པའི་མཐུ་སྟོབས་ཀྱིས། །བྱིན་རླབས་ཡོན་ཏན་དཔག་མེད་འབྱུང་། །སྔོན་ཚེ་བསྐལ་པ་ཐོག་མ་ལ། །ཡབ་རྗེ་འཁོར་ལོ་དྲུག་པ་དེ། །ནད་ནི་ཙི་ཏི་ཛྭ་ལས་ཟིན། །སྲས་ནི་རྒྱལ་བུ་མ་ཆུད་ཀྱིས། །ཡབ་ལ་དགོངས་ནས་བརྒྱ་བཞི་བརྩམས། །བརྒྱ་བཞི་རྒྱས་པར་གླུད་དུ་འབུལ། །ཤར་ཕྱོགས་དྲི་ཟའི་སྲིད་མདུང་ཆོག །རྒྱལ་པོ་འཁོར་ལོ་དྲུག་པ་ཡབ། །ཅི་སྤུ་ཛྭ་ལའི་ནད་ལས་ཐར། །སྔོན་གྱི་དེ་ལ་དཔེ་བླངས་ནས། །རྒྱུ་སྦྱོར་ཡོན་གྱི་བདག་པོ་ཡིས། །བརྒྱ་བཞིའི་ཆོ་ག་འདི་བྱས་པས། །སྐག་གཉན་སུམ་བརྒྱ་དྲུག་ཅུ་ཟློག །ཤར་

― CMR038_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཤིང་གི་སྐག་རྣམས་བསྒྱུར་དུ་གསོལ། །དེ་ནས་ངར་མི་ཁ་ཕྱིར་བསྟན་ལ་བཞག །ཀྱཻ། ད་ལྟ་བདག་དང་ཡོན་བདག་གིས། །གཟུགས་དང་གླུད་ཆེན་འདི་བཤམས་ཏེ། །མཐའ་མ་བརྒྱ་བཞིའི་རྫས་ཀྱིས་བསྐོར། །བདུད་བཞི་ཕྱག་སོར་རྩེ་ལ་བཀོད། །བྱིན་གྱིས་བརླབས་ཏེ་བསྔོས་ཤིང་ཕུལ། །བདེན་པ་ཆེན་པོའི་བཀའ་ལ་ཉོན། །གླུད་ཀྱི་གཏོར་མ་རྒྱ་ཆེན་རྣམས། །གླུད་བདག་རྣམས་ལ་བསྔོས་ཤིང་ཕུལ། །ཚེ་གླུད་སྲོག་གི་རྐྱེན་དུ་འབུལ། །སྐྱེ་མཆེད་རིགས་བཞིའི་གནས་སུ་དེངས། །ལྷ་བདུད་དཀར་པོ་བྱ་བ་ཁྱོད། །ཅི་ཡང་མེད་པའི་གནས་སུ་དེངས། །ཉོན་མོངས་བདུད་ནི་དམར་པོ་ཁྱོད། །རྣམ་ཤེས་མཐའ་ཡས་གནས་སུ་དེངས། །ཕུང་པོའི་བདུད་ནི་སེར་པོ་ཁྱོད། །ཡོད་མིན་མེད་མིན་གནས་སུ་དེངས། །འཆི་བདག་བདུད་ནི་ནག་པོ་ཁྱོད། །ནམ་མཁའ་མཐའ་ཡས་གནས་སུ་དེངས། །ཤེས་བྱའི་སྒྲིབ་དང་ཉོན་མོངས་སྒྲིབ། །བག་ཆགས་སྒྲིབ་དང་ལས་ཀྱི་སྒྲིབ། །སྒྲིབ་པ་བཞི་ལས་བྱུང་བ་ཡི། །ལྷ་ཡི་བདུད་དང་ཉོན་མོངས་བདུད། །ཕུང་པོའི་བདུད་དང་འཆི་བདག་བདུད། །བདུད་བཞི་བདུད་ཀྱི་རྒྱལ་པོ་བཞི། །བརྒྱ་བཞིའི་མཆོད་པ་

― CMR038_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་བཞེས་ལ། །སྐྱེ་མཆེད་རིགས་བཞིའི་གནས་སུ་དེངས། །བདག་དང་ཡོན་བདག་འཁོར་བཅས་ལ། །བཟུང་བ་ཐོངས་ལ་བཅིངས་པ་ཁྲོལ། །མནན་པ་ཁྱོག་ལ་བསྡམས་པ་གློད། །བདུད་བཞི་མི་ལ་མ་གནོད་གནས་སུ་དེངས། །ས་མ་ཡ་པྲ་ཝེ་ཤ་ཡ་ཕཊ༔ ཡང་འབྲུ་སྣ་དང་ཡོས་བཀྲ་རྫོངས་བའི་ཚུལ་དུ་བཏབ་ལ། ཧཱུྃ། གཤིན་རྗེའི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །མ་མོའི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །རྒྱལ་པོའི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །གནོད་སྦྱིན་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །བདུད་ཀྱི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །ས་བདག་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །ཚངས་པའི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །སྲིན་པོའི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །གཟའ་ཡི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་

― CMR038_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོངས། །ཐེའུ་རང་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །བཙན་གྱི་དམག་དཔུང་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །མེ་ཡི་འཇིགས་པ་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །ཆུ་ཡི་འཇིགས་པ་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །ས་ཡི་འཇིགས་པ་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །ཤིང་གི་འཇིགས་པ་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །ལྕགས་ཀྱི་འཇིགས་པ་བྱུང་བའི་ཚེ། །ཡོན་བདག་གླུད་དུ་བརྒྱ་བཞི་རྫོངས། །སྐུ་གསུང་ཐུགས་ཀྱི་གླུད་དུ་རྫོངས། །ཡོན་བདག་ཚེ་དེ་བརྒྱ་བཞིས་བསླུ། །རྒྱུ་སྦྱོར་ཡོན་གྱི་བདག་པོ་ཡི། །བན་བོན་ཟོད་གཏོང་བརྒྱ་བཞིས་ཆོད། །ཀླུ་ཟགཉན་གཏད་ཁྲམ་བརྒྱ་བཞིས་ཆོད། །དགྲ་སྣ་རྐུན་སྣ་བརྒྱ་བཞིས་ཆོད། །སྐྱེ་བོའི་ཡལ་ཁ་བརྒྱ་བཞིས་ཆོད། །མི་ཡི་ཤི་འཕྲོ་བརྒྱ་བཞིས་ཆོད། །རིམས་ནད་འཚེ་བ་བརྒྱ་བཞིས་ཆོད། །ཕྱུགས་ཀྱི་གོད་ཁ་བརྒྱ་བཞིས་ཆོད། །རྒྱལ་པོའི་གནོད་པ་བརྒྱ་བཞིས་ཆོད། །ཉི་མ་ངན་པ་བརྒྱ་བཞིས་ཆོད། །ཟླ་བ་ངན་པ་བརྒྱ་བཞིས་ཆོད། །ལྟས་ངན་རྟོགས་པ་

― CMR038_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་བཞིས་ཆོད། །སྐར་ངན་རྟོགས་པ་བརྒྱ་བཞིས་ཆོད། །མོ་ངན་ལྟས་ངན་བརྒྱ་བཞིས་ཆོད། །ཧཱུྃ། ཉོན་ཅིག་མ་ལུས་བགེགས་ཀྱི་ཚོགས། །ལྷ་ཀླུ་ད་སྦྱིན་དྲི་ཟ་དང་། །འབྱུང་པོ་མཁའ་འགྲོ་གནོད་བྱེད་ཚོགས། །རྒྱུ་སྦྱོར་ཡོན་གྱི་བདག་པོ་ལ། །གནོད་པར་བྱེད་པ་གང་ཡང་རུང་། །བགེགས་ཀྱི་ཚོགས་རྣམས་མ་ལུས་ཀུན་། །རྒྱ་ཆེན་མཆོད་སྦྱིན་འདི་ལོངས་ལ། །བཟུང་བ་ལས་ནི་ཐར་བར་མཛོད། །བཅིངས་པ་ལས་ནི་ཁྲོལ་བར་མཛོད། །རིན་ཆེན་གླུད་གཏོར་འདི་བཞེས་ལ། །ཚེ་ལ་བར་དུ་མ་གཅོད་ཅིག །སྲོག་ལ་ཡེ་འདྲོག་མ་བཏང་ཞིག །ནད་ཀྱི་ཕྲ་མོ་མ་འདེབས་ཤིག །སྔོན་ཆད་མཆོད་སྦྱིན་མ་ཐོབ་ན། །དེ་རིང་བདག་གིས་ཁྱོད་མཆོད་ཀྱིས། །མར་མེ་ཞལ་ཟས་འདི་བཞེས་ལ། །བགེགས་ཀྱི་རྒྱལ་པོ་འགྲོ་བར་གྱིས། །ཁྱོད་ནི་ལྷ་ཡི་སྤྲུལ་པ་སྟེ། །ཁྱོད་ཀྱིས་བགེགས་ཀྱང་བྱེད་པར་ནུས། །རྒྱ་ཆེན་མཆོད་པ་འདི་བཞེས་ལ། །ཀླུ་གནོད་པའི་བསམ་པ་ཞི་བར་གྱིས། །གླུད་ཀྱི་གཏོར་མ་འདི་བཞེས་ཤིག །གླུད་ཀྱི་གཏོར་མས་མི་མགུ་ཞིང་། །ལུས་ལ་གནོད་པར་གྱུར་པ་ན། །ཁྱོད་ཀྱི་རྩིབ་ལོགས་གཡས་པ་

― CMR038_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །འབྲས་ཅན་ནད་ཀྱིས་ཟིན་པར་འགྱུར། །གནོད་སྦྱིན་ནད་ཀྱིས་བཏབ་པ་ན། །ཤ་བཀྲའི་ནད་ཀྱིས་ཐེབས་པར་འགྱུར། །ལྕང་ལོ་ཅན་གྱི་ཕོ་བྲང་དུ། །ནམ་ཡང་འགྲོ་བར་མི་འགྱུར་ཏེ། །འབྱུང་པོ་མང་པོ་འཚོགས་པ་ན། །སྟན་ཡང་ཐོབ་པར་མི་འགྱུར་རོ། །ལུས་ངན་དྲེགས་དང་ལྡན་པ་ཡིས། །ཁྱིམ་ཡང་མཐོང་བར་མི་འགྱུར་རོ། །ཉོན་ཅིག་མ་ལུས་བགེགས་ཀྱི་ཚོགས། །ལ་ལ་སྔོན་གྱི་ལས་ལས་གྲུབ། །ལ་ལ་འཕྲལ་གྱི་རྐྱེན་ལས་གྲུབ། །ལ་ལ་ལྷ་འདྲེ་བགེགས་སུ་གྱུར། །སྔོན་ཆད་མཆོད་སྦྱིན་མ་ཐོབ་ན། །དེ་རིང་བདག་གིས་ཁྱོད་མཆོད་པས། །རྒྱ་ཆེན་མཆོད་སྦྱིན་འདི་ལོངས་ལ། །གནོད་པའི་བསམ་པ་ཞི་བ་དང་། །ཕན་པའི་གྲོགས་སུ་བསྐྱེད་པར་བགྱི། །དགེ་དང་མི་དགེ་ནམ་ཡང་ཆུད་མི་ཟ། །བྱམས་པའི་བསམ་པ་ནམ་ཡང་ཆུད་མི་ཟ། །ལེགས་པར་སྤྱད་ན་དགེ་བའི་ལས། །ཉེས་པར་སྤྱད་ན་མི་དགེའི་ལས། །དེ་ལ་རྣམ་པར་སྨིན་པ་ཡོད། །དེ་བས་དཀོན་མཆོག་གསུམ་པོ་ཡི། །བཀའ་དང་དམ་ལས་མ་འདའ་ཞིག །རང་རང་གནས་སུ་བདེ་བར་དེངས། །གལ་ཏེ་བཀའ་ལས་འདའ་བྱེད་ན། །དེ་ལ་རྡོ་རྗེ་འཆང་

― CMR038_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོས་ནས། །སྤྱི་བོ་དག་ནི་འགེམ་པར་གྱུར། །སྤུ་གྲིའི་སོ་ནི་རྣོན་པོ་ཡིས། །དེ་ཡི་ལྕེ་ནི་གཅོད་པར་བྱེད། །མཚོན་ཆ་ཤིན་ཏུ་རྣོན་པོ་ཡིས། །དེ་ཡི་སྣ་དང་རྣ་བ་གཅོད། །འཁོར་ལོ་སྤུ་གྲི་དང་འདྲ་བས། །ཀླད་པ་རབ་ཏུ་བཤགས་པར་བྱེད། །ལྕགས་ཀྱི་ཐོ་བ་འབར་བ་ཡིས། །དེ་ཡི་སྙིང་ལ་རབ་ཏུ་གཞོམ། །རྣག་དང་ཁྲག་ནི་དྲོན་མོ་དག །ཁ་ནས་རབ་ཏུ་སྐྱུགས་པར་འགྱུར། །ཧཱུྃ། ཉོན་ཅིག་མ་ལུས་བགེགས་ཀྱི་ཚོགས། །ལན་ཆགས་གླུད་གཏོར་འདི་ཁྱེར་ལ། །རྒྱུ་སྦྱོར་ཡོན་གྱི་བདག་པོ་ཡི། །མདངས་དང་སྲོག་དབུགས་ཁྱེར་བ་ན། །འདིར་གནས་འབྱུང་པོ་གང་དག་ཀྱང་། །མཐོ་སྟེ་ཉི་ཟླ་ཐང་ལ་ལྷུང་ཡང་སྲིད། །དམའ་སྟེ་ས་གཞི་ནམ་མཁར་བཀྱག་ཀྱང་སྲིད། །ནག་སྟེ་བྱ་རོག་དཀར་པོར་འགྱུར་ཡང་སྲིད། །བྱས་པའི་ལས་ནི་ནམ་ཡང་ཆུད་མི་ཟ། །བརྒྱ་བཞིའི་ཆོ་ག་འདི་འབུལ་བས། །ཆུ་ཡི་སྐག་གཉན་གདུག་པ་ཟློག །སྔོན་ཚེ་ནགས་ཚལ་ཀླུ་དགོན་པའི་ཤིང་དྲུང་དུ། །འཕགས་པ་ཆེན་པོ་ཀུན་དགའ་བོས། །བཅོམ་ལྡན་འདས་ཀྱི་ཞབས་ལ་སྐྱབས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་ཡི་དྭགས་ཁ་

― CMR038_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་མ། །མཆོད་སྦྱིན་གཏོར་མ་འདི་ལོངས་ལ། །འཕགས་པའི་ཚེ་ལ་བར་ཆད་མ་བྱེད་ཅིག །བཅོམ་ལྡན་འདས་ཀྱིས་དེ་ལྟར་བསྔོས་པ་ཡིས། །ཡི་དྭགས་སྟོང་ཕྲག་རྣམས་འགྲང་ཞིང་། །ངོམས་ཤིང་ཚིམ་པར་གྱུར་ནས་ཀྱང་། །འཕགས་པ་དགའ་བོ་བདུད་ལས་ཐར། །བསོད་ནམས་ཚོགས་རྫོགས་ལོངས་སྤྱོད་འཕེལ། །བརྒྱ་བཞི་མཐུ་དང་ལྡན་པ་ཡི། །མཆོད་སྦྱིན་གཏོར་མ་རྒྱ་ཆེན་འདིས། །བྱུང་ཕྱོགས་ཆུ་ཡི་གནོད་པ་ཟློག །སྔོན་གྱི་གླེང་གཞི་དེ་བཞིན་དུ། །དེ་རིང་རྒྱུ་སྦྱོར་ཡོན་བདག་གི །བར་ཆད་རྐྱེན་རྣམས་བསྒྱུར་དུ་གསོལ། །བརྒྱ་བཞི་འདི་ཡི་མཐུ་སྟོབས་ཀྱིས། །བདག་དང་ཡོན་གྱི་བདག་པོ་ལ། །གཤིན་རྗེ་མ་མོ་རྒྱལ་པོ་དང་། །གནོད་སྦྱིན་བདུད་དང་ས་བདག་དང་། །ཐེའུ་རང་སྲིན་པོ་གཟའ་དང་ནི། །མི་དང་མི་མ་ཡིན་ལ་སོགས། །འབྱུང་པོའི་དམག་ཚོགས་བཟློག་ཏུ་གསོལ། །གནམ་ལོ་རྒྱལ་པོའི་སྐག་བབ་དང་། །སྤར་ཁའི་བདུན་ཟུར་ངན་པ་དང་། །ས་ཆུ་མེ་རླུང་འཇིགས་པ་རྣམས། །བརྒྱ་བཞི་འདི་ཡིས་བཟློག་ཏུ་གསོལ། །ནད་རིགས་བཞི་བརྒྱ་རྩ་བཞི་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །ཡེ་

― CMR038_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲོག་སུམ་བརྒྱ་དྲུག་ཅུ་ཟློག །རྨིས་ལྟས་མཚན་ལྟས་ངན་པ་ཟློག །ལོ་སྐག་ཟླ་སྐག་ཞག་སྐག་ཟློག །ཆེ་བདུད་ཆུང་སྲི་བསྒྱུར་དུ་གསོལ། །གོད་ཁ་གོད་འདྲེ་བསྒྱུར་དུ་གསོལ། །དེ་བཞིན་བདག་ལ་གང་འཚེ་བ། །བརྒྱ་བཞི་འདི་ཡིས་བཟློག་ཏུ་གསོལ། །ཧཱུྃ། སྟོང་ཕྲག་བརྒྱད་ཅུའི་བགེགས་རྣམས་བརྒྱ་བཞིས་ཟློག །ཉི་ཁྲི་ཆིག་སྟོང་བགེགས་རྣམས་བརྒྱ་བཞིས་ཟློག །དུས་མིན་འཆི་བ་བཅོ་བརྒྱད་བརྒྱ་བཞིས་ཟློག །ཡེ་འདྲོག་སུམ་བརྒྱ་དྲུག་ཅུ་བརྒྱ་བཞིས་ཟློག །གློ་བུར་དགུ་ཅུ་རྩ་གཅིག་བརྒྱ་བཞིས་ཟློག །བཞི་བརྒྱ་རྩ་བཞི་ནད་རྣམས་བརྒྱ་བཞིས་ཟློག །བན་དེའི་སྔགས་ཟོར་ཐམས་ཅད་བརྒྱ་བཞིས་ཟློག །བོན་པོའི་བརྡ་ཐོར་ཐམས་ཅད་བརྒྱ་བཞིས་ཟློག །བལ་པོའི་ངན་སྔགས་ཐམས་ཅད་བརྒྱ་བཞིས་ཟློག །ཞང་ཞུང་ཛོ་དབལ་ཐམས་ཅད་བརྒྱ་བཞིས་ཟློག །ས་ཡི་བྱོལ་པོ་ཐམས་ཅད་བརྒྱ་བཞིས་ཟློག །སུམ་པའི་གླང་ཟོར་ཐམས་ཅད་བརྒྱ་བཞིས་ཟློག །བཙན་གྱི་དལ་ཁ་ཐམས་ཅད་བརྒྱ་བཞིས་ཟློག །མ་མོའི་རྦོད་གཏོང་ཐམས་ཅད་བརྒྱ་བཞིས་ཟློག །གཤིན་རྗེའི་ཁྲམ་ཁ་ཐམས་ཅད་བརྒྱ་བཞིས་ཟློག །བདུད་ཀྱི་བྱོལ་ཁ་

― CMR038_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་བརྒྱ་བཞིས་ཟློག །ཀླུ་ཡི་བྱད་ཁ་ཐམས་ཅད་བརྒྱ་བཞིས་ཟློག །ཕུར་པའི་དབལ་འདེབས་ཐམས་ཅད་བརྒྱ་བཞིས་ཟློག །ཡས་ཀྱི་བདུད་གཡོས་ཐམས་ཅད་བརྒྱ་བཞིས་ཟློག །མས་ཀྱི་སྲི་ལངས་ཐམས་ཅད་བརྒྱ་བཞིས་ཟློག །ཕ་ཚན་རྒྱབ་འདྲེ་ཐམས་ཅད་བརྒྱ་བཞིས་ཟློག །དར་ཚན་སྟོང་འདྲེ་ཐམས་ཅད་བརྒྱ་བཞིས་ཟློག །གནམ་གྱི་དབལ་འདེབས་ཐམས་ཅད་བརྒྱ་བཞིས་ཟློག །ས་ཡི་སྲི་ལངས་ཐམས་ཅད་བརྒྱ་བཞིས་ཟློག །རྐེད་ལ་བྲག་རལ་ཐམས་ཅད་བརྒྱ་བཞིས་ཟློག །སྲིབ་ལ་ཤིང་ཆག་ཐམས་ཅད་བརྒྱ་བཞིས་ཟློག །བར་སྣང་བཙན་གཡོས་ཐམས་ཅད་བརྒྱ་བཞིས་ཟློག །ལྟས་ངན་བརྒྱད་ཅུ་རྩ་བཞི་བརྒྱ་བཞིས་ཟློག །ཤ་བ་རུ་འཛིངས་བདུད་ཀྱི་བྱོལ། །།བྱ་རྒོད་སྡེར་འཛིངས་རྒྱལ་པོའི་བྱོལ། །གཡག་པོ་རུ་འཛིངས་དམུ་ཡི་བྱོལ། །མདའ་ལ་ཉ་མོ་རྔ་འཛིངས་ཀླུ་ཡི་བྱོལ། །ལྟས་ངན་བྱོལ་བཞི་བརྒྱ་བཞིས་ཟློག །སྲོད་ལ་སྲིན་བྱས་ཕྲུག་ཕྲུག་ཟེར་། །བདུད་ཀྱི་བུ་མོའི་ལྟས་ངན་ཡིན། །དེ་ཡང་བརྒྱ་བཞིས་བཟློག་ཏུ་གསོལ། །རྒྱུ་སྦྱོར་ཡོན་བདག་འཁོར་བཅས་ལ། །ཕྱི་གཟའ་གཤིན་རྗེའི་ཁྲམ་ལ་བཏབ་པ་བརྒྱ་

― CMR038_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིས་ཟློག །ནང་གཟའ་སྲིན་པོའི་ངོས་བླང་བརྒྱ་བཞིས་ཟློག །བར་གཟའ་བདུད་ཀྱི་ཞགས་པས་བཅིངས་པ་བརྒྱ་བཞིས་ཟློག །ཕྱོགས་མཚམས་འདྲེ་ལྔ། བདུད་གཅོད་ཐམས་ཅད་སྒྱུར། །གནམ་སྒོ་ས་སྒོ་བརྒྱ་བཞིས་སྒྱུར། །ལོ་ཡི་བདུན་ཟུར་ཐམས་ཅད་བརྒྱ་བཞིས་སྒྱུར། །མོ་ངན་ལྟས་ངན་ཐམས་ཅད་བརྒྱ་བཞིས་སྒྱུར། །ཆག་ཆེན་ཉམ་ང་ཐམས་ཅད་བརྒྱ་བཞིས་སྒྱུར། །བནྡེའི་ཕུར་ཁ་ཐམས་ཅད་བརྒྱ་བཞིས་སྒྱུར། །གཤིན་རྗེའི་འཁོར་ལོ་བསྐོར་བ་བརྒྱ་བཞིས་སྒྱུར། །མཚེ་ཟོར་ཡུངས་ཟོར་འཕེན་པ་བརྒྱ་བཞིས་སྒྱུར། །འབྱུང་པོའི་ཐོད་ཟོར་འཕེན་པ་བརྒྱ་བཞིས་སྒྱུར། །མ་མོའི་ཁྲག་ནད་དལ་ཡམས་བརྒྱ་བཞིས་སྒྱུར། །རྒྱལ་པོའི་སྨྱོ་འབོག་བཏང་བ་བརྒྱ་བཞིས་སྒྱུར། །སྲིན་པོའི་ཤོལ་ཁ་སྟོན་པ་བརྒྱ་བཞིས་སྒྱུར། །བདུད་ཀྱི་ཁྲམ་ལ་འདེབས་པ་བརྒྱ་བཞིས་སྒྱུར། །བཙན་གྱི་ཞགས་པ་འདེབས་པ་བརྒྱ་བཞིས་སྒྱུར། །གཤིན་གྱིས་རྩིས་ལ་འདེབས་པ་བརྒྱ་བཞིས་སྒྱུར། །དྲི་ཟས་མིག་ཕུར་བཙུགས་པ་བརྒྱ་བཞིས་སྒྱུར། །ཀླུ་ཡི་བྱད་དུ་བཅུག་པ་བརྒྱ་བཞིས་སྒྱུར། །རྒྱལ་བསེན་བར་ཆད་བྱེད་པ་བརྒྱ་བཞིས་

― CMR038_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུར། །ཐེའུ་རང་ཚེ་ལ་རྐུ་བ་བརྒྱ་བཞིས་སྒྱུར། །མུ་སྟེགས་ངན་སྔགས་བྱེད་པ་བརྒྱ་བཞིས་སྒྱུར། །མ་མོའི་བསམ་ངན་གདུག་རྩུབ་བརྒྱ་བཞིས་སྒྱུར། །བནྡེའི་ཕུར་ཟོར་འཕེན། པ་བརྒྱ་བཞིས་སྒྱུར། །བོན་པོའི་དབལ་ཟོར་འཕེན་པ་བརྒྱ་བཞིས་སྒྱུར། །ཞང་ཞུང་ཛོ་དམར་འཕེན་པ་བརྒྱ་བཞིས་སྒྱུར། །སུམ་པས་རྩང་ཟོར་འཕེན་པ་བརྒྱ་བཞིས་སྒྱུར། །སྐྱེ་བོའི་མདའ་ཟོར་འཕེན་པ་བརྒྱ་བཞིས་སྒྱུར། །ཕ་མྱེས་རྒྱུད་ཀྱི་དགྲ་འདྲེ་ཐམས་ཅད་བརྒྱ་བཞིས་ཟློག །གློ་བུར་གནོད་པའི་འགོང་འདྲེ་ཐམས་ཅད་བརྒྱ་བཞིས་ཟློག །འགོང་པོ་འགོང་འདྲེའི་བར་ཆད་ཐམས་ཅད་བརྒྱ་བཞིས་ཟློག །བསེ་རག་ཚེ་ལ་རྐུ་བ་ཐམས་ཅད་བརྒྱ་བཞིས་ཟློག །རུས་ཀྱི་གཤེད་བཞི་མཆིས་པ་ཐམས་ཅད་བརྒྱ་བཞིས་ཟློག །ནད་རིགས་བཞི་བརྒྱ་རྩ་བཞི་ཐམས་ཅད་བརྒྱ་བཞིས་ཟློག །བུད་མེད་དམོད་ཟོར་འཕེན་པ་ཐམས་ཅད་བརྒྱ་བཞིས་ཟློག །མཐུ་གཏད་ཁྲམ་ཁ་ཐམས་ཅད་བརྒྱ་བཞིས་ཟློག །སྦྱོར་བ་ངན་པ་ཐམས་ཅད་བརྒྱ་བཞིས་ཟློག །བདུད་དང་གཤིན་རྗེ་སྲིན་པོ་དང་། །བཙན་དང་རྒྱལ་པོ་བསེན་མོ་དང་། །ཀླུ་དང་གནོད་སྦྱིན་འབྱུང་པོ་དང་། །གཟའ་དང་རྒྱུ་སྐར་བྱད་

― CMR038_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེམས་དང་། །གནོད་པའི་བགེགས་རྣམས་བརྒྱ་བཞིས་ཟློག །མི་མཐུན་ཐད་ཀར་མ་བཏང་ཞིག །རྟ་བདུད་སྲབ་དཀར་མ་བཏང་ཞིག །ཕྱུགས་བདུད་ར་བར་མ་བཏང་ཞིག །གློ་བུར་ཡེ་འདྲོག་མ་བཏང་ཞིག །གནོད་བྱེད་འབྱུང་པོ་ཐམས་ཅད་བརྒྱ་བཞིས་ཟློག །ཨོཾ་པདྨནྟ་ཀྲྀཏ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ། བདག་ཅག་ལ་སྡང་བ་ཐམས་ཅད་ཧ་ན་ཧ་ན་ད་ཧ་ད་ཧ་པ་ཙ་པ་ཙ་ཀུ་རུ་ཀུ་རུ་སྭཱ་ཧཱ། དེ་ནས་ལྷའི་བདུད་ཤར། འཆི་བདག་བདུད་ལྷོ། ཉོན་མོངས་པའི་བདུད་ནུབ། ཕུང་པོའི་བདུད་བྱང་དུ་བསྐྱལ། ངར་མི་ཆེ་བ་དེ་ནད་པ་ཡིན་ན་ལོ་བདུད་སྟེང་ངམ། འདྲེ་ལྔ་བདུད་གཅོད་ཕྱོགས་སུ་བསྐྱལ། བདེ་རིམ་ཡིན་ན་ཡས་ལམ་མམ། ཕྱོགས་གཙང་སར་བསྐྱལ་ལོ། །དེ་ནས་རྗེས་ཆོག་ནི། ཨོཾ་ཤཱཀྱ་མུ་ནེ་ས་པཱ་རི་ཝཱ་ར་ཨརྒྷཾ་ནས་ཤཔྟའི་བར་གྱིས་མཆོད་ལ། །ཐབས་མཁས་ཐུགས་རྗེ་སོགས་ཀྱིས་བསྟོད། མ་འབྱོར་པ་དང་སོགས་སྤྱི་ལྟར་བརྗོད་མཐར། མདུན་བསྐྱེད་ཐུབ་པ་གཙོ་འཁོར་ཡེ་ཤེས་པ་རྣམས། སྐུ་གཟུགས་དང་ཚ་ཚ་འདི་རྣམས་ལ་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། དམ་ཚིག་པ་བདག་གི་སྙིང་ཁར་ཐིམ། བདག་ཉིད་ཀྱང་མི་

― CMR038_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པ་སྟོང་པ་ཉིད་དུ་གྱུར། བགེགས་རིགས་སྟོང་ཕྲག་བརྒྱད་ཅུ་ཞི་བ་དང་སོགས་ཀྱིས་མཐའ་བརྒྱན་པར་བྱའོ། །ཚ་ཚ་ཁང་པའི་ལྟག་མ་ཡིན་པའི་བྱང་ངམ་ནུབ་ཕྱོགས་ཆུ་ཐུབ་སར་བསྐྱལ། རྡུལ་ཚོན་ཡིན་ན་བསྡུས་ཏེ་ཁང་ཐོག་ཏུ་སྤུངས་བར་བཤད། ཤོག་བུར་བྲིས་པ་ཡིན་ན་སྦྲའི་གུང་ངམ། ཁང་པའི་ལྕམ་ལ་ལན་གསུམ་སྦྱར་ཞིང་། ཐུབ་པའི་ཕྱག་གིས་བསྲུང་བྱ་རྣམས་བཀབ་པའི་མོས་པ་བྱ། ཕྱག་དང་བདུད་བཞིའི་ཙཀ་ལི་རྒྱུན་དུ་འཚག་རུང་ངོ། །ཐུབ་པས་མཛད་པར་གྲགས་པའི་གཞུང་ལས། །མོ་ངན་ཆག་ཆེན་བདུད་ཀྱིས་ཟིན། །དེ་ལ་བརྒྱ་བཞི་བྱ་བར་གསུངས། །ཚེ་དང་བསོད་ནམས་འཕེལ་བར་འགྱུར། །སྡིག་པ་བྱང་ནས་སྡུག་བསྔལ་ཞི། །བརྒྱ་བཞིའི་ཆོ་ག་བྱས་པ་ཡིས། །བསམ་པ་ཡིད་བཞིན་འགྲུབ་པར་འགྱུར། །ཞེས་དང་། ཆོས་རྗེ་ཤར་པ་ནས་བརྒྱུད་པའི་ཡིག་རྙིང་ལས། ཚོགས་རྫོགས་བར་ཆད་ཞི་བ་དང་། །ཚེ་དང་བསོད་ནམས་འཕེལ་བའོ། །བརྒྱ་བཞིའི་ཆོ་ག་འདིས་ནད་ཚབས་ཆེན་པོ་བྱུང་བ་དང་། རྨི་ལམ་ངན་པ་དང་ལྟས་ངན་བྱུང་བ་དང་། གོད་ཁ་ཆེ་བ་དང་། མོ་རྩིས་ངན་པ་དང་། བྱད་ཁ་ཆེན་པོ་སྡིག་པ་དང་། མཚེར་རྩུབ་ཆེན་པོ་བྱུང་བ་ཐམས་ཅད་ལ་ཤེས་སོ། །ཞེས་གསུངས་སོ། །ཨེ་མ་ཧོ། ཞལ་ནས་གསུངས་པའི་བརྒྱ་བཞིའི་ཆོ་ག་ཞེས། །ཀུན་གྱིས་རྩོད་མེད་ཉི་ཟླ་ལྟ་བུར་གྲགས། །ཐུབ་པས་གསུངས་པའི་འདི་ཡི་མདོ་ཕྲན་དང་། །ཕྱག་རྡོར་གྱིས་གསུངས་འདི་ཡི་རྒྱུད་ཆུང་གཉིས། །ཡོད་པར་འདུག་ཀྱང་བོད་དུ་མ་འགྱུར་བས། །

― CMR038_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་འགྱུར་ནང་དུ་མི་བཞུགས་མཐོང་ཐོས་མེད། །དེ་ཡི་མན་ངག་བརྒྱ་བཞི་བྱ་བའི་ཚུལ། །ཁ་ཆེ་པཎྜི་ཏ་ཡིས་མཛད་པ་དང་། །བཱ་རི་ལོ་ཙཱས་མཛད་གཉིས་ཁུངས་བཙུན་ཡང་། །འཁྲུགས་ཆེ་ཕྱག་ལེན་མི་གསལ་ལག་ལེན་དཀའ། །དེང་སང་བརྒྱ་བཞི་དར་སྲོལ་ཆེ་ན་ཡང་། །མ་ནོར་ཇི་བཞིན་ཤེས་པ་ཉིན་སྐར་ཙམ། །མདོ་ལུགས་བརྒྱ་བཞི་བྱེད་མཁན་རབ་བྱུང་དགོས། །སྔགས་ལུགས་ཡིན་ན་དེ་ཉིན་གདན་གཅིག་བསྲུང་། །དབུས་སུ་མཎྜལ་སྟེང་དུ་ཐུབ་སྐུ་བཤམས། །དེ་རྒྱབ་བརྒྱ་བཞི་རིམ་པ་བཞིས་བསྐོར་ནས། །དེ་རྒྱབ་མཆོད་ཡོན་སྣོད་ནི་བཅུ་གཉིས་བཤམས། །བརྒྱ་བཞི་བསྔོ་ས་མགྲོན་རིགས་བཞི་ཀར་བསྔོ། །ཚར་དུས་བསྲུང་ཕྱིར་ཚ་ཚ་ཐོག་ཁང་སྤུངས། །དེ་ནི་མདོ་ལུགས་ཡིན་པར་ཤེས་བྱ་སྟེ། །དེང་སང་གཏོ་ཆོག་སྔགས་པ་རྣམས་ཀྱིས་བྱེད། །གདན་གཅིག་སྲུང་བའང་དཀའ་ཕྱིར་འདིར་མ་བཤད། །བཤོས་བུ་མར་མེ་ངར་མི་ཚ་ཚ་རྣམས། །ཕྱོགས་བཞིར་བཤམས་ཤང་ཕུལ་དུས་ཕྱོགས་བཞིར་བསྐྱལ། །རྒྱང་བུ་མདའ་དར་ནམ་མཁའ་བཤོས་བུ་བཞི། །དཀྱིལ་འཁོར་མདུན་བཤམ་སྔོན་དུ་ལྷ་གཞུང་བསྲང་། །ཆོས་སྐྱོང་ལས་བྱང་ཚར་རྗེས་བརྒྱ་བཞི་འདོན། །རྟིང་ཕུལ་ཆོས་སྐྱོང་དམར་གཏོར་འབུལ་དགོས་པ། །སྔགས་ལུགས་ཡིན་ཏེ་འདི་ནི་ཉིན་གཅིག་གཏོ། །ཡིན་ཕྱིར་ལྷ་གཞུང་ལ་སོགས་འདོན་ལོངས་མེད། །དེ་ཕྱིར་འདི་ནི་མདོ་སྔགས་ཟུང་འཇུག་ལུགས། །སྟབས་བདེ་ཕྱག་ལེན་གསལ་ཞིང་གབ་འཁྲུགས་མེད། །ཕྱི་རབས་དགེ་བཤེས་སྔགས་ཆུང་མང་པོ་ལ། །ཕན་པའི་

― CMR038_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་བསྐྱེད་བཟང་པོས་ཀུན་བསླང་སྟེ། །རཱ་ག་ཨ་སྱས་ལེགས་པར་བསྒྲིགས་པ་ཡི། །ཡི་གེ་པ་ནི་བརྩོན་འགྲུས་ཞེས་བྱས་བྲིས། །ཉེས་འགལ་མཆིས་ན་མཁྱེན་ལྡན་རྣམས་ལ་བཤགས། །དགེ་བས་ཇི་སྲིད་འཁོར་བ་གནས་ཀྱི་བར། །འདི་ཉིད་མི་ནུབ་ཕྱོགས་བཅུར་འཕེལ་ཞིང་རྒྱས། །ཚེ་ཟད་ནད་པ་མང་པོ་ཚེ་བསྲིང་ཞིང་། །འབྲེལ་ཐོགས་ཀུན་གྱི་བདུད་བཞིའི་བར་ཆད་ཞི། །བླ་མེད་བྱང་ཆུབ་དམ་པ་མྱུར་ཐོབ་ཤོག །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བརྒྱ་བཞི་བསྡུས་པ།

― CMR038_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་བཞི་བསྡུས་པ་ནི། ཟངས་སྡེར་གཅིག་གི་ནང་དུ། དབུས་སུ་སཱཙྪགཅིག་བཞག །ཤར་དུ་དཀར་གཏོར་བཞི། བྱང་དུ་ཕོ་གླུད་མོ་གླུད། ལྷོར་མར་མེ་དང་དར་སྣ་ཚོགས། གོས་སྣ་ཚོགས། མི་ཁའི་ཡས་རྫས། ཤ་དུམ། ཆངས་བུ། ཕྱེ་མར་བཅས་བཤམས་ལ་ཆུ་གཙང་གིས་བྲན་ལ་འདི་སྐད་དོ།། རཾ་ཡཾ་ཁཾ། ཨོཾ་བཛྲ་ཡཀྵ་ཧཱུྃ། ཨོཾ་སྭ་བྷ་ཝ་ཤུདྡྷསོགས། གླུད་གཏོར་འདོད་པའི་ཡོན་ཏན་ལྔ་དང་ལྡན་པར་གྱུར། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་ཡོངས་སུ་བྲལ་བ་ལ་ཕྱག་འཚལ་ལོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ༔ ལན་གསུམ་བརྗོད། མཆོད་སྦྱིན་གྱི་གླུད་གཏོར་རྒྱ་ཆེན་པོ་འདི། བསྔོ་ཞིང་སྦྱིན་པའི་གནས་སུ་གྱུར་པ་ནི་བདག་དང་བསྲུང་བྱ་ལ་གནོད་ཅིང་འཚེ་བར་བྱེད་པའི། ལྷ་ཡི་བུའི་བདུད། ཉོན་མོངས་པའི་བདུད། ཕུང་པོའི་བདུད། འཆི་བདག་གི་བདུད་ཀྱི་རིགས་སུ་གྱུར་པ་ལ་སྦྱིན་ནོ། །བསྔོ་ཞིང་འབུལ་ལོ། །བདུད་བཞིའི་གནོད་པ་དང་། བསམ་

― CMR038_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

གདུག་རྩུབ་མཚན་ལྟས་ངན་པ་ཐམས་ཅད་ཞི་ཞིང་བསྒྱུར་དུ་གསོལ། མོ་རྩིས་རྨི་ལམ་ངན་པ་ཐམས་ཅད་དང་། ནད་གདོན་བར་ཆད་དུས་མ་ཡིན་པའི་འཆི་བའི་འཇིགས་པ་ཐམས་ཅད་ཟློག་ཅིག །འདི་ཡན་གྲངས་བསོགས་དགོས། ཧཱུྃ། དཀོན་མཆོག་གསུམ་ལ་ཕྱག་འཚལ་ལོ། །བདུད་བཞི་བདུད་ཀྱི་སྡེར་གཏོགས་པའི། །སྣང་སྲིད་ལྷ་འདྲེ་བགེགས་ཀྱི་ཚོགས། །ལན་ཆགས་བདག་པོ་ཐམས་ཅད་ལ། །སཱཙྪ་བརྒྱ་དང་མར་མེ་བརྒྱ། །ཞལ་ཟས་བརྒྱ་དང་ངར་གླུད་བརྒྱ། །མདོས་ཚང་བརྒྱ་དང་ཆུ་གཏོར་བརྒྱ། །ལྷ་སྲིན་སྡེ་བརྒྱད་ཕྱག་ཏུ་འབུལ། །སྐྱེས་པ་བུད་མེད་བྱི་སྦ་དང་། །ནོར་དང་ཕྱུགས་ཀྱི་གླུད་དུ་འབུལ། །སྡེ་བརྒྱད་ཞལ་ཁ་ད་སྒྱུར་ཅིག །ཆག་ཆེན་ཉམ་ང་འདི་ཡིས་ཟློག །སྔོན་ལས་འཕྲལ་རྐྱེན་ངན་པ་ཟློག །ནད་གདོན་བར་ཆད་བགེགས་རིགས་ཟློག །དུས་མིན་འཆི་བའི་འཇིགས་པ་ཟློག།གཟའ་ཀླུ་རྒྱལ་བཙན་གནོད་པ་ཟློག །ཆོས་ཉིད་སྟོང་པའི་ཀློང་དུ་ཟློག་སྒྱུར་ཅིག །ཨ་ར་པ་ཙ་ཧྲི་ཧི། ཨ་ཡ་མ་དུ་རུ་ཙ་ཤ་ན་དུ་ཧྲི་སརྦ་ཨ་པ་ར་ན་ཡེ་སྭཱ་ཧཱ། ཞེས་བརྒྱ་བཞི་དོན་བསྡུས། ༧ རཱ་ག་ཨ་སྱས་བཀོད་ནས། འགྲོ་བ་སེམས་ཅན་ཐམས་ཅད་བདུད་བཞིའི་

― CMR038_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་ལས་གྲོལ་ནས་བཀྲ་ཤིས་པར་ཤོག །ཤེས་རབ་སྙིང་པོའི་མདོ་བཟློག་གམ་ག་ཏེའི་གཟུངས་ཟློག་བྱས་ལ་སྟོང་ཉིད་བསྒོམ་མོ། །སརྦ་མངྒ་ལཾ། བཀྲ་ཤིས་པར་ཤོག། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཤེས་རབ་སྙིང་པོའི་བརྒྱུད་པའི་གསོལ་འདེབས།

― CMR038_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་སྙིང་པོའི་བརྒྱུད་པའི་གསོལ་འདེབས་ནི། ན་མོ་པྲཛྙཱ་པཱ་ར་མི་ཏ་ཡེ། སེང་ཁྲི་པདྨ་ཟླ་བའི་སྟེང་། །གསེར་མདོག་ས་གནོན་མཉམ་བཞག་མཛད། །ཆོས་གོས་གསུམ་གསོལ་སྐྱིལ་ཀྲུང་བཞུགས། །རྫོགས་སངས་རྒྱས་ལ་གསོལ་བ་འདེབས། །ཤེས་རབ་རྫུ་འཕྲུལ་ཆེ་བའི་མཆོག །ཉེ་རྒྱལ་དང་ནི་སང་ནས་སྐྱེས། །ཉོན་མོངས་གཡུལ་ལས་རབ་རྒྱལ་བའི། །ཉན་ཐོས་གཉིས་ལ་ཕྱལ་འཚལ་ལོ། །རང་གི་སྙིང་ཁར་ཟླ་བའི་སྟེང་། །ཤེས་རབ་སྙིང་པོ་ཟབ་པའི་མདོ། །ཡིག་འབྲུ་དཀར་ཞིང་རབ་གསལ་བའི། །དམ་ཆོས་དེ་ལ་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །ཤེས་རབ་ཕ་རོལ་ཕྱིན་པ་ཡི། །རྟོགས་པ་རྒྱུད་ལ་སྐྱེ་བ་དང་། །འཕེལ་ཞིང་བརྟན་པར་བྱིན་གྱིས་རློབས། །ཁྱོད་ཀྱི་མཛོད་སྤུའི་འོད་ཟེར་གྱིས། །སྣོད་བཅུད་བདག་དང་བཅས་པ་ཀུན། །མེ་ལོང་ནང་གི་གཟུགས་བརྙན་ལྟར། །སྣང་སྟོང་རྟོགས་པར་བྱིན་གྱིས་རློབས། །ཕུང་པོ་ཁམས་དང་སྐྱེ་མཆེད་མེད། །བདེན་པ་བཞི་དང་རྟེན་འབྱུང་མེད། །སྐྱེ་འགག་འགྲོ་འོང་ཀུན་མེད་པ། །བདག་མེད་རྟོགས་པར་བྱིན་གྱིས་རློབས། །སྔོན་

― CMR038_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་བདུད་ཀྱི་དཔུང་གཡོས་ཚེ། །དབང་པོའི་ཡུལ་དོན་རབ་བསྒོམ་མཐུས། །ལོག་འདྲེན་དཔུང་ཆེན་བཟློག་པ་ལྟར། །རྐྱེན་ངན་བཟློག་པར་བྱིན་གྱིས་རློབས། །ཞེས་པ་འདི་སྔ་སོར། རྒྱལ་བ་མཆོག་གི་སྤྲུལ་པའི་སྐུ་དྲུག་པའི་ཞབས་དྲུང་ནས་མདོ་ཤེར་སྙིང་ལེགས་པར་ཐོབ་པས། ཕྱིས་དེའི་སྒྲུབ་ཐབས་མཐུན་པའི་གསོལ་འདེབས་འདི་༧ ཨ་རཱ་གས་སྦྱར་བའོ།། །།

ཤེས་རབ་སྙིང་པོ་ལས། བདུད་བཞིའི་གླུད་མདོས།

― CMR038_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་སྙིང་པོ་ལས། བདུད་བཞིའི་གླུད་མདོས་བཞུགས་པའི་དབུའོ།།

― CMR038_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་པྲཛྙཱ་པ་ར་མི་ཏ་ཡེ། ཡུམ་ཆེན་ཤེས་རབ་ཕ་རོལ་ཕྱིན་མ་ལ་ཕྱག་འཚལ་ལོ། །གཉིས་པ་གཞུང་གི་ཉམས་ལེན་དངོས་ལ། རང་གི་མཉྫིའི་ཁར་ཐུབ་པའི་གསེར་སྐུའམ། བྲིས་སྐུ་བཤམས་ལ། དེའི་མདུན་དུ་ཉེར་སྤྱོད་ལྔ་སོགས་མཆོད་པ་བཤམས། མདུན་དུ་གཞི་དཀར་སྟེང་དུ། ཤར་དུ་ལྷ་ཡི་བུའི་བདུད་མི་དཀར་རྟ་དཀར་ཅན་གཡས་མདའ་དར་དང་གཡོན་ཞགས་པ་འཛིན་པ་བདུན། ལྷོ་རུ་ཕུང་པོའི་བདུད་མི་སེར་རྟ་སེར་ཅན་གཡས་རལ་གྲི་དང་གཡོན་ཞགས་པ་འཛིན་པ་བདུན། ནུབ་ཏུ་ཉོན་མོངས་པའི་བདུད་མི་དམར་རྟ་དམར་ཅན་གཡས་མདུང་དར་དང་། གཡོན་ཞགས་པ་འཛིན་པ་བདུན། བྱང་དུ་འཆི་བདག་གི་བདུད་ནག་པོ་མི་ནག་རྟ་ནག་ཅན་གཡས་ཁྲམ་ཤིང་དང་གཡོན་ཞགས་པ་འཛིན་པ་བདུན་བཤམས། ལྷ་བདུད་

― CMR038_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ལྷ་བཤོས་གཅིག །ཕུང་བདུད་ལ་གཏོར་མ་མེ་ཏོག་དབྱིབས་ཅན། ཉོན་མོངས་བདུད་ལ་དཀར་གཏོར་རྩེ་རྒྱལ་གཅིག །འཆི་བདག་བདུད་ལ་དམར་གཏོར་གཅིག་བཤམས། བདུད་བཞིའི་མདུན་དུ་ཁལ་བདུན་རེ། ཁྱི་བདུན་རེ། ཆངས་བུ་བདུན་རེ། ཤ་དུམ་བདུན་རེ། མཐེབ་སྐྱུ་བདུན་རེ། ཟན་བཅད་བདུན་རེ་དེ་རྣམས་ཆུ་བཞི་བདུད་བཞིའི་མདུན་དུ་བཤམས། ངར་མི་རྒྱན་ལྡན་དར་ཚོན་གྱི་གོས་བཀོན་ཆངས་བུ་ཏིང་ལོ་དང་བཅས་པ་ཁ་ཕར་བསྟན་ལ་བཞག །ཐུབ་པའི་ཞལ་རང་ལ་བསྟན་ནས་བཤམས། དེ་ནས་སྐྱབས་འགྲོ་སེམས་བསྐྱེད་སྔོན་དུ་བཏང་ནས། བདག་མདུན་གཉིས་ཐ་མི་དད་པར་བསམས་ལ། བདག་མདུན་མི་དམིགས་པ་སྟོང་པར་གྱུར། སྟོང་པའི་ངང་ལས་རིན་པོ་ཆེའི་

― CMR038_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲི་པདྨ་དང་ཟླ་བའི་གདན་གྱི་སྟེང་དུ། སྟོན་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་སྐུ་མདོག་གསེར་བཙོ་མའི་མདོག་ལྟ་བུ་ཞལ་གཅིག་ཕྱག་གཉིས་པ། གཡས་ས་གནོན་དང་གཡོན་མཉམ་བཞག་གི་ཕྱག་རྒྱ་ཅན། དབུ་ལ་གཙུར་ཏོར་དང་ཞབས་ལ་འཁོར་ལོ། མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་སྤྲས་པ། འོད་དང་འོད་ཟེར་གྱི་ཚོགས་དཔག་ཏུ་མེད་པར་འཕྲོ་བ། དམ་ཚིག་པ་དང་ཡེ་ཤེས་པ་གཉིས་སུ་མེད་པར་གསལ་བའི་འཁོར་དུ། གཡས་སུ་བྱང་ཆུབ་སེམས་དཔའ་སྤྱན་རས་གཟིགས་གཡོན་དུ་སེམས་དཔའ་བྱམས་པ་ལ་སོགས་པའི་བྱང་ཆུབ་སེམས་དཔའ་ཉན་ཐོས་རང་རྒྱལ་དང་། ཕྱོགས་བཅུའི་སངས་རྒྱས་ཀྱིས་བསྐོར་བ་གཙོ་བོའི་ཐུགས་ཀར་ཟླ་བའི་སྟེང་དུ། ཡུམ་ཆེན་མོ་དེའི་ཐུགས་ཀར་ཟླ་བའི་དཀྱིལ་འཁོར་གྱི་དབུས་སུ་ཨ་དེའི་མཐར་ཤེས་རབ་སྙིང་པོའི་མདོ་ཡིག་འབྲུ་རྣམས་གསལ་བ་ལས་རང་སྒྲ་དང་བཅས་པ་ལས་འོད་ཟེར་འཕྲོས་རྒྱལ་བ་ཐམས་ཅད་ལ་མཆོད་པ་འབུལ། བྱིན་རླབས་ནུས་མཐུ་ཐམས་ཅད་བསྡུས་ནས་རང་དང་བསྲུང་བྱ་རྣམས་ཀྱིས་གཙོར་བྱས་པའི་སེམས་ཅན་ཐམས་ཅད་ལ་ཕོག་པས་སྡིག་

― CMR038_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

དག །ནད་གདོན་བར་ཆད་ཐམས་ཅད་ཞི་ནས་སྟོང་ཉིད་བཅོ་བརྒྱད་ཀྱི་དོན་རྒྱུད་ལ་སྐྱེ་བར་གྱུར་སྙམ་པའི་ངང་ནས་ཤེས་རབ་སྙིང་པོ་ཅི་ནུས་བཟླ། དེ་ནས་མཆོད་པ་བྱིན་གྱིས་བརླབས་ལ། ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ཁཾ་སྭཱ་ཧཱ། དེ་བཞིན་དུ། པཱཧུཾ་པུབྦེ་དྷ་པེ་ཨཱ་ལོ་ཀེ་གྷནྡྷེ་ནི་ཝི་དྱ་ཤརྡ་པྲ་ཏིཙྪ་སོགས། གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ། །ས་ཆེན་འདི་ལ་གོམ་པ་བདུན་བོར་ནས། །ང་ནི་འཇིག་རྟེན་འདི་ན་མཆོག་ཅེས་གསུངས། །དེ་ཚེ་མཁས་པ་ཁྱོད་ལ་ཕྱག་འཚལ་ལོ། །ཞེས་སོགས་ཀྱིས་བསྟོད་པ་གང་མོས་བྱ། འདོད་པའི་དོན་ལ་གསོལ་བ་བཏབ། དེ་ནས་མདུན་གྱི་གླུད་བྲན་ལ། བདུད་བཞི་སྤྱན་འདྲེན་པ་ནི། ཀྱཻ། ལྷ་བུའི་བདུད་ནི་དཀར་པོ་ཁྱོད། །སེམས་ཅན་ཆོས་སྤངས་ལས་བྱེད་པ། །ཅི་ཡང་མེད་པའི་གནས་སུ་ནི། །ལྷ་བདུད་དཔུང་དང་སྤྲུལ་པ་བཅས། །གདན་བཤམས་རང་གཟུགས་དམ་པ་འདིར། །སྔགས་འཆང་བདག་གིས་སྤྱན་འདྲེན་ན། །སྐད་ཅིག་ཡུད་ཙམ་འདིར་གཤེགས་ལ། །རང་གཟུགས་འདི་ལ་བཞུགས་སུ་གསོལ། །ཛཿཧཱུྃ་བཾ་ཧོཿགཉིས་མེད་ཐིམ། །ཀྱཻ། ཕུང་པོའི་བདུད་ནི་སེར་པོ་ཁྱོད། །རྣམ་

― CMR038_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་མཐའ་ཡས་གནས་ནས་ནི། །འདུས་པ་བཞི་ནི་འབྱུང་བ་ཡི། །གྲིབ་ལྟར་ལྷན་ཅིག་སྐྱེས་པའི་ཕྱིར། །ཕུང་པོའི་བདུད་ཀྱི་དམག་ཚོགས་རྣམས། །སྔགས་འཆང་བདག་གིས་སྤྱན་འདྲེན་ན། །སྐད་ཅིག་ཡུད་ཙམ་འདིར་གཤེགས་ལ། །རང་གཟུགས་འདི་ལ་བཞུགས་སུ་གསོལ། །ཛཿཧཱུྃ་བཾ་ཧོཿགཉིས་མེད་ཐིམ། །ཀྱཻ། ཉོན་མོངས་བདུད་ནི་དམར་པོ་ཁྱོད། །ཡོད་མིན་མེད་མིན་གནས་ནས་ནི། །སེམས་ཅན་ཉོན་མོངས་འཁོར་བར་འཁྱམས། །ཉོན་མོངས་བདུད་ཀྱི་དམག་ཚོགས་རྣམས། །སྔགས་འཆང་བདག་གིས་སྤྱན་འདྲེན་ན། །སྐད་ཅིག་ཡུད་ཙམ་འདིར་གཤེགས་ལ། །རང་གཟུགས་འདི་ལ་བཞུགས་སུ་གསོལ། །ཛཿཧཱུྃ་བཾ་ཧོཿགཉིས་མེད་ཐིམ། །ཀྱཻ། འཆི་བདག་བདུད་ནི་ནག་པོ་ཁྱོད། །ནམ་མཁའ་མཐའ་ཡས་གནས་ནས་ནི། །སེམས་ཅན་འཆི་བའི་ལས་བྱེད་པ། །འཆི་བདག་དམག་ཚོགས་དཔུང་དང་བཅས། །།ཡོན་བདག་བར་ཆད་བསལ་བའི་ཕྱིར། །དེ་རིང་ཡོན་བདག་འདི་དག་གིས། །མཆོད་པ་འབུལ་ཕྱིར་འདིར་གཤེགས་ལ། །རང་གཟུགས་འདི་ལ་བཞུགས་སུ་གསོལ། །ཛཿཧཱུྃ་བཾ་ཧོཿགཉིས་མེད་ཐིམ། །

― CMR038_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་བཞི་གཡོས་པ་བསྒྱུར་དུ་གསོལ། །དེ་ནས་ཤེར་སྙིང་ཚར་གསུམ་ཟློག་པ་གསུམ། མཉམ་དུ་གླུད་དང་བདུད་བཞིའི་སོ་སོར་ཁ་བསྒྱུར་ལ་བཞག །སྙིང་པོ་ཚར་གསུམ་ཟློག་པ་རེ་བཅས། བདུད་སྐྱ་མི་ཆ་ཚང་མ་ནོར་བར་བྱས་ལ། ༈ དང་པོ་ལྷ་ཡི་བདུད་ཀྱི་མདུན་དུ་ལྷ་བཤོས་བཞག །ཁལ་དང་། ཁྱི་དང་། ལན་ཆགས་ཤ་དུམ་སོགས་བཞག་ལ་བྲན། ཤེར་སྙིང་འདོན་མི་གསུམ་ཡོད་ན་ལེགས། ཚར་གསུམ་ལ་དགུ་འགྲོ། ཨོཾ་ཨཱཿཧཱུྃ། གིས་བྱིན་གྱིས་བརླབས་ལ། ཨོཾ་ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་སོགས་ཚང་བར་བྱ། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །ཞལ་ཟས་རོ་བརྒྱ་དང་ལྡན་པའི་ལོངས་སྤྱོད་འདི་དག་ལྷ་ཡི་བུ་ཡི་བདུད་ཀྱི་དམག་ཚོགས་ལ་འབུལ་ལོ། །རང་རང་སོ་སོའི་བསམ་པ་དང་མཐུན་པའི་ལོངས་སྤྱོད་ཟད་མི་ཤེས་པ་གྱུར་ཅིག །ཐམས་ཅད་མཉེས་ཤིང་ཚིམས་ནས་བདུད་བཞིའི་གཡོས་པའི་གནོད་པ་བསྒྱུར་དུ་གསོལ། །ཅེས་བརྗོད་ལ། ཐམས་ཅད་ནམ་མཁའ་མཛོད་བཞིན་དུ། །ལོངས་སྤྱོད་

― CMR038_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་པ་མེད་པ་ལ། །རྩོད་པ་མེད་ཅིང་འཚེ་མེད་པ། །རང་དབང་དུ་ནི་སྤྱོད་པར་ཤོག །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པ་འབྱུང་གྱུར་ཅིག །དེ་བཞིན་ཕུང་པོའི་བདུད་ལ་གཏོར་མ་མེ་ཏོག་དབྱིབས་ཅན་བཞག་ལ། ཁལ་དང་། ཁྱི་དང་ལན་ཆགས་སོགས་བཞག་ལ་བྲན། ཨོཾ་ཨཱཿཧཱུྃ། དང་སམྦྷ་རའི་བྱིན་གྱིས་བརླབས་ལ། དེ་བཞིན་གཤེགས་པ་བཞིའི་མཚན་བརྗོད་ལ། གཏོར་མ་མེ་ཏོག་དབྱིབས་ཅན་རོ་བརྒྱ་དང་ལྡན་པར་ལོངས་སྤྱོད་ཕུན་ཚོགས་པ་འདི་ཉིད་ཕུང་པོའི་བདུད་ཀྱི་དམག་ཚོགས་ལ་འབུལ་ལོ། །རང་རང་སོ་སོའི་བསམ་པ་དང་མཐུན་པའི་ལོངས་སྤྱོད་ཟད་མི་ཤེས་པར་གྱུར་ཅིག །ཐམས་ཅད་མཉེས་ཤིང་ཚིམས་ནས་བདུད་བཞིའི་གཡོས་པའི་གནོད་པ་བསྒྱུར་དུ་གསོལ། ཐམས་ཅད་ནམ་མཁའ་མཛོད་སོགས་ནས། འབྱུང་གྱུར་ཅིག ༈ ཉོན་མོངས་བདུད་ལ་དཀར་གཏོར་དང་། ཁལ་དང་ཁྱི་དང་ལན་ཆགས་ཤ་དུམ་སོགས་བཞག་ལ་བྲན། གོང་ལྟར། ཨོཾ་ཨཱཿཧཱུྃ་དང་སམྦྷ་རའི་བྱིན་གྱིས་བརླབས་ལ་དེ་བཞིན་གཤེགས་པ་བཞིའི་མཚན་བརྗོད་ལ། །

― CMR038_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་གཏོར་རོ་བརྒྱ་དང་ལྡན་པ་ལོངས་སྤྱོད་ཕུན་སུམ་ཚོགས་པ་འདི་ཉིད་ཉོན་མོངས་པའི་བདུད་ཀྱི་དམག་ཚོགས་ལ་འབུལ་ལོ། །རང་རང་སོ་སོའི་བསམ་པ་དང་མཐུན་པའི་ལོངས་སྤྱོད་ཟད་མི་ཤེས་པར་གྱུར་ཅིག །ཐམས་ཅད་མཉེས་ཤིང་ཚིམས་ནས་བདུད་བཞིའི་གཡོས་པའི་གནོད་པ་བསྒྱུར་དུ་གསོལ། ཐམས་ཅད་ནམ་མཁའ་མཛོད་བཞིན་སོགས་ནས། འབྱུང་གྱུར་ཅིག །དེ་ནས་འཆི་བདག་བདུད་ཀྱི་མདུན་དུ་དམར་གཏོར་དང་། ཁལ་དང་ཁྱི་དང་ལན་ཆགས་མཐེབ་སྒྱུ་ཤ་དུམ་ཟན་བཅད་བཞག་ལ་གོང་ལྟར། ཨོཾ་ཨཱཿཧཱུྃ། དང་སམྦུ་རའི་སྔགས་ཀྱིས་བྱིན་གྱིས་བརླབས་ལ། དེ་བཞིན་གཤེགས་པ་བཞིའི་མཚན་བརྗོད་ལ། དམར་གཏོར་རོ་བརྒྱ་དང་ལྡན་པ་ལོངས་སྤྱོད་ཕུན་སུམ་ཚོགས་པ་འདི་ཉིད་འཆི་བདག་བདུད་ཀྱི་དམག་ཚོགས་རྣམས་ལ་འབུལ་ལོ། །རང་རང་སོ་སོའི་བསམ་པ་དང་མཐུན་པའི་ལོངས་སྤྱོད་ཟད་མི་ཤེས་པར་གྱུར་ཅིག །ཐམས་ཅད་མཉེས་ཤིང་ཚིམས་ནས་བདུད་བཞིའི་གཡོས་པའི་གནོད་པ་བསྒྱུར་དུ་གསོལ། ཐམས་ཅད་ནམ་མཁའ་མཛོད་བཞིན་དུ་སོགས། འབྱུང་གྱུར་ཅིག །དེ་ནས་ངར་མིའི་སྟེང་དུ་ནད་པའམ། ཆག་ཆེ་བ་ལ་ཁྲུས་བྱས་ལ། ཡི་གེ་གསུམ་དང་། སམྦྷ་ར་སོགས་དང་བདེ་གཤེགས་

― CMR038_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་མཚན་བརྗོད་ལ་བྱིན་གྱིས་བརླབས་ནས། ཧཱུྃ། ངར་གྱི་མི་ཕོ་མཛེས་པ་འདི། །ཡོན་བདག་འདི་ཞེས་བྱ་བའི་གླུད། །རྒྱུ་ནི་རིན་ཆེན་ལྔ་ལས་གྲུབ། །དར་ཚོན་རྣམས་ཀྱི་ཆས་ཀྱིས་བརྒྱན། །རྒྱན་ཆ་དེ་ནི་ལྷུབས་སེ་ལྷུབ། །ཁ་རུ་ཟས་སྐོམ་གཡོས་སུ་བཅུག །ལག་ཏུ་གསེར་སྐྱེམས་སྔོན་མོ་བསྐུར། །བདུད་བཞི་རྣམས་ཀྱི་ཕྱག་ཏུ་འབུལ། །བདུད་ལ་འཕྲད་དེ་ནི་ལ་རུ་ཟློག །ལུང་འཕྲད་དེ་ནི་ལུང་དུ་ཟློག །སྨྲ་མཁས་དེ་ནི་སི་ལི་ལི། །འགྲོ་མཁན་དེ་ནི་ལྡེམས་སེ་ལྡེམ། །མགོ་ལ་ཐོད་བཅིངས་བཀྲག་རེ་ཆེ། །ལུས་བཟང་དེ་ནི་གོས་ཀྱིས་བརྒྱན། །མིང་དང་གཟུགས་བཟང་སྟོབས་པོ་ཆེ། །བཟུང་བའི་ཡུལ་ནི་མ་མཆིས་སོ། །ཡོན་གྱི་བདག་པོ་བསླུ་བའི་ཕྱིར། །དེ་རིང་བདག་གིས་འདི་བཏང་ངོ། །གླུད་བདག་ཆེན་པོས་གླུད་བཞེས་ཤིག །རྣམ་ཤེས་ཚོགས་བརྒྱད་འབྱུང་བ་ལྔ། །རྟེན་ཅིང་འབྲེལ་བར་འབྱུང་བའི་གླུད། །ཁམས་དང་སྐྱེ་མཆེད་རྣམས་ཀྱི་གླུད། །དབང་པོ་ཚོགས་དྲུག་རྣམས་ཀྱི་གླུད། །འབྲུ་མཆོག་ངར་གྱི་མི་ཕོ་ཆེ། །རིན་ཆེན་སྣ་ལྔའི་ན་བཟའ་ཅན། །འཁོར་བའི་གཡུལ་བཟློག་དར་མདུང་གཡས། །གཡོན་པས་ཐར་དགུ་ལམས་

― CMR038_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

སེ་ལམ། །རྐང་པ་གཡས་པ་ཐབས་ཆེན་ལྕགས། །རྐང་པ་གཡོན་པ་ཤེས་རབ་ཟངས། །དེ་འདྲའི་འབྲུ་མཆོག་མི་ཕོ་ཆེ། །བདུད་བཞིའི་དམག་ཚོགས་ཐམས་ཅད་ལ། །ཡོན་བདག་འདི་ཡི་གླུད་དུ་འབུལ། །མི་བས་གླུད་བཟང་ཡ་མཚན་ཅན། །བདུད་བཞིའི་དམག་ཚོགས་ཐམས་ཅད་ཀུན། །གླུད་བཟང་མཛེས་པ་འདི་ཁྱེར་ལ། །ད་ནི་རང་རང་གནས་སུ་ཆོས། །དཀོན་མཆོག་གསུམ་གྱི་བཀའ་མ་བཅག།སྔོན་ཚེ་ལྷ་དབང་བརྒྱ་བྱིན་དུས། །བཅོམ་ལྡན་ཤཱཀྱ་ཐུབ་པ་ཡིས། །བདུད་བཞི་བཀུག་ནས་ཡས་གླུད་བྱིན། །བཀའ་བསྒོས་དམ་བཞག་མཛད་པ་བཞིན། །དམ་ཚིག་དེ་ཉིད་དྲན་གྱིས་ལ། །འཁོར་འདིར་གནོད་པ་མ་བྱེད་ཅིག །བདུད་རྣམས་རང་རང་གནས་སུ་སོང་། །བདུད་ཁ་གླུད་ཀྱིས་ཆོད་པ་གྱིས། །གནོད་པའི་བསམ་པ་ཞི་གྱུར་ཅིག །ཐམས་ཅད་ནམ་མཁའ་མཛོད་བཞིན་དུ། །ལོངས་སྤྱོད་ཟད་པ་མེད་པ་དང་། །རྩོད་པ་མེད་ཅིང་འཚེ་མེད་པ། །རང་དབང་དུ་ནི་སྤྱོད་པར་ཤོག །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་

― CMR038_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པ་འབྱུང་གྱུར་ཅིག །ངར་མི་བདུད་བཞིའི་དཀྱིལ་དུ་འབུལ། །དེ་ནས་རྫོངས་འདེབས་བྱ་བ་ནི༔ ཧཱུྃ། ང་ནི་བཅོམ་ལྡན་ཤཱཀྱ་ཐུབ། །ང་ནི་དཔལ་ཆེན་ཧེ་རུ་ཀ །ང་ནི་དཔལ་ཆེན་གསང་བའི་བདག །བདག་ནི་རིག་འཛིན་སྒྲུབ་པ་པོ། །ང་ནི་བདུད་བགེགས་གཉེན་པོ་སྟེ། །བདུད་ཆེན་དང་ནི་ལྷ་དང་ཀླུ། །འབྱུང་པོ་ཡི་དྭགས་ཤ་ཟ་དང་། །ནད་བདག་མ་མོ་ལ་སོགས་པ། །ང་ཡི་བཀའ་ལས་མ་འདའ་བར། །ངར་གླུད་གཏོར་མ་འདི་བཞེས་ལ། །བདག་དང་རྒྱུ་སྦྱོར་ཡོན་བདག་གི །ནད་གདོན་བར་ཆད་ཞི་བར་མཛོད། །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཁྱོག །ཟབཅོལ་བའི་ཕྲིན་ལས་མ་བསྒྲུབས་ན། །སྔོན་གྱི་བདེ་གཤེགས་ཆད་པ་ཡིས། །སེམས་ཅན་དམྱལ་བ་རྣམས་སུ་ཡང་། །ཡང་ནས་ཡང་དུ་སྐྱེ་འགྱུར་ཞིང་། །ཤིན་ཏུ་སྡུག་བསྔལ་སྣ་ཚོགས་སྤྱོད། །དེ་བས་བར་ཆད་གནོད་མ་བྱེད། །བདུད་བཞི་རང་རང་གནས་སུ་ཆོས། །བདེན་ཅིང་བསླུ་མེད་རྒྱལ་བའི་བཀའ། །དེ་བཞིན་སྒྲུབས་དང་བདེ་བ་ཐོབ། །

― CMR038_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་རྒྱུ་སྦྱོར་ཡོན་བདག་ཀུན། །བདུད་ཆེན་བཞི་ལས་ཐར་བ་དང་། །བར་ཆད་ནད་གདོན་མྱུར་ཞི་ནས། །བསམ་པའི་དོན་རྣམས་འགྲུབ་པར་མཛོད། །དེ་ནས་རྫོངས་འདེབས་ནི། ཀྱཻ། བདུད་ཀྱི་རྒྱལ་པོ་ཁྱེད་བཞི་ལ། །ལྷ་མིའི་ལོངས་སྤྱོད་རྫོངས་སུ་འདེབས། །འབྲུ་དང་དར་ཚོན་རྫོངས་སུ་འདེབས། །ཤ་དུམ་ཆང་ཕུད་རྫོངས་སུ་འདེབས། །རྫོངས་འདེབས་དྲག་པོ་འདི་ཁྱེར་ལ། །ལྷ་བུའི་བདུད་ནི་དཀར་པོ་ཁྱོད། །ཅི་ཡང་མེད་པའི་གནས་སུ་དེངས། །ཕུང་པོའི་བདུད་ནི་སེར་པོ་ཁྱོད། །རྣམ་ཤེས་མཐའ་ཡས་གནས་སུ་དེངས། །ཉོན་མོངས་བདུད་ནི་དམར་པོ་ཁྱོད། །ཡོད་མིན་མེད་མིན་གནས་སུ་དེངས། །འཆི་བདག་བདུད་ནི་ནག་པོ་ཁྱོད། །ནམ་མཁའ་མཐའ་ཡས་གནས་སུ་དེངས། །ཤེས་སྒྲིབ་ཉོན་མོངས་ལས་བྱུང་བའི། །ལྷ་ཡི་བདུད་དང་ཉོན་མོངས་བདུད། །ཕུང་པོའི་བདུད་དང་འཆི་བདག་བདུད། །བདུད་བཞི་བདུད་ཀྱི་དམག་ཚོགས་རྣམས། །མཆོད་སྦྱིན་མདོས་གཏོར་འདི་བཞེས་ལ། །རྒྱུ་སྦྱོར་ཡོན་བདག་འདི་དག་རྣམས། །བཟུང་བ་ཐོངས་ལ་བཅིངས་བ་ཁྲོལ། །མནན་པ་ཁྱོག་ལ་བསྡམས་པ་

― CMR038_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློད། །བདུད་ཆེན་མི་ལ་མ་འབེབས་རང་སར་དེངས། །སྐྱེ་མཆེད་མུ་བཞིའི་གནས་སུ་དེངས། །རང་རང་མཛེས་པའི་ཕོ་བྲང་དུ། །བདེ་བའི་སེམས་དང་ལྡན་པར་མཛོད། །འཁོར་འདིར་གནོད་པ་མ་བྱེད་ཅིག །རང་རང་གནས་སུ་བདེ་བར་དེངས། །ས་མ་ཡ་པྲ་བེ་ཤ་ཡ་ཕཊ༔ ཕྱོགས་གཙང་སར་ཅུང་ཟད་དཔག་ལ་ཁ་ཕྱིར་བསྟན་ལ་བཞག །སྤར་ཁའི་བཅོས་ཡིན་ན་བཞི་གཤེད་བདུན་ཟུར་དགྲ་གཤེད་ཐོག་ཏུ་བསྐྱལ། བདེ་རིམ་ལ་ཡས་ལམ། བྱད་བཟློག་ཡིན་ན་དགྲ་ཕྱོགས་སུ་བསྐྱལ། རྒྱལ་གདོན་ལ་ཚ་ཁང་མཆོད་རྟེན། འདྲེ་མོའི་གདོན་ལ་ལུང་གསུམ་མདོ། ཆར་འབོད་ཡིན་ན་ཆུ་མིག་རྩར། མདོར་ན་གང་གནོད་ཕྱོགས་སུ་བསྐྱལ། སྐབས་འདིར་དཀར་གཏོར་གསེར་སྐྱེམས་སྤྱི་འགྲོས་བྱ། དེ་ནས་ལག་ཏུ་མདོས་བླངས་ལ། གདུགས་དཀར་བཟློག་བསྒྱུར་སྐབས་འདིར་སྦྱར་ལ་འདི་སྐད་དོ།། ༈ བྷྱོ༔ མ་གཅིག་ཡམས་བདག་འཁོར་དང་བཅས། །ཁྱོད་ཀྱི་ལག་པ་གཡས་པ་ན། །བདུད་ཀྱི་ཁྲམ་བམ་རེ་རེ་ཡོད། །བདག་ཅག་ཡོན་མཆོད་འཁོར་བཅས་རྣམས། །གལ་ཏེ་ཁྲམ་ལ་བཏབ་སྲིད་ན། །ཁྲམ་ཁ་ཕྱེས་ཤིག་མ་གཅིག་མ། །ཁྱོད་ཀྱི་ལག་པ་གཡོན་པ་ན། །བཙན་གྱི་ཤྭ་རྡེལ་དཀར་ནག་བཀྲམ། །བདག་ཅག་ཡོན་མཆོད་འཁོར་བཅས་རྣམས། །གལ་ཏེ་

― CMR038_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིས་ལ་བཏབ་པ་ན། །ཤྭ་རྡེལ་དཀར་ནག་ད་ཕྱེས་ཤིག །ཁྱོད་ཀྱི་མཆན་ཁུང་གཡས་པ་ན། །གཤིན་རྗེའི་ཁྲམ་ཤིང་དམར་པོ་ཡོད། །བདག་དང་རྒྱུ་སྦྱོར་ཡོན་བདག་རྣམས། །གལ་ཏེ་ཁྲམ་ལ་བཏབ་པ་ན། །བྱད་དམར་དཀྱུས་ནས་ད་ཕྱུངས་ཤིག །ཁྱེད་ཀྱི་མཆན་ཁུང་གཡོན་པ་ན། །ནད་ཀྱི་རྐྱལ་པ་རེ་རེ་ཡོད། །སྦྲུལ་ནག་ལྔ་བརྒྱའི་ཁ་ཆིངས་ཅན། །སྤྲུལ་པ་མང་པོ་དེ་ནས་འགྱེད། །སྤྲུལ་པའི་དམག་ཚོགས་ད་ཕྱུངས་ཤིག །ཡོན་བདག་བསླུ་ཕྱིར་བདུད་ཟློག་འབུལ། །འབུལ་བ་བདག་གིས་མ་ནོར་ལ། །ལེན་པ་ཁྱོད་ཀྱིས་མ་ནོར་ཞིག །བཞེས་ཤིང་ཀུན་གྱིས་དགྱེས་པར་རོལ། །བདག་དང་རྒྱུ་སྦྱོར་ཡོན་བདག་གི །བན་བོན་བྱེད་ཁ་ད་ཟློག་ཅིག །ཀླུ་གཉན་གཏད་ཁྲམ་ད་ཟློག་ཅིག །དགྲ་ཇག་ཆོམ་རྐུན་ད་ཟློག་ཅིག །མི་ཁ་ངན་པ་ད་ཟློག་ཅིག །ནོར་ཕྱུགས་གོད་ཁ་ད་ཆོད་ཅིག །མི་ཡི་ཤི་འཕྲོ་ད་ཆོད་ཅིག །ཡམས་ནད་རིམས་ནད་ད་ཆོད་ཅིག །མ་ཉེས་ཁ་ཡོག་ད་ཆོད་ཅིག །མི་མཐུན་གནོད་པའི་བྱད་མ་ཀུན། །ཤེས་རབ་སྙིང་པོའི་ཡས་ཟློག་འདིས། །ད་ལྟ་མྱུར་བ་ཉིད་དུ་ཟློག །ཤེར་སྙིང་ཟློག་བཅས་བྱིན་རླབས་

― CMR038_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས། །ས་ཆུ་མེ་རླུང་སྐལ་ངན་ཟློག །ངར་གླུད་ཡས་སོགས་གཟུགས་འགྲོས་ཀྱི། །ལྟས་ངན་རང་སར་ཞི་བར་མཛོད། །ནད་ཡམས་གོད་ཁ་བཟློག་ཏུ་གསོལ། །དེ་བཞིན་གང་ལ་གང་འཚེ་བ། །དཀོན་མཆོག་གསུམ་གྱི་ཐུགས་རྗེ་དང་། །ཤེས་རབ་སྙིང་པོའི་བྱིན་རླབས་དང་། །སྔགས་འཆང་བདག་གི་ནུས་མཐུ་ཡིས། །བདུད་བཞིའི་གནོད་པ་མ་ལུས་ཀུན། །སོ་སོ་རང་རང་གནས་སུ་ཟློག །ད་ལྟ་ཉིད་དུ་ཕྱིར་ཟློག་ཅིག །ས་མ་ཡ་པྲ་ཝེ་ཤ་ཡ་ཕཊ། ཞེས་དྲག་ཏུ་བརྗོད་ལ་རོལ་མོ་འུར་བརྡུང་བྱ། དྲག་སྔགས་བརྗོད། དེ་ནས་སྲུང་འཁོར་བསྒོམ། དེ་ནས་ནད་པ་གདན་དཀར་སྟེང་དུ་ཁ་གྲུ་ལ་འདུག །རང་གིས་མེ་ཏོག་འཐོར་ཞིང་ཤིས་བརྗོད་ནི། ཧཱུྃ། དབུས་ཀྱི་ཕྱོགས་ནས་བཀྲ་ཤིས་པ། །རྣམ་པར་སྣང་མཛད་བཀྲ་ཤིས་ལགས། །སྐུ་ལུས་བཟང་པོའི་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་བཀྲ་ཤིས་ཤོག །ཧཱུྃ། ཤར་གྱི་ཕྱོགས་ནས་བཀྲ་ཤིས་པ། །རྡོ་རྗེ་སེམས་དཔའི་བཀྲ་ཤིས་ལགས། །མི་འགྱུར་བརྟན་པའི་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་བཀྲ་ཤིས་ཤོག །ཧཱུྃ། ལྷོ་ཡི་ཕྱོགས་ནས་བཀྲ་ཤིས་པ། །རིན་ཆེན་འབྱུང་ལྡན་

― CMR038_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་ལགས། །འདོད་དགུ་འབྱུང་བའི་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་བཀྲ་ཤིས་ཤོག །ཧཱུྃ། ནུབ་ཀྱི་ཕྱོགས་ནས་བཀྲ་ཤིས་པ། །སྣང་བ་མཐའ་ཡས་བཀྲ་ཤིས་ལགས། །དབང་སྡུད་སྙན་གྲགས་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་བཀྲ་ཤིས་ཤོག །ཧཱུྃ། བྱང་གི་ཕྱོགས་ནས་བཀྲ་ཤིས་པ། །དོན་ཡོད་གྲུབ་པའི་བཀྲ་ཤིས་ལགས། །ཕྲིན་ལས་ལྷུན་གྲུབ་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་བཀྲ་ཤིས་ཤོག །ཧཱུྃ། འོག་གི་ཕྱོགས་ནས་བཀྲ་ཤིས་པ། །ལྷ་མོ་བརྟན་མའི་བཀྲ་ཤིས་ལགས། །ཚེ་འཛིན་འབྲུ་སྣའི་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་བཀྲ་ཤིས་ཤོག །བཀྲ་ཤིས་དེས་ཀྱང་ཁྱོད་ལ་བཀྲ་ཤིས་ཤོག །ཉིན་ཡང་བཀྲ་ཤིས་འབྱུང་བ་ཡ་ལ་ལ། །མཚན་ཡང་བཀྲ་ཤིས་འབྱུང་བ་ཀྱི་ལི་ལི། །དུས་གསུམ་བཀྲ་ཤིས་འབྱུང་བ་གང་ཡིན་པ། །བཀྲ་ཤིས་དེས་ཀྱང་དེང་འདི་བདེ་ལེགས་ཤོག །གཞན་ཡང་བཀྲ་ཤིས་གང་ཤེས་བརྗོད། །སླར་ཡང་ཐུབ་དབང་ལ་མཆོད་བསྟོད་བྱ། །ཡི་གེ་བརྒྱ་པས་ལྷག་ཆད་ཁ་བཀང་། །བཟོད་གསོལ་ཕུལ། གཙོ་འཁོར་འོད་ཞུ་རྟེན་ལ་བསྟིམ།

― CMR038_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་གཞུག་བྱ་དངོས་གྲུབ་ཞུ། དགེ་རྩ་བསྔོ། གཞུང་འདི་རྒྱུན་ཁྱེར་ལས་བྱུང་བའི་རཱ་ག་ཨ་སྱས་ལག་ལེན་སྦྱར་བའོ། བཀྲ་ཤིས་པར་ཤོག། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཆ་གསུམ་བསྡུས་པ།

― CMR038_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་གསུམ་བསྡུས་པའི་དབུ་ཕྱོགས་ལགས་སོ། །ཆ་གསུམ་གཏོར་མ་བྱིན་གྱིས་བརླབས་པ་ནི། ཨོཾ་བཛྲ་ཡཀྵ་ཧཱུྃ༔ ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུྃ་ཕཊ༔ ཨོཾ་སྭ་བྷ་ཝས་སྦྱངས། སྟོང་པ་ཉིད་དུ་གྱུར། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་ལྷ་རྫས་ལས་གྲུབ་པའི་གཏོར་མ་དྭངས་ཤིང་ཐོགས་པ་མེད་པ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པ་ནམ་མཁའ་དང་མཉམ་པར་གྱུར། ཨོཾ་ཨ་ཀཱ་རོ་མུ་སོགས། གསུམ་གྱིས་བྱིན་བརླབས་སོ། །ཞེས་པ་ཀུན་རིག་ཆ་གསུམ་ལས་བྱུང་བའོ།་་རྒྱས་པར་གནམ་ཆོས་དཀར་གཏོར་སྦྱར། མཆན། ༈ ཆ་གསུམ་བསྡུས་པ་འདི་ལ་མི་དགོས་བཀའ་ཡི་ཚིགས་བཅད་བརྗོད་པར་ཆོག་པས་གསུམ་རེ་དང་པོ་ཕྱོགས་སྐྱོང་ལ། ཤར་ཕྱོགས་རྡོ་རྗེ་ཅན་གྱི་ལྷ་ཚོགས་འཁོར་དང་བཅས། །གཏོར་མ་ཕུལ་བ་འདི་དག་བཞེས་སུ་གསོལ། །མེ་དང་བདེན་བྲལ་གཤིན་རྗེ་སྲིན་པོའི་བདག །ཆུ་བདག་རླུང་བདག་ནོར་གྱི་བདག་པོ་དང་། །དབང་ལྡན་ལྷ་སྟེ་འབྱུང་པོའི་བདག་པོ་དང་། །སྟེང་གི་ཉི་ཟླ་ཚངས་པ་ཆེན་པོ་དང་། །ལྷ་རྣམས་ཀུན་དང་གང་དག་ས་སྟེང་ཀླུ། །རི་ཡི་ལྷ་དང་གཙང་མའི་ཚོགས་བཅས་ལ། །ས་ས་སོ་སོར་

― CMR038_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་ཕུལ་བ་རྣམས། །རབ་ཏུ་དགྱེས་པའི་ཡིད་ཀྱིས་བཞེས་ནས་སུ། །རང་རང་ཕྱོགས་སུ་ལེགས་པར་བཞུགས་ནས་ཀྱང་། །རང་གི་བུ་སྨད་མཛའ་བཤེས་གཉེན་འདུན་བཅས།ནང་མི་དམག་དང་དཔུང་བཅས་ཐབས་ཅིག་ཏུ། །ཕྲེང་བ་མེ་ཏོག་དྲི་དང་བདུག་པ་བཅས། །བསྟོད་དང་གཏོར་མ་མར་མེ་གུས་འབུལ་ནས། །འདི་དག་གསོལ་ཞིང་ལེགས་པར་བསྣམས་ནས་ཀྱང་། །བདག་གི་ལས་ཀྱི་འབྲས་བུ་མཆིས་པར་མཛོད། །ཅེས་ཕྱོགས་སྐྱོང་དང་་་་རྒྱས་པར་སྡེ་བརྒྱད་གསེར་སྐྱེམས་བཏང་། མཆན། ལྷ་དང་ལྷ་མིན་གནོད་སྦྱིན་ལྟོ་འཕྱེ་གྲུལ། །ནམ་མཁའ་ལྡིང་དང་འདབ་བཟང་ལུས་སྲུལ་པོ། །དྲི་ཟ་སྲིན་པོ་གདོན་གྱི་རིགས་རྣམས་དང་། །གང་དག་ས་ལ་གནས་པའི་རྫུ་འཕྲུལ་ཅན། །བུ་སྨད་བཅས་ཤིང་གཡོག་འཁོར་བཅས་པ་ལ། །བདག་གིས་པུས་མོ་ས་ལ་བཙུགས་ནས་ནི། །ཐལ་མོ་སྦྱར་ནས་ཁྱེད་ལ་གསོལ་འདེབས་ཀྱིས། །གསན་ནས་ཕན་གདགས་སླད་དུ་འདིར་གཤེགས་ཤིག །འབྱུང་པོ་གང་དག་རི་རབ་སྟེང་གནས་དང་། །དགའ་བའི་ཚལ་དང་ལྷ་ཡི་གནས་རྣམས་དང་། །ཤར་ནུབ་རི་དང་ཉི་ཟླའི་ཁྱིམ་རྣམས་དང་། །རི་བོ་ཀུན་ལ་གང་དག་

― CMR038_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པ་དང་། །རིན་ཆེན་གླིང་ན་ལྷག་པར་གང་གནས་དང་། །ཆུ་བོ་ཀུན་དང་ཆུ་ཡི་མདོ་རྣམས་དང་། །མཚོ་དང་རྫིང་བུ་ལྡིང་ཀ་ཆུ་ངོགས་དང་། །གཡའ་ཆུ་སིལ་མ་ཅན་ལ་གང་གནས་དང་། །གྲོང་དང་ཕྱུགས་ལྷས་གྲོང་ཁྱེར་སྟོང་པ་དང་། །ཁང་སྟོང་དག་དང་ལྷ་ཡི་གནས་རྣམས་དང་། །གཙུག་ལག་ཁང་དང་མཆོད་རྟེན་གནས་རྣམས་དང་། །དཀའ་ཐུབ་གནས་དང་གླང་ཆེན་བྲེས་རྣམས་དང་། །རྒྱལ་པོའི་དཀོར་ཁང་དག་ན་གང་གནས་དང་། །ལམ་སྲང་སུམ་མདོ་དང་ནི་བཞི་མདོ་དང་། །གང་དག་ལམ་པོ་ཆེ་དང་ཤིང་གཅིག་དྲུང་། །དུར་ཁྲོད་ཆེན་པོ་ནགས་ཚལ་ཆེན་པོ་དང་། །སེང་གེ་དྲེད་དང་གཅན་གཟན་གནས་རྣམས་དང་། །འབྲོག་ཆེན་འཇིགས་སུ་རུང་བ་གང་གནས་དང་། །གང་དག་གླིང་མཆོག་དག་ན་གནས་པ་དང་། །ལྷུན་པོའི་དུར་ཁྲོད་དག་ན་གནས་པ་རྣམས། །རབ་ཏུ་དགྱེས་ཤིང་མགུ་བར་གྱུར་ནས་སུ། །ཕྲེང་བ་མེ་ཏོག་དྲི་དང་བདུག་པ་བཅས། །བསྟོད་དང་གཏོར་མ་མར་མེ་གུས་འབུལ་ན། །འདི་དག་གསོལ་ཞིང་ལེགས་པར་བསྣམས་ནས་ཀྱང་། །བདག་གི་ལས་ཀྱི་འབྲས་བུ་མཆིས་པར་མཛོད། །

― CMR038_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་འབྱུང་པོ་ལ་བསྔོ། གང་ཞིག་མཚན་མོ་རྒྱུ་བ་ཡི། །འབྱུང་པོ་རྣམས་དང་ཤ་ཟ་དང་། །སྲིན་པོ་ཤ་རྗེན་ཟ་བ་དང་། །སེམས་ཅན་རྣམ་པ་སྣ་ཚོགས་དང་། །ལྗོན་ཤིང་གེལ་པ་སོགས་གནས་དང་། །དེ་དང་དེ་ལ་གཏོར་མ་ནི། །བཟའ་བ་ཤ་ཆང་ལ་ཕུག་བཅས། །འབྲས་ཆེན་འབྲས་བུ་མང་པོ་ཡི། །མཆོད་སྦྱིན་འདི་ཡིས་མགུ་བྱོས་ལ། །གནོད་པའི་བསམ་པ་ཞི་བ་དང་། །བདག་ཅག་རྣམས་ལ་ཕན་པའི་སེམས། །དེ་རིང་ཕྱིན་ཆད་བསྐྱེད་པར་བགྱི། །རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང་། །དུལ་ཞིང་ཡང་དག་སྡོམ་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤངས་པ་སྟེ། །དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །མཚོན་ཆས་མི་འཇིག་གང་ཡང་མེད། །འཚོ་བའི་སྲོག་ལ་ཀུན་ཀྱང་འཛེམ། །རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་ཅིག །ཨོཾ། ཆེན་པོའམ་ཆུང་ངུ་གང་དག་གིས། །ལུས་ལ་མངོན་པར་གནོད་གྱུར་པའི། །།ནད་དེ་མྱུར་དུ་ཕྱུངས་ནས་སུ། །གདོན་དེ་རང་གི་གནས་སུ་དེངས། །དེ་ལྟར་བདག་གི་ཅི་ནུས་ཀྱིས།། །མཆོད་དང་བསྙེན་བཀུར་བྱས་པ་ཡིས། །དམ་ཚིག་ལ་ནི་གནས་ནས་སུ། །

― CMR038_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་བསམ་པ་བསྐང་བར་མཛོད། །རྟག་ཏུ་དམ་ཚིག་ལ་གནས་ཤིང་། །འདི་ནི་བདག་ཅག་འཁོར་བཅས་ཀྱི། །ནད་དེ་རབ་ཏུ་སོལ་མཛོད་ལ། །གདོན་རྣམས་རང་གི་གནས་སུ་སོང་། །ཨོཾ་སརྦ་བིགྷཾ་གཙྪ། ཞེས་པ་འདི་ནི་ཆ་གསུམ་བསྡུས་པ་འདི་ལ་ཚང་བ་ཡིན་ནོ། །དཔུང་བཟང་གི་དགོངས་པ་དང་མཐུན་པར་ཚིག་འདྲ་མིན་ཅུང་ཟད་ཀུན་རིག་པར་མ་དང་བསྟུན་ཏེ་འཕགས་པ་གནས་བརྟན་བཅུ་དྲུག་གི་ཆོ་གའི་ལྷན་ཐབས་སུ་དགེ་སློང་རཱ་ག་ཨ་སྱས་སྦྱར་བ་སྟེ། ཕྱག་ལེན་ཀུན་རིག་གི་ཆ་གསུམ་རྒྱས་པར་སྦྱར་སྲོལ་ཡོད་ནའང་། དེ་ཙམ་རྒྱས་དྲགས་པ་དང་དཔེ་ཆོག་གི་ཚེ་བློ་ལ་མེད་པ་རྣམས་ཀྱི་དོན་དུ་བྲིས་པའོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཆ་གསུམ་འདིའི་ཕྱག་ལེན།

― CMR038_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་གསུམ་འདིའི་ཕྱག་ལེན་ནི། ཆ་གསུམ་བྱས་པས་ཆ་བཞི་བྱུང་ཟེར་བའི་ཁ་ངག་དཔེ། དཀར་གཏོར་བཞི་བྱ་སྟེ། དང་པོ་ལ་འདབ་མ་བཞི་ནི་རྒྱལ་ཆེན་བཞི། གཉིས་པ་ལ་འདབ་མ་བཅུ་ནི་ཕྱོགས་སྐྱོང་བཅུ། དེ་རྒྱབ་འདབ་མ་བརྒྱད་ནི་ཕྱི་ཡི་ལྷ་སྲིན་སྡེ་བརྒྱད་དང་། རྗེས་མ་ལ་འདབ་མ་གསུམ་ནི་ལུས་ངག་ཡིད་གསུམ་གྱི་གླུད་མཚོན། རྒྱས་པར་ན་ཟན་ཀོང་གསུམ། ཆངས་བུ་གསུམ། ཏིང་ལོ་གསུམ་བཞག །བསྡུས་ན་རྗེས་མ་ལ་ཆངས་བུ་ཏིང་ལོ་བཞག་པས་འཐུས། རྗེས་མ་ལ་ལ་ཕུག་གམ་ཡུང་དུམ་ཤ་དུམ་ཆང་གི་གླུམ་མམ་སྦང་མ་རློན་པ། ནས་འབྲུ་དང་ཆུ་བླུག་པ་ནི་འབྲས་ཆན་མཚོན་བྱེད་ཡིན། བསྡུ་ན་གཏོར་མ་རྐྱང་པས་ཆོག །སྔོན་མ་གཉིས་ལ་ཤ་སོགས་མི་བཞག །ཐམས་ཅད་ཆུ་གཙང་གིས་དུས་གཅིག་ལ་བྲན། རང་གི་བདེ་རིམ་ཡིན་ན་འདོད་གསོལ་མི་དགོས་གཙྪ་ཟེར་དུས་སེ་གོལ་གཏོགས་ལ་ཕྱིར་འབུལ་རྒྱུ་བསྐུར། ནད་པའི་དོན་ཡིན་ན་ནད་པའི་མདུན་དུ་གཏོར་མ་གཏོར་ཁྲི་སྟེང་དུ་འཕྲེད་དུ་བཤམ་ལ། སྐྱབས་འགྲོ་སེམས་བསྐྱེད་ནི་ད་ནངས་སོང་བས་འཐུས། རང་ཉིད་ཡི་དམ་གང་ཡིན་དྲན་རྫོགས་སུ་གསལ་གདབ་མངོན་རྟོགས་ནི་མི་དགོས། དང་པོ་དེ་ལ་དཀར་གཏོར་འདོན་ཚར་བ་དང་། གཡོན་དྲིལ་བུ་བསིལ་གཡས་རྡོ་རྗེ་དང་བཅས་པས་གཏོར་མ་དེ་བཟུང་ལ། ནད་པ་དེ་ལ་གཡས་བསྐོར་གསུམ་གཡོན་བསྐོར་གསུམ་བྱ་ཞིང་། ཡུལ་ལྷ་གཞི་བདག་ཐམས་ཅད་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་བསྲུང་བྱ་འདི་

― CMR038_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་དང་གདོན་ལས་ཐར་བའི་ཕྲིན་ལས་མཛོད་ཅིག །ཅེས་ཕྱི་རོལ་དུ་ཕུལ་རྒྱུ་བསྐུར། དེ་བཞིན་དུ་ཕྱོགས་སྐྱོང་བཅུའི་གཏོར་མའི་མཇུག་ཏུའང་། ༈ སྒྲུབ་པའི་དུས་དང་། འདི་བཞེས་ལ་དགེ་བ་བྱང་ཆུབ་སྒྲུབ་པ་ལ་བར་ཆད་མི་བྱེད་པར་ཆོས་དང་མཐུན་པའི་སྡོང་གྲོགས་རྒྱ་ཆེན་པོ་གྱིས་ཤིག །རྗེས་སུ་མཆོག་ཐུན་མོང་གི་དངོས་གྲུབ་སྩོལ་ཅིག་ཅེས་སྦྱར་རོ། །མདོས་ཟོར་སོགས་ལ་འདི་བཞེས་ལ་དྲག་པོའི་མངོན་སྤྱོད་ལས་ལ་ཀོ་ལོང་རུ་ང་མ་མཛད་པ་རྣལ་འབྱོར་བདག་གི་མཐུ་དཔུང་སྐྱེད་ཅིག་ཅེས་སྦྱར་རོ།། ༈ བདག་གི་གཤིན་ལས་བྱ་བ་ལ་ཀོ་ལོང་རུ་ང་མ་མཛད་པར་དགེ་བ་སྡོང་གྲོགས་དམ་པ་མཛད་དུ་གསོལ་སྦྱར་རོ།། ༈ འདི་བཞེས་ལ་ས་གཞི་ལ་དྲོད་ཆེན་པོ་ཕོབ་ཅིག་སྤྲིན་གྱི་ཕུང་པོ་གཏིབས་ཤིག་ལོ་ནད་བཙའ་སད་སེར་གསུམ་མི་འབྱུང་བ་ལོ་ལེགས་འབྲུ་འཕེལ་གྱི་སྡོང་གྲོགས་རྒྱ་ཆེན་པོ་མཛོད་ཅིག །ཕྱོགས་སྐྱོང་བཅུ་འཁོར་དང་བཅས་པས་མཆོད་སྦྱིན་གྱི་སོགས་གོང་ལྟར་རོ། །གསུམ་པ་ལ། ལྷ་སྲིན་སྡེ་བརྒྱད་འཁོར་དང་བཅས་པས་མཆོད་སྦྱིན་སོགས། བཞི་པ་ལ། བགེགས་རིགས་སྟོང་ཕྲག་བརྒྱད་ཅུ་འཁོར་དང་བཅས་པས་གླུད་ཀྱི་གཏོར་མ་འདི་བཞེས་ལ། གནོད་ཅིང་འཚེ་བའི་བསམ་པ་སྤོངས་ལ་རང་གནས་སུ་

― CMR038_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

དེངས་ཤིག །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །དེ་ལ་འགོགས་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །གཞན་གྱི་སེམས་ནི་དཀྲུགས་མི་བྱ། །འབྱུང་པོ་གང་དག་འདིར་ནི་ལྷགས་གྱུར་ཏེ། །སའམ་འོན་ཏེ་བར་སྣང་འཁོད་ཀྱང་རུང་། །སྐྱེ་དགུ་ཡོངས་ལ་རྟག་ཏུ་ཞི་བྱེད་ཅིང་། །ཉིན་དང་མཚན་དུ་ཆོས་ལ་སྤྱོད་པར་ཤོག །མཚམས་བཅད་སུམ་བྷ་ནི་སོགས་ཀྱིས་ནས་ལྕགས་བྲབ། སྟེང་འོག་ཕྱོགས་མཚམས་ཐམས་ཅད་རྡོ་རྗེ་རྭ་གུར་མེ་རི་བར་བའི་སྲུང་འཁོར་དུ་གྱུར། བཛྲ་རཀྵ་རཀྵ་ཧཱུྃ། དེ་ནས་དབང་བསྐུར་བྱིན་རླབས་སོགས་དགོས་ན་བྱ། ༈ དང་པོ་སྤྱན་དྲངས་དུས་ཀྱང་། ༈ རང་གི་ཐུགས་ཀ་ནས་འོད་ཟེར་གྱི་མགྲོན་རྣམས་སྤྱན་དྲངས་མདུན་དུ་འཁོད་པར་བསམས་པས་འཐུས། ༈ གཙྩ་ཞེས་སེ་གོལ་གཏོག་པས་རང་གནས་སུ་སོང་བར་བསམ། ཆ་གསུམ་འདི་དཔུང་བཟང་གི་རྒྱུད་ནས་བཤད་ཅིང་རྒྱ་གཞུང་ཡང་སྣང་། ཞེས་ཨོ་རྒྱན་བློ་གྲོས་ཀྱིས་བསྐུལ་ངོར་༧ རཱ་ག་ཨ་སྱས་སྦྱར་བའོ། །བདེ་རིམ་ཡིན་ན་ཕྱོགས་གཙང་སར་བསྐུར། ནད་པའི་དོན་

― CMR038_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ན་ནད་པའི་ལོ་བདུད་ཕྱོགས་སུ་འབུལ། མི་ཤེས་ན་བྱང་ཤར་བགེགས་གནས་སར་ཕུལ། སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྗེ་མི་བསྐྱོད་ཞབས་ཀྱིས་བསྩལ་བའི་ཁ་འབར་མའི་འདོན་འགྲིགས་གསལ་བར་བསྒྲིགས་པ།

― CMR038_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་མི་བསྐྱོད་ཞབས་ཀྱིས་བསྩལ་བའི་ཁ་འབར་མའི་འདོན་འགྲིགས་གསལ་བར་བསྒྲིགས་པ་བཞུགས་པའི་དབུ་ཕྱོགས་སོ།།

― CMR038_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བརྒྱད་པས་མཛད་པའི་ཁ་འབར་མའི་ཟིན་བྲིས་ནི། རྟེན་བཤམས་པ་ཞེས་དང་། དང་པོ་ནི། ཞེས་པའི་མཇུག་ཏུ། ཆོས་སྐྱོང་དང་འབྱུང་པོ་བགེགས་ཀྱི་གཏོར་མ་ཞེས་པ་ནི། ཆ་གསུམ་གཞུང་ལྟར་བཅའ། དེ་ལ་ཤ་དུམ་ནི་བགེགས་གཏོར་མ་གཏོགས་གཞན་ལ་མི་བྱ། རིལ་བུ་དང་ཤ་དུམ་སོགས་རིགས་དྲུག་ལན་ཆགས་ཀྱི་གཏོར་མ་བཤམས། ཞེས་གསུངས་པ་ལྟར་ན། གཏོར་རིལ་བྱས་ལ་གཏོར་མ་བརྒྱ་རྩ་བརྒྱད་ནང་གི་རིགས་དྲུག་དང་ལན་ཆགས་གཏོར་མ་གཉིས། ཆ་གསུམ་ཞོར་ལ་བཏང་དགོས་པར་འདུག་ཀྱང་། ཕྱག་ལེན་ལ་དེ་འདྲ་བྱེད་པ་མ་མཐོང་ཡང་དགོས་ཏེ། ཁ་འབར་མའི་གཞུང་གི་བསྔོ་སྦྱང་དུ་ཚང་ནས་འདུག་པའི་ཕྱིར་རོ། །སྔོན་དུ་ཁྱེར་རྒྱུའི་དཀར་གཏོར་དང་། རྗེས་ནས་ཁྱེར་རྒྱུའི་དམར་གཏོར་གཅིག་བཅལ། ཁ་འབར་

― CMR038_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་སྐུ་བཅའ་བ་གཞུང་ན་མི་གསལ་ཡང་ཕྱག་ལེན་ལ་ཡོད། དེ་ལ་ལྷ་མོ་འཕྲོག་མ་ཟེར་བས། མཛེས་པ་གཅིག་ཡོད་སྙམ་ནས་བུད་མེད་མཛེས་མའི་གཟུགས་བཟོ། འདི་ཡི་དྭགས་གཏེར་སྲུང་ཡིན་ཟེར་ནས། རྫ་མའི་ཕོམ་དྲིལ་ནང་དུ་བཟང་ཇ་ཐེབ་གཉིས་གསུམ་རིན་ཆེན་སྣ་ལྔ་བཅུག །དེ་ལ་བུད་མེད་གཟུགས་དེས་ཨོང་སྐྱག་བྱས་པ་བྱ། དེ་ལ་རས་ཁ་དོག་གསུམ་གྱི་གོས་བསྐོན། མགྲོན་བུ་ཡན་ཆད་ཀྱི་ནོར་གཡུ་མང་པོས་བརྒྱན་ནས་བག་མ་འདྲ་བ་བྱེད། ཕུལ་དུས་ནོར་གཡུ་དང་གོས་དང་། ཇ་འདེབས་རིན་ཆེན་སྣ་ལྔ་སོགས་མཆོད་གཡོག་པས་ཁྱེར། འདི་ཁ་འབར་མ་ཞི་བ་ཡིན་ཟེར་བའི་སྲོལ་ཡོད་པར་སྣང་སྟེ། དེ་ནི་གཞུང་དང་མི་མཐུན་མཆོད་གཡོག་པའི་ཟ་འདོད་འདྲའོ། །འདི་ནི་ཁྲོ་མོའི་གཟུགས་ཡིན་ཏེ། དུད་སོལ་མ་རྐང་ཐང་དང་དོན་

― CMR038_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག །ཁ་འབར་མའི་བསྟོད་པ་རྒྱས་པ་ལ་ཡང་། ཁྱེད་ཀྱི་སྐུ་ཡི་ཆ་ལུགས་ནི། །ནག་མོ་དུད་པ་ཐལ་བའི་མདོག །ཁ་ནས་མེ་འབར་ནད་ཡམས་གཏོང་། །མིག་ནས་དུད་འཐུལ་སྨྱོ་འབོག་གཏོང་། །ལག་པས་གཡབ་ཅིང་སྙོབ་པར་བྱེད། །འཁོར་དུ་ཡི་དྭགས་འབུམ་གྱི་ས་བསྐོར། །ཞེས་གསུངས་པའི་ཕྱིར། ཟན་ལ་ཁ་འབར་མའི་གཟུགས་ཁྲོ་མོ་ཁ་གདངས་བའི་ནང་དུ་མར་ཁུ་བླུགས་ལ་སྡོང་བུ་བཙུགས། དེ་ལ་མེ་སྦར་བས་སྣ་ནས་དུད་པ་འབྱུང་བའི་ཁུང་གཏོད། སྤྱན་གསུམ་མི་བྱ། སྤྱན་གཉིས་མཆེ་བ་གཙིགས་པ་བྱ། རྐང་པ་ཕྱེད་སྐྱིལ། ལག་པ་གཡས་ཀྱི་པུས་མོ་གཡས་པའི་ཐོག་ཏུ་ཆངས་བུ་གཅིག་བཟུང་། ལག་པ་གཡོན་གྱི་རྐང་པ་གཡོན་གྱི་ཐོག་ཏུ་ཟན་ཀོང་གི་མར་མེ་གཅིག་བཟུང་། ལྟོ་བ་ཆེ་ཞིང་གཉེར་མ་དོད་པ། ནུ་མ་རིང་ཞིང་ཁྲག་འཛག་པ། རྩིད་པའམ་རྔ་མ་སོགས་ལས་བྱས་པའི་སྐྲ་ནག་པོ་གཟེང་བ། ཟན་པོ་ནག་པོའི་གོས་གཅིག་བཀོན། ཡོད་ན་དར་ནག་གིས་གདུགས་ཕུབ། མེད་ན་རས་ནག་པོ་ཞིག་གིས་རེ་ཞིག་ཞལ་ཁེབས་བརྒྱབ། ཀ་ཏོ་ར་སོགས་སྣོད་གཙང་མར་བཞག་ལ། སྒྲུབ་པ་པོའི་མདུན་ཕ་ཟད་དུ་སྟེགས་ཀྱི་ཁར་བཞག །འདི་ནི་ཁ་འབར་མ་ཡིན་ཏེ། མེ་འབོར་ཡང་ཟེར། གཞུང་ལས། ཁྱད་པར་བསླུ་བྱ་གང་ཡིན་གྱི་གོས་དང་བཅས་པ་ཞེས་པ་ནི། སྐྱ་སེར་བུད་མེད་སོགས་ཡོན་བདག་གཙོ་བོ་གང་ཡིན་དེའི་གཟུགས། རབ་རྐང་གང་། ཐ་ན་ཡང་མཐོ་གང་ལས་མི་ཆུང་བ། ཁོ་རང་དངོས་འདྲ་བ་བཟོས། ཡུལ་མཐོན་པོ་ཡིན་ན་དར་གོས་ཆེན་བཀོན། ཕལ་པ་

― CMR038_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གོས་རྙིང་དུམ་བུ་བཀོན། ཕོ་ཤིང་མོ་ཤིང་གང་ཡིན་ལ་ཁྲམ་ཤིང་བྱས་ཏེ། ལོ་གྲངས་ཀྱི་རི་མོ་བྲིས་ནས་ཕྲག་པ་གཡས་ལ་བཙུགས། གོས་ཀྱི་རས་མོ་ཕྲག་པ་གཡོན་ལ་བཙུགས། རྫས་འཛོམས་ན། ལུང་ཐང་གི་མིག །མགྲོན་བུའི་སོ། སྙིང་ཞོ་ཤའི་སྙིང་། ལག་པ་གཡས་གསེར། གཡོན་དངུལ། རྐང་པ་གཡས་ཟངས། གཡོན་ལྕགས། མུ་ཏིག་གི་ཀླད་པ། དེ་རྣམས་ཀྱང་འདི་ལ་དགོས་རྒྱུ་ཡིན་པར་སྣང་སྟེ། དེང་སང་གྲྭ་ས་རྣམས་སུ་ནི། ཁ་འབར་མ་རང་ལ་དེ་ཚོ་བྱེད་སྲོལ་འདུག །རྫས་དེ་རྣམས་རྙེད་ན་ལེགས་ཀྱི་མ་རྙེད་ན་ཐབས་ཆག་པ་ནི་མིན། ངར་མི་དེ་ལྕགས་སྣོད་མ་ཡིན་པའི་སྣོད་གང་རུང་དུ་བཞག །དེའི་མཐར་སྤྱི་པའི་བཙོག་གླུད་ཆངས་སྤྲད་རྣམས་ཀྱིས་བསྐོར་ཏེ། །ཁ་འབར་མའི་མདུན་ཅུང་ཟད་དམའ་བའི་ས་ནས་ཕར་ཁ་བསྟན་ནས་བཞག །ཕོ་འབར་ཞེས་གྲགས། གཞུང་ལས། སྒྲུབ་པ་པོ་རྣམས་ཁ་ཤར་དུ་བལྟས་ཏེ་འདུག་ལ་ཞེས་པས། དཔོན་སློབ་ཐམས་ཅད་དམ་མ་འགྲིགས་ནའང་སློབ་དཔོན་ཁ་ཤར་དུ་གྱུ་བར་བྱས། ཁ་འབར་མ་ཤར་ནས་ནུབ་ཏུ་བལྟས་པ་བྱས་ལ་བཤམས་རྒྱུ་བྱུང་ན་བཟང་། ཁ་འབར་མའི་མདུན་དུ་ཐུར་དུ་གཏོར་ཁྲི་བཞག །ཟངས་ཐེབ་རྣམས་བཤམས། གཞུང་ལས། འབྲས་ཆན། ཆངས་བུ། །ལིངྒ། མཐེབ་སྐྱུ། འོ་མ། ཆུ་རྣམས་འཛོམས་པར་བྱས་ཏེ། མདུན་དུ་གཏོར་མ་རྣམས་བཤམས་ནས། ཤར་ལྷོ་མཚམས་སུ་དམ་ཚིག་དང་ལྡན་པའི་རྣལ་འབྱོར་པ་གཅིག་གིས་རྣམ་པར་འཇོམས་པའི་བུམ་པའི་ཁྲུས་ཆོག་བྱས་ཏེ་གཟུངས་

― CMR038_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་བཟླ། ཞེས་གསུངས་པས། འབྲས་ཆན་གྱི་ཚབ་གྲོ་ནས་སྲན་མ་བསྲེས་ཏེ་བཙོས་པའི་མཆན། ཆངས་བུ་ནི་སོར་མོ་བཞི་གོང་འོག་མཐེ་བོང་གཉིས་ཀྱི་རྗེས་དང་དྲུག་ཡོད་པ། ལིང་ག་ནི་ངར་མི་ཆུང་བའམ། ངར་ཆུང་པར་བཏབ་པ་སྟེ། དགྲ་ལིང་དང་། འདྲེ་ལིང་མིན། འོ་མ་དངོས་སམ། འོ་དཀར། ཆུ་ནི་ཆུ་ནག་སྟེ། མཐེབ་སྒྱུ་ནི་བཅད་ཁམས་མ་བཅག་པ། རྫས་དྲུག་པོ་བརྒྱ་དང་བརྒྱད་དེ་འདང་ངེས་བཅས་པ་བཤམས། ལྷག་ཀྱང་སྐྱོན་མེད་མ་ཚང་ན་མི་རུང་། དེའི་ཤར་ལྷོ་མཚམས་སུ་ཡི་དམ་གང་རུང་གི་བསྙེན་པ་ཐེམ་པ་ཞིག་གིས་མཆོད་གཞི་གཙང་མའི་སྟེང་དུ་འབྲུའི་པདྨ་འདབ་བརྒྱད་མདུན་བསྐྱེད་ཀྱི་རྟེན། །དེའི་དྲུང་དུ་བུམ་པ་རྫས་ལྡན་འོད་དཀར་ལ་ཁ་ཚང་མགུལ་རྒྱན་དང་ལྡན་པ་བཤམས། སྡེར་སོགས་སུ་རྣམ་འཇོམས་ཀྱི་གཏོར་མ་ཟླུམ་པོ་མེ་ཏོག་གིས་བརྒྱན་ཅིང་པད་ཀོར་ཅན་བཤམས། དེའི་མདུན་དུ་མར་མེ་ལྷ་བཤོས་སོགས་མཆོད་པ་སྣ་བདུན་ཚང་མ་དང་། ཆ་གསུམ་ཀྱང་བཅས་ལ་བཞག །དེ་ཤར་ལྷོ་མཚམས་སུ་འདུག་སྟབས་མ་བདེ་ན། མདུན་གྱི་ཐུབ་པའི་དཀྱིལ་འཁོར་གྱི་ཚོམ་བུ་དེའི་ཤར་ལྷོ་མཚམས་སུ་ཡང་རུང་། སྒྲུབ་པ་པོ་རྣམས་ཀྱི་གཡས་སམ་རྒྱབ་ཕྱོགས་སུ་མིན་ན་ལེགས། གང་བདེ་ཞིག་ཏུ་བརྒྱད་སྟོང་པའམ་མདོ་སྡུད་པ་ལྟ་བུ་བཀའ་ཀློག་མི་གཅིག་བཞག །གང་བདེ་ཞིག་ཏུ་གཏོར་མ་གཏོང་མི་གཅིག་བཞག །དེ་ནས་མདུན་དུ་བགེགས་འགུགས་པ་ལ་ཐོག་མར་ཁྲོ་བོ་སྤྱན་འདྲེན་པ་ནི།༈ ཐུགས་ཀའི་ས་བོན་ལས་འོད་འཕྲོས་པས་ཁྲོ་བོ་

― CMR038_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་ཏུ་མེད་པ་སྤྱན་དྲངས་པར་གྱུར། ༀ་བཛྲ་མ་ཧཱ་ཀྲོ་དྷ་རཱ་ཛཱ་ས་པཱ་རི་ཝཱ་ར་བཛྲ་ས་མཱ་ཛ༔ ཧཱུྃ། ཡེ་ཤེས་བསྐལ་པ་མེ་ལྟར་འབར་བའི་འོད། །མ་རིག་འདོད་པའི་མུན་ཁམས་ཐམས་ཅད་བསྲེགས། །ཞེ་སྡང་གཤིན་རྗེའི་འཇིགས་པ་ཐམས་ཅད་འཇོམས། །དཔའ་བོ་ཆེན་པོ་དཔའ་མཚན་སྟག་ལྤགས་ཅན། །ལོག་འདྲེན་སྲིན་པོའི་མཐའ་གནོན་དགྲ་འདུལ་བ། །རིག་པའི་རྒྱལ་པོ་ཁྲོ་བོ་བཞུགས་སོ་འཚལ། །ལོག་འདྲེན་འདུལ་བའི་སླད་དུ་སྤྱན་འདྲེན་ན། །འགྲོ་བའི་དོན་དུ་མཆོད་ཕྱིར་གཤེགས་སུ་གསོལ། པདྨའི་ཕྱག་རྒྱས། པདྨ་ཀ་མ་ལ་ཧཱུྃ། ཨོཾ་བཛྲ་མ་ཧཱ་ཀྲོ་དྷ་རཱ་ཛ་ས་པཱ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། པཱདྷཾ་སོགས། ཧཱུྃ། ཆོས་ཉིད་སྟོང་པ་གཉིས་མེད་ངང་ཉིད་ལས། །འཇིག་རྟེན་སྤྱོད་པའི་ཚུལ་ཡང་མི་སྤང་ཞིང་། །ཐབས་ལ་མཁས་པས་འཇིགས་བྱེད་སྐུར་སྟོན་པ། །ཁྲོ་ཆེན་འབར་བའི་ཚོགས་ལ་ཕྱག་འཚལ་བསྟོད། །ཡེ་ཤེས་ཞི་བའི་ངང་ལས་མ་གཡོས་ཀྱང་། །སྐུ་ཡི་ཆ་ལུགས་ཟ་བྱེད་རྔམ་སྟབས་ཅན། །གསུང་གི་ང་རོ་འབྲུག་སྟོང་ལྡིར་བའི་སྒྲས། །མ་ལུས་དབང་དུ་སྡུད་ལ་ཕྱག་འཚལ་བསྟོད། །ལྷག་པའི་ཡེ་ཤེས་རོལ་པ་སྟོན་

― CMR038_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་ཅིང་། །སྡིག་པའི་མཚོན་ཆ་སྣ་ཚོགས་ཕྱག་ན་བསྣམས། །ཉོན་མོངས་དུག་ཆེན་རྩོད་ནས་འཇོམས་མཛད་པ། །སྦྲུལ་སྡུག་རྒྱན་གྱིས་བརྒྱན་ལ་ཕྱག་འཚལ་བསྟོད། །བསྐལ་པ་མེ་ལྟར་འབར་བའི་ཀློང་དཀྱིལ་ནས། །དཔའ་བོའི་སྟངས་སྟབས་བརྐྱང་བསྐུམ་ཚུལ་དུ་བཞུགས། །ཉི་ཟླ་འབར་བའི་སྤྱན་གྱི་སྡང་མིག་གིས། །བགེགས་དཔུང་བསྲེགས་པར་མཛད་ལ་ཕྱག་འཚལ་བསྟོད། །གཏུམ་ཆེན་དུས་མཐའི་མེ་ལྟར་གཟི་བརྗིད་འབར། །གློག་སྟོང་འགྱུ་འདྲའི་ཁྲོ་གཉེར་མཆེ་བ་གཙིགས། །རྔམ་པའི་ང་རོ་འབྲུག་སྒྲ་སྟོང་བཞིན་སྒྲོག །ཁྲོ་རྒྱལ་བགེགས་ཚོགས་འདུལ་ལ་ཕྱག་འཚལ་བསྟོད། །ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འདུལ་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་བསྟོད། །ཅེས་བསྟོད་ལ་བླ་མ་དཀོན་མཆོག་གི་བདེན་པ་བདར་འདིའི་གཞུང་ན་མངོན་རྟོགས་ནི་མ་གསུངས། སྐད་ཅིག་སྤྱན་འདྲེན་ཡིན་ཀྱང་། སྔོན་གྱི་ཡིག་རྙིང་ལ། མདུན་གྱི་བགེགས་རིགས་གཙོ་བོ་ཁ་འབར་མ་དངོས་སུ་བསམ། ཞེས་གསུངས་པས། གཟུགས་དེ་ཆུ་གཙང་གིས་བྲན་ལ། ཨོཾབཛྲ་ཡཀྵ་ཧཱུྃ། ཨོཾ་སྭ་བྷ་ཝ་སོགས། འདྲ་འབག་མི་དམིགས་པ་སྟོང་

― CMR038_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ངང་ལས། ཡི་གེ་དྲེ་ཡོངས་སུ་གྱུར་པ་ལས། ཡི་དྭགས་ཀྱི་རྒྱལ་མོ་ཁ་ལ་མེ་འབར་མ་ནག་མོ་དུད་པ་དང་ཐལ་བའི་མདོག་ཅན་དབུ་སྐྲ་ཁམ་ནག་སྤྲིན་ལྟར་གཏིབས་ཤིང་སྤྱན་གསུམ་ཉི་ཟླ་ལྟར་བསྒྲད་པ། ཞལ་གདངས་བ་ལས་མེ་འབར་ཞིང་མཆེ་བ་གངས་རི་ལྟར་གཙིགས་པ། མིག་དང་སྣ་ནས་དུད་པ་འཐུལ་ཞིང་། ནུ་མ་འཕྱང་བ་ལས་ཁྲག་འབབ་པ། ལག་གཡས་ཟན་གྱི་ཆངས་བུ་དང་། གཡོན་སྒྲོན་མེ་ཐོགས་པ། གཅེར་བུ་དར་ནག་གི་གོས་ཟུང་གསོལ་བ། བགེགས་རིགས་སྟོང་ཕྲག་བརྒྱད་ཅུ་དང་ཡི་དྭགས་དང་ལན་ཆགས་ཀྱི་ཚོགས་ཀྱིས་བསྐོར་ནས་བདག་གིས་བཀའ་ཉན་ཅིང་གསུང་སྡོད་པར་གྱུར། ཧཱུྃ་མཛད་ཀྱི་ཕྱག་རྒྱས། རྗེ་བཙུན་རྩ་བ་དང་རྒྱུད་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། གསང་སྔགས་དང་རིག་སྔགས་དང་གཟུགས་སྔགས་རྣམས་ཀྱི་བདེན་པ་དང་། ཡི་དམ་དཀྱིལ་འཁོར་གྱི་ལྷ་ཚོགས་འཁོར་དང་བཅས་པའི་བདེན་པ་དང་། བདེན་པ་ཆེན་པོའི་མཐུས། ཡི་དྭགས་ཀྱི་རྒྱལ་མོ་ཁ་ལ་མེ་འབར་མ་ལ་སོགས་ཀྱི་གནོད་བྱེད་བགེགས་རིགས་གང་ཡིན་པ་ཐམས་ཅད་

― CMR038_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་མཆིས་པར་གྱུར་ཅིག །ཊཱཀྐི་ཧཱུྃ་ཛ༔ ཅེས་ཚར་གསུམ་བྱ། ཐམས་ཅད་མདུན་དུ་བཀུག་པར་བསམས་ལ། ཧཱུྃ། དཀོན་མཆོག་བདེན་པའི་བྱིན་རླབས་ཀྱིས། །བར་སྣང་ཁམས་ཀྱང་འགུགས་བྱེད་ན། །ལུས་ཅན་རྣམས་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་ལ་སྨོས་ཅི་དགོས། །འདིར་ནི་གནོད་བྱེད་འགུགས་སུ་གསོལ༔ ཛཿཧཱུྃ་བཾ་ཧོཿ ཞེས་རྔ་རོལ་མོ་དབྱངས་དང་བཅས་ཏེ་ལན་གསུམ་གྱིས་བཀུག་ནས་གཙོ་མོའི་གཟུགས་དང་དབྱེར་མེད་དུ་བསམ། ཆ་གསུམ་ཀུན་རིག་ལྟར་བསྔོས་ལ་ཕུལ། དེ་ནས་སྒྲུབ་གཡོག་གཉིས་ཀྱིས་གཡས་ཕྱོགས་པས་མཆན་དང་མཐེབ་སྐུ་འོ་མ། གཡོན་ཕྱོགས་པས་ཆངས་བུ་དང་ལིངྒ་ཆུ་རྣམས། དང་པོ་ཏིང་ཐེབ་ཏུ་བཤམས་ལ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་སྭ་བྷཱ་ཝ་སོགས། རིན་ཆེན་སྣོད་ཀྱི་ནང་དུ་ནི། །གཏོར་མ་དམ་ཚིག་བདུད་རྩིར་གྱུར། །ཨོཾ་ཨཱཿཧཱུྃ། རང་གི་ལག་མཐིལ་ཟླ་བའི་སྟེང་། །འབྲུ་གསུམ་ཞུ་བས་བདུད་རྩིར་གྱུར། ཨོཾ་ཨཱཿཧཱུྃ། ཟླ་བ་ཡིག་འབྲུ་ཞུ་བའི་རྒྱུན། །གཏོར་མའི་ནང་དུ་བབས་པ་ལས། །གཏོར་མ་ཡེ་ཤེས་བདུད་རྩིར་གྱུར། །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་

― CMR038_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་ཡོངས་སུ་བྲལ་བ་ལ་ཕྱག་འཚལ་ལོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། སྔགས་གྲངས་གཞུང་ནས་མ་གསུངས་ཀྱང་བདུན་རེ་བརྗོད་སྲོལ་འདུག །མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བསྔོ་ཞིང་སྦྱིན་པའི་གནས་སུ་གྱུར་པ་ནི། བགེགས་ཀྱི་རྒྱལ་པོ་བྱི་ན་ཡ་ཀ་ལ་སོགས་པ་བགེགས་ཀྱི་རིགས་སུ་གྱུར་པ་རྣམས་དང་། འགྲོ་བ་རིགས་དྲུག་ལམ་རྒྱུད་ལྔ་སྐྱེ་གནས་རྣམ་པ་བཞིས་བསྡུས་པའི་རྒྱུ་བ་ཐམས་ཅད་དང་། ཡི་དྭགས་ཀྱི་རྒྱལ་མོ་ཁ་ལ་མེ་འབར་མ་ལ་སོགས་ཏེ་ཡི་དྭགས་ཕྱི་ནང་ཟས་སྐོམ་གྱི་སྒྲིབ་པ་ཅན། མེ་ལྕེའི་འཁོར་ལོ་ཅན་མཁའ་ལ་རྒྱུ་བ་རྣམས་དང་། བདག་ཅག་འཁོར་དང་བཅས་པ་ཐམས་ཅད་ལ། ཚེ་རབས་འཁོར་བ་ཐོག་མ་མེད་པ་ནས་ལན་ཆགས་པའི་གདོན་བགེགས་ཀྱི་རིགས་སུ་གྱུར་པ་རྣམས་ལ་སྦྱིན་ནོ། །བསྔོ་ཞིང་འབུལ་ལོ། །ལན་ཆགས་བུ་ལོན་བྱང་བར་གྱུར་ཅིག །བདག་ཅག་འཁོར་དང་བཅས་པ་རྣམས་ལ་གནོད་ཅིང་འཚེ་བ་མེད་པར་འགལ་རྐྱེན་བར་ཆད་ཞི་བ་

― CMR038_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཕ་རོལ་གྱི་བྱད་དང་རྦོད་གཏོང་གཏོང་བ་ཐམས་ཅད་ཟློག་པ་དང་། དུས་མ་ཡིན་པའི་འཆི་བ་ལས་ཐར་བར་མཛད་དུ་གསོལ། ཞེས་ལན་ལྔ་བཅུ་རྩ་བཞིའི་བར་དུ་བསྔོས་ནས། དེ་ནས་སྔོན་དུ་ཁྱེར་རྒྱུའི་དཀར་གཏོར་བྲན་ཏེ། ཨོཾ་བཛྲ་ཡཀྵ་ཧཱུྃ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཐོད་པའི་སྣོད་དུ་གནས་པའི་གཏོར་མ་བདུད་རྩིའི་རང་བཞིན་སོ་སོའི་ཡིད་དང་མཐུན་པའི་ལོངས་སྤྱོད་པར་གྱུར། ཨོཾ་ད་ཤ་དིཀ་ལོ་ཀ་པ་ལ་ས་པཱ་རི་ཝཱ་ར་ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། བཛྲ་དྷ་ར་ཨ་ཛྷཱ་པ་ཡ་ཏི་སྭཱ་ཧཱ། ཧཱུྃ། ཤར་ལ་ཕྱོགས་པའི་ཕྱོགས་བཅུ་ན། །གནས་པའི་ལྷ་ཀླུ་མི་མ་ཡིན། །ཐམས་ཅད་བཀའ་ཡི་གཏོར་མ་ལོངས། །རིག་འཛིན་བདག་གི་ངག་ལ་ཉོན། །བདེ་གཤེགས་བསྟན་ལ་སྤྱི་དགྲ་བྱུང་། །འདི་ལ་ཁྲག་འཐུང་ཆེན་པོའི་བཀས། །དྲེགས་པ་ཐམས་ཅད་དམག་ཏུ་བསྡུས། །ལམ་དུ་གནས་པའི་མཐུ་ཆེན་དེངས། །མ་རུངས་ལྷ་སྲིན་འཁོར་དང་བཅས། །ཐམས་ཅད་དེ་རིང་དམག་ལ་དྲོངས། །དྲང་སྲོང་རྒྱལ་པོ་རཱ་ཧུ་ལ། །འཁོར་བཅས་དམག་གི་སྡོང་གྲོགས་མཛོད། །དེ་ནས་ཕོ་འབར་གླུད་དང་བཅས་པ་ཆུ་གཙང་གིས་བྲན། ཨོཾ་བཛྲ་ཨ་མྲྀ་ཏ་སོགས། སྭ་བྷ་ཝ་སོགས།

― CMR038_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་སྣོད་ཀྱི་ནང་དུ་ནི། །གཏོར་མ་དམ་ཚིག་བདུད་རྩིར་གྱུར། །ཨོཾ་ཨཱཿཧཱུྃ། རང་གི་ལག་མཐིལ་ཟླ་བའི་སྟེང་། །འབྲུ་གསུམ་ཞུ་བས་བདུད་རྩིར་གྱུར། ། ཨོཾ་ཨཱཿཧཱུྃ། ཟླ་བ་ཡིག་འབྲུ་ཞུ་བའི་རྒྱུན། །གཏོར་མའི་ནང་དུ་བབ་པ་ལས། །གཏོར་མ་ཡེ་ཤེས་བདུད་རྩིར་གྱུར། །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམག༔ དེ་བཞིན་གཤེགས་པ་སྐུ༔ དེ་བཞིན་གཤེགས་པ་འཇིགས་པ་ཐམས་ཅད༴ མཿསརྦ་ཏ་ཐཱ་ག་ཏ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན། སྔོན་ཚེ་ལྷ་དབང་བརྒྱ་བྱིན་གླུད། །ད་ལྟ་རྒྱུ་སྦྱོར་སྦྱིན་བདག་གླུད། །ཤ་ཡི་གླུད་འདི་ས་ལ་གཏོང་། །ས་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །

― CMR038_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རུས་པའི་གླུད་འདི་བྲག་ལ་གཏོང་། །ཁྲག་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རྩ་རྒྱུས་གླུད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །པགས་པའི་གླུད་འདི་ཐང་ལ་གཏོང་། །ཐང་ལ་གནས་པའི་ལྷ་འདྲེ་རྣམས་། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །སེམས་ཉིད་གླུད་འདི་མཁའ་ལ་གཏོང་། །མཁའ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །གཞན་གྱི་བྱད་ཀ་ཕུར་ཀ་དང་། །ཟོར་ཀ་མནན་པ་ལ་སོགས་ཟློག །སྐག་དང་སྲི་ངན་ཐམས་ཅད་དང་། །གནོད་བྱེད་ཐམས་ཅད་བཟློག་ཏུ་གསོལ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་། །མཐུན་པ་འགྲུབ་ཅིང་ཕུན་སུམ་

― CMR038_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་པ་ཡི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །དེ་ནས་སྔོན་དུ་དཀར་གཏོར་བཞག །དེའི་རྒྱབ་ཏུ་ཕོ་འབར་གླུད་གཏོར་བཞག་པ་ནི། གླུད་གཟུགས་ཁ་ཕྱིར་བསྟན་ཏེ་ཞེས་པའོ། །དེ་རྒྱབ་ཏུ་མོ་འབར་ཁ་ཕྱིར་སྒྱུར། དེའི་རྒྱབ་ཏུ་མཆན་དང་གཏོར་ཆུང་བསྡོས་ལ་བཞག །དེ་ནས་སླར་ལྔ་བཅུ་རྩ་བཞི་བསྔོས་ནས། དེ་རྒྱབ་ཏུ་དམར་གཏོར་དེ་བཞག་ལ་ཕུད་རྒོད་དམ་ཆུ་གཙང་གིས་བྲན་ནས། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་། རིག་སྔགས་དང་། གཟུངས་སྔགས་དང་། སྙིང་པོ་དང་། ཕྱག་རྒྱ་དང་། ཆོས་ཉིད་དེ་བཞིན་ཉིད་ཀྱི་བདེན་པ་དང་། དཔལ་ཡེ་ཤེས་ཀྱི་མགོན་པོ་མ་ཧཱ་ཀཱ་ལ་བེར་ནག་པོ་ཅན་ལྕམ་དྲལ་བྲན་གཡོག་འཁོར་དང་བཅས་པ་རྣམས་ཀྱི་བདེན་པའི་མཐུས། སྤྱིར་སངས་རྒྱས་ཀྱི་བསྟན་པ་བཤིགས་པ། དཀོན་མཆོག་གི་དབུ་འཕང་སྨད་པ། བླ་མའི་སྐུ་ལ་བསྡོ་བ། རིག་འཛིན་གྱི་རྒྱུད་པ་བཅས་པ། དགེ་འདུན་གྱི་སྡེ་བཤིགས་པ། དབེན་རི་གཉེན་པོ་བཅོམ་པ། མཚམས་མེད་ལྔ་ལ་སྤྱོད་

― CMR038_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

པ། མི་དགེ་བ་བཅུ་ལ་རྔམ་པ། ཁྱད་པར་བདག་ཅག་དཔོན་སློབ་རྣམས་ཀྱི་བསྟན་དང་བསྟན་འཛིན་བརྒྱུད་པ་དང་བཅས་པ་རྣམས་ལ་ཕོད་བཙུགས་པ། དོ་བསྡོ་བ། འགྲས་ཚོལ་བ། ཡ་བོ་བཟུང་བ། སྔ་དགྲ་ལག་གིས་བསྡར་བ། ཕྱི་དགྲ་ཡིད་ལ་སེམས་པ། ད་དགྲ་ཐད་དུ་བཙུགས་པའི་དགྲ་བགེགས་བྱད་མ་རྦོད་གཏོང་དང་བཅས་པའི་བླ་སྲོག་རྣམ་པར་ཤེས་པ་སྲིད་པ་གསུམ་གང་དུ་གནས་ཀྱང་རང་དབང་མེད་པར་དྲག་པོའི་ཐུན་གྱི་གཏོར་མ་འདིའི་ནང་དུ་ཁུག་ཅིག །བཛྲ་ཨང་ཀུ་ཤ་ཛ༔ བཛྲ་པཱ་ཤ་ཧཱུྃ། བཛྲ་ཕོ་ཊ་ཧཾ། བཛྲ་གནྡྷེ་ཧོ༔ ༈ ཨོཾ་མ་དག་སྣོད་བཅུད་སྟོང་པར་སྦྱང་། །སྟོང་པའི་ངང་ལས་ཡེ་ཤེས་ཀྱི། །རླུང་མེ་ཐོད་སྐྱེད་སྟེང་ཉིད་དུ། །ཐོད་པ་ཤ་ལྔ་བདུད་རྩི་ལྔ། །རླུང་མེས་བསྐོལ་བའི་དམ་ཚིག་གི །བདུད་རྩི་རབ་འབར་འོད་ཉིད་དེས། །ཡེ་ཤེས་བདུད་རྩི་སྤྱན་དྲངས་ནས། །དབྱེར་མེད་ཨོཾ་དང་ཨཱཿཧཱུྃ་གིས། །བྱིན་རླབས་དྲི་རོ་མཚུངས་མེད་གྱུར། །རྩ་བརྒྱུད་བླ་མ་ཡི་དམ་ལྷ་ཚོགས་དང་། །དཔའ་བོ་མཁའ་འགྲོ་ཆོས་སྐྱོང་ཚོགས་སྤྱན་དྲངས། །མདུན་གྱི་ནམ་མཁར་སྤྲིན་བཞིན་གཏིབ་པར་གྱུར། །ཡི་དམ་ཀུན་འདུས་རྩ་བའི་བླ་མ་

― CMR038_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད། །དཀོན་མཆོག་ཀུན་འདུས་རྩ་བའི་བླ་མ་མཆོད། །ཆོས་སྐྱོང་ཀུན་འདུས་རྩ་བའི་བླ་མ་མཆོད། །ཁྱད་པར་ཆོས་སྐྱོང་བེར་གྱི་ན་བཟའ་ཅན། །དཔལ་ལྡན་ལྷ་མོ་རང་བྱུང་རྒྱལ་མོ་ནི། །མཆེད་ལྕམ་འཁོར་དང་བཅས་ལ་མཆོད་པར་བགྱི། །རྒྱལ་པོ་རྣམ་མང་ཐོས་སྲས་སྔགས་ཀྱི་བདག །རྡོ་རྗེ་ལེགས་པ་སྲིན་མགོན་ཞིང་སྐྱོང་དང་། །མཁར་ནག་རྡོ་རྗེ་རྒྱལ་པོ་ལ་སོགས་པའི། །ཀརྨ་པ་ཡི་བསྟན་པ་སྐྱོང་རྣམས་ལ། །ཟག་མེད་ཤ་ལྔ་བདུད་རྩི་ལྔ་མཆོག་གི །གཏོར་མ་རྩ་བརྒྱད་པཉྩ་ཨ་མྲྀ་ཏ། །ཛ་གད་རཀྟའི་ཡོན་ཆབ་མཆོད་པར་བགྱི། །འདོད་ཡོན་ལྔ་དང་གསང་བའི་མཆོད་པ་དང་། །དེ་ཁོ་ན་ཉིད་ཀུན་བཟང་མཆོད་པས་མཆོད། །ཁྱོད་ཀྱི་སྐྱོན་དག་ཡོན་ཏན་རྫོགས་པ་དེའི། །གནས་ཚུལ་ཇི་བཞིན་རྟོགས་པའི་སྒོ་གསུམ་གྱིས། །བསྟོད་པ་མ་ལུས་པ་ཡིས་བསྟོད་པར་བགྱི། །ཁྱོད་ལ་འདོད་དོན་གསོལ་བ་གདབ་པ་ནི། །བདག་སོགས་ཀུན་ལ་མཆོག་དང་ཐུན་མོང་གི །དངོས་གྲུབ་སྟན་ཐོག་འདི་ལ་སྩོལ་བ་དང་། །ཁྱད་པར་ཚེ་རིང་ནད་མེད་དཔལ་འབྱོར་རྒྱས། །ཡིད་ལ་བསམ་ཚད་སྐད་ཅིག་ཙམ་ཉིད་ལ། །གྲུབ་ནས་

― CMR038_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

ཀརྨ་པ་ཡི་བཞེད་པ་ཀུན། །བདག་གིས་མ་ལུས་མྱུར་དུ་འགྲུབ་པ་དང་། །ཀརྨ་པ་ཡི་བསྟན་ལ་གནོད་བྱེད་རྣམས། །བདག་གིས་ཐལ་བ་བཞིན་དུ་རློག་པ་ཡི། །ནུས་པ་ད་ལྟ་ཉིད་དུ་སྩལ་དུ་གསོལ། །དེ་ལྟར་མཆོད་བསྟོད་དད་པའི་དགེ་བ་དེས། །མ་གྱུར་འགྲོ་བ་སེམས་ཅན་ཐམས་ཅད་ཀུན། །རྫོགས་པའི་སངས་རྒྱས་གོ་འཕང་ཐོབ་ཕྱིར་བསྔོ། ༈ རྡོ་རྗེ་འཆང་དངོས་འགྲོ་མགོན་བླ་མ་ཡི། །ཕྲིན་ལས་སྤྲུལ་པ་མ་ཧཱ་ཀཱ་ལའི་ཞབས། །ཡུམ་ཆེན་ལས་མཁན་སྡེ་བརྒྱད་བཅས་པ་ལ། །ཀུན་བཟང་མཆོད་སྤྲིན་སྤུངས་པའི་ཞལ་ཟས་དང་། །སྒོ་གསུམ་ལོངས་སྤྱོད་བཅས་པ་ཕུད་ཀྱིས་མཆོད། །ཕྱི་ཡི་མཆོད་པ་ངོ་མཚར་སྣང་བ་དང་། །ནང་གི་མཆོད་པ་ཤ་ཁྲག་ཨ་མྲྀ་ཏ། གསང་བའི་མཆོད་པ་བདེ་སྟོང་ཙཀྲ་དང་། །དེ་ཁོ་ན་ཉིད་ཐུགས་དང་གཅིག་བསྡོམས་པའི། །རང་རིག་ཡེ་ཤེས་དག་པའི་མཆོད་གཏོར་འདི། །།དགྱེས་པ་ཆེན་པོས་བཞེས་ནས་བྱིན་གྱིས་རློབས། །དབང་བཞི་ཐོབ་ནས་ཕྲིན་ལས་རྣམ་བཞི་འགྲུབ། །མཁའ་ཁྱབ་སེམས་ཅན་བདེ་ལ་འགོད་ནུས་པའི། །མཆོག་དང་ཐུན་མོང་དངོས་གྲུབ་མ་ལུས་པ། །སྟན་ཐོག་འདི་ལ་བྱིན་གྱིས་བརླབ་ཏུ་

― CMR038_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། ༈ །ཨོཾ་གྱིས་མ་དག་སྟོང་པར་སྦྱངས། །ཨཱཡིས་ཐོད་སྣོད་ཡངས་པའི་ནང་། །ཧཱུྃ་ལས་དགྲ་བགེགས་ཤ་ཁྲག་གི །གཏོར་མ་ཕུན་སུམ་ཚོགས་པ་ཀུན། །ཧ་ཧོ་ཧཱུྃཡིས་སྦྱངས་རྟོག་སྦར། །ཡེ་ཤེས་བདུད་རྩིའི་རྒྱ་མཚོར་གྱུར། །རང་གི་ཐུགས་ཀའི་ཧཱུྃ་ཡིག་ལས། །མཁའ་འགྲོ་སེང་གདོང་སྤྱན་དྲངས་ནས། །མདུན་བཞུགས་ལྗགས་ཀྱི་འོད་ཟེར་གྱི། །རྡོ་རྗེའི་སྦུ་གུའི་རྣམ་པ་ཡིས། །གཏོར་མ་གསོལ་བས་དགྱེས་པར་རོལ། །ཨོཾ་ཤྲཱི་བཛྲ་ཌཱ་ཀི་ནཱི་སིང་ཧ་མུ་ཁ་ས་པཱ་རི་ཝཱ་ར་ཨི་དཾ་བ་ལི་ཏཁ་ཁ་ཁཱ་ཧི་ཁཱ་ཧི། དཔལ་ལྡན་རྡོ་རྗེ་ལྷ་མོ་ནི། །དྲག་མོ་སེང་གེའི་གདོང་པ་ཅན། །ཡེ་ཤེས་མེ་ཡི་འོད་ཟེར་འཕྲོ། །སེང་གེའི་གདོང་ཅན་ལྷ་མོར་བསྟོད། །ཁྱོད་ལ་གཏོར་མ་ཕུལ་བའི་མཐུས། །གནོད་བྱེད་མ་ལུས་ཞི་བ་དང་། །ཅི་བསམ་ཡིད་བཞིན་འགྲུབ་པ་དང་། །བཤད་སྒྲུབ་བསྟན་པ་རྒྱས་པར་མཛོད། ༈ ཧཱུྃ། གང་ཞིག་བླ་མ་ལ་སྨོད་ཆོས་ལ་སྡང་། །འགྲོ་ལ་རྣམ་འཚེ་སྒྲུབ་པ་པོ་ལ་གནོད། །ངན་འགྲོ་ཉེར་གཞོལ་དེ་དག་རྣམས་ཀྱི་སྲོག །ཟངས་གྲི་འབར་བས་ཡུད་ཀྱིས་གཅོད་པར་མཛོད། །གང་དུ་རྡོ་རྗེའི་སེར་ཆེན་

― CMR038_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

དབབ་པའམ། །བསྐལ་མེ་འབར་དང་དྲག་པོའི་རླུང་ཤུགས་སོགས། །འཇིགས་ཆེན་བརྒྱ་ཕྲག་དུ་མའི་ཆོ་འཕྲུལ་དང་། །ལྟས་ངན་མཚན་མ་བྱེ་བ་དབབ་པར་མཛོད། །ཤིན་ཏུ་མི་བཟད་ནད་གདོན་འབུམ་ཕྲག་གིས། །དགྲ་བོ་བུ་དང་ཆུང་མ་འབངས་བཅས་ཀུན། །སྐད་ཅིག་ཉིད་ལ་བསད་དེ་བསྐལ་སྟོང་དུ། །མནན་གཟིར་བསྐྲད་རེངས་པ་ཡི་ཕྲིན་ལས་མཛོད། །མི་སྲུན་ཤ་ཟའི་ཕོ་ཉ་དུང་ཕྱུར་ཡང་། །ཁྲོས་པའི་མིག་བསྒད་ཁྲོ་གཉེར་མཆེ་བ་གཙིགས། །རྣོ་བའི་མཚོན་ཐོགས་རྔམ་པའི་ང་རོ་འབྱིན། །རེངས་པར་རྒྱུག་བྱེད་ཁྱོད་ཀྱི་དུས་ལ་བབ། །ནམ་མཁའ་གང་བ་འདབ་བཟང་དབང་པོའི་ཚོགས། །གདོང་ལྔ་ལ་སོགས་གཅན་གཟན་མ་རུངས་པ། །བྱེ་བ་དུང་ཕྱུར་ཁྲི་ཕྲག་དུ་མ་རྣམས། །ཉམས་པ་འདི་ཡི་ཤ་རུས་ཁྲག་ལ་རོལ། ༈ །བྷྱོ༔ ཡེ་ཤེས་མཁའ་འགྲོའི་ཚོགས་ལ་ཕྱག་འཚལ་ལོ། །འགྲོ་མགོན་སྐྱོབས་པ་རྣམས་ཀྱི་བཀའ་བཞིན་དུ། །ཕྲིན་ལས་ཚུལ་བཞིན་སྒྲུབ་པའི་གྲོགས་མཛད་མ། །དཔེར་ན་རྔོན་པས་རི་དྭགས་བཤོར་བ་བཞིན། །བསད་པ་དོན་དུ་གཉེར་བའི་ལས་མཛད་མ། །བསད་པ་དོན་དུ་གཉེར་བའི་ལས་མཛོད་ཅིག །ཨོཾ་ཨེ་

― CMR038_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ་ར་ལླི་ཧོ། ཤྲཱི་མ་ཧཱ་ཀཱ་ལ་ཁཱ་ཧི། ཏྲག་རཀྵ་ཁཱ་ཧི། ཏྲག་རཀྵ་དུན་བྷྱོ་ཁཱ་ཧི། ཏྲག་རཀྵ་རྦད་བྷྱོ་ཁཱ་ཧི། དམ་ཅན་མགོན་པོ་མཁའ་འགྲོའི་ཚོགས་སུ་གྱུར་པ་རྣམས་ལ་དམ་རྫས་བདུད་རྩིའི་གཏོར་མ་བཞེས་སུ་གསོལ་ཁཱ་ཧི། སྐབས་འདིར་གྲྭ་པ་རྣམས་བེར་ནག་ཅན་གྱི་གསེར་སྐྱེམས་འཆམ་དང་བཅས་པ་བྱེད་པར་སྣང་། གྲྭ་ཚང་ཉུང་ན་མི་མཛད། འདིར་གསེར་སྐྱེམས་གང་རུང་ཉུང་བསྡུས་ཤིག་ཕུལ་གྲུབ་ན་ལེགས། མ་གྲུབ་ཀྱང་ཆོག་སྟེ་དཀར་གཏོར་དེས་གོ་ཆོད། དེ་ནས་ཁྲུས་ཆོག་པས་སྔོན་དུ་ཁྲུས་ཆུ་གཏོར་ཞིང་འགྲོ་བ་དང་། དེ་ནས་རིམ་པ་བཞིན་དུ་ཁྱེར་ཏེ་རྗེས་ནས་དར་ནག །ཟབ་མདོ་འདོན་མཁན་དུ་ཡོད་རྣམས་གྲུབ་བྱ། དེ་ནས། ལྷ་ཀླུ་གནོད་སྦྱིན་ལ་སོགས་དང་། །འབྱུང་པོ་ཁྲོ་བོ་ལ་སོགས་དང་། །བདག་ཅག་དཔོན་སློབ་འཁོར་བཅས་ལ། །གནོད་པར་བྱེད་པ་གང་ཡང་རུང་། །མཆོད་སྦྱིན་གཏོར་མ་འདི་ལོངས་ལ། །བཟུང་བ་ལས་ནི་ཐར་བར་མཛོད། །རིན་དང་གླད་དུ་འདི་བཞེས་ལ། །བདག་གིས་དེ་རིང་ཁྱོད་མཆོད་ཀྱིས། །སོང་ཞིག་བགེགས་ཆེན་འགྲོ་བར་གྱིས། །ཕྱིན་ཆད་དེ་ལྟར་མ་བྱེད་ཅིག །ཁྱོད་ནི་ལྷ་ཡི་སྤྲུལ་པ་སྟེ། །ཁྱོད་ནི་བགེགས་བྱེད་མི་ནུས་མིན། །སྔོན་ཆད་མཆོད་སྦྱིན་མ་ཐོབ་ན། །དེ་རིང་

― CMR038_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གིས་ཁྱོད་མཆོད་ཀྱིས། །མེ་ཏོག་ཕྲེང་བ་སྤོས་དང་ནི། །མར་མེ་ཞལ་ཟས་འདི་སྣོམས་ལ། །བགེགས་ཀྱི་རྒྱལ་པོ་འགྲོ་བར་གྱིས། །སྔོན་གྱི་ལན་ཆགས་ཡོད་ན་ཡང་། །མཆོད་སྦྱིན་འདི་ཡིས་བྲལ་བར་གྱིས། །རྡོ་རྗེ་འཛིན་པའི་བཀའ་དག་དང་། །དམ་ཚིག་འགལ་བའི་ཉེས་པ་ཡིས། །གནོད་པར་གྱུར་ན་མི་ལེགས་ཀྱིས། །བགེགས་ཆེན་ཁྱོད་ནི་ད་སོང་ཞིག །རྡོ་རྗེ་ཆེན་པོ་མཆོག་འཛིན་པའི། །མགོན་པོ་ཆེན་པོའི་བྱིན་བརླབས་ལས། །བློ་ངན་གང་ཞིག་འདའ་བ་ནི། །རྡོ་རྗེ་འཛིན་པས་མྱུར་དུ་ཡང་། །སྤང་བའི་སེམས་ཅན་ཆེན་པོ་དེ། །ཇི་སྲིད་འཁོར་བའི་སྤྱོད་ཡུལ་དུ། །ངན་སོང་གསུམ་དུ་ཡང་དང་ཡང་། །ཤིན་ཏུ་མི་བཟད་ཆོ་ངེས་འདེབས། །གལ་ཏེ་སྲོག་དང་མ་བྲལ་ཡང་། །དེ་ཡི་རྩིབ་ལོགས་གཡས་པ་ན། །འབྲས་ཆེན་ནད་ཀྱང་འབྱུང་བར་འགྱུར། །འབྱུང་པོ་མང་པོ་འཚོགས་པ་ན། །སྟན་ཡང་ཐོབ་པར་མི་འགྱུར་རོ། །བདག་ཉིད་ཆེན་པོ་སངས་རྒྱས་བཀའ། །ཚིག་ལས་འདས་ན་རྡུལ་བཞིན་བརླག །དེ་བས་བགེགས་ཆེན་ཁྱོད་སོང་ལ། །དམ་ལས་འདའ་བར་མ་བྱེད་ཅིག །ཅེས་བརྗོད་གླུད་དང་གཏོར་མ་རྣམས་གདོན་གྱིས་ཁྱེར་བར་

― CMR038_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ། བཞི་པ་ནི་སྟོན་པའི་འཁོར་གྱི་ཁྲོ་བོའི་ཚོགས་དཔག་ཏུ་མེད་པས་བགེགས་རྣམས་ལྷོ་ཕྱོགས་རྒྱ་མཚོའི་མཐར་བསྐྲད་པར་བསམ། སྒྲུབ་པ་པོ་རང་ཉིད་ལྷའི་ང་རྒྱལ་དང་ལྡན་པས་རྡོ་རྗེ་དང་དྲིལ་བུ་བཟུང་སྟེ། ཁྲུས་མཆན་དང་ཆངས་བུ་ཐམས་ཅད་བླུག །ཐེབས་ལྡོག་དང་ཕྱོགས་ལེགས་པར་བརྩིས་ཡོད་ན་ཁ་འབར་མ་འཕེན་རྒྱུ་ཡིན། ཕྱོགས་ཞིབ་པར་རྩི་མ་འཕྲོད་ན་ཁ་འབར་མ་ཁ་ཕར་ལ་བསྟན་ནས་བཞག་ཀྱང་རུང་སྟེ། གང་བྱེད་ཀྱང་མཆོད་གཡོག་པ་གཅིག་ལ་ཁ་འབར་མ་བཀྱག་བཅུག །རྔ་རོལ་མོ་དང་བཅས་པས། རྫ་ཕར་བརྡུང་ཞིང་། ཧཱུྃ། དཀོན་མཆོག་གསུམ་གྱི་བདེན་པ་དང་། །རྒྱུ་འབྲས་བསླུ་མེད་བདེན་པ་དང་། །ཆོས་དབྱིངས་རྣམ་དག་བདེན་པ་དང་། །ཁྲོ་ཆེན་འབར་བའི་བཀའ་བདེན་པས། །བདག་ཅིག་འཁོར་དང་བཅས་པ་ལ། །གནོད་ཅིང་འཚེ་བར་བྱེད་པ་ཡི། །ལན་ཆགས་གདོན་བགེགས་ལོག་འདྲེན་ཚོགས། །འདི་ན་མ་གནས་འགྲོ་བར་གྱིས། །ཕ་རོལ་བྱད་དང་རྦོད་གཏོང་ཟློག །གལ་ཏེ་བདེན་ཚིག་འདི་འདས་ན། །ཁྲོ་ཆེན་འབར་བའི་ཚོགས་རྣམས་ཀྱིས། །

― CMR038_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

བརླག་པར་འགྱུར་བ་གདོན་མི་ཟ། །དེ་བས་གཞན་དུ་འགྲོ་བར་གྱིས། །ཕྱིན་ཆད་གནོད་པ་མ་བྱེད་ཅིག །ན་མཿས་མནྟ་ཀཱ་ཡ་ཝཱཀྐ་ཙིཏྟ་བཛྲ་ཎཾ། ན་མོ་བཛྲ་ཀྲོ་དྷ་ཡ་མ་ཧཱ་དིཏྟོན་བྷེ་ར་ཝ་ཡ། ཨ་སི་མུ་ས་ལ། པ་རི་ཤུདྡྷ་ཧས་ཡ། ཨོཾ་ཨ་མྲྀ་ཏ་ཀུཎྜ་ལཱི་ཁ་ཁ་ཁཱ་ཧི་ཁཱ་ཧི༔ ཏིཥྛ་ཏིཥྛ༔ བྷནྡྷ་བྷནྡྲ༔ ཧ་ན་ཧ་ན༔ ད་ཧ་ད་ཧ༔ གརྫ་གརྫ༔ སྤོ་ཊ་ཡ་སྤོ་ཊ་ཡ༔ སརྦ་བིགྷཱན༔ བི་ན་ཡ་ཀ་ན་ནན། མ་ཧཱ་ག་ན་པ་ཏི་ཛི་ཝི་ཏ་ཨན་ཀ་ར་སྭཱ་ཧཱ། ཞེས་བརྗོད་ཅིང་གཏོར་མ་ས་ལ་རྡེབ། ཡིག་རྙིང་ལས། དེ་ནས་དགོས་པ་ཡོད་པའི་ཕྱོགས་སུ་བསྐུར་ལ་བཏང་། ཁ་སྦུབས་སུ་ཁ་ཕར་བསྟན་ན་ཐེབ། གན་རྐྱལ་དུ་ཁ་ཕར་ལ་བསྟན་ན་བཟའ་བྲན་ལ་ངན། ནད་པ་ཅི་ཡང་མི་ཉེས་སོ། །མགོ་གཡས་སུ་བསྟན་ན་སློབ་དཔོན་ལ་ངན་པས་ཟོན་བྱ། མགོ་གཡོན་དུ་བསྟན་ན་ཀ་ཆ་སྙིང་རོགས་ལ་གོད་ཁ་འོང་། མགོ་ཚུར་ལ་བལྟས་ན་ནད་པ་ལ་ངན། གཏོར་ཆེན་ལན་གསུམ་བསྐྱལ་ལ་བཏང་། ཡུམ་ཆེན་མོ་ཀློག །རིམ་གྲོ་ཅི་རིགས་བྱ། དེ་ནས་ཡར་མར་བསྐྱལ་ལ་གཏོར་མའི་སྤྱི་བརྟག །དེ་ལ་ངན་ན་ཕན་མི་ཐོགས་པས། དགེ་བའི་ལས་གཞན་ལ་འབད་པར་བྱའོ། །ཞེས་དང་། ཁ་འབར་མའི་གཟུགས་དེ་ཁ་ཕར་ལ་བལྟས་ན་ལེགས། ཚུར་ལ་བལྟས་ན་ལན་དགོས་པའི་རྟགས་ཡིན། དེ་ནས་དམར་གཏོར་མཆོད་གཡོག་པས་བཀྱག་ལ། གྲྭ་ཚང་གིས་ཆོས་སྐྱོང་

― CMR038_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

གི་གཙོ་བོ་ཡིན་པས་ཞིང་སྐྱོང་གི་བསྐུལ་པ་ཕོ་བྲང་མཁའ་སྤྱོད་མ་དང་ཞིང་སྐྱོང་གི་ཟློག་པ་གཉིས་འདོན་སྲོལ་འདུག་ཀྱང་ཁ་འབར་མའི་མན་ངག་ལ་རང་སྲུང་སེང་གདོང་མ་དགོས་པར་ཡང་བཤད། བ་རི་བའི་ལོ་རྒྱུས་ལས་ཀྱང་གསལ་བས། འཇའ་ཚོན་ལུགས་སེང་གདོང་མའི་བསྐུལ་བ་གཅིག་བྱས་ན་ལེགས། མེད་ཀྱང་ཆོག་སྟེ། འདི་སྲིན་མོ་ཟ་ལམ་དང་དོན་གཅིག་པས་འདོན་སྲོལ་ཡང་མེད་པས། རྔ་སླ་ང་ལྟར་བཟུང་ནས་འཆམ་སྟབས་བཅས་ཏེ་བརྡུང་ཞིང་། ༈ རྡོ་རྗེ་གར་གྱི་སྐག་བཟློག་མ། །ཤར་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །རིན་ཆེན་གར་གྱི་སྐག་བཟློག་མ། །ལྷོ་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །པདྨ་གར་གྱི་སྐག་བཟློག་མ། །ནུབ་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །ལས་ཀྱི་རིགས་ཀྱི་སྐག་བཟློག་མ། །བྱང་ཕྱོགས་གདོན་གྱི་སྐག་སྒྱུར་ཅིག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །གཞན་གྱི་ཕུར་ཆེན་འདེབས་པ་ཟློག །ཚེ་ཟོར་ཡུངས་ཟོར་འཕེན་པ་ཟློག །གཤིན་

― CMR038_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་འཁོར་ལོ་བསྐོར་བ་ཟློག །བདུད་ཀྱིས་ཁྲམ་ལ་བཏབ་པ་ཟློག །མ་མོས་ཐུན་ཟོར་འཕེན་པ་ཟློག །ཀླུ་ཡིས་བྱེད་དུ་བཅུག་པ་ཟློག །ཕོ་ཉས་བླ་སྲོག་འཕྲོག་པ་ཟློག །ཐེའུ་རང་ཚེ་ལ་བརྐུ་བ་ཟློག།མུ་སྟེགས་བར་ཆད་བྱེད་པ་ཟློག །ཞང་ཞུང་ཛོ་དམར་འཕེན་པ་ཟློག །བོན་པོས་སྔགས་ལོག་སྒྲུབ་པ་ཟློག །སུམ་པས་གླང་ཟོར་འཕེན་པ་ཟློག །སྐྱེས་པས་མདའ་ཟོར་འཕེན་པ་ཟློག །བུད་མེད་དམོད་ཟོར་འཕེན་པ་ཟློག །ལྟས་ངན་བརྒྱད་ཅུ་རྩ་གཅིག་ཟློག །ཡེ་འདྲོག་སུམ་བརྒྱ་དྲུག་ཅུ་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །བྱིས་པའི་གདོན་ཆེན་བཅོ་ལྔ་ཟློག །བཟློག་གོ་དམར་ཆེན་གཏོར་མས་ཟློག །བསྒྱུར་རོ་ལྟས་ངན་དགྲ་ལ་སྒྱུར། །ཅེས་རོལ་མོ་དྲག་ཏུ་བྱས་ཤིང་སེང་གདོང་མའི་སྔགས་བརྗོད། དར་ནག་གདབ། མདོ་སྒྲུབ་པ་རྣམས་ཀྱིས་ཐལ་མོ་བརྡབ། དམར་གཏོར་ཕུལ། གྲྭ་ཚང་རྣམས་རྟ་བྲོ་མི་དར་ཀྱང་། བ་རི་ལུགས་ཀྱི་ཡིག་རྙིང་ལ་རྟ་བྲོ་རྒྱས་པར་འདུག་པས། གཏོར་སྣོད་སྒྲུབ་ལ་གཏོར་སྣོད་མདོས་ཁྲིའི་འོག་ཏུ་གནོད་བྱེད་རི་རབ་བང་རིམ་བཞི་པ་གཅིག་གིས་མནན་པར་བསམས་ལ། ཧཱུྃ༔ ཐུགས་རྗེས་འགྲོ་འདུལ་དཀྱིལ་འཁོར་འདིར། །བར་ཆད་དམ་སྲི་འདུལ་བའི་ལྷ། །ཁྲོ་བོའི་རྒྱལ་པོ་རྟ་

― CMR038_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་དཔལ། །གཏུམ་ཆེན་རྔམ་པའི་སྒྲ་སྒྲོག་ཅིང་། །དཔལ་གྱི་རྟ་སྐད་ཅེ་རེ་རེ། །ཁྲོ་བོའི་འབྲུག་སྒྲ་འུ་རུ་རུ། །རོལ་པའི་རྟ་བྲོ་ཆེམས་སེ་ཆེམ། །བདུད་དང་དམ་སྲི་རྡུལ་དུ་རློགས། །ཧཱིཔདྨནྟ་ཀྲྀཏ་བྱ་ཤྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཡ་མ་དམ་སྲི་སྟམྦྷ་ཡ་ནན། ཞེས་རྟ་བྲོ་གང་རུང་ཞིག་བརྡུང་། དར་ནག་རྣམས་དྲིལ་ཏེ་ཕྱི་ཁྲིད་བྱས་ནས་ཕྱི་མིག་མི་ལྟ་བར་རྣམ་འཇོམས་འདོན་ཞིང་ནང་དུ་འོང་ནས། ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས་ཀྱིས་མཆོད། ཐབས་མཁས་ཐུགས་རྗེས་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་ཁྱོད་ལ་ཕྱག་འཚལ་བསྟོད། །བསྟོད་པར་འོས་པ་ཐམས་ཅད་ལ། །ཞིང་རྡུལ་སོགས། མཆོག་ཏུ་དད་པས་བསྟོད་པར་བགྱི། །ཁྱེད་ཀྱིས་སེམས་ཅན་དོན་ཀུན་མཛོད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཅེས་པས་གཤེགས་སམ་རྟེན་ལ་བསྟིམ། དམ་ཚིག་པ་རང་ལ་བསྟིམས་ནས་མི་དམིགས་པར་བསམ། །བགེགས་རིགས་སྟོང་ཕྲག་བརྒྱད་ཅུ་ཞི་བ་

― CMR038_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །མི་མཐུན་གནོད་པའི་རྐྱེན་རྣམས་བྲལ་བ་དང་། །མཐུན་པ་འགྲུབ་ཅིང་ཕུན་སུམ་ཚོགས་པ་ཡི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །བཀྲ་ཤིས་བྱའོ། །ཞེས་བྱ་བ་འདི་ནི་བྱ་རྒྱུད་གཟུངས་སྔགས་ཀྱི་འགྲེལ་པ་རྣམས་ལས་འབྱུང་བ་ལྟར། ཀརྨ་པ་མི་བསྐྱོད་རྡོ་རྗེས་སྨྱུག་མའི་ཚལ་དུ་བྲིས། ཞེས་པ་ལས་ཕྱག་ལེན་མཐོང་བ་བརྒྱུད་པས་ཁ་སབ་སྟེ།རཱ་ག་ཨ་སྱས་འདོན་འགྲིགས་སུ་བཀོད་པའོ། །འདི་ལ་མཆོད་གཡོག་པའི་ཁ་རས་ཀྱིས་དཀྲི་བ་དང་ལག་པ་བཀྲུ་བ་སོགས་གཙང་སྦྲ་ཆེ་དགོས། མ་གཙང་ན་རིམས་སྙོག་འོང་ཟེར། འདི་ཞི་བ་ཡིན། དྲག་པོ་བྱེད་ན་གོང་གི་ངར་མི་པར་མ་དེ་རྣམས་ལིངྒ་པར་མ་བྱས་ལ། ལིངྒ་ཐམས་ཅད་དུས་གཅིག་ཏུ་བྲན་ནས་གནོད་བྱེད་ཐམས་ཅད་བཀུག་གཞུག་ལན་གསུམ་བྱས་ཏེ་བསྟིམ། དེ་ནས་སྔོན་ལྟར་གཏོར་མ་བྱིན་བརླབས་བྱས་ནས་ཕུལ་བ་ནི། རང་གནད་རང་ལ་འབེབས་པ་ཤིན་ཏུ་ཟབ་ཅིང་ཆོད་ཆེ་སྟེ། ཤི་སྒབ་ཡེ་མ་ཆོད་ན་བྱ། བཀའ་ཤིན་ཏུ་གཉན་པས་གག་ཐུག་ན་མ་གཏོགས་མི་བྱའོ། །ཞེས་རཱ་ག་ཨ་སྱས་བསྒྲིགས་པའི་ཡི་གེ་པ་ནི་དགེ་སློང་བརྩོན་འགྲུས་ཏེ། འདི་ལ་ཉེས་འགལ་མཆིས་ན་ལྷ་མོ་འཕྲོག་མ་ཉིད་ལ་བཤགས་ཤིང་དགེ་བས་གཞན་ཕན་རྒྱ་ཆེན་པོ་འབྱུང་བར་གྱུར་ཅིག། མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཁ་འབར་མའི་ཟིན་བྲིས།

― CMR038_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་འབར་མའི་ཟིན་བྲིས་ཡོད། ན་མོ་ཤཱཀྱ་མུ་ན་ཡེ། སྟོན་པ་རྐང་གཉིས་གཙོ་ལ་ཕྱག་འཚལ་ནས། །ལྷ་མོ་འབར་མའི་ཟིན་བྲིས་ཅུང་ཟད་བྲི། །དེ་ཡང་སྟོན་པའི་ཞལ་ནས། ང་ལ་སྟོན་པར་ཁས་ལེན་ན། །འཕྲོག་མ་བུ་ལ་ཆངས་བུ་བྱིན། །ཞེས་སོགས་འདུལ་བ་ནས་གླེང་གཞི་དང་། སྲུང་བ་ལྔ་ཡི་གཟུགས་སོགས་ནས་ཀྱང་སྲིན་མོ་ནག་མོ་བུ་སྟོང་ཡོད་པ་ཞེས་སོགས་དང་། དཔལ་ལྡན་ལྷ་མོའི་རྒྱུད་རྣམས་ལས་ཀྱང་། ནག་མོ་ཆེན་མོ་ཁ་འབར་མ། །ཞེས་སོགས་གསུངས་པས་ངོ་བོ་དཔལ་ལྡན་ལྷ་མོ་ཉིད་ཡིན་ཀྱང་། རྣམ་པ་ཡི་དྭགས་ཀྱི་ཚུལ་བཟུང་ནས་བགེགས་རིགས་ཐམས་ཅད་ལ་དབང་སྒྱུར་བའི་རྒྱལ་མོ་རྡོ་རྗེ་གདན་གྱི་ཆོས་སྐྱོང་དྲག་རྩལ་ཅན་ཡིན་པས། ལོ་རྒྱུས་རྒྱས་པ་དང་། འདི་ལ་རྙིང་མ་ནས་ཁ་འབར་མ་དཀར་དམར་གསུམ་ལས་ཚོགས་དང་བཅས་པ་དང་། གསར་མ་ནས་ཀྱང་ཁ་འབར་མ་ལ་རྒྱུན་དུ་ཆངས་བུ་སྦྱིན་པས། གཏོར་མ་བཏང་ནས་ཚོགས་བསགས་པ། གཏོར་ཆེན་ལ་བརྟེན་ནས་འཆི་བ་ཟློག་པ། དེ་ལ་མདོས་ཐབས་དང་བསྡུས་པ་གཉིས། བྱད་ཟློག་པ། དགྲ་བསད་པ། མཁར་བཤིགས་པ། ལན་ཆགས་སྦྱངས་བ་སོགས་དམིགས་པ་དང་

― CMR038_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

བཅའ་ཚོགས་འདོན་ལུགས་སོགས་མང་དུ་ཡོད་ཀྱང་ཡི་གེར་བྲི་བས་འཇིགས་ནས་སྤྲོས་པ་བསྐྱངས་ཏེ། སྔོན་དབུས་གཙང་ཞིག་ན་མི་ཞིག་གིས་ཁ་འབར་མའི་དཔེ་རིགས་མི་གཅིག་པ་ཐམས་ཅད་བསགས་པས་སྒམ་སྒྲོམ་གཅིག་གང་བྱུང་བའི་ལོ་རྒྱུས་འདུག་པ་ལྟར་ལུགས་མཐའ་ཡས་པར་ཤེས་པར་བྱ་བ་ཉིད་དོ། །འདི་ནི་རྗེ་མི་བསྐྱོད་ཞབས་ཀྱིས་བྱ་རྒྱུད་སོར་བཞག་གི་དབང་དུ་མཛད་ནས་ཤིན་ཏུ་བསྡུས་པའི་ཚུལ་དུ་མཛད་པ་འདི་ཉིད། རྗེ་དཀོན་མཆོག་འབངས་ཀྱི་ཕྱག་བཞེས་ལྕོག་གྲ་ན་རྒྱུན་ཆགས་སུ་ཡོད་པ་ལ། ཕྱིས་རྗེ་ཆོས་ཀྱི་དབང་ཕྱུག་གིས་ཞལ་བཀོད་མཛད་ནས་ཕྱག་ལེན་ལྕོག་གྲ་ནས་ཉིན་བྱེད་གླིང་དུ་སྤེལ་ནས་ལོ་རེ་བཞིན་རྒྱུན་དུ་མཛད་པའི་ཕྱག་ལེན་ནི། བདག་གིས་ལོ་ཡ་ཟུང་མཆོད་གཡོག་བྱས་ནས་ཡིད་ལ་བཟུང་བ་ནི་འདི་ལྟ་སྟེ། །ཀ་ཏོ་རའམ་གཞོང་པ་ལྟ་བུ་ལྕགས་ཟེར་མེད་པ་གཙང་མའི་ནང་དུ། སྤེན་ནམ་སོག་མ་བཅིང་ངམ་ཡུངས་གཤེར་ཐུ་རུས་མཛེར་བའི་ནང་ཞུགས་སམ། ཟན་རྐྱང་པ་ཡང་རུང་སྟེ། ཁ་འབར་མའི་སྐུ་ཁྲུ་གང་ལས་མི་ཆུང་བ་ཞལ་ཁྲོ་ཞལ་གདངས་བའི་ནང་དུ་མར་ཁུ་བླུག་ལ་སྡོང་བུ་རིང་པོ་བཙུགས། ཁ་ནང་ནས་སྣའི་ནང་དུ་བུག་པ་བྱས་ནས་དུད་པ་འཐུལ་བ། ནུ་མ་རྐྱལ་

― CMR038_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འདྲ་བ། ལྟོ་བ་ཆེ་བ་གཉེར་མ་ཅན། རྐང་ལག་ཕྲ་བ་མོ་མཚན་རྒྱས་པ། ཕྱག་གཡས་མཆོག་སྦྱིན་ལྟར་བརྐྱང་བས་གླུད་ལེན་པའི་ཚུལ་གྱིས་ཆངས་བུ་ཆེན་པོ་གཅིག་བཟུང་བ། གཡོན་ཡང་དེ་ལྟར་ལས་ལམ་སྒྲོན་གྱི་ཚུལ་དུ་ཟན་ཀོང་གཅིག་ཏུ་མར་མེ་ཐོགས་པ། རྐང་པ་ཕྱེད་སྐྱིལ་ལུས་ལ་མར་སྣག་གམ་འོ་སྣག་གཙང་མས་བྱུག །སྤྱན་མར་རྒྱན་ལྟར་བྱ་ཞིང་། སྤྱན་རྩ་དང་ཞལ་རྣམས་ནུ་མའི་རྩེ་ཕྱིར་ནང་རྣམས་འབྲི་མོག་བྱུག །མགྲོན་བུ་མང་པོ་མ་འབྱོར་ན་ཡུངས་སོགས་ལས་མཆེ་བ་དང་སོ་གཙིགས་པ། རྔ་མ་ནག་པོས་སྐྲ་ས་པ། སྟེགས་མཐོན་པོ་ལ་ཡར་གྱུ་ནས་བཤམས། དེའི་མདུན་དེ་ན། ཡོན་བདག་གི་གཟུགས་ཟན་གང་རུང་ལ་མཐོ་གང་ལས་མི་ཆུང་བ་གླུད་གོས་དང་བཅས་པ་ཐམས་ཅད་ཀྱི་དྲི་གླུད་ཀྱིས་བསྐོར། ཕྲག་པ་གཡས་སུ་ཤིང་ལ་ཡོན་བདག་གི་ལོ་གྲངས་རི་མོ་བྲིས་ལ་བཙུགས་ལ་ཁ་སྐུ་འདྲ་ལ་བསྟན་ལ་སྣོད་སྡེར་མའམ་བཙོ་མ་ལྟ་བུའི་ནང་དུ་བཞག །དེའི་རྒྱབ་དེར་ཆངས་བུ་སོགས་བསོགས་ས་གཞོང་པ་གཙང་མའམ་ཀ་ཏོ་ར་ཆེན་པོ། ཆུ་དཀར་དང་འབྲས་ཆན་བསོགས་ས་ལྕགས་སྣོད་མིན་པ་ཟངས་སམ་བས་མ། མ་རྙེད་ན་རྫ་མ་གཙང་མ་ཡང་རུང་

― CMR038_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བཞག །དེའི་གཉའ་དང་ངོས་དེ་ན་ཐུར་དུ་གཏོར་ཁྲི་གཅིག་ལ་ཟངས་ཐེབ་དྲུག་ཚར་བཤམས། དེའི་གཡས་ཕྱོགས་ན་གྲོ་ནས་སྲན་མ་བསྲེས་པའི་མཆན་དང་། ལིང་རོ། འོ་དཀར། གཡོན་ནས་ཆངས་བུ་ཆངས་རྗེས་གསུམ་པ་དང་། ཆངས་རྗེས་ཚང་བ་དང་། ངར་ཆུང་པར་བཏབ་པ་རྣམས་བརྒྱ་དང་བརྒྱད་རེ་བཤམས། ཡར་ལ་གཞི་གཙང་མ་ལ་ཡོད་ན་རིན་པོ་ཆེའི་མཎྜལ་སྟེང་དུ་འབྲས་དཀར་གྱི་ཚོམ་བུ། མེད་ན་གཞི་ཐོག་ཏུ་ནས་ཚོམ་བཅོ་ལྔ་བཀོད་པའི་དབུས་སུ་ཐུབ་པའི་གསེར་སྐུ་ཡོད་ན་བཤམས། ཐང་སྐུའམ་ཙཀ་ལི་ཡོད་ཀྱང་ཆོག །མཎྜལ་མདུན་དུ་མཆོད་པ་རྣམ་ལྔ་བཤམས། གཞན་ཡང་དཀར་གཏོར་བཟང་པོ་གཅིག །ཡི་དམ་ཆོས་སྐྱོང་གི་གཏོར་འབུལ་དམར་གཏོར་བཟང་པོ་གཅིག །ཐུབ་པ་འཁོར་བཅས་ལ་འབུལ་རྒྱུའི་ཟླུམ་གཏོར་པད་འདབ་ཀྱིས་བསྐོར་བ་མར་རྒྱན་མེ་ཏོག་མཛེས་པ་ཅན་གཅིག་རིན་པོ་ཆེའི་སྣོད་དུ་བཤམས། ཆ་གསུམ་ཡང་བཅས་ལ་བཞག །མཎྜལ་གྱི་ཤར་ལྷོ་རང་གི་མདུན་ངོས་ཕ་ཀིར་དགེ་སློང་ངམ་སྔགས་པ་བསྙེན་སྒྲུབ་སོང་བ་གཅིག་གིས་མཆོད་གཞི་གཅིག་བཅས་ནས་རྡོ་རྗེ་རྣམ་འཇོམས་ཀྱི་བདག་མདུན་བུམ་གསུམ་ཆ་གསུམ་གཏོར་བསྔོས་དང་

― CMR038_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་པ་བྱེད་ཅིང་། མ་རྫོགས་བར་དུ་རྣམ་འཇོམས་ཀྱི་གཟུངས་འདོན་ཅིང་བུམ་པ་བསྒྲུབ། རང་གི་རྒྱབ་ངོས་སམ་གང་བདེ་བར་ཤེས་རབ་ཀྱི་ཕ་རོལ་ཏུ་ཕྱིན་པའམ་ཞལ་ནས་གསུངས་པའི་མདོ་གང་རུང་འདོན་མི་མང་ཉུང་ཅི་རིགས་ཤིག་བཞག །དེ་གསུམ་མེད་ཀ་མེད་གསུམ། འཛོམ་ན་གཏོར་མ་བཏང་མི་གཅིག་ཀྱང་ལོགས་སུ་བཞག །མདོར་ན་རབ་དགེ་སློང་བཞི་སྡེ། འབྲིང་དགེ་ཚུལ་སློང་བཞི། ཐ་མ་ཡང་དགེ་སློང་གཅིག་གིས་གཙོར་བྱས་སེར་མོ་བ་བཞི་ངེས་པར་དགོས་ཟེར་རོ། །དེ་ནས་སྐྱབས་སེམས་སྤྱི་ལྟར་ལས། བདག་བསྐྱེད་ཁ་སར་པ་ཎི་གཏོར་མ་བརྒྱ་རྩ་ལྟར་བྱ། མདུན་བསྐྱེད་ཐུབ་པ་འཁོར་བཅས་སྤྱན་འདྲེན་གཞུང་ལྟར་ལས། བྱོན་ལེགས་བཞུགས་གསོལ་ཁྲུས་གསོལ་ན་བཟའ་འབུལ་བ་མཎྜལ་སོགས་རྒྱས་བསྡུས་གང་རུང་ས་གཞི་བྱིན་རླབས་སོགས་ཁ་སབ་སྨོན་ཐུང་གིས་ཡན་ལག་བདུན་འབུལ། མཆོད་པ་བྱིན་རླབས་རབ་འབྱམས་མ་ཕྱག་རྒྱ་དང་བཅས་པ་ཀུན་རིག་ལྟར་ཨ་ཀཱ་རོ་དང་། བཅོམ་ལྡན་འཁོར་དང་བཅས་རྣམས་ཀྱིས། །ཞེས་སོགས་གཏོར་མ་འབུལ། བསྟོད་པ་གཞུང་ལྟར། དེ་ནས་སྟོན་པའི་ཐུགས་ཀ་ནས་འོད་ཟེར་འཕྲོས་ཁྲོ་བོ་བགེགས་མཐར་

― CMR038_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་དཔག་ཏུ་མེད་པ་སྤྱན་འདྲེན་པ་ལ་བསྟོད་ནས། རྔ་རོལ་མོ་དབྱངས་དང་བཅས་པས། ཧཱུྃ། དཀོན་མཆོགཟ་ལན་གསུམ་གྱིས་གནོད་བྱེད་བཀུག་ལ། ཆ་གསུམ་བཏང་ནས་ཁ་འབར་མའི་སྔོན་གྱི་ཀོང་བུ་འབུལ་ལ། དེ་ནས་མཆོད་གཡོག་པ་ལག་པ་བཀྲུས་ཁ་རས་ཀྱིས་བཀབ་པ་གཉིས་ཀྱིས། གཡོན་ནས་ཐེབ་ཙེ་གསུམ་དུ་ངར་ཆུང་། ཚངས་བུ། ཆངས་སྤྱད་གསུམ་བཤམས། གཡས་ནས་ཏིང་ལོ་མཆན་གཉིས་བཤམས། ཐེབ་ཙེ་གཅིག་ཏུ་འོ་དཀར་བླུག་ཞོར་ཐམས་ཅད་བྲན་ཚར་བ་རེ་བྱས་ནས། དེ་བཞིན་གཤེགས་པ་བཞི་ནས་སྦྱིན་ནོ་བར་མ་རེག་པར་བཞག །དེ་ནས་རྔ་རོལ་མོ་འུར་རྡུང་དང་བཅས་འདོད་གསོལ་ཚེ་ནས་བཟུང་སྟེ། མཚན་དང་ཆུ་ཟངས་ནང་དུ་བླུག །ཚངས་བུ་གཉིས་དང་ངར་མི་ཏིང་ལོ་སོགས་ཀ་ཏོ་རའམ་གཞོང་པར་བླུག །སླར་བཤམས་ནས་སྔར་ལྟར་བྱས་ཏེ་ལྔ་བཅུ་ང་བཞི་སོང་ནས། ཁ་འབར་མ་ཁ་ཕྱིར་བསྒྱུར་ནས། དཀར་གཏོར་བསྔོས་ལ་སྣ་དེར་བཞག །དེ་ནས་ཕོ་འབར་དེ་བྲན་ལ་བགེགས་གཏོར་མང་ཉུང་གང་རིགས་ཤིག་འདོན་ལ་དེའི་རྒྱབ་ཁ་འབར་མའི་སྔོན་ན་ཁ་ཕར་བསྒྱུར་ལ་བཞག །སླར་ཡང་བརྫང་བའི་ཚུལ་ལྔ་བཅུ་ང་བཞི་བསྔོས་ནས་རྒྱབ་

― CMR038_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཟངས་དང་གཞོང་པར་བླུག །སྐབས་འདིར་དཀར་གཏོར་བསྔོས་ཀྱང་རུང་། དེ་ནས་དམར་གཏོར་དེ་སེང་གདོང་མ་ལྟ་བུ་ཟློག་པའི་ལྷ་བྱུང་ན་ལེགས། ཡང་ན་ཡི་དམ་ཆོས་སྐྱོང་གང་རུང་ལ་བསྔོས་ཏེ་གྲྭ་ཚང་གིས་ཞིང་སྐྱོང་ལ་བསྔོ་བར་འདུག་ཀྱང་། སེང་གདོང་མ་དང་འབྲེལ་ཆེ་བ་ཡིན། སྤྲོ་ན་མཚོན་ཆས་མི་འཇིགས་གང་ཡང་མེད། །ཅེས་སོགས་བརྗོད་ལ་སྤྱི་བོར་གྲི་ཚད། འདི་ནི་ཁྱོད་ཀྱི་དམྱལ་བའི་ཆུ་སོགས་བརྗོད་ལ། རྣམ་འཇོམས་བུམ་ཆུ་ཅུང་ཟད་དེ་སྤྱི་བོར་གཏོར་བར་བྱ། གྲྭ་ཚང་ནང་ན་མི་བྱེད་དོ། །དེ་ནས་རྔ་རོལ་མོ་དབྱངས་དང་བཅས་པས། ལྷ་ཀླུ་གནོད་སྦྱིན་ཞེས་སོགས་གྱེར་ནས། གླུད་རྣམས་བགེགས་ཀྱིས་ཁྱེར་ནས་སོང་། མི་འགྲོ་བ་རྣམས་སྟོན་པའི་འཁོར་ཁྲོ་བོའི་ཚོགས་ཀྱིས་དབང་མེད་དུ་བསྐྲད་པར་བསམ་ལ་ཁ་ཡི་མར་མེ་སྦར། རྣམ་འཇོམས་འདོན་མའི་བུམ་ཆུ་གཏོར་ནས་སྣ་ཁྲིད་ལ། དང་པོ་དཀར་གཏོར། ཕོ་འབར། འབྲས་མཆན། ཆངས་བུ། ཁ་འབར་མ། དམར་གཏོར། དར་ནག །རང་སྒྲུབ་པ་པོ་ཟབ་མདོ་འདོན་མི་རྣམས་རིམ་པར་གཤར། ཕྱོགས་གཙང་སར་ཕྱིན་ལ་ཐམས་ཅད་རིམ་པ་ལྟར་བཤམ་ལ་ཅུང་ཟད་བཞག་ལ། རྔ་

― CMR038_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་མོ་དབྱངས་དང་བཅས་པས། ཧཱུྃ། དཀོན་མཆོག་གསུམ་སོགས་བརྗོད་ལ་དཀར་གཏོར་སོགས་རིམ་པར་ཕུལ། དེ་ནས་ཁ་འབར་མ་བཏེག་ལ་བདུད་རྩི་འཁྱིལ་པའི་སྔགས་རིང་རྔ་རོལ་མོ་དང་བཅས་པས་ཕར་ཟོར་ལྟར་བརྒྱབས་པས་ཁ་ཕར་གྱུ་བ་དང་ཁ་སྦུབ་ན་ལེགས། ཚུར་ཁ་བསྟན་ན་ངན་པས་རྐྱལ་བར་བཤད་མགོ་བོ་གཡས་གཡོན་དུ་ལྟ་བས་གན་རྐྱལ་ཚུར་ལྟ་ན་ཕོ་དང་མོ་ལ་ངན། གན་རྐྱལ་ཚུར་ཁ་ལྟ་ན་སློབ་དཔོན་ལ་ངན། མགོ་ཚུར་ལྟ་ན་ཤིན་ཏུ་ངན་ཟེར་འོན་ཀྱང་གྲྭ་ཚང་ནང་ན་མི་འཕེན་པར་ཁ་ཕར་བསྒྱུར་ནས་ཀྱང་འཇོག །རེ་འགའ་མཆོད་གཡོག་པས་ཕར་རྫོགས་དོ་ན་ཡང་དོན་ལ་སློབ་དཔོན་གྱིས་འཕེན་དགོས་རྒྱུར་འདུག་གོ །དེ་ནས་རྡོ་རྗེ་གར་བཟློག་མ་སོགས་ཟློག་པའི་ཚིག་གང་རུང་འདོན་ནས་དམར་གཏོར་ཕུལ།། དེ་ནས་དཔལ་ལྡན་རྡོ་རྗེ་སོགས་སེང་གདོང་མའི་ཟློག་པ་དང་མཉམ་དུ་དགེ་འདུན་པ་རྣམས་ཨ་མཆོད་མདོ་བསྒྲུབ་འདོན་མིས་བདུད་ཟློག་ཐལ་རྡེབ་བྱ། དེ་ནས་གྲྭ་ཚང་ལ་སྲོལ་མེད་ཀྱང་སྣོད་ཐམས་ཅད་སྒྲུབ་ལ་རྟ་བྲོ་བྱས་ན་ལེགས། དེ་ནས་དར་ནག་དྲིལ་ནས་སློབ་དཔོན་གྱིས་རྗེས་མནན་ཕྱི་མིག་མི་ལྟ་བ་གལ་ཆེ་ཞིང་ཁྱིམ་དུ་བྱོན་ནས་ཐུབ་པ་རྣམ་འཇོམས་རྣམས་ཀྱི་རྗེས་

― CMR038_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོག་སྤྱི་ལྟར་བྱ། ༈ དེ་ནས་གྲྭ་ཚང་གིས་ཡོན་གྱི་ཚུལ་དུ་ཚོགས་འཁོར་བཟང་པོ་གཅིག་འོང་རེ་ཡོད་ཧེ་ཧེ། ཁ་འབར་མ་དང་ཕོ་འབར་གླུད་གཟུགས་གཉིས་ཀ་ལ་མིག་ལོང་ཐང་། སོ་མགྲོན་བུ་མང་པོ་བསྒྲིག །ལྕེ་ན་བྱི་རུ། ཀླད་པ་མུ་ཏིག་ཡ་ཟུང་། ལག་གཡས་གསེར་སེ་བ་གསུམ་བཞི་ཙམ། གཡོན་དུ་དངུལ་ཞོ་དོ་གང་། གོས་ལ་གོས་ཆེན་ནག་པོ་ཁ་དོ་འབྲེལ་ཙམ་འདོན་མ་རིན་བར་ཟམ་པོའམ་གོས་ཆེན་ནག་པོ་ཁ་རེའི་ཞལ་ཁེབས། ཕོ་འབར་གྱི་གོས་དར་རམ་གོས་ཆེན་ཁ་རེ། ལྷ་རྟེན་བཀྲ་ཤིས་ཁ་བཏགས་བཟང་བ་རེ་། རྫི་སྨིན་སྦྱར་རྒྱུ་གསེར་ཤོག་ཡ་ཟུང་། གོས་ཆེན་ནག་པོ་གོས་ལ་གྲྭ་པ་ཕོལ་ཆེར་རེས་ཁབ་རེ་བཙུགས་པས་ཁབ་བརྒྱ་ལྷག་ཙམ་རེ་བཙུགས། དར་གོས་ཆེན་རྣམས་མཆོད་གཡོག་པས་བླངས་ནས་ཁྱེར། གསེར་དངུལ་མུ་ཏིག་ཡོད་པ་ཤེས་པའི་སྤྱང་པོ་འདྲས་ཚོལ་ར་སྣང་། དེ་ལྟ་བུའི་དར་གོས་གསེར་མུ་ཏིག་སོགས་མ་འབྱོར་ཡང་ཟན་ཁོ་ནས་ཆོག །ཁ་འབར་མའི་སྐུའི་བཅའ་ལུགས་གཞུང་ན་མི་གསལ་བས། ཅོག་གྲྭ་སོགས་ན་ཡང་མཆོད་གཡོག་པས་གང་བྱས་ལྟ་བུ། རེས་འགའ་བུད་མེད་མཛེས་མའི་གཟུགས་དང་། རེས་འགའ་ཁྲོ་མོའི་

― CMR038_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་གང་བྱུང་བྱེད་ཅིང་ཆོས་སྡེ་ཐམས་ཅད་ན་དེ་ལྟར་བྱེད་མོད་ཀྱང་། ཁ་འབར་མའི་བསྟོད་པ་རྒྱས་པ་དང་ལོ་རྒྱུས་སོགས་ཁུངས་ཐུབ་དུ་མ་ལས་ཁྲོ་མོའི་གཟུགས་མི་སྡུག་པར་བཤད་པས་གོང་དུ་སྨོས་ལྟར་བྱ་བ་ལེགས་སོ། །ཕོ་འབར་ཟེར་བ་ནི་ངར་མི་དེ་ཡིན་ནོ། །གཞུང་ན་མཐེབ་སྐྱུ་ཟེར་བ་ཏིང་ལོ་དང་། ལིང་ག་ཟེར་བ་ངར་ཆུང་ཡིན། ཆུ་འོ་མ་སོ་སོར་བཤད་ཀྱང་བསྲེ་བས་འཐུས་སོ། །ཡང་ཁ་ཅིག་གདན་ས་བར་པའི་ཕྱག་ལེན་ཡིན་ཟེར་ནས། སའི་བུམ་པ་རྨོན་རྫི་ས་གཅིག་ཏུ་འབྲུ་སྣ་དང་མར་ཆུར་བ། ཇ་སྲང་དོ་གང་བཅུག་ཁ་ལེན་བྱས་སྣོད་གཅིག་ཏུ་བཞག་ནས། ཁ་འབར་མ་བུད་མེད་མཛེས་མའི་གཟུགས་བུམ་པ་དེ་ལ་ཨོང་སྐྱག་བྱས་པ་གཅིག་བཅས་ནས་འབུལ་དུས་ཇ་ཐེབ་སློབ་དཔོན་གྱིས་ཁྱེར་བ་གཅིག་བྱེད་པར་སྣང་སྟེ། བུམ་པ་དེ་གཏེར་དང་དེའི་སྟེང་དུ་འདུག་པ་ཡི་དྭགས་གཏེར་སྲུང་གི་ཚུལ་ཡིན་སྨྲ་བར་བྱེད་ཀྱང་། གད་མོ་འཆོར་བའི་གནས་སོ། །ཡང་ཁ་ཅིག་གིས་གླུད་དྲུད་པའི་ཆངས་བུ་བརྒྱ་རྩ་སོགས་བྱས་ནས་ཁ་འབར་མ་ལ་འབུལ་བ་ཐོས་ཏེ། ཤིན་ཏུ་ཡ་ང་སྟེ། ལྷ་མོ་འབར་མ་འདི་དཔལ་ལྡན་ལྷ་མོ་ཉིད་ཡིན་ཞིང་། ཆོ་ག་འདི་ཡང་རྒྱུད་སྡེའི་ཁྱད་མ་གཏོགས་ལྷ་མོ་བརྒྱ་རྩ་

― CMR038_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ངོ་བོ་གཅིག་པ་དང་། །འདི་ལྷག་པར་བྱ་རྒྱུད་ཡིན་པས་གཙང་སྦྲ་གལ་ཆེ་བ་དང་། གྲྭ་པ་ཐམས་ཅད་ཀྱིས་གཙང་སྦྲ་མ་ཐེང་ན་གྲྭ་ཚང་རྣམས་སུ་ངེས་པར་ནད་ངན་འོང་ཟེར་ནས་བཅའ་དུས་ཐམས་ཅད་ཀྱི་ཁ་རས་ཀྱིས་བཏུམ་པ་སོགས་བྱེད་ཅིང་། རིམས་ནད་བྱུང་ན་ཁ་འབར་མ་གཏོང་མི་རྣམས་ཀྱིས་མ་གཙང་བ་ཡིན་ཟེར་ནས། ཁག་བཞག་པ་ཙམ་དུ་སྨྲ་སྲོལ་འདུག་གདའ་བ་དང་། གླུད་ཐམས་ཅད་ནི་ལོགས་གཅིག་ཏུ་བཞག་པ་བྲན་ནས། གཏོར་མ་བརྒྱ་རྩའི་གླུད་གཏོར་འདི་ཚར་གཅིག་འདོན་ར་གདའ་ནའང་། གླུད་ཉུང་ན་ཕོ་འབར་ལ་བསྐོར་ནས་བཞག་པས་ཆོག་གོ །གོང་དུ་རྣམ་འཇོམས་ཀྱི་ཁྲུས་ཆབ་དང་སྟོན་པའི་འཁོར་གྱི་ཆ་གསུམ་གཉིས་ཟངས་ནང་དུ་ཁ་འབར་མའི་མདུན་དུ་བླུགས་པའམ། ཕྱི་རོལ་དུ་འབུལ་བ་གང་རུང་ཆོག་གོ །འདི་བྱེད་པ་ལ་དགེ་སློང་གཙང་མ་རྣམ་འཇོམས་ཀྱི་བསྙེན་པ་ཐོན་པ་རབ། མ་བྱུང་ན་ཡི་དམ་གང་རུང་གི་བསྙེན་པ་ཐེམ་ན་ལེགས་ཤིང་། ཁྱད་པར་རྣམ་ཤཱཀའཇོམས་འདོན་མི་དེ་བསྙེན་པ་ཐོན་པ་གལ་ཆེ། གལ་ཏེ་མ་བྱུང་ན་སེང་གདོང་མའི་སྔགས་བྲིས་རབ་གནས་བྱས་ཏེ་མགུལ་དུ་བཏགས་པས་རང་སྲུང་དུ་འགྱུར་རོ། །ཞེས་ཨ་རཱ་གས་བྲིས་

― CMR038_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྟེ། ཀརྨ་ཡང་དག་གིས་བསྐུལ་ནས་གོ་བདེ་བར་བྱས་པའོ། །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཤེད་གཏོ་གཤེད་ཟློག་གཤེད་མདོས་ཏེ། རྒྱས་འབྲིང་བསྡུས་གསུམ་གང་བྱེད་ཀྱང་། འདོན་བྱ་ལ་ཁྱད་མེད་དེ། འདོན་བྱ་བལྟས་ཆོག་ཏུ་བཀོད་པ། བླ་གླུད་ཀྱང་དོན་གྱིས་འཐུས་ཏེ། ཚེ་འཕོས་ཇི་ལྟར་འགྱུར་བའི་མདོ་དང་། མོའུ་འགལ་གྱི་མདོ་དང་། གསར་རྙིང་གི་རྒྱུད་སྡེ་འགའི་དོན་བསྡུས་པ།

― CMR038_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེད་གཏོ་གཤེད་ཟློག་གཤེད་མདོས་ཏེ། རྒྱས་འབྲིང་བསྡུས་གསུམ་གང་བྱེད་ཀྱང་། འདོན་བྱ་ལ་ཁྱད་མེད་དེ། འདོན་བྱ་བལྟས་ཆོག་ཏུ་བཀོད་པ། བླ་གླུད་ཀྱང་དོན་གྱིས་འཐུས་ཏེ། ཚེ་འཕོས་ཇི་ལྟར་འགྱུར་བའི་མདོ་དང་། མོའུ་འགལ་གྱི་མདོ་དང་། གསར་རྙིང་གི་རྒྱུད་སྡེ་འགའི་དོན་བསྡུས་པ་བཞུགས་སོ།།

― CMR038_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཨརྱ་ཡ་མཱནྟ་ཀ་ཡེ། འཕགས་པ་གཤིན་རྗེའི་གཤེད་ལ་ཕྱག་འཚལ་ནས། །མ་འོངས་འགྲོ་ལ་ཕན་ཕྱིར་གཤེད་ཟློག་བྲི། །འཁོར་འདས་ལྷ་རྣམས་ཀུན་གྱིས་གནང་བ་སྩོལ། །བཙོ་གཞོང་སླ་ང་ལ་སོགས་སྣོད་ནང་དུ། །ཕུབ་མའང་ཐང་ལུད་བཀང་སྟེང་ས་ཞིབ་བཀོད། །དེ་དབུས་འཇིམ་པ་སྲབ་མོ་གྲུ་བཞི་ལ། །རི་རབ་བང་རིམ་ལྔ་ཡི་རི་མོ་བྲི། །དེ་སྟེང་རུས་སྦལ་གཟུགས་ནི་སྲབ་མོ་བཞག །མགོ་བོ་ལྷོ་ཡིན་རང་གི་མདུན་ཕྱོགས་བསྟན། །དེ་སྟེང་ཐེ་སེ་རྒྱལ་པོ་མི་ནག་པོ། །གནམ་ལོ་བདུན་ཟུར་རྟ་ལ་ཆིབས་པ་བྱ། །དེ་རྒྱབ་རུས་སྦལ་མཇུག་མའི་ཐད་དེ་རུ། །གཤིན་རྗེ་ནག་པོ་ཁྲག་གྲོད་ཁུར་བ་གཅིག །རུས་སྦལ་རྐང་ལག་བཞི་ཡི་ཐད་དེ་རུ། །རུས་སྦལ་གན་རྐྱལ་གནས་པའི་ལག་གཡས་ནས། །རིམ་བཞིན་

― CMR038_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་བསྐོར་སྐྱ་མི་བཞི་པོ་ནི། །འབྲུག་ལུག་ཁྱི་དང་གླང་གི་མགོ་བཞི་སེར། །ལུས་དང་རྟ་ནི་དཀར་སེར་དམར་ལྗང་ནག །དྲུག་ཀའི་ཕྲག་གཡས་སྟེང་དུ་ཁྲམ་ཤིང་དང་། །ཕྲག་གཡོན་སྟེང་དུ་བཤའ་གྲི་དམར་པོ་བཙུགས། །མགོ་ནི་ཕ་ཡིན་ལུས་ནི་བུ་ཡིན་ལ། །རྟ་ནི་མ་ཡིན་མི་ནག་གཅིག་དེ་ལ། །ཁྲམ་ཐོགས་བཅུ་གསུམ་ལ་སོགས་འཁོར་ཀུན་ཚང་། །ཐེ་སེ་རྒྱལ་པོ་ལྷ་འདྲེ་ཀུན་འདུས་ཏེ། །བདུན་ཟུར་རྟར་ཆིབས་ལོ་གཤེད་བཅུ་གཉིས་འདུས། །རི་རབ་དང་ནི་རུས་སྦལ་གཟུགས་བརྙན་ལ། །ལོ་ཟླ་ཞག་དུས་འབྱུང་བའི་གཤེད་ཀུན་འདུས། །རི་རབ་གཟུགས་ལ་སྟོང་གསུམ་གླིང་བཞི་ཡི། །ཟ་འདྲེ་གཤེད་འཁྱམས་ཐམས་ཅད་འདུས་པའི་ཕྱིར། །སྔོན་གྱི་གཏོ་མཁན་མཁས་པ་ཐམས་ཅད་ཀྱིས། །བཅའ་ཚོགས་བསྡུས་པ་འདི་ཉིད་རྒྱུན་དུ་

― CMR038_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད། །དེ་ལ་ལོ་སྐོར་བཅུ་གཉིས་བསྐོར་བ་ནི། །གཤེ་གཏོ་ཞེས་བྱའི་མིང་དུ་བཏགས་པའོ། །དེ་རྒྱབ་མི་ནག་ཁྲམ་ཐོགས་བཅུ་གསུམ་བསྐོར། །དེ་ལ་གཤེད་མདོས་ཞེས་ནི་བྱ་བ་ཡིན། །དེ་ལྟར་རྒྱས་འབྲིང་བསྡུས་གསུམ་གང་ལ་ཡང་། །ཆངས་བུ་ཤ་དུམ་ཟན་དུམ་མང་དུ་བླུག །ཚྭ་ཡོས་རམ་རུག་བླུག་ལ་ཆུ་གཙང་བྲན། །ལྷ་གཞུང་བཏང་ཞིང་ཚོགས་མཆོད་ཚར་བ་དང་། །གཏོ་ཕྲན་གཞན་མ་ཡོད་ཀྱང་ཚར་བའི་རྗེས། །དེ་ནས་གཤེད་ཟློག་བྱ་བའི་རང་སྲུང་ནི། རང་ཉིད་སྐད་ཅིག་གིས་ཡི་དམ་གནས་འགྱུར་ནས། འཇམ་དཔལ་གཤིན་རྗེའི་གཤེད་ནག་པོ། དབུ་སྐྲ་སྤྱིར་བོར་བཅིངས་པ། ཞལ་གཅིག་ཕྱག་གཉིས་པ། གཡས་རལ་གྲི་མེ་འབར་བས་དགྲ་བགེགས་ཐམས་ཅད་ལ་བསྣུན་པར་བྱེད་པ། གཡོན་པུ་སྟི་ཐུགས་ཀར་བསྣམས་པ། ལྟོ་བ་ཆེ་བ། ཞབས་གཡས་བསྐུམ་གཡོན་བརྐྱང་བ། སྤྱན་གསུམ་དམར་ཞིང་ཟླུམ་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པར་གྱུར། རང་སྲུང་བའི་སྔགས་ནི། ཨོཾ་པྲ་སོད། ཆུ་སོད། དུར་ཏ་སོད། དུར་མི་སོད། སྙིང་མགོ་ལ་ཆོད། གཉན་མགོ་ལ་ཆོད། ཁ་ལ་ཛ༔ ཀཾ་ཤཾ་ཏྲི་རྦད་ཕཊ་སྭཱ་ཧཱ། རང་གི་ཐུགས་ཀའི་ཧཱུྃ་ཡིག་གི་ནང་དུ་བསྲུང་བྱ་མི་ནོར་ཐམས་ཅད་ཚུད་ནས་སྲུང་བར་གྱུར། ཨོཾ་བཛྲ་

― CMR038_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

རཀྟ་རཀྟ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་སྔགས་དེ་རབ་སྟོང་། འབྲིང་བརྒྱ། ཐ་མ་ཉེར་གཅིག་བཟླའོ། །དེ་མ་ཤེས་ན་ཟ་འདྲེ་རྗེས་སུ་འབྲངས་ནས་ཤེས་པ་ལ་གནོད་འོང་ཟེར་བ་དེ་འོང་ཉན་གདའ་འོ། །དེ་ནས་གཤེད་མདོས་གཤེད་གཏོ་གང་བྱས་ཀྱང་མདུན་བསྐྱེད་ནི། ཨོཾ་སྭ་བྷ་ཝ་སོགས། སྟོང་པར་གྱུར། སྟོང་པའི་ངང་ལས་རང་ཉིད་ཡི་དམ་དུ་གསལ་བའི་མདུན་དུ་མུན་ནག་སྨག་རུམ་འཐིབ་པའི་དབུས་སུ་ཧཱུྃ་ཡིག་ཡོངས་སུ་གྱུར་པ་ལས་གཤིན་རྗེའི་གཤེད་ནག་པོ་འཇིགས་སུ་རུང་བ། གཡས་བཤའ་གྲི་དམར་པོ་ནམ་མཁའ་ལ་ཕྱར་བ། གཡོན་གཤེད་བྲེང་གྲུ་མོར་བཀོན་པ། །ཞལ་གྱིས་འདྲེ་གདོན་གདུག་པ་ཅན་ཐམས་ཅད་ཟས་སུ་ཟ་བ་ཞིག་ཏུ་གྱུར། དེ་ཡི་མདུན་དུ་ས་བདག་ཐེ་སེ་རྒྱལ་པོ་གནམ་ལོ་བདུན་ཟུར་གྱི་རྟ་ལ་ཆིབས་པ། དེའི་ཤར་དུ་གཤེད་ཀྱི་བུ་མི་དཀར་རྟ་དཀར་ཅན། ལྷོར་གཤེད་ཀྱི་བུ་མི་སེར་རྟ་སེར་ཅན། ནུབ་ཏུ་གཤེད་ཀྱི་བུ་མི་དམར་རྟ་དམར་ཅན། བྱང་དུ་གཤེད་ཀྱི་བུ་མི་ནག་རྟ་ནག་ཅན། དེ་ཡི་མཚམས་བཞིར་ཁྱི་འབྲུག་གླང་ལུག་བཞི། གཞན་ཡང་ལོ་སྐོར་བཅུ་གཉིས་མི་ནག་ཁྲམ་ཐོགས་བཅུ་གསུམ་ལ་སོགས་པ་ཟ་འདྲེ་ཤི་གཤེད་ཀྱི་རིགས་སུ་གྱུར་པས་བསྐོར་ནས། བདག་གི་བཀའ་

― CMR038_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་གསུང་སྡོད་དང་ཡས་སློང་བའི་ཚུལ་གྱིས་འདུག་པར་གྱུར། ན་མོ། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། གསང་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི་བཀའ་བདེན་པ་དང་། རིག་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི་བཀའ་བདེན་པ་དང་། འཇམ་དཔལ་གཤིན་རྗེའི་གཤེད་ནག་པོའི་ལྷ་ཚོགས་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་མཐུས། བདག་ཅག་ཡོན་མཆོད་མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་ལོ་བདུད་ལོ་གཤེད། ཟླ་བདུད་ཟླ་གཤེད། ཞག་བདུད་ཞག་གཤེད། གཤིན་པོ་རྣམས་ཐར་པ་ཐོབ་ཏུ་མི་འཇུག་པ་ལྕགས་དང་རྡོས་སུ་བྱེད་པ། གསོན་པོ་རྣམས་ཀྱི་ཚེ་སྲོག་གི་བདུད་བྱེད་པ། ཟ་བའི་འདྲེ། ཤི་བའི་གཤེད། ཉེ་དུ་ཉེ་འབྲེལ་གྱི་གཤེད་ཁ། ཟ་རེ་འཐུང་སྐོམ་བྱེད་པ། དོན་མེད་ཀྱི་འདྲེ་ལྟོགས་གཤེད་འཁྱམས། དོང་སྟོང་བཞིན་དུ་བླ་ལ་བཏགས་པ། ཐག་ནག་བཞིན་དུ་རྒྱུད་ལ་འཁྲིལ་བ། ཤ་ཁྱི་བཞིན་དུ་རྗེས་སུ་འབྲང་བ། ཡས་དང་གླུད་ལ་རེ་ཆེ་བ། སྒབ་འདྲེ། ཡུལ་འདྲེ། ལམ་འདྲེ། གྲི་བོ་གྲི་མོ།

― CMR038_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་ཅིང་འཚེ་བར་བྱེད་པ་གང་ཡིན་པ་ཐམས་ཅད་གཏོ་གླུད་གཟུགས་བརྙན་འདི་ལ་ཁུག་ཅིག །ཊཱཀི་རཱ་ཛ་ཧཱུྃ། བཛྲ་ཨཾ་ཀུ་ཤ་ཛ༔ བཛྲ་པཱ་ཤ་ཧཱུྃ། བཛྲ་སྤོ་ཊ། ཐཾ་བཛྲ་གནྡྷེ་ཧོ༔ ཞེས་ལན་གསུམ་བདེན་སྟོབས་བརྗོད་ལ་ཟ་འདྲེ་ཤི་གཤེད་གང་ཡིན་པ་ཐམས་ཅད་མདུན་གྱི་གླུད་གཟུགས་ལ་འུབ་ཀྱིས་འདུས་ནས་བཀའ་བསྒོས་པས་མ་རྫོངས་ཀྱི་བར་དུ་གར་ཡང་འགྲོ་དབང་མེད་པར་བསམས་ལ། བདེ་རིམ་དང་གཤེད་ཕུད་ལ་དེས་ཆོག །མི་ཤི་ནས་མགོ་རྡུང་མི་བྱེད་པར་གཤེད་ཕུད་བྱེད་པ་ཡིན་ན། སྐབས་འདིར་གཤེད་སྒྲོ་རྡེབ་པ་ཡིན་ཏེ། གཤེད་འགུགས་གཞན་ནས་འབྱུང་བ་ལྟར་ཁ་སབ་དགོས་སོ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་དབུས་ཕྱོགས་ཕ་ཀི་ན། །མུན་པ་ནག་པོའི་གཏིང་རུམ་ནས། །གཤེད་པོ་འཁོར་དང་བཅས་པ་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། །གཤེད་པོ་འབྲུག་མགོ་འཁོར་བཅས་ཀྱང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ལྷོ་ཕྱོགས་ཕ་ཀི་ན། །གཤེད་པོ་ལུག་མགོ་འཁོར་བཅས་ཀྱང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས།

― CMR038_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །གཤེད་པོ་ཁྱི་མགོ་འཁོར་བཅས་ཀྱང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཕྱོགས་ཕ་ཀི་ན། །གཤེད་པོ་གླང་མགོ་འཁོར་བཅས་ཀྱང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། །གཤེད་བུ་མི་དཀར་རྟ་དཀར་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ལྷོ་ཕྱོགས་ཕ་ཀི་ན། །གཤེད་བུ་མི་སེར་རྟ་སེར་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །གཤེད་བུ་མི་དམར་རྟ་དམར་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཕྱོགས་ཕ་ཀི་ན། །གཤེད་བུ་མི་ནག་རྟ་ནག་ཡང་། །མདོས་དང་ཡས་ལ་གཤེགས་སུ་གསོལ། །དེ་ལ་འཁོར་བར་བྱེད་པ་ཡི། །ལོ་སྐོར་བཅུ་གཉིས་འཁོར་བཅས་ཀྱང་། །མདོས་དང་ཡས་ལ་གཤེགས་སུ་གསོལ། །དེ་

― CMR038_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འཁོར་བར་བྱེད་པ་ཡི། །མི་ནག་ཁྲམ་ཐོགས་བཅུ་གསུམ་ཡང་། །མདོས་དང་ཡས་ལ་གཤེགས་སུ་གསོལ། །ཕོ་གདོན་མོ་གདོན་འཁོར་བཅས་ཀྱང་། །མདོས་དང་ཡས་ལ་གཤེགས་སུ་གསོལ། །ཟ་འདྲེ་ཤི་གཤེད་འཁོར་བཅས་ཀྱང་། །མདོས་དང་ཡས་ལ་གཤེགས་སུ་གསོལ། །མཐོ་སྲིད་པའི་རྩེ་མོ་མན་ཆད་ནས། །དམའ་ན་རཀ་དམྱལ་ཁམས་ཡན་ཆད་ཡང་། །མདོས་དང་ཡས་ལ་གཤེགས་སུ་གསོལ། །རི་རབ་ཆེན་པོའི་སྟེང་ཤོད་དང་། །ཁམས་གསུམ་སྲིད་གསུམ་གར་གནས་ཀྱང་། །བདག་ཅག་མི་ནོར་འཁོར་བཅས་ལ། །གནོད་པར་བྱེད་པའི་ཤི་གཤེད་རྣམས། །མདོས་དང་ཡས་ལ་གཤེགས་སུ་གསོལ། །དཀོན་མཆོག་བདེན་པས་འདིར་ཁུག་ཅིག །གླུད་གཟུགས་འདི་དང་དབྱེར་མེད་གྱུར། །ཛཿཧཱུྃ་བཾ་ཧོཿ ཏིཥྛ་ལྷན། བདག་གིས་བཀའ་བསྒོས་ནས་རང་གནས་སུ་མ་བཏང་གི་བར་དུ་འཇམ་དཔལ་གཤིན་རྗེའི་གཤེད་ནག་པོའི་གཟི་བརྗིད་ཀྱིས་ཟིལ་གྱིས་མནན་ནས་བྲོས་དབང་མེད་པ་ཞིག་ཏུ་གྱུར། ས་མ་ཡ་ཧ་ན་ཧ་ན་ཧཱུྃ་ཕཊ། དེ་ནས་གཤེད་གཏོའི་ནང་དུ་ཤ་དུམ་ཆངས་བུ་སོགས་བཏབ་ལ་ཆུ་གཙང་གིས་བྲན་ལ་འདི་སྐད་དོ། །མི་གཙང་བ་

― CMR038_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དག་པར་གྱུར་ཅིག །ཨོཾ་ཤུདྡྷེ་ཤཱ་དྷ་ན་ཡེ་སྭཱ་ཧཱ། ཨོཾ་སྭ་བྷཱ་ཝ་ཤུདྡྷསརྦ་དྷརྨཱསྭ་བྷཱ་ཝ་ཤུདྡྷོཉཧཾ། ཡས་དང་གླུད་རྣམས་ཁ་དོག་དྲི་རོ་ནུས་པ་ཕུན་སུམ་ཚོགས་པ་ཡངས་ཤིང་རྒྱ་ཆེ་བ་སོ་སོའི་ཅི་འདོད་པའི་ལོངས་སྤྱོད་ཕུན་སུམ་ཚོགས་པར་གྱུར། ཨོཾ་ན་མ་སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷུ་སརྦ་ཐ་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། གླུད་དང་ཡས་རྣམས་ཟག་མེད་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཟ་འདྲེ་ཤི་གཤེད་འདྲེ་གདོན་གྱི་རིགས་སུ་གྱུར་པ་རྣམས་ཀྱི་མིག་གི་ཡུལ་དུ་གཟུགས་མཛེས་པ། རྣ་བའི་ཡུལ་དུ་སྒྲ་སྙན་པ།སྣའི་ཡུལ་དུ་དྲི་ཞིམ་པ། ལྕེའི་ཡུལ་དུ་རོ་མངར་བ། ལུས་ཀྱི་ཡུལ་དུ་རེག་བྱ་འཇམ་པ། འདོད་པའི་ཡོན་ཏན་དཔག་ཏུ་མེད་པ་ཞིག་ཏུ་གྱུར། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། མགྲོན་རྣམས་ཐམས་ཅད་ཀྱི་ཕམ་རྒྱལ་མེད་པར་ཐོབ་ནས་བཀྲེས་པ་དང་སྐོམ་པ་ཞི་ནས། ན་བཟའ་སྣ་ཚོགས་ལུས་ལ་གྱོན་ནས་དགའ་མགུ་ཡི་རང་བར་གྱུར། ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿས་མནྟ་སྤ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ། མགྲོན་

― CMR038_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཐམས་ཅད་བདག་གི་དབང་དུ་འདུས་ནས་བྱང་ཆུབ་མཆོག་ཏུ་སེམས་བསྐྱེད་པར་གྱུར། ན་མཿས་མནྟ་བུདྡྷཱ་ནཾ་གྲ་བྱ་ཤྭ་རི་པྲ་བྷ་ཛྷཱ་ན་མ་ཧཱ་ས་མ་ཡ་སྭཱ་ཧཱ། ཧཱུྃ༔ སྔོན་གྱི་བསྐལ་པའི་དང་པོ་ལ། །སྲིན་པོ་རཀཱ་མགོ་དགུ་དང་། །ཀླུ་མོ་ཕྲག་དོག་ཟ་བྱེད་གཉིས། །གཉིས་མེད་ཐབས་ཀྱི་སྤྲུལ་པ་ལས། །གཟའ་གཤེད་ངན་པ་མཆེད་བཞི་སྲིད། །ནང་གི་བུ་ཕོ་ཆེ་བ་དེ། །རུས་སྦལ་རྐང་པ་གཡས་པར་བསྐུང་། །མི་ལུས་གླང་གི་མགོ་བོ་ཅན། །ཞལ་ནས་ཐོག་གི་བུ་ཡུག་འཚུབ། །ལག་ན་ཐོག་གི་ཞགས་པ་འཛིན། །ཉི་མ་བྱང་ཤར་མཚམས་ན་གནས། །རྒྱུ་ནི་ཕྱོགས་མཚམས་ཀུན་ཏུ་རྒྱུ། །གཟའ་ཆེན་ཕུར་བུའི་རྒྱུད་ལས་སྤྲུལ་པའི་གཤེད། །གླུད་མདོས་དམ་པ་འདི་བཞེས་ལ། །ཕྱིན་ཆད་གནོད་པ་མ་བྱེད་ཅིག །གཟའ་གཤེད་དེ་ཡི་འོག་མ་དེ། །རུས་སྦལ་ལག་པ་གཡས་པར་བསྐུང་། །མི་ལུས་འབྲུག་གི་མགོ་བོ་ཅན། །ཞལ་ནས་འབྲུག་སྒྲ་ཆེམས་སེ་ཆེམ། །ལྗགས་ནི་མེ་ཡི་ཞགས་པ་ཅན། །སྲེག་བྱེད་མེ་ཡི་ཚྭ་ཚྭ་འཕྲོ། །གནས་ནི་ཤར་ལྷོ་མཚམས་ན་གནས། །རྒྱུ་ནི་ཕྱོགས་མཚམས་ཀུན་ཏུ་རྒྱུ། །གཟའ་ཆེན་མིག་དམར་

― CMR038_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལས་སྤྲུལ་པའི་གཤེད། །གླུད་མདོས་དམ་པ་འདི་བཞེས་ལ། །ཕྱིན་ཆད་གནོད་པ་མ་བྱེད་ཅིག །གཟའ་གཤེད་དེ་ཡི་འོག་མ་དེ། །ལྟོ་འཕྱེའི་རིགས་ཀྱི་རྒྱལ་པོ་སྟེ། །མི་ལུས་ལུག་གི་མགོ་བོ་ཅན། །གཅན་སྤྱང་གདོང་ལ་སྣ་ལྗགས་ཅན། །གནམ་ལྕགས་རྭ་ནི་དབུ་ལ་སྐྱེས། །རུ་སྦལ་ལག་པ་གཡོན་ལ་བསྐུང་། །གནས་ནི་ལྷོ་ནུབ་མཚམས་ན་གནས། །རྒྱུ་ནི་ཕྱོགས་མཚམས་ཀུན་ཏུ་རྒྱུ། །གཟའ་ཆེན་ཟླ་བའི་རྒྱུད་ལས་སྤྲུལ་པའི་གཤེད། །གླུད་མདོས་དམ་པ་འདི་བཞེས་ལ། །ཕྱིན་ཆད་གནོད་པ་མ་བྱེད་ཅིག །གཟའ་གཤེད་ནང་གི་ཆུང་བ་དེ། །ཕྲག་དོག་ཟ་བྱེད་ཁྱི་ཡི་མགོ །དྲེད་མོང་ལུས་ལ་ཆུ་སྲིན་སྣ། །གཅན་གཟན་སྟག་གི་རི་མོ་ཅན། །དུག་གི་ཁ་རླངས་ནག་པོ་ལ། །འཇའ་ཚོན་སྣ་ལྔ་གློག་ལྟར་འཁྱུག །རུས་སྦལ་རྐང་པ་གཡོན་ལ་བསྐུང་། །གནས་ནི་ནུབ་བྱང་མཚམས་ལ་གནས། །རྒྱུ་ནི་ཕྱོགས་མཚམས་ཀུན་ཏུ་རྒྱུ། །གཟའ་ཆེན་སྤེན་པའི་རྒྱུད་ལས་སྤྲུལ་པའི་གཤེད། །གླུད་མདོས་དམ་པ་འདི་བཞེས་ལ། །ཕྱིན་ཆད་གནོད་པ་མ་བྱེད་ཅིག །ཧཱུྃ། གཟའ་བདུད་ནག་པོའི་སྤྲུལ་པ་སྟེ། །ཁྱི་འབྲུག་གླང་ལུག་གཤེད་བཞི་

― CMR038_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། །ལྟོ་འཕྱེ་སྦྲུལ་གྱི་མཇུག་མ་ཅན། །ལག་པ་བྱ་ཁྱུང་སྡེར་མོ་ཅན། །བ་སྤུ་ཁབ་འདྲ་རྣོན་པོ་ལ། །སྤུ་གྲི་ངར་མའི་གཤོག་པ་ཅན། །མགོ་ལུས་མེད་པར་མིག་གིས་གང་། །ཁ་ནས་མེ་འབར་སྟོང་གསུམ་སྲེག །ཤངས་ནས་ཐོག་དང་སེར་བ་འཕྲོ། །རྣ་བར་དུད་པ་ཕྱུ་རུ་རུ། །རྔ་མའི་རྩེ་ནས་མེ་སྟག་འཕྲོ།། །ཐན་དང་ལྟས་ངན་འཁོར་གྱིས་བསྐོར། །ཕོ་ཡི་སྲོག་ལ་བརྐུ་བའི་གཤེད། །མོ་ཡི་མངལ་ལ་འཇུག་པའི་གཤེད། །ཕོ་ནི་མོ་རུ་བསྒྱུར་བའི་གཤེད། །སྒོ་ཡི་ནོར་ལ་བརྐུ་བའི་གཤེད། །བཙའ་སད་སེར་གསུམ་གཏོང་བའི་གཤེད། །བཞོ་བའི་ནུ་མ་སྐམ་པའི་གཤེད། །ཕུགས་ཀྱི་སྲིས་ལ་བརྐུ་བའི་གཤེད། །ཞོ་དང་ཆང་ལ་བརྐུ་བའི་གཤེད། །ཤ་ཡི་སྣ་འདྲེན་བྱེད་པའི་གཤེད། །དེ་ལྟར་གཤེད་པོ་སྤུན་བཞི་པོ། །གནོད་པ་བྱེད་པར་ཕྱིན་པའི་ཚེ། །རྐང་པའི་རྒྱུག་དང་སྤྲེངས་སེ་སྤྲེང་། །ལག་པས་བསྙབ་དང་ཡུགས་སེ་ཡུག །རྔ་མས་སྡེར་དང་ལྡི་ལི་ལི། །སྤྱན་རྩ་དམར་དང་ཀྱི་ལི་ལི། །མཆེ་བ་གཙིགས་དང་ཁྲིགས་སེ་ཁྲིག །རྐན་སྒྲ་རྡེབ་དང་ཐགས་སེ་ཐག །གཤེད་པོ་མི་ཟན་ལས་ངན་ཁྱོད། །མི་ཡི་ཤ་རིན་ཁྲག་

― CMR038_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

ཚབ་ཏུ། །གླུད་མདོས་དམ་པ་འདི་བཞེས་ལ། །ད་ནི་ཆོ་འཕྲུལ་མ་སྟོན་ཅིག །དེ་སྔ་དེ་སྔོན་ཕན་ཆོད་ལ། །རྒྱུ་སྦྱོར་ཡོན་བདག་འདི་དག་ལ། །ཕོ་རྒྱུད་རྣམས་ཀྱི་ཚེ་ལ་བརྐུས། །མོ་རྒྱུད་རྣམས་ཀྱི་མངལ་ཁྲག་སྐྱེམས། །ཆུང་རྒྱུད་ཐམས་ཅད་རུམ་ནས་འཕྲོག །ཟས་ནོར་ཐམས་ཅད་མེད་པར་བྱས། །གཟའ་གཤེད་གདུག་པ་ཁ་དམར་ཁྱོད། །ཉལ་ཉལ་ནས་ནི་གཤོང་གཤོང་དོད། །ཟོས་ཟོས་ནས་ནི་མཆེ་བ་དམར། །རྒྱུ་སྦྱོར་ཡོན་གྱི་བདག་པོ་ཡི། །ཁྱོད་ལ་གླུད་དུ་འབུལ་བ་ནི། །ངར་མི་ཆངས་བུ་ཏིང་ལོ་དང་། །ཤེལ་ཚིགས་ཁྲི་དཀར་སྟོང་ནག་དང་། །གཏོར་ཆུང་ཤ་དུམ་ཁྲག་ཐིགས་འབུལ། །གཤེད་པོ་འཁོར་བཅས་ཚིམས་པར་མཛོད། །ཉི་མ་དེ་རིང་ཕྱིན་ཆད་ནས། །ཁ་གདུག་པ་ཅན་གྱིས་མ་སྨྲ་ཞིག །ལག་གདུག་པ་ཅན་གྱིས་མ་བསྙབ་ཅིག །མིག་གདུག་པ་ཅན་གྱིས་མ་བལྟ་ཞིག །རྣ་བ་གདུག་པ་ཅན་གྱིས་མ་ཉོན་ཞིག །རྭ་གདུག་པ་ཅན་གྱིས་མ་བརྡུང་ཞིག་སྙིང་གདུག་པས་ཚུལ་ལ་མ་སེམས་ཤིག །བཅོམ་ལྡན་འདས་ཀྱི་བཀའ་མ་བཅག །ཕྱག་ན་རྡོ་རྗེའི་དམ་མ་བཀྲལ། །དཔལ་ཆེན་རྟ་མགྲིན་བཀའ་མ་བཅག །བྱ་ཁྱུང་རྒྱལ་པོའི་

― CMR038_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་མ་བཀྲལ། །གླུད་མདོས་དམ་པ་འདི་བཞེས་ལ། །རང་རང་གནས་སུ་འགྲོ་བར་གྱིས། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། །གཤེད་མི་ལུས་འབྲུག་གི་མགོ་བོ་ཅན། །གཤེད་ཀྱི་ཕ་ནི་འབྲུག་ཅེས་བྱ། །གཤེད་ཀྱི་མ་ནི་གློག་འགྱུ་མ། །ན་བཟའ་སྣ་ཚོགས་ལུས་ལ་གྱོན། །ཁྱོད་མི་རུ་དཀར་ལ་རྟ་རུ་དཀར། །སྟེང་ན་མི་དཀར་ལྡེམས་སེ་ལྡེམ། །འོག་ན་རྟ་དཀར་སྤྲེངས་སེ་སྤེང་། །ཀླད་ན་བྱ་དཀར་ཀྱི་ལི་ལི། །རྒྱབ་ན་ཁྱི་དཀར་ཁེངས་སེ་ཁེང་། །འོད་དཀར་འཚུབ་མ་ཀྱི་ལི་ལི། །ཁྱོད་ཀྱང་ཤར་བདུད་ཤར་བཙན་ཡིན། །ཁྱོད་ཀྱི་ཕྱག་ཏུ་ཡས་འབུལ་ལོ། །བཟུང་བ་བཏང་བའི་གླུད་དུ་འབུལ། །བཅིངས་པ་བཀྲོལ་བའི་གླུད་དུ་འབུལ། །བསྡམས་པ་གློད་པའི་གླུད་དུ་འབུལ། །ན་བ་གསོ་བའི་གླུད་དུ་འབུལ། །ཆད་པ་མཐུད་པའི་གླུད་དུ་འབུལ། །ཡོན་བདག་མིང་བཟུང་དེ་ནི་སྟོང་པ་ཡིན། །ཤ་བཟུང་དེ་ནི་ས་དང་འདྲ། །ཁྲག་བཟུང་དེ་ནི་ཆུ་དང་འདྲ། །རུས་བཟུང་དེ་ནི་རྡོ་དང་འདྲ། །སེམས་བཟུང་ནམ་མཁའ་སྟོང་པ་ཡིན། །འདི་ལ་བཟའ་བའི་ཤ་ཡང་མེད། །འདི་ལ་བཏུང་བའི་

― CMR038_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་ཀྱང་མེད། །དཀོན་མཆོག་གསུམ་གྱི་བདེན་པ་དང་། །སྔགས་འཆང་བདག་གི་ཏིང་འཛིན་གྱིས། །གཤེད་མདོས་རྒྱན་ལྡན་འདི་བཞེས་ལ། །གཤེད་མི་དང་ནོར་ལ་མ་གནོད་ཅིག །གཤེད་མི་དང་ནོར་ལ་མ་གབ་ཅིག །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ལྷོ་ཕྱོགས་ཕ་ཀི་ན། །གཤེད་མི་ལུས་ལུག་གི་མགོ་བོ་ཅན། །གཤེད་ཀྱི་ཕ་ནི་ལུག་ཅེས་བྱ། །གཤེད་ཀྱི་མ་ནི་གློག་འགྱུ་མ། །ན་བཟའ་སྣ་ཚོགས་ལུས་ལ་གྱོན། །ཁྱོད་མི་རུ་སེར་ལ་རྟ་རུ་སེར། །སྟེང་ན་མི་སེར་ལྡེམས་སེ་ལྡེམ། །འོག་ན་རྟ་སེར་སྤྲེངས་སེ་སྤྲེང་། །ཀླད་ན་བྱ་སེར་ཀྱི་ལི་ལི། །རྒྱབ་ན་ཁྱི་སེར་ཁེངས་སེ་ཁེང་། །འོད་སེར་འཚུབ་མ་ཀྱི་ལི་ལི། །ཁྱོད་ཀྱང་ལྷོ་བདུད་ལྷོ་བཙན་ཡིན། །ཁྱོད་ཀྱི་ལག་ཏུ་ཡས་འབུལ་ལོ། །བཟུང་བ་བཏང་བའི་གླུད་དུ་འབུལ། །བཅིངས་པ་བཀྲོལ་བའི་གླུད་དུ་འབུལ། །བསྡམས་པ་གློད་པའི་གླུད་དུ་འབུལ། །ན་བ་གསོ་བའི་གླུད་དུ་འབུལ། །ཆད་པ་མཐུད་པའི་གླུད་དུ་འབུལ། །ཡོན་བདག་མིང་བཟུང་དེ་ནི་སྟོང་པ་ཡིན། །ཤ་བཟུང་དེ་ནི་ས་དང་འདྲ། །ཁྲག་བཟུང་དེ་ནི་ཆུ་དང་འདྲ། །རུས་བཟུང་དེ་ནི་རྡོ་དང་འདྲ། །

― CMR038_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་བཟུང་ནམ་མཁའ་སྟོང་པ་ཡིན། །འདི་ལ་བཟའ་བའི་ཤ་ཡང་མེད། །འདི་ལ་བཏུང་བའི་ཁྲག་ཀྱང་མེད། །དཀོན་མཆོག་གསུམ་གྱི་བདེན་པ་དང་། །སྔགས་འཆང་བདག་གི་ཏིང་འཛིན་གྱིས། །གཤེད་མདོས་རྒྱན་ལྡན་འདི་བཞེས་ལ། །གཤེད་མི་དང་ནོར་ལ་མ་གནོད་ཅིག །གཤེད་མི་དང་ནོར་ལ་མ་གབ་ཅིག །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །གཤེད་མི་ལུས་ཁྱི་ཡི་མགོ་བོ་ཅན། །གཤེད་ཀྱི་ཕ་ནི་ཁྱི་ཞེས་བྱ། །གཤེད་ཀྱི་མ་ནི་གློག་འགྱུ་མ། །ན་བཟའ་སྣ་ཚོགས་ལུས་ལ་གྱོན། །ཁྱོད་མི་རུ་དམར་ལ་རྟ་རུ་དམར། །སྟེང་ན་མི་དམར་ལྡེམས་སེ་ལྡེམ། །འོག་ན་རྟ་དམར་སྤྲེངས་སེ་སྤྲེང་། །ཀླད་ན་བྱ་དམར་ཀྱི་ལི་ལི། །རྒྱབ་ན་ཁྱི་དམར་ཁེངས་སེ་ཁེང་། །འོད་དམར་འཚུབ་མ་ཀྱི་ལི་ལི། །ཁྱོད་ཀྱང་ནུབ་བདུད་ནུབ་བཙན་ཡིན། །ཁྱོད་ཀྱི་ལག་ཏུ་ཡས་འབུལ་ལོ། །བཟུང་བ་བཏང་བའི་གླུད་དུ་འབུལ། །བཅིངས་པ་བཀྲོལ་བའི་གླུད་དུ་འབུལ། །བསྡམས་པ་གློད་པའི་གླུད་དུ་འབུལ། །ན་བ་གསོ་བའི་གླུད་དུ་འབུལ། །ཆད་པ་མཐུད་པའི་གླུད་དུ་འབུལ། །ཡོན་བདག་མིང་བཟུང་

― CMR038_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་སྟོང་པ་ཡིན། །ཤ་བཟུང་དེ་ནི་ས་དང་འདྲ། །ཁྲག་བཟུང་དེ་ནི་ཆུ་དང་འདྲ། །རུས་བཟུང་དེ་ནི་རྡོ་དང་འདྲ། །སེམས་བཟུང་ནམ་མཁའ་སྟོང་པ་ཡིན། །འདི་ལ་བཟའ་བའི་ཤ་ཡང་མེད། །འདི་ལ་བཏུང་བའི་ཁྲག་ཀྱང་མེད། །དཀོན་མཆོག་གསུམ་གྱི་བདེན་པ་དང་། །སྔགས་འཆང་བདག་གི་ཏིང་འཛིན་གྱིས། །གཤེད་མདོས་རྒྱན་ལྡན་འདི་བཞེས་ལ། །གཤེད་མི་དང་ནོར་ལ་མ་གནོད་ཅིག །གཤེད་མི་དང་ནོར་ལ་མ་གབ་ཅིག །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཕྱོགས་ཕ་ཀི་ན། །གཤེད་མི་ལུས་གླང་གི་མགོ་བོ་ཅན། །གཤེད་ཀྱི་ཕ་ནི་གླང་ཞེས་བྱ། །གཤེད་ཀྱི་མ་ནི་གློག་འགྱུ་མ། །ན་བཟའ་སྣ་ཚོགས་ལུས་ལ་གྱོན། །ཁྱོད་མི་རུ་ནག་ལ་རྟ་རུ་ནག །སྟེང་ན་མི་ནག་ལྡེམས་སེ་ལྡེམ། །འོག་ན་རྟ་ནག་སྤུངས་སེ་སྤེང་། །ཀླད་ནི་བྱ་ནག་ཀྱི་ལི་ལི། །རྒྱབ་ན་ཁྱི་ནག་ཁེངས་སེ་ཁེང་། །འོད་ནག་འཚུབ་མ་ཀྱི་ལི་ལི། །ཁྱོད་ཀྱང་བྱང་བདུད་བྱང་བཙན་ཡིན། །ཁྱོད་ཀྱི་ལག་ཏུ་ཡས་འབུལ་ལོ། །བཟུང་བ་བཏང་བའི་གླུད་དུ་འབུལ། །བཅིངས་བ་བཀྲོལ་བའི་གླུད་དུ་འབུལ། །བསྡམ་པ་གློད་པའི་གླུད་དུ་འབུལ། །ན་བ་

― CMR038_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

གསོ་བའི་གླུད་དུ་འབུལ། །ཆད་པ་མཐུད་པའི་གླུད་དུ་འབུལ། །ཡོན་བདག་མིང་བཟུང་དེ་ནི་སྟོང་པ་ཡིན། །ཤ་བཟུང་དེ་ནི་ས་དང་འདྲ། །ཁྲག་བཟུང་དེ་ནི་ཆུ་དང་འདྲ། །རུས་བཟུང་དེ་ནི་རྡོ་དང་འདྲ། །སེམས་བཟུང་ནམ་མཁའ་སྟོང་པ་ཡིན། །འདི་ལ་བཟའ་བའི་ཤ་ཡང་མེད། །འདི་ལ་བཏུང་བའི་ཁྲག་ཀྱང་མེད། །དཀོན་མཆོག་གསུམ་གྱི་བདེན་པ་དང་། །སྔགས་འཆང་བདག་གི་ཏིང་འཛིན་གྱིས། །གཤེད་མདོས་རྒྱན་ལྡན་འདི་བཞེས་ལ། །གཤེད་མི་དང་ནོར་ལ་མ་གནོད་ཅིག །གཤེད་མི་དང་ནོར་ལ་མ་གབ་ཅིག །ཀྱཻ། ཤར་ཕྱོགས་ཤིང་ལས་གྲུབ་པ་ཡི། །འབྱུང་བ་ཤིང་གི་མཁར་ནང་ནས། །མི་ལྗང་སྟག་གི་མགོ་བོ་ཅན། །བུད་མེད་ལྗང་མོ་རི་བོང་རྣ་བ་ཅན། །ལོ་ཡང་སྟག་དང་ཡོས་བུའི་ལོ། །གཤེད་ཀྱང་སྟག་དང་ཡོས་བུའི་གཤེད། །གླུད་མདོས་དམ་པ་འདི་བཞེས་ལ། །སྟག་དང་ཡོས་བུའི་གཤེད་ཟློག་ཅིག །ལྷོ་ཕྱོགས་མེ་ལས་གྲུབ་པ་ཡི། །འབྱུང་བ་མེ་ཡི་མཁར་ནང་ནས། །མི་དམར་རྟ་ཡི་མགོ་བོ་ཅན། །བུད་མེད་དམར་མོ་སྦྲུལ་མགོ་ཅན། །ལོ་ཡང་རྟ་དང་སྦྲུལ་གྱི་ལོ། །གཤེད་ཀྱང་རྟ་དང་སྦྲུལ་གྱི་

― CMR038_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེད། །གླུད་མདོས་དམ་པ་འདི་བཞེས་ལ། །རྟ་དང་སྦྲུལ་གྱི་གཤེད་ཟློག་ཅིག །ནུབ་ཕྱོགས་ལྕགས་ལས་གྲུབ་པ་ཡི། །འབྱུང་བ་ལྕགས་ཀྱི་མཁར་ནང་ནས། །མི་དཀར་སྤྲེལ་གྱི་མགོ་བོ་ཅན། །བུད་མེད་དཀར་མོ་བྱ་མགོ་ཅན། །ལོ་ཡང་བྱ་དང་སྤྲེལ་གྱི་ལོ། །གཤེད་ཀྱང་བྱ་དང་སྤྲེལ་གྱི་གཤེད། །གླུད་མདོས་དམ་པ་འདི་བཞེས་ལ། །སྤྲེལ་དང་བྱ་ཡི་གཤེད་ཟློག་ཅིག །བྱང་ཕྱོགས་ཆུ་ལས་གྲུབ་པ་ཡི། །འབྱུང་བ་ཆུ་ཡི་མཁར་ནང་ནས། །མི་སྔོན་བྱི་བའི་མགོ་བོ་ཅན། །བུད་མེད་སྔོན་མོ་ཕག་མགོ་ཅན། །ལོ་ཡང་ཕག་དང་བྱི་བའི་ལོ། །གཤེད་ཀྱང་ཕག་དང་བྱི་བའི་གཤེད། །གླུད་མདོས་དམ་པ་འདི་བཞེས་ལ། །ཕག་དང་བྱི་བའི་གཤེད་ཟློག་ཅིག །མཚམས་བཞིར་གཤེད་བཞི་གནས་པ་ཡང་། །འབྱུང་བ་ས་ཡི་མཁར་ནང་ནས། །ཁེན་ཁོན་གིན་ཟོན་ལས་བྱུང་བའི། །མི་སེར་ཁྱི་འབྲུག་མགོ་བོ་ཅན། །བུད་མེད་གླང་ལུག་མགོ་བོ་ཅན། །ལོ་ཡང་ཁྱི་འབྲུག་གླང་ལུག་ལོ། །གཤེད་ཀྱང་ཁྱི་འབྲུག་གླང་ལུག་གཤེད། །གླུད་ཆེན་དམ་པ་འདི་བཞེས་ལ། །ཁྱི་འབྲུག་གླང་ལུག་གཤེད་ཟློག་ཅིག །ལོ་གཤེད་ལོ་བདུད་བསྒྱུར་དུ་གསོལ། །ཟླ་

― CMR038_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེད་ཟླ་བདུད་བསྒྱུར་དུ་གསོལ། །ཞག་གཤེད་ཞག་བདུད་བསྒྱུར་དུ་གསོལ། །ཟ་འདྲེ་ཤི་གཤེད་བདུད་བསྒྱུར་དུ་གསོལ། །ཧཱུྃ། ཚེ་འཕོས་ཇི་ལྟར་གྱུར་པ་ཡི། །མདོ་ལས་ཐུབ་པས་གསུངས་པ་ཡི། །གནོད་སྦྱིན་འབྱུང་པོ་ཤ་ཟའི་ཚོགས། །འཆི་ཁ་འཇུག་པ་དྲི་ཟའི་རིགས། །ཁྱབ་བྱེད་ཅེས་བྱའི་དྲི་ཟ་དང་། །དྲི་ཟ་པི་ཤ་པ་ཎ་དང་། །སྨྲ་འདོད་ཅེས་བྱ་གདོན་གྱི་རིགས། །ཀུན་ཏུ་རྟོག་འདོད་ཅེས་བྱ་བའི། །གནོད་སྦྱིན་ཝ་ར་ཧི་ཏའི་རིགས། །འཆི་ཁ་ཀུན་གྱིས་དབུགས་གཏིང་ཟ། །ཕུང་པོ་བདག་ཏུ་བཟུང་བའི་ཕྱིར། །ཟ་འདྲེ་ཞེས་ནི་བྱ་བ་ཡིན། །ཚེ་འདས་རྣམས་ཀྱི་གཟུགས་བཟུང་ནས། །གསོན་པོ་རྣམས་ཀྱི་གཤེད་མ་བྱེད། །དེ་ཕྱིར་གཤེད་ཅེས་བྱ་བ་ཡིན། །ཤི་བ་རྣམས་ཀྱི་ཉེ་དུར་སྤྲུལ། །ཁྱོད་ཀྱི་ཕ་མ་ང་ཡིན་ཟེར། །ཁྱོད་ཀྱི་ཉེ་དུ་ང་ཡིན་ཟེར། །འོ་དོད་ལྷང་ལྷང་འབོད་བྱེད་ཅིང་། །ཆགས་འཛིན་གདུང་སེམས་སྐྱེད་བྱེད་པ། །ཐར་པ་ཐོབ་ཏུ་མི་འཇུག་པ། །ལྕགས་དང་རྡོས་སུ་བྱེད་པའི་ཕྱིར། །ཤི་གཤེད་གཤིན་ལྕགས་ཞེས་བྱ་བ། །བྱེ་བ་དུང་ཕྱུར་གྲངས་མེད་ཚོགས། །ཁྱེད་ཅག་མ་ལུས་འཁོར་བཅས་ཀྱི། །

― CMR038_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེད་མདོས་རྒྱན་ལྡན་འདི་བཞེས་ལ། །རང་རང་ཡིད་དང་མཐུན་པ་ཡི། །ལོངས་སྤྱོད་རྒྱུ་ཆེན་ཐོབ་གྱུར་ཅིག །ལན་ཆགས་བུ་ལོན་བྱང་གྱུར་ཅིག །གཤིན་པོ་རྣམས་ཀྱི་བླ་མ་བཟུང་། །གསོན་པོ་རྣམས་ཀྱི་གཤེད་མ་བྱེད། །གསོན་བདུད་གཤིན་ལྕགས་མ་བྱེད་ཅིག །བྱམས་པའི་སེམས་ཀྱིས་གནས་པར་གྱིས། །གཞན་ཡང་གཤེད་དང་དྲི་ཟའི་རིགས། །མོའུ་འགལ་བུ་ཡིས་གཟིགས་པ་ལྟར། །ཕྱོགས་རྣམས་ཀུན་ཏུ་རྒྱུག་བྱེད་པ། །འདྲེར་གཏོགས་བྱེ་བ་གྲངས་མེད་པ། །ཟ་འདྲེ་གཤེད་འཁྱམས་ཞེས་བྱ་བ། །དེ་འདྲའི་རིགས་རྣམས་ཐམས་ཅད་ལ། །གཤེད་མདོས་རྒྱུན་ཅན་འདི་འབུལ་ལོ། །བསྔོས་པ་ཙམ་གྱིས་ཚིམས་གྱུར་ཅིག །བཀྲེས་སྐོམ་སྡུག་བསྔལ་ཞི་གྱུར་ཅིག །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །དེ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་

― CMR038_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །རང་བྱས་རང་ལ་སྡིག་པ་ཡིན། །མེ་ནི་གྲང་བར་འགྱུར་ཡང་སྲིད། །རླུང་ནི་ཞགས་པས་ཟིན་ཡང་སྲིད། །ཉི་ཟླ་ཐང་ལ་ལྷུང་ཡང་སྲིད། །རྒྱལ་བའི་བཀའ་ལ་རྫུན་མི་སྲིད། །དེ་ཕྱིར་རྒྱལ་བའི་བཀའ་མ་བཅགས། །ཡོན་བདག་མི་ནོར་འཁོར་བཅས་ལ། །གནོད་ཅིང་འཚེ་བར་མ་བྱེད་ཅིག །དེ་ནས་ཡས་ཁ་ཕྱིར་བསྟན་ལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། །གཤེད་མི་ལུས་འབྲུག་གི་མགོ་བོ་ཅན། །ཕྱག་གཡས་གཤེད་ཀྱི་ཟོར་བ་འཛིན། །གཡོན་པས་གཤེད་ཀྱི་ཞགས་པ་སྡོག །གཤེད་ཁ་སྡང་བའི་དགྲ་ལ་སྒྱུར། །ཕ་ཁུའི་ཟ་འདྲེ་ཁ་སྒྱུར་ཅིག །མ་སྲུའི་བྱུར་འདྲེ་ཁ་སྒྱུར་ཅིག །བྱི་སྦའི་ཆུང་སྲི་ཁ་སྒྱུར་ཅིག །ཟ་འདྲེ་སྡང་བའི་དགྲ་ལ་སྒྱུར། །ཟ་འདྲེ་གནོད་པའི་བགེགས་ལ་སྒྱུར། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ལྷོ་ཕྱོགས་ཕ་ཀི་ན། །གཤེད་མི་ལུས་ལུག་གི་མགོ་བོ་ཅན། །ཕྱག་གཡས་གཤེད་ཀྱི་ཟོར་བ་འཛིན། །གཡོན་པས་གཤེད་ཀྱི་ཞགས་པ་ལྡོག །གཤེད་ཁ་སྡང་བའི་དགྲ་ལ་ཟློག །ཕ་ཁུའི་ཟ་འདྲེ་ཁ་སྒྱུར་ཅིག །མ་སྲུའི་བྱུར་འདྲེ་ཁ་སྒྱུར་ཅིག །བྱི་སྦའི་

― CMR038_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་སྲི་ཁ་སྒྱུར་ཅིག །ཟ་འདྲེ་སྡང་བའི་དགྲ་ལ་སྒྱུར། །ཟ་འདྲེ་གནོད་པའི་བགེགས་ལ་སྒྱུར། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །གཤེད་མི་ལུས་ཁྱི་ཡི་མགོ་བོ་ཅན། །ཕྱག་གཡས་གཤེད་ཀྱི་ཟོར་བ་འཛིན། །གཡོན་པས་གཤེད་ཀྱི་ཞགས་པ་ལྡོག །གཤེད་ཁ་སྡང་བའི་དགྲ་ལ་ཟློག །ཕ་ཁུའི་ཟ་འདྲེ་ཁ་སྒྱུར་ཅིག །མ་སྲུའི་བྱུར་འདྲེ་ཁ་སྒྱུར་ཅིག །བྱིསྦའི་ཆུང་སྲི་ཁ་སྒྱུར་ཅིག །ཟ་འདྲེ་སྡང་བའི་དགྲ་ལ་སྒྱུར། །ཟ་འདྲེ་གནོད་པའི་བགེགས་ལ་སྒྱུར། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཕྱོགས་ཕ་ཀི་ན། །གཤེད་མི་ལུས་གླང་གི་མགོ་བོ་ཅན། །ཕྱག་གཡས་གཤེད་ཀྱི་ཟོར་བ་འཛིན། །གཡོན་པས་གཤེད་ཀྱི་ཞགས་པ་ལྡོག །གཤེད་ཁ་སྡང་བའི་དགྲ་ལ་ཟློག །ཕ་ཁུའི་ཟ་འདྲེ་ཁ་སྒྱུར་ཅིག །མ་སྲུའི་བྱུར་འདྲེ་ཁ་སྒྱུར་ཅིག །བྱི་སྦའི་ཆུང་སྲི་ཁ་སྒྱུར་ཅིག །ཟ་འདྲེ་སྡང་བའི་དགྲ་ལ་སྒྱུར། །ཟ་འདྲེ་གནོད་པའི་བགེགས་ལ་སྦྱར། །ཡོས་བཀྲ་འབྲུ་སྣ་རྫོངས་སུ་འདེབས་ཤིང་། །ཧཱུྃ། ཤི་གཤེད་ཀུན་གྱི་རྒྱལ་པོ་ནི། །སྲོག་གཅོད་ལས་ཀྱི་གཤིན་རྗེ་ལ། །གསེར་སྐྱེམས་འབྲུ་སྣ་རྫོངས་སུ་

― CMR038_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས། །ཟ་འདྲེ་ཤི་གཤེད་ཁ་གནོན་མཛོད། །ལྷ་ཆེན་ཚངས་པའི་སྤྲུལ་པ་སྟེ། །ས་བདག་རྒྱལ་པོ་ཐེ་སེ་ནི། །གཤེད་ཀྱི་སྡེ་དཔོན་མཛད་པའི་ཚེ། །གནམ་ལོ་བདུན་ཟུར་རྟ་ལ་ཆིབས། །ལོ་གཤེད་བཅུ་གཉིས་འཁོར་དང་བཅས། །འབྲུ་སྣ་ཤེལ་ཚིགས་རྫོངས་སུ་འདེབས། །འབྱུང་བའི་དགྲ་གཤེད་བསྒྱུར་དུ་གསོལ། །གཤེད་པོ་ཡབ་རྗེ་ཆར་སྤྲིན་མདོག །སྦྲུལ་ནག་ཐུལ་པ་གོས་སུ་གྱོན། །སྦྲུལ་མགོ་བདུན་གྱི་དུག་ལྕེ་རྐྱང་། །མི་ནག་ཁྲམ་ཐོགས་བཅུ་གསུམ་སོགས། །དུར་བདུད་དུར་གཤེད་མང་པོས་བསྐོར། །བྲ་སྲན་རམ་རུག་རྫོངས་སུ་འདེབས། །ཟ་འདྲེ་དབུགས་ལེན་ནག་པོ་ནི། །གོས་སུ་ཁྲག་གི་ཐུལ་པ་གྱོན། །འོག་ཏུ་རླུང་རྟ་ཁམ་པ་ཞོན། །ཁ་ན་མི་སྙིང་རློན་པ་ཟ། །ལག་ན་མི་ཡི་རྒྱུ་མ་ཐོགས། །རྒྱབ་ན་མི་ཡི་གློ་བ་ཁུར། །ཚྭ་ཡོས་རམ་རུག་རྫོངས་སུ་འདེབས། །དུར་ཁྱི་ཁྲག་ལྡག་སྐན་ལྡེབ་ནི། །ཁྱི་ཡི་ལུས་ལ་སྦྲུལ་མཇུག་ཅན། །བྱ་ཁྱུང་སྡེར་མོས་ཀུན་ལ་བསྙབ། །ཤ་ཁྲག་རུས་གསུམ་རྫོངས་སུ་འདེབས། །གཤེད་ཁ་ཆོད་ལ་དུར་ཁ་ཆོད། །གཟའ་ཆེན་བཞི་ཡི་སྤྲུལ་པ་སྟེ། །གཤེད་པོ་ཁྱི་འབྲུག་གླང་ལུག་

― CMR038_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་། །ཐན་དང་ལྟས་ངན་འཁོར་གྱིས་བསྐོར། །གླུད་ཡས་སྣ་ཚོགས་རྫོ་ངས་སུ་འདེབས། །ཚེ་དང་སྲོག་ལ་མ་གནོད་ཅིག །གདོང་མོ་བཞི་ཡི་སྤྲུལ་པ་སྟེ། །གཤེད་མོ་བདུད་མོ་མཆེད་བཞི་ནི། །བུད་མེད་དམར་མོ་གློག་འོད་འཁྱུག །ཕོ་གཤེད་ལྕགས་སྲེག་འཐོར་བ་འདྲ། །མོ་གཤེད་ལྕགས་སྲེག་འབྲུག་ལྟར་སྤྲུལ། །ཡས་སྟགས་སྣ་ཚོགས་རྫོངས་སུ་འདེབས། །གནས་འདིར་མ་ཉེ་མ་འཁོར་ཅིག །བཙན་པོ་ཁ་བཞིའི་སྤྲུལ་པ་སྟེ། །ཤར་ལྷོ་ནུབ་བྱང་གཤེད་བུ་བཞི། །སྐུ་མི་དཀར་སེར་དམར་ནག་བཞི། །ཉི་མ་ཕྱོགས་བཞིའི་བདུད་པོ་སྟེ། །ཟ་འདྲེ་ཤི་གཤེད་འཁོར་བཅས་ལ། །གླུད་དང་ཡས་སྟགས་འདི་ལོངས་ལ། །ལན་ཆགས་བུ་ལོན་བྱང་གྱུར་ཅིག །བདག་དང་ཡོན་བདག་འཁོར་བཅས་ཀྱི། །ལན་ཆགས་བུ་ལོན་འཇལ་ཟིན་པས། །ཟ་རེ་འཐུང་སྐོམ་མ་བྱེད་ཅིག །ཁྱེད་རྣམས་མཁའ་ལ་རྒྱུ་བའི་རིགས། །ཡི་དྭགས་རིགས་དེ་ལྟོགས་སྐོམ་ཆེ། །དེ་ཕྱིར་ཟ་བའི་ལམ་གཅིག་སྟོན། །སངས་རྒྱས་བསྟན་པ་བཤིགས་པ་དང་། །དཀོན་མཆོག་དབུ་འཕང་སྨད་པ་དང་། །བླ་མའི་སྐུ་ལ་བསྡོ་བ་དང་། །གསང་སྔགས་ཆོས་ལ་སྨོད་པ་

― CMR038_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །དམ་ཆོས་མི་བདེན་ཟེར་བ་དང་། །རིག་འཛིན་བརྒྱུད་པ་བཅད་པ་དང་། །ཕྲག་དོག་དུག་སྦྱོར་བྱེད་པ་དང་། །དབེན་གནས་གཉེན་པོ་བཅོམ་པ་དང་་། །སངས་རྒྱས་བསྟན་པའི་སྤྱི་དགྲ་ལ། །གཤེད་ཀྱི་ཟ་ལམ་དེ་རུ་བསྟན། །སྔ་གཞིས་ཟུང་ལ་ཕྱི་གཞིས་ཐོབ། །ཟ་འདྲེའི་ཟ་ཁ་དེ་རུ་སྟོན། །མི་ཟད་ཕུག་ནས་ཟད་པར་གྱིས། །ནོར་ཟད་སྒོ་ནས་ཟད་པར་གྱིས། །མི་ནོར་བསོད་ནམས་ཕྱགས་མས་ཐོབ། །ལྗོངས་འདེབས་དྲག་པོ་འདི་ཁྱེར་ལ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་ལམ་བསྟན་པ་ནི་འདི་སྐད་དོ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། །དུང་མཁར་དཀར་པོ་ལྡེམས་སེ་ལྡེམ། །དུང་སྒོ་དཀར་པོ་ཁྲིགས་སེ་ཁྲིག །འདོད་ཡོན་སྣ་ཚོགས་སྤུངས་སེ་སྤུང་། །དྲི་ཟའི་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག །ཀྱཻ། ཕྱོགས་རྒྱུཕྱོགས་དག་ཀྱང་ཕ་ཀི་ན། །ཉི་མ་ལྷོ་ཕྱོགས་ཕ་ཀི་ན། །གསེར་མཁར་སེར་པོ་ལྡེམས་སེ་ལྡེམ། །གསེར་སྒོ་སེར་པོ་ཁྲིགས་སེ་ཁྲིག །འདོད་ཡོན་སྣ་ཚོགས་སྤུངས་སེ་སྤུང་། །

― CMR038_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་རྗེའི་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །ཟངས་མཁར་དམར་པོ་ལྡེམས་སེ་ལྡེམ། །ཟངས་སྒོ་དམར་པོ་ཁྲིགས་སེ་ཁྲིག །འདོད་ཡོན་སྣ་ཚོགས་སྤུངས་སེ་སྤུང་། །ཀླུ་ཡི་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན།།ཉི་མ་བྱང་ཕྱོགས་ཕ་ཀི་ན། །ལྕགས་མཁར་ནག་པོ་ལྡེམས་སེ་ལྡེམ། །ལྕགས་སྒོ་ནག་པོ་ཁྲིགས་སེ་ཁྲིག །འདོད་ཡོན་སྣ་ཚོགས་སྤུངས་སེ་སྤུང་། །གནོད་སྦྱིན་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག །ཟ་འདྲེ་ཤི་གཤེད་ད་སོང་ཞིག །གལ་ཏེ་མི་འགྲོ་འདུག་གྱུར་ན། །ང་ནི་འཇམ་དཔལ་ནག་པོ་སྟེ། །གཤིན་རྗེའི་གཤེད་པོ་ཐུགས་ཁྲོས་ནས། །མགོ་བོ་ཚལ་པ་བརྒྱ་རུ་འགས། །ལུས་ནི་དུམ་བུ་སྟོང་དུ་གཏུབ། །ཤ་རུས་སོ་སོར་བྱེ་བར་འགྱུར། །དེ་བས་རང་རང་གནས་སུ་དེངས། །ཨོཾ་པྲ་སོད། ཆུ་སོད། །

― CMR038_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

དུར་ཏ་སོད། དུར་མི་སོད། སྙིང་མགོ་ལ་ཆོད། གཉེན་མགོ་ལ་ཆོད། ཁ་ལ་ཛ༔ ཀཾ་ཤཾ་ཏྲི་རྦད་ཕཊ་སྭཱ་ཧཱ། སརྦ་དུཏྟཾ་ཤཱནྟཾ་ཀུ་རུ་ཡེ་སྭཱ་ཧཱ། སརྦ་བིགྷཱན་ཤཱནྟི་ཀུ་རུ་ཡེ་སྭཱ་ཧཱ། །དེ་ནས། སུམྦྷ་ནི་བརྗོད་ཅིང་ཐུན་གྱིས་བྲབ། སྟག་ཡོས་ལོ་པ་ཤི་བའི་གཤེད། །བྱ་སྤྲེལ་ལོ་པས་གྲི་དེད་བྱ། །རྟ་སྦྲུལ་ལོ་པ་ཤི་བའི་གཤེད། །བྱི་ཕག་ལོ་པས་ཆུ་གཏོར་དེད། །བྱ་སྤྲེལ་ལོ་པ་ཤི་བའི་གཤེད། །རྟ་སྦྲུལ་ལོ་པས་མེ་ཐོགས་དེད། །ཁྱི་འབྲུག་གླང་ལུག་ཤི་བའི་གཤེད། །སྟག་ཡོས་ལོ་པས་ཚེར་ལྕགས་དེད། །བྱི་ཕག་ལོ་པ་ཤི་བའི་གཤེད། །མཚམས་བཞི་ལོ་པས་ས་གཏོར་དེད། །ཡས་ལམ་མམ་ནི་ཕྱོགས་་གཙང་སར། །ནད་པ་དོན་ལ་ལོ་བདུད་ཐོགས། །ཁྱིམ་ནས་བཟུང་སྟེ་གོམ་པ་ནི། །དྲུག་ཅུ་རེ་བཞིའི་མཚམས་སུ་བསྐྱལ། །ཕྱི་མིག་མི་བལྟ་ཁྱིམ་དུ་ལོག །རང་ཉིད་འཇམ་དཔལ་ནག་པོ་རུ། །གསལ་བའི་སྐུ་གསལ་ཐུགས་ལས་ནི། །སྤྲུལ་པའི་ཁྲོ་བོའི་དམག་ཚོགས་ཀྱིས། །ཟ་འདྲེ་གཤེད་འཁྱམས་ཐམས་ཅད་དེད། །གླིང་བར་མུན་པའི་ནང་དུ་བྲོས། །ཁྲོ་བོ་ཐམས་ཅད་ཚུར་འདུས་ནས། །རྡོ་རྗེ་རྭ་གུར་ཡེ་ཤེས་ཀྱི། །མེ་རི་དྲག་ཏུ་འབར་བའི་ནང་། །བསྲུང་བྱ་ཐམས་ཅད་ཚུད་པར་བསྒོམ། །རྡོ་རྗེ་གདན་པ་ཆེ་ཆུང་གིས། །གདམས་པ་འཇམ་དཔལ་ནག་པོ་ཡི། །གཏོ་ཆོག་

― CMR038_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པའི་རང་སྲུང་དུ། །རྒྱ་གར་ཡུལ་གྱི་པཎྜི་ཏ། །ཉི་མའི་སྙིང་པོས་མཛད་པ་དང་། །གཟའ་གཤེད་བཀར་བའི་ཆོ་ག་དང་། །རྒྱ་ནག་ཡུལ་གྱི་སློབ་དཔོན་ནི། །ཤྲཱི་ཧཱུྃ་ཆེན་གྱིས་མཛད་པའི། །གཤེད་བཞིའི་གཤེད་ཟློག་གཏོ་ཆོག་དང་། །ཀོང་ཙེ་འཕྲུལ་གྱི་རྒྱལ་པོའི་ལུགས། །གཤེད་གཏོ་དང་ནི་གཤེད་མདོས་སོགས། །ཡིག་རྙིང་མང་པོའི་དོན་བསྡུས་ཏེ། །གཏོ་མཁན་མཁས་པ་མང་པོ་ཡིས། །ཕྱག་ལེན་མཐོང་བ་བརྒྱུད་པ་ལྟར། །སྔགས་འཆང་གསར་བུ་མང་པོ་ལ། །ཕན་ཕྱིར་རཱ་ག་ཨ་སྱས་བསྒྲིགས། །ཇི་སྲིད་འཇིག་རྟེན་གནས་ཀྱི་བར། །འདི་ཉིད་མེད་ཐབས་མི་འདུག་ཀྱང་། །ཆ་ལག་ཚང་བར་དཀོན་འདུག་པས། །མ་འོངས་འགྲོ་ལ་ཕན་ཕྱིར་བཀོད། །བརྩམས་རྒྱུ་ཟད་པར་མི་དགོངས་འཚལ། །འགྲོ་དོན་དཔག་མེད་འབྱུང་བར་ཤོག །དགེ་ལེགས་འཕེལ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཌཀི་སྡེ་ལྔའི་གཤེད་འགུགས།

― CMR038_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

ཌཀི་སྡེ་ལྔའི་གཤེད་འགུགས་ཡོད། གཤེད་འགུགས་བྱེད་ན་འདི་སབ་རྒྱུ་ཡིན། ༈ མི་ཤི་སར་གཤེད་འདུལ་མི་བྱེད་གཤེད་འགུགས་བྱེད་ན་འདི་རུང་བ་ཡིན་ནོ།། ༈ ན་མོ་བཛྲ་ཀྲོ་དྷ་ཡེ། གཤེད་འགུགས་བྱ་ཚུལ་མཆོད་གཡོག་པས། སྣ་རེ་ཕྲག་པ་གཡོན་ལ་གཟར། །ལག་གཡོན་ཟོར་བ་བཟུང་བྱས་ཏེ། །བྲེང་པ་གྲུ་མོ་གཡོན་དུ་བསྐོན། །ལག་གཡས་སྒྲོ་བའི་ཁ་ཕྱེས་ལ། །ནང་དུ་ཟན་ལིང་གཅིག་འཕངས་ནས། །གཤེད་གཏོ་གཞུང་གི་འགུགས་གཞུག་དེ། །ལན་གསུམ་ཚར་བའི་དེ་མ་ཐག །སེ་ཆིངས་མདུད་ཀྱིས་སྒྲོ་ཁ་བཅིངས། །ཤར་ལྷོ་ནུབ་བྱང་དབུས་དང་ལྔ། །རིམ་བཞིན་ཁ་གྱུས་ལངས་ཏེ་འདུག །སྔགས་ཀྱི་མཚམས་སུ་སྒོ་བ་རྡེབ། །འདོན་ཆོག་དང་མཚུངས་དམིགས་པ་བྱ། །ཧཱུྃ། དཔལ་ཆེན་ཐུགས་ལས་སྤྲུལ་པ་ནི། །ཤར་ནས་འགུགས་པའི་ཕོ་ཉ་མོ། །ལྕགས་ཀྱི་སྤྱང་ཀི་སྔོན་མོ་ལ། །དུང་གི་བུད་མེད་དཀར་མོ་ཞོན། །བླ་བྱ་དཀར་པོ་ཀླད་ན་ལྡིང་། །བླ་ཁྱི་དཀར་མོ་རོལ་དུ་ཁྲིད། །བླ་འཛིན་དྲ་བ་རྒྱབ་ཏུ་ཁུར། །སྲོག་གཅོད་སྤུ་གྲི་ལག་ན་ཐོགས། །གཤེད་ལྟ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ཏུ་འཛིན། །གཤེད་བྲེང་འདོམ་དགུ་གྲུ་ལ་བཀོན། །གཤེད་སྒོ་རླུང་ཐུབ་མཆན་དུ་བཅུག །ལས་ངན་གཤེད་པོ་མི་ཟན་འདི། །རང་དབང་མེད་པར་ཁུག་ལ་

― CMR038_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག །ཟ་འདྲེ་ཤི་གཤེད་ཁུག་ལ་ཤོག །སྲོག་གཅོད་དབུགས་ལེན་ཁུག་ལ་ཤོག །གསོན་བདུད་གཤིན་ལྕགས་ཁུག་ལ་ཤོག །གཤེད་ལྟ་ཁ་ཆེ་རྒྱོབ་ལ་ཤོག །གཤེད་ཟོར་འགུགས་མོས་ཟུངས་ལ་ཤོག །བླ་འཛིན་དྲྭ་བས་དྲིལ་ལ་ཤོག །གཤེད་བྲེང་འདོམ་དགུས་དོམས་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །རང་གཟུགས་ཡས་གླུད་འདི་ལ་ཁུག །ཧ་བཛྲ་ཌཱཀི་ནི་ཧཱུྃ་ཏྲི་བཛྲ་ཨཾ་ཀུ་ཤ་ཛཿཛཿཛ༔ ཧཱུྃ། དཔལ་ཆེན་ཡོན་ཏན་སྤྲུལ་པ་ནི། །ལྷོ་ནས་འགུགས་པའི་ཕོ་ཉ་མོ། །ལྕགས་ཀྱི་སྤྱང་ཀི་སྔོན་མོ་ལ། །གསེར་གྱི་བུད་མེད་སེར་མོ་ཞོན། །བླ་བྱ་སེར་པོ་ཀླད་ན་ལྡིང་། །བླ་ཁྱི་སེར་མོ་རོལ་དུ་ཁྲིད། །བླ་འཛིན་དྲ་བ་རྒྱབ་ཏུ་ཁུར། །སྲོག་གཅོད་སྤུ་གྲི་ལག་ན་ཐོགས། །གཤེད་སྐུ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ཏུ་འཛིན། །གཤེད་བྲེ་འདོམ་དགུ་གྲུ་ལ་བཀོན། །གཤེད་སྒྲོ་རླུང་ཐུབ་མཆན་དུ་བཅུག །ལས་ངན་གཤེད་པོ་མི་ཟན་འདི། །རང་དབང་མེད་པར་ཁུག་ལ་ཤོག །ཟ་འདྲེ་ཤི་གཤེད་ཁུག་ལ་ཤོག །སྲོག་གཅོད་དབུགས་ལེན་ཁུག་ལ་ཤོག །གསོན་བདུད་གཤིན་ལྕགས་ཁུག་ལ་ཤོག །གཤེད་སྟ་ཁ་ཆེས་རྒྱབ་

― CMR038_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཤོག །གཤེད་ཟོར་འགུགས་མོས་ཟུངས་ལ་ཤོག །བླ་འཛིན་དྲྭ་བས་དྲིལ་ལ་ཤོག །གཤེད་བྲེང་འདོམ་དགུས་དོམས་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །རང་གཟུགས་ཡས་གླུད་འདི་ལ་ཁུག །རི་རཏྣ་ཊཱ་ཀི་ནི་ཧཱུྃ་ཏྲི་བཛྲ་པ་ཤ་ཧཱུྃ་ཧཱུྃ་ཧཱུྃ། ཧཱུྃ། དཔལ་ཆེན་གསུང་གི་སྤྲུལ་པ་ནི། །ནུབ་ནས་འགུགས་པའི་ཕོ་ཉ་མོ། །ལྕགས་ཀྱི་སྤྱང་ཀི་སྔོན་མོ་ལ། །བྱི་རུའི་བུད་མེད་དམར་མོ་ཞོན། །བླ་བྱ་དམར་པོ་ཀླད་ན་ལྡིང་། །བླ་ཁྱི་དམར་མོ་རོལ་དུ་ཁྲིད། །བླ་འཛིན་དྲི་བ་རྒྱབ་ཏུ་ཁུར། །སྲོག་གཅོད་ཐོསྤུ་གྲི་ལག་ན་ཐོགས། །གཤེད་སྟུ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ཏུ་འཛིན། །གཤེད་བྲེང་འདོམ་དགུ་གྲུ་ལ་བཀོན། །གཤེད་སྒྲོ་རླུང་ཐུབ་མཆན་དུ་བཅུག །ལས་ངན་གཤེད་པོ་མི་ཟན་འདི། །རང་དབང་མེད་པར་ཁུག་ལ་ཤོག །ཟ་འདྲེ་ཤི་གཤེད་ཁུག་ལ་ཤོག །སྲོག་གཅོད་དབུགས་ལེན་ཁུག་ལ་ཤོག །གསོན་བདུད་གཤིན་ལྕགས་ཁུག་ལ་ཤོག །གཤེད་ལྟ་ཁ་ཆེ་རྒྱོབ་ལ་ཤོག །གཤེད་ཟོར་འགུགས་མོས་ཟུངས་ལ་ཤོག །བླ་འཛིན་དྲྭ་བས་དྲིལ་ལ་ཤོག །གཤེད་བྲེང་འདོམ་དགུས་དོམས་ལ་

― CMR038_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག །གཤེད་སྒྲོ་རླུང་ཐུབ་ནང་དུ་ཆུག །རང་གཟུགས་ཡས་གླུད་འདི་ལ་ཁུག །ནི་པདྨ་ཌཀི་ནཱི་ནི་ཏྲེ་བཛྲ་སྤོ་ཊ་ཐཾ་ཐཾ་ཐཾ། ཧཱུྃ། དཔལ་ཆེན་ཕྲིན་ལས་སྤྲུལ་པ་ནི། །བྱང་ནས་འགུགས་པའི་ཕོ་ཉ་མོ། །ལྕགས་ཀྱི་སྤྱང་ཀི་སྔོན་མོ་ལ། །གཡུ་ཡི་བུད་མེད་ལྗང་མོ་ཞོན། །བླ་བྱ་ལྗང་ཁུ་ཀླད་ན་ལྡིང་། །བླ་ཁྱི་ལྗང་ཁུ་རོལ་དུ་ཁྲིད། །བླ་འཛིན་དྲྭ་བ་རྒྱབ་ཏུ་ཁུར། །སྲོག་གཅོད་སྤུ་གྲི་ལག་ན་ཐོགས། །གཤེད་སྣ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ཏུ་འཛིན། །གཤེད་བྲེང་འདོམ་དགུ་གྲུ་ལ་བཀོན། །གཤེད་སྒྲོ་རླུང་ཐུབ་མཆན་དུ་བཅུག །ལས་ངན་གཤེད་པོ་མི་ཟན་འདི། །རང་དབང་མེད་པར་ཁུག་ལ་ཤོག །ཟ་འདྲེ་ཤི་གཤེད་ཁུག་ལ་ཤོག །སྲོག་གཅོད་དབུགས་ལེན་ཁུག་ལ་ཤོག །གསོན་བདུད་གཤིན་ལྕགས་ཁུག་ལ་ཤོག །གཤེད་སྟ་ཁ་ཆེས་རྒྱོབ་ལ་ཤོག །གཤེད་ཟོར་འགུགས་མོས་ཟུངས་ལ་ཤོག །བླ་འཛིན་དྲྭ་བས་དྲིལ་ལ་ཤོག །གཤེད་བྲེང་འདོམ་དགུས་དོམས་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །རང་གཟུགས་ཡས་གླུད་འདི་ལ་ཁུག །ས་ཀརྨ་ཊཱ་ཀི་ནི་ནི་ཏྲེ་བཛྲ་གནྡྷེ་ཧོ་ཧོ་ཧོ༔ ཧཱུྃ། དཔལ་ཆེན་སྐུ་ཡི་སྤྲུལ་པ་

― CMR038_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། །དབུས་ནས་འགུགས་པའི་ཕོ་ཉ་མོ། །ལྕགས་ཀྱི་སྤྱང་ཀི་སྔོན་མོ་ལ། །མཐིང་གི་བུད་མེད་སྔོན་མོ་ཞོན། །བླ་བྱ་སྔོན་པོ་ཀླད་ན་ལྡིང་། །བླ་ཁྱི་སྔོན་མོ་རོལ་དུ་ཁྲིད། །བླ་འཛིན་དྲ་བ་རྒྱབ་ཏུ་ཁུར། །སྲོག་གཅོད་སྤུ་གྲི་ལག་ན་ཐོགས། །གཤེད་སྐུ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ཏུ་འཛིན། །གཤེད་བྲེང་འདོམ་དགུགྲུ་ལ་བཀོན། །གཤེད་སྒྲོ་རླུང་ཐུབ་མཆན་དུ་བཅུག །ལས་ངན་གཤེད་པོ་མི་ཟན་འདི། །རང་དབང་མེད་པར་ཁུག་ལ་ཤོག །ཟ་འདྲེ་ཤི་གཤེད་ཁུག་ལ་ཤོག །སྲོག་གཅོད་དབུགས་ལེན་ཁུག་ལ་ཤོག །གསོན་བདུད་གཤིན་ལྕགས་ཁུག་ལ་ཤོག །གཤེད་སྣ་ཁ་ཆེ་རྒྱོབ་ལ་ཤོག །གཤེད་ཟོར་འགུགས་མོས་ཟུང་ལ་ཤོག །བླ་འཛིན་དྲ་བས་དྲིལ་ལ་ཤོག །གཤེད་བྲིང་འདོམ་དགུའི་དོམས་ལ་ཤོག །གཤེད་སྒོ་རླུང་ཐུབ་ནང་དུ་ཆུག །རང་གཟུགས་ཡས་གླུད་འདི་ལ་ཁུག །ཨ་བུདྡྷ་ཌཱཀི་ནཱི་ནཾ་ཏྲི་བཛྲ་ཨཱ་ཝེ་ཤ་ཡ་ཨ་ཨ་ཨ༔ དེ་ནས་གཤེད་ཀྱི་གབ་སྐུང་ཕུད་པ་ནི་མཛོད་དང་བང་བ་རྣམས་ཀྱི་སྒོ་ཕྱེས་ཏེ། སྟེང་ཁང་འོག་ཁང་བར་ཁང་། ཁྱིམ་གྱི་ཕྱོགས་མཚམས་ཀུན་ཏུ་སྒོ་བ་རྡེབ་བཅུག་ལ་འདི་སྐད་དོ།། ཧཱུྃ། བདག་ཉིད་དཔལ་ཆེན་

― CMR038_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་བ་ཡི། །སྤྲུལ་པའི་ཁྲོ་བོ་ཡབ་ཡུམ་བཅུ། །ཡང་སྤྲུལ་ཁྲ་ཐབས་ཉི་ཤུ་འགྱེད། །རྒྱུ་སྦྱོར་ཡོན་གྱི་བདག་པོ་ཡི། །མི་དང་ནོར་ལ་གནོད་བྱེད་པའི། །ཟ་འདྲེ་གསོན་བདུད་གཤིན་ལྕགས་རྣམས། །གབ་སྐུང་ཕུད་པའི་དུས་ལ་བབ། །ཤིང་སྤྱད་ཤིང་ཐོག་སྤུ་ཤུན་དང་། །ཁྱིམ་གྱི་ཤར་དུ་གཤེད་གབ་ན། །ཤར་གྱི་ཁྲོ་བོ་རྣམ་པར་རྒྱལ། །སྤྲུལ་པ་སྟག་དང་བྱ་རྒོད་མགོས། །ཁྱིམ་གྱི་ཤར་ནས་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །ཚོས་དང་ཟངས་སྤྱད་དམར་པོའི་རིགས། །ཁྱིམ་གྱི་ལྷོ་རུ་གཤེད་གབ་ན། །ལྷོ་ཕྱོགས་ཁྲོ་བོ་གཤིན་རྗེའི་གཤེད། །སྤྲུལ་པ་ཤ་བ་འུག་པའི་མགོས། །ཁྱིམ་གྱི་ལྷོ་ནས་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །གོ་མཚོན་ལྕགས་སྤྱད་དཀར་པོའི་རིགས། །ཁྱིམ་གྱི་ནུབ་ཏུ་གཤེད་གབ་ན། །ནུབ་ཕྱོགས་ཁྲོ་བོ་རྟ་མགྲིན་རྒྱལ། །སྤྲུལ་པ་བྱི་ལ་ཕུག་ཤུད་མགོས། །ཁྱིམ་གྱི་ནུབ་ནས་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །སྤྱད་ནག་གྲུ་གུ་སྔོ་ནག་རིགས། །ཁྱིམ་གྱི་བྱང་དུ་གཤེད་གབ་ན། །བྱང་ཕྱོགས་ཁྲོ་བོ་བདུད་རྩི་འཁྱིལ། །སྤྲུལ་པ་སེང་གེ་ཕ་ཝང་མགོས། །

― CMR038_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱིམ་གྱི་བྱང་ནས་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །དར་དང་ཟ་འོག་ནོར་གཡུའི་རིགས། །ཁྱིམ་གྱི་ཤར་ལྷོར་གཤེད་གབ་ན། །ཤར་ལྷོའི་ཁྲོ་བོ་དབྱུག་སྔོན་ཅན། །སྤྲུལ་པ་གཡག་དང་བྱ་རོག་མགོས། །ཁྱིམ་གྱི་ཤར་ལྷོའི་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །བལ་དང་ཐག་ཆ་གདན་གྱི་རིགས། །ཁྱིམ་གྱི་ལྷོ་ནུབ་གཤེད་གབ་ན། །ལྷོ་ནུབ་ཁྲོ་བོ་མི་གཡོ་མགོན། །སྤྲུལ་པ་གཟིག་དང་ཁྭ་ཏའི་མགོས། །ཁྱིམ་གྱི་ལྷོ་ནུབ་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །ཞྭ་ཕྱིང་མཆིག་དང་སྒོ་ཁྱིའི་རིགས། །ཁྱིམ་གྱི་ནུབ་བྱང་གཤེད་གབ་ན། །ནུབ་བྱང་ཁྲོ་བོ་འདོད་པའི་རྒྱལ། །སྤྲུལ་པ་སྤྱང་ཀི་ཁྲ་ཡི་མགོས། །ཁྱིམ་གྱི་ནུབ་བྱང་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །མཆོད་ཆའི་རིགས་དང་འོད་ཅན་རྫས། །ཁྱིམ་གྱི་བྱང་ཤར་གཤེད་གབ་ན། །བྱང་ཤར་ཁྲོ་བོ་ཁམས་གསུམ་རྒྱལ། །སྤྲུལ་པ་དོམ་དང་སྲེ་མོང་མགོས། །ཁྱིམ་གྱི་བྱང་ཤར་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །ཁང་ཐོག་ཡང་ཐོག་བྱ་ཁྲིའི་ལྕམ། །སྦྲ་ཁྱིམ་སྟེང་ཕྱོགས་གཤེད་

― CMR038_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

གབ་ན། །སྟེང་གི་ཁྲོ་བོ་ཧཱུྃ་ཀཱ་ར། །སྤྲུལ་པ་ཕག་དང་སྒྲིག་བུའི་མགོས། །སྟེང་ཕྱོགས་ཁྱིམ་གྱི་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །རྨིག་ཟླུམ་རྔ་བྲན་རྐང་ཕྲན་སོགས། །འོག་ཁང་ནོར་ལ་གཤེད་གབ་ན། །འོག་ཕྱོགས་ཁྲོ་བོ་སྟོབས་པོ་ཆེ། །སྤྲུལ་པ་དྲེད་དང་བྱི་བའི་མགོས། །འོག་ཁང་ནོར་ཕྱུགས་གཤེད་ཕུད་ལ། །རང་གཟུགས་གཏོ་གླུད་འདི་ལ་ཁུག །ཧཱུྃ་ཧཱུྃ་མ་ཧཱ་ཀྲོ་དྷ་བྷི་ཤྭ་ཙཀྲ་མ་ཧཱ་བྷ་ལ་ཧ་ལ་ཧ་ལ་ཧཱུྃ་ཕཊ། ཀྲྀ་ཏྲི་ཛཿཧཱུྃ་བཾ་ཧོཿ དེ་ནས་གཤེད་གཏོའི་ནང་དུ་བྱོ་བཅུག །ཚྭ་ཡོས་རམ་རུག་བླུག་ལ་བྲན། དེ་ནས་གཤེད་གཏོ་གཞུང་ལྟར་གྱེར། །དེ་ལྟར་བྱས་པས་ཟ་འདྲེ་ཁ་བྲལ་བསྡུས་པ་ཡིན། །ཞེས་པ་འདི་སྔོན་གྱི་སྔགས་པ་བགྲེས་པོ་རྣམས་ཀྱིས། །གསུང་རྒྱུན་ཡོད་པ་རྣམས་ལ་གཞི་བྱས་ཤིང་། །འདོན་ཆའི་ཚིག་བཙུན་ཞིང་དོན་ཟབ་པར་དྲན་ནས། །སྔགས་རྒན་འདས་པའི་སྔགས་ཆུང་གསར་བུ་འགས། །རྔ་ཡུ་མ་ཤོར་ཙམ་ཞིག་དགོས་ཟེར་ནས། །རྒྱང་རིང་ཕྱོགས་ནས་བྱུང་བས་ནན་ཏན་ཆེ། །ཕ་མྱེས་དཔེ་ཧྲུལ་ཉལ་ཉིལ་མང་འདུག་ཀྱང་། །མགོ་རྐང་ཚང་བ་འགའ་ཡང་མ་མཆིས་པས། །སྦྱོར་དངོས་རྗེས་ཚང་ལག་ལེན་བདེ་བ་འདི། །གཤེད་མདོས་གཤེད་གཏོ་གཏེད་འགུགས་ཚན་གསུམ་པོ། །མ་འོངས་སྔགས་ཆུང་གསར་བུ་མང་པོ་ཞིག །མགོ་བསྐོར་ཉེ་ས་པས་ཕྱི་མ་མི་སྡིག་ཤིང་། །ཡི་དྭགས་དྲི་ཟ་ཟ་

― CMR038_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེ་ངན་པ་རྣམས། །བཀྲེས་སྐོམ་ཞི་ནས་གནོད་སེམས་ཞི་བ་ལ། །མཆོག་དམན་བར་མའི་སྐྱེ་འགྲོ་མང་པོ་རྣམས། །ན་ཚ་གོད་ཁ་ཞི་ནས་སྐྱིད་པའི་ཕྱིར། །གཞན་ཕན་བྱང་ཆུབ་སེམས་ཀྱིས་ཀུན་བསླངས་ནས། །ཆུང་ཚེ་འདི་ལ་གོམས་པའི་སྔགས་རྒན་ནི། །རཱ་ག་ཨ་སྱ་ཞེས་བྱའི་དགེ་སློང་དེས། །སྤྲེལ་ལོ་རྒྱལ་ཟླའི་ཚེས་བདུན་ནས་བཟུང་སྟེ། །ཞག་པོ་དྲུག་གི་ཐུན་མཚམས་རྣམས་སུ་བསྒྲིགས། །ཡི་གེ་པ་ནི་པདྨ་དད་པས་བྱས། །ཉེས་འགལ་མཆིས་ན་མཁྱེན་ལྡན་རྣམས་ལ་བཤགས། །དགེ་བས་ཇི་སྲིད་འཇིག་རྟེན་གནས་ཀྱི་བར། །འདི་ཡིས་ཕན་ཐོགས་རྒྱ་ཆེན་འགྲུབ་པར་ཤོག །དགེ་ལེགས་འཕེལ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཤེད་གཏོ་གཙང་གྱེར།

― CMR038_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེད་གཏོ་གཙང་གྱེར་ལ་གཏོར་ཆུང་ཤ་དུམ་ཁྲག་ཐིག་འབྲུ་སྣ་ཡོས་བཀྲ་བཏབ་ལ་བྲན་ཅིང་འདི་སྐད་དོ། །ཧཱུྃ། བདག་ནི་འཕགས་པ་འཇམ་དཔལ་ལ། །ཁྲོས་པ་ཡབ་གཅིག་གཤིན་རྗེ་གཤེད། །ཟློག་སྒྱུར་བྱེད་པའི་བདག་པོ་ཡིན། །ཉོན་ཅིག་སྣང་སྲིད་ལྷ་འདྲེ་ཉོན། །བྷྱོ༔ དྲག་པོ་རྩང་དང་ཕུར་པའི་ལྷ། །སྲིད་པ་ལས་ཀྱི་མདོས་བཤམས་ན། །ཐ་མ་རྒྱལྕགས་རི་མུ་ཁྱུད་ལ། །དྲག་པོ་ལས་ཀྱི་རྩང་ཕུར་བཙུགས། །ཞེ་སྡང་མཚོན་ཆར་བྱིན་གྱིས་བརླབས། །རྩང་སྟོད་མེ་འབར་ལྷབས་སེ་ལྷབ། །བཙན་གྱི་ལས་བྱེད་ཤ་ར་ར། །རྩང་སྨད་མུན་ནག་ཐིབས་སེ་ཐིབ། །བདུད་དམག་བྲོ་བརྡུང་ཁྲིགས་སེ་ཁྲིག །བདུད་བཙན་དམག་སྣ་དགྲ་ལ་འགྱེད། །རྐེད་པ་རྒྱ་མདུད་ཁོང་སེང་ལ། །ཁྲོས་པའི་འབྲུག་སྒྲ་འུ་རུ་རུ། །ལས་ཀྱི་རྩང་ཕུར་བཞེངས་སུ་གསོལ། །ཞེ་སྡང་གཙང་ཕུར་ཟུར་གསུམ་ལ། །ཛདང་བྷྱོ་ཡི་ཡི་གེ་བྲིས། །གྲུ་གསུམ་མཐིང་ནག་ལྕགས་རི་ལ། །རྣལ་འབྱོར་སྔགས་འཆང་ལས་གྲུབ་པའི། །སྤྲུལ་པའི་ཕོ་ཉར་བྱིན་གྱིས་བརླབས། །ཁྲོ་བོ་ཆེན་པོ་ཡང་དག་གསལ། །མཚོན་གྱི་སྤྲུལ་པའི་ཕྱག་རྒྱ་གསལ། །གདུག་པ་འདུལ་ཕྱིར་དབལ་དང་

― CMR038_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན། །རྩེ་མོ་ཆོས་ཉིད་དབྱིངས་སུ་འཕྱོ། །རྩ་བ་དུག་གསུམ་གནས་སུ་ཟུག །རྐེད་པ་ཕོ་ཉ་དབྱིངས་སུ་འགྱེད། །རྩེ་མོར་གྲི་ཁྲག་དམར་པོ་བྱུག །བསྐལ་པའི་མེ་འབར་ལམས་སེ་ལམ། །རྩ་བར་དུར་ཁྲོད་སོལ་བ་བྱུག །འཇིགས་པའི་མུན་པ་ཐིབས་སེ་ཐིབ། །དེ་འདྲའི་རྩང་ཕུར་བཞེངས་སུ་གསོལ། །ཡར་གྱི་རྩེ་མོ་ལྷ་མཐོང་ཡུལ་དུ་འཛུགས། །ལྷ་མ་ཡིན་གྱི་ཁ་རླངས་སྟོང་བ་དང་། །མི་མ་ཡིན་གྱི་ཆོ་འཕྲུལ་བཟློག་ཏུ་གསོལ། །མར་གྱི་རྩེ་མོ་དུར་ཁྲོད་གནས་སུ་ཟུག །ནད་སྣ་ཡམས་སྣ་དལ་སྣ་བསྒྱུར་དུ་གསོལ། །རྐེད་པ་རྒྱ་མདུད་ཁམས་གསུམ་དབལ་དང་ལྡན། །དགྲ་འདྲེ་མི་ཁ་གཤེད་ཁ་བྷྱོ་ཐུན་བྷྱོ། །ལྟས་ངན་མ་ལུས་བསྒྱུར་དུ་གསོལ། །གནག་པའི་དགྲ་བོ་མི་ནོར་ལ། །ཡུལ་མཁར་གླིང་ལ་རྩང་ཕུར་ཡ། །སྒོ་ཡི་ནོར་ལ་རྩང་ཕུར་ཡ། །མཁྱེན་གྱི་བུ་ལ་རྩང་ཕུར་ཡ། །དམ་ཉམས་དགྲ་བགེགས་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །ཨ་རྭ་གས་སྦྱར་བའོ།། ༈ གཏོ་སྒོ་དབྱེ་བ་ནི། ཀྱཻ། ཀོང་ཙེ་འཕྲུལ་གྱི་རྒྱལ་པོ་ཡིས། །གཏོ་ཡས་གླུད་ཀྱིས་ཐམས་ཅད་བཅོས། །རྒྱ་རྗེ་སྟོང་འབྱམ་འཁོར་བཅས་ཀྱིས། །གཏོ་ཡས་

― CMR038_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

གླུད་ཀྱིས་ཐམས་ཅད་བཅོས། །ངན་དགུ་དུག་བཅུ་ཐམས་ཅད་སྒྱུར། །གཏོ་དང་ཡས་ཀྱིས་ཐམས་ཅད་འཆིང་། །མགུ་ཞིང་དགྱེས་པའི་སྨོན་ལམ་བཏབ། །འདོད་པའི་ལོངས་སྤྱོད་ཡ་མཚན་ཅན། །གླུད་དུ་བསགས་པའི་ཡས་སྟགས་རྣམས། །སོ་སོར་འདོད་པ་ཚིམ་གྱུར་ཅིག །ཀྱཻ། ད་ནི་ཐ་མ་སྒོ་དབྱེ་འཚལ། །ཕྱོགས་བཞིའི་སྒོ་བཞི་མ་ཕྱེས་ན། །གཏོ་ཡས་བསགས་པ་གང་དུ་སྟོང་། །ད་ནི་གཏོ་སྒོ་ཤར་དུ་དབྱེ། །ཤར་ཕྱོགས་དྲི་ཟ་ཡུལ་འཁོར་སྲུང་། །ཕྲག་མ་དོག་ལ་རུ་མ་ཐུར། །ས་བདག་སྟག་སྐྱ་ཞེ་སྡང་ཅན། །གདུག་པའི་ཞེ་སྡང་མ་སྟོན་ཅིག །གཏོ་ཡས་གླུད་ཀྱི་སྣ་མ་སྐྱིལ། །གསེར་སྐྱེམས་དམ་པ་འདི་གསོལ་ལ། །གཏོ་མཁན་ཡོན་བདག་འཁོར་བཅས་ལ། །གདུག་པའི་པའི་མདའ་རྒོད་མ་འཕེན་ཅིག །ཡང་ཅིག་གཏོ་སྒོ་ལྷོ་རུ་དབྱེ། །གཏོ་ཡི་ལམ་བསྟན་ལྷོ་རུ་བསྟན། །ལྷོ་ཕྱོགས་གྲུ་བུམ་འཕགས་སྐྱེས་པོ། །ཕྲག་མ་དོག་ལ་རུ་མ་ཐུར། །ས་བདག་འབྲུག་སྔོན་ང་རྒྱལ་ཅན། །གདུག་པའི་ང་རྒྱལ་སྐད་མ་འདོན། །གཏོ་ཡས་གླུད་ཀྱི་སྣ་མ་སྐྱེལ། །གསེར་སྐྱེམས་དམ་པ་འདི་གསོལ་ལ། །གཏོ་མཁན་ཡོན་བདག་འཁོར་

― CMR038_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ལ། །ང་རྒྱལ་གདུག་པ་མ་སྟོན་ཅིག །ཡང་ཅིག་གཏོ་སྒོ་ནུབ་ཏུ་དབྱེ། །གཏོ་ཡི་ལམ་བསྟན་ནུབ་ཏུ་བསྟན། །ནུབ་ཕྱོགས་ཀླུ་གདོན་མིག་མི་བཟང་། །ཡ་ང་ཕྲག་དོག་མ་བྱེད་ཅིག །ས་བདག་བྱ་དམར་འདོད་ཆགས་ཅན། །གདུག་པའི་འདོད་ཆགས་དུག་མ་སྦྱོར། །གསེར་སྐྱེམས་དམ་པ་འདི་བཞེས་ལ། །གཏོ་ཡས་གླུད་ཀྱི་སྣ་མ་སྐྱིལ། །གཏོ་མཁན་ཡོན་བདག་འཁོར་བཅས་ལ། །འདོད་ཆགས་མེ་ཆེན་མ་སྔར་ཅིག །ཡང་ཅིག་གཏོ་སྒོ་བྱང་དུ་དབྱེ། །གཏོ་ཡི་ལམ་བསྟན་བྱང་དུ་བསྟན། །བྱང་ཕྱོགས་གནོད་སྦྱིན་རྣམ་ཐོས་སྲས། །ཡ་ང་ཕྲ་དོག་མ་བྱེད་ཅིག །ས་བདག་སྦལ་ནག་གཏི་མུག་ཅན། །གདུག་པའི་གཏི་མུག་ཐོག་མ་འབེབས། །གཏོ་ཡས་གླུད་ཀྱི་སྣ་མ་སྐྱིལ། །གསེར་སྐྱེམས་དམ་པ་འདི་གསོལ་ལ། །གཏོ་མཁན་ཡོན་བདག་འཁོར་བཅས་ལ། །གཏི་མུག་ཁྲོས་པའི་ཞེ་མ་གནག །ཡང་གཏོ་ཡི་སྒོ་ནི་མཚམས་བཞིར་དབྱེ། །གཏོ་ཡི་ལམ་བསྟན་མཚམས་བཞིར་བསྟན། །མཚམས་བཞིར་བསྲུང་བའི་མ་ལྷ་དང་། །སྲིན་པོ་རླུང་ལྷ་དབང་ལྡན་དང་། །ས་བདག་རྒྱལ་བློན་འཁོར་དང་བཅས། །རུ་ང་ཕྲག་དོག་མ་བྱེད་ཅིག །གསེར་

― CMR038_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེམས་དམ་པ་འདི་གསོལ་ལ། །གཏོ་ཡས་གླུད་ཀྱི་སྣ་མ་འདྲེན། །གཏོ་མཁན་ཡོན་བདག་འཁོར་བཅས་ལ། །ཕྲག་དོག་རུ་ཡུག་མ་མཛད་ཅིག །ཀྱཻ། གཏོ་ཡི་ལམ་བསྟན་སྟེང་དུ་བསྟན། །རིམ་པ་བཅུ་གསུམ་ཡང་སྟེང་ན། །གནམ་གྱི་གུང་རྒྱལ་འབོད་སྟོང་དང་། །དགུ་ཐིག་ཤུག་རིང་གཏོ་གླུད་ལམ། །གཏོ་གླུད་གཉེན་པོ་དེར་གཤེགས་ལ། །ལྷ་སྲིན་སྡེ་བརྒྱད་ཁ་ཁོག་ཅིག །ཡང་གླུད་ཀྱི་ལམ་བསྟན་ཐུར་དུ་བསྟན། །རྒྱ་མཚོ་མཐའ་མེད་གཏིང་རུམ་ན། །ཀླུ་སྲིན་རྒྱལ་མོ་འབོད་སྟོང་སྟོང་། །ཆུ་བོ་གཞུང་རིང་གཏོ་གླུད་ལམ། །གཏོ་གླུད་གཉེན་པོ་དེར་གཤེགས་ལ། །ཆུ་སྲིན་གདུག་པའི་ཁ་ཁོག་ཅིག །ཀརྨ་རཱ་ག་ཨ་སྱས་སྦྱར་བའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ངར་གླུད་བསྔོ་ཐབས།

― CMR038_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

ངར་གླུད་བསྔོ་ཐབས་སྤྱི་འགྲོ་འདི་མདོས་གང་ལ་སྦྱར་རུང་བ་བཞུགས་སོ།། ངར་གླུད་བསྔོ་འདོན་ནི། ཧཱུྃ། བགེགས་རྒྱལ་བྱི་ན་ཡ་ཀ་ནི། །བགེགས་རིགས་ཀུན་གྱི་སྡེ་དཔོན་ཆེན་པོ་ཡིན། །སྟོང་གསུམ་བདག་པོ་སྤྲིན་གྱི་སྒྲོན། །རྡོ་རྗེ་མཆུ་ལ་སོགས་པ་ཡི། །གཙོ་བོ་གདོན་ཆེན་བཅོ་བརྒྱད་དང་། །བྱི་སྦའི་གདོན་ཆེན་བཅོ་ལྔ་དང་། །བགེགས་རིགས་སྟོང་ཕྲག་བརྒྱད་ཅུ་སོགས། །ལན་ཆགས་བདག་པོ་ཐམས་ཅད་ལ། །བདག་ཅག་དཔོན་སློབ་ཡོན་མཆོད་ཀྱི། །ཚེ་སྐྱིན་སྲོག་གླུད་ངར་མི་འབུལ། །ཆངས་རྗེས་དྲི་གླུད་ཤེལ་ཚིགས་སྦྱིན། །འབྲུ་ནག་ཡོས་ཚིགས་ཚ་སྒོག་སྦྱིན། །འབྲུ་མཆོག་ངར་གྱི་མི་བོ་ཆེ། །ཞོ་ཤའི་སྙིང་ལ་ལུང་ཐང་མིག །མགྲོན་བུའི་སོ་ལ་མུ་ཏིག་ཀླད། །དུང་གི་པའི་རུས་པ་བསེ་ཡི་ཤ །རླུང་གི་དབུགས་ལ་ནམ་མཁའི་སེམས། །མེ་ཡི་དྲོད་དང་དར་ཟབ་གོས། །ཚོན་རྩི་བཀྲག་ལ་ཟེར་མོའི་སྒྲ། །ལག་གཡས་གསེར་དང་གཡོན་པ་དངུལ། །རྐང་གཡས་ལྕགས་ལ་གཡོན་པ་ཟངས། །རྒྱུ་ནི་འབྲུ་སྣ་རྟེན་འབྲེལ་རྫ་ས། །རྐྱེན་ནི་རིག་པ་མཁའ་ལ་རྒྱས། །ཕ་ནི་གནམ་ལ་མ་ནི་ས། །ཕུང་ཁམས་སྐྱེ་མཆེད་ཐམས་ཅད་

― CMR038_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

ཚང་། །རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་པའི་བདེན་པ་དང་། །ན་མཿསརྦ་ཏ་ཐཱ་དང་། །ག་ཏ་ཨ་ཝ་ལོ་ཀི་ཏེ། །ཨོཾ་དང་སམ་བྷ་ར་དང་ནི། །སམ་བྷ་ར་ཧཱུྃ་བྱིན་གྱིས་བརླབས། །མི་བས་གླུད་བཟང་ལྷ་ཕྲུག་འདྲ། །ཕོ་གླུད་སྐྱེས་ཕྲན་སྟག་ཆས་ཅན། །མོ་གླུད་མོ་བཙུན་གཡུ་འབིལ་ཅན། །བཙུན་གླད་དགེ་སློང་སྣམ་སྦྱར་ཅན། །མཛེས་སྡུག་བཀྲག་མདངས་ཡིད་འཕྲོག་པ། །གཅིག་ལས་བྱེ་བ་བརྒྱ་སྟོང་ཕྲག །ལན་ཆགས་བདག་པོ་བདག་མོ་ཡི། །སྤྱན་སྔར་བརྒྱ་སྟོང་བརྒྱ་སྟོང་རེ། །གླུ་ལེན་བྲོ་བརྡུང་དགྱེས་པར་བསྐང་། །བདག་ཅག་དཔོན་སློབ་ཡོན་མཆོད་ཀྱི། །ཚེ་སྲོག་ཉམས་པ་གླུད་ཀྱིས་བསླུ། །བྷི་ན་ཡ་ཀ་ལ་སོགས་པའི་།།དྲེགས་པའི་སྡེ་དཔོན་སུམ་ཅུ་ཡི། །སྔགས་བདག་དྲེགས་ཆེན་བཅོ་བརྒྱད་དང་། །མ་མོ་མཁའ་འགྲོ་ཐམས་ཅད་ནི། །ཁྱེད་རྣམས་ལྷ་ཡི་སྤྲུལ་པ་སྟེ། །ཁྱོད་ལ་བྱང་ཆུབ་སེམས་ཡོད་པས། །གཞན་ལ་གནོད་པ་ག་ལ་བྱེད། །ཁྱེད་རྣམས་འཁོར་དང་སྡེ་རིགས་སུ། །གཏོགས་པའི་འདྲེ་ངན་འབྱུང་པོ་དང་། །ལན་ཆགས་བདག་པོ་བདག་མོ་དང་། །

― CMR038_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེ་བ་དུང་ཕྱུར་གྲངས་མེད་ལ། །ངར་མི་ཆངས་སྤྱད་གླུད་འདི་བསྔོ། །རེ་སྡེ་མགོ་ཉག་བྱི་བའི་བདུད། །བདུད་པོ་གཤེད་རྒྱལ་གླང་ལོའི་བདུད། །ཁ་སྟ་འབྲེང་ཡུག་སྟག་ལོའི་བདུད། །ཚེ་དབང་རྒྱལ་པོ་ཡོས་ལོའི་བདུད། །ཕོ་ཁྲམ་རྒྱལ་པོ་འབྲུག་ལོའི་བདུད། །ངུལ་མོ་ཆེན་མོ་སྦྲུལ་ལོའི་བདུད། །གཏུམ་པོ་ལག་རིང་རྟ་ལོའི་བདུད། །བདུད་རྒྱལ་རུ་རིང་ལུག་ལོའི་བདུད། །རེ་ཏི་མགོ་ཉག་སྤྲེལ་ལོའི་བདུད། །གཟུགས་མེད་སྒྲ་གཅན་བྱ་ལོའི་བདུད། །ཡོར་མོ་ནག་མོ་ཁྱི་ལོའི་བདུད། །ངུར་མོ་འགྲམ་རིང་ཕག་ལོའི་བདུད། །ལོ་བདུད་ལོ་གཤེད་བཅུ་གཉིས་ལ། །ངར་མི་གླུད་མདོས་འདི་འབུལ་ལོ། །ལོ་བདུད་ཟླ་བདུད་ཞག་བདུད་དང་། །དུས་ཚོད་བདུད་དུ་མ་འབེབས་ཤིག །ཡུལ་འདྲེ་ནག་མོ་ཁྱི་ཞོན་སོགས། །སྲིད་པའི་འཁྲུག་འདྲེ་བཅོ་བརྒྱད་དང་། །བྲལ་ཐེལ་ནག་པོ་འུག་ཞོན་སོགས། །ཐན་སྐྱ་ཉི་ཤུ་རྩ་གཅིག་ལ། །ངར་མི་ཆངས་བུ་དྲི་གླུད་བསྔོ། །ཁྱི་འབྲུག་གླང་ལུག་གཤེད་ཀྱི་ཕ། །གློག་འགྱུ་མ་ནི་གཤེད་ཀྱི་མ། །གཤེད་བུ་ཕྱོགས་བཞི་སྐྱ་པ་བཞི། །མི་ནག་ཁྲམ་ཐོགས་བཅུ་གསུམ་སོགས། །ཟ་བའི་འདྲེ་དང་

― CMR038_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

ཤི་བའི་གཤེད། །ཐམས་ཅད་གླུད་འདིས་ཚིམ་པར་གྱིས། །བསེ་རག་རྒྱལ་པོ་གཞོན་ནུ་པ། །མི་རྒན་ཁོ་ཤོག་གྱོན་པ་དང་། །བསེ་རག་ལྟོགས་འགོང་དབུལ་སྲི་རྣམས། །གླུད་འདི་ཁྱེར་ལ་མྱུར་དུ་དེངས། །ལྟེ་ཕུར་ནག་མོ་བྱ་མཆུ་མ། །ཕོ་གྱོང་བཟའ་ནི་དཔོན་གཡོག་གསུམ། །འདྲེ་སྲིན་དགུ་པོ་འཁོར་དང་བཅས། །ངར་མི་ཆངས་སྤྱད་ཁྱེར་ལ་སོང་། །གཞན་ཡང་བདག་ཅག་ཡོན་མཆོད་ལ། །ཚེ་རབས་ཐོག་མ་མེད་པ་ནས། །ཟས་ནོར་སྲོག་གི་ལན་ཆགས་པ། །ཟ་རེ་འཐུང་སྐོམ་བྱེད་པ་ཡི། །འདྲེ་ངན་གདོན་རིགས་ཀུན་རྣམས་ལ། །ངོར་མི་ཤ་དུམ་ཆངས་བུ་དང་། །འབྲུ་ནག་རམ་རུག་སྦྲང་མ་སོགས། །ཡས་སྟགས་འདི་ཡིས་ཚིམ་གྱུར་ཅིག །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ཁྱེད་ཅག་མི་རྟག་ཚེ་འཕོས་ཏེ། །རང་བྱས་རང་ལ་སྨིན་གྱུར་ནས། །མནར་མེད་སྡུག་བསྔལ་ཡ་རེ་ང་། །དེ་བས་མ་གནོད་གཞན་དུ་སོང་། །བྱང་ཆུབ་སེམས་དང་ལྡན་གྱུར་ཅིག །ཅེས་ངར་འཕྱོང་། ༧ ཀརྨ་ཨ་རཱ་གས་སྦྱར།། །།

གཏོ་གླུད་གསེར་སྐྱེམས།

― CMR038_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོ་གླུད་གསེར་སྐྱེམས་བཞུགས་པའི་དབུ་ཕྱོགས་ལགས་སོ།། ཧཱུྃ། ཉོན་ཅིག་སྣང་ཞིང་སྲིད་པ་ཡི། །ཡིད་ཀྱི་གཟུགས་ཅན་ཐམས་ཅད་ཉོན། །མདོ་སྔགས་ལུང་ལས་གསུངས་པ་ཡི། །དེ་རིང་སྲིད་པའི་མདོས་གླུད་འདི། །བདག་དང་རྒྱུ་སྦྱོར་ཡོན་བདག་གིས། །ལོ་ལྷ་སྲོག་ལྷ་ལུས་ཀྱི་ལྷ། །དཔལ་དང་གཡང་དང་རྣམ་སྨན་གྱི། །སྟེང་དུ་མདོས་འདི་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུ་ང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བདག་དང་ཡོན་བདག་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །སེ་བ་བླ་མཁྱེན་གཙང་ཀུན་སོགས། །ལོ་དང་ཟླ་བར་འཁོར་བ་ཡི། །ས་བདག་རྒྱལ་བློན་བཅུ་བདུན་གྱི། །སྟེང་དུ་མདོས་འདི་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུ་ང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བདག་དང་ཡོན་བདག་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །རྣལ་འབྱོར་མ་བརྒྱད་བིཥི་དང་། །ལྔ་སེར་བྱི་ལིང་ཁྲ་ཚ་དང་། །གཟའ་བརྒྱད་ཐུན་བྱེད་སྒྲ་གཅན་དང་། །སྟོབས་ཆེན་རྒྱུ་

― CMR038_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གདོང་ལ་ནི། །སྟེང་དུ་མདོས་འདི་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བདག་དང་ཡོན་བདག་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །ཡུལ་ཕྱོགས་འདི་ལ་གནས་པ་ཡི། །གཞི་བདག་བཙན་བདུད་དྲག་རྩལ་ཅན། །ཀླུ་བདུད་གཉན་དང་མཚོ་སྨན་གྱི། །སྟེང་དུ་མདོས་འདི་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུ་ང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བདག་དང་ཡོན་བདག་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །འོ་ན་མདོས་འདི་གང་དུ་བཏང་། །བདག་དང་ཡོན་བདག་འཁོར་བཅས་ཀྱི། །ལོ་བདུད་གནས་པའི་སྟེང་དུ་བཏང་། །འདྲེ་ལྔ་སྡོད་པའི་སྟེང་དུ་བཏང་། །བདུད་གཅོད་གནས་པའི་སྟེང་དུ་བཏང་། །ཟ་རེ་འཐུང་སྐོམ་བྱེད་པ་ཡི། །ཟ་འདྲེ་ཆུང་སྲིའི་སྟེང་དུ་བཏང་། །བསེ་རག་གོད་འདྲེའི་སྟེང་དུ་བཏང་། །སྡང་དགྲ་གནོད་བྱེད་སྟེང་དུ་བཏང་། །ལྷ་དང་འདྲེ་ཡང་བརྒྱལ་མང་བས། །གལ་ཏེ་ཕྱོགས་གཅིག་འཛོམ་གྱུར་ན། །གནོད་

― CMR038_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འདྲེ་བདུད་མ་གཏོགས་པའི། །ལྷ་དང་ལྷ་འདྲེ་མཐུ་ཆེན་ཀུན། །མཐོ་མཐོ་རྣམས་ཀྱིས་ཞབས་ཡར་སྐུམས། །དམའ་བ་རྣམས་ཀྱིས་དབུ་མར་ཁུག །བར་མ་རྣམས་ཀྱིས་སྐུ་གཟུར་ལ། །སྒོ་ཆོད་སྤྱན་གཡོར་ན་བཟའ་སྡུས། །གལ་ཏེ་མདོས་གླུད་གྲིབ་ཕོག་ན། །ང་ནི་མ་ཉེས་མ་ལན་གྱིས། །ཉེས་ལན་དགྲ་དང་བགེགས་ལ་ཆོད། །ཉེས་སྐྱོན་གསེར་སྐྱེམས་འདི་ཡིས་བཅོས། །ཨོཾ་སརྦ་ལོ་ཀ་པཱ་ལ་ཨ་མྲྀ་ཏ་ཁཱ་ཧི་ཁཱ་ཧི། ཞེས་ཨོ་རྒྱན་རིག་འཛིན་གྱིས་བསྐུལ་ནས། །གཏོ་པ་༧ ཀརྨ་ཨ་རཱ་གས་སྦྱར་བ་ཡིན་པས། སྔགས་འཆང་གསར་བུ་མང་ཙྪ་པོ་ལ་ཕན་ཐོགས་པར་ཤོག །སརྦ་མངྒ་ལཾ། ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཤེད་ཟློག་གཏོ་དཀར།

― CMR038_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེད་ཟློག་གཏོ་དཀར་བཞུགས་པའི་དབུ་ཕྱོགས་ལགས་སོ། །

― CMR038_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པ་འཇམ་དཔལ་ལ་ན་མོ། གཤེད་འདུལ་བར་འདོད་ན་བླ་མ་ཡི་དམ་ཆོས་སྐྱོང་གི་གཏོར་མ་ཅི་འབྱོར་བཤམས་ལ། སྣོད་གཅིག་གི་ནང་དུ་དམར་གཏོར་གཅིག་ལ་བཞིས་བསྐོར་ལ། ཆངས་རྗེས་ལྔ་དང་མཐེབ་སྐྱུས་བསྐོར་ཞིང་། མཚམས་བཞིར་མི་ལུས་འབྲུག་གི་མགོ་བོ་ཅན་ཤར་ལྷོ། མི་ལུས་ལུག་གི་མགོ་བོ་ཅན་ལྷོ་ནུབ། མི་ལུས་ཁྱི་ཡི་མགོ་བོ་ཅན་ནུབ་བྱང་། མི་ལུས་གླང་གི་མགོ་བོ་ཅན་བྱང་ཤར་དུ་བཞག །མི་ལུས་ལོ་གཤེད་གང་ཡིན་པ་དེ་མི་གཟུགས་བྱས་ལ་གཏོར་མ་དབུས་མའི་རྩར་བཞག །དཀར་གཏོར་དང་གསུར་དུད་གཏོར་མའི་སྣར་བཞག །ལྕི་བ་མིན་པས་གསུར་དུད་མི་བྱ། དེ་ནས་ཡི་དམ་ཆོས་སྐྱོང་གི་གཏོར་བསྔོས་བྱ། དེ་ནས་གཤེད་འདུལ་ནི་འདི་སྐད་དོ། །གཤེད་ཟློག་བྱ་བའི་རང་སྲུང་ནི།

― CMR038_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་སྐད་ཅིག་གིས་ཡི་དམ་གནས་འགྱུར་ནས་འཇམ་དཔལ་གཤིན་རྗེའི་གཤེད་ནག་པོ་དབུ་སྐྲ་སྤྱི་བོར་བཅིངས་པ། ཞལ་གཅིག་ཕྱག་གཉིས་པ། གཡས་རལ་གྲིས་དགྲ་བགེགས་ཐམས་ཅད་གཏུབ་པར་བྱེད་པ། གཡོན་པོ་ཏི་ཐུགས་ཀར་བསྣམས་པ། ལྟོ་བ་ཆེ་བ། །ཞབས་གཡས་བསྐུམ་གཡོན་བརྐྱང་བ། སྤྱན་གསུམ་དམར་ཞིང་ཟླུམ་པ་ཡེ་ཤེས་ཀྱི་མེ་འབར་བའི་དབུས་ན་བཞུགས་པར་བྷྱོ། རྩ་སྔགས་ནི། ཨོཾ་པྲ་སོད་ཆུ་སོད་དུར་ཏེ་སོད་དུར་མི་སོད། སྙིང་མགོ་ལ་ཆོད། གཉན་མགོ་ལ་ཆོད། ཁ་ལ་ཛ་ཀཾ་ཤཾ་ཏྲི་རྦད་ཕཊ་སྭཱ་ཧཱ། རང་གི་ཐུགས་ཀའི་ཧཱུྃ་

― CMR038_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཞབས་ཀྱུའི་ནང་དུ་རང་གི་མི་ནོར་ཐམས་ཅད་ཚུད་པར་གྱུར། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཕཊ་ཕཊ༔ རྩ་སྔགས་འགྲུབ་ན་རབ་སྟོང་འབྲིང་བརྒྱ་ཐ་མ་ཉེར་གཅིག་བཟླའོ། །དེ་མ་ཤེས་ན་ཟ་འདྲེ་རྗེས་སུ་འབྲངས་ནས་ཤེས་པ་བ་ལ་གོད་འོང་ཟེར་བ་དེ་འོང་ཉན་ཡོད། རང་ཡི་དམ་དུ་གསལ་བའི་མདུན་དུ་མུན་ནག་སྨག་རུམ་འཐིབ་པའི་དབུས་སུ་ནི་ཡོངས་སུ་གྱུར་པ་ལས་གཤེད་ཀྱི་རྒྱལ་པོ་རང་རང་གི་མགོ་བརྙན་ཅན་ཞལ་གྱིས་འདྲེ་གདོན་གདུག་པ་ཅན་ཐམས་ཅད་ཟས་སུ་ཟ་བ་ཞིག་ཏུ་གྱུར། ཤར་ལྷོར་གཤེད་པོ་མི་ལུས་འབྲུག་གི་མགོ་ཅན། ལྷོ་ནུབ་ཏུ་གཤེད་པོ་མི་ལུས་ལུག་གི་མགོ་ཅན། ནུབ་བྱང་དུ་གཤེད་པོ་མི་ལུས་ཁྱི་ཡི་མགོ་ཅན། བྱང་ཤར་དུ་གཤེད་པོ་མི་ལུས་གླང་གི་མགོ་ཅན། དེ་རྣམས་ཀྱི་མདུན་དུ་ཤ་ཁྲག་དམར་གྱི་གཏོར་མ་ཏིང་ལོ་ཆངས་བུ་འདོད་པའི་ཡོན་ཏན་ལྔ་དང་ལྡན་པར་གྱུར། ན་མོ། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་དང་། དགེ་འདུན་གྱི་བཀའ་བདེན་པ་དང་། གསང་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི་བཀའ་བདེན་པ་དང་། རིག་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི་བཀའ་བདེན་པ་དང་། འཇམ་དཔལ་གཤིན་རྗེའི་གཤེད་ནག་པོའི་བཀའ་བདེན་པ་

― CMR038_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། བདེན་པ་ཆེན་པོའི་མཐུས་བདག་ཅག་ཡོན་མཆོད་མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་ལོ་གཤེད་ལོ་བདུད། ཟླ་གཤེད་ཟླ་བདུད། ཞག་གཤེད་ཞག་བདུད་གཤིན་པོ་རྣམས་ལ་ཐར་པ་ཐོབ་ཏུ་མི་འཇུག་པའི་ལྕགས་དང་རྡོས་སུ་བྱེད་པ། གསོན་པོ་རྣམས་ཀྱི་ཚེ་སྲོག་གི་བདུད་བྱེད་པ། ཟ་བའི་འདྲེ། ཤི་བའི་གཤེད། ཉེ་དུ་ཉེ་འབྲེལ་གྱི་གཤེད་ཁ། ཟ་ལ་རེ་བ་འཐུང་ལ་སྐོམ་པར་བྱེད་པ་དོན་མེད་ཀྱི་འདྲེ་ལྟོགས་གཤེད་འཁྱམས། དོང་སྟོང་བཞིན་དུ་བླ་ལ་བཏགས་པ། ཐག་ནག་བཞིན་དུ་རྒྱུད་ལ་འཁྲི་བ། ཤ་ཁྱི་བཞིན་དུ་རྗེས་ལ་འབྲང་བ། ཡས་དང་གླུད་ལ་རེ་ཆེ་བ། སྒབ་འདྲེ་ཡུལ་འདྲེ་ལམ་འདྲེ་གྲི་བོ་གྲི་མོ་གནོད་ཅིང་འཚེ་བར་བྱེད་པ་གང་ཡིན་པ་ཐམས་ཅད་གཏོ་གླུད་རང་གཟུགས་འདི་ལ་ཁུག་ཅིག །ཊཀི་རཱ་ཛ༔ཧཱུྃ། བཛྲ་ཨཾ་ཀུ་ཤ་ཛ༔ ཞེས་ལན་གསུམ་བརྗོད། ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་དབུས་ཕྱོགས་ཕ་ཀི་ན། །མུན་པ་ནག་པོའི་གཏིང་རུམ་ནས། གཤེད་པོ་འཁོར་དང་བཅས་པ་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་

― CMR038_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

ཀི་ན། །ཉི་མ་ཤར་ལྷོ་ཕ་ཀི་ན། །གཤེད་པོ་འབྲུག་མགོ་འཁོར་བཅས་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ལྷོ་ནུབ་ཕ་ཀི་ན། །གཤེད་པོ་ལུག་མགོ་འཁོར་བཅས་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་བྱང་ཕ་ཀི་ན། །གཤེད་པོ་ཁྱི་མགོ་འཁོར་བཅས་ཡང་། །མདོས་དང་ཡས་ལ་གཤེགས་སུ་གསོལ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཤར་ཕ་ཀི་ན། །གཤེད་པོ་གླང་མགོ་འཁོར་བཅས་ཡང་། །མདོས་དང་ཡས་ལ་གཤེགས་སུ་གསོལ། །ཕོ་གདོན་མོ་གདོན་འཁོར་བཅས་ཡང་། །མདོས་དང་ཡས་ལ་གཤེགས་སུ་གསོལ། །ཟ་འདྲེ་ཤི་གཤེད་འཁོར་བཅས་ཡང་། །མདོས་དང་ཡས་ལ་གཤེགས་སུ་གསོལ། །མཐོ་སྲིད་པའི་རྩེ་མོ་མན་ཆད་ནས། །ན་རཀ་དམྱལ་ཁམས་ཡན་ཆད་དུ། །རི་རབ་ཆེན་པོའི་སྟེང་ཤེད་དང་། །ཁམས་གསུམ་སྲིད་གསུམ་གར་གནས་ཀྱང་། །བདག་ཅག་མི་ནོར་འཁོར་བཅས་ལ། །གནོད་པར་བྱེད་པའི་ཤི་གཤེད་རྣམས། །དཀོན་མཆོག་བདེན་པས་འདིར་ཁུག་

― CMR038_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །གཏོ་གཟུགས་འདི་དང་དབྱེར་མེད་གྱུར། །ཛཿཧཱུྃ་བཾ་ཧོཿ ཏིཥྛ་ལྷན། བདག་གིས་བཀའ་བསྒོས་ནས་རང་གནས་སུ་མ་བཏང་གི་བར་དུ་འཇམ་དཔལ་གཤིན་རྗེའི་གཤེད་ནག་པོའི་གཟི་བརྗིད་ཀྱིས་ཟིལ་གྱིས་མནན་ནས་བྲོས་དབང་མེད་པ་ཅིག་ཏུ་གྱུར་པར་བསམ། ས་མཱ་ཡ་ཧ་ན་ཧ་ན་ཧཱུྃ་ཕཊ། གཏོར་མ་ཆུ་གཙང་གིས་བྲན། མི་གཙང་བ་རྣམས་དག་པར་གྱུར་ཅིག །ཨོཾ་ཤུདྡྷེ་ཤུ་དྷ་ན་ཡེ་སྭཱ་ཧཱ། ཨོཾ་སྭ་བྷ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་ཡས་གླུད་རྣམས་ཁ་དོག་དྲི་རོ་རེག་བྱ་ཕུན་སུམ་ཚོགས་པ་ཡངས་ཤིང་རྒྱ་ཆེ་བ་སོ་སོའི་ཅི་འདོད་པའི་ལོངས་སྤྱོད་ཟད་མི་ཤེས་པར་གྱུར། ཨོཾ་ན་མཿསརྦ་ཏ་ཐཱ་ག་ཏ་བློ་བི་ཤྭ་མུ་ཁེ་བྷྱསརྦ་ཏད་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། གླུད་དང་ཡས་རྣམས་ཟག་མེད་བདུད་རྩི་རྒྱ་མཚོ་ཆེན་པོར་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཟ་འདྲེ་ཤི་གཤེད་འདྲེ་གདོན་གྱི་རིགས་སུ་གྱུར་པ་རྣམས་ཀྱི་མིག་གི་ཡུལ་དུ་གཟུགས་མཛེས་པ། རྣ་བའི་ཡུལ་དུ་སྒྲ་སྙན་པ། ལྕེ་ཡི་ཡུལ་དུ་རོ་མངར་བ། ལུས་ཀྱི་ཡུལ་དུ་རེག་བྱ་འཇམ་པ། འདོད་ཡོན་ལྔ་པོ་དཔག་ཏུ་མེད་པར་གྱུར། ན་མཿསརྦ་ཏ་ཐཱ་

― CMR038_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། མགྲོན་རྣམས་ལ་ཕམ་རྒྱལ་མེད་པར་ཐོབ་ནས་བཀྲེས་པ་དང་སྐོམ་པ་ཞི་ནས་ན་བཟའ་སྣ་ཚོགས་ལུས་ལ་གྱོན་ནས་དགའ་མགུ་ཡི་རང་པར་གྱུར།་ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མ་ས་མནྟ་སྤ་ར་ཎ་རསྨི་སཾ་བྷ་ཝ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ། མགྲོན་རྣམས་བདག་གི་དབང་དུ་འདུས་ནས་བྱང་ཆུབ་མཆོག་ཏུ་སེམས་བསྐྱེད་པར་གྱུར། ན་མ་ས་མནྟ་བུདྡྷཱ་ནཾ། ག་རི་ཀྲོ་ཏི་ཤྭ་རི་པྲ་བྷ་ཛྷཱ་ན་མཱ་ར་ཡ་སྭཱ་ཧཱ། ཧཱུྃ། ང་ནི་དཔལ་ཆེན་རྡོ་རྗེ་འཛིན། །རྒྱ་མཚོའི་ཆུ་ལ་མི་འཐུང་གང་ཡང་མེད། །རྒྱལ་བའི་བཀའ་ལ་མི་ཉན་གང་ཡང་མེད། །འཆི་བདག་གཤིན་རྗེ་ནག་པོ་ཁྱོད། །སྐུ་མདོག་མུན་པ་ནག་པོའི་མདོག །ཁྱོད་དང་མཐུན་པའི་ཡས་ལ་གཟིགས། །གླུད་དང་ཡས་ལ་གཟིགས་ནས་ཀྱང་། །གཟུགས་ཁམས་འདི་ལ་བཞུགས་སུ་གསོལ། །གཟུགས་དང་ཁམས་ལ་གནས་པར་མཛོད། །བདག་ལ་སྡང་བ་མ་འཆང་ཞིག །ཚེ་དང་སྲོག་ལ་མ་གནོད་ཅིག །ཕོ་གཤེད་མོ་གཤེད་ནོར་གཤེད་དང་། །འདྲེ་གདོན་གཤེད་ཀྱི་རིགས་རྣམས་དང་། །སྲིད་པའི་འདྲེ་དགུ་གཙུག་ལག་གདོན། །གཞན་ཡང་ལན་ཆགས་

― CMR038_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་བདག་རྣམས། །གཟུགས་ཁམས་འདི་ལ་བཞུགས་སུ་གསོལ། །བཀྲག་དང་མདངས་ལ་བཞུགས་སུ་གསོལ། །རང་རང་མཐུན་པའི་དམ་རྫས་དང་། ཤ་ཁྲག་གཏོར་མ་འདི་བཞེས་ལ། །རྒྱུ་སྦྱོར་ཡོན་བདག་འཁོར་བཅས་ཀྱི། །བཟུང་བ་ཐོངས་ལ་བཅིངས་པ་ཁྲོལ། །མནན་པ་ཁྱོག་ལ་བསྡམས་པ་གློད། །ཞི་བ་བྱང་ཆུབ་སེམས་ལྡན་མཛོད། །ཀྱཻ། ཉི་མ་བྱང་ཤར་མཚམས་ཀྱི་གཤེད་པོ་ནི། །མི་ལུས་གླང་གི་མགོ་བོ་ཅན། །ལག་པ་བྱ་ཁྱུང་སྡེར་མོ་ཅན། །མཇུག་མ་སྦྲུལ་དུ་འདུག་པ་ལ། །རྔ་མ་བརྡབ་དང་ཧྲི་ལི་ལི། །མཆེ་བ་གཙིགས་དང་ཁྲིགས་སེ་ཁྲིག །ཁྱོད་ཟོས་ཟོས་དེ་ནི་ཁ་ཡང་དམར། །ཉལ་ཉལ་ནས་ནི་གཤོང་ཡང་དོད། །ཤ་ཁྲག་དམར་གཏོར་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ཡི། །གནས་ཁང་འདི་ལ་མ་ཉེ་ཞིག །ཕྱིན་ཆད་གཤེད་བདུད་མ་བྱེད་ཅིག །བཟུང་བ་ཐོངས་ལ་བཅིངས་པ་ཁྲོལ། །མནན་པ་ཁྱོགས་ལ་བསྡམས་པ་གློད། །ནད་པ་ཡོད་ན་ད་སློངས་ཤིག །སློབ་དཔོན་པདྨའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བཀའ་དང་དམ་ལས་མ་འདའ་ཞིག །གལ་

― CMR038_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་བཀའ་ལས་འདས་གྱུར་ན། །རྡུལ་དུ་བརླག་པར་གདོན་མི་ཟ། །དེ་བས་བཀའ་ལ་མ་འདའ་ཞིག །ཀྱཻ། ཉི་མ་ཤར་ལྷོའི་གཤེད་པོ་ནི། །མི་ལུས་འབྲུག་གི་མགོ་བོ་ཅན། །ལག་པ་བྱ་ཁྱུང་མཇུག་མ་སྦྲུལ། །ལག་པ་བྱ་ཁྱུང་སྡེར་མོ་ཅན། །མཇུག་མ་སྦྲུལ་དུ་འདུག་པ་ལ། །རྔ་མ་བརྡབ་དང་ཧྲི་ལི་ལི། །མཆེ་བ་གཙིགས་དང་ཁྲིགས་སེ་ཁྲིག །ཁྱོད་ཟོས་ཟོས་དེ་ནི་ཁ་ཡང་དམར། །ཉལ་ཉལ་ནས་ནི་གཤོང་ཡང་དོད། །ཤ་ཁྲག་དམར་གཏོར་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ཡི། །གནས་ཁང་འདི་ལ་མ་ཉེ་ཞིག །ཕྱིན་ཆད་གཤེད་བདུད་མ་བྱེད་ཅིག །བཟུང་བ་ཐོངས་ལ་བཅིངས་པ་ཁྲོལ། །མནན་པ་ཁྱོགས་ལ་བསྡམས་པ་གློད། །ནད་པ་ཡོད་ན་ད་སློངས་ཤིག །སློབ་དཔོན་པདྨའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བཀའ་དང་དམ་ལས་མ་འདའ་ཞིག །གལ་ཏེ་བཀའ་ལས་འདས་གྱུར་ན། །རྡུལ་དུ་བརླག་པར་གདོན་མི་ཟ། །དེ་བས་བཀའ་ལ་མ་འདའ་ཞིག །ཀྱཻ། ཉི་མ་ལྷོ་ནུབ་གཤེད་པོ་ནི། །མི་ལུས་ལུག་གི་མགོ་བོ་ཅན། །ལག་པ་བྱ་ཁྱུང་མཇུག་མ་སྦྲུལ། །ལག་པ་བྱ་ཁྱུང་སྡེར་མོ་

― CMR038_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། །མཇུག་མ་སྦྲུལ་དུ་འདུག་པ་ལ། །རྔ་མ་བརྡབ་དང་ཧྲི་ལི་ལི། །མཆེ་བ་གཙིགས་དང་ཁྲིགས་སེ་ཁྲིག །ཁྱོད་ཟས་ཟོས་དེ་ནི་ཁ་ཡང་དམར། །ཉལ་ཉལ་ནས་ནི་གཤོང་ཡང་དོད། །ཤ་ཁྲག་དམར་གཏོར་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ཡི། །གནས་ཁང་འདི་ལ་མ་ཉེ་ཞིག །ཕྱིན་ཆད་གཤེད་བདུད་མ་བྱེད་ཅིག །བཟུང་བ་ཐོངས་ལ་བཅིངས་པ་ཁྲོལ། །མནན་པ་ཁྱོགས་ལ་བསྡམས་པ་གློད། །ནད་པ་ཡོད་ནི་ད་སློངས་ཤིག །སློབ་དཔོན་པདྨའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བཀའ་དང་དམ་ལས་མ་འདའ་ཞིག །གལ་ཏེ་བཀའ་ལས་འདས་གྱུར་ན། །རྡུལ་དུ་བརླག་པར་གདོན་མི་ཟ། །དེ་བས་བཀའ་ལ་མ་འདའ་ཞིག །ཀྱཻ། ཉི་མ་ནུབ་བྱང་གཤེད་པོ་ནི། །མི་ལུས་ཁྱི་ཡི་མགོ་བོ་ཅན། །ལག་པ་བྱ་ཁྱུང་མཇུག་མ་སྤྲུལ། །ལག་པ་བྱ་ཁྱུང་སྡེར་མོ་ཅན། །མཇུག་མ་སྦྲུལ་དུ་འདུག་པ་ལ། །རྔ་མ་བརྡབ་དང་ཧྲི་ལི་ལི། །མཆེ་བ་གཙིགས་དང་ཁྲིགས་སེ་ཁྲིག །ཁྱོད་ཟོས་ཟོས་དེ་ནི་ཁ་ཡང་དམར། །ཉལ་ཉལ་ནས་ནི་གཤོང་ཡང་དོད། །ཤ་ཁྲག་དམར་གཏོར་འདི་བཞེས་ལ། །

― CMR038_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་སྦྱོར་ཡོན་གྱི་བདག་པོ་ཡི། །གནས་ཁང་འདི་ལ་མ་ཉེ་ཞིག །ཕྱིན་ཆད་གཤེད་བདུད་མ་བྱེད་ཅིག །བཟུང་བ་ཐོངས་ལ་བཅིངས་པ་ཁྲོལ། །མནན་པ་ཁྱོགས་ལ་བསྡམས་་པ་གློད། །ནད་པ་ཡོད་ན་ད་སློངས་ཤིག །སློབ་དཔོན་པདྨའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བཀའ་དང་དམ་ལས་མ་འདའ་ཞིག །གལ་ཏེ་བཀའ་ལས་འདས་གྱུར་ན། །རྡུལ་དུ་བརླག་པར་གདོན་མི་ཟ། །དེ་བས་བཀའ་ལ་མ་འདའ་ཞིག །ཧཱུྃ། ཚེ་འཕོས་ཇི་ལྟར་འགྱུར་བ་ཡི། །མདོ་ལས་ཐུབ་པས་གསུངས་པ་ཡི། །གནོད་བྱེད་འབྱུང་པོ་ཤ་ཟའི་ཚོགས། །འཆི་ཁར་འཇུག་པ་དྲི་ཟའི་རིགས། །ཁྱབ་བྱེད་ཅེས་བྱ་དྲི་ཟ་དང་། །དྲི་ཟ་པི་ཤ་པ་ན་དང་། །སྨྲ་འདོད་ཅེས་བྱའི་གནོད་བྱེད་རིགས། །ཀུན་ཏུ་རྟོག་འདོད་ཅེས་བྱ་བའི། །གནོད་བྱེད་ཝ་ར་ཧི་ཏའི་རིགས། །འཆི་ཁ་ཀུན་གྱི་དབུགས་གཏིང་ཟ། །ཕུང་པོ་བདག་ཏུ་བཟུང་བའི་ཕྱིར། །ཟ་འདྲེ་ཞེས་ནི་བྱ་བ་སྟེ། །ཚེ་འདས་རྣམས་ཀྱི་བླ་མ་བཟུང་། །གསོན་པོ་རྣམས་ཀྱི་གཤེད་མ་བྱེད། །དེ་ཕྱིར་གཤེད་ཅེས་བྱ་བ་ཡིན། །ཤི་བ་རྣམས་ཀྱི་ཉེ་དུར་སྤྲུལ། །ཁྱོད་ཀྱི་ཕ་མ་ང་ཡིན་ཟེར། །འོ་དོད་

― CMR038_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷང་ལྷང་འབོད་བྱེད་ཅིང་། །ཆགས་འཛིན་གདུང་སེམས་སྐྱེད་བྱེད་ནས། །ཐར་པ་ཐོབ་ཏུ་མི་འཇུག་པར། །ལྕགས་དང་རྡོས་སུ་བྱེད་པའི་ཕྱིར། །ཤི་གཤེད་གཤིན་ལྕགས་ཞེས་བྱ་བ། །བྱེ་བ་དུང་ཕྱུར་གྲངས་མེད་པ། །ཁྱེད་ཅག་མ་ལུས་ཐམས་ཅད་ལ། །གཤེད་མདོས་རྒྱན་ཅན་འདི་འབུལ་ལོ། །རང་རང་ཡིད་དང་མཐུན་པ་ཡི། །ལོངས་སྤྱོད་རྒྱ་ཆེན་ཐོབ་གྱུར་ཅིག །ལན་ཆགས་བུ་ལོན་བྱང་གྱུར་ཅིག །ཤི་ཕོ་རྣམས་ཀྱི་བླ་མ་བཟུང་། །གསོན་པོ་རྣམས་ཀྱི་གཤེད་མ་བྱེད། །གསོན་བདུད་གཤིན་ལྕགས་མ་བྱེད་པར། །བྱམས་པའི་སེམས་ཀྱིས་གནས་པར་མཛོད། །གཞན་ཡང་གཤེད་དང་དྲི་ཟའི་རིགས། །མོའུ་འགལ་བུ་ཡིས་གཟིགས་པ་ལྟར། །ཕྱོགས་རྣམས་ཀུན་ཏུ་རྒྱུག་པ་ཡི། །འདྲེ་གདོན་བྱེ་བ་གྲངས་མེད་དེ། །ཟ་འདྲེ་གཤེད་འཁྱམས་ཞེས་བྱ་བའི། །དེ་འདྲའི་རིགས་རྣམས་ཐམས་ཅད་ལ། །གཤེད་མདོས་རྒྱན་ཅན་འདི་འབུལ་ལོ། །བསྔོས་པ་ཙམ་གྱིས་ཚིམས་གྱུར་ཅིག །བཀྲེས་སྐོམ་སྡུག་བསྔལ་ཞི་གྱུར་ཅིག །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་

― CMR038_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཡིན་པ། །དགེ་སྦྱོང་ཆེན་པོའི་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །རང་བྱས་རང་ལ་སྡིག་པ་ཡིན། །མེ་ནི་གྲང་བར་འགྱུར་ཡང་སྲིད། །རླུང་ནི་ཞགས་པས་ཟིན་ཡང་སྲིད། །ཉི་ཟླ་ཐང་ལ་ལྷུང་ཡང་སྲིད། །རྒྱལ་བའི་བཀའ་ལ་རྫུན་མི་སྲིད། །དེ་ཕྱིར་བདེན་པའི་བཀའ་ལ་ཉོན། །ཡོན་བདག་མི་ནོར་འཁོར་བཅས་ལ། །གནོད་ཅིང་འཚེ་བར་མ་བྱེད་ཅིག །དེ་ནས་ལམ་བསྟན་ནི། ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། །དུང་མཁར་དཀར་པོ་ལྡེམས་སེ་ལྡེམ། །དུང་སྒོ་དཀར་པོ་ཁྲིགས་སེ་ཁྲིག །འདོད་ཡོན་སྣ་ཚོགས་སྤུངས་སེ་སྤུང་། །དྲི་ཟའི་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ལྷོ་ཕྱོགས་ཕ་ཀི་ན། །གསེར་མཁར་སེར་པོ་ལྡེམས་སེ་ལྡེམ། །གསེར་སྒོ་སེར་པོ་ཁྲིགས་སེ་ཁྲིག་

― CMR038_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་སྣ་ཚོགས་སྤུངས་སེ་སྤུང་། །གཤིན་རྗེའི་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག ། ཀྱི། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །ཟངས་མཁར་དམར་པོ་ལྡེམས་སེ་ལྡེམ། །ཟངས་སྒོ་དམར་པོ་ཁྲིགས་སེ་ཁྲིག །འདོད་ཡོན་སྣ་ཚོགས་སྤུངས་སེ་སྤུང་། །ཀླུ་ཡི་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག། ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཕྱོགས་ཕ་ཀི་ན། །ལྕགས་མཁར་ནག་པོ་ལྡེམས་སེ་ལྡེམ། །ལྕགས་མཁར་ནག་པོ་ཁྲིགས་སེ་ཁྲིག །འདོད་ཡོན་སྣ་ཚོགས་སྤུངས་སེ་སྤུང་། །གནོད་སྦྱིན་ཡུལ་གླིང་ཉམས་རེ་དགའ། །གཤེད་ཀྱི་ལམ་བསྟན་དེ་རུ་བསྟན། །ལམ་བསྟན་ཕྱིར་ལ་མ་ལྡོག་ཅིག །ཟ་འདྲེ་ཤི་གཤེད་ད་སོང་ཞིག །གལ་ཏེ་མི་འགྲོ་འདུག་གྱུར་ན། །ང་ནི་འཇམ་དཔལ་ནག་པོ་སྟེ། །གཤིན་རྗེ་ནག་པོ་ཐུགས་ཁྲོས་ནས། །མགོ་བོ་ཚལ་པ་བརྒྱ་རུ་འགས། །ལུས་ནི་དུམ་བུ་སྟོང་དུ་གཏུབ། །ཤ་རུས་སོ་སོར་ཕྱེ་བར་འགྱུར། །དེ་བས་རང་

― CMR038_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གནས་སུ་བྱེར། །ཨོཾ་པྲ་སོད་ཆུ་སོད་དུར་ཏ་སོད་དུར་མི་སོད། སྙིང་མགོ་ལ་ཆོད། གཉན་མགོ་ལ་ཆོད། ཁ་ལ་ཛཀཾ་ཤཾ་ཏྲི་རྦད་ཕཊ་སྭཱ་ཧཱ། རྩ་སྔགས་དང་། སརྦ་དུཊྚ་ཤཱནྟཾ་ཀུ་རུ་སྭཱ་ཧཱ། སརྦ་བིགྷཱན་ཤཱནཾ་ཀུ་རུ་སྭཱ་ཧཱ། ཨཱ་ཀོ་ཏ་ཡེ་ཨཱ་ཀོ་ཏ་ཡེ་སྭཱ་ཧཱ། སུམྦྷ་ནི་སོགས་བརྗོད། ཕྱོགས་གཙང་སའི་ཕྱོགས་སུ་བསྐྱལ། ཞེས་པ་འདི་ནི་ཀརྨ་སྔགས་འཆང་རཱ་ག་ཨ་སྱས་སྦྱར་བའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་གནམ་སྒོ་གཅོད་ཐབས།

― CMR038_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་གནམ་སྒོ་གཅོད་ཐབས་བཞུགས་སོ༔

― CMR038_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་དྷེ་ཝ་ཌཀི་ནི་ཧཱུྃ༔ གནམ་ཆོས་ཐུགས་ཀྱི་གཏེར་ཁ་ལས༔ སྤར་ཁའི་སྐག་བསྒྱུར་ཆེན་མོ་དང་༔ དགོངས་གཏེར་སྐག་ཟློག་ཆེན་མོ་དང་༔ སྡེ་བརྒྱད་ཁེང་ལོག་བརྒྱད་རྣམས་ཀྱི༔ དོན་བསྡུས་ས་སྒོ་གནམ་སྒོ་ཡི༔ ཡར་གྱི་གནམ་སྒོ་བཅོས་པ་ལ༔ ཁྱི་ཡི་ཐོད་པ་ཤ་མེད་བཞར༔ དཔྲལ་བར་ཁེན་གྱི་ཕྱག་རྒྱུ་དང་༔ ཡིག་མགོ་ཕྱི་བསྟན་འདི་དག་བྲི༔ ཨོཾ་མ་མ་དཾ་དཾ་སྭཱ་ཧཱ༔ བྷ་ཏ་ལི་ཟློག་ཅིག༔ གནམ་རིམ་པ་བཅུ་གསུམ་གྱི་གནམ་སྒོ་བྱེ་བ་གྱེན་དུ་ཆོད་ཅིག་བྲི༔ མཚུལ་པ་གཡས་ལ་ཉི་མ་དང་༔ ཨོཾ་ཁེན་ཁོ་ཧཱུྃ་ཕཊ༔ ཁེན་ཁེན་ཁེན་ཁེ་བྲི༔ མཚུལ་པ་གཡོན་ལ་ཟླ་བ་དང་༔ ཨེ་མོ་ཐེ་གནམ་ཟློག༔ ས་མ་ཡ་བྷྱོ་བྷྱོ་ཟློག་ཟློག་བྲི༔

― CMR038_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་བཀྲ་གཅིག་དང་འཕང་བཀྲ་གཅིག༔ ནམ་མཁའ་གཅིག་དང་ཤིང་རིས་གཅིག༔ རྩང་དམར་བཅུ་གསུམ་མཚུལ་པར་བཙུགས༔ ཟན་ཟོས་མི་རྒན་རྒུར་པོ་ཁྱི་བཅིབས་རལ་པ་སེར་ལ་སྐུ་མདོག་སེར༔ བཤོས་བུ་རྩེ་རིང་རྐང་པ་འཐིང་༔ རྩེ་ལ་མར་རྒྱན་ཟུར་གསུམ་བརྒྱན༔ དེ་དག་ཤུག་ལོ་མཉམ་དུ་ནི༔ ཆག་པ་གང་ཙམ་མཉམ་དུ་བཅིང་༔ ཉི་མ་ནུབ་བྱང་མཚམས་སུ་བཙུགས༔ དུས་ཚོད་ཁྱི་ཐོག་བཙུགས་ན་ལེགས༔ ཡང་ན་དང་པོ་བསངས་བྱས་ལ༔ བསང་གཞུང་ཐོན་ནས་བཏོན་ན་ལེགས༔ དེ་ནས་ཁ་འཛིན་ཁུ་ཡེ་བྱ༔ སྐྱབས་འགྲོ་ལ་སོགས་སྔོན་སོང་ནས༔ ཆུ་གཙང་བྲན་ཞིང་འདོན་སྒོམ་སྦྲགས༔ ཧཱུྃ༔ རང་ཉིད་སྐད་ཅིག་ཡི་དམ་གནས་འགྱུར་ནས༔ བཅོམ་ལྡན་གཤིན་རྗེའི་གཤེད་

― CMR038_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སྐུ་མདོག་དམར༔ ཞལ་གཅིག་ཕྱག་གཉིས་སྤྱན་གསུམ་མཆེ་བཞི་གཙིགས༔ ཕྱག་གཡས་མི་མགོ་རློན་པའི་དབྱུག་པ་ཕྱར༔ གཡོན་པས་ཁྲག་གི་ཐོད་པ་ཐུགས་ཀར་འཛིན༔ ཞབས་གཡས་བསྐུམས་པས་མ་ཧེའི་རྭ་བར་བརྫིས༔ ཞབས་གཡོན་བརྐྱང་བས་མ་ཧེའི་འཕོང་སྟེང་མནན༔ རང་འོད་རིག་མ་གྲི་ཐོད་འཛིན་པས་འཁྱུད༔ ཐོད་པ་སྐམ་རློན་སྟག་ཤམ་ཞིང་ལྤགས་སོགས༔ དུར་ཁྲོད་དཔལ་ཆས་ཡོངས་རྫོགས་མེ་ཀློང་བཞུགས༔ རིགས་བདག་རང་ཆས་དམ་ཡེ་དབྱེར་མེད་པའི༔ ཐུགས་ཀར་ཧཱུྃ་ལ་སྔགས་ཕྲེང་གཡས་སུ་འཁོར༔ ཨོཾ་ཧིཏྠི་ཝི་ཀྲི་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཁེན་གྱི་ཕྱོགས་ནི་ནུབ་བྱང་མཚམས་ན་འདུག༔ ཀྱཻ༔ ས་བདག་རྒྱལ་པོ་ཁེན་པ་ཁྱོད༔ ནུབ་བྱང་མཚམས་ནས་འདིར་གཤེགས་ལ༔ གླུད་དང་གཏོར་མ་འདི་ཁྱེར་ལ༔ བདག་ཅག་ཡོན་མཆོད་འཁོར་བཅས་ལ༔ ཡར་གྱི་གནམ་སྒོ་བྱེ་བ་དང་༔ ལོ་སྐག་ཟླ་སྐག་ཞག་སྐག་དང་༔ ཟ་མའི་སྐག་རྣམས་ཐམས་ཅད་ལས༔ ཐར་བའི་ཕྲིན་ལས་ད་མཛོད་ཅིག༔ ཨོཾ་ཁེན་ཁེན་ཁེན་ཁེ༔ ཨི་དཾ་བ་ལི་ཏ་ཁཱ་ཧི་ཁཱ་ཧི༔ ཀྱཻ༔ ཉི་མ་ནུབ་བྱང་མཚམས་ཤེད་ནས༔ རུས་སྦལ་རྐང་པ་

― CMR038_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་པའི་ཐད༔ རིམ་པ་བཅུ་གསུམ་ཡར་སྟེང་ནས༔ ཉི་མ་ཟླ་བའི་འགྲིམ་ལམ་ན༔ དགུང་སྔོན་མཐོན་པོའི་ཡར་སྟེང་ན༔ སྲིད་པའི་ཡབ་རྒན་རྒྱལ་པོ་སྟེ། ཕ་རྒན་དུང་གི་རལ་པ་ཅན༔ སྐུ་ལ་དར་སེར་འཇོལ་བེར་གསོལ༔ ཕྱག་ན་ཤེལ་གྱི་འཁར་བ་ཐོགས༔ ཆིབས་སུ་གནམ་ཁྱི་སེར་པོ་ཆིབས༔ གནམ་ཐེལ་གཟའ་སྐར་འཁོར་གྱིས་བསྐོར༔ ཁྱོད་ལ་མཆོད་པ་འབུལ་བ་ནི༔ བཤོས་བུ་རྩེ་རྒྱལ་ཟླུམ་པོ་ལ༔ རྩེ་ལ་མར་རྒྱན་ཟུར་གསུམ་བརྒྱན༔ བཤོས་བུ་རྐང་པ་འཐིང་བའི་ཚུལ༔ ལྷམ་ཡུ་གཡོན་གྱི་དུམ་བུ་དང་༔ དར་སེར་འབྲུ་སྣ་གསེར་ར་གན༔ ཁྱི་ཐོད་རྐང་གཡོན་ཤ་དུམ་འབུལ༔ ཁྱོད་ལ་མཐུན་པའི་རྫས་འབུལ་གྱིས༔ ཡབ་རྒན་མཉེས་ཤིང་ཚིམས་གྱུར་ནས༔ ཡོན་བདག་མི་ནོར་འཁོར་བཅས་ཀྱི༔ ཡར་གྱི་གནམ་སྒོ་བྱེ་བ་དང་༔ ལོ་ཟླ་ཞག་དང་དུས་ཚོད་ཀྱི༔ གནམ་སྒོ་བྱེ་བ་ད་ཆོད་ཅིག༔ ཀྱཻ༔ ཉི་མ་ཤར་གྱི་ཕྱོགས་རོལ་ན༔ མི།དཀར་རྟ་དཀར་སྤུངས་སེ་སྤུང་༔ ཕྱག་ན་མདུང་དར་དཀར་པོ་བསྣམས༔ གཟའ་ཆེན་སྤེན་པ་ཕོ་ཉར་འགྱེད༔ གནམ་ཁྱི་དཀར་པོ་ལས་ལ་འགྱེད༔ ཤར་ཕྱོགས་གནམ་ཁྱིའི་

― CMR038_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་པོ་ལ༔ ཁྱོད་ལ་མདོས་མཆོད་འབུལ་བ་ནི༔ རིན་ཆེན་དུང་ལས་གྲུབ་པ་ཡི༔ ཁྱི་ཐོད་འགྲམ་པ་གཡས་གཡོན་ལ༔ གསེར་གྱི་ཉི་མ་ཀྱི་ལི་ལི༔ དུང་གི་ཟླ་བ་སྒ་ར་ར༔ དཔྲལ་བར་ཁེན་གྱི་ཕྱག་རྒྱ་བྲི༔ ནམ་མཁའ་སྤྲིན་ཕུང་ཕྱུ་རུ་རུ༔ འཇའ་ཚོན་གུར་ཁང་ཀྱི་ལི་ལི༔ མདའ་བཀྲ་འཕང་བཀྲ་སི་ལི་ལི༔ རྩང་ཟོར་དམར་པོ་ཟངས་སེ་ཟང་༔ བལ་ཚོན་དཀར་པོ་སྤུངས་སེ་སྤུང་༔ ཞལ་ཟས་རྩེ་རྒྱལ་འཕང་རེ་མཐོ༔ མདོས་མཆོད་དམ་པ་འདི་བཞེས་ལ༔ ཤར་གྱི་གནམ་སྒོ་བྱེ་བ་ཆོད༔ བདག་དང་རྒྱུ་སྦྱོར་ཡོན་བདག་གི༔ བར་ཆད་རྐྱེན་རྣམས་བཟློག་ཏུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཀྱཻ༔ ཉི་མ་ལྷོ་ཡི་ཕྱོགས་རོལ་ནས༔ མི་སེར་རྟ་སེར་སྤུངས་སེ་སྤུང་༔ ཕྱག་ན་མདུང་དར་སེར་པོ་བསྣམས༔ གཟའ་ཆེན་སྤེན་པ་ཕོ་ཉར་འགྱེད༔ གནམ་ཁྱི་དཀར་པོ་ལས་ལ་འགྱེད༔ ལྷོ་ཕྱོགས་གནམ་ཁྱིའི་བདག་པོ་ལ༔ ཁྱོད་ལ་གླུད་མཆོད་འབུལ་བ་ནི༔ རིན་ཆེན་དུང་ལས་གྲུབ་པ་ཡི༔ ཁྱི་ཐོད་འགྲམ་པ་གཡས་གཡོན་ལ༔ གསེར་གྱི་ཉི་མ་ཀྱི་ལི་ལི། དུང་གི་ཟླ་བ་སྒ་ར་ར༔ དཔྲལ་བར་ཁེན་གྱི་ཕྱག་རྒྱ་བྲི༔ ནམ་

― CMR038_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་སྤྲིན་ཕུང་ཕྱུ་རུ་རུ༔ འཇའ་ཚོན་གུར་ཁང་ཀྱི་ལི་ལི༔ མདའ་བཀྲ་འཕང་བཀྲ་སི་ལི་ལི༔ ཆུང་ཟོར་དམར་པོ་ཟངས་སེ་ཟང་༔ བལ་ཚོན་དཀར་པོ་སྤུངས་སེ་སྤྱང་༔ ཞལ་ཟས་རྩེ་རྒྱལ་འཕང་རེ་མཐོ༔ མདོས་མཆོད་དམ་པ་འདི་བཞེས་ལ༔ ལྷོ་ཕྱོགས་གནམ་སྒོ་བྱེ་བ་ཆོད༔ བདག་དང་རྒྱུ་སྦྱོར་ཡོན་བདག་གི༔ བར་ཆད་རྐྱེན་རྣམས་བཟློག་ཏུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཀྱཻ༔ ཉི་མ་ནུབ་ཀྱི་ཕྱོགས་རོལ་ནས༔ མི་དམར་རྟ་དམར་སྤུངས་སེ་སྤུང་༔ ཕྱག་ན་མདུང་དར་དམར་པོ་བཟུང་༔ གཟའ་ཆེན་སྤེན་པ་ཕོ་ཉར་འགྱེད༔ གནམ་ཁྱི་དཀར་པོ་ལས་ལ་འགྱེད༔ ནུབ་ཕྱོགས་གནམ་ཁྱིའི་བདག་པོ་ལ༔ ཁྱོད་ལ་གླུད་མཆོད་འབུལ་བ་ནི༔ རིན་ཆེན་དུང་ལས་གྲུབ་པ་ཡི༔ ཁྱི་ཐོད་འགྲམ་པ་གཡས་གཡོན་ལ༔ གསེར་གྱི་ཉི་མ་ཀྱི་ལི་ལི༔ དུང་གི་ཟླ་བ་སྒ་ར་ར༔ དཔྲལ་བར་ཁེན་གྱི་ཕྱག་རྒྱ་བྲི༔ ནམ་མཁའ་སྤྲིན་ཕུང་ཕྱུ་རུ་རུ༔ འཇའ་ཚོན་གུར་ཁང་ཀྱི་ལི་ལི༔ མདའ་བཀྲ་འཕང་བཀྲ་སི་ལི་ལི༔ རྩང་ཟོར་དམར་པོ་ཟངས་སེ་ཟང་༔ བལ་ཚོན་དཀར་པོ་སྤུངས་སེ་སྤུང་༔ ཞལ་ཟས་རྩེ་རྒྱལ་འཕང་

― CMR038_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་མཐོ༔ མདོས་མཆོད་དམ་པ་འདི་བཞེས་ལ༔ ནུབ་ཀྱི་གནམ་སྒོ་བྱེ་བ་ཆོད༔ བདག་དང་རྒྱུ་སྦྱོར་ཡོན་བདག་གི༔ བར་ཆད་རྐྱེན་རྣམས་བཟློག་ཏུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཀྱཻ༔ ཉི་མ་བྱང་གི་ཕྱོགས་རོལ་ནས༔ མི་ལྗང་རྟ་ལྗང་སྤུངས་སེ་སྤུང་༔ ཕྱག་ན་མདུང་དར་ལྗང་གུ་བསྣམས༔ གཟའ་ཆེན་སྤེན་པ་ཕོ་ཉར་འགྱེད༔ གནམ་ཁྱི་དཀར་པོ་ལས་ལ་འགྱེད༔ བྱང་ཕྱོགས་གནམ་ཁྱིའི་བདག་པོ་ལ༔ ཁྱོད་ལ་གླུད་མཆོད་འབུལ་བ་ནི༔ རིན་ཆེན་དུང་ལས་གྲུབ་པ་ཡི་ཁྱི་ཐོད་འགྲམ་པ་གཡས་གཡོན་ལ༔ གསེར་གྱི་ཉི་མ་ཀྱི་ལི་ལི༔ དུང་གི་ཟླ་བ་སྒ་ར་ར་་དཔྲལ་བར་ཁེན་གྱི་ཕྱག་རྒྱ་བྲི༔ ནམ་མཁའ་སྤྲིན་ཕུང་ཕྱུ་རུ་རུ༔ འཇའ་ཚོན་གུར་ཁང་ཀྱི་ལི་ལི༔ མདའ་བཀྲ་འཕང་བཀྲ་སི་ལི་ལི༔ རྩང་ཟོར་དམར་པོ་ཟངས་སེ་ཟང་༔ བལ་ཚོན་དཀར་པོ་སྤུངས་སེ་སྤུང་༔ ཞལ་ཟས་རྩེ་རྒྱལ་འཕང་རེ་མཐོ༔ མདོས་མཆོད་དམ་པ་འདི་བཞེས་ལ༔ བྱང་གི་གནམ་སྒོ་ཆོད་པར་མཛོད༔ བདག་དང་རྒྱུ་སྦྱོར་ཡོན་བདག་བར་ཆད་རྐྱེན་རྣམས་བཟློག་ཏུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔

― CMR038_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱེ༔ ཉི་མ་སྟེང་གི་ཕྱོགས་རོལ་ནས༔ མི་སྔོན་རྟ་སྔོན་སྤུངས་སེ་སྤུང་༔ ཕྱག་ན་མདུང་དར་སྔོན་པོ་བསྣམས༔ གཟའ་ཆེན་སྤེན་པ་ཕོ་ཉར་འགྱེད༔ གནམ་ཁྱི་དཀར་པོ་ལས་ལ་འགྱེད༔ སྟེང་ཕྱོགས་གནམ་ཁྱིའི་བདག་པོ་སྟེ༔ ཁྱོད་ལ་མདོས་མཆོད་འབུལ་བ་ནི༔ རིན་ཆེན་དུང་ལས་གྲུབ་པ་ཡི༔ ཁྱི་ཐོད་འགྲམ་པ་གཡས་གཡོན་ལ༔ གསེར་གྱི་ཉི་མ་ཀྱི་ལི་ལི༔ དུང་གི་ཟླ་བ་སྒ་ར་ར༔ དཔྲལ་བར་ཁེན་གྱི་ཕྱག་རྒྱ་བྲི༔ ནམ་མཁའ་སྤྲིན་ཕུང་ཕྱུ་རུ་རུ༔ འཇའ་ཚོན་གུར་ཁང་ཀྱི་ལི་ལི༔ མདའ་བཀྲ་འཕང་བཀྲ་སི་ལི་ལི༔ རྩང་ཟོར་དམར་པོ་ཟངས་སེ་ཟང་༔ བལ་ཚོན་དཀར་པོ་སྤུངས་སེ་སྤུང་༔ ཞལ་ཟས་རྩེ་རྒྱལ་འཕང་རེ་མཐོ༔ མདོས་མཆོད་དམ་པ་འདི་བཞེས་ལ༔ སྟེང་གི་གནམ་སྒོ་བྱེ་བ་ཆོད༔ བདག་དང་རྒྱུ་སྦྱོར་ཡོན་བདག་གི༔ བར་ཆད་རྐྱེན་རྣམས་བཟློག་ཏུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཁྱི་མགོ་ནུབ་བྱང་མཚམས་སུ་འཛུགས༔ གླུད་དང་སྤར་བཏབ་ལོ་བདུད་སྟེང་དུ་བསྐྱལ་ཀྱེ༔ གནམ་ས་རིམ་པ་བཅུ་གསུམ་ནས༔ ཡར་གྱི་གནམ་སྒོ་བྱེ་བ་ཆོད༔ འབྱུང་བ་གནམ་གྱི་དལ་ཁ་ཟློག༔ ཕྱི་ནང་གསང་བ་གནམ་

― CMR038_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྐག༔ གནམ་སྒོ་ཆོད་ལ་སྐག་རྣམས་ཟློག༔ ལི་དང་ཁེན་ལ་སྤུང་པ་ཡི༔ བུག་པའི་གནམ་སྒོ་བྱེ་བ་ཆོད༔ ལོ་ཟླ་ཞག་དང་དུས་ཚོད་ལ༔ རྟ་སྦྲུལ་ཁྱི་དང་ཁེན་ལ་ཕྱིན༔ གནམ་གྱི་དུར་སྐག་ལང་བ་ཟློག༔ གནམ་སྐག་ཐོག་དང་སེར་བ་ཟློག༔ གནམ་རྡོ་དུས་མིན་ཁ་ཆར་ཟློག༔ གནམ་ཁྱིས་ངུ་ཟུག་བྱེད་པ་ཟློག༔ གནམ་ཐེལ་ས་ལ་བབ་པ་ཟློག༔ གཟའ་སྐར་ས་ལ་ལྷུང་བ་ཟློག༔ གནམ་ནད་ལྡང་བའི་གདོང་ཐུག་ཟློག༔ གནམ་གྱི་དལ་ཁ་བབ་པ་ཟློག༔ སྐར་མདའ་ས་ལ་བབ་པ་ཟློག༔ བྱ་ཐལ་ལུས་ལ་ཕོག་པ་ཟློག༔ གཟའ་ཆེན་བརྒྱད་ཀྱི་གཟེར་འདེབས་ཟློག༔ གཟའ་དང་རྒྱུ་སྐར་འཁྲུག་པ་ཟློག༔ རྒྱུ་སྐར་རྣམས་ཀྱི་ཉེས་སྐྱོན་ཟློག༔ འཇའ་སྣ་ཁྱིམ་དུ་ཟུག་པ་ཟློག༔ གཡུ་འབྲུག་ས་ལ་བབ་པ་ཟློག༔ གནམ་རྟ་གནམ་ལུག་བབ་པ་ཟློག༔ འུར་སྒྲ་ཐུག་ཆོམ་འབྱུང་བ་ཟློག༔ གཟའ་བདུད་རྒྱུག་གྲངས་མང་བ་ཟློག༔ གྲོང་ཁྱེར་སྟོང་པའི་གནམ་སྐག་ཟློག༔ སྦ་ཁྱིམ་སྟོང་པའི་གནམ་སྐག་ཟློག༔ བང་མཛོད་སྟོང་པའི་གནམ་སྐག་ཟློག༔ མེད་སྣང་ལྟོགས་སྣང་གནམ་སྐག་ཟློག༔ སྟོང་པ་ནམ་མཁའི་སྐག་རྣམས་ཀུན༔ བཟློག་ཅིང་གནམ་

― CMR038_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་བྱེ་བ་ཆོད༔ གནམ་སྒོ་བྱེ་བ་ཆོད་པར་མཛོད༔ ས་སྒོ་བྱེ་བ་ཆོད་པར་མཛོད༔ བཅོལ་བའི་ཕྲིན་ལས་འགྲུབ་པར་མཛོད༔ ཨེ་མེ་ཐེ་གནམ་ཟློག༔ སྔགས་དེ་ཅི་མང་དང་རྟེན་འབྲེལ་སྙིང་པོ་དང་དབྱངས་གསལ་བྱེད་རྣམས་བརྗོད༔ དེ་ནས་བཀྲ་ཤིས་སོགས་བརྗོད་ན་ལེགས༔ དེ་ནས་ཁ་འཛིན་དང་ཁུ་ཡེ་བཀྱག་པར་བྱ༔ དེ་ལ་སྤར་ཁ་བརྒྱད་ཀྱི་སྐག་ཟློག་ནི༔ སྤར་ཁའི་སྐག་ཟློག་གཞུང་དུ་གསལ༔ དེ་ཕྱིར་འདིར་ནི་མ་བཀོད་དོ༔ ཕྱོགས་ཀྱི་སྐག་རྣམས་བཅའ་བ་དང་༔ དགྲ་ཡི་སྐག་ཟློག་བཅའ་བ་དང་༔ ཁ་མཆུའི་སྐག་ཟློག་བཅའ་བ་དང་༔ མེ་མཆོད་གྲུ་ཁ་རབ་སོ་དང་༔ གློ་བུར་ཇག་རྐུན་ལ་སོགས་ལ༔ དམིགས་པ་བསྒོམ་ཞིང་སྔགས་ཟློག་ཆོག༔ གཏེར་གཞུང་དེ་ཡི་ལུགས་སུ་གསུངས༔ ཆུང་གཏོའི་རིགས་ནི་འགའ་ཟུང་དང་༔ སྤར་ཁའི་གཟེང་ལྡན་གདན་བགོས་དང་༔ གནམ་སྒོ་ས་སྒོ་བལྟས་ཆོག་དང་༔ དེ་རྣམས་འདོན་ཆ་གཞུང་ན་མི་གསལ་བས༔ དེ་ཕྱིར་འདོན་ཆ་བཅས་པ་འདི༔ ཕྱོགས་སུ་དཔེ་ཚན་གཅིག་ལ་བསྒྲིགས༔ སྔགས་ཆུང་རྣམས་ལ་ཕན་པའི་ཕྱིར༔ ཕྱག་ལེན་གསལ་ཞིང་ཁྱེར་བདེ་བ༔ གཏེར་བློན་རཱ་ག་ཨ་སྱས་བྲིས༔ ཀརྨ་ཡང་དག་ཡི་གེར་བཀོད༔ ཉེས་འགལ་འཇམ་དབྱངས་ལྷ་ལ་བཤགས༔ དགེ་བས་འདི་ཉིད་ཆེར་འཕེལ་ནས༔ མ་འོངས་རྐང་གཉིས་འགྲོ་རྣམས་ལ༔ ཕན་ཐོགས་རྒྱ་ཆེན་འཕེལ་བར་ཤོག༔ མངྒ་ལཾ༔

གནམ་ཆོས་ཐུགས་ཀྱི་གཏེར་ཁ་ལས་ས་སྒོ་གཅོད་ཐབས་ཟབ་མོ།

― CMR038_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་ལས་ས་སྒོ་གཅོད་ཐབས་ཟབ་མོ་བཞུགས་སོ༔

― CMR038_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་དྷེ་ཝ་ཌཱཀྐི་ནཱི༔ གནམ་ཆོས་ཐུགས་ཀྱི་གཏེར་ཁ་ལས༔ སྤར་ཁའི་སྐག་བསྒྱུར་ཕྱག་ལེན་དང་༔ ལས་ཧུར་དྲག་མོའི་སྐག་ཟློག་དང་འཕགས་པ་འཇམ་དབྱངས་མཛད་པ་དང་༔ དེ་དག་རྣམས་ཀྱི་དོན་བསྡུས་ནས༔ ས་སྒོ་བྱེ་བ་གཅོད་ཐབས་ནི༔ ལུག་མགོ་དངོས་སམ་བཟོས་པ་ལ༔ དཔྲལ་བར་ཁོན་གྱི་ཕྱག་རྒྱ་བྲི༔ འགྲམ་པ་གཡས་ལ་སྔགས་འདི་བྲི༔ ཨོཾ་ཁོན་ཁཾ་ཧཱུྃ་ཧཱུྃ་ཕཊ་ཕཊ་སྭཱ་ཧི༔ འགྲམ་པ་གཡོན་ལ་འདི་དག་བྲི༔ ལཾ་མ་ན་ས་ཟློག༔ མཚུལ་པའི་ནང་དུ་འདི་དག་གོ༔ ཨོཾ་ཁ་བྷི་རུ་སྭ་ཧཱཿ དེ་ལ་ཞོན་པའི་ངར་མི་ནི༔ བུད་མེད་རྒན་མོ་ལུག་ཞོན་ཅན༔ འོག་ན་རྡོ་ལུག་གྲོ་མོ་བཅིབས༔ གཉེར་མ་སྐྲ་དཀར་སྐུ་མདོག་སེར༔ གཡས་གཡོན་འཇོར་དང་དབྱག་པ་

― CMR038_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས༔ གཡས་སུ་བཤོས་ཟླུམ་མདུན་ཤྭ་དང་༔ གཡོན་དུ་ལྕོག་རྡོག་ཟླུམ་པོ་བཞག༔ ཆུ་གཙང་བྲན་ཞིང་འདི་ལྟར་དུ༔ གྱེར་སྒོམ་སྦྲགས་པས་འཐུས་པ་ཡིན། ཧཱུྃ༔ རང་ཉིད་སྐད་ཅིག་ཡི་དམ་གནས་འགྱུར་ནས༔ བཅོམ་ལྡན་གཤིན་རྗེའི་གཤེད་པོ་སྐུ་མདོག་དམར༔ ཞལ་གཅིག་ཕྱག་གཉིས་སྤྱན་གསུམ་མཆེ་བཞི་གཙིགས༔ ཕྱག་གཡས་མི་མགོ་རློན་པའི་དབྱུག་པ་ཕྱར༔ གཡོན་པས་ཁྲག་གི་ཐོད་པ་ཐུགས་ཀར་འཛིན༔ ཞབས་གཡས་བསྐུམས་པས་མ་ཧེའི་རྭ་བར་བརྫི་ས༔ ཞབས་གཡོན་བརྐྱང་བས་མ་ཧེའི་འཕོང་སྟེང་མནན༔ རང་འོད་རིག་མ་གྲི་ཐོད་འཛིན་པས་འཁྱུད༔ ཐོད་པ་སྐམ་རློན་

― CMR038_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་ཤམ་ཞིང་ལྤགས་སོགས༔ དུར་ཁྲོད་དཔལ་ཆས་ཡོངས་རྫོགས་མེ་ཀློང་བཞུགས༔ རིགས་བདག་རང་ཆས་དམ་ཡེ་དབྱེར་མེད་པའི་ཐུགས་ཀར་ཧཱུྃ་ལ་སྔགས་ཕྲེང་གཡས་སུ་འཁོར༔ ཨོཾ་ཧྲཱིཿཥྚི་ཝི་ཀྲྀ་ཏ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ བཟླས་པ་གང་ཐོན་འགྲུབ་ནས་འདི་ཉིད་གྱེར། ༈ ཁོན་ཕྱོགས་ནི་ལྷོ་ནུབ་ཕྱོགས་ན་འདུག༔ དུས་ཚོད་གཅིག་ཏུ་མེད་ན་ཡང་དེ་རིང་ལྷོ་ནུབ་མཚམས་ནས་གཤེགས༔ གཏོར་མ་འདི་བཞེས་ས་སྒོ་བྱེ་བ་ཆོད༔ ཀྱཻ༔ ས་བདག་ཁོན་མ་ཁྱོད་ཀྱིས་ནི༔ ལུག་མགོ་གཏོར་མ་འདི་བཞེས་ལ༔ བདག་ཅག་རྣམས་ལ་ལོ་ཟླ་ཞག༔ ཟ་མའི་ས་སྒོ་བྱེ་བ་ལ༔ ཆོད་པའི་ཕྲིན་ལས་ད་མཛོད་ཅིག༔ ཨོཾ་ཁོན་ཁོ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཨོཾ་ཁོན་ཁོན་ཁོ་སྭཱ་ཧཱ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ལན་བདུན་བརྗོད། ཀྱཻ༔ ཉི་མ་ལྷོ་ནུབ་ཕ་ཀི་ནས༔ རུས་སྦལ་ལག་པ་གཡོན་པ་ན༔ རིམ་པ་བདུན་གྱི་ས་འོག་ནས༔ དབང་ཆེན་གསེར་གྱི་ས་གཞིའི་སྟེང་༔ གསེར་གྱི་ཁང་བཟང་འབར་བ་ནས༔ བྱོན་པའི་བུད་མེད་རྫུ་འཕྲུལ་ཅན༔ སྲིད་པ་གསུམ་གྱི་ཡུམ་རྒན་ཏེ༔ རྒན་མོ་སྒུར་མོ་ལུག་ལ་ཞོན༔ དབུ་སྐྲ་དུང་ལྟར་དཀར་བ་ལ༔ གཉེར་མ་

― CMR038_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཅུ་ཐམ་པ་བགྲངས༔ སྐུ་ལ་དར་སེར་ན་བཟའ་གསོལ༔ ལག་ན་འཇོར་དང་དབྱིག་པ་ཐོགས༔ ས་སྒོ་བྱེ་བ་གཅོད་པར་བྱེད༔ ས་བདག་ས་སྲིན་འཁོར་སྐོར༔ ཁྱོད་ལ་མཆོད་པ་འབུལ་བ་ནི༔ ངར་མི་ལུག་གི་མགོ་བོ་ལ༔ དཔྲལ་བར་ཁོན་གྱི་ཕྱག་རྒྱ་བྲི༔ བཤོས་བུ་ཟླུམ་པོ་མདུན་ཤྭ་ལ༔ གཡས་གཡོན་ལྕོག་ཟླུམ་གཉིས་ཀྱིས་བརྒྱན༔ ལག་གཡོན་ཤ་དང་ལུག་མགོ་ཕུ་དུང་གཡོན༔ དར་སེར་གསེར་གཡུ་གྲོ་ནས་མཆོད་པ་འབུལ༔ མཐུན་རྫས་འདི་བཞེས་མཉེས་ཤིང་ཚིམས་གྱུར་ནས༔ རྒྱུ་སྦྱོར་ཡོན་གྱི་བདག་པོ་ཡི༔ ས་བདག་གནམ་ཁྱི་མ་འཁོང་ཞིག༔ ལྷོ་ནུབ་མཚམས་ཀྱི་ས་སྒོ་ཆོད༔ ས་སྲི་དུར་སྲི་མ་ལྡང་ཞིག༔ ས་སྒོ་བྱེ་བ་བཟློག་ཏུ་གསོལ༔ དུར་སྒོ་བྱེ་བ་བཅད་དུ་གསོལ༔ ལུག་ཞོན་གླུད་ལོ་བདུད་སྟེང་དུ་ཕུལ། ཀྱཻ༔ ཡེ་མཁྱེན་འཕྲུལ་གྱི་ཞལ་ན་རེ༔ མར་གྱི་ས་སྒོ་བཅད་པ་ནི༔ ས་རིམ་པ་གཅིག་གི་ས་སྒོ་ནི༔ ཐོད་པ་སྣ་དགུས་མར་ལ་བཅད༔ ས་སྒོ་བྱེ་བ་བཅད་དུ་གསོལ༔ དུར་སྒོ་བྱེ་བ་བཅད་དུ་གསོལ༔ ས་སྒོ་དུར་སྒོ་བྱེ་བ་ཆོད༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་གཉིས་ཀྱི་ས་སྒོ་

― CMR038_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

ནི༔ གཡག་དང་དོམ་གྱི་ཐོད་པས་ཆོད༔ ས་སྒོ་བྱེ་བ་བཅད་དུ་གསོལ༔ དུར་སྒོ་བྱེ་བ་བཅད་དུ་གསོལ༔ ས་སྒོ་དུར་སྒོ་མ་བྱེ་ཞིག༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་གསུམ་གྱི་ས་སྒོ་ནི༔ དུར་ཕག་ཐོད་པས་མར་ལ་བཅར༔ ས་སྒོ་བྱེ་བ་བཅད་དུ་གསོལ༔ དུར་སྒོ་བྱེ་བ་བཅད་དུ་གསོལ༔ ས་སྒོ་དུར་སྒོ་མ་བྱེ་ཞིག༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་བཞི་ཡི་ས་སྒོ་ནི༔ དྲེད་མོང་ཐོད་པས་མར་ལ་བཅད༔ ས་སྒོ་བྱེ་བ་བཅད་དུ་གསོལ༔ དུར་སྒོ་བྱེ་བ་བཅད་དུ་གསོལ༔ ས་སྒོ་དུར་སྒོ་མ་བྱེ་ཞིག༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་ལྔ་ཡི་ས་སྒོ་ནི༔ གཡག་རུ་གཡོན་མས་མར་ལ་བཅད༔ ས་སྒོ་བྱེ་བ་བཅད་དུ་གསོལ༔ དུར་སྒོ་བྱེ་བ་བཅད་དུ་གསོལ༔ ས་སྒོ་དུར་སྒོ་མ་བྱེ་ཞིག༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་དྲུག་གི་ས་སྒོ་ནི༔ ར་རོག་ཐོད་པས་མར་ལ་བཅད༔ ས་སྒོ་དུར་སྒོ་བྱེ་བ་བཅད་དུ་གསོལ༔ ས་སྒོ་དུར་སྒོ་མ་བྱེ་ཅིག༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་བདུན་གྱི་ས་སྒོ་ནི༔ ཁྱི་ཡི་ཐོད་པས་མར་ལ་བཅད༔ ས་སྒོ་བྱེ་བ་བཅད་དུ་

― CMR038_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ༔ དུར་སྒོ་བྱེ་བ་བཅད་དུ་གསོལ༔ ས་སྒོ་དུར་སྒོ་མ་བྱེ་ཞིག༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་བརྒྱད་ཀྱི་ས་སྒོ་ནི༔ རྟ་ཡི་རྨིག་པས་མར་ལ་བཅད༔ ས་སྒོ་བྱེ་བ་བཅད་དུ་གསོལ༔ དུར་སྒོ་བྱེ་བ་བཅད་དུ་གསོལ༔ མཐུ་སྟོབས་ལས་མཛོད་རྐྱེན་ངན་ཟློག༔ ས་རིམ་པ་དགུ་ཡི་ས་སྒོ་ནི༔ ཐོད་སྣ་དགུ་ཡིས་མར་ལ་བཅད༔ ས་སྒོ་བྱེ་བ་བཅད་དུ་གསོ༔ དུར་སྒོ་བྱེ་བ་བཅད་དུ་གསོལ༔ མཐུ་སྟོབས་ལས་མཛོད་རྐྱེན་ངན་ཟློག༔ བདག་དང་རྒྱུ་སྦྱོར་ཡོན་བདག་གི༔ ཡར་གྱི་གནམ་སྒོ་བྱེ་བ་ཟློག༔ བར་ནས་ནད་སྒོ་བྱེ་བ་ཟློག༔ འོག་ནས་ས་སྒོ་བྱེ་བ་ཟློག༔ ས་ཡི་གནོད་པ་ས་སྐག་ཟློག༔ སྟག་ཡོས་ཁོན་ལ་ཕྱིན་པ་ཡི༔ སྤར་ཁ་ས་ཡི་དུར་སྐག་ཟློག༔ ལོ་ཟླ་ཞག་དུས་ལུག་གི་སྟེང་༔ སྟག་ཡོས་ཕྱིན་པའི་དུར་སྐག་ཟློག༔ ལྔ་སེར་སྟེང་དུ་རྩུབ་པ་ཡི༔ སྨེ་བའི་ས་སྒོ་རྩུབ་པ་ཟློག༔ ས་ལོ་བཅུ་གཉིས་སྟེང་རྩུབ་པའི་ལོ་རྒན་དྲུག་ཅུའི་ས་སྐག་ཟློག༔ གཤེད་བཞིའི་སྟེང་དུ་རྩུབ་པ་ཡི༔ རྒྱལ་པོ་ལོ་ཡི་ས་སྐག་ཟློག༔ ཐ་ཆུང་བཞི་ལ་རྩུབ་པ་ཡི༔ བློན་པོ་ཟླ་བའི་ས་སྐག་ཟློག༔ དམག་མི་ཞག་

― CMR038_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ས་སྐག་ཟློག༔ དུས་ཚོད་མཚོན་ཆའི་ས་སྐག་ཟློག༔ རི་ཉིལ་ས་ལོག་མཁར་ཁང་འགྱེལ༔ ཕྱི་རོལ་སྣོད་ཀྱི་ས་སྐག་ཟློག༔ སྣང་ལྷོག་ས་སྐྱོན་ཤ་ལྷག་སོགས༔ ལུས་ཀྱི་ས་སྒོ་བྱེ་བ་ཟློག༔ ཕོ་བའི་ནད་དང་མཚེར་པའི་ནད༔ དོན་དང་སྣོད་ཀྱི་ས་སྐག་ཟློག༔ རྐང་ལག་སྐང་པ་ཞ་རེང་སོགས༔ ཡན་ལག་བཞི་ཡི་ས་སྐག་ཟློག༔ ས་བདག་འཁྲུགས་པའི་གནོད་པ་ཟློག༔ ཕྱི་དང་ནང་གི་གནོད་པ་ཟློག༔ ལྡི་འཐིབ་སྙིང་འདར་སྨུག་པ་སོགས༔ གསང་བ་སེམས་ཀྱི་ས་སྒོ་ཆོད༔ ལཾ་མ་ན་ས་ཟློག༔ དེ་ལ་མང་དུ་བརྗོད་བྱས་ལ༔ དུས་ཚོད་ཕྱེད་ཡོལ་ལུག་གི་དུས༔ ཉི་མ་ལྷོ་ནུབ་ཕྱོགས་མཚམས་སུ༔ བྲག་ཁུང་ཕུག་པ་ཕྱི་ཁུང་དང་༔ ལྷོ་ནུབ་སྒོ་ནི་བསྟན་པ་ནི༔ དེ་ཡི་སྒོ་ཐེམ་ཞབས་སུ་བཞག༔ འགའ་ཞིག་རྒྱ་སྒོ་གར་བསྟན་གྱི༔ ཞབས་སུ་བཞག་པ་མང་པོས་བྱེད༔ དེ་འདྲ་བྱས་ཀྱང་ལམ་མི་འགྲོ༔ ཁང་པའི་སྒོ་ནི་ས་སྒོ་མིན༔ ལོ་སྐོར་བཅུ་གཉིས་ལོ་མལ་གྱི༔ ལྷོ་ནུབ་ལུག་གི་སྟེང་དེ་ནི༔ ལོ་སྐོར་བཅུ་གཉིས་ས་སྒོ་ཡིན༔ དེ་ཕྱིར་དེ་དག་ཕྱོགས་སུ་བཞག༔ ཅེས་པ་སྤར་ཁའི་ཆུ་གཟིང་དང་ནི་འབོ་རེ་དང་༔ བྱིས་ཁྲ་སྤར་འགྱེད་མར་མེ་དོང་ཐལ་དང་༔ ཟམ་ཐུག་བགཏོ་དང་གདན་གཏོ་གདན་བགོས་དང་༔ གནམ་ཆོས་སྐག་ཟློག་ཚན་པ་ལྔ་པོ་དང་༔ དགོངས་གཏེར་སྐག་ཟློག་ཚན་པ་ལྔ་དང་ནི༔ གནམ་སྒོ་དང་ནི་ས་སྒོ་གཅོད་

― CMR038_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

སཾ༔ ཐབས་དང་༔ བསེ་རག་བཀར་ཡས་ཟིན་བྲིས་དང་བཅས་པའི༔ སྤར་ཁའི་གཏོ་བརྒྱད་རྒྱས་འབྲིང་བསྡུས་གསུམ་རྣམས༔ ཁ་ཐུབ་ལོགས་ན་གསལ་བའི་ཕྱིར༔ འདིར་ནི་བཀོད་ནི་མ་མཛད་དོ༔ དེ་མིན་ཚན་པ་བཅུ་པོ་ལ༔ བྱིན་རླབས་བསྔོ་སྦྱངས་ལག་ལེན་ཆ་མ་ཚང་༔ ཚིག་རིས་རྣམས་ཀྱང་མ་དག་དོན་མེད་མང་༔ དེ་ཕྱིར་མ་འོངས་རྣམས་ལ་ཕན་སེམས་ཀྱིས༔ ༈ རིག་འཛིན་ཆེན་པོ་མི་འགྱུར་རྡོ་རྗེ་ལ༔ འཇམ་དབྱངས་ཉིད་ཀྱིས་མངོན་སུམ་གསུངས་པ་ཡི༔ འདོན་ཆ་གཏེར་བློན་རཱ་ག་ཨ་སྱས་སྦྱར༔ སྔགས་འཆང་གསར་བུ་ཤེས་རབ་འཕེལ་བའི་ཕྱིར༔ མིའུ་རིན་ཆེན་ཚེ་མཐར་ཕྱིན་པར་ཤོག༔ བཀྲ་ཤིས་དགེའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་སྒོ་དང་ས་སྒོ་གཅོད་ཐབས།

― CMR038_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་རཱ་གས་མཛད་པའི་གནམ་སྒོ་དང་ས་སྒོ་གཅོད་ཐབས་བཞུགས་སོ།། ༈ ན་མོ་མཉྫའི་ཡེ། ཁྱི་ཐོད་འགྲམ་པ་གཉིས་ལ་ཉི་ཟླ་བྲི། དཔྲལ་བར་ཁེན་གྱི་ཕྱག་རྒྱ་བྲི། ཤིང་རིས་འཇའ་རིས་རྒྱབ་ཏུ་སྔགས་འོག་མ་དང་རྟེན་འབྲེལ་སྙིང་པོ་བྲིས་པ། ནམ་མཁའ་ཤིང་རྩི། བཤོས་བུ་རྩེ་ལྔ་པ་ལ་འབྲུ་སྣ་ལྔ། ཨ་ཀཱ་རོས་བྱིན་གྱིས་བརླབས་ལ། ཀྱཻ། གནམ་གྱི་རིམ་པ་བཅུ་གསུམ་ན། །བདུད་ཀྱི་རྒྱལ་པོ་རེ་རེ་བཞུགས། །དེ་ལ་སྐུ་གླུད་གཏོར་མ་འབུལ། །དེ་སྟེང་རིམ་པ་བཅུ་གསུམ་ན། །བདུད་བཙན་རྗེ་བོ་རེ་རེ་བཞུགས། །ཡས་དང་གླུད་ལ་མི་དགྱེས་པས། །ཡས་ལམ་ཕྱེས་ལ་སྐུ་གཟུར་ཅིག །གནམ་གྱི་རིམ་པ་བཅུ་གསུམ་ན། །བདུད་རྗེ་རེ་ལྡེ་མགོ་ཉག་བཞུགས། །དེ་ལ་ཡས་གླུད་གཏོར་མ་འབུལ། །གནམ་སྒོ་ཆོད་ལ་མ་བྱེ་ཅིག །དེ་སྟེང་རིམ་པ་བཅུ་གསུམ་ན། །བདུད་རྗེ་བདུད་བཙན་རེ་རེ་བཞུགས། །ཡས་གླུད་བཤོས་བུ་རྩེ་མང་འབུལ། །གནམ་གྱི་སྒོ་མོ་བཅུ་གསུམ་ཆོད། །འདན་བུ་ཆུག་ལ་ལྡེའུ་མིག་སྐུང་། །གནམ་ནད་སྒོ་མོ་གྱེན་དུ་ཆོད། །ཁྱད་པར་ཉི་མ་ནུབ་བྱང་གི །ནམ་མཁའ་གཡུ་ཡི་ལྡིང་ཁང་ནས། །སྲིད་པ་གསུམ་གྱི་མེས་པོ་སྟེ། །ཁེན་པ་རྒན་པོས་གནམ་ཁྱི་

― CMR038_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིབས། །མི་རྒན་དུང་རལ་དར་དཀར་གསོལ། །ཤེལ་གྱི་འཁར་བ་ལག་ན་ཐོགས། །གནམ་ཐེལ་དཀར་པོ་ལས་ལ་རྦད། །གཟའ་ཆེན་སྤེན་པ་ཕོ་ཉར་འགྱེད། །ཁྱེད་ལ་གཏོར་གླུད་འབུལ་བ་ནི། །དུང་གི་ཁྱི་ཐོད་ཉི་ཟླས་བརྒྱན། །དཔྲལ་བར་ཁེན་གྱི་ཕྱག་རྒྱ་བྲི། །ནམ་མཁའ་འཇའ་རིས་ཤིང་རྩི་དང་། །བཤོས་བུ་འབྲུ་སྣ་མཆོད་པ་འབུལ། །ཡར་གྱི་གནམ་སྒོ་བྱེ་བ་ཆོད། །གནམ་ཐིལ་གདུག་པ་མ་གཏོང་ཞིག །ཐོག་དང་སེར་ཟེར་མ་གཏོང་ཞིག །གཟའ་ནད་དལ་ཡམས་མ་གཏོང་ཞིག །གནམ་སྒོ་རྣམ་ལྔ་བྱེ་བ་ཆོད། །གནམ་ཐེལ་གདུག་པ་མ་གཏོང་ཞིག །ཨོཾ་སརྦ་ཏཾ་ཏྲི་སྭཱ་ཧཱ། བྷ་ཏ་ལི་ཟློག །ཅེས་ཚར་བཅུ་གསུམ་འདོན་ལ་ཁྱི་མགོ་ནུབ་བྱང་དུ་བཙུགས། རྟེན་འབྲེལ་སྙིང་པོ་བརྗོད། གཏོར་མ་འབྲུ་སྣ་གནམ་དུ་གཏོར། ཁེན་བུག་གམ་སྤུངས་ལ། མི་རྒན་ལ་ཁར་ཕྱིན་པ། གཟའ་ནད་མང་བ་ཐོག་སེར་རྒོད་པ་ལ་རྟེན་འབྲེལ་གྱིས་ཕན་ནོ། །ཞེས་༧རཱ་ག་ཨ་སྱས་བསྒྲིགས་པའོ།། ༈ །།ས་སྒོ་གཅོད་ཐབས་བཞུགས་སོ། །ན་མོ་མཉྫའི་ཡེ། ལུག་ཐོད་དཔྲལ་བར་ཁོན་གྱི་ཕྱག་རྒྱ་བྲི། དེ་ལ་ངར་མི་བསྐྱོན་ཞིང་འབྲུ་སྣ་བཤོས་བུ་མང་ལ་ཆངས་བུ་དང་བཅས། ཨ་ཀཱ་རོས་བྱིན་གྱིས་བརླབས་ལ། ཀྱཻ། ཁོན་མ་རྒན་མོ་ལུག་

― CMR038_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཆིབས། །ཕྱག་ན་འཇོར་དང་དབྱག་པ་འཛིན། །སྤྲུལ་པ་ས་དམག་བྱེ་བ་འབུམ། །ས་བདག་ས་སྲིན་ལས་ལ་འགྱེད། །ལྔ་སེར་སྤྱང་ཀི་རྗེས་ན་འབྲང་། །ཁྱོད་ལ་མཐུན་རྫས་ལུག་མགོ་དང་། །བཤོས་བུ་ངར་མི་འབྲུ་སྣ་འབུལ། །ས་སྒོ་བྱེ་བ་བཅད་དུ་གསོལ། །ས་སྲིན་དུར་སྲི་མ་བཏང་ཞིག །དམུ་ཆུ་གྲང་རླུང་མ་བཏང་ཞིག །མཛེ་ལྷོག་ཤུ་གྲུམ་མ་གཏོང་ཞིག །ས་སྒོ་རྣམ་ལྔ་བྱེ་བ་ཆོད། །ཨོཾ་ཨ་བྷི་དུ་སྭཱ་ཧཱ། ཨོཾ་བྷ་ཏ་ལི་ཟློག །ཅེས་ཚར་དགུའམ་བཅུ་གསུམ་འདོན། །རྟེན་འབྲེལ་སྙིང་པོ་བརྗོད་ལ། །གཏོར་མ་འབྲུ་སྣ་གནམ་དུ་མཆོད། །ལུག་མགོ་ལྷོ་ནུབ་ཏུ་བསྐྱལ་ལོ། །ས་སྒོ་བྱེ་བ་དང་ས་བདག་གི་ནད་ཐམས་ཅད་དང་ཕོག་ཐུག་ཤོར་བ་ལ་ཕན་པར་བཤད། རྒྱས་བསྡུས་གཉིས་ཀྱི་དོན་བསྡུས་ལས། ཨ་རཱ་གས་བསྡུས་སོ། །སརྦ་མངྒ་ལཾ།། །།

གནམ་ཆོས་བདུད་རྩི་འཁྱིལ་པའི་ལས་ཚོགས་བསེ་རག་ལྟོགས་འགོང་དབུལ་སྲི་བཀར་བའི་མན་ངག

― CMR038_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་བདུད་རྩི་འཁྱིལ་པའི་ལས་ཚོགས་བསེ་རག་ལྟོགས་འགོང་དབུལ་སྲི་བཀར་བའི་མན་ངག་བཞུགས་སོ།།

― CMR038_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་གཤེགས་རིན་ཆེན་མང་ལ་ཕྱག་འཚལ་ལོ། །གསར་མའི་སྔགས་ཀྱི་རྒྱུད་སྡེ་འགའ་ཞིག་ནས། །སྐྱེས་པ་བུད་མེད་སོགས་ལ་བགེགས་ཞུགས་ནས། །རྨི་ལམ་འགོང་པོའི་རྨིས་ལྟས་མང་བ་དང་། །དེ་ཡི་ལུས་ཀྱང་སྐྱ་ཞིང་རླམ་པར་གསུངས། །སྔོན་ཚེ་སློབ་དཔོན་པདྨ་འབྱུང་གནས་ཀྱིས། །བསེ་རག་འགོང་པོ་དམ་བཏགས་སྲོག་སྙིང་ཕུལ། །དེ་ལ་བསྐྲད་ཐབས་མནན་ཐབས་སྤོ་ཐབས་གསུངས། །གནམ་ཆོས་ལས་བྱུང་གནད་ཀྱི་མན་ངག་དང་། །སྦྱར་ཏེ་ཟབ་ཅིང་ལག་བླངས་བདེ་བར་བཤད། །མནན་ཐབས་སྤོ་ཐབས་མི་བྱེད་ཉེས་པ་ཆེ། །འདིར་ནི་བཀར་ཐབས་བསྐྲད་ཐབས་བཤད་པར་བྱ། །འདི་ནི་ཀུན་ལ་དགོས་པ་མ་ཡིན་ཏེ། །བསོད་ནམས་ཆུང་བའི་སེར་སྐྱ་འགའ་ཞིག་ལ། །ཁྱིམ་དུ་ལྟོགས་འགོང་དབུལ་སྲི་བསེ་

― CMR038_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

རག་ཞུགས། །ཁྱིམ་ལ་ཚ་འུབ་དྲོད་མེད་ཤིན་ཏུ་གྲང་། །དོན་མེད་འགྲིམ་པ་ཕྱིན་ན་ལྟོགས་སྣང་སྐྱེ། །བཟའ་བཏུང་བྱིན་ཀྱང་མི་མགུ་དགའ་སྣང་མེད། །གོས་དང་ལུས་མདོག་སྐྱ་ཞིང་བཀྲག་མདངས་མེད། །ཕུག་སྲིས་ཟད་མགྱོགས་གློ་བུར་འུད་འུད་ཟད། །བཟའ་མི་མི་མཐུན་ནང་འཐབ་ནུབ་འཐབ་བྱེད། །བློ་ཉེས་ཚོང་ཉེས་གོད་ཁ་རྒྱུན་མི་འཆད། །ལོ་ཐོག་མི་སྐྱེ་སད་སེར་གོད་ཁ་ལྡང་། །ཞོ་ལད་ཆང་ལད་འོ་རུལ་མར་མི་ཐོན། །ནས་འབབ་མེད་ཅིང་ནོར་ལ་སྐམ་འགོང་ཞུགས། །མི་མང་ཟས་ནོར་ལ་སོགས་བགོ་བའི་ཚེ། །ཀུན་ལས་ཆུང་ཞིང་ངན་པ་རང་གིས་འཐོབ། །གཡོ་བསྐོར་གཟབ་ཅིང་བྱས་ཀྱང་ངན་ཅིང་ལད། །རྒྱན་དང་ཤོ་སྐུག་གང་བཞག་མི་ལ་ཤོར། །ཅི་བསམ་བྱ་བ་ཐམས་ཅད་ལོག་པར་འགྲོ། །བཟའ་བཏུང་མང་དུ་བྱས་

― CMR038_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་བརྒྱག་སྣང་མེད། །དེ་དག་བསེ་རག་ལྟོགས་འགོང་ཞུགས་རྟགས་ཡིན། །དེ་ཉིད་བསྐྲད་ཅིང་བཀར་བར་བྱ་བའི་ཐབས། །ས་སྤྱིན་ལ་ནི་བསེ་རག་གཟུགས་བྱ་སྟེ། །བུ་ཆུང་མཛེས་པ་གཡུ་རྣ་དུང་སོ་ཅན། །རྨོག་གྱོན་ཕུབ་ཁུར་འཕྲུ་བཙུགས་རི་བོང་ཞོན། །འཁོར་དུ་བྱིས་པ་ཕོ་ཐུར་ཕེ་གུ་དང་། །རིལ་ཚེ་སྲེག་པ་གླ་བ་སྐྱ་གའི་གཟུགས། །ཤང་ཤང་རྣམས་ཀྱི་གཟུགས་ཀྱིས་མཐའ་བསྐོར་ཞིང་། །རྫ་ཆག་སྒོག་པོ་ཞིག་གི་ནང་དུ་བཞག །སྤང་ཟན་ཟོ་ཤེ་རྐྱལ་ཤེ་འོ་རུལ་དང་། །ཆང་ལད་སྦང་མ་ལྟེ་རྒྱག་ཚྭ་རམ་དང་། །ར་ཡི་ཉ་སྤུ་སྲེ་ལོང་རྣམས་ཀྱང་བཞག །གླུད་ཟན་ཆངས་བུ་གོས་དུམ་ཤ་ཤུན་བཏབ། །རྡོ་དཀར་ཐུན་དང་ནས་བསྲེས་སྡེར་གང་བཞག །ཡོས་སྙིགས་སྤང་རམ་རྫོངས་འདེབས་རྒྱུ་ཡང་འཚག། །དེ་ནས་འདི་ཉིད་འདོན་བསྒོམ་སྦྲག་པར་བྱ། །ཧཱུྃ། རང་ཉིད་ཡི་དམ་གནས་འགྱུར་ཏེ། །དྲན་རྫོགས་ཁྲོ་བོ་བདུད་རྩི་འཁྱིལ། །སྐུ་མདོག་ལྗང་ལ་དམར་བའི་མདངས། །གཡས་པས་རྡོ་རྗེ་ནམ་མཁར་ཕྱར། གཡོན་པས་སྡིགས་མཛུབ་མེ་འབར་མཛད། །ཁྲོ་བོའི་ཆས་ཀུན་སྐུ་ལ་རྫོགས། །ཞབས་གཉིས་འདོར་སྟབས་དགྲ་བགེགས་མནན། །ཐུགས་ཀར་ཉི་སྟེང་ཧཱུྃ་ལྗང་མཐར། །སྔགས་ཀྱིས་གཡས་སུ་བསྐོར་བ་ལས། །འོད་ཟེར་ལྗང་གུ་ཕྱོགས་བཅུར་འཕྲོས། །འོག་མིན་གནས་ནས་བདུད་རྩི་འཁྱིལ། །རང་འདྲ་དཔག་མེད་སྤྱན་

― CMR038_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

དྲངས་ཏེ། །བདག་དང་ནས་ཐུན་རྣམས་ལ་ཐིམ། །ཐུན་རྡོ་རེ་དང་ནས་འབྲུ་རེ། །རང་འདྲའི་བདུད་རྩི་འཁྱིལ་པ་རེ། །མེ་འབར་ཚྭ་ཚྭ་འཕྲོ་བར་གྱུར། །ཨོཾ་ཨ་མྲྀ་ཏེ་ཧཱུྃ་ཕཊ༔ སྔགས་དེ་སྟོང་ཕྲག་ཙམ་ཞིག་བཟླ། །ནས་དང་ཐུན་རྡོ་ཕུ་ཡིས་བཏབ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ དེ་ཡང་བརྒྱ་ཡན་ཅི་འགྲུབ་བརྗོད། །གོང་ལྟར་ཐུན་ལ་སྔགས་པར་བྱ། །ཨོཾ་བཛྲ་ཨ་མྲྀ་ཏ་ཨརྒྱུ༴ སོགས་བྱ། ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བདུད་རྩི་འཁྱིལ་ལ་ཕྱག་འཚལ་བསྟོད། །དེ་ནས་གླུད་མདོས་ཆུ་གཙང་གིས་བྲན་ལ། ཨོཾ་ཤུདྡྷེ་ཤུ་དྷ་ན་ཡེ་སྭཱ་ཧཱ། ཤཱཀྱ་ཐུབ་པའི་བྱིན་རླབས་ཀྱིས། །ཐལ་མོ་ཁོང་སྟོང་ཕྱག་རྒྱའི་ནང་། །ཨ་དཀར་འོད་འཕྲོས་དངོས་འཛིན་སྦྱངས། །ཨོཾ་སྭ་བྷ་ཝ༔ གླུད་གཏོར་འདོད་པའི་ཡོན་ཏན་ལྔ། །སོ་སོའི་ཡིད་མཐུན་ལོངས་སྤྱོད་ནི། །ཟད་མེད་ནམ་མཁའི་མཛོད་གྱུར་པ། །ལན་ཆགས་བདག་པོ་བདག་མོ་རྣམས། །མགུ་ཚིམ་ཡི་རང་བསྐྱེད་ནུས་གྱུར། །རྣམ་པར་སྣང་མཛད་བྱིན་རླབས་ཀྱིས། །ཐལ་མོ་ཚིག་བཅག་ཕྱག་རྒྱའི་ནང་། །ཁཾ་སྟོང་འོད་འཕྲོས་

― CMR038_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད་བཅུད་སྤེལ། །ཨོཾ་ན་མ་སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱ༔ སརྦ་ཐད་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ༔ བདུད་རྩི་འཁྱིལ་པའི་བྱིན་རླབས་ཀྱིས། །ཐལ་མོ་ཁ་གྱད་ཕྱག་རྒྱའི་ནང་། །ཛདམར་འོད་འཕྲོས་བདུད་རྩི་གྱུར། །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ རིན་ཆེན་འབྱུང་ལྡན་བྱིན་རླབས་ཀྱིས། །མཆོག་སྦྱིན་ཕྱག་རྒྱ་ཏཱཾ་སེར་ལས། །འོད་འཕྲོས་ཀུན་གྱིས་འབད་མེད་ཐོབ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། དོན་ཡོད་གྲུབ་པའི་བྱིན་རླབས་ཀྱིས། །ཁུ་ཚུར་མཆོག་སྦྱིན་ཕྱག་རྒྱའི་ནང་། །ཧ་ལྗང་འོད་འཕྲོས་བདུད་རྩིར་གྱུར། །ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མས་མན་སྤ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ། ཕྱག་ན་རྡོ་རྗེའི་ཟབྱིན་རླབས་ཀྱིས། །སོར་བསྣོལ་ཕྱག་རྒྱ་ཛཙདམར་ལས། །འོད་འཕྲོས་མགྲོན་ཀུན་དབང་འདུས་གྱུར། །ན་མཿས་མནྟ་བུདྡྷཱ་ནཾ་ག་རི་ཀྲོ་ཏི་ཤྭ་རི་པྲ་བྷ་ཛྷཱ་ན་མཱ་ར་ཡ་སྭཱ་ཧཱ། ཧཱུྃ། ང་ནི་དཔལ་ཆེན་ཧེ་རུ་ཀ །སངས་རྒྱས་ཀུན་གྱི་བྱིན་གྱིས་བརླབས། །བགེགས་རིགས་འདུལ་བའི་གཉེན་པོར་བསྐོས། །དཀོན་མཆོག་གསུམ་གྱི་བདེན་པ་དང་། །བདུད་རྩི་

― CMR038_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱིལ་པའི་མཐུ་སྟོབས་ཀྱིས། །བདག་དང་ཡོན་གྱི་བདག་པོ་ལ། །གནོད་ཅིང་འཚེ་བར་བྱེད་པ་དང་། །སྦྲ་ཁྱིམ་འདི་ལ་འཁྲི་བ་ཡི། །རྟོགས་འགོང་དབུལ་སྲི་བསེ་རག་ཀུན། །རང་གཟུགས་ཡས་སྟགས་འདི་ལ་ཁུག །བསེ་རག་རྒྱལ་པོ་གཞོན་ནུ་པ། །རྟོགས་འགོང་དབུལ་སྲི་མང་པོས་བསྐོར། །གོད་ཁ་ཐམས་ཅད་ཁྱོད་ལས་བྱུང་། །དབུལ་འདྲེ་དབུལ་སྲི་ཁྱོད་ལས་བྱུང་། །ལོ་ཉེས་ཐོག་ཉེས་ཁྱོད་ལས་བྱུང་། །མི་ལ་ན་ཚ་ཁྱོད་ལས་བྱུང་། །ནོར་ལ་གོད་ཁ་ཁྱོད་ལས་བྱུང་། །མི་ཁ་བྲ་མཆུ་ཁྱོད་ལས་བྱུང་། །ཚེ་ལ་བར་ཆད་ཁྱོད་ལས་བྱུང་། །རྨོངས་འདྲེ་ཐམས་ཅད་ཁྱོད་ལས་བྱུང་། །ཟ་ཁ་འཐུང་ཁ་ཁྱོད་ཀྱིས་ཕྲོག །བུ་ཚའི་བླ་ནི་ཁྱོད་ཀྱིས་བརྐུས། །བཟའ་མིའི་འཐབ་འདྲེ་ཁྱོད་ཀྱིས་བྱས་། །དེ་ཕྱིར་གནོད་བྱེད་འཁོར་དང་བཅས། །གཟུགས་བརྙན་འདི་ལ་ཐིམ་གྱུར་ཅིག །ཛཿཧཱུྃ་བཾ་ཧོཿ གནོད་བྱེད་ཐམས་ཅད་གཟུགས་བརྙན་ལ་སིབ་སིབ་ཐིམ་པར་བསྒོམ། ཁོ་ཟིལ་གྱིས་མནན་པ་ནི་ལྷའི་ང་རྒྱལ་གྱིས། ཧོཿ ལྷ་ཡི་རྒྱལ་པོ་འདྲ་ཕྱིན་སི། །རྡོ་རྗེ་སེམས་དཔའ་འདྲ་ཕྱིན་སི། །ལྷ་གེ་ཁོད་དཀར་པོ་འདྲ་ཕྱིན་སི། །གླག་མོ་མཁལ་དཀར་འདྲ་ཕྱིན། །ཆུ་བྱིལ་

― CMR038_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱབ་སྐྱ་འདྲ་ཕྱིན་སི། །ཤེལ་གྲིའུ་ཡུ་དམར་འདྲ་ཕྱིན་སི། །འདྲེ་མི་ལ་ཁྱོད་ཀྱི་སྙིང་པོ་ངས་ཤེས། །ཁྱོད་ཀྱི་སྙིང་པོ་ཆུ་ནག་ཡིན། །ཁྱོད་ཀྱི་སྙིང་པོ་སོལ་ནག་ཡིན། །ཁྱོད་ལ། སྔགས་འདི་བཏབ་པ་ན། གནམ་ལྕགས་རལ་གྲི་འབར་བས། ཁ་ལ་ཡབ་ཁ་ལ་ཡབ། ཁ་ལ་ཐེབས་སོ། །ཁ་ལ་ཐེབས་སོ། །ལྕགས་ཀྱུས་གཅུས། ཁ་བྱུག །ཟ་བྱུག །གདོན་བྱུག །བྱུར་འདྲེ་འགོང་པོ་མི་ལའི་སྟེང་དུ་མར་བྱུག་གོ །ཧབ་བརྒྱབ་སྭཱ་ཧཱ། ཞེས་བརྗོད་ལ་བྲག་རྡོ་དཀར་པོའི་ཕྱེ་མས་བྲབ་བོ། །བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །གླུད་ཀྱི་གཏོར་མ་འདོད་ཡོན་ལྔ་ལྡན་འདི། །བདག་དང་རྒྱུ་སྦྱོར་ཡོན་གྱི་བདག་པོ་ལ། །ཚེ་རབས་འཁོར་བ་ཐོག་མ་མེད་པ་ནས། །ཟས་ནོར་སྲོག་གི་ལན་ཆགས་སོགས། །བུ་ལོན་ཤ་འཁོན་ཆགས་རྣམས་ལ། །གླུད་ཀྱི་གཏོར་མ་འདི་སྦྱིན་ནོ།། །ཐམས་ཅད་ངོམས་ཤིང་ཚིམ་གྱུར་ཅིག །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ཞེས་པའི་ཚིགས་བཅད་སྔགས་དང་བཅས་པ་ཚར་བདུན་ནམ་ཉེར་གཅིག་ཙམ་བརྗོད་ལ་བསྔོའོ། །ཨོཾ་འགྲིག་ཤོག །ནག་མོ་ཁ་ལ་

― CMR038_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

དུན་རྩེ་ཟད། ནག་མོ་ཟ་འདྲེ་རྨུག་འདྲེ་ཁ་ལིང་རྦད། འགྲིག་ཤོག །དུན་དུན་ཧབ་ཧབ། དུལ་དུལ། ནན་ནན། རྦད་རྦད། མྱག་མྱག །བསེ་རག་གི་ཁ་ཆིངས་ཤིག །མི་ལའི་ཁ་ཆིངས་ཤིག །དམ་སྲིའི་ཁ་ཆིངས་ཤིག །ནད་འདྲེའི་ཁ་ཆིངས་ཤིག །གོད་འདྲེའི་ཁ་ཆིངས་ཤིག །རྨུག་འདྲེའི་ཁ་ཆིངས་ཤིག །གྱུར་འདྲེའི་ཁ་ཆིངས་ཤིག །ཅེས་སྔགས་དེ་ཅི་འགྲུབ་མང་དུ་བརྗོད། ཀྱཻ། མི་ལའི་རྒྱལ་པོ་གཞོན་ནུ་པ། །ཁྱོད་འདི་ན་འདུག་པའི་གནས་མ་མཆིས། །ཁྱིམ་འདི་ན་མ་བདེ་སྒང་མ་སྒང་། །ཁང་པ་མི་བདེ་ལང་མ་ལིང་། །ཕག་ཤ་སྦྲང་ཟན་འདི་གསོལ་ལ། །རང་རེ་ཤག་གཤིས་ཡུལ་བགོས་བྱེད། །ཁྱོད་ནག་པོ་རྒྱ་ཡི་ཡུལ་དུ་སོང་། །ཡུལ་དྲོ་ས་འཇམ་འབྲས་ཀྱང་ཡག །རི་བོང་སྔོན་མོ་འདི་བཅིབས་ལ། །རྐང་བཞི་རྣམས་ལས་འདི་ཡང་མགྱོགས། །བོང་རྐོ་ཐུང་ལ་རྣ་མཆོག་རིང་། །སྤྱན་མིག་གཞན་བས་གསལ་བ་ཡིན། །སྒ་སྟན་མི་དགོས་ཆིབས་པས་ཆོག །སྲབ་མཐུར་མི་དགོས་ཁ་ལོ་བདེ། །གྱེན་མཐུར་མེད་པར་ཆིབས་པས་ཆོག །རི་བོང་སྔོན་མོ་འདི་ཆིབས་ལ། །ནག་པོ་རྒྱ་ཡི་ཡུལ་དུ་སོང་། །རྒྱ་རྗེ་

― CMR038_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་ནོར་རེ་ཕྱུག །རྒྱ་བཟའ་ཨ་སྨན་བཞིན་རེ་ཡག །གསེར་དངུལ་གཡུ་དང་བྱི་རུ་ཡི། །བང་མཛོད་ནོར་གྱི་གང་ནས་ཡོད། །འབྲས་དང་ཞུན་མར་དེ་རུ་ཆེ། །ཁྱོད་ཀྱི་ནོར་འདོད་དེ་རུ་ཡོད། །ཁྱོད་ཀྱི་གཏན་གྱི་ཕ་ཡུལ་གྱིས། །ང་ཡི་ཕ་དང་མྱེས་པོ་ཡང་མྱེས་གསུམ། །མི་རབས་གསུམ་གྱི་ཤག་པོ་ཡིན། །ཕྱུག་པོ་དེ་ཡང་དབུལ་གྱིས་བཅད་མ་མྱོང་། །བཟང་ལེན་དེ་ཡང་ངན་གྱིས་བཅད་མ་མྱོང་། །ཟ་འཕྲོ་འཐུང་འཕྲོ་ཆ་ལེ་ཡོད། །ཉིན་མཚན་བུད་མེད་ཀུན་དང་འགྲུལ་བས་ཆོག །ཁྱོད་མི་ལའི་ཟ་ཁ་དེ་རུ་སྟོན། །ཁྱོད་ཀྱི་ཟ་ཁ་དེ་རུ་ཆེ། །ཤ་ཉ་ཡུ་བཅད་འཕྲོ་ཉི་ལེ་ཡོད། །ཁྱོད་བསེ་རག་ཁ་ཆིངས་ཟེར་མི་མེད། །ཡུལ་དེ་རུ་སོང་དང་དེ་རུ་ཆེ། །ཡུལ་དེ་རུ་སོང་དང་དེ་རུ་བཙུན། །ཛའགྲིག་ཤོག །ནག་མོ་ཁ་ལ་དུན་རྩེ་ཟད། །ནག་མོ་ཟ་འགྲམ་རྨུག་འདྲེ་རྦད། །།འགྲིག་ཤོག་དུན་ཧ་ལ་དུལ་དུལ། ནན་ནན། རྦད་རྦད། མྱོག་མྱོག །བསེ་རག་གི་ཁ་ཐཾ༔ མི་ལའི་ཁ་ཐཾ། དམ་སྲིའི་ཁ་ཐཾ། འཐབ་འདྲེའི་ཁ་ཐཾ། བློ་ཁར་ཞུགས་ཤིང་བློ་ངན་པའི་ཁ་ཆིངས་ཤིག །སྡོམས་ཤིག་སྭཱ་ཧཱ། ཟ་ཁ་ལ་ཞུགས་པ། འཐུང་ཁ་ལ་

― CMR038_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་པའི་བསེ་རག་གོད་འདྲེ་གོད་སྲི་མཚེར་འདྲེ་མི་ལ་བསེ་རག་ཁ་ཆིངས་ཤིག །ཧཱུྃ། སློབ་དཔོན་པདྨ་འབྱུང་གནས་ཀྱི། །སྤྱན་སྔར་ཁས་བླངས་དམ་བཅས་བཞིན་། །དམ་བཅས་དམ་ལ་མ་འདའ་ཞིག །ཕྱིན་ཆད་གནོད་པ་མ་བྱེད་ཅིག །མཛོ་རྒན་ཞོན་ལ་ད་འགྲོ་རན། །རྣ་རིང་ལྤགས་པ་གོས་སུ་གྱོན། །རྨུག་ཡས་སྣ་ཚོགས་བཞེས་སུ་གསོལ། །དྲེད་མོང་སོག་དཀར་ཁལ་དུ་བཀལ། །ཁལ་དང་བཅས་པ་བཞེས་སུ་གསོལ། །རུས་སྲན་སྲེ་ལོང་ཁ་མུར་གྱིས། །གོ་གསུམ་ཐལ་བ་འགམ་སྐལ་གྱིས། །ཤ་ཤུན་སྦང་ཟན་རྒྱགས་སུ་ཁྱེར། །བྲ་བྱི་ལྤགས་པས་དཀོར་ནོར་གྱིས། །སྲེ་ལོང་ཨ་འགྲང་ནོར་སྐལ་གྱིས། །ལུས་གླུད་ཚངས་སྤྱད་གྲོ་ཕྱེ་གྱིས། །བཀར་རོ་ཡི་དྭགས་རྨུག་འདྲེ་བཀར། །རྨུག་འདྲེ་ད་འགྲོ་ད་རེས་རན། །བསེ་རག་ད་ཆས་ད་རེས་རན། །རྨུག་འདྲེ་ད་ཆས་ད་རེས་རན། །མི་ལ་སྤྱན་དགུ་ད་འགྲོ་རན། །མི་རབས་གསུམ་དུ་སྨུག་འདྲེ་བཀར། །ཐེའུ་རང་སྤུན་དགུ་ཡས་ཀྱིས་བཀར། །མི་ལ་སྤུན་དགུ་ཡས་ཀྱིས་བཀར། །རྨུག་འདྲེ་སྤུན་དགུ་ཡས་ཀྱིས་བཀར། །གོད་འདྲེ་སྤུན་དགུ་ཡས་ཀྱིས་བཀར། །བསེ་

― CMR038_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

རག་སྤྱན་དགུ་ཡས་ཀྱིས་བཀར། །མི་ལ་ན་ཚ་མ་བཏང་ཞིག །ནོར་ལ་གོད་ཁ་མ་བཏང་ཞིག །ཞིང་ལ་བཙའ་སད་མ་བཏང་ཞིག །འོ་མ་རུལ་དུ་མ་བཏང་ཞིག །མར་ལ་བར་ཆད་མ་བཏང་ཞིག །ཆང་ལ་སྐྱུར་དུ་མ་བཏང་ཞིག །དབུལ་འདྲེ་དབུལ་སྲི་ཐམས་ཅད་ནི། །བཀར་རོ་མདོས་དང་ཡས་ཀྱིས་བཀར། །ཟ་ཁ་འཐུང་ཁ་ཞུགས་པ་རྣམས། །མི་ལ་བསེ་རག་དབུལ་འདྲེ་བཀར། །བདག་དང་ཡོན་བདག་འཁོར་བཅས་རྣམས། །ཐོག་མ་མེད་ནས་ད་ལྟའི་བར། །བུ་ལོན་ལན་ཆགས་འདི་འཇིལ་ལོ། །ད་ཕྱིན་ཆད་མ་སྡང་མ་སྡིག་ཅིག །ད་རྨུག་འདྲེ་ཐེའུ་རང་སྤུན་དགུ་བཀར། །གཤེགས་ཤིག་རང་གི་གནས་སུ་གཤེགས། །ཕྱིན་ཆད་འཁོར་འདིར་གནོད་པ་མ་བྱེད་ཅིག །ཁ་ཕྱིར་བསྒྱུར་ལ་རྫོངས་འདེབས་བཏབ་ལ། ཀྱཻ། །བསེ་རག་རྒྱལ་པོ་གཞོན་ནུ་པ། །གནོད་བྱེད་མི་ལ་ཁྱོད་ཀྱིས་ཉོན། །བདག་དང་རྒྱུ་སྦྱོར་ཡོན་བདག་ལ། །མི་དང་ནོར་ལ་མ་གནོད་ཅིག །སྒབ་འདྲེ་སྒབ་སྲི་མ་བྱེད་ཅིག། །ཁྱོད་ལ་ཟས་ནོར་རྫོངས་ཤིག་འདེབས། །རྒྱུན་དང་ཆིབས་ཀྱི་རྫོངས་ཤིག་འདེབས། །ཀྱཻ། བསེ་རག་རྒྱལ་པོ་གཞོན་ནུ་པ། །གནོད་བྱེད་མི་ལ་ཁྱོད་སོང་

― CMR038_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

ཉོན། །ཁྱོད་སྐྱེ་ལེགས་གཟུགས་བཟང་བཞིན་རེ་ཡག །ན་བཟའ་དར་གོས་འཇམ་ལ་མཛེས། །ལ་ཐོད་འཕྲུ་བཙུགས་ལྡེམས་སེ་ལྡེམ། །གཡས་ན་སྡུད་མོ་ཤད་དེ་ཤད། །མཆོག་དཀར་གཞུ་མོ་གྲུ་ལ་བཀོན། །སྟག་དོང་ཁྲ་བོ་གཡས་ན་བཀྲ། །གཟིག་ཤུབས་ཐིག་ལེ་གཡོན་ན་མཛེས། །བཤའ་གྲི་ཡུ་དམར་རྐེད་ལ་བཙུགས། །རྐང་ལ་སག་ལྷམ་ཆགས་སེ་ཆག །རི་བོང་སྔོན་པོ་ཆིབས་ལ་སོང་། །སྒ་སྟན་མི་དགོས་ཆིབས་པས་ཆོག །མཐུར་སྲབ་མི་དགོས་ཁ་ལོ་བདེ། །གཟུགས་བཞི་བཤན་ལ་རྣ་མཆོག་ཡག །སྤྱན་མིག་སེར་བས་མཐོང་སྣང་ཡག །དེ་ལྟར་ཡོན་ཏན་ཆེ་བའི་རྒྱན་མདོས་འདི། །ཁྱོད་ལ་འགྲོ་བའི་རྫོངས་འདེབས་སོ། །འབྲུ་དང་དཀར་དམར་ཟད་མེད་གཏེར། །ཡོས་སྙིག་ཡུག་པོ་གོ་རྒུམ་འདི། །དེ་ལྟར་ཁྱོད་ལ་རྫོངས་སུ་འདེབས། །ཡོན་ཏན་ཕུན་སུམ་ཚོགས་པའི་རྒྱན་མདོས་འདི། །བསེ་རག་མ་འཁོར་མ་འདུག་འགྲོ་བའི་ཡས་སྦྱིན་ནོ། །དེ་རིང་དབྱེ་བའི་ལྗོངས་འདེབས་སོ། །རྫོངས་འདེབས་ལྷག་མེད་རྫོགས་པར་བྱ། ༈ ད་ནི་ཁྱོད་ལ་ལམ་བསྟན་ནོ། །བསེ་རག་རྒྱལ་པོ་གཞོན་ནུ་

― CMR038_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །ཁྱོད་ལ་ལམ་ཞིག་བསྟན་པ་ནི། །རྒྱ་ཡུལ་དེ་ན་ལོངས་སྤྱོད་ཆེ། །ཡུལ་ཡང་ལེགས་ལ་མཁར་ཡང་མཐོ། །རྒྱ་རྗེ་རྒྱལ་པོ་བྱ་བ་དེ། །མི་ཡང་ཆེ་ལ་སྣ་ཡང་ཆེ། །རྒྱ་བཟའ་ཨག་སྨན་བྱ་བ་དེ། །བུད་མེད་བཟང་ལ་འཛངས་རྒྱ་ཆེ། །ཟས་ནོར་ཟད་མེད་གཏེར་དང་ལྡན། །ཁྱོད་ལ་ལམ་བསྟན་དེ་རུ་བསྟན། །ཆུ་བོ་བཞི་ཡང་རྒྱ་ཆེར་འབབ། ཁྱོད་ལ་ལམ་བསྟན་དེ་རུ་བསྟན། །དབུ་ནག་བོད་ཕྱེད་རྒྱ་ན་འགྲོ། །ཁྱོད་ལ་ལམ་བསྟན་དེ་རུ་བསྟན། །བནེ་བོན་ཆེན་རྣམས་ཀྱང་རྒྱ་ལ་འགྲོ། །ཁྱོད་ལ་ལམ་བསྟན་དེ་རུ་བསྟན། །སྐྱེས་ཕྲན་སྟག་ཤར་རྣམས་ཀྱང་རྒྱ་ལ་འགྲོ། །ཁྱོད་ལ་ལམ་བསྟན་དེ་རུ་བསྟན། །མོ་བཙུན་འཛངས་ཆེན་རྣམས་ཀྱང་རྒྱ་ལ་འགྲོ། །ཁྱོད་ལ་ལམ་བསྟན་དེ་རུ་བསྟན། །ཟཨ་ཝན་ཚོང་ཕྲུག་རྣམས་ཀྱང་རྒྱ་ལ་འགྲོ། །ཁྱོད་ལ་ལམ་བསྟན་དེ་རུ་བསྟན། །བོད་ཟོང་ཐམས་ཅད་རྒྱ་ན་ཁྱེར་ནས་ཡོད། །ཁྱོད་དེ་ཡི་རྗེས་སུ་ལམ་བསྟན་ནོ། །རྒྱ་རྗེ་རྒྱལ་པོའི་ཕོ་བྲང་ན། །གསེར་གཡུ་དངུལ་གསུམ་གྲལ་ལྟར་བརྩེགས། །དར་ཟབ་གོས་ཆེན་རི་ལྟར་སྤུངས། །ཇ་ཆང་མར་ཁུ་མཚོ་ལྟར་བསྐྱིལ། །ཤ་ཐུད་མར་གསུམ་བྲག་ལྟར་བརྩིག །

― CMR038_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་དེ་རུ་སོང་དང་དེ་རུ་ཆེ། །དེ་རུ་སོང་དང་དེ་རུ་བཙུན། །ཡུལ་འདི་ན་ཟས་ནོར་རྒྱ་རེ་ཆུང་། །ང་རྣལ་འབྱོར་བདག་ཅག་ཡོན་མཆོད་ཀྱི། །ཁྱིམ་ན་ནོར་མེད་སྤང་དབུལ་ཡིན། །རྒྱབ་ན་གོས་མེད་གཅེར་བུ་ཧྲིལ་པོ་ཡིན། །ཁ་ན་ཟས་མེད་ལྟོགས་པས་བསྲུང་བ་ཡིན། །རྒྱུན་ཆད་མེད་པར་འཐབ་རྩོད་རྒོད། །ལྷ་དང་མི་གཉིས་ཕྲག་དོག་རྒོད། །ཉེས་ལེན་ཆད་པ་ཁྱོད་ལ་འོང་། །ཁྱོད་ཀྱི་ཆེ་ས་འདི་ན་མེད། །ཁྱོད་ཀྱི་བཙུན་ས་འདི་ན་མེད། །ཁྱོད་ཀྱི་འདུག་ས་འདི་ན་མེད། །ཁྱོད་ཀྱི་རྩེ་ས་འདི་ན་མེད། ཁྱོད་ཀྱི་ཟ་རྒྱུ་འདི་ན་མེད། །ཁྱོད་ཀྱི་འཐུང་རྒྱུ་འདི་ན་མེད། །ཁྱོད་ཀྱི་འཆག་ས་འདི་ན་མེད། །ནང་མི་ལྷ་བདག་འདི་ཀུན་གྱིས། །ཕུག་ན་ལྷ་བཟང་ཁྲོ་རྒྱལ་མེ་དཔུང་འབར། །བར་ན་མི་རྒོད་མཚོན་ཆ་སྣ་ཚོགས་ཐོགས། །སྒོ་ན་ཁྱི་བཟང་སྟག་གཟིག་དོམ་དྲེད་ངར། །དེ་བས་འདི་རུ་མ་འདུག་རྒྱ་ལ་སོང་། །ཉི་མ་དོ་ནུབ་ཕྱིན་ཆད་ནས། །ཚུར་ལ་མ་འདི་རུ་མ་འདུག་ཕར་སོང་ཞིག །ང་ལ་རིམ་པ་ཞོ་ཕྱེད་ཡོད། །རམ་སྐལ་ཁྱེར་ལ་དེ་རུ་སོང་། །ང་ལ་ཕག་ཤ་ལྷུ་ཕྱེད་ཡོད། །ཕག་ཤ་ཁྱེར་ལ་དེ་རུ་

― CMR038_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་། །ང་ལ་ཆང་ལད་ཕོར་ཕྱེད་ཡོད། །ཆང་ལད་འཐུང་ལ་དེ་རུ་སོང་། །ཡུལ་འདི་ན་འདུག་པའི་གནས་མ་མཆིས། །ཡུལ་དེ་རུ་སོང་དང་དེ་རུ་བཙུན། །སློབ་དཔོན་པདྨའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །དམ་ལ་མ་འདའ་དེ་བཞིན་གྱིས། །བཀའ་ལ་མ་འདའ་བཀའ་བཞིན་གྱིས། །རྣལ་འབྱོར་བདག་གི་དམ་མ་བཀྲལ། །བཀའ་དང་དམ་ལ་མ་ཉན་ན། །ཁྲོ་བོ་ཡཀཱ་མེ་དབལ་གྱིས། །ཁྱོད་ཀྱི་སྲོག་སྙིང་དུམ་བུ་སྟོང་དུ་འགྲོ། །དེ་བས་དམ་ལ་མ་འདའ་བར། །བདག་ཅག་ཡོན་མཆོད་འཁོར་བཅས་ལ། ཕྱུ་རྐུན་གཡང་འཇབ་མ་བྱེད་ཅིག །ཁྱོད་ཀྱི་བསགས་པ་འདི་ཁྱེར་ལ། །ཁྱོད་ནག་པོ་རྒྱ་ཡུལ་སྟེང་དུ་སོང་། །བསགས་པའི་ཟ་རྒྱུ་དེ་ན་ཆེ། །བསགས་པའི་འཐུང་རྒྱུ་དེ་ན་ཆེ། །ནོར་ལ་བསགས་པ་དེ་ན་བཟང་། །ཁྱོད་མི་ལའི་རྒྱལ་པོ་གཞོན་ནུ་པ། །ཁྱོད་ཀྱིས་གྱོད་སྣ་དགྲ་སྣ་ཁྲིད་ལ་སོང་། །རྐུན་སྣ་ཡམས་སྣ་ཁྲིད་ལ་སོང་། །མི་ཁ་བྱུར་སྣ་ཁྲིད་ལ་སོང་། །རྨང་འདྲེ་སྒབ་འདྲེ་བསེ་རག་སྤུན་དགུ་ཁྲིད་ལ་སོང་། །དམ་སྲི་སྤུན་དགུ་ཁྲིད་ལ་སོང་། །ཐེའུ་རང་སྤུན་དགུ་ཁྲིད་ལ་སོང་། །ཕག་ཤ་སྲུང་ཟན་འདི་གསོལ་

― CMR038_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །གླུད་ཡས་སྣ་ཚོགས་ཁྱེར་ལ་སོང་། །ཁྱོད་མི་ལའི་རྒྱལ་པོ་གཞོན་ནུ་པ། །གོད་ཁ་གོད་འདྲེ་ཁྲིད་ལ་སོང་། །རྨོངས་འདྲེ་སྒབ་འདྲེ་ཁྲིད་ལ་སོང་། །བསེ་རག་འཁོར་བཅས་ཁྲིད་ལ་སོང་། །མི་ལ་སྤྱན་དགུ་ཁྲིད་ལ་སོང་། །རྣལ་འབྱོར་བདག་ཅག་འཁོར་བཅས་ལ། །བློ་ཉེས་ཚོང་ཉེས་མ་བྱེད་ཅིག །སྒབ་འདྲེ་རྨང་འདྲེ་མ་བྱེད་ཅིག །ཇག་སྣ་དགྲ་སྣ་མ་བྱེད་ཅིག །དབུལ་འདྲེ་བསེ་རག་མ་བྱེད་ཅིག །གོད་ཁ་གོད་འདྲེ་མ་བྱེད་ཅིག །ཕྱུ་རྐུན་གཡང་འཇབ་མ་བྱེད་ཅིག །ད་ནི་མ་འདུག་མྱུར་དུ་དེངས། །སློབ་དཔོན་པདྨའི་བཀའ་ལ་ཉོན། །རྣལ་འབྱོར་བདག་གི་དམ་མ་བཀྲལ། །བཀའ་དང་དམ་ལ་འདས་གྱུར་ན། །ཁྱོད་དམྱལ་ཁམས་བཅོ་བརྒྱད་ཁ་བརྒྱུད་ནས། །འོ་དོད་འབོད་པ་གདོན་མི་ཟ། །དེ་བས་རང་རང་གནས་སུ་དེངས། །དེ་ནས་གཏོ་ཁྱེར་ལ། ཡོན་བདག་ཕོ་མོ་ངོ་གནག་ཅིང་། སྐམ་ཡུས་སླ་ང་བརྡུང་ཤིང་རྗེས་ནས་དེད། ཡོན་བདག་ཁྲོས་པའི་ཚུལ་གྱིས་གྲི་བཏོན་ལ་ཧ་ཧ་བརྗོད་ཅིང་དེད། སྔགས་པས་བདུད་རྩི་འཁྱིལ་པའི་སྔགས་གཉིས་དང་། སུམ་བྷ་ནི་བརྗོད་ཅིང་ཐུན་དང་ནས་ཁྱིམ་ཕུག་ནས་བཟུང་སྟེ་ཁྱིམ་ཁྱབ་པར་གཏོར། བདུད་རྩི་འཁྱིལ་བ་སྐུ་ཆུང་ངུ་མེ་འབར་བས་ཁྱིམ་ཐོག་འོག་

― CMR038_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

གང་བར་བསྒོམ། ཡར་ཕྱིན་ནས་སྲུང་བའི་འཁོར་ལོ་བསྒོམ་ཞིང་བཀྲ་ཤིས་བརྗོད་པར་བྱའོ། །འདི་འཕེན་པ་ལ་ཕྱོགས་བརྩི་མི་དགོས། ཁྱིམ་སྒོ་མི་འཐོང་བའི་རྒྱ་ལམ་ཞིག་ཏུ་འཕེན་ལ་ཕྱི་ལྟས་མི་བྱེད་པར་འོང་། བསེ་རག་མེ་ཆུ་རླུང་ལྷ་གསུམ་གྱིས་ཆོད་པར་བསྒོམ། ཞེས་པ་གནམ་ཆོས་བདུད་རྩི་འཁྱིལ་པའི་ལས་ཚོགས་ནས་ཐུན་ལ་བརྟེན་ནས་བགེགས་བསྐྲད་པ་དང་། སྔོན་གྱི་ཡིག་རྙིང་བསེ་རག་བཀར་ཐབས་གཉིས་བསྡེབས་ཏེ། སྔགས་རྒན་རཱ་ག་ཨ་སྱས་བསྒྲིགས་ཤིང་། །ཡི་གེ་པ་ནི་དགེ་སློང་བརྩོན་འགྲུས་ཏེ། ཉམས་ཆུང་དབུལ་ཕོངས་ཅན་མང་པོ་ལ་ཕན་ཐོགས་རྒྱ་ཆེན་པོར་གྱུར་ཅིག། མངྒ་ལཾ། ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།