མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ཏི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

མཁའ་འགྲོ་གླིང་བཞི་སྲིད་པའི་སྤྱི་མདོས་ཀྱི་ཟིན་བྲིས་མཐོང་བ་རབ་གསལ།

[Full Size]

མཁའ་འགྲོ་གླིང་བཞི་སྲིད་པའི་སྤྱི་མདོས་ཀྱི་ཟིན་བྲིས་མཐོང་བ་རབ་གསལ་བཞུགས་སོ། །

[Full Size]

གུ་རུ་རིན་པོ་ཆེ་ལ་ཕྱག་འཚལ་ལོ། །གླིང་བཞི་སྲིད་པའི་སྤྱི་མདོས་རྒྱས་པར་ར་ཤག་གཏེར་སྟོན་གྱི་གཏེར་མ་རྒྱས་པ་ལ་པོ་ཏི་འགའ་ཡོད་དེ་མདོས་ཆེན་གཅིག་ལ་བཅུ་གཉིས་ཀྱིས་བསྐོར་བ། སྔོན་རྒྱ་ནག་རྒྱལ་པོའི་སྐུ་རིང་ལ། རྒྱ་ཡུལ་དུ་གཡུང་སྟོན་པས་བཅས་པའི་ལོ་རྒྱུས་རྣམ་ཐར་ལས་བྱུང་བ་ལྟ་བུ་མང་ཞིང་། བསྡུས་པ་རཏྣའི་གཏེར་ཁ་འདིའི་བཅའ་འདོན་གཞུང་ན་གསལ་ལོ། །འོན་ཀྱང་དཔེའུ་རིས་ཅུང་ཞིག་མི་ཚང་འདྲ་བ་ཞིག་བྱུང་ཡང་ལག་ལེན་ནི། སྒོ་ཁྲི་རབ་འདོམ་གང་ངམ་མདའ་ཚད་ལས་ཆུང་ཐབས་མེད་པ་རྡོ་བ་བཞི་རྐང་པའི་ཚུལ་དུ་བྱས་ལ་གཞིའི་སྟེང་དུ་བཞག་ལ། འཇིམ་པ་སྦྱིན་པོ་ལ་དབུས་སུ་རི་རབ་བང་རིམ་བཞི་པའི་རྩེར་ལྕོག་ལྔ་ནི། གཏོར་མ་ཟུར་བཞི་སྒྲུང་ཞྭ་འདྲ་བ་ལྔ་ལ་མཁའ་འགྲོ་གཙོ་མོ་ལྔའི་ཙཀ་ལི་བཙུགས་

[Full Size]

དམར་པོ་བྱ། གཉིས་པ་ལ་མཁའ་འགྲོ་སྡེ་བཞི་ལ་དམར་གཏོར་བཞི། སོ་སོའི་ཙཀ་ལི། གསུམ་པ་ལ་དམར་གཏོར་དྲུག །དཔའ་མོ་དྲུག་གི་ཙཀ་ལི། བཞི་པ་ལ་དམར་གཏོར་བཞི་ལ་སྒོ་མ་བཞིའི་ཙཀ་ལི། ཐ་མ་དམར་གཏོར་བརྒྱད་ལ་དུར་ཁྲོད་ཀྱི་མཁའ་འགྲོའི་ཙཀ་ལི་བཙུགས། རི་རབ་རྒྱབ་དེར་གསེར་གྱི་རི་བདུན། དེ་དག་གི་བར་དུ་རོལ་པའི་མཚོ་བདུན། གསེར་གྱི་རི་བདུན་ནི་དཔེར་ན་བྲེའི་ནང་དུ་བྲེ་བཅུག་པ་ལྟ་བུ་བདུན་བདུན་རི་རབ་འདྲ་བ། རྒྱབ་མ་རྣམས་རིམ་པས་དམའ་བོ། དེ་དག་གི་བར་དུ་འོ་མ། ཇ། ཆུ། སྤོས་ཆུ་ཚྭ་ཆུ། སྨན་ཆུ། ཆུ་སྣ་བདུན་གྱི་རྒྱ་མཚོའི་ཚུལ་གྱི་ཅུང་ཟད་བླུགས། དེ་རྒྱབ་ཤར་གྱི་གླིང་གསུམ་ཟླ་གམ། ལྷོའི་གླིང་གསུམ་སོག་ཁ། ནུབ་ཀྱི་གླིང་གསུམ་ཟླུམ་པོ། བྱང་གི་གླིང་

[Full Size]

གསུམ་གྲུ་བཞིའོ། །གསེར་གྱི་རི་བདུན་མཐོ་བ་ཕྱོགས་བཞིའི་རྩེར་དམར་གཏོར་བཞི་ལ་དཔའ་བོ་གིང་བཞིའི་ཙཀ་ལི་བཙུགས་སོ། །ཡང་རི་རབ་ཤིང་ལ་ལྷུ་སྤྲད་ནས་ཁུར་རྒྱུ་ཡོད་ན་སླའོ། །དེ་ལ་རཏྣ་ནང་ནས་སམ་ཆུར་བའམ་ཐང་ལུད་དམ་ལུག་རིལ་གྱིས་བཀང་ལ་སྟེང་དུ་ཕྱེ་བཀོད་པས་ཆོག་གོ །དམར་གཏོར་ལ་ཤ་རྒྱན་རེ་དང་མར་རྒྱན་རེས་བརྒྱན། བསྐང་པར་བཏབ་ལ་མཆོད་པའི་ལྷ་མོ་དར་ཕྱར་བ་དུང་འབུད་པ་གདུགས་བསྐོར་བ་རྒྱལ་མཚན་ཕྱར་བ་རྔ་བརྡུང་བ། ཆ་ལང་རྡེབ་པ་ཌཱ་དྲིལ་འཁྲོལ་བ། རྨ་བྱ་བྱ་ནག་ལུག་ནག་སྙིང་རྣམས་བསྐང་འབྲས་བཙུགས་ཏེ་ཐམས་ཅད་ལྷ་གྲངས་རེ། ཙཀྐིའི་གྲངས་ཀྱིས་འཐུས་སོ། །རྒྱས་པར་ནི་རི་མོ་སོགས་གཉིས་ཀ་དེ་དག་གང་མོས་ཀྱིས། འདིར་ཕྱག་ལེན་སྟབས་བདེ་བ་དང་མཛེས་པ་དོན་འཐུས་པས་ཆོག་གོ །ནམ་མཁའ་རང་རང་གི་ཁ་དོག་ཅན་མཐའ་འཇའ་རིས་སྣ་ལྔ་ཅན་ལ་རང་རང་གི་ཙཀ་ལི་བཏགས་པར་བྱ། གཞན་ཡང་བསྐང་འབྲས། རི་རབ་བང་རིམ་དང་པོ་ལ་བྱ་སྣ་ཚོགས། གཉིས་པ་ལ་གཅན་གཟན་སྣ་ཚོགས། གསུམ་པ་ལ་རི་དྭགས་སྣ་ཚོགས། བསྐང་པར་ལ་སྣང་ཚད་བཙུགས། ཆུ་གནས་ཐམས་ཅད་པར་བཏབ་ལ་རོལ་པའི་མཚོ་བདུན་ནང་དུ་བླུགས། ལྕགས་རིའི་ནང་གླིང་བཞིའི་སྟེང་དུ་ཤར་དུ་དྲི་ཟ་ལ་དཀར་གཏོར། ལྷོར་གཤིན་རྗེ་ལ་ཁྲམ་རིས། ནུབ་ཏུ་ཀླུ་ལ་དཀར་གཏོར་སྤྲུལ་དཀྱུས། བྱུང་དུ་གནོད་སྦྱིན་ཟུར་གཉིས་ནོར་བུ་འབུར་བ་དེ་རྣམས་གཙང་མ་བྱས། དེ་དག་གི་བར་མཚམས་ལྕགས་རིའི་ནང་དེར་གོང་གི་ཙཀྐིའི་གྲངས་དུ་ཡོད་ཉེར་

[Full Size]

བདུན་རེ་ཕྲེང་དུ་བཀོད་པ་ནི། མར་མེ་ཉེར་བདུན། ཏིང་ལོ་ཉེར་བདུན། ངར་མི་ཉེར་བདུན། འཁོར་སྤྱི་ལ་གཅིག་དང་ཉེར་བརྒྱད་བྱ། དེ་རྒྱབ་ལྕགས་རི་འཇིམ་ར་བྱས་པ་ལ། མདའ་བཀྲ་ཉེར་བརྒྱད། འཕང་བཀྲ་ཉེར་བརྒྱད། རྒྱང་བུ་ཉེར་བརྒྱད། ཤིང་རིས་ཉེར་བརྒྱད། ཕོ་ཏང་ཉིར་བརྒྱད། མོ་ཏང་ཉེར་བརྒྱད། མདུང་ངམ་ཁ་ཊཾ་དར་རང་མདོག་བཏགས་པ་ཉེར་བརྒྱད། ཁྲམ་ཤིང་ཉེར་བདུན་རེ། འཁོར་སྤྱི་ལ་གཅིག་དང་ཉེར་བརྒྱད་བྱས་ན་ལེགས་ཏེ་ལོགས་རེ་ལ་བདུན་རེ་འོང་བར་འགྲིགས། ཟུར་བཞི་ལ་རྒྱལ་མཚན་བཞི། དེ་རྒྱབ་རྩང་བརྒྱ་རྩ་བརྒྱད་དམ་རེ་བཞིའམ་ཉེར་བརྒྱད། མདའ་དར་ཕྱོགས་མདོག་བརྒྱད་དམ་བཅུ་དྲུག་གམ་བཞི་འཛུགས། མེ་ལོང་བཞི་བཏགས། མདོས་གདན་འོག་ཏུ་གོད་ལྤགས་སམ་གཡང་གཞི་བཏིང་བ་དེ་ཡོན་བདག་ལ་བཞག་མི་རུང་བས་ཁྱེར་བ་གནད་ཆེ། མདོས་ཀྱི་སྟེང་དུ་རྩིབས་བརྒྱད་གུར་གྱི་ནམ་མཁའ་མདོས་ཁེབས་པ་གཅིག་ཕུབ། ཡོད་ན་རྩིབས་སྣེ་བརྒྱད་ལ་པན་ནམ་དར་པན་འདྲ་བ་བརྒྱད་བཏགས། དེའི་སྟེང་དུ་ཉི་ཟླ་ནོར་བུའི་ནམ་མཁའ་བཙུགས། མདའ་དར་རྣམས་ལ་རྨ་བྱའི་མདོངས་རེ་ཡོད་ན་བཅིང་། བཙོག་གླུད་ཆངས་བུ་མི་ནོར་གླུད་སོགས་ཤིང་རའི་ནང་དུ་ཐང་ཙམ་བླུགས། གཙང་བཙོག་མ་འདྲེས་པ་གལ་ཆེའོ། །མདོས་མདུན་དུ་མཆོད་པ་རྣམ་ལྔ་ཚོགས་སྨན་རཀ་བཤམ། ཕུགས་གཏོར་སོགས་ནི་རང་རང་གི་སྤྱི་སྲོལ་ལྟར་རོ། །འདོན་ལུགས་རང་གི་སྤྱི་སྲོལ་ལྟར་ལ། འདི་ཁོ་ནའི་རང་ལུགས་ནི་སྐྱབས་སེམས་དཀར་

[Full Size]

བགེགས་བྱ། མཆོད་པ་མདོས་རྣམས་སྤོས་ཕྱུང་བྱས་ཆུ་གཙང་བྲན། ཐུགས་སྒྲུབ་སོགས་ལྷ་གཞུང་ཐམས་ཅད་ཚར་བ་དང་གཞུང་གི་མདོས་བསྐྱེད། སྔགས་དྲུག་ཕྱག་དྲུག་གིས་བྱིན་གྱིས་བརླབ། ཧཱུྃ། ཡེ་ཐོག་བསྐལ་པའི་དང་པོ་སོགས་ཀྱི་དབང་དུ་བསྡུས། ཧཱུྃ། ང་ནི་དབང་ཆེན་རྟ་མགྲིན་སོགས་དམ་བསྒྲག །མདའ་དར་མེ་ལོང་ཅན་གཡབ་བཤུགས་གླུ་བླངས་ལ། ཧཱུྃ། དཔག་བསམ་ཤིང་གི་སོགས་ནས། ཛཿཧཱུྃ་བཾ་ཧོཿཞེས་སྤྱན་དྲངས། རི་རབ་གླིང་བཞི་དང་ཙཀ་ལི་ལ་དབྱེར་མེད་བཞུགས་པར་བསྒོམ། དེ་ནས་ཐུགས་སྒྲུབ་ཚོགས་བྱ། ཚོགས་ཕུད་ཀྱིས་ཕུགས་གཏོར་གསོ། ཐུགས་སྒྲུབ་སོགས་གཏོར་བསྔོས་བསྡུས་པ་ཙམ་བྱ། བར་པ་བཤགས་པས་མདོས་གསོ་བྲན་བྱས་ལ། ཐུགས་སྒྲུབ་སྐོང་བ་དང་མ་མོ་འཁྲུག་སྐོང་རྒྱས་བསྡུས་གང་རེད་འདོན། ཚོགས་ཀྱི་བཤགས་པ་དང་། ཨོཾ་ས་མ་ཡ། ཨཱས་མ་ཡ། ཧྭ་ས་མ་ཡ། གུ་རུ་དྷེ་ཝ་དྷཱ་ཀི་ནི། ཨོཾ་ག་ཎ་ཙཀྲ་སཏཱ་ས་མ་ཡ་སོགས་བདུན་ནམ་གསུམ་བརྗོད། དེ་ནས་འབྲུ་སྣ་ཤ་དུམ་རུས་དུམ་རིན་པོ་ཆེའི་ཕྱེ་མ་རྣམས་མདོས་ལ་བཏབ་ཅིང་བྲན་ལ། ཧཱུྃ༔ ང་ནི་དཔལ་ཆེན་རྟ་མགྲིན་ཡིན༔ སོགས་མདོས་གཞུང་དུ། པཱུ་ཛ་མེ་གྷ་ས་མ་ཡེ་ཧཱུྃ༔ ཡན་འདོན། དེ་ནས་སྒོ་དབྱེ་ལམ་བསྟན་དེ་མི་འདོན་སྒྱུར། ཚོགས་ཐ་མ་བསྒྲལ་ལས་བྱ། མདོས་སུ་ཕུལ་ནས་ཁྲམ་སྣ་བསྒྱུར་བ། བྷྱོཿ མཁའ་འགྲོའི་ཁྲམ་སྣ་དགྲ་ལ་སྒྱུར༔ ནས། སོད་

[Full Size]

སོད༔ བར་འདོན། ཚོགས་ལ་རོལ་ནས་ལྷག་མ་གཙང་ལྷག་མདོས་ཀྱི་ལྕགས་རིའི་ནང་དུ་ཕུལ། ཐུན་སྐབས་སུ་ཐོད་ཕྲེང་རྩལ་དང་ཧིམ་ཧ་རི་ནི་ས་སྦྲེལ་མ་ཅི་ནུས་བསྙེན་ཏེ་མདོས་བསྒྲུབ་བོ། །དེ་ལྟར་ཞག་རེ་ལ་སྔ་དྲོ་ཕྱི་དྲོ་མཚན་མོ་དང་ཚར་གསུམ་མམ་ཞོགས་ཉིན་ཕྱེད་དགོང་ཀ་མཚན་ཐུན་དང་བཞིའམ་ཐ་ནའང་ཉིན་མཚན་གཉིས་ལ་ཚར་རེ་དགོས་སོ། །ཞག་དུ་བྱེད་ན་འབྱོར་བ་དང་བསྟུན་ཏེ་གསུམ་ལྔ་དགུའོ། །འདི་བསྐང་མདོས་ཡིན་པས་རྒྱུན་དུ་བཅས་ཀྱང་རུང་སྔགས་པ་ལ་མི་གནོད་ཕན་ཆེའོ། །ཕུལ་ཉིན་སྔ་དྲོ་ཚར་གཅིག་འདོན། །མཁའ་འགྲོ་གཟའ་རྒྱུ་ལྡོག་ཐེབས་ལྡོག་ཞིབ་ཏུ་བརྩིས་ལ་ཕྱོགས་གཙང་སར་སྔོན་དུ་དཀར་བགེགས་གཉིས། དེ་རྒྱབ་དམར་གཏོར་ལྷ་གྲངས། དེ་རྒྱབ་མདོས་བཞག །དར་ནག་སྔགས་ཆས་སོགས་བྱས་ལ་མཚོན་ཆ་འཁོར་ལོའི་སྒོ་དབྱེ་གསེར་སྐྱེམས་སུ་བསྒྱུར་བས་གསེར་སྐྱེམས་གཏོར། ཧཱུྃ༔ ད་ནི་སྲིད་པའི་མདོས་བཏང་ངོ་༔ སོགས། གཞུང་གི་དེ་ཚར་གསུམ་འདོན་ལ་ཁྱེར། གོམ་པ་བདུན་ཅུ་ལས་མི་ཉེ་བར་སོང་། གོང་དུ་བཤད་ལྟར་བཀོད། དང་པོ་དཀར་གཏོར་འབུལ། སྤྲོ་ན་གསེར་སྐྱེམས་གོང་ལྟར་བྱ། ཐུགས་སྒྲུབ་ཆད་མདོ་བརྟན་སྐྱོང་། མཁའ་རི་ལ་དཀར་གཏོར་ཡོད་ན་ལེགས། །སྨྱོ་ཁ་སྤུ་གྲི་ཞིང་སྐྱོང་མ་ནིང་སོགས་རང་རང་གི་ཆོས་སྐྱོང་གང་ཡོད་ལ་གཏོར་མ་ཕུལ། དམག་ཐབས་མཇུག་ནས་ཡར་འཕེན་རྒྱུ་བྱེད་ན་གཏོར་མ་དེ་རྣམས་བཟའ་མི་རུང་། དེ་ནས་མདོས་བཀྱག་ལ་གཞུང་གི བྷྱོཿ མཁའ་འགྲོའི་

[Full Size]

ཁྲམ་སྣ་དགྲ་ལ་སྒྱུར༔ སོགས། གྱེར་ནས་ཐང་དུ་བཞུག །རྔ་འུར་བརྡུང་རོལ་མོ་དང་། ཨཀསམཐར༸སོགས། ཟློག་སྔགས་གང་ཤེས་འདོན་ཆོག །ཤིང་རིས་སོགས་ཐམས་ཅད་བསྡུ། དབུས་ཀྱི་དམར་གཏོར་ལྔ་རྩེ་ཕར་བསྟན་ལ་བསྐྱེལ་ལོ། །དེ་ནས་དམར་གཏོར་ལྷ་གྲངས་དངོས་གྲུབ་ཏུ་བསྡུ་རུང་། གཞན་ཚོ་ཕུལ། མདོས་གཞི་སྦུབས་ལ་རྟ་བྲོ་ཐུགས་སྒྲུབ་ལྟར་བརྡུང་། ཁྱུང་དམར་པོས་ཕྱིར་ལམ་བཅད་པར་བསྒོམས་ལ་ཕྱི་མིག་མི་བལྟ་ནང་དུ་འོང་ཚེ་རྣམ་འཇོམས་འདོན། ཁྱིམ་དུ་སླར་གཏང་རག་གི་ཚོགས་བྱ་བ་དང་ཚེ་འགུགས་བསྔོ་བ་བཀྲ་ཤིས་བྱ། ཕྱིར་ནངས་ཐུགས་སྒྲུབ་བསྡུས་པ་ཙམ་བྱ། སླར་བསྔོ་བ་བཀྲ་ཤིས་དཀྱིལ་འཁོར་བསྡུ་བ་སོགས་ཐུགས་སྒྲུབ་མཇུག་ཚང་བར་བྱ། །སྟབས་འགྲིགས་ན་བསངས་བྱས་ལ་འགྲོའོ། །རང་གཞུང་བསྲེ་བསླད་མེད་པ་ཉིད་གམ་གཙང་བས་འཐུས། གལ་ཏེ་སྤྲོས་པ་ལ་ཆེར་དགའ་ནི་མདོས་གཞུང་དགའ་རབ་རྡོ་རྗེས་མཛད་པའི་མདོས་ཀྱི་འཕྲུལ་མིག་ཅེས་བྱ་བ་པོ་ཏི་ལང་ལ་ཁད་ཡོད་པ་མདོས་རིགས་ཐམས་ཅད་ལ་སབ་རྒྱུ་ཡིན་པས་སབ་རུང་ལ། གཞན་གང་རྙེད་སབ་པར་མི་བྱའོ། །ཞེས་སྙིགས་མའི་དུས་འདིར་ཆོས་ལྡན་གྱི་རྒྱལ་པོ་རཏྣ་བི་ཛ་ཡས་བསྐུལ་བ་ལས། སྔགས་འཆང་རཱ་ག་ཨ་སྱས་སྒྲུབ་གནས་ཆེན་པོ་བདུད་རྩི་དིལ་ནས་བྲིས་པ་སྔགས་ཆུང་གསར་བུ་ཀུན་ལ་ཕན་ཞིང་དད་ལྡན་སྦྱིན་བདག་ཐམས་ཅད་ཀྱི་སྐྱབས་ཀྱི་དམ་པར་གྱུར་ཅིག །སརྦ་མངྒ་ལཾ།། །།

བརྟན་མ་བཅུ་གཉིས་མདོས་ཆེན་ཞེས་ཀྱང་བྱ། ལོ་གཡང་སྡུད་མདོས༴ ཨ་ཕྱིའི་འཆི་བསླུ༴ ལྷ་མོའི་གསང་མདོས༴ སྡེ་བརྒྱད་ཁེང་ལོག་མདོས་ཆེན༴ དབང་ཕྱུག་བྱད་ཟློག༴ བརྟན་མའི་ས་ག༴ མི་ཁ་ཟློག་མདོས༴ ལྟས་ངན་ཟློག་མདོས༴ བརྟན་མའི་སུན་ཟློག༴ སད་སེར་བཙའ་ཟློག༴ བརྟན་མའི་གོད་ཟློག་ཅེས་ཀྱང་བྱ།

[Full Size]

བརྟན་མ་བཅུ་གཉིས་མདོས་ཆེན་ཞེས་ཀྱང་བྱ༔ ལོ་གཡང་སྡུད་མདོས་ཞེས་ཀྱང་བྱ༔ ཨ་ཕྱིའི་འཆི་བསླུ་ཞེས་ཀྱང་བྱ༔ ལྷ་མོའི་གསང་མདོས་ཞེས་ཀྱང་བྱ༔ སྡེ་བརྒྱད་ཁེང་ལོག་མདོས་ཆེན་ཞེས་ཀྱང་བྱ༔ དབང་ཕྱུག་བྱད་ཟློག་ཅེས་ཀྱང་བྱ༔ བརྟན་མའི་ས་ག་ཞེས་ཀྱང་བྱ༔ མི་ཁ་ཟློག་མདོས་ཞེས་ཀྱང་བྱ༔ ལྟས་ངན་ཟློག་མདོས་ཞེས་ཀྱང་བྱ༔ བརྟན་མའི་སུན་ཟློག་ཅེས་ཀྱང་བྱ༔ སད་སེར་བཙའ་ཟློག་ཅེས་ཀྱང་བྱ༔ བརྟན་མའི་གོད་ཟློག་ཅེས་བྱ་བ་གོ་བདེ་བ་ཁྱེར་བདེ་བ་བཞུགས་སོ༔

[Full Size]

ན་མོ་གུ་རུ་དྷེ་ཝ་ཌཱཀི་ནཱི༔ སངས་རྒྱས་ཐམས་ཅད་མཐུ་སྟོབས་གཅིག་ཏུ་འདུས༔ ཆོས་སྐུ་ལོངས་སྐུ་སྤྲུལ་སྐུ་རྣམ་རོལ་པའི༔ གང་ལ་གང་འདུལ་ཐབས་ཀྱིས་འགྲོ་དོན་མཛད༔ སྐུ་གཅིག་མཚན་བརྒྱད་པད་འབྱུང་ཞབས་ལ་འདུད༔ ཟག་མེད་བདེ་སྟེར་བཀའ་བསྡུས་མངོན་སངས་རྒྱས༔ འཇིག་རྟེན་སྐྱོན་གྱིས་མ་གོས་མཁའ་འགྲོའི་སྐུ༔ ཡེ་ཤེས་མཚོ་རྒྱལ་སྐུ་ལ་ཕྱག་འཚལ་བསྟོད༔ འཇིག་རྟེན་བྱ་ར་བྱེད་པའི་གཡར་དམ་ཅན༔ བརྟན་མ་བཅུ་གཉིས་མདོས་ཟློག་བཀོད་པ་ལ༔ ཆོས་བདག་སྲུང་མས་བཀའ་གནང་བྱིན་གྱིས་རློབས༔ བོད་ཁམས་སྐྱོང་མདོས་གདན་ནི་ཤིང་ངམ་གང་ཡང་རུང་བའི་སྟེང་༔ རི་རབ་བང་རིམ་

[Full Size]

བདུན་བྱས་དེའི་སྟེང་དུ༔ རྣམ་རྒྱལ་བུམ་པ་ལྕོག་བཞི་ལྡན་པར་བྱ༔ དེ་མཐར་གླིང་བཞི་གླིང་ཕྲན་བཀོད་པ་ནི༔ ཤར་གླིང་ཟླ་གམ་ལྷོ་གླིང་སོག་ཁ་དང་༔ ནུབ་གླིང་ཟླ་གམ་བྱང་གླིང་གྲུ་བཞི་བྱ༔ ཐམས་ཅད་ཕྱོགས་མདོག་གསུམ་གསུམ་ཕྱོགས་མདོག་བཀོད༔ དེ་སྟེང་དབུས་སུ་ཟན་ནམ་ས་སྦྱིན་ལ༔ གཙོ་མོ་ཨ་ཕྱི་བཀྲ་ཤིས་ཚེ་རིང་མ༔ སྐུ་མདོག་དཀར་པོ་ལྷབ་ལྷུབ་རིན་ཆེན་བརྒྱན༔ སེང་གེ་ཆིབས་ཤིང་ཕྱག་མཚན་ཚེ་བུམ་འཛིན༔ དེ་ཡི་གཡས་ཟུར་མ་མོ་ཀུན་གཙོ་མོ༔ མ་གཅིག་ལྷ་མོ་དུད་སོལ་སྐུ་མདོག་སྔོ༔ ཞལ་གཅིག་ཕྱག་བཞི་བོང་བུ་ག་དམར་ཆིབས༔ ཁ་ཊཾ་རལ་གྲི་བྷནྡྷ་ཏྲི་ཤུལ་བསྣམས༔ སྐུ་སྟོད་མི་ལྤགས་སྐུ་སྨད་རེ་ལྡེས་བརྒྱན༔ གཡོན་ཟུར་ཨེ་ཀ་ཛཱ་ཊི་སྐུ་མདོག་སྔོ༔ ཞལ་གཅིག་ཕྱག་གཉིས་ཞིང་དབྱུག་གཡས༔ གཡོན་པས་

[Full Size]

ལྕགས་སྤྱང་མགོ་དགུ་འཛིན༔ ཆིབས་སུ་བོང་བུ་སྨུག་ནག་ཆིབས༔ གཟིག་གི་ཤམ་ཐབས་སྨད་ལ་དཀྲིས༔ གཅེར་བུ་སྤྱན་གཅིག་ནུ་མ་གཅིག༔ མདུན་དུ་རྡོ་རྗེ་ཀུན་གྲགས་མ༔ སྔོན་པོ་ལྷབ་ལྷུབ་རིན་ཆེན་བརྒྱན༔ རྒྱལ་མཚན་མེ་ལོང་བསྣམས་ནས་འབྲུག་ལ་ཆིབས༔ རྒྱབ་ཏུ་གངས་དཀར་ཤ་མེད་གཡུ་སྒྲོན་མ༔ དཀར་མོ་རིན་ཆེན་ལྷབ་ལྷུབ་གསེར་གཡུས་བརྒྱན༔ ཟོར་བ་ཞགས་པ་བསྣམས་ནས་ཤ་བ་ཆིབས༔ གཡས་ཟུར་ཀོང་བཙུན་དེ་མོ་བོད་ཁམས་སྐྱོང་༔ དཀར་མོ་ལྷབ་ལྷུབ་རིན་ཆེན་གསེར་གཡུས་བརྒྱན༔ མདའ་དར་པར་བུ་བསྣམས་ནས་རྟ་མཆོག་ཆིབས༔ ཤར་དུ་མཐིང་གི་ཞལ་བཟང་མ་དང་ནི༔ བཙན་ལ་རོལ་པའི་རྡོ་རྗེ་སྨན་མོ་གཉིས༔ དེ་ཡི་གཉིས་ཀྱི་གཡས་ཟུར་དུ༔ གཡུ་ཡི་དྲིལ་བུ་གཟུགས་ལེགས་མ༔ གཡོན་ཟུར་སྨན་བཙུན་ཁུག་ཆོས་རྡོ་རྗེ་གཡར་མོ་བསིལ༔ ལྷོ་རུ་མི་གཡོ་བློ་བཟང་དང་༔ ཁ་རག་ཁྱུང་བཙུན་རྡོ་རྗེ་དཔལ་གྱི་ཡུམ༔ གཡས་ཟུར་གསེར་ཆེན་མཁའ་ལྡིང་རྡོ་རྗེ་ཀླུ་མོ་དང་༔ གཡོན་ཟུར་རྨ་རི་རབ་འབྱམས་རྡོ་རྗེ་དྲག་མོ་རྒྱལ༔ ནུབ་ཏུ་ཅོད་པན་མགྲིན་བཟང་མ་དང་དཔལ་ལྡན་ཧ་རི་རྡོ་རྗེ་གཡའ་མ་སྐྱོང་༔ གཡས་ཟུར་དུ་གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་༔ གཡོན་ཟུར་དུ་འབྲོག་ཆེན་འཁོར་འདུས་རྡོ་རྗེ་བགེགས་ཀྱི་གཙོ༔ བྱང་དུ་གཏད་དཀར་འགྲོས་བཟང་མ་དང་སྲིན་མོ་གཡག་གདོང་མ༔ གཡས་ཟུར་དུ་རྡོ་རྗེ་སེར་མོ་དོམ་གདོང་མ༔ གཡོན་ཟུར་དུ་དགའ་བ་དམར་མོ་བྱ་རྒོད་མགོ༔ མདུན་དུ་གསོད་བྱེད་ལྗང་མོ་སྤྱང་མོའི་མགོ༔ དེ་དག་ཐམས་ཅད་གཞུང་ལྟར་

[Full Size]

སྐུ་མདོག་ཕྱག་མཚན་རྒྱན་མ་ནོར་བ་བྱས་ནས་བསྒྲིག༔ དེ་འོག་བང་རིམ་གཉིས་པ་ལ་དབང་ཕྱུག་མ་རྣམས་བཀོད་པ་ནི༔ དཔལ་གཏོར་མ་གཏོགས་སྐུ་གཟུགས་དགོས་པ་མ་ཡིན༔ ཤར་དུ་ཞི་བའི་ལས་བྱེད་མ་དྲུག་ལ་དཔལ་གཏོར་དྲུག༔ ལྷོ་རུ་རྒྱས་པའི་ལས་བྱེད་མ་དྲུག་ལ་དཔལ་གཏོར་དྲུག༔ ནུབ་ཏུ་དབང་གི་ལས་བྱེད་མ་དྲུག་ལ་དཔལ་གཏོར་དྲུག༔ བྱང་དུ་དྲག་པོའི་ལས་བྱེད་མ་དྲུག་ལ་དཔལ་གཏོར་དྲུག༔ དེ་འོག་བང་རིམ་གསུམ་པ་ལ་སྐྱོང་མ་བཅུ་གཉིས་ཡ་མ་བཅུ་གཉིས༔ ཡང་འཁོར་མ་མོ་རྣམས་ལ་དཔལ་གཏོར་དཀར་དམར་བརྒྱའམ་ལྔ་བཅུ་བྱ༔ བར་མཚམས་ཐམས་ཅད་ཤ་དུམ་མཐེབ་སྐྱུས་བསྐོར༔ དེ་འོག་བང་རིམ་བཞི་ལ་སྡེ་བརྒྱད་སོ་སོའི་སྐུ་གཟུགས་རྣམས་སྡེ་བརྒྱད་ཁེང་ལོག་ལྟར་ཕྱོགས་སུ་བཀོད༔ དེ་འོག་བང་རིམ་ལྔ་ལ་གཉན་ཆེན་བཞི་ལ་འབྲང་རྒྱས་ཞལ་དཀར་བཞི༔ ཡུལ་ལྷ་ལ་དཀར་གཏོར༔ གནས་བདག་ལ་ལྷ་བཤོས༔ ཀླུ་ལ་དཀར་གཏོར་སྤྲུལ་ཁུག་ཅན༔ ས་བདག་ལ་རི་རབ་ཚུལ་དུ་རུས་སྦལ་དང་དཀར་གཏོར་བྱ༔ དེ་འོག་བང་རིམ་དྲུག་ལ་ཡང་འཁོར་ཐམས་ཅད་ལ་གཏོར་མ་ཤ་དུམ་མཐེབ་ཀྱུ་ཅི་འབྱོར་བྱ༔ དེ་འོག་བང་རིམ་བདུན་པ་ལ་ཡས་རྣམས་བཀོད་དེ༔ ཡས་ནི་ལོ་རིམ་ཡིན་ན་ཡུལ་གྲོང་ངམ་རང་གི་ཞིང་ས་གང་ཡིན་ཞིང་གྲངས་ནས་འཕུས་ཕུས་ཀྱི་ཐེབ་འགྲོས་འོག་བྲེ་རེ་འཇལ་ཞིང་ས་ཙམ་པ་སོག་མ་ལྡོང་བུ་སྙེ་མ་ཤེལ་ཚིགས་སྦྲང་མ་རྣམས་ཚང་བར་བྱ༔ མིའི་རིམ་གྲོ་ལ་བདེ་རིམ་སོགས་བླ་མ་བརྗེ་བུད་མེད་སྐྱེས་པ་སོགས་ཐམས་ཅད་གཟུགས་བཟང་ལྟ་ན་

[Full Size]

སྡུག་པར་བྱས་ལ་མདུན་དུ་བཞག༔ ནད་པ་ཡིན་ན་གོང་ལྟར་སུ་ཡིན་གཟུགས་ལྟ་ན་སྡུག་པར་བྱ༔ དེའི་མདུན་དུ་ལོ་གྲངས་ཆངས་བུ་གཙང་མ༔ གོས་དུམ་རྣམས་བཀོན༔ ཉང་གི་གཏེར་མར་ནད་པའི་ཁ་ཆུ་མ་འདྲེས་པས་ནད་བདག་གླུད་བདག་ཐམས་ཅད་མི་ཚིམ་ཟེར་བ་གདའ༔ ར་ཤག་གཏེར་སྟོན་གཏེར་མར་དེ་འདྲ་གདའ་བས་དེ་ཕྱིར་སྣོད་གཞན་ཞིག་ཏུ་ནད་པའི་ཁ་ཆུས་བརྫིས་པའི་ངར་གླུད་རབ་ལུས་ཚད་འབྲིང་ཁྲུ་གང་ཐ་མ་མཐོ་གང་བྱས་པ་ལ་གོང་ལྟར་ཆངས་བུ་གོས་དུམ་ཚྭ་ཡོས་རམ་གསུམ་སྲེ་ལོང་སྦྱང་སྐྱུར་སོགས་བཏབ་ལ༔ རྒྱུན་དུ་བདེན་བདར་ཁ་བསྔོས་ནད་པ་རྒྱུན་དུ་དེ་སྟེང་ཁྲུས་བྱས་ལ་གླུད་འཕྱོངས་ཅི་རིགས་སམ་གནམ་ཆོས་གདོན་ཁྲོལ་འདོན་ལ་གཞུང་ལྟར་ཕུལ༔ ནོར་ལ་གོད་ཆད་ཕྱིར་ཡིན་ནའང་རྟ་ནོར་མཛོ་དྲེལ་བོང་བུ་རྣམས་སུ་ཡིན་ན་གཟུགས་ལེགས་པ་རྔམས་པ་བྱས་ལ༔ སུ་ཡིན་གྱི་སྤུ་ཁ་ཆུ་ཤི་ན་ཤ་རུས་སོགས་བཀོད༔ དེ་མཐར་ལྕགས་རི་བྱས་ལ་སྟེང་དུ་དྲག་པོའི་རྩང་དམར་ཉེར་བརྒྱད༔ ནམ་མཁའ་ཕྱོགས་མདོག་ཉི་ཤུ༔ མདའ་འཕངས་ཉི་ཤུ༔ རྒྱང་བུ་མཛེས་པ་ཉི་ཤུ༔ རུ་མཚོན་ཉི་ཤུ་ཕོ་ཏང་མོ་ཏང་ཉི་ཤུ་རྣམས་ཚང་བར་བཙུགས༔ དབུས་སུ་ནམ་མཁའི་གདུགས་སམ་དར་གདུགས་ཕུབ༔ ཕྱོགས་བཞིར་རྒྱལ་མཚན་བཞི་མདའ་དར་ཕྱོགས་མདོག་བཞི༔ ཤེར་གསེར་བྱི་རུ་མུ་མན་རྣམས་ཀྱི་མེ་ལོང་༔ གུ་རུ་ཆོས་དབང་གཏེར་མར་གསུངས་པ་སྟེ༔ ཚང་བ་དང་རྙེད་པར་དཀའ་བས་མེ་ལོང་བཞིས་ཆོག་པར་སྣང་༔ འདི་ཡན་རཱ་ག་ཨ་སྱ་རང་གིས་བསྒྲིགས༔ འདི་མན་གཏེར་ཁའོ༔ ༈ དེ་

[Full Size]

ལྟར་མདོས་ནང་དུ་ཤ་དུམ་མཐེབ་སྐྱུ་འབྲུ་སྣ་ཚང་མ་ཤེལ་ཚིགས་སྨན་སྣ་དམ་རྫས་སོགས་ཅི་འབྱོར་བྱས་ལ་བཏབ༔ མདོས་མདུན་དུ་སྨན་གཏོར་རཀྟ་མེ་ཏོག་བདུག་སྤོས་མར་མེ་དྲི་ཆབ་ཞལ་ཟས་སྤྱན་གཟིགས་དཀོར་ཆ་གཡང་རྫས་སོགས་ཚང་བར་བྱས་ལ༔ སྤོས་རུམ་ཤུག་རུམ་བྱས་ལ༔ ཆུ་གཙང་གིས་བྲན་ལ་རང་ཉིད་བདེ་བར་འདུག་ནས༔ ལྷ་གཞུང་ཚོགས་བསྐང་ཚར་ནས་དང་པོ་གཉེན་པོ་ལྷ་བསྐྱེད་པ་ནི༔ ཧཱུྃ༔ རང་སེམས་ཡི་གེ་འཕྲོ་འདུས་ཡོངས་གྱུར་ལས༔ རང་ཉིད་པད་འབྱུང་སྣང་སྲིད་ཟིལ་གནོན་སྐུ༔ དཀར་དམར་མདངས་ལྡན་པད་ཞྭ་མཐོང་གྲོལ་གསོལ༔ རྡོ་རྗེ་བྷནྡྷ་ཚེ་བུམ་ཁ་ཊཾ་འཛིན༔ ཆོས་གོས་དམར་པོ་ཟབ་བེར་སྨུག་པོ་གསོལ༔ གཡས་བསྐུམ་གཡོན་བརྐྱང་རྒྱལ་པོ་རོལ་སྟབས་བཞུགས༔ བག་དྲོ་ལྷུན་ཆགས་གཟི་བརྗིད་ལྡན་པར་བསྒོམ༔ འོད་འཕྲོས་ཟིལ་གྱིས་གནོན་ཕྱིར་གཤེགས་སུ་གསོལ༔ ཧཱུྃ༔ སྔོན་གྱི་བསྐལ་པའི་དང་པོ་ལ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཕྱིར༔ གནས་མཆོག་འདི་རུ་གཤེགས་སུ་གསོལ༔ སྒྲུབ་མཆོག་བདག་ལ་

[Full Size]

དངོས་གྲུབ་སྩོལ༔ ཅེས་འཛབ་བཟླས་ནས་ལྷོ་ནུབ་ནས་བྱིན་འཐིབ་འཐིབ་བྱོན་པར་བསམས་ལ༔ ཧཱུྃ༔ ཕྱི་མཆོད་ཉེར་སྤྱོད་ཀུན་བཟང་ཁེངས་པས་མཆོད༔ ནང་མཆོད་སྨན་དང་གཏོར་མ་རཀྟས་མཆོད༔ གསང་མཆོད་ཡབ་ཡུམ་མཁའ་གསང་བྱང་སེམས་མཆོད༔ གུ་རུ་དྷེ་ཝ་ཌཱ་ཀི་ནཱི་ཨཧཱུྃ་ནས། ཤབྷ་མ་ཧཱ་པཉྩ་རཀྟ་བ་ལིཾ་ཏ་ཁཱ་རཾ་ཁཱ་ཧི༔ ཧཱུྃ༔ དུས་གསུམ་སངས་རྒྱས་གཅིག་བསྡུས་སྤྲུལ་པའི་སྐུ༔ མངལ་གྱིས་མ་གོས་མཚོ་སྐྱེས་རྡོ་རྗེའི་སྐུ༔ གང་ལ་གང་འདུལ་སོ་སོའི་སྐུར་སྟོན་པ༔ པད་འབྱུང་སྤྲུལ་པའི་སྐུ་ལ་ཕྱག་འཚལ་བསྟོད༔ ཅེས་སོ། །གཉིས་པ་མདོས་བྱིན་རླབས་དང་བསྔོ་བ་ནི༔ ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར༔ སྟོང་པའི་ངང་ལས་རང་ཉིད་ཡི་དམ་དུ་གསལ་བའི་ཐུགས་ཀ་ནས་རཾ་ཡཾ་ཁཾ་གསུམ་འཕྲོས་པས་མདོས་ཀྱི་མི་གཙང་བ་རྣམས་བསྲེགས༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སརྦ་པྲ་སཾ་ཤོ་དྷ་ན་ཧཱུྃ་ཕཊ༔ རཾ་ཡཾ་ཁཾ་སྭཱ་ཧཱ༔ ཞེས་ལན་གསུམ་བྱ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་ཨེ་ཡོ་རོ་བོ་སུ་ལས་འབྱུང་བ་རིམ་བརྩེགས་རི་རབ་བདུན་པ་རྣམ་རྒྱལ་བུམ་པ་དང་བཅས་པ་གསེར་གྱི་རི་བདུན་གླིང་བཞི་གླིང་ཕྲན་བརྒྱད་དང་བཅས་པ་སོ་སོའི་སྐུ་དང་གཏོར་མ་སོ་སོའི་

[Full Size]

གང་ལ་གང་འདོད་ཅི་ལ་ཅི་དགོས་བསམ་གྱིས་མི་ཁྱབ་པ་དྭངས་ཤིང་ཐོགས་པ་མེད་པ་ལྷོ་སྤྲིན་བས་ཕྱུག་ཆེ་བ༔ སྐར་ཕྲན་བས་གྲངས་མང་བ༔ ཉི་ཟླ་བས་འོད་གསལ་ལྷ་ཚངས་པ་དང་བརྒྱ་བྱིན་བས་ཁྱད་པར་འཕགས་པ༔ ཀླུ་དགའ་བོ་དང་འཇོག་པོ་བས་ལོངས་སྤྱོད་ཆེ་བ་ཀུན་ཏུ་བཟང་པོའི་མཆོད་སྤྲིན་ལྟ་བུ་བསམ་གྱིས་མི་ཁྱབ་པར་གྱུར༔ ཨོཾ་ན་མཐསརྦ་ཏ་ཐཱ་ག་ཏེ་བློ་སོགས། །ཨོཾ་ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས། ཨོཾ་རུ་རུ་སྤུ་རུ་ཛྭ་ལ་ཏིཥྛ་སིདྡྷི་ལོ་ཙ་ན་སརྦ་ཨརྦ་སིདྡྷ་ནི་སྭཱ་ཧཱ༔ ཨོཾ་ཨ་ཀཱ་རོ་སོགས། བྱིན་གྱིས་བརླབས་ནས་བསྐྱེད་པ་ནི། ཨོཾ་སྭ་བྷ་ཝ་སོགས། སྟོང་པའི་ངང་ལས་མདོས་གཞི་དབང་ཆེན་གསེར་གྱི་ས་གཞིའི་སྟེང་དུ་འབྱུང་བ་རིམ་བརྩེགས་རི་རབ་བང་རིམ་བདུན་པ་གླིང་བཞི་གླིང་ཕྲན་བརྒྱད་ཀྱིས་བསྐོར་བའི་དབུས་སུ་བརྟན་མ་བཅུ་གཉིས་གཙོ་མོ་བཀྲ་ཤིས་ཚེ་རིང་མ་ཞེས་བྱ་བ་སྐུ་མདོག་དཀར་པོ་འོད་ཟེར་དང་ལྡན་པ༔ སྐུ་ལ་རིན་པོ་གྱི་ལྷབ་ལྷུབ་ཀྱིས་མཛེས་པ༔ ཕྱག་གཡས་གསེར་གྱི་རྡོ་རྗེ་རྩེ་ལྔ་པ་གདེངས་ཐབས་སུ་འཛིན་པ༔ ཕྱག་གཡོན་ཚེ་ཡི་བུམ་པ་འཆི་མེད་བདུད་རྩིས་གང་བ་བསྣམས་པ༔

[Full Size]

ཆིབས་སུ་སེང་གེ་དཀར་མོ་ལ་ཆིབས་པ༔ དེའི་གཡས་སུ་མ་མོ་ཀུན་གྱི་གཙོ་མོ་མ་གཅིག་དཔལ་ལྡན་ལྷ་མོ་དུད་སོལ་མ་སྐུ་མདོག་སྔོན་མོ་ཞལ་གཅིག་ཕྱག་བཞི་རལ་གྲི་ཐོད་ཁྲག་ཁ་ཊཱ་ཏྲི་ཤུལ་འཛིན་པ༔ སྐུ་སྟོད་ལ་གཡང་གཞི་དང་སྐུ་སྨད་ལ་རེ་ལྡེའི་ཤམ་ཐབས་བརྒྱན་པ༔ ཆིབས་སུ་བོང་བུ་དམར་གྲྭ་ལ་ཐིབས་པ༔ དབུ་སྐྲ་དམར་སེར་ཕྱེད་ཡར་ཐོར་ཅོག་བྱས་ཤིང་ཕྱེད་མར་ཞམ་པ༔ གྲུ་ཁུག་གཡས་སུ་བྱང་དམར་ཁྲམ་ཤིང་༔ གཡོན་དུ་ནད་རྐྱལ་བསྣམས་པ༔ ཤཱ་རྡེལ་དཀར་ནག་ཕྱི་ཤ་བྱས་ནས་ཁྲག་མཚོ་འབོག་ཅིང་རླུང་ནག་འཚུབ་ཚེམའི་ཀློང་དུ་བཞུགས་པ༔ གཡོན་ཟུར་དུ་སྔགས་སྲུང་ཨེ་ཀ་ཛཱ་ཊི་སྐུ་མདོག་སྔོན་མོ་ཞལ་གཅིག་སྤྱན་གཅིག་ནུ་གཅིག་ཕྱག་གཉིས་ཞིང་དབྱུག་དང་ལྕགས་སྤྱང་མགོ་དགུ་འཛིན་པ༔ སྐུ་སྟོད་ལ་ཞིང་ཆེན་གྱི་གཡང་གཞི་དང་སྐུ་སྨད་ལ་གཟིག་གི་ཤམ་ཐབས་བྱས་པ༔ ཆིབས་སུ་བོང་བུ་སྨུག་ནག་ལ་ཆིབས་པ༔ མདུན་དུ་ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་ཞེས་བྱ་བ་སྐུ་མདོག་དཀར་པོ་འོད་ཟེར་དང་ལྡན་པ༔ སྐུ་ལ་ཞིང་ལྤགས་རློན་པ་གསོལ་བ༔ དབུ་སྐྲ་སྨུག་པོ་ལྕང་ལོར་འཁྱིལ་བ༔ གསེར་གཡུ་བྱི་རུ་སོགས་རིན་པོ་ཆེ་སྣ་ལྔས་བརྒྱན་

[Full Size]

པ༔ ཕྱག་གཡས་མདའ་དར་ཕྱར་བ༔ གཡོན་པས་རིན་པོ་ཆེའི་པར་བུ་བསྣམས་པ༔ ཆིབས་སུ་སྤྲིན་གསེབ་ཀྱི་རླུང་ལ་ཆིབས་པ༔ གཡོན་དུ་གངས་དཀར་ཤ་མེད་རྡོ་རྗེ་གཡུ་བུན་མ་ཞེས་བྱ་བ་སྐུ་མདོག་དཀར་མོ་དར་དང་རིན་པོ་ཆེས་བརྒྱན་པ༔ དབུ་སྐྲ་སྨུག་པོ་ཡར་ཕྱེད་ཐོར་ཚུགས་བྱས་ནས་རིན་པོ་ཆེ་སྣ་ལྔས་བརྒྱན་པ༔ ཕྱག་གཉིས་གཡས་ཟོར་བ་དང་གཡོན་ཞགས་པ་བསྣམས་པ༔ ཆིབས་སུ་ཤ་བ་རུ་བཅུ་ལ་ཆིབས་པ་རྒྱབ་ཏུ་བདག་ཉིད་ཆེན་པོ་རྡོ་རྗེ་ཀུན་གྲགས་མ་ཞེས་བྱ་བ་སྐུ་མདོག་སྔོན་མོ་བེཟླུརྒྱ་ལྟ་བུའི་འོད་ཟེར་དང་ལྡན་པ༔ སྐུ་ལ་དར་དང་རིན་པོ་ཆེས་བརྒྱན་པ༔ དབུ་སྐྲ་སྨུག་པོ་ཐུར་དུ་ཞམ་ནས་རིན་པོ་ཆེ་སྣ་ལྔས་བརྒྱན་པ༔ ཕྱག་གཡས་ཆུ་སྲིན་རྒྱལ་མཚན་དང་གཡོན་མེ་ལོང་འཛིན་པ༔ ཆིབས་སུ་གཡུ་འབྲུག་ལ་ཆིབས་པ༔ ཤར་དུ་མཐིང་གི་ཞལ་བཟང་མ་ཞེས་བྱ་བ༔ སྐུ་མདོག་སྔོན་མོ་ཞལ་གཅིག་ཕྱག་གཉིས་སྐུ་ལ་དར་གྱི་ལྷབ་ལྷུབ་ཀྱིས་སྤྲས་པ༔ དབུ་ལ་རིན་པོ་ཆེས་བརྒྱན་པ༔ ཕྱག་གཉིས་གཡས་མདའ་དར་དང་གཡོན་ཐུགས་ཀར་སྡིགས་མཛུབ་མཛད་པ༔ ཆིབས་སུ་རྐྱང་བུ་ཁ་དཀར་ལ་ཆིབས་པ༔ དེའི་གཡས་སུ་བཙན་

[Full Size]

ལ་རོལ་པའི་རྡོ་རྗེ་སྨན་གཅིག་མ་ཞེས་བྱ་བ་སྐུ་མདོག་དམར་ལ་ལྗང་བའི་མདོག་དང་ལྡན་པ༔ སྐུ་ལ་དར་དང་རིན་པོ་ཆེས་བརྒྱན་པ༔ ཕྱག་གཡས་སྣ་ཚོགས་དར་གྱི་ལྷབ་ལྷུབ་མཛེས་པ༔ ཕྱག་གཡོན་པས་དངོས་གྲུབ་ཀྱི་འབྲང་རྒྱས་བསྣམས་པ༔ ཆིབས་སུ་མཛོ་མོ་དཀར་མོ་ལ་ཆིབས་པ༔ གཡོན་དུ་གཡུའི་དྲིལ་བུ་རྡོ་རྗེ་གཟུགས་ལེགས་མ་ཞེས་བྱ་བ་སྐུ་མདོག་དཀར་ལ་སེར་བའི་མདངས་དང་ལྡན་པ༔ སྐུ་ལ་རིན་པོ་ཆེས་བརྒྱན་པ༔ དབུ་སྐྲ་སྨུག་པོ་ཐོར་ཅོག་བྱས་ནས་རིན་པོ་ཆེ་སྣ་ལྔས་བརྒྱན་པ༔ ཕྱག་གཡས་སྙན་པའི་གཡུའི་དྲིལ་བུ་ཁྲོལ་བ༔ ཕྱག་གཡོན་པདྨ་སྙན་གྱི་ཐད་ཀར་ཁ་བྱེ་བ༔ ཆིབས་སུ་རྒྱ་སྟག་ལ་ཆིབས་པ༔ མདུན་དུ་སྨན་བཙུན་ཨུག་ཆོས་རྡོ་རྗེ་གཡར་མོ་བསིལ་སྐུ་མདོག་དམར་པོ་འོད་ཟེར་དང་ལྡན་པ༔ སྐུ་ལ་དར་དང་རིན་པོ་ཆེའི་ལྷབ་ལྷུབ་བརྒྱན་པ༔ དབུ་སྐྲ་སྨུག་པོ་ཕྱེད་ཡར་བཅིངས་ནས་ཕྱེད་མར་ཐུར་དུ་ཞམ་པ་རིན་པོ་ཆེ་སྣ་ལྔས་བརྒྱན་པ༔ ཕྱག་གཡས་རིན་པོ་ཆེ་འབར་བ་གདེངས་ཐབས་སུ་འཛིན་ཅིང་གཡོན་སྒྲ་སྙན་ཏིང་ཤག་བསྣམས་པ༔ ཆིབས་སུ་ཤ་བ་ཡུ་མོ་ལ་ཆིབས་པ༔ ལྷོ་རུ་མི་གཡོ་བློ་བཟང་མ་སྐུ་མདོག་སེར་པོ་འོད་ཟེར་

[Full Size]

དང་ལྡན་པ་སྐུ་ལ་དར་དང་རིན་པོ་ཆེ་སྣ་ཚོགས་ཀྱིས་བརྒྱན་པ༔ དབུ་ལ་དར་གྱི་ཅོད་པན་དང་རིན་པོ་ཆེ་སྣ་ལྔས་བརྒྱན་པ༔ ཕྱག་གཡས་ནེའུ་ལེའི་རྐྱལ་པ་དང་ཕྱག་གཡོན་ཐོད་པ་བདུད་རྩིས་གང་བ་འཛིན་པ༔ ཆིབས་སུ་རྒྱ་སྟག་ངར་མ་ལ་ཆིབས་པ༔ དེའི་གཡས་སུ་ཁ་རག་ཁྱུང་བཙུན་རྡོ་རྗེ་དཔལ་གྱི་ཡུམ་སྐུ་མདོག་དཀར་པོ་ཉི་ཟེར་དང་ལྡན་པ༔ སྐུ་ལ་རྨ་བྱའི་ཐུལ་པ་དང་དར་གྱི་ལྷབ་ལྷུབ་གསོལ་བ༔ དབུ་ལ་མཛེས་པ་གཡུའི་ཟུར་ཕུད་ཅན༔ ཕྱག་གཡས་སེང་ལྡེང་གི་ཌཱ་མ་རུ་འཁྲོལ་ཞིང་གཡོན་གསེར་གྱི་མེ་ལོང་དཔྲལ་བར་འཛིན་པ༔ ཆིབས་སུ་མེའི་ཁྱུང་དམར་ལ་ཆིབས་པ༔ གཡོན་དུ་གསེར་ཆེན་མཁའ་ལྡིང་རྡོ་རྗེ་ཀླུ་མོ་རྒྱལ་སྐུ་མདོག་དཀར་ལ་དམར་བའི་མདངས་ཆགས་པ༔ སྐུ་ལ་དར་གྱི་ལྷབ་ལྷུབ་དང་རིན་པོ་ཆེས་བརྒྱན་པ༔ དབུ་ལ་རྨ་བྱའི་མདོངས་དང་རིན་པོ་ཆེས་བརྒྱན་པ༔ ཕྱག་གཡས་སྦྲུལ་ཞགས་དང་གཡོན་པས་རིན་པོ་ཆེའི་པར་བུ་བསྣམས་པ༔ ཆིབས་སུ་རྟ་མཆོག་རླུང་གཤོག་ལ་ཆིབས་པ༔ མདུན་དུ་རྨ་རི་རབ་འབྱམས་རྡོ་རྗེ་དྲག་མོ་རྒྱལ་སྐུ་མདོག་དཀར་ལ་དམར་བའི་མདངས་དང་ལྡན་པ༔ སྐུ་ལ་དར་གྱི་བེར་དང་རིན་པོ་

[Full Size]

ཆེས་བརྒྱན་པ༔ དབུ་ལ་མཛེས་པའི་བྱི་རུའི་ཐོར་ཚུགས་ཅན་ཕྱག་གཡས་པས་རིན་པོ་ཆེའི་བེ་ཅོན་ཕྱར་བ༔ ཕྱག་གཡོན་རིན་པོ་ཆེའི་གཞོང་པ་ནོར་བུས་བཀང་བ་བསྣམས་པ༔ ཆིབས་སུ་ཟངས་ཀྱི་འཕར་བ་ལ་ཆིབས་པ༔ ནུབ་ཏུ་ཅོད་པན་མགྲིན་བཟང་མ་སྐུ་མདོག་དམར་མོ་བྱི་རུའི་མདོག་ཅན་འོད་དང་ལྡན་པ་སྐུ་ལ་དར་དང་རིན་པོ་ཆེས་བརྒྱན་པ༔ དབུ་ལ་དུང་གི་ཟུར་ཕུད་ཅན༔ ཕྱག་གཡས་དར་དཔྱངས་དང་གཡོན་རིན་པོ་ཆེའི་པར་བུ་བསྣམས་པ༔ ཆིབས་སུ་ཤ་བ་ཡུ་མོ་ལ་ཆིབས་པ༔ དེའི་གཡས་སུ་དཔལ་ལྡན་རྡོ་རྗེ་ཧ་རི་གཡའ་མ་སྐྱོངས་སྐུ་མདོག་སྔོན་པོ་བཻཌཱུརླ་ལྟ་བུ་སྐུ་ལ་དར་དང་རིན་པོ་ཆེ་དང་རུས་པའི་རྒྱན་དྲུག་གིས་བརྒྱན་པ༔ དབུ་ལ་རིན་པོ་ཆེ་སྣ་ལྔས་བརྒྱན་པ༔ ཕྱག་གཡས་རྣོ་བའི་ཤང་ལང་དང་ཕྱག་གཡོན་རྡོ་རྗེའི་ཞགས་པ་བསྣམས་པ༔ ཆིབས་སུ་རྐྱང་བུ་ཁ་དཀར་ལ་ཆིབས་པ༔ གཡོན་དུ་གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་སྐུ་མདོག་དཀར་མོ་འོད་དང་ལྡན་པ་སྐུ་ལ་དར་གྱི་ལྷབ་ལྷུབ་རྡོ་རྗེ་དང་རིན་པོ་ཆེས་བརྒྱན་པ༔ དབུ་སྐྲ་ལྕང་ལོ་གྱེན་དུ་བཅིངས་ནས་རིན་པོ་ཆེས་བརྒྱན་པ། ཕྱག་གཡས་གསེར་གྱི་རྡོ་རྗེ་དང་གཡོན་ཚེ་བུམ་འཛིན་པ༔ ཆིབས་

[Full Size]

སུ་སེང་གེ་དཀར་མོ་ལ་ཆིབས་པ༔ མདུན་དུ་འབྲོག་ཆེན་འཁོར་འདུས་རྡོ་རྗེ་བགེགས་ཀྱི་གཙོ་མོ་སྐུ་མདོག་ནག་པོ་མུན་པའི་མདོག་ཅན༔ སྐུ་ལ་དར་གྱི་ལྷབ་ལྷུབ་དང་རིན་པོ་ཆེ་དང་རུས་པས་བརྒྱན་པ༔ ཕྱག་གཡས་རུ་མཚོན་རྩེ་ལྔ་འཕྱུར་ཞིང་ཕྱག་གཡོན་ཞགས་པ་བསྣམས་པ༔ ཆིབས་སུ་དྲེའུ་གྲྭ་པ་ལ་ཆིབས་པ༔ བྱང་དུ་གཏད་དཀོར་འགྲོས་བཟང་མ་སྐུ་མདོག་ལྗང་གུ་འོད་ཟེར་དང་ལྡན་པ༔ སྐུ་ལ་དར་དང་རིན་པོ་ཆེས་ལྷབ་ལྷུབ་བརྒྱན་པ༔ དབུ་ལ་རིན་པོ་ཆེའི་རྩེ་བྲན་གྱིས་བརྒྱན་པ༔ ཕྱག་གཡས་སྦྲུལ་ཞགས་དང་ཕྱག་གཡོན་རིན་པོ་ཆེའི་པདྨ་བསྣམས་པ༔ ཆིབས་སུ་གཡུ་འབྲུག་ལ་ཆིབས་པ༔ དེའི་གཡས་སུ་དབང་ཕྱུག་སྲིན་མོ་གཡག་གདོང་མ་སྐུ་མདོག་སྨུག་ནག་མུན་པའི་མདོག་ཅན་སྐུ་ལ་མི་ལྤགས་དང་གཟིག་གི་ཤམ་ཐབས་དང་རུས་པའི་རྒྱན་དྲུག་གིས་བརྒྱན་པ་རལ་པ་དམར་སེར་སྲིད་པའི་རྩེ་མོར་སླེབས་པ༔ ཕྱག་གཡས་བྷནྡྷ་ཁྲག་གིས་གང་བ་ཕྱག་གཡོན་རྡོ་རྗེས་དཀྲུགས་ནས་རྔམ་པའི་ཚུལ་གྱིས་གསོལ་བ༔ ཞབས་གཡས་བསྐུམ་གཡོན་བརྐྱང་གར་སྟབས་སུ་ཞིང་ཆེན་གདན་ལ་འགྱིང་བ༔ གཡོན་དུ་རྡོ་རྗེ་སེར་མོ་དོམ་གདོང་མ་སྐུ་མདོག་

[Full Size]

སེར་མོ་རལ་པ་སྨུག་ནག་དབུ་སྐྲ་གྱེན་དུ་བརྗེས་པ༔ ཕྱག་གཡས་སྤུ་གྲི་དང་གཡོན་དུང་དམར་བསྣམས་པ༔ ཞབས་གཉིས་བརྐྱང་བསྐུམ་གར་སྟབས་རོའི་སྙིང་གར་བརྫིས་པ་མདུན་དུ་ཟ་བ་དམར་ལྗང་བྱ་རྒོད་མགོ་ཅན་རལ་པ་གཡེང་བ༔ ཕྱག་གཡས་ཞིང་ཆེན་ཕྲག་ལ་བཟར་ནས་ཕྱག་གཡོན་ཀེང་རུས་ལག་ཏུ་བཟུང་བ༔ ཞབས་གཡས་བརྐྱང་གཡོན་བསྐུམ་གར་སྟབས་སུ་ཞིང་ཆེན་གདན་ལ་འགྱིང་བ༔ རྒྱབ་ཏུ་གསོད་བྱེད་ལྗང་ནག་སྤྱང་མོའི་མགོ་ཅན་རལ་པ་གཡེང་བ༔ ཕྱག་གཡས་བ་དན་ཕྱར་ནས་ཕྱག་གཡོན་དུང་དམར་ཞལ་དུ་སྟོབ་པ༔ སྐུ་ལ་ཞིང་ལྤགས་དང་གཟིག་ཤམ་གསོལ་ནས་བརྐྱང་བསྐུམ་དུ་བཞུགས་པ༔ ལྷ་ཚོགས་དེ་དག་གི་རང་རང་ཆ་ལུགས་མ་འདྲེས་པར་གསལ་བའོ༔ དེའི་འོག་རི་རབ་བང་རིམ་དུ༔ ཤར་དུ་ཞི་བའི་ལས་བྱེད་དབང་ཕྱུག་དྲུག༔ ཚངས་པ་དམར་སེར་སྦྲུལ་གདོང་པདྨ་འཛིན༔ ལྷ་ཆེན་དཀར་ལྗང་གཟིག་གདོང་ཏྲི་ཤུལ་འཛིན༔ རྟོག་འདོད་སྔོན་མོ་སྤྲེ་གདོང་འཁོར་ལོ་བསྣམས༔ གཞོན་ནུ་དམར་མོ་དྲེད་གདོང་མདུང་ཐུང་འཛིན༔ རྡོ་རྗེ་སེར་མོ་ཕ་ཝང་སྤུ་གྲི་འཛིན༔ ཞི་བ་དམར་སེར་ཆུ་སྲིན་བུམ་པ་འཛིན༔ ལྷོ་རུ་རྒྱས་པའི་

[Full Size]

ལས་བྱེད་དབང་ཕྱུག་དྲུག༔ བདུད་རྩི་དམར་མོ་སྡིག་གདོང་པདྨ་བསྣམས༔ ཟླ་བ་དམར་སེར་ཁྲ་གདོང་དབྱུག་ཐོ་བསྣམས༔ བེ་ཅོན་དམར་ལྗང་ཝ་གདོང་ཐོད་ཁྲག་བསྣམས༔ དགའ་བ་དམར་མོ་རྟ་གདོང་ཁོག་ཆེན་འཛིན༔ སྟོབས་ཆེན་དམར་སྐྱ་ཁྱུང་གདོང་དབྱུག་ཐོ་བསྣམས༔ སྲིན་མོ་དམར་མོ་སྟག་གདོང་ཐོད་ཁྲག་འཐུང་༔ ནུབ་ནས་དབང་གི་ལས་བྱེད་དབང་ཕྱུག་དྲུག༔ རྡོ་རྗེ་དམར་མོ་ཁྱི་གདོང་དབྱུག་ཐོ་བསྣམས༔ རྡོ་རྗེ་དམར་ནག་ཁ་གདོང་ཞིང་ཆུང་ཁུར༔ རྡོ་རྗེ་སེར་མོ་ཕག་གདོང་རྒྱུ་ཞགས་བསྣམས༔ འདོད་པ་དམར་མོ་པུ་ཤུད་མདའ་གཞུ་འགེངས༔ ནོར་སྲུང་དམར་ལྗང་ཤ་མགོ་བུམ་པ་འཛིན༔ རྡོ་རྗེ་ནག་མོ་འུག་གདོང་ལྕགས་ཀྱུ་བསྣམས༔ བྱང་ནས་དྲག་པོའི་ལས་བྱེད་དབང་ཕྱུག་དྲུག༔ མི་མོ་དམར་སྐྱ་སྐྱིན་གདོང་གསལ་ཤིང་བསྣམས༔ སྣ་ཆེན་ལྗང་ནག་གླང་ཆེན་ཐོད་ཁྲག་བསྣམས༔ ཆུ་ལྷ་ལྗང་སྔོན་རྡོ་རྗེ་སྦྲུལ་ཞགས་བསྣམས༔ ཕག་མོ་ནག་མོ་ཕག་གདོང་མཆེ་ཞགས་བསྣམས༔ རྡོ་རྗེ་སེར་ནག་ཁྱུང་གདོང་རྒྱུ་ཞགས་བསྣམས༔ རྡོ་རྗེ་སེར་མོ་ར་གདོང་བྷན་བསྣམས༔ དེ་ལྟར་དབང་ཕྱུག་ཉི་ཤུ་རྩ་བརྒྱད་རྣམས༔

[Full Size]

རང་རང་སྐུ་མདོག་ཕྱག་མཚན་མ་ནོར་གསལ༔ དེ་འོག་བང་རིམ་གསུམ་ལ་སྐྱོང་མ་དང་༔ ཡ་མ་བཅུ་གཉིས་མ་མོའི་རིགས་གྱུར་གསལ༔ བྷྱོཿ རི་རབ་རི་བཞིའི་ཤར་ཕྱོགས་སུ༔ སྡེ་བརྒྱད་རྒྱལ་པོ་ལྷ་ཡི་རྗེ༔ སྐུ་མདོག་དཀར་པོ་དར་དཀར་གསོལ༔ ཕྱག་གཉིས་མདུང་དར་དཀར་པོ་ཕྱར༔ ཆིབས་སུ་ལྷ་གཡག་དཀར་པོ་ཆིབས༔ བྷྱོཿ ལྷོ་ཕྱོགས་སྡེ་བརྒྱད་གཤིན་རྗེའི་རྒྱལ༔ སྐུ་མདོག་ནག་པོ་མུན་པའི་མདོག༔ ཕྱག་གཉིས་ཞགས་པ་ཐོད་དབྱུག་བསྣམས༔ གཡང་གཞི་སྟག་གི་ཤམ་ཐབས་གསོལ༔ ཆིབས་སུ་ཆུ་གླང་སྔོན་པོ་ཆིབས༔ ནུབ་ཕྱོགས་སྡེ་བརྒྱད་བཙན་གྱི་རྒྱལ༔ སྐུ་མདོག་དམར་པོ་དར་དམར་གསོལ༔ ཕྱག་གཉིས་བཙན་མདུང་མདའ་གཞུ་བསྣམས༔ ཆིབས་སུ་བཙན་རྟ་དམར་པོ་ཆིབས༔ བྱང་ཕྱོགས་སྡེ་བརྒྱད་གནོད་སྦྱིན་རྒྱལ༔ སྐུ་མདོག་སྔོན་པོ་དར་སྔོན་གསོལ༔ ཕྱག་ན་ནོར་བུ་འབར་བ་བསྣམས༔ ཆིབས་སུ་སྟག་མོ་རི་བཀྲ་ཆིབས་ཤར་ལྷོ་སྡེ་བརྒྱད་མ་མོའི་རྒྱལ༔ སྐུ་མདོག་དཀར་པོ་དར་དཀར་གསོལ༔ ཕྱག་ན་མདའ་དར་དཀར་པོ་བསྣམས༔ ཆིབས་སུ་གཡུ་འབྲུག་ངར་མ་ཆིབས༔ ལྷོ་ནུབ་སྡེ་བརྒྱད་བདུད་ཀྱི་

[Full Size]

རྒྱལ༔ སྐུ་མདོག་ནག་པོ་མུན་པའི་མདོག༔ ཕྱག་གཉིས་བདུད་ཞགས་ཁྲམ་ཤིང་བསྣམས༔ ཆིབས་སུ་བདུད་རྟ་ནག་པོ་ཆིབས༔ ནུབ་བྱང་སྡེ་བརྒྱད་ཀླུ་ཡི་རྒྱལ༔ སྐུ་མདོག་ལྗང་སྔོན་དར་ལྗང་གསོལ༔ ཕྱག་ན་ཆུ་སྲིན་རྒྱལ་མཚན་བསྣམས༔ ཆིབས་སུ་དུག་སྦྲུལ་མགོ་དགུ་ཆིབས༔ བྱང་ཤར་སྡེ་བརྒྱད་རཱ་ཛའི་རྒྱ་དཀར་པོ་ཆོས་གོས་གསོལ༔ ཕྱག་གཉིས་འཁར་གསིལ་ལྷུང་བཟེད་བསྣམས༔ ཆིབས་སུ་སེང་གེ་དཀར་མོ་ཆིབས༔ སྟེང་ཕྱོགས་སྡེ་བརྒྱད་གཟའ་ཡི་རྒྱལ༔ སྐུ་མདོག་སྨུག་པོ་དབུ་དགུ་པ༔ ཕྱག་བཞི་མདའ་གཞུ་རལ་གྲི་དང་རྒྱལ་མཚན་སྦྲུལ་གྱི་ཞགས་པ་བསྣམས༔ སྐུ་སྟོད་མི་ལ་སྐུ་སྨད་སྦྲུལ༔ ཆིབས་སུ་ཆུ་སྲིན་མགོ་དགུ་ཆིབས༔ སྡེ་བརྒྱད་ཐེའུ་རང་རྒྱལ༔ སྐུ་མདོག་ནག་པོ་ཐོ་བ་དང་༔ སྦུད་པ་བསྣམས་ནས་ར་སྐྱེས་ཆིབས༔ དེ་ལྟར་སྡེ་བརྒྱད་གཙོ་འཁོར་རྣམས༔ མ་འདྲེས་ཡོངས་རྫོགས་ངང་དུ་གསལ་རི་རབ་བང་རིམ་ལྔ་པ་རུ༔ ཤར་དུ་གཉན་ཆེན་ཐང་ལྷ་སྐུ་མདོག་དཀར༔ ལྷོ་རུ་གཉན་ཆེན་དབྱི་རྒྱལ་སྐུ་མདོག་སེར༔ ནུབ་ཏུ་གཉན་ཆེན་འབྲོག་ཆེན་སྐུ་མདོག་སྨུག༔

[Full Size]

བྱང་དུ་གཉན་ཆེན་དམར་ཟེ་སྐུ་མདོག་ལྗང་༔ གཉན་ཆེན་སྡེ་བཞི་དེ་ལྟར་གསལ༔ བྷྱོཿ ཤར་དུ་ཡུལ་ལྷ་གང་ཡིན་མིང་འཛུད༔ སྐུ་མདོག་དཀར་པོ་དར་དཀར་གསོལ༔ ཕྱག་ན་མདུང་དར་དཀར་པོ་བསྣམས༔ ཆིབས་སུ་རྟ་དཀར་འཕུར་ཤེས་ཆིབས༔ ཡུལ་ལྷ་མང་པོའི་འཁོར་གྱིས་བསྐོར༔ ལྷོ་རུ་ཡུལ་འདིའི་གནས་ཀྱི་བདག༔ སྐུ་མདོག་དམར་པོ་དུག་པོ་གསོལ༔ ཕྱག་གཉིས་མཉམ་བཞག་སྐྱིལ་ཀྲུང་བཞུགས༔ ནུབ་ཏུ་ཡུལ་འདིའི་ཆུ་ཡི་བདག༔ སྐུ་མདོག་སྔོན་པོ་དར་སྔོན་གསོལ༔ ཕྱག་ན་ཆུ་ཡི་གར་བུ་བསྣམས༔ སྦྲུལ་མགོ་བདུན་གྱི་གདེངས་ཀ་ཅན༔ སྐུ་སྨད་སྦྲུལ་མཇུག་རྒྱ་མཚོ་དཀྲུག་བྱང་དུ་ས་བདག་དབང་ཆེན་སེར༔ ཞལ་ལྔ་ཕྱག་བཞི་དར་ལྗང་གསོལ༔ དབུས་ཞལ་མི་ལ་གཡས་ཞལ་གཉིས༔ སྟག་དང་ཕག་མགོ་གཡོན་ཞལ་གཉིས༔ བྱ་དང་སྦྲུལ་གྱི་མགོ་བོ་ཅན༔ ཕྱག་བཞི་དང་པོས་ཐལ་མོ་སྦྱར༔ འོག་གཉིས་རི་རབ་འཁོར་ལོ་བསྣམས༔ སྐུ་སྨད་སྦྲུལ་མཇུག་གཡས་སུ་འཁྱིལ༔ རུས་སྦལ་ཕོ་མོའི་ཁྲི་ལ་བཞུགས༔ གཡས་སུ་སྲས་མཆོག་ས་འཛིན་སེར༔ རི་རབ་ལྗོན་ཤིང་དང་བཅས་བསྣམས༔ གཡོན་དུ་སྲས་མཆོག་རྒྱལ་པོ་

[Full Size]

སེར༔ སྦྲུལ་མགོ་བཅུ་དྲུག་སྦྲུལ་མཇུག་འཁྱིལ༔ རིན་ཆེན་སྡོང་པོ་ཕག་མཆེ་འཛིན༔ མདུན་དུ་ས་ཡི་ལྷ་མོ་ཡུམ༔ སེར་མོ་རིན་ཆེན་བུམ་པ་བསྣམས༔ རྒྱབ་ཏུ་ལྔ་སེར་ས་ཁམས་རྒྱལ༔ དེ་རྒྱབ་འབྱུང་བའི་རྒྱལ་མོ་བརྒྱད༔ རྒྱལ་བློན་བཅུ་བདུན་དུས་བཞིའི་ལྷ༔ སྤར་སྨེ་ལོ་ཟླ་ཞག་དུས་བདག༔ གཟའ་སྐར་ཀླུ་གཉན་ས་བདག་ཚོགས༔ ཐམས་ཅད་མ་ལུས་ཡོངས་རྫོགས་གསལ༔ དེ་འོག་བང་རིམ་དྲུག་པ་ལ༔ ནད་རིམ་ཡམས་ཀྱི་བདག་པོ་དང་༔ གོད་འདྲེ་བཙའ་བདག་སད་བདག་དང་སེར་བདག་ལ་སོགས་འཁོར་བཅས་གསལ༔ དེ་ལྟར་གསལ་བའི་ཐུགས་ཀར་རང་རང་གི་ས་བོན་ལས་འོད་ཟེར་འཕྲོས་པས་བོད་ཡུལ་མཐའ་དབུས་ཀུན་ནས་ཨ་ཕྱི་ཚེ་རིང་མཆེད་ལྔ༔ བོད་སྐྱོང་བརྟན་མ་བཅུ་གཉིས་འཁོར་ཞིང་གི་རྡུལ་སྙེད་དང་བཅས་པ་དཔལ་ཆེན་པོའི་ཕ་འབབ་དང་བདག་ཅག་སྒྲུབ་པ་པོ་ཡོན་མཆོད་ཀྱི་བར་ཆད་བསལ་ཞིང་ལོ་གཡང་སྡུད་ཕྱིར་གནས་འདིར་གཤེགས་ཤིག༔ ཨོཾ་བྷྱོཏྲི་ཡ་བྷྱོཿ ས་མ་བྷྱོཿ མ་ཡ་བྷྱོཿ ཁ་ཡ་བྷྱོཿ ཕཊ་ཡ༔ མ་མ་ཧྲིང་ཧྲིང་ཛ་ཛཿ ས་མ་ཡ་ས་ཨ་ཡ་མ་དུ་རུ་ཙ་ཤ་ན་དུ་ཏྲི་ཡ་ཤུ་བྷེ་ཛཿཧཱུྃ་བཾ་

[Full Size]

ཧོཿ དེ་ནས་སྤྱན་འདྲེན་པ་ནི༔ དུང་དམར་གྱི་ཕྱག་རྒྱ་དང་བཅས་ནས་དབྱངས་སྙན་པོས་འདི་སྐད་དོ༔ དེ་ནས་ལྷ་ཚོགས་རྣམས་གཡབ་དར་གྱིས་ག་ཡབ་ལ༔ ཧཱུྃ་བྷྱོཿ རྡོ་རྗེ་གདན་གྱི་ནུབ་ཕྱོགས་ནས༔ བལ་བོད་གཉིས་ཀྱི་སོ་མཚམས་ནས༔ གངས་རི་ཤེལ་གྱི་ཅོད་པན་ཅན༔ ཕུ་ཆུ་སྙན་པའི་རྒྱངས་གྲགས་ཅན༔ ནགས་མ་མེ་ཏོག་བུང་བ་རྒྱས༔ གཡུ་བྲག་གསེར་གཡུའི་སྐེད་ཆིངས་ཅན༔ གནས་མཆོག་དེ་འདྲའི་གཡོན་མགུལ་ནས༔ དར་དཀར་གུར་གྱི་གཞལ་ཡས་ནས༔ བཀྲ་ཤིས་ཚེ་ཡི་དབང་ཕྱུག་མ༔ སེམས་གདུང་དྲག་པོས་ཁྱོད་འབོད་ན༔ ལྷབ་ལྷུབ་ན་བཟའི་རྒྱན་དང་བཅས༔ སིལ་སྙན་རོལ་མོའི་སྒྲ་དང་བཅས༔ ནམ་མཁའི་མཐོངས་ནས་སྤྱན་འདྲེན་ན༔ འཁོར་དང་བཅས་པ་གཤེགས་སུ་གསོལ༔ མཐིང་གི་ཞལ་བཟང་གཤེགས་སུ་གསོལ༔ མི་གཡོ་བློ་བཟང་གཤེགས་སུ་གསོལ༔ ཅོད་པན་མགྲིན་བཟང་གཤེགས་སུ་གསོལ༔ གཏད་དཀར་འགྲོ་བཟང་གཤེགས་སུ་གསོལ༔ གཡུ་སྒྲོན་མཆེད་ལྔ་འཁོར་དང་བཅས༔ ལྷབ་ལྷུབ་ན་བཟའི་རྒྱན་དང་བཅས༔ སིལ་སྙན་རོལ་མོའི་སྒྲ་དང་བཅས༔ ནམ་མཁའི་མཐོངས་ནས་སྤྱན་འདྲེན་ན༔ འཁོར་དང་བཅས་པ་

[Full Size]

གཤེགས་སུ་གསོལ༔ བྷྱོཿ རི་རབ་ཆེན་པོའི་བྱང་ཤར་ནས༔ དཔལ་ལྡན་ལྷ་མོ་དུད་སོལ་མ༔ ཡང་འཁོར་མ་མོ་འབུམ་སྡེར་བཅས༔ ནམ་མཁའི་མཐོངས་ནས་གཤེགས་སུ་གསོལ༔ དུར་ཁྲོད་མེ་རླུང་འཚུབ་དཀྱིལ་ནས༔ ཨེ་ཀ་ཙཱ་ཏི་འཁོར་དང་བཅས༔ གནས་འདིར་མྱུར་བར་གཤེགས་སུ་གསོལ། བཀའ་ཡི་ཚོགས་དང་བཅས་ཉིད་དུ༔ ཁྲག་འཐུང་དེ་བཞིན་ནམ་མཁའི་སྐུ༔ ཚུར་གཤེགས་ཚུར་གཤེགས་སྐྱོང་མ་རྣམས༔ འདིར་བྱོན་དམ་བསྐང་ཕྲིན་ལས་མཛོད༔ བྷྱོཿ བྱང་གི་ཕྱོགས་ནས་སྤྱན་འདྲེན་ནོ༔ བདག་ཉིད་ཆེན་པོ་རྡོ་རྗེ་ཀུན་གྲགས་མ༔ ཆིབས་སུ་ཆུ་གླང་སྔོན་པོ་ཆིབས༔ སངས་རྒྱས་བསྟན་པ་བསྲུང་བ་དང༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལོ་སྤྱན་འདྲེན་གཤེགས་སུ་གསོལ༔ རྡོ་རྗེ་སྐྱི་མཐིང་ཡ་མ་སྐྱོང་༔ ཆིབས་སུ་གསེར་ཤ་ཡུ་མོ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ ཨེ་ཀ་ཛཱ་ཊི་རལ་གཅིག་མ༔ ཆིབས་སུ་གཡུ་འབྲུག་

[Full Size]

སྔོན་མོ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ ཁ་རག་ཁྱུང་བཙུན་དཔལ་གྱི་ཡུམ༔ ཆིབས་སུ་གྱི་ལིང་ཁ་གར་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ་བརྡའ་ལྷ་བཙན་པོ་གདུག་པ་འདུལ༔ ཆིབས་སུ་དོམ་བུ་སྙིང་དཀར་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ ཆེ་ཞེ་གཙུག་འཆང་འོད་འབར་མ༔ ཆིབས་སུ་འབྲོང་བུ་དར་མ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ གངས་ཀྱི་ཡུམ་ཆེན་གཡུ་བུན་མ༔ ཆིབས་སུ་སྟག་མོ་རི་བཀྲ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་

[Full Size]

དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ བཙན་ལ་རོལ་པའི་སྨན་གཅིག་མ༔ ཆིབས་སུ་དྲེལ་རྟ་རྐང་གསུམ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ རྡོ་རྗེ་ཨུག་ཆོས་གཡར་མོ་བསིལ༔ ཆིབས་སུ་རུས་སྦལ་མགོ་དགུ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ བྱང་གི་སྨན་ཏིང་ཆེན་མོ་ནི༔ ཆིབས་སུ་འབྲོང་བུ་དར་མ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ སྲིང་གཅིག་གངས་དཀར་ཤ་མེད་མ༔ ཆིབས་སུ་དྲེལ་རྟ་རྐང་གསུམ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་

[Full Size]

གསོལ༔ སྲིང་གཅིག་རྡོ་རྗེ་གཡུ་སྒྲོན་མ༔ ཆིབས་སུ་ཆུ་རྟ་སྔོན་པོ་ཆིབས༔ སངས་རྒྱས་བསྟན་པ་བསྲུང་བ་དང་༔ ཡོན་མཆོད་བར་ཆད་བསལ་བ་དང་༔ ཡུལ་ཕྱོགས་ལོ་གཡང་སྡུད་པའི་ཕྱིར༔ མདོས་ལ་སྤྱན་འདྲེན་གཤེགས་སུ་གསོལ༔ སྔོན་ཚེ་བལ་བོད་ཁ་ལ་རོང་སྒོ་རུ༔ སློབ་དཔོན་ཆེན་པོ་པདྨའི་སྤྱན་སྔ་རུ༔ ཨ་ཕྱི་མཆེད་ལྔ་བསྟན་སྐྱོང་ཞལ་བཞེས་ལྟར༔ བོད་སྐྱོང་བརྟན་མ་བཅུ་གཉིས་གཤེགས་སུ་གསོལ༔ སྔོན་ཚེ་དུར་ཁྲོད་བསིལ་བའི་ཚལ་དུ་ནི༔ ཡེ་ཤེས་མཁའ་འགྲོ་སེང་གེའི་གདོང་ཅན་དང་༔ ཆུ་བར་སྤྲུལ་སྐུ་བཞེད་པ་རྡོ་རྗེ་ཡི༔ སྤྱན་སྔར་ཐུགས་དམ་ཞལ་བཞེས་དམ་བཅས་པའི༔ ཨ་ཕྱི་བརྟན་སྐྱོང་ཚོགས་རྣམས་གཤེགས་སུ་གསོལ༔ རང་རང་འཁོར་ཚོགས་འབུམ་ཕྲག་སྟོང་སྟོང་ཟབཅས༔ བདག་ཅག་རྣལ་འབྱོར་སྒྲུབ་མཆོག་འཁོར་བཅས་ལ༔ ཐུགས་ཉིད་བརྩེ་བ་ཆེན་པོས་གཤེགས་སུ་གསོལ༔ ཡང་འཁོར་སྡེ་བརྒྱད་མ་ལུས་གཤེགས་སུ་གསོལ༔ མ་ཚོགས་དབང་ཕྱུག་ཉེར་བརྒྱད་གཤེགས་སུ་གསོལ༔ གཉན་ཆེན་ཡུལ་ལྷ་གནས་བདག་གཤེགས་སུ་གསོལ༔ ཆུ་བདག་ས་བདག་དབང་ཆེན་གཤེགས་སུ་གསོལ༔ ཡང་འཁོར་ས་

[Full Size]

བདག་མ་ལུས་གཤེགས་སུ་གསོལ༔ སྒོ་བ་རྒྱལ་ཆེན་སྡེ་བཞི་གཤེགས་སུ་གསོལ༔ སངས་རྒྱས་བསྟན་པ་བསྲུང་ཕྱིར་གཤེགས་སུ་གསོལ༔ ཡོན་མཆོད་བར་ཆད་བསལ་ཕྱིར་གཤེགས་སུ་གསོལ་ཡུལ་ཕྱོགས་ལོ་གཡང་སྡུད་ཕྱིར་གཤེགས་སུ་གསོལ༔ སྲིད་པའི་མདོས་ཆེན་འདི་ལ་གཤེགས་སུ་གསོལ༔ ཛཿཧཱུྃ་བཾ་ཧོཿ བཛྲ་ཊཱཀྐི་ནི་ཧཱུྃ་ཟླཛབྷྱོ་ཡ་ཏྲི་བྷྱོཿས་མ་སི༔ ས་མ་ཡ་བྷྱོཿ ཁ་ཡ་བྷྱོཿ ཨེ་ཨ་ར་ལི་ཧྲིང་ཧྲིངཧཱུྃ་ས་ཡ་སི༔ ༀ་ཨེ་ཧེ་ཧི་ཊཱ་ཀི་ནི་ས་པ་རི་ཝཱ་ར་ས་མ་ཡ་ཛ་ཛཿ ཛཿཧཱུྃ་བཾ་ཧོཿ ཞེས་སོ༔ དེ་ནས། བཞུགས་སུ་གསོལ་བ་ནི༔ བཀྲ་ཤིས་ཚེ་རིང་མཆེད་ལྔ་དང་༔ བོད་སྐྱོང་བརྟན་མ་བཅུ་གཉིས་དང་༔ མ་གཅིག་ལྷ་མོ་དུད་སོལ་རྒྱལ་མོ་དང་༔ ལྷ་མོ་ཨེ་ཀ་ཛཱ་ཊི་རྣམས༔ བྱང་ཕྱོགས་དབང་ཕྱུག་མ་མོ་བཞི༔ ཡང་འཁོར་འབུམ་ཕྲག་དུ་མ་བཅསཾ༔ རང་རང་སྐུ་དང་དབྱེར་མེད་བཞུགས༔ ཡང་འཁོར་དབང་ཕྱུག་ཉི་ཤུ་བརྒྱད༔ ལྷ་སྲིན་སྡེ་བརྒྱད་བཀའ་འབངས་འཁོར༔ གཉན་ཆེན་བཞི་དང་ཡུལ་ལྷ་དང་༔ གནས་ཀྱི་བདག་པོ་ཆུ་ཡི་ལྷ༔ ས་བདག་དབང་ཆེན་བཀའ་འཁོར་བཅས༔ ནད་བདག་བཙའ་སད་སེར་གསུམ་

[Full Size]

བདག༔ གོད་འདྲེ་མི་ཁ་བ་རུ་མ༔ ཐམས་ཅད་བྱམས་དང་གུས་པ་ཡིས༔ རང་གི་སྐུ་གཟུགས་གཟུགས་བརྙན་ལ༔ གཉིས་སུ་མེད་པར་བཞུགས་སུ་གསོལ༔ ཨ་ཡ་ས་ཡ་ཁ་ཡ་མ་ཕཊ་ཤི་ཡ་ཨ་ཙིག་ཏི་མ་མ་ཧྲིང་ཧྲིང་༔ ས་མ་ཡ་ཨ་ཡ་མ་དུ་རུ་ཙ་ཤ་ན་དུ་ཧྲི༔ བྷུ་མི་པ་ཏི་མ་ཧཱ་དེ་ཝཱ་སརྦ་ས་མ་ཡ་ཏིཥྛ་ལྷན༔ དེ་ནས་དམ་བཞག་ནི༔ རྡོ་རྗེ་ལག་ཏུ་ཐོགས་ལ་སྔོན་ཚེ་སློབ་དཔོན་པདྨ་དང་༔ གསང་བདག་ཕྱག་ན་རྡོ་རྗེ་དང་༔ ཡེ་ཤེས་མཁའ་འགྲོ་སེང་གདོང་དང་༔ རྒྱལ་བ་ཤཱཀྱ་ཐུབ་པ་དང་༔ བཅོམ་ལྡན་གུ་རུ་དྲག་པོ་དང་༔ རྗེ་བཙུན་བཞེད་པ་རྡོ་རྗེ་ཡི༔ སྤྱན་སྔར་ཇི་ལྟར་ཁས་བླངས་ལྟར༔ ཐམས་ཅད་དམ་ལས་མ་འདའ་ཞིག༔ གལ་ཏེ་དམ་ལས་འདའ་གྱུར་ན༔ རྡོ་རྗེ་འཛིན་རྒྱལ་ཁྲོས་ནས་ནི་རྡུལ་ཕྲན་བཞིན་དུ་བརླག་པར་འགྱུར༔ མནར་མེད་དམྱལ་བར་སྐྱེ་བར་འགྱུར༔ དེ་བས་དམ་ཚིག་དྲན་གྱིས་ལ༔ བཀའ་དང་དམ་ལས་མ་འདའ་ཞིག༔ ཅེས་རྡོ་རྗེ་ཕྱོགས་བཞིར་བསྟན་ལ༔ དེ་ནས་ཕྱག་འཚལ་བ་ནི༔ ཧཱུྃ༔ ཆོས་སྐུ་སྐྱེ་མེད་ངང་ལས་མ་གཡོས་ཀྱང་༔ ལོངས་སྐུ་རིགས་ལྔ་མ་དང་མཁའ་འགྲོར་སྟོན༔ སྤྲུལ་སྐུ་སྨན་མོས་འགྲོ་དོན་རྫོགས་མཛད་མ༔

[Full Size]

ཨ་ཕྱི་བརྟན་སྐྱོང་ཚོགས་ལ་ཕྱག་འཚལ་བསྟོད༔ བྷྱོཿ དབང་པོ་བརྒྱ་བྱིན་སྲས་མོ་དུང་སྐྱོང་མ༔ ལྷོ་ཕྱོགས་གཤིན་རྗེའི་བུ་མོ་འཇིགས་གཟུགས་ཅན༔ བདུད་ཀྱི་བུ་མོ་ནག་མོ་རེ་མ་ཏི༔ ངོ་བོ་གཅིག་ལ་རྣམ་པ་དུ་མ་སྤྲུལ༔ མ་གཅིག་ལྷ་མོ་དུད་སོལ་རྒྱལ་མོ་དང་༔ སྔགས་སྲུང་ཨེ་ཀ་ཛཱ་ཊིར་ཕྱག་འཚལ་བསྟོད༔ བྷྱོཿ འཁོར་ལོས་སྒྱུར་རྒྱལ་སྲས་མོ་ཉི་ཤུ་བརྒྱད༔ ཕྱི་ལྟར་འཇིག་རྟེན་ལྷ་མོ་ཉི་ཤུ་བརྒྱད༔ ནང་ལྟར་དབང་ཕྱུག་ཉེར་བརྒྱད་དཀྱིལ་འཁོར་སྐྱོང་༔ གསང་བ་གནས་ཆེན་བརྒྱད་ཀྱི་གནས་བདག་མོ༔ དབང་ཕྱུག་ཉི་ཤུ་བརྒྱད་ལ་ཕྱག་འཚལ་བསྟོད༔ བྷྱོཿ ལེགས་ཉེས་སྟངས་འཛིན་དམ་ཚིག་རྗེས་སུ་གཅོད༔ འཇིག་རྟེན་ལེགས་ཉེས་བྱ་བ་ཀུན་ལ་དབང་༔ ཡང་དག་ཉེས་ན་མི་དགའ་སྣ་ཚོགས་སྟོན༔ དྲེགས་པ་སྡེ་བརྒྱད་ཚོགས་ལ་ཕྱག་འཚལ་བསྟོད༔ འཇིག་རྟེན་ཁམས་ན་དབང་བ་ཡུལ་ལྷའི་གཙོ༔ སྒེའི་སྐུ་ལ་ཕྱག་འཚལ་བསྟོད༔ ཡུལ་ཕྱོགས་ཁྱད་པར་བདག་ཅག་ཡོན་མཆོད་ཀྱི༔ ལྷ་ཆ་དཔེ་རྟེན་རྒྱུ་དང་མཁར་ལ་དབང་༔ གནས་བདག་ཆེན་པོའི་སྐུ་ལ་ཕྱག་འཚལ་བསྟོད༔ འཇིག་རྟེན་ཁམས་ན་འབབ་ཆུ་མཚོ་ལ་

[Full Size]

དབང་༔ ཆུ་ལྷ་ཀླུ་ཆེན་སྐུ་ལ་ཕྱག་འཚལ་བསྟོད༔ འཇིག་རྟེན་ཁམས་ན་ལེགས་ཉེས་བྱ་བ་བྱེད༔ ས་གནམ་ལ་སོགས་འབྱུང་བ་ལྔ་ལ་དབང་༔ ས་བདག་དབང་ཆེན་སྐུ་ལ་ཕྱག་འཚལ་བསྟོད༔ ཡང་འཁོར་ས་བདག་ཚོགས་ལ་ཕྱག་འཚལ་བསྟོད༔ ནད་ཡམས་རིམས་ཡམས་བཙའ་སད་སེར་གསུམ་བདག༔ གོད་ཀྱི་སྣ་འདྲེན་བྱིས་པའི་ཆུང་སྲི་བྱེད༔ འབྱུང་པོ་ཕོ་མོའི་ཚོགས་ལ་ཕྱག་འཚལ་བསྟོད༔ སྐབས་འདིར་རྒྱས་པར་འགྲུབ་ཚེ་བསང་གསོལ་ཁ་བརྔན་སོགས་རྒྱས་པར་བྱེད༔ དེ་ནས་མཆོད་པ་འབུལ་བ་ལ་དང་པོ་ཕྱི་མཆོད། གཉིས་པ་ནང་མཆོད། །གསུམ་པ་གསང་མཆོད། བཞི་པ་ཚོགས་བྱ༔ ལྔ་པ་བསྐང་བ༔ དྲུག་པ་མདོས་བྱིན་བསྔོ་བ། བདུན་པ་མདོས་འཕྱོང་། བརྒྱད་པ་རྩང་འབུལ། དགུ་པ་ཤིང་རིས་འབུལ། བཅུ་པ་ཡས་གླུད་འབུལ། བཅུ་གཅིག་པ་བསྟོད་པ་དང་ཟློག་པའི་ཕྲིན་ལས་བཅོལ་ལོ༔ དེ་ལ་དང་པོ་ཕྱི་མཆོད་ནི༔ ཧཱུྃ་བྷྱོཿ ཨ་ཕྱི་བཀྲ་ཤིས་ཚེ་རིང་མཆེད་ལྔ་དང་༔ བོད་ཁམས་སྐྱོང་བའི་བརྟན་མ་བཅུ་གཉིས་དང་༔ དབང་ཕྱུག་སྡེ་བརྒྱད་བཞུགས་པའི་སྤྱན་ལམ་དུ༔ ཕྱི་མཆོད་དབང་པོ་ལྔ་ཡི་མེ་ཏོག་མཆོད༔ ཨ་ག་རུ་ལ་སོགས་པའི་བདུག་སྤོས་མཆོད༔ རྐང་དང་ཞག་གི་མར་མེས་མཆོད༔ རཀྟ་མཁྲིས་པའི་དྲི་

[Full Size]

ཆབ་མཆོད༔ རང་རང་དགྱེས་པའི་ཞལ་ཟས་མཆོད༔ རྔ་དང་དུང་སོགས་རོལ་མོས་མཆོད༔ ཨ་ལ་ལ་ཧོ་བཞེས་སུ་གསོལ༔ ཨོཾ་བཛྲ་ཨརྒྱུ་པྲ་ཏཱིཙྪ་སྭཱ་ཧཱ༔ ཨོཾ་བཛྲ་པཱཏྱཾ་པྲ་ཏཱིཙྪ་སྭཱ་ཧཱ༔ ཨོཾ་བཛྲ་པུཤྲཱི་པྲ་ཏིཙྪ་སྭཱ་ཧཱ༔ དེ་བཞིན་དུ༔ དྷུ་པེ༔ ཨཱ་ལོ་ཀེ༔ གྷནྡྷེ༔ ནེ་ཝི་དྱ༴ ཤརྡ་པྲ་ཏིཙྪ་ཡེ་སྭཱ་ཧཱ༔ ཨོཾ་བཛྲ་རཱུ་པ་ཤབྡ་གནྡྷེ་ར་ས་སྤུནེ་པྲ་ཏིཙྪ་པཱུ་ཙ་མེ་གྷ་ས་མུ་དྲ་སྤ་ར་ཎ་ས་མ་ཡ་ཤྲཱི་ཡེ་སྭཱ་ཧཱ༔ དེ་ནས་གཉིས་པ་ནང་མཆོད་ནི༔ ཨ་ཕྱི་བཀྲ་ཤིས་ཚེ་རིང་མཆེད་ལྔ་དང་༔ བོད་སྐྱོང་བརྟན་མ་བཅུ་གཉིས་དང་༔ དབང་ཕྱུག་སྡེ་བརྒྱད་ཡང་འཁོར་འབུམ༔ ནང་གི་མཆོད་པ་འབུལ་བ་ནི༔ རྩ་བརྒྱད་སྟོང་སྦྱར་བདུད་རྩིས་མཆོད༔ དགྲ་བགེགས་བསྒྲལ་བའི་རཀྟས་མཆོད༔ རང་རང་དགྱེས་པའི་གཏོར་མ་འབུལ༔ ཨ་ལ་ལ་ཧོ་དགྱེས་པར་རོལ༔ ཨོཾ་བཛྲ་ས་མ་ཡ་ཡ་ཁ་ཡ་ཕཊ༔ མ་མ་ཧྲིང་ཧྲིང་ས་མ་ས་ཧ་ཧོ་ཧིཕོ་ཝེ་ཧཱུྃ་མ་ཧཱ་དྷེ་ཝཱ་རཱ་ཙཱ་སརྦ་པཉྩ་རཀྟ་བྷ་ལི་ཏ་ཁ་རཾ་ཁཱ་ཧི༔ དེ་ནས་གསུམ་པ་གསང་མཆོད་འབུལ་བ་ནི༔ ཧཱུྃ༔ ཨ་ཕྱི་བརྟན་སྐྱོང་ལྷ་མོ་དཔོན་གཡོག་དང་༔ ཕོ་རྒྱུད་རིག་འཛིན་སྦྱོར་བའི་སྦྱོར་མཚམས་ནས༔ བྱང་སེམས་དཀར་དམར་བདུད་རྩིའི་རྒྱུན་

[Full Size]

ལྟར་བབས༔ རང་བྱུང་བྷན་ལྕང་ལོའི་ནང་དུ་བལྟམས༔ གཉིས་མེད་སྐུ་ལུས་རྒྱས་ཕྱིར་བཞེས་སུ་གསོལ༔ ཨོཾ་བཛྲ་མ་ར་ཏི་པཉྩ་པཱུ་ཙ་ཧོཿ དེ་ནས་སྐབས་འདིར་ཚོགས་བསྐང་བ་བྱ་དེ་ནས་དྲུག་པ་མདོས་བསྔོ་བ་ནི༔ ཨོཾ་སྭ་བྷཱ་ཝ་སོགས། སྟོང་པའི་ངང་ལས་མདོས་གཞི་རི་རབ་གླིང་བཞི་གླིང་ཕྲན་བརྒྱད་གསེར་གྱི་རི་བདུན་རོལ་པའི་མཚོ་བདུན༔ རང་རང་སྐུ་གཟུགས་དང་གཏོར་མ་བསྐང་རྫས་རྟེན་རྫས་བསྒྲུབ་རྫས་གཡང་རྫས་གསེར་གྱི་བྲག་རི་བྱ་སྐྱིབས་ཅན་གཡུའི་ན་བ༔ བྱ་རིགས་སྣ་ཚོགས༔ གཅན་གཟན་སྣ་ཚོགས༔ རི་དྭགས་སྣ་ཚོགས༔ གཡུང་དྭགས་སྣ་ཚོགས༔ ལྟོ་འཕྱེ་སྣ་ཚོགས༔ ཆུ་གནས་སྣ་ཚོགས༔ ཨ་མོ་ལི་ཀའི་རྡོ་ལེབ༔ གཞན་ཡང་འབྲས་གྲོ་ཁྲེ་ནས་སོ་བ་སྲན་མ་ཡུངས་དཀར་ནག་སེ་འབྲུ་ཨ་བར་སྐྱུར་གསུམ་བཟང་པོ་དྲུག༔ འབྲས་སྣ་གསུམ་ཞོ་ཤ་གསུམ་གེ་སར་གསུམ༔ གསེར་དངུལ་མུ་མན་མུ་ཏིག་བྱི་རུ་གཡུ་གཟི་མཆོང་ཟངས་ལྕགས་ལ་སོགས་པའི་རིན་པོ་ཆེ་སྣ་ཚོགས༔ གདུབ་བུ་འགུ་ཡ་རུས་རྒྱན་དར་གྱི་ལྷབ་ལྷུབ་སོགས་རྒྱན་ཆ་སྣ་ཚོགས༔ བ་དཀར་བརྒྱ༔ བིས་ཁྲ་སྟོང་༔ ཁྲ་བོ་བརྒྱ༔ རོག་པོ་སྟོང་༔ གསེར་རྟ་བརྒྱ༔ གཡུ་

[Full Size]

འབྲི་སྟོང་༔ ཤེལ་ར་བརྒྱ༔ གཡུ་ལུག་སྟོང་༔ གཞན་ཡང་དྲག་པོའི་རྩང་དམར་ཉེར་བརྒྱད༔ ཕོ་གླུད་མདའ་དང་ཕོ་ཏང་༔ མོ་གླུད་འཕང་དང་མོ་ཏང་༔ རུ་མཚོན་ལྗང་བུ་ནམ་མཁའ་གདུགས་དང་རྒྱལ་མཚན་ཅོད་པན༔ ས་སྣ་ཆུ་སྣ་ཤིང་སྣ༔ གཡང་རྫས་མེ་ཏོག་བདུག་སྤོས་མར་མེ་དྲི་ཆབ་ཞལ་ཟས་རོལ་མོ༔ སྨན་གཏོར་རཀྟ་སོགས་བསམ་གྱིས་མི་ཁྱབ་པ༔ ཕྱི་རིན་པོ་ཆེ་སྣ་ལྔ་འབྱུང་བ་ལྔའི་རང་བཞིན༔ ནང་རིན་པོ་ཆེ་སྣ་ཚོགས་ཀྱི་རང་བཞིན༔ གསང་བ་ཡེ་ཤེས་ལྔའི་རང་བཞིན༔ འོད་ཟེར་དུ་མ་འཕྲོ་བ༔ དབང་པོ་ལྔ་ཚང་ནས་འདོད་དགུའི་གཟུགས་དང་ལྡན་པ༔ སྐྱེ་མཆེད་བཅུ་གཉིས་ཚང་བ་ཁམས་བཅོ་བརྒྱད་རྫོགས་པ་རེ་རེ་ལ་ཡང་གྲངས་མེད་དཔག་ཏུ་མེད་པས་ས་དང་ནམ་མཁའ་བར་སྣང་གང་བ་འཕྲོ་བ་འདི་ཉིད༔ རྩ་བའི་བླ་མ་ཡི་དམ་ལྷ་ཚོགས་མ་རྒྱུད་མཁའ་འགྲོ་ཕོ་རྒྱུད་ཆོས་སྐྱོང་སྲུང་མ་ཨ་ཕྱི་ཇོ་མོ་བཀྲ་ཤིས་ཚེ་རིང་མ༔ མཐིང་གི་ཞལ་བཟང་མ༔ མི་གཡོ་བློ་བཟང་མ༔ ཅོད་པན་མགྲིན་བཟང་མ༔ གཏད་དཀར་འགྲོས་བཟང་མ༔ གཡུ་སྒྲོན་མཆེད་ལྔ༔ གཞན་ཡང་དཀྱིལ་འཁོར་གཉན་གྱི་སྲུང་མ་ཆེན་མོ༔ དུར་

[Full Size]

ཁྲོད་བརྒྱད་ཀྱི་མ་མོ་ཆེན་མོ༔ སྒྲུབ་ཆེན་བརྒྱད་ཀྱི་བཀའ་ཉན་ཆེན་མོ༔ བཅོམ་ལྡན་འདས་དཔལ་ཆེན་པོའི་བཀའ་འཁོར་ལ་གནས་པའི་ནག་མོ་བཞིན་མི་སྡུག་པའི་བུ་མོ་རྡོ་རྗེ་ཀུན་གྲགས་མ་ལ་སོགས་པའི་བདུད་མོ་ཆེན་མོ་བཞི༔ དམར་མོ་ཁྲག་འཛག་མའི་བུ་མོ་རྡོ་རྗེ་གཡུ་སྒྲོན་མ་ལ་སོགས་པའི་གནོད་སྦྱིན་ཆེན་མོ་བཞི་དང་༔ དཀར་ཤམ་བཞིན་བཟང་མའི་བུ་མོ་རྡོ་རྗེ་བོད་ཁམས་སྐྱོང་བ་ལ་སོགས་པའི་སྨན་མོ་ཆེན་མོ་བཞི་དང་གཞན་ཡང་དབང་ཕྱུག་མ་ཉི་ཤུ་རྩ་བརྒྱད༔ ལྷ་སྲིན་སྡེ་བརྒྱད་སྐྱོང་མ་བཅུ་གཉིས་ཡ་མ་བཅུ་གཉིས་སྡེ་དཔོན་སུམ་ཅུ་གཉན་ཆེན་སྡེ་བཞི༔ ཡུལ་འདིའི་ལྷ་རྗེ་གནས་བདག་གཞི་བདག་ཆུ་བདག་ས་བདག་དང་དབང་ཆེན་བཀའ་བློན་འབངས་འཁོར་དང་བཅས་པ༔ འདིར་གླུད་བསྔོས་བའོ། །མཆན། ནད་ཡམས་རིམས་གསུམ་བཙའ་སད་སེར་གསུམ་གོད་འདྲེ་ཆུང་སྲི་མི་ཁའི་བུ་མོ་བ་རུ་མ་རྣམས་ལ་བསྔོའོ༔ མགྲོན་ནོ༔ འདིའི་ཤོ་ལོ་ཀའི་མཚམས་སུ་གླུད་འཕྱང་འདོན། མཆན། གོསོལ་ལོ་མཆོད་དོ༔ ལེགས་པ་ཆོས་ཤིག །ཉེས་པ་ཟློག་ཅིག༔ བསམ་པ་སྒྲུབས་ལ་རེ་བ་སྐོངས་ཤིག༔ ཉིན་གསུམ་གྱི་བྱ་ར་གྱིས་ཤིག༔ མཚན་གསུམ་གྱི་མེལ་ཚེ་གྱིས་ཤིག༔ རྒྱབ་ཀྱི་

[Full Size]

རྟེན་མ་མཛོད་ཅིག༔ མདུན་གྱི་མཁར་བ་མཛོད་ཅིག༔ མི་ལ་ན་ཚ་མ་བཏང་ཞིག༔ ཕྱུགས་ལ་གོད་ཁ་མ་བཏང་ཞིག༔ བསམ་པ་ལ་བར་ཆད་མ་བཏང་ཞིག༔ བཙའ་སད་སེར་བ་དང་འབུ་སྲིན་མ་བཏང་ཞིག༔ མི་ཁ་དང་བྲ་མཆུ་མ་བཏང་ཞིག༔ དེ་ལན་དང་དེ་ཉེས་མ་བཏང་ཞིག༔ ཁ་སྨྲས་དང་གླེང་བརྗོད་མ་བཏང་ཞིག༔ མི་མང་སར་སྨ་མ་འབེབས་ཤིག༔ བྱ་མང་སར་སྤུ་མ་བཏོག་ཅིག༔ རང་ལ་གཞན་གྱིས་བརྙས་སུ་མ་བཅུག་ཅིག༔ བསམ་པ་སྒྲུབས་ཤིག༔ རེ་བ་སྐོངས་ཤིག༔ འདོད་དོན་དངོས་གྲུབ་སྩོལ་ཅིག༔ ཡུལ་འདིར་ལོ་གཡང་དང་ཟས་གཡང་ནོར་གཡང་མི་གཡང་སྡུས་ཤིག༔ གཡང་རྫས་འདི་ལ་སྟིམས་ཤིག༔ བཀྲ་ཤིས་བདེ་ལེགས་ཕུན་སུམ་ཚོགས་པར་མཛོད་ཅེས་བརྗོད༔ དེ་ནས་བདུན་པ་མདོས་འཕྱང་ནི༔ བྷྱོ་བྷྱོ་བྷྱོཿ ཤཐཐཱ༔ བྷྱོ་བྷྱོཿ ཧེ་ཧེ་བཀྲ་ཤིས་ཚེ་རིང་མ༔ རྡོ་རྗེ་མི་འགྱུར་དཔལ་གྱི་ཡུམ༔ སྐུ་མདོག་དཀར་ལ་འོད་ཟེར་འཕྲོ༔ བཀྲ་ཤིས་དཔལ་འབར་གཟི་བརྗིད་ལྡན༔ ཆིབས་སུ་སེང་གེ་དཀར་མོ་ཆིབས༔ ཕྱག་ན་ཚེ་ཡི་བུམ་པ་བསྣམས༔ ལྷབ་ལྷུབ་རིན་ཆེན་རྒྱན་གྱིས་བརྒྱན༔ དཀར་མོ་

[Full Size]

འབུམ་གྱི་འཁོར་གྱིས་བསྐོར༔ མདོས་ཀྱི་མཆོད་པ་འདི་བཞེས་ལ༔ ཕྱི་ནང་བར་ཆད་ཞི་བ་དང་༔ བདག་གི་ཚེ་བསྲིང་རིགས་རྒྱུད་སྤེལ༔ དངོས་གྲུབ་མ་ལུས་བསྩལ་དུ་གསོལ༔ ལྷ་མོ་མཐིང་གི་ཞལ་བཟང་མ༔ རྡོ་རྗེ་མཁའ་འགྲོ་བདེ་ཆེན་སྐུ༔ སྐུ་མདོག་སྔོ་ལ་འོད་ཟེར་འབར༔ བཀྲ་ཤིས་དཔལ་འབར་གཟི་བརྗིད་ལྡན༔ ཆིབས་སུ་རྐྱང་བུ་ཁ་གར་ཆིབས༔ ཕྱག་ན་ལྷ་ཡི་མདའ་དར་ཕྱར༔ ལྷབ་ལྷུབ་རིན་ཆེན་རྒྱན་གྱིས་བརྒྱན༔ སྔོན་མོ་འབུམ་གྱི་འཁོར་གྱིས་བསྐོར༔ ་མདོས་ཀྱི་མཆོད་པ་འདི་བཞེས་ལ༔ ཕྱི་ནང་བར་ཆད་ཞི་བ་དང་༔ སྣང་སྲིད་པྲ་ཡི་དངོས་གྲུབ་སྩོལ༔ ལྷ་མོ་མི་གཡོ་བློ་བཟང་མ༔ དཔལ་ལྡན་རྡོ་རྗེ་མཁའ་འགྲོ་མ༔ སྐུ་མདོག་སེར་ལ་འོད་ཟེར་འཕྲོ༔ བཀྲ་ཤིས་དཔལ་འབར་གཟི་བརྗིད་ལྡན༔ ཆིབས་སུ་རྒྱ་སྟག་ངར་མ་ཆིབས༔ ཕྱག་ན་ནེའུ་ལེའི་རྐྱལ་པ་འཛིན༔ ལྷབ་ལྷུབ་རིན་ཆེན་རྒྱན་གྱིས་བརྒྱན༔ སེར་མོ་འབུམ་གྱི་འཁོར་གྱིས་བསྐོར༔ མདོས་ཀྱི་མཆོད་པ་འདི་བཞེས་ལ༔ ཕྱི་ནང་བར་ཆོད་ཞི་བ་དང་༔ རྨ་གཡང་ཟས་ཀྱི་དངོས་གྲུབ་སྩོལ༔ ལྷ་མོ་ཅོད་པན་མགྲིན་བཟང་མ༔ རྡོ་རྗེ་ལོངས་སྤྱོད་ཕག་མོ་ཡུམ༔ སྐུ་

[Full Size]

མདོག་དམར་ལ་འོད་ཟེར་འཕྲོ༔ བཀྲ་ཤིས་དཔལ་འབར་གཟི་བརྗིད་ལྡན༔ ཆིབས་སུ་ཤ་བ་ཡུ་མོ་ཆིབས༔ ཕྱག་ན་རིན་ཆེན་སྒྲོམ་བུ་བསྣམས༔ ལྷབ་ལྷུབ་རིན་ཆེན་རྒྱན་གྱིས་བརྒྱན༔ དམར་མོ་འབུམ་གྱི་འཁོར་གྱིས་བསྐོར༔ མདོས་ཀྱི་མཆོད་པ་འདི་བཞེས་ལ༔ ཕྱི་ནང་བར་ཆད་ཞི་བ་དང་༔ བདག་ལ་བང་མཛོད་ནོར་རྫས་སོགས༔ དངོས་གྲུབ་མ་ལུས་བསྩལ་དུ་གསོལ༔ ལྷ་མོ་གཏད་དཀར་འགྲོས་བཟང་མ༔ རྡོ་རྗེ་མཁའ་འགྲོ་གར་སྟབས་ཅན༔ སྐུ་མདོག་ལྗང་ལ་འོད་ཟེར་འབར༔ བཀྲ་ཤིས་དཔལ་འབར་གཟི་བརྗིད་ལྡན༔ ཆིབས་སུ་གཡུ་འབྲུག་སྔོན་མོ་ཆིབས༔ ཕྱག་ན་སྦྲུལ་གྱི་ཞགས་པ་བསྣམས༔ ལྷབ་ལྷུབ་རིན་ཆེན་རྒྱན་གྱིས་བརྒྱན༔ ལྗང་མོ་འབུམ་གྱི་འཁོར་གྱིས་བསྐོར༔ མདོས་ཀྱི་མཆོད་པ་འདི་བཞེས་ལ༔ ཕྱི་ནང་བར་ཆད་ཞི་བ་དང་༔ རྐང་བཞི་ཕྱུགས་ཀྱི་དངོས་གྲུབ་སྩོལ༔ བྷྱོཿ སྨན་བཙུན་རྒྱལ་མོ་ཁྱེད་རྣམས་ཀྱིས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་

[Full Size]

སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿབཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ མ་གཅིག་ལྷ་མོ་དུད་སོལ་མ༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཨེ་ཀ་ཙ་ཏི་གློག་མ་སྤྲིན༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་

[Full Size]

བའི་ཕྲིན་ལས་འགྲུབ་པར་མཛོད༔ བྷྱོཿ བོད་སྐྱོང་བརྟན་མ་བཅུ་གཉིས་རྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲོ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཡུལ་ནི་རྡོ་རྗེ་བྲག་དམར་ནས༔ སྲིང་ཅིག་གངས་དཀར་ཤ་མེད་མ༔ ཆིབས་སུ་དྲེལ་རྟ་རྐང་གསུམ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲྭ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཡུལ་ནི་རྨ་རྒྱལ་སྤོམ་ར་ནས༔ སྲིང་

[Full Size]

གཅིག་ཁ་རག་ཁྱུང་བཙུན་མ༔ ཆིབས་སུ་གྱི་ལིང་ཁ་གར་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དག་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་དབུས་རུ་སྙིང་ཚལ་ནས༔ སྲིང་གཅིག་རྡོ་རྗེ་གཡུ་སྒྲོན་མ༔ ཆིབས་སུ་ཆུ་རྟ་སྔོན་མོ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་མ་ཧཱ་དེ་ཝ་ནས༔ གནམ་སྨན་རྡོ་རྗེ་ཀུན་གྲགས་མ༔ ཆིབས་སུ་ཆུ་གླང་སྔོན་

[Full Size]

པོ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་ལྷོ་ཡུལ་དེ་སྙིང་ནས༔ སྲིང་ཅིག་སྐྱི་མཐིང་ཡ་མ་སྐྱོང་༔ ཆིབས་སུ་གསེར་ཤ་ཡུ་མོ་ཆིབས༔ སྲིད་ལྷོཔའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫ་ས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་སྔ་ཕྱི་དེ་གྲོང་ན༔ སྲིང་ཅིག་ཨུག་ཆོས་དབྱར་མོ་བསིལ༔ ཆིབས་སུ་རུས་སྦལ་མགོ་དགུ་ཆིབས༔ སྲིད་པའི་མདོས་ཆེན་འདི་

[Full Size]

བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག། ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་བལ་ཡུལ་གསེར་ཕུག་ནས༔ ཨེ་ཀ་ཙ་ཏི་རལ་གཅིག་མ༔ ཆིབས་སུ་གཡུ་འབྲུག་སྔོན་མོ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་ན་ལེ་ཤིང་ལེ་ན༔ བཙན་ལ་རོལ་པའི་སྨན་གཅིག་མ༔ ཆིབས་སུ་དྲེལ་རྟ་རྐང་གསུམ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔

[Full Size]

རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར་ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུ༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་རྐང་ཡུལ་རྐང་ཕུག་ན༔ གངས་ཀྱི་ཡུམ་ཆེན་གཡུ་བུན་མ༔ ཆིབས་སུ་སྟག་མོ་རི་བཀྲ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་མང་ཡུལ་མང་ཏིང་ན༔ ཆེ་ཞེས་གཙུག་འཆང་འོད་འབར་མ༔ ཆིབས་སུ་འབྲོང་བུ་དར་མ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་

[Full Size]

སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་དབུ་རུ་སྙིང་ཚལ་ནས་བྱང་གི་སྨན་ཏིང་ཏིང་མོ་བཙུན༔ ཆིབས་སུ་འབྲོང་ཆེན་འགྱིང་བ་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ནི་སྒྲུབ་ཡུལ་རྒྱ་མཚམས་ན༔ བརྡའ་ལྷ་བཙན་པོ་གདུག་པ་འདུལ༔ ཆིབས་སུ་དོམ་བུ་སྙིང་དཀར་ཆིབས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་

[Full Size]

དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ བྱང་ཕྱོགས་དབང་ཕྱུག་མ་མོ་བཞི༔ སྲིན་མོ་སྨུག་ནག་གཡག་གདོང་ཚེམ༔ ཕྱག་ན་རྡོ་རྗེ་ཐོད་ཁྲག་བསྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུརཿ༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ བྷྱོ་ཛཿཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ རྡོ་རྗེ་སེར་མོ་དོམ་གདོང་མ༔ ཕྱག་ན་སྤུ་གྲི་དུང་དམར་བསྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་གྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་

[Full Size]

ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ བྷྱོ་ཛཿ ཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཟ་བ་ལྗང་དམར་བྱ་རྒོད་མགོ༔ ཞིང་ཆེན་ཕྲག་བཀལ་ཀེང་རུས་བསྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ བྷྱོ་ཛཿ ཁུག༔ བཅོལ་བའི་ཕྲིན་ལས་འགྲུབ་པར་མཛོད༔ གསོད་བྱེད་ལྗང་ནག་སྤྱང་མོའི་མགོ༔ ཕྱག་གཉིས་བ་དན་ཐོད་ཁྲག་བསྣམས༔ སྲིད་པའི་མདོས་ཆེན་འདི་བཞེས་ལ་མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་

[Full Size]

གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ བྷྱོ་ཛཿ ཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཡང་འཁོར་དབང་ཕྱུག་ཉི་ཤུ་བཞི༔ ཤར་ཕྱོགས་ཞི་བའི་ལས་བྱེད་དྲུག༔ སྲིད་པའི་མདོས་ཆེན་འདི་བཞེས་ལཿ༔ ཞི་དང་རྒྱས་པའི་ཕྲིན་ལས་མཛོད༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫ་ས་འདི་ལ་ཐིམ་པར་ཁུག༔ བྷྱོ་བྷྱོ་བྷྱོ་བྷྱོ་བྷྱོ་བྷྱོཿ ཛཿཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ལྷོ་ཕྱོགས་རྒྱས་པའི་ལས་བྱེད་དྲུག༔ སྲིད་པའི་མདོས་ཆེན་འདི་བཞེས་ལ༔ ཚེ་བསོད་ཁ་རྗེ་རྒྱས་པར་མཛོད༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་

[Full Size]

རྣམས༔ གཡང་རྫས་འདི་ལ་ཐིམ་པར་ཁུག༔ བྷྱོ་བྷྱོ་བྷྱོ་བྷྱོ་བྷྱོ་བྷྱོཿ ཛཿཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ནུབ་ཕྱོགས་དབང་གི་ལས་བྱེད་དྲུག༔ སྲིད་པའི་མདོས་ཆེན་འདི་བཞེས་ལ༔ ཐམས་ཅད་དབང་དུ་འདུས་པར་མཛོད༔ མི་ནད་ཕྱུགས་ནད་དགྲ་ལ་སྒྱུར་རིམས་ནད་ཡམས་ནད་དགྲ་ལ་སྒྱུར་བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ བློ་བྷྱོ་བྷྱོ་བྷྱོ་བྷྱོ་བྷྱོ༔ ཛཿཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ བྱང་ཕྱོགས་དྲག་པོའི་ལས་བྱེད་དྲུག༔ སྲིད་པའི་མདོས་ཆེན་འདི་བཞེས་ལ༔ གནོད་བྱེད་དགྲ་བགེགས་བསྒྲལ་དུ་གསོལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་

[Full Size]

རྫས་འདི་ལ་ཐིམ་པར་ཁུག༔ བློ་བྷྱོ་བྷྱོ་བྷྱོ་བྷྱོ་བྷྱོཿ ཛབྷཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ དབང་ཕྱུག་ཉི་ཤུ་རྩ་བརྒྱད་རྣམས༔ སྔོན་ཚེ་དམ་བཅའ་མ་གཡེལ་བར༔ སྲིད་པའི་མདོས་ཆེན་འདི་བཞེས་ལ་མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ བྷྱོ་བྷྱོཿ ཛཿ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ སྐྱོང་མ་བཅུ་གཉིས་འཁོར་དང་བཅས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿབྷྱོ་ཧཱུྃ་བྷྱོཿ བཅོལ་བའི་ཕྲིན་ལས་འགྲུབ་པར་

[Full Size]

མཛོད༔ བྷྱོཿ ཡ་མ་བཅུ་གཉིས་འཁོར་བཅས་རྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར། བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཛཿཛཿཧཱུྃ་བྷྱོཿ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཡང་འཁོར་ལྷ་སྲིན་སྡེ་བརྒྱད་ལ༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཨ་ཡ་མ་དུ་རུ་ཙ་ཤ་ན་དུ་ཏྲི་ཛ་ཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཡུལ་ལྷ་རྗེ་འཁོར་བཅས་ལ༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་

[Full Size]

ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཨོཾ་བྷུ་མི་པ་ཏི་ཡ་ཛ་ཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཡུལ་འདིའི་གནས་བདག་འཁོར་བཅས་རྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫ་ས་འདི་ལ་ཐིམ་པར་ཁུག༔ ནཱ་ག་ས་མ་ཡ་ཛཿཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཡུལ་འདིའི་ཆུ་ལྷ་གཉན་པོ་རྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་

[Full Size]

པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཨ་པ་དུ་ཡ་ཛ་ཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ས་བདག་དབང་ཆེན་འཁོར་བཅས་རྣམས༔ སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་ཐིམ་པར་ཁུག༔ ཨ་བྷཾ་མ་ཧཱ་དེ་ཝ་ས་མ་ཡ་ཛམ་ཁུག༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ནད་བདག་འབྱུང་པོ་ཕོ་མོ་རྣམས་སྲིད་པའི་མདོས་ཆེན་འདི་བཞེས་ལ༔ མི་ནད་ཕྱུགས་ནད་དགྲ་ལ་སྒྱུར༔ རིམས་ནད་ཡམས་ནད་དགྲ་ལ་སྒྱུར༔ བཙའ་སད་སེར་གསུམ་དགྲ་ལ་སྒྱུར༔ མི་ཁ་བྲ་མཆུ་དགྲ་ལ་སྒྱུར༔ ཐན་ལྟས་ངན་པ་དགྲ་ལ་སྒྱུར༔ ཡུལ་ཕྱོགས་ལོ་གཡང་འདིར་སྡུས་ཤིག༔ མི་གཡང་ཟས་གཡང་ནོར་གཡང་རྣམས༔ གཡང་རྫས་འདི་ལ་

[Full Size]

ཐིམ་པར་ཁུག༔ ཨོཾ་བྷྱོ་ཧཱ་ཧེ་ཛཿཁུག༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་བརྒྱད་པ་རྩང་འབུལ་བ་ནི༔ བྷྱོ་བྷྱོ་བྷྱོཿ བཀྲ་ཤིས་ཚེ་རིང་མཆེད་ལྔ་དང་༔ མ་གཅིག་ལྷ་མོ་དུད་སོལ་མ༔ བོད་སྐྱོང་བརྟན་མ་བཅུ་གཉིས་དང་༔ ལྷ་མོ་ཨེ་ཀ་ཛཱ་ཊི་དང་དབང་ཕྱུག་སྡེ་བརྒྱད་ཡང་འཁོར་བཅས༔ ཐམས་ཅད་བཞུགས་པའི་སྤྱན་ལམ་དུ༔ དྲག་པོའི་རྩང་དམར་ཉི་ཤུ་བརྒྱད༔ ཡར་རྩེ་བསྐལ་པའི་མེ་དཔུང་འབར༔ དམར་པོ་བཙན་གྱི་རྟ་རྒྱུག་ཤ་ར་ར༔ མར་རྩེ་བསྐལ་པའི་མུན་ནག་འཐིབ༔ བདུད་དམག་བྲོ་བརྡུང་ཁྲིགས་སེ་ཁྲིག༔ རྐེད་པར་དབང་ཕྱུག་ཕོ་བྲང་བཅས༔ མ་ཚོགས་དབང་ཕྱུག་མཉེས་པའི་རྫས༔ མཉེས་པའི་རྫས་ཀྱིས་ཐུགས་དམ་བསྐང་༔ ཆོག་ཆེན་ཉམས་ང་བཟློག་ཏུ་གསོལ༔ མི་ཁ་བྲ་མཆུ་བཟློག་ཏུ་གསོལ༔ བཙའ་སད་སེར་བ་འབུ་སྲིན་བཟློག་ཏུ་གསོལ༔ གོད་འདྲེ་ཐན་ལྟས་ངན་པ་བཟློག་ཏུ་གསོལ༔ གདོན་རིགས་སྟོང་ཕྲག་བརྒྱད་ཅུ་བཟློག་ཏུ་གསོལ༔ གློ་བུར་ཉི་ཤུ་རྩ་གཅིག་བཟློག་ཏུ་གསོལ༔ རྐྱེན་ངན་ཉི་ཁྲི་ཆིག་སྟོང་བཟློག་ཏུ་གསོལ༔ དེ་ནས་ཤིང་བཀྲ་དང་ནམ་མཁའ་བསྔོ་བ་ནི༔ བྷྱོཿ ཇོ་མོ་བཀྲ་ཤིས་

[Full Size]

ཚེ་རིང་མ༔ མ་གཅིག་ལྷ་མོ་དུད་སོལ་མ་སྔགས་སྲུང་ཨེ་ཀ་ཙ་ཏི་མ༔ དབུས་ཕྱོགས་གཙོ་མོ་མ་མོ་འབུམ༔ སྡེ་བརྒྱད་གཟའ་དང་ཐེའུ་རང་དང་༔ སྟེང་ཕྱོགས་གདོན་བགེགས་ཐམས་ཅད་ལ༔ མཐུན་རྫས་ནམ་མཁའ་རྩིབས་དྲུག་ལྡན༔ ལྷབ་ལྷུབ་དར་གྱི་ཅོད་པན་དང་༔ འཕྲུལ་གྱི་མདའ་བཀྲ་ཕོ་ཡི་གླུད༔ གཅིག་ལས་བརྒྱ་སྟོང་འབུམ་ཕྲག་འཕྲོ༔ འཕྲུལ་གྱི་འཕང་བཀྲ་མོ་ཡི་གླུད༔ གཅིག་ལས་བརྒྱ་སྟོང་འབུམ་ཕྲག་འཕྲོ༔ རྒྱང་བུ་བྱང་དམར་ཁྲམ་ཤིང་དང་༔ འཁོར་བ་རྩད་གཅོད་རུ་མཚོན་དང་༔ ཏིང་ངེ་འཛིན་གྱིས་བྱིན་གྱིས་བརླབས༔ རེ་རེ་བརྒྱ་སྟོང་འོད་ཟེར་འཕྲོ༔ མ་མོ་མཁའ་འགྲོ་ཁྱེད་རྣམས་ཀྱི༔ ཐུགས་དམ་གཉན་པོ་བསྐང་གྱུར་ཅིག༔ མི་ནད་ནོར་ནད་ལོ་ནད་ཟློག༔ མི་ཁ་ངན་གདོན་རིགས་ཟློག༔ བྷྱོ༔ ཨ་ཕྱི་ལྷ་མོ་མཐིང་གི་ཞལ་བཟང་མ༔ ཀོང་བཙུན་དེ་མོ་རྡོ་རྗེ་གཡུ་སྒྲོན་མ༔ བཙན་ལ་རོལ་པའི་རྡོ་རྗེ་སྨན་གཅིག་མ༔ གཡུ་ཡི་དྲིལ་བུ་རྡོ་རྗེ་གཟུགས་ལེགས་མ༔ སྨན་བཙུན་ཨུག་ཆོས་རྡོ་རྗེ་གཡར་མོ་བསིལ༔ ཤར་ཕྱོགས་དབང་ཕྱུག་མ་མོ་དྲུག༔ སྡེ་བརྒྱད་ལྷ་དང་རྒྱལ་པོ་ཆེ༔ ཤར་ཕྱོགས་གནས་པའི་གདོན་

[Full Size]

བགེགས་རྣམས༔ མཐུན་རྫས་ནམ་མཁའ་དཀར་པོ་ལྔ༔ ཁྱེད་རྣམས་ཞལ་དང་གཉིས་སུ་མེད༔ བདུད་བཞི་ལས་རྒྱལ་རྒྱལ་མཚན་ལྔ༔ ཁྱེད་རྣམས་སྐུ་དང་གཉིས་སུ་མེད༔ རིན་ཆེན་རྒྱན་ལྡན་རྒྱང་བུ་ལྔ༔ ཁྱེད་རྣམས་གསུང་དང་གཉིས་སུ་མེད༔ འཁོར་བའི་གཡུལ་བཟློག་རུ་མཚོན་ལཿ༔ ཁྱེད་རྣམས་ཐུགས་དང་གཉིས་སུ་མེད༔ གཉིས་མེད་དོན་རྟོགས་ཕྱག་རྒྱ་ཆེ༔ ཁྱེད་རྣམས་ཐུགས་དམ་བསྐང་གྱུར་ཅིག༔ ཐབས་མཆོག་སྟག་པའི་ཕོ་ཏང་དང་འཕྲུལ་གྱི་མདའ་བཀྲ་སྒོ་སྒྲོན་མདེལ་གྱིས་མཐུད༔ ཁྱེད་རྣམས་སྐུ་མཉེན་མཐུན་པའི་རྫས༔ སྐྱེས་པ་ཕོ་ཡི་གླུད་དུ་འབུལ༔ ཤེས་རབ་གླང་མའི་མོ་ཐང་དང་༔ འཕྲུལ་གྱི་འཕང་བཀྲ་རིན་ཆེན་བརྒྱན༔ དེ་དག་ཁྱེད་རྣམས་དགྱེས་སྡེ་དང་༔ མཐུན་པའི་རྫ་ས་སུ་འབུལ་བར་བགྱི༔ སྐུ་གླུད་མཐུན་རྫས་འདི་དག་གིས༔ ཁྱེད་རྣམས་ཐུགས་དམ་བསྐང་གྱུར་ཅིག༔ མི་ནད་ནོར་ནད་ལོ་ནད་ཟློག༔ མི་ཁ་ལྟས་ངན་གདོན་རིགས་ཟློག༔ བྷྱོཿ ཨ་ཕྱི་ལྷ་མོ་མི་གཡོ་བློ་བཟང་མ༔ གངས་དཀར་ཤ་མེད་རྡོ་རྗེ་གཡུ་སྒྲོན་མ༔ ཁ་རག་ཁྱུང་བཙུན་རྡོ་རྗེ་དཔལ་གྱི་ཡུམ༔ གཏེར་ཆེན་མཁའ་

[Full Size]

ལྡིང་རྡོ་རྗེ་ཀླུ་མོ་རྒྱལ༔ རྨ་རི་རབ་འབྱམས་རྡོ་རྗེ་དྲག་མོ་རྒྱལ༔ ལྷོ་ཕྱོགས་དབང་ཕྱུག་མ་མོ་དྲུག༔ སྡེ་བརྒྱད་གཤིན་རྗེ་མ་མོ་རྒྱལ༔ ལྷོ་ཕྱོགས་གནས་པའི་གདོན་བགེགས་རྣམས༔ མཐུན་རྫས་ནམ་མཁའ་སེར་པོ་ལྗ༔ ཁྱེད་རྣམས་ཞལ་དང་གཉིས་སུ་མེད༔ བདུད་བཞི་ལས་རྒྱལ་རྒྱལ་མཚན་ལྔ༔ ཁྱེད་རྣམས་སྐུ་དང་གཉིས་སུ་མེད༔ རིན་ཆེན་རྒྱན་ལྡན་རྒྱང་བུ་ལྔ༔ ཁྱེད་རྣམས་གསུང་དང་གཉིས་སུ་མེད༔ འཁོར་བའི་གཡུལ་བཟློག་རུ་མཚོན་ལྔ༔ ཁྱེད་རྣམས་ཐུགས་དང་གཉིས་སུ་མེད༔ གཉིས་མེད་དོན་རྟོགས་ཕྱག་རྒྱ་ཆེ༔ ཁྱེད་རྣམས་ཐུགས་དམ་བསྐང་གྱུར་ཅིག༔ ཐབས་མཆོག་སྟག་པའི་ཕོ་ཏང་དང་འཕྲུལ་གྱི་མདའ་བཀྲ་སྒོ་སྒྲོན་མདེལ་གྱིས་མཐུད༔ ཁྱེད་རྣམས་སྐུ་གཉན་མཐུན་པའི་རྫས༔ སྐྱེས་པ་ཕོ་ཡི་གླུད་དུ་འབུལ༔ ཤེས་རབ་གླང་མའི་མོ་ཐང་དང་༔ འཕྲུལ་གྱི་འཕང་བཀྲ་རིན་ཆེན་བརྒྱན༔ དེ་དག་ཁྱེད་རྣམས་དགྱེས་སྡེ་དང་༔ མཐུན་པའི་རྫས་སུ་འབུལ་བར་བགྱི༔ སྐུ་གླུད་མཐུན་རྫས་འདི་དག་གིས༔ ཁྱེད་རྣམས་ཐུགས་དམ་བསྐང་གྱུར་ཅིག༔ མི་ནད་ནོར་ནད་ལོ་ནད་ཟློག༔ མི་ཁ་ལྟས་ངན་གདོན་རིགས་ཟློག༔ བྷྱོཿ

[Full Size]

ཨ་ཕྱི་ལྷ་མོ་གཏད་དཀར་འགྲོས་བཟང་མ༔ བདག་ཉིད་ཆེན་མོ་རྡོ་རྗེ་ཀུན་གྲགས་མ༔ དཔལ་ལྡན་ཧ་རི་རྡོ་རྗེ་ཡ་མ་སྐྱོང་༔ གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ༔ ནུབ་ཕྱོགས་དབང་ཕྱུག་མ་དྲུག་དང་༔ སྡེ་བརྒྱད་བཙན་དང་བདུད་ཀྱི་རྒྱལ་ནུབ་ཕྱོགས་གདོན་བགེགས་ཚོགས་རྣམས་ལ༔ མཐུན་རྫས་ནམ་མཁའ་དམར་པོ་ལ༔ ཁྱེད་རྣམས་ཞལ་དང་གཉིས་སུ་མེད༔ བདུད་བཞི་ལས་རྒྱལ་རྒྱལ་མཚན་ལཿ་ཁྱེད་རྣམས་སྐུ་དང་གཉིས་སུ་མེད༔ རིན་ཆེན་རྒྱན་ལྡན་རྒྱང་བུ་ལྔ༔ ཁྱེད་རྣམས་གསུང་དང་གཉིས་སུ་མེད༔ འཁོར་བའི་གཡུལ་བཟློག་རུ་མཚོན་ལྔ༔ ཁྱེད་རྣམས་ཐུགས་དང་གཉིས་སུ་མེད༔ གཉིས་མེད་དོན་རྟོགས་ཕྱག་རྒྱ་ཆེ༔ ཁྱེད་རྣམས་ཐུགས་དམ་བསྐང་གྱུར་ཅིག༔ ཐབས་མཆོག་སྟག་པའི་ཕོ་ཏང་དང་འཕྲུལ་གྱི་མདའ་བཀྲ་སྒོ་སྒྲོན་མདེལ་གྱིས་མཐུད༔ ཁྱེད་རྣམས་སྐུ་གཉན་མཐུན་པའི་རྫས༔ སྐྱེས་པ་ཕོ་ཡི་གླུད་དུ་འབུལ༔ ཤེས་རབ་གླང་མའི་ཕོ་ཐང་དང་འཕྲུལ་གྱི་འཕང་བཀྲ་རིན་ཆེན་བརྒྱན༔ དེ་དག་ཁྱེད་རྣམས་དགྱེས་སྡེ་དང་༔ མཐུན་པའི་རྫས་

[Full Size]

སུ་འབུལ་བར་བགྱི༔ སྐུ་གླུད་མཐུན་རྫས་འདི་དག་གིས༔ ཁྱེད་རྣམས་ཐུགས་དམ་བསྐང་གྱུར་ཅིག༔ མི་ནད་ནོར་ནད་ལོ་ནད་ཟློག༔ མི་ཁ་ལྟས་ངན་གདོན་རིགས་ཟློག༔ བྷྱོཿ ཨ་ཕྱི་ལྷ་མོ་ཅོད་པན་མགྲིན་བཟང་མ༔ དབང་ཕྱུག་གཙོ་མོ་སྲིན་མོ་གཡག་གདོང་མ༔ རྡོ་རྗེ་སེར་མོ་དོམ་གདོང་མ༔ དགའ་བ་དམར་མོ་བྱ་རྒོད་གདོང་༔ གསོད་བྱེད་ལྗང་ནག་སྤྱང་མོའི་གདོང་༔ བྱང་ཕྱོགས་དབང་ཕྱུག་མ་མོ་དྲུག༔ སྡེ་བརྒྱད་གནོད་སྦྱིན་ཀླུ་ཡི་རྒྱལ༔ བྱང་ཕྱོགས་གནས་པའི་གདོན་བགེགས་རྣམས༔ མཐུན་རྫས་ནམ་མཁའ་རྒྱང་བུ་ལྔ༔ ཁྱེད་རྣམས་ཞལ་དང་གཉིས་སུ་མེད༔ བདུད་བཞི་ལས་རྒྱལ་རྒྱལ་མཚན་ལྔ༔ ཁྱེད་རྣམས་སྐུ་དང་གཉིས་སུ་མེད༔ རིན་ཆེན་རྒྱན་ལྡན་རྒྱང་བུ་ལ༔ ཁྱེད་རྣམས་*གསུང་དང་གཉིས་སུ་མེད༔ འཁོར་བའི་གཡུལ་བཟློག་རུ་མཚོན་ལྔ༔ ཁྱེད་རྣམས་ཐུགས་དང་གཉིས་སུ་མེད༔ གཉིས་མེད་དོན་རྟོགས་ཕྱག་རྒྱ་ཆེ༔ ཁྱེད་རྣམས་ཐུགས་དམ་བསྐང་གྱུར་ཅིག༔ ཐབས་མཆོག་སྟག་པའི་ཕོ་ཏང་དང་༔ འཕྲུལ་གྱི་མདའ་བཀྲ་སྒོ་སྒྲོན་མདེལ་གྱིས་མཐུད༔ ཁྱེད་རྣམས་སྐུ་གཉན་མཐུན་པའི་རྫ་ས༔ སྐྱེས་པ་ཕོ་ཡི་གླུད་དུ་

[Full Size]

འབུལ༔ ཤེས་རབ་གླང་མའི་མོ་ཐང་དང་༔ འཕྲུལ་གྱི་འཕོང་བཀྲ་རིན་ཆེན་བརྒྱན༔ དེ་དག་ཁྱེད་རྣམས་དགྱེས་སྡེ་དང་༔ མཐུན་པའི་རྫ་ས་སུ་འབུལ་བར་བགྱི༔ སྐུ་གླུད་མཐུན་རྫས་འདི་དག་གིས༔ ཁྱེད་རྣམས་ཐུགས་དམ་བསྐང་གྱུར་ཅིག༔ མི་ནད་ནོར་ནད་ལོ་ནད་ཟློག༔ མི་ཁ་ལྟས་ངན་གདོན་རིགས་ཟློག༔ དེ་ནས་བཅུ་པ་གླུད་ཡས་འབུལ་ཟེར་བ་ལྷ་མོ་ཨ་ཕྱི་རྣམས༔ ཡས་གླུད་གཙང་མ་མ་གཏོགས་མི་བཞེས་པས་གོང་ལྟར་ཡས་གླུད་ཆངས་བུ་རྣམས་གཙང་མར་བྲན་ལ་འདི་སྐད་དོ༔ ཧཱུྃ་བྷྱོཿ ཨ་ཕྱི་ལྷ་མོ་བོད་སྐྱོང་བརྟན་མ་ལ༔ རྒྱུ་སྦྱོར་ཡོན་གྱི་བདག་པོ་ཡི༔ སྐུ་གླུད་རིན་ཆེན་མི་བོ་ར༔ ལུང་ཐེང་མིག་ལ་མགྲོན་བུའི་སོ༔ སྦལ་ཟེར་སྐུ་ལ་མཚལ་གྱི་ཁྲག༔ དུང་གི་རུས་ལ་དཔྲལ་བའི་ཚིལ༔ ཞོ་ཤའི་སྙིང་ལ་ཟངས་ལྕགས་རྐང་༔ ཐུགས་ལ་མཛེས་པའི་ལྷ་ཕྲུག་འདྲ༔ ཡོན་བདག་འདི་ཡི་གླུད་དུ་འབུལ༔ བཟུང་བ་ཐོངས་ལ་མནན་པ་ཁྱོག༔ བཅིངས་པ་བཀྲོལ་ལ་ན་བ་གསོས༔ ཆད་པ་པ་ལ་ཕྲིན་ལས་མཛོད༔ ཧཱུྃ་བྷྱོ༔ བ་དཀར་བིལ་ཁྲ་ཁམ་པ་དང་༔ རོག་པོ་ལ་སོགས་ནོར་གླད་འབུལ༔ བཞེས་ནས་རྟ་ནོར་གོད་ཁ་ཟློག༔ བྷྱོཿ བཙའ་སད་སེར་

[Full Size]

གསུམ་བདག་པོ་རྣམས༔ ཞིང་གླུད་ནས་ཁལ་སྟོང་སྟོང་འབུལ༔ སོག་མ་རྒྱང་བུ་སྙེ་མ་འབུལ༔ རྩམ་པ་ཡོས་རྡོག་བཟའ་བ་འབུལ༔ ཆང་སྐྱར་ལ་སོགས་བཏུང་བ་འབུལ༔ བཞེས་ནས་བཙའ་སད་སེར་གསུམ་ཟློག༔ བྷྱོཿ མི་ཁའི་བུ་མོ་བ་རུ་མ༔ ཚ་ཡོས་རམ་པ་རུག་པ་དང་༔ ཤ་རུ་དགོ་རུ་གཙོད་རུ་དང་༔ རྟ་མིག་ཁྱི་ཐོད་ཕག་ཤ་དང་༔ རུས་སྣ་ལ་སོགས་ཁྱོད་ལ་སྤྲིན༔ བདག་ཅག་ཡོན་མཆོད་འཁོར་བཅས་ལ༔ བརྒྱ་ཡི་མི་ཁ་ཁྱོད་ཀྱིས་ཟློག༔ སྒྱུ་སྡེ་དཔའ་ཆིས་གཟུགས་བཟང་དང་༔ མོ་བཙུན་བཙལ་བའི་མི་ཁ་རྣམས༔ ཐམས་ཅད་ཟོ་ལ་ཐམས་ཅད་ཟློག༔ ཐམས་ཅད་ཁོ་རང་རང་ལ་ཟློག༔ བྷྱོ་བྷྱོ་བྷྱོཿ ཟློག་ཟློག་ཟློག་ཟློག༔ བྷྱོཿ སྡེ་བརྒྱད་རྒྱལ་པོ་ཆྒཻ་་མོ༔ ཐན་བདག་བཅས་པ་ཐམས་ཅད་ལ༔ ཐན་གཟུགས་ཐན་རྫས་སྣ་ཚོགས་འབུལ༔ གཟུགས་ཅན་གཟུགས་མེད་ལྟས་ངན་ཟློག༔ ༈ ཐན་ལ་རིའི་ས་རྡོ་ཐན་ཟོག་མི་རྟ་ར་ལུག་གཟུགས་ཅན་དང་གཟུགས་མེད་ལ་སོགས་པའི་ཐན་ཤི་ཤ་ས་རྡོ་དངོས་མེད་དང་དངོས་ཡོད་ལ་ཁོ་རང་གང་ཡིན་གྱི་གཟུགས་འབྲུ་སྣ་ལ་གདབ་ཟེར་བ་མཆན། ཐམས་ཅད་རང་བྱས་རང་གིས་བསྡུས༔ ཐན་དང་ལྟས་ངན་དགྲ་ལ་ཟློག༔ ཟློག་ཅིག་སྒྱུར་ཅིག་

[Full Size]

བྷྱོ་བྷྱོ་ཟློག༔ ཅེས་ངར་གླུད་ཁ་ཁ་ན་ཡོད་པས་དེ་ཡང་འདིར་གདོན་ཁྲོལ་འདོན་པ་ནི༔ ཨོཾ༔ གུ་རུ་དེ་ཝ་དྷཀྐི་ནཱི༔ པདྨ་འབྱུང་གནས་སྐུ་ལ་ཕྱག་འཚལ་ལོ༔ འདི་ལྟར་བྱས་པའི་ཕན་ཡོན་ནི༔ ནད་པ་ནད་ལས་ཐར་བ་དང་༔ གདོན་ཅན་གདོན་ལས་གྲོལ་བར་འགྱུར༔ སུན་མའི་གདོན་དང་སྡེ་བརྒྱད་གདོན༔ ཁྱད་པར་གཟའ་གདོན་འདི་ལས་ལྷག་པ་མེད༔ བཅས་ངོར་མི་དཀར་སེར་དམར་ལྗང་སྔོན་པོ་བཞི་བྱས་ནས་ང་རྒྱལ་དྲག་པོས་བརྗོད༔ ཧཱུྃ༔ ང་ནི་པདྨ་འབྱུང་གནས་ཡིན༔ གཟའ་བདུད་ལྷ་དང་གཤིན་རྗེ་དང་༔ ཐེའུ་རང་མ་མོ་ཀླུ་དང་བཙན༔ གནོད་སྦྱིན་རྒྱལ་པོ་ལ་སོགས་པའི༔ སྡེ་བརྒྱད་གཙོ་འཁོར་མ་ལུས་དང་༔ མཁའ་འགྲོའི་སུན་མ་ཐམས་ཅད་དང་༔ ཡོན་བདག་འདི་ལ་གནོད་བྱེད་རྣམས༔ མ་ཐོགས་གནས་འདིར་དམ་ལ་འདུས། གླུད་ཡས་འདི་ལ་གཤེགས་སུ་གསོལ༔ རང་རང་དགྱེས་པའི་གདན་ལ་བཞུགས༔ དགྱེས་པའི་གླུད་ཡས་བཞེས་སུ་གསོལ༔ ཧཱུྃ༔ ཤར་ཕྱོགས་འབྱུང་བ་ཤིང་ཁམས་ནས༔ ལོ་ལྷ་སྟག་དང་ཡོས་བུ་དང་༔ སྤར་ཁ་ཟིན་དང་སྨེ་བ་བཞི་ལྗང་དང་༔ གཟའ་ཆེན་ཕུར་བུ་ལ་སོགས་པའི༔ སྡེ་བརྒྱད་ལྷ་ཡི་རྒྱལ་པོ་དང་༔ རྡོ་རྗེ་མཁའ་འགྲོའི་སུན་མ་དང་༔ ཡོན་

[Full Size]

བདག་འདི་ལ་གནོད་བྱེད་རྣམས༔ སྐུ་གླུད་ངར་གྱི་མི་བོ་ཆེ༔ ཁོག་སྟོད་གསེར་ལ་ཁོག་སྨད་དངུལ༔ སྐེད་པ་མཆོང་ལ་ལུང་ཐང་མིག༔ མགྲོན་བུའི་སོ་ལ་ཞོ་ཤའི་སྙིང་༔ སྦལ་ཟེར་སྐུ་ལ་མཚལ་གྱི་ཁྲག༔ དུང་གི་རུས་ལ་སྐུ་ཡི་ཚིལ༔ གཟུགས་མཛེས་ལྷ་ཡི་བུ་ཕོ་འདྲ༔ ཡོན་བདག་སྐུ་ཡི་གླུད་དུ་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམ་པ་གློད་ལ་མནན་པ་ཁྱོག༔ སྤར་ཁའི་དགྲ་གཤེད་སྨེ་བའི་སྐག༔ ལོ་སྐག་སྡེ་བརྒྱད་གནོད་པ་ཟློག༔ མ་མོ་མཁའ་འགྲོའི་སུན་མ་ཟློག༔ ཧཱུྃ༔ ལྷོ་ཕྱོགས་འབྱུང་བ་མེ་མཁར་ནས༔ ལོ་ལྷ་རྟ་དང་སྦྲུལ་གྱི་གཟུགས༔ སྤར་ཁ་ལི་དང་སྨེ་བ་དགུ་དམར་དང་༔ སྨེ་བ་དགུ་དམར་དང་༔ གཟའ་རྒོད་དྲག་པོ་མིག་དམར་དང་༔ གཟའ་རྒོད་དྲག་པོ་མིག་དམར་དང་༔ སྡེ་བརྒྱད་གཤིན་རྗེའི་རྒྱལ་པོ་དང་ཟླ་རིན་ཆེན་མཁའ་འགྲོའི་སུན་མ་དང་༔ ཡོན་བདག་འདི་ལ་གནོད་བྱེད་རྣམས༔ སྐུ་གླུད་ངར་གྱི་མི་བོ་ཆེ༔ ཁོག་སྟོད་གསེར་ལ་ཁོག་སྨད་དངུལ༔ སྐེད་པ་མཆོང་ལ་ལུང་ཐང་མིག༔ མགྲོན་བུའི་སོ་ལ་ཞོ་ཤའི་སྙིང་༔ སྦལ་ཟེར་སྐུ་ལ་མཚལ་གྱི་ཁྲག༔ དུང་གི་རུས་ལ་ས་ཡི་ཚིལ༔ གཟུགས་མཛེས་ལྷ་ཡི་བུ་ཕོ་འདྲ༔ ཡོན་བདག་སྐུ་ཡི་གླུད་དུ་འབུལ༔ བཟུང་བ་

[Full Size]

ཐོངས་ལ་བཅིངས་པ་ཁྲོལ༔ བསྡམ་པ་གློད་ལ་མནན་པ་ཁྱོག༔ སྤར་ཁའི་དགྲ་གཤེད་སྨེ་བའི་སྐག་ལོ་སྐག་སྡེ་བརྒྱད་གནོད་པ་ཟློག ། མ་མོ་མཁའ་འགྲོའི་སུན་མ་ཟློག༔ ཧཱུྃ༔ ནུབ་ཕྱོགས་འབྱུང་བ་ལྕགས་མཁར་ནས༔ ལོ་ལྷ་བྱ་དང་སྤྲེལ་གྱི་གཟུགས༔ སྤར་ཁ་དྭ་དང་སྨེ་བ་བདུན་དམར་དང་། གཟའ་རྒོད་དྲག་པོ་ལྷག་པ་དང་༔ སྡེ་བརྒྱད་བཙན་གྱི་རྒྱལ་པོ་དང་༔ པདྨ་མཁའ་འགྲོའི་སུན་མ་དང་༔ ཡོན་བདག་འདི་ལ་གནོད་བྱེད་རྣམས༔ སྐུ་གླུད་ངར་གྱི་མི་བོ་ཆེ༔ ཁོག་སྟོད་གསེར་ལ་ཁོག་སྨད་དངུལ༔ སྐེད་པ་མཆོང་ལ་ལུང་ཐང་མིག༔ མགྲོན་བུའི་སོ་ལ་ཞོ་ཤའི་སྙིང་༔ སྦལ་ཟེར་སྐུ་ལ་མཚལ་གྱི་ཁྲག༔ དུང་གི་རུས་ལ་སྒྲ་ཡི་ཚིལ༔ གཟུགས་མཛེས་ལྷ་ཡི་བུ་ཕོ་འདྲ༔ ཡོན་བདག་སྐུ་ཡི་གླུད་དུ་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམ་པ་གློད་ལ་མནན་པ་ཁྱོག༔ སྤར་ཁའི་དགྲ་གཤེད་སྨེ་བའི་སྐག༔ ལོ་སྐག་སྡེ་བརྒྱད་གནོད་པ་ཟློག༔ མ་མོ་མཁའ་འགྲོའི་སུན་མ་ཟློག༔ ཧཱུྃ༔ བྱང་ཕྱོགས་ཆུ་ཡི་མཁར་ནང་ནས༔ ལོ་ལྷ་ཕག་དང་བྱི་བའི་ལོ༔ སྤར་ཁ་ཁམས་དང་སྨེ་བ་གཅིག་དཀར་དང་༔

[Full Size]

གཟའ་རྒོད་དྲག་པོ་ཟླ་བ་དང་༔ ལས་ཀྱི་མཁའ་འགྲོའི་སུན་མ་དང་༔ ཡོན་བདག་འདི་ལ་གནོད་བྱེད་རྣམས༔ སྐུ་གླུད་ངར་གྱི་མི་བོ་ཆེ༔ ཁོག་སྟོད་གསེར་ལ་ཁོག་སྨད་དངུལ༔ སྐེད་པ་མཆོང་ལ་ལུང་ཐང་མིག༔ མགྲོན་བུའི་སོ་ལ་ཞོ་ཤའི་སྙིང་༔ སྦལ་ཟེར་སྐུ་ལ་མཚལ་གྱི་ཁྲབག༔ དུང་གི་རུས་ལ་སྐུ་ཡི་ཚིལ༔ གཟུགས་མཛེས་ལྷ་ཡི་བུ་ཕོ་འདྲ༔ ཡོན་བདག་སྐུ་ཡི་གླུད་དུ་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམ་པ་གློད་ལ་མནན་པ་ཁྱོག༔ སྤར་ཁའི་དགྲ་གཤེད་སྨེ་བའི་སྐག༔ ལོ་སྐག་སྡེ་བརྒྱད་གནོད་པ་ཟློག༔ མ་མོ་མཁའ་འགྲོའི་སུན་མ་ཟློག༔ ཧཱུྃ༔ སྟེང་ཕྱོགས་འབྱུང་བ་ནམ་མཁའ་ནས༔ ལོ་ལྷ་ལོ་རྒན་དྲུག་ཅུ་དང་༔ སྤར་ཁ་བརྒྱད་དང་སྨེ་བ་ལྔ་སེར་དང་༔ གཟའ་རྒོད་དྲག་པོ་རཱ་ཧུ་ལ༔ སྡེ་བརྒྱད་གཟའ་ཡི་རྒྱལ་པོ་དང་༔ སངས་རྒྱས་མཁའ་འགྲོའི་སུན་མ་དང་༔ ཡོན་བདག་འདི་ལ་གནོད་བྱེད་རྣམས༔ སྐུ་གླུད་ངར་གྱི་མི་བོ་ཆེ༔ ཁོག་སྟོད་གསེར་ལ་ཁོག་སྨད་དངུལ༔ སྐེད་པ་མཆོང་ལ་ལུང་ཐང་མིག༔ མགྲོན་བུའི་སོ་ལ་ཞོ་ཤའི་སྙིང་༔ སྦལ་ཟེར་སྐུ་ལ་མཚལ་གྱི་ཁྲག༔ དུང་གི་རུས་ལ་སྐུ་ཡི་ཚིལ༔

[Full Size]

གཟུགས་མཛེས་ལྷ་ཡི་བུ་ཕོ་འདྲ༔ ཡོན་བདག་སྐུ་ཡི་གླུད་དུ་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམ་པ་ཀློད་ལ་མནན་པ་ཁྱོག༔ སྤར་ཁའི་དགྲ་གཤེད་སྨེ་བའི་སྐག༔ ལོ་སྐག་སྡེ་བརྒྱད་གནོད་པ་ཟློག༔ མ་མོ་མཁའ་འགྲོའི་སུན་མ་ཟློག༔ ཧཱུྃ༔ མཚམས་བཞིར་ས་ཡི་མཁར་ནང་ནས༔ ལོ་ལྷ་ཁྱི་འབྲུག་གླང་ལུག་བཞི༔ སྤར་ཁ་ཁེན་ཁོན་གིན་ཟོན་བཞི༔ སྨེ་བ་གཉིས་ནག་བརྒྱད་དཀར་དང་༔ སུམ་མཐིང་དྲུག་དཀར་ལ་སོགས་དང་༔ གཟའ་རྒོད་དྲག་པོ་ཉི་མ་དང་༔ པ་སངས་སྤེན་པ་སྒྲ་གཅན་འཛིན༔ སྡེ་བརྒྱད་མ་མོ་བདུད་ཀླུ་རྒྱལ་པོ་དང་༔ ཤུགས་འགྲོ་ལྔ་ཡི་སུན་མ་དང་༔ ཡོན་བདག་འདི་ལ་གནོད་བྱེད་རྣམས༔ སྐུ་གླུད་ངར་གྱི་མི་བོ་ཆེ༔ ཁོག་སྟོད་གསེར་ལ་ཁོག་སྨད་དངུལ༔ སྐེད་པ་མཆོང་ལ་ལུང་ཐང་མིག༔ མགྲོན་བུའི་སོ་ལ་ཞོ་ཤའི་སྙིང་༔ སྦལ་ཟེར་སྐུ་ལ་མཚལ་གྱི་ཁྲག༔ དུང་གི་རུས་ལ་སྐུ་ཡི་ཚིལ༔ གཟུགས་མཛེས་ལྷ་ཡི་བུ་ཕོ་འདྲ༔ ཡོན་བདག་སྐུ་ཡི་གླུད་དུ་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམ་པ་གློད་ལ་མནན་པ་ཁྱོག༔ སྤར་ཁའི་དགྲ་གཤེད་སྨེ་བའི་སྐག༔ ལོ་སྐག་སྡེ་

[Full Size]

བརྒྱད་གནོད་པ་ཟློག༔ མ་མོ་མཁའ་འགྲོའི་སུན་མ་ཟློག༔ ཤཾ་མཾ་ཙ་ཚ་ནཾ༔ ཞེས་ཚར་གསུམ་བརྗོད༔ ས་མ་ཡཱ༔ རྒྱ་རྒྱ་རྒྱ༔ ཁ་ཐམ༔ གུ་ཧྱ༔ མཉཤ།མར ཅེས་པ་འདི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ནག་པ་ཟླ་བའི་ཚེས་བརྒྱད་ལ་གུ་རུ་ཉི་མ་འོད་ཟེར་གྱིས་དངོས་སུ་གསུངས་སོ༔ འདི་ནི་འདིར་འདོན་དགོས་པས་བྲིས་པ་ཡིན༔ བརྟན་མའི་མདོས་ལ་ཡོད་པ་མ་ཡིན་ལགས༔ ༈ །དེ་ནས་བཅུ་གཅིག་པ་བསྟོད་ཅིང་ཕྲིན་ལས་བཅོལ་བ་ནི༔ ཧཱུྃ་བྷྱོ་བྷྱོ༔ གངས་དཀར་མཐོན་མཐིང་ཉི་མགུལ་ནས༔ ཇོ་མོ་བཀྲ་ཤིས་ཚེ་རིང་མ༔ སྐུ་མདོག་དཀར་པོ་དར་དཀར་གསོལ༔ ཕྱག་ན་རྡོ་རྗེ་ཚེ་བུམ་བསྣམས༔ ཆིབས་སུ་སེང་གེ་དཀར་མོ་ཆིབས༔ ཁྱེད་ལ་ཕྱག་འཚལ་ཁྱེད་བསྟོད་དོ༔ བྷྱོཿ གསེར་གཡུ་མཛེས་པའི་ཐོད་ལྡིང་ཅན༔ མདའ་དར་བསྣམས་ནས་རྐྱང་ཆུང་ཆིབས༔ ལས་སུ་སངས་རྒྱས་བསྟན་པ་སྲུངས༔ ཟས་སུ་ཚོགས་ཀྱི་འཁོར་ལོ་བསྐོར༔ མཐིང་གི་ཞལ་བཟང་ཁྱེད་ལ་བསྟོད༔ བྱི་རུ་མཛེས་པའི་ཐོད་ལྡིང་ཅན༔ ནེའུ་རྐྱལ་བསྣམས་ནས་སྟག་ལ་ཆིབས༔ ལས་སུ་སངས་རྒྱས་བསྟན་པ་སྲུངས༔ ཟས་སུ་ཚོགས་ཀྱི་འཁོར་ལོ་བསྐོར༔ མི་གཡོ་བློ་བཟང་ཁྱེད་ལ་བསྟོད༔ གཡུ་སྒྲོན་མཛེས་པའི་ཐོད་

[Full Size]

ལྡིང་ཅན༔ སྒྲོམ་བུ་བསྣམས་ནས་དུང་ཤ་ཆིབས༔ ལས་སུ་སངས་རྒྱས་བསྟན་པ་སྲུངས༔ ཟས་སུ་ཚོགས་ཀྱི་འཁོར་ལོ་བསྐོར༔ ཅོད་པན་མགྲིན་བཟང་ཁྱེད་ལ་བསྟོད༔ མུ་ཏིག་མཛེས་པའི་ཐོད་ལྡིང་ཅན༔ སྦྲུལ་ཞགས་བསྣམས་ནས་གཡུ་འབྲུག་ཆིབས༔ ལས་སུ་སངས་རྒྱས་བསྟན་པ་སྲུངས༔ ཟས་སུ་ཚོགས་ཀྱི་འཁོར་ལོ་བསྐོར༔ གཏད་དཀར་འགྲོས་བཟང་ཁྱེད་ལ་བསྟོད༔ སྔོན་ཚེ་དབེན་གནས་ལ་ཕྱི་ནས༔ ཆུ་བར་དཔལ་གྱི་ཡོངས་རྫོངས་སུ༔ མི་མཆོག་སྤྲུལ་སྐུའི་སྡེ་དཔོན་མཆོག༔ མ་ནོར་ལམ་སྟོན་ཆོས་ཀྱི་རྗེ༔ ངེས་དོན་བདུད་རྩིའི་ཆར་འབེབས་པ༔ རྗེ་བཙུན་ཆེན་པོ་སྤྲུལ་པའི་སྐུ༔ དཔལ་ལྡན་བཞེད་པ་རྡོ་རྗེ་ལ༔ མཛེས་པའི་རང་གཟུགས་རྒྱན་གྱིས་སྤྲས༔ གསང་བ་སྲོག་གི་སྙིང་པོ་ཕུལ༔ བཀའ་འབངས་བགྱིས་སོ་རྩིས་ལ་ཕབ༔ སློབ་རྒྱུད་སྤེལ་བའི་གཡར་དམ་ཅན༔ བར་ཆད་སེལ་བར་ཁས་བླངས་ཤིང་༔ དངོས་གྲུབ་སྩོལ་བར་ཞལ་གྱིས་བཞེས༔ སྒྲུབ་པ་པོ་ཡི་རྣལ་འབྱོར་ལ༔ བཀའ་སྡོད་སྲུང་མ་རྗེས་སུ་འབྲང་༔ དེ་བས་དམ་ལ་མ་འདའ་ཞིག༔ ཞལ་བཞེས་དམ་ཚིག་དྲན་པར་གྱིས༔ སྒྲུབ་པའི་དབང་ཕྱུག་

[Full Size]

འཛིན་པའི་གཙོ༔ པད་འབྱུང་བཞེད་པ་རྡོ་རྗེ་སོགས༔ རྩ་བརྒྱུད་བླ་མའི་བཀའ་བཞིན་དུ༔ བདག་ཅག་ཡོན་མཆོད་འཁོར་བཅས་ལ༔ ཆག་ཆེན་ཉམ་ང་ཐམས་ཅད་ཟློག༔ སྤར་ཁའི་དགྲ་གཤེད་དགྲ་ལ་ཟློག༔ སྨེ་བའི་དགུ་མིག་དགྲ་ལ་ཟློག༔ ལོ་ཡི་བདུན་ཟུར་དགྲ་ལ་ཟློག༔ དབང་ཐང་པགས་པ་རལ་བ་དགྲ་ལ་ཟློག༔ ས་ཡི་རྟེན་ཕུར་ཕུད་པ་དགྲ་ལ་ཟློག༔ གནམ་གྱི་འཇུ་དག་ཆད་པ་དགྲ་ལ་ཟློག༔ ནོད་རིགས་བཞི་བརྒྱ་རྩ་བཞི་དགྲ་ལ་ཟློག༔ གདོན་རིགས་སྟོང་ཕྲག་བརྒྱད་ཅུ་དགྲ་ལ་ཟློག༔ ཡེ་འདྲོགས་སུམ་བརྒྱ་དྲུག་ཅུ་དགྲ་ལ་ཟློག༔ གློ་བུར་བརྒྱད་ཅུ་རྩ་གཅིག་དགྲ་ལ་ཟློག༔ རྐྱེན་ངན་ཉི་ཁྲི་ཆིག་སྟོང་དགྲ་ལ་ཟློག་མི་ཁ་བྲ་མཆུ་ཐམས་ཅད་དགྲ་ལ་ཟློག༔ ལྟས་ངན་བརྒྱད་ཅུ་རྩ་གཅིག་དགྲ་ལ་ཟློག༔ ཡིད་དང་མི་མཐུན་སྣ་ཚོགས་དགྲ་ལ་ཟློག༔ བཙའ་སད་སེར་བ་འབུ་སྲིན་དགྲ་ལོ་ཟློག༔ གློ་གོར་ཧོན་གསུམ་ས་འབུ་དགྲ་ལ་ཟློག༔ ཟེར་དང་གནོད་བྱེད་ཐམས་ཅད་དགྲ་ལ་ཟློག༔ བཙན་གདོན་གོད་འདྲེ་སྤྱན་དགུ་དགྲ་ལ་ཟློག༔ བསེ་རག་དཀར་འགོང་ཟས་འགོང་དགྲ་ལ་ཟློག༔ བསེ་རིག་མི་གཅིག་སུམ་བརྒྱ་དགྲ་ལ་ཟློག༔

[Full Size]

བྱིས་པའི་གདོན་ཆེན་བཅོ་ལྔ་དགྲ་ལ་ཟློག༔ གདོན་ཆེན་ཕལ་པ་སུམ་བརྒྱ་དགྲ་ལ་ཟློག༔ གནོད་བྱེད་ལྷ་སྲིན་སྡེ་བརྒྱད་དགྲ་ལ་ཟློག༔ བྱམས་པ་གཉན་གྱིས་བགྱིས་པ་དགྲ་ལ་ཟློག༔ རྒྱལ་ཁམས་མི་ཡིས་གླེང་བ་དགྲ་ལ་ཟློག༔ ཡུལ་མི་ཁྱིམ་མཚེས་དམོད་མོ་དགྲ་ལ་ཟློག༔ གཡས་ནས་ཕོ་བརྒྱའི་མདའ་ཟོར་དགྲ་ལ་ཟློག༔ གཡོན་ན་མོ་བརྒྱའི་དུག་གཡོས་དགྲ་ལ་ཟློག༔ མདུན་ན་རྩང་བཞིན་འཛུགས་པ་དགྲ་ལ་ཟློག༔ རྒྱབ་ན་ཁྱི་བཞིན་འབྲང་བ་དགྲ་ལ་ཟློག༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ བྷྱོ་བྷྱོསྡང་བའི་དགྲ་ལ་བྷྱོཿ ཟློག་ཟློག་དགྲ་བོའི་ཡུལ་དུ་ཟློག༔ བྷྱོ་བྷྱོ་ཟློག་ཟློག༔ བྷྱོཿ མ་གཅིག་དཔལ་ལྡན་ལྷ་མོ་དཔལ་འབར་མ༔ ཞལ་གཅིག་ཕྱག་བཞི་སྐུ་མདོག་མུན་པའི་མདོག༔ ཁ་ཊོ་རལ་གྲི་ཐོད་ཁྲག་ཤོག་ཏི་བསྣམས༔ ཧ་ཧ་ཧཱུྃ་ཕཊ༔ རྒྱོབ་སོད་འབྲུག་སྟོང་ལྡིར༔ སྐུ་སྟོད་ཞིང་ཆེན་སྐུ་སྨད་རེ་ལྡེས་བརྒྱན༔ བོང་བུ་ཆིབས་ནས་ནད་རྐྱལ་མཚོན་གྲུ་བཀལ༔ རིན་ཆེན་མཁར་བུ་རླུང་ནག་འཚུབ་དཀྱིལ་བཞུགས༔ ཡང་འཁོར་མ་མོ་ཁྲི་འབུམ་ས་ཡས་

[Full Size]

བསྐོར༔ མ་གཅིག་ལྷ་མོ་ཁྱེད་ལ་ཕྱག་འཚལ་བསྟོད༔ བདག་ཅག་ཡོན་མཆོད་མི་ནོར་འཁོར་བཅས་ཀྱི༔ རླུང་མཁྲིས་བད་ཀན་མི་ནད་ཡམས་ནད་ཟློག༔ འགྱུར་བུ་འདར་བུ་མི་སྡུག་ནད་རྣམས་ཟློག༔ ནོར་ནད་རྟ་ནད་ལོ་ཡི་ནད་རྣམས་ཟློག༔ བྷྱོཿ དཔལ་ལྡན་སྔགས་སྲུང་ཨེ་ཀ་ཛཱ་ཊི་མཿ ཞལ་གཅིག་སྤྱན་གཅིག་ནུ་པ།ཅིག་སྐུ་མདོག་སྔོ༔ ཕྱག་གཡས་ཞིང་དབྱུག་ལྕགས་སྤྱང་མགོ་དགུ་གཡོན༔ སྐུ་སྟོད་ཞིང་གཡང་སྐུ་སྨད་གཟིག་ལྤགས་བརྒྱན༔ བོང་བུ་སྨུག་ནག་ལ་ཆིབས་མེ་རླུང་དབུས༔ ཡང་འཁོར་སྟོབས་ལྡན་ལྷ་མོ་མང་པོས་བསྐོར༔ སྔགས་ཀྱི་སྲུང་མ་ཁྱེད་ལ་ཕྱག་འཚལ་བསྟོད༔ བདག་ཅག་ཡོན་མཆོད་མི་ནོར་འཁོར་བཅས་ཀྱི༔ རླུང་མཁྲིས་བད་ཀན་མི་ནད་ཡམས་ནད་ཟློག༔ འགྱུར་བུ་འདར་བུ་མི་སྡུག་ནད་རྣམས་ཟློག༔ ནོར་ནད་རྟ་ནད་ལོ་ཡི་ནད་རྣམས་ཟློག༔ བྷྱོཿབྷྱོཿབྷྱོཿ བདག་ཉིད་ཆེན་མོ་རྡོ་རྗེ་ཀུན་གྲགས་མ༔ སྐུ་མདོག་མཐིང་ནག་རིན་ཆེན་རྒྱན་ཆས་བརྒྱན༔ ཆུ་སྲིན་རྒྱལ་མཚན་དང་ནི་མེ་ལོང་བསྣམས༔ འབྲུག་ལ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་

[Full Size]

ཕྱག་འཚལ་བསྟོད༔ བྷྱོཿ དཔལ་ལྡན་ཧ་རི་རྡོ་རྗེ་ཡ་མ་སྐྱོངས༔ སྐུ་མདོག་མུན་ནག་རིན་ཆེན་རུས་པས་བརྒྱན༔ རྣོ་བའི་ཤང་ལང་རྡོ་རྗེའི་དབྱུག་པ་བསྣམས༔ རྐྱང་ལ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་༔ སྐུ་མདོག་མཐིང་ནག་རིན་ཆེན་རྒྱན་གྱིས་མཛེས་རྡོ་རྗེ་དང་ནི་ཚེ་ཡི་བུམ་པ་བསྣམས༔ སེང་གེ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ༔ སྐུ་མདོག་ནག་པོ་མུན་པའི་གོ་ཟུ་ཅན༔ རུ་མཚོན་རྩེ་ལྔ་དང་ནི་ཞགས་པ་བསྣམས༔ དྲེལ་རྟ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོ༔ གངས་དཀར་ཤ་མེད་རྡོ་རྗེ་གཡུ་སྒྲོན་མ༔ སྐུ་མདོག་དཀར་མོ་དར་གྱི་ལྷབ་ལྷུབ་གསོལ༔ འཇོ་བའི་ཟོ་བ་གཏེར་གྱི་བུམ་པ་བསྣམས༔ ཤ་

[Full Size]

བ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ ཁ་རག་ཁྱུང་བཙུན་རྡོ་རྗེ་དཔལ་གྱི་ཡུམ༔ སྐུ་མདོག་དཀར་མོ་རྨ་བྱའི་ཐུལ་པ་གསོལ༔ ཌ་མ་རུ་དང་གསལ་བའི་མེ་ལོང་བསྣམས༔ མེ་ཁྱུང་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ གཏེར་ཆེན་མཁའ་ལྡིང་རྡོ་རྗེ་ཀླུ་མོ་རྒྱལ༔ སྐུ་མདོག་དཀར་དམར་དར་དང་རིན་ཆེན་བརྒྱན༔ སྦྲུལ་ཞགས་དང་ནི་རིན་ཆེན་པར་བུ་བསྣམས༔ རྟ་མཆོག་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ རྨ་རི་རབ་འབྱམས་རྡོ་རྗེ་དྲག་མོ་རྒྱལ༔ སྐུ་མདོག་དཀར་གསལ་རིན་ཆེན་དར་ཟབ་མཛེས༔ བེ་ཅོན་དང་ནི་རིན་ཆེན་གཞོང་པ་བསྣམས༔ འཕར་བ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ ཀོང་བཙུན་དེ་མོ་རྡོ་

[Full Size]

རྗེ་བོད་ཁམས་སྐྱོང་༔ སྐུ་མདོག་དཀར་སྨུག་ཞིང་ལྤགས་རློན་པ་གསོལ༔ མདའ་དར་དང་ནི་རིན་ཆེན་ཟ་མ་ཏོག༔ སྤྲིན་གསེབ་རླུང་བསྐྱོད་བསྟན་པའི་བྱ་ར་ཚོམཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ བཙན་ལ་རོལ་པའི་རྡོ་རྗེ་སྨན་གཅིག་མ༔ སྐུ་མདོག་དམར་ལ་རིན་ཆེན་སྣ་ལྔས་བརྒྱན༔ ལྷབ་ལྷུབ་དར་དང་དངོས་གྲུབ་འབྲང་རྒྱས་བསྣམས༔ མཛོ་མོ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ གཡུ་ཡི་དྲིལ་བུ་རྡོ་རྗེ་གཟུགས་ལེགས་མ༔ སྐུ་མདོག་དཀར་སེར་རིན་ཆེན་རྒྱན་གྱིས་བརྒྱན༔ སྙན་པའི་དྲིལ་བུ་རིན་ཆེན་པདྨ་བསྣམས༔ སྟག་ལ་ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ སྨན་བཙུན་ཁུག་ཆོས་རྡོ་རྗེ་དབྱར་མོ་བསིལ༔ སྐུ་མདོག་དམར་མོ་རིན་ཆེན་སྣ་ཚོགས་བརྒྱན༔ རིན་ཆེན་འབར་བ་སྒྲ་སྙན་ཏིང་ཤག་བསྣམས༔ ཤ་བ་ཡུ་མོ་

[Full Size]

ཆིབས་ནས་བསྟན་པའི་བྱ་ར་མཛད༔ བྲན་དང་འཁོར་གཡོག་མང་པོའི་ཚོགས་བཅས་ལ༔ བདག་ཅག་དང་བས་ཁྱོད་ལ་ཕྱག་འཚལ་བསྟོད༔ བྷྱོཿ བོད་ཁམས་སྐྱོང་བའི་བརྟེན་མ་བཅུ་གཉིས་ཀྱང་༔ མ་མོ་མཁའ་འགྲོ་མ་ལུས་པའི༔ འཁོར་ཚོགས་དུ་མས་བསྐོར་བ་ནི༔ འབུམ་ཕྲག་ཡངས་པའི་མཁའ་འགྲོ་མ༔ ཚངས་པའི་བུ་མོ་འབུམ་ཕྲག་གཅིག༔ དྲི་ཟ་ཆེན་མོ་འབུམ་ཕྲག་གཅིག༔ དྲང་སྲོང་ཆེན་པོ་འབུམ་ཕྲག་གཅིག༔ གྲུལ་བུམ་ཆེན་མོ་འབུམ་ཕྲག་གཅིག༔ ཀླུ་མོ་ཆེན་མོ་འབུམ་ཕྲག་གཅིག༔ རླུང་ལྷ་ཆེན་མོ་འབུམ་ཕྲག་གཅིག༔ གནོད་སྦྱིན་ཆེན་མོ་འབུམ་ཕྲག་གཅིག༔ དབང་ལྡན་ཆེན་མོ་འབུམ་ཕྲག་གཅིག༔ ས་བདག་ཆེན་མོ་འབུམ་ཕྲག་གཅིག༔ སྨན་མོ་ཆེན་མོ་འབུམ་ཕྲག་གཅིག༔ ཤ་ཟ་ཆེན་མོ་འབུམ་ཕྲག་གཅིག༔ བདུད་མོ་ཆེན་མོ་འབུམ་ཕྲག་གཅིག༔ མ་མོ་ཆེན་མོ་ཁྱེད་རྣམས་ཀྱང་༔ ལ་ལ་གསེར་གྱི་རི་ལ་གནས༔ ལ་ལ་རྒྱ་མཚོའི་གཏིང་ན་གནས༔ ལ་ལ་གླིང་ཆེན་བཞི་ལ་གནས༔ ལ་ལ་གླིང་ཕྲན་བརྒྱད་ལ་གནས༔ ལ་ལ་གངས་དཀར་རྩེ་ལ་གནས༔ ལ་ལ་ས་གཞིའི་འོག་ཏུ་གནས༔ ལ་ལ་ནམ་མཁའི་ཁམས་ལ་གནས༔ ལ་

[Full Size]

ལ་གཅན་གཟན་སྡེར་ཆགས་ཞོན༔ ལ་ལ་རྨིག་པ་ཁ་བྲག་ཞོན༔ ལ་ལ་རྨིག་པ་ཁ་ཟླུམ་ཞོན༔ ལ་ལ་གདོང་པ་ཅན་ལ་ཞོན༔ ལ་ལ་འདབ་ཆགས་བྱ་ལ་ཞོན༔ ལ་ལ་རླུང་དང་སྐྱི་སེར་ཞོན༔ ལ་ལ་དགུ་ཚིགས་གཞུང་ལ་ཞོན༔ ལ་ལ་དུས་བཞིའི་རླུང་ལ་ཞོན༔ ལ་ལ་ཉི་མའི་ཟེར་ལ་ཞོན༔ ལ་ལ་ཟླ་བའི་ཟེར་ལ་རྒྱུ༔ ལ་ལ་མུན་པའི་སྨག་ལ་རྒྱུ༔ ལ་ལ་གྲིབ་སོའི་རྟ་ལ་རྒྱུ༔ ལ་ལ་ནམ་མཁའི་མདངས་ལ་རྒྱུ༔ ལ་ལ་སྐྱ་རེངས་ལམ་ལ་རྒྱུ༔ ལ་ལ་ཆུ་བོའི་གཞུང་ལ་རྒྱུ༔ ལ་ལས་གསལ་བའི་མེ་ལོང་ཐོགས༔ ལ་ལས་དར་དཀར་གཡབ་མོ་ཐོགས༔ ལ་ལས་ལྕགས་ཀྱུ་འབར་བ་ཐོགས༔ ལ་ལས་ཞགས་པ་ནག་པོ་ཐོགས༔ ལ་ལས་བེ་ཅོན་འབར་བ་ཐོགས༔ ལ་ལས་གཅོད་པའི་སྤུ་གྲི་ཐོགས༔ ལ་ལས་མི་མགོའི་ཕོར་པ་ཐོགས༔ ལ་ལས་མི་སྙིང་རློན་པ་ཐོགས༔ ལ་ལས་མི་ལྤགས་གཡང་གཞི་ཐོགས༔ ལ་ལས་རུ་མཚོན་ནག་པོ་ཐོགས༔ ལ་ལས་བདུད་ཀྱི་ཁྲམ་ཤིང་ཐོགས༔ ལ་ལས་ཤོ་རྡེལ་དཀར་ནག་ཐོགས༔ ལ་ལས་ནད་ཀྱི་རྐྱལ་པ་ཐོགས༔ ལ་ལས་མཚོན་གྱི་གྲུ་གུ་ཐོགས༔ ལ་ལས་བྱང་དམར་བམ་རོ་ཐོགས༔ ལ་ལས་ཏྲི་

[Full Size]

ཤུལ་འབར་བ་ཐོགས༔ ལ་ལས་དབལ་རྩེ་རྣོན་པོ་ཐོགས༔ ལ་ལས་འཁོར་ལོ་འབར་བ་ཐོགས༔ ཀུན་ཀྱང་གདུག་པའི་མཚོན་ཆ་ཐོགས༔ ཀུན་ཀྱང་སྲོག་དང་དབུགས་ལ་དབང་༔ ཀུན་ཀྱང་ཤ་ཟ་ཁྲག་འཐུང་མ༔ ཀུན་ཀྱང་མདངས་འཕྲོག་བཅུད་ལེན་མ༔ རྒྱལ་མོ་བློན་མོ་ཡང་གཡོག་མ༔ སྡེ་བརྒྱད་དུ་མའི་འཁོར་དང་བཅས་དེ་རིང་ཟློག་པའི་དུས་ལ་བབ༔ འདུ་བ་རྣམ་བཞི་དགྲ་ལ་ཟློག༔ བད་ཀན་དཀར་སྨུག་དགྲ་ལ་ཟློག༔ མཁྲིས་པ་གཤའ་ཡ་དགྲ་ལ་ཟློག༔ རླུང་གང་འཕྱོ་བ་དགྲ་ལ་ཟློག༔ ཁྲག་དང་འདུས་པ་དགྲ་ལ་ཟློག༔ སྨྱོ་ནད་ཉེར་ལྡདགྲ་ལ་ཟློག༔ སྨྱོ་འབོག་བརྒྱལ་ནོད་དགྲ་ལ་ཟློག༔ འགྱུར་བུ་འདིར་བུ་དགྲ་ལ་ཟློག༔ རླུང་སྨྱོ་ཆེན་མོ་དགྲ་ལ་ཟློག༔ མཛེ་རིགས་བཅོ་བརྒྱད་དགྲ་ལ་ཟློག༔ མཛེ་ནད་གྲུམ་ནད་དགྲ་ལ་ཟློག༔ སིབ་དང་བས་ལྡག་དགྲ་ལ་ཟློག༔ དྲེག་དང་གྲུམ་བུ་དགྲ་ལ་ཟློག༔ ལྷོག་པ་འབྲས་ཆེན་དགྲ་ལ་ཟློག༔ སྐེམ་པ་གཡེམས་པ་དགྲ་ལ་ཟློག༔ ཤུ་བ་རྒྱ་ཐོར་དགྲ་ལ་ཟློག༔ རླུང་སྐམས་འབྲས་ཆེན་དགྲ་ལ་ཟློག༔ ཕོལ་མིག་སྐེམ་པ་དགྲ་ལ་ཟློག༔ ཚབས་དང་སྣ་ནད་དགྲ་ལ་ཟློག༔ རིམས་

[Full Size]

ནད་སྣ་ལྔ་དགྲ་ལ་ཟློག༔ ཀླད་གཟེར་བལ་ནད་དགྲ་ལ་ཟློག༔ རྒྱུ་གཟེར་བལ་ཚད་དགྲ་ལ་ཟློག༔ གློ་སྙིང་རིམས་གཟེར་དགྲ་ལ་ཟློག༔ མཚོན་འཁྲུག་སྣ་ཨབདུན་དགྲོ་ལ་ཟློག༔ མདའ་གྲི་མདུང་གྲི་དགྲ་ལ་ཟློག༔ ཁ་ཊཾ་གྲི་གུག་དགྲ་ལ་ཟློག༔ སྐྱོགས་དང་འུར་རྡོ་དགྲ་ལ་ཟློག༔ མཚོན་འཁྲུག་བསྐལ་པ་དགྲ་ལ་ཟློག༔ མི་ནད་སྣ་དགུ་དགྲ་ལ་ཟློག༔ སྟག་ཆེན་སུམ་བརྒྱ་དགྲ་ལ་ཟློག༔ གདོན་ཆེན་ཉི་ཁྲི་དགྲ་ལ་ཟློག༔ རྐྱེན་ངན་སུམ་ཁྲི་དགྲ་ལ་ཟློག༔ བར་ཆད་གློ་བུར་དགྲ་ལ་ཟློག༔ ལྟས་ངན་མཚན་ངན་དགྲ་ལ་ཟློག༔ མི་ཁ་བྲ་མཆུ་དགྲ་ལ་ཟློག༔ བཙའ་སད་སེར་གསུམ་དགྲ་ལ་ཟློག༔ ལོ་ཡི་ནད་རྣམས་དགྲ་ལ་ཟློག༔ རྟ་ནད་མཚེར་རྩུབ་དགྲ་ལ་ཟློག༔ དྲེལ་ནད་བོང་ནད་དགྲ་ལ་ཟློག༔ ནོར་ནད་གློ་གོར་ཧོན་གསུམ་དགྲ་ལ་ཟློག༔ ར་ནད་ལུག་ནད་དགྲ་ལ་ཟློག༔ བཞི་བརྒྱ་རྩ་བཞིའི་ནད་རྣམས་དགྲ་ལ་ཟློག༔ སྟོང་ཕྲག་བརྒྱད་ཅུའི་བགེགས་རྣམས་དགྲ་ལ་ཟློག༔ གཏད་མ་ལྟས་ངན་རྦོད་གཏོང་དགྲ་ལ་ཟློག༔ དགྲ་འདྲེའི་གནོད་པ་ཐམས་ཅད་དགྲ་ལ་ཟློག༔ བརྟན་སྐྱོང་གཉན་པོ་ཁྱེད་རྣམས་ཀྱིས༔ རྣལ་འབྱོར་

[Full Size]

བདག་ཅག་འཁོར་བཅས་ལ༔ རྒྱ་གར་རྒྱ་ནག་ལི་ཡུལ་དང་༔ ལྷོ་རྒྱལ་འཛམ་གླིང་ཡུལ་འདི་ཡི༔ འབྲུ་གཡང་ལོ་གཡང་འདིར་ཁུག་ཅིག༔ ཟས་གཡང་མི་གཡང་འདིར་ཁུག་ཅིག༔ རྟ་གཡང་ནོར་གཡང་ལུག་གཡང་ཁུག༔ གཡང་སྒྱེ་གཡང་ཁུག་ནང་དུ་ཁུག༔ གཡང་གཏོར་ནོར་བུ་འདི་ལ་ཁུག༔ གཡང་རྫས་མར་ཁུ་བླུག་ལ་ཁུག༔ བདག་ཅག་ཡོན་མཆོད་མི་ནོར་ལ༔ ཁུག་ཅིག་བསྟིམ་ཅིག་བརྟན་སྐྱོང་རྣམས༔ བརྟན་པར་གྱུར་ཅིག་ཚེ་རིང་མ༔ ཚེ་རིང་དཔལ་སྐྱེད་བདེ་སྐྱིད་ལྡན༔ ཡིད་ལ་འདོད་དགུ་འབྱུང་བར་ཤོག༔ བླ་མའི་སྐུ་བསྡོ་བདག་ལ་སྡང་༔ དགྲ་དང་བགེགས་རྣམས་ཆམ་ལ་ཕོབ༔ སོད་ཅིག་ཐུལ་ཅིག་རེངས་པར་མཛོད༔ ཟུངས་ཤིག་ཆིངས་ཤིག་རྡུལ་དུ་རློགས༔ དེ་ཡི་ཤ་ཟོ་ཁྲག་ལ་འཐུང་༔ དགྲ་བགེགས་ཕ་རོལ་དབྱིངས་སུ་སྒྲོལ༔ སངས་རྒྱས་བསྟན་དར་བདག་ཅག་གིས༔ འགྲོ་བའི་དོན་སྤེལ་རྒྱལ་ཁམས་བདེ༔ ཆར་ཆུ་དུས་འབབ་ལོ་ཕྱུགས་ལེགས༔ བསྟན་སྐྱོང་རྣམས་ཀྱི་ཕྲིན་ལས་མཛོད༔ དེ་ནས་ཡང་འཁོར་དབང་ཕྱུག་མ་རྣམས་དང་༔ སྐྱོང་མ་ཡ་མ་སྡེ་བརྒྱད་གཉན་ཀླུ་ས་བདག་རྣམས་ལ་བསྟོད་པ་ནི༔ བྷྱོ་བྷྱོ་བྷྱོཿ ཀ་ཡེ་ཀ་ཡེ་དབང་ཕྱུག་

[Full Size]

མ་མོ་རྣམས༔ དབང་ཕྱུག་གཙོ་མོ་སྲིན་མོ་གཡག་གདོང་མ༔ སྐུ་མདོག་སྨུག་ནག་རྡོ་རྗེ་བྷནྡྷ་བསྣམས༔ ཟ་བ་ལྗང་ནག་ཞིང་ཆེན་ཕྲག་ལ་བཀལ༔ རྡོ་རྗེ་སེར་མོ་དོམ་གདོང་རྒྱུ་ཞགས་བསྣམས༔ གསོད་བྱེད་ལྗང་ནག་སྤྱང་གདོང་བ་དན་འཕྱར༔ གཙོ་མོ་རྣམ་བཞི་ཞིང་ཆེན་གདན་ལ་འགྱིང་༔ གཙོ་མོ་མ་བཞིའི་སྐུ་ལ་ཕྱག་འཚལ་བསྟོད༔ བྱད་ཁ་ཕུར་ཁ་ཐམས་ཅད་དགྲ་ལ་ཟློག༔ གཟུགས་ཅན་མི་ཡི་བྱད་ཁ་དགྲ་ལ་ཟློག༔ གཟུགས་མེད་ལྷ་འདྲེའི་བྱད་ཁ་དགྲ་ལ་ཟློག༔ སྐྱེས་པས་མདའ་ཁ་སྟོན་པའི་བྱད་ཁ་དགྲ་ལ་ཟློག༔ བུད་མེད་དམོད་ཟོར་སྟོན་པའི་བྱད་ཁ་དགྲ་ལ་ཟློག༔ སྔགས་པས་ཕུར་ཁ་སྟོན་པའི་བྱད་ཁ་དགྲ་ལ་ཟློག༔ དགེ་བཤེས་མཐུ་སྒྲུབ་བྱེད་པའི་བྱད་ཁ་དགྲ་ལ་ཟློག༔ བནྡེས་མནན་གཏད་བྱེད་པའི་བྱད་ཁ་དགྲ་ལ་ཟློག༔ བྷྱོ་བྷྱོ་བྷྱོ་བྷྱོ་བྷྱོ་བྷྱོ༔ གཙོ་མོ་མ་བཞིའི་བཀའ་འབངས་འཁོར་ཚོགས་ནས༔ ཤར་ནས་ཞི་བའི་ལས་བྱེད་དྲུག༔ བར་ཆད་གདོན་བགེགས་སད་སེར་དང་༔ ཤར་ཕྱོགས་བྱད་ཁ་ཞི་བར་མཛོད༔ བྷྱོ་བློ་བྷྱོ་བྷྱོ་བྷྱོ་བྷྱོཿ ལྷོ་རུ་རྒྱས་པའི་ལས་བྱེད་དྲུག༔ ཚེ་བསོད་དཔལ་འབྱོར་རྒྱས་པ་དང་༔ ལྷོ་ཕྱོགས་

[Full Size]

བྱད་ཁ་ཐམས་ཅད་ཟློག༔ བློ་བྷྱོ་བྷྱོ་བྷྱོ་བྷྱོ་བྷྱོཿ ནུབ་ནས་དབང་གི་ལས་བྱེད་དྲུག༔ སྣང་སྲིད་དབང་དུ་འདུ་བ་དང་༔ ནུབ་ཕྱོགས་བྱད་ཁ་ཐམས་ཅད་ཟློག༔ བྷྱོ་བྷྱོ་བྷྱོ་བྷྱོ་བྷྱོ་བྷྱོཿ བྱང་ཕྱོགས་དྲག་པོའི་ལས་བྱེད་དྲུག༔ གནོད་བྱེད་དགྲ་བགེགས་བསྒྲལ་བ་དང་༔ བྱང་ཕྱོགས་བྱད་ཁ་ཐམས་ཅད་ཟློག༔ བྷྱོ་བྷྱོ་བྷྱོ་བྷྱོ་བྷྱོ་བྷྱོཿ བརྟན་མ་བཀའ་ཡི་འཁོར་འབངས་ནས༔ འཇིག་རྟེན་བྱ་བ་ལེགས་ཉེས་བདག༔ དགྲ་བགེགས་བསྒྲལ་བའི་མཐུ་མོ་ཆེ༔ སངས་རྒྱས་བཀའ་ཡི་བྱ་ར་མཁན༔ གཙུག་ལག་ཆོས་འཁོར་གཏེར་སྲུང་སྐྱོང་མ་ཡ་མའི་ཚོགས་ལ་བསྟོད༔ བོད་དུ་མུ་སྟེགས་རྟག་ཆད་ཀྱི་ཆོས་ལོག་མི་བཏང་ཁྱེད་རྣམས་སྲུངས༔ གསང་སྔགས་སྒྲུབ་པའི་རྣལ་འབྱོར་ལ༔ བར་ཆད་མ་བཏང་ཁྱེད་རྣམས་སྲུངས༔ གནས་ཆེན་བྱིན་གྱིས་བརླབས་པའི་གཏེར༔ མ་ཉམས་སྨོན་ལམ་བཙན་པར་གྱིས༔ དམག་དང་འཁྲུག་པ་ཞི་བར་མཛོད༔ ནད་དང་མུ་གེ་མ་བཏང་ཞིག༔ སད་སེར་བཙའ་དང་འབུ་སྲིན་སྲུངས༔ གཙུག་ལག་ཁང་དང་མཆོད་པའི་རྫ་ས༔ དབེན་པའི་གནས་དང་སྒྲུབ་པ་པོ༔ མ་ལུས་བུ་བཞིན་སྐྱོང་བ་དང་༔ དགྲ་བགེགས་

[Full Size]

གནོད་པ་ཐམས་ཅད་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སུམ་ཅུ་རྩ་གསུམ་ཡང་སྟེང་ནས༔ ཤར་ཕྱོགས་འབྱུང་བ་ཤིང་གི་བདག༔ སྟག་ཡོས་ཟིན་དང་བཞི་ལྗང་དང་༔ གཟའ་ཆེན་ཕུར་བུ་ཤིང་གདོན་བསྐོར༔ སྡེ་བརྒྱད་ལྷ་ཡི་རྒྱལ་པོ་ཆེ༔ འཁོར་དུ་ལྷ་དམག་འབུམ་སྡེ་བཅས༔ ཡང་གཅིག་བདག་ལ་སྙན་གསོན་རྒྱུ་དང་༔ རྣལ་འབྱོར་བདག་དང་འཁོར་གཏོགས་པའི༔ ཉི་མ་ནག་པོར་བསང་བྱས་དང་༔ ཁྱི་ནག་བསང་རྫས་འགོམ་པ་དང་༔ སྤུ་རྟགས་ཅན་གྱི་གཡག་བསད་དང་༔ ཤར་གྱི་ཕྱོགས་སུ་དམག་དྲངས་དང་༔ ཤིང་གཉན་བཅད་དང་མེ་གཉན་བཀྱེས༔ མི་མཐུན་རྫ་ས་ངན་དམར་ཐབས་སོགས༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ བྷྱོཿ ལྷོ་ཕྱོགས་འབྱུང་བ་མེ་ཡི་བདག༔ རྟ་སྦྲུལ་ལི་དང་དགུ་དམར་དང་༔ གཟའ་ཆེན་མིག་དམར་ཚེ། མེ་གདོན་བསྐོར༔ སྡེ་བརྒྱད་གཤིན་རྗེའི་རྒྱལ་པོ་དང་༔ འཁོར་དུ་གཤིན་རྗེ་འབུམ་སྡེ་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་

[Full Size]

གཏོགས་པའི༔ བ་མེན་བ་གླང་བསད་པ་དང་༔ གཏོར་མ་མི་གཙང་རྫ་ས་སོང་དང་༔ ལྷོ་ཡི་ཕྱོགས་སུ་མེ་བཀྱེས་དང་༔ རྟ་རོ་བཤས་དང་དམར་ཐེད་ཉོས༔ ལྷོ་ཡི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་སམ༔ གཤིན་རྗེའི་ཁེང་ལོག་དེ་ནས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་མཛོད༔ ཁེངས་ལོག་ལ་སོགས་སོར་ཆུད་མཛོད༔ བྷྱོཿ ནུབ་ཕྱོགས་ལྕགས་ཀྱི་མཁར་ནང་ནས༔ བྱ་སྤྲེལ་དྭ་དང་བདུན་དམར་དང་༔ གཟའ་ཆེན་དྲག་པོ་ལྷག་པ་དང་༔ སྡེ་བརྒྱད་བཙན་གྱི་རྒྱལ་པོ་དང་༔ འཁོར་དུ་བཙན་གདོན་འབུམ་དང་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ རྟ་དམར་བསད་དང་ཁྱི་དམར་བརྡུང་༔ ཝ་ཤ་ཟོས་དང་ཁྱི་ཤ་ཟོས༔ ལྕང་ལོ་དམར་པོ་གནམ་དུ་ཏ༔ ནུབ་ཀྱི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ བཙན་གྱི་ཁེང་ལོག་དེ་ནས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ ཧཱུྃ༔ བྱང་

[Full Size]

ཕྱོགས་ཆུ་ཡི་མཁར་ནང་ནས༔ བྱི་ཕག་ཁམས་དང་གཅིག་དཀར་དང་༔ གཟའ་རྒོད་དྲག་པོ་ཟླ་བ་དང་༔ སྡེ་བརྒྱད་གནོད་སྦྱིན་རྒྱལ་པོ་དང་༔ འཁོར་དུ་གནོད་སྦྱིན་འབུམ་དང་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ རལ་པ་བཏོགས་དང་བྱ་ཕོ་བསད༔ བྱ་མོ་བསད་དང་ལུག་ནག་བསད༔ སྟག་བསད་དུག་སྦྲུལ་གཟིག་དུག་བྱིན༔ སྟག་ལ་སྦྱང་བླུད་འོལ་ལྕམ་བསད༔ ཤིན་ཏུ་རྩི་ལ་ཝ་སྦྱར་དང་༔ བྱང་གི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ གནོད་སྦྱིན་ཁེང་ལོག་དེ་ནས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ ཧཱུྃ༔ ཤར་ལྷོ་ས་ཡི་མཁར་ནང་ནས༔ འབྲུག་དང་ཁོན་དང་གཉིས་ནག་དང་༔ གཟའ་ཆེན་དྲག་པོ་པ་སངས་དང་༔ སྡེ་བརྒྱད་མ་མོའི་རྒྱལ་པོ་ལ༔ འཁོར་དུ་མ་མོ་འབུམ་དང་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ སྨན་སྣ་རྣམས་ལ་དུག་འདྲེས་དང་༔ གཟའ་བཟུང་ཉི་མར་

[Full Size]

བསང་བྱས་དང་༔ བོང་བུ་བསད་དང་རལ་གྲི་བཅག༔ གསང་སྔགས་མ་གསང་ལོར་མ་མཆོད༔ ཤར་ལྷོའི་མཚམས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ མ་མོའི་ཁེང་ལོག་དེ་ནས་བྱུང་༔ ཁྱེད་རྣམས་ཐུགས་དང་་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ ཧཱུྃ༔ ལྷོ་ནུབ་གནམ་གྱི་མཁར་ནང་ནས༔ ལུག་དང་ཁེན་དང་བརྒྱད་དཀར་དང་༔ གཟའ་ཆེན་དྲག་པོ་སྤེན་པ་དང་༔ སྡེ་བརྒྱད་བདུད་ཀྱི་རྒྱལ་པོ་ལ༔ འཁོར་དུ་བདུད་གདོན་འབུམ་དང་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ རྟ་ནག་བསད་དང་དྲིལ་ལ་ཛཿ ཁྱི་ནག་བརྡུང་དང་གཡག་ནག་བསད། ཟབོང་ངའི་ལོ་མས་མཆོད་པ་དང་༔ ལྷོ་ནུབ་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ བདུད་ཀྱི་ཁེང་ལོག་དེ་ནས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ ཧཱུྃ༔ ནུབ་བྱང་རླུང་གི་མཁར་ནང་ནས༔ ཁྱི་དང་ཟོན་དང་དྲུག་དཀར་

[Full Size]

དང་༔ གཟའ་རྒོད་དྲག་པོ་ཉི་མ་དང་༔ སྡེ་བརྒྱད་ཀླུ་ཡི་རྒྱལ་པོ་ལ༔ འཁོར་དུ་ཀླུ་གདོན་འབུམ་དང་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ སྦལ་པ་བསད་དང་སྦྲུལ་སྔོན་བསད༔ གཟུགས་མ་ཚང་བའི་ཆུ་སྲིན་བྲིས༔ གློག་འབྲུག་ཐོག་ལ་འཚེ་བ་དང་༔ མཚོ་དང་ཆུ་མིག་སྐམ་པ་དང༔ ཉ་མོ་བསད་དང་ལྕོང་མོར་འཚེ༔ ནུབ་བྱང་མཚམས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ ཀླུ་ཡི་ཁེང་ལོག་དེ་ལས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ ཧཱུྃ༔ བྱང་ཤར་རི་ཡི་མཁར་ནང་ནས་གླང་དང་གིན་དང་མ༔ སུམ་མཐིང་དང་༔ གཟའ་ཆེན་དྲག་པོ་སྒྲ་གཅན་དང་༔ སྡེ་བརྒྱད་རཱ་ཛའི་རྒྱལ་པོ་ལ༔ འཁོར་དུ་རྒྱལ་གདོན་འབུམ་དང་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ ཕོ་བྲང་བཤིགས་དང་ལྕང་ལོ་རྒྱབ༔ དགོན་སྡེ་གཉན་པོ་བཤིག་པ་དང་༔ བྱང་ཤར་མཚམས་སུ་དམག་དྲངས་དང་༔ བསྟན་ལ་

[Full Size]

གནོད་པའི་ལས་བྱས་རྣམས༔ རྒྱལ་པོའི་ཁེང་ལོག་དེ་ལས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ ཧཱུྃ༔ སྟེང་ཕྱོགས་འབྱུང་ལྔའི་མཁར་ནང་ནས༔ ལྔ་སེར་གཟའ་ཆེན་རཱ་ཧུ་ལ༔ སྡེ་བརྒྱད་གཟའ་ཡི་རྒྱལ་པོ་ལ༔ འཁོར་དུ་གཟའ་གདོན་འབུམ་དང་བཅས༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ གཟའ་རྒོད་མནན་དང་སེར་བར་འཚེ༔ ནམ་མཁའི་ཐོག་ལ་རྒྱབ་རྟེན་དང་༔ སྟེང་གི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་པས༔ གཟའ་ཡི་ཁེང་ལོག་དེ་ནས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བཟོད་པར་གསོལ༔ ཁེང་ལོག་ལ་སོགས་སོར་ཆུད་མཛོད༔ ཧཱུྃ༔ འོག་ཕྱོགས་ཆུ་ཡི་མཁར་ནང་ནས༔ སྡེ་བརྒྱད་ཐེའུ་རང་རྒྱལ་པོ་ལ༔ འཁོར་དུ་ཐེའུ་རང་འབུམ་སྡེས་བསྐོར༔ ཡང་གཅིག་བདག་ལ་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ ར་བསད་མགར་བའི་ཏི་ཚ་བཅག༔ གནམ་ལྕགས་ཐོག་ལ་ལོག་ལྟ་བྱས༔ ས་རྒྱུ་ཆེན་པོ་

[Full Size]

བཟུང་བ་དང་༔ འོག་གི་ཕྱོགས་སུ་དམག་དྲངས་དང་༔ བསྟན་ལ་གནོད་པའི་ལས་བྱས་རྣམས༔ ཐེའུ་རང་ཁེང་ལོག་དེ་ལས་བྱུང་༔ ཁྱེད་རྣམས་ཐུགས་དང་ཅི་འགལ་བ༔ མཐོལ་ལོ་བཤགས་སོ་བསལ་དུ་གསོལ༔ ཁེང་ལོག་ལ་སོགས་སོར་ཆུད་མཛོད༔ དེ་རྣམས་སྤྱི་ལའོ༔ ཧཱུྃ༔ གཟའ་ཐེལ་ལྷ་སྲིན་སྡེ་བརྒྱད་ཉོན༔ ཡང་གཅིག་བདག་སྙན་གསོན་དང་༔ རྣལ་འབྱོར་བདག་དང་འཁོར་གཏོགས་པའི༔ མཆོད་པ་བཤགས་པ་དེ་ལྟར་བྱས༔ ཁེང་ལོག་མ་བྱེད་སྲུང་མགོན་མཛོད༔ ཐོག་སེར་མི་འབྱུང་གཟའ་ནད་ཞི༔ ཕོ་ནད་ཞི་ནས་ར་ལུག་སྤེལ༔ ནོར་གོད་མ་བཏང་གནག་ལུག་སྤེལ༔ ཚེ་བསྲིང་དུས་མིན་འཆི་བ་ཟློག༔ སྲིད་སྤེལ་ཡམས་ནད་རིམས་ནད་ཟློག༔ ཐན་པ་ལོ་ཉེས་མ་བཏང་ཞིག༔ དགྲ་དང་ཤི་ཆད་མ་བཏང་ཞིག༔ རྟ་ནད་དྲེལ་ནད་མཐའ་དག་ཟློག༔ དགོན་གནས་ཡུལ་གྲོང་བརྟན་པར་མཛོད༔ སྨྱོ་ཞི་བསྟན་པ་དར་བར་མཛོད༔ ནོར་ནད་ཞི་ཞིང་འབྲུ་འཕེལ་མཛོད༔ མཐའ་དམག་དུས་འཁྲུག་ཐོག་སེར་དང་༔ ཀླུ་ཡི་ནད་རྣམས་ཞི་བར་མཛོད༔ འདོད་པའི་ལས་རྣམས་ཐམས་ཅད་སྒྲུབས༔ ཅི་བསམ་དོན་རྣམས་

[Full Size]

ལྷུན་གྱིས་གྲུབ་པར་མཛོད༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་སོ།། ཧཱུྃ༔ འཇིག་རྟེན་ཁམས་ན་དབང་བ་ལྷ་འདྲེའི་གཙོ༔ པདྨ་འབྱུང་གནས་བཀའ་ཡི་སྲུང་མ་ས༔ སྨོན་ལམ་བཙན་ཞིང་གཏེར་གྱི་བདག་པོར་བསྐོས༔ གཉན་ཆེན་སྡེ་བཞིའི་སྐུ་ལ་ཕྱག་འཚལ་བསྟོད༔ སངས་རྒྱས་བསྟན་དར་བསྟན་འཛིན་འགྲོ་དོན་འཕེལ༔ སད་སེར་བཙའ་ཟློག་ལོ་ལེགས་འབྲུ་འཕེལ་མཛོད༔ ཆར་ཆུ་དུས་ཕོབ་ཐན་པ་ས་ཚིག་ཟློག༔ བདག་ཅག་ཡོན་མཆོད་གནོད་པའི་གདོན་བགེགས་ཟློག༔ ནད་གདོན་བར་ཆད་དུས་མིན་འཆི་བ་ཟློག༔ བྷྱོ་བྷྱོ་ཟློག་ཟློག༔ ཧཱུྃ༔ ཡུལ་ལྷའི་གཙོ་བོ་རྗེ་ནི༔ སྐུ་མདོག་དཀར་པོ་ཟེར་ལྡན་དར་དཀར་གསོལ༔ རྟ་དཀར་ཆིབས་ནས་དཀར་ཕྱོགས་ལྷ་འདྲེས་བསྐོར༔ ཡུལ་ལྷ་སྒེའི་སྐུ་ལ་ཕྱག་འཚལ་བསྟོད༔ ཧཱུྃ༔ ཡུལ་ཕྱོགས་གནས་བདག་ཀུན་གྱི་གཙོ་བོ་སྟེ༔ སྐུ་མདོག་དམར་ནག་ཞི་འཛུམ་བཙུན་པའི་གཟུགས༔ དུག་པོ་གསོལ་ནས་མཉམ་བཞག་སྐྱིལ་ཀྲུང་བཞུགས༔ ཡུལ་དགོན་དབེན་གནས་ལྷ་ཆོས་ཀུན་གྱི་བདག༔ གནས་བདག་ཆེན་པོ་ཁྱེད་ལ་ཕྱག་འཚལ་བསྟོད༔ ཡུལ་དགོན་དབེན་གནས་ལྷ་ཆོས་སྲུང་བར་

[Full Size]

མཛོད༔ སྨྱོ་འབོག་བརྒྱལ་ནད་ཞི་གྱུར་ཅིག༔ ཧཱུྃ༔ ཡུལ་འདིའི་ཆུ་ལྷ་ཀླུ་ཡི་བདག༔ སྐུ་མདོག་ལྗང་སྔོན་སྦྲུལ་མཇུག་ཅན༔ ཕྱག་ན་ཆུ་ཡི་གར་བུ་བསྣམས༔ བཞེངས་ཐབས་སྦྲུལ་མཇུག་རྒྱ་མཚོ་དཀྲུག༔ ཆུ་ལྷ་ཆེན་པོའི་སྐུ་ལ་ཕྱག་འཚལ་བསྟོད༔ ཧཱུྃ༔ ས་བདག་གཙོ་བོ་སྐུ་མདོག་སེར་པོ་ནི༔ འབྱུང་ལྔའི་རང་བཞིན་ཞལ་ལྔ་ཕྱག་བཞི་པ༔ སྦྲུལ་མཇུག་འཁྱིལ་པ་རུས་སྦལ་གདན་ལ་བཞུགས༔ དགེ་བསྙེན་བྱང་ཆུབ་སེམས་དཔའ་ཁྱོད་ལ་བསྟོད༔ བཙུན་མོ་ས་ཡི་ལྷ་མོ་བརྟན་མ་ནི༔ གསེར་མདོག་རྒྱན་ལྡན་རིན་ཆེན་བུམ་པ་བསྣམས༔ དུས་གསུམ་རྒྱལ་བ་ཀུན་གྱི་དཔང་མོ་མ༔ ས་འཛིན་ལྷ་མོ་ཁྱོད་ལ་ཕྱག་འཚལ་བསྟོད༔ སྲས་མཆོག་ས་འཛིན་ལག་པ་ཆེན་པོ་དང་༔ ས་བདག་རྒྱལ་པོ་ལ་སོགས་འཁོར་གྱི་ཚོགས༔ འབྱུང་བ་ལོ་ཟླ་ཞག་དུས་སྤར་སྨེའི་བདག༔ སྲིད་པའི་དབང་ཆེན་རྣམས་ལ་བདག་གིས་བསྟོད༔ དཀོན་མཆོག་གསུམ་གྱི་བདེན་པའི་མཐུ་སྟོབས་ཀྱིས༔ ས་བདག་རྣམས་ལ་གནས་དང་གཞལ་ཡས་ཁང་༔ སྤྲིན་དང་ཆར་པ་མཚོ་རྫིང་དཔག་བསམ་ཤིང་༔ དཀོར་ནོར་ལོངས་སྤྱོད་དཔག་མེད་འབྱུང་གྱུར་ཅིག༔ དགའ་

[Full Size]

ཞིང་མགུནས་བདག་ཅག་ཡོན་མཆོད་རྣམས༔ བཟུང་བ་ཐོངས་ལ་བཅིངས་བ་ཡོད་ན་ཁྲོལ༔ བསྡམ་པ་གློད་ལ་མནན་པ་ཡོད་ན་ཁྱོག༔ ཕྱིན་ཆད་སྤུན་དང་གྲོགས་ལྟར་སྡོང་གྲོགས་མཛོད༔ འདྲེ་སྲིན་ངན་པའི་དབྱེན་ལ་མ་ཉན་པར༔ གནོད་བྱེད་བགེགས་ཀྱི་རྒྱབ་རྟེན་མ་བྱེད་ཅིག༔ ཞི་ཞིང་བྱམས་པའི་སེམས་ཀྱིས་གནས་པར་མཛོད༔ མཆོད་པའི་སྐབས་འདིར་ཡོ་བྱད་མ་འབྱོར་དང་༔ ལྷག་ཆད་ནོར་འཁྲུལ་ཅི་མཆིས་བཟོད་པར་གསོལ༔ ཧཱུྃ༔ བཙའ་སད་སེར་བའི་སྣ་འདྲེན་བྱེད༔ ནད་ཡམས་རིམས་གསུམ་བཏང་བའི་བདག༔ རྐང་གཉིས་མི་ཡི་སྲོག་ལ་རྐུ༔ མ་མོ་འབྱུང་པོའི་ཚོགས་ལ་བསྟོད༔ ནད་ཡམས་དལ་ཡམས་དགྲ་ལ་ཐོངས༔ དགྲ་བོ་མི་ཡི་བླ་སྲོག་རྐུས༔ བདག་ཅག་ཡོན་མཆོད་མི་ནོར་ལ༔ ནད་ཡམས་བཙའ་སད་སེར་གསུམ་མ་བཏང་ཞིག༔ འབུ་སྲིན་རྟ་ནོར་གོད་ཁ་མ་བཏང་ཞིག༔ མི་ནོར་བླ་ཚེ་མ་རྐུ་མ་ཁྱེར་ཞིག༔ དེ་སྔོན་ཁྱེར་ན་ད་ལྟ་སོར་ཆུད་ཅིག༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཅེས་སོ། །དེ་ནས། ཨོཾ་ཀིཾ་ཧི་རཱ་ཙ་པྲི་ཐི་དྷེ་ཝི་སྭཱ་ཧྭ༔ ཞེས་འཛབ་བརྒྱ་སྟོང་ཅི་འགྲུབ་བཟླའོ༔ ཨོཾ་སང་ཁ་ཏ་ཡ་ཧ་ར་ཏ་པ་

[Full Size]

ཤི་ཡ༔ ཨེ་ཀ་མ་མ་ཧྲིང་ཧྲིང་༔ ས་ཡ་སི་ཨ་ཡ་མ་དུ་རུ་ཙ་ཤ་ན་དུ་ཏྲི༔ མ་ཧཱ་དྷེ་ཝ་སིདྡྷི་ནི་སྭཱ་ཧཱ༔ ཞེས་བཟླའོ༔ འདིའི་མཇུག་ཏུ་མི་སྐག་ནོར་སྐག་སྤར་ཁ་སྨེ་བ་ལོ་སྐག་ཐན་ལྟས་ཚམི་ཁ་རྣམས་ཀྱི་བཟློག་སྔགས་བྱའོ༔ ༈ མི་སྐག་ཟློག་ན། སརྦ་ཁ་ལ་ཡཀྵ་རྦད༔ ཁ་ཏྲ་ཏྲ་པ་ཡ་ཀག་ཐམས་ཅད་མཱ་ར་ཡ་བྷྱོ་ཟློག༔ རྟ་ནོར་གོད་ཆེ་ན༔ ཨོཾ་ས་ར་ས་ར་པྲ་ས་ར་མ་ར་ནཱ་ག་སེ་རཀྟ་རྟ་ནད་རྟིལ་སྲི་གློ་གོར་ཧོན་གསུམ་རྣམས་བློ་ཟློག༔ གཟའ་དང་སྤར་ཁ་རྩུབ་ན༔ ཨོཾ་སརྦ་ཏ་ཐཱ་ག་ཏ་ཨཱ་ཡུཔུཊྚི་ཀུ་རུ་སྭཱ་ཧཱ༔ ཏ་ཐཱ་ག་ཏ་ཨ་ན་ཁྲ་ལོ་ལ་ན་ཡ་གཟའ་སྤར་ཁ་དགྲ་གཤེད་གནོད་པ་འཁྲུག་པ་བློ་བློ་ཟློག༔ སྨེ་བ་དང་ལོ་རྩུབ་ན༔ ཨོཾ་སྨེ་ཤ་སྨེ་ཤ་ཏི་ལི་ཏི་ལི་ཐཾ་ཐཾ་ཁག༔ ཡ་སང་ཁ་ལ་ར་ཡ་བློ་ཟློག༔ དེ་ནས་ས་བདག་འཁྲུག་བཅོས་ཡིན་ན༔ ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མནྜ་ལ་མ་ཡེ་སྭཱ་ཧཱ༔ དེ་ནས་ལོ་ལེགས་ཕྱིར་ཡིན་ན༔ ཨོཾ་ཀྱི་ཧི་རཱ་ཙ་པྲི་ཐི་དྷེ་ཝཱི་སརྦ་སིདྡྷི་སྭཱ་ཧཱ་དེ་ནས་ཐན་ཟློག་ཕྱིར་ཡིན་ན༔ ཨོཾ་ཁཏ་ཁོཊ་བྱག་རྒྱག་རཾ་མྱ་ཐ་ན་ཡཾ་ག་མ་ཧཱུྃ་ཏྲ་སྤ་ར་ཎ་ཐན་ལྟས་ངན་པ་ཐམས་ཅད་བྷྱོ་ཟློག༔ མི་ཁ་བཟློག་ན་འདི་ལྟར་རོ༔ ཨོཾ་ཁང་ཐ་ན་པྲ་ཝ་མི་ཁ་ཐཾ་ཐཾ་སརྦ་ན་མ་ཡ་ཧ་ཧེ་མི་ཁ་ཤིག་ཤིག༔ སརྦ་ཛཱ་ར་ན་མེ་གང་ག་ན་ཡན་མི་ཁ་རྨི་

[Full Size]

དྲིལ༔ ཐ་བ་ས་ར་ཡ་ཧ་ར་ཧ་ར་མ་ཏྲི་ཏྲ་མ་ནི་མི་ཁ་བྷྱོཿཟློག༔ ཅེས་གོང་ལྟར་གལ་དུ་ཆེ་ལ་འབུང་ངོ་༔ ཞེས་སོ༔ ཉིན་རྫོགས་སྲོལ་ལ་མི་གདའ་འོ༔ དེ་ཡན་ཟློག་པའི་གཞུང་དེ་ཉིད༔ ཞག་ལྔ་བདུན་ལ་སོགས་པ་ལ༔ ཉིན་པར་དུས་གསུམ་ཚར་གསུམ་འདོན༔ ཉིན་རྫོགས་བྱེད་ན་ཚར་གྱི་གྲངས༔ གསུམ་ལྔ་བདུན་དགུ་སྐབས་དང་སྦྱར༔ ཞེས་སོ༔ དེ་ནས་ཞལ་ཕྱིར་བསྒྱུར་ལ༔ འབྲུ་སྣ་གཙང་མས་རྫོངས་འདེབས་བྱ༔ རྫོངས་འདེབས་མཁན་པོ་མཁའ་འགྲོའི་ཆས་སུ་ཞུགས་ནས་ཌཱ་དྲིལ་འཁྲོལ་ཞིང་ས་ན་ར་ས་མ་ན་སོགས་བརྗོད་པ་གཞན་དུ་གསལ༔ དེ་ནས་རྫོངས་བཏབ་ཅིང་གྱེར་བ་ནི་མ་མོ་མཁའ་འགྲོ་གླུ་ལ་དགའ་བས་དབྱངས་སྙན་པོས༔ བྷྱོཿ མ་གཅིག་ཨ་ཕྱི་ཚེ་རིང་མ༔ ཡང་འཁོར་མ་གཅིག་མཆེད་ལྔ་ལ༔ མ་དང་མཁའ་འགྲོའི་རྡོ་ངས་ཤིག་འདེབས༔ གསེར་དངུལ་ཟངས་ལྕགས་ལ་སོགས་པའི༔ རིན་ཆེན་སྣ་ཚོགས་རྫོངས་སུ་འདེབས༔ འདོད་པའི་དངོས་གྲུབ་སྣ་ཚོགས་སྩོལ༔ བོད་སྐྱོང་བརྟན་མ་བཅུ་གཉིས་ལ༔ ཡང་འཁོར་དབང་ཕྱུག་ཉི་ཤུ་དང་༔ སྐྱོང་མ་ཡ་མ་འཁོར་བཅས་ལ༔ ནས་གྲོ་སྲན་མ་ལ་སོགས་པའི༔ འབྲུ་ཡི་རིགས་རྣམས་རྫོངས་སུ་འདེབས༔ རྟག་ཏུ་ལོ་ཕྱུགས་ལེགས་པར་མཛོད་གསེར་དངུལ་མུ་མེན་བྱི་རུ་སོགས༔ རིན་ཆེན་སྣ་ཚོགས་རྫོངས་སུ་

[Full Size]

འདེབས༔ མངའ་ཐང་བསོད་ནམས་ལོངས་སྤྱོད་རྒྱས་པར་མཛོད༔ དར་དང་ཟ་འོག་བེར་ལ་སོགས༔ གོས་ཀྱི་བྱེ་བྲག་རྫོངས་སུ་འདེབས༔ དཔལ་དང་གཟི་བརྗིད་རྒྱས་པར་མཛོད༔ ཟས་གོས་ཅི་འདོད་འབྱུང་གྱུར་ཅིག༔ རང་རང་དགྱེས་པའི་གཏོར་མ་དང་༔ ཤ་ཁྲག་གཏོར་མ་ཐུན་རྫས་དང་༔ དགྲ་བགེགས་ལིང་ག་རྫོངས་སུ་འདེབས༔ གནོད་བྱེད་ཟློག་ལ་རིམས་ཁ་ཆོད༔ རྐྱེན་ངན་བར་ཆད་ཞི་བ་དང་༔ གནོད་བྱེད་དགྲ་བགེགས་ཟློག་པར་མཛོད༔ མར་ཐུད་ཆུར་བ་ལ་སོགས་པའི༔ དཀར་གསུམ་ཟས་སྣ་རྫོངས་སུ་འདེབས༔ དཀར་ཕྱོགས་ལྷ་ངོ་མཉེས་གྱུར་ཅིག༔ ཚྭ་གཡེར་སྒོག་པ་རྫོངས་སུ་འདེབས༔ མི་ཁ་བྲ་མཆུ་མེད་པར་མཛོད༔ ཐན་ཟས་ཐན་གཟུགས་རྫོངས་སུ་འདེབས༔ ཐན་ལྟས་ངན་པ་དགྲ་ལ་བྷྱོ༔ ནས་ཕུལ་ཡོན་བདག་ཞིང་གི་གྲངས༔ བྲེ་རེ་སོག་མ་སྙེ་མ་དང་༔ སྡོང་བུ་ཞིང་ས་རྩམ་པ་དང་༔ ཞིང་གླུད་སྣ་ཚོགས་རྫོངས་སུ་འདེབས༔ སད་སེར་བཙའ་དང་འབུ་སྲིན་ཟློག༔ ལོ་ལེགས་ཆར་འབབ་ལོ་འབྱུང་ཤོག༔ རྟ་བོང་མཛོ་ནོར་དྲེལ་ལ་སོགས༔ རང་རང་གཟུགས་དང་ངར་གླུད་སོགས༔

[Full Size]

ནོར་གླུད་གཙང་མ་རྫོངས་སུ་འདེབས༔ རྟ་ནོར་གོད་ཁ་དགྲ་ལ་ཟློག༔ རྨ་གཡང་ནོར་གཡང་དངོས་གྲུབ་སྩོལ༔ ཤིང་དུམ་སྟག་ཁྲ་སྦལ་ལྕོང་དང་༔ གཙོད་རུ་ལ་སོགས་རྫོངས་སུ་འདེབས༔ སྡེ་བརྒྱད་ཁེང་ལོག་མེད་པར་མཛོད༔ འདིར་ས་བདག་ཀླུ་གཉན་ལྷ་ཀླུ་ཡུལ་ལྷ་དགེ་བསྙེན་རྣམས་ལ་གཞན་དགོས་སོ༔ ས་བདག་དབང་ཆེན་འཁོར་བཅས་དང་༔ ཡུལ་ལྷ་གནས་བདག་ཆུ་བདག་ལ༔ བསྡུས་པ་འདིས་ཆོག༔ འདོད་ཡོན་སྣ་ཚོགས་རྫོངས་སུ་འདེབས༔ ཅི་འདོད་བསམ་པ་འགྲུབ་གྱུར་ཅིག༔ ངར་གླུད་ཆངས་བུ་གོས་དུམ་དང་༔ ལྟག་རུས་སྲེ་ལོང་ཚྭ་སྒོག་རམ༔ གླུད་ཡས་སྣ་ཚོགས་རྫོངས་སུ་འདེབས༔ གླུད་བདག་ཕོ་མོ་ཚིམས་གྱུར་ཅིག༔ ནད་ཡམས་དལ་ཁ་དགྲ་ལ་སྒྱུར༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་བཏབ་བོ༔ དེ་ནས་ལམ་བསྟན་དང་པོ་བྱ་བ་ནི༔ བྷྱོཿ ཨ་ཕྱི་ཚེ་རིང་མཆེད་ལྔ་དང་༔ བོད་སྐྱོང་བརྟན་མ་བཅུ་གཉིས་དང་༔ དབང་ཕྱུག་སྐྱོང་མ་ཡ་མ་དང་༔ སྡེ་བརྒྱད་འཁོར་བཅས་སྙན་གསོན་དང་༔ ད་ནི་གཤེགས་རིན་བཞུད་ཀྱང་རིན༔ བྷྱོཿ མ་གཅིག་མཁའ་འགྲོ་འཁོར་བཅས་རྣམས༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ཤར་

[Full Size]

ཕྱོགས་ཕ་ཀི་ན༔ ཤར་ཕྱོགས་གངས་རི་རྩེ་རྒྱལ་ལ༔ ཉི་ཟླའི་འོད་མདངས་ལྷབས་སེ་ལྷབ༔ འཇའ་ཚོན་གུར་ཕུབ་ཝ་ལ་ལ༔ གངས་དཀར་འོད་མདངས་ཁྱུགས་སེ་ཁྱུག༔ བདུད་རྩིའི་ལྷ་ཆབ་སི་ལི་ལི༔ སྟེང་ན་ལྷོ་སྤྲིན་ཕྱུག་མོ་ལ༔ གཡུ་འབྲུག་གསུང་སྙན་ལྡི་རི་རི༔ མགུལ་གྱི་ན་བུན་སྨུག་པོ་ལ༔ བདུད་རྩིའི་སྦྲང་ཆར་སི་ལི་ལི༔ གནས་མཆོག་དེ་འདྲའི་གཞལ་ཡས་ན༔ མ་གཅིག་བཀྲ་ཤིས་ཚེ་རིང་མ༔ ཡང་འཁོར་བཀྲ་ཤིས་མ་བཞིར་བཅས༔ དར་དཔྱངས་པུ་རེ་ད་གཤེགས་ཤིག༔ དྷ་རུ་ཁྲལ་ལེ་ད་གཤེགས་ཤིག༔ དྲིལ་བུ་སི་ལེ་ད་གཤེགས་ཤིག༔ པི་ཝཾ་ཙི་རེ་ད་གཤེགས་ཤིག༔ དར་གདུགས་ལྷབས་སེ་ད་གཤེགས་ཤིགེ༔ སྤོས་དྲི་ཆི་ལེར་ད་གཤེགས་ཤིག །དང་པོ་ལན་གཅིག་མི་འབྱོན་རྒྱུ༔ རྣལ་འབྱོར་དམ་ཚིག་གཉན་ལ་དགོངས༔ ད་ནི་གནས་མཆོག་དེ་རུ་གཤེགས༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོཿ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་བྱང་ཕྱོགས་ཕ་ཀི་ནས༔ རི་མེད་ཐང་མེད་ཉིན་མཚན་བདུན༔ རྩྭ་མེད་ཆུ་མེད་ཉིན་མཚན་བདུན༔ མེ་མེད་ཤིང་མེད་ཉིན་མཚན་བདུན༔ ཉེར་

[Full Size]

གཅིག་འདས་པའི་ཕ་རོལ་ན༔ མཁར་གཅིག་གནམ་དུ་ལྡིངས་སེ་ལྡིང་༔ བསེ་མཁར་དེ་ནི་སྨུག་པོ་ལ༔ ལོགས་བཞི་དག་ཀྱང་བསེ་ལ་བགྱིས༔ བསེ་ལོགས་དེ་ནི་སྨུག་པོ་ལ༔ གཉན་པ་དེ་ནི་རྡུལ་མི་འགོ༔ འགྲམ་བཞི་དག་ནི་ལྕགས་ལ་བགྱིས༔ ལྕགས་མཁར་དེ་ནི་སྨུག་པོ་ལ༔ གཉན་ཏེ་དེ་ནི་བྱིལ་མི་འཛུམ༔ ཟུར་བཞི་དག་ཀྱང་མཆོང་ལས་བྱས༔ མཆོང་མཁར་དེ་ནི་སྨུག་པོ་ལ༔ གཉན་ཏེ་དེ་ནི་སྤྲུལ་མི་འཁྲིལ༔ ཁ་བད་དག་ཀྱང་གཡུ་ལས་བྱས༔ གཡུ་བད་དེ་ནི་སྔོན་པོ་ལ༔ གཉན་ཏེ་དེ་ནི་སྤེན་མི་འཛིན༔ ཁ་དོག་དེ་ནི་གསེར་ལ་བགྱིས༔ གཉན་ཏེ་དེ་ནི་བྱ་མི་ལྡིང་༔ དུང་གི་སྒོ་མོ་ཐགས་སེ་ཐག༔ ཤེལ་གྱི་གཡག་ཤི་རྒྱངས་སེ་རྒྱང་༔ ནང་ནི་ཤེལ་དང་དངུལ་ལས་བྱས༔ ཉིད་ཀྱི་སྐུ་མཁར་ཟུར་བཞི་ལ༔ དུར་ཁྲོད་ཝ་བརྒྱལ་རྩེ་རི་རི༔ གོང་མོས་ཁྱི་ཟུག་ཞུངས་སེ་ཞུང་༔ སྲིན་བྱ་གད་རྒྱངས་ཤིགས་སེ་ཤིག༔ ལྕེ་སྤྱང་མང་པོ་ཆུམས་སེ་ཆུམ༔ ལྟས་ངན་འུག་པས་རྐན་སྒྲ་རྡེབས༔ བཙན་ཁྱི་དམར་པོ་འདུར་ཞིང་རྒྱུག༔ བམ་གྱི་ཁོག་སྟོད་ཁོག་སྨད་བཅད༔ ཞུན་ཆེན་མར་མེ་ལྷབས་སེ་ལྷབ༔ རུས་བསྲེགས་ཐལ་བ་ཉི་ལི་ལི༔ སྐུ་

[Full Size]

མཁར་དེ་ཡི་ནང་ཤེད་ན༔ མི་རོ་འབུམ་གྱི་བཞུགས་ཁྲི་ཡོད༔ བོད་སྐྱོང་བརྟན་མ་བཅུ་གཉིས་ལ༔ ཡང་འཁོར་སྐྱོང་མ་ཡ་མར་བཅས༔ ད་ནི་གཤེགས་རིན་བཞུད་རེ་རན༔ དར་དཔྱངས་པུ་རེ་གཤེགས་རེ་རན༔ རུས་རྒྱན་ཁྲ་ལེ་གཤེགས་རེ་རན༔ གཡང་གཞི་ལྷབས་སེ་གཤེགས་རེ་རན༔ དར་གདུགས་ལྷབས་སེ་གཤེགས་རེ་རན༔ ཌཱ་དྲིལ་སིལ་ལེ་གཤེགས་རེ་རན༔ གླིང་བུ་ཙེ་རེ་གཤེགས་རེ་རན༔ སྤོས་དྲི་ཆི་ལེ་གཤེགས་རེ་རན༔ དང་པོ་ལན་གཅིག་མི་འབྱོན་རྒྱུ༔ རྣལ་འབྱོར་དམ་ཚིག་གཉན་ལ་དགོངས༔ ད་ནི་གནས་མཆོག་དེ་རུ་གཤེགས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཡང་འཁོར་དབང་ཕྱུག་ཉི་ཤུ་བརྒྱད༔ དུར་ཁྲོད་ཆེན་པོའི་གནས་སུ་ལྷགཤེགས༔ མཁའ་འགྲོའི་ཚོགས་འཁོར་གྲལ་དུ་གཤེགས༔ མགོ་བརྙན་ཕྱག་མཚན་སྟོན་ཞིང་གཤེགས༔ རུས་རྒྱུན་གར་སྟབས་ཤིགས་སེ་ཤིག༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཡང་འཁོར་ལྷ་སྲིན་སྡེ་བརྒྱད་རྣམས༔ གཟའ་ཐེལ་ནམ་མཁའི་མཐོངས་སུ་གཤེགས༔ ལྷ་དང་ལྷ་མོ་ཤར་དུ་གཤེགས༔ གཤིན་རྗེ་བདུད་རྒྱལ་ལྷོ་རུ་

[Full Size]

གཤེགས༔ ཀླུ་རྒྱལ་བཙན་རྒྱལ་ནུབ་ཏུ་གཤེགས༔ གནོད་སྦྱིན་རྒྱལ་པོ་བྱང་དུ་གཤེགས༔ རང་རང་འཁོར་ཚོགས་དང་བཅས་གཤེགས༔ ཧ་ཧ་ཕཊ་སྒྲ་དི་རེ་གཤེགས༔ མི་ལྤགས་གཡང་གཞི་ལྷབས་སེ་གཤེགས༔ ཆིབས་རྟ་རྒྱུག་གྲལ་ཁྲ་ལེ་གཤེགས༔ གོ་མཚོན་མདའ་དར་ཕྱར་རེ་གཤེགས༔ ཀུ་སྒྲ་བསོ་སྒྲ་ཏི་རེ་གཤེགས༔ རང་རང་ཁེང་ལོག་སེལ་ཞིང་གཤེགས༔ དང་པོ་ལན་གཅིག་མི་འབྱོན་རྒྱུ༔ རྣལ་འབྱོར་དམ་ཚིག་གཉན་ལ་དགོངས༔ ད་ནི་རང་རང་གནས་སུ་གཤེགས༔ བཅོལ་བའི་ཕྲིན་ལས་འགྲུབ་པར་མཛོད༔ ཡུལ་ལྷ་གནས་བདག་ཆུ་ཡི་བདག༔ གཉན་ཆེན་སྡེ་བཞི་འཁོར་དང་བཅས༔ ས་བདག་དབང་ཆེན་འཁོར་དང་བཅས༔ སོ་སོ་རང་རང་གནས་སུ་གཤེགས། བྱམས་པའི་སེམས་དང་བཅས་ཏེ་གཤེགས༔ བཀའ་དང་དམ་ལ་མ་འདའ་གཤེགས༔ དང་པོ་ལན་གཅིག་མི་འབྱོན་རྒྱུ༔ རྣལ་འབྱོར་དམ་ཚིག་གཉན་ལ་དགོངས༔ ད་ནི་རང་རང་གནས་སུ་གཤེགས༔ བྷྱོཿ ནད་ཡམས་རིམས་གསུམ་བདག་པོ་སྟེ༔ སད་སེར་བཙའ་དང་ནད་ཀྱི་བདག༔ འབྱུང་བཞིའི་མ་མོ་ཐམས་ཅད་ཀུན༔ རང་མཚོན་རང་གིས་

[Full Size]

ཁྱེར་ཏེ་གཤེགས༔ རང་དུག་རང་གིས་སོལ་ལ་གཤེགས༔ རང་ནད་རང་གིས་བསྡུས་ལ་གཤེགས༔ མཚོན་གྲུག་ནད་རྐྱལ་བསྡུས་ལ་གཤེགས༔ བྱང་དམར་ཕྱིས་ལ་ཤྭ་རྡེལ་སྤོས༔ རྩིས་ལས་ཕྱུང་ནས་གདོན་ལས་སྤོས༔ ནད་སྐག་སྐག་ཆེན་ཐམས་ཅད་སྒྱུར༔ ཉི་མ་དེ་རིང་ཕན་ཆད་ནས༔ ཞིང་གླུད་ཡས་སྟགས་འདི་ལོངས་ལ༔ སད་སེར་བཙའ་ཡི་སྣ་མ་འདྲེན༔ རི་རབ་ས་འོག་ས་སྟེང་སོགས༔ རང་རང་སོ་སོའི་གནས་ན་གཤེགས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་བྱང་ཤར་མཚམས་སུ་དར་སྡུད་ལམ་གྱི་ཚུལ་བྱས་ལ་མདོས་ཕུལ་ཞེས་གསུངས་སོ༔ ༈ དེ་ནས་མདོས་ཕུལ་བའི་ས་ནི༔ རང་ངམ་ནད་པའི་ལོ་བདུད་ཐོག་ཅེས་གསུངས་སོ༔ བྱང་ཤར་རི་ནི་གཙང་སར་ཕུལ༔ དང་པོ་ཡུལ་ལྷར་དཀར་གཏོར་ཕུལ༔ དེ་ནས་གསེར་སྐྱེམས་བྱ་བ་ནི༔ མཁའ་འགྲོའི་མཆོད་ལམ་ལ་འདི་སྐད་དོ༔ ཀྱེེ༔ སྔོན་གྱི་བསྐལ་པ་དང་པོ་ལ༔ བསམ་ཡས་གཙུག་ལག་བཞེངས་པའི་ཚེ༔ བརྟན་མ་བཅུ་གཉིས་དབྱིངས་ནས་བཞེངས་དབང་ཕྱུག་མ་མོས་བར་ཆད་བྱས༔ ལྷ་སྲིན་སྡེ་བརྒྱད་ཁེང་ལོག་བྱས༔ བདུད་བློན་རྣམས་ཀྱིས་བསམ་ངན་འཆང་༔ ཉིན་པར་བརྩེགས་པ་མཚན་མོར་གཤེགས༔ གཙུག་ལག་

[Full Size]

བཤོལ་ལ་ཐུག་པའི་ཚེ༔ སློབ་དཔོན་པདྨ་འབྱུང་གནས་ཀྱིས༔ བདུད་རྩི་དྲོད་ཆང་བཙལ་ནས་ནི་དེ་ལ་རིན་ཆེན་གསེར་ཕྱེ་བཏབ༔ བོད་སྐྱོང་བརྟན་མ་བཅུ་གཉིས་དང་༔ དབང་ཕྱུག་སྡེ་བརྒྱད་ཁེང་ལོག་དང་༔ སྣང་སྲིད་ལྷ་འདྲེ་ས་བདག་ཀླུ༔ ཐམས་ཅད་བཅོས་པས་ཐམས་ཅད་ཚིམ༔ བརྟན་མ་བཅུ་གཉིས་ཁས་ཀྱིས་བླངས༔ དབང་ཕྱུག་མ་མོའི་བར་ཆད་ཞི༔ ལྷ་སྲིན་སྡེ་བརྒྱད་ཁེང་ལོག་བསལ༔ མ་མོ་མཁའ་འགྲོའི་སུན་མ་ཟློག༔ ཡུལ་ལྷ་ཟོ་དོར་གདུག་རྩུབ་ཞི༔ སྔོན་དུས་སྲིད་པ་དེ་བཞིན་དུ༔ ད་ལྟ་སྔགས་འཆང་བདག་ཅག་གིས༔ མེད་པ་དེ་ནི་མི་ལས་བཙལ༔ སྲ་བ་དེ་ནི་བྲག་ལས་བརྐོས༔ བདུད་རྩི་གསེར་སྐྱེམས་འདི་བཞེས་ལ༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་མར་ཁུག༔ བར་མ་རྣམས་ཀྱང་སྐུ་གཟུར་ཅིག༔ གལ་ཏེ་མདོས་ཟོར་ཟོར་ཕོག་ན༔ ང་ནི་མ་ཉེས་མ་ལན་ནོ༔ ཉེས་ལན་དགྲ་བོའི་སྟེང་དུ་ཕོབ༔ ལོ་ཟླ་ཞག་དུས་ས་བདག་དང་༔ ཡུལ་ལྷ་ཟོ་དོར་གཉན་པོ་དང་༔ ཁྱད་པར་མདོས་གཏོར་འཕེན་ཕྱོགས་ཀྱི༔ གདོང་ལ་གནས་པའི་ལྷ་འདྲེ་རྣམས༔ གསེར་སྐྱེམས་མཆོད་པ་འདི་

[Full Size]

བཞེས་ལ༔ གཡས་སུ་ཡོད་པ་གཡས་སུ་གཟུར༔ གཡོན་དུ་ཡོད་པ་གཡོན་དུ་གཟུར༔ ཕོ་བྲང་ནང་གི་སྒོ་ཆོད་ལ༔ ཅེ་རེ་ལྟ་བའི་སྤྱན་རྣམས་གཡོར༔ གལ་ཏེ་མདོས་ཟོར་ཟོར་ཕོག་ན༔ ང་ནི་མ་ཉེས་མ་ལན་པས༔ ཉེས་ལན་དགྲ་དང་བགེགས་ལ་ཕོབ༔ རྣལ་འབྱོར་བདག་གི་སྡོང་གྲོགས་མཛོད༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་སོ། །དེ་ནས་དང་པོ་དཀར་གཏོར་ཁྱེར༔ དེ་ནས་གླུད་ཁྱེར༔ དེ་ནས་མདོས་ཁྱེར༔ དེ་རྗེས་ཚད་བརྟན་དང་བཀའ་སྲུང་གཏོར་འབུལ་ཁྱེར༔ དེ་རྗེས་ཟོར་མདའ་གྲི་སོགས་ཁྱེར༔ དེ་རྗེས་ཧོ་ཕྱག་དང་མདའ་དར་ཁྱེར༔ དེ་རྗེས་དར་ནག་སོགས་ཁྱེར༔ དེ་རྗེས་སྔགས་འཆང་རང་ཤེལ་དང་དར་དཔྱངས་རུས་རྒྱན་རོལ་མོ་དང་བཅས་ནས་འགྲོ༔ ལོ་རིམ་ཡིན་ན་ངར་གླུད་ཁ་ཁ་ན་ཡོད་པ་དེ་དང་༔ ཡུལ་མི་གཏོགས་ཚད་ཀྱིས་ཀི་བསོ་དང་བཅས་ནས་ཕོ་རྣམས་ཀྱིས་གོ་གྱོན་མཚོན་ཐོགས༔ མོ་རྣམས་ཀྱིས་ཐལ་རྡེབ་དམོད་བཅོལ་བྱ༔ རང་ཡང་དམིགས་པ་དང་ལྷའི་ང་རྒྱལ་བརྟན་པོས་འཆམས་སྟབས་དང་དར་མཐིང་ནག་གིས་གཡབ་ནས་འགྲོ༔ དེ་ནས་ཕུལ་སར་ཕྱིན་པ་དང་མདོས་བཏེག་ལ་སུན་ཟློག་ལྟར་བརྟན་མའི་ཟློག་པ་དང་༔ བྷྱོཿ མདོས་ཟོར་ཤ་ཁྲག་གཏོར་མ་འདིས༔ སོགས་བརྗོད་ནས་མདུན་གྱི་སྐུ་གཟུགས་རྣམས་བླངས་ཏེ་བཞག༔ གཏོར་མ་དང་ལིངྒ་མེ་ལ་སྦར༔ དེ་ནས་མདོས་སྒབ་ཟོར་གྱིས་

[Full Size]

བཅད་ཕྱིར་ཟོར་འཕང་༔ བཀའ་སྲུང་རྣམས་ཀྱི་གཏོར་མ་རེ་རེ་བཞིན་ལིངྒ་འམ་ལིངྒ་མེད་ན་གཏོར་གཞོང་ཐོག་ཏུ་ཕུལ༔ དེ་ནས་གཏོར་གཞོང་བཤལ་ལ་བརྟན་མ་སྐྱོང་༔ བཀུག་གཞུག་བྱས་ལ་རྟ་བྲོ་རྒྱས་པར་བྱས་ལ་ཕྱི་མིག་མི་ལྟ་ལྷ་རྒྱལ་ལོ་ཞེས་བརྗོད་ལ་ནང་དུ་ལོག་ནས་བཀྲ་ཤིས་ཚེ་འགུགས་སོགས་རྒྱས་པར་བྱ༔ ཟོར་རྣམས་ཡར་ལོག་བྱུང་ན་ཚོགས་བསྐང་རྒྱས་པར་བྱ༔ དེ་ནས་རྗེས་ཆོག་རྒྱས་པར་བྱས་ནས་མི་དམིགས་པའི་ངང་དུ་དམིགས་པ་ཐུན་གཅིག་བསྐྱང་༔ ཆར་འབོད་ཡིན་ན་དེ་ནུབ་ལུས་སྦྱིན་བྱ༔ རྫས་སྣ་དཀྱིལ་འཁོར་སྒྲུབ་པ་གཞན་དུ་གསལ༔ ཅེས་སོ༔ དེ་ལྟར་བརྟན་མའི་མདོས་ཆེན་རྒྱས་པ་འདི༔ ཉེ་བར་མཁོ་ཞིང་གལ་ཆེ་ཡང་༔ ཕྱོགས་འདིར་དར་སྲོལ་ཆུང་བ་ཡིས༔ ཕྱག་ལེན་ཤེས་མཁན་དཀོན་པར་སྣང་༔ ར་ཤག་གཏེར་སྟོན་གཏེར་མ་དང་༔ གུ་རུ་ཆོས་དབང་གཏེར་མ་རྣམས༔ ཧ་ཅང་རྒྱས་དྲག་བཅའ་འདོན་དཀའ༔ དབང་ལུང་མན་ངག་བརྒྱུད་པ་ཆད༔ དེ་ཕྱིར་འདི་ཡི་དར་སྲོལ་ནུབ༔ མངའ་བདག་ཉང་རལ་གཏེར་མ་ལ༔ ཅུང་ཟད་མ་ཚང་ཁ་བཀང་བྱསཟིན་བྲིས་ཡིག་ཆུང་གསལ་བར་བྱས༔ མ་འོངས་འགྲོ་ལ་སེམས་བསྐྱེད་ནས༔ ༧ གཏེར་བློན་རཱ་ག་ཨ་སྱས་བསྒྲིགས༔ ཡི་གེ་པ་ནི་དགེ་སློང་བརྩོན་འགྲུས་ཡིན༔ ཉེས་འགལ་མཆིས་ན་མ་མོ་མཁའ་འགྲོ་དང་༔ ཆོས་སྐྱོང་གཏེར་བདག་ཚོགས་ལ་བཤགས༔ དགེ་བས་ལོ་ལེགས་འབྲུ་འཕེལ་ནས༔ ནད་ཞི་གདོན་བགེགས་བར་ཆད་ཞི༔ བོད་ཁམས་ཡོངས་ལ་བདེ་སྐྱིད་ལྡན་པར་ཤོག༔ འདིའི་འདབས་ན་ད་རུང་གསལ་

[Full Size]

ཆ་མང་དུ་ཡོད་པ་ལས་ཚོགས་འདབས་སུ་ཡོད་ལགས་སོ༔ གཏེར་གཞུང་ལས༔ ཆོས་བདག་མ་མོ་ཙ་མུན་ཏྲི་ཡིས་སྲུངས༔ དུས་ཀྱི་སྙིགས་མ་ལྔ་བཅུ་ཁ་རལ་དུས༔ སྐལ་ལྡན་ལས་ཅན་གཅིག་དོང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གསང་རྒྱ༔ ཟབ་རྒྱ༔ གཏད་རྒྱ༔ ས་མ་ཡ༔ རྒྱ་རྒྱ་རྒྱ༔ སྤྱི༔ ཅེས་གཞོ་སྟོད་ཏི་གྲོ་བྲག་ནས་བསེ་སྒྲོམ་སྨུག་པོའི་ནང་ནས་མངའ་བདག་ཉང་གིས་གདན་དྲངས་པའོ༔ བཀྲ་ཤིས་དཔལ་འབར་འགྲོ་བ་ཡོངས་ལ་ཕན་བདེའི་དཔལ་དུ་བྱོན་པ་སརྦ་མངྒ་ལཾ༔ ༈ འདི་བྲིས་དགེ་བའི་རྩ་བ་དེས༔ རྒྱུ་སྦྱོར་ཡོན་བདག་ཐམས་ཅད་དང་༔ འདི་ལ་བྲི་ཀློག་བརྩོན་མི་དང་༔ འདི་ཉིད་ཉམས་ལེན་བྱེད་ཚད་ཀུན༔ ཚེ་འདིར་ལོ་ལེགས་འབྲུ་འཕེལ་ཞིང་༔ ནད་མུག་མཚོན་གསུམ་དག་ལས་གྲོལ༔ ཁྱད་པར་གདུལ་བྱ་ལོངས་སྤྱོད་རྒྱས༔ སྐུ་ཚེ་ཉི་ཟླ་ལྟ་བུར་བརྟན༔ ཀུན་ལ་ཕན་ཐོགས་རྒྱ་ཆེན་ནས༔ འགྲོ་ཀུན་བདེ་སྐྱིད་འབྱུང་བ་དང་༔ བསྟན་པ་མཐའ་རྒྱས་བཀྲ་ཤིས་ཤོག༔ ཞལ་དྲོ།། ༈ བརྟན་མ་བཅུ་གཉིས་གཏོར་མ་ནི༔ རྡོ་རྗེ་ཀུན་གྲགས་མ༔ ཡ་མ་སྐྱོང་༔ ཀུན་བཟང་མ༔ འབྲོག་ཆེན་འཁོར་འདུས་ཏེ་བདུད་མོ་བཞི་ལ་ཟུར་གསུམ་ནག་པོ་བཞི༔ ཤ་མེད་གངས་དཀར༔ ཁ་རག་ཁྱུང་བཙུན༔ གསེར་ཆེན་མཁའ་ལྡིང་༔ རྨ་རི་རབ་འབྱམས་ཏེ་གནོད་སྦྱིན་བཞི་ལ་ཟུར་བཞི༔ དཔུང་རང་དམར་པོ་བཞི༔ ཀོང་བཙུན་དེ་མོ༔ རྡོ་རྗེ་སྨན་གཅིག༔ རྡོ་རྗེ་ཟུ་ལེ་མ༔ རྡོ་རྗེ་

[Full Size]

གཡར་མོ་བསིལ་ཏེ་སྨན་བཙུན་བཞི་ལ་དཀར་ཟླུམ་བཞིའོ༔ གཙོ་མོ་ཚེ་རིང་མའི་གཏོར་མ་ཟླུམ་པོ་རྩེ་གསུམ་ཟུར་གསུམ་ཅུང་ཟད་དགུ་བ༔ ཞལ་བཟང་མ་ལ་ཟླུམ་ལྡེམ༔ བློ་བཟང་མ་ལ་འབྲང་རྒྱས༔ ཅོད་པན་མགྲིན་བཟང་མ་ལ་བོང་བུའི་རྨིག་པ་ལྟ་བུ་གཏད་དཀར་འགྲོས་བཟང་མ་བྱ་མཆུའི་དབྱིབས་ལྟ་བུའོ༔ ༈ བསྒྲིག་ལུགས་ནི༔ དབུས་སུ་ཚེ་རིང་མ༔ དེའི་གཡས་སུ་དུད་སོལ་མ༔ གཡོན་དུ་སྔགས་སྲུང་མ༔ མདུན་དུ་ཀོང་བཙུན་དེ་མོ༔ གཡོན་ཟུར་དུ་གངས་དཀར་ཤ་མེད་མ༔ རྒྱབ་ཏུ་རྡོ་རྗེ་ཀུན་གྲགས་མ༔ ཤར་དུ་མཐིང་གི་ཞལ་བཟང་མ༔ དེའི་གཡས་སུ་བཙན་ལ་རོལ་པ་མ༔ གཡོན་དུ་གཡུའི་དྲིལ་བུ་རྡོ་རྗེ་གཟུགས་ལེགས་མ༔ མདུན་དུ་རྡོ་རྗེ་གཡར་མོ་བསིལ༔ ལྷོར་མི་གཡོ་བློ་བཟང་མ༔ དེའི་གཡས་སུ་ཁ་རག་ཁྱུང་བཙུན༔ གཡོན་དུ་གསེར་ཆེན་མཁའ་ལྡིང་༔ མདུན་དུ་རྨ་རི་རབ་འབྱམས༔ ནུབ་ཏུ་ཅོད་པན་མགྲིན་བཟང་མ༔ དེའི་གཡས་སུ་དཔལ་ལྡན་ཧ་རི་རྡོ་རྗེ་གཡའ་མ་སྐྱོང་༔ གཡོན་དུ་གངས་ཀྱི་ཡུམ་ཆེན་རྡོ་རྗེ་ཀུན་བཟང་མ༔ མདུན་དུ་འབྲོག་ཆེན་འཁོར་འདུས་སོ༔ བྱང་དུ་གཏད་དཀར་འགྲོས་བཟང་མ༔ དེའི་གཡས་སུ་སྲིན་མོ་གཡག་གདོང་མ༔ གཡོན་དུ་དོམ་གདོང་མ༔ མདུན་དུ་ཟ་བ་བྱ་རྒོད་གདོང་༔ རྒྱབ་ཏུ་གསོད་བྱེད་སྤྱང་གདོང་མ་རྣམས་བཀོད༔ གཞན་ཡང་ཐམས་ཅད་རང་གཞུང་ལྟར་བྱས་པས་འཐུས་སོ༔ བཅའ་བཞི་བཀོད་ལུགས་དང་༔ མངོན་རྟོགས་བསྒོམ་ཚུལ་ཅུང་མི་མཚུངས་པར་འདུག་པས་འདིར་མངོན་རྟོགས་དང་མཐུན་པར་འགོད་ཚུལ་བྲིས་པའོ༔ སརྦ་མངྒ་ལཾ༔

བརྟན་མའི་མདོས་ཀྱི་བཞི་པ་ཚོགས།

[Full Size]

བརྟན་མའི་མདོས་ཀྱི་བཞི་པ་ཚོགས་བྱ་བ་ནི༔ བདུད་རྩི་བསངས་སྦྱངས༔ ཨོཾ་ཨུཙུཀྵ་བེ་ཏ་ལི་ཀྲོ་ཏ་སརྦ་དྲ་བྱི་ཤོ་དྷ་ན་་ཕཊ༔ ཧཱུྃ༔ རྡོ་རྗེ་ལྟ་བུའི་ཡེ་ཤེས་ཀྱིས༔ ཆོས་རྣམས་ཐམས་ཅད་སྒྱུ་མར་རིག༔ རིག་པ་ཡེ་ཤེས་རཾ་ཡཾ་ཁཾ༔ ཚོགས་ཀྱི་དངོས་པོ་བསྲེགས་སྦྱངས་བཀྲུས༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཚོགས་སྤྱན་འདྲེན་ནི། བྷྱོཿ བཀྲ་ཤིས་ཚེ་རིང་མཆེད་ལྔ་དང་༔ བོད་སྐྱོང་བརྟན་མ་བཅུ་གཉིས་དང་༔ མ་གཅིག་ལྷ་མོ་དུད་སོལ་རྒྱལ་མོ་དང་༔ ལྷ་མོ་ཨེ་ཀ་ཛཱ་ཊི་དང་༔ དབང་ཕྱུག་སྡེ་བརྒྱད་ཡང་འཁོར་འབུམ༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་འདིར་བཞུགས༔ བདག་གིས་གུས་པས་ཕྱག་འཚལ་ལོ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་མངར་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་ལྔ་ལྡན་མཆོད་པ་བཞེས༔ མཆོད་པ་ནི༔ ཧཱུྃ༔ བླ་མེད་མཆོག་གི་མཆོད་སྦྱར་བ༔ ཡེ་ཤེས་ལྔ་ཡི་འོད་ཟེར་འཕྲོ༔ འདོད་ཡོན་ལྷ་མོས་རབ་བརྒྱན་འབུལ༔ དམ་བསྐང་དགྱེས་པ་ཆེན་པོར་རོལ༔ ཨོཾ་ན་མསརྦ་ཏ་ཐཱ་ག་ཏེ་བྷྱོ་བི་ཤྭ་སོགས། ཁཾ་སྭཱ་ཧྭ༔ བཀྲ་ཤིས་ཚེ་རིང་མཆེད་ལྔ༔

[Full Size]

བོད་སྐྱོང་བརྟན་མ་བཅུ་གཉིས། མ་གཅིག་ལྷ་མོ་དུད་སོལ། སྔགས་སྲུང་ཨེ་ཀ་ཛཱ་ཊི། དབང་ཕྱུག་སྡེ་བརྒྱད་ཡང་འཁོར་འབུམ་གྱི་ཚོགས་དང་བཅས་པ་རྣམས་ཀྱི་ཞལ་དུ་ག་ཎ་ཙཀྲ་ལ་ཁ་རཾ་ཁཱ་ཧི༔ ཞེས་ཚོགས་འབུལ་ལོ། །ལྔ་པ་བསྐང་བ་ནི། ཧཱུྃ༔ ཐུགས་དམ་གཉན་པོ་བསྐང་བའི་ལྷ་ཚོགས་ནི༔ བཀྲ་ཤིས་ཚེ་རིང་མཆེད་ལྔའི་ཐུགས་དམ་བསྐང་༔ བོད་སྐྱོང་བརྟན་མ་བཅུ་གཉིས་ཐུགས་དམ་བསྐང་༔ ལྷ་མོ་དུད་སོལ་རྒྱལ་མོའི་ཐུགས་དམ་བསྐང༔ སྔགས་སྲུང་ཨེ་ཀ་ཛཱ་ཊིའི་ཐུགས་དམ་བསྐང་༔ དབང་ཕྱུག་ཡང་འཁོར་འབུམ་གྱི་ཐུགས་དམ་བསྐང་༔ ཐུགས་དམ་གཉན་པོ་སྐོང་བའི་དམ་རྫས་ནི༔ རྒྱུ་མཆོད་ཆེན་པོ་རྣམ་ལྔ་དང་༔ མཆོག་ཆེན་མཆོག་ཕྲན་མཚན་ལྡན་དང་༔ རང་བྱུང་དམ་རྫས་བདུད་རྩི་དང་༔ རྨད་དུ་བྱུང་བའི་གཏོར་མ་དང་༔ རཀྟ་དམར་གྱི་དགྱེས་མཆོད་དང་༔ སྣང་གསལ་འོད་ཀྱི་ཞུན་མར་དང་༔ ཤ་ཆེན་སྤོས་ཀྱི་དམ་རྫས་དང་༔ རྣལ་འབྱོར་ཚོགས་ཀྱི་ལོངས་སྤྱོད་དང་༔ མཁའ་ལྡིང་མདངས་དང་ཤེལ་སྒོང་མདངས༔ ཙ་ར་འདི་ཡི་མདངས་ཀྱིས་བསྐང་༔ འདི་ལྟར་བསྐངས་བསྐངས་གསོལ་གསོལ་ནས༔ ཐུགས་དམ་གཉན་པོ་

[Full Size]

བསྐང་གྱུར་ཅིག༔ ཆོ་ག་ལྷག་ཆད་རྫོགས་གྱུར་ཅིག༔ གཡར་དམ་བསྐངས་ལ་རྐྱེན་རྣམས་ཟློག༔ དམིགས་པའི་དགྲ་བོ་མྱུར་དུ་སྒྲོལ༔ བཅོལ་བའི་ཕྲིན་ལས་འགྲུབ་པར་མཛོད༔ རྣལ་འབྱོར་ཉམས་ཆག་བསྐང་བར་མཛོད༔ དེ་ནས་དྲུག་པ་མདོས་བསྔོའོ༔

ཐུགས་སྒྲུབ་ཡང་སྙིང་འདུས་པ་ལས་ཐ་མ་བརྟེན་སྦྱོར་བརྟན་མའི་སུན་ཟློག

[Full Size]

ཐུགས་སྒྲུབ་ཡང་སྙིང་འདུས་པ་ལས༔ ཐ་མ་བརྟེན་སྦྱོར་བརྟན་མའི་སུན་ཟློག་བཞུགས༔ སློབ་དཔོན་སྤྲུལ་པའི་སྐུ་ལ་ཕྱག་འཚལ་ལོ༔ མཁའ་འགྲོའི་སུན་ཟློག་འདི་ལ༔ རབ་ལུས་སེམས་འཆི་བས་བྲལ༔ འབྲིང་མཁའ་འགྲོ་ཆོས་སྐྱོང་སྲུང་མས་བསུ་བར་བྱེད་པ༔ ཐ་མ་ལྷ་སྲིན་སྡེ་བརྒྱད་ཀྱི་སྲོག་དབུགས་ལེན་ཞིང་བསུ་བར་བྱེད་པ༔ དེ་དག་ཐམས་ཅད་འདི་ཡིས་བཟློག་པར་གྱུར་པ༔ སུན་ཟློག་ཐ་མ་ལས་སྦྱོར་བརྟན་ཐམས་ཟློག་པར་བྱེད་དེ༔ བྷྱོཿ ནམ་མཁའ་གཡུ་ཡི་ལྡིང་ཁང་ན༔ ཉི་འོད་འབར་བའི་སྨན་གཅིག་བཞེངས་ཤིག་བཞེངས་ཤིག་དབྱིངས་ནས་བཞེངས༔ བསྐུལ་ལོ་བསྐུལ་ལོ་ཐུགས་དམ་བསྐུལ༔ དགོངས་ཤིག་དགོངས་ཤིག་བདག་ལ་དགོངས༔ འབོད་པའི་འགྲོ་བ་གྲངས་མང་ཡང་༔ ཧ་ཅང་བདེ་བ་མ་སྐྱེད་ཅིག༔ བོས་ན་ཐུགས་ལོག་མ་མཛད་ཅིག༔ གཡབ་ན་ལེ་ལོ་མ་མཛད་ཅིག༔ ལས་ཀྱི་སུན་མ་བཟློག་ཏུ་གསོལ༔ བྷྱོཿ ལྷ་ཀླུ་སྡེ་བརྒྱད་ལ་སོགས་པའི༔ འཆི་བདག་གཤིན་རྗེའི་སུན་མ་ཟློག༔ བརྟན་མ་ཡོངས་ཀྱི་གཙོ་མོ་སྟེ༔ དམག་གི་རྒྱལ་མོ་ཆེན་མོ་ཁྱོད༔ བདུད་རྩི་སྨན་གཏོར་རཀྟ་དང་༔ ཞལ་ཟས་ཚོགས་ཀྱི་མཆོད་པ་བཞེས༔ དམ་ལ་གནས་ཤིང་ཕྲིན་ལས་མཛོད༔ བྷྱོཿ

[Full Size]

གངས་ཀྱི་ཡུམ་ཆེན་གཡུ་བུན་མ༔ མ་མོ་ཡོངས་ཀྱི་སུན་མ་ཟློག༔ ལྷོ་ཡི་སྐྱི་མཐིང་ཡ་མ་སྐྱོང་༔ བཙན་གྱི་རྒྱལ་མོའི་སུན་མ་ཟློག༔ ཁ་རག་ཁྱུང་བཙུན་དཔལ་གྱི་ཡུམ༔ བདུད་ཀྱི་རྒྱལ་མོའི་སུན་མ་ཟློག༔ བྱང་གི་གསེར་ཐང་གཡུ་བུན་མ༔ གཤིན་རྗེའི་རྒྱལ་མོའི་སུན་མ་ཟློག༔ གངས་དཀར་ཤ་མེད་སྨན་གཅིག་མ༔ སྨན་གྱི་རྒྱལ་མོའི་སུན་མ་ཟློག༔ བྱང་གི་དབྱར་ཐང་ཏིང་ལོ་སྨན༔ འབྲོག་སྲིན་རྒྱལ་མོའི་སུན་མ་ཟློག༔ ཞལ་ཟས་ཚོགས་ཀྱི་མཆོད་པ་བཞེས༔ སྨན་བཙུན་ཨུག་ཆོས་དབྱར་མོ་བསིལ༔ ཀླུ་ཡི་རྒྱལ་མོའི་སུན་མ་ཟློག༔ དཔལ་ཆེན་གསང་བའི་གྲོགས་མཆོག་མ༔ རི་ཡི་རྒྱལ་མོའི་སུན་མ་ཟློག༔ སྐྱི་མཐིང་གངས་ཀྱི་ལ་རོ་སྨན༔ ཤ་ཟ་ལ་རོའི་སུན་མ་ཟློག༔ བརྟན་མའི་གཙོ་མོ་ལ་རོ་སྨན༔ མ་སང་རྒྱལ་མོའི་སུན་མ་ཟློག༔ ཀོང་བཙུན་དེ་མོ་བོད་ཁམས་སྐྱོང་༔ མ་བདུད་རྒྱལ་མོའི་སུན་མ་ཟློག༔ ལེགས་འབྱོར་གསེར་ཐང་ཡི་གེའི་རིགས་གཡུ་ཡི་རྒྱལ་མོའི་སུན་མ་ཟློག༔ གཡུ་ཡི་བུ་མོ་སི་ལེ་མ༔ གངས་ཀྱི་རྒྱལ་མོའི་སུན་མ་ཟློག༔ པ་རོ་ཤེལ་གྱི་སྨན་གཅིག་མ༔ མ་སང་རྒྱལ་མོའི་སུན་མ་ཟློག༔ མི་གཡོ་བརྟན་

[Full Size]

མའི་ས་འཛིན་མ༔ བགེགས་ཀྱི་རྒྱལ་མོའི་སུན་མ་ཟློག༔ འཛམ་གླིང་བརྟན་པའི་བརྟན་མ་དང་༔ བོད་ཁམས་སྐྱོང་བའི་སྐྱོང་མ་དང་༔ པདྨ་འབྱུང་གནས་ཕོ་ཉ་སྟེ༔ རྐྱེན་རྣམས་ཟློག་པའི་མཐུ་མོ་ཆེ༔ དམག་དཔུང་བསྐྱེད་ལ་གཏོར་མ་ལོངས༔ བྱད་ཁ་ཕུར་ཁ་ཟློག་པ་དང་༔ སྣང་སྲིད་ལྷ་འདྲེའི་སུན་མ་ཟློག༔ བདུད་རྩི་སྨན་གཏོར་རཀྟ་དང་༔ ཞལ་ཟས་ཚོགས་ཀྱི་མཆོད་པ་བཞེས༔ ཕྲིན་ལས་རྣམ་བཞི་འགྲུབ་པར་མཛོད༔ བྷྱོཿ ཡང་གཅིག་སུན་མ་བཟློག་པ་ནི༔ མ་མོ་མཁའ་འགྲོའི་རྒྱལ་མོ་སྟེ༔ དཀར་མོ་སྤྱན་གཅིག་སུན་མ་ཟློག༔ ནག་མོ་རལ་གཅིག་སུན་མ་ཟློག༔ སློབ་དཔོན་སྲུང་མའི་སུན་མ་ཟློག༔ བླ་མ་ཀུན་གཞིའི་སུན་མ་ཟློག༔ བྷྱོཿ ཡང་གཅིག་སུན་མ་བཟློག་པ་ནི༔ མཆོག་སྲུང་མ་ཡི་སུན་མ་ཟློག༔ མ་མོ་རྣམ་བཞིའི་སུན་མ་ཟློག༔ ལས་ཀྱི་མ་མོ་བཞི་ཡི་སུན་མ་ཟློག༔ བསེ་ཡི་ལྷ་མོ་བཞི་ཡི་སུན་མ་ཟློག༔ གནོད་སྦྱིན་སྙིང་འཕྲོག་བཞི་ཡི་སུན་མ་ཟློག༔ བཀའ་སྡོད་བློན་མོ་བཞི་ཡི་སུན་མ་ཟློག༔ དམག་རྒྱལ་མ་བཞིའི་སུན་མ་ཟློག༔ དམ་གནས་མ་བཞིའི་སུན་མ་ཟློག་ཡིད་བསྐྱེད་མ་བཞིའི་སུན་མ་ཟློག༔

[Full Size]

དབུགས་འཕྲོག་མ་བཞིའི་སུན་མ་ཟློག༔ སྙིང་འཕྲོག་མ་བཞིའི་སུན་མ་ཟློག༔ ལས་ཀྱི་མ་བཞིའི་སུན་མ་ཟློག༔ མ་སྲིང་བརྟན་མའི་སུན་མ་ཟློག༔ སྟེང་ཕྱོགས་ལྷ་རྣམས་སུན་མ་ཟློག༔ འོག་ཕྱོགས་ཀླུ་རྣམས་སུན་མ་ཟློག༔ བར་སྣང་གཉན་རྣམས་སུན་མ་ཟློག༔ བསྒྲུབ་པའི་ཚོགས་ཀྱི་སུན་མ་ཟློག༔ གིང་ཆེན་ཚོགས་ཀྱི་སུན་མ་ཟློག༔ དབང་ཕྱུག་ཚོགས་ཀྱི་སུན་མ་ཟློག༔ མ་མོ་དྲུག་ཅུ་རྩ་བཞི་དང་༔ འབར་མ་བརྒྱད་ཀྱི་སུན་མ་ཟློག༔ སྲིད་པའི་མ་མོ་བརྒྱད་རྣམས་དང་༔ ལས་ཀྱི་སྲིང་བཞིའི་སུན་མ་ཟློག༔ བརྟན་སྐྱོང་མ་མོ་འཁོར་བཅས་ཀྱིས༔ ལས་ཀྱི་སུན་མ་བཟློག་ཏུ་གསོལ༔ ཚོགས་དང་གཏོར་མ་འདི་བཞེས་ལ༔ བྱད་ཁ་ཕུར་ཁ་བཟློག་ཏུ་གསོལ༔ འབྱུང་བ་རྣམ་ལྔའི་སུན་མ་ཟློག༔ ཡི་དམ་ལྷ་ཡི་སུན་མ་ཟློག༔ མཁའ་འགྲོ་དམ་ཅན་མ་ལུས་དང་༔ སྲུང་མ་རྣམས་ཀྱི་སུན་མ་ཟློག༔ སྣང་སྲིད་མ་མོ་ཐམས་ཅད་ལ༔ འདོད་ཡོན་མཆོད་པ་འབུལ་བ་ནི༔ སེམས་དང་ནམ་མཁའ་ཤ་དང་ས༔ ཁྲག་དང་ཆུ་སེར་དྲོད་དང་མེ༔ དབུགས་རླུང་འབྱུང་བ་ལྔ་ཡི་མཆོད་པ་འབུལ༔ དྲི་ཆེན་དྲི་ཆུ་བྱང་ཆུབ་སེམས༔ ཤ་ཁྲག་ལ་སོགས་མཆོད་པ་

[Full Size]

འབུལ༔ མི་རྟ་གླང་ཆེན་རྨ་བྱའི་ཤ༔ ཤ་ཆེན་སྣ་ལྔའི་མཆོད་པ་འབུལ༔ གཟུགས་སྣང་སྒྲ་གྲག་མེ་ཏོག་དང་༔ དགེ་སྡིག་ལ་སོགས་མཆོད་པ་འབུལ༔ དགའ་བཞི་ཉམས་ཀྱི་མཆོད་པ་འབུལ༔ དགའ་བ་མཉམ་ཉིད་མཆོད་པ་འབུལ༔ ཡོན་ཆབ་མེ་ཏོག་བདུག་སྤོས་དང་༔ སྣང་གསལ་དྲི་མཆོག་ཞལ་ཟས་དང་༔ སྒྲ་སྙན་ལ་སོགས་མཆོད་པ་འབུལ༔ དུང་ཆེན་ཁ་སྦྱོར་སྣོད་ནང་དུ༔ ཤ་ཆེན་ཚིལ་ཆེན་སྤོས་རྣམས་བཏང་༔ དུར་ཁྲོད་ཆེན་པོའི་ས་གཞི་རུ༔ དབང་པོ་རྣམ་ལྔའི་མེ་ཏོག་བཀོད༔ ཀོང་བུ་དུར་ཁྲོད་གཞལ་ཡས་ཁང་༔ ཚིལ་ཆེན་ཞུན་ཆེན་མར་མེ་གཏམས༔ མཚན་ལྡན་བཀྲ་ཤིས་ཀ་པཱ་ལར༔ གཏོར་མ་ཡེ་ཤེས་བདུད་རྩིར་བསྒྱུར༔ བྷནྡྷ་ཉི་ཟླའི་དཀྱིལ་འཁོར་དུ༔ ཤ་ཆང་ཁུར་བ་ལ་སོགས་པ༔ རོ་བརྒྱར་ལྡན་པའི་ཚོགས་འཁོར་བཤམས༔ མཚན་ལྡན་རྡོ་རྗེ་ཀ་པཱ་ལར༔ འབྲུ་བཅུད་ཨ་མྲྀ་ཏ་ཡིས་བཀང་༔ རྩ་བརྒྱད་སྟོང་ལ་སྦྱར་བའི་སྨན༔ མཚན་ལྡན་རྒྱ་ཆེན་མཆོད་པ་འབུལ༔ ཐབས་དང་ཤེས་རབ་དཀྱིལ་འཁོར་དུ༔ རྣལ་འབྱོར་ཕོ་མོ་ཐམས་ཅད་ཀྱིས༔ ཚངས་པའི་སྒྲ་དབྱངས་སྙན་པར་བགྱིས༔ གསུང་དབྱངས་

[Full Size]

སྙན་ངག་དྲུག་ཅུའི་སྒྲ༔ མཆོད་པ་རྒྱ་ཆེན་ཁྱེད་ལ་འབུལ༔ ཧཱུྃ༔ མཆོད་པའི་ལྷ་མོ་ཐམས་ཅད་ཀྱིས༔ གར་སྟབས་བྱེད་ཅིང་མཆོད་པ་འབུལ༔ རིན་ཆེན་ཁང་པ་ཡངས་བརྩེགས་དང་རིན་ཆེན་གསེར་གྱི་བུམ་པ་དང་༔ ཡིད་བཞིན་ནོར་བུ་རིན་ཆེན་དང་རྒྱལ་སྲིད་རིན་ཆེན་སྣ་བདུན་དང་༔ བཀྲ་ཤིས་རྫས་བརྒྱད་མཆོད་པའི་ཚོགས༔ གདུགས་དང་རྒྱལ་མཚན་བ་དན་དང་༔ བླ་བྲེ་འཕན་གདུགས་དར་ལྡི་སོགས༔ མཆོད་པའི་སྤྲིན་ཕུང་ཇི་སྙེད་རྣམས༔ བླ་མ་ཡི་དམ་དཀོན་མཆོག་དང་༔ མཁའ་འགྲོ་ཆོས་སྐྱོང་རྣམས་ལ་འབུལ༔ ལྷ་ཀླུ་སྡེ་བརྒྱད་ལ་སོགས་པའི༔ འཆི་བདག་གཤིན་རྗེས་སུན་མ་ཟློག༔ མི་དང་མི་མིན་ལ་སོགས་པའི༔ བྱད་ཁ་ཕུར་ཁ་ཟོར་ཁ་རྣམས༔ བྱད་དང་རྗོད་གཏོང་མཁན་ལ་ཟློག༔ རྨི་ལམ་མཚན་ལྟས་ངན་པ་ཟློག༔ བྷྱོཿ མདོས་ཟོར་ཤ་ཁྲག་གཏོར་མ་འདིས༔ ད་ལྟ་རྣལ་འབྱོར་བདག་ཅག་ལ༔ སྡེ་བརྒྱད་ཆད་པ་བྱུང་བ་ཟློག༔ བྱད་ཟོར་ཕུར་ཁ་ཐམས་ཅད་ཟློག༔ ལྷ་འདྲེའི་ཟ་ཁ་ཟུག་པ་ཟློག༔ རྒྱལ་པོ་ལོ་ཡི་བདུན་ཟུར་ཟློག༔ བློན་པོ་ཟླ་བའི་དབང་བཙན་ཟློག༔ དམག་མི་ཞིག་གི་དཔུང་གྲངས་

[Full Size]

ཟློག༔ མཚོན་ཆ་དུས་ཀྱི་རྣོ་ངར་ཟློག༔ སྤར་ཁའི་སྐྱ་མདའ་ཟུག་པ་ཟློག༔ སྨེ་བ་དུར་དུ་ཚུད་པ་ཟློག༔ ས་བདག་ཀོ་ལོང་གདུག་རྩུབ་ཟློག༔ འབྱུང་བའི་དགྲ་གཤེད་འཐབ་པ་ཟློག༔ གཟའ་སྐར་དུས་ཚེས་ངན་པ་ཟློག༔ ལོ་ཟླ་ཞག་དུས་བབ་པ་ཟློག༔ ཁྲམ་དང་བྱེད་དུ་བཅུག་པ་ཟློག༔ ཧོམ་དང་པར་བུ་བསྐོར་བ་ཟློག༔ དགྲ་ཆེན་བདུད་དུ་ལང་བ་ཟློག༔ ལྟས་ངན་གློ་བུར་ཡེ་འདྲོག་ཟློག༔ དུས་མིན་འཆི་བ་རྣམ་བརྒྱད་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ སྔོན་བསྒུགས་ཕྱི་ནས་དེད་པ་ཟློག༔ དགྲ་སྣ་ཕུང་སྣ་གྱོད་སྣ་ཟློག༔ ནད་སྣ་རིམས་སྣ་ཡམས་སྣ་ཟློག༔ དགྲ་སྲི་རྨི་ངན་ཐམས་ཅད་ཟློག༔ ཆེ་སྲི་ཆུང་སྲི་རྒན་སྲི་ཟློག༔ གཞོན་སྲི་དར་སྲི་གོད་སྲི་ཟློག༔ དགྲ་སྲི་མཚོན་སྲི་ནད་སྲི་ཟློག༔ མདོར་ན་སྲིད་པའི་ཆག་སྒོ་དང་༔ བདག་ལ་གནོད་པའི་དགྲ་བགེགས་རྣམས༔ སྡང་བྱེད་དགྲ་བོའི་སྟེང་དུ་བྷྱོཿ གནོད་བྱེད་བགེགས་ཀྱི་སྟེང་དུ་ཟློག༔ བར་ཆད་བགེགས་ཀྱི་སྟེང་ཏུ་ཟ་འདྲེ་ཕུང་འདྲེའི་སྟེང་དུ་ཟློག༔ དམ་ཉམས་བྱད་མའི་སྟེང་དུ་བཟོར༔

དགོངས་གཏེར་རྡོ་རྗེའི་གསུང་གི་དོན་བཀྲོལ་བ། ལྷ་མོའི་གསང་མདོས༴ རི་རབ་བརྩེགས་མདོས༴ མ་མོའི་ཁྲག་མདོས༴ མ་མོའི་ནད་རིམས་བཟློག་མདོས་ཞེས་ཀྱང་བྱ།

[Full Size]

དགོངས་གཏེར་རྡོ་རྗེའི་གསུང་གི་དོན་བཀྲོལ་བ། ལྷ་མོའི་གསང་མདོས་ཞེས་ཀྱང་བྱ། རི་རབ་བརྩེགས་མདོས་ཞེས་ཀྱང་མ་མོའི་ཁྲག་མདོས་ཞེས་ཀྱང་བྱ། མ་མོའི་ནད་རིམས་བཟློག་མདོས་ཞེས་ཀྱང་བྱ་སྟེ་ཚིག་ཉུང་ཁྱེར་བདེ་བ་ཡོད།།

[Full Size]

ན་མོ་དེ་ཝི་ཀཱ་ལི་ཡེ། །ལྷ་མོ་དཔོན་གཡོག་ཞབས་ལ་ཕྱག་འཚལ་ལོ། །རི་རབ་བརྩེགས་མདོས་མ་མོའི་ཁྲག་མདོས་དང་། །རིམས་ནད་བཟློག་པའི་མདོས་ཆོག་གསལ་བཀོད་བྱ། །ལྷ་མོ་འཁོར་བཅས་བཀའ་ཡི་གནང་བ་སྩོལ། །འདི་ལ་རྒྱས་འབྲིང་བསྡུས་པ་ཤིན་ཏུ་བསྡུས། །བཅའ་ཚུལ་ཁྱད་ཡིན་འདོན་ཆའི་གཞུང་ནི་གཅིག །མདོས་གདན་ཤིང་ངམ་གང་ཡང་རུང་བའི་སྟེང་། །རི་རབ་བང་རིམ་བཞི་པ་ཕྱོགས་མདོག་སྟེང་། །ཟན་ནམ་ས་ལ་ལྷ་མོའི་གཟུགས་ནག་པོ། །གྲི་ཐོད་འཛིན་ནམ་ཡང་ན་ཐལ་བརྡེབ་ཚུལ། །རི་རབ་རྩེ་རུ་བྱམས་འདུག་བྱས་པ་བྱ། །གྲུ་ཁུག་གཡས་སུ་བྱང་དམར་ཡི་གེ་ཅན། །གནོད་བྱེད་དགྲ་བགེགས་ཞེས་བྱའི་མིང་ཅན་བཙུགས། །

[Full Size]

གཡས་སུ་མདའ་བཀྲ་གཡོན་དུ་འཕང་བཀྲ་དང་། །རྒྱབ་ཏུ་ནམ་མཁའ་ཁྲ་བོ་ཤིང་རིས་བཙུགས། །མཆན་ཞབས་གཡོན་དུ་ནད་ཀྱི་རྐྱལ་པའི་གཟུགས། །པང་དུ་ཚོན་སྐུད་སྣ་ལྔའི་གྲུ་གུ་བཞག །བང་རིམ་གཉིས་པར་བསྐང་པར་བཏབ་བྱ་སྟེ། །དབུས་མདུན་རྐང་བའི་བར་དུ་འཁོར་ལོ་དང་། །ཤར་དུ་རྡོ་རྗེ་ལྷོ་རུ་རིན་པོ་ཆེ། །ནུབ་ཏུ་པདྨ་བྱང་དུ་རལ་གྲི་དང་། །བྱ་ནག་བཅུ་གསུམ་གཙོར་བྱས་འདབ་ཆགས་ཚོགས། །བང་རིམ་གསུམ་པར་ལུག་ནག་བཅུ་གསུམ་གྱི། །གཙོར་བྱས་བསྐང་འབྲས་ཐམས་ཅད་ཆ་ཚང་བཙུགས། །བང་རིམ་བཞི་པར་ཆུང་ནི་དྲུག་ཅུ་བཞི། །སྲིན་མོ་འགྲོས་བཙུགས་རི་རབ་རྩ་བ་རུ། །གཡས་སུ་ཟན་ལ་བྱ་མོ་ནག་མོའི་གཟུགས། །མགྲིན་པར་དུང་ཕྲེང་ཟེ་བ་མཆུ་ནི་དམར། །གཡོན་དུ་ལུག་ནག་སྤྱི་བོ་དཀར་པོ་ཅན། །

[Full Size]

མདུན་དུ་ཟན་ནང་ཚྭ་བཏུམ་སྒོ་ངའི་གཟུགས། །རྒྱབ་ཏུ་སྨན་ཏིང་བརྩེགས་མ་རྩེ་མོ་དཀར། །བར་མཚམས་མཐེབ་སྐྱུ་ཤ་དུམ་འཁོར་བར་བསྐོར། །སྣོད་གཞན་ནང་དུ་ངར་མི་གཅིག་གི་མདུན། །མར་མེ་གསུམ་བཞག་ཐ་མ་དྲི་གླུད་བསྐོར། །མདོས་ཆེན་ཅུང་ཞིག་བཏེགས་ནས་མཐོ་བར་བཞག །དེ་ཡི་གཡས་གཡོན་གང་བདེ་ངར་མི་དང་། །མདུན་དེ་ཟངས་ལྕགས་སྣོད་ནི་གཙང་མར་བཞག །དེ་མདུན་ཡོད་ན་ལུག་ནག་ལྤགས་པ་བཏིང་། །དེ་དབུས་ཚོན་ནམ་འབྲུ་ནག་ལ་སོགས་ཀྱི། །ཆོས་འབྱུང་ཟུར་དྲུག་བྲིས་པའི་དབུས་དང་ཟུར། །ཕོར་པ་གཙང་མ་ཆག་གས་མེད་པ་བདུན། །ཁ་དང་མཐིལ་ནི་མར་གྱིས་བརྒྱན་པར་བྱ། །གཞི་ཡི་གཡས་གཡོན་འཇིམ་པའི་གཟུགས་བརྙན་གཉིས། །ལྷ་གཟུགས་དཀར་པོ་དགྱེ་ཞིང་དར་དཀར་ཕྱར། །དེ་དྲུང་ཞྭ་དཀར་མིག་དགུ་བྲིས་པ་དང་། །རྡེའུ་དཀར་པོ་བཅུ་གསུམ་བཞག་པར་བྱ། །གཡོན་དུ་འདྲེ་གཟུགས་ནག་པོ་མགོ་བཀུག་པ། །ལག་ཏུ་དར་ནག་དྲིལ་ནས་ཐུར་དུ་བཟུང་། །དེ་དྲུང་ཤྭ་ནག་ལྔ་བྲིས་རྡེལ་ནག་དགུ། །བར་དུ་འབྲང་རྒྱས་ཕྱེད་དཀར་ཕྱེད་ནག་གཅིག །དེ་སྟེང་བལ་ཚོན་སྣ་ལྔ་འདབ་གཅིག་བཀབ། །ཁྲག་དང་ཆུ་བསྲེས་ཟོ་བ་གང་དང་ནི། །དེ་བཞིན་ཆང་ཕུད་གསེར་ཕྱེ་བདར་བ་དང་། །གཏོར་ཆུང་ཟུར་གསུམ་སྙིང་འདྲ་དྲུག་ཅུ་ལྔ། །ཤ་དུམ་མཐེབ་སྐྱུ་ལིང་ཆུང་དེ་ཡི་གྲངས། །དེ་ནི་བཅའ་ཚོགས་རྒྱས་པ་ཁྲག་མདོས་ལུགས། ༈ །འབྲིང་བ་གཞན་རྣམས་གོང་དང་འདྲ་བ་ལས། །རིགས་ལྔའི་ཕྱག་མཚན་བྱ་ནག་ལུག་ནག་ལས། །བསྐང་

[Full Size]

འབྲས་གཞན་རྣམས་བཙུགས་ནི་མི་དགོས་སོ། །རྩང་ཡང་ཉི་ཤུ་རྩ་བརྒྱད་བཙུགས་པས་འཐུས། །གཞི་ནག་ཕོར་པ་བདུན་དང་ལྷ་བདུད་གཟུགས། །འབྲང་རྒྱས་བལ་ཚོན་སོགས་ཀྱང་མི་དགོས་སོ། ༈ །བསྡུས་པ་ཀ་ཏོ་རའམ་སྡེར་ཆེན་ནང་། །འཇིམ་པ་གྲུ་བཞི་རྩ་བ་ཕྲ་བར་བྱ། །རྩེ་ལ་ཟན་ནག་ལྷ་མོའི་གཟུགས་དེ་བཞག །མདའ་འཕང་ཁྲམ་ཤིང་ནམ་མཁའ་ལ་སོགས་ཀྱང་། །ཅུང་ཟད་བརྡ་ཚོན་ཁྱུད་རེ་ཙམ་གྱིས་ཆོག །རིགས་ལྔའི་ཕྱག་མཚན་བྱ་ནག་བདུན་དང་ནི། །ལུག་ནག་བདུན་ནི་བཙུགས་པས་བསྐང་འབྲས་ཚང་། །བྱ་མོ་ལུག་ནག་སྨན་ཏིང་སྒོ་ང་བཅས། ༈ །ཤིན་ཏུ་བསྡུས་པ་རྒྱུན་ཁྱེར་ལ་སོགས་པའི། །དམར་གཏོར་གཅིག་ལ་བྱ་མོ་ལུག་ནག་དང་། །སྨན་ཏིང་སྒོ་ང་བཞིས་བསྐོར་སྡེར་ནང་བཞག །རྩེ་རུ་ཙཀྲི་གཅིག་ནི་བཙུགས་པའི་ནང་། །ལྷ་མོ་རི་རབ་རྩེ་རུ་བྱམས་བཞུགས་བྱས། །བྱང་དམར་ཁྲམ་ཤིང་ནད་རྐྱལ་ཚོན་གྲུ་ཅན། །རྒྱབ་ཏུ་ནམ་མཁའ་ཤིང་རིས་མདའ་འཕང་བྲིས། །དེ་ལྟར་བཅའ་ཚུལ་རྒྱས་འབྲིང་བསྡུས་པ་དང་། །ཤིན་ཏུ་བསྡུས་པ་གང་འདོད་རུང་བ་ལྟར། །གཏོར་ཆུང་རཀྟ་ལ་སོགས་འབུལ་བའི་གྲངས། །རབ་ནི་བརྒྱའམ་ཡང་ན་དྲུག་ཅུ་ལྔ། །འབྲིང་དུ་ལོ་གྲངས་སམ་ནི་ཉི་ཤུ་གཅིག །ཐ་མ་བཅུ་གསུམ་མམ་ནི་དགུ་ཡིས་འཐུས། །ཡི་དམ་གཤིན་རྗེའི་གཤེད་དམ་ཕྱག་རྡོར་བསྒོམ། །ཡང་ན་ཡི་དམ་གང་ཡང་རུང་བ་ཡིན། །དེ་ནས་སྙན་པའི་དབྱངས་བཅས་གྱེར་སྒོམ་སྦྲགས། །གླུ་དང་དབྱངས་ལ་ལྷ་མོ་དགྱེས་པ་ཡིན། །རང་ཉིད་

[Full Size]

ཡི་དམ་ལྷར་གསལ་བའི་ཐུགས་ཀ་ནས། རཾ་ཡཾ་ཁཾ་འཕྲོས་པས་མདོས་ཀྱི་མི་གཙང་བའི་དྲི་མ་ཐམས་ཅད་བསྲེག །ཨོཾ་སྭ་བྷ་ཝ་སོགས། སྟོང་པའི་ངང་ལས་ཨེ་ཡཾ་རཾ་ཐཾ་ལཾ་སུཾ་ལས། འབྱུང་བ་རིམ་བརྩེགས་རི་རབ་གླིང་བཞི་གླིང་ཕྲན་བརྒྱད་གསེར་གྱི་རི་བདུན། བྱ་ནག་ལུག་ནག་བྱ་མོ་ནག་མོ། བཤོས་བུ་སྨན་གཏོར་རཀྟ་ཕྱི་ནང་གསང་བའི་མཆོད་པའི་སྤྲིན། མཆོད་རྫས་སྒྲུབ་རྫས་བསྐང་རྫས་རྟེན་རྫས་སོ་སོའི་ཡིད་དང་མཐུན་པའི་ལོངས་སྤྱོད་བསམ་གྱིས་མི་ཁྱབ་པ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་བཛྲ་སྤ་ར་ཎ་ཁཾ། ཨོཾ་ཨཱཧཱུྃ་ཧ་ཧོ་ཧྲཱི༔ རང་གི་མདུན་དུ་རི་བདུན་རོལ་མཚོ་དང་བཅས་པའི་རི་རབ་ཀྱི་ཁར་དཔལ་ལྡན་ལྷ་མོ་སྐུ་མདོག་ཤིན་ཏུ་གནག་པ་ཞལ་གཅིག་ཕྱག་གཉིས་གྲི་ཐོད་འཛིན་ནས་འདུག་པ། འཁོར་སྣང་སྲིད་ཀྱི་མ་མོ་མཁའ་འགྲོ་ནད་བདག་རིམས་བདག་ཐམས་ཅད་ཀྱིས་བསྐོར་བ་སྤྱན་དྲངས་པར་གྱུར། བྷྱོཿ མུ་ལེ་མཚོ་དང་ཡོངས་འདུའི་ཤིང་། །དུར་ཁྲོད་བརྒྱད་སོགས་བཞུགས་གནས་ནས། །ལྷ་མོ་འཁོར་བཅས་སྤྱན་འདྲེན་ནོ། །སྡང་དགྲའི་སྟེང་དུ་དགྱེས་པར་བཞུགས། །བྷྱོམ་ཧཱ་ཀཱ་ལི་ཧཱུྃ་བྷྱོཧཱུྃ་ཛཿཛཿཧཱུྃ་བཾ་ཧོཿ དངོས་འབྱོར་

[Full Size]

ཡིད་ཀྱིས་སྤྲུལ་པ་ཡི། །མེ་ཏོག་བདུག་སྤོས་མར་མེ་དྲི། །བཤོས་བུ་གཟུགས་སྒྲ་དྲི་རོ་དང་། །རེག་བྱ་སྨན་གཏོར་རཀྟའི་ཚོགས། །ལྷ་མོ་འཁོར་དང་བཅས་ལ་འབུལ། །འཁོར་བཅས་མཉེས་ཤིང་ཚིམ་གྱུར་ཅིག །བྷྱོཿམ་ཧཱ་ཀཱ་ལི་ཧཱུྃ་བྷྱོ། ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི་ཁཱ་ཧི། ཨརྒྷཾ༴ པཱདྱཾ༴ པུཥྤེ༴ དྷུཔེ༴ ཨཱ་ལོ་ཀེ༔ གནྡྷེ༔ ནི་ཝི་དྱ༴ ཤབྟ་ཨཱ༔ཧཱུྃ། །བྷྱོ། ཆོས་སྐུ་སྐྱེ་མེད་ངང་ཉིད་ལས། །འགྲོ་བའི་དོན་དུ་སྐུ་སྤྲུལ་ནས། །འཇིག་རྟེན་འདས་ཀྱང་འཁོར་བའི་ཚུལ། །མ་དང་སྲིང་ལྟར་བསྒྲུབ་ལ་བརྩེ། །ལྷ་མོ་འཁོར་དང་བཅས་ལ་བསྟོད། །དམ་རྫས་མཆོད་པས་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །བདག་ཅག་དཔོན་སློབ་འཁོར་བཅས་ཀྱི། །ཡམས་ནད་རིམས་ནད་ཞི་བ་དང་། །འབྲུ་དང་རྐང་འགྲོ་འཕེལ་རྒྱས་མཛོད། །འདོད་རྒུ་ཐམས་ཅད་དབང་དུ་སྡུས། །གནོད་ཅིང་འཚེ་བའི་དགྲ་བགེགས་སྒྲོལ། །མ་གཡེལ་མྱུར་དུ་ལས་མཛོད་ཅིག །བཅོལ་བའི་ཕྲིན་ལས་འགྲུབ་པར་མཛོད། །ལྷ་མོའི་ཐུགས་ཀར་ཉི་མའི་སྟེང་། །བྷྱོ་ལས་སྔགས་ཕྲེང་གཡོན་དུ་འཁོར། །དེ་ལས་འོད་ཟེར་ཕྱོགས་

[Full Size]

བཅུར་འཕྲོས། །སྣང་སྲིད་མ་མོ་ཐམས་ཅད་དང་། །ནད་བདག་དྲེགས་པའི་ཚོགས་རྣམས་ཀུན། །དབང་དུ་བསྡུས་ནས་བྲན་དུ་བཀོལ། །བདག་དང་ལྷ་མོའི་བཀའ་ཉན་ཞིང་། །ཅི་བཅོལ་ལས་རྣམས་སྒྲུབ་པར་གྱུར། །བྷྱོ་མ་ཧཱ་ཀཱ་ལི་ཧཱུྃ་བྷྱོ། །ཞེས་པའི་སྔགས་དེ་ཅི་འགྲུབ་བརྗོད། །འདི་ཉིད་གཞན་ལ་སྦྱིན་པ་ན། །མངོན་རྟོགས་ནས་བཟུང་འདི་ཡན་བརྗོད། །གཏོར་མ་སློབ་མའི་ལག་ཏུ་གཏད། །ལྷ་མོ་འདི་ལ་སྩལ་ལགས་ཀྱིས། །བསྲུང་ཞིང་སྐྱོབ་པར་མཛད་དུ་གསོལ། །བྷྱོམ་ཧཱ་ཀཱ་ལི་ཧཱུྃ་བྷྱོ། ཨོཾ་ཏྲག་ཐིམ་བ་ལི་ཏ་ཨ་བྷི་ཥིཉྩ་ཧཱུྃ། ལན་གསུམ་བརྗོད་ཅིང་ལག་ཏུ་ཟློགཏད། །མཎྜལ་ཕུལ་བས་བཀའ་གཏད་ཐོབ། །འདི་ཉིད་བཅའ་འདོན་བྱ་བར་རུང་། །དེ་ནས་ཁྲག་སྣོད་བྲན་བྱས་ལ། ཕཊ། སྐད་ཅིག་གིས་རཀྟའི་སྣོད་ཀྱི་ཐད་བར་སྣང་ལ། ཞིང་བཅུ་རུ་ཏྲའི་ངོ་བོ་ཁྲག་གི་བྲོད་པ་ཞིག་ཡེར་གྱིས་བྱུང་། དེ་ལ་བདག་གིས་ཕུར་པ་ཚད་པ་ཙམ་གྱིས་ཁྲག་གི་རྒྱུན་བབས། ཁྲག་གི་རྒྱ་མཚོ་རྦ་ཀློང་རབ་ཏུ་འཁྲུགས་པས་མ་མོ་འཁའ་འགྲོ་ཐམས་ཅད་མཉེས་པའི་རང་བཞིན་དུ་གྱུར། ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜལ་ལ་ཧཱུྃ་བྷིཥཱ། སྨན་དང་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ཧ་ཧོ་བྷིསྭཱ་ཧཱ། ཞེས་

[Full Size]

ཟངས་ཐེབ་བམ་ཐོད་ཏིང་ནང་དུ་གཏོར་ཆུང་ཟུར་གསུམ་སྙིང་འདྲ་བའི་རྩེར་མར་རྒྱན་བྱུག་པ་རེ་དང་། མཐེབ་སྐྱུ་ཤ་དུམ་བྲན་ལ། མཆོད་གཡོག་པ་ཡོད་ན་བཟུང་བཅོལ། བྷྱོ། གཞོང་པ་རྣམ་དག་ཟླ་གམ་དཀྱིལ་འཁོར་དུ། །ཚེ་དང་གལ་གྱི་མཐུན་གཉིས་མཐུན་བསྡེབས་ཏེ། །དཀར་གྱི་ཐིག་གདབ་དམར་གྱི་གུར་ཕུབ་པ། །ལོངས་སྤྱོད་རྫས་ཀྱི་མཆོད་པ་ཆེན་པོ་འདི། །འབུལ་ནི་ལྷ་མོ་དཔོན་གཡོག་རྣམས་འབུལ། །བསྐང་ནི་མ་མོ་ཡོངས་ཀྱི་ཐུགས་དམ་བསྐང་། །ནད་བདག་དྲེགས་པའི་ཚོགས་རྣམས་ཚིམ་གྱུར་ཅིག །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །བློ་མ་ཧཱ་ཀཱ་ལི་ཧཱུྃ་བྷྱོ། ས་པ་རི་ཝཱ་ར་ཨི་དཾ་བ་ལིཾ་ཏ་ཁཱ་ཧི། ཞེས་མདོས་ཀྱི་ནང་ངམ་མདོས་མདུན་གྱི་ཟངས་ལྕགས་ཀྱི་སྣོད་དུ་གཏོར་མ་བླུག །དེ་ནས་མཆོད་གཡོག་པས་བུམ་པའམ། གཏོར་མགུའམ། སྐྱོགས་ཆུང་གིས་ཕོར་པ་བདུན་པོའི་ནང་དུ་རིམ་པར་ཁྲག་ཆུ་ཕྱར་ཞིང་། བྷྱོ་རཀྟ་ཁྲག་གི་རྒྱ་མཚོ་འཁྱིལ་བའི་ནང་། །སྣང་སྲིད་ཐམས་ཅད་རྦ་རླབས་ཀྱི་ལི་ལི། །མཁའ་དབྱིངས་མ་མོ་མཁའ་འགྲོ་མཆོད་པ་དང་། །འཕགས་མ་ལྷ་མོ་དཔོན་གཡོག་ཐུགས་དམ་བསྐང་། །ནད་བདག་དྲེགས་པའི་ཚོགས་རྣམས་ཚིམ་གྱུར་ཅིག །ཨ་ལ་

[Full Size]

ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །བློ་མ་ཧཱ་ཀཱ་ལི་ཧཱུྃ་བྷྱོ། རཀྟ་པི་པ་ཏོ་ཁཱ་ཧི། མདོས་དང་མདོས་མདུན་དུ་གཏོར་མ་བླུག་པ་དེ་དང་། ཁྲག་གི་ཕོར་པ་རྣམས་ནང་མཆོད་བདུད་རྩིས་བྲན་པའམ་ཐིགས་པ་རེ་བླུགས་ཤིང་། བྷྱོཿ རིན་ཆེན་ཨིནྡྲ་ནི་ལིའི་བུམ་པ་ནི། །འབྲུ་བཅུད་སྟོང་སྦྱར་ཛ་གད་དཔའ་བོས་གཏམས། །གཉིས་མེད་བྱང་ཆུབ་སེམས་ཀྱི་རང་བཞིན་མཆོག །འཐུང་བས་འཚོ་བའི་ལོངས་སྤྱོད་ཆེན་པོ་འདི། །འབུལ་ནི་ཡེ་ཤེས་མ་མོའི་ཚོགས་ལ་འབུལ། །བསྐང་ནི་མ་མོ་ཡོངས་ཀྱི་ཐུགས་དམ་བསྐང་། །ནད་བདག་དྲེགས་པའི་ཚོགས་རྣམས་ཚིམ་གྱུར་ཅིག །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །བློ་མ་ཧཱ་ཀཱ་ལི་ཧཱུྃ་ཧཱུྃ། ཛ་གད་ཁ་རཾ་ཁཱ་ཧི། བྷྱོཿ ལྷ་མོ་ནག་མོའི་གཙོར་བྱས་པའི། །མ་མོའི་རིགས་གྱུར་མ་ལུས་རྣམས། །ཁྱེད་ལ་མཆོད་པ་འབུལ་བ་ནི། །མེ་ཏོག་བདུག་སྤོས་མར་མེ་དྲི། །འདོད་ཡོན་སྣ་ཚོགས་མཆོད་པ་འབུལ། །ཁྱེད་ཀྱི་ཐུགས་དམ་བསྐང་གྱུར་ཅིག །ཐུགས་དམ་འགལ་བ་མཐོལ་ལོ་བཤགས། །ནད་རིམས་ཡམས་ནད་མི་མཐུན་ཕྱོགས། །ཐམས་ཅད་མ་མོས་

[Full Size]

བཟློག་ཏུ་གསོལ། །འབྲུམ་བུ་འཛུམ་དང་པརྱ་ཏ། །ཧུར་ཐུམ་ནད་རིམས་ཞི་བར་མཛོད། །རྒྱུ་གཟེར་འབྲས་གཟེར་གདུག་པ་ཅན། །མི་མཐུན་ནད་རྣམས་བཟློག་ཏུ་གསོལ། །མིག་སེར་གྲེ་འབྱར་གྲེ་ཐོར་སོགས། །མདའ་བརྒྱབ་ནད་ཀུན་ཞི་བར་མཛོད། །དཀར་ཁྲ་མ་རྨོས་བདུད་ཀྱི་གླང་། །མགོ་སྐོར་བྱེད་པའི་ནད་ཀུན་ཟློག ། གཟེར་ཐུང་མིད་དཀྱུས་དབུགས་འཐུམས་སོགས། །བསྡོངས་ཡའི་ནད་ཀུན་ཞི་བར་མཛོད། །གདུག་པ་དམར་བཤལ་སྲིན་གླང་སོགས། །སྐད་ཅིག་ནད་ཀུན་ཞི་བར་མཛོད། །ཡོང་ནད་འཐོར་བ་ནཱ་གས་སོགས། །ཤིན་ཏུ་མི་སྡུག་ནད་ཀུན་ཟློག །མདོར་ན་རིམས་ཀྱི་རིགས་གྱུར་དང་། །འཐོར་ནད་དུས་ནད་ནད་ངན་ཟློག །བྷྱོ་དེ་ཝི་ཀཱ་ལི་ནི་མུ་ཁྲད་ནན་ནས་ནི་ཨི་ཀི་ཡི། ཕུ་ཏ་བྷ། རཀྵ་བྷྱོ། མོ་ཁ་ཏྲད་ཧཱུྃ་ཧཱུྃ་བྷྱོ་ཟློག །དེ་ལྟར་སྨན་རཀ་གཏོར་གསུམ་དང་། །ནད་བཟློག་བཅས་པ་གཅིག་ཏུ་བརྩི། །རབ་ནི་བརྒྱའམ་དྲུག་ཅུ་ལྔ། །འབྲིང་ནི་ལོ་གྲངས་སམ་ཉེར་གཅིག །ཐ་མ་དགུ་འམ་བཅུ་གསུམ་དབུལ། །བསྡུས་དང་ཤིན་ཏུ་བསྡུས་པ་ལ། །གཏོར་ཆུང་གིས་ནི་མདོས་གསོ་ཞིང་། །ཁྲག་ཐིགས་བླུག་ཅིང་བདུད་རྩིས་བྲན། །དེ་ཡན་རྒྱས་བསྡུས་རིམ་པའོ། ༈ །སླར་ཡང་མཐེབ་སྐྱུས་གསོ་

[Full Size]

བྲན་བྱ། །མ་མོ་འབུམ་གྱི་རྒྱུད་ལུང་ལས། །སེམས་ཅན་དུས་མིན་འཆི་བ་དེ། །བསྐང་བའི་གནས་ལྔ་འདི་རྣམས་སོ། །ཧཱུྃ། སྣང་སྲིད་ཐམས་ཅད་ཡུམ་གྱི་བྷ་ག་སྟེ། །དུས་གསུམ་བདེ་གཤེགས་ཡུམ་གྱི་ཀློང་ནས་བསྐྱེད། །དབུས་ཀྱི་ཆེ་མཆོག་སྐུ་དང་གཉིས་མེད་བཞུགས། །མུ་མཐར་ཁྱབ་པའི་ཐུགས་དམ་བདག་བསྐངས་ན། །དབང་དང་དངོས་གྲུབ་མ་ལུས་བསྩལ་དུ་གསོལ། །ཤར་ཕྱོགས་རྡོ་རྗེ་རིགས་ཀྱི་གཙོ། །རྡོ་རྗེ་དབྱིངས་ཕྱུག་མི་ཕྱེད་མ། །བསྐང་ངོ་བསྐལ་པའི་ཐུགས་དམ་བསྐང་། །ལྷོ་ཕྱོགས་རིན་ཆེན་རིགས་ཀྱི་གཙོ། །རིན་ཆེན་དབྱིངས་ཕྱུག་མི་ཕྱེད་མ། །བསྐང་ངོ་བསྐལ་པའི་ཐུགས་དམ་བསྐང་། །ནུབ་ཕྱོགས་པདྨ་རིགས་ཀྱི་གཙོ། །པདྨ་དབྱིངས་ཕྱུག་མི་ཕྱེད་མ། །བསྐང་ངོ་བསྐལ་པའི་ཐུགས་དམ་བསྐང་། །བྱང་ཕྱོགས་ལས་ཀྱི་རིགས་ཀྱི་གཙོ། །ལས་ཀྱི་དབྱིངས་ཕྱུག་མི་ཕྱེད་མ། །བསྐང་ངོ་བསྐལ་པའི་ཐུགས་དམ་བསྐང་། །དབྱིངས་ཀྱི་མ་ཆེན་བརྒྱད་རྣམས་ཀྱང་། །བསྐང་ངོ་བསྐལ་པའི་ཐུགས་དམ་བསྐང་། །ཡུམ་གྱི་མ་མོ་བརྒྱད་རྣམས་ཀྱང་། །བསྐང་ངོ་བསྐལ་པའི་ཐུགས་དམ་བསྐང་། །བྷྱོ། རི་རབ་གླིང་བཞི་གླིང་ཕྲན་དང་། །འཇིག་རྟེན་

[Full Size]

འདས་པའི་དཀྱིལ་འཁོར་ནས། །མཁའ་འགྲོ་མ་དང་ཤུགས་འགྲོ་མ། །ཕྲ་མེན་མ་དང་རྒྱ་མཚོ་མ། །གཏིང་འགྲོ་མ་དང་མ་མོ་རྣམས། །དྲེགས་པ་ལྷ་སྲིན་ཕོ་མོའི་ཚོགས། །མ་ལུས་གནས་འདིར་གཤེགས་སུ་གསོལ། །ཧཱུྃ། བསྐལ་པ་མེ་ལྟར་འབར་བའི་དཀྱིལ་འཁོར་ནས། །དུར་ཁྲོད་ཆེན་པོ་རྩུབ་འགྱུར་ཚལ། །དུག་རླངས་སྤྲིན་ལྟར་འཁྲིགས་པའི་གཞལ་ཡས་ནས། །ཐོད་མཁར་འབར་བའི་མངའ་བདག་མོ། །གདུག་པའི་བཙུན་མོ་མི་ཟད་མ། །མ་མོ་ནག་མོ་ཁྲོ་ཚུལ་ཅན། །རེ་ཏི་ནག་མོ་སྲོག་གི་ཤན་པ་མོ། །ཙན་ཏེ་ཀ་ཏེ་འབར་བའི་གདོང་པ་ཅན། །རིམས་དང་ཡམས་ཀྱི་ནད་བདག་མོ། །བསྐང་ངོ་བསྐལ་པའི་ཐུགས་དམ་བསྐང་། །ཤན་པ་ཕོ་མོ་རོ་ལངས་ཚོགས། །འཁོར་དུ་གཏོགས་པ་ཁྱེད་རྣམས་ལ། །མདོས་དང་གླུད་འབུལ་ཉམས་ཆག་བསྐང་། །རིན་ཆེན་རྣམ་ལྔའི་ཚོགས་བཀྲམ་ནས། །ཚོགས་དང་གཏོར་མ་རཀྟ་དང་། །སྨན་དང་བདུད་རྩིའི་མཆོད་པས་ཀྱང་། །ཁྱེད་ཀྱི་ཐུགས་དམ་གཉན་པོ་བསྐང་། །སྲོག་ཆགས་ནག་མོ་བདུད་འབུམ་དང་། །གཅན་གཟན་ཅེ་སྤྱང་ཚོགས་རྣམས་ཀྱིས། །ལྷ་མོ་ཁྱོད་ཀྱི་

[Full Size]

ཐུགས་དམ་བསྐང་། །མདོས་དང་གླུད་ལོངས་རྐྱེན་དབང་ཟློག །འཁོར་སྲུངས་མདོས་དང་ཟོར་ཁ་ཆིངས། །གདུག་པའི་དབལ་ཁ་དགྲ་ལ་སྟོན། །མདོས་འཕྱོང་དེ་ཉིད་དུག་རླང་ཁོལ་མའི་རྒྱུད་ཚིག་གོ། བྷྱོཿ སྔོན་ཚེ་སྟོང་པའི་གླིང་རུམ་ནས། །སྒོ་ངའི་ནང་ནས་བྱ་མོ་དང་། །ལྷ་མོ་ནག་མོ་སྤྱན་དུ་འཁྲུངས། །བྱ་མོ་ལྷ་མོ་འབྲལ་བ་མེད། །བྱ་སྐད་རུ་ལུས་ལྷ་མོ་མཉེས། །མ་འོངས་མཉམ་དུ་རྫོགས་སངས་རྒྱས། །ད་ལྟ་ལྷ་མོ་བསྐང་བའི་རྫས། །འབྲུ་སྣ་ལས་བྱས་བྱ་མོ་འདི། །མདོག་ནག་དུང་གི་ཕྲ་ཡིས་བརྒྱན། །པདྨ་རཱ་གའི་ཟེ་བ་ཊྛེམཆུ། དར་ནག་བརྗིད་ཆེན་རིན་ཆེན་བརྒྱན། །རང་འདྲའི་སྤྲུལ་པ་འབུམ་ཕྲག་འགྱེད། །སྤྱན་ལ་མཛེས་ཤིང་ཐུགས་ལ་གཅེས། །ལྷ་མོ་འཁོར་བཅས་བྱ་འདི་བཞེས། །ཐུགས་དམ་བསྐང་ལ་རྐྱེན་ངན་ཟློག །ཤེལ་སྒོང་ནག་པོ་སྤྱི་དཀར་དང་། །སྐུ་ལུས་མུན་པ་གཏིབས་པ་འདྲ། །འཁྱིལ་བའི་རྭ་ལ་ཆུ་རིས་བཀྲ། །གསེར་གྱི་སྤྱན་མིག་འོད་དུ་འབར། །འབའ་སྐད་ལྷང་ལྷང་ལྷ་མོ་དགྱེས། །དར་ནག་རྒྱན་བཏགས་མར་གྱིས་བྱུག །མ་མོ་རྣམས་ཀྱི་མཐུན་རྫས་བཞེས། །ཐུགས་དམ་བསྐང་ལ་རྐྱེན་རྣམས་ཟློག །དེ་

[Full Size]

མོ་ནག་མོའི་སྒོ་ང་འདི། །ཡིད་བཞིན་ནོར་བུ་བསམ་འཕེལ་འདྲ། །དཔལ་ལྡན་ལྷ་མོ་དཔོན་གཡོག་གི །ཐུགས་ལ་གཅེས་ཤིང་ཁམས་ལ་ཟན། །མ་ཡི་མདུན་དུ་བུ་སྡུག་འདྲ། །མ་མོ་འཁོར་བཅས་ཐུགས་དམ་བསྐང་། །ཐུགས་དམ་བསྐང་ལ་རྐྱེན་ངན་ཟློག །བྷྱོཿ མ་མོ་བདུད་མོའི་ཚོགས་རྣམས་ལ། །མཐུན་རྫས་རིན་ཆེན་སྨན་ལེབ་འབུལ། །སྨན་ལེབ་ཟླུམ་པོ་སྤྲོས་དང་བྲལ། །སྨན་ལེབ་བརྩེགས་མ་ཐབས་ཤེས་ཚུལ། །དབུས་མ་འབུར་བས་ཡོན་ཏན་རྒྱས། །རྩེ་མོ་ཟུར་གསུམ་སྐུ་གསུང་ཐུགས། །འོད་འབར་ནད་ཞི་སྡུག་བསྔལ་སེལ། །མ་མོ་རྣམས་ཀྱི་ཐུགས་དམ་བསྐང་། །ཐུགས་དམ་བསྐང་ལ་རྐྱེན་ངན་ཟློག །བྷྱོཿ མ་གཅིག་ལྷ་མོ་རྣལ་འབྱོར་མ། །ཐུགས་ནི་སྣང་སྲིད་ཀུན་ལ་གསལ། །ཕྲིན་ལས་རྣལ་འབྱོར་དོན་ལ་དགོངས། །སྐུ་མདོག་མ་ངེས་སྣ་ཚོགས་ཅིར་ཡང་སྟོན། །མ་ལ་ནམ་མཁའ་ཁྲ་བོ་འདི་ཕུལ་བས། །མ་གཅིག་ཐུགས་དམ་དབྱིངས་ནས་བསྐང་གྱུར་ཅིག །འཕྲུལ་གྱི་མདའ་བཀྲ་སྒྲོ་བསྒྲོན་མདེལ་གྱིས་མཐུད། །དར་ཚོན་རྒྱུན་ལྡན་སྐྱེས་པ་ཕོ་ཡི་གླུད། །སྐྱེས་པ་དཔལ་རྩལ་ལྡན་པར་བྱིན་བརླབས་

[Full Size]

ནས། །གཅིག་ལས་བརྒྱ་སྟོང་དུ་མའི་སྤྲུལ་པ་འཕྲོ། །མ་མོ་རྣམས་ལ་དགྱེས་སྡེའི་གྲོགས་སུ་འབུལ། །ཕོ་བདུད་དལ་ཁ་ཐམས་ཅད་གཡས་སུ་སྒྱུར། །འཕྲུལ་གྱི་འཕང་བཀྲ་རིན་ཆེན་མོ་ལུས་བརྒྱན། །ཚོན་སྐུད་ལྔ་དཀྲིས་ཟ་མ་མོ་ཡི་གླུད། །མོ་བཙུན་མཛེས་མར་བྱིན་གྱིས་བརླབས་པ་ནས། །གཅིག་ལས་སྤྲུལ་པ་བྱེ་བ་དུང་ཕྱུར་འཕྲོ། །མ་མོ་རྣམས་ལ་མཐུན་རྫས་བྲན་དུ་འབུལ། །མོ་བདུད་དལ་ཁ་ཐམས་ཅད་གཡོན་དུ་སྒྱུར། །བྷྱོཿ བདུད་མོ་ནག་མོ་རེ་མ་ཏི། །ཕྱག་ན་བདུད་ཀྱི་ཁྲབ་བམ་བསྣམས། །སྲོག་དབུགས་བསྡུས་པའི་མི་རྣམས་ལས། །སང་ཕོད་དུས་སུ་སུ་འཆི་བ། །ད་ལོ་ཁྱོད་ཀྱིས་ཁྲམ་ལ་འདེབས། །དཔྱིད་ཀྱི་རོལ་པོ་ཁ་ནག་དང་། །དབྱར་གྱི་ཤིང་ལོ་ལྷབ་ལྷུབ་དང་། །སྟོན་གྱི་སྤང་པོ་ཁ་སེར་དང་། །དགུན་གྱི་འཁྱག་པ་ཆལ་ཆོལ་ཏེ། །མི་ཡི་བདུད་གཅོད་དུས་བཞི་ལ། །བདག་དང་བསྲུང་བྱ་ཡོན་བདག་འདི། །གལ་ཏེ་ཁྲམ་ལ་བཏབ་སྲིད་ན།། མདོས་གླུད་ཁྲམ་ཤིང་འདི་བཞེས་ལ། །བདུད་ཀྱི་ཁྲམ་ཁ་ད་ཕྱེས་ཤིག །མ་གཅིག་ཁྱོད་ཀྱི་མཆན་ཁུང་ན། །རྩིས་ཀྱི་བྱང་བུ་དམར་པོ་འཛིན། །སང་ཕོད་ད་ཚོད་སུ་འཆི་བ། །

[Full Size]

ད་ལོ་བྱང་དམར་ངོས་ལ་བྲི། །བདག་དང་རྒྱུ་སྦྱོར་ཡོན་བདག་འདི། །རྩིས་སུ་བཅུག་ན་རྩིས་ལས་ཕྱུངས། །བྱང་དམར་ངོས་ལ་བྲིས་པ་ཁྲུས། །ཞིང་བཅུ་བསྟན་པའི་སྤྱི་དགྲ་རྣམས། །ཁྲམ་ལ་ཐོབ་ལ་བྱང་བུར་བྲིས། །མཉམ་གཉིས་རྗེས་ལ་མཚུངས་གཉིས་བཟུར། །མ་གཅིག་ཁྱོད་ཀྱི་མཆན་ཁུང་དུ། །ཚོན་གྱི་གྲུ་གུ་ཁྲ་གསུམ་བསྣམས། །གང་ལ་བཏབ་པ་ཤོར་མི་སྲིད། །བདག་དང་ཡོན་གྱི་བདག་པོ་ལ། །ཚོན་གྲུ་བརྐྱང་པ་མི་སྲིད་ཀྱི། །གལ་ཏེ་ཚོན་གྲུ་བརྐྱངས་ན་ཡང་། །མདོས་གླུད་ཚོན་གྲུ་འདི་བཞེས་ལ། །ཚོན་གྱི་གྲུ་གུ་མྱུར་དུ་སྡུས། །བྱམས་པའི་ཐུགས་ཀྱིས་དགོངས་པར་མཛོད། །བྷྱོཿ མདོས་ཆེན་རི་རབ་གླིང་བཞིའི་གཟུགས། །རིགས་ལྔའི་ཕྱག་མཚན་བརྒྱན་པ་འདི། །ཡེ་ཤེས་མ་མོ་མཉེས་པའི་རྫ་ས། །བྱ་ནག་མང་པོས་གཙོར་བྱས་པའི། །འདབ་ཆགས་མང་པོའི་གཟུགས་བརྙན་བཀོད། །ལས་ཀྱི་མ་མོ་མཉེས་པའི་རྫས། །ལུག་ནག་མང་པོས་གཙོར་བྱས་པའི། །སྐྱེ་འགྲོ་སྣ་ཚོགས་གཟུགས་བཀོད་པ། །འཇིག་རྟེན་མ་མོ་མཉེས་པའི་རྫས། །རི་རབ་བང་རིམ་ཐ་མ་ལ། །ཅུང་དམར་སྲིན་མོའི་འགྲོས་སུ་

[Full Size]

བཀོད། །སྲིན་མོ་དྲུག་ཅུ་རྩ་བཞི་དང་། །མ་ཚོགས་དབང་ཕྱུག་མཉེས་པའི་རྫས། །མཉེས་པའི་རྫས་ཀྱིས་ཐུགས་དམ་བསྐང་། །ཆག་ཆེན་ཉམ་ང་བཟློག་ཏུ་གསོལ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །གསང་སྔགས་དར་ཀྱང་དམ་ཚིག་གཡེལ། །ཕལ་ཆེར་ནག་པོའི་ཕྱོགས་ལ་སྤྱོད། །དེ་ཚེ་ལྷ་མོ་དཔོན་གཡོག་འཁྲུག །འགལ་རྐྱེན་བར་ཆད་ཅི་ཡང་འབྱུང། །བདག་དང་རྒྱུ་སྦྱོར་ཡོན་བདག་གི །འཁོར་བ་ཐོག་མ་མེད་པ་ནས། །ཐ་མ་ད་ལྟ་ཡན་ཆད་དུ། །རང་བཞིན་ཁ་ན་མ་ཐོའི་ལས། །མི་དགེ་བཅུ་དང་མཚམས་མེད་ལྔ། །ལོག་པ་བརྒྱད་དང་ལྕི་བ་བཞི། །གང་བགྱིས་ཐམས་ཅད་མཐོལ་ལོ་བཤགས། །བཅས་པའི་ཁ་ན་མ་ཐོ་བ། །སོ་སོར་ཐར་དང་བྱང་ཆུབ་སེམས། །རིག་འཛིན་སྔགས་ཀྱི་དམ་ཚིག་ལ། །ཉེས་ལྟུང་ཉམས་ཆག་གང་བྱུང་བཤགས། །བོང་བུར་མ་བྱམས་སྐྱོན་བཏགས་བརྡུངས། །མེ་དང་ནེའུ་ལེར་མ་བསྟོད་སྨད། །ཞིང་ལྤགས་རྨ་བྱའི་མདོངས་མ་འཆང། །འཚུབ་མའི་སྐེད་བཅས་རྒྱབ་རྟེན་སྨད། །གོས་སར་ཆགས་པ་མ་སྤྱད་སོགས། །རྗེ་མོའི་ཐུགས་དང་གང་འགལ་བཤགས། །ནལ་མ་ནལ་ཕྲུག་མ་བྱམས་སྡང་། །

[Full Size]

ཤིང་ལོ་རླུང་ཁྱེར་མ་བཟུང་དང་། །རྡོ་སོལ་རྙེད་ནས་ཆུ་ལ་བསྐྱུར། །ཁ་འཕྲོ་བསྲེས་དང་ཕྲེང་བར་རེག །ཁོལ་མོའི་ཐུགས་དང་གང་འགལ་བཤགས། །མདོར་ན་མ་རིགས་འཁྲུལ་དབང་གིས། །ཐུགས་དང་འགལ་བར་སླ་བ་སྟེ། །བསྟེན་པར་དཀའ་ཕྱིར་བསྟེན་དཀའ་མ། །བསྟེན་དཀའ་མ་དང་གང་འགལ་བཤགས། །བཅོས་ན་སླ་ཕྱིར་བཅོས་སླ་མ། །མ་མོ་ཁྲོས་ཤིང་འཁྲུག་པ་བཅོས། །བསྐང་ན་བསྐང་བར་འགྱུར་བའི་ཕྱིར། །བསྐང་འགྱུར་རྒྱལ་མོའི་ཐུགས་དམ་བསྐང་། །ཨོཾ་ས་མ་ཡ། ས་མ་ཡ། ཧཱུྃ་ས་མ་ཡ། བྷྱོ་མ་ཧཱ་ཀཱ་ལི་ཧཱུྃ་བྷྱོ། བཛྲ་སཏཱ་ས་མ་ཡ་སོགས་ཡིག་བརྒྱ་བཟླ། ངར་གླུད་མར་མེ་གསུམ་བཅས་བྲན་ལ། བྷྱོཿ སྲིད་པའི་རྒྱལ་མོ་དཔོན་གཡོག་དང་། །ནད་བདག་འབྱུང་པོ་དྲེགས་པའི་ཚོགས། །ཐམས་ཅད་བདག་ལ་ཚུར་གསོན་དང་། །བདག་དང་རྒྱུ་སྦྱོར་ཡོན་བདག་གི །གཟུགས་ནི་ལྦུ་བ་རྡོལ་དང་འདྲ། །ཆུ་ཤིང་བཞིན་དུ་སྙིང་པོ་མེད། །ངག་ནི་སྟོང་པ་བྲག་ཅ་འདྲ། །ཡིད་ནི་འཁྲུལ་པ་སྨིག་སྒྱུ་བཞིན། །ཁོག་སྟོད་སྣབ་ལུད་ཆུ་སེར་རྣག །ཁོག་སྨད་གཅིན་སྟུག་དྲི་ཆུས་གང་། །སྲིན་འབུ་སུམ་བརྒྱ་དྲུག་

[Full Size]

ཅུ་གནས། །མི་གཙང་རྐྱལ་པ་སྐྱུག་རེ་བྲོ། །རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ནས། །སྔགས་དང་ཕྱག་རྒྱས་བྱིན་བརླབ་པའི། །འབྲུ་མཆོག་ངར་གྱི་མི་བོ་ཆེ། །ཕུང་ཁམས་སྐྱེ་མཆེད་ཡོངས་སུ་རྫོགས། །མི་བས་གླུད་བཟང་ལྷ་ཕྲུག་འདྲ། །གཅིག་ལས་བྱེ་བ་བརྒྱ་སྟོང་འཕྲོ། །མ་གཅིག་ལྷ་མོ་དཔོན་གཡོག་གི །འཁོར་དང་ཡང་གཡོག་བྲན་གྱི་ཚུལ། །བགེགས་རྒྱལ་ཁམས་གསུམ་བདག་པོ་དང་། །སྤྲིན་གྱི་སྒྲོན་མ་རྡོ་རྗེའི་མཆུ། །།བྱི་ན་ཊྛིཡ་ཀས་གཙོར་བྱས་པའི། །བགེགས་རིགས་སྟོང་ཕྲག་བརྒྱད་ཅུ་དང་། །བདུད་དང་བཙན་དང་དམུ་ལ་སོགས། །ལྷ་སྲིན་ནད་བདག་དྲེགས་པའི་ཚོགས། །ལན་ཆགས་བདག་པོ་ཐམས་ཅད་ལ། །མཐུན་རྫས་ངར་གྱི་མི་ཆེན་འབུལ། །བཅོམ་ལྡན་འདས་ཀྱིས་བྱིན་རླབས་པའི། །ཟན་གྱི་ཆངས་བུ་སོར་རྗེས་ཅན། །སྒང་ལྔ་འདོད་ཡོན་ལྔ་དང་ལྡན། །གཤོང་དྲུག་རིགས་དྲུག་འགྲོ་རྣམས་ཚིམས། །འབུར་ཆུང་བཅུ་གཉིས་ལྡན་པ་ནི། །ལོ་སྐོར་བཅུ་གཉིས་བར་གྱི་གླུད། །ལན་ཆགས་བདག་པོ་རྣམས་ལ་འབུལ། །དགའ་མགུ་

[Full Size]

ཡི་རང་ལྡན་གྱུར་ནས། །ལན་ཆགས་བུ་ལོན་བྱང་གྱུར་ཅིག །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། གསུམ་མམ་བདུན་བརྗོད། སྐུ་གསུང་ཐུགས་ལ་མར་མེ་གསུམ། །སྐུ་ཡི་མར་མེ་འོད་ཟེར་འཕྲོ། །གསུང་གི་མར་མེ་ཆགས་དང་ལྡན། །ཐུགས་ཀྱི་མར་མེ་རྒྱན་དུ་ཆེ། །བདག་དང་རྒྱུ་སྦྱོར་ཡོན་བདག་གི །ལུས་ངག་ཡིད་གསུམ་གླུད་དུ་འབུལ། །ལན་ཆགས་མགྲོན་དུ་གྱུར་རྣམས་ཀྱི། །མ་རིག་མུན་པ་སངས་གྱུར་ཅིག །དེ་ནས་ཤྭ་གཞིའི་སྟེང་དུ་ལྷ་གཟུགས་འདྲེ་གཟུགས་གྲྭ་དང་རྡེའུ་རྣམས་བྲན་ལ། བྷྱོ། སྲིད་པ་ལས་ལ་གྲུབ་པ་ཡི། །ལྷ་ཐང་ལྷ་མཁར་དཀར་པོའི་རྩེར། །ལྷ་གཅིག་བཞུགས་པ་ལྷན་སྐྱེས་ལྷ། །ལྷ་ཕྲན་མང་པོའི་འཁོར་གྱིས་བསྐོར། །འབྲང་རྒྱས་ཕྱེད་དཀར་འདི་བཞེས་ལ། །ལྷ་ཡི་ཁ་འཛིན་མ་ཆུང་ཞིག །ལྷ་འདྲེའི་འདུན་ས་ད་ཤིག་ཅིག །འདྲེ་ཐང་འདྲེ་མཁར་ནག་པོའི་རྩེར། །འདྲེ་གཅིག་ཡོད་པ་ལྷན་སྐྱེས་འདྲེ། །འདྲེ་ཕྲན་མང་པོའི་འཁོར་གྱིས་བསྐོར། །འབྲང་རྒྱས་ཕྱེད་ནག་འདི་བཞེས་ལ། །འདྲེ་ཡི་གདུག་པ་མ་སྟོན་ཅིག །ལྷ་འདྲེའི་འདུན་ས་ད་ཤིག་ཅིག །ཨ་ཏྲི་པྲ་ཝེ་ཤ་ཡ་ཕཊ། འབྲང་རྒྱས་བགོས་ལ་

[Full Size]

དཀར་ནག་ལྷ་འདྲེ་སོ་སོའི་མདུན་དུ་བཞག །ཤྭ་དཀར་ནག་སྒྲིལ་བཅུག་ཅིང་། བྷྱོ། མ་གཅིག་ལྷ་མོའི་ཐུགས་སྤྲུལ་ནི། །དཀར་མོ་རལ་གཅིག་བྱ་ར་མཁན། །སྐུ་ལ་དར་དཀར་གོ་ཟུ་གསོལ། །དབུ་ལ་དར་དཀར་ཆེ་ཞུ་གསོལ། །ཕྱག་ན་ཤཱ་རྡེལ་དཀར་པོ་བརྩི། །མདོས་དང་གཏོར་མ་འདི་བཞེས་ལ། །དོ་ནུབ་ལྷ་ཤྭ་དཀར་པོ་བཀྱེས། །དྲང་མཁན་ནམ་མཁའི་དབྱིངས་ནས་བཞེངས། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་སྲུང་མས་དྲང་མཁན་མཛོད། །དཀོན་མཆོག་གསུམ་དང་རྩ་བ་གསུམ། །ཆོས་ཉིད་རྟེན་འབྲེལ་བདེན་སྟོབས་ཀྱིས། །ནག་པོའི་ཕྱོགས་རྣམས་ཕམ་པ་དང་། །དཀར་ཕྱོགས་ལྷ་རྣམས་རྒྱལ་གྱུར་ཅིག །གཡུ་འབྲུག་གངས་སེང་རྒོད་གླག་དང་། །རྒྱ་སྟག་བུ་ཆུང་ཁྱི་རྒོད་རྣམས། །རལ་པ་ཅན་གྱིས་ཤཱ་དཔོན་མཛོད། །བདུད་མོ་ནག་མོ་མི་ཟན་མ། །སྐུ་ནི་མི་ལ་ཐུགས་ནི་བདུད། །མདོག་ནག་མུན་པའི་གོ་ཟུ་གསོལ། །ཕྱག་ན་ཤཱ་རྡེལ་ནག་པོ་བརྩི། །ཁྱོད་ལ་ངར་མི་གླུད་གཏོར་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །ཤྭ་ལ་བབ་ན་བརྗེ་བར་མཛོད། །རྩིས་ལ་བབ་ན་རྩིས་ལས་ཕྱུང་། །ཨོཾ་དེ་ཝ་པཉྩ་པུཥྚིཾ་

[Full Size]

རུ་ཡེ་སྭ་ཧཱ། ཤཱ་འཕང་ལ། རོལ་མོ་དང་བཅས་ཀུན་གྱིས་ལྷ་རྒྱལ་ལོ། །ཞེས་བརྗོད། བྷྱོཿ སྣང་སྲིད་འཇིག་རྟེན་ཁམས་འདི་ན། །དབང་ཆེན་འདོད་ཁམས་དབང་ཕྱུག་མ། །མ་མོ་འཁོར་བཅས་བདག་ལ་གསོན། །ཁྱེད་ཅག་མཉེས་པས་ཤྭ་ཕམ་ཞིང་། །བདག་དང་ཡོན་བདག་རྒྱལ་ལ་གཟིགས། །རྒྱན་གཞི་བཏིང་བ་ད་སྡུས་ལ། །ཁྲམ་ལ་བཏབ་པའི་རི་མོ་ཕྱེས། །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཁྱོག །ཆད་པ་མཐུད་ལ་ཡོ་བ་སྲོངས། །ཁྱེད་རྣམས་ལེགས་ཉེས་སྟངས་འཛིན་ཡིན། །དེ་ཕྱིར་བདག་དང་ཡོན་བདག་རྣམས། །ནད་མེད་བདེ་སྐྱིད་ལྡན་པ་དང་། །བཀྲ་ཤིས་བདེ་ལེགས་རྒྱས་པར་མཛོད། །རྡེལ་ནག་རྣམས་ནི་ཡོན་བདག་གིས། །ཁྲག་ཕོར་ནང་དུ་འཕེན་དུ་བཅུག །རྡེལ་དཀར་གནམ་དུ་གཏོར་བཅུག་ལ། །ལྷ་གཟུགས་འབྲང་རྒྱས་དཀར་པོ་ནི། །ཁང་པའི་སྟེང་དུ་བཞག་པའམ། །འབྲོག་པས་རྒྱབ་རི་བཟང་སར་བསྐྱལ། །འདྲེ་གཟུགས་འབྲང་རྒྱས་ནག་པོ་གཉིས། །འདྲེ་ལྔ་བདུད་གཅོད་གནས་ཕྱོགས་སམ། །ཡང་ན་ལོ་བདུད་ཕྱོགས་སུ་བསྐྱལ། །དེ་ནས་ཁྲག་གི་ཕོར་པ་རྣམས། །མདོས་མདུན་སྣོད་ཀྱི་ནང་དུ་བླུགས། །སླར་ཡང་ཕོར་པ་རང་མལ་བཞག །ཁྲག་གམ་ཁྲག་ཆུས་བཀང་བྱས་ཏེ། །བདུད་རྩིས་

[Full Size]

བྲན་ཏེ་བཞག་པར་བྱ། །ཁྲག་ལུང་ཁྲག་གི་འཕྱོང་འདི་འདོན། བྷྱོཿ སྔོན་གྱི་བསྐལ་པའི་དང་པོ་ལ། །འཛམ་གླིང་ལྷོ་ཕྱོགས་དུར་ཁྲོད་ན། །ལྷ་ཆེན་མ་ཧཱ་དེ་ཝ་དེས། །དྲང་སྲོང་ཆེན་པོའི་དཀའ་ཐུབ་མཛད། །ཤང་དཀར་བདེ་བྱེད་ཅེས་སུ་གྲགས། །ལྷ་ཡི་དབང་པོ་བརྒྱ་བྱིན་གྱིས། །ལྷ་མོ་ཨུ་མ་གཡོག་ཏུ་མངགས། །དཀའ་ཐུབ་བཟློག་ཕྱིར་བཀའ་བཟློག་མ། །བུ་ཚ་བུ་མོ་གཉིས་བྱུང་བ། །མིང་པོ་ལེགས་ལྡན་ཐོད་ཕྲེང་ཅན། །སྲིང་མོ་ལྷ་མོ་དུང་སྐྱོང་མ། །ཤ་ཁྲག་རྐན་མར་བྱིན་ནས་གསོས། །དེ་ཕྱིར་ལྷ་མོ་ཁྲག་ལ་དགྱེས། །དམར་ཆེན་ཁྲག་གི་དྲི་ཚོར་ནས། །མཚན་མོ་གཅིག་ལ་དཔག་ཚད་ཡང་། །བརྒྱད་ཁྲི་བཞི་སྟོང་ཁྱབ་པར་རྒྱུག །ནུ་མའི་གཡབ་མོ་རྡེབ་ཅིང་འགྲོ། །དཔལ་ལྡན་ལྷ་མོ་ཁྲག་དགའ་མ། ཁྲག་དགའ་མ་ཁྱོད་ཁྲག་གིས་མཆོད། །སྔགས་འཆང་དགོས་པའི་ཕྲིན་ལས་སྒྲུབས། །དེ་ནས་རི་རབ་རི་ཡི་རྩེ། །དཔག་བསམ་ཤིང་གི་འབྲས་བུ་ལ། །ལྷ་དང་ལྷ་མིན་འཐབ་པའི་ཚེ། །ལྷ་མིན་ཁྲག་གི་ཐིགས་རེ་ལ། །དམག་ཚོགས་ཁྲི་ཕྲག་ཡར་ལ་འཕེལ། །ལྷ་ཡི་ཁྲག་ལ་ནུས་པ་མེད། །དེ་ཕྱིར་ལྷ་ཕམ་ལྷ་མིན་རྒྱལ། །རྣམ་པར་རྒྱལ་བའི་ཁང་

[Full Size]

བཟང་ཡང་། །ལྷ་མ་ཡིན་ལ་ཤོར་ལ་ཁད། །དེ་ཚེ་ལྷ་ཡི་དམག་དཔོན་ལ། །མ་མགོན་ལྕམ་དྲལ་གཉིས་པོ་བསྐོས། །དཔལ་ལྡན་ལྷ་མོའི་ཕྱག་གཡས་ན། །རལ་གྲི་མེ་ཡི་ཕྲེང་བ་འཕྱང་། །ཧེ་ར་ཀེ་དུའི་མགོ་བོ་བཅད། །ཕྱག་གཡོན་སྲིན་པོའི་ཐོད་པ་བསྣམས། །ལྷ་མིན་ཁྲག་རྣམས་བཅུས་ཤིང་གསོལ། །ཁྲག་རྣམས་སྐམ་པའི་ཁྲག་སྐེམ་མ། །ཁྲག་སྐམ་ལྷ་མིན་དམག་མ་འཕེལ། །ནག་ཕྱོགས་ལྷ་མིན་གཡུལ་ངོ་ཟློག །དཀར་པོ་ལྷ་ཡི་རྒྱལ་སྲིད་དར། །དཔག་བསམ་ཤིང་གི་བདག་མོར་བསྐོས། །སྔོན་དུས་སྲིད་པ་དེ་བཞིན་དུ། །དགྲ་དང་བགེགས་ཀྱི་སྙིང་ཁྲག་ལ། །དམིགས་པའི་དམར་ཆེན་ཁྲག་མཆོད་འབུལ། །བདག་དང་རྒྱུ་སྦྱོར་ཡོན་བདག་དང་། །གནོད་པའི་ནད་གདོན་གཡུལ་ངོ་ཟློག །ནད་མེད་བདེ་སྐྱིད་ལྡན་པར་མཛོད། །དཔལ་ལྡན་ལྷ་མོ་ཁྲག་ལ་དགྱེས། །ཁྲག་གི་དྲི་མ་བསྣམས་ཤིང་བྱོན། །སྲིན་པོ་གནས་པའི་ཕུག་པ་ན། །སྲིན་རྒན་དྷ་ཤ་གྷི་ཝ་དེས། །ཁྲག་རུལ་ཟངས་གང་ཁྲག་ཆང་བཀོལ། །ལྷ་མོས་ཁྲག་ཆང་གསོལ་བས་མྱོས། །རྟག་ཏུ་སྤྱན་རྩ་དམར་པོར་གྱུར། །གཟིགས་པས་འབྱུང་པོ་ཀུན་ཀྱང་

[Full Size]

སྔངས། །སྲིན་པོས་ཤ་ཁྲག་ཕུལ་བས་མཉེས། །དྷ་ཤ་གྷི་ཝའི་མཛའ་མོ་མཛད། །སྔོན་དུས་སྲིད་པ་དེ་བཞིན་དུ། །བདག་གིས་ཁྲག་རུལ་ཁྲག་ཆང་འབུལ། །ཕྲིན་ལས་འགྲུབ་པའི་སྡོང་གྲོགས་མཛོད། །སྲིད་པ་མོ་རྒྱུད་མ་མོའི་ཚོགས། །ཁྲག་སྣ་གཙང་མས་མཆོད་ན་མཉེས། །མཐུན་པའི་དམ་རྫས་རཀྟ་འབུལ། །སྲིད་པའི་དལ་ཁ་བཟློག་ཏུ་གསོལ། །བྷྱོ། མ་གཅིག་དཔལ་ལྡན་རེ་མ་ཏི། །ཁྱོད་ཀྱི་སྤྲུལ་པས་གར་ཡང་ཁྱབ། །རི་རབ་གླིང་བཞིའི་ཕྱོགས་བཞི་ནས། །དངུལ་གསེར་ཟངས་དང་ལྕགས་ཀྱི་མཚོ། །དེར་གནས་ནད་བདག་མ་མོ་བཞི། །རྟ་དྲེལ་མཛོ་དང་འབྲི་ཞོན་པའི། །ཚོང་པ་དཔལ་མ་བརྒྱ་ཕྲག་བཞི། །དངུལ་གསེར་ཟངས་དང་ལྕགས་ཕྱེ་ཡིས། །ཚོང་ཟོག་མང་པོ་ཚོང་པར་སྤྲུལ། །རླུང་མཁྲིས་བད་ཀན་འདུས་པ་ཡི། །ནད་རིམས་མང་པོ་མཆེད་པར་བྱེད། །ནད་བདག་མཆེད་བཞི་འཁོར་བཅས་ལ། །དམར་ཆེན་རཀྟས་མཆོད་པ་འབུལ། །ཚོང་ཟོག་མི་ཉོ་ཕར་ལ་ཁྱེར། །དཀར་མོ་སེར་མོ་དམར་མོ་དང་། །ནག་མོ་སྟོང་སྡེའི་རིམས་ཁ་ཟློག །ནད་ཁ་མི་འཚལ་མ་མོས་བཞེས། །རིམས་ཁ་མི་འཚལ་མ་མོས་བཞེས། །

[Full Size]

བྱུང་ཡང་ཞལ་གྱི་ངད་ལས་བྱུང་། །ད་ནི་བྷ་གའི་ཀློང་དུ་ཐིམ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །ཕས་ཟེར་བུ་ཡིས་མི་ཉན་དུས། །གསང་སྔགས་བོན་དུ་གྱེར་བའི་དུས། །རྣལ་འབྱོར་གྲོང་བསྙེན་བྱེད་པའི་དུས། །སྡེ་འཁྲུག་ནང་དམེ་བྱེད་པའི་དུས། །བཙུན་པས་འདུལ་ཁྲིམས་མི་བསྲུང་དུས། །སྔགས་པས་དམ་ཚིག་མི་བསྲུང་དུས། །གཙུག་ལག་ཆོས་འཁོར་བཤིགས་པའི་དུས། །མ་མོ་ནག་མོ་ཐུགས་ཁྲོས་ནས། །རྒྱ་མཚོའི་གཏིང་ནས་སྐུར་བཞེངས་ཏེ། །རི་རབ་རྩེ་ལ་བཏེགས་བྱས་ནས། །བར་སྣང་ཁམས་སུ་ཐལ་མོ་བརྡབ། །ནད་ཀྱི་ཁ་རླངས་ནག་པོ་བཏང་། །ནད་ཀྱི་ན་བུན་སྤྲིན་ལྟར་འཁྲིགས། །བུད་མེད་ནག་མོས་སྟོང་ཁམས་གང་། །ཁྲག་ནད་རྒྱུ་གཟེར་འབྲུམ་ནད་བཏང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །ཁྲག་ཀྱང་མ་མོ་ཁྱོད་ཀྱི་ཁྲག །སྤྱི་བདུད་ནད་ཀྱི་ཁ་ལོ་སྒྱུར། །དམར་ཆེན་རཀྟའི་མཆོད་པ་འབུལ།། བསྐང་ངོ་བསྐལ་པའི་ཐུགས་དམ་བསྐང་། །འཁྲུག་པའི་མ་མོའི་ཐུགས་དམ་བསྐང་། །ཐུགས་དམ་བསྐང་བའི་བྱིན་རླབས་ཀྱིས། །བདག་ཅག་རྣལ་འབྱོར་འཁོར་

[Full Size]

བཅས་ཀྱི། །ནད་ཁ་ཆོད་ལ་རིམས་ཁ་སྒྱུར། །ཁྲམ་ཁ་ཕྱེས་ལ་ཤྭ་རྡེལ་སྤོས། །ནད་གདོན་བར་ཆད་བསྒྱུར་དུ་གསོལ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །ཕས་ཟེར་བུ་ཡིས་མི་ཉན་དུས། །གསང་སྔགས་བོན་དུ་གྱེར་བའི་དུས། །རྣལ་འབྱོར་གྲོང་བསྙེན་བྱེད་པའི་དུས། །སྡེ་འཁྲུག་ནང་དམེ་བྱེད་པའི་དུས། །བཙུན་པས་འདུལ་ཁྲིམས་མི་བསྲུང་དུས། །སྔགས་པས་དམ་ཚིག་མི་བསྲུང་དུས། །གཙུག་ལག་ཆོས་འཁོར་བཤིགས་པའི་དུས། །མ་མོ་ནག་མོ་ཐུགས་ཁྲོས་ནས། །རྒྱ་མཚོའི་གཏིང་ནས་སྐུར་བཞེངས་ཏེ། །རི་རབ་རྩེ་ལ་བཏེགས་བྱས་ནས། །བར་སྣང་ཁམས་སུ་ཐལ་མོ་བརྡབ། །ནད་ཀྱི་ཁ་རླངས་སྨུག་པོ་བཏང་། །བུད་མེད་སྨུག་པོས་ས་གཞི་གང་། །མཁའ་ལ་ནད་སྤྲིན་སྨུག་པོ་འཁྲིགས། །དེ་ཚེ་ནད་ཀྱི་བསྐལ་པ་དར། །ལེ་བརྒན་རྒྱུག་གཟེར་སྣ་ཚོགས་འབྱུང་། །ཁྲག་ཏུ་སྐྱུག་པ་སྣ་ཚོགས་འབྱུང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །ཁྲག་ཀྱང་མ་མོ་ཁྱོད་ཀྱི་ཁྲག །སྤྱི་བདུད་ནད་ཀྱི་ཁ་ལོ་སྒྱུར། །དམར་ཆེན་རཀྟའི་མཆོད་པ་འབུལ། །བསྐང་ངོ་བསྐལ་པའི་ཐུགས་དམ་བསྐང་། །འཁྲུག་

[Full Size]

པའི་མ་མོའི་ཐུགས་དམ་བསྐང་། །ཐུགས་དམ་བསྐང་བའི་བྱིན་རླབས་ཀྱིས། །བདག་ཅག་རྣལ་འབྱོར་འཁོར་བཅས་ཀྱི། །ནད་ཁ་ཆོད་ལ་རིམས་ཁ་སྒྱུར། །ཁྲམ་ཁ་ཕྱེས་ལ་ཤྭ་རྡེལ་སྤོས། །ནད་གདོན་བར་ཆད་བསྒྱུར་དུ་གསོལ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །ཕས་ཟེར་བུ་ཡིས་མི་ཉན་དུས། །གསང་སྔགས་བོན་དུ་གྱེར་བའི་དུས། །རྣལ་འབྱོར་གྲོང་བསྙེན་བྱེད་པའི་དུས། །སྡེ་འཁྲུག་ནང་དམེ་བྱེད་པའི་དུས། །བཙུན་པས་འདུལ་ཁྲིམས་མི་བསྲུང་དུས། །སྔགས་པས་དམ་ཚིག་མི་བསྲུང་དུས། །གཙུག་ལག་ཆོས་འཁོར་བཤིགས་པའི་དུས། །མ་མོ་ནག་མོ་ཐུགས་ཁྲོས་ནས། །རྒྱ་མཚོའི་གཏིང་ནས་སྐུར་བཞེངས་ཏེ། །རི་རབ་རྩེ་ལ་བཏེགས་བྱས་ནས། །བར་སྣང་ཁམས་སུ་ཐལ་མོ་བརྡབ། །ནད་ཀྱི་ཁ་རླངོས་ལྗང་ཁུ་བཏང་། །བུད་མེད་ལྗང་ཁུས་སྟོང་ཁམས་གང་། །མཁའ་ལ་ནད་སྤྲིན་ལྗང་ཁུ་འཁྲིགས། །དེ་ཚེ་ནད་ཀྱི་བསྐལ་པ་དར། །ཤུ་བ་དང་ནི་གཡེམ་པ་དང་། །བས་ལྡག་དང་ནི་སྐྱ་ཡམས་དང་། །རླུང་ནད་རྣམ་པ་སྣ་ཚོགས་འབྱུང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །ཁྲག་

[Full Size]

ཀྱང་མ་མོ་ཁྱོད་ཀྱི་ཁྲག །སྤྱི་བདུད་ནད་ཀྱི་ཁ་ལོ་སྒྱུར། །དམར་ཆེན་རཀྟའི་མཆོད་པ་འབུལ། །བསྐང་ངོ་བསྐལ་པའི་ཐུགས་དམ་བསྐང་། །འཁྲུག་པའི་མ་མོའི་ཐུགས་དམ་བསྐང། །ཐུགས་དམ་བསྐང་བའི་བྱིན་རླབས་ཀྱིས། །བདག་ཅག་རྣལ་འབྱོར་འཁོར་བཅས་ཀྱི། །ནད་ཁ་ཆོད་ལ་རིམས་ཁ་སྒྱུར། །ཁྲམ་ཁ་ཕྱེས་ལ་ཤྭ་རྡེལ་སྤོས། །ནད་གདོན་བར་ཆད་བསྒྱུར་དུ་གསོལ། །བྷྱོ། ལྔ་བརྒྱ་དུས་ཀྱི་ཐ་མ་ལ། །ཕས་ཟེར་བུ་ཡིས་མི་ཉན་དུས། །གསང་སྔགས་བོན་དུ་གྱེར་བའི་དུས། །རྣལ་འབྱོར་གྲོང་བསྙེན་བྱེད་པའི་དུས། །སྡེ་འཁྲུག་ནང་དམེ་བྱེད་པའི་དུས། །བཙུན་པས་འདུལ་ཁྲིམས་མི་བསྲུང་དུས། །།སྔགས་པས་དམ་ཚིག་མི་བསྲུང་དུས། །གཙུག་ལག་ཆོས་འཁོར་བཤིགས་པའི་དུས། །མ་མོ་ནག་མོ་ཐུགས་ཁྲོས་ནས། །རྒྱ་མཚོའི་གཏིང་ནས་སྐུར་བཞེངས་ཏེ། །རི་རབ་རྩེ་ལ་བཏེགས་བྱས་ནས། །བར་སྣང་ཁམས་སུ་ཐལ་མོ་བརྡབ། །ཁ་རླངས་དམར་སེར་བཏང་བའི་ཚེ། །ནད་ཀྱི་ན་བུན་སྤྲིན་ལྟར་གཏིབས། །བུད་མེད་དམར་མོས་སྟོང་ཁམས་ཁྱབ། །མཁའ་ལ་ནད་སྤྲིན་དམར་པོ་འཁྲིགས། །ཡམས་ནད་མིག་སེར་

[Full Size]

ཐམས་ཅད་དང་། །མཁྲིས་ནད་ཐམས་ཅད་ཁྱོད་ལས་བྱུང་། །རླུང་ནད་འཚུབ་མ་མུ་གེ་དང་། །ཐོག་དང་སེར་བ་གཤའ་རྒྱུད་དང་། །དུས་མ་ཡིན་པར་འཆི་བའི་ནད། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །ཁྲག་ཀྱང་མ་མོ་ཁྱོད་ཀྱིས་ཁྲག །སྤྱི་བདུད་ནད་ཀྱི་ཁ་ལོ་སྒྱུར། །དམར་ཆེན་རཀྟའི་མཆོད་པ་འབུལ། །བསྐང་ངོ་བསྐལ་བའི་ཐུགས་དམ་བསྐང་། །འཁྲུག་པའི་མ་མོའི་ཐུགས་དམ་བསྐང་། །ཐུགས་དམ་བསྐང་བའི་བྱིན་རླབས་ཀྱིས། །བདག་ཅག་རྣལ་འབྱོར་འཁོར་བཅས་ཀྱི། །ནད་ཁ་ཆོད་ལ་རིམས་ཁ་སྒྱུར། །ཁྲམ་ཁ་ཕྱེས་ལ་ཤྭ་རྡེལ་སྤོས། །ནད་གདོན་བར་ཆད་བསྒྱུར་དུ་གསོལ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །ཕས་ཟེར་བུ་zཡིས་མི་ཉན་དུས། །གསང་སྔགས་བོན་དུ་གྱེར་བའི་དུས། །དུས་ངན་ཉེ་བ་འཐབ་པ་དང་། །གོས་ངན་རེ་ཐུལ་གྱོན་པ་དང་། །ཟས་ངན་ལྕི་བ་ཟ་བ་དང་། །སྡེ་འཁྲུག་ནང་དམེ་བྱེད་པའི་དུས། །མ་མོ་ནག་མོ་ཐུགས་ཁྲོས་ནས། །བུད་མེད་ནག་མོས་སྟོང་ཁམས་གང་། །ཁྲག་ནད་རྒྱུ་གཟེར་སྣ་ཚོགས་འབྱུང་། །མཁའོ་ལ་ནད་སྤྲིན་དམར་ནག་

[Full Size]

འཁྲིགས། །དུས་ཀྱི་འཁྲུག་པ་སློང་བྱེད་མ། །མཚོན་གྱི་བསྐལ་པས་འཇིགས་བྱེད་མ། །གློ་བུར་མི་ལ་ལྷོག་རྒོད་འབེབས། །ཐོག་སེར་འབེབས་པའི་སྙིང་མོ་ཆེ། །ས་བདག་ཀླུ་གཉན་ཁྱོད་ཀྱི་འབངས། །ལྷ་སྲིན་སྡེ་བརྒྱད་ཁྱོད་ཀྱི་འཁོར། །ཁྱོད་ཀྱི་མི་འདུལ་གང་ཡང་མེད། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །ཁྲག་ཀྱང་མ་མོ་ཁྱོད་ཀྱི་ཁྲག །སྤྱི་བདུད་ནད་ཀྱི་ཁ་ལོ་སྒྱུར། །དམར་ཆེན་རཀྟས་ཐུགས་དམ་བསྐང་། །བསྐང་ངོ་བསྐལ་པའི་ཐུགས་དམ་བསྐང་། །དམ་རྫས་བདུད་རྩིའི་གཏོར་མ་དང། །རྟེན་རྫ་ས་སྒྲུབ་རྫས་བསྐང་རྫས་ཀྱིས། །འཁྲུག་པའི་མ་མོའི་ཐུགས་དམ་བསྐང་། །ཐུགས་དམ་བསྐང་ངོ་ས་མ་ཡ། །ཐུགས་དམ་བསྐང་བའི་བྱིན་རླབས་ཀྱིས། །བདག་ཅག་རྣལ་འབྱོར་འཁོར་བཅས་ཀྱི། །ནད་ཁ་ཆོད་ལ་རིམས་ཁ་སྒྱུར། །ཁྲམ་ཁ་ཕྱེས་ལ་ཤྭ་རྡེལ་སྤོས། །ནད་གདོན་བར་ཆད་བསྒྱུར་དུ་གསོལ། །མོ་ངན་མཚེར་རྩུབ་བསྒྱུར་དུ་གསོལ། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །བཟློག་བསྒྱུར་ཆེན་མོའི་དུས་ལ་བབ། །དུས་

[Full Size]

ལ་བབ་བོ་ས་མ་ཡ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་བལ་ཚོན་སྣ་ལྔ་དེས། །ནད་པ་ཡོད་ན་སྤྱི་བོར་བཀབ། །མདའ་ཡི་ལྟོང་གིས་ཚུར་ལ་བླངས། །ནད་པ་མེད་ན་མདའ་སྟོང་སྟེང་། །བལ་ཚོན་བཀབ་ལ་ཡོན་བདག་གི །ཕྱོགས་སུ་བསྟན་ལ་བཤུ་ཚུལ་བྱ། །བྷྱོཿ ནད་ཀྱི་ཚོན་སྤྲིན་སྔོ་དམར་འདི། །བྱུང་ཡང་མ་མོ་ཁྱོད་ལས་བྱུང་། །བསྟིམ་ཡང་མ་མོ་ཁྱོད་ལ་བསྟིམ། །ནད་ཀྱི་ཚོན་སྤྲིན་སྔོ་དམར་འདི། །ཡེ་ཤེས་ལས་དང་འཇིག་རྟེན་གྱི། །བྱུང་ཡང་མ་མོ་རྣམས་ལས་བྱུང་། །བསྟིམ་ཡང་མ་མོ་རྣམས་ལ་བསྟིམ། །ནད་ཀྱི་ཚོན་སྤྲིན་སྔོ་དམར་འདི། །མ་མོ་རྣམས་ཀྱི་དབང་པོའི་སྒོ། །བུ་ག་རྣམས་ནས་བྱུང་བ་ཡིན། །བསྟིམ་ཡང་མ་མོ་ཁྱེད་རྣམས་ཀྱི། །དབང་པོ་བུ་ག་རྣམས་ལ་བསྟིམ། །ནད་ཀྱི་ཚོན་སྤྲིན་སྔོ་དམར་འདི། །བྱུང་ཡང་མ་མོ་ཐམས་ཅད་ཀྱི། །དབུགས་དང་དྲོད་དང་མཆན་ལས་བྱུང་། །བསྟིམ་ཡང་མ་མོ་ཐམས་ཅད་ཀྱི། །དབུགས་དང་དྲོད་དང་མཆན་ལ་བསྟིམ། །མདོས་གླུད་རཀྟ་འདི་བཞེས་ལ། །ནད་ཀྱི་ཚོན་སྤྲིན་ད་སྡུས་ཤིག །ཚོན་གྱི་གྲུ་གུ་ད་སྡོགས་ཤིག །བྱད་དང་ཁྲམ་ཁ་ད་སྒྱུར་ཅིག །ནད་པའི་བལ་ཚོན་བསྡུས་ལ་ངར་མིའི་སྟེང་དུ་བཀབ། ཁྲག་

[Full Size]

ཕོར་ཐམས་ཅད་མདོས་མདུན་གྱི་སྣོད་དུ་བྱོའོ། །ཕོར་པ་རྣམས་སུ་ཁྲག་ཆུ་ཐིགས་རེ་བླུག །ཡུངས་ཀར་ལ་སོགས་ཐུན་བཏབ། ལུག་ནག་ལྤགས་པའམ་ཕྱར་ནག་སྟེང་དུ་ཕོར་པ་སྤར་ནས་བཞག་པ་དེ། བུད་མེད་དམ་སྔགས་པ་བཞིས་ཟུར། །བཞི་ནས་བཏེག །དགྲ་ཕྱོགས་སམ་གནོད་པའི་ཕྱོགས་སུ་ཁ་བལྟས་ལ། བྷྱོ་ཤར་གྱི་དཀར་མོ་སྤྱན་གཅིག་མ། །བྱ་རྒོད་ཐུལ་པ་གཡུ་དྲིལ་བརྒྱན། །དུང་གི་ལན་ཚར་གསེར་གྱི་ཐོད། །དཀར་མོ་འབུམ་གྱི་འཁོར་དང་བཅས། །ལྷོ་ནས་ནག་མོ་མཆེ་བ་ཅན། །ཞིང་གི་གོ་ཟུ་གསེར་གྱི་དྲིལ། །ལྕགས་ཀྱི་ལན་ཕྲན་གཡུ་ཡི་ཐོད། །ནག་མོ་འབུམ་གྱི་འཁོར་དང་བཅས། །ནུབ་ཀྱི་དམར་མོ་དབང་སྡུད་མ། །ཆུ་སྲིན་གཡང་གཞི་སྦྲུལ་གདེངས་ཅན། །གཡུ་ཡི་ལན་ཕྲན་བྱི་རུའི་ཐོད། །དམར་མོ་འབུམ་གྱི་འཁོར་དང་བཅས། །བྱང་གི་སེར་མོ་ལས་མཁན་མ། །རྨ་བྱའི་ཐུལ་པ་མཐིང་གི་དྲིལ། །།གསེར་གྱི་ལན་ཕྲན་ཐོད་གདེངས་ཅན། །ལྗང་མོ་འབུམ་གྱི་འཁོར་དང་བཅས། །རྒྱལ་ཆེན་བཞི་ཡི་ཀེག་བསྒྱུར་མ། །གཡས་པས་ཐོད་པ་ཁྲག་བཀང་འཕེན། །གཡོན་པས་ཐུན་རྫ་ས་སྔགས་ཤིང་འདེབས། །གཟུགས་ཅན་དགྲ་དང་གཟུགས་མེད་བགེགས། །གང་ལ་བརྒྱབ་པ་བརྒྱལ་ཞིང་

[Full Size]

འབོག །གནས་ལ་ཕོག་ན་རྒྱ་གྲམ་འཇིག །མི་བཟད་ཟོར་བདག་ཨ་ལ་ལ། །ཕྱོགས་བཞིའི་དམག་དཔུང་ཆི་ལི་ལི། །རུ་མཚོན་མང་པོ་ཐིབས་སེ་ཐིབ། །། མདུང་བཟུང་མང་པོ་རོངས་སེ་རོང་། །བ་དན་མང་པོ་ལྷུབས་སེ་ལྷུབ། །མ་མོའི་ཁྲག་ཟོར་ཁྲ་ལ་ལ། །ཁྲག་གི་རྦ་རླབས་ཆི་ལི་ལི། །ཡུངས་ཀར་སྔགས་མདའ་མེ་བས་རྣོ། །མཚེ་མོ་ཉུངས་ནག་མདུང་བས་ནོ། །གནོད་པའི་བགེགས་ལ་འཕང་བའི་ཚེ། །གནམ་ལྷ་དཀར་པོ་ཁྲག་ཏུ་སྐྱུག །བྱི་ན་ཡ་ཀ་འདར་ཞིང་བརྒྱལ། །གནོད་བྱེད་དགྲ་བགེགས་ཕྱོགས་སུ་བྷྱོ། །ཞེས་བརྗོད་ཕོར་བའི་ནང་གི་ཁྲག་ཐིགས་དང་། ཉུངས་དཀར་ཐམས་ཅད་ཕོར་པ་གཅིག་གི་ནང་དུ་བླུགས་ལ། ལོ་བདུད་ཕྱོགས་སམ་གནོད་པའི་ཕྱོགས་སུ་ཕྱིར་དོར་བཅུག །ཞལ་བུ་རྣམས་ཆུ་གཙང་གིས་བཤལ་ལ་མདོས་མདུན་གྱི་སྣོད་དུ་བླུག །ཞལ་བུ་རྣམས་སུ་ནས་ཅུང་ཟད་བཏབ་ཆང་ཕུད་བླུགས་ལ། སྔར་ལྟར་བཏེག་བཅུག་ལ། རྩ་བ་གསུམ་གྱི་བདེན་པ་དང་། །ལྷ་མོ་དཔོན་གཡོག་མཐུ་སྟོབས་དང་། །མ་མོ་མཁའ་འགྲོའི་རྫུ་འཕྲུལ་གྱིས། །ཁྲག་ཕོར་ཞལ་བུར་བདུན་པོ་ལ། །ལེགས་ཉེས་པྲ་བརྟག་བསྟན་དུ་གསོལ། །བདག་དང་ཡོན་བདག་འཁོར་བཅས་ལ། །ན་ཚ་ཤི་ཆད་མི་འོང་

[Full Size]

ན། །ཞལ་བུ་གཅིག་ཙམ་ཁ་སྦུབ་ལ། །དྲུག་པོ་གནམ་དུ་ཁ་ཟེད་ཅིག །ཅུང་ཟད་རྩུབ་ཆག་ཡོད་ན་ནི། །གཉིས་ཙམ་ས་ལ་སྒྲུབ་པར་གྱིས། །ད་རུང་རིམ་གྲོ་བྱེད་དགོས་ན། །གསུམ་ཙམ་ས་ལ་སྦྱབ་པར་གྱིས། །ཤིན་ཏུ་རིམ་གྲོ་ཆེ་དགོས་ན། །བཞི་ཙམ་ས་ལ་སྦུབ་པར་གྱིས། །རིམ་གྲོ་ཆེ་ཡང་འགྱུར་དཀའ་ན། །ལྔ་ཙམ་ས་ལ་སྦུབ་པར་གྱིས། །དྲུག་གམ་བདུན་ཀ་སྦུབ་པ་ན། །དཀོན་མཆོག་གསུམ་གྱིས་དཔང་མི་བྱེད། །དུས་གསུམ་རྒྱལ་བས་མངའ་མི་མཛད། །ཡོན་བདག་སྔ་མར་བདུད་ཚོགས་རྟགས། །བཟང་ངན་གཉིས་ནི་མ་ནོར་ཞིག །ཆང་དང་ཆུ་གཉིས་མ་བསྲེ་ཅིག །ཏྲག་རཀྵ་ཁ་མུན་ཏྲ་བྷྱོ། རུ་ལུ་རུ་ལུ་པྲ་སེ་ན་ཡོ་ག །ཅེས་བརྗོད་ལ་ཞལ་བུ་རྣམས་བཀྲབ་ལ། དྲུག་སྦུབ་གཅིག་ཁ་ཡར་བསྟན་ན་ཡོན་བདག་ལ་ངན་རྣལ་འབྱོར་པ་རང་ལ་མི་སྐྱོན། གསུམ་མམ་བཞི་སྦྲུབ་ན་རང་དང་ཡོན་བདག་གཉིས་ཀར་ངན་པས་བསྐང་བཤགས་དང་ཟློག་པ་ཆེན་པོ་བྱས་པས་ཐུབ། གཅིག་སྒྲུབ་གཞན་ཡར་བསྟན་ན་ཉེས་སྐྱོན་མེད། གཞན་གོང་དུ་སྨོས་དང་མཚུངས། སྔགས་འདི་ཅི་མང་བཟླས་ན་ངན་པ་ཐམས་ཅད་ཟློག །རྟགས་བཟང་ན་བཟླ་མི་དགོས་སོ། ཨོཾ་ན་མོ་མ་ཧཱ་ཀ་པཱ་ལ་ས་མ་ཡ། ཀྲ་སེ་ན་མ་ར་ན་ཧ་ན་ཧ་ན། ཏུག་ཏུག་ཤཱནྟཾ་མ་ཧཱ་ཀ་པ་ན་ཡེ་

[Full Size]

སྭཱ་ཧཱ། དེ་ནས་ཞལ་བུ་རྣམས་ཆུས་བཤལ་ལ་མདོས་མདུན་སྣོད་དུ་བླུག །ཞལ་བུ་དང་གཞི་ཡང་བསྡུ། ཡོད་ན་ཚེ་གཏོར་དང་མདའ་དར་བཤམས། མདོས་གསོས་ལ་བདུད་རྩིས་བྲན། །བྷྱོ། སྔོན་ཚེ་ལྷ་དང་ལྷ་མིན་དམག །རི་རབ་རྩེ་ནས་འཐབ་པའི་ཚེ། །ལྷ་རྣམས་ཕམ་ཞིང་ལྷ་གནས་ཞིག །ལྷ་མིན་གཡུལ་ངོ་རྒྱལ་བ་ལས། །མི་ཕམ་སྲིད་གསུམ་ལྟེ་བ་ལ། །ལྷ་ཡི་དམག་དང་རྫོང་བཅས་ཏེ། །ལྷ་མ་ཡིན་གྱི་གཡུལ་ངོ་ཟློག །ལྷ་མིན་དབང་པོས་ཕྱག་ཀྱང་བྱས། །ལྷ་དང་མི་རྣམས་རྨོངས་པ་ལ། །ལྷ་མོའི་ནུས་པས་འགྲོ་དྲུག་གསོས། །ལྷ་མོའི་ཐུགས་ཀྱི་གཞལ་ཡས་ནས། །ཟླ་བའི་དཀྱིལ་འཁོར་འོད་ཟེར་གྱིས། །ཕྱོགས་བཅུའི་བདུད་རྩིའི་བཅུད་བསྡུས་ནས། །ཟླ་བའི་དཀྱིལ་འཁོར་དག་ལ་ཐིམ། རླངས་པ་དཀར་པོ་ཡིས། །བཞི་བརྒྱ་རྩ་བཞིའི་ནད་རྣམས་སེལ། །བདུད་རྩི་སྨན་གྱི་རྒྱལ་མོ་གྲགས། །ཁྱོད་ལ་དད་ན་མ་བས་བྱམས། །དེ་ཕྱིར་བདག་དང་ཡོན་བདག་གིས། །ལྷ་མོ་ཁྱོད་ལ་དད་པས་མཆོད། །གུས་པའི་ཡིད་ཀྱིས་ཕྱག་འཚལ་ལོ། །སྔོན་ཚེ་ཤཱཀ་ཐུབ་སྤྱན་སྔ་རུ། །དེང་ནས་འཁོར་བ་ཇི་སྲིད་བར། །ཁྱེད་ལ་མཆོད་བསྟོད་བྱེད་རྣམས་

[Full Size]

ཀྱི། །ནད་དང་སྡུག་བསྔལ་ཞི་བ་དང་། །ཚེ་དང་བསོད་ནམས་སྤེལ་བར་བྱེད། །དེ་ལས་འགལ་ན་རྒྱལ་བ་བསླུས། །རྒྱལ་བའི་རྡོ་རྗེས་མགོ་འགེམས་ཤོག །དེ་སྐད་ཁས། བླངས་དམ་བཅས་པའི། །དམ་ཚིག་རྗེས་སུ་དྲན་མཛོད་ལ། །བཅོལ་བའི་ལས་རྣམས་མྱུར་འགྲུབ་མཛོད། །བདག་དང་ཡོན་གྱི་བདག་པོ་ལ། །ཞལ་ནས་བདུད་རྩིའི་ཆར་ཕོབ་ལ། །ནད་གདོན་སྡུག་བསྔལ་ཞི་བར་མཛོད། །ཚེ་དང་ལོངས་སྤྱོད་རྒྱས་པར་མཛོད། །ལོ་ཐོག་འབྲུ་ཡི་ཕུང་པོ་དང་། །རྐང་འགྲོས་ཕྱུགས་རྣམས་འཕེལ་བར་མཛོད། །མདོར་ན་བདག་དང་ཡོན་བདག་གིས། །མགོན་དང་སྐྱབས་སུ་ཁྱོད་བརྟེན་གྱི། །ཚེ་རྫི་སྲོག་སྐྱོབ་ལྷ་མོས་མཛོད། །ཀྱཻ། དབང་ཕྱུག་ཆེན་པོ་མན་ཆད་ནས། །ལག་ན་གཞོང་ཐོགས་ཡན་ཆོད་ཀྱི། །སྟེང་གི་ལྷ་ཚོགས་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་སྟེང་གདོན་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་

[Full Size]

དེ། །ནམ་མཁའི་དབྱིངས་སུ་ཅི་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །སྟེང་གདོན་ལག་ནས་མི་བླ་བསླུས། །སྟེང་གདོན་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། ཀྱཻ། ཆོས་ཀྱི་རྒྱལ་པོ་མན་ཆད་ནས། །དམྱལ་སྲུང་ཤན་པ་གཏུམ་པོ་ཡན། །འོག་གི་འཆི་བདག་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་འོག་གདོན་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །ས་འོག་རིགས་གྱུར་གར་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །འོག་གདོན་ལག་ནས་མི་བླ་བསླུས། །འོག་གདོན་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །ཧཱུྃ། སྲིད་པའི་སྐོས་རྗེ་དྲང་དཀར་དང་། །གནམ་ལྷ་དཀར་པོ་མན་ཆད་ནས། །རྒྱལ་པོ་ཐེའུ་རང་ཡན་ཆད་ཀྱི། །སྣང་སྲིད་ལྷ་འདྲེ་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་

[Full Size]

མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་སྣང་སྲིད་ལྷ་འདྲེས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །ཕྱོགས་བཞི་མཚམས་བརྒྱད་གར་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །ལྷ་འདྲེའི་ལག་ནས་མི་བླ་བསླུས། །ལྷ་འདྲེའི་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །རེ་ལྡེ་མགོ་ཉག་མན་ཆད་ནས། །ནག་པོ་སྟ་ཐོགས་ཡན་ཆད་ཀྱི། །བདུད་རྣམས་མ་ལུས་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་བདུད་ཀྱིས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ནི། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །བདུད་ཡུལ་ནག་པོར་བྲོས་ནས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག། བདུད་ཀྱི་ལག་ནས་མི་བླ་བསླུས། །བདུད་ཀྱི་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་

[Full Size]

སྐྱིལ། །ཀོང་རྗེ་བཙན་པོ་མན་ཆད་ནས། །ཤང་པ་ཕྲེང་ཐོགས་ཡན་ཆད་ཀྱི། བཙན་རྣམས་མ་ལུས་ཐམས་ཅད་ཀྱི། །བསྐོར་ཞིང་བསྐོར་ཞིང་ཕྱག་བྱས་ཀྱང། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་བཙན་གྱིས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །བཙན་ཡུལ་དམར་པོར་གར་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །བཙན་གྱི་ལག་ནས་མི་བླ་བསླུས། །བཙན་གྱི་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །དམུ་རྗེ་བཙན་པོ་མན་ཆད་ནས། །དམུ་བཙན་ལེགས་སྦྱོར་ཡན་ཆད་ཀྱི།། དམུ་རྣམས་མ་ལུས་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་དམུ་ཡིས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །དམུ་ཡུལ་

[Full Size]

སྨུག་པོར་གར་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །དམུ་ཡི་ལག་ནས་མི་བླ་བསླུས། །དམུ་ཡི་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །དགའ་བོ་འཇོག་པོ་མན་ཆད་ནས། །ནེའུ་སིང་སྐྱེས་པ་ཡན་ཆད་ཀྱི། །ཀླུ་རྣམས་མ་ལུས་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི། །བླ་ཚེ་ཀླུ་ཡིས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །ཀླུ་ཡུལ་སྔོན་པོར་བྲོས་ནས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །ཀླུ་ཡི་ལག་ནས་མི་བླ་བསླུས། །ཀླུ་ཡི་ལག་པ་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །གཟའ་ཆེན་བརྒྱད་པོ་མན་ཆད་ནས། །རྒྱུ་སྐར་ཉེར་བརྒྱད་ཡན་ཆད་ཀྱི། །གཟའ་བདུད་རྒྱུ་སྐར་མ་ལུས་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་གཟའ་

[Full Size]

ཡིས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །བར་སྣང་ཁམས་སུ་གར་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །གཟའ་ཡི་ལག་ནས་མི་བླ་བསླུས། །གཟའ་ཡི་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཆེ་གཡུང་དྲུང་སྐྱིལ། སྨི་གཙོ་མོ་ཡུམ་དྲུག་མན་ཆད་ནས། །འཇིག་རྟེན་དམན་མོ་ཡན་ཆད་ཀྱི། །མཁའ་འགྲོ་ཤུགས་འགྲོ་མ་ལུས་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་མཁའ་འགྲོས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །དུར་ཁྲོད་བརྒྱད་དུ་བྲོས་ནས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །མཁའ་འགྲོའི་ལག་ནས་མི་བླ་བསླུས། མཁའ་འགྲོའི་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །མ་བདུད་རྒྱལ་མོ་མན་ཆད་ནས། །གྲོང་རྒྱུག་འདྲེ་མོ་ཡན་ཆད་ཀྱི། །མ་མོ་མ་ལུས་ཐམས་

[Full Size]

ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་མ་མོས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །རྒྱ་མཚོའི་འགྲམ་དུ་བྲོས་ནས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །མ་མོའི་ལག་ནས་མི་བླ་བསླུས། །མ་མོའི་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །ཀོང་བཙུན་དེ་མོ་མན་ཆད་ནས། །འབྲོག་ཆེན་འཁོར་འདུལ་ཡན་ཆད་ཀྱི། །སྐྱོང་མ་མ་ཡམས་མ་ལུས་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་མ་ཡམས་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །རི་བོའི་རྩེ་རུ་བྲོས་ནས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །མ་ཡམས་ལག་ནས་མི་བླ་བསླུས། །མ་ཡམས་ལག་ནས་ཚེ་གཡང་

[Full Size]

སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །སྲོག་བདག་རྒྱལ་པོ་མན་ཆད་ནས། །པེ་དཀར་རྒྱལ་པོ་ཡན་ཆད་ཀྱི། །བགེགས་རིགས་སྟོང་ཕྲག་བརྒྱད་ཅུ་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། །ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་བགེགས་རིགས་མ་ཁྱེར་རིམ། །བརྒྱ་ལ་གལ་ཏེ་ཁྱེར་བ་ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །གཙུག་ལག་མཆོད་རྟེན་གནས་སོགས་གར་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །བགེགས་ཀྱི་ལག་ནས་མི་བླ་བསླུས། །བགེགས་རིགས་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །ཧཱུྃ། སྲིད་པའི་རྩེ་མོ་མན་ཆད་ནས། །ན་རགེ་དམྱལ་ཁམས་ཡན་ཆད་ཀྱི། །འགྲོ་དྲུག་མ་ལུས་ཐམས་ཅད་ཀྱིས། །བསྐོར་ཞིང་བསྐོར་ཞིང་ཕྱག་བྱས་ཀྱང་། ལྷ་མོས་དེ་ལ་སྤྱན་མི་གཟིགས། །ཕྱག་ལེན་མི་མཛད་ཁྲོ་ཚུལ་སྟོན། །བདག་དང་རྒྱུ་སྦྱོར་ཡོན་བདག་གི །བླ་ཚེ་རིགས་དྲུག་མ་ཁྱེར་རམ། །བརྒྱ་ལ་གལ་ཏེ་ཁྱེར་བ་

[Full Size]

ན། །མདོས་དང་གཏོར་མ་འདི་བཞེས་ལ། །བདག་ཅག་རྣམས་ལ་གནོད་བྱེད་དེ། །རིགས་དྲུག་གནས་སུ་ཅི་བྲོས་ཀྱང་། །ཁྱོད་ཀྱི་ཕྱག་གིས་བསྙབ་ཐོབ་ཅིག །རིགས་དྲུག་ལག་ནས་མི་བླ་བསླུས། །རིགས་དྲུག་ལག་ནས་ཚེ་གཡང་སྐྱོབས། །བུམ་པ་འདི་ལ་བླ་ཚེ་གཡུང་དྲུང་སྐྱིལ། །ཚེ་མདའ་སྒྲོ་དཀར་ཚེ་ཡི་རྟེན། །ཚེ་དར་དམར་པོ་ཚེ་ཡི་གཡབ། །ཚེ་གཡུ་ལྗང་གུ་ཚེ་ཡི་ཟུང་། །ཚེ་ནས་དཀར་མོ་ཚེ་ཡི་བཅལ། །ཚེ་ཆང་སྔོན་མོ་ཚེ་ཡི་ཉག །བདག་དང་རྒྱུ་སྦྱོར་ཡོན་བདག་ལ། །དཔལ་ལྡན་ལྷ་མོས་ཚེ་གསོས་སྲོག་སྐྱོབས་ཤིག །བྷྱོ་མ་ཧཱ་ཀཱ་ལི་ཧཱུྃ་བྷྱོ། ཨ་ཡུཏེ་པུཎྚི་ཀུ་རུ་ཨོཾ། ཅི་འགྲུབ་བཟླ། དེ་ལྟར་ཞག་མང་བྱེད་ན་ཡང་། །ཞག་གཅིག་དུས་གསུམ་ཚར་གསུམ་འདོན། །ཉིན་རྫོགས་དེ་ཉིན་ཕུལ་ན་ཡང་། །དེ་ཉིན་ཚར་གསུམ་འདོན་པར་བྱ། །འབུལ་ཁ་གསེར་སྐྱེམས་སྤྱི་ལྟར་ཕུལ། །དེ་ནས་དཀར་གཏོར་བསྔོས་ལ་བཞག །དེ་རྒྱབ་ངར་མི་ཁ་ཕར་བསྒྱུར། །དེ་རྒྱབ་ཁྲག་སྣོད་ཕར་ལ་བཞག །དེ་རྒྱབ་མདོས་ཉིད་ཞལ་བསྒྱུར་བཞག །འབྲུ་སྣ་གཙང་མས་རྫོངས་འདེབས་བྱ། །བྷྱོ། མ་གཅིག་ལྷ་མོ་དཔོན་གཡོག་དང་། །སྣང་སྲིད་མ་མོ་མཁའ་འགྲོ་དང་། །ནད་བདག་དྲེགས་པའི་ཚོགས་རྣམས་ཀུན། །ཐམས་ཅད་ཞལ་

[Full Size]

བསྒྱུར་གཤེགས་རེ་རན། །ནས་གྲོ་སྲན་མ་ལ་སོགས་པའི། །འབྲུ་སྣའི་རིགས་རྣམས་རྫོངས་སུ་འདེབས། །རྟག་ཏུ་ལོ་ཕྱུགས་ལེགས་པར་མཛོད། །གསེར་དངུལ་ཟངས་ལྕགས་ལ་སོགས་པའི། །རིན་ཆེན་སྣ་ཚོགས་ལྗོངས་སུ་འདེབས། །བསོད་ནམས་མངའ་ཐང་རྒྱས་པར་མཛོད། །དར་ཟབ་ཟ་འོག་ལ་སོགས་པའི། །གོས་ཀྱི་བྱེ་བྲག་རྫོངས་སུ་འདེབས། །དཔལ་དང་གཟི་བརྗིད་རྒྱས་པར་མཛོད། །ཤ་ཁྲག་གཏོར་མ་རྫོངས་སུ་འདེབས། །གནོད་བྱེད་དགྲ་བགེགས་བཟློག་པར་མཛོད། །མར་ཐུད་ཕུམ་ལ་སོགས་པ་ཡི། །དཀར་གསུམ་ཟས་སྣ་རྫོངས་སུ་འདེབས། །དཀར་ཕྱོགས་ལྷ་ངོ་རྒྱལ་བར་མཛོད། །ཚྭ་གཡེར་སྒོག་པ་རྫོངས་སུ་འདེབས། །མི་ཁ་བྲ་མཆུ་མེད་པར་མཛོད། །འདོད་ཡོན་སྣ་ཚོགས་རྫོངས་སུ་འདེབས། །ཅི་འདོད་བསམ་པ་ལྷུན་གྲུབ་མཛོད། །ད་ནི་གཤེགས་སོ་གནས་སུ་གཤེགས། །དང་པོ་ལན་གཅིག་མི་འབྱོན་རྒྱུ། །རྣལ་འབྱོར་དམ་ཚིག་གཉེན་ལ་དགོངས། །ད་ནི་རང་གི་གནས་སུ་གཤེགས། །རི་རབ་ཆེན་པོའི་རྩེ་ལ་གཤེགས། །ཡོངས་འདུའི་ཤིང་གི་རྩ་བར་གཤེགས། །མུ་ལེ་མཐིང་མཚོའི་ནང་དུ་

[Full Size]

གཤེགས། །མ་ཕམ་གཡུ་མཚོའི་ནང་དུ་གཤེགས། །ཨོ་རྒྱན་མཁའ་འགྲོའི་གནས་སུ་གཤེགས། །དུར་ཁྲོད་ཆེན་པོ་བརྒྱད་དུ་གཤེགས། །འཁོར་གྱི་ལྷ་སྲིན་དྲེགས་པའི་ཚོགས། །རང་རང་སོ་སོའི་གནས་སུ་གཤེགས། །བློ་མ་ཧཱ་ཀཱ་ལི་ཧཱུྃ་ཧཱུྃ། བཛྲ་མུཿ སརྦ་བྷུ་ཏ་གཙྪགཙྪ། ཞེས་བརྗོད་ཕྱོགས་ནི་གཙང་སའམ། །མཁའ་འགྲོའི་གདོང་དང་མ་ཐུག་པར། །ཡས་ལམ་ལོ་བདུད་ཕྱོགས་སུ་བསྐྱལ། །ཕྱོགས་སོགས་བརྩི་བར་མི་ཤེས་ན། །བྱང་ཤར་ལྷ་མོའི་གནས་ཕྱོགས་སུ། །ཕུལ་རྒྱུ་བསྐུར་བས་ཆོག་པ་ཡིན། །སྤྲོས་བཅས་དར་ནག་དང་བཅས་ནས། །སྔགས་པས་བསྐྱལ་ཡང་རུང་བ་ཡིན། །གང་ལྟར་གཏོར་གཞོང་མདུན་དུ་སྦུབས། །ན་མོ། དཀོན་མཆོག་གསུམ་དང་རྩ་བ་གསུམ། །བདེན་ལྡན་ཀུན་གྱི་བདེན་སྟོབས་ཀྱིས། །ལྷ་མོ་བསྒྲུབ་ལ་བར་གཅོད་པའི། །ལྟེ་ཕུར་ནག་མོས་གཙོར་བྱས་པའི། །གནོད་བྱེད་དམ་སྲི་ཐམས་ཅད་ནི། །རིམ་དགུ་ས་ཡི་འོག་ཏུ་སོང་། །འདི་འོག་སྟོང་ཕྲག་ཉི་ཤུ་ན། །གཤིན་རྗེ་ཆོས་ཀྱི་རྒྱལ་པོ་བཞུགས། །དེ་ལ་རྒྱུ་འབྲས་ཆོས་ཉོན་ལ། །བྱམས་མགོན་བསྟན་པ་མ་བྱུང་བར། །སྟེང་དུ་ལྡང་བར་མ་བྱེད་ཅིག །བྱམས་པ་མགོན་པོ་བྱོན་པའི་ཚེ། །ལངས་ལ་བྱང་ཆུབ་སེམས་བསྐྱེད་ཞུས།

[Full Size]

ཆོས་སྐྱོང་སྲུང་མས་རྒྱས་གདབ་བོ། །ཨོཾ་ལཾ་ཧཱུྃ་ལཾ་སུཾ་བྷ་ཡ་ནན། དེ་ནས་བཀྲ་ཤིས་གང་ཤེས་བརྗོད། །ཚེ་རིལ་རོལ་ཞིང་ཚེ་ཆང་བཏུང་། །རྗེས་ཆོག་གཞན་ནི་མི་དགོས་སོ། །རིམས་ཟློག་མ་མོའི་ཁྲག་མདོས་འདི། །ཉེ་བར་མཁོ་ཞིང་གལ་ཆེ་ཡང་། །ཕྱོགས་འདིར་དར་སྲོལ་ཆུང་བ་ཡི། །ཕྱག་ལེན་ཤེས་མཁན་དཀོན་པར་སྣང་། །ར་ཤཀ་གཏེར་སྟོན་གཏེར་ཁ་ལས། །ཁྲག་མདོས་རྒྱས་པ་བྱུང་མོད་ཀྱང་། །ཧ་ཅང་རྒྱས་དྲག་བཙའ་འདོན་དཀའ། །ལུག་ནག་བཤའ་སྲོལ་ཡོད་པའི་ཕྱིར། །སྟོང་རྗེ་མ་མོ་མཁན་སོགས་ལ། །མི་ལ་རས་པས་བཀའ་སྐྱོན་ཆེ། །དེ་ཕྱིར་དེ་ཡི་བཀའ་སྲོལ་ནུབ། །དགོངས་གཏེར་རྩ་ཚིག་རྡོ་རྗེའི་གསུང་། །རྩ་ཚིག་ཙམ་ལ་གཞིར་བྱས་ནས། །མ་མོ་འབུམ་གྱི་རྒྱུད་ལུང་སོགས། །རྒྱུད་སྡེ་མང་པོའི་དགོངས་པ་བླངས། །གསར་མའི་ལྷ་མོ་དུད་སོལ་མའི། །ནད་བཟློག་མདོས་ནི་སྟག་ལུང་པ། །ངག་དབང་རྣམ་རྒྱལ་གྱིས་མཛད་པ། །རང་བྱུང་རྒྱལ་མོའི་ནད་བཟློག་མདོས། །གཙུག་ལག་ཕྲེང་བས་མཛད་པ་དང་། །རིཀཱ་གཏེར་སྟོན་གཏེར་མ་ཡི། །མ་མོའི་ཁྲག་མདོས་རྙིང་པ་དང་། །དུད་སོལ་རང་བྱུང་རེ་མ་ཏི། །ལྷ་མོའི་རྒྱུད་གཞུང་མང་པོ་ལ། །ཤིན་ཏུ་གོམས་ཤིང་འདྲིས་བྱས་ཏེ། །དཔལ་ལྡན་ལྷ་མོ་དཔོན་གཡོག་གི །དབང་ལུང་མན་ངག་མཐའ་ཡས་ཐོབ། །བསྙེན་སྒྲུབ་རྟགས་མཚན་ཐོབ་པ་ཡི། །སྔགས་རྒན་རཱ་ག་ཨ་སྱ་ངས། །དུས་ངན་བསྐལ་པའི་སྙིགས་མ་ལ། །མི་རྣམས་སྤྱོད་པ་ངན་པ་དེས། །སྲིད་པའི་

[Full Size]

མ་མོ་ཐམས་ཅད་འཁྲུག །དེ་ཚེ་ནད་ཀྱི་དུ་རུ་ཀ །གསོ་རིགས་གཞུང་ནས་མ་གྲགས་ཤིང་། །ནད་རྟགས་རྩ་ཆུ་གོ་ལོག་སྟོན། །སྨན་གྱི་མི་ཕན་དུག་ཏུ་འགྲོ། །མི་ཕྱེད་ཕྱགས་མས་འདེབས་པ་དང་། །མི་ཐོག་ཡང་ཡང་འབུད་པ་བྱུང། །དེ་སྐད་ཀུན་མཁྱེན་ཨོ་རྒྱན་རྗེའི། །གཏེར་ཁ་རྣམས་ནས་ལུང་བསྟན་པ། །ད་ནི་རིམ་བཞིན་དུས་ལ་བབས། །དེ་དག་རྣམས་ལ་ཕན་སེམས་ཀྱིས། །འདི་སོགས་རྐྱེན་ཟློག་མང་དུ་བསྒྲིགས། །འདི་དག་ཕན་ཐོགས་ཡོང་མི་ཡོང། །དར་སྲོལ་འགྲོ་དོན་འབྱུང་མི་འབྱུང་། །བརྟག་ཕྱིར་ཡེ་ཤེས་སྤྱན་ལྡན་པའི། །ཡི་དམ་ལྷ་ལ་གསོལ་བཏབ་པས། །ཕན་ཐོགས་འགྲོ་དོན་མང་པོ་འོངས། །གསུངས་པའི་རྨི་ལམ་ལུང་བསྟན་ཐོབ། །བདག་གིས་རྐྱེན་ཟློག་བསྒྲིགས་པ་ཀུན། །བདག་གི་ཤེས་རབ་རྩལ་མ་ཡིན། །ཨོ་རྒྱན་རྗེ་ཡི་ཐུགས་རྗེ་ཡིས། །བྱིན་རླབས་གཏེར་ཕྲན་གཅིག་དང་མཉམ། །ཕྱོགས་རྣམས་ཀུན་ཏུ་དར་ཞིང་འཕེལ། །ཁྱད་པར་ཀཿཐོག་གོ་འཇོའི་ཕྱོགས། །རྩིས་ཆེ་ངོ་མཚར་ཆེན་པོར་བརྩི། །དེ་དག་འབྱུང་རྟགས་རྨི་ལམ་དུ། །བརྡ་ཡི་རྣམ་པ་མང་པོ་མཐོང་། །དེ་ཚེ་བདག་རང་སྤྲོ་བ་སྐྱེས། །དེ་ཕྱིར་འདི་སོགས་མང་དུ་བརྩམས། །འོན་ཀྱང་ཆོས་སྤྱན་མི་ལྡན་པས། །འགལ་འཁྲུལ་ཉེས་པ་ཆ་མཆིས་ན། །མ་མོ་མཁའ་འགྲོའི་ཚོགས་ལ་བཤགས། །དགེ་བས་མ་འོངས་སྐྱེ་འགྲོ་ཀུན། །ནད་དང་གདོན་ལས་ཐར་གྱུར་ནས། །མི་འཇིགས་སྐྱབས་ཀྱི་སྦྱིན་པར་ཤོག །འདི་ཉིད་འཕེལ་ཞིང་རྒྱས་པ་ཡི། །ཕྲིན་ལས་མ་མོ་ཀུན་གྱིས་སྒྲུབས། །

[Full Size]

འབྲེལ་ཚད་བཀྲ་ཤིས་བདེ་ལེགས་ཤོག ། ༈ །འདི་ཡི་ཁྱད་པར་མན་ངག་ཟབ་མོ་ནི། །ཐལ་ཆེན་ཡུངས་ཀར་ར་ཁྲག་རུས་ཚིགས་དང་། །སོལ་བ་བསྲེས་ཏེ་སྔགས་ནི་ཉེར་གཅིག་གམ། །བརྒྱ་རྩས་སྔགས་ལ་རིམས་ནད་ཡོད་པ་ཡི། །ཕྱོགས་སུ་གཏོར་ཞིང་ཁྱིམ་རྣམས་གཏོར། །ཡང་ན་ཆུ་ལ་བཏབ་ནས་གཏོར་ཀྱང་རུང་། །དེ་ཡི་ལྷག་མ་དུར་ནི་མང་སར་གཏོར། །དེ་ནི་རིམས་ནད་གཅོད་པའི་གདམས་ངག་སྟེ། །མ་མོ་འབུམ་གྱི་རྒྱུད་ལུང་ཆེན་པོ་ཡི། །ལེའུ་ཉི་ཤུ་རྩ་བཞི་པ་ནས་གསུངས། །ཨོཾ་ས་སི་རུ་རུ་པུ་རུ་ན་ས་མ་ར། ཨོཾ་འུ་རེ། བ་སུ་སུ། སུ་ཏ་ན་བྷྱོ། ཟབ་བོ། །དགེའོ། དགེའོ། དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་མི་འགྱུར་རྡོ་རྗེའི་དགོངས་གཏེར་མ་མོའི་ཁྲག་མདོས་ཀྱི་བཀའ་གཏད་བྱེད་ཚུལ།

[Full Size]

གནམ་ཆོས་མི་འགྱུར་རྡོ་རྗེའི་དགོངས་གཏེར་མ་མོའི་ཁྲག་མདོས་ཀྱི་བཀའ་གཏད་བྱེད་ཚུལ་བཞུགས་སོ། །ན་མོ་གུ་རུ་ཛྙཱ་ན་དེ་བཱི་ཡེ། ནད་རིམས་ཟློག་བྱེད་རི་རབ་བརྩེགས་མདོས་སམ་མ་མོའི་ཁྲག་མདོས་ཀྱི་བཀའ་གཏད་བསྒྲུབ་པ་ལ། ཟངས་ལྕགས་སྣོད་དུ་རི་རབ་བང་རིམ་བཞི་པའི་སྟེང་དུ་ལྷ་མོའི་གཟུགས་ཁྲོ་མོ་ནག་མོ་ལག་གཉིས་གྲི་ཐོད་འཛིན་པའི་མཆན་ཁུང་གཡས་སུ་ཁྲམ་ཤིང་དམར་པོ་དང་གཡོན་དུ་ནད་རྐྱལ་བཅུག་པ། པང་དུ་ཚོན་སྐུད་སྣ་ལྔའི་གྲུ་གུ་བཞག་པ་རི་རབ་ལ་བྱམས་འདུག་བྱས་པའི་གཡས་གཡོན་མདའ་འཕང་། རྒྱབ་ཏུ་ནམ་མཁའ་དང་ཤིང་རིས་བཙུགས། མཐའ་སྐོར་བྱ་ནག་ལུག་ནག་སྨན་ཏིང་སྒོ་ངའི་གཟུགས་བཞག །དེ་ཙམ་མི་འགྲུབ་ན་རི་རབ་ལྷ་མོའི་གཟུགས། མདའ་འཕང་ནམ་མཁའ་སོགས་ཙཀ་ལི་ལ་བྲིས་པ་དམར་གཏོར་གཅིག་ལ་བཙུགས། བྱ་ལུག་སོགས་བཞི་པོས་བསྐོར་ཡང་རུང་། གོང་ལྟར་གཏོར་མདོས་གཙང་མའི་སྟེགས་ལ་བཞག །འཛོམ་ན་ཕྱི་ནང་མཆོད་པའང་བཤམས། སློབ་དཔོན་གྱིས་གཤིན་རྗེ་གཤེད་དམ་ཕྱག་རྡོར་གང་རུང་གི་བདག་བསྐྱེད་བཟླས་བསྒོམ་བྱ། སློབ་མ་མདུན་དུ་བོས་ལ་བཀའ་གཏད་ཞུ་བའི་ཡོན་དུ་མཎྜལ་ཕུལ་ལ། རང་ཉིད་ཡི་དམ་ལྷར་གསལ་བའི་ཐུགས་ཀ་ནས་རཾ་ཡཾ་ཁཾ་འཕྲོས་པས། མདོས་ཀྱི་མི་གཙང་བའི་དྲི་མ་ཐམས་ཅད་བསྲེགས། ཨོཾ་སྭ་བྷ་བ་སོགས། སྟོང་པའི་ངང་ལས། ཨེ་ཡཾ་རཾ་བཾ་ལཾ་སུ་ལས། འབྱུང་བ་རིམ་བརྩེགས་

[Full Size]

གླིང་བཞི་གླིང་ཕྲན་བརྒྱད་གསེར་གྱི་རི་བདུན་བྱ་ནག་ལུག་ནག་བྱ་མོ་ནག་མོ་བཤོས་བུ་སྨན་གཏོར་རཀྟ་ཕྱི་ནང་གསང་བའི་མཆོད་རྫས་སྒྲུབ་རྫས་སྐོང་རྫས་རྟེན་རྫས་སོ་སོའི་ཡིད་དང་མཐུན་པའི་ལོངས་སྤྱོད་བསམ་གྱིས་མི་ཁྱབ་པ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་བཛྲ་སྤ་ར་ཎ་ཁཾ། ཨོཾ་ཨཱཿཧཱུྃ་ཧ་ཧོཿཧི༔ རང་གི་མདུན་དུ་རི་རབ་རི་བདུན་རོལ་མཚོ་དང་བཅས་པའི་རི་རབ་ཀྱི་ཁར་དཔལ་ལྡན་ལྷ་མོ་སྐུ་མདོག་ཤིན་ཏུ་གནག་པ། ཞལ་གཅིག་ཕྱག་གཉིས་གྲི་ཐོད་འཛིན་ནས་འདུག་པ། འཁོར་སྣང་སྲིད་ཀྱི་མ་མོ་མཁའ་འགྲོ་ནད་བདག་རིམས་བདག་ཐམས་ཅད་ཀྱིས་བསྐོར་བའོ། །ཐུགས་ཀ་ནས་འོད་ཟེར་འཕྲོས། བསྒོམས་པ་དང་འདྲ་བའི་ལྷ་མོ་དཔོན་གཡོག་སྤྱན་དྲངས། བྷྱོ། མུ་ལེ་མཚོ་དང་ཡོངས་འདུས་ཤིང་། །དུར་ཁྲོད་བརྒྱད་སོགས་བཞུགས་གནས་ནས། །ལྷ་མོ་འཁོར་བཅས་སྤྱན་འདྲེན་ནོ། །སྡང་དགྲའི་སྟེང་དུ་དགྱེས་པར་བཞུགས། །བྷྱོ་མ་ཧཱ་ཀཱ་ལི་ཧཱུྃ་བྷྱོ་ཧྲིང་ཛཿཛཿཧཱུྃ་བཾ་ཧོཿ དངོས་འབྱོར་ཡིད་ཀྱིས་སྤྲུལ་པ་ཡི། །མེ་ཏོག་བདུག་སྤོས་མར་མེ་དྲི། །བཤོས་བུ་གཟུགས་སྒྲ་དྲི་རོ་དང་། །རེག་བྱ་སྨན་གཏོར་རཀྟའི་ཚོགས། །ལྷ་མོ་

[Full Size]

འཁོར་དང་བཅས་ལ་འབུལ། །འཁོར་བཅས་མཉེས་ཤིང་ཚིམས་གྱུར་ཅིག །བྷྱོ་མ་ཧཱ་ཀཱ་ལི་ཧཱུྃ་བྷྱོ། ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི། ཨབྷཾ་སོགས། བྷྱོ། ཆོས་སྐུ་སྐྱེ་མེད་ངང་ཉིད་ལས། །འགྲོ་བའི་དོན་དུ་སྐུ་སྤྲུལ་ནས། །འཇིག་རྟེན་འདས་ཀྱང་འཁོར་བའི་ཚུལ། །མ་དང་སྲིང་ལྟར་སྒྲུབ་ལ་བརྩེ། །ལྷ་མོ་འཁོར་དང་བཅས་ལ་བསྟོད། །དམ་རྫས་མཆོད་གཏོར་ཐུགས་དམ་བསྐང་། །ཐུགས་དང་འགལ་བ་མཐོལ་ལོ་བཤགས། །བདག་ཅག་དཔོན་སློབ་འཁོར་བཅས་ཀྱི། །ཡམས་ནད་རིམས་ནད་ཞི་བ་དང་། །སྒྱུ་འབྲུ་དང་རྐང་འགྲོས་འཕེལ་རྒྱས་མཛོད། །འདོད་དགུ་ཐམས་ཅད་དབང་དུ་བསྡུས། །གནོད་ཅིང་འཚེ་བའི་དགྲ་བགེགས་སྒྲོལ། །མ་གཡེལ་མྱུར་དུ་ལས་མཛོད་ཅིག །བཅོལ་gབའི་ཕྲིན་ལས་འགྲུབ་པར་མཛོད། །ལྷ་མོའི་ཐུགས་ཀར་ཉི་མའི་སྟེང་། །བྷྱོ་ལ་སྔགས་ཕྲེང་གཡོན་དུ་འཁོར། །དེ་ལས་འོད་ཟེར་ཕྱོགས་བཅུར་འཕྲོས། །སྣང་སྲིད་མ་མོ་ཐམས་ཅད་དང་། །ནད་བདག་དྲེགས་པའི་ཚོགས་རྣམས་ཀུན། །དབང་དུ་བསྡུས་ནས་བྲན་དུ་བཀོལ། །བདག་དང་ལྷ་མོའི་བཀའ་ཉན་ཞིང་། །ཅི་བཅོལ་ལས་རྣམས་བསྒྲུབ་པར་

[Full Size]

གྱུར། །བྷྱོ་མ་ཧཱ་ཀཱ་ལི་ཧཱུྃ་བྷྱོ། ཞེས་སྙིང་པོ་བརྒྱ་རྩ་ཙམ་བཟླ། དེ་ནས་གཏོར་མ་སློབ་མའི་ལག་ཏུ་གཏད་ལ། ལྷ་མོ་འདི་ལ་བསྩལ་ལགས་ཀྱིས། །བསྲུངས་ཤིང་བསྐྱབ་པར་མཛད་དུ་གསོལ། །བྷྱོ་མ་ཧཱ་ཀཱ་ལཱི་ཧཱུྃ་ཧཱུྃ། ཨོཾ་ཏྲག་ཐིམ་བ་ལིཾ་ཏ་ཨ་བྷི་ཥིཉྩ་ཧཱུྃ། ལན་གསུམ་གཏད། ཤིས་པ་བརྗོད། གཏང་རག་མཎྜལ་ཕུལ། བྷྱོ། མ་གཅིག་ལྷ་མོ་དཔོན་གཡོག་དང་། །སྣང་སྲིད་མ་མོ་མཁའ་འགྲོའི་ཚོགས། །ད་ནི་རང་གི་གནས་སུ་གཤེགས། །བྱང་ཤར་ཆོས་དབྱིངས་ཕོ་བྲང་སོགས། །རང་རང་སོ་སོའི་གནས་སུ་གཤེགས། །བྷྱོ། མ་ཧཱ་ཀཱ་ལཱི་ཧཱུྃ་བྷྱོ་བཛྲ་མུཿ༔ སརྦ་བྷ་ཏ་གཙཱ། ཞེས་བརྗོད་ལ་མདོས་གཏོར་བྱང་ཤར་དུ་ཕུལ་བས་གྲུབ་བོ། །ཞེས་པའང་གཏོ་མཁན་རྣམས་ལ་མཁོ་གལ་ཆེ་རུང་བཀའ་གཏད་ལུང་རྒྱུན་དོན་དུ་མི་གཉེར་བ་ལ་ཕན་པའི་བསམ་པས། པདྨ་གར་དབང་རྩལ་གྱིས་ཆགས་མེད་གསུངས་ལས་ཁོལ་དུ་ཕྱུང་བ་དགེ་ལེགས་འཕེལ།། །།

མི་ཁ་བྲ་མཆུའི་གཏོ་དང་གྱོད་གཏོ་གཉིས།

[Full Size]

མི་ཁ་བྲ་མཆུའི་གཏོ་དང་གྱོད་གཏོ་གཉིས་བཞུགས་པའི་དབུ་ཕྱོགས་སོ།

[Full Size]

སློབ་དཔོན་པདྨ་འབྱུང་གནས་ལ་ཕྱག་འཚལ་ལོ། །མི་ཁ་བྲ་མཆུའི་ཡས་བསགས་ལ། མི་ལུས་བྱ་མགོ་ཅན་ལ། མི་ལུས་བྱ་མགོ་ཅན་བརྒྱད་ཀྱིས་བསྐོར༔ ནམ་མཁའ་ནག་པོ་བཙུགས། ཡས་གླུད་གང་འཛོམ་བསགས། ༈ གྱོད་གཏོ་ལ། མི་ནག་ཁྱུང་ནག་ཞོན་པ། མི་ནག་བྱ་རོག་ཞོན་པ། ཐིལ་མོ་ཞོན་པ། ཕག་ནག་མགོ་དགུ་ཞོན་པ། བོང་བུ་ཞོན་པ། ནམ་མཁའ་ནག་པོ། ཚྭ་སྒོག་རམ་གསུམ། བ་ཚྭ་བུལ་ཏོག ཤ་དུམ་ཁྲག་ཐིགས། ཡོས་ནག་ལ་སོགས། ཆངས་བུ་ཟས་སྣ་གང་འཛོམས་བཤམས། །རང་ཉིད་ཡི་དམ་གང་རུང་བསྒོམས་ལ། འགུགས་གཞུག་དྲག་ཏུ་བྱ། སྔགས་དྲུག་ཕྱག་དྲུག་གིས་བྱིན་གྱིས་བརླབས་ལ། དང་པོ་མི་ཁའི་གཏོ་གྱེར་བྱ། ཧཱུྃ། མི་ཁའི་རྒྱལ་མོ་བྱ་

[Full Size]

མཆུ་མ། །ཁྱོད་ཀྱི་ལག་ཏུ་རྫོངས་བསྐུར་རོ། །མདོས་དང་ཡས་ལ་གཤེགས་སུ་གསོལ། །དང་པོ་མི་ཁ་གང་དུ་བབ། །སྔོན་ཚེ་བསྐལ་པ་དང་པོ་ལ། །ཆོས་རྒྱལ་རྒྱལ་བུ་དོན་གྲུབ་ལ། །ལྷས་སྦྱིན་བདུད་ཀྱི་མི་ཁ་བྱུང་། །ཐབས་ལ་མཁས་པའི་འཇམ་དཔལ་གྱིས། །ལོ་བརྒྱད་ལོན་པའི་ཁྱེའུ་སྤྲུལ། །མི་ཁ་བྲ་མཆུའི་ཡས་བསགས་ཏེ། །ལམ་གྱི་གཞི་མདོར་བོར་བྱས་ནས། །རྒྱལ་བུ་དོན་གྲུབ་འཁོར་བཅས་རྣམས། །མི་ཁ་དག་ལས་ཐར་གྱུར་ལྟར། །རྒྱུ་སྦྱོར་ཡོན་གྱི་བདག་པོ་ཡང་། །མི་ཁ་དག་ལས་ཐར་གྱུར་ཅིག །བསྐལ་པ་དེ་ཡི་འོག་རོལ་

[Full Size]

དུ། །པ་གོར་བེ་རོ་ཙ་ན་ལ། །རྒྱ་གར་ཡོངས་ཀྱི་མི་ཁ་འདུས། །སློབ་དཔོན་ཤྲཱི་སེང་ཧ་ཡིས། །མི་ཁ་བྲ་མཆུའི་ཡས་བསགས་ཏེ། །ལམ་གྱི་གཞི་མདོར་བོར་བྱས་པས། །པ་གོར་བེ་རོ་ཙ་ན་ཡང་། །མི་ཁ་དག་ལས་ཐར་བ་བཞིན། །རྒྱུ་སྦྱོར་ཡོན་གྱི་བདག་པོ་ཡང་། །མི་ཁ་དག་ལས་ཐར་གྱུར་ཅིག །དུས་བསྐལ་དེ་ཡི་ཐ་མ་ལ། །རྒྱལ་པོ་ཁྲི་སྲོང་ལྡེའུ་བཙན་ལ། །བོན་བློན་རྣམས་ཀྱི་མི་ཁ་འདུས། །སློབ་དཔོན་པདྨ་འབྱུང་གནས་ཀྱིས། །མི་ཁ་བྲ་མཆུའི་ཡས་བསགས་ཏེ། །ལམ་གྱི་གཞི་མདོར་བོར་བྱས་པས། །རྒྱལ་པོ་ཁྲི་སྲོང་ལྡེའུ་བཙན་ཡང་། །མི་ཁ་དག་ལས་ཐར་བ་བཞིན། །རྒྱུ་སྦྱོར་ཡོན་གྱི་བདག་པོ་ཡང་། །མི་ཁ་དག་ལས་ཐར་གྱུར་ཅིག །མི་ཁ་དག་ལས་ཐར་གྱུར་ནས། །མི་ཁ་བྲ་མཆུའི་གནོད་པ་ཡང་། །དེ་རིང་འབྱུང་བ་གཏོ་ཡིས་སྒྱུར། །ཀྱཻ། མི་ཁའི་བུ་མོའི་ཞལ་ན་རེ། །མི་ཁའི་བུ་མོ་སྤུན་དགུ་དེ། །འདབ་ཆགས་བྱ་ཡི་མགོ་བོ་ཅན། །ཡི་དྭགས་བྲ་བའི་མཆུ་སྡེར་ཅན། །ཡོན་བདག་ཁྱོད་ཀྱིས་ཚུར་ཉོན་དང་། །ཉི་མ་ཤར་ཕྱོགས་ཕ་ཀི་ནི། །སྔོན་པོ་གཡུ་ཡི་ཐང་ཤིང་ལ། །གསེར་སྤྲེལ་སེར་པོའི་རྩེད་མོ་རྩེ། །ཡར་ལ་

[Full Size]

འཇུས་ནས་དགོད་ཅིང་འཇུས། །ཕྱིར་ལ་འབབ་དུས་དགོད་ཅིང་འབབ། །ཀུན་གྱི་དེ་ལྟར་བྱས་པ་ལ། །གཡུ་ཡི་ཐང་ཞིང་སྐེད་ནས་ཆག །གསེར་གྱི་སྤྲེའུ་ཐང་ལ་ལྷུང་། །དེ་ཡང་མི་ཁ་བྲ་མཆུར་སོང་། །དེ་རིང་སྲིད་པ་གཏོ་ཡིས་སྒྱུར། །ཀྱཻ། ཉི་མ་ལྷོ་ཕྱོགས་ཕ་ཀི་ན། །རྨ་བྱ་སྔོན་པོ་མདོངས་རེ་ཡག །བྱ་རྒྱལ་རྒོད་པོ་འཕུར་བ་ལ། །ཀུན་གྱིས་དེ་ལྟར་བྱས་པ་ལ། །བྲག་དམར་རྩེ་དགུ་ཉིལ་དེ་སོང་། །བྱ་རྒྱལ་རྒོད་པོ་གཤོག་རུ་ཆག །དེ་ཡང་མི་ཁ་བྲ་མཆུར་སོང་། །དེ་རིང་སྲིད་པ་གཏོ་ཡིས་སྒྱུར། །ཀྱཻ། ཉི་མ་ནུབ་ཕྱོགས་ཕ་ཀི་ན། །མི་ཕོ་མདངས་བཟང་རྟ་ཕོ་བང་མགྱོགས་ཆིབས། །ཀུན་གྱིས་དེ་ལྟར་བྱས་པ་ལ། །མི་ཕོ་དེ་ནི་ནད་ཀྱིས་ཟིན། །རྟ་ཕོ་དེ་ནི་ཐང་ལ་འགྱེལ། །དེ་ཡང་མི་ཁ་བྲ་མཆུ་སོང་། །དེ་རིང་སྲིད་པ་གཏོ་ཡིས་སྒྱུར། །ཀྱཻ། ཉི་མ་བྱང་ཕྱོགས་ཕ་ཀི་ན། །བག་མ་འགྲོ་བ་འབྲོང་རེ་གཙང་། །གོས་དང་དར་གྱིས་ལུས་ལ་བརྒྱན། །གསེར་དང་གཡུ་ཡིས་མགོ་ལ་བརྒྱན། །ཀུན་གྱི་དེ་ལྟར་བྱས་པ་ལ། །བག་མ་དེ་ནི་ནད་ཀྱིས་ཟིན། །གསེར་དང་གཡུ་ཡི་མིག་རུག་གས། །དེ་ཡང་མི་

[Full Size]

ཁ་བྲ་མཆུར་སོང་། །དེ་རིང་སྲིད་པ་གཏོ་ཡིས་སྒྱུར། །མི་ཡུལ་སྐྱིན་ཐང་ཕ་ཀི་ན། །ཞིང་ཡང་དེ་ནི་རེ་བཟང་ན། །ལྡང་ཡང་དེ་ནི་རེ་མཐུག་ཟེར། །ལྗང་བུས་རྩ་བ་སྐམ་ནས་སོང་། །ལོ་མ་སད་ཀྱིས་ཁྱེར་ནས་སོང་། །དེ་ཡང་མི་ཁ་བྲ་མཆུར་སོང་། །དེ་རིང་སྲིད་པ་གཏོ་ཡིས་སྒྱུར། །ནད་རིགས་བཞི་བརྒྱ་རྩ་བཞི་ཡང་། །དེ་རིང་སྲིད་པ་གཏོ་ཡིས་སྒྱུར། །ཡེ་འདྲོག་སུམ་བརྒྱ་དྲུག་ཅུ་ཡང་། །དེ་རིང་སྲིད་པ་གཏོ་ཡིས་སྒྱུར། །ལྟས་ངན་བརྒྱད་ཅུ་རྩ་གཅིག་ཡང་། །དེ་རིང་སྲིད་པ་གཏོ་ཡིས་སྒྱུར། །ཟློག་ཅིག་སྒྱུར་ཅིག་ས་མ་ཡ། །དེ་ནས་ཁ་ཕྱིར་བསྒྱུར་ནས་འབྲུ་སྣ་བཏབ་ལ། ཀྱཻ། དེ་རིང་མི་ཁ་བྲ་མཆུ་ལ། །ཚྭ་སྒོག་རམ་པ་རྫོངས་སུ་འདེབས། །བ་ཚྭ་བུལ་ཏོག་རྫོངས་སུ་འདེབས། །ཤེལ་ཚིགས་དཀར་ནག་རྫོངས་སུ་འདེབས། །།ཆངས་བུ་ཟས་སྣ་རྫོངས་སུ་འདེབས། །ཤ་སྣ་ཁྲག་སྣ་རྫོངས་སུ་འདེབས། །རྫོ་ངས་ཡས་གཉེན་པོ་འདི་ཁྱེར་ལ། །རྟ་ཕོ་ཆིབས་ཁ་ཁྲིད་ལ་སོང། །རྐང་ཐང་འགྲོ་བའི་རྗེས་ལ་ཞུགས། །མི་ཁ་ངན་པ་ད་སོང་ཞིག །ཉི་མའི་ཟེར་དང་འགྲོགས་ཏེ་སོང་། །མུན་པའི་སྨག་དང་འགྲོགས་ཏེ་སོང་། །སྐྱི་སེར་རླུང་དང་

[Full Size]

འགྲོགས་ཏེ་སོང་། །མི་ཁ་ངན་པ་ད་སོང་ཞིག །གལ་ཏེ་མི་འགྲོ་འདུག་གྱུར་ན། །འཇམ་དཔལ་ཁྲོ་བོ་ཐུགས་ཁྲོས་ནས། །ཁྱོད་ཀྱི་ལུས་ངག་ཡིད་གསུམ་པོ། །རྡུལ་ཕྲན་བཞིན་དུ་རླག་པར་བྱེད། །དེ་བས་རང་གི་གནས་སུ་དེངས། །ཨོཾ་སུམྦྷ་ནི་སོགས་བརྗོད། དྲག་སྔགས་གང་མང་གིས་བསྐྲད་ལ་ཡས་ལམ་དུ་བསྐྱལ། སྲུང་འཁོར་བྷེ། བཀྲ་ཤིས་དགེ་ལེགས་ཤོག་༈ དེ་ནས་གྱོད་གཏོ་གྱེར་བ་ལ། གཞུང་གོང་ལྟར་བཅས་ལ། འགུགས་གཞུག་བྱས་ལ། སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས། ཤེལ་ཚིགས་གཏོར་ལ་ཆབ་ཀྱིས་བྲན་ནས་འདི་སྐད་དོ།། ཧཱུྃ། དང་པོ་ཅི་ཡང་མེད་པ་ལ། །སྟོང་གསལ་གཏོ་ཡི་འཕྲུལ་གསུམ་ཤར། །དེ་ལ་སྲིད་པ་རླུང་དུ་སྲིད། །རླུང་དཀར་ཡེ་སྨོན་རྒྱལ་པོ་སྲིད། །རླུང་ནག་ངམ་རྗེ་རྩོལ་པོ་སྲིད། །དུས་དང་བསྐལ་པ་དེ་ཙམ་ན། །སྨོན་ལམ་ཡེ་སྨོན་རྒྱལ་པོ་ལ། །ངམ་རྗེ་བདུད་ཀྱི་གདུག་པ་ལང་། །བདུད་པོ་ངམ་རྗེ་ནག་པོ་དེས། །ཞྭ་ཕུད་གནམ་ལ་འཕངས་བ་ཡིས། །གནམ་གཉན་ནམ་མཁའི་སྤྲིན་ལྟར་གཡོས། །ལྷམ་ཕུད་ས་ལ་བརྡབས་པ་ཡིས། །ས་གཉན་ས་གཞི་རླུང་ལྟར་འཚུབ། །གོས་ཕུད་བར་སྣང་གཡུགས་པ་ལས། །གཉན་དམག་བར་

[Full Size]

སྣང་གློག་ལྟར་འཁྱུགས། །མི་ནག་གླང་ནག་ཞོན་ནས་འོང་། །མི་སྔོན་བྱ་རོག་ཞོན་ནས་འོང་། །མི་རྗེ་དུར་བྱ་ཞོན་ནས་འོང་། །ལྟས་ངན་ནག་པོ་ཕག་ནག་ཞོན། །བརྒྱ་བྱིན་ནག་པོ་བོང་བུ་ཞོན། །ངམ་རྗེ་ནག་པོ་ཐིལ་མོ་ཞོན། །གྱོད་ཀྱི་ཕག་ནག་ཞོན་ནས་འོང་། །གྱོད་རི་ནག་པོ་བརྩེགས་ནས་བྱུང་། །གྱོད་ཀྱི་མདའ་གཞུ་ཐོགས་ནས་འོང་། །གཉའ་ཤིང་ནག་པོ་ཁུར་ནས་འོང་། །ནད་རིགས་བཞི་བརྒྱ་སྤྲིན་ལྟར་འཁྲིགས། །བགེགས་རིགས་སྟོང་ཕྲག་རླུང་ལྟར་འཚུབ། །གློ་བུར་སུམ་བརྒྱ་སྤྱང་ལྟར་རྒྱུག །གདོན་རིགས་སྟོང་ཕྲག་མེ་ལྟར་འབར། །དེ་ནས་ཡེ་སྨོན་རྒྱལ་པོ་དེས། །མོ་བཏབ་དེ་ནི་རྩིས་བྱས་ནས། །ཀོང་ཙེ་འཕྲུལ་གྱི་རྒྱལ་པོ་དེས། །ཡར་གསོལ་ལྷ་ལ་མཆོད་པར་ཕུལ། །མར་སྦྱིན་འདྲེ་ལ་ཡས་རྫོངས་ནས། །གྱོད་གཏོ་ནག་པོ་བྱས་ཙམ་ན། །རྒྱལ་པོ་བདེ་སྐྱིད་ལྡན་པར་བྱས། །སྔོན་གྱི་ཁུངས་ལ་དཔེ་བླངས་ནས། །རྒྱུ་སྦྱོར་ཡོན་གྱི་བདག་པོ་ལ། །གྱོད་སྣ་མང་པོ་འདུས་པ་ལ། །སྔགས་འཆང་རྣལ་འབྱོར་བདག་ཉིད་ཀྱིས། །ཡར་གྱི་ལྷ་ལ་མཆོད་པ་འབུལ། །གླུད་ལེན་འདྲེ་ལ་ཡས་སུ་སྦྱིན། །ཤ་དུམ་ཁྲག་ཐིགས་ཆངས་བུ་

[Full Size]

དང་། །ཚྭ་དང་སྒོག་པ་རམ་པ་གསུམ། །བ་ཚྭ་དང་ནི་བུལ་ཏོག་དང་། །ཤེལ་ཚིགས་ཁྲི་དཀར་སྟོང་ནག་དང་། །གྱོད་རྫས་རྣམ་པ་སྣ་དགུ་ཡང་། །ཁྱེད་ཅག་རྣམས་ལ་ཡས་སུ་སྦྱིན། །གྱོད་བསྒྱུར་ཆེན་པོའི་གཏོ་བྱེད་དོ། །ཁྱོད་ཀྱི་སྐར་མདའ་དགྲ་ལ་སྒྱུར། །གྱོད་རི་ནག་པོ་ཐུར་དུ་བསྙིལ། །གྱོད་ལན་གྱོད་འཇལ་བསྒྱུར་དུ་གསོལ། །རོ་ལན་རོ་འཇལ་བསྒྱུར་དུ་གསོལ། །སྟོང་ལན་སྟོང་འཇལ་བསྒྱུར་དུ་གསོལ། །གྱོད་དང་ཁ་མཆུ་བསྒྱུར་དུ་གསོལ། །གྱོད་དང་ཁ་མཆུ་དགྲ་ལ་སྒྱུར། །གྱོད་མདུང་ནག་པོ་སྐེད་ནས་བཅགས། །གྱོད་མདའ་ནག་པོ་སྟོང་ནས་བཀས། །གྱོད་གཞུ་ནག་པོའི་མཆོག་མ་བཅད། །གྱོད་ཟངས་ནག་པོ་ཞབས་ནས་ཕུད། །གྱོད་རི་ནག་པོའི་རྩེ་མོ་བསྙིལ། །གྱོད་ཀྱི་བདག་པོ་ཐམས་ཅད་ལ། །མཁོ་བའི་ཡོ་བྱད་བདག་གིས་འབུལ། །རྒྱུ་སྦྱོར་ཡོན་གྱི་བདག་པོ་ཡི། །གྱོད་རྣམས་བསྒྱུར་བའི་གཏོ་བྱེད་དོ། །དགྲ་སྣ་བསྒྱུར་བའི་གཏོ་བྱེད་དོ། །གྲི་ཁ་བསྒྱུར་བའི་གཏོ་བྱེད་དོ། །མཚོན་ཁ་བསྒྱུར་བའི་གཏོ་བྱེད་དོ། །ཕུང་གྱོད་བསྒྱུར་བའི་གཏོ་བྱེད་དོ། །སྔོན་ཚེ་རྒྱལ་བུ་མཐིང་གེ་ལ། །ངམ་རྗེ་རྩོལ་

[Full Size]

པོའི་བློ་གཡོག་བྱས། །རྒྱལ་བུའི་ཀོང་ཙེ་འཕྲུལ་རྒྱལ་བཀུག །གྱོད་བསྒྱུར་ཆེན་པོ་བྱས་པ་ལ། །རྒྱལ་བུ་མཐིང་གེ་གྱོད་ལས་ཐར། །སྔོན་གྱི་སྲིད་ལ་དཔེ་བླངས་ནས། །རྒྱུ་སྦྱོར་ཡོན་གྱི་བདག་པོ་ལ། །རྐུན་སྣ་ཐོག་ལྟར་འབར་བ་སྒྱུར། །གྱོད་སྣ་མེ་ལྟར་འབར་བ་སྒྱུར། །གྱོད་སྣ་ཆུ་ལྟར་འབྲུབ་པ་སྒྱུར། །གྱོད་སྣ་རླུང་ལྟར་འཚུབ་པ་སྒྱུར། །གྱོད་སྣ་སྤྲིན་ལྟར་འཁྲིགས་པ་སྒྱུར། །གྱོད་སྣ་གློག་ལྟར་འཁྱུགས་པ་སྒྱུར། །གྱོད་སྣ་སེར་ལྟར་འབབ་པ་སྒྱུར། །གྱོད་སྣ་གངས་ལྟར་ཆགས་པ་སྒྱུར། །གྱོད་ཕག་ནག་པོའི་ཟེ་བ་བཅད། །གྱོད་གླང་ནག་པོའི་ར་རྩེ་བཅད། །གྱོད་བྱ་ནག་པོའི་སྡེར་མོ་བྲེག །སྲིན་བྱ་ཕོ་རོག་གཤོག་པ་བཅད། །བོང་བུ་ནག་པོའི་མིག་གཉིས་བཅར། །ནག་གི་ཐིལ་མོའི་མགོ་བོ་བཅད། །ཉི་མ་དེ་རིང་ཕྱིན་ཆད་ནས། །རྒྱུ་སྦྱོར་ཡོན་གྱི་བདག་པོ་ལ། །གྱོད་དང་ཁ་མཆུ་མེད་པའི་ཕྱིར། །དཀོན་མཆོག་གསུམ་ལ་མཆོད་པ་འབུལ། །ཡི་དམ་ལྷ་ཡི་བདེན་པ་བདར། །བསླུ་མེད་བདེན་པའིཚིག་གིས་སྒྲུང་། །གྱོད་རྫ་ས་ཆ་མ་ཆོ་དགུ་འདི། །གྱོད་བདག་རྣམས་ལ་ཡས་སུ་སྦྱིན། །ཁྱེད་རྣམས་མཉེས་ཤིང་ཚིམས་གྱུར་ཅིག །

[Full Size]

འདོད་པ་བཞིན་དུ་ཚིམས་གྱུར་ཅིག །རེ་བ་བཞིན་དུ་སྐོང་གྱུར་ཅིག །ཁྱོད་དང་ཁ་མཆུ་དགྲ་ལ་སྒྱུར། །དེ་ནས་གཏོ་ཡས་ཁ་ཕྱིར་བསྒྱུར་ལ་འབྲུ་སྣ་བཏབ། རང་ཉིད་ཏིང་ངེ་འཛིན་གསལ་བས་འདི་སྐད་དོ། ཀྱཻ། གྱོད་ཀྱི་བདག་པོ་བདག་མོ་རྣམས། །གླུད་འདི་བཞེས་ལ་ཕོ་བྲང་ཡར། །ཤེལ་ཚིགས་ཁྲི་དཀར་སྟོང་ནག་དང་། །ཤ་སྣ་ཁྲག་སྣ་མང་པོ་རྣམས། །ཁྱེད་ཅག་རྣམས་ལ་རྫོངས་སུ་འདེབས། །གྱོད་སྣ་ངན་པ་ད་སྒྱུར་ཅིག །མི་ཁ་ངན་པ་ད་སྒྱུར་ཅིག །དགྲ་སྣ་ངན་པ་ད་སྒྱུར་ཅིག །ཐན་སྣ་ངན་པ་ད་སྒྱུར་ཅིག །ནད་སྣ་ངན་པ་ད་སྒྱུར་ཅིག །མི་ནད་ངན་པ་ད་སྒྱུར་ཅིག །ཕྱུགས་ནད་ངན་པ་ད་སྒྱུར་ཅིག །དུར་སྣ་ངན་པ་ད་སྒྱུར་ཅིག །ད་ནི་མ་འདུག་གཞན་དུ་དེངས། །ཅི་ཏེ་མི་འགྲོ་འདུག་གྱུར་ན། །ཡི་དམ་ཁྲོ་བོ་ཐུགས་ཁྲོས་ནས། །མགོ་བོ་ཚལ་པ་བརྒྱ་རུ་འགས། །ལུས་པོ་ཚལ་པ་སྟོང་དུ་བཏང་། །དུས་ཀུན་བདེ་བ་མི་མཐོང་སྟེ། །དེ་བས་རང་གི་གནས་སུ་དེངས། །ཨོཾ་སུམྦྷ་ནི་སོགས་དྲག་སྔགས་བརྗོད། གྱོད་གཏོ་དང་མི་ཁ་གཉིས་གཅིག་ཏུ་བསྐྱལ། རྗེས་ཀྱི་སྲུང་འཁོར་ནི། འོག་རྡོ་རྗེའི་ས་གཞི། ལོགས་རྡོ་རྗེའི་རྭ་བ། སྟེང་རྡོ་རྗེའི་གུར་བླ་

[Full Size]

བྲེ་མེ་རི་མེ་དཔུང་གི་འཁོར་ལོ་དྲག་ཏུ་འཁོར་བ་གནོད་བྱེད་ཐམས་ཅད་ཀྱིས་མི་ཚུགས་པར་བསྒོམ། རཱ་གས་མཛད་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཧ་ས་གརྦྷའི་བཅའ་ཐབས་དང་འདོན་འགྲིགས་ཀྱི་ཟིན་བྲིས་གསལ་བར་བཀོད་པ།

[Full Size]

གནམ་ཆོས་ཧ་ས་གརྦྷའི་བཅའ་ཐབས་དང་འདོན་འགྲིགས་ཀྱི་ཟིན་བྲིས་གསལ་བར་བཀོད་པ་བཞུགས་སོ།། ན་མོ་མཉྫ་ཤྲཱི་ཡེ། ས་བདག་ཧ་ས་གརྦྷའི་ཟིན་བྲིས་ནི། །མདོས་གཞི་རི་རབ་བང་རིམ་ལྔ་པའི་སྟེང་། །དམར་གཏོར་གཅིག་ལ་མཆོད་པ་རྣམ་ལྔས་བསྐོར། །ཧ་ས་གརྦྷ༔ དེ་ཡིན་དེ་འོག་གི །བང་རིམ་དང་པོར་སྤར་བརྒྱད་གཏོར་ཟླུམ་བརྒྱད། །དེ་འོག་བང་རིམ་གཉིས་པར་སྨེ་བ་དགུའི། །གཏོར་མ་ཟུར་གསུམ་དགུ་ཡིས་བསྐོར་ནས་བཞག །དེ་འོག་ལོ་སྐོར་བཅུ་གཉིས་རང་གཟུགས་བསྐོར། །དེ་འོག་བང་རིམ་གཏོར་མ་ཟུར་གསུམ་ནི། །ནག་པོ་བཅུ་གཉིས་བསྐོར་ཏེ་དེ་ཡི་མཐར། །བལ་མོ་མི་ཁ་བ་རུ་འཁོར་བཅས་དང་། །ས་བདག་གཏོ་མཁན་རུ་འདྲེན་ལ་སོགས་པ། །གཏོར་ཆུང་མཐེབ་སྐྱུ་འབྲུ་སྣ་ཤ་དུམ་བསྐོར། །དེ་འོག་འུག་པ་གང་མང་དེ་ཡི་འོག །ཝ་མོ་ལ་སོགས་ཐན་གཟུགས་གང་ཡིན་བསྐོར། །མདུན་དུ་མི་དམར་མགོ་གསུམ་དམར་གཏོར་ནི། །ཟུར་གསུམ་གསུམ་བཤིབས་གཏོར་ཆུང་བཅུ་གསུམ་བསྐོར། །བསྒྲལ་བའི་ལིངྒ་བསྟབས་པའི་ཐུན་རྫས་བཅས། །མདོས་ཀྱི་མདུན་དུ་བཟའི་གྲངས་ངར་མི་བཞག །དེ་ཡི་

[Full Size]

མདུན་དུ་གཏོར་མ་གསེར་སྐྱེམས་བཞག །གཞུང་ནས་བྱུང་བའི་དཀར་གཏོར་གསེར་སྐྱེམས་བསྔོ། །དཀར་པོ་མགོ་གསུམ་རང་གཞུང་ཉིད་དང་མཚུངས། །གནམ་ཆོས་ཧ་ས་གརྦྷའི་ཟིན་བྲིས་འདི། །གུད་སྦས་གསལ་ཕྱིར་༧ རཱ་ག་ཨ་སྱས་བྲིས། །མངྒ་ལཾ།། །། ཧ་ས་གརྦྷའི་ཟིན་བྲིས་ནི། བཅའ་ཚོགས་གོང་ལྟར་གྲུབ་ནས་རིགས་གསུམ་མགོན་པོའི་བསྙེན་པ་སྟོང་ཕྲག །དེ་ནས་ལིངྒ་ཆེ་བ་གཅིག་བཤམས་ཁྲག་གམ་ཆུས་བྲན་ལ། ན་མོ་བསླུ་མེད་སོགས་འདིར་ཁུག་ཅིག །བར་ཚར་གསུམ་བརྗོད་ལ། གསོད་བྱེད་མི་དམར་སོགས། དགྲ་ལ་ཆོས་སོགས། བསད་སྔགས་བཅས་བསྒྲལ་ནས་ལིང་རོས་གཏོར་མ་གསོ། ཧཱུྃ་ལས་རིན་ཆེན་སོགས། བྷྱོ་བཟློག་རྒྱས་པ་ཚར་གཅིག །དེ་ནས་དཀར་གཏོར་ཟན་གྱི་རིལ་བུས་གསོ། གླུད་ཆང་བུས་གསོ་ལ་ཆུ་གཙང་གིས་བྲན། བློ་ལས་རིན་ཆེན་སོགས། ལོ་གསུམ་བར་དུ་ཁྱོད་ཀྱིས་བཤོལ་ཐོབ་ཅིག །ཐན་རྣམས་ལ་ཡིན་ན། ཧཱུྃ། །མི་ནག་མགོ་གསུམ་སྐུ་སྨད་སྦྲུལ་སོགས། ལྷག་དང་ཆད་པའི་ཐན་ལྟས་དགྲ་ལ་ཧཱུྃ། འཕགས་པ་རིགས་གསུམ་མགོན་པོ་སོགས། ལས་ངན་སྣ་ཚོགས་ཞེས་པའི་མལ་དུ། ལྟས་ངན་བྱ་ཐན་སྡང་བའི་དགྲ་ལ་སྒྱུར། །ལྟས་ངན་རྒྱུ་ལུག་ནག་པོ་སོགས་

[Full Size]

སྦྱར། །བཅོལ་བའི་ཕྲིན་ལས་འགྲུབ་པར་མཛོད། །དེ་མཚམས་རོལ་མོ་འུར་བརྡུང་དང་བཅས་ཟློག་པ་ཚར་བདུན་བཅས་དེ་ལྟར་གྲངས་བསགས་ནས། དེ་ནས་སྤར་ཁ་རྩུབ་ན་གོང་ལྟར་ལས། ལོ་གསུམ་བར་དུ་ཁྱོད་ཀྱིས་བཤོལ་ཐོབ་ཅིག །མཚམས་སུ། ཧཱུྃ། ས་བདག་ཧ་ས་གརྦྷའི་ཕྱག་གཡས་ནས་སོགས། ནད་ངོ་ཟློག་ཅེས་ཚར་དགུ་རོལ་མོ་འུར། ལོ་དང་སྨེ་བ་སོགས་འགྲེའོ། །མི་ཁ་བཟློག་ན། ལོ་གསུམ་བར་དུ་ཁྱོད་ཀྱིས་བཤོལ་ཐོབ་ཅིག །མཚམས་སུ། ཧཱུྃ། ས་བདག་ཧ་ས་གརྦྷའི་ཕྱག་མཚན་གྲི་ཐོད་ལས་སོགས། ཟོ་ཞིག་འཐུང་ཞིག་ལྷག་མ་མེད་པར་མཛོད། །ཅེས་རོལ་མོ་འུར་བརྡུང་རེ་བཅས་སྔགས་ལན་བདུན་བརྗོད། དེ་ལྟར་གཏོར་མ་གསོ་ཞིང་གྲངས་བསགས། གཞན་ཡང་མཇུག་གི །མདོས་ཟོར་ཤ་ཁྲག་སོགས་གཞུང་ལྟར་བརྗོད། བདེ་ཆེན་སྙིང་པོའི་ཞལ་་ཁྲིད་དམ་པའོ། མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུག་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ ཧ་ས་གརྦྷའི་སྒྲུབ་ཐབས་ཀྱི་ལྷན་ཐབས་ཤིན་ཏུ་བསྡུས་པ་རྣལ་འབྱོར་རང་དོན་རྟེན་འབྲེལ་ངན་པ་རྣམས་ཟློག་པའི་གདམས་པ་ཟབ་མོ།

[Full Size]

གནམ་ཆོས་ཐུག་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ ཧ་ས་གརྦྷའི་སྒྲུབ་ཐབས་ཀྱི་ལྷན་ཐབས་ཤིན་ཏུ་བསྡུས་པ་རྣལ་འབྱོར་རང་དོན་རྟེན་འབྲེལ་ངན་པ་རྣམས་ཟློག་པའི་གདམས་པ་ཟབ་མོ་ཞེས་བྱ་བ་བཞུགས་སོ༔

[Full Size]

ན་མོ་མཉྫའི་གྷོ་ཥ་ཡེ༔ གནམ་ཆོས་ཧ་ས་གདྷུའི་ལྷན་ཐབས་བྲི༔ ཆོས་བདག་སྲུང་མས་བཀའ་ཡི་གནང་བ་སྩོལ༔ རྒྱ་ནག་ལུགས་ཀྱི་འཇམ་དཔལ་གཤིན་རྗེའི་རྒྱུད༔ ལེའུ་བཅུ་པའི་སྐབས་སུ་གསུངས་པ་དང་༔ ས་བདག་གཏོ་རྒྱུད་ནག་པོ་ལས་གསུངས་པ༔ ཀོང་ཙེ་འཕྲུལ་རྒྱལ་ཝང་ཙེ་འཕྲུལ་རྒྱལ་དང་༔ རྒྱ་ནག་རྒྱལ་པོ་རྒྱུ་ནི་ཧ་རྣམས་ཀྱིས༔ འགྲིགས་ཆགས་བསྡེབས་པ་རྒྱ་བཟས་བོད་ཏུ་བསྒྱུར༔ དེ་རྗེས་ལན་གྲངས་མང་དུ་འགྱུར་བའི་ཕྱིར༔ དར་ཆ་ཆེ་དྲག་ད་ནི་ཧ་ཅང་འཆལ༔ དབང་ལུང་རྒྱུན་ཆད་ཕྱག་ལེན་འཆུག་པར་གྱུར༔ དེ་ལོ་ཕན་ཕྱིར་མི་འགྱུར་རྡོ་རྗེ་ལ༔ འཇམ་དཔལ་དམར་སེར་ཉིད་ཀྱིས་འདི་གསུང་སྟེ༔ སྔར་གྱི་དབང་ལུང་བརྒྱུད་པ་གསོ་ཕྱིར་ལགས༔ རྒྱས་པར་སྤྲོ་ན་ཡིག་རྙིང་རྒྱས་པ་ལྟར༔ ཡབ་ལུགས་

[Full Size]

ཡུམ་ལུགས་སྲས་ལུགས་གསུམ་དང་ནི༔ མདོས་ཐབས་རྩང་ཐབས་རྣམ་གྲངས་གང་ལྕོགས་དང་༔ བཅའ་ཐབས་བཅོ་བརྒྱད་གང་དགོས་ཕྱག་ལེན་དང་༔ ལེགས་པར་བཅས་ན་འདོན་ཆའི་པོད་གཞུང་ཀློག༔ འདི་ཡི་དབང་ལུང་ཐོབ་ནས་འདོན་གྱིས་ཆོག། བཀའ་ཆད་ལུང་སྡུམ་ཉེས་པ་མི་འབྱུང་ངོ་༔ རང་དོན་ཤིན་ཏུ་སྤྲོས་མེད་ཉམས་ལེན་ནི༔ ལྕོག་ཟླུམ་མམ་ནི་ལྷ་བཤོས་བཤམས་པ་ནི༔ དཀར་པོ་མགོ་གསུམ་སྲུང་བའི་དོན་འདུས་ཤི་ང་༔ དམར་གཏོར་གཅིག་བཤམས་ནག་པོ་མགོ་གསུམ་གྱི༔ ཟློག་པའི་བཅས་ནི་དེ་ལ་འདུས་པའོ༔ ངར་མི་ཆངས་བུ་ཏིང་ལོ་ལ་སོགས་བཤམས༔ དེ་ལ་གླུད་ཡས་ཐམས་ཅད་འདུས་པའོ༔ དཀར་གཏོར་བཤམས་པས་ཀླུ་དང་ས་བདག་མཆོད༔ སྔོན་འགྲོ་སྣ་སེལ་ཐམས་ཅད་དེ་ལ་འདུས༔ ལིངྒ་གཅིག་

[Full Size]

བཤམས་དེ་ཉིད་བསྒྲལ་ལ་འབུལ༔ དམར་པོ་མགོ་གསུམ་བསད་པའི་དོན་འདུས་སོ༔ དེ་ནས་གྱེར་བསྒོམ་བསྙེན་པ་ཅི་མང་བྱ༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ལན་གསུམ༔ ཀ་དག་ཀློང་ནས་སྤྲུལ་པ་ཡི༔ གནམ་ས་གང་བའི་མཆོད་པའི་སྤྲིན༔ སྨན་གཏོར་རཀྟ་ལྷ་མོར་བཅས༔ ཟད་མེད་གྱུར་ཅིག་པཱུ་ཛ་ཧོཿ སྭ་བྷ་ཝས་སྦྱངས༔ སྟོང་པའི་ངང་ལས་པད་ཟླ་ཉི་མའི་སྟེང་༔ སངས་རྒྱས་ཀུན་གྱི་སྐུ་གསུང་ཐུགས་བསྡུས་པ༔ རང་ཉིད་རིགས་གསུམ་མགོན་པོ་གཅིག་དྲིལ་བ༔ དབུས་ཞལ་སྐུ་ལུས་རྩ་ཕྱག་རྩ་ཞལ་རྣམས༔ སྙིང་རྗེ་མཐར་ཕྱིན་སྤྱན་རས་གཟིགས་མགོན་ནི༔ སྐུ་མདོག་དཀར་པོ་ཕྲེང་བ་པདྨ་འཛིན༔ གཡས་ཞལ་ཕྱག་དང་ཞབས་ནི་བར་པ་རྣམས༔ ཤེས་རབ་མཐར་ཕྱིན་འཇམ་དཔལ་གཞོན་ནུ་ནི༔ གུར་གུམ་མདོག་ཅན་རལ་གྲི་པོ་ཏི་འཛིན༔ གཡོན་ཞལ་ཕྱག་དང་ཞབས་ནི་ཐ་མ་གཉིས༔ མཐུ་སྟོབས་མཐར་ཕྱིན་གསང་བའི་བདག་པོ་སྟེ༔ ཆར་སྤྲིན་མདོག་ཅན་རྡོ་རྗེ་སྡིགས་མཛུབ་ཞགས༔ ཞབས་དྲུག་སེམས་དཔའི་

[Full Size]

སྐྱིལ་ཀྲུང་བཞུགས་པ་ལ༔ དར་དང་རིན་པོ་ཆེ་ཡི་རྒྱན་གྱིས་བརྒྱན༔ གནས་གསུམ་འབྲུ་གསུམ་འོད་ཀྱིས་སྤྱན་དྲངས་བསྟིམ༔ ཧཱུྃ༔ གནས་མཆོག་པོ་ཊ་ལ་ཚོ་དང་ལྕང་ལོ་ཅན༔ རྒྱ་ནག་རི་བོ་རྩེ་ལྔའི་ཤེལ་ཁང་ནས༔ འཕགས་མཆོག་རིགས་གསུམ་མགོན་པོ་གཤེགས་སུ་གསོལ༔ ཤེལ་གུར་པདྨ་ཉི་ཟླའི་གདན་ལ་བཞུགས༔ རིགས་ལྔ་སྤྱན་དྲངས་དབང་བསྐུར་རིགས་བདག་མཚན༔ ཛཿཧཱུྃ་བཾ་ཧོཿ ཛྷཱ་ན་ཨ་བྷི་ཥིཉྩ་ཧཱུྃ༔ བསྙེན་པ་ནི་འདིའོ༔ ཨ་བྷིཧཱུྃ༔ ཞེས་བཟླའོ༔ རང་གི་སྐུ་ལས་འོད་ཟེར་དཀར་པོ་འཕྲོས༔ ཤེལ་གྱི་གུར་ཁང་ཡངས་ཤིང་རྒྱ་ཆེ་བར༔ དེ་ནང་བདག་ཅག་ཡོན་མཆོད་བསྲུང་བྱ་ཚུད༔ བདག་གི་སྤྱི་གཙུག་ཁྱུང་འབྲུག་སེང་གེས་བརྒྱན༔ སྣང་སྲིད་ལྷ་འདྲེ་ཐམས་ཅད་ཟིལ་གྱིས་གནོན༔ སླར་ཡང་རིགས་གསུམ་སྐུ་ཡི་འོད་ཟེར་ལས༔ ཕྱི་རོལ་རྡོ་རྗེ་སྔོན་པོའི་ས་གཞིར་གུར༔ དེ་རྒྱབ་གསེར་གྱི་འཁོར་ལོ་རྩིབས་སྟོང་འཁོར༔ དེ་རྒྱབ་པདྨ་དམར་པོའི་ཡུ་བ་ཅན༔ མཚོན་ཆ་སྣ་ཚོགས་རྩེ་མོ་ཕྱིར་བསྟན་གུར༔ དེ་རྒྱབ་ཡེ་ཤེས་མེ་རི་བར་མེད་འབར༔ རིགས་གསུམ་སྤྲུལ་པ་ཁྱུང་འབྲུག་སེང་གསུམ་ལས༔ འོད་འཕྲོས་བསྲུང་བྱའི་ལུས་

[Full Size]

ངག་ཡིད་ལ་ཐིམ༔ ཁྲོ་བཛྲ་གྷ་རུ་ཊ་ཧཱུྃ་ཕཊ་རཀྵ་རཀྵ་སྭཱ་ཧཱ༔ དུ་ན་ཧཱུྃ་ཧཱུྃ་རཀྵ་རཀྵ་སྭཱ་ཧཱ༔ ཡ་མ་རཱ་ཛ་ཧཱུྃ་ཕཊ་རཀྵ་རཀྵ་སྭཱ་ཧཱ༔ ཅི་ནུས་བཟླ༔ ཨོཾ་ཨཱཧཱུྃ༔ ལན་གསུམ། ཨཱ་ཧཱིཧཱུྃ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཨནྡྷཾ་སོགས་ཀྱིས་མཆོད། ཧཱུྃ༔ དུས་གསུམ་རྒྱལ་བ་ཀུན་གྱི་སྐུ་གསུང་ཐུགས༔ ཁམས་གསུམ་འགྲོ་བ་ཀུན་གྱི་སྐྱབས་གཅིག་པུ༔ ལུས་ངག་ཡིད་གསུམ་བསྲུང་བ་ལྷ་ཡི་མཆོག༔ རིགས་གསུམ་མགོན་པོ་གཅིག་དྲིལ་སྐུ་ལ་བསྟོད༔ སྟོང་གསུམ་འཇིག་རྟེན་ཟིལ་གནོན་སྤྲུལ་པའི་གཟུགས༔ རླབས་ཆེན་ཁྱུང་དང་རྩལ་ཆེན་སེང་གེ་དང་༔ ངར་ཆེན་འབྲུག་སྟེ་དཀར་པོ་མགོ་གསུམ་ཞེས༔ སྲུང་སྐྱོབ་སྤྲུལ་པའི་ལྷ་ལ་མཆོད་ཅིང་བསྟོད༔ བདག་དང་བསྲུང་བྱ་རྣམས་ལ་བསྲུང་དུ་གསོལ༔ དེ་ནས་མདུན་བསྐྱེད་ནི༔ མདུན་དུ་ཧ་ས་གྷཌྷ་ནག༔ དབུས་ནས་གཡས་བསྐོར་རིམ་བཞིན་དུ༔ གླང་སྟག་ཕག་གི་མགོ་བོ་ཅན༔ ཕྱག་དྲུག་དང་པོ་གཉིས་ཀྱིས་ནི༔ གྲི་གུག་ཐོད་ཁྲག་བར་མ་གཉིས༔ རལ་གྲི་ལྕགས་ཀྱུ་ཐ་མ་གཉིས༔ ཞགས་པ་མདའ་གཞུ་འཛིན་པ་སྟེ༔ ཁྲོ་ཆས་རྫོགས་ཤིང་གཤོག་པ་ཅན༔ སྐུ་སྨད་སྦྲུལ་གྱི་མཇུག་མར་འཁྱིལ༔ མདུན་དུ་མི་

[Full Size]

དམར་མདའ་གཞུ་འགེང་༔ ཕག་སྦྲུལ་བྱ་ཡི་མགོ་བོ་ཅན༔ དེ་མདུན་ཤང་ཤང་བྲ་ཝའི་མགོ༔ རང་འདྲ་བརྒྱ་དང་བཅུ་གསུམ་བསྐོར༔ གཡས་སུ་བདུད་དང་གཡོན་དུ་བཙན༔ རྒྱབ་ཏུ་མ་མོ་རྔ་མོང་ཞོན༔ དེ་རྒྱབ་མི་ཁ་བ་རུ་མ༔ འབྱུང་བ་ལོ་ཟླ་སྤར་སྨེའི་བདག༔ ཁྲོ་བོ་ཕ་བུ་བཅོ་བརྒྱད་དང་༔ སྲུང་བཞི་གཏོ་མཁན་རིགས་བཞི་དང་༔ ཐན་སྐྱ་ཉི་ཤུ་རྩ་གཅིག་སོགས༔ བགེགས་རིགས་གདོན་རིགས་ཀུན་གྱིས་བསྐོར༔ ཐུགས་ཀའི་འོད་ཀྱིས་རང་རྒྱུད་པ༔ སྤྱན་དྲངས་གཉིས་སུ་མེད་པར་གྱུར༔ ཧཱུྃ༔ འཇམ་དཔལ་སྤྲུལ་པའི་མཐུ་བོ་ཆེ༔ ས་བདག་གཟའ་ཀླུ་འཆོས་པའི་བུ༔ ཟློག་བྱེད་ནག་པོ་མགོ་བོ་གསུམ༔ སྣང་སྲིད་ལྷ་འདྲེ་འཁོར་བཅས་རྣམས༔ མཆོད་པའི་གནས་འདིར་གཤེགས་སུ་གསོལ༔ སྔོན་མོ་ནས་ཀྱི་ཕོ་ཉར་བཏང་༔ ་གསེར་སྐྱེམས་སྔོན་མོའི་ཆས་ཇ་འདྲེན༔ གནོད་བྱེད་དགྲ་བགེགས་གདོན་ལ་བཞུགས༔ སྔོན་ཚེ་འཕགས་པ་འཇམ་དཔལ་གྱི༔ བཀའ་དང་དམ་ལ་བཏགས་པའི་ཚེ༔ དུས་ངན་སྙིགས་མ་ལྔ་ཡི་དུས༔ སྲིད་པའི་བྱོལ་བཟློག་ཁྱོད་ཀྱིས་གྱིས༔ སྐག་ཆེན་ཐམས་ཅད་ཟློག་པར་

[Full Size]

གྱིས༔ ནད་པ་ཡོད་ན་བསླང་བར་གྱིས༔ སྲིའུ་ཚང་ནས་བསྐྱེད་པར་གྱིས༔ རྒན་པ་རྣམས་ཀྱི་ཚེ་བསྲིང་ལ༔ གཞོན་པའི་དཔལ་ནི་བསྐྱེད་པར་གྱིས༔ གནོད་པར་བྱེད་པ་ཐམས་ཅད་སོད༔ མི་ཁ་སྣ་ཚོགས་ཟས་སུ་ཟོ༔ གཏོར་མ་མཐེབ་སྐྱ་ཁྱོད་ལ་སྦྱིན༔ འཇམ་དཔལ་དམ་ཚིག་དེ་ལྟར་ཕོག༔ དེ་རིང་དགོས་པའི་དུས་བྱུང་ན༔ སྔོན་གྱི་དམ་ཚིག་དྲན་པར་གྱིས༔ འཕགས་པ་འཇམ་དཔལ་བཀའ་མ་བཅག༔ ཡོན་བདག་དྲིན་ལེན་ཆུད་མ་གསན༔ གཏོ་ཡས་གནས་སུ་ཐེངས་བར་མཛོད༔ ཨོཾ་ཕེ་ཤ་ཀེ་རུ་ཧཱུྃ༔ བཛྲ་ས་མ་ཡ་ཛཿ ཛཿཧཱུྃ་བཾ་ཧོཿ ཏིཥྛ་ལྷན༔ ས་མ་ཡ་ཧོཿ ཨནྡྷཾ་སོགས། ཁོ་ཡི་སྙིང་ཁར་ཁཾ་ནག་པོ༔ རྩ་སྔགས་གཡས་སུ་འཁོར་བ་ལ༔ བདག་གིས་སྲོག་སྔགས་དེ་བཟླས་པས༔ སྔོན་གྱི་ཁས་བླངས་དམ་ཚིག་དྲན༔ ཅི་གསུངས་བཀའ་བསྒྲུབ་ཁས་བླངས་གྱུར༔ ཨོཾ་ཕེ་ཤ་ཀེ་ཏུ་དྷྭཾ༔ ཨོཾ་ཧ་ས་གརྦྷ༔ ཕཊ༔ ཨོཾ་ནག་པོ་ཕེ་ཤ་རྦད༔ ཨོཾ་ཀ་ལ་མུ་ཁ་རེ་རི་བྷྱོཿ སྔགས་ཚན་བཞི་པོ་གང་རུང་བཟླ༔ དེ་ནས་ལིངྒ་ཡོད་ན་བསྒྲལ༔ མེད་ན་དམར་གཏོར་ཉིད་ལ་བཀུག་ན་མོ༔ བསླུ་མེད་དཀོན་མཆོག་གསུམ་དང་རྩ་བ་གསུམ༔ འཕགས་པ་རིགས་གསུམ་མགོན་

[Full Size]

པོའི་བདེན་པ་དང་༔ ནག་པོ་མགོ་གསུམ་མཐུ་སྟོབས་ཆེན་པོ་ཡིས༔ གནོད་བྱེད་དགྲ་བགེགས་ཐམས་ཅད་འདིར་ཁུག་ཅིག༔ གསོད་བྱེད་མི་དམར་མགོ་བོ་གསུམ་པ་ཡིས༔ བཙན་མདའ་དམར་པོ་སྙིང་ལ་རྒྱོབ་ལ་སོད༔ ཤན་པའི་ཚོགས་ཀྱིས་ཤ་རུས་དུམ་བུར་གཏུབས༔ ཨོཾ་ཙན་ཡཾ་ཁ་ལ་རཀྟ་དུ་སིང་དགྲ་ལ་ཆོད་འདྲེ་ལ་ཆོད༔ ལན་གསུམ་མམ་བདུན་བརྗོད། བྷྱ༔ ལས་རིན་ཆེན་སྣོད་དང་སླ་ང་རུ༔ ངོ་བོ་དགྲ་བགེགས་གནོད་བྱེད་ཤ་ཁྲག་ལ༔ རྣམ་པ་འདོད་པའི་ཡོན་ཏན་རྣམ་པ་ལྔ༔ ལ་ལ་དཀར་གསུམ་ལ་ལ་ཤ་ཁྲག་མཚོ༔ ངར་མི་བན་སྐྱེ་བུད་མེད་ལྟ་ན་སྡུག༔ སོ་སོའི་ཅི་འདོད་ལོངས་སྤྱོད་ཕུན་ཚོགས་གྱུར༔ བདེ་གཤེགས་རིན་ཆེན་མང་དང་གཟུགས་མཛེས་དང་༔ འབྱམས་ཀློས་འཇིགས་ཀུན་བྲལ་ལ་ཕྱག་འཚལ་ལོ༔ དགྲ་བགེགས་ཤ་རི་ཁྲག་མཚོའི་གཏོར་མ་འདི༔ ཧ་ས་གརྦྷ༔ མི་དམར་མགོ་གསུམ་དང་༔ བཙན་བདུད་མ་མོ་ལྷ་སྲིན་དྲེགས་པའི་ཚོགས༔ ཀུན་ལ་འབུལ་ལོ་དགྱེས་པར་ཞལ་དུ་བསྟབ༔ དཀར་གསུམ་མངར་གསུམ་བདུད་རྩིའི་རྒྱ་མཚོ་འདི༔ འབྱུང་བ་སྤར་སྨེ་ལོ་ཟླ་ཞག་དུས་བདག༔ ས་བདག་ཁྲོ་བོ་ཕ་

[Full Size]

བརྒྱད་བུ་བརྒྱད་དང་༔ ཀླུ་དང་ས་བདག་གཞི་བདག་རྣམས་ལ་འབུལ༔ མཉེས་ཚིམ་དགའ་མགུ་ཡི་རང་ལྡན་གྱུར་ཅིག༔ ངར་མི་ཆངས་བུ་ཏིང་ལོ་དྲི་གླུད་འདི༔ འཁྲུག་འདྲེ་བཅོ་བརྒྱད་མི་ཁ་བ་རུ་མ༔ ཤང་ཤང་བྲ་མཆུ་གྲི་བོ་བསེ་རག་དང་༔ ཟ་འདྲེ་ཤི་གཤེད་ལྟས་ངན་རྣམས་ལ་སྦྱིན༔ ལན་ཆགས་བྱང་ཞིང་བུ་ལོན་སོད་གྱུར་ཅིག༔ ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ༔ ཨོཾ་སམྦྷ་ར་སམྦྷ་ར་ཧཱུྃ༔ གསུམ་མམ་བདུན་བརྗོད། ཧཱུྃ༔ གནམ་ལྷ་ཞེ་སྡང་ཁོན་པ་རྒན་པོ་དང་༔ ས་བདག་འདོད་ཆགས་ཁོན་མ་འཚོགས་པའི་བུ༔ མི་ནག་བྱ་གཤོག་རེ་འབྱམས་མཇུག་མ་ཅན༔ མགོ་དབུས་གླང་མགོ་གཟའ་ཆེན་སྤེན་པའི་བུ༔ མགོ་གཡས་སྟག་མགོ་གཟའ་ཆེན་ཁྱབ་འཇུག་བུ༔ མགོ་གཡོན་ཕག་མགོ་གཟའ་ཆེན་ལྷག་པའི་བུ༔ ཕྱག་དྲུག་དང་པོས་གྲི་ཐོད་གནོད་བྱེད་ཟ༔ བར་པས་ལྕགས་ཀྱུས་འཛིན་ཅིང་རལ་གྲིས་གཏུབ༔ མཐའ་མས་ཞགས་པས་བཅིང་ཞིང་མདའ་གཞུ་འབིགས༔ བ་སྤུ་མཚོན་ཆ་སེན་མོ་ལྕགས་ཀྱུ་འགུགས༔ ཁ་གདངས་མཆེ་གཙིགས་ང་རོ་འབྲུག་སྟོང་ལྡིར༔ ཞེ་སྡང་མེ་འབར་མྱུར་མགྱོགས་གློག་ལྟར་འཁྱུགས༔ མཐུ་ཆེན་སྟོབས་ལྡན་སྲིད་པའི་

[Full Size]

བྱོལ་ཟློག་ཁྱོད༔ དམ་རྫས་དམར་གྱི་གཏོར་མ་འདི་བཞེས་ལ༔ ལྟས་ངན་མི་ཁ་བྲ་མཆུ་ཟས་སུ་ཟོ༔ ཆག་ཆེན་ཉམ་ང་སྐག་ཆེན་ཟློག་པར་བྱེད༔ གལ་ཏེ་འཆི་བར་ངེས་པའི་མི་ཡོད་ཀྱང་༔ ལོ་གསུམ་བར་དུ་ཁྱོད་ཀྱིས་བཤོལ་ཐོབ་ཅིག༔ ཧཱུྃ༔ མི་ནག་མགོ་གསུམ་སྐུ་སྨད་སྦྲུལ་མཇུག་ལས༔ རང་འདྲའི་སྤྲུལ་པས་སྟོང་གསུམ་འཇིག་རྟེན་གང་༔ ཐན་བདག་ཐན་དང་བཅས་པ་ཧབ་ཐོབ་ཟོ༔ ལྷག་དང་ཆད་པའི་ལྟས་ངན་དགྲ་ལ་སྒྱུར༔ ཁ་དགུ་ཟིལ་པ་ཉམ་པའི་ལྟས་ངན་ཟློག༔ ལག་དགུ་ཟོར་བ་ཐོགས་པའི་ལྟས་ངན་ཟློག༔ མོན་དང་རྒྱུ་ལུག་ཐམས་ཅད་བསྒྱུར་ཞིང་ཟློག༔ རྟ་ནོར་ར་ལུག་མི་འདྲ་སྤེལ་འདྲ་དང་༔ ཁྱི་འདྲ་གྲོད་པ་འདྲ་དང་འབྲང་ལུམ་འདྲ༔ ལོང་ཁ་འདྲ་བ་གཏོ་ཡིས་བསྒྱུར་དཀའ་ཞིང་༔ བསྒྱུར་ན་གཏོ་མཁན་རང་ལ་གནོད་པའི་ཐན༔ དེ་ཡང་ནག་པོ་མགོ་གསུམ་ཁྱོད་ཀྱིས་ཟློག༔ ཐན་བདག་ཐན་དང་བཅས་པ་ཁྱོད་ཀྱིས་ཟོ༔ གཟུགས་ནི་ངོ་ཤེས་ཙམ་དང་ངོ་མ་ཤེས༔ རྒྱུ་མ་ཡར་ལུག་མར་ལུག་བཅོས་དཀའི་ཐན༔ བན་བོན་གཏོ་མཁན་རང་ལ་གནོད་པའི་ཐན༔ དེ་ཡང་མི་ནག་མགོ་གསུམ་ཞལ་དུ་བསྟབ༔ ཁ་དགུ་

[Full Size]

རྐང་ལག་བརྒྱད་དང་བཅོ་བརྒྱད་པ༔ རེ་འབྱམས་ཐན་དེ་སྡེ་དཔོན་བརླག་པའི་ཐན༔ དར་རྒྱས་ཅན་ལ་ངན་པའི་བྱད་ཁའི་ཐན༔ དེ་ཡང་མི་ནག་མགོ་གསུམ་ཁྱོད་ཀྱིས་ཟོ༔ ཨོག་མར་མིག་དང་ལྟག་པར་ཁ་དོད་པ༔ ལྐུགས་པ་ཁ་མེད་མིག་མེད་བདུད་ཀྱི་ཐན༔ མི་ནག་མགོ་བོ་གསུམ་པའི་ཞལ་དུ་བསྟབ༔ ཁ་དང་མིག་ལ་སོ་སྐྱེས་འཆི་བདུད་ཐན༔ བཅོས་དཀའི་ཐན་དེ་མགོ་གསུམ་ཁྱོད་ཀྱིས་ལྐུགས་པ་ལག་སྡུམ་མིག་མེད་ལོང་བ་དང་༔ རྣ་མེད་འོན་དང་རྐང་མེད་ཞ་བོ་དང་༔ བདུད་པོ་མཐོང་བ་མིག་མེད་ཐན་ཡིན་ཏེ༔ མི་ནག་མགོ་བོ་གསུམ་པའི་ཞལ་དུ་བཞེས༔ གཟུགས་བརྙན་དོད་དང་གཟུགས་བརྙན་མ་དོད་དང་༔ གྲོད་པ་སོ་ཅན་ཐན་ཡིན་ཁྱོད་ཀྱིས་ཟོ༔ ལག་པ་བྲང་གུག་ཐན་ཏེ་བྲང་བརྡུང་ཐན༔ ཡ་མཆུ་རིང་དང་རྐང་པའི་སུ་གུ་འཁྱོག༔ སྤྲང་པོ་དབྱུག་གཟུང་ཐན་དེ་ཁྱོད་ཀྱིས་ཟོ༔ གློ་སྙིང་ཕྱིར་བུད་སྙིང་འདྲ་འཆི་བའི་ཐན༔ མཆེ་བ་སྐྱེས་པ་བཙན་ཤ་རུ་བརྡར་ཏེ༔ ཕུ་བོ་ལ་ངན་ཐན་དེ་ཁྱོད་ཀྱིས་བྲོ༔ ལག་ཚིགས་གཡས་མེད་ཕ་སྤུན་དགྲ་ལ་ཕྱོགས༔ ལག་ཚིགས་གཡོན་མེད་མ་མཚུན་དགྲ་ལ་ཕྱོགས༔ ཤི་ཚད་འོང་བའི་ཐན་དེ་དགྲ་ལ་

[Full Size]

སྒྱུར༔ སྦལ་སྦྲུལ་སྤུ་སྐྱེས་བྱ་རིགས་སྤུ་མེད་པ༔ ཀླུ་ཡི་ཐན་དེ་སྡང་བའི་དགྲ་ལ་སྒྱུར༔ རྭ་སྐྱེས་ལག་པ་རྒྱབ་སྐྱེས་བདུད་ཀྱི་ཐན༔ ངོ་ཤཱ་སྤྱི་བོ་དཔྲལ་བར་ཁ་དོད་དང་༔ ཨོག་མར་མིག་དོད་མོན་ཁར་འབྱར་བ་དང་༔ ཟིལ་དུ་ར་སྐྱེས་བཙན་གྱི་ཐན་ཡིན་ཏེ༔ མི་ནག་མགོ་བོ་གསུམ་པ་ཁྱོད་ཀྱིས་ཟོ༔ ལྷག་པ་ཐམས་ཅད་ཡས་གདོན་རྒྱལ་པོའི་ཐན༔ མ་ཚང་བ་རྣམས་མས་གདོན་རྒྱལ་མོའི་ཐན༔ མིག་གཅིག་པ་དང་བེའུ་ལ་བྱ་ལག་འབྱུང་༔ རྐང་པ་སྤྲེའུ་འདྲ་དང་བུམ་ལག་དང་༔ སྦར་མོ་སྐྱེས་དང་བྱ་ཡི་མཆུ་འདྲ་དང་༔ མ་མཆུས་ཡ་མཆུ་བཀབ་པ་གྲི་བཙན་ཐན༔ གཏོ་དང་བོན་གྱིས་མི་ཐུབ་ཐན་དེ་ཡང་མི་ནག་མགོ་གསུམ་ཁྱོད་ཀྱིས་བཟློག་ཅིང་སྒྱུར༔ ཁྱི་ལ་གཟུགས་མེད་མིད་པ་ཆད་པ་དང་༔ མིག་མེད་རྐུབ་རུབ་བྱ་མཆུ་དོད་པ་རྣམས༔ མས་གདོན་སྒོ་སྲུང་ཐན་ཡིན་གཏོ་འདིས་སྒྱུར༔ སྐེ་འཁྱོག་ཕག་དང་བོང་བུ་རྭ་ཅོ་སྐྱེས༔ ལག་པ་རྒལ་གཞུང་བྲང་སྒོར་ཁ་དོད་པ༔ དམུ་ཡི་ཐན་དེ་མགོ་གསུམ་ཁྱོད་ཀྱིས་ཟློག༔ བྱ་ནག་སྡེར་འཛིངས་ཤ་བ་རུ་འཛིངས་དང་༔ སྦྲུལ་ནག་ལྟོ་སྦྱོར་ཁང་སྐམ་ཆུ་ཟག་དང་༔ སོག་པའི་དཀྱིལ་བུག་

[Full Size]

བྱི་ལོང་ཁྱིམ་དུ་འོང་༔ སྦྲ་ཐན་སྐྱ་ཁོལ་ཐག་པ་ཆོན་ཐག་རྒྱུག༔ ཞིང་གི་དཀྱིལ་བུག་སྦྲ་ལ་མེ་ཤོར་དང་༔ འོ་མ་ཆགས་དང་རུལ་དང་ཁྱི་རྔ་བྱུང་༔ སྡེ་བརྒྱད་ཐན་དེ་མགོ་གསུམ་ཁྱོད་ཀྱིས་ཟོ༔ རྣ་བ་ལྷག་ན་གཏམ་སྙན་ཐོས་པའི་ཐན༔ མཐེ་བོང་ལྷག་ན་ཆེ་རྒྱུད་འཕེལ་བ་དང་༔ མཛུབ་ཆུང་ལྷག་ན་ཆུང་རྒྱུད་འཕེལ་བ་སྟེ༔ དགེ་ལེགས་ཐན་དེ་མི་ཟློག་གཡང་དུ་ལེན༔ སྤྱི་བོ་མིག་ཕོམ་བྲང་མགོ་དཔུང་མགོ་ལྷག༔ སྣ་དང་མ་ཁར་ལྕེ་དང་ལག་པ་དང་༔ སོར་མོ་ལྔ་ལྷག་ནམ་ཕུག་ངན་པའི་ཐན༔ ངན་པའི་ཐན་དགུ་སྡང་བའི་དགྲ་ལ་སྒྱུར༔ བྱ་མ་བྱིལ་སོགས་བྱ་ཐན་ཁྱིམ་དུ་ཕྱིན༔ རི་བོང་ལ་སོགས་རི་དྭགས་ཁྱིམ་དུ་ཕྱིན༔ སྲེག་པ་ཕུག་རོན་ཁྲས་དེད་ཕྱིན་པ་དང་༔ ཁུ་བྱུག་ལ་སོགས་བྱ་ཆེན་སྟེང་དུ་བབས༔ ཝ་སྤྱང་གཟིག་སོགས་གཅན་གཟན་ཁྱིམ་དུ་ཕྱིན༔ ཤ་མོང་ཁྱིམ་སྐྱེས་བྱ་ཐན་བྱི་ཐན་དང་༔ སྲིན་བྱས་འབུ་རོ་ཁུར་སོགས་འབུ་ཡི་ཐན༔ སྦལ་སྦྲུལ་ཁྱིམ་ཕྱིན་ལ་སོགས་ཆུ་གནས་ཐན༔ ཞྭ་ཤ་བརྣངས་དང་མིག་འགུལ་ལུས་ཀྱི་ཐན༔ ཁྱི་སྤྱང་ངུ་དང་རྟ་ཕོ་སྲོད་ལ་འཚེར༔ འུག་པ་རྒོད་དང་ཝ་བརྒྱལ་མེ་སྙིང་དམར༔ འོ་མ་ཁྲག་རེད་ཡོས་

[Full Size]

བཏགས་རམ་ཕྱེར་གྱུར༔ རི་རྡོ་ཞིང་འདྲིལ་ནས་བཏབ་ཡུག་པོ་སྐྱེས༔ བྱ་རོག་དཀར་པོ་སྐར་མ་ཕོད་ཆེན་སོགས༔ མི་རུང་ལྟས་ངན་བརྒྱད་ཅུ་རྩ་གཅིག་རྣམས༔ ཐན་དང་ཐན་བདག་མགོ་གསུམ་ཁྱོད་ཀྱིས་ཟོ༔ ལྟས་ངན་མཚན་ངན་སྡང་བའི་དགྲ་ལ་སྒྱུར༔ ཧཱུྃ༔ འཕགས་པ་རིགས་གསུམ་མགོན་པོའི་བདེན་པ་དང་༔ ས་བདག་ཧ་ས་གརྦྷའི་མཐུ་སྟོབས་ཀྱིས༔ ལྟས་ངན་རྨེ་སྡང་བའི་དགྲ་ལ་སྒྱུར༔ ཐན་བདག་ཐན་དང་བཅས་པ་ཐམས་ཅད་ནི༔ མི་ནག་མགོ་གསུམ་འཁོར་དང་བཅས་པས་ཟོ༔ ཐན་ལྟས་བཟློག་པའི་ཕྲིན་ལས་ད་མཛོད་ཅིག༔ འཕགས་པ་འཇམ་དཔལ་སྤྱན་སྔར་ཁས་བླངས་པའི༔ དམ་ལ་མ་འདའ་བཅོལ་བའི་ཕྲིན་ལས་མཛོད༔ ཨོཾ་ཧ་ས་གརྦྷ༔ བྷྱོ་མི་ཁ་ཧུར་ཐུམ་རྦད་ཡ་བྷྱོ་བྷྱོ་ཟློག་ཟློག༔ ཅེས་ཅི་མང་བརྗོད༔ ཧཱུྃ༔ ས་བདག་ཧ་ས་གརྦྷའི་ཕྱག་གཡས་ན༔ སྤར་ཁ་བརྒྱད་ཀྱི་ཕྱག་རྒྱ་བསྣམས་མཛད་པ༔ ལི་ཁོན་དྭ་ཁེན་ཁམ་གིན་ཟིན་དང་ཟོན༔ སྤར་ཁ་བརྒྱད་ཀྱི་སྐག་རིགས་ཐམས་ཅད་ཟློག༔ ལོ་དང་སྤར་ཁའི་སྦྱོར་བའི་སྐག་རྣམས་ཟློག༔ སྤར་ཁ་བརྒྱད་པོའི་དབང་རིས་ཟླ་བ་ཡི༔ སྐག་རྣམས་ཐམས་ཅད་མི་

[Full Size]

ནག་ཁྱོད་ཀྱིས་ཟློག༔ སྤར་ཁ་བརྒྱད་པོ་ཞག་དང་དུས་ཚོད་ལ༔ འཁོར་བའི་སྐག་རིགས་ཐམས་ཅད་བསྒྱུར་དུ་གསོལ༔ སྤར་ཁ་དགྲ་ཐོག་དུར་མིག་རང་ཐོག་དང་༔ ན་ས་འཆི་བའི་སྐག་རྣམས་ཐམས་ཅད་ཟློག༔ ནམ་ཟླ་དུས་བརྒྱད་སྤར་ཁའི་སྐག་བརྒྱད་ཟློག༔ སྤར་ཁ་བརྒྱད་ཀྱིས་གནོད་པའི་འདྲེ་བརྒྱད་ཟློག༔ མི་རུང་ནོར་བརྒྱད་དུར་ཟས་བརྒྱད་པོ་ཟློག༔ བསྒྲེན་པའི་མི་བརྒྱད་ན་ངོ་ཐམས་ཅད་ཟློག༔ ཨོཾ་ཧ་ས་གརྦྷ༔ ཏི་ལི་ཧ་ན་ཨ་ནི་ས་ཟློག༔ སྤར་ཁ་རྩུབ་ན་འདི་ཅི་མང་བཟླ་བར་བྱའོ༔ ཧཱུྃ༔ ཧ་ས་གནྟའི་རྩ་ཕྱག་ལོ་བདག་འཛིན༔ བསྐོར་ཆེན་དྲུག་ཅུ་ལོ་སྐག་དགྲ་ལ་སྒྱུར༔ མི་གྲངས་ལོ་གྲངས་འཁྲེན་པའི་འཁྲེན་སྐག་ཟློག༔ ལོ་སྐོར་བཅུ་གཉིས་ལོ་ཡི་སྐག་རྣམས་ཟློག༔ རང་སྐག་ཕྱི་སྐྱེལ་ཟུར་གསུམ་སྐག་རྣམས་ཟློག༔ བཞི་གཤེད་དྲུག་འགྲམས་བདུན་ཟུར་སྐག་རྣམས་ཟློག༔ གནམ་རྒྱང་ས་རྒྱང་ངན་པར་གྱུར་པ་ཟློག༔ འཇུ་ཐག་ཆད་དང་བརྟན་ཕུར་བུད་པ་ཟློག༔ ལོག་མིན་དར་རྒུད་གནམ་ལོ་ལ་སོགས་པ༔ རྒྱལ་པོ་ལོ་ཡི་སྐག་རྣམས་ཐམས་ཅད་ཟློག༔ ལོ་སྐོར་བཅུ་གཉིས་ཟླ་བ་འཁོར་བ་ཡི༔ བློན་པོ་ཟླ་བའི་སྐག་རྣམས་དགྲ་ལ་ཟློག༔

[Full Size]

ལོ་སྐོར་བཅུ་གཉིས་ཞག་ལ་འཁོར་བ་ཡི༔ དམག་མིའི་ཞག་སྐག་སུམ་བརྒྱ་དྲུག་ཅུ་ཟློག༔ ལོ་སྐོར་བཅུ་གཉིས་དུས་ཚོད་ལ་འཁོར་བའི༔ དུས་ཚོད་སྐག་རིགས་སྟོང་དང་དྲུག་བརྒྱ་ཟློག༔ ཨོཾ་ཧ་ས་གརྦྷ༔ མྲྀ་ཏ་ཡེ་མྲྀ་ཏ་ཡེ་བློ་ཟློག༔ ལོ་ཟླ་ཞག་སྐག་ཆེ་ན་འདི་མང་དུ་བྱ༔ ཧཱུྃ༔ ཧ་ས་གརྒྱུའི་ཕྱག་གཡས་དང་པོ་ན༔ ཕག་དང་རྟ་ནག་རྟ་སྔོན་ཆུ་སྲིན་དང་༔ ཤ་བ་སེང་གེ་རྟ་དམར་གླང་ཆེན་དཀར༔ དྲེལ་དམར་ལ་སོགས་སྨེ་བ་ཆིབས་པ་འཛིན༔ གཅིག་དཀར་གཉིས་ནག་གསུམ་མཐིང་བཞི་ལྗང་དང་༔ ལྔ་སེར་དྲུག་དཀར་བདུན་དམར་བརྒྱད་དཀར་དང་༔ དགུ་དམར་ལ་སོགས་སྨེ་བའི་སྐག་རྣམས་ཟློག༔ རང་ཐོག་གཉིས་ནག་དབུས་ཚུད་དགྲ་ལ་ཟློག༔ སྨེ་བ་ཞག་དང་དུས་ཚོད་ལ་འཁོར་བའི༔ སྨེ་བའི་སྐག་ཆེན་ཐམས་ཅད་དགྲ་ལ་ཟློག༔ སྨེ་བའི་འཆི་ངོ་དུར་ངོ་དགྲ་ལ་ཟློག༔ ཨོཾ་ཧ་ས་གརྦྷ༔ སྨེ་ཤ་ཡེ་སྨེ་ཤ་ཡེ་བློ་ཟློག༔ སྨེ་བའི་སྐག་རྩུབ་ན་འདི་ཉིད་མང་དུ་བཅུག༔ ཧཱུྃ༔ ཧ་ས་གརྦྷ༔ ཕྱག་མཚན་གྲི་ཐོད་ལས༔ རང་འདྲའི་སྤྲུལ་པ་མང་པོ་རླུང་ལྟར་འཚུབ༔ ཡོད་སློང་ཡེས་རྔའི་མི་ཁ་དགྲ་ལ་ཟློག༔ མ་ཉེས་ཁ་ཡོག་མི་ཁ་ཐམས་ཅད་ཟློག༔ བརྒྱ་ཡི་མི་

[Full Size]

ཁ་སྟོང་གི་བྲ་མཆུ་ཟློག༔ མཚན་ངན་བུད་མེད་ཁྱིམ་མཚེས་མི་ཁ་ཟློག༔ ལྐོག་ནས་འབུ་བཞིན་གཡེངས་བའི་མི་ཁ་ཟློག༔ གཏམ་ངན་བྱུར་སྣ་ངན་པའི་མི་ཁ་ཟློག༔ ངན་འདོད་བཏགས་ཀུ་ལྷན་སྦྱོར་མི་ཁ་ཟློག༔ གཞི་མེད་སྐུར་འདེབས་གཤེ་སྐུར་མི་ཁ་ཟློག༔ མི་ཁ་ཆེ་ཞིང་རྒྱ་ཁ་གཡེང་བ་ཟློག༔ ལོ་ཟླ་ཞག་ལ་མི་ཁ་དར་བ་ཟློག༔ མི་ཁ་མེ་ལྟར་འབར་བ་ཐམས་ཅད་ཟློག༔ མི་ཁ་ཆུ་ལྟར་འབྲུབ་པ་ཐམས་ཅད་ཟློག༔ མི་ཁ་རླུང་ལྟར་འཚུབ་པ་ཐམས་ཅད་ཟློག༔ མི་ཁ་བལ་ལྟར་གཡེངས་བ་ཐམས་ཅད་ཟློག༔ ཡུལ་མི་ཁྱིམ་མཚེས་མི་ཁ་ཟུག་པ་ཟློག༔ རླུང་ལྟར་དགྲ་ལ་མི་ཁ་སྡང་བ་ཟློག༔ བཟང་བྱས་ངན་དུ་མཐོང་བའི་མི་ཁ་ཟློག༔ མི་ཡི་ཁྱུ་ནས་བུད་པའི་མི་ཁ་ཟློག༔ མི་ཁ་བྲ་མཆུ་མི་ཁ་བ་རུ་ཟློག༔ མི་ཁ་ཐམས་ཅད་མགོ་གསུམ་ཁྱོད་ཀྱིས་ཟོ༔ ཟོ་ཞིག་འཐུང་ཞིག་ལྷག་མ་མེད་པར་མཛོད༔ ཨོཾ་ཧ་ས་གརྦྷ༔ ཧཱུྃ་བྷྱོཿ རི་ལི་ལི་མི་ཁ་བྷྱོ་ཟློག༔ མི་ཁ་ཆེ་ན་འདི་ཉིད་མང་དུ་བརྗོད༔ ཧཱུྃ༔ གཏོར་ཟོར་ཤ་ཁྲག་གཏོར་མ་འདིས༔ ད་ལྟ་རྣལ་འབྱོར་བདག་ཅག་ལ༔ སྡེ་བརྒྱད་ཆད་པ་བྱུང་བ་ཟློག༔ བྱད་ཟོར་ཕུར་ཁ་ཐམས་ཅད་ཟློག༔ བནྡེའི་སྔགས་

[Full Size]

ཟོར་འདུས་པ་ཟློག༔ མུ་སྟེགས་བོན་པོའི་ཕོ་དམར་ཟློག༔ ལྷ་འདྲེའི་ཟ་ཁ་ཟུག་པ་ཟློག༔ རྒྱལ་པོ་ལོ་ཡི་བདུན་ཟུར་ཟློག༔ བློན་པོ་ཟླ་བའི་དབང་བཙན་ཟློག །དམག་མི་ཞིག་གི་དཔུང་དགྲ་ཟློག༔ མཚོན་ཆ་དུས་ཀྱི་རྣོ་ངར་ཟློག༔ སྤར་ཁའི་སྐྱ་མདའ་ཟུག་པ་ཟློག༔ སྨེ་བ་དུར་དུ་ཚུད་པ་ཟློག༔ ས་བདག་ཀོ་ལོང་གདུག་རྩུབ་ཟློག༔ འབྱུང་བའི་དགྲ་གཤེད་འཐབ་པ་ཟློག༔ ལོ་དང་ཞག་དུས་བབས་པ་ཟློག༔ གཟའ་སྐར་དུས་ཚོད་ངན་པ་ཟློག༔ ཁྲམ་དང་བྱེད་དུ་བཅུག་པ་ཟློག༔ ཧོམ་དང་པར་བུ་བསྐོར་བ་ཟློག༔ དགྲ་ཆེན་བདུད་དུ་ལང་བ་ཟློག༔ ལྟས་ངན་གློ་བུར་ཡེ་འདྲོག་ཟློག༔ དུས་མིན་འཆི་བ་རྣམ་བརྒྱད་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ སྔོན་བསྒུགས་ཕྱི་ནས་དེད་པ་ཟློག༔ དགྲ་སྣ་ཕུང་སྣ་གྱོད་སྣ་ཟློག༔ ནད་སྣ་ཡམས་སྣ་རིམས་སྣ་ཟློག༔ དགྲ་སྲི་རྨིས་ངན་ཐམས་ཅད་ཟློག༔ ཆེ་སྲི་ཆུང་སྲི་རྒན་སྲི་ཟློག༔ གཞོན་སྲི་དར་སྲི་གོད་སྲི་ཟློག༔ དགྲ་སྲི་མཚོན་སྲི་ནད་སྲི་ཟློག༔ མདོར་ན་སྲིད་པའི་ཆག་སྒོ་དང་༔ བདག་ལ་གནོད་པའི་དགྲ་བགེགས་རྣམས༔ སྡང་བྱེད་དགྲ་བོའི་

[Full Size]

སྟེང་དུ་ཟློག༔ གནོད་བྱེད་བགེགས་ཀྱི་སྟེང་དུ་ཟློག༔ བར་ཆད་བདུད་ཀྱི་སྟེང་དུ་ཟློག༔ ཟ་འདྲེ་ཕུང་འདྲེའི་སྟེང་དུ་ཟློག༔ དམ་ཉམས་བྱེད་མའི་སྟེང་དུ་བྷྱོཿ ཨོཾ་ཧ་ས་གརྦྷ༔ ཕཊ༔ ནག་པོ་ཕེ་ཤ་བྷྱོཿ མ་ཧཱ་དྷེ་ཝ་དགྲ་བོ་ཀྲྀ་རྦད༔ བྱོ་མི་ཁ་སྒྱུར༔ མི་ཁ་ཧུར་ཐུམ༔ མཱ་ར་ཡ་ཆད༔ མི་ཁ་ཐུམ་ཐུམ༔ ཤིག་ཤིག༔ རྦད་རྦད༔ དྲིལ་དྲིལ༔ བྷྱོཿབྷྱོཿ ཟློག་ཟློག༔ བྷྱོ་མི་ཁ་ཧུར་ཐུམ་ཆད༔ དྲིལ་ཐུམ་ཐུམ༔ ཤིག་ཤིག༔ རྦད་རྦད༔ དྲིལ་དྲིལ༔ བློ་བྷྱོཿ ཟློག་ཟློག༔ ཨོཾ་ཧ་ས་ཙི་ཀེ་ས་ར་ཏ༔ ར་ས་ལ་ཡ་དགྲ་ལ་བྷྱོ་བྷྱོཿ ནཱ་ག་ཙ་དུ་བྷི་ཏུ་བ༔ མ་ཧཱ་དགྲ་ལ་རྒྱུག་རྒྱུག༔ དེ་ནས་ཐེབས་ལྡོག་དང་བསྟུན་ལ༔ རང་དང་སྦྱིན་བདག་གི་ལོ་ལྷའི་ཕྱོགས་མིན་པར་ཁྱེར་བཅུག་ལ༔ ཧཱུྃ༔ ཧ་ས་གཅུ་འཁོར་དང་བཅས༔ དམར་གྱི་གཏོར་མ་འདི་བཞེས་ལ༔ སྣང་ཞིང་སྲིད་པའི་ལྷ་འདྲེ་དང་༔ འདྲེ་སྲིན་བགེགས་རིགས་ཀུན་ཁྲིད་ལཿ༔ སྡང་བ་དགྲ་ཡི་ཡུལ་དུ་རྒྱུག༔ གནས་དང་ཕོ་བྲང་དེ་རུ་ཐོབ༔ ཟ་ཁ་འཐུང་ཁ་དེ་རུ་སྤོས༔ འབྱུང་བ་སྤར་སྨེ་ལོ་ཟླའི་བདག༔ ས་བདག་གཞི་བདག་ཐམས་ཅད་ཀུན༔ དཀར་གསུམ་གཏོར་མ་འདི་བཞེས་ལ༔ གཏོ་གླུད་འདི་

[Full Size]

ཡི་ལམ་ཕྱེས་ལ༔ མདོས་ལམ་ཟོར་ལམ་དགྲ་ལ་སྟོན༔ འདྲེ་ངན་ལན་ཆགས་བདག་པོ་དང་༔ ཟ་འདྲེ་ཡུལ་འདྲེ་བསེ་རག་རྣམས༔ གླུད་གཏོར་འདི་ཡིས་ཚིམ་གྱིས་ལ༔ སོ་སོ་རང་རང་གནས་སུ་སོང་༔ གལ་ཏེ་མི་འགྲོ་འདུག་གྱུར་ན༔ རིགས་གསུམ་མགོན་པོ་ཐུགས་ཁྲོས་ནས༔ ཁྱུང་འབྲུག་སེང་ཆེན་སྤྲུལ་པ་འགྱེད༔ རྡུལ་དུ་བརླག་པར་གདོན་མི་ཟ༔ དེ་བས་མ་འདུག་མྱུར་དུ་དེངས༔ སརྦ་བྷུ་ཏ་གཙྪ་གཙྩ༔ ཅེས་ཕྱིར་ཁྱེར་ཚེ་རོལ་མོ་དང་བཅས༔ ཨོཾ་ཡ་མཱནྟ་ཀ་ཡ་མ་རཱ་ཙ་མ་ཧཱ་དྷེ་ཝ་ས་མ་ཡ་ཧཱུྃ་བྱོལ༔ ནག་པོ་ཕེ་ཤ་ཧཱུྃ་བྱོལ༔ བྱོལ་མི་ཁ་ཆིལ་ཆིལ༔ མི་ཁ་ཟློག་ཟློག༔ མི་ཁ་མཱ་ར་ཡ་ཧུར་ཐུམ་རྦད་རྦད༔ མི་ཁ་དྲིལ་དྲིལ༔ མི་ཁ་ཐུམ་ཐུམ༔ མི་ཁ་ཆིལ་ཆིལ༔ མི་ཁ་ཤིག་མི་ཁ་དྲིལ་དྲིལ༔ མི་ཁ་རྦད་རྦད༔ མི་ཁ་བྱོལ་བྱོལ༔ མི་ཁ་ཟློག་ཟློག༔ བརྒྱ་ཡི་མི་ཁ་སྟོང་གི་བྲ་མཆུ༔ མོ་རྨིས་ལྟས་ངན་དགྲ་གྱོད་འཁོན་གསུམ་བན་བྱད་བོན་བྱད་ཐམས་ཅད་དགྲ་ལ་ཟློག་ཅིག༔ ཅེས་པ་བརྗོད་ཅིང་ཕུལ༔ ཚུར་སླེབས་ནས་གཏོར་སྣོད་སྦུབ་ལ་རྟ་བྲོ་བརྡུང་༔ ༀ་ལཾ་ཧཱུྃ་ལམ་སྟེ་བྷ་ཡ་ནན༔ དམ་སྲི་སྒབ་འདྲེ་ཐམས་ཅད་གཏོར་གཞོང་རི་རབ་

[Full Size]

འབར་བའི་འོག་ཏུ་སྟམ་བྷ་ཡ་ནན༔ ཕྱི་རོལ་སྲུང་འཁོར་ཁྱུང་འབྲུག་སེང་གེ་རྣམས༔ རང་ཉིད་རིགས་གསུམ་གཅིག་དྲིལ་སྐུ་ལ་ཐིམ༔ དེ་ཡང་མཐའ་ནས་དབུས་ཡལ་སྟོང་པ་ཉིད༔ དགེ་བས་རིགས་གསུམ་མགོན་པོ་འགྲུབ་གྱུར་ནས༔ བཀྲ་ཤིས་བདེ་ལེགས་བསམ་པ་ལྷུན་གྲུབ་ཤོག༔ ཅེས་པ་ཁྱིམ་དུ་བྱ་མ་བྱིལ་ཕྱིན་པ་དང་༔ དྲེལ་ཕྲུག་ལ་ལྷག་ཆད་དང་ཁྱིམ་དུ་ཤ་མོང་ཚན་ཆེར་སྐྱེ་བ་མར་མེ་ནག་འབོགས་གྱོན་པ་སོགས༔ འདི་ལྟས་ངན་འགའ་ཞིག་བྱུང་བ་ལ་བརྟེན་ནས་རཱ་ག་ཨ་སྱས་སྦྱར་བ་ལ༔ ཉེས་འགལ་ཆོས་བདག་བཀའ་སྲུང་ཚོགས་ལ་བཤགས་ཤིང་༔ དགེ་བས་འགྲོ་བ་མང་པོ་ལ་ཕན་ཐོགས་རྒྱ་ཆེན་པོར་གྱུར་ཅིག༔ སརྦ་མངྒ་ལཾ༔ དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྟས་ངན་ལམ་བསྒྱུར་གྱི་མན་ངག་བཅའ་ཏི་ལམ་བསྒྱུར།

[Full Size]

ལྟས་ངན་ལམ་བསྒྱུར་གྱི་མན་ངག་བཅའ་ཏི་ལམ་བསྒྱུར་བཞུགས་སོ།

[Full Size]

ན་མོ་བཛྲ་པཱ་ཎི་ཡེ། ལྟས་ངན་ཕྲན་བུ་ལམ་བསྒྱུར་བྱ་བའི་ཐབས། །རེ་འབྱམས་སྡེ་དགོན་དཔོན་ལ་ལྟ་བའི་ཐན། །མི་རྟ་ཁྱི་ལ་བྱུང་བའི་ཐན་ཆེན་དང། །རང་གཞུང་སྐབས་ལ་གང་བབ་ས་རུ་མནན། །དེ་མིན་ལྷག་ཆད་མ་ཚང་རིགས་ཀུན་དང་། །ཐན་ཆུང་ཕལ་ཆེར་ལམ་བསྒྱུར་བྱས་ན་ལེགས། །རེ་བའི་ཁུག་མར་ལྟས་ངན་གང་བྱུང་བླུག །དེ་དང་མཉམ་དུ་སྐྱེར་པའི་བྱང་བུ་ལ། །སྒྱུར་སྒྱུར་ལ་ཐན་ལ་ལ་སྒྱུར། །ལུང་ཐན་ལུང་དུ་སྒྱུར། །སུ་དང་འཕྲད་པ་དེ་རུ་སྒྱུར༔ ཅེས་བྲི། བཟའ་མི་ཁྱིམ་གཞིའི་ཕྱུགས་ལ་གླུད་དྲུད་པ། །ཆངས་བུ་མང་བྱས་ཡས་རྫས་སྦྲང་མར་བཅས། །དེ་རྣམས་ཀུན་ཀྱང་ཟན་དང་མཉམ་དུ་བཅུག །ཕྱི་ན་ཁུག་མ་སྤུས་བཟང་ཁ་སྒྲོག་བཅིངས།

[Full Size]

རྒྱ་གྲམ་ལམ་ལ་ཕྱིན་ནས་ཤུད་བཏབ་སྒྱུར། །ཕྱི་ལྟས་མི་བྱ་རང་ཁྱིམ་མགྱོགས་པར་ལོག །གོང་ནོན་མདོས་ཟློག་གང་རུང་བཅའ་སྲོལ་གདའ། །དེ་ཡང་ལམ་བསྒྱུར་བྱ་ཁར་ཐོན་ན་ལེགས། །ལྟས་ངན་ཐན་དང་ཐན་བདག་རང་གཟུགས་བསྟིམས། །འདི་ལ་སྒྲུང་གྱེར་མང་དུ་མི་དགོས་ཀྱང་། །སྔར་གྱི་སྔགས་རྒན་འགའ་ཞིག་ཞལ་རྒྱུན་ལྟར། །རང་ཉིད་ཕྱག་རྡོར་བསྐྱེད་པའི་ཐུགས་ཀ་ནས། །འོད་ཟེར་དམར་པོ་ལྕགས་ཀྱུའི་དབྱིབས་ཅན་འཕྲོས། །ལྟས་ངན་གཏོང་བའི་བདག་པོ་སྐད་ཅིག་བཀུག །ཁོ་རང་ཐན་དེ་རང་གནས་ཁྱེར་བར་བསམ། ཧཱུྃ༔ ང་ནི་གསང་བདག་རྡོ་རྗེ་འཛིན། །གདུག་པ་འདུལ་མཛད་ཁྲོ་བོ་སྟེ། །ང་ལ་མི་ཉན་གང་ཡང་མེད། །ཉོན་ཅིག་སྣང་སྲིད་ལྷ་འདྲེའི་

[Full Size]

ཚོགས། །ཁྱད་པར་ཡུལ་ཕྱོགས་འདིར་གནས་པའི། །ཡུལ་ལྷ་དགེ་བསྙེན་གནས་བདག་དང་། །གཉུག་མར་གནས་པ་མ་ལུས་ཀུན། །རྒྱུ་སྦྱོར་ཡོན་བདག་འདི་ཉིད་ལ། །ཐན་དང་ལྟས་ངན་སྣ་འདྲེན་པའི། །འདྲེ་སྲིན་གདུག་ཅན་མ་རུངས་ཚོགས། །ང་ཡི་བཀའ་ལ་མ་འདའ་བར། །སྲིད་པའི་སྨང་གྱེར་འདི་ལ་ཉོན། །སྔོན་གྱི་བསྐལ་པ་དང་པོ་ལ། །མུ་སྟེགས་ཀ་ལ་ནག་པོ་ཡིས། །ནང་པ་སངས་རྒྱས་རྩོད་པ་བྱུང་། །ཟ་ཧོར་ཡུལ་དུ་ཐན་སྣ་དྲང་། །བློན་པོ་ཝང་ཐེ་འཕྲུལ་རྒྱལ་གྱིས། །ཕྱག་ན་རྡོ་རྗེའི་ཏིང་འཛིན་བསྒོམ། །སྲིད་པའི་མདོས་རྫས་སྣ་ཚོགས་བཤམས། །ལ་ཐན་ལ་རུ་བསྒྱུར་བར་མཛད། །ལུང་ཐན་ལུང་དགུའི་མདོ་རུ་སྒྱུར། །བར་ཐན་འཕྲེད་དུ་བསྒྱུར་བར་མཛད། །སྔོན་གྱི་དཔེ་ལུང་དེ་བཞིན་དུ། །དེང་འདིར་རྣལ་འབྱོར་བདག་ཅག་གིས། །ཡོན་གྱི་བདག་པོ་འདི་ཉིད་ལ། །གནོད་པའི་ལྟས་ངན་ཆེ་དགུ་འདི། །ལ་དགུའི་རྒྱབ་ཏུ་ཕར་བསྒྱུར་རོ། །ལུང་དགུའི་མདོ་རུ་མར་བྲུབ་བོ། །དམུ་བདུད་བཙན་དང་ཐེའུ་རང་དང་། །གཟའ་ཀླུ་རྒྱལ་འགོང་འདྲེ་སྲིན་གྱིས། །བཏང་དང་མངག་པ་གང་ཡིན་པ། །རང་རང་གནས་སུ་ཁྱེར་བར་

[Full Size]

གྱིས། །གླུད་ཡས་སྣ་དགུ་ཚང་བ་འདི། །ལྟས་ངན་བཀར་བའི་ཡས་ཡིན་ནོ། །ཡ་བདུད་རྒྱལ་པོའི་ཐན་སྣ་དེ། །བྲག་སྐར་རྒོད་ཚང་ནང་དུ་སོང་། །མ་ཡམས་འདྲེ་མོའི་ལྟས་ངན་དེ། །ལུང་དགུ་འདུས་པའི་མདོ་རུ་སོང་། །བར་ཐན་བདུད་ཀྱི་ལྟས་ངན་དེ། །སུ་དང་འཕྲད་པ་དེ་རུ་སྒྱུར། །ཨར་ཇག་འགྲིམ་པའི་ཕྱི་ལ་སོང་། །རྒྱ་གྲམ་ལམ་འདི་ཁྱོད་ཀྱི་གནས། །ཡས་གླུད་སྣ་ཚོགས་ཁྱོད་ཀྱི་ཟས། །སུ་དང་འཕྲད་པ་ཁྱོད་ཀྱི་གྲོགས། །ཕྱིན་ཆད་གནོད་པ་མ་བྱེད་ཅིག །བསྒྱུར་རོ་བསྒྱུར་རོ་སྒྱུར་ཡག་གོ །དེ་འོག་བསྐལ་པ་བར་མ་ལ། །སྟག་གཟིག་གྲམ་པ་འཁྲུལ་ལྗང་དུ། །དམ་སྲི་སྤུན་དགུའི་ཐན་སྣ་ཁྲིད། །སྟག་གཟིག་མི་རབས་ཆད་ལ་ཐུག །རྒྱ་གར་མཁས་པ་པཎྜི་ཏས། །ཧེ་རུ་ཀ་ཡི་ཏིང་འཛིན་བསྒོམ། །སྲིད་པའི་མདོས་རྫས་སྣ་ཚོགས་བཤམས། །ལ་ཐན་ལ་རུ་བསྒྱུར་བར་མཛད། །ལུང་ཐན་ལུང་དོགུའི་མདོ་རུ་སྒྱུར། །བར་ཐན་འཕྲེད་དུ་བསྒྱུར་བར་མཛད། །སྔོན་གྱི་དཔེ་ལུང་དེ་བཞིན་དུ། །དེང་འདིར་རྣལ་འབྱོར་བདག་ཅག་གིས། །ཡོན་གྱི་བདག་པོ་འདི་ཉིད་ལ། །གནོད་པའི་ལྟས་ངན་ཆེ་དགུ་འདི། །ལ་དགུའི་

[Full Size]

རྒྱབ་ཏུ་ཕར་སྒྱུར་རོ། །ལུང་དགུའི་མདོ་རུ་མར་བྲུབ་བོ། །ཀླུ་བདུད་བཙན་དང་ཐེའུ་རང་དང་། །གཟའ་ཀླུ་རྒྱལ་འགོང་འདྲེ་སྲིན་གྱིས། །བཏང་དང་མངག་པ་གང་ཡིན་པ། །རང་རང་གནས་སུ་ཁྱེར་བར་གྱིས། །གླུད་ཡས་སྣ་དགུ་ཚང་བ་འདི། །ལྟས་ངན་བཀར་བའི་ཡས་ཡིན་ནོ། །ཡ་བདུད་རྒྱལ་པོའི་ཐན་སྣ་དེ། །བྲག་སྐར་རྒོད་ཚང་ནང་དུ་སོང། །མ་ཡམས་འདྲེ་མོའི་ལྟས་ངན་དེ། །ལུང་དགུ་འདུས་པའི་མདོ་རུ་སོང་། །བར་ཐན་བདུད་ཀྱི་ལྟས་ངན་དེ། །སུ་དང་འཕྲད་པ་དེ་རུ་བསྒྱུར། །ཨར་ཇག་འགྲིམ་པའི་ཕྱི་ལ་སོང་། །རྒྱ་གྲམ་ལམ་འདི་ཁྱེད་ཀྱི་གནས། །ཡས་གླུད་སྣ་ཚོགས་ཁྱོད་ཀྱི་ཟས། །སུ་དང་འཕྲད་པ་ཁྱོད་ཀྱི་གྲོགས། །ཕྱིན་ཆད་གནོད་པ་མ་བྱེད་ཅིག །བསྒྱུར་རོ་བསྒྱུར་རོ་སྒྱུར་ཡག་གོ །དེ་འོག་བསྐལ་པའི་བར་མ་ལ། །བཙད་པོ་ཁྲི་སྲོང་ལྡེའུ་བཙན་ལ། །གོད་འདྲེ་སྤུན་དགུས་ཐན་སྣ་ཁྲིད། །རྟ་ནོར་ལུག་གསུམ་གོད་ཀས་བསད། །སློབ་དཔོན་པད་མ་འབྱུང་གནས་ཀྱིས། །སྲིབ་ཀྱི་ས་ནག་སྐྱོག་ཆེན་དུ། །སྲིད་པའི་མདོས་རྫ་ས་སྣ་ཚོགས་བཤམས། །ལ་ཐན་ལ་རུ་བསྒྱུར་བར་མཛད། །ལུང་ཐན་ལུང་དགུའི་མདོ་

[Full Size]

རུ་སྒྱུར། །བར་ཐན་འཕྲེད་དུ་བསྒྱུར་བར་མཛད། །སྔོན་གྱི་དཔེ་ལུང་དེ་བཞིན་དུ། །དེང་འདིར་རྣལ་འབྱོར་བདག་ཅག་གིས། །ཡོན་གྱི་བདག་པོ་འདི་ཉིད་ལ། །གནོད་པའི་ལྟས་ངན་ཆེ་དགུ་འདི། །ལ་དགུའི་རྒྱབ་ཏུ་ཕར་བསྒྱུར་རོ། །ལུང་དགུའི་མདོ་རུ་མར་བྲུབ་བོ། །རླུ་བདུད་བཙན་དང་ཐེའུ་རང་དང་། །གཟའ་ཀླུ་རྒྱལ་འགོང་འདྲེ་སྲིན་གྱིས། །བཏང་དང་མངག་པ་གང་ཡིན་པ། །རང་རང་གནས་སུ་ཁྱེར་བར་གྱིས། །གླུད་ཡས་སྣ་དགུ་ཚང་བ་འདི། །ལྟས་ངན་བཀར་བའི་ཡས་ཡིན་ནོ། །ཡ་བདུད་རྒྱལ་པོའི་ཐན་སྣ་དེ། །བྲག་སྐར་རྒོད་ཚང་ནང་དུ་སོང་། །མ་ཡམས་འདྲེ་མོའི་ལྟས་ངན་དེ། །ལུང་དགུ་འདུས་པའི་མདོ་རུ་སོང་། །བར་ཐན་བདུད་ཀྱི་ལྟས་ངན་དེ། །སུ་དང་འཕྲད་པ་དེ་རུ་སྒྱུར། །ཨར་ཇག་འགྲིམ་པའི་ཕྱི་ལ་སོང་། །རྒྱ་གྲམ་ལམ་འདི་ཁྱེད་ཀྱི་གནས། །ཡས་གླུད་སྣ་ཚོགས་ཁྱོད་ཀྱི་ཟས། །སུ་དང་འཕྲད་པ་ཁྱོད་ཀྱི་གྲོགས། །ཕྱིན་ཆད་གནོད་པ་མ་བྱེད་ཅིག །བསྒྱུར་རོ་བསྒྱུར་རོ་སྒྱུར་ཡག་གོ །དེ་འོག་བསྐལ་པའི་ཐ་མ་ལ། །འདན་མ་ཨ་བྱ་རྡོ་རྗེ་ལ། །ཆུ་སྲི་ནག་པོའི་ཟ་འདྲེ་ཟུག །ཐན་དང་ལྟས་ངན་སྣ་

[Full Size]

ཚོགས་བྱུང་། །སྔགས་འཆང་དྲག་པོ་གཞོན་ནུ་ཡིས། །ཁྲོ་བོ་བཞི་ཡི་ཏིང་འཛིན་བསྒོམ། །སྲིད་པའི་མདོས་རྫས་སྣ་ཚོགས་བཤམས། །ལ་ཐན་ལ་རུ་བསྒྱུར་བར་མཛད། །ལུང་ཐན་ལུང་དགུའི་མདོ་རུ་སྒྱུར། །བར་ཐན་འཕྲེད་དུ་བསྒྱུར་བར་མཛད། །སྔོན་གྱི་དཔེ་ལུང་དེ་བཞིན་དུ། །དེང་འདིར་རྣལ་འབྱོར་བདག་ཅག་གིས། །ཡོན་གྱི་བདག་པོ་འདི་ཉིད་ལ། །གནོད་པའི་ལྟས་ངན་ཆེ་དགུ་འདི། །ལ་དགུའི་རྒྱབ་ཏུ་ཕར་བསྒྱུར་རོ། །ལུང་དགུའི་མདོ་རུ་མར་བྲུབ་བོ། །རྨུ་བདུད་བཙན་དང་ཐེའུ་རང་དང་། །གཟའ་ཀླུ་རྒྱལ་འགོང་འདྲེ་སྲིན་གྱིས། །བཏང་དང་མངག་པ་གང་ཡིན་པ། །རང་རང་གནས་སུ་ཁྱེར་བར་གྱིས། །གླུད་ཡས་སྣ་དགུ་ཚང་བ་འདི། །ལྟས་ངན་བཀར་བའི་ཡས་ཡིན་ནོ། །ཡ་བདུད་རྒྱལ་པོའི་ཐོན་སྣ་དེ། །བྲག་སྐར་རྒོད་ཚང་ནང་དུ་སོང་། །མ་ཡམས་འདྲེ་མོའི་ལྟས་ངན་དེ། །ལུང་དགུ་འདུས་པའི་མདོ་རུ་སོང་། །བར་ཐན་བདུད་ཀྱི་ལྟས་ངན་དེ། །སུ་དང་འཕྲད་པ་དེ་རུ་བསྒྱུར། །ཨར་ཇག་འགྲིམ་པའི་ཕྱི་ལ་སོང་། །རྒྱ་གྲམ་ལམ་འདི་ཁྱེད་ཀྱི་གནས། །ཡས་གླུད་སྣ་ཚོགས་ཁྱོད་ཀྱི་ཟས། །སུ་དང་འཕྲད་པ་ཁྱོད་ཀྱི་གྲོགས། །

[Full Size]

ཕྱིན་ཆད་གནོད་པ་མ་བྱེད་ཅིག །བསྒྱུར་རོ་བསྒྱུར་རོ་སྒྱུར་ཡག་གོ །ཧཱུྃ། རི་གསུམ་འདུས་པའི་མདོས་མདོ་རུ། །ལམ་གསུམ་རྒྱ་གྲམ་འཚུབ་མ་རིས། །སྣང་སྲིད་ལྷ་འདྲེའི་ཕོ་བྲང་ཡིན། །ལྟས་ངན་བཀུག་པའི་བྲུབ་ཁུང་ཡིན། །རང་དབང་མེད་པར་འདིར་ཁུག་ལ། །ཤོར་བ་མེད་པར་ཁྱོད་ལ་གཏད། །བཅོལ་ལོ་གཏད་དོ་མ་ཤོར་ཅིག །བཛྲ་དུནྟི་ཧཱུྃ་མཱ་ར་ཡ་ཧཱུྃ་རྦད། བཛྲ་ཀཱི་ལ་ཡ་རྦད། མ་ཧཱ་ཀཱི་ལ་ཡ་རྦད། ཏྲིག་ཕུར་ནན་རྦད། སརྦ་ཏྲིག་ཧུར་ཐུ་ཛ་ནན་སོད། ཨོཾ་ལོ་ཀྲི་པ་ལ་སོགས། བརླག་ལྟས་ངན་གཏོང་བའི་གཏོང་མཁན་ལྟས་ངན་ཁོ་རང་ལ་སྡིག །རང་གཤེད་རང་ལ་ཕོབ། རང་བྱེད་རང་ལ་ཟློག་ཡ་ཟློག །མ་ཟློག །བྷྱོ་བྷྱོ། ཟློག་ཟློག །ཨུ་ཙ་ཏ་ཡ་ཕཊ༔ ཅེས་བརྗོད་ལ་ཕྱི་མིག་མི་ལྟ་བར་ཁུག་མ་ཤུད་སྟབས་སུ་བསྒྱུར། ཅེས་པ་འདི་ནི་རྟེའུ་ལ་ལྷག་ཆད་མང་དུ་བྱུང་སྐབས། སྔར་གྱི་བཅའ་ཏི་ལམ་བསྒྱུར་ཡིག་རྙིང་ལ་གཞི་བྱས་ཏེ། སྔགས་འཆང་རཱ་ག་ཨ་སྱས་སྦྱར། །ཐན་ལྟས་ངན་པའི་ཕྱི་ལམ་ཆོད་པར་གྱུར་ཅིག། ། ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐན་ལྟས་ངོས་བཟུང་།

[Full Size]

ཐན་ལྟས་ངོས་བཟུང་ཀརྨ་ཆགས་མེད་ཀྱིས་སྦྱར་བ་བཞུགས།

[Full Size]

སྟག་གི་ཉི་མ་ལ་ཐན་མཐོང་ན། སྟེང་ལྷ་ཡི་ཐན་ཡིན། ཁྱིམ་ལྷ་དང་ས་བདག་འཁྲུགས། ཞག་བདུན་ཚུན་མགྲོན་ཁྱིམ་དུ་མི་བཙུད༔ གདོན་དོགས་ཡོད། ཁ་མཆུ་འོང་། ཁང་པ་ལ་དགྲ་སྣ་ཕོག་དོགས་ཡོད། ནོར་ལ་ཕོག་དོགས་ཡོད། སྟག་སྤྲེལ་ཕག་སྦྲུལ་ལོ་པ་ལ་ངན། དགུན་གསུམ་ལ་ཞི་བ་བླུག །དུར་སྲི་མནན། མ་ཎི་བྱེ་ཆུང་གཅིག་འདོན། དགྲ་ཆོས། སྦྱིན་བསྲེག་བྱ། ༈ ཡོས་ཀྱི་ཉི་མ་ལ་ཐན་མཐོང་ན། གནམ་ལྷ་གཟའི་ཐན་ཡིན། སྐྱིད་ལ་སྐེ་ཆད་འོང་། བུ་དང་བུ་མོ་ལ་ངན། ཁང་པ་ཚིག །རྟ་ནོར་མི་ལ་ཤོར་དོགས་ཡོད། བྱི་རྟ་

[Full Size]

བྱ་ཡོས་བཞི་ལ་ངན། གཟའ་ཀླུ་འཁྲུགས་བཅོས་བྱ། དུར་ཁ་ཚེ་བཟློག་བྱ། གཏོར་མ་བཏང་། འོད་མདོ་འདོན། དཀྱིལ་འཁོར་ཞལ་བསྒྱུར། དགྲ་བྲུབ། བཙན་མཆོད། སིདྡྷི་འབུམ་ཚོ་ལྔ་རྒྱུན་བྱ། མདོ་འདོན། མར་མེ་བརྒྱ་རྩ་བྱ། ༈ འབྲུག་གི་ཉི་མ་ལ་ཐན་མཐོང་ན། བར་སྣང་ལྷ་འདྲེའི་ཐན་ཡིན། ད་ལོ་རྐྱེན་དང་ཁ་མཆུ་འོང་། ན་ཚ་ཤི་ཆད་འོང་དོགས་ཡོད། རང་ལོ་ལྷའི་ཕྱོགས་སུ་མི་འགྲོ། སྟག་སྤྲེལ་ཕག་སྦྲུལ་བཞི་ལ་ངན། མང་ཇ་བསྐུར། ཆང་གྲོ་བྱ། མ་ཎི་བྱེ་བ་གཅིག་གིས་བཟློག་པ་བྱ། ཆུ་ཆེན་ལ་ཟམ་པ་འཛུགས། ལམ་འཕྲང་

[Full Size]

བཅོས་ཀླུ་དང་བཙན་བཅོས། སྲས་མཁར་བརྩིགས། རྒྱལ་མཚན་བཀྱག །གསོལ་ཁ་བྱ། ༈ སྦྲུལ་གྱི་ཉི་མ་ལ་ཐན་མཐོང་ན། ས་བདག་ཀླུ་གཉན་ཐན་ཡིན། ས་བདག་ཤཱཀླུ་གཉན་བཅོས། རྒན་རྒོན་ཕོ་མོ་ལ་ངན། བུ་ཉོག་ལ་ངན། རང་ལོ་ལྷའི་ཕྱོགས་སུ་མི་འགྲོ། ཁ་མཆུ་འོང་། གླང་ལུག་ལོ་པ་ལ་ངན། བཟློག་པ་བྱ། དགྲ་བྲུབ། བཙན་མཆོད༔ སིདྡྷི་འབུམ་མཚོ་ལྔ་འདོན། མདོ་འདོན། ལྕགས་རྒྱལ་འཛུགས། ༈ རྟ་ཡི་ཉི་མ་ལ་ཐན་མཐོང་ན། ལྷ་མ་ཡིན་གྱི་ཐན་ཡིན། ནང་གི་མི་གཅིག་ཐན་གྱིས་ཁྱེར། ལྷོ་ཕྱོགས་ཉེ་བ་ལ་རྐྱེན་འོང་། མི་ཆེན་གྱི་ཁ་མཆུ་འོང་། ཟླ་བ་ལྔ་ཚུན་རྐྱེན་འོང་། ཁྱི་འབྲུག་བྱ་ཡོས་བཞི་ལ་ངན། ཚེ་སྒྲུབ་ཚེ་དབང་ཞུ། སྐལ་བཟང་འདོན། བཟློག་པ་བྱ། །གཤིན་པོ་ལ་ཟས་བསྔོ། ཚེ་ཐར་བཏང་། སིདྡྷི་ཁྲི་ཚོ་ལྔ་འུར་འདོན་བྱ། ༈ ལུག་གི་ཉི་མ་ལ་ཐན་མཐོང་ན། ས་བདག་ཐན་ཡིན། ཟླ་བ་ལྔ་ཚུན་ལ་བྲན་དང་མོ་རིགས་ལ་ངན། ཁྱི་འབྲུག་གླང་ལུག་བཞི་ལ་ངན། སྣང་སྲིད་ཞི་བ་བྱ། མགོན་པོ། སིདྡྷི་ཁྲི་ལྔ་འདོན། ཚེ་འབར་བལྟམས། ༈ སྤྲེལ་གྱི་ཉི་མ་ལ་ཐན་མཐོང་ན། གཟའ་དང་བདུད་བཙན་གྱི་ཐོན་

[Full Size]

ཡིན། ནུབ་བྱང་ཉེ་བ་ལ་ངན། རྟ་ནོར་གཉིས་དང་ཕོ་མོ་གཉིས་ལ་ངན། མོ་ཕྱོགས་ནས་ཁ་མཆུ་འོང་། སྟག་སྤྲེལ་ཕག་སྦྲུལ་བཞི་ལ་ངན། ལ་བཙས་བསྟོད། །ཤ་རུ་བཙན་མཆོད་བྱ། ཚེ་འདས་ལ་དགེ་བ་བསྔོ། མ་ཎི་འབུམ་ཚོ་ལྔ་འུར་འདོན་བྱ། གྲི་བྲུབ་བྱ། འོད་མདོ་འདོན། དཀྱིལ་འཁོར་ཞལ་བསྒྱུར། ལམ་འཕྲང་བཅོས། ཟམ་པ་བཅོས། སྦྱིན་བསྲེག་བྱ། ༈ བྱ་ཡི་ཉི་མ་ལ་ཐན་མཐོང་ན། མ་མོའི་ཐན་ཡིན། ཞག་བརྒྱད་ཚུན་ཆོད་བྱང་ཕྱོགས་ཉེ་བ་ལ་རྐྱེན་འོང་། ཇོ་དར་ལུས་ཚད་དགུ་འཛུགས། ཟློག་པ་དང་བསང་བྱ། བྱི་རྟ་བྱ་ཡོས་བཞི་ལ་ངན། སྐང་ཚེ་ཐན་མདོས་བྱ། ༈ ཁྱི་ཡི་ཉི་མ་ལ་ཐན་མཐོང་ན། བཙན་གྱི་ཐན་ཡིན། ཁྱི་འབྲུག་གླང་ལུག་བཞི་ལ་ངན། རྣམ་འཇོམས་དབང་ཞུ། བདུད་དང་བཙན་མཆོད། ཉེར་ལྔ་འདོན། ཆུ་གཏོར་བཏང་། །སྤང་ཚྭ་བསྐུལ། མདོ་པདྨ་དཀར་པོ་དང་འབུམ་འདོན། ༈ ཕག་གི་ཉི་མ་ལ་ཐན་མཐོང་ན། ལྷ་སྲིན་སྡེ་བརྒྱད་ཐན་ཡིན། ཕོ་མོ་གཉིས་ལ་ངན། རྟ་ནོར་གཉིས་ལ་ངན། བཟློག་པ་བྱ། མི་ནག་མགོ་གསུམ། སྣང་བརྒྱད་བརྒྱ་ཚར། ཚེ་དཔག་མེད་ཚེ་མདོ། གཟུངས་

[Full Size]

འདུས། འབུམ་དག་ཚར་འདོན། ཟམ་པ་འཛུགས། ༈ བྱི་བའི་ཉི་མ་ལ་ཐན་མཐོང་ན། གཤིན་རྗེ་ཨ་ཝ་གླང་མགོའི་ཐན་ཡིན། ཞག་བདུན་ཚུན་ནས་རྐྱེན་འོང་། ཉེ་བ་སྙིང་འདྲ་བ་ལ་ངན། ཕ་མ་ལ་ངན། ཁ་མཆུ་འོང་། བྲན་གཡོག་དང་འོག་རྟ་ལ་ངན། བྱི་རྟ་བྱ་ཡོས་བཞི་ལ་ངན། ཆུ་གཏོར་བཏང་། མི་ནག་མགོ་གསུམ། བཙན་མཆོད་བྱ། ཚེ་འབར་སྨོན་ལམ་ཞུ། ༈ གླང་གི་ཉི་མ་ལ་ཐན་མཐོང་ན། ཐན་གང་མཐོང་དེ་འཆི་བདུད་ཕོ་འདྲེའི་ཐན་ཡིན། ཞག་བདུན་ཚུན་ལ་མོ་ཉོག་ལ་ངན། རྟ་མཛོ་བྲན་གཡོག་ལ་ངན། ཁྱི་འབྲུག་གླང་ལུག་བཞི་ལ་ངན། བཟློག་པ་དང་མདོས་བྱ། ལན་ཆགས་ལོ་གྲངས་བསྔོ། མདོ་འདོན། སིདྡྷི་འབུམ་ཚོ་ལྔ་འདོན། གསོལ་ཁ་བྱ། ཐན་ལྟས་བརྒྱད་ཐིག་རྫོགས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཞལ་ནས་གསུངས་པའི་གཏོ་གདོན་ཆེན་བཅོ་ལྔའི་མདོས་འདི། རེབས་ཆད་ཡིན་ཀྱང་གདོན་གྱིས་དགག་ནས་སྲིད་མི་ཆགས་པ་དང་། ཟླ་སྡིབ་མཚེས་ཤོར་སྐྱེས་མ་ཐག་ནས་འཆི་བ་དང་། སྐྱེས་ནས་ལོ་བཅུ་གཉིས་ཚུན་ཆད་ལ་རིམ་གྲོ་འདི་ལས་ཟབ་པ་མེད།

[Full Size]

ཞལ་ནས་གསུངས་པའི་གཏོ་གདོན་ཆེན་བཅོ་ལྔའི་མདོས་འདི། རེབས་ཆད་ཡིན་ཀྱང་གདོན་གྱིས་དགག་ནས་སྲིད་མི་ཆགས་པ་དང་། ཟླ་སྡིབ་མཚེས་ཤོར་སྐྱེས་མ་ཐག་ནས་འཆི་བ་དང་། སྐྱེས་ནས་ལོ་བཅུ་གཉིས་ཚུན་ཆད་ལ་རིམ་གྲོ་འདི་ལས་ཟབ་པ་མེད་གསུངས་སོ། །

[Full Size]

ན་མོ་གུ་རུ་པཉྩདེ་ཝ་ཡེ། སྲུང་བའི་ལྷ་མོ་ལྔ་ལ་ཕྱག་འཚལ་ལོ། །བྱིས་ཆུང་ངུ་རྣམས་ལ་ཕན་པའི་ཕྱིར། །གདོན་ཆེན་བཅོ་ལྔའི་མདོས་ཆོག་འདིར་བཀོད་བྱ། །ལྷ་མོ་ལྔ་ཡིས་བཀའ་གནང་བྱིན་གྱིས་རློབས། །ལྕགས་སྣོད་མི་རུང་ཁྲོལ་མང་བཙོ་མ་སོགས། །ཕུབ་ཕྱེ་ཐང་ལུད་རིལ་མ་ལ་སོགས་ཀྱིས། །ཕྱུར་བུར་བཀང་སྟེ་འཇིམ་པས་ཞ་ལ་བྱས། །དེ་ལ་རི་རབ་བང་རིམ་གསུམ་གཏོད་དེ། །དེ་སྟེང་བཅོ་ལྔ་སོ་སོའི་འཇིམ་གཟུགས་བཅའ། །འཇམ་པ་པོ་ནི་ནག་པོ་གླང་གི་མགོ །རི་དྭགས་རྒྱལ་ནི་སེར་པོ་ཤ་བའི་མགོ །སྐེམ་བྱེད་མི་ཡི་གཟུགས་ཅན་སེར་པོ་སྟེ། ་་་་ལག་པ་བཞི་པའོ་མཆན། །རྗེད་བྱེད་ནག་པོ་ཝ་ཡི་མགོ་བོ་ཅན། །ཁུ་ཚུར་ཅན་ནི་དམར་པོ་བྱི་བའི་མགོ །མ་མོ་དམར་མོ་བུད་མེད་གཟུགས་ཅན་ནོ། །ཛ་

[Full Size]

མི་ཀ་ནི་ལྗང་གུ་རྟ་ཡི་མགོ། སྲུལ་པོ་ནག་པོ་ཕག་གི་མགོ་བོ་ཅན། །འདོད་པ་ཅན་ནི་དཀར་པོ་ར་ཡི་མགོ །ནམ་གྲུ་སེར་པོ་ཁྱི་ཡི་མགོ་བོ་ཅན། །མ་དགའ་བྱེད་ནི་དཀར་པོ་བྱི་ལའི་མགོ །བྱ་ནི་སྔོན་མོ་ཁུ་བྱུག་གཟུགས་ཅན་ནོ། །གཉའ་ལག་ཅན་ནི་སེར་པོ་བྱ་མགོ་ཅན། །བཞིན་རྒྱལ་སྔོན་པོ་འུག་པའི་མགོ་བོ་ཅན། །མིག་འཕྱང་ནག་པོ་ཕ་ཝང་རྨོང་ཀའི་མགོ་བོ་ཅན། །དེ་དག་སོ་སོའི་ཐད་དུ་ཙཀླུ་ནི། །མགོ་ལ་ཐོར་ཚུགས་བྱ་གཤོག་སྦྲུལ་མཇུག་དཀྲིས། །ལག་པ་ཐལ་མོ་སྦྱར་བའི་གཟུགས་སུ་བྲི། །འཇིམ་གཟུགས་རྣམས་ནི་ཐོར་ཚུགས་གཤོག་པ་དང། །སྦྲུལ་མཇུག་དཀྲིས་པ་བྱེད་ནི་མི་དགོས་སོ། །རང་མདོག་ནམ་མཁའ་མདའ་བཀྲ་འཕང་བཀྲ་དང་། །ཚར་བུའི་བུ་ཐོང་གཏོར་ཆུང་མར་མེ་དང་། །ཆངས་བུ་ཤ་དུམ་ཏིང་ལོ་བཅོ་ལྔ་

[Full Size]

རེ། །ཤིང་རིས་རྣམས་ནི་མཐའ་ནས་བསྐོར་བྱ་ཞིང་། །ནམ་མཁའ་བཅོ་ལྔ་རང་རང་རྒྱབ་ཏུ་བཙུགས། །ཟན་ཀོང་མར་མེ་བཅོ་ལྔ་འཕང་བཀྲའི་རྩེར། །རྩང་ཐུར་མི་བཙུགས་ཚོན་སྐུད་དཀྲི་མི་རུང་། །གདོན་ཚབ་གང་ཆེ་དབུས་ཀྱི་རི་རབ་སྟེང། །མི་ཤེས་ན་ནི་གླང་མགོ་དབུས་སུ་བཞག །དེ་རྒྱབ་བཞི་དང་དེ་རྒྱབ་བཅུས་བསྐོར་ཏེ། །ཕྱོགས་དང་གོང་འོག་གང་བྱེད་ཁྱད་པར་མེད། །ཡོས་བཀྲ་ཚ་ཡོས་རམ་རུག་རུས་དུམ་དང་། །བྱིས་པ་མ་བུ་གཉིས་ཀྱི་གླུད་གཟུགས་བླུག ། གཞན་གྱི་གླུད་ནི་བླུག་པར་མི་བྱའོ། །དེ་ནི་གདོན་ཆེན་བཅོ་ལྔའི་མདོས་ཆེན་ཡིན། །དེ་ལས་བསྡུས་ན་ནམ་མཁའ་གཅིག་གིས་ཆོག །འཇིམ་གཟུགས་ཀྱིས་ཆོག་ཙཀྲི་མི་དགོས་སོ། །ཤིན་ཏུ་བསྡུ་ན་གཙོ་བོའི་གཟུགས་བཅའ་ཞིང་། །དེ་མཐར་དེ་དག་སོ་སོའི་མགོ་བོའི་གཟུགས། །ལ་ལ་རྡོ་རྗེ་དཀར་པོ་ཞེས་བྱ་བ། །མི་མགོ་རྡོ་རྗེ་ཕྱེད་པས་མཚན་པའམ། །ཤིང་རིས་མདའ་འཕང་བུ་ཐོང་ལྔ་རེས་ཆོག །གཏོར་ཆུང་ཤ་དུམ་ཆངས་བུ་ཏིང་ལོ་རྣམས། །བཅོ་ལྔ་རེ་བྱ་མར་མེ་ལྔ་རེས་ཆོག །དེ་ལྟར་རི་རབ་གཟུགས་ཀྱང་མི་དགོས་ཏེ། །མདོས་མིང་མི་ཐོགས་གདོན་ཆེན་བཅོ་ལྔའི་གཏོ། །འདོན་ཆོག་ལ་ནི་རྒྱས་བསྡུས་ཁྱད་པར་མེད། །དེ་ནས་རང་གི་ལྷ་གཞུང་གང་ཡིན་བཏང་། །དེ་ནས་རྩ་བའི་ཡི་དམ་གནས་འགྱུར་ནས། །སྲུང་བ་ལྔ་ཡི་སྐུ་རུ་བདག་བསྐྱེད་དོ། །བདག་གིས་སེམས་ཅན་ཀུན་དོན་དུ། །རིག་པའི་ལྷ་མོ་ལྔ་བསྒྲུབ་སྟེ། །འགྲོ་བའི་སྡུག་བསྔལ་སེལ་བར་བྱ། །རང་ཉིད་ལྷ་མོ་ལྔར་

[Full Size]

གསལ་བའི། །ཐུགས་ལས་འོད་ཟེར་འཕྲོས་པ་ལས། །རིག་པའི་རྒྱལ་མོ་ལྔ་པོ་ནི། །སངས་རྒྱས་བྱང་སེམས་ཚོགས་དང་བཅས། །མདུན་གྱི་ནམ་མཁར་སྤྱན་དྲངས་བཞུགས། །སྒོ་གསུམ་གུས་པས་ཕྱག་འཚལ་ལོ། །བདག་དང་བསྲུང་བྱ་ཐམས་ཅད་ཀྱི། །སྡིག་ལྟུང་ལས་ཀུན་མཐོལ་ཞིང་བཤགས། །དགེ་ཕྱོགས་ཀུན་ལ་རྗེས་ཡི་རང། །ཆོས་ཀྱི་འཁོར་ལོ་བསྐོར་མཛད་ཅིང་། །མྱ་ངན་མི་འདའ་རྟག་བཞུགས་གསོལ། །དཀོན་མཆོག་གསུམ་ལ་སྐྱབས་མཆི་ཞིང་། །བླ་མེད་བྱང་ཆུབ་སེམས་བསྐྱེད་དོ། །དགེ་བས་འགྲོ་ཀུན་སངས་རྒྱས་ཤོག །ཚོགས་ཞིང་རང་གི་སྙིང་ཁར་ཐིམ། །ཨོཾ་སྭ་བྷ་ཝ་སོགས་སྟོང་པའི་ངང་ལས་རྡོ་རྗེའི་ས་གཞི་དང་། །རྭ་གུར་མེ་རི་སྲུང་འཁོར་རྒྱ་ཆེའི་ནང། །པདྨ་འདབ་བཞི་ཟླ་གདན་ལྔ་ཡི་དབུས། །རང་ཉིད་རིག་པའི་ལྷ་མོ་ལྔར་གྱུར་ཏེ། །དབུས་སུ་ཧཱུྃ་ལས་སྟོང་ཆེན་རབ་འཇོམས་དཀར། །ཞལ་གཅིག་པ་ལ་ཕྱག་ནི་དྲུག་པ་སྟེ། །གཡས་གསུམ་རལ་གྲི་མདའ་དང་མཆོག་སྦྱིན་ཕྱག །གཡོན་གསུམ་ཞགས་པ་གཞུ་དང་དགྲ་སྟ་འཛིན། །ཤར་དུ་པཾ་ལས་སོ་སོར་འབྲང་མ་ནི། །སེར་ནག་དཀར་བའི་

[Full Size]

ཞལ་གསུམ་སྤྱན་གསུམ་གསུམ། །དར་དང་རིན་ཆེན་རྒྱན་ལྡན་ཕྱེད་སྐྱིལ་བཞུགས། །ཕྱག་བཅུ་གཡས་ལ་རལ་གྲི་རྡོ་རྗེ་མདའ། །མཆོག་སྦྱིན་ཡུ་བ་ཐུགས་ཀར་གནས་པའི་གདུགས། །གཞུ་དང་རྒྱལ་མཚན་རིན་ཆེན་ཆུན་པོ་དང་། །དགྲ་སྟ་དུང་རྣམས་གཡོན་པའི་ཕྱག་ན་འཛིན། །ལྷོ་རུ་མཾ་ལས་རྨ་བྱ་ཆེན་མོ་ལྗང་། །ཞལ་གཅིག་ཕྱག་གཉིས་སྒྲོ་མདངས་མཆོག་སྦྱིན་ཕྱག །ནུབ་ཏུ་ཧཱུྃ་ལས་གསང་སྔགས་རྗེས་འཛིན་ནག །བྱང་དུ་ཛཾ་ལས་བསིལ་བའི་ཚལ་མ་དམར། །གཉིས་ཀ་ཞལ་གཅིག་ཕྱག་ནི་བཞི་མ་སྟེ། །གཡས་གཉིས་རལ་གྲི་མཆོག་སྦྱིན་གཡོན་པ་ན། །དགྲ་སྣ་ཞགས་པ་འཛིན་ཅིང་ཉི་མའི་གདན། །ཀུན་ཀྱང་དར་དང་རིན་ཆེན་རྒྱན་གྱིས་བཀླུབས། །རོལ་པའི་སྟབས་ཀྱིས་འགྱིང་བའི་ཚུལ་གྱིས་བཞུགས། །ཀུན་གྱི་གནས་གསུམ་ཨོཾ་ཨཱཧཱུྃ་གསུམ་དང་། །རང་རང་ཐུགས་ཀའི་ས་བོན་འོད་འཕྲོས་ནས། །རང་འདྲའི་ཡེ་ཤེས་སེམས་དཔའ་སྤྱན་དྲངས་ནས། །ཛཿཧཱུྃ་བཾ་ཧོཿགཉིས་སུ་མེད་པར་ཐིམ། །དབང་ལྷ་རིགས་ལྔ་སྤྱན་དྲངས་དབང་བསྐུར་ནས། །དབང་རྟགས་གཙོ་མོ་ལ་ནི་རྣམ་སྣང་དང་། །རིན་འབྱུང་མི་བསྐྱོད་དོན་གྲུབ་འོད།

[Full Size]

དཔག་རྒྱན། །རང་གི་ཐུགས་ལས་སྤྲུལ་པའི་མཆོད་ལྷའི་ཚོགས། །མཆོད་རྫ་ས་དུ་མ་འཛིན་པས་བདག་བསྐྱེད་མཆོད། །དེ་ཝི་པཉྩ་ཨནྡྷཾ་སོགས། ཉོན་མོངས་ལྔ་པོ་རྣམ་དག་ཅིང་། །ཕུང་པོ་ལྔ་ཡི་ངོ་བོ་ཉིད། །རིགས་ལྔ་ཡེ་ཤེས་ལྔའི་རང་བཞིན། །རིག་པའི་ལྷ་མོ་ལྔ་ལ་བསྟོད། །རང་རང་ཐུགས་ཀར་ཟླ་སྟེང་ས་བོན་མཐར། །རང་རང་སྔགས་ཕྲེང་འོད་ཟེར་གྱིས། །སངས་རྒྱས་ཀུན་མཆོད་བྱིན་རླབས་བསྡུས། །འགྲོ་བའི་སྒྲིབ་པ་སྦྱང་བར་གྱུར། །ཨོཾ་མ་ཧཱ་ས་ཧ་སྲ་པྲ་མ་དྷ་ར་ན་མན་ན་བྷཾ་ཧཱུྃ༔ ཨོཾ་ཨ་མྲྀ་ཏེ་བཱི་ས་རོ་པུཾ་ཧཱུྃ། ཨོཾ་ཨ་མྲྀ་ཏེ་ཧྲི་མ་ཨ་ཡུ་རི་མཾ་ཧཱུྃ། ཨོཾ་ཨཱ་མ་ཧཱ་མན་ཨཱ་ནུ་དྷ་རི་ནི་ཧཱུྃ་ཧཱུྃ། ཨོཾ་ཨཱ་མ་ཧཱ་ཤྲཱི་ཏ་ཝ་རི་ཛ་ཧཱུྃ། གཙོ་མོའི་སྔགས་ནི་བརྒྱ་སྟོང་ཅི་མང་བཟླསཾ། །འཁོར་བཞིའི་སྔགས་ནི་ཅི་མང་ཙམ་རེ་བརྗོད། །མདོས་ནང་ཡོས་བཀྲ་འབྲུ་སྣ་སྤང་རམ་བཏབ། །དེ་ནས་བྲན་ཏེ་གྱེར་སྒོམ་བསྒྲུག་པར་བྱ། །ཨོཾ་ཨ་མྲྀ་ཏེ་ཧཱུྃ་ཕཊ། ཤཱཀྱ་ཐུབ་པའི་བྱིན་རླབས་ཀྱིས། །ཐལ་མོ་ཁོང་སྟོང་ཕྱག་རྒྱའི་ནང། །ཨཱ་ཡིག་དཀར་པོའི་འོད་འཕྲོས་པས། །གླུད་མདོས་དངོས་པོར་འཛིན་པ་དང་། །མི་གཙང་དྲི་མ་ཐམས་ཅད་དག །དོན་དམ་སྟོང་ཉིད་ངོ་བོར་གྱུར། །ཨོཾ་སྭ་བྷ་ཝ་

[Full Size]

ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་མདོས་གཞི་ནི། །ས་ཡི་རི་རབ་གྲུ་བཞིའི་སྟེང་། །བྱིས་པའི་གདོན་ཆེན་བཅོ་ལྔ་ནི། །རང་གནད་རང་ལ་དབབ་པའི་ཕྱིར། །སོ་སོའི་བླ་རྟགས་གཟུགས་བརྙན་ཏེ། །འཇམ་པ་པོ་ནི་བ་གླང་གཟུགས། །རི་དྭགས་རྒྱལ་པོ་རི་དྭགས་འདྲ། །སྐེམ་བྱེད་པ་ནི་གཞོན་ནུའི་གཟུགས། །བརྗེད་བྱེད་པ་ནི་ཝ་འདྲའོ། །ཁུ་ཚུར་ཅན་ནི་བྱ་རོག་གཟུགས། །མ་མོ་དེ་ནི་མི་ཡི་གཟུགས། །ཛ་མི་ཀ་ནི་རྟ་ཡི་གཟུགས། །འདོད་པ་ཅན་ནི་རྡོ་རྗེའི་གཟུགས། །ནམ་གྲུ་ཁྱི་ཡི་གཟུགས་ཅན་ཏེ། །སྲུལ་པོ་ཕག་གི་གཟུགས་ཀྱི་སྟེ། །མ་དགའ་བྱེད་པ་བྱི་ལིའི་གཟུགས། །བྱ་ནི་འདབ་ཆགས་གཟུགས་ཀྱིས་སོ། །གཉའ་ལག་ཅན་ནི་བྱ་གག་གཟུགས། །བཞིན་རྒྱལ་འུག་པའི་གཟུགས་ཀྱི་སྟེ། །མིག་འཕྱང་པ་ནི་ཕ་ཝཾ་གཟུགས། །དེ་དག་སྐད་ཅིག་གནས་འགྱུར་ཏེ། །ལུས་ནི་ང་རྒྱལ་མི་ཡི་ལུས། །གཏི་མུག་སོ་སོའི་བླ་རྟགས་མགོ །ལྷ་ཡི་རྟགས་སུ་ཐོར་ཚུགས་བཅིངས། །ཞེ་སྡང་སྦྲུལ་མཇུག་སྐེད་ལ་དཀྲིས། །འདོད་ཆགས་བྱ་ཡི་གཤོག་པ་ལྡིང་། །ཕྲག་དོག་ཁྱུང་སྡེར་ཐལ་མོ་སྦྱར། །སྙིང་ཁར་རང་མདོག་སྲོག་

[Full Size]

ཡིག་ཏྲི། །སོ་སོའི་བར་མཚམས་མདུན་རྣམས་སུ། །ཤིང་རིས་མདའ་འཕང་བུ་ཐོང་དང་། །ནམ་མཁའ་མར་མེ་ཡོས་བཀྲ་དང་། །གཏོར་མ་ཆངས་བུ་ཏིང་ལོ་དང་། །ཤ་དུམ་ཟན་དུམ་འབྲུ་སྣ་དང་། །ཚྭ་རྒོག་སྦང་མ་རམ་པ་སོགས། །ཡས་སྟགས་རྣམ་པ་སྣ་ཚོགས་རྣམས། །བྱིས་པ་ཚེ་གླུད་སྲོག་གི་སྐྱིན། །བུ་ལོན་ལན་ཆགས་འཇལ་བའི་རྫས། །གདོན་ཆེན་བཅོ་ལྔ་འཁོར་བཅས་ཀྱི། །དབང་པོ་དྲུག་གི་སྤྱོད་ཡུལ་དུ། །སོ་སོའི་ཅི་འདོད་ལོངས་སྤྱོད་རྫས། །ཟག་མེད་བདེ་བ་སྤྱོད་བྱེད་པ། །ཟད་མེད་ནམ་མཁའ་མཛོད་དུ་གྱུར། །རྣམ་པར་སྣང་མཛད་བྱིན་རླབས་ཀྱིས། །ཐལ་མོ་ཁོང་སྟོང་ཕྱག་རྒྱའི་ནང་། །ཡི་གེ་ཁཾ་ལས་འོད་འཕྲོས་པས། །ཡས་གླུད་དེ་དག་འཕེལ་ཞིང་རྒྱས། །སྟོང་གསུམ་འཇིག་རྟེན་གནམ་ས་གང་། །ཨོཾ་ན་མ་སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷེ། སརྦ་ཐ་ཁཾ་ཨུཏྠ་ཏེ་སྤ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། བདུད་རྩི་འཁྱིལ་བའི་བྱིན་རླབས་ཀྱིས། །ཐལ་མོ་ཁ་འགྱེད་ཕྱག་རྒྱའི་ནང་། །ཛཝཡིག་དམར་པོར་འོད་འཕྲོས་པས། །ཡས་གླུད་ཟག་མེད་བདུད་རྩིར་གྱུར། །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། རིན་

[Full Size]

ཆེན་འབྱུང་ལྡན་བྱིན་རླབས་ཀྱིས། །མཆོག་སྦྱིན་ཕྱག་རྒྱ་ཏཱཾ་སེར་ལས། །འོད་འཕྲོས་མགྲོན་རྣམས་ཐམས་ཅད་ལ། །བསྔོས་པ་བཞིན་དུ་ཐོབ་གྱུར་ཅིག །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། དོན་ཡོད་གྲུབ་པའི་བྱིན་རླབས་ཀྱིས། །ཁུ་ཚུར་མཆོག་སྦྱིན་ཕྱག་རྒྱའི་ནང་། །ཧ་ལྗང་འོད་ཟེར་འཕྲོས་པའི་མཐུས། །མགྲོན་ཀུན་མཉེས་ཤིང་ཚིམ་གྱུར་ཅིག །ཨོཾ་ཛྙཱ་ན་ཨཱ་ཝ་ལོ་ཀི་ཏེ་ན་མཿས་མནྟ་ཨ་མྲྀ་ཏ་སྤ་ར་ཎ་རསྨི་བྷ་ཝ་མ་ཧཱ་མ་ནི་དུ་རུ་དུ་རུ་ཧཱིད་ཡ་ཛྭ་ལ་ནི་སྭཱ་ཧཱ། ཕྱག་ན་རྡོ་རྗེའི་བྱིན་རླབས་ཀྱིས། །སོར་བསྣོལ་ཕྱག་རྒྱ་ཛདམར་ལས། །འོད་འཕྲོས་མགྲོན་ཀུན་དབང་དུ་བསྡུས། །བདག་གི་བཀའ་བཞིན་བསྒྲུབ་པར་གྱུར། །ན་མཿས་མནྟ་བུདྡྷཱ་ནཾ་ག་རི་ཀྲོ་ཏི་ཤྭ་ར་པྲ་བྷ་ཛྷཱ་ན་མཱ་ར་ཡ་སྭཱ་ཧཱ། ཧཱུྃ། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་པོ་གཟུ་དང་དཔང་། །སྟོང་ཆེན་རབ་འཇོམས་གཟུ་དང་དཔང་། །སོ་སོར་འབྲང་མ་གཟུ་དང་དཔང། །བསིལ་བའི་ཚལ་མ་གཟུ་དང་དཔང་། །གསང་སྔགས་རྗེས་འཛིན་གཟུ་དང་དཔང་། །རྨ་བྱ་ཆེན་མོ་གཟུ་དང་དཔང་། །དོ་ནུབོ་ཞལ་ནས་གསུངས་པའི་གཏོ། །

[Full Size]

གདོན་ཆེན་བཅོ་ལྔའི་མདོས་བྱེད་ན། །བདག་གི་རྒྱབ་རྟེན་མགོན་སྐྱབས་མཛོད། །གཏོ་ཡས་གནས་སུ་ཐེངས་བར་མཛོད། །གདོན་རྣམས་བླུད་ཀྱིས་ཚིམ་གྱུར་ནས། །བུ་ལོན་ལན་ཆགས་བྱང་ནས་ཀྱང་། །བསྲུང་བྱ་བྱིས་པ་འདི་ཉིད་ནི། །ནད་དང་གདོན་ལས་ཐར་བ་དང་། །ཚེ་མཐར་ཕྱིན་པར་མཛད་དུ་གསོལ། །ཧཱུྃ། ཟླ་གམ་འབར་བའི་དཀྱིལ་འཁོར་ནས། །དབང་གི་རྒྱལ་པོ་རྟ་མཆོག་འབར་བའི་སྐུ། །ཡབ་ཡུམ་གཉིས་མེད་ཐུགས་ལས་སྤྲུལ་པའི་སྲས། །འཁོར་བཅས་ཐུགས་དམ་གཉན་པོ་དུས་ལ་བབ། །གདོན་ཆེན་ཀུན་གྱི་གཉན་པོར་གཤེགས་སུ་གསོལ། །གདོན་རྣམས་ཐམས་ཅད་དབང་སྡུས་ཟིལ་གྱིས་ནོན། །བདག་དང་བྱིས་སྦ་འདི་ལ་མགོན་སྐྱབས་མཛོད། །ཨོཾ་པདྨནྟ་ཀྲྀ་ཏ་བཛྲ་ཀྲོ་ཏ་ཧྱ་གྲྭ་ཝ་ཧུ་ལུ་ཧུ་ལུ་ཧཱུྃ་ཕཊ། སྟོང་ཆེན་རབ་ཏུ་འཇོམས་པ་དང་། །གཟུངས་ཆེན་སྡེ་ལྔའི་མདོ་སྡེ་འདི། །འདས་པའི་སངས་རྒྱས་རྣམས་ཀྱིས་གསུངས། །མ་འོངས་རྣམས་ཀྱང་གསུངས་འགྱུར་ཞིང་། །ད་ལྟ་བྱུང་བ་རྫོགས་སངས་རྒྱས། །ཤཱཀྱའི་རྒྱལ་པོས་བཀའ་བསྩལ་པའི། །བདེན་པ་ཆེན་པོའི་མཐུ་སྟོབས་ཀྱིས། །འཇམ་པ་དང་

[Full Size]

ནི་རི་དྭགས་རྒྱལ། །སྐེམ་བྱེད་བརྗེད་བྱེད་ཁུ་ཚུར་ཅན། །མ་མོ་དང་ནི་ཛ་མི་ཀ །འདོད་པ་ཅན་དང་ནམ་གྲུ་དང་། །སྲུལ་པོ་དང་ནི་མ་དགའ་བྱེད། །བྱ་དང་གཉའ་བའི་ལག་ཆེན་དང་། །བཞིན་རྒྱན་དང་ནི་མིག་འཕྱང་བ། །དེ་དག་ཐམས་ཅད་ས་ལ་རྒྱུ། །གདོན་རྣམས་བཅོ་ལྔ་དེ་དག་ནི། །བྱིས་པ་རྣམས་ལ་འཇིགས་པར་བགྱིད། །འདི་དག་བྱིས་པ་སྐྲག་པར་བགྱིད། །འདི་དག་བུ་འཕྲོག་མ་རུངས་བགྱིད། །བྱིསླ་རྣམས་ལ་འཇིགས་བགྱིད་པ། །མདོ་སྡེ་ཞགས་པས་དྲངས་ནས་ནི། །འདི་དག་ཤིན་ཏུ་འགུགས་པར་བྱེད། །གནོད་སྦྱིན་སྡེ་དཔོན་ཆེན་པོ་ནི། །དྲི་ཟ་ཙན་དན་ཞེས་བགྱི་བ། །ཡི་གེ་ཕྱག་རྒྱུ་དེ་སྩལ་ཏེ། །སོང་ལ་གདོན་ནི་དྲག་པོ་པ། །བཅོ་ལྔ་དེ་དག་ཁུག་ཅིག་ཅེས། །ཕོ་ཉ་ཡང་ནི་བཏང་བར་བགྱི། །དེ་དག་རྣམས་ནི་སྐད་ཅིག་གིས། །བཅིངས་བ་ལྔ་ཡིས་བཅིངས་བཞིན་བཀུག །ཧཱུྃ། གདོན་ཆེན་བཅོ་ལྔ་འཁོར་དང་བཅས། །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །འཇམ་པ་པོ་དང་རི་དྭགས་རྒྱལ། །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །སྐེམ་བྱེད་བརྗེད་བྱེད་ཁུ་ཚུར་ཅན། །མདོས་དང་གླུད་ལ་

[Full Size]

སྤྱན་འདྲེན་གཤེགས་སུ་གསོལ། །མ་མོ་དང་ནི་ཛ་མི་ཀ །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །འདོད་པ་ཅན་དང་ནམ་གྲུ་ཡང་། །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །སྲུལ་པོ་དང་ནི་མ་དགའ་བྱེད། །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །བྱ་དང་གཉའ་བའི་ལག་ཅན་དང་། །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །བཞིན་རྒྱན་དང་ནི་མིག་འཕྱང་བ། །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །གང་དག་ས་ཆུ་མེ་རླུང་དང་། །ཤིང་དང་ནགས་ཚལ་ལ་གནས་པའི། །ལྷ་ཀླུ་གནོད་སྦྱིན་སྲིན་པོ་དང་། །མིའམ་ཅི་དང་ཤ་ཟ་དང་། །དྲི་ཟ་སྲུལ་པོ་མ་མོའི་ཚོགས། །ཡང་འཁོར་སྟོང་ཕྲག་མང་པོ་བཅས། །ཆུང་གླུད་ལེན་ཕྱིར་སྤྱན་འདྲེན་ན། །ཁྲོ་གཏུམ་སེམས་ཀྱིས་མ་བྱོན་ཅིག །བྱམས་པའི་སེམས་ཀྱིས་གཤེགས་སུ་གསོལ། །ཨོཾ་རྒྱ་ཧི་བཛྲ་ས་མ་ཡ་ཛཿ ཛཿཧཱུྃ་བཾ་ཧོཿ ཏིཥྛ་ལྷན། སྔོན་ཚེ་གདོན་ཆེན་བཅོ་ལྔ་པོ། །རྟག་ཏུ་ཁྲག་ལ་འཐུང་རྣམས་ཀྱིས། །འཇིག་རྟེན་མགོན་ལ་ཕྱག་འཚལ་ལོ། །ཐལ་མོ་སྦྱར་ནས་འདི་སྐད་གསོལ། །གྲོང་ངམ་ཁྱིམ་མམ་གྲོང་

[Full Size]

ཁྱེར་རམ། །གང་ན་ལེགས་པར་གསུངས་པ་ཡི། །མདོ་སྡེ་འདི་ནི་བཞུགས་པ་དེར། །བྱིས་པ་རྣམས་ནི་འགུམ་མི་འགྱུར། །ཐུབ་ཆེན་ལ་ནི་ཅི་བཞིན་དུ། །རྗེས་སུ་མཐུན་པར་འཇུག་པར་བགྱི། །དེ་སྐད་ཁས་བླངས་དམ་བཅས་པའི། །དམ་ཚིག་རྗེས་སུ་དྲན་མཛོད་ལ། །མདོས་གླུད་འདི་ནི་ལེན་པར་གྱིས། །ཧཱུྃ། འབྲུ་སྣའི་རིན་ཆེན་ཚོགས་པ་ཡི། །མདོས་ནི་རིན་ཆེན་རི་རབ་བཞི། །སྣ་ཚོགས་རི་རབ་གླིང་བཞི་བཀོད། །ཀུན་ཀྱང་རིན་པོ་ཆེ་ཡི་གཏེར། །འདོད་ཡོན་ལྔ་ཡི་ལོངས་སྤྱོད་བཀླུབས། །སྤྱན་གཟིགས་དཀོར་ཆ་སྤུང་བ་ཡི། །ནམ་མཁའ་ལེ་བརྒན་གདུགས་ཀྱིས་བཀང་། །རིན་ཆེན་སྣ་ཚོགས་ས་གཞི་ཡི། །ནམ་མཁའ་མདའ་འཕང་དང་། །ཕོ་སྟོང་མོ་སྟོང་དང་། །ཤིང་རིས་རྒྱང་བུ་དང་། །འབྲུ་ཡོས་སྲོག་ཆགས་དང་། །སྤྱན་གཟིགས་སྣ་ཚོགས་དང་། །བཏུང་བའི་སྐྱེམས་བཟང་དང་། །བྱིས་པ་ཆུང་དུས་གླུད། །ཚེ་སྲོག་གླུད་དུ་འབུལ། །བྱིསྱའི་གདོན་ཆེན་རྣམས། །དབང་བའི་རིམ་པ་བཞིན། །ཀུན་ཀྱང་ཚིམ་པར་མཛོད། །བདེན་པའི་དོན་ལ་སོམས། །བདེ་གཤེགས་རྒྱལ་བའི་བཀའ་མ་བཅག །ཧཱུྃ། གཙོ་བོ་

[Full Size]

རྒྱལ་བ་ཤཱཀྱ་ཐུབ་པ་ཡི། །སྤྱན་སྔར་ཁས་བླངས་དམ་བཅས་པའི། །བྱིསྶའི་གདོན་ཆེན་བཅོ་ལྔ་ཡི། །གང་དག་ས་ལ་རྒྱུ་བ་ཡི། །གདོན་དང་འབྱུང་པོ་གང་ལ་གནསོ། །གདོན་ཆེན་རྒྱལ་པོ་འཇམ་པ་པོ། །སྐུ་མདོག་སྨུག་ནག་འབར་བ་ལས། །མི་ལུས་གླང་གི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །།བྱིས་པ་ཆུང་ལ་མ་གདོན་ཅིག། འདྲིལ་དང་ཚག་པ་སྲིན་བུའི་ནད། །ལྕམ་ལྷམ་བྷམ་མིག་ནད་མ་གཏོང་། །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་རི་དྭགས་རྒྱལ། །སྐུ་མདོག་སེར་པོ་འོད་ཟེར་འཕྲོ། །མི་ལུས་རི་དྭགས་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །བྱིསྭ་སྟོད་ནད་འཁུན་སྐྱུག་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་སྐེམ་བྱེད་ནི། །སྐུ་མདོག་སེར་པོ་འོད་ཟེར་འབར། །ཞལ་གཅིག་པ་ལ་ཕྱག་བཞི་པ། །སྐུ་གླུད་མདོས་ཆེན་འདི་བཞེས་ལ། །བྱིས་པའི་ནད་ངུ་འདར་ལྗིད་མ་བཏང་

[Full Size]

ཞིག །སྔོན་གྱི་རྒྱལ་བའི་བཀའ་མ་བཅིག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་བརྗེད་བྱེད་ནི། །སྐུ་མདོག། ནག་པོ་དུད་ཁ་བ། །མི་ལུས་ཝ་ཡི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །བྱིས་པའི་ནད་དུ་བརྒྱལ་བ་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག་སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་ཁུ་ཚུར་ཅན། །སྐུ་མདོག་དམར་པོ་བྱེ་རུའི་མདོག །མི་ལུས་བྱི་བའི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །བྱིས་འདི་ལ་ཞ་གྲུམ་འགོང་པོའི་ནད་རྣམས་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །དཔྱིན་གྱི་མ་མོ་ཀུན་གྱི་བདག །སྐུ་མདོག་སྨུག་ནག་བརྗིད་པ་ལ། །རལ་པས་སྟོང་ཁམས་སྲིད་གསུམ་བཏིབ། །སྤྱན་ནས་ཁྲག་འཛག་ཞལ་ནས་མེ་ཡི་རླངས་པ་འཐུལ། །སྐུ་གླུད་མདོས་ཆེན་འདི་བཞེས་ལ། །བྱིས་པ་ཆུང་ལ་གནོད་པ་མ་བྱེད་ཅིག །བྱིས་པ་ཆུང་ལ་གནོད་པ་བྱེད་པ་ཡི། །དལ་ཡམས་

[Full Size]

རིམས་ནད་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་ཛ་མི་ཀ །སྐུ་མདོག་ལྗང་ནག་འཇིགས་པའི་གཟུགས། །མི་ལུས་རྟ་ཡི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །མ་ཡི་ནུ་ཞོ་མ་སྐམ་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོསྲུལ་པོ་ནི། །སྐུ་མདོག་སེར་ནག་སྟག་གཟིག་མགོ། །ཞལ་གཅིག་ཕྱག་གཉིས་ཕག་མགོ་རབ་ཏུ་རྔམས། །སྐུ་གླུད་མདོས་ཆེན་འདི་བཞེས་ལ། །བྱིས་པ་འདི་ལ་སྔངས་འདར་ནད་རྣམས་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་མ་དགའ་བྱེད། །སྐུ་མདོག་དཀར་པོ་འཇིགས་པའི་སྐུ། །མི་ལུས་བྱི་བའི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །ནད་ཡམས་སྣ་ཚོགས་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་

[Full Size]

གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་འདོད་པ་ཅན། །སྐུ་མདོག་དཀར་པོ་མཆེ་བ་ཅན། །མི་ལུས་ར་ཡི་མགོ་བོ་ཅན། །ཕྱག་ན་རྡོ་རྗེ་འབར་བ་བསྣམས། །སྐུ་གླུད་མདོས་ཆེན་འདི་བཞེས་ལ། །བྱིས་འདི་ལ་གཉིད་མེད་དུ་བ་མ་བྱེད་ཅིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་ནམ་གྲུ་ནི། །སྐུ་མདོག་ནག་པོ་འབར་བ་ལ། །མི་ལུས་ཁྱི་ཡི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །བྱིས་པ་འདི་ལ་ཞུགས་དང་སོ་འཐབ་ནད་རྣམས་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་བྱི་རབ་ནི། །སྐུ་མདོག་སེར་པོ་རབ་ཏུ་འཇིགས་པའི་སྐུ། །མི་ལུས་བྱི་བའི་མགོ་བོ་ཅན། །བྱིས་པ་འདི་ལ་དྲི་མི་ཞིམ་པ་མ་བཏང་ཞིག ། སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་གཉའ་ལག་ཅན། །སྐུ་མདོག་སེར་ནག་

[Full Size]

འཇིགས་པ་ལ། །མི་ལུས་བྱ་ཡི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །བྱིས་པ་འདི་ལ་འགུག་དང་འགག་པའི་ནད་རྣམས་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་བཞིན་རྒྱལ་ནི། །སྐུ་མདོག་སྔོན་པོ་འོད་ཟེར་འབར། །མི་ལུས་འུག་པའི་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །བྱིས་འདི་ལ་སྣ་ཚོགས་འཁྲུགས་པའི་ནད་རྣམས་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་མིག་འཕྱངས་ནི། །མི་ལུས་ཕ་ཝང་མགོ་བོ་ཅན། །སྐུ་གླུད་མདོས་ཆེན་འདི་བཞེས་ལ། །བྱིསྦྲ་འདི་ལ་གཡལ་དང་སྐྱིག་བུ་མ་བཏང་ཞིག །སྔོན་གྱི་རྒྱལ་བའི་བཀའ་མ་བཅག །སྔགས་འཆང་བདག་གི་ངག་མ་བསླུ། །ཆོས་ཉིད་བདེན་པའི་དོན་ལ་སོམས། །གདོན་ཆེན་རྒྱལ་པོ་བཅོ་ལྔ་ལ། །སྲིད་པའི་མདོས་ཆེན་འབུལ་བ་ནི། །ས་ཡི་མཎྜལ་རི་རབ་དབྱིབས། །གྲུ་བཞི་ཟུར་བཞི་ལོགས་བཞིར་ལྡན། །བྱིས་པ་

[Full Size]

འདུག་པའི་ཡུལ་གྱི་གླུད། །རྒྱང་བུ་ཤིང་རིས་འཇའ་རིས་བཀྲ། །བྱིས་པ་གནས་ཁང་སྦྲ་གུར་གླུད། །ནམ་མཁའ་རང་མདོག་འོད་དུ་འབར། །མདའ་བཀྲ་ལྷ་ཕྲུག་རྩེ་གྲུ་བྱེད། །ཁྱིའུ་བུད་མེད་ས་འདིའི་གླུད། །འཕང་བཀྲ་ལྷ་ཡི་བུ་མོ་མཛེས། །བྱིས་པ་བུ་མོ་རྣམས་ཀྱི་གླུད། །ཚར་བུའི་བུ་ཐོང་བྱིས་སྦའི་གཟུགས། །བྱིས་པས་ཆུང་ངུས་གླུད་དང་སྐྱིན། །མར་མེ་གསལ་བའི་མདངས་དང་ལྡན། །བྱིས་པའི་དབང་པོ་ལྔ་ཡི་གླུད། །ཆངས་བུ་ཏིང་ལོ་འདོད་ཡོན་ལྔ། །བྱིསྱའི་ལན་ཆགས་བུ་ལོན་འཇལ། །གཞན་ཡང་ཡས་སྟགས་སྣ་ཚོགས་ཀྱིས། །ཆུང་སྲི་ཆུང་བདུད་འདྲེ་སྲིན་ཚིམ། །གཏོར་མ་རོ་མཆོག་བརྒྱ་དང་ལྡན། །གདོན་རིགས་ཀུན་གྱི་བཀྲེས་སྐོམ་ཞི། །རིན་ཆེན་མང་དང་གཟུགས་མཛེས་དང་། །འཇམ་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་པ་རྣམས་ལ་ཕྱག་འཚལ་ལོ། །གདོན་ཆེན་གླུད་དང་གཏོར་མ་འདི། །བྱིས་པའི་གདོན་ཆེན་བཅོ་ལྔ་ནི། །འཁོར་དང་བཅས་པ་རྣམས་ལ་འབུལ། །ཐམས་ཅད་བྱང་ཞིང་ཚིམས་གྱུར་ནས། །གནོད་འཚེའི་བསམ་པ་རབ་ཞི་ནས། །བྱམས་པའི་སེམས་དང་ལྡན་གྱུར་ཅིག །ན་མསརྦ་ཏ་ཐཱ་ག་ཏ་

[Full Size]

ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། སྔགས་ལན་བདུན་བརྗོད། གང་ལ་བུ་ནི་མི་ཆགས་དང་། །གང་གི་མངལ་དུ་མི་གནས་དང་། །སྐྱེས་པ་བུད་མེད་འདུ་བ་ན། །དབང་པོ་རྣམས་ནི་མྱོས་པར་བྱེད། །མེར་མེར་པོ་དང་ནུར་ནུར་པོ། །བུ་ཡི་ས་བོན་མ་རུང་བགྱིད། །གང་ཡང་མངལ་ནི་ཐུར་དུ་གྱུར། །ཤ་མ་མི་འགྱུར་གནོད་པ་བགྱིད། །དེ་དག་གདོན་རིགས་ཐམས་ཅད་ཀྱིས། །མདོས་གླུད་གཏོར་མ་འདི་བཞེས་ལ། །བསྲུང་བྱ་ཡོན་གྱི་བདག་པོ་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །བྱིས་པ་རྣམས་ལ་གནོད་པའི་གདོན། །འཇམ་པ་པོས་ནི་ཟིན་གྱུར་ན། །མིག་ནི་རབ་ཏུ་འགྱུར་བ་ན། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་སྦ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །རི་དྭགས་རྒྱལ་གྱིས་ཟིན་གྱུར་ན། །སྐྱུག་པ་མི་བཟད་བསྐྱག་པར་འགྱུར། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །སྐེམ་བྱེད་ཀྱིས་ནི་ཟིན་གྱུར་ན། །སྐེམ་བྱེད་པོས་ནི་བྱིས་འགུམས། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱི་

[Full Size]

སྦ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །བརྗེད་བྱེད་ཀྱིས་ནི་ཟིན་གྱུར་ན། །འགྲེང་ཞིང་དེ་ལྟར་སྒྲ་ཡང་འབྱིན། །དབུ་བ་དང་ནི་ཁུ་ཚུར་འཛག །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །ཁུ་ཚུར་ཅན་གྱིས་རབ་འབྱིན་ན། །ཁུ་ཚུར་བཅང་ཞིང་འབྱེད་པརའགྱེད། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །མ་མོ་ཡིས་ནི་ཟིན་གྱུར་ན། །རྒོད་ཅིང་དེ་དག་སྒྲ་ཡང་འབྱིན། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །ཛ་མི་ཀས་ནི་རབ་ཟིན་ན། །ནུ་ཞོ་ནུ་བར་མངོན་མི་དགའ། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །འདོད་པ་ཅན་གྱིས་རབ་ཟིན་ན། །མལ་གཉིད་ལོག་ཏུ་ངུ་བར་འགྱུར། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །ནམ་གྲུས་རབ་ཏུ་ཟིན་གྱུར་

[Full Size]

ན། །ལྕེ་ལ་སོས་ནི་འཆའ་བར་བགྱིད། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །སྲུལ་པོས་རབ་ཏུ་ཟིན་གྱུར་ན། །ཀུ་ཅོ་འབོད་ཅིང་སྒྲ་ཡང་འབྱིན། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །མ་དགའ་བྱེད་པས་ཟིན་གྱུར་ན། །རྣམ་པ་སྣ་ཚོགས་གཟུགས་སུ་འགྱུར། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །བྱ་ཡིས་རབ་ཏུ་ཟིན་གྱུར་ན། །བསྣམས་པའི་དྲི་ནི་འབྱུང་བར་འབྱུང་། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །གཉའ་ལག་ཅན་གྱིས་ཟིན་གྱུར་ན། །མགུལ་པ་རབ་ཏུ་འགགས་པར་འགྱུར། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིས་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །བཞིན་རྒྱན་གྱིས་ནི་ཟིན་གྱུར་ན། །རིམས་ཀྱིས་བཏབ་ཅིང་འཁྲུ་བར་འགྱུར། །གླུད་མདོས་གཏོར་མ་འདི་བཞེས་ལ། །

[Full Size]

བསྲུང་བྱ་བྱིས་པ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །མིག་འཕྱང་པས་ནི་ཟིན་གྱུར་ན། །ཀེག་བུ་དང་ནི་སྔངས་བར་འགྱུར། །གླུད་མདོས་གཏོར་མ་འདི་བཞེས་ལ། །བསྲུང་བྱ་བྱིསྡུ་འདི་ཉིད་ལ། །ཕྱིན་ཆད་དེ་ལྟར་གནོད་པ་མ་བྱེད་ཅིག །ཤཱཀྱ་ཐུབ་པའི་བསྟན་པ་ལ། །དཔལ་ལྡན་གོས་སྔོན་ཅན་གྱི་འཁོར། །སྟོན་པའི་བཀའ་ལ་གནས་པ་ཡི། །གནོད་སྦྱིན་མི་ཡི་ལུས་པོ་ལ། །བོང་བུ་གླང་ཆེན་རྔ་མོང་མགོ །སེང་གེ་སྟག་གཟིག་དོམ་དྲེད་དང་། །བྱི་ལ་བྱིས་སྤྲེལ་གྱི་གཟུགས། །མགོ་བརྩེགས་དང་ནི་དྲེད་མོང་མགོ །ཉ་དང་རུས་སྦལ་སྤྲེ་ཡི་མགོ །ཝ་དང་འུག་པ་ཁུ་བྱུག་དང་། །ཁྲ་དང་ནེ་ལེ་བྱ་རོག་དང་། །བྱང་ཆུབ་མཆོག་ཏུ་སེམས་བསྐྱེད་ནས། །དཀར་པོའི་ཕྱོགས་ལ་དགའ་བ་ཡི། །ལྷ་ཀླུ་གནོན་པོ་དང་། །གྲུལ་བུམ་དང་ནི་མིའམ་ཅི། །ལྟོ་འཕྱེ་ཤ་ཟ་སྲུལ་པོ་དང་། །ལུས་སྲུལ་པོ་ཡི་ཚོགས་ལ་སོགས། །གནོད་སྦྱིན་སྟོང་ཕྲག་མང་པོ་ལ། །གདུག་པའི་མཚོན་ཆ་སྣ་ཚོགས་ཐོགས། །འཁོར་བཅས་མ་ལུས་ཐམས་ཅད་ལ། །སྐུ་གླུད་མདོས་ཆེན་འདི་འབུལ་གྱིས། །བྱིས་པ་འདི་ལ་མ་གནོད་ཅིག །རྩེད་ཅིང་དུ་

[Full Size]

བར་མ་བྱེད་ཅིག །བྱིང་ཞིང་འཁྲུ་སྐྱུག་མ་བྱེད་ཅིག །ཚད་པ་རིམས་ནད་རྣམ་པ་མ་བཏང་ཞིག །རྡོལ་དང་སྔངས་བར་མ་བྱེད་ཅིག །མ་ཡི་ནུ་ཞོ་མ་སྐམ་ཅིག །བུ་ལོན་ལན་ཆགས་ཁྱེར་ནས་གནས་སུ་སོང་། །སྔོན་གྱི་ཤཱཀྱ་ཐུབ་པའི་བཀའ། །བར་དུ་ཕྱག་ན་རྡོ་རྗེའི་བཀའ། །དེ་ནས་སློབ་དཔོན་པདྨའི་བཀའ། །དེ་རིང་སྔགས་འཆང་བདག་གི་བཀའ། །རྒྱལ་བའི་བཀའ་ལ་མ་འདའ་ཞིག །པདྨ་འབྱུང་གནས་བཀའ་མ་བཅག །སྔགས་འཆང་བདག་གི་བདེན་པའི་བཀའ་མ་བསླུ། །ཕུལ་བའི་གླུད་འདི་མི་ལེན་གང་ཡང་མེད། །ཆུ་ལ་མི་འཐུང་གང་ཡང་མེད། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །བདེ་གཤེགས་རྒྱལ་བས་དེ་སྐད་གསུངས། །རྣལ་འབྱོར་བདག་གིས་དེ་སྐད་ཟེར། །ཆོས་ཀྱི་སྦྱིན་བདག་རྒྱ་ཆེན་དང་། །ཟང་ཟིང་སྦྱིན་པ་འདི་བཞེས་ལ། །འཁོར་གྱི་

[Full Size]

བྱིས་པ་འདི་ལ་མ་གནོད་ཅིག །བྱམས་པའི་སེམས་དང་ལྡན་གྱུར་ཅིག །དེ་ནས་མཆོད་གཡོག་པས་གསེར་སྐྱེམས་ཕྱོགས་ཀུན་ལ་འཐོར་བཅུག་ལ། ཧཱུྃ། ཉོན་ཅིག་སྣང་ཞིང་སྲིད་པ་ཡི། །ཡིད་ཀྱི་གཟུགས་ཅན་ཐམས་ཅད་གསོན། །ཐུབ་པ་ཆེན་པོའི་གསུངས་པའི་གཏོ། །གདོན་ཆེན་བཅོ་ལྔའི་མདོས་ཆེན་འདི། །བདག་དང་བྱིས་པ་མ་བུ་ཡི། །མོ་ལྷ་སྲོག་ལྷ་ལུས་ཀྱི་ལྷ། །དཔལ་དང་གཡང་དང་རྣམ་སྨིན་གྱི། །སྲིད་དུ་མདོས་ཆེན་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུ་ང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བྱིས་པ་འདི་ཡི་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །སེ་བ་བླ་མཁྱེན་རྩང་ཀུན་སོགས། །ལོ་དང་ཟླ་བར་འཁོར་བ་ཡི། །ས་བདག་རྒྱལ་བློན་བཅུ་བདུན་གྱི། །སྟེང་དུ་མདོས་ཆེན་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུ་ང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བྱིས་པ་འདི་ཡི་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །རྣལ་འབྱོར་མ་བརྒྱད་བྷི་ཏྲི་དང་། །ལྔ་སེར་བྱི་ལིང་ཁྲ་ཚ་དང་། །གཟའ་བརྒྱད་ཐུན་ཕྱེད་སྒྲ་གཅན་

[Full Size]

དང་། །སྟོབས་ཆེན་རྒྱུ་བའི་གདོང་དུ་ནི། །སྟེང་དུ་མདོས་ཆེན་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུ་ང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བྱིས་པ་འདི་ཡི་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །ཡུལ་ཕྱོགས་འདི་ལ་གནས་པ་ཡི། །གཞི་བདག་བཙན་བདུད་དྲག་རྩལ་ཅན། །ཀླུ་བདུད་གཉན་དང་མཚོ་སྨན་གྱི། །སྟེང་དུ་མདོས་ཆེན་མི་གཏོང་ངོ། །གལ་ཏེ་ནོར་འཁྲུལ་ཤོར་སྲིད་ན། །ཀོ་ལོང་རུ་ང་མ་མཛད་པར། །གསེར་སྐྱེམས་མཆོད་པ་འདི་བཞེས་ལ། །བྱིས་པ་འདི་ཡི་མགོན་སྐྱབས་དང་། །གཏོ་ཡས་ལེན་པའི་སྡོང་གྲོགས་མཛོད། །འོ་ན་མདོས་འདི་གང་དུ་བཏང་། །བདག་དང་བྱིས་པ་མ་བུ་ཡི། །ལོ་བདུད་གནས་པའི་ཕྱོགས་སུ་བཏང་། །འདྲེ་ལྔ་སྡོད་པའི་སྟེང་དུ་བཏང་། །བདུད་གཅོད་གནས་པའི་སྟེང་དུ་བཏང་། །ཟ་རེ་འཐུང་སྐོམ་བྱེད་པ་ཡི། །གནོད་བྱེད་ཆུང་སྲིའི་སྟེང་དུ་བཏང་། །ལྷ་དང་འདྲེ་ཡང་གྲངས་མང་བས། །གལ་ཏེ་ཕྱོགས་སུ་འཛོམ་གྱུར་ན། །གནོད་པའི་འདྲེ་བདུད་མ་གཏོགས་པར། །ལྷ་དང་ལྷ་འདྲེ་མཐུ་ཆེན་ཀུན། །མཐོ་བ་

[Full Size]

རྣམས་ཀྱིས་ཞབས་བསྐུམས་ལ། །དམའ་བ་རྣམས་ཀྱིས་དབུ་མར་ཁུག །བར་པ་རྣམས་ཀྱིས་སྐུ་གཟུར་ལ། །སྒོ་ཆོད་སྤྱན་གཡོར་ན་བཟའ་སྡུས། །གལ་ཏེ་མདོས་གླུད་གྲིབ་ཕོག་ན། །ང་ནི་མ་ཉེས་མ་ལེན་གྱི། །ཉེས་ལེན་དགྲ་དང་བགེགས་ལ་གྱིས། །ཉེས་སྐྱོན་གསེར་སྐྱེམས་འདི་ཡིས་བཅོས། །ཨོཾ་སརྦ་ལོ་ཀ་པཱ་ལ་ཨ་མྲྀ་ཏ་ཁཱ་ཧི་ཁཱ་ཧི། དེ་ནས་མདོས་ཁ་ཕྱིར་སྒྱུར་ལ། ཚྭ་ཡོས་སྤང་རམ་སོགས་རྫོངས་འདེབས་བྱ་ཞིང་། ཧཱུྃ། འཇམ་པ་དང་ནི་རི་དྭགས་རྒྱལ། །སྐེམ་བྱེད་བརྗེད་བྱེད་ཁུ་ཚུར་ཅན། །མ་མོ་དང་ནི་ཛ་མི་ཀ །འདོད་པ་ཅན་དང་ནམ་གྲུ་དང་། །སྲུལ་པོ་དང་ནི་མ་དགའ་བྱེད། །བྱ་དང་གཉའ་བའི་ལག་ཅན་དང་། །བཞིན་རྒྱན་དང་ནི་མིག་འཕྱང་པ། །ཁྱེད་རྣམས་བྱིས་པའི་གདོན་ཡིན་ཏེ། །འཁོར་དང་བཅས་པ་མ་ལུས་ཀུན། །ཞལ་སྒྱུར་རང་རང་གནས་སུ་རྫོ་ངས། །གླུད་དང་གཏོར་མ་རྫོངས་སུ་འདེབས། །ཤ་དུམ་རུས་དུམ་རྫོངས་སུ་འདེབས། །ཡོས་བཀྲ་སྦྲང་རིམ་རྫོངས་སུ་འདེབས། །གླུད་ཟན་དྲི་ཁུ་རྫོ་ངས་སུ་འདེབས། །ཞོ་ལད་ཆང་ལད་རྫོངས་སུ་འདེབས། །ཟོ་ཤེ་རྐྱལ་ཤེ་རྫོངས་སུ་འདེབས། །ཟངས་རིས་ལྕགས་རས་རྫོངས་སུ་

[Full Size]

འདེབས། །དར་ཚོན་ཕྲུག་རས་རྫོངས་སུ་འདེབས། །གྲོ་སྲན་བྲ་བོ་རྫོངས་སུ་འདེབས། །རྫོངས་འདེབས་དྲག་པོ་འདི་ཁྱེར་ལ། །བྱིས་པ་འདི་ལ་མ་འཚེ་ཨཞིག །དེ་བས་གདོན་བྱེད་ཁྱེད་རྣམས་ཀྱང་། །རང་རང་གནས་སུ་བདེ་བར་དེངས། །སྔགས་འཆང་བདག་གི་བཀའ་མ་བཅག །བདེན་པའི་སྟོབས་ཀྱི་དམ་མ་བཀྲལ། །དེངས་ཤིག་རང་རང་གནས་སུ་སོང་། །གཞན་ཡང་འབྱུང་བ་ལྔ་ཡི་གདོན། །ས་ཆུ་མེ་རླུང་ནམ་མཁའ་ལ། །འབྱུང་ཞིང་གནས་སམ་བསྟན་ཀྱང་རུང་། །འབྱུང་བ་ལྔ་ཡི་གདོན་དུ་གཏོགས་པ་རྣམས། །རྫོ་ངས་འདེབས་དྲག་པོ་འདི་ལོངས་ལ། །འདི་རུ་མ་འདུག་གཞན་དུ་དེངས། །ཡོ་བ་བསྲང་ལ་ཆད་པ་མཐུད། །གས་པ་སོས་ལ་མནན་པ་ཁྱོག །བཟུང་བ་ཐོངས་ལ་བཅིངས་བ་ཁྲོལ། །བསྡམ་པ་ཀློད་ལ་མནན་པ་ཁྱོག །ན་བ་སོས་ལ་ཚ་བ་སེལ། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། བྱིས་པའི་གདོན་ཆེན་བཅོ་ལྔ་དང་། །ཆུང་སྲི་ལན་ཆགས་བགེགས་ཀྱི་ཚོགས། །མཁའ་ལ་རྒྱུ་བའི་ཡི་དྭགས་རིགས། །སྣ་ཚོགས་གཟུགས་ཅན་ཅིར་ཡང་བརྫུ། །གླུད་མདོས་གཏོར་མས་ཚིམ་པར་གྱིས། །

[Full Size]

རང་རང་དགའ་བའི་ཡུལ་དུ་གཤེགས། །སེངྒེ་བྱ་རྒོད་གླང་གི་གཟུགས། །བྱང་གི་ཕྱོགས་སུ་འགྲོ་བར་གྱིས། །ཤ་བའི་གཟུགས་ཅན་ཤར་དུ་སོང་། །ཝ་ཡི་གཟུགས་ཅན་ལྷོ་རུ་སོང། །བྱ་རོག་རྔ་མོང་ལྷོ་རུ་སོང་། །ཁྱི་ཡི་གཟུགས་ཅན་བྱང་དུ་སོང་། །ཕ་ཝང་རྨོང་ཀེ་ནུབ་ཏུ་སོང་། །ར་དང་སྲེ་མོང་དྲེད་མོང་གཟུགས། །བུད་མེད་མང་པོའི་འཕང་རར་སོང། །སྤྲེའུ་ནེ་ཚོ་ནུབ་ཏུ་སོང་། །བྱ་ཁྱུང་ནམ་མཁའི་དབྱིངས་སུ་སོང་། །ལྕང་ཁྲ་བུད་མེད་བྱང་དུ་སོང་། །རྡོ་རྗེའི་གཟུགས་ནི་ཤར་དུ་སོང་། །ཁུ་བྱུག་ལྷོ་ནུབ་མཚམས་སུ་སོང། །སྐྱ་གའི་གཟུགས་ཅན་ནུབ་ཏུ་སོང་། །ཕྱོགས་ལ་ངེས་པ་མ་མཆིས་པས། །གནོད་བྱེད་ཆུང་སྲི་བགེགས་ཀྱི་ཚོགས། །མདོས་གླུད་འདི་ཡི་སྣ་ལ་སོང་། །བན་བོན་སྔགས་པ་མཐུ་ཆེན་སོགས། །སྟོབས་ལྡན་སུ་དང་འཕྲད་གྱུར་ཀྱང་། །མདོས་སྣ་ཚུར་ལ་མ་ལོག་ཅིག །དཔག་མདའ་བཞིན་དུ་ཏ་ལེར་སོང་། །རྒྱང་གྲགས་གཅིག་ལ་ཚུར་མ་ཉེ། །དུས་གསུམ་རྒྱལ་བའི་བཀའ་མ་བཅག །རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་ཅིག །བྱིས་པའི་ནད་འདི་མྱུར་དུ་ཕྱུངས། །བྱིས་སྦ་ཐོངས་ལ་གཞན་

[Full Size]

དུ་དེངས། །ལེགས་པར་གསུངས་པ་འདི་ཐོས་ནས། །གལ་ཏེ་མྱུར་དུ་མི་བཏང་ན། །ཐམས་ཅད་འབར་བར་འགྱུར་ནས་ནི། །མར་དང་ཡུངས་དཀར་མེར་བླུགས་བཞིན། །གནོད་སྦྱིན་ཆད་པས་བསྡིག་ནས་སུ། །དེ་དག་བདེ་བ་མི་རྙེད་དེ། །དེ་ཡི་རྩིབ་ལོགས་གཡས་པ་ན། །འབྲས་ཆེན་ནད་ཀྱང་འབྱུང་བར་འགྱུར། །གནོད་སྦྱིན་ནད་ཀྱིས་བཏབ་པས་ན། །ཤ་བཀྲའི་ནད་ཀྱིས་བཏབ་པར་འགྱུར། །ལྕང་ལོ་ཅན་གྱི་ཕོ་བྲང་ན། །གཞན་ཡང་འགྲོ་བར་མི་འགྱུར་རོ། །ལུས་ངན་དྲག་དང་ལྡན་པ་ཡིས། །ཁྱིམ་ཡང་མཐོང་བར་མི་འགྱུར་རོ། །འབྱུང་པོ་མང་པོ་འཚོགས་པ་ན། །སྟན་ཡང་ཐོབ་པར་མི་འགྱུར་རོ། །གནོད་སྦྱིན་དག་གི་དཀྱིལ་འཁོར་དུ། །ཟས་དང་སྐོམ་དང་བྲལ་བར་འགྱུར། །སྟོང་ཆེན་རབ་འབྱམས་མདོ་སྡེ་ཡི། །གནོད་སྦྱིན་གང་དག་མི་ཕྱོགས་པ། །དེ་ལ་རྡོ་རྗེ་འཆང་ཁྲོས་ཏེ། །སྤྱི་བོ་དག་ནས་འགེམ་པར་འགྱུར། །སྤུ་གྲིའི་སོ་ནི་རྩུབ་མོ་ཡིས། །དེ་ཡི་ལྕེ་ནི་གཅོད་པར་འགྱུར། །མཚོན་ཆ་ཤིན་ཏུ་རྣོན་པོ་ཡིས། །དེ་ཡི་སྣ་དང་རྣ་བ་གཅོད། །འཁོར་ལོ་སྤུ་གྲིའི་སོ་འདྲ་བས། །ཀླད་པ་རབ་ཏུ་

[Full Size]

གཤགས་པར་བྱེད། །ཐོ་བ་ཅན་གྱི་དཀྲིས་པ་ཡིས། །དེ་ཡི་སྙིང་ཡང་འཇོམས་པར་བྱེད། །རྣག་དང་ཁྲག་ནི་དྲོན་མོ་དག །དེ་ཡི་ཁ་ནས་འཛག་པར་འགྱུར། །རིག་སྔགས་ཞིགས་པའི་ཆད་པ་ཡིས། །རྟག་ཏུ་འཁོར་བར་འགྲོ་བར་ནུས། །འཁོར་བ་གནོད་སྦྱིན་དཀྱིལ་འཁོར་དུ། །དེ་ཉིད་དུ་ནི་འཁོར་བར་འགྱུར། །དེ་བས་མ་འདུག་མྱུར་བ་ཉིད་དུ་སོང། །ཨོཾ་སརྦ་བིགྷན་བགཙྪ་ཨུ་ཙ་ཏ་ཡ་ཕཊ། དེ་ནས་མདོས་ལ་ཡུངས་ཀར་གྱིས་བྲབ་མེད་ན་ནས་ལྕག་གིས་བརྒྱབ། དེ་ནས་གཏིང་ཕུལ་གྱི་དམར་གཏོར་བྲན་ལ། ཨོཾ་ཨཱཿཧཱུྃ་ཧ་ཧོ་ཧྲཱི༔ ཧཱུྃ། རྟ་མཆོག་རྒྱལ་པོ་ཧེ་རུ་ཀ །གོས་སྔོན་འཆང་བ་རྡོ་རྗེ་ཅན། །ཡེ་ཤེས་ཁྲོ་བོ་ཁྲ་ཐབས་བཅས། །འདིར་གཤེགས་བརྒྱན་པའི་གཏོར་མ་བཞེས། །གནོད་སྦྱིན་ཆུང་སྲི་གདོན་གྱི་ཚོགས། །བསྐྲད་ཅིང་ཟློག་པའི་ཕྲིན་ལས་མཛོད། །བདེ་གཤེགས་རྒྱལ་བས་བྱིན་གྱིས་བརླབས། །ཕྱག་ན་རྡོ་རྗེའི་མཐུ་སྟོབས་དང་། །ཁྲོ་བོ་བཅུ་ཡི་མཐུ་སྟོབས་དང་། །དམ་ཅན་རྣམས་ཀྱི་ནུས་མཐུ་དང་། །སྔགས་འཆང་བདག་གི་བདེན་པ་དང་། །མདོས་ཆེན་འདི་ཡི་ནུས་མཐུ་ཡིས། །བདག་དང་རྒྱུ་སྦྱོར་ཡོན་བདག་ལ། །ཡས་ཀྱི་བདུད་དུ་གཡོས་པ་སྒྱུར། །

[Full Size]

མས་ཀྱི་སྲི་ལངས་འདི་ཡིས་ཟློག །ཕ་ཚན་རྒྱ་འདྲེ་འདི་ཡིས་ཟློག །ཟ་འདྲེ་ནག་པོ་འདི་ཡིས་ཟློག །མ་མོའི་དལ་ཡམས་འདི་ཡིས་ཟློག །ཆོས་ཟོར་བོན་ཟོར་འདི་ཡིས་ཟློག །ཡམས་ནད་རིམས་ནད་འདི་ཡིས་ཟློག །འབྱུང་པོའི་ཟ་ཁ་འདི་ཡིས་ཟློག །བྱིས་པའི་གདོན་ཆེན་བཅོ་ལྔ་ཟློག །བྱིས་པའི་ནད་གདོན་འདི་ཡིས་ཟློག །ཨོཾ་ཧྱ་གྷྲྀ་ཝ་བཛྲ་པཱ་ཎི་སརྦ་མ་ཧཱ་ཀྲོ་དྷ་ཨེ་ཀ་དུ་ན་ཟློག །མ་ཧཱ་དུ་ན་ཟློག །ས་ག་དུ་ན་ཟློག །ཙ་དུར་སྙིང་ན་ཟློག །སུམ་ཏྲི་རཀྵ་ཟློག །གནོད་བྱེད་ཆུང་སྲིའི་ནད་གདོན་ཐམས་ཅད་མཱ་ར་ཡ་བྷྱོ་བྷྱོ་ཟློག་ཟློག །དེ་ནས་བདེ་རིམ་ཡིན་ན་ལོ་ཡི་ཕྱོགས་ཆེན་ཟླ་བའི་ཡས་ལམ་བྱིས་པ་བཙས་པ་ཡིན་ན་སྤར་ཁའི་འདྲེ་ལྔ་བདུད་གཅོད་གནས་པ་ཡིན་ནམ། བྱིས་པའི་ལོ་བདུད་ཕྱོགས་སུ་མདོས་འདི་ཁྱེར་ལ། དེ་ཡི་རྗེས་ལ་དམར་གཏོར་འདི་ཁྱེར་ལ། གོམ་པ་བདུན་ཅུ་བས་མི་ཉེ་བའི་སར་ཕུལ། ཕྱི་མིག་མི་ལྟ་བར་ཤོག་ལ་མདོས་གདན་སྒོ་དྲུང་དུ་སྒྲུབ་ལ་བཞག་བཅུག །སྤྲུལ་པའི་ཁྲོ་བོ་རྣམས་ཀྱིས་བགེགས་བསྐྲད་པར་བསམས་ལ། རང་གིས་སུམ་བྷ་ནི་བརྗོད་ཅིང་། རྔ་བརྡུང་རོལ་མོ་དྲག་ཏུ་བྱས། སྲུང་འཁོར་བསྒོམས་ནས། དེ་ནས་སྲུང་སྐུད་དཀར་པོ་ལ་མདུད་པ་ལྔ་བྱས་ལ། ཨོཾ་ཨ་མྲྀ་ཏེ་ཝ་རེ་ཝ་རེ་ཝ་ར་པྲ་བྷ་རེ་བི་ཤུདྡྷེ་ཧཱུྃ་ཧཱུྃ་ཕཊ་ཕཊ། མ་མ་སུ་ཏྲ་རཀྵ་

[Full Size]

རཀྵ་སྭཱ་ཧཱ། ཨོཾ་མ་ཎི་དྷ་རི་ནི་བཛྲ་པཱ་ཎི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕཊ། མ་མ་སུ་ཏྲ་རཀྵ་རཀྵ་སྭཱ་ཧཱ། ཨོཾ་ཧཱུྃ་སྭཱ་ཧཱ། ཨོཾ་ཧཱུྃསྭཱ་ཧཱ། ཨོཾ་མཾ་སྭཱ་ཧཱ། མ་མ་སུ་ཏྲ་རཀྵ་རཀྵ་སྭཱ་ཧཱ། །ཞེས་ཅི་འགྲུབ་བཟླས་ལ་སྲུང་སྐུད་ལ་སྔགས་ནས། བདག་བསྐྱེད་ལྷ་མོ་ལྔ་ཡི་ཡེ་ཤེས་པ་སྲུང་སྐུད་ལ་ཐིམ། དམ་ཚིག་པ་འཁོར་བཞི་བདག་ལ་ཐིམ། བདག་མི་དམིགས་པ་དོན་དམ་པ་སྟོང་པ་ཉིད་དོ། །ཨོཾ་ཨཱཧཱུྃ་ཧོཿ དེ་ནས་མ་བུ་མདུན་དུ་བོས་ལ་སྲུང་སྐུད་བཏགས། མེ་ཏོག་འཐོར་ཞིང་ཤིས་པ་བརྗོད། དེ་མི་བདེ་ན་སྲུང་སྐུད་བཏགས་རྒྱུ་བསྐུར་ལ། ཤིས་པ་བརྗོད་ཀྱང་རུང་ལ། འཇིག་རྟེན་འདི་ཡི་ཡང་དག་འདས་པ་ན། །མཐོ་རིས་དག་ན་རིན་ཆེན་མཆོག་ཡོད་པ། །དེ་བཞིན་གཤེགས་པ་ལྷ་ཡི་ལྷར་གྱུར་པ། །མི་ཡི་མཆོག་དང་འདིར་ནི་མཚུངས་པ་མེད། །དེ་བས་འདིར་ནི་རིན་ཆེན་མཆོག་ཏུ་གསུངས། །བདེན་པ་འདི་ཡིས་འདི་ནི་བདེ་ལེགས་ཤོག །ཟད་པ་ཆགས་བྲལ་བདུད་རྩི་འདུས་མ་བྱས། །ཤེས་པ་ཤཱཀྱ་ཐུབ་པས་རབ་ཏུ་ཕྱེ། །བདུད་རྩི་ཞི་བས་འདུས་མ་བྱས་པ་ཡིན། །ཆོས་དེ་དང་ནི་མཚུངས་པ་གང་ཡང་མེད། །དེ་བས་འདིར་ནི་རིན་ཆེན་མཆོག་ཏུ་གསུངས། །བདེན་པ་འདི་ཡིས་འདིར་ནི་བདེ་ལེགས་ཤོག །མཆོག་ཏུ་གང་འདོད་ཚུལ་བཞིན་རབ་བསྟན་

[Full Size]

པ། །བརྟན་པའི་རྣལ་འབྱོར་བླ་མེད་རྟགས་སྒྲུབ་པ། །རྡོ་རྗེ་ལྟ་བུས་མིག་གཉིས་མི་མཐོང་བ། །ཏིང་འཛིན་དེ་དང་མཉམ་པ་ཡོད་མ་ཡིན། །དེ་བས་འདིར་ནི་རིན་ཆེན་མཆོག་ཏུ་གསུངས། །བདེན་པ་འདི་ཡིས་འདིར་ནི་བདེ་ལེགས་ཤོག །གང་ཟག་ཆེན་པོ་བརྒྱད་པོ་རབ་བསྔགས་ཤིང་། །གང་ཟག་ཟུང་བཞིར་བརྗོད་པ་དེ་དག་ནི། །དྲང་སྲོང་ཆེན་པོ་གང་ཟག་མཚུངས་པ་མེད། །བདེ་བར་གཤེགས་པས་སྦྱིན་པའི་གནས་ཤེས་གསུངས། །དེ་ལ་བྱིན་ན་འབྲས་བུ་ཆེར་འགྱུར་ཏེ། །ཞིང་རབ་གཤིན་ལ་ས་བོན་བཏབ་པ་བཞིན། །འདི་ནི་དགེ་འདུན་རིན་ཆེན་མཆོག་ཏུ་གསུངས། །དེ་བས་འདིར་ནི་རིན་ཆེན་མཆོག་ཏུ་གསུངས། །བདེན་པ་འདི་ཡིས་འདིར་ནི་བདེ་ལེགས་ཤོག །གང་དག་བསྟན་པ་ཡིད་ཀྱི་རབ་གསུངས་ཞིང་། །གོའུ་ཏ་མའི་བསྟན་ལ་འཇུག་བྱེད་པ། །དེ་དག་འཇུག་ནས་བདུད་རྩི་འཇུག་ཐོབ་སྟེ། །མུན་པ་བསལ་ནས་མྱ་ངན་འདས་ཐོབ་པ། །དེ་བས་དགེ་འདུན་རིན་ཆེན་མཆོག་ཏུ་གསུངས། །བདེན་པ་འདི་ཡིས་འདིར་ནི་བདེ་ལེགས་ཤོག །ལྟ་བ་འདི་ལ་སྦྱོར་མ་ཐག་ཏུ་ནི། །འཇིགས་ཚོགས་ལྟ་བ་ཚུལ་ཁྲིམས་བརྟུལ་

[Full Size]

ཞུགས་དང་། །ཐེ་ཚོམ་དང་ནི་ཉོན་མོངས་གསུམ་པོ་དག །གཅིག་ཆར་སྤངས་ཏེ་འཕགས་པའི་བདེན་མཐོང་བ། །འདི་ནི་དགེ་འདུན་རིན་ཆེན་མཆོག་ཏུ་གསུངས། །དེ་བས་་འདིར་ནི་རིན་ཆེན་མཆོག་ཏུ་གསུངས། །བདེན་པ་དེ་ཡིས་འདིར་ནི་བདེ་ལེགས་ཤོག །ལུས་སམ་ངག་གི་འོན་ཏེ་ཡིད་ཀྱིས་ཀྱང་། །སྡིག་པ་རྣམ་གསུམ་ནམ་ཡང་མི་བྱེད་པ། །གློ་བུར་བྱས་ནའང་འཆབ་པར་མི་བྱེད་ཅིང་། །དེ་དག་དེ་ལྟར་ལྟ་བས་འཛིན་མི་བྱེད། །དེ་བས་དགེ་འདུན་རིན་ཆེན་མཆོག་ཏུ་གསུངས། །བདེན་པ་འདི་ཡིས་འདིར་ནི་བདེ་ལེགས་ཤོག །ཇི་ལྟར་དབང་པོའི་སྡོང་པོ་བཙུགས་པ་ལྟར། །ཕྱོགས་བཞིར་རླུང་རྣམས་ཀྱིས་ནི་མི་གཡོ་ལྟར། །འཕགས་པའི་ལམ་གྱི་དམ་པ་མཐོང་བ་ཡི། །གང་ཟག་འཕགས་པའི་དགེ་འདུན་དེ་བཞིན་ནོ། །དེ་བས་འདིར་ནི་རིན་ཆེན་མཆོག་ཏུ་གསུངས། །བདེན་པ་འདི་ཡི་ས་འདིར་ནི་བདེ་ལེགས་ཤོག །ཤེས་རབ་ཟབ་མོ་ཤིན་ཏུ་བསྟན་པ་ཡི། །འཕགས་པའི་བདེན་པ་སུ་དག་རྣམ་སྒོམ་པ། །ལུས་ཀྱང་སྦྱིན་པ་ཡིད་ལ་བྱས་པས་ནི། །དེ་དག་འཇིགས་པ་བརྒྱད་དང་འཕྲད་མི་འགྱུར། །དེ་བས་དགེ་འདུན་རིན་ཆེན་མཆོག་ཏུ་

[Full Size]

གསུངས། །བདེན་པ་འདི་ཡིས་འདིར་ནི་བདེ་ལེགས་ཤོག །ཅི་ལྟར་མེ་ནི་རླུང་གི་རབ་གཏོར་བས། །ལག་ཏུ་བླངས་ཏེ་བསྒྲང་དུ་མེད་པ་ཉིད། །དེ་ལྟར་ཀུན་ཏུ་སྦྱོར་བ་རབ་བཏང་བས། །སངས་རྒྱས་སྲས་རྣམས་བསྟན་དུ་མེད་པར་འགྲོ། །དེས་ན་དགེ་འདུན་རིན་ཆེན་མཆོག་ཏུ་གསུངས། །བདེན་པ་འདི་ཡིས་འདིར་ནི་བདེ་ལེགས་ཤོག །སྟོན་མཆོག་དམ་པ་ལྷ་མིའི་མཆོད་འོས་པའི། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཞི་བ་ཆགས་བྲལ་ལྷ་མིའི་མཆོད་འོས་པའི། །ཆོས་ལ་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཚོགས་ཀྱི་དམ་པ་ལྷ་མིའི་མཆོད་འོས་པའི། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །འབྱུང་པོ་གང་དག་འདིར་ནི་ལྷགས་གྱུར་ཏེ། །སའམ་འོན་ཏེ་བར་སྣང་འཁོད་པ་དག །སྐྱེ་རྒུ་རྣམས་ལ་

[Full Size]

རྟག་ཏུ་བྱམས་བྱེད་ཅིང་། །ཉིན་དང་མཚན་མོ་ཆོས་ཀྱང་སྤྱོད་གྱུར་ཅིག །འདི་ནི་རྒྱལ་བ་དགྲ་རྒྱལ་བདེན་གང་གི །ཤིན་ཏུ་བདེན་པར་གསུངས་ཤིང་རྫུན་མེད་པ། །བདེན་པ་དེ་ཡིས་འདིར་ནི་བདེ་ལེགས་ཤོག །དེ་ཀུན་འཇིགས་པ་ཆེ་ལས་ཐར་གྱུར་ཅིག་སྭཱ་ཧཱ། །ཀྱེ་མ་ཐོབ་པར་དཀའ་བའི་མི་ཡི་ལུས་ཐོབ་ནས། །གནས་སྐབས་མི་ཡི་ལོངས་སྤྱོད་བདེ་སྐྱིད་མེད། །སྐྱེ་འཆི་སྡུག་བསྔལ་གཉིས་ཀ་དུས་གཅིག་མྱོང་། །ཟླ་བ་འགའ་ཟུང་ཙམ་རེ་མ་ཤི་ཡང་། །གང་ན་གང་ཚ་ཙམ་ཡང་སྨྲ་མི་ཤེས། །དུ་བ་མ་གཏོགས་ཁོ་ན་བྱ་ཐབས་མེད་པར་སྡུག །ཕ་མ་གཉིས་པོས་སེམས་ཀྱིས་མ་བཟོད་ནས། །ཁ་གཏུག་ནུ་མ་ཁ་རུ་ལྷན་པ་ལས། །ཅི་ཕན་ཅི་གནོད་མ་ཤེས་བྱ་ཐབས་ཟད། །ཤི་ཚེ་ཕ་མའི་དོན་སྙིང་བུད་པ་འདྲ། །མ་ཡིས་བྲང་བརྡུང་ཕ་ཡིས་མཆི་མ་འབྱིན། །རིམ་གྲོ་གདོན་ཆེན་བཅོ་ལྔའི་མདོས་ཕན་ཞེས། །སྔར་ནས་གྲགས་ཆེན་ཕན་པར་རེ་ན་ཡང། །མ་ནོར་ཇི་བཞིན་ཤེས་མཁན་ཉིན་སྐར་ཙམ། །དེ་དག་རྣམས་ལ་སྙིང་རྗེའི་མ་བཟོད་ནས། །དགེ་སློང་རྒན་པོ་རཱ་ག་ཨ་སྱ་ངས། །སྟོང་ཆེན་རབ་འཇོམས་མདོས་དང་སྲུང་བ་དང་། །ཐུབ་པས་མཛད་དང་ཨོ་རྒྱན་མཛད་པའི་མདོས། །སྔགས་འཆང་ཆེན་པོ་པདྨ་དབང་དྲག་གིས། །བཅའ་ཚོགས་ཕྱག་ལེན་མཐོང་བ་བརྒྱུད་པར་བཅས། །བཅའ་ཚོགས་འདོན་ཆ་འཁྲུལ་མེད་ལེགས་པར་བསྒྲིགས། །དགེ་སློང་བརྩོན་འགྲུས་ཞེས་བྱས་ཡི་གེར་བཀོད། །འདི་ལ་

[Full Size]

འགལ་འཁྲུལ་མཆིས་ན་ལྷ་ལ་བཤགས། །དགེ་བས་ཇི་སྲིད་འཁོར་བ་གནས་ཀྱི་བར། །བྱིས་པ་སྐྱབས་མེད་རྣམས་ལ་སྐྱབས་དང་མགོན། །ཕན་ཐོགས་འགྲོ་དོན་བྱིན་རླབས་འབྱུང་བར་ཤོག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གདོན་ཆེན་བཅོ་ལྔའི་མདོས་བསྡུས་པ།

[Full Size]

གདོན་ཆེན་བཅོ་ལྔའི་མདོས་བསྡུས་པའི་དབུ་ཕྱོགས་བཞུགས་སོ། །རིག་སྔགས་ལྷ་མོ་ལྔ་ལ་ཕྱག་འཚལ་ལོ། །ཆུང་གླུད་བྱིས་པའི་གདོན་གཏོ་བསྡུས་པ་ནི། །སྣོད་གཙང་ནང་དུ་སྐུ་གླུད་ཚད་ལྡན་ཞིག ། ལ་ཆངས་བུ་གཙང་མ་ཤ་དུམ་མཐེབ་སྐྱུ་ནི། །བཅོ་ལྔས་བསྐོར་ཞིང་འབྲུ་སྣ་ཡོས་བཀྲ་བླུག། དར་ཟབ་བལ་ཚོན་ནམ་མཁའ་མདའ་འཕང་བཤམ། །བྱིས་པའི་ལུས་བླུད་ངར་མི་མདུན་དུ་བཤམ། །ཇ་ཆང་འོ་ཞོ་ཆུ་གཙང་བྲན་པར་བྱ། །རང་ཉིད་ལྷར་བསྐྱེད་བདེན་པས་མདུན་དུ་བཀུག །ན་མོ། དཀོན་མཆོག་གསུམ་དང་རྩ་གསུམ་བདེན་པའི་མཐུས། །བྱིས་པ་མ་བུ་འདི་ལ་གནོད་བྱེད་པའི། །བྱིསྶའི་གདོན་ཆེན་བཅོ་ལྔ་ཆུང་སྲི་བཉྩི་གདོན། །གནོད་བྱེད་གདོན་བགེགས་ཐམས་ཅད་འདིར་ཁུག་ཅིག །ཏ་ཀི་ར་ཙ་ཧཱུྃ་ཛཿཧཱུྃ་བཾ་ཧོཿ ཨངྐུ་ཤ་ཛཿ བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །བགེགས་ཆེན་བཞི་དང་སྟོང་ཕྲག་བརྒྱད་ཅུའི་བགེགས། །གདོན་ཆེན་བཅོ་ལྔ་ཆུང་སྲིའི་གདོན་ཚོགས་ལ། །ཤ་རིན་ཁྲག་ཚབ་གླུད་གཏོར་འདི་འབུལ་ལོ། །སམྦྷ་ར༴ བདུན་ནམ་ཉེར་གཅིག་གིས་འབུལ་ལོ། །འདོད་ཡོན་ཡས་སྟགས་ངར་མི་དང་། །མདོས་རྫ་ས་ཆ་མ་ཆོ་དགུ་འདི། །དྲི་ཟ་མེ་ལྷ་གཤིན་རྗེ་དང་། །

[Full Size]

སྲིན་པོ་ཀླུ་དབང་རླུང་ལྷ་དང་། །གནོད་སྦྱིན་དབང་ལྡན་ས་བདག་དང་། །ཉི་ཟླ་གཟའ་སྐར་ཚོགས་བཅས་ལ། །ཆུང་གླུད་ཡས་སྟགས་དམ་པ་འབུལ། །འཇམ་པ་པོ་དང་རི་དྭགས་རྒྱལ། །སྐེམ་བྱེད་བརྗེད་བྱེད་ཁུ་ཚུར་ཅན། །མ་མོ་དང་ནི་ཛ་མི་ཀ །འདོད་པ་ཅན་དང་རྡོ་རྗེའི་གཟུགས། །ནམ་གྲུ་སྲུལ་པོ་མ་དགའ་བྱེད། །བྱ་གག་དང་ནི་གཉའ་ལག་ཅན། །བཞིན་རྒྱན་དང་ནི་མིག་འཕྱང་པོ། །ཆུང་སྲི་བྱིས་པའི་གདོན་ཚོགས་ལ། །ཆུང་གླུད་ཡས་སྟགས་འདི་འབུལ་ལོ། །བྱིས་པ་མ་བུ་འདི་དག་ལ། །ལོ་ཟླ་ཞག་དུས་སྐག་རྣམས་ཟློག །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་ཀློད་ལ་མནན་པ་ཁྱོག །ཚེ་ཟད་དུས་བབ་ཡིན་ན་ཡང་། །ཕྱིན་ཆད་ལོ་གསུམ་བཤོལ་ཐོབ་ཅིག །ཆུང་གླུད་འདི་ཡིས་མགུ་གྱིས་ལ། །ཕྱིན་ཆད་བྱིས་པ་མ་བུ་ལ། །ལོ་ནི་བཅུ་གཉིས་ཚུན་ཆད་དུ། །ཐུབ་དབང་ཕྱག་རྡོར་པད་འབྱུང་གིས། །དམ་བཞག་བཞིན་དུ་མ་འཚེ་ཞིག །རང་རང་གནས་སུ་འགྲོ་བར་གྱིས། །སརྦ་གཙྪ། ཡས་གླུད་དེ་བྱི་སྦའི་ལོ་བདུད་སོགས་འདྲེ་ལྔ་བདུད་གཅོད་ཡོད་ཕྱོགས་སུ་དོར། ཞེས་པ་འདི་སྤྲང་མོ་ཚེ་རིང་དོན་གྲུབ་མའི་དོན་དུ་ཀརྨ་ཨ་རཱ་གས་བྲིས་པ་བུ་ཚ་སྐར་ལྟར་བཀྲག་པར་གྱུར་ཅིག་སརྦ་མངྒ་ལཾ།།

གདོན་གསུམ་གཏོར་མས་བཟློག་ཐབས་དང་། ཆུང་སྲི་གཏོར་མས་བཟློག་ཐབས།

[Full Size]

གདོན་གསུམ་གཏོར་མས་བཟློག་ཐབས་དང་། ཆུང་སྲི་གཏོར་མས་བཟློག་ཐབས་བཞུགས་སོ།།

[Full Size]

གུ་རུ་གེ་སར་ཀཱ་ར་ཡེ། ཨོ་རྒྱན་རིན་པོ་ཆེ་ལ་ཕྱག་འཚལ་ནས། ཕོ་གདོན་མོ་གདོན་ཀླུ་གདོན་དང་། །ཆུང་སྲི་གཏོར་མས་ཟློག་པའི་མན་ངག་བཀོད། །ངར་ཆུང་བཟོས་པ་རེའང་པར་བཏབ་རེ། །ཆངས་བུ་རེ་དང་ཟན་གྱི་གཏོར་རིལ་རེ་དང་གསུམ་རབ་བརྒྱ་རྩ་འམ་ལོ་གྲངས་སུམ་འགྱུར། འབྲིང་ལོ་གྲངས་སམ་ཉེར་གཅིག །ཐ་མ་བདུན་གསུམ་སོགས་དུ་ཙམ་བཏང་བསམ་པའི་གྲངས་ཟན་གཙང་མ་ལ་བཞག །གཏོར་མ་བརྒྱ་རྩའི་མཇུག་ཏུའམ། །གེལ་དུ་རུང་སྟེ་སྐྱབས་འགྲོ་སེམས་བསྐྱེད་དང་། །བདག་བསྐྱེད་གཏོར་མ་བྱིན་རླབས་གཞུང་ལྟར་ལ། །ཐེབ་ཙེ་རེའི་ནང་ངར་མི་ཆངས་བུ་དང་། །རིལ་བུ་རེ་བཤམས་ཆུ་གཙང་གིས་བྲན་ཞིང་། །བྱམས་སྙིང་རྗེ་ཏིང་ངེ་འཛིན་དང་ལྡན་པས། ༈ ཆོས་རྣམས་

[Full Size]

ཐམས་ཅད་སྟོང་པར་གྱུར། །དེ་ཡི་ངང་ལས་སྐད་ཅིག་གི །པད་ཟླའི་སྟེང་དུ་རང་ཉིད་ནི། །ཐུགས་རྗེ་ཆེན་པོ་སྐུ་མདོག་དཀར། །ཞལ་གཅིག་ཕྱག་གཉིས་གཡས་པ་ཡིས། །མཆོག་སྦྱིན་གཡོན་པས་ཨུཏྤལ་འཛིན། །རྡོ་རྗེ་སྐྱིལ་ཀྲུང་གིས་བཞུགས་པ། །ཡིད་འོང་རྒྱན་དང་ལྡན་པར་གྱུར། །ཨ་མྲྀ་ཏས་བསང་། སྭ་བྷ་ཝས་སྦྱང་། རིན་ཆེན་སྣོད་ཀྱི་ནང་དུ་ནི། །གཏོར་མ་དམ་ཚིག་བདུད་རྩིར་གྱུར། །ཨོཾ་ཨཱཧཱུྃ། རང་གི་ལག་མཐིལ་ཟླ་བའི་སྟེང་། །འབྲུ་གསུམ་ཞུ་བས་བདུད་རྩིར་གྱུར། །ཨོཾ་ཨཱཧཱུྃ། ཟླ་བ་ཡིག་འབྲུ་ཞུ་བའི་རྒྱུན། །གཏོར་

[Full Size]

མའི་ནང་དུ་བབ་པ་ལས། །གཏོར་མ་ཡེ་ཤེས་བདུད་རྩིར་གྱུར། །ཨོཾ་ཨཱཧཱུྃ། ༈ ཨོཾ་བཛྲ་ཨ་མྲྀ་ཏ་སོགས། ཨོཾ་སྭ་བྷཱ་ཝ་སོགས། །སྟོང་པའི་ངང་ལས་མདུན་གྱི་གཞིར། །རྒྱལ་པོ་བེ་སེར་ས་ཞུ་ཅན། །གཡས་སུ་ཀླུ་སྔོན་སྦྲུལ་མགོ་ཅན། །གཡོན་དུ་བསེན་མོ་རྒྱན་ཆ་ཅན། །གདོན་རིགས་ཀུན་གྱིས་བསྐོར་བ་ལ། །རང་གི་ཐུགས་ཀའི་འོད་ཟེར་གྱིས། །ཕོ་གདོན་མོ་གདོན་ཀླུ་གདོན་ཀུན། །བཀུག་ནས་དབྱེར་མེད་ཉིད་དུ་གྱུར། །ཛཿཧཱུྃ་བཾ་ཧོཿ དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ།། བདག་ཅག་ཡོན་མཆོད་མི་ནོར་ལ། །གནོད་ཅིང་འཚེ་བར་བྱེད་པ་ཡི། །ཕོ་གདོན་རྒྱལ་འགོང་ཐམས་ཅད་ལ། །བདུད་རྩི་གཏོར་མ་འདི་འབུལ་ལོ། །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ཀ་ཏ་ནན་ར་ཙ་ཟློག །མཉེས་ཤིང་ཚིམ་ནས་གནོད་སེམས་སྤོངས། །ཕྱིན་ཆད་གནོད་པ་མ་བྱེད་ཅིག །ཅེས་དང་། དེ་བཞིན་

[Full Size]

གཤེགས་པ་སོགས། བདག་ཅག་དཔོན་སློབ་ཡོན་མཆོད་ལ། །གནོད་ཅིང་འཚེ་བར་བྱེད་པ་ཡི། །མོ་གདོན་བསེན་མོ་ཐམས་ཅད་ལ། །བདུད་རྩིའི་གཏོར་མ་འདི་འབུལ་ལོ། །ན་མསརྦ་སོགས། མ་མ་རཀྵ་མ་མ་ཟློག །མཉེས་ཤིང་ཚིམ་ནས་གནོད་སེམས་སྤོངས། །ཕྱིན་ཆད་གནོད་པ་མ་བྱེད་ཅིག །ཅེས་དང་། །དེ་བཞིན་གཤེགས་པ་སོགས། བདག་ཅག་དཔོན་སློབ་ཡོན་མཆོད་ལ། །གནོད་ཅིང་འཚེ་བར་བྱེད་པ་ཡི། །ཀླུ་གདོན་ས་བདག་ཐམས་ཅད་ལ། །བདུད་རྩི་གཏོར་མ་འདི་འབུལ་ལོ། །ན་མསརྦ་སོགས། ནཱ་ག་ཕུ་ནཱ་ག་ཟློག །མཉེས་ཤིང་ཚིམས་ནས་གནོད་སེམས་ཞི། །ཕྱིན་ཆད་གནོད་པ་མ་བྱེད་ཅིག །ཅེས་ཐེབ་ཙེ་རྫོགས་ནས། །ཆོས་རྣམས་ཐམས་ཅད་རྒྱུ་ལས་བྱུང། །དེའི་རྒྱུ་དེ་བཞིན་གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །དེ་ལྟ་བུ་བརྒྱ་རྩ་སོགས་བཏང་བསམ་པའི་གྲངས་རྫོགས་ནས། རྗེས་མ་ལ་འདི་སྦྱར། སྔོན་ཚེ་ལྷ་

[Full Size]

དབང་བརྒྱ་བྱིན་གླུད། །ད་ལྟ་རྒྱུ་སྦྱོར་སྦྱིན་བདག་གླུད། །ཤ་ཡི་གླུད་འདི་ས་ལ་གཏོང་། །ས་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རུས་པའི་གླུད་འདི་བྲག་ལ་གཏོང་། །ཁྲག་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རྩ་རྒྱུས་གླུད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ལྤགས་པའི་གླུད་འདི་ཐང་ལ་གཏོང་། །ཐང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །

[Full Size]

འཁོར་འདིར་གནོད་པ་མ་བྱེད་ཅིག །སེམས་ཉིད་གླུད་འདི་མཁའ་ལ་གཏོང་། །མཁའ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །གཞན་གྱི་བྱད་ཀ་ཕུར་ཀ་དང་། །ཟོར་ཀ་མནན་པ་ལ་སོགས་ཟློག །སྐག་དང་སྲི་ངན་ཐམས་ཅད་དང་། །གནོད་པ་ཐམས་ཅད་བཟློག་ཏུ་གསོལ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་། །མཐུན་པར་འགྲོག་ཅིང་ཕུན་སུམ་ཚོགས་གྱུར་པའི། །བཀྲ་ཤིས་དེང་ཀྱང་དེང་འདིར་བདེ་ལེགས་ཤོགས། །གང་ཞིག་མཚན་མོ་རྒྱུ་བ་ཡི། །འབྱུང་པོ་རྣམས་དང་ཤ་ཟ་དང་། །སྲིན་པོ་ཤ་རྗེན་ཟ་བ་དང་། །སེམས་ཅན་རྣམ་པ་སྣ་ཚོགས་དང་ལྗོན་ཤིང་གེལ་པ་སོགས་གནས་པ། །དེ་དང་དེ་ལ་གཏོར་མ་ནི། །བཟའ་བ་ཤ་ཆང་ལ་ཕུག་བཅས། །འབྲས་ཆེན་འབྲས་བུ་མང་པོ་ཡི། །མཆོད་སྦྱིན་འདི་ཡིས་མགུ་བྱོས་ལ། །གནོད་པའི་བསམ་པ་ཞི་བ་དང་། །བདག་ཅག་རྣམས་ལ་ཕན་པའི་ཡིད། །དེ་རིང་ཕྱིན་ཆད་བསྐྱེད་པར་གྱིས། །རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང་། །

[Full Size]

དུལ་ཞིང་ཡང་དག་སྡོམ་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤང་པ་དེ། །དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །མཚོན་ཆས་མི་འཇིགས་གང་ཡང་མེད། །འཚོ་བའི་སྲོག་ལ་ཀུན་ཡང་འཛེམ། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ཨོཾ་ཆེན་པོའམ་ཆུང་ངུ་གང་དག་གི །ལུས་ལ་མངོན་པར་གནོད་གྱུར་པའི། །ནད་དེ་མྱུར་དུ་ཕྱུངས་ནས་སུ། །གདོན་དེ་རང་གི་གནས་སུ་དེངས། །དེ་ལྟར་བདག་གིས་ཅི་ནུས་ཀྱིས། །མཆོད་དང་བསྙེན་བཀུར་བྱས་པ་ཡི། །དམ་ཚིག་ལ་ནི་གནས་ནས་སུ། །བདག་གི་བསམ་པ་སྐོངས་བར་མཛོད། །རྟག་ཏུ་དམ་ཚིག་ལ་གནས་ཤིང་། །འདིར་ནི་བདག་ཅག་འཁོར་བཅས་ཀྱི། །ནད་དེ་རབ་ཏུ་སོལ་མཛོད་ལ། །གདོན་རྣམས་རང་གི་གནས་སུ་སོང་། །ཨོཾ་སརྦ་བིགྷཱན་གཙྩ། ཞེས་སོགས་བརྗོད་ནས་ཐམས་ཅད་སྣོད་གཅིག་ཏུ་བླུག་ཐེབ་ཙེ་བཤལ་ནས་སྦུབ། གླུད་གཏོར་ཁྱེར་བཅུག་ལ། ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ངེད་རྣམས་གནས་འདིར་སྦྱིན་བདག་བར་ཆད་བསལ། །ཁྱོད་རྣམས་འདི་ནས་གཞན་དུ་འགྲོ་བར་

[Full Size]

གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱ་རུ་འགས་གྱུར་ཏེ། །བགེགས་རྣམས་བརླག་པར་འགྱུར་བར་གདོན་མི་ཟ། །སུམ་བྷ་ནི་བརྗོད་ཅིང་ནད་པ་ཡིན་ན་ནས་ལྕག་བྲབ། །སྲུང་འཁོར་བསྒོམ་ལ་ཟབ་བོ༔ (སྤྱི། དེའི་མན་ངག་གདོན་ཚབས་ཆེ་བ་དེ་མང་བཅུག །གཞན་གཉིས་ཉུང་བཅུག་ཟབ་བོ། རྒྱ་རྒྱ་རྒྱ༔ ༈ ཆུང་སྲི་ལ་ཡང་གོང་ལྟར་ལས། ཨོཾ་བཛྲ་ཨ་མྲྀ་ཏ་སྲ་བྷ་ཝ༔ སྟོང་པའི་ངང་ལས་མདུན་གྱི་གཞིར། །ཆུང་སྲི་ནག་མོ་ཁྲོ་མོའི་གཟུགས། །འཕྲོག་མའི་ཕྲུ་གུ་ལྔ་བརྒྱ་དང། །བྱིས་པའི་གདོན་ཆེན་བཅོ་ལྔ་དང་། །ཆུང་སྲི་གདོན་ཚོགས་རྣམས་ཀྱིས་བསྐོར། །དཀོན་མཆོག་གསུམ་གྱི་བདེན་པའི་མཐུས། །བྱིས་པ་ལ་གནོད་གདོན་བགེགས་ཀུན། སྐད་ཅིག་ཉིད་ལ་འདིར་ཁུག་ཅིག །ཛཿཧཱུྃ་བཾ་ཧོཿ དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །བྱིས་པ་མ་བུ་འདི་དག་ལ། །གནོད་ཅིང་

[Full Size]

འཚེ་བར་བྱེད་པ་ཡི། །ཆུང་སྲི་བྱིས་པའི་གདོན་ཚོགས་ལ། །བདུད་རྩིའི་གཏོར་མ་འདི་འབུལ་ལོ། ན་མསརྦ་སོགས། ཨོཾ་ཨི་ཏི་མི་ཏི་མི་རུ་ཏི་ཧཱུྃ་ཕཊ་སྭཱ་ཧཱ། སྔགས་བདུན་དང་། མཉེས་ཤིང་ཚིམས་ནས་གནོད་སེམས་སྤོངས། །ཕྱིན་ཆད་གནོད་པ་མ་བྱེད་ཅིག །ཐེབ་ཙེ་རྫོགས། །ཆོས་རྣམས་ཐམས་ཅད་རྒྱུ་ལས་བྱུང་། །དེའི་རྒྱུ་དེ་བཞིན་གཤེགས་པས་གསུངས༈ །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །བརྒྱ་རྩའམ་དུ་བཏང་རྫོགས་ནས། ཐ་མ་ལ། །སྔོན་ཚེ་ལྷ་དབང་བརྒྱ་བྱིན་གླུད། །ད་ལྟ་བྱིས་འདི་ཡི་གླུད། །ཤ་ཡི་གླུད་འདི་ས་ལ་གཏོང་། །ས་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །གླུད་དང་

[Full Size]

ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རུས་པའི་གླུད་འདི་བྲག་ལ་གཏོང་། །ཁྲག་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རྩ་རྒྱུས་གླད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ལྤགས་པའི་གླུད་འདི་ཐང་ལ་གཏོང་། །ཐང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །སེམས་ཉིད་གླུད་འདི་མཁའ་ལ་གཏོང་། །མཁའ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །གཞན་གྱི་བྱེད་ཀ་ཕུར་ཀ་དང། །ཟོར་ཀ་མནན་པ་ལ་སོགས་ཟློག །སྐག་དང་སྲི་ངན་ཐམས་ཅད་དང་། །གནོད་པ་ཐམས་ཅད་བཟློག་ཏུ་གསོལ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །

[Full Size]

མི་མཐུན་གནོད་པའི་རྐྱེན་དང་བྲལ་བ་དང་། །མཐུན་པར་འགྲོག་ཅིང་ཕུན་སུམ་ཚོགས་གྱུར་པའི། །བཀྲ་ཤིས་དེང་ཀྱང་དེང་འདིར་བདེ་ལེགས་ཤོག །གང་ཞིག་མཚན་མོ་རྒྱུ་བ་ཡི། །འབྱུང་པོ་རྣམས་དང་ཤ་ཟ་དང་། །སྲིན་པོ་ཤ་རྗེན་ཟ་བ་དང་། །སེམས་ཅན་རྣམ་པ་སྣ་ཚོགས་དང་། །ལྗོན་ཤིང་གེལ་པ་སོགས་གནས་པ། །དེ་དང་དེ་ལ་གཏོར་མ་ནི། །བཟའ་བ་ཤ་ཆང་ལ་ཕུག་བཅས། །འབྲས་ཆེན་འབྲས་བུ་མང་པོ་ཡི། །མཆོད་སྦྱིན་འདི་ཡིས་མགུ་བྱོས་ལ། །གནོད་པའི་བསམ་པ་ཞི་བ་དང་། །བདག་ཅག་རྣམས་ལ་ཕན་པའི་ཡིད། །དེ་རིང་ཕྱིན་ཆད་བསྐྱེད་པར་གྱིས། །རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང་། །དུལ་ཞིང་ཡང་དག་སྡོམ་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤངས་པ་དེ། །དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །མཚོན་ཆས་མི་འཇིགས་གང་ཡང་མེད། །འཚོ་བའི་སྲོག་ལ་ཀུན་ཡང་འཛེམ། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ཨོཾ་ཆེན་པོའམ་ཆུང་ངུ་གང་དག་གིས། །ལུས་ལ་མངོན་པར་གནོད་གྱུར་པའི། །ནད་དེ་མྱུར་དུ་ཕྱུང་ནས་སུ། །གདོན་དེ་རང་གི་གནས་སུ་

[Full Size]

དེངས། །དེ་ལྟར་བདག་གིས་ཅི་ནུས་ཀྱིས། །མཆོད་དང་བསྙེན་བཀུར་བྱས་པ་ཡི། །དམ་ཚིག་ལ་ནི་གནས་ནས་སུ། །བདག་གི་བསམ་པ་སྐོང་བར་མཛོད། །རྟག་ཏུ་དམ་ཚིག་ལ་གནས་ཤིང་། །འདིར་ནི་བདག་ཅག་འཁོར་བཅས་ཀྱི། །ནད་དེ་རབ་ཏུ་སོལ་མཛོད་ལ། །གདོན་རྣམས་རང་གི་གནས་སུ་སོང་། །ཨོཾ་སརྦ་བིགྷཱན་གཙྩ། ཞེས་བརྗོད་ནས། ཐེབ་ཙེ་བཤལ་ནས་སྦུབ། གཏོར་ཆུང་དེ་ཁྱེར་ནས། བྱིསྶའི་ལོ་བདུད་ཕྱོགས་སུ་བསྐྱལ་བཅུག །ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ངེད་རྣམས་གནས་འདིར་སྦྱིན་བདག་བར་ཆད་བསལ། །ཁྱོད་རྣམས་འདི་ནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱ་རུ་འགས་གྱུར་ཏེ། །བགེགས་རྣམས་བརླག་པར་འགྱུར་བར་གདོན་མི་ཟ། །ཞེས་མཚམས་གཅོད་སྲུང་འཁོར་བསྒོམ། འདི་བུ་ཆུང་འདྲེས་བཏབ་པ། ཡུན་རིང་བ་སེར་ནད་སོགས་ཐམས་ཅད་ལ་ཕན་ནོ། །གོང་གི་གདོན་གསུམ་དེ་ཡང་། མི་ཆེན་པོ་ལ་རྒྱལ་པོ་གཙོ་བོ་བྱ། བྱིས་པ་ལ་བསེན་མོ་གཙོ་བོ་བྱ་སྟེ་མང་བཅུག །ཀླུ་གདོན་ནད་ཡམས་

[Full Size]

གཅོད་ན་ཀླུ་གཙོ་བོ་བྱ་སྟེ་མང་འཇུག །གཟའ་དང་གདོང་མ་ཐུག་པར་བྱས་ལ། ལོ་བདུད་ཕྱོགས་སུ་བསྐྱལ། ཡང་ན་ཡས་ལམ་མམ། འདྲེ་ལྔའི་ཕྱོགས་སུ་བསྐྱལ་ལོ། །ཞེས་སློབ་དཔོན་པདྨས་མཛད་པའི་འདྲེ་མོའི་གཏོར་ཟློག་དང་། །གདོན་གསུམ་གྱི་གཏོར་ཟློག་ལས་ལག་ཏུ་བླང་བདེར། སྔགས་འཆང་རཱ་ག་ཨ་སྱས་བསྡུས་པ་ལས། །ཉེས་པ་གང་མཆིས་པད་འབྱུང་ཉིད་ལ་བཤགས། །དགེ་བས་འགྲོ་ཀུན་བདེ་དང་ལྡན་གྱུར་ཅིག །བཀྲ་ཤིས་དཔལ་འབར་འགྲོ་ལ་ཕན་པར་ཤོག །སརྦ་མངྒ་ལཾ། །༈ མདོས་གཏོར་གཡུལ་དང་མངོན་སྤྱོད་ལས་རྣམས་ལ། །ཐེབས་ཀྱི་ཕྱོགས་འགྲོས་དུས་བརྒྱད་ནུ་རུ་ལུགས། །བིཏྟི་རྣལ་འབྱོར་མ་བརྒྱད་དུས་མཚན་རྣམས། །ཕྱི་ནང་རྒྱུད་དང་སྦྱར་བའི་མན་ངག་ནི། །བརྩེ་བའི་བསམ་པས་ཅུང་ཟད་བྲི་བར་བྱ། །ཚེས་གཅིག་བྱང་དང་བྱང་ཤར་ནུབ་བྱང་དང་། །ལྷོ་ནུབ་ཤར་ལྷོ་རྣམས་ལ་ཕྱོགས་ཀྱི་ཐེབས། །ཚེས་གཉིས་ལྷོ་དང་བྱང་ཤར་ནུབ་རྣམས་དང་། །ནུབ་བྱང་མཚམས་ལ་མཆོག་གི་ཐེབས་པ་ཡིན། །ཚེས་གསུམ་བྱང་ཤར་ནུབ་བྱང་དང་། །ནུབ་ཀྱི་ཕྱོགས་ལ་ཁྱད་པར་ཐེབས། །ཚེས་བཞི་བྱང་དང་བྱང་ཤར་ནུབ་བྱང་ལ། །རང་ཕྱོགས་དྲག་པོ་གནས་པས་ཁྱད་པར་ཐེབས། །ལྷོ་ཡི་ཕྱོགས་ལ་ཟློག་མེད་ཐེབས་པ་ཡིན། །ཚེས་ལྔ་བྱང་དང་བྱང་ཤར་ནུབ་བྱང་མཚམས། །ལྷོ་ནུབ་མཚམས་དང་ཤར་ལྷོ་མཆོག་གི་ཐེབས། །ཚེས་དྲུག་ལྷོ་དང་ཤར་ལྷོ་ལྷོ་ནུབ་ལ། །དྲག་པོ་རང་ཕྱོགས་གནས་པས་ཁྱད་པར་ཐེབས། །བྱང་གི་ཕྱོགས་ན་ཟློག་མེད་ཐེབས་

[Full Size]

པ་ཡིན། །ཚེས་བདུན་ལྷོ་དང་ལྷོ་ནུབ་ཤར་རྣམས་ལ། །རྒྱབ་ན་དྲག་པོ་གནས་པས་མཆོག་གི་ཐེབས། །བྱང་ཤར་མཚམས་ན་ཟློག་མེད་ཐེབས་པ་ཡིན། །ཚེས་བརྒྱད་ཤར་དང་བྱང་དང་ནུབ་རྣམས་ལ། །དྲག་པོ་རང་ཕྱོགས་གནས་པོས་མཆོག་གི་ཐེབས། །ཚེས་དགུ་བྱང་ཤར་ཤར་ལྷོ་ཁྱད་པར་ཐེབས། །བྱང་གི་ཕྱོགས་ལ་ཟློག་མེད་ཐེབས་པ་ཡིན། །ཚེས་བཅུ་ཤར་དང་ནུབ་བྱང་བྱང་ཤར་ལ། །རྒྱུ་བའི་ཕྱོགས་དང་མཐུན་པས་ཁྱད་པར་ཐེབས། །ལྷོ་ཡི་ཕྱོགས་ལ་ཟློག་མེད་ཐེབས་པ་ཡིན། །བཅུ་གཅིག་ཤར་དང་ནུབ་བྱང་བྱང་ཤར་དང་། །ལྷོ་ནུབ་རྣམས་ལ་ཁྱད་པར་ཐེབས་པ་ཡིན། །བཅུ་གཉིས་བྱང་ཤར་བྱང་དང་ནུབ་བྱང་མཚམས། །ཤར་གྱི་ཕྱོགས་ལ་ཕྱོགས་ཀྱི་ཐེབས་པ་ཡིན། །བཅུ་གསུམ་བྱང་དང་བྱང་ཤར་ནུབ་བྱང་དང་། །ཤར་ལྷོ་མཚམས་ལ་ཁྱད་པར་ཐེབས་པ་ཡིན། །བཅུ་བཞི་ཤར་དང་་བྱང་་་་་ཤར་ལྷོ་རྣམས་ལ། །དྲག་པོ་རང་ཕྱོགས་གནས་པས་མཆོག་གི་ཐེབས། །བྱང་གི་ཕྱོགས་ལ་ཟློག་མེད་ཐེབས་པ་ཡིན། །འདི་ནི་དྲང་སྲོང་སྟེང་ནས་འོག་ཏུ་རྒྱུ། །མནན་པའི་ལས་ལ་བཟང་ཞེས་རབ་ཏུ་བཤད། །བཅོ་ལྔ་བྱང་ཤར་ཤར་དང་ལྷོ་ཕྱོགས་དང་། །ནུབ་ཀྱི་ཕྱོགས་ལ་མཆོག་ཏུ་ཐེབས་པ་ཡིན། །བཅུ་དྲུག་ནུབ་དང་ལྷོ་ཕྱོགས་ཤར་ལྷོ་ལ། །རང་ཕྱོགས་དྲག་པོ་གནས་པས་ཁྱད་པར་ཐེབས། །བཅུ་བདུན་ལྷོ་དང་ལྷོ་ནུབ་ནུབ་བྱང་དང་། །ཤར་དང་བྱང་ཤར་ཕྱོགས་ལ་ལྷག་པར་ཐེབས། །བཅོ་བརྒྱད་ནུབ་དང་ནུབ་བྱང་བྱང་ཤར་དང་། །བྱང་གི་ཕྱོགས་ལ་ཁྱད་པར་ཐེབས་པ་

[Full Size]

ཡིན། །བཅུ་དགུ་བྱང་ཤར་ཤར་དང་ནུབ་བྱང་ལ། །དྲག་པོ་རང་ཕྱོགས་གནས་པས་མཆོག་གི་ཐེབས། །ཉི་ཤུ་བྱང་དང་བྱང་ཤར་ཤར་རྣམས་ལ། །དྲག་པོ་རང་ཕྱོགས་གནས་པས་ཁྱད་པར་ཐེབས། །ལྷོ་ནུབ་མཚམས་ལ་ཟློག་མེད་ཐེབས་པ་ཡིན། །ཉེར་གཅིག་ཤར་ལྷོ་ལྷོ་དང་ལྷོ་ནུབ་དང་། །བྱང་ཤར་རྣམས་ལ་ཁྱད་པར་ཐེབས་པ་ཡིན། །བྱང་གི་ཕྱོགས་ལ་ཟློག་མེད་ཐེབས་སུ་བཤད། །ཉེར་གཉིས་ཤར་དང་ཤར་ལྷོ་ལྷོ་ཕྱོགས་དང་། །ནུབ་ཀྱི་ཕྱོགས་ལ་ཁྱད་པར་ཐེབས་པ་ཡིན། །ཉེར་གསུམ་ལྷོ་ནུབ་ལྷོ་དང་ཤར་ལྷོ་མཚམས། །ནུབ་ཀྱི་ཕྱོགས་སུ་ཁྱད་པར་ཐེབས་པ་ཡིན། །ཤར་དང་ནུབ་བྱང་མཚམས་ལ་ཟློག་ཐབས་མེད། །ཉེར་བཞི་ལྷོ་དང་ལྷོ་ནུབ་ནུབ་དང་ནི། །ཤར་ལྷོ་མཚམས་ལ་མཆོག་གི་ཐེབས་པ་ཡིན། །བྱང་དང་བྱང་ཤར་མཚམས་ལ་ཟློག་ཐབས་མེད། །འདི་ལ་དྲང་སྲོང་སྟེང་ནས་འོག་ཏུ་རྒྱུ། །དགྲ་བགེགས་ཟོར་གྱིས་བསད་པའི་ལས་ལ་བསྔགས། །ཉེར་ལྔ་ཤར་དང་བྱང་ཤར་ལྷོ་ནུབ་ལ། །དྲག་པོ་རང་ཕྱོགས་གནས་པས་ཁྱད་པར་ཐེབས། །ཉེར་དྲུག་ཤར་དང་བྱང་ཤར་བྱང་ཕྱོགས་དང་། །ནུབ་བྱང་མཚམས་སུ་ཁྱད་པར་ཐེབ་པ་ཡིན། །ཉེར་བདུན་བྱང་ཤར་ཤར་དང་བྱང་ཕྱོགས་དང་། །ནུབ་བྱང་མཚམས་ལ་ཁྱད་པར་ཐེབས་པ་ཡིན། །ཤར་ལྷོ་མཚམས་སུ་ཟློག་མེད་ཐེབས་སུ་བཤད། །ཉེར་བརྒྱད་བྱང་དང་ནུབ་བྱང་ཤར་ཕྱོགས་དང་། །བྱང་ཤར་མཚམས་སུ་མཆོག་གི་ཐེབས་པ་ཡིན། །ལྷོ་ནུབ་མཚམས་སུ་ཟློག་མེད་ཐེབས་སུ་བཤད། །ཉེར་དགུ་ལྷོ་ནུབ་ལྷོ་དང་ཤར་ལྷོ་དང་། །

[Full Size]

དྲག་པོ་རང་ཕྱོགས་གནས་པས་ཁྱད་པར་ཐེབས། །བྱང་གི་མཚམས་སུ་ཟློག་མེད་ཐེབས་སུ་བཤད། །གནམ་གང་ཤར་དང་ཤར་ལྷོ་མཚམས་རྣམས་ལ། །དྲག་པོ་རང་ཕྱོགས་གནས་པས་མཆོག་གི་ཐེབས། །གནམ་གང་ཤར་དང་ཤར་ལྷོ་རྣམས་ལ། །ཁྱད་པར་ཐེབས་རྣམས་རང་གི་རྒྱབ་ན་ནི། །དྲག་པོ་གང་རུང་གནས་པས་མཆོག་གི་ཐེབས། །སྐྱོན་ལ་ཟློག་མེད་ཐེབས་ལ་རང་ཕྱོགས་ནི། །གདུག་པ་རྣམས་དང་ལྷན་ཅིག་མི་གནས་ཀྱང་། །འདེགས་པའི་ཕྱོགས་དེར་དྲག་པོ་མེད་པས་ཐེབས། །ཐེབས་ཀྱི་ཕྱོགས་འགྲོ་རྒྱུས་བསྡུས་གང་བྱེད་ཀྱང་། །རྩ་བའི་སྒྲ་གཅན་རྒྱལ་པོའི་བཀའ་བཞིན་ཁུར། །ཐུན་ཕྱེད་སྒྲ་གཅན་དམག་དཔུང་དཔའ་བོ་བཞིན། །དེ་ཉིད་གང་འགྲོའི་དུས་ཕྱོགས་དེ་རུ་སྤྱི་གཏུག །ཡུད་ཙམ་རཱ་ཧུ་མཚོན་ཆ་རྣོན་པོ་བཞིན། །ཐེབས་དང་བསྟུན་པའི་དགྲ་བོ་ཐལ་བར་བརླག །དེས་ན་འདི་གསུམ་དག་ལ་ནན་ཏན་བྱ། །ཁྱད་པར་དཔའ་བོའི་རྗེས་ལ་དམག་དཔུང་བཞིན། །ཐུན་ཕྱེད་ཐེབས་དང་བསྟུན་པ་མན་ངག་ཡིན།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྒྱ་ནག་གཏོར་གཞུང་ཆེན་པོ་ལས་དགུ་མིག་ནས་འདོན་ཐབས་ཟབ་མོ།

[Full Size]

འདིར་རྒྱ་ནག་གཏོར་གཞུང་ཆེན་པོ་ལས་དགུ་མིག་ནས་འདོན་ཐབས་ཟབ་མོ་བཞུགས་སོ།

[Full Size]

ཀོང་ཙེ་འཕྲུལ་གྱི་རྒྱལ་པོ་ལ་ཕྱག་འཚལ་ལོ། །གཏོ་གཞུང་དགུ་མིག་ནས་འདོན་པའི་ཡས་བསགས་པ་ལ། ཕུང་ཤུལ་རྙིང་པའི་ས་དང་། ལམ་རྒྱ་གྲམ་གྱི་ས་དང་། གཙང་འགྲམ་བྱེ་མ་བཅས་བསྲེས་ལ། སྣམ་ཕྱིང་སོགས་ཀྱི་གདན་ལ། ལ་དགུ་བྱེས་ལ་གཡས་སུ་ལྷ་བཤོས་དགུ་དང་མཐེབ་སྐྱུ་དགུ། །གཡོན་དུ་ངར་གླུད་དགུ་བཤམས་འགལ་པ་དགུ་འཇོལ་དགུའི་སྟེང་མདའ་དར་ནག་པོ་དགུ། ཁྲམ་ཤིང་དགུ་ཡང་བཤམས། གཡས་སུ་ནམ་མཁའ་མདའ་བཀྲ་འཕང་བཀྲ་དགུ། གཡོན་དུ་རྒྱང་བུ་འཕང་རྡོ་ནག་པོ་དགུ་བཤམས་ལྷ་གཞུང་གང་རུང་ལས་བྱང་སོགས་ཡན་སོང་ནས། རང་ཉིད་ཡི་དམ་ཏིང་འཛིན་དང་ལྡན་པས་འདི་སྐད་དོ། །ཀྱེ་ང་ནི་ཀོང་ཙེ་འཕྲུལ་རྒྱལ་ཡིན། །ང་ནི་སྲིད་པའི་གཏོ་མཁན་

[Full Size]

ཡིན། །འཇིག་རྟེན་ས་ཡི་ཞིང་ཁམས་ནས། །བདག་གི་ཞིང་ལས་བཙན་པ་མེད། །འཕགས་པའི་བཀའ་ལ་མི་ཉན་གཅིག་ཀྱང་མེད། །རི་རབ་ངོས་ལ་མི་བརྟེན་གང་ཡང་མེད། །རྒྱ་མཚོའི་ཆུ་ལ་མི་འཐུང་གང་ཡང་མེད། །ཟབ་མོའི་སེམས་ལ་མི་གནས་གང་ཡང་མེད་། བདེན་པའི་བཀའ་ལ་མི་ཉན་གང་ཡང་མེད། །ཀྱཻ། སྣང་སྲིད་ལྷ་འདྲེ་གཉེན་པོ་རྣམས། །ཚུར་གཤེགས་ང་ཡི་བཀའ་ལ་ཉོན། །ཡུལ་ནི་རྒྱ་ནག་ཕ་ཀི་ན། །རི་བོ་རྩེ་ལྔའི་ཤར་ཕྱོགས་ནས། །རྒྱ་རྗེ་ལིང་ཀ་ཐང་རྩེ་བྱ་བ་དེ། །བུ་གསུམ་བུ་མོ་གཅིག་དང་བཞི་རུ་སྲིད། །མི་

[Full Size]

ནོར་ཟས་གསུམ་ཐམས་ཅད་འཛོམས། །སྐུ་མཁར་དེ་ནི་དཔངས་སུ་མཐོ། །བཤོལ་ཞིང་དེ་ཡང་རྒྱ་རུ་ཆེ། །བྲན་གཡོག་འཁོར་དང་བཅས་པ་འཛོམས། །སྐྱེས་པའི་འབྲས་དྲུག་ཕུན་སུམ་ཚོགས། །དར་ཟབ་སྣ་ཚོགས་དཔུངས་ཀྱིས་འདེབས། །རྒྱལ་པོ་དགུང་ལོ་སྟག་གི་ལོ། །གནམ་ལོ་ཡོས་བུ་ཤར་བའི་ཚེ། །ལོ་ནི་ཉི་ཤུ་རྩ་བདུན་ལོན། །དགུ་མིག་གཤེད་དང་འདོམས་ནས་སུ། །བཙུན་མོའི་པང་དུ་བུ་མ་ཆགས། །ར་བའི་ནང་དུ་ནོར་མ་ཆགས། །མཐོ་བའི་སྐུ་མཁར་དེ་ཡང་འགྱེལ། །དམའ་བའི་ས་ཞིང་ཡུལ་ཡང་ཤོར། །ཅི་བྱས་ཅི་རུ་མ་བཏུབ་པས། །རྒྱལ་པོ་ཡི་མུག་ག་ཆད་ནས། །འོ་དོད་ཆེ་ཆུང་གནམ་དུ་འབོད། །སྐུ་ལུས་ས་ལ་བརྡབས་ནས་འགྱེལ། །ཕན་ཐབས་གཅིག་ཀྱང་མེད་པ་ལ། །རྒྱལ་པོ་ཁོང་གི་རྨི་ལམ་དུ། །རྒྱ་རྗེ་རྒྱལ་པོ་ཆེན་པོ་ཁྱོད། །མ་ཉལ་ད་ལྟ་ཡར་ལོངས་ཤིག །ཅི་བྱས་ཅི་ཡང་མི་ཉན་པར། །ར་བར་ནོར་ཡང་མ་ཆགས་ཤིང་། །མཐོ་བའི་མཁར་ཡང་འགྱེལ་བ་དང་། །དམའ་བའི་ས་ཞིང་ཤོར་བ་དང་། །རྒྱལ་པོ་དགུ་མིག་ཚུད་རྟགས་ཡིན། །ངན་པ་བཟང་པོར་འགྱུར་བ་དང་། །ན་བ་གསོ་བར་བྱེད་པ་དང་། །

[Full Size]

འཆི་བ་སོས་པར་བྱེད་པ་དང་། །དགུ་མིག་དུར་ནས་འདོན་འདོད་ན། །ཉི་མ་ཤར་ཕྱོགས་ཕ་ཀི་ན། །རིན་ཆེན་གསེར་གྱི་ཁྲི་སྟེང་དུ། །ཀོང་ཙེ་འཕྲུལ་གྱི་རྒྱལ་པོ་བཞུགས། །ཀོང་ཙེ་འཕྲུལ་གྱི་རྒྱལ་པོ་དེ། །སྐྱེ་འགྲོ་སེམས་ཅན་ཐམས་ཅད་ལ། །ཚད་མེད་བཞི་ཡི་ཐུགས་རྗེ་ལྡན། །བང་ཆེན་ཐོངས་ལ་སྤྱན་དྲོངས་ཤིག །ཞལ་སྐྱེམས་དྲོངས་ལ་བཀའ་བཞིན་སྒྲུབས། །མཉེས་པའི་ཕྱག་དང་ཡོན་ཕུལ་ཅིག །དེ་ལྟར་བྱས་ནས་ཕན་པར་འགྱུར། །ཞེས་པའི་རྨི་ལམ་ལུང་བསྟན་བྱུང་། །གནམ་སའི་རྒྱལ་པོ་ཐུགས་དགྱེས་པས། །རྒྱལ་བློན་གཉིས་ནི་བང་ཆེན་བཏང་། །ཀོང་ཙེ་འཕྲུལ་རྒྱལ་སྤྱན་དྲངས་ནས། །འབྱུང་བའི་སྐག་རྩིས་བྱས་པའི་ཚེ། །ཀོང་ཙེ་རྒྱལ་པོའི་ཞལ་ན་རེ། །རྒྱལ་པོ་ཆེན་པོ་ཚུར་ཉོན་དང་། །རྒྱལ་པོ་ཅི་བྱས་མི་ཉན་པ། །དགུ་མིག་གཤེད་དང་འདོན་པའི་རྟགས། །གནམ་སའི་ཁ་ཡོད་བྱུང་བས་ལན། །དེ་ནས་རྒྱལ་པོས་འདི་སྐད་ཞུས། ཀོང་ཙེ་འཕྲུལ་གྱི་རྒྱལ་པོ་ལགས། །འདི་ལ་དགོས་པ་ཅི་ཞིག་འཚལ། །ཕན་པ་ཐམས་ཅད་བདག་གིས་ཞུ། །ཕྱག་ཏུ་ཡོན་དང་ཞལ་དུ་སྐྱེམས། །དྲངས་ལ་ནོར་རྫས་ཕུལ་ནས་

[Full Size]

ཀྱང། །ཞལ་ཟས་སྣ་ཚོགས་བཤམ་པ་ལ། །ཀོང་ཙེ་འཕྲུལ་རྒྱལ་ཞལ་ན་རེ། །ཕན་པའི་ཐབས་ཤིག་ང་ཡིས་བྱེད། །བཅས་པའི་ནོར་རྫས་བདག་ལ་འབུལ། །ཕུང་ཤུལ་ས་དང་རྒྱ་གྲམ་ལམ། །ས་ལ་དགུ་མིག་དུར་ས་རྐོས། །དེ་ཡི་ཕྱོགས་བཞི་མཚམས་བརྒྱད་དུ། །དཀོན་མཆོག་གསུམ་པོ་མཆོད་པའི་ཕྱིར། །མཆོད་པ་ཅི་འབྱོར་བཤམ་པར་བྱ། །དམ་སྲི་ཆེན་པོ་བསྒྱུར་བའི་ཕྱིར། །མགལ་བ་ཁ་ནག་དགུ་ཡང་བཤམས། །ལྷ་འདྲེའི་ཁྲམ་ཁ་བཟློག་པའི་ཕྱིར། །ངར་གླུད་རྒྱུན་ལྡན་དགུ་ཡང་བཤམས། །གཞན་གྱི་རྩོད་གཏོང་བཟློག་པའི་ཕྱིར། །མདུང་དར་ཆེན་པོ་དགུ་ཡང་བཤམས། །འགོ་བའི་ལྷ་རྣམས་དགའ་བའི་ཕྱིར། །མཐེབ་སྐྱ་ཆངས་བུ་གཏོར་མ་བཤམས། །ཡོན་བདག་དགུ་མིག་འདོན་པའི་ཕྱིར། །ལ་དགུ་ལུང་དགུ་འདོན་པར་བྱས། །དགུ་གཅིག་དང་པོ་སྲིད་པའི་ལ། །བདུད་པོ་སྲོག་ལ་གནོད་པའི་ལ། །དེ་ཡི་ནང་ནས་འདོན་འཚལ་པས། །ལ་གཅིག་བརྒལ་ནས་ཡར་ལ་བྱོན། །དགུ་གཅིག་རྣམ་སྨིན་ལ་ནས་ཐར་རོ། །དགུ་གཉིས་འདི་ནི་བཙན་གྱི་ལ། །སྐྱེས་པ་ཕོ་ཡི་སྲོག་ལ་གནོད། །ཟ་མ་མོ་ཡི་སྲི་བདུད་ཡིན། །

[Full Size]

དེ་ཡི་ནང་ནས་འདོན་འཚལ་པས། །ལ་གཉིས་བརྒལ་ནས་ཡར་ལ་བྱོན། །དགུ་གཉིས་བཅོ་བརྒྱད་སྟག་དར་མ། །མདའ་ཁར་འཆི་བའི་དགུ་མིག་ནས་ཐར་རོ། །དགུ་གསུམ་ཉི་ཤུ་རྩ་བདུན་ནི། །དབང་ཐང་རྐུ་མས་ཁྱེར་བ་ཡིན། །དགུ་མིག་འདི་ལས་ཚུར་ཐར་རོ། །དགུ་བཞི་དེ་ནི་དམུ་ཡི་ལ། །རྒྱལ་པོའི་དབང་ཐང་དག་ལ་གནོད། །རྒྱལ་པོ་དེ་ལ་ཁ་གྲུ་རོ། །དེ་ཡི་ནང་ནས་འདོན་འཚལ་པས། །ལ་བཞི་བརྒལ་ནས་ཡར་ལ་བྱོན། །དགུ་བཞི་སུམ་ཅུ་སོ་དྲུག་པ། །རྨེ་ཞུགས་གྲི་ཡི་དགུ་མིག་ནས་ཐར་རོ། །དགུ་ལྔ་དེ་ནི་ཐེའུ་རང་ལ། །ཐེའུ་རང་སྤུན་དགུ་སྲི་ལ་གནོད། །ར་བ་ནོར་ལ་རྐུ་བར་བྱེད། །དེ་ཡི་ནང་ནས་འདོན་འཚལ་པས། །ལ་ལྔ་བརྒལ་ནས་ཡར་ལ་བྱོན། །དགུ་ལྔ་བཞི་བཅུ་ཞེ་ལྔ་པ། །སེང་གེ་དཀར་མོ་ཆུ་དོང་དུ། །ལྷུང་བའི་དགུ་མིག་ནང་ནས་ཐར་རོ། །དགུ་དྲུག་དེ་ནི་འགོང་པོ་ལ། །འགོང་པོ་སྤུན་དགུ་རྗེ་ལ་གནོད། །རྒྱལ་པོའི་དབང་དུ་བུ་ཡང་བསད། །དེ་ཡི་ནང་ནས་འདོན་འཚལ་པས། །ལ་དྲུག་བརྒལ་ནས་ཡར་ལ་བྱོན། །དགུ་དྲུག་ལྔ་བཅུ་ང་བཞི་ལ། །ལྕགས་སྤྱང་སྔོན་

[Full Size]

པོ་འགུལ་བ་ལས། །ཟིན་པས་དགུ་མིག་ནས་ཐར་རོ། །བདུན་པ་དེ་ནི་སྲིན་མོ་ལ། །སྲིན་མོ་སྤུན་དགུ་བྱ་བ་དེ། །བུ་དང་ཚ་བོ་དག་ལ་གནོད། །བུད་མེད་སྤྱིར་ནི་བུ་ལ་གནོད། །དེ་ཡི་ནང་ནས་འདོན་འཚལ་པས། །ལ་བདུན་བརྒལ་ནས་ཡར་ལ་བྱོན། །དགུ་བདུན་དྲུག་ཅུ་རེ་གསུམ་ལ། །སྡེ་དཔོན་དུག་ལ་འདུས་པའི་དགུ་མིག་ནས་ཐར་རོ། །དགུ་བརྒྱད་འདི་ནས་སྲིད་པའི་ལ། །འཇིག་རྟེན་ལྷ་སྲིན་ཆགས་པའི་གདོན། །སྲོག་ལུས་དབང་ཐང་རླུང་རྟ་དང་། །བླ་ཡི་རིགས་ལ་གནོད་པས་གདོན། །དེ་ཡི་ནང་ནས་འདོན་འཚལ་ལོ། །ལོ་བརྒྱད་བརྒལ་ནས་ཡར་ལ་བྱོན། །དགུ་བརྒྱད་བདུན་ཅུ་དོན་གཉིས་ན། །ཤེལ་བྱ་ཐང་དཀར་གཤོག་པ་ཆག་པའི་དགུ་མིག་ནས་ཐར་རོ། དགུ་པ་དེ་ནི་གཤེད་འདོམས་ལ། །དགུ་མིག་དེ་ཡི་ནང་ཤེད་ནས། །།མི་ཡི་སྲོག་ལ་རྒོལ་བར་བྱེད། །དེ་ཡི་ནང་ནས་འདོན་འཚལ་ལོ། །ལ་དགུ་བརྒལ་ནས་ཡར་ལ་བྱོན། །དགུ་དགུ་བརྒྱད་ཅུ་གྱ་གཅིག་པ། །དགུང་ལ་དར་དཀར་རལ་བའི་དགུ་མིག་ནས་ཐར་རོ། །དགུ་མིག་ནས་ཐར་རོ། །ན་མིག་ནས་ཐར་རོ། །ཤི་མིག་ནས་ཐར་རོ། །

[Full Size]

དུར་མིག་ནས་ཐར་རོ། །འབྱུང་བའི་དུར་དུ་ཚུད་པའི་དགུ་མིག་ནས་ཐར་རོ། །ལོ་ཟླ་ཞག་དུས་ཀྱི་དགུ་མིག་ནས་ཐར་རོ། །མི་བྲོས་པ་ལྷ་ཡི་དྲུང་དུ་ཐར་རོ། །ཤ་བ་བྲོས་པ་སྤང་དཀར་ལ་ཐར་རོ། །བྱ་བྲོས་པ་ཤིང་གི་གསིབ་ཏུ་ཐར་རོ། །ཉ་བྲོས་པ་ཆུ་ནང་དུ་ཐར་རོ། །བྱིའུ་ཆུང་བྲོས་པ་ཁྲ་ཡི་ལག་ནས་ཐར་རོ། །ར་ལུག་བྲོས་པ་གཅན་གཟན་ཁ་ནས་ཐར་རོ། །ཡམས་དང་ནད་ཀྱི་ཁ་ནས་ཐར་རོ། །ལྷ་སྲིན་སྡེ་བརྒྱད་ཀྱི་ལག་ནས་ཐར་རོ། །ན་མིག་དགུ་མིག་ཤི་མིག་ནས་ཐར་རོ། །ཚེ་ཐར་རོ། །སྲོག་ཐར་རོ། ཅེས་ཡོན་བདག་ལ་དགུ་ལུང་དགུ་སྟེང་དུ་འདོན་ནས་བཀྲ་ཤིས་བརྗོད། འདི་བྲིས་དགེ་བས་བསོད་ནམས་ཀྱིས། །ནམ་མཁས་ཁྱབ་པའི་སེམས་ཅན་རྣམས། །བགེགས་ཚོགས་མི་ཕྱོགས་རྣམ་པ་ཀུན། །མ་ལུས་བྱང་ཞིང་བདེ་ཐོབ་ཤོག །རཱ་ག་ཨ་སྱས་སོ། །༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྟ་གླུད་བཏང་བ་བསྡུས་པ།

[Full Size]

རྟ་གླུད་བཏང་བ་བསྡུས་པ་བཞུགས་སོ། །ན་མོ་ཨཱརླ་རེ་མནྟ་ཡེ། རྟ་གླུད་ཟན་ནམ་རྩྭ་ལ་རྟ་གཟུགས་བྱ། །གླུད་དང་ཆངས་བུ་ཏིང་ལོ་སྤུ་གླུད་བྲན། །རང་ཉིད་ལྷར་གསལ་འདི་སྐད་བརྗོད་པར་བྱ། །ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷཱ་ཝ་སོགས། ཧཱུྃ་ལས་རིན་ཆེན་སྣོད་དུ་ཏི་ཡིག་ལས། །རྟ་གླུད་རྟ་མཆོག་རིན་ཆེན་དཔག་མེད་དང་། །གཡུང་དྲེལ་རླུང་གི་བོང་བུ་ག་པ་སོགས། །རླུང་གཤོག་རྫུ་འཕྲུལ་རྐང་པ་མྱུར་མགྱོགས་ལྡན། །མིག་ལ་ཉི་ཟླའི་འོད་ཟེར་རབ་འཕྲོ་ཞིང་། །སྤུ་ལས་འདོད་ཡོན་སྣ་ལྔའི་འོད་ཟེར་འཕྲོ། །ཁ་རླངས་དྲི་བཟང་ན་བུན་ཕྱོགས་བཅུར་འཕྲོ། །གཅིག་ལས་བརྒྱ་སྟོང་ཁྲི་འབུམ་གྲངས་མེད་འཕྲོ། །གླུད་དང་ཆངས་བུ་བདུད་རྩིའི་ཞལ་ཟས་མཆོག །རང་རང་ཡིད་མཐུན་ཟད་མེད་ལོངས་སྤྱོད་གྱུར། །ཨོཾ་ཨ་ཀཱ་རོས་ལན་གསུམ་གྱིས་བྱིན་གྱིས་བརླབས་ནས། ཧཱུྃ། ཕྱོགས་མཚམས་སྟེང་འོག་ཀུན་ན་གནས་པ་ཡི། །རྟ་དྲེལ་རྔོག་ཆགས་རྣམས་ལ་གནོད་བྱེད་པའི། །བགེགས་དང་ལོག་འདྲེན་བཙན་སྲི་འབྱུང་པོའི་ཚོགས། །ལན་ཆགས་གླུད་གཏོར་ལེན་ཕྱིར་འདིར་འདུས་ཤིག །གང་དག་མྱུར་དུ་འོང་བར་མི་བྱེད་རྣམས། །དཀོན་མཆོག་གསུམ་དང་ཁྲོ་

[Full Size]

རྒྱལ་རྟ་མགྲིན་གྱི། །བདེན་པའི་སྟོབས་ཀྱིས་རང་དབང་མེད་པར་ཁུག །ཊཱ་ཀི་ཧཱུྃ་ཛཿ ལྕགས་ཀྱུའི་ཕྱག་རྒྱ་བྱ། བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །རྟ་གླུད་འདོད་ཡོན་ཟད་མེད་ལོངས་སྤྱོད་འདི། །གནོད་བྱེད་གདོན་བགེགས་ལོག་འདྲེན་ཀུན་ལ་སྦྱིན། །རྡོ་རྗེ་མཆུ་ཅན་སྤྲིན་གྱི་སྒྲོན་མེ་དང་། །ཁམས་གསུམ་བདག་པོ་བྱི་ནི་ཡ་ཀ་དང་། །གདོན་ཆེན་བཅོ་བརྒྱད་སྟོང་ཕྲག་བརྒྱད་ཅུའི་བགེགས། །ཐམས་ཅད་མཆོད་སྦྱིན་གླད་འདིས་ཚིམས་པར་མཛོད། །གཟའ་སྲིན་ཀླུ་སྲིན་འགོང་པོ་དམ་སྲིའི་ཚོགས། །ས་སྲིན་ཡུལ་འདྲེ་གྲེ་བོ་གྲེ་མོ་དང་། །མི་ལ་བསེ་རག་འབྱུང་པོ་ཐེའུ་རང་སོགས། །གླུད་ལ་དབང་བ་ཐམས་ཅད་གླུད་འདི་ལོངས། །ཤི་འདྲེ་དུར་སྲི་དྲི་ཟ་དབུགས་ལེན་ཚོགས། །ཟ་འདྲེ་གཤེད་འཁྱམས་ལམ་འདྲེ་སྒབ་འདྲེ་དང་། །ཤི་འདྲེ་གསོན་འདྲེ་མི་ཁ་བྲ་མཆུའི་ཚོགས། །ཐམས་ཅད་ཀླད་ཀྱིས་ངོམས་ཤིང་ཚིམས་པར་མཛོད། །ཆུ་བཙན་ཤིང་བཙན་ལ་བཙན་ལ་སོགས་པ། །རྟ་དྲེལ་རྔོག་ཆགས་ལ་གནོད་བཙན་སྲི་རྣམས། །རྟ་དྲེལ་རྔོག་ཆགས་སྟོང་བས་ལྷག་པ་ཡི། །

[Full Size]

རྟ་གླུད་རྒྱུན་དང་ལྡན་པ་འདི་བཞེས་ལ། །བདག་ཅག་ཡོན་མཆོད་ཚེ་རབས་ཐོག་མེད་ནས། །བཞོན་པ་རྔོག་ཆགས་བརྐུས་ཕྲོག་བརྡུང་བསད་ཀྱི། །ལན་ཆགས་བུ་ལོན་བདག་པོ་ཐམས་ཅད་ལ། །རྔོག་ཆགས་གླུད་བཟང་རྒྱ་ཆེན་འདི་འབུལ་ལོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་གསུམ་མམ་བདུན་བརྗོད། །ཧཱུྃ༔ བགེགས་དང་ལན་ཆགས་བཙན་སྲི་གླུད་བདག་རྣམས། །གླུད་གཏོར་བདུད་རྩིའི་ལོངས་སྤྱོད་འདི་ཕུལ་བས། །ཐམས་ཅད་མ་ལུས་ངོམས་ཤིང་ཚིམས་གྱུར་ནས། །ཕྱིན་ལྕི་ཆད་གནོད་ཅིང་འཚེ་བ་མ་བྱེད་ཅིག །ཆོས་རྣམས་ཐམས་ཅད་རྟེན་འབྲེལ་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས་པའི་ཕྱིར། །རང་ལ་དཔེ་ལོངས་གཞན་ལ་གནོད་འཚེ་སྤོངས། །ས་བོན་ཁ་མངར་འབྲས་བུ་མི་བསླུ་བཞིན། །དགེ་སྡིག་གང་བྱས་རང་ལ་ངེས་པར་སྨིན། །དེ་ཕྱིར་ཁྱེད་རྣམས་རྒྱལ་བའི་བཀའ་ལ་ཉོན། །གླུད་འདི་ཁྱེར་ལ་ཕྱིན་ཆད་མ་གནོད་ཅིག །གལ་ཏེ་བསྔོས་པའི་གླུད་གཏོར་མི་ལེན་ནམ། །བླངས་ཀྱང་ད་རུང་གནོད་པ་བྱེད་གྱུར་ན། །དཀོན་མཆོག་གསུམ་དང་ཆོས་ཉིད་རྣམ་དག་དང་། །རྒྱུ་

[Full Size]

འབྲས་བསླུ་བ་མེད་པ་བདེན་པའི་སྟོབས། །རྟ་མཆོག་ཧེ་རུ་ཀ་དང་གསང་བའི་བདག །གུ་རུ་རྡོ་རྗེ་གྲོ་ལོད་མཐུ་སྟོབས་ཀྱིས། །ཁྱེད་ཀྱིས་ལུས་སྲོག་རྡུལ་དུ་བརླག་པར་འགྱུར། །། ཚར་མང་པོ་བཏང་ན་འདི་ཡན་ཝིག །དེ་བས་གླུད་གཏོར་ཁྱེར་ལ་གཞན་དུ་དེངས། །ཕྱིན་ཆད་ནམ་ཡང་གནོད་པར་མ་བྱེད་ཅིག །ཅེས་བརྗོད། །ཨོཾ་སུམྦྷ་ནི་སོགས་མཚམས་བཅད་སྲུང་འཁོར་བསྒོམ་པར་བྱའོ། །ཞེས་རང་ལ་མཁོ་བ་བྱུང་དུས་རཱ་ག་ཨ་སྱས་འཕྲལ་དུ་སྦྱར་བ་ལ་ཉེས་པ་གང་མཆིས་བཤགས་ཤིང་སེམས་ཅན་ལ་ཕན་པར་གྱུར་ཅིག །མངྒ་ལཾ།། །།

སྤར་ཁའི་ཟབ་བཅོས།

[Full Size]

ཟམ་བཅོས་བཞུགས་སོ། །ༀ་གུ་རུ་ཨརྱ་མཉྫཤྲཱི་ཡ། རྒྱ་རྒྱ་རྒྱ། ན་མོ་གུ་རུ་མཉྫཤྲཱི་ཡེ། སྤར་ཁ་ཁཾ་སོགས་ལ་སྤུངས་དང་མང་པོ་སྤུངས་ན། ཟམ་བགོས་བྱས་ན་སྣོད་ནི་ཆེ་བའི་ནང། །ཟམ་ནི་དཀར་ནག་བཙུགས་ལ་ཆུ་ཡིས་བཀང་། །ངར་མི་དཀར་ནག་ཆངས་བུ་ལོ་གྲངས་སམ། །བརྒྱ་དང་དྲི་གླུད་གོས་དུམ་བཀོན་པ་བཤམས། །ཆུས་བྲན་ཟམ་སྔས་ཡོན་བདག་ཕོ་མོ་ལ། །བྱིན་རླབས་ཅི་མཐུན་རུང་། ཧཱུྃ། ང་ནི་འཇམ་དཔལ་དམར་སེར་ཡིན༔ ཡོན་བདག་སྤར་ཁ་ཆུ་ལ་སྤུངས༔ ཆུ་ཟམ་ནག་པོ་གསུམ་སྤུང་འདི༔ བར་མ་དག་ལ་གནོད་བྱེད་རྣམས༔ སྐད་ཅིག་ཁུག་ལ་གླུད་གཏོར་་བཞེས༔ གཤིན་ཟམ་ནག་པོ་བཙུགས་པ་ཡི༔ ཡི་དམ་ཕྱག་མཚན་རལ་གྲིས་གཏུབས༔ ངར་མི་ནག་པོ་ཆུ་ལ་སྒྱུར༔ གནོད་བྱེད་རང་དེངས་མ་གནོད་ཅིག༔ ཡོན་བདག་མི་དང་གླུད་བརྗེའོ༔ འཁོར་འདིར་གནོད་པ་མ་བྱེད་ཅིག༔ ཧཱུྃ༔ རྒྱུ་འབྱོར་ཡོན་བདག་འཁོར་བཅས་ལ༔ འབྱུང་བ་ཆུ་ཡི་གནོད་པ་དང་༔ འཆི་བདག་ནག་པོ་ཟིན་པ་དང་༔ ལྷ་སྲིན་སྡེ་བརྒྱད་ཟམ་པ་རྣམས༔ ཡི་དམ་ཕྱག་མཚན་རལ་གྲིས་གཏུབ༔ ངར་མི་ནག་པོ་ཆུ་ལ་སྒྱུར༔ གནོད་བྱེད་རང་དེངས་མ་གནོད་ཅིག༔ ཡོན་བདག་མི་དང་གླུད་བརྗེའོ༔

[Full Size]

འཁོར་འདིར་གནོད་པ་མ་བྱེད་ཅིག༔ ཧཱུྃ༔ མོ་ངན་རྨི་ལམ་ངན་པ་དང་༔ ཆུ་ནད་ཆུ་འདྲེ་ཐབ་གཞོབ་དང་༔ རྐྱེན་ལས་བྱུང་བའི་ཟམ་ཐུག་དང་༔ ཕོ་མོ་སྤར་ཁ་ཟམ་ཐུག་རྣམས༔ ཡི་དམ་ཕྱག་མཚན་རལ་གྲིས་གཏུབ༔ ངར་མི་ནག་པོ་ཆུ་ལ་སྒྱུར༔ གནོད་བྱེད་རང་དེངས་མ་གནོད་ཅིག༔ ཡོན་བདག་མི་དང་གླུད་བརྗེའོ༔ འཁོར་འདིར་གནོད་པ་མ་བྱེད་ཅིག༔ ཅེས་ཟམ་པ་གྲིས་གཏུབ་ལ་གླུད་ཆུ་ཡི་ནང་དུ་བསྐྱལ། ཕོ་མོ་ཟམ་ཐུག་ཞག་གསུམ་མི་གཏུག༔ ས་མ་ཡ༔ རྒྱ་རྒྱ་རྒྱ༔ ཞེས་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་གསེར་འཕྱང་གི་ལོ་ལ་འཇམ་དཔལ་དམར་སེར་གྱིས་དངོས་སུ་གསུངས་སོ།། །།

སྤར་ཁའི་གདན་བགོས།

[Full Size]

སྤར་ཁའི་གདན་བགོས་བཞུགས་སོ། །གསོན་གཤིན་གདན་བགོས་བྱ་བ་ནི། ཕྱིང་བུ་དཀར་ནག་གཉིས་ཀྱི་སྟེང་དུ། ངར་མི་དཀར་ནག་གཉིས། འབྲང་རྒྱས་དཀར་ནག་གཉིས། རྡེལ་བུ་དཀར་ནག་གཉིས། ཆངས་བུ་ཏིང་ལོ། མཐེབ་སྐྱུཤ་དུམ། གླུད་གོས་བཞག་ལི་འདི་སྐད་དོ།། ཀྱཻ། ཀོང་ཙེ་བྱང་ཆུབ་སེམས་ལ་ཕྱག་འཚལ་ལོ། །སྔོན་རྒྱལ་བུ་དྲུག་ཅུ་གདན་ལ་བཞུགས། དུས་དང་བསྐལ་པ་དེ་ཙམ་ན། རྒྱ་རྗེ་རྒྱལ་པོའི་བླ་གནས་དུར་དུ་སོང་། བླ་འཕར་གནམ་དུ་འཕར། ཚེ་ཟད་ཟ་གྲངས་ཚང་། དེར་གཏོ་མཁན་རྒྱལ་པོ་སྤྱན་དྲངས། སྣང་སྲིད་མེ་ལོང་ལ་བལྟས། གབ་རྩེ་གསང་བས་བསྐོར། རྒྱ་རྗེ་རྒྱལ་པོ་དེ་མངའ་ཐང་ཆུང་ནས། རྒྱ་བོད་མཚམས་སུ་རྒྱ་རིགས་མང་པོ་དབང་ཐང་བཅད། སྤར་ཁ་བརྒྱད་ལོ་སྐོར་བཅུ་གཉིས་བཅད་དེར་རྒྱལ་པོ་ཐང་ཆད་ཉམ་ཐག་གོ །དེར་རྒྱལ་པོ་ལ་གདན་བགོས་བྱས། བླ་གནས་དུར་དུ་སོང་ནས་བཏོན། ཚེ་ཟད་པ་བཤོལ། བདག་རྒྱལ་པོ་ལ་ཕན་ཏེ་བསོད། སྔོན་ཤིང་ཚེ་རྒྱལ་པོ་ལ་མི་ནག་པོ་གཅིག་གིས། གཤིན་ཆུའི་འགྲམ་ནས་བོས་ནས། གཤིན་རྗེའི་ཟམ་སྣ་ན། གཤིན་རྗེ་རྒྱལ་པོའི་ཞག་གསུམ་ལྟས་ཚང་བྱུང་། དེར་

[Full Size]

ཀོང་ཙེ་རྒྱལ་པོ་སྤྱན་དྲང་ནས། གབ་རྩེ་ཁྲ་བོ་གཏིང་། རྒྱལ་པོ་གཤིན་གྱི་ཐག་པས་བཏགས། གསོན་གཤིན་ལག་པས་འབྲེལ། རྒྱལ་པོ་གདན་ཐོག་ཏུ་བཞག །རྒྱལ་པོའི་་བཀའ་ཟློག་བྱས། རྒྱལ་པོ་གླུད་བཏང་ངོ། །གཤིན་ཆུའི་འགྲམ་གཤིན་རྗེའི་སྤྱན་སྔར། ཤིང་ཚེ་རྒྱལ་པོ་ཚུར་བཏང་ནས། གཤིན་རྗེའི་རྒྱལ་པོ་ལྷག་སྟེ་བཞད། གཤིན་གྱི་ཐན་ཕུར་བ་ལ། བདག་གིས་རྒྱལ་པོས་གླུད་དུ་བཏང་། རྒྱལ་པོ་གཤིན་ཡུལ་ནག་པོ་དགུ་ཡུལ་ན། རྒྱལ་པོའི་སྐྱིན་ཡིན་སྐད། དུར་མོ་དར་གཤིན་བཀག་སེལ་བྱ། གཤིན་ཚབས་སུ་ཕར་བསྒྱུར་རོ། །སྔོན་ཤིང་ཚེ་རྒྱལ་པོའི་སྐུ་གླུད་འཚལ། དེ་རིང་ཡོན་གྱི་བདག་པོས་ཀྱང་། མོན་པའི་མགོ་ལ་ཐོད་བཅིངས། མགུལ་དུ་སྐྱེམས་དྲངས། འོག་ཏུ་གདན་བཏིང་། བདེན་པ་བདར། ཀླུ་ཀླད་སྐྱིན་བཏང་། གཤིན་ཆུའི་འགྲམ། གཤིན་ཟམ་སྣ་ནས། གཤིན་རྗེའི་སྤྱན་སྔར། ཡོན་གྱི་བདག་པོའི་སྐུ་གླུད་བཏང་བ་ཡིན། །བཀའ་བདེན་པ་བཤད། སྤར་ཁ་གང་ཡིན་བརྗོད། སྤར་ཁ་བརྒྱད་གདན་བགོས་བྱ། གླུད་འཛལ་གདན་ས་བགོས། དེ་རིང་ཡོན་གྱི་བདག་པོས་གདན་ཐུག་པ་ཡོད་ན་གདན་བགོས་བྱའོ། །ཀྱཻ། ཡས་ལེན་ཆེན་པོ་

[Full Size]

འདི་བཞེས་ལ། །ཡས་འདི་བཞེས་ལ་གདན་འདི་སྤྲོས། །གླུད་འདི་ཁྱེར་ལ་གདན་འདི་སྤྲོས། །མི་དང་གླུད་འདི་ད་རྗེས་ལ། །ཉོ་ཚོང་འདི་ནི་ད་གྱིས་ཤིག །གླུད་འདི་ཁྱོད་ཀྱིས་ཕར་ཁྱེར་ལ། །མིའུ་བདག་ལ་ཚུར་ཐོངས་ཤིག །ངས་གདན་གཅིག་འདི་ནི་སོ་སོར་ཕྱེ། །གསོན་དང་གཤིན་གཉིས་གདན་གཅིག་ག་ལ་སྲིད། །གདན་གཅིག་ཡོད་ན་གཤིན་ཟེར་ག་ལ་ཡོད། །གལ་ཏེ་གདན་ས་གཅིག་པ་ན། །སྤར་ཁའི་གདན་ས་སོ་སོར་ཕྱེས། །ལོ་ཡི་གདན་ས་སོ་སོར་ཕྱེས། །ལོག་མིན་གདན་ས་སོ་སོར་ཕྱེས། །སྤར་ཁའི་གདན་ས་སོ་སོར་ཕྱེས། །སྨེ་བའི་གདན་ས་སོ་སོར་ཕྱེས། །སྲུང་རྟའི་གདན་ས་སོ་སོར་ཕྱེས། །ཕྱེས་ཤིག་འཕགས་པའི་བཀའ་མ་བཅག །སྔགས་འཆང་བདག་གི་དམ་མ་བཀྲལ། །བཅོལ་བའི་ཕྲིན་ལས་འགྲུབ་པར་མཛོད། །སྤར་ཁ་གང་ཡིན་བརྗོད། ཀྱཻ། སྤར་ཁ་བརྒྱད་ཀྱི་གདན་བགོས་བྱེད། །ཀོང་ཙེ་རྒྱལ་པོས་དཔང་པོ་མཛོད། །ངར་མི་དེ་ནི་དཀར་ནག་གཉིས། །རྡེལ་བུ་དེ་ནི་དཀར་ནག་གཉིས། །ཕྱིང་བུ་དེ་ནི་དཀར་ནག་གཉིས། །དཀར་ནག་དབྱེ་བ་འདི་རྣམས་ཀྱིས། །ཡོན་གྱི་བདག་པོ་

[Full Size]

འདི་དག་གིས། །ཚེ་ཡི་སྐྱིན་དང་སྲོག་གླུད་མཛོད། །འབུལ་བ་ང་ཡིས་མི་ནོར་རོ། །བཞེས་པ་ཁྱེད་ཀྱིས་མ་ནོར་ཅིག །ད་ལྷ་མི་དཀར་པོ་གྱེན་དུ་བཏང་། །དུར་མི་ནག་པོ་དུར་བཀར་འཚལ། །ཤི་གསོན་ལག་པ་མ་འཛིན་ཅིག །ཤི་མིག་གསོན་ལ་མ་ལྟ་ཞིག །གསོན་པོ་གཤིན་ཕྱིར་མ་འབྲང་ཞིག །ཤི་གསོན་གདན་ནི་སོ་སོར་བགོ །རྟ་རྐྱང་གཉིས་བྲེས་མི་གཅིག །གླང་ལུག་གཉིས་ཁྱུ་མི་གཅིག །ལྷ་མི་གཉིས་ཡུལ་མི་གཅིག །གསོན་གཤིན་གཉིས་གདན་མི་གཅིག །དཀར་ནག་གཉིས་ཀྱི་གདན་བགོས་བྱེད། །ཤི་ཁ་ཆོད་ལ་རལ་ཁ་བྲུབ། །ཤི་རྩུབ་ངན་པ་མ་འཕར་ཅིག །སྤར་ཁ་མི་མཐུན་གདན་ས་བགོ །མི་ལ་ཤི་ཆད་མ་གཏོང་ཞིག །ཕྱུགས་ལ་གོད་ཁ་མ་གཏོང་ཞིག །བདུད་ཀྱི་ཉི་མ་བཟློག་ཏུ་གསོལ། །ཤི་རྩུབ་ངན་པ་མ་འཕར་ཞིག །འདྲེ་འདུད་གསོན་ལ་མ་འབབ་ཅིག །སྤར་ཁའི་གདན་བགོས་བྱེད། །ཕྱེ་ཕྱེ་དེ་ནི་ས་ལ་ལ། ཅེས་གདན་ས་སོ་སོར་ཕྱེས་ལ། ངར་མི་དཀར་པོ་གྱེན་དུ་ཕུལ། ངར་མི་ནག་པོ་ཐུར་དུ་བསྐྱར། གཤིན་པོའི་ཐོག་ཏུ་བཞག །

ཀོང་ཙེ་འཕྲུལ་གྱི་རྒྱལ་པོ་དང་མགོན་པོ་ལས་བྱུང་བའི་གྲི་ཐུབ་དང་གྲི་ཁ་མཚོན་བསྒྱུར་བལྟས་ཆོག་ཏུ་བཀོད་པ།

[Full Size]

ཀོང་ཙེ་འཕྲུལ་གྱི་རྒྱལ་པོ་དང་མགོན་པོ་ལས་བྱུང་བའི་གྲི་ཐུབ་དང་གྲི་ཁ་མཚོན་བསྒྱུར་བལྟས་ཆོག་ཏུ་བཀོད་པ་ཡོད༔

[Full Size]

ན་མོ་མཉྫའི་ཡེ། འཕགས་པ་འཇམ་དཔལ་དབྱངས་ལ་ཕྱག་འཚལ་ནས། །མ་འོངས་འགྲོ་ལ་ཕན་ཕྱིར་གྲི་བྲུབ་བྲི། །རྩ་གསུམ་ལྷ་ཡིས་བཀའ་གནང་བྱིན་རླབས་སྩོལ། །ཀོང་ཙེ་འཕྲུལ་རྒྱལ་གྱིས་མཛད་པའི་གྲི་བྲུབ་འདི་ལ། གྲི་བོ་བཀར་བ་དང་། གྲི་ཁ་མཚོན་བསྒྱུར་གཉིས་ལས། དང་པོ་གྲི་བོ་བཀར་བ་ནི། ཡོན་བདག་གི་ལུས་ལ་དྲུད་པའི་ངར་མི་མཐོ་གང་ཚད་བྱས་ལ་ཤ་རུ་ལ་བསྐྱོན། དེའི་རྩ་བར་ཕོ་རོག་ནག་པོ། ཕོག་མ་རོག་མོ། སྤྱང་ཀུ་སྔོན་པོ། ཁྲག་ལོང་དམར་པོ། སྐྱེར་པའི་མུང་མོ། སྐྱེར་ཐུར་དམར་པོ། །སྤུ་གྲི་གཡག་ནག་རྭ་ཅོ། རྟ་རྨིག་གོར་མོ། བྲག་ནག་རྡོ་བ་བྱད་ཐག་དཀར་ནག་དམར་པོ་གླུད་རྣམས་བཞག །གྲི་ཁ་མཚོན་བསྒྱུར་བྱེད་ན། འོག་ནས་

[Full Size]

འབྱུང་བ་ལྟར་རྫས་རྣམས་བསགས། དེ་ནས་ཡི་དམ་གང་བྱེད་ཀྱང་གཞུང་ལྟར་ཚོགས་བསྐང་ཚར་བར་བྱ། དེ་ནས་ཡི་དམ་ལྷའི་ང་རྒྱལ་དང་ལྡན་པས། གྲི་མདོས་བསྐྱེད་ཆོག་ནི༔ ཨོཾ་སྭ་བྷཱ་ཝ་སོགས། མདོས་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་འབྱུང་བ་རིམ་བརྩེགས་ཀྱི་དབུས་སུ་གྲི་བདུད་ནག་པོ་ཁྲག་འབེབ་ལ། འཁོར་འབྱུང་བ་ལྔའི་གྲི་བདུད། དེ་རྒྱབ་སྤར་ཁ་བརྒྱད་ཀྱི་གྲི་བདུད། དེ་རྒྱབ་ལོ་སྐོར་བཅུ་གཉིས་ཀྱི་གྲི་བདུད། དེ་རྒྱབ་གྲི་བོ་མིང་སྲིང་བཅོ་བརྒྱད་ལ་སོགས་པ་རྣམས་ཀྱི་ཕྱག་ན་མཚོན་ཆ་སྣ་ཚོགས་བསྣམས་པས་སྦྱིན་བདག་གི་བར་ཆད་བསལ་ནས་གྲི་ཁ་མཚོན་ཁ་མདའ་གྲི་

[Full Size]

མདུང་གྲི་རྦབ་གྲི་གཡང་གྲི་གཏིབ་གྲི་འགགས་གྲི་གྲི་ངོ་ཁྲག་ངོ་རྨ་ངོ་ལ་སོགས་གྲི་ཁ་མཚོན་ཁ་བཟློག་པའི་ནུས་པ་དང་ལྡན་པར་གྱུར། ཡི་དམ་གང་བྱེད་ཀྱི་བདེན་སྟོབས་བརྗོད་པ་ནི། ན་མོ། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། གསང་སྔགས་དང་། རིག་སྔགས་དང་། སོགས་ཚང་བར་བརྗོད། སྦྱིན་པའི་བདག་པོ་ལ་གནོད་པར་བྱེད་པའི་གསོན་བདུད་གཤིན་ལྕགས་གྲི་རིགས་སུམ་བརྒྱ་དྲུག་ཅུའི་ཚོགས་དང་བཅས་པ་མདོས་འདི་ལ་ཁུག་ཅིག །ལན་གསུམ་བརྗོད། མདོས་སྔགས་དྲུག་ཕྱག་དྲུག་གིས་བྱིན་གྱིས་བརླབ་པ་ནི། ཨོཾ་བཛྲ་ཡཀྵ་ཧཱུྃ། ཨོཾ་བཛྲ་ཛྭ་ལ་ཨ་ན་ལ་ཧ་ན་དྷ་ཧ་པ་ཙ་བྷནྡྷ་ར་ཎི་ཧཱུྃ། ཨོཾ་སྭ་བྷཱ་ཝ་སོགས། ན་མསརྦ་ཏ་ཐཱ་ག་ཏ་བྷྱོ་སོགས། ཨོཾ་བཛྲ་ཨ་མི་ཏ་སོགས། ཨོཾ་ཨ་ཀཱ་རོ་སོགས། ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་སོགས། ཨོཾ་ན་མས་མན་སོགས། གྲི་ཡས་དང་མདོས་ཡས་ཀྱི་དངོས་པོ་གཟུགས་སྡུག་པ་སྒྲ་སྙན་པ་དྲི་ཞིམ་པ་རོ་མངར་བ་རེག་བྱ་འཇམ་པ་འདོད་དགུ་ཡོན་ཏན་ཕུན་སུམ་ཚོགས་པ་ནམ་མཁའི་ཁམས་གང་བ་ཇི་སྲིད་འཁོར་བ་མ་སྟོང་གི་བར་དུ་ཆག་ཆེ་བ་ཉམ་ང་བ་གྲི་ངོ་ཁྲག་ངོ་སྦས་ངོ་

[Full Size]

མཚོན་ཁ་དགྲ་ལ་བསྒྱུར་བའི་ནུས་པ་དང་ལྡན་པ་གྱུར། ཨོཾ་ཨཱཿཧཱུྃ། ལན་གསུམ་བརྗོད། ཀྱཻ། དེ་རིང་སྲིད་པའི་གནམ་གང་ལ། །གྲི་བྲུབ་བྱེད་པ་ཇི་ལྟར་སྲིད། །སྔོན་གྱི་བསྐལ་པ་དང་པོ་ལ། །གནམ་ལྕགས་མགར་བ་ཐོག་མེད་དང་། །ས་ཡི་རྒན་མོ་ཅང་སྲིད་ཅན། །དེ་གཉིས་རྫུ་འཕྲུལ་བསྡེབ་པ་ལས། །དེ་ལ་བུ་ནི་དགུ་རུ་བྱུང། །གཅིག་ནི་གྲི་གྲིའི་གྲི་རུ་བསད། །གཅིག་ནི་མདའ་གྲིའི་གྲི་རུ་བསད། །གཅིག་ནི་རླུག་གྲིའི་གྲི་རུ་བསད། །གཅིག་ནི་མདུང་གྲིའི་གྲི་རུ་བསད། །གཅིག་ནི་འབྲོང་གྲིའི་གྲི་རུ་བསད། །གཅིག་ནི་རྟ་གྲིའི་གྲི་རུ་བསད། །གཅིག་ནི་འགགས་གྲིའི་གྲི་རུ་བསད། །གཅིག་ནི་གཏིབ་གྲིའི་གྲི་རུ་བསད། །གཅིག་ནི་མེ་གྲིའི་གྲི་རུ་བསད། །མདའ་གྲི་ལྟོང་དམར་དེ་དང་གཅིག །གྲི་གྲི་ཡུ་དམར་དེ་དང་གཉིས། །མདུང་གྲི་སྦུབ་དམར་དེ་དང་གསུམ། །འབྲོང་གྲི་རུ་དམར་དེ་དང་བཞི། །རྟ་གྲི་རྔོག་དམར་དེ་དང་ལྔ། །གཏིབ་གྲི་མགོ་སྐྱ་དེ་དང་དྲུག །འགགས་གྲི་ཐག་ཤལ་དེ་དང་བདུན། །མེ་གྲི་གསུར་གཞོབ་དེ་དང་བརྒྱད། །ཆུ་གྲི་འདར་ཤང་དེ་དང་དགུ། །དེ་ལྟར་གྲི་བོ་སྤྱན་དགུ་བྱུང་། །

[Full Size]

སྔོན་ཡེ་དང་ངོམ་གཉིས་འཁྲུག་པ་ལས། །ཡེ་ལ་གྲི་བོའི་གནོད་པ་གནས། །ངོམ་གྱིས་ཡེ་ཡི་མི་རྣམས་བསད། །དམག་རྣམས་དེ་ནི་བསྡུས་བསྡུས་ནས། །མཚོན་རྣམས་དེ་ནི་བརྡར་བརྡར་ནས། །གཡུལ་རྣམས་དེ་ནི་འགྱེལ་འགྱེལ་ནས། །མི་དང་རྟ་གཉིས་བསད་བསད་ནས། །ཀྲི་བོས་དེ་ལྟར་བསད་བསད་ནས། །གྲི་ཁྲག་དེ་ནི་མཚོ་ལྟར་འཁྱིལ། །སྔོན་གྱི་བོའི་གནོད་པ་དེ་ལྟར་བྱས། །ཀྱཻ། སྲིད་པ་ཡེ་སྨོན་རྒྱལ་པོ་དེས། །ཀོང་ཙེ་རྒྱལ་པོ་སྤྱན་དྲངས་ནས། །གཙུག་ལག་འཕྲུལ་གྱི་རྩིས་བྱས་ནས། །གྲི་བོ་སྤུན་དགུ་གདོན་དུ་བཟུང་། །ཡས་སྟགས་ཆོ་དགུས་གྲི་བོ་བཀར། །དེ་རིང་གྲི་བོ་བཀར་བར་བྱེད། །གྲི་བོ་བཀར་བའི་ཡས་སྟགས་ལ། །ཤ་རུ་དེ་ནི་སྐྱ་བོ་དང་། །ཕོ་རོག་དེ་ནི་ནག་པོ་དང། །ཕག་མོ་དེ་ནི་རོག་མོ་དང་། །སྤྱང་ཀི་དེ་ནི་སྔོན་པོ་དང་། །ཁྲག་ལོང་དེ་ནི་དམར་པོ་དང་། །སྐྱེར་ཐུར་དེ་ནི་དམར་པོ་དང་། །གཡག་ནག་རོག་པོའི་རྭ་ཅོ་དང་། །རྟ་སུག་རྟ་རྨིག་གོར་མོ་དང་། །བྲག་ནག་གི་ནི་རྡོ་བ་དང་། སྤྱད་ཐག་དྲུ་བུ་དམར་ནག་དང་། །སྐྱེར་པའི་མདུང་མོ་རྩེ་རྣོ་དང་། །གྲི་བོ་ཡས་སྟགས་རྣམས་ཀྱིས་བཀར། །སྤུ་

[Full Size]

གྲི་དེ་ནི་རྣོན་པོ་ཡིས། །གྲི་གྲི་ཡུ་དམར་གནོད་པ་བཀར། །གྲི་གྲི་ཡུ་དམར་དགྲ་ལ་ཟློག །སྐྱེར་པའི་ཐུར་མ་དམར་པོ་ཡིས། །མདའ་གྲི་ལྟོང་དམར་གནོད་པ་བཀར། །མདའ་གྲི་ལྟོང་དམར་དགྲ་ལ་ཟློག །སྐྱེར་པའི་མདུང་མོ་རྩེ་རྣོན་གྱིས། །མདུང་གྲི་སྦུབ་དམར་གནོད་པ་བཀར། །མདུང་གྲི་སྦུབ་དམར་དགྲ་ལ་ཟློག །གཡག་ནག་རོག་པོའི་རྭ་ཅོ་ཡིས། །འབྲོང་གྲི་རུ་དམར་གནོད་པ་བཀར། །འབྲོང་གྲི་རུ་དམར་དགྲ་ལ་ཟློག །རྟ་སུག་རྟ་རྨིག་གོར་མོ་ཡིས། །རྟ་གྲི་རྔོག་དམར་གནོད་པ་ཟློག །རྟ་གྲི་རྔོག་དམར་དགྲ་ལ་ཟློག །བྲག་ནག་རྡོ་བ་བཞག་པ་འདིས། །ཟབ་གྲི་ཁྲག་རྐྱལ་གནོད་པ་ཟློག །རྦབ་གྲི་ཁྲག་རྐྱལ་དགྲ་ལ་ཟློག །བྱད་ཐག་གྲུ་བུ་དམར་ནག་འདིས། །འགགས་གྲི་ཐག་ཤལ་དགྲ་ལ་ཟློག །ཁྲག་ལོང་དམར་པོ་བཞག་པ་འདིས། །མེ་གྲི་ཆུ་གྲིའི་གནོད་པ་ཟློག །མེ་གྲི་ཆུ་གྲིའི་གནོད་བྱེད་ཟློག །ཡས་སྟགས་ཆོ་དགུའི་གྲི་བོ་བཀར། །ཀྱཻ། སྔོན་ཚེ་རྒྱལ་པོའི་གཏོ་བསགས་པས། །ཆག་དགུ་དེ་ནི་གྲུ་བཅུ་དང་། །གྲི་བོ་ཡས་སྟགས་ཆོ་དགུ་ཡིས། །གྲི་བོ་སྤུན་དགུ་མར་ལ་བཀར། །གྲི་བོ་སྤྱན་

[Full Size]

དགུ་དགྲ་ལ་སྒྱུར། །བདག་དང་རྒྱུ་སྦྱོར་ཡོན་བདག་ལ། །མདའ་གྲི་ལྟོང་དམར་མ་སྡོངས་ཤིག །མདའ་གྲི་ལྟོང་དམར་དགྲ་ལ་སྒྱུར། །བདག་དང་རྒྱུ་སྦྱོར་ཡོན་བདག་ལ། །མདུང་གྲི་སྦུབ་དམར་མ་སྡོངས་ཤིག །མདུང་གྲི་སྦུབ་དམར་དགྲ་ལ་ཟློག །བདག་དང་རྒྱུ་སྦྱོར་ཡོན་བདག་ལ། །ཆུ་གྲི་བདར་ཤང་མ་སྡོངས་ཤིག །ཆུ་གྲི་འདར་ཤང་དགྲ་ལ་ཟློག །བདག་དང་རྒྱུ་སྦྱོར་ཡོན་བདག་ལ། །རྦབ་གྲི་ཁྲག་རྒྱལ་མ་སྡོངས་ཤིག། རྦབ་གྲི་ཁྲག་རྐྱལ་དགྲ་ལ་ཟློག །བདག་དང་རྒྱུ་སྦྱོར་ཡོན་བདག་ལ། །འགགས་གྲི་ཐག་ཤལ་སྡོངས་ཤིག །འགགས་གྲི་ཐག་ཤལ་དགྲ་ལ་ཟློག །བདག་དང་རྒྱུ་སྦྱོར་ཡོན་བདག་ལ། །གཏིབ་གྲི་ཁ་ནག་མ་སྡོངས་ཤིག །གཏིབ་གྲི་ཁ་ནག་དགྲ་ལ་ཟློག །བདག་དང་རྒྱུ་སྦྱོར་ཡོན་བདག་ལ། །རྟ་གྲི་རྔོག་དམར་མ་སྡོངས་ཤིག །རྟ་གྲི་རྔོག་དམར་དགྲ་ལ་ཟློག །བདག་དང་རྒྱུ་སྦྱོར་ཡོན་བདག་ལ། །འབྲོང་གྲི་རུ་དམར་མ་སྡོངས་ཤིག །འབྲོང་གྲི་རུ་དམར་དགྲ་ལ་ཟློག །བདག་དང་རྒྱུ་སྦྱོར་ཡོན་བདག་ལ། །མེ་གྲི་ཆུ་གྲི་མ་སྡོངས་ཤིག །མེ་གྲི་ཆུ་གྲི་དགྲ་ལ་ཟློག །གྲི་ཡས་རྣམ་པ་སྣ་ཚོགས་ཀྱིས། །གྲི་བོ་སྤུན་

[Full Size]

དགུ་དེ་རིང་བཀར། །གྲི་བོ་སྤུན་དགུ་དགྲ་ལ་སྒྱུར། །ལྕེབ་གྲི་ཐག་ཤལ་དགྲ་ལ་སྒྱུར། །ཆུ་གྲི་འདར་ཤང་དགྲ་ལ་སྒྱུར། །རྣ་གྲི་རྒྱད་དམར་དགྲ་ལ་སྒྱུར། །རྟ་ནོར་ལུག་ལ་གནོད་པ་དང་། །མཁར་ཁང་ཞིང་ལ་གནོད་པ་དང་། །ཞིང་གི་བཙའ་སད་སེར་གསུམ་དགྲ་ལ་སྒྱུར། །དེ་ནས་ཤ་རུ་ལ་ཁྲག་གིས་ཁྲམ་བཏབ་འདི་སྐད་དོ། །ཀྱཻ། དེ་རིང་རྒྱུ་སྦྱོར་ཡོན་བདག་གི །སྤྱི་བོའི་གཙུག་གི་སྨྲས་ངོ་དེ། །ཤ་རུ་འདི་ལ་ཁྲམ་དུ་འདེབས། །སྐྱེ་དང་ལྟག་པའི་སྨས་ངོ་དེ། །ཤ་རུ་འདི་ལ་ཁྲམ་དུ་འདེབས། །ལག་པ་གཡས་གཡོན་སྨས་ངོ་དེ། །ཤ་རུ་འདི་ལ་ཁྲམ་དུ་འདེབས། །རྩིབ་ལོགས་གཡས་གཡོན་སྨྲས་ངོ་དེ། །ཤ་རུ་འདི་ལ་ཁྲམ་དུ་འདེབས། །བྲང་མདོ་སྔོན་རྒྱབ་སྨྲས་ངོ་དེ། །ཤ་རུ་འདི་ལ་ཁྲམ་དུ་འདེབས། །རྐང་པ་གཡས་གཡོན་སྨྲས་ངོ་དེ། །ཤ་རུ་འདི་ལ་ཁྲམ་དུ་འདེབས། །སྤྱི་གཙུག་མན་ཆད་སྨྲས་ངོ་དེ། །ཤ་རུ་འདི་ལ་ཁྲམ་དུ་འདེབས། །རྐང་མཐིལ་ཡན་ཆད་སྨས་ངོ་དེ། །ཤ་རུ་འདི་ལ་ཁྲམ་དུ་འདེབས། །ན་ངོ་ཐམས་ཅད་ཁྲམ་དུ་འདེབས། །ཤི་ངོ་ཐམས་ཅད་ཁྲམ་དུ་འདེབས། །དུར་ངོ་ཐམས་ཅད་ཁྲམ་དུ་འདེབས། །སྨས་ངོ་

[Full Size]

ཐམས་ཅད་ཁྲམ་དུ་འདེབས། །ཡག་གོ་ཡག་གོ་ལྷ་རྒྱལ་ལོ། །ཡག་གོ་ཡག་གོ་གཏོ་ཡག་གོ། ༈ །ཀོང་ཙེ་འཕྲུལ་གྱི་རྒྱལ་པོ་ལ་ཕྱག་འཚལ་ལོ། །གྲི་ཁ་མཚོན་བསྒྱུར་བྱེད་པར་འདོད་ན། རྩི་དུག་ཤིང་དུག་གིས་ངར་མི་ལ་ཁྲག་ལོང་བཀར། ལུས་དྲུད་ཁོང་དུ་སྦས། དེའི་རྩ་བར་གྲི་ཕ་ནག་པོ། གྲི་བྱ་ཕོ་རོག །སྤྲེའུ། སྦྲུལ། ཤྭ་བ། མདའ་ཆག །མདུང་ཆག །གཞུ་ཆག་སོགས་ཆག །ཡས་རྣམས་བསོགས། རང་མདུན་ནམ་གང་བདེར། སྐྱེར་པའི་ཆུང་དགུ། གྲི་དགུ། མདའ་དགུ། གཞུ་དགུ་རྣམས་བཞག་ལ་ཚིག་དང་བསྟུན་ནས་ངར་མི་ལ་བཙུགས། དེ་ནས་གོང་ལྟར་བཏང་རྗེས་ཡོན་བདག་གི་དཔུང་པར་ཁྲག་གི་ཁྲམ་ལོ་གྲངས་བྲིས་ལ་འདི་སྐད་དོ། །ཀྱཻ། སྨྲས་ངོ་བསྒྱུར་བ་གལ་སྲིད་ན། །སྲིད་པའི་ལྷ་མོ་དཀར་པོ་ལ། །འདྲེ་མི་ནག་པོ་སྨས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །སྲིད་པའི་མི་བུ་རིན་ཆེན་ལ། །བདུད་མི་ནག་པོས་སྨྲས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །སྲིད་པའི་ལྷ་རྟ་དཀར་པོ་ལ། །འདྲེ་རྟ་ཁམ་པས་སྨོས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་

[Full Size]

སྒྱུར། །སྲིད་པའི་དུང་ཁྱུང་དཀར་པོ་ལ། །ས་ཁྲ་ནག་པོས་སྨྲས་བསྒྱུར་བྱས། །དེ་ཡི་སྨས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །སྲིད་པའི་ལྷ་ལུག་དཀར་པོ་ལ། །སྤྱང་ཀི་སྔོན་པོས་སྨྲས་བསྒྱུར་བྱས། །དེ་ཡི་སྨས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །སྲིད་པའི་ར་ཡི་ཚེ་དེ་ལ། །འཕར་བ་དམར་པོས་སྨྲས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །སྲིད་པའི་ལྷ་གཡག་དཀར་པོ་ལ། །འདྲེ་མི་ནག་པོས་སྨྲས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །སྲིད་པའི་གཉན་རྒན་དེ་བ་ལ། །ཞལ་བུ་ཁྱི་ཡིས་སྨས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །སྲིད་པའི་བྱ་ཁྱུང་དཀར་པོ་ལ། །འདྲེ་བྱ་སྲེག་པས་སྨྲས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །རླུ་བྱ་དེ་ནི་ཕུག་རོན་ལ། རྒྱ་ཁྲ་ཧོར་

[Full Size]

པས་སྨས་བསྒྱུར་བྱས། །དེ་ཡི་སྨྲས་ངོ་འདུག་པ་དེ། །དུག་མི་ནག་པོ་འདི་ལ་སྒྱུར། །རྩྭ་མི་སྐྱ་བོ་འདི་ལ་སྒྱུར། །ཀྱཻ། སྔོན་དུས་དེ་ལྟར་བསྒྱུར་བ་ལྟར། །བདག་དང་རྒྱུ་སྦྱོར་ཡོན་བདག་ལ། །རི་རབ་རི་ཡི་རྩེ་མོ་ནས། །གྲི་ངོ་སྨས་ངོ་སྣང་ཟེར་རྣམས། །ངར་མི་ནག་པོ་འདི་ལ་སྒྱུར། །ལུང་གསུམ་ལུང་གི་ཐང་མཐའ་ནས། །གྲི་ངོ་སྨས་ངོ་སྣང་ཟེར་རྣམས། །ངར་མི་ནག་པོ་ཁྱོད་ལ་སྒྱུར། །མགོ་ཡི་སྨས་ངོ་དེ་རིང་སྒྱུར། །ལུས་ཀྱི་སྨྲས་ངོ་དེ་རིང་སྒྱུར། །ཡན་ལག་སྨས་ངོ་དེ་རིང་སྒྱུར། །རྐང་ལོང་སྨྲས་ངོ་དེ་རིང་སྒྱུར། །གྲི་ཕག་ནག་པོའི་ཐོད་པ་འདིས། །གྲི་ཁ་མཚོན་དང་ཡས་ཀྱིས་བསྒྱུར། །གྲི་བྱ་ནག་ཆུང་ཐོད་པ་འདིས། །གྲི་ཁ་ནག་པོ་མཚོན་གྱིས་སྒྱུར། །སྤྲེའུ་ཅོ་ཟད་ཐོད་པ་འདིས། །གྲི་ཁ་ནག་པོ་མཚོན་གྱིས་སྒྱུར། །ཆུ་སྦྲུལ་ནག་པོའི་ཐོད་པ་འདིས། །གྲི་ཁ་ནག་པོ་མཚོན་གྱིས་སྒྱུར། །བང་མགྱོགས་ཤྭ་བའི་ཐོད་པ་འདིས། །གྲི་ཁ་ནག་པོ་མཚོན་གྱིས་སྒྱུར། །སྟག་སྤྲེལ་གཉིས་ཀྱི་བདུན་ཟུར་དེ། །གྲི་ཁ་མཚོན་དང་ཡས་ཀྱིས་སྒྱུར། །བྱ་ཡོས་གཉིས་ཀྱི་བྱེ་བྲལ་དེ། །གྲི་ཁ་མཚོན་དང་ཡས་ཀྱིས་སྒྱུར། །ཁྱི་འབྲུག་

[Full Size]

གཉིས་ཀྱི་ཐོག་རྫིས་དེ། །གྲི་ཁ་ནག་པོ་མཚོན་གྱིས་སྒྱུར། །ཕག་སྦྲུལ་གཉིས་ཀྱི་དགྲ་གཤེད་དེ། །གྲི་ཁ་མཚོན་དང་ཡས་ཀྱིས་སྒྱུར། །བྱི་རྟ་གཉིས་ཀྱི་རུ་གཅོད་དེ། །གྲི་ཁ་མཚོན་དང་ཡས་ཀྱིས་སྒྱུར། །གླང་ལུག་གཉིས་ཀྱི་ཕུང་གྱོད་དེ། །གྲི་ཁ་མཚོན་དང་ཡས་ཀྱིས་སྒྱུར། །ལྟས་ངན་བརྒྱད་ཅུ་རྩ་གཅིག་སྒྱུར། །ཡས་འདྲོགས་སུམ་བརྒྱ་དྲུག་ཅུ་སྒྱུར། །སྨས་ངོ་གྲི་ངོ་དེ་རིང་སྒྱུར། །གྲི་ངོ་ཁྲག་ངོ་དེ་རིང་སྒྱུར། །སྤར་ཁམས་དགྲ་བྱེད་དེ་རིང་སྒྱུར། །མོ་ངན་སོག་སྡིག་དེ་རིང་སྒྱུར། །རྨི་ལམ་སོག་སྡིག་དེ་རིང་སྒྱུར། །སྡེ་བརྒྱད་ཆོ་འཕྲུལ་དེ་རིང་སྒྱུར། །ཡག་གོ་ཡག་གོ་གཏོ་ཡག་གོ །དེ་ནས་རྩང་དགུ་རྣམས་ངར་མི་ལ་བཙུགས་ལ་འདི་སྐད་དོ། །ཀྱི། བདག་དང་རྒྱུ་སྦྱོར་ཡོན་བདག་ལ། །བྱི་རྟ་གཉིས་ཀྱི་རུ་གཅོད་དེ། །ངར་མི་ནག་པོ་ཁྱོད་ལ་སྤོ། །གླང་ལུག་གཉིས་ཀྱི་ཕུང་གྱོད་དེ། །ངར་མི་ནག་པོ་ཁྱོད་ལ་སྤོ། །སྟག་སྤྲེལ་གཉིས་ཀྱི་བདུན་ཟུར་དེ། །ངར་མི་ནག་པོ་ཁྱོད་ལ་སྤྲོ། །བྱ་ཡོས་གཉིས་ཀྱི་བྱེ་བྲལ་དེ། །ངར་མི་ནག་པོ་ཁྱོད་ལ་སྤོ། །ཁྱི་འབྲུག་གཉིས་ཀྱི་གནམ་སྒོ་དེ། །ངར་མི་ནག་པོ་ཁྱོད་ལ་སྤོ། །ཕག་སྦྲུལ་གཉིས་

[Full Size]

ཀྱི་ས་སྒོ་དེ། །ངར་མི་ནག་པོ་ཁྱོད་ལ་སྤྲོ། །དེ་ནས་གྲི་དགུ་རྣམས་བཙུགས་ལ་འདི་སྐད་དོ། །ཀྱཻ། བདག་དང་རྒྱུ་སྦྱོར་ཡོན་བདག་ལ། །བྱི་བ་ལོ་པའི་ལོ་སྐག་དེ། །ངར་མི་ནག་པོ་ཁྱོད་ལ་སྤོ། །གླང་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤྲོ། །སྟག་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤྲོ། །ཡོས་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤོ། །འབྲུག་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤོ། །སྦྲུལ་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤྲོ། །རྟ་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤོ། །ལུག་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤྲོ། །སྤྲེལ་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤྲོ། །བྱ་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤོ། །ཁྱི་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤྲོ། །ཕག་ལོ་པ་ཡི་ལོ་སྐག་དེ། །ངར་མི་ནག་པོ་ཁྱོད་ལ་སྤྲོ། །དེ་ནས་མདའ་གཞུ་རྣམས་བཙུགས་ལ་འདི་སྐད་དོ། །ཀྱཻ། བདག་དང་རྒྱུ་སྦྱོར་ཡོན་བདག་འཁོར་དང་བཅས། །གཅིག་དཀར་རྒྱལ་པོའི་ཆད་པ་དེ། །ངར་མི་ནག་པོ་ཁྱོད་ལ་སྤོ། །གཉིས་ནག་བདུད་ཀྱི་ཆད་པ་དེ། །ངར་མི་ནག་པོ་ཁྱོད་

[Full Size]

ལ་སྤོ། །གསུམ་མཐིང་དམུ་ཡི་ཆད་པ་དེ། །ངར་མི་ནག་པོ་ཁྱོད་ལ་སྤོ། །བཞི་ལྗང་ཀླུ་ཡི་ཆད་པ་དེ། །ངར་མི་ནག་པོ་ཁྱོད་ལ་སྤོ། །ལྔ་སེར་གཉན་གྱི་ཆད་པ་དེ། །ངར་མི་ནག་པོ་ཁྱོད་ལ་སྤོ། །དྲུག་དཀར་མ་མོའི་ཆད་པ་དེ། །ངར་མི་ནག་པོ་ཁྱོད་ལ་སྤྲོ། །བདུན་དམར་བཙན་གྱི་ཆད་པ་དེ། །ངར་མི་ནག་པོ་ཁྱོད་ལ་སྤྲོ། །བརྒྱད་དཀར་ལྷ་ཡི་ཆད་པ་དེ། །ངར་མི་ནག་པོ་ཁྱོད་ལ་སྤོ། །དགུ་དམར་ཐེའུ་རང་ཆད་པ་དེ། །ངར་མི་ནག་པོ་ཁྱོད་ལ་སྤོ། །དགུ་དགུ་བརྒྱད་ཅུ་གྱ་གཅིག་དེ། །ངར་མི་ནག་པོ་ཁྱོད་ལ་སྤོ། །བདག་དང་རྒྱུ་སྦྱོར་ཡོན་བདག་ལ། །ལོ་ཡི་རྒྱལ་པོའི་སྐག་ཟློག་ཅིག །ཟླ་བ་བློན་པོའི་བཀའ་ཆད་ཟློག །ཞག་གི་དམག་མིའི་ཆད་པ་ཟློག །དུས་ཚོད་མཚོན་ཆའི་ཆད་པ་ཟློག །སྐག་རིགས་སུམ་བརྒྱ་དྲུག་ཅུ་དེ། །ངར་མི་ནག་པོ་ཁྱོད་ལ་སྤྲོ། །ཉིན་གྱི་ལྟས་ངན་ཐམས་ཅད་ཀྱང་། །ངར་མི་ནག་པོ་ཁྱོད་ལ་སྤྲོ། །མཚན་གྱི་རྨི་ལམ་ངན་པ་ཡང་། །ངར་མི་ནག་པོ་ཁྱོད་ལ་སྤྲོ། །དུས་ཚོད་མཚོན་ཆ་ངན་པ་དེ། །ངར་མི་ནག་པོ་ཁྱོད་ལ་སྤོ། །གྲི་ཁ་མཚོན་ཁ་ངན་པ་དེ། །ངར་མི་ནག་པོ་ཁྱོད་ཀྱིས་

[Full Size]

སྒྱུར། །བཟློག་ཅིག་བསྒྱུར་ཅིག་ས་མ་ཡ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་ཡོན་བདག་གི་དཔུང་པ་ངར་མའི་ཐོག་ཏུ་ཁྲུས་བྱས་ལ། དེ་ནས་གང་བྱེད་ཀྱང་མདོས་ཁ་ཕྱིར་བསྒྱུར་ལ། ཡོས་བཀྲ་དང་ཆག་ཡས་ཤ་ཁྲག་རྣམས་རྫོངས་སུ་འདེབས་ལ། དེ་ནས་འདི་སྐད་དོ། །ཀྱཻ། བདག་དང་རྒྱུ་སྦྱོར་ཡོན་བདག་གི །དེ་རིང་གཏོ་དང་དཔྱད་ལེགས་སོ། །གྲི་བོ་སྤུན་དགུ་ཐམས་ཅད་ལ། །ཁྱོད་ལ་ཡས་འབུལ་རྫོངས་འདེབས་སོ། །གྲི་བོ་རྣམས་ལ་རྫོ་ངས་འདེབས་སོ། །ཤ་རུ་སྐྱ་བོས་རྫོངས་འདེབས་སོ། །ཕོ་རོག་ནག་པོས་རྫོངས་འདེབས་སོ། །ཕག་མོ་རོག་མོས་་ངས་འདེབས་སོ། །སྤྱང་ཀུ་སྔོན་མོས་རྫོངས་འདེབས་སོ། །ཁྲག་ལོང་དམར་པོས་རྫོངས་འདེབས་སོ། །སྐྱེར་ཐུར་དམར་པོའི་ལྗོངས་འདེབས་སོ། །སྐྱེར་པའི་མདུང་མོས་རྫོངས་འདེབས་སོ། །གཡག་ནག་རྭ་ཅོས་རྫོངས་འདེབས་སོ། །རྟ་རྨིག་གོར་མོས་རྫོངས་འདེབས་སོ། །གྲི་གྲི་ཁྱོད་ལ་རྫོངས་སུ་འདེབས། །མདའ་གྲི་ཁྱོད་ལ་རྫོངས་སུ་འདེབས། །མདུང་གྲི་ཁྱོད་ལ་རྫོངས་སུ་འདེབས། །རྟ་གྲི་ཁྱོད་ལ་རྫོངས་སུ་འདེབས། །གཏིབ་གྲི་ཁྱོད་ལ་རྫོངས་སུ་འདེབས། །མེ་གྲི་ཁྱོད་ལ་རྫོངས་སུ་འདེབས། །

[Full Size]

ཆུ་གྲི་ཁྱོད་ལ་རྫོངས་སུ་འདེབས། །འགགས་གྲི་ཁྱོད་ལ་རྫོངས་སུ་འདེབས། །ཟབ་གྲི་ཁྱོད་ལ་རྫོངས་སུ་འདེབས། །རུ་གྲི་ཁྱོད་ལ་རྫོངས་སུ་འདེབས། །གནམ་གྲི་ཁྱོད་ལ་རྫོངས་སུ་འདེབས། །རྡོ་གྲི་ཁྱོད་ལ་རྫོངས་སུ་འདེབས། །ཡས་སྟགས་གཏོར་གླུད་འདི་ལོངས་ལ། །སོ་སོ་རང་རང་གནས་སུ་སོང་། །ཞེས་རྫོངས་འདེབས་སོ། །དེ་ནས་གྲི་བོའི་ལམ་བསྟན་པ་ནི། ཀྱཻ། གྲི་བོ་སྤྱན་དགུ་འཁོར་བཅས་རྣམས། །འགྲོ་བའི་དེ་ནི་ལམ་བསྟན་པ། །བྱུང་ཕྱོགས་གེ་སར་ཡུལ་ཞེས་ན། །དམག་རྣམས་ཐམས་ཅད་བསྡུས་བསྡུས་ནས། །གཡུལ་རྣམས་ཐམས་ཅད་འགྱེད་འགྱེད་ནས། །མི་དང་རྟ་རྣམས་བསད་བསད་ནས། །ཤ་དང་ཁྲག་རྣམས་མེ་རེ་རེ། །གྲི་ཁྱི་མདུར་དང་ཟུ་ལུ་ལུ། །གྲི་ཕག་དུར་དང་ཏི་རི་རི། །གྲི་བྱ་གཤོག་སྒྲ་འུ་རུ་རུ། །བྱ་ནག་མང་པོས་ཤ་ལ་ཟ། །གཅན་སྤྱང་མང་པོས་ཁྲག་ལ་འཐུང་། །གྲི་བོའི་ལམ་བསྟན་དེ་རུ་བསྟན། །ཟ་བའི་སྐལ་པ་དེ་ན་ཡོད། །འཐུང་བའི་སྐལ་པ་དེ་ན་ཡོད། །ཡུལ་གྱི་སྐལ་པ་དེ་ན་ཡོད། །ཉིན་ཤིང་དེ་ནི་ཤ་ལ་ཟ། །མཚན་ཤིང་དེ་ནི་ཁྲག་ལ་འཐུང་། །གྲི་བོའི་ཟ་སྐལ་དེ་རུ་ཡོད། །གྲི་

[Full Size]

བོའི་ལམ་བསྟན་དེ་རུ་བསྟན། །གྲི་བོའི་སྣ་ཡང་དེ་རུ་བསྟན། །གྲི་བོའི་ཟ་སྐལ་དེ་རུ་བསྟན། །གྲི་བོའི་གྲི་བཙན་དེ་རུ་བསྟན། །གནས་འདིར་མ་ཆགས་དེ་རུ་བསྟན། །ཆུ་གྲི་དུར་ན་འདར་ཤང་ཁྱོད། །ཆུ་གསུམ་དེ་ཡི་གཞུང་ལ་སོང་། །རྦ་རླབས་མང་པོ་འགྲིམ་ཞིང་སོང་། །ཉ་སྲམ་རྣམས་ཀྱི་རྩེ་རོགས་གྱིས། །རྒྱ་མཚོ་ཡངས་ཆེན་གཏན་གྱི་གནས། །གནས་འདིར་མ་ཆགས་དེར་སོང་ཞིག །གྲི་བོའི་ལམ་བསྟན་དེ་རུ་བསྟན། །རྟ་གྲི་དེ་ནི་རྒ་བཤལ་ཁྱོད། །གྲུ་གུ་ཡུལ་དུ་ད་སོང་ཞིག །རྟ་རྒྱུག་དེ་ནི་སྲིངས་སེ་སྲིང་། །སྒ་སྲབ་མང་པོ་སི་ལི་ལི། །འཚེར་སྐད་མང་པོ་ལྷངས་སེ་ལྷང་། །གྲི་བོའི་ལམ་བསྟན་དེ་རུ་བསྟན། །གྲི་ཁྱི་དེ་ནི་ལྷོ་དམར་ཁྱོད། །འཇང་གི་དེ་ནི་ཡུལ་དུ་སོང་། །ཁྱི་སྐད་མང་པོ་པའི་ལྷངས་སེ་ལྷང་། །ངུ་ཟུག་མང་པོ་ཏི་རི་རི། །གྲི་བོའི་ལམ་བསྟན་དེ་རུ་བསྟན། །གནས་འདིར་མ་འདུག་དེར་སོང་ཞིག །འབྲོང་གཡག་དེ་ནི་མང་པོ་རྣམས། །ངར་སྐད་དེ་ནི་ལྷུབས་སེ་ལྷུབ། །རུ་ཐུར་དེ་ནི་ཤིགས་སེ་ཤིག །གྲི་བོའི་ལམ་བསྟན་དེ་རུ་བསྟན། །འབྲོང་གྲི་རུ་དམར་དེ་རུ་སོང་། །རྣ་གྲི་དེ་ནི་ཁྲག་རྐྱལ་ཁྱོད། །བྲག་དམར་དེ་ནི་ངོས་ལ་

[Full Size]

སོང་། །རྒོད་གླག་མང་པོ་ཀྱི་ལི་ལི། །འཕུར་མཁན་དེ་ནི་འཁྲུངས་སེ་འཁྲུང་། །གཤོག་སྒྲ་མང་པོ་ཀྱུ་རུ་རུ། །ཟབ་གྲི་ཁྲག་རྐྱལ་ད་སོང་ཞིག །གནས། འདིར་མ་འདུག་གཞན་དུ་སོང་། །གཏིབ་གྲི་ཁ་ནག་ཁྱོད་སོང་ཞིག །ཁང་རལ་དེ་ནི་ཞིག་པོ་དང་། །ཕྱི་ཁུང་རྙིང་པའི་ནང་དུ་སོང་། །དེ་ལ་གནས་དང་རྟེན་ཆོས་ཤིག །འཁོར་འདིར་གནོད་པ་མ་བྱེད་ཅིག །ཡས་སྟགས་དེ་ནི་ཆོ་དགུ་ཡིས། །གྲི་བོ་སྤྱན་དགུ་བཀར་བར་བྱེད། །ཕྱིན་ཆད་གནོད་པ་མ་བྱེད་ཅིག །ཅེས་ལམ་བསྟན། དེ་ནས་བདེན་སྟོབས་ནི། ཀྱཻ། དེ་རིང་རྒྱུ་སྦྱོར་ཡོན་བདག་ལ། །གྲི་བོས་གནོད་པ་མ་བྱེད་ཅིག །སོ་སོ་རང་རང་གནས་སུ་སོང་། །གལ་ཏེ་མི་འགྲོ་འདུག་གྱུར་ན། །ཡི་དམ་རྩ་གསུམ་བྱིན་རླབས་དང་། །ལྷ་དང་སྲུང་མའི་མཐུ་སྟོབས་དང་། །ཀོང་ཙེ་རྒྱལ་པོའི་བདེན་པ་དང་། །བདེན་པའི་སྟོབས་ཀྱི་ནུས་མཐུ་ཡིས། །བདག་ཅག་འཁོར་དང་བཅས་པ་ཡི། །ལུས་བུར་གཏོང་བར་བྱེད། །སྡུག་བསྔལ་མྱང་བར་གདོན་མི་ཟ། །དེ་བས་རང་རང་གནས་སུ་སོང་། །གནས་འདིར་མ་འདུག་ད་སོང་ཞིག །འཁོར་འདིར་གནོད་པ་མ་བྱེད་

[Full Size]

ཅིག །ཅེས་ཕུད་དོ། །དེ་ནས་བྲུབ་པ་ནི། ཀྱཻ། རྒྱུ་སྦྱོར་ཡོན་གྱི་བདག་པོ་ཡི། །ཕོ་འདྲེ་དེ་ནི་གྲི་བོ་བྲུབ། །མོ་འདྲེ་དེ་ནི་གྲི་མོ་བྲུབ། །མི་རབས་ཀྱིས་ནི་དར་སྲི་བྲུབ། །བུ་ཚ་ཡི་ནི་ཆུང་སྲི་བྲུབ། །རྟ་ནོར་ཡིས་ནི་གོད་སྲི་བྲུབ། །འགོང་པོ་སྤུན་དགུའི་གནོད་པ་བྲུབ། །ཕྱོགས་བཞི་མཚམས་བརྒྱད་སྟེང་འོག་ནས། །གཟུགས་ཅན་མི་ཡི་དགྲ་བོ་བྲུབ། །གཟུགས་མེད་ལྷ་འདྲེའི་དགྲ་བོ་བྲུབ། །འཁོར་འདིར་གནོད་པ་མ་བྱེད་ཅིག །བཅོལ་བའི་ཕྲིན་ལས་འགྲུབ་པར་མཛོད། །ཅེས་བརྗོད་ཅིང་ཡུངས་ཀར་རམ་མེད་ན་ནས་ལྕག་བྲབ་ནད་པའི་དོན་ཡིན་སྨྱོན་ལོ་བདུད་འདྲེ་ལྔ་བདུད་གཅོད་གནས་ཕྱོགས་སུ་ཕུལ། གཞན་ཡིན་ན་ཡས་ལམ་གཙང་ཕྱོགས་སུ་ཕུལ། ཕྱི་མིག་མི་ལྟ་བར་ལོག །ཅེས་བཀའ་བསྒོའོ། །དེ་ནས་ཡི་དམ་གང་ཡིན་གྱི་སྲུང་འཁོར་བསྒོམ། རྗེས་ཆོག་གཞུང་ལྟར་བྱའོ། །ཀྱེ་མ་སྦྱིན་བདག་ཕལ་ཆེར་བསོད་རེ་ཟད། །མི་རུང་བསམ་ངན་སྣ་ཚོགས་བྱེད། །དེ་ཡིས་ཡུལ་ལྷ་སྡེ་བརྒྱད་ཐམས་ཅད་འཁྲུགས། །ཕ་བུ་སྤུན་ཟླ་རྡོ་བྱེད་སྲོག་ངན་འཇོམ། །དེ་དག་རྣམས་ཀྱང་གྲི་བོའི་གནོད་པ་ཡིན། །སྤར་ཁ་དྭ་ལ་རྩུབ་པའི་སྤར་ཁའི་བཅོས། །ཁྱད་པར་སྟག་ཡོས་དྭ་ལ་ཕྱིན་དུས་མཆོག །མོ་རྩིས་གཞུང་ཆེན་ཀུན་ནས་ལུང་སྟོན་པས། །ཇི་བཞིན་ཤེས་པ་ཉིན་མོའི་སྐར་མ་ཙམ། །སྔར་གྱི་ཆོས་དཔེ་རྒྱུད་རྙིང་འགའ་མཆིས་

[Full Size]

ཀྱང་། །ཆ་ལག་མ་ཚང་བཅའ་ཐབས་ཕྱག་ལེན་འཁྲུལ། །དེ་ཕྱིར་སྔགས་པ་གསར་བུ་མང་པོ་ལ། །ཕན་ཕྱིར་ཀོང་ཙེ་འཕྲུལ་གྱི་རྒྱལ་པོ་ཡིས། །མཛད་པའི་གྲི་བྲུབ་དེ་ལ་གཞི་བྱས་ནས། །གཞན་རྣམས་མགོན་པོའི་ནང་ནས་ཁ་བཀང་སྟེ། །སྔགས་འཆང་རཱ་ག་ཨ་སྱས་བསྒྲིགས་པ་ལ། །ཉེ་གནས་པདྨ་ཀུན་དགས་ཡི་གེར་བཀོད། །ཉེས་འགལ་མཆིས་ན་རྩ་གསུམ་ལྷ་ལ་བཤགས། །དགེ་བས་གཞན་ཕན་རྒྱ་ཆེར་འབྱུང་བར་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཀོང་ཙེ་འཕྲུལ་གྱི་རྒྱལ་པོས་མཛད་པའི་བྱ་གཏོ་སྐྱེན་དགུ་བདེ་ལྡན་བལྟས་ཆོག་ཏུ་བཀོད་པ།

[Full Size]

ཀོང་ཙེ་འཕྲུལ་གྱི་རྒྱལ་པོས་མཛད་པའི་བྱ་གཏོ་སྐྱེན་དགུ་བདེ་ལྡན་བལྟས་ཆོག་ཏུ་བཀོད་པ་བཞུགས་སོ། །

[Full Size]

རྒྱ་ནག་སྐད་དུ། ཆོད་དུ་གིང་། བོད་སྐད་དུ། གནམ་གྱི་བྱ་ནག་གན་དུ་བསྒྱུར་བ། ཀོང་ཙེ་བྱང་ཆུབ་སེམས་དཔའ་ལ་ཕྱག་འཚལ་ལོ། །འདི་ཡི་བཅའ་ཐབས་ལ། གཞི་མ་ས་ཕྱེ་ལ་སོགས་བཀོད་པའི་སྟེང་། །འཇིམ་པ་སྲབ་བུ་གྲུ་བཞི་བྱས་པའི་སྟེང་། །རུ་སྦལ་གཟུགས་ནི་ལེབ་མོ་སྲབ་བུ་བཞག །དེ་སྟེང་གནམ་ལོ་གང་ཡིན་གཟུགས་བྱས་བཞག །དེ་དང་མཉམ་དུ་བྱ་ཐན་གང་བྱུང་གཟུགས། །ཕྱི་རིམ་ལོ་སྐོར་བཅུ་གཉིས་ལོ་བཤོས་བཀོད། །དེ་ནས་ཤར་དུ་ལྷ་གཟུགས་དཀར་པོ་དང་། །ལྷོ་རུ་གཤིན་རྗེ་སྔོན་པོ་ནུབ་ཏུ་ཀླུ་དམར་པོ། །བྱང་དུ་གནོད་སྦྱིན་ལྗང་གུ་འཁོད་དོ། །ཤར་དུ་བྱ་དཀར་ལྷོ་བྱ་སེར་པོ་བྱ། །ནུབ་བྱ་དམར་པོ་བྱང་བྱ་ལྗང་ཁུ་འཁོད། །མཚམས་བཞི་ལ་ནི་བྱ་རིགས་

[Full Size]

གསེར་མདོག་ཅན། །ནམ་མཁའ་རྒྱང་བུ་མདའ་འཕང་ཤིང་རིས་བཙུགས། །མདོས་ནང་ཡོས་བཀྲ་འབྲུ་སྣ་ཅི་ཡོད་བླུག །གོས་དུམ་དྲི་གླུད་མཐའ་སྐོར་ཆུ་གཙང་བྲན། །ཕྱོགས་ཀྱི་ཐུན་རྡོ་ཚབ་བྱས་ལ། །བྱ་བླ་ཐུན་རྡོས་གཏག་ཟེར་དུས་ཕྱོགས་སུ་འུར་རྡོས་གཏག །སླ་ང་བརྡུང་། དམོད་མོ་ཤེས་ཚད་བྱེད། ཧཱུྃ། རང་ཉིད་ཡི་དམ་སྐད་ཅིག་གནས་འགྱུར་ནས། །བཅོམ་ལྡན་གཤིད་རྗེ་གཤེད་པོ་སྐུ་མདོག་དམར། །ཞལ་གཅིག་ཕྱག་གཉིས་སྤྱན་གསུམ་མཆེ་བ་གཙིགས། །ཕྱག་གཡས་མི་མགོས་མཚན་པའི་དབྱུག་པ་ཕྱར། །གཡོན་པས་ཐོད་པ་ཁྲག་བཀང་ཐུགས་ཀར་འཛིན། །ཞབས་གཡས་བསྐུམ་པས་མ་ཧེའི་རྭ་བར་བརྫིས། །

[Full Size]

ཞབས་གཡོན་བརྐྱངས་པས་མ་ཧེའི་འཕོང་སྟེང་མནན། །རང་འོད་རིག་མ་གྲི་ཐོད་འཛིན་པས་འཁྱུད། །ཐོད་པ་སྐམ་རློན་སྟག་ཤམ་ཞིང་ལྤགས་སོགས། །དུར་ཁྲོད་དཔལ་ཆས་ཡོངས་རྫོགས་མེ་ཀློང་བཞུགས། །རིགས་བདག་རང་ཆས་དམ་ཡེ་དབྱེར་མེད་པའི། །ཐུགས་ཀར་ཧཱུྃ་ལ་སྔགས་ཕྲེང་གཡས་སུ་འཁོར། །ཨོཾ་ཧཱིཀྐི་ཝི་ཀྲི་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། བརྒྱ་སྟོང་བཟླའོ། །རཾ་ཡཾ་ཁཾ་གིས་མི་གཙང་དྲི་མ་སྦྱངས། །ཤཱཀ་ཐུབ་བྱིན་རླབས་ཐལ་མོ་ཁོང་སྟོང་ནང་། །ཨ་དཀར་འོད་འཕྲོས་མདོས་གཏོར་སྟོང་པར་སྦྱངས། །ཨོཾ་སྭ་བྷ་ཝ་སོགས་ཨེ་ཡཾ་རཾ་བཾ་ལཾ་གྱི་ཡི་གེ་ལས། །འབྱུང་བ་རིམ་བརྩེགས་གསེར་གྱི་ས་གཞིའི་སྟེང་། །ཐེ་སེ་རྒྱལ་པོ་ལོ་ལྷ་བཅུ་གཉིས་དང་། །ལྷ་ཀླུ་གནོད་སྦྱིན་གཤིན་རྗེ་ཐན་གཟུགས་རྣམས། །མཁའ་ལ་འཇའ་ཤར་བཞིན་དུ་གསལ་བར་གྱུར། །དེ་ནས་འགུག་གཞུག་ལན་གསུམ་བྱས་ལ། བྱ་ཐན་བྱིན་གྱིས་བརླབ་པ་ནི། མདོས་གཏོར་ཡས་སྟགས་འདོད་ཡོན་སྣ་ཚོགས་དང། །ནམ་མཁའ་ཤིང་རིས་མདའ་འཕང་རྒྱང་བུ་སོགས། །སོ་སོར་འདོད་དགུར་ཡོན་ཏན་ལྡན་པར་གྱུར། །རྣམ་སྣང་བྱིན་རླབས་ཚིགས་བཅད་ཕྱག་རྒྱའི་ནང་། །ཁཾ་སྟོང་

[Full Size]

འོད་འཕྲོས་ཟད་པ་མེད་པར་སྤེལ། །ན་མསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ་སརྦ་ཐ་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བདུད་རྩི་འཁྱིལ་པའི་བྱིན་རླབས་ཁ་ཁྱེར་ཛ་དམར་ལས། །འོད་འཕྲོས་མདོས་གླུད་ཟད་མེད་བདུད་རྩིར་གྱུར། །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ཧཱུྃ་ཕཊ། རིན་ཆེན་འབྱུང་ལྡན་བྱིན་རླབས་མཆོག་སྦྱིན་ཧཱུྃ་སེར་ལས། །འོད་འཕྲོས་མགྲོན་རྣམས་ཀུན་གྱིས་བསྔོས་བཞིན་འཐོབ། །བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །གླུད་གཏོར་ཟག་མེད་བདུད་རྩི་རྒྱ་མཚོ་འདི། །ཐེ་སེ་ལོ་ལྷ་ལོ་སྐོར་བཅུ་གཉིས་དང་། །ལྷ་ཀླུ་གནོད་སྦྱིན་གཤིན་རྗེ་ཐན་བདག་དང་། །ཐན་དང་ཐན་བདག་གནོད་བྱེད་འབྱུང་པོའི་ཚོགས། །ལོ་བདུད་ལོ་གཤེད་བཅུ་གཉིས་ལ་སོགས་པ། །དམིགས་ཡུལ་བསྲུང་བྱར་གྱུར་པ་ཐམས་ཅད་ལ། །གནོད་ཅིང་འཚེ་བར་བྱེད་པའི་གདོན་བགེགས་ཚོགས། །གནོད་ཅིང་འཚེ་བར་བྱེད་པ་ཀུན་ལ་བསྔོ། །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ཞེས་ལན་བདུན་དང་སེ་གོལ་གཏོགས། དོན་ཡོད་གྲུབ་པའི་བྱིན་

[Full Size]

རླབས་ཁུ་ཚུར་མཆོད་སྦྱིན་ལས། །ཧ་ལྗང་འོད་འཕྲོས་མགྲོན་ཀུན་ཚིམ་པར་གྱུར། །ཨོཾ་ཛྙཱ་ན་ཨ་བ་ལོ་ཀི་ཏེ་ས་མནྟ་སྤ་ར་ཎ་རསྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུྃ༔ ཕྱག་རྡོར་བྱིན་རླབས་སོར་བསྣོལ་ཛ་དམར་ལས། །འོད་འཕྲོས་མགྲོན་ཀུན་བདག་གི་བཀའ་ཉན་གྱུར། །ན་མས་མནྟ་བུདྡྷཱ་ནཾ་གྲ་ཧེ་ཤཱ་རི་པྲ་བྷ་ཁྱོ་ཏི་ནི་མ་ཧཱ་ས་མ་ཡ་སྭཱ་ཧཱ༔ སྤྱན་འདྲེན་ནི། ཧཱུྃ། འབྱུང་བ་རིམ་པ་བརྩེགས་པའི་སྟེང་། །ཕྱི་ལྟར་གླིང་བཞི་རི་རབ་ལ། །ནང་ནི་རིན་ཆེན་གཞལ་ཡས་ཁང་། །གསང་བ་གསེར་གྱི་རུ་སྦལ་ནི། །གན་རྐྱལ་ཉལ་བའི་ལུས་ཀྱི་ཚུལ། །དབྱེར་མེད་མེ་ལོང་གཟུགས་བརྙན་ལྟར། །དབུས་སུ་ཏྲི་ལས་གནམ་ལོའི་བུ། །མདོས་ལ་སྤྱན་འདྲེན་གཤེགས་སུ་གསོལ། །ཤར་ཕྱོགས་ཤིང་ལ་མངའ་མཛད་མ། །སྟག་ཡོས་གཉིས་ཀྱང་མདོས་ལ་བྱོན། །ལྷོ་ཕྱོགས་མེ་ལ་མངའ་མཛད་མ། །རྟ་སྦྲུལ་གཉིས་ཀྱང་མདོས་ལ་བྱོན། །ནུབ་ཕྱོགས་ལྕགས་ལ་མངའ་མཛད་པ། །བྱ་སྤྲེལ་གཉིས་ཀྱང་མདོས་ལ་བྱོན། །བྱང་ཕྱོགས་ཆུ་ལ་མངའ་མཛད་པ། །བྱི་ཕག་གཉིས་ཀྱང་མདོས་ལ་བྱོན། །མཚམས་བཞི་ས་ལ་མངའ་མཛད་པ། །ཁྱི་

[Full Size]

འབྲུག་གླང་ལུག་མདོས་ལ་བྱོན། །ལྷ་ཀླུ་གནོད་སྦྱིན་གཤིན་རྗེ་དང་། །ཐན་དང་ཐན་བདག་མདོས་ལ་བྱོན། །ཨོཾ་སརྦ་དྷེ་ཝ་ཏྲེ་ཨ་སུ་ར་ཨེ་ཧྱ་ཧེ་བཛྲ་ས་མ་ཡ་ཛཿ ཧཱུྃ༔ རང་སྣང་ཡིད་ལས་གྲུབ་པ་ཡི། །རིན་ཆེན་སྣ་ཚོགས་གཞལ་ཡས་ཁང་། །རུ་སྦལ་པདྨ་ཉི་ཟླའི་སྟེང་། །གཙོ་དང་འཁོར་དང་བཅས་པ་རྣམས། །ཇི་སྲིད་མཆོད་སྦྱིན་མ་ཚར་བར། །དགྱེས་ཤིང་བརྟན་པར་བཞུགས་སུ་གསོལ། །བཛྲ་ས་མ་ཡ་ཏིཥྛ་ལྷན། དེ་ནས་སྨྱུང་གྱེར་བ་ནི། ཧཱུྃ། གཏོ་འདི་ཀོང་ཙེ་འཕྲུལ་གྱི་གཏོ། །དཔྱད་འདི་གཙུག་ཡི་ལག་སྨྲང་གིས་དཔྱད། །གྱེར་འདི་གཙུག་ལག་རྒྱ་ནག་གྱེར། །བསྒྱུར་ནི་གཙུག་ལག་གཏོ་ཡིས་སྒྱུར། །ཧཱུྃ། ང་ནི་འཕགས་པ་འཇམ་དཔལ་ཡིན། །འཇིག་རྟེན་སྲིད་པའི་ཞིང་ཁམས་ན། །གང་དུ་ཆད་དང་གང་འདུན་བཙན། །གང་ལ་བབ་དང་གང་གིས་ཐན། །དང་པོ་གཏོ་འདི་གང་ལ་བབ། །ཡུལ་ནི་རྒྱ་ཡུལ་སྟན་བཟང་ན། །རྒྱལ་པོའི་མི་ཁ་ལྷཐན་གཙོ་ལ། །བྱ་ཐན་རྣམ་པ་མང་དུ་བྱུང་། །ཤར་ཕྱོགས་དྲི་ཟའི་བྱ་ཐན་ནི། །དཀར་པོ་གཅིག་ཀྱང་མཁའ་ལ་བབ། །ལྷ་ལ་མི་དགེ་མང་དུ་བྱུང་། །ལྷོ་ཕྱོགས་གཤིན་རྗེའི་

[Full Size]

བྱ་ཐན་ནི། །སེར་པོ་གཅིག་ཀྱང་མི་ལ་བབ། །མི་ལ་མི་དགེ་སྣ་ཚོགས་བྱུང་། །ནུབ་ཕྱོགས་ཆུ་ལྷའི་བྱ་ཐན་ནི། །དམར་པོ་གཅིག་གིས་བྱ་སྐྱག་ཕོག །ཕོ་ལྷ་དགྲ་ལྷ་མེ་ལར་བྱས། །བྱང་ཕྱོགས་གནོད་སྦྱིན་བྱ་ཐན་ནི། །ལྗང་གུ་གཅིག་ཀྱང་དགྲས་དེད་ནས། །རྟ་དང་ནོར་ལ་བབ་པ་དང་། །རྟ་དང་ནོར་ལ་ལྟས་ངན་བྱུང་། །དེ་ལ་སོགས་པའི་བྱ་ཐན་ནི། །ཕུ་ཤུད་སྲེག་པ་ལ་སོགས་པའི། །རི་བྱ་རྣམ་པ་མང་པོ་ཡི། །བྱ་དམག་བརྒྱབ་ཅིང་ཁྱིམ་དུ་བྱུང་། །གོ་བོ་སོག་བྱ་ལ་སོགས་པའི། །བྱ་གཅན་རྣམ་པ་མང་པོ་ཡིས། །བྱ་སྐྱག་ཕབ་ཅིང་དམོད་པ་ཤོར། །ཕོ་ལྷ་དགྲ་ལྷ་མྱོས་ཤིང་འཐིབས། །མི་རྣམས་ན་ཚ་འཁུན་གཟེར་དང་། །མི་བདེ་རྣམ་པ་སྣ་ཚོགས་བྱུང་། །ཕྱུགས་རྣམས་གོད་ཁ་གཏོར་བརླག་དང་། །མི་རུང་རྣམ་པ་སྣ་ཚོགས་བྱུང་། །རྒྱལ་པོ་འཁོར་བཅས་མྱ་ངན་གནོན། །ཅི་ཕན་སྙམ་ནས་བཀའ་བསྒྲོས་པས། །རྒྱ་རྗེ་མི་ཁ་ཐན་གཙོ་ཡིས། །ཀོང་ཙེ་འཕྲུལ་གྱི་རྒྱལ་པོ་ལ། །འདི་སྐད་ཅེས་ནི་ཞུ་བ་ཕུལ། །ཀྱཻ། ཀོང་ཙེ་འཕྲུལ་གྱི་རྒྱལ་པོ་ལགས། །ངེད་རྒྱལ་པོ་འཁོར་དང་བཅས་པ་ལ། །ཕྱོགས་བཞིའི་བྱ་ཐན་རྣམ་བཞི་བྱུང་། །

[Full Size]

ལྷ་དང་ལྷ་མིན་འཁྲུག་པ་ཡིས། །བདུད་དང་སྲིན་པོའི་བྱ་ཐན་བྱུང་། །བྱ་སྐྱག་ཕབ་ཅིང་མཁར་ལ་བབས། །ཕྱོགས་བཞིའི་བྱ་ཐན་རྣམ་བཞི་བྱུང་། །ལྷ་དང་ལྷ་མིན་འཁྲུག་པ་ཡིས། །ཁྱིམ་རྣམས་ཀུན་ལ་བྱ་དམག་བརྒྱབ། །ང་ཡི་ཕོ་ལྷ་དགྲ་ལྷ་འཁྲུག །ཕྱུགས་ཀྱི་ལྷ་དང་ཁྱིམ་གྱི་ལྷ། །ནོར་ལྷ་ཞིང་ལྷ་རྣམས་ཀྱང་ཉམས། །ལྷ་ནད་མྱོས་པ་ལ་སོགས་བྱུང་། །ན་ཚ་མི་བདེ་འཁུན་གཟེར་སོགས། །མི་རྣམས་མི་བདེ་སྣ་ཚོགས་བྱུང་། །མྱ་ངན་བྱུར་གྱིས་རྫོངས་སུ་ཆུད། །གོད་ཁ་གཏོར་བརླག་ལ་སོགས་པ། །ཕྱུགས་དང་ནོར་རྣམས་ཟད་ལ་ཐུག །བཙའ་སད་སེར་གསུམ་ལ་སོགས་ཀྱིས། །འབྲུ་རིགས་སྣ་ཚོགས་བརླག་པར་འགྱུར། །རྒྱལ་པོས་ཅི་བྱ་མ་འགྲུབ་པས། །ཕན་པའི་གཏོ་དཔྱད་ཁྱེད་ལ་ཞུ། །དགོས་པའི་ཡས་ནི་ངེད་ཀྱིས་བསག །མི་འཕང་དཀོར་ནོར་ཁྱེད་ལ་འབུལ། །བདལ་བའི་སྐྱེམས་ཤིག་ཞལ་དུ་འབུལ། །བདག་གི་རིག་པ་ཁྱེད་ལ་འབུལ། །དེ་སྐད་ཀོང་ཙེ་རྒྱལ་ལ་ཞུས། །དེ་ལ་གཏོ་དང་དཔྱད་དགོས་སྐད། །ཀོང་ཙེ་རྒྱལ་པོའི་ཞལ་ན་རེ། །ཕན་པའི་ཐབས་ནི་བདག་གིས་བགྱི། །དཀའ་བའི་ཡས་ནི་

[Full Size]

ཁྱོད་ཀྱིས་སོག །གཏོ་ཡོན་ནོར་རྫ་ས་བདག་ལ་ཕུལ། །དེ་ལ་ཀོང་ཙེ་འཕྲུལ་རྒྱལ་གྱིས། །གཏོ་གླུད་ཡས་ཀྱིས་ཐོག་ཕབ་ན། །ཐན་ལྟས་གནས་ནས་བཟློག་པའི་ཕྱིར། །ལྷ་དཀོན་མཆོག་གསུམ་ལ་མཆོད་པ་བཤམས། །ཡས་ལེན་ཆེད་དུ་འབྱོན་པའི་ཕྱིར། །ཐན་དང་ཐན་བདག་གཟུགས་ཀྱང་བྱས། །འུར་རྡོ་དགུ་དང་སླ་ང་དགུ། །ཐུན་རྣམས་ཚོགས་ཀྱིས་བྱ་བླ་བཏགས། །ཕྱོགས་བཞིའི་བྱ་ཐན་རྣམ་བཞི་ཡང་། །ཕྱོགས་བཞི་དགྲ་ལ་ཟ་ཁ་སྟོན། །རི་བྱ་བྱ་ཆེན་རྣམས་ཀྱི་ཐན། །མཚམས་བཞིའི་དགྲ་ལ་ཟ་ཁ་སྟོན། །དགྲ་བགེགས་སྟེང་དུ་བྱ་ཐན་སྤུངས། །རྒྱལ་པོ་འཁོར་བཅས་བདེ་ལ་འགོད། །ལྷ་རྣམས་ཐམས་ཅད་བདེ་ཞིང་དགྱེས། །མི་རྣམས་ཀུན་ཀྱང་སྐྱིད་ཅིང་དགའ། །ཕྱུགས་རྣམས་ཀུན་ཀྱང་འཕེལ་ལ་དར། །འབྲས་བུ་སྣ་ཚོགས་འཕེལ་ཞིང་དར། །རྒྱལ་པོའི་ཐུགས་ཀྱང་རབ་ཏུ་དགྱེས། །ལྷ་མཆོད་ཡོན་གྱིས་མཉེས་པར་བྱས། །ཀྱཻ། སྔོན་བྱུང་སྲིད་པ་དེ་བཞིན་དུ། །རྒྱུ་སྦྱོར་ཡོན་བདག་འདི་དག་ལ། །བྱ་ཐན་རྣམ་པ་གང་བྱུང་ཡང་། །དགོས་པའི་ཡས་སྟགས་སྣ་ཚོགས་འདི། །རྣལ་འབྱོར་བདག་གིས་བསགས་པར་བྱས། །ལྷ་

[Full Size]

ཡོན་རིན་ཆེན་ནོར་རྫས་ཀྱང་། །རྒྱུ་སྦྱོར་ཡོན་བདག་འདི་དག་གིས། །ལྷ་ཡི་ཞལ་ཕྱོགས་དཀར་བར་བྱས། །ཀྱཻ། རྒྱུ་སྦྱོར་ཡོན་གྱི་བདག་པོ་ལ། །ཀླུ་བདུད་དྲི་ཟ་སྲིན་པོ་དང་། །གྲུལ་བུམ་ལྟོ་འཕྱེ་མི་འམ་ཅི། །ཀླུ་གཉན་ས་བདག་བྱེད་ཁ་སོགས། །བྱ་ཐན་རྣམ་པ་གང་བྱུང་ཡང་། །དོ་ནུབ་རྣལ་འབྱོར་བདག་ཅག་གིས། །དཀོན་མཆོག་གསུམ་ལ་མཆོད་པ་བཤམས། །བྱ་ཐན་སྣ་ཚོགས་སོ་སོར་གཏོང་། །ཀྱཻ། གནམ་གྱི་བྱ་ནག་སྡེར་འཛིང་དེ། །ཡེ་འདྲོག་ཡོང་བའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བར་སྣང་གླག་ནག་སྡེར་འཛིང་དེ། །ཡ་བདུད་རྒྱལ་པོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བྲག་བྱ་འུག་པ་རྒོད་པ་དེ། །བྲག་སྲིན་རྒྱལ་མོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །ཅོང་ཀས་ཕུག་ཏུ་ཚང་བཅས་པ། །གུད་རྣམས་འགྲོགས་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བྱ་རོག་ཤ་འཐབ་བྱེད་པ་དེ། །མགོན་པོ་ནག་པོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །ཕུ་ཤུད་སྦྲ་ལ་བབ་པ་དེ། །བྲག་སྲིན་གདུག་

[Full Size]

པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །ནམ་ཕྱེད་འུག་པས་ཧཱུྃ་སྒྲ་སྒྲོག །གཉན་རྣམས་འཁྲུག་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་རྟགསོལ། །ཐོ་རངས་ཕཊ་སྒྲ་སྒྲོག་པ་དེ། །མ་བདུད་རྒྱལ་མོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །ཕུག་རོན་ཁྱིམ་དུ་དེད་པ་དེ། །མུ་སྟེགས་ནག་པོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྲེག་པ་ཁྱིམ་དུ་བརྒྱབ་པ་དེ། །ཁ་མཆུ་གླིང་བཞིའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །རི་བྱ་ཁྱིམ་དུ་བརྒྱབ་པ་དེ། །ནང་མི་འཁྱམ་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྲིད་ལ་རྟ་ཕོ་འཚེར་བ་དེ། །གཉན་རྣམས་གཡོས་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །མགོ་དང་སྦྲ་ཁྱིམ་བྱ་སྐྱག་ཕོག་པ་དེ། །དམོད་བྱེད་སྡིག་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྲིན་བྱ་སྦྲ་ལ་བབ་པ་དེ། །སྲིན་མོས་གཡོས་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །གོག་མོ་སྦྲ་ཁྱིམ་བརྒྱབ་པ་དེ། །ལྷ་བདུད་གཡོས་པའི་ལྟས་ངན་ཡིན། །དོ་ནུབ་

[Full Size]

གཏོ་འདིས་བཟློག་ཏུ་གསོལ། །བྱ་བོན་སྦྲ་ལ་བརྒྱབ་པ་དེ། །བོན་བྱེད་སྡིག་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །དེ་ནས་ལོ་བཤོས་བཅུ་གཉིས་འབུལ་བ་ནི། ཧཱུྃ། དག་པ་མཛད་པ་བཅུ་གཉིས་ནི། །མ་དག་རྟེན་འབྲེལ་བཅུ་གཉིས་ཀྱི། །ལོ་སྐོར་བཅུ་གཉིས་གཟུགས་སུ་ཤར། །སྲོག་ལུས་དབང་ཐང་ཁྱད་པར་གྱི། །དེ་ལ་ལོ་རྒན་དྲུག་ཅུ་བྱེད། །ལོ་ཟླ་ཞག་དུས་ཀུན་ལ་འཁོར། །ང་རྒྱལ་མི་ཡི་ལུས་པོ་ལ། །གཏི་མུག་དུད་འགྲོའི་མགོ་བོ་ཅན། །བྱི་བ་གླང་སྟག་ཡོས་འབྲུག་སྦྲུལ། །རྟ་ལུག་སྤྲེལ་བྱ་ཁྱི་ཕག་མགོ །འདོད་ཆགས་བྱ་ཡི་གཤོག་པ་ལྡིང་། །ཞེ་སྡང་སྦྲུལ་མཇུག་སྨད་ལ་དཀྲིས། །ཕྲག་དོག་ཁྱུང་སྡེར་ཐལ་མོ་སྦྱར། །རང་རང་ལོ་ཡི་ལྷ་དང་དཔལ། །བདུན་ཟུར་ལོ་ཡི་གཤེད་དང་བདུད། །ལྷ་ཡང་ཡིན་ལ་འདྲེ་ཡང་ཡིན། །ཕན་གནོད་བྱ་བ་ཅི་ཡང་བྱེད། །ས་ཡི་ཕྱོགས་མཚམས་ཀུན་ཏུ་གནས། །དེ་ཕྱིར་ས་བདག་ལྷ་འདྲེའི་རིགས། །ཁྱེད་ལ་མཆོད་པ་འབུལ་བ་ནི། །རིན་ཆེན་འབྲུ་ཡི་བཤོས་བུ་ལ། །བཤོས་བུ་གཉིས་འགྲིག་བྱས་པ་ནི། །ལྷ་འདྲེ་གཉིས་ཀ་ཡིན་པའི་རྟགས། །རྩེ་གཅིག་

[Full Size]

གྱེན་ལ་ཕྱོགས་པ་ནི། །རང་རང་ལོ་ཡི་ལྷ་ཡིན་རྟགས། །དེ་ལ་མར་གྱིས་བྱུག་པ་ནི། །ལྷ་ཞལ་དུང་བས་དཀར་བའི་རྟགས། །རྩེ་གཅིག་ཐུར་དུ་ཁུག་པ་ནི། །བདུན་ཟུར་ལོ་པའི་བདུད་ཡིན་རྟགས། །བར་དུ་རིལ་བུ་བཞག་པ་ནི། །ལྷ་བདུད་གཉིས་ཀ་ཚིམ་པའི་རྟགས། །བཤོས་བུ་རི་རྒྱལ་ལྷུན་པོ་ཙམ། །རོ་བརྒྱ་ནུས་པ་སྟོང་དང་ལྡན། །ལོ་ལྷ་བཅུ་གཉིས་རྣམས་ལ་འབུལ། །མཉེས་ཤིང་རབ་ཏུ་ཚིམ་གྱུར་ནས། །བདག་དང་རྒྱུ་སྦྱོར་ཡོན་བདག་ལ། །རང་རང་ལོ་ཡི་ལྷ་མཛོད་ཅིག །ཚེ་བསྲིང་དཔལ་བསྐྱེད་བསོད་ནམས་སྤེལ། །བདུན་ཟུར་ལོ་པའི་མི་ཡོད་ཀྱང་། །གཤེད་དང་བདུད་དུ་མ་འབེབས་པར། །བྱམས་པའི་སེམས་དང་ལྡན་པར་མཛོད། །དཀོར་ཆེན་དྲུག་ཅུ་ཐམ་པ་དང་། །ལོ་ལྷའི་རྒྱལ་པོ་བཅུ་གཉིས་ལས། །འབྱུང་བའི་སྐག་རྣམས་བསྒྱུར་དུ་གསོལ། །གཅིག་པ་རང་སྐག་བསྒྱུར་དུ་གསོལ། །གཉིས་པ་བྱེ་བྲལ་བསྒྱུར་དུ་གསོལ། །གསུམ་པ་ཟུར་གསུམ་བསྒྱུར་དུ་གསོལ། །བཞི་པ་བཞི་གཤེད་བསྒྱུར་དུ་གསོལ། །ལྔ་པ་བྱེ་བྲལ་བསྒྱུར་དུ་གསོལ། །དྲུག་པ་དྲུག་འགྲམ་བསྒྱུར་དུ་གསོལ། །བདུན་པ་བདུན་ཟུར་བསྒྱུར་དུ་

[Full Size]

གསོལ། །བརྒྱད་པ་དུར་སྒོ་བསྒྱུར་དུ་གསོལ། །དགུ་པ་དགུ་མིག་བསྒྱུར་དུ་གསོལ། །བརྡ་ཐན་སུམ་བརྒྱ་དྲུག་ཅུའི་གནོད་པ་སྒྱུར། །ལོ་ཡི་སྐག་རྣམས་ཐམས་ཅད་སྒྱུར། །མཆེད་ལྕམ་རྣམས་ཁ་ཕྱིར་གྲུ་ལ་ཐལ་མོ་བརྡབ་ཅིང་། ཀྱཻ། བྱ་ལོ་དང་བྱ་ལོ་པའི་སྐག་བསྒྱུར་ཅིག །ཨོཾ་ཙི་ཙི་སྭཱ་ཧུ། གླང་ལོ་དང་གླང་ལོ་པའི་སྐག་བསྒྱུར་ཅིག །ཨོཾ་ཉི་ཙི་སྭཱ་ཧཱ། སྟག་ལོ་དང་སྟག་ལོ་པའི་སྐག་བསྒྱུར་ཅིག །ཨོཾ་པ་ཙི་སྭཱ་ཧཱ། ཡོས་ལོ་དང་ཡོས་ལོ་པའི་སྐག་བསྒྱུར་ཅིག །ཨོཾ་ཞ་ཙི་སྭཱ་ཧཱ། འབྲུག་ལོ་དང་འབྲུག་ལོ་པའི་སྐག་བསྒྱུར་ཅིག །ཨོཾ་པ་ཅི་སྭཱ་ཧཱ། སྦྲུལ་ལོ་དང་སྦྲུལ་ལོ་པའི་སྐག་བསྒྱུར་ཅིག །ཨོཾ་དུ་ཅི་སྭཱ་ཧཱ། རྟ་ལོ་དང་རྟ་ལོ་པའི་སྐག་བསྒྱུར་ཅིག །ཨོཾ་བི་ཅི་སྭཱ་ཧཱ། ལུག་ལོ་དང་ལུག་ལོ་པའི་སྐག་བསྒྱུར་ཅིག །ཨོཾ་ད་ཅི་སྭཱ་ཧཱ། སྤྲེལ་ལོ་དང་སྤྲེལ་ལོ་པའི་སྐག་བསྒྱུར་ཅིག །ཨོཾ་ག་ཉ་སྭཱ་ཧཱ། བྱ་ལོ་དང་བྱ་ལོ་པའི་སྐག་བསྒྱུར་ཅིག །ཨོཾ་ཀུ་ཉ་སྭཱ་ཧཱ། ཁྱི་ལོ་དང་ཁྱི་ལོ་པའི་སྐག་བསྒྱུར་ཅིག །ཨོཾ་ཅི་ཅི་ཉ་སྭཱ་ཧཱ། ཕག་ལོ་དང་ཕག་ལོ་པའི་སྐག་བསྒྱུར་ཅིག །ཨོཾ་ཅི་ཉ་སྭཱ་ཧཱ། ༈ ཧཱུྃ། ལོ་ཟླ་ཞག་དུས་བདག་པོ་དང་། །ལོ་བདུད་ལོ་

[Full Size]

གཤེད་བཅུ་གཉིས་ལ། །ལན་ཆགས་བདག་པོ་ཐམས་ཅད་ལ། །མཐུན་པའི་དམ་རྫས་འབུལ་བ་ནི། །མདའ་བཀྲ་སྐྱེས་པ་སྟག་ཆས་ཅན། །གཅིག་ལས་བརྒྱ་སྟོང་དུ་མ་འཕྲོ། །སྐྱེས་པ་ཕོ་ཡི་གླུད་དུ་འབུལ། །འཕང་བཀྲ་མོ་བཙུན་གསེར་གཡུས་བརྒྱན། །གཅིག་ལས་བརྒྱ་སྟོང་དུ་མ་འཕྲོ། །ཟ་མ་མོ་ཡི་གླུད་དུ་འབུལ། །ཤིང་རིས་འཇའ་ཚོན་འོད་དུ་འབར། །རང་རང་སྤར་ཁའི་ཕྱག་རྒྱ་གསལ། །ཡུལ་དང་མཁར་གྱི་གླུད་དུ་འབུལ། །རྒྱང་བུ་ལྕགས་རྒྱང་དུང་འདབ་ཅན། །ནམ་ནི་ཕྱི་ཡི་ཡུལ་ཡིན་ཏེ། །མཁའ་ནི་རང་གི་སེམས་ཡིན་པས། །གཉིས་མེད་མཚོན་པའི་ནམ་མཁའ་འདི། །སྟོང་པ་སེམས་ཀྱི་གླུད་དུ་འབུལ། །ཤེལ་ཚིགས་ཁྲི་དཀར་སྟོང་ནག་འདི། །རྟ་བརྒྱ་ནོར་སྟོང་བེའུ་ལུག་ཁྲི། །སྔགས་དང་ཕྱག་རྒྱས་བྱིན་བརླབས་ནས། །རྟ་ཕྱུགས་རྣམས་ཀྱི་གླུད་དུ་འབུལ། །མི་ནད་ཕྱུགས་ནད་བསྒྱུར་དུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། །སྨྱུང་ཚར་རོ། །དེ་ནས་ཕྱོགས་མདོག་ཀྱི་ཐུན་སོ་སོར་འུར་གཏག་བྱ། སླ་ང་བརྡུང་། དམོད་བཅོལ་དྲག་ཏུ་བྱ། ཧཱུྃ། ཐན་ཕྲན་སུམ་བརྒྱ་དྲུག་ཅུ་དེ། །གནམ་གྱི་བྱ་དཀར་མཆེ་བ་ཅན། །ས་ཡི་བྱི་ནག་

[Full Size]

འདབ་མ་ཅན། །དེ་གཉིས་ཚོགས་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བརྡ་ཐན་བསྒྱུར་རོ་ལྟས་ངན་ཟློག །ཤར་ཕྱོགས་དྲི་ཟ་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན་ཚོགས། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །ཤར་ཕྱོགས་དགྲ་ཡི་ཡུལ་དུ་སོང་། །སུ་ལ་འཕྲད་པ་དེ་ལ་སྒྱུར། །བླ་བྱ་ཐུན་རྡོ་དཀར་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱི་སྦ་ཆུང་གི་སྐག་བསྒྱུར་ཅིག །ཅེས་ཤར་ལ་འཕེན། ལྷོ་ཕྱོགས་གཤིན་རྗེ་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན་ཚོགས། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །ལྷོ་ཕྱོགས་དགྲ་ཡི་ཡུལ་དུ་སོང། །སུ་ལ་འཕྲད་པ་དེ་ལ་སྒྱུར། །བྱ་བླ་ཐུན་རྡོ་སེར་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱིས་ཆུང་གི་སྐག་སྒྱུར་ཅིག །ལྷོ་ཟླཕྱོགས་སུ་འཕེན། ནུབ་ཕྱོགས་ཀླུ་གདོན་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན་ཚོགས། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །ནུབ་

[Full Size]

ཕྱོགས་དགྲ་ཡི་ཡུལ་དུ་སོང་། །སུ་ལ་འཕྲད་པ་དེ་ལ་བསྒྱུར། །བྱ་བླ་ཐུན་རྡོ་དམར་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱི་སྦ་ཆུང་གི་སྐག་བསྒྱུར་ཅིག །ནུབ་ཕྱོགས་སུ་འཕེན། བྱང་ཕྱོགས་གནོད་བྱེད་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན་ཚོགས། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །བྱང་ཕྱོགས་དགྲ་ཡི་ཡུལ་དུ་སོང་། །སུ་ལ་འཕྲད་པ་དེ་ལ་སྒྱུར། །བླ་བྱ་ཐུན་རྡོ་ལྗང་ཁུས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱི་སྦ་ཆུང་གི་སྐག་བསྒྱུར་ཅིག །བྱང་ཕྱོགས་སུ་འཕེན། ཧཱུྃ། ཤར་ལྷོ་མེ་ལྷ་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན་ཚོགས། །བྱ་ཐན་གང་དང་བསྡོང་བ་*ཡང། །དོ་ནུབ་གླུད་ཆེན་འདི་ལོངས་ལ། །ཤར་ལྷོ་དགྲ་ཡི་ཡུལ་དུ་སོང་། །སུ་དང་འཕྲད་པ་དེ་ལ་སྒྱུར། །བྱ་བླ་ཐུན་རྡོ་སེར་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱི་སྦ་ཆུང་གི་སྐག་བསྒྱུར་ཅིག །ཤར་ལྷོའི་ཕྱོགས་སུ་འཕེན། ཧཱུྃ། ལྷོ་ནུབ་སྲིན་པོ་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན།

[Full Size]

ཚོགས། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །བྱང་ཕྱོགས་དགྲ་ཡི་ཡུལ་དུ་སོང་། །སུ་ལོ་འཕྲད་པ་དེ་ལ་སྒྱུར། །བླ་བྱ་ཐུན་རྡོ་དྲག་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱི་སྦ་ཆུང་གི་སྐག་བསྒྱུར་ཅིག །ལྷོ་ནུབ་ཏུ་འཕེན། ནུབ་བྱང་རླུང་ལྷ་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན་ཚོགས། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །ནུབ་བྱང་དགྲ་ཡི་ཡུལ་དུ་སོང་། །སུ་ལ་འཕྲད་པ་དེ་ལ་སྒྱུར། །བླ་བྱ་ཐུན་རྡོ་དྲག་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱི་སྦ་ཆུང་གི་སྐག་བསྒྱུར་ཅིག །ནུབ་བྱང་དུ་འཕེན། །བྱང་ཤར་དབང་ལྡན་ལ་སོགས་པའི། །ལྷ་ཀླུ་བདུད་བཙན་འདྲེ་སྲིན་ཚོགས། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །བྱང་ཤར་དགྲ་ཡི་ཡུལ་དུ་སོང་། །སུ་ལ་འཕྲད་པ་དེ་ལ་སྒྱུར། །བྱ་བླ་ཐུན་རྡོ་དྲག་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱིས་སྦ་ཆུང་གི་སྐག་བསྒྱུར་ཅིག །ཅེས་བྱང་ཤར་

[Full Size]

དུ་འཕེན། སྟེང་འོག་གཉིས་ཀྱི་བྱ་ཐན་གཏག །ལྷ་བདུད་མ་ཡམས་ཀླུ་ལ་སོགས། །ལྷ་ཀླུ་བདུད་བཙན་ལ་སོགས་པ། །བྱ་ཐན་གང་དང་བསྡོང་བ་ཡང་། །དོ་ནུབ་གླུད་ཆེན་འདི་ལོངས་ལ། །སྟེང་འོག་དགྲ་ཡི་ཡུལ་དུ་སོང་། །སུ་ལ་འཕྲད་པ་དེ་ལ་སྒྱུར། །བྱ་བླ་ཐུན་རྡོ་དྲག་པོས་གཏག །དོ་ནུབ་ལྟས་ངན་བཟློག་ཏུ་གསོལ། །ཕོ་ཡི་བདུད་དང་མོ་ཡི་སྲི། །བྱིས་སྦ་ཆུང་གི་སྐག་སྒྱུར་ཅིག །བདག་ཅག་རྣལ་འབྱོར་འཁོར་བཅས་ཀྱི། །མི་མཐུན་རྐྱེན་དང་བར་ཆད་ཟློག །ཁྱོད་ཀྱི་མཐུ་དང་རྫུ་འཕྲུལ་གྱིས། །ལྟས་ངན་བཟློག་པའི་དུས་ལ་བབ། །བཟློག་གོ་རི་རབ་རྩེ་ནས་ཟློག །བསྒྱུར་རོ་རྒྱ་མཚོའི་གཏིང་དུ་སྒྱུར། །ཡ་བདུད་རྒྱལ་པོས་ཡར་ལ་ཟློག །མ་བདུད་རྒྱལ་མོས་མར་ལ་ཟློག །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །ཆུང་བདུད་དལ་ཁ་ཐད་དུ་སྒྱུར། །སྤྱི་བདུད་དལ་ཁ་དགྲ་ལ་སྒྱུར། །བཟློག་ཅིག་བསྒྱུར་ཅིག་མཱ་ར་ཡ། །བྷྱོ་བྷྱོ་ས་མ་ཡ་ཟློག་ཟློག །དེ་ནས་ཞལ་བསྒྱུར་ལ་རྫོངས་འདེབས་ལམ་བསྟན་བྱའོ། །ཧཱུྃ། ང་ནི་འཇམ་དཔལ་ཁྲོ་བོའི་སྐུ། །ཁྲོ་བོའི་ནང་ནས་གཤིན་རྗེའི་གཤེད། །དེ་མཐོང་ནས་ནི་ཁྲོ་བོ་

[Full Size]

གཞན། །ལག་ཆ་ཤོར་ནས་འདར་གྱུར་ན། །སྣང་སྲིད་ལྷ་འདྲེ་སྨོས་ཅི་དགོས། །ང་ཡི་བཀའ་ལ་མ་འདའ་ཞིག །ལོ་སྐོར་བཅུ་གཉིས་ལྷ་ཀླུ་དང་། །གཤིན་རྗེ་གནོད་སྦྱིན་ཐན་བདག་བཅས། །སྣང་ཞིང་སྲིད་པའི་ལྷ་དང་འདྲེ། །དང་པོ་ལན་གཅིག་མི་འབྱོན་རྒྱུས། །འཇམ་དཔལ་དབྱངས་ཀྱི་དམ་ཚིག་གཉན། །གླུད་དང་གཏོར་མ་མི་ཆ་ལེན་རྒྱུས། །བུ་ལོན་ལན་ཆགས་འཇལ་བ་ཡིན། །ད་ནི་གནས་སུ་མི་གཤེགས་རྒྱུས། །དུས་ངན་མི་རྣམས་སྤྱོད་པ་རྩིང་། །ཐབ་གཞོབ་གྲིབ་ཀྱིས་ཕོག་ཉེན་མཆིས། །དེ་བས་ད་ནི་གནས་སུ་གཤེགས། །སྤྲིན་དང་འཇའ་ཚོན་ཁུ་རླངས་གསུམ། །ནམ་མཁའི་ནང་ནས་སྤྲུལ་པ་ཤར། །སླར་ཡང་ནམ་མཁའི་ངང་ལ་ཐིམ། །སྤར་ཁ་ལོ་ཟླའི་ས་བདག་༄རྣམས། །ཆོས་ཀྱི་དབྱིངས་ནས་སྤྲུལ་པ་བྱུང་། །སླར་ཡང་ཆོས་ཀྱི་དབྱིངས་སུ་ཐིམ། །སྤར་ཁ་རང་རང་ཕྱོགས་སུ་གཤེགས། །ལོ་ལྷ་རང་རང་ཕྱོགས་སུ་གཤེགས། །འབྲུ་སྣ་རིན་ཆེན་རྫོངས་སུ་འདེབས། །ཤེལ་ཚིགས་འབྲས་ཡོས་རྫོངས་སུ་འདེབས། །དར་ཚོན་སྣམ་རས་རྫོངས་སུ་འདེབས། །ད་ནི་རང་གི་གནས་སུ་བྱོན། །འཁོར་གྱི་ལོ་བདུད་འདྲེ་

[Full Size]

སྲིན་ལ། །ཚྭ་ཡོས་རིམ་རུག་རྫོངས་སུ་འདེབས། །དྲི་གླུད་གོས་དུམ་རྫོངས་སུ་འདེབས། །ཤ་ཤུན་སྦང་རྒུམ་རྫོངས་སུ་འདེབས། །ཟོ་ཤེ་རྐྱལ་བཤལ་རྫོངས་སུ་འདེབས། དེ་ལྟར་གླུད་དང་ཡས་སྟགས་འདིས། །གནོད་པར་བྱེད་པ་ཐམས་ཅད་བཀར། །འདྲེ་ལྔ་བདུད་གཅོད་ཐམས་ཅད་བཀར། །འདྲེ་གདོན་རང་རང་གནས་སུ་སོང་། །ལུང་གསུམ་འདུས་པའི་མདོ་ལ་སོང་། །ཆུ་གསུམ་འདུས་པའི་གཞུང་ལ་སོང་། །ལྷ་ཁང་རྙིང་པའི་ནང་ལ་སོང་། །བྲག་ཕུག་སྟོང་པའི་ནང་ལ་སོང་། །དབེན་གནས་སྟོང་པའི་ནང་ལ་སོང། །རྐང་གཅིག་ཤིང་གི་དྲུང་དུ་སོང་། །དུར་ཁྲོད་ཆེན་པོའི་འགྲམ་དུ་སོང་། །རྒྱ་མཚོ་ཆེན་པོའི་འགྲམ་དུ་སོང་། །དཔག་ཚད་མང་པོའི་ཕ་རོལ་སོང་། །རྒྱང་གྲགས་གཅིག་ལས་ཚུར་མ་ཉེ། །ཕྱིན་ཆད་གནས་འདིར་མ་འགྲིམ་ཞིག །སརྦ་བྷུ་ཏ་གཙྩ་གཙྩ། གཏོ་ཆོག་མཁན་པོ་ཤར་མ་ཧཱ་ཡ་ན་དང་། བོད་ཀྱི་ཡུལ་གྱི་ལོ་ཙྪ་བ། །བེ་རོ་ཙ་ན་ལ་སོགས་པའི། །རྒྱ་ནག་ཡུལ་གྱི་སློབ་དཔོན་ནི། །མ་ཧཱ་ཡ་ནས་མཛད་པ་དང་། །ཀོང་རྩེ་འཕྲུལ་གྱི་རྒྱལ་པོའི་ལུགས། །བྱ་གཏོ་དང་ནི་བྱ་མདོས་སོགས། །ཡིག་རྙིང་མང་པོའི་དོན་བསྡུས་ཏེ། །གཏོ་མཁན་མཁས་པ་མང་པོ་ཡི། །ཕྱག་ལེན་མཐོང་བ་བརྒྱུད་པ་

[Full Size]

ལྟར། །སྔགས་ཆུང་གསར་བུ་མང་པོ་ལ། །ཕན་ཕྱིར་རཱ་ག་ཨ་སྱས་བསྒྲིགས། །འདི་ཉིད་མེད་ཐབས་མི་འདུག་ཀྱང་། །ཆ་ལག་ཚང་བ་དཀོན་འདུག་པས། །མ་འོངས་འགྲོ་ལ་ཕན་ཕྱིར་བཀོད། །དེ་ལ་འགལ་བ་མཆིས་སྲིད་ན། །འཇམ་དཔལ་དབྱངས་དང་འཕྲུལ་གྱི་རྒྱལ། །མཁས་པ་མང་པོའི་མདུན་ལ་བཤགས། །མ་འོངས་འགྲོ་ལ་བདེ་ལེགས་ཤོག །སརྦ་མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བྱ་གཏོ་བསྡུས་པ།

[Full Size]

བྱ་གཏོ་བསྡུས་པ་བཞུགས་པའི་དབུ་ཕྱོགས་ལགས་སོ།། འཕགས་པ་འཇམ་དཔལ་དབྱངས་ལ་ཕྱག་འཚལ་ལོ། །བྱ་གཏོ་བཅའ་ཐབས་ལ། བྱ་གང་རྒྱབ་པ་དེ་གཙོ་བོ་བྱེད། འདེད་མི་གང་རེད་པ་དེ་རྒྱབ་ན་བཞག །རི་རབ་བང་རིམ་བཞི་པ་བྱ། གཙོ་བོ་དེ་ཡི་གཟུགས་རི་རབ་སྟེང་དུ་བཞག །དེའི་མཐར་ཐུག་པ། ལྕང་ཁྲ། སྐྱུང་ཀ །སྲེག་པ། ཁྲ། ཁ་ཏ། ཕུག་རོན། གོང་མོ། ཁུ་ལོང་། ཀོ་ཁོ། དེ་རྣམས་བཅས་ལ་བཞག །བྱ་ཁ་ཏའི་སྒྲོ་བཙུགས་ལ་འདི་སྐད་དོ། །ཀྱཻ། ང་ནི་ཀོང་ཙེ་འཕྲུལ་རྒྱལ་ཡིན། །སྣང་སྲིད་ལྷ་འདྲེ་ཚུར་ཉོན་དང་། །སྲིན་བྱ་འུག་པ་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །བདུད་བྱ་ལྕང་ཁྲ་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །འདྲེ་བྱ་སྲེག་པ་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །གཉན་གྱི་བྱ་ཁྲ་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །གོད་བྱ་ཁ་ཏ་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །སྡུག་བྱ་ཕུག་རོན་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །ལྷ་བྱ་གོང་མོ་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །

[Full Size]

ཐན་བྱ་ཁུ་ལོང་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག །རྨོང་བྱ་ཀོ་ཁོ་མདོས་ལ་གཤེགས། །གཟུགས་བརྙན་འདི་ལ་ཐིམ་གྱུར་ཅིག། ཀྱཻ། གནམ་ནས་བདུད་ཀྱི་འབོད་པ་ཡང་། །བཟློག་གོ་བྱ་གཏོ་འདི་ཡིས་ཟློག །ས་ལ་སྲི་ཆེན་ལྡང་བ་ཡང་། །བཟློག་གོ་བྱ་གཏོ་འདི་ཡིས་ཟློག །བར་ན་གྲི་བཙན་རྒྱུག་པ་ཡང་། །བཟློག་གོ་བྱ་གཏོ་འདི་ཡིས་ཟློག །གནམ་ནས་བྱ་ཐན་མཐོང་བ་ཡང་། །བཟློག་གོ་བྱ་གཏོ་འདི་ཡིས་ཟློག །ལྷ་སྲིན་སྡེ་བརྒྱད་དམོད་པ་ཡང་། །བཟློག་གོ་བྱ་གཏོ་འདི་ཡིས་ཟློག །དཔྱིད་གསུམ་ཐོག་འབྲུག་ལྟས་ངན་ཡང་། །བཟློག་གོ་བྱ་གཏོ་འདི་ཡིས་ཟློག །དབྱར་གསུམ་ཐན་ལྟས་ངན་པ་ཡང་། །བཟློག་གོ་བྱ་གཏོ་འདི་ཡིས་ཟློག །སྟོན་གསུམ་མོན་བུ་ལྟས་ངན་ཡང་། །བཟློག་གོ་བྱ་གཏོ་འདི་ཡིས་ཟློག །དགུན་གསུམ་སྦྲུལ་མཐོང་ལྟས་ངན་ཡང་། །བཟློག་གོ་བྱ་གཏོ་འདི་ཡིས་ཟློག །དུས་བཞི་འབྱུང་བཞིའི་ལྟས་ངན་ཡང་། །བཟློག་གོ་བྱ་གཏོ་འདི་ཡིས་ཟློག །དེ་ནས་ཐན་ལྟས་ཟློག་པ་ནི། ཀྱཻ། བྱ་ཐན་ཁྱིམ་དུ་འོང་བའི་ལྟས་ངན་ཡང་། །དེ་ཡང་བྱ་གཏོ་འདི་ཡིས་ཟློག །སྲིན་བྱས་

[Full Size]

འབུ་རོ་ཁུར་ནས་ཁྱིམ་དུ་འོང་བ་ཡང་། །དེ་ཡང་བྱ་གཏོ་འདི་ཡིས་ཟློག །སྲིན་བྱས་ཕུག་རོན་ཁུར་བའི་ལྟས་ངན་ཡང་། །དེ་ཡང་བྱ་གཏོ་འདི་ཡིས་ཟློག །ཁྱིམ་དུ་འུག་པ་འོང་བའི་ལྟས་ངན་ཡང་། །དེ་ཡང་བྱ་གཏོ་འདི་ཡིས་ཟློག །ཁྱད་པར་བྱ་ཐན་རྨེ་ཡང་། །བྱ་སུ་རྒྱབ་པ་དེས་མིང་སྦྱར་ཤེས་དགོས་སོ། །དེ་ཡང་བྱ་གཏོ་འདི་ཡིས་ཟློག །ནག་བྱིལ་སྒོ་ཁར་འགྲིམས་པའི་ལྟས་ངན་ཡང་། །དེ་ཡང་བྱ་གཏོ་འདི་ཡིས་ཟློག །ཀྱཻ། སྲིན་བྱ་འུག་པ་བབ་པ་ཡང་། །དེ་ཡང་བྱ་གཏོ་འདི་ཡིས་ཟློག །བདུད་བྱ་ལྕང་ཁྲ་འབབ་པ་ཡང། །དེ་ཡང་བྱ་གཏོ་འདི་ཡིས་ཟློག །འདྲེ་བྱ་སྲེག་པ་རྒྱབ་ནས་འདེད་པ་ཡང་། །དེ་ཡང་བྱ་གཏོ་འདི་ཡིས་ཟློག །གཉན་བྱ་ཁྲ་ཡང་རྒྱུག་པ་ཡང་། །དེ་ཡང་བྱ་གཏོ་འདི་ཡིས་ཟློག །གོད་བྱ་ཁ་ཏཱ་གུང་གི་ཀླད་ན་ལྡིང་བ་ཡང་། །དེ་ཡང་བྱ་གཏོ་འདི་ཡིས་ཟློག །སྡུག་བྱ་ཕུག་རོན་འཁུན་པོ་ཡང་། །དེ་ཡང་བྱ་གཏོ་འདི་ཡིས་ཟློག །ལྷ་བྱ་གོང་མོ་གླག་གི་ཁྱིམ་དུ་དེད་པ་ཡང་། །དེ་ཡང་བྱ་གཏོ་འདི་ཡིས་ཟློག །ཐན་བྱ་ཁུ་ལོང་ཁྱིམ་དུ་འཛུལ་བ་ཡང་། །དེ་ཡང་བྱ་གཏོ་འདི་ཡིས་ཟློག །རྨོང་བྱ་ཀོ་ཁོས་བསྐོས་པ་ཡང་། །

[Full Size]

དེ་ཡང་བྱ་གཏོ་འདི་ཡིས་ཟློག །བྷྱོ་བྷྱོ། ཟློག་ཟློག །ཅེས་ཐལ་མོ་བརྡབ་བོ། །དེ་ནས་རྫོངས་རྣམས་བཏབ་ལ། ཀྱཻ། ཚྭ་ཡོས་རམ་རུག་རྫོངས་སུ་འདེབས། །ཤ་ཤུན་སྦང་རྒུམ་རྫོངས་སུ་འདེབས། །ཆངས་བུ་ཏིང་ལོ་རྫོངས་སུ་འདེབས། །མར་མེ་འབྲང་རྒྱས་རྫོངས་སུ་འདེབས། །གླུད་གཟུགས་ཡས་སྟགས་རྫོངས་སུ་འདེབས། །རྫོ་ངས་འདེབས་དྲག་པོ་འདི་བཞེས་ལ། །ཡོན་བདག་སྐག་ཆེན་བསྒྱུར་དུ་གསོལ། །དེ་ནས་མདོས་ཁ་ཕྱིར་བསྒྱུར་ལ། ཡོན་བདག་གི་མཆིན་ཁུར་སླ་ང་བརྡུང་ལ་འདི་སྐད་དོ། །ཉི་མ་ཕྱོགས་བཞི་མཚམས་བརྒྱད་ནས་བྱ་འུར་མཐིལ་བཞག་པ་འཕང་ལ་འདི་སྐད་དོ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། །ལྷ་འདྲེའི་བྱ་ཐན་བཏང་བ་ཡང་། །ཉི་མ་ཤར་ཕྱོགས་ཕ་ཀའི་དྲུང་། །མཐའ་ཡི་རྒྱ་མཚོའི་ཕ་རོལ་སོང་། །བྷྱོ་བྷྱོ་ཟློག་ཟློག །ཕེའོ། མི་ཐམས་ཅད་ཀྱིས་བརྗོད་ལ་ཤར་ཕྱོགས་སུ་འཕང་ངོ། །ཀྱཻ། ཉི་མ་ལྷོ་ཕྱོགས་ཕ་ཀི་ན། །མི་མན་བྱ་ཐན་བཏང་བ་ཡང་། །ཉི་མ་ལྷོ་ཕྱོགས་ཕ་ཀའི་དྲུང་། །མཐའ་ཡི་རྒྱ་མཚོའི་ཕ་རོལ་སོང་། །བྷྱོ་བྷྱོ་ཟློག་ཟློག །ཕེའོ། །མི་ཐམས་ཅད་ཀྱིས་བརྗོད་ལ་ལྷོ་རུ་འཕང་། ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་

[Full Size]

ནུབ་ཕྱོགས་ཕ་ཀི་ན། །ལྷ་མིན་བྱ་ཐན་བཏང་བ་ཡང་། །ཉི་མ་ནུབ་ཕྱོགས་ཕ་ཀའི་དྲུང་། །མཐའ་ཡི་རྒྱ་མཚོའི་ཕ་རོལ་སོང་། །བྷྱོ་བྷྱོ་ཟློག་ཟློག །ཕཻའོ། །མི་ཐམས་ཅད་ཀྱི་བརྗོད་ལ་ནུབ་ཏུ་འཕང་ངོ། །ཀྱཻ། ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་བྱང་ཕྱོགས་ཕ་ཀི་ན། །དགྲ་བསྒྱུར་བྱ་ཐན་བཏང་བ་ཡང་། །ཉི་མ་བྱང་ཕྱོགས་ཕ་ཀའི་དྲུང་། །མཐའ་ཡི་རྒྱ་མཚོའི་ཕ་རོལ་སོང་། །བྷྱོ་བྷྱོ་ཟློག་ཟློག །ཕེའོ། མི་ཐམས་ཅད་ཀྱིས་བརྗོད་ལ་བྱང་དུ་འཕང་ལ། དེ་ནས་ཉི་མ་ཕྱོགས་བཞི་མཚམས་བརྒྱད་ལ་ཐུན་གཏོར། སུམ་བྷ་ནི་བརྗོད། ཡོན་བདག་རྣམས་ཀྱི་བྱ་ཐན་བཟློག་པའི་ཕྱིར། །ཀིང་ཀང་ནང་ནས་ཚུར་བསྡུས་པའོ། །རཱ་ག་ཨ་སྱས་ཉུང་ངུ་བསྒྲིགས་པའོ། །སྔགས་འཆང་མཁོས་ཆུང་རྣམས་ལ་ཕན་ཐོགས་ཤོག །དགེའོ། །མངྒ་ལཾ། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐན་དང་ལྟས་ངན་བཟློག་པའི་བྱ་གཏོ།

[Full Size]

ཐན་དང་ལྟས་ངན་བཟློག་པའི་བྱ་གཏོ་བཞུགས་སོ།། ཨོཾ་སྭ་བྷ་ཝས་སྦྱངས༔ སྟོང་པའི་ངང་ལས། ཨེ་ཡཾ་རཾ་བཾ་ལཾ་གྱི་ཡི་གེ་ལས། །འབྱུང་བ་རིམ་བརྩེགས་གསེར་གྱི་ས་གཞིའི་སྟེང་། །ཐེ་སེ་རྒྱལ་པོ་ལོ་ལྷ་བཅུ་གཉིས་དང་། །ལྷ་ཀླུ་གནོད་སྦྱིན་གཤིན་རྗེ་ཐན་གཟུགས་རྣམས། །མཁའ་ལ་འཇའ་ཤར་བ་བཞིན་གསལ་བར་གྱུར། །ཀྱཻ། སྔོན་བྱུང་སྲིད་པའི་དང་པོ་ལ། །རྒྱུ་སྦྱོར་ཡོན་བདག་འདི་དག་ལ། །བྱ་ཐན་རྣམ་པ་གང་བྱུང་བའི། །དགོས་པའི་ཡས་རྫས་སྣ་ཚོགས་འདི། །རྣལ་འབྱོར་བདག་གིས་གསག་པར་བྱེད། །ལྷ་ཡོན་རིན་ཆེན་ནོར་རྫས་ཀྱི། །རྒྱུ་སྦྱོར་ཡོན་བདག་འདི་དག་ལ། །ལྷ་ཡི་ཞལ་ཕྱག་དཀར་བར་བྱས། །ཀྱཻ། རྒྱུ་སྦྱོར་ཡོན་བདག་འདི་དག་ལ། །ལྷ་བདུད་སྲིན་པོ་དྲི་ཟ་དང་། །གྲུལ་བུམ་ལྟོ་འཕྱེ་མིའམ་ཅི། །ཀླུ་གཉན་ས་བདག་བྱད་ཀ་དང་། །བྱ་ཐན་རྣམ་པ་གང་བྱུང་ཡང་། །དོ་ནུབ་རྣལ་འབྱོར་བདག་ཅག་གིས། །དཀོན་མཆོག་གསུམ་ལ་མཆོད་པ་བཤམས། །ཡས་སྟགས་སྣ་ཚོགས་བསགས་ནས་ཀྱང་། །བྱ་ཐན་སྣ་ཚོགས་སོ་སོར་གཏོང་། །གནམ་གྱི་བྱ་ནག་སྡེར་འཛིངས་དེ། །ཡེ་འདྲོག་འོང་

[Full Size]

བའི་ལྟས་ངན་ཡིན། །དོ་ནུབ་བདག་གིས་ཟློག་པར་བྱེད། །བར་སྣང་གླག་ནག་སྡེར་འཛིངས་དེ། །ཡ་བདུད་རྒྱལ་པོའི་ཐན་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བྲག་བྱ་འུག་པ་རྒོད་པ་དེ། །བྲག་སྲིན་རྒྱལ་པོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྐྱུང་ཀས་ཕུག་ཏུ་ཚང་བཅས་དེ། །བདུད་རྣམས་གྲོལ་བའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བྱ་རོག་ཤ་འཐབ་བྱེད་པ་དེ། །མགོན་པོ་ནག་པོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བྲག་ནག་བླ་རོ་རྙེད་པ་དེ། །བྲག་སྲིན་རྒྱལ་པོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །ནམ་ཕྱེད་འུག་པས་ཧཱུྃ་སྒྲ་སྒྲོག་པ་དེ། །གཉན་རྣམས་འཁྲུགས་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །ཐོ་རངས་ཕག་སྒྲ་སྒྲོག་པ་དེ། །མ་བདུད་རྒྱལ་མོའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །ཕུག་རོན་ཁྱིམ་དུ་དེད་པ་དེ། །མི་དགེ་འོང་བའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྲེག་པ་ཁྱིམ་དུ་དེད་པ་དེ། །ཁ་མཆུ་གླེང་གཞིའི་ལྟས་ངན་ཡིན། །དོ་ནུབ་

[Full Size]

གཏོ་འདིས་བཟློག་ཏུ་གསོལ། །རི་བྱ་ཁྱིམ་དུ་རྒྱབ་པ་དེ། །ནང་མི་མཁོན་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྲིད་ལ་རྟ་ཕོ་འཚེར་བ་དེ། །གཉན་རྣམས་གཡོས་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྦྲ་ཁྱིམ་བྱ་སྐྱག་ཕོག་པ་དེ། །མང་པོ་སྡིག་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །སྲིན་བྱ་སྦྲ་ལ་རྒྱབ་པ་དེ། །སྲིན་པོ་གཡོས་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །གོང་མོ་སྦྲ་ཁྱིམ་རྒྱབ་པ་དེ། །ལྷ་བདུད་འོང་བའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །བྱ་བོན་སྦྲ་ཁྱིམ་རྒྱབ་པ་དེ། །བན་བོན་སྡིག་པའི་ལྟས་ངན་ཡིན། །དོ་ནུབ་གཏོ་འདིས་བཟློག་ཏུ་གསོལ། །དེ་ནས་ཁ་ཕྱིར་བསྒྱུར་ལ་རྫོངས་འདེབས་བྱས་ལ་འདི་སྐད་དོ། །ཧཱུྃ། ང་ནི་འཇམ་དཔལ་ཁྲོས་པའི་སྐུ། །ཁྲོ་བོའི་ནང་གི་གཤིན་རྗེ་གཤེད། །དེ་མཐོང་ནས་ནི་ཁྲོ་བོ་གཞན། །ལག་ཆ་ཤོར་ནས་འདར་གྱུར་ན། །སྣང་སྲིད་ལྷ་འདྲེ་སྨོས་ཅི་དགོས། །ང་ཡི་བཀའ་ལ་མ་འདའ་བར། །ལོ་སྐོར་བཅུ་གཉིས་ལྷ་ཀླུ་དང་། །གཤིན་རྗེ་གནོད་སྦྱིན་ཐན་དང་ཐན་

[Full Size]

བདག་བཅས། །སྣང་ཞིང་སྲིད་པའི་ལྷ་དང་འདྲེ། །དང་པོ་ལན་གཅིག་མི་འབྱོར་རྒྱུས། །འཇམ་དཔལ་དབྱངས་ཀྱི་དམ་ཚིག་གཉན། །གླུད་དང་གཏོར་མ་མི་ལེན་རྒྱུས། །བུ་ལོན་ལན་ཆགས་འཇལ་བ་ཡིས། །ད་ནི་གནས་སུ་མི་གཤེགས་རྒྱུས། །དུས་ངན་མི་རྣམས་སྤྱོད་པ་རྩིང་། །ཐབ་གཞོབ་གྲིབ་ཀྱིས་ཕོག་ཉན་མཆིས། །དེ་བས་རང་གི་གནས་སུ་གཤེགས། །སྤྲིན་དང་འཇའ་ཚོན་ཆུ་རླུང་གསུམ། །ནམ་མཁའི་ངང་ནས་སྤྲུལ་པ་ཤར། །སླར་ཡང་ནམ་མཁའི་ངང་ལ་ཐིམ། །སྤར་ཁ་ལོ་ལྷའི་ས་བདག་རྣམས། །ཆོས་ཀྱི་དབྱིངས་ནས་སྤྲུལ་པ་འབྱུང་། །སླར་ཡང་ཆོས་ཀྱི་དབྱིངས་སུ་གཤེགས། །སྤར་ཁ་རང་རང་ཕྱོགས་སུ་གཤེགས། །ལོ་ལྷ་རང་རང་ཕྱོགས་སུ་གཤེགས། །རི་རབ་ཀུན་ཀྱང་ལྡེམས་སེ་ལྡེམ། །ཉི་ཟླ་ཀུན་ཀྱང་ཀྱི་ལི་ལི། །རྒྱ་མཚོ་ཀུན་ཀྱང་མེ་རེ་རེ། །དར་ཚོན་མང་པོ་ལྷབས་སེ་ལྷབ། །དེ་ཡི་གནས་སུ་ལམ་བསྟན་ནོ། །ཕེའོ། ཕེའོ། བྱ་རིགས་སྣ་ཁ་མི་གཅིག་པ་བཞི་བྱས་ལ། ཕྱོགས་བཞི་ལ་བཀོད། འུར་ཐག་བྱས། རྗེས་ནས་ཁྲ་དེ་འཕང་ངོ། །ཞེས་རཱ་ག་ཨ་སྱས་སྦྱར་བའོ།། །།

བྱ་གཏོ་ཁྱེར་བདེ་ཉུང་ངུ་།

[Full Size]

བྱ་གཏོ་ཁྱེར་བདེ་ཉུང་ངུ་བཞུགས་སོ། །ཀོང་ཙེ་འཕྲུལ་གྱི་རྒྱལ་པོ་ལ་ཕྱག་འཚལ་ལོ། །བྱ་ཐན་གང་བྱུང་བ་ལ། དེའི་མགུལ་དུ་གོ་གསུམ་གྱི་ཐལ་བ་སྐྱེད་གསུམ་གྱི་དྲེག་པ་བསྡུས་ནས་བཏགས། དེ་དང་ལྷན་དུ་ཐུན་རྡོ་གཅིག་ལ་བློ་ཟློག་བྲིས་ནས་བཞག །ཆུ་གཙང་གིས་བྲན་ལ་འདི་སྐད་དོ། ཧཱུྃ། གཏོ་འདི་སུ་དང་སུ་ཡི་གཏོ། །ཐན་འདི་སུ་དང་སུ་ཡི་ཐན། །བྱ་ཐན་ལྷ་ཡི་ཡུལ་དུ་བྱུང་། །ལྷ་ཡི་བཀའ་ཆད་མི་ལ་བབ། །མི་ལ་ཐན་ལྟས་སྣ་ཚོགས་བྱུང་། །རྟ་ནོར་གོད་ཁ་རྒྱུན་མི་འཆད། །མི་ལ་མི་བདེ་སྣ་ཚོགས་བྱུང་། །བཟློག་ཅིང་བསྒྱུར་བའི་དུས་ལ་བབ། །དོ་ནུབ་ཐན་ལྟས་བསྒྱུར་དུ་གསོལ། །བཟློག་ཅིག་བསྒྱུར་ཅིག་ས་མ་ཡ། །ཧཱུྃ། ཁྲོ་རྒྱལ་ཁམས་གསུམ་ཧཱུྃ་སྒྲ་སྒྲོག །ཟངས་ཁྲབ་གསོལ་ནས་མདུང་དམར་ཐོགས། །བ་དན་རྩེ་གསུམ་གཡབ་པ་ཡིས། །ལྷ་སྲིན་དབང་སྡུད་དགྲ་བགེགས་གསོད། །བདུད་དཔུང་འཇོམས་ཤིང་སྲོག་དབང་ཟློག །མདུང་དམར་བཙན་གྱི་ལོག་འདྲེན་ཟློག །ལྟས་ངན་ཐམས་ཅད་བཟློག་ཏུ་གསོལ། །སྲིད་པའི་ལྟས་ངན་དགྲ་ལ་སྒྱུར། ཅེས་ལོ་ཏྲི་པ་ལའི་སྔགས་བཟླས་ཤིང་གང་བྱུང་གི་ཕྱོགས་སུ་འཕང་། དེ་རྒྱབ་ཐུན་རྡོ་འུར་ལྟེབས་སུ་བཞག་ལ་འཕངས། །ཕེའོ་བརྗོད། ཅེས་སྔགས་ཆུང་རྟ་

[Full Size]

མགྲིན་གྱིས་བསྐུལ་བ་ལྟར་༧ ཨ་རཱ་གས་སྦྱར་བའོ།། །། ༈ ཨོཾ་ལོ་ཏྲི་པཱ་ལ་ནན༔ ས་ག་པ་ཤ་ནན༔ ནཱ་ག་དུ་དུ་ནན༔ མ་མཾ་མ་མཾ་ནན༔ རྩིརྩ་རྩི༔ ཆད་རུ་ལུ། རྦད་རུ་རྦད་ཏྲ་ཀོ་ཤ་ཡ༔ རྦད་ཏྲ་ཀོ་ཤ་ཡ་ཧོ་ར་ཧོ་ར་རྩི་དུ་སོད་རྩི་དུ་སོད༔ ཤིག་ལྷུ་རུ་གཏུབ༔ ཧ་ལ་པ་ཏི་ནན་འཁོར་བ་དུལ་དུལ༔ གནོད་བྱེད་བྱ་ཐན་ཀ་ཝ་རྩི་བརླག་བརླག༔ ཐན་ལྟས་བྱ་ཐན་གཏོང་མཁན་གང་ཡིན་པའི་ལྟས་ངན་ཁོ་རང་ལ་སྡིག༔ རང་གཤེད་རང་ལ་ཕོབ༔ རང་བྱད་རང་ལ་ཟློག༔ ཡ་བཟློག་མ་བཟློག༔ བློ་བློ་ཟློག༔ ཨུ་ཙ་ཏ་ཡ་ཕཊ༔ ཅེས་སུ་བྷ་ནི་སོགས་བརྗོད། ༈ ཨོཾ་ཨཱཿཧཱུྃ༔ བཛྲ་གླུ་རུ་པདྨ་ཀྲོ་ཏ་ཡ་མ་ཐ་དུ་རཀཱ་ཡ་པ་ཏཱི༔ ཕུ་ནི་ཏྲི་ག་རྨི༔ ཨ་བྷྱོ་ཛ་གནོད་བྱེད་དགྲ་བགེགས་བན་བྱད་བོན་བྱས༔ ཆོད་གཏོང་ས་མ་ཡ་ཟློག་ཟློག༔ བྷྱོ་བྷྱོཿ ཞག་རེ་ལ་སྔགས་འདི་སུམ་བརྒྱ་ལས་མི་ཉུང་༔ དེ་མན་ཨརྩིག་བསྙེན༔ བཟློག་གཞུང་རྐྱང་པ་དུ་ཐོན་གསོག༔ བསྒྲལ་ལས་རེ་རེས་ཆོག༔

གླང་ཆེན་སྣ་བསྒྱུར།

[Full Size]

དེ་ནས་གླང་ཆེན་སྣ་བསྒྱུར་ནི༔ ཧཱུྃ༔ གླང་ཆེན་སྟོབས་དང་ལྡན་པ་འདི༔ རྒྱུ་ནི་འབྱུང་བ་ལྔ་ལས་བྱུང་༔ ཆགས་པ་རྒྱ་ཡི་ཡུལ་དུ་ཆགས༔ གཟུགས་ནི་སེམས་ཅན་ཀུན་ལས་འཕགས༔ ཡིན་ནི་ལྷ་མིའི་དཀོར་ནོར་ཡིན༔ སྟོབས་བཅུ་ལྡན་པའི་གླང་པོ་ཆེ༔ ཆོས་ཤིག་སྡང་བའི་དགྲ་ལ་ཆོས༔ གླང་ཆེན་སྣ་ལྗགས་གྲི་མཚོན་བསྒྱུར༔ ཕ་རོལ་དགྲ་བོའི་སྲོག་ལ་བསྣུན༔ རྒྱན་དུ་ཐན་གྱི་རྐྱལ་པ་བཀལ༔ དགྲ་ཡི་ཡུལ་དུ་ཆོ་འཕྲུལ་ཐོངས༔ གཡས་གཡོན་མཛེ་ཕོ་སྤྲང་ལོང་མང་པོས་བསྐོརཿ་ནད་ཡམས་དལ་ཡམས་དགྲ་ལ་བྷྱོཿ དགྲ་བགེགས་ཐལ་བ་རྡུལ་དུ་བརླག་པར་མཛོད༔ བཅོལ་བའི་ཕྲིན་ལས་འགྲུབ་པར་མཛོད༔ གླང་ཆེན་སྣ་སྒྱུར་རྫོགས་སོ༔ ཞེས་དཀར་གཏོར་གསེར་སྐྱེམས་སྔོན་དུ་བཤམས༔ གླང་གཟུགས་གཡག་རུ་ཁ་ཕྱིར་བསྟན༔ རྗེས་སུ་དགྲ་བགེགས་ཚར་གཅོད་གཏོར་མ་བཤམ་མདའ་ཟོར་གཞན་ཟོར་ཡོད་ན་འཕན་རྒྱུ་བཤམ༔ ཡོན་མཆོད་ཐམས་ཅད་ཀྱིས་གོ་གྱོན་མཚོན་ཐོགས་ནས་སྟངས་སྟབས་བྱ༔ སྤྲོས་བཅས་དར་ནག་སྐྱོད་ནས་མདོས་ཟློག་གཞུང་ལྟར་བྱ་བ་ཡིན༔ རྟ་ལོ་ཁྲུམས་སྟོད་ཟླ་བའི་ཉེར་དགུའི་ནུབ་རཱ་ག་ཨ་སྱས་སྦྱར༔ ཆོས་སྐྱོང་བཀའ་སྲུང་དགྲ་བླའི་ཚོགས་ལ་བཤགས༔ འདི་བྲིས་དགེ་བས་དགྲ་བགེགས་

ཐར་ཆུང་བྱིས་ཁྲ་སྤར་འབྱེད་དང་། སྲིའུ་ཐར་ཆེན་ཁ་འཕུད་ཐབས་གསལ་བ་བལྟས་ཆོག་ཏུ་བཀོད་པ།

[Full Size]

ཐར་ཆུང་བྱིས་ཁྲ་སྤར་འབྱེད་དང་། སྲིའུ་ཐར་ཆེན་ཁ་འཕུད་ཐབས་གསལ་བ་བལྟས་ཆོག་ཏུ་བཀོད་པ་བཞུགས་སོ།།

[Full Size]

ན་མོ་ཨཱ་ཡུཛྙཱ་ན་སིདྡྷི་ཧཱུྃ། པད་འབྱུང་ཚེ་ཡི་ལྷ་ལ་ཕྱག་འཚལ་ལོ། །བྱིས་པ་ཐར་པའི་ཕྱག་ལེན་གསལ་བཀོད་བྱ། །ཐར་ཆུང་བྱིས་ཁྲ་སྤར་འབྱེད་བྱ་བ་དང་། །ཐར་ཆེན་ལེའུ་ཐར་འདོན་རྣམ་པ་གཉིས། །ཐར་ཆུང་ཟླ་ངོ་རེ་ལ་རེ་རེ་སྟེ། །ཐར་ཆེན་ཟླ་ངོ་བཅུ་གསུམ་འདོན་དུས་ཀྱང་། །ཐར་ཆུང་ཉིན་རེ་ཚང་མ་བྱ་བ་སྟེ། །ཐར་ཆེན་ལ་ཡང་རབ་འབྲིང་ཐ་མ་གསུམ། །རབ་ནི་ཞག་མང་རྩ་གསུམ་ལྷ་ཚོགས་ལ། །གཏང་རག་སྐང་གསོ་གསོལ་མཆོད་ཞག་མང་བྱ། །འབྲིང་ནི་སྔར་ནུབ་བསྐང་གསོལ་ཚོགས་འཁོར་མཇུག །ཁྱི་ཐོད་ནང་དུ་ཆུང་སྲིའི་ལིངྒ་མནན། །ཕྱིར་ནངས་བསང་བྱ་དེ་ནས་ཐར་ཆེན་བྱ། །བསྡུས་པ་ཉིན་གཅིག་སྔ་དྲོ་བསང་བྱས་ལ། །དེ་ནས་ཐར་བྱ་ཉིན་རྫོགས་ཆོག་པ་ཡིན། །གཞི་དཀར་སྟེང་དུ་ནས་ཀྱི་

[Full Size]

འདབ་བརྒྱད་བྲི། །ཡོད་ན་ཐོད་པ་མཚན་བཟང་དུམ་གཅིག་སྟེང་། །མེད་ན་སྡེར་ནང་ཟིན་ལ་ཐོད་པའི་གཟུགས། །ཕྱི་ནས་མར་བྱུག་ནང་ནས་འབྲི་མོག་བྱུག །དེ་ནང་ཟན་བུམ་ཉི་ཟླ་ནོར་བུས་བརྒྱན། །དེ་ནས་འདབ་བརྒྱད་དབུས་བཞག་སྒྲུབ་པའི་རྟེན། །གོང་དུ་བླ་མ་ཡི་དམ་ཟླུམ་གཏོར་གཅིག །འཇིག་རྟེན་པ་ཡི་ལྷ་ལ་དཀར་གཏོར་གཅིག །གཡག་ལུག་ར་གསུམ་འབྲུ་སྣ་ཕྱེ་མར་དང་། །ཇ་ཆང་འོ་ཞོའི་ཕུད་རྣམས་བསང་ལྟར་བཤམས། །ཐར་ཕོར་མར་ཁུས་བཀང་བ་བཞག་སྲོལ་གདལ། །ཟན་གྱི་བྱིའུ་གཟུགས་ནི་མཛེས་པའི་ནང་། །ཚེ་དཔག་གཟུངས་བྲིས་བཅུག་ཅིང་འབྲུ་སྣ་བླུག །འབྲང་རྒྱས་ཞལ་དཀར་བཤོས་བུ་མར་མེ་དང་། །ངར་མི་དང་ནི་ཟན་གྱི་བྱིས་ཆུང་ལ། །དར་རས་པན་ཆུང་བཙུགས་པ་བཅུ་གསུམ་རེ། །དེ་རྣམས་

[Full Size]

གཙང་མ་བྱ་ཞིང་མར་གྱིས་བརྒྱན། །ངར་མི་ཆངས་བུ་གླུད་ནི་བཅུ་གསུམ་རེ། །ཁྱི་ཐོད་ནང་དུ་ལིངྒ་མ་ཐོན་ན། །ཏྲི་ཆུང་སྲི་ཁུག་ནན་བྲིས་པ་ནི། །ནང་བཅུག་འཇིམ་པའི་ཁྱི་མགོ་ནག་པོ་གཅིག །ཏྲི་ཆུང་སྲི་ཛཿཧཱུྃ་བཾ་ཧོནང་དུ་བཅུག་པ་ཡི། །ཟན་ནག་ཁྲ་གཟུགས་གཤོག་པ་བརྐྱང་པ་ཞིག །མོན་ལུག་བླ་སྒང་རྙེད་ན་རབ་ཡིན་ཏེ། །མ་རྙེད་བླ་སྒང་འབྲས་བུ་ནང་བཅུག་པའི། །ངར་མི་མཐོ་གང་སྣོད་གཅིག་ནང་དུ་བཞག །མ་བུའི་ཆངས་བུ་གོས་དུམ་འབྲུ་སྣ་བཏབ། །ཤུག་ཏི་ལ་རྩེ་རྒྱལ་གསུམ་གྱི་རྟིང་པ་དཀར། །རྩེ་ལ་བལ་གཡུ་དར་ཚོན་བརྒྱན་པ་གསུམ། །སྐུ་རྟེན་དུང་ཆུང་གསུང་རྟེན་བྱི་རུ་དང་། །ཐུགས་རྟེན་གཡུ་ཆུང་ཡོན་ཏན་རྟེན་དུ་ནི། །གསེར་རམ་གསེར་ཐིག་སྤོས་གུམ་གང་འཛོམ་ཞིག ། ཕྲིན་ལས་རྟེན་དུ་མུ་མེན་བླ་ཡི་རྟེན། །ཁྲབ་བྱང་མིག་དགུ་ཡིན་ཅིང་བཀྲག་མདངས་རྟེན། །དར་ཚོན་སྣ་ལྔ་དེ་རྣམས་སྲོག་གི་རྟེན། །མདའ་མོ་སྒོད་སྒྲོ་མ་ལ་བཏགས་ཏེ་མཚུངས། །ཐར་སྐས་ཤུག་ཐིལ་རྩེ་རྒྱལ་རྩ་བ་ནི། །ཕུར་བུའི་སོ་བཞིན་ཟླུམ་པོར་བཞོག་བྱས་ཏེ། །འཇིམ་པའི་རི་རབ་སྟེང་དུ་བཙུགས་པའམ། །ཡང་ན་ཟན་ལ་རི་རབ་བྲིས་སྟེང་བཙུགས། །ཐར་སྐས་རིམ་པ་བཅུ་གསུམ་རེ་རེའི་སྟེང་། །མར་གྱི་རྡོ་རྗེའི་འཕྲད་བཞག་རེ་རེའི་སྟེང་། །རྩེ་ལ་ཉི་ཟླ་སྐར་གསུམ་ནོར་བུས་བརྒྱན། །རྩེ་མོ་མན་ཆད་བལ་དང་དར་ཚོན་བརྒྱན། །དེ་རྣམས་མཆོད་གཞིའི་གཡས་ཕྱོགས་བཙུགས་ལ་བཞག །མ་ཡིས་བུ་པང་རང་དང་དེ་ཡི་བར། །ཐར་སྣམ་ལྭ་དཀར་འདོམ་གང་གྲུ་གང་བཏིང་། །སྨད་ན་ནས་ཀྱི་

[Full Size]

ཉི་ཟླ་པདྨ་བྲི། །དེའི་སྟེང་ན་ནས་ཀྱི་རྡོ་རྗེ་སྐེད་བཞག་ནི། །བཅུ་གསུམ་བྲིས་ཏེ་ཉི་ཟླ་ནོར་བུ་བྲི། །འདི་ནི་ཐར་ཆེན་དུས་ཡིན་ཐར་ཆུང་དུས། །ཚོམ་བུ་བཅུ་གསུམ་མ་གཏོགས་བྲི་མི་དགོས། །འོག་ཏུ་ངར་མི་དེ་ཡི་ཉེ་ལོགས་སུ། །ལྕགས་སྡེར་ནང་དུ་བྱིས་ཚང་རྙིང་པ་དང་། །དེ་ཡི་ནང་དུ་ཁྱི་མགོའི་གཟུགས་དེ་བཞག །དེ་ཡི་དྲུང་དུ་འཇིམ་གཟུགས་གྲུ་གསུམ་མམ། །ཡང་ན་ས་ལ་གྲུ་གསུམ་བྲིས་པའི་སྟེང་། །གླང་མའི་འདྲེ་སྐས་མགོ་ཐུར་བསྒྱུར་ལ་བཙུགས། །བདག་བསྐྱེད་ཡི་དམ་ལས་བྱང་སྔོན་སོང་ནས། །གླང་མའི་མེ་སྦྲར་དང་པོ་དུག་ཕྱུང་ནི། །ཀྱཻ། དུག་གི་ཕ་ནི་གནམ་ཡང་ཡིན། །དུག་གི་མ་ནི་ས་ཡང་ཡིན། །དེ་གཉིས་རྫུ་འཕྲུལ་བསྡེབས་པ་ལས། །བུ་ནི་དུག་ནག་སྡེ་དགུ་སྲིད། །བཙན་དུག་ར་དུག་ཐང་ཕྲོམ་དང་། །ཟི་ལ་ཞ་ནེ་ཚྭ་ལ་དང་། །རེ་ནག་སྤྱད་ནག་འབག་བཙོག་དང་། །ལྷ་མི་གཉིས་པོའི་མི་གཙང་དུག །མི་གཙང་དུག་རྣམས་ཕྱིར་ཕྱུངས་ཤིག །ཨོཾ་དུག་པྲ་མ་ཤཱནྟཾ་ཀུ་རུ་སྭཱ་ཧཱ། ཞེས་མེ་རུམ་བྱས་ལ་ཕྱིར་དོར། དེ་ནས་ཆུ་གཙང་གིས་བྲན་ལ། ཧཱུྃ། ཆུ་བོ་དལ་འགྲོ་ལྷ་ཡི་ཆུ། །དབང་ཕྱུག་ཆེན་པོས་བྱིན་བརླབས་ནས། །ལྷ་ཡི་ཡུལ་ནས་མི་ཡུལ་བྱོན། །ཡན་ལག་བརྒྱད་ལྡན་དྲི་མ་མེད། །མ་དག་པ་རྣམས་དག་པར་མཛོད། །མི་གཙང་བ་

[Full Size]

རྣམས་གཙང་གྱུར་ཅིག །ཨོཾ་སརྦ་དྲ་བྱི་ཤཱ་དྷ་ནི་ཧཱུྃ་ཕཊ༔ ཨ། མི་དམིགས་སྟོང་པའི་ངང་ཉིད་ལས། །ཧཱུྃ་ལས་རིན་ཆེན་སྣོད་ནང་དུ། །དཀར་གསུམ་མངར་གསུམ་བདུད་རྩིའི་མཚོ། །ཕྱི་ནང་གསང་གསུམ་མཆོད་པའི་སྤྲིན། །ཁ་དོག་དྲི་རོ་ནུས་པར་ལྡན། །ཟད་མེད་ལོངས་སྤྱོད་ནཾམ་མཁའི་མཛོད། །འཇིག་རྟེན་འདས་དང་མ་འདས་པའི། །ལྷ་སྲུང་ཐམས་ཅད་མཉེས་བྱེད་གྱུར། །ཨོཾ་བཛྲ་སྤ་ར་ཎ་ཁཾ། ཨ་ཡིག་ལས་བྱུང་སྒྲུབ་པའི་རྟེན། །མཚན་ལྡན་བྷན་དུམ་གཅིག་པ། །དངོས་གྲུབ་རྫས་ཀྱིས་གང་བ་ལས། །མཆོད་པའི་སྤྲིན་ཕུང་རྣམ་པར་འཕྲོ། །འདབ་སྟོང་འདབ་བཅུ་འདབ་བརྒྱད་དབུས། །ཧཱུྃལས་བཅོམ་ལྡན་ཚེ་དཔག་མེད། །དམར་པོ་མཉམ་བཞག་ཚེ་བུམ་འཛིན། །ཕྱོགས་བཞིར་ཚེ་འགུགས་སྒོ་མ་བཞི། །མཚམས་བཞིར་ཚེ་འགུགས་མགྱོགས་མ་བཞི། །དེ་རྒྱབ་འདབ་བཅུ་ཁྲོ་བོ་བཅུ། །དེ་རྒྱབ་འདབ་མ་སྟོང་རྣམས་ལ། །མ་ལྷ་དཔལ་ལྡན་ལྷ་མོ་དཀར། །ཞི་འཛུམ་མདའ་དར་ཚེ་བུམ་འཛིན། །མ་ལྷ་བུ་རྫི་གསེར་གྱི་མདོག །ཕྱག་ན་གྲུ་གུ་འཕང་ལོ་བསྣམས། །མ་ལྷ་དཀར་མོ་མཆེད་བརྒྱད་བཅས། །ཀུན་ཀྱང་དེར་

[Full Size]

དཀར་ན་བཟའ་གསོལ། །ཕྲག་ལྷ་སྲོག་གི་རྗེ་བོ་ནི། །མི་དཀར་དུང་གི་གོ་མཚོན་ཅན། །ཕྱག་ན་རྒྱལ་མཚན་མདུང་དར་བསྣམས། །ཆིབས་སུ་དུང་ཁྱུང་དཀར་པོ་ཆིབས། །ཐབ་ལྷ་ཡུ་མོ་བུད་མེད་གཟུགས། །དར་ཟབ་གོས་གྱོན་གཡུ་ཡིས་རྒྱན། །ཕྱག་ན་གསེར་གྱི་གཟར་བུ་བསྣམས། །ཁྱིམ་ལྷ་གེ་ཐུང་སྐུ་མདོག་སྔོ། །གཡུས་བརྒྱན་དུང་གི་ཀ་བ་བསྣམས། །ཞང་ལྷ་ཕྱུ་རྫི་ཐང་དཀར་ཆིབས། །གཞན་ཡང་སྐྱོབ་པའི་ལྷ་ལྔ་དང་། །འཇིག་རྟེན་སྲིད་པའི་ལྷ་དགུ་སོགས། །མགོན་སྐྱོབ་བྱེད་པའི་ལྷ་རྣམས་ཀུན། །ཀུན་ཀྱང་མདོག་དཀར་ཞི་ཞིང་འཛུམ། །ཕྱག་ན་མདའ་དར་ཚེ་བུམ་འཛིན། །ཁྲོམ་ཚོགས་བཞིན་དུ་བསྐོར་བར་གྱུར། །བུམ་ནང་རྡོ་རྗེ་རྣམ་པར་འཇོམས། །ལྗང་སྔོན་རྒྱ་གྲམ་དྲིལ་བུ་འཛིན། །སྐྱིལ་ཀྲུང་དར་དང་རིན་ཆེན་རྒྱན། །འབྱུང་བའི་ལྷ་མོ་ལྔ་ཡིས་བསྐོར། །ཚེ་ལྷ་ཚེ་དཔག་མེད་མགོན་གྱི། །གནས་གསུམ་འབྲུ་གསུམ་ཐུགས་སྲོག་ཧྲཱིཿ །དེ་ལས་འོད་ཟེར་འཕྲོས་པ་ཡིས། །འཁོར་འདས་གཉིས་ཀྱི་ཞིང་ཁམས་ནས། །ལྷ་ཚོགས་ཐམས་ཅད་སྤྱན་དྲངས་གྱུར། །བདེ་ཆེན་ཆོས་དབྱིངས་ཞིང་ཁམས་

[Full Size]

ནས། །ཚེ་ལྷ་མགོན་པོ་ཚེ་དཔག་མེད། །སྲོག་ལྷ་ཚེ་འགུགས་ལྷ་མོའི་ཚོགས། །འདིར་གཤེགས་ཚེ་རྫ་ས་རྟེན་འདིར་བཞུགས། །བུ་རྫི་དཔལ་ལྡན་ལྷ་མོ་ནི། །མ་ལྷ་དཀར་མོ་མཆེད་བརྒྱད་བཅས། །འདིར་གཤེགས་བུ་ཡི་རྫི་བོ་མཛོད། །ཕྲག་ལྷ་ཞིང་ལྷ་ཁྱིམ་གྱི་ལྷ། །ཐབ་ལྷ་ལ་སོགས་སྲིད་པའི་ལྷ། །ཐམས་ཅད་འདིར་གཤེགས་མགོན་སྐྱོབས་མཛོད།། ཛཿཧཱུྃ་བཾ་ཧོ་ཏིཥྛ་ལྷན། །འཇིག་རྟེན་འདས་དང་མ་འདས་པའི། །ལྷ་སྲུང་གཉན་པོ་ཁྱེད་རྣམས་ལ། །དཀར་གསུམ་མངར་གསུམ་མཆོད་པ་འབུལ། །ཉེར་སྤྱོད་བདུན་དང་འདོད་ཡོན་ལྔ། །བཀྲ་ཤིས་རྫས་རྟགས་རྒྱལ་སྲིད་བདུན། །དངོས་འབྱོར་ཡིད་ཀྱིས་སྤྲུལ་ཏེ་འབུལ། །སྲིའུ་སྲི་ལས་ཐར་བ་ཡི། །སྔར་བྱས་ལས་ཀྱི་གཏང་རག་འབུལ། །ཕྱིས་བྱེད་ལས་ཀྱི་ཞུ་སྐྱེམས་ཡིན། །བསྟོད་དོ་བསྐུལ་ལོ་ངོ་སོ་བསྟོད། །རང་གི་ཐུགས་ཀའི་འོད་ཟེར་གྱིས། །ཚེ་ལྷ་སྲོག་ལྷ་ཐམས་ཅད་མཆོད། །དེ་དག་ཀུན་ལས་འོད་འཕྲོས་པས། །འཁོར་འདས་ཚེ་བཅུད་ཀུན་བསྡུས་ནས། །ཚེ་རྫས་རྣམས་ལ་སིབ་སིབ་ཐིམ། །ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཨོཾ་ཧཱུྃ་ཤྲཱི་ཡེ་དེ་བཱི་ཀཱ་ལི་ཀཱ་ལི་མ་ཧཱ་ཀ་

[Full Size]

ལི་ཧཱུྃ་བྷྱོ་ཧཱུྃ་ཛཿ ཨཱ་ཡུ་ཥ་ཧཱུྃ་ཧཱུྃ་ནི་ཛཿ ཞེས་བརྒྱ་སྟོང་སོགས་ཅི་འགྲུབ་བཟླའོ། །བསྡུ་ན་ཞག་གསུམ་མམ་འབུམ་བཟླས་གསུངས། བདག་མདུན་ལྷ་ཚོགས་གྲངས་མེད་པས། །སྐད་ཅིག་དུང་ཕྱུར་འགྲོ་བར་བསམ། །བདག་གི་ཐུགས་ཀའི་འོད་ཟེར་གྱིས། །རྣམ་འཇོམས་འབྱུང་བའི་ལྷ་མོ་བསྐུལ། །དེ་ལས་བདུད་རྩིའི་རྒྱུན་བབས་པས། །ཁྲུས་ཆུ་ཡེ་ཤེས་བདུད་རྩིར་གྱུར། །རྣམ་པར་འཇོམས་པ་རྒྱས་པ་ཚར་གསུམ་འདོན་པའམ། ཡང་ན་རྣམ་འཇོམས་ཡང་སྙིང་ཉེར་གཅིག་བཟླ། ཨོཾ་ཨབཛྲ་བི་ད་ར་ཎ་ཧཱུྃ་ཕཊ༔ ཅེས་པ་དེ་བརྒྱ་རྩ་བཟླ། ༀ་ཨེ་ཧོ་ཤུདྡྷེ་ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ། ཞེས་ཅི་འགྲུབ་བཟླ། དེ་ནས་མ་བུ་མདུན་དུ་འཁོད་ལ། མ་དེས་མེ་ལོང་ངམ་གའུར་མཆོད་གཞིའི་ངོས་ལ་བསྟན་བཅུག་ལ། རང་གིས་བུམ་པའམ་མེད་ན་གཏོར་འགུའི་ཁྲུས་ཆུ་བཟུང་ལ། ཤུག་གསུར་ཕྱེ་མར་དུད་པ་བྱས། ཀྱཻ། སྔོན་གྱི་བསྐལ་པའི་དང་པོ་ལ། །ནམ་མཁའ་སྟོང་པའི་དབྱིངས་རུམ་ནས། །ཤེལ་གྱི་ཟིལ་པ་ཁྲོམ་ཙམ་བྱུང་། །དེ་ལ་ཆུ་ཡི་དཀྱིལ་འཁོར་ཆགས། །རྡོ་རྗེ་རྒྱ་གྲམ་རླུང་ལ་ཆགས། །དེ་ལ་གསེར་གྱི་ས་གཞི་ཆགས། །བདུད་རྩི་

[Full Size]

ཆུ་ཡི་ཟིལ་པ་ཆགས། །རྨད་བྱུང་བདུད་རྩིའི་འབྲས་དྲུག་འཁྲུངས། །བསྐལ་པ་དེ་ཙམ་ཆགས་པ་ལ། །སྲིད་པ་མིའུ་རིན་ཆེན་དེ། །འོད་གསལ་ལྷ་ཡི་ལུས་ནས་ཆད། །རིན་ཆེན་ས་ལ་བདག་ཏུ་བཟུང་། །ཡུམ་ཆེན་སྤྲུལ་པ་ཡུམ་ལྔ་བྱུང་། །སངས་རྒྱས་སྤྱན་དང་མ་མཱ་ཀི། །གོས་དཀར་མོ་དང་དམ་ཚིག་སྒྲོལ། །དབྱིངས་ཕྱུག་མ་དང་ཡུམ་ལྔ་ཡི། །ཕྱག་ན་བདུད་རྩིའི་ཁྲུས་བུམ་ཐོགས། །ལྷ་མི་རྣམས་ལ་ཁྲུས་གསོལ་བས། །བག་ཆགས་ལས་སྒྲིབ་ཐམས་ཅད་དག །དེ་བཞིན་དེ་རིང་བདག་ཅག་གིས། །བྱིས་པ་ཡོན་བདག་འཁོར་དང་བཅས། །མཚུན་དང་དགྲ་ལྷ་ཕོ་ལྷ་དང་། །ལེ་གུའི་ལྷ་དང་ཞང་གི་ལྷ། །ཕྲག་ལྷ་མ་ལྷ་བུ་རྫི་དང་། །ནོར་ལྷ་མཆེད་བརྒྱད་འཁོར་དང་བཅས། །རྟ་ནོར་ལུག་༸གསུམ་ར་ལ་སོགས། །ཀུན་ལ་བཙོག་གྲིབ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ལྷ་མཚུན་གཉེན་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་སས་

[Full Size]

མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ལྷ་མཚུན་ཐུགས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །ཕ་མཚུན་དགྲ་བླ་ཡར་དགོངས་དང་། །ཕ་མཚུན་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །སྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ཕ་མཚུན་གཉེན་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ཕ་མཚུན་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་

[Full Size]

ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལོ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ སྔགས་རྣམས་བརྗོད་ལ་བཀྲུ། ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །མྱས་མཚུན་གཉེན་པོ་ཡར་དགོངས་དང་། །མྱས་མཚུན་གཉེན་པོ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །སྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །སྐྱེས་མཚུན་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་ཐོརྩི་སྨན་ཁྲུས་འདི་གསོལ་བས། །སྐྱེས་མཚུན་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡེ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་

[Full Size]

ཆོས་སྐྱོང་ཡར་དགོངས་དང་། །ཡང་མྱེས་གཉེན་ཡང་ཡར་དགོངས་དང་། །ཡང་མྱེས་གཉེན་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ཡང་མྱེས་གཉེན་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ཡང་མྱེས་ཐུགས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་ཁཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །མ་མཚུན་གཉེན་པོ་ཡར་དགོངས་དང་། །མ་མཚུན་གཉེན་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་

[Full Size]

གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །མ་མཚུན་གཉེན་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་བསྣོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧ༔ ཀྱཻ། །སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །མ་མྱེས་གཉེན་པོ་ཡར་དགོངས་དང་། །མ་མྱེས་གཉེན་ལ་མནོལ་ཡོད་ན། །བདུད་རྩི་སྨན་ཁྲུས་འདི་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །མ་མྱེས་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་བསྣོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །མ་མྱེས་རྣམས་ལ་

[Full Size]

མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡོ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལོ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །བཀྲ་མཚུན་གཉེན་པོ་ཡར་དགོངས་དང་། །བཀྲ་མཚུན་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །སྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །བཀྲ་མཚུན་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །བཀྲ་མཚུན་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡེ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལོ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བི་

[Full Size]

ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ། ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །དགྲ་བླ་གཉེན་པོ་ཡར་དགོངས་དང་། །དགྲ་བླ་གཉེན་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །དགྲ་བླ་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །དགྲ་བླ་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག་ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །ལེ་གུ་གཉེན་པོ་ཡར་དགོངས་དང་། །ལེ་གུ་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས།

[Full Size]

བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱིས་ནུས་མཐུ་བསྐྱེད། །ལེ་གུ་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ལེ་གུ་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །ཞང་ལྷ་གཉེན་པོ་ཡར་དགོངས་དང་། །ཞང་ལྷའི་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །སྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ཞིང་ལྷ་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་

[Full Size]

བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ཞང་ལྷ་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལོ་ཧོ་ཤུདྡྷེ་ཤུདྡྷེ། །ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །ཕྲག་ལྷ་གཉེན་པོ་ཡར་དགོངས་དང་། །ཕྲག་ལྷའི་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །སྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ཕྲག་ལྷ་རྣམས་ལ་སྐུ་ཁྲུས་གསོལ། །དམེ་དང་སྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ཕྲག་ལྷ་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་

[Full Size]

ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །འགོ་བའི་ལྷ་ལྔ་ཡར་དགོངས་དང་། །འགོ་བའི་ལྷ་ལྔར་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །འགོ་བའི་ལྷ་ལྔར་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །འགོ་བའི་ལྷ་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡེ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་

[Full Size]

དགོངས་དང་། །ནོར་ལྷ་གཉེན་པོ་ཡར་དགོངས་དང་། །ནོར་ལྷའི་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །སྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ནོར་ལྷ་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཕུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ནོར་ལྷ་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལོ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་ཁཾ་གི འོལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །ས་བདག་གཉེན་པོ་ཡར་དགོངས་དང་། །ས་བདག་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་

[Full Size]

བསྐྱེད། །ས་བདག་རྣམས་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་འདི་གསོལ་བས། །ས་བདག་རྣམས་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཀྱཻ། །སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །ཀླུ་རྒྱལ་གཉེན་པོ་ཡར་དགོངས་དང་། །ཀླུ་རྒྱལ་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །སྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ཆུ་བདག་ཀླུ་ལ་སྐུ་ཁྲུས་གསོལ། །དམེ་དང་རྨུག་གིས་མ་མནོལ་ཅིག །མནའ་དང་བཙོག་གིས་མ་མནོལ་ཅིག །བྱེ་བྲལ་ཡུགས་ཀྱིས་མ་མནོལ་ཅིག །འདྲེ་དང་གདོན་གྱིས་མ་མནོལ་ཅིག །བདུད་རྩི་སྨན་ཁྲུས་

[Full Size]

འདི་གསོལ་བས། །ཆུ་ལྷ་ཀླུ་ལ་མནོལ་ཡོད་ན། །བདུད་རྩི་སྨན་ཆབ་འདི་ཡིས་བཀྲུ། །མི་གཙང་དྲི་མ་དག་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ་ཀྱེ། སངས་རྒྱས་བྱང་སེམས་ཡར་དགོངས་དང་། །མཁའ་འགྲོ་ཆོས་སྐྱོང་ཡར་དགོངས་དང་། །ལྷ་མཚུན་གཉེན་པོ་ཡར་དགོངས་དང་། །ལྷ་མཚུན་ཐུགས་ལ་མནོལ་ཡོད་ན། །བདུད་རྩི་སྨན་གྱི་ཆུ་ཡིས་བཀྲུ། །རྨུག་པ་ཡོད་ན་བསང་གིས་མཆོད། །བདུད་རྩི་སྨན་ཆབ་འདི་གསོལ་བས། །དྲི་བཟང་སྨན་གྱི་ནུས་མཐུ་བསྐྱེད། །ལྷ་མཚུན་གཉེན་པོ་ཁྱེད་རྣམས་ལ། །བདུད་རྩི་སྨན་ཁྲུས་འདི་གསོལ་བས། །མནོལ་བ་ཡོད་ན་སངས་གྱུར་ཅིག །རྨུག་པ་ཡོད་ན་དག་གྱུར་ཅིག །གུད་པ་ཡོད་ན་དག་གྱུར་ཅིག །བཙོག་པ་ཡོད་ན་དག་གྱུར་ཅིག །ཉེས་པ་ཐམས་ཅད་བསང་གིས་བསངས། །གྲིབ་དང་བཙོག་མནོལ་ཁྲུས་ཀྱིས་བཀྲུ། །གྲིབ་ཉེས་ཐམས་ཅད་ཞི་བ་ཤཱནྟཾ་ཀུ་རུ་ཡེ་སྭཱ་ཧཱ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་

[Full Size]

ཡིས། །དག་པ་བཟང་པོས་སྐུ་ཁྲུས་གསོལ། །ཨོཾ་ཨེ་ཧོ་ཤུདྡྷེ་ཤུདྡྷེ། ཡེ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་ཐཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧཱ། རྣམ་འཇོམས་གཟུངས་ཐུང་བཟླ་བཞིན་དུ། །མ་བུ་གཉིས་ལ་ཁྲུས་བྱས་ཏེ། །ཆབ་བླངས་ཡན་ལག་ལྔ་ཁྲུས་དང་། །གཟུངས་ཆུ་ཐིགས་གཅིག་འཐུང་དུ་བཅུག །དེ་ནས་ཐར་སྣམ་རྡོ་རྗེའི་ཐད། །མ་བུ་གཉིས་ཀྱི་མདུན་དེ་རུ། །བྱིའུ་པན་བཙུགས་འབྲང་རྒྱས་དང་། །བཤོས་བུ་མར་མེ་བཅུ་གསུམ་བཀྲམ། །རང་ངོས་རྡོ་རྗེའི་ཐད་རྣམས་སུ། །ངར་མི་ཆངས་བུ་གླུད་ཟན་ཏེ། །ཐར་སྣམ་མར་སྣེ་རྡོ་རྗེའི་འོག །བྱིའུ་ཡར་ལ་ཁ་གྲུ་བཞག། །ཐར་སྣམ་ཡར་སྣེ་རྡོ་རྗེའི་གོང་། །ཁྲ་ནི་ཕྱིར་ལ་ཁ་གྲུ་བཞག །བཤམས་པ་དེ་དག་ཆབ་ཀྱིས་བྲན། །ན་མོ་རཏྣ་ཏྲ་ཡཱ་ཡ། །དཀོན་མཆོག་གསུམ་གྱི་བདེན་པ་དང་། །རྟེན་འབྲེལ་བསླུ་བ་མེད་པའི་མཐུས། །བྱིས་འདི་ལ་གནོད་བྱེད་པའི། །ཆུང་སྲི་སྒབ་འདྲེ་བྱིསྶའི་གདོན། །ཁྲ་གཟུགས་ནག་པོ་འདི་ལ་ཁུག །ཛཿཧཱུྃ་བཾ་ཧོཿདབྱེར་མེད་གྱུར། །བྱིསྶའི་བླ་ཚེ་སྲོག་དང་བཅས། །བྱིའུ་འདི་དང་དབྱེར་མེད་གྱུར། །རིན་ཆེན་སྣ་ལྔའི་བྱིའུ་འདི། །མཛེས་སྡུག་གཟི་བརྗིད་ལྡན་པར་གྱུར། ཀྲྀ་ཛཨཱ་ཡུར་སིདྡྷི་ཧཱུྃ། །གོང་འོག་ཁྲ་དང་བྱིའུ་གཉིས། །རྡོ་རྗེ་དང་

[Full Size]

པོའི་སྟེང་དུ་བཞག །གྱེར་མོ་དབྱངས་རོལ་བཅས་པ་ཡིས། །ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་གཅིག་པ་བགྲོད་པའི་ཚེ། །ཁྲ་གདོན་ནག་པོའི་སྲི་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཁྲ་ནི་ཕྱིར་སྤོ་བྱིའུ་ཡར་ལ་སྤོ། །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །སྦྱིན་པའི་ཕ་རོལ་ཕྱིན་པའི་བཀྲ་ཤིས་ནི། །སེར་སྣའི་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །ཅེས་བརྗོད་གཏོར་མའི་དབང་བསྐུར་ནི། །བླ་མ་ཡིན་ན་ཚེ་གཏོར་ལག་ཏུ་བཟུང་། །སྔགས་པ་ཡིན་ན་མདའ་དར་ལག་ཏུ་ཐོགས། །དཀྱིལ་འཁོར་ནང་གི་ཁྲོ་བཅུ་རིམ་པ་ལྟར། །བུ་ཡི་སྤྱི་བོར་བྱོན་ཅིང་ཐིམ་བསྒོམ་ལ། །སྤྱི་གཙུག་དུང་གི་འཁོར་ལོ་རྩིབས་བརྒྱད་སྟེང་། །ཁྲོ་བོ་རྣམ་པར་རྒྱལ་བ་བཞུགས་སུ་གསོལ། །ཚེ་འདི་སྲུང་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཨ་བྷི་ཥིཉྩ་ཨཱ༔ མདའ་དར་གཏོར་མ་བུ་ཡི་སྤྱི་བོར་བཞག །བྱིའུ་ཆུང་འབྲང་རྒྱས་བཤོས་བུ་མར་མེ་རྣམས། །ཆ་གཅིག་མཆོད་གཞིའི་སྟེང་དུ་ཡར་བསྒྲིགས་བཅུག །ངར་མི་ཆངས་བུ་ཆ་སྦྲགས་ཆ་རེ་ནི། །ཕྱིར་ལ་ངར་

[Full Size]

མི་ཆེ་བའི་ནང་དུ་བླུག །ཁྲ་སྟེང་རྡོ་རྗེ་རྒྱ་གྲམ་མནན་ཚུལ་བྱ། །མེད་ན་རྒྱ་གྲམ་བྲིས་ལ་མནན་ཚུལ་བྱ། །དེ་ཚེ་རང་གིས་འདི་ཉིད་གྱེར་དབྱངས་བྱ། །བཅུ་གསུམ་མ་རྫོགས་བར་དུ་དེ་ཡིས་འགྲེས། །བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། །ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་གཉིས་པ་བགྲོད་པའི་ཚེ། །ཐ་ཆུང་ནག་མོའི་སྲི་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲི་བློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །ཚུལ་ཁྲིམས་ཕ་རོལ་ཕྱིན་པའི་བཀྲ་ཤིས་ནི། །འཆལ་བའི་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་སྟེང་། །ཁྲོ་རྒྱལ་དབྱུག་པ་སྔོན་པོ་བཞུགས་སུ་གསོལ། །ཚེ་འདི་སྲུངས་ལ་

[Full Size]

སྲོག་འདི་སྐྱོབས། །ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ། ཨ་བྷི་ཥིཉྩ་ཨཱ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། །ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་གསུམ་པ་བགྲོད་པའི་ཚེ། །མིག་ངན་ནག་མོའི་སྲི་ལས་ཐར། །ཐར་ཐར་སྲི་དང་རྐྱེན་ལས་ཐར། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །བཟོད་པའི་ཕ་རོལ་ཕྱིན་པའི་བཀྲ་ཤིས་༈ ནི། །ཁོང་ཁྲོའི་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་སྟེང་། །ཁྲོ་རྒྱལ་གཤིན་རྗེའི་གཤེད་པོ་བཞུགས་སུ་གསོལ། །ཚེ་འདི་སྲུངས་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ། ཨ་བྷི་ཥིཉྩ་ཨཱ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་

[Full Size]

གསོལ། །རིན་ཆེན་སྣ་ལྔ་འཁོར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་བཞི་པ་བགྲོད་པའི་ཚེ། །སྐེམ་བྱེད་ནག་མོའི་གདོན་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །བརྩོན་འགྲུས་ཕ་རོལ་ཕྱིན་པའི་བཀྲ་ཤིས་ནི། །ལེ་ལོའི་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་དབུས། །ཁྲོ་རྒྱལ་མི་གཡོ་མགོན་པོ་བཞུགས་སུ་གསོལ། །ཚེ་འདི་སྲུངས་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་ཨརྱ་ཨ་ཙ་ལེ་ཧཱུྃ། ཨ་བྷི་ཥིཉྩ་ཨཱ༔ བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་

[Full Size]

རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ༔ ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་ལྔ་པ་བགྲོད་པའི་ཚེ། །ཁ་དྲེད་ནག་མོའི་སྲི་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །བསམ་གཏན་ཕ་རོལ་ཕྱིན་པའི་བཀྲ་ཤིས་ནི། །རྣམ་གཡེང་གཡུལ་ལས་རྣམ་པར་རྒྱལ་བ་ཡི། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོའི་རྩིབས་བརྒྱད་སྟེང་། །ཁྲོ་བོ་རྟ་མགྲིན་རྒྱལ་པོ་བཞུགས་སུ་གསོལ། །ཚེ་འདི་སྲུང་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་ཧྱ་གྲི་ཝ་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བའི་རྐྱེན་དང་སྐག་ལས་ཐར། །ཁྲ་

[Full Size]

མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་དྲུག་པ་བགྲོད་པའི་ཚེ། །ལྟོ་འཕྱེ་ནག་མོའི་བདུད་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །ཤེས་རབ་ཕ་རོལ་ཕྱིན་པའི་བཀྲ་ཤིས་ནི། །ཤེས་འཆལ་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་དབུས། །ཁྲོ་རྒྱལ་གཞན་གྱིས་མི་ཐུབ་བཞུགས་སུ་གསོལ། །ཚེ་འདི་སྲུངས་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་ཨ་པ་རཱ་ཙིཏྟ་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོ་ང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་

[Full Size]

དེ་ལྟར་རྒྱལ། །དེ་ནས་དང་པོ་ཁྲ་དེ་ཕྱིར་ལ་བཞག །བྱིའུ་དེ་ཡར་འཕུར་ཁྲ་ཡི་མཇུག་མ་དེ། བྱིའུའི་མཇུག་མས་མནན་ཏེ་བཞག་པར་བྱ། ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་བདུན་པ་བགྲོད་པའི་ཚེ། །ཙ་མུན་ནག་མོའི་སྲི་ལས་ཐར། །ཐར་ཐུར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །ཐབས་ཀྱི་ཕ་རོལ་ཕྱིན་པའི་བཀྲ་ཤིས་ནི། །མི་ཤེས་རྨོངས་པའི་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་སྟེང་། །ཁྲོ་རྒྱལ་བདུད་རྩི་འཁྱིལ་པ་བཞུགས་སུ་གསོལ། །ཚེ་འདི་སྲུངས་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་

[Full Size]

བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་བརྒྱད་པ་བགྲོད་པའི་ཚེ། །རཀཱ་ནག་མོའི་སྲི་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །སྨོན་ལམ་ཕ་རོལ་ཕྱིན་པའི་བཀྲ་ཤིས་ནི། །ལོག་པའི་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་སྟེང་། །ཁྲོ་བོ་ཁམས་གསུམ་རྣམ་རྒྱལ་བཞུགས་སུ་གསོལ། །ཚེ་འདིར་སྲུངས་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་ཏྲེ་ལོཀྱ་བི་ཛ་ཡ་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། ཧཱུྃ། ཚེ་དང་ལྡན་པ་

[Full Size]

བཀྲ་ཤིས་རྒྱལ་བའི་སྲས། །ཐར་ལམ་དགུ་པ་བགྲོད་པའི་ཚེ། །རྔ་མ་ནག་མོའི་སྲི་ལས་ཐར། །ཐར་ཐར་སྲི་ངན་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །སྟོབས་ཀྱི་ཕ་རོལ་ཕྱིན་པའི་བཀྲ་ཤིས་ནི། །ཉོན་མོངས་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་དབུས། །ཁྲོ་བོ་སྟོབས་ཆེན་རྒྱལ་པོ་བཞུགས་སུ་གསོལ། །ཚེ་འདིར་སྲུངས་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བ་སྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་བཅུ་པ་བགྲོད་པའི་ཚེ། །གནོད་སྦྱིན་ནག་མོའི་སྲི་

[Full Size]

ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །ཡེ་ཤེས་ཕ་རོལ་ཕྱིན་པའི་བཀྲ་ཤིས་ནི། །གཏི་མུག་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་དབུས། །ཁྲོ་བོ་ཧཱུྃ་ཆེན་ཀཱ་ར་བཞུགས་སུ་གསོལ། །ཚེ་འདིར་སྲུངས་ལ་སྲོག་འདི་སྐྱོབས། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ། ཨ་བྷི་ཥིཉྩཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་བཅུ་གཅིག་བགྲོད་པའི་ཚེ། །ལུས་ལ་གནོད་པའི་གདོན་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་

[Full Size]

དང། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །འགྱུར་མེད་སྐུ་ཡི་བཀྲ་ཤིས་གང་ལགས་པ། །དུས་མིན་འཆི་བའི་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །སྤྱི་གཙུག་དུང་གི་འཁོར་ལོ་རྩིབས་བརྒྱད་དབུས། །སྐུ་མཆོག་རྣམ་པར་སྣང་མཛད་བཞུགས་སུ་གསོལ། །ཚེ་འདི་སྲུངས་ལ་སྲོག་འདི་སྐྱོབས། །ཨོཾ་བཛྲ་བེ་རོ་ཙ་ནི་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོ་ང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་བཅུ་གཉིས་བགྲོད་པའི་ཚེ། །མཚན་ངུས་དིག་ལྕོགས་སྲི་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་

[Full Size]

ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་དམ་ཆོས་བཀྲ་ཤིས་པ། །འགགས་མེད་གསུང་གི་བཀྲ་ཤིས་གང་ལགས་པ། །འཛེར་འགགས་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །མགྲིན་པར་པདྨ་འདབ་བརྒྱད་གདན་གྱི་སྟེང་། བཅོམ་ལྡན་སྣང་བ་མཐའ་ཡས་བཞུགས་སུ་གསོལ། །ཚེ་འདི་སྲུངས་ལ་སྲོག་འདི་སྐྱོབས། །ཨོཾ་ཨ་རོ་ལིཀ་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཧཱུྃ། ཚེ་དང་ལྡན་པ་བཀྲ་ཤིས་རྒྱལ་བའི་སྲས། །ཐར་ལམ་བཅུ་གསུམ་བགྲོད་པའི་ཚེ། །སྔངས་སྐག་གཉིད་རྡོལ་སྲི་ལས་ཐར། །ཐར་ཐར་སྲི་དང་རྐྱེན་ལས་ཐར། །བདུད་སྲིན་གློ་བུར་ཡེ་འདྲོག་དང་། །གདོན་བགེགས་སྐག་ལས་ཐར་གྱུར་ཅིག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་

[Full Size]

གྱི་དམ་ཆོས་བཀྲ་ཤིས་པ། །འཁྲུལ་མེད་ཐུགས་ཀྱི་བཀྲ་ཤིས་གང་ལགས་པ། །ཡིད་སྒྲིབ་གཡུལ་ལས་རྣམ་པར་རྒྱལ་བ་ཡིས། །དེང་འདིར་རྒྱལ་བའི་སྲས་ལ་བཀྲ་ཤིས་ཤོག །ཐུགས་ཀར་གསེར་གྱི་འཁོར་ལོ་རྩིབས་བརྒྱད་སྟེང་། །བཅོམ་ལྡན་རྡོ་རྗེ་སེམས་དཔའ་བཞུགས་སུ་གསོལ། །ཚེ་འདི་སྲུངས་ལ་སྲོག་འདི་སྐྱོབས། །ཨོཾ་བཛྲ་ས་ཏྭ་ཧཱུྃ། ཨ་བྷི་ཥིཉྩ་ཨ། བྱིའུ་འཕུར་དགུང་དུ་འཕུར། །ལྷ་དང་སྲུང་མས་བསྐྱབ་ཏུ་གསོལ། །རིན་ཆེན་སྣ་ལྔ་མཁར་དུ་བརྩེགས་པའི་རྫོང་། །ཚེར་ཕུང་དམར་པོ་བྱེལ་གྱི་རྫོང་། །ཐར་རོ་རྒྱལ་བུ་རྐྱེན་དང་སྐག་ལས་ཐར། །ཁྲ་མནན་དོང་དུ་མནན། །གླུད་བོར་ཐུར་དུ་བོར། །མི་རྒྱལ་ལྷ་རྒྱལ་དེ་ལྟར་རྒྱལ། །ཨོཾ་ཧཱུྃ་ཧཱུྃ་ཧཱུྃཨ་ཨོཾ་པདྨ་གུ་རུ་དྷེ་ཝ་ཧཱུྃ། ཕྱོགས་བཅུར་དུས་གསུམ་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་དང་། །དཔའ་བོ་མཁའ་འགྲོ་ཆོས་སྐྱོང་གི །སྐུ་གསུང་ཐུགས་ཡོན་ཕྲིན་ལས་ཀྱི། །བཀྲ་ཤིས་དམ་པ་གང་ལགས་པ། །བདག་གི་ལེ་གུ་འདི་དག་ལ། །རྡོ་རྗེ་ཚེ་ཡི་དངོས་གྲུབ་སྩོལ། །ནད་མེད་ཚེ་རིང་བདེ་སྐྱིད་འཛོམ་པར་ཤོག །དཔལ་གྲགས་སྐལ་བཟང་ལོངས་སྤྱོད་ཀུན་འཕེལ་

[Full Size]

ཤོག །དེ་ནས་བྱིསྦའི་རྐང་པ་ལ་སྐུད་པ་ནག་པོས་སྒྲོག་གི་ཚུལ་དུ་བཅིངས་ལ། ཀྱཻ། སློབ་དཔོན་རྣལ་འབྱོར་བདག་ཅག་གིས། །སྣང་སྲིད་ལྷ་འདྲེ་ཐམས་ཅད་ལ། །ཆུང་གླུད་བཅུ་གསུམ་འབུལ་བ་དང་། །ཆུང་སྲི་ཐུར་དུ་མནན་པ་དང་། །གཏའ་ཡིས་བཅིངས་བ་བཀྲོལ་དུ་གསོལ། །སྒྲོག་ཏུ་བཅུག་པ་བཏང་དུ་གསོལ། །སྲི་ཡིས་བཟུང་བ་བཀྲོལ་དུ་གསོལ། །སྲི་ཅན་སྲི་རྒོད་ཐུར་དུ་བཅུག །ཟ་རྒུད་མི་ནི་ཁ་ཡང་བཅིངས། །ཆུང་སྲི་དེ་ཡི་ཁ་ནས་ཐར། །སློབ་བུ་བདག་གི་དྲུང་དུ་ཐར། །དེ་རིང་བཙན་པའི་རྫོང་དུ་བཅུག །དེ་རིང་སྲིད་པའི་ཞལ་དྲོ་ཤོག །ཀྱཻ། སྣང་སྲིད་ལྷ་འདྲེ་ང་ལ་ཉོན། །གཏའ་ཡིས་བཅིངས་པ་དེ་རིང་བཀྲོལ། །སྒྲོག་ཏུ་བཅུག་པ་དེ་རིང་བཀྲོལ། །ཟིན་རྒྱལ་པོའི་ཤིང་སྒྲོག་བཀྲོལ། །ལི་བཙན་གྱི་མེ་སྒྲོག་བཀྲོལ། །དྭ་བདུད་ཀྱི་ལྕགས་སྒྲོག་བཀྲོལ། །ཁཾ་མ་མོའི་ཆུ་སྒྲོག་བཀྲོལ། །རྐང་ལག་སྒྲོག་ལྔས་བསྡམས་པ་ནི། །རྡོ་རྗེ་སློབ་དཔོན་བདག་ཅག་གིས། །ཤིང་སྒྲོག་ལྕགས་ཀྱི་ཟོར་བས་གཅོད། །མེ་སྒྲོག་ཆུ་ཡི་ཟོར་བས་གཅོད། །ལྕགས་སྒྲོག་དམར་པོ་མེ་ཡིས་གཅོད། །ཆུ་སྒོག་གསེར་གྱི་ཟོར་བས་གཅོད། །

[Full Size]

ས་སྒྲོག་ཤིང་གི་ཕུར་པས་གཅོད། །དེ་གོང་ཡན་ཆད་སྒྲོག་གིས་བཅིངས། །དེ་རིང་མཆོད་པ་འདི་བཞེས་ལ། །དེ་རིང་ཐབས་ཀྱིས་སྒྲོག་འདི་བཀྲོལ། །དེ་རིང་བཅིངས་བའི་སྒྲོག་བཀྲོལ་ལོ། །བཅིངས་ལས་གྲོལ་ནས་ཡར་ཐར་རོ། །ཨོཾ་བྷནྡྷ་པྲ་ཝེ་ཤ་ཡ་ཕཊ༔ ཅེས་ཟེར་བའམ་གྲི་ཡིས་བཅད་ངར་མི་ནང་དུ་འཕང་། དངོས་གྲུབ་འབྱུང་རྒྱུད་ལས། བླ་སྒང་བུ་ཡིས་གླུད་དུ་བཏང་ཞེས་པས། ངར་མི་བྲན་ལ། ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན་བརྗོད། རིན་ཆེན་མང་དང་གཟུགས་མཛེས་དང་། །འཇམ་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ལོ། །རྒྱུ་རྐྱེན་རྟེན་འབྲེལ་ཕུན་སུམ་ཚོགས། །སྐུ་གླུད་ངར་གྱི་མི་བོ་ཆེ། །ཁོག་སྟོད་གསེར་ལ་ཁོག་སྨད་དངུལ། །སྐེད་པ་རིན་ཆེན་མཆོང་ལས་གྲུབ། །ལག་གཡས་གསེར་ལ་གཡོན་པ་དངུལ། །རྐང་གཡས་ལྕགས་ལ་གཡོན་པ་ཟངས། །མུ་ཏིག་ཀླད་ལ་བྱི་རུའི་ལྗགས། །མོན་ལུག་བླ་སྒང་དོན་སྙིང་བྱས། །མི་བས་གླུད་བཟང་ལྷ་བུ་འདྲ། །བྱིས་པའི་གདོན་ཆེན་བཅོ་ལྔ་དང་། །ཆུང་སྲི་སྒབ་འདྲེ་འགོང་པོའི་ཚོགས། །ཤི་འདྲེ་མོ་དང་གསོན་འདྲེ་མོ། །བསེ་རག་གྲི་བོ་

[Full Size]

གྲི་མོ་སོགས། །ཟ་འདྲེ་ཤི་འདྲེ་ལ་སོགས་པ། །ཟ་རེ་འཐུང་སྐོམ་བྱེད་རྣམས་ལ། །མི་བས་དགའ་བའི་གླུད་འདི་འབུལ། །བུ་ལོན་ལན་ཆགས་ཡོད་ན་ཡང། །གླུད་གཏོར་འདི་ཡིས་བྱང་བར་མཛོད། །ཟ་རེ་འཐུང་སྐོམ་ཡོད་ན་ཡང་། །གླུད་གཏོར་འདི་ཡིས་ཚིམ་པར་མཛོད། །དོན་མེད་གནོད་པ་ཡོད་ན་ཡང་། །གླུད་གཏོར་འདི་ཡིས་ཞི་བར་མཛོད། །བུ་ལོན་ལན་ཆགས་འཇལ་ཟིན་གྱིས། །གནོད་པའི་བསམ་པ་མེད་པར་མཛོད། །འདི་རུ་མ་འདུག་གཞན་དུ་དེངས། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག། གལ་ཏེ་བཀའ་ལ་མི་ཉན་ན། །ཕྱག་ན་རྡོ་རྗེའི་དམ་ལས་འདས། །ལྕང་ལོ་ཅན་གྱི་ཕོ་བྲང་དུ། །ནམ་ཡང་འགྲོ་བར་མི་འགྱུར་རོ། །འབྱུང་པོ་མང་པོ་ཚོགས་པ་ན། །སྟན་ཡང་ཐོབ་པར་མི་འགྱུར་རོ། །དེ་ཡི་རྩིབ་ལོགས་གཡས་པ་ན། །འབྲས་ཆེན་ནད་ཀྱང་འབྱུང་བར་གྱུར། །འཁོར་ལོ་སྤུ་གྲིའི་སོ་འདྲ་བས། །དེ་ཡི་སྣ་དང་རྣ་བ་གཅོད། །ཁྲོ་ཆེན་ཡཀཱ་མེ་དབལ་གྱིས། །སྙིང་ཁྲག་གཞིབ་ནས་གསོད་པར་བྱེད། །ཤི་ན་རྡོ་རྗེའི་དམྱལ་བར་ལྟུང་། །བསྐལ་པ་འབུམ་དུ་ཐར་དུས་མེད། །

[Full Size]

དེ་བས་རང་དམ་རང་གིས་སྲུང་། །བྱམས་པའི་སེམས་ཀྱིས་འགྲོ་བར་གྱིས། །ཨོཾ་སུམ་བྷ་ནི་སོགས། ནས་ལྕག་བྲབ་ཅིང་རོལ་མོ་སྒྲོག །བྱིས་པའི་ལོ་བདུད་གནས་པའི་ཕྱོགས་གོམ་པ་བདུན་ཅུ་འདས་སར་བསྐྱལ། མར་སྣེར་ལྕགས་སྡེར་སྣོད་ནང་དུ། །བྱིའུ་ཚང་ཁྱི་མགོ་སོགས་བཞག་ལ། །གླང་མའི་འདྲེ་སྐས་ནག་པོ་ལ། །ཁྲ་དེ་ཐུར་དུ་བསྒྲོད་ཚུལ་བྱས། །ཁྱི་མགོའི་དྲུང་དུ་ཁྲི་བཞག་ལ། །དེ་སྟེང་འདྲེ་སྐས་བཅག་ལ་བཞག །ཁྲག་གམ་ཡང་ན་ཆུས་བྲན་ཏེ། །ན་མོ་བཛྲ་པཱ་ཎི་ཡེ། དཀོན་མཆོག་གསུམ་གྱི་བདེན་པ་དང་། །ཁྲོ་བོ་བཅུ་ཡི་མཐུ་སྟོབས་དང་། །མ་ལྷ་དཔལ་ལྡན་ལྷ་མོ་ཡི། །མཐུ་དང་རྫུ་འཕྲུལ་ཆེན་པོ་ཡིས། །བྱིས་པ་འདི་ལ་གནོད་བྱེད་པའི། །ཆུང་སྲི་ཆུང་བདུད་སྒབ་འདྲེ་ཀུན། །ཁྲ་གཟུགས་ཁྱི་མགོ་འདི་ཉིད་ལ། །།ཁུག་ཅིག་ཆིངས་ཤིག་དབྱེར་མེད་བསྟིམ། །ཏྲི་ཛཿཧཱུྃ་བཾ་ཧོབྷནྡྷ་ཧཱུྃ། ཉེར་གཅིག་ལ་སོགས་ཅི་མང་བརྗོད། །དེ་ནས་སྒོ་ཐེམ་མམ་ནི་སྐས་རྟིང་ཞབས། །དོང་བྲུས་དེ་ཡི་ནང་དུ་བཅུག་བྱས་ལ། །རྡོ་ལེབ་རྒྱ་གྲམ་བྲིས་པས་སྟེང་ནས་མནན། །ཧཱུྃ། ཆུང་སྲི་དམ་སྲི་ལས་ངན་ཁྱོད། རིམ་དགུ་ས་ཡི་འོག་ཏུ་སོང་། །ཆུ་སྲིན་གདུག་པའི་གྲེ་བར་རྫོངས། །ལས་ཀྱི་གཤིན་རྗེའི་ལག་ཏུ་གཏད། །རི་རབ་འབར་བའི་འོག་ཏུ་མནན། །བྱམས་མགོན་

[Full Size]

བསྟན་པ་མ་བྱུང་བར། །སྟེང་གི་ཕྱོགས་སུ་མ་ལྡང་ཞིག །ཁྲོ་བོ་བཅུ་ཡིས་བྲོ་བརྡུངས་ནས། །ཕ་རོལ་ཕྱིན་བཅུའི་རྒྱ་ཡིས་གདབ། །ༀ་ལཾ་ཧཱུྃ་ལཾ་སྟམྦྷ་ཡ་ནན། བཛྲ་ཀྲོ་དྷ་ད་ཤ་དིག་ས་མ་ཡ་རྒྱ་རྒྱ་རྒྱ། དངོས་གྲུབ་འབྱུང་བའི་རྒྱུད་སྡེ་ལས། །ལྷ་ལ་མཆོད་བསྟོད་གཞུང་བཞིན་བྱ། །གསུངས་ཕྱིར་དེ་ནི་ལྷ་མཆོད་རྟེན། །སྔོན་ནས་གཞི་འགྲམ་ཡར་བཞག་པའི། །མར་མེ་ཟན་ཀོང་བཅུ་གསུམ་བཤམས། །འབྲང་རྒྱས་བཤོས་བུ་རྣམས་ཀྱང་བྲན། །ཀྱཻ། དེ་རིང་སྲུང་མས་མགོན་བྱེད་པ། །ཚེ་ལྷ་མགོན་པོ་ཚེ་དཔག་མེད། །སྲོག་ལྷ་ཚེ་ཡི་ལྷ་མོའི་ཚོགས། །མ་ལྷ་མ་གཅིག་དཔལ་ལྷ་མོ། །ཕྲག་ལྷ་ཕོ་ལྷ་ཞང་ལྷ་དང་། །ཁྱིམ་ལྷ་ཐབ་ལྷ་ལ་སོགས་པ། །བྱིས་པ་འདི་ལ་མགོན་བྱེད་པའི། །ལྷ་དང་སྲུང་མ་ཁྱེད་རྣམས་ལ། །མཆོད་པ་དམ་པ་འབུལ་བ་ནི། །རིན་ཆེན་སྣོད་མཆོག་ཡངས་པའི་ནང་། །ཕྱེ་མར་ཞལ་ཟས་འོ་བསྐོལ་དང་། །འབྲས་ཀྱི་གཡག་ལུག་ར་གསུམ་དང་། །བལ་ཚོན་དང་ནི་དར་ཚོན་ལ། །འབྲས་ཟན་བཟའ་བཅའ་སྣ་ཚོགས་དང་། །ཞིམ་དགུ་མངར་བཅུ་ཕུན་ཚོགས་པ། གཡག་དང་ལུག་གི་སྟོད་ཤ་དང་། །མར་ཁུ་བདུད་རྩི་མཚོ་མོ་བསྐྱིལ། །ལྷ་ཡི་འབྲང་རྒྱས་

[Full Size]

ཞལ་དཀར་དང་། །དེ་རྣམས་སྲུང་མ་ཁྱེད་རྣམས་ལ། །མཆོད་ཡོན་དམ་པ་འདི་འབུལ་ལོ། །དེ་རིང་རྒྱུ་སྦྱོར་ཡོན་བདག་གི །བུ་ཆུང་འདི་ཡི་མགོན་སྐྱབས་མཛོད། །ད་ལྟ་སྲུང་མ་ཁྱེད་རྣམས་ཀྱིས། །བུ་ཆུང་འདི་ཡི་དམུ་དག་ཟུངས། །བཙན་བཀའ་ཁྲོལ་ལ་དམུ་དག་ཟུངས། །བྱེར་བ་དང་ནི་བྱེར་བྱེད་དང་། །དར་བྱེད་དང་ནི་མགྱོགས་བྱེད་དང་། །རྒྱལ་པོ་ཆེན་པོ་ཁྱེད་རྣམས་ཀྱིས། །ཚེ་བརྟན་ལེ་གུ་འདི་དག་གི །སྲུང་སྐྱོབ་བུ་རྫི་མཛད་དུ་གསོལ། །སྲོག་གི་བྱ་ར་མཛད་དུ་གསོལ། །ཁ་འཛིན་མགོན་སྐྱོབ་མཛད་དུ་གསོལ། །ཉིན་གྱི་དུས་སུ་བྱ་ར་མཛོད། །མཚན་གྱི་དུས་སུ་མེལ་ཚེ་མཛོད། །བྱིས་པ་འཚོས་ལ་སྐྱེས་བུའི་མགྲོན། །མི་གྲངས་སྤེལ་ལ་བཀྲག་མདངས་བསྐྱེད། །རྒྱལ་ཁ་ཟུངས་་ལ་དཔལ་ཁ་བསྐྱེད། །ནད་པ་ཡོད་ན་ཡོ་ནས་སློང་། །སྲིའུ་ཐར་ནས་ཐོན་པར་གྱིས། །སྲིའུ་སྐག་ལས་ཐར་བར་མཛོད། །མཆོད་གཏོར་བཞེས་ལ་དངོས་གྲུབ་སྩོལ། །ཚེ་རིང་ནད་མེད་བཀྲ་ཤིས་ཤོག །ཨོཾ་ཨཱ་ཡུཛྙཱ་ན་ཤཱི་དེ་ཝི་ལོ་ཀ་དྷེ་ཝ་སརྦ་པཱུ་ཙ་ཁ་ཁ་ཁཱ་ཧི་ཁཱ་ཧི། དེ་ནས་ཤུག་གུ་རྩེ་རྒྱལ་གཉིས། །ཕའམ་སྐྱེས་པ་གཅིག་གིས་བཟུང་། །ཆབ་ཀྱིས་བྲན་ལ་འདི་སྐད་དོ། །

[Full Size]

དཀོན་མཆོག་གསུམ་ལ་ཕྱག་འཚལ་ལོ། །ཤུག་མགོན་བརྔན་པ་གང་སྲིད་ན། །སྲིད་པ་གསུམ་གྱི་རྒྱལ་པོ་དང་། །རྒྱལ་ཆེན་བཞི་དང་ཕྱོགས་སྐྱོང་བཅུ། །སྲུང་མ་རྣམས་ལ་ཕྱག་འཚལ་ནས། །བཅོམ་ལྡན་དཔལ་གྱི་དྲུང་དུ་ཞུས། །འཇམ་པའི་དབྱངས་ཀྱིས་བཀའ་སྩལ་པ། །ཀྱཻ། བསྐལ་པ་དང་པོའི་ཐོག་མ་ལ། །ཤུག་མགོན་ཨཱི་བརྔན་པའི་ཡོན་ཏན་གྱིས། །འགྲོ་བ་མི་ཡི་སྐྱབས་མགོན་བྱུང་། །དེ་རིང་རྒྱུ་སྦྱོར་ཡོན་བདག་གི །ཐུག་མགོན་གཉེན་པོའི་བརྔན་འཚལ་ལོ། །མགོན་སྐྱབས་དམ་པ་མཛད་དུ་གསོལ། །ཤུག་མགོན་གཉན་པོས་བརྔན་པ་ཡི། །མགོན་སྐྱབས་བྱེད་པའི་ལྷ་སྲུང་རྣམས། །ཕོ་ལྷ་དགྲ་བླ་གཉན་པོ་རྣམས། །བཟང་བྱེད་དགྲ་བླ་ཕྲག་ལྷ་དང་། །ཁ་འཛིན་བྱེད་པའི་ཟོ་དོར་རྣམས། །སྦྲ་ལྷ་མཁར་ལྷ་རྩེ་རྒྱལ་དང་། །ནོར་ལྷ་རྣམ་སྲས་ཛམ་བྷ་ལྷ། །ལུག་ལྷ་རྨིན་བུ་ར་ལྷ་ཚེ། །རྟ་ལྷ་འཕགས་པ་རེ་མན། །ཐབ་ལྷ་ཡུ་མོ་སྒོ་ལྷ་སྟག །མ་ལྷ་བུ་རྫི་གཉན་པོ་དང་། །འགོ་བའི་ལྷ་དང་སྲུང་མ་ལ། །སྐུ་ཤིང་ཤུག་པ་རྩེ་རྒྱལ་ལ། །དར་དང་བལ་ཚོན་བརྒྱན་པ་དང་། །ཞལ་ཟས་མཆོད་པ་སྣ་ཚོགས་དང་། །

[Full Size]

འབྲས་ཀྱི་གཡག་ལུག་ར་གསུམ་དང་། །འབྲང་རྒྱས་བཤོས་བུ་རྩེ་རྒྱལ་པ། །རིན་པོ་ཆེ་ཡི་ཞལ་བུ་རུ། །སྐྱེམས་འཕང་ཆང་དང་ཇ་ཡིས་གཏམས། །དཀར་གསུམ་མངར་གསུམ་ཕུད་རྣམས་དང་། །ཕྱེ་ཕུད་མར་ཐུད་དགོས་འདོད་དང་། །ཨན་མེ་ཏོག་འབྲུ་སྨན་དང་། །འཕུར་ལྡིང་འཛུལ་གསུམ་གཟུགས་འགྲོས་སྣ་ཚོགས་དང་། །ཕྱིང་པ་ལ་སོགས་གཞི་ཀློམ་དཀར་གཙང་སྟེང་། །ལེགས་པར་བཤམས་པའི་མཆོད་པ་སྣ་ཚོགས་པ། །གཡུ་ཤུག་སྦ་སྨྱུག་རྩི་ཤིང་སྣ་ཚོགས་དང་། །འདོད་ཡོན་མཁོ་དགུའི་མཆོད་པས་མཉེས་གྱུར་ཅིག །སྔོན་ཚེ་རི་བོ་རྩེ་ལྔའི་ཕོ་བྲང་དུ། །འཕགས་པ་འཇམ་དབྱངས་སྤྱན་སྔ་རུ། །ཤུག་མགོན་བརྔན་པའི་ཡོན་ཏན་གྱིས། །མི་ནོར་སྲུང་བར་ཁས་བླངས་ལྟར། །དེ་རིང་ཡོན་གྱི་བདག་པོ་ཡིས། །ཤུག་མགོན་གཉན་པོ་འདི་འབུལ་བས། །ཉིན་གྱི་བྱ་ར་མཚན་གྱི་མེར་ཚེ་མཛོད། །དཀོར་ནོར་ལོངས་སྤྱོད་རྒྱས་པར་མཛོད། །རྒན་གྱི་ཚེ་བསྲིང་ནད་རྣམས་མེད་པར་མཛོད། །གཞོན་པའི་དཔལ་བསྐྱེད་བུ་ནོར་འཛོམ་པར་མཛོད། །དབང་ཐང་ཆོས་སྲིད་རྒྱས་པར་ཤོག །མ་ལྷས་བུ་རྫི་བྱེད་པར་མཛོད། །སྲིའུ་ཚང་ནས་བསྐྱེད་པར་

[Full Size]

མཛོད། །བྱེལ་ཆུང་སྒོ་ང་བསྐྱེད་པར་མཛོད། །བསམ་དོན་ཐམས་ཅད་འགྲུབ་པར་མཛོད། །སྔོན་ཚེ་འཕགས་པ་འཇམ་དཔལ་གྱིས། །ལྷ་ཤིང་ཙན་དན་དཀར་དམར་ལ། །རིན་ཆེན་དར་ཚོན་སྣ་ལྔ་བཏགས། །འགྲོ་བ་སེམས་ཅན་རྣམས་ཀྱི་ནི། །བསོད་ནམས་ལོངས་སྤྱོད་བསྐྱེད་པའི་ཕྱིར། །ལྷ་ཀླུ་མཐུ་ཆེན་ཐམས་ཅད་ལ། །སྲིད་པའི་ཤུག་མགོན་གཉན་པོས་བརྒྱན། །དེ་ཡིས་ལྷ་ཀླུ་མཐུ་ཆེན་བརྔན། །ལྷ་ཀླུ་མཐུ་ཆེན་ཐམས་ཅད་ཀྱིས། །འཇམ་དཔལ་དྲུང་དུ་ཁས་བླངས་ནས། །འགྲོ་བ་སེམས་ཅན་ཐམས་ཅད་དང་། །ཡོན་བདག་མི་ནོར་འཁོར་བཅས་ལ། །ཤུག་མགོན་བརྔན་པའི་ཡོན་ཏན་བྱུང་། །དེ་བཞིན་བདག་དང་ཡོན་བདག་གིས། །ཤུག་མགོན་གཉན་པོ་འདི་འབུལ་བས། །མི་ལ་ན་ཚ་མེད་པར་མཛོད། །ནོར་ལ་ནད་ཡམས་མེད་པར་མཛོད། །དཀོར་ནོར་ལོངས་སྤྱོད་རྒྱས་པར་མཛོད། །ཡུལ་མཁར་ས་གཞི་བརླིང་བར་མཛོད། །འབྲས་དྲུག་ལོ་ཏོག་ལེགས་པར་མཛོད། །བུ་ཚ་རིགས་རྒྱུད་དར་བར་མཛོད། །མ་ལྷ་བུ་རྫིས་བསྲུང་བར་མཛོད། །སྲིའུ་སྐག་ལས་ཐར་བར་མཛོད། །བྱིའུ་ཆུང་སྒོ་ང་བསྐྱེད་པ་

[Full Size]

ལྟར། །བྱིས་པ་ཚང་ནས་བསྐྱེད་པར་མཛོད། །འཇམ་དཔལ་དབྱངས་དང་སྤྱན་རས་གཟིགས། །ཕྱག་ན་རྡོ་རྗེའི་བྱིན་རླབས་དང་། །བླ་མ་ཡི་དམ་ལྷ་ཡི་ཚོགས། །སངས་རྒྱས་བྱང་སེམས་རྒྱལ་སྲས་དང་། །མཁའ་འགྲོ་ཆོས་སྐྱོང་མཐུ་བོ་ཆེ། །ནོར་ལྷ་ཕྱོགས་སྐྱོང་ལྷ་དང་ཀླུ། །།ཕོ་ལྷ་དགྲ་བླ་ཡུལ་གྱི་ལྷ། །དཀར་ཕྱོགས་ཟོ་དོར་ཐམས་ཅད་དང་། །ཡུལ་ཕྱོགས་འདི་རུ་བཞུགས་པ་ཡི། །ཟོ་དོར་བཟང་པོ་ཁྱེད་རྣམས་ལ། །ཤུག་མགོན་གཉན་པོའི་བརྟེན་ཤིང་འབུལ། །དེ་ལྟར་བརྟེན་བཙུགས་ཡོན་ཏན་གྱིས། །བདག་དང་ཡོན་བདག་འཁོར་བཅས་ཀྱི། །བསམ་དོན་སྒྲུབས་ལ་རེ་བ་སྐོངས། །ཚེ་རིང་ནད་མེད་བདེ་སྐྱིད་ཤོག །མི་ནོར་ལོངས་སྤྱོད་འཕེལ་བར་ཤོག །ཡམས་ནད་གདོན་བགེགས་མེད་པར་མཛོད། །བཀྲ་ཤིས་བདེ་སྐྱིད་ཕུན་ཚོགས་ཤོག །ཡུལ་པ་ཡིན་ན་ཁྱིམ་ཕུག་ཀ་བར་བཅིངས། །འབྲོག་པ་ཡིན་ན་གུང་ཁར་བཙུགས་ལ་བཞག །དེ་ནས་མདའ་དར་མ་ཡི་ལག་ཏུ་གཏད། །མ་ལྷ་མ་ལ་འཁོར་བར་དམིགས། །ཧཱུྃ། སྔོན་གྱི་བསྐལ་པའི་དང་པོ་ལ། །ལྷ་དང་ལྷ་མ་ཡིན་གྱི་དམག །རི་རབ་རྩེ་ལ་འཐབ་པའི་ཚེ། །ལྷ་རྣམས་ཕམ་ཞིང་ལྷ་གནས་ཞིག །ལྷ་མིན་གཡུལ་ངོ་

[Full Size]

རྒྱལ་བ་དང་། །མི་ཕམ་སྲིད་གསུམ་ལྟོ་བ་ལ། །ལྷ་ཡི་དམག་དཔུང་རྫོང་བཅས་ཏེ། །ལྷ་མ་ཡིན་གྱི་གཡུལ་ངོ་ཟློག །ལྷ་མིན་དབང་པོས་ཕྱག་ཀྱང་བྱས། །ལྷ་དང་མི་རྣམས་རྨོངས་པ་ལ། །ལྷ་མོས་ནུ་མས་འགྲོ་དྲུག་གསོས། །མ་ལྷ་དཔལ་ལྡན་ལྷ་མོའི་ལ། །བཅོམ་ལྡན་འདས་དང་གསང་བའི་བདག །རྟ་མགྲིན་རྒྱལ་པོས་བཀའ་སྩལ་པ། །རྣལ་འབྱོར་དམ་ཚིག་ལ་གནས་པའི། །སྲིའུ་གསོ་བའི་གྲོགས་མཛོད་གསུངས། །ལྷ་མོ་མ་ལྷ་བུ་རྫི་མས། །མ་ལྷ་དཀར་མོ་མཆེད་བརྒྱད་སྤྲུལ། །མ་བས་བུ་མོ་ཡ་མཚན་ཅན། །ཁྲུང་ཁྲུང་དགོངས་འདྲེན་འདི་དག་ལ། །ལས་ཀྱི་མེ་འབར་བས། །གསང་བས་ཆར་འབེབས་འཚལ། །དེ་སྔ་ཕན་ཡོན་མེད་པ་ལ། །མ་ལྷ་འཁྱམས་པ་ཡིན། །དེ་ཕྱིར་མ་ལྷ་རྟེན་བཙུགས་འཚལ། །མདའ་བྱ་རྒོད་མ་ལ། །དར་དཀར་ཡུག་གཅིག་བཏགས། །བལ་བུ་དཀར་པོ་བཏགས། །གཡུ་ནི་མཚོ་རོ་འོད་ཆེན་དང་། །ཡེ་ཤེས་མེ་ལོང་བཏགས། །དེ་རྣམས་མ་ལྷ་ཉིད་ཀྱི་རྟེན། །རྟེན་སྙན་དབྱངས་ཀྱིས་འབོད། །དར་དཀར་གཡབ་ཀྱིས་འབོད། །ལྷ་དང་སྲིན་གྱི་ཡུལ། །མ་ལྷའི་སྤྱན་སྔ་རུ། །མ་ལྷ་

[Full Size]

གཡང་རྟེན་ནས། །ཞིབ་མར་འོ་བསྐོལ་འདི་ཡིས་མཆོད། །གསེར་གྱི་ཀ་བ་བཙུགས་པ་ཡང་། །མ་ལྷ་ཉིད་ཀྱི་རྟེན་དུ་བཙུགས། །གཡུ་ཡི་གདུང་མ་བྲེས་པ་ཡང་། །མ་ལྷ་ཉིད་ཀྱི་རྟེན་དུ་བཙུགས། །མཆོང་གི་དྲལ་བུ་བཀྲམ་པ་ཡང་། །མ་ལྷ་ཉིད་ཀྱི་རྟེན་དུ་བཙུགས། །མཚལ་གྱི་སྣལ་མ་བརྡལ་བ་ཡང་། །མ་ལྷ་ཉིད་ཀྱི་རྟེན་དུ་བཙུགས། །མདའ་བྱ་རྒོད་མ་ལ། །ཡེ་ཤེས་མེ་ལོང་བཏགས་པ་ཡང་། །མ་ལྷ་ཉིད་ཀྱི་རྟེན་དུ་བཙུགས། །པགས་བུ་དཀར་པོ་བཏགས་པ་ཡང་། །མ་ལྷ་ཉིད་ཀྱི་རྟེན་དུ་བཙུགས། །མ་ལྷ་ཉིད་ཀྱི་རྟེན་བཙུགས་ནས། །རི་རབ་ཆེན་པོ་བས་ཀྱང་རྒྱ་ཆེར་བཞུགས། །མ་ལྷའི་རྟེན་དང་ཕུར་བཙུགས་སོ། །དཔག་བསམ་ལྗོན་ཤིང་བས་ཀྱང་རྒྱ་ཆེར་འགྱུར། །ལྕགས་ཀྱི་ཁྲབ་བྱང་བཏགས་པ་ཡང་། །མི་སྲོག་ལྕགས་བས་སྲ་བར་འགྱུར། །མ་ལྷ་གསོལ་བའི་མངའ་ཐང་ནི། །སྟག་གཉིས་ལག་པ་དང་། །འབྲོང་ཤ་ཚང་ར་དང་། །ཤ་ཕུད་ཟས་ཕུད་དང་། ཆང་གི་ཕུད་དང་སྐོམ་གྱི་ཕུད། །མ་ལྷ་གསོལ་ལོ་མ་ལྷ་མཆོད། །མ་ལྷ་སྤྱོན་ལ་མི་གྲངས་སྤེལ། །ཕྱུགས་གཡང་བསྐྱབ་ཏུ་གསོལ། །ཐབ་ལྷ་གེ་ཐུང་ད་ཚུར་སྤྱོན། །

[Full Size]

མེ་ལྷ་མེ་འབར་ད་ཚུར་སྤྱོན། །དཔལ་གྱི་མེ་སྦྱོར་ལ། །མཐུ་བ་གཡས་པ་ན། །རྨང་གི་བུ་འཆོས་ལ། །གཅིག་ཙམ་ནང་མི་ཤོར། །ཁྲུང་ཁྲུང་སྐྱོབ་པས་མ་ལྷ་བཅོས། །བདུད་དཔུང་ཀུན་ཤིག་ཅིག །མ་ལྷ་འབྲང་པོ་ད་ཚུར་བྱོན། །ཡར་ལ་འགྲོ་ན་འོ་རེ་བརྒྱལ། །ཡར་ལ་སྤྱོན་དང་སྨོན་ལམ་འདེབས། །མཐུ་བ་གཡས་པ་ལས། །པང་དུ་ཡར་བཞེས་ལ། །དེ་ཡི་ཡོན་ཏན་ཐད་དུ་བཞེས། །ཞིབ་མར་འོ་བསྐོལ་འདི་ཡིས་མཆོད། །གསེར་སྐྱེམས་ཁྲུང་ཁྲུང་འདི་ཡིས་མཆོད། །གཡས་སུ་མི་བཏང་སྨོན་ལམ་འདེབས། །གཡོན་དུ་མི་བརྡལ་སྨོན་ལམ་འདེབས། །ངན་དུ་མི་བྱེད་སྨོན་ལམ་འདེབས། །བདུད་ཀྱི་མི་རྩོད་སྨོན་ལམ་འདེབས། །རྭ་ནི་གཡས་དང་གཡོན་ལ་བརྟེན། །གསེར་གྱི་ཐག་བཟང་ཕྱག་ཕུལ་བས། །མ་ལྷ་སྤྱོན་དང་སྨོན་ལམ་འདེབས། །བཀྲ་ཤིས་སྨོན་ལམ་ལྡན་གྱུར་ཅིག །ད་ནི་མ་ལྷའི་རྟེན་ཡག་གོ །ད་ནི་མ་ལྷ་ལེགས་བཅོས་སོ། །མ་ལྷ་བཅོས་པས་ཆུང་སྲི་ཐུབ། །དགྲ་བླ་བཅོས་པས་དགྲ་སྲི་ཐུབ། །མ་ལྷ་གསོན་ལ་མི་གྲངས་སྤེལ། །མ་ལྷའི་ཕུར་དང་རྟེན་བཙུགས་སོ། །གསེར་གྱི་བུམ་པ་ལ། །

[Full Size]

གཡུ་ཡི་ཁ་རྒྱན་ཅན། །མ་ལྷའི་སྐུ་ཡི་རྟེན་བཙུགས་སོ། །ལུས་ཀྱི་ཕྱག་རྒྱ་མ་འཁྲུགས་ཤིག །ངག་གི་དམ་ཚིག་མ་ཉམས་ཤིག །ལེགས་ཁ་དཔལ་གྱི་བུ་འཚོས་ཤིག །ད་ནི་དཔལ་གྱི་མེ་བུས་ཤིག །ཉེ་ལེན་དཔལ་གྱི་ཆུ་ལོངས་ལ། །བཀྲ་ཤིས་འོ་མའིཆུ་རྒྱུན་ཕོབ། །དེ་སྐད་བཀྲ་ཤིས་སྨོན་ལམ་བཏབ། །སྤྱི་བོ་བདེ་ཆེན་འཁོར་ལོ་ལ། །མ་ལྷ་ཆེ་བའི་གནས་ཤིག་ཡོད། །མགྲིན་པ་ལོངས་སྤྱོད་འཁོར་ལོ་ལ། །མ་ལྷ་ཆེ་བའི་གནས་ཤིག་ཡོད། །ཐུགས་ཀ་ཆོས་ཀྱི་འཁོར་ལོ་རུ། །མ་ལྷ་ཆེ་བའི་གནས་ཤིག་ཡོད། །ལྟེ་བ་སྤྲུལ་པའི་འཁོར་ལོ་ལ། །མ་ལྷ་ཆེ་བའི་གནས་ཤིག་ཡོད། །བདེར་གཤེགས་རིགས་ལྔ་ཡུམ་ལྔ་དང་། །སྲས་ནི་བྱང་སེམས་ཐམས་ཅད་ཀྱིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །ལྷ་ཡི་དབང་པོ་བརྒྱ་བྱིན་གྱིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །རྣམ་ཐོས་སྲས་ལ་སོགས་པ་ཡིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །རྒྱལ་པོ་ཆེན་པོ་སྡེ་བཞི་ཡིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །འཕགས་པ་འཛམ་ལྷ་ལ་སོགས་པས། །མ་ལྷ་བསྲུང་དུ་

[Full Size]

གསོལ། །མ་ལྷ་བསྐྱབ་ཏུ་གསོལ། །ནོར་སྲུང་ཆེན་པོ་ཐམས་ཅད་ཀྱིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །དབང་ལྡན་ལ་སོགས་ཕྱོགས་སྐྱོང་ཆེན་པོ་བཅུས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །ཚངས་པ་ལ་སོགས་ལྷ་བརྒྱད་ཀྱིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་ཉ་གསོལ། །མཐའ་ཡས་ལ་སོགས་ཀླུ་བརྒྱད་ཀྱིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །ཉི་མ་ལ་སོགས་གཟའ་བརྒྱད་ཀྱིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །རྒྱུ་སྐར་ཉི་ཤུ་རྩ་བརྒྱད་ཀྱིས། །མ་ལྷ་བསྲུང་དུ་གསོལ། །མ་ལྷ་བསྐྱབ་ཏུ་གསོལ། །མ་ལྷའི་རྟེན་བཙུགས་སོ། །མ་ལྷ་མ་བྲོས་ཤིག །མ་ལྷ་མ་འཁྱམས་ཤིག །མ་ལྷ་འདྲེ་དང་མ་བསྡོངས་ཤིག །མ་ལྷ་མ་སྐྲག་ཅིག །མ་ལྷ་མ་སྔངས་ཤིག །མ་ལྷས་བུ་ཡི་ཚེ་སྲུངས་ཤིག །མ་ལྷས་མི་ཡི་ཚེ་སྤེལ་ཅིག །མ་ལྷས་བུ་ཡི་རིགས་རྒྱུད་ཐམས་ཅད་སྤེལ་ཅིག །བརྟན་པར་གྱུར་ཅིག །བཀྲ་ཤིས་པར་གྱུར་ཅིག །ༀ་ཧཱུྃ་ཤྲཱི་ཡ་དེ་ཝི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ་ཛཿ མ་ཧཱ་དེ་ཝི་ཨཊྚ་དེ་ཝི་པུ་ཏྲ་ལ་རཀྵ་

[Full Size]

རཀྵ་ཀུ་རུ་ཡེ་སྭཱ་ཧཱ། མདའ་དར་མཆོད་གཞིའི་འགྲམ་དུ་བཙུགས། །ཕའམ་སྐྱེས་པ་གཙང་མ་ཡིས། །ཐར་སྐས་བུ་ཡི་མདུན་དུ་བཟུང་། །མས་ནི་བུ་ཡི་རྐང་པ་གཉིས། སྐས་ལ་འཛེག་པའི་ཚུལ་བྱ་ཞིང་། །ཐར་རོ་ཞེས་པའི་དུས་ཉིད་ལ། །དེ་ཡོད་ཀུན་གྱིས་ཐར་རོ་བརྗོད། །ཀྱཻ། དེ་རིང་རྒྱལ་བའི་སྲས་པོ་འདི། །ཟླ་བ་ངོ་གཅིག་ལ་ཆུང་སྲི་ཁ་དམར་གྱི་ཁ་ནས་ཐར་རོ། །ཟླ་བ་ངོ་གཉིས་ལ་ཡ་བདུད་ཡ་མའི་ཁ་ནས་ཐར་རོ། །ཟླ་བ་ངོ་གསུམ་ལ་བུ་རྐུན་བཅུ་གསུམ་གྱི་ཁ་ནས་ཐར་རོ། །ཟླ་བ་ངོ་བཞི་ལ་འགོང་པོ་སྤུན་དགུའི་ཁ་ནས་ཐར་རོ། །ཟླ་བ་ངོ་ལྔ་ལ་ཡུལ་གདོན་བཅོ་བརྒྱད་ཀྱི་ཁ་ནས་ཐར་རོ། །ཟླ་བ་ངོ་དྲུག་ལ་དམ་སྲི་སྤུན་དགུའི་ཁ་ནས་ཐར་རོ། །ཟླ་བ་ངོ་བདུན་ལ་བྱིསྔའི་གདོན་ཆེན་བཅོ་ལྔའི་ཁ་ནས་ཐར་རོ། །ཟླ་བ་ངོ་བརྒྱད་ལ་མ་བདུད་སྲིད་པའི་རྒྱལ་མོའི་ཁ་ནས་ཐར་རོ། །ཟླ་བ་ངོ་དགུ་ལ་སྲིའུ་བུ་རྐུན་ཅན་མའི་ཁ་ནས་ཐར་རོ། །ཟླ་བ་ངོ་བཅུ་ལ་མ་ཡམས་རྒྱལ་མོའི་ཁ་ནས་ཐར་རོ། །ཟླ་བ་ངོ་བཅུ་གཅིག་ལ་ཆུང་སྲི་ཆུང་བདུད་ཀྱི་ཁ་ནས་ཐར་རོ། །ཟླ་བ་ངོ་བཅུ་གཉིས་ལ་མི་ཁ་སྤུན་དགུའི་ཁ་ནས་ཐོར་རོ། །སྲིའུ་སྲི་ངན་པ་ལས་ཐར་རོ། །ལྷ་བདག་གི་རྩ་རུ་ཐར་རོ། །མི་རང་ཡུལ་དུ་ཐར་རོ། །བྱིས་

[Full Size]

པ་འདི་ནད་རིགས་བཞི་བརྒྱ་ལས་ཐར་རོ། །གདོན་ཉི་ཁྲི་ཆིག་སྟོང་ལས་ཐར་རོ། །ཟླ་བ་གྲངས་འཛིན་ལས་ཐར་རོ། །སློབ་བུ་བདག་གི་དྲུང་དུ་ཐར་རོ། །བདུད་བཙན་རྒྱལ་པོ་འདྲེ་གདོན་གྱི་ཁ་ནས་ཐར་རོ། །ཐར་སྐས་ཡུལ་པས་དཀྱིལ་ཀར་བཅིངས། འབྲོག་པ་ཡིན་ན་ཀ་བར་བཅིངས། བྱིའུ་ཆུང་པན་བཙུགས་བཅུ་གསུམ་དེ། སྡེ་རུ་གཙང་མའི་ནང་དུ་བཞག །མི་གཞོན་གཙང་མར་བཀྱག་བཅུག་ལ། ཀྱཻ། ཁར་སང་ཁར་གྱི་ཉིན་པར་སྔོན། །ནང་མི་ཡོན་གྱི་བདག་པོ་འདི། །ལྷ་རུ་ལུང་པའི་ཡང་ཕུག་འདིར། །དར་རྒོད་གཉེན་མོའི་ནང་ཤེད་ནས། །ཐར་བྱེལ་སྟོབས་ཆེན་དེ་ནས་བྱུང་། །ཐར་བྱེལ་དེ་ནི་སྟོབས་ཆེན་ལ། །ཙནྡན་དང་ནི་སྤོས་ཆུས་བཀྲུས། །མཁན་ཤུག་དུད་པའི་ཁ་ནས་བསངས། །སྤྱི་བོ་ཡི་ནི་གཙུག་རུམ་ལ། །སྔོན་མོ་ནས་ནི་འབྲུ་བདུན་བླུག །མགུལ་གྱི་གསང་བའི་མགྲིན་པ་དེར། །རིན་ཆེན་གསེར་གཡུ་མུ་ཏིག་བཏགས། །སྤྱན་མིག་གཡས་དང་གཡོན་པ་ལ། །ཁྱུང་པོ་དངུལ་གྱི་ཕྱེ་མ་བླུག །འདབ་གཤོག་དེ་ནི་གཡས་པ་ལ། །ཚེ་ལ་ཐར་བའི་ཡི་གེ་བྲིས། །འདབ་གཤོག་དེ་ནི་གཡོན་པ་ལ། །ཚེ་ལ་འཛིན་པའི་ཡི་གེ་བྲིས། །ནམ་ཚོང་རིན་ཆེན་འབར་བ་

[Full Size]

ལ། །ཚེ་ལ་བཟུང་བའི་ཡི་གེ་བྲིས། །ཐུགས་ཀ་ཡི་ནི་དཀྱིལ་དུ་ནི། །ཚེ་ལ་བརྟན་པའི་ཡི་གེ་བྲིས། །སྒལ་ཚིགས་འབྲེལ་བའི་གོང་རོལ་དུ། །ཚེ་ལ་རྒྱས་པའི་ཡི་གེ་བྲིས་གསང་བའི་དེ་ནི་དབྱིངས་རུམ་ན། །ཚེ་ལ་འཕེལ་བའི་ཡི་གེ་བྲིས། །ཐར་བྱེལ་དེ་ནི་སྟོབས་ཆེན་ལ། །ཚེ་ལ་བརྟན་པའི་སྲུང་མ་བཙུགས། །ནད་ཀུན་སེལ་བའི་སྨན་རྣམས་བླུགས། །ཚེ་རིང་ནད་མེད་སྨོན་ལམ་འདེབས། །ཐར་བྱེལ་དེ་ནི་སྟོབས་ཆེན་ཁྱོད། །བདུད་རྩི་སྨན་མཆོག་དམ་པ་དང་། །རྩི་སྨན་བཅུད་ཀྱིས་བྲན་པ་ལ། །རུ་རྩི་དེ་ནི་ཕབ་ལ་བྱས། །བདུད་རྩི་སྨན་ལ་བྱས་པ་འདི། །ཐལ་བྱེལ་སྟོབས་ཆེན་ཁྱེད་ལ་ཡང་། །ནད་རྣམས་སེལ་བའི་སྨན་རྣམས་བླུགས། །དར་དཀར་དབུ་ཐོད་དགུང་དུ་སླེབས། །འཆི་མེད་ཚེ་ཡི་དངོས་གྲུབ་སྩོལ། །ཐར་བྱེལ་སྟོབས་ཆེན་ཁྱེད་ལ་ཡང་། །བྱ་ནད་ཀུང་ཆུང་ནད་ལས་ཐར། །གཉེན་པོ་འཇིགས་པའི་ཁྲ་ལས་ཐར། །ད་ནི་ཐར་བྱེལ་སྟོབས་ཆེན་གྱིས། །བདུད་ལས་ཐར་བའི་བྱ་ར་གྱིས། །སྲི་ལས་ཐར་བའི་ཕ་མཚུན་མཛོད། །ཉིན་གྱི་དུས་སུ་བྱ་ར་གྱིས། །མཚན་གྱི་དུས་སུ་མེལ་ཚེ་གྱིས། །ཐར་བྱེལ་སྟོབས་ཆེན་ཁྱོད་

[Full Size]

ཀྱིས་ནི། །ཡ་ཀི་སྤྲིན་གྱི་མཐོངས་ཕྱེས་ལ། །ནམ་མཁའི་དབྱིངས་ཀྱི་ཡང་སྟེང་ན། །ཐར་བྱེལ་དེ་ནི་དགུང་དུ་འཕུར། །དེ་ཕྱིར་བྱེལ་དྲིན་མི་ལ་ཆེ། །བུ་ཚར་ཐར་བྱེད་སྟོབས་ཆེན་ཁྱེད། །དགུང་སྔོན་དཀྱིལ་དུ་སྤུར་ལགས་སོ། །གནམ་གྱི་དེ་ནི་མཐོངས་ཀ་ནས། །བྱ་ར་མ་གཡེལ་ཚེ་ཐར་རོ། །རྒྱལ་བུ་དམ་པ་ནད་ལས་ཐར་བ་བཞིན།། མིའུ་རིན་ཆེན་ནད་ལས་ཐར་བར་ཤོག །མིའུ་བདུད་ཀྱི་སྐག་ལས་ཐར་བར་ཤོག །ནད་དང་གདོན་ལས་ཐར་བར་ཤོག །དེ་ནས་བྱིའུ་རེ་རེ་བཞིན་ནམ་མཁར་འཕང་ལ། བྱིས་འཕུར་དགུང་དུ་འཕུར། །ཀུན་གྱིས་བརྗོད། སྤྲུལ་པའི་བྱིའུ་བཅུ་གསུམ་དེ། །དགུང་སྔོན་དབྱིངས་ནས་བྱ་ར་བྱེད། །བྱིས་པ་ཚར་བཞིན་བྱིའུ་ཚར། །བསྲུང་བྱ་བཅུ་གསུམ་འབྱུང་བར་དམིགས། །དེ་ནས་ཚེ་འགུགས་ཚེ་གཏའ་བསྡམ། །སྒྲུབ་རྟེན་ཚེ་གཏོར་མ་ཡི་ལག་ཏུ་བཞག །སྔགས་པས་མདའ་དར་གཡབ་ཅིང་ཚེ་འགུགས་བསྒོམ། །ཧྲཱིཿ ཚེ་ལྷ་བཅོམ་ལྡན་མགོན་པོ་ཚེ་དཔག་མེད། །སྲོག་ལྷ་ཚེ་ཡི་ལྷ་མོ་མགྱོགས་མའི་ཚོགས། །མ་ལྷ་དཔལ་ལྡན་ལྷ་མོ་ཆེན་མོ་བརྒྱད། །ཕྲིན་ལས་དུས་ལ་བབ་བོ་ལས་མཁན་ཚོགས། །འཇིག་རྟེན་ཁམས་ཀྱི་ཚེ་དང་བསོད་ནམས་ཀུན། །སྒྲུབ་རྟེན་རྣམས་ལ་

[Full Size]

ཐིམ་ཞིང་ཨཱ་ཡུར་ཛྙཱ། །ཤར་ནས་ཚེ་ཡི་དངོས་གྲུབ་རྣམས། །ཉི་ཟླ་ལྟ་བུར་ཤར་ཞིང་བྱོན། །ལྷོ་ནས་ཚེ་ཡི་དངོས་གྲུབ་རྣམས། །ཆར་སྤྲིན་ལྟ་བུར་འཐིབ་ཅིང་བྱོན། །ནུབ་ནས་ཚེ་ཡི་དངོས་གྲུབ་རྣམས། །ཆུ་བོ་ལྟ་བུར་འབབ་ཅིང་བྱོན། །བྱང་ནས་ཚེ་ཡི་དངོས་གྲུབ་རྣམས། །སྐྱི་སེར་ལྟ་བུར་འགྲིམས་ཤིང་བྱོན། །སྟེང་ནས་ཚེ་ཡི་དངོས་གྲུབ་རྣམས། །སྦྲང་ཆར་ལྟར་བུ་སིབ་སིབ་བྱོན། །འོག་ནས་ཚེ་ཡི་དངོས་གྲུབ་རྣམས། །ལོ་ཐོག་ལྟ་བུར་སྨིན་ཅིང་བྱོན། །ཚེ་བུམ་འདི་ལ་དཔལ་བསྐྱེད་ཅིག །ཚེ་ཆུ་འདི་ལ་བྱིན་ཕོབ་ཅིག །ཚེ་རྫ་ས་འདི་ལ་བཅུད་ཕོབ་ཅིག །ཚེ་ཆང་འདི་ལ་ངར་ཕོབ་ཅིག །མདའ་དར་འདི་ལ་འོད་ཟུགས་ཤིག །ཡུལ་ཕྱོགས་འདི་ལ་གཡང་ཁུག་ཅིག །ས་ཕྱོགས་འདི་ལ་བྱིན་ཕོབ་ཅིག །གནས་ཁང་འདི་ལ་མདངས་ཐོན་ཅིག །མི་ནོར་ཟས་ལ་དངོས་གྲུབ་སྩོལ། །བཀྲག་དང་གཟི་བརྗིད་གཟི་འོད་འབར། །ཕྱོགས་བཞི་མཚམས་བཞིའི་ཚེ་གཡང་ཀུན། །བཀྲ་ཤིས་དཔལ་འབར་བྱིན་ཕོབ་ཅིག །དེ་ནས་ཚེ་གཏའ་བསྡམ་པ་ནི། །ཐར་བྱེལ་དང་ནི་ཚེ་གཏོར་གཉིས། །མ་བུ་གཉིས་ཀྱི་མདུན་དུ་བཞག །མདའ་དར་སྔགས་པས་ལག་ཏུ་བཟུང་། །ཧྲཱི༔

[Full Size]

དཀྱིལ་འཁོར་ཚེ་ཡི་ལྷ་ཚོགས་རྣམས། །ཕྱོགས་མཚམས་སྟེང་འོག་རིས་མེད་ནས། །བུ་ཡི་ཚེ་བཅུད་འདིར་བསྡུས་ནས། །ཚེ་གཏའ་གཉན་པོ་མི་ལ་བསྟིམ། མི་དང་ཚེ་གཉིས་མ་བྲལ་ཅིག །གདོན་བགེགས་འབྱུང་པོ་འདུལ་བའི་གཏའ། །དུས་མིན་འཆི་བ་ཟློག་པའི་གཏའ། །རྐྱེན་ངན་བར་ཆད་ཞི་བའི་གཏའ། །ཚེ་དབང་ལོངས་སྤྱོད་རྒྱས་པའི་གཏའ། །དུང་ཆུང་དཀར་པོ་སྐུ་ཡི་རྟེན། །བྱི་རུ་དམར་པོ་གསུང་གི་རྟེན། །གཡུ་ཆུང་སྔོན་པོ་ཐུགས་ཀྱི་རྟེན། །གསེར་ཐིག་སེར་པོ་ཡོན་ཏན་རྟེན། །མུ་མེན་མཐོང་ནག་ཕྲིན་ལས་རྟེན། །ཁྲབ་བྱང་མིག་དགུ་བླ་ཡི་རྟེན། །དར་ཚོན་སྣ་ལྔ་བཀྲག་མདངས་རྟེན། །མདའ་མོ་བྱ་རྒོད་སྲོག་གི་རྟེན། །ལྕགས་ཀྱི་མདེའུ་ཚེ་ཡི་རྟེན། །སྒྲུབ་པའི་ཚེ་ན་གཏའ་རུ་བཟུང་། །དེ་ཕྱིར་ཚེ་གཏའ་ཞེས་སུ་གྲགས། །ད་ནི་རིགས་ཀྱི་བུ་ལ་བསྟིམ། །མི་འགྱུར་ཚེ་བསྡམ་འདི་ལྟར་རོ། །གཡུང་དྲུང་རྒྱལ་མཚན་རྡོ་རྗེའི་ཚེ། །སྤྲོས་པས་སྟོང་གསུམ་བཀྲག་མདངས་ལྡན། །བསྲུངས་བས་ལུས་ལ་གཟི་བརྗིད་ལྡན། །བཅིངས་བས་རྡོ་རྗེའི་ལུ་གུ་རྒྱུད། །སྙིང་པོ་ལྔ་བསྡུས་རྫས་ཀྱི་མཆོག །དེང་འདིར་ལུས་ངག་ཡིད་

[Full Size]

གསུམ་ལ། །འཁོར་གསུམ་ཡང་དག་ཚེ་སྦའོ། །རྒྱས་གདབས་བཅོལ་ལོ་ཐུབ་པར་སྲུངས། །ཁྲོ་བོ་བཅུ་དང་ཕྱོགས་སྐྱོང་བཅུ། །ཚེ་འདི་སྲུང་ལ་སྲོག་གཏའ་སྡོམས། །བཀྲག་མདངས་དབྱངས་སྙན་དྲན་པ་གསལ། །ཚེ་དང་བསོད་ནམས་དཔལ་འབྱོར་རྒྱས། །བུ་ནོར་ཆོས་ཀྱི་དངོས་གྲུབ་སྩོལ། །བཀྲ་ཤིས་རྟགས་བརྒྱད་རྒྱས་གདབ་བོ། །བཀྲ་ཤིས་རྫས་བརྒྱད་རྒྱས་གདབ་བོ། །ལུས་ངག་ཡིད་གསུམ་རྒྱས་གདབ་བོ། །སྐུ་གཟུགས་ལྔ་ཡི་རྒྱས་གདབ་བོ། །ཡིག་འབྲུ་ལྔ་ཡི་རྒྱས་གདབ་བོ། །ཕྱག་མཚན་ལྔ་ཡི་རྒྱས་གདབ་བོ། །མདའ་དར་རིན་ཆེན་དར་ཚོན་ཅན། །བུ་ཡི་སྤྱི་བོར་ལན་གསུམ་གཏུགས། །ཚེ་གཏོར་སྙིང་གར་ལན་གསུམ་བཞག །སྔགས་ཚར་རེ་དང་སྤྲད་ཅིང་བྱ། །ཨོཾ་བཛྲ་རཏྣ་པདྨ་ཀརྨ་བུདྡྷ་ཨཱ་ཡུ་ནི་ཛཨཱ། ཛཿཧཱུྃ་བཾ་ཧོཿ ལྷ་མོ་དངོས་གྲུབ་འབྱུང་རྒྱུད་ལས། །དེ་ནས་ཐོད་པས་དབང་བསྐུར་ཏེ། །ཕུར་བུས་ཟ་འདྲེ་བསྲུང་བར་བྱ། །གསུངས་ཕྱིར་ཙནྡན་དཀར་དམར་རམ། །མེད་ན་ཤུག་པའམ་སེང་སྡེང་ལ། །སྔགས་ནས་ཡི་དམ་ལྷ་སྔགས་ཀྱིས། །མང་དུ་སྔགས་པ་ཡོད་ན་རབ། །མེད་ན་འཕྲལ་དུ་སྔགས་འདིས་སྔགས། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བི་ཧཱུྃ་ཕཊ། ཀཱ་ཡ་ཝཱཀྐ་ཙིཏྟ་རཀྵ་རཀྵ། ཞེས་པས་མང་དུ་སྔགས་པ་དང་། །མདའ་

[Full Size]

དར་སྐེ་ཡི་དར་ཚོན་ལྔ། །ཕུར་བུའི་རྐེ་ལ་དཀྲིས་ཏེ་བཏགས། །དངོས་གྲུབ་འབྱུང་བའི་རྒྱུད་དེ་ལས། །ཚེ་དཔག་མེད་དང་ལྷ་མོ་སྐྱབས། །བྱིསྦྲ་སྲི་ལས་ཐར་བར་འགྱུར། །གསུངས་ཕྱིར་མིང་ནི་བཏགས་པ་སྟེ། །ཚེ་དཔག་མེད་ལ་སོགས་པ་ཡི། །རང་གི་བླ་མ་ཡི་དམ་དང་། །ལྷ་མོ་ལ་སོགས་ཆོས་སྐྱོང་ཚོགས། །རང་གི་བློ་ཕུགས་གར་གཏད་པའི། །བདག་མིང་ལྷ་ཡི་མཚན་ལ་དྲངས། །མིང་འཇུག་སྲུང་ངམ་སྐྱབས་འབྱར་བྱ། །སྲིའུ་མིན་པ་བྱིས་ལ། །འཕེན་ན་འཕེལ་དང་བཀྲ་ཤིས་དང་། །ཕྱུག་དང་རྒྱས་དང་རྣམ་རྒྱལ་སོགས། །གང་ལེགས་རིག་པས་དཔག་སྟེ་བཏགས། །དེ་ནས་ཐར་བྱེལ་ཆེ་བ་དེ། །སྣོད་ནི་གཙང་མའི་ནང་དུ་བཞག །ཕའམ་སྐྱེས་པ་གཙང་མས་བཀྱག ། ཀྱཻ། གླིང་བཞི་འཁོར་ལོས་སྒྱུར་རྒྱལ་ལགས། །མི་རྣམས་ཀུན་གྱིས་དྲིས་པ་ལ། །ངེད་ཅག་གླིང་བཞིའི་མི་རྣམས་ལ། །བདུད་ཀྱི་བགེགས་ཀྱི་ཆོ་འཕྲུལ་དང་། །བྱིསྱའི་གདོན་ཆེན་བཅོ་ལྔ་ལས། །དེ་ལ་སྲུང་བ་གང་གཙོ་ལགས། །རྒྱལ་པོ་ཆེན་པོས་གསུངས་བར་ཞུ། །དེ་སྐད་ཅེས་ནི་ཞུས་པ་ལས། །རྒྱལ་པོ་ཆེན་པོས་བཀའ་སྩལ་པ། །ཕུ་ཡའུ་ཡའུ་ཡི་ཡང་ཕུ་ན། །བྱིའུ་སྟོབས་ཆེན་གྱིས། །འཛིན་པའི་བྱིའུ་བྲག་དམར་དང་། །ཅོ་ག་བྲག་གི་བྱིའུ་དང་། །ཏིང་ཏིང་ཆུ་དང་ཐར་བྱིའུ། །སྟོབས་ཆེན་གྱིས། །བྱིས་པ་

[Full Size]

སྲུང་བར་བྱེད། །ཆུང་སྲི་ཟློག་པར་བྱེད། །བདུད་ཆེན་འདུལ་བར་བྱེད། །ལུང་གི་ཡར་ཕུ་ན། །བྱ་མཁན་འགུགས་ཐོགས་སོགས། །དར་འགུགས་ནག་པོ་བྲེས། །ཐར་བྱེལ་སྟོབས་ཆེན་བྱུང་། །མཆོད་པ་དམ་པ་ཕུལ། །དེ་ཡིས་བྱིས་སྲུང་བར་བྱེད། །དེ་སྐད་ཅེས་ནི་བཀའ་སྩལ་ཏེ། །དེ་ནས་ཐར་བྱེལ་སྟོབས་ཆེན་འདི། །མཁན་ཤུག་དུད་པས་བདུག །ཙནྡན་སྤོས་ཆུས་བཀྲུས། །སྤྱི་བོའི་གཙུག་རུམ་ན། །རིན་ཆེན་ལྷོ་ནས་བླུག །མགུལ་གྱི་གསང་བྲང་ན། །རིན་ཆེན་གསེར་གཡུ་བཏགས། །སྙན་ནི་གཡས་གཡོན་ན། །གུ་ལང་གསེར་ཕྱེ་བླུག །འདབ་གཤོག་གཡས་གཡོན་ན། །ཚེ་ལ་ཐར་བའི་ཡི་གེ་བྲིས། གསན་མིག་གཡས་གཡོན་ན། །ཆུང་ལུང་དར་ཕྱེ་བྲག་། མཁལ་མ་གཡས་གཡོན་ན། །ཚེ་ལ་གཟུངས་བའི་ཡི་གེ་བྲིས། །ནམ་ཚོང་གཡས་གཡོན་ན། །ཚེ་ལ་འཛིན་པའི་ཡི་གེ་བྲིས། །ཐུགས་ཀྱི་དངུལ་ག་ན། །ཚེ་ལ་བརྟན་པའི་ཡི་གེ་བྲིས། །བདུད་རྩིའི་ཕོ་བ་ལ། །ཚེ་ལ་རྒྱས་པའི་ཡི་གེ་བྲིས། །གསང་བའི་དབྱིངས་རུམ་ན། །ཚེ་ལ་འཕེལ་བའི་ཡི་གེ་བྲིས། །ད་ནི་ཐལ་བྱེལ་སྟོབས་ཆེན་འདི། །ཁྱོད་ནི་བཙན་པོའི་

[Full Size]

ཁྲ་ལས་ཐར། །འཇིགས་པའི་བདུད་ལས་ཐར། །ཀུང་ཆུང་ནད་ལས་ཐར། །མི་དྲིན་བྱ་ལ་ཆེ། །བྱ་དྲིན་མི་ལ་ཆེ། །ཐར་བྱེལ་སྟོབས་ཆེན་འདི། །ཚེ་ལ་ཐར་བའི་དོན་དུ་གསོལ། །ཚེ་ལ་འཛིན་པའི་དངོས་གྲུབ་བླངས། །དེ་ལྟར་བྱིའུ་སྟོབས་ཆེན་འདི། །ཁྱོད་དགུང་སྔོན་གུང་དུ་བཞུད། །ཉིན་གྱི་དུས་སུ་བྱ་ར་གྱིས། །མཚན་གྱི་དུས་སུ་མེལ་ཚེ་གྱིས། །བདུད་ལ་བྱ་ར་གྱིས། །བདུད་དང་བགེགས་རྣམས་ཟློག་པར་བྱེད། །བྱིས་པ་སྲུང་བར་བྱེད། །དེ་སྐད་ཅེས་ནི་བཀའ་སྩལ་ཏོ། །དེ་ལྟར་བྱིའུ་སྟོབས་ཆེན་འདི། །མཁན་ཤུག་དུད་པས་བདུག །ཙནྡན་སྤོས་ཆུས་བཀྲུས། །སྤྱི་བོའི་གཙུག་རུམ་དེར། །བདུད་ལ་བྱ་ར་གྱིས། །བཙན་ལ་སོ་པ་ཚུགས། །ཐར་བྱེལ་སྟོབས་ཆེན་ལ། །ཚེ་ལ་གསོ་བའི་དངོས་གྲུབ་ཐོབ། །ཚེ་ལ་བརྟན་པའི་དངོས་གྲུབ་ཐོབ། །དེ་ལྟར་རྒྱལ་བུ་གྱོད་ལས་ཐར་རོ། །རྒྱལ་བུ་ནད་ལས་ཐར་རོ། །འཇིགས་པའི་ནད་ལས་ཐར་རོ། །གནོད་པའི་བགེགས་ལས་ཐར་རོ། །འདྲེ་ཡི་སྲི་ལས་ཐར་རོ། །ཆུང་གི་སྲི་ལས་ཐར་རོ། །བྱིས་པའི་གདོན་ཆེན་བཅོ་ལྔ་ལས་ཐར་རོ། །བགེགས་རིགས་སྟོང་ཕྲག་བརྒྱད་ཅུ་ལས་

[Full Size]

ཐར་རོ། །དུས་མིན་འཆི་བ་རྣམ་བརྒྱད་དང་། །ཡེ་འདྲོག་ཀུན་ལས་ཐར་གྱུར་ཅིག །ཐོར་ཐར་ཆུང་སྲི་སྲི་ལས་ཐར་གྱུར་ཅིག །གཅིག་པ་རང་སྐག་ལས་ཐར་གྱུར་ཅིག །གཉིས་པ་ནད་དགྲ་ལས་ཐར་གྱུར་ཅིག །གསུམ་པ་ཕུང་གྱོད་ལས་ཐར་གྱུར་ཅིག །བཞི་པ་བཞི་གཤེད་ལས་ཐར་གྱུར་ཅིག །ལྔ་པ་བྱེ་བྲལ་ལས་ཐར་གྱུར་ཅིག །དྲུག་པ་དྲུག་འགྲམ་ལས་ཐར་རོ། །བདུན་པ་བདུན་ཟུར་ལས་ཐར་རོ། །བརྒྱད་པ་བྱད་སྐག་ལས་ཐར་རོ། །དགུ་པ་དགུ་མིག་ལས་ཐར་རོ། །བཅུ་པ་དུར་འཛིན་ལས་ཐར་རོ། །བཅུ་གཅིག་པ་གནམ་སྒོ་ལས་ཐར་རོ། །བཅུ་གཉིས་པ་ལོག་འདྲེན་ལས་ཐར་རོ། །བཅུ་གསུམ་པ་ལོ་སྐག་ལས་ཐར་རོ། །བཅུ་བཞི་པ་གདོན་བགེགས་ལས་ཐར་རོ། །བཅོ་ལྔ་པ་ལོག་འདྲེན་ལས་ཐར་རོ། །ནད་རིགས་བཞི་བརྒྱ་རྩ་བཞི་ལས་ཐར་རོ། །བགེགས་རིགས་སྟོང་ཕྲག་བརྒྱད་ཅུ་ལས་ཐར་རོ། །གློ་བུར་དང་ཡེ་འདྲོག་སུམ་བརྒྱ་དྲུག་ཅུ་ལས་ཐར་རོ། །དུས་མིན་འཆི་བ་བཅོ་བརྒྱད་ལས་ཐར་རོ། །དེ་ནས་མེ་ཏོག་འཐོར་ཞིང་ཐུབ་པ་ཡིས། །གསུངས་བའི་བཀྲ་ཤིས་རྒྱས་པ་བརྗོད་པར་བྱ། །ཚེ་ལྷ་བུ་ཡི་སྙིང་གར་བཞུགས། །འཆི་མེད་ཚེ་ཡི་དངོས་གྲུབ་སྩོལ། །

[Full Size]

སྲོག་ལྷ་སྲོག་གི་རྩ་རུ་བཞུགས། །མི་སྲོག་ལྕགས་ལས་སྲ་བར་མཛོད། །ཕྲག་ལྷ་ཕྲག་པ་གཡས་སུ་བཞུགས། །སྐྱེས་པ་ཕོ་ཡི་སྲོག་རྫི་མཛོད། །མ་ལྷ་ཕྲག་པ་གཡོན་དུ་བཞུགས། །བུ་ཆུང་སྐྱིད་པའི་རྫིའུ་མཛོད། །ཐབ་ལྷ་ཐབ་ཀྱི་གོང་དུ་བཞུགས། །མར་ཁུའི་མཚོ་མོ་ཁོལ་བར་མཛོད། །ཁྱིམ་ལྷ་ཁྱིམ་གྱི་ཕུགས་ན་བཞུགས། །འདྲེ་གདོན་ཕུད་ལ་སྦྲ་ཁང་སྲུངས། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཐར་བྱིའུ་ཕུག་གི་ཀ་བའི་སྟེང་། །འབྲོག་པས་གུང་ཁར་ཡུད་ཙམ་བཞག །དེ་ནས་གང་བདེར་གཙང་སར་སྦ། །མཆོད་རྫས་གཞན་རྣམས་དངོས་གྲུབ་བྱ། །སྲིའུ་ནག་པོ་ཡིན་ན་ཡང་། །དེ་ཕྱིར་འཛེམ་ལ་ཇེ་ཆུང་བྱ། །དེ་ནས་སྲིའུ་མི་གྲལ་ཚུད། །སྲིའུ་མི་བརྩི་མི་རུ་བརྩི། །མི་ཆེན་གྲལ་དུ་སླེབས་པའོ། ༈ །ཨེ་མ་སྔགས་འཆང་རཱ་ག་ཨ་སྱ་བདག །ལོ་བརྒྱད་ལོན་ནས་སྔགས་པའི་རྗེས་སུ་འབྲང་། །ལོ་བདུན་བར་དུ་འབྲལ་མེད་མཉམ་དུ་འགྲོགས། །དེ་ཚེ་སྔགས་འཆང་རྒྱལ་པོས་འདི་སྐད་གསུངས། །ཁོ་བོའི་བླ་མ་ལོངས་སྐུ་རྒྱུན་དུ་བསྙེན། །སྔགས་ལ་ནི་ཛ་ཡོད་པའི་རྟེན་འབྲེལ་ཡོད། །བདག་ལ་མི་ཡི་དངོས་གྲུབ་འབྱུང་བ་ཡིན། །འདི་ཕྱོགས་གྲ་རིམ་བུ་ཀུན་བདག་གིས་གསོས། །མདངས་ནི་ཕྱེ་མར་ལས་བྱས་ཨ་སྣོའི་བུ། །རིལ་བུ་བཅུ་གསུམ་བདག་ལ་གཏད་བྱུང་རྨིས། །ད་ལོ་སང་ལ་སྲིའུ་བཅུ་གསུམ་ཙམ། །ཁོ་བོའི་ཐར་ཁར་འདོན་པའི་

[Full Size]

རྟགས་ཡིན་གསུངས། །གསུངས་པ་བཞིན་དུ་བུ་རྣམས་ཐར་བར་བྱ། །ཁོ་བོ་མཆོད་གཡོག་ཡིན་ཕྱིར་ཕྱག་ལེན་ཞིབ། །དཔེ་རྙིང་རྣམས་སུ་ཕྱག་ལེན་ཞིབ་གསལ་རྨིས། །ཕྱོགས་གཅིག་མེད་པར་འཐོར་ནས་མེད་པའི་ཕྱིར། །སྔགས་ཆུང་གསར་བུ་རྣམས་ཀྱིས་ཤེས་པར་དཀའ། །ཐར་ཆུང་ཁྲུས་དང་བྱིས་ཁྲ་རྐྱང་པས་ཆོག །རྒྱས་པར་འདོད་ན་ཐར་སྐས་འཛེག་པ་དང་། །ཕུར་བུ་བཏགས་དང་མིང་བཏགས་མ་གཏོགས་པ། ཐམས་ཅད་བྱས་ཀྱང་ཤིན་ཏུ་ལེགས་པ་ཡིན། །ལྷ་མོ་དངོས་གྲུབ་འབྱུང་བའི་རྒྱུད་ཆེན་ལས། །བྱིས་པ་བསྲུང་བའི་ལེའུ་ཕྱག་བྱས་ཤིང་། །སློབ་དཔོན་པདྨའི་བྱིས་ཁྲ་སྤར་འབྱེད་དང་། །རྒྱ་ནག་ལུགས་ཀྱི་ཐར་དང་ཤུག་མགོན་དང་། །རྙིང་མའི་སྲོག་གཏའ་སྡོམ་རྣམས་ལེགས་པར་བསྒྲིགས། །ལྕགས་ཕོ་ཁྱི་ལོའི་སྨིན་དྲུག་ཟླ་བ་ཡི། །ཉེར་གསུམ་ནས་བཟུང་ཞག་གསུམ་ཉིན་བཞིའི་བར། །ཐུན་མཚམས་རྣམས་སུ་རཱ་ག་ཨ་སྱས་སྨྲས། །དགེ་བའི་མིང་ཅན་བཙུན་པས་ཡི་གེར་བྲིས། །ཀྱེ་མ་ཐོབ་དཀའི་མི་ལུས་རིན་པོ་ཆེ། །སྐྱེས་མ་ཐག་ཏུ་འཆི་བ་སྙིང་རེ་རྗེ། །ནོར་བུ་རྙེད་ནས་བོར་ལྟར་ཕ་མ་སྡུག །བུ་མང་སྐྱེས་པའི་རབས་ཆད་སྙིང་རེ་རྗེ། །མི་ཡི་འཇིག་རྟེན་ཇི་སྲིད་གནས་ཀྱི་བར། །དཔེ་འདི་ཕྱོགས་རྣམས་ཀུན་ཏུ་འཕེལ་ཞིང་རྒྱས། །སྐྱབས་མེད་བྱིས་པ་རྣམས་ཀྱི་སྐྱབས་གྱུར་ནས། །བར་ཆད་མེད་པར་ཚེ་རིང་ནད་མེད་ཤོག །དགེའོ།། །། ༈ བཟོ་རིག་གནས་མདོ་དཔེ་རྙིང་ཉམས་གསོ་ཁང་ནས་བསྒྲིགས་ཏེ་པར་སྐྲུན་ཞུས།

བྱིས་པ་ཐར་འདོན་གསལ་བར་བཀོད་པ་དགའ་སྟོན་འཕྲུལ་གྱི་འདོད་འཇོ།

[Full Size]

བྱིས་པ་ཐར་འདོན་གསལ་བར་བཀོད་པ་དགའ་སྟོན་འཕྲུལ་གྱི་འདོད་འཇོ་བཞུགས་སོ།

[Full Size]

བླ་མ་ཡི་དམ་མཁའ་འགྲོའི་ཚོགས་ལ་འདུད། མིའུ་རིན་ཆེན་སྐག་ལས་ཐར་བ་ཡི། །ཡར་གཞི་རྩ་གསུམ་རྟེན་གཏོར་མཆོད་པ་བཤམས། །ཐར་གཞི་སྣམ་བུ་དཀར་པོ་འདོམ་གང་སྟེང་། །ནས་ཀྱི་ཐར་སྐས་རིམ་པ་བཅུ་གསུམ་བྲིས། །འོག་ཏུ་གདན་དཀར་པདྨ་འདབ་བརྒྱད་བྲིས། །མདའ་དར་རིན་ཆེན་སྣ་ལྔས་བརྒྱན་པ་བཤམས། །གཡས་སུ་ལྷ་ཤིང་སྐས་རྩར་ཐར་བྱེལ་བཞག །ངར་མི་བཅུ་གསུམ་ལྷ་ཡི་བཤོས་བུ་གཅིག །གཡོན་དུ་གླང་མའི་སྐས་དཀྱིལ་ཁྲ་གཅིག་བཞག །ལོ་བདུད་བཀར་བའི་ཆངས་བུ་བཅུ་གསུམ་བཞག །རྩ་བར་བྱིས་པའི་སྐུ་གླུད་ཡས་རྫས་བསགས། །བྱིས་པའི་ཡན་ལག་སྐུད་པས་བཅིངས་ལ་བཞག །དེ་ནས་བྱིས་པ་མ་བུ་ཁྲུས་ཀྱིས་བཀྲུས། །རྒྱན་དང་ཆས་གོས་ལེགས་པས་མདུན་འདུག་

[Full Size]

ཚེ། །བསང་གི་ཆོ་ག་བསང་མཆོད་གཞུང་བསྲངས་ནས། །དྲི་ཞིམ་སྤོས་ཀྱིས་བསང་ལ་འདི་སྐད་དོ། །ཨོཾ་བཛྲ་ཨ་མྲྀ་ཏས་བསང་། ཨོཾ་སྭ་བྷ་ཝས་སྦྱང་། སྟོང་པའི་ངང་ལས་བྱིས་པ་འདི། །བུ་ཡིན་ན། པདྨ་འབྱུང་གནས་སྐུ་རུ་བསྒོམ། །གནས་ལྔ་རྒྱལ་བ་རིགས་ལྔ་གསལ། །ཨོཾ་ཧཱུྃ་ཏྲཾ་ཧཱིསཿ བུ་མོ་ཡིན་ན། ཡེ་ཤེས་མཚོ་རྒྱལ་སྐུ་རུ་བསྒོམ། །གནས་ལྔར་མཁའ་འགྲོ་སྡེ་ལྔར་གསལ། །ཁཾ་དང་ཧ་རི་ནི་སས་མཚན། །ས་བོན་འོད་ཀྱིས་སྤྱན་དྲངས་ནས། །བསྒྲུབ་བྱའི་ལུས་ལ་བརྟན་པར་བཞུགས། །བར་ཆད་རྐྱེན་ལས་ཐར་བར་མཛོད། །ཅེས་བརྗོད། བཛྲ་གུ་རུ་སིཾ་ཧ་རི་ནི་ས་ཧཱུྃ།

[Full Size]

བསྙེན་པ་བྱ། དེ་ནས་གསེར་སྐྱེམས་མཆོད་ལ། ཀྱཻ། དེ་རིང་ཉི་རྒྱས་ཟླ་བ་ཡར་གྱི་ངོ། །གནམ་ལ་གཟའ་སྐར་ས་ལ་དུས་ཚོད་བཟང་། །བར་ལ་ཚེས་གྲངས་དུས་སྲིད་སྐལ་པ་བཟང་། །རྒྱུ་སྦྱོར་ཡོན་བདག་བཙན་ཕྱུག་འཕན་དར་རྒྱས། །ལྷ་གཞི་བཀྲག་མདངས་མཆོད་རྫས་དྭངས་རེ་སྤྲོ། །དེ་ལྟར་ཕུན་སུམ་ཚོགས་པའི་གནས་འདི་རུ། །བླ་མ་ཡི་དམ་མཁའ་འགྲོ་ཆོས་སྐྱོང་དང་། །དགྲ་ལྷ་ཝེར་མ་འགོ་བའི་ལྷ་ལྔ་དང་། །རྟེན་སྒྲུབ་མཆོད་པའི་ལྷ་སྲུང་ཐམས་ཅད་ཀུན། །ནད་པ་གདོན་ལས་ཐར་བའི་སྐྱབས་སུ་གཤེགས། །སྲིའུ་ཚང་ནས་སྐྱེད་པའི་མགོན་དུ་གཤེགས། །གསེར་སྐྱེམས་འདི་བཞེས་ཁ་འཛིན་རྒྱབ་རྟེན་མཛོད། །སྔོན་ཚེ་བསྟན་པ་སྲུང་བའི་ཐ་ཚིག་ཅན། །དྲེགས་པ་སྡེ་བརྒྱད་མགུར་ལྷ་བརྟན་མ་དང་། །གཏན་ཆགས་ཟོ་དོར་ཡུལ་ལྷ་མགོན་བྱེད་ཀུན། །གསེར་སྐྱེམས་འདི་བཞེས་དགེ་བའི་སྡོང་གྲོགས་མཛོད། །ཀྱཻ། སྔོན་ཚེ་བསྐལ་བཟང་སྲིད་པ་དང་པོ་ལ། །མིའུ་ཐར་འདོན་བྱེད་པ་འདི་ལྟར་སྲིད། །ལྷ་བུ་དོན་ལྡན་ལྷ་མོ་དཔལ་བྱིན་གཉིས། །འཁོར་ལོས་སྒྱུར་བའི་རྒྱལ་རྒྱུད་སྤེལ་བ་ལ། །འཇིག་རྟེན་མྱེས་པོ་ཚངས་པས་མཚན་གསོལ་ལྟར། །དེང་

[Full Size]

གི་མིའུ་རིན་ཆེན་ཐར་འདོན་འཚལ། །སྔོན་ཆེ་ཧ་ལུ་མུན་དྷ་བྲག་སྲིན་གཉིས། །མིའུ་གདུང་དྲུག་མི་རབས་བྱུང་བའི་ཚེ། །སྤྱན་རས་གཟིགས་ཀྱིས་ལུང་བསྟན་ཐར་པ་ལྟར། །དེང་གི་མིའུ་རིན་ཆེན་ཐར་འདོན་འཚལ། །ས་སྐྱེས་དྷེ་ཝ་ཡུམ་སྲས་རྒྱལ་མོ་གཉིས། །སྲས་པོ་སྨོན་མི་དབུ་ནག་སྐུ་འཁྲུངས་ཚེ། །རྟེན་འབྲེལ་ཐར་པའི་སྐས་ལ་དྲངས་པ་ལྟར། །དེང་གི་མིའུ་རིན་ཆེན་ཐར་འདོན་འཚལ། །ཡབ་ལྷ་བརྡལ་དྲུག་དེ་མོ་གངས་དཀར་ལ། །སྲས་ནི་རྒྱལ་བུ་མཐིང་གེ་བལྟམས་པའི་ཚེ། །ལེ་གུ་ལྷ་ཡི་མར་མེས་ཐར་བྱས་ལྟར། །དེང་གི་མིའུ་རིན་ཆེན་ཐར་འདོན་འཚལ། །རྒྱལ་པོ་ཟས་གཙང་སྒྱུ་མ་ལྷ་མཛེས་གཉིས། །རྒྱལ་སྲས་དྲི་མེད་གྲགས་པ་སྐུ་འཁྲུངས་པ། །ལྷ་ལ་ཡོན་ཕུལ་ཐར་གཞི་བཏིང་བ་ལྟར། །དེང་གི་མིའུ་རིན་ཆེན་ཐར་འདོན་འཚལ། །ཀྱཻ། སྔགས་འཆང་བདག་དང་རྒྱུ་སྦྱོར་སྦྱིན་བདག་གི །སྔོན་གྱི་རྒྱལ་བུ་ཐར་འདོན་དེ་བཞིན་དུ། །བྱིས་པ་ཚེ་རིང་མི་གྲལ་ཚུད་པའི་ཚེ། །ཐར་སྣམ་ནས་ཀྱི་ཐར་སྐས་བཅུ་གསུམ་བྲིས། །གཡས་ཀྱི་ལྷ་སྐས་ཐར་བྱིས་བགྲོད་པའི་ལམ། །གཡོན་གྱི་འདྲེ་སྐས་ཆུང་བདུད་བཀར་བའི་ལམ། །

[Full Size]

གསལ་བའི་སྒྲོན་མེ་ལྷ་ཞལ་མཐོང་བའི་སྒྲོན། །རིན་ཆེན་མདའ་དར་དགྲ་ལྷ་ཝེར་མའི་རྟེན། །སྐུ་གླུད་ངར་མི་ཚེ་སྲོག་བསླུ་བའི་ཡོན། །རྟེན་འབྲེལ་རྫས་བསགས་ལེའུ་ལྷ་དར་ནས། །བྱིས་པ་སྲིའུ་ཚང་ནས་འདོན་འཚལ་ལོ། །བར་ཆད་རྐྱེན་ངན་སྐག་ལས་ཐར་མཛོད་ཅིག །དེ་ནས་ཡན་ལག་སྐུད་པ་བཀྲོལ་ལ། ཀྱཻ། རིགས་བཟང་ལྷ་ཡི་སྲས་བུ་འདི། །མཐོ་རིས་མི་གྲལ་བགྲོད་པ་ལ། །དེ་སྔ་ཕན་ཆད་སྒྲོག་གིས་བཅིངས། །ད་ནི་བཅིངས་པའི་སྒྲོག་བཀྲོལ་ལོ། །དེ་ནས་དཀར་སྣམ་སྟེང་ནས་བྱིས་པ་ཡར་གཞི་མར་མེ་བསྣམས་ནས་ལྷ་སྐས་ཐེམ་ག་རིམ་བཞིན་བགྲོད་ལ་བཞག །མར་མེ་རི་ལ་ཡར་མཆོད། དེའི་ཁལ་དུ་བྱིས་པ་ཡར་འགྲོ། ཁྲ་གཟུགས་འདྲེ་སྐས་ལ་མར་ཕུད། ཚིག་དོན་རེ་སྤྲད་ལ་འདི་སྐད་དོ། །ཨོཾ་སྭ་བྷ་ཝ་སོགས། སྟོང་པའི་ངང་ལས་ཐར་སྣམ་རིན་པོ་ཆེའི་གཞལ་ཡས་ཁང་གི་དབུས་སུ་ཐར་སྐས་རིམ་པ་བཅུ་གསུམ་རྩེ་མོ་ལྷའི་ཡུལ་དུ་སླེབས་པ། རྩ་བར་འདྲེ་སྲིན་ཆུང་བདུད་མནན་པ། །མཐོ་རིས་སྐྱེད་པ་རིན་པོ་ཆེའི་སྐས་སུ་གྱུར། ཡེ་དྷརྨས་བྱིན་གྱིས་བརླབ། ཀྱཻ། གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་གཅིག་ལོན་པའི་ཁྱེའུ་འདི། །ཆུང་བདུད་སྤུན་དགུའི་ཁ་ནས་ཡར་ཐར་རོ། །

[Full Size]

གཅིག་པ་རང་སྐག་ཆུང་བདུད་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་གཉིས་ལོན་པའི་ཁྱེའུ་འདི། །སྲི་རྐུན་བཅུ་གསུམ་ཁ་ནས་ཡར་ཐར་རོ། །གཉིས་པ་འཆི་བའི་བདུད་སྐག་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་གསུམ་ལོན་པའི་ཁྱེའུ་འདི། །མ་ཡམས་རྒྱལ་མོའི་ཁ་ནས་ཡར་ཐར་རོ། །གསུམ་པ་དྲུག་ཟུར་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་བཞི་ལོན་པའི་ཁྱེའུ་འདི། །བར་ཆད་བཞི་ཡི་ཁ་ནས་ཡར་ཐར་རོ། །བཞི་པ་བཞི་གཤེད་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་ལྔ་ལོན་པའི་ཁྱེའུ་འདི། །བདུད་བཙན་དམུ་སྲིན་ཁ་ནས་ཡར་ཐར་རོ། །ལྔ་པ་བྱེ་བྲལ་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་དྲུག་ལོན་པའི་ཁྱེའུ་འདི། །ལྷ་ཀླུ་གནོད་སྦྱིན་ཁ་ནས་ཡར་ཐར་རོ། །དྲུག་པ་དྲུག་འགྲིམ་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་བདུན་ལོན་པའི་ཁྱེའུ་འདི། །རྒྱལ་བསེན་ཐེའུ་རང་ཁ་ནས་

[Full Size]

ཡར་ཐར་རོ། །བདུན་པ་བདུན་ཟུར་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་བརྒྱད་ལོན་པའི་ཁྱེའུ་འདི། །སྤར་ཁ་བརྒྱད་ཀྱི་སྐག་ནས་ཡར་ཐར་རོ། །བརྒྱད་པ་དུར་སྒོའི་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་དགུ་ལོན་པའི་ཁྱེའུ་འདི། །སྨེ་བ་དགུ་ཡི་སྐག་ནས་ཡར་ཐར་རོ། །དགུ་པ་དགུ་མིག་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་བཅུ་ལོན་པའི་ཁྱེའུ་འདི། །གཙུག་ལག་གདོན་བཅུའི་ཁ་ནས་ཡར་ཐར་རོ། །བཅུ་པ་གཤིན་རྗེའི་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་བཅུ་གཅིག་ལོན་པའི་ཁྱེའུ་འདི། །གདོན་ཆེན་བཅོ་ལྔའི་ཁ་ནས་ཡར་ཐར་རོ། །བཅུ་གཅིག་ལོ་ཡི་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་བཅུ་གཉིས་ལོན་པའི་ཁྱེའུ་འདི། །ལོ་བདུད་བཅུ་གཉིས་ཁ་ནས་ཡར་ཐར་རོ། །བཅུ་གཉིས་ལོ་ཡི་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་བཅུ་གསུམ་ལོན་པའི་ཁྱེའུ་འདི། །ལོ་ཟླ་

[Full Size]

ཞག་དུས་སྐག་ནས་ཡར་ཐར་རོ། །ལོ་རྒྱལ་ཟླ་བློན་ཞག་དམག་དུས་མཚོན་སྐག །ཐམས་ཅད་ཆུང་བདུད་དམ་སྲིའི་སྟེང་དུ་སྒྱུར། །ཀྱཻ། བསླུ་མེད་དཀོན་མཆོག་རྒྱུ་འབྲས་བདེན་སྟོབས་དང་། །སྔགས་འཆང་རྟེན་འབྲེལ་རྫས་སྔགས་ཡོན་ཏན་གྱིས། །མིའུ་རིན་ཆེན་བར་ཆད་རྐྱེན་ལས་ཐར། །ནད་རིགས་བཞི་བརྒྱ་རྩ་བཞིའི་སྐག་ལས་ཐར། །གདོན་རིགས་སྟོང་ཕྲག་བརྒྱད་ཅུའི་སྐག་ལས་ཐར། །རྐྱེན་ངན་སུམ་བརྒྱ་དྲུག་ཅུའི་སྐག་ལས་ཐར། །ཡེ་འདྲོག་གློ་བུར་ཉི་ཁྲིའི་སྐག་ལས་ཐར། །གཟུགས་ཅན་གཟུགས་མེད་བྱེད་དང་གདོན་ལས་ཐར། །སྲི་དགུ་གཤེད་འཁྱམས་ཕུང་སྲིའི་སྐག་ལས་ཐར། །དུས་མིན་འཆི་བའི་ཚེ་ལན་བདུད་ལས་ཐར། །རྣོ་མཚོན་སྦྱར་དུག་གཅན་གཟན་པའི་སྐག །མི་ཁ་བྲ་མཆུའི་སྒྲོག་ཏུ་ཚུད་པ་དང་། །རྨིས་ལྟས་མཚན་ངན་དུས་འཁྲུགས་སྐག་ལས་ཐར། །གསལ་བའི་མར་མེ་ལྷ་ཡི་ཞལ་ཟས་རྣམས། །ཚེ་སྲོག་སྐྱོབ་པའི་ལྷ་སྲུང་རྣམས་ལ་འབུལ། །ཚེ་བསྲིང་དཔལ་སྐྱེད་དོན་དུ་བཞེས་སུ་གསོལ། །མིའུ་རིན་ཆེན་ཚེ་མཐར་ཕྱིན་པར་མཛོད། །ཐར་བྱིས་སྟོབས་ཆེན་ལྷ་ཡི་ཡུལ་དུ་གཤེགས། །ལྷ་མི་

[Full Size]

གཉིས་ཀྱི་རྒྱལ་ཁ་གྱེན་དུ་བསྟོད། །ཆུང་བདུད་བྱིས་ཟན་བདུད་ཁྲ་ཐུར་དུ་བཀར། །འདྲེ་སྲིན་གཉིས་ཀྱི་ཟ་ཁ་ཐུར་དུ་བསྒྱུར། །རྒྱུ་སྦྱོར་སྦྱིན་བདག་སྐལ་ལྡན་ལྷ་བུ་འདི། །ཚེ་རིང་མི་ཡི་ལྷ་གྲལ་ཕྱིན་པ་ཡིན། །ལོ་བརྒྱའི་བར་དུ་བརྟན་པར་བཞུགས་སུ་གསོལ། །ཅེས་བརྗོད་མཐར་གཞི་གོང་གི་གདན་དཀར་ཐོག་ཏུ་བསྡད། ཐར་བྱིས་སྐས་ལྷམ་ལྷའི་ཕྱོགས་སུ་བཞག །འདྲེ་སྐས་བཅག་ལ་ཁྲོ་གཟུགས་བཅས་གླུད་ནང་དུ་འཕང་། དེ་ནས་སྔགས་པས་མིང་བཏགས། ཕ་མ་གཉིས་ཀྱིས་རྟེན་འབྲེལ་གྱི་སྨོན་ལམ་བཟང་པོ་བཏབ། རིན་ཆེན་སྣ་ལྔ་མགུལ་དུ་བཏགས། མདའ་དར་གཡབ་ཅིང་ཚེ་འགུགས་དང་། གཡང་འགུགས་གྱེར། འབྲུ་སྣ་ཚོགས་མཆོད་ཅིང་འདི་སྐད་དོ། །ཧཱུྃ། དཀོན་མཆོག་རྩ་གསུམ་ཕ་མཚུན་དགྲ་ལྷ་དང་། །འགོ་བའི་ལྷ་ལྔ་སྐྱོབ་བྱེད་རྟེན་པའི་ལྷ། །འདིར་གཤེགས་སྐལ་ལྡན་ལུས་ལ་བརྟན་པར་བཞུགས། །སྐད་ཅིག་མི་འབྲལ་ལུས་དང་གྲིབ་བཞིན་འགྲོགས། །ཁ་འཛིན་མགོན་སྐྱབས་མ་གཡེལ་སྲུང་སྐྱོབ་མཛོད། །ཚེ་བསོད་མངའ་ཐང་དཔལ་འབྱོར་ཕྱུ་དང་གཡང་། །ཟ་ཐང་ལོངས་སྤྱོད་ཕུན་ཚོགས་རྐང་འགྲོ་རྣམས། །ཟླ་བ་ཡར་ངོ་བཞིན་དུ་གོང་འཕེལ་ཤོག །ལོ་བརྒྱ་ཐུབ་ཅིང་སྟོན་བརྒྱ་མཐོང་བ་དང་། །ཚེ་རིང་ནད་མེད་བདེ་

[Full Size]

སྐྱིད་ཕུན་སུམ་ཚོགས། །ཐེག་པ་མཆོག་ལ་ངེས་པར་སྤྱོད་གྱུར་པའི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། །ཞེས་ཚེ་གཟུངས་བརྗོད། སྦྱིན་པའི་སྟོབས་ཀྱིས་སོགས། དགའ་སྟོན་ཚོགས་འཁོར་ལ་སོགས་བྱའོ། །དེ་ནས་གླུད་ཡས་རྣམས་བྲན་ལ། ཨོཾ་བཛྲ་ཨ་མྲྀ་ཏ་སོགས། ཨོཾ་སྭ་བྷ་ཝ་སོགས། སྟོང་པའི་ངང་ལས་མདུན་གྱི་གཞིརཾ། །ཆུང་སྲི་ནག་མོ་ཁྲོ་མོའི་གཟུགས། །འཕྲོག་མ་མ་བུ་ལྔ་བརྒྱ་དང་། །བྱིས་པའི་གདོན་ཆེན་བཅོ་ལྔ་དང་། །ཆུང་སྲིའི་གདོན་ཚོགས་ཀུན་གྱིས་བསྐོར། །དཀོན་མཆོག་གསུམ་གྱི་བདེན་པའི་མཐུས། །བྱིས་པའི་གནོད་བྱེད་གདོན་བགེགས་ཀུན། །སྐད་ཅིག་ཉིད་ལ་འདིར་ཁུག་ཅིག །ཛཿཧཱུྃ་བཾ་ཧོཿ བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །བྱིས་པ་མི་བུ་འདི་ལ་གནོད་བྱེད་པའི། །ཆུང་སྲི་བུ་རྐུན་འཕྲོག་མ་མ་བུ་དང་། །འཇམ་པ་པོ་དང་སྐེམ་བྱེད་རི་དྭགས་རྒྱལ། །བརྗེད་བྱེད་མ་མོ་ཛ་མི་ཁུ་ཚུར་ཅན། །འདོད་ཅན་ནམ་གྲུ་སྲུལ་པོ་མ་དགའ་བྱེད། །བྱ་དང་གཉའ་ལག་བཞིན་རྒྱན་མིག་འཕྱང་པ། །དེ་ལྟར་

[Full Size]

གདོན་ཆེན་བཅོ་ལྔ་དེ་དག་གིས། །དབང་པོ་སྤྱོད་ཡུལ་ཁམས་རྣམས་ཚིམ་བྱེད་པ། །གླུད་དང་ཡས་སྟགས་རྣམ་པ་སྣ་ཚོགས་འདི། །བྱིས་པའི་ཚེ་གླུད་སྲོག་རྐྱེན་བུ་ལོན་འཇལ། །སོ་སོར་ཅི་འདོད་ཟག་མེད་བདེ་སྐྱིད་གྱུར། །ཁ་འབར་མའི་སྔགས་དང་། ཨོཾ་ཨ་རེ་མ་ཏི་ཏུ་ཏེ་ཧཱུྃ་ཕཊ། ལན་བདུན་གྱིས་བསྔོའོ། །མཉེས་ཚིམ་དགའ་མགུ་ཡི་རང་གནོད་སེམས་སྤོངས། །བདེ་གཤེགས་རྒྱལ་བའི་བཀའ་འདས་དམ་མ་བཀྲལ། །བྱིས་པའི་བར་ཆད་ཚེ་ལན་བདུད་མ་བྱེད། །འདོད་ཡོན་གླུད་དང་གཏོར་མ་འདི་ཁྱེར་ལ། །རང་རང་སོ་སོའི་གནས་སུ་ཕྱིར་དེངས་ཤིག །གལ་ཏེ་མི་འགྲོ་འདུག་ན་རྡུལ་དུ་བརླག །དེ་བས་རང་སྲོག་གནས་བཟུང་རང་གནས་དེངས། །ཕྱིན་ཆད་འཁོར་འདིར་གནོད་པ་མ་བྱེད་ཅིག །ཨོཾ་སུམྦྷ་ནི་སོགས། ལོ་བདུད་ཕྱོགས་སུ་བསྐྱལ། ཧཱུྃ། རང་ཉིད་ལྷ་ཡི་ཐུགས་ལས་འོད་ཟེར་འཕྲོས། །ཁྲོ་བོ་ཁྲོ་མོ་ཁྲོ་ཆུང་ཕྱག་མཚན་དང་། །ཡིག་འབྲུ་འཇའ་ཚོན་མེ་དཔུང་གུར་ཁང་འཁྲིགས། །སྟེང་འོག་ཕྱོགས་མཚམས་བར་ཆད་ཐམས་ཅད་སྲུང་། །ཨོཾ་བཛྲ་རཏྣ་པདྨ་ཀརྨ་ཙཀྲ་ཛྭ་ལ་རཀྵ་ཧཱུྃ་ཧཱུྃ། དེ་ནས་ཚེ་མདུད་མགུལ་དུ་བཏགས་ལ། ཧཱུྃ༔ རིག་འཛིན་ཚེ་དཔག་མེད་པའི་ཐུགས་

[Full Size]

རྗེ་དང་། །རྒྱལ་བ་སྲས་བཅས་དྲང་སྲོང་རིག་པ་འཛིན། །བླ་མ་ཡི་དམ་མཁའ་འགྲོ་ཆོས་སྐྱོང་དང་། །བདེན་ཚིག་གྲུབ་པ་རྣམས་ཀྱི་བདེན་སྟོབས་ཀྱིས། །བསྲུང་བྱ་འདི་ལ་བདག་གིས་བསྲུངས་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཡི་དམ་སྔགས་ཤམ་དུ། བཛྲ་རཀྵ་རཀྵ་ཧཱུྃ། བགེགས་རིགས་སྟོང་ཕྲག་བརྒྱད་ཅུ་ཞི་སོགས། །བཀྲ་ཤིས་བསྔོ་སྨོན་བྱ། ཕྱི་རྗེས་མི་མངོན་པར་བྱ། དེ་ལྟར་མིའུ་རིན་ཆེན་ཐར་འདོན་ཐབས་སྔོན་ཚེ་མཛད་མཁན་མང་ཡང་གསལ་ཆ་མེད་པས་ཐར་ཆུང་། བྱིས་ཁྲ་སྤར་འབྱེད་དང་། ལུ་གུ་སྒྲོག་བཀྲོལ། ངར་མི་པང་སྤྲུག་སོགས་ཀུན་གྱིས་དོན་བསྡུས་གོ་བདེ་ཟབ་པ་འདི། རཱ་ག་ཨ་སྱས་འགྲོ་ལ་ཕན་པར་དགེ་བས་སེམས་ཅན་དོན་དུ་བྲིས། ཉེས་འགལ་མཆིས་ན་རྩ་གསུམ་ལྷ་ལ་བཤགས།། ༈ རྟེན་འབྲེལ་གྱི་སྲིའུ་གསོ་ཐབས་བཞུགས་སོ། །སྲིའུ་ཐབས་རྟེན་འབྲེལ་ལ་འབྱུང་བ་རྟེན་འབྲེལ་རྫས་སྔགས་ཁ་ཟས་སོགས་དང་པོར་འབྱུང་བ་རྟེན་འབྲེལ་སྲིའུ་གསོ་བ་ནི། བྱིས་པ་བཙས་ནས་ལག་ཏུ་མ་བླང་པར། ལྟེ་བ་བཅད་པའི་ཁྲག་དང་། ནུ་ཞོ་དང་ཙནྡན་དཀར་པོ་བསྲེས་པའི་ཕྱེ་མ་གསུམ། ལྟེ་བ་སྡོམ་དང་། ཡན་ལག་མཐིལ་བཞིར་བྱུག །དེའི་ཡོན་ཏན་ཁྲག་གིས་སྲོག་བརྟན་ཞིང་། ནུ་ཞོས་མདངས་རྒྱས། ཙནྡན་སྟོབས་བསྐྱེད། དེ་ནི་འབྱུང་བ་ཡིད་བཞིན་ནོར་བུ་ཡིན། རྒྱ་རྒྱ་རྒྱ། གཉིས་པ་རྟེན་འབྲེལ་

[Full Size]

སྲིའུ་གསོ་བ་ནི། བྱིས་པ་བཙས་ནས་རྐན་མར་མ་གཏད་པར་དཔྲལ་བའི་མཐིལ་དུ་གི་ཝཾ་གིས་ཨོཾ་ཞིག་བྲིས། ལྕེ་རྩ་བར་གུར་གུམ་གྱིས་ཨཱཞིག་བྲིས། སྙིང་ཁའི་ཐད་དུ་ཐིག་ལེའི་ཧཱུྃ་ཞིག་བྲིས། དེའི་ཡོན་ཏན་ནི་ཨོཾ་གྱིས་ལུས་ནད་དཀོན། ཨཱཡིས་ལྕེ་བདེ་སྣ་འགུགས་འགས་པ་སེལ། ཧཱུྃ་གི་ཡིད་བཞིན་ནད་དང་གདོན་ལས་ཐར། །དེ་ནི་རྟེན་འབྲེལ་ཡིད་བཞིན་ནོར་བུ་ཡིན། ༈ གསུམ་པ་ཁ་ཟས་ཀྱི་སྲིའུ་གསོ་བ་ནི། སྐྱེས་ནས་ཁ་རུ་ཅི་ཡང་མི་གཏོང་བར། །སྤྱང་ཀིའི་རིལ་མ་ཀ་ར་ས་ལེ་སྦྱར། མར་གྱི་རིལ་བུ་བྱས་ནས་བུ་ལ་བྱིན། སྤྱང་ཀིའི་རིལ་མས་གདོན་དང་བགེགས་ཐུབ་ཅིང་། གསེར་གྱི་བཀྲ་ཤིས། ཀ་རས་བློ་རྣོའོ། །དེ་ནི་སྨན་བཟང་ཡིད་བཞིན་ནོར་བུ་ཡིན། རྒྱ་རྒྱ་རྒྱ། ༈ བཞི་པ་རྫས་ཀྱི་སྲིའུ་གསོ་བ་ནི། རྨ་བྱའི་སྒྲོ་མདངས་རྟེན་འབྲེལ་སྙིང་པོ་འདོན། རིན་ཆེན་སྣ་ལྔ་སྨན་སྣ་ལུས་ལ་བྱུག །རྟེན་འབྲེལ་སྙིང་པོས་སྲི་གདོན་ཐུབ། རིན་ཆེན་སྣ་ལྔས་འདྲེ་སྲིན་ཐུབ། སྨན་སྣ་ཚོགས་ཀྱིས་ས་བདག་ཐུབ། དེ་ནི་རྫས་ཀྱི་ཡིད་བཞིན་ནོར་བུ་ཡིན།། ༈ ལས་སྔགས་ཀྱི་སྲིའུ་གསོ་བ་ནི། རྟེན་འབྲེལ་སྙིང་པོ་བཟླས་པ་སྤྱི་བོར་བཏབ། ཚེ་ཡི་སྙིང་པོ་བཟླས་པ་ཁོང་དུ་བཏང་། ཡི་དམ་སྙིང་པོ་བཟླས་པ་ལུས་ལ་གཏོང་། རྟེན་འབྲེལ་སྙིང་པོས་བཀྲ་ཤིས། ཚེའི་སྙིང་པོས་ཚེ་རིང་། ཡི་དམ་ཕོ་བྲང་ལུས་ལ་ཐིམ། འདི་ནི་སྔགས་ཀྱི་ཡིད་བཞིན་ནོར་བུ་ཡིན། ས་མ་ཡ། རྒྱ་རྒྱ་རྒྱ། བུ་དང་བུ་རོགས་བྱུང་དཀའ་ན། རྒྱུ་རུ་ལུག་ཐུག་འབྲས་བུ། མིན་ན་ནག་པོ་སྦྲུལ་ཤ་སྦྱར་ལ་

[Full Size]

བཏང་ན་མྱུར་དུ་ཐོན། ཨོཾ་ཏྲེ་ཙེ་ཤ་ཀུན་འཚང་བ་ལ་སྲུངས་ཤིག །སྲིའུ་གསོ་བའི་གདམས་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བྱིས་ཁྲ་སྤར་འབྱེད།

[Full Size]

བྱིས་ཁྲ་སྤར་འབྱེད་བཞུགས་སོ། །ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་གྱི་བདེན་པ་དང་། །རྟེན་འབྲེལ་བསླུ་བ་མེད་པའི་མཐུས། །བྱིས་པ་འདི་ལ་གནོད་བྱེད་པའི། །ཆུང་སྲི་སྒབ་འདྲེ་བྱིས་པའི་ཚོགས། །ཁྲ་གཟུགས་ནག་པོ་འདི་ལ་ཁུག །ཛཿཧཱུྃ་བཾ་ཧོས་དབྱེར་མེད་གྱུར། །བྱིས་པའི་བླ་ཚེ་སྲོག་དང་བཅས། །བྱིའུ་འདི་ལ་དབྱེར་མེད་གསལ། རིན་ཆེན་སྣ་ལྔའི་བྱིའུ་འདི། །མཛེས་སྡུག་གཟི་བརྗིད་ལྡན་པར་གྱུར། །ནི་ཛཨཱ་ཡུ་སིདྡྷི་ཧཱུྃ། བྱིས་ཁྲ་གཉིས་ཀྱི་བསྐྱེད་ཆོག་རཱ་ག་ཨ་སྱས་མཛད་པའོ། །ཀྱཻ། སྔོན་གྱི་བསྐལ་པའི་དང་པོ་ལ། །རྒྱལ་བུ་མིའུ་ཐུང་གིས་ནི། །ཆུང་སྲི་དམ་འདྲེ་བཀར་བ་ན། །བྱིས་དང་ཁྲི་གཉིས་འཐབ་པ་དང་། །བྱིའུ་འདི་མིའུ་རིན་ཆེན་བླ། །ཁྲ་ནི་ཆུང་སྲི་ནག་པོ་ཡིན། །དེ་དུས་་ཀོང་ཙེ་འཕྲུལ་རྒྱལ་གྱིས། །མིའུ་རིན་ཆེན་སྐག་ལས་ཐར་བར་མཛད། །ཆུང་སྲི་ནག་པོ་དམ་ལ་བཏགས། །སྔོན་གྱི་སྲིད་པ་དེ་བཞིན་དུ། །དེ་རིང་རྒྱུ་སྦྱོར་ཡོན་བདག་གིས། །བྱིས་པ་བུ་ཆུང་སྐག་ལས་ཐར། །དེ་རིང་བྱིས་པ་བུ་ཆུང་འདི། །གདོན་ཆེན་བཅོ་ལྔའི་སྐག་ལས་ཐར། །སྐྱ་ཁྲ་ཧོར་པོ་གཟན་ཚོལ་དེ། །བྱིའུ་རིན་ཆེན་ཟླ་བ་དེ། །ཆུང་སྲི་ནག་པོ་ཆོ་

[Full Size]

འཕྲུལ་ཅན། །བྱིས་དང་ཁྲ་གཉིས་སོ་སོར་ཕྱེས། །ཡ་བདུད་ཀླུ་བཙན་རྒྱལ་པོ་དང་། །ཐེའུ་རང་དམ་སྲི་ཕོ་མོ་སོགས། །ལན་ཆགས་གྱུར་པ་ཐམས་ཅད་ལ། །ཆངས་བུ་ངར་མི་གླུད་དུ་འབུལ། །བྱིས་པ་འདི་ལ་མ་གནོད་ཅིག །བརྗེད་བྱེད་སྐེམ་བྱེད་སྨྱོ་བྱེད་དང་། །དམ་སྲི་ནག་པོ་ཐམས་ཅད་ལ། །བྱིས་པ་འདི་ཡི་གླུད་དུ་འབུལ། །མ་ཡི་ནུ་ཞོ་མ་སྐེམ་ཞིག །བུ་ཡི་སྲིད་ལ་མ་རྐུ་ཞིག །ཟླ་བ་གཅིག་པ་ཕོ་ཡི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་གཉིས་པ་མོ་ཡི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་གསུམ་པ་བྱིསྱའི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཞི་པ་གདོན་གྱི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་ལྔ་པ་བདུད་ཀྱི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་དྲུག་པ་བཙན་གྱི་སྐག། བྱིས་དང་ཁྲ་གཉིས་སོ་སོར་ཕྱེས། །ཟླ་བ་བདུན་པ་མ་མོའི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བརྒྱད་པ་གཟའ་ཡི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་དགུ་པ་གནོད་སྦྱིན་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཅུ་པ་ལྷ་ཀླུའི་སྐག །བྱིས་དང་ཁྲི་གཉིས་སོ་

[Full Size]

སོར་ཕྱེས། །ཟླ་བ་བཅུ་གཅིག་སྲིན་པོའི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཅུ་གཉིས་ལོ་ཡི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཅུ་གསུམ་སྡེ་བརྒྱད་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཅུ་བཞི་ལྷ་འདྲེ་སྤྱི་ཡི་སྐག །བྱིས་དང་ཁྲི་གཉིས་སོ་སོར་ཕྱེས། །ཟླ་བ་བཅོ་ལྔ་གདོན་ཆེན་བཅོ་ལྔའི་སྐག །བྱིས་དང་ཁྲ་གཉིས་སོ་སོར་ཕྱེས། །ཐར་རོ་གདོན་ཆེན་སྐག་ལས་ཐར། །བྱིསྱའི་གདོན་ལས་ཐར་གྱུར་ཅིག །རོ་གྲིབ་གདོན་ལས་ཐར་བར་ཤོག །དེ་ནས་བྱིས་དང་ཁྲ་གཉིས་སོ་སོར་ཕྱེས་ལ། ཁྲ་གཟུགས་ངར་མི་ཁ་ཕྱིར་བསྒྱུར་ལ་འདི་སྐད་དོ། །ཧཱུྃ། ང་ནི་འཕགས་པ་འཇམ་དཔལ་ཡིན། །བྱིས་པ་འདི་ལ་གནོད་བྱེད་ཀུན། །སོ་སོ་རང་རང་གནས་སུ་དེངས། །བྱིས་འདི་ལ་མ་གནོད་ཅིག །བྱིས་པའི་གདོན་ཆེན་བཅོ་ལྔ་ཡང་། །སོ་སོ་རང་རང་གནས་སུ་དེངས། །བྱིས་འདི་ལ་མ་གནོད་ཅིག །ཆངས་བུ་འདི་བསྔོས་ཚིམ་གྱུར་ཅིག །ཀྱེ་ཤ་ཡི་གླུད་འདི་ས་ལ་གཏོང་། །ས་ལ་གནས་པའི་ལྷ་འདྲེ་ཀུན། །ཆངས་བུ་འདི་བསྔོས་ཚིམ་གྱུར་ཅིག །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་ཀུན། །

[Full Size]

ཆངས་བུ་འདི་བསྔོས་ཚིམ་གྱུར་ཅིག །རྩ་རྒྱུས་གླུད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་ཀུན། །ཚངས་བུ་འདི་བསྔོས་ཚིམ་གྱུར་ཅིག །དྲོད་ཀྱི་གླུད་འདི་མེ་ལ་གཏོང། །མེ་ལ་གནས་པའི་ལྷ་འདྲེ་ཀུན། །ཆངས་བུ་འདི་བསྔོས་ཚིམ་གྱུར་ཅིག །དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་ཀུན། །ཆངས་བུ་འདི་བསྔོས་ཚིམ་གྱུར་ཅིག །ཆུང་སྲི་ཆུང་བདུད་རྣམས་ལ་བསྔོ། །བསྔོས་པ་ཙམ་གྱིས་ཚིམ་གྱུར་ཅིག །སོ་སོ་རང་རང་གནས་སུ་དེངས། །ཨུ་ཙ་ཏ་ཡ་ཕཊ༔ ཅེས་ཁྲ་གཟུགས་དང་བགེགས་གཏོར་ཆངས་བུ་རྣམས་འདྲེ་ལྔའི་ཕྱོགས་ཀྱི་སྟེང་དུ་བསྐྱལ་ལོ། །དེ་ནས་བྱིའུ་ལྷོ་ཕྱོགས་སུ་བསྐྱལ་ལོ། །བྱིས་ཁྲ་སྤར་འབྱེད་༧ རཱ་ག་ཨ་སྱས་མཛད་པའོ།། །།

བྱིས་ཁྲ་སྤར་འབྱེད་ཡང་བསྡུས།

[Full Size]

པདྨའི་སྐུ་ལ་ཕྱག་འཚལ་ལོ། །འདིར་བྱི་སྦ་གདོན་གྱིས་བཏབ་བམ། ཆུང་སྲིའི་ཟིན་པའམ། སྲིའུ་མི་སོས་པ་དང་། ཀུན་ལ་ཕན་ཕྱིར་འདི་ལྟར་བྱ། དང་པོ་བྱེའུ་གཅིག་དང་ཁྲ་གཅིག །མར་མེ་གཅིག་བཅས་གསུམ་བྱ། བྱིའུ་བྱིས་དང་། ཁྲ་ནི་བདུད་དུ་བསྐྱེད། མར་མེ་གཅིག་བྱས་ལ་དེ་ཡང་དམའ་བ་གཅིག་ཏུ་བཞག །བྱིས་པའི་གླུད་དྲུད་རང་ཉིད་ཡི་དམ་གང་ཡིན་གྱི་བགེགས་བསྐྲད་ནས། ཧཱུྃ་ཧཱུྃ། བདག་ཉིད་པདྨ་དབང་ཆེན་སྐུ། །ང་ནི་ཁྲོ་རྒྱལ་བདུད་རྩི་འཁྱིལ། །ཁམས་གསུམ་མ་ལུས་ཐམས་ཅད་ཀྱང་། །ང་ཡི་བཀའ་ལས་མི་ཉན་མེད། །ཀྱཻ། ཉོན་ཅིག་ཆུང་བདུད་ཆུང་སྲི་རྣམས། །ཁྱེད་རྣམས་ཡུལ་འདིར་མ་འདུག་གཞན་དུ་དེངས། །བྱིས་པའི་ཆུང་གླུད་འདི་ཁྱེར་ལ། །འདི་ལ་གནོད་པ་མ་བྱེད་ཅིག །སྔོན་ཚེ་ཆུང་གླུད་གང་འཇལ་ན། །ལྷ་བུ་རྒྱལ་བུ་དོན་གྲུབ་བསྙུང། །ལྷ་ཡི་དབང་པོ་བརྒྱ་བྱིན་གྱིས། །མར་མེ་དོང་ཐར་འདི་མཛད་པའི། །ལྷ་བུ་དོན་གྲུབ་བསྙུང་ལས་ཐར། །སྔོན་བྱུང་སྲིད་པ་དེ་བཞིན་དུ། །ད་ལྟ་བྱིས་པ་འདི་ཉིད་ཀྱང། །མར་མེ་ངོས་ནས་ཐར་བ་བཞིན། །ད་ལྟ་ཉིད་དུ་ཐར་བར་མཛོད། །དེ་ནས་ཆུང་གཏོ་གར་སྲིད་ན། །རྒྱ་གར་རྡོ་རྗེ་གདན་དྲུང་ནས། །བྲམ་ཟེའི་བུ་མོ་པདྨ་ལ། །

[Full Size]

ཆུང་བདུད་ཆུང་སྲིའི་གནོད་པ་བྱུང་། །དྷ་ན་སཾ་སྐྲྀ་གདན་དྲངས་ནས། །མར་མེ་ངོས་ཐར་འདི་མཛད་པས། །ཁྲམ་ཟེ་བུ་མོ་པདྨ་ཐར། །སྔོན་བྱུང་སྲིད་པ་དེ་བཞིན་དུ། །ད་ལྟ་བྱིས་པ་འདི་ཉིད་ཀྱང་། །མར་མེ་ངོས་ནས་ཐར་བ་བཞིན། །ད་ལྟ་ཉིད་དུ་ཐར་བར་མཛོད། །ཆུང་སྲི་ཆུང་བདུད་མ་གནོད་ཅིག །བྱིས་པའི་གདོན་ཆེན་བཅོ་ལྔ་དང་། །ཆུང་བདུད་ཆུང་སྲི་ཐམས་ཅད་ཀྱང་། །བྱིས་པ་འདི་ལ་གནོད་མ་བྱེད། །གལ་ཏེ་གནོད་པར་བྱས་གྱུར་ན། །ང་ཉིད་དབང་ཆེན་རྟ་སྐད་འཚེར། །ཁྱེད་རྣམས་ལུས་ངག་རྡུལ་དུ་རློགས། །དེ་བས་རང་རང་གནས་སུ་དེངས། །བྱིས་པ་འདི་ལ་གནོད་པ་མ་བྱེད་ཅིག །མར་མེ་ངོས་ཐར་མཛད་པ་བཞིན། །བྱིས་པ་འདི་ཉིད་ཐར་བར་མཛོད། །གནོད་བྱེད་ཆུང་བདུད་ཨུ་ཙ་ཏ་ཡ་ཕཊ། ཨོཾ་སུམྦྷ་ནི་སོགས་བརྗོད་ལ་འདི་ལ་མར་མེ་ངོས་ཐར་ཡང་ཟེར་བྱིས་ཁྲ་སྤར་འབྱེད་ཡང་ཟེར་འདི་བྱིས་པ་མི་སོས་ཤིང་ཆུང་སྲིའི་གནོད་པ་ལ་ཕན་པའི་ཕྱིར་༧ སྔགས་འཆང་ཨ་རཱ་གས་མཛད་པ། འདིས་ཀྱང་སེམས་ཅན་མང་པོ་ལ་ཕན་ཐོགས་པར་གྱུར་ཅིག །ཤུ་བྷཾ།། །བགེགས་བསྐྲད་མཚམས་གཅོད་སྲུང་འཁོར་ནི། ཧཱུྃབདག་ཉིད་འགྱུར་མེད་སོགས་བྱིས་པ་མ་ཡི་སྔས་ཁར་བཞག །ཁྲ་ནི་ལུང་གསུམ་མདོ་རུ་རྫོངས། མར་མེ་རྟེན་གྱི་དྲུང་དུ་བཞག་གོ །མཆན།

གནམ་ཆོས་དང་དགོངས་གཏེར་ལས་བྱུང་བའི་སྤར་ཁའི་སྐག་བསྒྱུར་གྱི་ཕྱག་ལེན་གཏན་ལ་ཕབ་པ།

[Full Size]

གནམ་ཆོས་དང་དགོངས་གཏེར་ལས་བྱུང་བའི་སྤར་ཁའི་སྐག་བསྒྱུར་གྱི་ཕྱག་ལེན་གཏན་ལ་ཕབ་པ་བཞུགས་སོ།།

[Full Size]

རྒྱ་ནག་སྐད་དུ། ལི་ཁོན་དྭ་ཁེན་ཁཾ་གིན་ཟིན་ཟོན། བོད་སྐད་དུ། མེ་ས་ལྕགས་གནམ་ཆུ་རི་ཤིང་རླུང་། ཞེས་བྱ་བ་ཡིན་ཏེ་སྤར་ཁའི་གཏོ་བཅོས་ནི། སྤྱི་མདོས་དང་ནི་སོ་སོའི་མདོས་ཆུང་གཉིས། །མདོ་གཞི་ས་ཕྱེ་ལ་སོགས་བཀོད་པའི་སྟེང་། །འཇིམ་པ་སྲབ་མོ་གྲུ་བཞི་བྱས་པའི་སྟེང་། །རུས་སྦལ་གཟུགས་ནི་ལེབ་མོ་སྲབ་བུ་བཞག །དེ་སྟེང་གནམ་ལོ་གང་ཡིན་གཟུགས་བྱས་བཞག །དེ་རྒྱབ་རང་གནས་སྤར་ཁ་བརྒྱད་བཀོད་དེ། །རུས་སྦལ་མགོ་ནི་རང་བསྟན་ལྷོ་ཕྱོགས་ཡིན། །དེ་རུ་བུད་མེད་ནག་མོ་རྟ་ཞོན་བཞག །དེ་ནས་གཡས་བསྐོར་བྱས་ནས་བཀོད་པ་སྟེ། །ལྷོ་ནུབ་རྒན་མོ་སེར་མོ་ལུག་སེར་ཞོན། །ནུབ་ཏུ་མི་དཀར་ར་དཀར་ཞོན་པ་དང་། །ནུབ་བྱང་མི་རྒན་སེར་པོ་ཁྱི་སེར་ཞོན། །

[Full Size]

བྱང་དུ་མི་ནག་ཕག་ནག་ཞོན་པ་དང་། །བྱང་ཤར་བཙུན་གཟུགས་སེར་པོ་གླང་སེར་ཞོན། །ཤར་དུ་བུད་མེད་ལྗང་གུ་བོང་ལྗང་ཞོན། །ཤར་ལྷོ་བུད་མེད་སེར་མོ་མཛོ་སེར་ཞོན། །དེ་ལྟར་སྤར་ཁ་བརྒྱད་པོའི་རང་གཟུགས་དང་། །རང་ནོར་བརྒྱད་དང་ཐོད་པོ་བརྒྱད་པོ་ཚང་། །རང་རང་མདུན་དུ་རང་རང་བཤོས་བུ་བཞག །དེ་རྒྱབ་ལོ་སྐོར་བཅུ་གཉིས་གཟུགས་བྱས་ཏེ། །བྱང་གི་སྟོད་སྨད་བྱི་ཕག་གཉིས་པོ་ནག །ཤར་གྱི་སྟོད་སྨད་སྟག་ཡོས་གཉིས་པོ་ལྗང་། །ལྷོ་ཡི་སྟོད་སྨད་རྟ་སྦྲུལ་གཉིས་པོ་དམར། །ནུབ་ཀྱི་སྟོད་སྨད་བྱ་སྤྲེལ་གཉིས་པོ་དཀར། །ནུབ་བྱང་ཤར་ལྷོ་བྱང་ཤར་ལྷོ་ནུབ་བཞི། །ཁྱི་འབྲུག་གླང་ལུག་བཞི་ནི་སེར་པོ་སྟེ། །ཀུན་ཀྱང་མི་ལུས་སོ་སོའི་མགོ་ཅན་བྱ། །དེ་དག་རེ་རེའི་མདུན་དུ་བཤོས་བུ་རེ། །ཕྱོགས་མཚམས་སྤར་ཁ་

[Full Size]

སོ་སོའི་ཐད་རྣམས་སུ། །རང་མདོག་ནམ་མཁའ་རེ་རེ་བཙུགས་བྱ་ཞིང་། །དབུས་སུ་ནམ་མཁའ་ཁྲ་བོ་ཆེ་བ་གཅིག །དེ་ཡི་རྩ་བར་ངར་མི་གཙང་མ་གཅིག །དེ་བཞིན་མདའ་བཀྲ་འཕང་བཀྲ་ཤིང་རིས་ཀྱང་། །དབུས་དང་ཕྱོགས་མཚམས་རྣམས་སུ་ཆ་རེ་བཙུགས། །ཤིང་རིས་འཇའ་རིས་བྲིས་པས་ཆོག་པ་སྟེ། །སྤར་ཁ་སོ་སོའི་ཕྱག་རྒྱ་བྲིས་ན་ལེགས། །ལོ་སྐོར་བཅུ་གཉིས་ཡན་ཆད་ནང་དེ་རུ། །གོས་དུམ་དྲི་གླུད་ལ་སོགས་མི་བླུགས་ཏེ། །འབྲུ་སྣ་ཡོས་བཀྲ་ཤ་དུམ་གཙང་མ་བླུགས། །གོས་དུམ་དྲི་གླུད་ལ་སོགས་མཐའ་རྣམས་བསྐོར། །དེ་ནི་སྤར་ཁ་སྤྱི་མདོས་ཆེན་པོ་ཡིན། ༈ །སྒེར་མདོས་གཞན་རྣམས་བཅའ་ཐབས་གོང་དང་འདྲ། །དབུས་སུ་སྤར་ཁ་གང་ཡིན་གཟུགས་བརྙན་དང་། །དེ་ཡི་དབུས་སུ་ངར་མི་གསུམ་པོ་བཞག །དེ་རྒྱབ་ལོ་སྐོར་བཅུ་གཉིས་སྔོན་དང་འདྲ། །ནམ་མཁའ་ཤིང་རིས་མདའ་འཕང་རེ་རེས་ཆོག །དེ་ལྟར་གཏོ་ཆེན་གཅིག་དང་གཏོ་ཕྲན་བརྒྱད། །སྔགས་ནག་ཕ་ཇོ་རྣམས་ཀྱི་བཅའ་ལུགས་ཡིན། ༈ །རབ་བྱུང་རྣམས་ཀྱི་གཏོ་དཀར་བཅའ་ལུགས་ནི། །ཤོག་གུ་རི་རབ་སྟེང་དུ་རུས་སྦལ་བྲིས། །དེ་ཉིད་གཏོར་སྣོད་འོག་ཏུ་བཞག་པས་འཐུས། །གཏོར་སྣོད་དབུས་སུ་དཀར་གཏོར་ངར་མི་བཞག །སྤར་བརྒྱད་བཤོས་བུ་སོ་སོའི་གནས་སུ་བཀོད། །དེ་རྒྱབ་ལོ་བཤོས་བཅུ་གཉིས་བསྐོར་བར་བྱ། །དེ་རྒྱབ་རྩོག་གླུད་གསུམ་པོ་སོགས་ཀྱིས་བསྐོར། །ནམ་མཁའ་ཁྲ་བོ་མདའ་འཕང་ཤིང་རིས་རྣམས། །མཁྱུད་རེ་ཙམ་པ་དབུས་སུ་གཅིག་གིས་ཆོག །ཡང་ན་ཙཀླི་

[Full Size]

གཅིག་ལ་བྲིས་ཀྱང་རུང་། །དེ་ནི་སྤར་ཁ་སྤྱི་ཡི་གཏོ་མདོས་ཡིན། །དབུས་སུ་སྤར་ཁ་གང་ཡིན་བཤོས་བུ་གཅིག །དེ་ལྟར་ལོ་བཤོས་བཅུ་གཉིས་དག་གིས་བསྐོར། །དབུས་སུ་ངར་མི་མཐའ་བསྐོར་དྲི་གླུད་བླུགས། །ནམ་མཁའ་ལ་སོགས་ཡོད་རུང་མེད་ཀྱང་ཆོག །དེ་ནི་སྤར་ཁ་སོ་སོའི་གཏོ་དཀར་དེ། །རབ་བྱུང་བཙུན་པ་རྣམས་ཀྱིས་བྱ་བར་རུང་། །གང་ཡིན་བཅས་ནས་ཆུ་གཙང་བྲན་བྱས་ཏེ། །འདི་ཉིད་གྱེར་སྒོམ་སྦྲགས་པས་འཐུས་པ་ཡིན། ཧཱུྃ༔ རང་ཉིད་སྐད་ཅིག་ཡི་དམ་གནས་འགྱུར་ནས། །བཅོམ་ལྡན་གཤིན་རྗེ་གཤེད་པོ་སྐུ་མདོག་དམར། །ཞལ་གཅིག་ཕྱག་གཉིས་སྤྱན་གསུམ་མཆེ་བཞི་གཙིགས། །ཕྱག་གཡས་མི་མགོ་རློན་པའི་དབྱུག་པ་ཕྱུར། །གཡོན་པས་ཁྲག་གི་ཐོད་པ་ཐུགས་ཀར་འཛིན། །ཞབས་གཡས་བསྐུམ་པས་མ་ཧེའི་རྭ་བར་བརྫིས། །ཞབས་གཡོན་བརྐྱངས་པས་མ་ཧེའི་འཕོང་སྟེང་མནན། །རང་འོད་རིག་མ་གྲི་ཐོད་འཛིན་པས་འཁྱུད། །ཐོད་པ་སྐམ་རློན་སྟག་ཤམ་ཞིང་ལྤགས་རྫོགས། །དུར་ཁྲོད་དཔལ་ཆས་ཡོངས་རྫོགས་མེ་ཀློང་བཞུགས། །རིགས་བདག་རང་ཆས་དམ་ཡེ་དབྱེར་མེད་པའི། །ཐུགས་ཀར་ཧཱུྃ་ལ་སྔགས་ཕྲེང་གཡས་སུ་འཁོར། །ཨོཾ་ཧྲིཿཥྚི་ཝིཀྲྀ་ཏ་ནཱ་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །རཾ་ཡཾ་ཁཾ་གིས་

[Full Size]

མི་གཙང་དྲི་མ་སྦྱངས། །ཤཱཀ་ཐུབ་བྱིན་རླབས་ཐལ་མོ་ཁོང་སྟོང་ལས། །ཨ་དཀར་འོད་འཕྲོས་མདོས་གཏོར་སྟོང་པར་སྦྱངས། །ཨོཾ་སྭ་བྷ་ཝ་སོགས། ཨེ་ཡཾ་རཾ་བཾ་ལཾ་གྱི་ཡི་གེ་ལས། །འབྱུང་བ་རིམ་བརྩེགས་གསེར་གྱི་ས་གཞིའི་སྟེང་། །སྤར་ཁ་ཧྥེ་སྤྱི་མདོས་སྐབས། སྤར་ཁ་བརྒྱད་དང་སོགས། སྒེར་མདོས་སྐབས། སྤར་ཁ་ཁཾ་དང་སོགས་སོ་སོར་སྦྱར་རོ། །ལོ་ལྷ་བཅུ་གཉིས་བསྐོར། །མཁའ་ལ་འཇའ་ཤར་བཞིན་དུ་གསལ་བའི་མདུན། །གཏོར་མདོས་ཡས་སྟགས་འདོད་ཡོན་སྣ་ཚོགས་པ། །སོ་སོའི་མཐུན་རྫས་བཟའ་བཏུང་ལོངས་སྤྱོད་ཚོགས། །རི་ལྟར་སྤུངས་ཤིང་མཚོ་ལྟར་འཁྱིལ་བར་གྱུར། །རྣམ་སྣང་བྱིན་རླབས་ཚིགས་བཅག་ཕྱག་རྒྱའི་ནང་། །ཁཾ་སྔོན་འོད་འཕྲོས་ཟད་པ་མེད་པོར་སྤེལ། །ན་མསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷཿསརྦ་ཐ་ཁཾ་ཨུཏྟ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བདུད་རྩི་བྱིན་རླབས་ཁ་འགྱེད་ཛདམར་ལས། །འོད་འཕྲོས་མདོས་གླུད་ཟག་མེད་བདུད་རྩི་གྱུར། །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། རིན་འབྱུང་བྱིན་རླབས་མཆོག་སྦྱིན་ཧཱུྃ་སེར་ལས། །འོད་འཕྲོས་མགྲོན་རྣམས་ཀུན་གྱིས་བསྔོས་བཞིན་ཐོབ། །བདེ་གཤེགས་རིན་ཆེན་

[Full Size]

མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །གླུད་གཏོར་ཟག་མེད་བདུད་རྩིའི་རྒྱ་མཚོ་འདི། །སྤར་ཁ་སྨེ་བརྒྱད་པོའམ། ལི་མེ་སོགས། འཁོར་དང་བཅས་པ་དང་། །དེ་ཡི་རྗེས་འབྲང་གདོན་དང་འབྱུང་པོའི་ཚོགས། །ལོ་ལྷ་བཅུ་གཉིས་ལོ་བདུད་ལོ་གཤེད་བཅས། །དམིགས་ཡུལ་བསྲུང་བྱར་གྱུར་པ་ཐམས་ཅད་ལ། །གནོད་ཅིང་འཚེ་བར་བྱེད་པའི་གདོན་བགེགས་ཚོགས། །གནོད་ཅིང་འཚེ་བར་བྱེད་པ་ཀུན་ལ་བསྔོ། །ཐམས་ཅད་དགའ་མགུ་ཡི་རངས་ལྡན་གྱུར་ཅིག །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སམྦྷ་ར་ཧཱུྃ། བདུན་བརྗོད་ཅིང་སེ་གོལ་གཅིག་གཏོགས། དོན་གྲུབ་བྱིན་རླབས་ཁུ་ཚུར་མཆོག་སྦྱིན་ལས། །ཧ་ལྗང་འོད་འཕྲོས་མགྲོན་ཀུན་ཚིམ་པར་གྱུར། །ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མ་ས་མནྟ་ཨ་མྲྀ་ཏེ་སྤ་ར་ཎ་རསྨི་བྷ་ཝ་མ་ཧཱ་མ་ནི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ། ཕྱག་རྡོར་བྱིན་རླབས་སོར་བསྣོལ་ཛདམར་ལས། །འོད་འཕྲོས་མགྲོན་ཀུན་བདག་གི་བཀའ་ཉན་གྱུར། །ན་མ་ས་མནྟ་བུདྡྷཱ་ནཾ་ག་རི་ཀྲོ་ཏ་ཤཱ་རི་པྲ་བྷཉྫན་མ་ར་ཡ་སྭཱ་ཧཱ། དེ་ཡན་སྤྱི་མདོས་སྒེར་མདོས་ཀུན་ལ་འདོན། །ཆྒེ་

[Full Size]

ཞེས་པ་སྤར་ཁ་སོ་སོའི་མིང་། །སྤྱི་མདོས་ཡིན་ན་བརྒྱད་ཅེས་བཅུག་པར་བྱ། །དེ་ནས་སྒེར་མདོས་ཡིན་ན་སྤར་ཁ་ནི། །འོག་ནས་འབྱུང་བ་གང་ཡིན་དེ་འདོན་ཞིང་། །དེ་མིན་བདུན་པོ་གཞན་རྣམས་བསྒྱུར་བར་བྱ། །སྤྱི་མདོས་ཡིན་ན་ཐམས་ཅད་ཚང་བར་འདོན། །འདི་རྣམས་དྲུག་འདོན་མི་བྱ་གྱེར་དབྱངས་བྱ། །དེ་ཕྱིར་རྒྱ་ནག་ལུགས་ཀྱི་གྱེར་གཏོ་ཟེར། །མགོ་མཇུག་རྣམས་ནི་ཚར་རེས་ཆོག་པ་སྟེ། །གལ་ཆེན་ཡོད་ན་སྤར་ཁ་གང་ཡིན་གྱི། །ལེའུ་དེ་ཉིད་ཚར་མང་བཏོན་ཀྱང་ལེགས། ༼ལ༽ ལི་ཕྱོགས་ནི་ལྷོ་ཡི་ཕྱོགས་ན་འདུག །དེ་རིང་དབུས་ཀྱི་ཕྱོགས་ན་གཤེགས། །དབུས་ཀྱི་གཏོར་མ་འདི་བཞེས་ལ། །མེ་ཡི་ལོ་དགྲ་བཟློག་པར་མཛོད། །ཀྱཻ། ལི་ནི་དམར་པོ་རྟ་མགོ་ཅན། །ཁྱོད་ཀྱིས་གླུད་དང་གཏོར་མ་འདི། །ཁྱེར་ལ་བདག་ཅག་ཡོན་མཆོད་རྣམས། །ལོ་སྐག་ཟླ་སྐག་ཞག་སྐག་དང་། །ཟ་མའི་༄སྐག་རྣམས་ཐམས་ཅད་ལས། །ཐར་བའི་ཕྲིན་ལས་ད་མཛོད་ཅིག །ཨོཾ་ལི་ལཾ་ཧཱུྃ་ཕཊ་སྭཱ་ཧཱ། ལི་ལི་ལི་ལཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། བདུན། ཀྱཻ། ཉི་མ་ཕྱོགས་ཕྱོགས་ཕ་ཀི་ན། །ཉི་མ་ལྷོ་ཕྱོགས་ཕ་ཀི་ན། །རུས་སྦལ་ཆེན་པོའི་མགོ་བོ་ན། །མེ་དཔུང་འབར་བའི་ཀློང་དཀྱིལ་ནས། །བྱོན་པའི་བུད་མེད་རྫུ་འཕྲུལ་ཅན། །སྲིད་པའི་བུ་

[Full Size]

མོ་ཐ་ཆུང་ནི། །བུད་མེད་དམར་མོ་རྟ་ཡི་མགོ །སྐུ་ལ་དར་དམར་ན་བཟའ་གསོལ། །ཕྱག་གཡས་ཁྲག་གི་གཟར་བུ་བསྣམས། །ཕྱག་གཡོན་མེ་དཔུང་འབར་བ་འཛིན། །བཙན་དང་སྨན་མོ་མོ་འདྲེའི་ཚོགས། །མེ་ལ་གནས་པའི་ལྷ་འདྲེས་བསྐོར། །ཁྱེད་ལ་མཆོད་པ་འབུལ་བ་ནི། །མཁར་ཐབས་བཤོས་བུ་སྒོ་བྲུས་པ། །དེ་སྟེང་བཤོས་བུ་ཟླུམ་པོ་ལ། །ནོར་བུའི་དབྱིབས་འདྲ་མར་གྱིས་བརྒྱན། །ཞྭ་དང་སྟོད་གོས་དུམ་བུ་དང་། །ཁྲེ་ལ་སོགས་པའི་འབྲུ་སྣ་དང་། །མིག་འབྲས་མགོ་ཤ་དམར་གཏོར་དང་། །བུ་མོ་གཞོན་ནུའི་དུར་རྡོ་སོགས། །ཁྱེད་ལ་མཐུན་པའི་རྫས་འབུལ་ལོ། །རབ་ཏུ་མཉེས་ཤིང་ཚིམས་གྱུར་ནས། །ཡོན་བདག་མ་ཤེས་འཁྲུལ་དབང་གིས། །ཁྱེད་ཀྱི་ཐུགས་དང་འགལ་བའི་ལས། །བག་མ་བླངས་དང་བག་སྣར་བསྡད། །རྒོད་མ་དམར་ཞུར་བྱུ་རུ་གཡུ། །གོས་དར་སྣམ་བུ་དམར་པོ་བླངས། །ལྷོ་ཕྱོགས་བུད་མེད་ལག་གི་ཟས། །མགོ་ཤ་བྲང་ཤ་རྟ་ཤ་ཟོས། །རོ་སྲེག་སྦྱིན་སྲེག་མེ་བཀྱེས་དང་། །ལྷོ་ཡི་ཕྱོགས་ནས་འོང་བ་ཡི། །ལོང་བ་རྫ་མཁན་བུད་མེད་སོགས། །རང་གི་ཁྱིམ་དུ་ཕྱིན་པ་

[Full Size]

དང། །ཞྭ་དང་ཕྱིང་པ་རྟ་ལྕགས་ཉོས། །ཟངས་དམར་རྫས་དམར་ཁྱིམ་དུ་བླངས། །དམར་ཐབ་ལ་སོགས་ཐབ་གཞོབ་ཤོར། །ཁྱི་ཟླའི་ཚེས་ནས་བཅུ་བདུན་བར། །ནུབ་ཀྱི་ཕྱོགས་སུ་སོང་བ་དང་། །ཞྭ་བོ་ཁྱིམ་དུ་བོས་པ་སོགས། །ལོ་ཟླ་ཞག་དང་དུས་ཚོད་རྣམས། །སྤར་ཁ་ལི་ལ་བབ་པའི་དུས། །མི་རུང་བྱ་བ་གང་བྱས་པ། །དེ་དག་ཐམས་ཅད་མཐོལ་ལོ་བཤགས། །ཁྱེད་ལ་བསྡོ་བ་མ་ཡིན་ཏེ། །ཡོན་བདག་མ་རིག་འཁྲུལ་པས་བསྒྲིབས། །ནོངས་པ་གང་མཆིས་བཟོད་པར་གསོལ། །ཁྱེད་ཀྱི་ཐུགས་དམ་བསྐངས་གྱུར་ནས། །ཁྱེད་ཀྱི་གདུག་རྩུབ་ལས་བྱུང་བའི། །ནད་གདོན་གནོད་པ་བསྒྱུར་དུ་གསོལ། །མགོ་ནད་མིག་ནད་རྐེ་ཡི་ནད། །ཚད་པའི་ནད་རྣམས་བསྒྱུར་དུ་གསོལ། །གྲ་ལིང་སྐྱེར་སོགས་མིག་གི་ནད། །མགོ་ཆག་རྟས་བརྡབ་རྟ་གྲི་དང་། །གཡང་ལ་ལྷུང་བ་བསྒྱུར་དུ་གསོལ། །རོ་སྟོད་ནཱ་དང་སྙིང་སྟོད་དང་། །ཁྲག་སྐྱུར་སྣ་ཁྲག་རྨ་རོ་དང་། །ཆུ་རྒྱུས་འགྲམ་པའི་ནད་རྣམས་སྒྱུར། །ཁྱོད་ཀྱི་ཕོ་ཉ་གདོན་གྱི་ཚོགས། །བཙན་དང་གནམ་ཐིལ་རྨང་འདྲེ་དང་། །གྲི་བོ་ཐབ་འདྲེ་གཞོབ་སྲི་དང་། །མོ་གདོན་གནོད་པ་བསྒྱུར་དུ་

[Full Size]

གསོལ། །སྤང་ཁ་སེར་དུས་གནོད་པ་བསྒྱུར་དུ་གསོལ། །ཞྭ་བོ་ལོང་བ་རྣམས་ཀྱི་གླུད་འདི་ལོངས། །གཞན་ཡང་རྒྱུ་སྦྱོར་ཡོན་བདག་རྣམས། །རྟ་སྦྲུལ་ལོ་པའི་རང་སྐག་བསྒྱུར། །སྟག་ཡོས་ལོ་པའི་འཆི་སྐག་བསྒྱུར། །བྱི་ཕག་ལོ་པའི་བདུན་ཟུར་དང་། །དྲུག་འགྲམ་སྐག་ཕྲན་བསྒྱུར་དུ་གསོལ། །བྱ་དང་སྤྲེལ་གྱི་ལོ་པ་ལ། །གཡུ་སྦྲང་མེ་ཡིས་ཚིག་པའི་སྐག །དགྲ་སྐག་ཆེན་པོ་བསྒྱུར་དུ་གསོལ། །སྲོག་ལུས་དབང་ཐང་རླུང་རྟ་རྣམས། །ལྕགས་ཀྱི་ཁམས་སུ་གྱུར་པ་ལ། །མེ་ལྕགས་བཞུ་བཏུལ་བསྒྱུར་དུ་གསོལ། །ཁྱོད་ནི་འབྱུང་བ་མེ་ཡི་བདག །མེ་ཡི་གནོད་པའི་སྐག་རྣམས་ཀུན། །ཐམས་ཅད་བཟློག་ཅིང་བསྒྱུར་དུ་གསོལ། །ཨོཾ་ལི་མི་ཏ་རཾ་ཀུ་རུ་ཧཱུྃ་ཧཱུྃ་ཕཊ། མེ་ཡི་གནོད་པ་ཟློག་ཅིག །བདུན་ཡན་བརྒྱ་སོགས་ཅི་འགྲུབ་བཟླས་སོ། ཁོན༽ །ཁོན་ཕྱོགས་ནི་ལྷོ་ནུབ་ཕྱོགས་ན་འདུག །དུས་ཚོད་གཅིག་ཏུ་མེད་ན་ཡང་། །དེ་རིང་དབུས་ཀྱི་ཕྱོགས་ན་གཤེགས། །ཚགཏོར་མ་འདི་བཞེས་ས་དགྲ་ཟློག །ཀྱཻ། ས་བདག་ཁོན་མ་ཁྱོད་ཀྱིས་ནི། །གླུད་དང་གཏོར་མ་འདི་ཁྱེར་ལ། །བདག་ཅག་རྣམས་ལ་ལོ་ཟླ་ཞག །ཟ་མའི་སྐག་རྣམས་ཐམས་

[Full Size]

ཅད་ལས། །ཐར་བའི་ཕྲིན་ལས་ད་མཛོད་ཅིག །ཨོཾ་ཁོན་ཁཾ་ཧཱུྃ་ཧཱུྃ་ཕཊ་སྭཱ་ཧཱ། ཁོན་ཁོན་ཁོན་ཁཾ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། བདུན། ཀྱཻ། ཉི་མ་ལྷོ་ནུབ་ཕ་ཀི་ན། །རུས་སྦལ་ལག་པ་གཡོན་པ་ན། །རིམ་པ་བདུན་གྱི་ས་འོག་ན། །དབང་ཆེན་གསེར་གྱི་ས་གཞིའི་སྟེང་། །གསེར་གྱི་ཁང་བཟང་འབར་བ་ནས། །བྱོན་པའི་བུད་མེད་རྫུ་འཕྲུལ་ཅན། །སྲིད་པ་གསུམ་གྱི་ཡུམ་རྒན་ཏེ། །རྒན་མོ་རྒུར་མོ་ལུག་ལ་ཞོན། །དབུ་སྐྲ་དུང་ལྟར་དཀར་བ་ལ། །གཉེར་མ་བརྒྱད་ཅུ་ཐམ་པ་བགྲངས། །སྐུ་ལ་དར་དཀར་ན་བཟའ་གསོལ། །ལག་ན་འཇོར་དང་དབྱག་པ་ཐོགས། །ས་ཡི་གནོད་པ་ཟློག་པར་བྱེད། །ས་བདག་ས་སྲིན་འཁོར་གྱིས་བསྐོར། །ཁྱོད་ལ་མཆོད་པ་འབུལ་བ་ནི། །བཤེས་བུ་ཟླུམ་པོ་མདུན་ཤོ་ལ། །གཡས་གཡོན་ལྕོག་ཟླུམ་གཉིས་ཀྱིས་བརྒྱན། །རྩེ་མོ་མཐོ་ཞིང་འཕྲེད་དུ་རི་མོ་ཅན། །དེ་སྟེང་ཟུར་གསུམ་རྩེ་རྒྱལ་རྩེ་མོ་ན། །རྩི་བཅུད་མར་གྱི་རྒྱན་ནི་གྲུ་བཞིས་བརྒྱན། །ལག་གཡོན་ཤ་དང་ལུག་མགོ་ཕུ་དུང་གཡོན། །དར་སེར་གསེར་གཡུ་གྲོ་ནས་མཆོད་པ་འབུལ། །མཐུན་རྫས་འདི་ཡིས་མཉེས་ཤིང་ཚིམ་གྱུར་ནས། །

[Full Size]

སྦྱིན་བདག་མ་རིག་འཁྲུལ་པའི་དབང་གྱུར་པས། །ཁང་ནག་བཤུ་འགེབས་ས་བརྐོས་ཁང་ལས་དང་། །མཁར་ལས་སྦྲ་བཟོས་ནེའུ་སིང་བརྐོས་པ་དང་། །རྒན་མོའི་དུར་སློག་མོ་མགྲོན་ཁྱིམ་དུ་བོས། །གླང་ལུག་ཤ་ཟོས་མནའ་དང་གཅན་ཐེད་དང་། །རྒན་མོ་ལྐུགས་པ་གྱང་མཁན་ཁྱིམ་དུ་བོས། །མཁར་ལས་གྱང་ནག་བཤུ་འགེབ་བྱེད་སར་སོང་། །ཕག་ཟླའི་བཅུ་བཞི་ནས་ནི་བཅུ་བདུན་བར། །བྱང་དུ་སོང་སོགས་ཁྱེད་དང་འགལ་བའི་ལས། །གང་བགྱིས་དེ་དག་ཐམས་ཅད་མཐོལ་ལོ་བཤགས། །ཁྱེད་ལ་དོ་བསྡོ་ཕོད་བཙུགས་མ་ཡིན་ཏེ། །ཡོན་བདག་མ་ཤེས་འཁྲུལ་པའི་དབང་གིས་བསྒྲིབས། །ཁྱེད་ཀྱིས་བཟོད་པ་དང་དུ་བཞེས་མཛོད་ལ། །ཁྱེད་ཀྱི་གདུག་རྩུབ་ལས་བྱུང་ནད་གདོན་རྣམས། །ཐམས་ཅད་བཟློག་ཅིང་བསྒྱུར་བའི་ཕྲིན་ལས་མཛོད། །དྲེག་དང་གྲུམ་བུ་མ་ཞུ་ཕོ་མཆིན་ནད། །ལྡི་འཐིབ་ཤུ་ཐོར་ནད་རྣམས་བསྒྱུར་དུ་གསོལ། །རིམས་ནད་མཁྲིས་ནད་ལག་པ་གཡོན་པའི་ནད། །ས་བདག་ནད་རྣམས་ཐམས་ཅད་བསྒྱུར་དུ་གསོལ། །ཁྱོད་ཀྱི་འཁོར་དུ་གཏོགས་པའི་གདོན་གྱི་ཚོགས། །ས་བདག་ཀླུ་སྲིན་གནོད་པ་བསྒྱུར་དུ་

[Full Size]

གསོལ། །བྱང་སྨན་ནག་མོའི་གནོད་པ་བསྒྱུར་དུ་གསོལ། །མ་མོ་བརྟན་མའི་གནོད་པ་བསྒྱུར་དུ་གསོལ། །མོ་གདོན་སྲིན་མོའི་གནོད་པ་བསྒྱུར་དུ་གསོལ། །རལ་ཁ་ནག་དུས་རྩུབ་པ་བསྒྱུར་དུ་གསོལ། །མཚན་ངན་ཡུགས་ས་རྣམས་ཀྱིས་གླུད་འདི་ལོངས། །རྒྱུ་སྦྱོར་ཡོན་གྱི་བདག་པོ་འདི་དག་རྣམས། །ལུག་ལོ་པ་ཡི་རང་སྐག་བསྒྱུར་དུ་གསོལ། །རྟ་སྦྲུལ་ལོ་པའི་ན་སྐག་བསྒྱུར་དུ་གསོལ། །སྟག་ཡོས་ལོ་པའི་དུར་སྐག་བསྒྱུར་དུ་གསོལ། །གླང་ལོ་པ་ཡི་ཕུང་གྱོད་ཁ་མཆུ་བསྒྱུར་དུ་གསོལ། །བྱི་ཕག་ལོ་པའི་དགྲ་སྐག་ཆེན་པོ་སྟེ། །ཉ་མོ་སྐམ་སར་ཐོན་པའི་སྐག་ཆེན་བསྒྱུར། །ཁོན་མ་ཁྱོད་ནི་ས་ཁམས་རྒྱལ་མོ་སྟེ། །སྦྱིན་བདག་སྲོག་ལུས་དབང་ཐང་ཀླུང་རྟ་རྣམས། །ཆུ་ཁམས་པ་ལ་ས་དགྲ་དར་བའི་སྐག །ཐམས་ཅད་མ་ལུས་ཁྱོད་ཀྱིས་བསྒྱུར་དུ་གསོལ། །ཨོཾ་ཁོན་ཁཾ་ཧཱུྃ་ཕཊ། ས་ཡི་གནོད་པ་ཟློག་ཅིག །ཅེས་པ་བདུན་ཡན་བརྒྱ་སོགས་གལ་དང་བསྟུན། ས་སྒོ་བཅད་དགོས་ཚེ་སྐབས་འདིར་བཏགས་ཀྱང་རུང་། དྭ༽ དྭ་བཞུགས་པའི་ཕྱོགས་ནི་ནུབ་ཏུ་འདུག །གཏོར་མ་འདི་བཞེས་ལྕགས་དགྲ་བཟློག །ལམ་ནས་སྨེ་བ་ལྕགས་ལས་བྱུང་། །ཀྱཻ། དཔའ་བོ་དྭ་ཁྱོད་

[Full Size]

གཏོར་མ་དང་། །གླུད་འདི་ཁྱེར་ལ་ཡོན་བདག་གི །ལོ་སྐག་ཟླ་སྐག་ཞག་སྐག་དང་། །ཟ་མའི་སྐག་རྣམས་ཐམས་ཅད་ལས། །ཐར་བའི་ཕྲིན་ལས་དེ་མཛོད་ཅིག །ཨོཾ་དྭ་ཏྭཾ་ཧཱུྃ་ཕཊ། དྭ་དྭ་དྭ་དེ་འདྲེ་ཕཊ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི། བདུན། ཀྱཻ། ཉི་མ་ནུབ་ཕྱོགས་ཕ་ཀི་ན། །རུས་སྦལ་རྩིབ་ལོགས་གཡོན་པ་ན། །ཤེལ་བྲག་རྫ་རི་དཀར་པོ་ནས། །དངུལ་དང་དུང་གི་སྐུ་མཁར་ནས། །བྱོན་པའི་སྐྱེས་བུ་ཆེན་པོ་དཱ། །སྲིད་པའི་བུ་ཕོ་འབྲིང་བ་སྟེ། །དར་དཀར་ལྕགས་ཀྱི་རྨོག་ཁྲབ་གསོལ། །ལག་ན་རལ་གྲི་ལྕགས་མདུང་འཛིན། །ཆིབས་སུ་ཤེལ་གྱི་ར་སྐྱེས་ཆིབས། །ཐེའུ་རང་བྲག་སྲིན་ཚོགས་ཀྱིས་བསྐོར། །ཁྱོད་ལ་མཆོད་པ་འབུལ་བ་ནི། །བཤོས་བུ་ཟླུམ་པོའི་ལྟོ་བ་འདིར། །རྩེ་མོ་གཡས་ཀྱི་གཡོན་ངོས་ན། །རྩི་བཅུད་མར་གྱི་འདབ་བརྒྱད་དང་། །གཡོན་རྩེ་ཅུང་ཟད་འགུགས་པ་ལ། །ཟླ་གམ་ཡུ་བ་ཅན་གྱིས་བརྒྱན། །གཞོགས་གཡོན་ཤ་དང་སྐེ་རགས་དང་། །གྲོ་ནས་འབྲུ་སྣ་དར་དཀར་དང་། །ར་ཤའི་ཁྲབ་རྩལ་གཡོན་པའི་ཤ། །ཁྱོད་ལ་མཐུན་པའི་རྫས་སུ་འབུལ། །ཁྱེད་ཅག་མཉེས་ཤིང་ཚིམས་

[Full Size]

གྱུར་ནས། །ཡོན་བདག་མ་རིག་འཁྲུལ་པ་ཡིས། །ར་དང་བོང་བུ་ཉོས་པ་དང་། །ཁྲབ་དང་རལ་གྲི་ལྕགས་སྤྱད་ཉོས། །མགར་བ་དམེ་ཕོ་ཁྱིམ་དུ་ཕྱིན། །གྲི་དུར་བཏབ་དང་མགར་ཚང་བཅས། །ཧཾ་སྤར་གྲི་རོ་སྲེག་སར་ཕྱིན། །སྟག་གི་ཟླ་བའི་ཉེར་གཅིག་ལ། །ཤར་གྱི་ཕྱོགས་སུ་སོང་བ་སོགས། །ཁྱེད་ཀྱི་ཐུགས་དང་གང་འགལ་བཤགས། །ཁྱེད་ལ་བསྡོ་བ་མ་ཡིན་ཏེ། །མ་ཤེས་འཁྲུལ་པའི་དབང་དུ་གྱུར། །ཁྱེད་ཀྱིས་བཟོད་པ་དམ་པ་བཞེས། །ཁྱོད་ཉིད་མཉེས་ཤིང་ཚིམས་གྱུར་ནས། །ཁྱོད་ལས་བྱུང་བའི་ནད་དང་གདོན། །ཐམས་ཅད་བཟློག་ཅིང་བསྒྱུར་དུ་གསོལ། །གྲི་ངོ་རྨ་ངོ་ཁྲག་ངོ་དང་། །གློ་སྙིང་མི་བདེ་པ་ཡི་ནད་རྣམས་སྒྱུར། །རྩིབ་ལོགས་གཡོན་ནས་གཟེར་བ་དང་། །སྐན་དང་ཁྲག་མཁྲིས་ནད་རྣམས་སྒྱུར། །ལུས་པོ་ཡར་ཕྱེད་མར་ཕྱེད་ན། །གྲི་རུ་འཆི་བའི་རྐྱེན་རྣམས་སྒྱུར། །ཁྱེད་ཀྱི་འཁོར་དུ་གཏོགས་པ་ཡི། །གྲི་བོ་གྲི་མོའི་གནོད་པ་སྒྱུར། །བྲག་སྲིན་ཐེའུ་རང་གནོད་པ་སྒྱུར། །།ལྕགས་དང་བྲག་གནས་ལྷ་འདྲེ་དང་། །རྨེ་ཕོ་མགར་བས་གླུད་ལོངས་ཤིག །དུས་ཚོད་འཁྱགས་པ་ཁྲལ་ཁྲོལ་ལ། །རྩུབ་པའི་ཀག་རྣམས་

[Full Size]

བསྒྱུར་དུ་གསོལ། །རྒྱུ་སྦྱོར་ཡོན་གྱི་བདག་པོ་རྣམས། །བྱ་སྤྲེལ་ལོ་པའི་རང་སྐག་བསྒྱུར། །རྟ་སྦྲུལ་ལོ་པའི་འཆི་སྐག་བསྒྱུར། །སྟག་ཡོས་ལོ་པའི་བདུན་ཟུར་དང། །དྲུག་འགྲམ་དགྲ་སྐག་འཛོམ་པ་ཡི། །བཟློག་པར་དཀའ་བའི་སྐག་ཆེན་སྒྱུར། །ཁྱོད་ནི་འབྱུང་བ་ལྕགས་ཀྱི་མངའ་བདག་སྟེ། །སྦྱིན་བདག་སྲོག་ལུས་དབང་ཐང་ཀླུང་རྟ་རྣམས། །ཤིང་ཁམས་པ་ལ་ལྕགས་དགྲུ་དར་བའི་སྐག །སྡོང་རྒན་སྟ་རེས་བཅད་པའི་སྐག་རྣམས་བསྒྱུར། །ཨོཾ་དཱ་དཾ་མ་ར་ཡ་ཕཊ། ལྕགས་ཀྱི་གནོད་པ་བཟློག་ཅིག ། བདུན་ནམ་བརྒྱ་ཙམ་གལ་དང་བསྟུན་ཏེ་བཟླས། ༼ཁེན༽ ཁེན་ཕྱོགས་ནི་ནུབ་བྱང་མཚམས་ན་འདུག །ཁེན་གྱི་གཏོར་མ་ཁྱོད་རང་བཞེས། །ས་ཡི་ལོ་དགྲ་བཟློག་པར་མཛོད། །ཀྱཻ། །ས་བདག་ཁེན་པ་རྒན་པོ་ཁྱོད། །གླུད་དང་གཏོར་མ་འདི་ཁྱེར་ལ། །བདག་དང་ཡོན་བདག་འཁོར་བཅས་ལ། །ལོ་སྐག་ཟླ་སྐག་ཞག་སྐག་དང་། །ཟ་མའི་སྐག་རྣམས་ཐམས་ཅད་ལས། །ཐར་བའི་ཕྲིན་ལས་ད་མཛོད་ཅིག །ཨོཾ་ཁེན་ཁེ་ཧཱུྃ་ཕཊ། ཁེན་ཁེན་ཁེན་ཁེ། ཨི་དཾ་བྷ་ལིངྐ་ཁ་ཁ་ཁཱ་ཧི། བདུན། ཀྱཻ། ཉི་མ་ནུབ་བྱང་མཚམས་ཤེད་ན། །

[Full Size]

རུས་སྦལ་རྐང་པ་གཡོན་པའི་ཐད། །རིམ་པ་བཅུ་གསུམ་ཡར་སྟེང་ནས། །ཉི་མ་ཟླ་བའི་འགྲིམ་ལམ་ན། །དགུང་སྔོན་མཐོན་པོའི་ཡར་སྟེང་ནས། །སྲིད་པའི་ཡབ་རྒན་རྒྱལ་པོ་སྟེ། །མི་རྒན་དུང་གི་རལ་པ་ཅན། །སྐུ་ལ་དར་སེར་འཇོལ་བེར་གསོལ། །ཕྱག་ན་ཤེལ་གྱི་འཁར་བ་ཐོགས། །ཆིབས་སུ་གནམ་ཁྱི་སེར་པོ་ཆིབས། །གནམ་ཐེལ་གཟའ་སྐར་འཁོར་གྱིས་བསྐོར། །ཁྱོད་ལ་མཆོད་པ་འབུལ་བ་ནི། །བཤོས་བུ་ཟླུམ་པོ་རྩེ་རྒྱས་ལ། །རྩེ་མོ་མར་རྒྱན་ཟུར་གསུམ་བརྒྱན། །བཤོས་བུ་རྐང་པ་འཐིང་བའི་ཚུལ། །ལྷམ་ཡུ་གཡོན་པའི་དུམ་བུ་དང་། །དར་སེར་འབྲུ་སྣ་གསེར་ར་གན། །ཁྱི་ཐོད་རྐང་གཡོན་ཤ་དུམ་འབུལ། །ཁྱོད་ལ་མཐུན་པའི་རྫ་ས་འབུལ་གྱིས། །ཡབ་རྒན་མཉེས་ཤིང་ཚིམས་གྱུར་ནས། །ཡོན་བདག་མ་ཤེས་འཁྲུལ་དབང་གིས། །ལོ་ཟླ་ཞག་དང་དུས་ཚོད་ཀྱི། །ཁེན་པ་ཁྱོད་ལ་བབ་པའི་དུས། །མི་རྒན་མགོ་སེ་བོན་པོ་དང་། །ཁྱི་ཁྲིད་མི་དང་སྤྱད་ནག་ཕྱིན། །འཐེང་པོ་མགོ་སེ་སྒུར་པོ་ཡི། །ལག་ནས་བྱིན་པའི་ཁ་ཟས་ཟོས། །འཁོན་འཐབ་མནའ་གཉེན་སྐྱེལ་ལེན་བྱས། །ཁྱི་སར་ཉོས་དང་རན་ཐག་བླངས། །རྒན་མོའི་

[Full Size]

དུར་ཟས་ཟོས་པ་དང་། །ཁྱི་བསད་རོ་གོས་རོ་ལྷམ་རྙེད། །རྟ་ཡི་ཟླ་བའི་ཚེས་གཅིག་ནས། །ཚེས་བདུན་བར་དུ་ལྷོ་རུ་སོང་། །ཁྱེད་ཀྱི་ཐུགས་དང་འགལ། བའི་ལས། །གང་བགྱིས་དེ་དག་མཐོལ་ལོ་བཤགས། །ཁྱེད་ལ་དོ་བསྡོ་ཕོད་བཙུགས་མིན། །ཡོན་བདག་མ་ཤེས་འཁྲུལ་པའི་དབང་། །ཁྱེད་ཀྱི་བཟོད་པ་དམ་པ་བཞེས། །གནམ་ལ་གནས་པའི་ལྷ་འདྲེ་དང་། །སྒུར་པོ་འཐེང་པོས་གཏོ་འདི་ལོངས། །ཁྱེད་ཀྱི་གདུག་རྩུབ་ལས་བྱུང་བའི། །ནད་དང་གནོད་པ་བསྒྱུར་དུ་གསོལ། །རིམས་ནད་གཟའ་ནད་བསྒྱུར་དུ་གསོལ། །ཐོག་སེར་ཟེར་མ་བསྒྱུར་དུ་གསོལ། །རྐང་པ་གཡོན་པའི་ནད་རྣམས་བསྒྱུར་དུ་གསོལ། །ཁྱིམ་ཕུག་ཁྱི་ལྷོག་ཁྱི་གྲི་བསྒྱུར་དུ་གསོལ། །ཁྱོད་ཀྱི་འཁོར་དུ་གཏོགས་པའི་གདོན། །རྒྱལ་པོ་དཔོན་གཡོག་གནོད་པ་སྒྱུར། །བསེན་མོ་ས་བདག་གནོད་པ་སྒྱུར། །གནམ་ཐེལ་རབས་ཆད་གནོད་པ་སྒྱུར། །གནམ་སྒོ་བྱེ་བ་བསྒྱུར་དུ་གསོལ། །ཁྱོད་ནི་གནམ་གྱི་རྒྱལ་པོ་སྟེ། །སྟེང་གདོན་གནོད་པ་ཐམས་ཅད་སྒྱུར། །ཁྱི་ལོ་པ་ཡི་རང་སྐག་སྒྱུར། །འབྲུག་ལོ་པ་ཡི་བདུན་ཟུར་སྒྱུར། །རྟ་སྦྲུལ་ལོ་པའི་དུར་

[Full Size]

མིག་སྐག་ཆེན་ཟློག །བཟློག་པར་དཀའ་བའི་སྐག་ཆེན་སྒྱུར། །བདག་དང་ཡོན་བདག་འཁོར་བཅས་རྣམས། །ལོ་ཟླ་ཞག་དང་དུས་ཚོད་ལ། །ཁེན་གྱི་དུས་སུ་རྩུབ་པ་ཡི། །སྐག་ངན་འཚེར་རྩུབ་ཐམས་ཅད་སྒྱུར། །ཨོཾ་ཁེ་འགཾ་ཧཱུྃ། གནམ་གྱི་གནོད་པ་བཟློག་ཅིག །བདུན་ཡན་བརྒྱ་སོགས་གལ་དང་བསྟུན་ཏེ་བཟླས། གནམ་སྒོ་བཅད་ན་སྐབས་འདིར་འདོན་ཀྱང་རུང་ངོ། །མཆན། ༼ཁཾ༽ ཁཾ་བཞུགས་པའི་ཕྱོགས་ནི་བྱང་ན་འདུག །དབུས་ནས་གཤེགས་ནས་གཏོར་མ་བཞེས། །ཆུ་ཡི་ལོ་དགྲ་བཟློག་པར་མཛོད། །ཀྱཻ། ས་བདག་ཁཾ་ཞེས་བྱ་བ་ཁྱོད། །གླུད་དང་གཏོར་མ་འདི་ཁྱེར་ལ། །བདག་དང་ཡོན་བདག་འཁོར་བཅས་ལ། །ལོ་སྐག་ཟླ་སྐག་ཞིག་སྐག་དང་། །ཟ་མའི་སྐག་རྣམས་ཐམས་ཅད་ལས། །ཐར་བའི་ཕྲིན་ལས་ད་མཛོད་ཅིག །ཨོཾ་ཁཾ་ཁཾ་ཧཱུྃ་ཕཊ། ཁཾ་ཁཾ་ཁཾ་ཁཾ་སྭཱ་ཧཱ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི། བོདུན། ཀྱཻ། ཉི་མ་བྱང་ཕྱོགས་ཕ་ཀི་ན། །རྒྱ་མཚོ་ཆེན་པོའི་ཀློང་དཀྱིལ་ན། །རུས་སྦལ་ཆེན་པོའི་མཇུག་མ་ན། །ན་བུན་ཆར་ཞོད་ཕྱུར་བ་ནས། །བྱོན་པའི་མི་ནག་རལ་པ་ཅན། །སྲིད་པའི་བུ་ཕོ་ཆུང་བ་སྟེ། །སྐུ་ལ་དར་ནག་རལ་ག་གསོལ། །ཕྱག་ན་ཆུ་

[Full Size]

རྒྱལ་ཐོ་བ་ཐོགས། །ཆིབས་སུ་ཕག་ནག་རོག་པོ་ཞོན། །ཁྱོད་ལ་མཆོད་པ་འབུལ་བ་ནི། །བཤོས་གདན་ཟླུམ་པོ་བཏིང་བའི་སྟེང་། །ཚངས་ཟུར་འདྲ་བའི་ཡུ་་བ་བཙུགས། །དེ་སྟེང་བཤོས་བུ་སྨད་འདབ་གསུམ། །མར་རྒྱན་རྩེ་མོ་གསུམ་པས་བརྒྱན། །དར་སྔོན་འབྲས་སོགས་འབྲུ་སྣ་དང་། །ཚང་རའི་ཤ་དང་སྨད་གོས་དུམ། །ཁྱོད་ལ་མཐུན་པའི་རྫས་སུ་འབུལ། །མགུ་ཚིམ་ཡི་རངས་ལྡན་གྱུར་ཅིག །རྒྱུ་སྦྱོར་ཡོན་བདག་འདི་རྣམས་ཀྱི། །ཆུ་རྐོས་ནེའུ་སིང་བརླག་པ་དང་། །ཆུ་བསྒྱུར་རྫིང་བསྐྱིལ་ཡུར་བ་དྲངས། །བསྐྱལ་བྱས་གྲུ་གཟིངས་ཟམ་པ་བཙུགས། །སྦྲ་ནག་ཞྭ་གོས་ལྷམ་ནག་གྱོན། །རྫས་ནག་རེ་ཕྱར་སྤྱད་ནག་བླངས། །རྟ་དམར་སྐྱེས་སྣ་ནལ་ཕྲུག་བླངས། །བུ་ཆུང་དུར་རློག་རམ་ཚོས་བྱས། །མྱ་ངན་ངུ་འབོད་བྱེད་སར་ཕྱིན། །ལུག་གི་ཟླ་བའི་ཚེས་བཅུ་ནས། །ཉེར་གཅིག་བར་དུ་ལྷོ་ནུབ་སོང་། །རོ་ཁུར་ཉ་ཕག་ཤ་ཟོས་སོགས། །ཁྱེད་ཀྱི་ཐུགས་དང་འགལ་བའི་ལས། །དེ་དག་ཐམས་ཅད་མཐོལ་ལོ་བཤགས། །ཁྱེད་ལ་དོ་བསྡོ་བྱས་པ་མིན། །ཡོན་བདག་མ་རིག་འཁྲུལ་པས་བསྒྲིབས། །ཁྱེད་ཀྱི་བཟོད་པ་དང་དུ་

[Full Size]

བཞེས། །ཁྱེད་ཀྱི་གདུག་རྩུབ་ལས་བྱུང་བའི། །བད་ཀན་དམུ་ཆུ་མཁལ་རྐེད་ནད། །རྐང་ནད་ཞྭ་གྲུམ་མཛེ་དང་དྲེག །གྲང་ནད་ཕོ་ནད་མཁྲིས་པའི་ནད། །ཆུ་བོའི་ནད་དང་མ་ཞུའི་ནད། །དེ་དག་ཐམས་ཅད་བསྒྱུར་ཞིང་ཟློག །ཆུ་བོ་གཞུང་རྒྱས་དུས་ཀྱི་སྐག །དེ་དག་ཐམས་ཅད་བསྒྱུར་ཞིང་ཟློག །ཆུ་འགག་རྡེལ་ནད་འཁྲུ་བའི་ནད། །ཆུ་ནད་ཐམས་ཅད་བསྒྱུར་དུ་གསོལ། །ཁྱེད་ཀྱི་འཁོར་དུ་གཏོགས་པ་ཡི། །ཀླུ་བདུད་ཀླུ་བཙན་མཚོ་སྨན་དང་། །ཆུ་གྲིར་ཤི་བའི་ཤི་སྲི་དང་། །མི་གཙང་རྩོག་ནལ་ལ་སོགས་པ། །ནད་དང་གནོད་པ་བསྒྱུར་དུ་གསོལ། །བྱི་ཕག་ལོ་པའི་རང་སྐག་སྒྱུར། །བྱ་སྤྲེལ་ལོ་པའི་འཆི་སྐག་སྒྱུར། །རྟ་སྦྲུལ་ལོ་པའི་བདུན་ཟུར་དང་། །དྲུག་འགྲམ་གཉིས་ཀྱི་སྐག་ཕྲན་དང། །སེངྒེ་ཆུ་དང་ལྷུང་བའི་སྐག །བཟློག་པར་དཀའ་བའི་སྐག་ཆེན་སྒྱུར། །རྒྱུ་སྦྱོར་ཡོན་གྱི་བདག་པོ་ཡི། །སྲོག་ལུས་དབང་ཐང་ཀླུང་རྟ་རྣམས། །མེ་ཡི་ཁམས་སུ་གྱུར་པ་ལ། །ལོ་ཟླ་ཞག་དང་དུས་ཚོད་རྣམས། །ཁཾ་གྱི་དུས་ལ་བབ་པ་ཡི། །མེ་སྟག་ཆུ་རུ་ལྷུང་བའི་སྐག །མེ་ཆུ་བཏའ་གསོད་བྱེད་པ་སྒྱུར། །ཨོཾ་ཁཾ་ཁཾ་ཧཱུྃ་ཕཊ། ཆུ་ཡི་གནོད་པ་

[Full Size]

ཟློག་ཅིག །བདུད་ཡན་བརྒྱ་སོགས་གལ་དང་བསྟུན་ལ་བཟླས། ༼གིན༽ གིན་བཞུགས་ནི་བྱང་ཤར་མཚམས་ན་འདུག །གིན་གྱི་གཏོར་མ་འདི་བཞེས་ལ། །ས་ཡི་གནོད་པ་བཟློག་པར་མཛོད། །ཀྱཻ། ས་བདག་གིན་རི་ཁྱོད་ཀྱིས་ནི། །གླུད་དང་གཏོར་མ་འདི་ཁྱེར་ལ། །བདག་ཅག་རྣམས་ལ་ལོ་ཟླ་ཞག །ཟ་མའི་སྐག་རྣམས་ཐམས་ཅད་ལས། །ཐར་བའི་ཕྲིན་ལས་ད་མཛོད་ཅིག །ཨོཾ་བེ་ཏ་རི་སྭཱ་ཧཱ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི།། བདུན། ཀྱཻ། ཉི་མ་བྱང་ཤར་ཕ་ཀི་ན། །རུས་སྦལ་རྐང་པ་གཡས་པའི་སྟེང་། །རི་རྒྱལ་གླང་རུ་འདྲ་བའི་རྩེ། །གཙུག་ལག་ཁང་བཟང་ཆེན་པོ་ནས། །བྱོན་པའི་གིན་རི་སྒོམ་ཆེན་ནི། །སྲིད་པའི་བུ་ཕོ་ཆེ་བ་སྟེ། །རབ་བྱུང་ཆ་ལུགས་ཆོས་གོས་གསོལ། །ཕྱག་ན་བཀའ་ཡི་པོ་ཏི་འཛིན། །ཆིབས་སུ་གླིང་ངེ་དམར་སེར་ཆིབས། །རི་ཡི་གནོད་པ་ཟློག་པར་བྱེད། །ཁྱེད་ལ་མཆོད་པ་འབུལ་བ་ནི། །བཤོས་གདན་གྲུ་བཞི་གདན་ཐབས་སྟེང་། །བཤོས་བུ་ཁང་བཟང་སུམ་བརྩེགས་སྟེང་། །ཟུར་གསུམ་རྩེ་ལ་མར་གྱིས་བརྒྱན། །ནོར་བུའི་ཏོག་འདྲ་གཡས་དང་གཡོན། །ཟུར་གསུམ་གཉིས་ཀྱིས་

[Full Size]

བརྒྱན་པ་དང་། །དར་སེར་གྲོ་སོགས་འབྲུ་སྣ་དང་། །གསེར་དང་ར་གན་གསེར་ཏིག་དང་། །ལྷམ་གཡས་དུམ་བུ་རྐང་གཡས་ཤ །རི་རྩེའི་རྡོ་དང་ལུང་གསུམ་ཆུ། །ཁྱོད་ལ་ལྷམཐུན་པའི་རྫས་སུ་འབུལ། །ཁྱེད་ཅག་མཉེས་ཤིང་ཚིམ་གྱུར་ཅིག །རྒྱུ་སྦྱོར་ཡོན་གྱི་བདག་པོ་ཡི། །གླང་བཤས་བརྗེའི་དུར་སློག་དང་། །བང་བ་བཤིག་གམ་བཤིག་སར་སོང། །རྩིག་ལས་བྱས་སམ་ས་ཕུག་བརྐོས། །གསེར་གཡུ་རྡོར་དྲིལ་ཆ་ལང་ཉོས། །འབྲུག་གི་ཟླ་བའི་ཚེས་གཅིག་ནས། །བདུན་གྱི་བར་དུ་ཤར་ལྷོར་སོང་། །རྐང་གཡས་ཤ་ཟོས་ནེའུ་སིང་སློག །དེ་སོགས་ཁྱེད་ལ་འགལ་བའི་ལས། །གང་བགྱིས་དེ་དག་མཐོལ་ལོ་བཤགས། །ཁྱེད་ལ་དོ་བསྡོ་ཕོད་བཙུགས་མིན། །ཡོན་བདག་བླུན་རྨོངས་འཁྲུལ་པས་བསྒྲིབས། །ཁྱེད་ཀྱིས་བཟོད་པ་དང་དུ་བཞེས། །ཁྱོད་ཀྱི་གདུག་རྩུབ་ལས་བྱུང་བའི། །ཤུ་ཐོར་སྐྲང་འབུར་རྐང་གཡས་ནད། །ཞྭ་གྲུམ་ཆུ་སེར་གྲུམ་བུ་མཛེ། །བརྒྱལ་ནད་རྐང་ནད་ཕོ་མཆིན་ནད། །ནོར་གྱིས་བརྡུངས་དང་འགྲེས་ནད་སོགས། །ནད་རྣམས་ཐམས་ཅད་བསྒྱུར་དུ་གསོལ། །རྫི་ཞིང་འཐིབ་དང་ཤུ་བ་སྐྲུན། །རེས་ཡང་རེས་ལྗི་ན་

[Full Size]

བ་བསྒྱུར། །རི་ལ་གནས་པའི་ལྷ་འདྲེ་དང་། །མཚན་ངན་གྲུལ་པོས་གླུད་འདི་ལོངས། །ཁྱོད་ཀྱི་འཁོར་དུ་གཏོགས་པ་ཡི། །གནམ་ཐེལ་དང་ནི་རྒྱལ་པོ་དང། །མོ་གདོན་གྲི་བོ་གྲི་མོ་དང་། །ས་གཉན་ཤིང་གཉན་གནས་པའི་འདྲེ། །བསེ་རག་ལྟོག་འགོང་དབུལ་སྲི་རྣམས། །ཐམས་ཅད་བཟློག་ཅིང་བསྒྱུར་དུ་གསོལ། །ནེའུ་ཝཱསིང་སྔོ་དུས་རྩུབ་པ་སྒྱུར། །གླང་ལོ་པ་ཡི་རང་སྐག་སྒྱུར། །མཚམས་བཞི་ལོ་པའི་ན་སྐག་སྒྱུར། །བྱ་སྤྲེལ་ལོ་པའི་དུར་སྐག་སྒྱུར། །ལུག་ལོ་པ་ཡི་བདུན་ཟུར་སྒྱུར། །བསྒྱུར་ཞིང་ཟློག་པའི་ཕྲིན་ལས་མཛོད། །ཨོཾ་གི་རི་ཧཱུྃ། རིའི་གནོད་པ་བཟློག་ཅིག །བདུན་ཡན་བརྒྱ་སོགས་གལ་དང་བསྟུན། ༼ཟིན་༽ ཟིན་ཤར་གྱི་ཕྱོགས་ནས་འདིར་གཤེགས་ལ། །ཟིན་གྱི་གཏོར་མ་བཞེས་པར་མཛོད། །ཤིང་གི་ལོ་དགྲ་བཟློག་པར་མཛོད། །ཀྱཻ། ཟིན་ཞེས་བུ་མོ་ལྗང་གུ་ཁྱོད། །གླུད་དང་གཏོར་མ་འདི་ཁྱེར་ལ། །བདག་ཅག་ཡོན་མཆོད་འཁོར་བཅས་ལ། །ལོ་སྐག་ཟླ་སྐག་ཞག་སྐག་དང་། །ཟ་མའི་སྐག་རྣམས་ཐམས་ཅད་ལས། །ཐར་བའི་ཕྲིན་ལས་ད་མཛོད་ཅིག །ཨོཾ་ལྷད་ལྷད་ཟིན་སྭཱ་ཧཱ།། ཟ་ཟི་ཕཊ། །

[Full Size]

ཨི་དཾ་བྷ་ལིཾ་ཏ་ཁ་ཁ་ཁཱ་ཧི། བདུན། ཀྱཻ། ཉི་མ་ཤར་ཕྱོགས་ཕ་ཀི་ན། །རུས་སྦལ་རྩིབ་ལོགས་གཡས་པ་ན། །དཔག་བསམ་ཤིང་གི་ནགས་ཚལ་དབུས། །འབྱུང་བ་ཤིང་གི་མཁར་ནང་ནས། །བྱོན་པའི་ཟིན་མ་ལྗང་མོ་ནི། །སྲིད་པའི་བུ་མོ་འབྲིང་བ་སྟེ། །དར་ལྗང་ན་བཟའ་གསེར་གཡུས་བརྒྱན། །ཆིབས་སུ་བོང་བུ་ལྗང་སྔོན་ཆིབས། །ཕྱག་གཉིས་བཅུས་ཏེ་ཤིང་ལོ་འཛིན། །ཤིང་གི་གནོད་པ་ཟློག་པར་བྱེད། །ཤིང་ལ་གནས་པའི་ལྷ་འདྲེས་བསྐོར། །ཁྱེད་ལ་མཆོད་པ་འབུལ་བ་ནི། །བཤོས་བུ་ཟླུམ་པོ་རྐེ་རིང་ཚེལ། །ལྟོ་བ་ཁ་ཤྭའི་ཁ་འདྲ་བྲིས། །མར་རྒྱན་གྲུ་བཞི་གཉིས་བསྒྲིགས་སྟེང་། །ནོར་བུའི་ཏོག་འདྲ་བཞག་པ་དང་། །ཤིང་རྩི་སྐེ་རགས་དུམ་བུ་དང་། །དར་ལྗང་པུ་ཤུན་དུམ་བུ་དང་། །འབྲུ་སྣ་ལ་སོགས་མཐུན་རྫས་འབུལ། །ཁྱེད་ཅག་མཉེས་ཤིང་ཚིམ་གྱུར་ཅིག །ཡོན་བདག་མ་ཤེས་འཁྲུལ་དབང་གིས། །བོང་བུ་གཅན་གཟན་ལྤགས་པ་ཉོས། །ཤིང་གཉན་བཅད་དམ་བཅད་སར་སོང་། །བག་སྣར་བསྡད་དང་ཤིང་སྤྱད་བླངས། །ཤིང་བཟོའི་ལག་ཆ་ཤིང་ཆ་ཉོས། །མནའ་གཉན་སྐྱེལ་ལེན་བྱས་པ་དང་། །རྨོངས་པོས་

[Full Size]

སྟོན་མོ་བྱེད་སར་སོང་། །སྤྲེའུ་ཟླ་བའི་ཚེས་གཅིག་ནས། །བདུན་གྱི་བར་དུ་ནུབ་ཏུ་སོང་། །རི་བོང་བསད་དང་རི་ཤ་ཟོས། །དེ་སོགས་ཐུགས་དང་འགལ་བའི་ལས། །གང་བགྱིས་དེ་དག་ཐམས་ཅད་མཐོལ་ལོ་བཤགས། །མི་ཤེས་འཁྲུལ་པའི་དབང་གིས་བྱུང་། །ཁྱེད་ཀྱིས་བཟོད་པ་དང་དུ་བཞེས། །ཁྱེད་ཀྱི་གདུག་རྩུབ་ལས་བྱུང་བའི། །ནད་དང་གནོད་པ་བསྒྱུར་དུ་གསོལ། །གཟེར་ཐབས་ནད་རྣམས་བསྒྱུར་དུ་གསོལ། །རྩིབ་ལོགས་དང་ནི་ཕོ་བ་ཡི། །གཡས་གཡོན་ཕྱེད་ཕྱེད་ན་བ་སྒྱུར། །འགག་ནད་འགག་གྲི་བསྒྱུར་དུ་གསོལ། །རྩ་རྒྱུས་ནད་རྣམས་བསྒྱུར་དུ་གསོལ། །མཆིན་མཁྲིས་ནད་རྣམས་བསྒྱུར་དུ་གསོལ། །རྨེ་ཕོ་ཟིན་དམར་གཏོ་འདི་ལོངས། །སྟག་མའི་ལོ་མ་ཁ་འབུས་དུས། །རྩུབ་པའི་སྐག་རྣམས་བསྒྱུར་དུ་གསོལ། །ཁྱོད་ཀྱི་འཁོར་དུ་གཏོགས་པ་ཡི། །རྐང་གཅིག་ཤིང་ལ་གནས་པའི་གཉན། །ཀླུ་བདུད་ཀླུ་བཙན་གྲིབ་བཙན་དང། །འགོང་པོ་གྲི་བོ་བསྡོང་བ་ཡི། །གནོད་པ་ཐམས་ཅད་བསྒྱུར་དུ་གསོལ། །སྟག་ཡོས་ལོ་པའི་རང་སྐག་བསྒྱུར། །བྱི་ཕག་ལོ་པའི་འཆི་སྐག་བསྒྱུར། །བྱ་སྤྲེལ་ལོ་པའི་

[Full Size]

བདུན་ཟུར་དང་། །དྲུག་འགྲམ་སྐག་རྣམས་བསྒྱུར་དུ་གསོལ། །མཚམས་བཞི་ལོ་པའི་འཆི་སྐག་དང་། །འཇིགས་སུ་རུང་བའི་དགྲ་སྐག་བསྒྱུར། །སྲོག་ལུས་དབང་ཐང་ཀླུང་རྟ་ལྟརྣམས། །ས་ཁམས་པ་ཡི་ཡོན་བདག་ལ། །ལོ་ཟླ་ཞག་དང་དུས་ཚོད་ཀྱི། །ཤིང་དགྲ་དར་བའི་སྐག་སྒྱུར་ཅིག །ཨོཾ་ཟིན་སྭཱ་ཧཱ། ཤིང་གི་གནོད་པ་བཟློག་ཅིག །བདུན་ཡན་བརྒྱ་སོགས་གལ་དང་བསྟུན། ཟོན༽ ཟོན་རླུང་སྨྱོན་ནང་ན་འདུག་པ་ནི། །ཤར་ལྷོའི་ཕྱོགས་ནས་འདི་རུ་གཤེགས། །ས་ཡི་གནོད་པ་བཟློག་པར་མཛོད། །ཀྱཻ། ས་བདག་བུ་མོ་ཟོན་མ་ཁྱོད། །གླུད་དང་གཏོར་མ་འདི་ཁྱེར་ལ། །བདག་དང་ཡོན་བདག་འཁོར་བཅས་ལ། །ལོ་སྐག་ཟླ་སྐག་ཞག་སྐག་དང་། །ཟ་མའི་སྐག་རྣམས་ཐམས་ཅད་ལས། །ཐར་བའི་ཕྲིན་ལས་ད་མཛོད་ཅིག །ཨོཾ་བེ་ཏ་ལི་བ་ལུང་ཕཊ་སྭཱ་ཧཱ། ཨི་དཾ་བྷ་ལི་ཏ་ཁ་ཁ་ཁཱ་ཧི། བདུན།། ཀྱཻ། ཉི་མ་ཤར་ལྷོ་མཚམས་ཤེད་ན། །རུས་སྦལ་ལག་པ་གཡས་པ་ན། །རླུང་ནག་འཚུབ་མའི་ནང་ཤེད་ནས། །བྱོན་པའི་བུད་མེད་སེར་མོ་ནི། །སྲིད་པའི་ལྕམ་མོ་ཆེ་བ་སྟེ། །དར་སེར་ན་བཟའ་རིན་ཆེན་བརྒྱན། །ཆིབས་སུ་མཛོ་རྒན་བྲེ་

[Full Size]

སེར་ཞོན། །ལག་ན་རླུང་གི་རྐྱལ་པ་དང་། །རླུང་གི་བུ་ཡུག་འཛིན་མཛད་ནས། །རླུང་གི་གནོད་པ་ཟློག་པར་བྱེད། །ཁྱོད་ལ་མཆོད་པ་འབུལ་བ་ནི། །བཤོས་བུ་ཟུར་གསུམ་རྐེད་པ་ན། །འཕྲེད་དུ་གྲུ་བཞི་གཉིས་བརྩེགས་བྲིས། །རྩེ་ན་མར་གྱི་རླུང་རིས་བརྒྱན། །ལག་གཡས་ཤ་དང་ཕུ་དུང་གཡས། །ཟར་མ་ལ་སོགས་འབྲུ་སྣ་དང། །དར་སེར་དམར་ལྗང་རླུང་རིས་འབུལ། །ཁྱེད་ཅག་མཉེས་ཤིང་ཚིམ་གྱུར་ཅིག །ཡོན་བདག་མ་ཤེས་དབང་གྱུར་ནས། །ལྷབ་ཁ་བ་དང་སྨོན་པ་བོས། །མཛོ་ཤ་ལག་གཡས་ཤ་ཟོས་དང་། །དར་ཟབ་རན་ཐག་ཉོས་པ་དང་། །སྔགས་པ་བག་མའི་ལག་ཟས་ཟོས། །བག་སྣ་སྐྱས་སྣ་བོན་པོ་བསྟེན། །དངུལ་ཆ་མཛོ་དྲེལ་སྒ་ཆ་ཉོས། །མྱ་ངན་ངུ་འབོད་བྱེད་སར་ཕྱིན། །བུད་མེད་དར་མའི་དུར་སློག་དང་། །རྔ་བྲན་རྔ་མ་མཛོ་ཉོས་དང་། །ལྷ་ཁང་རྙིང་པའི་ནང་དུ་ཕྱིན། །མནའ་གཉན་སྐྱེལ་ལེན་བྱས་པ་དང་། །རན་ཐག་བཙུགས་པའི་ས་རུ་ཕྱིན། །གླང་གི་ཟླ་བའི་ཚེས་གཅིག་ནས། །བདུན་གྱི་བར་དུ་བྱང་ཤར་སོང་། །དེ་སོགས་ཐུགས་དང་འགལ་བའི་ལས། །གང་བགྱིས་དེ་དག་མཐོལ་

[Full Size]

ལོ་བཤགས། །ཁྱེད་ལ་བསྡོ་བ་མ་ཡིན་ཏེ། །མ་ཤེས་འཁྲུལ་པའི་དབང་གིས་བྱུང་། །ཁྱེད་ཀྱིས་བཟོད་པ་དང་དུ་བཞེས། །ཁྱེད་ཀྱི་གདུག་རྩུབ་ལས་བྱུང་བའི། །ནད་གདོན་རྐྱེན་ངན་བསྒྱུར་དུ་གསོལ། །སྨྱོ་འབོག་ལྷབ་ཆོལ་བསྒྱུར་དུ་གསོལ། །བརྒྱལ་ནད་སྙིང་རླུང་བསྒྱུར་དུ་གསོལ། །རླུང་ནད་མགོ་འཁོར་བསྒྱུར་དུ་གསོལ། །ཤེས་པ་འཕྱོ་ཞིང་སྙིང་མི་དགའ། །ལག་པ་གཡས་གཡོན་ན་བ་བསྒྱུར་དུ་གསོལ། །གཡང་ཉམས་ནོར་སྒོ་བྱེ་བ་བསྒྱུར་དུ་གསོལ། །རླུང་ལ་གནས་པའི་ལྷ་འདྲེ་དང་། །སྨྱོན་པ་མཛེ་ཕོས་གླུད་འདི་ལོངས། །སྒྱུར་མ་གནམ་དུ་གཡེང་བའི་དུས། །རྩུབ་པའི་ཀག་རྣམས་བསྒྱུར་དུ་གསོལ། །ཁྱེད་ཀྱི་འཁོར་དུ་གཏོགས་པའི་གདོན། །མ་མོ་ཀླུ་བདུད་རྒྱལ་འགོང་དང་། །བུད་མེད་སྨྱོ་ནས་རིར་ཤི་བའི། །ཡུལ་འདྲེ་གྲི་བོ་གྲི་མོ་དང་། །གནོད་པ་ཐམས་ཅད་བསྒྱུར་ཞིང་ཟློག །འབྲུག་ལོ་པ་ཡི་རང་སྐག་སྒྱུར། །སྟག་ཡོས་ལོ་པའི་ན་སྐག་སྒྱུར། །ཁྱི་ལོ་པ་ཡི་བདུན་ཟུར་སྒྱུར། །མཚམས་བཞི་ལོ་པའི་འཆི་སྐག་སྒྱུར། །བྱི་ཕག་ལོ་པའི་དུར་གྱི་སྐག །བཟློག་པར་དཀའ་བའི་སྟག་ཆེན་སྒྱུར། །ཨོཾ་ཟོན་ཡཾ་ཧཱུྃ་ཕཊ། རླུང་གི་

[Full Size]

གནོད་པ་བཟློག་ཅིག །བདུན་ནམ་བརྒྱ་སོགས་གལ་དང་བསྟུན། ༈ །དེ་ནས་ལོ་སྐོར་བཅུ་གཉི་ས་སྐག་ཟློག་ནི། །གཏོ་ཆེན་གཏོ་ཕྲན་ཀུན་ལ་སྦྱར་བར་བྱ། ཧཱུྃ། དག་པ་མཛད་པ་བཅུ་གཉིས་ཏེ། །མ་དག་རྟེན་འབྲེལ་བཅུ་གཉིས་ནི། །ལོ་སྐོར་བཅུ་གཉིས་གཟུགས་སུ་ཤར། །ལུས་དང་དབང་ཐང་ཁྱད་པར་གྱི། །དེ་ལ་ལོ་རྒན་དྲུག་ཅུར་ཕྱེད། །ལོ་ཟླ་ཞག་དང་དུས་ཚོད་འཁོར། །ང་རྒྱལ་མི་ཡི་ལུས་པོ་ལ། །གཏི་མུག་དུད་འགྲོའི་མགོ་བོ་ཅན། །བྱི་བ་གླང་སྟག་ཡོས་འབྲུག་སྦྲུལ། །རྟ་ལུག་སྤྲེལ་བྱ་ཁྱི་ཕག་མགོ །འདོད་ཆགས་བྱ་ཡི་གཤོག་པ་གདེངས། །ཞེ་སྡང་སྦྲུལ་འཇུག་སྐེད་ལ་དཀྲིས། །ཕྲག་དོག་ཁྱུང་སྡེར་ཐལ་མོ་སྦྱར། །རང་རང་ལོ་པའི་ལྷ་དང་དཔལ། །བདུན་ཟུར་ལོ་པའི་གཤེད་དང་བདུད། །ལྷ་ཡང་ཡིན་ལ་འདྲེ་ཡང་ཡིན། །ཕན་གནོད་བྱ་བ་ཅི་ཡང་བྱེད། །ས་ཡི་ཕྱོགས་མཚམས་ཀུན་ཏུ་གནས། །དེ་ཕྱིར་ས་བདག་ལྷ་འདྲེའི་རིགས། །ཁྱེད་ལ་མཆོད་པ་འབུལ་བ་ནི། །རིན་ཆེན་འབྲུ་ཡི་བཤོས་བུ་འདི། །བཤོས་བུ་གཉིས་བསྒྲིགས་བྱས་པ་ནི། །ལྷ་འདྲེ་གཉིས་ཀ་ཡིན་པའི་རྟགས། །རྩེ་ཁ་གྱེན་ལ་ཕྱོགས་པ་ནི། །རང་རང་ལོ་

[Full Size]

པའི་ལྷ་ཡིན་རྟགས། །དེ་ལ་མར་གྱིས་བྱུགས་པ་ནི། །ལྷ་ཞལ་དུང་བས་དཀར་བའི་རྟགས། །རྩེ་གཅིག་ཐུར་དུ་འགུགས་པ་ནི། །བདུན་ཟུར་ལོ་པའི་བདུད་ཡིན་རྟགས། །བར་དུ་རིལ་བུ་བཞག་པ་ནི། །ལྷ་བདུད་གཉིས་ཀ་ཚིམ་པའི་རྟགས། །བཤོས་བུ་རི་རྒྱལ་ལྷུན་པོ་ཙམ། །རོ་བརྒྱ་ནུས་པ་སྟོང་དང་ལྡན། །ལོ་ལྷ་བཅུ་གཉིས་རྣམས་ལ་འབུལ། །མཉེས་ཤིང་རབ་ཏུ་ཚིམས་གྱུར་ནས། །བདག་དང་རྒྱུ་སྦྱོར་ཡོན་བདག་ལ། །རང་རང་ལོ་པའི་ལོ་ལྷ་མཛོད། །ཚེ་བསྲིང་དཔལ་བསྐྱེད་བསོད་ནམས་སྤེལ། །བདུན་ཟུར་ལོ་པའི་མི་ཡོད་ཀྱང་། །གཤེད་དང་བདུད་དུ་མ་འབེབས་པར། །བྱམས་པའི་སེམས་དང་ལྡན་པར་མཛོད། །སྐོར་ཆེན་དྲུག་ཅུ་ཐམ་པ་དང་། །ལོ་ཡི་རྒྱལ་པོ་བཅུ་གཉིས་ལས། །བྱུང་བའི་སྐག་རྣམས་བསྒྱུར་དུ་གསོལ། གཅིག་པ་རང་སྐག་བསྒྱུར་དུ་གསོལ། །གཉིས་པ་ཕྱི་སྐྱེལ་བསྒྱུར་དུ་གསོལ། །གསུམ་པ་གསུམ་ཟུར་བསྒྱུར་དུ་གསོལ། །བཞི་པ་བཞི་གཤེད་བསྒྱུར་དུ་གསོལ། །ལྔ་པ་བྱེ་བྲལ་བསྒྱུར་དུ་གསོལ། །དྲུག་པ་དྲུག་འགྲམ་བསྒྱུར་དུ་གསོལ། །བདུན་པ་བདུན་ཟུར་བསྒྱུར་དུ་གསོལ། །བརྒྱད་པ་དུར་སྒོ་བསྒྱུར་དུ་

[Full Size]

གསོལ། །དགུ་པ་དགུ་མིག་བསྒྱུར་དུ་གསོལ། །བརྡ་ཐན་སུམ་ཅུའི་གནོད་པ་སྒྱུར། །ལོ་ཡི་སྐག་རྣམས་ཐམས་ཅད་སྒྱུར། །བྱི་བ་ལོ་དང་བྱི་ལོ་པའི་སྐག་སྒྱུར་ཅིག །ཨོཾ་ཅི་ཅི་སྭཱ་ཧཱ། གླང་ལོ་དང་གླང་ལོ་པའི་སྐག་སྒྱུར་ཅིག །ཨོཾ་ཉ་ཅི་སྭཱ་ཧཱ། སྟག་ལོ་དང་སྟག་ལོ་པའི་སྐག་སྒྱུར་ཅིག །ཨོཾ་པ་ཅི་སྭཱ་ཧཱ། ཡོས་ལོ་དང་ཡོས་ལོ་པའི་སྐག་སྒྱུར་ཅིག །ཨོཾ་ཞ་ཅི་སྭཱ་ཧཱ། འབྲུག་ལོ་དང་འབྲུག་ལོ་པའི་སྐག་སྒྱུར་ཅིག །ཨོཾ་ང་ཅི་སྭཱ་ཧཱ། སྦྲུལ་ལོ་དང་སྦྲུལ་ལོ་པའི་སྐག་སྒྱུར་ཅིག །ཨོཾ་དུ་ཅི་སྭཱ་ཧཱ། རྟ་ལོ་དང་རྟ་ལོ་པའི་སྐག་སྒྱུར་ཅིག །ཨོཾ་བི་ཏི་སྭཱ་ཧཱ། ལུག་ལོ་དང་ལུག་ལོ་པའི་སྐག་སྒྱུར་ཅིག །ཨོཾ་ད་ཉ་སྭཱ་ཧཱ། སྤྲེལ་ལོ་དང་སྤྲེལ་ལོ་པའི་སྐག་སྒྱུར་ཅིག །ཨོཾ་ག་ཉ་སྭཱ་ཧཱ། བྱ་ལོ་དང་བྱ་ལོ་པའི་སྐག་སྒྱུར་ཅིག །ཨོཾ་ཀུ་ཉ་སྭཱ་ཧཱ། ཁྱི་ལོ་དང་ཁྱི་ལོ་པའི་སྐག་སྒྱུར་ཅིག །ཨོཾ་ཅི་ཅི་སྭཱ་ཧཱ། ཕག་ལོ་དང་ཕག་ལོ་པའི་སྐག་སྒྱུར་ཅིག །ཨོཾ་ཅི་ཉ་སྭཱ་ཧཱ། ཧཱུྃ། ལོ་ལྷ་ལོ་སྐོར་བཅུ་གཉིས་དེ། །ཟླ་བ་ཞག་དང་དུས་ཚོད་ལ། །འཁོར་ཞིང་སོ་སོའི་དུས་བབ་ཚེ། །ཡོན་བདག་མ་ཤེས་འཁྲུལ་དབང་གིས། །གླིང་གི་ཟླ་བར་གླང་བཤས་དང་།

[Full Size]

འབྲུག་གི་ཟླ་བར་གྱང་བརྡུངས་སོགས། །ཟླ་བདག་ཐུགས་དང་འགལ་བ་དང་། །བྱི་བའི་ཉི་མར་སྦྲ་ཚེམ་དང་། །སྟག་གི་ཉི་མར་ལྷ་གསོལ་སོགས། །ཞག་བདག་ཐུགས་དང་འགལ་བ་དང་། །ལོ་ལྷའི་ཕྱོགས་སུ་གླུད་འཕང་དང་། །དུས་ཚོད་ཐུགས་དང་གང་འགལ་བཤགས། །ཁྱེད་ཀྱིས་བཟོད་པ་དང་དུ་བཞེས། །ཟླ་བ་དང་ནི་ཞག་དུས་ཀྱི། །རང་སྐག་གནོད་པ་བསྒྱུར་དུ་གསོལ། །བདུན་ཟུར་གནོད་པ་བསྒྱུར་དུ་གསོལ། །དྲུག་འགྲམ་གནོད་པ་བསྒྱུར་དུ་གསོལ། །རྒུད་པ་ན་བ་འཆི་བ་དང་། །དུར་ཞུགས་གནོད་པ་བསྒྱུར་དུ་གསོལ། །བདག་དང་རྒྱུ་སྦྱོར་ཡོན་བདག་གི །སྲོག་ལུས་དབང་ཐང་ཀླུང་རྟ་ལ། །དགྲ་དང་འཕྲད་པའི་གནོད་པ་སྒྱུར། །རབས་ཆད་ཟླ་བ་ཕུང་ཟླ་དང་། །ཟླ་བ་ནག་པོ་གནོད་པ་སྒྱུར། །ཞག་ནག་དབུལ་ཉི་ཉི་ནག་སོགས། །ཞག་གི་གནོད་པ་བསྒྱུར་དུ་གསོལ། །ཁྲ་ཚ་ཟིན་ཕུང་ལ་སོགས་པ། །དུས་ཚོད་གནོད་པ་བསྒྱུར་དུ་གསོལ། །སྟག་གི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་ཙཱ་སྭཱ་ཧཱ། ཡོས་ཀྱི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་ཡཾ་སྭཱ་ཧཱ། འབྲུག་གི་ཟླ་བ་དང་ཞག་དུས་ཀྱི་སྐག་སྒྱུར་ཅིག །

[Full Size]

ཨོཾ་ཁཾ་སྭཱ་ཧཱ། སྦྲུལ་གྱི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་སྤམ་སྭཱ་ཧཱ། རྟའི་ཟླ་བ་དང་ཞག་དུས་ཀྱི་སྐག་བསྒྱུར་ཅིག །ཨོཾ་ཏཱཾ་སྭཱ་ཧཱ། ལུག་གི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་ལཾ་སྭཱ་ཧཱ། སྤྲེལ་གྱི་ཟླ་བ་དང་ཞག་དུས་ཀྱི་སྐག་བསྒྱུར་ཅིག །ཨོཾ་པཾ་སྭཱ་ཧཱ། བྱ་ཡི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་བཾ་སྭཱ་ཧཱ། །ཁྱིའི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་ཁཾ་སྭཱ་ཧཱ། ཕག་གི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་ཁཾ་སྭཱ་ཧཱ། བྱི་བའི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་ཧུཾ་སྭཱ་ཧཱ། གླང་གི་ཟླ་བ་དང་ཞག་དུས་ཀྱི་སྐག་སྒྱུར་ཅིག །ཨོཾ་གཾ་སྭཱ་ཧཱ། ཧཱུྃ། འཇིག་རྟེན་སྲིད་པའི་ཞིང་ཁམས་ནས། །བལྟོས་ཏེ་བཞག་པའི་རྟེན་འབྲེལ་གྱི། །ཉིན་མོ་སྲིད་ནས་མཚན་མོ་སྲིད། །དཀར་པོ་སྲིད་ནས་ནག་པོ་སྲིད། །ལྷ་གཅིག་སྲིད་ནས་འདྲེ་གཅིག་སྲིད། །ལོ་ལྷ་ལོ་སྐོར་བཅུ་གཉིས་དང་། །མཉམ་དུ་ལོ་བདུད་བཅུ་གཉིས་སྲིད། །ལོ་བདུད་བཅུ་གཉིས་ལ་སོགས་པའི། །བདག་དང་ཡོན་གྱི་བདག་པོ་ལ། །གནོད་ཅིང་འཚེ་བར་བྱེད་པ་སྟེ། །གདོན་བགེགས་ལོག་འདྲེན་ཐམས་ཅད་

[Full Size]

དང་། །ལན་ཆགས་བདག་པོ་ཐམས་ཅད་ལ། །མི་བས་དགའ་བའི་གླུད་འདི་ལོངས། །མི་ཞེས་བྱ་བ་ངན་པ་ཡིན། །གཅིན་རྟུག་སྣབ་ལུད་ལ་སོགས་པ། །མི་གཙང་རྫས་ཀྱི་རྐྱལ་པ་སྟེ། །ཁྱི་ལུད་དར་གྱིས་བཏུམ་པ་འདྲ། །འབྲུ་བཅུད་ངར་གྱི་མི་བོ་ཆེ། །སྔགས་དང་ཕྱག་རྒྱས་བྱིན་གྱིས་རླབས། །མིག་གཉིས་ལྟ་སྟངས་ཧྲིགས་སེ་ཧྲིག །ལག་པས་གར་སྟབས་ཁྱུགས་སེ་ཁྱུག །རྐང་པས་འགྲོ་མཁས་ལྡེམས་སེ་ལྡེམ། །ཕུང་ཁམས་སྐྱེ་མཆེད་ཡོངས་སུ་རྫོགས། །རྐྱེན་ངན་ཟློག་པའི་དཔའ་ངར་ཅན། །རྟེན་འབྲེལ་རྫ་ས་ལས་གྲུབ་པའི་མི། །དེ་ཕྱིར་ངར་མི་ཞེས་སུ་གྲགས། །གཅིག་ལས་བྱེ་བ་དུང་ཕྱུར་འཕྲོ། །ལྷ་འདྲེ་ཐམས་ཅད་གར་འགྲོ་ཡི། །གཡོག་གི་ཚུལ་དུ་ཉི་ལི་ལི། །མགྲོན་རྣམས་ཀུན་གྱི་སྤྱན་ལམ་དུ། །མ་ཡི་སྔོན་ན་བུ་རྒྱུག་འདྲ། །མི་བས་དགའ་བའི་གླད་འདི་ལོངས། །ལོ་བདུད་བཅུ་གཉིས་ལ་སོགས་པའི། །ལན་ཆགས་བདག་པོ་ཐམས་ཅད་ལ། །ཆེ་སྐྱིན་སྲོག་གླུད་འདི་འབུལ་ལོ། །ཐམས་ཅད་མཉེས་ཤིང་ཚིམ་གྱུར་ཅིག །བཅོམ་ལྡན་འདས་ཀྱིས་བྱིན་བརླབས་པའི། །ཡོན་བདག་དྲི་གླུད་ཆངས་བུ་འདི། །ལུས་ལ་དྲུད་པའི་དྲི་མ་

[Full Size]

ཡིས། །ལྷན་ཅིག་སྐྱེས་པའི་འདྲེ་བདུད་ཚིམ། །གཤོང་དྲུག་རིགས་དྲུག་མགྲོན་རྣམས་ཚིམ། །འབུར་ལྔ་འདོད་ཡོན་ལྔ་དང་ལྡན། །འབུར་ཆུང་བཅུ་གཉིས་ལྡན་པ་ནི། །ལོ་བདུད་བཅུ་གཉིས་ཚིམ་པར་བྱེད། །འབྲུ་སྣ་ཤེལ་ཚིགས་དཀར་ནག་དང་། །ཤ་དུམ་མཐེབ་སྐྱུ་ལ་སོགས་པ། །ལོ་བདུད་བཅུ་གཉིས་གཙོར་བྱས་པའི། །ལན་ཆགས་བདག་པོ་ཀུན་ལ་འབུལ། །མགུ་ཚིམ་ཡི་རང་ལྡན་གྱུར་ཅིག །བདུད་པོ་རེ་ལྡེ་མགོ་ཉག་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་བྱི་བ་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་ཤན་པ་གྲི་ཐོགས་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་གླང་གི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་ཁ་ལ་འགྲེང་ཡུགས་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་སྟག་གི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་མ་ཤོར་རྩོལ་པོ་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་ཡོས་བུ་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་ཁྲོ་རྒྱལ་ཆེན་པོ་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་འབྲུག་གི་

[Full Size]

ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་གཏུམ་པོ་ལག་རིང་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་སྦྲུལ་གྱི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་འགྲོ་བ་བང་མགྱོགས་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་རྟ་ཡི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་གནམ་ཐོག་རྩོལ་པོ་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་ལུག་གི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་ངམ་རྗེ་རྩོལ་པོ་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་སྤྲེལ་གྱི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་པོ་ལྟ་བའི་མིག་རྣོ་ལ། །གླུད་དང་ཆངས་བུ་འདི་འབུལ་ལོ། །།ཡོན་བདག་བྱ་ཡི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་ཉན་པ་རྣ་གསང་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་ཁྱི་ཡི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །བདུད་ཕོ་སྣོམ་པ་དྲི་ཚོར་ལ། །གླུད་དང་ཆངས་བུ་འདི་འབུལ་ལོ། །ཡོན་བདག་ཕག་གི་ལོ་པ་ལ། །ན་འདྲེ་ཤི་རྐྱེན་མ་བྱེད་ཅིག །རྒྱུ་རྐྱེན་རྟེན་འབྲེལ་ཆུད་མ་གསན། །རྟེན་འབྲེལ་བདེན་པའི་

[Full Size]

དོན་མ་བསླུ། །ཆོས་ཉིད་བདེན་པའི་བཀའ་མ་བཅག །བཅོལ་བའི་ཕྲིན་ལས་འགྲུབ་པར་མཛོད། །ཤིང་རིས་ནམ་མཁའ་སོགས་མེད་ན་འདི་མན་མ་བཏོན་ཀྱང་ཆོག །མེད་ཀྱང་ཡིད་ཀྱིས་སྤྲུལ་ནས་བཏོན་ཀྱང་རུང་། ཧཱུྃ། ལོ་ཟླ་ཞག་དུས་བདག་པོ་དང་། །ལོ་བདུད་ལོ་གཤེད་བཅུ་གཉིས་དང་། །ལན་ཆགས་བདག་པོ་ཐམས་ཅད་ལ། །མཐུན་པའི་མདོས་རྫས་འབུལ་བ་ནི། །མདའ་བཀྲ་སྐྱེས་པ་སྟག་ཆས་ཅན། །གཅིག་ལས་བརྒྱ་སྟོང་དུ་མ་འཕྲོ། །སྐྱེས་པ་ཕོ་ཡི་གླུད་དུ་འབུལ། །འཕང་བཀྲ་མོ་བཙུན་གསེར་གཡུས་བརྒྱན། །གཅིག་ལས་བརྒྱ་སྟོང་དུ་མ་འཕྲོ། །ཟ་མ་མོ་ཡི་གླུད་དུ་འབུལ། །ཤིང་རིས་འཇའ་ཚོན་འོད་དུ་འབར། །རང་རང་སྤར་ཁའི་ཕྱག་རྒྱ་གསལ། །ཡུལ་དང་མཁར་གྱི་གླུད་དུ་འབུལ། །ནམ་ནི་ཕྱི་ཡི་ཡུལ་ཡིན་ཏེ། །མཁའ་ནི་ནང་གི་སེམས་ཡིན་པས། །གཉིས་མེད་མཚོན་པའི་ནམ་མཁའ་འདི། །སྟོང་པ་སེམས་ཀྱི་གླུད་དུ་འབུལ། །ཤེལ་ཚིགས་ཁྲི་དཀར་སྟོང་ནག་འདི། །རྟ་བརྒྱ་གནག་སྟོང་བེལ་ལུག་ཁྲི། །སྔགས་དང་ཕྱག་རྒྱས་བྱིན་བརླབས་ནས། །རྟ་ཕྱུགས་རྣམས་ཀྱི་གླུད་དུ་འབུལ། །མི་ནད་ནོར་ནད་བསྒྱུར་དུ་

[Full Size]

གསོལ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་སྤྱི་གཏོ་བཅའ་ན་འདི་ཉིད་འདོན། སྒེར་གྱི་གཏོ་ལ་མི་དགོས་སོ། །ཧཱུྃ། དང་པོ་ཆོས་ཉིད་སྟོང་པ་ལ། །རླུང་མེ་ཆུ་ས་རིམ་བཞིན་སྲིད། །འབྱུང་བ་གཅིག་ལས་གཅིག་འབྱུང་ཕྱིར། །འབྱུང་བ་ཞེས་སུ་གྲགས་པ་ཡིན། །ཕྱི་ལྟར་ས་ཆུ་མེ་རླུང་མཁའ། །ནང་ལྟར་ཤ་ཁྲག་དྲོད་དབུགས་སེམས། །གསང་བ་དུག་ལྔ་ཡེ་ཤེས་ལྔ། །འཁོར་འདས་ཐམས་ཅད་དེ་ལས་གྲུབ། །འབྱུང་བ་དར་རྒུད་འཕེལ་འགྲིབ་ལ། །ཕྱི་ཡི་འཇིག་རྟེན་ཆགས་འཇིག་དང་། །ནང་གི་སེམས་ཉིད་སྐྱེ་འཆི་དང་། །བདེ་སྡུག་སེམས་ཅན་དེ་ལས་བྱུང་། །དེ་ཡི་ལེགས་ཉེས་ཡིན་པའི་ཕྱིར། །རྒྱ་ནག་རི་བོ་རྩེ་ལྔ་རུ། །དཔག་བསམ་འཛམ་བུ་ཉག་ཤད་ཀྱི། །ཝ་བའི་ནང་ནས་༈ འཇམ་དབྱངས་འཁྲུངས། །གསེར་མདོག་བྱིས་པ་ལོ་བརྒྱད་གཟུགས། །མཚན་དཔེ་གཟི་བརྗིད་འོད་དུ་འབར། །ལྷ་དང་འཇིག་རྟེན་སྐྱོང་ཀུན་འདུས། །ལྷ་ཆེན་ཚངས་པས་ཞུས་པའི་ངོར། །མ་ཧཱ་གསེར་གྱི་རུས་སྦལ་སྤྲུལ། །གནམ་ས་བར་སྣང་གབ་རྩེ་ནི། །སུམ་བརྒྱ་དྲུག་ཅུ་གཏན་ལ་ཕབ། །སྡོང་པོ་ཀུན་འདུས་ཤིང་གི་རྒྱུད། །སྣང་གསལ་སྒྲོན་

[Full Size]

མེ་མེ་ཡི་རྒྱུད། །རིན་ཆེན་ཀུན་འདུས་ས་ཡི་རྒྱུད། །ས་ལ་པ་ཏྲ་ལྕགས་ཀྱི་རྒྱུད། །བདུད་རྩི་བུམ་པ་ཆུ་ཡི་རྒྱུད། །རྒྱུད་ཆེན་ལྔ་ཡི་གཙོར་བྱས་པའི། །རྒྱུད་དང་མན་ངག་དཔག་མེད་གསུངས། །སྐག་རིགས་སུམ་བརྒྱ་དྲུག་ཅུ་ལ། །གཏོ་བཅོས་སུམ་བརྒྱ་དྲུག་ཅུ་མཛད། །དེ་རིང་སྲིད་པའི་གཏོ་བཅོས་ལ། །ལྷ་ཡང་གསོན་ལ་འདྲེ་ཡང་ཉོན། །འཇམ་པའི་དབྱངས་ཀྱི་བཀའ་མ་བཅིག །ཡོན་བདག་རྒྱུ་རྐྱེན་ཆུད་མ་གསན། །རྟེན་འབྲེལ་བདེན་པའི་དོན་མ་བསླུ། །དག་པ་འཕགས་ལམ་ཡན་ལག་བརྒྱད། །མ་དག་ཕྱོགས་མཚམས་འབྱུང་བ་བརྒྱད། །སྤར་ཁ་བརྒྱད་ཀྱི་གཟུགས་སུ་ཤར། །དེ་ལྟར་སྤར་ཁ་བརྒྱད་པོ་ལ། །ཕན་ཞིང་མགོན་པའི་ལྷ་བརྒྱད་དང་། །དཔལ་བརྒྱད་སྨན་བརྒྱད་གཡང་བརྒྱད་ལ། །དཀར་གཏོར་འབྲུ་སྣའི་མཆོད་པ་འབུལ། །ལྷ་ཡི་མགོན་སྐྱབས་མ་གཡེལ་ཅིག །སྤར་ཁ་གནོད་པའི་འདྲེ་བརྒྱད་དང་། །འདྲེ་ལྔ་བརྒྱད་དང་བདུད་གཅོད་བརྒྱད། །ལན་ཆགས་གདོན་བགེགས་ཐམས་ཅད་ལ། །གླུད་དང་གཏོར་མ་ངར་མི་འབུལ། །ལན་ཆགས་བུ་ལོན་བྱང་གྱུར་ཅིག །ཤ་འཁོན་འབྲེལ་ཐག་ཆོད་གྱུར་ཅིག །ཡོན་

[Full Size]

བདག་སྐྱེས་པ་བུད་མེད་དང་། །བུ་ཚ་བུ་མོ་ཉེ་དུ་སོགས། །ཁྱིམ་དུ་བློ་སེམས་གཅིག་རྣམས་ལ། །སྤར་ཁ་རྩུབ་པའི་གནོད་པ་སྒྱུར། །རི་གསུམ་རྩེ་ནས་ཉིལ་བའི་ཀག །སྤར་ཁའི་སྟོད་གསུམ་སྟོང་པ་སྒྱུར། །ཐང་གསུམ་མཐའ་ནས་བསྡུས་པའི་ཀག །སྤར་ཁའི་སྨད་གསུམ་སྟོང་པ་སྒྱུར། །གནམ་ས་གཞུང་གཤགས་རལ་བའི་སྐག །ལི་ཁཾ་གཉིས་པོ་སྟོང་པ་སྒྱུར། །སྐྱིད་ལ་སྐེད་ཆད་བྱུང་བའི་སྐག །ད་ཟིན་གཉིས་པོ་སྟོང་པ་སྒྱུར། །རྩ་བཞི་མཐའ་ནས་འཁུམས་པའི་སྐག །སྤར་ཁའི་མཚམས་བཞི་སྟོང་པ་སྒྱུར། །བདུད་ཀྱི་སྒོ་བཞི་བྱེ་བའི་སྐག །སྤར་ཁའི་ཕྱོགས་བཞི་སྟོང་པ་སྒྱུར། །སྤར་ཁ་ཕྱོགས་ཡོ་བྱུང་བའི་སྐག །གཡས་སམ་གཡོན་ཕྱོགས་སྟོང་པ་སྒྱུར། །སྤྱི་བོ་གང་གི་གནམ་རྡིབ་དང་། ༈ བཙན་གྱི་རྒྱ་ལམ་གཏོད་བའི་སྐག །ལི་བུག་རྟ་གོད་ལངས་པ་སྒྱུར། །རྐང་པ་འོག་གི་ས་རྡིབ་དང་། །མས་ཀྱི་ཆུང་སྲི་ལངས་པ་སྒྱུར། །ཁཾ་བུག་གཞན་རྣམས་གང་བ་དང་། །གནམ་སྒོ་བྱེ་བ་རྒན་པོའི་དུར། །ཐོག་སེར་གཟའ་ནད་འོང་བའི་སྐག །བདུན་གང་ཁེན་པོ་བུག་པ་སྒྱུར། །ས་སྒོ་བྱེ་བ་རྒན་མོའི་དུར། །བདུན་གང་ཁོན་མོ་བུག་པ་སྒྱུར། །

[Full Size]

སྡུག་གི་མཆི་མ་མདུན་གྱི་ངོ། །ལི་ལ་མང་དུ་སྤུངས་པ་སྒྱུར། །དགྲ་ངོ་གྲི་ངོ་རྨེ་ངོའི་སྐག །དྭ་ལ་མང་དུ་སྤུངས་པ་སྒྱུར། །བཟའ་འཐབ་གཉའ་ཤིང་འགག་འདྲེའི་སྐག །ཟིན་ལ་མང་དུ་སྤུངས་པ་སྒྱུར། །ཆུ་ཆེན་འགྲམ་དུ་ངུ་འབོད་དང་། །སྡུག་གི་ཁུ་རུ་ཁུར་བའི་སྐག །ཁཾ་ལ་མང་དུ་སྤུངས་པ་སྒྱུར། །རྒྱལ་འགོང་ཕུགས་སུ་ཞུགས་པའི་སྐག །གིན་ལ་མང་དུ་སྤུངས་པ་སྒྱུར། །སྨྱོ་འབོག་བྱེད་ཀ་ཟུག་པའི་སྐག །ཟོན་ལ་མང་དུ་སྤུངས་པ་སྒྱུར། །འོན་ལོང་གཅོང་ནད་འབྱུང་བའི་སྐག །ཁོན་ལ་མང་དུ་སྤུངས་པ་སྒྱུར། །འགུལ་འཚེར་རྒན་པོ་ལ་ཁར་ཕྱིན། །མི་རྒན་དུར་ས་བསྙགས་པའི་སྐག །ཁེན་ལ་མང་དུ་སྤུངས་བ་སྒྱུར། །གཉེན་འདུན་ཉེ་དག་ཤི་བའི་སྐྱོན། །གཤེད་གདོང་གཤེད་སྒོར་བབ་པ་སྒྱུར། །བསྒྱུར་ཞིང་བཟློག་པའི་ཕྲིན་ལས་མཛོད། །དེ་ནས་ཕོ་མོ་ཟམ་ཐུག་དང་གདན་འཛོམ་མང་ན་འདི་འདོན། གཞན་ལ་མི་དགོས་སོ། །ཧཱུྃ། འཕགས་པ་འཇམ་དཔལ་དབྱངས་ཀྱི་བཀའ། །ཀོང་ཙེ་འཕྲུལ་གྱི་རྒྱལ་པོའི་ལུང་། །གཙུག་ལག་རྩིས་ཀྱི་རྒྱུད་གཞུང་དོན། །ཕོ་རྣམས་ཐམས་ཅད་ལི་ནས་བསྐོར། །མོ་རྣམས་ཐམས་ཅད་ཁཾ་ནས་

[Full Size]

བསྐོར། །བསྐོར་མགོ་མི་གཅིག་སོ་སོར་ཕྱེ། །ཕོ་རྣམས་ཐབས་ཏེ་གཡས་སུ་བསྐོར། །མོ་རྣམས་ཤེས་རབ་གཡོན་དུ་བསྐོར། །བསྐོར་ཕྱོགས་མི་གཅིག་སོ་སོར་ཕྱེ། །ཕོ་རྣམས་ཐམས་ཅད་གནམ་ནས་བསྐོར། །མོ་རྣམས་ཐམས་ཅད་ས་ནས་བསྐོར། །བྱིས་པ་བར་སྣང་ཁམས་ནས་བསྐོར། །བསྐོར་ལམ་མི་གཅིག་སོ་སོར་ཕྱེ། །སྤར་ཁ་གཅིག་ལ་ཟམ་ཐུག་ཀྱང་། །སྟེང་འོག་བར་གསུམ་ལམ་ཕྱེས་པས། །ཟམ་ཐུག་གནོད་པ་ད་སྒྱུར་ཅིག །གདན་གསུམ་གཅིག་ཏུ་འཛོམ་པ་ན། །བར་མ་ཡར་བའི་སྐག་སྒྱུར་ཅིག །རྟེན་འབྲེལ་ངན་པ་བསྒྱུར་དུ་གསོལ། །ཆོས་ཀུན་རྟེན་འབྲེལ་རྒྱུ་ལས་བྱུང་། །རྟེན་འབྲེལ་བཟང་པོ་འགྲུབ་པར་ཤོག །ཤི་གསོན་གདན་ཐུག་བྱུང་ན་འདི་ཉིད་འདོན། དེ་མིན་ལ་མི་དགོས་སོ། །ཧཱུྃ། བཀའ་འདི་བཅོམ་ལྡན་འཇམ་དཔལ་བཀའ། །ལུང་འདི་ཀོང་ཙེ་འཕྲུལ་རྒྱལ་ལུང་། །གཏོ་འདི་སྲིད་པ་འཕྲུལ་གྱི་གཏོ། །སྣང་སྲིད་ལྷ་འདྲེ་ཐམས་ཅད་ཉོན། །དགུང་སྔོན་ནམ་མཁའི་གདན་གཅིག་ལ། །ཉི་ཟླ་གཉིས་ཀྱི་གདན་བགོས་བྱས། །ཤར་ནུབ་གཉིས་པོ་སོ་སོར་བགོ །དེ་བཞིན་ཤི་གསོན་གདན་བགོའོ། །ས་གཞི་ལུང་པ་གདན་

[Full Size]

གཅིག་ལ། །གཙང་ཆབ་ཆུ་ཡི་གདན་བགོས་བྱས། །ཉིན་སྲིབ་གཉིས་པོ་སོ་སོར་བགོས། །དེ་བཞིན་ཤི་གསོན་གདན་བགོའོ། །ཆོས་བྱེད་དང་ནི་སྡིག་ཅན་གཉིས། །མི་ཡུལ་གནས་སུ་གདན་གཅིག་ཀྱང་། །རྒྱུ་འབྲས་ལས་ཀྱི་གདན་བགོས་བྱས། །མཐོ་རིས་ངན་སོང་སོ་སོར་ཕྱེས། །དེ་བཞིན་ཤི་གསོན་གདན་བགོའོ། །ཚེ་ལས་འདས་པ་སྒྲེ་དང་། །གསོན་པོ་རྨེ་བྱ་བ་གཉིས། །སྤར་ཁ་གཅིག་ཏུ་གདན་ཐུག་ཀྱང་། །ལྷ་འདྲེ་གཉིས་ཀྱི་གདན་བགོས་བྱས། །ལྷན་སྐྱེས་བདུད་པོ་ནག་པོ་དེས། །གཤིན་པོའི་གདན་ནི་ནག་པོ་དེ། །དུར་ཁྲོད་དུར་སའི་སྟེང་དུ་བཏིང་། །གཤིན་གསོན་གདན་ས་གཅིག་པ་སྒྱུར། །ཤི་མིག་གསོན་ལ་ལྟ་བ་སྒྱུར། །ཤི་ལག་གསོན་ལ་འཐམས་པ་སྒྱུར། །ད་ནི་ཤི་གསོན་གདན་བགོས་ཚར། །ལྷན་སྐྱེས་ཚེ་ལྷ་དཀར་པོ་དེས། །གསོན་པོའི་གདན་དཀར་ཡར་ལ་སྐྱེལ། །མཐོ་རིས་མི་ཡི་གྲལ་དུ་བཏིང་། །སྲ་བརྟན་མི་ཤིག་རྡོ་རྗེའི་གདན། །འགྱུར་བ་མེད་པ་གཡུང་དྲུང་གདན། །དགའ་བ་དཀར་པོ་འཁྱིལ་བའི་སྟེང་། །གསོན་པོ་རྨེ་ཞེས་བྱ་བ། །ལོ་བརྒྱའི་བར་དུ་བརྟན་པར་བཞུགས། །ཨོཾ་ཨཱ་ཡུཿཔུཎྱེ་

[Full Size]

ཏིཥྛ་ལྷན། ཞེས་བརྗོད་དེ་སྔོན་ནས་བལ་འདབ་དཀར་ནག་གཉིས་སམ། ཡང་ན་ཕྱིང་བ་དཀར་ནག་གཉིས་མདོས་གཏོར་གྱི་ཞབས་སུ་བཞག་པ་འདིའི་ཚིག་མཚམས་སུ་བལ་འདབ་ནག་པོ་གཏོའི་དབུས་ཀྱི་ངར་མའི་དྲུང་དུ་འཕང་ངོ། །བལ་འདབ་དཀར་པོ་གསོན་པོའི་ཉལ་སའི་གདན་འོག་ཏུ་བཅུག །དེ་ནས་ཕོ་མོ་ཟམ་ཐུག་ཡིན་ན། ཕོ་གཡས་མོ་གཡོན་དུ་ལངས་ནས་འདུག་བཅུག །མཆོད་གཡོག་པ་གཅིག་གིས་གཏོར་མ་གཏོར་མདོས་དེ་དཔུང་པའི་ཐད་ཙམ་དུ་མཐོ་བར་བཀྱགས་ལ། ཕོ་ལ་གཡས་བསྐོར་གསུམ་བྱས། དམའ་བ་དཔུས་མོའི་ཐད་ཙམ་དུ་བཟུང་ལ། མོ་ལ་གཡོན་བསྐོར་གསུམ་བྱ། དེ་ཚེ་རོལ་མོ་དང་བཅས་སྐད་ཆེ་བར་སྤར་ཁ་གང་ཡིན་གྱི་སྔགས་མཇུག་ཏུ། སྤར་ཁ་ཟམ་ཐུག་གི་སྐག་སྒྱུར་ཅིག །ཟློག་ཅིག །ཅེས་མང་དུ་བརྗོད། དེ་ནས་ཁ་ཕྱིར་བསྟན་ལ། ནང་དུ་བཞག་བཅུག་གོ །སྤྱི་རིམ་གྱི་མདོས་བཅས་པ་ཡིན་ན། སྤར་ཁའི་གྲངས་རྩིས་ཚད་ཐམས་ཅད་གྲངས་བཅུག་ལ། བུག་པའམ་སྤུངས་བ་དེའི་ནང་ནས་གང་རྩུབ་ཆེ་བ་དེའི་སྤར་ཁའི་སྔགས་བརྗོད་ཅིང་། སྤར་ཁའི་སྐག་སྒྱུར་ཅིག །ཟློག་ཅིག །ཅེས་དྲག་ཏུ་བརྗོད་ཅིང་གཡས་བསྐོར་གསུམ་གཡོན་བསྐོར་གསུམ་བྱེད་བཅུག །དེ་ནས་ཁ་ཕྱིར་བསྟན་ལ་ཐང་དུ་བཞག །བསྐོར་བ་བྱེད་ཚེ་སྐག་དང་རྐྱེན་ངན་ཐམས་ཅད་རྡོ་ཁབ་ལེན་གྱི་ལྕགས་ཕྱེ་བླངས་པ་བཞིན་བསྡུས་ངར་མི་དེ་ལ་སིབ་སིབ་ཐིམ་པར་བསྒོམ། །མི་མ་ཚང་ན་ཞྭ་གོས་བཞག་པ་དེ་ཡིན་པར་བསྒོམ། །གཏོ་སྐོར་འདི་ཟབ་པར་བརྩི་བ་

[Full Size]

ཡིན། མ་འཕྲོད་ཀྱང་སྐྱོན་ནི་མེད། ༈ །དེ་ནས་རྫོངས་འདེབས་རྒྱུའི་ཡོས་བཀྲ་འབྲུ་སྣ་ཅུང་ཟད་ཀྱང་འཚག་ལ། རྫོངས་སུ་འདེབས་ཟེར་དུས་མཆོད་གཡོག་པས་འདེབས་བཅུག །ཧཱུྃ། ང་ནི་འཇམ་དཔལ་ཁྲོས་པའི་སྐུ། །ཁྲོ་བོའི་ནང་ནས་གཤིན་རྗེའི་གཤེད། །དེ་མཐོང་ནས་ནི་ཁྲོ་བོ་གཞན། །ལག་ཆ་ཤོར་ནས་འདར་གྱུར་ན། །སྣང་སྲིད་ལྷ་འདྲེ་སྨོས་ཅི་དགོས། །ང་ཡི་བཀའ་ལས་མ་འདའ་ཞིག། སྤར་ཁ་བརྒྱད་དང་ལོ་བཅུ་གཉིས། །སྣང་ཞིང་སྲིད་པའི་ལྷ་དང་འདྲེ། །དང་པོ་ལན་གཅིག་མི་འབྱོན་རྒྱུས། །འཇམ་པའི་དབྱངས་ཀྱི་དམ་ཚིག་གཉན། །གླུད་དང་གཏོར་མ་མི་ལེན་རྒྱུའི། །བུ་ལོན་ལན་ཆགས་འཇལ་བ་ཡིན། །ད་ནི་གནས་སུ་མི་གཤེགས་རྒྱུའི། །དུས་ངན་མི་རྣམས་སྤྱོད་པ་རྩིང་། །ཐབ་གཞོབ་གྲིབ་ཀྱི་ཕོག་ཉེན་མཆིས། །དེ་བས་ད་ནི་གནས་སུ་གཤེགས། །སྤྲིན་དང་ཁ་རླངས་འཇའ་ཚོན་གསུམ། །ནམ་མཁའི་ངང་ནས་སྤྲུལ་པ་ཤར། །སླར་ཡང་ནམ་མཁའི་ངང་དུ་ཐིམ། །སྤར་ཁ་ལོ་ཟླའི་ས་བདག་རྣམས། །ཆོས་ཀྱི་དབྱིངས་ནས་སྤྲུལ་པ་བྱུང་། །སླར་ཡང་ཆོས་ཀྱི་དབྱིངས་སུ་གཤེགས། །སྤར་ཁ་རང་རང་ཕྱོགས་སུ་གཤེགས། །ལོ་ལྷ་རང་རང་

[Full Size]

གནས་སུ་གཤེགས། །འབྲུ་དང་རིན་ཆེན་རྫོངས་སུ་འདེབས། །ཤེལ་ཚིགས་འབྲས་ཡོས་རྫོངས་སུ་འདེབས། །དར་ཚོན་སྣམ་རས་རྫོངས་སུ་འདེབས། །ད་ནི་རང་གི་གནས་སུ་གཤེགས། འཁོར་གྱི་ལོ་བདུད་འདྲེ་སྲིན་ཚོགས། །ཚྭ་ཡོས་རིམ་རུག་རྫོ་ངས་སུ་འདེབས། །དྲི་གླུད་གོས་དུམ་རྫོངས་སུ་འདེབས། །ཤ་ཤུན་སྤང་སྐམ་རྫོངས་སུ་འདེབས། །ཤ་དུམ་རུས་དུམ་རྫོངས་སུ་འདེབས། །ཟོ་ཤེ་རྐྱལ་ཤེ་རྗེ་ངས་སུ་འདེབས། །དེ་ལྟར་གླད་དང་ཡས་སྟགས་འདིས། །གནོད་པར་བྱེད་པ་ཐམས་ཅད་བཀར། །འདྲེ་ལྔ་བདུད་གཅོད་ཐམས་ཅད་བཀར། །ལི་ཡི་རྟ་འདྲེ་ལང་འདྲེ་བཀར། །ཁོན་གྱི་འོན་ལོང་ཞུ་འདྲེ་བཀར། །དྭ་ཡི་གྲི་བོ་བྲག་སྲིན་བཀར། །ཁེན་གྱི་ཁྱི་གྲི་གནམ་ཐེལ་བཀར། །ཁཾ་གྱི་ཆུ་འདྲེ་རྩོག་འདྲེ་བཀར། །གིན་གྱི་ལྟོག་འགོང་བསེ་རག་བཀར། །ཟིན་གྱི་གཉའ་འདྲི་གྲི་མོ་བཀར། །ཟོན་གྱི་སྨྱོ་འདྲེ་མོ་གདོན་བཀར། །འདྲེ་གདོན་རང་རང་གནས་སུ་སོང་། །ལུང་གསུམ་འདུས་པའི་མདོ་ན་སོང་། །ཆུ་གསུམ་འདུས་པའི་གཞུང་དུ་སོང་། །ལམ་གསུམ་འདུས་པའི་ས་ན་སོང་། །ལྷ་ཁང་སྟོང་པའི་ནང་དུ་སོང་། །བྲག་ཕུག་སྟོང་པའི་ནང་

[Full Size]

དུ་སོང་། །ས་ཕུག་སྟོང་པའི་ནང་དུ་སོང་། །དབེན་གནས་སྟོང་པའི་ནང་དུ་སོང་། །རྐང་གཅིག་ཤིང་གི་དྲུང་དུ་སོང་། །དུར་ཁྲོད་ཆེན་པོའི་ནང་དུ་སོང་། །རྒྱ་མཚོ་ཆེན་པོའི་འགྲམ་དུ་སོང་། །དཔག་ཚད་འདས་པའི་རྒྱབ་ཏུ་སོང་། །རྒྱང་གྲགས་གཅིག་ལས་ཚུར་མ་ཉེ། །ཕྱིན་ཆད་གནས་འདིར་མ་འགྲིམ་ཞིག །བཀའ་དང་དམ་ལས་ཁྱོད་མ་འདའ། །གལ་ཏེ་དམ་ལས་འདས་པ་ན། །ཨརྫ་ཀ་ཡི་རྡོག་པོ་བཞིན། །མགོ་བོ་ཚལ་པ་བདུན་དུ་འགས། །དེ་ཡི་རྩིབ་ལོགས་གཡས་པ་ན། །འབྲས་ཆེན་ནད་ཀྱང་ང་བར་འགྱུར། །ལུས་ངན་དཔལ་དང་ལྡན་པ་ཡི། །གནས་ཀྱང་མཐོང་བར་མི་འགྱུར་རོ། །འབྱུང་པོ་མང་པོ་འཚོགས་པ་ན། །སྟན་ཡང་མཐོང་བར་མི་འགྱུར་རོ། །ཁྲག་ག་ནི་དྲོན་མོ་དག །དེ་ཡི་ཁ་ནས་བསྐྱུག་པར་གྱུར། །འཁོར་ལོ་མཚོན་ཆའི་སོ་འདྲ་བས། །དེ་ཡི་སྣ་དང་རྣ་བ་གཅོད། །དམ་ཚིག་ཆད་པས་སྡིགས་པ་ཡི། །སྙིང་ལ་མེ་ལུས་ཚིག་ནས། །ཤི་ནས་མནར་མེད་དམྱལ་བར་ལྟུང་། །དེ་བས་དོན་ཆུང་གལ་མ་བསྡོ། །ད་ལྟ་ཉིད་དུ་ཕྱིར་དེངས་ཤིག །སརྦ་བྷུ་ཏ་གཙཱ་གཙྪ། ཞེས་བརྗོད་ཐུན་ནམ་ནས་

[Full Size]

ལྕག་བརྒྱབ། །ནད་པ་ཡིན་ན་ལོ་བདུད་ཕྱོགས། །བདེ་རིམ་ཡིན་ན་ཡས་ལམ་མམ། །ཡང་ན་སྤར་ཁའི་གནས་ཕྱོགས་ཕུལ། །སྤར་ཁ་བུག་ན་བུག་སའི་ཕྱོགས། །ཕྱོགས་ཡོ་རེད་ན་སྟོང་པའི་ཕྱོགས། །ཟམ་ཐུག་རེད་ན་ཕོ་དེ་ཡི། །ལྷལོ་བདུད་ཕྱོགས་ཟུར་ཐོག་ཏུ་ཕུལ། །གདན་འཛོམ་ཡིན་ན་དུར་ཐོག་གམ། །དུར་དེ་ཡོད་པའི་ཕྱོགས་སུ་ཕུལ། །སྒོ་བཞི་ཕྱེའམ་རྩ་བཞི་འཁུམས། །གཏོ་གླུད་དུམ་བུ་བཞིར་བགོས་ལ། །ཕྱོགས་བཞིའམ་ནི་མཚམས་བཞིར་ཕུལ། ༈ ། ཨེ་མ་ཧོ། རྒྱ་ནག་གཏོ་མཛོད་གསང་བ་འབུམ་ཐིག་དང་། །འབྲུ་ཤའི་གཏོ་བཀྲ་རིན་ཆེན་སིལ་མ་དང་། །སྤར་ཁའི་གཏོ་ཆུང་སིལ་མ་ལ་སོགས་པ། །གཏོ་ཡི་རྒྱ་གཞུང་ཁུངས་བཙུན་མང་མཆིས་ཀྱང་། །རྫས་ཀྱང་རྙེད་དཀའ་འདོན་ཆ་མི་གསལ་ཕྱིར། །དེ་དག་ལག་ཏུ་ལེན་མཁན་འགའ་ཡང་མེད། །ཁམས་ཀྱི་ཆུ་གཟིངས་གདན་གཏོ་གདན་བགོས་དང་། །ཆུང་གླུད་འབོ་རེ་མར་མེ་དོང་སྤར་སོགས། །དེང་སང་གྲགས་ཆེ་བྱེད་མཁན་མང་ན་ཡང་། །བྱིས་པའི་དྲི་གླུད་ཁྲུས་ཁུ་མནན་པ་དང་། །མཚོ་གཉན་ནང་དུ་དྲི་གླུད་ཁྲུས་ཁུ་འདེབས། །ཀླུ་བདུད་གནས་པའི་ཆུ་སྟེང་མར་མེ་སྦར། །དེ་འདྲས་ཕན་གནོད་ཅི་འགྱུར་ཆ་མ་འཚལ། །སྤར་ཁའི་གཏོ་བརྒྱད་རྒྱས་འབྲིང་བསྡུས་གསུམ་སོགས། །ཀུན་ལ་གྲགས་ཆེ་དེང་སང་བྱེད་ན་ཡང་། །མཛད་བྱང་མི་འདུག་སྔར་ནས་ལུང་རྒྱུན་ཆད། །བྱིན་རླབས་བསྔོ་བྱང་ལུང་གཞན་ཆ་ཚང་མེད། །ཚིག་རིས་རྣམས་ཀྱང་མ་དག་དོན་མེད་མང་། །དེ་ཕྱིར་མ་འོངས་འགྲོ་ལ་ཕན་པའི་ཕྱིར། །རིག་འཛིན་ཆེན་པོ་མི་

[Full Size]

འགྱུར་རྡོ་རྗེ་ལ། །འཇམ་པའི་དབྱངས་ཀྱིས་དངོས་སུ་གསུངས་ངེས་པའི། །གནམ་ཆོས་སྐག་ཟློག་ཚན་པ་གཉིས་པོ་དང་། །དགོངས་གཏེར་སྐག་ཟློག་རྣམས་ཀྱི་དོན་བསྡུས་ནས། །འདོན་ཆ་གཏེར་བློན་རཱ་ག་ཨ་སྱས་སྦྱར། །རྩིས་ཀྱི་ཕྱོགས་མགོ་མི་མཁྱེན་པས་གཟིགས་ན། །བན་རྒན་དྲུག་ཅུ་རེ་བཞིའི་ལོ་མཇུག་གི། གཅོས་གཏམ་ཉོབ་ཆེ་ཐུགས་ལ་འཆར་སྲིད་ཀྱང་། །རྩིས་ཀྱི་ཧ་ཁོག་གོ་བས་འདི་གཟིགས་ན། །གཏོ་དཔེ་རྩིས་དཔེ་གཉིས་ཀའི་གོ་ཆོད་པ། །སྔགས་ཆུང་གསར་བུ་རྣམས་ལ་གསེར་བས་འཕོངས། །རྩིས་གཞུང་ཚད་ལྡན་ཀུན་གྱི་དོན་བསྡུས་ཡིན། །ཁོ་བོ་སྔར་དུས་ཉམས་དང་རྨི་ལམ་མཚམས། །ནམ་མཁའ་བར་སྣང་ཐམས་ཅད་གང་བ་ཡི། །ལོ་རྒན་དྲུག་ཅུ་འཇའ་ལྟར་ཤར་བ་མཐོང་། །དེ་དུས་དེ་དོན་གང་ཡིན་མ་ཤེས་ཏེ། །དེ་ཕྱིར་རྩིས་དཔེ་གཏོ་དཔེ་མང་དུ་བརྩམ། །དེ་ཡི་རྟེན་འབྲེལ་ཡིན་པར་ཕྱིས་ནས་གོ །ཁོ་བོ་ཆུང་ནས་རྩིས་ལ་གོམས་པ་དང་། །རྩིས་ཀྱི་རྒྱུད་གཞུང་མཐའ་ཡས་མཐོང་བའི་ཕྱིར། །ཅི་དྲན་སྨྲས་པ་མ་ཡིན་གནད་ཆེན་ཡོད། །དེ་ཕྱིར་ཕྱིན་ཆད་སྣོན་འཕྲི་མ་བྱེད་ཅིག །སྤར་ཁ་ལོ་ཟླ་ཞག་དུས་ས་བདག་ལ། །བཀའ་འདི་གཏད་དོ་མི་ནུབ་འཕེལ་རྒྱས་མཛོད། །ཡིག་མཁན་དགེ་སློང་ཧྭ་ཤང་འདྲ་བས་བྲིས། །ཉེས་འགལ་མཆིས་ན་འབྱུང་བའི་ལྷ་ལ་བཤགས། །དགེ་བས་འགྲོ་བའི་བར་ཆད་ཀུན་ཞི་ནས། །མིའུ་རིན་ཆེན་ཚེ་མཐར་ཕྱིན་པར་ཤོག། །། ༧ བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔེའུ་རིས།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

གནམ་ཆོས་མི་འགྱུར་རྡོ་རྗེའི་དགོངས་གཏེར་དབང་ཕྱུག་ཟོར་མདོས་ཀྱི་བཀའ་གཏད་བྱ་ཐབས།

[Full Size]

གནམ་ཆོས་མི་འགྱུར་རྡོ་རྗེའི་དགོངས་གཏེར་དབང་ཕྱུག་ཟོར་མདོས་ཀྱི་བཀའ་གཏད་བྱ་ཐབས་བཞུགས་སོ།

[Full Size]

ན་མོ་གུ་རུ་ཛྙཱ་ན་ཌཱ་ཀི་ནཱི་ཡེ། དབང་ཕྱུག་ཟོར་མདོས་ཀྱི་བཀའ་གཏད་ཁོལ་ཕྱུང་དུ་བྱེད་ན། བདག་བསྐྱེད་ཡི་དམ་གང་རུང་སྔོན་དུ་བཏང་ཡང་ཆོག་ལ། འདིར་བདག་བསྐྱེད་བསྡུས་པ་ཡོད་པས་ཟུར་དུ་མེད་ཀྱང་ཆོག །མདོས་གདན་གཡང་གཞིའི་སྟེང་ཟངས་ལྕགས་ཀྱི་སྣོད་དུ་ཀོང་བུ་ཟུར་གསུམ་ནང་དུ་དམར་གཏོར་བཞག་ལ་དབུས་སུ་ཆེ་བ་གཅིག་ལ་ཆུང་བ་བཞིས་བསྐོར། རྩང་གསུམ་རེ་བསྣོལ་མར་གཟུགས། འཛོམ་ན་ཚེ་དང་ཡུངས་ཀར་གོང་བུས་བརྒྱན། ཤ་ཁྲག་བླུག །སྨན་རཀ་གཏོར་གསུམ་དང་ཉེར་སྤྱོད་དངོས་སུ་བཤམས་པའམ་ཡིད་སྤྲུལ་གྱིས་ཀྱང་འཐུས། གོང་ལྟར་བཅའ་གཞི་གྲུབ་ནས་སློབ་མ་མདུན་དུ་འཁོད། སེམས་བསྐྱེད་གསལ་གདབ། བཀའ་གཏད་ཞུ་བའི་ཡོན་དུ་མཎྜལ་འབུལ་གཞུག །སློབ་དཔོན་གྱིས་སྒོམ་

[Full Size]

བཟླས་བྱས་ཏེ། ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ཀ་དག་ཀློང་ནས་སྤྲུལ་པ་ཡི༔ གནམ་ས་གང་བའི་མཆོད་པའི་སྤྲིན༔ སྨན་གཏོར་རཀྟ་ལྷ་མོར་བཅས༔ ཟད་མེད་གྱུར་ཅིག་པཱུ་ཛ་ཧོཿ ཡེ་ནས་དམ་ཚིག་དང་ཡེ་ཤེས་དབྱེར་མེད་པའི་རང་བཞིན༔ རང་ཉིད་མཁའ་འགྲོ་མ་སེང་གེའི་གདོང་པ་ཅན་སྐུ་མདོག་མཐིང་ནག་གྲི་གུག་ཐོད་ཁྲག་འཛིན་པ་ཞབས་གར་ཐབས་མཛད་པ༔ ཐུགས་ཀར་ཉི་སྟེང་སྔགས་ཕྲེང་གཡོན་དུ་

[Full Size]

འཁོར་བ༔ དེའི་མདུན་དུ་མ་མོ་མཁའ་འགྲོ་ལྷ་སྲིན་སྡེ་བརྒྱད་ཐམས་ཅད་སྤྲིན་ལྟར་འཁྲིགས་ནས་ལས་བསྒྲུབ་པར་གྱུར༔ ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ༔ བརྒྱ་རྩ་ཙམ་བཟླ་བ་ནི་བསྙེན་པའོ༔ སྐད་ཅིག་གིས་རང་ཉིད་གནས་འགྱུར༔ བདག་དང་མདུན་བསྐྱེད་ཟོར་དང་རྩང་རྣམས་སོ་སོར༔ མཁའ་འགྲོ་བྱད་ཟློག་མ་སྐུ་མདོག་ལྕགས་སྲེག་ལྟ་བུ༔ གནས་ལྕགས་ཀྱི་ཚྭ་ཚྭ་འཕྲོ་བ༔ ཁྲོ་མོའི་ཆས་ཐམས་ཅད་རྫོགས་པ་ཕྱག་གཉིས་ཟངས་གྲི་དང་ཐོད་ཁྲག་འཛིན་པ༔ སྐུ་སྨད་ལྕགས་སྲེག་གི་ཕུར་པས་བན་བོན་ཉམས་པའི་སྙིང་གར་ཚོགཟིར་བ༔ དེའི་ཤར་དུ་དཀར་མོ་སེང་གདོང་༔ ལྷོར་སེར་མོ་སྟག་གདོང་༔ ནུབ་ཏུ་དམར་མོ་དྲེད་གདོང་༔ བྱང་དུ་ནག་མོ་དོམ་གདོང་༔ ཐམས་ཅད་ཀྱང་གཙོ་མོ་ལྟ་བུ་རང་རྟགས་ཀྱིས་མཚན་པའི་ཟངས་གྲི་དང་ཐོད་ཁྲག་འཛིན་པ༔ སེང་གེ་དང་སྟག་དང་དྲེད་དང་དོམ་གྱི་ཤུན་པ་གྱོན་པ་སྐུ་སྨད་ལྕགས་སྲེག་གི་ཕུར་པ་ཅན༔ འཁོར་དབང་མོ་ཉི་ཤུ་རྩ་བརྒྱད་ཀྱིས་བསྐོར་བའོ༔ བདག་མདུན་ཐུགས་ཀའི་འོད་ཟེར་གྱིས་ཡེ་ཤེས་པ་སྤྱན་དྲངས༔ བྷྱོཿ མུ་ལེ་མཚོ་དང་ཡོངས་འདུའི་ཤིང་། །དུར་ཁྲོད་བརྒྱད་སོགས་བཞུགས་

[Full Size]

གནས་ནས། །བྱད་ཟློག་ལྷ་མོ་མཆེད་ལྔ་དང་། །དབང་མོ་ཉེར་བརྒྱད་སྤྱན་འདྲེན་ནོ། །སྡང་དགྲའི་སྟེང་དུ་དགྱེས་པར་བཞུགས། །ཨོཾ་པཉྩ་ཊཱཀི་བྷྱོ་ས་ཡ་སི་ཧཱུྃ་ཛཿ ཛཿཧཱུྃ་བཾ་ཧོཿ དངོས་འབྱོར་ཡིད་ཀྱིས་སྤྲུལ་པ་ཡི། །མེ་ཏོག་བདུག་སྤོས་མར་མེ་དྲི། །བཤོས་བུ་གཟུགས་སྒྲ་དྲི་རོ་དང་། །རེག་བྱ་སྨན་གཏོར་རཀྟ་ཚོགས། །ཁྱད་ཟློག་ལྷ་མོ་མཆེད་ལྔ་དང་། །དབང་མོ་འཁོར་དང་བཅས་ལ་འབུལ། །འཁོར་བཅས་མཉེས་ཤིང་ཚིམ་གྱུར་ཅིག །ཨོཾ་པཉྩ་ཌཱ་ཀི་བྷྱོ་ས་ཡ་སི་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི་ཁཱ་ཧི། ཨརྒྷཾ་པཉྩེ་དྷུ་པེ་ཨཱ་ལོ་ཀེ་གནྡྷེ་ནི་བི་དྱ་ཤབྡ་ཨཱཿཧཱུྃ། བློ། ཆོས་སྐུ་སྐྱེ་མེད་ངང་ཉིད་ལས། །འགྲོ་བའི་དོན་དུ་སྐུར་སྤྲུལ་ནས། །འཇིག་རྟེན་འདས་ཀྱང་འཁོར་བའི་ཚུལ། །མ་དང་སྲིང་ལྟར་སྒྲུབ་ལ་བརྩེ། །བྱད་ཟློག་ལྷ་མོ་མཆེད་ལྔ་དང་། །དབང་མོ་ཉེར་བརྒྱད་ལ་བསྟོད་དོ། །དམ་རྫས་མཆོད་གཏོར་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །བདག་ཅག་དཔོན་སློབ་འཁོར་བཅས་ཀྱི། །ཡམས་ནད་རིམས་ནད་ཞི་བ་དང་། །འབྲུ་དང་རྐང་འགྲོས་འཕེལ་རྒྱས་མཛོད། །འདོད་དགུ་ཐམས་ཅད་

[Full Size]

དབང་དུ་སྡུས། །གནོད་ཅིང་འཚེ་བའི་དགྲ་བགེགས་སྒྲོལ། །མ་གཡེལ་མྱུར་དུ་ལས་མཛོད་ཅིག །བཅོལ་བའི་ཕྲིན་ལས་སྒྲུབ་པར་མཛོད། །ལྷ་མོ་ལྔ་ཡི་ཐུགས་ཀ་རུ། །ཧཱུྃ་ཨཱཙྪཱཧཱིཙནིསཡིས་མཚན། །གཙོ་འཁོར་ཀུན་གྱིས་སྔགས་ཀྱི་སྒྲ། །འབྲུག་སྟོང་ལྡིར་བ་ལྟར་དུ་བཟླས། །རི་རབ་འགུལ་ཞིང་རྒྱ་མཚོ་འཁྱམས། །ལྷ་སྲིན་སྡེ་བརྒྱད་སྔངས་ཤིང་འདར། །བྱད་མས་བྱས་པའི་བསམ་སྦྱོར་ཀུན། །ཁོ་རང་ཐོག་ཏུ་ལོག་སྟེ་སོང་། །སྐུ་ལས་གནས་ལྕགས་དྲག་པོའི་ཐོག །ཚྭ་ཚྭའི་ཚུལ་དུ་དཔག་མེད་འཕྲོས། །གནོད་བྱེད་ཐམས་ཅད་གཞོབ་ཏུ་བསྲེག །སྐུ་སྨད་ལྕགས་སྲེག་ཕུར་པ་ནི། །གནོད་བྱེད་རྣམས་ཀྱི་སྙིང་ལ་གཟེར། །སྒོ་གསུམ་ནུས་པ་བཅོམ་པར་གྱུར། སྦྱོ། ཧཱུྃཏྲི་མ་ནུ་ཁྲོ་བྷྱོ། དུ་དུ་ཙ་ཤ་ནན༔ ཨཀཱ་ལ་ནི་ཁྲོ་བྷྱོཿ ཤད་བུ་གྱེན་བུ་ནན༔ སར་མ་ནི་ཁྲོ་བློ༔ ཏྲ་ནི་ཏྲ་ནི་ནན༔ ནིལི་དྷ་ར་ཁྲོ་བྷུ་ཏྲི་ཕུ་ཏྲི་ཕུ་ནན༔ ཧྲཱིཿཤ་ཏྲ་ཁྲོ་བྷྱོཿ དུན་ཏིང་དུ་ནན༔ ཨ་ཏིཿནི་ས་བྷྱོཿ བྱེད་མ་ལྷ་སྲུང་དང་བཅས་པ་མཱ་ར་ཕཊ༔ སྔགས་དང་ཅི་ལྕོགས་བཟླ་བ་སྒྲུབ་པའོ། །བྷྱོ་ས་ཡ་སི་བྷྱོཿ བརྒྱ་རྩ་ཙམ་བཟླ་ན་ལས་སྦྱོར་རོ། །དེ་ནས་ཟོར་ལྔ་པོ་བྱང་། ནུབ།

[Full Size]

ལྷོ། ཤར། དབུས་མ་རིམ་པར་བླངས་ཏེ་སློབ་མའི་ལག་ཏུ་གཏད་ལ། བྷྱོ། བྱད་ཟློག་ལྷ་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་ཀྱི། །བྱད་ཁ་དྲོད་གཏོང་ཐམས་ཅད་ཟློག །ཉམས་པ་ལྷ་སྲུང་བཅས་པ་ཀུན། །རྡུལ་ཕྲན་བཞིན་དུ་བརླག་པར་མཛོད། །ཅེས་དང་གོང་གི་སྔགས་ཚན་གསུམ་པོ་བརྗོད་ལ་ཕྱོགས་གཙང་སར་འཕེན་ཏུ་བཅུག །བྱད་ཟློག་ལྷ་མོ་མཆེད་ལྔ་དང་། །དབང་ཕྱུག་ཉི་ཤུ་རྩ་བརྒྱད་རྣམས། །མ་མོ་མཁའ་འགྲོ་བཞུགས་པའི་གནས། །བྱང་ཤར་ཆོས་ཀྱི་དབྱིངས་སུ་གཤེགས། །སརྦ་ཛྙཱ་ན་ཌཱ་ཀི་ནཱི་ཤྭ་རི་བཛྲ་མུཿ༔ གཏོར་སྣོད་སྦུབ། རྡོ་རྗེ་རྒྱ་གྲམ་དུ་བཞག་ལ། ཨཀསམརཿཙཤདརཿསཐམརཿཡཿཕཊ༔ རང་ཉིད་དྲན་རྫོགས་མཁའ་འགྲོ་སེང་གདོང་མ། །གྲི་ཐོད་ཁ་ཊཾ་འཛིན་ཅིང་གར་ཐབས་མཛོད། །གནོད་བྱེད་གདོན་བགེགས་དམ་སྲི་ཐམས་ཅད་རྣམས། །རྒྱ་ཁབ་སོ་འབོལ་ནང་དུ་བཏབ་པ་ལྟར། །རིམ་དགུ་ས་ཡི་འོག་ཏུ་ཏལ་ལེ་སོང་། །གཏོར་གཞོང་རི་རབ་གླིང་བཞིས་སྟེང་ནས་མནན། །བྱམས་མགོན་མ་བྱོན་བར་དུ་མ་ལྡངས་ཤིག །ཨོཾ་ལཾ་ཧཱུྃ་ལཾ་སྟྭཾ་མྦྷ་ཡ་ནན།

[Full Size]

གཏོར་གཞོང་གཟེད་ལ་འབྲུ་འཐོར། ཡེ་དྷར་དང་ཤིས་བརྗོད་ཇི་ལྟར་རིགས་པ་བྱ། དེས་དགོངས་གཏེར་དབང་ཕྱུག་ཟོར་མདོས་ཀྱི་བཀའ་གཏད་ཐོབ་པ་ཡིན་པས་གཏང་རག་ཏུ་མཎྜལ་ཕུལ། ཅེས་པ་ཙམ་གྱིས་འགྲུབ་བོ། །ཞེས་པའང་རྩིས་གཏོ་བཅའ་མཁན་སོགས་ལ་ཉེ་བར་མཁོ་བའི་ཕྱིར་དུ་བརྒྱུད་པའི་ཕྱག་བཞེས་ལྟར་པདྨ་གར་དབང་རྩེལ་གྱིས་ཆགས་མེད་གསུང་ལས་ཁོལ་དུ་ཕྱུང་བ་དགེ་ལེགས་འཕེལ། འདི་ལ་ཕྱག་ལེན་རྒྱས་པའི་ཕྱོགས་བྱས་ན། ཐོག་མར་བཀའ་གཏད་ཀྱི་ཆེས་ཀྱང་བཤམ། སྒོམ་བཟླས་གྲུབ་པ་དང་ཆོས་སྐྱོང་སྤྱིའི་བཀའ་གཏད་ལྟར་བྱ། མཐར་ཟོར་གཏད་པ་མན་ཆད་འདི་ལྟར་སྦྱར་བ་ཡིན་ནོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

གནམ་ཆོས་དགོངས་གཏེར་ལས་དབང་ཕྱུག་མའི་ཟོར་མདོས་ཁྱེར་བདེ་བར་བཀོད་པ།

[Full Size]

གནམ་ཆོས་དགོངས་གཏེར་ལས་དབང་ཕྱུག་མའི་ཟོར་མདོས་ཁྱེར་བདེ་བར་བཀོད་པ་བཞུགས་སོ། །

[Full Size]

སརྦ་ཛྙཱ་ན་དྷ་ཀི་ན་མོ། དགོངས་གཏེར་རྡོ་རྗེའི་གསུངས་ལས་བཀོད་པའི་དོན། །དབང་ཕྱུག་མ་ཡི་ཟོར་མདོས་བསྡུས་པ་བཀོད། །ཌཱཀི་རྣམས་ཀྱིས་བཀའ་གནང་བྱིན་གྱིས་རློབས། །མདོས་གདན་གཡང་གཞི་གང་ཡང་རུང་བའི་སྟེང་། །དབུས་སུ་ཟོར་ཆེན་གཅིག་གི་ཕྱོགས་བཞི་རུ། །ཀོང་ཟོར་དེ་ལས་ཆུང་བ་བཞི་ཡིས་བསྐོར། །དེ་རྒྱབ་ཀོང་ཟོར་ཆུང་ངུ་ཉི་ཤུ་བརྒྱད། །བསྡུས་ན་ཉེར་བརྒྱད་བཞི་ལ་བསྡུས་པས་ཆོག །ཀོང་ཟོར་རྣམས་ནི་ཀོང་བུ་ཟུར་གསུམ་དབྱིབས། །ནང་དུ་ཟོར་མེད་དམར་གཏོར་ཆུང་ངུ་རེ། །ཟུར་གསུམ་རྩང་དེ་རྩེགསུམ་བསྣོལ་ལ་བཙུགས། །ཞིབ་པར་དཔེའུ་རིས་ལ་བལྟས་པས་གསལ། །གལ་ཆེན་ཡོད་ན་ཤོག་ལིང་བྲིས་ནས་ཀྱང་། །གཡང་གཞི་དང་ནི་མདོས་སྣོད་བར་དུ་བཅུག །བསྡུས་ན་ཟན་

[Full Size]

ལིང་གཅིག་བྱས་མགོ་ཐུར་དུ། །ཟོར་ཆེན་མདུན་དུ་བཞག་པས་འཐུས་པ་ཡིན། །ཤ་ཁྲག་མཚེ་དང་ཡུངས་ཀར་སྒང་བུས་བརྒྱན། །དེ་ནི་ཟོར་སྒྲུབ་ཟོར་མདོས་བཅའ་ཚོགས་ཏེ། །བཀའ་གཏད་རྐྱང་པར་ཟོར་ཆུང་ལྔ་ཡིས་ཆོག །ཟོར་མདོས་དེ་ལ་ཟོར་ཁེབས་ཟུར་གསུམ་བཀབ། །ལྷ་གཞུང་སྔོན་དུ་སོང་ནས་ཟོར་མདོས་བྲན། །འདི་ལ་བསྙེན་དང་སྒྲུབ་པ་ལས་སྦྱོར་གསུམ། །དང་པོ་བསྙེན་པ་བྱ་བའི་རིམ་པ་ནི། །ཡེ་ནས་དམ་ཚིག་པ་དང་ཡེ་ཤེས་པ་དབྱེར་མེད་པའི་རང་བཞིན། རང་ཉིད་མཁའ་འགྲོ་མ་སེང་གེའི་གདོང་པ་ཅན། སྐུ་མདོག་མཐིང་ནག་གྲི་ཐོད་འཛིན་པ་ཞབས་གར་སྟབས་མཛད་པ། ཐུགས་ཀར་ཉི་སྟེང་སྔགས་ཕྲེང་གཡོན་དུ་འཁོར་བ། དེའི་

[Full Size]

མདུན་དུ་མ་མོ་མཁའ་འགྲོ་ལྷ་སྲིན་ཐམས་ཅད་སྤྲིན་ལྟར་འཁྲིགས་ནས་ལས་བསྒྲུབ་པར་གྱུར། ཨཿཀཿསཿམཿཙཿཤཿདཿརཿསཿམཿརཿཡཿཕཊ༔ བརྒྱ་ལས་མི་ཉུང་ཅི་མང་བསྙེན་པ་བྱ། །སྐད་ཅིག་གིས་རང་ཉིད་གནས་འགྱུར་ནས་བདག་དང་མདུན་བསྐྱེད་ཟོར་དང་རྩང་རྣམས་སོ་སོར། མཁའ་འགྲོ་བྱད་ཟློག་མ་སྐུ་མདོག་ལྕགས་སྲེག་ལྟ་བུ། གནམ་ལྕགས་ཀྱི་ཚྭ་ཚྭ་འཕྲོ་བ་ཁྲོ་མོའི་ཆས་ཐམས་ཅད་རྫོགས་པ། ཕྱག་གཉིས་ཟངས་གྲི་དང་ཐོད་ཁྲག་འཛིན་པ། སྐུ་སྨད་ལྕགས་སྲེག་གི་ཕུར་པས་བན་བོན་ཉམས་པའི་སྙིང་གར་གཟིར་བ། དེའི་ཤར་དུ་དཀར་མོ་སེང་གདོང་། ལྷོ་རུ་སེར་མོ་སྟག་གདོང་། ནུབ་ཏུ་དམར་མོ་དྲེད་གདོང་། བྱང་དུ་ནག་མོ་དོམ་གདོང་། ཐམས་ཅད་ཀྱང་གཙོ་མོ་ལྟ་བུ་རང་རྟགས་ཀྱིས་མཚན་པའི་ཟངས་གྲི་དང་ཐོད་ཁྲག་འཛིན་པ། སེང་གེ་དང་སྟག་དང་དྲེད་དང་དོམ་གྱི་ཤུན་པ་གྱོན་པ་སྐུ་སྨད་ལྕགས་སྲེག་གི་ཕུར་པ་ཅན། འཁོར་དབང་མོ་ཉི་ཤུ་རྩ་བརྒྱད་ཀྱིས་བསྐོར་བའོ། །བདག་མདུན་ཐུགས་ཀའི་འོད་ཟེར་གྱིས་ཡེ་ཤེས་པ་སྤྱན་དྲངས། བྷྱོཿ མུ་ལེ་མཚོ་དང་ཡོངས་འདུས་ཤིང་། །དུར་ཁྲོད་བརྒྱད་སོགས་བཞུགས་གནས་ནས། །བྱད་ཟློག་ལྷ་མོ་

[Full Size]

མཆེད་ལྔ་དང་། །དབང་མོ་ཉེར་བརྒྱད་སྤྱན་འདྲེན་ན། །སྡང་དགྲའི་སྟེང་དུ་དགྱེས་པར་བཞུགས། །ཨོཾ་སརྦ་པཉྩ་དྷཱ་ཀི་བྷྱོ་ས་ཡ་སི་ཧཱུྃཛཿཛཿ་ཧཱུྃ་བཾ་ཧོཿ དངོས་འབྱོར་ཡིད་ཀྱིས་སྤྲུལ་པ་ཡི། །མེ་ཏོག་བདུག་སྤོས་མར་མེ་དྲི། །བཤོས་བུ་གཟུགས་སྒྲ་དྲི་རོ་དང་། །རེག་བྱ་སྨན་གཏོར་རཀྟའི་ཚོགས། །ཁྱད་ཟློག་ལྷ་མོ་མཆེད་ལྔ་དང་། །ལ་དབང་མོ་འཁོར་དང་བཅས་ལ་འབུལ། །འཁོར་བཅས་མཉེས་ཤིང་ཚིམ་གྱུར་ཅིག །ཨོཾ་པཉྩ་དྷ་ཀི་བྷྱོ་ས་ཡ་སི་ཨ་མྲ་མ་ཧཱ་ཏ་བ་ལི་ཏ་རཀྟ་ཁཱ་ཧི་ཁཱ་ཧི། ཨདྷཾ་སོགས། བྷྱོཿ ཆོས་སྐུ་སྐྱེ་མེད་ངང་ཉིད་ལས། །འགྲོ་བའི་དོན་དུ་སྐུ་སྤྲུལ་ནས། །འཇིག་རྟེན་འདས་ཀྱང་འཁོར་བའི་ཚུལ། །མ་དང་སྲིང་ལྟར་སྒྲུབ་ལ་བརྩེ། །བྱད་ཟློག་ལྷ་མོ་མཆེད་ལྔ་དང་། །དབང་མོ་ཉེར་བརྒྱད་ལ་བསྟོད་དོ། །དམ་རྫ་ས་མཆོད་གཏོར་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །བདག་ཅག་དཔོན་སློབ་འཁོར་བཅས་ཀྱི། །ཡམས་ནད་རིམས་ནད་ཞི་བ་དང་། །འབྲུ་དང་རྐང་འགྲོས་འཕེལ་རྒྱས་མཛོད། །འདོད་དགུ་ཐམས་ཅད་དབང་དུ་སྡུས། །གནོད་ཅིང་འཚེ་བའི་དགྲ་བགེགས་སྒྲོལ། །མ་

[Full Size]

གཡེལ་མྱུར་དུ་ལས་མཛོད་ཅིག །བཅོལ་བའི་ཕྲིན་ལས་འགྲུབ་པར་མཛོད། །ལྷ་མོ་ལྔ་ཡི་ཐུགས་ཀ་རུ། །ཧཱུྃཿཨཿཧྲཱིཿནིཿསཿཡིས་མཚན། །གཙོ་འཁོར་ཀུན་གྱི་སྔགས་ཀྱི་སྒྲ། འབྲུག་སྟོང་ལྡིར་བ་ལྟར་བུ་བཟླ། །རི་རབ་འགུལ་ཞིང་རྒྱ་མཚོ་འཁྱོམས། །ལྷ་སྲིན་སྡེ་བརྒྱད་སྔངས་ཤིང་འདར། །བྱད་མས་བྱས་པས་བསམ་སྦྱོར་ཀུན། །ཁོ་རང་ཐག་ཏུ་ལོག་སྟེ་སོང་། །སྐུ་ལས་གནམ་ལྕགས་དྲག་པོའི་ཐོག །ཚྭ་ཚྭའི་ཚུལ་དུ་དཔག་མེད་འཕྲོས། །གནོད་བྱེད་ཐམས་ཅད་གཞོབ་ཏུ་བསྲེག །སྐུ་སྨད་ལྕགས་སྲེག་ཕུར་པ་ནི། །གནོད་བྱེད་རྣམས་ཀྱི་སྙིང་གར་གཟིར། །སྒོ་གསུམ་ནུས་པ་བཅོམ་པར་གྱུར། །དེ་ལྟར་བསྒོམ་ཞིང་སྔགས་དེ་ཉིད། ཅི་ནུས་བཟླས་པ་སྒྲུབ་པ་ཡིན། བྷྱོ་ཧཱུྃ་ཏྲི་མ་ནུ་ཁྲོ་བྷྱོཿ དུ་དུ་ཙ་ཤ་ནན། ཨཿཀ་མ་ནུ་ཁྲོམ་བྷྱོ། ཤད་བུ་གྱེན་བུ་ནན། ས་ར་མ་ནི་ཁྲོམ་བློ། ཏྲ་ནི་ཏྲ་ནི་ནན། ནི་ལི་དྷ་ར་ཁྲོམ་བློ། ཏྲི་ཕུ་ཏྲི་ཕུ་ནན། ཧྲཱིཿཤ་ཏྲ་ཁྲོམ་བྷྱོ། དུན་ཏིང་དུ་ནན། ཨཱ་ཧྲིནི་ས་བྷྱོ་བྱད་མ་ལྷ་སྲུང་བཅས་པ་མཱ་ར་ཡ་ཕཊ༔ དེ་ནས་ཟོར་མདོས་ཡིན་ན་ནི། དབང་ཕྱུག་མའི་སྔགས་འདི་བརྗོད། བྷྱོཿས་ཡ་སི་བྷྱོ། དེ་ནི་ཅི་ལྕོགས་བཟླས་པར་བྱ། འདི་ཡི་བཀའ་གཏད་བྱེད་པ་ནི། །འདི་

[Full Size]

ཡན་བརྗོད་རྗེས་ཟོར་ལྔ་པོ། །རིམ་བཞིན་ལག་ཏུ་གཏད་ནས་ཀྱང་། །ཕྱོགས་གཙང་ཕྱོགས་སུ་འཕེན་དུ་འཇུག །དེ་ནས་མཎྜལ་ཕུལ་བར་བྱ། །དེས་ནི་འདི་ཡི་བཀའ་གཏད་ཐོབ། །ཟོར་སྒྲུབ་ཟོར་མདོས་གང་ཡང་རུང། །ཟོར་མདོས་ཡིན་ན་གསོ་བྲན་བྱ། །ཐུགས་དམ་བསྐངས་བར་མ་བྱས་ན། །རྐྱེན་དབང་བཟློག་པར་མི་འགྱུར་བས། །དེ་ཕྱིར་དང་པོ་བསྐང་བ་ནི། །ཧཱུྃ། མ་མོ་ཀུན་གྱི་ཡང་རྗེ་མོ། །ཡེ་ཤེས་མཁའ་འགྲོ་བྱད་ཟློག་མ། །འཁོར་བཅས་ཐུགས་དམ་བསྐང་བའི་རྫ་ས། །སྲིད་པའི་ཟོར་མདོས་གཞུང་བཞིན་བཤམས། །དམར་གཏོར་ཤ་ཁྲག་རྩང་གིས་བརྒྱན། །མཚེ་དང་ཡུངས་ཀར་སྒང་བུ་བཙུགས། །མ་མོ་མཁའ་འགྲོའི་སྤྱན་ལམ་དུ། །ཅི་འདོད་མཆོད་པའི་སྤྲིན་ཕུང་གཏིབས། །བྱད་ཁ་བཟློག་པའི་མཐུ་མོ་ཆེ། །ཡེ་ཤེས་མཁའ་འགྲོའི་ཐུགས་དམ་བསྐང། །སེང་གདོང་དཀར་མོའི་ཐུགས་དམ་བསྐང་། །སྟག་གདོང་སེར་མོའི་ཐུགས་དམ་བསྐང་། །དྲེད་གདོང་དམར་མོའི་ཐུགས་དམ་བསྐང་། །དོམ་གདོང་ནག་མོའི་ཐུགས་དམ་བསྐང་། །མཁའ་འགྲོའི་བཀའ་སྡོད་སྲུང་མ་ནི། །དབང་ཕྱུག་མ་ཚོགས་ཐུགས་དམ་བསྐང་། །མི་མཐུན་ཕྱོགས་རྣམས་ཞི་བའི་ཕྱིར། །ཤར་གྱི་མ་བདུན་ཐུགས་དམ་

[Full Size]

བསྐང། །ཚེ་དབང་ལོངས་སྤྱོད་རྒྱས་པའི་ཕྱིར། །ལྷོ་ཡི་མ་བདུན་ཐུགས་དམ་བསྐང་། །ཁམས་གསུམ་དབང་དུ་བསྡུས་པའི་ཕྱིར། །ནུབ་ཀྱི་མ་བདུན་ཐུགས་དམ་བསྐང་། །དྲག་པོའི་ལས་རྣམས་མཐར་ཕྱིན་ཕྱིར། །བྱང་གི་མ་བདུན་ཐུགས་དམ་བསྐང་། །བྱད་ཟློག་ལྷ་མོ་མཆེད་ལྔ་དང་། །དབང་མོ་ཉེར་བརྒྱད་ཐུགས་དམ་བསྐང་། །བསྐང་བ་མེད་དེ་ཁམས་གསུམ་ཡོངས་ཀྱིས་བསྐང་། །སྒྲོལ་བ་མེད་དེ་ཁམས་གསུམ་ཡོངས་ཀྱིས་སྒྲོལ། །སྦྱོར་བ་མེད་དེ་ཁམས་གསུམ་ཡོངས་ཀྱིས་སྦྱར། །ཡེ་སྦྱོར་ཡེ་སྒྲོལ་ཆེན་པོའི་ཐུགས་དམ་བསྐང། །ཐུགས་དམ་བསྐང་བའི་དམ་རྫས་ནི། །རྒྱུ་མཆོག་ཆེན་པོ་རྣམ་ལྔ་དང་། །མཆོག་ཆེན་མཆོག་ཕྲན་མཚན་ལྡན་དང་། །རང་བྱུང་དམ་རྫས་བདུད་རྩི་དང་། །རྨད་དུ་བྱུང་བའི་གཏོར་མ་དང་། །རཀྟ་དམར་གྱི་དགྱེས་མཆོག་དང་། །ཤ་ཆེན་སྤོས་ཀྱི་དམ་རྫས་དང་། །རྣལ་འབྱོར་ཚོགས་ཀྱི་ལོངས་སྤྱོད་དང་། སྣང་གསལ་ཞུན་མར་མདངས་ལྡན་དང་། །མཁའ་ལྡིང་མདངས་དང་ཤེལ་དགོངས་མདངས། །ཙ་ར་འདི་ཡི་མདངས་ཀྱིས་བསྐང་། །དེ་ལྟར་བསྐང་བསྐང་གསོལ་གསོལ་ནས། །ཐུགས་དམ་གཉན་པོ་དེས་

[Full Size]

བསྐང་ལ། །ཆོ་ག་ལྷག་ཆད་རྫོགས་གྱུར་ཅིག །བདག་གི་གཡར་དམ་སོར་སྩོལ་ཅིག །གཡར་དམ་བསྐང་ལ་རྐྱེན་དབང་ཟློག །ཡེ་ཤེས་མཁའ་འགྲོ་སྡེ་ལྔ་དང། །དབང་མོ་ཉི་ཤུ་རྩ་བརྒྱད་ཀྱིས། །ཐུགས་དང་འགལ་བ་གང་གྱུར་བ། །མཐོལ་ལོ་བཤགས་སོ་བཟོད་པར་གསོལ། །མི་སྒྲིབ་ཚངས་པའི་དངོས་གྲུབ་སྩོལ། །ཅེས་དང་ཡིག་བརྒྱ་བཟླས། དེ་ནས་སྨད་ལས་ཟློག་པ་ནི། ཨོཾ་ཀེ་ལས་བྱུང་བའི་ཀོང་ཟོར་རྣམས། །གནམ་ལྕགས་ཁང་སྒྲོམ་ཟུར་གསུམ་པ། །དེ་ནང་དགྲ་བགེགས་བྱད་མ་རྣམས། །མངོན་སུམ་ལྟ་བུར་གསལ་བའི་སྟེང་། །རྩང་རྣམས་མཁའ་འགྲོ་དབང་ཕྱུག་མ། །དེ་ལས་འོད་ཟེར་འཕྲོས་པ་ཡིས། །དགྲ་བགེགས་གནོད་བྱེད་ཐམས་ཅད་ནི། སྦྱར་མ་རླུང་གིས་བསྡུས་པ་ལྟར། །བསྡུས་ནས་ཀོང་ཟོར་ནང་དུ་ཐིམ། །ཧཱུྃ་ཧཱུྃ་ཛཿ ལས་ཀྱི་མཁའ་འགྲོ་རྫུ་འཕྲུལ་ཅན། ཁྲི་འབུམ་བྱེ་བ་ས་ཡ་རྣམས། །ཀུན་ཀྱང་སྲོག་གི་བདག་མོ་སྟེ། །ཁྱེད་ཀྱི་ཐུགས་དམ་དུས་ལ་བབ། །ད་ལྟ་ནམ་གྱི་གུང་ཤེད་ལ། །འབྱུང་བ་ཆུ་ཡང་གཉིད་ལོག་གིས། །དམ་ཉམས་དགྲ་བོ་གཉིད་དུ་སོང་། །བླ་ཚེ་འཁྱམས་པོ་ཁྲིད་ལ་ཤོག །དམ་

[Full Size]

ཉམས་ལྟད་མའི་སྲོག་རྩ་ཆོད། །ཞོ་ལྟར་དཀྲུགས་ལ་སྙིང་རྩ་དྲོངས། །གྲུ་གསུམ་ལྕགས་ཀྱི་ཁང་པ་འདིར། །མཁའ་འགྲོའི་ཚོགས་ཀྱིས་ཁྲིད་ལ་ཤོག །ལས་དབང་དྲག་པོས་ཁྲིད་ལ་ཤོག །བྷྱོ། ལས་ཀྱི་མཁའ་འགྲོ་ཁྱེད་རྣམས་ཀྱིས། །དགྲ་བོའི་སྙིང་ནས་ལྕགས་ཀྱུས་ཟུངས། །དགྲ་བོའི་སྐེ་ནས་ཞགས་པས་ཆིངས། །དགྲ་བགེགས་ཡོན་ལག་ལྕགས་སྒྲོག་སྡོམས། །དགྲ་བོའི་རྒྱབ་ནས་དྲིལ་བུས་ཕུལ། །དགྲ་བོ་འགུགས་པའི་དུས་ལ་བབ། །སརྦ་དྷ་ཀི་ནཱི་ཛཿཧཱུྃ་བཾ་ཧོཿ ཏྲཾ་མཱ་ཡ་ར་ཛཿ ཛྲ་ཨངྐུ་ཤ་ཛཿཛཿ ཐུམ་རི་ལི་ལི་ཛཿཛཿ མཁའ་འགྲོའི་སྐུ་སྨད་ཕུར་པའི་དབལ། །ཟུག་པས་གནོད་བྱེད་དགྲ་བགེགས་བསྒྲལ། །ཟོར་ཀོང་དགྲ་བགེགས་ཤ་ཁྲག་གིས། །གང་བ་མཁའ་འགྲོ་རྣམས་ཀྱིས་གསོལ། །ཨ་སརྦ་ཛྙཱ་ན་དྷཱཀི་པཉྩ་ཤ་རི་མ་དགྲ་བགེགས་ཀྱི་མ་ཧཱ་ནཱཾ་ས་ཁཱ་ཧི། རཀྟ་ཁཱ་ཧི། ཙིཏྟ་ཁཱ་ཧི། བ་ལིང་ཏ་ཁཱ་ཧི། བྷྱོ། བྱད་ཟློག་ལྷ་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་ཀྱི། །སངས་རྒྱས་རིགས་ཀྱི་བྱད་མ་ཟློག །ཉམས་པ་ལྷ་སྲུང་བཅས་པ་

[Full Size]

ཀུན། །བཟློག་ཅིག་བསྒྱུར་བའི་ཕྲིན་ལས་མཛོད། །ཨ༔ སེང་གདོང་དཀར་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་ཀྱིས། །རྡོ་རྗེ་རིགས་ཀྱི་བྱད་མ་ཟློག །ཉམས་པ་ལྷ་སྲུང་བཅས་པ་ཀུན། །བཟློག་ཅིག་བསྒྱུར་བའི་ཕྲིན་ལས་མཛོད། །ཧྲཱིཿ སྟག་གདོང་སེར་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་ཀྱིས། །རིན་ཆེན་རིགས་ཀྱི་བྱད་མ་ཟློག །ཉམས་པ་ལྷ་སྲུང་བཅས་པ་ཀུན། །བཟློག་ཅིག་བསྒྱུར་བའི་ཕྲིན་ལས་མཛོད། །ནི༔ དྲེད་གདོང་དམར་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་ཀྱིས། །པདྨ་རིགས་ཀྱི་བྱད་མ་ཟློག །ཉམས་པ་ལྷ་སྲུང་བཅས་པ་ཀུན། །བཟློག་ཅིག་བསྒྱུར་བའི་ཕྲིན་ལས་མཛོད། །སཿ དོམ་གདོང་ནག་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་ཀྱིས། །

[Full Size]

ལས་ཀྱི་རིགས་ཀྱི་བྱད་མ་ཟློག། ཉམས་པ་ལྷ་སྲུང་བཅས་པ་ཀུན། །བཟློག་ཅིག་བསྒྱུར་བའི་ཕྲིན་ལས་མཛོད། །བྷྱོཿ ཡེ་ཤེས་མཁའ་འགྲོ་བྱད་བཟློག་མས། །འདུ་བ་རྣམ་བཞི་དགྲ་ལ་ཟློག །བད་ཀན་དམར་སྨུག་དགྲ་ལ་ཟློག །མཁྲིས་པ་བཤལ་ཡམས་དགྲ་ལ་ཟློག །རླུང་དབང་འཕྱོ་བ་དགྲ་ལ་ཟློག །ཁྲག་དང་འདུས་པ་དགྲ་ལ་ཟློག །བྷྱོཿ ཤར་གྱི་དཀར་མོ་སེང་གདོང་མས། །སྨྱོ་ནད་ཉེར་ལྔ་དགྲ་ལ་ཟློག །སྨྱོ་འབོག་བརྒྱལ་ནད་དགྲ་ལ་ཟློག །འགྱུར་བུ་འདིར་བུ་དགྲ་ལ་ཟློག །རླུང་སྨྱོ་ཆེན་མོ་དགྲ་ལ་ཟློག། བྷྱོཿ ལྷོ་ཡི་སེར་མོ་སྟག་གདོང་མས། །མཛེ་རིགས་བཅོ་བརྒྱད་དགྲ་ལ་ཟློག །མཛེ་ནད་འབྲུམ་ནད་དགྲ་ལ་ཟློག །སིབ་དང་བས་ལྡག་དགྲ་ལ་ཟློག །དྲེག་དང་གྲུམ་བུ་དགྲ་ལ་ཟློག །ལྷོག་པ་འབྲས་ཆེན་དགྲ་ལ་ཟློག །སྐེམ་དང་གཡེམ་པ་དགྲ་ལ་ཟློག །ཤུ་བ་རྒྱ་ཐོར་དགྲ་ལ་ཟློག །རླུང་སྐམ་འབྲས་ཆེན་དགྲ་ལ་ཟློག །ཕོལ་མིག་སྐེམ་པ་དགྲ་ལ་ཟློག་ཚབ་དང་སྣ་ནད་དགྲ་ལ་ཟློག །བྷྱོཿ ནུབ་ཀྱི་དམར་མོ་དྲེད་གདོང་མས། །རིམས་ནད་སྣ་ལྔ་དགྲ་ལ་ཟློག །ཀླད་གཟེར་བལ་ནད་དགྲ་ལ་ཟློག །རྒྱུ་གཟེར་བལ་ཚད་དགྲི་ལ་

[Full Size]

ཟློག །གློ་སྙིང་རིམས་གཟེར་དགྲ་ལ་ཟློག །བྷྱོཿ བྱང་གི་ལྡང་མོ་དོམ་གདོང་མས། །མཚོན་འཁྲུག་སྣ་དགུ་དགྲ་ལ་ཟློག །མདའ་གྲི་མདུང་གྲི་དགྲ་ལ་ཟློག །ཁ་ཊཾ་ཏྲི་ཤུལ་དགྲ་ལ་ཟློག །སྐྱོགས་དང་འུར་རྡོ་དགྲ་ལ་ཟློག །མཚོན་འཁྲུག་བསྐལ་པ་དགྲ་ལ་ཟློག །སརྦ་དྷཱ་ཀི་ནི་ཧཱུྃ་བྷྱོ་ཟློག་ཟློག །བྷྱོཿ གཞན་ཡང་བཟློག་ཅིང་བསྒྱུར་བ་ནི། །ལྷ་ཆེན་དྲག་པོའི་གདུག་རྩུབ་ཟློག །ལྷ་ཆད་གནམ་ནས་བབ་བ་ཟློག །ལྷ་མ་ཡིན་གྱི་རྒྱུ་ཐབས་ཟློག །སྐེམ་བྱེད་ལྕགས་ཀྱུས་ཟིན་པར་ཟློག །དྲང་སྲོང་རྣམས་ཀྱི་༡། དམོད་པ་ཟློག །མ་མོའི་ཐུན་སྔགས་དམག་ཚོགས་ཟློག །ཕྲ་མེན་མ་ཡི་ཉེས་བྱེད་ཟློག །ས་བདག་ཀླུ་ཡི་གདུག་རྩུབ་ཟློག །ཕོ་ཉའི་རྦོད་གཏོང་བྱུང་བ་ཟློག །ཕུར་པའི་དབལ་ཁ་འཕེན་པ་ཟློག །ཡུངས་ཟོར་མདའ་ལྟར་འཕེན་པ་ཟློག །མུ་སྟེགས་བོན་པོའི་བྱད་ཟོར་ཟློག །བན་དེའི་ཧོམ་སྦར་ངན་སྔགས་ཟློག །ཞང་ཞུང་ཆེན་པོའི་ཛོ་དམར་ཟློག །སུམ་པའི་གླང་ཐབས་ལིང་སྐྱོག་ཟློག །མེ་ཉག་ལྟག་པའི་འབོ་ལེབ་ཟློག །ཁྱུང་པོའི་བཙན་དང་ངན་ཐབས་ཟློག །ཀླད་ན་ཐང་ཤ་འགྱེད་པ་ཟློག །ཡས་ཀྱི་བདུད་དུ་

[Full Size]

གཡོས་པ་ཟློག །མས་ཀྱི་སྲི་རུ་ལྡང་བ་ཟློག །དཔྲལ་བའི་གཤེད་དུ་འཁོར་བ་ཟློག །ལྟག་པའི་བདུད་དུ་བབ་པ་ཟློག །ཕོ་སྲི་མོ་སྲི་ཆུང་སྲི་ཟློག །དམ་སྲི་ཕུང་སྲི་དབུལ་སྲི་ཟློག །ཕ་མྱེས་དུར་སྲི་བཙན་སྲི་ཟློག །བདུད་ཀྱི་ལྟས་ངན་ཕྱག་བརྙན་ཟློག །ལོ་ཀག་གླིང་ཤང་གཤེད་སྲི་ཟློག །ལོ་ཀག་ཟླ་ཀག་ཞིག་ཀག་ཟློག །ས་ལ་ཞིག་རྩིས་འདེབས་པ་ཟློག །གནམ་ལ་གྲངས་རྩིས་འདེབས་པ་ཟློག །གཟའ་སྐར་ལོ་ཀག་ཟླ་ཀག་ཟློག །དུས་ཚོད་རྩིས་ལ་འདེབས་པ་ཟློག །གཤེད་ཁ་རྒོད་གཏོང་ཐམས་ཅད་ཟློག །གནམ་ནས་དལ་ཁ་བབ་པ་ཟློག །ས་ཡི་མི་ཁ་བྱུང་བ་ཟློག །ཐོག་དང་སེར་བ་འབེབས་པ་ཟློག །བྱ་ཉེས་དམེ་གྲིབ་ངན་པ་ཟློག །ཡུལ་མི་ཁྱིམ་མཚེས་དམོད་མོ་ཟློག །གཡས་ནས་ཕོ་བརྒྱས་མདའ་བདར་ཟློག །གཡས་ན་མོ་བརྒྱས་དུག་གཡོས་ཟློག། མདུན་ནས་རྩང་བཞིན་འཛུགས་པ་ཟློག །རྒྱབ་ན་ཁྱི་བཞིན་འབྲང་བ་ཟློག །མོ་ངན་སོག་པར་བཇིགས་པ་ཟློག །ངོ་ལ་གདོང་ཐུག་བྱེད་པ་ཟློག །ལྐོག་ནས་འབུ་བཞིན་གཡེང་བ་ཟློག །ལུས་ལ་ན་ཚ་གཏོང་བ་ཟློག །སེམས་ལ་སྡུག་བསྔལ་གཏོང་བ་ཟློག །ཚེ་ལ་བར་ཆད་བྱེད་

[Full Size]

པ་ཟློག །ཁ་རྗེ་ཟ་ཁ་འགག་པ་ཟློག །མོ་ངན་པྲ་ངན་བརྡེག་པ་ཟློག །རྨིས་ལྟས་མཚན་མ་ངན་པ་ཟློག །ལྟས་ངན་བརྒྱད་ཅུ་རྩ་གཅིག་ཟློག། ཡེ་འདྲོགས་སུམ་བརྒྱ་དྲུག་ཅུ་ཟློག །གློ་བུར་དགུ་བཅུ་རྩ་གཅིག་ཟློག །དུས་མིན་འཆི་བ་རྣམ་བརྒྱད་ཟློག །ཕ་ཚན་ནང་གི་རྒྱབ་འདྲེ་ཟློག །མ་མཚན་ངན་གི་སྟོང་འདྲེ་ཟློག །མ་བུའི་བྱུར་འདྲེ་བཟློག་ཏུ་གསོལ། །ཕས་ཀྱི་ཕུང་འདྲེ་བཟློག་ཏུ་གསོལ། །བྱུར་གྱི་སྣ་འདྲེ་བྱེད་པ་ཟློག །མི་ཁ་བྲ་མཆུ་བཟློག་ཏུ་གསོལ། །ཆག་ཆེན་ཉམ་ང་བཟློག་ཏུ་གསོལ། །ཧཱུྃ༔ སྨུག་ནག་གཡག་གི་མགོ་བོ་ཅན། །ཕྱག་ན་ཞིང་དབྱུག་བྷན་བསྣམས། །དམ་ཉམས་དགྲ་བོའི་ཤ་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དམར་སེར་སྦྲུལ་གྱི་མགོ་བོ་ཅན། །ཕྱག་ན་སྤུ་གྲི་བྷནྡྷ་བསྣམས། །དམ་ཉམས་དགྲ་བོའི་ཁྲག་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དཀར་དམར་སྲེ་མོང་མགོ་བོ་ཅན། །ཕྱག་ན་ཞིང་དབྱུག་བྷན་བསྣམས། །དམ་ཉམས་དགྲ་བོའི་པགས་ལ་རོལ། །བཟློག་ཅིང་བསྒྱུར་བའི་དུས་ལ་བབ། །སེར་ནག་ཕ་ཝང་མགོ་བོ་ཅན། །ཕྱག་ན་ཞིང་དབྱུག་བྷན་

[Full Size]

བསྣམས། །དམ་ཉམས་དགྲ་བོའི་རུས་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དམར་སེར་དྲེད་ཀྱི་མགོ་བོ་ཅན། །ཕྱག་ན་ཞིང་དབྱུག་བྷན་དམར་ཐོགས། །དམ་ཉམས་དགྲ་བོའི་རྒྱུས་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དམར་སེར་དོམ་གྱི་མགོ་བོ་ཅན། །ཕྱག་ན་དབྱུག་ཏོ་བྷནྡྷ་བསྣམས། །དམ་ཉམས་དགྲ་བོའི་སྙིང་ལ་རོལ། །བཟློག་ཅིང་བསྒྱུར་བའི་དུས་ལ་བབ། །སྔོ་ནག་ཆུ་སྲིན་མགོ་བོ་ཅན། །ཕྱག་ན་བམ་རིལ་བྷནྡྷ་བསྣམས། །དམ་ཉམས་དགྲ་བོའི་དབུགས་ལ་རོལ། །བཟློག་ཅིང་བསྒྱུར་བའི་དུས་ལ་བབ། །སྔོ་སྐྱ་སྡིག་པའི་མགོ་བོ་ཅན། །ཕྱག་ན་གློ་སྙིང་བྷནྡྷ་བསྣམས། །དམ་ཉམས་དགྲ་བོའི་སྲོག་ལ་རོལ། །བཟློག་ཅིང་བསྒྱུར་བའི་དུས་ལ་བབ། །སེར་ནག་ཁྲ་ཡི་མགོ་བོ་ཅན། །ཕྱག་ན་བེ་ཅོན་དུང་དམར་བསྣམས། །དམ་ཉམས་དགྲ་བོའི་གློ་སྙིང་རོལ། །བཟློག་ཅིང་བསྒྱུར་བའི་དུས་ལ་བབ། །མཐིང་ནག་སྟག་གི་མགོ་བོ་ཅན། །ཕྱག་ན་ཞིང་དབྱུག་བྷན་བསྣམས། །དགྲ་བོའི་རྒྱུ་ཁྲག་ལོངས་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དམར་ནག་བྱ་རྒོད་མགོ་བོ་ཅན། །ཕྱག་ན་

[Full Size]

ལྕགས་སྒྲོག་བྷནྡྷ་བསྣམས། །དགྲ་བོའི་དབང་པོ་ལྔ་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དམར་ནག་རྟ་ཡི་མགོ་བོ་ཅན། །ཕྱག་ན་རྡོར་དབྱུག་བྷནྡྷ་བསྣམས། །དགྲ་བོའི་ཕུང་པོ་ལྔ་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དམར་སེར་བྱི་ལའི་མགོ་བོ་ཅན། །ཕྱག་ན་སྤུ་གྲི་བྷནྡྷ་བསྣམས། །དམ་ཉམས་དགྲ་བོའི་བླ་ཚེ་རོལ། །བཟློག་ཅིང་བསྒྱུར་བའི་དུས་ལ་བབ། །སེར་ནག་གཟིག་གི་མགོ་བོ་ཅན། །ཕྱག་ན་རྡོར་དབྱུག་བྷན་དམར་བསྣམས། །དགྲ་བོའི་ཁམས་ཆེན་བཅོ་བརྒྱད་རོལ། །བཟློག་ཅིང་བསྒྱུར་བའི་དུས་ལ་བབ། །དམར་སེར་ཁྱུང་གི་མགོ་བོ་ཅན། །ཕྱག་ན་རྡོ་རྗེ་བྷན་དམར་བསྣམས། །དགྲ་བོའི་སྐྱེ་མཆེད་བཅུ་གཉིས་རོལ། །བཟློག་ཅིང་བསྒྱུར་བའི་དུས་ལ་བབ། །དམར་ནག་ཁྱི་ཡི་མགོ་བོ་ཅན། །ཕྱག་ན་ཙིཏྟ་བྷན་དམར་བསྣམས། །དགྲ་བོའི་རྣམ་ཤེས་ཚོགས་བརྒྱད་རོལ། །བཟློག་ཅིང་བསྒྱུར་བའི་དུས་ལ་བབ། །དཀར་དམར་པུ་ཤུད་མགོ་བོ་ཅན། །ཕྱག་ན་པདྨ་བྷན་དམར་བསྣམས། །དགྲ་བོའི་ཡན་ལག་ལྔ་ལ་རོལ། །བཟློག་ཅིང་བསྒྱུར་བའི་དུས་ལ་བབ། །ལྗང་སེར་ཤ་

[Full Size]

བའི་མགོ་བོ་ཅན། །ཕྱག་ན་ཞིང་ཆེན་བྷན་དམར་བསྣམས། །དགྲ་བོའི་སྙིང་ཁྲག་རྩ་ལ་རོལ། །བཟློག་ཅིང་བསྒྱུར་བའི་དུས་ལ་བབ། །དམར་ནག་ཁྭ་ཏའི་མགོ་བོ་ཅན། །ཕྱག་ན་རྗེའུ་ཆུང་བྷན་དམར་བསྣམས། །དམ་ཉམས་དགྲ་བོའི་མགོ་ལ་རོལ། །བཟློག་ཅིང་བསྒྱུར་བའི་དུས་ལ་བབ། །ལྗང་ནག་སྲིན་བྱའི་མགོ་བོ་ཅན། །ཕྱག་ན་རྒྱུ་ཞགས་བྷན་དམར་བསྣམས། །ཕུང་ཐལ་སྣ་ཚོགས་དགྲ་ལ་ཐོངས། །བཟློག་ཅིང་བསྒྱུར་བའི་དུས་ལ་བབ། །དམར་སེར་ཕག་གི་མགོ་བོ་ཅན། །ཕྱག་ན་རྩེ་ལྔ་བྷན་དམར་བསྣམས། །མཛེ་རིགས་བཅོ་བརྒྱད་དགྲ་ལ་ཕོབ། །བཟློག་ཅིང་བསྒྱུར་བའི་དུས་ལ་བབ། །སེར་ནག་ཁྱུང་ཀའི་མགོ་བོ་ཅན། །ཕྱག་ན་རྒྱུ་ཞགས་བྷན་དམར་བསྣམས། །སྨྱོ་བའི་ཉེར་ལྔ་དགྲ་ལ་ཐོངས། །བཟློག་ཅིང་བསྒྱུར་བའི་དུས་ལ་བབ། །ལྗང་ནག་བ་གླང་མགོ་བོ་ཅན། །ཕྱག་ན་ཞིང་བམ་བྷན་དམར་བསྣམས། །མཚོན་འཁྲུག་ལྕེབས་གྲི་དགྲ་ལ་ཐོངས། །བཟློག་ཅིང་བསྒྱུར་བའི་དུས་ལ་བབ། །སྔོ་སྐྱ་བྱ་རོག་མགོ་བོ་ཅན། །ཕྱག་ན་ཟངས་གྲི་བྷན་དམར་བསྣམས། །དུས་འཁྲུགས་མཚོན་ཆར་དགྲ་ལ་ཐོངས། །བཟློག་

[Full Size]

ཅིང་བསྒྱུར་བའི་དུས་ལ་བབ། །ནག་མོ་ཁུ་བྱུག་མགོ་བོ་ཅན། །ཕྱག་ན་ལྕགས་ཀྱུ་བྷན་དམར་བསྣམས། །དལ་ཡམས་སྣ་ཚོགས་དགྲ་ལ་ཐོངས། །བཟློག་ཅིང་བསྒྱུར་བའི་དུས་ལ་བབ། །སྔོན་མོ་ར་ཡི་མགོ་བོ་ཅན། །ཕྱག་ན་ཞགས་པ་མདུང་དམར་བསྣམས། །དགྲ་བོའི་བདུན་རྒྱུད་རྩད་ནས་ཆད། །བཟློག་ཅིང་བསྒྱུར་བའི་དུས་ལ་བབ། །དམར་མོ་སྤྲེའུ་མགོ་བོ་ཅན། །ཕྱག་ན་ལྕགས་སྒྲོག་བྷན་དམར་བསྣམས། །ལྟས་ངན་སྣ་ཚོགས་དགྲ་ལ་ཐོངས། །བཟློག་ཅིང་བསྒྱུར་བའི་དུས་ལ་བབ། །ལྗང་ནག་སྤྱང་མོའི་མགོ་བོ་ཅན། །ཕྱག་ན་དྲིལ་བུ་བྷན་དམར་བསྣམས། །གཏད་ཁྲམ་སེལ་ངན་དགྲ་ལ་ཐོངས། །བཟློག་ཅིང་བསྒྱུར་བའི་དུས་ལ་བབ། །དཀྱིལ་འཁོར་མུ་རན་སྐྱོང་མཛད་པའི། །མ་ཚོགས་དབང་ཕྱུག་ཉེར་བརྒྱད་ཀྱིས། །སྔོན་ཚེ་དཔལ་ཆེན་སྤྱན་སྔ་རུ། །བསྟན་པ་བསྲུང་བར་ཞལ་བཞེས་ཤིང་། །དགྲ་བགེགས་བསྒྲལ་བར་དམ་བཅས་བའི། །ཁས་བླངས་དམ་བཅས་མ་གཡེལ་བར། །བརྣག་པའི་ལས་ལ་མཐུ་མ་ཆུང་། །གང་ལ་བྱ་བ་ཁྱེད་ཀྱིས་ཤེས། །བརྣག་པའི་དགྲ་བགེགས་ཐམས་ཅད་སྒྲོལ། །ཕ་རོལ་

[Full Size]

རྦོད་གཏོང་རྦད་འདྲེ་ཟློག །ཆག་ཆེན་ཉམ་ང་ཐམས་ཅད་ཟློག །བཟློག་ཅིང་བསྒྱུར་བའི་ལས་མཛོད་ཅིག །ལྟས་ངན་བརྒྱད་ཅུ་རྩ་གཅིག་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག་གློ་བུར་དགུ་བཅུ་རྩ་རྩ་ཟློག །དུས་མིན་འཆི་བ་རྣམས་བརྒྱད་ཟློག །བཞི་བརྒྱ་རྩ་བཞིའི་ནད་རྣམས་ཟློག །སྟོང་ཕྲག་བརྒྱད་ཅུའི་བགེགས་རྣམས་ཟློག །རྨི་ལམ་མཚན་ལྟས་ངན་པ་ཟློག །རྦོད་གཏོང་རྦད་འདྲེ་ཐམས་ཅད་ཟློག །བྱད་ཟོར་གཏད་ཁྲམ་ཐམས་ཅད་ཟློག །ལྷ་འདྲེའི་དལ་ཁ་བབ་པ་ཟློག །གནམ་ལ་བྱ་རྒོད་སྡེར་འཛིངས་བཟློག་་ས་ལ་གཅན་གཟན་མཆེ་འཛིངས་ཟློག །ཡུལ་དུ་ཝ་སྤྱང་དུ་བ་ཟློག །འུག་པས་ཧ་ཧ་རྒོད་པ་ཟློག །སྲིན་བྱས་རོ་བྱུང་ཟེར་བ་ཟློག །སྲོད་ལ་ཁྱིམ་བྱས་འབོད་པ་ཟློག །ནམ་གུང་འོག་རྟ་མཚེར་བ་ཟློག །ཐོ་རངས་སྒོ་ཁྱིས་ངུ་བ་ཟློག །སྟེང་ནས་གཟའ་སྐར་དལ་ཁ་ཟློག །འོག་ནས་ཀླུ་ཡི་གཏོང་རིགས་ཟློག །བར་ནས་སྡེ་བརྒྱད་གཡོས་པ་ཟློག །བཟློག་གོ་དམར་ཆེན་གཏོར་མས་བཟློག །སྒྱུར་རོ་དམ་ཉམས་དགྲ་ལ་བསྒྱུར། །བཛྲ་མ་ནུ་རཀྟ་སི་བྷྱོཿ བྲ་ཧྥ་ཎཱི་བྷྱོཿ རོའུ་ཏྲི་མ་བྷྱོཿ བྷ་ན་བྷེབྷྱོཿ ཀུ་

[Full Size]

མཱ་རཱི་བྷྱོཿ ཨིནྡྲ་མ་བྷྱོཿ ཀཱ་ལ་མ་བྷྱོཿ བཛྲ་བྷི་ཀ་ལ་མ་བྷྱོཿ ཨ་མྲྀ་ཏཾ་བྷྱོཿ སོའུ་མ་བྷྱོཿ ཏ་ན་ཧ་བྷྱོཿ རཀཱ་སི་བྷྱོཿ བྷཀྵ་སི་དྡྷོ༔ ཙ་ཀ་ལ་མ་བྷྱོཿ བཛྲ་ར་ཏྲི་མ་བྷྱོཿ རུ་དྷི་ར་མ་བྷྱོཿ ཨེ་ཀ་ཙ་ར་མ་བྷྱོཿ མ་ནུ་ཧ་ར་མ་བྷྱོཿ སིདྡྷི་ཀཾ་བྷྱོཿ བྷ་ཡ་བྷུ་བྷྱོཿ ཀུ་ལ་མ་བྷྱོཿ བཛྲ་མཱ་རཱ་ཎ་བྷྱོཿ ཨགྷ་ཡེ་བྷྱོཿ བྷ་ར་ཧི་བྷྱོཿ ཙ་མུནྟི་བྷྱོཿ ཨུ་དྷ་མ་བྷྱོཿ བ་རུ་ན་བྷྱོཿ ལཾ་བོ་དྷ་ར་བྷྱོཿ དེ་ནས་གཏོར་ཆུང་ཤ་དུམ་དང་བཅས་པ་ལྔ་བཤམས་ལ་བྲན། དེ་དག་སོ་སོར་འབུལ་ལམ་དུས་གཅིག་ཕུལ་ཀྱང་ཆོག་སྟེ། ཨོཾ་ཨཱཧཱུྃ་ཧ་ཧོ་ཧཱུྃསྭཱ་ཧཱ། བྷྱོཿ ཡེ་ཤེས་དབྱིངས་ཀྱི་མཁའ་འགྲོ་མ། །བྱད་ཁ་ཐམས་ཅད་བཟློག་མཛད་མ། །སྐུ་མདོག་དམར་ནག་ལྕགས་སྲེག་མདོག །གནམ་ལྕགས་ཐོག་གི་ཚྭ་ཚྭ་འཕྲོས། །ཁྲོ་མོའི་ཆ་ལུགས་ཡོངས་སུ་རྫོགས། །ཕྱག་ན་ཟངས་གྲི་ཐོད་ཁྲག་འཛིན། །སྐུ་སྨད་ལྕགས་སྲེག་ཕུར་པ་འདྲིལ། །གདོན་བྱད་དགྲ་བགེགས་བྱད་མ་གཟིར། །བརྒྱན་པའི་གཏོར་མ་འདི་བཞེས་ལ། །སངས་རྒྱས་རིགས་ཀྱི་བྱད་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །ཤར་ནས་དཀར་མོ་སེང་གདོང་མ། །ཕྱག་ན་ཟངས་གྲི་

[Full Size]

ཐོད་ཁྲག་འཛིན། །ཁྲོ་མོའི་ཆ་ལུགས་ཡོངས་སུ་རྫོགས། །སྐུ་སྨད་ལྕགས་སྲེག་ཕུར་པ་འདྲིལ། །གནོད་བྱེད་དགྲ་བགེགས་སྙིང་ལ་གཟིར། །བརྒྱན་པའི་གཏོར་མ་འདི་བཞེས་ལ། །རྡོ་རྗེ་རིགས་ཀྱི་བྱད་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །ལྷོ་ནས་སེར་མོ་སྟག་གདོང་མ། །ཕྱག་ན་ཟངས་གྲི་ཐོད་ཁྲག་འཛིན། ཁྲོ་མོའི་ཆ་ལུགས་ཡོངས་སུ་རྫོགས། །སྐུ་སྨད་ལྕགས་སྲེག་ཕུར་པ་འདྲིལ། །གནོད་བྱེད་དགྲ་བགེགས་སྙིང་ལ་གཟིར། །བརྒྱན་པའི་གཏོར་མ་འདི་བཞེས་ལ། །རིན་ཆེན་རིགས་ཀྱི་བྱད་ཁ་ཟློག །བཅོལ་བའི་ཕྲིན་ལས་འགྲུབ་པར་མཛོད། །ནུབ་ནས་དམར་མོ་དྲེད་གདོང་མ། །ཕྱག་ན་ཟངས་གྲི་ཐོད་ཁྲག་འཛིན། ཁྲོ་མོའི་ཆ་ལུགས་ཡོངས་སུ་རྫོགས། །སྐུ་སྨད་ལྕགས་སྲེག་ཕུར་པ་འདྲིལ། །གནོད་བྱེད་དགྲ་བགེགས་སྙིང་ལ་གཟིར། །བརྒྱན་པའི་གཏོར་མ་འདི་བཞེས་ལ། །པདྨ་རིགས་ཀྱི་བྱད་ཁ་བཟློག །བཅོལ་བའི་ཕྲིན་ལས་འགྲུབ་པར་མཛོད། །བྱང་ན་ནག་མོ་སེང་གདོང་མ། །ཕྱག་ན་ཟངས་གྲི་ཐོད་ཁྲག་འཛིན། ཁྲོ་མོའི་ཆ་ལུགས་ཡོངས་སུ་རྫོགས། །སྐུ་སྨད་ལྕགས་སྲེག་ཕུར་པ་འདྲིལ། །གནོད་བྱེད་

[Full Size]

དགྲ་བགེགས་སྙིང་ལ་གཟིར། །བརྒྱན་པའི་གཏོར་མ་འདི་བཞེས་ལ། །ལས་ཀྱི་རིགས་ཀྱི་བྱད་ཁ་བཟློག །བཅོལ་བའི་ཕྲིན་ལས་འགྲུབ་པར་མཛོད། །བྷྱོཿ རྡོ་རྗེ་དབང་ཕྱུག་མ་བདུན་ནི། །སྲིན་མོ་ཚངས་མ་ལ་སོགས་པ། །རིག་འཛིན་ཀུན་གྱི་ཡུམ་གཅིག་མ། །ཁྱད་པར་རྣལ་འབྱོར་བདག་གི་མ། །ཡུམ་གཅིག་དཔལ་གྱི་གཏོར་མ་འདི། །ཉམས་པའི་དགྲ་དང་ལྷན་ཅིག་བཞེས། །རིན་ཆེན་དབང་ཕྱུག་སྲིང་བདུན་ནི། །རྡོ་རྗེ་བདུད་རྩི་ལ་སོགས་པ། །རིག་འཛིན་ཀུན་གྱི་སྲིང་མོ་སྟེ། །ཁྱད་པར་བློ་རྣལ་འབྱོར་བདག་གི་སྲིང་། །སྲིང་གཅིག་དཔལ་གྱི་གཏོར་མ་འདི། །ཉམས་པའི་དགྲ་དང་ལྷན་ཅིག་བཞེས། །པདྨ་དབང་ཕྱུག་མཛའ་བདུན་ནི། །དགའ་བ་སྟོབས་ཆེན་ལ་སོགས་པ། །རིག་འཛིན་ཀུན་གྱི་མཛའ་མོ་སྟེ། །ཁྱད་པར་རྣལ་འབྱོར་བདག་གི་གྲོགས། །གྲོགས་གཅིག་དཔལ་གྱི་གཏོར་མ་འདི། །ཉམས་པའི་དགྲ་དང་ལྷན་ཅིག་བཞེས། །ལས་ཀྱི་དབང་ཕྱུག་བྲན་བདུན་ནི། །གསོད་བྱེད་མ་མོ་ལ་སོགས་པ། །རིག་འཛིན་ཀུན་གྱི་བྲན་མོ་སྟེ། །ཁྱད་པར་རྣལ་འབྱོར་བདག་གི་བྲན། །བྲན་གཅིག་

[Full Size]

དཔལ་གྱི་གཏོར་མ་འདི། །ཉམས་པའི་དགྲ་ལ་ལྷན་ཅིག་བཞེས། །ཧཱུྃ། གདུག་རྩུབ་དྲག་པོའི་ཟོར་མདོས་འདིས། །ད་ནི་བཟློག་སྒྱུར་དུས་ལ་བབ། །སྟེང་ཕྱོགས་ལྷ་ཡི་གདུག་པ་དང་། །འོག་ཕྱོགས་ཀླུ་ཡི་གདུག་པ་དང་། །བར་སྣང་གཉན་གྱི་གདུག་རྩུབ་རྣམས། །དམར་ནག་ཟོར་གྱིས་བཟློག་ཏུ་གསོལ། །གནམ་ལོ་རྒྱལ་པོའི་ཀག་ཆེན་དང་། །ཟླ་བ་བློན་པོའི་མཆིད་འཚལ་དང་། །ཞག་གི་དམག་མའི་སྣ་དྲངས་རྣམས། །དམར་ནག་ཟོར་གྱིས་བཟློག་ཏུ་གསོལ། །དུས་ཚོད་མཚོན་ཆའི་བདུད་གཅོད་དང་། །དགྲ་འདྲེ་བྱུར་གསུམ་མི་ཁ་རྣམས། །དམར་ནག་ཟོར་གྱིས་བཟློག་ཏུ་གསོལ། །སྤར་ཁ་རུས་པའི་གཏིང་ཚིག་དང་། །སྨེ་བ་ཤ་ཡི་རྒྱ་རལོ་དང་། །དར་རྒུད་ལྤགས་པ་རལ་བ་རྣམས། །དམར་ནག་ཟོར་གྱིས་བཟློག་ཏུ་གསོལ། །ཤིང་སོགས་འབྱུང་ལྔའི་ས་བདག་དང་། །སྣང་སྲིད་ལྷ་འདྲེ་ཐམས་ཅད་ཀྱི། །བསམ་སྦྱོར་གདུག་རྩུབ་ངན་པ་རྣམས། །དམར་ནག་ཟོར་གྱིས་བཟློག་ཏུ་གསོལ། །ནད་རིགས་བཞི་བརྒྱ་རྩ་བཞི་དང་། །བགེགས་རིགས་སྟོང་ཕྲག་བརྒྱད་བཅུ་དང་། །ཡེ་འདྲོགས་སུམ་བརྒྱ་དྲུག་ཅུ་རྣམས། །དམར་

[Full Size]

ནག་ཟོར་གྱིས་བཟློག་ཏུ་གསོལ། །སྲེ་མོང་བྱི་རོ་ཁུར་བ་དང་། །ནལ་ཕྲུག་འོང་བའི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །རྨོས་གླང་བྲེས་ནས་འདུན་པ་ནི། །ས་བདག་གནོད་པའི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །སྦྲ་ཡི་གུང་ཤིང་ཆག་པ་དེ། །ཕོ་ལྷ་གྱེས་པའི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །རི་དྭགས་ཁྱིམ་དུ་འོང་བ་ནི། །མ་དང་བུ་མོའི་ནལ་སྡིག་ཡིན། །དམར་ནག་ཟོར་གྱིས་བཟློག་ཏུ་གསོལ། །ར་ལུག་གཤའ་སྦྱད་ཁྱེར་བ་ནི། །ཡུལ་ཕུད་འོང་བའི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །སྦལ་སྦྲུལ་ཁྱིམ་དུ་འོང་བ་ནི། །བུ་སྲིང་བྱེ་ཡུགས་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །དྲེལ་རྟའི་རྔ་རྔོག་འཆའ་བ་ནི། །མཚོན་ཆ་གཡོས་པའི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །ལུག་ཤ་ལག་པྲ་ངན་པ་དང་། །ར་ལུག་ཆད་ལྷག་མང་བ་དང་། །སོག་པའི་མེ་ལོང་རྡོལ་བ་རྣམས། །རིམས་ནད་འོང་བའི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །ཕ་སྤུན་ཟོར་ཁ་སྡིག་ག་པ་

[Full Size]

དང། །ལྟས་ངན་བྱེ་བྲལ་མང་བ་རྣམས། །དམར་ནག་ཟོར་གྱིས་བཟློག་ཏུ་གསོལ། །འུག་པ་སྒོ་ནས་རྒོད་པ་དང་། །སྲིན་བྱས་ཉིན་པར་ཀུས་འདེབས་རྣམས། །དམར་ནག་ཟོར་གྱིས་བཟློག་ཏུ་གསོལ། །སྒོ་ཁྱི་ངུ་ཟུག་བྱེད་པ་ནི། །བུ་ཚ་དྭ་ཕྲུག་ལུས་པའི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །བྱི་ལོང་ལམ་ཁར་མོང་བ་དང། །བུད་མེད་ནག་མོས་ཅོ་འཛིན་ནི། །ཉེས་པ་ཀུན་གྱི་ལྟས་ངན་ཡིན། །དམར་ནག་ཟོར་གྱིས་བཟློག་ཏུ་གསོལ། །ལྟས་ངན་ཐམས་ཅད་ཟོར་གྱིས་ཟློག །སྐྱེས་པ་ཕོ་ཡི་རུས་འདྲེ་བསྒྱུར་དུ་གསོལ། །ཟ་མ་མོ་ཡི་སྐག་འདྲེ་བསྒྱུར་དུ་གསོལ། །གཉེན་ཕྱོགས་གཉེན་འདྲེ་འཁོར་བ་བསྒྱུར་དུ་གསོལ། །ཕ་མྱེས་བསྒྲེན་འདྲེ་བསྒྱུར་དུ་གསོལ། །ལྟས་ངན་ཆེ་དགུ་བསྒྱུར་དུ་གསོལ། །ཁང་ཁྱིམ་བཀྲག་མདངས་བསྒྱུར་དུ་གསོལ། །དུར་སར་ཝ་མོ་བརྒྱལ་པ་ཟློག །དེ་ཕོའི་སྲོད་ལ་འབོད་པ་ཟློག །ཐོ་རངས་སྒོ་ཁྱི་ངུ་བ་ཟློག །ཕུ་ཡི་ཤ་ཕོ་རུ་འཛིངས་ཟློག །མདའ་ཡི་ཉ་མོ་རྔ་འཛིངས་ཟློས། །བར་གྱི་བྱ་དོད་སྡེར་འཛིངས་ཟློག །སྲིན་བྱས་ཕུང་ཕུང་ཟེར་བ་ཟློག །སྦྲུལ་ནག་ལམ་ལ་ཉལ་པ་ཟློག་

[Full Size]

ཕྱུགས་ཀྱི་འགྲམ་འཁྲུག་ངན་པ་ཟློག །མཚེ་བ་མང་པོ་བཟློག་ཅིང་བསྒྱུར་དུ་གསོལ། །བཟློག་བསྒྱུར་ཆེན་པོ་དུས་ལ་བབ། །ས་མ་ཡ་བྷྱོ་བྷྱོ་ཟློག་ཟློག །དེ་ཡན་ཟློག་པའི་གཞུང་དེ་ཉིད། །ཞག་གསུམ་ལྔ་བདུན་ལ་སོགས་པ། །བསྒྲུབས་པས་ཉིན་རེ་དུས་གསུམ་འདོན། །ཉིན་རྫོགས་བྱེད་ན་ཚར་གྲངས་ནི། །གསུམ་ལྔ་བདུན་དགུ་སྐབས་དང་བསྟུན། །དེ་ནས་འབུལ་ཁར་དཀར་གཏོར་འབུལ། །གསེར་སྐྱེམས་སྤྱི་ལྟར་མཆོད་བྱས་ལ། །ཁྱིམ་དེར་རྐྱེན་ཆགས་ཆེ་བ་ནི། །ཁྱིམ་དེའི་ཕྱོགས་ནི་གཙང་ཕྱོགས་སུ། །སླ་ངའི་ནང་དུ་ལིངྒ་བཞག །དགུག་གཞུག་བྱས་ལ་ཟོར་རྣམས་ནི། །བསྲུང་བྱ་ཡོན་བདག་ཐམས་ཅད་ཀྱིས། །གཅིག་གིས་གཅིག་གཏད་ལག་འགྲིམ་བྱ། །དང་པོ་སློབ་དཔོན་ཉིད་ཀྱིས་གཏད། །མཐར་ནི་མཆོད་གཡོག་པ་གཅིག་གིས། །ལིངྒ་ཉིད་ལ་རྒྱབ་ཏུ་བཅུག་ག། རི་ལ་འབུལ་ན་ཕྱོགས་གཙང་སར། །ལིངྒ་བཅུག་ལ་དགུག་གཞུག་བྱ། །སྔགས་པ་ཉིད་ཀྱིས་ལིངྒར་བརྒྱབ། །དམག་ཐབས་ཡིན་ཕྱིར་བསྐུལ་པ་ཡང་། །འདི་ལྟར་གོ་ལྡོག་མཇུག་ནས་འདོན། །ན་མོ་རཏྣ་ཏྲ་ཡཱ་ཡ། ན་མོ་བཛྲ་པཱ་ཎི་ཡེ། དཀོན་མཆོག་གསུམ་དང་རྩ་བ་གསུམ། །བདེན་གྲུབ་ཀུན་གྱི་བདེན་སྟོབས་དང་། །མ་མོ་མཁའ་འགྲོའི་མཐུ་སྟོབས་ཀྱིས། །བདག་དང་བསྲུང་བྱ་འདི་དག་ལ། །གནོད་ཅིང་འཚེ་བར་བྱེད་པ་ཡི། །ནད་

[Full Size]

དང་གདོན་དང་བར་ཆད་རྐྱེན། །བྱད་ཁ་ཆག་ཆེན་ཉམ་ང་ཀུན། །ལིངྒ་འདི་ལ་མྱུར་དུ་ཁུག །བཛྲ་ཨཾ་ཀུ་ཤ་ཛཿ ཛཿཧཱུྃ་བཾ་ཧོཿ རོལ་ཆེན་དང་བཅས་ལན་གསུམ་བརྗོད། །བྷྱོཿ དཔལ་གྱི་བཀའ་ཉན་ལས་བྱེད་མ། །མ་ཚོགས་དབང་ཕྱུག་ཉེར་བརྒྱད་ཀྱིས། །ཚོགས་ཀྱི་དཀྱིལ་འཁོར་ཆེན་པོ་འདིར། །མིང་ཙམ་འཛིན་པར་བྱེད་པ་ཡང་། །གཡོ་སྒྱུ་མེད་ཅིང་གུས་ལྡན་པའི། །སེམས་ཀྱིས་བླངས་སྟེ་སྤྱི་བོ་ཡི། །གཙུག་ཏུ་བླངས་ཏེ་བཀུར་བར་བྱའོ། །དེ་སྐད་ཁྱོད་ཀྱིས་ཞལ་བཞེས་པས། །དཔལ་གྱི་བཀའ་བཞིན་བདག་སྒྲུབ་ཀྱིས། །འདིར་བྱོན་བཅོལ་བའི་ཕྲིན་ལས་མཛོད། །བྷྱོཿ གསོད་བྱེད་ལྗང་ནག་རལ་གྲི་འཕྱར། །སྤྱང་མོའི་མགོ་ཅན་དུས་ལ་བབ། །མེ་མོ་དམར་མོ་གསལ་ཤིང་འཛིན། །སྐྱིན་བུའི་མགོ་ཅན་དུས་ལ་བབ། །ཕག་མོ་ནག་མོ་མཆེ་ཞགས་བསྣམས། །ཕག་གི་མགོ་ཅན་དུས་ལ་བབ། །སྐེམ་བྱེད་དམར་མོ་ཞིང་ཆུང་ཟ། ཁྭ་ཏའི་མགོ་ཅན་དུས་ལ་བབ། །སྣ་ཆེན་དཀར་མོ་ཐོད་ཁྲག་འཐུང་། །བ་གླང་མགོ་ཅན་དུས་ལ་བབ། །ཆུ་ལྷ་སྔོན་མོ་སྦྲུལ་ཞགས་འཛིན། །བྱ་རོག་མགོ་ཅན་དུས་ལ་བབ། །གསུས་འཛིན་སེར་ནག་

[Full Size]

དྲིལ་བུ་འཛིན། །སྐྱ་གའི་མགོ་ཅན་དུས་ལ་བབ། །བསྔགས་ཤིང་བསྐུལ་བ་ང་ཡི་བྱེད། །བཅོལ་བའི་ཕྲིན་ལས་ཁྱོད་ཀྱིས་མཛད། །བྷྱོཿས་ཡ་སི༔ གནོད་བྱེད་དགྲ་བགེགས་མ་རཱ་ཡ་ཐུན་བྷྱོཿ ཅེས་བྱང་གི་ཟོར་ཆུང་བདུན་སྔགས་ཏེ་བརྗོད་ཅིང་འཕང་ངོ། །དེ་བཞིན་དུ། བྷྱོཿ དགའ་བ་དམར་མོ་རྐེ་དར་འཆང་། །བྱ་རྒོད་མགོ་ཅན་དུས་ལ་བབ། །སྟོབས་ཆེན་དཀར་མོ་ཐོང་གཤོལ་འཛིན། །རྟ་ཡི་མགོ་ཅན་དུས་ལ་བབ། །སྤྱི་སྤྱོད་སྔོན་མོ་སྤུ་གྲིས་གཅོད། །།བྱི་ལའི་མགོ་ཅན་དུས་ལ་བབ། །འདོད་པ་དམར་མོ་མདའ་གཞུ་འགེངས། ཁྱི་ཡི་མགོ་ཅན་དུས་ལ་བབ། །ནོར་སྲུང་དཀར་མོ་བུམ་པ་འཛིན། །པུ་ཤུད་མགོ་ཅན་དུས་ལ་བབ། །རླུང་ལྷ་སྔོན་མོ་བ་དན་ཕྱིར། །ཤ་བའི་མགོ་ཅན་དུས་ལ་བབ། །བུམ་རྣ་དམར་ནག་ལྕགས་སྒྲོག་བསྡམས། །སྤྲེའུ་མགོ་ཅན་དུས་ལ་བབ། །བསྔགས་ཤིང་བསྐུལ་བ་ང་ཡི་བྱེད། །བཅོལ་བའི་ཕྲིན་ལས་ཁྱོད་ཀྱིས་མཛོད། །བྷྱོ་ས་ཡ་སི། གནོད་བྱེད་དགྲ་བགེགས་མ་རཱ་ཡ་ཐུན་བྷྱོཿ ཞེས་ནུབ་ཀྱི་ཟོར་ཆུང་བདུན་འཕང་ངོ། བྷྱོཿ རྡོ་རྗེ་སེར་མོ་ཁྲག་ཆེན་འཐུང་། །དོམ་གྱི་མགོ་ཅན་དུས་ལ་བབ། །བདུད་རྩི་དམར་

[Full Size]

མོ་བུམ་པ་འཛིན། །ཆུ་སྲིན་མགོ་ཅན་དུས་ལ་བབ། །ཟླ་བ་དཀར་མོ་པུནྣ་འཛིན། །སྡིག་པའི་མགོ་ཅན་དུས་ལ་བབ། །བེ་ཅོན་མཐིང་ནག་དབྱུག་ཐོ་ཕྱར། །ཁྲ་ཡི་མགོ་ཅན་དུས་ལ་བབ། །སྲིན་མོ་དམར་མོ་དུང་ཁྲག་འཐུང་། །ཝ་ཡི་མགོ་ཅན་དུས་ལ་བབ། །བྱ་བ་ལྗང་ནག་བ་སུ་འདྲེན། །སྟག་གི་མགོ་ཅན་དུས་ལ་བབ། །ར་གདོང་སྔོན་མོ་ཞགས་པ་ཐོགས། །ར་ཡི་མགོ་ཅན་དུས་ལ་བབ། །བསྔགས་ཤིང་བསྐུལ་བ་ང་ཡིས་བྱེད། །བཅོལ་བའི་ཕྲིན་ལས་ཁྱོད་ཀྱིས་མཛོད། །བྷྱོ་ས་ཡ་སི༔ གནོད་བྱེད་དགྲ་བགེགས་མ་རཱ་ཡ་ཐུན་བྷྱོཿ ལྷོའི་ཟོར་ཆུང་བདུན་འཕང་། བྷྱོཿ སྲིན་མོ་སྨུག་ནག་ཐོད་རློན་འཆང་། །གཡག་གི་མགོ་ཅན་དུས་ལ་བ། །ཚངས་པ་དམར་སེར་པདྨ་འཛིན། །སྦྲུལ་གྱི་མགོ་ཅན་དུས་ལ་བབ། །ལྷ་ཆེན་དཀར་ལྡང་ཏྲི་ཤུལ་ཐོགས། །གཟིག་གི་མགོ་ཅན་དུས་ལ་བབ། །གཏོགས་འདོད་སྔོན་མོ་འཁོར་ལོ་འཆང་། །སྲེ་མོང་མགོ་ཅན་དུས་ལ་བབ།། གཞོན་ནུ་དམར་མོ་མདུང་ཐུང་འཕེན། །ཕག་གི་མགོ་ཅན་དུས་ལ་བབ། །བརྒྱ་བྱིན་དཀར་མོ་ཨིནྡྲ་གདེངས། །ཁྱུང་གི་མགོ་ཅན་དུས་ལ་བབ། །རྡོ་རྗེ་ནག་མོ་

[Full Size]

ལྕགས་ཀྱུ་འཛིན། །ཁུ་བྱུག་མགོ་ཅན་དུས་ལ་བབ། །བསྔགས་ཤིང་བསྐུལ་བ་ང་ཡི་བྱེད། །བཅོལ་བའི་ཕྲིན་ལས་ཁྱོད་ཀྱིས་མཛོད། བྷྱོཿས་ཡ་སི༔ གནོད་བྱེད་དགྲ་བགེགས་མ་རཱ་ཡ་ཐུན་བྷྱོཿ ཤར་གྱི་ཟོར་ཆུང་བདུན་འཕང་། སཿ དོམ་གདོང་ནག་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་དང་། །ཀརྨ་རིགས་ཀྱིས་བྱད་མ་ཟློག །ཉམས་པ་ལྷ་སྲུང་བཅས་པ་ཀུན། །རྡུལ་ཕྲན་བཞིན་དུ་བརླག་གྱུར་ཅིག །བྷྱོ་ཧཱུྃ་ཏྲི་མ་ནུ་ཁྲོ་བྷྱོ་དུ་དུ་ཙ་ཤ་ནན། ཨཿཀ་མ་ནུ་ཁྲོམ་བྷྱོ། ཤད་བུ་གྱེན་བུ་ནན། ས་ར་མ་ནི་ཁྲོམ་བྷྱོ། ཏྲ་ནི་ཏྲ་ནི་ནན། ནི་ལི་དྷ་ར་ཁྲོམ་བྷྱོ། ཏྲི་ཕུ་ཏྲི་ཕུ་ནན། ཧྲཱིཿཤ་ཏྲ་ཁྲོམ་བྷྱོ། དུན། ཏིང་དུ་ནན། ཨ་ཧྲིནི་ས་བྷྱོ། བྱད་མ་ལྷ་སྲུང་བཅས་པ་མཱ་ར་ཡ་ཕཊ༔ ཅེས་བསྙེན་པའི་སྔགས་རིང་བརྗོད་ཅིང་བྱང་གི་གཏོར་མ་བྱང་དུ་གདེངས་ཙམ་བྱས་ལ་ལིངྒར་རྒྱབ། དྲེད་གདོང་དམར་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་དང་། །པདྨ་རིགས་ཀྱིས་བྱེད་མ་ཟློག །ཉམས་

[Full Size]

པ་ལྷ་སྲུང་བཅས་པ་ཀུན། །རྡུལ་ཕྲན་བཞིན་དུ་བརླག་གྱུར་ཅིག །ཧཱུྃ་ཧཱུྃ་ཏྲི་མ་ནུ་ཁྲོ་བྷྱོཿ དུ་དུ་ཙ་ཤ་ནན། ཨཀ་མ་ནུ་ཁྲོམ་བྷྱོ། ཤོད་བུ་གྱེན་བུ་ནན། ས་ར་མ་ནི་ཁྲོམ་བྷྱོ་ཏྲ་ནི་ཏྲ་ནི་ནན། ནི་ལི་དྷ་ར་ཁྲོམ་བློ། ཏྲི་ཕུ་ཏྲི་ཕུ་ནན། ཧྲཱིཿཤ་ཏྲ་ཁྲོམ་བྷྱོ། དུན་ཏིང་དུ་ནན། ཨ་ཧྲཱིཿཝཿནི་ས་བྷྱོ། བྱད་མ་ལྷ་སྲུང་བཅས་པ་མཱ་ར་ཡ་ཕཊ༔ ཅེས་བསྙེན་པའི་སྔགས་རིང་བརྗོད་ཅིང་ནུབ་ཀྱི་གཏོར་མ་ནུབ་ཏུ་གདངས་ཙམ་བྱས་ལ་ལིངྒར་རྒྱབ། སྟག་གདོང་སེར་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་དང་། །རིན་ཆེན་རིགས་ཀྱིས་བྱད་མ་ཟློག །ཉམས་པ་ལྷ་སྲུང་བཅས་པ་ཀུན། །རྡུལ་ཕྲན་བཞིན་དུ་བརླག་གྱུར་ཅིག །བྷྱོ་ཧཱུྃ་ཏྲི་མ་ནུ་ཁྲོ་བྷྱོཿ དུ་དུ་ཙ་ཤ་ནན། ཨཀ་མ་ནུ་ཁྲོམ་བྷྱོ། ཤད་བུ་གྱེན་བུ་ནན། ས་ར་མ་ནི་ཁྲོམ་བྷྱོ། ཏྲ་ནི་ཏྲ་ནི་ནན། ནི་ལི་དྷ་ར་ཁྲོམ་བྷྱོ། ཏྲི་ཕུ་ཏྲི་ཕུ་ནན། དྭིཤ་ཏྲ་ཁྲོམ་སྦྱོ། །དུན་ཏིང་དུ་ནན། ཨ་ཧིན་ས་བྷྱོ། བྱད་མ་ལྷ་སྲུང་བཅས་པ་མཱ་ར་ཡ་ཕཊ༔ ཅེས་བསྙེན་པའི་སྔགས་རིང་བརྗོད་ཅིང་ལྷོའི་གཏོར་མ་ལྷོར་གདེངས་ཙམ་བྱས་ལ་ལིངྒར་རྒྱབ། སེང་གདོང་དཀར་

[Full Size]

མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་དང་། །རྡོ་རྗེ་རིགས་ཀྱིས་བྱེད་མ་ཟློག །ཉམས་པ་ལྷ་སྲུང་བཅས་པ་ཀུན། །རྡུལ་ཕྲན་བཞིན་དུ་བརླག་གྱུར་ཅིག །བྷྱོ་ཧཱུྃ་ཏྲི་མ་ནུ་ཁྲོ་བྷྱོཿ དུ་དུ་ཙ་ཤ་ནན། ཨཀ་མ་ནུ་ཁྲོམ་བྷྱོ། ཤད་བུ་གྱེན་བུ་ནིན། ས་ར་མ་ནི་ཁྲོམ་བློ། ཏྲ་ནི་ཏྲ་ནི་ནན། ནི་ལི་དྷ་ར་ཁྲོམ་བྷྱོ། ཏྲི་ཕུ་ཏྲི་ཕུ་ནན། དྭིཤ་ཏྲ་ཁྲོམ་བྷྱོ། དུན་ཏིང་དུ་ནན། ཨ་ཧྲིནི་ས་བྷྱོ། བྱད་མ་ལྷ་སྲུང་བཅས་པ་མཱ་ར་ཡ་ཕཊ༔ ཅེས་བསྙེན་པའི་སྔགས་རིང་བརྗོད་ཅིང་ཤར་གྱི་གཏོར་མ་ཤར་དུ་གདེངས་ཙམ་བྱས་ལ་ལིངྒར་རྒྱབ། བྷྱོཿ བྱད་ཟློག་ལྷ་མོའི་ནུས་མཐུ་ཡིས། །བན་བོན་ཉམས་པ་རྩད་ནས་ཆོད། །ཡེ་ཤེས་མཁའ་འགྲོ་མན་ཆད་ནས། །ལྷ་སྲིན་ཕྲན་བུ་ཡན་ཆད་དང་། །སངས་རྒྱས་རིགས་ཀྱིས་བྱད་མ་ཟློག །ཉམས་པ་ལྷ་སྲུང་བཅས་པ་ཀུན། །རྡུལ་ཕྲན་བཞིན་དུ་བརླག་གྱུར་ཅིག །བློ་ཧཱུྃ་ཏྲི་མ་ནུ་ཁྲོ་དུ་དུ་ཙ་ཤ་ནན། ཨཀ་མ་ནུ་ཁྲོམ་བྷྱོ། ཤད་བུ་གྱེན་བུ་ནན། ས་ར་མ་ནི་ཁྲོམ་བྷྱོ། ཏྲ་ནི་ཏྲ་ནི་ནན། ནི་ལི་དྷ་ར་ཁྲོམ་བྷྱོ། ཏྲི་ཕུ་ཏྲི་ཕུ་ནན། ཧྲཱིཿཤ་

[Full Size]

ཏྲ་ཁྲོམ་བྷྱོ། དུན་ཏིང་དུ་ནན། ཨ་ཧྲིནི་ས་བྷྱོ། བྱད་མ་ལྷ་སྲུང་བཅས་པ་མཱ་ར་ཡ་ཕཊ༔ ཅེས་དབུས་ཀྱི་ཟོར་མ་འཕངས། དེ་ནས་ཟོར་རྣམས་ཐམས་ཅད་བསྡུས་བྱས་ལ་གཏོར་མའི་རིགས་རྣམས་བྱ་ཁྱིས་ཟ་རྒྱུ་གཏོར། སའི་ཀོང་ཟོར་ཐམས་ཅད་བཅག་སྟེ་གཏོར། རྩང་རྣམས་ཐམས་ཅད་བསྡུས་ཏེ་མེ་ལ་བསྲེག །བྱད་ཟློག་ལྷ་མོ་མཆེད་ལྔ་དང་། དབང་ཕྱུག་ཉི་ཤུ་རྩ་བརྒྱད་ཀུན། །མ་མོ་མཁའ་འགྲོ་བཞུགས་པའི་གནས། །བྱང་ཤར་ཆོས་ཀྱི་དབྱིངས་སུ་གཤེགས། །སརྦ་ཛྙཱ་ན་དྷ་ཀི་ཤྭ་རི་བཛྲ་མུཿ༔ དེ་ནས་གཏོར་སྣོད་ཐམས་ཅད་མདུན་དུ་སྦུབས། རི་ལ་ཡིན་ན་དར་ནག་དྲིལ་ཏེ་སྟེང་དུ་བཟུང་། ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ༔ རང་ཉིད་དྲན་རྫོགས་མཁའ་འགྲོ་སེང་གདོང་མ། །གྲི་ཐོད་ཁ་ཊཾ་འཛིན་ཞིང་གར་སྟབས་མཛད།། །གནོད་བྱེད་གདོན་བགེགས་དམ་སྲི་ཐམས་ཅད་ནི། །རྒྱ་ཁབ་ས་འབོལ་ནང་དུ་བརྡབ་པ་ལྟར། །རིམ་དགུའི་ས་ཡི་འོག་ཏུ་ཏ་ལེར་སོང་། །གཏོར་གཞོང་རི་རབ་གླིང་བཞིའི་སྟེང་ནས་ནོན། །བྱམས་མགོན་མ་བྱོན་མར་དུ་མ་ལྡང་ཞིག །རྡོ་རྗེ་རྒྱ་གྲམ་དུ་རྒྱས་བཏབ་ལ། །ༀ་ལཾ་ཧཱུྃ་ལཾ་སུཾ་བྷ་ཡ་ནན། དེ་ནས་ཕྱི་མིག་མི་ལྟ་ནང་དུ་ལོག །བཀྲ་ཤིས་གང་ཤེས་བརྗོད་པ་མ་གཏོགས་པར། །རྗེས་ཆོག་གཞན་ནི་འདི་ལ་མི་

[Full Size]

དགོས་སོ། །སྤར་ཁ་ལི་ལ་རྩུབ་ལ་སྤར་ཁའི་བཅོས། །བྱད་ཟློག་རིགས་ལ་འདི་བས་ལྷག་པ་མེད། །ནད་རིམས་རྐྱེན་ངན་དྲག་པོ་ཀུན་ལ་ཕན། །དེ་ཕྱིར་དབང་ཕྱུག་མ་ཡི་ཟོར་མདོས་འདི། །མོ་རྩིས་གཞུང་ཆེན་ཀུན་ནས་ལུང་སྟོན་པའི། །ཇི་བཞིན་ཤེས་མཁན་ཉིན་མོའི་སྐར་མ་ཙམ། །སྔར་གྱི་རྙིང་མའི་དཔེ་རྒྱུད་འགའ་མཆིས་ཀྱང་། །ཆ་ལག་མ་ཚང་དབང་ལུང་བརྒྱུད་པ་ཆད། །དེ་ཕྱིར་དགོངས་གཏེར་ནང་ནས་བྱུང་བ་ཡི། །དོན་བཀྲོལ་ཕྱག་ལེན་གཏན་ལ་ཕབ་པ་ཡིན། །དབང་གི་དུས་སམ་ཡང་ན་ཟོར་གྱི་དུས། །ཟོར་དེ་ཚུར་ལ་ལོག་པར་གྱུར་པ་ན། །མཁའ་འགྲོ་མ་དགའ་བ་ཡི་རྟགས་ཡིན་པས། །རྗེས་ནས་བསྐང་ཐུང་ཚར་གྲངས་མང་ཞིག་འདོན། །དེ་ཡི་དབང་ལུང་བཀའ་གཏད་ཞུ་བའི་དུས། །ཡོན་དུ་མཚོན་ཆ་ཕུལ་ན་ཕན་ཐོགས་ཆེ། །མ་འོངས་འགྲོ་ལ་ཕན་པའི་སེམས་བསྐྱེད་ནས། །གཏེར་བློན་རཱ་ག་ཨ་སྱས་བསྒྲིགས་པ་ཡིན། །ཡི་གེ་པ་ནི་དགེ་སློང་བརྩོན་འགྲུས་ཡིན། །ཉེས་འགལ་མཆིས་ན་མ་མོ་མཁའ་འགྲོར་བཤགས། །དགེ་བས་ཕན་ཐོགས་རྒྱ་ཆེར་འབྱུང་བར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཟའ་འགྱོགས།

[Full Size]

གཟའ་འགྱོགས་བཞུགས། ༈ གཟའ་འགྱོགས་ལ་སྣོད་གཙང་མའི་ནང་དུ་གཟའ་བརྒྱད་ཀྱི་གཏོར་མ་བཤོས་ཕྲན་བརྒྱད་གྲུ་གསུམ་པ་བཅས་པ་ལ་ཤ་ཁྲག་དང་ཆང་ཕུད་ཀྱིས་བྲན། གཏོར་མ་སྭ་བྷ་ཝས་སྦྱངས། །སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཨོཾ་ཨཱཧཱུྃ་གིས་བདུད་རྩིར་བྱིན་གྱིས་བརླབས་ཏེ། རང་ཉིད་ཕྱག་ན་རྡོ་རྗེར་གསལ་བའི་མདུན་དུ་གཟའ་བརྒྱད་པོ་གུས་པའི་ཚུལ་དུ་འདུག་པར་བསྐྱེད། ཧཱུྃ། སངས་རྒྱས་བསྟན་པ་སྐྱོང་མཛད་པའི། །ལེགས་ཉེས་ཀུན་གྱི་སྟངས་འཛིན་ཞིང་། །བླ་མེད་བཀའ་ཡི་བྱ་ར་བ། །དྲང་སྲོང་འཁོར་བཅས་གཤེགས་སུ་གསོལ། །འབར་བའི་གདན་ལ་བཞུགས་ནས་ཀྱང་། །མཐུན་པའི་དམ་རྫས་མཆོད་པར་བཞེས། །ཕོ་བྲང་མཛེས་པའི་གཞལ་ཡས་འདིར། །འབྲུ་བཟང་སྣ་ཚོགས་བཤོས་གཏོར་ལ། །དར་ཟབ་སྣ་ཚོགས་རྒྱན་དུ་བཏགས། །འབྲུ་བཅུད་ངར་གྱི་སྐྱེམས་སུ་འབུལ། །རྟ་དང་རྔ་མོང་བྱ་མོའི་ཚོགས། །གསེར་དངུལ་དར་ཟབ་དབྱིགས་དང་བཅས། །ཤ་ཆང་དཀར་མངར་མཆོད་པ་རྣམས། །གཟའ་བདུད་འཁོར་དང་བཅས་ལ་འབུལ། །གསོལ་ཞིག་རོལ་ཅིག་དགྱེས་པར་མཛོད། །

[Full Size]

འབྲུ་བཟང་ལྷ་བཤོས་ཤ་ཆེན་སྤོས། །ཚིལ་ཆེན་སྣང་གསལ་རོལ་མོའི་ཚོགས། །སྐུ་གླུད་སྤྱན་གཟིགས་མང་པོ་དང་། །དམ་རྫ་ས་སྨན་གཏོར་རཀྟ་ཡིས། །གཟའ་བདུད་ཡབ་ཡུམ་ཐུགས་དམ་བསྐང་། །སྲས་མཆོག་གཟའ་བརྒྱད་ཐུགས་དམ་བསྐང་། །ལྗང་སྔོན་དྲག་པོའི་ཐུགས་དམ་བསྐང་། །དྲང་སྲོང་དཀར་སེར་ཐུགས་དམ་བསྐང་། །བདུད་པོ་རོག་ཏིའི་ཐུགས་དམ་བསྐང་། །བྱི་ལིང་པ་ཏྲའི་ཐུགས་དམ་བསྐང་། །ཧ་ལི་ཀ་ཡི་ཐུགས་དམ་བསྐང་། །དུ་བ་མཇུག་རིང་ཐུགས་དམ་བསྐང་། །ཁྱབ་འཇུག་ཆེན་པོའི་ཐུགས་དམ་བསྐང་། །སྒྲ་གཅན་འཛིན་གྱི་ཐུགས་དམ་བསྐང་། །གདོང་མོ་མཆེད་བཞིའི་ཐུགས་དམ་བསྐང་། །སྤྲུལ་པའི་གཟའ་བརྒྱད་ཐུགས་དམ་བསྐང་། །རྒྱུ་སྐར་ཉེར་བརྒྱད་ཐུགས་དམ་བསྐང་། །ལྷ་སྲིན་སྡེ་བརྒྱད་ཐུགས་དམ་བསྐང་། །འཁོར་གྱི་དམག་ཚོགས་ཐུགས་དམ་བསྐང་། །བསྐང་ངོ་མཆོད་དོ་གཡར་དམ་ཅན། །ཐུགས་དམ་གཉན་པོ་བསྐང་མཛོད་ལ། །རྣལ་འབྱོར་བདག་ཅག་འཁོར་བཅས་ཀྱི། །ཆག་ཆེན་ཉམ་ང་བཟློག་ཏུ་གསོལ། །ཕུར་ཁ་བཟློག་པའི་དུས་ལ་བབ། །ཟོར་ཁ་བཟློག་པའི་དུས་ལ་བབ། །

[Full Size]

བྱད་ཁ་བཟློག་པའི་དུས་ལ་བབ། །དལ་ཁ་བཟློག་པའི་དུས་ལ་བབ། །རིམས་ཁ་བཟློག་པའི་དུས་ལ་བབ། །ཀླུ་གདོན་བཟློག་པའི་དུས་ལ་བབ། །ཡམས་ནད་བཟློག་པའི་དུས་ལ་བབ། །རྣལ་འབྱོར་སྐྱོང་བའི་དམ་ཚིག་ཅན། །བཟློག་ཅིང་བསྒྱུར་བའི་ཕྲིན་ལས་མཛོད། །ཨོཾ་ཨཱཿཧཱུྃ་རཱ་ཧུ་ལ་གཟའ་ཁ་ཏྲ་རུ་ཏྲ་ཨི་དཾ་བྷ་ལིང་པཱུ་ཙ་ཁ་ཁ་ཁཱ་ཧི་ཁཱ་ཧི། ཞེས་བདུན་སོགས་ཀྱིས་ཕུལ་ནས་དགྱེས་པའི་ཚུལ་གྱིས་གསོལ་བར་བསམ། ཧཱུྃ། དྲང་སྲོང་གཟའ་བརྒྱད་འཁོར་བཅས་ལ། །མཆོད་སྦྱིན་གཏོར་མ་འདི་འབུལ་གྱིས། །དགྱེས་པའི་ཚུལ་གྱིས་བཞེས་སུ་གསོལ། །།གནོད་པའི་བསམ་པ་ཞི་བར་མཛོད། །ཧཱུྃ། གཟའ་མཆོག་ཆེན་པོ་རཱ་ཧུ་ལ། །འཇིགས་བྱེད་ཆེན་པོ་དྲག་རྩལ་ཅན། །ཕ་ནི་སྲིན་ལ་མ་ནི་ཀླུ། །ཀླུ་སྲིན་འཚོགས་པའི་མཐུ་བོ་ཆེ། །ལུས་པོ་གཅིག་ལ་མགོ་བོ་དགུ། །མགོ་ལུས་མེད་པར་མིག་གིས་ཁེངས། །སྐུ་ནི་འཇིགས་པའི་དུད་ཁ་ལ། །གཡས་པས་རལ་གྲི་རྒྱལ་མཚན་ཏེ། །གཡོན་པས་སྦྲུལ་ཞགས་མདའ་གཞུ་འཛིན། །རང་འཁོར་སྡེ་བརྒྱད་ཚོགས་དང་ནི། །མཆེད་བརྒྱད་མཆོད་གཏོར་འདི་གཤེགས་ཤིག །བདག་ཅག་ཡོན་

[Full Size]

མཆོད་འཁོར་བཅས་ལ། །གནོད་ཅིང་གདུག་པ་མ་མཛད་ཅིག །ཕྱག་ན་རྡོ་རྗེའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་སྦྱིན་གཏོར་མ་འདི་བཞེས་ལ། །གནོད་པའི་བསམ་པ་རབ་ཞི་ནས། །ཕན་བདེ་བྱང་ཆུབ་སེམས་ལྡན་པས། །རང་གི་གནས་སུ་བདེ་བར་དེངས། །།སྔོན་ཆད་གནོད་པ་བྱས་གྱུར་ན། །བཟུང་བ་ཐོངས་ལ་བཅིངས་བ་ཁྲོལ། །མནན་པ་ཁྱོག་ལ་དུག་རྣམས་ཕྱུང་། །ཕྱིན་ཆད་གནོད་པ་མ་བྱེད་ཅིག །གལ་ཏེ་གནོད་པ་བྱས་གྱུར་ན། །སྔོན་གྱི་དམ་བཅའ་འགལ་འགྱུར་ཞིང་། །ཕྱག་ཀློན་རྡོ་རྗེ་ཐུགས་ཁྲོས་ནས། །སྐད་ཅིག་ཉིད་ལ་བརླག་པར་འགྱུར། །དེ་བས་དམ་ལ་མ་འདའ་བར། །འདོད་ཡོན་རྒྱན་མཆོད་འདི་བཞེས་ལ། །རང་གི་གནས་སུ་ད་གཤེགས་ཤིག༔ ཧྲཱིཿཤག་རུ་རཾ་ནཱ་གེ་ཙིཏྟ་ཏྲཾ་མ་མ་ཡོ་ཟ་ཧཱུྃ་ཧ་ཧོ་ཡོ་ག་ཤ་ཡ་ཛཿཛཿ ཨི་དཾ་བྷ་ལི་ཏ་ས་མ་ཡ་ཁཱ་ཧི་ཁཱ་ཧི༔ ཨོཾ་ཀེ་ཏ་ཀེ་ཏ་རཱ་ཧུ་ལ་ར་ཙཱ་རཀཱ་ས་མ་ཡཱ༔ གཟའ་བདུད་ཆེན་པོ་རཱ་ཧུ་ལ་འཁོར་དང་བཅས་པ་ཁྱེད་རྣམས་ཀྱིས། དམ་རྫས་མཆོད་སྦྱིན་གཏོར་མ་འདི་སྣོམས་ལ། གནོད་པ་དང་གདུག་པའི་སེམས་ཞི་ཞིང་ཕན་པ་བྱང་ཆུབ་ཀྱི་སེམས་དང་ལྡན་

[Full Size]

པར་མཛོད་ལ་རང་གི་གནས་སུ་གཤེགས་ཤིག་གཙྩ༔ གྷ་གྷ་གྷ་ཏ་ཡ་གྷ་ཏ་ཡ་གཙྩ་ཞེས་པས་བསྔོས་ཏེ་གཏོར་མ་གཙང་སར་བསྐྱལ། གཏོར་མས་ཚིམས་ནས་རཱ་ཧུ་ལ་འཁོར་དང་བཅས་པ་རང་གནས་སུ་གཤེགས་པར་བསམ། ནད་པ་ལ་སོགས་བསྲུང་བར་འདོད་པ་ཕྱག་ན་རྡོ་རྗེའི་ཐུགས་ཀར་ཡོད་པར་བསམ་ཞིང་། སྲུང་བའི་འཁོར་ལོ་བསྒོམ་པར་བྱའོ། །རྗེས་ལ་བསྔོ་བ་བྱ་ཤིས་པ་བརྗོད་མི་དམིགས་པས་རྒྱས་བཏབ་བོ། །དེ་ནས་གནོད་པ་མི་བྱེད་དོ། །སྔར་བྱས་ཀྱང་སེལ་བར་འགྱུར་རོ། །ས་མ་ཡ་དྷ་ཐིམ། མི་གཡོ་བ་བརྟུལ་ཕོད་པའི་རྒྱུད་ལས། བདེ་གཤེགས་བདག་གིས་བསྒོམས་ནས་སུ། །གཟའ་རྣམས་སོ་སོར་མདུན་གནས་ནས། །གསང་སྔགས་བརྗོད་པར་བྱ་བ་ཡིན། །ཞེས་དང་། སྣ་ཚོགས་གཟུགས་ཅན་གཟའ་རྣམས་ནི། །དེ་ལྟར་ཐམས་ཅད་མཆོད་པར་བྱ། །སྐལ་བཟང་སྐྱེ་བར་འགྱུར་བ་དང་། །ལོངས་སྤྱོད་རྒྱ་ཆེན་སྩོལ་བར་འགྱུར། །རྒྱལ་པོ་མི་རྒོད་ཆོམ་རྐུན་སོགས། །སྲིན་པོ་ལྟོ་འཕྱེ་སྦྲུལ་ལ་སོགས། །དེ་ཀུན་འབྱུང་བར་མི་འགྱུར་ཏེ། །དེ་ཡི་འཇིགས་པ་བསམ་ཡང་ཞི། །ནད་རྣམས་ཀུན་ལས་རྣམ་པར་གྲོལ། །སྡུག་བསྔལ་ཐམས་ཅད་རྣམ་པར་སྤངས། །ཐམས་ཅད་བྱང་ཆུབ་གོ་འཕང་ཐོབ། །ཐེ་ཚོམ་མེད་པར་འབྱུང་བར་འགྱུར། །ཞེས་གསུངས་པའོ། །ཞེས་པ་སངས་རྒྱས་གླིང་པའི་གཏེར་ཁ་གཟའ་ཡི་མཆོད་བསྟོད་དང་། རཏྣ་ལུགས་ཀྱི་སྤྱན་འདྲེན་བསྐང་བ་ཟུང་དུ་གབ་སྤྱད། དེའི་ཕན་ཡོན་རྒྱུད་ནས་བཏུས་ཏེ་

[Full Size]

རང་གཞན་ལ་ཕན་པའི་ཕྱིར། ༧ རཱ་ག་ཨ་སྱས་བསྒྲིགས་པ་ཉེས་འགལ་གང་མཆིས་ཁྱབ་འཇུག་འཁོར་དང་བཅས་ལ་བཤགས་ཤིང་། དགེ་བས་འགྲོ་ཀུན་སྟེང་གདོན་ལས་གྲོལ་བར་གྱུར་ཅིག །ཡི་གེ་པ་ནི་ཧོར་བླ་མ་པདྨ་མཐར་ཕྱིན་ཞེས་པས་བགྱིས་སོ། །མངྒ་ལཾ།། །།

བཀའ་གཏེར་གཉིས་ནས་བསྡེབས་པའི་གླུད་གཏོར་ལན་ཆགས་བརྒྱ་བསྔོ།

[Full Size]

བཀའ་གཏེར་གཉིས་ནས་བསྡེབས་པའི་གླུད་གཏོར་ལན་ཆགས་བརྒྱ་བསྔོ་བའི་དབུ་ཕྱོགས་བཞུགས་སོ། །

[Full Size]

བླ་མ་འཇམ་པའི་དབྱངས་ལ་ཕྱག་འཚལ་ལོ། །བདག་གཞན་མོས་བློས་ཚིམས་ནས་འཇུག་བདེའི་ཕྱིར། །རིགས་དྲུག་སེམས་ཅན་སྣང་སྲིད་ལྷ་འདྲེ་ལ། །ཕན་པའི་སེམས་ཀྱིས་གླུད་གཏོར་ལན་ཆགས་བྲི། །རང་གི་སྐྱེ་བ་སྔ་མ་དང་ལུས་ཐོག་འདི་ནས་དཀོར་ཟོས། བསད་བསད་བརྡུང་བརྡུང་རྐུ་འཕྲོག་བྱས་པའི་ལན་ཆགས་བདག་པོའི་ཚུར་ལྷ་འདྲེ་དྲང་ཤན་ཅན་རྣམས་ཀྱིས་ལན་ཆགས་བདའ་བས། ཚེ་འདིར་ནད་དགྲ་དབུལ་ཕོངས་འཐབ་རྩོད་དང་། ཕྱུགས་གོད་རྟ་ཤི་བཞོན་སྐམ་སྡུག་བསྔལ་སྣ་ཚོགས་པ་འབྱུང་བས་དེ་ལ་བུ་ལོན་འཇལ་བའི་ཚུལ་དུ་ལན་ཆགས་འཇལ་དགོས་པ་དང་། ཡང་འཇལ་མི་དགོས་ཀྱང་། བྱི་ན་ཡ་ཀ་མན་ཆད་དང་། གྲོང་རྒྱུག་འདྲེ་མོ་ཡན་ཆད་སྔོན་གྱི་ལས་ངན་ཟབ་མོས། ད་ལྟ་ནག་མོ་འདྲེ་རུ་སྐྱེས་ནས་

[Full Size]

སྔོན་ཆད་མཆོད་སྦྱིན་མ་ཐོབ། སྐལ་བ་ཆད་པས་མཚན་མོ་རེ་ལ་སྟོང་གསུམ་ཉུལ་ཤ་རྗེན་ཟ་བ་ཁྲག་གི་དྲི་ཚོར་ནས་འདུག་བཟོད་མེད་པ། ནད་པ་བྱིས་སྦ་ལ་ཤ་རུལ་ལ་སྦྲང་མ་བཞིན་དུ་འདུ། ཆུ་དང་ལམ་ངན་སར་སུ་འགྲིམ་བསྒུག །ཆང་འཐུང་དང་རྩེད་མོ་སར་གང་ཡང་དཀྲུག །ནད་ཀྱིས་སྣ་འདྲེན་ནས། བཟུང་བཅིངས་བསྡོམ་མནན་ནས་མི་བཏང་ངོ། །དེ་ཉེས་ཆེན་བཙོན་དུ་ཟོང་གིས་བསླུ་བའི་ཚུལ་དུ་ལན་ཆགས་འཇལ་དགོས། ཁྱད་པར་དུ་ནད་པ་འཆི་བ་ལ་གལ་ཆེ། བར་དོའི་སྐབས་སུ་ནག་པོ་འདྲེ་ཡི་ཡུལ་མུན་པའི་གླིང་ཡོད་པའི་ནང་ནས་བུད་མེད་ཁ་གདངས་མཆེ་བ་སྟག་གཟིག་ལྟར་གཙིགས། གྲི་ཁུག་དང་ཁྲག་རྫ་བཟུང་བ་དང་། མི་ནག་འཇིགས་པ་ཆེ་བས་ཞགས་པ་བཤའ་གྲི་བཟུང་བ་དང་། འདྲེའི་རིགས་རི་བོ་ཙམ་གྱིས་སྙིང་གས་པ་

[Full Size]

དང། གཟུགས་མི་འདྲ་བ་མང་པོས་ཙག་བུས་འབུག །སྟ་རེས་བཀས། སོག་ལེས་མགོ་དང་ཡན་ལག་བྲེག་དེ་རྣམས་ཀྱིས་བསྒུག་ནས་ཡོད་པ་ལ་ཤ་ཁྲག་གི་ཁྲལ་འཇལ་དགོས་པའི་སྡུག་བསྔལ་མྱོང་དགོས་པས། དེ་མི་ཤ་ལ་སྟོང་འཇལ་བ་ལྟར་ལན་ཆགས་བསྔོས་ནས། དེས་བར་དོ་ནས་ཤ་ཁྲག་གི་ཁྲལ་འཇལ་མི་དགོས། རྒྱལ་བའི་སྨོན་ལམ་མཐུ་བཙན་པས་འདྲེ་རྣམས་ཀྱི་བཀའ་བཅག་མི་ཕོད། ཡང་སྔོན་ལས་ངན་སྲིན་ཟ་ནག་མོ་ཞིག་བུ་ལྔ་བརྒྱ་ཡོད་པས་འཇིག་རྟེན་གྱི་ཁམས་འདིར་མི་ཕྱུགས་བྱིས་སྦ་ཐམས་ཅད་འཕྲོག་ནས་ཟ་བས་མིང་ཡང་འཕྲོག་མ་མ་བུར་གྲགས། བུ་དམར་བ་གསེར་གྱི་ལག་པ་ཅན་དེ་རྒྱལ་བ་ཤཱཀྱ་ཐུབ་པས་ལྷུང་བཟེད་ཞབས་སུ་བསྐུངས་བས་འཕྲོག་མས་བུ་ཚོལ་ནས་འོང་། ཁྱེད་ཀྱིས་རིག་གམ་ཞུས་པས། རྒྱལ་བས་ཁྱོད་མ་བུས་སེམས་ཅན་ཉེས་མེད་འདི་རྣམས་མ་འཕྲོག་ན་ངས་བསྟན་གསུངས། འཕྲོག་མས་བཟའ་བ་མེད་པས་ལྟོགས་གྲིར་ཤི་ན་ཅི་ལགས་ཞུས་རྒྱལ་བས་ལན་ཆགས་བདུན་བྱིན་གྱིས་བརླབས་ནས་བྱིན། །ཟོས་འཐུང་བཀྲེས་སྐོམ་ཞི་གོས་རྒྱན་ཅི་འདོད་པ་བྱུང་ནས། ཕྱིན་ཆད་སྲོག་མི་གཅོད་པར་ཁས་བླངས། འཇིག་རྟེན་ན་མཆོག་དམན་རྣམས་ཀྱིས་ཟས་ཀྱི་ཕུད་ལ་ལན་ཆགས་བདུན་ནམ། ལྔའམ་གསུམ་བྱས་ནས་ཡིག་དྲུག་བཏོན་ནས་བསྔོ་བའི་ཆེད་བྱས་པས། དེང་སང་སྦྱིན་པ་གཏོང་བའི་ཚུལ་དུ་བསྔོ་དགོས་སོ། །བྱང་ཆུབ་སེམས་དཔའ་རྣམས་ཀྱིས་ཀྱང་ལན་ཆགས་འཇལ་དགོས་ཏེ། དཔེར་ན་རྒྱལ་མོ་རོང་པས་སློབ་དཔོན་བཻ་རོ་ཙཱ་ན་ཤིག་དོང་དུ་བསྒྱུར་བས་ཞག་གསུམ་

[Full Size]

བཞུགས་སོ། །བཻ་རོའི་ཞལ་ནས་ཆོས་གོས་ཀྱིས་ཤིག་བཏུ་བཅོལ། དེ་ཡི་རྣམ་སྨིན་ལན་ཆགས་འདི་ལས་བྱུང་། ལན་ཆགས་འདི་ཡིས་འཁོར་གྱུར་ཅིག །ཅེས་གསུངས་སོ། །འདི་ནི་མི་ཡི་ནང་རིགས་སྣ་ཚོགས་བུད་མེད་སྦྲུམ་མ་བྱིས་སྦ་ཆུང་ངུ་ཞིང་གི་ལོ་འདྲེ་ལུས་ཀྱི་ཤི་ག །ཕྱུགས་ཀྱི་གོད་ཁ་ལྟོགས་འགོང་དབུལ་སྲི་དང་། དྲག་པོའི་ལས་གང་དང་གང་བརྩམ་པའི་ཐོག་མར་དང་། དེ་ཐམས་ཅད་ལན་ཆགས་ལ་འཁོར་ཞིང་རེ་བས་བསྔོ་དགོས་པས་གལ་ཆེ་སྟེ་གལ་ཆུང་བར་བྱེད་པ་སྣང་བ་མ་ཤེས་རྨོངས་པའི་བློ་འདི་སྙིང་རེ་རྗེ། ༈ དེ་ནས་ལན་ཆགས་བསྔོ་བའི་བཅའ་གཞི་ནི། བསྭེ་ལྕགས་ཐོད་གསུམ་མ་ཡིན་པའི་སྣོད་ནང་དུ། ཤ་ཆང་སྒོག་ཙོང་གིས་མ་སྦགས་པའི་འབྲུ་སྣ་ལྔའི་ཟན། སྦྱིན་བདག་གི་ལུས་ལ་དྲུད། འབྱོར་པ་ཆེ་ན་ཤིང་ཤུན་ནམ་སོག་མ་བཅིངས་ལ་ཟན་དེས་བསྣུམ་སྟེ་ངར་མི་ལུས་ཚད་བྱ། མིག་གཉིས་ལ་རཾ། རྣ་བར་ཡཾ། ཁ་ལ་ཁཾ། ལྕེ་ལ་ལཾ། སྙིང་གར་བླ་དྭགས་གང་ཡིན་པའི་སེམས་ཅན་གྱི་སྙིང་དང་ཨེ་བྲིས་པའི་ཤོག་དྲིལ་བཅུག །མཆོང་གི་ཤ། དུང་གི་རུས། མཚལ་གྱི་ཁྲག །སྤུ་ཤེལ་རྩེ་ཡི་རྒྱུས་པ། མུ་ཏིག་གི་ཀླད་པ། ཟེར་མང་སྐྲ། གཟི་ཡི་མིག །བྱི་རུའི་ལྕེ། མགྲོན་བུའི་སོ། གསེར་དངུལ་གྱི་ལག་པ། ཟངས་ལྕགས་ཀྱི་རྐང་པ། གཡུ་ཡི་སེམས་དང་ལྡན་པར་བྱའོ། །སྐྱ་སེར་བུད་མེད་གང་ཡིན་དེ་ཡི་ཞྭ་གོས་ལྷམ་སོགས་སེར་སྣ་མེད་པར་ཅི་ལྟ་བ་བཞིན་དུ་བཀོན། འབྱོར་པ་ཆུང་ན་ལུས་དྲུད་ཟན་དེས་ངར་མི་མཐོ་གང་བྱས་ལ་གོས་རྙིང་བཀོན།

[Full Size]

ཆངས་བུ་བརྒྱའམ་ཉེར་གཅིག་གིས་བསྐོར། ཡང་ཟན་གཙང་མ་ལ། ཕོ་གདོན་འབྱུང་པོ་རྟ་མགོ་ཅན། མོ་གདོན་སྲིན་མོ་བུད་མེད་རལ་པ་ཅན། ཀླུ་གདོན་ས་བདག་སྦྲུལ་མགོ་ཅན་དེ་གསུམ་སོག་ལེབ་སོགས་སྣོད་གཙང་གཅིག་ཏུ་བཤམས། ཡང་ཆངས་བུ་ཤ་དུམ་ཏིང་ལོ་འབྲུ་སྣ་ཟས་སྣ་དར་སྣ་བལ་ཚོན་སོགས་བརྒྱའམ་གང་འབྱོར་སྣོད་གཅིག་ཏུ་བཤམས། དེ་ནས་ནད་པའམ་སྦྱིན་བདག་གང་ཡིན་མདུན་དུ་བོས་སྐྱབས་སེམས་སྤྱི་ལྟར་བྱས་ལ། ཁྲུས་ཆུ་གཏོར་འགུ་ནང་དུ་འོ་ཆབ་བླུགས་ལ། རང་ཉིད་སྐད་ཅིག་དྲན་རྫོགས་ཧཱུྃ་སྨུག་ལས༔ འོད་འཕྲོས་འཕགས་མཆོད་སེམས་ཅན་དོན་བྱས་ནས༔ ཚུར་འདུས་ཡོངས་གྱུར་སྐད་ཅིག་དེ་ཉིད་ལས༔ ཁྲོ་བོ་སྨེ་བ་བརྩེགས་པ་སྐུ་མདོག་སྨུག༔ ཞལ་གསུམ་ཕྱག་དྲུག་གཡས་དཀར་གཡོན་སྔོ་བ༔ དབུས་སྨུག་ཕྱག་ནི་དང་པོ་གཉིས་ཀྱིས་ནི༔ ཐུགས་ཀར་སྡིགས་མཛུབ་བསྣོལ་ཞིང་དེ་འོག་གཉིས༔ རྡོ་རྗེ་དྲིལ་བུ་འཛིན་ཏེ་དེ་འོག་གཉིས༔ རྡོ་རྗེ་ལྕགས་ཀྱུ་འཛིན་པ་གསལ་བར་གྱུར༔ ཐུགས་ཀར་ཉི་སྟེང་ཧཱུྃ་སྨུག་མཐའ་སྐོར་དུ༔ སྔགས་ཀྱིས་གཡས་སུ་བསྐོར་ལས་འོད་དཀར་པོ༔ འཕྲོས་པས་གྲིབ་དང་མི་གཙང་བ་རྣམས་ཀུན༔ བ་མོར་ཉི་ཟེར་ཕོག་པ་བཞིན་དུ་བསལ༔ སྔགས་ཀྱི་འོད་ཟེར་འོ་ཆབ་ལ་ཐིམ་པས༔ གྲིབ་སེལ་ཡེ་ཤེས་

[Full Size]

བདུད་རྩི་ཆེན་པོར་གྱུར༔ ཨོཾ་ཨརྩི་མརྩི་བྷར་སུཾ་མ་ཧཱ་སྭ་ན་ཏ་ཡ་ཧཱུྃ་ཧཱུྃ་ཕཊཕཊསྭཱ་ཧཱ༔ ཞེས་པ་བདུན་ལས་མི་ཉུང་ཅི་འགྲུབ་བརྗོད། དེ་ནས་ངར་མིའི་སྟེང་དུ་ཡོན་བདག་དེ། ཁྲུས་བྱས་ལག་བཀྲུ་ཁ་བཤལ་མེ་ལོང་ངོས་ལ་ཡན་ལག་ལྔ་ཁྲུས་བྱས་ལ་ཁྲུས་གླུད་ངར་དུ་བླུག །དེ་ནས་གོང་གི་སྨེ་བརྩེགས་སྔགས་ཤམ་དུ། ཨོཾ་ཨེ་ཧོ་ཤུདྡྷེ། ཡཾ་ཧོ་ཤུདྡྷེ། རཾ་ཧོ་ཤུདྡྷེ། བི་ཧོ་ཤུདྡྷེ། ལཾ་ཧོ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭཱ་ཧྭ༔ དེ་ནས་བགེགས་བཀུག་པ་ནི། ཐོག་མར་ཁྲོ་བོའི་ང་རྒྱལ་དང་ལྡན་པར་བྱས་ལ། ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །ཅེས་ཚང་བར་བསྟོད་ཨིལ། ཧཱུྃ། ནམ་མཁའ་སྟོང་པ་འགུགས་བྱེད་ན། །དངོས་པོ་རྣམས་ལ་སྨོས་ཅི་དགོས། །གཟུགས་མེད་པ་ཡང་འགུགས་བྱེད་ན། །གཟུགས་དང་ལྡན་ལ་སྨོས་ཅི་དགོས། །ལུས་མེད་པ་ཡང་འགུགས་བྱེད་ན། །ལུས་དང་ལྡན་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །ས་འོག་འབྱུང་པོ་འགུགས་བྱེད་ན། །ས་སྟེང་འབྱུང་པོ་སྨོས་ཅི་དགོས། །མཐུ་ཆེན་རྣམས་ཀྱང་འགུགས་བྱེད་ན། །མཐུ་མེད་རྣམས་ནི་སྨོས་ཅི་དགོས། །ཆོས་སྐྱོང་རྣམས་ཀྱང་འགུགས་བྱེད་ན། །

[Full Size]

བགེགས་རིགས་རྣམས་ལ་སྨོས་ཅི་དགོས། །སྟོབས་ཆེན་རྣམས་ཀྱང་འགུགས་བྱེད་ན། །ལན་ཆགས་རྣམས་ལ་སྨོས་ཅི་དགོས། །འདི་ལ་ཕོ་གདོན་འབྱུང་པོ་འགུག་ཏུ་གསོལ། །འདི་ལ་མོ་གདོན་སྲིན་མོ་འགུག་ཏུ་གསོལ། །འདི་ལ་ཀླུ་གདོན་ས་བདག་འགུག་ཏུ་གསོལ། །འདི་ལ་མནའ་འདྲེ་རྙིང་པ་འགུག་ཏུ་གསོལ། །འདི་ལ་ད་འདྲེ་སོ་མ་འགུག་ཏུ་གསོལ། །འདི་ལ་ཡུལ་འདྲེ་འཁྱམས་པོ་འགུག་ཏུ་གསོལ། །འདི་ལ་ནད་འདྲེ་གདོན་བགེགས་འགུག་ཏུ་གསོལ། །འདི་ལ་གནོད་བྱེད་ཐམས་ཅད་འགུག་ཏུ་གསོལ། །ཐམས་ཅད་མ་ལུས་འགུག་ཏུ་གསོལ། །ཧཱུྃ། དུས་གསུམ་སངས་རྒྱས་ཐམས་ཅད་ཀྱིས། །ཐམས་ཅད་འགུགས་པའི་ཕོ་ཉ་ནི། །ཏ་ཀི་ཞེས་བྱ་ཁྲོ་བོ་ཡིས། །འབྱུང་པོ་མི་དང་མི་མ་ཡིན། །རཱུ་པ་འདི་ལ་མཆིས་པར་མཛོད། །གདོན་གསུམ་གཟུགས་ལ་ཆུ་གཙང་བྲན། ཨོཾ་ཤུདྡྷེ་ཤུ་དྷ་ན་ཡེ་སྭཱ་ཧཱ། ཤཱཀྱ་ཐུབ་པའི་བྱིན་རླབས་ཀྱིས། །ཐལ་མོ་ཁོང་སྟོང་ཕྱག་རྒྱའི་ནང། །ཨཱཡིག་དཀར་པོར་འོད་འཕྲོས་པས། །གླུད་གཏོར་དངོས་པོར་འཛིན་པ་དང་། །མི་གཙང་དྲི་མ་ཐམས་ཅད་དག། དོན་དམ་སྟོང་ཉིད་ངོ་བོར་གྱུར། །ཨོཾ་སྭ་བྷ་ཝ་

[Full Size]

ཤུདྡྷཿསརྦ་དྷརྨཱསཱ་བྷཱ་ཝ་ཤུདྡྷོ྅ཧཾ། མདུན་དུ་ཁྲི་གསུམ་ཡོངས་གྱུར་ལས། །དབུས་སུ་ཕོ་གདོན་གཙོ་བོ་ནི། །འབྱུང་པོ་ནག་པོ་རྟ་མགོ་ཅན། །གཡས་སུ་མོ། གདོན་གཙོ་བོ་ནི། །བུད་མེད་ནག་མོ་ཁྲག་རལ་ཅན། །གཡོན་དུ་ཀླུ་གདོན་གཙོ་བོ་ནི། །ཀླུ་བདུད་ལྗང་གུ་སྦྲུལ་མགོ་ཅན། །དེ་གསུམ་འཁོར་དུ་གདོན་དང་བགེགས། །ཁྲོམ་ཚོགས་བཞིན་དུ་འཁོར་བར་གྱུར། །བདག་དང་ཡོན་བདག་རྣོ་ལ། །ན་འདྲེ་ཤི་རྐྱེན་མི་བྱེད་པའི། །ཁས་ལེན་ཡས་ལེན་ཕྱག་རྒྱ་ཅན། །སྙིང་གར་དྲི་ཡིག་རེ་རེས་མཚན། །དེ་དག་སོ་སོའི་མདུན་རྣམས་སུ། །རང་རང་ཡིད་མཐུན་གཏོར་སྣོད་རྒྱ་ཆེ་བར། །སྟོང་གསུམ་ཙམ་གྱི་ནང་དུ་ཁཾ་ཡིག་ལས། །ངར་གྱི་མི་ཆེན་ཁོག་སྟོད་གསེར་ལས་གྲུབ། །ཁོག་སྨད་གཡུ་དང་རྐེད་པ་མཆོང་ལས་གྲུབ། །ལག་པ་གསེར་དངུལ་རྐང་པ་ཟངས་དང་ལྕགས། །ཞོ་ཤའི་སྙིང་ལ་མུ་ཏིག་ཀླད་པ་དང་། །ལོང་ཐང་མིག་ལ་ཟེར་མོའི་སྒྲོ་ཡི་སྐྲ། །བྱུ་རུའི་ལྗགས་ལ་མགྲོན་བུའི་སོ་བྱས་པ། །ཁམས་དང་སྐྱེ་མཆེད་དབང་པོ་ཡོངས་སུ་རྫོགས། །སྨྲ་མཁས་ལྗགས་ལྗགས་འགྲོ་མཁན་ལྡེམ་ལྡེམ་བྱེད། །གཅིག་ལས།

[Full Size]

བརྒྱ་སྟོང་བྱེ་བ་དུང་ཕྱུར་འཕྲོས། །སྣང་སྲིད་ལྷ་འདྲེ་བགེགས་རིགས་སྤྱན་ལམ་དུ། །མི་བས་གླུད་བཟང་ལྷ་ཡི་བུ་ཕོ་འདྲ། །ཡི་གེ་དཔའ་བོ་འབྲུ་བདུན་བྱིན་གྱིས་རློབས། །ཞེས་ངག་ཏུ། ཨོཾ་བྷྲཱུཾ་ཨཱཿཧཱུྃ་ཏྲཱཾ་ཁཾ་ཧཱུྃ། ལན་གསུམ་བརྗོད། རང་ཉིད་ཐུགས་ལས་ཨོཾ་འཕྲོས་ངར་མིར་ཕོག །སྣང་སྲིད་ལྷ་འདྲེ་ལན་ཆགས་བགེགས་རིགས་ཚོགས། །རེ་རེའི་མདུན་དུ་རེ་རེས་ཁྱབ་པར་གྱུར། །བྷྲཱུཾ་བརྗོད་ངར་མི་ལ་ཕོག་རིན་ཆེན་གྱི། །ངར་མི་གཞལ་ཡས་ཁང་གྱུར་ཨཱབརྗོད་པས། །ངར་མི་ལ་ཕོག་ལྷ་འདྲེ་གདོན་བགེགས་ལ། །ངར་མིའི་རྒྱུ་འབྲས་ཆོས་རྣམས་ཕར་ལ་བཤད། །ཧཱུྃ་བརྗོད་ངར་མིར་ཕོག་པས་ངར་མི་ཧཱུྃ། །འཕྲོས་པས་གདོན་བགེགས་ལ་ཕོག་དེ་རྣམས་ཀྱིས། །ཉོན་མོངས་བག་ཉལ་དྲི་མ་སངས་ཀྱིས་དག་རང་རང་ཅི་བསམ་སེམས་རྒྱུ་ཤེས་པར་གྱིས། །ཧཱུྃ་བརྗོད་ངར་མིའི་ཕུང་ཁམས་སྐྱེ་མཆེད་ལ། །རིན་ཆེན་དགོས་འདོད་ཆར་བབས་འཁོར་བ་འདི། །མ་སྟོང་བར་དུ་བབས་པས་གདོན་བགེགས་རྣམས། །ངོམ་ཞིང་ཚིམ་གྱུར་ཁཾ་བརྗོད་པར་མི་ཡིས། །ལུས་ལ་བདུད་རྩིའི་ཆར་བབས་གདོན་བགེགས་ཀྱི། །གནས་དང་ལུས་ལ་ཕོག་པས་ལས་ཉོན་མོངས།

[Full Size]

ཤེས་བྱའི་སྒྲིབ་པ་དག་ནས་བྱང་ཆུབ་སེམས། །བསྐྱེད་ནས་ད་ལན་རྒྱུ་སྦྱོར་སྒྲུབ་པ་པོའི། །གདོན་བགེགས་ང་ལ་དྲིན་ནི་རེ་ཆེའོ། །སྙམ་ནས་མཉེས་ཤིང་དྲིན་བཟོ་བྱེད་པར་གྱུར། །ཧཱུྃབརྗོད་ངར་མིའི་སྟོང་གསུམ་འཇིག་རྟེན་གང་། །གསུང་དབྱངས་ཡན་ལག་དྲུག་ཅུ་དང་ལྡན་ནས། །གདོན་བགེགས་རྣམས་ལ་རང་རང་སྐད་ཀྱིས་ནི། །ཕར་ལ་ཤག་འདེབས་ཡོན་གྱི་བདག་པོ་ཡི། །ནེ་ཞེས་བྱའི། གླུད་དུ་འགྲོ་བའི་ཆ་སྒྲ་སྒྲོག་པར་གྱུར། །གླུད་གཏོར་སོ་སོའི་ཡིད་མཐུན་འདོད་ཡོན་ལྔ། །ཟག་མེད་འཇིག་རྟེན་སྟོང་གསུམ་གང་བར་གྱུར། །རྣམ་པར་སྣང་མཛད་བྱིན་རླབས་ཀྱིས། །ཐལ་མོ་ཚིགས་བཅིག་ཕྱག་རྒྱའི་ནང་། །ཡི་གེ་ཁཾ་ལྗང་འོད་འཕྲོས་པས། །ཡས་གླུད་དེ་དག་འཕེལ་ཞིང་རྒྱས། །སྟོང་གསུམ་འཇིག་རྟེན་ས་གཞི་གང་། ཨོཾ་ན་མསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱ༔ སརྦ་ཐ་ཁཾ་ཨུཏྟཾ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ༔ བདུད་རྩི་འཁྱིལ་བའི་བྱིན་རླབས་ཀྱིས། །ཐལ་མོ་ཁ་འབྱེད་ཕྱག་རྒྱའི་ནང་། །ཛཙཡིག་དམར་པོར་འོད་འཕྲོས་པས། །ཡས་གླུད་ཟག་མེད་བདུད་རྩིར་གྱུར། །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་

[Full Size]

ཕཊ༔ རིན་ཆེན་འབྱུང་ལྡན་བྱིན་རླབས་ཀྱིས། །མཆོད་སྦྱིན་ཕྱག་རྒྱ་ཏཱཾ་སེར་ལས། །འོད་འཕྲོས་མགྲོན་རྣམས་ཐམས་ཅད་ལ། །བསྔོས་པ་བཞིན་དུ་ཐོབ་གྱུར་ཅིག །ན་མ་སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ དོན་ཡོད་གྲུབ་པའི་བྱིན་རླབས་ཀྱིས། །ཁུ་ཚུར་མཆོད་སྦྱིན་ཕྱག་རྒྱའི་ནང་། །ཧ་ལྗང་འོད་ཟེར་འཕྲོས་པའི་མཐུས། །མགྲོན་ཀུན་མཉེས་ཤིང་ཚིམ་གྱུར་ཅིག །ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿས་མནྟ་ཨ་མྲྀ་ཏ་སྤ་ར་ཎ་རསྨི་བྷ་ཝ་མ་ཧཱ་མ་ཎི་དུ་རུ་དུ་རུ་ཧྲིད་ཡ་ཛྭ་ལ་ནི་སྭཱ་ཧཱ། ཕྱག་ན་རྡོ་རྗེའི་བྱིན་རླབས་ཀྱིས། །སོར་བསྣོལ་ཕྱག་རྒྱ་ཛཿདམར་ལས། །འོད་འཕྲོས་མགྲོན་ཀུན་དབང་དུ་བསྡུས། །བདག་གི་བཀའ་བཞིན་བསྒྲུབ་པར་གྱུར། །ན་མས་མན་བྷུདྡྷཱ་ནཾ་ག་རི་ཀྲོ་ཏི་པྲ་བྷ་ཝ་ཛྙཱ་ན་མཱ་ར་ཡ་སྭཱ་ཧཱ༔ བདག་ཉིད་ལྷ་ཡི་ང་རྒྱལ་གསལ་བའི་ཐུགས་ཀ་ནས་སྤྲུལ་པའི་ཁྲོ་བོ་དང་འོད་ཟེར་དམར་ནག་འཕྲོས་པས། གདོན་བགེགས་ཐམས་ཅད་བཀུག་ནས་རང་གཟུགས་འདི་གསུམ་ལ་ཐིམ་པར་གྱུར། ཧཱུྃ། རང་ཉིད་ཡི་དམ་གནས་འགྱུར་རྟ་མགྲིན་སྐུ། །རྟ་སྐད་འཚེར་བས་སྣང་སྲིད་དབང་དུ་སྡུད། །ཁྲོ་ཆས་ཡོངས་རྫོགས་གྲི་གུག་ཐོད་

[Full Size]

ཁྲག་བསྣམས། །མེ་དཔུང་ཀློང་བཞུགས་དྲེགས་པ་ཟིལ་གནོན་གྱུར། །ཨོཾ་རྒྱ་གྲི་ཝ་ཧཱུྃ་ཕཊ༔ ཧཱུྃ། སྤྲུལ་པའི་ཡཀཱ་མེ་དབལ་ཚོགས། །ཕྱོགས་ཀྱི་ས་ནས་མི་རྙེད་པའི། །འབྱུང་པོ་ཐམས་ཅད་ཁྲིད་ཤོག་ཅེས། །གནོད་སྦྱིན་གྱི་ནི་སྡེ་དཔོན་ཀུན། །ཕྱོགས་བཞི་དག་ཏུ་བཀྱེ་བར་གྱུར། །གང་དག་སངས་རྒྱས་རང་སངས་རྒྱས། །སངས་རྒྱས་རྣམས་དང་ཉན་ཐོས་དང་། །ཚངས་དབང་དང་ནི་འཇིག་རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་དང་། །དེ་བཞིན་གནོད་སྦྱིན་སྟོབས་ཆེན་དང་། །འཕྲོག་མ་བུ་དང་བཅས་པ་ཡང་། །དེ་དག་མཐུ་དང་གཟི་བརྗིད་ཀྱིས། །ཚེ་དང་སྲོག་ལ་གནོད་བྱེད་ཅིང་། །གནོད་ཅིང་འཚེ་བའི་གདོན་གྱི་ཚོགས། །ཕོ་ཉ་ཡང་ནི་བཏང་བར་བགྱི། །དེ་དག་རྣམས་ནི་སྐད་ཅིག་གིས། །བཅིངས་པ་ལྔ་ཡིས་བཅིངས་ཤིང་བཀུག །བཀའ་ཉན་གསུང་སྡོད་བྱེད་པར་གྱུར། །ཏྲི་བཛྲ་ཨཾ་ཀུ་ཤ་ཛ་ཛཿ ལྕགས་ཀྱུའི་ཕྱག་རྒྱ་བཅའ་ལ། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་

[Full Size]

འདུན་གྱི་བཀའ་བདེན་པ་དང་། གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་རྣམས་ཀྱི་བདེན་པའི་བྱིན་རླབས་ཀྱིས། རྒྱུ་སྦྱོར་ཡོན་གྱི་བདག་པོ་རྒེ་འདི་ཞེས་བྱ་བའི། ཕུང་པོ་ཁམས་དང་སྐྱེ་མཆེད་ལ་གནོད་ཅིང་འཚེ་བའི་གདོན་བགེགས། དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ཀྱིས་སྲོག་འཕྲོག་པར་བྱེད་པའི་ཕོ་གདོན་འབྱུང་པོ། མོ་གདོན་སྲིན་མོ། ཀླུ་གདོན་ས་བདག །བར་གདོན་རྒྱུ་སྐར། ཡ་བདུད་རྒྱལ་པོ་མ་བདུད་རྒྱལ་མོ། བཙན་བཞི་ཁ་འགྱོག་རྐང་བརྒྱད། རྒྱལ་པོ་དང་བརྒྱ་བྱིན། འབྱུང་པོ་དང་རོ་ལངས། ས་བདག་དང་ཀླུ་སྲིན། །ནད་ཀྱི་བདག་པོ་དང་བདག་མོ། ཡམས་ཀྱི་བདག་པོ་དང་བདག་མོ། གྲིབ་ཀྱི་བདག་པོ་དང་བདག་མོ། གླུད་ཀྱི་བདག་པོ་དང་བདག་མོ། རིམས་ཀྱི་བདག་པོ་དང་བདག་མོ། བགེགས་རིགས་སྟོང་ཕྲག་བརྒྱད་ཅུ། བྱིས་སྦྱའི་གདོན་ཆེན་བཅོ་ལྔ། གཟའ་གདོན་རྒྱལ་འགོང་ཐེའུ་རང་། འཕྲོག་མ་མ་བུ་ལྔ་བརྒྱ་ལ་སོགས་པ། ལན་ཆགས་ཀྱི་མགྲོན་དེ་དག་ལ་སོགས་པ་ཐམས་ཅད་ལ། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་

[Full Size]

སྟེར་བ་ཡིན་པས། སྐད་ཅིག་ཉིད་ལ་འདིར་མཆིས་པར་མཛོད་ཅིག །ཏ་ཀི་རཱ་ཛ་ཧཱུྃ་ཕཊ༔ ཨ་ཎི་སུ་ཏྲི་ཕྲེ་དུ་ཛཿ ཛཿཧཱུྃ་བཾ་ཧོཿ ཞེས་ལན་གསུམ་མམ་བདུན་གྱིས་བཀུག ༈ །ཕོ་གདོན་འབྱུང་པོའི་རིགས་རྟ་མགོ་ཅན་ལ་བསྟིམ། སྲིན་མོ་མོ་གདོན་རིགས་བུད་མེད་རལ་པ་ཅན་ལ་བསྟིམ། ས་བདག་ཀླུ་གདོན་གྱི་རིགས་སྦྲུལ་མགོ་ཅན་ལ་བསྟིམ། གནོད་སེམས་གདུག་རྩུབ་ཞི་ནས། གུས་པའི་ཚུལ་དུ་འདུག་པ་ལ་ཁྲོ་བོ་དང་མེ་དཔུང་གིས་བསྐོར་ནས་ཡོད་པར་གྱུར། དེ་ནས་ཆངས་བུ་སོགས་གླུད་རྣམས་བྲན། ཨོཾ་ཨ་ཀཱ་རོས་བྱིན་གྱིས་བརླབས་ལ། ཨོཾ་མ་ཎི་པདྨེ་ཧཱུྃ་ཧྲཱིཿ རང་ཉིད་ཐུགས་རྗེ་ཆེན་པོ་སྐུ་མདོག་དཀར་པོ་ཞལ་གཅིག་ཕྱག་གཉིས་རིན་པོ་ཆེ་ཡི་རྒྱན་གྱིས་བརྒྱན་པ། གཡས་མཆོག་སྦྱིན་གྱི་ཕྱག་རྒྱའི་མཐིལ་དུ་ཟླ་བའི་དཀྱིལ་འཁོར་གྱི་སྟེང་དུ་ཨཱདཀར་པོས་མཚན་པ་ལས་གཡོན་མེ་ཏོག་པདྨ་དཀར་པོ་སྙན་གྱི་ཐད་དུ་ཁ་གྱེས་པའི་ཡུ་བ་ཐུགས་ཀར་འཛིན་པ། དེ་ཡི་སྤྱི་བོར་ཤཱཀྱ་ཐུབ་པ་སྐུ་མདོག་སེར་པོ་གཡས་ས་གནོན། གཡོན་མཉམ་བཞག་ཞབས་རྡོ་རྗེའི་སྐྱིལ་ཀྲུང། དབུ་གཙུག་ཏོར་འོད་འདོམ་གང་དང་ལྡན་པ། ཕྲག་པ་གཡས་སུ་འཇམ་དབྱངས་སེར་པོ་གཡས་རལ་གྲི་དང་གཡོན་ཨུཏྤལ། ཕྲག་པ་གཡོན་དུ་ཕྱག་ན་རྡོ་རྗེ་སྐུ་མདོག་

[Full Size]

ལྗང་གུ་གཡས་རྡོ་རྗེ་གཡོན་དྲིལ་བུ་འཛིན་པ། བཞི་ཀའང་སྐྱིལ་ཀྲུང་པད་ཟླའི་གདན་ལ་བཞུགས་པར་གྱུར། ཆངས་བུ་ཏིང་ལོ་ཤ་དུམ་གླུད་རྫས་རྣམས་ཐེབ་ཏིང་དུ་བཤམས་ལ་ཆུ་གཙང་གིས་བྲན།། རང་གི་ལག་མཐིལ་ཟླ་བའི་སྟེང་། །འབྲུ་གསུམ་ཞུ་བའི་བདུད་རྩིར་གྱུར། །ཨོཾ་ཨཱཧཱུྃ། ཟླ་བ་ཡིག་འབྲུ་ཞུ་བའི་རྒྱུན། །གཏོར་མའི་སྟེང་དུ་བབས་པ་ལས། །གཏོར་མ་ཡེ་ཤེས་བདུད་རྩིར་གྱུར། །ཏྲ་ཁཾ་ཨོཾ་ཨཱཙྪཱཧཱུྃ༔ ཨོཾ་ན་མསརྦ་ཏ་ཐཱ་ག་ཏོ་བྷ་དྷ་ནཾ་ཨ་ཝ་ལོ་ཀི་ཏེ་སཾ་བྷ་ར་སཾ་བྷ་ར་ཧཱུྃ༔ དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། དེ་བཞིན་གཤེགས་པ་འཇིགས་པ་ཐམས་ཅད་ཡོངས་སུ་བྲལ་བ་ལ་ཕྱག་འཚལ་ལོ། །ན་མོ། བདག་གི་བསམ་པའི་སྟོབས་ཞེས་སོགས། ཐོགས་པ་མེད་པ་འབྱུང་གྱུར་ཤོག །སམྦྷ་ར་མན་ནས་འདི་ཡན་གྱི་ལན་ཆགས་ཤ་དུམ་འབྲུ་སྣ་སོགས་ལན་བརྒྱའམ། ལོ་གྲངས་སམ་ཉེར་གཅིག་སོགས་བསྔོ་ལ། སྦྱིན་བདག་རང་ལས་མཐོ་བ་དང་། ང་རྒྱལ་ཅན་ལ་རྐང་པའི་ཐོག །གཞན་རྣམས་ཀྱི་མགོ་ཐོག་ཏུ་གཡས་སྐོར་གཡོན་སྐོར་བྱེད་ལ་གདོན་གསུམ་གྱི་དྲུང་དུ་བླུག་གོ །དེ་ནས་འདི་

[Full Size]

མན་ཐོག་ཐ་བར་གསུམ་ལ་ཚར་རེ་སྦྱར་བས་འཐུས། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་རི་རབ་བས་དཔངས་མཐོ་བ། རྒྱ་མཚོ་བས་གཏིང་ཟབ་པ། ཉི་ཟླ་བས་འོད་གསལ་བའི་གཟུགས་སྒྲ་དྲི་རོ་ཕུན་སུམ་ཚོགས་པ། འདོད་པའི་ཡོན་ཏན་ལྔ་དང་ལྡན་པའི་གཏོར་མ་རྒྱ་ཆེན་པོ་འདི། བསྔོ་ཞིང་སྦྱིན་པའི་གནས་སུ་གྱུར་པ་ནི། བགེགས་ཀྱི་རྒྱལ་པོ་བྱི་ན་ཡ་ཀ་ལ་སོགས་པའི་བགེགས་ཀྱི་རིགས་སུ་གྱུར་པ་རྣམས་དང་འགྲོ་བ་རིགས་དྲུག་ལམ་རྒྱུད་ལྔ་སྐྱེ་གནས་རྣམ་པ་བཞིས་བསྡུས་པའི་རྒྱུ་བ་རྣམས་དང་། ཡི་དྭགས་རྒྱལ་མོ་ཁ་ལ་མེ་འབར་མ་ལ་སོགས་ཏེ། ཡི་དྭགས་ཕྱི་ནང་ཟས་སྐོམ་གྱི་སྒྲིབ་པ་ཅན་མེ་ལྕེའི་འཁོར་ལོ་ཅན་མཁའ་ལ་རྒྱུ་བ་རྣམས་དང་། ཕོ་གདོན་རྒྱལ་པོ་མོ་གདོན་སྲིན་མོ་ཀླུ་གདོན་ས་བདག །གཟའ་གདོན་རྒྱུ་སྐར། ལྷ་གདོན་གནོད་སྦྱིན། དྲི་ཟ་གྲུལ་བུམ་མིའམ་ཅི་ཤ་ཟ་སྲིན་པོ་རོ་ལངས། ཐེའུ་རང་གྲོང་རྒྱུག་འདྲེ་མོ། བསེན་མོ་བཙན་ཁ་བཞི་མགྱོགས་རྐང་བརྒྱད། ནད་བདག་ཕོ་མོ། རིམས་བདག་ཕོ་མོ། གྲིབ་བདག་ཕོ་མོ། གླུད་བདག་ཕོ་མོ། གག་ལྷོག་གཟེར་གསུམ། ཚད་ནད་འབུམ་གསུམ། ནད་རིགས་སྣ་ཚོགས་

[Full Size]

ལོ་སྐག་བཞི་གཤེད་དྲུག་འགྲམ་བདུན་ཟུར་སོགས་ཀྱི་བདག་པོ་བདག་མོ། བྱིས་སྦའི་གདོན་ཆེན་བཅོ་ལྔ། འཕྲོག་མ་མ་བུ་ལྔ་བརྒྱ་ལ་སོགས་ལན་ཆགས་ཀྱི་མགྲོན་དུ་གྱུར་པའི་མིང་། དང་མཚན་ནས་མ་ཐོན་པ་དང་། གློ་བུར་དུ་ལྷགས་པ་དང་། བདག་ཅག་འཁོར་དང་བཅས་པ་རྣམས་ལ། ཚེ་རབས་འཁོར་བ་ཐོག་མ་མེད་པ་ནས། ལན་ཆགས་པའི་ལན་ཆགས་གདོན་བགེགས་ཀྱི་རིགས་སུ་གྱུར་པ་རྣམས་དང་། ཁྱད་པར་དུ། འདི་ནས་གང་དགོས་ཁ་བསྒྱུར། སྒྲུབ་པ་ཡིན་ན། ཡི་དམ་རྒེ་སྒྲུབ་པ་ལ་བར་ཆད་བྱེད་པའི་གདོན་བགེགས་ཀྱི་རིགས་སུ་གྱུར་པ་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ། གཏད་མནན་འཕང་སྲེག་གི་ལས་འདི་བྱེད་པ་ལ། བར་ཆད་བྱེད་པའི་གདོན་བགེགས་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ།། ༈ ནད་པ་རྨིའི་ནད་བདག་ཕོ་མོ་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ།། ༈ །བྱིས་སྦའི་གདོན་ཆེན་བཅོ་ལྔ་ཆུང་འདྲེ་ཆུང་སྲི་ཕོ་མོ་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ།། ༈ ཞིང་གི་ལོ་འདྲེ་ལོ་སྲི་བཙའ་སད་སེར་གསུམ་འབུ་སྲིན་ཡི་དྭགས་ཕོ་མོ་རྣམས་ལ་མཆོད་

[Full Size]

དོ། །འབུལ་ལོ། །སྦྱིན་ནོ། །བསྔོའོ།། ༈ རྟ་ནོར་ལུག་གསུམ་གྱི་གོད་འདྲེ་གོད་སྲི་ཕོ་མོ་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ། ༈ མི་ཡི་ལྟོགས་འགོངས་བསེ་རག་དམ་སྲི་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ།། ༈ རྒྱལ་འགོང་ཐེའུ་རང་གཟའ་ཀླུ་ཡི་གདོན་ཕོ་མོ་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ། ༈ ཁྱིམ་གྱི་ཕུང་འདྲེ་སྲིས་རྐུན་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ། ༈ སྒྱུ་མའི་ལུས་ལ་སྲོག་ཆགས་ཟ་བྱེད་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ། ༈ ལམ་འཕྲང་གྲུ་གཟིངས་ལ་འགྲོ་བར་དགགས་པའི་བགེགས་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ། ༈ བུད་མེད་སྦྲུམ་མའི་ལུས་ལ་ཆུང་སྲི་ཞུགས་པ་རྣམས་ལ་མཆོད་དོ། །འབུལ་ལོ། །སྦྱིན་ནོ། །བསྔོའོ།། ༈ ཞེས་གང་དགོས་རྣམས་དེ་ལྟ་བུའོ། །མཆོད་སྦྱིན་གྱི་གཏོར་མ་རྒྱ་ཆེན་པོ་ཟད་པ་མེད་པ་འདི་སྦྱིན་ནོ། །བསྔོའོ། །འབུལ་ལོ། ལན་ཆགས་དང་བྲལ། བུ་ལོན་སོད། ཤ་འཁོན་བྱང་བར་གྱུར་ཅིག །ཚེ་སྔ་མའི་ལན་ཆགས་

[Full Size]

པ་དུས་ད་ལྟའི་ལན་ཆགས་པ། དབྱིག་གསེར་དངུལ་གྱི་ལན་ཆགས་པ། འབྲུ་བང་མཛོད་ཀྱི་ལན་ཆགས་པ། རྟ་གླང་པོའི་ལན་ཆགས་པ། གྲོགས་ཁྱིམ་ཐབས་ཀྱི་ལན་ཆགས་པ༔ བཟང་དར་ཟབ་ཀྱི་ལན་ཆགས་པ། གནས་ཞིང་ཁང་གི་ལན་ཆགས་པ། ར་བ་དཀོར་ནོར་གྱི་ལན་ཆགས་པ། བསད་པས་ཚེ་ཐུང་བའི་ལན་ཆགས་པ། བརྡུངས་བས་ནད་མང་བའི་ལན་ཆགས་པ། འཕྲོག་པས་ནོར་དབུལ་བའི་ལན་ཆགས་པ། བྲན་དུ་བཀོལ་བ་ཞོ་བཞོས་པ་ཁལ་དུ་བཀལ་བ་ཞོན་པ་རྨོས་པ་སྤུ་བལ་བ་ཁྲག་ཕྱུངས་བ་ལ་སོགས་པའི་བུ་ལོན་དང་ལན་ཆགས་སུ་གྱུར་པའི་རིགས་རྣམས་ཐམས་ཅད་འདོད་ཡོན་ཟད་མི་ཤེས་པའི་གཏེར་ལ་ལོངས་སྤྱོད་པར་གྱུར་ཅིག །བུ་ལོན་དང་ལན་ཚོགས་སྐད་ཅིག་ཉིད་ལ་དག་ནས་བཟུང་བ་ཐོངས་བཅིངས་བ་ཁྲོལ། བསྡམས་པ་གློད་མནན་པ་ཁྱོག ད་ཕྱིན་ཆད་རྗེ་འཁོར་དང་བཅས་པ་ལ་གནོད་ཅིང་འཚེ་བར་མ་བྱེད་པར་འགལ་རྐྱེན་བར་ཆད་ཞི་བ་དང་ཕ་རོལ་གྱི་བྱད་མ་རྦོད་གཏོང་ཐམས་ཅད་བཟློག་པ་དང་། དུས་མ་ཡིན་པའི་འཆི་བ་ལས་ཐར་བར་མཛད་དུ་གསོལ། དེ་ནས་མཇུག་ཏུ་ཆངས་བུ་བརྒྱ་བཞག་ལ་འབྲུ་སྣ་ཚོགས་རེ་རེ་བཞིན་གླུད་དང་

[Full Size]

ཆངས་བུ་འདི་ཁྱེར་ལ་ཟེར་བའི་ཚིག་མཚམས་སུ་བརྫང་བར་བྱའོ། །ཧཱུྃ། སྔོན་ཚེ་ལྷ་དབང་བརྒྱ་བྱིན་གླུད། །ད་ལྟ་རྣལ་འབྱོར་བདག་ཅག་གླུད། །ཤ་ཡི་གླུད་འདི་ས་ལ་གཏོང། །ས་ལ་གནས་པའི་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དབུགས་ཀྱི་གླུད་འདི་རླུང་ལ་གཏོང་། རླུང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །རུས་པའི་གླུད་འདི་བྲག་ལ་གཏོང་། །བྲག་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་སྐབྱེད་ཅིག །རྩ་རྒྱུས་གླུད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ལྤགས་པའི་

[Full Size]

གླུད་འདི་ཐང་ལ་གཏོང་། །ཐང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །སེམས་ཉིད་གླུད་འདི་མཁའ་ལ་གཏོང། །མཁའ་ལ་གནས་པའི་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །གཞན་གྱི་བྱད་ཁ་ཕུར་ཁ་དང་། །ཟོར་ཁ་མནན་པ་ལ་སོགས་ཟློག །སྐག་དང་སྲི་ངན་ཐམས་ཅད་དང་། །གནོད་བྱེད་ཐམས་ཅད་བཟློག་ཏུ་གསོལ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །སོགས་བརྗོད། ནད་པ་ཡིན་ན་སྐབས་འདིར་ནད་སྤོ་བ་ནི། ངར་གླུད་རྩར་འདུག་བཅོལ། མདའ་དར་དཀར་པོ་རྡོ་རྗེ་ཕྲེང་བ་རྨ་བྱའི་མདོངས་རང་གིས་བཟུང་ལ་གཡབ་ཅིང་། རང་ཉིད་ཡི་དམ་གྱི་ཐུགས་ཀ་དང་བ་སྤུ་ཕྱག་མཚན་རྣམས་ལས་འོད་ཟེར་སྣ་ལྔ་འཕྲོས་པས། ནད་པའི་ནད་གདོན་ཐམས་ཅད་འོད་ནག་པོའི་ཚུལ་དུ་བུད་ནས། ངར་གླད་ལ་བསྟིམ་བསྟིམ་ཐིམ་པའི་མོས་པ་མཛོད། ནད་པ་ལ་དེ་ལྟར་བསྐྱེད་བཅོལ། །རང་གིས་ཀྱང་བསྒོམ། ཡི་དམ་གྱི་སྔགས་ཤམ་དུ། ཨོཾ་ཕུ་ལེ་ཕུ་ལེ་ཕུད་ཕུད། ཧ་ལ་ཧ་ལ་ཕུད་ཕུད། ནད་གདོན་སྡིག་སྒྲིབ་ཐམས་ཅད་ཤཱནྟཾ་ཀུ་རུ་ཡེ་ཕུད་ཕུད་སྭཱ་ཧཱ༔ པུཎྚི་ཀུ་རུ་ཡེ་ཕུད་

[Full Size]

ཕུད་སྭཱ་ཧཱ༔ ཝ་ཤང་ཀུ་རུ་ཡེ་ཕུད་ཕུད་སྭཱ་ཧཱ༔ མཱ་ར་ཡ་ཀུ་རུ་ཡེ་ཕུད་ཕུད་སྭཱ་ཧ་ཉེར་གཅིག་ལས་མི་ཉུང་བར་ཅི་འགྲུབ་བཟླས། དེ་ནས་ཁབ་ལག་ཏུ་ཐོགས་ལ། བདག་དང་རྒྱུ་སྦྱོར་ཡོན་བདག་གི །ཡ་ཀི་སྐུ་ཡི་ཕྱིར་ཟུར་ནས། །རྐང་པའི་སེན་སྣེ་ཡན་ཆད་ཀྱི། །ནད་དང་གྲིབ་དང་གདོན་བགེགས་རྣམས། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུངས་ཚེར་མ་དྲོངས། ཁྱོད་ཀྱིས་ནད་འདི་ཁྱེར་ལ་སོང་། །འོན་ཞིང་འཐིབ་པ་རྣ་བའི་ནད། །ཚ་ཞིང་བྱི་བ་སྐུ་ཡི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །གཟེར་ཞིང་ཁོལ་བ་ཀླད་པའི་ནད། །ལོང་ཞིང་འགྲིབ་པ་མིག་གི་ནད། །སྐུ་གླུད་དུར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །འཚུབས་ཤིང་འཚང་བ་སྣ་ཡི་ནད། །རེག་པར་བྱེད་པ་ལྕེ་ཡི་ནད། །སྐུ་གླུད་ངར་མི་ཁྱོད་ལ་སྤྲོ། །རྒྱུནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །འགགས་པར་བྱེད་པ་མགུལ་པའི་ནད། །རིམས་ནད་ཁྲག་ནད་མ་མོའི་ནད། །སྐུ་གླུད་ངར་མི་ཁྱོད་

[Full Size]

ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །ཞ་ཞིང་འཁུམ་པ་རྐང་པའི་ནད། །ན་ཞིང་སྒྲུང་པ་གཉན་གྱི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །དམྱ་ཞིང་མྱོས་པ་འབྱུང་པོའི་ནད། །འཕྱོ་ཞིང་མྱོས་པ་གཡོ་སྒྱུའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །གཟུགས་ཀྱི་ཕུང་པོ་སྐུ་ཡི་ནད། །ལུས་ཀྱི་ཕུང་པོའི་ཚ་གྲང་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །བཀྲག་གསལ་མདོང་པ་སྤྱན་གྱི་ནད། །མྱོས་ཞིང་བྱིང་བ་འབྱུང་བའི་ནད། །སྐུ་་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །ཁོང་ཁྲག་དམར་པོ་རྩ་ཡི་ནད། །གཡེང་ཞིང་རིང་བ་གཞུང་པའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །རྒྱས་ཤིང་སྦོས་པ་ཕོ་བའི་ནད། །ལུ་ཞིང་བརྒྱལ་བ་གློ་བའི་

[Full Size]

ནད། །གཟེར་ཞིང་མཁུན་པ་མཆིན་པའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །སྨྱོ་ཞིང་བརྒྱལ་བ་སྙིང་གི་ནད། །ལྐུགས་ཤིང་རིང་བ་སྲོག་རྩའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །ཤ་སེར་མིག་སེར་མཁྲིས་པའི་ནད། །ཞ་ཞིང་གྲུམ་པ་མཁལ་མའི་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །བཤལ་ཞིང་འཁྲུ་བ་རྒྱུ་མའི་ནད། །འཁྲོག་ཅིང་སྦོས་པ་ལོང་མཚེར་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །གཟེར་ཞིང་འཕོ་བ་རྩ་ཡི་ནད། །ནད་རིགས་སུམ་བརྒྱ་དྲུག་ཅུའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །སྤྱི་བོ་ཀླད་པའི་རྒྱ་སྲུབ་ནད། །སྤྱན་མིག་གཡས་གཡོན་སྣ་ཡི་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་

[Full Size]

ལ་སོང་། །རྣ་བ་གཡས་དང་གཡོན་པ་དང་། དུང་སོ་སུམ་ཅུ་ཀན་གྱི་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུངས་ཚེར་མ་དྲོངས། །ཁྱོད་ཀྱིས་ནད་འདི་ཁྱེར་ལ་སོང། །གླུད་བདག་ཆེན་པོས་གླུད་ལོངས་ཤིག །གྲིབ་བདག་ཆེན་པོས་གྲུབ་ལོངས་ཤིག །ཡས་བདག་ཆེན་པོས་ཡས་བཞེས་ཤིག །རྐྱེན་བདག་ཆེན་པོས་རྐྱེན་སོལ་ཅིག །ནད་བདག་ཆེན་པོས་ནད་སོལ་ཅིག །ཡམས་བདག་ཆེན་པོས་ཡམས་སོལ་ཅིག །མི་འདི་ཐོངས་ལ་ནད་འདི་ཁྱེར། །ཉི་མ་དེ་རིང་ཕྱིན་ཆད་ནས། །ཡོན་བདག་འདི་ལ་གནོད་མ་བྱེད། །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་ཀློད་ལ་མནན་པ་ཁྱོག །རིམས་ནད་ཡམས་ནད་གྲིབ་བདག་རྣམས། །གླུད་ཀྱི་གཏོར་མ་འདི་ལོངས་ལ། །དེ་བཞིན་གཤེགས་པའི་བཀའ་ལ་ཉོན། །གལ་ཏེ་བཀའ་ལ་མི་ཉན་ན། །ཤིན་ཏུ་སྟོབས་ཆེན་གཟི་བརྗིད་ཆེ། །སྨེ་བ་བརྩེགས་པ་ཁྲོས་ནས་ནི། །ཕྱག་མཚན་རྡོ་རྗེ་འབར་བ་ཡིས། །ལུས་ནི་དུམ་བུ་སྟོང་དུ་བཏང་། །མགོ་ནི་ཚལ་པ་བརྒྱ་རུ་འགས། །སེམས་ནི་རྡོ་རྗེ་དམྱལ་བར་ལྟུང་། །རྡུལ་ཕྲན་བཞིན་དུ་བརླག་པར་འགྱུར། །དེ་བས་གྲིབ་བདག་གྲིབ་སོལ་

[Full Size]

ཅིག །ནད་བདག་རྣམས་ཀྱིས་ནད་སོལ་ཅིག །ཡམས་བདག་རྣམས་ཀྱིས་ཡམས་སོལ་ཅིག །རྐྱེན་བདག་རྣམས་ཀྱིས་རྐྱེན་སོལ་ཅིག །ཁྱོད་ཀྱིས་ནད་འདི་ཁྱེར་ལ་སོང་། །ཨོཾ་ཨརྩི་མར་ཙི་བྷཆུ་ཞེས་སོགས། གཏོར་མ་ཁ་ཕྱིར་བསྒྱུར་ལ། གང་ཞིག་མཚན་མོ་རྒྱུ་བ་ཡི། །འབྱུང་པོ་རྣམས་དང་ཤ་ཟ་དང་། །སྲིན་མོ་ཤ་རྗེན་ཟ་བ་དང་། །སེམས་ཅན་རྣམ་པ་སྣ་ཚོགས་དང་། །ལྗོན་ཤིང་གེལ་པ་ལ་སོགས་པ། །དེ་དང་དེ་ལ་གཏོར་མ་ནི། །བཟའ་བ་ཤ་ཆང་ལ་ཕུག་དང་། །འབྲས་ཆེན་འབྲས་བུ་མང་པོ་ཡི། །མཆོད་པ་འདི་ཡིས་མགུ་བྱོས་ལ། །གནོད་པའི་བསམ་པ་ཞི་བ་དང་། །བདག་ཅག་རྣམས་ལ་ཕན་པའི་སེམས། །དེ་རིང་ཕན་ཆད་བསྐྱེད་པར་བགྱི། །ཞེས་དང་། རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང་། །དུལ་ཞིང་ཡང་དག་དོན་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤང་བ་སྟེ། །དགེ་སློང་དགེ་སྦྱོང་དེ་ཡིན་བྲམ་ཟེ་དེ། །མཚོན་ཆས་མི་འཇིགས་གང་ཡང་མེད། །འཆི་བའི་སྲོག་ལ་ཀུན་ཀྱང་འཛེམ། །འཚོ་བའི་ཟས་ལ་ཀུན་ཀྱང་འདུ། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་

[Full Size]

ཅིག །ཨོཾ་ཆེན་པོའམ་ཆུང་ངུ་གང་དག་གིས། །ལུས་ལ་མངོན་པར་པགནོད་བྱེད་པའི། །ནད་དེ་ཉེ་བར་ཕྱུངས་ནས་སུ། །གདོན་ཁྱོད་རང་གི་གནས་སུ་སོང་། །དེ་ལྟར་བདག་གིས་ཅི་ནུས་སུ། །མཆོད་ཅིང་བསྙེན་བཀུར་བྱས་པ་ཡི། །དམ་ཚིག་གནས་ལ་གནས་ནས་སུ། །བདག་གི་རེ་བ་བསྐང་བར་མཛོད། །རྟག་ཏུ་དམ་ཚིག་ལ་གནས་ནས། །འདིར་ནི་སྦྱིན་པའི་བདག་པོ་ཡི། །ནད་དེ་རབ་ཏུ་སོལ་མཛོད་ལ། །གདོན་དེ་རང་གི་གནས་སུ་སོང་། །ཨོཾ་སརྦ་བྷིགྷ་ནཱན་གཙྪ། ཨོཾ་སུམ་བྷ་ནི་སོགས་ཧཱུྃ་བཞིའི་སྔགས་ཀྱིས་བསྐྲད་པར་བྱའོ། །གུ་གུལ་བདུག །སྲུང་འཁོར་བསྒོམ། ཐམས་ཅད་སྒྱུ་མ་ལྟ་བུའི་ངང་ལ་བཞག །ནད་པ་མིན་ན་ནད་སྤྱི་དེ་བསྒྱུར། མིའི་རིམ་གྲོ་མིན་ན་ཡི་གེ་གཞན་རྣམས་འདོན། སེར་བརྒྱབ་པ་དེ་བསྐྱུར་བས་འཐུས་སོ། ཀུན་ཁྱབ་ཀློང་ཡངས་ངང་ནས་མ་གཡོས་བཞིན། །རྟ་བདུན་དཀྱིལ་འཁོར་ཚ་ཟེར་ཕྱོགས་བཅུར་འཕྲོས། ཉོན་མོངས་འོད་སྐེམ་སྒྲིབ་ཚོགས་རླན་དང་བྲལ། །ཚད་ནད་ཅན་ལ་བསིལ་སྨན་འཕྲོད་དང་འདྲ། །ཡང་དག་ཆོ་ག་འདི་ནི་ཤིན་ཏུ་དགེ །ལེགས་ན་འཕགས་པའི་ཚོགས་ལ་མཆོད་པ་འབུལ། །ཉེས་ན་སྣང་སྲིད་མགྲོན་ལ་བཟོད་པར་གསོལ། །འགྲོ་བར་བདེ་ལེགས་ཆོས་ཀྱི་སྦྱིན་པར་ཤོག །ཅེས་པ་ཨ་རཱ་གས་བཀོད་པ་ཡི་གེ་པ་ནི་དགེ་སློང་བཱིརྱ་སྟེ། ཉེས་འགལ་མཆིས་ན་ཡི་དམ་ལྷ་

[Full Size]

ལ་བཤགས། །མངྒ་ལཾ།། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རྭ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།