མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། དི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ནག་པོ་མགོ་གསུམ་གྱི་ཞལ་གདམས་ཟིན་བྲིས་གསལ་བ།

[Full Size]

ནག་པོ་མགོ་གསུམ་གྱི་ཞལ་གདམས་ཟིན་བྲིས་གསལ་བ་བཞུགས་སོ།

[Full Size]

ན་མོ་ཨཱརྱ་མཉྫ་ཤྲཱི་ཡེ། རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ། །ཧ་ས་གརྒྷའི་ཟིན་བྲིས་འདོན་འགྲིགས་འགོད། །བཀའ་ཡི་གནང་བ་སྩོལ་ལ་བྱིན་གྱིས་རློབས། །འདི་ལ་ཡེ་ཤེས་འཇིག་རྟེན་གཉིས་ཡོད་དེ། །ཡེ་ཤེས་པ་ནི་འཇམ་དབྱངས་སྤྲུལ་པ་ཡིན། །དེ་ཕྱིར་མགོ་གསུམ་བདག་བསྐྱེད་ལུགས་ཀྱང་ཡོད། །འཇིག་རྟེན་མགོ་གསུམ་གཟའ་ཀླུ་ས་བདག་བུ། །དེ་ཡང་འཇམ་པའི་དབྱངས་ཀྱི་སྤྲུལ་པ་སྟེ། །རྒྱ་གར་ལུགས་ལ་ནཱ་ག་རཀ་ཟེར། །རྒྱ་ནག་ལུགས་ལ་ཧ་ས་གརྒྷ་ཟེར། །དེང་སང་བོད་འདིར་ནག་པོ་མགོ་གསུམ་ཟེར། །ཞི་བ་བྱས་ན་མི་མགོན་

[Full Size]

དཀར་པོ་ཡིན། །དྲག་པོ་བྱས་ན་ཀླུ་བདུད་མགོ་དགུ་ཡིན། །འཇིག་རྟེན་དྲེགས་པ་ཤིན་ཏུ་གཉན་པོ་ཡིན། །ས་བདག་གཏོ་རྒྱུད་ནག་པོ་ཞེས་བྱ་བ། །རྒྱ་ནག་རྩིས་ཀྱི་རྒྱུད་ལས་བྱུང་བ་ཡིན། །རྒྱས་པར་ཀོང་ཙེ་འཕྲུལ་གྱི་རྒྱལ་པོས་མཛད། །འཕྲུལ་གྱི་མི་བཞིས་ལག་ལེན་འགྲིགས་སུ་བསྡེབས། །བོད་དུ་སྔ་ཕྱི་བར་ས་གསུམ་དུ་འགྱུར། །ཁྱད་པར་སྒྲོལ་མའི་སྤྲུལ་པ་དབོན་ཆུང་མས། །འདི་ཡི་ཡིག་སྣ་སྟག་སྒོ་གང་བྱས་ཁྱེར། །རྫོངས་བ་ཀུན་གྱི་ནང་ནས་དམར་བར་བྱས། །དེ་ནས་རྒྱལ་མོ་རང་དུ་ཕེབ་ཙམ་ན། །འཇམ་དཔལ་དམར་པོའི་སྤྲུལ་པ་ལས་འཕྲོ་ཅན། །

[Full Size]

མཁས་པ་དྲག་སྡེ་ཞེས་བྱ་དེ་ལ་སྤེལ། །དེ་ནས་དབུས་སུ་རྒྱ་བཟས་རྒྱལ་པོ་མཇལ། །བལ་བཟས་ར་ས་འཕྲུལ་སྣང་བཞེངས་པའི་ཚེ། །ལྷ་འདྲེས་ཆོ་འཕྲུལ་བསྟན་ནས་བཞེངས་མ་ཐུབ། །འདི་ཡི་གཏོ་ཐིག་བྱས་པས་ལྷ་ཁང་ཞེང་། །གཞན་ཡང་བཀྲ་ཤིས་ཕན་ཐོགས་དཔག་མེད་བྱུང་། །དེ་ནས་རྒྱ་གར་ཡུལ་དུ་ཕར་ལ་བསྒྱུར། །ཛེ་ཏ་རི་པ་དགྲ་ལས་རྣམ་རྒྱལ་ས། །མུ་སྟེགས་པ་དང་མཐུ་འདྲེན་བྱས་པའི་དུས། །འདི་ཡི་བཟློག་བསྒྱུར་བྱས་པས་མུ་སྟེགས་ཕམ། །དེ་ནས་རྒྱ་གར་རྡོ་རྗེ་གདན་པ་ལ། །བརྒྱུད་པའི་ལུགས་ཀྱང་རྒྱ་གར་ཡུལ་དུ་དར། །དེ་ནས་རྒྱལ་པོ་ཁྲི་སྲོང་སྐུ་རིང་ལ། །རྒྱ་ནག་ཧྭ་ཤང་མ་ཧཱ་ཡ་ན་སོགས། །ལོ་པཎ་རྣམས་ཀྱིས་བོད་དུ་བསྒྱུར་བ་སྟེ། །བོད་དུ་ཐོག་མར་བསམ་ཡས་ཕྱག་དཔེ་ལ། །མང་དུ་འཕེལ་ནས་དར་ཆ་ཆེ་བར་བྱུང་། །འདན་གྱི་གླང་ཐང་སྒྲོལ་མའི་གཙུག་ལག་ཏུ། །གཏོ་དང་རྩིས་སོགས་གཏེར་དུ་སྦས་པ་རྣམས། །ཁམས་པ་ཉི་མ་གྲགས་པས་གཏེར་ནས་བཏོན། །འགྲོ་མགོན་ཆོས་འཕགས་རྒྱ་ནག་ཡུལ་བྱོན་དུས། །སླར་ཡང་འདི་ཡི་སྐོར་རྣམས་བོད་ལ་བསྒྱུར། །ས་སྐྱ་པ་ཡི་བསྟན་སྲུང་འཐིལ་པོ་བྱེད། །ས་སྐྱས་ཟླ་བ་རེ་ལ་ལན་རེ་བཅའ། །དེ་

[Full Size]

ཚེ་མགོ་གསུམ་གཟུགས་ཀྱིས་གསུང་བསྒགས་ནས། །མགྲིན་པ་ཨེན་ཙམ་ཡོ་བ་མ་གཏོགས་པ། །ང་ཡི་གཟུགས་འདི་འདྲ་འོ་སྨྲས་སོ་སྐད། །དེ་དུས་ཧོར་སྟོད་དམག་གི་གནོད་པ་ཟློག །དེ་རྗེས་ཀརྨ་པཀྵིས་འདི་བཅས་པས། །རྒྱ་དམག་བོད་དུ་འོང་བ་བཟློག་གོ་སྐད། །ཨོ་རྒྱན་མགོན་པོས་ལྷ་ཁང་བཞེངས་པའི་ཚེ། །སྐུ་སྐག་ཆེ་ཞིང་བར་ཆད་མང་བ་ལ། །ཆེ་ཚངས་སངས་རྒྱས་ཡེ་ཤེས་དེར་ཕེབས་ནས། །ཟླ་བ་གསུམ་གྱི་བར་དུ་མདོས་ཆ་བསྒྲུབ། །ལྷ་ཁང་ཉིད་ཀྱི་ཚད་ཙམ་བཅས་ནས་འབུལ། །བར་ཆད་ཀུན་ཞི་སྐུ་ཚེ་མཐར་ཕྱིན་གྱུར། །འདི་ལ་ལུགས་གསུམ་བཅའ་ཐབས་བཅོ་བརྒྱད་དེ། །དུས་ཕྱིས་སྔགས་པས་དཔེ་ཆ་གར་རྙེད་བྲིས། །དབྱེ་གསལ་མ་ཤེས་རྫོགས་རྒྱུ་མེད་པ་བྱུང་། །རྒྱས་པ་ཡབ་ལུགས་འབྲིང་པོ་སྲས་ལུགས་དང་། །བསྡུས་པ་ཡུམ་ལུགས་གསུམ་དུ་ཞེས་གྲགས་སོ། །ཁྲོ་བོ་ཕ་བརྒྱུད་བུ་བརྒྱད་གཉིས་ཀ་འབྱར། །རུ་འདྲེན་སྡེ་བཞི་སོ་སོར་ལེའུ་ཁ་རེ། །པོ་ཏི་ཆེན་པོ་བྱུང་བ་ཡབ་ལུགས་ཡིན། །ཁྲོ་བོ་ཕ་བརྒྱད་མི་འབྱར་བུ་བརྒྱད་འབྱར། །རུ་འདྲེན་སྡེ་བཞི་ལེའུ་ཁ་གཅིག་ལ་ཚང་། །རྒྱས་བསྡུས་འཚམས་པ་བྱུང་བ་སྲས་ལུགས་ཡིན། །ཁྲོ་བོ་ཕ་བུ་

[Full Size]

གཉིས་ཀ་གཅིག་ཀྱང་མེད། །འདོན་ཆོག་བསྡུས་པ་བྱུང་བ་ཡུམ་ལུགས་ཡིན། །ཤིང་རིས་རྩང་ཐུར་ནམ་མཁའ་གསུམ་ཁ་ཡོད། །དེ་ནི་མགོ་གསུམ་མདོས་ཐབས་ཞེས་བྱའོ། །ཤིང་།རིས་མེད་ཅིང་རྩང་ཐུར་རྐྱང་པ་བཙུགས། །དེ་ནི་མགོ་གསུམ་རྩང་ཐབས་ཞེས་བྱའོ། །མདོས་ཐབས་རྩང་ཐབས་གཉིས་པོ་གང་བྱེད་ཀྱང་། །དེ་ལ་ལས་ཚོགས་བཅའ་ཐབས་བཅོ་བརྒྱད་བྱུང་། །དེ་དག་སོ་སོའི་ཕྱག་གཡས་ཕྱག་མཚན་ཁྱད། །སྐག་ཟློག་སྤར་ཁ་གང་ཡིན་ཕྱག་མཚན་འཛིན། །དེ་བཞིན་ལོ་ཡི་སྐག་ཟློག་ལོ་ཡི་གཟུགས། །ལྟས་ངན་བཟློག་ན་གང་བྱུང་ཐན་གྱི་གཟུགས། །ཞིང་ནང་དབབ་བྱུང་དབབ་རྡོ་ཕྱག་གཡས་བཞག །དེ་བཞིན་གང་མཛད་རིག་པས་བརྟག་སྟེ་ཤེས། །སྤྱི་ལ་དང་པོ་གྲི་གུག་ཐོད་ཁྲག་སྟེ། །གཞན་རྣམས་ཕྱག་མཚན་མངོན་རྟོགས་ལྟར་དུ་བྱ། །སྤར་ཁ་རྩུབ་པ་མང་པོ་ཡོད་ན་ནི། །ཕྱག་དྲུག་སྤར་ཁ་གང་རྩུབ་ཕྱག་ཏུ་བཞག །ནད་ཡམས་བཟློག་པའི་དོན་དུ་བཅའ་བ་ནི། །དང་པོའི་ཕྱག་གཉིས་ཉི་མ་ཟླ་བ་ཕྱིར། །བར་པའི་ཕྱག་གཉིས་ཁྲམ་ཤིང་དཀར་ནག་གཉིས།། །ཐ་མ་གཉིས་ཀྱིས་ཐལ་མོ་བརྡབ་ཚུལ་བྱ། །བུད་མེད་ནད་རྐྱལ་ཐོགས་པ་བརྒྱ་ཡིས་བསྐོར། །དེ་ལ་

[Full Size]

གཟུགས་བརྙན་གཞན་ནི་མི་དགོས་སོ། །བྱད་ཁ་བཟློག་ན་དང་པོ་གྲི་ཐོད་དེ། །བར་པ་གཉིས་ཀྱིས་ཕུར་པ་འདྲིལ་བའི་ཚུལ། །ཐ་མ་གཉིས་ཀྱིས་ཐལ་མོ་རྡེབ་པ་སྟེ། །ལུས་ལ་ཕུར་པ་མང་པོའི་དོ་ཤལ་ཚུལ། །འཁོར་གྱི་བཅའ་ཚོགས་ཧྲག་བསྡུས་གཞུང་ལྟར་བྱ། །དམག་སྣ་བཟློག་ན་དང་པོའི་ཕྱག་གཉིས་ཀྱིས། །ཕྱར་དར་དང་ནི་རྒྱལ་མཚན་འཛིན་པ་སྟེ། །བར་པས་རལ་གྲི་དང་ནི་མདུང་འཛིན་པ། །ཐ་མས་ཐལ་མོ་བརྡབ་པར་བྱ་བ་སྟེ། །འཁོར་ནི་སྐྱ་མི་ཁྲབ་ཅན་བརྒྱ་ཡིས་བསྐོར། །དེ་ལ་འཁོར་གཞན་བཅའ་ནི་མི་དགོས་སོ། །ཐན་ཟློག་ཕྱག་གཡས་སྦྲུལ་ནག་མགོ་དགུ་དང་། །རྔ་མོང་ངམ་ནི་གང་བྱུང་ཐན་གྱི་གཟུགས། །འཁོར་དུ་ཐན་རིགས་བརྒྱ་ཡིས་བསྐོར་བར་བྱ། །ཁ་མཆུ་གླེང་གཞི་ལ་སོགས་བཟློག་པ་ལ། །དང་པོའི་ཕྱག་གཉིས་མི་ཁ་ཟ་བའི་ཚུལ། །འཁོར་ནི་མི་ཁའི་མགོ་བརྙན་བཅུ་གསུམ་སྟེ། །བུད་མེད་བ་རུ་སིལ་པོ་ཁུར་བའོ། །དེ་རྒྱབ་ཤང་ཤང་བྲ་མཆུ་བརྒྱ་ཡིས་བསྐོར། །དགྲ་སྣ་བསྒྱུར་ན་ཕྱག་མཚན་རལ་གྲི་མདུང་། །མི་ནག་རལ་གྲི་ཐོགས་པ་བརྒྱ་ཡིས་བསྐོར། །གོད་ཁ་དང་ནི་སྙིང་སྟོང་བསྒྱུར་བ་ལ། །ཕྱག་རྣམས་ཀུན་གྱིས་བ་དན་

[Full Size]

བཟུང་བ་སྟེ། །འཁོར་ནི་མི་ནག་ཡས་ཁུར་བརྒྱ་ཡིས་བསྐོར། །རྨི་ལམ་ངན་པ་བསྒྱུར་ན་དང་པོའི་ཕྱག །མདའ་གཞུ་འཛིན་ཅིང་དེ་ཡི་འཁོར་དུ་ནི། །རྨི་ལམ་ངན་པ་གང་རྨིས་གཟུགས་ཀྱིས་བསྐོར། །རྒྱལ་འགོང་གནོད་པ་བཟློག་ན་དེ་ཡིས་འཁོར། །རྒྱལ་འགོང་གཟུགས་བརྙན་མང་པོས་བསྐོར་བར་བྱ། །འདྲེ་མོའི་གནོད་ན་འདྲེ་མོའི་གཟུགས་མང་པོ། །འདྲེ་མོའི་ཡས་རྣམས་རྒྱབ་ལ་ཁུར་བར་བྱ། །གྱོད་བྱུར་བཟློག་ན་གྱོད་གྱུར་མང་པོའི་གཟུགས། །མི་ཁ་བཟློག་ན་མི་ཁའི་གཟུགས་ཡས་དང་། །དེ་རྣམས་རིགས་པས་དཔག་སྟེ་གང་གནོད་གཟུགས། །ཕྱག་ཏུ་བཟུང་སྟེ་འཁོར་དུ་བསྐོར་བྱས་པས། །ལས་ཚོགས་བཅའ་ཐབས་བཅོ་བརྒྱད་འབྱུང་བ་ཡིན། ༈ །སྤྱི་ལ་བཅའ་ལུགས་རྒྱས་འབྲིང་བསྡུས་གསུམ་སྟེ། །རྒྱས་པ་མངོན་རྟོགས་ལྟར་དུ་འཁོར་མང་གཟུགས། །འབུར་དོད་བཅའ་དང་བྲིས་སྐུ་ཆ་གཉིས་བྱ། །འབྲིང་ལ་འཁོར་མང་མཐོ་དོ་ཙམ་ཞིག་བྱ། །བསྡུས་པ་གོང་ནོན་རིགས་གསུམ་མགོན་པོ་བྲི། །དེ་མིན་མཐོ་རེ་ཙམ་གྱི་གཟུགས་བཅས་ལ། །འཁོར་མང་ཡིད་ལ་བསྒོམས་པས་འཐུས་པ་ཡིན། ༈ །དང་པོ་མདོས་ཐབས་རྒྱས་པར་བཅའ་བ་ནི། །མདོས་གདན་

[Full Size]

རི་རབ་གྲུ་བཞི་བྲིས་པའི་སྟེང་། །མི་ཁ་བྲ་མཆུ་ལྟས་ངན་ལ་སོགས་པ། །གང་གནོད་ལིང་ག་བྲིས་ཏེ་བཅིངས་བའི་སྟེང་། །མགོ་གསུམ་ཉིད་ཀྱི་སྐུ་གཟུགས་བཅའ་བ་ནི། །མི་ནག་མགོ་གསུམ་ཤིན་ཏུ་འཇིགས་པའི་གཟུགས། །དབུས་མ་གླང་མགོ་འབྲུག་གི་སྣ་ལྗགས་ཅན། །སྤྱན་དམར་རལ་པ་རེ་གཡབ་གྱེན་ལ་གཡེངས། །རྭ་ནི་གནམ་ལྕགས་སྔོན་མོ་ཟངས་སེ་བ། །ཐོད་སྐམ་ལྔ་དང་ཉི་ཟླ་ནོར་བུས་བརྒྱན། །མཆེ་གཙིགས་ལྗགས་འདྲིལ་ཁྲོ་བོའི་སྐུར་བསྐྱེད་བྱ། །འཇམ་དཔལ་བཀའ་ཉན་ཕྱིར་དུ་སེར་པོ་འོ། །གཡས་སུ་སྟག་མགོ་དམར་བཀྲ་གཡོན་དུ་ནི། །ཕག་མགོ་ནག་པོ་གཉིས་ནི་དུད་འགྲོའི་མགོ །མགོ་དབུས་སེར་པོ་ཐོད་སྐམ་དབུ་རྒྱན་ཅན། །སྐུ་མདོག་ནག་པོ་ཕྱག་ནི་དྲུག་པ་སྟེ། །ཐོད་རློན་དོ་ཤལ་གླང་ལྤགས་སྟོད་གཡོགས་དང་། །སྦྲུལ་གྱི་དོ་ཤལ་སྟག་གི་ཤམ་ཐབས་དང་། །རྔ་མ་རེ་འབྱམ་སྦྲུལ་གྱི་ཚུལ་དུ་འཁྱིལ། །ཞབས་གཉིས་འདོར་ཐབས་བཞུགས་པ་ཀུན་ལ་སྟེ། །སྤྱི་ལ་དང་པོ་གྲི་གུག་ཐོད་ཁྲག་སྟེ། །བར་པས་རལ་གྲི་དང་ནི་ལྕགས་ཀྱུ་འཛིན། །ཐ་མ་གཉིས་ཀྱིས་མདའ་དང་གཞུ་འཛིན་པ། །དེ་ཡི་ཕྱོགས་མཚམས་བརྒྱད་དུ་སྲས་བརྒྱད་ནི། །

[Full Size]

མངོན་རྟོགས་ལྟར་དུ་ཚོན་མདོག་མ་ནོར་འགོད། །དེ་ཡི་ཕྱི་རིམ་སྨེ་བ་དགུ་པོ་ནི། །མདུན་དུ་ལྔ་སེར་དེ་མདུན་དགུ་དམར་དང་། །མདུན་གཡས་གཉིས་ནག་གཡས་སུ་བདུན་དམར་ཏེ། །རྒྱབ་གཡས་དྲུག་དཀར་རྒྱབ་ཏུ་གཅིག་དཀར་ཏེ། །རྒྱབ་གཡོན་བརྒྱད་དཀར་གཡོན་དུ་གསུམ་མཐིང་དང་། །མདུན་གཡོན་ཟུར་དུ་བཞི་ལྗང་གཟུགས་རྣམས་ནི། །སྐྱ་མི་སོ་སོའི་གཟུགས་སུ་བྱས་པས་འཐུས། །དེ་རྒྱབ་སྤར་ཁ་བརྒྱད་པོའི་གཟུགས་བཅས་ལ། །ལི་ནི་བུད་མེད་དམར་མོ་རྟ་དམར་ཅན། །དེ་ནི་གཙོ་བོའི་མདུན་བཞག་ལྷོ་ཕྱོགས་ཡིན། །ལྷོ་ནུབ་ཁོན་མ་རྒན་མོ་བུད་མེད་གཟུགས། །ནུབ་ཏུ་དྭ་ནི་སྐྱེས་ཕྲན་དཀར་པོ་དང་། །ནུབ་བྱང་ཁེན་པ་མི་རྒན་སེར་པོ་དང་། །བྱང་དུ་ཁཾ་ནི་མི་ནག་རལ་པ་ཅན། །བྱང་ཤར་གིན་ནི་་བན་གཟུགས་སེར་པོ་དང་། །ཤར་དུ་ཟིན་ནི་བུད་མེད་ལྗང་གུའི་གཟུགས། །ཤར་ལྷོར་ཟོན་ནི་བུད་མེད་སེར་མོའི་གཟུགས། །དེ་དག་སོ་སོའི་ཞོན་པ་ལ་སོགས་པ། །བྲི་དུས་ཡིན་གྱིས་བཅའ་དུས་རྐང་ཐང་ཆོག །དེ་རྒྱབ་ལོ་སྐོར་བཅུ་གཉིས་བཅའ་བ་ནི། །ལོ་སྐོར་བཅུ་གཉིས་སོ་སོའི་མགོ་ཅན་ལ། །ལུས་པོ་མི་ཡི་གཟུགས་སུ་བྱས་པས་འཐུས། །སྟག་ཡོས་ལྗང་

[Full Size]

ཁུ་རྟ་སྦྲུལ་དམར་པོ་དང་། །བྱ་སྤྲེལ་དཀར་པོ་བྱི་ཕག་ནག་གམ་སྔོ། །མཚམས་བཞི་སེར་པོ་རང་རང་ཕྱོགས་སུ་བཀོད། །དེ་རྒྱབ་གཡས་སུ་མི་ནག་རྟ་ནག་བདུད། །མདུན་དུ་ཤང་ཤང་བྲ་བའི་མགོ་ཅན་ལ། །ལག་པ་གཉིས་ཀྱིས་རག་དུང་འབུད་པ་བྱ། །གཡོན་དུ་བཙན་ནི་མི་དམར་རྟ་དམར་ཅན། །རྒྱབ་ཏུ་མ་མོ་ནག་མོ་རྔ་མོང་ཞོན། །དེ་དང་མཉམ་དུ་གླང་ཆེན་ཁལ་འགེལ་བཞག །མདུན་དུ་མི་དམར་མགོ་བོ་གསུམ་པོ་ནི། །ལག་པ་གཉིས་ཀྱིས་མདའ་གཞུ་འགེངས་པའི་ཚུལ། །ཁོག་སྟོད་དམར་ལ་ཁོག་སྨད་ནག་པོ་བྱ། །མགོ་དབུས་ཕག་མགོ་ནག་པོ་གཏི་མུག་མགོ །གཡས་པ་བྱ་དཀར་གཡོན་པ་སྦྲུལ་མགོ་དམར། །འདི་ལ་གསོད་བྱེད་མི་དམར་མགོ་གསུམ་ཟེར། །དེ་རྒྱབ་ཕྱོགས་བཞིར་གཏོ་མཁན་བཞི་ལ་པོའམ། །ཡང་ན་སྲུང་བཞི་སྒོ་སྲུང་ཚུལ་དུ་བཅའ། །བཅའ་ཚོགས་བསྡུས་པ་དེ་དག་ཙམ་གྱིས་འཐུས། ༈ །དེ་ལས་བསྡུས་པ་འདོད་ན་སྨེ་བ་སྐྱུར། །དེ་ལས་རྒྱས་པ་ཐན་སྐྱ་ཉི་ཤུ་བཅའ། །ཁྲོ་བོ་རྣམས་ནི་པར་དུ་འདེབས་པའམ། །ཡང་ན་ཙཀླུ་བཙུགས་པས་འཐུས་པ་ཡིན། །འཁོར་མང་ཐམས་ཅད་དེང་སང་བཅའ་སྲོལ་མེད། །སྔོན་ཚེ་སངས་རྒྱས་ཡེ་ཤེས་

[Full Size]

ཀྱིས་བཅས་པས། །ཁྲ་འགྱེལ་མ་དང་མཉམ་པ་བྱུང་ངོ་སྐད། །དེ་འདྲ་དེང་སང་ཆོས་པའི་ཐབས་མེད་པས། །དེང་སང་ཧྲག་བསྡུས་བཅའ་བ་ཀུན་གྱི་སྲོལ། །དེ་རྒྱབ་ལོ་སྐོར་བཅུ་གཉིས་བྲིས་སམ་གདབ། །ཤིང་རིས་བཅུ་གསུམ་རང་རང་ཕྱོགས་སུ་བཙུགས། །ཕྱོགས་བཞིར་ཁྲམ་ཤིང་དཀར་སེར་དམར་ལྗང་བཞི། །གཡས་སུ་ཕོ་ཐོང་གཡོན་དུ་མོ་ཐོང་དང་། །མདུན་དུ་བུ་ཐོང་མདའ་བཀྲ་འཕང་བཀྲ་དང་། །བཅུ་གསུམ་བཞི་དང་གསུམ་སོགས་རེ་རེ་བཙུགས། །དབུས་སུ་ནམ་མཁའ་གཅིག་གི་མགུལ་དུ་ནི། །རིགས་གསུམ་མགོན་པོའི་ཙཀ་ལི་བཏགས་པ་ནི། །མགོ་གསུམ་དབུ་རྒྱན་གོང་ནོན་ཚུལ་ཡིན་ནོ། །ཤིང་རིས་རྒྱབ་ཏུ་རྩང་ཐུར་དྲུག་ཅུ་བཞི། །ཡང་ན་ཤི་ཤུ་རྩ་བརྒྱད་བཙུགས་པ་རྣམས། །སྟོད་དམར་སྨད་ནག་སྐེད་པ་རྒྱ་མདུད་སེར། །སྲིན་མོ་འགྲོས་བཙུགས་ཚོན་སྐུད་སྣ་ལྔས་དཀྲིས། །ཤ་དུམ་མཐེབ་སྐྱུ་གཏོར་ཆུང་གཙང་མ་ལ། །འབྲུ་སྣ་ཡོས་བཀྲ་གཙང་མས་གསོ་བར་བྱ། ༈ །ལོགས་སུ་བཙོ་གཞོང་ལ་སོགས་སྣོད་ཀྱི་ནང་། །ངར་གླུད་ཆེ་བ་གཅིག་བཅས་གོས་དུམ་བསྐོན། །དེ་ལ་བཙོག་གླུད་ཚྭ་ཡོས་རིམ་རུག་བླུག །དེ་ནི་མགོ་གསུམ་དེ་ཡི་དྲུང་དེར་བཞག །མགོ་གསུམ་

[Full Size]

ནང་དུ་བཙོག་གླུད་མི་བླུག་གོ ༈ །ཡར་མཆོད་གཞི་སྟེང་ཕུགས་གཏོར་ཉིད་ཀྱི་མཐར། །བཙོ་ཆུང་ངམ་ནི་སྡེར་མ་ནས་བཀང་སྟེང་། །གཏོར་མ་གུར་གྱི་དབྱིབས་ཅན་མར་རྒྱན་གཟབ། །དབུས་སུ་ཁྱུང་དང་གཡས་སུ་སེང་གེ་དང་། །གཡོན་དུ་འབྲུག་གཟུགས་མར་ལ་བཅས་ལ་བཙུགས། །མར་དང་ཐུད་ཀྱི་རིལ་བུ་མང་པོས་བརྒྱན། །དེ་ནི་དཀར་པོ་མགོ་གསུམ་བཅའ་ཐབས་ཡིན། །དཀར་པོ་མགོ་གསུམ་སྲུང་བ་ཡིན་པ་སྟེ། །ནག་པོ་མགོ་གསུམ་ཉིད་ནི་ཟློག་པ་ཡིན། །དམར་པོ་མགོ་གསུམ་ཉིད་ནི་བསད་པ་ཡིན། །དེ་གསུམ་མགོ་གསུམ་གཞུང་ཆེན་གསུམ་པོ་ཡིན། །གཞན་རྣམས་དེ་ཡི་ཡན་ལག་ཡིན་པའི་ཕྱིར། །རྒྱས་ཀྱང་རུང་ལ་བསྡུས་ཀྱང་ཆོག་པ་ཡིན། །བདག་བསྐྱེད་རང་གི་ཡི་དམ་ལྷ་གཞུང་བསྲང་། །དེ་ནས་རིགས་གསུམ་མགོན་པོ་གནས་འགྱུར་རམ། །དྲག་པོ་བྱེད་ན་རིགས་གསུམ་ཁྲོ་བོ་བསྐྱེད། །དེ་ནས་ཉིན་རེ་ཚར་རེ་མི་དགོས་ཏེ། །རྩ་བའི་གཞུང་ཆེན་རྣམས་ལ་ཚར་རེ་དང་། །གཞན་རྣམས་འདོན་རེས་བྱས་པས་འཐུས་པ་ཡིན། །གཙོ་བོར་དཀར་པོ་མགོ་གསུམ་སྲུང་འཁོར་བསྒོམ། །སྔ་དྲོ་རིགས་གསུམ་མགོན་པོའི་བསྙེན་པ་འབད། །ཉིན་

[Full Size]

གུང་ནག་པོ་མགོ་གསུམ་ཟློག་པ་འདོན། །ཟ་འདྲེ་ཤི་གཤེད་ལ་སོགས་གསོད་པ་ལ། །དམར་པོ་མགོ་གསུམ་སྔགས་དམིགས་བཅུག་པར་བྱ། །སྤྱིར་ནི་རིམ་གྲོ་སྲུང་ཟློག་གཉིས་པོ་གཙོ། །བསད་པའི་སྔགས་དམིགས་དགོས་པ་ཆུང་བ་ཡིན། །མགོ་གསུམ་གལ་ཆེན་རྟགས་ཐོན་བྱེད་འདོད་ན། །དུས་བཞིར་མངོན་རྟོགས་སྤྱན་འདྲེན་གཏོར་འབུལ་དང་། །ཟློག་བྱེད་མགོ་གསུམ་ཉིད་ཀྱི་སྔགས་ལ་འབད། །བསྲུངས་རྟོགས་བཟློག་རྟགས་རྨི་ལམ་འབྱུང་། །བཟང་ངན་བརྟག་ལུགས་སྤྱི་དང་མཐུན། །དེ་ནས་ཞག་གྲངས་ཐེམ་པ་དང་། །རང་དང་ཡོན་བདག་ལོ་ཐོག་མིན། །རྒྱུ་ལྡོག་ཞིབ་ཏུ་བརྩི་བ་རབ། །མིན་ཀྱང་རང་དང་ཡོན་བདག་གི །ལོ་ཐོག་མིན་ཅིང་ཕྱོགས་གཙང་སར། །ཁྱད་པར་ཐེ་སེ་ཧལ་ཁྱི་དང་། །བླ་མཁྱེན་མེད་པའི་ཕྱོགས་སུ་ཕུལ། །དཀར་བགེགས་གཉིས་ཀྱིས་སྣ་དྲངས་ཤིང་། །དེ་རྗེས་གཏོར་ཟློག་དར་ནག་ཁྱེར། །གསེར་སྐྱེམས་གཏོར་མ་འབུལ་ལུགས་རྣམས། །ཕལ་ཆེར་མཐོང་བ་བརྒྱུད་ལྟར་ཤེས། །ཧ་ཀྱང་ཀུན་གྱིས་ཤེས་མོད་ཀྱིས། །དྲི་གླུད་ལ་སོགས་མི་གཙང་རྫ་ས། །མགོ་གསུམ་ཉིད་ལ་མཆོད་མི་རུང་། །ཀླུ་དང་ས་བདག་ཀུན་གྱི་དཔོན། །ཀླུ་བདུད་

[Full Size]

མགོ་དགུ་ཞེས་ཀྱང་། །ས་བདག་ནཱ་ག་རཀྵ་ནི། །མགོ་གསུམ་འདི་ཉིད་ཡིན་ངེས་ཏེ། །ས་བོན་ཡི་གེ་ཕེ་དང་ནི། །སྲོག་སྔགས་ཕེ་ཤ་ཀེ་རུ་ཧཱུཾ། །ནཱི་ག་རཀཱ་དང་ནི་གཅིག །དེ་ཕྱིར་འདི་ལ་གཙང་སྦྲ་གལ་ཆེའོ། །འོན་ཀྱང་གཙང་སྦྲ་བྱེད་མཁན་དཀོན་པར་སྣང་། །འདི་ནི་མི་ཤེས་ལོག་པ་ཆེན་པོ་སྣང་། །མགོ་གསུམ་ཞེས་བྱ་འདྲེ་ངན་མ་ཡིན་ཏེ། །ས་བདག་རིགས་ཀྱི་ཆོས་སྐྱོང་གཅིག་ཡིན་ནོ། །བཙོག་གླུད་ངར་མི་ལོགས་སུ་བཅའ་བ་གཅེས། །དེ་དག་བཅའ་ཚོགས་ཞལ་གདམས་མདོར་བསྡུས་ཡིན། །སྔགས་འཆང་ཨོ་རྒྱན་བཀྲ་ཤིས་ཀྱིས་བསྐུལ་ནས། །༧རཱ་ག་ཨ་སྱས་འཕྲལ་དུ་ངག་ནས་སྨྲས། །བསྐུལ་བ་པོ་དེས་འཕྲལ་དུ་ཡི་གེར་བཀོད། །ཕྱི་རབས་སྔགས་འཆང་འགལ་ལ་ཕན་པར་ཤོག ༈ ཞར་བྱུང་ཤིང་རིས་བྲི་བའི་ཞལ་གདམས་ནི། །ཤིང་རིས་བཅུ་གཉིས་སྟོད་ན་བྲི་ལུགས་འདྲ། །རྩེ་ལ་ནོར་བུ་དེ་འོག་ཉི་ཟླ་དང་། །དེ་འོག་དུང་ཕྲེང་དེ་འོག་དར་དཔྱང་བྲི། །དེ་འོག་སྤྲིན་གྱི་རི་མོ་བྲི་བ་རྣམས། །ཤིང་རིས་སྤྱི་ཡི་རི་མོ་བྲི་ལུགས་ཡིན། །དེ་འོག་ལོ་སྐོར་བཅུ་གཉིས་ནི། །མི་ལུས་དུད་འགྲོ་སོ་སོའི་མགོ །ལག་པ་བྱ་སྡེར་ཐལ་མོ་སྦྱར། །གཤོག་པ་

[Full Size]

བྱ་ཡི་གཤོག་པ་ལ། །ཁོག་སྨད་སྦྲུལ་དུ་འཁྱིལ་བ་བྲི། །དེ་དག་རྣམས་ཀྱི་བར་མཚམས་སུ། །ས་བཅད་རི་མོ་གཉིས་སམ་གསུམ། །དེ་ཡི་ཤིང་རིས་མ་གང་ན། །ས་བཅད་རི་མོ་གཉིས་ཀྱི་བར། །ཁྲམ་རིས་འདྲ་བའི་རྒྱ་གྲམ་གཅིག །དེ་འོག་ཡི་གེ་དབུ་ཅན་གྱི། །བྱི་བ་ལོ་པའི་སྐག་སྒྱུར་ཅིག །ཅེས་སོགས་རིམ་བཞིན་བྲི་བར་བྱ། །ཤར་ཕྱོགས་ཁྲམ་ཤིང་དཀར་པོ་ལ། །ཤར་ཕྱོགས་དྲི་ཟའི་ཁྲམ་ཁ་ཟློག །ལྷོ་ཕྱོགས་ཁྲམ་ཤིང་སེར་པོ་ལ། །ལྷོ་ཕྱོགས་གཤིན་རྗེའི་ཁྲམ་ཁ་ཟློག །ནུབ་ཕྱོགས་ཁྲམ་ཤིང་དམར་པོ་ལ། །ནུབ་ཕྱོགས་ཀླུ་ཡི་ཁྲམ་ཁ་ཟློག །བྱང་ཕྱོགས་ཁྲམ་ཤིང་ལྗང་གུ་ལ། །བྱང་ཕྱོགས་གནོད་སྦྱིན་ཁྲམ་ཁ་ཟློག །ཕོ་ཤིང་སྟག་པའི་ཕོ་ཐོང་ལ། །སྐྱེས་པ་ཕོ་ཡི་གཟུགས་བྲིས་འཛུགས། །སྐྱེས་པ་ཕོ་ཡི་སྐག་བཟློག་ཅིག །མོ་ཤིང་གླང་མའི་མོ་ཐོང་ལ། །ཟ་མ་མོ་ཡི་གཟུགས་བྲིས་འཛུགས། །ཟ་མ་མོ་ཡི་སྐག་བཟློག་ཅིག །བུ་ཤིང་ཚར་བུའི་བུ་ཐོང་ལ། །བྱིས་སྦ་ཆུང་གི་གཟུགས་བྲིས་འཛུགས། །བྱིས་སྦ་ཆུང་གི་སྐག་བཟློག་ཅིག །དེ་དག་ཀུན་གྱི་རྒྱབ་ཏུ་ནི། །འཇའ་རིས་བྲི་བ་ཀུན་གྱི་སྲོལ། །དེ་བཞིན་མདའ་བཀྲ་འཕང་བཀྲ་ཡང་། །རྒྱས་པར་འཛོམ་ན་

[Full Size]

བཅུ་གསུམ་ཙམ། །འབྲིང་དུ་བདུན་རེ་ལྔ་རེ་དང་། །བསྡུ་ན་གསུམ་མམ་རེ་རེས་ཆོག །དེང་སང་མདའ་བཀྲ་འཕང་བཀྲ་ནི། །བཙུགས་སྲོལ་མེད་པས་ཕྱག་ལེན་འཕྱུགས། །ཤིང་རིས་ཡོད་ན་མདའ་བཀྲ་དང་། །འཕང་བཀྲ་མེད་པའི་མདོས་མི་སྲིད། །ཕོ་གླུད་མོ་གླུད་གཙོ་བོ་ནི། །མདའ་བཀྲ་འཕང་བཀྲ་ཡིན་ཕྱིན་རོ། །མདོས་རྣམས་གཞན་ལ་ནམ་མཁའ་ཡང་། །ཤིང་རིས་གྲངས་སུ་མཉམ་པ་མང་། །མགོ་གསུམ་ཉིད་ལ་དེ་མི་སྲོལ། །ནམ་མཁའ་གཅིག་གིས་ཆོག་པ་ཡིན། །འདི་ནི་བསྡུས་པའི་ལུགས་ཡིན་ནོ། །རྒྱས་པར་བྱེད་ན་གདུགས་ནམ་དང་། །སྲིད་གསུམ་ཟིལ་གནོན་ནམ་མཁའ་དང་། །ནོར་བུ་ཏོག་གི་ནམ་མཁའ་སོགས། །ཤིན་ཏུ་རྒྱས་པ་བྱེད་ན་དགོས། །ཆེ་ཚང་སངས་རྒྱས་ཡེ་ཤེས་ཀྱིས། །རི་བོ་ཆེ་རུ་བཅས་པའི་དུས། །ནམ་མཁའ་གསེར་འཕུར་མཉམ་མོ་སྐད། །དེང་སང་ནམ་མཁའ་གཅིག་མ་གཏོགས། །ནམ་གདུགས་ཙམ་ཡང་སྲོལ་མི་འདུག །ལ་ལས་ལིང་ག་བསྒྲལ་ཆོག་ནི། །ཉིན་རེ་རེ་རེ་བྱེད་པ་སོགས། །ཕྱག་ལེན་མི་འདྲ་འགའ་ཡོད་དེ། །ང་ཡི་སློབ་དཔོན་སྔགས་འཆང་བ། །པྲ་བ་ཤྭ་རའི་ཕྱག་ལེན་འདི། །སྔོན་གྱི་སྔགས་པ་

[Full Size]

མང་པོ་ཡི། །ཕྱག་ལེན་རྒྱུན་ལྡན་ཁོ་ན་སྟེ། །རང་བཟོ་ཕྱག་ལེན་མ་ཡིན་པས། །བཅའ་ཚོགས་རྒྱས་བསྡུས་འདོན་ལུགས་ཀུན། །མཐོང་བ་བརྒྱུད་པ་རྣམ་དག་ཡིན། །འདོན་ཆོག་རྒྱས་བསྡུས་མང་ན་ཡང་། །དངོས་གཙང་དོན་འཐུས་མང་ཉུང་རན། །འགྲིག་ཆོག་བཞིན་དུ་འདོན་པས་འཐུས། །འདི་རུ་མ་ཚང་འདོན་ཆའི་ཚོགས། །པོ་ཏི་མང་བ་གཞན་འདུག་ཀྱང་། །མ་ཚང་སྙམ་དུ་བྲི་མི་དགོས། །འདི་ཉིད་བཏོན་པས་ཐམས་ཅད་འཐུས། །མགོ་གསུམ་གཙོ་བོར་བྱེད་འདོད་ན། །འདོན་ཆ་མང་བས་ཟབ་པ་མིན། །སྔགས་དང་དམིགས་པ་འབད་པ་ཟབ། །དེ་སྐད་ཤིང་རིས་བྲི་ཐབས་སོགས། །ཞལ་གདམས་ཉེ་བར་མཁོ་བ་དེ། །དྲང་སྲོང་རཱ་ག་ཨ་སྱས་གསུངས། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མགོ་གསུམ་སྲས་ལུགས་འདོན་ཆའི་དཔེ་འཆར་དགོས་ཀྱི་ཐེམ་བྱང་རྩིས་སུ་མནན་པ།

[Full Size]

མགོ་གསུམ་སྲས་ལུགས་འདོན་ཆའི་དཔེ་འཆར་དགོས་ཀྱི་ཐེམ་བྱང་རྩིས་སུ་མནན་པའི་དབུའོ། །མི་ནག་མགོ་གསུམ་དཔེ་ཆའི་ཚེམ་གྲངས་ནི། ཟིན་བྲིས་འདོན་ཆོག་གསང་བ་སྣ་འདྲེན་དང་། །དཀར་པོ་མགོ་གསུམ་དམར་པོ་མགོ་གསུམ་དང་། །རུ་འདྲེན་སྡེ་བཞི་བྱང་བཀྲ་བཅུ་གསུམ་དང་། །མ་མོའི་ཐན་བསྒྱུར་འཁྲུག་འདྲེ་བཅོ་བརྒྱད་བསྐུལ། །བཟློག་བསྒྱུར་ཚེམ་གཉིས་རྩང་ཕུར་བཟློག་པ་དང་། །དཔེ་ཚེམ་དེ་བཅུ་མགོ་གསུམ་གཞུང་ཆེན་ཡིན། །ཟིན་བྲིས་འདི་ནི་གཞུང་གི་ངོས་འཛིན་ནོ།། ༈ འབུལ་ཁའི་འདོན་འགྲིགས་ལིངྒ་ཞལ་སྟབས་དང་། །མགོ་གསུམ་རྫོངས་འདེབས་གླང་ཆེན་ཁལ་འགེལ་དང་། །གཡང་ལེན་གསེར་སྐྱེམས་མགོ་གསུམ་ལམ་བསྟན་དང་། །དབང་བསྐུར་མཚན་མའི་དགྲ་ཟོར་གནམ་ལྕགས་ཐོག་རྒོད་བཅས། །དཔེ་ཚེམ་བཅུ་ཡོད་མདོས་བྱང་ཤིང་རིས་ཡོད། །འདི་ལ་ད་ཕྱིར་འཕྲི་བསྣན་མི་བྱའོ། །སྲས་ལུགས་ཡིན་པས་ཚང་བར་ངེས་པ་ཡིན། །དེ་སྐད་རཱ་གའི་མིང་གིས་སྨྲས་པའོ།། ༈ རང་རང་མོས་བློས་འདིར་འཇོག་པའི། །སྐག་ཟློག་ཤོག་དྲིལ་མི་ཁའི་ཟློག །འགྲིགས་གསལ་བརྗེད་ཐོ་ལྡེབ་བྱང་གསུམ། །ཐལ་མོ་རྡེབ་སོགས་ཚང་བར་ཡོད། །

ནག་པོ་མགོ་གསུམ་སྲས་ལུགས་ཀྱི་འདོན་ཆོག་འགྲིགས་སུ་བཀོད་པ།

[Full Size]

ནག་པོ་མགོ་གསུམ་སྲས་ལུགས་ཀྱི་འདོན་ཆོག་འགྲིགས་སུ་བཀོད་པ་བཞུགས་སོ།

[Full Size]

རང་ཉིད་སྐད་ཅིག་གིས་ཡི་དམ་གནས་འགྱུར་ཏེ། ཡ་མཱནྟ་ཀ་སྐུ་མདོག་དམར་སེར་ཞལ་མ་ཧེ་ཁྲོས་པའི་གདོང་པ་ཅན། རྭ་གཡས་གཡོན་ནམ་མཁའ་ལ་གདེངས་བ། སྤྱན་གསུམ་སྡང་མིག་ཕྱོགས་བཅུར་བསྒྲད་པ། ཤངས་ནས་རླུང་ནག་བུ་ཡུག་འཚུབ་པ། ཕྱག་གཡས་བེ་ཅོན་དང་ཐོད་དབྱུག་ནམ་མཁའ་ལ་ཕྱུར་བ། གཡོན་སྡིགས་མཛུབ་ཐོད་ཁྲག་འཛིན་པ། ཞབས་མ་ཧེའི་གདན་ལ་འདོར་ཐབས་སུ་བསྒད་པ། དུར་ཁྲོད་ཀྱི་ཆས་ཐམས་ཅད་ཀྱིས་བརྒྱན་པ། དེའི་གཡས་སུ་རྟ་མགྲིན་དམར་པོ་གཡས་དབྱུག་ཐོ་དང་གཡོན་སྡིགས་མཛུབ་མཛད་པ།

[Full Size]

གཡོན་དུ་ཕྱག་ན་རྡོ་རྗེ་མཐིང་ནག །གཡས་རྡོ་རྗེ་དང་གཡོན་སྡིགས་མཛུབ་མཛད་པ། གསུམ་ཀའང་ཁྲོ་བོའི་ཆས་བརྒྱད་ཀྱིས་བརྒྱན་ཅིང་། འབར་བའི་གར་དགུ་དང་ལྡན་པ། པད་ཉིའི་གདན་ལ་འདོར་ཐབས་སུ་བསྒྲད་ཅིང་ཡེ་ཤེས་ཀྱི་མེ་འབར་བའི་ཀློང་ན་འགྱིངས་བ། །སྐུ་ཆེ་ལ་ཡན་ལག་རགས་པ་ཁམས་གསུམ་དབང་དུ་སྡུད་པ། སྲིད་གསུམ་ཟིལ་གྱིས་གནོན་པ། དེ་གསུམ་གྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་སྔོན་པོས་མཚན་པ། རིགས་བདག་རང་ཆས་དང་དམ་ཚིག་པ་དང་ཡེ་ཤེས་པ་དབྱེར་མེད་པའི་རང་བཞིན་ཅན་

[Full Size]

དུ་གྱུར། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ། ཨོཾ་ཧཱིཔདྨནྟ་ཀྲྀཏྟ་ཧ་ཡ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཅེས་བསྙེན་པ་ཅི་འགྲུབ་བྱེད། བདག་བསྐྱེད་དོ།། དེ་ནས་མདུན་བསྐྱེད་ཡར་གྱི་དཀར་པོ་མགོ་གསུམ་ནི། ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷཱ་ཝ་ཤུདྡྷོཉཧཾ༔ སྟོང་པ་ཉིད་དུ་གྱུར། སྟོང་པའི་ངང་ལས་གཏོར་མ་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས་དང་བཅས་པའི་དབུས་སུ། པཾ་ལས་པདྨ་ཨ་ལས་ཟླ་བའི་དཀྱིལ་འཁོར་གྱི་སྟེང་དུ། རལ་གྲི་ཡུ་བ་ཨཾ་གྱིས་མཚན་པ་གཅིག་ཏུ་གྱུར། དེ་ལས་འོད་འཕྲོས་འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས། སྐད་ཅིག་གིས་འཕགས་པ་འཇམ་དཔལ་སྐུ་མདོག་སེར་པོ་ཞལ་གཅིག་ཕྱག་བཞི་ཞབས་སྐྱིལ་ཀྲུང་དུ་བཞུགས་པ། ཕྱག་གཡས་ཀྱི་དང་པོས་རལ་གྲི་འོག་མ་ན་མདའ། གཡོན་གྱི་དང་པོས་ཨུཏྤལ་པུ་ཏི། འོག་མ་ན་གཞུ་འཛིན་པ། དེའི་གཡས་སུ་པད་ཟླའི་སྟེང་དུ་ཧཱུྃལས་ཐུགས་རྗེ་ཆེན་པོ་སྐུ་མདོག་དཀར་པོ། ཞལ་གཅིག་ཕྱག་བཞི་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་འོག་མས་ཤེལ་དཀར་གྱི་

[Full Size]

ཕྲེང་བ་བརྒྱ་རྩ་བརྒྱད་འདྲེན་པ། གཡོན་འོག་མས་མེ་ཏོག་ཨུཏྤལ་སྙན་གྱི་ཐད་ཀར་ཁ་བྱེ་བ། ཞབས་རྡོ་རྗེ་སྐྱིལ་མོ་ཀྲུང་གིས་བཞུགས་པ། དེ་གཉིས་ལ་དར་དང་རིན་པོ་ཆེས་རྒྱན་གྱིས་བརྒྱན་པ། མགུལ་རྒྱན། དཔུང་རྒྱན། ཕྱག་གདུབ། ཞབས་གདུབ། སོར་གདུབ་ལ་སོགས་པའི་རྒྱན་སྣ་ཚོགས་ཀྱིས་བརྒྱན་པ། གཡོན་དུ་པད་ཉིའི་སྟེང་དུ་ཧཱུྃ་ལས་ཕྱག་ན་རྡོ་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་དང་ལྡན་པ། ཕྱག་གཡས་རྡོ་རྗེ་ནམ་མཁར་ཕྱར་བ། གཡོན་པས་སྡིགས་མཛུབ་དང་དྲིལ་བུ་ཐུགས་ཀར་འཛིན་པ། སྦྲུལ་དང་རིན་པོ་ཆེའི་རྒྱན་གྱིས་བརྒྱན་པ། སྟག་གི་པགས་པའི་ཤམ་ཐབས་ཅན། ཡེ་ཤེས་ཀྱི་མེ་འབར་བའི་དབུས་ན་བཞུགས་པ། དེ་དག་གི་གནས་གསུམ་ཡི་གེ་གསུམ་དང་ཐུགས་ཀའི་ས་བོན་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། ཛཿཧཱུྃ་བཾ་ཧོཿ གཉིས་སུ་མེད་པར་གྱུར་པ་ལ། དབང་ལྷ་སྤྱན་དྲངས་དབང་བསྐུར་སོ་སོའི་རིགས་བདག་གིས་དབུ་བརྒྱན་པར་གྱུར། གཞལ་ཡས་ཁང་གི་རྩེར་ཁྱུང་འབྲུག་སེང་གསུམ་གྱིས་སྣང་སྲིད་ཐམས་ཅད་ཟིལ་གྱིས་གནོན་པ་རེ་རེ་ལ་ཡང་སྤྲུལ་པ་དུ་མ་

[Full Size]

འཕྲོ་བ། གཞལ་ཡས་ཁང་གི་ནང་དུ་རིགས་གསུམ་མགོན་པོའི་གཡས་སུ་བསྲུང་བྱ་ཕོ་ཐམས་ཅད། གཡོན་དུ་བསྲུང་བྱ་མོ་ཐམས་ཅད། མདུན་དུ་ནོར་ཐམས་ཅད། རྒྱབ་ཏུ་བྲན་གཡོག་ཐམས་ཅད་འཕགས་པ་རིགས་གསུམ་མགོན་པོའི་སྐྱབས་འོག་ཏུ་ཚུད་པར་གྱུར། རིགས་གསུམ་མགོན་པོའི་སྐུ་ལས་འོད་ཟེར་འཕྲོས་པས་ཕྱི་རོལ་དུ་རྡོ་རྗེའི་གུར་བླ་བྲེ་ས་གཞི། དེ་རྒྱབ་རལ་གྲིའི་གུར། དེ་རྒྱབ་གྲི་གུག་གི་གུར། དེ་རྒྱབ་ཐོ་བའི་གུར། དེ་རྒྱབ་ཕུར་པའི་གུར། དེ་རྒྱབ་འབྱུང་བ་ཤིང་གི་རང་བཞིན་གུར་ལྗང་གུ་ནར་མོ་ལོ་མ་མེ་ཏོག་འབྲས་བུ་དང་བཅས་པ། དེའི་ཕྱི་རོལ་དུ་ཆུའི་གུར་སྔོན་པོ་ཟླུམ་པོ་རྦ་རླབས་འཁྲུགས་པ། དེའི་རྒྱབ་ཏུ་ལྕགས་ཀྱི་གུར་ཟླ་གམ་རྔམ་ལ་མཐུག་པ་སྲ་ཞིང་བརྟན་པ། དེའི་རྒྱབ་ཏུ་ས་ཡི་གུར་གྲུ་བཞི་སེར་པོ་གཡོ་འགུལ་མེད་པ། དེའི་རྒྱབ་ཏུ་མེའི་གུར་གྲུ་གསུམ་དམར་པོ་མཆེད་ཅིང་འབར་བའི་རང་བཞིན་ཅན་དུ་གྱུར། ཨོཾ་མཉྫཤི་ལོ་ཀེ་ཤྭ་ར་བཛྲ་པཱ་ཎི་མ་མ་རཀ་རཀྵ་ཀུ་རུ་ཧཱུཾ་ཧཱུཾ། རཾ་ཡཾ་ཁཾ། རཾ་ལས་མེ་བྱུང་བསྲེགས། ཡཾ་ལས་རླུང་བྱུང་གཏོར། ཁཾ་ལས་ཆུ་བྱུང་བཀྲུས། སྭ་བྷ་ཝས་སྟོང་པར་སྦྱངས། སྟོང་པའི་ངང་ལས་འོག་ཏུ་ཡཾ་

[Full Size]

ལས་རླུང་གི་དལ། དེའི་སྟེང་དུ་རཾ་ལས་མེའི་དལ། དེའི་སྟེང་དུ་པཾ་ལས་ཆུའི་དལ། དེའི་སྟེང་དུ་དབང་ཆེན་གསེར་གྱི་ས་གཞིའི་སྟེང་དུ། མདོས་གཞི་ཨེ་མཐིང་ནག་ཡོངས་སུ་གྱུར་པ་ལས། གནམ་ལྕགས་ལས་གྲུབ་པའི་སླ་ང་གྲུ་གསུམ་མཐིང་ནག་ཡངས་ཤིང་རྒྱ་ཆེ་བ། དེའི་དབུས་སུ་སྐད་ཅིག་གིས་མ་ཧཱ་གསེར་གྱི་རུས་སྦལ། དེའི་སྟེང་དུ་ཕེ་ཤ་ཀེ་རུ་བྷྱ༔ ཡོངས་སུ་གྱུར་པ་ལས་ཟློག་བྱེད་ནག་པོ་མགོ་བོ་གསུམ་པ། སྐུ་མདོག་མཐིང་ནག་དབུ་གསུམ་ཕྱག་དྲུག་པ། དབུས་གླང་མགོ་སེར་པོ་གནམ་ལྕགས་ཀྱི་རྭ་ལ་དྲག་པོའི་ཚྭ་ཚྭ་འཕྲོ་བ། གཡས་སྟག་མགོ་དམར་བཀྲ་ཞལ་གདངས་བ། གཡོན་ཕག་མགོ་ནག་པོ་ཐུར་དུ་གཟིགས་པ། དབུ་གསུམ་གྱི་ཞལ་གདངས་ཤིང་མཆེ་བ་གཙིགས་པ། ལྗགས་བར་སྣང་ཁམས་སུ་འཁྱུགས་པ། སྤྱན་རྣམས་དམར་ཞིང་ཟླུམ་པ། སྡང་མིག་ཏུ་བསྒྲད་པ། ཕྱག་དྲུག་དང་པོས་གྲི་གུག་ཐོད་ཁྲག་་་གང་གནོད་དེ་ལ་ཕྱག་མཚན་བསྒྱུར་དགོས༔ བར་པ་ན་རལ་གྲི་མདའ་གཞུ། ཐ་མ་གཉིས་ཀྱིས་དགྲ་འདྲེ་་་དཔེར་ན་ནད་འདྲེ་གོད་འདྲེ་གང་གནོད་དམིགས་ལ། ཟས་སུ་ཟ་བ། སྐུ་ལ་མཚོན་ཆ་སྣ་ཚོགས་ཀྱི་བ་སྤུ་སྐྱེས་པ། གསུས་

[Full Size]

པ་ཁྲག་གི་རྒྱ་མཚོར་འདུག་པ། མི་ཁ་ཐམས་ཅད་ཟས་སུ་ཟ་བ། ཞབས་གཉིས་དགྲ་འདྲེ་བྱུར་གསུམ་མནན་པའི་ཁྲི་ལ་འདུག་པ། སྦྲུལ་མཇུག་རྒྱ་མཚོ་ནང་དུ་བརྐྱངས་བ། སྐུ་ལ་ནད་དུག་མཚོན་གསུམ་གྱི་ཆར་འབེབས་པ། ལྟས་ངན་མི་ཁ་ཐམས་ཅད་ཟློག་པའི་ཚུལ་དུ་བཞུགས་པའོ། །དེའི་ཤར་དུ་ཐེ་སེའི་བུ་དཀར་པོ། ཕག་དང་སེང་གེ་གླང་ཆེན་གྱི་མགོ །ཕྱག་དང་པོ་གཉིས་རྡོ་རྗེ་དང་སྙེ་མ་འཛིན་པ། ལྷོ་ཕྱོགས་ཙང་ཀུན་གྱི་བུ་སྔོན་པོ་བྱ་རྒོད་སྤེལ་དང་ཕག་རྒོད་མགོ་ཅན། ཕྱག་དང་པོ་གཉིས་རིན་པོ་ཆེ་དང་ལྗོན་ཤིང་འཛིན་པ། ནུབ་ཏུ་ཐེའུ་ཁྱིམ་བུ་སེར་པོ་རྟ་སྦྲུལ་སྟག་དང་འབྲུག་གི་མགོ་ཅན། ཕྱག་དང་པོ་གཉིས་པདྨ་དང་དུང་ཕོར་འཛིན་པ། བྱང་དུ་ཧོ་བན་གྱི་བུ་དམར་པོ་ཆུ་སྲིན་དོམ་དང་དྲེད་ཀྱི་མགོ་ཅན། ཕྱག་དང་པོ་གཉིས་རྒྱ་གྲམ་ཕྲེང་བ་འཛིན་པ། ཤར་ལྷོར་སེ་ཤང་གྱི་བུ་དམར་པོ་ཆུ་བྱ་དུར་བྱ་འུག་པའི་མགོ་ཅན། ཕྱག་དང་པོ་གཉིས་ན་རལ་གྲི་དང་མེ་དཔུང་བསྣམས་པ། ལྷོ་ནུབ་མཚམས་སུ་སེ་ཤར་གྱི་བུ་ལྗང་སེར་ཉ་དང་དུག་སྦྲུལ་པིར་གྱི་མགོ་ཅན། ཕྱག་དང་པོ་གཉིས་རྒྱལ་མཚན་བུམ་པ་འཛིན་པ། ནུབ་བྱང་ཧོ་པན་གྱི་བུ་དུད་ཀ་

[Full Size]

གཡག་དང་ཤ་བ་མཛོའི་མགོ་ཅན། ཕྱག་དང་པོ་གཉིས་འཁོར་ལོ་བ་དན་འཛིན་པ། བྱང་ཤར་དུ་བིའི་བུ་དུད་ཀ་བྱི་ལ་གཟིག་དང་སྤྱང་ཀིའི་མགོ་ཅན། ཕྱག་དང་པོ་གཉིས་སྦྲུལ་དང་ཞགས་པ་འཛིན་པ། དེ་ལྟར་ས་བདག་བརྒྱད་པོ་ཕྱག་བར་པ་མདའ་གཞུ་འཛིན་པ། ཐ་མས་དགྲ་བགེགས་ཟས་སུ་ཟ་བ་གཤོག་པ་དང་སྦྲུལ་མཇུག་ཅན། ཞབས་གཉིས་དགྲ་བགེགས་སྟེང་ན་འདོར་ཐབས་སུ་བསྒྲད་པའོ། །སྨེ་བ་དགུ་རྒྱས་པར་འདོད་ན། དེ་ཡི་ཕྱི་རོལ་དུ་སྨེ་བ་དགུ་ཡི་ས་བདག་ནི། བྱང་དུ་སྨེ་བ་གཅིག་དཀར་གསེར་ཕག་ལ་ཆིབས་པ། གཡས་རི་རབ་དང་གཡོན་བུམ་པ་འཛིན་པ། ལྷོ་ནུབ་ཏུ་གཉིས་ནག་བདུད་མི་ནག་རྟ་ནག་ཅན། གཡས་ཁྲམ་ཤིང་དང་། གཡོན་ཞགས་པ་འཛིན་པ། ཤར་དུ་མི་གསུམ་མཐིང་བསེན་མོ་རྟ་སྔོན་ལ་ཆིབས་པ། གཡས་ཐོད་ཕྲེང་དང་གཡོན་ཐོད་པ་འཛིན་པ། ཤར་ལྷོར་བཞི་ལྗང་ཀླུ་ཡི་རྒྱལ་པོ་ཆུ་སྲིན་ལ་ཆིབས་པ། གཡས་བུམ་པ་དང་གཡོན་ནོར་བུ་འཛིན་པ། དབུས་སུ་ལྔ་སེར་ཤ་བ་ལ་ཆིབས་པ། ཕྱག་ན་མདུང་འཛིན་པ། ནུབ་བྱང་མཚམས་སུ་དྲུག་དཀར་སེང་གེ་ལ་ཆིབས་པ། གཡས་རྡོ་རྗེའི་དབྱུག་པ་དང་གཡོན་

[Full Size]

རྒྱལ་མཚན་འཛིན་པ། ནུབ་ཏུ་བདུན་དམར་རྟ་དམར་ལ་ཆིབས་པ། གཡས་མདུང་དང་། གཡོན་ཞགས་པ་འཛིན་པ། བྱང་ཤར་དུ་བརྒྱད་དཀར་གླང་དཀར་ལ་ཆིབས་པ། ཕྱག་ན་ཁ་ཊཾ་རྩེ་གསུམ་འཛིན་པ། ལྷོར་དགུ་དམར་མ་མོ་དྲེའུ་ལ་ཆིབས་པ། གཡས་ནད་རྐྱལ་དང་གཡོན་མཚོན་གྱི་གྲུ་གུ་འཛིན་པའོ། །དེ་ལས་བསྡུ་ན། དེའི་ཕྱི་རོལ་དུ་སྨེ་བ་དགུ་ཡི་ས་བདག་ནི་གཅིག་དཀར་ལྷ་མི་དཀར་རྟ་དཀར་ཅན། གཉིས་ནག་བདུད་མི་ནག་རྟ་ནག་ཅན། གསུམ་མཐིང་དམུ་མི་སྨུག་རྟ་སྨུག་ཅན། བཞི་ལྗང་ཀླུ་མི་སྔོན་རྟ་སྔོན་ཅན། ལྔ་སེར་ས་བདག་མི་སེར་རྟ་སེར་ཅན། དྲུག་དཀར་རྒྱལ་པོ་མི་དཀར་རྟ་དཀར་ཅན། །བདུན་དམར་བཙན་མི་དམར་རྟ་དམར་ཅན། བརྒྱད་དཀར་ལྷ་མི་དཀར་རྟ་དཀར་མོ་རྟ་དམར་ཅན། ཕྱག་ན་འབྱུང་བ་ལྔ་ཡི་ཕྱག་མཚན་འཛིན་པ། ཕྱོགས་མཚམས་དབུས་དང་དགུར་འདུག་པའོ། ༈ །དེའི་ཕྱི་རོལ་དུ་སྤར་ཁ་བརྒྱད་ནུབ་བྱང་དུ་ཁེན་གནམ་དབང་རྒྱལ་པོ་དཀར་སེར་འཁོར་ལོ་འཛིན་པ། ལྷོ་ནུབ་ཏུ་ཁོན་མ་སེར་མོ་བུམ་པ་འཛིན་པ། ཤར་ལྷོར་ཟོན་རླུང་སེར་པོ་བ་དན་འཛིན་

[Full Size]

པ། བྱང་ཤར་དུ་གིན་རི་སེར་པོ་མཆོད་རྟེན་འཛིན་པ། བྱང་དུ་ཁམ་ཆུ་སྔོན་པོ་སྒྲིབ་ཤིང་འཛིན་པ། ནུབ་ཏུ་དྭ་ལྕགས་དཀར་པོ་རལ་གྲི་འཛིན་པ། ལྷོར་ལི་མེ་དམར་མོ་མེ་ལོང་འཛིན་པ། ཤར་དུ་ཟིན་ཤིང་ལྗང་གུ་ལྗོན་ཤིང་འཛིན་པ། སྤར་ཁའི་ནོར་བརྒྱད་རྟ་ལ་ཞོན་པ། བན་བཞི། བོན་བཞི། འཁོར་གྱིས་བསྐོར་བའོ། །དེའི་ཕྱི་རོལ་དུ་ཤར་ཕྱོགས་ཤིང་གི་མཁར་ནང་ནས། །ཤིང་ལས་གྲུབ་པའི་སྟག་ཡོས་གཉིས། །ལྷོ་ཕྱོགས་མེ་ཡི་མཁར་ནང་ནས། །མེ་ལས་གྲུབ་པའི་རྟ་སྦྲུལ་གཉིས། །ནུབ་ཕྱོགས་ལྕགས་ཀྱི་མཁར་ནང་ནས། །ལྕགས་ལས་གྲུབ་པའི་བྱ་སྤྲེལ་གཉིས། །བྱང་ཕྱོགས་ཆུའི་མཁར་ནང་ནས། །ཆུ་ལས་གྲུབ་པའི་བྱི་ཕག་གཉིས། །མཚམས་བཞི་ས་ཡི་མཁར་ནང་ནས། ས་ལས་གྲུབ་པའི་ཁྱི་འབྲུག་གླང་ལུག་བཞི། ལོ་སྐོར་བཅུ་གཉིས་ཀྱི་ས་བདག་དེ་རྣམས་མཐུན་གསུམ་སྲུང་རྟ་ལ་ཆིབས་པ། ཟླ་བ་ཞག་དུས་ཀྱི་འཁོར་གྱིས་བསྐོར་བ། དེའི་ཕྱི་རོལ་དུ་འཁྲུགས་འདྲེ་བཅོ་བརྒྱད། ཐན་སྐྱ་ཉི་ཤུ། བགེགས་རིགས་སྟོང་ཕྲག་བརྒྱད་ཅུས་བསྐོར་བ། དེའི་ཕྱི་རོལ་དུ་ཤར་དུ་གཏོ་མཁན་སྟག་གི་མགོ་ཅན། །

[Full Size]

ཆར་སྤྲིན་ནག་པོ་སྐུ་ལ་གསོལ་བ། ཕྱག་ན་དྲང་ཤིང་དཀར་པོ་བསྣམས་པ། ནད་པ་གསོ་བའི་གཏོ་མཛད་པ། ལྷོར་གཏོ་མཁན་འབྲུག་གི་མགོ་ཅན། འཇོལ་བེར་དམར་པོ་སྐུ་ཤུལ་གསོལ་བ། ཕྱག་ན་དངུལ་གྱི་སྣང་གསལ་བསྣམས་པ། སྲིའུ་གསོ་བའི་གཏོ་མཛད་པ། ནུབ་ཏུ་གཏོ་མཁན་ཆུ་སྲིན་མགོ་ཅན། སྐུ་ལ་མ་ཐང་གི་སླག་པ་སྔོན་པོ་གསོལ་བ། །ཕྱག་ན་འཕྲུལ་གྱི་ཞགས་པ་བསྣམས་པ། གོད་ཁ་གཅོད་པའི་གཏོ་མཛད་པ། བྱང་གི་གཏོ་མཁན་རྟའི་མགོ་ཅན། སྐུ་ལ་འབྲུག་གི་སླག་པ་སྔོན་པོ་གསོལ་བ། ཕྱག་ན་བདུད་རྩིའི་རྐྱལ་པ་འཛིན་པ། མཛེ་འཕྲོ་གཅོད་པའི་གཏོ་མཛད་པ། ཤར་དུ་སྟག་སྐྱ་བོ། ལྷོར་གཡུ་འབྲུག་སྔོན་མོ། ནུབ་ཏུ་བྱ་དམར་མོ། བྱང་དུ་རུས་སྦལ་རྒྱ་བོ། གཙོ་བོའི་མདུན་ཕྱོགས་ཏྲིལས་མི་དམར་མགོ་གསུམ་སྐུ་མདོག་དམར་པོ་དབུ་གསུམ་ཕྱག་གཉིས་པ། དབུས་ཕག་མགོ་གཡས་བྱ་མགོ་གཡོན་སྦྲུལ་མགོ་ཅན། ཕྱག་ན་སྐྱེར་པའི་མདའ་གཞུ་འཛིན་པ། སྡང་དགྲ་གདོན་བགེགས་ལ་འཕེན་པ། སྐུ་སྟོད་དམར་པོ་ཁྲག་གིས་བྱུག་པ། སྐུ་སྨད་ལ་དུག་སོལ་གྱིས་བྱུག་པ། འཁོར་དུ་མི་དམར་ཁྲམ་ཐོགས་ཅན་བཅུ་གསུམ་

[Full Size]

གྱིས་བསྐོར་བ། ཟློག་བྱེད་ནག་པོ་མགོ་གསུམ་གྱི་སྣ་ཁྲིད་དུ་རྒྱུག་པ། དེའི་རྒྱབ་ཕྱོགས་སུ་བྷྱོལས་བལ་མོ་སྐུ་མདོག་ནག་མོ་གྲི་གུག་དང་ཐོད་ཁྲག་འཛིན་པ། ཕུང་སྲི་རྔ་མོང་ལ་ཆིབས་པ། འཁོར་དུ་མ་མོ་མོ་གདོན་འབུམ་སྡེས་བསྐོར་བ། མདུན་དུ་ཤང་ཤང་སེར་པོ་མི་ལུས་བྲ་བའི་མགོ་ཅན་བྱའི་གཤོག་པ་ཡོད་པ། ཕྱག་གཉིས་ཀྱིས་ཟངས་དུང་དམར་པོ་འབུད་པ། ཟློག་བྱེད་ནག་པོ་མགོ་གསུམ་གྱི་སྣ་ཁྲིད་དུ་རྒྱུག་པ། གཡས་ཀྱི་རུ་འདྲེན་པ་བདུད་ནག་པོ་རྟ་ནག་ཅན། ཕྱག་ན་ཁྲམ་ཤིང་དང་རུ་མཚོན་ཕྱར་བ། ཆིབས་སུ་རྟ་ནག་པོ་ལ་ཆིབས་པ། འཁོར་དུ་བདུད་དམག་གིས་བསྐོར་བ། གཡོན་གྱི་རུ་འདྲེན་པ་བཙན་མི་དམར་རྟ་དམར་ཅན། གཡས་རོའི་རྒྱལ་མཚན་དང་གཡོན་མདུང་ཞགས་འཛིན་པ། འཁོར་དུ་བཙན་དམག་གིས་བསྐོར་བ། རྒྱབ་ཏུ་མི་ཁའི་བུ་མོ་བ་རུ་མ་སྐུ་མདོག་མཐིང་ནག་ཕྱག་གིས་ཡས་སྣ་ཚོགས་པ་བཟུང་བ། རྒྱབ་ཏུ་མི་ཁའི་ཡས་སྣ་ཚོགས་ཁུར་བ། མི་ཁའི་འཁོར་སྟོང་གིས་བསྐོར་བ་གཅིག་ཏུ་གྱུར། ན་མོ། དཀོན་མཆོག་གསུམ་གྱི་བདེན་པ་དང་། འཕགས་པ་རིགས་གསུམ་མགོན་པོའི་བདེན་པ་དང་།

[Full Size]

ས་བདག་ཧ་ས་གརྒྷ་མི་ནག་མགོ་བོ་གསུམ་པ། ས་བདག་ཁྲོ་བོ་བུ་བརྒྱད། སྤར་ཁ་བརྒྱད། སྨེ་བ་དགུ། ལོ་སྐོར་བཅུ་གཉིས། ལོ་རྒན་དྲུག་ཅུ། རུ་འདྲེན་སྡེ་བཞི། ལས་བྱེད་མི་དམར་མགོ་གསུམ། བཀའི་ལྷ་མ་སྲིན་སྡེ་བརྒྱད། བགེགས་རིགས་སྟོང་ཕྲག་བརྒྱད་ཅུ། གཏོ་གླུད་ཡས་ལ་རེ་བ་མ་ལུས་ཤིང་ལུས་པ་མེད་པ་ཐམས་ཅད་འདིར་མཆིས་པར་གྱུར་ཅིག །ཡེ་ཤ་ཀེ་རུ་ཏྲི་རཱ་ཛཿ བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྤོ་ཊ་པཾ། བཛྲ་གནྡྷེ་ཧོ༔ གཉིས་སུ་མེད་པར་གྱུར། དབུས་ཀྱི་གླང་མགོའི་སྟེང་དུ་འཇམ་དཔལ་དམར་སེར་རལ་གྲི་དང་པུ་ཏི་འཛིན་པ། གཡས་སྟག་མགོའི་སྟེང་དུ་རྟ་མགྲིན་དམར་པོ་དབྱུག་ཐོ་སྡིགས་མཛུབ་མཛད་པ། གཡོན་ཕག་མགོའི་སྟེང་དུ་ཕྱག་རྡོར་མཐིང་ནག་རྡོ་རྗེ་དྲིལ་བུ་འཛིན་པས་དབུ་བརྒྱན་ནས་ཟིལ་གྱིས་གནོན་པར་གྱུར། ཨཱཿཧྲཱི་ཧཱུྃ། བཅོམ་ལྡན་འདས་ཤཱཀྱ་ཐུབ་པའི་བྱིན་རླབས་ཀྱིས་ཐལ་མོ་ཁོང་སྟོང་གི་ཕྱག་རྒྱའི་ནང་ཨཱཿདཀར་པོ་ལས་འོད་འཕྲོས་པས། ཡས་གླུད་རྣམས་ཀྱི་དངོས་འཛིན་དག་པར་གྱུར། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོ྅ཧཾ། རྣམ་པར་སྣང་མཛད་བྱིན་རླབས་ཀྱིས་ཐལ་མོ་

[Full Size]

ཚིགས་བཅིག་ཕྱག་རྒྱའི་ནང་དུ་ཁཾ་སྔོན་པོ་ལས་འོད་འཕྲོས། ཡས་གླུད་རྣམས་གཟུགས་སྒྲ་དྲི་རོ་རེག་བྱ་འདོད་པའི་ཡོན་ཏན་ལྔ་དང་ལྡན་པ་ཟད་མི་ཤེས་པར་གྱུར། །ཨོ་ན་མཿསརྦ་ཏ་ཐཱ་ག་ཏོ་སྦྱོ་མི་ཤྭ་མུ་ཁེ་བྷྱ༔ སརྦ་ཐ་ཁཾ་ཨུཏྟ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བདུད་རྩི་འཁྱིལ་པའི་བྱིན་རླབས་ཀྱིས་ཐལ་མོ་ཁ་འབྱེད་ཕྱག་རྒྱའི་ནང་གི་ཛདམར་པོ་ལས་འོད་འཕྲོས། ཡས་གླུད་རྣམས་ཟག་མེད་ཀྱི་བདུད་རྩིར་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། རིན་ཆེན་འབྱུང་ལྡན་བྱིན་རླབས་ཀྱིས་མཆོད་སྦྱིན་ཕྱག་རྒྱ་ཏྭཾ་སེར་ལས་འོད་འཕྲོས། མགྲོན་ཐམས་ཅད་ཀྱིས་སོ་སོར་ཐོབ་པར་གྱུར་ཅིག །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། དོན་ཡོད་གྲུབ་པའི་བྱིན་རླབས་ཀྱིས་ཁུ་ཚུར་མཆོད་སྦྱིན་ཕྱག་རྒྱའི་ནང་ཧྭ་ལྗང་གུ་ལས་འོད་འཕྲོས་མགྲོན་རྣམས་ཐམས་ཅད་མཉེས་ཤིང་ཚིམ་པར་གྱུར་ཅིག །ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿས་མནྟ་སྤ་ར་ཎ་རསྨི་བྷ་ཝ་མ་ཧཱ་མ་ཎི་དུ་རུ་དུ་རུ་ཧཱིད་ཡ་ཛྭ་ལ་ནི་སྭཱ་ཧཱ། ཕྱག་ན་རྡོ་རྗེའི་བྱིན་རླབས་ཀྱི་སོར་བསྣོལ་ཕྱག་རྒྱ་ཛཿདམར་པོ་ལས་འོད་འཕྲོས། མགྲོན་ཐམས་ཅད་བདག་གིས་དབང་དུ་འདུ་བར་གྱུར་

[Full Size]

ཅིག ན་མཿསརྦ་མནྟ་བུདྡྷཱ་ནཾ་ག་རི་ཀྲོ་ཏི་ཤྭ་རི་པྲ་བྷ་ཛྷཱ་ན་མཱ་ར་ཡ་སྭཱ་ཧཱ། དེ་ནས་གཞུང་ཐེམ་འདོན་འགྲིགས་ཀཐེམ་ལྟར་འདོན་པར་བྱའོ། །ཞེས་པ་འདི་སྔགས་འཆང་ཨོ་རྒྱན་བཀྲ་ཤིས་ཀྱིས་བསྐུལ་ནས། སྔགས་རྒན་རཱ་ག་ཨ་སྱས་བསྒྲིགས་པའོ། །ཡི་གེ་པ་བསྐུལ་བ་པོ་རང་གིས་བྲིས་པའོ།། །།གསང་བ་སྣ་འདྲེན་འདོན་ཚེ་སྔོན་མོ་ནས་ཀྱི་ཕོ་ཉ་བཏང་ཟེར་དུས་ནས་འབྲུ་མཆོད་པ་དང་། གསེར་སྐྱེམས་གཏོར་བ་སོགས་ཕྱག་ལེན་ལྟར་བྱའོ། །མངོན་རྟོགས་དང་གཅིག །གསང་བ་སྣ་འདྲེན་དང་གཉིས། དཀར་པོ་མགོ་གསུམ་དང་གསུམ། སྐྱེས་རྒྱུད་དང་བཞི། ཐུན་མཚམས་གཏོར་ཆུང་དང་ལྔ། འཇམ་དབྱངས་བསྟོད་པ་དང་མགོ་གསུམ་བསྟོད་པ་དང་དྲུག །དམར་པོ་མགོ་གསུམ་དང་བདུན། རུ་འདྲེན་སྡེ་བཞི་དང་བརྒྱད། མ་མོའི་ཐན་བསྒྱུར་དང་དེ་དགུ་ནི་མགོ་གསུམ་གྱི་གཞུང་ཆེན་ཡིན་པས་ཉིན་རེ་ཚར་གསུམ་རེའམ་རེ་རེ་འདོན་དགོས། གཞན་རྣམས་འདོན་རེས་བྱས་པས་ཆོག །ཅེས་པ་ཟིན་བྲིས་འདི་གཞུང་གི་ངོས་འཛིན་ནོ། །༼ཁ༽ ༈ གསང་བ་སྣ་འདྲེན་འདོན་བྱ་བལྟས་ཆོག་ཏུ་བཀོད་པ་བཞུགས་སོ། ཧཱུྃ། སྐུ་ཡི་སྟོབས་ཀྱིས་ས་བཅུ་ནོན། །པདྨ་སེང་གེའི་གདན་ལ་བཞུགས། །གསུང་གི་སྟོབས་ཀྱིས་མ་འགག་པ། །ཆོས་ཀྱི་འཁོར་ལོ་རྒྱ་ཆེན་བསྐོར། །ཐུགས་ཀྱི་སྟོབས་ཀྱིས་མ་འཁྲུགས་པ། །འགྲོ་བའི་བདུད་བཞི་ཟིལ་གྱིས་གནོན། །

[Full Size]

ཡོན་ཏན་སྟོབས་ཀྱིས་བྱང་སེམས་ལྡན། །བྱང་ཆུབ་སེམས་དཔའི་འཁོར་གྱིས་བསྐོར། །ཕྲིན་ལས་སྟོབས་ཀྱིས་རྒྱལ་བའི་བཀའ། །སྐག་ཆེན་མི་ཁ་ལྟས་ངན་སྒྱུར། །སྟོབས་ལྔ་རབ་ལྡན་འཇམ་དཔལ་གཤིན་རྗེའི་གཤེད། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་བསྟོད། །འཕགས་པ་དཀོན་མཆོག་གསུམ་པོ་དང་། །བཅོམ་ལྡན་འཇམ་དཔལ་བཀའ་བྱུང་གི །དུས་གསུམ་སངས་རྒྱས་བྱིན་རླབས་ཀྱིས། །རིགས་གསུམ་མགོན་པོའི་རྣམ་འཕྲུལ་ནི། །ཁྱུང་འབྲུག་སེང་གསུམ་མཐུ་སྟོབས་ཅན། །སྐུ་གསུང་ཐུགས་ཀྱི་སྤྲུལ་པ་ནི། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདི། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆས་ཇ་འདྲེན། །ཧཱུྃ། སྲིད་པའི་ཀྱི་མིང་ནི་བཟུང་བ་ལ། །སྔོན་གྱི་བསྐལ་པའི་དང་པོ་ལ། །ཡོད་དང་མེད་ཀྱི་ཕ་རོལ་ཏུ། །སྨུག་དང་སྒྲིག་གིས་ཚུར་རོལ་ན། །གནམ་ས་གཉིས་ཀྱི་ཐེམ་བར་དུ། །སྲིད་པའི་ཁེན་

[Full Size]

ཁོན་སྤྲུལ་པ་ལ། །དུག་གསུམ་ཁྲོས་པའི་ས་བདག་ནག་པོ་ཆེ། །མི་ནག་མགོ་གསུམ་འཇིགས་པའི་གཟུགས། །དབུ་གསུམ་ཕྱག་དྲུག་འཇིགས་པ་ལ། །ང་རྒྱལ་ཕྲག་དོག་ཞེ་སྡང་ཅན། །འཕགས་པ་འཇམ་དཔལ་བཀའ་བྱུང་གི །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་བདུད་བཟློག་ཕྱིར་གཤེགས་སུ་གསོལ། །ནང་མི་ཡོན་མཆོད་འཁོར་བཅས་ཀྱི། །ནད་ཡམས་རིམས་གསུམ་བཟློག་ཏུ་གསོལ། །སྐག་ཆེན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆས་ཇ་འདྲེན། །ཀྱཻ། ནུབ་བྱང་མཚམས་ནས་སྤྱན་འདྲེན་པ། །ནམ་མཁའ་ཡངས་པའི་ཕོ་བྲང་ནས། །ཕ་གཅིག་ཁེན་པ་རྒན་པོ་ནི། །ཤེལ་གྱི་མི་རྒན་དུང་གི་ཐོར་ཚུགས་ཅན། །དྲུག་དཀར་ཡབ་ལྷ་འདབ་དྲུག་ནི། །ཆིབས་སུ་སེང་གེ་དཀར། མོ་ཆིབས། །ལོ་བདག་མི་ལུས་ཁྱི་ཡི་མགོ་བོ་ཅན། །ནུབ་བྱང་ཧོ་པན་ལྷུམས་སུ་ཞུགས་པའི་བུ། །གཡག་དང་ཤ་བ་མཛོ་ཡི་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་

[Full Size]

རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆས་ཇ་འདྲེན། །ཀྱཻ། ལྷོ་ནུབ་མཚམས་ནས་སྤྱན་འདྲེན་པ། །ས་གཞི་ཡངས་པའི་དཀྱིལ་འཁོར་དུ། །མ་གཅིག་ཁོན་མ་རྒན་མོ་དང་། །གཉིས་ནག་བདུད་པོ་མི་ནག་རྟ་མགོ་ཅན། །ལོ་བདག་མི་ལུས་ལུག་གི་མགོ་བོ་ཅན། །ལྷོ་ནུབ་སེ་ཤར་ལྷུམས་སུ་ཞུགས་པའི་བུ། །ཉ་དང་དུག་སྦྲུལ་པིར་གྱི་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆེས་ཇ་འདྲེན། །ཀྱཻ། བྱང་ཤར་མཚམས་ནས་སྤྱན་འདྲེན་པ། །རི་བོ་རྩེ་བརྒྱད་ཕོ་བྲང་ནས། །ས་བདག་བུ་ཕོ་གིན་རི་སྒོམ་ཆེན་ནི། །བརྒྱད་དཀར་ལྷ་

[Full Size]

ཆེན་ཚངས་པ་དང་། །ལོ་བདག་མི་ལུས་གླང་གི་མགོ་བོ་ཅན། །བྱང་ཤར་ས་བདག་བིཊྚི་ལྷུམས་སུ་ཞུགས་པའི་བུ། །བྱི་ལ་གཟིག་དང་སྤྱང་ཀིའི་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆེས་ཇ་འདྲེན། །ཀྱཻ། ཤར་ལྷོ་མཚམས་ནས་སྤྱན་འདྲེན་ན། །འབྱུང་བ་རླུང་གི་མཁར་ནང་ནས། །ས་བདག་བུ་མོ་ཟོན་མ་རླུང་། །བཞི་ལྗང་ཀླུ་ཡི་རྒྱལ་མོ་ཆུ་སྲིན་ཆིབས། །ལོ་བདག་མི་ལུས་འབྲུག་གི་མགོ་བོ་ཅན། །ཤར་ལྷོ་ས་བདག་སེ་ཤར་ལྷུབས་སུ་ཞུགས་པའི་བུ། །ཆུ་བྱ་དུར་བྱ་འུག་པའི་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་

[Full Size]

སྐྱེམས་སྔོན་མོའི་ཆས་ཇ་འདྲེན། །ཀྱཻ། ཤར་གྱི་ཕྱོགས་ནས་སྤྱན་འདྲེན་པ། །དཔག་བསམ་ཤིང་གི་བསིལ་གྲིབ་ནས། །ཟིན་གྱི་བུ་མོ་སྟག་གཟིག་ཐུལ་པ་གྱོན། །གསུམ་མཐིང་བསེན་མོ་ཁྱི་ནག་ཆིབས། །ལོ་བདག་སྟག་དང་ཡོས་བུའི་མགོ་བོ་ཅན། །ཤར་ཕྱོགས་ས་བདག་ཐེ་སེ་ལྷུམས་སུ་ཞུགས་པའི་བུ། །སེང་གེ་གླང་ཆེན་ཕག་གི་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆས་ཇ་འདྲེན། །ཀྱཻ། ལྷོ་ཡི་བ་ཕྱོགས་ནས་སྤྱན་འདྲེན་པ། །འབྱུང་བ་མེ་ཡི་མཁར་ནང་ནས། །ལི་ནི་བུད་མེད་རྟ་མགོ་ཅན། །དགུ་དམར་མ་མོ་དྲེལ་ལ་ཞོན། །ལོ་བདག་རྟ་དང་སྦྲུལ་གྱི་མགོ་བོ་ཅན། །ལྷོ་ཕྱོགས་ས་བདག་ཙང་ཀུན་ལྷུམས་སུ་ཞུགས་པའི་བུ། །བྱ་རྒོད་སྤེལ་དང་ཕག་རྒོད་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་

[Full Size]

སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆས་ཇ་འདྲེན། །ཀྱཻ། ནུབ་ཀྱི་ཕྱོགས་ནས་སྤྱན་འདྲེན་པ། །འབྱུང་བ་ལྕགས་ཀྱི་མཁར་ནང་ནས། །དྭ་ནི་སྐྱེས་ཕྲན་སྟག་ཆས་ཅན། །བདུན་དམར་བཙན་རྟ་དམར་པོ་ཆིབས། །ལོ་བདག་སྤྲེལ་དང་བྱ་ཡི་མགོ་བོ་ཅན། །ནུབ་ཕྱོགས་ས་བདག་ཙང་ཀུན་ལྷུམས་སུ་ཞུགས་པའི་བུ། །རྟ་སྦྲུལ་སྟག་གི་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆས་ཇ་འདྲེན། །ཀྱཻ། བྱང་གི་ཕྱོགས་ནས་སྤྱན་འདྲེན་པ། །འབྱུང་བ་ཆུ་ཡི་མཁར་ནང་ནས། །ཁམ་ནི་བྱིས་སྦ་རལ་པ་ཅན། །གཅིག་དཀར་ལྷ་ཆེན་ཕག་ལ་ཆིབས། །ལོ་བདག་ཕག་དང་བྱི་བའི་མགོ་བོ་

[Full Size]

ཅན། །བྱང་ཕྱོགས་ས་བདག་ཧོ་པན་ལྷུམས་སུ་ཞུགས་པའི་བུ། །ཆུ་སྲིན་དོམ་དང་དྲེད་ཀྱི་མགོ་བོ་ཅན། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་བྲ་མཆུ་དང་། །ལྟས་ངན་བཟློག་ཕྱིར་གཤེགས་སུ་གསོལ། །གསེར་སྐྱེམས་སྔོན་མོའི་ཆས་ཇ་འདྲེན། །ཀྱཻ། དབུས་ཀྱི་ཕྱོགས་ནས་སྤྱན་འདྲེན་པ། །ཡར་ཡུལ་འདི་ཡི་སོག་ཀ་རུ། །མི་དམར་མགོ་གསུམ་སྣ་ཁྲིད་ཆོས། །དབུ་གསུམ་འཇིགས་བྱེད་ཁྲོ་གཏུམ་ཆེ། །གཡས་པ་བྱ་ལ་གཡོན་པ་སྦྲུལ། །དབུས་ཀྱི་ཞལ་དེ་ཕག་གི་དབུ། །སྔོན་མོ་ནས་ཀྱི་ཕོ་ཉ་བཏང་། །དེ་རིང་གཏོ་ཡི་དཀྱིལ་འཁོར་འདིར། །བརྡ་སིལ་གསང་བའི་སྐད་ཀྱིས་འབོད། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་དུ། །སྐག་ཆེན་མི་ཁ་དགྲ་འདྲེ་དང་། །ལྟས་ངན་བཟློག་ཕྱིར་གཤེགས་སུ་གསོལ། །ནང་མི་ཡོན་མཆོད་འཁོར་བཅས་ཀྱི། །ནད་ཡམས་རིམས་གསུམ་བཟློག་ཏུ་གསོལ། །གསེར་སྐྱེམས་སྔོན་མོའི་ཆས་

[Full Size]

ཇ་འདྲེན། །ཛཿཧཱུྃ་བཾ་ཧོཿ ས་མ་ཡཱ། ཏིཥྛ་ལྷན། ༈ དེ་ནས་མགོ་གསུམ་ཟིལ་གནོན་ནི། དཔུང་བཅོལ་ཡང་ཟེར། ཨེ་མ་ཧོ༔ ཆོས་ཀྱི་དབྱིངས་ལ་སྤྲོས་པ་མི་མངའ་ཡང་། །ཐུགས་རྗེའི་དབང་གིས་འགྲོ་བའི་དོན་མཛད་པ། །མཁྱེན་རབ་འཇམ་དཔལ་དབྱངས་ལ་ཕྱག་འཚལ་བསྟོད། །གཞོན་ནུའི་ཚུལ་འཆང་བདེ་བར་གཤེགས་པའི་སྐུ། །རལ་གྲི་ཨུཏྤལ་སྔོན་པོ་ཕྱག་ན་བསྣམས། །སེང་གེའི་ཁྲི་ལ་ཁྲོ་འཛུམ་འགྱིངས་བག་ཚུལ། །གདུག་པའི་ཚོགས་རྣམས་ཟིལ་གྱིས་གནོན་མཛད་པ། །མཁྱེན་རབ་འཇམ་པའི་དབྱངས་ལ་ཕྱག་འཚལ་བསྟོད། །ཀྱཻ། སྣང་ཞིང་སྲིད་པའི་འཇིག་རྟེན་ན། །རིགས་དྲུག་སེམས་ཅན་གྲངས་རེ་མང་། །གདུག་པ་ཅན་རྣམས་ཚན་རེ་ཆེ། །མཐུ་ཆེན་རྩལ་གྲགས་ང་ལ་ཉོན། །བདག་ནི་འཕགས་པ་འཇམ་དཔལ་ཡིན། །མཐུ་དང་མན་ངག་ཐུགས་ལ་འཆང་། །ཕྱག་རྒྱ་གསང་བ་སྐུ་ལ་རྫོགས། །རྫུ་འཕྲུལ་སྣ་ཚོགས་སྟོབས་དང་ལྡན། །སྟོང་གསུམ་ལྷ་འདྲེ་དབང་དུ་བསྡུ། །གདུག་པ་ཅན་རྣམས་སྒལ་ཚིགས་གཅོག །དྲེགས་པ་ཅན་རྣམས་ཟིལ་གྱིས་གནོན། །དབང་པོ་ཆེ་ཡང་འདུལ་བར་བྱེད། །སྣང་ཞིང་སྲིད་པའི་

[Full Size]

ལྷ་འདྲེ་ཀུན། །ཐམས་ཅད་འཇམ་དཔལ་ང་ཡི་འཁོར། །འབྱུང་བ་ལྔ་ཡི་སྤྱད་པ་ཀུན། །ཀུན་ལ་དབང་བསྒྱུར་ཐོགས་པ་མེད། །གོ་ཆ་འགྱུར་མེད་ཏིང་འཛིན་ཡོད། །ཐོགས་པ་མེད་པའི་མཚོན་ཆ་ཡིས། །གང་ལ་བཏབ་ཀྱང་ཐོགས་པ་མེད། །རྣམ་ཤེས་རིག་པའི་རྩལ་དང་ལྡན། །ཕ་རོལ་བདུད་དཔུང་འཇོམས་པར་བྱེད། །གདུག་པ་ཅན་རྣམས་འདུལ་བར་བྱེད། །ཉོན་མོངས་ཅན་ལ་ཕན་ཡང་འདོགས། །གཏི་མུག་ཅན་ལ་ཆོས་ཡང་སྟོན། །ཞེ་སྡང་ཅན་རྣམས་ཞི་བར་བྱེད། །ང་རྒྱལ་ཅན་རྣམས་ཟིལ་གྱིས་གནོན། །འདོད་ཆགས་ཅན་རྣམས་འཇོམས་པར་བྱེད། །ཕྲག་དོག་ཅན་རྣམས་འཆིང་ལས་གྲོལ། །རྣམ་རྟོག་ཅན་གྱི་རྣམ་རྟོག་སེལ། །ཤེས་རབ་ཆེན་པོའི་རྟ་ལ་ཞོན། །མངོན་པར་ཤེས་པའི་མེ་ལོང་ཕྱིར། །ཡེ་ཤེས་ལྔ་ཡི་འཁོར་ལོ་བསྐོར། །ཕ་རོལ་ཕྱིན་དྲུག་ངང་ལ་རྫོགས། །མངོན་པར་ཤེས་པ་ཐུགས་ལ་ཤར། །སྲིད་གསུམ་མ་ལུས་ལྷང་ངེར་མཁྱེན། །ཁྱོད་ལས་དོན་བདུད་སྲིན་ཉོན་རེ་མོངས། །ལས་ངན་བྱས་པས་མཁའ་ལ་རྒྱུ། །གདུག་པའི་དུག་ཅན་སྐྱུག་རེ་བྲོ། །ལས་ངན་བྱས་པས་སྙིང་རེ་རྗེ། །ཐོགས་མེད་

[Full Size]

ཡིད་ཀྱི་མཁའ་ལ་རྒྱུ། །ཁྱོད་ལས་ངན་བདུད་སྲིན་སྙིང་རེ་རྗེ། །ཐམས་ཅད་ང་ཡིས་འདུལ་བ་སྟེ། །ང་ཡི་བཀའ་ལ་ཁྱོད་ཀྱང་ཉོན། །ང་ཡིས་བཟའ་བཏུང་ནོར་ཡང་སྦྱིན། །ང་ཡིས་ཟབ་མོའི་དོན་ཡང་སྟོན། །ང་ཡི་བཀའ་ལ་ཉན་ན་ལེགས། །འདི་དང་ཕྱི་མ་གཉིས་ཀ་བདེ། །ཁྱོད་སེམས་ཉིད་གཏན་ལ་མ་ཕེབས་པས། །ད་ལྟ་སྡུག་བསྔལ་མང་པོ་ཤར། །ཀྱཻ། སྣང་ཞིང་སྲིད་པའི་ལྷ་འདྲེ་རྣམས། །ང་ཡི་འཁོར་དུ་མ་གཏོགས་མེད། །ཐམས་ཅད་ང་ཡིས་མི་ཐུབ་མེད། །ལྷ་ཡི་ཚོགས་རྣམས་ང་ཡི་བྲན། །རྒྱལ་ཆེན་རིགས་བཞི་ང་ཡི་བུ། །ཀླུ་ཆེན་བརྒྱད་པོ་ང་ཡི་གཡོག །ལྷ་སྲིན་སྡེ་བརྒྱད་ང་ཡི་འབངས། །གཟའ་དང་རྒྱུ་སྐར་ང་ཡི་བྲན། །འབྱུང་བ་ལྔ་པོ་ང་ཡི་གཉེན། །བདུད་བཙན་རྒྱལ་པོ་ང་ཡི་འཁོར། །ལྷ་སྲུང་གཉན་པོ་ང་ཡི་བུ། །ང་ཡི་བཀའ་ལ་ཐམས་ཅད་གནས། །ང་ལས་ཆེ་བའི་གཏོ་མཁན་ནི། །འཇིག་རྟེན་འདི་ན་འགའ་ཡང་མེད། །མན་ངག་རིག་པ་ཡང་བཀོལ་ཡོད། །ཀྱཻ། ལས་ངན་བདུད་སྲིན་ཉོན་མོངས་ཀུན། །ཐམས་ཅད་ང་ཡི་བཀའ་ལ་ཉོན། །སངས་རྒྱས་རྐང་གཉིས་གཙོ་སྟེ་བདེན་པའི་མཆོག །ཆོས་ཉིད་

[Full Size]

ཆགས་དང་བྲལ་ཏེ་བདེན་པའི་མཆོག །དགེ་འདུན་འདུས་པའི་གཙོ་སྟེ་བདེན་པའི་མཆོག །བདེན་པའི་བཀའ་ལ་མི་ཉན་གང་ཡང་མེད། །སྲིད་པའི་ཆུ་ལ་མི་འཐུང་གང་ཡང་མེད། །རི་རབ་ཟོམ་ལ་མི་བརྟེན་གང་ཡང་མེད། །དེ་བས་ཐམས་ཅད་བདེན་པའི་བཀའ་ལ་ཉོན། །རྒྱུ་སྦྱོར་ཡོན་གྱི་བདག་པོ་ཡི། །རྐྱེན་ངན་ལང་པ་དེ་རིང་བཅོས། །དེ་རིང་འབྱུང་བའི་དགྲ་གཤེད་བཅོས། །དེ་རིང་འབྱུང་བའི་གཏོ་བཅོས་བྱེད། །གནོད་པ་སྐྱེལ་བའི་ཡི་དྭགས་རྣམས། །ང་ཡི་བཀའ་ལ་ལེགས་པར་ཉོན། །གསོན་ཅིག་དགོངས་ཤིག་ལྷ་འདྲེ་རྣམས། །ང་ཡིས་མི་འདུལ་གང་ཡང་མེད། །གཏོ་ཡིས་མི་བཟློག་གང་ཡང་མེད། །ཟློག་ཅིག་སྒྱུར་ཅིག་བདེ་གཤེགས་བཀའ། །སྐག་ཆེན་ཐམས་ཅད་བཟློག་ཏུ་གསོལ། །ཟློག་ཅིག་སྒྱུར་ཅིག་འབྱུང་བའི་གཏོ། །དེ་རིང་བཟློག་བསྒྱུར་དུས་ལ་བབ། །བདེ་གཤེགས་རྒྱལ་བའི་བཀའ་བྱུང་ངོ། །བདུད་པོ་ཆེ་རྣམས་བཟློག་ཏུ་གསོལ། །བདུད་ཆད་བདུད་ལས་ཐར་བར་གྱིས། །ཚེ་ཟད་ཚེ་དང་ལྡན་པར་གྱིས། །ནད་པ་ཡོད་ན་བསླང་བར་གྱིས། །སྲིའུ་ཚང་ནས་བསྐྱེད་པར་གྱིས། །གནོད་པ་སྐྱེལ་

[Full Size]

བའི་གང་འཕྲད་སོད། །མཐུ་རྩལ་ཅན་དང་དབང་པོ་ཅན། །མི་མིན་གདུག་པའི་དྲག་ཤུལ་ཅན། །ས་བདག་ཡུལ་བདག་གཉན་པོ་རྣམས། །ང་ཡི་བཀའ་ལ་ལེགས་པར་ཉོན། །གཏོ་ཡས་འདི་རྣམས་ལེན་དུ་བྱོན། །ཞེ་སྡང་གདུག་པའི་སེམས་དང་མ་འབྱོན་ཅིག །གཏི་མུག་རྨོངས་པའི་སེམས་དང་མ་འབྱོན་ཅིག །ཕྲག་དོག་གདུག་པའི་སེམས་དང་མ་འབྱོན་ཅིག །ང་རྒྱལ་ཁྲོས་པའི་སེམས་དང་མ་འབྱོན་ཅིག །འདོད་ཆགས་གླན་པའི་སེམས་དང་མ་འབྱོན་ཅིག །དགའ་བདེ་ཞི་བའི་སེམས་དང་ལྡན་ཏེ་བྱོན། །མོས་ཤིང་གུས་པའི་སེམས་དང་ལྡན་ཏེ་བྱོན། །བྱམས་དང་སྙིང་རྗེའི་སེམས་དང་ལྡན་ཏེ་བྱོན། །ཡས་སྟགས་ལེན་པའི་སེམས་ཀྱིས་འདིར་བྱོན་ཅིག །གཏོ་ཡས་འདི་རྣམས་མྱུར་དུ་ལེན་དུ་བྱོན། །ཅེས་བརྗོད་ཅིང་ཟིལ་གྱིས་གནོན། དེ་ནས་མགོ་གསུམ་གྱི་གཞུང་ནི། རང་འཇམ་དཔལ་དུ་བསྒོམ། གཏོ་ནག་རྣམས་སྤྱན་འདྲེན་པ་ནི། ཀྱེ་མ་ཧོ། དང་པོ་ཅི་ཡང་མེད་པ་ལ། །ནམ་མཁའ་སྟོང་པ་གྲུ་གསུམ་སྲིད། །དེ་ནས་འབྱུང་བ་རླུང་དུ་སྲིད། །དེ་ལས་འབྱུང་བ་མེ་རུ་སྲིད། །དེ་ལས་འབྱུང་བ་ཆུ་རུ་སྲིད། །དེ་ལས་གསེར་གྱི་ས་གཞི་སྲིད། །དེ་ལས་རི་

[Full Size]

རབ་གླིང་བཞི་སྲིད། །དེ་ལས་འགྲོ་བ་རིགས་དྲུག་སྲིད། །མི་དང་གདོན་གཉིས་མ་འཆམས་པས། །འཕགས་པ་འཇམ་དཔལ་ཐུགས་རྗེ་ཡིས། །བཀའ་སྩལ་གསུང་བྱོན་མཛད་པ་ལ། །སྣང་སྲིད་ལྷ་འདྲེ་ཁྱེད་རྣམས་ཀྱང་། །རྫུན་པོས་བསླུས་པ་མི་ཉན་ན། །བདེན་ཚིག་རྒྱལ་བའི་བཀའ་ལ་ཉོན། །གལ་ཏེ་ང་ཡི་བཀའ་བཅག་ན། །ཁྱེད་རང་རྣམས་ཀྱང་བརླག་པར་འགྱུར། །གལ་ཏེ་ང་ཡི་བཀའ་ཉན་ན། །ཁྱོད་ལ་དངོས་གྲུབ་འོང་བར་ངེས། །ལྷ་འདྲེ་མཐོང་ཐོས་སྤྱན་འདྲེན་ན། །ཁོང་ཁྲོ་ཞི་ཞིང་གཏོ་ལ་བྱོན། །ཡོན་ཏན་ཟབ་མོ་སྟོན་ཕྱིར་གཏོ་ལ་བྱོན། །སྟོན་པའི་དམ་ཆོས་ཉན་ཕྱིར་གཏོ་ལ་བྱོན། །དགེ་འདུན་ཞལ་མཐོང་དཀོན་ཕྱིར་གཏོ་ལ་བྱོན། །དབང་པོ་ཚང་བ་དཀོན་ཕྱིར་གཏོ་ལ་བྱོན། །གཤིན་རྗེའི་ཞགས་པ་སྒྲོལ་ཕྱིར་གཏོ་ལ་བྱོན། །ཀྱཻ། རི་རབ་རི་བདུན་རི་རྩེ་མཐོན་པོ་དང་། །ལུང་སྟོང་རི་སུལ་གད་པ་གཡང་ས་གྲོང་། །རི་ངོས་བྲག་རི་རི་སྟོང་ས་ཕུག་སོགས། །མཆོད་སྦྱིན་དར་བའི་ཡུལ་ནས་གཏོ་ལ་བྱོན། །སྨན་ལྗོངས་སྤང་རི་གངས་རི་མེ་ཏོག་ཚལ། །རྒྱ་མཚོ་ཆུ་ཕྲན་ཆུ་ཀླུང་འབབ་ཆུ་དང་། །ཆུ་མིག་ཁྲོན་པ་ལུ་

[Full Size]

མ་ལྡིང་ཀ་དང་། །རོལ་མཚོ་གླིང་བཞི་ཀུན་ནས་གཏོ་ལ་བྱོན། །ཤིང་ཀླུང་སྐྱེད་ཚལ་ཤིང་གཅིག་དུར་ཁྲོད་དང་། །ལམ་མདོ་སུམ་མདོ་ཕོ་བྲང་འདུན་ས་དང་། །ཚོང་འདུས་ཁང་སྟོང་མྱ་ངན་དགོན་པའི་ཡུལ། །ས་འོག་ས་སྟེང་ཀུན་ནས་གཏོ་ལ་བྱོན། །མདོར་ན་དམྱལ་བ་ཡི་དྭགས་ཡུལ་ལ་སོགས། །སྟོང་གསུམ་ཀུན་ཁྱབ་གདོན་བགེགས་འབྱུང་པོའི་ཚོགས། །ཉིན་མཚན་ཀུན་ཏུ་རྒྱུ་བའི་གདོན་བགེགས་ཚོགས། །ལོ་སྐག་ཟླ་སྐག་ཉི་མ་ཞག་གི་སྐག །དུས་ཚོད་སྐག་ལ་དབང་བྱེད་གནོད་བྱེད་པ། །དེ་རིང་གཏོ་ལ་སྤྱན་འདྲེན་ད་ཚུར་བྱོན། །གདུག་པའི་དུག་སྤངས་ཞི་བའི་སེམས་ཀྱིས་བྱོན། །ཀྱཻ། སྣང་ཞིང་སྲིད་པའི་ལྷ་འདྲེ་ཁྱེད་རྣམས་ཀྱང་། །ཚོང་པ་རིན་ཆེན་གླིང་དུ་ཕྱིན་པ་ལྟར། །རེ་བ་བསྐང་བའི་གཏོ་མཆིས་ཀྱི། །འདུས་འདུས་ཁྱད་པར་གཏོ་ལ་འདུས། །ཀྱཻ། མེ་དཔུང་འབར་བའི་དཀྱིལ་འཁོར་ནས། །ལི་ཡི་བུ་མོ་གཏོ་ལ་བྱོན། །བརྡལ་བ་རིམ་དགུའི་འོག་རོལ་ནས། །ཁོན་མ་རྒན་མོ་གཏོ་ལ་བྱོན། །ལྕགས་ཀྱི་ཁང་སྒྲོམ་འབར་བ་ནས། །དྭ་ཡི་བུ་མོ་གཏོ་ལ་བྱོན། །ནམ་མཁའ་སྟོང་པའི་དབྱིངས་རོལ་ནས། །ཁེན་པ་

[Full Size]

རྒན་པོ་གཏོ་ལ་བྱོན། །རྒྱ་མཚོ་ཆེན་པོའི་ཀློང་དཀྱིལ་ནས། །ཁམ་གྱི་བུ་ཡང་གཏོ་ལ་བྱོན། །རི་བོ་རྩེ་ལྔའི་གདན་ཁྲི་ནས། །གིན་གྱི་བུ་ཕོ་གཏོ་ལ་བྱོན། །དཔག་བསམ་ཤིང་གི་བསིལ་གྲིབ་ནས། །ཟིན་གྱི་བུ་མོ་གཏོ་ལ་བྱོན། །རྡོ་རྗེ་རྒྱ་གྲམ་རླུང་སྟེང་ནས། །ཟོན་གྱི་བུ་མོ་གཏོ་ལ་བྱོན། །མ་ཧཱ་གསེར་གྱི་རུས་སྦལ་གྱི། །མགོ་བོ་སྤྱི་བོའི་གཙུག་ནས་ནི། །མེ་ལོ་བཅུ་གཉིས་གཏོ་ལ་བྱོན། །མ་ཧཱ་རུས་སྦལ་གཡས་ཕྱོགས་ནས། །ཤིང་ལོ་བཅུ་གཉིས་གཏོ་ལ་བྱོན། །མ་ཧཱ་རུས་སྦལ་མཇུག་མ་ནས། །ཆུ་ལོ་བཅུ་གཉིས་གཏོ་ལ་བྱོན། །མ་ཧཱ་རུས་སྦལ་གཡོན་ཕྱོགས་ནས། །ལྕགས་ལོ་བཅུ་གཉིས་གཏོ་ལ་བྱོན། །རུས་སྦལ་ཡན་ལག་བཞི་པོ་ནས། །ས་ལོ་བཅུ་གཉིས་གཏོ་ལ་བྱོན། །གཞན་ཡང་ཡ་བདུད་མ་བདུད་ནས། །ལྷ་སྲིན་སྡེ་བརྒྱད་ཐམས་ཅད་ཀྱང་། །དུག་ལྔའི་སེམས་ཀྱིས་མ་འབྱོན་པར། །སྙིང་རྗེ་བྱམས་པའི་སེམས་ཀྱིས་གཏོ་ལ་བྱོན། །དེ་རིང་རྒྱུ་སྦྱོར་ཡོན་བདག་གི །སྲོག་ལུས་དབང་ཐང་སྐྱིན་དུ་ནི། །སྲིད་པ་ལས་ཀྱི་གཏོ་བཏང་གིས། །རྒྱུ་ནི་འབྱུང་བ་ལྔ་ལས་གྲུབ། །འཇམ་དཔལ་ལྗགས་ཀྱི་མཆིལ་མ་

[Full Size]

ལས། །འབྱུང་བའི་དྭངས་མ་ལྔ་རུ་ཤར། །འཕགས་པ་ཀོང་ཙེའི་སྤྲུལ་པ་ལས། །ཅེར་གྱི་རུ་སྦལ་གཅིག་ཏུ་སྲིད། །བདག་ལ་སྣང་བ་ཡིན་ཟེར་ཡང་། །དེ་ལས་འབྱུང་བ་ལྔ་རུ་སྲིད། །དྭངས་མ་བཅོ་ལྔ་ཁེན་ཁོན་སྲིད། །གིན་ཟོན་ལྕམ་དྲལ་དྭ་ལི་གཉིས། །ནལ་ཕྲུག་ཁམ་ཟིན་གཏོ་ལ་བྱོན། །རུས་སྦལ་རྩ་རྒྱུས་མཆིན་པ་ལས། །འབྱུང་བ་དང་པོ་ཤིང་དུ་སྲིད། །ཤིང་སྟག་ཡོས་བུ་གཏོ་ལ་བྱོན། །རུས་སྦལ་སྙིང་དང་ཕོ་བ་ལ། །སྤྲུལ་པ་འབྱུང་བ་གཉིས་པོ་མེ། །རྟ་སྦྲུལ་གཉིས་པོ་གཏོ་ལ་བྱོན། །རུས་སྦལ་གློ་བ་རུས་པ་ཡི། །སྤྲུལ་པའི་འབྱུང་བ་གསུམ་པ་ལྕགས། །བྱ་སྤྲེལ་གཉིས་པོ་གཏོ་ལ་བྱོན། །རུས་སྦལ་ཁྲག་དང་མཁལ་མ་ལས། །སྤྲུལ་པའི་འབྱུང་བ་བཞི་ས་ཆུ། །བྱི་ཕག་གཉིས་པོ་གཏོ་ལ་བྱོན། །རུས་སྦལ་མཚེར་པ་ལྤགས་པ་ཡི། །སྤྲུལ་པའི་འབྱུང་བ་ལྔ་པ་ས། །ཁྱི་འབྲུག་གླང་ལུག་གཏོ་ལ་བྱོན། །མ་ཧཱ་གསེར་གྱི་རུས་སྦལ་གྱི། །རེ་སྨིན་སྨན་པའི་སྤྲུལ་པ་ལས། །ཐོ་རངས་སྐར་ཆེན་གཅིག་དཀར་ཤར། །སྨེ་བ་གཅིག་དཀར་གཏོ་ལ་བྱོན། །མ་ཧཱ་གསེར་གྱི་རུས་སྦལ་ལ། །མིག་འབྲས་གཉིས་ལས་གཉིས་ནག་བྱུང་། །

[Full Size]

སྨེ་བ་གཉིས་ནག་གཏོ་ལ་བྱོན། །ཤངས་ལ་བྱེ་བྲལ་རླུང་གསུམ་བྱུང་། །སྨེ་བ་གསུམ་མཐིང་གཏོ་ལ་བྱོན། །ཞལ་གྱི་རུས་སྦལ་མྱ་ངན་བྱུང་། །གྱོད་ཀྱི་རུ་མ་སྤུན་བཞི་བྱུང་། །སྨེ་བ་བཞི་ལྗང་གཏོ་ལ་བྱོན། །ཤ་རུས་ལྤགས་ནས་ཆུ་སེར་བྱུང་། །སྨེ་བ་ལྔ་སེར་གཏོ་ལ་བྱོན། །སྒལ་ཚིགས་བར་དྲུག་གངས་རི་དྲུག །སྨེ་བ་དྲུག་དཀར་གཏོ་ལ་བྱོན། །ལྷག་མ་ཁྲག་རྣག་ཤན་པ་བདུན། །སྨེ་བ་བདུན་དམར་གཏོ་ལ་བྱོན། །དཔྲལ་བར་འོད་ལས་བརྒྱུད་དཀར་ཤར། །སྨེ་བ་བརྒྱད་དཀར་གཏོ་ལ་བྱོན། །སྒང་བར་ནོར་ལྷ་ལྕམ་དྲལ་དགུ། །སྨེ་བ་དགུ་དམར་གཏོ་ལ་བྱོན། །མིག་ལ་ཉི་ཟླ་གཉིས་སུ་སྲིད། །ཉི་ཟླ་གཉིས་པོ་གཏོ་ལ་བྱོན། །མཆེ་བ་བརྒྱད་ལ་གཟའ་བརྒྱད་སྲིད། །གཟའ་ཆེན་བརྒྱད་པོ་གཏོ་ལ་བྱོན། །སྒལ་ཚིགས་རྒྱུ་སྐར་ཉེར་བརྒྱད་སྲིད། །རྒྱུ་སྐར་ཉེར་བརྒྱད་གཏོ་ལ་བྱོན། །རུས་སྦལ་བར་པའི་འདྲེ་ལྔ་ལས། །གློག་དང་གཡུ་འབྲུག་གཉིས་སུ་སྲིད། །གློག་འབྲུག་གཉིས་པོ་གཏོ་ལ་བྱོན། །དེ་ལ་འཇའ་ཚོན་སྣ་ལྔ་སྲིད། །འཇའ་ལ་གནས་པ་གཏོ་ལ་བྱོན། །ཁྲོས་པ་ཐོག་དང་སེར་བ་སྲིད། །ཁ་བ་བུ་ཡུག་

[Full Size]

རླུང་བདག་དང་། །ཐོག་སེར་བདག་པོ་གཏོ་ལ་བྱོན། །ཀྱཻ། ལྷ་ཀླུ་བདུད་དང་སྲིན་པོའི་ཚོགས། །བཙན་དང་རྒྱལ་པོ་ཐེའུ་རང་བགེགས། །སྨན་གཟེད་མ་མོ་དྲི་ཟ་དང་། །ཕྱོགས་སྐྱོང་གཟའ་དང་ལོ་ཁྱིམ་དང་། །རྒྱལ་ཆེན་རྒྱུ་སྐར་ནོར་སྲུང་དང་། །ས་བདག་རྗེ་བློན་ཡུལ་བདག་རྣམས། །འདུས་ཤིག་འདུས་ཤིག་གཏོ་ལ་འདུས། །འཇམ་དཔལ་བཀའ་བཞིན་གནས་འདི་རུ། །བདག་གི་གཏོ་ལ་མ་བྱོན་ན། །བཅོམ་ལྡན་འདས་ཀྱི་བཀའ་ཆད་ཀྱིས། །ཁྱོད་ཀྱི་ལུས་སེམས་བྲལ་བར་འགྱུར། །གལ་ཏེ་བྱོན་ནས་གཏོ་བྱས་ན། །གཏོས་ཀྱང་བཀྲ་ཤིས་ཕུན་སུམ་ཚོགས། །རྒྱུ་སྦྱོར་ཡོན་བདག་གདོན་ལས་གྲོལ། །གཏོ་མཁན་བདག་ཀྱང་ངོ་རེ་ཆེ། །སྨོན་ལམ་འདི་ཡང་ཆུད་མ་ཟོས། །དེ་བས་འདིར་གཤེགས་སྐག་བསྒྱུར་ཕྱིར། །དགྱེས་པའི་ཚུལ་གྱིས་ཡས་ལ་གཟིགས། །བདག་གིས་གཏོ་ཡས་བསགས་པ་འདི། །འབྱུང་བའི་གདོན་རིགས་བསལ་བའི་ཕྱིར། །ཁྱེད་ལ་འབུལ་གྱིས་བཞེས་སུ་གསོལ། །ཅེས་བརྗོད་ཅིང་། ཧཱུྃ། དུག་གསུམ་ལས་ལ་སྤྱོད་པའི་ཉོན་མོངས་བདུད། །དུག་ལྔ་སྤྱོད་པའི་ཡི་དྭགས་འདྲེ་ཡི་ཚོགས། །འགོང་པོ་ཐེའུ་རང་

[Full Size]

བསེན་མོ་དང་། །བསྒྲེན་འདྲེ་སྲི་ཅན་བྱུར་གདོན་བགེགས། །ཡས་ལ་མི་དབང་རློམ་པ་རྣམས། །ས་འདི་བཅད་པ་ཡན་ཆད་དུ། །མ་ཉེ་མ་འཚོགས་མ་འཁོར་ཅིག བསགས་པའི་ཡས་ལ་མ་རློམ་པར། །གཏོར་མའི་དྲི་ལ་མ་རྐུ་ཅིག །ཕོ་བྲང་དཀྱིལ་འཁོར་སོགས་དག་དང་། །འབྱུང་བ་ལྔ་ཡི་གཞལ་ཡས་སུ། །ཆོ་འཕྲུལ་བར་ཆད་བགེགས་མ་བྱེད། །གནོད་པའི་ཆོ་འཕྲུལ་མི་བྱེད་པར། །མཐའ་ཡི་ལྕགས་རིའི་ཕྱི་རོལ་དུ། །མུན་པ་ཆེན་པོའི་རྒྱབ་ཏུ་སོང་། །དཔག་ཚད་དུ་མ་བརྒལ་དུ་སོང་། །སོ་སོ་རང་། རང་གནས་སུ་དེངས། །ཞེས་བརྗོད་མཚམས་དྲག་ཏུ་བཅད། ཡུངས་ཀར་ཐུན་གྱིས་བྲབ།། ༼ག༽ དེ་ནས་དཀར་པོ་མགོ་གསུམ་ནི། ཧཱུྃ། འབྱུང་བ་ལྔ་ཡི་ཁྱད་པར་ལས། །དབང་ཆེན་རྣམ་ལྔ་རིམ་པར་ཆགས། །དབང་ཆེན་རྣམ་ལྔའི་རིམ་པ་ལ། །སྲིད་པའི་གཞི་ཆེན་རྒྱ་མཚོ་ཆགས། །དེ་སྟེང་རི་རབ་ལྷུན་པོ་སྲིད། །དཔག་བསམ་ལྗོན་པའི་ཚལ་ཆེན་རྒྱས། །དཔག་ཚད་བརྒྱད་ཁྲི་བཞི་སྟོང་ལས། །རྩ་བ་རྒྱ་མཚོ་ཀླུ་ཡི་གནས། །ལོ་འདབ་རྒྱ་མཚོ་མཐའ་ཡས་ཁྱབ། །ཡལ་ག་བརྒྱད་ཁྲི་བཞི་སྟོང་ལྡན། །ལྷ་ཡི་གནས་སུ་འབྲས་བུ་

[Full Size]

སྨིན། །ཕྱོགས་བཞི་གྲུ་བཞི་ཁ་བད་ལྡན། །མཚན་ནི་མི་མཇེད་འཇིག་རྟེན་ཁམས། །ཁྱད་པར་གླིང་ནི་འཛམ་བུ་གླིང་། །ཤར་ཕྱོགས་ལུས་འཕགས་པོ་ཡི་གླིང་། །ལྷོ་ཕྱོགས་རྩུབ་གྱུར་ཚལ་གྱི་གླིང་། །ནུབ་ཕྱོགས་བ་ལང་སྤྱོད་ཀྱི་གླིང་། །བྱང་ཕྱོགས་སྒྲ་མི་སྙན་གྱི་གླིང་། །ཤར་ཕྱོགས་ཟླུམ་པོ་ཞི་བའི་ངང་། །ལྷོ་ཕྱོགས་རྒྱས་པ་གྲུ་བཞིའི་གླིང་། །ནུབ་ཕྱོགས་ཟླ་གམ་དབང་གི་ཚུལ། །བྱང་ཕྱོགས་གྲུ་གསུམ་དྲག་པོའི་ཚུལ། །དེ་ཡི་འཁོར་སྲུང་ཆེན་པོ་ནི། །འཕགས་པ་འཇམ་དཔལ་བསྟན་པ་རྒྱས། །རྒྱ་ནག་རྒྱལ་པོ་ཆེན་པོ་སྟེ། །རི་རབ་ཆེན་པོའི་དབུས་ན་བཞུགས། །འདིར་བྱོན་རྒྱས་པའི་མཆོད་པ་བཞེས། །རྣལ་འབྱོར་བདག་ལ་དབང་ཞིག་བསྐུར། །ཡོན་བདག་འཁོར་བཅས་བསྲུང་དུ་གསོལ། །རིན་ཆེན་རྒྱལ་པོ་ཀེ་ཀེ་རུ། །བདེ་བའི་ཚལ་དང་དགའ་བའི་ཚལ། །འཕུར་བའི་ཚལ་དང་བསིལ་བའི་ཚལ། །འབྲས་བུ་རྒྱས་པའི་ཚལ་དུ་ཆགས། །རི་རབ་གསེར་གྱི་རི་བདུན་ཆགས། །བར་ན་རོལ་པའི་མཚོ་བདུན་ཆགས། །རིན་ཆེན་བླ་བྲེའི་ཚུལ་དུ་ཆགས། །འོག་ཏུ་གསེར་གྱི་ས་གཞི་ཆགས། །ཟླ་ཞག་དུས་ཚོད་ཚེས་གྲངས་འཛིན། །ལོ་

[Full Size]

གཅིག་ཟླ་བ་བཅུ་གཉིས་བསྐོར། །ཟ་མ་བདུན་བརྒྱ་ཉི་ཤུ་བྱུང་། །བྱི་བ་གླང་ལ་རྩིས་བཏབ་ནས། །ཁྱི་དང་ཕག་ལ་མཇུག་བྱས་ནས། །གཟའ་དང་རྒྱུ་སྐར་རྩིས་བཏབ་ནས། །རྒྱ་ནག་རྒྱལ་པོ་གཏོ་བསྒྱུར་མཁན། །གབ་རྩེ་རྒྱལ་པོ་གཙུག་ལག་རྩིས། །ཡག་ཉེས་མཚམས་བྱེད་ཆེན་པོ་སྟེ། །ཀུན་མཁྱེན་ཡེ་ཤེས་ཐུགས་རྗེས་གཟིགས། །ཐམས་ཅད་མཁྱེན་པས་ཐུགས་རྗེས་དགོངས། །འཆི་བདག་དབང་ཆེན་བཤོལ་བ་དང་། །འདུས་པའི་ནད་རྣམས་སེལ་བ་དང་། །རྣམ་རྟོག་བགེགས་རྣམས་འཇོམས་པ་དང་། །སྟོང་ཕྲག་བརྒྱད་ཅུའི་བགེགས་རྣམས་དང་། །ཁམས་གསུམ་འཁོར་བའི་སྐག་ཆེན་རྣམས། །མི་མཐུན་རྐྱེན་རྣམས་བཟློག་པའི་ཕྱིར། །འཕགས་པ་འཇམ་དཔལ་ཐུགས་རྗེ་ཡིས། །ཟློག་བྱེད་ནག་པོ་མགོ་གསུམ་བཞེངས། །དུས་གསུམ་སངས་རྒྱས་སྐུ་སྤྲུལ་པ། །ཞལ་གཅིག་ཕྱག་གཉིས་ཞི་བའི་ཞལ། །སྐུ་མདོག་གསེར་གྱི་མདངས་དང་ལྡན། །ཞབས་གཉིས་སེམས་དཔའི་སྐྱིལ་ཀྲུང་བཞུགས། །ཕྱག་གཉིས་རལ་གྲི་ཨུཏྤལ་བསྣམས། །འཕགས་པ་འཇམ་དཔལ་སྐུ་ལ་ཕྱག་འཚལ་བསྟོད། །དྲེགས་པ་ཅན་

[Full Size]

རྣམས་འདུལ་བར་བྱིན་གྱིས་རློབས། །ལོ་ཟླ་ཞག་དུས་རྩིས་འདེབས་ན། །ལོ་ཡི་དང་པོ་བྱི་བ་གླང་། །ཟླ་བའི་དང་པོ་སྟག་ལ་ཚེས། །ཞག་གི་གྲངས་འཛིན་སྟག་སྤྲེལ་ལ། །ཟ་མའི་མགོ་བོ་ཡོས་བུ་བརྩི། །ལོ་སྐོར་བཅུ་གཉིས་བསྐལ་པར་བསྒྲུང་། །སྐག་ཆེན་རྐྱེན་རྣམས་བཟློག་པའི་ཕྱིར། །དྲེགས་བྱེད་ནག་པོ་མགོ་གསུམ་བཞེངས། །བདུད་མོ་རྔ་ཞོན་བཙུན་མོ་དང་། །ཤོ་ཁ་ཟློག་ལ་ཤོ་རྡེལ་གཏོར། །མི་དམར་མགོ་གསུམ་སྣ་ཁྲིད་སྦྱར། །ཤང་ཤང་བྲ་མཆུ་འཁོར་དུ་མངག །མི་ཁ་བྲ་མཆུ་གཡོག་ཏུ་ཁྲིད། །སྟོབས་ལྡན་གླང་ཆེན་ཁལ་དུ་བཀལ། །མི་ཁའི་ཟས་རྣམས་བཀལ་ནས་ནི། །མི་མཐུན་རྐྱེན་རྣམས་བཟློག་ཏུ་གསོལ། །ཧཱུྃ། འཕགས་པ་འཇམ་དཔལ་སྐུ་སྤྲུལ་པ། །ཞི་བར་བཞུགས་པའི་ལྷ་རྣམས་ལ། །གསེར་དངུལ་གཟི་མཆོང་མུ་ཏིག་དང་། །གཡུ་དང་མན་ཤེལ་ས་ལེ་སྦྲམ། །བཻཌཱུརྨ་དང་ཨ་མྲྀ་ཏ། །རིན་ཆེན་སྣ་ཚོགས་དཀོར་ཆ་བཤམས། །དར་ཟབ་སྣ་ཚོགས་གདན་དུ་བཏིང་། །ཟ་འོག་དར་ཚོན་རྣམས་ཀྱིས་བརྒྱན། །རིན་ཆེན་ཀ་ར་བུ་རམ་དང་། །ཤིང་མངར་ཨ་བར་སྐྱུར་གསུམ་དང་། །ཛཱ་ཏི་ལི་ཤི་སུག་སྨེལ་དང་། །

[Full Size]

རྩི་སྨན་བདུད་རྩི་གསེར་སྐྱེམས་དང་། །ཨཱ་ལོ་ཀེ་དང་འབྲས་གཅིག་ཀ །འབྲས་དང་ནས་དང་གྲོ་དང་ཁྲེ། །ནལ་སོན་སིལ་ན་སྟར་ཁ་དང་། །ཁ་བུ་གཡེར་མ་ཀུ་ཤུ་དང་། །ཤིང་ཐོག་འབྲས་བུ་སྣ་ཚོགས་མཆོད་པ་འབུལ། །ཡོན་ཏན་རྒྱས་པར་བྱིན་གྱིས་རློབས། །རྣལ་འབྱོར་ཡོན་མཆོད་འཁོར་བཅས་ཀྱིས། །བདུད་རྩི་རྒྱ་མཚོའི་ཟས་ཀྱི་རིགས། །དཀར་གསུམ་མངར་གསུམ་མཆོད་པ་འབུལ། །མི་འཛད་གཏེར་ལ་སྤྱོད་པར་ཤོག །སྲོག་ཆགས་རྐང་འགྲོས་ཅི་མཆིས་རྣམས། །མཆོད་པའི་རྫས་སུ་བཞེས་སུ་གསོལ། །ཕྲིན་ལས་རྣམ་བཞི་འགྲུབ་པར་མཛོད། །རྣལ་འབྱོར་ཡོན་མཆོད་འཁོར་བཅས་ལ། །ལན་ཆགས་བྲལ་ཞིང་བུ་ལོན་འཁོར། །ཚེ་རབས་སྔོན་གྱི་འབྲེལ་ཆགས་སམ། །ད་ལྟ་དུས་ཀྱི་རྐྱེན་དབང་ངམ། །སྐྱེ་བ་སྔ་མའི་ལས་འབྲས་སམ། །ད་ལྟ་འཕྲལ་གྱི་ལན་ཆགས་སམ། །དུག་ལྔའི་རྣམ་རྟོག་གང་ཡིན་དང་། །འཁོན་པ་སྦྱང་བའི་ཡོན་དུ་འབུལ། །འགལ་བ་ཡོད་ན་བཟོད་པར་གསོལ། །ན་བ་ཡོད་ན་སྨན་དུ་འབུལ། །ཤི་བ་ཡོད་ན་སྟོང་གིས་བསབ། །རྐྱེན་ངན་ཡོད་ན་མདོས་ཀྱིས་ཟློག །མི་ལུས་རིན་

[Full Size]

ཆེན་རྒྱུ་མ་འདི། །ལོ་བརྒྱ་ཐུབ་པར་བྱིན་གྱིས་རློབས། །བདེན་པའི་བཀའ་ལ་མ་འདའ་བར། །གནམ་གྱི་བརྒྱ་བྱིན་མ་འབེབས་ཤིག །བར་དུ་བདུད་བཙན་མ་འཁྲུགས་ཤིག །འོག་ཏུ་དུར་ཕག་མ་འཁུན་ཅིག །སྟེང་དུ་གནམ་གྱི་དལ་ཁ་མ་འབེབས་ཤིག །བར་དུ་བཙན་སྲི་མ་ལྡང་ཞིག །འོག་ནས་ཀླུ་སྲིན་མ་ལྡང་ཞིག །རྣལ་འབྱོར་ཡོན་བདག་འཁོར་བཅས་རྣམས། །ལོ་ལས་ཐར་ལ་ཚེ་ལ་བཤོལ། །མི་གྲངས་སྤེལ་ལ་ཚེ་མཐར་ཕྱིན། །མི་མཐུན་ཕྱོགས་ལས་རྒྱལ་བར་མཛོད། །ཤི་སྒབ་ཆོད་ལ་གསོན་སྒབ་སྤེལ། །ས་མཱ་ཡ། རྒྱ་རྒྱ༔ ཞེས་མཆོད་པ་སྣ་ཚོགས་འབུལ། ༈ གསོལ་བ་གདབ་ལ་དབང་དང་དངོས་གྲུབ་ཞུ་བ་ནི་འདི་སྐད་དོ།། །ཀྱཻ། ཀོང་ཙེ་འཕྲུལ་རྒྱལ་གཏོ་ལ་བཞེངས། །འགྲོ་བ་རིགས་དྲུག་སེམས་ཅན་རྣམས། །འབྱུང་བ་ལྔ་ལ་མི་བརྟེན་མེད། །ནམ་མཁའ་འདི་ནི་སྟོང་ལགས་ཀྱང་། །དེ་ཡང་འབྱུང་བ་ལྔ་ལ་བརྟེན། །འབྱུང་བའི་གཞི་མ་ས་ལས་གྲུབ། །འབྱུང་བ་ས་འདི་ཐེག་པ་ཆེ། །མེས་ནི་ཐམས་ཅད་དྲོ་བར་བྱེད། །ཆུ་འདི་འབྱུང་བ་ཀུན་དང་མཐུན། །རླུང་གིས་ཐམས་ཅད་སྨིན་པར་བྱེད། །ཤིང་གིས་ཐམས་ཅད་བསྐྱེད་པར་བྱེད། །དེ་བས་

[Full Size]

སེམས་ཅན་སྐྱེ་འགྲོ་རྣམས། །རྒྱུ་ནི་འབྱུང་བ་ལྔ་ལས་གྲུབ། །འགྲོ་དྲུག་སེམས་ཅན་ཐམས་ཅད་ལ། །ཀུན་ལ་འཇིགས་པ་སེང་གེ་ཡིན། །སྒྲ་ཡི་རྒྱལ་པོ་གཡུ་འབྲུག་ཡིན། །ཐམས་ཅད་ཟིལ་གནོན་བྱ་ཁྱུང་ཡིན། །འཇིགས་སྟོབས་ཆེ་བ་ཆུ་སྲིན་ཡིན། །སྟོབས་ཀྱི་རྒྱལ་པོ་གླང་ཆེན་ཡིན། །སྟོབས་ཤུགས་ཆེ་བའི་སེམས་ཅན་རྣམས། །འཇིག་རྟེན་ཁམས་ལས་གཞན་མ་མཆིས། །རྩལ་ཆེན་སེམས་ཅན་རྒྱལ་པོ་གསུམ། །རི་རབ་རྩེ་ནས་གཤེགས་སུ་གསོལ། །པདྨའི་གདན་ལ་བཞུགས་སུ་གསོལ། །འདིར་བྱོན་དམ་རྫས་མཆོད་པ་བཞེས། །སྐུ་གསུང་ཐུགས་ཀྱི་དངོས་གྲུབ་སྩོལ། །རྣལ་འབྱོར་ཡོན་མཆོད་བསྲུང་དུ་གསོལ། །མི་མཐུན་ཕྱོགས་རྣམས་བཟློག་ཏུ་གསོལ།། ༈ དེ་ནས་སྤྲུལ་པའི་སྐུ་གསུམ་ལ་བསྟོད་པ་ནི། ཧཱུྃ། འཕགས་པ་འཇམ་དཔལ་སྤྲུལ་པ་ལས། །དབུ་ལ་ཁྱུང་ཆེན་འབར་བས་བརྒྱན། །སྐུ་ཡི་སྤྲུལ་པ་ཁྱུང་ཆེན་གྱིས། །རི་རབ་ལྷུན་པོའི་ཡང་རྩེ་ནས། །དཔག་བསམ་ཤིང་གི་རྩེ་མོ་ནས། །སྤྲུལ་པས་སྣང་སྲིད་ཟིལ་གྱིས་གནོན། །མཐུ་རྩལ་དྲག་པོའི་དགྲ་བགེགས་འདུལ། །མཆུ་ནི་གནམ་ལྕགས་ཐོག་གི་མཆུ། །སྤྱན་

[Full Size]

ནས་ཉི་ཟེར་ཟླ་ཟེར་འཕྲོ། །གཤོག་པས་བར་སྣང་སྟོང་གསུམ་ཁེངས། །ཀླུ་གཉན་ས་བདག་དབང་དུ་སྡུད། །སྣང་སྲིད་སྡེ་བརྒྱད་རླབས་ཀྱིས་གཅོད། །གདུག་པ་ཅན་རྣམས་རྡུལ་དུ་རློགས། །ཀླུ་རིགས་ཐམས་ཅད་དབང་དུ་སྡུད། །གནོད་སྦྱིན་དྲི་ཟ་གཤིན་རྗེ་སྲིན་པོ་དང་། །ཀླུ་དང་རྒྱལ་ཆེན་དབང་ལྡན་བཞི། །ཕྱོགས་སྐྱོང་ལ་སོགས་འཁོར་དང་བཅས། །ཐམས་ཅད་མ་ལུས་དབང་དུ་སྡུདོ། །རྣལ་འབྱོར་ཡོན་མཆོད་འཁོར་བཅས་ལ། །ཁྱུང་ཆེན་སྤྲུལ་པས་བྱིན་གྱིས་རློབས། །ས་བདག་ཀླུ་གཉན་གདུག་པ་ཟློག །ཁྱུང་གི་སྤྱི་གཙུག་ནོར་བུ་ལས། །དངོས་གྲུབ་སྣ་ཚོགས་ཆར་དུ་འབེབས། །རྣལ་འབྱོར་བདག་ལ་དངོས་གྲུབ་སྩོལ། །ཁྱུང་གི་སྤྱི་གཙུག་རྭ་གཉིས་ལས། །གནམ་ལྕགས་ཐོག་གི་ཚྭ་ཚྭ་འཕྲོ། །སྟོང་གསུམ་གནོད་བྱེད་རྡུལ་དུ་རློགས། །ཁྱུང་གི་གཤོག་པ་གཡས་གཡོན་ལ། ཡེ་ཤེས་མེ་འབར་འབྲུག་སྒྲ་སྒྲོག །ཞལ་ནས་ཀྲང་ཀྲིང་སྒྲ་སྒྲོགས་པས། །ངན་སྔགས་ཐམས་ཅད་ཟློག་པར་བྱེད། །ཡེ་ཤེས་མ་མོས་དགྲ་བགེགས་འདུལ། །སྣང་སྲིད་ལྷ་འདྲེ་བསྔངས་བར་བྱེད། །གནོད་བྱེད་ཐམས་ཅད་རྡུལ་དུ་རློགས། །ཁྱུང་གི་མཐུ་

[Full Size]

རྩལ་བསམ་མི་ཁྱབ། །ཐུགས་ཀྱི་སྤྲུལ་པས་ས་གཞི་གང་། །གསུང་གི་སྤྲུལ་པས་བར་སྣང་གང་། །རྣལ་འབྱོར་ཡོན་མཆོད་བྱིན་གྱིས་རློབས། །བདག་དང་རྒྱུ་སྦྱོར་ཡོན་བདག་གི །བར་ཆད་རྐྱེན་རྣམས་བཟློག་ཏུ་གསོལ། །མདོས་འདི་གནམ་ལ་འཕུར་དུ་མ་བཅོལ་ཅིག །མདོས་འདི་འགྲམ་དུ་མ་བཅོལ་ཅིག །མདོས་འདི་ལོགས་སུ་མ་བཅོ་ཅིག །མདོས་འདི་སྡུག་ཏུ་མ་བཅོལ་ཅིག །ལྷ་འདྲེའི་གོང་ནོན་ཁྱུང་གིས་མཛོད། །མདོས་ཀྱི་གོང་ནོན་ཁྱུང་གིས་མཛོད། །ནམ་མཁའ་ལྡིང་གི་སྤྲུལ་པ་མཛོད། །རྣལ་འབྱོར་འཁོར་བཅས་བསྲུང་དུ་གསོལ། །མཐུ་རྩལ་ཁྱུང་གིས་བྱིན་གྱིས་རློབས། །གནོད་བྱེད་རྣམས་ཀྱི་གཉའ་གནོན་མཛོད། །སྐལ་ལྡན་བདག་ལ་བྱིན་གྱིས་རློབས། །གནས་ཁང་འདི་ལ་བྱིན་གྱིས་རློབས། །འཕགས་པ་འཇམ་དཔལ་བཀའ་མ་བཅག །སྔགས་འཆང་བདག་གི་དམ་མ་བཀྲལ། །ཡོན་བདག་དྲིན་ལེན་ཆུད་མ་གསོན། །དམ་རྫས་མཆོད་པ་འདི་བཞེས་ལ། །རྣལ་འབྱོར་ཡོན་མཆོད་བསྲུང་དུ་གསོལ། །མི་མཐུན་རྐྱེན་རྣམས་བཟློག་ཏུ་གསོལ། །ཨོཾ་བཛྲ་ག་རུ་ཊ་ཙ་ལེ་ཙ་ལེ་ཧཱུཾ་ཧཱུཾ་ཕཊ༔ རཀྵ་ཙིཏྟ་དགྲ་

[Full Size]

བགེགས་ཀྱི་སྲོག་ལ་མཱ་ར་ཡ་རྦད། སྙིང་ལ་མཱ་ར་ཡ་རྦད་སརྦ་བིག་ནཱན། ཨོ་བཛྲ་ག་རུ་ཊ་ཧཱུྃ་ཕཊ༔ ཨོ་གྷ་རུ་ཊ་ཙ་ལེ་ཙ་ལེ་ཧཱུཾ་ཕཊ། མ་མ་ས་པཱ་རི་ཝཱ་ར་རཀྵ་རཀྵ། ༈ ། ཧཱུྃ༔ འཕགས་པ་འཇམ་དཔལ་གསུང་གི་སྤྲུལ་པ་ལས། །འཛམ་གླིང་ས་གཞིའི་དཀྱིལ་འཁོར་དབུས། །སེམས་ཅན་ལས་ཀྱི་སྤྱི་མཐུན་ལས། །གསུང་གི་སྤྲུལ་པ་བསམ་མི་ཁྱབ། །ལས་ཀྱི་རྒྱ་མཚོ་གཏིང་རེ་ཟབ། །འཆི་བདག་ཆེན་པོ་དབང་ར་ཆེ། །གཤིན་རྗེའི་ཕོ་ཉ་རྒྱུག་ཅིང་མཆོང་། །དེ་རྣམས་ཐམས་ཅད་བཟློག་པའི་ཕྱིར། །གསུང་གི་སྤྲུལ་པའི་འབྲུག་སྒྲ་སྒྲོག །བར་སྣང་ཁམས་ནས་ས་གཞི་གདལ། །སྤྲིན་དང་ན་བུན་ནང་དུ་རྒྱུག །གློག་གི་ལྕེ་ལ་ཐོག་གི་རྐང་། །འབྲུག་རུ་སྲིད་པའི་རྩེ་ལ་ལྡེམ། །འབྲུག་ལྕེ་བར་སྣང་ཁམས་ལ་གཡུག །འབྲུག་སྐད་བར་སྣང་ཁམས་སུ་གྲག །ལག་པས་རི་རབ་དབུས་ནས་བསྙིལ། །རྐང་པས་སྟོང་གསུམ་འཇིག་རྟེན་བགྲོད། །དུས་ཚོད་བྱེད་ཅིང་མཚམས་བཞི་བསྲུང་། །མཁའ་ལ་རྒྱུག་ཅིང་ཞག་ཟླ་བསྲུང་། །སྲིད་པ་ཆགས་འཇིགས་གསོ་མཁན་བསྲུང་། །མདོས་གླུད་ཀུན་ཀྱང་ཟིལ་གྱིས་གནོན། །སྐྱེ་འགྲོ་སེམས་ཅན་

[Full Size]

གང་ཡང་རུང་། །རྒྱུ་སྦྱོར་ཡོན་བདག་འཁོར་བཅས་ལ། །གསུང་གི་སྤྲུལ་པས་བསྲུང་དུ་གསོལ། །ནད་གདོན་རྐྱེན་རྣམས་བཟློག་ཏུ་གསོལ། །འཚེར་རྩུབ་ཐམས་ཅད་བཟློག་ཏུ་གསོལ། །གསུང་གི་འབྲུག་སྒྲ་སྒྲོག་པ་ཡིས། །ཐོག་དང་སེར་བ་གང་ཡང་འབེབས། །གློག་གི་ཞགས་པས་ཀུན་ལ་ཁྱབ། །སྤྱན་མིག་བསྒྲད་པས་གནམ་ཐེལ་བརྒྱལ། །བར་སྣང་སྐོས་པས་རྫུ་འཕྲུལ་ཅན། །སྐྱེ་འགྲོ་རྩི་ཤིང་ནགས་ཚལ་རྣམས། །ཀུན་གྱི་གཤེད་དུ་མཐུ་རྩལ་ཅན། །བསོད་ནམས་ཚོགས་ལ་གཉེན་པོར་འབབ། །ཡེ་ཤེས་ཚོགས་ནི་རང་སར་འབར། །ཡང་དག་དོན་ལ་རྟོགས་པ་འཛིན། །བསྟན་པ་དར་རྒྱས་མཐུ་རྩལ་ཅན། །རྣལ་འབྱོར་བདག་ཅག་འཁོར་བཅས་ཀྱི། །བར་ཆད་རྐྱེན་དང་སྐག་ཆེན་རྣམས། །རྨིས་ལྟས་མཚན་མ་ངན་པ་དང་། །ནད་ཡམས་གོད་ཁ་བཟློག་པའི་ཕྱིར། །སྲིད་པའི་གཏོ་མཁན་མགོ་གསུམ་བཞེངས། །བསྒྱུར་ཞིང་བཟློག་པའི་དཔང་པོ་མཛོད། །རྣལ་འབྱོར་ཡོན་མཆོད་འཁོར་བཅས་ལ། །གསུང་གི་བྱིན་གྱིས་བརླབ་ཏུ་གསོལ། །བཙན་གྱི་ཁ་ཡོག་མ་གཏོང་ཞིག །མི་ལ་ན་ཚ་མ་གཏོང་ཞིག །ཕྱུགས་ལ་གོད་

[Full Size]

ཁ་མ་གཏོང་ཞིག །ལོ་བདུད་ལོ་དུས་མ་འབེབས་ཤིག །ཟླ་བདུད་ཟླ་སྲི་མ་གཏོང་ཞིག །ཞག་བདུད་ཞག་སྲི་མ་གཏོང་ཞིག །དུ་ན་དུ་ན་ཧཱུཾ་ཧཱུཾ་ཕཊ་ཕཊ་རཀྵ་རཀྵ་སྭཱ་ཧཱ། ། ཧཱུྃ༔ གསུང་གི་འབྲུག་སྒྲ་སྒྲོག་པ་ནི། །མདོས་འདི་སྡུག་ཏུ་མ་བཅོལ་ཅིག །མདོས་འདི་ལོགས་སུ་མ་བཅོལ་ཅིག །མདོས་འདི་འཕུར་དུ་མ་བཅོལ་ཅིག །མདོས་འདི་འཁྱམ་དུ་མ་བཅུག་ཅིག །མདོས་འདིས་འཚེར་རྩུབ་བསྒྱུར་དུ་གསོལ། །མདོས་ཀྱི་གོང་ནོན་འབྲུག་གིས་མཛོད། །རྣལ་འབྱོར་ཡོན་མཆོད་འཁོར་བཅས་ལ། །གསུང་གིས་བྱིན་གྱིས་བརླབ་ཏུགསོལ། །གནམ་བདུད་དལ་གཟེར་མ་འབེབས་ཤིག །འཚེར་རྩུབ་ལྟས་ངན་ཐམས་ཅད་ཟློག །ཟློག་ཅིང་སྒྱུར་བའི་རྒྱལ་པོ་མཛོད། །རྒྱ་ཤྲཱི་ཝ་རཱ་ཙ་ཧཱུྃ་ཧཱུྃ་ཕཊ་ཕཊ་༔ མ་མ་རཀྵ་རཀྵ། ཧཱུྃ། འཕགས་པ་འཇམ་དཔལ་ཐུགས་ཀྱི་སྤྲུལ་པ་ལས། །དབང་ཆེན་གསེར་གྱི་ས་གཞིའི་དཀྱིལ་འཁོར་ནས། །འབྱུང་བ་ལྔ་ཡི་གཞལ་ཡས་ནས། །རི་རབ་ཆེན་པོའི་རྩེ་མོ་ནས། །སེམས་ཅན་ཀུན་གྱི་རྒྱལ་པོ་ནི། །དུང་སེང་གཡུ་ཡི་རལ་པ་ཅན། །ཞལ་ནས་ཧཱ་ག་དི་རི་རི། །མཆེ་བ་གནམ་ལྕགས་སྟ་རེ་འདྲ། །

[Full Size]

སྤྱན་མིག་ཉི་ཟླ་ཤར་བ་འདྲ། །ཨག་ཚོམ་གཡུ་ཡི་རལ་པ་འདྲ། །ཤངས་ནི་ཁྲོ་གཉེར་གསུམ་དང་ལྡན། །གཡུ་རལ་ནམ་མཁའི་དབྱིངས་སུ་གཡེང་། །གང་ལ་དམིགས་ཀྱང་ཐོག་ལྟར་འབེབས། །སེམས་ཅན་ཀུན་གྱི་ཟིལ་གནོན་ཆེ། །སྡེར་མོས་དགྲ་བགེགས་སྲོག་རྩ་གཅོད། །རྩལ་ཆེན་སེང་གེའི་སྤྲུལ་པ་སྟེ། །སེམས་ཅན་སྲོག་ཚེ། ཆགས་གང་ཡོད་རྣམས། །ཐམས་ཅད་མ་ལུས་ཟིལ་གྱིས་གནོན། །འབྱུང་པོ་མི་མིན་རྡུལ་དུ་རློགས། །མཐུ་ཆེན་སེང་གེའི་ངར་སྐད་ཀྱིས། །ས་བདག་ཀླུ་སྲིན་རྩད་ནས་ཆོད། །གཉེན་བདུད་བཙན་རྣམས་བྲན་དུ་བཀོལ། །དྲེགས་པ་ཅན་རྣམས་འདར་ཞིང་བསྔངས། །གནོད་སྦྱིན་ཕོ་མོ་ཞབས་ཀྱིས་མནན། །ནག་པོ་མགོ་གསུམ་ཕོ་ཉར་འགྱེད། །ཁྱད་དང་རྦོད་གཏོང་ཟློག་པར་བྱེད། །ལོ་སྐག་ཟླ་སྐག་ཟློག་པར་བྱེད། །མི་ཁ་བྲ་མཆུ་ཟློག་པར་བྱེད། །ལྟས་ངན་འཚེར་རྩུབ་སྒྱུར་བར་བྱེད། །དམར་པོ་མགོ་གསུམ་སྣ་ཁྲིད་སྦྱར། །དམ་ཉམས་དགྲ་ལ་སྐྱེར་མདའ་རྒྱོབ། །ཡོན་བདག་ཚེ་གླད་ཁྱོད་ཀྱིས་གྱིས། །བདུད་ཀྱི་ངོ་ལེན་ཁྱོད་ཀྱིས་གྱིས། །བདུད་མོ་རྔ་ཞོན་བཙུན་མོར་སྦྱོར། །ཁྲག་ནད་རིམས་ནད་

[Full Size]

ཁྱོད་ཀྱིས་སྒྱུར། །བདུད་ཀྱི་ཁྲམ་ཁ་དགྲ་ལ་སྒྱུར། །སྟོབས་ལྡན་གླང་ཆེན་རོལ་དུ་ཁྲིད། །ནད་རིམས་རྐྱེན་རྣམས་དེ་ལ་ཁོལ། །ཤོ་རྡེལ་དཀར་ནག་གཏོར་ལ་སོང་། །ལོ་ཡི་སྐག་རྣམས་བསྒྱུར་དུ་གསོལ། །འཚེར་རྩུབ་མོ་ངན་བསྒྱུར་དུ་གསོལ། །ཧཱུྃ། བཅོམ་ལྡན་འཕགས་པ་འཇམ་དཔལ་གྱི། །སྐུ་གསུང་ཐུགས་ཀྱི་བྱིན་གྱིས་རློབས། །རྣལ་འབྱོར་ཡོན་མཆོད་འཁོར་བཅས་ཀྱི། །སྐག་པོ་ཆེ་རྣམས་བཟློག་ཏུ་གསོལ། །ཚེ་གླུད་སྲོག་སྐྱིན་མདོས་བཏང་ན། །མདོས་འདི་ལོགས་སུ་མ་བཅུག་ཅིག །མདོས་འདི་སྡུག་ཏུ་མ་འཇུག་ཅིག །མདོས་འདི་འཁྱམས་སུ་མ་འཇུག་ཅིག །མདོས་ཀྱིས་ལམ་ཕྱེས་འཕྲང་སོལ་མཛོད། །མདོས་འདིའི་གོང་གནོན་སེང་གེས་མཛོད། །རྣལ་འབྱོར་ཡོན་བདག་བསྲུང་དུ་གསོལ། །མི་མཐུན་རྐྱེན་དང་བར་ཆད་ཟློག །དམ་ཉམས་དགྲ་བགེགས་རྡུལ་དུ་རློགས། །དགྲ་དང་བགེགས་རྣམས་ཞི་བར་མཛོད། །ཧཱུྃ། འཕགས་པ་འཇམ་དཔལ་ཐུགས་རྗེ་ཡིས། །སྐུ་གསུང་ཐུགས་ཀྱི་སྤྲུལ་པ་མཛད། །སྐུ་ཡི་སྤྲུལ་པ་བྱ་ཁྱུང་གིས། །སྤྱི་བོའི་གཙུག་ཏུ་བསྲུང་དུ་གསོལ། །གཤིན་རྗེའི་གདུག་པ་ཐམས་ཅད་དང་། །ས་

[Full Size]

བདག་ལྷ་ཀླུའི་གདུག་པ་དང་། །མཐོ་གནོན་གདུག་པ་ཞི་གྱུར་ཅིག །གསུང་གི་སྤྲུལ་པ་ལྕགས་འབྲུག་གིས། །མགྲིན་པའི་གནས་སུ་བསྲུང་དུ་གསོལ། །བདུད་བཙན་དམ་སྲི་ཕོ་མོ་དང་། །དྲང་སྲོང་གདུག་པ་བཟློག་ཏུ་གསོལ། །ཐུགས་ཀྱི་སྤྲུལ་པ་སེང་ཆེན་གྱིས། །ཐུགས་ཀྱི་དཀྱིལ་ནས་བསྲུང་དུ་གསོལ། །རྒྱལ་བསེན་ཕོ་མོ་ལྟ་དམ་སྲི་དང་། །བགེགས་རིགས་གནོད་བྱེད་བཟློག་ཏུ་གསོལ། །ཡོན་ཏན་ཕྲིན་ལས་བྱིན་གྱིས་རློབས། །རྣལ་འབྱོར་ཡོན་མཆོད་འཁོར་བཅས་ལ། །གནས་ལྔ་ལྷ་ཡི་བཀོད་པ་ཡི། ཡི། །སྤྱི་བོའི་གཙུག་རུམ་ཐམས་ཅད་ནས། །གོ་ཁྲབ་ཅན་གྱིས་བསྲུང་དུ་གསོལ། །སྙིང་ག་དབང་བེར་ཅན་གྱིས་བསྲུང་དུ་གསོལ། །ལྟེ་བར་གསེར་ཁྲབ་ཅན་གྱིས་བསྲུང་དུ་གསོལ། །པུས་མོའི་གཡས་དང་གཡོན་པ་ན། །ལྕགས་ཁྲབ་ཅན་གྱིས་བསྲུང་དུ་གསོལ། །བྱང་ཁོག་སྟོད་ཀྱི་ལྷུ་དྲུག་ལ། རྒྱལ་ཆེན་སྡེ་བཞིས་བསྲུང་དུ་གསོལ། །ལུས་ལ་བཙན་པའི་མཁར་བརྩེགས་འཚལ། །ལུས་ལ་བསྲུང་བའི་གོ་བསྐོན་འཚལ། །སྲོག་ལ་རྡོ་རྗེའི་དབང་བསྐུར་འཚལ། །ངག་ལ་སྙན་པའི་གསུང་ཕྱུང་འཚལ། །ཐུགས་ལ་ཏིང་

[Full Size]

འཛིན་དོན་རྟོགས་འཚལ། །བློ་ལ་མཛེས་པའི་མཚོན་བཏགས་འཚལ། །རྣལ་འབྱོར་ཡོན་མཆོད་འཁོར་བཅས་ལ། །སྟག་ཡོས་ལོ་པའི་མི་ཡོད་ན། །ནུབ་ནས་ལྕགས་དགྲ་མ་གཏོང་ཞིག །རྟ་སྦྲུལ་ལོ་པའི་མི་ཡོད་ན། །བྱང་ནས་ཆུ་དགྲ་མ་གཏོང་ཞིག །བྱ་སྤྲེལ་ལོ་པའི་མི་ཡོད་ན། །ལྷོ་ནས་མེ་དགྲ་མ་གཏོང་ཞིག །བྱི་ཕག་ལོ་པའི་མི་ཡོད་ན། །མཚམ་ནས་ས་དགྲ་མ་གཏོང་ཞིག །མཚམས་བཞི་ལོ་པའི་མི་ཡོད་ན། །ཤར་ན་ཤིང་དགྲ་མ་གཏོང་ཞིག །མ་བུའི་ཚུལ་དུ་བསྲུང་དུ་གསོལ། །དགའ་བདེའི་དགོངས་ལ་གཤེགས་སུ་གསོལ། །དབུས་རི་ལྷུན་པོའི་རྩེ་ལ་གཤེགས་སུ་གསོལ། །གངས་དཀར་རྩེ་ལ་འཕུར་ཏེ་གཤེགས་སུ་གསོལ། །གཡས་རི་རྩེ་ལ་གཟུར་ཏེ་གཤེགས། །མཆོད་གཏོར་གཉེན་པོ་འདི་བཞེས་ལ། །བདག་ཅག་རྣལ་འབྱོར་བསྲུང་དུ་གསོལ། །ཨོཾ་ཡེ་དྷརྨ་ཧེ་ཏུ་པྲ་བྷ་ཝ་ཧེ་ཏུནྟེ་ཥཱན་ཐཱ་ག་ཏོ་ཧྱ་ཝ་དཏ། ཏེ་ཥཉྩ་ཡོ་ནི་རོ་དྷ་ཨེ་བཾ་ཝཱ་དཱི་མ་ཧཱ་ཤྲ་མ་ཎཿཡེ་སྭཱ་ཧཱ། རྒྱ་ནག་ཧྭ་ཤང་མ་ཧཱ་ཡ་མའི་ལུགས་སོ།། ༈ ༼ང༽ དེ་ནས་མགོ་གསུམ་གྱི་སྐྱེ་རྒྱུད་བཤད་པ་ནི། ཧཱུཾ། ང་ནི་འཕགས་པ་འཇམ་དཔལ་ཡིན། །ང་ནི་ཁྲོ་རྒྱལ་གཤིན་རྗེའི་

[Full Size]

གཤེད། །ང་ནི་གཏོ་རྒྱལ་ཆེན་པོ་སྟེ། །ང་ནི་ཡེ་ཤེས་ལྷ་ཡི་སྐུ། །སྣང་སྲིད་སྡེ་བརྒྱད་ཚུར་ཉོན་དང་། །ང་ཡི་བཀའ་ལས་མ་འདའ་ཞིག །ཧ་ས་གརྒྷ་དམ་ལ་འདུས། །བཀའ་འདི་འཕགས་པ་འཇམ་དཔལ་བཀའ། །ལུང་འདི་རིག་འཛིན་བརྒྱུད་པའི་ལུང་། །གཏོ་འདི་སྲིད་པ་ཕུག་གི་གཏོ། །མདོས་འདི་གཙུག་ལག་འཕྲུལ་གྱི་མདོས། །དཔྱད་འདི་ལྷ་ཆེན་ཀོང་ཙེའི་དཔྱད། །གྱེར་འདི་རྒྱ་ནག་གཙུག་ལག་གྱེར། །སྨེང་འདི་སྔགས་འཆང་བདག་གི་སྨེང་། །ཡས་འདི་འདོད་ཡོན་རྣམ་ལྔའི་ཡས། །བསྒྱུར་ནི་འབྱུང་བའི་སྐག་རྣམས་སྒྱུར། །མཆོད་ནི་ལྷ་འདྲེ་དྲེགས་པ་མཆོད། །གཏོ་འདི་ལན་ཆགས་གླུད་དུ་འཇལ། །གཤེད་ནི་ལྷ་འདྲེ་དྲེགས་པ་ཅན། །ཧ་ས་གཛྷ་ཁྱོད་ལ་བཤད། །བསགས་ནི་ཡས་སྟགས་གཞུང་ལྟར་བསགས། །འདི་ཡིས་མི་ཕན་པ་ལ་གཅིག་ཀྱང་མེད། །འདི་ཡིས་མི་བསྒྱུར་བ་ལ་གང་ཡང་མེད། །བགེགས་རིགས་སྟོང་ཕྲག་བརྒྱད་ཅུ་ཡི། །ཆོ་དང་འབྲང་ལ་ང་རེ་མཁས། །ཁྱོད་ཀྱི་མཚང་ནས་མི་བཏོན་རྒྱུའི། །སྟོང་ཕྲག་བརྒྱད་ཅུའི་ཆོ་འབྲང་མང་། །ཁྱོད་ཀྱི་མཚན་མ་ང་རེ་མཁས། །ཁྱོད་ཀྱི་བྱུང་ཁུངས་ངས་

[Full Size]

བརྗོད་ཀྱི། །ཀྱཻ། དང་པོ་ཅི་ཡང་མེད་པ་ལས། །ཆུ་རླུང་མེ་ཡི་འཁོར་ལོ་ཆགས། །དེ་སྟེང་ས་གཞི་རི་རབ་སྟེགས། །དེ་ལས་ས་བདག་རུས་སྦལ་སྲིད། །སྟོང་ཕྲག་བརྒྱད་ཅུ་དེ་ལ་སྲིད། །རུས་སྦལ་ཁྲག་དང་ཆུ་སེར་ལས། །འབྱུང་བའི་དྭངས་མ་ཆུ་བྱུང་སྟེ། །ཆུ་དབང་ལྷ་འདྲེ་སྔོན་དུ་སྲིད། །རུས་སྦལ་རྩ་རྒྱུས་སྤྲུལ་པ་ལས། །ཆུ་ལས་སྐྱེས་པའི་ཤིང་བྱུང་སྟེ། །ཤིང་ལ་དབང་བའི་ལྷ་འདྲེ་སྲིད། །སྙིང་དང་དྲོད་ཀྱི་སྤྲུལ་པ་ལས། །ཤིང་ལས་བསྐྱེད་པའི་མེ་བྱུང་སྟེ། །མེ་ལ་དབང་བའི་ལྷ་འདྲེ་སྲིད། །རུས་སྦལ་མཚེར་པ་ཡན་ལག་ལས། །མེ་ལས་བསྐྱེད་པའི་ས་བྱུང་སྟེ། །ས་ལ་དབང་བའི་ལྷ་འདྲེ་སྲིད། །རུས་སྦལ་གློ་བའི་སྤྲུལ་པ་ལས། །ས་ལས་བསྐྱེད་པའི་ལྕགས་བྱུང་སྟེ། །ལྕགས་ལ་༈ དབང་བའི་ལྷ་འདྲེ་སྲིད། །རུས་སྦལ་སྤྱན་མིག་གཡས་གཡོན་ལས། །ཉི་མ་ཟླ་བ་གཉིས་སུ་སྲིད། །རུས་སྦལ་མཆེ་བ་བརྒྱད་པོ་ལས། །གཟའ་ཆེན་བརྒྱད་པོ་དེ་ལ་སྲིད། །རྐན་སྒྲ་བརྡབས་པས་འབྲུག་ཏུ་སྲིད། །ལྗགས་ནི་བརྐྱངས་བས་གློག་ཏུ་སྲིད། །རུས་སྦལ་ཁ་ཡི་རླངས་པ་ལས། །ཁ་བ་བུ་ཡུག་སྣ་ཚོགས་སྲིད། །སྤྱི་བོའི་གཙུག་གི་རླངས་པ་

[Full Size]

ལས། །འཇའ་ཚོན་སྣ་ལྔ་དེ་ལ་སྲིད། །དྲོད་དང་ལུས་ཀྱི་རླངས་པ་ལས། །སྤྲིན་དང་ན་བུན་སྣ་ཚོགས་སྲིད། །འདོམས་དང་སྨད་ཀྱི་རླངས་པ་ལས། །དེ་ལ་རླུང་དང་བུ་ཡུག་སྲིད། །དབུ་ཡི་སྤྲུལ་པས་ཆར་དུ་སྲིད། །བ་སྤུ་སུམ་བརྒྱ་དྲུག་ཅུ་ལས། །ཞག་མ་སུམ་བརྒྱ་དྲུག་ཅུ་སྲིད། །རྩ་ཕྲན་བདུན་བརྒྱ་ཉི་ཤུ་ལས། །ཟ་མ་བདུན་བརྒྱ་ཉི་ཤུ་སྲིད། །ས་བདག་རུས་སྦལ་ཆེན་པོ་དེས། །རྫུ་འཕྲུལ་ཆེ་ཞིང་མ་རུངས་པ། །བརྒྱད་ཅུ་བགེགས་དཔུང་ཞེས་ཀྱང་བྱ། །འགྲོ་བ་མི་ལ་འཚེ་ཞིང་གནོད། །མི་དང་གདོན་གཉིས་མ་མཐུན་པས། །བགེགས་རིགས་སྟོང་ཕྲག་བརྒྱད་ཅུ་ཡིས། །མི་ལ་གནོད་ཅིང་འཚེ་བར་བྱས། །རུས་སྦལ་རུ་ཏྲ་ལྟ་བུར་བྱུང་། །དུས་གསུམ་བདེ་གཤེགས་ཐུགས་རྗེ་ཡིས། །འཕགས་པ་འཇམ་དཔལ་སྐུ་སྤྲུལ་ནས། །ས་བདག་རུས་སྦལ་མ་རུངས་པའི། །རུ་ཏྲ་ལྟ་བུ་ལྗོན་པ་ལས། །ལྗགས་ཀྱི་མཆིལ་མ་ཐིགས་གཅིག་བཏབ། །འཕགས་པ་འཇམ་དཔལ་བྱིན་རླབས་ཀྱིས། །རུས་སྦལ་རྒྱུད་སྦྱངས་དག་པར་འགྱུར། །སྤྲུལ་པའི་རུས་སྦལ་ཆེན་པོ་དེས། །གང་སྤྱད་གནས་ན་འབྱུང་བ་ལྔ། །བརྟགས་ན་སྣང་

[Full Size]

བ་མ་འགག་སྟེ། །ལས་ཀྱི་དཔའ་རྩལ་འབྱུང་བ་ཤར། །རུ་ཏྲ་ལྟ་བུའི་རུས་སྦལ་དེ། །རང་རྒྱུད་དག་པར་གྲོལ་བ་ལས། །ཐབས་དང་ཤེས་རབ་ལྡན་པར་བྱས། །སྙིང་ལ་རེ་བའི་ཆད་པ་བྱུང་། །དྭངས་མ་སྤྲུལ་པ་སྟོང་དང་ལྡན། །འགྲོ་བ་སེམས་ཅན་མགོན་དུ་ཤར། །ཐབས་དང་ཤེས་རབ་ཟུང་དུ་འབྲེལ། །འབྱུང་བ་དར་རྒུད་རིམ་པར་ཕྱེས། །འཇིག་རྟེན་དྲེགས་པ་ཡ་བྲལ་ཏེ། །གཟུགས་ཀྱི་ཕུང་པོ་ཞིག་པ་ལ། །འབྱུང་བའི་སྙིང་པོ་གཏོར་བ་ཡིས། །འདྲེ་སྲིན་འབྱུང་པོ་བྱེར་ཞིང་དེང་། །དང་པོ་དེ་ཙམ་དུས་དེ་རུ། །ལྷ་འདྲེ་ཁ་འཐོར་གནོད་པ་ལས། །འཕགས་པ་འཇམ་དཔལ་ཐུགས་རྗེ་ཡིས། །འགྲོ་དྲུག་ཡོངས་ལ་ཕན་བཏགས་ཕྱིར། །ས་བདག་ཧ་ས་གནྡྷོ་ལས། །སྤྲུལ་པའི་རུས་སྦལ་ཆེན་པོ་དེ། །འབྱུང་བ་ཆེན་པོ་ལྔ་ལས་གྲུབ། །འབྱུང་བ་ལྔ་ཡི་སྙིགས་མ་ལས། །གནམ་ས་གཉིས་ཀྱི་བདག་པོ་ནི། །ས་བདག་ཁེན་པ་རྒན་པོ་དང་། །ས་བདག་ཁོན་མ་རྒན་མོ་སྲིད། །སྐག་ཆེན་ཐམས་ཅད་ཟློག་པ་དང་། །སྲིད་པའི་གདོན་རྣམས་བཟློག་པའི་ཕྱིར། །ཁེན་པ་རྒན་པོ་ཐུགས་ཁྲོས་པས། །མ་གཅིག་ཁོན་མ་རྒན་མོ་ལ། །ཡིད་ཀྱིས་སྦྱོར་

[Full Size]

བ་བྱས་པ་ཡིས། །ཟླ་དགུ་ངོ་བཅུ་ལོན་ཙ་ན། །ཕ་མ་གཉིས་དང་མི་འདྲ་བའི། །ལུས་པོ་མི་ཡི་ལུས་པོ་ལ། །མགོ་བོ་གསུམ་ལ་ལུས་པོ་ནག །དེ་ནི་ཕ་ཡི་རིགས་ལས་གྲུབ། །མགོ་གཅིག་གཅན་གཟན་སྟག་གི་མགོ །དེ་ཡང་ཕ་ཡི་རིགས་ལས་གྲུབ། །མགོ་གཅིག་བྱོལ་སོང་གླང་གི་མགོ །མགོ་གཅིག་གཏི་མུག་ཕག་གི་མགོ །ཁ་གདངས་སོ་གཙིགས་སྡང་མིག་བསྒྲད། །འདོད་ཆགས་ཆེ་ལ་ཤ་རྩ་གླན། །འཇིགས་སུ་རུང་བ་གཅིག་ཏུ་སྐྱེས། །སླ་ངའི་ནང་དུ་བཞག་ནས་ཀྱང་། །མི་ཁ་སྣ་ཚོགས་རྐན་མར་བྱོན། །དགྲ་དང་བགེགས་ཀྱི་མིང་བྲིས་ནས། །ཁོ་ཡི་ཁོག་པའི་ནང་དུ་བཅུག །མ་གཅིག་ཁོན་མ་རྒན་མོ་ཡིས། །འདི་སྐད་བརྗོད་དེ་དམོད་མོ་བོར། །ཕ་མ་རྒན་རྒོན་ངེད་གཉིས་ཀྱིས། །ཀྱེ་མ་ལས་ངན་བྱེད་པ་འདྲ། །དེ་འདྲའི་འབྲས་བུ་ད་ལྟ་སྨིན། །ཨེ་མ་སེམས་ཅན་འདི་འདྲ་བ། །འཇིག་རྟེན་འདི་ན་མཐོང་མ་མྱོང་། །ཨ་མ་ཨ་ཙི་ང་རེ་འཇིགས། །མི་ནག་མགོ་བོ་གསུམ་པ་འདི། །སྡེར་མོ་ལྕགས་ཀྱི་སྡེར་མོ་ཅན། །ཁ་གདངས་མིག་བསྒྲད་མཆེ་བ་གཙིགས། །ཐམས་ཅད་འཇོམས་པའི་ང་རོ་ཅན། །ཁྱོད་ཆེ་

[Full Size]

ན་སྡང་བའི་དགྲ་ལ་ཆེ། །ཆེ་ན་གནོད་པའི་བགེགས་ལ་ཆེ། །བྱུར་འགོང་སླ་ངའི་ནང་ན་སྡོད། །ཟས་སུ་མི་ཁ་སྣ་ཚོགས་ཟོ། །གནས་ནི་རྒྱ་གྲམ་ལམ་དུ་སྡོད། །དེ་སྐད་བརྗོད་ནས་ལམ་ཁར་བསྐྱལ། །ལམ་ཁར་བསྐྱལ་བས་འཕྲད་ཚད་ཟོས། །ཡུལ་དེའི་མི་རྣམས་ཟད་པར་ཟོས། །དེས་ཀྱང་མི་ཚད་འཇིག་རྟེན་ཕུང་། །ཐམས་ཅད་མགོ་གསུམ་དེ་ཡིས་ཟོས། །སྲིད་པ་གསུམ་པོ་སྟོང་ལ་ཁད། །གཅན་གཟན་སྟག་གི་མགོ་ཅན་དེ། །གཟའ་ཁྱབ་འཇུག་ལྷུམས་སུ་ཞུགས་པའི་བུ། །གང་དང་འཕྲད་པ་ཧུར་ཐུམ་གསོད། །གསོད་དང་གཅོད་ལ་ཤིན་ཏུ་དགའ། །ཤ་ཟ་ཁྲག་འཐུང་ཞེ་སྡང་ཆེ། །མགོ་གཅིག་ཁྱབ་བྱེད་གླང་གི་མགོ །གཟའ་སྤེན་པ་ལྷུམས་སུ་ཞུགས་པའི་བུ། །གང་དང་འཕྲད་པའི་སྲོག་དབུགས་ལེན། །མཛེ་དང་ཤུ་བ་ལྷོག་པ་གཏོང་། །མགོ་གཅིག་གཏི་མུག་ཕག་གི་མགོ །གཟའ་ལྷག་པ་ལྷུམས་སུ་ཞུགས་པའི་བུ། །ལག་པ་མྱུར་མགྱོགས་ཤིན་ཏུ་ཆེ། །ཚེ་དང་སྲོག་ལ་ཤིན་ཏུ་སྡང་། །སེམས་ཅན་གང་འཕྲད་ཟས་སུ་ཟ། །གཟའ་མིན་བདུད་མིན་དྲག་ཤུལ་ཆེ། །ཟས་སུ་མི་ཡི་ཚེ་སྲོག་ཟ། །དེ་འདྲའི་མི་ནག་མགོ་གསུམ་པོ། །

[Full Size]

འཕགས་པས་ཐུགས་རྗེས་འདུལ་བར་དགོངས། །མཁྱེན་རབ་འཕགས་པ་འཇམ་དཔལ་གྱིས། །ཁོ་རང་འདྲ་བ་གཅིག་ཏུ་སྤྲུལ། །མི་ནག་མགོ་གསུམ་འཇིགས་པའི་གཟུགས། །རྐན་སྒྲ་བརྡབས་པས་འཇིག་རྟེན་གཡོ། །མིག་ནས་མེ་འབར་ཚྭ་ཚྭ་འཕྲོ། །ཁ་ནས་དྲག་པོའི་ཁུ་འཕང་འབེབས། །མཆེ་གཙིགས་མིག་བསྒྲད་འདི་སྐད་བརྗོད། །ཁྱོད་མི་ནག་གདུག་པའི་ང་རོ་ཅན། །སྙིང་རྗེ་མེད་པའི་སེམས་ཅན་ཁྱོད། །ང་ཡིས་ཐམས་ཅད་འདུལ་བ་སྟེ། །ཁྱེད་ཀྱང་ང་ཡི་འདུལ་བར་བྱེད། །དེ་སྐད་གསུངས་ནས་མགོ་གསུམ་པོ། །ཁ་རུ་མིད་ནས་ཞབས་སུ་ཕྱུངས། །ཁོ་སྐག་ལུས་པོ་འདར་ནས་ཀྱང་། །དཔའ་བོ་ཆེན་པོ་ང་ལ་ཉོན། །ཇི་སྐད་གསུངས་པ་དེ་བཞིན་བགྱི། །ཁྱོད་ཀྱིས་གསུངས་པའི་བཀའ་ལ་ཉོན། །དཔའ་བོ་ཆེན་པོས་བཀའ་སྩལ་པ། །མི་ནག་མགོ་བོ་གསུམ་པ་ཁྱོད། །སྙིགས་མ་ལྔ་ཡི་དུས་ཚོད་ལ། །སྲིད་པའི་བྷྱོབཟློག་ཁྱོད་ཀྱིས་གྱིས། །སྐག་པོ་ཆེ་ཡི་སྐག་རྣམས་ཟློག །ནད་པ་ཡོད་ན་བསླང་བར་གྱིས། །སྲིའུ་ཚང་ནས་བསྐྱེད་པར་གྱིས། །གནོད་པའི་གདོན་བགེགས་ཐམས་ཅད་ཟོ། །སླ་ང་ནག་པོའི་གདན་ལ་

[Full Size]

སྡོད། །གཏོར་མ་གླུད་དང་མཐེབ་སྐྱུ་སྦྱིན། །སྔོན་གྱི་དམ་ཚིག་དེ་ལྟར་ཕོག །དེ་རིང་དགོས་པའི་དུས་བྱུང་ངོ། །སྔོན་གྱི་དམ་ཚིག་རྗེས་དྲན་ལ། །འཕགས་པ་འཇམ་དཔལ་གསུང་མ་བཅག །ཡོན་བདག་དྲིན་ལེན་ཆུད་མ་གསན། །གཏོ་ཡས་གནས་སུ་ཐེང་བར་མཛོད། །ཀྱཻ། མི་ནག་མགོ་གསུམ་འཁོར་བཅས་རྣམས། །སྲིད་པ་གསུམ་གྱི་མཐུ་བོ་ཆེ། །སྲིད་པའི་བློ༔ ཟློག་ཆེན་པོ་མཛོད། །སྐག་དང་འཚེར་རྩུབ་ལྟས་ངན་རྣམས། །སུ་དང་འཕྲད་པ་དེ་ལ་སྒྱུར། །མིང་འདྲ་ལོ་འདྲ་དེ་ལ་སྒྱུར། །བྱོལ་སོང་ཐ་མ་ཁྱི་ལ་སྒྱུར། །ས་རྡོ་སེམས་མེད་སྟེང་དུ་སྒྱུར། །ལོ་སྐག་ཟླ་སྐག་ཞག་སྐག་སྒྱུར། །ཟ་སྐག་དུས་ཚོད་སྐག་ངན་སྒྱུར། །མོ་རྨིས་ལྟས་ངན་ཐན་ངན་སྒྱུར། །རྒྱུ་སྦྱོར་ཡོན་གྱི་བདག་པོ་ཡི། །འཆི་བར་ངེས་པའི་མི་ཡོད་ཀྱང་། །ལོ་གསུམ་བར་དུ་བཤོལ་ཐོབ་ཅིག །ད་ནི་སྒྱུར་བའི་རྒྱལ་པོ་མཛོད། །གཡས་པ་སྟག་གི་མགོ་བོ་ཡིས། །འགོང་པོའི་གདོན་རྣམས་ཐམས་ཅད་སྒྱུར། །གཡོན་པ་ཕག་གི་མགོ་བོ་ཡིས། །བྱུར་དང་གོད་ཁ་ཐམས་ཅད་སྒྱུར། །དབུས་མ་གླང་གི་མགོ་བོ་ཡིས། །སྐག་ཆེན་ཉམ་ང་ཐམས་ཅད་སྒྱུར། །ནག་པོ་མགོ་

[Full Size]

གསུམ་གྱི་སྐྱེ་རྒྱུད་རྫོགས་སོ།། །། ༼ཅ༽ ༈ ནག་པོ་མགོ་གསུམ་ལ་གཏོར་མ་འབུལ་ཞིང་ཕྲིན་ལས་བཅོལ་བ་བཞུགས་སོ། །དེ་ནས་ཐུན་མཚམས་སུ་གཏོར་ཆུང་ལིང་མཐེབ་སྒྱུ་ཤ་དུམ་འབྲུ་སྣ་དང་བཅས་པ་ཐེབ་ཙེའི་ནང་དུ་བཤམས་ནས་བྲན་ལ། ན་མོ། དཀོན་མཆོག་གསུམ་གྱི་བདེན་པ་དང་། འཕགས་པ་རིགས་གསུམ་མགོན་པོའི་བདེན་པ་དང་། ས་བདག་ཧ་ས་གཙཱའི་མཐུ་སྟོབས་ཀྱིས། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ། གནོད་ཅིང་འཚེ་བར་བྱེད་པའི་ནད་གདོན་བར་དུ་གཅོད་པ་བཀའ་དང་དམ་ལ་མི་གནས་པ་བདེན་པའི་སྟོབས་བརྗོད་ཀྱང་མི་བརྩི་བ། དམ་པའི་ཆོས་བཤད་ཀྱང་མི་ཉན་པ། གླུད་དང་གཏོར་མས་བརྔན་ཀྱང་མི་ཐུབ་པ། འགྲུ་ལོག་འཕར་ལྡང་མགོ་གཡོག་མགོ་སྐོར་བྱེད་པ་ཐམས་ཅད་དྲག་པོ་ཐུན་གྱི་གཏོར་མ་འདི་ལ་ཁུག་ཅིག །ཛཿཧཱུྃ་བཾ་ཧོཿ ངོ་བོ་དགྲ་བགེགས་ཀྱི་ཤ་ཁྲག་ལ། རྣམ་པ་ཟག་མེད་ཀྱི་བདུད་རྩི་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ་ཧ་ཧོརྡིསཱ་ཧཱ། སྔགས་ལན་གསུམ། ཨོ་ཕེ་ཤ་ཀེ་རུ་ཧཱུཾ། ཧ་ས་གརྒྷ་ས་པཱ་རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དམ་རྫས་བརྒྱན་པའི་གཏོར་

[Full Size]

མ་རྒྱ་ཆེན་པོ་འདི། མི་ནག་མགོ་བོ་གསུམ་པ། ས་བདག་ཁྲོ་བོ་བུ་བརྒྱད། སྨེ་བ་དགུ། སྤར་ཁ་བརྒྱད། ལོ་སྐོར་བཅུ་གཉིས། ལོ་རྒན་དྲུག་ཅུ། ཟླ་བ་ཞག་དུས་ཀྱི་ས་བདག །འཁྲུག་འདྲེ་བཅོ་བརྒྱད། ཐན་སྐྱ་ཉི་ཤུ། བགེགས་རིགས་སྟོང་ཕྲག་བརྒྱད་ཅུ། གཏོ་མཁན་བཞི། སྒོ་སྲུང་བཞི། གཡས་སུ་བདུད་དམག །གཡོན་དུ་བཙན་དམག་་རྒྱབ་ཏུ་མ་མོའི་དམག་ཚོགས། མདུན་དུ་གསོད་བྱེད་དམར་པོ་མགོ་གསུམ། སྣ་ཁྲིད་ཤང་ཤང་བྲ་མཆུ། རྗེས་འབྲང་མི་ཁ་བ་རུ་འཁོར་དང་བཅས་པ་རྣམས་ལ་འབུལ་ལོ། །བསྔོའོ། །སྦྱིན་ནོ། །ངོམ་ཞིང་ཚིམས་ལ་དགའ་ཞིང་མགུ་ནས་བདག་ཅག་དཔོན་སློབ་ཡོན་མཆོད་བསྲུང་བྱ་རྣམས་ཀྱི་ཆག་ཆེན་ཉམ་ང་སྐག་དང་འཚེར་རྩུབ་ལྟས་ངན་མཚན་ངན་ལ་སོགས་པ་བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་བསྒྱུར་བ་དང་བཟློག་པའི་ཕྲིན་ལས་མཛོད་ཅིག །འཕགས་པ་འཇམ་དཔལ་གྱི་བཀའ་དང་དམ་ལས་མ་འདའ་ས་མཱ་ཡ། ཞེས་པ་རབ་དུས་བཞི་འབྲིང་གསུམ་ཐ་མ་ཡང་ཉིན་ནུབ་གཉིས་ལ་ཐུན་གཏོར་འབུལ་ལོ། །ཞེས་རཱ་ག་ཨ་སྱས་སྦྱར།། ༼ཆ༽ རིགས་གསུམ་གྱི་སྐུ་བསྟོད་བཞུགས་སོ།། ཨོཾ། དུས་

[Full Size]

གསུམ་སངས་རྒྱས་སྐུ་ཡི་ངོ་བོ་ཉིད། །གཞོན་ནུའི་ཚུལ་འཆང་བྱམས་དང་སྙིང་རྗེ་ཅན། །གསེར་གྱི་མདོག་ཅན་འགྲོ་བའི་དོན་མཛད་པ། །ཤེས་རབ་རལ་གྲི་གླེགས་བམ་པུ་ཏི་བསྣམས། །མཁྱེན་རབ་མངའ་བདག་འཇམ་དཔལ་ཁྱེད་ལ་བསྟོད། །ཨཱཿ དུས་གསུམ་སངས་རྒྱས་གསུང་གི་མཛོད་འཛིན་པ། །ཤེལ་གྱི་མདོག་ཅན་འགྲོ་ལ་ཐུགས་བརྩེ་ལྡན། །མུ་ཏིག་བགྲང་ཕྲེང་པདྨ་དཀར་པོ་འཛིན། །སེམས་ཅན་ཀུན་གྱི་བྱམས་མགོན་ཐུགས་རྗེ་ཅན། །སྙིང་རྗེའི་བདག་ཉིད་སྤྱན་རས་གཟིགས་མགོན་བསྟོད། །ཧཱུྃ༔ དུས་གསུམ་སངས་རྒྱས་ཐུགས་ཀྱི་གཏེར་འཆང་བ། །སྣང་སྲིད་དྲེགས་པ་ཐམས་ཅད་འདུལ་མཛད་པ། །ནམ་མཁའི་མདོག་ཅན་རྡོ་རྗེ་དྲིལ་བུ་བསྣམས། །གཏུམ་ཆེན་གདུག་པ་འདུལ་ལ་ཕྱག་འཚལ་ལོ། །ཞེས་རིགས་གསུམ་མགོན་པོ་ལ་བསྟོད་པའོ། །བདག་ཉིད་རིགས་གསུམ་མགོན་པོའི་ང་རྒྱལ་དང་ལྡན་པར་བྱས་ལ། མདུན་གྱི་མི་ནག་མགོ་གསུམ་ལ་བསྟོད་པ་ནི། འདི་སྐད་དོ།། ཧཱུྃ། འབྱུང་བ་ལྔ་ཡི་གདན་སྟེང་ནས། །མེ་རི་ཁྲག་མཚོ་འཁྱིལ་བའི་ཀློང་དཀྱིལ་ནས། །འདྲེ་སྲིན་བྱུར་གསུམ་བསྐྱེལ་བའི་གདན་སྟེང་དུ། །མི་ཁ་དགྲ་འདྲེ་གནོད་བྱེད་ཁྲི་སྟེང་

[Full Size]

དུ། །ས་བདག་གཟའ་ཀླུ་ཁྲོས་པའི་སྤྲུལ་པ་ལས། །ནག་པོ་ཆེན་པོ་གདུག་བྱེད་མགོ་གསུམ་པ། །གཡས་པ་སྟག་མགོས་སྣང་སྲིད་ཟས་སུ་ཟ། །གཟའ་ཆེན་གདུག་པ་ཁྲོས་པའི་ང་རྒྱལ་ཅན། །གཅན་གཟན་གདུག་པ་སྟག་གི་གཟུགས་སུ་སྤྲུལ། །སྤྱན་མིག་སྡང་མིག་ནམ་མཁར་ལྟ་བ་ཡིས། །སྟེང་ཕྱོགས་གདོན་ཚོགས་ཐམས་ཅད་རྡུལ་དུ་རློགས། །ས་ནི་བར་སྣང་ཁམས་སུ་བརྐྱངས་བ་ཡིས། །བར་སྣང་གནོད་བྱེད་མ་ལུས་དབང་དུ་སྡུས། །མཆེ་བ་ཟངས་ཡག་ཐུར་དུ་གཙིགས་པ་ཡིས། །ས་གཞིའི་དགྲ་བགེགས་ཐམས་ཅད་ཟས་སུ་ཟོ། །སྟག་ལྟར་རྔམ་ཞིང་གཟི་བརྗིད་མཆེ་བ་ཡིས། །ཁམས་གསུམ་སྲིད་གསུམ་མ་ལུས་ཟིལ་གྱིས་གནོན། །སངས་རྒྱས་བསྟན་སྲུང་གཟའ་བདུད་ཁྲོས་པའི་བུ། །འཇིགས་བྱེད་རྔམ་སྟག་རྩལ་ཆེན་གྱད་ཀྱི་རིགས། །སྟོབས་ཆེན་བགེགས་འདུལ་ཁྱོད་ལ་ཕྱག་འཚལ་བསྟོད། །ཧཱུྃ། དབུས་ཀྱི་གླང་ཆེན་མགོས་ནི་ཁམས་གསུམ་འཇོམས། ས་བདག་ཆེན་པོ་ཁྲོས་པའི་ཞེ་སྡང་ལས། །གདུག་བྱེད་གླང་ཆེན་འགྱིང་བའི་གཟུགས་སུ་བསྟན། །རྭ་གཉིས་གནམ་ལྕགས་དབལ་དུ་གནམ་དུ་བསིགས། །སྟེང་གི་ལྷ་བདུད་

[Full Size]

ཐམས་ཅད་རྡུལ་དུ་བརླག །སྤྱན་གསུམ་སྡང་མིག་ཕྱོགས་བཅུར་བསྐྲད་ཅིང་བལྟ། །ཕྱོགས་སྐྱོང་བཅུ་ཡི་གདོན་འཁོར་ཟིལ་གྱིས་གནོན། །སྣ་ལྗགས་མེ་གློག་བར་སྣང་ཁམས་སུ་བརྐྱངས། །བར་སྣང་གཉན་དང་བཙན་བདུད་ལས་ལ་འགྱེད། །ལྗགས་ནི་ས་གཞི་ཁམས་སུ་བསྒྲིལ་བ་ཡིས། །འབྱུང་པོ་བེ་ཐེལ་ཤ་རུས་ཕྱེ་མར་བཏང་། ཁ་རླངས་ནད་ཀྱི་ན་བུན་ཁམས་གསུམ་གཏིབས། །དམ་ཉམས་དགྲ་བོའི་ཡུལ་དུ་ནད་ཡམས་འགྱེད། །སྟོབས་ལྡན་དཔའ་རྔམས་གླང་ཆེན་དབུ་ལ་བསྟོད། །གཡོན་གྱི་ཕག་མགོ་དཔའ་བརྗིད་དྲག་པོའི་ཞལ། །ཀླུ་རྒྱལ་ནཱ་ག་ཁྲོས་པའི་གཏི་མུག་ལས། །ཕག་ནག་རྔམས་པ་ཁོང་ཁྲོས་འཇིགས་པའི་གཟུགས། །རྣ་བ་སྲིད་པའི་རྩེ་མོས་ཉན་པ་ནི། །གསུམ་ལྷ་འདྲེ་མ་ལུས་དབང་དུ་སྡུད། །སྤྱན་མིག་བར་སྣང་གློག་ལྟར་བལྟ་བ་ནི། །ཀླུ་བདུད་ཀླུ་བཙན་རྒྱ་མཚོའི་གཏིང་ནས་བསྐུལ། །སྣ་སྒྲས་གནམ་ས་བར་སྣང་འུར་གྱིས་གང་། །ཁ་རླངས་གདུག་པའི་མེ་སྤྲིན་ཕྱོགས་བཅུར་འཁྲིགས། །མཆེ་བ་གཙིགས་པས་གནམ་ལྕགས་ཐོག་རྒོད་འབེབས། །ཁ་ཆུ་འཐོར་བས་སེར་བ་སེར་ཆེན་འབེབས། །

[Full Size]

དམ་ཉམས་བགེགས་ཐལ་བ་རྡུལ་དུ་རློགས། །འཇིགས་རྔམ་དྲག་པོ་ཕག་གི་དབུ་ལ་བསྟོད། །སྟོབས་ལྡན་དྲག་པོ་མི་ནག་མགོ་གསུམ་པ། །ཞལ་གསུམ་ཕྱག་དྲུག་དཔའ་བོ་བརྟུལ་ཞུགས་ཅན། །ཕྱག་དྲུག་གཡས་ཀྱི་དང་པོའི་ཕྱག་མཚན་ནི། །རྡོ་རྗེ་འབར་བ་གྲི་གུག་བསྣམས་པ་ཡིས། །དམ་ཉམས་དགྲ་བོའི་སྲོག་རྩ་མྱུར་དུ་གཅོད། །བར་པས་གནམ་ལྕགས་རལ་གྲི་ཕྱར་བ་ནི། །གདུག་པའི་ལྷ་འདྲེ་མགོ་ལུས་ཕྲལ་བར་བྱེད། །འོག་མས་ཐབས་ཤེས་མདའ་གཞུ་འགེངས་པ་ནི། །དམ་ཉམས་དགྲ་བགེགས་སྙིང་གི་དཀྱིལ་ནས་གཟིར། །གཡོན་གྱི་དང་པོས་ཐོད་ཁྲག་བསྣམས་པ་ནི། །དགྲ་འདྲེ་གདུག་ཅན་སྙིང་ཁྲག་ཞལ་དུ་གསོལ། །བར་པས་ལྕགས་ཀྱུ་འབར་བ་བསྣམས་པ་ནི། །གང་ལ་བྱ་བའི་སྙིང་ནས་བཟུང་བར་བྱེད། །ཐ་མས་སྦྲུལ་ནག་ཞགས་པ་བསྣམས་པ་ནི། །དམ་ཉམས་དགྲ་ཡི་ཡན་ལག་བཅིངས་བར་བྱེད། །གདུག་པའི་ཕྱག་མཚན་རྫོགས་ལ་ཕྱག་འཚལ་བསྟོད། །སྐུ་སྟོད་གླང་ཆེན་ཀོ་རློན་གྱོན་པ་ནི། །གཏི་མུག་མ་ལུས་རྩད་ནས་གཅོད་པར་བྱེད། །སྦྲུལ་ནག་ཆུན་པོས་ཡན་ལག་བརྒྱན་པ་ནི། །ཞེ་སྡང་མི་མངོན་དབྱིངས་སུ་

[Full Size]

བསྒྲལ་བའི་རྟགས། །སྐུ་སྨད་སྟག་ལྤགས་ཤམ་ཐབས་བྱས་པ་ནི། །འདོད་ཆགས་མི་མངོན་དབྱིངས་སུ་བསྒྲོལ་བའི་རྟགས། །ཐོད་རློན་ཕྲེང་བས་ལུས་ལ་བརྒྱན་པ་ནི། །དུར་ཁྲོད་དཔའ་རྔམ་ཆས་དང་ལྡན་པའི་རྟགས། །ཐོད་སྐམ་ལྔ་ཡིས་དབུ་ལ་བརྒྱན་པ་ནི། །རིགས་གསུམ་མགོན་པོའི་དབང་བསྐུར་མཛད་པའི་རྟགས། །སྐུ་ཡི་ཆས་རྣམས་རྫོགས་ལ་ཕྱག་འཚལ་བསྟོད། །སྟོབས་ལྡན་མི་ནག་མགོ་བོ་གསུམ་པ་ལ། །རྒྱུ་སྐར་ཉེར་བརྒྱད་མགུལ་རྒྱན་བྱས་པ་ནི། །གཟའ་སྐར་གདུག་རྩུབ་དབྱིངས་སུ་བཟློག་པའི་རྟགས། །ཞག་གི་ཟོ་རིས་ལུས་ལ་བརྒྱན་པ་ནི། །སྔགས་འཆང་ཞག་སྐག་ངན་པ་བསྒྱུར་བའི་རྟགས། །གཟའ་ཆེན་བརྒྱད་པོའི་ཕྱག་གདུབ་བྱས་པ་ནི། །གཟའ་བདུད་ཁ་རླངས་གདུག་རྩུབ་བཟློག་པའི་རྟགས། །ཉི་མ་ཟླ་བས་དབུ་ལ་བརྒྱན་པ་ནི། །བདག་དང་ཡོན་བདག་ལོ་ཟླ་ཞག་དུས་སྐག །ཟ་མའི་སྐག་རྣམས་ཐམས་ཅད་བསྒྱུར་བའི་རྟགས། །སྤར་ཁ་བརྒྱད་ཀྱི་འཁོར་གྱིས་བསྐོར་བ་ནི། །ནམ་ཟླ་དུས་བཞིའི་སྤར་ཁའི་བདུད་ཟློག་རྟགས། །ལོ་སྐོར་བཅུ་གཉིས་སྐུ་ལ་བརྒྱན་པ་ནི། །བར་གཟའ་བཅུ་གཉིས་སྐག་བདུད་

[Full Size]

བཟློག་པའི་རྟགས། །ལོ་རྒན་དྲུག་ཅུའི་འཁོར་གྱིས་བསྐོར་བ་ནི། །ལོ་ཟླ་ཞག་དུས་ཟ་མའི་སྐག་རྣམས་དང་། །ཕྱོགས་ངན་བདུད་གཅོད་ཐམས་ཅད་བཟློག་པའི་རྟགས། །འབྱུང་བ་ལྔ་པོ་གོས་སུ་གྱོན་པ་ནི། །འབྱུང་བ་ལྔ་ཡི་འཁྲུགས་འདྲེ་བཟློག་པའི་རྟགས། །བདག་དང་ཡོན་བདག་འདྲེ་གདོན་ཐམས་ཅད་སྒྱུར། །ལུས་ཀྱི་རྒྱན་རྣམས་རྫོགས་ལ་ཕྱག་འཚལ་བསྟོད། །ཞབས་གཉིས་དཔའ་བོ་གྱད་འགྲོས་བྱེད་པ་ཡིས། །ས་ཡི་གདུག་བྱེད་འབྱུང་པོ་རྣམས། །ཐམས་ཅད་སྐྲག་ཅིང་བསྔངས་བར་བྱེད། །བ་སྤུ་གནམ་ལྕགས་དབལ་རྫས་ཀྱིས། །དམིགས་པའི་སྡང་དགྲ་གནོད་བྱེད་ལ། །གདུག་རྩུབ་ངན་པ་མ་སྟོན་ཅིག །མི་ཁ་བྲ་མཆུ་འདྲེ་སྲིན་བྱུར། །གདན་དུ་བཏིང་ནས་གཏམ་བརྗོད་ཀྱིས། །ཁ་སྨྲས་ངན་པ་དགྲ་ལ་སྒྱུར། །དམ་རྫས་དམར་གྱི་གཏོར་མ་འདི་བཞེས་ལ། །དགྲ་འདྲེ་དམ་ཉམས་དགྲ་ལ་ཟློག །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ས་བདག་ཧ་ས་གཏྟ་ཁྱོད། །སྙིགས་མ་ལྔ་ཡི་དུས་ཚོད་ལ། །སྲིད་པའི་ལྷ་འདྲེ་འཁྲུགས་པའི་དུས། །ཁྱོད་ཀྱིས་ཐམས་ཅད་ཟློག་པར་བྱེད། །ཁྱོད་ཀྱིས་མི་བཟློག་གང་ཡང་མེད། །ཟློག་

[Full Size]

ཅིག་རྐྱེན་ངན་བར་ཆད་ཟློག །རྐྱེན་ངན་བར་ཆད་བརྡའ་ཐན་ཟློག །བྱད་ཁ་ཕུར་ཁ་དགྲ་ལ་སྟོན། །དགྲ་སྣ་གྱོད་སྣ་བཙོན་སྣ་སྒྱུར། །ལོང་བ་ཁྲག་ནད་རྒྱུ་གཟེར་ཟློག །མི་ནད་ལང་དགུ་དགྲ་ལ་སྒྱུར། །ཁྲག་ནད་རྒྱུ་གཟེར་དགྲ་ལ་སྒྱུར། །ཧཱུྃ། ས་བདག་ནག་པོ་མཐུ་བོ་ཆེ། །འཇིགས་པའི་གཟུགས་ཀྱིས་ཁམས་གསུམ་བརླག །ཕྱག་མཚན་དྲག་པོའི་ཕུར་པ་འདྲིལ། །སྟག་པའི་ཁྲམ་ཤིང་མདའ་གཞུ་ཡིས། །སྡང་བའི་དགྲ་བོ་རླག་པར་བྱེད། །གཡས་ཕྱོགས་སྟག་གི་མགོ་བོ་ཡིས། །རྒྱལ་འགོང་སྤུན་དགུ་འཇོམས་པར་བྱེད། །གཡོན་ཕྱོགས་ཕག་རྒོད་མགོ་བོ་ཡིས། །ས་འདྲེ་ཕུང་སྲི་འདུལ་བར་བྱེད། །དབུས་ཕྱོགས་གླང་ཆེན་མགོ་བོ་ཡིས། །འགོང་པོ་སྤུན་དགུ་འདུལ་བར་བྱེད། །སྤྲུལ་པ་སྣ་ཚོགས་ཅིར་ཡང་སྟོན། །སྡང་བའི་དགྲ་ལ་ཆད་ཙ་ན། །བྱུར་དང་འགོང་པོ་ཕོ་ཉར་འགྱེད། །མི་ཁའི་རྒྱལ་མོ་སྔོན་དུ་མངག །སྡང་བའི་དགྲ་བོ་རྡུལ་དུ་རློགས། །ལོ་བདུད་བཅུ་གཉིས་རོལ་དུ་ཁྲིད། །སྡང་བའི་དགྲ་ལ་ལོ་བདུད་ཕོབ། །བཙན་བདུད་གིན་གསུམ་ལས་ལ་འགྱེད། །སྡང་བའི་དགྲ་ལ་ལས་མཛོད་ཅིག་

[Full Size]

མ་བདུད་རྒྱལ་མོ་ལས་ལ་མངག །ནད་ཀྱི་རྒྱལ་མོ་ལས་ལ་ཆོས། །དགྲ་བོའི་ཡུལ་དུ་ནད་ཡམས་ཐོངས། །མི་ཁའི་རྒྱལ་མོ་སྤུན་དགུ་ཡང་། །དགྲ་འདྲེའི་སྟེང་དུ་མྱུར་བར་ཆོས། །མི་ཁ་གཡུལ་སྡིག་དགྲ་ལ་ཐོངས། །ས་བདག་ནག་པོ་གདུག་པ་ཅན། །དགྲ་བགེགས་འབྱུང་པོ་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །ཅེས་གྱེར་རོ། །ནག་པོ་མགོ་གསུམ་གྱི་སྐུ་བསྟོད་རྫོགས་སོ།། །།དེ་ནས་མ་གོ་གསུམ་ཁྲོ་བོ་སྲས་དགུའི་བསྐུལ་པ་ནི། །ཀྱཻ། ཉི་མ་ཕྱོགས་ཕྱོགས་ཕ་ཀི་ན། །དབུས་ཕྱོགས་ཚངས་པའི་འཇིག་རྟེན་ཁམས། །རི་རབ་ཆེན་པོའི་རྩེ་མོ་ནས། །དྲང་སྲོང་ལྷུམས་སུ་ཞུགས་པའི་བུ། །མི་ནག་མགོ་གསུམ་ཕྱག་དྲུག་པ། །གཡས་པ་རྔམ་པ་སྟག་གི་མགོ །ཞེ་སྡང་ཕོ་གདོན་འདུལ་བར་བྱེད། །མི་གཡོན་པ་གདུག་བྱེད་ཕག་གི་མགོ །འདོད་ཆགས་མོ་གདོན་འདུལ་བར་བྱེད། །དབུས་ཕྱོགས་སྟོབས་ཆེན་གླང་གི་ཞལ། །གཏི་མུག་འཆི་བདག་གཤིན་རྗེ་འདུལ། །ཕྱག་དྲུག་གཡས་ཀྱི་དང་པོ་ན། །གསེར་གྱི་འཁོར་ལོ་འབར་བ་བསྣམས། །ཉོན་མོངས་དུག་ལྔ་རྩད་ནས་གཅོད། །གཡོན་གྱི་དང་པོས་ཁྲམ་ཤིང་འཛིན། །བྱད་མ་དམ་ཉམས་ཁྲམ་ལ་

[Full Size]

འདེབས། །བར་མ་གཉིས་ཀྱིས་མདའ་གཞུ་བཀང་། །དགྲ་བགེགས་དམིགས་པའི་འབེན་ལ་བརྡེག །ཐ་མས་ལྕགས་ཀྱུ་ཕུར་པ་འདྲིལ། །གནོད་བྱེད་བཀུག་ཅིང་སྙིང་ལ་འདེབས། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ནད་ཡམས་ཐོངས། །ཡན་ལག་ལྷུ་ཚིགས་ཐུང་ལ་སྦོམ། །དགྲ་བགེགས་གནོད་བྱེད་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་བགེགས་ཐམས་ཅད་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག ། གཤོག་པ་གནམ་ལྕགས་ཤང་ལང་བརྒྱན། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུགས། །འོག་ཕྱོགས་ཀླུ་དང་ས་བདག་གནོད་པ་ཟློག །ལོ་སྐོར་བཅུ་གཉིས་འཁོར་གྱིས་བསྐོར། །རྟེན་འབྲེལ་བཅུ་གཉིས་འགྲིགས་པར་བྱེད། །སྣང་སྲིད་ལྷ་འདྲེའི་དམག་དང་བཅས། །མོ་ངན་རྨི་ལམ་ངན་པ་དང་། །ཐན་ལྟས་ངན་པ་ཐམས་ཅད་ཟློག །འབྱུང་བ་ལྔ་ལ་དབང་བསྒྱུར་ཞིང་། །ལྷ་སྲིན་སྡེ་བརྒྱད་ཁ་ལོ་སྒྱུར། །བགེགས་རིགས་སྟོང་ཕྲག་བརྒྱད་ཅུ་འདུལ། །གླུད་དང་གཏོར་མ་འདི་

[Full Size]

བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་སྡང་བའི་དགྲ་ལ་ཟློག །སྒྱུར་ཅིག་རྐྱེན་ངན་བར་ཆད་སྒྱུར། །ནག་པོ་ཆེན་པོ་དགྲ་ལ་བློ། །མཐུ་ཆེན་ནག་པོ་དགྲ་ལ་བྷྱོ༔ །སྒྱུར་ཅིག་རྐྱེན་ངན་བར་ཆད་སྒྱུར། །སྟོབས་ལྡན་ནག་པོ་དགྲ་ལ་བྷྱོ༔ །ནག་པོ་ཆེན་པོ་དགྲ་འདྲེ་ལ་ཁཱ་ཧི། །ཡས་ཀྱི་བདུད་གཡོས་བདུད་ཁ་ཟློག །མས་ཀྱི་སྲི་ལང་སྲི་ཁ་ཟློག །བར་གྱི་བཙན་ལང་བཙན་ཁ་ཟློག །གནམ་གྱི་དལ་ཁ་བཟློག་ཏུ་གསོལ། །ས་ཡི་ཡམས་ཁ་བཟློག་ཏུ་གསོལ། །མོ་ངན་རྨི་ངན་ཐོམས་ཅད་ཟློག །ཐན་ལྟས་ངན་པ་ཐམས་ཅད་ཟློག །བྱད་ཁ་དྲོད་གཏོང་ཐམས་ཅད་ཟློག །ཨོཾ་ཙནྟི་ཏྲི་ཡཾ་ཁ་ལ་རཀྟ་དུ་ན་སིང་དུ་ན་སིང་། དགྲ་ལ་ཆོད་འདྲེ་ལ་ཆོད། ཟློག་ཅིག་སྒྱུར་ཅིག་ས་མཱ་ཡ༔ །ཀྱཻ། ཉི་མ་ཤར་ཕྱོགས་ཕ་ཀི་ན། །འབྱུང་བ་ས་ལ་དབང་བསྒྱུར་ཞིང་། །དྲི་ཟའི་ཚོགས་རྣམས་འདུལ་མཛད་པ། །ས་བདག་ཐེ་སེ་ལྷུམས་སུ་ཞུགས་པའི་བུ། །མི་ལུས་སེང་གེ་གླང་ཆེན་རྟ་མཆོག་དབུ། །ཞི་བའི་ཕྲིན་ལས་མཛད་ཕྱིར་སྐུ་མདོག་དཀར། །ཕྱག་དྲུག་དང་པོས་རྡོ་རྗེ་ལྕགས་ཀྱུ་བསྣམས། །བར་པ་གཉིས་ཀྱིས་ཐབས་ཤེས་མདའ་གཞུ་འགེངས། །

[Full Size]

ཐ་མས་ཕུར་པ་དགྲ་བགེགས་སྙིང་ལ་འདེབས། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག །གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་གདུག་པ་འདུལ། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་ངན་བར་ཆད་སྒྱུར། །ཀྱཻ། ཉི་མ་ལྷོ་ཕྱོགས་ཕ་ཀི་ན། །འབྱུང་བ་ཆུ་ལ་དབང་བསྒྱུར་ཞིང་། །གཤིན་རྗེའི་ཚོགས་རྣམས་འདུལ་མཛད་པ། །ས་བདག་ཧོ་པན་ལྷུམས་སུ་ཞུགས་པའི་བུ། །མི་ལུས་ཁྱུང་དང་སྡིག་པ་རུས་སྦལ་མགོ །རྒྱས་པའི་ཕྲིན་ལས་མཛད་ཕྱིར་སྐུ་མདོག་སེར། །ཕྱག་དྲུག་དང་པོས་རིན་ཆེན་ཞགས་པ་འཛིན། །བར་པ་གཉིས་ཀྱིས་

[Full Size]

ཐབས་ཤེས་མདའ་གཞུ་འགེངས། །ཐ་མ་གཉིས་ཀྱིས་ཕུར་པ་དགྲ་སྙིང་འདེབས། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག །གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་གདུག་པ་འདུལ། །གླུད་དང་གཏོར་མ་འདི་བཞེས་ལ། །ཆོས་ཅིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་ནང་བར་ཆད་སྒྱུར། །ཀྱཻ། ཉི་མ་ནུབ་ཕྱོགས་ཕ་ཀི་ན། །འབྱུང་བ་མེ་ལ་དབང་བསྒྱུར་ཞིང་། །ཆུ་ལྷའི་ཚོགས་རྣམས་འདུལ་མཛད་པ། །ས་བདག་ཙང་ཀུན་ལྷུམས་སུ་ཞུགས་པའི་བུ། །མི་ལུས་སྟག་དང་རྔ་མོང་འབྲུག་གི་མགོ །དབང་གི་ཕྲིན་ལས་མཛད་ཕྱིར་སྐུ་མདོག་དམར། །ཕྱག་དྲུག་དང་པོས་པདྨ་ལྕགས་སྒྲོག་བསྣམས། །བར་

[Full Size]

པ་གཉིས་ན་ཐབས་ཤེས་མདའ་གཞུ་འགེངས། །ཐ་མས་ཕུར་པ་དགྲ་བགེགས་སྙིང་ལ་འདེབས། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག །གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་གདུག་པ་འདུལ། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་དང་བར་ཆད་སྒྱུར། །ཀྱཻ། ཉི་མ་བྱང་ཕྱོགས་ཕ་ཀི་ན། །འབྱུང་བ་རླུང་ལ་དབང་བསྒྱུར་ཞིང་། །གནོད་སྦྱིན་སྡེ་ཚོགས་འདུལ་མཛད་པ། །ས་བདག་སེ་བྱིན་ལྷུམས་སུ་ཞུགས་པའི་བུ། །མི་ལུས་དོམ་དང་ཆུ་སྲིན་དྲེད་ཀྱི་མགོ །དྲག་པོའི་ཕྲིན་ལས་མཛད་ཕྱིར་སྐུ་མདོག་ལྗང་། །ཕྱག་དྲུག་དང་པོ་གཉིས་ཀྱིས་རྒྱ་

[Full Size]

གྲམ་དྲིལ་བུ་འཛིན། །བར་མ་གཉིས་ན་ཐབས་ཤེས་མདའ་གཞུ་འགེངས། །ཐ་མ་གཉིས་ཀྱིས་ཕུར་པ་སྙིང་ལ་གཟིར། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག །གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག་མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་གདུག་པ་འདུལ། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་དང་བར་ཆད་སྒྱུར། །ཀྱཻ། ཉི་མ་ཤར་ལྷོར་མཚམས་ཤེད་ནས། །མེ་ལྷའི་ཚོགས་ལ་དབང་བསྒྱུར་ཞིང་། །ལྷ་ཡི་བུ་ཡི་བདུད་རྣམས་འདུལ་མཛད་པ། །ས་བདག་གནམ་ཁྱི་ལྷུམས་སུ་ཞུགས་པའི་བུ། །མི་ལུས་རྨ་བྱ་ཀངྐ་འུག་པའི་མགོ །སྣ་ཚོགས་ཕྲིན་ལས་མཛད་ཕྱིར་སྐུ་མདོག་སྨུག །ཕྱག་དྲུག་དང་

[Full Size]

པོས་སྤུ་གྲི་ཐོད་ཁྲག་བསྣམས། །བར་པ་གཉིས་ན་ཐབས་ཤེས་མདའ་གཞུ་འགེངས། །ཐ་མས་ཕུར་པ་དགྲ་བགེགས་སྙིང་ལ་འདེབས། །གསུས་པ་ཁྲག་གི་རྒྱུ་མཚོ་འཁྱིལ།། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག །གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་འདུལ། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་དང་བར་ཆད་སྒྱུར། །ཀྱཻ། ཉི་མ་ལྷོ་ནུབ་མཚམས་ཤེད་ནས། །སྲིན་པོའི་ཚོགས་ལ་དབང་བསྒྱུར་ཞིང་། །ཕུང་པོའི་བདུད་རྣམས་འདུལ་མཛད་པ། །ས་བདག་སེ་ཤར་ལྷུམས་སུ་ཞུགས་པའི་བུ། །མི་ལུས་སྦྲུལ་དང་སྤྲེའུ་ཉ་ཡི་མགོ །སྐུ་མདོག་སེར་ནག་འབར་བ་ལ། །ཕྱག་

[Full Size]

དྲུག་དང་པོས་རྒྱལ་མཚན་ཞགས་པ་བསྣམས། །བར་པ་གཉིས་ན་ཐབས་ཤེས་མདའ་གཞུ་འགེངས། །ཐ་མ་གཉིས་ཀྱིས་ཕུར་པ་གནོད་བྱེད་སྙིང་ལ་གཟིར། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག།གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་གདུག་པ་འདུལ། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་དང་བར་ཆད་སྒྱུར། །ཀྱཻ། ཉི་མ་ནུབ་བྱང་མཚམས་ཤེད་ནས། །རླུང་ལྷའི་ཚོགས་ལ་དབང་བསྒྱུར་ཞིང་། །ཉོན་མོངས་བདུད་རྣམས་འདུལ་མཛད་པ། །ས་བདག་ཐེ་ཁྱིམ་ལྷུམས་སུ་ཞུགས་པའི་བུ། །མི་ལུས་གཡག་དང་ཤ་བ་རྟོལ་པོའི་མགོ །སྐུ་མདོག་དམར་

[Full Size]

ནག་འབར་བ་ལ། །ཕྱག་དྲུག་དང་པོས་ཁཊཾ་དགྲ་སྣ་བསྣམས། །བར་མ་གཉིས་ན་ཐབས་ཤེས་མདའ་གཞུ་འགེངས། །ཐ་མ་གཉིས་ཀྱིས་ཕུར་པ་གནོད་བྱེད་སྙིང་ལ་འདེབས། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག །གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་གདུག་པ་འདུལ། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་དང་བར་ཆད་སྒྱུར། །ཀྱཻ། ཉི་མ་བྱང་ཤར་མཚམས་ཤེད་ནས། །དབང་ལྡན་ཚོགས་ལ་དབང་བསྒྱུར་ཅིང་། །འཆི་བདག་ཚོགས་རྣམས་བཟློག་མཛད་ཅིང་། །ས་བདག་ཧལ་ཁྱི་ལྷུམས་སུ་ཞུགས་པའི་བུ། །མི་ལུས་གཟིག་དང་སྤྱང་ཀི་

[Full Size]

བྱི་ལའི་མགོ །སྐུ་མདོག་ལྗང་ནག་འབར་བ་ལ། །ཕྱག་དྲུག་དང་པོ་གཉིས་ཀྱིས་མདུང་ཐུང་ཐོ་བ་བསྣམས། །བར་མ་གཉིས་ཀྱིས་ཐབས་ཤེས་མདའ་གཞུ་འགེངས། །ཐ་མ་གཉིས་ཀྱིས་ཕུར་པ་དགྲ་བགེགས་སྙིང་ལ་འདེབས། །གསུས་པ་ཁྲག་གི་རྒྱ་མཚོ་འཁྱིལ། །སྡང་བའི་དགྲ་ལ་ཡམས་ནད་གཏོང་། །ཡན་ལག་ལྷུ་ཚིགས་ཐུང་ལ་སྦོམ། །གནོད་པའི་བགེགས་རྣམས་ཆམ་ལ་ཕོབ། །སྡེར་མོ་ལྕགས་ཀྱུ་འབར་བ་ཡིས། །དགྲ་འདྲེ་བྱུར་གསུམ་དམྱལ་ཐག་གཅོད། །གཟའ་དང་རྒྱུ་སྐར་ལུས་ལ་བརྒྱན། །སྟེང་ཕྱོགས་ལྷ་གདོན་ཐམས་ཅད་ཟློག །གཤོག་པ་གནམ་ལྕགས་རལ་གྲི་ཡིས། །བར་སྣང་གཉན་རིགས་གདུག་པ་ཐམས་ཅད་ཟློག །མཇུག་མ་སྦྲུལ་ནག་རྒྱ་མཚོ་དཀྲུག །འོག་ཕྱོགས་ཀླུ་དང་ས་བདག་གདུག་པ་འདུལ། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་ལྷ་འདྲེའི་ཆོ་འཕྲུལ་ཟློག །སྒྱུར་ཅིག་རྐྱེན་དང་བར་ཆད་སྒྱུར།། ཁྲོ་བོ་ཆེན་པོ་བརྒྱད་ཀྱི་སྒྱུར་ཆོག་རྫོགས་སོ།། །།ཧཱུྃ། ནག་པོ་ཆེན་པོ་དགྲ་ལ་བྷྱོ༔ །ཡས་ཀྱི་བདུད་དུ་གཡོས་པ་བསྒྱུར་དུ་གསོལ། །མས་ཀྱི་སྲི་ལང་བསྒྱུར་དུ་གསོལ། །

[Full Size]

བར་གྱི་བཙན་འགྱུ་བསྒྱུར་དུ་གསོལ། །གནམ་གྱི་དལ་ཁ་བསྒྱུར་དུ་གསོལ། །ས་ཡི་ཡམས་ཁ་བསྒྱུར་དུ་གསོལ། །མོ་ངན་འཚེར་རྩུབ་བསྒྱུར་དུ་གསོལ། །གནོད་བྱེད་དགྲ་བགེགས་སྟེང་དུ་ཧཱུཾ་བྷྱོ་ཟློག་ཟློག།དེ་ནས་སྨེ་བ་དགུའི་སྒྱུར་ཆོག་ནི། །ཀྱཻ། གཅིག་དཀར་ས་ཡི་བརྟན་མ་ནི། །སྐུ་མདོག་གངས་རི་ཤེལ་སྒོང་འདྲ། །སྐུ་ལ་ཤེལ་གྱི་སླག་པ་གསོལ། །ཕྱག་ན་བདུད་རྩིའི་བུམ་པ་བསྣམས། །ཆིབས་སུ་དུང་ཕག་སེར་མགོ་ཆིབས། །འཁོར་དུ་ས་བདག་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །ཀྱཻ། གཉིས་ནག་བདུད་ཕོ་བཀྲག་མེད་ནི། །དར་ནག་འཇོལ་བེར་སྐུ་ལ་གསོལ། །ཕྱག་ན་བདུད་ཀྱི་ཁྲམ་བམ་བསྣམས། །ཆིབས་སུ་བདུད་རྟ་ནག་པོ་ཆིབས། །འཁོར་དུ་བདུད་དམག་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །དགྲ་འདྲེ་བྱུར་གསུམ་བཟློག་ཏུ་གསོལ། །ནད་རིམས་དལ་ཡམས་བསྒྱུར་དུ་གསོལ། །མི་ཁ་ཡས་རྣམས་ཟས་སུ་ཟོ། །ཀྱཻ། གསུམ་མཐིང་མ་

[Full Size]

ཡམས་བསེན་མོ་ནི། །ཁྱི་མོ་ནག་པོ་རྟ་རུ་ཞོན། །དར་སྔོན་རལ་ག་སྐུ་ལ་གསོལ། །ཕྱག་ན་ནད་ཀྱི་རྐྱལ་པ་ཐོགས། །འཁོར་དུ་བསེན་མོ་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །དགྲ་འདྲེ་བྱུར་གསུམ་བཟློག་ཏུ་གསོལ། །ནད་རིམས་དལ་ཡམས་བསྒྱུར་དུ་གསོལ། །མི་ཁ་ཡས་རྣམས་ཟས་སུ་ཟོ། །ཀྱཻ། བཞི་ལྡང་ཀླུ་ཡི་རྒྱལ་མོ་ནི། །ཆིབས་སུ་ཆུ་སྲིན་རྒྱལ་པོ་ཆིབས། །དར་ལྗང་ན་བཟའ་སྐུ་ལ་གསོལ། །ཕྱག་ན་སྦྲུལ་གྱི་ཞགས་པ་བསྣམས། །ཀླུ་མོ་འབུམ་གྱི་འཁོར་གྱིས་བསྐོར། །གླུད་དང་གཏོར་མ་འདི་བཞེས་ལ། །ཀླུ་ནད་མཛེ་ཡམས་བསྒྱུར་དུ་གསོལ། །ནད་རིམས་དལ་ཡམས་བསྒྱུར་དུ་གསོལ། །དགྲ་འདྲེ་བྱུར་གསུམ་བཟློག་ཏུ་གསོལ། །ཀྱཻ། ལྔ་སེར་ས་བདག་ཙང་ཀུན་ནི། །སྐུ་མདོག་སེར་ལ་འོད་ཟེར་འབར། །ཆིབས་སུ་དུང་ཤ་དཀར་མོ་ཆིབས། །ཕྱག་ན་ཁ་ཊཾ་རྩེ་གསུམ་བསྣམས། །འཁོར་དུ་ས་བདག་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །ས་བདག་གདུག་པ་དགྲ་ལ་སྒྱུར། །ནད་རིམས་དལ་ཡམས་བསྒྱུར་དུ་གསོལ། །ཟས་སུ་དགྲ་འདྲེ་བྱུར་གསུམ་ཟོ། །ཀྱཻ།

[Full Size]

དྲུག་དཀར་ལྷ་ཆེན་ཚངས་པ་ནི། །སྐུ་མདོག་དཀར་ལ་འོད་ཟེར་འབར། །ཕྱག་ན་བ་དན་དཀར་པོ་བསྣམས། །ཆིབས་སུ་སེང་གེ་དཀར་མོ་ཆིབས། །འཁོར་དུ་ལྷ་དམག་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །རྒྱལ་པོའི་སྐག་ཆེན་བཟློག་ཏུ་གསོལ། །མི་མཐུན་དལ་ཡམས་དགྲ་ལ་སྒྱུར། །དགྲ་འདྲེ་བྱུར་གསུམ་བཟློག་ཏུ་གསོལ། །ཀྱཻ། བདུན་དམར་ཡམ་ཤུད་དམར་པོ་ནི། །མི་དམར་རྟ་དམར་དར་དམར་གྱོན། །ཕྱག་ན་བཙན་གྱི་ཤོ་རྡེལ་བསྣམས། །འཁོར་དུ་བཙན་དམག་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །བཙན་གྱི་ཤོ་ཁ་བཟློག་ཏུ་གསོལ། །ནད་རིམས་དལ་ཡམས་བསྒྱུར་དུ་གསོལ། །དགྲ་འདྲེ་བྱུར་གསུམ་ཟས་སུ་ཟོ། །ཀྱཻ། བརྒྱད་དཀར་དགྲ་ལྷའི་རྒྱལ་པོ་ནི། །སྐུ་མདོག་དཀར་པོ་རྒྱན་དང་ལྡན། །གླང་ཆེན་ཁྲོས་པའི་ཁྲི་ལ་བཞུགས། །ཕྱག་ན་དགྲ་ལྷའི་མདུང་དམར་བསྣམས། །དགྲ་ལྷའི་རྒྱལ་པོ་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །དགྲ་སྡང་གནོད་བྱེད་བསྒྱུར་དུ་གསོལ། །སྒྱུར་ཅིག་ལྟས་ངན་དགྲ་ལ་སྒྱུར། །ཟས་སུ་མི་ཁ་བྲ་

[Full Size]

མཆུ་ཟོ། །ཀྱཻ། དགུ་དམར་མ་མོ་ཆེན་མོ་ནི། །དབང་སྨེ་དགུ་པོ་རྩ་མུན་ཏྲི། །ཆིབས་སུ་དྲེལ་རྟ་དམར་པོ་ཆིབས། །ཕྱག་ན་མཚོན་གྱི་གྲུ་གུ་བསྡོག།འཁོར་དུ་མ་མོ་འབུམ་གྱིས་བསྐོར། །གླུད་དང་གཏོར་མ་འདི་བཞེས་ལ། །སྡང་དགྲ་གནོད་བྱེད་རྡུལ་དུ་རློགས། །ཟས་སུ་མི་ཁ་བྲ་མཆུ་ཟོ། ༈ དེ་ནས་གཟའ་དང་སྐར་མའི་སྒྱུར་ཆོག་ནི། །ཀྱཻ། ཉི་མ་ཟླ་བ་མིག་དམར་དང་། །ལྷག་པ་ཕུར་བུ་པ་བ་སངས། །སྤེན་པ་རཱ་ཧུ་ལ་དང་བརྒྱད། །རང་རང་ཕྱོགས་མཚམས་སྐུ་མདོག་ཅན། །གཟའ་ཆེན་བརྒྱད་པོ་འཁོར་དང་བཅས། གླུད་དང་གཏོར་མ་འདི་བཞེས་ལ། །གཟའ་བདུད་གདུག་པ་ནད་གཟེར་དང་། །གཟའ་བདུད་བྱུར་ཁྲམ་སྐྱེལ་བ་སོགས། །གཟའ་བརྒྱད་ཉེས་པ་ཞི་བར་མཛོད། །ཀྱཻ། རྒྱུ་སྐར་ཉི་ཤུ་རྩ་བརྒྱད་ནི། །ཕྱོགས་བཞི་དབུས་ལ་མངའ་མཛད་ཅིང་། །ཉིན་མཚན་དུས་ཀྱི་རྩིས་འདེབས་པ། །གླུད་དང་གཏོར་མ་འདི་བཞེས་ལ། །སྐར་ངན་སྐར་ཐན་སྐར་མདའ་ཟློག །རིམས་ནད་དལ་ཡམས་དགྲ་ལ་སྒྱུར། །ཅེས་གབ་རྩེ་དགུ་དང་གཟར་སྐར་དང་བཅས་པའི་གྱེར་རྫོགས་སོ།། །། ༈ །ཀྱཻ། མི་ནག་མགོ་གསུམ་མཐུ་བོ་ཆེ། །རུས་སྦལ་

[Full Size]

ནག་པོའི་ཁོག་པ་ལ། །གཏོ་ཡིས་བཟློག་ཅིང་བསྒྱུར་བ་ནི། །གཅིག་དཀར་རྒྱལ་པོའི་གཏོ་འདི་ལོངས། །ཐེའུ་རང་འགོང་པོ་དགྲ་ལ་སྒྱུར། །གཉིས་ནག་བདུད་པོའི་གཏོ་འདི་ལོངས། །མྱ་ངན་མཆི་མ་དགྲ་ལ་སྒྱུར། །གསུམ་མཐིང་བསེན་མོའི་གཏོ་འདི་ལོངས། །རླུང་ནག་འཚུབ་མ་དགྲ་ལ་སྒྱུར། །བཞི་ལྗང་ཀླུ་ཡི་གཏོ་འདི་ལོངས། །ཀླུ་ནད་མཛེ་ཤུ་དགྲ་ལ་སྒྱུར། །ལྔ་སེར་ས་བདག་གཏོ་འདི་ལོངས། །ཆུ་ཁྱེར་ས་གྲི་དགྲ་ལ་སྒྱུར། །དྲུག་དཀར་རྒྱལ་འགོང་གཏོ་འདི་ལོངས། །རྒྱལ་འགོང་སྤུན་དགུ་དགྲ་ལ་སྒྱུར། །བདུན་དམར་བཙན་གྱི་གཏོ་འདི་ལོངས། །ཤན་པ་གྲི་བརྡར་དགྲ་ལ་སྒྱུར། །བརྒྱད་དཀར་ལྷ་ཡི་གཏོ་འདི་ལོངས། །ལྷ་ནད་གནམ་ནད་དགྲ་ལ་སྒྱུར། །དགུ་དམར་མ་མོའི་གཏོ་འདི་ལོངས། །ཡམས་ནད་རིམས་ནད་དགྲ་ལ་སྒྱུར།། ༈ སྤར་ཁ་བརྒྱད་ཀྱི་མདོས་གླུད་བྱུང་ཚུལ་ནི། །ཀྱཻ། དང་པོ་འབྱུང་བ་རྣམ་པ་ལྔ། །ས་བདག་རུས་སྦལ་གཅིག་ཏུ་བྱུང་། །རྒྱབ་ལ་ཁེན་ནི་གནམ་དུ་བྱུང་། །སྦོ་ལ་ཁོན་མ་ས་རུ་བྱུང་། །དེ་གཉིས་རྫུ་འཕྲུལ་བསྡེབ་པ་ལ། །བུ་ནི་མིང་སྲིང་དྲུག་ཏུ་བྱུང་། །བུ་གསུམ་

[Full Size]

ནང་གི་ཆེ་བ་དེ། །བཙུན་པ་བཀའ་ཐུབ་གཅིག་ཏུ་བྱུང་། །མིང་ནི་ས་བདག་གིན་རི་བཏགས། །འབྲིང་བ་ཨ་ཙ་ར་ཞིག་བྱུང་། །མིང་ནི་ས་བདག་དྭ་ལྕགས་བཏགས། །ཆུང་བ་བོན་པོ་གཅིག་ཏུ་བྱུང་། །མིང་ནི་ས་བདག་ཁམ་ཆུ་བཏགས། །སྲིང་མོ་གསུམ་གྱི་ཆེ་བ་དེ། །བུ་མོ་མགྱོགས་མ་གཅིག་ཏུ་བྱུང་། །མིང་ནི་ཟོན་མ་རླུང་དུ་བཏགས། །འབྲིང་བ་བུ་མོ་སྔོན་མོ་བྱུང་། །མིང་ནི་ཟིན་ཤིང་ཞེས་སུ་གྲགས། །ཆུང་བ་བུ་མོ་དམར་མོ་བྱུང་། །མིང་ནི་བུ་མོ་ལི་མེ་བཏགས། །དེ་ལྟར་སྤར་ཁ་བརྒྱད་ཀྱི་ས་བདག་སྲིད། ། ་་་འདིའི་ནང་འདིར་སྤར་ཁའི་ཕུང་སྒྲུང་ནང་གི་ལོ་རྒྱུས་སྤར་ཁ་འགྲམ་འཁྲུག་གི་རྩ་བའི་དོན་གནད་ཤིན་ཏུ་ཆེ་ནས་རུང་ངོ་མཚར་བའི་སྒྲུང་ཡིན། འདིའི་བཅོས་ཆོག་སོ་སོའི་གཏོའི་གཞུང་ལྟར་ཡོད་ན། སྤར་ཁའི་སྐག་ཟློག་སྐབས་སུ་བཏོན་ན་ལེགས་སོ། །མི་འཐད་པ་གང་ཡང་མེད་པས་ཤིན་ཏུ་ཕན་ཆེའོ། མཆན། ཡུལ་བསྒོས་སོ་སོར་བྱས་པ་ལ། །གིན་རི་བྱང་ཤར་མཚམས་སུ་བཞག །ཟོན་ནི་ཤར་ལྷོ་མཚམས་སུ་བཞག །ལི་ནི་ཉི་མ་ལྷོ་རུ་བཞག །དྭ་ནི་ཉི་མ་ནུབ་ཏུ་བཞག །ཁམ་ནི་ཉི་མ་བྱང་དུ་བཞག །ཟིན་ནི་ཉི་མ་ཤར་དུ་བཞག །ཁོན་མ་ལྷོ་ནུབ་མཚམས་སུ་བཞག །ཁེན་པ་ནུབ་བྱང་མཚམས་སུ་

[Full Size]

བཞག །གིན་དང་ཟོན་གཉིས་ཆགས་པ་སྐྱེས། །ནལ་ཕྲུག་ཡོས་བུ་སྣ་རིང་བྱུང་། །རི་རབ་བང་རིམ་འོག་ཏུ་སྦས། །མིང་པོ་གིན་རི་ཐུགས་འཁྲུགས་ནས། །བྱང་ཤར་མཚམས་སུ་ཕུག་པར་བཞག །སྲིང་མོ་ཟོན་མ་དམོད་པ་བོར། །གིན་གི་བརྡལ་འདྲེ་ཐེའུ་རང་བྱུང་། །བར་ཆད་འདྲེ་དང་ཐེའུ་རང་ལ། །ཡོན་གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །སྲིང་མོ་ཟོན་མ་མྱོས་ཏེ་ཤི། །ཟོན་གྱི་སྨྱོ་འདྲེ་དེ་ལས་བྱུང་། །ཟོན་གྱི་སྨྱོ་འདྲེ་དེ་དག་ལ། །ཡོན་གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །མ་གཅིག་ཁོན་མ་རྒན་མོ་ཡི་ཆད་པས། །ལྷོ་ནུབ་མཚམས་སུ་གསོན་ཕུག་བསྙག །ཕུག་པ་བརྐོས་པས་གཏིབ་གྲིར་ཤི། །ཁོན་གྱི་གཏིབ་གྲི་དེ་ནས་བྱུང་། །ཁོན་གྱི་ས་འདྲེ་གཏིབ་གྲི་ལ། །ཡོན་གྱི་བདག་པོའི་གླད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་

[Full Size]

ལ། །འཁོར་འདིར་གནོད་པ་མ་བྱེད་ཅིག །ཕ་གཅིག་ཁེན་པ་རྒན་པོ་དང་། །བུ་མོ་ལི་གཉིས་ར་མདར་འོང་། །མུན་རུབ་ལམ་ཡང་ཡེ་མ་མཐོང་། །བུ་མོ་ལི་ཡིས་མེ་བུས་ནས། །མེ་སྟག་ཡར་བས་མིག་ཡ་བཅར། །གནམ་ཕབ་ས་ཕུག་འཇོར་གྱིས་བརྐོས། །བུ་མོ་ལི་ཡི་མགོ་ལ་ཕོག །ཕ་གཅིག་ཁེན་པ་ཁྱིམ་དུ་བྲོས། །ལམ་དུ་གནམ་ཁྱི་ནག་པོས་ཕུག །ཁྱི་འདྲེ་གནམ་ཐེལ་དེ་ལས་བྱུང་། །ཁེན་གྱི་ཁྱི་འདྲེ་གནམ་ཐེལ་ལ། །ཡོན་གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །བུ་མོ་ལི་ཡང་ཁྱིམ་དུ་འོང་། །ལམ་དུ་གནམ་ལྕགས་ཐོག་གིས་བསད། །ཐོག་འདྲེ་གཞོབ་སྲི་དེ་ལས་བྱུང་། །ལི་ཡི་ཐོག་འདྲེ་གཞོབ་སྲི་ལ། །ཡོན་གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །མིང་པོ་ཁམ་ཡང་སེམས་ལུས་པས། །བྱང་ཕྱོགས་མཚོ་ལ་ཆུ་འཐུང་སོང་། །རྒྱ་མཚོའི་རླབས་ཀྱིས་ཁྱེར་བས་ཤི། །ཁམ་གྱི་ཆུ་འདྲེ་དེ་ནས་སྲིད། །

[Full Size]

ས་བདག་ཁམ་གྱི་ཆུ་འདྲེ་ལ། །ཡོན་གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །སྲིང་མོ་ཟིན་ཡང་ཡི་ཆད་ནས། །དར་གྱིས་བཅིངས་ཏེ་འགགས་ནས་ཤི། །ཟིན་གྱི་འགགས་འདྲེ་དེ་ལས་བྱུང་། །ས་བདག་ཟིན་གྱི་འགགས་འདྲེ་ལ། །ཡོན་གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །མིང་པོ་དྭ་ཡང་ཡི་ཆད་པས། །གཡས་ཀྱི་མཚོན་གྱིས་གཡོན་ལ་བརྒྱབ། །རང་མཚོན་རང་ལ་ཕོག་ནས་ཤི། །དྭ་ཡི་གྲི་བོ་དེ་ནས་བྱུང་། །ས་བདག་དྭ་ཡི་གྲི་བོ་ལ། །ཡོན་གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །ཁེན་ཁོན་མྱུ་ངན་ཕོག་པའི་འདྲེ། །གིན་ཟོན་བཤའ་གྲི་བརྡར་བའི་འདྲེ། །ལི་ཁམ་ཁང་སྟོང་སྲུང་བའི་འདྲེ། །དཱ་ཟིན་གྲི་ཕུར་ཐོགས་པའི་འདྲེ། །སྤར་ཁ་བརྒྱད་ཀྱི་འདྲེ་བརྒྱད་ལ། །ཡོན་

[Full Size]

གྱི་བདག་པོའི་གླུད་དུ་འབུལ། །མཉམ་གཉིས་བརྗེས་ལ་མཚུངས་གཉིས་གཟུར། །རྣལ་འབྱོར་ཡོན་གྱི་བདག་པོ་ལ། །འཁོར་འདིར་གནོད་པ་མ་བྱེད་ཅིག །ཀྱཻ། གནམ་ས་དེ་གཉིས་སྤྲུལ་པ་ལས། །ལོ་སྐོར་བཅུ་གཉིས་ས་བདག་སྲིད། །ཡོན་གྱི་བདག་པོའི་གླུད་དུ་འབུལ། །གླུད་ཀྱི་བདག་པོས་གླུད་ལོངས་ཤིག །མཉམ་གཉིས་བརྗེས་ལ་མཚུངས་གཉིས་གཟུར། །རྒྱུ་སྦྱོར་ཡོན་གྱི་བདག་འཁོར་བཅས་ལ། །འཁོར་འདིར་གནོད་པ་མ་བྱེད་ཅིག །མི་ལ་ན་ཚ་མ་གཏོང་ཞིག །ཕྱུགས་ལ་གོད་ཁ་མ་གཏོང་ཞིག །ཀྱཻ་མ་ཧོ༔ ཡུལ་འདྲེ་བྱི་བའི་མགོ་བོ་ཅན། །མིག་དང་ཀླད་པ་ན་བར་བྱེད། །ཡས་གདོན་མི་ལུས་གླང་གི་མགོ །ཆུ་སོ་མིག་འབྲས་ན་བར་བྱེད། །མི་ལུས་སྟག་གི་མགོ་བོ་ཅན། །མཁལ་རྐེད་ནད་ཀྱི་བདག་པོ་ཡིན། །མི་ལུས་ཡོས་བུའི་མགོ་བོ་ཅན། །གྲང་བ་ནད་ཀྱི་བདག་པོ་ཡིན། །མི་ལུས་འབྲུག་གི་མགོ་བོ་ཅན། །ཚ་འཁྲུགས་ནད་ཀྱི་བདག་པོ་ཡིན། །གཉའ་འདྲེ་སྦྲུལ་གྱི་མགོ་བོ་ཅན། །རྐང་ལག་ནད་ཀྱི་བདག་པོ་ཡིན། །ཐེའུ་རང་རྟ་ཡི་མགོ་བོ་ཅན། །ཞ་རེངས་ནད་ཀྱི་བདག་པོ་ཡིན། །ལམ་འདྲེ་ལུག་གི་མགོ་བོ་

[Full Size]

ཅན། །ཨོག་མ་ནད་ཀྱི་བདག་པོ་ཡིན། །མི་ལུས་སྤྲེལ་གྱི་མགོ་བོ་ཅན། །སྙིང་གའི་ནད་ཀྱི་བདག་པོ་ཡིན། །བསེ་རག་བྱ་ཡི་མགོ་བོ་ཅན། །ཁ་སྣ་ནད་ཀྱི་བདག་པོ་ཡིན། །སྒྲེན་འདྲེ་ཁྱི་ཡི་མགོ་བོ་ཅན། །གྲང་འཁྲུགས་ནད་ཀྱི་བདག་པོ་ཡིན། །ས་སྲི་ཕག་གི་མགོ་བོ་ཅན། །གག་པ་ཨོག་ནད་བདག་པོ་ཡིན། །དེ་ལྟར་ལོ་འདྲེ་བཅུ་གཉིས་ཀྱིས། །ཡོན་གྱི་བདག་པོའི་གླུད་ལོངས་ཤིག །ལྷ་འདྲེ་གླུད་ཀྱིས་ཚིམ་གྱུར་ཅིག །རྣལ་འབྱོར་ཡོན་བདག་འཁོར་བཅས་ལ། །འཁོར་འདིར་གནོད་པ་མ་བྱེད་ཅིག །ཚུ་གཤེད་བཞི་བདུད་དུ་མ་འབེབས་ཤིག །མི་ལ་བདུད་དུ་མ་འབེབས་ཤིག །ནོར་ལ་གོད་ཁ་མ་འབེབས་ཤིག །ཚེ་ལ་བར་ཆད་མ་གཏོང་ཞིག །སྲོག་ལ་ཧུར་ཐུམ་མ་གཏོང་ཞིག །མི་ཡི་གྲངས་ལ་མ་བརྐུ་ཞིག །ཕུག་གི་སྲིས་ལ་མ་བརྐུ་ཞིག །དལ་སྣ་ཡམས་སྣ་མ་གཏོང་ཞིག །ལོ་ཟླ་ཞག་དུས་སྐག་ཟློག་ཅིག །ཐན་ལྟས་སྡང་བའི་དགྲ་ལ་སྒྱུར། །ཤི་སྒབ་ཆོད་ལ་གསོན་སྒབ་སྤེལ། །སྤར་ཁའི་འཁྲུགས་སྒྱུར་རྫོགས་སོ།། །།སྤར་ཁ་བརྒྱད་ཀྱི་བསྒྱུར་མདོས་ནི། །ཀྱཻ། གནམ་རིམ་པ་བཅུ་གསུམ་ཡང་སྟེང་ནས། །ཕ་ཁེན་པ་རྒན་པོ་བྱ་

[Full Size]

བ་ནི། །ཤེལ་གྱི་མི་རྒན་མགོ་སྐྱ་བ། །གཉེར་མ་བརྒྱད་ཅུ་ཐམ་པ་བསྒྲངས། །དབྱར་དགུན་གཉིས་ནི་ཐང་མ་བརྡལ། །སྟོན་དཔྱིད་གཉིས་ནི་གོས་སུ་གྱོན། །གླུད་ཆེན་དམ་པ་འདི་ལོངས་ལ། །གནམ་སྒོ་བྱེ་བ་ཁྱོད་ཀྱིས་ཆོད། །ས་གཞི་ཉིད་ལ་དབང་བྱེད་པ། །ས་རིམ་པ་དགུ་ཡི་འོག་ཤེད་ནས། །མ་ཁོན་མ་རྒན་མོ་བྱ་བ་དེ། །ཤེལ་གྱི་བུད་མེད་མགོ་སེ་མ། །གཉེར་མ་བརྒྱད་ཅུ་ཐམ་པ་བསྒྲངས། །ལག་ན་འཇོར་དང་གཡག་པ་ཐོགས། །ས་རིམ་པ་དགུ་ཡི་འོག་ན་འདུག །གླུད་ཆེན་དམ་པ་འདི་ལོངས་ལ། །ས་སྒོ་བྱེ་བ་ཁྱོད་ཀྱིས་ཆོད། །རྒན་རྒོན་དེ་གཉིས་འཚོགས་པ་ལས། །བུ་ཚ་མིང་སྲིང་བཞི་རུ་སྲིད། །བུ་ཆེན་གིན་རི་བྱ་བ་དེ། །བརྗེ་སེར་པོ་འཇོལ་བེར་ཅན། །ལག་ན་ཤེལ་གྱི་མེ་ལོང་ཐོགས། །ཀླུ་གླང་དམར་པོའི་རྟ་རུ་ཞོན། །ཁྱོད་ཀྱང་ནད་ཡམས་ཀུན་གྱི་བདག །གླུད་ཆེན་དམ་པ་འདི་ལོངས་ལ། །དལ་ཁ་ཆོད་ལ་ཡམས་ཁ་སྒྱུར། །བུ་ནི་དེ་ཡི་ཆུང་བ་དེ། །དཱ་ནི་ལྕགས་ཞེས་བྱ་བ་ཡིན། །དགྲ་བཅོམ་གཞོན་ནུའི་ཆ་བྱེད་ཅན། །ལག་ན་ཤེལ་གྱི་རལ་གྲི་བསྣམས། །དྲེལ་རྟ་ཁ་དཀར་འོག་ཏུ་ཆིབས། །ཁྱོད་ཀྱང་དལ་ཡམས་

[Full Size]

བདག་པོ་སྟེ། །གླུད་ཆེན་དམ་པ་འདི་བཞེས་ལ། །དལ་ཁ་ཆོད་ལ་ཡམས་ཁ་ཟློག །བུ་མོ་ཟོན་རླུང་བྱ་བ་དེ། །རི་བོང་ལྤགས་པ་གོས་སུ་གྱོན། །ལག་ན་འཇོར་དང་གཡག་པ་ཐོགས། །འོག་ཏུ་མཛོ་རྒན་རྟོལ་པོ་ཞོན། །ཁྱོད་ཀྱང་དལ་ཡམས་བདག་པོ་སྟེ། །གླུད་ཆེན་དམ་པ་འདི་བཞེས་ལ། །དལ་ཁ་ཆོད་ལ་ཡམས་ཁ་ཟློག །དེ་ཡི་བུ་མོ་ལི་མེ་ནི། །སྐུ་ལ་དར་དམར་རལ་ག་གྱོན། །ཆིབས་སུ་རྟ་དམར་མདངས་ཅན་ཆིབས། །ལག་ན་གསལ་བའི་མར་མེ་བསྣམས། །ཁྱོད་ཀྱང་དལ་ཡམས་ཀུན་གྱི་བདག ། གླུད་ཆེན་དམ་པ་འདི་བཞེས་ལ། །དལ་ཁ་ཆོད་ལ་ཡམས་ཁ་ཟློག །མིང་སྲིང་དེ་གཉིས་འཚོགས་པ་ལས། །དེ་ལ་མིང་སྲིང་གཉིས་སྲིད་པ། །མིང་པོ་ཁམ་ཆུ་བྱ་བ་དེ། །མི་ནག་ལྕགས་ཀྱི་རལ་པ་ཅན། །གོས་སུ་སྐྱི་འདང་རྨ་འདང་གྱོན། །ལག་ན་ལྕགས་ཀྱི་ཐ་རམ་ཐོགས། །ཁྱོད་ཀྱང་དལ་ཡམས་ཀུན་གྱི་བདག །གླུད་ཆེན་དམ་པ་འདི་ལོངས་ལ། །དལ་ཁ་ཆོད་ལ་ཡམས་ཁ་ཟློག །དེ་ཡི་བུ་མོ་ཟིན་ཤིང་ནི། །བུད་མེད་ལྗང་ཁུ་ཤིང་ལོ་ཐོགས། །རླུང་གི་རྟ་ཕོ་འོག་ཏུ་ཆིབས། །དགྲ་བོ་འབོད་པའི་ཕོ་ཉར་བཏང་། །ཁྱོད་ཀྱང་

[Full Size]

དལ་ཡམས་ཀུན་གྱི་བདག །གླུད་ཆེན་དམ་པ་འདི་ལོངས་ལ། །དལ་ཁ་ཆོད་ལ་ཡམས་ཁ་ཟློག །སྤར་ཁ་བརྒྱད་པོ་འཁོར་བཅས་ཀྱིས། །གཏོ་གླུད་གཉེན་པོ་འདི་བཞེས་ལ། །རྣལ་འབྱོར་ཡོན་བདག་འཁོར་བཅས་ཀྱི། །སྤར་ཁ་མི་མཐུན་དགྲ་གཤེད་སྒྱུར། །མོ་རྨི་ལྟས་ངན་སྐག་རྣམས་སྒྱུར། །བདུན་ཟུར་དགྲ་གཤེད་གྱོད་རྐྱེན་སྒྱུར། །ཅེས་སྤར་ཁའི་སྒྱུར་ཆོག་རྫོགས་སོ།། ༈ །དེ་ནས་ལོ་སྐོར་བཅུ་གཉིས་སྒྱུར་ཆོག་སྤྲང་ལ་འདི་སྐད་དོ། །ཀྱཻ། མི་ནག་མགོ་བོ་གསུམ་པ་ཁྱོད། །ལོ་བདུད་ལོ་གཤེད་བསྒྱུར་དུ་གསོལ། །ལོ་བདུད་ལོ་གཤེད་ལོ་སྐག་རྣམས། །རང་རང་གནས་སུ་བསྒྱུར་དུ་གསོལ། །ཀྱཻ། ལོ་ཡི་རྒྱལ་པོ་བྱི་བའི་ལོ། །སྣ་ཚོགས་ཆུ་ལས་གྲུབ་པའི་གཟུགས། །མི་ལུས་བྱི་བའི་མགོ་བོ་ཅན། །ལག་ན་ཆུ་ཡི་རྐྱལ་པ་ཐོགས། །བྱི་བ་ལོ་པའི་སྐག་སྒྱུར་ཅིག །མི་ལུས་གླང་གི་མགོ་བོ་ཅན། །རིན་ཆེན་གསེར་ལས་གྲུབ་པ་ཡི། །གསེར་ས་རིམ་པ་དགུ་ཡི་མངའ་བདག་བྱེད། །ཕྱག་ན་གསེར་གྱི་འཁོར་ལོ་བསྣམས། །བྱང་ཤར་ས་བདག་གིན་ལ་གནས། །གླང་ལོའི་སྐག་ལ་བབ་པ་ཟློག །མི་ལུས་སྟག་གི་མགོ་བོ་ཅན། །ཤིང་ལོ་ལྗང་

[Full Size]

གུའི་མདངས་ལས་གྲུབ། །ཤར་སྟོད་ཤིང་གི་གདན་ལ་བཞུགས། །རི་མོ་ཐམས་ཅད་ལུས་ལ་བཀྲ། །།ཕྱག་ན་ལྗོན་ཤིང་ཏ་ལ་བསྣམས། །སྟག་ལོའི་སྐག་ལ་བབ་པ་སྒྱུར། །མི་ལུས་ཡོས་བུའི་མགོ་བོ་ཅན། །རྣམ་པ་མི་འགྱུར་ཤིང་ལ་བརྟེན། །ཤིང་ལོ་ལྗང་གུའི་མདངས་ལས་གྲུབ། །ཕྱག་ན་ལྗོན་ཤིང་སྣ་ཚོགས་བསྣམས། །ཡོས་བུ་ལོ་པའི་སྐོག་བབ་སྒྱུར། །མི་ལུས་འབྲུག་གི་མགོ་བོ་ཅན། །གསེར་གྱི་མེ་ཏོག་མདངས་ལས་གྲུབ། །ས་རིམ་པ་དགུ་ཡི་མངའ་བདག་བྱེད། །ཕྱག་ན་གསེར་གྱི་འཁོར་ལོ་བསྣམས། །འབྲུག་ལོའི་སྐག་བབ་བསྒྱུར་དུ་གསོལ། །མི་ལུས་སྦྲུལ་གྱི་མགོ་བོ་ཅན། །མེ་ཡི་མདངས་ལས་གྲུབ་པ་སྟེ། །ཕྱག་ན་སྲེག་བྱེད་མེ་དཔུང་བསྣམས། །སྦྲུལ་གྱི་སྐག་ཆེན་ས་སྒོ་ཡིན། །སྦྲུལ་ལོའི་སྐག་རྣམས་བཟློག་ཏུ་གསོལ། །མི་ལུས་རྟ་ཡི་མགོ་བོ་ཅན། །འབྱུང་བ་མེ་ཡི་ན་བཟའ་གསོལ། །ལོ་བདུད་བྱི་བའི་དགྲ་གཤེད་ཡིན། །ཕྱག་ན་གསལ་བྱེད་མེ་ལོང་བསྣམས། །རྟ་ལོ་པ་ཡི་སྐག་བབ་སྒྱུར། །མི་ལུས་ལུག་གི་མགོ་བོ་ཅན། །སྐུ་ལ་གསེར་གྱི་སླག་པ་གསོལ། །ཕྱག་ན་གསེར་གྱི་སྒྲོམ་བུ་བསྣམས། །

[Full Size]

ལྷོ་ནུབ་ཁོན་མའི་ས་སྒོ་སྲུང་། །ལུག་ལོའི་སྐག་རྣམས་བསྒྱུར་དུ་གསོལ། །མི་ལུས་སྤྲེལ་གྱི་མགོ་བོ་ཅན། །སྐུ་ལུས་གངས་རི་ཤེལ་དང་འདྲ། །གཅོད་བྱེད་མཚོན་ཆ་ཕྱག་ན་བསྣམས། །ལྕགས་ལས་གྲུབ་པའི་ས་བདག་སྟེ། །རྒྱུ་སྦྱོར་ཡོན་གྱི་བདག་པོ་ཡི། །སྤྲེལ་ལོའི་སྐག་བབ་བསྒྱུར་དུ་གསོལ། །མི་ལུས་བྱ་ཡི་མགོ་བོ་ཅན། །མདོག་དཀར་གཅོད་བྱེད་རལ་གྲི་བསྣམས། །སྲ་བརྟན་ལྕགས་ཀྱི་ས་བདག་སྟེ། །བྱ་ལོ་པ་ཡི་ལོ་སྐག་སྒྱུར། །མི་ལུས་ཁྱི་ཡི་མགོ་བོ་ཅན། །ས་བདག་གསེར་ལས་གྲུབ་པའི་མདོག ། གསེར་ལྟར་སེར་བའི་ན་བཟའ་གསོལ། །ཕྱག་ན་གསེར་གྱི་རུ་དར་བསྣམས། །ནུབ་བྱང་ཁེན་གྱི་གནམ་སྒོ་བསྲུང་། །རྒྱུ་སྦྱོར་ཡོན་གྱི་བདག་པོ་ཡི། །ཁྱི་ལོ་པ་ཡི་སྐག་བབ་སྒྱུར། །མི་ལུས་ཕག་གི་མགོ་བོ་ཅན། །འཁྲུག་བྱེད་ཆུ་ཡི་ན་བཟའ་གསོལ། །ཕྱག་ན་ཆུ་ཡི་བུམ་པ་བསྣམས། །ས་བདག་ཆེན་མོ་ཆུ་ལ་བསྐྱོན། །ཕག་ལོའི་སྐག་བབ་བསྒྱུར་དུ་གསོལ། །ཅེས་ལོ་སྐོར་བཅུ་གཉིས་ཀྱི་སྐག་སྒྱུར་རྫོགས་སོ།། །།ལོ་སྐོར་བཅུ་གཉིས་འཁོར་བཅས་ཀྱིས། །རྣལ་འབྱོར་ཡོན་གྱི་བདག་པོ་ཡི། །མི་མཐུན་ལོ་ཡི་སྐག་རྣམས་ཟློག །

[Full Size]

འབྱུང་བ་མ་བུ་དགྲ་གྲོགས་ཀྱི། །གཅོད་འདྲལ་མི་མཐུན་རྐྱེན་ངན་སྒྱུར། །མདོར་ན་རྐྱེན་སྐག་འཚེར་རྩུབ་དང་། །ལོ་ཟླ་ཞག་དུས་ཟ་མའི་སྐག །མོ་རྨི་ལྟས་ངན་ནད་ཡམས་གོད། །མི་ཁ་དགྲ་སྣ་བྱུར་གྱོད་སྒྱུར། །ཀྱཻ། མཐུ་ཆེན་དྲག་རྩལ་སྟོབས་ལྡན་པ། །མི་ནག་མགོ་གསུམ་འཁོར་བཅས་ལ། །ཡོན་ཏན་ཀུན་ལྡན་གླུད་མདོས་རྒྱ་ཆེན་དང་། །ཤ་ཁྲག་རུས་པ་རྐང་དང་ལྷ་བ་དང་། །གློ་སྙིང་ལ་སོགས་ནང་གྲོལ་དབང་པོ་ལྔ། །བཙོས་བསྲེག་སྐམ་རློན་ཁུ་བ་ཞག་དང་བཅས། །འབྲུ་སྣའི་བྱེ་བྲག་རྣམ་པ་སྣ་ཚོགས་དང་། །འབྲང་རྒྱས་དཀར་གཏོར་དམར་གཏོར་མཐེབ་ཀྱུ་དང་། །སྟག་གཟིག་དར་སྣ་གོ་ཁྲབ་རིན་པོ་ཆེ། །ཡོན་ཏན་དཔག་མེད་ངར་གྱི་གླུད་ཆེན་དང་། །ཡོན་བདག་གཟུགས་འདྲ་ངར་མི་གླུད་ཆེན་དང་། །དཀར་དམར་སྤྱན་གཟིགས་བདུད་རྩིའི་བཏུང་བའི་སྐྱེམས། །ཚ་སྒོག་རམ་རུག་གཡེར་མ་མི་ཁའི་ཡས། །སོ་སོར་མཐུན་རྫས་རྣམ་པ་སྣ་ཚོགས་རྣམས། །ཧ་ས་གརྒྷ་མགོ་གསུམ་འཁོར་བཅས་ལ། །ཡོན་བདག་འདི་ཡི་གླུད་དུ་འབུལ་ལགས་ཀྱི། །བཞེས་ནས་དགྱེས་པའི་ཚུལ་གྱིས་སྡོང་གྲོགས་མཛོད། །སྔོན་གྱི་

[Full Size]

དམ་ཚིག་ཚུལ་བཞིན་དགོངས་མཛོད་ལ། །སྔགས་འཆང་བདག་གིས་བཅོལ་བའི་ཕྲིན་ལས་ཀུན། །འཇམ་དཔལ་བཀའ་བཞིན་ཁྱོད་ཀྱིས་ལེགས་པར་སྒྲུབས། །ཞེས་པ་མི་ནག་མགོ་གསུམ་འཁོར་བཅས་ལ་གཏོར་མ་བསྔོ་ཞིང་ཕྲིན་ལས་བཅོལ། །དེ་ནས་ཐུན་མཚམས་སུ་གཏོར་ཆུང་ལིངྒ་མཐེབ་སྐྱུ་ཤ་དུམ་འབྲུ་སྣ་དང་བཅས་པ་ཐེབ་ཙེ་གཅིག་ཏུ་བཤམས་ལ་བྲན་ནས། ན་མོ། དཀོན་མཆོག་གསུམ་གྱི་བདེན་པ་དང་། འཕགས་པ་རིགས་གསུམ་མགོན་པོའི་བདེན་པ་དང་། ས་བདག་ཧ་ས་གཛྷའི་མཐུ་སྟོབས་ཀྱིས། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ། །གནོད་ཅིང་འཚེ་བར་བྱེད་པའི་ནད་གདོན་བར་དུ་གཅོད་པ་བཀའ་དང་དམ་ལ་མི་གནས་པ་བདེན་པའི་སྟོབས་བརྗོད་ཀྱང་མི་བརྩི་བ། དམ་པའི་ཆོས་བཤད་ཀྱང་མི་ཉན་པ། གླུད་དང་གཏོར་མས་བརྔན་ཀྱང་མི་ཐུབ་པ། འགྲུ་ལོག་འཕར་ལྡང་མགོ་གཡོག་མགོ་སྐོར་བྱེད་པ་ཐམས་ཅད་དྲག་པོ་ཐུན་གྱི་གཏོར་མ་འདི་ལ་ཁུག་ཅིག །ཛཿཧཱུྃ་བཾ་ཧོཿ ངོ་བོ་གནོད་བྱེད་ཀྱི་ཤ་ཁྲག་ལ། རྣམ་པ་ཟག་མེད་ཀྱི་བདུད་རྩི་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ་ཧ་ཧོརྷིསྭཱ་ཧཱ། སྔགས་ལན་གསུམ། ཨོ་ཕེ་ཤ་ཀེ་རུ་ཧཱུཾ། ཧ་ས་གརྒྷ་ས་པཱ་

[Full Size]

རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། དམ་རྫས་བརྒྱན་པའི་གཏོར་མ་རྒྱ་ཆེན་པོ་འདི། མི་ནག་མགོ་བོ་གསུམ་པ། ས་བདག་ཁྲོ་བོ་བུ་བརྒྱད། སྨེ་བ་དགུ། སྤར་ཁ་བརྒྱད། ལོ་སྐོར་བཅུ་གཉིས། ལོ་རྒན་དྲུག་ཅུ། ཟླ་བ་ཞག་དུས་ཀྱི་ས་བདག །འཁྲུག་འདྲེ་བཅོ་བརྒྱད། ཐན་སྐྱ་ཉི་ཤུ། བགེགས་རིགས་སྟོང་ཕྲག་བརྒྱད་ཅུ། གཏོ་མཁན་བཞི། སྒོ་སྲུང་བཞི། གཡས་སུ་བདུད་དམག །གཡོན་དུ་བཙན་དམག །རྒྱབ་ཏུ་མ་མོའི་དམག་ཚོགས། མདུན་དུ་གསོད་བྱེད་དམར་པོ་མགོ་གསུམ། སྣ་ཁྲིད་ཤང་ཤང་བྲ་མཆུ། རྗེས་འབྲང་མི་ཁ་བ་རུ་འཁོར་དང་བཅས་པ་ལ་འབུལ་ལོ། །བསྔོའོ། །སྦྱིན་ནོ། །ངོམ་ཞིང་ཚིམས་དགའ་ཞིང་མགུ་ནས་བདག་ཅག་དཔོན་སློབ་ཡོན་མཆོད་བསྲུང་བྱ་རྣམས་ཀྱི་ཆག་ཆེན་ཉམ་ང་སྐག་དང་འཚེར་རྩུབ་ལྟས་ངན་མཚན་ངན་ལ་སོགས་པ་བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་བསྒྱུར་བ་དང་བཟློག་པའི་ཕྲིན་ལས་མཛོད་ཅིག །འཕགས་པ་འཇམ་དཔལ་གྱི་བཀའ་དང་དམ་ལས་མ་འདའ་ས་མཱ་ཡ། ཞེས་པ་རབ་དུས་བཞི་འབྲིང་གསུམ་ཐ་མ་ཡང་ཉིན་ནུབ་གཉིས་ལ་ཐུན་གཏོར་འབུལ་ལོ། །ཞེས་པ་༧རཱ་ག་

[Full Size]

ཨ་སྱས་སྦྱར་བའོ།། །། ༈ དེ་ནས་ས་བདག་གི་སྒྱུར་ཆོག་ནི། །ཀྱཻ། སྟག་དང་ཡོས་ལས་བྱུང་བ་ཡི། །དཔྱིད་ཟླ་ར་འབྲིང་ས་བདག་ནི། །མི་ལུས་སྟག་ཡོས་མགོ་བོ་ཅན། །གླུད་ཆེན་དམ་པ་འདི་ལོངས་ལ། །དཔྱིད་ཟླ་ར་འབྲིང་སྐག་ཟློག་ཅིག །རྟ་དང་སྦྲུལ་ལས་བྱུང་བ་ཡི། །དབྱར་ཟླ་ར་འབྲིང་ས་བདག་ཡིན། །མི་ལུས་རྟ་སྦྲུལ་མགོ་བོ་ཅན། །གླུད་ཆེན་དམ་པ་འདི་ལོངས་ལ། །དབྱར་ཟླ་ར་འབྲིང་སྐག་ཟློག་ཅིག །བྱ་དང་སྤྲེལ་ལས་བྱུང་བ་ཡི། །སྟོན་ཟླ་ར་འབྲིང་ས་བདག་ནི། །མི་ལུས་བྱ་སྤྲེལ་མགོ་བོ་ཅན། གླུད་ཆེན་དམ་པ་འདི་ལོངས་ལ། སྟོན་ཟླ་ར་འབྲིང་སྐག་ཟློག་ཅིག །བྱི་ཕག་གཉིས་ལས་བྱུང་བ་ཡི། །དགུན་ཟླ་ར་འབྲིང་ས་བདག་ནི། །མི་ལུས་བྱི་ཕག་མགོ་བོ་ཅན། །གླུད་ཆེན་དམ་པ་འདི་ལོངས་ལ། །དགུན་ཟླ་ར་འབྲིང་སྐག་ཟློག་ཅིག །ཁྱི་འབྲུག་གླང་ལུག་བཞི་ལས་བྱུང་། །ཐ་ཆུང་བཞི་ཡི་ས་བདག་རྣམས། །མི་ལུས་ཁྱི་འབྲུག་མགོ་བོ་ཅན། །བུད་མེད་གླང་ལུག་མགོ་བོ་ཅན། །གླུད་ཆེན་དམ་པ་འདི་ལོངས་ལ། །ཐ་ཆུང་བཞི་ཡི་སྐག་ཟློག་ཅིག །ས་བདག་གི་སྒྱུར་ཆོག་རྫོགས་སོ།། །། ༈ །གཏོ་མཁན་བཞིའི་སྒྱུར་

[Full Size]

ཆོག་ནི། །ཀྱཻ། ཤར་ཕྱོགས་གཏོ་མཁན་སྟག་མགོ་ཅན། །ཆར་སྤྲིན་སྨུག་པོ་གོས་སུ་གྱོན། །འཇའ་ཚོན་སྣ་ལྔའི་དབུ་ཞྭ་ཅན། །ཕྱག་ན་དྲངས་ཤིང་དཀར་པོ་བསྣམས། །གླུད་དང་གཏོར་མ་འདི་བཞེས་ལ། །ནད་པ་གསོ་བའི་གཏོ་མཛོད་ཅིག །ལྷོ་ཕྱོགས་གཏོ་མཁན་འབྲུག་མགོ་ཅན། །འཇོལ་བེར་དམར་པོ་གོས་སུ་གྱོན། །ཕྱག་ན་འཕྲུལ་གྱི་སྣང་གསལ་བསྣམས། །གླུད་དང་གཏོར་མ་འདི་བཞེས་ལ། །སྲིའུ་གསོ་བའི་གཏོ་མཛོད་ཅིག །ནུབ་ཕྱོགས་གཏོ་མཁན་ཆུ་སྲིན་མགོ །སྐུ་ལ་མ་ཐང་སླག་པ་གསོལ། །ཕྱག་ན་འཕྲུལ་གྱི་ཞགས་པ་བསྣམས། །གླུད་དང་གཏོར་མ་འདི་བཞེས་ལ། །གོད་ཁ་གཅོད་པའི་གཏོ་མཛོད་ཅིག །བྱང་ཕྱོགས་གཏོ་མཁན་རྟ་མགོ་ཅན། །སྐུ་ལ་འབྲུག་གི་སླག་པ་གསོལ། །ཕྱག་ན་བདུད་རྩིའི་བུམ་པ་བསྣམས། །གླུད་དང་གཏོར་མ་འདི་བཞེས་ལ། །མཛེ་འཕྲོ་གཅོད་པའི་གཏོ་མཛོད་ཅིག །ཟློག་པའི་རྒྱལ་པོས་བཟློག་/ཏུ་གསོལ། །སྒྱུར་བའི་རྒྱལ་པོས་བསྒྱུར་དུ་གསོལ། །དུས་ལ་བབ་བོ་ས་མ་ཡཱ། །གཏོ་ཡས་གནས་སུ་ཐེང་བར་མཛོད། །གཏོ་མཁན་བཞི་ཡི་སྒྱུར་ཆོག་རྫོགས་སོ། །༈ མི་ནག་

[Full Size]

མགོ་གསུམ་གྱི་ལོ་རྒན་དྲུག་ཅུའི་བསྐོར་རྣམས་བཞུགས་སོ།། ཧཱུྃ། ང་ནི་འཕགས་པ་འཇམ་དཔལ་ཡིན། །གདུག་བྱེད་ཐམས་ཅད་ཚུར་ཉོན་དང་། །ང་ཡི་བཀའ་ལ་མ་འདའ་ཞིག །ཀྱེ་མ་ས་བདག་གདུག་པ་ཅན། །མགོ་བོ་གསུམ་ལ་ལག་དྲུག་པ། །གཡས་ཀྱི་མགོ་དེ་སྟག་གི་མགོ །གཉན་གྱི་གདུག་པ་བསྒྱུར་དུ་གསོལ། །གཡོན་གྱི་མགོ་དེ་ཕག་གི་མགོ །དུར་སྲི་སྒྲེན་འདྲེ་བསྒྱུར་དུ་གསོལ། །དབུས་ཀྱི་མགོ་དེ་གླང་གི་མགོ །གླང་མགོ་ཕུང་སྲི་བསྒྱུར་དུ་གསོལ། །རྒྱུ་ནི་འབྱུང་བ་ལྔ་ལས་གྲུབ། །གཏོ་འདི་དྲང་སྲོང་མན་ངག་གཏོ། །ཟློག་ཅིག་དགྲ་དང་འབྱུང་པོ་ཟློག །གཡས་པ་ཁྲམ་ཤིང་སྟག་པ་ནི། །ཁྲག་གིས་བྱུག་པའི་མཚོན་ཆ་ལྔ། །ཁྲག་གིས་བྱུག་པའི་མཚོན་ཆ་ཡིས། །དགྲ་བགེགས་ལོ་སྐག་བསྒྲེན་པ་དང་། །རྒྱལ་པོའི་ཆོ་འཕྲུལ་སྨྱོ་འབོག་དང་། །རོ་བདུད་ཆེན་པོའི་རོ་སྐག་འབེབས། །ཁྱོད་ལ་གླུད་དང་ཡས་འབུལ་ལོ། །འབྱུང་པོ་ཐམས་ཅད་བཟློག་ཏུ་གསོལ། །མཚོན་ཆའི་དབལ་ཁ་ཟུག་པ་ཟློག །གཡོན་པས་མཚོན་ཆ་མདའ་གཞུ་ཡིས། །འབྱུང་པོ་ཐམས་ཅད་བཟློག་ཏུ་གསོལ། །གསུས་པ་ཁྲག་གི་རྒྱ་མཚོ་ཡིས། །ནད་ཀྱི་དལ་ཡམས་བཟློག་

[Full Size]

ཏུ་གསོལ། །ངན་བྱེད་འབྱུང་པོ་ཁ་ལ་འཆའ། །མི་ཁ་བྲ་མཆུའི་མགོ་ནས་བརྫིས། །ཆོས་ཤིག་སྡང་བའི་དགྲ་ལ་ཆོས། །ཟློག་ཅིག་དགྲ་བགེགས་འབྱུང་པོ་ཟློག་སྒྱུར་ཅིག་རྐྱེན་དང་བར་ཆད་སྒྱུར། །ཧཱུྃ། དེ་ཡི་རྗེས་ལ་རྒྱུག་པ་ནི། །རྣམ་པ་བཅུ་གཉིས་ས་བདག་སྟེ། །ཟླ་བ་དང་པོ་དཔྱིད་ཟླའི་བདག །ཤར་སྟོད་ཤིང་གི་མཁར་ནང་ནས། །ཤིང་ལ་མངའ་མཛད་སྟག་གི་ལོ། །སྟག་གི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་འདྲེན་པ་དང་། །རྒྱལ་པོའི་ཆོ་འཕྲུལ་སྨྱོ་འབོག་དང་། །ལོ་བདུད་ཆེན་པོས་ལོ་སྐག་འབེབས། །ཁྱོད་ལ་གླུད་དང་ཡས་འབུལ་ལོ། དགྲ་བགེགས་གདུག་རྩུབ་གཏོ་ཡིས་སྒྱུར། །ཤར་སྨད་ཤིང་གི་བསིལ་གྲིབ་ནས། །ཤིང་ལ་མངའ་མཛད་ཡོས་བུ་ལོ། །ཡོས་བུའི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་འདྲེན་པ་དང་། །སྨེ་བཙོག་ནལ་ཡུགས་ཁྱོད་ལས་བྱུང་། །ཁྱོད་ལ་གླུད་དང་ཡས་འབུལ་ལོ། །དགྲ་བགེགས་གདུག་རྩུབ་གཏོ་ཡིས་སྒྱུར། །ཤར་ལྷོ་རླུང་གི་འཁོར་ལོ་ནས། །རླུང་ལ་མངའ་མཛད་འབྲུག་གི་ལོ། །འབྲུག་གི་འཁོར་་ད་བྱུང་བ་ལྔ། །དགྲ་

[Full Size]

བགེགས་ལོ་སྐག་འདྲེན་པ་དང་། །དུར་བདུད་གཤིན་རྗེ་ལག་བརྗེ་ས་དང་། །ངུར་སྐད་ང་རོ་ཁྱོད་ལས་བྱུང་། །གླུད་ཆེན་དམ་པ་འདི་བཞེས་ལ། །དགྲ་བགེགས་གདུག་རྩུབ་གཏོ་ཡིས་སྒྱུར། །ལྷོ་ཕྱོགས་མེ་ཡི་ཀློང་དཀྱིལ་ནས། །མེ་ལ་དབང་བསྒྱུར་སྦྲུལ་གྱི་ལོ། །སྦྲུལ་གྱི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་འདྲེན་པ་དང་། །ཐན་ལྟས་ཆོ་འཕྲུལ་གཉན་ན་འདྲེ། །སྦྲུལ་ཐན་ཀླུ་ནད་དྲངས་བའི་བདག །གླུད་ཆེན་དམ་པ་འདི་ལོངས་ལ། །དགྲ་བགེགས་སྟེང་དུ་གཏོ་སྣ་དྲོངས། །ལྷོ་སྨད་མེ་ཡི་ཀློང་དཀྱིལ་ནས། །མེ་ལ་མངའ་མཛད་རྟ་ཡི་ལོ། །རྟ་ཡི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་འདྲེན་པ་དང་། །ཡུལ་བུད་ནོར་གོད་བསྒྱུར་བའི་ཕྱིར། །ཁྱོད་ལ་གླུད་དང་ཡས་འབུལ་ལོ། །དགྲ་བགེགས་སྟེང་དུ་གཏོ་སྣ་དྲོངས། །ལྷོ་ནུབ་ས་ཡི་དཀྱིལ་འཁོར་ནས། །ས་ལ་དབང་སྒྱུར་ལུག་གི་ལོ། །ལུག་གི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་འདྲེན་པ་དང་། །དུར་སྲི་བཙན་འཁོན་བསྒྱུར་བའི་ཕྱིར། །ཁྱོད་ལ་གླུད་དང་ཡས་འབུལ་ལོ། །དགྲ་བགེགས་གདུག་རྩུབ་གཏོ་ཡིས་སྒྱུར། །ནུབ་ཕྱོགས་

[Full Size]

ལྕགས་ཀྱི་མཁར་ནང་ནས། །ལྕགས་ལ་དབང་སྒྱུར་སྤྲེལ་གྱི་ལོ། །སྤྲེལ་གྱི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་འདྲེན་པ་དང་། །ཐན་དང་དམེ་འདྲེ་བསྒྱུར་བའི་ཕྱིར། །ཁྱོད་ལ་གླུད་དང་ཡས་འབུལ་ལོ། །དགྲ་བགེགས་གདུག་རྩུབ་གཏོ་ཡིས་སྒྱུར། །ནུབ་སྨད་ལྕགས་ཀྱི་མཁར་ནང་ནས། །ཚེ་རིང་ལྕགས་མོ་བྱ་ཡི་ལོ། །བྱ་ཡི་འཁོར་ཚོགས་འབྱུང་བ་ལྔ། །དགྲ་བགེགས་མི་ཁ་བྱུར་སྲི་དང་། །བྱེ་བྲལ་བྱེ་ཡུག་བསྒྱུར་བའི་ཕྱིར། །ཁྱོད་ལ་གླུད་ཡས་དམ་པ་འབུལ། །དགྲ་བགེགས་སྟེང་དུ་གཏོ་སྣ་སྒྱུར། །ནུབ་བྱང་གནམ་ལྕགས་རྩེ་མོ་ནས། །གནམ་ལ་དབང་སྒྱུར་ཁྱི་ཡི་ལོ། །ཁྱི་ཡི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་སྒེན་སྲི་དང་། །བག་མས་མཚང་ཆེན་གཡོས་པ་དང་། །རྒྱལ་པོ་ཐེའུ་རང་བསྒྱུར་བའི་ཕྱིར། །ཁྱོད་ལ་གླུད་དང་མདོས་འབུལ་ལོ། །དགྲ་བགེགས་སྟེང་དུ་གཏོ་སྣ་སྒྱུར། །བྱང་ཕྱོགས་ཆུ་ཡི་རྒྱ་མཚོ་ནས། །ཆུ་ལ་དབང་སྒྱུར་ཕག་གི་ལོ། །ཕག་གི་འཁོར་ཚོགས་འབྱུང་བ་ལྔ། །དགྲ་བགེགས་ལོ་སྐག་འདྲེན་སྲི་དང་། །ལོ་བདུད་ལོ་གཤེད་གཏོ་ཡིས་སྒྱུར། །ཕུང་སྣ་གྱོད་སྣ་གཏོ་ཡིས་

[Full Size]

སྒྱུར། །ཁྱོད་ལ་གླུད་དང་ཡས་འབུལ་ལོ། །དགྲ་བགེགས་སྟེང་དུ་གཏོ་སྣ་དྲོངས། །བྱང་སྨད་ཆུ་ཡི་ཡར་གོང་ནས། །ཆུ་ལ་མངའ་མཛད་བྱི་བའི་ལོ། །བྱི་བའི་འཁོར་ཚོགས་འབྱུང་བ་ལྔ། །དགྲ་བགེགས་གདུག་རྩུབ་གཤེད་སྲི་དང་། །སྐྱས་ངོ་གྱོད་ངོ་བསྒྱུར་བའི་ཕྱིར། །ཁྱོད་ལ་གླུད་དང་ཡས་འབུལ་ལོ། །དགྲ་བགེགས་སྟེང་དུ་གཏོ་སྣ་དྲོངས། །བྱང་ཤར་གསེར་གྱི་རི་དགུ་ནས། །གསེར་ལ་མངའ་མཛད་གླང་གི་ལོ། །གླང་གི་འཁོར་ཚོགས་འབྱུང་བ་ལྔ། །ལོ་བདུད་ཟླ་བདུད་ཐུག་པ་དང་། །རོ་ཡི་སྣ་ལེན་བསྒྱུར་བའི་ཕྱིར། །ཁྱོད་ལ་གླུད་དང་ཡས་འབུལ་ལོ། །དགྲ་བགེགས་སྟེང་དུ་གཏོ་སྣ་དྲོངས། །ཤིང་མེ་ས་ལྕགས་ཆུ་ཡི་ལོ། །འབྱུང་བ་རེ་ལ་ལོ་སྐོར་རེ། །དྲུག་ཅུ་ལོ་སྐོར་འབྱུང་བའི་བདག །ཁྱོད་ལ་གླུད་དང་མདོས་འབུལ་ལོ། །ལྷ་འདྲེའི་ཆོ་འཕྲུལ་ངོན་པ་རྣམས། །གཏོ་ཆེན་དྲག་པོ་འདི་ཡིས་སྒྱུར། །ནག་པོ་ཆེན་པོ་སོགས་འདོན། མཆན། ཅེས་ལོ་རྒན་དྲུག་ཅུའི་སྒྲུང་རྫོགས་སོ།། །།དམར་པོ་མགོ་གསུམ་འདོན། །གསོད་བྱེད་དམར་པོ་མགོ་གསུམ་བཞུགས་སོ།། ན་མོ་ཨཱརྱ་མཉྫ་ཤྲཱི་ཡེ། ནག་པོ་མགོ་གསུམ་གྱི་ཤན་པ་སྔོན་དུ་རྒྱུག་པ། གསོད་བྱེད་

[Full Size]

དམར་པོ་མགོ་གསུམ་འདི་ལ། དོན་གཞུང་དང་མཐུན་པར་འདི་སྐད་དོ། །ལིང་ག་གཅིག་ལ་འགུགས་གཞུག་བྱས་ལ་མཐར་གྲིས་གཏུབ་ལ་འབུལ་ལོ། ༼ཇ༽ ཧཱུྃ། འཕགས་པ་འཇམ་དཔལ་བཀའ་བྱུང་བ། །མི་དམར་མགོ་གསུམ་གུས་པས་ཉོན། །ཡལ་ཡུལ་དེ་ནི་སོ་ཀ་རུ། །ཡུལ་བུ་ཡུལ་གྱི་ནང་ཤེད་ནས། །ཤང་པོ་དཔོན་གཡོག་ནད་ཀྱིས་བཏབ། །ལོ་དང་ཟླ་བའི་སྐག་ཀྱང་ལང་། །གཏོ་གླུད་ཡས་སུ་བོར་བ་ལས། །བསྐལ་པ་དེ་ཡི་ཡ་ཐོག་ལ། །མི་གླུད་ཁབས་སུ་གང་ཆེ་ཟེར། །ཤང་པོ་དཔོན་གཡོག་འཁོར་བཅས་ཀྱིས། །ཟས་ཟོས་པ་མཉམ་དུ་ཟོས། །སྐོམ་གཅིག་འཐུང་བ་མཉམ་དུ་འཐུང་། །གོས་གཅིག་གྱོན་པ་མཉམ་དུ་གྱོན། །མི་གླུད་ཁབས་སུ་བསྡོང་བ་ལ། །བདུད་ལ་ཡོར་པོས་གོས་སུ་གྱོན། །ཁ་བ་ཉིན་དགུ་མཚན་དགུ་བབ། །མགོ་ནས་ཞྭ་ཕུད་རྐང་ནས་ལྷམ་ཡང་ཕུད། །ལུས་ནས་གོས་ཕུད་གླུད་མཆོག་དེ་ལ་བསྐོན། །ཤང་པོ་དཔོན་གཡོག་འཁོར་བཅས་ཀྱིས། །མཛེས་པའི་ཞྭ་ཆུང་དབུ་ལ་བསྐོན། །དྲོ་བའི་ཕྱིང་པ་ལུས་ལ་བསྐོན། །མཛེས་པའི་ལྷམ་ཆུང་རྐང་ལ་བསྐོན། །སྐེ་རགས་དེ་ནི་རྐེད་པར་བཅིངས། །མཐུན་རྫ་ས་གླུད་

[Full Size]

དུ་འབུལ་འཚལ་ཟེར། །དེ་བཞིན་ཡོན་བདག་གླུད་དུ་འབུལ། །ཉི་མ་ཤར་ལྷོ་ནུབ་བྱང་ནས། །ས་བདག་ཆེན་པོ་གཏོ་ལ་བྱོན། །ཤར་ནས་ཐེ་སེ་གཏོ་ལ་བྱོན། །ལྷོ་ནས་ཧོ་བན་གཏོ་ལ་བྱོན། །ནུབ་ནས་བྱ་དམར་གཏོ་ལ་བྱོན། །བྱང་ནས་ཙང་ཀུན་གཏོ་ལ་བྱོན། །དབུས་ནས་ས་བདག་ཆེན་པོ་གཏོ་ལ་བྱོན། །ས་བདག་མི་དམར་གདུག་རྩུབ་ཅན། །དབུ་གསུམ་འཇིགས་བྱེད་ཁྲོ་གཏུམ་ཅན། །གཡས་པ་བྱ་ལ་གཡོན་པ་སྦྲུལ། །དབུ་ནི་གཏི་མུག་ཕག་གི་མགོ །ལུས་པོ་མི་ལ་ཕུང་སྲིའི་མགོ །རྐང་ལག་མེད་པར་མཆོངས་བར་འགྲོ། །འདབ་ཆགས་མིན་ཏེ་མཁའ་ལ་འཕྱོ། །བྱད་ཁ་ཟློག་པའི་ཐབས་རེ་མཁས། །སྡང་བའི་དགྲ་དང་གནོད་པའི་བགེགས། །ཐམས་ཅད་ཁྱོད་ཀྱིས་འཇོམས་པར་བྱེད། །བྷྱོཿབྷྱོཿསྡང་བའི་དགྲ་ལ་བྷྱོ༔ །ལྟས་ངན་མི་ཁ་བྲ་མཆུ་བྷྱོ༔ །ཧཱུྃ། འཕགས་པ་འཇམ་དཔལ་ཐུགས་རྗེ་ཡིས། །གཙུག་ལག་སྲིད་པའི་ལྷ་བཀོས་པ། །གཏོ་མཁན་ཡོན་བདག་འཁོར་བཅས་ལ། །ཡ་ཀི་སྤྱི་བོའི་གཙུག་རུམ་ནས། །མགོན་པོའི་ཚོགས་ཀྱིས་བསྲུང་དུ་གསོལ། །སྙིང་ག་སྲོག་རྩ་ལུས་པོ་ནི། །ཐུགས་ཀྱི་མགོན་པོས་

[Full Size]

བསྲུང་དུ་གསོལ། །ཕྲག་པ་གཡས་དང་གཡོན་གང་ནས། །སྐུ་ཡི་མགོན་པོས་བསྲུང་དུ་གསོལ། །ལུས་ལ་བཙན་པའི་གོ་བསྐོན་འཚལ། །སྲོག་ལ་བཙན་པའི་དབང་བསྐུར་འཚལ། །ཡིད་ལ་དཔའ་བའི་སྲུང་བཙུགས་འཚལ། །ཕྱག་ན་རྣོ་བའི་མཚོན་ཐོགས་འཚལ། །དགྲ་དང་བགེགས་ལ་མདའ་འཕེན་འཚལ། །སྔོན་དུ་སྟག་རྟ་ཁྱི་གསུམ་བསྐོར། །རྒྱབ་ཏུ་ཁྱི་འབྲུག་སྤྲེལ་གསུམ་བསྐོར། །བདག་ནི་འབྱུང་བ་ལྔའི་མཁར་བཞུགས། །བདག་གི་བཀའ་ལ་ཐམས་ཅད་ཉོན། །དང་པོ་གཏོ་བྱུང་གང་ནས་བྱུང་། །ཀོང་ཙེ་འཕྲུལ་གྱི་རྒྱལ་པོའི་གཏོ། །ཉི་ཟླ་ལྟོ་ཕུག་ཤར་ནས་བྱུང་། །དེ་ནས་གཏོ་རྒྱལ་གང་དུ་རྒྱལ། །རྒྱ་ནག་རྒྱལ་པོའི་ཡུལ་དུ་རྒྱལ། །བདག་ནི་འཕགས་པ་འཇམ་དཔལ་སྤྲུལ་པ་ཡིན། །དེ་རིང་འཇམ་དཔལ་གཏོ་ལ་བྱོན། །སྐར་མ་སྨིན་དྲུག་སྨན་གྱི་སྐར། །མི་ནོར་ཟས་གསུམ་ཀུན་གྱི་བརྩི། །མི་དམར་མགོ་གསུམ་འཇིགས་པའི་གཟུགས། །ལག་ན་གདུག་པའི་མཚོན་ཆ་ཐོགས། །གཡས་ན་གཅོད་པའི་ཟོར་བ་ཐོགས། །གཡོན་ན་བདུད་ཀྱི་མདའ་གཞུ་འཛིན། །སྐུ་སྟོད་ཁྲག་མཚོ་མེ་རེ་རེ། །སྐུ་སྨད་

[Full Size]

སོལ་མཚོ་ཀྱི་ལི་ལི། །ཞེ་སྡང་གདུག་པ་སེམས་ལ་འཆང་། །བྷྱོ༔བྷྱོ༔སྡང་བའི་དགྲ་ལ་བྷྱོ༔ །དྲག་པོ་འབྱུང་བའི་གཏོ་ནག་འདི། །དགྲ་འདྲེ་མི་ཁའི་སྟེང་དུ་བྷྱོ༔། །མོ་ངན་ལྟས་ངན་སྟེང་དུ་བྷྱོ༔ །ཐན་དང་ཆོ་འཕྲུལ་དགྲ་ལ་བྷྱོ༔། །གཏོ་བྷྱོགྲང་བའི་ནང་དུ་བྷྱོ༔ །གྲང་བའི་ནང་དུ་མི་བྷྱོ༔རྒྱུས། །མེ་ཆུ་རྫས་གསུམ་ལས་ལ་གྲུབ། །དེ་བས་གྲང་བའི་ནང་དུ་བྷྱོ༔ །གཏོ་འདི་ཕུར་མའི་ནང་དུ་བྷྱོ༔། །ཕུར་མའི་ནང་དུ་མི་བྷྱོ༔རྒྱུས། །རྗེ་བོ་གཅིག་ལ་འཁོར་འབངས་བཅུ། །རྗེ་དང་འཁོར་ལ་བཟང་ངན་མེད། །དེ་བས་ཕུར་མའི་ནང་དུ་བྷྱོ༔ །གཏོ་འདི་སྟོང་སྡེའི་ནང་དུ་བྷྱོ༔ །སྟོང་སྡེའི་ནང་དུ་མི་བྷྱོ༔རྒྱུས། །སྟོང་སྡེའི་ནང་དུ་ཁ་གཡོག་མང་། །དང་པོ་ཐང་ཅིག་ལྷན་ཅིག་བསྡད། །དེ་ནས་བློ་སེམས་གཅིག་ལ་གཏད། །དེ་ནས་སྟོང་སྡེའི་ནང་དུ་བྷྱོ༔ །གཏོ་བྷྱོཕ་ཚན་ནང་དུ་བྷྱོ༔ །ཕ་ཚན་ནང་དུ་མི་བྷྱོ༔རྒྱུས། །དང་པོ་མཐུན་པ་ལོ་གཅིག་སྟེ། །དེ་ནས་མཐུན་པ་ཟླ་གཅིག་སྟེ། །སྐྱེས་ཀྱང་ཟླ་བ་གཅིག་ལ་སྐྱེས། །ཆེ་དེ་ལོག་སེམས་གཉིས་སུ་འཆང་། །དེ་བས་ཕ་ཚན་ནང་དུ་བྷྱོ༔ །གཏོ་བྷྱོ་སྡང་བའི་དགྲ་ལ་བྷྱོ༔ །སྡང་བའི་དགྲ་ལ་མི་བྷྱོ༔རྒྱུས། །དང་

[Full Size]

པོ་ཁ་རྒྱས་བྱས་པ་ཡིན། །ད་ལྟ་ལོག་སེམས་གཉིས་ལ་གཏོང་། །དེ་བས་སྡང་བའི་དགྲ་ལ་བྷྱོ༔ །གཏོ་བྷྱོ༔ཕུང་བའི་འདྲེ་ལ་བྷྱོ༔ །ཕུང་བའི་འདྲེ་ལ་མི་བྷྱོ༔རྒྱུས། །ཡ་ཆ་སྣ་ཚོགས་འདྲེ་ཡིས་བྱེད། །དེ་བས་ཕུང་བའི་འདྲེ་ལ་བྷྱོ༔ །དེ་ནས་ཀོང་ཙེའི་བདེན་པའི་བཀའ། །སྔགས་འཆང་བདེན་པའི་བཀའ་ལ་ཉོན། །འཕགས་པ་འཇམ་དཔལ་བཀའ་མ་བཅག །སངས་རྒྱས་བདེན་པའི་སུན་མ་བྱུང་། །རྣལ་འབྱོར་བདག་གི་དམ་མ་བཀྲལ། །ཡོན་བདག་གཏོ་གླུད་ཆུད་མ་གསན། །དྲང་སྲོང་ཁྲོས་པའི་གཏོ་ནག་འདིས། །དགྲ་དང་བགེགས་ཀྱི་གདུག་རྩུབ་ཟློག །གཏོ་ནག་མཚན་མ་དགྲ་ཟོར་འདི། །བྲག་ལ་ཕོག་ན་ཤིགས་ཀྱིས་བཤིགས། །རི་ལ་ཕོག་ན་རི་ཡང་བསྙིལ། །མཚོ་ལ་ཕོག་ན་མཚོ་ཡང་སྐེམས། །གང་ལ་འཕྲད་པ་ལམ་དུ་གསོད། །སེམས་ཅན་གང་འཕྲད་ཟས་སུ་ཟ། །གཟུགས་ནི་མཐོང་བ་ཙམ་གྱིས་འཇིགས། །གདུག་བྱེད་མི་དམར་མགོ་གསུམ་ཁྱོད། །མི་ནག་མགོ་གསུམ་སྣ་ཁྲིད་གྱིས། །ཁྱེད་གཉིས་སྐྱེ་བ་སྔ་རོལ་ནས། །ཟློག་སྒྱུར་བྱེད་པའི་ཁས་ཀྱང་བླངས། །དེ་རིང་ཡོན་བདག་འཁོར་བཅས་ཀྱི། །སྤྱི་

[Full Size]

བདུད་དལ་ཁ་གཡོས་པ་ན། །དུ་བ་སྤྱི་བོའི་སྟེང་དུ་བྷྱོ༔ །ཕ་ཚན་རྒྱབ་འདྲེ་ཡོ་བ་ན། །ཕ་སྤུན་མྱེས་སྤུན་སྟེང་དུ་བྷྱོ༔ །མ་སྲུའི་མདུན་ཡུག་བབ་པ་ན། །དགྲ་བོ་བྱད་མའི་མ་ཚན་སྟེང་དུ་བྷྱོ༔ །ཡུལ་མའི་བྱོལ་པོ་ཡོ་བ་ན། །ཕུང་བའི་དགྲ་དང་འདྲེ་ལ་བྷྱོ༔ །དགྲ་བགེགས་བྱད་མ་ལང་བ་ན། །སྒོས་སྡང་ཉེ་བའི་དགྲ་ལ་བྷྱོ༔ །ལྷ་འདྲེའི་མདུན་འགྲོས་ཤོམ་པ་ན། །ཡུལ་མི་ཁྱིམ་མཚེས་སྟེང་དུ་བྷྱོ༔ །བདུན་ཟུར་སྐྱས་སྣ་ཐུག་པ་ན། །གཏོ་འདི་གང་འཕྲད་སྟེང་དུ་བྷྱོ༔ །གཡས་སུ་བསྒྱུར་ཞིང་གཡོན་དུ་ཟློག །ཐད་དུ་སྡང་བའི་དགྲ་ལ་བྷྱོ༔ །ཕོ་ཤིང་ཤུག་པའི་ཕོ་ཐོང་འདིས། །ཕོ་བདུད་དལ་ཁ་གཡས་སུ་སྒྱུར། །མོ་ཤིང་གླང་མའི་མོ་ཐོང་འདིས། །མོ་བདུད་དལ་ཁ་གཡོན་དུ་སྒྱུར། །བུ་ཤིང་ཚར་བུའི་ལོ་ཁྲམ་འདིས། །ཆུང་བདུད་དལ་ཁ་མཁའ་ལ་སྒྱུར། །བདག་དང་རྒྱུ་སྦྱོར་ཡོན་བདག་གི །ཆག་ཆེན་ཉམ་ང་བཟློག་ཏུ་གསོལ། །ཧཱུྃ། དུག་གསུམ་འདུས་པའི་མི་བོ་ཆེ། །ཞེ་སྡང་འབར་བའི་ལུས་པོ་ལ། །ཉོན་མོངས་མངའ་རྒྱས་དུག་གསུམ་དབུ། །ཁ་གདངས་དུག་གསུམ་ཟས་སུ་ཟ། །འདོད་ཆགས་བྱ་ལ་ཞེ་སྡང་སྦྲུལ། །གཏི་

[Full Size]

མུག་ཕག་གི་མགོ་བོ་ཅན། །ཤིན་ཏུ་ཁྲོས་ནས་འཇིགས་པའི་གཟུགས། །གང་དང་འཕྲད་པ་རླག་པར་བྱེད། །མགོ་ལ་མེ་འབར་དགྲ་བགེགས་བསྲེགས། །ལག་གཡས་གདུག་བྱེད་ཟེར་བ་ཐོགས། །སུ་དང་འཕྲད་པའི་སྲོག་རྩ་གཅོད། །གཏི་མུག་ཕག་མགོ་ཅན་གྱིས་བཞེས། །གཏི་མུག་ཤ་ཡི་རི་བོ་ཟོ། །དགྲ་བོའི་ཁྲག་ནི་ཆང་བས་ཞིམ། །འདོད་ཆགས་བྱ་མགོ་ཅན་གྱིས་བཞེས། །འདོད་ཆགས་ཁྲག་གི་མཚོ་ལ་འཐུང་། །དགྲ་བགེགས་རུས་པ་མར་བས་སྣུམ། །ཞེ་སྡང་སྦྲུལ་མགོ་ཅན་གྱིས་བཞེས། །ཞེ་སྡང་རུས་ལ་ཀྲུམ་ཀྲུམ་མུར། །དགྲ་བོའི་དུག་གསུམ་རྩད་ནས་ཆོད། །སྐུ་སྟོད་དམར་པོ་ཁྲག་གིས་བྱུག །ཁྲག་མཚོ་དམར་པོ་མེ་རེ་རེ། །སྐུ་སྨད་སོལ་བ་ནག་པོ་བྱུག །དུག་མཚོ་ནག་པོ་མེ་རེ་རེ། །དགྲ་ལ་རྦད་ན་རྩད་ནས་ཆོད། །བགེགས་ལ་རྦད་ན་ཐལ་བར་བརླག །བདག་དང་རྒྱུ་སྦྱོར་ཡོན་བདག་ལ། །སྡང་བའི་དགྲ་ལ་ཆད་ཙ་ན། །རྟགས་དང་མཚན་མ་མངོན་དུ་ཕྱུང་། །འབྱུང་བ་འདུས་པའི་གཏོ་ནག་འདི། །གང་དང་འཕྲད་པ་རླག་པར་བྱེད། །བྷྱོ༔བྷྱོ༔སྡང་བའི་དགྲ་ལ་བྷྱོ༔ །ཟློག་ཟློག་གནོད་པའི་བགེགས་ལ་

[Full Size]

ཟློག །ཡས་ཀྱི་བདུད་ཆེན་གཡོས་པ་ནི། །རང་བས་མཐོ་བའི་དགྲ་ལ་ཟློག །མས་ཀྱི་སྲི་སྡེབ་ལང་བ་ནི། །རང་བས་དམའ་བའི་དགྲ་ལ་ཟློག །བར་ན་བཙན་བཞིན་འགྲོགས་པ་ནི། །རང་དང་མཉམ་པའི་དགྲ་ལ་ཟློག །བཙན་གྱི་ཞགས་པ་དགྲ་ལ་ཐོབས། །གྲི་བཙན་ཟ་ཁ་དགྲ་ལ་ཕྱེས། །ལོ་ཟླ་ཞག་དུས་སྐག་ངན་ཟློག །མི་ཁ་བྲ་མཆུའི་ལྟས་ངན་ཟློག །དགྲ་འདྲེ་བྱུར་གསུམ་ལྟས་ངན་ཟློག །དེ་རིང་ཟློག་སྒྱུར་དུས་ལ་བབ། །འཇིགས་བྱེད་མི་དམར་མགོ་གསུམ་ཁྱོད། །མི་ནག་མགོ་གསུམ་སྣ་ཁྲིད་གྱིས། །གཏོ་སྣ་ཡས་སྣ་དགྲ་ལ་ཁྲིད། །ནད་ཡམས་དལ་ཡམས་དགྲ་ལ་ཟློག །དམ་སྲི་དམ་ཉམས་དགྲ་བོ་ལ། །རཀྟ་བྱོབྷཱུསི་ལི་ལི། །དགྲ་ལ་ཆོས་ཆོས་བགེགས་ལ་ཆོས། །དལ་ཁ་ཡམས་ཁ་དགྲ་ལ་བྷྱོ༔ །ཀྱཻ། མཛད་ནི་ཀོང་ཙེ་འཕྲུལ་གྱིས་མཛད། །སྲིད་པ་དེ་ནི་ཕྱ་ཡི་ལུགས། །མ་ནོར་གཞུང་བཞིན་བྱས་པ་ན། །མི་བཟློག་པ་ནི་གཅིག་ཀྱང་མེད། །ལྷ་ཡང་གསོན་ལ་འདྲེ་ཡང་ཉོན། །ཀུན་ཀྱང་འབྱུང་བ་ལྔ་ལས་གྲུབ། །ཕྱི་སྣོད་འཇིག་རྟེན་ཆགས་པ་ཡིས། །ནང་བཅུད་སེམས་ཅན་ཐམས་ཅད་སྲིད། །འབྱུང་བ་ལྔ་ལས་མ་

[Full Size]

གྲུབ་གང་ཡང་མེད། །འབྱུང་བ་ལྔ་ནི་སྣང་སྲིད་ལྷ་འདྲེའི་ལུས། །ལུས་ནི་འཇིགས་བྱེད་མི་ཡི་ལུས། །ཉོན་མོངས་མཐའ་རྒྱས་དུག་གསུམ་དབུ། །འདོད་ཆགས་བྱ་ལ་ཞེ་སྡང་སྦྲུལ། །གཏི་མུག་ཕག་གི་མགོ་བོ་ཅན། །ཁ་གདངས་མཆེ་གཙིགས་རྐན་སྒྲ་རྡེབ། །གང་དང་འཕྲད་པ་ཟས་སུ་ཟ། །གནོད་སྦྱིན་གཙུག་ན་མེ་འབར་བ། །དགྲ་བགེགས་བྱད་མ་མི་ཁ་བསྲེགས། །ཕྱག་གཡས་ལྕགས་ཀྱི་ཟོར་བ་ཡིས། །དགྲ་བོའི་སྐྱེ་རྒྱུད་རྩད་ནས་གཅོད། །གཡོན་པས་ལྟས་ངན་སྒྲོ་སྒྲོན་པའི། །དུག་ཤིང་སྐྱེར་པའི་མདའ་ཟོར་འདིས། །གནོད་བྱེད་དགྲ་འདྲེའི་སྙིང་ལ་གཟིར། །དགྲ་འདྲེའི་ཤ་ནི་ཟན་བས་ཞིམ། །གཡོན་པས་སྐྱེར་པའི་མདའ་གཞུ་བཟུང་། །དགྲ་འདྲེ་གནོད་བྱེད་སྙིང་ལ་འཛེར། །བདག་ལ་སྡང་བའི་དགྲ་བོ་འདི། །གཏི་མུག་ཕག་མགོའི་ཞལ་དུ་བཞེས། །གཏི་མུག་ཤ་ཡི་རི་བོ་ཟོ། །དགྲ་བགེགས་ཤ་ལ་ཁ་རཾ་ཁཱ་ཧི། །སྡང་བར་བྱེད་པའི་དགྲ་བོ་འདི། །འདོད་ཆགས་བྱ་མགོའི་ཞལ་དུ་བཞེས། །འདོད་ཆགས་དགྲ་བོའི་ཁྲག་ལ་འཐུང་། །དགྲ་བོའི་ཁྲག་ལ་ཁ་རཾ་ཁཱ་ཧི། །སྡང་བར་བྱེད་པའི་དགྲ་བོ་འདི། །ཞེ་སྡང་

[Full Size]

སྦྲུལ་གྱི་ཞལ་དུ་བཞེས། །ཞེ་སྡང་དགྲ་བོའི་རུས་ལ་ཆེམ་ཆེམ་གསོལ། །དགྲ་བོའི་རུས་ལ་ཁ་རཾ་ཁཱ་ཧི། །དུག་གསུམ་ཁྲོས་པའི་ས་བདག་དགྲ་ལ་བྷྱོ༔ །སྡང་བའི་དགྲ་བོ་རྩད་ནས་ཆོད། །བར་ཆད་འབྱུང་པོ་རྡུལ་དུ་རློགས། །སྐུ་སྟོད་དམར་ནག་ཁྲག་གིས་བྱུག །ཁྲག་མཚོ་དམར་པོ་མེ་རེ་རེ། །སྐུ་སྨད་ནག་པོ་སོལ་བས་བྱུག །སོལ་མཚོ་ནག་པོ་ཀྱི་ལི་ལི། །དགྲ་ལ་རྦད་ན་རྩད་ནས་ཆོད། །བགེགས་ལ་རྦད་ན་རྡུལ་དུ་བརླག །གཏོ་ནག་མཚན་མའི་དགྲ་ཟོར་འདི། །དམ་ཉམས་སྡང་བའི་དགྲ་ལ་བྷྱོ༔ །རྟགས་དང་མཚན་མ་མངོན་དུ་ཕྱུངས། །དུག་གསུམ་ཁྲོས་པའི་གཏོ་ནག་འདིས། །གང་དང་འཕྲད་པ་བརླག་པར་གྱིས། །མི་དམར་མགོ་གསུམ་ལྟོ་སྣ་ཁྲིད། །སྡང་བའི་དགྲ་དང་གནོད་པའི་བགེགས། །མནན་ཞིང་གཟིར་བའི་དུས་ལ་བབ། །དམ་ཉམས་རང་སྲོག་རང་གིས་ཆོད། །ཙན་དྲི་དམ་སྲི་ཆོ། ཁ་ལ་རཀྟ། ར་ཏྲི་དུ་སིང་དུ་སིང་དམ་སྲི་པ་ར་ཐམ། སྲོག་ལ་ཛ་ཛཿ སྡང་བར་བྱེད་པའི་དགྲ་ལ་བྷྱོ༔ གནོད་པར་བྱེད་པའི་བགེགས་ལ་བྷྱོཿ དགྲ་འདྲེ་བྱུར་གསུམ་སྲོག་ལ་མཱ་ར་ཡ་རྦད། སརྦ་ཤ་ཏྲ་མཱ་ར་ཡ་ཙིཏྟ་ཕྱུང་རྦད་སོད་བྷྱོཿ གལ་ཆེ་

[Full Size]

ན་འདི་སྔགས་དང་དམིགས་པ་མང་དུ་བྱའོ། །ནག་པོ་མགོ་གསུམ་མདོས་ཐབས་སུ་བྱེད་ན། དམར་པོ་མགོ་གསུམ་སླ་ངའི་ནང་དུ་བཅའ། མི་དམར་མགོ་གསུམ་གཡས་བྱ་མགོ་སེར་པོ། གཡོན་སྦྲུལ་མགོ་དམར་པོ། དབུས་ཕག་མགོ་ནག་པོ། ཕྱག་གཡས་ཟོར་བ་གཡོན་མདའ་གཞུ་འཛིན་པ། འཁོར་དུ་མི་དམར་མདུང་འཛིན་པ་བཅུ་གསུམ། བུད་མེད་ནག་མོ་ཁྲམ་ཤིང་འཛིན་པ་བཅུ་གསུམ། ཕོ་ཐོང་བཅུ་གསུམ། མོ་ཐོང་བཅུ་གསུམ། ཅང་དམར་ནག་སྲིན་མོ་འགྲོས་སུ་བཙུགས། ཀོང་ཙེའི་གཏོ་ནག་ལུགས། རྒྱ་བཟའ་ཀོང་ཇོས་བོད་ལ་བསྒྱུར་བ་རྫོགས་སོ།། །།དེ་ནས་རུ་འདྲེན་བཞིའོ།། ༼ཉ༽ །མགོ་གསུམ་རུ་འདྲེན་ལས་མཁན་བཞིའི་བསྐུལ་པ་ནི༔ ཧཱུྃ། ང་ནི་འཇམ་དཔལ་ནག་པོ་སྟེ། །ང་ནི་སྲིད་གསུམ་སྔོན་ནས་བྱུང་། །ང་ནི་སྲིད་པ་ཕྱིས་ཀྱང་འབྱུང་། །ང་ནི་སྲིད་གསུམ་ད་ལྟ་འོང་། །སྲིད་གསུམ་ང་ཡི་འཁོར་དུ་འདུས། །ང་ནི་ཁྲོ་རྒྱལ་ཡོངས་ཀྱི་རྗེ། །ངས་ནི་ཁམས་གསུམ་དབང་དུ་འདུས། །ང་ཡི་བཀའ་ལ་ཅི་མི་འདའ། །མི་ནག་མགོ་བོ་གསུམ་པ་ཁྱོད། །ཁྱོད་ཀྱང་ང་ཡི་འདུལ་སྐལ་ཡིན། །ཁྱོད་ཀྱིས་ཕ་ཡི་མིང་སྨོས་པ། །གནམ་གྱི་ཁེན་པ་རྒན་པོ་ཡིན། །ཁྱོད་ཀྱི་མ་ཡི་མིང་སྨོས་པ། །མ་ནི་ཁོན་མ་རྒན་མོ་ཡིན། །དེ་གཉིས་ཞེ་སྡང་གཡོས་པའི་

[Full Size]

བུ། །མི་ནག་འཇིགས་པའི་མགོ་བརྙན་ཅན། །ལུས་པོ་མི་ཡི་ལུས་པོ་ལ། །མགོ་བོ་གསུམ་ལ་ཕྱག་ཀྱང་དྲུག །གདུག་པའི་སེམས་ཅན་མགོ་བརྙན་ཅན། །དབུས་ནི་གཏི་མུག་གླང་གི་མགོ །གཏི་མུག་འཁྲུགས་པའི་རྒྱུ་ལས་བྱུང་། །གླང་ཆེན་ཞལ་གདངས་རྐན་སྒྲ་རྡེབ། །གཏི་མུག་ཞལ་དུ་གསོལ་བའི་རྟགས། །སྣ་ལྗགས་གདུག་པའི་མཚོན་ཆས་བརྒྱན། །ཉོན་མོངས་དགྲ་བགེགས་མ་ལུས་གཅོད། །གདུག་པའི་སྔགས་བྱེད་མེ་ལྟར་འབར། །སྤྱན་ནི་དམར་པོ་སྡང་མིག་བསྒྲད། །སྲིད་གསུམ་སེམས་ཅན་དབང་དུ་སྡུད། །མཆེ་བ་གཙིགས་ཤིང་རབ་ཏུ་རྔམ། །དགྲ་བགེགས་མ་ལུས་ཞལ་དུ་གསོལ། །གཡས་པ་དཔའ་གཏུམ་སྟག་གི་མགོ །ཞེ་སྡང་ཁྲོས་པའི་རྒྱུ་ལས་བྱུང་། །སྟག་ཞལ་འཇིགས་པ་གྱེན་དུ་རྔམས། །མཐིང་ནག་ཁྲོས་ཤིང་ཁ་ཡང་གདངས། །བདུད་ཀྱི་དམག་ཚོགས་བཟློག་ཏུ་གསོལ། །གཡོན་པ་ངུར་མོ་ཕག་གི་མགོ། །ཕྲག་དོག་ཁྲོས་པའི་རྒྱུ་ལས་བྱུང་། །ཕག་ནག་འཇིགས་པ་ཐུར་དུ་རྔམ། །ཕག་ནག་ཁྲོས་པའི་ཁ་ནང་ནས། །དུག་གི་ཁ་རླངས་ཕྱུར་རུ་རུ། །མཆེ་བ་གཙིགས་ཤིང་སྲོག་ལ་རྔམ། །སྐྱེ་འགྲོ་སེམས་

[Full Size]

ཅན་སྲོག་རྩ་གཅོད། །སྡང་མིག་དམར་ནག་ཕྱོགས་བཅུར་བསྒྲད། །འདྲེ་སྲིན་བྱུར་གསུམ་དབང་དུ་སྡུད། །མ་མོའི་སྐག་རྣམས་བཟློག་ཏུ་གསོལ། །ཞལ་གསུམ་འཇིགས་པའི་རྔམ་ཆེན་སྒྲོག །དབུ་སྐྲ་ནག་པོ་གྱེན་དུ་འབར། །སྟེང་ཕྱོགས་གཟའ་སྐར་དབང་དུ་སྡུད། །སྟེང་ཕྱོགས་ལྷ་གདོན་བར་ཆད་ཟློག །དུག་སྦྲུལ་ནག་པོའི་ཐོད་ཆེན་བཅིངས། །ཟས་སུ་ཀླུ་སྲིན་གདུག་པ་ཟ། །ཀླུ་ཡི་གཏད་ཁྲོམ་དགྲ་ལ་ཟློག །སྐུ་མདོག་ནག་པོ་འཇིགས་པ་ལ། །ལུས་ནི་རི་རབ་བོང་དང་མཉམ། །ན་བཟའ་མཐིང་ནག་འབར་བ་ལ། །ཆུ་སྲིན་འབར་བའི་གདོང་ལག་ཅན། །ཞེ་སྡང་འབར་བའི་རྐང་ལག་ཅན། །སྐུ་ལས་འོད་ཟེར་དམར་ནག་འཕྲོ། །དགྲ་བོ་མ་ལུས་གཞོབ་ཏུ་བསྲེག ། ཁྱོད་ཀྱིས་ལྷ་སྲིན་སྡེ་བརྒྱད་འདུལ། །སྡེ་བརྒྱད་གདུག་པ་བཟློག་ཏུ་གསོལ། །ཕྱག་དྲུག་བར་སྣང་ཁམས་སུ་བརྐྱངས། །།བར་སྣང་གདུག་པ་བཟློག་ཏུ་གསོལ། །གཡས་གཡོན་གཉིས་ཀྱི་དང་པོ་ན། །གྲི་ཤིང་ཁྲག་བྱུག་ཁྲམ་ཤིང་བསྣམས། །བདུད་དང་གཤིན་རྗེའི་ཁྲམ་ཁ་སྒྱུར། །བར་པས་མཚོན་ཆ་མདའ་གཞུ་ཡིས། །དམ་ཉམས་དགྲ་འདྲེའི་སྙིང་ལ་

[Full Size]

གཟིར། །ཐ་མས་མི་ཁ་སྣ་ཚོགས་ཟ། །མི་ཁ་བྲ་མཆུ་བཟློག་ཏུ་གསོལ། །ཞབས་གཉིས་གྱད་ཀྱི་འདོར་ཐབས་ཀྱིས། །མི་ཁ་བྲ་མཆུ་འོག་ཏུ་བརྫིས། །ནད་ཡམས་སྣ་ཚོགས་བཟློག་ཏུ་གསོལ། །གནས་ནི་རྒྱ་གྲམ་ལམ་དུ་གནས། །སུ་དང་འཕྲད་པའི་སྲོག་ལ་རྒོལ། །སུ་འཕྲད་དགྲ་བགེགས་ཟས་སུ་ཟ། །སྡང་བའི་དགྲ་བོ་ཟས་སྐལ་ཡིན། །ཁྱོད་ཀྱི་བཀའ་ཡི་ཕོ་ཉ་ནི། །གཡས་ན་བདུད་ནག་ལས་ལ་འགྱེད། །གཡོན་ན་བཙན་དམག་ཕོ་ཉར་འགྱེད། །ནག་མོ་རྔ་ཞོན་སྔོན་དུ་རྒྱུག །སླད་དུ་མི་ཁ་བྲ་མཆུ་མ། །མི་ཁ་སྣ་ཚོགས་རྒྱབ་ཏུ་ཁུར། །གླུད་གཏོར་དམ་པ་འདི་བཞེས་ལ། །མི་ཁ་སྣ་ཚོགས་དགྲ་ལ་སྒྱུར། །ཧཱུྃ། མི་ནག་མགོ་གསུམ་མཐུ་བོ་ཆེ། །ཁྱོད་ཀྱི་གཡས་ཀྱི་རུ་འདྲེན་པ། །བདུད་ཀྱི་རྒྱལ་པོ་ནག་པོ་ཆེ། །སྐུ་མདོག་ནག་པོ་འགྱིངས་བག་ཅན། །སྐུ་ལ་བདུད་ཆས་ནག་པོ་གསོལ། །དབུ་སྐྲ་རལ་པ་གྱེན་དུ་གཟིངས། །དབུ་ལ་དར་ནག་ཐོད་ཆེན་བཅིངས། །གཡས་ན་ཁྲམ་ཤིང་ནག་པོ་ཕྱར། །གཡོན་པས་རུ་མཚོན་དགྲེ་ལ་ཕྱར། །ཆིབས་སུ་བདུད་རྟ་ནག་པོ་ཆིབས། །རླུང་ནག་འཚུབ་མའི་འགྲོས་དང་ལྡན། །སྟོང་

[Full Size]

གསུམ་འཇིག་རྟེན་ཉུལ་བར་བྱེད། །རྟ་ནག་སྔ་ཤ་ཕྱི་ཤ་ལ། །དུག་སྦྲུལ་ནག་པོའི་ཞགས་པ་དང་། །ནད་ཀྱི་རྐྱལ་པ་ནག་པོ་བཀལ། །འཁོར་དུ་བདུད་དམག་འབུམ་གྱིས་བསྐོར། །བདུད་ཀྱི་བྱ་ནག་ཀླད་ན་ལྡིང་། །ལྕེ་སྤྱང་ནག་པོ་ཕོ་ཉར་འགྱེད། །བདུད་ཀྱི་དམག་སྣ་དགྲ་ལ་འགྱེད། །བདུད་ཀྱི་མཚོན་ཆས་དགྲ་སྲོག་གཅོད། །ནག་པོ་ཆེན་པོའི་བཀའ་བྱུང་གིས། །བདུད་ཀྱི་དམག་སྣ་དགྲ་ལ་སྒྱུར། །ཁྱོད་ནི་བདུད་རྒྱལ་ཡོངས་ཀྱི་རྗེ། །ཟས་སུ་སྐྱེ་འགྲོའི་ཤ་ལ་ཟ། །སྐོམ་དུ་སྐྱེ་འགྲོའི་ཁྲག་ལ་འཐུང་། །གླུད་གཏོར་གཉེན་པོ་འདི་བཞེས་ལ། །རྣལ་འབྱོར་ཡོན་གྱི་བདག་པོ་ཡི། །བདུད་ཀྱི་ཁྲམ་ལ་མ་འདེབས་ཤིག །ཁྲམ་ཁ་སྡང་བའི་དགྲ་ལ་སྒྱུར། །ལྷ་སྲིན་གདུག་རྩུབ་བཟློག་ཏུ་གསོལ། །བསམ་པ་སྒྲུབས་ལ་རེ་བ་སྐོངས། །བཅོལ་བའི་ཕྲིན་ལས་འགྲུབ་པར་མཛོད། །ཀྱཻ། ནག་པོ་ཆེན་པོ་རྫུ་འཕྲུལ་ཅན། །ཁྱོད་ཀྱི་གཡོན་གྱི་རུ་འདྲེན་པ། །བཙན་རྒྱལ་དམར་པོ་མཐོང་གསོད་རྗེ། །སྐུ་མདོག་དམར་ནག་མེ་ལྟར་འབར། །དབུ་སྐྲ་དམར་པོ་གྱེན་དུ་གཟིངས། །ལེ་བརྒན་དར་དམར་ཐོད་ཆེན་བཅིངས། །སྤྱན་

[Full Size]

མིག་དམར་པོ་སྡང་མིག་བསྒྲད། །མཆེ་བ་ཟུར་གསུམ་དགྲ་ཤ་ཟ། །སྐུ་ལ་ལེ་བརྒན་འཇོལ་བེར་གསོལ། །ཕྱག་གཡས་རོ་ཡི་རྒྱལ་མཚན་ཕྱར། དགྲ་བགེགས་ཐལ་བ་རྡུལ་དུ་རློགས། །གཡོན་པས་ཞགས་པ་དམར་པོ་བསྣམས། །དགྲ་བགེགས་ཀུན་གྱི་ཡན་ལག་བཅིངས། །ཞལ་ནས་ཁྲག་གི་ཁ་ཕྲུ་འདེབས། །རི་རབ་རྩེ་ནས་ཀུ་ཡིས་འདེབས། །བཙན་གྱི་དམག་ཚོགས་ཕོ་ཉར་འགྱེད། །རོལ་དུ་འཕར་བ་དམར་མོ་ཁྲིད། །བཙན་བྱ་འུག་པ་ཀླད་ན་ལྡིང་། །འཁོར་དུ་བཙན་དམག་འབུམ་གྱིས་བསྐོར། །བཙན་དམག་མང་པོ་ཕྱུ་རུ་རུ། །རླུང་ནག་འཚུབ་མའི་འགྲོས་ལྡན་པས། །སྟོང་གསུམ་འཇིག་རྟེན་ཁམས་གསུམ་བསྐོར། །བཙན་གྱི་དལ་ཡམས་དགྲ་ལ་ཐོངས། །བཙན་གྱི་ཆོ་འཕྲུལ་སྟོང་གསུམ་འགེངས། །ཉིན་ཕྱེད་དང་ནི་ནམ་ཕྱེད་ལ། །ཕོ་ཉ་མང་པོ་སྐར་ལྟར་འཁྲུགས། །བཙན་བདུད་མང་པོ་འཁོར་དང་བཅས། །ནག་པོ་འཇིགས་བྱེད་བཀའ་བྱུང་གིས། །བཙན་གྱི་ཁྲམ་ཁ་དགྲ་ལ་སྒྱུར། །གཏོ་གླུད་གཉེན་པོ་འདི་བཞེས་ལ། །བཙན་གྱི་དམག་སྣ་དགྲ་ལ་སྒྱུར། །བསམ་པ་སྒྲུབས་ལ་རེ་བ་སྐོངས། །བར་དུ་གཅོད་པའི་དགྲ་བགེགས་

[Full Size]

སྒྲོལ། །ཀྱཻ། ནག་པོ་ཆེན་པོ་རྫུ་འཕྲུལ་ཅན། །ཁྱོད་ཀྱི་སྔོན་གྱི་རུ་འདྲེན་པ། །མ་མོ་ནག་མོ་རྫུ་འཕྲུལ་ཅན། །བལ་མོ་ནག་མོ་གདུག་རྩུབ་ཅན། །ལུས་ལ་ནད་ཡམས་སྣ་ཚོགས་བརྒྱན། །གཡས་ན་མ་མོའི་ཤོ་རྡེལ་འགྲིལ། །གཡོན་ན་ནད་ཀྱི་རྐྱལ་པ་བསྣམས། །ཕུང་སྲི་རྔ་མོང་འོག་ཏུ་ཞོན། །ཁ་ནས་ནད་ཀྱི་རླངས་པ་འཐུལ། །མིག་ནས་ཁྲག་ནད་ཆུ་ལྟར་འགྲུབ། །དུར་ཁྲོད་ཉུལ་ཞིང་ཀུན་ཏུ་རྒྱུག །སྐྱེ་འགྲོ་ཀུན་གྱི་སྲོག་ཀྱང་གཅོད། །ནམ་ཕྱེད་ཉུལ་ཞིང་ཕྱོགས་བཞིར་རྒྱུག །ཕུང་བྱེད་ཆེན་མོ་དབུགས་འཕྲོག་མ། །ཁྱོད་ནི་ནག་མོ་ཕུང་བྱེད་མ། །མི་རོ་བམ་རོ་རྒྱབ་ན་ཁུར། །ཤ་ལ་དགའ་ཞིང་ཁྲག་ལ་དགྱེས། །སེམས་ཅན་ཀུན་གྱི་མདངས་འཕྲོག་མ། །སྐྱེ་འགྲོ་ཡོངས་ཀྱི་བདུད་གཅོད་མ། །ཁྱོད་ཀྱི་རྫུ་འཕྲུལ་བསམ་མི་ཁྱབ། །ཡམས་ནད་རིམས་ནད་ཕྱོགས་བཅུར་གཏོང་། །ནད་བདག་རིམས་བདག་མཐུ་མོ་ཆེ། །འཁོར་དུ་ནག་མོ་འབུམ་གྱིས་བསྐོར། །ནག་མོ་འབུམ་སྡེ་ཕོ་ཉར་འགྱེད། །བྱ་ནག་གཤོག་རིང་ཀླད་ན་ལྡིང་། །དྲེལ་ནག་དཔུང་ཁྲ་རོལ་དུ་ཁྲིད། །ཕུང་གསུམ་ནད་ཀྱི་བདག་མོ་ཁྱོད། །ནག་

[Full Size]

པོ་ཆེན་པོའི་བཀའ་བྱུང་གིས། །མ་མོའི་གདུག་པ་བསྒྱུར་དུ་གསོལ། །ལོ་སྐག་ཟླ་སྐག་བསྒྱུར་དུ་གསོལ། ལྟས་ངན་སྣ་དགུ་བསྒྱུར་དུ་གསོལ། །བསམ་པ་སྒྲུབས་ལ་རེ་བ་སྟོངས། །བར་དུ་གཅོད་པའི་དགྲ་བགེགས་ཐུལ། །ཀྱེ་མ་སེམས་ཅན་སྲོག་གཅོད་ནག་པོ་ཆེ། །ཁྱོད་ཀྱི་རྫུ་འཕྲུལ་འགའ་སྡུད་པའི། །མི་ཁའི་རྒྱལ་མོ་བྲ་མཆུ་མ། །ཕ་ནི་སྤེལ་མགོ་ཆེན་པོ་ཡིན། །མ་ནི་ས་ཡི་ཕུང་བྱེད་མ། །དེ་གཉིས་འཚོགས་ཤིང་བཤོས་པ་ནི། །བུད་མེད་ལུས་ལ་བྲ་བའི་མགོ །ཁ་ནས་དམོད་པའི་ངན་སྔགས་ཟློག །རྒྱབ་ཏུ་མི་ཁ་སྣ་ཚོགས་ཁུར། །ལག་ན་ཚེར་ལྕགས་དམར་པོ་འཛིན། །བྱུར་གཤོག་ནག་པོས་མི་ཁ་སྡུད། །ཡར་གྱི་ལྷ་དང་བདུད་ལ་འབོད། །མར་གྱི་བགེགས་དང་སྲི་ལ་འབོད། །མི་ཁའི་རྒྱལ་མོ་ཕུང་བྱེད་མ། །དལ་ཡམས་སྣ་ཚོགས་སྣ་ཡང་འདྲེན། །ལྷ་མི་ཀུན་གྱི་བློ་ཡང་འཕྲོག །དགྲ་དང་གྱོད་ཀྱི་སྣ་ཡང་འདྲེན། །སྐྱེས་པ་ཕོ་ཡི་དབང་ལ་བརྐུ། །ཟ་མ་མོ་ཡི་མངལ་ལ་བརྐུ། །བཙན་དང་རྒྱལ་པོའི་སྣ་ལ་འདྲེན། །བདུད་དང་མ་མོའི་སྣ་ཡང་འདྲེན། །དལ་དང་ཡམས་ཀྱི་སྣ་ཡང་འདྲེན། །མི་ཁའི་རྒྱལ་མོ་ཕུང་གསུམ་བདག །

[Full Size]

ནག་པོ་ཆེན་པོའི་བཀའ་བྱུང་གིས། །ལྷ་སྲིན་སྡེ་བརྒྱད་གདུག་རྩུབ་ཟློག །གླུད་གཏོར་གཉེན་པོ་འདི་བཞེས་ལ། །སྐྱེས་པ་ཕོ་བརྒྱ་འདུས་པ་ན། །མི་ཁ་མདའ་ལྟར་གསོར་བ་ཟློག །མོ་བརྒྱ་འདུས་པའི་འཕང་ར་ན། །མི་ཁ་བལ་ལྟར་གཡེང་བ་ཟློག །བྲ་མཆུ་རླུང་ལྟར་འཚུབས་པ་ཟློག །དོ་ནུབ་བདུད་ཀྱི་ཁྲམ་ཁ་ཟློག །བཙན་དམག་སྡེ་བརྒྱད་གདུག་པ་ཟློག །གཤིན་རྗེའི་ཁྲམ་ལ་བཏབ་པ་ཟློག །མི་ཁ་བྲ་མཆུའི་རྐྱེན་ངན་ཟློག །སྐག་དང་འཚེར་རྩུབ་ཐམས་ཅད་སྒྱུར། །ལུས་ལ་ནད་དུ་བཏང་བ་སྒྱུར། །སྲོག་ལ་བར་ཆད་བྱེད་པ་སྒྱུར། །ཚེ་དང་བསོད་ནམས་ཉམས་པ་སྒྱུར། །ཁ་རྗེ་དབང་ཐང་ཉམས་པ་སྒྱུར། །ཟས་ནོར་ལོངས་སྤྱོད་འཕྲོག་པ་སྒྱུར། །དཔལ་དང་ལོངས་སྤྱོད་ཆུང་བ་སྒྱུར། །ལོ་སྐག་ཟླ་སྐག་ཐམས་ཅད་སྒྱུར། །ཞག་སྐག་ཟ་སྐག་ཐམས་ཅད་སྒྱུར། །དུས་ཚོད་བདུན་ཟུར་ངན་པ་སྒྱུར། །མོ་ངན་རྨི་ལྟས་ངན་པ་སྒྱུར། །ལོ་མཉམ་ཟླ་མཉམ་སྟེང་དུ་སྒྱུར། །མིང་འདྲ་འཁོན་འདྲའི་སྟེང་དུ་སྒྱུར། །སྡང་བྱེད་དགྲ་ཡི་སྟེང་དུ་སྒྱུར། །གནོད་བྱེད་བགེགས་ཀྱི་སྟེང་དུ་ཟློག །དམ་ཉམས་བྱེད་མའི་སྟེང་དུ་བྷྱོཿ

[Full Size]

སྒྱུར་སྒྱུར། བྷྱོ༔བྷྱོ༔ཟློག་ཟློག །ནག་པོ་མགོ་གསུམ་གྱི་རུ་འདྲེན་སྡེ་བཞིའི་བསྐུལ་པ་རྫོགས་སོ།། །། ༈ མི་ནག་མགོ་གསུམ་གྱི་ཐན་སྐྱ་ཉི་ཤུ་བཞུགས་སོ།། ཧཱུྃ། ས་བདག་འཁྲུགས་པའི་གཏི་མུག་ལས། །ལས་ཀྱི་སྲིན་པོ་ཕག་མགོ་ཅན། །གནས་ནི་གཏི་མུག་སྟེང་ན་གནས། །སྐྱེ་འགྲོ་སེམས་ཅན་ཐམས་ཅད་ཀྱི། །ནམ་ཕྱེད་དག་ལ་ཚེ་སྲོག་ལེན། །ཞེ་སྡང་སྲིན་པོ་ཚེ་སྲོག་བདུད། །ཕྱག་ཏུ་རབས་ཆད་ཐོད་པ་འབུལ། །རྨོངས་སྡུག་དབུལ་བའི་བསྒྲེན་འདྲེ་རྣམས། །ས་བདག་ནག་པོའི་གླུད་ཟོར་འདི། །སྡང་དགྲའི་སྟེང་དུ་བསྒྱུར་ཞིང་ཟློག །ས་བདག་འཁྲུགས་པའི་འདོད་ཆགས་ལས། །བཙན་ནི་དམར་པོ་བྱ་མགོ་ཅན། །གནས་ནི་ཁྲག་གི་རྒྱ་མཚོར་གནས། །སྐྱེ་འགྲོ་སེམས་ཅན་ཐམས་ཅད་ཀྱིས། །ཐོ་རངས་དག་ལ་རྣམ་ཤེས་ལེན། །འབྱུང་བ་ཆུ་ཡི་འཁོར་ལོར་བཤིག །ཕྱག་ཏུ་སྡང་བའི་དགྲ་བོ་འདུལ། །རྨང་སྡུག་དབུལ་བའི་སྡུག་འདྲེ་རྣམས། །ས་བདག་ནག་པོའི་གླུད་ཟོར་འདི། །སྡང་བའི་དགྲ་ལ་བསྒྱུར་ཞིང་ཟློག །ས་བདག་འཁྲུགས་པའི་ཞེ་སྡང་ལས། །བདུད་ཀྱི་མི་ནག་ཁྱི་མགོ་ཅན། །སྤྲིན་ནག་འཁྲུགས་པའི་ནང་ན་བཞུགས། །སྲོད་ལ་མི་ཡི་

[Full Size]

རྣམ་ཤེས་ལེན། །འབྱུང་བ་མེ་ཡི་འཁོར་ལོ་བཤིག །ཕྱག་ཏུ་སྡང་བའི་དགྲ་བོ་འབུལ། །རྨང་སྡུག་འབུལ་བའི་ཕུང་འདྲེ་ལ། །ས་བདག་ནག་པོའི་གླུད་ཟོར་འདི། །སྡང་བའི་དགྲ་ལ་བསྒྱུར་ཞིང་ཟློག །ས་བདག་འཁྲུགས་པའི་ཕྲག་དོག་ལས། །གནོད་སྦྱིན་ནག་པོ་སྦྲུལ་མགོ་ཅན། །གནས་ནི་བྲག་དམར་རྫོང་ལ་གནས། །ཉིན་ཕྱེད་དགྲ་བོའི་ཚེ་སྲོག་ལེན། །འབྱུང་བ་རུས་པའི་འཁོར་ལོ་བཤིག །བདུད་ཀྱི་ལུས་ལ་བཙན་གྱི་མགོ །རི་བོང་སྙིང་ལ་རེ་འབྱམས་སྤུ། །ཕྱག་ན་སྲོག་གི་སྤུ་གྲི་བསྣམས། །ཁྱེད་ནི་ལོ་བདུད་སྲོག་གི་གཤེད། །དགྲ་བོའི་སྟེང་དུ་རིང་པར་ཆོས། །ལྷ་བདུད་བར་དུ་ཁྱོད་ཞུགས་ལ། །དགྲ་བོའི་ཐུན་གསུམ་རྟེན་འབྲེལ་ཤིག །དགྲ་བོའི་དུར་ཁ་ཞག་དུས་ཟློག །དགྲ་བོའི་མི་ནོར་ཆམ་ལ་ཕོབ། །དགྲ་བོའི་མི་ནོར་རྡུལ་དུ་རློགས། །དགྲ་བོའི་བདུན་རྒྱུད་རྩད་ནས་ཆོད། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ལོ་སྐོར་བཅུ་གཉིས་ས་བདག་ལ། །མཐུན་པའི་དམ་རྫས་འབུལ་བ་ནི། །སྨྱུག་མ་རྩེ་རྒྱལ་བཅུ་གཉིས་ལ། །དར་སྣ་བལ་ཚོན་བཏགས་པ་ནི། །ལོ་ཡི་ས་བདག་སྐུ་ལ་འབུལ། །

[Full Size]

བདག་དང་རྒྱུ་སྦྱོར་ཡོན་བདག་ལ། །མི་དང་ནོར་གྱི་རིགས་རྒྱུད་སྤེལ། །མཐུ་དང་དངོས་གྲུབ་བདག་ལ་སྩོལ། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། སྔོན་གྱི་བསྐལ་པ་དང་པོ་ལ། །མ་རིག་གནམ་ས་འཁྲུགས་པའི་འདྲེ། །བར་གྱི་བསྐལ་པ་དང་པོ་ལ། །འབྱུང་བ་ལྔ་ཡི་འདྲེ་གཤེད་ལངས། །བསྐལ་ངན་དུས་ཀྱི་ཐ་མ་ལ། །རྒྱ་ཡི་མི་རབས་གཅོད་པའི་འདྲེ། །སློབ་དཔོན་ངན་པས་གདུག་པ་ལངས། །སྨོན་ལམ་ངན་པས་སྐྱེ་མཆེད་ལངས། །ཕོ་བདུད་དང་ནི་མོ་བདུད་ལངས། །གཞོན་གྱི་དར་སྲི་རྔམ་པ་ལངས། །རྩ་ནག་སྡིག་པའི་རྨང་འདྲེ་ལངས། །བསོད་ཟད་ཆུང་སྲི་རྟག་ཆད་དང་། །རབས་ཆད་སྟོང་ནག་དུར་ཕོ་དང་། །རྨོངས་སྡུག་དབུལ་བའི་འདྲེ་གདོན་རྣམས། །རབས་ཆད་ནག་པོའི་ཐོད་ཟོར་དང་། །ས་ཡི་བདག་པོའི་ཡས་སྟགས་འདི། །སྡང་བའི་དགྲ་ལ་བསྒྱུར་ཞིང་ཟློག །ཧཱུྃ། རྒྱ་གྲྭ་བའི་བྱིན་རླབས་ཀྱིས། །སྣང་སྲིད་ལྷ་འདྲེ་དབང་དུ་བསྡུས། །ཕྱག་ན་རྡོ་རྗེའི་མཐུ་སྟོབས་ཀྱིས། །གནོད་པར་བྱེད་པའི་འབྱུང་པོ་ཐུལ། །ཤང་ཤང་བྲ་མཆུ་བྱ་བ་ཁྱོད། །བྱང་ཕྱོགས་ཆུ་ཡི་དགྲ་དར་བས། །མཚོན་གྱི་ཁྲག་

[Full Size]

བཤལ་འོང་བ་སྒྱུར། །མཚམས་བཞི་ས་ཡི་དགྲ་དར་བས། །དུར་དུ་རོ་གལ་འགུལ་བ་སྒྱུར། །བློ་མི་ཁ་སུམ་ཏྲི་ཀ་ཏྲི་ཡཾ་ཡཾ། །ཀྱཻ། ཤང་ཤང་བྲ་མཆུ་བྱ་བ་ཁྱོད། །བདག་དང་རྒྱུ་སྦྱོར་ཡོན་བདག་གི །ཁྱིམ་སྒོ་ལམ་སྲང་འདི་དག་ལ། །མི་ཁ་མདའ་ལྟར་གསོར་བ་སྒྱུར། །བྲ་མཆུ་རྟ་ལྟར་འཚེར་བ་སྒྱུར། །ཁང་པའི་གསལ་ཁུང་ཕྱོགས་ཕྱོགས་ནས། །མི་ཁ་བྱིའུ་ལྟར་འཕུར་བ་སྒྱུར། །འགྲིམ་སྲང་སྒོ་ཐེམ་མར་ཞབས་ནས། །མི་ཁ་སྦྲུལ་ལྟར་འཛུལ་བ་སྒྱུར། །ཕྱོགས་ཕྱོགས་འགྲོན་པོའི་སྔོན་རྒྱབ་ན། །མི་ཁ་ཁྱི་ལྟར་འབྲང་བ་སྒྱུར། །བརྒྱ་ལམ་སྟོང་ལམ་འདུས་མདོ་ན། །མི་ཁ་ཐག་ལྟར་འཐག་པ་སྒྱུར། །མང་པོ་འདུས་པའི་འཕང་ར་ན། །མི་ཁ་ང་ལྟར་འདྲིལ་བ་སྒྱུར། །ཀྱཻ། ཤང་ཤང་བྲ་མཆུ་བྱ་བ་ཁྱོད། །ཤིང་གི་དགྲ་སྣ་གྲི་མདའ་འཕང་བ་སྒྱུར། །མེ་ཡི་དགྲ་སྣ་འཚིག་ཅིང་བསྲེགས་པ་སྒྱུར། །ལྕགས་ཀྱི་དགྲ་སྣ་གྲི་ངོ་ཁྲག་ངོ་ལང་བ་སྒྱུར། །ཆུ་ཡི་དགྲ་སྣས་ཁྱེར་ཞིང་བརྡེབ་པ་སྒྱུར། །རླུང་གི་དགྲ་སྣས་གནམ་དུ་གཡེང་བ་སྒྱུར། །འབྱུང་བཞི་གནམ་དུ་འཕྱུར་བ་སྒྱུར། །བན་བྱེད་བོན་བྱད་གཏད་ཁྲམ་དང་། །ནད་སྣ་

[Full Size]

རིམས་སྣ་ཡམས་སྣ་དང་། །མི་ལ་སྤྱི་རིལ་ཕོག་པ་རྣམས། །སྡང་དགྲ་གནོད་བྱེད་ཐོག་ཏུ་སྒྱུར། །ཁྱིམ་མཚེས་སྙིང་ངན་ཐོག་ཏུ་སྒྱུར། །ཤང་ཤང་བྲ་མཆུ་བྱ་བ་ཁྱོད། །ཟངས་་ཀྱི་བྲ་མཆུ་དབུ་ལ་སྐྱེས། །མཆུ་ལྟོ་ལྕགས་ལ་སྡེར་མོ་ཟངས། །ཡོན་བདག་རྨང་སྲི་དབུལ་འདྲེ་རྣམས། །སྡང་བ་དགྲ་བོའི་སྟེང་དུ་སྒྱུར། །འབྱུང་བའི་འཁྲུགས་འདྲེ་དགྲ་ལ་གཏད། །ཧཱུྃ། འབྱུང་བ་ཟད་པའི་སྟོང་གསུམ་ནས། །དམ་སྲི་ནག་པོ་རྟ་ལ་འགོང་། །ཀླུ་སྲིན་ནག་པོ་སྦལ་པར་འགོང་། །ཐེའུ་རང་ནག་པོ་ར་ལ་འགོང་། །ཕུང་སྲི་ནག་པོ་རྔ་མོང་འགོང་། །གྲི་ཕོ་ནག་པོ་ཕག་ལ་འགོང་། །བཙན་སྲི་དམར་པོ་ཤ་བ་འགོང་། །ཆུང་སྲི་ནག་པོ་སྲེ་མོང་འགོང་། །རྦབ་འདྲེ་ནག་མོ་བྱི་བ་འགོང་། །འགོང་སྲི་ནག་མོ་རི་ཝང་འགོང་། །ཐབ་སྲིན་ནག་མོ་ཡུ་མོ་འགོང་། །གཟེར་གྲི་ནག་མོ་ཤ་བ་འགོང་། །ཡུལ་འདྲེ་ནག་མོ་ཁྱི་ལ་འགོང་། །ཡུལ་གདོན་ནག་མོ་ཤྭ་བ་འགོང་། །བྲག་ཐིལ་ནག་པོ་འུག་པ་འགོང་། །ཆུ་འདྲེ་ནག་པོ་སྦྲུལ་ལ་འགོང་། །བདག་དང་ཡོན་གྱི་བདག་པོ་ཡི། །རྨོངས་སྡུག་དབུལ་བའི་འདྲེ་གདོན་རྣམས། །ཟ་ཁ་སྡང་བའི་དགྲ་ལ་སྟོན། །ཡས་

[Full Size]

དགུ་ཐག་བཅུ་རྫོངས་སུ་འདེབས། །ལྟས་ངན་ཡུལ་སྡིག་སྣ་ཁྲིད་ལ། །དགྲ་བོའི་ཡུལ་དུ་རིང་པར་ཆོས། །གནོད་བྱེད་འབྱུང་པོའི་གནོད་པ་རྣམས། །དགྲ་བོའི་ཡུལ་དུ་སྐྱེས་སུ་ཐོབ། །དགྲ་བོའི་མི་ནོར་རྡུལ་དུ་རློགས། །ས་བདག་ནག་པོ་འཁོར་བཅས་ཀྱང་། །དགྲ་བོའི་ཡུལ་དུ་མྱུར་དུ་ཆོས། །བཅོལ་བའི་ཕྲིན་ལས་འགྲུབ་པར་མཛོད། །དགྲ་ལ་གཡུལ་ཉེས་མི་རོ་བྱུང་། །དགྲ་ལ་ཡུལ་ཤོར་ལོ་ཉེས་ཐོངས། །དགྲ་ལ་ནང་འཁྲུག་རྨེ་ཤི་ཐོངས། །དགྲ་བོའི་མི་ནོར་མཐའ་ནས་སྐོམས། །དགྲ་བའི་བདུན་རྒྱུད་རྩད་ནས་ཆོད། །བཅོལ་བའི་ཕྲིན་ལས་འགྲུབ་པར་མཛོད།། ༈ མ་མོའི་ཐན་བསྒྱུར་བཞུགས་སོ།། ༼ཏ༽ བྷྱོཿ དུས་ངན་སྙིགས་མར་འཁྲུགས་པ་མེ་ལྟར་འབར། །མི་རྣམས་ཚེ་ཐུང་ལོངས་སྤྱོད་དབུལ། །ཉོན་མོངས་སྡུག་བསྔལ་ཆེ་བའི་ཕྱིར། །རྣལ་འབྱོར་དམ་ཚིག་མི་བསྲུང་ཞིང་། །སྐྱེ་བོ་བླ་མར་དགྲར་ལེན་ཅིང་། །བུད་མེད་བཙུན་ཚུགས་མི་འཛིན་ཅིང་། །བཙུན་པས་སྡོམ་ཁྲིམས་མི་བསྲུང་དུས། །དེ་དུས་སྲིད་པའི་མ་མོ་འཁྲུགས། །ལྟས་ངན་སྣ་ཚོགས་ཆར་དུ་འབེབས། །གཏོང་ཡང་མ་མོའི་ལྟས་ངན་

[Full Size]

གཏོང་། །བཟློག་ཀྱང་མ་མོས་ལྟས་ངན་ཟློག །དེ་རིང་ལྟས་ངན་བཟློག་པའི་དུས་ལ་བབ། །བྷྱོཿ ནམ་མཁའི་དབྱིངས་ནས་རྡོ་བྱུང་བ། །སྤྱི་བོ་བཅོམ་པའི་ལྟས་ངན་ཡིན། །ཉི་མ་ཟླ་བ་ཤི་བ་དེ། །ཆེ་བཙུན་ཤི་བའི་ལྟས་ངན་ཡིན། །སྐར་ཕྲན་འཕྲུ་ཐོ་ལང་བ་ནི། །སྡེ་འཁྲུག་འོང་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །སྐར་མ་ཡུལ་དུ་བབ་པ་དེ། །གཟའ་འཁོར་འཆི་བའི་ལྟས་ངན་ཡིན། །གློག་དམར་འཁྱུག་ཅིང་སྤྲིན་ནག་འཁྲུགས། །སད་སེར་འབྱུང་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །ཞིང་ལ་ས་གཡོས་ཆད་པ་དེ། །ཞིང་བདག་འཆི་བའི་ལྟས་ངན་ཡིན། །རི་བྲག་འགྱེལ་ཞིང་ཉིལ་བ་དེ། །ཡུལ་ལྷས་འགྱོད་པའི་ལྟས་ངན་ཡིན། །རི་དྭགས་ཁྱིམ་དུ་ཕྱིན་པ་དེ། །བྱེ་བྲལ་མི་ཁའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་

[Full Size]

བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །རི་བྱ་ཁྱིམ་དུ་འཛུལ་བ་དེ། །དགྲ་བོ་འོང་བའི་ལྟས་ངན་ཡིན། །སྦལ་སྤྲུལ་ཁྱིམ་དུ་འོང་བ་དེ། །ཀླུ་བདུད་ནག་པོའི་ལྟས་ངན་ཡིན། །བྱིས་པའི་རྐང་ལག་དྲུད་པ་དེ། །ཕ་ཁུ་འཆི་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །ཕུ་ཡི་ཤ་ཕོ་རུ་འཛིང་དེ། །སྡེ་འཐོར་འབྱུང་བའི་ལྟས་ངན་ཡིན། །མདའ་ཡི་ཉ་མོ་རྔ་འཛིང་དེ། །གྲི་འཁྲུགས་འབྱུང་བའི་ལྟས་ངན་ཡིན། །བར་གྱི་བྱ་ནག་སྡེར་འཛིང་དེ། །བདུད་ཀྱི་ཁྲམ་བཏབ་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །ཝ་རོ་མགོ་སྡུམ་རྙེད་པ་དེ། །རང་ཉིད་འཆི་བའི་ལྟས་ངན་ཡིན། །སྲིན་བྱས་ཀུ་ཡིས་འདེབས་པ་དེ། །མི་རོ་ཡུལ་འདྲེའི་ལྟས་ངན་ཡིན། །སྲེ་མོང་ཕྱི་རོ་ཁྱེར་བ་དེ། །ཆུང་སྲི་གཡོས་པའི་ལྟས་ངན་ཡིན། །

[Full Size]

དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །གླུ་ཐན་ཡུལ་དུ་རྒྱུག་པ་དེ། །བཟའ་དཔོན་འཆི་བའི་ལྟས་ངན་ཡིན། །ཝ་བརྒྱལ་འུག་པ་རྒོད་པ་དེ། །ཡུལ་བུད་ཤི་ཆད་ལྟས་ངན་ཡིན། །སྤྱང་ཀུའི་ངུ་འབོད་བྱེད་པ་དེ། །ཡུལ་དཔོན་འཆི་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །སྲིན་བྱས་འབུ་རོ་ཁྱེར་བ་དེ། །མི་རོ་བཟུང་བའི་ལྟས་ངན་ཡིན། །སྒོ་ཁྱི་ནམ་ཕྱེད་དུ་བ་དེ། །བཟའ་ཚང་བྱེར་བའི་ལྟས་ངན་ཡིན། །བྱང་པས་ས་དོང་སྐོ་བ་དེ། །ཤི་ཆད་འབྱུང་བའི་ལོ་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །སྲིད་ལ་བྱ་ཕོ་གྲག་པ་དེ། །མ་ཡམས་གཉེན་གྱི་ལྟས་ངན་ཡིན། །སྲེག་པ་ཁྱིམ་དུ་འོང་བ་དེ། །གོད་སྣ་ལྡང་བའི་ལྟས་ངན་ཡིན། །གོང་མོ་གྲོང་དུ་འོང་བ་དེ། །སྨན་གཟའ་གདུག་

[Full Size]

པའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །མི་ནག་མགོ་གསུམ་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །མཛེར་པ་བྱུང་དང་བྲུས་པ་དེ། །རོ་སྲེག་ལག་ལེན་བྱེད་པའི་ལྟས། །ལུས་དལ་ཉ་རྫོང་བརྣང་བ་དེ། །ལུས་ལ་འབུ་བུད་བྱུང་བ་རྣམས། །བཟའ་གྲོགས་འཆི་བའི་ལྟས་ངན་ཡིན། །བྱི་བ་ཁྱིམ་དུ་མཁྱེན་པ་དེ། །ཡུལ་བུད་འབྱུང་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །མི་ནག་མགོ་གསུམ་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །བྱ་ལོང་ཁྱིམ་དུ་འོང་བདེ། །བུ་ཕྲུག་འཆི་བའི་ལྟས་ངན་ཡིན། །དྲེལ་རྟས་རྔ་རྔོག་འཆའ་བ་དེ། །བཙན་དྲི་འབྱུང་བའི་ལྟས་ངན་ཡིན། །བཅའ་དུ་ལམ་དུ་རྙེད་པ་དེ། །འཁོན་ཐབས་འབྱུང་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །མི་ནག་མགོ་གསུམ་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །སོག་པའི་མེ་ལོང་བུག་པ་དེ། །རྒྱལ་པོའི་བཀའ་ཆད་ལྟས་ངན་ཡིན། །མཆིན་པའི་ཕོ་

[Full Size]

གདང་གས་པ་དེ། །བྲག་སྲིན་ཁྲོས་པའི་ལྟས་ངན་ཡིན། །རི་བྱ་ཁྱིམ་དུ་ཕྱིན་པ་དེ། །མིང་སྲིང་བཙོག་ནལ་ལྟས་ངན་ཡིན། །དེ་རིང་སྲིད་པའི་མ་མོ་དང་། །མི་ནག་མགོ་གསུམ་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །མདུང་དར་སྐེད་ནས་ཆག་པ་དེ། །སྲུང་སྐྱོབ་ལྷ་དབྱེའི་ལྟས་ངན་ཡིན། །སྦྲ་ཡི་གུང་ཤིང་ཆགས་པ་དེ། །ཐབ་ལྷ་འགྱོད་པའི་ལྟས་ངན་ཡིན། །ཁང་པའི་གདུང་མ་ཆག་པ་དེ། །ཁྱིམ་ལྷས་འགྱོད་པའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །མི་ནག་མགོ་གསུམ་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །སྦྲ་ཡི་ཆོན་ཐག་རྒྱུག་པ་དེ། །ཕུག་ལྷས་འཕང་བའི་ལྟས་ངན་ཡིན། །རི་རྡོ་ཞིང་དུ་ལྷུང་བ་དེ། །ཞིང་ལྷ་འཁྱམས་པའི་ལྟས་ངན་ཡིན། །རྨོས་གླང་རོལ་དུ་མཁྱེན་པ་དེ། །ས་སྲི་ནག་པོའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །མི་ནག་མགོ་གསུམ་མཐུ་བསྡོང་ལ། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །སྲིན་སྣ་མགྲོན་སྣ་འཕྲད་པ་དེ། །རྒ་ཐན་

[Full Size]

སྲིད་པའི་ལྟས་ངན་ཡིན། །ཏིས་ལོས་གྲོང་བར་འགྲིམ་པ་དེ། །བྱེ་བྲལའོང་བའི་ལྟས་ངན་ཡིན། །མར་མེས་ནག་འབུང་གྱོན་པ་དེ། །བན་བོན་འཆི་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མགོ་གསུམ་དང་། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །ཁ་ཤོ་རྐན་རལ་བྱུང་བ་དེ། །ནོར་དང་བྱེ་བའི་ལྟས་ངན་ཡིན། །རྐན་ལ་སོ་སྐྱེས་རིང་བྱུང་བ། །གཅེས་ཕྲུག་འཆི་བའི་ལྟས་ངན་ཡིན། །རྒྱུ་ལུག་སྐད་དཀྲིས་འབྱུང་བ་དེ། །རོ་མཚོ་འབྱུང་བའི་ལྟས་ངན་ཡིན། །དེ་རིང་སྲིད་པའི་མ་མོ་དང་། །སྟོབས་ཆེན་མི་ནག་མགོ་གསུམ་དང་། །གཏོར་མ་གླུད་དང་གསེར་སྐྱེམས་བཞེས། །ཐན་ལྟས་གསུམ་པོ་དགྲ་ལ་སྒྱུར། །བྱ་ཁ་བྱིའུ་མཆུ་འོང་བ་དེ། །གཏམ་ངན་མི་ཁའི་ལྟས་ངན་ཡིན། །ལྟག་པར་ཁ་དོད་བྱུང་བ་དེ། །ཉེ་རིང་འཆི་བའི་ལྟས་ངན་ཡིན། །རྐང་ལག་ཆད་ལྷག་བྱུང་བ་དེ། །།རིམས་ནད་འབྱུང་བའི་ལྟས་ངན་ཡིན། །བྷྱོཿ སྲིད་པའི་མ་མོ་ཆེན་མོ་དང་། །སྟོབས་ཆེན་མི་ནག་མགོ་གསུམ་ལ། །གཏོར་མ་གླུད་དང་གསེར་སྐྱེམས་འབུལ། །ཐོན་ལྟས་

[Full Size]

བརྒྱད་ཅུ་རྩ་གཅིག་དེ། །དེ་རིང་བསྒྱུར་ཞིང་བཟློག་ཏུ་གསོལ། །བཙན་པོའི་ཁ་ཡོག་ལྟས་ངན་སྒྱུར། །འཕེན་པོའི་མི་གཡང་ཉམས་པ་སྒྱུར། །ཕྱུག་པོའི་ནོར་སྒོ་བྱེ་བ་སྒྱུར། །དགྲ་སྣ་དམག་སྣ་ལྟས་ངན་སྒྱུར། །ལྟས་ངན་བརྒྱད་ཅུ་རྩ་གཅིག་རྣམས། །དེ་རིང་བཟློག་བསྒྱུར་ཕྲིན་ལས་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བྷྱོ༔བྷྱོ༔ཟློག་ཟློག །རྣམ་མོའི་ཐན་སྒྱུར་རྫོགས་སོ།། །། ༈ ནག་པོ་མགོ་གསུམ་གྱི་བྱང་བཀྲ་བཅུ་གསུམ་བཞུགས་སོ།། ཧཱུྃ། ང་ནི་འཕགས་པ་འཇམ་དཔལ་སྐུ། །ང་ནི་ཀོང་ཙེ་འཕྲུལ་གྱི་རྒྱལ། །འཕགས་པ་འཇམ་དཔལ་བཀའ་བྱུང་བས། །ནག་པོ་མགོ་གསུམ་འཁོར་བཅས་རྣམས། །བཀའ་དང་དམ་ལ་མ་འདའ་ཞིག །བསྔོས་པའི་གླུད་མདོས་འདི་བཞེས་ལ། །མ་འདའ་མ་འདའ་དམ་མ་འདའ། །དམ་ཚིག་འདི་ནི་གཙང་ལགས་སོ། །འཚོགས་པ་ཐམས་ཅད་ནོར་གྱིས་འབྱིན། །གླུད་མདོས་དམ་པ་རྒྱན་ཅན་འདི། །དར་སྟག་འབྲུ་སྣ་ཤེལ་ཚིགས་དང་། །སྟོང་གསུམ་ཙམ་གྱི་མདོས་ཆེན་འདི། །ཡོན་བདག་ཚེ་སྲོག་བསླུ་བའི་མདོས། །མི་ཁ་བྲ་མཆུ་བསྒྱུར་བའི་མདོས། །སྐག་པོ་ཆེ་རྣམས་བསྒྱུར་བའི་

[Full Size]

མདོས། །བྱད་ཁ་ཕུར་ཁ་སྒྱུར་བའི་མདོས། །ནད་ཁ་ཡམས་ཁ་ཟློག་པའི་མདོས། །གྱོད་སྣ་དམག་སྣ་ཟློག་པའི་མདོས། །སྒྱུར་ཅིག་ལྷ་འདྲེའི་བྱད་ཁ་སྒྱུར། །ཤ་ཁྲག་དམར་གྱི་གཏོར་མ་དང་། །འདོད་ཡོན་མཆོད་པ་བསམ་མི་ཁྱབ། །སྤྱན་གཟིགས་གཏོར་མ་མཐེབ་ཀྱུ་དང་། །དམིགས་གླུད་བསགས་པ་བསམ་མི་ཁྱབ། །འདི་འདྲའི་གླུད་མདོས་བརྒྱན་ཅན་འདི། །སྣང་སྲིད་ལྷ་འདྲེ་མདོས་ཀྱིས་མཆོད། །རྐང་འགྲོས་གཟུགས་བརྙན་མདོས་ལ་འབུལ། །དང་པོ་གནམ་མཐའ་ལྕགས་ཀྱིས་བསྐོར། །ས་མཐའ་དེ་ནི་ཟངས་ཀྱིས་བསྐོར། །གནམ་ས་དེ་གཉིས་སྲིད་པའི་བུ། །ཐབས་དང་ཤེས་རབ་ངང་ཉིད་ལ། །གནམ་བདུད་ལོ་གཤེད་བཅུ་གཉིས་དང་། །ས་བདུད་ལོ་གཤེད་བཅུ་གཉིས་དང་། །ལོ་བདུད་ལོ་གཤེད་བཅུ་གཉིས་དང་། །གཙུག་ལག་གནོད་པའི་སྐག་བསྒྱུར་ཏེ། །དེ་རིང་སྲིད་པའི་ལྷ་འདྲེ་ལ། །བྱང་བཀྲ་བཅུ་གསུམ་འབུལ་བ་ནི། །སྟོད་ཀྱི་རྩེ་མོ་ཟུར་གསུམ་ནི། །ཡོན་བདག་ལུས་ངག་ཡིད་གསུམ་གླུད། །སྨད་ཀྱི་རྐང་པ་ཟུར་གསུམ་ནི། །ཡོན་བདག་བྲན་གཡོག་འཁོར་བཅས་གླུད། །རྒྱབ་ཀྱི་ཁྲམ་ཤིང་བཅོ་

[Full Size]

བརྒྱད་འདི། །ཡོན་བདག་ཁམས་ཆེན་བཅོ་བརྒྱད་གླུད། །སྟོད་ཀྱི་མཁའ་གསང་ལྷ་མོ་རིས། །ཡོན་བདག་ཕུང་ཁམས་ལྔ་ཡི་གླུད། །ནང་གི་ལོ་འགྲོས་བཅུ་གཉིས་ནི། །ཡོན། བདག་སྐྱེ་མཆེད་བཅུ་གཉིས་གླུད། །སྟོད་ཀྱི་ཅོག་བུ་དམར་ནག་ནི། །བདུད་རྗེ་བདུད་བློན་བཅུ་གཉིས་དང་། །བདུད་རིགས་རྣམས་ཀྱིས་དཔང་མཛོད་ཅིག །མཚམས་ཀྱི་ཅོག་བུ་དམར་ནག་བཅུ་གཉིས་འདི། །དམུ་རྗེ་དམུ་བློན་རྣམས་ཀྱིས་དཔང་མཛོད་ཅིག །བཙན་ཁྲམ་བདུད་ཁྲམ་ལ་སོགས་ཀྱི། །བཙན་བདུད་རྣམས་ཀྱིས་དཔང་མཛོད་ཅིག །ཤར་ཕྱོགས་ཁྲམ་ཤིང་དཀར་པོ་འདིས། །དྲི་ཟའི་གདུག་པ་དགྲ་ལ་སྒྱུར། །ལྷོ་ཕྱོགས་ཁྲམ་ཤིང་སེར་པོ་འདིས། །གཤིན་རྗེའི་གདུག་པ་དགྲ་ལ་སྒྱུར། །ནུབ་ཕྱོགས་ཁྲམ་ཤིང་སྔོན་པོ་འདིས། །ཀླུ་ཡི་གདོན་ཚོགས་དགྲ་ལ་སྒྱུར། །བྱང་ཕྱོགས་ཁྲམ་ཤིང་དམར་པོ་འདིས། །གནོད་སྦྱིན་གདོན་ཚོགས་དགྲ་ལ་སྒྱུར། །རྐྱེན་ངན་བར་ཆད་ཐམས་ཅད་སྒྱུར། །ཀྱི༔ བདུད་ཀྱི་ཁྲོ་རྒྱལ་ཆེན་པོ་དང་། །སྣང་སྲིད་ལྷ་འདྲེ་ཁྱེད་རྣམས་ལ། །བྱང་བཀྲ་བཅུ་གསུམ་འབུལ་བ་ནི། །སྟོད་ཀྱི་སྤྲིན་ཆེན་ལྡིང་བ་འདི། །ཉི་མ་ཟླ་བ་གཟའ་སྐར་

[Full Size]

བཅས། །སྐར་བདུད་བཅུ་གསུམ་དཔང་མཛོད་ཅིག །བར་གྱི་ལོ་རིས་བཅུ་གསུམ་སྟེ། །ལོ་བདུད་ལོ་གཤེད་རྣམས་ལ་འབུལ། །ཡོན་བདག་ལོ་གཤེད་བཟློག་ཏུ་གསོལ། །ཀྱཻ། རྒྱལ་པོ་བྱི་བའི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་བྱི་བའི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་པོ་རེ་སྡེ་མགོ་ཉག་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །བརྟུལ་ཞུགས་གླང་གི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་གླང་གི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་རྒྱལ་གཤེད་ཀྱི་རྒྱལ་པོ་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །གདུག་པ་སྟག་གི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་སྟག་གི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་པོ་ཁང་སྟོང་འདྲེ་ཡུག་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་

[Full Size]

རྟ་ཡི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་པོ་མ་རྔམས་ཁོལ་པོ་ལ། །ཡོན་གྱི་བདག་པོའི་གླུད་དུ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །གཡང་ཅན་ལུག་གི་ལོ་འདི་ལ། །ལུས་པོ་མི་ཡི་ལུས་པོ་ལ། མགོ་བོ་ལུག་གི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་པོ་ཁྲོ་རྒྱལ་ཆེན་པོ་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །འདུ་མོ་སྤྲེལ་གྱི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་སྤྲེལ་གྱི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་རྒྱལ་རྔམས་སྟོབས་ཆེན་པོ་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །འདབ་ཆགས་བྱ་ཡི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་བྱ་ཡི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་རྒྱལ་ཟ་བྱེད་ཆེན་

[Full Size]

ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །འཚང་ཆེན་ཡོས་བུའི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་ཡོས་བུ་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་པོ་མང་ཤོང་ནག་པོ་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །གཏུམ་ཆེན་འབྲུག་གི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་འབྲུག་གི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་པོ་ཁྲོ་རྒྱལ་ཆེན་པོ་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །ཞེ་སྡང་སྦྲུལ་གྱི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་སྦྲུལ་གྱི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་རྒྱལ་མྱུར་བ་ལག་རིང་ལ། ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །མགྱོགས་པ་རྟ་ཡི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་

[Full Size]

པོ་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །ཕྲག་དོག་ཁྱི་ཡི་ལུས་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་ཁྱི་ཡི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་རྒྱལ་རྟ་ཡང་ཆེན་པོ་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །དུར་མོ་ཕག་གི་ལོ་འདི་ལ། །ལུས་པོ་མི་ཡི་ལུས་པོ་ལ། །མགོ་བོ་ཕག་གི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །བདུད་རྒྱལ་ཡོར་མོ་འགྲམ་རིང་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །མི་ལུས་སྦལ་པའི་མགོ་བོ་ཅན། །མཇུག་མ་སྦྲུལ་དུ་འདུག་པ་ལ། །ལག་པ་བྱ་ཁྱུང་སྡེར་མོ་ཅན། །ས་བདག་རྒྱལ་པོ་འཁོར་བཅས་ལ། །ཡོན་གྱི་བདག་པོའི་གླུད་དུ་འབུལ། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །དེ་འདྲའི་བྱང་བཀྲ་བཅུ་གསུམ་འདི། །སྲིད་པའི་ལྷ་འདྲེ་རྣམས་ལ་

[Full Size]

འབུལ། །སྣང་སྲིད་ལྷ་འདྲེས་དཔང་མཛོད་ཅིག །ཀྱཻ། ཕོ་བདུད་བཅུ་གསུམ་གཡས་སུ་སྒྱུར། །མོ་བདུད་བཅུ་གསུམ་གཡོན་དུ་སྒྱུར། །ཆུང་བདུད་བཅུ་གསུམ་ཐད་དུ་སྒྱུར། །སྤྱི་བདུད་བཅུ་གསུམ་མཁའ་ལ་སྒྱུར། །བདུད་སྣ་བཅུ་གསུམ་སྟག་སྣ་ཟློག །བཙན་སྣ་བསྒྱུར་ལ་ཁྲམ་སྣ་ཟློག །བྱད་ཁ་ཟློག་ཅིག་རིམས་ཁ་སྒྱུར། །མིའུ་རིན་ཆེན་གླུད་ཀྱིས་བསླུ། །གཤེད་མ་བདུད་ཀྱི་དལ་ཁ་ཟློག །སྔགས་འཆང་བདག་གིས་བསྔོས་པ་ཡིས། །གླུད་མདོས་དམ་པ་རྒྱན་ཅན་འདི། །འགྲོ་བ་རིགས་དྲུག་གླུད་དུ་འབུལ། །གླུད་བདག་ཆེན་པོས་གླུད་ལོངས་ཤིག །མདོས་བདག་ཆེན་པོས་མདོས་བཞེས་ཤིག །བུ་ལོན་ལན་ཆགས་བྱང་གྱུར་ཅིག །རྐྱེན་ངན་བར་ཆད་ཐམས་ཅད་ཟློག །བདག་དང་ཡོན་བདག་འཁོར་བཅས་ཀྱི། །ད་ལྟ་འཆི་བའི་མི་ཡོད་ཀྱང་། །ལོ་གསུམ་བར་དུ་བཤོལ་ཐོབ་ཅིག །སྲིད་པའི་ཁྲམ་མདོས་ཆེན་པོ་འདི། །མི་ཁ་བྲ་མཆུ་དགྲ་ལ་སྒྱུར། །ཟླ་སྐག་ཞག་གཤེད་དགྲ་ལ་སྒྱུར། །མི་ཁ་ཟློག་ཅིག་ཁྲམ་ཁ་སྒྱུར། །དགྲ་སྣ་སྒྱུར་ཅིག་ཡམས་སྣ་ཟློག །ཕོ་བརྒྱ་འབངས་ཀྱི་ལྟས་ངན་ཟློག །མོ་བརྒྱ་བྲན་གྱི་

[Full Size]

གིང་ལོང་ཟློག །ཕ་སྤུན་ངན་པའི་དུག་གཡོས་ཟློག །མདའ་དང་མདུང་གི་མཚོན་སྣ་སྒྱུར། །དཔལ་གྱི་རི་བོ་འགྱེལ་བ་སྒྱུར། །སྲིད་ཀྱི་མཚོ་མོ་སྐམ་པ་ཟློག །ལོ་དགྲ་བཙའ་སད་སེར་གསུམ་སྒྱུར། །ཤར་ཕྱོགས་སྟག་དང་ཡོས་བུའི་ལོ། །ཤར་དྲི་ཟའི་གདུག་པོ་དགྲ་ལ་སྒྱུར། །ལྷོ་ཕྱོགས་རྟ་དང་སྦྲུལ་གྱི་ལོ། །ལྷོ་ཕྱོགས་གཤིན་རྗེའི་གདུག་པ་དགྲ་ལ་སྒྱུར། །ནུབ་ཕྱོགས་བྱ་དང་སྤྲེལ་གྱི་ལོ། །ནུབ་ཀླུ་བདུད་གདུག་པ་དགྲ་ལ་སྒྱུར། །བྱང་ཕྱོགས་ཕག་དང་བྱི་བའི་ལོ། །བྱང་གནོད་སྦྱིན་གདུག་པ་དགྲ་ལ་སྒྱུར། །བྱང་ཤར་གཤེད་འདྲེ་གླང་གི་ལོ། །བྱང་ཤར་གཤེད་འདྲེ་དགྲ་ལ་སྒྱུར། །ཤར་ལྷོའི་གཤེད་འདྲེ་འབྲུག་གི་ལོ། ཤར་ལྷོའི་གཤེད་འདྲེ་དགྲ་ལ་སྒྱུར། །ལྷོ་ནུབ་གཤེད་འདྲེ་ལུག་གི་ལོ། །ལྷོ་ནུབ་གཤེད་འདྲེ་དགྲ་ལ་སྒྱུར། །ནུབ་བྱང་གཤེད་འདྲེ་ཁྱི་ཡི་ལོ། །ནུབ་བྱང་གཤེད་འདྲེ་དགྲ་ལ་སྒྱུར། །ཧཱུཾ། གདུག་པའི་ལོག་འདྲེན་ཐམས་ཅད་ཀུན། །སྡང་བར་བྱེད་པའི་དགྲ་ལ་སྒྱུར། །ཧཱུཾ། ནག་པོ་མགོ་གསུམ་འཁོར་བཅས་ལ། །བྱང་བཀྲ་རྒྱང་བུ་ལོ་རིས་དང་། །གཏོར་མ་ཤ་དང་མཐེབ་སྐྱུ་འབུལ། །དགྲ་བགེགས་གདུག་རྩུབ་ཞི་བར་

[Full Size]

མཛོད། །མི་ཁ་ཁྲམ་སྣ་དགྲ་ལ་སྒྱུར། །ཐན་དང་ཆོ་འཕྲུལ་དགྲ་ལ་སྒྱུར། །ཧཱུྃ། ས་བདག་རྒྱལ་པོའི་གླུད་མདོས་འདི། །གདུག་བྱེད་བདུད་ཀྱི་ཆོ་འཕྲུལ་སྒྱུར། །སྡེ་བརྒྱད་གདུག་པ་བཟློག་ཏུ་གསོལ། །སྲོག་ལ་དགྲ་ཞུགས་སྲོག་བདུད་དགྲ་ལ་སྒྱུར། །ཚེ་ལ་དགྲ་དར་ཚེ་བདུད་སྒྱུར། །རྒྱལ་འབངས་ཡོངས་ཀྱི་སྐག་བདུད་སྒྱུར། །ཡུལ་ཕྱོགས་དགྲ་སྲི་ལང་བ་སྒྱུར། །མི་ཁ་ཁྱོད་རྐྱེན་དགྲ་ལ་སྒྱུར། །ཨོཾ་ཧ་ས་གནྟུ་མཱ་ར་ཡ་ཕཊ། དགྲ་བགེགས་མི་ཁ་བྱད་ཁ་ལོ་བདུད་དགྲ་གཤེད་ཐམས་ཅད་སྒྱུར་སྒྱུར༔ ཟློག་ཟློག །བྱང་བཀྲའི་འཁྲུགས་ཆོག་རྫོགས་སོ།། །།ཤེས་རབ་སྙིང་པོ་འདོན་པ་གལ་ཆེ། མི་ནག་མགོ་གསུམ་གྱི་རྩང་གྱེར་བཞུགས་སོ།། ཧཱུྃ། ང་ནི་འཕགས་པ་འཇམ་དཔལ་ཡིན། །ཁྲོས་པ་ཡབ་གཅིག་གཤིན་རྗེ་ཡིན། །ཟློག་སྒྱུར་བྱེད་པའི་བདག་པོ་ཡིན། །ཉོན་ཅིག་སྣང་སྲིད་ལྷ་འདྲེ་ཉོན། །ཧཱུྃ་བྷྱོ་ཛཿ དྲག་པོ་རྩང་དང་ཕུར་པའི་ལྷ། །སྲིད་པ་ལས་ཀྱི་མདོས་བཤམས་ནས། །མཐའ་མ་ལྕགས་རི་ནག་པོས་བསྐོར། །ལྕགས་རི་ནག་པོའི་མུ་ཁྱུད་ལ། །དྲག་པོ་ལས་ཀྱི་རྩང་ཕུར་བཙུགས། །ཞེ་སྡང་མཚོན་ཆར་བྱིན་

[Full Size]

གྱིས་རློབས། །རྩང་སྟོད་མེ་འབར་ལྷབས་སེ་ལྷབ། །བཙན་དམག་ལས་བྱེད་ཤོ་ར་ར། །རྩང་སྨད་མུན་ནག་ཐིབས་སེ་ཐིབི། །བདུད་དམག་བྲོ་བརྡུང་ཁྲིགས་སེ་ཁྲིག །བདུད་བཙན་དམག་སྣ་དགྲ་ལ་འགྱེད། །རྐེད་པ་རྒྱ་མདུད་ཁོང་སེང་ནས། །ཁྲོ་བོའི་འབྲུག་སྒྲ་འུ་རུ་རུ། །དྲག་པོའི་ཕྲིན་ལས་མཛད་ཙམ་ན། །ཞེ་སྡང་རྩང་ཕུར་བཞེངས་སུ་གསོལ། །ཧཱུཾ། དང་པོ་རྩང་བྱུང་གང་ནས་བྱུང་། །རྩང་ཕུར་མུ་སྟེགས་ཡུལ་ནས་བྱུང་། །མུ་སྟེགས་ཡུལ་གྱི་ལྷོ་ནུབ་ཏུ། །དུར་ཁྲོད་ཆེན་པོའི་མཐའ་མ་རུ། །གདུག་པའི་སྐྱེར་པ་ཕུང་གཅིག་སྐྱེས། །དེ་ལ་ལྷ་འདྲེ་མང་པོ་གནས། །གཤིན་རྗེ་ལས་ཀྱི་གྲུབ་སྔགས་ཡིས། །སྤུ་གྲི་ངར་མའི་ཕྱག་ཆ་བསྣམས། །གདུག་པའི་སྐྱེར་ཕུང་རྩ་བ་བཅད། །རྩ་བཅད་རྩེ་བཞོགས་གཉིས་ཀ་བྱས། །ཚད་ནི་གྲུ་གང་ཚོན་གང་བྱས། །རྩེ་མོ་ཟུར་གསུམ་སྐུ་གསུང་ཐུགས། །རྩ་བ་ཟུར་གསུམ་དབལ་ཕུར་བྱས། །ཛདང་བྷྱོ་ཡི་ཡི་གེ་བྲིས། །གྲུ་གསུམ་མཐིང་ནག་འབར་བའི་དཀྱིལ་འཁོར་ན། །རྣལ་འབྱོར་སྔགས་འཆང་ལས་གྲུབ་པས། །སྤྲུལ་པའི་ཕོ་ཉར་བྱིན་གྱིས་བརླབས། །ཁྲོ་བོ་ཆེན་པོར་བསྔགས་

[Full Size]

ལགས་ཀྱི། །མཚོན་གྱི་སྤྲུལ་པར་ཕྱག་རྒྱུར་གསལ། །གདུག་པ་འདུལ་ཕྱིར་རྩེ་མོ་དབལ་དང་ལྡན། །རྩང་ཕུར་རྩེ་མོ་ཆོས་ཀྱི་དབྱིངས་སུ་འགྱེད། །མར་གྱི་རྩེ་མོར་དུར་ཁྲོད་སོལ་བས་བྱུག །འཇིགས་པའི་མུན་ནག་ཐིབས་སེ་ཐིབ། །དེ་འདྲའི་རྩང་ཕུར་བཞེངས་སུ་གསོལ། །ཡར་གྱི་རྩེ་མོ་ཆོས་ཉིད་དབྱིངས་སུ་འཕྱོ། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ་ཐུན་བྷྱོ༔ །མར་གྱི་རྩེ་མོ་དུར་ཁྲོད་གནས་སུ་ཟུག །དལ་ཡམས་མི་ཁ་ཐམས་ཅད་བསྒྱུར་དུ་གསོལ། །རྐེད་པ་རྒྱ་མདུད་ཁམས་གསུམ་དབང་དུ་སྡུད། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ རྩང་སྟོད་རྩེ་མོ་གདུག་པའི་མེ་ལྟར་འབར། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་ཞེ་སྡང་ཆུ་ལྟར་ཁོལ། །དལ་ཡམས་མི་ཁ་བསྒྱུར་དུ་གསོལ། །རྐེད་པ་རྒྱ་མདུད་ལྷ་ཡི་ཕོ་ཉ་འགྱེད། །དགྲ་འདྲེའི་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་དྲག་པོའི་འབྲུག་སྒྲ་སྒྲོག །ལྷ་དང་ལྷ་མིན་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །

[Full Size]

མར་གྱི་རྩེ་ལ་ལྕགས་ཀྱི་སྤྱང་མོ་ངུ། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུག་སྦྲུལ་ནག་མདུད་པ་བཅའ། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་གཡུ་ཡི་ཁུ་བྱུག་གྲག །ལྷ་མ་ཡིན་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོན་བྷྱོ༔ །མར་གྱི་རྩེ་ལ་སྦྲུལ་ནག་མདུད་པ་བཅའ། །དལ་ཡམས་མི་ཁ་བསྒྱུར་དུ་གསོལ། །སྐེད་པ་རྒྱ་མདུད་མི་ཁའི་ཕོ་ཉ་རེ། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་དུང་སེང་རལ་པ་བསིགས། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་སྦྱོ། །མར་གྱི་རྩེ་ལ་འཇིགས་པའི་དྲེད་མོང་རྔམ། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་སྲིན་པོའི་གྲོང་ཁྱེར་བཅའ། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་བསེ་ཡི་བྱ་གླག་འཇུམ། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་ཟངས་ཀྱི་འཕར་བ་རྒྱུག །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་ཞེ་སྡང་རླུང་དམར་འཚུབ། །དགྲ་འདྲེ་

[Full Size]

མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་ལྟས་ངན་འུག་པ་རྒོད། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་ལྕགས་ཀྱི་ཕག་རྒོད་ངུར། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་ལྕགས་ཀྱི་སྡིག་པ་ངར། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་དུང་གི་བྱ་རྒོད་ལྡིང་། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་དཔའ་གཏུམ་སྟག་མོ་ངར། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་རྒྱ་གྲོག་དམར་ནག་འཁྲུགས། །དགྲ་འདྲེའི་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་བསེ་ཡི་འུག་པ་རྒོད། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོན་བྷྱོ༔ །མར་གྱི་རྩེ་ལ་ཟངས་ཀྱི་ཝ་མོ་བརྒྱལ། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་དབལ་གྱི་ཚྭ་ཚྭ་འཕྲོ། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་བསེ་ཡི་བྱ་ཁྲ་འབབ། །ལྷ་མ་ཡིན་གྱི་ཁ་རླངས་

[Full Size]

གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་དོམ་ནག་རིལ་པ་གསིགས། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་གཟིག་ཆེན་ཐིག་ལེ་ངར། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛ་་ཡར་གྱི་རྩེ་ལ་དྲག་པོའི་འབྲུག་སྒྲ་སྒྲོག །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་བསྐལ་པའི་གློག་དམར་འཁྱུགས། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་ལྕགས་ཀྱི་སེར་བ་འབེབས། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུྃ་བྷྱོ་ཛཿ ཡར་གྱི་རྩེ་ལ་བྱ་རོག་ཤ་འཐབ་བྱེད། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་་གདུག་པའི་སྦྲུལ་ནག་འཁྲུགས། །དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་གནམ་ལྕགས་ཐོག་རྒོད་འཕྲོ། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །ཧཱུཾ་བྷྱོ༔ཛཿ ཡར་གྱི་རྩེ་ལ་ལྷ་ཡི་ཕོ་ཉ་འགྱེད། །ལྷ་མ་ཡིན་གྱི་ཁ་རླངས་གཏོང་བ་དང་། །མི་མ་ཡིན་གྱི་ཆོ་འཕྲུལ་བྷྱོ༔ཐུན་བྷྱོ༔ །མར་གྱི་རྩེ་ལ་ཁྲག་མཚོ་དམར་ནག་འཁྲུགས། །

[Full Size]

དལ་ཡམས་མི་ཁ་བསྒྱུར་དུ་གསོལ། །རྒྱ་མདུད་ནང་དུ་ཆོས་སྐྱོང་ལས་ལ་འགྱེད། །དགྲ་འདྲེ་མི་ཁ་ལྟས་ངན་བསྒྱུར་དུ་གསོལ། །རྩོང་ཕུར་དྲག་པོའི་ལས་ཀྱི་ཕོ་ཉ་མངག །ང་རྒྱལ་རྫུ་འཕྲུལ་རི་རབ་ཚོགས་པོར་འཕེན། །འཇིགས་པའི་སྐད་ཀྱིས་སྟོང་གསུམ་ཟིལ་གྱིས་གནོན། །མྱུར་མགྱོགས་སྟོབས་ཀྱིས་ཁམས་གསུམ་དབང་དུ་སྡུད། །སྤྲུལ་པའི་སྟོབས་ཀྱིས་རི་རབ་གླིང་བཞི་བསྐོར། །དྲག་པོའི་རྩང་ཕུར་ནམ་མཁའི་མཐའ་དང་མཉམ། །དྲག་པོའི་རྩང་ཕུར་མདོས་ཀྱི་རྒྱན་དུ་བཙུགས། །དྲག་པོ་རྩང་ཕུར་ཞེ་སྡང་མེ་ལྟར་འབར། །ཆོས་ཉིད་དྲག་པོའི་དྲྭ་བ་མིག་མང་རིས། །འཁོར་བའི་དྲྭ་བ་ཁ་སྤྱོད་ཕོ་བ་རིས། །ཉོན་མོངས་དྲྭ་བས་གནོན་ཅིང་འཐིབས་པར་བྱེད། །ཤེས་རབ་དྲྭ་བས་མ་རིག་གསལ་བར་བྱེད། །།སྤྲུལ་པའི་དྲྭ་བས་དགྲ་བགེགས་སྲོག་རྩ་གཅོད། །གདུག་རྩུབ་སྤྲུལ་པའི་དྲྭ་མིག་རེ་རེ་ལ། །དགྲ་བགེགས་གནོད་བྱེད་བཀུག་ནས་ཡང་ཡང་བསྟིམས། །དམ་ཉམས་དགྲ་བོའི་སྲོག་རྩ་གཅོད་པའི་བྱེད། །ཧཱུྃ། ཞི་བའི་ལྷ་ཚོགས་ཐུགས་དམ་བསྐུལ་བ་ནི། །ཞི་བའི་ཆུང་ཕུར་དཀར་པོ་རྩེ་མོ་ཟླུམ། །ཡར་གྱི་རྩེ་མོ་ཆོས་ཉིད་དབྱིངས་

[Full Size]

སུ་སླེབས། །མར་གྱི་རྩེ་མོ་ངན་སོང་རྡོག་པས་ནོན། །རྐེད་པ་རྒྱ་མདུད་སྟོང་ཉིད་བྱང་ཆུབ་སེམས། །ཡར་གྱི་རྩེ་ལ་བསྐལ་པའི་མེ་དཔུང་འབར། །གདུག་རྩུབ་མེ་འབར་ལམས་སེ་ལམ། །མར་གྱི་རྩེ་ལ་ཁྲག་མཚོ་དམར་ནག་ཁོལ། །ཁྲག་མཚོ་དམར་ནག་ལམས་སེ་ལམ། །རྐེད་པ་རྒྱ་མདུད་ཟླུམ་པོ་གཞལ་ཡས་ཁང་། །མ་མོ་མཁའ་འགྲོའི་བྲོ་བརྡུང་ཁྲིགས་སེ་ཁྲིག །ཞི་བའི་རྩང་ཕུར་སྲིན་མོ་འགྲོས་སུ་བཙུགས། །རྩང་ཕུར་རྔམས་སྟབས་ཁྲིགས་སེ་ཁྲིག །རྩང་ཕུར་ཤ་ཟ་ལྗིབས་སེ་ལྗིབ། །རྩང་ཕུར་ཁྲག་འཐུང་སྙོམས་སེ་སྙིམ། །རྩང་ཕུར་རུས་འཆའ་ཆེམས་སེ་ཆེམ། །དགྲ་འདྲེ་བྱད་མའི་སྙིང་ལ་འདེབས། །ཧཱུཾ། རྒྱས་པའི་རྩང་ཕུར་གྲུ་བཞི་སེར་པོ་ལ། །ཡར་གྱི་རྩེ་ལ་རྒྱས་པའི་ལྷ་རྣམས་བཞུགས། །རྟིང་པ་དགྲ་བགེགས་སྙིང་ལ་གཟིར། །རྐེད་པ་གྲུ་བཞི་གཞལ་ཡས་ཁང་། །རྒྱས་མཛད་རྣོ་དབལ་རྩང་ཕུར་གྱི། །མར་གྱི་རྩེ་ལ་མཚལ་སྟག་དམར་པོ་མཆོངས། །རི་བཀྲ་འཛུམ་དྲུག་ཤིགས་སེ་ཤིག །དུང་གི་མཆེ་བ་ཐམས་སེ་ཐམ། །ལྕགས་ཀྱི་རལ་གསིགས་ཟིངས་སེ་ཟིང་། །རྒྱས་པའི་རྩང་ཕུར་སྲིན་མོ་འགྲོས་སུ་བཙུགས། །རྩང་ཕུར་

[Full Size]

རྔམ་སྟབས་ཁྲིགས་སེ་ཁྲིག །རྩང་ཕུར་ཤ་ཟ་ཆེམས་སེ་ཆེམ། །རྩང་ཕུར་ཁྲག་འཐུང་སྙིམས་སེ་སྟིམ། །རྩང་ཕུར་རུས་འཆའ་ཁྲུམས་སེ་ཁྲུམ། །དགྲ་བགེགས་བྱད་མའི་སྙིང་ལ་འདེབས། །ཧཱུཾ། དབང་གི་རྩང་ཕུར་ཟླ་གམ་དམར་པོ་ལ། །ཡར་གྱི་རྩེ་ལ་དབང་གི་ལྷ་ཚོགས་བཞུགས། །མར་གྱི་རྩེ་མོ་དགྲ་འདྲེའི་སྙིང་ལ་འདེབས། །རྐེད་པ་རྒྱ་མདུད་ཟླ་གམ་གཞལ་ཡས་ཁང་། །ཡར་གྱི་རྩེ་ལ་གཟིག་ཆེན་ཐིག་ལེ་ངར། །འཇིགས་པའི་རྔམ་སྟབས་འུ་རུ་རུ། །རྟིང་པར་དོམ་ནག་མཆེ་བ་གཙིགས། །དྲག་པོའི་མཆེ་གཙིགས་ཐམས་སེ་ཐམ། །རྐེད་པར་ལྕགས་ཀྱི་སྤྱང་མོ་ངུང་། །གདུག་པའི་སྤྱང་ཀུ་ལྷངས་སེ་ལྷང་། །དབང་གི་རྩང་ཕུར་སྲིན་མོ་འགྲོས་སུ་བཙུགས། །རྩང་ཕུར་རྔམ་སྟབས་ཁྲིགས་སེ་ཁྲིག །རྩང་ཕུར་ཤ་ཟ་ལྗིབས་སེ་ལྗིབ། །རྩང་ཕུར་ཁྲག་འཐུང་སྙིམས་སེ་སྟིམ། །རྩང་ཕུར་རུས་འཆའ་ཁྲུམས་སེ་ཁྲུམ། །དགྲ་བགེགས་བྱད་མའི་སྙིང་ལ་འདེབས། །ཧཱུྃ༔ དྲག་པོའི་རྩང་ཕུར་གྲུ་གསུམ་ནག་པོ་ལ། །ཡར་གྱི་རྩེ་ལ་དྲག་པོའི་ལྷ་རྣམས་བཞུགས། །རྟིང་པས་དགྲ་བགེགས་སྙིང་ལ་གཟིར། །རྐེད་པ་རྒྱ་མདུད་གྲུ་གསུམ་གཞལ་

[Full Size]

ཡས་ཁང་། །མར་གྱི་རྩེ་ལ་བསེ་ཡི་བྱ་གླག་འཇུམ། །གླག་མོའི་ཟུག་སྐད་ཆེམས་སེ་ཆེམ། །དྲག་པོའི་སྡེར་འཛུམ་ཁྲིགས་སེ་ཁྲིག །རྟིང་པར་ལྕགས་ཀྱི་ཕོ་རོག་འགྱེད། །མི་སྡུག་འགྱོད་སྐད་ཁྲངས་སེ་ཁྲང་། །རྐེད་པར་ཐན་བྱ་འུག་པ་རྒོད། །ལྟས་ངན་འུག་རྒོད་ལྷངས་སེ་ལྷང་། །དྲག་པོའི་རྩང་ཕུར་སྲིན་མོ་འགྲོས་སུ་བཙུགས། །གསོད་བྱེད་དྲག་པོའི་རྔམ་སྟབས་ཁྲིགས་སེ་ཁྲིག །རྩང་ཕུར་ཤ་ཟ་ལྗིབས་སེ་ལྗིབ། །རྩང་ཕུར་ཁྲག་འཐུང་སྙོམས་སེ་སྟིམ། །རྩང་ཕུར་རུས་འཆའ་ཆེམས་སེ་ཆེམ། །རྩང་ཕུར་རྣོ་དབལ་ཟངས་སེ་ཟང་། །དགྲ་འདྲེ་བྱད་མའི་སྙིང་ལ་འདེབས། །ཧཱུཾ། ཞི་རྒྱས་དབང་དྲག་རྩང་ཕུར་ལ། །ཡར་གྱི་རྩེ་ལ་ཁྲོ་ཚོགས་སྤྲིན་ལྟར་གཏིབས། །མར་གྱི་རྩེ་ལ་ལས་མཁན་ས་གཞི་གང་། །རྐེད་པ་རྒྱ་མདུད་བྷྱོ་དང་ཛ་ཡིས་གང་། །རྩེ་ལ་གདུག་པའི་གློག་དམར་ཀེམས་སེ་ཀེམ། །རྐེད་པར་དྲག་པོའི་སེར་བ་ཤ་ར་ར། །རྟིང་པར་དབལ་གྱི་ཐོག་སྒྲ་ཆེམས་སེ་ཆེམ། །རྩང་ཕུར་དུག་གི་མཚོ་མོ་ཀྱི་ལི་ལི། །དམར་ནག་ཅུང་ཕུར་སྲིན་མོ་འགྲོས་སུ་བཙུགས། །དགྲ་བགེགས་བྱད་མའི་སྙིང་ལ་ཟད་ཙ་ན། །རྩང་ཕུར་རྔམ་སྟབས་

[Full Size]

ཁྲིགས་སེ་ཁྲིག །རྩང་ཕུར་ཤ་ཟ་ལྗིབས་སེ་ལྗིབ། །རྩང་ཕུར་ཁྲག་འཐུང་ཀྱུ་རུ་རུ། །རྩང་ཕུར་རུས་འཆའ་ཁྲུམས་སེ་ཁྲུམ། །བྱད་མ་དགྲ་བགེགས་སྙིང་ལ་འདེབས། ཧཱུྃ་བྷྱོཿ དམར་ནག་དྲག་པོའི་རྩང་ཕུར་འདི། །འཇིགས་བྱེད་སྟོབས་ཀྱི་གཟུགས་དང་བཅས། །ཁྲོས་པའི་སྤྱན་གྱིས་ཕྱོགས་བཅུར་གཟིགས། །གདུག་པའི་ང་། རོས་སྟོང་གསུམ་འགེངས། །མགྱོགས་པའི་འགྲོས་ཀྱིས་སྟོང་གསུམ་བསྐོར། །འཇིགས་པའི་མཚོན་ཆས་དགྲ་སྲོག་གཅོད། །དྲག་པོའི་སྟོབས་ཀྱིས་རི་རབ་བཤིགས། །གདུག་པའི་མཚོན་གྱིས་རྒྱ་མཚོ་སྐེམས། །སྤྲུལ་པའི་ཚོགས་ཀྱིས་བར་སྣང་ཁྱབ། །ལས་མཁན་ཚོགས་ཀྱིས་དགྲ་ཤ་ཟ། །མ་མོའི་ཚོགས་ཀྱིས་དགྲ་ཁྲག་འཐུང་། །ཤ་ཟན་ཚོགས་ཀྱིས་དགྲ་རུས་འཆའ། །འཇིགས་བྱེད་དྲག་པོའི་རྩང་ཕུར་འདི། །དམ་ཉམས་དགྲ་བོ་སྡིག་ཅན་འདི། །རང་དབང་མེད་པར་ཁུག་ལ་ཤོག །ལས་ཀྱི་རླུང་གིས་རྒྱབ་ནས་དེད། །ཞེ་སྡང་མུན་པས་སྔོན་ནས་བསུས། །འཛིན་བྱེད་ལྕགས་ཀྱུས་སྙིང་ནས་དྲོངས། །ནམ་མཁའི་དབྱིངས་སུ་བསྒྲལ་དུ་གསོལ། །དམར་ནག་དྲག་པོའི་རྩང་ཕུར་འདིས། །ད་ནི་

[Full Size]

བཟློག་པའི་དུས་ལ་བབ། །གཤིན་རྗེའི་འཁོར་ལོ་བསྐོར་བ་ཟློག །མགོན་པོས་སྦྱིན་སྲེག་བྱེད་པ་ཟློག །མ་མོའི་ཐུན་ཟོར་འཕེན་པ་ཟློག །ཡུངས་དཀར་མདའ་ལྟར་འཕེན་པ་ཟློག །བན་དེས་སྔགས་ཟོར་འཕེན་པ་ཟློག །བོན་པོས་ལྟས་ཟོར་འཕེན་པ་ཟློག །མགོན་པོས་པར་བུ་བསྐོར་བ་ཟློག །ཀླུ་བདུད་ནག་པོའི་གཏད་ཁྲམ་ཟློག །གཟའ་བདུད་ནག་པོའི་གཟེར་ནད་ཟློག །མུ་སྟེགས་ངན་སྔགས་བྱེད་པ་ཟློག །ཞང་ཞུང་ངན་པའི་ཛོ་དམར་འཕེན་པ་ཟློག །མ་མོས་ཁྲག་ནད་གཏོང་བ་ཟློག །རྒྱ་གར་དམོད་བྱེད་བྱེད་པ་ཟློག །དམར་པས་ཕྲ་མེན་གཏོང་བ་ཟློག །སུམ་པས་གླང་ཟོར་འཕེན་པ་ཟློག །བོད་ཀྱི་ཀོང་ཟོར་འཕེན་པ་ཟློག །བྲམ་ཟེས་སྔགས་རྒོད་འཕེན་པ་ཟློག །དྲི་ཟས་མྱོས་ཤིང་འཐིབ་པ་ཟློག །རྒྱལ་པོས་སྨྱོ་འབོག་གཏོང་བ་ཟློག །སྲིན་པོས་ཤ་རིས་བྱེད་པ་ཟློག །ཀླུ་ཡི་བྱད་དུ་བཅུག་པ་ཟློག །བདུད་ཀྱི་ཁྲམ་ལ་བཏབ་པ་ཟློག །བཙན་གྱི་ཞགས་པ་འདེབས་པ་ཟློག །གནོད་སྦྱིན་མཚོན་ཆ་འཁྲུགས་པ་ཟློག །རྒྱུ་སྐར་ངན་པས་གནོད་པ་ཟློག །ཐེའུ་རང་སྲི་ལ་བརྐུ་བ་ཟློག །འགོང་པོས་དབུལ་འདྲེ་བྱས་པ་ཟློག །

[Full Size]

མཚེ་ཟོར་ཡུངས་ཟོར་འཕེན་པ་ཟློག །ཐོད་ཟོར་ཁྲག་ཟོར་འཕེན་པ་ཟློག །གཏོར་ཟོར་དུག་ཟོར་འཕེན་པ་ཟློག །གློ་བུར་ཡེ་འདྲོག་གཏོང་བ་ཟློག །ཡམས་ནད་རིམས་ནད་གཏོང་བ་ཟློག །ལོང་བ་རྒྱུ་གཟེར་མྱོས་ནད་ཟློག །ཡས་ཀྱི་བདུད་དུ་བབ་པ་ཟློག །མས་ཀྱི་སྲི་ཁ་ལང་པ་ཟློག །ཐད་དུ་བཙན་དམག་རྒྱུག་པ་ཟློག །ཕ་ཚན་མེ་ལ་ཤོར་བ་ཟློག །ཁྱིམ་མཚེས་དགྲ་རུ་ལང་བ་ཟློག །ཕ་ཁུའི་དུར་སྲི་ལང་བ་ཟློག །ཕ་བུའི་བྱུར་འདྲེ་ལང་བ་ཟློག །མ་སྲུའི་སྒབ་འདྲེ་ལང་བ་ཟློག །བྱིས་པའི་ཆུང་སྲི་ལང་བ་ཟློག །རྟ་ནད་ནོར་ནད་གོད་ཁ་ཟློག །ལོ་ནད་བཙའ་སད་སེར་གསུམ་ཟློག །དམར་ནག་རྩང་ཕུར་ནག་པོས་ཟློག །དྲག་པའི་མདོས་དང་རྩང་གིས་ཟློག །ངན་པ་བརྒྱད་ཅུ་རྩ་གཅིག་ཟློག །འཇའ་སྣ་ཁྱིམ་དུ་ཟུག་པ་ཟློག །རི་དྭགས་གྲོང་བར་འགྲིམས་པ་ཟློག །སྲིན་བྱས་ཉིན་པར་ཀུས་འདེབས་ཟློག །དུར་སྲི་ཝ་མོ་བརྒྱལ་བ་ཟློག །འུག་པས་སྒོ་ཉལ་བྱེད་པ་ཟློག །བྱ་ནག་སྦྲ་ལ་བབ་པ་ཟློག །རི་བྱས་ཁྱིམ་སྐོར་ཕྱིན་པ་ཟློག །བྱ་ཆེན་སྟེང་དུ་བབ་པ་ཟློག །རྟ་ཕོའི་འཚེར་སྡོང་བྱེད་པ་ཟློག །མཛོ་ཕོའི་ངུར་

[Full Size]

སྡོང་བྱེད་པ་ཟློག།ཕོ་རོག་ཤ་འཐབ་བྱེད་པ་ཟློག །སྒོ་ཁྱིའི་ངུ་ཟུག་བྱེད་པ་ཟློག །ཕུ་ཡི་ཤ་ཕོ་རུ་འཛིང་ཟློག །མདའ་ཡི་ཉ་མོ་རྔ་འཛིང་ཟློག །བར་གྱི་བྱ་ནག་སྡེར་འཛིང་ཟློག །སྦྲུལ་ནག་ཁྲོས་པའི་ལྟས་ངན་ཟློག །སྦལ་ནག་ཁྱིམ་འཛུལ་ལྟས་ངན་ཟློག །བྱི་བ་ཁྱིམ་འཁུན་ལྟས་ངན་ཟློག །ནག་བྱིལ་གྱེན་དུ་འགྲོ་བ་ཟློག །སྤྲེལ་དམར་ཅོ་འཛིང་བྱེད་པ་ཟློག །བཅའ་དུམ་ལམ་རྙེད་ལྟས་ངན་ཟློག །ཡས་སྟགས་འཁོར་ལོག་བྱེད་ཟློག །དྲེལ་རྟས་རྔ་རྔོག་འཆའ་བ་ཟློག །ཁང་སྦྲའི་གདུང་མ་ཆག་པའི་ལྟས་ངན་ཟློག །ཤོ་མོང་ཁྱིམ་དུ་སྐྱེས་པ་ཟློག །ཏེ་ལོའི་གྲོང་བར་འགྲིམས་པ་ཟློག །གཡང་སྒྲོ་བྱི་བས་ཕུག་པའི་ལྟས་ངན་ཟློག །ཇུ་ཐིག་མདུད་པ་ངན་པ་ཟློག །མེ་ཉག་སོག་མོ་ངན་པ་ཟློག །རྒྱ་ཡི་ཆུ་ཞགས་ངན་པ་ཟློག །ལྷ་ཡི་བཀའ་ཆད་ངན་པ་ཟློག །ཉི་ཟླའི་འོད་ཟེར་བབ་པ་ཟློག །ལྷ་མའི་རྒྱུ་སྐར་ངན་པ་ཟློག །ཡེ་འདྲོག་སུམ་བརྒྱ་དྲུག་ཅུ་ཟློག །ནད་རིགས་བཞི་བརྒྱ་རྩ་བཞི་ཟློག །སྐག་རིགས་བདུན་བརྒྱ་ཉི་ཤུ་ཟློག །ལྟས་ངན་བརྒྱད་ཅུ་རྩ་གཅིག་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །ཕྱི་ཡི་མི་ཁ་བྲ་མཆུ་

[Full Size]

ཟློག །ནང་གི་སྨྲེ་ངག་ངན་པ་ཟློག །བཟའ་ཚང་བྱེ་བྲལ་ཕུང་གྱོད་ཟློག །ནོར་གྱི་གོད་སྣ་གཅན་སྣ་ཟློག །བྷྱོ་ཟློག་དྲག་པོའི་ཕྲིན་ལས་མཛོད། །ཧཱུཾ་བྷྱོ༔ཛཿབྷྱོ༔རྩང་ཕུར་བྷྱོ༔ །དམིགས་པའི་དགྲ་འདྲེ་དེ་ལ་བྷྱོ༔ །སྡེ་བརྒྱད་དྲག་པོའི་བཟློག་མདོས་འདིས། །རྩང་ཕུར་གདུག་པའི་དམག་ལ་ཆོས། །ཛཿབྷྱོ༔མདོས་བྷྱོ༔རྩང་ཕུར་ཤར་དུ་བྷྱོ༔ །ཤར་ཕྱོགས་དགྲ་དཔུང་ཆོག་ལ་བདུད་དཔུང་ཤིག །མི་ཁ་བསྒྱུར་ལ་ལྟས་ངན་ཟློག །ནད་སྣ་ཡམས་སྣ་ལྟས་ངན་ཟློག །དགྲ་འདྲེ་མི་ཁ་ལྟས་ངན་ཟློག །བྷྱོ༔བསྒྱུར་བཟློག་པའི་ཕྲིན་ལས་མཛོད། །ཛཿབྷྱོ༔མདོས་བྷྱོརྩང་ཕུར་ལྷོ་རུ་བྷྱོ༔ །ལྷོ་ཕྱོགས་དགྲ་དཔུང་ཆོག་ལ་བདུད་དཔུང་ཤིག །མི་ཁ་བསྒྱུར་ལ་ལྟས་ངན་ཟློག །ནད་སྣ་ཡམས་སྣ་ལྟས་ངན་ཟློག །དགྲ་འདྲེ་མི་ཁ་ལྟས་ངན་ཟློག །བྷྱོབསྒྱུར་བཟློག་པའི་ཕྲིན་ལས་མཛོད། །ཛཿབྷྱོ༔མདོས་བྱོརྩང་ཕུར་ནུབ་ཏུ་བྷྱོ༔ །ནུབ་ཕྱོགས་དགྲ་དཔུང་ཆོག་ལ་བགེགས་དཔུང་ཤིག །མི་ཁ་བསྒྱུར་ལ་ལྟས་ངན་ཟློག །ནད་སྣ་ཡམས་སྣ་དལ་སྣ་ལྟས་ངན་ཟློག །དགྲ་འདྲེ་མི་ཁ་ལྟས་ངན་ཟློག །བྷྱོབསྒྱུར་བཟློག་པའི་ཕྲིན་ལས་མཛོད། །

[Full Size]

ཛཿབྷྱོ༔མདོས་བྷྱོ༔རྩང་ཕུར་བྱང་དུ་བྷྱོ༔ །བྱང་ཕྱོགས་དགྲ་དཔུང་ཆོག་ལ་བདུད་དཔུང་ཤིག །མི་ཁ་བསྒྱུར་ལ་ལྟས་ངན་ཟློག །ནད་སྣ་ཡམས་སྣ་ལྟས་ངན་ཟློག །དགྲ་འདྲེ་རྨི་ལྟས་ངན་པ་ཟློག །བྱོབསྒྱུར་བཟློག་པའི་དྲག་པོའི་མཛོད། །ཛབྷྱོ་མདོས་བྷྱོ་རྩང་ཕུར་མཚམས་བཞིར་བྷྱོ༔ །མཚམས་བཞིའི་དགྲ་དཔུང་ཆོག་ལ་བགེགས་དཔུང་ཤིག །མི་ཁ་བསྒྱུར་ལ་ལྟས་ངན་ཟློག །ནད་སྣ་ཡམས་སྣ་དལ་ཁ་ཟློག །དགྲ་འདྲེ་མི་ཁ་ལྟས་ངན་ཟློག །བྷྱོ༔བསྒྱུར་བཟློག་པའི་ཕྲིན་ལས་མཛོད། །མདོས་ཀྱི་སྣ་དང་རྩང་གི་དཔུང་། །ཡར་གྱི་རྩེ་ལ་བསྐལ་པའི་མེ་ཆེན་འབར། །ལྷ་བཙན་སྤྲུལ་པའི་ལྟས་ངན་ཆོ་འཕྲུལ་ཟློག །མར་གྱི་རྩེ་ལ་གདུག་པའི་མུན་ནག་འཐིབས། །བདུད་དང་གཤིན་རྗེའི་ལྟས་ངན་ཆོ་འཕྲུལ་ཟློག །རྐེད་པ་རྒྱ་མདུད་ཛདང་བྷྱོཡིས་བརྒྱན། །བརྒྱད་ཅུ་རྩ་གཅིག་ལྟས་ངན་མ་ལུས་ཟློག །སྤར་ཁའི་སྤྱི་མདའ་ཐུག་པ་ཟློག །ས་བདག་སྤྱང་ཀུ་ང་བ་ཟློག །དྲ་མིག་ཁ་སྤྲོད་ཆོ་ལོ་རིས། །དགྲ་འདྲེ་མི་ཁའི་ཆོ་འཕྲུལ་ལྟས་ངན་ཟློག །སྲིན་མོ་འགྲོས་སུ་བཙུགས་པ་ཡིས། །སྲིན་མོ་ཁྲག་འཐུང་ལྟས་ངན་ཟློག །ཕྱི་རིམ་ལྕགས་རི་མུ་ཁྱུད་

[Full Size]

བཙུགས་པ་ཡིས། །ཕྱི་རྒྱུད་རྨོངས་བྱེད་བཟློག་ཏུ་གསོལ། །སྒྱུར་ཅིག་བྷྱོབྷྱོབཟློག་ཏུ་གསོལ། །མི་ནག་མགོ་གསུམ་གྱི་རྩང་གྱེར་རྫོགས་སོ།། གླུད་གྱེར་འདོན། མཆན། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མགོ་གསུམ་བཞུགས་གསོལ་དང་དགོངས་གསོལ།

[Full Size]

མགོ་གསུམ་བཞུགས་གསོལ་དང་དགོངས་གསོལ་གཉིས་དཔེ་རྙིང་ནས་ཁ་སབ་པ་འདི་ལྟ་སྟེ། །ཀྱཻ། སྟོབས་ལྡན་མི་ནག་མགོ་གསུམ་འཁོར་དང་བཅས། །སྔོན་གྱི་ཁས་བླངས་དམ་བཅས་བཞིན། །སྔགས་འཆང་ཡོན་མཆོད་འཁོར་བཅས་ཀྱིས། །བྱད་ཟློག་ཆེན་པོ་མཛད་པ་དང་། །བན་བྱད་བོན་བྱད་བཟློག་པ་དང་། །ལྟས་ངན་སྣ་ཚོགས་བསྒྱུར་བའི་ཕྱིར། །འབྱུང་བ་ལྔ་ཡི་གདན་ལ་སྡོད། །ས་བདག་རྒྱལ་པོ་ཡིན་པའི་ཕྱིར། །མི་ཁ་སྣ་ཚོགས་གདན་ལ་སྡོད། །ས་མ་ཡ་ཏིཥྛ་ལྷན། ཕྱག་འཚལ་བ་ནི། ཨརྒྷཾ་སོགས། ཧཱུྃ༔ འབྱུང་བ་ལྔ་ཡི་གདན་སྟེང་ནས། །ས་བདག་གཟའ་ཀླུ་ཁྲོས་པའི་སྤྲུལ་པ་ལས། །ནག་པོ་ཆེན་པོ་འཇིགས་བྱེད་མགོ་གསུམ་པོ། །ལག་དྲུག་སྟོབས་ཆེན་རྔམ་པའི་སྐུ་ལ་ཕྱག་འཚལ་བསྟོད། །ཧ་ཧ་ཧཱུྃ་ཕཊ་ང་རོ་འབྲུག་སྒྲ་སྒྲོག །སྣང་སྲིད་དབང་བསྒྱུར་གསུང་ལ་ཕྱག་འཚལ་བསྟོད། །ཡོན་ཏན་སྟོབས་ཀྱིས་སྲིད་པའི་བྱོལ་བཟློག་མཛད། །སྟོབས་ཆེན་ཡོན་ཏན་ལྡན་ལ་ཕྱག་འཚལ་བསྟོད། །ཕྲིན་ལས་གང་བཅོལ་ཐོགས་མེད་ལས་རྣམས་སྒྲུབས། །བཀའ་ཉན་ཕྲིན་ལས་བསྒྲུབ་ལ་ཕྱག་འཚལ་བསྟོད། །དེ་ནས་དགོངས་གསོལ་

[Full Size]

ནི། །ཀྱཻ། གསོན་ཅིག་དགོངས་ཤིག་ལྷ་སྲིན་སྡེ་བརྒྱུད་ཚོགས། །འཇམ་དཔལ་དབྱངས་ཀྱི་དགོངས་པའི་ཚིག །མ་འདོད་པ་ལ་ཡས་མི་སྟེར། །མི་འདོད་པ་ལ་གླེད་མི་སྦྱིན། །མི་རྟོག་པ་ལ་གཏོ་མི་བསྔོ། །ཡོན་བདག་འདི་ཡི་དོན་ཆེད་དུ། །གཏོ་མཁན་རྒྱལ་པོ་བདག་གིས་ཀྱང་། །གཏོ་ཡི་རབ་འབྱམས་དཀྱིལ་འཁོར་འདིར། །འབྱུང་བ་ལས་ཀྱི་གཏོ་བྱེད་དོ། །སྲིད་པ་ལས་ཀྱི་ཁོག་སྦྱོར་རོ། །ཡེ་ཤེས་ལྷ་ཚོགས་དགོངས་སུ་གསོལ། །གནམ་ས་གཉིས་པོས་གཟུ་དཔང་མཛོད། །གསལ་བའི་ཉི་མས་གཟུ་དཔང་མཛོད། །རི་རབ་ཆེན་པོས་གཟུ་དཔང་མཛོད། །འབྱུང་བའི་ལྷ་ལྔས་གཟུ་དཔང་མཛོད། །ཀྱཻ། ང་ནི་གཏོ་མཁན་རྒྱལ་པོ་ཡིན། །དུས་གསུམ་སངས་རྒྱས་ཐམས་ཅད་ཀྱིས། །གཏོ་མཁན་རྒྱལ་པོར་དབང་ཡང་བསྐུར། །སྤྱད་མཁན་རྒྱལ་པོར་ལུང་ཡང་འབྱིན། །ཡེ་ཤེས་ལྷ་ལྔ་ལུས་ལ་བཀོད། །གཏོ་མཁན་རྒྱལ་པོར་ཁ་འཛིན་མཛོད། །ཁ་འཛིན་ལྷ་ལ་མཆོད་པ་འབུལ། །སྔོན་མོ་ནས་ཀྱི་སྙིང་ཁུ་དང་། །འདོད་འཇོ་བ་ཡི་འོ་མ་དང་། །དཀར་གསུམ་མངར་གསུམ་གཏོར་མ་དང་། །ཇ་ཕུད་ཆང་ཕུད་མཆོད་པར་

[Full Size]

འབུལ། །གཏོ་བཅོས་ཡག་པའི་ཁ་འཛིན་མཛོད། །ཕྱོགས་བཞི་མཚམས་བརྒྱད་སྟེང་འོག་བཅུ། །འབྱུང་པོ་མང་པོ་ཀུན་ཉོན་ཅིག །ཧཱུྃ། སྟོང་གསུམ་སྟོང་གི་འཇིག་རྟེན་ཁམས། །སྲིད་གསུམ་གཏོ་ཡི་དཀྱིལ་འཁོར་འདིར། །གཙུག་ལག་སྲིད་པའི་ལྷ་འདྲེ་དང་། །ཁམས་བརྒྱད་སྲིད་པའི་རྒྱལ་པོ་དང་། །འབྱུང་བ་ལྔ་ཡི་ས་བདག་དང་། །སྣང་སྲིད་ལྷ་འདྲེ་ཐམས་ཅད་ལ། །འཁོན་པ་ཟླུམ་ཞིང་སྲོག་གླུད་འཇལ། །སྲིད་པའི་རྒྱལ་པོའི་གཟུ་དཔང་མཛོད། །ཚངས་པ་དུང་གི་ཐོར་ཚུགས་ཅན་པ་གསུམ་གྱི་བདག་པོ་ཡིན། །སྲིད་པ་གསུམ་གྱི་གཞི་ཡིན་པས། །གཏོ་བཅོས་ཡག་པའི་ཁ་འཛིན་མཛོད། །དཀར་པོའི་ཕྱོགས་རྣམས་སྐྱོང་བར་མཛོད། །ཧཱུྃ། རི་རབ་རི་ཡི་རྩེ་མོ་ནས། །རྣམ་པར་རྒྱལ་བའི་ཁང་བཟང་ནས། །ལྷ་ཡི་རྒྱལ་པོ་ཚངས་པ་ནི། །ལྷ་སྲིན་ཀུན་གྱི་གཟུ་དཔང་མཛོད། །དཀར་པོའི་ཕྱོགས་རྣམས་སྐྱོང་དུ་གསོལ། །དེང་གི་གཟུ་དང་དཔང་མཛོད་ཅིག །ས་ཡི་ལྷ་མོ་བརྟན་མ་ནི། །འདས་དང་མ་བྱོན་ད་ལྟར་གྱི། །སངས་རྒྱས་ཀུན་གྱི་ཡུམ་ཡིན་པས། །སྔོན་ཚེ་སྟོན་པས་གཟུ་དཔང་མཛོད། །

[Full Size]

དེང་གི་གཟུ་དང་དཔང་མཛོད་ཅིག །དེང་གི་སྟོན་པས་གཟུ་དཔང་མཛོད། །གཏོ་བཅོས་ཡག་པའི་ཁ་འཛིན་མཛོད། །གཏོ་ཡི་རབ་འབྱམས་དཀྱིལ་འཁོར་འདིར། །འབྱུང་བ་ལས་ཀྱི་གཏོ་བྱེད་དོ། །སྲིད་པ་ལས་ཀྱི་ཁོག་སྦྱོར་རོ། །གཏོ་མཁན་བདག་ལ་མ་སྡིག་ཅིག །སྒོ་ཡི་ནོར་ལ་མ་སྡིག་ཅིག །བཞུགས་གསོལ་དང་དགོངས་གསོལ་གཉིས་དཔེ་རྙིང་ནས་ཁ་བཀང་བ། སརྦ་མངྒ་ལཾ། ཤུ་བྷཾ། ཀུརླན་ཏུ། ཛ་ཡ། ཟིལ་གནོན་དཔུང་བཅོལ་འདོན། མཆན།

ཟློག་བྱེད་ནག་པོ་མགོ་གསུམ་གྱི་གླུད་གྱེར།

[Full Size]

ཟློག་བྱེད་ནག་པོ་མགོ་གསུམ་གྱི་གླུད་གྱེར་བཞུགས་སོ།

[Full Size]

ནག་པོ་མགོ་གསུམ་གྱི་གླུད་གྱེར་ནི་འདི་སྐད་དོ།། ཧཱུྃ། འཕགས་པ་འཇམ་དཔལ་བཀའ་བྱུང་བས། །ལན་ཆགས་གླུད་ཀྱི་བདག་པོ་དང་། །ལྷ་སྲིན་སྡེ་བརྒྱད་མ་ལུས་རྣམས། །དེ་རིང་འདིར་བྱོན་ཡས་གླུད་ལོངས། །བདག་དང་རྒྱུ་སྦྱོར་ཡོན་བདག་གིས། །ལུས་ངག་ཡིད་གསུམ་བརྗེ་བའི་གླུད། །རིན་ཆེན་འབྲུ་སྣའི་ངར་མི་འདི། །ཁམས་དང་སྐྱེ་མཆེད་འབུར་དུ་བཞེངས། །ཡན་ལག་ཐབས་ཤེས་རྫུ་འཕྲུལ་ལྡན། །འགྱིངས་ཤིང་ལྡན་པའི་སྐུ་ལུས་ལ། །དར་ཟབ་སྣ་ཚོགས་གོས་སུ་བསྐོན། །གཟི་ཆུང་རི་བཀྲ་སྤྱན་དུ་བཞག །སྤྱན་མིག་ཁྲ་དང་ཁྱུགས་སེ་ཁྱུག །སྒྲོན་

[Full Size]

བུ་དཀར་པོ་བཞད་པའི་ཚེམས། །ཞལ་ནས་གསུང་སྙན་ལྷངས་སེ་ལྷང་། །དར་དམར་ལེ་བརྒན་སྨྲ་བའི་ལྗགས། །ཁ་ནས་སྨྲ་ཚིག་ཤ་ར་ར། །སྟབས་སྡུག་གར་དང་རོལ་མོ་མཁན། །སྟག་དང་གཟིག་གི་ལག་པ་ལ། །ཕྱག་རྒྱ་རོལ་མོ་ཁྱུགས་སེ་ཁྱུག །དྲེད་དང་དོམ་གྱི་རྐང་པ་ལ། །གར་དང་བྲོ་རྡུང་ཁྲིགས་སེ་ཁྲིག །ཁ་མིག་མཚལ་གྱིས་བྱུག་པ་ལ། །སྔོན་དམར་འཇའ་འོད་ལམས་སེ་ལམ། །ཁོང་བཅུད་གསེར་དང་གཡུ་ལས་བྱས། །ཁམས་དང་སྐྱེ་མཆེད་འདི་ལ་ཚང་། །དབང་པོ་རྣམ་ལྔ་འདི་ལ་ཚང་། །སྔགས་འཆང་རྒྱལ་པོའི་མཐུ་སྟོབས་

[Full Size]

ཀྱིས། །གྱེར་གྱེར་དེ་ནི་བགྲང་བགྲང་ནས། །སྐྱེས་བུ་དམག་ལ་ཆས་པ་འདྲ། །བརྫངས་བརྫངས་དེ་ནི་བརྒྱན་བརྒྱན་ནས། །བུད་མེད་བག་ལ་ཆས་པ་འདྲ། །བསྟབ་བསྟབ་དེ་ནི་གཡེངས་གཡེངས་ནས། །རྒོད་པོའི་ནམ་འཕང་བསྐྱོད་པ་འདྲ། །ཕྱག་ཏུ་མདུང་དར་ཁྲོ་བོ་རྣམས། །སྟག་རལ་གཡས་ལ་གཟིག་ཤུབས་གཡོན། །ལེགས་ལྡན་ངར་གྱི་མི་པོ་ཆེ། །སྤུང་སྤུང་བྲིས་བྲིས་བཀོལ་བཀོལ་ནས། །གཏོ་མཁན་ཡོན་བདག་གླུད་དུ་ནི། །སྣང་སྲིད་ལྷ་འདྲེའི་སྤྱན་སྔར་འབུལ། །སྐུ་གསུང་ཐུགས་མཆོག་དགྱེས་པར་མཛོད། །ཤ་རི་རིན་དང་ཁྲག་ཚབ་མཛོད། །འབྲུ་མཆོག་ངར་གྱི་མི་ཆེན་འདི། །མི་ནག་མགོ་གསུམ་ཁྱོད་ལ་འབུལ། །ཕོ་རྒྱུད་དལ་ཁ་གཡས་སུ་སྒྱུར། །མོ་རྒྱུད་ཁྲམ་ཁ་གཡོན་དུ་སྒྱུར། །སྤྱི་བདུད་གཡོས་པ་ཐད་དུ་སྒྱུར། །ཆུང་བདུད་ཆུང་སྲི་མཁའ་ལ་སྒྱུར། །སྐག་ངན་འཚེར་རྩུབ་ཐམས་ཅད་སྒྱུར། །དགྲ་སྣ་མཚོན་སྣ་ཡམས་སྣ་སྒྱུར། །མི་ཁོ་བྲ་མཆུ་ལྟས་ངན་སྒྱུར། །འབྲུ་མཆོག་ངར་གྱི་མི་ཆེན་འདི། །མི་དམར་མགོ་གསུམ་ཁྱོད་ལ་འབུལ། །གཤིན་རྗེའི་ཁྲམ་ཁ་བསྒྱུར་དུ་གསོལ། །བདུད་ཀྱི་ཆོ་འཕྲུལ་བཟློག་ཏུ་གསོལ། །བཙན་

[Full Size]

གྱི་ཤོར་མདའ་བསྒྱུར་དུ་གསོལ། །ཡམས་ནད་རིམས་ནད་བསྒྱུར་དུ་གསོལ། །ལོ་སྐག་ཞག་སྐག་ཟ་སྐག་བསྒྱུར་དུ་གསོལ། །འབྲུ་མཆོག་ངར་གྱི་མི་ཆེན་འདི། །མ་མོ་ནག་མོ་ཁྱོད་ལ་འབུལ། །མ་མོའི་ཁྲག་ནད་བསྒྱུར་དུ་གསོལ། །ལྟས་ངན་ཐམས་ཅད་བསྒྱུར་དུ་གསོལ། །།ཐན་ལྟས་ཆོ་འཕྲུལ་བསྒྱུར་དུ་གསོལ། །ནོར་ལུག་ལྷག་ཆད་ཐན་སྣ་སྒྱུར། །རི་བྱ་ཁྱིམ་དུ་འོང་བའི་ཐན་སྣ་སྒྱུར། །རི་དྭགས་ཁྱིམ་དུ་འོང་བའི་ཐན་སྣ་སྒྱུར། །གཅན་གཟན་སྡེར་ཐོག་ཐན་སྣ་སྒྱུར། །ལྟས་ངན་བརྒྱད་ཅུ་རྩ་གཅིག་སྒྱུར། །འབྲུ་མཆོག་ངར་གྱི་མི་ཆེན་འདི། །ཤང་ཤང་བྲ་མཆུ་ཁྱོད་ལ་འབུལ། །བརྒྱ་ཡི་མི་ཁ་བསྒྱུར་དུ་གསོལ། །སྟོང་གི་བྲ་མཆུ་བསྒྱུར་དུ་གསོལ། །མི་ཁ་གཏམ་ངན་བསྒྱུར་དུ་གསོལ། །མི་ཁའི་གླེང་གཞི་དགྲ་ལ་སྒྱུར། །འབྲུ་མཆོག་ངར་གྱི་མི་ཆེན་འདི། །གླང་ཆེན་སྣ་ཡོན་ཁྱོད་ལ་འབུལ། །དགྲ་སྣ་གྱོད་སྣ་བཙོན་སྣ་སྒྱུར། །བག་སྣ་གོད་སྣ་གཅན་སྣ་སྒྱུར། །ཡམས་སྣ་རིམས་སྣ་དམག་སྣ་སྒྱུར། །གྲི་སྣ་ནལ་སྣ་འགྲོན་སྣ་བསྒྱུར། །སྣ་འདྲེ་ཐན་སྣ་ཐམས་ཅད་སྒྱུར། །འབྲུ་མཆོག་ངར་གྱི་མི་ཆེན་འདི། །སྤར་ཁ་

[Full Size]

བརྒྱད་ཀྱི་ས་བདག་དང་། །སྨེ་བ་དགུ་ཡི་ས་བདག་དང་། །ལོ་སྐོར་བཅུ་གཉིས་ཀུན་ལ་འབུལ། །བྱི་རྟ་གཉིས་ཀྱི་རུ་ཆོད་དགྲ་ལ་སྒྱུར། །གླང་ལུག་གཉིས་ཀྱི་ཕུང་གྱོད་དགྲ་ལ་སྒྱུར། །སྟག་སྤྲེལ་གཉིས་ཀྱི་མཆེ་བརྡར་དགྲ་ལ་སྒྱུར། །ཁྱི་འབྲུག་གཉིས་ཀྱི་ཐོག་རྫིས་དགྲ་ལ་སྒྱུར། །བྱ་ཡོས་གཉིས་ཀྱི་བྱེ་བྲལ་དགྲ་ལ་སྒྱུར། །ཕག་སྦྲུལ་གཉིས་ཀྱི་དགྲ་གཤེད་བསྒྱུར་དུ་གསོལ། །ལོ་སྐག་ལོ་གཤེད་བདུན་ཟུར་བསྒྱུར་དུ་གསོལ། །འབྲུ་མཆོག་ངར་གྱི་མི་ཆེན་འདི། །ས་བདག་སྤར་ཁ་བརྒྱད་ལ་འབུལ། །ལི་ཁོན་ཕྱིང་དྲིལ་བྱེད་པ་བདུན་ཟུར་སྒྱུར། །གིན་ཟོན་གཉེན་སྦྱོར་ཉེས་པ་སྒྱུར། །དྭ་ཟིན་གྲི་ཕུར་ཁྲག་ངོ་སྒྱུར། །ཁེན་ཁམ་མྱ་ངན་བྱེད་པ་བསྒྱུར་དུ་གསོལ། །སྤར་ཁ་རང་བདུད་འབེབས་པ་བསྒྱུར་དུ་གསོལ། །འབྲུ་མཆོག་ངར་གྱི་མི་ཆེན་འདི། །སྨེ་བ་དགུ་ཡི་ལྷ་ལ་འབུལ། །ན་ངོ་གཟེར་ངོ་བསྒྱུར་དུ་གསོལ། །ཤི་ངོ་ཆད་ངོ་བསྒྱུར་དུ་གསོལ། །མྱ་ངན་སྡུག་བསྔལ་འོང་བ་བསྒྱུར་དུ་གསོལ། །བྱུར་འདྲེ་མི་ཁ་ཆས་པ་བསྒྱུར་དུ་གསོལ། །བྱེ་བྲལ་ཕུང་གྱོད་འོང་བ་བསྒྱུར་དུ་གསོལ། །ས་བདག་སྨེ་བ་དགུའི་ཆད་པ་བསྒྱུར་དུ་གསོལ། །འབྲུ་མཆོག་

[Full Size]

ངར་གྱི་མི་ཆེན་འདི། །གཡས་ཀྱི་རུ་འདྲེན་བདུད་པོ་ཁྱོད་ལ་འབུལ། །བདུད་ཀྱི་ཁྲམ་ཁ་ཆོ་འཕྲུལ་དགྲ་ལ་སྒྱུར། །བདུད་ཀྱི་ཞགས་པ་བཟུང་བ་དགྲ་ལ་སྒྱུར། །བདུད་བཞིའི་ཁྲམ་ཁ་འདེབས་པ་དགྲ་ལ་སྒྱུར། །བདུད་རྒྱལ་རལ་ཀ་དགྲ་ལ་སྒྱུར། །འབྲུ་མཆོག་ངར་གྱི་མི་ཆེན་འདི། །གཡོན་གྱི་རུ་འདྲེན་བཙན་རྒྱལ་ཁྱོད་ལ་འབུལ། །བཙན་གྱི་ཁ་གཡོག་འབེབས་པ་དགྲ་ལ་སྒྱུར། །བཙན་མདའ་ཤོར་བ་འཕེན་པ་དགྲ་ལ་བསྒྱུར། །གྲི་བཙན་རྒྱལ་ནད་གཏོང་བ་དགྲ་ལ་སྦྱར། །འབྲུ་མཆོག་ངར་གྱི་མི་ཆེན་འདི། །བྱུར་མི་ལའི་རྒྱལ་པོ་རི་བོང་བཅིབས་པ་ཁྱོད་ལ་འབུལ། །བྱུར་སྣ་བྱུར་འདྲེ་བསྒྱུར་དུ་གསོལ། །མི་ལ་བྱུར་ཆེ་ཅི་བྱས་མི་ཉན་དགྲ་ལ་སྒྱུར། །ནོར་ལ་བྱུར་ཆེ་གོད་ཁ་དགྲ་ལ་སྒྱུར། །བྱུར་གྱི་དམག་ཚོགས་དགྲ་ལ་སྒྱུར། །གྱུར་གྱི་སྐྱས་སྣ་དགྲ་ལ་སྒྱུར། །བྱུར་ཕོའི་ལྟས་ངན་དགྲ་ལ་སྒྱུར། །གྱུར་མོའི་མྱ་ངན་དགྲ་ལ་སྒྱུར། །གྱུར་ཕུག་ཇོ་ར་བྱེད་པ་དགྲ་ལ་སྒྱུར། །བྱུར་སྣ་ཡམས་སྣ་དགྲ་ལ་སྒྱུར། །འབྲུ་མཆོག་ངར་གྱི་མི་ཆེན་འདི། །མི་ཁའི་རྒྱལ་མོ་བ་རུ་མ་ལ་འབུལ། །རྒྱུ་སྦྱོར་ཡོན་གྱི་བདག་པོ་ལ། །མ་ཉེས་

[Full Size]

ཁ་ཡོག་འོང་བ་དང་། །མ་བསད་སྟོང་ཁྲིད་དེད་པ་དང་། །གྲོས་བྱས་གཞན་གྱིས་མི་བཟོད་པ། །ཕོ་བརྒྱའི་ཁ་ནས་མི་ཁ་མདའ་ལྟར་གསོར་བ་དང་། །མོ་བརྒྱའི་ཁ་ནས་མི་ཁ་བལ་ལྟར་གཡེངས་བ་དང་། །བཙུན་སྡེ་འཚོགས་པའི་མི་ཁ་དགྲ་ལ་བསྒྱུར་དུ་གསོལ། །སྡེ་བརྒྱད་ལྷ་འདྲེའི་བྱད་ཁ་སྟོན་པ་བཟློག་ཏུ་གསོལ། །མོ་རྨིས་པྲ་ལྟས་ངན་པ་བསྒྱུར་དུ་གསོལ། །སྐག་བདུད་གཤེད་གསུམ་ཐམས་ཅད་བཟློག་ཏུ་གསོལ། །ཀྱཻ། ནག་པོ་ཆེན་པོ་དགྲ་ལ་བྷྱོ༔ །ཟློག་བྱེད་ཆེན་པོ་དགྲ་ལ་བྷྱོ༔ །གཏུམ་བྱེད་ཆེན་པོ་དགྲ་ལ་བྷྱོ༔ །སྟོབས་ལྡན་ཆེན་པོ་དགྲ་ལ་བྷྱོ༔ །ཟ་བྱེད་ཆེན་པོ་དགྲ་ལ་སྦྱོ། །ཟློག་བྱེད་ཆེན་པོ་དགྲ་ལ་བྷྱོ༔ །སྒྱུར་བྱེད་ཆེན་པོ་དགྲ་དང་བགེགས་ལ་བློ་བྷྱོ༔་ཟློག་ཟློག །ཟློག་བྱེད་ནག་པོ་མགོ་གསུམ་གྱི་གླུད་གྱེར་རྫོགས་སོ། །ཟློག་སྒྱུར་འདོན། མཆན། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཧ་ས་གརྦྷའི་ཟློག་སྒྱུར།

[Full Size]

ཧ་ས་གརྦྷའི་ཟློག་སྒྱུར་བཞུགས་སོ།

[Full Size]

ཀྱཻ། ད་ནི་སྲིད་པའི་ཟློག་སྒྱུར་བྱེད། །སྡང་བར་བྱེད་པའི་དགྲ་ལ་སྒྱུར། །གནོད་པར་བྱེད་པའི་བགེགས་ལ་ཟློག །བདག་ཅག་ཡོན་གྱི་བདག་པོ་ལ། །གནོད་པར་བྱེད་པ་ཐམས་ཅད་ཟློག །སྤར་ཁ་མི་མཐུན་དགྲ་གཤེད་སྒྱུར། །གཅོད་འདྲལ་བར་དུ་གཅོད་པ་ད་སྒྱུར་ཅིག །རུ་བཞི་གཅིག་ཏུ་སྤུངས་པ་ད་སྒྱུར་ཅིག །སྤར་བཞི་ཨ་ཐང་ཆད་པ་ད་སྒྱུར་ཅིག །འདྲེ་ལྔ་ཚང་དུ་སྡོད་པ་ད་སྒྱུར་ཅིག །ནང་པོ་ལྕགས་མཁར་ཐུག་པ་དེ་སྒྱུར་ཅིག །སྤར་ཁ་རྒྱང་མདའ་ཐུག་པ་ད་སྒྱུར་ཅིག །ས་བདག་ཀུན་གྱི་གནོད་པ་ད་སྒྱུར་ཅིག །ས་བདག་བདུད་དུ་བརྫུས་པ་

[Full Size]

ད་སྒྱུར་ཅིག །གྲི་བྱ་ཕོ་རོག་ལྡིང་བ་ད་སྒྱུར་ཅིག །སྒོ་ཁྱིའི་ངུ་ཟུག་བྱེད་པ་ད་སྒྱུར་ཅིག །དུར་སྒོ་གཤེད་སྒོ་བྱེ་བ་ད་སྒྱུར་ཅིག །དགྲ་ཐན་གྱོད་བྱུར་ལང་པ་ད་སྒྱུར་ཅིག །ས་བཞི་སེ་བཞི་འགུལ་བ་ད་སྒྱུར་ཅིག །ཚེས་གྲངས་ངན་པར་ཐུག་པ་ད་སྒྱུར་ཅིག །ཚ་གྲང་ནད་ཀྱིས་ཟིན་པ་ད་སྒྱུར་ཅིག །ཕུང་གྱོད་ཁང་བུར་ཆུད་པ་ད་སྒྱུར་ཅིག །གྱི་གོང་གཉེན་སྦྱོར་ཉེས་པ་ད་སྒྱུར་ཅིག །བདུད་བཙན་ལྷ་འདྲེ་ལང་བ་སྒྱུར་ཅིག །གཟའ་སྐར་ལྟས་ངན་བབ་པ་ད་སྒྱུར་ཅིག །ཀླུ་གཉན་ས་བདག་གཟེར་ནད་ད་སྒྱུར་ཅིག །ས་བདག་ནད་ཁ་འཇའ་ཤར་ད་སྒྱུར་ཅིག །

[Full Size]

མི་མཐུན་གནོད་པའི་རྐྱེན་དགུ་ད་སྒྱུར་ཅིག །གཅིག་སྐྱེས་གཅིག་འཆི་བྱེད་པ་ད་སྒྱུར་ཅིག །མི་གྲངས་མགོ་ནས་གནོན་པ་ད་སྒྱུར་ཅིག །བྷྱོ་སྒོ་ནོར་གྱིས་གང་སྟོང་དུ་སྒྱུར་ཅིག །རྒྱ་མས་འཐེང་སྡོད་བྱེད་པ་ད་སྒྱུར་ཅིག །བརྒྱལ་ནད་སྨྱོ་འབོག་བྱེད་པ་ད་སྒྱུར་ཅིག །མཛེ་ནད་ཕོལ་མིག་གཏོང་བ་ད་སྒྱུར་ཅིག །འོན་ལོང་ཞ་གྲུམ་བྱུང་བ་ད་སྒྱུར་ཅིག །སྐྲུན་དང་དམུ་ཆུས་ཟིན་པ་ད་སྒྱུར་ཅིག །བྱུར་གྱི་ཐག་པས་བཅིངས་བ་ད་སྒྱུར་ཅིག །གྱོད་ཀྱི་དྲ་བར་ཚུད་པ་ད་སྒྱུར་ཅིག །སྟེང་གི་གནམ་སྒོ་བྱེ་བ་ད་སྒྱུར་ཅིག །འོག་གི་ས་སྒོ་བྱེ་བ་ད་སྒྱུར་ཅིག །བྱེ་བྲལ་འཁོར་ལོ་ཞིག་པ་ད་སྒྱུར་ཅིག །ཅི་བྱས་གྱོད་དུ་འགྲོ་བ་ད་སྒྱུར་ཅིག །ན་ཞིང་འཁུན་པར་བྱེད་པ་ད་སྒྱུར་ཅིག །ཤི་ཞིང་ཆད་པར་བྱེད་པ་ད་སྒྱུར་ཅིག །ཁྱིམ་དུ་རྐུ་མ་འོང་བ་ད་སྒྱུར་ཅིག །ཁྱིམ་མཚེས་གྱོད་ཤོམ་བྱེད་པ་ད་སྒྱུར་ཅིག །ཡུལ་མི་དགྲ་རུ་ལང་བ་ད་སྒྱུར་ཅིག །ཉེ་བས་འཁོན་ཚོལ་བྱེད་པ་ད་སྒྱུར་ཅིག །བནྡེའི་སྔགས་

[Full Size]

རྦབ་ལྟར་འགྲིལ་བ་ད་སྒྱུར་ཅིག །ཁྲག་ཟོར་གློག་ལྟར་འཁྱུགས་པ་ད་སྒྱུར་ཅིག །གནམ་གྱི་ཀ་བ་འགྱེལ་བ་ད་སྒྱུར་ཅིག །ས་ཡི་བརྟན་ཕུར་ཕུད་པ་ད་སྒྱུར་ཅིག། །བར་གྱི་གདུང་མ་ཆག་པ་ད་སྒྱུར་ཅིག །སྲིད་ཀྱི་མཚོ་མོ་སྐམ་པ་ད་སྒྱུར་ཅིག །དཔལ་གྱི་རི་བོ་འགྱེལ་བ་ད་སྒྱུར་ཅིག །བསྐལ་པའི་མུན་ནག་འཐིབ་པ་ད་སྒྱུར་ཅིག །ལས་ཀྱི་རླུང་དམར་འཚུབ་པ་ད་སྒྱུར་ཅིག །མུ་གེའི་ཕྱགས་མས་ཕྱགས་པ་ད་སྒྱུར་ཅིག །ཤིང་སྡོང་སྟ་རེས་གཅོད་པ་ད་སྒྱུར་ཅིག །སྨྱུག་ཕྲན་ཟོར་གྱིས་བརྔས་པ་ད་སྒྱུར་ཅིག །མ་བུའི་བྱུར་སྲི་ལང་བ་ད་སྒྱུར་ཅིག །གནམ་གྱི་དལ་ཟོར་བབ་པ་ད་སྒྱུར་ཅིག །ས་ཡི་ནད་ཁ་འོང་བ་ད་སྒྱུར་ཅིག །བདུད་ཀྱི་སུན་མ་ནག་པོ་ད་སྒྱུར་ཅིག །བཙན་གྱི་ཤོ་རྡེལ་བཀྲམ་པ་ད་སྒྱུར་ཅིག །མ་མོའི་དལ་ཡམས་འབེབས་པ་ད་སྒྱུར་ཅིག །རྒྱལ་པོའི་འོད་མདའ་འཕེན་པ་ད་སྒྱུར་ཅིག །གནོད་སྦྱིན་མཚོན་ཚ་ཟུག་པ་ད་སྒྱུར་ཅིག །ཐེའུ་རང་སྲི་ལ་བརྐུ་བ་ད་སྒྱུར་ཅིག །ཁྲག་ཟོར་གྲི་རུ་འཆི་བ་ད་སྒྱུར་ཅིག །ཐབ་འདྲེས་གཞོབ་སྲིའི་གནོད་པ་ད་སྒྱུར་ཅིག །ཚེ་ཟད་སྐག་ལ་བབ་པ་ད་སྒྱུར་ཅིག།མཉམ་གཉིས་དགྲ་འཁྲུག་བྱེད་པ་ད་

[Full Size]

སྒྱུར་ཅིག །སྐྱི་བསེར་ངུ་འབོད་བྱེད་པ་ད་སྒྱུར་ཅིག །རྐྱེན་ངན་འགོ་ནད་བྱེད་པ་ད་སྒྱུར་ཅིག །གནམ་གྱི་དམུ་གབ་འབེབས་པ་ད་སྒྱུར་ཅིག །སྡུག་བསྔལ་སྐག་ལ་བབ་པ་ད་སྒྱུར་ཅིག །ཉོན་མོངས་བདུད་སྒོར་བབ་པ་ད་སྒྱུར་ཅིག །སྤར་ཁའི་དགུ་མིག་ཚུད་པ་ད་སྒྱུར་ཅིག །དུར་དུ་རོ་ཁལ་འགུལ་བ་ད་སྒྱུར་ཅིག །ཕོ་བྲང་གྱོད་མལ་ལང་པ་ད་སྒྱུར་ཅིག །གཉིས་ནག་དུར་དུ་ཚུད་པ་ད་སྒྱུར་ཅིག །གསོན་ལག་གཤིན་ལག་འབྲེལ་བ་ད་སྒྱུར་ཅིག །ཤི་མིག་གསོན་ལ་བལྟ་བ་ད་སྒྱུར་ཅིག །དཔག་བསམ་འདོམ་ལ་འཇལ་བ་ད་སྒྱུར་ཅིག །གོད་དང་དགྲ་བཞི་ལང་བ་ད་སྒྱུར་ཅིག །གདོན་དང་དགྲ་སྣ་འབེབས་པ་དེ་སྒྱུར་ཅིག།ལི་ཁེན་ཕྱིང་རྡུམ་འདྲིལ་བ་ད་སྒྱུར་ཅིག །ཁོན་ཁམ་གཉིས་ཀྱི་མདུན་བབ་པ་ད་སྒྱུར་ཅིག །དྭ་ཟིན་གྲི་ཕུར་འདེབས་པ་ད་སྒྱུར་ཅིག །གིན་ཟོན་བཤའ་གྲི་བརྡར་བ་ད་སྒྱུར་ཅིག །གཤིན་ལམ་ནག་པོ་བྱེ་བ་ད་སྒྱུར་ཅིག །གསོན་བདུད་འདིར་ཆད་ཟེར་བ་ད་སྒྱུར་ཅིག །སྐག་ཆེན་བཤའ་གྲི་འདིར་སློང་ཟེར་བ་ད་སྒྱུར་ཅིག །མྱ་ངན་ངུ་འབོད་གཏོང་བ་ད་སྒྱུར་ཅིག །གནམ་གྱི་འཇུ་ཐག་འདིར་ཆད་ཟེར་བ་ད་སྒྱུར་ཅིག །ས་ཡི་

[Full Size]

བརྟན་ཕུར་འདིར་བུད་ཟེར་བ་ད་སྒྱུར་ཅིག །ལྟག་པ་བདུད་བབ་ཟེར་བ་ད་སྒྱུར་ཅིག །དཔྲལ་བར་གཤེད་འཁོར་ཟེར་བ་ད་སྒྱུར་ཅིག །ཕོ་བདུད་མོ་ལ་འཇབ་པ་ད་སྒྱུར་ཅིག །མོ་བདུད་ཕོ་ལ་འཇབ་པ་ད་སྒྱུར་ཅིག །མ་སྲི་བུ་ལ་འཁོར་བ་ད་སྒྱུར་ཅིག །བུ་སྲི་ནོར་ལ་གནོད་པ་ད་སྒྱུར་ཅིག །ཕྱུག་པོའི་ནོར་སྒོ་བྱེ་བ་ད་སྒྱུར་ཅིག །རྨང་པོའི་སྲི་ལ་བརྐུ་བ་ད་སྒྱུར་ཅིག །གོད་སྲི་དབུལ་འདྲེ་བྱེད་པ་ད་སྒྱུར་ཅིག །ཕ་མེས་དུར་སྲི་སྒྲོན་འདྲེ་ད་སྒྱུར་ཅིག །ཁ་རྗེ་རྩེ་ནས་ཉིལ་བ་ད་སྒྱུར་ཅིག །དབང་ཐང་ས་ལ་བོ་བ་ད་སྒྱུར་ཅིག །འཕེན་པོ་བླ་མཁར་ཉིལ་བ་ད་སྒྱུར་ཅིག །དུར་སྲི་ཚེ་ལ་འཇབ་པ་ད་སྒྱུར་ཅིག །གཟུགས་ཕུང་བྱེད་དུ་བཅུག་པ་ད་སྒྱུར་ཅིག །བཙན་པོའི་ཁ་ཡོག་འོང་བ་ད་སྒྱུར་ཅིག །དགྲ་སྣ་གྱོད་ཟུར་བབས་པ་ད་སྒྱུར་ཅིག །མྱ་ངན་མདུན་ཞུ་གྱོན་པ་ད་སྒྱུར་ཅིག །སྟག་པའི་གྲི་ཤིང་སྒོར་སྐྱེས་ད་སྒྱུར་ཅིག །འདྲེ་མོ་ཐེའུ་རང་གནོད་པ་ད་སྒྱུར་ཅིག ། གཤིན་རྗེའི་འཁྲུལ་འཁོར་བྱེད་པ་ད་སྒྱུར་ཅིག །ཤི་འདྲེ་འགག་འདྲེའི་གནོད་པ་ད་སྒྱུར་ཅིག །ཆུ་མིག་ངོས་ལ་གཏད་པ་ད་སྒྱུར་ཅིག །ཆུང་སྲི་པང་ཉལ་བྱེད་པ་ད་སྒྱུར་ཅིག །ཤ་རུ་

[Full Size]

དམར་ནག་འགུལ་བ་ད་སྒྱུར་ཅིག །སྲི་བདུད་ནག་པོ་རྒྱུག་པ་ད་སྒྱུར་ཅིག །གྱོད་ཕུང་དྲ་བར་ཚུད་པ་ད་སྒྱུར་ཅིག །མདའ་རྩེ་མདུང་རྩེ་ཟུག་པ་ད་སྒྱུར་ཅིག །རྨ་ངོ་ཁྲག་ངོ་ཡོད་པ་ད་སྒྱུར་ཅིག །བྲང་ལ་ཁུ་ཚུར་གླེབ་པ་ད་སྒྱུར་ཅིག །གདོང་ལ་མཆི་མ་འཛག་པ་ད་སྒྱུར་ཅིག །རོ་སྲེག་ལག་ལེན་བྱེད་པ་ད་སྒྱུར་ཅིག །མི་ཁྱག་རོ་ཁུལ་བྱེད་པ་ད་སྒྱུར་ཅིག །མི་ཆོད་རོ་དོང་བརྐོ་བ་ད་སྒྱུར་ཅིག །མི་ཞིམ་སྡུག་ཟན་ཟ་བ་ད་སྒྱུར་ཅིག །གློ་བུར་འཆི་ཆད་འོང་བ་ད་སྒྱུར་ཅིག །ཡུལ་ལ་འཕོ་འཆུག་འོང་བ་ད་སྒྱུར་ཅིག །ཕུ་ཡི་ཤ་ཕོ་རུ་འཛིང་ད་སྒྱུར་ཅིག །མདའ་ཡི་ཉ་མོ་རྔ་འཛིང་ད་སྒྱུར་ཅིག །བར་གྱི་ལྟུང་ཁྲ་སྡེར་འཛིང་ད་སྒྱུར་ཅིག །གནམ་རིམ་པ་བཅུ་གསུམ་ཡར་སྟེང་ནས། །ཤེལ་གྱི་བྱ་ཁྱུང་གཤོག་པ་རྡེབ་པ་སྒྱུར། །ས་རིམ་པ་དགུ་ཡི་འོག་ཤེད་ནས། །དུར་ཕག་ཁྲ་མོ་འཁུན་པ་སྒྱུར། །གནམ་ནས་འབྱུང་བའི་བདུད་སྒོ་སྒྱུར། །ས་ལས་འབྱུང་བའི་སྲི་སྒོ་སྒྱུར། །གཅིག་ཤ་གཅིག་གིས་ཟ་བ་སྒྱུར། །གཉིས་ཁྲག་གཉིས་ཀྱིས་འཐུངས་བ་སྒྱུར། །དཔའ་གཉིས་རྡུང་ཁ་འགྱེད་པ་སྒྱུར། །མྱ་ངན་མཆི་མ་འཛག་པ་སྒྱུར། །ཉེ་བ་དགྲ་རུ་ལྡང་བ་

[Full Size]

སྒྱུར། །གློ་བུར་དགྲ་སྣ་འོང་བ་སྒྱུར། །ཤི་དང་སྟོན་མོ་བྱས་ཉེས་སྒྱུར། །དུར་བྱས་ཉེས་པའི་སྣེ་འདྲེ་སྒྱུར། །མཁར་ལས་ཉེས་པའི་ས་འདྲེ་སྒྱུར། །ཕ་སྐྱེས་མནའ་ཟོས་སྒྲོན་འདྲེ་སྒྱུར། །མ་ཕྱི་ཕྱི་བཤོལ་བཙོག་འདྲེ་སྒྱུར། །རྒན་གཞོན་སོ་རིས་ལྟ་བ་སྒྱུར། །རིང་ཐུང་མཐོ་ལ་འཇལ་བ་སྒྱུར། །ཡང་ལྡི་སྲང་ལ་བཀྱག་པ་སྒྱུར། །ཚོང་རྒྱུད་སྒལ་བ་མྱོང་བ་སྒྱུར། །མོ་ངན་རྨི་ལམ་ངན་པ་སྒྱུར། །ཕ་ཚན་རྒྱབ་འདྲེ་ཡོད་པ་སྒྱུར། །སྡོང་སྡེའི་བྱོལ་པོ་ཡོད་པ་སྒྱུར། །གསོད་དོ་གཅོད་དོ་ཟེར་བ་སྒྱུར། །ཆུང་སྲི་རོ་ཆས་འོང་བ་སྒྱུར། །རྐུ་དགོས་འཕྲོག་དགོས་ཟེར་བ་སྒྱུར། །ནག་ཕྲུག་ལྷ་ལ་ཕོག་པ་སྒྱུར། །ཞང་ཉེའི་རབས་ཆད་སྒྲེན་པ་སྒྱུར། །ཐན་དང་ལྟས་ངན་སྡིག་པ་སྒྱུར། །གྲེ་བོ་དགུ་རྒྱུད་གནོད་པ་སྒྱུར། །ལུས་ལ་དགྲ་དར་ན་ཚ་སྒྱུར། །།སྲོག་ལ་དགྲ་དར་ཤི་ཆད་སྒྱུར། །དབང་ཐང་དགྲ་དར་གོད་ཁ་སྒྱུར། །སྲུང་རྟར་དགྲ་དར་ཁ་སྨས་སྒྱུར། །མི་ཐུབ་ཐུབ་བོ་ཟེར་བ་སྒྱུར། །མི་ཆོད་ཆོད་དོ་ཟེར་བ་སྒྱུར། །ས་འོག་བྲིང་པ་བྲེ་བ་སྒྱུར། །གཡས་ན་ཕོ་བརྒྱས་མདའ་བརྡར་ཟེར་བ་སྒྱུར། །གཡོན་ན་མོ་

[Full Size]

བརྒྱས་དུག་གཡོས་སྒྱུར། །གནམ་ལ་ཟླ་བ་བརྩི་བ་སྒྱུར། །ས་ལ་ཞག་དུས་བགྲང་པ་སྒྱུར། །མདུན་ན་རྩང་བཞིན་བཙུགས་པ་སྒྱུར། །རྒྱབ་ན་ཁྱི་བཞིན་འབྲང་བ་སྒྱུར། །ལུས་ལ་ན་ཚ་གཏོང་བ་སྒྱུར། །ཚེ་ལ་བར་ཆད་བྱེད་པ་སྒྱུར། །ཅི་བྱས་ལོག་པར་འགྲོ་བ་སྒྱུར། །བཟང་བྱས་ངན་དུ་འགྲོ་བ་སྒྱུར། །གང་དུ་མི་སྟེར་སྟོང་འདྲེ་སྒྱུར། །ཕྱུག་ཏུ་མི་སྟེར་དབུལ་འདྲེ་སྒྱུར། །མཐོ་རུ་མི་སྟེར་དམའ་འདྲེ་སྒྱུར། །ཕོ་རྒྱུད་དལ་ཁ་གཡས་སུ་སྒྱུར། །མོ་རྒྱུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །ཡས་ཀྱི་བདུད་དུ་བབ་པ་སྒྱུར། །མས་ཀྱི་སྲི་རུ་འོང་བ་སྒྱུར། །ཐད་དུ་བདུད་བཙན་འགྲོལ་བ་སྒྱུར། །དེ་རྣམས་སྡང་བའི་དགྲ་ལ་སྒྱུར། །གནོད་པར་བྱེད་པའི་བགེགས་ལ་སྒྱུར། །གང་དང་འཕྲད་པ་དེ་ལ་སྒྱུར། །མིང་དང་ལོ་འདྲའི་དེ་ལ་སྒྱུར། །ན་མཉམ་ཚེ་མཉམ་དེ་ལ་སྒྱུར། །ཡུལ་མི་ཁྱིམ་མཚེས་སྟེང་དུ་སྒྱུར། །ས་རྡོ་སེམས་མེད་སྟེང་དུ་སྒྱུར། །བདག་དང་ཡོན་བདག་འཁོར་བཅས་ལ། །ངན་སེམས་གདུག་སེམས་འཆང་བ་དང་། །གནོད་ཅིང་འཚེ་བའི་ཐོག་ཏུ་སྒྱུར། །སྡང་དགྲ་གནོད་བྱེད་ཐོག་ཏུ་སྒྱུར། །གློ་བུར་ཡེ་

[Full Size]

འདྲོག་རྐྱེན་རྣམས་ཟློག །ལྟས་ངན་བརྒྱད་ཅུ་རྩ་གཅིག་ཟློག །ཟློག་བསྒྱུར་ཕྲིན་ལས་དུས་ལ་བབ། །།བཅོལ་བའི་ཕྲིན་ལས་འགྲུབ་པར་མཛོད།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

[Full Size]

ནག་པོ་མགོ་གསུམ་སྔགས་བྱང་རིང་མོ།

[Full Size]

བཅོམ་ལྡན་གཤིན་རྗེ་གཤེད་ལ་ཕྱག་འཚལ་ནས། །ནག་པོ་མགོ་གསུམ་སྔགས་བྱང་རིང་མོ་ནི། །བསྟན་དགྲ་ཚར་གཅོད་དུག་མདའ་ནག་པོ་བྲི། །རིགས་གསུམ་མགོན་པོས་བཀའ་ཡི་གནང་བ་སྩོལ། །ལས་ཐབས་དུག་མདའ་ནག་པོ་ཡི། །ལིངྒ་རྫས་བཅས་མན་ངག་ལྟར། །གཞན་ཡང་སྔགས་བྱང་རིང་མོ་བཅས། །ཡུངས་ཀར་བྲ་བོ་རམ་པ་སོགས། །འདུ་བྱས་དྲག་སྔགས་འདི་ལ་འབད།། ༈ ཀ༽ ཨོཾ་ཧ་ས་ཙི་ཀ་པ་ར་ཏ་ཧྲི་དགྲ་བགེགས་གནོད་བྱེད་སྲོག་རྩ་ལ་མཱ་ར་ཡ་རྦད་རྦད། ཆོད་མྱོག་ཐུམ་ལིང་མཱ་ར་ཡ་ཐུམ་ཐུམ་རྦད་རྦད་བྷྱོ་བྷྱོ་ཟློག་ཟློག །དྲག་པོ་ཆེན་པོ་དགྲ་ལ་བྷྱོ་བྷྱོ་ཟློག་ཟློག ༈ ། ཁ༽ ཨོཾ་ཧ་ས་ཙི་ཀ་པ་ར་ཏ་དགྲ་བགེགས་གནོད་བྱེད་མཱ་ར་ཡ་རྦད། མཐུ་སྟོབས་ཆེན་པོ་དགྲ་ལ་བྷྱོ་བྷྱོ་ཟློག་ཟློག །རྦད་རྦད། མྱོག་མྱོག །བྷྱོ་བྷྱོ་ཟློག་ཟློག །རྦད་ཐུམ་ཐུམ་ལིང་ཐུམ་རི་ལི་ལི། མྱག་འདུས་ལིང་ཐོབ། ཟློག་བྱེད་ཆེན་པོ་དགྲ་ལ་བྷྱོ་བྷྱོ་ཟློག་ཟློག །རྦད་རྦད། མྱོག་མྱོག །བྷྱོ་བྷྱོ་ཟློག་ཟློག །ཐུམ་རི་ལི་ལི་ཆད། གདུག་བྱེད་ཆེན་པོ་དགྲ་ལ་བྷྱོ་བྷྱོ་ཟློག་ཟློག །རྦད་ཆོད་ལིང་རཀྵ་ཁུག་ཐུམ་རི་ལི་ལི། དགྲ་ལ་རྦད་རྦད། བྷྱོ་བྷྱོ་ཟློག་ཟློག ༈ ག༽ ཨོཾ་ཧ་ས་ཙི་ཀ་པ་ར་ཏ་དགྲ་བགེགས་གནོད་བྱེད་མཱ་ར་

[Full Size]

ཡ་ཁ་ཐཾ། གནོད་བྱེད་ཀྱི་ལུས་སྟམྦྷ་ཡ་ནན། མཱ་ར་ཡ་ནན། ཨོ་ཙིནྡྷ་དམ་སྲི་ཁ་ལ་རཀ་དུ་སིང་དུ་ཆོད། དགྲ་བོ་དམ་ཉམས་གྱི་སྲོག་ལ་ཆོད་ཆོད། རྦད་རྦད། དགྲ་བགེགས་གནོད་བྱེད་རྒྱུད་ཆོད་མྱོག་དུམ་དུམ། ཤར་ཤར། མཱ་ར་ཡ་རྦད་རྦད། བློ་སྦྱོ། ཟློག་ཟློག །ལས་མཁན་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག ༈ ང༽ ཨོ་ཡ་མནྟ་ཀ་ཧཱུྃ་ཕཊ། ནག་པོ་ཆེན་པོ་དགྲ་ལ་སྦྱོ། དྲག་པོ་ཆེན་པོ་དགྲ་ལ་བྷྱོཿ ཟློག་བྱེད་ཆེན་པོ་དགྲ་ལ་བྷྱོཿ གདུག་བྱེད་ཆེན་པོ་དགྲ་ལ་སྦྱོ། སྟོབས་ལྡན་ཆེན་པོ་དགྲ་ལ་བྷྱོཿ གསོད་བྱེད་ཆེན་པོ་དགྲ་ལ་བྷྱོཿ ༈ ཅ༽ ཨོཾ་ཧ་ས་ཙི་ཀ་པ་ར་ཏ་ནི་ཏྲི་ཆོད། དགྲ་བགེགས་གནོད་བྱེད་མྱག་ཐུམ་རིལ་རྦད། སྲོག་རྩ་དམར་པོ་ལ་རྦད། ཆོད་མྱོག །ཐུམ་ལིང་མཱ་ར་ཡ་ཐུམ་ཐུམ། རྦད་རྦད། བྷྱོ་བྷྱོཿ ཟློག་ཟློག །དྲག་པོ་ཆེན་པོ་དགྲ་ལ་བློ་ཟློག །ཆད་ཡ་རྦད་ཡ། ཐུམ་རི་ལི་ལི། མཱ་ར་ཡ་བྷྱོ་སྦྱོ་ཟློག་ཟློག །འཇིགས་བྱེད་ཆེན་པོ་དགྲ་ལ་བྷྱོ་ཟློག ༈ ཆ༽ ཨོཾ་ཧ་ས་ཙི་ཀ་པ་ར་ཏ་དགྲ་བགེགས་གནོད་བྱེད་མཱ་ར་ཡ་ཆད། མཐུ་སྟོབས་ཆེན་པོ་དགྲ་ལ་བྷྱོ་ཟློག །ཐུམ་རི་ལི་ལི། གནོད་བྱེད་མྱོག་འདུས་ལིང་

[Full Size]

ཐོབ། ཟློག་བྱེད་ཆེན་པོ་དགྲ་ལ་བློ་ཟློག །ཆོད་ལིང་མྱོག །རཀ་ཐུན་ཁུག །རི་ལི་ལི་བྷྱོ་བྷྱོ་ཟློག་ཟློག ༈ ཇ༽ ཨོཾ་ཧ་ས་ཙི་ཀ་པ་རི་ཏ་གནོད་བྱེད་ལུས་ངག་ཡིད་གསུམ་མཱ་ར་ཡ་སྭཱ་བྷ་ཡ་ནན། ༈ ཉ༽ ཨོཾ་ཧ་ས་ཙི་ཀ་པ་ར་ཏ་ཙིན་དམ་སྲི་ཁ་ལ་རཀྵ་དུ་སེང་ཆོད། ར་ཏྲ་དུ་སེང་དུ་དམ་སྲི་པ་ར་ཐཾ། སྲོག་ལ་ཛ་ཛཿ སྡང་བར་བྱེད་པའི་དགྲ་ལ་བྷྱོཿ གནོད་པར་བྱེད་པའི་བགེགས་ལ་སྦྱོ། དགྲ་འདྲེ་བྱུར་གསུམ་སྲོག་ལ་མཱ་ར་ཡ་ཆད། སརྦ་ཤ་ཏུན་མཱ་ར་ཡ་ཙིཏྟ་ཕྱུང་ཆད་སོད་བྷྱོཿ ཨོཾ་ཡ་མཱནྟ་ཀ་ཧཱུྃ་ཕཊ། ནག་པོ་ཆེན་པོ་དགྲ་ལ་བློ་བྷྱོཿ དྲག་པོ་ཆེན་པོ་དགྲ་ལ་བློ་བྷྱོཿ འཇིགས་བྱེད་ཆེན་པོ་དགྲ་ལ་བློ་བྷྱོཿ མཐུ་སྟོབས་ཆེན་པོ་དགྲ་ལ་བྷྱོ་བྷྱོཿ ཟློག་བྱེད་ཆེན་པོ་དགྲ་ལ་བྷྱོ་བྷྱོཿ གཏུམ་བྱེད་ཆེན་པོ་དགྲ་ལ་བྷྱོ་བྷྱོཿ སྟོབས་ལྡན་ཆེན་པོ་དགྲ་ལ་བྷྱོ་བྷྱོཿ གསོད་བྱེད་ཆེན་པོ་དགྲ་ལ་བློ་བྷྱོཿ སྒྱུར་བྱེད་ཆེན་པོ་དགྲ་ལ་བྷྱོ་དྷོ། ༈ ཏ༽ ཨོཾ་ཧ་ས་ཙི་ཀ་པ་ར་ཏ་ཧྲཱིཿ དགྲ་བགེགས་གནོད་བྱེད་མྱོག་སྲོག་རྩ་མཱ་ར་ཡ་ཐུམ་རི་ལི་ལི། རྦད་ཆོད། མྱོག་ཐུམ་ལིང་མཱ་ར་ཡ་ཐུམ་ཐུམ། བློ་སྦྱོ། ཟློག་ཟློག ཏ༽ ཨོཾ་ཧ་ས་ཙི་ཀ་པ་ར་ཏ་དགྲ་

[Full Size]

བགེགས་གནོད་བྱེད་མཱ་ར་ཡ་རྦད་རྦད། མཐུ་སྟོབས་ཆེན་པོ་དགྲ་ལ་མཱ་ར་ཡ་བྷྱོ་བྷྱོཿ ཟློག་ཟློག །ཆད་ཐུམ་རི་ལི་ལི། གནོད་བྱེད་མྱོག་འདུས་ལིང་། ཟློག་བྱེད་ཆེན་པོ་དགྲ་ལ་བྷྱོ་བློ་ཟློག་ཟློག །ཆད་མྱོག་བྷྱོ༔བྷྱོ༔ཟློག་ཟློག །ཐུམ་རི་ལི་ལི། གཏུམ་བྱེད་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །ཆོད་ཡ་ཆོད་ཡ། རྦད་རྦད། མྱོག་མྱོག །བྷྱོ་བྷྱོཿ ཟློག་ཟློག །སྟོབས་ལྡན་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །རྦད་ཆོད་ལིང་མྱོག །རཀྟ་ཐུན་ཁུག །ཐུམ་རི་ལི་ལི། །རྦད་རྦད་བྷྱོ་བྷྱོ་ཟློག་ཟློག །ཟ་བྱེད་ཆེན་པོ་དགྲ་ལ་བྷྱོ་བྷྱོ་ཟློག་ཟློག ༈ ཐ༽ ཨོཾ་ཧ་ས་ཙི་ཀ་པ་ར་ཏ་དགྲ་བགེགས་གནོད་བྱེད་ཡ་མ་ཐོངས། དགྲ་བགེགས་གནོད་བྱེད་ཀྱི་ལུས་ངག་ཡིད་གསུམ་མཱ་ར་ཡ་སམྦྷ་ཡ་ནན། ༈ ད༽ ཨོཾ་ཧ་ས་ཙི་ཀ་པ་ར་ཏ་དམ་སྲི་ལ་ཁ་ལ་རཀ་དུ་སིང་དུ་ཆོད། དགྲ་རྩ་ལ་ཆོད། དམ་སྲི་དམ་ཉམས་ཀྱི་སྲོག་ལ་ཆོད་ཆོད། རྦད་རྦད། དགྲ་བགེགས་གནོད་བྱེད་མཱ་ར་ཡ་རྦད་ཆོད་ཆོད། མྱག་མྱག་དུམ་ཤར་ཤར་མཱ་ར་ཡ་རྦད་རྦད། བྷྱོ༔བྷྱོ༔ཟློག་ཟློག །ལས་མཁན་ཆེན་པོ་དགྲ་བགེགས་ཀྱི་སྟེང་དུ་ཧཱུཾ་བྷྱོ་ཟློག་ཟློག །ནག་པོ་ཆེན་པོ་དགྲ་བགེགས་སྟེང་དུ་བྷྱོ་

[Full Size]

བྷྱོ་ཟློག་ཟློག །དགྲ་བགེགས་གནོད་བྱེད་དམ་ཉམས་གྱི་སྲོག་རྩ་ཆོད་ཆོད་རྦད། དགྲ་བགེགས་གནོད་བྱེད་མཱ་ར་ཡ་རྦད་ཆོད། མྱག་མྱག་དུམ་དུམ་ཤར་ཤར། མཱ་ར་ཡ་བྷྱོ་བྷྱོ་ཟློག་ཟློག །ལས་མཁན་ཆེན་པོ་དགྲ་བགེགས་ཀྱི་སྟེང་དུ་བློ་བྷྱོ་ཟློག་ཟློག །དྲག་པོའི་སྔགས་རྒོད་ཆེན་པོ་འདི། དུས་དྲུག་གམ་ནི་དུས་གཅིག་ལ། །ཐེམ་གྲངས་མ་ནོར་སོ་སོར་བགྲང་། ཁྱད་པར་བསད་ལས་ལས་སྦྱོར་དུས། །གྲི་ལྕགས་ཕྱེ་མ་ལ་བཟླས་ཏེ། །ལིངྒའི་སྙིང་གར་འདེབས་པར་བྱ། །དགྲ་བགེགས་ཀླུ་ལ་གཏད་པའི་དུས། །རྗེས་ས་དྲི་མ་དང་བཅས་པ། །ཟངས་ལྕགས་ཕྱེ་མ་རྡོ་ཕྱེ་ལ། །མང་བཟླས་དྲག་ཏུ་ལིང་གར་བྲབ། །དེ་བཞིན་དྲག་སྔགས་ཚན་བཅུ་གཅིག །ནུས་ལྡན་བྱས་པས་ལས་རྣམས་འགྲུབ། །བཟློག་པའི་སྔགས་བྱང་འདི་མེད་ན། །མདའ་ལ་མདེའུ་མེད་དང་མཚུངས། །འདི་ཡོད་གནམ་ལྕགས་དྲག་པོ་འདྲ། །དགྲ་བགེགས་གང་ལའང་ཐོགས་པ་མེད། །ཅེས་གསུངས་སོ། །ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མི་ནག་མགོ་གསུམ་གྱི་ཐལ་མོ་རྡེབ་ཆོག

[Full Size]

མི་ནག་མགོ་གསུམ་གྱི་ཐལ་མོ་རྡེབ་ཆོག་ནི། ཧཱུྃ། མི་ནག་མགོ་གསུམ་མཐུ་སྟོབས་ཅན། །ཁྱོད་ནི་དམག་ལ་ཆས་ཙམ་ན། །དབུ་གསུམ་ཉི་ཟླ་པདྨའི་གདན། །བཅོམ་ལྡན་རིགས་གསུམ་མགོན་པོ་ལ། །སངས་རྒྱས་བྱང་སེམས་ཚོགས་ཀྱིས་བསྐོར། །བདག་དང་ཡོན་བདག་འཁོར་བཅས་ལ། །དབང་བསྐུར་བྱིན་གྱིས་བརླབ་ཏུ་གསོལ། །ཁྱོད་ཀྱི་གཡས་གཡོན་ཕྱོགས་མཚམས་ན། །སྣང་སྲིད་ལྷ་སྲིན་སྡེ་བརྒྱད་སོགས། །འཁོར་དང་བཅས་པ་མ་ལུས་པ། །གྲངས་མེད་བསམ་གྱིས་མི་ཁྱབ་པ། །གོ་ཆ་སྲ་ཞིང་མཚོན་ཆ་རྣོ། །ནད་ཡམས་དུག་མཚོན་ཆར་ལྟར་འབེབས། །སོད་སོད་རྒྱོབ་རྒྱོབ་སྒྲ་ཆེན་ནི། །འབྲུག་སྟོང་ལྡིར་བ་ལྟ་བུ་ཡིས། །དམ་ཉམས་གནོད་བྱེད་བརྒྱལ་ཞིང་འདར། །དངང་ཞིང་བྲོས་པས་མི་ཐར་བ། །རྡུལ་ཕྲན་བཞིན་དུ་བརླག་པར་མཛོད། །ཁྱོད་ཀྱི་སྤྲུལ་པ་འགྱེད་པའི་ཚེ། །སྟེང་འོག་ཕྱོགས་བཞི་མཚམས་བཞི་ནས། །བཞུགས་པའི་ཡེ་ཤེས་འཇིག་རྟེན་གྱི། །ལྷ་ཚོགས་མ་ལུས་ཐམས་ཅད་ཀྱིས། །ཐལ་མོ་རྡེབ་རིང་བཞད་སྒྲ་སྒྲོག །ཁྱེད་ཀྱི་ཕྱག་ནི་གཡས་གཡོན་ན། །གནམ་ལྕགས་འཁོར་ལོ་རྩིབས་བརྒྱད་པ། །

[Full Size]

བརྡབས་པའི་བར་དུ་དགྲ་དང་བགེགས། །གནོད་བྱེད་བྱེད་མ་གོད་འདྲེ་རྣམས། །རྡུལ་ཕྲན་བཞིན་དུ་བརླག་པར་མཛོད། །ཁྱེད་རང་དཔོན་གཡོག་འཁོར་བཅས་དང་། བདག་ཅག་ཡོན་མཆོད་འཁོར་བཅས་ཀྱི། །ཐལ་མོ་ལན་གཅིག་བརྡབས་པ་ཡིས། །སྡང་བར་བྱེད་པའི་དགྲ་རྣམས་ཟློག །ཐལ་མོ་ལན་གཉིས་བརྡབས་པ་ཡིས། །གནོད་པར་བྱེད་པའི་བགེགས་རྣམས་ཟློག །ཐལ་མོ་ལན་གསུམ་བརྡབས་པ་ཡིས། །ནད་འདྲེ་གཅོང་སྲི་ཐམས་ཅད་ཟློག །ཐལ་མོ་ལན་བཞི་བརྡབས་པ་ཡིས། །གོད་འདྲེ་བསེ་རིག་འགོང་པོ་ཟློག །ཐལ་མོ་ལན་ལྔ་བརྡབས་པ་ཡིས། །བྱུར་འདྲེ་མི་ཁ་བྲ་མཆུ་ཟློག །ཐལ་མོ་ལན་དྲུག་བརྡབས་པ་ཡིས། །དགྲ་རྐུན་ཇག་གསུམ་ཐམས་ཅད་ཟློག །ཐལ་མོ་ལན་བདུན་བརྡབས་པ་ཡིས། །བདུན་ཟུར་དགྲ་གཤེད་གནོད་པ་ཟློག །ཐལ་མོ་ལན་བརྒྱད་བརྡབས་པ་ཡིས། །སྤར་ཁའི་འགྲམ་འཁྲུགས་རྐྱེན་རྣམས་ཟློག །ཐལ་མོ་ལན་དགུ་བརྡབས་པ་ཡིས། །དགུ་མིག་དུར་མིག་ཚུད་པ་ཟློག །ཐལ་མོ་ལན་བཅུ་བརྡབས་པ་ཡིས། །ཕྱོགས་བཅུའི་མི་ཁ་བྲ་མཆུ་ཟློག །མི་ནད་ནོར་ནད་ཐམས་ཅད་ཟློག །བན་

[Full Size]

བོན་ངན་པའི་བསམ་ངན་ཟློག །སྔགས་པ་ངན་པའི་མཐུ་བྱད་ཟློག །སྐྱེ་བོ་ངན་པའི་རྐུ་འཕྲོག་ཟློག །བུད་མེད་ངན་པའི་དམོད་མོ་ཟློག །སྔོན་གྱི་ལས་དབང་ངན་པ་ཟློག །འཕྲལ་གྱི་རྐྱེན་དབང་ངན་པ་ཟློག །མདོར་ན་མི་མཐུན་གནོད་པ་ཡི། །ཕྱོགས་རྣམས་མ་ལུས་བཟློག་པར་མཛོད། །ཨ་ཡ་མ་དུ་རུ་ཙ་ཤ་ན་མཱ་ར་ཡ་བྷྱོ་བྷྱོ་༔ཟློག་ཟློག །

ཀྱཻ། ད་ནི་གཏོ་མཁན།

[Full Size]

ཀྱཻ། ད་ནི་གཏོ་མཁན་གཏོ་ལ་གཤེགས། །གཏོ་མཁན་གཏོ་ལ་མ་གཤེགས་ན། །དུས་ཚོད་མཚོན་ཆ་འཁོར་དེ་མཆིས། །ཡ་ཀི་གནམ་རིམ་པ་བཅུ་གསུམ་ཡང་སྟེང་ན། །ཤེལ་གྱི་བྱ་ཁྱུང་གཤོག་པ་རྡེབ་པ་ཡང་། །ཧ་ས་གརྒྷའི་གཏོ་ཡིས་ཟློག །མ་ཀི་ས་རིམ་པ་གསུམ་གྱི་མར་ཞབས་ན། །དུར་ཕག་ཁྲ་མོ་འཁུན་པ་ཡང་། །ཧ་ས་གརྒྷའི་གཏོ་ཡིས་ཟློག །ཀྱཻ། ཉི་མ་ཤར་ཕྱོགས་ཕ་ཀི་ན། །ར་གན་མི་ནི་སེར་པོ་ཡིས། །ལྟས་ངན་ཐན་གྱི་གླུ་ལེན་པ། །ཧ་ས་གརྒྷའི་གཏོ་ཡིས་ཟློག །ཀྱཻ། ཉི་མ་ནུབ་བྱང་ཕ་ཀི་ནཱ། །གནས་ཁྱི་ནག་པོ་ཟུག་པ་ཡང་། །ཧ་ས་གརྒྷའི་གཏོ་ཡིས་ཟློག །ཀྱཻ། ཉི་མ་བྱང་ཤར་ཕ་ཀི་ན། །ཟངས་ཀྱི་གླང་བུས་རྭ་ཅོ་བརྡར་བ་ཡང་། །ཧ་ས་གརྦྷའི་གཏོ་ཡིས་ཟློག །ཀྱཻ། །ཉི་མ་ལྷོ་ནུབ་མཚམས་ཤེད་ན། །རྡོ་ལུག་གྲོ་མོ་འཁུན་པ་ཡང་། །ཧ་ས་གརྒྷའི་གཏོ་ཡིས་ཟློག །རང་སྐག་བདུན་ཟུར་གཤེད་གཅིག་རྣམས། །ཧ་ས་གཛྷའི་གཏོ་ཡིས་ཟློག །གཤེད་ཀྱི་ཆོ་འཕྲུལ་བྱུང་བ་ཡང་། །ཧ་ས་གརྒྷའི་གཏོ་ཡིས་ཟློག །དགུ་མིག་རུས་མིག་བཞི་ཡི་སྐག །ཧ་ས་གརྒྷའི་གཏོ་ཡིས་ཟློག །ཤི་མིག་གསོན་ལ་བལྟ་བ་ཡང་། །ཧ་ས་གརྒྷའི་གཏོ་

[Full Size]

ཡིས་ཟློག །ལོ་སྐག་ཟླ་སྐག་ཞག་སྐག་ཀྱང་། །ཧ་ས་གརྒྷའི་གཏོ་ཡིས་ཟློག །རྨི་ལམ་ངན་པ་ཐམས་ཅད་ཀྱང་། །ཧ་ས་གརྒྷའི་གཏོ་ཡིས་ཟློག །ཀྱཻ། མི་ནག་མགོ་བོ་གསུམ་པ་ཁྱོད། །ཁྱོད་ཀྱི་ཕ་ནི་བཙན་ལ་མ་ནི་ཀླུ། །ཁྱོད་ཀྱི་རྒྱུ་ནི་འབྱུང་བ་ལྔ། །ཁྱོད་ཀྱི་རྐྱེན་ནི་འབྱུང་བ་ལྔ། །ཁྱོད་ཀྱི་རྟགས་ནི་འབྱུང་བཟང་ལྔ། །ངེས་མེད་རྣམ་པ་སྣ་ཚོགས་བྱེད། །འབྲས་བུ་མང་པོའི་གཏོར་མ་དང་། །ཟས་སྣ་མང་པོའི་རྒྱན་གྱིས་བརྒྱན། །འདོད་ཡོན་མང་པོར་བྱིན་གྱིས་བརླབས། །འདོད་པའི་ཡོན་ཏན་ཟས་མཆོག་འདི། །ཧ་ས་གནྡྷོ་ཁྱོད་ལ་འབུལ། །བདག་དང་ཡོན་བདག་འཁོར་བཅས་ཀྱི། །བར་ཆད་རྐྱེན་རྣམས་ཟློག་པ་དང་། །སྔོན་གྱི་ལན་ཆགས་བུལ་བར་གྱིས། །འདིའི་དགེ་བའི་རྩ་བ་དེས་སེམས་ཅན་ཐམས་ཅད་ལ་ཕན་ཐོགས་པར་ཤོག །མངྒ་ལཾ།། རྒྱས་པ་བྱེད་ན་འདི་ཡན་ཉིན་ཚར་དགོས་རྒྱུ་ཡིན། བསྐང་ཟློག་སོགས་མི་བཅའ་ནས། མགོ་གསུམ་ཁོ་ན་ལ་ནན་ཏན་བྱེད་ན་སྔ་དྲོ་ལ་རྒྱས་པ་ཚར་གཅིག །ཉིན་གུང་དང་དགོང་མོའི་ཐུན་ལ་གནམ་ཆོས་ཀྱི་མགོ་གསུམ་ཚར་རེ་བྱས་ལ་ཐན་ཟློག་སྐག་ཟློག་གལ་གང་ཆེ་བའི་སྔགས་མང་དུ་བཟླ་ཞིང་དམིགས་པ་ལ་འབད་ན་ཤིན་ཏུ་ཟབ་བོ། །ཡང་གནམ་ཆོས་མི་སབ་ནས་འདི་རང་ལ་ཐུན་གསུམ་དུ་བྱེད་ན། རྒྱས་པ་ཚར་གཅིག་དང་བསྡུས་པ་ཚར་གཉིས་བྱའོ། །མངྒ་ལཾ།། །།

ནག་པོ་མགོ་གསུམ་འབུལ་ཁའི་འདོན་འགྲིགས་ཤིན་ཏུ་ཟབ་པ་སྲས་ལུགས་སུ་བཀོད་པ།

[Full Size]

ནག་པོ་མགོ་གསུམ་འབུལ་ཁའི་འདོན་འགྲིགས་ཤིན་ཏུ་ཟབ་པ་སྲས་ལུགས་སུ་བཀོད་པ་བཞུགས་སོ། །

[Full Size]

དེ་ནས་མགོ་གསུམ་འབུལ་ཁའི་དགོང་མོ་སྣོད་གཅིག་ཏུཡོས་བཀྲ་འབྲུ་སྣ་སོགས་རྫོངས་འདེབས་རྒྱུ་ཡི་རྫས་དང་། སྔོན་དུ་ཁྱེར་རྒྱུའི་དཀར་གཏོར་གཅིག་དང་། གསེར་སྐྱེམས། རྗེས་ནས་གཏིང་ཕུལ་ལ་ཟློག་པ་ཡོད་དམ། མེད་ན་ཆད་མདོ་བརྟན་སྐྱོང་སོགས། ཆོས་སྐྱོང་རྣམས་ལ་དམར་གཏོར་འབུལ་རྒྱུ་དང་། མདུན་དུ་གཏོར་རྫོངས་འདེབས་རྒྱུའི་གཏོར་ཆུང་ཁྲག་བྱུག་པ་ཉེར་གཅིག་ཤ་དུམ་དང་བཅས་པ། བསྒྲལ་རྒྱུའི་ཟན་ལིང་ཆེ་བ་གཅིག་བཤམས། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་

[Full Size]

པ་དང་། འཕགས་པ་འཇམ་དཔལ་རིགས་ལྔའི་བཀའ་བདེན་པ་དང་། ཁྲོ་བོའི་རྒྱལ་པོ་ཡ་མཱནྟ་ཀའི་བཀའ་བདེན་པ་དང་། དབང་ཆེན་རྟ་མགྲིན་གྱི་བཀའ་བདེན་པ་དང་། རྡོ་རྗེ་གཏུམ་པོ་གོས་སྔོན་ཅན་གྱི་བཀའ་བདེན་པ་དང་། ཟློག་བྱེད་ཧ་ས་གརྒྷ་འཁོར་དང་བཅས་པའི་མཐུ་སྟོབས་ཀྱིས། རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་གནོད་ཅིང་འཚེ་བར་བྱེད་པ། ཚེ་སྲོག་བསོད་ནམས་ལ་བར་དུ་གཅོད་པ། ཁ་རྗེ་དབང་ཐང་འཕྲོག་པར་བྱེད་པ། དམ་པའི་ཆོས་བཤད་ཀྱང་མི་ཉན་པ། བདེན་པའི་སྟོབས་བརྗོད་ཀྱང་མི་

[Full Size]

བརྩི་བ། གླུད་དང་གཏོར་མས་བརྔན་ཀྱང་མི་མགུ་བ། འགྱུ་ལོག་འཕར་ལྡང་མགོ་གཡོག་མགོ་སྐོར་བྱེད་པའི་གནོད་བྱེད་དམ་སྲི་ཐམས་ཅད་གཟུགས་ལིངྒ་འདི་ལ་ཁུག་ཅིག །བཛྲ་ཨངྐ་ཤ་ཛརཿ བཛྲ་པཱ་ཤ་ཧཱུྃ་ཧཱུྃ། བཛྲ་སྤོ་ཊ་ཐཾ་ཐཾ། བཛྲ་གྷདྷེ་ཧོ་ཧོ༔ ལྷ་དང་ཕྱེས་ཤིག་པྲ་བེ་ཤ་ཡ་ཕཊ་ཕཊ༔ ཅེས་འགུགས་གཞུག་ལན་གསུམ་བྱ། དེ་ནས་ཐལ་མོ་རྡེབ་ཆོག་འདོན་ཅིང་ཐལ་མོ་རྡེབ། དེ་ནས་ལིངྒ་ཞལ་བསྟབ་འདོན་ཅིང་། ལིང་ག་ཞལ་དུ་བསྟབ་ཚུལ་བྱ། དེ་ནས་བཛྲ་ཀཱི་ལ་ཡ་ཟེར་བའི་དུས་སུ་ལིངྒ་ལ་ཕུར་པ་འདེབས། ལིངྒ་དུམ་བུར་གཏུབ་ལ། ལིངྒའི་དུམ་བུ་རེ་དང་གཏོར་ཆུང་རེ་སྦྲགས་ལ་གཏོར་རྫོང་གི།ཚིག་མཚམས་སུ་འབུལ་བཅུག །དེ་ནས་རྫོངས་འདེབས་ཚྭ་ཡོས་རམ་རུག་སོགས་རྫོངས་སུ་འདེབས་ཟེར་བའི་ཚིག་མཚམས་སུ་འདེབས་བཅུག །དེ་ནས་གཡང་ལེན་འདོན་ལ་རིགས་གསུམ་མགོན་པོའི་ཙཀ་ལི་ཚུར་ལེན། དེ་ནས་ཕྱི་ན་གསེར་སྐྱེམས་རེ་མཆོད་པ་དང་། ཕྱོགས་བཞིའི་རྩང་རེ་ཤབ་སྟེ་སྒོ་དབྱེ་འདོན། དེ་ནས་མདོས་ཁ་ཕྱིར་བསྒྱུར་ལ་ལམ་བསྟན་འདོན། དེ་ནས་ཡོད་ན་དབུ་རྒྱན་ཅིག་མདོས་ཀྱི་སྟེང་དུ་བཟུང་བཅུག །དབུ་རྒྱན་མེད་ན་རིགས་གསུམ་མགོན་པོའི་ཙཀ་ལི་ཡུད་ཙམ་བཟུང་བཅུག་ལ། དབང་བསྐུར་འདོན། དེ་ནས་ཤེས་ན་སེམས་ཀྱི་ངོ་བོ་ལ་བལྟ། མི་ཤེས་ན་ཡང་ཐམས་ཅད་སྒྱུ་མ་རྨི་ལམ་ལྟ་བུ་བདེན་པར་གྲུབ་པ་གཅིག་ཀྱང་མེད། ཐམས་ཅད་རང་གི་སེམས་ཀྱི་ཆོ་འཕྲུལ་ཡིན་

[Full Size]

སྙམ་པ་ལྟ་བ་གྱད་ཀྱི་ལྷ་དེ་བསྒོམ་ཞིང་། ངེས་དོན་གྱི་ལམ་བསྟན་དེ་བཏོན་ནས་ཧ་ས་གཛྷ་འཁོར་དང་བཅས་པས་ཡས་གླུད་རྣམས་ཁྱེར་ཏེ། དམག་གཤར་བ་ལྟར་འབུལ་བའི་ཕྱོགས་སུ་སོང་བར་བསྒོམ་ལ། དེ་ལྟར་བསྐྱེད་པའི་མགྲོན་དང་རྒྱུད་པ་རྣམས་སོང་རྗེས། དང་པོ་དམ་ཚིག་པའི་མགོ་གསུམ་འཁོར་བཅས་བསྐྱེད་པ་དང་བཅས་པའི་གཟུགས་བརྙན་དེ་རྣམས་སྤྲིན་ནག་རླུང་གིས་བསྐྱོད་པའམ་སེར་ཁང་འཁྲིགས་པ་ལྟར་སོང་ནས། གནོད་བྱེད་དགྲ་བགེགས་ཐམས་ཅད་གྲོག་ཚང་སེར་བས་བརྡུང་བ་ལྟར་རྗེས་མེད་དུ་སོང་བར་བསྒོམ་ཞིང་མཚན་མ་དགྲ་ཟོར་འདོན། དེས་ཟོར་གྱི་གོ་ཆོད་ཡིན་ཟོར་ལོགས་སུ་ཟོར་མེད་དོ། །ཞེས་པ་རཱ་ག་ཨ་སྱས་སྦྱར་བའོ། །ཡི་གེ་པ་ནི་སྔགས་འཆང་ཨོ་རྒྱན་བཀྲ་ཤིས་སོ།། ༈ ཐལ་མོ་རྡེབ་ཆོག་བཞུགས་སོ།། །ཀྱཻ། དུས་གསུམ་བདེ་གཤེགས་དགོངས་སུ་གསོལ། །འགྲོ་དྲུག་ཡོངས་ཀྱི་རྒྱུ་མཐུན་པ། །དང་པོ་ཅི་ཡང་མེད་པ་སྟེ། །ས་བདག་ཞེ་སྡང་སུམ་བརྩེགས་ལ། །ཞེ་སྡང་ཀླུ་ཡི་བུ་རུ་སྲིད། །དེ་ལས་འབྱུང་ལྔ་བདུད་དུ་སྲིད། །བདུད་ལྔ་ཁྲོས་པས་དུག་ལྔ་སྲིད། །ས་བདག་ཁྱི་ཡི་མགོ་བོ་ཅན། །ང་རྒྱལ་ཁྲོ་གཏུམ་གཡོས་པ་ལས། །ས་བདག་ཁེན་པ་རྒན་པོ་བྱུང་། །ཞེ་སྡང་ཐུགས་ནི་ཁྲོས་པ་ལས། །མི་ནག་མགོ་བོ་གསུམ་པ་སྲིད། །ཞེ་སྡང་ཆེ་བས་ལུས་པོ་ནག །ང་རྒྱལ་ཆེ་བས་

[Full Size]

སོ་ཡང་སེར། །འདོད་ཆགས་ཆེ་བས་རྐན་ཡང་དམར། །ཕྲག་དོག་ཆེ་བས་རླུང་དམར་འཚུབ། །གཏི་མུག་ཆེ་བས་མུན་པ་འཐིབས། །དུག་གསུམ་ལྡན་པས་མཆེ་བ་གཙིགས། །མགོ་གསུམ་སྲིད་གསུམ་ཟས་སུ་ཟ། །མྱུར་མགྱོགས་མིག་ནི་གློག་ལྟར་འགྱུ། །སྐད་ཅིག་དགྲ་ཡི་རྣམ་ཤེས་ལེན། །ཁྱོད་ནི་མི་ནག་བདུད་ཀྱི་བུ། །དུག་ལྔ་འཇོམས་ཕྱིར་མགོ་བོ་གསུམ། །འགྲོ་དྲུག་བསྒྲལ་ཕྱིར་ཕྱག་དྲུག་པ། །མགོ་གསུམ་མགོ་བརྙན་སྤྲུལ་པ་ལས། །གཟའ་ཆེན་བརྒྱད་ནི་སྤྲུལ་པའི་བུ། །དྲེགས་པ་སྡེ་བརྒྱད་མཆེ་བ་བྱས། །བདུད་བཙན་གཉིས་ལ་རྭ་ཅོ་བྱས། །ཀླུ་གཉན་གཉིས་ལ་རྣ་བ་བྱས། །ཚ་གྲང་གཉིས་ལ་སྤྱན་མིག་བྱས། །ལྷ་སྲིན་སྡེ་བརྒྱད་མགོ་བརྙན་ཅན། །སྡེ་བརྒྱད་གདུག་རྩུབ་དགྲ་ལ་སྒྱུར། །ཨོ་པ་ཤ་ཏི། ཀི་ཤ་དུ་རུ་ཤིག །དགྲ་བགེགས་འབྱུང་པོ་སརྦ་ཙིཏྟ་ལ་ཛ་ཛཿ །ཀྱཻ། མགོ་གཅིག་གཏི་མུག་གླང་གི་མགོ །རུས་སྦལ་མཆེ་གཙིགས་གླང་ཆེན་དབུ། །བདུད་དང་སྲིན་པོའི་སྤྲུལ་པ་ཡི། །སྤེན་པ་ལྷུམས་སུ་ཞུགས་པའི་བུ། །སུ་དང་འཕྲད་པའི་སྲོག་ལ་རྒོལ། །ཀླུ་གཉན་མང་པོའི་སྲོག་ལ་འགྱེད། །ལྷ་སྲིན་སྡེ་

[Full Size]

བརྒྱད་རོལ་དུ་ཁྲིད། །གྲི་རྒོད་ལྟོག་པ་དགྲ་ལ་ཐོངས། །གཏོར་མ་མཐེབ་སྐྱུ་འདི་བཞེས་ལ། །སྐག་དང་འཚེར་རྩུབ་དགྲ་ལ་སྒྱུར། །ཁ་ནས་སྤྲུལ་པའི་ངན་སྔགས་ནི། །བཛྲ་པཱ་ཎིས་དགྲ་བོ་སོད། །མི་ཁ་འདྲེ་དམག་དགྲ་ལ་དྲོངས། །བཛྲ་པ་ཎི་དགྲ་བོ་མཱ་ར་ཡ་ཆད་སྭཱ་ཧཱ། མགོ་གཅིག་གཅན་གཟན་སྟག་གི་མགོ །འཇིགས་ཤིང་ང་རྒྱལ་ཁྲོ་གཏུམ་ཅན། །མིག་བསྒྲད་རྐན་རྡེབ་མཆེ་བ་གཙིགས། །ཁྱབ་འཇུག་ལྷུམས་སུ་ཞུགས་པའི་བུ། །དགྲ་བགེགས་འབྱུང་པོ་ཧུར་ཐུམ་སོད། །གསོད་དང་གཅོད་ལ་ཀུན་ཏུ་དགའ། །ཞེ་སྡང་འཇིགས་པའི་མཆེ་བ་གཙིགས། །གཟའ་བདུད་སྤྲུལ་པའི་ཕོ་ཉ་འགྱེད། །ཕོ་ཉ་མང་པོ་སྐར་ལྟར་འཁྲུགས། །ཐོག་དང་སེར་པ་ཤ་ར་ར། །ཁ་རླངས་སྔོ་དམར་ཐུ་ལུ་ལུ། །གཏོར་མ་མཐེབ་སྐྱུ་འདི་བཞེས་ལ། །དགྲ་བགེགས་འབྱུང་པོ་རྡུལ་དུ་རློགས། །ཁ་ནས་སྤྲུལ་པའི་ངན་སྔགས་ནི། །རཱ་ཧུ་ལ་ཡིས་དགྲ་རྣམས་ཟློག །མི་ཁ་འདྲེ་དམག་དགྲ་ལ་ཐོབ། །ཨོ་རཱ་ཧུ་ལ་པཱ་ཎི་རུ་ཎ་དགྲ་བགེགས་འབྱུང་པོ་མཱ་ར་ཡ་རྦད་སྭཱ་ཧཱ། །ཀྱཻ། གཡོན་པ་གཏི་མུག་ཕག་གི་མགོ །ཁ་གདངས་ཁམས་གསུམ་ཟས་སུ་

[Full Size]

ཟ། །མིག་ལྡོག་དགྲ་བོ་ཉམས་པར་བྱེད། །མཆེ་བ་འདོན་ཞིང་དགྲ་བོ་གསོད། །གཟའ་ལྷག་པ་ལྷུམས་སུ་ཞུགས་པའི་བུ། །མྱུར་མགྱོགས་མཆེ་བས་འཁོར་ལོ་བསྐོར། །ཚེ་དང་སྲོག་ལ་རབ་ཏུ་རྔམ། །དགྲ་བོ་ཐམས་ཅད་ཟས་སུ་ཟ། །ཕོ་ཉ་མདའ་འཕེན་ཤ་ར་ར། །གཏོར་མ་མཐེབ་སྐྱུ་འདི་བཞེས་ལ། །བྱུར་དང་གོད་ཁ་དགྲ་ལ་སྒྱུར། །ཁ་ནས་སྲུང་བའི་ངན་སྔགས་ནི། །སང་ཀ་དུ་བྱེད་དགྲ་བོ་སོད། །མི་ཁ་འདྲེ་དམག་དགྲ་ལ་ཕོབ། །མི་ཁ་བྲ་མཆུ་དགྲ་ལ་བྷྱོ༔ །ཨོ་སང་ཀ་དུ་དགྲ་བགེགས་འབྱུང་པོ་མཱ་ར་ཡ་ཅད་སྭཱ་ཀྱེ། ཕྱག་དྲུག་འགྲོ་དྲུག་ཕྱགས་མས་འདེབས། །ཕྱག་དྲུག་གཡས་ཀྱི་དང་པོ་ན། །ཀོང་ཟོར་དམར་པོ་བསྣམས་པ་ནི། །སྡང་བའི་དགྲ་ལ་ཐོག་རྒོད་འབེབས། །ཁྲག་ཟོར་བུ་ཡུག་འཚུབ་པར་གྱིས། །ཡམས་ནད་ཟོར་ཁ་དགྲ་ལ་སྟོན། །དགྲ་མགོ་གཅོད་པའི་ཕྱག་རྒྱ་ཡིས། །གདུག་པའི་མཚོན་ཆ་དགྲ་ལ་སྟོན། །ཨོ་ཏྲིམ་ཏིབ་མཱ་ར་ཡ་དགྲ་བོའི་སྲོག་ལ་རྦད། བར་པས་ནད་ཀྱི་རྐྱལ་པ་ཐོགས། །དགྲ་ལ་ནད་རྐྱལ་ཁ་ཕྱེས་ཤིག །ནད་ཀྱི་ཁ་ཕྲུ་དགྲ་ལ་ཐོབ། །།ནད་ཡམས་གཏོང་བའི་ཕྱག་རྒྱ་ཡིས། །ནད་ཡམས་

[Full Size]

ཕྱག་རྒྱ་དགྲ་ལ་ཆོས། །ཨོཾ་མ་ན་རཀཱ་ཏ་ཏི་ཕུར་རྣ་ཏི་ཤ་རུ་ན་དགྲ་ལ་ཆེད་སྭཱ་ཧཱ། ཕྱག་གཡོན་དང་པོས་ཁྲམ་ཤིང་བསྣམས། །ཁྲམ་ཤིང་ཕྱག་རྒྱ་དགྲ་ལ་་ཕོབ། །མ་མ་རུ་ལུ་ཙིཏྟ་དུན་ཏི་ཤ་དུ་ཁ་རག་དགྲ་ལ་ཐུན་བྷྱོཿ བར་མས་བདུད་ཀྱི་མདའ་གཞུ་ཐོགས། །མི་ཁའི་སྐྱ་མདའ་ཤ་ར་ར། །མི་ཁའི་སྐྱ་མདའ་དགྲ་ལ་ཡ། །ཟོར་མདའ་ནག་པོ་དགྲ་ལ་འཕེན། །བྱད་མ་དགྲ་བོའི་སྙིང་ལ་གཟིར། །ཐོད་པ་གྲི་ལིང་དགྲ་ལ་ཕོབ། །དགྲ་ཁམས་སྤྲུགས་པའི་ཕྱག་རྒྱ་ཡིས། །ནག་པོ་ཀ་ཧ་ལ་དགྲ་ལ་བྷྱོཿ ཐ་མ་གཉིས་ཀྱིས་ཐལ་མོ་རྡེབ། །ཐན་གྱི་ཐལ་རྡེབ་ཤ་ར་ར། །ཐན་གྱི་ཐལ་མོ་དགྲ་ལ་རྡོབས། །མི་ཁའི་ཐལ་རྡེབ་ཤ་ར་ར། །མི་ཁའི་ཐལ་མོ་དགྲ་ལ་རྡོབས། །མ་མོའི་དགྲ་ཁམས་ཕུང་བར་གྱིས། །མ་མ་ཏྲག་རཀ་མུན་མུརྣ་དུར་མ་ཏི། རཀྵ་རལ་ཟ་ཧུར་ཐུམ་སྙིང་ལ་རཀྵ་རྦད། མ་ཞུང་ཏྲི་ཊ་དགྲ་བོ་མཱ་ར་ཡ་རྦད་སྭཱ་ཧཱ། ཐལ་མོ་རྡེབ་པའི་བར་ཤེད་ནས། །སྡེ་བརྒྱུད་སྤྲུལ་པ་ཤ་ར་ར། །ཨཱལས་སྤྲུལ་པའི་ལྷ་ཆེན་བརྒྱད། །ཐལ་རྡེབ་གད་རྒྱངས་ཤ་ར་ར། །ལྷ་ཡི་ཐལ་མོ་དགྲ་ལ་རྡོབས། །ལྷ་ཡི་གད་རྒྱངས་དགྲ་ལ་

[Full Size]

རྒོད། །ལྷ་ཡི་མཚོན་ཆ་དགྲ་ལ་ཟློག །དྷེ་ཝ་མ་མ་རཀྵ་རཀྵ་ཧཱུྃ་ཧཱུྃ་ཕཊ་སྭཱ་ཧཱ། ཡལས་སྐྱེས་པའི་གཤིན་རྗེ་བརྒྱད། །ཐལ་རྡེབ་གད་རྒྱངས་ཤ་ར་ར། །གཤིན་རྗེའི་ཐལ་མོ་དགྲ་ལ་རྡོབས། །གཤིན་རྗེའི་གད་རྒྱངས་དགྲ་ལ་རྒོད། །གཤིན་རྗེའི་ཁྲམ་ཁ་དགྲ་ལ་ཐོངས། །ཨོ་མཉྫ་ཤི་ཡ་མཱནྟ་ཀ་ཤ་ཏུཾ་མཱ་ར་ཡ་རྦད། མལས་སྐྱེས་པའི་མ་མོ་བརྒྱད། །ཐལ་རྡེབ་གད་རྒྱངས་ཤ་ར་ར། །མ་མོའི་ཐལ་མོ་དགྲ་ལ་རྡོབས། །མ་མོའི་བཞད་གད་དགྲ་ལ་རྒོད། །མ་མོའི་ཁ་རླངས་དགྲ་ལ་ཁྱེས། །མ་མོའི་གད་རྒྱངས་དགྲ་ལ་ཐོངས། །ཨོ་ལོ་ཏྲ་མ་མོ་ཏྲག་རཀཱ་རུ་ལུ་རུ་ལུ་ཧཾ་ཤཾ་ཡ་དུ་དགྲ་བོ་མཱ་ར་ཡ་ཆད་སྭཱ་ཧཱ། དུལས་སྐྱེས་པའི་བདུད་པོ་བརྒྱད། །ཐལ་རྡེབ་གད་རྒྱངས་ཤ་ར་ར། །བདུད་ནག་ཁ་རླངས་དགྲ་བོ་འདུལ། །བདུད་ཞགས་ནག་པོ་དགྲ་ལ་འདེབས། །བདུད་ཀྱི་ཐལ་མོ་དགྲ་ལ་རྡེབ། །བདུད་ཀྱི་གད་རྒྱངས་དགྲ་ལ་ཐོངས། །བདུད་ཀྱི་ཁ་རླངས་དགྲ་ལ་བཏུལ། །ཨོཾ་དུ་དུ་པྲ་མ་ནི་སྭཱ་ཧཱ། ཤ་ཏུཾ་མཱ་ར་ཡ་ཟད་སྭཱ་ཧཱ། རཿལས་སྐྱེས་པའི་བཙན་གྱི་ཚོགས། །བཙན་རྒོད་རུ་དར་དམར་པོ་ཕྱུར། །གད་རྒྱངས་ཐལ་རྡེབ་ཤ་ར་ར། །བཙན་གྱི་གད་རྒྱངས་

[Full Size]

དགྲ་ལ་རྒོད། །བཙན་དར་དམར་པོ་དགྲ་ལ་ཕྱོར། །བཙན་གྱི་ཐལ་རྡེབ་དགྲ་ལ་རྡོབས། །ཨོཾ་ཤུ་ལ་མ་ཏི་ཛ་ཏྲི་པཱ་ཏྲ་དགྲ་བགེགས་མཱ་ར་ཡ་སྲིད་སྭཱ་ཧཱ། །ལས་སྐྱེས་པའི་རྒྱལ་པོའི་ཚོགས། །གད་རྒྱངས་ཐལ་རྡེབ་ཤ་ར་ར། །བརྡའ་ཐན་སྤྲེལ་དམར་དགྲ་ལ་འགྱེད། །རྒྱལ་པོའི་ཐལ་མོ་དགྲ་ལ་རྡོབས། །རྒྱལ་པོའི་གད་རྒྱངས་དགྲ་ལ་རྒོད། །རྒྱལ་པོའི་སྨྱོ་འབོག་དགྲ་ལ་ཐོངས། །རྒྱལ་པོའི་མི་ཁ་དགྲ་ལ་ཕྱེས། །ཨོ་རཱ་ཙ་ཏྲི་པ་ཏྲི་ཝ་ཧུར་ཧུཾ་ཛ་དགྲ་བགེགས་མཱ་ར་ཡ་རྦད་སྭཱ་ཧཱ། ཤཿལས་སྐྱེས་པའི་གནོད་སྦྱིན་ཚོགས། །ཐལ་རྡེབ་གད་རྒྱངས་ཤ་ར་ར། །གནོད་སྦྱིན་ཤན་པ་ཐ་ར་ར། །གནོད་སྦྱིན་ཐལ་མོ་དགྲ་ལ་རྡོབས། །གནོད་སྦྱིན་གད་རྒྱངས་དགྲ་ལ་རྒོད། །ཤན་པ་ནག་པོ་དགྲ་ལ་རྒྱུགས། །གནོད་སྦྱིན་གདུག་པ་དགྲ་ལ་སྟོན། །ཨོཾ་ཨཱཿཔ་ར་ཙིཏྟ་སརྦ་མཱ་ར་ཡ་རྦད་དགྲ་བགེགས་ཧུར་ཐུམ་ཧཱུྃ་ཧཱུྃ་ཕཊ༔ ནཱལས་སྐྱེས་པའི་ཀླུ་ཆེན་བརྒྱད། །སྦྲུལ་ནག་མགོ་དགུ་ཁྱུགས་སེ་ཁྱུག །གད་རྒྱངས་ཐལ་རྡེབ་ཤ་ར་ར། །མཛེ་ནད་སྣ་ཚོགས་ཕོ་ཉར་འགྱེད། །ཀླུ་ཡི་ཐལ་མོ་དགྲ་ལ་རྡོབས། །ཀླུ་ཡི་གད་རྒྱངས་དགྲ་ལ་རྒོད། །

[Full Size]

སྦྲུལ་ནག་མགོ་དགུ་དགྲ་ལ་རྒྱོབ། །མཛེ་ནད་སྣ་ཚོགས་དགྲ་ལ་ཐོངས། །ཀླུ་ཡི་མི་ཁ་དགྲ་ལ་བྷྱོ༔ །ཨོཾ་ནཱ་ག་རཱ་ཙ་ཤནྟི་ཧུ་ལི་ཏི་དགྲ་བགེགས་མཱ་ར་ཡ་ཧཱུྃ་ཕཊ༔ ཧཱུྃ། སྡེ་བརྒྱད་ཕོ་ཉ་དགྲ་ལ་སྒྱུར། །སྡེ་བརྒྱད་བྱད་ཐག་དགྲ་ལ་སྒྱུར། །སྡེ་བརྒྱད་ཐོག་མདའ་དགྲ་ལ་སྒྱུར། །སྡེ་བརྒྱད་མི་ཁ་དགྲ་ལ་ཡ། །སྡེ་བརྒྱད་མི་ཁ་དགྲ་ལ་ཟློག །ལྷ་སྲིན་སྡེ་བརྒྱད་ཐམས་ཅད་ཀྱི། །མི་ཁའི་སྐྱ་མདའ་དགྲ་ལ་འཕོངས། །ཐན་གྱི་ཐལ་མོ་དགྲ་ལ་རྡོབས། །མི་ཁ་བྲ་མཆུ་དགྲ་ལ་ཟོར། །ཨོཾ་བཛྲ་ཙཎྜ་སརྦ་དུཏྟཾ་དགྲ་བགེགས་འབྱུང་པོ་མཱ་ར་ཡ་ཧཱུྃ་ཕཊ་སྭཱ་ཧཱ། ཡང་ཐལ་མོ་བརྡབ་པའི་བར་ཤེད་ནས། །སྨུག་ནག་གླང་གི་མགོ་བོ་ཅན། །བདུད་བཙན་རྭ་དམར་ཟངས་སེ་ཟང་། །སྡང་བའི་དགྲ་ལ་རུ་གཡུག་འདེབས། །རྭ་བར་བདུད་མགོ་སྦྲུལ་ནག་ཟ། །སྡང་བའི་དགྲ་བོའི་གཟུགས་ཕུང་བཅིངས། །དེ་སྟེང་བདུད་པོ་མིག་གཅིག་པོ། །སྡང་བྱེད་དགྲ་བོའི་གཟུགས་ཕུང་ཆིངས། །དགྲ་བོའི་གཟུགས་ཕུང་སྙིང་ཁྲག་འཐུངས། །དར་གྱི་ཅོད་པན་མགོ་ལ་བཅིངས། །སྡང་བའི་དགྲ་ལ་འཁོར་ལོ་བསྐོར། །ཕྱག་ན་ཤེལ་གྱི་ཕུར་པ་འདྲིལ། །སྡང་བ་དགྲ་ཡི་སྙིང་

[Full Size]

ལ་འདེབས། །ལྟེ་བ་ཟུར་གསུམ་ཧོམ་ཁུང་ནང་། །དགྲ་བགེགས་བཀུག་ཅིང་གསོད་པར་བྱེད། །མཇུག་མ་ཞེ་སྡང་སྦྲུལ་དུ་འཁྱུགས། །སྡང་བའི་དགྲ་ལ་་ལྕེབ་གྲི་ཐོངས། །ཁ་ནས་མི་ཁའི་དམོད་མོ་དྲོངས། །མ་ཧཱ་བ་ལ་བདུད་ཀྱི་བུ། །ཐལ་མོ་བརྡབས་པས་དགྲ་རྣམས་ཕུང་། །ཕུར་པས་དགྲ་བགེགས་སྙིང་ལ་གཟིར། །མི་ཁ་དམོད་བྱེད་དགྲ་ལ་དྲོངས། །བྱུར་གྱི་ཐག་པས་དགྲ་བོ་ཆིངས། །ལྟས་ངན་སྣ་ཚོགས་དགྲ་ལ་རྒྱོ། །མི་ཁའི་དམག་ཚོགས་དགྲ་ལ་ཆོས། །དགྲ་བགེགས་བྱུར་རྣམས་ཐལ་བར་རློགས། །དགྲ་བགེགས་འབྱུང་པོ་ཕུར་པས་ཐོབ། །བདུད་བཙན་ཇག་པ་དགྲ་ལ་རྒྱུགས། །གནམ་གྱི་བྱ་བླུག་དགྲ་ལ་གྱིས། །དགྲ་བགེགས་ཐལ་བ་རྡུལ་དུ་རློགས། །ཨོ་ཤག་རྦད་དྷེ་ཝ་མཱ་ར་ཡ་སོད་སོད། ཡང་ཐལ་མོ་བརྡབ་པའི་བར་ཤེད་ནས། །གླང་ཆེན་ལུས་ལ་འགྱིང་བག་ཅན། །རྭ་དམར་གནམ་དུ་ཟངས་སེ་ཟང་། །རྨིག་བཞི་ས་ལ་བཤེད་དེ་བཤེད། །དགྲ་འདྲེ་བྱུར་གསུམ་ཐལ་བར་རློགས། །གནམ་སའི་ལྷ་འདྲེ་འབུམ་དང་བཅས། །མི་ཁའི་ཀུ་སྒྲ་ཏི་རི་རི། །འབྱུང་པོའི་བསོ་སྒྲ་ཆ་ལ་ལ། །མི་ཁའི་བསྲོ་སྒྲ་དགྲ་

[Full Size]

ལ་དྲོངས། །བྱུར་གྱི་བསྲོ་སྒྲ་དགྲ་ལ་གྱིས། །གོད་ཁའི་ཆར་སྒྲ་དགྲ་ལ་ཐོངས། །ཐན་གྱི་རུ་དར་དགྲ་ལ་ཕྱོར། །གོད་ཀྱི་རྨང་གཞི་དགྲ་ལ་ཐོབ། །བྱུར་གྱི་འདྲེ་དམག་དགྲ་ལ་དྲོངས། །ཐན་ལྟས་སྣ་ཚོགས་དགྲ་ལ་རྒྱུགས། །དགྲ་བོའི་རྐེ་ཆོད་ཚེ་ཕུར་ཕུད། །དགྲ་བོའི་སེམས་ཀྱི་མར་མེ་སོད། །དགྲ་བགེགས་ཐལ་བ་རྡུལ་དུ་རློགས། །ༀ་བཛྲ་མ་ཧཱ་ཀྲོ་དྷ་ཧུ་ལུ་ཧུ་ལུ་ཨ་ར་པ་ཙིཏྟ་ནི་ཏྲི་ཏི་མ་ཨན་བྷ་ཧ་ནན་ཧ། ཧ་ར་ཎ་དུར་ལོང་ཧ་ཧི། དགྲ་འདྲེ་བྱུར་རྣམས་མཱ་ར་ཡ་སོད་སོད་སྭཱ་ཧཱ། ཡང་ཐལ་མོ་བརྡབ་པའི་བར་ཤེད་ན། །དུང་གི་བུད་མེད་འཇིགས་པ་ལ། །རྩལ་ཆེན་སེང་གེ་ཆིབས་སུ་བཅིབས། །རལ་པ་ཁམ་ནག་ས་ལ་དྲུད། དགྲ་བགེགས་ཐམས་ཅད་ཕུང་བར་བྱེད། །ཕྱག་གཡས་གསེར་གྱི་རལ་གྲི་ཕྱར། །དགྲ་སྲོག་རྩད་ནས་གཅོད་པར་བྱེད། །གཡོན་པས་ལྕགས་སྤྱང་ཕོ་ཉར་འགྱེད། །དགྲ་བགེགས་འབྱུང་པོ་ཐལ་བར་རློགས། །གཅེར་བུ་རྒྱན་མེད་དགྲ་བགེགས་འཇོམས། །ཁ་ནས་དམོད་མོ་ངན་སྔགས་ཟློག །མི་ཁའི་མཚོན་ཆ་དགྲ་ལ་ཟློག །དགྲ་སྣ་གྱོད་སྣ་གོད་སྣ་སྒྱུར། །གཅིན་སྣ་ལྟས་ངན་ཡུལ་སྡིག་སྒྱུར། །མི་ཁའི་མཚོན་སྣ་དགྲ་

[Full Size]

ལ་སྒྱུར། །མི་ཁའི་རྒྱང་མིག་དགྲ་ལ་གྱིས། །མི་ཁའི་སྙིང་སྟོང་དགྲ་ལ་སྒྱུར། །རྒྱ་འདྲེ་སྟོང་སྣ་དགྲ་ལ་སྒྱུར། །འཁོན་ལྟས་ངན་པ་དགྲ་ལ་སྒྱུར། །དགྲ། བགེགས་ཐལ་བ་རྡུལ་དུ་རློགས། །ཨོ་ཨ་ལ་གུབ་ན་རི་ཏ་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ་སྭཱ་ཧཱ། ཡང་ཐལ་མོ་བརྡབས་པའི་བར་ཤེད་ནས། །ལྕགས་ཀྱི་སྒོ་ང་ཧྲེ་ལི་ལི། །ལྕགས་སྤྱང་སྔོན་མོ་ཀྱུ་རུ་རུ། །བྱ་ནག་མང་པོ་སྤུངས་སེ་སྤུང་། །མོན་པ་ཕོ་མོ་རུབས་སེ་རུབ། །སྒོ་ང་མ་རྡོལ་རང་དུ་སྨྲས། །ལྟས་ངན་བཟློག་ཅིང་དགྲ་བགེགས་ཞི། །སྒོ་ངས་ཕར་ལ་དགྲ་བགེགས་ཟློག །ལྕགས་ཀྱི་སྒོང་དགུ་ཧྲི་ལི་ལི། །དགྲ་བགེགས་ཐལ་བ་རྡུལ་དུ་རློགས། །ལྟས་ངན་སྣ་དགུ་དགྲ་ལ་སྒྱུར། །དགྲ་བོའི་སྐྱེ་རྒྱུད་རྩད་ནས་ཆོད། །མི་ཁའི་འགོང་དགུ་དགྲ་ལ་སྒྱུར། །བྱུར་གྱི་ཞགས་དགུའི་དགྲ་བོ་ཆིངས། །ནད་ཀྱི་རྐྱལ་དགུ་དགྲྭ་ལ་ཕྱེས། །རིམས་ཀྱི་ནད་དགུ་དགྲ་ལ་ཐོངས། །བདུད་ཀྱི་ཞགས་དགུ་དགྲ་ལ་ཐོངས། །གིང་གི་གཤེད་དགུ་དགྲ་ལ་ཐོངས། །བཙན་གྱི་མདུང་དགུ་དགྲ་ལ་ཐོངས། །ལྷ་ཡི་ཆད་དགུ་དགྲ་ལ་ཆོད། །ཀླུ་ཡི་བྱད་དགུ་དགྲ་ལ་ཐོངས། །མ་མོའི་ཁྲམ་དགུ་

[Full Size]

དགྲ་ལ་ཐོངས། །རྒྱལ་པོའི་སྨྱོ་འབོག་དགྲ་ལ་ཐོངས། །ཐེའུ་རང་སྤུན་དགུ་དགྲ་ལ་རྒྱུགས། །ཨོ་དུར་ན་མ་ཏྲི་པ་ཏྲི་ས་དུ་ན་ལྟས་ངན་མི་ཁ་ཐམས་ཅད་བྷྱོཿ དགྲ་བགེགས་འབྱུང་པོ་མཱ་ར་ཡ་རྦད་སྭཱ་ཧཱ། ཡང་ཐལ་མོ་བརྡབས་པའི་བར་ཤེད་ནས། །སྲེ་མོང་གར་བྱེད་ཁྱུགས་སེ་ཁྱུག །ཨ་འགྲང་རྟ་རྒྱུག་ཤ་ར་ར། །སྲེ་མོང་ཁ་མེད་མཚལ་གྱི་ཁ། །སྲེ་མོང་མིག་མེད་རཾ་གྱི་མིག །སྲེ་མོང་ལག་མེད་རྫུ་འཕྲུལ་ལག །མིག་གིས་ཁམས་གསུམ་རྒྱང་མིག་ལྟ། །ཁ་ནས་དགྲ་ལ་མི་ཁ་བསྒྲུང་། །ལག་པས་ཐན་ལྟས་སྣ་ཚོགས་གཏོང་། །རྫུ་འཕྲུལ་སྣ་ཚོགས་དགྲ་ལ་རྒྱུགས། །སྲེ་མོང་ཐན་གྱི་རྟ་ལ་ཞོན། །སྲེ་མོང་ཐན་ལྟས་དགྲ་ལ་རྒྱུགས། །མི་ཁ་བྲ་མཆུ་དགྲ་ལ་སྒྱུར། །དགྲ་བགེགས་ཐལ་བ་རྡུལ་དུ་རློགས། །ཨོ་ཨུ་ཨེ་ས་མ་ཡ་ཐན་བྷྱོཿ བྱད་བྷྱོ༔བྷུར་བྷྱོཿ ཧྲི་ལི་ལི། ཤ་ར་ར། ཏིར་ནན། ཡུར་མ་དུར་ན་སེ་ཏྲེ་ཤ་སརྦ་ས་རྦད་སྭཱ་ཧཱ། ཡང་ཐལ་མོ་ཐང་གཅིག་བརྡབས་པ་ཡིས། །རྒྱུ་གྲོག་དམར་པོ་ཆ་ལ་ལ། །རྒྱུ་གྲོག་དམར་ནག་དགྲ་ལ་སྒྱུར། །ཡང་ཐལ་མོ་ཐང་གཉིས་བརྡབས་པ་ཡིས། །མ་ཧེ་སྔོ་སྐྱ་ཕྱུ་རུ་རུ། །ཐལ་མོ་ཐང་གསུམ་

[Full Size]

བརྡབས་པ་ཡིས། །རྔམ་བྱེད་སེང་གེ་རྦད་དེ་ཆད། །ཐལ་མོ་ཐང་བཞི་བརྡབས་པ་ཡིས། །སྤྲེལ་དམར་གར་བྱེད་ཁྱུགས་སེ་ཁྱུག །ཐལ་མོ་ཐང་ལྔ་བརྡབས་པ་ཡིས། །དྲེད་མོང་རལ་པ་སིགས་སེ་སིག །ཐལ་མོ་ཐང་དྲུག་བརྡབས་པ་ཡིས། །གླང་ཆེན་སྣ་ལྗགས་ཡུགས་སེ་ཡུག །ཐལ་མོ་ཐང་བདུན་བརྡབས་པ་ཡིས། །བོང་བུ་སྔོ་སྐྱ་ཐ་ར་ར། །ཐལ་མོ་ཐང་བརྒྱུད་བརྡབས་པ་ཡིས། །བྱ་རོག་ནག་པོ་ཐིབས་སེ་ཐིབ། །ཐལ་མོ་ཐང་དགུ་བརྡབས་པ་ཡིས། །ལྟས་ངན་སྣ་ཚོགས་ཆ་ལ་ལ། །དེ་ལྟར་སྤྲུལ་པ་སྣ་ཚོགས་ཀྱིས། །ཕྱོགས་ཀྱི་དགྲ་བགེགས་ཐལ་བར་རློགས། །འདྲེ་སྲིན་བྱུར་གསུམ་ཐམས་ཅད་ཟློག །ཨོཾ་ཨུ་ཤ་ཏྲ་ཙ་ཏྲི་ཙི་རྩང་སྟེང་ཙི་ལོ་ཀ་ཀི་ལོ་ག་ཉ་ར་ཏྲ་མ་ན་ཏྲ་ཙན་ཛུར་ན་ཡང་ཁྲི༔ ས་ན་ཀི་ན་ཙ་ར་སརྦ་བིག་ནན། ཙི་དྷ་ཙི་དྷ་བྷི་དྷ་བྷི་དྷ་ཀུ་རུ་ཀུ་རུ་མུ་རུ་མུ་རུ་ཙུ་རུ་ཙུ་རུ་ཧ་ན་ཧ་ན་ད་ཧ་ད་ཧ་ཡ་ཀཾ་པ་ཀཾ་པ། ས་མ་ཡ། བྷེ་ཙུཎཱ་ཡ་ཨུརྱ་ཤ་ཡ། དགྲ་བགེགས་འབྱུང་པོ་མཱ་ར་ཡ་སོད་སོད་སྭཱ་ཧཱ། ཡང་ཐལ་མོ་ཐང་བཅུ་བརྡབས་པ་ཡིས། །ཕྱོགས་བཅུའི་མི་ཁ་དགྲ་ལ་སྒྱུར། །ཕྱོགས་བཅུའི་དགྲ་བགེགས་རྡུལ་དུ་རློགས། །

[Full Size]

ཕྱོགས་བཅུའི་དགྲ་གྱོད་བྱུར་གསུམ་ཟློག །མི་ནད་ནོར་ནད་གོད་ཡམས་ཟློག །མོ་རྨིས་ལྟས་ངན་ཐམས་ཅད་ཟློག །ཨོཾ་ཤི་རི་མི་རི་མ་ཤི་རི་ཧུ་ལུ་ཧུ་ལུ་ཡ། སརྦ་ཤ་ཏྲོ་མཱ་ར་ཡ་ཧཱུྃ་ཕཊ་སྭཱ་ཧཱ། བྷྱོ་བྷྱོ་ཟློག་ཟློག་སྒྱུར་སྒྱུར། མི་ནག་མགོ་གསུམ་གྱི་ཐལ་མོ་བརྡབ་ཆོག་རྫོགས་སོ། །འདི་ཤིན་ཏུ་གཉན་པས་གར་ཐོད་ཐོད་དུ་མི་བྱའོ། །སྔགས་འཆང་རཱ་ག་ཨ་སྱས་བསྒྲིགས་པའོ།། །། ཧཱུྃ༔ དཀོན་མཆོག་གསུམ་པོ་དགོངས་སུ་གསོལ། །འཕགས་པ་འཇམ་དཔལ་དགོངས་སུ་གསོལ། །མི་ནག་མགོ་གསུམ་དགོངས་སུ་གསོལ། །ཆོས་སྐྱོང་སྲུང་མ་དགོངས་སུ་གསོལ། །ཧཱུྃ། དཀོན་མཆོག་གསུམ་པོ་གཟུ་དང་དཔང་། །ཡི་དམ་ལྷ་ཚོགས་གཟུ་དང་དཔང་། །འཕགས་པ་འཇམ་དཔལ་གཟུ་དང་དཔང་། །ཆོས་སྐྱོང་སྲུང་མ་གཟུ་དང་དཔང་། །བསྟན་པ་གཉན་ལ་དགྲ་བྱུང་ན། །དཀོན་མཆོག་གསུམ་པོ་ར་མདར་ལོག །རྣལ་འབྱོར་བདག་ལ་དགྲ་བྱུང་ན། །འཕགས་པ་འཇམ་དཔལ་ར་མདར་ལོག །ཡོན་བདག་འདི་ལ་དགྲ་བྱུང་ན། །མི་ནག་མགོ་གསུམ་ར་མདར་ལྡོག །ཤ་ཁྲག་དམར་གྱི་གཏོར་མ་འབུལ། །གཙང་མ་གསེར་སྐྱེམས་ཕུད་ཀྱིས་མཆོད། །དམ་ཉམས་དགྲ་བོའི་

[Full Size]

ལིང་ག་འབུལ། །ཞལ་བསྟབ་བྱ་བ་ནི། བསྟབ་བོ་བསྟབ་བོ་ཞལ་དུ་བསྟབ། །ཡ་མ་རཱ་ཛའི་ཞལ་དུ་བསྟབ། །རྒྱ་གཱི་ཝའི་ཞལ་དུ་བསྟབ། །ཧ་རྒྱལ་བཞེད་པའི་ཞལ་དུ་བསྟབ། །བཛྲ་པཱ་ཎིའི་ཞལ་དུ་བསྟབ། །ཕ་གཅིག་དྲག་པོའི་ཞལ་དུ་བསྟབ། །ཧཱུཾ། དགྲ་བོའི་ཤ་འདི་ཟན་བས་ཞིམ། །ཤ་ཡི་རང་བཞིན་གཏི་མུག་ཆེ། །གཏི་མུག་མཆོད་པ་འདི་བཞེས་ལ། །བདག་ལ་སྐུ་ཡི་དངོས་གྲུབ་སྩོལ། །དགྲ་བོའི་ཁྲག་འདི་ཆང་བས་ཞིམ། །ཁྲག་གི་རང་བཞིན་འདོད་ཆགས་ཆེ། །འདོད་ཆགས་མཆོད་པ་འདི་བཞེས་ལ། །བདག་ལ་གསུང་གི་དངོས་གྲུབ་སྩོལ། །དགྲ་བོའི་རུས་འདི་མར་བས་སྣུམ། །རུས་པའི་རང་བཞིན་ཞེ་སྡང་ཆེ། །ཞེ་སྡང་མཆོད་པ་འདི་བཞེས་ལ། །བདག་ལ་ཐུགས་ཀྱི་དངོས་གྲུབ་སྩོལ། །དུག་གསུམ་མཆོད་པ་འདི་བཞེས་ལ། །སྐུ་གསུང་ཐུགས་ཀྱི་དངོས་གྲུབ་སྩོལ། །དམ་ཉམས་དགྲ་བོ་ལས་ངན་འདི། །རི་རབ་རྩེ་ནས་རྒྱ་མཚོའི་གཏིང་། །རང་དབང་མེད་པར་ཁུག་ལ་ཤོག །སླ་ངའི་ནང་དུ་བསྐོར་ལ་ཤོག །མགོ་གསུམ་ནང་དུ་ཁུག་ལ་ཤོག །ལིངྒ་འདི་ལ་ཐིམ་པར་གྱིས། །དམ་ཉམས་ལས་ངན་སྡིག་

[Full Size]

ཅན་འདི། །གྱེན་དུ་བསྡད་ན་ཐུར་དུ་དྲུད། །ཆུ་དང་རྒྱ་མཚོའི་སྟེང་དུ་སྐུར། །བྲག་ཆེན་གཡང་ས་རྦབ་ལ་སྒྲིལ། །མདའ་རྩེ་མདུང་རྩེ་རྒྱོབ་ལ་སོད། །དགྲ་བོའི་ཁོང་ཁྲག་ས་ལ་ཕོས། །དགྲ་འདྲེ་བྱད་མ་དམ་ཉམས་ཚོགས། །ཧ་ས་གརྒྷ་ཁྱོད་ལ་གཏད། །ཅེས་ལིངྒ་འབུལ། དམོད་བཅོལ་བྱ་བ་ནི། ཧཱུྃ། ད་ནི་བཟློག་བསྒྱུར་དུས་ལ་བབ། །ལི་ཁོན་རོ་སྣ་དགྲ་ལ་སྒྱུར། །གིན་ཟིན་ས་སྒོ་དགྲ་ལ་སྒྱུར། །གཤེད་ལམ་ནག་པོ་དགྲ་ལ་སྒྱུར། །བགེགས་ཀྱི་སྟ་རེ་དགྲ་ལ་རྒྱོབས། །མུ་སྟེགས་ངན་སྔགས་དགྲ་ལ་ཕོབ། །དགྲ་བོའི་ཆ་གནམ་གྱི་འཇུ་ཐག་ཆོད། །དགྲ་བོའི་ས་ཡི་བརྟན་ཕུར་ཕུད། །ཕོ་བདུད་མོ་སྲི་དགྲ་ལ་ཐོབ། །ཆུང་སྲི་བུ་ཟན་དགྲ་ལ་སྦྱོ། །གོད་འདྲེ་ཤ་ཟན་དགྲ་ཤ་ཟོ། །ཕྱུག་པོ་ནོར་སྒོ་བྱེ་བ་སྒྱུར། །རྨང་པོའི་སྲི་ཁུང་སྟོང་པ་སྒྱུར། །དམ་ཉམས་དགྲ་བོ་ལས་ངན་འདི། །གཟུགས་ཕུང་སྟེང་ནས་ད་ཕྱུངས་ཤིག །བདུད་བཙན་རྒྱལ་པོས་ཆད་པ་ཆོད། །དགྲ་བོ་ཕ་མྱེས་དུར་འདྲེ་སྟོང་། །དགྲ་བོའི་བཙན་མཁར་རྨིང་ནས་བསྐྱེལ། །ཀླུ་ནད་སྣ་ཚོགས་ལུས་ལ་ཐོངས། །བཙན་པོའི་ཁ་ཡོག་དགྲ་ལ་ཕོབ། །དབང་ཐང་བུ་ནོར་བྱེད་དུ་ཆུག །ཉེ་

[Full Size]

བའི་དགྲ་སྣ་ཕོག་ཏུ་ཆུག །སྲིད་སྡེ་སྲོག་གཅོད་བྱེད་དུ་ཆུག །མི་ཆག་རོ་ཁུར་དགྲ་ལ་ཕོབ། །དགྲ་བོ་བདུན་རྒྱུད་རྩད་ནས་ཆོད། །དགྲ་ཁམས་ཐམས་ཅད་རྡུལ་དུ་རློགས། །དགྲ་བོ་རྗེས་ཤུལ་མེད་པར་ཐོངས། །ཀྱཻ། མི་ནག་མགོ་གསུམ་ཐུགས་དམ་ཅན། །ཤ་ཁྲག་ལིངྒ་འདི་བཞེས་ལ། །དམ་ཉམས་དགྲ་བོའི་ཕུང་པོ་ཤིག །ཤ་ཁྲག་རུས་གསུམ་གཏོར་མར་འབུལ། །རླག་བྱེད་ཚོགས་ཀྱི་ཤ་ལ་ཡ། །ཁྲག་བྱེད་རུས་ལ་མི་ནག་ཡ། །རྨུག་བྱེད་དབུགས་ལ་མི་ནག་ཡ། །གཅོད་བྱེད་ཤ་ལ་མི་ནག་ཡ། །རྣམ་ཤེས་བརྒྱད་ལ་མི་ནག་ཡ། །ཚིགས་ཆེན་བརྒྱད་ལ་མི་ནག་ཡ། །དབང་པོ་ལྔ་ལ་མི་ནག་ཡ། །སྐྱེ་མཆེད་བརྒྱད་ལ་མི་ནག་ཡ། །བྷྱོ༔བྷྱོ༔སྡང་བའི་དགྲ་ལ་བྷྱོ༔ །མི་ནག་མགོ་གསུམ་དགྲ་ལ་བྷྱོ༔ །བདུད་ཀྱི་དམག་ཚོགས་དགྲ་ལ་བྷྱོ༔ །བཙན་གྱི་དམག་ཚོགས་དགྲ་ལ་བྷྱོ༔ །སྨེ་བ་ལིང་དགུ་དགྲ་ལ་བྷྱོ༔ །སྤར་ཁ་བརྒྱད་པོ་དགྲ་ལ་བྷྱོ༔ །ལོ་སྐོར་བཅུ་གཉིས་དགྲ་ལ་བྷྱོ༔ །ལོ་རྒན་དྲུག་ཅུ་དགྲ་ལ་བྷྱོ༔ །གཏོ་མཁན་བཞི་པོ་དགྲ་ལ་བྷྱོ༔ །འཁྲུག་འདྲེ་བཅོ་བརྒྱད་དགྲ་ལ་བྷྱོ༔ །རུ་འདྲེན་སྡེ་བཞི་

[Full Size]

དགྲ་ལ་བྷྱོ༔ །ཐན་སྐྱ་ཉི་ཤུ་དགྲ་ལ་བྷྱོ༔ །གཟའ་ཆེན་བརྒྱད་པོ་དགྲ་ལ་བྷྱོ༔ །རྒྱུ་སྐར་ཉེར་བརྒྱད་དགྲ་ལ་བྷྱོ༔ །ལོ་ཟླའི་ཚོགས་རྣམས་དགྲ་ལ་བྷྱོ༔ །མ་མོ་ནག་མོ་དགྲ་ལ་བྷྱོ༔ །དམར་པོ་མགོ་གསུམ་དགྲ་ལ་བྷྱོ༔ །ཤང་ཤང་སེར་པོ་དགྲ་ལ་བྷྱོ༔ །ཡུལ་ལྷ་གཞི་བདག་དགྲ་ལ་བྷྱ། །སྡང་དགྲ་གནོད་བྱེད་ཐམས་ཅད་དང་། །དམ་ཉམས་སྡིག་ཆེན་འཁོར་བཅས་ལ། །ཤར་གྱི་ཕྱོགས་ནས་རལ་གྲི་རྒྱོབས། །ལྷོ་ཡི་ཕྱོགས་ནས་ཆུ་སྣ་སྒྱུར། །ནུབ་ཀྱི་ཕྱོགས་ནས་མེ་མདའ་རྒྱོབས། །བྱང་གི་ཕྱོགས་ནས་རི་ཆེན་བསྙིལ། །མཚམས་བཞི་ཕྱོགས་ནས་ཤིང་གིས་བྲོབ། །ལས་ཀྱི་རླུང་གིས་རྒྱབ་ནས་དེད། །བསྐལ་པའི་མུན་པས་མདུན་ནས་བསུས། །ལྕགས་ཀྱུ་ཅན་གྱིས་སྙིང་ནས་ཟུངས། །ཞགས་པ་ཅན་གྱིས་མགུལ་ནས་ཆིངས། །ལྕགས་སྒྲོག་ཅན་གྱིས་ཡན་ལག་སྡོམས། །དྲིལ་བུ་ཅན་གྱིས་མྱོས་པར་གྱིས། །ཐོ་བ་ཅན་གྱིས་སྤྱི་ནས་ཆོམས། །སླ་ངའི་ནང་དུ་ཁུག་ལ་ཤོག །མགོ་གསུམ་ཞལ་དུ་ཆུག་ལ་ཤོག །ཡི་གེ་ཛཡིས་མཐའ་བཞི་བསྐོར། །གནམ་ལྕགས་ཕུར་པས་སྙིང་ལ་གཟིར། །དྲག་པོའི་ཡུངས་ཀར་ཐུན་ཆར་

[Full Size]

ཕོབ། །མཱ་ར་ཡ་ཡི་ཁ་ཕྲུ་ཐོབ། །བཙན་དུག་ནག་པོས་མྱོས་སུ་ཆུག །གཤིན་རྗེ་ནག་པོས་ཁ་རུ་ཆུག །ཡ་མཱནྟ་ཀས་དམ་ལ་ཐོགས། །ཁ་རུ་ཆུག་ལ་ཞབས་སུ་ཕྱུངས། །ལས་ཀྱི་རྣམ་སྨིན་འདི་ལ་ཕོབ། །དཀར་ཕྱོགས་ལྷ་ཡིས་ནག་ཕྱོགས་ཐུལ། །བན་དེའི་ཆོས་སྐྱོང་བྱིན་རླབས་ཆེ། །བོན་པོའི་སྲུང་མ་མཐུ་རྩལ་ཅན། །སྐྱེ་བོའི་དགྲ་ལྷ་དྲག་རྩལ་ཅན། །རྣལ་འབྱོར་སྲུང་མ་དམ་ཚིག་ཅན། །བསྟན་པའི་ལྷ་སྲུང་གཉེན་པོ་རྣམས། །མ་གཡེལ་མ་གཡེལ་ཐུགས་དམ་ཅན། །ཤ་ཁྲག་གཏོར་མ་འདི་བཞེས་ལ། །དགྲ་གདོན་ལིངྒ་འདི་བཞེས་ལ། །ལྷ་སྲུང་གཉེན་པོའི་མཐུ་སྟོབས་ཀྱིས། །རྣལ་འབྱོར་བདག་ལ་བྱིན་གྱིས་རློབས། །གཏོར་མ་འདི་ལ་བཅུད་ཅིག་ཕོབ། །ཕུར་པ་འདི་ལ་དབལ་སོ་ཐོན། །མཚོན་ཆ་འདི་ལ་ངར་ཅིག་ཐོན། །སྔགས་རྒོད་འདི་ལ་གཟེར་ཅིག་ཐོན། །ཕྲིན་ལས་འདི་ལ་ཟིལ་ཅིག་ཐོབ། །ལྷ་སྲིན་སྡེ་བརྒྱད་དམོད་བྱེད་མཐུས། །དམ་ཉམས་དགྲ་ལ་ཆོ་འཕྲུལ་ཐོངས། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་ཁཾ་ཧཱུྃ་ཕཊ༔ ཅེས་ལིངྒ་བསྒྲལ་ལོ།། ༈ མགོ་གསུམ་མདོས་ཀྱི་གཏོར་རྫོང་ནི། །ཀྱཻ། མ་ས་བདག་གདུག་པ་

[Full Size]

ཅན། །མགོ་བོ་གསུམ་ལ་ལག་དྲུག་པ། །འཇམ་དཔལ་བཀའ་ཉན་གསུང་སྡོད་པ། །མ་རུངས་གདུག་པ་ལྟོ་འཕྱེའི་གཟུགས། །འགྲན་གྱི་དོ་མེད་ནག་པོའི་གཟུགས། །རིགས་གསུམ་མགོན་པོས་དབང་བསྐུར་བྱིན་གྱིས་རློབས། །འཁོར་ལོ་གསུམ་ལྡན་ནག་པོའི་དུས་ལ་བབ། །དགྲ་བགེགས་ལིང་གའི་མཆོད་པ་འབུལ། །ལིངྒ་བརྒྱ་དང་གཏོར་མ་བརྒྱ། །འཇིགས་བྱེད་ཆེན་པོའི་ཞལ་དུ་བཞེས། །བཞེས་ཤིག་རོལ་ཅིག་ནག་པོའི་ཚོགས། །ཕྲིན་ལས་སྒྲུབས་ཤིག་ནག་པོའི་ཚོགས། །དགྲ་ལ་རྒྱུག་ཅིག་སྟོབས་ལྡན་ཧཱུྃ། གཡས་ཕྱོགས་སྟག་གི་མགོ་བོ་ཡིས། །རྒྱལ་འགོང་སྤུན་དགུ་ཆམ་ལ་ཕོབ། །ཤ་ཁྲག་གཏོར་མ་འདི་བཞེས་ལ། །བདག་དང་རྒྱུ་སྦྱོར་ཡོན་བདག་ལ། །སྡང་བའི་དགྲ་དང་གནོད་པའི་བགེགས། །རྒྱལ་འགོང་དམ་སྲི་དགྲ་ལ་སྒྱུར། །ཧཱུྃ། དབུས་ཕྱོགས་གླང་གི་མགོ་བོ་ཡིས། །གྱོད་དང་ཕུང་སྲི་ཆམ་ལ་ཕོབ། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། །ཧཱུྃ། གཡོན་ཕྱོགས་ཕག་ནག་

[Full Size]

རྔམས་འཇིགས་ཞལ། །ས་སྲི་དམ་སྲི་ཆམ་ལ་ཕོབ། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །ཕུང་སྲི་ལྟས་ངན་གནོད་པ་ཆོམ། །ཧཱུཾ། ནག་པོ་ཆེན་པོ་མཐུ་སྟོབས་ཅན། །སྐུ་མདོག་ནག་པོ་འཇིགས་པའི་ཚུལ། །ཕ་ཁེན་པ་གནམ་ལས་བྱུང་བའི་བདག །མགོ་གསུམ་ཕྱག་དྲུག་ལྟས་ངན་གཟུགས། །སྟག་པ་དྲིལ་ཤིང་ཕུར་པ་འཛིན། །བྱུར་དང་མི་ཁ་འོག་ཏུ་མནན། །དགྲ་སྲི་ནག་པོ་ཆམ་ལ་ཕོབ། །མདོས་མཆོད་ཤ་ཁྲག་གཏོར་མ་བཞེས། །ཧཱུཾ། འབྱུང་བ་ལྔ་ཡི་གདན་སྟེང་ན། །མ་རུངས་ལོག་འདྲེན་གཏུམ་པོའི་གཟུགས། །འཁོར་དུ་ལོག་འདྲེན་གདུག་པས་བསྐོར། །གཟའ་ཆེན་བརྒྱད་ནི་བྲན་དུ་བཀོལ། །གདུག་བྱེད་ལོག་འདྲེན་ལས་ལ་འགྱེད། །བཀའ་ཡི་གཏོར་མ་འདི་བཞེས་ལ། །སྡང་དགྲ་ལྟས་ངན་ཞལ་དུ་འབུལ། །གླུད་མདོས་ཆེན་པོ་འདི་བཞེས་ལ། །བྱད་ཁ་ཕུར་ཟོར་དགྲ་ལ་སྒྱུར། །སྐག་ཆེན་ཉམ་ང་དགྲ་ལ་སྒྱུར། །དགྲ་ཡི་བླ་གཟུགས་ཞལ་དུ་འབུལ། །ནག་པོ་ཆེན་པོའི་ཚོགས་ལ་འབུལ། །དགྲ་བོ་མི་མཐུན་

[Full Size]

ཐམས་ཅད་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །སྤར་ཁ་བརྒྱད་ལ་གྱོད་ལང་བས། །ནམ་ཟླ་དུས་བཞིའི་འབྱུང་བའི་འདྲེ། །ལི་ཁོན་ཁེན་དང་དྭ་དང་བཞི། །ཁམ་དང་གིན་དང་ཟིན་དང་གསུམ། །ཟོན་དང་སྤར་ཁ་བརྒྱད་པོ་རྣམས། །སྤར་ཁ་མི་མཐུན་ལོ་གཤེད་རྣམས། །མཆོད་སྦྱིན་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྤར་ཁ་བརྒྱད་ཀྱི་གྱོད་མ་ལང་། །གླུད་མདོས་ཆེན་པོ་འདི་བཞེས་ལ། །སྡང་བའི་དགྲ་བོ་ཆམ་ལ་ཕོབ། །ཧཱུྃ། ནག་པོ་ཆེན་པོའི་བཀའ་འཁོར་ནི། །ཤར་ཕྱོགས་སྟག་དང་ཡོས་བུའི་ལོ། །ཤིང་ཁམས་རྒྱལ་པོ་ཆེན་པོ་སྟེ། །འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །ཤིང་དགྲ་དར་བ་གཏོ་ཡིས་སྒྱུར། །བཟློག་ཅིག་བསྒྱུར་ཅིག་ཆོ་འཕྲུལ་སྒྱུར། །ཧཱུྃ། ནག་པོ་ཆེན་པོའི་བཀའ་འཁོར་ནི། །ལྷོ་ཕྱོགས་སྦྲུལ་དང་ཅང་ཤེས་རྟ། །མེ་ཁམས་རྒྱལ་པོ་ཆེན་པོ་དང་། །འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །མེ་དགྲ་དར་བ་གཏོ་ཡིས་སྒྱུར། །བཟློག་ཅིག་སྐག་དང་ལྟས་ངན་

[Full Size]

ཟློག །ཧཱུཾ། ནག་པོ་ཆེན་པོའི་བཀའ་འཁོར་ནི། སྤྲེལ་དང་ཐན་ཅན་བྱ་ཡི་ཚོགས། །ལྕགས་ཁམས་རྒྱལ་པོ་ཆེན་པོ་སྟེ། །འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །ལྕགས་དགྲ་དར་བ་གཏོ་ཡིས་སྒྱུར། །བཟློག་ཅིག་ལྟས་ངན་རྨིས་ལྟས་སྒྱུར། །ཧཱུྃ། ནག་པོ་ཆེན་པོའི་བཀའ་འཁོར་ནི། །ཕག་དང་བྱི་བ་གདུག་པ་ཅན། །ཆུ་ཁམས་རྒྱལ་པོ་ཆེན་པོ་སྟེ། །འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །ཆུ་ཡི་དགྲ་དར་གཏོ་ཡིས་སྒྱུར། །བཟློག་ཅིག་བརྡ་ཐན་ངན་པ་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །བྱང་ཤར་གསེར་གླང་སེར་པོ་ནི། །འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །གཤེད་དགྲ་ལང་བ་བསྒྱུར་དུ་གསོལ། །ཧཱུྃ། ནག་པོ་ཆེན་པོ་བཀའ་འཁོར་ནི། །ཤར་ལྷོ་གཡུ་འབྲུག་ཟེ་བ་ཅན།། འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །ཐོག་བརྫིས་གཤེད་ཁ་བསྒྱུར་དུ་གསོལ། །ཧཱུྃ། ནག་པོ་ཆེན་པོ་བཀའ་འཁོར་

[Full Size]

ནི། །ལྷོ་ནུབ་རྡོ་ལུག་གྲོ་མོ་ནི། །སེར་མདོག་གསེར་གྱི་ངང་ཚུལ་ཅན། །འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །བཟློག་ཅིག་རྡོ་ལུག་གཤེད་འདྲེ་ཟློག །སྐག་དང་ལྟས་ངན་བཟློག་ཏུ་གསོལ། །ཧཱུྃ། ནག་པོ་ཆེན་པོའི་བཀའ་འཁོར་ནི། །ནུབ་བྱང་མི་ལུས་ཁྱི་ཡི་མགོ་བོ་ཅན། །འདིར་གཤེགས་གླུད་དང་གཏོར་མ་བཞེས། །བདག་དང་ཡོན་བདག་འཁོར་བཅས་ལ། །གཤེད་འདྲེ་ངན་པ་བསྒྱུར་དུ་གསོལ། །གཤེད་ཁ་ངན་པའི་སྐག་ཆེན་རྣམས། །སྡང་བའི་དགྲ་ལ་བསྒྱུར་དུ་གསོལ། །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་ཐེ་སེ་རྒྱལ་པོ་ནི། །སྐུ་མདོག་དཀར་ལ་གངས་རི་འདྲ། །འདི་གཤེགས་མཆོད་སྦྱིན་གཏོར་མ་བཞེས། །བདག་ལ་སྡང་བའི་དགྲ་བོ་སོད། །གནོད་པའི་བྱད་མ་རྦོད་གཏོང་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་ཆེན་པོ་ཙང་ཀུན་ནི། །སྐུ་མདོག་སྔོན་པོ་འོད་ཟེར་འབར། །འདིར་གཤེགས་གླུད་དང་གཏོར་མ་བཞེས། །བདག་ལ་སྡང་བའི་དགྲ་བོ་སོད། །གནོད་པའི་ཕུར་ཁ་དྲག་པོ་ཟློག །ཧཱུྃ། ནག་པོ་ཆེན་པོའི་བཀའ་

[Full Size]

འཁོར་ནི། །ས་བདག་ཆེན་པོ་ཧོ་པན་ནི། །སྐུ་མདོག་སེར་པོ་གསེར་རི་འདྲ། །འདིར་གཤེགས་གླུད་དང་གཏོར་མ་བཞེས། །བདག་ལ་སྡང་བའི་དགྲ་བོ་སོད། །ཕུར་ཟོར་གཏད་མནན་ཐམས་ཅད་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་ཆེན་པོ་ཐེ་ཁྱིམ་ནི། །སྐུ་མདོག་དམར་སེར་མེ་རི་འདྲ། །འདིར་གཤེགས་གླུད་དང་གཏོར་མ་བཞེས། །བདག་ལ་སྡང་བའི་དགྲ་བོ་སོད། །ཕུར་ཟོར་གཏད་མནན་ཐམས་ཅད་ཟློག །བཙན་བདུད་གནོད་པ་འོང་བ་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་ཆེན་པོ་ཧོ་པན་ནི། །སྐུ་མདོག་ལྗང་ལ་འོད་ཟེར་འབར། །འདིར་གཤེགས་གླུད་དང་གཏོར་མ་བཞེས། །ཤ་དང་མཐེབ་སྐྱའི་མཆོད་པ་བཞེས། །བདག་ལ་སྡང་བའི་དགྲ་བོ་སོད། །ཟློག་ཅིག་བཙན་བདུད་འཕེན་ལེན་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་ཆེན་པོ་སྤེན་པ་ནི། །སྐུ་མདོག་ནག་ལ་འོད་ཟེར་འབར། །འདིར་གཤེགས་གླུད་དང་གཏོར་མ་བཞེས། །བདག་ལ་སྡང་བའི་དགྲ་བོ་སོད། །འདིར་གཤེགས་གླུད་འབུལ་སྐག་ཟློག་ཅིག །ཧཱུྃ། ནག་

[Full Size]

པོ་ཆེན་པོའི་བཀའ་འཁོར་ནི། །ས་བདག་ཆེན་པོ་བིཊྚནི། །སྐུ་མདོག་ལྗང་ལ་འོད་ཟེར་འབར། །འདིར་གཤེགས་གླུད་དང་གཏོར་མ་བཞེས། །བདག་ལ་སྡང་བའི་དགྲ་བོ་སོད། །བཟློག་ཅིག་བཙན་བདུད་འཕེན་ལེན་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་ཆེན་པོ་སེ་ཤར་ནི། །སྐུ་མདོག་ནག་ལ་འོད་ཟེར་འབར། །འདིར་གཤེགས་གླུད་དང་གཏོར་མ་བཞེས། །བདག་ལ་སྡང་བའི་དགྲ་བོ་སོད། །ལྟས་ངན་ཆོ་འཕྲུལ་དགྲ་ལ་ཟློག །ཧཱུཾ། ནག་པོ་ཆེན་པོའི་བཀའ་འཁོར་ནི། །ས་བདག་བ་དན་ཁྲ་བོ་ནི། །སྐུ་མདོག་སྨུག་ནག་འོད་ཟེར་འབར། །འདིར་གཤེགས་མཐུན་རྫས་གཏོར་མ་བཞེས། །བདག་ལ་སྡང་བའི་དགྲ་བོ་སོད། །འདིར་གཤེགས་གླུད་འབུལ་སྐག་ཟློག །ཅིག་ཁྲོ་བོ་བརྒྱད་ཀྱི་རྫུ་འཕྲུལ་གྱིས། །དྲག་སྔགས་མཐུ་དང་དམོད་ཟོར་ཟློག །གཏོར་མ་ཤ་དང་མཐེབ་སྐྱུ་མཆོད། །སྐག་དང་བདུན་ཟུར་ནད་རྣམས་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་རྒྱལ་པོ་འཁོར་དང་བཅས། །བློན་པོ་དམག་དཔོན་སྡེ་དཔོན་ལ། །གཏོར་མའི་མཆོད་པ་འདི་འབུལ་གྱི། །དགྲ་བགེགས་གདུག་རྩུབ་

[Full Size]

ཞི་གྱུར་ཅིག །འཁོར་སྲུང་རྐྱེན་ཟློག་བར་ཆད་སོལ། །ཧཱུྃ། ནག་པོ་ཆེན་པོའི་བཀའ་འཁོར་ནི། །ས་བདག་དབང་ཆེན་གདུག་པ་ཅན། །ཤར་ཕྱོགས་སྟག་སྐྱ་ཧེ་དུན་དང་། །ལྷོ་ཕྱོགས་འབྲུག་རྗེ་སྔོན་པོ་དང་། །ནུབ་ཕྱོགས་ས་བདག་བྱ་དམར་དང་། །བྱང་ཕྱོགས་ས་བདག་སྦལ་ནག་དང་། །ཤར་ལྷོ་བེལ་སྣ་སེར་པོ་དང་། །ལྷོ་ནུབ་གྱི་ལིང་དཀར་སེར་དང་། །ནུབ་བྱང་གྲུབ་གཉེན་སྔོན་པོ་དང་། །བྱང་ཤར་བིཊྚི་སྔོན་པོ་དང་། །ས་བདག་ཆེན་པོ་འཁོར་བཅས་ལ། །ས་བདག་སྡེ་ཚོགས་འཁོར་དང་བཅས། །བཀའ་ཡི་གཏོར་མ་བརྒྱན་ཅན་འབུལ། །གླུད་འབུལ་དེ་ནི་སྐག་ཟློག་ཅིག །ཧཱུྃ། ནག་པོ་ཆེན་པོའི་བཀའ་འཁོར་ནི། །གཟའ་ཆེན་བརྒྱད་པོ་འཁོར་བཅས་ལ། །བཀའ་ཡི་གཏོར་མ་འདི་བཞེས་ལོ། །སྡང་དགྲ་དམ་ཉམས་རྡུལ་དུ་རློགས། །གཟའ་ནད་རྒྱུ་གཟེར་སྡང་བའི་དགྲ་ལ་སྒྱུར། །བཟློག་ཅིག་སྐག་དང་ཆོ་འཕྲུལ་ཟློག ། ཧཱུྃ། ནག་པོ་ཆེན་པོའི་བཀའ་འཁོར་ནི། །བཀའ་ཉན་སྡེ་བཞི་འཁོར་དང་བཅས། །བཀའ་ཡི་གཏོར་མ་འདི་བཞེས་ལ། །གཉན་ནད་ལྷོག་རྒོད་དགྲ་ལ་སྒྱུར། །བཟློག་ཅིག་

[Full Size]

ལྟས་ངན་དགྲ་ལ་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ལོ་རྒན་དྲུག་ཅུ་འཁོར་དང་བཅས། །དཔའ་བརྗིད་རྔམ་པའི་སྟོབས་དང་ལྡན། །འབྱུང་བ་ལྔ་ཡི་མགོན་གྱུར་ཅིག །སྡང་བའི་དགྲ་ལ་ནད་ཡམས་ཐོངས། །འདིར་གཤེགས་མཐུན་རྫས་གཏོར་མ་བཞེས། །ལོ་འདྲེ་ལོ་བདུད་དགྲ་ལ་ཕོབ། །ཧཱུྃ། ནག་པོ་ཆེན་པོ་བཀའ་འཁོར་ནི། །མ་མོ་ཐན་གྱི་བདག་མོ་ཀུན། །ཐན་དང་ཡམས་ཀྱི་བདག་མོ་ཡིན། །འདིར་གཤེགས་གླུད་དང་གཏོར་མ་བཞེས། །དམ་ཉམས་སྡང་བའི་དགྲ་བོ་ལ། །ཐན་དང་ལྟས་ཟློངན་ཡམས་ནད་ཐོངས། །བཟློག་ཅིག་མ་མོའི་ཆོ་འཕྲུལ་ཟློག །ཧཱུྃ། ནག་པོ་ཆེན་པོའི་བཀའ་འཁོར་ནི། །ཤར་ཕྱོགས་གཏོ་མཁན་སྟག་མགོ་ཅན། །ཆར་སྤྲིན་སྨུག་པོ་གོས་སུ་གྱོན། །འདིར་གཤེགས་གླུད་དང་གཏོར་མ་བཞེས། །བདག་དང་རྒྱུ་སྦྱོར་ཡོན་བདག་གི།ལས་ཀྱི་འབྲས་བུ་མཆིས་པར་མཛོད། །ཧཱུྃ། ལྷོ་ཕྱོགས་གཏོ་མཁན་འབྲུག་མགོ་ཅན། །ནུབ་ཕྱོགས་གཏོ་མཁན་ཆུ་སྲིན་མགོ །བྱང་ཕྱོགས་གཏོ་མཁན་རྟ་མགོ་ཅན། །གཏོ་རྣམས་ཡག་པའི་ཞུ་སྐྱེམས་འབུལ། །རྒྱན་པའི་གཏོར་མ་འདི་བཞེས་ལ། །

[Full Size]

བདག་དང་རྒྱུ་སྦྱོར་ཡོན་བདག་ལ། །རྨོངས་སྡུག་དབུལ་གསུམ་འཛོམས་པ་རྣམས། །གླུད་མདོས་དམ་པས་བསྒྱུར་དུ་གསོལ།། །། ༈ རྫོངས་འདེབས་ལྷ་འདྲེའི་ཡས་བསྒྲུང་བཞུགས་སོ།། །ཀྱཻ། མི་ནག་མགོ་བོ་གསུམ་པ་ཡི། །བཀའ་ཉན་མི་ཁ་བྲ་མཆུ་དང་། །མི་ཁའི་བུ་མོ་སྤུན་བདུན་དང་། །སྣང་སྲིད་ལྷ་སྲིན་ཐམས་ཅད་ལ། །ཡས་སྟགས་སྣ་ཚོགས་རྫོངས་སུ་འདེབས། །ནམ་མཁའ་རྒྱང་བུ་ཕོ་ཐོང་དང་། །མདའ་བཀྲ་འཕང་བཀྲ་ཤིང་རིས་རྣམས། །སྣང་སྲིད་ལྷ་འདྲེའི་མཐུན་རྫས་ཡིན། །མི་ཁ་ཁྱོད་ལ་རྫོངས་སུ་འདེབས། །སྡེ་བརྒྱད་ཆོ་འཕྲུལ་བསྒྱུར་དུ་གསོལ། །སྟག་གཟིག་རིན་ཆེན་སྣ་ལྔ་ཡང་། །བརྒྱ་བྱིན་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །བརྒྱ་བྱིན་གནོད་པ་བསྒྱུར་དུ་གསོལ། །གོང་སྲག་གླིང་བུ་བལ་ཚོན་གསུམ། །ཡམས་འདྲེ་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །ཡམས་འདྲེ་རི་བྱི་བསྒྱུར་དུ་གསོལ། །འག་པ་སྲིན་བྱ་ལྟུང་ཁྲ་གསུམ། །བྲག་སྲིན་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །བྲག་སྲིན་གནོད་པ་བསྒྱུར་

[Full Size]

དུ་གསོལ། །ཤ་རུ་དགོ་རུ་གཙོད་རུ་གསུམ། །གྲི་བཙན་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །གྲི་བཙན་གནོད་པ་བསྒྱུར་དུ་གསོལ། །སྦྲུལ་དང་སྦལ་པ་ལྕོང་མོ་གསུམ། །ཀླུ་གདོན་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །ཀླུ་གཉན་གནོད་པ་བསྒྱུར་དུ་གསོལ། །མདའ་ཆག་གཞུ་ཆག་རལ་ཆག་གསུམ། །གྲི་བོ་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །གྲི་བོ་དགུ་རྒྱུད་བསྒྱུར་དུ་གསོལ། །མི་རུས་རྟ་རུས་ཁྱི་རུས་གསུམ། །ཡུལ་འདྲེ་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །ཡུལ་འདྲེ་ཡུལ་གདོན་བསྒྱུར་དུ་གསོལ། །རྩ་དུག་ར་དུག་རིལ་སྒྲོག་གསུམ། །བསེ་རག་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །བསེ་རག་སྤུན་དགུ་བསྒྱུར་དུ་གསོལ། །རྟ་དང་རྔ་མོང་བོང་བུ་གསུམ། །ཕུང་སྲི་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །ཕུང་སྲི་ཕུང་འདྲེ་བསྒྱུར་དུ་གསོལ། །སྤྱང་ཀུ་འཕར་བ་ཤ་ཁྱི་གསུམ། །བཙན་གྱི་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །

[Full Size]

བཙན་གྲི་བཙན་བདུད་བསྒྱུར་དུ་གསོལ། །མཛོ་དང་དྲེལ་དང་བ་ར་གསུམ། །རབས་ཆད་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །རབས་ཆད་སྒྲོན་འདྲེ་བསྒྱུར་དུ་གསོལ། །ཤྭ་མོང་སྦྲང་མ་རམ་པ་གསུམ། །གྲི་མོ་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །གྲི་མོ་སྨུག་གྲི་བསྒྱུར་དུ་གསོལ། །རྒྱ་གྲོག་སྦ་ར་བྲ་བ་གསུམ། །མི་ཁ་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །མི་ཁ་སྤྱན་དགུ་བསྒྱུར་དུ་གསོལ། །བྱི་ལ་ཁྱི་གུ་སྲེ་མོང་གསུམ། །ཆུང་སྲི་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །ཆུང་སྲི་སྤུན་དགུ་བསྒྱུར་དུ་གསོལ། །རྐྱལ་སྟོང་གྲོད་པ་ཁ་འཕྲོ་གསུམ། །ཁ་འགོང་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །ཁ་འདྲེ་ཁ་འགོང་བསྐྱར་དུ་གསོལ། །གདང་དུམ་ཁེབས་ཐག་སྣ་གཅུ་གསུམ། །གོད་འདྲེ་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །གོད་འདྲེ་གོད་སྲི་བསྒྱུར་དུ་གསོལ། །སྤྲེལ་དང་གྲུམ་པ་བྱ་མ་བྱིལ། །རྨེ་མུག་ནལ་གསུམ་བཀར་བའི་ཡས་ཡིན་པས། །མི་

[Full Size]

ཁ་ཁྱོད་ལ་རྫོངས་སུ་འདེབས། །རྨེ་མུག་ནལ་གསུམ་བསྒྱུར་དུ་གསོལ། །ངར་གླུད་ལྷམ་ཁྲོད་གོས་རྙིང་གསུམ། །འགགས་འདྲེ་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །འགགས་འདྲེ་འགགས་སྲི་བསྒྱུར་དུ་གསོལ། །ཁྱི་ཐོད་ཕག་ཐོད་གཡག་ཐོད་གསུམ། །དགྲ་སྲི་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །དགྲ་འདྲེ་དགྲ་སྲི་བསྒྱུར་དུ་གསོལ། །འབུ་ལྐོག་སེམས་ཤུན་བྱིལ་ཚང་གསུམ། །སྙིང་སྟོང་བཀར་བའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །གློ་ཉེས་སྙིང་སྟོང་བསྒྱུར་དུ་གསོལ། །ཆངས་བུ་ཤ་ཁྲག་གླུད་མདོས་གསུམ། །ལོ་སྐག་ཟློག་པའི་ཡས་ཡིན་པས། །མི་ཁ་ཁྱོད་ལ་རྫོངས་སུ་འདེབས། །ལོ་སྐག་ཟླ་སྐག་བཟློག་ཏུ་གསོལ། །བཞི་བརྒྱ་རྩ་བཞིའི་ནད་ཀྱི་བདག །སྟོང་ཕྲག་བརྒྱད་ཅུ་བགེགས་ཀྱི་ཚོགས། །བརྒྱད་ཅུ་རྩ་གཅིག་ཐན་ལྟས་ཚོགས། །ཡེ་འདྲོག་སུམ་བརྒྱ་དྲུག་ཅུ་རྣམས། །མི་ཁ་ཁྱོད་ལ་རྫོངས་སུ་འདེབས། །སྲིད་པའི་གླང་ཆེན་སྟོབས་ཆེན་ལ། །སྣ་ཚོགས་ཡས་རྣམས་ཁལ་དུ་འགེལ། །མི་མཐུན་ཕྱོགས་རྣམས་བསྒྱུར་དུ་གསོལ། །བྱེད་དང་རྨི་ལམ་ངན་

[Full Size]

པ་དང་། །རྦད་འདྲེ་དྲོད་གཏོང་ངན་པ་སྒྱུར། །མོ་ལྟས་མཚན་མ་ངན་པ་སྒྱུར། །ཡས་རྣམས་བསགས་པ་སྟོབས་རེ་ཆེ། །དཀོན་མཆོག་བདེན་པ་མཐུ་རེ་བཙན། །ནག་པོ་མགོ་གསུམ་སྟོབས་རེ་ཆེ། །ཤང་ཤང་བྲ་མཆུ་བསྒྱུར་རེ་ཆེ། །སྔགས་འཆང་ཡས་བསྔོ་དོན་རེ་ཆེ། །མི་ཁའི་བུ་མོ་སྤུན་བདུན་དང་། །ལོ་ཟླ་ཞག་གི་ས་བདག་ལ། །ཁལ་དུ་འགེལ་ལ་རྫོངས་སུ་འདེབས། །ཟ་ཁ་སྡང་བའི་དགྲ་ལ་སྟོན། །བསྒྱུར་ཅིག་བཟློག་ཅིག་དུས་ལ་བབ། །ཅེས་གཏོར་མ་མཐེབ་སྐྱུ་འབུལ། ཡུངས་ཀར་ཡུངས་ནག་འབྲུ་སྣ་ཚོགས་ཀྱི་རྫོང་བཏབ། འཇམ་དཔལ་དང་རིགས་གསུམ་མགོན་པོའི་བདེན་སྟོབས་བརྗོད། ལམ་བསྟན་བསྐྱལ་ལོ། །ནག་པོ་མགོ་གསུམ་གྱི་གཏོར་རྫོངས་རྫོགས་སོ། །ཤ་ཁྲག་གི་གཏོར་མའི་ཆ་ཉི་ཤུ་རྩ་གཅིག་བཤམས། འགུགས་གཞུག་བསྒྲལ་ལས་བྱས་ལ་རིམ་པ་བཞིན་དུ་འབུལ་ལོ། །བརྒྱ་རྩ་བརྒྱད་བཤམས། འདིར་ཡབ་ལུགས་ཞུས་ལེན་འཐེན། མཆན། ༈ དམར་པོ་མགོ་གསུམ་རྫོངས་འདེབས་ནི། །ཀྱཻ། དམར་པོ་མགོ་གསུམ་ཚུར་ཉོན་དང་། །མི་ནག་ཁྱོད་ལ་ཁུར་ཅིག་ཁུར། །མི་དམར་ཁྱོད་ལ་རྫོངས་སུ་འདེབས། །རྣལ་འབྱོར་བདག་ཅག་འཁོར་བཅས་ལ། །མི་མཐུན་པ་ཡི་ལྟས་ངན་དང་། །འགོང་པོ་

[Full Size]

དང་ནི་ཐེའུ་རང་དང་། །ཕོ་སྲི་མོ་སྲི་ཆུང་སྲི་དང་། །འདྲེ་སྲིན་བྱུར་གསུམ་བསྡུས་བསྡུས་པ། །མི་དམར་ཁྱོད་ལ་ཁུར་དུ་ཁུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དེར་མི་ནག་སོང་། །མི་དམར་ཤ་འདོད་ཤ་ལ་ཟོ། །མི་ནག་ཁྲག་འདོད་ཁྲག་ལ་འཐུང་། །སྲོད་ལ་བྱ་ཕོ་གྲག་པ་དང་། །ནམ་གུང་སྤྱང་མོ་ངུ་བ་དང་། །དུར་ཁྲོད་ཝ་མོ་བརྒྱལ་བ་དང་། །ཐོ་རངས་སྒོ་ཁྱི་ངུ་བ་དང་། །བསེ་ཡི་སྲེ་མོང་དམར་པོ་ཡི། །གཡུ་ཡི་རི་བྱིལ་རིག་པ་དང་། །གནམ་གྱི་བྱ་ཐན་ངན་པ་དང་། །ས་ཡི་བྱི་ཐན་ངན་པ་དང་། །ཐན་དང་ལྟས་ངན་བསྡུས་བསྡུས་པ། །མི་དམར་ཁྱོད་ལ་ཁུར་དུ་ཁུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་ལ་ཟོ། །མི་དམར་ཁྲག་འདོད་ཁྲག་ལ་འཐུང་། །མེ་ཉག་སོག་མོ་ངན་པ་དང་། །ཞང་ཞུང་ཇུ་ཐིག་ངན་པ་དང་། །རྒྱ་ཡི་ཆུ་ཞག་ངན་པ་དང་། །འགྲོ་ན་ལ་ཉེ་ངན་པ་དང་། །འདུག་ན་རྨི་ལམ་ངན་པ་དང་། །མོ་ངན་སོག་སྡིག་བསྡུས་བསྡུས་པ། །མི་ནག་ཁྱོད་ལ་ཁུར་དུ་ཁུར། །མི་དམར་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་

[Full Size]

དམར་སོང་། །མི་ནག་ཤ་འདོད་ཤ་ལ་ཟོ། །མི་དམར་ཁྲག་འདོད་ཁྲག་ལ་འཐུང་། །རྒྱ་གར་ཆོས་ཀྱི་ངན་སྔགས་དང་། །སྟག་གཟིག་ནོར་གྱི་གོད་འདྲེ་དང་། །གེ་སར་དམག་གི་དཔའ་སྲས་དང་། །རྒྱལ་ཕྲན་བཞི་ཡི་ངན་སྔགས་དང་། །ཞང་ཞུང་སྔགས་དང་བཅས་པ་དང་། །མ་མོའི་ངན་སྔགས་བཏང་བ་དང་། །བནྡེ་རྣམས་ཀྱི་སྔགས་ཟོར་དང་། །བོན་པོ་རྣམས་ཀྱི་ལྟས་ཟོར་དང་། །སྐྱེ་བོ་ཡོངས་ཀྱི་མདའ་ཟོར་དང་། །བྱད་ཟོར་ཆོ་དགུ་བསྡུས་བསྡུས་པ། །མི་ནག་ཁྱོད་ལ་ཁུར་དུ་ཁུར། །མི་དམར་ཁྱོད་ལ་རྫོངས་སུ་འདེབས། །མི་ནག་ཤ་འདོད་ཤ་ལ་ཟོ། །མི་དམར་ཁྲག་འདོད་ཁྲག་ལ་འཐུང་། །མི་ནད་སྣ་དགུ་འཁོར་དང་བཅས། །ཕྱུགས་ནད་གློ་ཧོན་འཁོར་དང་བཅས། །ལུག་ནད་ལྟེ་བ་འཁོར་དང་བཅས། །ཕག་ནད་གེ་རུ་བཁོར་དང་བཅས། །ཁྱི་ནད་གག་པ་འཁོར་དང་བཅས། །ནད་ཡམས་ཐམས་ཅད་བསྡུས་བསྡུས་པ། །མི་ནག་ཁྱོད་ལ་ཁུར་དུ་ཁུར། །མི་དམར་ཁྱོད་ལ་རྫོངས་སུ་འདེབས། །མི་ནག་དགྲ་བོའི་ཡུལ་དུ་སོང་། །མི་དམར་ཤ་འདོད་ཤ་ལ་ཟོ། །མི་ནག་ཁྲག་འདོད་ཁྲག་ལ་འཐུང་། །

[Full Size]

ཕ་མེས་དུར་སྲི་ལང་བ་དང་། །བུ་ཚའི་ཆུང་སྲི་ལང་བ་དང་། །ནོར་གྱི་གོད་སྲི་ལང་བ་དང་། །ཕུང་སྲི་དར་སྲི་ལང་བ་དང་། །ངན་སྲི་མནན་སྲི་ལང་བ་དང་། །སྲི་ངན་ཐམས་ལྟཅད་བསྡུས་བསྡུས་པ། །མི་ནག་ཁྱོད་ལ་ཁུར་དུ་ཁུར། །མི་དམར་ཁྱོད་ལ་རྫོངས་སུ་འདེབས། །མི་ནག་དགྲ་བོའི་ཡུལ་དུ་སོང་། །མི་ནག་ཤ་འདོད་ཤ་ལ་ཟོ། །མི་དམར་ཁྲག་འདོད་ཁྲག་ལ་འཐུང་། །བརྒྱ་ཡི་མི་ཁ་ལྡང་བ་དང་། །སྟོང་གི་བྲ་མཆུ་ལྡང་པ་དང་། །གློ་བུར་ཡེ་འདྲོག་འོང་བ་དང་། །གཏད་ཁྲམ་འཁོར་ལོ་བསྐོར་བ་དང་། །ཕོ་སྐག་ལྟར་ཉིལ་བ་དང་། །མོ་སྐག་བལ་ལྟར་གཡེངས་བ་དང་། །སྐྱེ་བོའི་ཡ་ཁ་བྱེ་བ་དང་། །མི་ཁ་བྲ་མཆུ་བསྡུས་བསྡུས་པ། །མི་ནག་ཁྱོད་ལ་ཁུར་དུ་ཁུར། །མི་དམར་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་ལ་ཟོ། །མི་དམར་ཁྲག་འདོད་ཁྲག་ཚ་འཐུང་། །བེའུ་ལ་ལྷག་ཆད་བྱུང་བ་དང་། །རྟ་ལ་རོ་ག་ལ་བྱུང་བ་དང་། །མཁའ་ལྡིང་བྱ་ཐན་བྱུང་བ་དང་། །མི་མཐུན་ལྟས་ངན་སྣ་ཚོགས་པ། །མི་ནག་ཁྱོད་ལ་ཁུར་དུ་ཁུར། །མི་དམར་ཁྱོད་ལ་རྫོངས་སུ་འདེབས། །མི་ནག་

[Full Size]

དགྲ་བོའི་ཡུལ་དུ་སོང་། །མི་ནག་ཤ་འདོད་ཤ་ལ་ཟོ། །མི་དམར་ཁྲག་འདོད་ཁྲག་ལ་འཐུང་། །དགྲ་བོའི་ཡུལ་དུ་སྐྱས་ཆོས་ཤིག །ལྷ་སྲིན་སྡེ་བརྒྱད་འཁོར་དུ་ཁྲིད། །མི་ཁ་གོད་འདྲེའི་སྣ་ལ་སོང་། །ལོ་ཟླ་ཞག་གི་སྐག་ངན་རྣམས། །དགྲ་ཡི་ཡུལ་དུ་སྐྱས་ཆོས་ཤིག །དགྲ་འདྲེ་བྱད་མ་རྡུལ་དུ་རློགས། །ཨོཾ་ཧ་ས་གརྒྷ་རཀཱ་ཏ་ཙི་ཀེ་པ་ར་སྐྱིད་རལ་པ་ཡ། མི་ནག་མགོ་གསུམ་ལྷ་སྲིན་སྡེ་བརྒྱད་དགྲ་བགེགས་བྱད་མའི་སྟེང་དུ་ཆོས་ཆོས་རྒྱུག་རྒྱུག།མགོ་གསུམ་རྫོངས་འདེབས་རྫོགས་སོ།། །། ༈ ནག་པོ་མགོ་གསུམ་གྱི་གླང་ཆེན་ཁལ་འགེལ་བཞུགས་སོ། །དེ་ནས་ནག་པོ་མགོ་གསུམ་གྱི་རོལ་ཁལ་ལ་གླང་ཆེན་སྣ་བསྒྱུར་བྱ་བ་ནི། ཁམས་ས་ལ་གླང་ཆེན་གཅིག་བྱས་ལ། ཚྭ་གཡེར་ལ་སོགས་མི་ཁའི་ཡས་སྣ་ཚོགས་དང་། གོ་ཐལ་བཀལ་ལ་མི་ནག་གཅིག་གིས་ཁྲིད། གཅིག་གིས་དེད། ཁྱི་ཕག་ཐོད་པ་ལ་སོགས་ཟོར་རྡོ་གཅིག་བཞག་ནས་འདི་སྐད་དོ།། །ཀྱཻ། ཀོང་ཙེ་འཕྲུལ་རྒྱལ་གཏོ་ལ་བཞེངས། །འགྲོ་བ་རིགས་དྲུག་སེམས་ཅན་ཀུན། །འབྱུང་བ་ལྔ་ལ་མ་བརྟེན་མེད། །ནམ་མཁའ་འདི་ནི་སྟོང་ལ་གསལ། །དེ་ཡང་འབྱུང་བ་ལྔ་ལ་བརྟེན། །འབྱུང་བ་ལྔ་ནི་ས་ལ་བརྟེན། །དེ་བས་ས་འདི་ཐེག་པ་ཆེ། །མེས་ནི་ཐམས་ཅད་དྲོ་

[Full Size]

བར་བྱེད། །དེ་བས་དྲོད་ཀྱི་རྒྱལ་མོ་ཞེས་ཀྱང་བྱ། །འབྱུང་བ་ཆུ་འདི་ཀུན་དང་མཐུན། །འབྱུང་བ་རླུང་ལ་སྐྱེ་འགྲོ་བརྟེན། །རྒྱུ་འབྲས་ཐམས་ཅད་བསྐྱེད་པའི་ཕྱིར། །རླུང་གིས་ཐམས་ཅད་སྨིན་པར་བྱེད། །དེ་ལྟར་སེམས་ཅན་སྐྱེ་འགྲོ་ཀུན། །འབྱུང་བ་ལྔ་ལས་བྱས་པ་ཡིན། །འབྱུང་བ་ལྔ་ལ་མ་གྲོལ་སེམས་ཅན་མེད། །ཀུན་ཏུ་འཇིགས་པ་སེང་གེ་ཡིན། །སྒྲ་ཡི་རྒྱལ་པོ་གཡུ་འབྲུག་ཡིན། །ཀུན་གྱི་ཟིལ་གནོན་བྱ་ཁྱུང་ཡིན། །འཇིགས་སྟོབས་ཆེ་བ་ཆུ་སྲིན་ཡིན། །སྟོབས་ཀྱི་རྒྱལ་པོ་གླང་ཆེན་ཡིན། །དེ་ཕྱིར་ཅིར་ཡང་མི་འཇིགས་སོ། །འཇིག་རྟེན་ཁམས་ན་ཐེག་པ་ཆེ། །དྲག་ཤུལ་ཆེན་པོ་ཐོད་རྒལ་ཆེ། །སྣ་བསྒྱུར་གདུག་པ་ཤིན་ཏུ་ཆེ། །གདུག་པ་གང་ཡང་བསྒྱུར་ལ་དྲག །དེ་བས་གླང་ཆེན་སྟོབས་དྲག་འདི། །དེ་རིང་རྒྱུ་སྦྱོར་ཡོན་བདག་གི །ལུས་ངག་ཡིད་གསུམ་གླུད་དུ་བསྔོ། །བདག་དང་རྒྱུ་སྦྱོར་ཡོན་བདག་གི །ནད་གྱོད་རྐྱེན་དང་གོད་ཁ་རྣམས། །གླང་ཆེན་་ཁྱོད་ལ་ཁལ་དུ་བཀལ། །དེ་རིང་ནག་པོ་མགོ་གསུམ་རོལ་དུ་འབུལ། །མི་ཁའི་ཡས་རྣམས་ཁལ་དུ་བཀལ། །བཙོག་དང་རྨེ་མནོལ་བྱེད་ཡུགས་རྣམས། །གླང་ཆེན་ཁྱོད་ལ་

[Full Size]

ཁལ་དུ་བཀལ། །མི་ཁ་གྱོད་སྣ་ཐམས་ཅད་ཀྱང་། །གླང་ཆེན་ཁྱོད་ལ་ཁལ་དུ་བཀལ། །ནད་སྣ་ཡམས་སྣ་དལ་སྣ་རྣམས། །གླང་ཆེན་ཁྱོད་ལ་ཁལ་དུ་བཀལ། །གོད་འདྲེ་རྨང་འདྲེ་སྒབ་འདྲེ་རྣམས། །གླང་ཆེན་ཁྱོད་ལ་ཁལ་དུ་བཀལ། །མེ་རླུག་ནལ་གསུམ་ཐམས་ཅད་ཀྱང་། །གླང་ཆེན་ཁྱོད་ལ་ཁལ་དུ་བཀལ། །རོ་བག་གཤེད་འཁྱམས་སྐྱས་སྣ་ཡང་། །གླང་ཆེན་ཁྱོད་ལ་ཁལ་དུ་བཀལ། །མནའ་དང་བྱད་དང་འཁོན་གསུམ་ཡང་། །གླང་ཆེན་ཁྱོད་ལ་ཁལ་དུ་བཀལ། །ཐབ་འདྲེ་དང་ནི་གཞོབ་འདྲེ་ཡང་། །གླང་ཆེན་ཁྱོད་ལ་ཁལ་དུ་བཀལ། །གྲི་བོ་རབས་ཆད་ཡུགས་ས་གསུམ། །གླང་ཆེན་ཁྱོད་ལ་ཁལ་དུ་བཀལ། །མྱོས་བྱེད་མཁོན་སྣ་ཐམས་ཅད་ཀྱང་། །གླང་ཆེན་ཁྱོད་ལ་ཁལ་དུ་བཀལ། །ཐབ་འདྲེ་གཞོབ་སྲི་ཐམས་ཅད་ཀྱང་། །གླང་ཆེན་ཁྱོད་ལ་ཁལ་དུ་བཀལ། །གྲི་སྲི་ཆད་སྲི་ཡུག་སྲི་ཡང་། །གླང་ཆེན་ཁྱོད་ལ་ཁལ་དུ་བཀལ། །མི་ལ་དང་ནི་བསེ་རག་ཀྱང་། །གླང་ཆེན་ཁྱོད་ལ་ཁལ་དུ་བཀལ། །ཐེའུ་རང་དང་ནི་རྨང་འདྲེ་ཡང་། །གླང་ཆེན་ཁྱོད་ལ་ཁལ་དུ་བཀལ། །ཕ་ཁུའི་རྨང་འདྲེ་ལང་བ་ཡང་། །གླིང་

[Full Size]

ཆེན་ཁྱོད་ལ་ཁལ་དུ་བཀལ། །མ་སྲུའི་བྱུར་འདྲེ་ཐམས་ཅད་ཀྱང་། །གླང་ཆེན་ཁྱོད་ལ་ཁལ་དུ་བཀལ། །བུ་སྲིང་བཙོག་འདྲེ་ཐམས་ཅད་ཀྱང་། །གླང་ཆེན་ཁྱོད་ལ་ཁལ་དུ་བཀལ། །བན་བོན་བྱེད་ཁ་གཏོང་བ་ཡང་། །གླང་ཆེན་ཁྱོད་ལ་ཁལ་དུ་བཀལ། །བན་བོན་གཏོ་ཡུལ་ཡོང་པ་ཡང་། །གླང་ཆེན་ཁྱོད་ལ་ཁལ་དུ་བཀལ། །ཆུང་སྲི་མངལ་སྲི་ལང་བ་ཡང་། །གླང་ཆེན་ཁྱོད་ལ་ཁལ་དུ་བཀལ། །ཕོ་སྲི་མོ་སྲི་ལང་བ་ཡང་། །གླང་ཆེན་ཁྱོད་ལ་ཁལ་དུ་བཀལ། །གོད་སྲི་ཁ་ཆེན་ལང་བ་ཡང་། །གླང་ཆེན་ཁྱོད་ལ་ཁལ་དུ་བཀལ། །མོ་ངན་སོག་སྡིག་ལང་བ་ཡང་། །གླང་ཆེན་ཁྱོད་ལ་ཁལ་དུ་བཀལ། །ལོ་སྐག་ཟླ་སྐག་ཞག་སྐག་ཡང་། །གླང་ཆེན་ཁྱོད་ལ་ཁལ་དུ་བཀལ། །སྲོག་ལུས་དབང་ཀླུང་མི་མཐུན་པ། །གླང་ཆེན་ཁྱོད་ལ་ཁལ་དུ་བཀལ། །ལྷ་ཡི་བསམ་རྟེན་ངན་པ་ཡང་། །གླང་ཆེན་ཁྱོད་ལ་ཁོལ་དུ་བཀལ། །སླབ་ཁའི་ཁ་བརྡའ་ངན་པ་ཡང་། །གླང་ཆེན་ཁྱོད་ལ་ཁལ་དུ་བཀལ། །ཇུ་ཐིག་མདུད་པ་ངན་པ་ཡང་། །གླང་ཆེན་ཁྱོད་ལ་ཁལ་དུ་བཀལ། །གཅུ་ཞག་ལོ་སྐོར་ངན་པ་ཡང་། །གླང་ཆེན་ཁྱོད་ལ་ཁལ་དུ་བཀལ། །སྲིད་

[Full Size]

པའི་འདྲེ་དགུ་ལང་བ་ཡང་། །གླང་ཆེན་ཁྱོད་ལ་ཁལ་དུ་བཀལ། །གཙུག་ལག་གདོན་བཅུ་ཐམས་ཅད་ཀྱང་། །གླང་ཆེན་ཁྱོད་ལ་ཁལ་དུ་བཀལ། །ཡུལ་དུ་བཟོར་ལ་རྫོངས་སུ་རྫོང་། །སྲིད་པའི་གླང་ཆེན་སྟོབས་ལྡན་ཁྱོད། །རྒྱུ་ནི་འབྱུང་བ་ལྔ་ལས་གྲུབ། །ཁྱད་པར་འཕགས་པའི་རིན་ཆེན་ས། །ཐེག་ཆེན་སྟོབས་ལྡན་གཟུགས་བྱས་ལྷོ། ནས། །རྒྱུ་སྦྱོར་ཡོན་གྱི་བདག་པོ་ཡིས། །རི་བོའི་རྩེ་ནས་ས་བླངས་ནས། །ལུང་པའི་མདའ་ནས་ཆུ་བླངས་ནས། །སྣ་ཐག་དར་ལ་སྣེའུ་གཅུ་གསེར། །རྨིག་བཞི་སྲ་བརྟན་ལྕགས་ལ་བྱས། །ཁོ་མོ་འབྲོང་གི་སྒྲ་སྟན་གཏེར། །བེ་གར་མཛེས་པའི་སྒ་སྟོད་ནས། །གདུག་བྱེད་མི་ནག་གཅིག་གིས་ཁྲིད། །མི་ནག་གཅིག་གིས་ཐོག་ནས་ཞོན། །མི་ནག་གཅིག་གིས་དེད་ནས་འགྲོ། །འདི་ནི་ཡ་མཚན་ཆས་དང་ལྡན། །འདི་ཡིས་མི་བཟློག་ཅིག་ཀྱང་མེད། །འཆི་བདག་བདུད་ཀྱང་འདི་ཡིས་ཟློག །ཕ་མྱེས་སྒྲེན་འདྲེ་ལང་བ་ཡང་། །གླང་ཆེན་རྣ་མཆོག་གཉིས་ཀྱིས་ཟློག །མ་ཕྱིས་བཙོག་ནལ་ལང་བ་ཡང་། །གླང་ཆེན་ལག་པ་གཉིས་ཀྱིས་ཟློག །བུ་སྲིང་རྒྱུད་ཀྱི་བཙོག་འདྲེ་ཡང་། །གླང་ཆེན་འདི་

[Full Size]

ཡི་རྔ་མས་ཟློག །མགྲོན་སྣ་སྐྱས་སྣ་བག་སྣ་ཡང་། །གླང་ཆེན་ཁྱོད་ཀྱི་རྨིག་བཞིས་ཟློག །བག་སྣ་སྐྱས་སྣ་དམག་སྣ་ཡང་། །གླང་ཆེན་འདི་ཡི་སྣ་ཡིས་ཟློག །ནད་དགུ་རིམ་བཅུ་ཁ་འདྲེ་ཡང་། །གླང་ཆེན་འདི་ཡི་སྣ་ཡིས་ཟློག །ནད་འདྲེ་གཅོང་སྲི་ལང་བ་ཡང་། །གླང་ཆེན་འདི་ཡི་སྣ་ཡིས་ཟློག །མ་ཡམས་དལ་ཡམས་ཡུལ་འདྲེ་ཡང་། །གླང་ཆེན་འདི་ཡི་སྣ་ཡིས་ཟློག །ཕོ་སྲི་མོ་སྲི་ལང་བ་ཡང་། །གླང་ཆེན་ཁྱོད་ཀྱི་སྣ་ཡིས་ཟློག །ནད་ཡམས་དལ་ཡམས་སྣ་ཚོགས་ཀྱང་། །གླང་ཆེན་ཁྱོད་ལ་ཁལ་དུ་བཀལ། །དེ་ལྟར་ཁམས་སའི་གླང་ཆེན་སྟོབས་ལྡན་འདི། །མཐུ་སྟོབས་རྫུ་འཕྲུལ་ཐེག་མཆོག་ལྡན། །ཁྱོད་ནི་ཟློག་བྱེད་ཆེན་པོ་ཡིན། །དེ་རིང་ཟློག་སྒྱུར་ཆེན་པོ་མཛོད། །ཁྱོད་ཀྱི་སྟོབས་དང་སྤྲུལ་པ་ལ། །ཟ་བྱེད་ཆེན་མོ་རྣམས་དང་ནི། །ཁྲོ་བོ་ཆེན་པོ་བཅུ་རུ་སྲིད། །འབྱུང་བ་ལྔ་ཡི་སྙིང་པོ་ལ། །ནམ་མཁའི་ཁྲོ་བོ་ཞལ་བོ་ཆེ། །ཞལ་དུ་སྟོང་ཁམས་མ་ལུས་གསོལ། །ས་གཡོ་རི་བསྙིལ་བདག་པོ་སྟེ། །མཐུ་སྟོབས་དྲག་ཤུལ་ཐེག་པ་ཆེ། །འབྱུང་བ་ས་འདི་དྲག་ཤུལ་ཆེ། །མ་སོགས་ངན་པ་ཐམས་ཅད་ཟློག །འབྱུང་བ་ཆུ་འདི་

[Full Size]

སྟོབས་ཆེ་བས། །ལྟས་ངན་ཆོ་འཕྲུལ་ཐམས་ཅད་ཟློག །འབྱུང་བ་མེ་འདི་སྟོབས་ཆེ་བས། །མི་ཁ་གྱོད་སྣ་ཐམས་ཅད་ཟློག །འབྱུང་བ་རླུང་འདི་སྟོབས་ཆེ་བས། །འཚེར་རྩུབ་ངན་པ་ཐམས་ཅད་ཟློག །ནམ་མཁའ་སྟོང་པ་མཐུ་སྟོབས་ཅན། །གནམ་བདུད་ས་བདུད་གཟའ་བདུད་དང་། །སད་དང་སེར་བ་ཐམས་ཅད་ཟློག །དེ་ལྟར་འབྱུང་བ་ལྔ་པོ་མཐུ་སྟོབས་ཆེ། །སྟོབས་ཆེན་ལྔ་ལ་གླང་ཆེན་བྱས། །དེ་བས་གླང་ཆེན་སྟོབས་རེ་ཆེ། །གླང་ཆེན་འདི་ལས་སྟོབས་ཆེ་མེད། །གླང་ཆེན་འདི་བས་ཤུགས་ཆེ་མེད། །གླང་ཆེན་ཁྱོད་ཀྱིས་མི་བསྒྱུར་གང་ཡང་མེད། །བསྐལ་པ་མ་འདས་སྔོན་རོལ་ན། །ས་བླའི་མིང་མཚན་སྨོས་པ་ནི། །སྨྲ་མི་དྲན་པ་བྱ་བ་དེ། །གང་གི་ཕུང་འདྲེ་ཆེན་པོ་སྟེ། །རྒྱུད་ཀྱི་རྨང་འདྲེ་ཐམས་ཅད་དང་། །སྣ་འདུས་མང་པོ་གནོད་པ་ལ། །དུས་དང་བསྐལ་པ་དེ་ཙམ་ན། །ཚངས་པ་ཆེན་པོ་བྱ་བ་དེས། །ཀོང་ཙེ་འཕྲུལ་རྒྱལ་བྱ་བ་ལ། །འདི་སྐད་ཞུ་བ་ཕུལ་བ་ལས། །ས་བདག་པོ་སྨྲ་མི་དྲན་པ་དེས། །འདྲེ་སྲིན་མང་པོས་ནོན་པ་དང་། །རྨི་ལམ་ངན་ལ་ལྟས་ཀྱང་སྡིག །མོ་ཡང་ངན་ལ་སོགས་ཀྱང་

[Full Size]

རྩུབ། །དེ་དག་བསྒྱུར་ཞིང་བཟློག་པའི་ཕྱིར། །རིན་ཆེན་ས་ལ་གླང་ཆེན་སྟོབས་ལྡན་བྱས། །སྣ་དག་དར་ལ་སྣ་གཅུ་གསེར། །སྒ་སྟན་ཆས་དང་ལྡན་པར་བྱེད། །མི་ནག་དཔའ་རྔམ་ཅན་གྱིས་ཆིབས། །ཁམས་སའི་མི་ནག་དཔའ་བོ་ཡི། །སྔོན་རྒྱབ་གཉིས་ནས་དེད་ཁྲིད་བྱེད། །མི་ཁའི་ཡས་རྣམས་སྣ་ཚོགས་བཀལ། །མི་ནག་མགོ་གསུམ་དཀོར་ནོར་ཡིན། །དེ་རིང་ཁྱོད་ལ་དཀོར་དུ་འབུལ། །དེ་ལྟར་སྟོབས་ལྡན་གླང་པོ་དེ། །ནི་ནག་མགོ་གསུམ་ཁལ་དུ་བཀུར། །མི་ཁའི་ཡས་རྣམས་ཁལ་དུ་བཀལ། །ཁྱོད་ཀྱི་རྟེན་གྱི་བསྐོར་དུ་མཛོད། །གྱོད་བྱུར་མི་ཁ་ཁུར་ལ་སོང་། །དེ་ལྟར་གླང་ཆེན་སྟོབས་ལྡན་ལ། །མོ་ངན་ལྟས་ངན་སྟོང་ཡས་བཀལ། །ལུང་གསུམ་མདོ་ཡི་མར་མདོར་བསྐྱལ། །དེ་ནི་སྨྲ་མི་འཚེར་རྩུབ་ཞི། །སྨྲ་མའི་དྲན་པ་སྐག་ལས་ཐར། །སྨྲ་མའི་ཕན་ལ་གཏོ་ཡང་བརྩི། །མོ་སོགས་ངན་པ་ཐམས་ཅད་སྒྱུར། །དེ་རིང་སྔོན་གྱི་དཔེ་བཞིན་ཏུ། །རྒྱུ་སྦྱོར་ཡོན་གྱི་བདག་པོ་ཡི། །ཚེ་གླུད་སྲོག་སྐྱིན་འཇལ་སླད་དུ། །གདུག་པའི་མི་ནག་མགོ་གསུམ་བཞེངས། །དྲག་པོ་མི་དམར་མགོ་གསུམ་སྣ་ཁྲིད་བྱས། །ནག་མོ་རྔ་ཞོན་གཡས་ན་

[Full Size]

རྔམ། །གཡོན་ན་མི་ཁ་བྲ་མཆུ་རྒྱུག །སྟོབས་ཆེན་གླང་པོ་རོལ་དུ་ཁྲིད། །སླ་ང་ནག་པོའི་གདན་ལ་བཞག །རེ་བ་ནག་པོའི་གུར་ཡང་ཕུབ། །ནམ་མཁའ་མདའ་འཕང་རྒྱང་བུ་བཤམ། །དེ་ལྟར་ཡས་གླུད་ཚང་བ་འདི། །བདག་དང་ཡོན་བདག་སྐུ་གླུད་འདི། །ཚེ་སྐྱིན་སྲོག་གླུད་བཞེས་སུ་གསོལ། །དེ་རིང་སྣ་ཁྲིད་ཡས་རྣམས་འབུལ། །སྐག་དང་ཀིང་ཀཾ་ཞི་བར་མཛོད། །མོ་ངན་རྨི་ངན་ཐམས་ཅད་སྒྱུར། །ཟློག་སྒྱུར་མཛོད་ཅིག་མགོ་གསུམ་པོ། །མདོས་སྣ་ཁྲིད་ཅིག་གདུག་པ་ཅན། །ཡམས་སྣ་ཁྲིད་ཅིག་རྔ་ཞོན་མ། །ཁྱེད་རྣམས་སྟོབས་ཆེན་ཤུགས་དྲག་པ། །ཀོང་ཙེ་འཕྲུལ་རྒྱལ་བཀའ་བཞིན་ཏུ། །དེ་རིང་ལས་བཅོལ་འགྲུབ་པར་མཛོད། །ཟ་ཁ་འཐུང་ཁ་དགྲ་ལ་སྟོན། །གནས་འདིར་མ་འདུག་མྱུར་དུ་དེང་། །ལས་བཅོལ་གཉེར་གཏད་གཉེར་མ་ཆུང་། །གླང་ཆེན་སྣ་བསྒྱུར་བྱ་བ་ནི་འདི་སྐད་དོ། ན་མོ། འཕགས་པའི་ཚོགས་རྣམས་དགོངས་སུ་གསོལ། །བསྐལ་པ་དང་པོའི་སྔ་རོལ་ན། །སངས་རྒྱས་མཚན་ནི་མར་མེ་མཛད། །བསྐལ་པའི་མིང་ནི་བྲ་བ་བཟང་། །དུས་དང་བསྐལ་པ་དེ་ཙམ་ན། །བདུད་ཀྱི་རྒྱལ་པོའི་

[Full Size]

སྤྲུལ་པས་ཁྱབ། །གདུག་པའི་སེམས་དང་མ་བྲལ་ནས། །ལྷ་མི་ཀུན་ལ་གནོད་པ་བྱས། །བདུད་ཀྱི་གླང་པོའི་སྤྲུལ་པས་ཁྱབ། །ལག་ན་གཤིན་རྗེའི་ཁྲམ་ཤིང་བཟུང་། འཇིག་རྟེན་ཁམས་ཀུན་བརླག་ལ་ཁད། །དེ་ཉིད་ལྷ་དབང་བརྒྱ་བྱིན་གྱིས། །བཅོམ་ལྡན་འདས་ལ་ཞུ་བ་ཕུལ། །གནོད་སྦྱིན་ནག་པོ་བྱ་བ་དེས། །སྔོན་ཡང་ལས་ཀྱི་རྣམ་སྨིན་གྱི། །ད་ལྟ་བགེགས་ཀྱི་རྒྱལ་པོར་སྐྱེས། །དེ་ལྟར་གནོད་སྦྱིན་བྱ་བ་དེས། །བཅོམ་ལྡན་འདས་ཀྱི་ཐུགས་རྗེ་དང་། །ཕྱག་ན་རྡོ་རྗེའི་མཐུ་སྟོབས་ཀྱིས། །བདུད་ཀྱི་གླང་ངོ་བཟློག་པའི་ཕྱིར། །གླང་ཆེན་ས་ལ་རབ་བརྟན་སྤྲུལ་པ་བྱས། །འོད་ཟེར་སྤྲུལ་པ་སྟོང་དང་བཅས། །ཡེ་ཤེས་ལྔ་ཡི་དབུ་རྒྱན་ཅན། །མཆེ་བ་བཞི་དང་ཡན་ལག་བཞི། །བདུད་ཁམས་ཟིལ་གྱིས་ནོན་པའི་གླང་། །གླང་ཆེན་རབ་བརྟན་ཐུགས་རྗེའི་སྤྲུལ་པའི་གླང་། །ཁ་དོག་དཀར་ལ་རྒྱས་པའི་གླང་། །གླང་བུ་ནག་བཀྲ་སྲི་ཡི་གླང་། །གླང་བུ་ཁྲ་བོ་དྲི་ཟའི་གླང་། །གླང་བུ་དམར་པོ་བཙན་གྱི་གླང་། །གླང་བུ་སྟག་བྲེ་ཀླུ་ཡི་གླང་། །གླང་བུ་སྔོ་བཀྲ་གཉན་གྱི་གླིང་། །བདེ་བར་གཤེགས་པའི་བྱིན་རླབས་དང་། །གླང་ཆེན་

[Full Size]

འདི་ཡི་བྱིན་རླབས་ཀྱིས། །ཁྲོ་རྒྱལ་བཅུ་ཡི་སྤྲུལ་པ་ལས། །ལས་དང་ཉོན་མོངས་ཐམས་ཅད་སྒྱུར། །ཤར་ཕྱོགས་དྲི་ཟའི་གདོན་རྣམས་སྒྱུར། །ལྷོ་ཕྱོགས་གྲུལ་བུམ་གདོན་རྣམས་སྒྱུར། །ནུབ་ཕྱོགས་ཀླུ་ཡི་གདོན་རྣམས་སྒྱུར། །བྱང་ཕྱོགས་གནོད་སྦྱིན་གདོན་རྣམས་སྒྱུར། །ཤར་ལྷོ་མེ་ལྷའི་གདོན་རྣམས་སྒྱུར། །ལྷོ་ནུབ་སྲིན་པོའི་བྱེད་གདོན་རྣམས་སྒྱུར། །ནུབ་བྱང་རླུང་ལྷའི་གདོན་རྣམས་སྒྱུར། །བྱང་ཤར་དབང་ལྡན་གདོན་རྣམས་སྒྱུར། །སྟེང་ཕྱོགས་གནམ་ཐེལ་གདོན་རྣམས་སྒྱུར། །འོག་ཕྱོགས་ས་ཐེལ་གདོན་རྣམས་སྒྱུར། །གདོན་རིགས་དེ་རྣམས་ཐམས་ཅད་ཀྱང་། །བདུད་གླང་ནག་པོར་བཀལ་བས་སྒྱུར། །བཙན་གླང་དམར་པོར་བཀལ་བས་སྒྱུར། །གཉན་གླིང་སྔོ་བཀྲ་བཀལ་བས་སྒྱུར། །བདག་དང་རྒྱུ་སྦྱོར་ཡོན་བདག་ལ། །མི་ཕྱུགས་ཀུན་གྱི་ལྟས་ངན་དང་། །མོ་སོགས་འཚེར་རྩུབ་ངན་པ་ཀུན། །གནོད་སྦྱིན་བདུད་གླང་བཀལ་ནས་སྒྱུར། །ཆུ་ལ་དབང་བྱེད་གླིང་གི་རྒྱལ་པོ་སྟེ། །བག་སྣ་སྐྱེས་སྣ་ངན་པ་རྣམས། །ཀླུ་གླང་ནག་པོ་འདི་ལ་བཀལ་ཏེ་སྒྱུར། །ཕྱོགས་བཞི་མཚམས་བརྒྱད་སྟེང་འོག་བཅུ། །གདོན་རིགས་

[Full Size]

ཐམས་ཅད་གླང་འདི་བཀལ་ཏེ་སྒྱུར། །ན་མོ་སྔོན་གྱི་འཇིག་རྟེན་ཁམས་དག་ན། །སེམས་ཅན་གདུག་པ་ཅན་ཞེས་བྱ་བ་དེས། །ལྷ་མིའི་ཁམས་ན་གདུག་པ་བསྟེན། །ལྷ་དང་མི་ཡི་ཁམས་ཀུན་བརླག །བདེ་གཤེགས་རྒྱལ་བའི་བྱིན་རླབས་ཀྱིས། །བདུད་དང་བཙན་དང་གནོད་སྦྱིན་རྣམས། །གླང་བུ་སྟག་བྲེ་འདི་ལ་བཀལ་ཏེ་སྒྱུར། །དེ་རིང་ཡོན་བདག་འདི་དག་གི །སྡང་བའི་དགྲ་དང་གནོད་པའི་བགེགས། །མཚེར་རྩུབ་ངན་པ་ཐམས་ཅད་ཀུན། །ས་གླང་འདི་ལ་བཀལ་ཏེ་སྒྱུར། །མོ་ངན་མཚེར་རྩུབ་ངན་པ་ཐམས་ཅད་ཀུན། །གནོད་སྦྱིན་བདུད་གླང་འདི་ལ་བཀལ་ཏེ་སྒྱུར། །བྱ་ལམ་དང་པོ་མཛོ་པོ་སྣ་བཤལ་དང་། །མགྲོན་སྣ་བག་སྣ་སྐྱས་སྣ་དང་། །བཙོན་སྣ་བྱུར་སྡིག་ངན་པ་རྣམས། །གླང་ཆེན་འདི་ལ་བཀལ་ནས་སྒྱུར། །ཡོན་གྱི་བདག་པོ་འདི་དག་གིས། །དགྲ་འདྲེ་གདོན་གསུམ་ཐམས་ཅད་ཀུན། །གླང་ཆེན་འདི་ལ་བཀལ་ཏེ་སྒྱུར། །དབྱར་གྱི་ཟླ་གསུམ་དཀར་གྱི་སྒྲེན་པ་དང་། །དགུན་གྱི་ཟླ་གསུམ་སྐྱ་ལ་བསྒྲེན་པ་དང་། །དཔྱིད་ཟླ་གསུམ་ལ་དམར་ལ་བསྒྲེན་པ་དང་། །སྟོན་ཟླ་གསུམ་ལ་སྐྱུར་བའི་བསྙེན་པ་དང་། །བསྒེན་འདྲེ་

[Full Size]

བསྒྲེན་སྲི་ཐམས་ཅད་ཀུན། །ས་གླང་འདི་ལ་བཀལ་ནས་སྒྱུར། །དབྱར་ཟླ་གསུམ་ལ་དཀར་གྱི་ཐབ། །སྟོན་ཟླ་གསུམ་ལ་སྐྱུར་གྱི་ཐབ། །དཔྱིད་ཟླ་གསུམ་ལ་ཆུ་ཡི་ཐབ། །དགུན་ཟླ་གསུམ་ལ་དམར་གྱི་ཐབ། །ཐབ་དང་སྲི་དང་གཞོབ་འདྲེ་རྣམས། །གླང་ཆེན་འདི་ལ་བཀལ་ཏེ་སྒྱུར། །བན་བོན་ལྷ་འདྲེའི་དམོད་བྱེད་དང་། །ཡུལ་འདྲེ་ཐེའུ་རང་སྤུན་དགུ་རྣམས། །གླང་ཆེན་འདི་ལ་བཀལ་ཏེ་སྒྱུར། །ཐན་ལྟས་མི་ཁ་ངན་པ་དང་། །དགྲ་སྣ་གོད་འདྲེ་གོད་སྲི་རྣམས། །གླང་ཆེན་འདི་ལ་བཀའ་ཏེ་སྒྱུར། །རྨི་ལམ་མཚན་མ་ངན་པ་རྣམས། །གླང་ཆེན་འདི་ལ་བཀལ་ཏེ་སྒྱུར། །ང་ནི་བསྒྱུར་བའི་རྒྱལ་པོ་ཡིན། །ང་ཡི་བཀའ་ལ་མ་འདའ་ཞིག །བདེ་བར་གཤེགས་པའི་བྱིན་རླབས་དང་། །གླང་ཆེན་འདི་ཡི་མཐུ་སྟོབས་ཀྱིས། །སྐྱས་སྣ་བག་སྣ་ངན་པ་རྣམས། །གླང་ཆེན་འདི་ཡིས་བསྒྱུར་ཞིང་ཟློག །ས་མཱ་ཡ་ཟློག་ཟློག །གླང་ཆེན་སྣ་བསྒྱུར་རྫོགས་སོ།། །། ༈ དེ་ནས་གཡང་ལེན་ནི། །ཀྱཻ། མཐོ་སྲིད་པའི་རྩེ་མོ་མན་ཆད་དང་། །དམའ་ན་རག་དམྱལ་ཁམས་ཡན་ཆད་ནས། །ཡེ་ཤེས་ལྷ་ཚོགས་བསམ་མི་ཁྱབ། །ཁྱེད་ཀྱི་ཐུགས་

[Full Size]

རྗེའི་ཀུན་ལ་ཁྱབ། །སྐུ་དང་གསུང་དང་ཐུགས་དང་གསུམ། །རྣལ་འབྱོར་བདག་ལ་བྱིན་གྱིས་རློབས། །བླ་མ་ཡི་དམ་དཀོན་མཆོག་གསུམ། །མདོས་ལ་མི་བརྫོང་གཡང་དུ་ལེན། །གནས་གསུམ་དཔའ་བོ་མཁའ་འགྲོ་རྣམས། །མདོས་ལ་མི་བརྫོང་གཡང་དུ་ལེན། །ཆོས་སྐྱོང་སྲུང་མའི་ལྷ་ཚོགས་རྣམས། །མདོས་ལ་མི་བརྗོ་ང་གཡང་དུ་ལེན། །རྣལ་འབྱོར་བདག་ལ་བྱིན་གྱིས་རློབས། །ཕ་མྱེས་ཀུན་གྱི་སྲུང་མ་དང་། །རང་ལ་འགོ་བའི་ལྷ་སྲུང་རྣམས། །མདོས་ལ་མི་བརྫོང་གཡང་དུ་ལེན། །མ་ལྷ་ཞང་ལྷ་ཡུལ་ལྷ་དང་། །མགོན་སྐྱོབ་བྱེད་པའི་ལྷ་སྲུང་རྣམས། །མདོས་ལ་མི་བརྫོང་གཡང་དུ་ལེན། །དབེན་གནས་གཉན་གྱི་སྲུང་མ་དང་། །མགོན་སྐྱོབ་བྱེད་པའི་ལྷ་སྲུང་རྣམས། །མདོས་ལ་མི་བརྫོང་གཡང་དུ་ལེན། །རྣལ་འབྱོར་བདག་ལ་བྱིན་གྱིས་རློབས། །ཕོ་ལྷ་དགྲ་ལྷ་ཝེར་མ་དང་། །ཡུལ་ལྷ་ཁྱིམ་ལྷ་ནོར་ལྷ་རྣམས། །མདོས་ལ་མི་བརྫོང་གཡང་དུ་ལེན། །བདག་གི་མཐུ་དཔུང་རྒྱབ་རྟེན་མཛོད། །འདོད་ཡོན་རིན་ཆེན་སྣ་ལྔ་དང་། །རྒྱལ་སྲིད་རིན་ཆེན་སྣ་བདུན་དང་། །བཀྲ་ཤིས་རྟགས་བརྒྱད་ལ་སོགས་རྣམས། །

[Full Size]

མདོས་ལ་མི་བརྫོང་གཡང་དུ་ལེན། །དཔག་བསམ་ཤིང་དང་འདོད་འཇོའི་བ། །མ་རྨོས་པ་ཡི་ལོ་ཏོག་རྣམས། །མདོས་ལ་མི་བརྫོང་གཡང་དུ་ལེན། །འཆི་མེད་ཚེ་དང་བདུད་རྩིའི་སྨན། །རིན་ཆེན་གཏེར་གྱི་ལོངས་སྤྱོད་རྣམས། །མདོས་ལ་མི་བརྫོང་གཡང་དུ་ལེན། །ཚེ་གཡང་ཕྱུག་གཡང་འཕན་གཡང་དང་། །ནོར་གཡང་ལུག་གཡང་ཟས་གཡང་རྣམས། །མདོས་ལ་མི་བརྫོང་གཡང་དུ་ལེན། །བཙན་གཡང་དར་གཡང་ལོངས་སྤྱོད་གཡང་། །མདོས་ལ་མི་བརྫོང་གཡང་དུ་ལེན། །ས་བདག་ལོངས་སྤྱོད་དངོས་གྲུབ་རྣམས། །བཀྲ་ཤིས་གཡང་རྣམས་བརྟན་གྱུར་ཅིག །ཅེས་རིགས་གསུམ་མགོན་པོའི་ཙཀ་ལི་བླངས་ལ་རང་གི་གནས་གསུམ་དུ་གཏུགས། །མདའ་དར་གཡབ་ཅིང་ཕྱེ་མར་ཆང་ཕུད་ཟས་སྣ་གང་ཡོད་རང་དང་ཀེང་ཡོན་བདག་ལ་དངོས་གྲུབ་ཏུ་རོལ། སྦྲ་ཁང་ཀ་བ་ལ་ཕྱེ་མར་བརྒྱན་དཀར་པོ་མགོ་གསུམ་བཅས་ལ་རྒྱལ་སྲིད་སྣ་བདུན་བཀྲ་ཤིས་རྟགས་བརྒྱད་ཙཀ་ལི་དང་བཅས་རང་གི་ལུས་ལ་བཅངས་སྤར་བརྡབ་པའི་གཟུགས་ཡོད་ན་དངོས་གྲུབ་ཏུ་རོལ་གཡང་གེལ་ཡོད་ན་ཟས་ཕུད་འབྲུ་སྣའི་ཕུད་ཟན་གྱི་པར་བརྡབ་གཟུགས་འགྲོས་རྣམས་དེར་བཅུག་ཅིང་། ཀ་བ་ལ་བཅིངས། ཕྱི་ནང་མཛོད་ཕུག་གམ་སྒྲོམ་དུ་སྦས། དེ་ནས་མདོས་ནང་དུ་གསེར་སྐྱེམས་གཏོར་ལ་སྒོ་དབྱེ་གཞུང་ལྟར་

[Full Size]

བྱའོ།། །། ༈ ནག་པོ་མགོ་གསུམ་སྒོ་དབྱེ་བཞུགས་སོ།། དེ་ནས་ཤར་གྱི་མར་མེ་གཏམས། གསེར་སྐྱེམས་མཆོད་ལ་འདི་སྐད་དོ།། ཧཱུྃ། ང་ནི་འཕགས་པ་འཇམ་དཔལ་ནག་པོ་ཆེ། །མི་ནག་ཁྱོད་ཀྱི་སྒོ་སྲུང་ནི། །བུད་མེད་མི་བཟད་འཇིགས་པའི་གཟུགས། །ནད་ཀྱི་དྲེལ་རྟ་རྐང་གསུམ་ཞོན། །ཕྱག་ན་ནད་ཀྱི་རྐྱལ་པ་བསྣམས། །གོས་སུ་ནད་གོས་སྣ་ཚོགས་གྱོན། །མི་རོ་བམ་པོ་རྒྱབ་ན་ཁུར། །འཁོར་དུ་མ་ཡམས་འབུམ་གྱིས་བསྐོར། །མགོ་གསུམ་མདོས་སྒོ་ཤར་དུ་དོད། །ཤར་ཕྱོགས་ཤིང་སྒོ་ལྗང་ཁུ་སྟེ། །འབྱུང་བ་ཤིང་སྒོ་ཤར་དུ་ཕྱེས། །གླུད་འགྲོ་ཤར་དུ་འགྲོ་བར་གྱིས། །གསེར་སྐྱེམས་དམ་པ་འདི་བཞེས་ལ། །མདོས་སྒོ་ཤར་དུ་དབྱེ་དུ་གསོལ། །ཡང་ལྷོ་ཕྱོགས་མར་མེ་གསེར་སྐྱེམས་བཏང་ལ། །མི་ནག་ཁྱོད་ཀྱི་སྒོ་སྲུང་ནི། །མི་དམར་མགོ་གསུམ་འཇིགས་པའི་གཟུགས། །ཕྱག་ན་སྐྱེར་པའི་མདའ་གཞུ་བསྣམས། །འཁོར་དུ་མི་དམར་འབུམ་གྱིས་བསྐོར། །སེམས་ཅན་རྣམས་ཀྱི་དྲོད་མདངས་འཕྲོག །མགོ་གསུམ་མདོས་སྒོ་ལྷོ་རུ་དོད། །ལྷོ་ཕྱོགས་མེ་སྒོ་དམར་པོ་སྟེ། །འབྱུང་བ་མེ་སྒོ་ལྷོ་རུ་ཕྱེས། །གླུད་འགྲོ་ལྷོ་རུ་འགྲོ་བར་

[Full Size]

གྱིས། །གསེར་སྐྱེམས་དམ་པ་འདི་བཞེས་ལ། །མདོས་སྒོ་ལྷོ་རུ་འབྱེད་དུ་གསོལ། །ཡང་ནུབ་ཀྱི་མར་མེ་སྦར་ཞིང་། གསེར་སྐྱེམས་བཏང་ལ། ཧཱུྃ། མི་ནག་ཁྱོད་ཀྱི་སྒོ་སྲུང་ནི། །མི་ནག་འཇིགས་པའི་ཆ་བྱད་ཅན། །བདུད་རྟ་ནག་པོ་འོག་ན་ཆིབས། །ཕྱག་ན་མདུང་དར་ནག་པོ་བསྣམས། །འཁོར་དུ་བདུད་དམག་འབུམ་གྱིས་བསྐོར། །བློ་མགོ་གསུམ་མདོས་སྒོ་ནུབ་ཏུ་དོད། །ནུབ་ཕྱོགས་ལྕགས་སྒོ་དཀར་པོ་སྟེ། །འབྱུང་བ་ལྕགས་སྒོ་ནུབ་ཏུ་ཕྱེས། །གླུད་འགྲོ་ནུབ་ཏུ་འགྲོ་བར་གྱིས། །གསེར་སྐྱེམས་མཆོད་པ་འདི་བཞེས་ལ། །མདོས་སྒོ་ནུབ་ཏུ་འབྱེད་དུ་གསོལ། །ཡང་གསེར་སྐྱེམས་བཏང་ཞིང་། བྱང་གི་མར་མེ་གཏམས་ལ། ཧཱུྃ། མི་ནག་ཁྱོད་ཀྱི་སྒོ་སྲུང་ནི། །མི་ཁའི་རྒྱལ་མོ་བྲ་མཆུ་མ། །མགོ་བོ་འཇིགས་བྱེད་བྲ་བའི་དབུ། །འདབ་མ་བྱུར་གྱི་གཤོག་བརྡབས་པས། །སྟོང་གསུམ་མི་ཁ་ཐམས་ཅད་སྡུད། །མི་ཁའི་བུ་མོ་འབུམ་གྱིས་བསྐོར། །མགོ་གསུམ་མདོས་སྒོ་བྱང་དུ་དོད། །བྱང་ཕྱོགས་ཆུ་སྒོ་སྔོན་མོ་སྟེ། །འབྱུང་བ་ཆུ་སྒོ་བྱང་དུ་ཕྱེས། །གླུད་འགྲོ་བྱང་དུ་འགྲོ་བར་གྱིས། །གསེར་སྐྱེམས་མཆོད་པ་འདི་བཞེས་ལ། །མདོས་སྒོ་བྱང་དུ་

[Full Size]

འབྱེད་དུ་གསོལ། །ཅེས་གསེར་སྐྱེམས་ཕྱོགས་བཞིར་གཏོར། མདོད་སྒོ་དབྱེ་བའོ།། སྒོ་དབྱེ་འདོན། དེ་ནས་མགོ་གསུམ་གྱི་ལམ་བསྟན་པ་ནི། མདོས་ཞལ་ཕྱིར་གྱུ་ལ། །ཀྱཻ། སྲིད་པའི་ས་བདག་མཐུ་བོ་ཆེ། ཞེས་པ་ནས་འདོན་པར་སྔར་རིག་འཛིན་གོང་མའི་ཕྱག་ལེན་ལྟར་བྱའོ། ། ༈ །དེ་ནས་ཕྱི་ནས་གསེར་སྐྱེམས་མཆོད་ལ་སྒོ་དབྱེ་ལམ་བསྟན་པ་ནི། །ཀྱཻ། ཀོང་ཙེ་འཕྲུལ་གྱི་རྒྱལ་པོ་ཡིས། །གཏོ་ཡས་གླད་ཀྱིས་ཐམས་ཅད་བཅོས། །ངན་དགུ་དུག་བཅུ་ཐམས་ཅད་སྒྱུར། །གཏོ་དང་ཡས་ཀྱིས་ཐམས་ཅད་ཚིམ། །མགུ་ཞིང་རྒྱས་པར་སྨོན་ལམ་འདེབས། །འདོད་པའི་ལོངས་སྤྱོད་ཡ་མཚན་བསྐོར། །གླུད་དུ་བསྔོས་པའི་ཡས་སྟགས་རྣམས། །ད་ནི་ཐ་མ་སྒོ་དབྱེ་འཚལ། །ཀྱཻ། ཕྱོགས་བཞི་སྒོ་བཞི་མ་ཕྱེས་ན། །གཏོ་ཡས་བསགས་པ་གང་དུ་གཏོང་། །ད་ནི་གཏོ་སྒོ་ཤར་དུ་ཕྱེས། །གཏོ་ཡི་ལམ་བསྟན་ཤར་དུ་བསྟན། །ཤར་ཕྱོགས་དྲི་ཟའི་རྒྱལ་པོ་ཡུལ་འཁོར་སྲུང་། །ཕྲག་མ་དོག་ལ་རུ་མ་ང་། །ས་བདག་སྟག་སྐྱ་ཞེ་སྡང་ཆེ། །གདུག་པ་མ་སྟོན་ཞེ་སྡང་མ་བྱེད་ཅིག །གཏོ་ཡས་གླུད་ཀྱི་སྣ་ལ་བསྐྱིལ། །གསེར་སྐྱེམས་མཆོད་པ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །གདུག་པའི་

[Full Size]

མདའ་རྒོད་མ་འཕེན་ཞིག །བཅོལ་བའི་ཕྲིན་ལས་འགྲུབ་པར་མཛོད། །གསེར་སྐྱེམས་མཆོད། ཤར་གྱི་རྩང་གཅིག་ཤབ། གཏོ་ཡི་ལམ་བསྟན་ལྷོ་རུ་བསྟན། །གཏོ་ཡི་སྒོ་དབྱེ་ལྷོ་རུ་དབྱེ། །ལྷོ་ཕྱོགས་གཤིན་རྗེ་འཕགས་སྐྱེས་པོ། །ཕྲག་མ་དོག་ལ་རུ་མ་ང་། །ས་བདག་འབྲུག་སྔོན་ང་རྒྱལ་ཅན། །གདུག་པའི་ཕྲག་དོག་མ་བྱེད་ཅིག །གཏོ་ཡས་གླུད་ཀྱི་སྣ་ལ་བསྐྱིལ། །གསེར་སྐྱེམས་མཆོད་པ་འདི་བཞེས་ལ། །བོདག་དང་ཡོན་བདག་འཁོར་བཅས་ལ། །ང་རྒྱལ་གདུག་པ་མ་སྟོན་ཅིག །བཅོལ་བའི་ཕྲིན་ལས་འགྲུབ་པར་མཛོད། །གསེར་སྐྱེམས་མཆོད། ལྷོ་ཡི་ཆུང་གཅིག་ཤབ། གཏོ་ཡི་ལམ་བསྟན་ནུབ་ཏུ་བསྟན། །གླུད་ཀྱི་སྒོ་ཕྱེ་ནུབ་ཏུ་ཕྱེ། །ནུབ་ཕྱོགས་ཀླུ་གདོན་སྤྱན་མི་བཟང་། །ཕྲག་མ་དོག་ལ་རུ་མ་ང་། །ས་བདག་བྱ་དམར་འདོད་ཆགས་ཆེ། །གདུག་པའི་འདོད་ཆགས་དུག་མ་སྦྱོར། །གསེར་སྐྱེམས་མཆོད་པ་འདི་བཞེས་ལ། །གཏོ་ཡས་གླུད་ཀྱི་སྣ་ལ་བསྐྱིལ། །བདག་དང་ཡོན་བདག་འཁོར་བཅས་ལ། །འདོད་ཆགས་མེ་ཆེན་མ་སྦར་ཅིག །བཅོལ་བའི་ཕྲིན་ལས་འགྲུབ་པར་མཛོད། །གསེར་སྐྱེམས་མཆོད། ནུབ་ཀྱི་རྩང་གཅིག་

[Full Size]

ཤབ། གཏོ་ཡི་ལམ་བསྟན་བྱང་དུ་བསྟན། །གཏོ་གླུད་སྒོ་དབྱེ་བྱང་དུ་དབྱེ། །བྱང་ཕྱོགས་གནོད་སྦྱིན་རྣམ་ཐོས་སྲས། །ཕྲོག་མ་དོག་ལ་རུ་མ་ང་། །ས་བདག་རུས་སྦལ་གདུག་པ་ཅན། །གདུག་པའི་ཐོག་སེར་མ་འབེབས་ཤིག །གསེར་སྐྱེམས་མཆོད་པ་འདི་བཞེས་ལ། །གཏོ་ཡས་གླུད་ཀྱི་སྣ་ལ་བསྐྱིལ། །བདག་དང་ཡོན་བདག་འཁོར་བཅས་ལ། །གཏི་མུག་ཁྲོས་པའི་ཞེ་མ་ནག །བཅོལ་བའི་ཕྲིན་ལས་འགྲུབ་པར་མཛོད། །གསེར་སྐྱེམས་མཆོད། བྱང་གི་རྩང་གཅིག་ཤབ། གཏོ་ཡི་ལམ་བསྟན་མཚམས་བཞིར་བསྟན། །གཏོ་གླུད་སྒོ་དབྱེ་མཚམས་བཞིར་དབྱེ། །མཚམས་བཞི་བསྲུང་བའི་དབང་ལྡན་ལྷ། །མེ་སྲིན་རླུང་ལྷ་རྫུ་འཕྲུལ་ཅན། །ས་བདག་རྒྱལ་བློན་འབངས་དང་བཅས། །ཕྲག་མ་དོག་ལ་རུ་མ་ང་། །གསེར་སྐྱེམས་མཆོད་པ་འདི་བཞེས་ལ། །གཏོ་ཡས་གླུད་འཕྲང་མ་དགག་ཅིག །བདག་དང་ཡོན་བདག་འཁོར་བཅས་ལ། །ཕྲག་དོག་རུ་ང་མ་མཛད་ཅིག ། གཏོ་ཡི་ལམ་བསྟན་སྟེང་དུ་བསྟན། །གནམ་རིམ་པ་བཅུ་གསུམ་ཡང་རྩེ་ནས། །གནམ་ཁྱི་གངས་རྒྱལ་འོ་དོད་འབོད། །དགུ་ཚིགས་གཞུང་རིང་མདོས་ལམ་བསྟན། །གཏོ་གླུད་

[Full Size]

གཉེན་པོ་ཡར་གཤེགས་ལ། །གནམ་བདུད་སྡེ་བརྒྱད་ཁ་ཁོག་ཅིག །གསེར་སྐྱེམས་མཆོད་པ་འདི་བཞེས་ལ། །གླུད་མདོས་ལམ་བསྟན་འོག་ཏུ་བསྟན། །རྒྱ་མཚོ་མཐའ་མེད་གཏིང་རུམ་ནས། །ཀླུ་སྲིན་གདུག་པ་འོ་དོད་འབོད། །གཏོ་གླུད་གཉེན་པོ་དེར་གཤེགས་ཤིག །ཀླུ་སྲིན་གདུག་པའི་ཁ་ཁོག་ཅིག །གསེར་སྐྱེམས་མཆོད་པ་འདི་བཞེས་ལ། །རི་རབ་གླིང་བཞིའི་ཕ་རོལ་ན། །ལྕགས་རི་ནག་པོའི་ཁྱུད་འཁོར་ན། །གནོད་སྦྱིན་ཀུན་ཏུ་རྒྱལ་བ་བཞུགས། །ཉི་ཟླའི་འོད་ནི་མི་ཤར་ཏེ། །རྟག་ཏུ་མུན་པ་འཐིབ་པ་དེར། །གཏོ་གླུད་ལམ་བསྟན་དེ་རུ་བསྟན། །ལྕགས་གྱི་རྔ་མོང་ལ་བསྐྱོན་ནས། །ལྕགས་རི་ནག་པོའི་མ་མཐར་བསྐྱལ། །སྐད་ཅིག་ཡུད་ཙམ་དེ་རུ་བྱོན། །མི་དང་གླུད་གཉིས་རྗེ་བ་དེར། །སྐུ་གླུད་ཁྱོད་ལ་བཏང་བར་བྱ། །ལྕགས་རི་ནག་པོའི་ཐ་མ་ན། །མུན་ནག་འཐིབས་པའི་གཞལ་ཡས་ན། །སྦལ་པས་རྟ་སྐད་འཚེར་བ་ཡོད། །ལྕོང་མོས་འབྲི་སྐད་ངུར་བ་ཡོད། །སྡིག་པས་གཡག་སྐད་ངར་བ་ཡོད། །སྟག་གི་ངར་སྐད་དེ་ན་ཡོད། །སྦྲུལ་ཆེན་མི་ལྟར་ལངས་པ་ཡོད། །དྲེགས་པ་ཁྲོམ་ལྟར་འཚོགས་པ་

[Full Size]

ཡོད། །གཏོ་གླུད་གཉེན་པོ་དེར་གཤེགས་ཤིག །ཆག་ཆེན་ཉམ་ང་ཐམས་ཅད་ཟློག །ལམ་བསྟན་སྒོ་དབྱེ་རྫོགས་སོ།། །། ༈ དེ་ནས་མདོས་ཁ་ཕྱིར་བསྒྱུར་ཏེ། ལམ་བསྟན་ནི། །ཀྱཻ། སྲིད་པའི་ས་བདག་མཐུ་བོ་ཆེ། །འབྱུང་བ་ལྔ་ཡི་ས་བདག་དང་། །མི་ནག་མགོ་གསུམ་འཁོར་བཅས་ཁྱོད། །ཤར་གྱི་ཕྱོགས་སུ་ལམ་བསྟན་ནོ། །ཤར་གྱི་ཕྱོགས་ན་བཞུགས་པ་ཡི། །བདུད་བཙན་ལྷ་འདྲེ་ཐམས་ཅད་ཀྱིས། །ཁྱོད་གར་འགྲོ་སུས་བཏང་ཟེར་བ་ན། །ཁྱོད་ཀྱིས་འདི་སྐད་ལན་ཐོབ་ཅིག །བདག་དང་རྒྱུ་སྦྱོར་ཡོན་བདག་གི །སྐུ་གླུད་རིན་ཚབ་ཡིན་ནོ་གྱིས། །ཤར་གྱི་ཕྱོགས་ན་གནས་པ་ཡི། །བདུད་བཙན་ལྷ་འདྲེའི་ཁ་ཁོག་ཅིག །ཤར་ཕྱོགས་བདུད་བཙན་ངོ་ལོངས་ཤིག །ཤར་ཕྱོགས་ལྷ་འདྲེ་བཟློག་ཏུ་གསོལ། །ཀྱཻ། སྲིད་པའི་ས་བདག་མཐུ་བོ་ཆེ། །འབྱུང་བ་ལྔ་ཡི་ས་བདག་དང་། །མི་ནག་མགོ་གསུམ་འཁོར་བཅས་ཁྱོད། །ལྷོ་ཡི་ཕྱོགས་སུ་ལམ་བསྟན་ནོ། །ལྷོ་ཡི་ཕྱོགས་ན་བཞུགས་པ་ཡི། །བདུད་བཙན་ལྷ་འདྲེ་ཐམས་ཅད་ཀྱིས། །ཁྱོད་གར་འགྲོ་སུས་བཏང་ཟེར་བ་ན། །ཁྱོད་ཀྱིས་འདི་སྐད་ལན་ཐོབ་ཅིག །བདག་དང་རྒྱུ་སྦྱོར་ཡོན་

[Full Size]

བདག་གི །ཀླུ་གླུད་རིན་ཚབ་ཡིན་ནོ་གྱིས། །ལྷོ་ཡི་ཕྱོགས་ན་གནས་པ་ཡི། །བདུད་བཙན་ལྷ་འདྲེའི་ཁ་ཁོག་ཅིག །ལྷོ་ཕྱོགས་བདུད་བཙན་ངོ་ལོངས་ཤིག །ལྷོ་ཕྱོགས་དགྲ་འདྲེ་བཟློག་ཏུ་གསོལ། །ཀྱཻ། སྲིད་པའི་ས་བདག་མཐུ་བོ་ཆེ། །འབྱུང་བ་ལྔ་ཡི་ས་བདག་དང་། །མི་ནག་མགོ་གསུམ་འཁོར་བཅས་ཁྱོད། །ནུབ་ཀྱི་ཕྱོགས་སུ་ལམ་བསྟན་ནོ། །ནུབ་ཀྱི་ཕྱོགས་ན་བཞུགས་པ་ཡི། །བདུད་བཙན་ལྷ་འདྲེ་ཐམས་ཅད་ཀྱིས། །ཁྱོད་གར་འགྲོ་སུས་བཏང་ཟེར་བ་ན། །ཁྱོད་ཀྱིས་འདི་སྐད་ལན་ཐོབ་ཅིག །བདག་དང་རྒྱུ་སྦྱོར་ཡོན་བདག་གི །སྐུ་གླུད་རིན་ཚབ་ཡིན་ནོ་གྱིས། །ནུབ་གྱི་ཕྱོགས་ན་གནས་པ་ཡི། །བདུད་བཙན་ལྷ་འདྲེའི་ཁ་ཁོག་ཅིག །ནུབ་ཕྱོགས་བདུད་བཙན་ངོ་ལོངས་ཤིག །ནུབ་ཕྱོགས་དགྲ་འདྲེ་བཟློག་ཏུ་གསོལ།། །ཀྱཻ། སྲིད་པའི་ས་བདག་མཐུ་བོ་ཆེ། །འབྱུང་བ་ལྔ་ཡི་ས་བདག་དང་། །མི་ནག་མགོ་གསུམ་འཁོར་བཅས་ཁྱོད། །བྱང་གི་ཕྱོགས་སུ་ལམ་བསྟན་ནོ། །བྱང་གི་ཕྱོགས་ན་བཞུགས་པ་ཡི། །བདུད་བཙན་ལྷ་འདྲེ་ཐམས་ཅད་ཀྱིས། །ཁྱོད་གར་འགྲོ་སུས་བཏང་ཟེར་བ་ན། །ཁྱོད་

[Full Size]

ཀྱིས་འདི་སྐད་ལན་ཐོབ་ཅིག །བདག་དང་རྒྱུ་སྦྱོར་ཡོན་བདག་གི །སྐུ་གླུད་རིན་ཚབ་ཡིན་ནོ་གྱིས། །བྱང་གི་ཕྱོགས་ན་བཞུགས་པ་ཡི། །བདུད་བཙན་ལྷ་འདྲེའི་ཁ་ཁོག་ཅིག །བྱང་ཕྱོགས་བདུད་བཙན་ངོ་ལོངས་ཤིག །བྱང་ཕྱོགས་དགྲ་འདྲེ་བཟློག་ཏུ་གསོལ། །ཀྱཻ། སྲིད་པའི་ས་བདག་མཐུ་བོ་ཆེ། །འབྱུང་བ་ལྔ་ཡི་ས་བདག་དང་། །མི་ནག་མགོ་གསུམ་འཁོར་བཅས་ཀྱིས། །ལུང་གསུམ་མདོ་ན་ལམ་བསྟན་ནོ། །ཁྱོད་འདི་ནས་ལུང་གསུམ་མདོ་ན་སོང་། །ལུང་གསུམ་མདོ་ཡི་མར་མདའ་ན། །མ་བདུད་རྒྱལ་མོ་བྱ་བ་ཡོད། །ཁྱོད་སུ་ཡིན་གར་འགྲོ་ཟེར་བ་ན། །ཁྱོད་ཀྱིས་འདི་སྐད་ལན་ཐོབ་ཅིག །བདག་དང་རྒྱུ་སྦྱོར་ཡོན་བདག་གི །སྐུ་གླུད་རིན་ཚབ་ཡིན་ནོ་གྱིས། །མ་བདུད་སྲིན་མོ་ཁ་ཁོག་ཅིག །འདྲེ་སྲིན་བྱུར་གསུམ་ངོ་ལོངས་ཤིག །དགྲ་འདྲེ་ཐམས་ཅད་ཐུར་དུ་སྒྱུར། །ཕྱོགས་བཞི་མཚམས་བརྒྱད་སྟེང་འོག་གི །ལྷ་འདྲེས་རྒྱུག་འདུར་བྱེད་པ་ལ། །ཤག་ཐོབ་ངོ་ལོང་ཁ་ཁོག་ཅིག །གནོད་བྱེད་འབྱུང་པོ་ཁ་ཁོག་ཅིག །ལྷ་འདྲེ་ཡོངས་ཀྱི་ངོ་ལོངས་ཤིག །དགྲ་བོ་སོད་ལ་བགེགས་དཔུང་ཐུལ། །འཚེར་རྩུབ་སྒྱུར་ལ་སྐག་ངན་

[Full Size]

ཟློག །ཚེ་དུས་ཆོད་ལ་བརྒྱ་བཞི་སྤུང་། །བྱད་ཁ་ཟློག་ལ་ཡམས་ཁ་སྒྱུར། །རིམས་ནད་ཚད་གཟེར་ཐམས་ཅད་ཟློག །ཡེལ་ཟོར་དགྲ་བགེགས་སྟེང་དུ་ཟློག །མི་མཐུན་ལོ་ཟླ་ཞག་དུས་སྐག །བསམ་ངན་སྦྱོར་བ་ངན་པ་དང་། །བན་བྱེད་བོན་བྱད་དམོད་བྱད་དང་། །རྐུ་ཤོར་ཇག་ཤོམ་མཚོན་སྡང་དང་། །མི་མཐུན་མི་རུང་ཐམས་ཅད་ཀུན། །སྡང་བྱེད་དགྲ་ཡི་སྟེང་དུ་བྷྱོ༔ །གནོད་བྱེད་བགེགས་ཀྱི་སྟེང་དུ་བྷྱོ༔ །ཁ་འཇམ་སྙིང་ངན་སྟེང་དུ་བྷྱོ༔ །ས་མཱ་ཡ་བྷྱོབྷྱོཿ ཟློག་ཟློག ༈ །ཀྱཻ། མི་ལ་ནད་ལང་མདོས་ལ་སྤྲོས། །མི་ལ་འཁོན་ལང་མདོས་ལ་སྤོས། །མི་ལ་གྲིབ་ལང་མདོས་ལ་སྤོས། །མི་ལ་བྱུར་ལང་མདོས་ལ་སྤོས། །མི་ལ་འདྲེ་ལོང་མདོས་ལ་སྤོས། །མི་ལ་གྱོད་ལང་མདོས་ལ་སྤོས། །མི་ལ་དབུལ་ལང་མདོས་ལ་སྤོས། །མི་ལ་སྡིག་ལང་མདོས་ལ་སྤྲོས། །ཕྱུགས་ལ་གོད་ཁ་མདོས་ལ་སྤོས། །རྟ་ལ་ནད་ལང་མདོས་ལ་སྤོས། །ལུག་ལ་ཊྛནད་ལང་མདོས་ལ་སྤོས། །མོ་ལ་བཙོག་ལང་མདོས་ལ་སྤོས། །ཆུང་ལ་སྲི་ལང་མདོས་ལ་སྤོས། །དེ་རིང་མདོས་ལ་མི་སྤོ་རྒྱུ། །མདོས་བཅའ་དེ་ནི་ཡས་སུ་བཅའ། །མདོས་

[Full Size]

བརྒྱན་དེ་ནི་རྒྱན་དུ་བཅའ། །འདི་མ་བཏོན་ཀྱང་རང་གཞན་གྱི་རྐྱེན་ངན་ཐམས་ཅད་མདོས་ལ་བསྟིམ། ༈ དེ་ནས་མདོས་ལ་དབང་བསྐུར་བ་ནི། །ཀྱཻ། དེ་རིང་སྲིད་པའི་གཏོ་གང་ལ། །།འབྱུང་བ་ལྔ་ཡི་མདོས་ཆེན་འདི། །མཐོ་བ་གནམ་ལ་དཔེ་བླངས་ནས། །དབང་པོ་རྣམ་ལྔ་མདོས་ལ་ཚང་། །མཐོ་བའི་མགོ་ལ་གླུད་འཇལ་ལོ། །བདེ་གཤེགས་རིགས་ལྔས་གཙོར་བྱས་པའི། །སངས་རྒྱས་ཤཱཀྱ་ཐུབ་པ་དང་། །དུས་གསུམ་སངས་རྒྱས་ཐམས་ཅད་ཀྱིས། །མདོས་ཆེན་འདི་ལ་དབང་བསྐུར་རོ། །ཞི་བ་གསང་འདུས་འཇམ་དབྱངས་དང་། །བྱམས་པ་མི་ཕམ་སྤྱན་རས་གཟིགས། །མཐུ་སྟོབས་ཕྱག་ན་རྡོ་རྗེ་ཡིས། །མདོས་ཆེན་འདི་ལ་དབང་བསྐུར་རོ། །མདོས་སྣ་ཚུར་ལ་མ་འགྱུར་ཅིག །ལྷ་ཆེན་བརྒྱད་ཀྱིས་དཔང་པོ་མཛོད། །བར་སྣང་ཁམས་ན་གནས་པ་ཡི། །ཚངས་པ་ལ་སོགས་ལྷ་ཆེན་བརྒྱད། །སྤྱན་མིག་གཡས་དང་གཡོན་གཉིས་ལ། །ཉི་ཟླ་གཉིས་ཀྱིས་དབང་བསྐུར་རོ། །དཔྲལ་བར་སྤྲིན་དང་འཇའ་ཚོན་བཞིན། །ལུས་ངག་ཡིད་གསུམ་བྱིན་གྱིས་རློབས། །སྔགས་དང་ཕྱག་རྒྱའི་བྱིན་རླབས་ཀྱིས། །སྲིད་པའི་མདོས་ལ་དབང་བསྐུར་རོ། །ཡེ་ཤེས་དྲུག་

[Full Size]

པོའི་བདེན་མདོས་འདི། །མདོས་སྣ་ཚུར་ལ་མི་འགྱུར་བའི། །དྲག་པོ་སྔགས་ཀྱིས་དབང་བསྐུར་རོ། །སྔོན་སྲིད་པའི་བདག་པོ་འདི་ཀུན་གྱིས། །ཡུངས་ཀར་རྒྱལ་པོ་འདི་དག་ཀྱང་། །དྲག་པོའི་མདོས་ལ་དབང་བསྐུར་རོ། །མདོས་སྣ་ཚུར་ལ་མི་འགྱུར་བའི། །ཅིས་ཀྱང་མི་ཚུགས་དབང་བསྐུར་རོ། །མདོས་སྣ་ཚུར་ལ་མ་ལོག་ཅིག །ཁྲོ་ཆེན་རྣམས་དང་འཕྲད་གྱུར་ཀྱང་། །མདོས་སྣ་ཚུར་ལ་མ་འགྱུར་ཅིག །དཔའ་བོ་གོ་ཁྲབ་ཅན་དང་འཕྲད་དང་གྱུར་ཀྱང་། །མདོས་སྣ་ཚུར་ལ་མ་འགྱུར་ཅིག །བན་ཆེན་བོན་ཆེན་འཕྲད་གྱུར་ཀྱང་། །མདོས་སྣ་ཚུར་ལ་མ་འགྱུར་ཅིག །སྔགས་པ་ནུས་ཅན་འཕྲད་གྱུར་ཀྱང་། །མདོས་སྣ་ཚུར་ལ་མ་འགྱུར་ཅིག །དཔའ་བོའི་ཚོགས་དང་འཕྲད་གྱུར་ཀྱང་། །མདོས་སྣ་ཚུར་ལ་མ་འགྱུར་ཅིག །དཔའ་མོའི་ཚོགས་དང་འཕྲད་གྱུར་ཀྱང་། །མདོས་སྣ་ཚུར་ལ་མ་འགྱུར་ཅིག །ཆོས་སྐྱོང་ཚོགས་དང་འཕྲད་གྱུར་ཀྱང་། །མདོས་སྣ་ཚུར་ལ་མ་འགྱུར་ཅིག །མདོས་སྣ་སྡང་བའི་དགྲ་ལ་སྟོན། །ཁར་སང་ཁར་གྱི་ཉི་མ་ལ། །ཐན་དང་ལྟས་ངན་ལང་བ་དང་། །སྤར་ཁའི་བདུན་ཟུར་ཐུག་པ་དང་། །མོ་ངན་

[Full Size]

ལྟས་ངན་ལང་བ་དང་། །རྨི་ལམ་ངན་པའི་བརྡའ་ཐན་དང་། །མི་རུང་མི་མཐུན་ཐམས་ཅད་ཀུན། །མདོས་ཆེན་འདི་ཡི་སྣ་ལ་སོང་། །འཇམ་དཔལ་བཀའ་ལ་མ་འདའ་བར། །གཏོ་མཁན་བདེན་ཚིག་ཆུད་མ་ཟ། །ཡོན་བདག་རྒྱུ་རྐྱེན་ཆུད་མ་ཟ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་ངེས་དོན་ལམ་བསྟན་གྲུབ་ནས་འདི་སྐད་དོ།། །ཀྱཻ། བྱང་གཡག་བཀལ་བ་མདོས་ཀྱི་ཁལ། །རུ་ཆེན་གཡས་ལ་ཕོ་མདོས་བཀལ། །རུ་ཆེན་གཡོན་ལ་མོ་མདོས་བཀལ། །སྤྱི་བོའི་གཙུག་ཏུ་ལྷ་མདོས་བཀལ། །སྤྱན་མིག་གཡས་ལ་གཟའ་མདོས་བཀལ། །ལྟག་གི་འགྱིང་ལ་སྟག་མདོས་བཀལ། །གཟུགས་སོགས་གོང་ལ་སྤྱི་མདོས་བཀལ། །བྱང་གཡག་བཀལ་པ་སྟོབས་རེ་ཆེ། །རིན་ཆེན་མདོས་ཀྱི་ཁལ་བཀལ་བས། །སྔགས་འཆང་དངོས་གྲུབ་ཐོབ་པར་ཤོག །ཡོན་བདག་ཚེ་སྲོག་བརྟན་པར་ཤོག །ལོང་བས་མ་མཐོང་མ་ཟེར་ཅིག །ཞ་བོའི་མ་ཕྱིན་མ་ཟེར་ཅིག །ལྐུགས་པས་མ་གོ་མ་ཟེར་ཅིག །འོན་པས་མ་གོ་མ་ཟེར་ཅིག །ཧཱུྃ། སྟོང་གསུམ་མི་རྟག་འཁོར་བའི་རྒྱུ། །ནམ་མཁའ་སྟོང་པ་མི་འགྱུར་བའི། །འབྱུང་བ་རྣམ་ལྔ་མི་རྟག་སྐད་ཅིག་མ། །

[Full Size]

སེམས་ཉིད་ཡེ་ནས་མི་འགྱུར་ཏེ། །འབྱུང་བའི་ལུས་པོ་མི་རྟག་སྐད་ཅིག་མ། །ཆོས་ཉིད་ཡེ་ནས་མི་འགྱུར་ཏེ། །ཚིག་དང་ཡི་གེ་མི་རྟག་སྐད་ཅིག་མ། །བྱ་བ་ཚེ་འདི་ལ་རྟག་ཅིང་གནས་པ་གང་ཡང་མེད། །དེ་བས་མདོས་འདི་མི་རྟག་སྒྱུ་མ་ཡིན། །ཞིག་རལ་ཆག་གྲུག་བྱུང་ཡང་ཕྲག་དོག་མེད། །སྒོ་ཐེམ་སྐྱ་མོ་བརྒལ་བ་ཕྱིན་ཆད་ནས། །འདིར་བཞག་ཟེར་བའི་ས་མཚམས་མེད། །དབུགས་དང་རླུང་གཉིས་དབྱེར་མེད་པས། །རླུང་གིས་བཤིགས་ཀྱང་ཕྲག་དོག་མེད། །ཁྲག་དང་ཆུ་གཉིས་དབྱེར་མེད་པས། །ཆུ་སཡིས་བཤིགས་ཀྱང་ཕྲག་དོག་མེད། །དྲོད་དང་མེ་གཉིས་དབྱེར་མེད་པས། །མེ་ཡིས་བཤིགས་ཀྱང་ཕྲག་དོག་མེད། །སྐྲ་དང་ཤིང་གཉིས་དབྱེར་མེད་པས། །རྩི་ཤིང་བཤིགས་ཀྱང་ཕྲག་དོག་མེད། །རུས་པ་རྡོ་གཉིས་དབྱེར་མེད་པས། །རྡོ་ཡིས་བཤིགས་ཀྱང་ཕྲག་དོག་མེད། །བྱ་གཅན་ཁྱི་ཕག་ཐམས་ཅད་ཀུན། །ཕྲ་མེན་ལན་ཆགས་མགྲོན་ཡིན་པས། །གང་གིས་བཤིགས་ཀྱང་ཕྲག་དོག་མེད། །འབྱུང་བ་རང་ས་རང་གནས་ཐིམ། །མི་དང་བྱོལ་སོང་སུས་བཤིགས་ཀྱང་། །མི་རྟག་པ་ཡི་སྒྱུ་མ་ཡིན། །སུ་ཡིས་

[Full Size]

བཤིགས་ཀྱང་ཕྲག་དོག་མེད། །སྒོ་ཐེམ་བརྒལ་བ་ཕྱིན་ཆད་ནས། །ཞིག་རལ་བྱུང་ཡང་གྲུབ་གནས་ཡིན། །ཐམས་ཅད་མི་རྟག་སྒྱུ་མ་ཡིན། །ཨཿཨཿཨཿ མངྒ་ལཾ།། ༈ གཏོ་ནག་མཚན་མའི་དགྲ་ཟོར་བཞུགས་སོ།། ཧཱུྃ། བཅོམ་ལྡན་འཕགས་པ་འཇམ་དཔལ་གྱིས། །གཏོ་དཔྱད་འདི་ཡི་མཐུ་དཔུང་མཛོད། །འཇམ་དཔལ་སྤྲུལ་པ་འབྱུང་བ་ཆེ། །མ་ཧཱ་རུས་སྦལ་སེར་པོ་ཡིན། །གཏོ་དཔྱད་འདི་ཡི་དཔུང་ཕུལ་མཛོད། །ཀོང་ཙེ་འཕྲུལ་གྱི་རྒྱལ་པོ་ཡིས། །གཏོ་དཔྱད་འདི་ཡི་དཔུང་ཕུལ་མཛོད། །མཚེ་མ་དགའ་ལྡན་ལྷ་རྣམས་ཀྱིས། །གཏོ་དཔྱད་འདི་ཡི་དཔུང་ཕུལ་མཛོད། །རིག་འཛིན་བརྒྱུད་པའི་ལྷ་བསྲུང་གིས། །གཏོ་དཔྱད་འདི་ཡི་ཕྲིན་ལས་མཛོད། །ལྷ་ཀླུ་གཟའ་དང་གནོད་སྦྱིན་ཚོགས། །རྒྱལ་ཆེན་བཞི་དང་རྒྱུ་སྐར་ཚོགས། །གཏོ་དཔྱད་འདི་ཡི་ཕྲིན་ལས་མཛོད། །ཕྱོགས་སྐྱོང་བཅུ་དང་དཔལ་མགོན་ཚོགས། །གླུད་མདོས་མཆོད་པ་འདི་བཞེས་ལ། །ཟློག་སྒྱུར་བྱེད་པའི་ཕྲིན་ལས་མཛོད། །ཕུ་རི་ཕུ་བདག་རི་རྒྱུད་བྲག་གི་བདག །མདའ་རི་མདའ་གཉན་མ་སྤང་མཚོ་ཡི་ཀླུ། །གངས་རི་གངས་རྒྱུད་གངས་སྨན་ཀ་རའི་གཉན། །སྲིབ་རི་

[Full Size]

སྲིབ་བཙན་གཡའ་རི་ནགས་ཀྱི་སྨན། །གཡན་ཁམས་སུམ་ཅུ་ཀླུ་དང་ཁམས་ཀྱི་བདག །ལྷ་སྲིན་སྡེ་བརྒྱད་ཤ་ཁྲག་དམར་གྱི་བདག །བགེགས་རིགས་སྟོང་ཕྲག་ལན་ཆགས་གླུད་ལ་དབང་། །ཐམས་ཅད་འབྱུང་བའི་གཏོ་ནག་འདི་ཡིས་སྒྱུར། །བསྟན་པ་གཉན་གྱི་སྤྱི་དགྲ་དང་། །རྣལ་འབྱོར་བདག་གི་སྒོས་དགྲ་དང་། །སྦྱོར་བ་ངན་དང་མཚན་མ་རྩུབ། །མོ་ངན་རྨི་ལམ་ངན་པ་དང་། །སྔ་དགྲ་ལག་གིས་བྱེད་པ་དང་། །ཕྱི་དགྲ་ཡིད་ལ་སེམས་པ་དང་། །ཁ་ངན་ཚིག་རྩུབ་བརྗོད་པ་དང་། །དཀོན་མཆོག་བདེན་པའི་བཀའ་བཅག་རྣམས། །སྲིད་པའི་གཏོ་ནག་འདི་ཡིས་ནོན། །གཏོ་ནག་མཚན་མའི་དགྲ་ཟོར་འདི། །རི་ལ་བརྒྱབ་ན་རི་ཡང་ཉིལ། །མཚོ་ལ་བརྒྱབ་ན་མཚོ་ཡང་སྐེམ། །བྲག་ལ་བརྒྱབ་ན་བྲག་ཀྱང་བཤིག །ཆུ་ལ་བརྒྱབ་ན་ཆུ་ཡང་འཆད། །ཤིང་ལ་བརྒྱབ་ན་ཤིང་ཡང་ཆག །ལྕགས་ལ་བརྒྱབ་ན་ལྕགས་ཀྱང་ཞུ། །གདོན་དང་འཕྲད་ན་རླག་པར་བྱེད། །གཏོ་འདི་དགྲ་འདྲེའི་སྟེང་དུ་བྷྱོ༔ །གཏོ་ནག་མཚན་མའི་དགྲ་ཟོར་འདི། །ཡོན་བདག་སྐུ་གླུད་བརྗེ་བའི་གཏོ། །བན་དང་འཕྲད་ན་བན་དང་བརྗེས། །

[Full Size]

བོན་དང་འཕྲད་ན་བོན་དང་བརྗེས། །ཕོ་དང་འཕྲད་ན་ཕོ་དང་བརྗེས། །མོ་དང་འཕྲད་ན་མོ་དང་བརྗེས། །ན་མཉམ་ཚེ་མཉམ་དེ་དང་བརྗེས། །མིང་འདྲ་ལོ་འདྲ་དེ་དང་བརྗེས། །གཟུགས་འདྲ་མཁན་འདྲ་དེ་དང་བརྗེས། །དྲང་སྲོང་བདེན་པའི་གཏོ་ནག་འདིས། །ཕ་ཚན་རྒྱབ་འདྲེ་ཐམས་ཅད་ཟློག །མ་ཚན་ཕུ་ནུའི་བྱོལ་ཁ་ཟློག །མཚན་མ་བྱུར་སྐག་ཐམས་ཅད་ཟློག །ཐན་ལྟས་རྨི་ལམ་ངན་པ་རྣམས། །སྡང་བའི་དགྲ་ཡི་སྟེང་དུ་བྷྱོ༔ །གོང་གི་རྗེ་དང་དཔོན་ལ་བྱོཝ། །རང་སྐག་བདུན་ཟུར་ཐམས་ཅད་ཀྱང་། །ན་མཉམ་ཚེ་མཉམ་སྟེང་དུ་བྷྱོ༔ །ཤ་ཡི་སྐག་རྣམས་ས་ལ་སོང་། །ཁྲག་གི་སྐག་རྣམས་ཆུ་ལ་སོང་། །དྲོད་ཀྱི་སྐག་རྣམས་མེ་ལ་སོང་། །རུས་པའི་སྐག་རྣམས་རྡོ་ལ་སོང་། །བ་སྤུའི་སྐག་རྣམས་རྩ་ལ་སོང་། །རྩ་རྒྱུས་སྐག་རྣམས་ཤིང་ལ་སོང་། །སེམས་ཀྱི་སྐག་རྣམས་མཁའ་ལ་སོང་། །གཟུགས་ཀྱི་སྐག་རྣམས་རོ་ལ་སོང་། །ཀྱཻ། སྣང་སྲིད་ལྷ་འདྲེ་ཐམས་ཅད་ཀུན། །མཉམ་གཉིས་བརྗེ་བའི་གླུད་དུ་འབུལ། །ཕོ་མོ་བན་བོན་རྗེ་དང་བྲན། །རྨིག་ཆགས་སྡེར་ཆགས་དུད་འགྲོའི་ཚོགས། །སུ་དང་འཕྲད་པ་དེ་དང་བརྗེ། །

[Full Size]

སྣང་སྲིད་ལྷ་འདྲེ་བདུད་བཙན་རྣམས། །གཏོ་ནག་ཡས་སྟགས་འདི་ཡིས་སྒྱུར། །ཆོ་འཕྲུལ་སྣ་ཚོགས་འདི་ཡིས་ཤིགས། །ཁྲམ་ཁ་མི་ཁ་ཟོར་ཁ་ཟློག །བདག་དང་ཡོན་གྱི་བདག་པོ་ཡི། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྦྱར། །ཐན་ལྟས་ལ་ཉེ་ངན་པ་སྦྱར། །བྱུར་དང་གོད་ཁ་ཁ་འགོང་རྣམས། །ཐམས་ཅད་ཟློག་པའི་དུས་ལ་བབ། །ས་མ་ཡཱ་བྷྱོ་བྷྱོཟློག་ཟློག །ཅེས་གཏོ་ནག་མཚན་མ་དགྲ་ཟོར་འཕེན་པ་རྫོགས་སོ།། །།དེ་ནས་ཕྱོགས་གཙང་སར་ཁྱེར་ལ་ཕྱག་ལེན་ལྟར་ཕུལ། དེ་ནས་མདོས་གདན་སོགས་གཏོར་སྣོད་སྒྲུབ་ལ། རྟ་བྲོ་ཡི་དམ་གང་རུང་ལྟར་བརྡུང་། སྔགས་པས་སྟེང་ནས་མནན་ལ་ཕྱི་མིག་མི་ལྟ་བར་ལོག །ནང་དུ་ཕྱིན་ནས་བཀྲ་ཤིས་སོགས་སྤྱི་ལྟར་བྱ། ཞེས་པའི་འགྲིག་ཆགས་སྔགས་འཆང་༧ རཱ་ག་ཨ་སྱས་བསྒྲིགས་པ་འདི་མགོ་གསུམ་འབྲིང་པོའི་ལུགས་ཡིན་ཞིང་མ་ཚང་བ་མེད་པས། ཕྱིན་ཆད་དཔེ་གང་རྙེད་ཀྱང་མ་བསྣན། བསྡུས་པ་འདོད་ན་གནམ་ཆོས་ལུགས་སོ། །འདི་ཡི་དབང་ལུང་གི་རྒྱུན་སྔར་ནས་མི་འདུག་ཀྱང་། གནམ་ཆོས་ལས་བྱུང་བའི་དབང་ལུང་ཐོབ་ན་འདིའི་གོ་ཆོད། །འདི་བསྒྲིག་པའི་ཡི་གེ་པ་ནི་བསྐུལ་བ་པོ་སྔགས་འཆང་ཨོ་རྒྱན་བཀྲ་ཤིས་རང་གིས་བྲིས། འདི་བྲིས་ཉེས་འགལ་གང་མཆིས་འཇམ་དཔལ་དང་ཧ་ས་གརྦྷ་ཉིད་ལ་

[Full Size]

བཤགས་ཤིང་། དགེ་བས་འཁོར་བ་ཇི་སྲིད་གནས་ཀྱི་བར་དུ་རྐང་གཉིས་ཀྱི་མི་རྣམས་ལ་ཕན་ཐོགས་རྒྱ་ཆེན་པོ་འབྱུང་བར་གྱུར་ཅིག །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

༼ཀ༽ །མི་ནག་མགོ་གསུམ་གྱིས་དང་པོ་ཡར་ཞུས་པའི་དོན།

[Full Size]

༼ཀ༽ །མི་ནག་མགོ་གསུམ་གྱིས་དང་པོ་ཡར་ཞུས་པའི་དོན་བཞུགས་སོ།། ཡར་ཞུས་དང་པོའོ། །ཀྱཻ། སྔགས་འཆང་བདག་པོའི་ཞལ་ན་རེ། །ཀོང་ཙེ་འཕྲུལ་རྒྱལ་ཕྱིར་གསོན་དང་། །དེ་རིང་དགོས་དོན་ཞུ་བ་ཚིག་གསུམ་བྱེད། །དེ་རིང་གཏོ་བཟློག་གོང་འདི་རུ། །འཕགས་པ་འཇམ་དཔལ་བཀའ་སྩལ་པ། །མི་ནག་མགོ་གསུམ་མདོས་བཅས་ནས། །སྲུང་ཟློག་བསད་གསུམ་ལས་བྱས་པས། །མགོ་བོ་གསུམ་པའི་ཆོ་འབྲང་ལ། །འདི་སུ་དང་སུ་ཡི་རིགས་ལ་ཆད། །ཕ་དང་མེས་པོ་གང་འདྲ་ཡིན། །ལྷ་ཀླུ་གཟའ་དང་གང་ལ་ཆད། །ངེས་པར་བདག་ལ་བཀའ་སྩོལ་ཅིག །ཡར་ཞུས་གཉིས་པ། །ཀྱཻ། ཀོང་ཙེ་འཕྲུལ་གྱི་རྒྱལ་པོ་སྙན་གསོན་དང་། །ཐུགས་ཀྱིས་དགོངས་ལ་སྤྱན་གྱིས་གཟིགས། །མི་ནག་མགོ་གསུམ་འདི་ཀུན་གྱིས། །སྐུ་མདོག་སྨུག་ལ་ནག་པ་ཅི་ཡི་དོན། །།ལག་པ་བྱ་སྡེར་འདུག་པ་ཅི་ཡི་དོན། །གླང་སྟག་ཕག་ཞལ་ཡོད་པ་ཅི་ཡི་དོན། །ཕྱག་དྲུག་དང་པོ་ཁྲམ་ཤིང་ཅི་ཡི་དོན། །བར་མ་ཐལ་མོ་བརྡབ་པ་ཅི་ཡི་དོན། །འོག་མ་ཕྱག་རྒྱ་གླུད་ལེན་ཅི་ཡི་དོན། །མཚན་མ་སྦལ་མགོར་འདུག་པ་ཅི་ཡི་

[Full Size]

དོན། །མཇུག་མ་སྦྲུལ་དུ་འདུག་པ་ཅི་ཡི་དོན། །བ་སྤུ་ཁབས་སུ་འདུག་པ་ཅི་ཡི་དོན། །ངེས་པར་བདག་ལ་བཀའ་སྩོལ་ཅིག །ཡེར་ཞུས་གསུམ་པ། །ཀྱཻ། ཀོང་ཙེ་རྒྱལ་པོ་བདག་ལ་གསོན། །མི་ནག་མགོ་གསུམ་མཐུ་ཆེན་ལ། །སྤར་ཁ་བརྒྱད་ཀྱི་བསྐོར་བ་ཅི་ཡི་དོན། །སྨེ་བ་ལོ་སྐོར་བསྐོར་བ་ཅི་ཡི་དོན། །མི་དམར་ཤང་ཤང་སྔོན་དུ་འགྲོ་བ་ཅི་ཡི་དོན། །མ་མོ་རྔ་ཞོན་རྒྱབ་ནས་འདེད་པ་ཅི་ཡི་དོན། །བལ་མོ་ཆུ་སྲིན་མགོ་ཅན་གྱིས། གཏོར་ཟོར་ཐོད་ཟོར་བསྣམས་པ་ཅི་ཡི་དོན། །ཤང་ཤང་བྲ་མཆུ་ལས་མཁན་ཅི་ཡི་དོན། །མགོ་གསུམ་སྤྲུལ་པ་བརྒྱད་ཀྱིས་བསྐོར་བ་ཅི་ཡི་དོན། །ཡ་ཐན་མ་ཐན་བར་ཐན་གསུམ། །ཐན་རིགས་དགུ་ཡིས་བསྐོར་བ་ཅི་ཡི་དོན། །གླང་ཆེན་རོལ་དུ་ཁྲིད་པ་ཅི་ཡི་དོན། །ངར་མི་ཚངས་བུའི་བསྐོར་བ་ཅི་ཡི་དོན། །ངེས་པར་བདག་ལ་བཀའ་སྩོལ་ཅིག །ཡར་ཞུས་བཞི་པ། །ཀྱཻ། ཀོང་ཙེ་གཏོ་མཁན་ཕྱིར་གསོན་དང་། །མི་ནག་མགོ་གསུམ་འཁོར་བཅས་ལ། །ཤ་ཁྲག་གཏོར་མས་བསྐོར་བ་ཅི་ཡི་དོན། །བྷ་ལིང་གཏོར་མས་བསྐོར་བ་ཅི་ཡི་དོན། །མདའ་བཀྲ་བཅུ་གསུམ་བསྐོར་བ་ཅི་ཡི་དོན། །འཕང་

[Full Size]

བཀྲ་བཅུ་གསུམ་བསྐོར་བ་ཅི་ཡི་དོན། །རྒྱང་བུ་བཅུ་གསུམ་བསྐོར་བ་ཅི་ཡི་དོན། །ཤུག་ཏི་བཅུ་གསུམ་བསྐོར་བ་ཅི་ཡི་དོན། །ཕོ་ཐོང་མོ་ཐོང་བཙུགས་པ་ཅི་ཡི་དོན། །ནམ་མཁའ་བཅུ་གསུམ་བཙུགས་པ་ཅི་ཡི་དོན། །ཅུང་དམར་ཉེར་གཅིག་བཙུགས་པ་ཅི་ཡི་དོན། །དགྲ་འདྲེ་ལིངྒ་ཞལ་དུ་བསྟབ་པ་ཅི་ཡི་དོན། །མི་གླུད་ཆས་ལྡན་རྟ་ནོར་ར་ལུག་གི །གླུད་ཡས་སྣ་ཚོགས་མདོས་སྔོན་དུ། །བཤམས་པ་ཅི་དོན་ངེས་པར་བཀའ་སྩོལ་ཅིག །ཡར་ཞུས་ལྔ་པའོ། །ཀྱཻ། ཀོང་ཙེ་ཡེ་མཁྱེན་བདག་ལ་གསོན། །ད་རུང་ཊཾ་དགོས་དོན་ཞུ་བ་འདི་ལྟར་ལགས། །མི་ནག་མགོ་གསུམ་འཁོར་བཅས་ཀྱིས། །ཡིན་ལུགས་བདེན་ཚིག་བཤད་ལགས་ཀྱང་། །ད་རུང་རྫོངས་འདེབས་མདོས་འདི་མི་བསྔོ་ན། །ངས་ཀྱང་ཅི་བྱེད་ཆ་ཡང་མེད། །བཟློག་བསྒྱུར་སྒྲུང་གི་མི་བརྗོད་ན། །ཅི་ཡི་ཅི་བཟློག་ངས་མི་ཤེས། །ཡས་ཀྱི་གོ་རིམ་མ་ཕྱེས་ན། །གང་གི་གང་འགྱེད་ཆ་ཡང་མེད། །སྐག།ས་ཁྲམ་ཁ་མ་བཟློག་ན། །ཅི་ཡི་ཅི་བཟློག་ངས་མི་ཤེས། །བདུད་བཙན་ལྷ་འདྲེའི་དལ་ཁ་མ་བཟློག་ན། །ལྷ་འདྲེའི་དལ་ཁ་ཡམས་ཁོ་སུ་ཡིས་བཟློག །ལྷ་འདྲེའི་ཟ་ཁ་མ་

[Full Size]

བསྟན་ན། །ལྷ་འདྲེའི་ཟ་ཁ་ཅི་ཡི་བཙང་། །མདོས་ལམ་ཡས་ལམ་མ་བསྟན་ན། །མདོས་འགྲོ་ཡས་འགྲོ་གང་དུ་འགྲོ། །མདོས་རྫོངས་ཡས་རྫོངས་མ་བྱས་ན། །མདོས་ལ་རྫོངས་ཤིག་སུ་ཡིས་བཏབ། །ངར་མི་ཡས་བསྔོ་མ་བྱས་ན། །གླུད་བསྔོ་ཡས་བསྔོ་སུ་ཡིས་བྱེད། །མདོས་ལ་རྫོངས་ཤིག་མ་བཏབ་ན། །གང་འགྲོ་གང་ཁྱེར་ཆ་ཡང་མེད། །དེ་ནས་མདོས་ལ་རྫོངས་ཡས་ཐོབ། །དེ་བས་མདོས་ལ་ལམ་ཞིག་སྟོན། །དེ་བས་མདོས་ཀྱི་ཟ་ཁ་བསྟན་དུ་གསོལ། །མདོས་སྒྲུབ་སྔགས་དང་ཟོར་གྱིས་ཆོད། །ད་ནི་མི་འདུག་ད་ནི་འགྲོ། །དགྲ་བགེགས་སྟེང་དུ་དམག་ལ་ཆས། །ཡེ་མཁྱེན་དེ་ལྟར་ཞུ་བ་ལགས། །སྤྱིར་བོད་ཁམས་བཀྲ་ཤིས་བདེ་ལེགས་ཤོག །འདིར་ཚོགས་ཡོན་མཆོད་བཀྲ་ཤིས་ཤོག །མདོས་སྒབ་ཡང་ནི་བདེ་ལེགས་ཤོག །སྨོན་ལམ་ཐམས་ཅད་བསྟན་པར་ཤོག །རྒྱ་ནག་རི་བོ་རྩེ་ལྔ་ནས། འཕགས་པ་འཇམ་དཔལ་གྱིས། །ཀོང་ཙེ་འཕྲུལ་རྒྱལ་ལ་གསུངས། །དེས་ཝང་སྟེ་འཕྲུལ་རྒྱལ་ལ་གསུངས། དེས་རྒྱ་བཟའ་ཨོང་ཆུང་ལ་གསུངས་ཤིང་དར་བར་མཛད་པའོ། །སརྦ་མངྒ་ལཾ། །

༼ཁ༽ །དང་པོ་གུར་ཁང་བསྒོམ།

[Full Size]

༼ཁ༽ །དང་པོ་གུར་ཁང་བསྒོམ། བདག་ལྷར་གསལ་གདབ་གཟི་བརྗིད་བསྐྱེད་ལ་འདི་སྐད་བརྗོད། བཀའ་ལན་གཅིག་པའོ། །ཀྱཻ། མི་ནག་མགོ་གསུམ་ཚུར་ཉོན་དང་། །ཀོང་ཙེ་ཀུན་མཁྱེན་བཀའ་ན་རེ། །ང་ནི་སྔགས་འཆང་བདག་ཉིད་ཀྱིས། །བདེན་པའི་བཀའ་བཤད་གོ་རིམ་འབྱེད། །དེ་རིང་མདོས་བཟློག་གནས་འདི་རུ། །མི་ནག་མགོ་གསུམ་དཔོན་གཡོག་ནི། །འདིར་འཚོགས་ཀུན་གྱི་མེས་པོ་དེ། །རྒྱལ་པོ་འཕགས་པ་ཁྲི་རྗེ་ཡིན། །ཡང་མེས་པོ་ལྷ་མོ་བརྟན་མ་ཡིན། །མེས་པོ་ཧ་ས་གརྒྷ་ཡིན། །ཕྱི་མོ་རུ་སྦལ་རྒྱ་བོ་ཡིན། །ཕ་དེ་ཁེན་པ་རྒན་པོ་ཡིན། །མ་དེ་ཁོན་མ་རྒན་མོ་ཡིན། །སྐག་ཟླ་ཡབ་སྲས་བཅུ་དྲུག་ཡིན། །བློན་པོ་ཁྱབ་འཇུག་ཆེན་པོ་ཡིན། །གོང་ནོན་མི་དཀར་མགོ་གསུམ་ཡིན། །བསད་མཁན་མི་དམར་མགོ་གསུམ་ཡིན། །གཟའ་བདུད་ས་བདག་ཀླུ་ཡི་བུ། །དེ་ལྟར་ཁྱོད་ཀྱི་ཤེས་པར་གྱིས། །ཕྱིར་གསུང་གཉིས་པ། །ཀྱཻ། མདོས་གླུད་བདག་པོ་ཚུར་ཉོན་དང་། །མིག་གི་དབང་པོས་མཐོང་བར་ལྟོས། །རྣ་བའི་དབང་པོས་ཉན་པར་གྱིས། །ཡིད་ཀྱི་དབང་པོས་དྲན་པར་གྱིས། །ཟློག་བྱེད་མི་ནག་མགོ་གསུམ་ནི། །སྐུ་

[Full Size]

མདོག་སྨུག་ནག་འདུག་པ་ནི། །དུག་ལྔ་རྩོད་ནས་གཅོད་པ་ཡིན། །ཞལ་གསུམ་ཕྱག་དྲུག་བདེན་པ་ནི། །རྒྱུ་དྲུག་རྩད་ནས་གཅོད་པའི་རྟགས། །གཡས་སྟག་ཞལ་དམར་པོ་ཁྲོས་པ་ནི། །གཟའ་སྤེན་པ་ལྷུམས་སུ་ཞུགས་པའི་བུ། །དབུས་གླང་ཞལ་སེར་ནག་ཁྲོས་པ་ནི། །ཕུར་བུ་ལྷུམས་སུ་ཞུགས་པའི་བུ། །གཡོན་ཕག་ཞལ་ནག་པོ་རྔམས་པ་ནི། །ཟླ་བ་ལྷུམས་སུ་ཞུགས་པའི་བུ། །སེན་མོ་ལྕགས་ཀྱུ་བཀུག་པ་ནི། །དགྲ་བགེགས་སྲོག་རྩ་གཅོད་པ་ཡིན། །ཕྱག་དང་པོས་ཁྲམ་ཤིང་བསྣམས་པ་ནི། །གཤིན་རྗེའི་བྱོལ་ཁ་བཟློག་པ་ཡིན། །བར་མས་ཐལ་མོ་བརྡབ་པ་ནི། །བྱེད་ཁ་མི་ཁ་བཟློག་པ་ཡིན། །ཐ་མས་གླུད་ལེན་ཕྱག་རྒྱ་ནི། །ཡོན་བདག་སྐག་བཟློག་གླུད་ལེན་ཡིན། །ཕོ་རྟགས་སྦལ་མགོར་འདུག་པ་ནི། །ས་བདག་རྒྱལ་པོའི་བུ་ཡིན་རྟགས། །མཇུག་མ་སྦྲུལ་དུ་འདུག་པ་ནི། །ཀླུ་བདུད་ནག་པོའི་བུ་ཡིན་རྟགས། །བ་སྤུ་ཁབ་ཏུ་འདུག་པ་ནི། །གནོད་བྱེད་སྙིང་ལ་གཟིར་བའི་རྟགས། །ཁྱོད་མི་ནག་གྲོལ་ཕུག་སྐྱེས་རྒྱུད་ལགས། །ཕྱིར་གསུང་གསུམ་པ། །ཀྱཻ། ཀོང་ཙེ་ལྷ་ཡི་བཀའ་ན་རེ། །ཁྱོད་མདོས་ཀྱི་བདག་པོ་ཚུར་ཉོན་དང་། །

[Full Size]

ངེས་པར་ཁྱོད་ལ་བདག་གིས་བཤད། །མི་ནག་མགོ་བོ་གསུམ་པ་ལ། །སྤར་ཁ་བརྒྱད་ཀྱིས་བསྐོར་བ་དེ། །སྤཆའི་བཀག་གཉན་བཟློག་པ་ཡིན། །ལོ་སྐོར། བཅུ་གཉིས་བསྐོར་བ་དེ། །ལོ་ཟླ་ཞག་དུས་སྐག་བཟློག་རྟགས། །མི་དམར་སྔོན་དུ་ཆས་པ་ནི། །བཟློག་པའི་ལས་རྣམས་འགྲུབ་པ་ཡིན། །མ་མོས་རྒྱབ་ནས་དེད་པ་ནི། །མདོས་སྒབ་མ་མོས་བཅད་པ་ཡིན། །ཆུ་སྲིན་མགོ་ཅན་ཐོད་ཟོར་བསྣམས། །དགྲ་ལ་ཁྲག་ཟོར་འཕེན་པ་ཡིན། །ཤང་ཤང་བྲ་མཆུའི་ལས་བྱེད་པ། །མི་ཁ་དགྲ་ལ་བཟློག་པ་ཡིན། །ཡབ་སྲས་བཅུ་དྲུག་བསྐོར་བ་དེ། །སྐག་དང་ཆགས་ཆེན་བཟློག་པའི་རྟགས། །སྨེ་བ་འཁོར་དུ་བསྐོར་བ་ནི། །ཀིང་ཀང་མོ་ངན་བཟློག་པའི་རྟགས། །གླང་ཆེན་རོལ་དུ་ཁྲིད་པ་ནི། །གོད་འདྲེ་བསེ་རག་བཟློག་པ་ཡིན། །ཐན་སྐྱ་ཐན་གཟུགས་མང་པོས་བསྐོར། །ཐན་ལྟས་དགྲ་ལ་བསྒྱུར་བ་ཡིན། །ངར་མི་གླུད་སྣས་བསྐོར་བ་ནི། །ལན་ཆགས་བུ་ལོན་བྱང་བ་ཡིན། །དེ་ལྟར་ཁྱོད་ཀྱི་གོ་བར་གྱིས། །ཕྱིར་གསུང་བཞི་པའོ། །ཀྱཻ། ཀོང་ཙེ་འཕྲུལ་རྒྱལ་ཞལ་ན་རེ། །ཁྱོད་མདོས་གླུད་བདག་པོ་ཡར་ཉོན་དང་། །

[Full Size]

དགོས་ཚིག་སྨྱུང་ཚིག་འདི་ལྟར་བཤད། །མི་ནག་མགོ་གསུམ་འཁོར་བཅས་ལ། །ཤ་ཁྲག་གཏོར་མས་བསྐོར་བ་ནི། །དགྲ་བགེགས་ཐམས་ཅད་བཟློག་པའི་རྟགས། །དམ་རྫས་བྷ་ལིང་ལིངྒ་འབུལ། །གནོད་བྱེད་ཟས་སུ་ཟ་བའི་རྟགས། །མདའ་བཀྲ་བཅུ་གསུམ་ཕོ་ཡི་གླུད། །འཕང་བཀྲ་བཅུ་གསུམ་མོ་ཡི་གླུད། །རྒྱང་བུ་བཅུ་གསུམ་སེམས་ཀྱི་གླུད། །ཤུལ་དིལ་བཅུ་གསུམ་བཙུགས་པ་དེ། །བུ་ཚ་བུ་མོ་ཀུན་གྱི་གླུད། །ཕོ་ཐོང་བཅུ་གསུམ་ཕོ་རིགས་ཀུན་གྱི་གླུད། །ནམ་མཁའ་བཅུ་གསུམ་བཙུགས་པ་དེ། །སྐུ་གསུང་ཐུགས་ཀྱི་རྟེན་ཡིན་ནོ། །རྩང་དམར་ཉེར་གཅིག་བཙུགས་པ་དེ། །དགྲ་བགེགས་མཚོན་གྱི་ཁ་ལ་བསད། །ལིངྒ་ཞལ་དུ་གསོལ་བ་ནི། །གནོད་བྱེད་ཞལ་དུ་གསོལ་བའི་རྟགས། །གླང་ཆེན་གླུད་ཡས་བཀལ་བ་ནི། །སྐག་རིགས་གནོད་བྱེད་ཁྱེར་བའི་རྟགས། །ངར་མི་ཆས་ཅན་ཕུལ་བ་ནི། །ཆགས་ཆེན་ཉམ་ང་བཟློག་པའི་རྟགས། །དེ་དོན་ཁྱོད་ཀྱི་ཤེས་པར་གྱིས། །ཕྱིར་གསུང་པའི་ལེན་ལྔ་པའོ། །ཀྱཻ། གཏོ་མཁན་བདག་གི་ཞལ་ན་རེ། །ཁྱོད་གླུད་བདག་མདོས་བདག་རྫོ་ངས་རེ་རན། །བྷྱོ་མི་ནག་མགོ་གསུམ་ད་ཆོས་

[Full Size]

ཤིག །མགོ་གསུམ་ཡབ་སྲས་ད་ཆོས་ཤིག །སྐག་དང་ཀིང་ཀང་བཟློག་བསྒྱུར་ཅིག །སྤར་ཁ་བརྒྱད་པོ་བློན་པོར་རྫོངས། །སྤར་ཁའི་སྐག་ངན་ཐམས་ཅད་ཟློག །ལོ་སྐོར་བཅུ་གཉིས་འཁོར་དུ་རྣོ་ངས། །ལོ་ཟླ་ཞག་གི་སྐག་འཁྲུགས་ཟློག །སྨེ་བ་སྤྱན་དགུ་རོལ་དུ་རྫོ་ངས། །སྨེ་བ་དབུས་ཚུད་མི་མཐུན་ཟློག །ཤང་ཤང་བྲ་མཆུ་ལོ་ལར་རྫོངས། །ཁ་མཆུ་མི་ཁ་དགྲ་ལོ་སྒྱུར། །མི་དམར་མགོ་གསུམ་ཕོ་ཉར་རྫོ་ངས། །དགྲ་བགེགས་བྱད་མར་ལྕགས་མདའ་རྒྱོབས། །གཟའ་དང་གདོང་མོས་སྣ་ཁྲིད་གྱིས། །གནོད་བྱེད་ཐམས་ཅད་ཐལ་བར་རློགས། །མི་ཁ་སྤུན་དགུ་གཡོག་ཏུ་ཁྲིད། །མི་ཁ་སྣ་ཚོགས་དགྲ་ལ་ཕོབ། །གླང་ཆེན་སྟོབས་ལྡན་རོལ་དུ་ཁྲིད། །སྲིད་པའི་འདྲེ་དགུ་གདོན་སྟོང་ཕྲག །ནད་རིགས་ཡེ་འདྲོགས་ཁལ་དུ་བཀལ། །གོད་ཁ་བསེ་རག་དབུལ་འདྲེ་དང་། །ནད་ཡམས་ཇག་རྐུན་སྣ་ཚོགས་དང་། །མི་ཁ་མོ་རྨིས་ཁལ་དུ་བཀལ། །ནམ་མཁའ་མདའ་འཕང་རྒྱང་བུ་དང་། །ཕོ་ཐོང་མོ་ཐོང་ཤུག་དིལ་དང་། །ཐམས་ཅད་གླུད་དུ་ཁྱོད་ལ་བཀལ། །གླང་ཆེན་སུ་ཀ་སྟོབས་ཆེན་ཁྱོད། །ཡས་གདོན་གནོད་བྱེད་ཁུར་ལ་

[Full Size]

སོང་། །མི་ནག་དཔོན་གཡོག་ཐམས་ཅད་ཀྱིས། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །ཆུང་བདུད་དལ་ཁ་ཐད་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །སྐག་རིགས་མོ་རྨིས་ལྟས་ངན་རྣམས། །སྡང་དགྲ་གནོད་བྱད་སྟེང་དུ་སྒྱུར། །ཕུང་འདྲེ་དམ་ཉམས་སྟེང་དུ་སྒྱུར། །བྱད་མ་མཱ་ར་ཡ་སོད་སོད་བྷྱོ་བྷྱོ་ཟློག་སྒྱུར་ཅིག །དེ་ནས་རྫོངས་བཏབ་པ་གསེར་སྐྱེམས་སྒོ་དབྱེ་བཟློག་བསྒྱུར་དམོད་མོ་རྣམས་བྱའོ། །སརྦ་མངྒ་ལཾ། །དགེའོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མི་ནག་མགོ་གསུམ་གྱིས་འཇམ་དཔལ་ལ་ཡར་ཞུས་པ།

[Full Size]

མི་ནག་མགོ་གསུམ་གྱིས་འཇམ་དཔལ་ལ་ཡར་ཞུས་པའི་དབུ་ཕྱོགས་ལགས་སོ།

[Full Size]

༼ཀ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །སྔོན་དྲོད་ཀྱི་སྣ་ལ་བྱུང་བ་ཡི། །མི་ཁ་ཤང་ཤང་བྲ་མཆུ་དང་། །མི་ཁའི་བུ་མོ་བ་རུ་ཡིས། །འཇམ་དཔལ་ཁྱེད་ལ་ཞུ་བ་ལགས། །སྔོན་གྱི་བཀའ་བཞིན་ཁས་བླངས་པའི། དགོས་ན། །བ་ཚྭ་བུལ་ཐོག་སྒོག་པ་དང་། །ཚྭ་དང་གཡེར་མ་སྐག་དང་རམ། །མི་ཁ་ལྟས་ངན་བསྒྱུར་དགོས་ན། །བ་ཚྭ་བུལ་ཐོག་སྒོག་པ་དང་། །རམ་པ་རུག་པ་ལ་སོགས་པ། །མི་ཁའི་ཡས་རྣམས་གནང་བར་ཞུ། །དེ་ཙམ་ཁྱེད་ལ་ཞུ་བ་ལགས། ༼ཁ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །མིང་པོ་ཤང་ཤང་བྲ་མཆུ་དང་། །

[Full Size]

ངེད་མི་ཁའི་བ་རུ་སྤྱན་རྣམས་ལ། །ཁྲ་བོ་མིན་ཏེ་ཟུར་གསུམ་པོ། །ལྕམ་པ་མིན་ཏེ་ངོ་གཉིས་པོ། །སྒོག་པ་མིན་ཏེ་དྲི་མི་ཞིམ། །ངན་དགུ་སྡིག་བཅུ་ང་ཡིས་ཐུབ། །ཁྱེད་ཀྱིས་ངེད་ལ་ཡས་རྣམས་བསྔོས། །ངས་ཀྱང་མི་ཁ་བྲ་མཆུ་བཟློག་ནས་འགྲོ། །དེ་སྐད་ཁྱེད་ལ་ཞུ་བ་འབུལ། ག༽ །ཀྱཻ། འཕགས་པ་འཇམ་དཔལ་སྙན་གསོན་དང་། །མི་དམར་མགོ་གསུམ་ཞུ་བ་འབུལ། །སྐྱེ་བ་འདི་ཡི་སྔ་མ་ལ། །འཇིགས་པའི་མི་ནག་མགོ་གསུམ་དང་། །གདུག་པའི་མི་དམར་མགོ་གསུམ་རྣམས། །མི་དང་ཕྱུགས་ཀྱི་གཤེད་མ་སྟེ། །ཁྱེད་

[Full Size]

འཕགས་པ་འཇམ་དཔལ་ཐུགས་རྗེ་ཡིས། །བཀའ་ནན་དྲག་པོ་བྱུང་བ་ཡིན། །ངེད་རྣམས་བཟློག་བསྒྱུར་རྒྱལ་པོར་བསྐོས། །དམ་རྫས་དམ་ཚིག་ཕོག་ནས་ཀྱང་། །རྒྱུ་སྦྱོར་ཡོན་གྱི་བདག་པོ་ཡི། །ཐན་དང་ལྟས་ངན་བཟློག་པ་ཡི། །དགོས་པའི་ཡས་སྟགས་ཅི་བཞིན་ཡོད། །ཤ་ཁྲག་གཏོར་མ་གང་ཡང་ཡོད། །དགོས་པའི་གཏོར་མ་ཕྲིན་ལས་གང་ལ་འཇུག །ཁྱེད་ཀྱི་ལེགས་པར་གསུང་ཁྲོལ་ལ། །ངེད་ཀྱིས་དེ་ཙམ་ཁྱེད་ལ་ཞུ། ༼ང༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ངེད་མི་དམར་མགོ་གསུམ་ཞུ་བ་འབུལ། །འབྲུ་ལ་བཞེངས་པའི་ངར་གཟུགས་དང་། །ཤ་ཁྲག་དམར་གྱི་གཏོར་མ་དང་། །མི་ཁའི་རྐན་མར་བརྟེན་བཅས་ནས། །ཡོན་བདག་རྐྱེན་ངན་བཟློག་ལ་སོགས། །མི་གླུད་ནོར་གླུད་དམ་རྫས་དང་། །དཔུང་བཟློག་མཐུ་དཔུང་རྒྱབ་རྟེན་དང་། །དགོས་པའི་ཡས་སྟགས་སྣ་ཚོགས་དགོས། །དེ་མིན་རྐྱེན་ངན་ཅི་ཡིས་ཟློག །དེ་ཙམ་ཁྱེད་ལ་ཞུ་བ་འབུལ། ༼ཅ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །།ངེད་མི་དམར་མགོ་གསུམ་ཞུ་བ་ལ། །སྔོན་གྱི་ཇི་ལྟར་བཀའ་བཞིན་དུ། །ཁྱེད་རྒྱུ་

[Full Size]

སྦྱོར་ཡོན་གྱི་བདག་པོ་ལ། །རྐྱེན་ངན་བར་ཆད་བཟློག་པ་དང་། །ལྟས་ངན་ཆོ་འཕྲུལ་མི་ཁ་བཟློག་ཏུ་འགྲོ། །སྐག་རིགས་ཐམས་ཅད་བསྒྱུར་དུ་འགྲོ། །དགྲ་སྣ་ཡམས་སྣ་རྐུན་སྣ་དང་། །མི་ཁ་བྲ་མཆུ་བཟློག་ཏུ་འགྲོ། །དེ་ཙམ་ཁྱེད་ལ་ཞུ་བ་འབུལ། ༼ཆ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ངེད་མི་ནག་མགོ་གསུམ་ཞུ་བ་ལ། །སེམས་ཅན་ཀུན་གྱི་སྲོག་བདག་ཡིན། །བར་དུ་ཁེན་ཁོན་གཉིས་ལས་སྐྱེས། །ཁྱེད་དཔའ་བོ་ཆེན་པོའི་བཀའ་ཉན་གྱིས། །བཀའ་དང་དམ་ལ་གནས་པར་བྱས། །ཀྱེ་མ་སེམས་ཅན་ཐམས་ཅད་ལ། །སྙིགས་མ་ལྔ་ཡི་དུས་ཚོད་ལ། །ངན་དགུ་སྡིག་བཅུ་བཟློག་པ་དང་། །སྐག་པོ་ཆེ་རྣམས་བསྒྱུར་བའི་ཕྱིར། །ང་མི་ནག་མགོ་གསུམ་བསྐོས་པ་ལ། །ང་ཡིས་མི་ཐུབ་གང་ཡང་མེད། །ང་ཡིས་མི་བཟློག་གང་ཡང་མེད། །ང་ཡིས་མི་འགྱུར་གང་ཡང་མེད། །དེ་ཕྱིར་མི་ནག་ཆས་པ་ལ། །གཏོར་མ་མཐེབ་སྐུ་བཅུ་གསུམ་དང་། །ཤ་ཕུད་རཀྟ་གཙང་མ་དགོས། །དེ་ཙམ་ཁྱེད་ལ་ཞུ་བ་འབུལ། ཇ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ངེད་མི་ནག་མགོ་

[Full Size]

གསུམ་ཞུ་བ་ལ། །ང་འཇིགས་པའི་མི་ནག་མགོ་གསུམ་དང་།། །མི་ཁའི་དམག་དཔོན་ཐམས་ཅད་ལ། །བླ་མེད་རྟེན་ལ་འཁོར་ནས་ཀྱང་། །རྒྱུ་སྦྱོར་ཡོན་གྱི་བདག་པོ་ཡི། །སྔོན་གྱི་ལས་ངན་རྐྱེན་བཟློག་ན། །དམ་རྫས་བདུད་རྩི་སྣ་ཚོགས་དང་། །ལན་ཆགས་གླུད་བདག་རྣམས་ལ་བསྔོས། །ངེད་མི་ནག་སྤུན་ལ་ཕྲིན་ལས་བཅོལ། །གཟུགས་དང་རྟེན་ལ་ཆད་ཅིག་ཕྱུངས། །དེ་འདྲ་ཅིས་ཀྱང་ལྟས་ངན་ཟློག །ཁྱེད་ལ་དེ་ཙམ་ཞུ་བ་འབུལ། ༼ཉ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ངེད་མི་ནག་མགོ་གསུམ་ཞུ་བ་འབུལ། །སྐག་དང་ལྟས་ངན་བཟློག་པ་ལ། །དམ་རྫས་འདོད་ཡོན་མདོས་ལེན་ནས། །སྔོན་གྱི་བཀའ་ལས་མི་འདའ་ནས། །རྐྱེན་དང་བར་ཆད་ཟློག་པར་བྱེད། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །ཆུང་བདུད་དལ་ཁ་འོག་ཏུ་སྒྱུར། །སྤྱི་བདུད་དལ་ཁ་མཁའ་ལ་ཟློག །དེ་ཙམ་ཁྱེད་ལ་ཞུ་བ་འབུལ། ཏི༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ངེད་མ་མོ་རྣམས་ཀྱི་ཞུ་བ་འབུལ། །འཇམ་དཔལ་ཁྱེད་ཀྱི་བཀའ་བྱུང་ནས། །དམ་ཉམས་དགྲ་ལ་

[Full Size]

རྒྱུག་ཙམ་ན། །ཧཱུྃ་དང་བྷྱོ་སྒྲའི་སྒྲ་སྒྲོག་ཅིང་། །འཇིག་རྟེན་ཀུན་ཀྱང་འདར་ཞིང་བསྔངས། །རལ་པ་འཇོལ་བེར་ས་ལ་བཤལ། །ལུས་ལ་ནད་ཀྱི་རླངས་པ་འཐུལ། །ཁྲག་གི་ཆར་པ་སི་ལི་ལི། །སྤྱན་གསུམ་སྡང་མིག་བསྒྲད་པ་ཡིས། །དམ་ཉམས་དགྲ་བོ་བརྒྱལ་བར་བྱེད། །རལ་པ་ཁམ་ནག་དཀྲུགས་པ་ཡིས། །ལྷ་སྲིན་སྡེ་བརྒྱད་གདུག་པ་ཟློག །ལྗགས་ནི་གློག་འོད་དམར་པོ་འགྱུ། །མ་མོའི་གདུག་པ་དགྲ་ལ་ཟློག །རྐན་སྒྲས་ལྷ་འདྲེའི་གདུག་པ་ཟློག །ཡོན་གྱི་བདག་པོའི་རྐྱེན་རྣམས་ཟློག ། མདོས་དང་གཏོར་མ་ཚུར་ལ་སྔོས། །མདོས་ལ་ཁྱེད་ཀྱིས་བྱིན་གྱིས་རློབས། །དེ་སྐད་ཁྱེད་ལ་ཞུ་བ་འབུལ། ༼ཐ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །འབྱུང་བ་ལོ་སྐོར་བཅུ་གཉིས་པོ། །སྔོན་བྱུང་ཁྱེད་ཀྱིས་བཀའ་བྱུང་ནས། །ས་ས་སོ་སོར་འགྲོ་ཕྱོགས་སུ། །རྐྱེན་ངན་བར་ཆད་བཟློག་དགོས་ན། །དགོས་པའི་གླུད་ཡས་རྩིས་མཛོད་ལ། །ཐུབ་ཚོད་དབང་ཚོད་ད་ཚུར་སྔོས། །ཕྲིན་ལས་བཀའ་བསྒོ་ཁ་ཁར་མཛོད། །ལམ་དང་བཞུགས་ཡུལ་སོ་སོར་སྟོན། །ངེད་རྣམས་ཁྱེད་ཀྱི་བཀའ་ལ་ཉན། །

[Full Size]

ལོ་སྐོར་བཅུ་གཉིས་དེ་སྐད་ཞུ། ༼ད༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ངེད་མི་ནག་མགོ་གསུམ་ཞུ་བ་འབུལ། །འབྱུང་བ་ལོ་སྐོར་བཅུ་གཉིས་ཀྱི། ། སྐག་རིགས་ཐམས་ཅད་བཟློག་པ་དང་། །མོ་ངན་ལྟས་ངན་བསྒྱུར་བ་དང་། །དགྲ་ཇག་རྐུན་གསུམ་བསྒྱུར་བ་དང་། །མདོས་གླུད་བསྔོ་ཞིང་སྐྱེལ་མ་དགོས། །སོ་སོར་ཕྲིན་ལས་གང་དགོས་ཕོབ། །རང་རང་གླུད་ཡས་ངོ་བསྔོ་དགོས། དེ་ཙམ་ཁྱེད་ལ་ཞུ་བ་འབུལ། ༼ན༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ཡོན་བདག་འདི་ཡི་དོན་ཆེད་དུ། །མི་ནག་མགོ་གསུམ་དཔོན་གཡོག་རྣམས། །ཉི་མ་ཤར་དུ་འགྲོ་དགོས་ན། །ཤར་གྱི་ཕྱོགས་སུ་ལམ་བསྟན་འཚལ། །ཡས་དང་གླུད་རྣམས་ངོ་བསྔོས་ལ། །སྔོན་གྱི་བསུ་བ་རྒྱབ་ཀྱི་སྐྱེལ་མ་མཛོད། །ལམ་བསྟན་རྫོངས་འདེབས་དྲག་པོ་མཛོད། །དེ་ཙམ་ཁྱེད་ལ་ཞུ་བ་འབུལ། ༼པ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ཡོན་བདག་འདི་ཡི་དོན་ད་ཆེད་དུ། །ངེད་མི་ནག་མགོ་གསུམ་འཁོར་བཅས་ཀུན། །ཉི་མ་ལྷོ་རུ་འགྲོ་དགོས་ན། །ལྷོ་ཡི་ཕྱོགས་སུ་ལམ་བསྟན་འཚལ། །ཡས་དང་

[Full Size]

གླུད་རྣམས་ངོ་བསྔོས་མཛོད། །སྔོན་བསུ་རྒྱབ་ཀྱི་སྐྱེལ་མ་མཛོད། །ཡས་དང་གླུད་ཀྱི་བརྫོང་བ་གྱིས། །ངེད་མི་ནག་འཁོར་བཅས་མི་འདུག་འགྲོ་བ་ཡིན། །ལྷོ་ཕྱོགས་འཇང་གི་མི་ཁ་ཟློག་པར་བྱེད། །དེ་ཙམ་ཁྱེད་ལ་ཞུ་བ་འབུལ། ༼ཕ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ཡོན་བདག་འདི་ཡི་དོན་ཆེད་དུ། ། མི་ནག་མགོ་གསུམ་དཔོན་གཡོག་འཁོར་བཅས་རྣམས། །ཉི་མ་ནུབ་ཏུ་འགྲོ་དགོས་ན། །ནུབ་ཀྱི་ཕྱོགས་སུ་ལམ་བསྟན་འཚལ། །སྔོན་བསུ་རྒྱབ་སྐྱེལ་དྲང་པོར་མཛོད། །ཕྲིན་ལས་བཀའ་བསྒོ་དྲང་པོར་མཛོད། །ངེད་ཀྱང་མི་འདུག་འགྲོ་བ་ཡིན། །ནུབ་ཕྱོགས་མོན་གྱི་མི་ཁ་ཟློག་པར་བྱེད། །དེ་ཙམ་ཁྱེད་ལ་ཞུ་བ་འབུལ། ༼བ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ཡོན་བདག་རྐྱེན་ངན་བར་ཆད་ཟློག །ངེད་བྱང་གི་ཕྱོགས་སུ་འགྲོ་དགོས་ན། །སྔོན་བསུ་རྒྱབ་སྐྱེལ་དྲང་པོ་མཛོད། །ཡས་ཀྱི་གླུད་ཀྱི་ལམ་བསྟན་མཛོད། །བྱང་ཕྱོགས་ཧོར་གྱི་མི་ཁ་བཟློག་ཏུ་འགྲོ། །དེ་ཙམ་ཁྱེད་ལ་ཞུ་བ་འབུལ། ༼མ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ཡོན་བདག་འདི་

[Full Size]

ཡི་དོན་ཆེད་དུ། །མི་ནག་མགོ་གསུམ་དཔོན་གཡོག་འཁོར་བཅས་ཀུན། །འོག་གི་ཕྱོགས་སུ་འགྲོ་དགོས་ན། །སྔོན་བསུ་རྒྱབ་སྐྱེལ་རྫོངས་བཏབ་མཛོད། །འོག་ཕྱོགས་ས་བདག་ཀླུ་གཉན་གདུག་པ་ཟློག་པར་བྱེད། །དེ་ཙམ་ཁྱེད་ལ་ཞུ་བ་འབུལ། ༼ཙ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ཡོན་བདག་འདི་ཡི་དོན་ཆེད་དུ། །མི་ནག་མགོ་གསུམ་དཔོན་གཡོག་རྣམས། །སྟེང་གི་ཕྱོགས་སུ་འགྲོ་དགོས་ན། །སྔོན་བསུ་རྒྱབ་སྐྱེལ་རྫོངས་བཏབ་མཛོད། །ཡས་དང་སོ་སོར་ལམ་བསྟན་མཛོད། །སྟེང་ཕྱོགས་གཟའ་དང་རྒྱུ་སྐར་གདུག་པ་ཟློག །དེ་ཙམ་ཁྱེད་ལ་ཞུ་བ་འབུལ། ༼ཚ༽ །ཀྱཻ། འཕགས་པ་འཇམ་དཔལ་སྙན་གསོན་དང་། །ངེད་མི་ནག་མགོ་གསུམ་དཔོན་གཡོག་ལ། །གྲ་ཁལ་ཅི་ཡོད་ངོ་བསྔོ་མཛོད། །འདྲེ་མོ་སྤུན་དགུ་ལ་སོགས་པ། །ཟུར་དང་བསེ་རག་ཐམས་ཅད་ལ། །ཡས་གླུད་ཅི་ཡོད་ངོ་བསྔོ་མཛོད། །ཡོན་བདག་རྣམས་ལ་མི་གནོད་པའི། །གླུད་དང་ཡས་སྟགས་ཅི་ཡོད་དང་། །སྒོ་ཡི་ནོར་ལ་མི་གནོད་པའི། །ནོར་གླུད་གང་ཡོད་ངོ་ཚུར་སྔོས། །སྣང་སྲིད་ལྷ་འདྲེ་མཉེས་པ་ཡི། །ཤ་ཁྲག་གཏོར་མ་ངོ་

[Full Size]

ཚུར་སྔོས། །ངེད་ཀྱིས་བར་ཆད་བཟློག་ཏུ་འགྲོ། །དེ་ཙམ་ཁྱེད་ལ་ཞུ་བ་འབུལ། ༼ཛ་༽ །ཀྱཻ། འཕགས་པ་འཇམ་དཔལ་སྙན་གསོན་དང་། །རྒྱུ་སྦྱོར་ཡོན་བདག་འཁོར་བཅས་ཀྱི། །ཡས་གླུད་ངེད་ཀྱིས་ཁྱེར་ནས་འགྲོ། །ད་ནི་ཁྱེད་ཀྱིས་ངོ་བསྔོས་མཛོད། །ད་ནི་ངེད་ལ་དབང་གཅིག་བསྐུར། །ད་ནི་ངེད་ལ་རྫོངས་ཤིག་ཐོབ། །ད་ནི་ངེད་ཀྱི་སྒོ་དབྱེ་མཛོད། །སྔགས་འཆང་ཁྱེད་ཀྱི་བདག་ལ་སྐྱེལ་མ་མཛོད། །དེ་ཙམ་ཁྱེད་ལ་ཞུ་བ་འབུལ། ༼ཝ༽ །ཀྱཻ། འཕགས་པ་འཇམ་དཔལ་སྙན་གསོན་ཨ་དང་། །མི་ནག་མགོ་གསུམ་དཔོན་གཡོག་རྣམས། །སྣང་ཞིང་སྲིད་པའི་ལྷ་འདྲེ་ལ། །གླུད་ཡས་དམ་པ་ངོ་ཚུར་སྔོས། །མཐོ་སྲིད་པའི་རྩེ་མོ་མན་ཆད་དང་། །དམའ་ན་རག་གཙང་པོ་ཡན་ཆད་ཀྱི། །སྣང་ཞིང་སྲིད་པའི་ལྷ་འདྲེ་ལ། །ཚུར་མི་ལོག་པའི་བཀའ་བསྒོ་མཛོད། །ས་མཚམས་སྔགས་འཆང་ཁྱེད་ལ་བསྒོ། །ངེད་མི་ནག་དཔོན་གཡོག་དམག་ལ་ཆས། །ད་ནི་དགྲ་བགེགས་སྟེང་དུ་ཆས། །མི་ཁ་བྲ་མཆུ་བཟློག་ཏུ་ཆས། །ཐན་དང་ལྟས་སྡིག་བསྒྱུར་དུ་ཆས། །ཡོན་བདག་བར་ཆད་བསྒྱུར་དུ་ཆས། །སྔགས་འཆང་སྐུ་

[Full Size]

ཚེ་བསྲིང་དུ་ཆས། །སངས་རྒྱས་བསྟན་པ་སྲུང་དུ་ཆས། །ལོ་སྐག་ཟླ་སྐག་ཞག་སྐག་དང་། །ཟ་མའི་སྐག་རྣམས་བསྒྱུར་དུ་ཆས། །ཁྱེད་ཀྱི་ཕྲིན་ལས་དྲག་པོ་བསྒྲུབ། །རྫོགས་སོ། །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མགོ་གསུམ་ཞུས་ལེན།

[Full Size]

འཕགས་པ་འཇམ་དཔལ་གྱིས་མི་ནག་མགོ་གསུམ་ལ་གསུངས་པ། སྔགས་འཆང་གིས་མར་བཀའ་སྩལ་པའོ། །བཀའ་གསང་བ་འདི་ནི། འཕགས་པ་འཇམ་དཔལ་གྱིས་མི་ནག་དཔོན་གཡོག་ལ་གསུངས་པ། ཕྲིན་ལས་བཅོལ་ཞིང་དགྲ་ལ་རྦད་པའི་ལེའུ་སྟེ་དང་པོའོ།། ༼ཀ༽ ཧཱུྃ། འཕགས་པ་འཇམ་དཔལ་གསུང་པ་ནི། །ལྷ་དྲུག་གསོན་ལ་འདྲེ་དྲུག་ཉོན། །རྒྱུ་སྦྱོར་ཡོན་གྱི་བདག་པོ་འདི། །ཁྱིམ་སྒོ་ལམ་སྲང་འདི་དག་ཏུ། །སྲིད་པའི་བཟློག་མདོས་བརྩམས་པ་འདིས། །ཕ་གཅིག་ཁེན་པ་རྒད་པོ་དང་། །མ་གཅིག་ཁོན་མ་རྒན་མོ་གཉིས། །རྫུ་འཕྲུལ་ཐང་གཅིག་བསྡེབས་པ་ལ། །ཁྲག་གི་གྲོད་པ་མགོ་བདུན་བྱུང་། །ལྟས་ངན་གྲོད་པ་རྫུ་འཕྲུལ་ཆེ། །བཅོམ་ལྡན་འཕགས་པ་འཇམ་དཔལ་གྱིས། །ཤེས་རབ་རལ་གྲིས་གྲོད་པ་བཀྲལ་བ་ལ། །སྣ་ལ་ཤང་ཤང་མི་ཁ་དང་། །མི་ཁའི་བུ་མོ་བ་རུ་བྱུང་། །དེ་རྒྱབ་མི་དམར་མགོ་གསུམ་བྱུང་། །དེ་རྒྱབ་མི་ནག་མགོ་གསུམ་བྱུང་། །དེ་རྒྱབ་མ་མོ་ནག་མོ་བྱུང་། །གཡོག་མོ་ཆུ་སྲིན་མགོ་ཅན་དང་། །གདུག་པའི་ལྟས་ངན་སྣ་ཚོགས་བྱུང་། །འཕགས་པ་འཇམ་དཔལ་བཀའ་བྱུང་གིས། །སྔོན་ཡང་བསྒྱུར་བའི་རྒྱལ་པོར་བསྐོས། །དེ་རིང་རྒྱུ་སྦྱོར་ཡོན་

[Full Size]

བདག་གི །བཟློག་དང་བསྒྱུར་བའི་རྒྱལ་པོ་མཛོད། །རྐྱེན་ངན་བར་ཆད་ཐམས་ཅད་དང་། །ལོ་སྐག་ཟླ་སྐག་བདུན་ཟུར་དང་། །ཐན་སྣ་དགྲ་སྣ་བཟློག་ཏུ་གསོལ། །དུས་ལ་བབ་པའི་ཚེ་ཟད་ཀྱང་། །ལོ་གསུམ་བར་དུ་ཤོལ་ཐོབ་ཅིག ཁ༽ །ཧཱུྃ། འཕགས་པ་འཇམ་དཔལ་བཀའ་ལ་ནི། །མི་ཁ་ཤང་ཤང་བྲ་མཆུ་དང་། །མི་ཁ་བ་རུ་ཡར་ཉོན་དང་།། །ཁྱོད་དུང་གི་མི་ཕོ་དཀར་པོ་ལ། །སྔོན་པོ་ལྕགས་ཀྱི་མཆུ་སྡེར་ཅན། །ལུས་ལ་གཡུ་ཡི་གཤོག་པ་ཅན། །མགོ་ལ་ཟངས་ཀྱི་བྲ་བས་བརྒྱན། །མི་ཁའི་བུ་མོ་བ་རུ་ཁྱོད། །མི་ལུས་བ་ཡི་ར་ཅོ་ཅན། །ཁྱོད་མི་ཁ་བྲ་མཆུ་མིང་སྲིང་ཐམས་ཅད་ཀུན། །སྐད་ཅིག་མ་ཡེངས་བདག་ལ་གསོན། །བ་ཚ་བུལ་ཏོག་ལྟེ་བརྒྱག་དང་། །ཡོན་བདག་འདི་ཡི་མི་ཁ་བཟློག་པའི་ཕྱིར། །མི་ཁའི་ཡས་རྣམས་ཁྱོད་ལ་རྫོ་ངས། །ཇ་དང་ཚོས་དང་ཚྭ་དང་གསུམ། །རམ་པ་རུག་པ་གོ་སྙོད་གསུམ། །མི་ཁའི་ཡས་སྟགས་འདི་བཞེས་ལ། །མི་ཁ་ངན་པ་བཟློག་ཏུ་གསོལ། །སྐག་རིགས་སུམ་བརྒྱ་དྲུག་ཅུ་སྒྱུར། ༼ག༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་ཁ་བྲ་མཆུ་ཐམས་ཅད་

[Full Size]

དང་། །མི་ཁའི་བུ་མོ་མིང་སྲིད་རྣམས། །སྔོན་གྱི་ཁས་བླངས་དམ་བཅས་ལྟར། །ལུས་ངག་ཡིད་གསུམ་གུས་པར་ཉོན། །ཁམ་གྱི་མི་ཁ་ཤང་ཤང་དང་། །ཤོ་དང་ཆོ་ལོ་མིག་མང་དང་། །གླ་བ་སྐྱ་ག་ནག་བིལ་དང་། །མཚུར་དང་གཡེར་མ་སྒོག་པ་རྣམས། །མི་ཁ་མིང་སྲིང་རྣམས་ལ་རྫོངས། །དེ་རིང་བདག་དང་ཡོན་བདག་གི །འབྱུང་བ་ལྔ་ཡི་མི་ཁ་དང་། །རྨ་ངོ་ཁྲག་ངོའི་མི་ཁ་དང་། །མཚོན་དང་ནད་ཀྱི་མི་ཁ་དང་། །དགྲ་ཇག་རྐུན་མའི་མི་ཁ་དང་། །ཐན་སྣ་གྱོད་སྣའི་མི་ཁ་དང་། །ལོ་སྐག་ཟླ་སྐག་ཟ་མའི་སྐག །དེ་རྣམས་ཁྱོད་ཀྱིས་བཟློག་ཏུ་གསོལ། །མི་དམར་མགོ་གསུམ་སྣ་ཁྲིད་གྱིས། །མི་ཁའི་ཡས་རྣམས་ཁུར་ལ་སོང་། །འཁོར་འདིར་གནོད་པ་མ་བྱེད་ཅིག །༼ང༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་དམར་མགོ་གསུམ་ཡར་ཉོན་དང་། །ལུས་ངག་ཡིད་གསུམ་གུས་པར་ཉོན། །ཁྱིམ་སྒོ་ལམ་སྲང་འདི་དག་ཏུ། །རྐྱེན་ངན་བར་ཆད་བཟློག་པའི་ཕྱིར། །འབྲུ་སྣ་ལྔ་ལས་བཞེངས་པ་ཡི། །གཡས་ཀྱི་མགོ་དེ་བྱ་ཡི་མགོ །གཡོན་གྱི་མགོ་དེ་སྦྲུལ་གྱི་མགོ །དབུས་ཀྱི་མགོ་དེ་ཕག་གི་མགོ །

[Full Size]

སྦྲུལ་ནག་མགོ་དགུའི་རྟ་ལ་ཞོན། །ཕྱག་ན་སྐྱེར་པའི་མདའ་གཞུ་བསྣམས། །སྐུ་སྨད་སྟག་གི་ཤམ་ཐབས་ཅན། །ཁྱོད་མི་དམར་མགོ་གསུམ་རྟེན་དུ་བཞེས། །ཁྱོད་རྟེན་དང་། བཅས་པ་ད་ཆོས་ཤིག །མི་ཁའི་ཡས་རྣམས་རྐན་མར་གྱིས། །ཤ་ཁྲག་གཏོར་མ་འདི་བཞེས་ལ། །རྐྱེན་ངན་བར་ཆད་བཟློག་ཏུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། ཅ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་དམར་མགོ་བོ་གསུམ་པ་ཁྱོད། །ལུས་སེམས་ཀུན་གྱིས་བརྟེན་པར་གྱིས། །ཚུར་འདུས་བདག་གི་བཀའ་ལ་ཉོན། །ཁམས་གསུམ་ལོ་སྐོར་བཅུ་གཉིས་པོ། །ཟངས་ཀྱི་ཤང་ཤང་དམར་པོ་དང་། །ཟངས་ཀྱི་འཕར་བ་བྲ་མཆུ་དང་། །ཆངས་བསྐྲད་ནམ་མཁའ་རྒྱང་བུ་དང་། །ཁྲག་གི་གྲོད་པ་དམར་པོ་དང་། །རིལ་བུ་མཐེབ་སྐྱུ་བཤོས་བུ་དང་། །ཤ་ཁྲག་གཏོར་མ་འདི་བཞེས་ལ། །བདག་དང་རྒྱུ་སྦྱོར་ཡོན་བདག་གི །ལྟས་ངན་རྐྱེན་སྡིག་ཐམས་ཅད་དང་། །དགྲ་རྐུན་ཇག་གསུམ་མི་ཁ་དང་། །མི་མཐུན་ཕྱོགས་རྣམས་བཟློག་ཏུ་གསོལ། །དུས་ལ་བབ་པའི་ཚེ་ཟད་ཀྱང་། །ལོ་གསུམ་བར་དུ་ཤོལ་ཐོབ་ཅིག །བཅོལ་བའི་

[Full Size]

ཕྲིན་ལས་འགྲུབ་པར་མཛོད། ༼ཚ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །གདུག་པའི་མི་དམར་མགོ་གསུམ་ཁྱོད། །སྔོན་གྱི་དམ་ཚིག་དྲན་པར་གྱིས། །གང་བཅོལ་ལས་རྣམས་འགྲུབ་པར་མཛོད། །གཏོར་མ་མཐེབ་སྐྱུ་མང་པོ་དང་། །རཀྟའི་མཆོད་པ་འདི་བཞེས་ལ། །དེ་རིང་རྐྱེན་ངན་བཟློག་ཏུ་གསོལ། །མི་ནག་མགོ་གསུམ་སྣ་ཁྲིད་གྱིས། །༼ཇ༽ །ཧཱུྃ། འཕགས་པ་འཇམ་དཔལ་གསུངས་པ་ནི། །ཁྱོད་མི་ནག་མགོ་གསུམ་ཡར་ཉོན་དང་། །ཡིད་ཀྱི་དབང་པོས་དྲན་པར་སོམས། །བདག་དང་རྒྱུ་སྦྱོར་ཡོན་བདག་གི །རྐྱེན་ངན་བར་ཆད་བཟློག་ཏུ་གསོལ། །ལོ་སྐག་ཟླ་སྐག་ལྟས་ངན་དང་། །ཐན་སྣ་དགྲ་སྣ་བཟློག་ཏུ་གསོལ། །ཁམས་དང་འབྲས་ལ་བཞེངས་པ་ཡི། །གཡས་པ་ཞེ་སྡང་སྟག་གི་མགོ །གཡོན་པ་གཏི་མུག་ཕག་གི་མགོ །དབུས་དེ་གཏུམ་པོ་གླང་གི་མགོ །མཆུ་ལ་སྦྲུལ་རིས་སྦྲུལ་གྱིས་འཁྱུག །ཕོ་མཚན་རུ་སྦལ་རྒྱ་བོའི་མགོ །ལག་པ་བྱ་ནག་སྡེར་མོ་ཅན། །ཁྱོད་ཀྱི་བློ་ཡིད་གཏད་གྱིས་ལ། །མི་ཁ་ཤང་ཤང་བ་རུ་དང་། །མི་དམར་མགོ་གསུམ་སྣ་ཁྲིད་སྦྱར། །ཤ་ཁྲག་

[Full Size]

དམར་གྱི་གཏོར་མ་དང་། །ཆང་ཕུད་རཀྟ་འདི་བཞེས་ལ། །དགྲ་ཇག་རྐུན་གསུམ་ཐམས་ཅད་དང་། །མི་ཁ་བྲ་མཆུ་བཟློག་ཏུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། ༼ཉ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །ཁྱོད་མི་ནག་མགོ་གསུམ་ཡར་ཉོན་དང་། །བདག་དང་རྒྱུ་སྦྱོར་ཡོན་བདག་གི །རྐྱེན་ངན་བར་ཆད་བཟློག་ཏུ་གསོལ། །ཟློག་བྱེད་མི་ནག་མགོ་གསུམ་བཞེངས། །སླ་ང་ནག་པོའི་གདན་ལ་བཞུགས། །མི་ཁའི་ཡས་རྣམས་རྐན་མར་བྱིན། །ཤེལ་ཚིགས་ཁྲི་དཀར་སྟོང་ནག་སྨྱུདང་། །གཏོར་མ་མཐེབ་སྐྱུ་ཤ་དམར་དང་། །འབྲུ་ཟན་ཤ་རུས་དར་ཟབ་དང་། །མདའ་བཀྲ་འཕང་བཀྲ་རྒྱང་བུ་དང་། །འབྱུང་བའི་ཁ་དོག་ནམ་མཁའ་དང་། །ཕོ་ཐོང་མོ་ཐོང་ངར་མི་དང་། །དམ་རྫས་བདུད་རྩི་གསེར་སྐྱེམས་དང་། །ཤ་ཁྲག་གཏོར་མ་འདི་བཞེས་ལ། །སྣང་སྲིད་ལྷ་འདྲེའི་གདུག་པ་དང་། །དགྲ་རྐུན་ཇག་གསུམ་མི་ཁ་རྣམས། །མགོ་གསུམ་ཁྱོད་ཀྱིས་བཟློག་ཏུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། ཏི༽ །ཧཱུྃ། འཕགས་པ་འཇམ་དཔོལ་ཞལ་ན་རེ། །བདུད་མོ་རྔ་མོང་ཞོན་པ་

[Full Size]

དང་། །གཡོག་མོ་ཆུ་སྲིན་མགོ་ཅན་དང་། །མ་མོའི་རིགས་རྣམས་ཡར་ཉོན་དང་། །བདུད་མོ་རྔ་མོང་ཞོན་པ་ཁྱོད། །གཡས་ན་གྲི་གུག་ནམ་མཁར་ཕྱར། །གཡོན་ན་ཐོད་པ་ཁྲག་བཀང་འཛིན། །ཆིབས་སུ་རྔ་མོང་དཔུང་དཀར་ཆིབས། །དམ་ཉམས་དགྲ་བོའི་སྟེང་དུ་རྒྱུགས། །ཡོན་བདག་འདི་ཡི་རྐྱེན་རྣམས་ཟློག །གཡོག་མོ་ཆུ་སྲིན་མགོ་བོ་ཅན། །གཡས་ན་ཐོད་ཟོར་ནམ་མཁར་ཕྱར། །གཡོན་པས་ཁྲག་ཟོར་དམར་པོ་བཟུང་། །དམ་ཉམས་དགྲ་བོའི་སྙིང་ལ་རྒྱོབས། །འཁོར་དུ་མ་མོ་འབུམ་གྱི་བསྐོར། །མ་མོའི་ཁྲག་ནད་དགྲ་ལ་ཐོངས། །མོ་ངན་མཚེར་རྩུབ་ཁྱོད་ཀྱིས་ཟློག །བཅོལ་བའི་ཕྲིན་ལས་འགྲུབ་པར་མཛོད། ༼ཐ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །སྟོང་གསུམ་སྲིད་གསུམ་མ་མོ་རྣམས། །ཚུར་འདུས་བདག་གི་བཀའ་ལ་འདུས། །དམ་རྫས་མཆོད་པ་ཁྱོད་ལ་སྦྱིན། །ནད་དང་ཆོ་འཕྲུལ་བཟློག་པའི་ཕྱིར། །ཤ་ཁྲག་དམར་གྱི་གཏོར་མ་དང་། །དྲི་ཞིམ་སྤོས་ཀྱི་མཆོད་པ་དང་། །མདངས་ལྡན་མེ་ཏོག་མཆོད་པ་དང་། །བདུད་རྩི་ཆང་གི་མཆོད་པ་དང་། །ཤིང་ཐོག་ལི་རྒུན་སིལ་འབྲུ་

[Full Size]

དང་། །མཆོད་པའི་བྱེ་བྲག་འདི་དག་ཀུན། །སྟོང་གསུམ་མ་མོ་རྣམས་ལ་འབུལ། །ནམ་མཁའ་རྒྱང་བུ་ཐན་གཟུགས་དང་། །རི་དྭགས་ཆངས་བསྐྲད་ངར་མི་དང་། །མ་མོ་དཔོན་གཡོག་རྣམས་ལ་འབུལ། །བྱེད་དང་ཆོ་འཕྲུལ་བཟློག་ཏུ་གསོལ། །ཕྱོགས་མཚམས་བརྒྱད་གནས་མ་མོ་རྣམས། །བསྔོས་པའི་དམ་རྫས་འདི་བཞེས་ལ། །རྒྱལ་སྲིན་གདུག་པ་བཟློག་ཏུ་གསོལ། །བཀའ་དང་དམ་ལ་མ་འདའ་ཞིག །བཅོལ་བའི་ཕྲིན་ལས་འགྲུབ་པར་མཛོད། ༼ད༽ །ཧཱུྃ། འཕགས་པ་འཇམ་དཔལ་ཞལ་ན་རེ། །ཁྱོད་ལོ་སྐོར་བཅུ་གཉིས་ཚུར་ཉོན་དང་། །མ་ཧཱ་གསེར་གྱི་རུ་སྦལ་ལ། །ཁྱོད་ལོ་སྐོར་བཅུ་གཉིས་སྲིད་པ་ཡིན། །སྤར་ཁ་བརྒྱད་པོ་ཆགས་པ་ཡིན། །ནམ་ཟླ་དུས་བཞི་མི་འཆུག་པའི། །དུས་བཞིའི་ལྷ་བཞིས་སྲུང་བ་ཡིན། །ལོ་གྲངས་ཟླ་གྲངས་མི་འཆུག་པའི། །ལོ་སྐོར་བཅུ་གཉིས་བསྐོས་པ་ཡིན། །དེ་ལྟར་ལོ་སྐོར་བཅུ་གཉིས་ཁྱོད། །བཟློག་དང་བསྒྱུར་བའི་དཔང་པོ་མཛོད། །སྔོན་ཇི་ལྟར་ཁས་བླངས་དམ་བཅས་བཞིན། །བཀའ་དང་དམ་ལ་མ་འདའ་བར། །མི་ནག་མགོ་གསུམ་སྡོང་གྲོགས་གྱིས། །ཁམས་ལས་བྱས་

[Full Size]

པའི་ལོ་གཟུགས་དང་། །ཟན་ལས་བྱས་པའི་ལོ་གཟུགས་དང་། །དཀར་གསུམ་མངར་གསུམ་ལོ་གཟུགས་དང་། །ཤ་དང་གཏོར་མ་མཐེབ་སྐྱུ་དང་། །ཁྱོད་ལོ་སྐོར་བཅུ་གཉིས་བཞེས་སུ་གསོལ། །ལོ་སྐག་ཟླ་སྐག་ཟ་མའི་སྐག་རྣམས་ཟློག ། །འཕགས་པ་འཇམ་དཔལ་ཞལ་ན་རེ། ༼ན༽ ཧཱུྃ། ཕགས་པ་འཇམ་དཔལ་ཞལ་ན་རེ། །སྲིད་པའི་མི་ནག་མགོ་གསུམ་ཁྱོད། །ལོ་སྐོར་བཅུ་གཉིས་ལ་སོགས་པའི། །ཐན་དང་ལྟས་ངན་ཆོ་འཕྲུལ་དང་། །སྐག་རིགས་སུམ་བརྒྱ་དྲུག་ཅུ་རྣམས། །བཟློག་ཅིང་བསྒྱུར་བའི་ཕྲིན་ལས་མཛོད། །སྔོན་གྱི་ཁས་བླངས་དམ་བཅས་ལྟར། །བཀའ་དང་དམ་ལ་མ་འདའ་ཞིག །ཤར་ལྷོ་ནུབ་བྱང་སྐག་རྣམས་བསྒྱུར་བར་མཛོད། ༼པ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་ནག་མགོ་གསུམ་དཔོན་གཡོག་རྣམས། །ལོ་སྐོར་བཅུ་གཉིས་ཚུར་ཉོན་དང་། །ངས་སོ་སོར་ཡས་ཀྱི་རྫོངས་ཤིག་འདེབས། །ཕྱོགས་ཕྱོགས་འགྲོ་བའི་ལམ་གཅིག་བསྟན། །བཅོལ་བའི་ཕྲིན་ལས་སོ་སོར་བསྒོ། །ཤར་ཕྱོགས་ཤིང་ལ་མངའ་མཛད་པའི། །རྒྱལ་པོ་སྟག་གིས་སྔོན་ནས་ཁྲིད། །བློན་པོ་ཡོས་ཀྱིས་རྒྱབ་ནས་དེད། །འབྱུང་བོ་

[Full Size]

ཤིང་གི་ཁམས་སུ་སོང་། །བདག་དང་རྒྱུ་སྦྱོར་ཡོན་བདག་ལ། །སྟག་ཡོས་ལོ་པའི་མི་ཡོད་ན། །དེ་ཡི་བགེགས་རྣམས་བསྒྱུར་དུ་གསོལ། །སྤྲེལ་དང་བྱ་ཡི་གསོབ་རེ་འབུལ། །བདུན་ཟུར་དགྲ་བགེགས་བསྒྱུར་བར་མཛོད། །ཤར་ཕྱོགས་རྒྱ་ཡི་མི་ཁ་དགྲ་ལ་སྒྱུར། ༼ཕ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །ཁྱོད་ལོ་སྐོར་བཅུ་གཉིས་ང་ལ་ཉོན། །ངས་སོ་སོར་ཡས་ཀྱི་རྡོ་ངས་ཤིག་འདེབས། །ཕྱོགས་ཕྱོགས་འགྲོ་བའི་ལམ་གཅིག་བསྟན། །བཅོལ་བའི་ཕྲིན་ལས་སོ་སོར་བསྒོ། །ལྷོ་ཕྱོགས་མེ་ལ་མངའ་མཛད་པའི། །རྒྱལ་པོ་སྦྲུལ་གྱིས་སྔོན་ནས་ཁྲིད། །བློན་པོ་རྟ་ཡིས་རྒྱབ་ནས་དེད། །འབྱུང་བ་མེ་ཡི་ཁམས་སུ་སོང་། །ཐབ་འདྲེ་གཞོབ་སྲིའི་ནད་རྣམས་ཟློག །བདག་དང་རྒྱུ་སྦྱོར་ཡོན་བདག་ལ། །རྟ་སྦྲུལ་ལོ་པའི་མི་ཡོད་ན། །དེ་ཡི་སྐག་རྣམས་བསྒྱུར་དུ་གསོལ། །ཕག་དང་བྱི་བའི་གསོབ་རས་འབུལ། །བདུན་ཟུར་སྐག་རྣམས་བསྒྱུར་དུ་གསོལ། །ལྷོ་ཕྱོགས་འཇང་གི་མི་ཁ་དགྲ་ལ་སྒྱུར། ༼བ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་ནག་མགོ་གསུམ་ལོ་སྐོར་བཅུ་གཉིས་རྣམས། །མ་ཡེངས་

[Full Size]

གུས་པས་བདག་ལ་ཉོན། །དགྲ་ཇག་རྐུན་གསུམ་མི་ཁ་དང་། །ཐན་ངན་རྐྱེན་སྡིག་མི་ཁ་དང་། །གནམ་ས་ཟད་པའི་ཕར་མཐའ་དང་། །འཐིས་ལུག་རི་ཡི་ཕར་རྒྱབ་ན། །འདི་ནས་ཡར་ཡར་སྟོང་སྟོང་སོང་། །ངས་སོ་སོར་འདོད་པའི་ཡས་ཤིག་རྫོངས། །རང་རང་ཕྱོགས་སུ་ལམ་གཅིག་བསྟན། །བཅོལ་བའི་ཕྲིན་ལས་སོ་སོར་བསྒོ། །ནུབ་ཕྱོགས་ལྕགས་ལ་མངའ་མཛད་པའི། །རྒྱལ་པོ་སྤྲེལ་གྱིས་སྔོན་ནས་ཁྲིད། །བློན་པོ་བྱ་ཡིས་རྒྱབ་ནས་དེད། །འབྱུང་བ་ལྕགས་ཀྱི་ཁམས་སུ་སོང་། །ལྕགས་བདུད་མཚོན་གྱི་མི་ཁ་སྒྱུར། །རྒྱུ་སྦྱོར་ཡོན་གྱི་བདག་པོ་ལ། །བྱ་སྤྲེལ་ལོ་པའི་མི་ཡོད་ན། །དེ་ཡི་སྐག་ཆེན་བཟློག་ཏུ་གསོལ། །སྟག་དང་ཡོས་བུའི་གསོབ་རས་འབུལ། །བདུན་ཟུར་སྐག་རྣམས་བཟློག་པར་མཛོད། །ནུབ་ཕྱོགས་མོན་གྱི་མི་ཁ་བཟློག་ཏུ་གསོལ། ༼མ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་ནག་མགོ་གསུམ་ལོ་སྐོར་བཅས། །མ་ཡེངས་ཀུན་གྱིས་བདག་ལ་ཉོན། །སོ་སོར་འདོད་པའི་ཡས་ཤིག་རྫོངས། །རང་རང་ཕྱོགས་སུ་ལམ་གཅིག་བསྟན། །བཅོལ་བའི་ཕྲིན་ལས་སོ་སོར་

[Full Size]

བསྒོ། །བྱང་ཕྱོགས་ཆུ་ལ་མངའ་མཛད་པའི། །རྒྱལ་པོ་ཕག་གིས་སྔོན་ནས་ཁྲིད། །བློན་པོ་བྱི་བས་རྒྱབ་ནས་དེད། །འབྱུང་བ་ཆུ་ཡི་ཁམས་སུ་སོང་། །བདག་དང་རྒྱུ་སྦྱོར་ཡོན་བདག་ལ། །བྱི་ཕག་ལོ་པའི་མི་ཡོད་ན། །དེ་ཡི་བགེགས་རྣམས་བསྒྱུར་དུ་གསོལ། །རྟ་དང་སྦྲུལ་གྱི་གསོབ་རས་འབུལ། །བདུན་ཟུར་སྐག་རྣམས་བསྒྱུར་དུ་གསོལ། །བྱང་ཕྱོགས་ཧོར་གྱི་མི་ཁ་དགྲ་ལ་སྒྱུར། ༼ཙ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་ནག་མགོ་གསུམ་ལོ་སྐོར་བཅས། །མ་ཡེངས་གུས་པས་བདག་ལ་ཉོན། །ངས་སོ་སོར་ཡས་ཀྱི་རྫོངས་ཤིག་བཏབ། །ཕྱོགས་ཕྱོགས་འགྲོ་བའི་ལམ་གཅིག་བསྟན། །བཅོལ་བའི་ཕྲིན་ལས་སོ་སོར་བསྒོ། །ཤར་ལྷོ་ལྷོ་ནུབ་མངའ་མཛད་པའི། །རྒྱལ་པོ་འབྲུག་གིས་སྔོན་ནས་ཁྲིད། །བློན་པོ་ལུག་གིས་རྒྱབ་ནས་དེད། །གོང་དང་འོག་གི་མཚམས་སུ་སོང་། །སྟེང་འོག་གཟའ་དང་རྒྱུ་སྐར་གདུག་པ་བསྒྱུར་དུ་གསོལ། །བདག་དང་རྒྱུ་སྦྱོར་ཡོན་བདག་ལ། །འབྲུག་ལུག་ལོ་པའི་མི་ཡོད་ན། །དེ་ཡི་སྐག་རྣམས་བཟློག་ཏུ་གསོལ། །།ཁྱི་དང་གླང་གི་གསོབ་རས་འབུལ། །བདུད་

[Full Size]

གཤེད་སྲི་ཁ་བསྒྱུར་དུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། ༼ཚ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མགོ་གསུམ་ལོ་སྐོར་བཅུ་གཉིས་རྣམས། །མ་ཡེངས་གུས་པས་བདག་ལ་ཉོན། །ངས་སོ་སོར་འདོད་པའི་ཡས་ཤིག་རྫོ་ངས། །རང་རང་ཕྱོགས་སུ་ལམ་གཅིག་བསྟན། །ནུབ་བྱང་བྱང་ཤར་གཉིས་གནས་པའི། །གནམ་ས་བར་ལ་གནས་པ་ཡི། །རྒྱལ་པོ་ཁྱི་ཡིས་སྔོན་ནས་ཁྲིད། །བློན་པོ་གླང་གིས་རྒྱབ་ནས་དེད། །སྟེང་འོག་ནམ་མཁའི་ཁམས་སུ་སོང་། །སྟེང་འོག་གཟའ་དང་རྒྱུ་སྐར་གདུག་པ་བཟློག་ཏུ་གསོལ། །ལུག་དང་འབྲུག་གི་གསོབ་རས་འབུལ། །བདུན་ཟུར་བཞི་གཤེད་བསྒྱུར་དུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། ༼ཛ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །མི་ནག་མགོ་གསུམ་ལོ་སྐོར་བཅས། །མ་ཡེངས་གུས་པས་བདག་ལ་ཉོན། །དགྲ་ཇག་རྐུན་གསུམ་མི་ཁ་དང་། །ཐན་དང་རྐྱེན་སྡིག་མི་ཁ་དང་། །གནམ་ས་ཟད་པའི་ཕར་མཐའ་དང་། །འཐིས་ལུག་རི་ཡི་ཕར་རྒྱབ་ན། །འདི་ནས་ཡར་ཡར་སྟོང་སྟོང་སོང་། །སྣང་སྲིད་ལྷ་འདྲེ་

[Full Size]

འདུ་སླད་དུ། །གྲོ་དང་འབྲས་ལ་སོགས་པ་ཡི། །སྲན་མ་ལ་སོགས་འབྲུ་ནག་རྣམས། །ཁྱོད་མི་ཁའི་བུ་མོ་རྣམས་ལ་འབུལ། །སྒོག་པ་གཡེར་མ་གོ་སྙོད་དང་། །བཙོད་་མཚུར་བ་ཚ་བུལ་ཏོག་དང་། རྒྱུ་མ་དང་། །གཏོར་མ་མཐེབ་སྐྱུ་ཤ་དུམ་བཞེས། །སྐག་རིགས་ལྟས་ངན་དགྲ་ལ་སྒྱུར། །འཇམ་དཔལ་དམ་ལ་མ་འདའ་ཞིག །བཅོལ་བའི་ཕྲིན་ལས་འགྲུབ་པར་མཛོད། ༼ཝ༽ །ཧཱུྃ། འཕགས་པ་འཇམ་དཔལ་ཞལ་ན་རེ། །ཁྱོད་མི་ནག་མགོ་གསུམ་འཁོར་དང་བཅས། །སྣང་སྲིད་ལྷ་འདྲེ་སྐག་རིགས་རྣམས། །མིག་གི་དབང་པོས་མཐོང་བར་ལྟོས། །རྣ་བའི་དབང་པོས་གསང་བར་ཉོན། །ཡིད་ཀྱི་དབང་པོས་དྲན་པར་སོམས། །གླུད་ཡས་སྣ་ཚོགས་བསྔོ་བ་རྣམས། །ཨོ་ཨཱ༔ཧཱུྃ་གིས་བྱིན་གྱིས་རློབས། །འདོད་པའི་ཡོན་ཏན་ལྔ་དང་ལྡན། །སྣང་སྲིད་ལྷ་འདྲེའི་བཞེས་སུ་གསོལ། །མདའ་བཀྲ་འཕང་བཀྲ་བལ་ཚོན་དང་། །ཕོ་ཏོང་མོ་ཏོང་རྒྱང་བུ་དང་། །དར་སྣ་སྟག་གཟིག་རིས་ལ་སོགས། །འབྲུ་དང་ངར་གླུད་འབུལ་བ་སྟེ། །རཾ་ཡཾ་ཁཾ་གིས་བསྲེགས་སྦྱངས་བཀྲུས། །སོ་སོར་འདོད་པ་ཚིམ་གྱུར་ཅིག །འདི་རུ་མ་

[Full Size]

འདུག་གཞན་དུ་དེངས། །ཁང་ཁྱིམ་འདི་ལ་མ་འཁོར་ཅིག །ཕོ་ཡི་རྟ་ལ་མ་བརྐུ་ཅིག །མོ་ཡི་མངལ་ལ་མ་འཇབ་ཅིག །དམ་ཉམས་དགྲ་ལ་ཟ་ཁ་སྟོན། །། མི་ནག་དཔོན་གཡོག་འཁོར་བཅས་རྣམས། །གླང་ཆེན་ཁྱོད་ཀྱིས་ཁུར་ལ་སོང་། །བཅོལ་བའི་ཕྲིན་ལས་འགྲུབ་པར་མཛོད། །རྫོགས་སོ།། །།སརྦ་མངྒ་ལཾ། བྷ་ཝནྟུ། ཛ་ཡ་ཛ་ཡ་བི་ཛ་ཡ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མགོ་གསུམ་གྱི་གསེར་མཛོད་ཤོག་དྲིལ།

[Full Size]

མགོ་གསུམ་གྱི་གསེར་མཛོད་ཤོག་དྲིལ་བཞུགས་པའི་དབུ་ཕྱོགས་ལེགས་པར་ཡོད། །

[Full Size]

མཁྱེན་རབ་ཀྱི་མངའ་བདག་འཕགས་པ་འཇམ་དཔལ་ལ་ཕྱག་འཚལ་ལོ། །བཀག་མདོས་སྙིང་ཐིག་མན་ངག་གསེར་མཛོད་ཅེས་བྱ་བ། ལྔ་བརྒྱ་དུས་ཀྱི་ཐ་མ་ལ། །དགེ་འདུན་ནང་རྨོ་བྱེད་པའི་དུས། །ནད་ཡམས་འགོ་ལོ་རྒོད་པ་དང་། །ཕྱོགས་བཞིར་དགྲ་བཞི་དར་བ་ལ། །བཟློག་པའི་ཐབས་ནི་འདི་ལྟར་རོ། །འཕགས་པ་འཇམ་དཔལ་གྱིས་སེམས་ཅན་གྱི་དོན་དུ་བཀག་མདོས་ཆེན་པོ་འདིས་ནད་ཡམས་བཅད་པ་དང་། དགྲ་སྣ་བསྒྱུར་བ་དང་། གོད་ཁ་བཅད་པ་དང་། ཐན་སྣ་བསྒྱུར་བ་དང་། སེར་བ་བཀག་པ་དང་། མགོ་གསུམ་འདི་ཡིས་མི་ཐུབ་པ་གང་ཡང་མེད། གནད་ཀྱི་ཤོག་དྲིལ་འདི་མེད་ན། རང་ལ་ལྡོག་ཉེན་ཡོད་པས་གཟབ་པར་བྱའོ། །དབུ་གསུམ་ལ་སྐུ་གསུང་ཐུགས་ཀྱི་ཤོག་དྲིལ་བཙུགས་པར་

[Full Size]

བྱའོ། ༈ །མགོ་གསུམ་བཅའ་ཐབས་ལ། གཡས་སྟག་མགོ། གཡོན་ཕག་མགོ། དབུས་གླང་མགོ་ཤིན་ཏུ་བརྗིད་པ། མིག་བསྒྲད་པ། མཆེ་བ་གཙིགས་པ། དཔྲལ་བར་ཁྲོ་གཉེར་གསུམ་གཙིགས་ཡོད་པར་བྱས། སྙིང་ཁ་ཁྲག་མཚོ་འཁྱིལ་བ། ཕྱག་གཡས་དགྲ་སྟ་བསྣམས་པ། ལས་ཀ་གང་བྱེད་གཞུང་ལས་ཤེས་སོ། །མི་ཁའི་ཡས་རྣམས་སྙིང་ཁར་བཅུག་གོ །གཡོན་བདུད་ཀྱི་ཁྲམ་ཤིང་ལ། རྩེ་ལ་ཟློག་བྱ་བ་བྲིས་ལ་བཟུང་བཅུག །དབུས་གླང་མགོའི་སྟེང་ན། བདུད་ནག་པོ་གཅིག་གིས་དགྲ་བོའི་གློ་སྙིང་དྲོངས་ཤིག་བྱས་ལ་བཙུགས། །མདུན་དུ་སྣ་ཁྲིད་ཤང་ཤང་སེར་པོ་བྱས་ལ་དགྲ་བོ་ཟས་སུ་ཟ་བ་དང་། གཤོག་པ་དམར་པོ། དེའི་མཆེད་དུ་མི་མགོ་གསུམ། དབུས་ཕག་མགོ །གཡས་བྱ་མགོ །གཡོན་སྦྲུལ་མགོ །ཕྱག་

[Full Size]

གཡས་བཙན་ཞགས་གཡོན་མདའ་གཞུ་འཛིན་པ། དེའི་མཆན་དུ་སྦྲུལ་ལ་ཞོན་པ་གཅིག་གི་གཡས་ན་དགྲའི་མིང་བྱང་བྲིས་པའི་ལིངྒ་གཅིག་དང་། ཁྲམ་ཤིང་སྦྲུག་ལ་བཟུང་བཅུག །གཡོན་ཁྲག་ཟོར་དམར་པོ་བཟུང་བར་བྱས། རྗེས་སུ་མ་མོ་རྔ་ཞོན་མ་ཕྱིན་ཅི་ལོག་ལ་ཞོན་ནས་ནད་ཀྱི་གྲུ་གུ་རྐང་གཅིག་བྱས། ལོ་བཅུ་གཉིས་ཀྱིས་བསྐོར་ལ་བཞག །ཤང་ཤང་བརྒྱད། བྲ་བ་བརྒྱད། ཤོ་ཕྲུག་བརྒྱད། སྤར་ཁ་བརྒྱད་ཀྱི་ཤིང་རིས་བཙུགས་སོ། །མ་མོ་སེང་ཞོན། སྟག་ཞོན། དྲེལ་ཞོན། སྤྱང་ཞོན། རྔ་མོང་ལ་ཞོན་པ་ཅན་བཞག་གོ །གཡོག་མོ་ཆུ་སྲིན་གདོང་ཅན་བྱས། ནམ་མཁའ་བཅུ་གཉིས་མདའ་བཀྲ་འཕང་བཀྲ་རྒྱང་བུ་བཅུ་གཉིས་རེ་བཙུགས། དེ་རྒྱབ་རྩང་ཉེར་བརྒྱད་སྲིན་མོ་འགྲོས་སུ་བཙུགས། མི་ཁའི་ཐུན་རྫས་ཀྱིས་བྲབ། གཏོར་མ་མཐེབ་སྐྱུ་དགྲ་བོའི་ཤ་དུམ་དམིགས་ལ་འབུལ། འདི་རྣམས་སླ་ང་ནག་པོའི་ནང་དུ་བཤམས། བཀག་མདོས་ལོ་བདུད་ཕྱོགས་སུ་བསྐྱལ། སྤྱི་རྒྱུན་གྱི་བཅས་དཀའ་ལག་ལེན་དང་བཅས་པ་འདི། བྱད་མ་ལྷ་སྲུང་དང་བཅས་པ་ཐལ་བ་རྡུལ་ཕྲན་བཞིན་དུ་བརླག་པར་བསམ། དམིགས་བྱ་ཡོད་ན་བཀུག་གཞུག་བྱ། ༈ བྱད་ཟློག་བྱེད་པར་འདོད་ན། འཇམ་དཔལ་གཤིན་རྗེ་གཤེད་དུ་བསྒོམ་ལ་འགུག་གཞུག་བྱས་ལ་མདོས་ལ་བསྟིམ། བྷྱོ་མ་ཧཱ་དྷེ་ཝ་བྷྱོ་ཟློག །མ་ཧཱ་དྷེ་ཝ་དགྲ་བོའི་སྲོག་ལ་རྨི་མཱ་ར་ཡ་ཆོད་ཆོད། མ་ཧཱ་དྷེ་ཝ་ཨུ་མ་དྷེ་ཝས་དགྲ་བོའི་སྲོག་སྙིང་ཕྱུངས་ཕྱུངས། མ་ཧཱ་དྷེ་ཝ་ས་མཱ་ཡ་དགྲ་

[Full Size]

ལ་རྒྱུག་རྒྱུག །བྱད་མ་སོད་སོད། བྱད་མ་ལྷ་སྲུང་དང་བཅས་པ་མཱ་ར་ཡ་རྦད་རྦད། རྨི་ལོང་སྲོག་ཆོད་ཆོད་ས་མ་ཡ་བྷྱོ་བྷྱོཿ ཞེས་ཐུན་གྱིས་བྲབ། པོ་ནག་ལ་བྲིས་ལ་ཁོག་པར་གཞུག ༈ འདི་ཡི་བཅའ་ཐབས་ལ་མགོ་གསུམ་པ་གཅིག་བྱས་ལ། ཕྱག་དྲུག་གཡས་དང་པོ་རལ་གྲི། བར་མ་ཐོ་བ། འོག་མ་དགྲ་སྟ། གཡོན་དང་པོ་ཁྲམ་ཤིང་། གཉིས་པར་སྦྲུལ་ཞགས། འོག་མར་ཀོང་ཟོར་བཟུང་བར་བྱས། བཅའ་ཐབས་གོང་དང་འདྲ། མགོ་གསུམ་སྡེར་མོ་ལ་ལིངྒ་མི་ཁའི་ཡས་དང་སྦྲག་ལ་བཙུགས། རྩང་ཉེར་བརྒྱད་ཀྱིས་བསྐོར། རྩེ་ལ་མི་ཁ་བཟློག་ཅེས་བྱ་བའི་སྔགས་བྲིས་ལ། ཤ་དུམ་སྤེལ་ཚིག་དང་བཅས་པ་བྲིས་ལ་ཁོག་པར་བཅུག། ༈ །སྐག་བསྒྱུར་བར་འདོད་ན། རང་ཉིད་འཇམ་དཔལ་སྐུ་མདོག་སེར་པོ་ཞལ་གཅིག་ཕྱག་གཉིས་གཡས་རལ་གྲི། གཡོན་པོ་ཏི་འཛིན་པ་གཅིག་བསྒོམ། དེའི་ཐུགས་ཀ་ནས་འོད་ཟེར་འཕྲོས་པས་མགོ་གསུམ་སྤྱན་དྲངས་ལ་མདོས་ལ་བསྟིམ་མོ། །ལོ་སྐག་བསྒྱུར་བར་བསམ་ལ་དེའི་སྔགས་ལ། མ་ཧཱ་དྷེ་ཝ་བློ་ཟློག །མ་ཧཱ་དྷེ་ཝ་ས་མ་ཡ། ཨོཾ་མ་ཧཱ་ཙིག་པ་ར་ཏ་པ་ར་ལ་ཡ་ཡ། དགྲ་ལ་བྷྱོ་བྷྱོ་ཟློག་ཟློག །རྦད་ཆོད་སྐག་སྒྱུར། མ་ཧཱ་དྷེ་ཝ། ཨུ་མ་དྷེ་ཝ་མས་དགྲ་བོའི་སྲོག་ལ་ཡ་ཡ་བྷྱོ་བྷྱོ་ཟློག་ཟློག །སྐག་རིགས་སུམ་བརྒྱ་དྲུག་ཅུ་སྒྱུར་ཅིག །ཅེས་ཐུན་གྱིས་བྲབ། ༈ འདི་ཡི་བཅའ་ཐབས་ལ། མདོས་

[Full Size]

གཞི་ལེགས་པ་གཅིག་གི་སྟེང་དུ། མ་ཧཱ་གསེར་གྱི་རུ་སྦལ། དེའི་སྟེང་མགོ་གསུམ་ཕྱག་དྲུག་པ། ཤིན་ཏུ་འཇིགས་པ། གཡས་དང་པོས་ཁྲམ་ཤིང་། གཉིས་པར་མདའ་གཞུ། འོག་མས་ལྕགས་ཀྱུ། གཡོན་དང་པོས་ཁྲམ་བམ། བར་མས་དམར་གཏོར། འོག་མས་མི་ལྤགས་ཀྱི་གཡང་གཞི་ཐུར་དུ་བཟུང་བར་བྱས། དེའི་གཡས་སུ་མི་དམར། གཡོན་དུ་བུད་མེད་དོམ་ཞོན། མདུན་དུ་ཤང་ཤང་སེར་པོ། ལོ་རྒན་དྲུག་ཅུ། ཕྱི་རྟེན་ནང་རྟེན། ལོ་སྐོར་བཅུ་གཉིས། སྤར་ཁ་བརྒྱད་མདའ་བཀྲ་འཕང་བཀྲ། ནམ་མཁའ་རྒྱང་བུ་བཅུ་གཉིས་རེ་བཙུགས། དེ་རྒྱབ་རྩང་ཉེར་བརྒྱད་ཀྱིས་བསྐོར། བཟློག་བྱང་སྐག་སྒྱུར་བྱ་བའི་སྤེལ་ཚིག་བྱས། ལོ་བདུད་ཕྱོགས་སུ་བསྐྱལ། ཕྱི་མཚམས་བཅད། བདག་བསྲུང་བའི་གུར་ཁང་བསྒོམ། རང་བསྲུང་བའི་སྔགས་འདི་བཟླས། ཨོཾ་ཝ་གི་ཤྭ་རི་མཱི། ཨོཾ་མ་ཎི་པདྨེ་ཧཱུྃ། ཨོཾ་བཛྲ་པཱ་ཎི་ཧཱུྃ། ༈ ཐན་བསྒྱུར་བར་འདོད་ན། མགོ་གསུམ་གཡས་གླང་མགོ་གཡོན་ཕག །དབུས་སྟག །གཡས་དང་པོས་རྡོ་རྗེ་གྲི་གུག །ཁྲག་ཟོར། ལྕགས་ཀྱུ། །གཡོན་དང་པོས་ཐོད་ཁྲག །ཐན་རྐྱལ་དགྲ་ལ་བྱོ་བའི་ཚུལ། འོག་མས་ཐན་སྤྲེལ་གླ་བ་དགྲ་ལ་འགྱེད་ཚུལ་བྱས། སྤྱི་བོར་བདུད་བྱ་ལྡིང་བ། ལུས་ལྟས་ངན་བྱ་ནག་གི་གཤོག་པ། མཇུག་མ་སྦྲུལ། ལུས་པོ་མིག་གིས་གང་བ། བཅའ་ཐབས་གཞན་དང་མཐུན། ༈ རང་ཉིད་དབང་ཕྱུག་ཆེན་པོ་དཀར་པོ། ཕྱག་གཡས་ཙནྡན་གྱི་བེང་ཕྱར་བ། གཡོན་སྡིགས་མཛུབ་རྩེ་

[Full Size]

ལ་ལྕགས་ཀྱི་སྡིག་པ་ནག་པོ་མགོ་དགུ་མིག་དགུ་པ་བསྣམས་པ། སྤྱན་བསྒྲད་མཆེ་བ་གཙིགས་པ་ཞལ་གདང་བ་ལྗགས་བརྐྱངས་བ་བསྒོམ། དེའི་དབུ་ཐོག་ཏུ་འཇམ་དཔལ་བསྒོམ། དེའི་ཐུགས་ཀ་ནས་འོད་ཟེར་འཕྲོས་པས། མགོ་གསུམ་སྤྱན་འདྲེན་ལ་མདོས་ལ་བསྟིམ། མི་ཁའི་ཡས་ཀྱི་ཐུན་གྱིས་བྲབ་བོ། །གཏོར་མ་མཐེབ་སྐྱུ་སྦྱིན། ལྟས་ངན་སྒྱུར་བའི་ལིངྒ་རྣམས། སྔགས་ཀྱིས་བསྐོར་ལ་མགོ་གསུམ་ཁོག་པར་བཅུག །མ་ཧཱ་དྷེ་ཝ་བྷྱོ་བྷྱོ་ཨུ་མ་དྷེ་ཝ་བློ་བྷྱོཿ ལྟས་ངན་དགྲ་ལ་སྒྱུར་སྒྱུར། ཨོཾ་མ་ཧཱ་ས་རྩིག་པ་ར་ཏ་ཡར་ཡ་ལ་ལ། དམ་ཉམས་དགྲ་ལ་ལྟས་ངན་ཆར་ལྟར་ཕོབ། མི་ཁ་རྒྱལ་པོ་དགྲའི་གཟུགས། དགྲའི་སྲོག་རྩ་ཆོད་ཆོད། རྦད་རྦད་ས་མ་ཡ་བྷྱོ་བྷྱོ་ཟློག་ཟློག །ཅེས་ཐུན་གྱིས་བྲབ། ལྟས་ངན་བསྒྱུར་བའི་ཤོག་དྲིལ་རྫོགས་སོ། ༈ །།གོད་ཀ་གཅོད་པར་འདོད་ན། བཅའ་ཐབས་འདི་ལྟར་བྱས། མགོ་གསུམ་ཕྱག་དྲུག་པ། གཡས་དང་པོ་གོད་ཁ་དང་མི་ཁ་བྲིས་པའི་ཁྲམ་ཤིང་ཐོད་ཁྲག་སྦྲུལ་ཞགས། གཡོན་དང་པོས་ཕྱར་དར་ཕྱར་བ། ཕུར་པ། ནད་རྐྱལ་བཟུང་བ། གོད་འདྲེའི་རུས་པ་མིང་བྱང་བྲིས་ལ་ཁོག་པར་བཅུག་གོ །རྩང་ཉེར་བརྒྱད་བཙུགས། བཅའ་ཐབས་གཞུང་བཞིན་དང་མཐུན། ཨོཾ་མ་ཧཱ་དྷེ་ཝ་ས་མ་ཡ། ཨུ་མ་དྷེ་མ་ས་མ་ཡཱ། གོད་འདྲེའི་རྩ་རྒྱུད་ཕྱུངས་ཤིག སྲོག་རྩ་ཆོད་ཆོད། སྙིང་

[Full Size]

ཕྱུང་ཅིག མ་ཧཱ་དྷེ་ཝ་གོད་འདྲེའི་སྲོག་ལ་རྦད་རྦད། །ཨུ་མ་དྷེ་མ་གོད་འདྲེའི་སྙིང་ལ་རྒྱུག་ཅིག །ཅེས་གཞུང་སྔགས་སྤེལ་ཚིག་བྱེད་ལ་ཐུན་གྱིས་བྲབ་བོ། །ལིངྒ་བྲག་ལ་མནན། མདོས་ལ་གཟའ་སྐར་གཟབ་པ་ཤེས་ཞེས། རང་ཉིད་ཕྱི་མཚམས་བཅད། གོད་འདྲེའི་ཟ་ཁ་དགྲ་ལ་བསྟན་པར་བསམས་ལ། གར་ཐོད་ཐོད་དུ་མི་བྱའོ། །རང་ལ་བཟློག་ཉེས་ཡོད། གོད་ཀ་གཅོད་པའི་ཤོག་འདྲིལ་རྫོགས་སོ།། ༈ །།ནད་ཡམས་གཅོད་པར་འདོད་ན། སླ་ངའི་ནང་དུ་མགོ་གསུམ་ཤིན་ཏུ་བརྗིད་པ་གཅིག་བྱས་ལ། །ཕྱག་གཡས་ཁྲམ་ཤིང་། གཡོན་གཏོར་ཟོར་བཟུང་བ། མགོ་ལ་སྦྲུལ་གྱིས་བརྒྱན་པ། དབུ་བརྒྱན་དང་སྐེ་རགས་ཀྱིས་བརྒྱན་པ་གཅིག་བྱས་ལ། སྙིང་གར་ཁྲག་ཐིགས་བླུགས། སྔོན་དུ་བུད་མེད་དྲེལ་ཞོན་ནད་ཀྱི་རྐྱལ་པ་བཟུང་བ་གཅིག་བྱས་ལ་བཞག །རྒྱབ་ཏུ་མི་ཁྲོ་བོའི་ཆ་བྱད་ཅན་ཤིན་ཏུ་འཇིགས་པ་གཅིག་གི་ཕྱག་གཡས་རལ་གྲི། གཡོན་པས་བ་དན་གྱིས་རྒྱབ་ནས་དེད་པར་བསམ། བུད་མེད་ནད་ཀྱི་བདག་མོ་བཞི། རེ་བའི་བ་དན་བཞི་གཡོན་དུ་བཟུང་བ། ལྟས་ངན་རྔ་མོང་ལ་ཞོན་པ། ཆུ་སྲིན་ལ་ཞོན་པ།

[Full Size]

དྲེལ་ལ་ཞོན་པ། བོང་བུ་ལ་ཞོན་པ་བྱས་ལ་བཞག་གོ །སྤར་ཁ་བརྒྱད། ལོ་སྐོར་བཅུ་གཉིས། ཤ་དུམ། ཚངས་བུ། མཐེབ་སྐྱུ། གཏོར་མ། འབྲུ་ཟན། ནས་ཀྱི་ངར་མི་རྣམས་ཉེར་གཅིག་བྱས་ལ་ཡས་ལ་བསྔོས། ཨོཾ་མ་ཧཱ་ས་རྩིག་པ་ར་ཏ་ཡ་ལ་དགྲ་བོ་ལ་བྷྱོ་བྷྱོཿ ན་མ་ཙུ་ཏུ་བྷིར་ཧ་བས་ཤ་ར་སྭཱ་ཧཱ། ན་མ་སརྦ་ཏ་ཐཱ་ག་ཏ་བྷྱོཿ བྷི་ཤྭ་མུ་ཁེ་བྷྱཱ། སརྦ་ཏཱ་ཨུཏྟ་སྟེ། སྤུ་ར་ན་ཨི་མཾ་ག་ག་ན་ཁཾ་སྭཱ་ཧཱ། ཞེས་ལན་ཆགས་ཡི་དྭགས་ལ་བསྔོའོ། །དམིགས་པ་གོང་དང་མཐུན། ནད་ཡམས་དགྲ་བོའི་སྟེང་དུ་བསྒྱུར་བར་བསམ། མཚམས་གཅོད་བྱས། མཚན་བརྗོད་འདོན། ནད་ཡམས་གཅོད་པའི་ཤོག་དྲིལ་རྫོགས་སོ།། ༈ །།མི་ཁ་བསྒྱུར་བའི་ལྡོག་འདྲིལ་བྱེད་པས་འདོད་པས། རང་ཉིད་གསེར་གྱི་རྡོ་རྗེ་རྩེ་དགུ་པ་གཅིག་བསྒོམ། དེ་ཡོངས་སུ་གྱུར་པ་ལས། འཕགས་པ་འཇམ་དཔལ་སྐུ་མདོག་གསེར་བཙོ་མའི་མདོག་ལྟ་བུ། ཕྱག་གཡས་པས་ཤེས་རབ་རལ་གྲི། གཡོན་ན་གསེར་གྱི་པད་སྡོང་སྟེང་གསེར་གྱི་པོ་ཏི། ཞལ་འཛུམ་བག་ཅན། དེའི་ཐུགས་ཀ་ནས་འོད་ཟེར་གཅིག་བྱུང་བས་མདུན་གྱི་ནམ་མཁར་བྱང་ཆུབ་

[Full Size]

སེམས་དཔའ་ཐམས་ཅད་ཀྱི་མཐུ་དང་བྱིན་རླབས་ཀྱིས། དབང་ཕྱུག་ཆེན་པོ་སྐུ་མདོག་མཐིང་ནག །ཤིན་ཏུ་བརྗིད་པའི་འགྱིང་བག་དང་ལྡན་པ། ཕྱག་གཡས་རྡོ་རྗེའི་ཐོ་བ། །ལྷགཡོན་སྡིགས་མཛུབ་མེའི་ཚྭ་ཚྭ་འཕྲོ་བ་འཕགས་པ་འཇམ་དཔལ་གྱི་བཀའ་ཉན་གསུང་སྡོད་པར་བསྒོམ། དེ་ལྟར་རང་གི་ཐུགས་ཀ་ནས་འོད་ཟེར་འཕྲོས་པས། དབང་ཕྱུག་ཆེན་པོ་ལ་ཕོག །ཐུགས་དམ་གྱི་བརྒྱུད་བསྐུལ་ནས། ལྟས་ངན་གྱི་རྒྱལ་པོ། འཕགས་པ་འཇམ་དཔལ་སྤྲུལ་པ་ནག་པོ་མགོ་གསུམ་པ་རང་དབང་མེད་པར་བཀུག་ལ་རང་གི་མདུན་དུ་བསམ། དེས་དམ་བཅས་ཁས་བླངས་པར་བསམ། གཏོར་མ་མཐེབ་ཀྱུ་ཁྱོད་ལ་སྦྱིན། མི་ཁ་ལྟས་ངན་དགྲ་ལ་བསྒྱུར་བའི་གཉེར་གཏད། མགོ་གསུམ་གྱིས་ཀྱང་བདག་གི་བཀའ་ཉན་གསུང་སྡོད་པར་བསམ། བྷྱོ་མ་ཧཱ་དྷེ་ཝ་བྷྱོ་བྷྱོ་ཟློག་ཟློག །མ་ཧཱ་དྷེ་ཝ་ས་མ་ཡཱ། ཨུ་མ་དྷེ་མ་དགྲ་བོའི་རྨི་མཱ་ར་ཡ་ཆོད་ཆོད། ཨུ་མ་དྷེ་མ་དགྲ་བགེགས་སྲོག་ལ་ས་མ་ཡ་ཛ་ཛཿ མི་ཁ་ཧུར་ཐུམ་རྦད་རྦད། དྲིལ་དྲིལ། ཐུམ་ཐུམ། ཤིག་ཤིག་བྷྱོ་བྷྱོ་ཟློག་ཟློག །ཅེས་དྲག་ཏུ་བཟླས། པོ་ནག་ལ་བྲིས་ལ་མི་ནག་ཁོག་པར་བཅུག །དགྲ་བོའི་མིང་བྱང་སྤེལ་ཚིག་ཡང་

[Full Size]

བྱའོ། ༈ །འདིའི་བཅའ་ཐབས་ལ་མི་ནག་མགོ་གསུམ། གཡས་ཁྲམ་ཤིང་རྡོ་ཟོར། གཡོན་དགྲ་བོའི་ཙིཏྟ་དམར་པོ་ཞལ་དུ་གསོལ་བ། སྦྲུལ་གྱི་པགས་པས་བརྒྱན་པ། བརྗིད་པ། སྐུ་གསུང་ཐུགས་མོན་པའི་འཁོར་ལོ་གསུམ་དབུས་སུ་བཞག སྙིང་གར་བྲུབ་ཁུང་གྲུ་གསུམ་ལ། དགྲ་བོའི་མིང་བྱང་མི་ཁའི་ཡས་རྣམས་བླུག །མདུན་དུ་ཐོད་པ་ཁྲག་བཀང་བཞག །མ་མོ་གསུམ་བཙུགས། སྟེང་ན་བྱ་ནག་ལྡིང་ཚུལ་སྙིང་བཙུགས། མདུན་དུ་མི་དམར་ཤང་ཤང་། གཡས་སུ་བུད་མེད་རྔ་ཞོན། རྒྱབ་ཏུ་བུད་མེད་དྲེལ་ཞོན་ཁྲོ་ཆས་ཅན། སྤར་ཁ་བརྒྱད། ལོ་སྐོར་བཅུ་གཉིས། མི་ཁའི་ཡས་སྟགས་ཚང་བར་བཞག །རྔ་མོང་དང་གླང་གཉིས་ལ་མི་ཁའི་ཡས་འགེལ། བྲ་བ་ཤང་ཤང་ཆོ་ལོ་མིག་མང་རྣམས་བཞི་ནག་པོའི་སྟེང་དུ་བཞག་ལ། རྒྱང་བུ་ཉེར་གཅིག །ས་ཀོང་། ཟོར་བརྒྱད་བཞག །མདའ་འཕང་ཉེར་གཉིས་རེ། དེ་རྒྱབ་ཆུང་ཉེར་གཉིས་ལ་ཉ་བོ་ཤ་དུམ་སྦུག་ལ་བཞག །ཤིང་ཕ་དགུའི་ཕོ་ཐོང་བཙུགས། བཟློག་བྱང་སྤེལ་ཚིག་དང་བཅས་པ་བཙུགས། མདོས་དགྲ་ཕྱོགས་སུ་བསྐྱལ། རང་ཉིད་ཏིང་ངེ་འཛིན་གསལ་བ་གལ་ཆེ། མཚམས་བཅད་དོ། །སྔགས་བཟླས་ནས་རྨི་ལམ་འོང་། ཟབ་བོ། ༈ །མི་ཁ་ཟློག་དྲིལ་བྱེད་པར་འདོད་ན། རང་ཉིད་འཕགས་པ་འཇམ་དཔལ་གྱི་ཐུགས་ཀ་ནས་འོད་ཟེར་འཕྲོས་པ་ཡི། འཇམ་དཔལ་སྤྲུལ་པ། སྐག་པོ་ཆེ་རྣམས་བཟློག་པའི་མི་ནག་མགོ་གསུམ་བཀུག་གཞུག་

[Full Size]

བྱས་ལ། གཏོར་མ་མཐེབ་སྐྱ། མི་ཁའི་ཡས་སྣ་ཚོགས་མགོ་གསུམ་ཞལ་དུ་བསྟབ་བོ། །དམ་ཉམས་དགྲ་དང་འབྱུང་པོ་ལྟས་ངན་ཐམས་ཅད་མགོ་གསུམ་ཞལ་དུ་གསོལ་བར་བསམ། མི་ཁའི་ཡས་སྣ་ཚོགས། བྱ་རོག །ཅོ་ག །སྲེག་པ། རི་བོང་། གླ་བ། ར་གསོབ། ཕུག་ཤུད། ཚྭ་སྒོག་རམ་གསུམ། ཀེ་ཚེ། བཙོད་མཚུར། །སྐག །དེ་རྣམས་ཞིབ་པར་བྱས་ལ། གོང་གི་སྔགས་པཾ་ནག་ལ་བྲིས་ལ་ཕྱེ་མ་བསྲེས་ལ་ཆངས་བུ་རེ་བླུག །ཤཱ་ཆོ་ལོ་བྲ་བ་བཅུ། ཤང་ཤང་ལྔ། བྱང་བུ་ལ་བཅུག་གོ །དྲག་པོ་ལ་དམར་ནག་གི་ས་བརླང་ལ་བསྲེས། དེ་ནས་སྐུད་པས་ཕྱིར་གྱིས་དགུ་བསྒྲིལ་ལ། རང་གི་ཉལ་སའི་ཞབས་སུ་བཞག །དེ་ནས་རང་ཉིད་དབང་ཕྱུག་ཆེན་པོ་སྐུ་མདོག་མཐིང་ནག །རལ་པ་ཁམ་ནག་ཏུ་འདུག་པ། སྲིད་པ་གསུམ་གྱི་ལྷ་འདྲེ་ལ་དབང་ཐོབ་པ། སྣང་སྲིད་ཐམས་ཅད་བཀའ་ཉན་གསུང་སྡོད་པར་བསྒོམ། དེ་ཐམས་ཅད་དམ་ཉམས་དགྲ་བོ་བྱད་མ་གནོད་བྱེད་གྱུར་མི་ཁ་ཉེས་ལེན་པ་གང་ཡིན་པ་ཐམས་ཅད་རང་དབང་མེད་པར་བཀུག་ནས། མདུན་གྱི་ཡས་སྟགས་དང་ལིང་ག་རྣམས་ལ་བསྟིམ། ༈ དེ་ནས་རང་ཉིད་ཀྱི་

[Full Size]

ཞབས་གཡས་པ་གནམ། གཡོན་པ་ས་ལ་བསྒོམ། གནམ་ས་གཉིས་ཀྱི་བར་དུ་བསྒྲིམ་པར་བསམ། རང་གི་ཕྱག་གཡས་གནམ། གཡོན་པ་ས། དེ་གཉིས་ཀྱི་བར་དུ་གནོད་པ་བྱེད་པ་གང་ཡིན་པ་དེའི་རྣམ་པར་ཤེས་པ་མར་མེ་གཅིག་ལ་བསྒོམ། ཐལ་མོ་བརྡབས་པས་གནམ་ས་གཉིས་ཀྱི་བར་དུ་ནག་ཀམས་ཀམས་རྣམ་ཤེས་བསད་པར་བསྒོམ། ཡང་དམ་ཉམས་དགྲ་བོའི་རྣམ་པར་ཤེས་པ་སྒོ་ང་ཅིག་བསམ། དེ་ལ་དམོད་པ་བྱས་ནས་ཐལ་མོ་བརྡབས་པས། ནག་ཀམ་གྱིས་བཏང་བར་བསམ། རྨི་ལམ་བྱུང་ན་རྒྱ་གྲམ་ལམ་དུ་མནན་པར་བྱས། ཡང་དགྲ་ཕྱོགས་སུ་མནན། བྷྱོ་མ་ཧཱ་དྷེ་ཝ་བློ་ཟློག་ཟློག །དྲིལ་དྲིལ་ཨུ་མ་དྷེ་ཝ་བྷྱོ་སྦྱོ་ཟློག་ཟློག །མི་ཁ་དགྲ་ལ་སྒྱུར། མི་ཁ་ཧུར་ཐུམ་རྦད་རྦད། དྲིལ་དྲིལ། ཐུམ་ཐུམ། རི་ལི་ལི་རྦད་རྦད། དྲིལ་དྲིལ་ཐུམ་ཐུམ། ཤིག་ཤིག་བྷྱོ་སྦྱོ་ཟློག་ཟློག །བརྒྱ་ཡི་མི་ཁ་སྒྱུར། སྟོང་གི་བྲ་མཆུ་སྒྱུར། ཞེས་སྤེལ་ཚིག་བྱས་ལ། བྷྱོ་བྷྱོ་ཟློག་ཟློག་གི་གདབ་བོ། །སྐག་མདོས་ཀྱི་ཤོག་དྲིལ། གཞན་ལ་མ་བསྟན་ཕལ་ལ་མེད། གསང་ཚིག་གོ །མི་ཁ་ཚངས་ཕུང་གི་བཅའ་ཐབས་ལག་ལེན་ཚང་བ་རྫོགས་སོ།། ༈ །།འཕགས་པ་

[Full Size]

འཇམ་དཔལ་ལ་ཕྱག་འཚལ་ལོ། །མི་ཁ་དགྲ་བོ་གསོད་པར་འདོད་ན། ས་ཡི་བྲ་བ་ཁོང་སེང་བྱས། ནང་དུ་ཡས་དང་མཐུན་རྫ་ས་བླུག །དེ་ནས་ཞག་གསུམ་ལ་སྔགས་ལ། །བྲ་བ་དེ་མི་ཁའི་བུ་མོ་ལྕེ་རྣོན་མ་གཅིག་གིས་འཁོན་འཐབ་དང་། ཁ་མཆུ་བྱེད་པ་ལ་དགའ་བ་གཅིག་ཏུ་དམིགས་ལ། རང་ཉིད་རྡོ་རྗེ་འཇིགས་བྱེད་དབུ་དགུ་པ། དབུས་མ་ཧེའི་གདོང་པ་ཅན་གཅིག་ཏུ་བསྒོམ། དེ་ནས་མི་ཁའི་བུ་མོ་སྤུན་དགུ་ཡོད་པ་དེ། བྲ་བ་དགུ་རུ་སྤྲུལ་ནས། དགྲ་བོའི་ཁང་ཁྱིམ་དུ་ཚང་བཅས་ནས། །ཕུགས་ཀྱི་ལྷ་དང་ཕྱེས། སྒོ་ཡི་ནོར་དང་ཕྱེས། མཆན་གྱི་བུ་དང་ཕྱེས། འོག་གི་ཆུང་མ་ཕྱེས། འོག་རྟ་དང་ཕྱེས། ཁང་ཞིང་དང་ཕྱེས། ཁྱིམ་ཕུག་ཏུ་ཞུགས་པར་བསྒོམ། ༈ བྲ་བ་དེ་ཁ་བསྒྱུར་ལ། དགྲ་བོའི་ཁང་རྙིང་དུ་རྒྱ་གྲོག་གི་ཚང་དང་བཅས་པ་བཞག །ཕར་ལ་དམོད་པ་བྱས་ལ། དམ་ཉམས་དགྲ་བོ་འདི་མི་ཁའི་རྒྱལ་མོ་ཁྱོད་ལ་གཏད་དོ། །མ་ཤོར་ཅིག །ཚང་ཆོས་ཤིག །ཁྱོད་ཀྱི་ཟ་བསྐལ་གྱིས། གཉེར་དུ་གཏད་དོ། །བྷྱོ་མ་ཧཱ་དྷེ་ཝ་དགྲ་ལ་བྷྱོཿ མི་ཁ་ཧུར་ཐུམ་རྦད་རྦད། དྲིལ་དྲིལ། ཐུམ་ཐུམ་ཤིག་ཤིག །བྷྱོ་བྷྱོཿ ཟློག་

[Full Size]

ཟློག །སྒྱུར་སྒྱུར། བརྒྱ་ཡི་མི་ཁ་དགྲ་ལ་སྒྱུར། སྟོང་གི་བྲ་མཆུ་དགྲ་ལ་སྒྱུར། དམ་ཉམས་དགྲ་བོ་འདིས་སངས་རྒྱས་ཀྱི་བསྟན་པ་བཤིག །དཀོན་མཆོག་གི་དབུ་འཕང་སྨད། །རྣལ་འབྱོར་སྐུ་ལ་བསྡོས། སྟོང་གསུམ་རྔ་ཐོག་གི་བསྐོར་ལ་བསྙབས། དེ་བས་སྡིག་ཅན་སྡང་བའི་དགྲ་བོ་འདི། མི་ཁའི་བུ་མོ་སྤུན་དགུ་ལ་གཏད། བཙན་གྱི་ཇག་པ་རྐང་མང་ཁྱོད་ལ་གཏད། བདུད་ཀྱི་ཇག་པ་རྐང་མང་ཁྱོད་ལ་གཏད། གཤིན་རྗེའི་ཇག་པ་རྐང་མང་ཁྱོད་ལ་གཏད་དོ། །མ་མོའི་ཇག་པ་རྐང་མང་ཁྱོད་ལ་གཏད་དོ། །སྲིན་པོའི་ཇག་པ་རྐང་མང་ཁྱོད་ལ་གཏད་དོ། །མི་ཁའི་ཇག་པ་རྐང་མང་ཁྱོད་ལ་གཏད་དོ། །མི་ཁའི་བུ་མོ་ལྕེ་རྣོན་མ་ཁྱོད་ལ་གཏད་དོ། ཞེས་དམོད་མོ་གང་ཤེས་བྱས་སོ། །ཐལ་མོ་བརྡབ་བོ། །མི་ཁའི་ཚང་སྤྲོས་འདི། བྱུར་མདོས་དང་སྦྲག་ཅིང་བྱས་ན། རང་གི་བསོད་ནམས་ལ་ཕན་ནོ། །རྫོགས་སོ། །རྒྱ་ཡི་གཏོ་ནག་གསང་བའི་མན་ངག་གསེར་མཛོད་ཀྱི་ཤོག་དྲིལ་གནད་ཟབ་མོ་རྫོགས་སོ། །དགེའོ། །བཀྲ་ཤིས་པར་ཤོག །ཞལ་དྲོ། སརྦ་མངྒ་ལཾ། ས་བདག་གཏོ་ཕུག། །། ༧ འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

དཀར་པོ་མགོ་གསུམ་བསྐྱེད་ཆོག་གི་འདོན་འགྲིགས། མི་ནག་མགོ་གསུམ་གྱི་གོང་གནོན།

[Full Size]

དཀར་པོ་མགོ་གསུམ་བསྐྱེད་ཆོག་གི་འདོན་འགྲིགས། མི་ནག་མགོ་གསུམ་གྱི་གོང་གནོན་བྱ་བ་བཞུགས་སོ། །

[Full Size]

ན་མོ་མཉྫ་ཤི་ཡེ། མཁྱེན་རབ་ཀྱི་མངའ་བདག་འཕགས་པ་འཇམ་དཔལ་ལ་ཕྱག་འཚལ་ཞིང་ཉེ་བར་སྐྱབས་སུ་མཆིའོ། །མི་ནག་མགོ་བོ་གསུམ་པའི་གོང་གནོན་དུ་བྱ་བའི། དཀར་པོ་མགོ་གསུམ་གྱི་བཅའ་གཞི་ལ། གོང་དུ་གཞི་འགྲམ་དུ་ནས་ཀྱིས་འབྱུང་བ་རིམ་བརྩེགས་བྲིས་པའི་སྟེང་དུ། །ཀ་ཏོ་ར་སྡེར་གས་ཆག་མེད་པར་འབྲུའི་བཀང་བའི་སྟེང་དུ། གཏོར་མ་རི་རབ་གྲུ་བཞི་པ་བང་རིམ་བཞི་པ་གཅིག་བཞག །དེའི་སྟེང་དུ་རིགས་གསུམ་མགོན་པོའི་གཏོར་མ་ནི། འཇམ་དཔལ་ལ་རྒྱུས་པ་སྟོད་གྲུ་བཞི། སྤྱན་རས་གཟིགས་ལ་ཟླུམ་པོ། ཕྱག་ན་རྡོ་རྗེ་ལ་སྟོད་ཟུར་གསུམ་པ། གསུམ་ཀའི་སྨད་ཟླུམ་པོ་བྱས་ལ། རྩེ་ལ་མར་བརྒྱན་ཉི་ཟླ་ནོར་བུ་དང་། རིགས་གསུམ་གྱི་ཕྱག་མཚན་རལ་གྲི་པདྨ་རྡོ་

[Full Size]

རྗེས་མཚན་པ་གསུམ་བཤམས་ལ། རྩེ་ལ་རིགས་གསུམ་གྱི་ཙཀ་ལི་དང་ཁྱུང་འབྲུག་སེང་གསུམ་གྱི་ཙཀ་ལི་བཙུགས། དར་སྣ་ལྔ་དང་རིན་པོ་ཆེ་སྣ་ལྔས་བརྒྱན། རི་རབ་ཀྱི་མཐར་དཀར་གསུམ་མངར་གསུམ་འབྲུ་སྣ་ཚོགས། སྨན་སྣ་ཚོགས། ཤིང་ཐོག་སྣ་ཚོགས། གསེར་དངུལ་གཡུ་གསུམ། ཀླུ་སྨན་རྣམས་དང་། མར་གྱི་རིལ་བུ་མང་པོ་དང་། མཆོད་པ་སྣ་བདུན་བཤམས། ༈ དེ་རྣམས་བསྡུས་པ་ལ། གཏོར་མ་གུར་ཐབས་གཅིག་ལ། མར་གྱིས་ཁྱུང་འབྲུག་སེང་གསུམ་བཅས་པ་རྩེར་བཙུགས་སྲོལ་ཡོད། བདག་བསྐྱེད་ཤེལ་གུར་རྐྱང་པའི་དབུས་སུ་རིགས་གསུམ་མགོན་པོ་བསྐྱེད་པ་དང་། མདུན་བསྐྱེད་ལ་རི་རབ་ཀྱི་སྟེང་ཤེལ་གུར་གྱི་ནང་དུ་རིགས་གསུམ་མགོན་པོ་བསྐྱེད་པ་དུས་གཅིག་ལ་གསལ་བཏབ་པར་བྱའོ། །དེ་ནས་སྐྱབས་

[Full Size]

འགྲོ་སེམས་བསྐྱེད་དང་མཆོད་པ་བྱིན་རླབས་སྤྱི་ལྟར་བྱས་ལ། དངོས་གཞི་བསྐྱེད་པའི་རིམ་པ་ནི་འདི་ལྟར་བྷྱོ་པར་བྱའོ། །ཨོཾ་སྭ་བྷ་ཝས་སྦྱངས། སྟོང་པའི་ངང་ལས་རླུང་མེ་ཆུ་ས་བཞི་འབྱུང་བ་རིམ་པར་བརྩེགས་པའི་སྟེང་དུ། རི་རབ་གྲུ་བཞི་པ་བང་རིམ་དང་ལྡན་པ། དེའི་ཕྱི་རོལ་དུ་གསེར་གྱི་རི་བདུན། རོལ་པའི་མཚོ་བདུན། གླིང་བཞི་གླིང་ཕྲན་ལྕགས་རི་མུ་ཁྱུད་ཀྱིས་བསྐོར་བ། །བར་བར་ལྷ་མི་རྣམས་ཀྱིས་འདོད་པའི་ལོངས་སྤྱོད་མཆོད་རྫས་ཐམས་ཅད་ཆར་བཞིན་དུ་འབེབས་པ། རི་རབ་ཀྱི་སྟེང་དུ་ཤེལ་གྱི་གུར་ཁང་ཡངས་ཤིང་རྒྱ་ཆེ་བའི་དབུས་སུ། སྣ་ཚོགས་པདྨ་དང་ཉི་མའི་གདན་གྱི་སྟེང་དུ། རལ་གྲི་ཨཾ་གྱིས་མཚན་པ་དེ་ལས་འོད་ཟེར་འཕྲོས། སངས་རྒྱས་ཐམས་ཅད་ལ་སྐུ་གསུང་ཐུགས་མཉེས་པའི་མཆོད་པ་ཕུལ། སེམས་ཅན་ཐམས་ཅད་ཀྱི་ལུས་ངག་ཡིད་གསུམ་གྱི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་ཚུར་བསྡུས་ནས་ཐིམ། དེ་འོད་དུ་ཞུ་བ་ལས། རང་ཉིད་འཕགས་པ་འཇམ་དཔལ་སྐུ་མདོག་སེར་པོ་ཞལ་གཅིག་ཕྱག་གཉིས་པ། གཡས་པས་ཤེས་རབ་ཀྱི་རལ་གྲི། གཡོན་ཨུཏྤལ་ལའི་མེ་ཏོག་གི་སྟེང་ན་ཤེས་རབ་ཀྱི་ཕ་རོལ་ཏུ་

[Full Size]

ཕྱིན་པ་བརྒྱད་སྟོང་པའི་པོ་ཏི་བཞག་པ་བསྣམས་པ། སྐུ་སྒེག་ཅིང་དཔའ་བའི་འགྱིངས་ཚུལ་དང་ལྡན་པ། དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། །ཞབས་གཉིས་རྡོ་རྗེའི་སྐྱིལ་ཀྲུང་གིས་བཞུགས་པ། དེའི་སྤྱི་གཙུག་ཏུ་སྐུའི་སྤྲུལ་པ་དུང་སེང་ང་རོ་སྒྲོག་པ། གཡས་སུ་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་གཉིས་པ། གཡས་བགྲང་ཕྲེང་དང་གཡོན་པདྨ་དཀར་པོ་འཛིན་པ། ཞི་བའི་ངང་ཚུལ་ཅན། རིན་པོ་ཆེ་དང་དར་སྣ་ཚོགས་ཀྱིས་བརྒྱན་པ། ཞབས་སེམས་དཔའི་སྐྱིལ་ཀྲུང་གིས་བཞུགས་པ། དེའི་དབུ་གཙུག་ཏུ་གསུང་གི་སྤྲུལ་པ་གཡུ་འབྲུག་ངར་སྐད་སྒྲོག་པ། གཡོན་དུ་ཕྱག་ན་རྡོ་རྗེ་སྐུ་མདོག་མཐིང་ནག །ཞལ་གཅིག་ཕྱག་གཉིས་པ། གཡས་རྡོ་རྗེ་དང་གཡོན་དྲིལ་བུ་འཛིན་པ། ཅུང་ཞིག་ཁྲོས་པའི་ཉམས་དང་ལྡན་པ། སྟག་ཤམ་དང་སྦྲུལ་ཆུན་དར་སྣ་ཚོགས་ཀྱིས་བརྒྱན་པ། ཞབས་གཡས་བསྐུམས་གཡོན་བརྐྱངས་བའི་ཚུལ་དུ་བཞུགས་པ། དེའི་སྤྱི་གཙུག་ཏུ་ཐུགས་ཀྱི་སྤྲུལ་པ་བྱ་ཁྱུང་ལྡིང་བ། དེ་ལྟར་གསལ་བའི་གནས་གསུམ་ལས་འོད་ཟེར་འཕྲོས་པས། རང་བཞིན་གྱི་གནས་ནས་སྤྱན་དྲངས་བར་

[Full Size]

གྱུར། སྤྱན་འདྲེན་པ་ནི། ཧཱུྃ། གནས་མཆོག་པོ་ཊ་ལ་དང་ལྕང་ལོ་ཅན། །རྒྱ་ནག་རི་བོ་རྩེ་ལྔའི་ཤེལ་ཁང་ནས། །འཕགས་མཆོག་རིགས་གསུམ་མགོན་པོ་གཤེགས་སུ་གསོལ། །ཤེལ་གུར་པདྨ་ཉི་ཟླའི་གདན་ལ་བཞུགས། །ཛཿཧཱུྃ་བཾ་ཧོཿ ཏིཥྛ་ལྷན། སླར་ཡང་ཐུགས་ཀར་ཚུ་ལས་འོད་འཕྲོས། རིགས་ལྔ་འཁོར་བཅས་སྤྱན་དྲངས་གྱུར། །ཨརྒྷཾ་སོགས་ཀྱིས་མཆོད། །མདུན་བསྐྱེད་ལ་དབང་བསྐུར་དུ་གསོལ། ཞེས་གསོལ་བ་བཏབ་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུཾ། ཞེས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས། གཙོ་བོ་ལ་རིན་ཆེན་འབྱུང་ལྡན། སྤྱན་རས་གཟིགས་ལ་སྣང་བ་མཐའ་ཡས། ཕྱག་ན་རྡོ་རྗེ་ལ་དོན་ཡོད་གྲུབ་པ་རྣམས་ཀྱིས་དབུ་བརྒྱན་པར་གྱུར། དེ་ནས་མཆོད་པ་ནི། དཔག་མེད་བསོད་ནམས་སྟོབས་ལས་བྱུང་བ་ཡི། །མཆོད་ཡོན་ཞབས་བསིལ་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་རོལ་མོ་དང་། །རྒྱལ་སྲིད་སྣ་བདུན་བཀྲ་ཤིས་རྟགས་བརྒྱད་དང་། །དཀར་གསུམ་མངར་གསུམ་ཤིང་ཐོག་སྨན་སྣའི་ཚོགས། །བདུད་རྩི་སྨན་གཏོར་ཞལ་ཡས་ཚོགས་མཆོད་སོགས། །

[Full Size]

ལྷ་མི་ལོངས་སྤྱོད་དཔག་ཏུ་མེད་པ་འདི། །འཕགས་མཆོག་རིགས་གསུམ་འཁོར་དང་བཅས་ལ་འབུལ། །ཐུགས་རྗེའི་བརྩེ་བར་དགོངས་ཏེ་བཞེས་ནས་ཀྱང་། །བདག་གིས་ལུས་ངག་ཡིད་གསུམ་བྱིན་གྱིས་རློབས། །ཨོ་མནྡྲ་ཤི་ལོ་ཀི་ཤྭ་རི་བཛྲ་པཱ་ཎི་ཨརྒྷཾ་སོགས་ནས་ཤབྡ་པྲ་ཏིཙྪ་ཡེ་སྭཱ་ཧཱ། པཉྩ་ཨ་མྲྀ་ཏ༔ མ་ཧཱ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། དེ་ནས་བསྟོད་པ་ནི། ཧཱུྃ། དུས་གསུམ་རྒྱལ་བ་ཀུན་གྱི་སྐུ་གསུང་ཐུགས། །ཁམས་གསུམ་འགྲོ་བ་ཀུན་གྱི་སྐྱབས་གཅིག་པོ། །ལུས་ངག་ཡིད་གསུམ་སྲུང་བ་ལྷ་ཡི་མཆོག །རིགས་གསུམ་མགོན་པོའི་སྐུ་ལ་ཕྱག་འཚལ་བསྟོད། །སྟོང་གསུམ་འཇིག་རྟེན་ཟིལ་གནོན་སྤྲུལ་པའི་སྐུ། །རླབས་ཆེན་ཁྱུང་དང་རྩལ་ཆེན་སེང་གེ་དང་། །ངར་ཆེན་འབྲུག་སྟེ་དཀར་པོ་མགོ་གསུམ་ཞེས། །སྲུང་སྐྱོབ་སྤྲུལ་པའི་ལྷ་ལ་མཆོད་ཅིང་བསྟོད། །བདག་དང་བསྲུང་བྱ་རྣམས་ལ་བསྲུང་དུ་གསོལ། །དེ་ནས་བསྙེན་པ་བྱ་བའི་རིམ་པ་ནི། འཇམ་དཔལ་གྱི་ཐུགས་ཀར་ཟླ་བའི་སྟེང་དུ་ཡི་གེ་མྱི་ལ་སྔགས་ཕྲེང་གཡས་སུ་འཁོར་བ། སྤྱན་རས་གཟིགས་ཀྱི་ཐུགས་ཀར་ཟླ་བའི་སྟེང་དུ་ཧྲཱིཿལ་སྔགས་ཕྲེང་གཡས་སུ་འཁོར་བ། ཕྱག་ན་རྡོ་རྗེའི་ཐུགས་

[Full Size]

ཀར་ཉི་མའི་སྟེང་དུ་ཧཱུྃ་ལ་སྔགས་ཕྲེང་གཡས་སུ་འཁོར་བ་ལས་འོད་ཟེར་འཕྲོས། སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་སྐུ་གསུང་ཐུགས་མཉེས་པའི་མཆོད་པ་འབུལ། སེམས་ཅན་ཐམས་ཅད་ཀྱི་ལུས་ངག་ཡིད་གསུམ་གྱི་སྒྲིབ་པ་སྦྱངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་དང་ཐུགས་རྗེ་ནུས་མཐུ་ཐམས་ཅད་གཅིག་ཏུ་བསྡུས་ནས། རང་ཉིད་རིགས་གསུམ་མགོན་པོའི་སྐུ་གསུང་ཐུགས་ལ་ཐིམ་པར་བྷེ་ལ། ༀ་ཝཱ་གི་ཤྭ་རི་མཱི། ཨོཾ་མ་ཎི་པདྨེ་ཧཱུྃ་ཧྲཱིཿ ཨོ་བཛྲ་པཱ་ཎི་ཧཱུྃ། ཞེས་པ་འདི་རབ་ཁྲི་ཚོ་གཅིག །འབྲིང་སྟོང་ཚོ་གཅིག །ཐ་མ་ཡང་སུམ་བརྒྱ་ཙམ་གཅིག་བཟླ། རང་ཉིད་ལྷ་གསུམ་ཀ་ཡིན་སྙམ་པའི་ང་རྒྱལ་དང་ལྡན་པར་བྱ་དགོས། གོང་བསྙེན་འདི་ལྟར་མ་བྱས་ན། འཇིག་རྟེན་གྱི་དྲེགས་པ་ཅན་འདི་རྣམས་དབང་དུ་མི་འདུས་ཤིང་། འཁུ་ལྡོག་དྲག་པོ་བྱེད་ཉན་ཡོད། དེ་ལྟར་ལྡན་ན་གཡོག་པོའི་དཔོན་མཐོང་བ་འདྲ་སྟེ། ཅི་བཅོལ་བའི་བཀའ་ཉན་ལས་བྱེད་དོ། །དེ་ལྟར་གོང་གནོན་གཉེན་པོ་ཡེ་ཤེས་པའི་ལྷ་ཞེས་བྱ་སྟེ། རང་དང་ཡོན་བདག་རྣམས་ལ་ཚེ་འདི་ཕྱི་གཉིས་ཀ་ལ་ཕན་ཐོགས་རྒྱ་ཆེན་པོ་འབྱུང་ངོ་། ༈ དེ་ནས་སྲུང་འཁོར་བསྒོམ་པའི་རིམ་པ་ནི། རང་ཉིད་རིགས་གསུམ་མགོན་པོ་གསལ་བའི་སྐུ་ལས་འོད་ཟེར་དཀར་པོ་འཕྲོས་པས། །

[Full Size]

སྟེང་འོག་ཐམས་ཅད་ཤེལ་གྱི་གུར་ཁང་ཡངས་ཤིང་རྒྱ་ཆེ་བ། དེའི་ནང་དུ་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པ་ཐམས་ཅད་ཚུད་པར་གྱུར། །བདག་གི་སྤྱི་གཙུག་ཏུ་ཁྱུང་ཆེན་གཡུ་འབྲུག་སེང་གེ་གསུམ་གྱིས་ངར་སྐད་བསྒྲགས་ཤིང་འགྱིང་བ། སྣང་སྲིད་ལྷ་འདྲེ་སྡེ་བརྒྱད་གཟའ་ཀླུ་རྒྱལ་བསེན། ས་བདག་ཀླུ་གཉན་ཐམས་ཅད་ཟིལ་གྱིས་མནན་ནས་གནོད་མི་ནུས་པར་སྲུང་བ་དང་། སླར་ཡང་ཕྱག་ན་རྡོ་རྗེའི་ཐུགས་ཀ་ལས་འོད་ཟེར་འཕྲོས་པས། ཤེལ་གུར་གྱི་ཕྱི་རོལ་དུ། སྟེང་རྡོ་རྗེ་སྔོན་པོའི་བླ་བྲེ། འོག་རྡོ་རྗེ་སྔོན་པོའི་ས་གཞི། བར་ཕྱོགས་མཚམས་ཐམས་ཅད་རྡོ་རྗེ་སྔོན་པོའི་གུར་ཁང་དུ་གྱུར་ཅིག །སླར་ཡང་འཇམ་དཔལ་གྱི་སྐུ་ལས་འོད་ཟེར་སེར་པོ་འཕྲོས་པས། །དེའི་ཕྱི་རོལ་དུ་སྟེང་འོག་ཕྱོགས་མཚམས་ཐམས་ཅད་གསེར་གྱི་འཁོར་ལོ་རྩིབས་སྟོང་དང་ལྡན་པ་གཉིས་གུར་ཐབས་སུ་འཁོར་བ། སླར་ཡང་སྤྱན་རས་གཟིགས་ཀྱི་གསུང་ལས་འོད་ཟེར་འཕྲོས་པས། དེའི་ཕྱི་རོལ་དུ་པདྨ་དཀར་པོས་ཡུ་བ་བྱས་པའི། མཚོན་ཆ་སྣ་ཚོགས་ནི། རལ་གྲི། ཕུར་པ། ཁ་ཊཾ། མདུང་ཐུང་། ཐོ་བ། གྲི་གུག་ལ་སོགས་

[Full Size]

པ་རྩེ་མོ་ཕྱིར་བསྟན་པའི་བར་མཚམས་མེད་པར་གཡས་སུ་འཁོར་བའི་གུར་ཁང་། དེ་རྒྱབ་ཏུ་ཡེ་ཤེས་ཀྱི་མེ་རི་མེ་དཔུང་ཁ་དོག་ལྔ་ལྡན་གཡས་སུ་དམར་ཀྱི་ལི་ལི་འཁོར་བའི་གུར་དུ་གྱུར་ཅིག །སླར་ཡང་རིགས་གསུམ་མགོན་པོའི་སྤྲུལ་པ་ཁྱུང་འབྲུག་སེང་གསུམ་ལས་འོད་ཟེར་འཕྲོས་པས། བདག་དང་བསྲུང་བྱའི་ལུས་ངག་ཡིད་གསུམ་ལ་ཐིམ་པས། ནད་གདོན་བགེགས་དང་སྣང་སྲིད་ལྷ་འདྲེའི་གནོད་པས་མི་ཚུགས་པའི་རང་བཞིན་ཏུ་གྱུར་ཅིག ཁྲོ་བཛྲ་ག་རུ་ཊ་ཧཱུྃ་ཕཊ༔ རཀྵ་རཀྵ་སྭཱ་ཧཱ། དུ་ན་དུ་ན་ཧཱུྃ་ཕཊ༔ རཀྵ་རཀྵ་སྭཱ་ཧཱ། ཡ་མ་རཱ་ཛ་ཧཱུྃ་ཕཊ༔ རཀྵ་རཀྵ་སྭཱ་ཧཱ། བརྒྱའམ་ཉེར་གཅིག་ཙམ་རེ་བཟླ། དེས་ནི་བར་ཆད་ཐམས་ཅད་ཀྱིས་མི་ཚུགས་ཏེ། དཔའ་བོ་གོ་ཁྲབ་གྱོན་པ་དང་འདྲ་བའོ།། ༈ དེ་ནས་རི་རབ་གླིང་བཞིའི་འཕྱོང་བཤད་ཧཱུྃ། འབྱུང་བ་ལྔ་ཡི་ཁྱད་པར་ལས། །དབང་ཆེན་རྣམ་ལྔ་རིམ་པར་ཆགས། །དབང་ཆེན་རྣམ་ལྔའི་རིམ་པ་ལས། །འོག་ཏུ་རླུང་གི་དཀྱིལ་འཁོར་ཆགས། །དེ་ལ་མེ་ཡི་ད་ལ་འབར། །སྲིད་པ་གཞི་མ་རྒྱ་མཚོ་ཆགས། །དེ་ནང་གསེར་གྱི་ས་གཞི་ཆགས། །དེ་སྟེང་རི་རབ་ལྷུན་པོ་ཆགས། །རྩ་བ་ཟབ་སྟེ་རྩེ་མོ་འཕགས། །དཔག་ཚད་བརྒྱད་

[Full Size]

ཁྲི་ཕྱིར་ནུབ་སྟེ། །ཀླུ་ཡི་གནས་སུ་ལོ་འདབ་རྒྱས། །དཔག་ཚད་བརྒྱད་ཁྲི་ཡར་འཕག་སྟེ། །ལྷ་ཡི་གནས་སུ་འབྲས་བུ་སྨིན། །ཕྱོགས་བཞི་གྲུ་བཞི་ཁ་བད་བཏགས། །མཚན་ཉིད་མི་མཇེད་འཇིག་རྟེན་ཁམས། །རིན་ཆེན་རྒྱལ་བ་ཀེ་ཀེ་རུ། །བདེ་བའི་ཚལ་དང་དགའ་བའི་ཚལ། །འབྲུ་ཡི་ཚལ་ལ་སོགས་པ་ཡི། །ལྷ་གནས་དེ་ནི་བསམ་མི་ཁྱབ། །ཕྱི་རོལ་གསེར་གྱི་རི་བདུན་ཆགས། །བར་དུ་རོལ་པའི་མཚོ་བདུན་འཁྱིལ། །ཕྱི་རོལ་གསེར་གྱི་ས་གཞིའི་སྟེང་། །ཤེར་ཕྱོགས་ཟླུམ་པོ་ཞི་བའི་ངང་། །ཤར་གྱི་ལུས་འཕགས་གླིང་དུ་ཆགས། །ལྷོ་ཕྱོགས་སོག་ཀ་རྒྱས་པའི་གླིང་། །ལྷོ་ཡི་འཛམ་བུ་གླིང་དུ་ཆགས། །ནུབ་ཕྱོགས་ཟླ་གམ་དབང་གི་གླིང་། །ནུབ་ཀྱི་བ་ལང་སྤྱོད་དུ་ཆགས། །བྱང་ཕྱོགས་གྲུ་གསུམ་དྲག་པོའི་གླིང་། །བྱང་གི་སྒྲ་མི་སྙན་དུ་ཆགས། །དེ་ལ་གླིང་གཡོགས་གླིང་ཕྲན་ཆགས། །དེ་ལ་ལྕགས་རི་མུ་ཁྱུད་པསྐོར། །དེ་གླིང་བཞི་ལ། །འགྲོ་བ་རིགས་དྲུག་སེམས་ཅན་བརྟེན། །སྣང་སྲིད་ལྷ་འདྲེ་དེ་ལ་གནས། །སྟེང་ནས་ནམ་མཁའི་གུར་ཁང་ཕུབ། །འོག་ཏུ་ས་གཞིའི་དཀྱིལ་འཁོར་ཆགས། །

[Full Size]

བར་དུ་ཉི་ཟླའི་འཁོར་ལོ་འཁོར། །ལོ་ཟླ་ཞག་དུས་ཚེས་གྲངས་འཛིན། །འབྱུང་བ་ཆེན་པོ་རྣམ་ལྔ་ལས། །ལོ་སྐོར་ཆེན་པོ་བཅུ་གཉིས་འཁོར། །དེ་ལ་བསྐོར་ཆེན་དྲུག་ཅུ་སྤྲུལ། །དེ་ལ་ཕོ་བྲང་ལིང་དགུ་འཁོར། །དེ་ལ་སྤར་ཁ་བརྒྱད་པོ་འཁོར། །ལོ་གཅིག་ཟླ་བ་བཅུ་གཉིས་ལས། །ཚེས་ལྷ་སུམ་བརྒྱ་དྲུག་ཅུ་འཁོར། །ཟ་མ་བདུན་བརྒྱ་ཉི་ཤུ་བྱུང་། །མཁྱེན་རབ་བདག་པོ་འཇམ་དཔལ་གྱིས། །བྱི་བའི་ལོ་ལ་རྩིས་བཏབ་ནས། །ཕག་གི་ལོ་ལ་མཇུག་བཏབ་སྟེ། །ལོ་ཟླ་ཞག་དུས་སྤར་སྨེ་དང་། །གཟའ་དང་རྒྱུ་སྐར་རྩིས་ལ་བཏབ། །རྒྱ་ནག་རྩིས་བྱེད་ཆེན་པོ་དང་། །ཀུན་མཁྱེན་ཡེ་ཤེས་སྤྱན་གྱིས་གཟིགས། །ཡག་ཉེས་ཐམས་ཅད་ཐུགས་ལ་དགོངས། །སེམས་ཅན་རྣམས་ལ་ཕན་པའི་ཕྱིར། །བྱ་ལས་ཐམས་ཅད་གཏན་ལ་ཕབ། །དེ་ལྟར་རིགས་དྲུག་སེམས་ཅན་རྣམས། །བདེ་སྐྱིད་དཔལ་ལ་སྤྱོད་པར་ཤོག །ཧཱུྃ། དུས་གསུམ་སངས་རྒྱས་སྐུ་སྤྲུལ་པ། །མཁྱེན་རབ་མངའ་བདག་འཇམ་དཔལ་ནི། །ཞལ་གཅིག་ཕྱག་གཉིས་ཞི་བའི་ཚུལ། །སྐུ་མདོག་སེར་པོ་གསེར་འོད་འཕྲོ། །ཕྱག་གཉིས་རལ་གྲི་ཨུཏྤལ་འཛིན། །ཞབས་གཉིས་རྡོ་རྗེའི་

[Full Size]

སྐྱིལ་ཀྲུང་བཞུགས། །འཕགས་པ་འཇམ་དཔལ་སྐུ་ལ་བསྟོད། །དྲེགས་པ་ཅན་ཀུན་འདུལ་བར་བྱིན་གྱིས་རློབས། །ལོ་ཟླ་ཞག་དུས་རྩིས་འདེབས་ནི། །ལོ་ཡི་དང་པོ་བྱི་བ་ལོ། །ཟླ་བའི་དང་པོ་སྟག་ཟླ་བ། །ཞག་གི་གྲངས་འཛིན་ཚེས་གཅིག་སྟེ། །ཟ་མའི་དང་པོ་ནམ་ལང་ཡོས། །འབྱུང་བ་རྣམ་ལྔའི་ཁ་དོག་ལས། །ལོ་སྐོར་བཅུ་གཉིས་འཁོར་བར་བསྐོར། །དེ་ལྟར་ལོ་ཟླ་ཞག་དུས་ཀྱི། །སྐག་པོ་ཆེ་རྣམས་ཟློག་པ་དང་། །འཆི་བདག་དབང་ཆེན་བཤོལ་བ་དང་། །འདུ་བའི་ནད་རྣམས་བསལ་བ་དང་། །རྣམ་རྟོག་བགེགས་རྣམས་འདུལ་བ་དང་། །སྟོང་ཕྲག་བརྒྱད་ཅུའི་བགེགས་རིགས་དང་། །ཁམས་གསུམ་འཁོར་བའི་སྐག་ཆེན་དང་། །མི་མཐུན་ཕྱོགས་རྣམས་བཟློག་པའི་ཕྱིར། །འཕགས་པ་འཇམ་དཔལ་བཀའ་བྱུང་གིས། །ཟློག་བྱེད་ནག་པོ་མགོ་གསུམ་བཞེངས། །སླ་ང་ནག་པོའི་གདན་ལ་བཞུགས། །རྒྱ་ཇ་ངད་ལྡན་ཆས་ཇ་འདྲེན། །མི་ཁ་སྣ་ཚོགས་ཟས་སུ་སྦྱིན། །གཏོར་མ་མཐེབ་སྐྱུ་ཤ་དུམ་དང་། །ཁྲག་ཐིགས་ཆང་ཕུད་མཆོད་པ་འབུལ། །བདུན་མོ་རྔ་ཞོན་བཙུན་མོ་དང་། །མི་དམར་མགོ་གསུམ་སྣ་ཁྲིད་

[Full Size]

སྦྱར། །ཤང་ཤང་བྲ་རུ་གཡོག་ཏུ་འབྲང་། །མི་ཁ་བ་རུས་ལས་མཁན་བྱེད། །སྟོབས་ལྡན་གླང་ཆེན་ཁལ་དུ་ཁོལ། །མི་ཁའི་ཡས་རྣམས་ཁོལ་ལ་སོང་། །མི་མཐུན་རྐྱེན་ངན་ཐམས་ཅད་དང་། །རྩིས་ཕན་ཐན་ལྟས་ངན་པ་དང་། །སྐག་རིགས་ཐམས་ཅད་བཟློག་པར་མཛོད། །ཧཱུྃ། བླ་མེད་དཀོན་མཆོག་གསུམ་པོ་དང་། །བཅོམ་ལྡན་ཤཱཀྱའི་རྒྱལ་པོ་དང་། །རྒྱལ་སྲས་རིགས་གསུམ་མགོན་པོ་ལ། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་འདོད་ཡོན་ལྔ། །གཟུགས་སྒྲ་དྲི་རོ་རེག་བྱ་ཆོས། །བདུད་རྩི་སྨན་གཏོར་ཚོགས་མཆོད་དང་། །བཀྲ་ཤིས་རྟགས་བརྒྱད་རིན་ཆེན་རིགས། །རྒྱལ་སྲིད་སྣ་བདུན་ལོངས་སྤྱོད་ཚོགས། །མཆོད་པའི་བྱེ་བྲག་དཔག་མེད་འབུལ། །བདག་དང་ཡོན་བདག་བྱིན་གྱིས་རློབས། །བསོད་ནམས་ཚོགས་ཆེན་ཡོངས་རྫོགས་ནས། །སྒྲིབ་གཉིས་སྐྱོན་དང་བྲལ་བར་ཤོག །ཧཱུྃ། འཕགས་པ་འཇམ་དཔལ་བཀའ་ཉན་པ། །རི་རབ་གླིང་བཞི་ཁོར་ཡུག་ལ། །མངའ་མཛད་ས་བདག་དབང་ཆེན་དང་། །བཙུན་མོ་ས་ཡི་ལྷ་མོ་དང་། །ས་འཛིན་ལག་པ་ལྟོ་འཕྱེ་དང་། །འབྱུང་བ་ལོ་ཟླ་སྤར་སྨེའི་བདག །

[Full Size]

ཕྱོགས་སྐྱོང་བཅུ་དང་རྒྱལ་ཆེན་བཞི། །ལྷ་ཆེན་བརྒྱད་དང་ཀླུ་ཆེན་བརྒྱུད། །གཉན་ཆེན་བརྒྱད་དང་གཟའ་ཆེན་བརྒྱད། །རྒྱུ་སྐར་ཉེར་བརྒྱད་ཉེ་དབང་ཚོགས། །ས་བདག་རྒྱལ་བློན་བཅུ་བདུན་དང་། །ལོ་ཟླ་ཞག་དུས་ས་བདག་ཚོགས། །ཡུལ་འདིའི་གཞི་བདག་ཀླུ་གཉན་སོགས། །ཞི་བར་བཞུགས་པའི་ལྷ་རྣམས་ལ། །གསེར་དངུལ་ཟངས་ལྕགས་མུ་ཏིག་དང་། །གཡུ་དང་བྱི་རུ་མུ་མེན་ཤེལ། །བཻཌཱུརྱ་དང་ཨརྨ་ཀ །རིན་ཆེན་སྣ་ཚོགས་མཆོད་པ་འབུལ། །ཀ་ར་བུ་རམ་ཁམ་བུ་དང་། །ཤིང་མངར་ཨ་རུ་བ་རུ་ར། །སྐྱུ་རུ་ར་ལ་སོགས་པ་ཡི། །རྩི་སྨན་འབྲས་བུས་མཆོད་པ་འབུལ། །ནད་རིགས་ཐམས་ཅད་ཞི་བར་མཛོད། །ཤིང་ཐོག་འབྲས་བུ་བདུད་རྩིའི་སྨན། །ཨ་ལི་ཀ་དང་འབྲས་ཆེན་དང་། །འབྲུ་དང་ནས་དང་གྲོ་དང་མཆན། །བྲ་བོ་སྲན་མ་སྟར་སྒྲ་དང་། །ཁམ་བུ་གཡེར་མ་སྒ་ཡུང་དང་། །འབྲུ་རིགས་ཤིང་ཐོག་མཆོད་པ་འབུལ། །ཡོན་ཏན་རྒྱས་པར་མཛད་དུ་གསོལ། །བདུད་རྩིའི་མཚོ་དང་ཟས་ཀྱི་རིགས། །དཀར་གསུམ་མངར་གསུམ་འདོད་ཡོན་ཚོགས། །ཇ་ཆང་མར་ཁུ་འོ་མའི་མཚོ། །དཀར་གསུམ་ཟས་སྣའི་

[Full Size]

མཆོད་པ་འབུལ། །མི་ཟས་ནོར་ལ་སྤྱོད་པར་ཤོག །སྲོག་ཆགས་རྐང་འགྲོ་སྣ་ཚོགས་དང་། །བྱ་རིགས་གཅན་གཟན་མཆོད་པ་འབུལ། །ཕྲིན་ལས་འགྲུབ་པར་མཛད་དུ་གསོལ། །སྒྲུབ་མཆོག་ཡོན་མཆོད་འཁོར་བཅས་ཀྱི། །ལན་ཆགས་བྲལ་ཞིང་བུ་ལོན་བྱང་། །ཚེ་རབས་སྔོན་གྱི་འབྲེལ་བའོ། །དུག་ལྔའི་རྟོག་པ་གང་ཡིན་པ། །ཆགས་འཁོན་སྦྱང་བའི་ཡོན་དུ་འབུལ། །འགལ་བ་ཡོད་ན་སྦྱང་དུ་གསོལ། །ན་བ་ཡོད་ན་སྨན་གྱིས་བཅོས། །ཤི་བ་ཡོད་ན་སྟེང་ནས་བསལ། །རྐྱེན་ངན་ཡོད་ན་མདོས་ཀྱིས་ཟློག །མི་ལུས་སྒྱུ་མ་རིན་ཆེན་ལ། །ཚེ་ལོ་བརྒྱ་ཐུབ་མཛད་དུ་གསོལ། །ས་བདག་ཀླུ་གཉན་འཁོར་བཅས་རྣམས། །རང་རང་གནས་སུ་བཞུགས་ནས་ཀྱང་། །བདེན་པའི་བཀའ་ལ་མ་འདའ་བར། །གནམ་ནས་རྒྱལ་བྱིན་མ་འབེབས་ཤིག །བར་དུ་བདུད་བཞི་མ་ལྡང་ཞིག །འོག་ཏུ་དུར་ཕག་མ་འཁུན་ཅིག །སྟེང་ནས་གནམ་དལ་མ་འབེབས་ཤིག །བར་སྣང་ཀིང་ཀང་མ་འཁོར་ཅིག །འོག་ནས་ས་བདག་མ་གདངས་ཤིག །སྒྲུབ་མཆོག་ཡོན་བདག་འཁོར་བཅས་ཀུན། །ལོ་ལ་ཐར་ནས་ཚེ་ལ་ཕྱིན། །མི་ཕྱུགས་རྩིས་ནས་སྐག་ལས་

[Full Size]

ཐར། །མི་མཐུན་ཕྱོགས་ལས་རྒྱལ་བར་ཤོག །ཤི་སྒབ་ཆོད་ལ་གསོན་སྒབ་སྤེལ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་མ་ཧཱ་དྷེ་ཝ་ལོ་ཀ་པཱ་ལ་ས་པ་རི་ཝཱ་ར་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨནྡྷུ་སོགས་ཀྱིས་མཆོད། དེ་ནས་དཀར་བ་གསུམ་གྱིས་འཕྱོང་བཤད་དེ། །ཀྱཻ། ཀོང་ཙེ་འཕྲུལ་གྱི་རྒྱལ་པོ་གཏོ་ལ་བཞེངས། །འགྲོ་བ་རིགས་དྲུག་སེམས་ཅན་རྣམས། །འབྱུང་བ་ལྔ་ལ་མ་བརྟེན་གང་ཡང་མེད། །ནམ་མཁའ་འདི་ནི་སྟོང་ལགས་ཀྱང་། །དེ་ཡང་འབྱུང་བ་ལྔ་ལ་བརྟེན། །འབྱུང་བ་བཞི་ནི་ས་ལ་བརྟེན། །འབྱུང་བ་ས་ཡང་ཐེག་པ་ཆེ། །མེ་ནི་ཐམས་ཅད་དྲོ་བར་བྱེད། །ཆུ་ནི་ཐམས་ཅད་སྨིན་པར་བྱེད། །རླུང་ནི་ཐམས་ཅད་གཡོ་བར་བྱེད། །ཤིང་ནི་ཐམས་ཅད་སྐྱེད་པར་བྱེད། །དེ་བས་སྐྱེ་འགྲོ་སེམས་ཅན་རྣམས། །འབྱུང་བ་ལྔ་ལས་གྲུབ་པ་ཡིན། །དེ་ལས་གྲུབ་པའི་སེམས་ཅན་ལ། །དཔའ་སྟོབས་ལྡན་པ་གསུམ་མཆིས་ཏེ། །ཀུན་ལ་འཇིགས་པ་སེང་གེ་ཡིན། །སྒྲ་ཡི་རྒྱལ་པོ་གཡུ་འབྲུག་ཡིན། །ཀུན་གྱི་ཟིལ་གནོན་བྱ་ཁྱུང་ཡིན། །དྲག་ཤུལ་སྟོབས་ལྡན་སེམས་ཅན་རྣམས། །འཇིག་རྟེན་ཁམས་ན་གཞན་མ་

[Full Size]

མཆིས། །རྩལ་ཆེན་སེམས་ཅན་རྒྱལ་པོ་གསུམ། །རི་རབ་རྩེ་ནས་གཤེགས་སུ་གསོལ། །པདྨའི་གདན་ལ་བཞུགས་སུ་གསོལ། །འདིར་བཤམས་མཆོད་པ་གཏོར་མ་འབུལ། །སྐུ་གསུང་ཐུགས་ཀྱི་དངོས་གྲུབ་སྩོལ། །སྒྲུབ་མཆོག་ཡོན་བདག་བསྲུང་དུ་གསོལ། །བར་ཆད་གདོན་བགེགས་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །པཉྩ་ཨ་མྲྀ་ཏ། མ་ཧུ་བྷ་ལི་ཏ། མ་ཧཱ་རཀྟ། སརྦ་པཱུ་ཛ་ཁཱ་ཧི། དེ་ནས་སྐུའི་སྤྲུལ་པ་ལ་བསྟོད་པ་ནི། ཧཱུྃ། འཇམ་དཔལ་སྐུ་ཡི་སྤྲུལ་པ་ལས། །དབང་ཆེན་ས་གཞིའི་དཀྱིལ་འཁོར་ནས། །རི་རབ་གངས་རིའི་རྩེ་མོ་ནས། །སེམས་ཅན་ཀུན་གྱི་རྒྱལ་པོ་ནི། །དུང་སེང་གཡུ་ཡི་རལ་པ་ཅན། །ཞལ་ནས་སྒྲ་སྒྲོག་དྷི་རི་རི། །མཆེ་བ་གནམ་ལྕགས་སྟ་རེ་འདྲ། །སྤྱན་མིག་ཉི་མ་ཤར་བ་འདྲ། །ཨོག་ཚོམ་གཡུ་ཡི་འབྲུག་རིས་ཅན། །ཤངས་ནི་ཁྲོ་གཉེར་གསུམ་དང་ལྡན། །རལ་པ་བར་སྣང་ཁམས་སུ་བསིགས། །སྡེར་མོས་དགྲ་བགེགས་སྲོག་རྩ་གཅོད། །གང་ལ་བབ་ཀྱང་ཐོག་ལྟར་རྒྱུག །སེམས་ཅན་གང་གི་གཤེད་དུ་ཆེ། །རྩལ་ཆེན་སེང་གེའི་སྤྲུལ་པའི་སྐུ། །སེམས་ཅན་སྲོག་ཆགས་གང་ཡིན་ཡང་། །

[Full Size]

ཐམས་ཅད་མ་ལུས་ཟིལ་གྱིས་གནོན། །འབྱུང་པོ་མི་མིན་རྡུལ་དུ་རློགས། །མཐུ་ཆེན་སེང་གེའི་ངར་སྐད་ཀྱིས། །ས་བདག་ས་སྲིན་རྩད་ནས་གཅོད། །དྲེགས་པ་ཅན་རྣམས་འདར་ཞིང་བསྔངས། །གནོད་བྱེད་ཕོ་མོ་ཞབས་ཀྱིས་གནོན། །དམ་ཉམས་རྣམས་ཀྱི་གཉའ་གནོན་མཛོད། །དཀར་བ་གསུམ་ལ་བྱིན་གྱིས་རློབས། །གནུས་ཁང་འདི་ལ་བྱིན་ཅིག་ཕོབ། །བདག་ཅག་ཡོན་མཆོད་བསྲུང་དུ་གསོལ། །བར་ཆད་རྐྱེན་ངན་བཟློག་ཏུ་གསོལ། །བདག་དང་རྒྱུ་སྦྱོར་ཡོན་བདག་གི །སྐག་དང་ལྟས་ངན་བཟློག་པའི་ཕྱིར། །ནག་པོ་མགོ་གསུམ་མདོས་བྱེད་ན། །མདོས་འདིས་གོང་ནོན་ཁྱེད་ཀྱིས་གྱིས། །མདོས་འདི་ལོགས་སུ་མ་བཅུག་ཅིག །མདོས་འདི་འཁྱམས་སུ་མ་བཅུག་ཅིག ། བདག་ཅག་ཡོན་བདག་འཁོར་བཅས་ལ། །སྐུ་སྤྲུལ་སེང་གེའི་བསྲུང་དུ་གསོལ། །ལུས་ངག་ཡིད་གསུམ་བསྲུང་དུ་གསོལ། །མི་མཐུན་རྐྱེན་ངན་བཟློག་ཏུ་གསོལ། །དགྲ་བོ་དམ་ཉམས་རྡུལ་དུ་རློགས། །བྱད་མ་རྣམས་ནི་རྩད་ནས་ཆོད། །སྐག་དང་ལྟས་ངན་བཟློག་ཏུ་གསོལ། །ཡ་མ་རཱ་ཛ་ཧཱུྃ་ཕཊ༔ རཀྵ་རཀྵ་སྭཱ་ཧཱ། ཞེས་ལན་བདུན་བརྗོད། དེ་ནས་

[Full Size]

གསུང་གི་སྤྲུལ་པ་ལ་བསྟོད་པ་ནི། ཧཱུྃ། འཕགས་པ་སྤྱན་རས་གཟིགས་དབང་གིས། །གསུང་གི་སྤྲུལ་པ་གཡུ་འབྲུག་སྤྲུལ། །འགྲོ་དྲུག་སེམས་ཅན་འདི་རྣམས་ནི། །ལས་ཀྱི་རྒྱ་མཚོ་གཏིང་རེ་ཟབ། །བསྐལ་པ་ཆེན་པོ་མཐའ་རེ་ཡངས། །འཁོར་བའི་འཇིག་རྟེན་གཉུག་རེ་རིང་། འཆི་བདག་ཆེན་པོ་དབང་རེ་ཆེ། །གཤིན་རྗེ་ཁྲོ་ཐོག་རྒྱུག་ཅིང་འགྲོ། །དེ་རྣམས་བདེ་བར་བྱ་བའི་ཕྱིར། །གསུང་གི་སྤྲུལ་པ་འབྲུག་ལྟར་གྲག །བར་སྣང་ཁམས་ཀྱི་དཀྱིལ་འཁོར་ནས། །ལྕགས་འབྲུག་དཀར་པོ་རལ་པ་ཅན། །སྤྲིན་དང་ན་བུན་ནང་ན་རྒྱུག །འབྲུག་རུ་སྲིད་པའི་རྩེ་ལ་ཉུལ། །འབྲུག་ལྕེ་བར་སྣང་ཁམས་སུ་བརྐྱངས། །གློག་གི་ཞགས་པས་གར་ཡང་བཅིང་། །གསུང་གི་འབྲུག་སྒྲ་བསྒྲགས་པའི་ཚེ། །ཐོག་དང་སེར་བ་གར་ཡང་འབབ། །ལག་པས་རི་རབ་འབུམ་ཡང་བསྙིལ། །རྐང་པས་འཇིག་རྟེན་ཁམས་རྣམས་བསྒྲོད། །སྤྱན་མིག་བསྒྲད་པས་གནམ་ཐེའུ་བརྒྱལ། །དུས་ཚོད་འཛིན་ཞིང་མཚམས་བཞི་སྲུང་། །མཁའ་ལ་རྒྱུ་ཞིང་ཞག་ཟླ་སྲུང་། །སྲིད་པའི་བསྐོས་མཁན་རྫུ་འཕྲུལ་ཅན། །སྐྱེ་འགྲོ་རྩི་ཤིང་ནགས་ཚལ་ལ། །ཀུན་གྱི་གཤེད་དུ་མཐུ་བོ་

[Full Size]

ཆེ། །བསོད་ནམས་མི་ཡི་གཉེན་དུ་བབ། །ཡེ་ཤེས་ཚོགས་ལ་རང་གསལ་འཆར། །ཡང་དག་དོན་ལ་དགོངས་པ་མཛད། །བསྟན་པ་དར་རྒྱས་མཐུ་བོ་ཆེ། །མདོས་གླུད་ཀུན་གྱི་ཟིལ་གནོན་མཛོད། །བདག་ཅག་ཡོན་མཆོད་འཁོར་བཅས་ཀྱི། །ནད་རིམས་གདོན་ཁ་ཟློག་པ་དང་། །དགྲ་སྣ་ཁ་མཆུ་བཟློག་པའི་ཕྱིར། །སྲིད་པའི་བསྐོས་མཁན་མགོ་གསུམ་བཞེངས། །སྒྱུར་ཅིག་བཟློག་པའི་དཔང་པོ་མཛོད། །མདོས་འདི་ལོགས་སུ་མ་བཅུག་ཅིག །མདོས་འདི་འགྲམས་སུ་མ་བཅུག་ཅིག །མདོས་འདི་འཁྱམས་སུ་མ་བཅུག་ཅིག །མདོས་འདིས་རྐྱེན་ངན་བཟློག་ཏུ་གསོལ། །རྣལ་འབྱོར་བདག་ཅག་འཁོར་བཅས་ལ། །གསུང་གི་སྤྲུལ་པས་བྱིན་གྱིས་རློབས། །ལུས་ངག་ཡིད་གསུམ་བསྲུང་དུ་གསོལ། །བཙན་པོས་ཁ་ཡོག་མ་སྡིག་ཅིག །ཕྱུགས་ལ་བཤས་ལག་མ་གཏོང་ཞིག །ལོ་དུས་ལོ་ལ་ལོ་བདུད་མ་འབེབས་ཤིག །ཟླ་དུས་ཟླ་ལ་ཟླ་སྲི་མ་གཏོང་ཞིག །ཞག་དུས་ཞག་ལ་ཞག་སྐག་མ་འབེབས་ཤིག །གནམ་བདུད་དལ་ཡམས་མ་གཏོང་ཞིག །འཚེར་རྩུབ་ལྟས་ངན་ཐམས་ཅད་ཟློག །ཟློག་ཅིག་སྒྱུར་ཅིག་ཕྲིན་ལས་མཛོད། །

[Full Size]

དུ་ན་དུ་ན་ཧཱུྃ་ཕཊ༔ རཀྵ་རཀྵ་སྭཱ་ཧཱ། ཞེས་ལན་བདུན་བརྗོད། ༈ དེ་ནས་ཐུགས་ཀྱི་སྤྲུལ་པ་ལ་བསྟོད་པ་ནི། ཧཱུྃ། དཔལ་ཆེན་ཕྱག་རྡོར་ཐུགས་སྤྲུལ་ལས། །དབུ་ལ་ཁྱུང་ཆེན་འབར་བས་བརྒྱན། །རི་རབ་ལྷུན་པོའི་ཡར་རྩེ་ནས། །དཔག་བསམ་ཤིང་གི་རྩེ་མོ་ནས། །འདབ་ཆགས་རྒྱལ་པོ་ག་རུ་ཊ། །སྤྲུལ་པས་སྣང་སྲིད་ཟིལ་གྱིས་གནོན། །མཐུ་རྩལ་དྲག་པོས་སྡེ་བརྒྱུད་འདུལ། །མཆུ་སྡེར་གནམ་ལྕགས་ཐོག་ལས་གྲུབ། །སྤྱན་མིག་ཉི་ཟེར་ཟླ་ཟེར་འཕྲོ། །གཤོག་པས་སྟོང་གསུམ་བར་སྣང་ཁེབས། །ཀླུ་གཉན་ས་བདག་དབང་དུ་སྡུད། །སྣང་སྲིད་སྡེ་བརྒྱད་རླབས་ཀྱིས་གཅོད། །གནོད་བྱེད་གདུག་པ་རྡུལ་དུ་རློགས། །ཀླུ་རིགས་གདུག་པ་དབང་དུ་བསྡུས། །གནོད་སྦྱིན་དྲི་ཟ་ཕོ་མོ་དང་། །གཟའ་ཀླུ་ས་བདག་རྒྱལ་ཆེན་བཞི། །ཕྱོགས་སྐྱོང་བཅུ་པོ་གདོན་འཁོར་ཚོགས། །ཐམས་ཅད་མ་ལུས་དབང་དུ་བསྡུས། །བདག་ཅག་ཡོན་མཆོད་བསྲུང་བ་དང་། །ཁྱུང་ཆེན་སྤྲུལ་པས་བྱིན་གྱིས་རློབས། །དཀར་བ་གསུམ་ལ་བྱིན་ཕོབ་ཅིག །ས་བདག་ཀླུ་གཉན་གདུག་པ་ཟློག །ཁྱུང་གི་སྤྱི་གཙུག་ནོར་བུ་ཡིས། །དངོས་གྲུབ་དགོས་འདོད་ཆར་ལྟར་འབེབས། །སྒྲུབ་

[Full Size]

མཆོག་བདག་ལ་དངོས་གྲུབ་སྩོལ། །ཁྱུང་ཆེན་དབུ་ཡི་རྭ་གཉིས་ལ། །གནམ་ལྕགས་ཐོག་གི་ཚྭ་ཚྭ་འཕྲོ། །སྟེང་གདོན་མ་ལུས་རྡུལ་དུ་རློགས། །ཁྱུང་གི་གཤོག་པ་གཡས་གཡོན་ལ། །ཡེ་ཤེས་མེ་སྒྲ་འབྲུག་སྒྲ་སྒྲོག །ལྟས་ངན་ཐམས་ཅད་ཟློག་པར་བྱེད། །ཡེ་ཤེས་མ་མོས་དགྲ་བགེགས་འདུལ། །ཞལ་ནས་ཀྲྀ་ཀྲྀ་ཏྲི་སྒྲ་སྒྲོག །སྣང་སྲིད་ལྷ་འདྲེ་བསླང་བར་བྱེད། །གནོད་བྱེད་གདུག་པ་རྡུལ་དུ་རློགས། །ཁྱུང་གི་མཐུ་རྩལ་བསམ་མི་ཁྱབ། །སྒྲུབ་མཆོག་ཡོན་མཆོད་བྱིན་གྱིས་རློབས། །བདག་དང་རྒྱུ་སྦྱོར་བདག་གི །བར་ཆད་རྐྱེན་རྣམས་བཟློག་པའི་ཕྱིར། །ནག་པོ་མགོ་གསུམ་མདོས་བཤམས་ནས། །མདོས་འདི་ལོགས་སུ་མ་བཅུག་ཅིག །མདོས་འདི་འགྲམས་སུ་མ་བཅུག་ཅིག །མདོས་འདི་འཁྱམས་སུ་མ་བཅུག་ཅིག །གནོད་བྱེད་རྣམས་ཀྱི་གཉའ་གནོན་མཛོད། །སྒྲུབ་མཆོག་ཡོན་བདག་འཁོར་བཅས་ལ། །མཐུ་རྩལ་ཁྱུང་གིས་བྱིན་གྱིས་རློབས། །ལུས་ངག་ཡིད་གསུམ་བསྲུང་དུ་གསོལ། །མི་མཐུན་བར་ཆད་བཟློག་ཏུ་གསོལ། །སྐག་དང་ལྟས་ངན་བཟློག་ཏུ་གསོལ། །མོ་ངན་རྩིས་ངན་བཟློག་ཏུ་གསོལ། །

[Full Size]

བཅོལ་བའི་ཕྲིན་ལས་འགྲུབ་པར་མཛོད། །ཁྲོ་བཛྲ་གྷ་རུ་ཊ་ཧཱུྃ་ཕཊ། རཀྵ་རཀྵ་སྭཱ་ཧཱ། ཞེས་པ་འདི་ལན་བདུན་བཟླའོ། །དེ་ནས་སྲུང་འཁོར་ནི། ཧཱུྃ། འཕགས་པ་རིགས་གསུམ་མགོན་པོ་ཡི། །སྐུ་གསུང་ཐུགས་ཀྱི་སྤྲུལ་པ་ལས། །ཁྱུང་འབྲུག་སེང་གསུམ་སྤྲུལ་པ་འགྱེད། །སྒྲུབ་མཆོག་ཡོན་བདག་འཁོར་བཅས་ཀྱི། །ལུས་ངག་ཡིད་གསུམ་བསྲུང་དུ་གསོལ། །ཐུགས་ཀྱི་སྤྲུལ་པ་ཁྱུང་ཆེན་གྱིས། །སྤྱི་བོའི་གཙུག་ནས་བསྲུང་དུ་གསོལ། གསུང་གི་སྤྲུལ་པ་ལྕགས་འབྲུག་གིས། །མགྲིན་པའི་གནས་ནས་བསྲུང་དུ་གསོལ། །སྐུ་ཡི་སྤྲུལ་པ་སེང་ཆེན་གྱིས། །ཐུགས་ཀྱི་དཀྱིལ་ནས་བསྲུང་དུ་གསོལ། །རྣལ་འབྱོར་བདག་ཅག་འཁོར་བཅས་ཀྱི། །གཙུག་གནས་ལྷ་ཡི་བཀོད་པ་ནི། །སྤྱི་གཙུག་གོ་ཁྲབ་ཅན་གྱིས་བསྲུང་དུ་གསོལ། །མགྲིན་པར་ཟངས་ཁྲབ་ཅན་གྱིས་བསྲུང་དུ་གསོལ། །སྙིང་ཁར་དབང་བེར་ཅན་གྱིས་བསྲུང་དུ་གསོལ། །ལྟེ་བར་བསེ་ཁྲབ་ཅན་གྱིས་བསྲུང་དུ་གསོལ། །གསང་གནས་ལྕགས་ཁྲབ་ཅན་གྱིས་བསྲུང་དུ་གསོལ། །ལུས་ལ་བཙན་པའི་གོ་གྱོན་འཚལ། །སྲོག་ལ་བཙན་པའི་དབང་བསྐུར་འཚལ། །གློ་ན་རྣོ་བའི་མཚོན་

[Full Size]

ཐོགས་འཚལ། །དགྲ་ལ་གཟུགས་པའི་མདའ་འཕེན་འཚལ། །བགེགས་དཔུང་བསྲེགས་པའི་མེ་འབར་འཚལ། །དེ་ལྟར་སྲུང་བའི་ལྷ་བཀོད་ཅིང་། །ལུས་ལ་བཙན་པའི་གོ་གྱོན་པས། །ལྷ་ཀླུ་བཙན་བདུད་དྲི་ཟ་དང་། །གཤིན་རྗེ་གནོད་སྦྱིན་བགེགས་ཀྱི་ཚོགས། །གཟའ་དང་ས་བདག་གཉན་རིགས་དང་། །རྒྱལ་བསེན་ཕོ་མོ་དམ་སྲི་སོགས། །བར་ཆད་བདུད་ཀྱིས་མི་ཚུགས་པར། །ཉིན་མཚན་ཀུན་ཏུ་བསྲུང་དུ་གསོལ། །བར་མཚམས་མེད་པར་བསྲུང་དུ་གསོལ། །གཡེལ་མེད་རྟག་ཏུ་བསྲུང་དུ་གསོལ། །བཛྲ་རཀྵ་རཀྟ་ཡེ་སྭཱ་ཧཱ། དེ་ནས་ཕྲིན་ལས་བཅོལ་བ་ནི། ཧཱུྃ། རིགས་གསུམ་མགོན་པོའི་སྤྲུལ་པ་ལ། །ཁྱུང་འབྲུག་སེང་གསུམ་མཐུ་སྟོབས་ཀྱིས། །ནག་པོ་མགོ་གསུམ་ཕོ་ཉར་ས་འགྱེད། །བྱད་དང་རྦོད་གཏོང་ཟློག་པར་བྱེད། །ལོ་སྐག་ཟླ་སྐག་དགྲ་ལ་ཟློག །མི་ཁ་བྲ་མཆུ་བསྒྱུར་བ་དང་། །ལྟས་ངན་འཚེར་རྩུབ་དགྲ་ལ་སྒྱུར། །དམར་པོ་མགོ་གསུམ་སྣ་ཁྲིད་སྦྱར། །དགྲ་བོའི་སྙིང་ལ་སྐྱེར་མདའ་རྒྱོབས། །ཡོན་བདག་ཚེ་གླུད་ཁྱོད་ཀྱིས་གྱིས། །བདུད་ཀྱི་ངོ་ལེན་ཁྱོད་ཀྱིས་གྱིས། །བདུད་མོ་རྔ་ཞོན་བཙུན་མོ་ཡིས། །ཁྲག་

[Full Size]

རིམས་ནད་བཟློག་ཏུ་གསོལ། །ཤང་ཤང་བྲ་མཆུ་གཡོག་ཏུ་ཁྲིད། །མི་ཁ་བ་རུའི་ལས་མཁན་བྱེད། །སྟོབས་ལྡན་གླང་ཆེན་ཁལ་དུ་བཀལ། །མི་ཁའི་ཡས་རྣམས་ཁོལ་ལ་སོང་། །ཤཱ་རྡེལ་དཀར་ནག་གཏོར་ལ་སོང་། །ལོ་ཡི་སྐག་རྣམས་སྒྱུར་ལ་སོང་། །འཆེར་རྩུབ་སྐག་རྣམས་ཟློག་ལ་སོང་། །འཕགས་པ་འཇམ་དཔལ་བཀའ་མ་བཅག །སྔགས་འཆང་བདག་གི་དམ་མ་བཀྲལ། །ཡོན་བདག་དྲིན་ལེན་ཆུད་མ་གསན། །དམ་རྫས་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །གནོད་ཅིང་འཚེ་བར་བྱེད་པ་ཡི། །སྡང་བྱེད་དགྲ་དང་གནོད་བྱེད་བགེགས། །བྱད་མ་རྦོད་གཏོང་ལས་ངན་དང་། །བསྟན་པ་བཤིགས་པའི་རུ་ཏྲ་དང་། །དམ་བཅས་བྱས་པའི་དམ་ལོག་དང་། །ལེ་གུ་བྱས་པའི་ལྷ་ལོག་དང་། །ཤག་རོགས་བྱས་པའི་མནའ་ཟོས་དང་། །སློབ་མ་བྱས་པའི་དམ་ལོག་དང་། །ཆུང་མ་བྱས་པའི་རྒྱབ་རྟེན་དང་། །དེ་ཡི་གཤེད་མ། ཁྱོད་ཀྱིས་མཛོད། །མཆོད་ཅིང་བསྟོད་ན་ངོ་མ་ཆུང་། །རྦད་ཅིང་མངག་ན་མཐུ་མོ་ཆུང་། །གཏོ་གླུད་བོར་ན་འཕང་མ་ལྗི། །གླུད་དུ་འབུལ་ན་འཕང་མ་དམའ། །ལོ་དུས་ལོ་ལ་

[Full Size]

ལོ་བདུད་མ་འབེབས་ཤིག །ཟླ་དུས་ཟླ་ལ་ཟླ་སྲི་མ་འབེབས་ཤིག །ཞག་དུས་ཞག་ལ་ཞག་སྐག་མ་འབེབས་ཤིག །ཟ་མ་དུས་ཚོད་སྐག་རྣམས་མ་འབེབས་ཤིག །དགྲ་སྣ་གྱོད་སྣ་བཟློག་ཏུ་གསོལ། །ནད་སྣ་རིམས་སྣ་བཟློག་ཏུ་གསོལ། །རྐུན་སྣ་ཇག་སྣ་བཟློག་ཏུ་གསོལ། །མོ་ངན་རྩིས་ངན་བཟློག་ཏུ་གསོལ། །རྨི་ལྟས་མཚན་ངན་བཟློག་ཏུ་གསོལ། །ཐན་ལྟས་ངན་པ་བཟློག་ཏུ་གསོལ། །མདོར་ན་མི་མཐུན་རྐྱེན་ངན་རྣམས། །ཐམས་ཅད་མ་ལུས་བཟློག་ཏུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། །རཀཱ་ཙིཏྟ་དགྲ་བགེགས་ཀྱི་སྲོག་ལ་མཱ་ར་ཡ་རྦད། སྙིང་ལ་མཱ་ར་ཡ་ཟད། སརྦ་བིག་ནཱན་མཱ་ར་ཡ་རྦད། ཅེས་བརྗོད་པར་བྱའོ། །དེ་ལྟར་བྱས་པས་སྐག་ངན་ཟློག་པ་དང་། ལོ་སྤར་ཁའི་འགྲམས་འཁྲུག་བཅོས་པ་དང་། ཐན་ལྟས་ངན་པ་ཟློག་པ་དང་། མི་ཁ་སྡང་བ་དང་། མི་ནོར་ལ་བྱད་ཁ་ཟུག་པ་དང་། །ལྷ་འདྲེའི་བསམ་སྦྱོར་ངན་པ་དང་། གཏད་ཁྲམ་གྱིས་ཞབས་སུ་སོང་བ་དང་། མོ་རྩིས་རྨི་ལྟས་ངན་པ་དང་། མདོར་ན་མི་མཐུན་པའི་བར་ཆད་ཐམས་ཅད་ཟློག་པ་ལ། མི་ནག་མགོ་བོ་གསུམ་པའི་མདོས་འདི་མཆོག་ཏུ་ཟབ་པར་འགྱུར་རོ། །དེ་ལྟར་དཀར་པོ་མགོ་གསུམ་གྱི་གོང་གནོན་བྱས་ཚར་ནས། མི་ནག་གི་མངོན་རྟོགས་མདུན་བསྐྱེད་

[Full Size]

ལ་འཇུག་གོ །སྔགས་འཆང་རཱ་ག་ཨ་སྱས་བསྒྲིགས་པའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ས་བདག་གཏོ་ཐིག་ནག་པོའི་རྒྱུད་ལས། མི་ནག་མགོ་བོ་གསུམ་པའི་རྒྱས་མདོས་བར་ཆད་ཀུན་སེལ།

[Full Size]

ས་བདག་གཏོ་ཐིག་ནག་པོའི་རྒྱུད་ལས། མི་ནག་མགོ་བོ་གསུམ་པའི་རྒྱས་མདོས་བར་ཆད་ཀུན་སེལ་ཞེས་བྱ་བ་བཞུགས་སོ།།

[Full Size]

ན་མོ་མཉྫ་བྲི་ཡེ། འཕགས་པ་འཇམ་དཔལ་ལ་ཕྱག་འཚལ་ལོ། །ས་བདག་གཏོ་ཐིག་ནག་པོའི་རྒྱུད་འདི་ནི། མཁྱེན་རབ་ཀྱི་བདག་པོ་འཕགས་པ་འཇམ་དཔལ་དབྱངས་ལ། རྒྱ་ནག་གི་རྒྱལ་པོ་རྒྱུ་ནི་ཧ་དང་། ཝང་ནི་འཕྲུལ་གྱི་རྒྱལ་པོ་དང་གཉིས་ཀྱིས་ཞུས་པ་ལས། འགྲོ་བ་སེམས་ཅན་ཀུན་ལ་ཕན་པའི་ཆེད་དུ་མཛད། དེ་ཡང་དགོས་ཆེད་ཕན་ཡོན་བསྟན་པ་ནི། རྒྱ་ནག་ཡུལ་གྱི་འཇམ་དཔལ་གཤིན་རྗེའི་གཤེད་ཀྱི་རྒྱུད་ལེའུ་བཅུ་པའི་སྐབས་སུ། མགོ་གསུམ་འདི་འཇམ་དཔལ་རང་གི་སྤྲུལ་པ་ཡིན་པས། ཡ་མཱནྟ་ཀའི་དབང་ཐོབ་པ། རིགས་གསུམ་མགོན་པོ་ལ་བསྙེན་པ་ཐེམས་པ། འཇམ་དཔལ་གཤིན་རྗེ་ལ་ཡི་དམ་བྱེད་པ་མ་གཏོགས་པ། སུ་ཐོད་ཐོད་ཀྱིས་བྱ་མི་རུང་རང་ལ་ལྡོག་ཉེན་ཡོད། རིགས་གསུམ་མགོན་

[Full Size]

པོའི་བདག་བསྐྱེད་འདི་མེད་ན་གོང་མི་ནོན་པ་དང་། དེ་ལྟར་བྱས་ན་བར་ཆད་རྐྱེན་ཟློག་ལ་འདི་ཉིད་ཤིན་ཏུ་ཟབ་པ་དང་། གདོན་བགེགས་ཟློག་པ་དང་། དགྲ་སྡང་བསྒྲལ་བ་ལ་འདི་བས་མྱུར་བ་གཞན་མེད་དོ། །ཞེས་གསུངས་པ་དང་། ༈ ས་བདག་གཏོ་ཕུག་ནག་པོའི་རྒྱུད་ལས། མགོ་གསུམ་འདི་ལོ་ཟླ་ཞག་དུས་ཀྱི་སྐག་དང་། སྤར་སྨེ་ལོ་སྐོར་གྱི་འགྲམ་འཁྲུགས་བདུན་ཟུར་སྐག་རིགས་ཐམས་ཅད་ཟློག་པ་ལ་མཆོག་ཏུ་ཟབ་པ་དང་། ཁྱད་པར་ཐན་རིགས་ལྟས་ངན་མཚན་ངན་ཐམས་ཅད་ཟློག་པ་ལ་འདི་ཉིད་གཞན་ལས་རྣོ་མྱུར་ཤིན་ཏུ་ཆེ་བ་དང་། གཞན་ཡང་གདོན་བགེགས་དགྲ་གྱོད་མི་ཁ་བྲ་མཆུ་རྨི་ངན་ལ་སོགས་བར་ཆད་ཐམས་ཅད་ཟློག་པ་ལ་འདི་ཉིད་ཟབ་པས། ས་བདག་གི་ཁྲོ་བོ་ཆེན་པོ་ཀླུ་བདུད་ནག་པོ་ནཱ་ག་རཀཱའམ། མི་ནག་མགོ་

[Full Size]

བོ་གསུམ་པ་ཞེས་བྱའོ། །ཞེས་གསུངས་སོ།། ༈ འདི་ཡི་ཆོ་གའི་བསྒྲིགས་ཆོག་ལག་ལེན་ནི། རྒྱ་ཀོང་ཙེ་འཕྲུལ་གྱི་རྒྱལ་པོའི་ལག་ལེན་ཁྲིགས་སུ་བསྟབས་ནས་རྒྱ་ནག་ཡུལ་དུ་གཏོ་ཕུག་ཅིག་རྒྱུད་དུ་ཡོད་པ་ན། །བོད་དུ་དར་བའི་ལོ་རྒྱུས་ནི། རྒྱལ་པོ་སྲོང་བཙན་སྒམ་པོའི་སྐུ་རིང་ལ། སྒྲོལ་མ་དཀར་མོའི་སྤྲུལ་པ། རྒྱ་བཟའ་ཨོང་ཆུང་བོད་དུ་ཡར་བྱོན་ཚེ། སྤྱིར་གཙུག་ལག་རྩིས་ཀྱི་རྒྱུད་གཞུང་མང་པོ་དང་། ཁྱད་པར་ས་བདག་ཧ་ས་གཛྷའི་གཏོ་འདི། རྒྱ་ནག་གི་སློབ་དཔོན་རྣམས་ལ་ཞུས་ཤིང་ཐབས་དུ་མའི་སྒོ་ནས་བླངས་ནས། བློན་པོ་མགར་དང་རྒྱ་བཟའ་གཉིས་ཀྱིས་ས་བདག་གཏོ་ཕུག་ནག་པོའི་རྒྱུད་འདི་ཟབ་ལ་ཤིན་ཏུ་དཀོན་པའི་ཕྱིར། རྒྱ་དཔེ་ནས་བཤུས་ཤིང་གཞུང་གི་ཆ་ལག་རྣམས་ཚང་བ། །སྟག་སྒྲོ་གང་རྒྱུ་ནོར་རྣམས་ཀྱི་དམར་བ་སྙིང་ནོར་བྱས་ནས། བོད་དུ་ཡར་ཁྱེར་ནས་བྱོན་པ་ལ། ཤར་རྒྱལ་མོ་རོང་དུ་ཕྱིན་དུས། འཇམ་དབྱངས་དམར་པོའི་སྤྲུལ་པ་མཁས་པ་གྲགས་སེང་བྱ་བ་ལ་སྤེལ་བས། བོད་ལ་ཡར་དར་བ་རྒྱལ་མོ་རོང་གི་ལུགས་ཡིན། དེ་ནས་བྲག་དམར་དཔལ་གྱི་བསམ་ཡས་སུ་ཕྱིན་ནས། རྒྱལ་པོ་དང་ཞལ་མཇལ་དུས། སྐུའི་རིམ་གྲོ་སྔ་ཤོས་དེ་འདི་བྱས་པ་དང་། ར་ས་འཕྲུལ་སྣང་བཞེངས་དུས། ལྷ་འདྲེས་ཆོ་འཕྲུལ་བསྟན་ནས་བཞེངས་མ་ཐུབ་པ་ལ། འདིའི་གཏོ་ཐིག་བྱས་པས་ཆོ་འཕྲུལ་བར་ཆད་རྣམས་ཞི་ནས་ལྷ་ཁང་བཞེངས་ཐུབ་པ་དང་། གཞན་ཡང་བཀྲ་ཤིས་བདེ་ལེགས་ཕན་ཐོགས་མང་པོ་བྱུང་བ་དང་། དེ་ནས་རྒྱ་གར་ཡུལ་དུ་ལོ་པཎ་རྣམས་ཀྱིས་བསྒྱུར་ནས་སོང་བ་

[Full Size]

ལ། ཛེ་ཏ་རི་པ་དགྲ་ལས་རྣམ་རྒྱལ་དེས། མུ་སྟེགས་པ་དང་འགྲན་བྱས་པའི་དུས། ཟློག་སྒྱུར་འདི་བྱས་པས། མུ་སྟེགས་པ་རྣམས་ཕམ་ཞིང་མཐུ་རྩལ་རྫུ་འཕྲུལ་རྣམས་ཟློག་ཐུབ་པ་དང་། དེ་ནས་བོད་དུ་བསམ་ཡས་བཞེངས་དུས། རྒྱ་ནག་གི་ཧྭ་ཤང་མ་ཧཱ་ཡ་ནས་བསྒྱུར་བ་དང་། སྔ་སོར་བསྒྱུར་བ་རྣམས་བོད་དུ་མར་དར་བ་བསམ་ཡས་པའི་ལུགས་ཡིན། དེ་ནས་པཎྜི་ཏ་རྣམས་ཀྱིས་ཕར་རྒྱ་གར་དུ་ཁྱེར་ནས་བསྒྱུར་སོང་བ་ཡང་ཡོད་དོ། །དུས་ཕྱིས་ས་སྐྱའི་མཐིལ་དུ་བསྟན་སྲུང་འཐིས་པོ་འདིས་བྱས་ནས། ཟླ་བ་རེ་ལ་ལན་རེ་བཅས་ནས་སྟོད་ཧོར་གྱི་དམག་སྣ་ཟློག་པ་ཡང་ཡོད། གཞན་ཡང་ཡོན་ཏན་མང་པོ་ཡོད་པ་འདིར་མ་བྲིས་སོ། །དེ་ནི་འགྱུར་ཆད་དང་ལོ་རྒྱུས་ཟུར་ཙམ་ཞིག་བརྗོད་པའོ།། ༈ འདིའི་མདོས་ཟློག་བཅའ་ཐབས་ནི། ས་སྤྱིན་བླང་ལ་འདེར་སོ་བཟང་པོ་གཙང་མ་བྱས་ལ། མདོས་གཞི་རབ་ས་སྟེགས་དེ་ལ་བྱས། འབྲིང་སྒོ་ཁྲི་སོགས་ཆེ་བར་བྱས། ཐ་མ་ཡང་སླ་ངའི་ལྕགས་སྣོད་དུ་རི་རབ་བང་རིམ་བྲིས་པའི་སྟེང་དུ་དགྲ་འདྲེའི་ལིངྒ་བྲིས་པའི་གདན་ལ། ནག་པོ་མགོ་གསུམ་ནི། གཡས་སྟག་མགོ་དམར་བཀྲ། གཡོན་ཕག་མགོ་མཐིང་ནག །དབུས་གླང་མགོ་སེར་པོ། སྣ་ལྗགས་ཅན་རྭ་བར་ཐོད་སྐམ་ནོར་བུས་མཚན་པ། གསུམ་ཀའང་ཁ་གདངས་བ། མཆེ་བ་གཙིགས་པ། ལྗགས་བརྐྱངས་བ། སྤྱན་བསྒྲད་པ། ལུས་པོ་མི་ནག་བྱ་གཤོག་ཅན། ཕྱག་དྲུག་དང་པོ་གཉིས་ན་གྲི་ཁུག་ཐོད་ཁྲག །བར་པ་གཉིས་ན་རལ་གྲི་ལྕགས་ཀྱུ། ཐ་མ་གཉིས་ན་མདའ་གཞུ་

[Full Size]

དང་སྤྲུལ་ཞགས་འཛིན་པ། སྟག་གི་ཤམ་ཐབས་དང་སྦྲུལ་གྱི་དོ་ཤལ་བྱས་པ། ཞབས་གཉིས་འདོར་ཐབས་སུ་བརྒྱད་པ། སྦྲུལ་གྱི་མཇུག་མ་འཁྱིལ་བ། ཤིན་ཏུ་འཇིགས་པ་གཅིག་བྱའོ། ༈ མདུན་དུ་མི་དམར་མགོ་གསུམ་ནི། །གཡས་གླང་མགོ། དབུས་ཕག་མགོ། གཡོན་སྤྲུལ་མགོ། ཕྱག་གཉིས་ཀྱིས་སྐྱེར་པའི་མདའ་གཞུ་བཀང་བ་བྱ། དེའི་མདུན་དུ་ཤང་ཤང་སེར་པོ་མི་ལུས་བྱ་མགོ་ཕག་ཟེ་ཡོད་པ། བྱ་གཤོག་ལྡིང་བ། གཡས་ཟངས་དུང་གཡོན་མདའ་གཞུ་བསྣམས་པ་བྱ། གཡས་སུ་བདུད་པོ་ནག་པོ་བཀྲག་མེད་མི་ནག་རྟ་ནག་ཞོན་པ། གཡས་ཁྲམ་ཤིང་། གཡོན་རུ་མཚོན་བྱ། གཡོན་དུ་བཙན་རྗེ་ཡམ་ཤུད་དམར་པོ་མི་དམར་རྟ་དམར་ཞོན་པ་གཡས་རིན་པོ་ཆེའི་རྒྱལ་མཚན། གཡོན་ཞགས་པ་ཐོགས་པ་བྱའོ། །རྒྱབ་ཏུ་མ་མོ་སྐུ་མདོག་དམར་ནག །རྔ་མོང་དཔུང་དཀར་ལ་ཞོན་པ། བུད་མེད་ཆུ་སྲིན་མགོ་ཅན་གྱིས་སྣ་ཁྲིད་བྱས་པ། ཕྱག་གཡས་ན་ཤཱ་རྡེལ་དང་གཡོན་ནད་རྐྱལ་ཐོགས་པ་བྱའོ། །ལུས་ལ་དར་ནག་གྱོན་པ། བམ་རོ་ཁུར་བ་བྱའོ། །དེ་རྒྱབ་ཏུ་མི་ཁ་བ་རུ་བྱ་བ། མིའི་ལུས་ལ་གླང་གི་མགོ། བྲ་བའི་མཆུ་ལ་བྱ་གཤོག་ཅན། ལུས་ནག་ལ་སྤྲུལ་རིས་ཡོད་པ། ལག་ན་ཚེར་ལྕགས་སྡུད་མོ་དང་། ཟངས་ཀྱི་གོད་རྒྱལ་ཐོགས་པ་བྱའོ། །དེ་རྣམས་ཀྱི་རྩེ་ལ་སོ་སོའི་ཙཀ་ལི་བཙུགས། དེ་རྒྱབ་ཁྲོ་བོ་བཅུ་དྲུག་གི་ཙཀ་ལི་བཙུགས། དེ་རྒྱབ་སྤར་སྨེ་ལོ་སྐོར་རྣམས་པར་བཏབ་བམ་གཟུགས་བཅས་ལ་བཞག །དེ་རྒྱབ་ཏུ་མངོན་རྟོགས་མདོས་བཞི་ཡང་ན་ཙཀ་ལི་བཀྲམ་མེད་ཀྱང་

[Full Size]

རུང་། སྒོ་བཞི་གཏོ་མཁན་བཞི་དང་སྒོ་སྲུང་བཞི་རྣམས་བཀོད།། ༈ དེ་རྣམས་བསྡུས་པ་ལ། མགོ་གསུམ་གཙོ་འཁོར་བདུན་བཅས་ལ། གཙོ་བོ་དང་ཁྲོ་བོ་བཅུ་དྲུག་གི་ཙཀ་ལི་བཙུགས། ལོ་སྐོར་བཅུ་གཉིས་གཟུགས་བཅས་ལ་བཀོད། སྤར་སྨེ་གཉི་ས་པར་བཏབ་ལ་བཞག །མཐར་སྒོ་སྲུང་བཞག་པ་ལ། འཁོར་མང་མངོན་རྟོགས་ལྟར་ཡིད་ཀྱིས་བསྒོམས། ༈ དེ་ནས་གཙོ་བོ་གཅིག་དེ་ལ་ལས་སྣ་ཚོགས་ཁ་བསྒྱུར་བར་བཤད་པ་ནི། སྐག་པོ་ཆེ་ཟློག་པ་ན། ཕྱག་དྲུག་ན་སྤར་ཁའི་ཕྱག་རྒྱ་བསྣམས་པར་བྱ། ཡམས་ནད་བཟློག་ན་བུད་མེད་ནད་རྐྱལ་ཐོགས་པ་བརྒྱས་བསྐོར། ཕྱག་ན་ཉི་ཟླ་ཐོགས་པ་ལུས་ཁ་ཁྲམ་ཤིང་དཀར་ནག་གིས་བརྒྱན་པའོ།། ༈ བྱད་བཟློག་ན་ཕྱག་ན་གྲི་གུག་ཐོད་ཁྲག་བར་མ་ན་ཕུར་པ་འདྲིལ་བ། ལུས་ཕུར་པས་བརྒྱན་པའོ།། ༈ དམག་སྣ་བསྒྱུར་ན། ཕྱག་མཚན་མདུང་དར་རྒྱལ་མཚན་མཚོན་བཟུང་བ། འཁོར་ཁྲབ་ཆེན་བརྒྱས་བསྐོར་བའོ།། ༈ ཐན་བསྒྱུར་ན། །ཕྱག་ན་ཐན་གཟུགས་དང་སྦྲུལ་ནག་མགོ་དགུ་དང་རྔ་མོང་བཟུང་བ། འཁོར་ཐན་རིགས་བརྒྱས་བསྐོར་བའོ། ༈ ཁ་མཆུ་སྨྲ་གླེང་བསྒྱུར་ན། ཕྱག་དང་པོ་གཉིས་ན་མི་ཁ་ཟས་སུ་ཟ་བ། འཁོར་དུ་མི་ཁའི་བདག་མོ་མགོ་བརྙན་ཅན་བཅུ་གསུམ་གྱིས་བསྐོར་བ་དང་། ཤང་ཤང་སེར་པོ་ལ་ཤང་ཤང་བརྒྱས་བསྐོར་བའོ།། ༈ དགྲ་སྣ་བསྒྱུར་ན། ཕྱག་ན་རལ་གྲི་དང་མདུང་བཟུང་བ། འཁོར་མི་ནག་རལ་གྲི་དང་མདུང་བཟུང་བརྒྱས་བསྐོར་བའོ།། ༈ གོད་ཁ་དང་

[Full Size]

སྙིང་སྟོང་བསྒྱུར་ན། ཕྱག་ན་བ་དན་བསྣམས་པ། འཁོར་དུ་མི་ནག་སྟོང་ཡས་ཁུར་བ་བརྒྱས་བསྐོར་བའོ།། ༈ མོ་ངན་དང་རྨི་ལམ་ངན་པ་བསྒྱུར་ན། ཕྱག་ན་མདའ་གཞུ་བཟུང་བ། རྨི་ལམ་གང་བྱུང་དེ་འདྲ་བརྒྱས་བསྐོར་བའོ། ༈ གཞན་ཡང་རྒྱལ་འགོང་ལ་བྱེད་ན། བན་གཟུགས་སོགས་རྒྱལ་འགོང་བརྒྱས་བསྐོར་བའོ།། ༈ འདྲེ་མོ་ལ་བྱེད་ནི། འདྲེ་མོ་གཟུགས་བུད་མེད་བརྒྱས་བསྐོར་བའོ།། ༈ གཞན་ཡང་བྱུར་ཡས་སྣ་ཚོགས་དང་། །མི་ཁ་བཟློག་ན་མི་ཁའི་ཡས་སྣ་ཚོགས་བཞག་པར་བྱའོ། །ཞིང་ནང་ཟབ་བྱུང་ན་རྦབ་རྡོ་ཕྱག་གཡས་སུ་བཞག་པར་བྱའོ། །མདོར་ན་གང་བྱེད་ལ་ཕྱག་ཏུ་བཞག་ལ་འཁོར་དུ་བསྐོར་ལ་ཡས་སྣ་ཚོགས་སྒྱུར་ཤེས་པར་བྱེད།། ༈ དེ་ནས་མཆོད་གཏོར་སྣ་ཚོགས་བཤམས་པ་ནི། མི་ནག་མགོ་གསུམ་གྱི་མདུན་དུ། དམར་གཏོར། མཐེབ་སྐྱུ། ཤ་དུམ། ཁྲག་ཐིགས། བཅུ་གསུམ་རེས་བསྐོར་བའོ། །མི་དམར་གྱི་མདུན་དུ་དམར་གཏོར། ཤང་ཤང་ལ་རྩེ་གསུམ། བདུད་བཙན་གཉིས་ལ་ཟུར་གསུམ་རེ། མ་མོ་ལ་བཤོས་ཟླུམ་བྱ་ནག་གིས་མཚན་པ། མི་ཁ་ལ་ཏིང་ལོ་ཆངས་བུ། མཐེབ་སྐྱུ་དང་ཤ་ཁྲག་མི་ཁའི་རྫས་རྣམས་ཀུན་ལ་མཐུན། ཁྲོ་བོ་རྣམས་ལ་ཟུར་གསུམ་བཅུ་དྲུག །སྤར་ཁ་ལ་པད་ཕོར་མགོ་ཅན་བརྒྱད། སྨེ་བ་ལ་དགུ་ལིང་དགུ། ལོ་སྐོར་ལ་འབྲང་རྒྱས་བཅུ་གཉིས། ལོ་རྒན་ལ་བཤོས་ཟླུམ་བཅུ་གཉིས། དཔལ་མགོན་ལ་དཀར་གཏོར་བཅུ། ལོ་ཟླ་ཞག་དུས་ས་བདག་ལ་བཤོས་བུ་རྒྱབ་ཡོལ་ཅན་བརྒྱད། རུ་འདྲེན་ལ་ཟུར་

[Full Size]

གསུམ་བཞི། གཏོ་མཁན་ལ་ལྷ་བཤོས་བཞི། སྒོ་བསྲུངས་ལ་མཁར་ཐབ་བཞི། དེ་རྣམས་སྤར་བཏབ་ལ་སོ་སོར་བཀོད། གཏོར་ཆུང་། ཤ་དུམ། མཐེབ་སྐྱུ། ཡོས་བཀྲ། འབྲུ་སྣ་ཀུན་ལ་བཏབ། གཟུགས་འགྲོས་སྣ་ཚོགས་གསུངས་པ་ནི་བསྐང་སྤར་བཏབ་ལ་འཕང་། བགེགས་རིགས་ལན་ཆགས་ལ་ཆངས་བུ། ཏིང་ལོ། ཤ་དུམ་རྣམས་བཞག །མདོས་ནང་དུ་བཙོག་ཡས་རྣམས་འདེབས་མི་རུང་ཤིན་ཏུ་གཙང་བ་གལ་ཆེ་དགོས། ༈ ལོགས་སུ་ངར་མི་ལ་བཙོག་ཡས་བླུག་པ་བཤམས་ཏེ། ཡོན་བདག་གི་ཚངས་བུ་ཚྭ་སྤྲུག་རམ་རུག །ཤ་ཤུན་གོད་རུས། རྫ་དྲེག་སྟོང་དྲེག་སོགས་མི་ཁའི་ཡས་རྣམས་ཚང་བར་བླུགས་ལ། ལན་ཆགས་བགེགས་རིགས་གོད་འདྲེ་བསེ་རག་རྣམས་ལ་བསྔོའོ། །དེ་དང་མཉམ་དུའམ་རྒྱབ་ཏུ་གླང་ཆེན་ཁལ་འགེལ་བཞག ༈ །དེ་ནས་མདོས་ཆེས་ཤིང་རིས་སྣ་ཚོགས་གསུངས་པ་ནི། དགོན་སྡེ་སོགས་ཁམས་ཆེན་གྱི་བྱ་བ་ལ། འོག་ཏུ་ས་སྟེགས་དང་ཙཀ་ལི་སོགས་གཞུང་ནས་བཤད་པ་ལྟར་ཚང་བར་བྱ་དགོས་ཏེ། ནམ་མཁའ་རལ་གྲི་ཐོ་བ་ཤིང་རིས་སོགས་བརྒྱ་དང་བརྒྱད་བཙུགས། སྔགས་པ་སོགས་ཀྱིས་རྐྱེན་བཟློག་ལ་རྒྱུན་དུ་ཡང་ཤིང་རིས་ཕོ་ཏང་མོ་ཏང་སོགས་མདོས་ཆས་བྲིས་ལ་རྒྱུན་དུ་བཟུང་རུང་། མ་འབྱོར་ན། དར་གདུགས། མདའ་དར། ཞལ་སྣམ། རྒྱང་བུ། མདའ་བཀྲ། འཕང་བཀྲ། ཁྲམ་ཤིང་། ཕོ་ཐོང་མོ་ཐོང་། བུ་ཐོང་། རལ་གྲི་ཐོ་བ་སོགས་བཅུ་གསུམ་མམ་བརྒྱད་རེ་གང་འགྲུབ་བཅུག། ༈ དེ་

[Full Size]

རྣམས་བསྡུས་པ་ན། དབུས་སུ་ནམ་མཁའ་དང་མདའ་དར་གཅིག་ལོ་སྐོར་བཅུ་གཉིས་ལ་ཤིང་རིས་དཔེ་རིས་ལྟར་བཅུ་གཉིས། ཕྱོགས་བཞིར་ཁྲམ་ཤིང་དཀར་སེར་དམར་སྔོན་བཞི། གཡས་སུ་སྟག་པའི་ཕོ་ཐོང་གཅིག །གཡོན་དུ་གླང་མའི་མོ་ཐོང་གཅིག །མདུན་དུ་ཚར་བུའི་བུ་ཐོང་གཅིག །མདའ་བཀྲ་འཕང་བཀྲ་རལ་གྲི་ཐོ་བ་རྣམས་བཞི་རེ་བཙུགས། དེ་རྣམས་ཤིང་ལེབ་སྲབ་མོ་ལ་བྲི་རུང་ངོ། །སོ་སོའི་མཐུན་རྫས་སྣ་ཚོགས་ནི་གཞུང་ལྟར་གང་འགྲུབ་རྣམས་བཀྲམ། མཐའ་ལ་རྩང་རྣམས་བཙུགས་ལ་སྔོ་དམར་ཐག་པས་དཀྲི་བར་བྱ། དེ་རྣམས་ཀྱི་ཞིབ་ཆ་ནི་འདོན་ཆོག་ལ་བལྟས་ལ་ལག་ཏུ་བླང་བར་བྱ་དགོས་སོ། །དེ་ལྟར་བཅའ་ཚོགས་ཀྱི་ལག་ལེན་ཅུང་ཙམ་བཤད་པའོ།། ༈ ད་ནི་དངོས་གཞིའི་འདོན་འགྲིགས་ནི། དེ་ཡང་ཕུགས་གཏོར་དང་བསྐང་བ་སོགས་བཤམས་ལ། རང་ཉིད་ཀྱི་ཡི་དམ་གང་ཡིན་གཞུང་བསྲང་། ནུབ་མོ་ཡང་ཚོགས་དང་གཏོར་འབུལ་རྒྱས་པར་བྱའོ། །དེའང་དཀར་པོ་མགོ་གསུམ་གྱི་བཅའ་གཞི་ལོགས་སུ་བཅས་པ་ལ། མཆོད་པ་ཁ་གསོ་ལ། རིགས་གསུམ་མགོན་པོའི་བདག་མདུན་བསྙེན་པ་སྲུང་འཁོར་དཀར་པོ་མགོ་གསུམ་གྱི་གོང་གནོན་རྣམས་འདོན་ཚར་ནས། སླར་གཏོ་མདོས་གསོ་བྲན་བྱས་ལ་འདི་སྐད་དོ།། ཨོཾ་སྭ་བྷ་ཝ་ཤུདྡྷ་སརྦ་དྷརཿསྭ་བྷ་ཝ་ཤུདྡྷོཉཧཾ༔ སྟོང་པའི་ངང་ལས། བདག་གི་མདུན་དུ་ཡཾ་ལས་རླུང་གི་དཀྱིལ་འཁོར། རཾ་ལས་མེའི་དཀྱིལ་འཁོར། བཾ་ལས་ཆུའི་དཀྱིལ་འཁོར། སཾ་

[Full Size]

ལས་རི་རབ་གྲུ་བཞི་པ། དེའི་སྟེང་དུ་མི་ཁ་བྲ་མཆུའི་ཁྲི་ལ། ཡི་གེ་ཁཾ་ནག་པོ་ཡོངས་སུ་གྱུར་པ་ལས། མི་ནག་མགོ་བོ་གསུམ་པ། དབུས་གླང་མགོ་སེར་པོ། སྤྱན་གསུམ་གྱེན་ལ་གཟིགས་པ། སྣ་ལྗགས་ནམ་མཁར་གཡུག་པ། མཆེ་བ་ཐུར་དུ་གཙིགས་པ། འཇམ་དཔལ་གྱི་བཀའ་ཉན་ཕྱིར་སྐུ་མདོག་སེར་པོ། གཡས་སྟག་མགོ་དམར་བཀྲ། ཞལ་གདངས། མཆེ་བ་གཙིགས་པ། གཡོན་ཕག་མགོ་མཐིང་ནག །མིག་སྐར་ཆེན་ལས་གྲུབ་པ། མཆེ་བ་ཉི་ཟླ་ལས་གྲུབ་པ། ངར་སྒྲ་སྒྲོག་པ་གསུམ་གྱི་རྩེར་རིགས་གསུམ་གྱི་མགོན་པོ་དབུ་རྒྱན་གོང་གནོན་ཚུལ་དུ་བཞུགས་པ། ཐོད་སྐམ་གྱི་དབུ་བརྒྱན། ཐོད་རློན་གྱི་དོ་ཤལ། གླང་ཆེན་གྱི་སྟོད་གཡོགས། སྦྲུལ་གྱི་མགུལ་སྟག་གི་ཤམ་ཐབས་བྱས་པ། རེ་འབྱམས་ནག་པོའི་རྔ་མ་གཡུག་པ་ཞབས་གཉིས་འདོར་ཐབས་སུ་འདུག་པ། ཕྱག་དྲུག་གཡས་དང་པོ་ན་རྡོ་རྗེ་དང་གྲི་གུག །བར་མ་ན་རལ་གྲི། འོག་མ་ན་ཞགས་པ་བསྣམས་པ། གཡོན་གྱི་དང་པོ་ན་ཐོད་ཁྲག །བོར་མ་ན་ལྕགས་ཀྱུ། ཐ་མ་ན་མདའ་གཞུ་འཛིན་པ། ལུས་ལ་མཚོན་ཆ་སྣ་ཚོགས་ཀྱིས་བརྒྱན་

[Full Size]

པར་བྷེ། ཁོའི་སྙིང་གར་ཡི་གེ་ཁོ་ནག་པོ་ལ། ཨོཾ་ཡེ་ཤ་ཀེ་རུ་ཧཱུཾ། ཞེས་པ་རྩ་བའི་སྔགས་ཀྱིས་གཡས་སུ་བསྐོར་བར་བསྒོམ། དེའི་མདུན་དུ་མི་དམར་མགོ་བོ་གསུམ་པ་ནི། །ཕག་དང་སྦྲུལ་དང་གླང་གི་མགོ། ལུས་དམར་བ་དར་ནག་གི་བེར་གསོལ་བ། སྟག་གི་ཤམ་ཐབས་བྱས་པ། ལག་ན་སྐྱེར་པའི་མདའ་གཞུ་བསྣམས་པ། ཕྲག་པ་གཉིས་ལ་མར་མེ་རེས་མཚན་པ། ལྟོ་བ་ན་ཁྲག་གི་ཐིགས་པ་རེ་བླུགས་པའོ། །དེའི་མདུན་དུ་ཤང་ཤང་སེར་པོ། མི་ལུས་བྱ་མཆུ་ཅན་བྱ་ཡི་གཤོག་པ་དང་ཕག་གི་ཟེ་བ་ཡོད་པ། ཕྱག་གཡས་ཟངས་དུང་གཡོན་པས་མདའ་གཞུ་བསྣམས་པར་བསྐྱེད། གཡས་སུ་བདུད་རྗེ་བཀྲག་མེད་མི་ནག་རྟ་ནག་ཅན། སྐུ་ལ་ཟ་འོག་གི་བེར་ནག་གསོལ་བ། ཕྱག་གཡས་རལ་གྲི་དང་གཡོན་བདུད་ཀྱི་ཁྲམ་ཤིང་བསྣམས་པའོ། །གཡོན་དུ་བཙན་རྗེ་ཡམ་ཤུད་མི་དམར་རྟ་དམར་ཅན། སྟག་རལ་དང་གཟིག་ཤུབས་ཐོགས་པ། ཕྱག་གཡས་ན་བཙན་མདུང་དང་གཡོན་བཙན་ཞགས་བསྣམས་པ། སྐུ་ལ་དར་དམར་པོ་གསོལ་བ། དེའི་རྒྱབ་ཏུ་མ་མོ་ནག་མོ་རྔ་མོང་དཔུང་དཀར་ལ་ཆིབས་པ། བལ་མོ་ཆུ་སྲིན་གདོང་ཅན་གྱིས་སྣ་ཁྲིད་བྱས་

[Full Size]

པ། བུད་མེད་ནད་ཀྱི་རྐྱལ་པ་དང་བམ་རྐྱལ་ཁུར་བ་གྲངས་མེད་པས་བསྐོར་བའོ། །དེའི་རྒྱབ་ཏུ་མི་ཁ་བ་རུ་བྱ་བ་དེ། མི་ཡི་ལུས་ལ་གླང་གི་མགོ། བྲ་བའི་མཆུ་ལ་བྱ་གཤོག་ཅན། ལུས་ནི་ནག་ལ་སྤྲུལ་རིས་ཡོད་པ། མགོ་ལུས་མེད་པ་མིག་གིས་གང་བ་མི་ཁ་ལྕགས་ཀྱི་སྤང་མོ། ཟངས་ཀྱི་འཕར་བ། ནེ་ཙོ་སྨྲ་མཁན། བྱ་རོག་འུག་པ་མིག་སེར་ལ་སོགས་པ། མི་ཁའི་བུ་མོ་སྤུན་དགུས་བསྐོར་བ། དེའི་ཕྱི་རོལ་དུ་ཁྲོ་བོ་ཕ་བརྒྱད་ནི། ཤར་དུ་སེང་གེ་གླང་ཆེན་རྟ་མཆོག་གི་མགོ་ཅན་སྐུ་མདོག་དཀར་པོ། ལྷོར་ཁྱུང་དང་སྡིག་པ་རུས་སྦལ་གྱི་མགོ་ཅན་སྐུ་མདོག་སེར་པོ། ནུབ་ཏུ་སྟག་དང་རྔ་མོང་འབྲུག་གི་མགོ་ཅན་སྐུ་མདོག་དམར་པོ། བྱང་དུ་ཆུ་སྲིན་དོམ་དང་དྲེད་ཀྱི་མགོ་ཅན་སྐུ་མདོག་ལྗང་གུ། ཤར་ལྷོར་ཀཾ་ཀ་རྨ་བྱ་འུག་པའི་མགོ་ཅན་སྐུ་མདོག་སྨུག་པོ། ལྷོ་ནུབ་ཏུ་པར་དང་དུག་སྦྲུལ་ཉ་ཡི་མགོ་ཅན་སྐུ་མདོག་སེར་པོ། ནུབ་བྱང་དུ་ཤ་བ་གཡག་དང་རྟོལ་པོའི་མགོ་ཅན་སྐུ་མདོག་དམར་ནག །བྱང་ཤར་དུ་གཟིག་དང་སྤྱང་ཀི་བྱི་ལའི་མགོ་ཅན་སྐུ་མདོག་ལྗང་ནག །དེ་དག་ཐམས་ཅད་གར་དགུའི་ཉམས་དང་ལྡན་པ། ཞལ་ནས་

[Full Size]

སྦྱོ་ཟློག་གི་སྒྲ་སྒྲོག་པ། ས་བདག་བུ་བརྒྱད་ནི། ཤར་དུ་ཕག་དང་སེང་གེ་གླང་ཆེན་གྱི་མགོ་ཅན་སྐུ་མདོག་དཀར་པོ། ལྷོར་ཕག་དང་བྱ་རྒོད་སྤྲེལ་གྱི་མགོ་ཅན་སྐུ་མདོག་སེར་པོ། །ནུབ་ཏུ་རྟ་སྦྲུལ་སྟག་གི་མགོ་ཅན་སྐུ་མདོག་དམར་པོ། བྱང་དུ་དོམ་དང་ཆུ་སྲིན་དྲེད་ཀྱི་མགོ་ཅན་སྐུ་མདོག་ནག་པོ། ཤར་ལྷོར་དུར་བྱ་འུག་པ་ཆུ་བྱའི་མགོ་ཅན་སྐུ་མདོག་སེར་པོ། ལྷོ་ནུབ་ཏུ་ཉ་དང་དུག་སྦྲུལ་པིར་གྱི་མགོ་ཅན་སྐུ་མདོག་ལྗང་གུ། ནུབ་བྱང་དུ་གཡག་དང་ཤ་བ་རྟོག་པོའི་མགོ་ཅན་སྐུ་མདོག་དུད་ཁ། བྱང་ཤར་དུ་བྱི་ལ་གཟིག་དང་སྤྱང་ཀིའི་མགོ་ཅན་སྐུ་མདོག་ནག་པོ། དེ་དག་ཐམས་ཅད་དབུ་གསུམ་ཕྱག་དྲུག་པ། མི་ལུས་སྦྲུལ་གྱི་མཇུག་མ་ཅན། སྟག་གི་ཤམ་ཐབས་དང་བྱ་ཁྱུང་གི་གཤོག་པ་ལྡིང་བའོ། །དེའི་ཕྱི་རོལ་དུ་རི་འི་རབ་དེའི་ཕྱོགས་མཚམས་སུ་སྤར་ཁ་ཆེན་པོ་བརྒྱད་ནི། ཤར་དུ་ཟིན་ཤིང་ལྗང་གུ་རྟ་ལ་ཆིབས་པ། ལྷོར་ལི་མེ་དམར་མོ་རྒོད་མ་ལ་ཆིབས་པ། ནུབ་ཏུ་དྭ་ལྕགས་དཀར་པོ་དྲེའུ་ལ་ཆིབས་པ། བྱང་དུ་ཁཾ་ཆུ་ནག་པོ་ཕག་ལ་ཆིབས་པ། ཤར་ལྷོར་ཟོན་རླུང་སེར་མོ་རྔ་མོང་ལ་ཆིབས་པ། ལྷོ་ནུབ་ཏུ་ཁོན་མ་སེར་མོ་ལུག་ལ་ཆིབས་པ། ནུབ་བྱང་དུ་ཁེན་གནམ་

[Full Size]

དབང་སྔོན་པོ་ཁྱི་ལ་ཆིབས་པ། བྱང་ཤར་དུ་གིན་རི་སེར་པོ་གླང་ཆེན་ལ་ཆིབས་པའོ། །དེའི་ཕྱི་རོལ་སྨེ་བ་ཆེན་པོ་དགུ་ནི། ཤར་དུ་གསུམ་མཐིང་ས་བསེན་གསུམ་བོང་བུ་ལ་ཆིབས་པ། ལྷོ་རུ་དགུ་དམར་མ་མོ་དགུ་དྲེའུ་ལ་ཆིབས་པ། ནུབ་ཏུ་བདུན་དམར་བྲག་བཙན་བདུན་རྟ་ལ་ཆིབས་པ། བྱང་དུ་གཅིག་དཀར་ལྷ་མོ་བརྟན་མ་གཅིག་ཕག་ལ་ཆིབས་པ། ཤར་ལྷོར་བཞི་ལྗང་ཀླུ་སྔོན་བཞི་ཆུ་སྲིན་ལ་ཆིབས་པ། ལྷོ་ནུབ་ཏུ་གཉིས་ནག་བདུད་པོ་གཉིས་རྟ་ནག་ལ་ཆིབས་པ། ནུབ་བྱང་དུ་དྲུག་དཀར་རྒྱལ་པོ་དྲུག་སེང་གེ་ལ་ཆིབས་པ། བྱང་ཤར་དུ་བརྒྱད་དཀར་དགྲ་བླ་བརྒྱད་གླང་ཆེན་ལ་ཆིབས་པ། དབུས་སུ་ལྔ་སེར་ས་བདག་ལྔ་ཤ་བ་ལ་ཆིབས་པའོ། །དེའི་ཕྱི་རོལ་དུ་ལོ་སྐོར་ཆེན་པོ་བཅུ་གཉིས་ནི། ཤར་དུ་སྟག་ཡོས་གཉིས་སྐུ་མདོག་ལྗང་ཁུ། ཤར་ལྷོར་རླུང་འབྲུག་སེར་པོ། ལྷོ་རུ་རྟ་སྦྲུལ་གཉིས་སྐུ་མདོག་དམར་པོ། ལྷོ་ནུབ་ཏུ་ས་ལུག་སེར་པོ། ནུབ་ཏུ་བྱ་སྤྲེལ་གཉིས་སྐུ་མདོག་དཀར་པོ། ནུབ་བྱང་དུ་ས་ཁྱི་སེར་པོ། བྱང་དུ་བྱི་ཕག་གཉིས་སྐུ་མདོག་ནག་པོ། བྱང་ཤར་དུ་ས་གླང་སེར་པོ།། དེ་དག་ཐམས་ཅད་མི་ལུས་བྱ་གཤོག་ལ་

[Full Size]

སྦྲུལ་མཇུག་བྱ་ཁྱུང་སྡེར་མོ་ཅན་ནོ། །དེའི་ཕྱི་རོལ་དུ་ལོ་རྒན་དྲུག་ཅུ་སྲུང་རྟ་ལ་ཆིབས་པ་ནི། ཤར་དུ་ཤིང་ལོ་བཅུ་གཉིས་ལྗང་གུ། ལྷོར་མེ་ལོ་བཅུ་གཉིས་དམར་པོ། ནུབ་ཏུ་ལྕགས་ལོ་བཅུ་གཉིས་དཀར་པོ། བྱང་དུ་ཆུ་ལོ་བཅུ་གཉིས་ནག་པོ། མཚམས་བཞིར་ས་ལོ་བཅུ་གཉིས་སེར་པོ། དེའི་ཕྱི་རོལ་དུ་ཁོར་ཡུག་དཀར་པོ་ལ། །གཙང་རིས་ཀྱི་དཔལ་མགོན་བདུན་ཅུ་རྩ་བརྒྱད་ནི། ཤར་དུ་དྲི་ཟ། ཤར་ལྷོར་མེ་ལྷ། ལྷོར་གཤིན་རྗེ། ལྷོ་ནུབ་ཏུ་སྲིན་པོ། ནུབ་ཏུ་ཆུ་ལྷ། ནུབ་བྱང་དུ་རླུང་ལྷ། བྱང་དུ་གནོད་སྦྱིན། བྱང་ཤར་དུ་དབང་ལྡན། སྟེང་དུ་ཚངས་པ། འོག་ཏུ་ས་བདག་དང་། ལྷ་ཆེན་བརྒྱད་དང་། ཀླུ་ཆེན་བརྒྱད་དང་། གཟའ་ཆེན་བརྒྱད་དང་། གཉན་ཆེན་བརྒྱད་དང་། རྒྱུ་སྐར་གྱི་ལྷ་མོ་ཉི་ཤུ་རྩ་བརྒྱད་དང་། རྒྱལ་པོ་ཆེན་པོ་སྡེ་བཞི་རྣམས་གསལ་བའོ། །དེའི་ཕྱི་རོལ་དུ་ས་བདག་རྒྱལ་བློན་ནི། ཤར་ཕྱོགས་ས་བདག་ཙང་ཀུན་ནི། ཟ་འོག་སྔོ་བཀྲའི་རི་མོ་ཅན། ཕྱག་ན་རུ་མཚོན་སྔོན་པོ་སྦྱར་བ། ལྕགས་བྱི་སྔོན་པོ་ལ་ཆིབས་པ། ལྷོ་ཕྱོགས་ས་བདག་ཙང་ཀུན་ནི། ཆུ་དར་སྔོན་པོའི་ན་བཟའ་གསོལ་བ། ཆུ་སྲིན་

[Full Size]

རྒྱལ་མཚན་ཕྱག་ན་བསྣམས་པ། གཡུ་འབྲུག་སྔོན་པོ་ཆིབས་པ། ནུབ་ཕྱོགས་ས་བདག་ཧལ་ཁྱི་ནི། འཇོལ་བེར་དཀར་པོ་སྐུ་ལ་གསོལ་བ། གསེར་གྱི་སྣ་རེ་ལག་ན་ཐོགས་པ། བྱ་ཁྱུང་རྒྱལ་པོའི་གདན་ལ་བཞུགས་པ། བྱང་ཕྱོགས་ས་བདག་བེལ་སྣ་ནི། ཆུ་དར་སྔོན་པོའི་ན་བཟའ་གསོལ་བ། ཕྱག་ན་གཟིག་གི་རྒྱལ་མཚན་ཕྱར་བ། གཟིག་ཆེན་ངར་མ་ལ་ཆིབས་པ། ཤར་ལྷོ་ས་བདག་འབྲུག་ལྷ་ག་པ། ལྷོ་ནུབ་ཏུ་ས་བདག་པི་ལིང་དཀར་པོ། ནུབ་བྱང་དུ་ས་བདག་གྲུབ་གཉེན་སྔོན་པོ། བྱང་དུ་ས་བདག་ཀི་ཀང་ནག་པོ། དབུས་སུ་ས་བདག་ཧོ་བན་ནི། སྤྲེའུ་ལུས་ལ་མི་ཡི་དབུ། ལག་ན་རླུང་གི་ཆ་ལང་བསྣམས་པ། གཡུ་འབྲུག་སྔོན་མོ་ལ་ཆིབས་པའོ། །དེ་རྣམས་ལ་ལོ་ཟླ་བ་ཞག་དུས་ཚོད་ལ་དབང་བའི་ས་བདག་རྣམས་ཀྱིས་བསྐོར་བའོ། །སྒྱུར་བྱེད་ཆེན་པོ་རུ་འདྲེན་སྡེ་བཞི་ནི། གཡས་ཀྱི་རུ་འདྲེན་དམ་ཅན་རྡོ་རྗེ་ལེགས་པ་སེང་གེ་ལ་ཞོན་པ། སྔགས་པ་ཕུར་ཐོགས་བརྒྱས་བསྐོར་བ། གཡོན་གྱི་རུ་འདྲེན་རྒྱལ་པོ་པེ་ཧར་གླང་ཆེན་ལ་ཞོན་པ། བཙུན་པ་ཉན་ཐོས་གཙང་མ་བརྒྱས་བསྐོར་བ། མདུན་གྱི་རུ་འདྲེན་དུད་སོལ་ལྷ་

[Full Size]

མོ་དྲེའུ་ལ་ཞོན་པ། བུད་མེད་ནད་རྐྱལ་མཚོན་གྱི་གྲུ་གུ་ཐོགས་པ་བརྒྱས་བསྐོར་བའོ། །རྒྱབ་ཀྱི་རུ་འདྲེན་ཀླུ་བདུད་སྨྱོ་ཁ་ཀླུ་རྟ་སྔོན་པོ་ལ་ཆིབས་པ། སྐྱེས་བུ་དམག་དཔོན་ཕུབ་ཐོག་མདུང་དར་ཐོགས་པ་བརྒྱས་བསྐོར་བ། གཏོ་མཁན་ཆེན་པོ་རིགས་བཞི་ནི། ཤར་དུ་གཏོ་མཁན་སྟག་མགོ་ཅན། ཆར་སྤྲིན་ནག་པོ་གོས་སུ་གྱོན་པ། ལྷོ་ཕྱོགས་གཏོ་མཁན་འབྲུག་མགོ་ཅན། འཇོལ་བེར་སེར་པོ་གོས་སུ་གསོལ་བ། ནུབ་ཕྱོགས་གཏོ་མཁན་ཆུ་སྲིན་མགོ་ཅན། སྐུ་ལ་ཟ་འོག་སྟག་ལྤགས་གསོལ་བ། བྱང་ཕྱོགས་གཏོ་མཁན་རྟ་མགོ་ཅན། སྐུ་ལ་སྒྱུ་འཕྲུལ་སྟག་གི་ན་བཟའ་གསོལ་བ། སྒོ་སྲུང་ཆེན་པོ་བཞི་ནི། ཤར་གྱི་སྒོ་སྲུང་སྟག་སྐྱའོ། །ལྷོའི་སྒོ་སྲུང་གཡུ་འབྲུག་སྔོན་མོ། ནུབ་ཀྱི་སྒོ་སྲུང་བྱ་དམར་མོ༔ བྱང་གི་སྒོ་སྲུང་རུས་སྦལ་རྒྱ་བོ་རྣམས་གསལ་བའོ། །ཕྱི་རོལ་དུ་འཁྲུགས་འདྲེ་བཅོ་བརྒྱད་རང་རྟ་ལ་ཞོན་པ། དེ་ལ་ལན་ཆགས་ཀྱི་བདག་པོ་བདག་མོ་རྣམས་ཀྱིས་བསྐོར་བའོ། །དེ་རྣམས་ཀྱང་འཕགས་པ་རིགས་གསུམ་གྱི་མགོན་པོའི་བཀའ་ཉན་གསུང་སྡོད་པ། བདག་དང་ཡོན་བདག་གི་བར་ཆད་རྐྱེན་སེལ་ཞིང་ཡས་སློང་བའི་ཚུལ་དུ་འདུག་པའོ།

[Full Size]

དེ་རྣམས་མངོན་རྟོགས་བསྒོམ་པའི་རིམ་པའོ།། ༈ དེ་ནས་མཆོད་རྫས་དང་མདོས་ཆས་རྣམས་བྱིན་གྱིས་རླབས་པ་ནི། མདོས་དང་མཆོད་རྫས་ལ་འབྲུ་སྣ་ཡོས་བཀྲ་བཏབ་ལ་ཆུ་གཙང་གིས་བྲན་ནས། མདོས་དང་མཆོད་རྫས་མི་གཙང་དྲི་མ་དག་པར་ཤོག །ཨོཾ་ཤུདྡྷེ་ཤུ་དྷ་ན་ཡེ་སྭཱ་ཧཱ། ཤཱཀྱ་ཐུབ་པའི་བྱིན་རླབས་ཀྱིས། །ཐལ་མོ་ཁང་སྟོང་ཕྱག་རྒྱའི་ནང་། །ཨཱཡིག་དཀར་པོར་འོད་འཕྲོས་པས། །མདོས་དང་མཆོད་རྫས་དངོས་འཛིན་དང་། །མི་གཙང་དྲི་མ་ཐམས་ཅད་དག །དོན་དམ་སྟོང་ཉིད་ངོ་བོར་གྱུར། །ཨོཾ་སྭ་བྷ་ཝ་ཤུདྡྷསརྦ་དྷརྨཱསྭ་བྷ་ཝ་ཤུདྡྷོཉཧཾ༔ སྟོང་པའི་ངང་ལས་ལྷ་ཚོགས་དེ་དག་གི་མདུན་དུ། སོ་སོ་རང་རང་གི་ཡིད་དང་མཐུན་པའི་ལོངས་སྤྱོད་ནི། རིན་པོ་ཆེའི་སྣོད་དུ་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ། གསེར་སྐྱེམས། ཇ་ཕུད། དཀར་གསུམ། མངར་གསུམ། ཀླུ་སྨན་རྣམས་དང་། གཞན་ཡང་གཏོར་ཆུང་མཐེབ་སྐྱུ། ཤ་དུམ། ཁྲག་ཐིགས། འབྲུ་སྣ། ཡོས་བཀྲ་རྣམས་དང་། གཞན་ཡང་མར་མེ། གཏོར་མ། མདའི་བཀྲ། འཕང་བཀྲ། མདུང་དང་ནམ་མཁའ། །

[Full Size]

སྤོས་དང་དྲི་ཆབ། དེ་རྣམས་ལ་བདུན་རེ་ཡོད་པ། བཤོས་བུ་ཡུངས་ཀར་གྱིས་བརྒྱན་པ། དར་ཚོན་བལ་ཚོན་སྣ་ཚོགས། བདུད་རྩི་གསེར་སྐྱེམས་རྣམས་དང་། གཞན་ཡང་ཚེར་མང་གི་ངར་མི་བཅུ་གསུམ། ཟན་དུམ་ཆང་བཀྲད་བཅུ་གསུམ། མཐེབ་སྐྱུ་བཅུ་གསུམ། ནམ་མཁའ་ནག་པོ་བཅུ་གསུམ། གྲོད་པའི་སྒང་ཐག་གཅིག་ལ། ཁ་མིག་སྣ་གསུམ་བྲིས་པ་ལ་མི་ཁའི་ཡས་སྣ་ཚོགས་བླུག་ལ། གཞན་ཡང་མི་ཁའི་ཡས་སྣ་ཚོགས་ནི། མདའ་བཀྲ་འཕང་བཀྲ། ཕོ་ཐོང་མོ་ཐོང་། གཡག་གི་རྭ་ཅོ། རམ་རུག་བཙོད་མཚུར། རྫ་དྲེག །སྟོང་དྲེག །སྤུ་བའི་དྲེག་པ། རམ་པའི་སྤྱན་གཟིགས། ཕབས་དང་ཡུངས་མ་སྦྲང་ཟན་རྡོ་ནག །སྟག་མ། གླང་མ། དེ་རྣམས་དགུ་རེ་ཡོད་པ། །ཁམ་སའི་གླང་ཆེན་གཅིག་ལ། མི་ནག་གཅིག་གིས་ཆིབས་པ། ས་ཐེལ་ནག་པོས་སྣ་ཁྲིད་བྱས་པ། ས་མི་ནག་པོའི་རྒྱབ་ནས་དེད་པ། རེ་བ་ནག་པོ་བཞི་དེའི་ནང་དུ་མི་ཁའི་ཡས་རྣམས་བཀལ་བའོ། །གཞན་ཡང་མདའ་བཀྲ་ནམ་མཁའ་བཅུ་གསུམ་རེ་བཙུགས་པ། མི་ནག་ཁྲམ་ཐོགས་བཅུ་གསུམ། བུད་མེད་ནད་རྐྱལ་ཐོགས་པ་བཅུ་གསུམ། གཏོར་

[Full Size]

མ་ཤ་དང་མཐེབ་སྐྱུ། ཡོན་བདག་གི་ངར་གླུད་ཀྱིས་བརྒྱན་པའོ། །གཞན་ཡང་གནམ་ལ་འཕུར་དགུ། ས་ལ་འཛུལ་བཅུ། དཀོར་ནོར་སྣ་ཚོགས། ཟས་སྣ་ཚོགས། གཏོར་མ་སྣ་ཚོགས། ཤིང་རྩི་སྣ་ཚོགས། ཤ་དུམ་སྣ་ཚོགས། འབྲུ་སྣ་ཚོགས། སྨན་སྣ་ཚོགས། དར་སྣ་ཚོགས། བྱ་རིགས་སྣ་ཚོགས། རི་དྭགས་སྣ་ཚོགས། གཅན་གཟན་སྣ་ཚོགས། གཡུང་དྭགས་སྣ་ཚོགས། ཆུ་གནས་སྣ་ཚོགས། ཕོ་ཐོང་མོ་ཐོང་བུ་ཐོང་། མདའ་བཀྲ་འཕང་བཀྲ། འཇའ་བཀྲ་སྔོ་དམར། དར་ཚོན་སྣ་ལྔ། བལ་ཚོན་དཀར་དམར། རྒྱ་ལོང་དང་མེ་ལོང་མདའ་མདུང་དང་རལ་གྲི། དར་གདུགས་དང་མདའ་དར། རྒྱལ་མཚན་དང་འཕན། དཔག་བསམ་གྱི་ལྗོན་ཁྲམ་ཤིང་དཀར་ནག་བཅུ་གསུམ། ལོ་སྐོར་གྱི་ཤིང་རིས་བཅུ་གཉིས། གཞན་ཡང་ཤིང་རིས་སྣ་ཚོགས་སུམ་བརྒྱ་དྲུག་ཅུའི་དཔེའུ་རིས་དང་མཐུན་པ། ཕྱི་རོལ་ལྕགས་རི་ལ་རྩང་དམར་ནག་བརྒྱ་དང་རྩ་བརྒྱད་སྲིན་མོ་འགྲོས་སུ་བཙུགས་པ། དེ་ལ་ཉ་བོ་ཤ་དུམ་ཟློག་བྱང་གིས་བརྒྱན་པ། དེ་རྣམས་ཀྱང་འདོད་པའི་ཡོན་ཏན་ལྔ་དང་ལྡན་པ་གང་ལ་

[Full Size]

གང་དགོས་པའི་ལོངས་སྤྱོད་ཆར་བཞིན་དུ་འབེབས་པར་གྱུར་ཅིག ༈ མདོས་དང་གཏོར་མ་མཆོད་རྫས་ཡས་གླུད་ཐམས་ཅད་ཁ་དོག་དྲི་རོ་ནུས་པ་ཕུན་སུམ་ཚོགས་པ་མང་ཞིང་རྒྱ་ཆེ་བ་སོ་སོའི་ཅི་འདོད་པའི་ལོངས་སྤྱོད་ཟད་པ་མེད་པ་ཆར་བཞིན་དུ་འབབ་པོར་གྱུར། ཨོཾ་ན་མཐསརྦ་ཏ་ཐཱ་ག་གྷོ་བི་ཤྭ་མུ་ཁེ་བྷུ༔ སརྦ་ཐ་ཁཾ་ཨུཏྟ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། །མདོས་དང་མཆོད་རྫས་ཡས་གླུད་རྣམས་ཟག་མེད་བདུད་རྩིའི་རྒྱ་མཚོ་ཆེན་པོར་གྱུར་ཅིག །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ མི་ནག་མགོ་གསུམ་འཁོར་དང་བཅས་པ་རྣམས་ཀྱང་མིག་གི་ཡུལ་དུ་གཟུགས་མཛེས་པ། རྣ་བའི་ཡུལ་དུ་སྒྲ་སྙན་པ། སྣ་ཡི་ཡུལ་དུ་དྲི་ཞིམ་པ། ལྕེ་ལ་རོ་མངར་བ། ལུས་ལ་རེག་བྱ་འཇམ་པ། གཏོར་མ་ནི་ཞལ་ཟས་སྣ་ཚོགས། ཆང་ཕུད་བཏུང་བ་སྣ་ཚོགས། དར་གདུགས་ནི་ན་བཟའ་སྣ་ཚོགས། ཡོས་བཀྲ་དང་འབྲུ་སྣ་ནི་དཀོར་ནོར་སྣ་ཚོགས། ནམ་མཁའ་འཇའ་ཚོན་སྣ་ཚོགས། མདའ་བཀྲ་སྐྱེས་པ་སྟག་ཆས་ཅན། འཕང་བཀྲ་བུད་མེད་བརྒྱན་ཆ་ཅན། ཕོ་ཏོང་མོ་ཏོང་ནི་བྲན་གཡོག་སྣ་ཚོགས། རྒྱང་བུ་ནི་སྤྱན་གཟིགས་སྣ་ཚོགས། ཤིང་རིས་སྣ་ཚོགས་ནི་

[Full Size]

འདུག་པའི་དུས་ན་མཁར། གཤེགས་པའི་དུས་ན་ལམ། གཞན་ཡང་གང་ལ་གང་འདོད། ཅི་ལ་ཅི་དགྱེས་པའི་ཡོ་བྱད་ཆར་བཞིན་དུ་འབབ་པ། འདོད་པའི་ཡོན་ཏན་དཔག་ཏུ་མེད་པར་གྱུར་ཅིག །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ། ཨོཾ་སཾ་བྷ་ར་སཾ་བྷ་ར་ཧཱུཾ། མགྲོན་ཐམས་ཅད་ཀྱི་ཕམ་རྒྱལ་མེད་པར་ཐོབ་ནས་བཀྲེས་པ་དང་སྐོམ་པ་ཞི་བ་དང་། ལུས་ལ་ན་བཟའ་སྣ་ཚོགས་གྱོན་ནས་དགའ་མགུ་ཡི་རང་བར་གྱུར་ཅིག །ཨོཾ་ཛྙཱ་ན་ཨ་ཝ་ལོ་ཀི་ཏེ། ན་མས་མན་སྤ་ར་ཎ་རསྨི་བྷ་ཝ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ། མགྲོན་ཐམས་ཅད་བདག་གིས་དབང་དུ་འདུས་ནས་བྱང་ཆུབ་མཆོག་ཏུ་སེམས་བསྐྱེད་པར་གྱུར་ཅིག །ན་མས་མནྟ་བུདྡྷཱ་ནཾ་གྲ་ཧྥ་ཀྲོ་ཏི་ཤྭ་རི་པྲ་བྷན་ཛྷཱ་ཎ་མ་ར་ཡ་ས་ཧུ། ཞེས་བྱིན་གྱིས་བརླབས་སོ། །དེ་རྣམས་མངོན་རྟོགས་བསྒོམ་པའི་རིམ་པའོ། །དེ་ལྟར་ནག་པོ་མགོ་གསུམ་གྱི་མདོས་ཟློག་འདི་བྱས་ན། ལྟས་ངན་མཚན་ངན་ཐམས་ཅད་ཟློག་པ་དང་། བསྲུང་བྱ་ལ་བྱད་ཁ་ཟུག་པ་དང་། ལྷ་འདྲེའི་ཆོ་འཕྲུལ་དམག་སྣ་བསམ་སྦྱོར་ངན་ནམ། ཀླུའི་གཏད་ཁྲམ་དུ་སོང་བའམ། དགྲ་སྣ་ཁ་མཆུ་འོང་ཚད་ནོར་གོད་ཆེའམ། གདོན་དང་གནོད་བྱེད་ཟློག་སྒྱུར་ལ་འདི་གལ་ཆེའོ། །དཀར་པོ་མགོ་གསུམ་འདི་ཡོན་མཆོད་ཀྱི་བསྲུང་དུ་

[Full Size]

ཆེ། དམར་པོ་མགོ་གསུམ་སྣ་ཁྲིད་ལ་མྱུར་མགྱོགས་ཆེ། ནག་པོ་མགོ་གསུམ་ཟློག་སྒྱུར་ལ་མཐུ་བོ་ཆེ། བདུད་མོ་རྔ་ཞོན་གྱིས་གདོན་ཚུར་ལ་མི་ལོག་པའི་རྔམ་པོ་ཆེ། གླང་ཆེན་ཁལ་འགེལ་ལ་སོགས་ཁུར་སྟོབས་ཆེ། འདི་ཡི་ལག་ལེན་ནི། འཇམ་དཔལ་གཤིན་རྗེ་གཤེད་ཀྱི་གོང་བསྙེན་དང་། བཅའ་ཚོགས་མན་ངག་ལ་མཁས་པ་གལ་ཆེ། ལག་ལེན་བསྙེན་པ་མ་ཐེམས་པས། ཟ་འདོད་ཀྱིས་ཚོགས་བསོག་གིས་བྱས་ན། ཡོན་མཆོད་གཉིས་ཀ་ཕུང་འདྲེ་ཡིན། གར་ཐོད་ཐོད་དུ་མི་བྱ་ཞིང་ཤིན་ཏུ་གསང་བ་ཁོ་ན་ཡིན། སློབ་དཔོན་གསང་ཞིང་དཔེ་རྐུས་ན། །རིགས་གསུམ་མགོན་པོའི་བཀའ་བསྐྱོན་ལ། །མི་ནག་མགོ་གསུམ་འཁོར་བཅས་ཀྱིས། །སྲོག་རྩ་ཆོད་ལ་སྙིང་ཁྲག་འཐུང་། དབུགས་འགམས་ཚེ་བཏུང་རྡུལ་དུ་རློགས། །དེ་ཕྱིར་བཀའ་རྒྱ་དམ་དུ་བྱ། །ས་མ་ཡ། །སྤྱི། ཁ་ཐཾ། ཞེས་པ་འདི་ནི་རྒྱུས་མདོས་ཀྱི་མངོན་རྟོགས་བསྐྱེད་རིམ་བསྟན་པའོ། །བསྡུས་པ་ལ་སོ་སོར་བསལ་ཤེས་པར་བྱའོ། །དེ་ནས་སྤྱན་འདྲེན་གསང་བ་ལྷ་འབོད་ལ་འཇུག་གོ །ཨ་རཱ་གས་བསྒྲིགས་པའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

༼ག༽ མི་ནག་མགོ་བོ་གསུམ་པའི་མདོས་ཆེན་ལས། སྤྱན་འདྲེན་གཏོ་འབོད་གསང་བ་ལྷ་འབོད་ཚངས་པ་ལྷ་ཡི་གནམ་སྒོ།

[Full Size]

༼ག༽ མི་ནག་མགོ་བོ་གསུམ་པའི་མདོས་ཆེན་ལས། སྤྱན་འདྲེན་གཏོ་འབོད་གསང་བ་ལྷ་འབོད་ཚངས་པ་ལྷ་ཡི་གནམ་སྒོ་ཞེས་བྱ་བ་བཞུགས་སོ།།

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། །མི་ནག་མགོ་བོ་གསུམ་པ་འཁོར་དང་བཅས་པ་སྤྱན་འདྲེན་པ་ནི། མདུན་དུ་ནས་སྡེར་དང་ཇ་ཕུད་གསེར་སྐྱེམས་བདར་བ་མདོས་ནང་དུ་མཆོད། མདའ་དར་ནག་པོ་གཡབ་ལ་འདི་སྐད་དོ།། །ཀྱཻ། སྔོན་གྱི་བསྐལ་པ་དང་པོ་ལ། །ཕྱི་སྣོད་འཇིག་རྟེན་གཞལ་ཡས་ལས།ནང་བཅུད་སྣང་ཞིང་སྟོང་པ་ལས། །གནམ་ས་གཉིས་ཀྱི་བར་ཤེད་ན། །སྲིད་པའི་ཕ་མ་རྒན་རྒོན་སྲིད། །དུག་གསུམ་ཁྲོས་པའི་ངོ་བོ་ནི། །ས་བདག་ཧ་ས་གརྒྷ་ཏེ། །མི་ནག་མགོ་བོ་གསུམ་པ་ནི། །གླང་ཆེན་སྟག་དང་ཕག་གི་མགོ །ཕྱག་དྲུག་ཕྱག་མཚན་བརྒྱན་དང་ལྡན། །

[Full Size]

ང་རྒྱལ་ཕྲག་དོག་ཞེ་སྡང་ཆེ། །འཕགས་པ་འཇམ་དཔལ་བཀའ་བྱུང་གིས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། ནུབ་བྱང་མཚམས་ནས་སྤྱན་འདྲེན་པ། །ནམ་མཁའ་

[Full Size]

ཡངས་པའི་དཀྱིལ་འཁོར་ནས། །ས་བདག་ཁེན་པ་རྒན་པོ་ནི། །ཤེལ་མི་དུང་གི་ཐོར་ཚུགས་ཅན། །དྲུག་དཀར་ཡབ་ལྷ་བདལ་དྲུག་ནི། །མི་དཀར་སེང་གེ་དཀར་པོ་ཆིབས། །ལོ་བདག་མི་ལུས་ཁྱི་མགོ་ཅན། །ས་བདག་ཧོ་བན་ཆེན་པོ་ནི། །ཤྭ་བ་གཡག་དང་རྟོལ་པོའི་མགོ །དེ་ཉིད་ལྷུམས་སུ་ཞུགས་པའི་སྲས། །གཡག་དང་ཤ་བ་རྟོལ་པོའི་མགོ །ཡབ་སྲས་བཀའ་འཁོར་བཅས་པ་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ཚུནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་

[Full Size]

བདག་མི་ལུས་ལུག་གི་མགོ །ལྷོ་ནུབ་ས་བདག་སེ་ཤར་ནི། །པིར་དང་སྦྲུལ་དང་ཉ་ཡི་མགོ །དེ་ཉིད་ལྷུམས་སུ་ཞུགས་པའི་སྲས། །ཉ་དང་དུག་སྦྲུལ་པིར་གྱི་མགོ །ཡབ་སྲས་བཀའ་འཁོར་བཅས་པ་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆེས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། བྱང་ཤར་མཚམས་ནས་སྤྱན་འདྲེན་པ། །རི་བོ་རྩེ་རྒྱལ་ཕོ་བྲང་ནས། །ས་བདག་བུ་ཆེན་གིན་རི་དང་། །བརྒྱད་དཀར་དགྲ་བླ་གླང་ཆེན་ཆིབས། །ལོ་བདག་མི་ལུས་གླང་གི་ལོ། །བྱང་ཤར་ས་བདག་བིཊྚི་ནི། །གཟིག་དང་སྤྱང་ཀའི་བྱི་ལའི་མགོ །དེ་ཉིད་ལྷུམས་སུ་ཞུགས་པའི་སྲས། །བྱི་ལ་གཟིག་དང་སྤྱང་ཀིའི་མགོ །ཡབ་སྲས་བཀའ་འཁོར་བཅས་པ་རྣམས། །མ་ཐོགས་གནས་འདིར་སྤྱན་

[Full Size]

འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། ཤར་ལྷོ་མཚམས་ནས་སྤྱན་འདྲེན་པ། །འབྱུང་བ་རླུང་གི་འཁོར་ལོ་ནས། །ས་བདག་བུ་མོ་ཟོན་རླུང་དང་། །བཞི་ལྗང་ཀླུ་རྒྱལ་ཆུ་སྲིན་ཆིབས། །ལོ་བདག་མི་ལུས་འབྲུག་གི་མགོ །ཤར་ལྷོ་ས་བདག་འབྲུག་ལྷ་སེ་ཝ་ནི། །ཀཾ་ཀ་འུག་པ་ཆུ་བྱའི་མགོ །དེ་ཉིད་ལྷུམས་སུ་ཞུགས་པའི་སྲས། །ཀང་ཀ་རྨ་བྱ་འུག་པའི་མགོ །ཡས་སྲས་བཀའ་འཁོར་བཅས་པ་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་

[Full Size]

མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། ཤར་གྱི་ཕྱོགས་ནས་སྤྱན་འདྲེན་པ། །དཔག་བསམ་ཤིང་གི་བསིལ་གྲིབ་ནས། །བུ་མོ་ཟིན་ཤིང་སྟག་ལྤགས་གསོལ། །གསུམ་མཐིང་བསེན་མོ་བོང་བུ་ཆིབས། །ལོ་བདག་སྟག་དང་ཡོས་བུའི་ལོ། །ཤར་ཕྱོགས་ས་བདག་ཐེ་སེ་ནི། །ཕག་དང་སེང་གེ་གླང་ཆེན་མགོ །དེ་ཉིད་ལྷུམས་སུ་ཞུགས་པའི་སྲས། །སེང་གེ་གླང་ཆེན་ཕག་གི་མགོ །ཡབ་སྲས་བཀའ་འཁོར་བཅས་པ་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། ལྷོ་ཡི་ཕྱོགས་ནས་སྤྱན་འདྲེན་པ། །འབྱུང་བ་མེ་རི་འབར་བ་ནས། །ས་བདག་བུ་མོ་ལི་མེ་དང་། །

[Full Size]

དགུ་དམར་མ་མོ་དྲེལ་ལ་ཞོན། །ལོ་བདག་རྟ་དང་སྦྲུལ་གྱི་ལོ། །ལྷོ་ཕྱོགས་ས་བདག་ཙང་ཀུན་ནི། །ཁྱུང་དང་སྡིག་པ་རུས་སྦལ་མགོ །དེ་ཉིད་ལྷུམས་སུ་ཞུགས་པའི་སྲས། །ཕག་དང་བྱ་རྒོད་སྤྲེལ་གྱི་མགོ །ཡབ་སྲས་བཀའ་འཁོར་བཅས་པ་ནི། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། ནུབ་ཀྱི་ཕྱོགས་ནས་སྤྱན་འདྲེན་པ། །འབྱུང་བ་ལྕགས་ཀྱི་མཁར་ནང་ནས། །ས་བདག་དབུ་ཆེན་དྭ་ལྕགས་དང་། །བདུན་དམར་བྲག་བཙན་རྟ་དམར་ཆིབས། །ལོ་བདག་བྱ་དང་སྤྲེལ་གྱི་ལོ། །ནུབ་ཕྱོགས་ས་བདག་ཐེ་ཁྱིམ་ནི། །སྟག་དང་རྔ་མོང་འབྲུག་གི་མགོ །དེ་ཉིད་ལྷུམས་སུ་ཞུགས་པའི་སྲས། །རྟ་སྦྲུལ་སྟག་གི་མགོ་བོ་ཅན། །ཡབ་སྲས་བཀའ་འཁོར་བཅས་པ་

[Full Size]

རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། བྱང་གི་ཕྱོགས་ནས་སྤྱན་འདྲེན་པ། །འབྱུང་བ་ཆུ་ཡི་རྦ་ཀློང་ནས། །ས་བདག་བུ་འབྲིང་ཁམ་ཆུ་དང་། །གཅིག་དཀར་བརྟན་མ་དུང་ཕག་ཆིབས། །ལོ་བདག་ཕག་དང་བྱི་བའི་མགོ །བྱང་ཕྱོགས་ས་བདག་བེལ་སྣ་ནི། །ཕག་དང་སྟག་དང་དྲེད་ཀྱི་མགོ །དེ་ཉིད་ལྷུམས་སུ་ཞུགས་པའི་སྲས། །ཆུ་སྲིན་དོམ་དང་དྲེད་ཀྱི་མགོ །ཡབ་སྲས་བཀའ་འཁོར་བཅས་པ་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་

[Full Size]

པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། དབུས་ཀྱི་ཕྱོགས་ནས་སྤྱན་འདྲེན་པ། །ཡར་ཡུལ་དེ་ནི་སོ་ཀ་ན། །མི་དམར་མགོ་གསུམ་སྣ་ཁྲིད་ནི། །དབུ་གསུམ་འཇིགས་བྱེད་ཁྲོ་གཏུམ་ཅན། །གཡས་ནི་ང་རྒྱལ་གླང་ཆེན་མགོ །གཡོན་ནི་ཞེ་སྡང་སྦྲུལ་གྱི་མགོ །དབུས་ཕྱོགས་གཏི་མུག་ཕག་གི་མགོ །ཕྱག་གཉིས་མདའ་གཞུ་དགྲ་ལ་འགེངས། །འདོད་ཆགས་བྱ་ཡི་གཤོག་པ་ཅན། །ཞེ་སྡང་སྦྲུལ་གྱི་མཇུག་མ་རྡེབས། །སྣ་ཁྲིད་དམར་པོ་མགོ་གསུམ་ཁྱོད། །ཕོ་ཉ་གཡོག་འཁོར་བཅས་པ་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་

[Full Size]

བཟློག་པར་མཛོད། །ཀྱཻ། རུ་འདྲེན་སྡེ་བཞི་འཁོར་བཅས་ནི། །གཡས་ཀྱི་རུ་འདྲེན་བདུད་པོ་བཀྲག་མེད་དང་། །གཡོན་གྱི་རུ་འདྲེན་བཙན་རྗེ་ཡམ་ཤུད་དང་། །མདུན་གྱི་རུ་འདྲེན་ཤང་ཤང་སེར་པོ་ནི། །རྒྱབ་ཀྱི་རུ་འདྲེན་མ་མོ་རྔ་ཞོན་དང་། །མི་ཁ་བ་རུ་བྲ་མཆུ་དང་། །བུད་མེད་ཁ་དགུ་ལྕེ་བཅུ་དང་། །མ་མོ་དྲེལ་ཞོན་ལ་སོགས་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཀྱཻ། སྐོར་ཆེན་དྲུག་ཅུ་ཐམ་པ་དང་། །ཚངས་པ་བརྒྱ་བྱིན་ཕྱོགས་སྐྱོང་བཅུ། །ལྷ་ཆེན་བརྒྱད་དང་ཀླུ་ཆེན་བརྒྱད། །གཟའ་ཆེན་བརྒྱད་དང་གཉན་ཆེན་བརྒྱད། །རྒྱུ་སྐར་ཉེར་བརྒྱད་རྒྱལ་ཆེན་བཞི། །ལོ་ཟླ་ཞག་དུས་ས་བདག་ཚོགས། །རུ་འདྲེན་སྡེ་བཞི་གཏོ་

[Full Size]

མཁན་བཞི། །སྒོ་སྲུང་སྡེ་བཞི་བཅས་པ་རྣམས། །མ་ཐོགས་གནས་འདིར་སྤྱན་འདྲེན་ནོ། །དེ་རིང་གཏོ་ཡི་དཀྱིལ་འཁོར་འདིར། །བརྡ་དྲིལ་གསང་བ་སྐད་ཀྱིས་འབོད། །སྔོན་མོ་ནས་ཀྱི་ཕོ་ཉ་བཏང་། །བ་དན་རུ་མཚོན་བརྡ་ཡིས་གཡབ། །སྐུ་གཟུགས་འདི་དང་དབྱེར་མེད་པ། །སྐག་བདུད་བཟློག་ཕྱིར་བཞུགས་སུ་གསོལ།། །གསེར་སྐྱེམས་སེར་མོའི་ཆས་ཇ་འདྲེན། །སྔགས་འཆང་བདག་དང་ཡོན་བདག་གི །ནད་ཡམས་རིམས་གསུམ་བཟློག་པར་མཛོད། །ཨོཾ་ཡ་མཱནྟ་ཀ་ཡ་མཱ་ར་ཙ་ཕེ་ཤ་ནག་པོ་ཛཿཧཱུྃ་བཾ་ཧོ༔ ས་མཱ་ཡ་ཛ་ཛཿ ཞེས་པ་སྦུར་མ་རླུང་གིས་བསྡུས་པ་ལྟར་མདུན་བསྐྱེད་ལ་གཉིས་སུ་མེད་པར་བསྟིམ་པར་བྱའོ། །དེ་ལྟར་མི་ནག་མགོ་གསུམ་གྱི་མདོས་འདི་ཤིན་ཏུ་གཉན་པས། ཐན་ངན་འཚེར་རྩུབ་ངན་པ་ཟློག་པ་དང་། མི་གཅིག་དགུ་མིག་ཐོག་ཏུ་ཕྱིན་ནམ། སྤར་ཁ་དུར་མིག་ཏུ་ཕྱིན་པའམ་ཕོ་མོ་དགྲ་གཤེད་བལྟམ་པའམ། མོ་རྨིས་ངན་པའམ། སྐག་པོ་ཆེ་ལི་ཐོགས་སུ་ཕྱིན་པའམ། བྱད་དགྲ་ཐན་གསུམ་ཟུག་པའམ། གཞན་གྱིས་མ་འགྱུར་ན་འདི་དགོས་པ་ཡིན། ཤིན་ཏུ་གསང་ཞིང་བཀའ་རྒྱ་དམ་དུ་བྱའོ། །ལོགས་སུ་དབུ་བརྒྱན་ཚུལ་དུ་ནི། རིགས་གསུམ་མགོན་པོའི་ཙཀ་ལི་བཙུགས། །ཟིལ་གནོན་སྔགས་རྣམས་བཟླས་པ་ན། །རང་ལ་མི་ལྡོག་ལས་ལ་མྱུར། །དཀར་པོ་མགོ་གསུམ་ཡོན་མཆོད་བསྲུང་

[Full Size]

དུ་ཆེ། །དམར་པོ་མགོ་གསུམ་བསད་པའི་ལས་ལ་མྱུར། །ནག་པོ་མགོ་གསུམ་ཟློག་པའི་མཐུ་བོ་ཆེ། །དེ་གསུམ་མགོ་གསུམ་གཞུང་ཆེན་གསུམ་དུ་གྲགས། །དེ་མན་རྒྱས་བསྡུས་གང་རུང་བྱས་ཀྱང་རུང་། །འཁོར་མང་རྒྱས་པ་མཆོག་ཏུ་ཟབ་པའི་ཕྱིར། །སྔོན་གྱི་གཏོ་མཁན་མཁས་པ་ཐམས་ཅད་ཀྱིས། །བཅའ་ཚོགས་འདོན་ཆོག་རྒྱས་པ་རྒྱུན་དུ་མཛད། །དེ་ཕྱིར་འཁོར་མང་རྒྱས་པའི་ལུགས་ལྟར་བྱས། །སྔོན་གྱི་སློབ་དཔོན་ལུང་རྒྱུན་ཆད་པ་ལ། །ལུང་རྒྱུན་གསོ་ཕྱིར་འཇམ་དབྱངས་དམར་པོར་སྤྲུལ། །གནམ་ཆོས་ཧ་ས་གརྒྷའི་ལྷན་ཐབས་གསུངས། །དེ་ཕྱིར་འདི་ཡི་མགོ་མཐའ་བར་གསུམ་དུ། །གནམ་ཆོས་གཞུང་ལྟར་གསུངས་པ་ལུང་རྒྱུན་གསོ། །གཞན་ལས་ཟབ་ལ་བརྒྱུད་པ་ཉེ་བ་དང་། །འཇམ་དབྱངས་གསུང་ཕྱིར་བྱིན་རླབས་ནུས་པ་ཆེ། །དེ་ཕྱིར་མ་ནོར་ལམ་འདིར་ཞུགས་ན་ལེགས། །བཀྲ་ཤིས་བདེ་ལེགས་རྣོ་ནུས་ཟབ་ཁྱད་ཆེ། །དེ་ལྟར་ལུགས་བཞིན་སྐྱོངས་ཤིག་ཕྱི་རབས་རྣམས། །བར་ཆད་རྐྱེན་ཞི་གཏོ་ཡས་གནས་སུ་ཐེངས། །ཕྱག་ལེན་འཇུག་བདེ་འདོན་ཆོག་ལེའུ་ཁ་ཚང་། །དེ་ཕྱིར་ཡོན་བདག་རྣམས་ལ་ཕན་ཐོགས་ཆེ། །འདོན་ཆོག་ལེའུ་ཁ་ཀ་ཐེམ་རྣམས་སུ་བཞུགས། །ཚིག་ཉུང་དོན་འདུས་ཕྱག་ལེན་ཤིན་ཏུ་བདེ། །དེ་བཞིན་ཉམས་སུ་ལོངས་ཤིག་གཏོ་མཁན་རྣམས། །ཞེས་པ་རྣམས་ནི་ཀ་ཐེམ་བསྟན་པའོ། །དེ་ནས་མདོས་འཕྱང་རྒྱས་འབུལ་ལ་འཇུག་གོ །ཨ་རཱ་གས་སོ། །མངྒ་ལཾ།། །།

༼ང༽ །མི་ནག་མགོ་བོ་གསུམ་པའི་མདོས་ཆེན་གཞུང་ལས། ཤིང་རིས་གཟུགས་འགྲོས་མདོས་ཆས་སྣ་ཚོགས་རྒྱས་འབུལ།

[Full Size]

༼ང༽ །མི་ནག་མགོ་བོ་གསུམ་པའི་མདོས་ཆེན་གཞུང་ལས། ཤིང་རིས་གཟུགས་འགྲོས་མདོས་ཆས་སྣ་ཚོགས་རྒྱས་འབུལ་བཞུགས་སོ།།

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། །མི་ནག་མགོ་བོ་གསུམ་པའི་མདོས་ཆེན་ལས། ནམ་མཁའ་དར་ཚོན་ཤིང་རིས་རྣམས་འབུལ་བ་ནི། འདི་སྐད་དོ། ཀྱི་བསྐལ་པ་ཆེན་པོ་མཐའ་དེར་ཡངས། །འབྱུང་བ་ཆེན་པོ་ཁོད་རེ་སྙོམས། །བདག་དང་རྒྱུ་སྦྱོར་ཡོན་བདག་གི །ཚེ་དང་སྲོག་གི་གླུད་དུ་ནི། །ནམ་མཁའ་ཤིང་རིས་དར་ཚོན་འབུལ། །བར་ཆད་ངན་པ་ཞི་བར་མཛོད། །དེ་ནས་དར་གདུགས་འབུལ་བ་ནི། ཧཱུྃ། མགོ་གསུམ་རྩ་བའི་གདུགས་ཆེན་འདི། །ལོངས་སྤྱོད་ཐོབ་པའི་མཚན་ལྟས་ཚང་། །རིན་ཆེན་འབར་བའི་ཏོག་བཙུགས་པ། །དགོས་འདོད་རེ་བ་

[Full Size]

ཡིད་བཞིན་འགྲུབ། །ཉི་ཟླ་ཟུང་གཅིག་འོད་འཕྲོས་པ། །འགྲོ་བའི་མུན་པ་སེལ་བར་བྱེད། །དར་ཚོན་སྣ་ལྔའི་འཕན་བཏགས་པ། །དབང་པོ་སྒོ་ལྔའི་སྒྲིབ་སྐྱོན་སེལ། །འཁོར་ལོ་རྩིབས་བརྒྱུད་བཀོད་པ་འདི། །རྣམ་ཐར་བརྒྱད་ཀྱི་དོན་དང་ལྡན། །མཐའ་མ་ཟླུམ་པོས་བསྐོར་བ་འདི། །ཞི་བ་ཆགས་བྲལ་བདེ་བ་རྙེད། །བཀྲ་ཤིས་བརྒྱད་ཀྱིས་འཕན་དར་འདིས། །མི་མཐུན་ཕྱོགས་རྣམས་མཐུན་པར་བྱེད། །བལ་ཚོན་སྣ་ལྔའི་ཤམ་བུ་འདིས། །འཁོར་དང་བྲན་གཡོག་འདུ་བར་བྱེད། །སྔགས་དང་ཕྱག་རྒྱས་བྱིན་བརླབས་ནས། །མི་ནག་

[Full Size]

མགོ་གསུམ་འཁོར་བཅས་ལ། །བདག་ཅག་ཡོན་མཆོད་འཁོར་བཅས་ཀྱི། །ལུས་ངག་ཡིད་གསུམ་གླུད་དུ་འབུལ། །ཚེ་བསོད་དཔལ་འབྱོར་རྒྱས་པར་མཛོད། །དེ་ནས་ཞལ་བསྣམས་སྣ་ཚོགས་འབུལ་བ་ནི། ཧཱུྃ། ཞལ་བསྣམས་སྣ་ཚོགས་བཤམས་པ་ནི། །གཡས་དཀར་གཡོན་དམར་དབུས་མཐིང་འདི། །མི་ནག་མགོ་གསུམ་ཁྱོད་ལ་འབུལ། །འཁུ་ལྡོག་ཐམས་ཅད་མདོས་ཀྱིས་ཟློག །ནམ་མཁའ་ལྗང་གུ་རིན་ཆེན་རིས། །ཤར་ཕྱོགས་ཤིང་གི་ས་བདག་དང་། །ཟིན་དང་སྟག་ཡོས་གསུམ་མཐིང་རྣམས་ལ་འབུལ། །ལོ་སྐག་ངན་པ་མདོས་ཀྱིས་ཟློག །ནམ་མཁའ་དམར་པོ་རིན་ཆེན་རིགས། །ལྷོ་ཕྱོགས་མེ་ཡི་ས་བདག་དང་། །ལི་དང་རྟ་སྦྲུལ་དགུ་དམར་རྣམས་ལ་འབུལ། །ལོ་སྐག་ངན་པ་མདོས་ཀྱིས་ཟློག །ནམ་མཁའ་དཀར་པོ་རིན་ཆེན་རིས། །ནུབ་ཕྱོགས་ལྕགས་ཀྱི་ས་བདག་དང་། །དྭ་དང་བྱ་སྤྲེལ་བདུན་དམར་རྣམས་ལ་འབུལ། །ལོ་སྐག་ངན་པ་མདོས་ཀྱིས་ཟློག ནམ་མཁའ་ནག་པོ་རིན་ཆེན་རིས། །བྱང་ཕྱོགས་ཆུ་ཡི་ས་བདག་དང་། ཁམས་དང་བྱི་ཕག་གཅིག་དཀར་རྣམས་ལ་འབུལ། །ལོ་སྐག་ངན་པ་མདོས་ཀྱིས་ཟློག །

[Full Size]

ནམ་མཁའ་སེར་པོ་རིན་ཆེན་རིས། །ནུབ་བྱང་ནམ་མཁའི་ས་བདག་དང་། །ཁེན་དང་ཁྱི་དང་དྲུག་དཀར་རྣམས་ལ་འབུལ། །གནམ་ནད་ཐོག་སེར་མདོས་ཀྱིས་ཟློག །ནམ་མཁའ་སེར་ནག་འབྱུང་ལྔ་རིས། །ས་གཞི་ཁམས་ཀྱི་ས་བདག་དང་། །ཁོན་དང་ལུག་དང་གཉིས་ནག་རྣམས་ལ་འབུལ། །མི་མཐུན་ལོ་གཤེད་མདོས་ཀྱིས་ཟློག །ནམ་མཁའ་སེར་ལྗང་འབྱུང་ལྔས་བྲན། །བར་སྣང་ཁམས་ཀྱི་ས་བདག་དང་། །ཟོན་དང་འབྲུག་དང་བཞི་ལྗང་རྣམས་ལ་འབུལ། །མི་མཐུན་ལོ་གཤེད་མདོས་ཀྱིས་ཟློག །ནམ་མཁའ་སེར་པོ་རིན་ཆེན་རིས། །རི་བདུན་གནས་པའི་ས་བདག་དང་། །གིན་དང་གླེང་དང་བརྒྱད་དཀར་རྣམས་ལ་འབུལ། །ལོ་གཤེད་ངན་པ་མདོས་ཀྱིས་ཟློག །ནམ་མཁའ་ལྗང་གུ་རྒྱུན་ལྡན་འདི། །བདག་ཅག་པགས་པའི་གླུད་དུ་འབུལ། །ཕ་ཁུའི་སྒེན་འདྲེ་མདོས་ཀྱིས་ཟློག །ནམ་མཁའ་དམར་པོ་ལེ་བརྒན་རིས། །བདག་ཅག་སྙིང་གི་གླུད་དུ་འབུལ། །མ་བུའི་བྱུར་འདྲེ་མདོས་ཀྱིས་ཟློག །ནམ་མཁའ་དཀར་པོ་རྒྱན་ལྡན་འདི། །བདག་ཅག་རུས་པའི་གླུད་དུ་འབུལ། །ནོར་ཕྱུགས་གོད་འདྲེ་མདོས་ཀྱིས་ཟློག །ནམ་

[Full Size]

མཁའ་སྔོ་ནག་མདངས་ལྡན་འདི། །བདག་ཅག་ཁྲོག་གི་གླུད་དུ་འབུལ། །ཁྲག་ནད་བཤལ་རིམས་མདོས་ཀྱིས་ཟློག །ནམ་མཁའ་སེར་པོ་རིན་ཆེན་རིས། །བདག་ཅག་སེམས་ཀྱི་གླུད་དུ་འབུལ། །སྙིང་ནད་འདར་བུ་མདོས་ཀྱིས་ཟློག །ནམ་མཁའ་སེར་ནག་མཛེས་པ་འདི། །བདག་ཅག་ཤ་ཡི་གླུད་དུ་འབུལ། །ས་ནད་ལྷོག་པ་མདོས་ཀྱིས་ཟློག །ནམ་མཁའ་སེར་ལྗང་རིན་ཆེན་རིས། །བདག་ཅག་དབུགས་ཀྱི་གླུད་དུ་འབུལ། །གློ་བུར་ཧུར་ཐུམ་མདོས་ཀྱིས་ཟློག །ནམ་མཁའི་སེར་པོ་གསེར་འོད་འབར། །བདག་ཅག་སྐྱ་དང་སོ་སེན་གླད་དུ་འབུལ། །རིམས་ནད་དལ་ཡམས་མདོས་ཀྱིས་ཟློག །ནམ་མཁའ་གསེར་འོད་རྒྱན་ལྡན་འདི། །ལྔ་སེར་ས་བདག་རྒྱལ་པོ་དང་། །དབུས་ཀྱི་ས་བདག་རྣམས་ལ་འབུལ། །མི་མཐུན་ནད་རྣམས་མདོས་ཀྱིས་ཟློག །ཚ་བ་རིམས་ནད་མདོས་ཀྱིས་ཟློག །ས་ནད་ལྡོག་པ་མདོས་ཀྱིས་ཟློག །ལྟས་ངན་ཐམས་ཅད་མདོས་ཀྱིས་ཟློག །དེ་ནས་རྒྱང་བུ་སྣ་ཚོགས་འབུལ་བ་ནི། །ཀྱཻ། རིན་ཆེན་རྒྱང་བུ་ཁྲ་བོ་འདི། །སྟོང་གསུམ་ལྷ་འདྲེ་རྣམས་ལ་འབུལ། །དམག་སྣ་གྱོད་སྣ་མདོས་ཀྱིས་ཟློག །ནམ་མཁའི་རྒྱང་བུ་ཕུབ་

[Full Size]

ཆེན་འདི། །ཡོན་བདག་སེམས་ཀྱི་གླུད་དུ་འབུལ། །སེམས་འཁྲུགས་ལང་བ་མདོས་ཀྱིས་ཟློག །རླུང་གི་རྒྱང་བུ་བན་བུན་འདི། །བདག་ཅག་དབུགས་ཀྱི་གླུད་དུ་འབུལ། །འཕྱོ་བ་རླུང་ནག་མདོས་ཀྱིས་ཟློག །མེ་ཡི་རྒྱང་བུ་སེར་མང་འདི། །ཡོན་བདག་དྲོད་ཀྱི་གླུད་དུ་འབུལ། །ཚད་པ་མཁྲིས་ནད་མདོས་ཀྱིས་ཟློག །ཆུ་ཡི་རྒྱང་བུ་རྒྱུན་རིང་འདི། །ཡོན་བདག་ཁྲག་གི་གླུད་དུ་འབུལ། །སྐྲན་དང་དམུ་ཆུ་མདོས་ཀྱིས་ཟློག །ས་ཡི་རྒྱང་བུ་གྱལ་གྱིལ་འདི། །ཡོན་བདག་ཤ་ཡི་གླུད་དུ་འབུལ། །བད་ཀན་འཇུ་སྐེམ་མདོས་ཀྱིས་ཟློག །ཤིང་གི་རྒྱང་བུ་སུམ་ཁུག་འདི། །ཡོན་བདག་སྐྲ་སེན་གླུད་དུ་འབུལ། །མཛེ་ནད་ལས་འཁོར་མདོས་ཀྱིས་ཟློག །ལྕགས་ཀྱི་རྒྱང་བུ་གདུག་པ་འདི། །བདག་ཅག་རུས་པའི་གླུད་དུ་འབུལ། །རུས་ནད་གྲུམ་བུ་མདོས་ཀྱིས་ཟློག །དེ་ནས་ཤིང་རིས་སྣ་ཚོགས་འབུལ་བ་ནི། །ཀྱཻ། གདུག་རྩུབ་ལྡན་པའི་ཤིང་དག་ལ། །མཛེས་པའི་གཟུགས་འགྲོས་མང་པོ་བྲིས། །ཁེན་གྱི་ཕྱག་རྒྱ་བྲིས་པ་འདིས། །གནམ་ནད་ཐོག་སེར་མདོས་ཀྱིས་ཟློག །ཁོན་གྱི་ཕྱག་རྒྱ་བྲིས་པ་འདིས། །ས་འཁྲུལ་ངན་པ་མདོས་ཀྱིས་

[Full Size]

ཟློག །གིན་གྱི་ཕྱག་རྒྱ་བྲིས་པ་འདིས། །རྒྱལ་པོའི་དམག་གཡོས་མདོས་ཀྱིས་ཟློག །ལི་ཡི་ཕྱག་རྒྱ་བྲིས་པ་འདིས། །བཙན་གྱི་ཡེ་འདྲོག་མདོས་ཀྱིས་ཟློག །ཁམ་གྱི་ཕྱག་རྒྱ་བྲིས་པ་འདིས། །ཀླུ་ཡི་དལ་གཟེར་མདོས་ཀྱིས་ཟློག །དྭ་ཡི་ཕྱག་རྒྱ་བྲིས་པ་འདིས། །མ་མོའི་དལ་ཡམས་མདོས་ཀྱིས་ཟློག །ཟིན་གྱི་ཕྱག་རྒྱ་བྲིས་པ་འདིས། །གཉན་ནད་ལྷོག་པ་མདོས་ཀྱིས་ཟློག །ཟོན་གྱི་ཕྱག་རྒྱ་བྲིས་པ་འདིས། །སྨྱོ་འབོག་བརྒྱལ་ནད་མདོས་ཀྱིས་ཟློག །དེ་ནས་སྨེ་བ་དགུ་ལ། །ཀྱཻ། གཅིག་དཀར་རིས་སུ་བྲིས་པ་ཡིས། །སོ་ནད་སྲིན་བུ་མདོས་ཀྱིས་ཟློག །གཉིས་ནག་རིས་སུ་བྲིས་པ་ཡིས། །མིག་ནད་ལིང་ཐོག་མདོས་ཀྱིས་ཟློག །གསུམ་མཐིང་རིས་སུ་བྲིས་པ་ཡིས། །སྣ་ནད་ཤངས་འཚུབ་མདོས་ཀྱིས་ཟློག །བཞི་ལྗང་རིས་སུ་བྲིས་པ་ཡིས། །རྣ་བ་འོན་འཐིབས་མདོས་ཀྱིས་ཟློག །ལྔ་སེར་རིས་སུ་བྲིས་པ་ཡིས། །མཁྲིས་ནད་ཤ་སེར་མདོས་ཀྱིས་ཟློག །དྲུག་དཀར་རིས་སུ་བྲིས་པ་ཡིས། །ལྕེ་ནད་ལྐུགས་པ་མདོས་ཀྱིས་ཟློག །བདུན་དམར་རིས་སུ་བྲིས་པ་ཡིས། །ཤ་ནད་སྐངས་ཤུ་མདོས་ཀྱིས་ཟློག །བརྒྱད་དཀར་རིས་སུ་བྲིས་པ་ཡིས། །

[Full Size]

ཚིགས་པ་རུས་ནད་མདོས་ཀྱིས་ཟློག །དགུ་དམར་རིས་སུ་བྲིས་པ་ཡིས། །སྙིང་ནད་འདར་བུ་མདོས་ཀྱིས་ཟློག །དེ་ནས་ལོ་སྐོར་བཅུ་གཉིས་ལ། །ཀྱཻ། བྱི་ལོ་པ་ཡི་གཟུགས་བྲིས་པས། །བྱི་བའི་གྲང་ནད་མདོས་ཀྱིས་ཟློག །ཐེག་ཆེན་གླང་གི་གཟུགས་བྲིས་པས། །གླང་གི་ཕུང་གྱོད་མདོས་ཀྱིས་ཟློག །སྟག་ཆེན་རིས་སུ་བྲིས་པ་ཡིས། །སྟག་གི་རབས་ཆད་མདོས་ཀྱིས་ཟློག །ཡོས་བུ་རིས་སུ་བྲིས་པ་ཡིས། །ཡོས་ཀྱི་ནལ་འཛིང་མདོས་ཀྱིས་ཟློག །འབྲུག་གི་རིས་སུ་བྲིས་པ་ཡིས། །འབྲུག་གི་ངུ་འབོད་མདོས་ཀྱིས་ཟློག །སྦྲུལ་ཆེན་རིས་སུ་བྲིས་པ་ཡིས། །སྦྲུལ་གྱི་འགགས་གྲི་མདོས་ཀྱིས་ཟློག །མགྱོགས་པ་རྟ་ཡི་གཟུགས་བྲིས་པས། །རྟ་ཡི་དོ་མ་མདོས་ཀྱིས་ཟློག །གཡང་ཆེན་ལུག་གི་གཟུགས་བྲིས་པས། །ལུག་གི་གཤེད་ཁ་མདོས་ཀྱིས་ཟློག །གཤེད་བཞི་སྤྲེལ་གྱི་གཟུགས་བྲིས་པས། །སྤྲེལ་གྱི་སྣེ་འདྲེ་མདོས་ཀྱིས་ཟློག །འདབ་ཆགས་བྱ་ཡི་གཟུགས་བྲིས་པས། །བྱ་ཡི་ཕུང་གཤེད་མདོས་ཀྱིས་ཟློག །ཟ་བྱེད་ཁྱི་ཡི་གཟུགས་བྲིས་པས། །ཁྱི་ཡི་ངུ་ཟུག་མདོས་ཀྱིས་ཟློག །ངུར་མོ་ཕག་གི་གཟུགས་བྲིས་པས། །དུར་

[Full Size]

ཕག་ཁྲ་བོ་མདོས་ཀྱིས་ཟློག །དེ་ནས་ས་བདག་ལ། །ཀྱཻ། ལོ་ཟླ་ཞག་དུས་ས་བདག་ཀྱི། །གཟུགས་བརྙན་ཕྱག་རྒྱ་བྲིས་པ་ཡིས། །ལོ་སྐག་ཟླ་སྐག་ཞག་སྐག་དང་། །དུས་ཚོད་སྐག་རྣམས་མདོས་ཀྱིས་ཟློག །གཟའ་དང་སྐར་མའི་གཟུགས་བྲིས་པས། །གཟའ་བདུད་སྐར་བདུད་མདོས་ཀྱིས་ཟློག །ཕོ་ཏོང་མོ་ཏོང་ལ། །ཀྱཻ། ཕོ་ཏོང་རིས་སུ་བྲིས་པ་ཡིས། །ཕོ་བདུད་གཡོས་པ་མདོས་ཀྱིས་ཟློག །མོ་ཏོང་རིས་སུ་བྲིས་པ་ཡིས། །མོ་ཡི་བདུད་གཡོས་མདོས་ཀྱིས་ཟློག །བུ་ཏོང་རིས་སུ་བྲིས་པ་ཡིས། །བུ་ཡི་ཆུང་སྲི་མདོས་ཀྱིས་ཟློག །མདའ་བཀྲ་ལ། །ཀྱཻ། མདའ་བཀྲ་འཕན་བཟང་ཉི་མ་རིས། །གསེར་སྟོང་སེར་མོ་གཡུ་ཡིས་སྤྲས། །ཁ་དོག་རྣམ་པ་ལྔ་རུ་བྲིས། །འདབ་ཆགས་འགྱུར་བའི་སྒོ་ཡིས་སྒྲོན། །བ་བུམ་ལྕགས་མདེལ་རྣོ་ངར་ཅན། །དར་ཚོན་སྣ་ལྔ་མགུལ་དུ་བཏགས། །སྔགས་འཆང་ཏིང་འཛིན་བྱིན་བརླབས་པས། །སྐྱེས་བུ་གཞོན་ནུ་བྱིན་རླབས་ལྡན། །ཡང་ན་མདའ་བཟང་སྐུ་ཡི་མཁར། །བཙན་པའི་རྫོང་ལ་བརྟེན་པའི་མཁར། །དེ་ལྟར་ཡོན་ཏན་ཀུན་ལྡན་འདི། །མདའ་མོ་ལྟོང་བཟང་འདི་དག་ནི། །མི་ནག་འཁོར་དང་བཅས་

[Full Size]

ལ་འབུལ། །ཕོ་ཡི་དར་སྲི་མདོས་ཀྱིས་ཟློག །འཕང་བཀྲ་ལ། །ཀྱཻ། གསེར་འཕོང་སེར་པོ་ཟ་འོག་རིས། །གཡུ་ཡི་འཕང་ལོ་པདྨ་འཁྱིལ། །རིན་ཆེན་དུང་གི་རྣ་བ་བཏགས། །མཐིང་གིས་སྣལ་མ་འཇའ་ལྟར་འཁྱིལ། །སྔགས་དང་ཏིང་འཛིན་བྱིན་རླབས་ཀྱིས། །བཟང་སྡུག་མོ་བཙུན་གཞོན་ནུ་སྣང་། །དར་ཟབ་དཀྲིས་གསེར་གཡུ་ཡིས་རྒྱན། །ཡང་ན་དཔག་བསམ་ལྗོན་པའི་ཤིང་། །ལོ་མ་གོས་དང་སྡོང་བུ་བརྒྱན། །འདི་འདྲ་དཔག་མེད་མོ་འཕང་རྣམས། །མགོ་གསུམ་འཁོར་དང་བཅས་ལ་འབུལ། །མོ་ཡི་དར་སྲི་མདོས་ཀྱིས་ཟློག །དེ་ནས་ཕྱག་ཆ་ཤིང་རིས་སྣ་ཚོགས་ནི། །ཀྱཻ། མི་ནག་འཁོར་དང་བཅས་པ་ལ། །ཤིང་རིས་ཕྱག་མཚན་སྣ་ཚོགས་འབུལ། །གདུག་རྩུབ་ལྡན་པའི་ཤིང་དག་ལ། །ཕུར་བུ་བརྒྱད་ཅུ་གྱ་གཅིག་གིས། །བོན་གྱི་བྱེད་ཁ་མདོས་ཀྱིས་ཟློག །རྡོ་རྗེ་བརྒྱད་ཅུ་གྱ་གཅིག་གིས། །བན་གྱི་ཕུར་ཁ་མདོས་ཀྱིས་ཟློག །རལ་གྲི་བརྒྱད་ཅུ་གྱ་གཅིག་གིས། །སྐྱེ་བོའི་མདའ་སྣ་མདོས་ཀྱིས་ཟློག །མདའ་ཆེན་བརྒྱད་ཅུ་གྱ་གཅིག་གིས། །མུ་སྟེགས་ཐན་སྣ་མདོས་ཀྱིས་ཟློག །གཞུ་ཆེན་བརྒྱད་ཅུ་གྱ་གཅིག་གིས། །ལྷ་

[Full Size]

འདྲེའི་ཟ་ཁ་བྱེ་བ་མདོས་ཀྱིས་ཟློག །ཐོ་བ་ཐོ་ལུམ་གྱ་གཅིག་གིས། །གནམ་ནད་ཐོག་སེར་མདོས་ཀྱིས་ཟློག །གདུག་པའི་རྩང་དམར་གྱ་གཅིག་གིས། །རིམས་ནད་དལ་ཡམས་མདོས་ཀྱིས་ཟློག །སྔོ་དམར་ཐག་པས་དཀྲིས་པ་ཡིས། །བྱེད་དང་རིག་སྔགས་མདོས་ཀྱིས་ཟློག །དེ་ནས་གཟུགས་འགྲོས་སྣ་ཚོགས་ནི། །ཀྱཻ། མི་ནག་མགོ་གསུམ་འཁོར་བཅས་ལ། །གཏོར་མ་གཟུགས་འགྲོས་སྣ་ཚོགས་འབུལ། །སྐག་དང་ལྟས་ངན་མདོས་ཀྱིས་ཟློག །དམར་གཏོར་རྒྱན་ལྡན་གྱ་གཅིག་འདི། །འདོད་པའི་རྫས་དང་ཡས་སུ་འབུལ། །མཐེབ་སྐྱུ་འབྲང་རྒྱས་གྱ་གཅིག་འདི། །ལོངས་སྤྱོད་གསོ་བའི་ཟས་སུ་འབུལ། །མུ་གེ་སྐལ་ངན་མདོས་ཀྱིས་ཟློག །མི་ནག་འཁོར་དང་བཅས་པ་ཡི། །རང་རང་གཟུགས་རྣམས་བཀོད་པ་ཡིས། །རང་རང་གནོད་པ་སྣ་ཚོགས་མདོས་ཀྱིས་ཟློག །བྱ་རིགས་སྣ་ཚོགས་གཟུགས་བརྙན་གྱིས། །འདབ་ཆགས་ཐན་ངན་མདོས་ཀྱིས་ཟློག གཅན་གཟན་སྣ་ཚོགས་གཟུགས་བརྙན་གྱིས། །གཅན་གཟན་ཐན་ངན་མདོས་ཀྱིས་ཟློག །རི་དྭགས་སྣ་ཚོགས་གཟུགས་བརྙན་གྱིས། །རི་དྭགས་ཐན་ངན་མདོས་ཀྱིས་ཟློག །

[Full Size]

གཡུང་དྭགས་སྣ་ཚོགས་གཟུགས་འགྲོས་ཀྱིས། །གཡུང་དྭགས་ཐན་ངན་མདོས་ཀྱིས་ཟློག །ས་ལ་འཛུལ་བའི་གཟུགས་འགྲོས་ཀྱིས། །ས་ཡི་ལྟས་ངན་མདོས་ཀྱིས་ཟློག །ཆུ་ལ་གནས་པའི་གཟུགས་འགྲོས་ཀྱིས། །ཆུ་ཡི་ཐན་ངན་མདོས་ཀྱི་ཟློག །བྱ་རིགས་ཁལ་བཀལ་གྱ་གཅིག་འདི། །ནམ་མཁའི་ལྷ་འདྲེའི་ཁམས་སུ་འབུལ། །གནམ་ནད་དལ་གཟེར་མདོས་ཀྱིས་ཟློག །རྟ་ལ་ཁལ་བཀལ་གྱ་གཅིག་འདི། །ས་བདག་དབང་ཆེན་རྣམས་ལ་འབུལ། །ས་སྲིན་གདུག་པ་མདོས་ཀྱིས་ཟློག །དེ་ལྟར་མི་ནག་འཁོར་བཅས་ལ། །མདོས་ཆས་རྣམ་པ་སྣ་ཚོགས་འདི། །འདོད་པའི་ལོངས་སྤྱོད་བྱིན་བརླབས་ནས། །མཁོ་བའི་ཡོ་བྱད་རྣམས་སུ་འབུལ། །བདག་ཅག་ཡོན་མཆོད་འཁོར་བཅས་ལ། །ཚེ་བསོད་དཔལ་འབྱོར་རྒྱས་པ་དང་། །མི་ནོར་ལོངས་སྤྱོད་འཕེལ་བར་མཛོད། །ལོ་ལེགས་འབྲུ་འཕེལ་དངོས་གྲུབ་སྩོལ། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་ཤེལ་ཚིགས་འབུལ་བ་ནི། ཧཱུྃ། ཤེལ་ཚིགས་ཁྲི་དཀར་སྟོང་ནག་འདི། །འཇམ་དཔལ་དབྱངས་ཀྱིས་བཀའ་གནང་ཞིང་། །ཏིང་ངེ་འཛིན་གྱིས་བྱིན་བརླབས་

[Full Size]

ནས། །རྟ་དང་གླང་པོ་མ་ཧེ་དང་། །འབྲི་གཡག་མཛོ་དང་མཛོ་མོ་དང་། །ར་ལུག་བ་གླང་བོང་བུ་དང་། །རྔ་མོང་དྲེལ་ལ་སོགས་པ་ཡི། །དཀོར་ནོར་བརྒྱའམ་སྟོང་ཁྲིར་སྤྲུལ། །ཧ་ས་གརྒྷ་འཁོར་བཅས་དང་། །གཙང་རིགས་དཔལ་མགོན་བདུན་ཅུ་དང་། །སྲིད་པའི་ས་བདག་ཀླུ་གཉན་ཚོགས། །མ་ལུས་འཁོར་དང་བཅས་ལ་འབུལ། །ས་བདག་དཀོར་ནོར་ཕྱུག་གྱུར་ནས། །བདག་དང་ཡོན་བདག་འཁོར་བཅས་ལ། །ལོ་ལེགས་ཕྱུགས་རྣམས་འཕེལ་བར་མཛོད། །བར་ཆད་རྐྱེན་ངན་བཟློག་ཏུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། །ཅེས་མདོས་ནང་དུ་ཤེལ་ཚིགས་འབྲུ་སྣ་བཏབ་བོ། །དེ་ནས་མཆོད་འབུལ་འདོད་ཡོན་ཆར་འབེབས་ལ་འཇུག ༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

༼ཅ༽ །མི་ནག་མགོ་བོ་གསུམ་པའི་མདོས་ཀྱི་གཞུང་ཆེན་ལས། མཆོད་འབུལ་འདོད་ཡོན་ཆར་འབེབས།

[Full Size]

༼ཅ༽ །མི་ནག་མགོ་བོ་གསུམ་པའི་མདོས་ཀྱི་གཞུང་ཆེན་ལས། མཆོད་འབུལ་འདོད་ཡོན་ཆར་འབེབས་ཞེས་བྱ་བ་བཞུགས་པའི་དབུ་ཕྱོགས་ལགས་སོ།།

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། །མི་ནག་མགོ་གསུམ་འཁོར་དང་བཅས་པ་ལ་མཆོད་པ་སྣ་ཚོགས་འབུལ་བ་ནི། ཧཱུྃ། སྟོབས་ལྡན་མི་ནག་མགོ་བོ་གསུམ་པ་ལ། །མཆོད་པའི་བྱེ་བྲག་སྣ་ཚོགས་འབུལ་བ་ནི། །ཤ་ཁྲག་དམར་གྱི་གཏོར་མ་ཆེན་པོ་དང་། །མཐེབ་སྐྱུ་ཤ་དུམ་ཁྲག་ཐིགས་འབྲུ་སྣ་དང་། །དགྲ་བགེགས་བསྒྲལ་བའི་ཤ་ཁྲག་རུས་པ་དང་། །རྒྱ་ཇ་ངད་ལྡན་བདུད་རྩི་ཆང་ཕུད་དང་། །ཤེལ་ཚིགས་ཁྲི་དཀར་སྟོང་ནག་གསེར་སྐྱེམས་འབུལ། །ཞི་རྒྱས་དབང་དྲག་ཕྲིན་ལས་ཐམས་ཅད་སྒྲུབས། །དར་གདུགས་མདའ་དར་བ་དན་བླ་རེ་དང་། །ཤིང་རིས་

[Full Size]

སྣ་ཚོགས་དར་ཟབ་རིན་པོ་ཆེ། །མདའ་འཕང་རྒྱང་བུ་བལ་ཚོན་མདའ་གཞུ་གྲི། །འབྱུང་བའི་ཁ་དོག་ནམ་མཁའ་སྣ་ཚོགས་འབུལ། །བསོད་ནམས་ལོངས་སྤྱོད་མངའ་ཐང་རྒྱས་པར་མཛོད། །བྱ་རིགས་སྣ་ཚོགས་གཅན་གཟན་རི་དྭགས་རིགས། །རྨིག་ཟླུམ་དུད་འགྲོ་ཆུ་གནས་གཟུགས་བརྙན་འབུལ། །ལྟས་ངན་ཐན་ལྟས་ངན་པ་ཐམས་ཅད་སྒྱུར། །ཡོན་བདག་སྐུ་གླུད་ངར་མའི་རྒྱན་ལྡན་དང་། །གླང་ཆེན་ཤུགས་ལྡན་ཡས་གླུད་སྣ་ཚོགས་བཀལ། །ཚངས་བུ་ཏིང་ལོ་རམ་རུག་བཙོད་མཚུར་དང་། །མི་ཁའི་ཡས་རྣམས་སྣ་ཚོགས་མཆོད་པ་འབུལ། །

[Full Size]

དགྲ་གྱོད་འཁོན་གསུམ་མི་ཁ་བྲ་མཆུ་ཟློག །སྡང་དགྲ་གནོད་བྱེད་ལོ་ཟླ་ཞག་དུས་སྐག །ལྟས་ངན་མི་ཁ་བྲ་མཆུ་ཟས་སུ་སྦྱིན། །མི་མཐུན་དགྲ་སྣ་གྱོད་སྣ་མི་ཁ་སྒྱུར། །སྤར་སྨེ་ལོ་ཟླ་ཞག་དུས་སྐག་རིགས་དང་། །རྨི་ལྟས་མཚན་ངན་གོད་ཡམས་བཟློག་ཏུ་གསོལ། །ཧཱུྃ། གསོད་བྱེད་མི་དམར་མགོ་བོ་གསུམ་པ་ལ། །ཤ་ཁྲག་གཏོར་མ་མཐེབ་སྐྱུ་མི་ཁའི་ཡས། །དགྲ་བོའི་ཤ་ཁྲག་གློ་སྙིང་གསེར་སྐྱེམས་དང་། །མར་མེ་ཁྲག་ཐིགས་འབྲུ་སྣ་ངར་མི་དང་། །མདའ་འཕང་ནམ་མཁའ་ཡས་སྟགས་སྣ་ཚོགས་འབུལ། །དམ་ཉམས་དགྲ་བོའི་སྙིང་ལ་སྐྱེར་མདའ་རྒྱོབ། །གསོད་གཅོད་ལས་མཁན་ཤན་པ་ཁྱོད་ཀྱིས་གྱིས། །མི་ནག་མགོ་གསུམ་མདོས་སྣ་ཡས་སྣ་ཁྲིད། །ཧཱུཾ། ཤང་ཤང་སེར་པོ་དཔོན་གཡོག་བརྒྱ་རྩ་ལ། །བཤོས་བུ་རྩེ་གསུམ་ཚེར་མང་ཤ་ཁྲག་དང་། །ངར་མི་ཟན་དུམ་ཆངས་བུ་འབྲུ་སྣ་དང་། །གྲོད་པའི་སྒོང་ཐགས་མི་ཁའི་ཡས་རྣམས་བླུགས། །མཐེབ་སྐྱ་ནམ་མཁའ་ནག་པོ་བཅུ་གསུམ་འབུལ། །མི་མཐུན་བར་ཆད་ཐམས་ཅད་བཟློག་ཏུ་གསོལ། །ཧཱུྃ། བདུད་པོ་ནག་པོ་བཀྲག་མེད་འཁོར་བཅས་ལ། །ཤ་ཁྲག་གཏོར་མ་ཟུར་

[Full Size]

གསུམ་ཁྲག་གི་མཚོ། །འབྲུ་སྣ་བྱ་ནག་རྟ་ནག་ཁྱི་ནག་གཟུགས། །ཁྲམ་ཤིང་རུ་མཚོན་ནམ་མཁའ་ནག་པོ་འབུལ། །བར་ཆད་བྱེད་པའི་བདུད་དགྲ་རྡུལ་དུ་རློགས། །བདུད་ཀྱི་ཞགས་པ་ནག་པོ་དགྲ་ལ་ཐོབས། །ཧཱུཾ། བཙན་རྗེ་ཤུ་བ་ཡམ་ཤུད་འཁོར་བཅས་ལ། །བཙན་བཤོས་དམར་པོ་ཤ་ཁྲག་རུས་པས་བརྒྱན། །འབྲུ་སྣ་བྱ་དམར་ཁྱི་དམར་རྟ་དམར་གཟུགས། །རིན་ཆེན་རྒྱལ་མཚན་བཙན་ཞགས་ནམ་མཁའ་དམར། །ཆང་ཕུད་གསེར་སྐྱེམས་དགྲ་བོའི་ཤ་ཁྲག་འབུལ། །བཙན་གྱི་ཆད་པ་མི་ལ་བབ་པ་ཟློག །བཙན་གྱི་གློ་བུར་ཡེ་འདྲོག་དགྲ་ལ་ཐོངས། །ཧཱུཾ། མ་མོ་རྔ་ཞོན་དཔོན་གཡོག་འཁོར་བཅས་ལ། །འབྲུ་ནག་བཤོས་བུ་ཟླུམ་པོ་བྱ་ནག་བརྒྱན། །བདུད་རྩི་སྨན་གཏོར་རཀྟ་མར་མེ་སྤོས། །མདའ་བཀྲ་འཕང་བཀྲ་མདའ་མདུང་རལ་གྲི་དང་། །བམ་རོ་དུར་ཁྲོད་ཆས་དང་ཡུངས་ཀར་ཐུན། །ནམ་མཁའ་དར་ཚོན་གཟུགས་འགྲོས་སྣ་ཚོགས་འབུལ། །ནད་ཁ་རིམས་སྣ་ཡམས་ནད་སྣ་ཚོགས་ཟློག །མ་མོའི་དལ་ཡམས་ཟོར་ཐུན་དགྲ་ལ་བྷྱོ༔ །ཧཱུྃ། མི་ཁ་བ་རུ་བུ་མོ་སྤུན་དགུ་མ། །ངར་མི་མདའ་བཀྲ་འཕང་བཀྲ་

[Full Size]

ནམ་མཁའ་དང་། །གོད་རྒྱུ་གོད་རུས་རམ་རུག་བཅོད་མཚུར་དང་། །རྫ་དྲེག་སྟོང་དྲེག་སྐྱེད་དྲེག་སྦྱང་མ་ཕབས། །ཤ་དང་ཚྭ་སྐག་སྐྱ་ག་བྱ་ནག་སྤུ། །མི་ཁའི་ཡས་སྟགས་སྣ་ཚོགས་ཁྱོད་ལ་འབུལ། །བརྒྱ་ཡི་མི་ཁ་སྟོང་གི་བྲ་མཆུ་ཟློག །གྱོད་སྣ་འཁོན་སྣའི་མི་ཁ་དགྲ་ལ་སྒྱུར། །ཧཱུྃ། ས་བདག་ཁྲོ་བོ་ཕ་བརྒྱད་བུ་བརྒྱད་ལ། །གཏོར་མ་ཆང་ཕུད་གསེར་སྐྱེམས་འབྲུ་སྣ་དང་། །ཤེལ་ཚིགས་མཐེབ་སྐྱུ་ནམ་མཁའ་ཤིང་རིས་དང་། །དར་ཚོན་གཟུགས་འགྲོས་སྣ་ཚོགས་མཆོད་པ་འབུལ། །སྡང་དགྲ་གནོད་བྱེད་བར་ཆད་ཐམས་ཅད་ཟློག །ཧཱུྃ། སྤར་ཁ་བརྒྱད་པོ་འཁོར་དང་བཅས་པ་ལ། །བཤོས་བུ་པད་ཕོར་མགོ་ཅན་ཤེལ་ཚིགས་དང་། །འབྲུ་སྣ་དར་ཟབ་སྤར་ཁའི་ཤིང་རིས་བརྒྱད། །གཟུགས་འགྲོས་སྣ་ཚོགས་མཆོད་པ་རྒྱ་ཆེན་འབུལ། །འགྲམ་འཁྲུགས་བདུད་གཅོད་སྤར་ཁའི་སྐག་རྣམས་ཟློག །ཧཱུྃ། སྨེ་བའི་ལྷ་ཚོགས་བཞི་བཅུ་ཞེ་ལྔ་ལ། །གཏོར་མ་དགུ་ལིང་གསེར་སྐྱེམས་འབྲུ་སྣ་དང་། །ནམ་མཁའ་དར་ཟབ་ཤིང་རིས་མཐེབ་སྐྱུདང་། །བྱ་དང་རི་དྭགས་གཅན་གཟན་དུད་འགྲོའི་གཟུགས། །མདོས་དང་གཏོར་མ་སྣ་ཚོགས་མཆོད་པ་

[Full Size]

འབུལ། །སྨེ་བ་དབུས་ཚུད་གཅོད་འདྲལ་སྐག་རིགས་ཟློག །ཧཱུྃ། ལོ་སྐོར་ཆེན་པོ་བཅུ་གཉིས་འཁོར་བཅས་ལ། །བཤོས་བུ་འབྲང་རྒྱས་ཞལ་དཀར་བཅུ་གཉིས་དང་། །ཤ་ཁྲག་གཏོར་མ་མཐེབ་སྐྱུཆང་ཕུད་དང་། །དར་ཚོན་བལ་ཚོན་ཤིང་རིས་སྣ་ཚོགས་འབུལ། །བདུན་ཟུར་དགྲ་གཤེད་ལོ་སྐག་ཐམས་ཅད་ཟློག །ཧཱུྃ། ལོ་རྒན་དྲུག་ཅུའི་ལྷ་ཚོགས་ཐམས་ཅད་ལ། །གཏོར་མ་བཤོས་བུ་ཟླུམ་པོ་གསེར་སྐྱེམས་དང་། །འབྲུ་སྣ་ཤེལ་ཚིགས་གཟུགས་འགྲོས་སྣ་ཚོགས་དང་། །མཐེབ་སྐྱུ་ཤིང་རིས་དར་ཚོན་སྣ་ཚོགས་འབུལ། །སྐོར་ཆེན་དྲུག་ཅུའི་ལོ་སྐག་བསྒྱུར་དུ་གསོལ། །ཧཱུྃ། གཙང་རིགས་དཔལ་མགོན་བདུན་ཅུ་རྩ་བརྒྱད་ལ། །བདུད་རྩི་གསེར་སྐྱེམས་དཀར་གསུམ་མངར་གསུམ་དང་། །གཏོར་མ་མཐེབ་སྐྱུ་འབྲུ་སྣ་ཤེལ་ཚིགས་དང་། །གཟུགས་འགྲོས་སྣ་ཚོགས་ཤིང་རིས་མདོས་མཆོད་འབུལ། །སྟེང་འོག་ཕྱོགས་མཚམས་གདོན་བགེགས་ཚོགས་རྣམས་དང་། །མི་མཐུན་བར་ཆད་ཐམས་ཅད་བསྒྱུར་དུ་གསོལ། །ཧཱུྃ། ལོ་ཟླ་ཞག་དུས་ས་བདག་རྒྱལ་བློན་ལ། །དཀར་གསུམ་མངར་གསུམ་གཏོར་མ་ཤེལ་ཚིགས་དང་། །

[Full Size]

འབྲུ་སྣ་དར་ཚོན་མཐེབ་སྐྱུ་གཟུགས་འགྲོས་འབུལ། །དུས་ཚོད་སྐག་རིགས་ཐམས་ཅད་བསྒྱུར་བ་དང་། །ཀོ་ལོང་འཁོན་འགྲས་ཐམས་ཅད་ཞི་བར་མཛོད། །ཧཱུྃ། སྒྱུར་བྱེད་རུ་འདྲེན་ཆེན་པོ་སྡེ་བཞི་ལ། །དགྲ་བོ་བསྒྲལ་བའི་ཤ་ཁྲག་རུས་པ་དང་། །ཤ་ཁྲག་དམར་གྱི་གཏོར་མ་ཆེན་པོ་དང་། །མདོས་ཆས་གཟུགས་འགྲོས་སྣ་ཚོགས་མཆོད་པ་འབུལ། །མདོས་སྣ་ཟོར་ཁ་དམ་ཉམས་དགྲ་ལ་དྲོངས། །ཧཱུྃ། གཏོ་མཁན་ཆེན་པོ་རིགས་བཞི་ཁྱེད་རྣམས་ལ། །རིན་ཆེན་སྣ་ཚོགས་དར་དང་ཟ་འོག་དང་། །བདུད་རྩི་ཇ་ཆང་དཀོར་ནོར་སྣ་ཚོགས་དང་། །འདོད་པའི་ལོངས་སྤྱོད་ས་གཞི་བཀང་སྟེ་འབུལ། །སྔགས་འཆང་ཡོན་བདག་འཁོར་དང་བཅས་པ་ལ། །གཏོ་བཅོས་འདི་ཉིད་ཡག་པའི་ཕྲིན་ལས་མཛོད། །ཧཱུྃ། སྒོ་སྲུང་ཆེན་པོ་གཉེན་ཆེན་སྡེ་བཞི་ལ། །ཤེལ་ཚིགས་དཀར་གསུམ་མངར་གསུམ་གཏོར་མ་དང་། །འབྲུ་སྣ་དར་ཚོན་གཟུགས་འགྲོས་སྣ་ཚོགས་འབུལ། །སྒོ་བཞི་སྲུངས་ལ་དཔལ་བསྐྱེད་བར་ཆད་ཟློག །ཧཱུྃ། ས་ཆ་ཡུལ་ཕྱོགས་འདི་ལ་གནས་པ་ཡི། །ལྷ་ཀླུ་གཞི་བདག་གཉན་དང་ཡུལ་ལྷ་ལ། །དཀར་གཏོར་གསེར་སྐྱེམས་འདོད་ཡོན་

[Full Size]

སྣ་ཚོགས་དང་། །གཟུགས་འགྲོས་འབྲུ་སྣ་ཤེལ་ཚིགས་ཤིང་རིས་འབུལ། །འཁོན་འགྲས་ཕོག་ཐུག་གང་སོང་ཞི་བ་དང་། །ཁ་འཛིན་སྡོང་གྲོགས་དུས་རྣམས་ཀུན་ལ་མཛོད། །ཧཱུྃ། བགེགས་རིགས་ལན་ཆགས་མགྲོན་རྣམས་ཐམས་ཅད་ལ། །སྐུ་གླུད་ངར་མི་ཆངས་བུ་ཏིང་ལོ་དང་། །འབྲུ་སྣ་མར་མེ་ཤ་ཤུན་གོད་རུས་དང་། །ཤ་ཁྲག་བཟའ་བཏུང་བཙོག་གླུད་སྣ་ཚོགས་འབུལ། །བདག་དང་རྒྱུ་སྦྱོར་ཡོན་བདག་ཐམས་ཅད་ཀྱི། །ལན་ཆགས་བྱང་ཞིང་བུ་ལོན་དག་གྱུར་ནས། །གནོད་ཅིང་འཚེ་བའི་བསམ་པ་མ་ཆུང་ལ། །སོ་སོ་རང་རང་གནས་སུ་ད་སོང་ལ། །ཕྱིན་ཆད་གནོད་ཅིང་འཚེ་བར་མ་བྱེད་ཅིག །ནད་རིམས་གོད་འདྲེ་རྐྱེན་ཁ་བཟློག་ཏུ་གསོལ། །ཐན་དང་ལྟས་ངན་ཐམས་ཅད་བསྒྱུར་དུ་གསོལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཨོ་ནག་པོ་ཕེ་ཤ་ཀེ་རུ་ཧཱུཾ། མ་ཧཱ་ལོ་ཀ་པཱ་ལ་སརྦ་བྷུ་མི་པཱ་ཏི་ས་པཱ་རི་ཝཱ་ར་ཨརྒྷཾ༴ པཱདྱ༴ པུཥྤེ༴ དྡྷུ་པེ༴ ཨ་ལོ་ཀེ༴ གྷནྡྷེ༴ ནཻ་ཝི་ཏེ༴ ཤབྟ་པྲ་ཏཱིཙྪ་ཡེ་ཨཱཿཧཱུྃ། མ་ཧཱ་བ་ལིཾ་ཏ༴ རཀྟ༴ མཱཾ་ས༴ སརྦ་པཱ་ཙ་ལ་ཁ་ཁ་ཁཱ་ཧི་ཁཱ་ཧི། ཞེས་པ་མི་ནག་འཁོར་དང་བཅས་པ་ལ།

[Full Size]

གང་ལ་གང་འདོད་ཅི་ལ་ཅི་དགྱེས་པའི་ལོངས་སྤྱོད་ཐམས་ཅད་ཆར་ལྟར་བབ་ནས། ཞལ་ཟས་བཟའ་བཏུང་སྣ་ཚོགས་གསོལ་ཞིང་འདོད་པའི་ཡོན་ཏན་ལྔ་ལ་ལོངས་སྤྱོད་པས། བསམ་མོ། །མཆོད་འབུལ་འདི་ཤིན་ཏུ་གལ་ཆེའོ། །དེ་ནས་ངར་མདོས་ལ་འཇུག་པའོ། ༧ ཨ་རཱ་གས་འདོན་འགྲིགས་སུ་བྲི་ས་སོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

༼ཆ༽ །མི་ནག་མགོ་བོ་གསུམ་པའི་མདོས་ཀྱི་གཞུང་ཆེན་ལས། སྤར་ཁ་སྨེ་བ་ལོ་ཟླ་ཞག་དུས་ཀྱི་སྐག་ཟློག་བསྒྱུར་ཆོས་ཆེན་པོ།

[Full Size]

༼ཆ༽ །མི་ནག་མགོ་བོ་གསུམ་པའི་མདོས་ཀྱི་གཞུང་ཆེན་ལས། སྤར་ཁ་སྨེ་བ་ལོ་ཟླ་ཞག་དུས་ཀྱི་སྐག་ཟློག་བསྒྱུར་ཆོས་ཆེན་པོ་བཞུགས་སོ།།

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། །མི་ནག་མགོ་བོ་གསུམ་པའི་མདོས་ལ་བརྟེན་ནས། སྤར་སྨེ་ལོ་ཟླ་ཞག་དུས་ཀྱི་སྐག་བཟློག་བྱ་བ་ནི། གཏོ་མདོས་གསོ་བྲན་བྱས་ལ་འབྲུ་སྣ་ཤེལ་ཚིགས་བཏབ་ལ་འདི་སྐད་དོ། །ཧཱུྃ། འཇམ་དཔལ་སྤྲུལ་པའི་མཐུ་བོ་ཆེ། །ཟློག་བྱེད་ནག་པོ་མགོ་བོ་གསུམ། །ཁྱོད་ཀྱི་བཀའ་ཉན་ལས་བྱེད་ཚོགས། །སྤར་སྨེ་ལོ་ཟླ་ཞག་དུས་ལྷ། །དཔལ་མགོན་བདུན་ཅུའི་ཚོགས་བཅས་རྣམས། །མདོས་དང་མཆོད་གཏོར་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྲུང་སྐྱོབ་ཁ་འཛིན་མཐུ་དཔུང་མཛོད། །མི་མཐུན་བར་ཆད་རྐྱེན་ངན་དང་། །

[Full Size]

སྐག་རིགས་སུམ་བརྒྱ་དྲུག་ཅུ་དང་། །མི་ཁ་བྲ་མཆུ་དགྲ་གྱོད་འཁོན། །ཐན་ལྟས་ངན་པ་ཐམས་ཅད་ཟློག །སྔགས་འཆང་བདག་དང་ཡོན་བདག་རྣམས། །ཚེ་སྲིང་དཔལ་བསྐྱེད་ལོངས་སྤྱོད་སྤེལ། །བསམ་པའི་དོན་རྣམས་འགྲུབ་པར་མཛོད། །འཆི་བར་གྱུར་པའི་མི་ཡོད་ཀྱང་། །ལོ་གསུམ་བར་དུ་བཤོལ་ཐོབས་ལ། །བར་ཆད་ཐམས་ཅད་བཟློག་པར་མཛོད། །ཚེ་དང་བསོད་ནམས་དངོས་གྲུབ་སྩོལ། །དེ་ནས་སྤར་ཁ་བརྒྱད་ཀྱི་སྐག་ཟློག་བསྒྱུར་ཆོས་ནི། །ཀྱཻ། གནམ་རིམ་པ་བཅུ་གསུམ་ཡང་སྟེང་ན། །ཕ་ཁེན་པ་རྒན་པོ་བྱ་བ་དེ། །ཤེལ་གྱི་མི་རྒན་མགོ་སྐྱ་

[Full Size]

བ། །གཉེར་མ་བརྒྱད་ཅུ་རྩ་གཅིག་བསྒྲངས། །དབྱར་དགུན་གཉིས་ནི་ཐང་མར་གདལ། །སྟོན་དཔྱིད་གཉིས་ནི་གོས་སུ་གྱོན། །གནམ་ཐིལ་དཀར་པོ་ཕོ་ཉར་འགྱེད། །གནམ་ནད་ཐོག་སེར་བདག་པོ་སྟེ། །གཏོ་ཆེན་མཆོད་གཏོར་འདི་བཞེས་ལ། །ཡར་གྱི་གནམ་སྒོ་བྱེ་བ་ཆོད། །གནམ་ནད་གནམ་ཐེལ་སྨོད་པ་ཟློག །ཐོག་སེར་གནམ་སྒོའི་བྱ་ཐན་སྒྱུར། །རྒན་པ་རྣམས་ཀྱི་ཚེ་སྲིངས་ལ། །སྟེང་གི་ཕོ་སྐག་བཟློག་ཏུ་གསོལ། །ས་རིམ་པ་དགུ་ཡི་མར་ཞབས་ནས། །མ་ཁོན་མ་རྒན་མོ་བྱ་བ་དེ། །གསེར་གྱི་བུད་མེད་མགོ་སེ་མ། །གཉེར་མ་བརྒྱད་ཅུ་ཐམ་པ་བགྲང་། །ལག་ན་འཇོར་དང་གཡག་པ་ཐོགས། །ས་བདག་ལག་ཆེན་ཕོ་ཉར་འགྱེད། །གཏོ་ཆེན་མཆོད་གཏོར་འདི་བཞེས་ལ། །མར་གྱི་ས་སྒོ་བྱེ་བ་ཆོད། །ས་ནད་ས་བདག་གདུག་པ་ཟློག །ས་རྡོ་རི་བྲག་ཉིལ་བ་ཟློག །ཡུལ་ཤོར་ས་མི་ཟིན་པ་ཟློག །ལོ་ཉེས་ས་བཅུད་ཉམས་པ་སྒྱུར། །རྒན་རྒོན་དེ་གཉིས་འཚོས་པ་ལས། །བུ་ཚ་མིང་སྲིང་བཞི་རུ་བྱུང་། །བུ་ཆེན་གིན་རི་བྱ་བ་དེ། །བནྡེ་སེར་པོ་འཇོལ་བེར་ཅན། ལག་ན་ཤེལ་གྱི་ཕྲེང་བ་ཐོགས། །ཀླུ་གླང་དམར་པོ་རྟ་རུ་

[Full Size]

ཞོན། །ས་ཐེལ་ནག་པོ་ཕོ་ཉར་འགྱེད། །ཁྱོད་ནི་དལ་ཡམས་ཀུན་གྱི་བདག །གཏོ་ཆེན་མཆོད་གཏོར་འདི་བཞེས་ལ། །དལ་ཁ་ཆོད་ལ་ཡམས་ཁ་སྒྱུར། །ས་ཐིལ་དམོད་པ་གདུག་རྩུབ་ཟློག །རི་ཉིལ་མཁར་ཁང་ཞིག་རལ་ཟློག །བུ་ཚའི་སྐག་རྣམས་བསྒྱུར་དུ་གསོལ། །དེ་མི་ཆུང་བ་དྭ་ལྕགས་དེ། །སྐྱེས་ཕྲན་གཞོན་ནུའི་ཆ་བྱད་ཅན། །ལག་ན་རལ་གྲི་ཕུབ་ཆུང་ཐོགས། །ཆིབས་སུ་དྲེལ་རྟ་ཁ་དཀར་ཆིབས། །གྲི་བཙན་ཁ་དམར་ཕོ་ཉ་འགྱེད། །འཁྲུག་རྩོད་སྐག་གི་སྣ་ཡང་འདྲེན། །གཏོ་ཆེན་མཆོད་གཏོར་འདི་བཞེས་ལ། །གཟེར་ནད་གྲི་འཁྲུག་བཟློག་ཏུ་གསོལ། །དགྲ་གྱོད་སྣེ་འདྲེ་ལག་དམར་ཟློག །གྲི་སྲི་ཕུར་ཁ་ཟུག་པ་སྒྱུར། །བུ་མོ་ཟོན་རླུང་བྱ་བ་ནི། །རི་བོང་རྣ་རིང་ལྤགས་པ་གྱོན། །འོག་ཏུ་མཛོ་དང་རྟོལ་པོ་ཆིབས། །ལག་ན་རླུང་གི་ཞགས་པ་ཐོགས། །བང་ནི་གློག་དང་རླུང་བས་མགྱོགས། །སྨྱོ་འབོག་རླུང་ནད་བདག་མོ་སྟེ། །རྒྱལ་བསེན་མང་པོ་ཕོ་ཉར་འགྱེད། །གཏོ་ཆེན་མཆོད་གཏོར་འདི་བཞེས་ལ། །སྨྱོ་འབོག་རྒྱལ་ནད་སྙིང་གཟེར་ཟློག །རླུང་འཚུབ་རླུང་ནད་སྨྱོ་འདྲེ་ཟློག །སྐག་དང་ལྟས་ངན་

[Full Size]

ཐམས་ཅད་ཟློག །དེ་ཡི་བུ་མོ་ལི་མེ་དེ། །བུད་མེད་དམར་མོ་རྟ་དམར་ཞོན། །ལུས་ལ་མེ་ཡི་ཚྭ་ཚྭ་འཕྲོ། །ལག་ནས་ཐོག་གི་མདའ་མོ་འཕེན། །དལ་ཡམས་རིམས་ནད་ཁྲག་གཟེར་བདག །མ་མོ་ནག་མོ་ཕོ་ཉར་འགྱེད། །ཐེའུ་རང་བྱུར་གྱི་སྣ་ཡང་འདྲེན། །གཏོ་ཆེན་མཆོད་གཏོར་འདི་བཞེས་ལ། །རིམས་ཡམས་དལ་ཁ་བཟློག་ཏུ་གསོལ། །རྨ་ནད་ཁྲག་ནད་བཟློག་ཏུ་གསོལ། །ཚད་ནད་གག་ལྷོག་གཟེར་གསུམ་ཟློག །མགོ་ཆག་མེ་ནད་མེ་དགྲ་ཟློག །ཐེའུ་རང་བསྒྲོན་འདྲེ་བསྒྱུར་དུ་གསོལ། །མིང་སྲིང་ཆེ་གཉིས་འཚོས་པ་ལས། །བུ་ཚ་མིང་སྲིང་གཉིས་སུ་སྲིད། །མིང་པོ་ཁམ་ཆུ་བྱ་བ་དེ། །མི་ནག་གཅེར་བུ་རལ་པ་ཅན། །སྐྱ་འདང་རྨ་འདང་གོས་སུ་གྱོན། །ལག་ན་བདུད་ཀྱི་ཐ་རམ་ཐོགས། །གྲང་ནད་ཀླུ་རྫིང་དམུ་ཡི་བདག །ཀླུ་སྲིན་མང་པོ་ཕོ་ཉར་འགྱེད། །གཏོ་ཆེན་མཆོད་གཏོར་འདི་བཞེས་ལ། །གྲང་ན་མཛེ་ནད་དམུ་ཆུ་ཟློག །ཆུ་གཡོས་ཆུ་དགྲ་འགུལ་བ་ཟློག །ཆུ་འདྲེ་ཆུ་སྲི་གྲང་ནད་ཟློག །སྐྱས་ནག་གཏོ་འདྲེ་ནལ་ཡུགས་ཟློག །གཤའ་ཕུད་ཆུ་འདྲེ་བསྒྱུར་དུ་གསོལ། །སྲིང་མོ་ཟིན་ཤིང་བྱ་བ་དེ། །གྲི་ཤིང་སྟག་པ་

[Full Size]

ལག་ན་ཐོགས། །མདའ་ཆགས་གཞུ་ཆག་སྐེད་ལ་བཅུག །འགགས་གྲི་ཤིང་གྲི་རལ་ཆེན་བདག །གྲི་སྲི་གཉེན་བདུད་ཕོ་ཉར་འགྱེད། །གཏོ་ཆེན་མཆོད་གཏོར་འདི་བཞེས་ལ། །རྨང་འདྲེ་རྨང་སྲི་བཟློག་ཏུ་གསོལ། །འགགས་གྲི་ངན་པ་སྒྱུར་དུ་གསོལ། །མདའ་མཚོན་ཤིང་རྩེ་ཟུག་པ་ཟློག །བླ་ཤིང་ཆག་དང་སྐམ་པ་སྒྱུར། །སྐག་ངན་ཐན་ངན་བསྒྱུར་དུ་གསོལ། །ཀྱེ། སྤར་ཁ་ལོ་ཟླ་ཞག་དུས་ལ་འཁོར་བའི། །སྐག་རིགས་ཐམས་ཅད་བཟློག་ཅིང་བསྒྱུར་དུ་གསོལ། །སྤར་ཁ་རང་ཐོག་དགྲ་ཐོག་དུར་མིག་དང་། །ན་ས་འཆི་བའི་སྐག་རྣམས་ཐམས་ཅད་ཟློག །ནམ་ཟླའི་སྐག་བརྒྱད་གནོད་པའི་འདྲེ་བརྒྱད་ཟློག །མི་རུང་ནོར་བརྒྱད་དུར་ཟས་བརྒྱད་པོ་ཟློག །སྒྲེན་པའི་མི་བརྒྱད་ནད་ངོ་ཐམས་ཅད་ཟློག །ཨོཾ་ཁ་ལ་ཤན་ཟློག །ཨོཾ་ཁ་ཏ་ལ་ཟློག །ཨོ་དྲི་བུ་ཤའུ་ཟློག །ཨོཾ་ཁ་ཏི་ནམ་ཟློག །ཨོཾ་ཤ་དྷ་ཡ་ཟློག །ཨོ་ར་གྷ་ཡ་ཟློག །ཨོཾ་ཤི་ཡ་ཟློག །ཨོ་མ་མོ་ཤར་ཡ་ཟློག །དེ་ནས་སྨེ་བ་དགུ་ཡི་བསྒྱུར་ཆོས་ནི། །ཀྱཻ། གཅིག་དཀར་ལྷ་མོ་བརྟན་མ་ནི། །སྐུ་ལ་དར་དཀར་ན་བཟའ་གསོལ། །ཕྱག་ན་བདུད་རྩིའི་བུམ་པ་

[Full Size]

འཛིན། །ཆིབས་སུ་དུང་ཕག་གསེར་མགོ་ཆིབས། །འཁོར་དུ་ས་བདག་འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །ཐེའུ་རང་འགོང་པོ་དགྲ་ལ་སྒྱུར། །ཀྱཻ། གཉིས་ནག་བདུད་པོ་བཀྲག་མེད་ནི། །སྐུ་ལ་དར་ནག་འཇོལ་བེར་གསོལ། །ཕྱག་ན་བདུད་ཀྱི་ཁྲམ་ཤིང་བསྣམས། །ཆིབས་སུ་བདུད་རྟ་ནག་པོ་ཆིབས། །འཁོར་དུ་བདུད་དམག་འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །མྱ་ངན་འཆི་མ་བསྒྱུར་དུ་གསོལ། །ཀྱཻ། གསུམ་མཐིང་མ་ཡམས་བསེན་མོ་ནི། །ཆིབས་སུ་ཁྱི་མོ་རྣ་རིང་ཞོན། །སྐུ་ལ་དར་སྔོན་རལ་ག་གསོལ། །ཕྱག་ན་ནད་ཀྱི་རྐྱལ་པ་བསྣམས། །འཁོར་དུ་བསེན་མོ་འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག།ཟས་སུ་དགྲ་འདྲེ་བྱུར་གསུམ་ཟོ། །བྱེ་བྲལ་རླུང་འཚུབ་བསྒྱུར་

[Full Size]

དུ་གསོལ། །ཀྱཻ། བཞི་ལྗང་ཀླུ་ཡི་རྒྱལ་པོ་ནི། །ཆིབས་སུ་ཆུ་སྲིན་རྒྱལ་པོ་ཆིབས། སྐུ་ལ་དར་ལྗང་ན་བཟའ་གསོལ། །ཕྱག་ན་ཆུ་སྦྲུལ་ཞགས་པ་བསྣམས། །ཀླུ་མོ་འབུམ་གྱི་འཁོར་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །ཀླུ་ནད་མཛེ་ཤུ་བསྒྱུར་དུ་གསོལ། །ཀྱཻ། ལྔ་སེར་ས་བདག་ཙང་ཀུན་ནི། །སྐུ་མདོག་སེར་པོ་འོད་ཟེར་འབར། །ཆིབས་སུ་དུང་ཤ་དཀར་པོ་ཆིབས། །ཕྱག་ན་ཁ་ཊཾ་རྩེ་གསུམ་བསྣམས། །འཁོར་དུ་ས་བདག་འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །ལྡི་འཐིབ་ནད་རྣམས་བསྒྱུར་དུ་གསོལ། །ཀྱཻ། དྲུག་དཀར་དགྲ་བླའི་རྒྱལ་པོ་ནི། སྐུ་མདོག་དཀར་པོ་དུང་འོད་འབར། །ཆིབས་སུ་སེང་གེ་དཀར་པོ་ཆིབས། །ཕྱག་ན་བ་དན་དཀར་པོ་བསྣམས། །དགྲ་བླའི་རྒྱལ་པོ་འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་

[Full Size]

དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །རྒྱལ་འགོང་སྤུན་དགུ་དགྲ་ལ་སྒྱུར། །ཀྱཻ། བདུན་དམར་ཡམ་ཤུད་དམར་པོ་ནི། །མི་དམར་རྟ་དམར་དར་དམར་གསོལ། །ཕྱག་ན་བཙན་ཞགས་ཤོ་རྡེལ་བསྣམས། །འཁོར་དུ་བཙན་དམག་འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །ཤན་པའི་གྲི་བདར་དགྲ་ལ་སྒྱུར། །ཀྱཻ། བརྒྱད་དཀར་ལྷ་ཆེན་དབང་ཕྱུག་ནི། །སྐུ་མདོག་དཀར་པོ་རྒྱན་དང་ལྡན། །གླང་ཆེན་འཁུག་པའི་སྟེང་ན་བཞུགས། །ཕྱག་ན་ཁ་ཊཾ་ཕྱར་དར་བསྣམས། །འཁོར་དུ་ལྷ་དམག་འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །ལྷ་ནད་དལ་ཡམས་དགྲ་ལ་སྒྱུར། །ཀྱཻ། དགུ་དམར་མ་མོ་ཆེན་མོ་ནི། །དབང་སྨེ་དགུ་དམར་ཙ་མུན་ཏྲི། །ཆིབས་སུ་དྲེའུ་དམར་ནག་ཆིབས། །ཕྱག་ན་མཚོན་གྱི་གྲུ་གུ་བསྣམས། །འཁོར་དུ་མ་མོ་

[Full Size]

འབུམ་གྱིས་བསྐོར། །མདོས་དང་གཏོར་མ་འདི་བཞེས་ལ། །ཆོས་ཤིག་སྡང་བའི་དགྲ་ལ་ཆོས། །བཟློག་ཅིག་བར་ཆད་འབྱུང་པོ་ཟློག །ཟས་སུ་དགྲ་འདྲེ་བྱུར་གསུམ་ཟོ། །ནད་ཡམས་རིམས་འཁྲུག་བསྒྱུར་དུ་གསོལ། །སྨེ་བ་དབུས་ཚུད་རིང་ཐོག་གཅོད་འདྲལ་ཟློག །སྨེ་བ་ཞག་དང་དུས་ཚོད་ལ་འཁོར་བའི། །སྨེ་བའི་སྐག་ཕྲན་ཐམས་ཅད་དགྲ་ལ་ཟློག །སྨེ་བའི་དུར་ངོ་ན་ངོ་དགྲ་ལ་ཟློག །ཨོཾ་ཏ་པ་ཡ་ཟློག །ཨོཾ་མར་ཤ་ཡེ་ཟློག །ཨོ་ནན་ས་ལ་ཟློག །ཨོཾ་ཤི་ཡ་ན་ཟློག །ཨོཾ་མ་ཧཱ་ཀ་ལི་ཡ་ཟློག ། ཨོ་མ་ཤ་ཡི་ཟློག །ཨོ་ཏི་རུ་བུ་ན་ཟློག །ཨོཾ་ཧ་ཕྲན་ཤ་ཡེ་ཟློག །ཨོཾ་ཁ་ལ་ཧི་ཟློག །དེ་ནས་ལོ་སྐོར་བཅུ་གཉིས་སྐག་ཟློག་ནི། །ཀྱཻ། ལོ་ཡི་རྒྱལ་པོ་བྱི་བའི་ལོ། །སྣ་ཚོགས་ཆུ་ལས་གྲུབ་པའི་གཟུགས། །མི་ལུས་བྱི་བའི་མགོ་བོ་ཅན། །ལག་ན་ཆུ་ཡི་རྒྱལ་མཚན་བསྣམས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །བྱི་བ་ལོ་པའི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །ལྷ་བདུད་བྱི་ཤོར་དགྲ་ལ་སྒྱུར། །ཆུང་སྲིའི་གདུག་པ་བཟློག་ཏུ་གསོལ། །ཀྱཻ། མི་ལུས་གླང་གི་མགོ་བོ་ཅན། །རིན་

[Full Size]

ཆེན་གསེར་ལས་གྲུབ་པའི་མདོག །ཕྱག་ན་གསེར་གྱི་འཁོར་ལོ་བསྣམས། །བྱང་ཤར་གིན་ལ་གནས་པའི་བདག །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །གླང་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །ཐན་དང་ལྟས་ངན་དགྲ་ལ་སྒྱུར། །ཕུང་གྱོད་ངན་པ་བསྒྱུར་དུ་གསོལ། །ཀྱཻ། མི་ལུས་སྟག་གི་མགོ་བོ་ཅན། །ཤིང་ལོ་ལྗང་གུའི་མདོག་ལས་གྲུབ། །ཤར་སྟོད་ཤིང་གི་གདན་ལ་བཞུགས། །རི་མོ་ཐམས་ཅད་ལུས་ལ་བཀྲ། །ཕྱག་ན་ལྗོན་ཤིང་ཏ་ལ་བསྣམས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །སྟག་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །མི་མཐུན་རྐྱེན་དགུ་དགྲ་ལ་སྒྱུར། །བརྒྱ་བྱིན་འོད་ཆེན་གཏོ་ཡིས་སྒྱུར། །ཀྱཻ། མི་ལུས་ཡོས་བུའི་མགོ་བོ་ཅན། །རྣམ་པ་མི་འགྱུར་ཤིང་ལ་བསྟེན། །ཤིང་ལོ་ལྗང་ཁུའི་མདངས་ལས་གྲུབ། །ཕྱག་ན་ལྗོན་ཤིང་མེ་ཏོག་བསྣམས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །ཡོས་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྐྱར་དུ་གསོལ། །ལོ་ཉེས་རྗེས་ལོག་དགྲ་

[Full Size]

ལ་སྒྱུར། །ཡུལ་བུད་རྗེས་མེད་བསྒྱུར་དུ་གསོལ། །ཀྱཻ། མི་ལུས་འབྲུག་གི་མགོ་བོ་ཅན། །གསེར་གྱི་མདོག་ལས་གྲུབ་པའི་གཟུགས། །ས་རིམ་པ་དགུ་ཡི་མངའ་བདག་མཛད། །ཕྱག་ན་གསེར་གྱི་སྡོང་བུ་བསྣམས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །འབྲུག་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །དུར་ཉེས་ཡུགས་མམ་དགྲ་ལ་སྒྱུར། །དུར་གཤེད་དུར་བདུད་བསྒྱུར་དུ་གསོལ། །ཀྱཻ། མི་ལུས་སྦྲུལ་གྱི་མགོ་བོ་ཅན། །མེ་ཡི་མདངས་ལས་གྲུབ་པའི་མདོག །ཕྱག་ན་སྲེག་བྱེད་མེ་དཔུང་བསྣམས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །སྦྲུལ་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །མི་མཐུན་ཐན་སྤྲུལ་དགྲ་ལ་བསྒྱུར། །འགགས་གྲི་ལྕེ་གྲི་གཏོ་ཡིས་བསྒྱུར། །ཀྱཻ། མི་ལུས་རྟ་ཡི་མགོ་བོ་ཅན། །འབར་བ་མེ་ཡི་ན་བཟའ་གསོལ། །ཕྱག་ན་གསལ་བྱེད་མེ་དཔུང་བསྣམས། །བྱི་བའི་ལོ་བདུད་དགྲ་གཤེད་ཡིན། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །རྟ་ལོ་པ་ཡི་མི་ཡོད་ན། །དེ་ཡི་

[Full Size]

སྐག་ཆེན་བསྒྱུར་དུ་གསོལ། །བྱང་རྟ་རྔོག་ཆད་དགྲ་ལ་སྒྱུར། །རྨང་པོ་གྲི་ཁུར་གཏོ་ཡིས་སྒྱུར། །ཀྱཻ། མི་ལུས་ལུག་གི་མགོ་བོ་ཅན། །སྐུ་ལ་གསེར་གྱི་པགས་པ་གསོལ། །ཕྱག་ན་གསེར་གྱི་སྒྲོམ་བུ་བསྣམས། །ལྷོ་ནུབ་ཁོན་མའི་ས་སྒོ་སྲུངས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །ལུག་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །ཚེར་ཤིང་ས་བསྐྲལ་དགྲ་ལ་བསྒྱུར། །མགོ་དགུ་བཤལ་ནད་བསྒྱུར་དུ་གསོལ། །ཀྱཻ། མི་ལུས་སྤྲེལ་གྱི་མགོ་བོ་ཅན། །སྐུ་མདོག་གངས་རི་ཤེལ་དང་འདྲ། །ཕྱག་ན་གཅོད་བྱེད་རྣོ་མཚོན་བསྣམས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །སྤྲེལ་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །སྤྲེལ་དམར་མེ་ཆེན་དགྲ་ལ་སྒྱུར། །ནག་པོ་ཐང་འགྱེད་བསྒྱུར་དུ་གསོལ། །ཀྱཻ། མི་ལུས་བྱ་ཡི་མགོ་བོ་ཅན། །མདོག་དཀར་ལྕགས་ལས་གྲུབ་པའི་གཟུགས། །ཕྱག་ན་གཅོད་བྱེད་རལ་གྲི་བསྣམས། །སྲ་མཁྲེགས་ལྕགས་ཀྱི་གདན་ལ་བཞུགས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །བྱ་

[Full Size]

ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །ཚེ་ཤིང་ཀུན་སྡིག་དགྲ་ལ་སྒྱུར། །བྱེ་བྲལ་གྱོད་སྟོང་བསྒྱུར་དུ་གསོལ། །ཀྱཻ། མི་ལུས་ཁྱི་ཡི་མགོ་བོ་ཅན། །ས་བདག་སེར་པོའི་རྒྱུ་ལས་གྲུབ། །གསེར་ས་སེར་པོའི་གདན་ལ་བཞུགས། །རིན་ཆེན་གསེར་གྱི་ན་བཟའ་གསོལ། །ཕྱག་ན་གསེར་གྱི་རུ་དར་བསྣམས། །ནུབ་བྱང་ཁེན་གྱི་གནམ་སྒོ་སྲུངས། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །ཁྱི་ལོ་པ་ཡི་མི་ཡོད་ན། །དེ་ཡི་སྐག་ཆེན་བསྒྱུར་དུ་གསོལ། །བཙན་གྱི་དགྲ་སྣ་དགྲ་ལ་སྒྱུར། །བག་མའི་སྣ་འདྲེ་བསྒྱུར་དུ་གསོལ། །ཀྱཻ། མི་ལུས་ཕག་གི་མགོ་བོ་ཅན། །འཁྲུག་བྱེད་ཆུ་ཡི་ན་བཟའ་གསོལ། །ཕྱག་ན་བུམ་པ་ཆུས་བཀང་བསྣམས། །ས་བདག་ཆེན་པོ་ཆུ་ལ་བསྐྱོན། །གཏོ་ཆེན་མཆོད་པ་འདི་བཞེས་ལ། །རྒྱུ་སྦྱོར་ཡོན་གྱི་བདག་པོ་ལ། །ཕག་ལོ་པ་ཡི་མི་ཡོད་ན། །དེ་ཡི་སྐག་ཆེན་བཟློག་ཏུ་གསོལ། །དུར་ཕག་རོ་འཁུན་དགྲ་ལ་སྒྱུར། །བསྒྲེན་འདྲེ་ངན་པ་བསྒྱུར་དུ་གསོལ། །ཀྱཻ། ལོ་ཡི་རྒྱལ་པོ་བཅུ་གཉིས་ལ། །ཟླ་བ་བློན་པོ་བཅུ་གཉིས་དང་། །ཞག་གྲངས་

[Full Size]

སུམ་བརྒྱ་དྲུག་ཅུ་དང་། །ཟ་མ་བདུན་བརྒྱ་ཉི་ཤུས་བསྐོར། །དེ་ལ་དབང་བྱེད་ས་བདག་ཚོགས། །གཏོ་ཆེན་མཆོད་པ་འདི་བཞེས་ལ། །ལོ་སྐག་ཟློག་ལ་ཟླ་སྐག་སྒྱུར། །ཞག་སྐག་ཟ་སྐག་བཟློག་ཏུ་གསོལ། །ལོ་ཡི་རྒྱལ་པོའི་ངན་བཤམས་ཟློག །ཟླ་བ་བློན་པོས་གྲོས་བྱས་ཟློག །ཞག་མ་དམག་མིའི་དམག་བཤམས་ཟློག །དུས་ཚོད་མཚོན་ཆས་བཏབ་པ་ཟློག །རང་སྐག་བཞི་གཤེད་དྲུག་འགྲམ་ཟློག །བདུན་ཟུར་དགྲ་སྐག་ན་ཤི་དུར་ཞུགས་ཟློག །བདག་ཅིག་འཁོར་དང་བཅས་པ་ལ། །ལོ་གཤེད་མ་འབེབས་ལོ་ལྷ་མཛོད། །མི་མཐུན་རྐྱེན་ངན་བཟློག་ཏུ་གསོལ། །ཨོཾ་དྷི་པ་ཆར་ཡམ་དུ་སྭཱ་ཧཱ་ཟློག །ཨོ་ཡ་རན་ཏ་སྭཱ་ཧྭ་ཟློག །ཨོཾ་བྷ་ཏི་ཡ་སྭཱ་ཧཱ་ཟློག །ཨོ་ཤ་ཀ་ཡ་སྭཱ་ཧཱ་ཟློག །ཨོ་ཙི་ཤེ་པ་ཡེ་སྭཱ་ཧཱ་ཟློག །ཨོཾ་རུ་ལཱ་ལ་སྭཱ་ཧཱ་ཟློག །ཨོཾ་ཤ་ར་མ་ཏ་སྭཱ་ཧྭ་ཟློག །ཨོཾ་ཤ་ལ་ལུག་ན་སྭཱ་ཧཱ་ཟློག །ཨོ་བེ་ཏ་ཡེ་སྭཱ་ཧཱ་ཟློག །ཨོ་བྷ་བྱ་ར་ཡ་སྭཱ་ཧཱ་ཟློག །ཨོཾ་ཤུ་རན་བྷེ་རུ་སྭཱ་ཧཱ་ཟློག ཨོ་ཛ་ལུ་ཤ་སྭཱ་ཧུ་ཟློག །དེ་ནས་ཟླ་བ་བཅུ་གཉིས་ཀྱི་སྐག་ཟློག་ནི། །ཀྱཻ། སྟག་དང་ཡོས་བུ་ལས་བྱུང་བའི། །དཔྱིད་ཟླ་ར་འབྲིང་ས་བདག་ནི། །མི་ལུས་སྟག་གི་མགོ་བོ་

[Full Size]

ཅན། །བུད་མེད་ནག་མོ་རི་ཝང་རྣ་བ་ཅན། །མཆོད་པ་དམ་པ་འདི་བཞེས་ལ། །དཔྱིད་ཟླ་ར་འབྲིང་སྐག་བཟློག་ཅིག །ཀྱཻ། རྟ་དང་སྦྲུལ་ལས་བྱུང་བ་ཡི། །དབྱར་ཟླ་ར་འབྲིང་ས་བདག་ནི། །མི་ལུས་རྟ་ཡི་མགོ་བོ་ཅན། །བུད་མེད་སྦྲེལ་གྱི་མགོ་བོ་ཅན། །མཆོད་པ་དམ་པ་འདི་བཞེས་ལ། །དབྱར་ཟླ་ར་འབྲིང་སྐག་བཟློག་ཅིག །ཀྱཻ། བྱ་དང་སྤྲེལ་ལས་བྱུང་བ་ཡི། །སྟོན་ཟླ་ར་འབྲིང་ས་བདག་ནི། །མི་ལུས་སྤྲེལ་གྱི་མགོ་བོ་ཅན། །བུད་མེད་བྱ་ཡི་མགོ་བོ་ཅན། །མཆོད་པ་དམ་པ་འདི་བཞེས་ལ། །སྟོན་ཟླ་ར་འབྲིང་སྐག་བཟློག་ཅིག །ཀྱཻ། ཕག་དང་བྱི་བ་ལས་བྱུང་བའི། །དགུན་ཟླ་ར་འབྲིང་ས་བདག་ནི། །མི་ལུས་ཕག་གི་མགོ་བོ་ཅན། །བུད་མེད་བྱི་བའི་མགོ་བོ་ཅན། །མཆོད་པ་དམ་པ་འདི་བཞེས་ལ། །དགུན་ཟླ་ར་འབྲིང་སྐག་བཟློག་ཅིག །ཀྱཻ། ཁྱི་འབྲུག་གླང་ལུག་བཞི་ལས་བྱུང་བ་ཡི། །ཐ་ཆུང་བཞི་ཡི་ས་བདག་སྟེ། །མི་ལུས་འབྲུག་གི་མགོ་བོ་ཅན། །བུད་མེད་ལུག་གི་མགོ་བོ་ཅན། །མི་ལུས་ཁྱི་ཡི་མགོ་བོ་ཅན། །བུད་མེད་གླང་གི་མགོ་བོ་ཅན། །མཆོད་པ་དམ་པ་འདི་བཞེས་ལ། །ཐ་ཆུང་

[Full Size]

བཞི་ཡི་སྐག་ཟློག་ཅིག །ཟླ་སྐག་ཞག་སྐག་ཟ་མའི་སྐག །མི་མཐུན་བར་ཆད་ཟློག་ཏུ་གསོལ། །དེ་ནས་ལོ་རྒན་དྲུག་ཅུའི་བསྒྱུར་ཆོས་བྱ་བ་ནི། །ཀྱཻ། ཤར་ཕྱོགས་ཤིང་གི་ནགས་ཚལ་ནས། །།ཤིང་ལ་མངའ་མཛད་སྟག་གི་ལོ། །སྟག་གི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །བརྒྱལ་ནད་སྨྱོ་འབོག་བཟློག་ཏུ་གསོལ། །རོ་བདུད་རོ་སྐག་བབ་པ་ཟློག །ཀྱཻ། ཤར་སྨད་ཤིང་གི་བསིལ་གྲིབ་ནས། །ཤིང་ལ་མངའ་མཛད་ཡོས་བུ་ལོ། །ཡོས་བུ་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་བཞེས་ལ། །བཙོག་ནལ་རོ་འཁྱམ་འབྱུང་བ་ཟློག།མྱ་ངན་ངུ་འབོད་བསྒྱུར་དུ་གསོལ། །ཀྱཻ། ཤར་ལྷོ་རླུང་ནག་འཚུབ་ནང་ནས། །རླུང་ལ་མངའ་མཛད་འབྲུག་གི་ལོ། །འབྲུག་གི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །དུར་བདུད་གཤིན་ལག་བརྫིས་པ་ཟློག །དུ་སྐད་ང་རོ་བསྒྱུར་དུ་གསོལ། །ཀྱཻ། ལྷོ་ཕྱོགས་མེ་ཡི་དཀྱིལ་འཁོར་ནས། །མེ་ལ་དབང་བསྒྱུར་སྦྲུལ་གྱི་ལོ། །སྦྲུལ་གྱི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །ལྟས་ངན་ཆོ་འཕྲུལ་འདྲེ་སྲིན་ཟློག །གཉན་སྲིན་ཚད་

[Full Size]

ནད་བསྒྱུར་དུ་གསོལ། །ཀྱཻ། ལྷོ་སྨད་མེ་ཡི་བསྐལ་པ་ནས། །མེ་ལ་མངའ་མཛད་རྟ་ཡི་ལོ། །རྟ་ཡི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །རྟ་གོད་རྨ་ངོ་ཁྲག་ནད་ཟློག །བྱུར་འགོང་གོད་ཁ་བསྒྱུར་དུ་གསོལ། །ཀྱཻ། ལྷོ་ནུབ་ས་ཡི་དཀྱིལ་འཁོར་ནས། །ས་ལ་དབང་བསྒྱུར་ལུག་གི་ལོ། །ལུག་གི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །ས་བདག་དུར་སྲི་ལང་བ་ཟློག །མི་ཆོད་རོ་དངོས་བསྒྱུར་དུ་གསོལ། །ཀྱཻ། ནུབ་ཕྱོགས་ལྕགས་ཀྱི་མཁར་རྩེ་ནས། །ལྕགས་ལ་དབང་བསྒྱུར་སྤྲེལ་གྱི་ལོ། །སྤྲེལ་གྱི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །ལྕགས་འཁྲུག་གློ་བུར་ཡེ་འདྲོགས་ཟློག །རུས་ནད་འབྲས་སྲིན་བསྒྱུར་དུ་གསོལ། །ཀྱཻ། ནུབ་སྨད་ལྕགས་བྲག་རྩེ་རྒྱལ་ནས། །ལྕགས་ལ་མངའ་མཛད་བྱ་ཡི་ལོ། །བྱ་ཡི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །མདའ་གྲི་མཚོན་རྩེ་ཟུག་པ་ཟློག །འཁྲུག་རྩོད་དམག་སྣ་བསྒྱུར་དུ་གསོལ། །ཀྱཻ། ནུབ་བྱང་ས་ཡི་དཀྱིལ་འཁོར་ནས། །གནམ་ལ་མངའ་མཛད་ཁྱི་ཡི་

[Full Size]

ལོ། །ཁྱི་ཡི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །ཐོག་སེར་བག་མའི་སྣ་འདྲེན་ཟློག །ཐེའུ་རང་ཐན་སྣ་བསྒྱུར་དུ་གསོལ། །ཀྱཻ། བྱང་ཕྱོགས་ཆུ་ཡི་དཀྱིལ་འཁོར་ནས། །ཆུ་ལ་དབང་བསྒྱུར་ཕག་གི་ལོ། །ཕག་གི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །ལོ་བདུད་དགྲ་འདྲེ་བྱད་གསུམ་ཟློག །ཕུང་སྣ་གྱོད་སྣ་བསྒྱུར་དུ་གསོལ། །ཀྱཻ། བྱང་སྨད་ཆུ་ཡི་འཁོར་ལོ་ནས། །ཆུ་ལ་མངའ་མཛད་བྱི་བའི་ལོ། །བྱི་བའི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །གྲང་ནད་དམུ་ཆུ་སྐྲན་ནད་ཟློག །གཤའ་བུད་གྱོད་བྱུར་བསྒྱུར་དུ་གསོལ། །ཀྱཻ། བྱང་ཤར་གསེར་རི་རྩེ་དགུ་ནས། །གསེར་ལ་མངའ་མཛད་གླང་གི་ལོ། །གླང་གི་འཁོར་ཚོགས་འབྱུང་བ་ལྔ། །གཏོ་ཆེན་དམ་པ་འདི་ལོངས་ལ། །ལོ་བདུད་ཟླ་དུས་ཐུག་པ་ཟློག །རོ་ཡི་སྣ་འདྲེན་བསྒྱུར་དུ་གསོལ། །དགྲ་བགེགས་སྟེང་དུ་གཏོ་སྣ་དྲོངས། །གནོད་བྱེད་འབྱུང་པོའི་སྟེང་དུ་སྒྱུར། །དགྲ་ཡི་གདུག་རྩུབ་སྟོན་པ་དང་། །འདྲེ་ཡི་ཆོ་འཕྲུལ་སྟོན་པ་རྣམས། གཏོ་ཆེན་དམ་པ་འདི་ཡིས་སྒྱུར། བཟློག་ཅིང་

[Full Size]

བསྒྱུར་བའི་ཕྲིན་ལས་མཛོད། །ཀྱཻ། ལོ་ཆེན་བཅུ་གཉིས་དྲུག་ཅུའི་ཚོགས། །འབྱུང་བ་ལྔ་ལ་དབང་བསྒྱུར་ཞིང་། །ཟླ་བ་བཅུ་གཉིས་རྟ་རུ་ཞོན། །ས་བདག་བཅུ་གཉིས་རོལ་དུ་ཁྲིད། །ལུས་ཀྱི་འབྱུང་བ་གདན་དུ་བཏིང་། །དབང་ཐང་སྣ་ཚོགས་གསོ་སུ་གྱོན། །སྲུང་རྟའི་མགོ་བོ་ཁ་ན་ཁྱེར། །བླ་གཟའ་ཕྲག་པའི་གོང་ན་ཁྱེར།ལས་ནི་ཕན་གནོད་སྣ་ཚོགས་བྱེད། །གནམ་སའི་མི་ཆེན་ཐམས་ཅད་ལ། །མདོས་དང་གཏོར་མའི་མཆོད་པ་འབུལ། །དྲུག་ཅུ་ལོ་ཡི་སྐག་ཆེན་དང་། །ལོག་མེན་གནམ་སྒོ་བྱེ་བ་ཟློག །བྱེ་བྲལ་བྱུང་དང་གདན་ས་ཞིག །སོ་ཐུབ་དབལ་ཁ་ཆད་པ་ཟློག །ཕུང་གྱོད་ལང་དང་ནོར་སྒོ་བྱེ། །དབང་ཐང་སེ་ཞིག་ནོར་བ་ཟློག །ཁ་ཡན་ཁང་སྟོང་ལོ་བདུད་བབ། །ཟླ་བདུད་ཞག་རྩིས་ངན་པ་ཟློག །ལོ་སྐག་རྟ་ལྟར་རྒྱུག་པ་དང་། །ཟླ་སྐག་ཁྱི་ལྟར་ཟུག་པ་ཟློག །ཞག་སྐག་ཆར་ལྟར་བབ་པ་དང་། །དུས་ཚོད་མཚོན་རྩེ་ཟུག་པ་ཟློག །ས་གཞི་དུར་ས་ཁོང་བུག་དང་། །རང་ལོ་རང་གི་བཀག་པ་ཟློག །གཤེད་ཕྲས་གནམ་ལོ་གཅོད་པ་དང་། །ལྕགས་བཞི་མེ་རུ་ལང་བ་ཟློག །རྨེ་ཁྲི་གྲི་རུ་

[Full Size]

འགུལ་བ་དང་། །མེ་བཞི་གཞོབ་ལ་སྡོད་པ་ཟློག །ཐབ་གཞོབ་ལྷ་དུག་སྦྱོར་བ་དང་། །ཆུ་སྐྱེས་འདྲེ་རུ་འགུལ་བ་ཟློག །དགྲ་འདྲེ་གཅོད་དང་འཕྲད་པ་དང་། །ཤིང་བཞི་འགག་གྲི་ལང་བ་ཟློག །གཡོ་དང་བུག་པ་ཐན་སྡིག་དང་། །ངན་པའི་སྐྱོན་དང་གདུག་རྩུབ་ཟློག །རབས་ཆད་གནམ་སྒོ་བྱེ་བ་དང་། །དུར་སྲིན་ནག་པོའི་ཀུས་འདེབས་ཟློག །རོ་ཁལ་བབ་དང་དོ་མ་འགུལ། །ལོ་བདུད་རང་ལོ་ལང་བ་ཟློག །སྙིང་སྟོང་ནོར་གནག་ཞིག་པ་དང་། །ངན་པའི་སྐྱོན་དང་ལོག་པའི་འདྲེ། །སྡང་བར་བྱེད་པའི་དགྲ་ལ་བྷྱོ༔ །གནོད་པ་བྱེད་པའི་བགེགས་ལ་བྷྱོ༔ །བཟློག་ཅིག་ལྷ་འདྲེའི་ཆོ་འཕྲུལ་ཟློག །བསྒྱུར་ཅིག་རྐྱེན་ངན་བར་ཆད་སྒྱུར། །གཏོ་ཆེན་དྲག་པོ་འདི་ཡིས་ཟློག །དཔྱད་ཆེན་འོདྲག་པོ་འདི་ཡིས་སྒྱུར། །བཟློག་བསྒྱུར་བྱེད་པའི་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཝ་གི་ཤྭ་རི་ཡ་མན་ཏ་ཀ་ཧཱུྃ་ཧཱུྃ་སྭཱ་ཧཱ། ཨོཾ་ཙ་ཀི་ས་པ་ར་ཏ་ར་པ་ལ་ཡ་དགྲ་ལ་བྷྱོ་བྷྱོཿ ན་མོ་ཙ་དུ་བྷི་དུ། ན་ལ་ཧ་ལ། ཧ་རི་རུ་པ་སྭཱ་ཧཱ། དེ་ནས་དཔལ་མགོན་བདུན་ཅུའི་བསྒྱུར་ཆོས་བྱ་བ་ནི། །ཀྱཻ། སྟོང་གསུམ་འཇིག་རྟེན་མངའ་བདག་ཚངས་པ་

[Full Size]

ནི། །སྐུ་མདོག་དཀར་སེར་ཕྱག་ན་སྤྱི་བླུགས་འཛིན། །བདེར་གཤེགས་སངས་རྒྱས་བསྟན་པ་སྲུང་མཛད་པ། །ཁྱོད་ནི་ལྷ་ཡི་རྒྱལ་པོ་ཆེན་པོ་སྟེ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །སྟེང་ཕྱོགས་ལྷ་ཡི་གདོན་ཚོགས་གདུག་པ་ཟློག །ཀྱཻ། གླང་ཆེན་སྟེང་ལྷཞོན་ཕྱག་ན་རྡོ་རྗེ་ཐོགས། །མདོག་དཀར་བསྟན་པ་སྲུང་མཛད་དྲི་ཟའི་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །ཤར་ཕྱོགས་དྲི་ཟའི་གདོན་ཚོགས་གདུག་པ་ཟློག །ཀྱཻ། ར་སྐྱེས་སྟེང་བཞུགས་ལག་ན་བགྲང་ཕྲེང་འཛིན། །མདོག་དམར་བསྟན་པ་སྲུང་མཛད་མེ་ལྷའི་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །ཤར་ལྷོ་མེ་ལྷའི་གདོན་ཚོགས་གདུག་པ་ཟློག །ཀྱཻ། མ་ཧེའི་སྟེང་ཞོན་ལག་ན་ཐོད་དབྱུག་ཐོགས། །མདོག་ནག་བསྟན་པ་སྲུང་མཛད་གཤིན་རྗེའི་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་

[Full Size]

ཡོན་བདག་འཁོར་བཅས་ལ། །ལྷོ་ཕྱོགས་གཤིན་རྗེའི་གདོན་ཚོགས་གདུག་པ་ཟློག །ཀྱཻ། མི་རོའི་སྟེང་བཞུགས་ཕྱག་ན་རལ་གྲི་ཕྱར། །མདོག་སྔོ་བསྟན་པ་སྲུང་མཛད་སྲིན་པོའི་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །ལྷོ་ནུབ་སྲིན་པོའི་གདོན་ཚོགས་གདུག་པ་ཟློག །ཀྱཻ། ཆུ་སྲིན་སྟེང་ཞོན་ལག་ན་སྦྲུལ་ཞགས་ཐོགས། །མདོག་དཀར་བསྟན་པ་སྲུང་མཛད་ཀླུ་ཡི་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །ནུབ་ཕྱོགས་ཀླུ་ཡི་གདོན་ཚོགས་གདུག་པ་ཟློག །ཀྱཻ། ཤ་བ་ལ་ཞོན་ལག་ན་བ་དན་ཕྱར། །དུང་མདོག་བསྟན་པ་སྲུང་མཛད་རླུང་ལྷའི་་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །ནུབ་བྱང་རླུང་ལྷའི་གདོན་ཚོགས་གདུག་པ་ཟློག །ཀྱཻ། སེང་གེའི་སྟེང་བཞུགས་ལག་ན་ནོར་རྐྱལ་འཛིན། །མདོག་ལྗང་བསྟན་པ་སྲུང་མཛད་ནོར་ལྷའི་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་

[Full Size]

འཆང་བདག་དང་ཡོན་བདག་འཁོར་བཅས་ལ། །བྱང་ཕྱོགས་གནོད་སྦྱིན་གདོན་ཚོགས་གདུག་པ་ཟློག །ཀྱཻ། གླང་ཆེན་སྟེང་བཞུགས་ལག་ན་ཁ་ཊཾ་ཕྱར། །དམར་ལྗང་བསྟན་པ་སྲུང་མཛད་དབང་ལྡན་རྒྱལ། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །བྱང་ཤར་དབང་ལྡན་གདོན་ཚོགས་གདུག་པ་ཟློག །ཀྱཻ། པདྨའི་སྟེང་བཞུགས་ཕྱག་ན་བུམ་པ་འཛིན། །མདོག་སེར་བསྟན་པ་སྲུང་མཛད་ལྷ་མོ་བརྟན། །མདོས་དང་གསེར་སྐྱེམས་གཏོར་མའི་མཆོད་པ་བཞེས། །སྔགས་འཆང་བདག་དང་ཡོན་བདག་འཁོར་བཅས་ལ། །འོག་ཕྱོགས་ས་བདག་གདོན་ཚོགས་གདུག་པ་ཟློག །ཀྱཻ། ལྷ་ཆེན་ཚངས་པ་བརྒྱ་བྱིན་དང་། །དབང་ཕྱུག་ཆེན་པོ་ཚོགས་ཀྱི་བདག །ཁྱབ་འཇུག་འདོད་པའི་དབང་ཕྱུག་དང་། །བྷིངྒི་རི་དྷི་གཞོན་གདོང་དྲུག །ལྷ་ཆེན་བརྒྱད་པོ་འཁོར་དང་བཅས། །མདོས་དང་གསེར་སྐྱེམས་མཆོད་པ་བཞེས། །ལྷ་ཡི་ཕྲག་དོག་ཞི་བར་མཛོད། །ལྷ་ཡི་དལ་ཡམས་སྐག་བཟློག་ཅིག །ཀྱཻ། མཐའ་ཡས་འཇོག་པོ་སྟོབས་རྒྱུ་དང་། །རིགས་ལྡན་ནོར་རྒྱལ་དུང་སྐྱོང་

[Full Size]

དང་། །པདྨ་ཆུ་ལྷ་ཀླུ་ཆེན་བརྒྱད། །དཀར་གསུམ་ཀླུ་སྨན་མཆོད་གཏོར་བཞེས། །ཀླུ་ནད་མཛེ་ཤུ་གག་ལྷོག་དང་། །ཀླུ་ཡི་གདུག་རྩུབ་སྐག་ཆེན་ཟློག །ཆར་ཆུ་དུས་སུ་འབབ་པ་དང་། །ལོ་ལེགས་འབྲུ་འཕེལ་དངོས་གྲུབ་སྩོལ། །ཀྱཻ། གཡུ་འབྲུག་གསེར་སྦལ་དུང་སེང་དང་། །མཆོང་ཉ་གསེར་སྤྲེལ་གཟིག་གི་མཇུག །ཟངས་གླིང་རྡོ་ལུག་ར་གན་འབྲུག །ཤེལ་གྱི་བྱ་ཁྱུང་དཀར་པོ་སོགས། །སྲིད་པའི་གཉན་ཆེན་བརྒྱད་རྣམས་ལ། །མངར་གསུམ་གཏོར་མའི་མཆོད་པ་འབུལ། །གཉོན་རིགས་ནད་གདོན་གདུག་པ་ཟློག །ཀྱཻ། ཤར་ཕྱོགས་རྒྱལ་པོ་ཡུལ་འཁོར་སྲུང་། །ལྷོ་ཕྱོགས་རྒྱལ་པོ་འཕགས་སྐྱེས་པོ། །ནུབ་ཕྱོགས་རྒྱལ་པོ་སྤྱན་མི་བཟང་། །བྱང་ཕྱོགས་རྒྱལ་པོ་རྣམ་ཐོས་སྲས། །བཙུན་མོ་སྲས་དང་གཡོག་འཁོར་བཅས། །མདོས་དང་མཆོད་པ་འདི་བཞེས་ལ། །དྲི་ཟའི་ཆད་པ་གཤིན་རྗེའི་ཁྲམ། །ཀླུ་ནད་གནོད་སྦྱིན་གདུག་པ་ཟློག །ཀྱཻ། ཉི་མ་ཟླ་བ་མིག་དམར་དང་། །ལྷག་པ་ཕུར་བུ་པ་ཝ་སངེས། །སྤེན་པ་རཱ་ཧུ་གཟའ་ཆེན་བརྒྱད། །མདོས་དང་གཏོར་མ་འདི་བཞེས་ལ། །གཟའ་ཡི་གདུག་པ་ནད་གདོན་ཟློག །བཙའ་

[Full Size]

སད་སེར་གསུམ་ཞི་བ་དང་། །གཟའ་ནད་དུག་ཟོར་དགྲ་ལ་སྒྱུར། །ཀྱཻ། སྨིན་དྲུག་སྣར་མ་མགོ་དང་ལག །ནབས་སོ་རྒྱལ་དང་སྐག་མཆུ་དང་། །གྲེ་དང་དབོ་དང་མེ་བཞི་ནག །ས་རི་ས་ག་ལྷ་མཚམས་དང་། །སྣོན་དང་སྒྲུབས་དང་ཆུ་སྟོད་སྨད། །གྲོ་བཞིན་བྱི་བཞིན་མོན་གྲེ་དང་། །མོན་གྲུ་ཁྲུམས་སྟོད་ཁྲུམས་སྨད་དང་། །ནམ་གྲུ་བྲ་ཉེ་དབྱུ་གུ་སྟེ། །རྒྱུ་སྐར་ཉི་ཤུ་རྩ་བརྒྱད་ལ། །མདོས་དང་གཏོར་མའི་མཆོད་པ་འབུལ། །སྐར་ངན་སྐར་ཐན་སྐར་མདའ་ཟློག །མཁར་ལས་བག་མ་རོ་ཁྱེར་དང་། །ན་ཤི་དུར་བཏབ་བགྲོད་འགྲོས་སོགས། །རྒྱུ་སྐར་དག་ལ་མི་རུང་བ། །བྱས་པའི་ཉེས་སྐྱོན་བསྒྱུར་དུ་གསོལ། །ཀྱཻ། དཔལ་མགོན་བདུན་ཅུ་རྩ་བརྒྱད་པོ། །རང་རང་འཁོར་ཚོགས་སྡེ་འཁོར་བཅས། །མདོས་དང་གཏོར་མ་འདི་བཞེས་ལ། །བདག་ཅག་ཡོན་བདག་འཁོར་བཅས་ལ། །ཕོ་སྐག་ཟློག་ལ་མོ་སྐག་སྒྱུར། །སྐག་རིགས་སུམ་བརྒྱ་དྲུག་ཅུ་ཟློག །ཕྱོགས་ངན་སྐར་ངན་ཐན་ངན་དང་། །མོ་རྩིས་ངན་པ་བསྒྱུར་དུ་གསོལ། །སྡང་དགྲ་གནོད་བྱེད་བར་ཆད་རྐྱེན། །དེ་དག་ཐམས་ཅད་བཟློག་ཏུ་གསོལ། བཅོལ་བའི་

[Full Size]

ཕྲིན་ལས་འགྲུབ་པར་མཛོད། །ཨོཾ་སུརྱ་ཡེ་སྭཱ་ཧཱ་ཟློག །ཨོཾ་ཙཎཱ་ཡེ་སྭཱ་ཧཱ་ཟློག །ཨོཾ་ཀ་ཡཾ་ཡེ་སྭཱ་ཧཱ་ཟློག །ཨོཾ་ཏྲི་པ་ཏ་ཡེ་སྭཱ་ཧཱ་ཟློག །ཨོཾ་སཾ་ན་ཕྱ་ནི་སྭཱ་ཧཱ་ཟློག །ཨོཾ་བུ་མ་ས་་ཀ་སྭཱ་ཧཱ་ཟློག །ཨོཾ་སུ་བྷ་ཏ་ཡེ་སྭཱ་ཧཱ་ཟློག །ཨོཾ་པ་ཀེ་ཡེ་སྭཱ་ཧཱ་ཟློག །ཅེས་པ་གཟའ་བརྒྱད་ཀྱི་བཟློག་པའོ། །ཨོ་འགྲིག་ཏེ་ཀ་ཡ་སྭཱ་ཧཱ་ཟློག །ཨོ་ཆར་ཆུར་སྭཱ་ཧཱ་ཟློག །ཨོ་ཧཱ་ཤཱ་སྭཱ་ཧཱ། ཟློག །ཨོ་ས་ལ་ཀ་སྭཱ་ཧཱ་ཟློག །ཨོཾ་ཤུ་རན་བྷ་ཤུ་སྭཱ་ཧ་ཟློག །ཨོཾ་ཛ་ཡུ་ཡུ་ཤ་སྭཱ་ཧཱ་ཟློག །ཨོཾ་ཨ་རད་པོ་ཏི་སཱ་ཧ་ཟློག །ཨོཾ་ཨ་རན་པ་ཏི་སྭཱ་ཧཱ་ཟློག །ཨོཾ་ཧ་ཧོ་ས་ཧ་ཡ་སྭཱ་ཧཱ་ཟློག་་ཨོཾ་རུ་རུ་ཏི་སྭཱ་ཧཱ་ཟློག །ཨོ་པ་ཧི་སྭཱ་ཧཱ་ཟློག །ཨོ་ན་དྭ་ཤ་སྭཱ་ཧཱ་ཟློག །ཨོཾ་ཤ་རུ་ལ་སྭཱ་ཧཱ་ཟློག །ཨོཾ་སུ་གྲིལ་སྭཱ་ཧཱ་ཟློག །ཨོཾ་བྷུ་དྷ་ར་སྭཱ་ཧཱ་ཟློག །ཨོཾ་བཛྲ་ཏེ་ན་ཡེ།སྭཱ་ཧཱ་ཟློག །ཨོ་གྲི་ས་ལ་སྭཱ་ཧཱ་ཟློག །ཨོ་བ་ལུ་མུ་སྭཱ་ཧཱ་ཟློག །ཨོ་ཛ་ནི་ད་ར་སཱ་ཧཱ་ཟློག །ཨོ་ཧྲི་སྟོད་ཏ་ཡེ་སྭཱ་ཧཱ་ཟློག །ཨོ་སུག་པ་ལ་སྭཱ་ཧཱ་ཟློག །ཨོ་ཡ་ཡུ་ན་སྭཱ་ཧཱ་ཟློག །ཨོ་མ་ཏི་སྭཱ་ཧཱ་ཟློག །ཨོཾ་ན་ས་ཡིང་པ་སྭཱ་ཧ་ཟློག །ཨོཾ་ངར་རྩ་ཏི་སྭཱ་ཧ་ཟློག །ཨོ་ནར་མ་པྲ་དུ་སཱ་ཧ་ཟློག །ཨོཾ་བར་བར་སཱ་ཧཱ་ཟློག །ཨོཾ་མ་ཧཱ་ཏི་སྭཱ་ཧ་ཟློག །ཅེས་པ་རྒྱུ་སྐར་ཉེར་

[Full Size]

བརྒྱད་ཀྱི་བཟློག་པའོ། ༈ དེ་ནས་ས་བདག་གི་བསྒྱུར་ཆོས་བྱ་བ་ནི། །ཀྱཻ། ཤར་ཕྱོགས་ས་བདག་ཐེ་སེ་ནི། །ཟ་འོག་སྔོ་བཀྲའི་རི་མོ་ཅན། །ཕྱག་ན་རུ་མཚོན་སྔོན་པོ་ཕྱར། །ལྕགས་ཀྱི་བྱི་བ་སྔོན་པོ་ཞོན། །འབྲུ་སྣ་ཤེལ་ཚིགས་མཆོད་གཏོར་བཞེས། །ས་བདག་གནོད་པ་དགྲ་ལ་སྒྱུར། །ཀྱཻ། ལྷོ་ཕྱོགས་ས་བདག་ཙང་ཀུན་ནི། །ཆུ་དར་སྔོན་པོའི་ན་བཟའ་གསོལ། །ཆུ་སྲིན་རྒྱལ་མཚན་ཕྱག་ཏུ་བསྣམས། །གཡུ་འབྲུག་སྔོན་མོ་རྟ་རུ་ཞོན། །འབྲུ་སྣ་ཤེལ་ཚིགས་མཆོད་གཏོར་བཞེས། །ས་བདག་གནོད་པ་དག་ལ་སྒྱུར། །ཀྱི་ནུབ་ཕྱོགས་ས་བདག་ཧལ་ཁྱི་ནི། །འཇོ་བེལ་དཀར་པོ་སྐུ་ལ་གསོལ། །གསེར་གྱི་སྟ་རེ་ལག་ན་ཐོགས། །བྱ་ཁྱུང་རྒྱལ་པོའི་གདན་ལ་བཞུགས། །འབྲུ་སྣ་ཤེལ་ཚིགས་མཆོད་གཏོར་བཞེས། །ས་བདག་གནོད་པ་དགྲ་ལ་སྒྱུར། །ཀྱཻ། བྱང་ཕྱོགས་ས་བདག་བེལ་སྣ་ནི། །གཟིག་གི་རྒྱལ་པོའི་གདན་ལ་བཞུགས། །ཕྱག་ན་གཟིག་གི་རྒྱལ་མཚན་བསྣམས། །འབྲུ་སྣ་ཤེལ་ཚིགས་མཆོད་གཏོར་བཞེས། །ས་བདག་གནོད་པ་དགྲ་ལ་སྒྱུར། །ཀྱཻ། དབུས་ཕྱོགས་ས་བདག་ཧོ་བན་ནི། །སྤྲེའུ་ལུས་ལ་མི་ཡི་དབུ། །

[Full Size]

ཕྱག་ན་རླུང་གི་ཆ་ལང་བསྣམས། །འོག་ན་གཡུ་འབྲུག་སྔོན་མོ་ཆིབས། །འབྲུ་སྣ་ཤེལ་ཚིགས་མཆོད་གཏོར་བཞེས། །ས་བདག་གནོད་པ་དགྲ་ལ་སྒྱུར། །ཀྱེ། ཤར་ལྷོ་་འབྲུག་ལ་ལྷོ་ནུབ་པི་ལིང་དང་། །ནུབ་བྱང་གྲུབ་གཉེན་བྱང་ཤར་ཀིང་ཀང་རྣམས། །འབྲུ་སྣ་ཤེལ་ཚིགས་མཆོད་གཏོར་བཞེས། །ས་བདག་གནོད་པ་དགྲ་ལ་སྒྱུར། །ཀྱཻ། ལོ་ལ་འཁོར་ཞིང་དབང་བྱེད་པ། །ས་བདག་རྒྱལ་བློན་འཁོར་དང་བཅས། །རྒྱལ་པོ་བཙུན་མོ་མ་སྲིང་དང་། །བློན་པོ་བླ་མཁྱེན་ས་སྲུང་དང་། །གདན་གདིང་རྟ་ཁྲིད་བྱ་ར་བ། །ནོར་སྲུང་དུས་འཛིན་སྒོ་ཁྱི་དང་། །བླ་མཁྱེན་བུ་མོ་མག་པ་དང་། །བྱི་བ་རྟ་བདུད་བདུད་སླེབ་དང་། །ནད་བདུད་མགོ་གཅོད་ནད་ཀྱི་བདག །ནག་པོ་རོ་ཟན་རྒྱལ་པོ་མཚོན་ཐོགས་དང་། །ནག་མོ་ཁྱོ་མེད་ལ་སོགས་འཁོར་བཅས་ལ། །མདོས་དང་འབྲུ་སྣ་གཟུགས་འགྲོས་མཆོད་གཏོར་འབུལ། །ལོ་སྐག་ས་བདག་ཀོ་ལོང་གདུག་རྩུབ་སྒྱུར། །ཀྱཻ། ཟླ་བར་འཁོར་ཞིང་དབང་བྱེད་པ། །ས་བདག་འབྲུག་ལྷ་ག་པ་དང་། །ཐེ་སེ་གྲུམ་བུ་ཟླ་འགྲོས་དང་། །ཟླ་རླུང་ས་དངོས་ས་རྒྱལ་དང་། །ས་བདག་ལྷ་མོ་བརྟན་མ་དང་། །ས་

[Full Size]

བདག་རྒན་རྒོན་ནང་ལྷ་དང་། །རྔ་ཟོར་པི་ལིང་སྔོན་མོ་དང་། །འཕར་བ་མགོ་དགུ་ལྟོ་འཕྱེ་དང་། །གནམ་ཁྱི་ནག་པོ་ལ་སོགས་རྣམས། །མདོས་དང་འབྲུ་སྣ་གཟུགས་འགྲོས་མཆོད་གཏོར་འབུལ། །ཟླ་སྐག་ས་བདག་གདུག་རྩུབ་ཟློག །ཀྱཻ། ཞག་དང་དུས་ཚོད་ལ་འཁོར་བའི། །གསེར་མཛོད་སེར་མོ་གཡུ་མཛོད་དང་། །ཉུ་ལེ་བཅུ་གཉིས་ལ་སོགས་རྣམས། །མདོས་དང་འབྲུ་སྣ་གཟུགས་འགྲོས་མཆོད་གཏོར་འབུལ། །ཞག་སྐག་ས་བདག་གདུག་རྩུབ་ཟློག །ལོ་ཟླའི་ཕྱོགས་ནི་མི་གཙང་བར། །ཀོ་ལོང་བསྡོམས་པའི་ལས་བྱས་པའི། །ཉེས་སྐྱོན་ཐམས་ཅད་མེད་པར་མཛོད། །ལོ་ཡི་ལོ་སྐག་བསྒྱུར་དུ་གསོལ། །ཟླ་བའི་ཟླ་སྐག་བསྒྱུར་དུ་གསོལ། །ཞག་གི་ཞག་སྐག་བསྒྱུར་དུ་གསོལ། །དུས་ཚོད་དུས་སྐག་བསྒྱུར་དུ་གསོལ། །འབྱུང་བའི་བསྒྲེན་འདྲེ་བསྒྱུར་དུ་གསོལ། །ཁམ་གྱི་རོ་འཛིན་བསྒྱུར་དུ་གསོལ། །སྤར་ཁའི་བདུད་གཅོད་བསྒྱུར་དུ་གསོལ། །དར་རྒུད་དུར་ཞུགས་བསྒྱུར་དུ་གསོལ། །གཟའ་ཡི་ཀིང་ཀང་བསྒྱུར་དུ་གསོལ། །སྐར་མའི་དབལ་སྒྲོ་བསྒྱུར་དུ་གསོལ། །སྐྱེས་པ་ཕོ་ཡི་སྐག་འདྲེ་ཟློག །ཟ་མ་མོ་ཡི་འབག་འདྲེ་

[Full Size]

ཟློག །ཕ་མྱེས་བསྒྲེན་འདྲེ་ལང་བ་ཟློག །བཟློག་ཅིག་བསྒྱུར་བའི་དུས་ལ་བབ། །དེ་ནས་གཤེད་བཟློག་བྱ་བ་ནི། །ཀྱཻ། ཤར་ཕྱོགས་ཤིང་ལས་བྱུང་བ་ཡི། །འབྱུང་བ་ཤིང་གི་མཁར་ནང་ནས། །མི་དཀོར་སྟག་གི་མགོ་བོ་ཅན། །བུད་མེད་སྔོན་མོ་རི་བོང་རྣ་བ་ཅན། །ལོ་ཡང་སྟག་དང་ཡོས་བུའི་ལོ། །གཤེད་ཀྱང་སྟག་དང་ཡོས་བུའི་གཤེད། །གླུད་ཆེན་དམ་པ་འདི་ལོངས་ལ། །སྟག་དང་ཡོས་བུའི་གཤེད་བཟློག་ཅིག །ཀྱཻ། ལྷོ་ཕྱོགས་མེ་ལས་གྲུབ་པ་ཡི། །འབྱུང་བ་མེ་ཡི་མཁར་ནང་ན། །མི་དམར་རྟ་ཡི་མགོ་བོ་ཅན། །བུད་མེད་དམར་མོ་སྦྲུལ་གྱི་མགོ །ལོ་ཡང་རྟ་དང་སྦྲུལ་གྱི་ལོ། །གཤེད་ཀྱང་རྟ་དང་སྦྲུལ་གྱི་གཤེད། །གླུད་ཆེན་དམ་པ་འདི་ལོངས་ལ། །རྟ་སྦྲུལ་ལོ་པའི་གཤེད་བཟློག་ཅིག །ཀྱཻ། ནུབ་ཕྱོགས་ལྕགས་ལས་གྲུབ་པ་ཡི། །འབྱུང་བ་ལྕགས་ཀྱི་མཁར་ནང་ནས། །མི་དཀར་སྤྲེལ་གྱི་མགོ་བོ་ཅན། །བུད་མེད་བྱ་ཡི་མགོ་བོ་ཅན། །ལོ་ཡང་སྤྲེལ་དང་བྱ་ཡི་ལོ། །གཤེད་ཀྱང་སྤྲེལ་དང་བྱ་ཡི་གཤེད། །གླུད་ཆེན་དམ་པ་འདི་ལོངས་ལ། །བྱ་སྤྲེལ་ལོ་པའི་གཤེད་བཟློག་ཅིག །ཀྱཻ། བྱང་ཕྱོགས་ཆུ་ལས་གྲུབ་པ་

[Full Size]

ཡི། །འབྱུང་བ་ཆུ་ཡི་མཁར་ནང་ནས། །མི་སྔོན་བྱི་བའི་མགོ་བོ་ཅན། །བུད་མེད་ཕག་གི་མགོ་བོ་ཅན། །ལོ་ཡང་ཕག་དང་བྱི་བའི་ལོ། །གཤེད་ཀྱང་ཕག་དང་བྱི་བའི་གཤེད། །གླུད་ཆེན་དམ་པ་འདི་ལོངས་ལ། །བྱི་ཕག་ལོ་པའི་གཤེད་བཟློག་ཅིག །ཀྱཻ། མཚམས་ན་གནས་པའི་གཤེད་བཞི་ནི། །ཁེན་ཁོན་གིན་ཟོན་ལས་བྱུང་བའི། །མི་སེར་ཁྱི་འབྲུག་མགོ་བོ་ཅན། །བུད་མེད་གླང་ལུག་མགོ་བོ་ཅན། །ལོ་ཡང་ཁྱི་འབྲུག་གླང་ལུག་ལོ། །གཤེད་ཀྱང་ཁྱི་འབྲུག་གླང་ལུག་གཤེད། །གླུད་ཆེན་དམ་པ་འདི་ལོངས་ལ། །ཁྱི་འབྲུག་གླང་ལུག་གཤེད་བཟློག་ཅིག །ལོ་གཤེད་ལོ་བདུད་བསྒྱུར་དུ་གསོལ། །ཟླ་གཤེད་ཟླ་བདུད་བསྒྱུར་དུ་གསོལ། །ཞག་གཤེད་ཞག་བདུད་བསྒྱུར་དུ་གསོལ། །དེ་ནས་རུ་འདྲེན་སྡེ་བཞི་ནི། །ཀྱཻ། གཡས་ཀྱི་རུ་འདྲེན་རྡོ་རྗེ་ལེགས་པ་ནི། །དར་དམར་བེར་གསོལ་རྡོ་རྗེ་ཕུར་པ་ཐོགས། །སེང་གེ་ལ་ཞོན་ཕུར་ཐོགས་བརྒྱ་ཡིས་བསྐོར། །མདོས་དང་ཤ་ཁྲག་གཏོར་མ་འདི་བཞེས་ལ། །དམ་ཉམས་དགྲ་བོའི་སྟེང་དུ་གཏོ་སྣ་དྲོངས། །ཀྱཻ། གཡོན་གྱི་རུ་འདྲེན་རྒྱལ་པོ་པེ་ཧར་ནི། །སྐུ་ལ་ཆོས་གོས་

[Full Size]

གསོལ་ཞིང་འཁར་གསིལ་ཐོགས། །གླང་ཆེན་སྟེང་ཞོན་ཉན་ཐོས་བརྒྱ་ཡིས་བསྐོར། །མདོས་དང་ཤ་ཁྲག་གཏོར་མ་འདི་བཞེས་ལ། །དམ་ཉམས་དགྲ་བོའི་སྟེང་དུ་གཏོ་སྣ་དྲོངས། །ཀྱཻ། མདུན་གྱི་རུ་འདྲེན་དུད་སོལ་ལྷ་མོ་ནི། །གཅེར་བུ་དྲེལ་ཞོན་ཤག་ཏི་ཐོད་ཁྲག་འཛིན། །དྲེའུ་ལ་ཞོན་བུད་མེད་བརྒྱ་ཡིས་བསྐོར། །མདོས་དང་ཤ་ཁྲག་གཏོར་མ་འདི་བཞེས་ལ། །དམ་ཉམས་དགྲ་བོའི་སྟེང་དུ་གཏོ་སྣ་དྲོངས། །ཀྱཻ། རྒྱབ་ཀྱི་རུ་འདྲེན་ཀླུ་བདུད་ནག་པོ་ནི། །མི་ལུས་སྦྲུལ་མཇུག་རལ་གྲི་སྦྲུལ་ཞགས་འཛིན། །ཆུ་རྟ་ལ་ཞོན་ཕུབ་ཐོགས་བརྒྱ་ཡིས་བསྐོར། །མདོས་དང་ཤ་ཁྲག་གཏོར་མ་འདི་བཞེས་ལ། །དམ་ཉམས་དགྲ་བོའི་སྟེང་དུ་གཏོ་སྣ་དྲོངས། །གཏོ་ནག་མཚན་མའི་ཁྲག་ཟོར་འདི། དགྲ་འདྲེ་བྱད་གསུམ་སྙིང་ལ་རྒྱོབས། །ཐལ་བ་རྡུལ་ཕྲན་བཞིན་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་གཏོ་མཁན་རིགས་བཞི་ནི། །ཤར་ཕྱོགས་གཏོ་མཁན་སྟག་མགོ་ཅན། །ཆར་སྤྲིན་ནག་པོ་གོས་སུ་གྱོན། །འཇའ་ཚོན་ཁྲ་བོའི་དབུ་ཞྭ་ཅན། །ཕྱག་ན་དྲངས་ཤིང་དཀར་པོ་བསྣམས། །མདོས་དང་མཆོད་པ་འདི་བཞེས་ལ། །ནད་

[Full Size]

པ་སོས་པའི་གཏོ་མཁན་མཛོད། །ཀྱཻ། ལྷོ་ཕྱོགས་གཏོ་མཁན་འབྲུག་མགོ་ཅན། །འཇོལ་བེར་དམར་པོ་སྐུ་ལ་གསོལ། །ཕྱག་ན་འཕྲུལ་གྱི་སྣང་གསལ་བསྣམས། །མདོས་དང་མཆོད་པ་འདི་བཞེས་ལ། །སྲིའུ་སོས་པའི་གཏོ་མཁན་མཛོད། །ཀྱཻ། ནུབ་ཕྱོགས་གཏོ་མཁན་ཆུ་སྲིན་མགོ །སྐུ་ལ་ཟ་འོག་སྟག་ལྤགས་ཕྱག་ན་འཕྲུལ་གྱི་ཞགས་པ་བསྣམས། །མདོས་དང་མཆོད་པ་འདི་བཞེས་ལ། །ཤི་ཁ་གཅོད་པའི་གཏོ་མཁན་མཛོད། །ཀྱཻ། བྱང་ཕྱོགས་གཏོ་མཁན་རྟ་ཡི་མགོ །ལུས་ལ་འཕྲུལ་ཐག་ན་བཟའ་གསོལ། །ལག་ན་བདུད་རྩིའི་ཕྲེང་བ་ཐོགས། །མདོས་དང་མཆོད་པ་འདི་བཞེས་ལ། །མཛེ་འཕྲོ་གཅོད་པའི་གཏོ་མཁན་མཛོད། །གཏོ་ཡས་གནས་སུ་ཐེངས་བར་མཛོད། །དེ་རིང་བཟློག་བསྒྱུར་དུས་ལ་བབ། །དགྲ་བོའི་སྙིང་ལ་གཏོར་ཟོར་རྒྱོབ། །བཟློག་ཅིག་བསྒྱུར་ཅིག་སྐག་ཆེན་ཟློག །དེ་ནས་སྒོ་སྲུང་བཞི་པོ་ནི། །ཀྱཻ། ཤར་ནས་སྟག་སྐྱ་དུང་གི་མཆེ་བ་ཅན། །ལྷོ་ནས་གཡུ་འབྲུག་རླུང་གི་གཤོག་པ་ཅན། །ནུབ་ནས་བྱ་དམར་མེ་ཡི་ཟེ་བ་ཅན། །བྱང་ནས་རུ་སྦལ་གཡུ་ཡི་འགྲམ་བུ་ཅན། །སྒོ་བསྲུང་

[Full Size]

གཉན་ཆེན་སྡེ་བཞི་ལ། །ཤེལ་ཚིགས་འབྲུ་སྣ་གཏོར་མ་འབུལ། །ཕྱོགས་བཞི་སྲུང་བཞི་དཔལ་གཞི་བསྐྱེད། །འགྱུར་མེད་སྲ་བརྟན་དངོས་གྲུབ་སྩོལ། །ཀྱཻ། གཞན་ཡང་ཡུལ་ཕྱོགས་འདིར་གནས་པའི། །ཡུལ་ལྷ་གཞི་དགེ་བསྙེན་གནས་བདག་དང་། །ཀླུ་གཉན་གཞི་བདག་ཐམས་ཅད་ལ། །དཀར་གསུམ་གཏོར་མ་གཟུགས་འགྲོས་དང་། །འབྲུ་སྣ་གསེར་སྐྱེམས་མཆོད་པ་འབུལ། །ཕྲག་དོག་འཁོན་འགྲས་ཞི་གྱུར་ནས། །ཁ་འཛིན་སྡོང་གྲོགས་རྒྱབ་རྟེན་མཛོད། །ཀྱཻ། གཞན་ཡང་སྔོན་གྱི་ལན་ཆགས་གིས། །གནོད་པའི་བགེགས་དང་འབྱུང་པོའི་ཚོགས། །འཁྲུགས་འདྲེ་བཅོ་བརྒྱད་འབྱུང་པོ་དང་། །བྲག་བསེན་ས་བསེན་ས་སྲིན་དང་། །ཕོ་གདོན་མོ་གདོན་གནོད་བྱེད་དང་། །ཡུལ་འདྲེ་བཙན་བདུད་འདྲེ་ངན་དང་། །གནོད་པའི་བགེགས་རིགས་སྟོང་ཕྲག་ཚོགས། །ཡས་དང་གླུད་ལ་དབང་བ་རྣམས། །ལན་ཆགས་གླུད་གཏོར་རྒྱ་ཆེན་དང་། །ངར་མི་ཏིང་ལོ་ཤ་ཁྲག་རུས། །བདག་དང་ཡོན་བདག་དྲི་གླུད་འབུལ། །ལན་ཆགས་བུ་ལོན་བྱང་འགྱུར་ནས། །གནོད་ཅིང་འཚེ་བར་མི་བྱེད་པར། །དགའ་མགུ་ཡི་རང་ལྡན་གྱུར་ནས། །སོ་སོ་

[Full Size]

རང་རང་གནས་སུ་དེངས། །ཕྱིན་ཆད་མི་གནོད་དམ་ཆོས་ལ། །བྱམས་པའི་སེམས་དང་ལྡན་པར་མཛོད། །དེ་ནས་སྐག་ཟློག་གཞན་དང་ལྟས་ངན་ཟློག་པ་གཞན་ཡོད་ན་འདིར་སྦྱར་རུང་། མེད་ཀྱང་གཞུང་རང་ཉིད་བྱ་བ་ལེགས། དེ་ནས་སྔགས་འཆང་བདག་གིས་བསྒྱུར་ཆོས་བྱ་བ་ནི། ཧཱུཾ། སྔགས་འཆང་རྣལ་འབྱོར་བདག་ཅག་གིས། །མི་ནག་མགོ་གསུམ་མདོས་བཤམས་ནས། །དྭ་ནི་སྲིད་པའི་བློ་ཟློག་བྱེད། །བདག་དང་རྒྱུ་སྦྱོར་ཡོན་བདག་ལ། །གནོད་ཅིང་འཚེ་བར་བྱེད་པ་ཡི། །སྡང་བར་བྱེད་པའི་དགྲ་བོ་ཟློག །གནོད་པར་བྱེད་པའི་བགེགས་རྣམས་ཟློག །བར་ཆད་བྱེད་པའི་རྐྱེན་རྣམས་ཟློག །སྤར་ཁ་མི་མཐུན་དགྲ་གཤེད་ཟློག །གཅོད་འདྲལ་བདུད་གཅོད་ཉེས་པ་ཟློག །རུས་བཞི་གདུང་མ་ཆག་པ་ཟློག །སྤར་ཁའི་ཨ་ཐང་ཆད་པ་ཟློག །འདྲེ་ལྔ་ཚང་ནང་སྡོད་པ་ཟློག །ནག་མོ་ཅིག་ཆར་ཐུག་པ་ཟློག །སྤར་ཁའི་སྐྱ་མདའ་ཐུག་པ་ཟློག །ས་བདག་སྤྱང་ཀི་ངུ་བ་ཟློག །གྲི་བྱ་རོག་པོ་ལྡིང་བ་ཟློག །དུར་སྒོ་གཤེད་སྒོ་ཕྱིན་པ་ཟློག །དགྲ་ཐོག་གྱོད་བྱུར་ཚུད་པ་ཟློག །ས་གཞི་འགུལ་བའི་ལྟས་ངན་ཟློག །ཚ་གྲང་ནད་ཀྱིས་ཟིན་པ་ཟློག །ཕུང་གསུམ་གྱོད་

[Full Size]

ཀྱི་བུར་ཚུད་ཟློག །ཇི་གང་གཉེན་སྦྱོར་ཉེས་པ་ཟློག །བཙན་བདུད་ལྷ་འདྲེ་ལང་བ་ཟློག །གཟའ་སྐར་ཐན་ངན་བབ་པ་ཟློག །ཀླུ་གཉན་གཟེར་ནད་བབ་པ་ཟློག །ས་བདེག་ནད་ཁ་ཤོར་བ་ཟློག །མི་མཐུན་རྐྱེན་དགུ་ལང་བ་ཟློག །རྒྱལ་འགོང་འགྲིམ་སྡོད་བྱེད་པ་ཟློག །ཅིག་སྐྱེས་རྩད་ནས་འཆད་པ་ཟློག །མི་གྲངས་མགོ་ནས་ཤི་བ་ཟློག །ར་བར་སྒོ་ནོར་གཏོང་བ་ཟློག །རྒྱལ་ནད་སྨྱོ་འབོག་བྱེད་པ་ཟློག །མཛེ་ནད་ཕོལ་མིག་ལང་བ་ཟློག །འོན་ལོང་ཞ་གྲུམ་འོང་བ་ཟློག །སྐྲན་དང་དམུ་ཆུས་ཟིན་པ་ཟློག །བྱུར་གྱིས་ཐག་པས་བཅིངས་བ་ཟློག །གྱོད་ཀྱི་དྲ་བར་ཚུད་པར་ཟློག །སྲུང་རྟའི་གནམ་སྒོ་བྱེ་བ་ཟློག །འོག་ཁུང་ས་སྒོ་བྱེ་བ་ཟློག །བྱེ་བྲལ་འཁོར་ལོ་ཞིག་པ་ཟློག །ཅི་བྱེད་གྱོད་དུ་ཐལ་བ་ཟློག །ན་ཞིང་ཚ་བར་བྱེད་པ་ཟློག །ཤི་ཞིང་ཀླན་ཀ་འོང་བ་ཟློག །ཁྱིམ་མཚེས་རྐུ་ཤོམས་བྱེད་པ་ཟློག །ཡུལ་མི་དགྲ་རུ་ལང་བ་ཟློག །ཉེ་བས་འཁོན་ཐབས་ཚོལ་བ་ཟློག །སྔགས་པས་ཕུར་ཁ་གནོད་པ་ཟློག །བོན་པོས་བོན་ཟོར་འཕེན་པ་ཟློག །སྐྱེ་བོའི་མདའ་ཟོར་འཕེན་པ་ཟློག །བུད་མེད་དམོད་ཟོར་འཕེན་པ་ཟློག །ཡུངས་

[Full Size]

ཀར་དབབ་ལྟར་འདྲིལ་བ་ཟློག །ཁྲག་ཟོར་གློག་ལྟར་འཁྱུག་པ་ཟློག །གནམ་གྱི་ཀ་བ་རྡེབ་པ་ཟློག །ས་ཡི་གདུང་མ་སྐེད་ཆག་ཟློག །སྲིད་ཀྱི་མཚོ་མོ་སྐམ་པ་ཟློག །དཔལ་གྱི་རི་བོ་འགྱེལ་བ་ཟློག །བསྐལ་པའི་མུན་ནག་འཐིབ་པ་ཟློག །ལས་ཀྱི་རླུང་དམར་ལང་བ་ཟློག །ནད་ཡམས་མུ་གེའི་ཚང་བཅས་ཟློག །བླ་ཤིང་སྟ་རེས་བཅད་པ་ཟློག །ལྕགས་ཀྱུ་སྲིན་ཟོར་འདེབས་པ་ཟློག །ཕ་ཁུའི་བྱུར་སྲི་ལང་བ་ཟློག །གནམ་གྱི་དལ་ཁ་བབ་པ་ཟློག །བདུད་ཀྱི་འཚུབ་མ་དམར་ནག་ཟློག །བཙན་གྱི་ཤྭ་རྡེལ་བཀྲམ་པ་ཟློག །མ་མོའི་དལ་ཡམས་བབ་པ་ཟློག །རྒྱལ་པོའི་འོད་མདའ་འཕེན་པ་ཟློག །གནོད་སྦྱིན་མཚོན་ཆ་ཟུག་པ་ཟློག །ཐེའུ་རང་སྲིད་ལ་རྐུ་བ་ཟློག །ཁྲག་མཚོ་གྲི་རུ་འཆི་བ་ཟློག །ཐབ་འདྲེ་གཞོབ་འདྲེ་གནོད་པ་ཟློག །ཕ་མྱེས་ཤི་སྲི་གནོད་པ་ཟློག །མ་ཕྱི་སྲི་སྐམ་སྒབ་འདྲེ་ཟློག །ཚེ་ཟད་སྐག་ལ་བབ་པ་ཟློག །མཉམ་གཉིས་འགྲམ་འཁྲུག་བྱེད་པ་ཟློག །སྐྱི་སེར་དུ་འབོད་བྱེད་པ་ཟློག །སྐྱེ་བོ་འོག་ཏུ་བྱེད་པ་ཟློག །གནམ་གྱི་གདུང་མ་གྲུམ་པ་ཟློག །སྡུལ་བསྔལ་སྐག་ལ་བབ་པ་ཟློག །ཉོན་མོངས་བདུད་

[Full Size]

པོ་ལང་བ་ཟློག །སྤར་ཁ་ཤི་མིག་ཚུད་པ་ཟློག །དུར་དུ་རོ་ཁལ་འགུལ་བ་ཟློག །ཕོ་བྲང་གྱོད་མལ་ལང་བ་ཟློག །གཉིས་ནག་བྱད་དུ་ཆུད་པ་ཟློག །ཤི་ལག་གསོན་ལ་སྦྲེལ་པ་ཟློག་།ཤི་མིག་གསོན་ལ་བསྒྲད་པ་ཟློག །དགྲ་སྣ་གྱོད་སྣ་ཟུག་པ་ཟློག །མྱ་ངན་མདུན་ཞུ་གྱོན་པ་ཟློག་་་་་ལྟག་པའི་གྲི་ཤིང་སྒོ་འདྲེ་ཟློག་།ཤི་འདྲེ་སྒྲུབ་འདྲེས་གནོད་པ་ཟློག །བཙན་དང་རྒྱལ་པོའི་གནོད་པ་ཟློག །ས་བདག་ཀླུ་གཉན་གནོད་པ་ཟློག །ཕུར་ཁ་དྲག་པོའི་གནོད་པ་ཟློག །ཡུངས་ཀར་མདའ་ཟོར་འཕེན་པ་ཟློག །གཤིན་རྗེའི་འཁོར་ལོ་བསྐོར་བ་ཟློག །མ་མོས་ཁྲག་ཟོར་འཕེན་པ་ཟློག །ཀླུ་ཡིས་མཛེ་ནད་གཏོང་བ་ཟློག །ཆུ་མིག་ངོས་ནས་བལྟས་པ་ཟློག །ཆུ་སྲི་སྤང་ལ་ཉལ་བ་ཟློག །ཤ་རུ་དམར་ནག་འགུལ་བ་ཟློག །དྲི་བདུད་ནག་པོ་རྒྱུག་པ་ཟློག །གྱོད་བྱུར་འཕྲང་ལ་འགུལ་བ་ཟློག །མདའ་མདུང་མཚོན་རྩེ་སྟོན་པ་ཟློག །རྨ་ངོ་ཁྲག་ངོ་ཡོད་པ་ཟློག །བྲང་ལ་ཁུ་ཚུར་རྒྱབ་པ་ཟློག །གདོང་ལ་མཆི་མ་འཛག་པ་ཟློག །མྱ་ངན་ངུ་འབོད་བྱེད་པ་ཟློག །རོ་བསྲེགས་ཐལ་བ་འདེབས་པ་ཟློག །མི་ཆོད་རོ་དོང་རྐོ་བ་ཟློག །མི་ཁྱག་རོ་ཁུར་བྱེད་པ་

[Full Size]

ཟློག །མི་ཞིམ་སྡུག་ཟན་ཟ་བ་ཟློག །གློ་བུར་ཤི་ཆད་འོང་བ་ཟློག །ཡུལ་ཤོར་སྤོ་འཇུག་འོང་བ་ཟློག །ཕུ་ཡི་ཤ་བ་རུ་འཛིངས་ཟློག །མདའ་ཡི་ཉ་མོ་རྔ་འཛིངས་ཟློག །བར་གྱི་ལྕང་ཁ་སྡེར་འཛིངས་ཟློག །དགོན་གྱི་བན་དེ་རྣ་འཛིངས་ཟློག །གྲོང་གྱི་བུད་མེད་ཅོ་འཛིངས་ཟློག །གནམ་ལ་འབྱུང་བའི་བདུད་སྒོ་ཟློག །ས་ལ།འབྱུང་བའི་བགེགས་འདྲེ་ཟློག །གཅིག་ཤ་གཅིག་གིས་ཟ་བ་ཟློག །གཉིས་ཁྲག་གཉིས་ཀྱིས་འཐུང་བ་ཟློག །དཔའ་གཉིས་འདོམ་ལ་མཇལ་བ་ཟློག །མྱ་ངན་མཆི་མ་འཛག་པ་ཟློག །ན་ཤིང་འཁུན་པ་བྱེད་པ་ཟློག །གྱོད་དང་དགྲ་རྐུན་འོང་བ་ཟློག །གྱོད་དང་བྱུར་ཁ་བབས་པ་ཟློག །ལི་ཁམས་ཕྱི་ན་ཐུག་དྲིལ་ཟློག །ཁེན་ཁོན་བདུད་ཁ་བབ་པ་ཟློག །དྭ་ཟིན་གྲི་ཕུར་འདེབས་པ་ཟློག །གིན་ཟོན་བཤའ་གྲི་བརྡར་བ་ཟློག །གཤིན་ལམ་ནག་པོ་བྱེ་བ་ཟློག །རོ་ལམ་ནག་པོ་དོད་པ་ཟློག །གསོན་བདུད་འདིར་གཅོད་ཟེར་བ་ཟློག །སྐག་ཆེན་འདིར་སླང་ཟེར་བ་ཟློག །སྤུ་གྲི་འདིར་བརྡར་ཟེར་བ་ཟློག །མྱ་ངན་དོང་རྐོ་ཟེར་བ་ཟློག །བྱེ་བྲལ་འདིར་སྡོད་ཟེར་བ་ཟློག །གནམ་གྱི་འཇུ་ཐག་

[Full Size]

ཆད་པ་ཟློག །ས་ཡི་བརྟན་ཕུར་བུད་པ་ཟློག །ལྟག་པའི་བདུད་བབ་ཟེར་བ་ཟློག །དཔྲལ་བའི་གཤེད་འཁོར་ཟེར་བ་ཟློག །ཕོ་བདུད་མོ་ལ་འཇབ་པ་ཟློག །ཆེ་སྲི་ཆུང་སྲི་འཁོར་བ་ཟློག་་།ཆུང་སྲི་ནོར་ལོ་བརྐུ་བ་ཟློག །ཕྱུག་པོའི་ནོར་སྒོ་བྱེ་བ་ཟློག་་་།རྨང་པོའི་སྲིད་ལ་རྐུ་བ་ཟློག་་།གོད་འདྲེ་གོད་སྲི་ལང་བ་ཟློག་།ཕ་མེས་དུར་སྲི་བསྒྲེན་འདྲེ་ཟློག བདུད་སྲི་ཚེ་ལ་འཇབ་པ་ཟློག །གཟུགས་ཕུང་བྱེད་དུ་བཅུག་པ་ཟློག །དབང་ཐང་ས་ལ་འབོ་བ་ཟློག །ཁ་རྗེ་རྩེ་ནས་ཉིལ་བར་ཟློག །འཕེན་པོའི་བླ་སྐར་ཉམས་པ་ཟློག །བཙན་པོའི་ཁ་ཡོ་འོང་བ་ཟློག །ཉེ་བ་དགྲ་རུ་ལང་བ་ཟློག །གློ་བུར་དགྲ་སྣ་ལོངས་བ་ཟློག །དུར་ཉེས་དམེ་འདྲེ་འགུལ་བ་ཟློག །མཁར་ལས་བྱ་ཉེས་བསྒྲེན་འདྲེ་ཟློག །མ་མྱེས་མནའ་ཟོས་བསྒྲེན་པ་ཟློག །མ་སྲུའི་བྱི་ཤོར་རྩོག་འདྲེ་ཟློག །བུ་སྲིང་ནལ་ཕྲུག་གཏུམ་པ་ཟློག །མོ་ངན་རྨི་རྩུབ་ཟེར་བ་ཟློག །ཕ་ཚན་ཆེན་པོའི་རྒྱབ་འདྲེ་ཟློག །མ་ཚན་ནང་གི་བྱེད་འདྲེ་ཟློག །གསོད་དོ་གཅོད་དོ་ཟེར་བ་ཟློག །བཙོག་ནལ་ལྷ་ལ་ཕོག་པ་ཟློག །ཆུང་སྲི་རོ་ཚན་བསྡིག་པ་ཟློག །བརྐུ་འོ་འཕྲོག་གོ་ཟེར་བ་ཟློག །

[Full Size]

ཞང་ཉེ་རབས་ཆད་ཕུང་འདྲེ་ཟློག །ཐན་ལྟས་ངན་པ་བྱུང་བ་ཟློག །གྲི་བོ་དགུ་རྒྱུད་གཅོད་པ་ཟློག །ལུས་ལ་ན་ཚ་འོང་བ་ཟློག །སྲོག་ལ་དགྲ་དར་ཤི་ཆད་ཟློག །དབང་ཐང་དགྲ་དར་གོད་ཁ་ཟློག །སྲུང་རྟ་དགྲ་དར་མི་ཁ་ཟློག །མི་ཐུབ་ཐུབ་བོ་ཟེར་བ་ཟློག །སྐྱེས་པ་ཕོ་བརྒྱས་མདའ་བརྡར་ཟློག །ཟ་མ་མོ་བརྒྱས་དུག་སྤྱོད་ཟློག །ས་འོག་བྲེང་པ་བྱེ་བ་ཟློག །གནམ་ལ་ཟླ་རྩིས་བྱེད་པ་ཟློག །ས་ལ་ཞག་རྩིས་བྱེད་པ་ཟློག །མདུན་ན་རྩང་བཞིན་འདུག་པ་ཟློག །རྒྱབ་ན་ཁྱི་བཞིན་ཟུག་པ་ཟློག ། ལུས་ལ་ནད་ཀྱིས་ཟིན་པ་ཟློག །ཚེ་ལ་བར་ཆད་བྱེད་པ་ཟློག །ཅི་བྱེད་ལོག་ཏུ་འགྲོ་བ་ཟློག །ཚ་གྲང་ནད་ཀྱིས་ཟིན་པ་ཟློག །བཟང་བྱེད་ངན་དུ་འགྲོ་བ་ཟློག །ཕྱུག་ཏུ་མི་སྟེར་དབུལ་འདྲེ་ཟློག །མཐོ་རུ་མི་སྟེར་དམའ་འདྲེ་ཟློག །ལྟས་ངན་ཆོ་འཕྲུལ་ལང་བ་ཟློག །ཁང་ཁྱིམ་བཀྲག་མདངས་ཤོར་བ་ཟློག །དུར་སར་ཝ་མོ་བརྒྱལ་བ་ཟློག །སྲོད་ལ་རྟ་ཕོ་འཚེར་བ་ཟློག །ཐོ་རངས་སྒོ་ཁྱི་ངུ་བ་ཟློག །ཤ་ཕོ་རུ་འཛིང་མཐོང་བ་ཟློག །ཡུ་མོ་རྒྱུད་ལྷས་མཐོང་བ་ཟློག །ལམ་དུ་སྦྲུལ་ནག་བྱི་ཟན་ཟློག །ཁྱིམ་དུ་འདྲེ་བྱས་ཚང་

[Full Size]

བཅས་ཟློག །དུད་འགྲོ་ལྷག་ཆད་ལྟས་ངན་ཟློག །བྱ་ཐན་བྱིའུ་ཐན་འོང་བ་ཟློག །ལྟས་ངན་བརྒྱད་བཅུ་རྩ་བཞི་ཟློག །ཐན་ཕྲན་སུམ་བརྒྱ་དྲུག་ཅུ་ཟློག །ནད་རིགས་བཞི་བརྒྱ་རྩ་བཞི་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག །སྐག་རིགས་སུམ་བརྒྱ་དྲུག་ཅུ་ཟློག །བཟློག་ཅིག་དམ་ཉམས་དགྲ་ལ་ཟློག བསྒྱུར་ཅིག་གནོད་བྱེད་བགེགས་ལ་སྒྱུར། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །ཆུང་བདུད་དལ་ཁ་དགྲ་ལ་སྒྱུར། །ནག་པོ་བདུད་ཀྱི་འདུན་ས་ཤིག །ངོ་མར་བཙན་གྱི་ཤྭ་རྡེལ་གཏོར། །འཆི་བདག་གཤིན་རྗེའི་ཁྲམ་ཁ་སྒྱུར། །མ་མོ་ནག་མོའི་ཟོར་ཐུན་སྒྱུར། །བར་ཆད་འབྱུང་པོ་དགྲ་ལ་སྒྱུར། །མི་མཐུན་ཐན་ལྟས་དགྲ་ལ་སྒྱུར། །བདག་ཅག་རྣལ་འབྱོར་འཁོར་བཅས་དང་། །རྒྱུ་སྦྱོར་ཡོན་གྱི་བདག་པོ་ལ། །གནོད་པར་བྱེད་པའི་དགྲ་བོ་ལ། །གཏོ་ནག་མཚན་མའི་ཁྲག་ཟོར་རྒྱབས།དགྲ་བགེགས་ཐལ་བ་རྡུལ་དུ་རློགས། །དྲང་སྲོང་བདེན་པའི་གཏོ་ནག་འདི། །ཡོན་བདག་གླུད་ཀྱི་བསླུ་བའི་གཏོ། །སུ་དང་འཕྲད་པ་དེ་ལ་སྒྱུར། །སྡང་བྱེད་དགྲ་

[Full Size]

བོའི་སྟེང་དུ་སྒྱུར། །གནོད་བྱེད་བགེགས་ཀྱི་སྟེང་དུ་སྒྱུར། །བར་ཆད་རྐྱེན་ངན་སྟེང་དུ་སྒྱུར། །ཉེ་བ་སྙིང་ངན་སྟེང་དུ་སྒྱུར། །ཆུང་མ་རྒྱབ་སྟོན་སྟེང་དུ་སྒྱུར། །ལེ་གུ་ལྷ་ལོག་སྟེང་དུ་སྒྱུར། །ཤག་རོགས་མནའ་ཟན་སྟེང་དུ་སྒྱུར། །ཡུལ་མི་སེམས་ངན་སྟེང་དུ་སྒྱུར། །ས་རྡོ་སེམས་མེད་དེ་ལ་སྒྱུར། བཅོལ་བའི་ཕྲིན་ལས་འགྲུབ་པར་མཛོད། །དེ་ནས་དམར་གཏོར་བྲན་ལ། ཧཱུྃ། ནག་པོ་མགོ་གསུམ་འཁོར་དང་བཅས་པ་ཡི། །མདོས་ཟོར་ཤ་ཁྲག་གཏོར་མ་འདི་བཞེས་ལ། །ད་ལྟ་རྣལ་འབྱོར་བདག་ཅག་དང་། །རྒྱུ་སྦྱོར་ཡོན་བདག་འཁོར་བཅས་ལ། །སྡེ་བརྒྱད་ཆད་པ་བྱུང་བ་ཟློག །བྱད་ཟོར་ཕུར་ཁ་ཐམས་ཅད་ཟློག །ལྷ་འདྲེའི་ཟ་ཁ་ཟུག་པ་ཟློག །རྒྱལ་པོའི་ལོ་ཡི་བདུན་ཟུར་ཟློག །བློན་པོ་ཟླ་བའི་དབང་བཙན་ཟློག །དམག་མི་ཞག་གི་དཔུང་དགྲ་ཟློག །མཚོན་ཆ་དུས་ཀྱི་རྣོ་ངར་ཟློག །སྤར་ཁའི་སྐྱ་མདའ་ཐུག་པ་ཟློག །སྨེ་བ་དུར་དུ་ཚུད་པ་ཟློག །ས་བདག་ཀོ་ལོང་གདུག་རྩུབ་ཟློག །འབྱུང་བའི་དགྲ་གཤེད་འཐབ་པ་ཟློག །གཟའ་སྐར་དུས་ཚོད་ངན་པ་ཟློག །ལོ་ཟླ་ཞག་དུས་བབ་པ་ཟློག །ཁྲམ་དང་བྱེད་དུ་

[Full Size]

བཅུག་པ་ཟློག །ཧོམ་དང་པར་བུ་བསྐོར་བ་ཟློག །དགྲ་ཆེན་བདུད་དུ་ལང་བ་ཟློག །ལྟས་ངན་གློ་བུར་ཡེ་འདྲོགས་ཟློག །དུས་མིན་འཆི་བ་རྣམ་བརྒྱད་ཟློག །མི་ཁ་བྲ་མཆུ་ཐམས་ཅད་ཟློག །ཆག་ཆེན་ཉམ་ང་ཐམས་ཅད་ཟློག །སྔོན་དགུག་ཕྱིས་ནས་དེད་པ་ཟློག །དགྲ་སྣ་ཕུང་སྣ་གྱོད་སྣ་ཟློག །ནད་སྣ་རིམས་སྣ་ཡམས་སྣ་ཟློག །དགྲ་སྲི་རྨི་ངན་ཐམས་ཅད་ཟློག །ཆེ་སྲི་ཆུང་སྲི་རྒན་སྲི་ཟློག །གཞོན་སྲི་དར་སྲི་གོད་སྲི་ཟློག །དབབ་སྲི་མཚོན་སྲི་ཐམས་ཅད་ཟློག །མདོར་ན་སྲིད་པའི་ཆགས་སྒོ་དང་། །བདག་ལ་གནོད་པའི་དགྲ་འདྲེ་རྣམས། །སྡང་བྱེད་དགྲ་བོའི་སྟེང་དུ་བྷྱོ༔ །གནོད་བྱེད་བགེགས་ཀྱི་སྟེང་དུ་བྷྱོ༔ །བར་ཆད་བདུད་ཀྱི་སྟེང་དུ་བྷྱོ༔ །ཟ་འདྲེ་ཕུང་སྲིའི་སྟེང་དུ་བྷྱོ༔ །དམ་ཉམས་བྱེད་མའི་སྟེང་དུ་བྷྱོ༔ །ལེ་གུ་ལྷ་ལོག་སྟེང་དུ་བྷྱོ༔ །སློབ་བུ་དམ་ལོག་སྟེང་དུ་བྷྱོ༔ །ཨོཾ་བཛྲ་ཀྲོ་ཏ་ཧྱ་གྷི་ཝ་ཧུ་ལུ་ཧུ་ལུ་བཛྲ་ཙཎྜ་གནོད་བྱེད་སརྦ་དུཏྟཾ་ད་ཧ་པ་ཙ་ཧཱུྃ་ཕཊ༔ ཨེ་ཀ་དུ་ན་ཟློག །མ་ཧཱ་དུ་ན་ཟློག །ས་ག་དུ་ན་ཟློག །ཙ་དུར་སྙིང་ལ་ཟློག །སུ་ཏྲ་རཀྵ་ཟློག །བྱད་ཟོར་ཕུར་ཁ་ཆག་ཆེ་ཉམ་ང་ལྟས་ངན་ཆོ་འཕྲུལ་དུས་མིན་འཆི་བ་ཐམས་ཅད་

[Full Size]

མཱ་ར་ཡ་བྷྱོ་བྷྱོ་ཟློག་ཟློག །ཅེས་གཏོར་མ་ཕྱི་རོལ་དུ་ཕུལ། དེ་ནས་ཐལ་མོ་བརྡབ་ཆོག་དང་ཟློག་སྔགས་སྦྱར། མི་ནག་མགོ་གསུམ་གྱི་སྐག་ཟློག་གཞུང་ཆེན་པོ་འདི། ཡབ་ལུགས་ཡུམ་ལུགས་སྲས་ལུགས་གསུམ་གྱི་དོན་བསྡུས་ནས་འདོན་འགྲིགས་སུ་ཕབ་པས་ཚིག་དོན་རྣམས་ཤིན་ཏུ་གནད་ཆེ་བར་ཡོད་དོ། གཞུང་མང་འོ་མའི་རྒྱ་མཚོ་ལས། །སྙིང་པོ་མར་གྱི་བཅུད་བསྡུས་པ། །ཚིག་ཉུང་དོན་ཆེ་གནད་ཟབ་འདི། །རང་གཞན་དོན་དུ་གསལ་བར་བྱས། །དེ་ཕྱིར་འདི་ལ་གཅེས་པར་ཟུངས། །འདི་ཡི་འདོན་ཆའི་ལག་ལེན་ནི། །པོད་གཞུང་ཀ་རྟགས་བསྒྲིགས་ཚུགས་འདོན། །དེ་ནི་ཡབ་ལུགས་རྒྱས་པ་སྟེ། །རྒྱུས་མདོས་མཆོག་ཏུ་ཟབ་པའོ། །ཁྲོ་བོ་ཕ་བརྒྱད་མ་མོ་དང་། ། མི་ཁའི་བཀར་མདོས་ལེའུ་ཁ་གཉིས། །ཕྱོགས་སྐྱོང་བཅུ་དང་རུ་འདྲེན་བཞི། །མི་འདོན་སྐྱུར་ནས་སྲས་ལུགས་ཏེ། །དེ་ནི་འབྲིང་པོའི་ཁོང་དུ་གཏོགས། །ཁྲོ་བོ་ཕ་བུ་བཅུ་དྲུག་སྐྱུར། །བདུད་བཙན་མ་མོ་མི་ཁ་ཡི། །མདོས་འཕྱངས་ལེའུ་ཀ་མང་བ་སྒྱུར། །ལེའུ་ཁ་གཅིག་ལ་ཚང་བ་འདོན། །མངོན་རྟོགས་མཆོད་འབུལ་སྐྱུར་མི་ཉན། །ཕྱོགས་སྐྱོང་དཔལ་མགོན་བདུན་ཅུ་སྒྱུར། །རྡོར་ལེགས་སོགས་ཀྱི་རུ་འདྲེན་སྐྱུར། །འདི་ནི་གཏོ་གཞུང་མ་ཡིན་ཏེ། །ས་སྐྱས་བཀའ་སྲུང་རྣོ་ཁྱད་བཙུད། །ངར་མདོས་དང་ནི་བསྒྲལ་ལས་སྐྱུར། །ཐལ་མོ་བརྡབ་ཆོག་སྔགས་རིང་དང་། །ཞུས་ལེན་ཟོར་རྣམས་སྒྱུར་བ་ན། །ཡུམ་ལུགས་བསྡུས་པ་ཡིན་པའོ། །ཤིང་རིས་སྣ་ཚོགས་བཙུགས་པ་ན། །ཤིང་རིས་

[Full Size]

མདོས་འཕྱངས་རྒྱས་པར་འདོན། །དེ་ནི་མདོས་ཐབས་ཞེས་སུ་གྲགས། །ཤིང་རིས་ཐམས་ཅད་མི་བཙུགས་སྒྱུར། །རྩང་བཙུགས་རྩང་གྱེར་འདོན་པ་ནི། །དེ་ནི་རྩང་ཐབས་ཉུང་བའོ། །འདི་དག་རྒྱས་པ་བསྒྲིགས་ཚུགས་འདོན། །འབྲིང་པོ་དང་ནི་བསྡུས་པ་ལ། །མངོན་རྟོགས་སྤྱན་འདྲེན་མཆོད་འབུལ་དང་། །མདོས་འཕྱངས་ཟློག་གཞུང་མི་འདོན་པ། །བསལ་ཤེས་ཕྱག་ལེན་མཁས་དགོས་སོ། །རུ་འདྲེན་སྡེ་བཞིའི་མདོས་འཕྱངས་ནི། །རྒྱས་བསྡུས་མ་གཏོགས་སྒྱུར་མི་བྱ། །སྤྲོས་མེད་ཤིན་ཏུ་བསྡུས་པ་ནི། །གནམ་ཆོས་ལས་བྱུང་དེ་ཉིད་འཐུས། །ལོ་ཟླ་སྤར་སྨེའི་སྐག་རིགས་དང་། །འགྲམ་འཁྲུགས་བདུད་གཅོད་དགུ་མིག་དང་། །དགྲ་གྱོད་འཁོན་གསུམ་མི་ཁ་དང་། །ཐན་རིགས་ལྟས་ངན་རྩིས་ངན་རྣམས། །དེ་དག་ཐམས་ཅད་བཟློག་བསྒྱུར་ལ། །མགོ་གསུམ་མདོས་འདི་ཤིན་ཏུ་ཟབ། །དེ་ཕྱིར་གཏོ་ཕྲན་གཞན་སྒྱུར་ལ། །འདི་ལ་དྲིལ་བས་ཐམས་ཅད་ཚང་། །ལོ་དུས་རིམ་གྲོ་བྱ་བ་གཅེས། །ཕན་ཐོགས་བཀྲ་ཤིས་བདེ་ལེགས་འབྱུང་། །ས་བདག་ཀོ་ལོང་གདུག་རྩུབ་ཞི། །ལོ་ལེགས་འབྲུ་འཕེལ་ས་བཅུད་རྒྱས། །ནད་མུག་མཚོན་གསུམ་བསྐལ་པ་ཞི། །དཔལ་འབྱོར་ལོངས་སྤྱོད་མངའ་ཐང་རྒྱས། །སྣང་སྲིད་ལྷ་འདྲེའི་ཆོ་འཕྲུལ་ཞི། །སྤར་སྨེ་ལོ་ཟླའི་སྐག་རིགས་ཟློག །མོ་རྩིས་རྨི་ལམ་ངན་པ་དང་། །ལྟས་ངན་ཐན་རིགས་ཐམས་ཅད་སྒྱུར། །དགྲ་སྣ་གྱོད་སྣ་ཡམས་སྣ་དང་། །མི་ཁ་བྲ་མཆུ་ཐམས་ཅད་ཟློག །དེ་དག་ཐམས་ཅད་ལོ་རྒྱུས་ནི། །རྒྱ་ནག་རྩིས་གཞུང་ཐམས་ཅད་

[Full Size]

དང་། །གཏོ་ཐིག་རང་གཞུང་ཉིད་ནས་གསུངས། །དེ་ཕྱིར་ཕན་ཐོགས་ཤིན་ཏུ་ཆེ། །ཅི་ཕྱིར་གཏོ་ཐིག་ཀུན་གྱི་གཙོ། །དེ་བས་འདི་ཉིད་མཆོག་ཏུ་ཟུངས། །མགོ་གསུམ་གཞུང་གི་འདོན་ཆ་ལ། །མི་འདྲ་མང་པོ་བྱུང་བ་ནི། །སྔ་ཕྱི་འགྱུར་གྱི་ཁྱད་པར་ཡིན། །དོན་ལ་ཁྱད་པར་ཅི་ཡང་མེད། །དེ་ཕྱིར་མང་པོ་གོ་བསྟུན་ནས། །ཁུངས་བཙུན་ལེས་ཁ་འདོན་འགྲིགས་ཕན། །འཁྲུགས་བསལ་གབ་སྤངས་ཉམས་ལེན་བདེ། །ཕྱག་ལེན་གསལ་བར་བཀོད་པ་ལ། །ཉེས་འགལ་འཇམ་དཔལ་དབྱངས་ལ་བཤགས། །དགེ་བས་ཇི་སྲིད་འཇིག་རྟེན་གནས་ཀྱི་བར། །འདི་ཉིད་མི་ནུབ་ཕྱོགས་བཅུར་དར་ཞིང་རྒྱས། །འགྲོ་བ་རྣམས་ལ་ཕན་ཐོགས་རྒྱ་ཆེན་ཤོག །དེ་སྐད་སྔགས་ནག་རཱ་ག་ཨ་སྱས་སྨྲས། །འདི་ལ་འགལ་འཁྲུལ་ནོངས་པ་ཅི་མཆིས་པ། །འཕགས་པ་རིགས་གསུམ་མགོན་པོ་ཉིད་ལ་བཤགས། །འདི་ཕྱིའི་སྒྲིབ་པར་མ་གྱུར་སཏྭ་ཨཱ། །སངས་རྒྱས་བསྟན་པ་དགུང་ལ་རེག་གྱུར་ཅིག །འདི་ཉིད་སྔགས་འཆང་རཱ་ག་ཨ་མྱ་ཡིས། །རང་གི་དོན་དུ་གསལ་བར་སྔགས་འཆང་སྤྲ་ཝ་པུ་རིས་ཕྱག་ལེན་མ་ནོར་བར་བཀོད་པ་དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མི་ནག་མགོ་བོ་གསུམ་པའི་མདོས་ཆེན་གྱི། ཟློག་གཞུང་ཆེན་མོ་ལྟས་ངན་བསྒྱུར་ཆོས།

[Full Size]

མི་ནག་མགོ་བོ་གསུམ་པའི་མདོས་ཆེན་གྱི། ཟློག་གཞུང་ཆེན་མོ་ལྟས་ངན་བསྒྱུར་ཆོས་བཞུགས་སོ།།

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། །མི་ནག་མགོ་བོ་གསུམ་པའི་མདོས་ལ་བརྟེན་ནས། ལོ་ཟླ་ཞག་དུས་ཀྱི་སྐག་རིགས། སྤར་སྨེ་ལོ་ཟླ་འགྲམས་འཁྲུགས། དགྲ་གྱོད་མི་ཁ་བྲ་མཆུ་དང་། ཐན་ལྟས་ངན་པ་ཐམས་ཅད་བཟློག་པ་ནི། སླར་གཏོར་མདོས་ག་སོ་བྲན་བྱས་ལ། དམར་གཏོར་གཅིག་ལ་ཆུང་བ་གསུམ་གྱིས་བསྐོར། །དེ་ལ་མཐེབ་སྐྱུ་ཤ་དུམ་ཁྲག་ཐིགས་ལིང་རོས་བསྐོར་བ་བཤམས་ལ། ཆང་ཕུད་དང་ཆུ་གཙང་གིས་བྲན་ལ་འདི་སྐད་དོ། །ཧཱུྃ། ང་ནི་འཇམ་དཔལ་གཤིན་རྗེ་གཤེད། །ང་ནི་རྟ་མགྲིན་རྒྱལ་པོ་ཡིན། །ང་ནི་ཕྱག་ན་རྡོ་རྗེ་ཡིན། །མི་ནག་མགོ་བོ་གསུམ་པ་ཁྱོད། །དང་པོ་ཅི་ཡང་མེད་པ་ལས། །འཕགས་པ་འཇམ་

[Full Size]

དཔལ་ཐུགས་རྗེ་ཡིས། །འགྲོ་དྲུག་རྣམས་ལ་ཕན་བཏགས་ཕྱིར། །མ་ཧཱ་གསེར་གྱི་རུ་སྦལ་སྲིད། །འབྱུང་བ་ལྔ་ཡི་སྙིགས་མ་ལས། །ས་བདག་ཁེན་པ་རྒན་པོ་སྲིད། །སྐག་པོ་ཆེ་རྣམས་ཟློག་པ་དང་། །སྲིད་པའི་བྱོ་བཟློག་བྱ་བའི་ཕྱིར། །ཁེན་པ་རྒན་པོ་ཐུགས་ཁྲོས་ནས། །མ་གཅིག་ཁོན་མ་རྒན་མོ་ལ། །ཡིད་ཀྱིས་སྦྱོར་བ་མཛད་པ་ལ། །ཟླ་དགུ་ངོ་བཅུ་ལོན་ཙམ་ན། །ཕ་མ་གཉིས་ལས་མི་འདྲ་བའི། །ལུས་པོ་མི་ལུས་ནག་པོ་ལ། །མགོ་གསུམ་ལག་པ་དྲུག་ཡོད་པ། །ཞེ་སྡང་རྒྱུ་ལས་གྲུབ་པ་ཡི། །མགོ་གཅིག་གཅན་གཟན་སྟག་གི་མགོ །དེ་

[Full Size]

ནི་ཕ་ཡི་རྒྱུ་ལས་གྲུབ། །མགོ་གཅིག་བྱོལ་སོང་གླང་གི་མགོ །འདོད་ཆགས་ཆེ་ལ་ཤ་སྣ་གླན། །མགོ་གཅིག་གཏི་མུག་ཕག་གི་མགོ །ཁ་གདངས་མཆེ་གཙིགས་སྡང་མིག་བསྒྲད། །རྔ་མ་རེ་འབྱམས་མཇུག་མ་གཡུག་་།འཇིགས་སུ་རུང་བ་གཅིག་སྐྱེས་པས། །སླ་ངའི་ནང་དུ་བཅུག་ནས་ཀྱང་། །མི་ཁ་སྣ་ཚོགས་རྐུན་མར་བྱིན། །དགྲ་དང་འདྲེ་ཡི་མིང་རུས་བྲིས། །དེ་ཡང་ཁོ་ཡི་ཁ་ནང་བཅུགས། །མ་གཅིག་ཁོན་མ་རྒན་མོ་ཡིས། །འདི་སྐད་ཀྱིས་ནི་དམོད་པ་བོར། །ཕ་མ་རྒན་རྒོན་ངེད་གཉིས་ཀྱིས། །ཀྱེ་མ་ལས་ངན་བྱས་པ་འདྲ། །དེ་འདྲའི་འབྲས་བུ་ད་ལྟ་སྲིད། །ཀྱེ་མ་སེམས་ཅན་འདི་འདྲ་བ། །འཇིག་རྟེན་འདི་ན་མཐོང་མ་མྱོང་། །ཨ་མ་ཨ་ཙི་ང་རེ་འཇིགས། །མི་ནག་མགོ་བོ་གསུམ་པ་འདི། །སྡེར་མོ་ལྕགས་ཀྱི་སྡེར་མོ་ཅན། །ཁ་གདངས་མཆེ་གཙིགས་སྡང་མིག་བསྒྲད། །ཐམས་ཅད་འཇོམས་པའི་ང་རོ་ཅན། །ཁྱོད་ཆེ་ན་གདངས་བའི་དགྲ་ལ་ཆེ། །ཆེ་ན་གནོད་པའི་བགེགས་ལ་ཆེ། །བྱུར་འགོངས་སླ་ངའི་ནང་ན་འདུག །ཟས་སུ་མི་ཁ་སྣ་ཚོགས་ཟོ། །གནས་ནི་རྒྱ་གྲམ་ལམ་མདོར་སྡོད། །དེ་སྐད་བརྗོད་ནས་ལམ་ཁར་

[Full Size]

བསྐྱལ། །ལམ་ཁར་སེམས་ཅན་འཕྲད་ཚད་ཤི །དགྲ་འདྲེ་ཐམས་ཅད་ཐལ་བར་བརླགས། །ཡུལ་དེའི་མི་རྣམས་ཟད་པར་ཟོས། །དེས་ཀྱང་མི་ཚད་འཇིག་རྟེན་ཕུང་། །ཐམས་ཅད་མགོ་གསུམ་དེ་ཡིས་ཟོས། །སྲིད་པ་གསུམ་པོ་སྟོང་ལ་ཁད། །གཅན་གཟན་སྟག་གི་མགོ་ཅན་དེ། །གཟའོ་ཁྱབ་འཇུག་ལྷུམས་སུ་ཞུགས་པའི་བུ། །གང་དང་འཕྲད་པ་ཧུར་ཐུམ་གསོད། །གསོད་དང་གཅོད་ལ་ཀུན་ཏུ་དགའ། །ཤ་ཟ་ཁྲག་འཐུང་ཞེ་སྡང་ཆེ། །མགོ་གཅིག་ཁྱབ་བྱེད་གླང་གི་མགོ །གཟའ་སྤེན་པ་ལྷུམས་སུ་ཞུགས་པའི་བུ། །གང་དང་འཕྲད་པའི་སྲོག་ལ་བརྒོལ། །མཛེ་དང་ཤུ་བ་ལྷོག་པ་གཏང་། །ཐམས་ཅད་འཇོམས་པའི་ང་རོ་ཅན། །གཟའ་མིན་བདུད་མིན་དྲག་ཤུལ་ཅན། །ཟས་སུ་མི་ཡི་ཚེ་སྲོག་ཟ། །མགོ་གཅིག་གཏི་མུག་ཕག་གི་མགོ །གཟའ་ལྷག་པ་ལྷུམས་སུ་ཞུགས་པའི་བུ། །ལག་པ་མྱུར་མགྱོགས་ཤིན་ཏུ་ཆེ། །ཚེ་དང་སྲོག་ལ་ཤིན་ཏུ་སྡང་། །སེམས་ཅན་གང་འཕྲད་དེ་དག་ཟོས། །དེ་འདྲའི་མི་ནག་མགོ་གསུམ་པོ། །འཕགས་པའི་ཐུགས་རྗེས་འདུལ་བར་གཟིགས། །མཁྱེན་རབ་འཕགས་པ་འཇམ་དཔལ་

[Full Size]

གྱིས། །ཁོ་རང་འདྲ་བ་གཅིག་ཏུ་སྤྲུལ། །མི་ནག་མགོ་གསུམ་འཇིགས་པའི་གཟུགས། །རྐན་སྒྲ་བརྡབ་པས་འཇིག་རྟེན་གཡོས། །སྤྱན་ནས་མེ་འབར་ཁ་ནས་ཁུ་འཕང་པ་འབབ། །མཆེ་གཙིགས་མིག་བསྒྲད་འདི་སྐད་བརྗོད། །ཁྱོད་མི་མིན་གདུག་པའི་ང་རོ་ཅན། །སྙིང་རྗེ་མེད་པའི་སེམས་ཅན་ཁྱོད། །ང་ཡིས་ཐམས་ཅད་འདུལ་བ་སྟེ། །ཁྱོད་ཀྱང་ང་ཡི་འདུལ་སྐལ་ཡིན། །དེ་སྐད་གསུངས་ནས་མགོ་གསུམ་སོགས། །མགྲིན་པར་མིད་ནས་ཞབས་སུ་ཕྱུངས། །ཁོ་སྐྲག་ཅིང་ལུས་པོ་འདར་ནས་སུ། །འདི་སྐད་ཀྱི་ནི་ཞུ་བ་ཕུལ། །དཔའ་བོ་ཆེན་པོའི་ང་ལ་གསོན། །ཁྱེད་ཀྱི་གསུང་ལ་ང་ཉན་ནོ། །ཇི་སྐད་གསུངས་པ་དེ་སྐད་བགྱི། །དཔའ་བོ་ཆེན་པོས་བཀའ་སྩལ་པ། །མི་ནག་མགོ་བོ་གསུམ་པ་ཁྱོད། །སྙིགས་མ་ལྔ་ཡི་དུས་ཚོད་ལ། །སྲིད་པའི་བྱོ་བཟློག་ཁྱོད་ཀྱིས་གྱིས། །སྐག་པོ་ཆེ་རྣམས་ཁྱོད་ཀྱིས་ཟློག །ནད་པ་ཡོད་ན་བསླང་བར་མཛོད། །སྲིའུ་ཚང་ནས་སྐྱེད་པར་གྱིས། །དགྲ་འདྲེ་འབྱུང་པོ་འདུལ་བར་གྱིས། །གནོད་པ་སྐྱེལ་ནས་གང་འཕྲད་སོད། །སླ་ང་ནག་པོའི་ནང་ན་སྡོད། །མི་ཁ་སྣ་ཚོགས་ཟས་སུ་ཟོ། །གཏོར་མ་མཐེབ་སྐྱུ་

[Full Size]

ཁྱོད་ལ་སྦྱིན། །དེ་སྐད་ཅེས་ནི་བཀའ་སྩལ་པའི། །སྔོན་གྱི་དམ་ཚིག་རྗེས་དགོངས་ལ། །འཕགས་པ་འཇམ་དཔལ་བཀའ་མ་བཅག །ཡོན་བདག་དྲིན་ལེན་ཆུད་མ་གསན། །གཏོ་ཡས་གནས་སུ་ཐེངས་བར་མཛོད། །དགྲ་བགེགས་འབྱུང་པོ་བཟློག་ཏུ་གསོལ། །ཀྱཻ། མི་ནག་མགོ་བོ་གསུམ་པ་ཁྱོད། །སྲིད་པ་གསུམ་གྱི་མཐུ་བོ་ཆེ། །སྲིད་པའི་བློ་བཟློག་ཆེན་པོ་མཛོད། །དེ་རིང་ལོ་སྐག་ཟླ་སྐག་ཟློག །དེ་རིང་ཞག་སྐག་ཟ་སྐག་ཟློག །དུས་ཚོད་རྐྱེན་ཁ་བསྒྱུར་དུ་གསོལ། །རྒྱུ་སྦྱོར་ཡོན་བདག་འདི་རྣམས་ལ། །འཆི་བར་ངེས་པའི་མི་ཡོད་ཀྱང་། །ལོ་གསུམ་བར་དུ་བཤོལ་ཐོབ་ཅིག །མི་ནག་མགོ་བོ་གསུམ་པ་ཁྱོད། །དེ་རིང་སྒྱུར་བའི་རྒྱལ་པོ་མཛོད། །དེ་རིང་ཟློག་སྒྱུར་དུས་ལ་བབ། །བཅོལ་བའི་ཕྲིན་ལས་གྲུབ་པར་མཛོད། ཧཱུྃ། གནམ་ལྷ་ཞེ་སྡང་ལེན་པ་རྒན་པོ་དང་། །ས་བདག་འདོད་ཆགས་ཁོན་མ་འཚོགས་པའི་བུ། །མི་ནག་བྱ་གཤོག་རེ་འབྱམས་མཇུག་མ་ཅན། །མགོ་དབུས་གླང་མགོ་གཟའ་ཆེན་སྤེན་པའི་བུ། །མགོ་གཡས་སྟག་མགོ་གཟའ་བདུད་ཁྱབ་འཇུག་བུ། །མགོ་གཡོན་ཕག་མགོ་གཟའ་ཆེན་ལྷག་པའི་

[Full Size]

བུ། །ཕྱག་དྲུག་དང་པོས་གྲི་ཐོད་གནོད་བྱེད་ཟ། །བར་པས་རལ་གྲིས་གཏུབ་ཅིང་ལྕགས་ཀྱུས་འགུག །ཐ་མས་མདའ་གཞུ་འགེང་ཞིང་ཞིགས་པས་འཆིངས། །བ་སྤུ་མཚོན་ཆ་སེན་མོ་ལྕགས་ཀྱུས་འགུགས། །ཁ་གདངས་མཆེ་གཙིགས་ང་རོ་འབྲུག་སྟོང་ལྡིར། །ཞེ་སྡང་མེ་འབར་མྱུར་མགྱོགས་གློག་ལྟར་འཁྱུག །མཐུ་ཆེན་སྟོབས་ལྡན་སྲིད་པའི་ཟློག་བྱེད་ཁྱོད༔ དམ་རྫས་དམར་གྱི་གཏོར་མ་འདི་བཞེས་ལ། །ལྟས་ངན་མི་ཁ་བྲ་མཆུ་ཟས་སུ་ཟོ། །ཆག་ཆེན་ཉམ་ང་སྐག་ཆེན་ཟློག །གལ་ཏེ་འཆི་བར་ངེས་པའི་མི་ཡོད་ཀྱང་། །ལོ་གསུམ་བར་དུ་ཁྱོད་ཀྱིས་བཤོལ་ཐོབ་ཅིག །ཅེས་གཏོར་ཆུང་ལིང་རོ་དང་བཅས་མདོས་ནང་དུ་ཕུལ་ནས་བཟློག་པའི་ཕྲིན་ལས་བཅོལ་བ་ནི། ཧཱུྃ། མི་ནག་མགོ་གསུམ་སྐུ་སྨད་སྦྲུལ་མཇུག་ལས། །རང་འདྲའི་སྤྲུལ་པ་དཔག་མེད་འཇིག་རྟེན་གང་། །ཐན་བདག་ཐན་དང་བཅས་པ་ཧབ་ཐོབ་ཟོ། །ལྷག་དང་ཆད་པའི་ལྟས་ངན་དགྲ་ལ་ཟློག །ཁ་དགུ་ཟིལ་པ་ཉག་པའི་ལྟས་ངན་ཟློག །ལག་དགུ་ཟོར་བ་ཐོགས་པའི་ལྟས་ངན་ཟློག །མོན་དང་རྒྱུ་ལུག་ཐམས་ཅད་སྒྱུར་ཞིང་ཟློག །རྟ་ནོར་ར་ལུག་མི་འདྲ་སྤེལ་འདྲ་དང་། །ཁྱི་འདྲ་གྲོད་པ་འདྲ་དང་བྲང་ལུམ་

[Full Size]

འདྲ། །ལོང་ཀ་འདྲ་བ་གཏོ་ཡིས་བསྒྱུར་དཀའ་ཞིང་། །བསྒྱུར་ན་གཏོ་མཁན་རང་ལ་གནོད་པའི་ཐན། །དེ་ཡང་ནག་པོ་མགོ་གསུམ་ཁྱོད་ཀྱིས་ཟློག །ཐན་བདག་ཐན་དང་བཅས་པ་ཁྱོད་ཀྱིས་ཟོ། །གཟུགས་ནི་ངོ་ཤེས་ཙམ་དང་ངོ་མི་ཤེས། །རྒྱུ་མ་ཡར་ལུག་མར་ལུག་བཅོས་དཀའི་ཐན། །བན་བོན་གཏོ་མཁན་རང་ལ་མི་དགེ་བ། །དེ་ཡང་མི་ནག་མགོ་གསུམ་ཞལ་དུ་བསྟབ། །ཁ་དགུ་རྐང་ལག་བརྒྱད་དམ་བཅོ་བརྒྱད་པ། །རེ་འབྱམས་ཐན་དེ་སྡེ་ཚན་བརླག་པའི་ལྟས། །དར་རྒྱས་བཙན་ལ་ངན་པར་བྱེད་པའི་ཐན། །དེ་ཡང་མི་ནག་མགོ་གསུམ་ཁྱོད་ཀྱིས་ཟོ། །ཨོག་མར་མིག་དང་ལྟག་པར་ཁ་དོད་པ། །ལྐུགས་པ་ཁ་མེད་མིག་མེད་བདུད་ཀྱི་ཐན། །མི་ནག་མགོ་བོ་གསུམ་པའི་ཞལ་དུ་བསྟབ། །ཁ་དང་མིག་ལ་སོ་སྐྱེས་འཆི་བདུད་ཐན། །བཅོས་ཀའི་ཐན་དེ་མགོ་གསུམ་ཁྱོད་ཀྱིས་ཟོ། །ལྐུགས་པ་ལག་སྡུམ་མིག་མེད་ལོང་བ་དང་། །ན་མེད་འོན་པ་རྐང་མེད་ཞ་བོ་རྣམས། །བདུད་པོ་མཐོང་བ་མིག་མེད་ཐན་ཡིན་པས། །མི་ནག་མགོ་བོ་གསུམ་པའི་ཞལ་དུ་བསྟབ། །གཟུགས་བརྙན་དོད་དང་གཟུགས་བརྙན་མ་དོད་པ། །གྲོད་པ་སོ་

[Full Size]

སྐྱེས་ཐན་ཡིན་ཁྱོད་ཀྱིས་ཟོ། །ལག་པ་བྲང་གུག་ཐན་རོ་བྲང་བརྡུང་ཐན། །ཡ་མཆུ་རིང་དང་རྐང་པའི་སུག་གུ་འཁྱོགས། །སྤྲང་པོ་དབྱུག་བཟུང་ཐན་དེ་ཁྱོད་ཀྱིས་ཟོ། །གློ་སྙིང་ཕྱིར་བུད་སྙིང་འདྲ་འཆི་བའི་ཐན། །མཆེ་བ་སྐྱེས་པ་བཙན་ཤ་རུ་བརྡར་ཏེ། །ཕོ་བོར་ངན་པའི་ཐན་དེ་ཁྱོད་ཀྱིས་ཟོ། །ལག་ཚིགས་གཡས་མེད་ཕོ་མཚུན་དགྲ་ལོ་ཕྱོགས། །ལག་ཚིགས་གཡོན་མེད་མ་མཚུན་དགྲ་ལ་ཕྱོགས། །ཤི་ཆད་འོང་བའི་ཐན་དེ་དགྲ་ལ་སྒྱུར། །སྦལ་སྦྲུལ་སྤུ་སྐྱེས་བྱ་རིགས་སྤུ་མེད་པ། །ཀླུ་ཡི་ཐན་དེ་སྡང་བའི་དགྲ་ལ་སྒྱུར། །རྭ་སྐྱེས་ལག་པ་རྒྱབ་སྐྱེས་བདུད་ཀྱི་ཐན། །ཁ་ཤ་ངོ་ཤོ་དཔྲལ་བར་ཁ་དོད་པ། །ཨོག་མར་མིག་དོད་མེན་ཁར་འབྱར་བ་དང་། །ཟིལ་དུ་རྭ་སྐྱེས་བཙན་གྱི་ཐན་ཡིན་ཏེ། །མི་ནག་མགོ་བོ་གསུམ་པ་ཁྱོད་ཀྱིས་ཟོ། །ལྷག་པ་ཐམས་ཅད་ཡས་གདོན་རྒྱལ་པོའི་ཐན། །མ་ཚང་བ་རྣམས་མས་གདོན་རྒྱལ་མོའི་ཐན། །དེ་ཡང་མི་ནག་མགོ་གསུམ་ཁྱོད་ཀྱིས་ཟློག །མིག་གཅིག་པ་དང་བེལ་ལ་བྱ་ལག་བྱུང་། །རྐང་པ་སྤྲེའུ་འདྲ་དང་བུམ་ལག་དང་། །སྦར་མོ་སྐྱེས་དང་བྱ་ཡི་མཆུ་འདྲ་དང་། །ཡ་མཆུས་མ་མཆུ་བཀབ་པ་གྲི་བཙན་ཐན། །གཏོ་

[Full Size]

དང་བོན་གྱི་མི་ཐུབ་ཐན་དེ་ཡང་། །མི་ནག་མགོ་གསུམ་ཁྱོད་ཀྱིས་སྒྱུར་ཞིང་ཟློག །ཁྱི་ལ་གཟུགས་མེད་སྐྱིད་པ་ཆད་པ་དང་། །མིག་མེད་རྐུབ་རུབ་བྱ་མཆུ་དོད་པ་ནི། །མས་གདོན་སྒོ་སྲུང་ཐན་ཡིན་གཏོ་འདིས་སྒྱུར། །སྐེད་འཁྱོག་ཕག་དང་བོང་བུར་རྭ་ཅོ་སྐྱེས། །ལག་པ་སྒལ་གཞུང་བྲང་མདོར་ཁ་དོད་པ། །དམུ་ཡི་ཐན་དེ་མགོ་གསུམ་ཁྱོད་ཀྱིས་ཟློག །བྱ་ནག་སྡེར་འཛིང་ཤ་བ་རུང་འཛིང་དང་། །སྦྲུལ་ནག་ལྟོ་སྦྱོར་ཁང་སྐམ་ཆུ་འཛག་དང་། །སོག་པའི་དཀྱིལ་བུག་བྱི་ལོང་ཁྱིམ་དུ་ཕྱིན། །སྦྲ་ཐན་སྐྱ་ཐིག་ཐག་པ་ཆོན་ཐག་རྒྱུག །ཞིང་གི་ས་བུག་སྦྲ་ཁང་མེ་ཤོར་དང་། །འོ་མ་ཆགས་དང་རུལ་དང་ཁྱི་རྔོ་འབྱུང་། །སྡེ་བརྒྱད་ཐན་དེ་མགོ་གསུམ་ཁྱོད་ཀྱིས་ཟློག །རྣ་བ་ལྷག་པ་གཏམ་སྙན་ཐོས་པའི་ཐན། །མཐེ་མོ་ལྷག་ན་ཆེ་རྒྱུད་འཕེལ་བ་དང་། །མཛུབ་ཆུང་ལྷག་ན་ཆུང་རྒྱུད་འཕེལ་བ་སྟེ། །དགེ་ལེགས་ཐན་དེ་མི་བཟློག་གཡང་དུ་ལེན། །སྤྱི་བོར་མིག་ཕོལ་བྲང་མགོ་དཔུང་མགོ་ལྷག །སྣ་དང་མ་ཁ་ལྕེ་དང་ལག་པ་དང་། །སོར་མོ་ལྔ་ལྷག་ནམ་ཕུག་ངན་པའི་ཐན། །ངན་པའི་ཐན་དགུ་སྡང་བའི་དགྲ་ལ་སྒྱུར། །བྱ་མ་བྱིའུ་སོགས་བྱ་ཐན་

[Full Size]

ཁྱིམ་དུ་ཕྱིན། །རི་བོང་ལ་སོགས་རི་དྭགས་ཁྱིམ་དུ་ཕྱིན། །སྲེག་པ་ཕུག་རོན་ཁྲས་དེད་ཁྱིམ་དུ་ཕྱིན། །ཁུ་བྱུག་ལ་སོགས་བྱ་ཆེན་སྟེང་དུ་བབ། །ཝ་སྤྱང་ལ་སོགས་གཅན་གཟན་ཁྱིམ་དུ་ཕྱིན། །སྲེ་མོང་བྲ་རོ་སྲིན་བྱས་འབུ་རོ་འཕང་། །ཤོ་མོང་ཁྱིམ་སྐྱེས་བྱ་ཐན་བྱི་འུ་ཐན་དང་། །སྲིན་བྱས་འབུ་རོ་ཁུར་སོགས་འབུ་ཡི་ཐན། །སྦལ་སྦྲུལ་ཁྱིམ་ཕྱིན་ལ་སོགས་ཆུ་གནས་ཐན། །ཞྭ་ཤ་བརྣངས་དང་མིག་འགུལ་ལུས་ཀྱི་ཐན། །ཁྱི་སྤྱང་ངུ་དང་རྟ་ཕོ་སྲོད་ལ་འཚེར། །འུག་པ་རྒོད་དང་ཝ་བརྒྱལ་མེ་སྙིང་དམར། །འོ་མ་ཁྲག་རེད་ཡོས་བཏག་རམ་ཕྱེར་གྱུར། །རི་རྡོ་ཞིང་འགྲིལ་ནས་བཏབ་ཡུག་པོ་སྐྱེས། །བྱ་རོག་དཀར་པོ་སྐར་མ་ཕོད་ཅན་སོགས། །མི་རུང་ལྟས་ངན་བརྒྱད་ཅུ་རྩ་གཅིག་རྣམས། །ཐན་དང་ཐན་བདག་མགོ་གསུམ་ཁྱོད་ཀྱིས་ཟོ། །ལྟས་ངན་མཚན་ངན་སྡང་བའི་དགྲ་ལ་སྒྱུར། །འཕགས་པ་རིགས་གསུམ་མགོན་པོའི་བདེན་པ་དང་། །ས་བདག་ཧ་ས་གརྒྷའི་མཐུ་སྟོབས་ཀྱིས། །ལྟས་ངན་ཐམས་ཅད་སྡང་བའི་དགྲ་ལ་སྒྱུར། །ཐན་བདག་ཐན་དང་བཅས་པ་ཐམས་ཅད་ནི། །མི་ནག་མགོ་གསུམ་འཁོར་དང་བཅས་པས་ཟོ། །ཐན་ལྟས་བཟློག་པའི་ཕྲིན་ལས་

[Full Size]

ད་མཛོད་ཅིག །འཕགས་པ་འཇམ་དཔལ་སྤྱན་སྔར་ཁས་བླངས་པའི། །དམ་ལ་མ་འདའ་བཅོལ་བའི་ཕྲིན་ལས་མཛོད། །ཨོཾ་ཧ་ས་གརྒྷ་བྷྱོཿ མི་ཁ་ཧུར་ཐུམ་རྦད་ཡ་བྷྱོ་བྷྱོ་ཟློག་ཟློག །ཅེས་ཅི་མང་དུ་བཟླའོ། །ཧཱུྃ། ས་བདག་ཧ་ས་གནྟུའི་ཕྱག་གཡས་ནས། །སྤར་ཁ་བརྒྱད་ཀྱི་ཕྱག་རྒྱ་བསྣམས་མཛད་པས། །ལི་ཁོན་དྭ་ཁེན་ཁཾ་གིན་ཟིན་དང་ཟོན། །སྤར་ཁ་བརྒྱད་ཀྱི་སྐག་རིགས་ཐམས་ཅད་ཟློག །ལོ་དང་སྤར་ཁ་སྦྱར་བའི་སྐག་རྣམས་ཟློག །སྤར་ཁ་བརྒྱད་ཀྱི་དབང་རིས་ཟླ་བ་ཡི། །སྐག་རྣམས་ཐམས་ཅད་མི་ནག་ཁྱོད་ཀྱིས་ཟློག །སྤར་ཁ་བརྒྱད་པོ་ཞག་དང་དུས་ཚོད་ལ། །འཁོར་བའི་སྐག་རིགས་ཐམས་ཅད་བསྒྱུར་དུ་གསོལ། །སྤར་ཁ་དགྲ་ཐོག་རང་ཐོག་དུར་མིག་དང་།། །ན་ས་འཆི་སའི་སྐག་རྣམས་ཐམས་ཅད་ཟློག །ནམ་ཟླ་དུས་བརྒྱད་སྤར་ཁའི་སྐག་བརྒྱད་ཟློག །སྤར་ཁ་བརྒྱད་ཀྱིས་གནོད་པའི་འདྲེ་བརྒྱད་ཟློག །མི་རུངས་ནོར་བརྒྱད་དུར་ཟས་བརྒྱད་པོ་ཟློག །སྒེན་པའི་མི་བརྒྱད་ན་ངོ་ཐམས་ཅད་ཟློག །ཨོཾ་ཧ་ས་གནྡྷཱ་ཏི་ལི་ཧ་ན་ཨ་ནི་ཏེ་པྲ་ཟློག །སྤར་ཁ་རྩུབ་ན་འདི་ཉིད་མང་དུ་བཟླའོ། །ཧཱུཾ། ཧ་ས་གྷནྡྷའི་རྩ་ཕྱག་ལོ་བདག་འཛིན། །

[Full Size]

སྐོར་ཆེན་དྲུག་ཅུའི་ལོ་སྐག་དགྲ་ལ་སྒྱུར། །མི་གྲངས་ལོ་གྲངས་འཁྲེན་པའི་འཁྲེན་སྐག་ཟློག །ལོ་སྐོར་བཅུ་གཉིས་ལོ་ཡི་སྐག་རྣམས་ཟློག །རང་སྐག་ཕྱི་སྐྱེས་ཟུར་གསུམ་སྐག་རྣམས་ཟློག །བཞི་གཤེད་དྲུག་འགྲམས་བདུན་ཟུར་ཐམས་ཅད་ཟློག །གནོམི་རྒྱང་ས་རྒྱང་ངན་པ་བསྒྱུར་ཅིང་ཟློག །འཇུ་ཐོག་ཆད་དང་བརྟེན་ཕུར་བུད་པ་ཟློག །ལོག་མེན་དར་རྒུད་གནམ་ལོ་ལ་སོགས་པ། །རྒྱལ་པོའི་ལོ་ཡི་སྐག་རྣམས་ཐམས་ཅད་ཟློག །ལོ་སྐོར་བཅུ་གཉིས་ཟླ་བ་ལ་འཁོར་བའི། །བློན་པོ་ཟླ་བའི་སྐག་རྣམས་དགྲ་ལ་ཟློག །ལོ་སྐོར་བཅུ་གཉིས་ཞག་ལ་འཁོར་བ་ཡི། །དམག་མི་ཞག་སྐག་སུམ་བརྒྱ་དྲུག་ཅུ་ཟློག །ལོ་སྐོར་བཅུ་གཉིས་དུས་ཚོད་ལ་འཁོར་བའི། །དུས་ཚོད་སྐག་རིགས་སྟོང་དང་དྲུག་བརྒྱ་ཟློག །ཨོཾ་ཧ་ས་གརྒྷ་མྲྀ་ཏ་ཡེ་ཚྭ་ཡེ་བྷྱོ་ཟློག །ལོ་ཟླ་ཞག་དུས་སྐག་ཆེ་ན་འདི་ལ་མང་དུ་བཟླའོ། །ཧཱུཾ། ཧ་ས་གྷནྡྷའི་ཕྱག་གཡས་དང་པོ་ན། །ཕག་དང་རྟ་ནག་རྟ་སྔོན་ཆུ་སྲིན་དང་། །ཤ་བ་སེང་གེ་རྟ་དམར་གླང་ཆེན་དཀར། །དྲེལ་དམར་ལ་སོགས་སྨེ་བའི་ཆིབས་པ་འཛིན། །གཅིག་དཀར་གཉིས་ནག་གསུམ་མཐིང་བཞི་ལྗང་དང་། །ལྔ་སེར་དྲུག་དཀར་བདུན་

[Full Size]

དམར་བརྒྱད་དཀར་དང་། །དགུ་དམར་ལ་སོགས་སྨེ་བའི་སྐག་རྣམས་ཟློག །སྨེ་བ་དབུས་ཚུད་རང་ཐོག་གཅོད་འགྲལ་ཟློག །སྨེ་བ་ཞག་དང་དུས་ཚོད་ལ་འཁོར་བའི། །སྨེ་བའི་སྐག་ཕྲན་ཐམས་ཅད་དགྲ་ལ་ཟློག །སྨེ་བའི་དུར་ངོ་ན་ངོ་དགྲ་ལ་ཟློག །ཨོཾ་ཧ་ས་གྷནྡྷ་སྨེ་བྷེ་སྨེ་ཤ་ཡེ་བློ་ཟློག །ཅེས་པ་སྨེ་བ་རྩུབ་ན་འདི་ལ་མང་དུ་བཟླའོ། །ཧཱུཾ། ཧ་ས་གྷནྡྷའི་ཕྱག་མཚན་གྲི་ཐོད་ལས། །རང་འདྲའི་སྤྲུལ་པ་མང་པོ་རླུང་ལྟར་འཚུབ། །ཡོད་རློམ་ཡེབ་རྗེའི་མི་ཁ་དགྲ་ལ་ཟློག །མ་ཉེས་ཁ་ཡོག་མི་ཁ་དགྲ་ལ་ཟློག །བརྒྱ་ཡི་མི་ཁ་སྟོང་གི་བྲ་མཆུ་ཟློག །མཚན་ངན་བྱད་སྟེམས་ཚོལ་བའི་མི་ཁ་ཟློག །ལྐོག་ནས་འབུ་བཞིན་གཡེང་བའི་མི་ཁ་ཟློག །གཏམ་ངན་བྱུར་སྣ་ངན་པའི་མི་ཁ་སྒྱུར། །ངན་འདོད་རྐུ་ལྷན་སྦྱོར་མི་ཁ་ཟློག །གཞི་མེད་སྐུར་འདེབས་གཤེ་སྐུར་མི་ཁ་ཟློག །མི་ཁ་ཆེ་ཞིང་བརྒྱ་ཁ་གཡེང་བ་ཟློག །ལོ་ཟླ་ཞག་ལ་མི་ཁ་དར་བ་ཟློག །མི་ཁ་མེ་ལྟར་འབར་བ་ཐམས་ཅད་ཟློག །མི་ཁ་ཆུ་ལྟར་འབྲུབ་པ་ཐམས་ཅད་ཟློག །མི་ཁ་རླུང་ལྟར་འཚུབ་པ་ཐམས་ཅད་ཟློག །མི་ཁ་བལ་ལྟར་གཡེང་བ་ཐམས་ཅད་ཟློག །ཡུལ་མི་ཁྱིམ་མཚེས་

[Full Size]

མི་ཁ་ཟུག་པ་ཟློག །རླུང་རྟ་དགྲ་དར་མི་ཁ་ལྡང་བ་ཟློག །བཟང་བྱས་ངན་དུ་མཐོང་བའི་མི་ཁ་ཟློག །མི་ཡི་ཁྱུ་ནས་བུད་པའི་མི་ཁ་ཟློག །མི་ཁ་བྲ་མཆུ་མི་ཁ་བ་རུས་ཟློག །མི་ཁ་ཐམས་ཅད་མགོ་གསུམ་ཁྱོད་ཀྱིས་ཟོ། །ཟོ་ཞིག་འཐུངས་ཤིག་ལྷག་མ་མེད་པར་མཛོད། །ཨོཾ་ཧ་ས་གྷཏྟཾ་ཧཱུྃ་བྷྱོ་རི་རི་ལི་ལི་མི་ཁ་བློ་ཟློག །མི་ཁ་ཆེ་ན་འདི་ཉིད་མང་དུ་བཟླའོ། །དེ་ནས་ཟློག་སྔགས་སྤྱི་དྲིལ་འདི་བཟླ་སྟེ། ཨོཾ་ཧ་ས་གྷནྡྷ་ཕཊ༔ ནག་པོ་ཕེ་ཤ་བྷྱོཿ མ་ཧཱ་དྷེ་ཝ་དགྲ་བོ་ནི་ཆད། བྱོ་མི་ཁ་སྒྱུར། མི་ཁ་ཧུར་ཐུམ། མཱ་ར་ཡ་རྦད། མི་ཁ་ཐུམ་ཐུམ། ཤིག་ཤིག །རྦད་རྦད། དྲིལ་དྲིལ། བྷྱོ་སྦྱོ། ཟློག་ཟློག །བྷྱོ་མི་ཁ་ཧུར་ཐུམ་ཆད། དྲིལ་ཐུམ། ཤིག་ཤིག །རྦད་རྦད། དྲིལ་དྲིལ། བྷྱོ་བྷྱོཿ ཟློག་ཟློག །ཨོཾ་ཧ་ས་ཅི་གེ་པ་ར་ཏ། ཏ་པ་ལ་ཡ། དགྲ་ལ་བྷྱོ་བྷྱོཿ ནཱ་ག་ཙ་དུ་བྷི་རུ་བ། མ་ཧཱ་དགྲ་ལ་རྒྱུག་རྒྱུག །བློ་བྷྱོཿ ཟློག་ཟློག །ལྟས་ངན་ཆོ་འཕྲུལ་དགྲ་གྱོད་འཁོན་གསུམ། མི་ཁ་བྲ་མཆུ་གདོན་བགེགས་སྐག་ངན་ཐམས་ཅད་མཱ་ར་ཡ་བྷྱོ་བྷྱོ་ཟློག་ཟློག །སྔགས་འདི་ལན་བདུན་བཟླས་སོ། །གཙོ་བོའི་ཟློག་པ་འདི་གལ་ཆེ་ན་ལན་བདུན་བརྗོད། རྒྱུན་ཁྱེར་ལ་ལན་གསུམ་འདོན་པར་བྱའོ། །

[Full Size]

གནམ་ཆོས་ལུགས་ཀྱི་མགོ་གསུམ་སྤྲོས་མེད་བསྡུས་པ་འདི། སྔར་གྱི་མགོ་གསུམ་རྙིང་པ་འདི་ཡི་བཀའ་གཏད་ལུང་རྒྱུན་ཆད་པ་དེ་གསོལ་བའི་ཕྱིར། རིག་འཛིན་མི་འགྱུར་རྡོ་རྗེ་ལ་འཕགས་པ་འཇམ་དཔལ་དེ་ཉིད་སྐུ་མདོག་དམར་པོ་ཞིག་ཏུ་སྤྲུལ་ནས་དངོས་སུ་གསུངས་པ་ནས། འདི་ཡི་བཀའ་གཏད་ལུང་རྒྱུན་ཐོབ་ན་མགོ་གསུམ་རྣམས་ཀྱི་ལུང་རྒྱུན་ཐམས་ཅད་ཐོབ་པ་ཡིན། སྤྱིར་མི་ནག་མགོ་གསུམ་གྱི་གཞུང་ཆེན་པོ་སྣ་ཚོགས་ཡོད་པའི་བསྡུས་དོན་གནམ་ཆོས་ལུགས་འདི་ལ་ཚང་བས། དེ་ཕྱིར་འདི་ཡི་གཞུང་ཆེན་ནི། གནམ་ཆོས་ལུགས་གཞིར་བྱས་ནས། སབ་འོས་ཅུང་ཟད་ཞིག་བསྣན་པ་ཡིན་ནོ། །ཞེས་པ་འདི་ནི་མགོ་གསུམ་ཕྱག་ལེན་ཞལ་ཤེས་དང་བཅས་པ་འདི་ནི་སྔགས་འཆང་༧ རཱ་ག་#་ཨ་སྱས་རྒྱས་པར་བསྒྲིགས་པའོ། །མངྒ་ལཾ། གཏོ་ཐིག་འདི་ཡི་ཞལ་ཁྲིད་སློབ་དཔོན་ཐུགས་ལ་གབ། ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

༼ཉ༽ །མི་ནག་མགོ་བོ་གསུམ་པའི་མདོས་ཆེན་ལས། ཟློག་སྔགས་རིང་མོ་གནམ་ལྕགས་སྤུ་གྲི།

[Full Size]

༼ཉ༽ །མི་ནག་མགོ་བོ་གསུམ་པའི་མདོས་ཆེན་ལས། ཟློག་སྔགས་རིང་མོ་གནམ་ལྕགས་སྤུ་གྲི་བཞུགས་སོ། །

[Full Size]

འཇམ་དཔ་ལ་གཤིན་རྗེའི་གཤེད་ལ་ཕྱག་འཚལ་ལོ། །མི་ནག་མགོ་བོ་གསུམ་པའི་བཟློག་བསྒྱུར་ལ། ཟློག་སྔགས་གནམ་ལྕགས་སྤུ་གྲིའི་གཞུང་གི་བཟློག་བསྒྱུར་ཚར་ནས་མཇུག་ཏུ་བཟླའོ། །ཨོཾ་ཡ་མན་ཏ་ཀ་ཧཱུྃ་ཕཊ༔ ནག་པོ་ཆེན་པོ་དགྲ་ལ་བྷྱོཿ དྲག་པོ་ཆེན་པོ་དགྲ་ལ་བྷྱོཿ འཇིགས་བྱེད་ཆེན་པོ་དགྲ་ལ་བྷྱོཿ མཐུ་བྱེད་ཆེན་པོ་དགྲ་ལ་བྷྱོཿ ཟློག་བྱེད་ཆེན་པོ་དགྲ་ལ་བྷྱོཿ གཏུམ་བྱེད་ཆེན་པོ་དགྲ་ལ་བྷྱོཿ སྟོབས་ལྡན་ཆེན་པོ་དགྲ་ལ་བློ། །གསོད་བྱེད་ཆེན་པོ་དགྲ་ལ་བྷྱོཿ སྒྱུར་བྱེད་ཆེན་པོ་དགྲ་ལ་བྷྱོཿ ༈ ཨོཾ་ཧ་ས་ཙི་ཀ་པ་ར་ཏ་ཀྲྀ་གནོད་བྱེད་དགྲ་བགེགས་ཀྱི་སྲོག་རྩ་དམར་པོ་

[Full Size]

ཐུམ་རྦད་ཆོད་མྱོག་ཐུམ་ལིང་མཱ་ར་ཡ་ཐུམ་ཐུམ་བྷྱོ་བྷྱོ་ཟློག་ཟློག །ཨོཾ་ཧ་ས་ཙི་ཀ་པ་ར་ཏ་གནོད་བྱེད་དགྲ་བགེགས་མཱ་ར་ཡ་ཆད་ཆད༔ མཐུ་སྟོབས་ཆེན་པོ་དགྲ་ལ་བློ་བློ་བཟློག་ཆད་ཐུམ་རི་ལི་ལི། གནོད་བྱེད་མྱོག་འདུས་ལིང་ཐོབ། ཟློག་བྱེད་ཆེན་པོ་དགྲ་ལ་བྷྱོ་བྷྱོ་བཟློག་བཟློག་རྦད་རྦད་བྷྱོ༔བྷྱོ༔ཟློག་ཟློག །ཐུམ་རི་ལི་ལི་དགྲ་ལ་བློ་བྷྱོ་ཟློག་ཟློག །ཆོད་ཡ་ཆོད་ཡ། རྦད་རྦད་མྱོག་མྱོག བྷྱོ༔བྷྱོ༔ཟློག་ཟློག །སྟོབས་ལྡན་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །རྦད་ཆོད་ལིང་མྱོག་མྱོག་རཀྵ་ཐུན་ཁུག་ཐིམ་རི་ལི་ལི་རྦད་རྦད། བྷྱོ༔བྷྱོ༔ཟློག་ཟློག །ཐུམ་རི་ལི་ལི་ཆད་

[Full Size]

རྦོད་བྷྱོ༔བྷྱོ༔ཟློག་ཟློག །ཧ་ས་ཙི་ཀ་པ་ར་ཏ་གནོད་བྱེད་ཡ་ལ་ཐོག །དགྲ་བགེགས་གནོད་བྱེད་ཀྱི་ལུས་ངག་ཡིད་གསུམ་མཱ་ར་ཡ་ཧཱུཾ་བྷ་ཡ་ནན་ནན། ༈ ཨོཾ་ཧ་ས་ཙི་ཀ་པ་ར་ཏ་དགྲ་བགེགས་གནོད་བྱེད་ཙག་ཏྲི་དམ་སྲིའི་ཁ་ལ་རཀྟ་དུ་སིང་དུ་ཆོད་དགྲ་བོ་ལ་ཆོད། དམ་སྲི་དམ་ཉམས་ཀྱི་སྲོག་རྩ་ཆོད་ཆོད་རྦད་རྦད། དགྲ་བགེགས་གནོད་བྱེད་མཱ་ར་ཡི་ཆད་ཆོད། མྱོག་མྱོག་དུམ་དུམ་ཤར་ཤར། མཱ་ར་ཡ་རྦད་བྷྱོ༔བྷྱོ༔ཟློག་ཟློག །ལས་མཁན་ཆེན་པོ་དགྲ་དང་བགེགས་ཀྱི་སྟེང་དུ་ཧཱུཾ་བྷྱོ་ཟློག་ཟློག །ནག་པོ་ཆེན་པོ་དགྲ་དང་བགེགས་ཀྱི་སྟེང་དུ་ཧཱུཾ་བྷྱོ་ཟློག་ཟློག ༈ །ཨོཾ་ཧ་ས་ཙི་ཀ་པ་ར་ཏ་རྨི་དགྲ་བགེགས་གནོད་བྱེད་མྱོག་ཐུམ་རིལ། སྲོག་རྩ་དམར་པོ་རྦད་ཡ་ཆོད་མྱོག་ཐུམ་ལིང་མཱ་ར་ཡ་ཐུམ་ཐུམ་རྦད་རྦད་བློ་བྷྱོ་ཟློག་ཟློག །དྲག་པོ་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །ཨོཾ་ཧ་ས་ཙི་ཀ་པ་ར་ཏ་དགྲ་བགེགས་མཱ་ར་ཡ་རྦད་རྦད། མཐུ་སྟོབས་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །རྦད་རྦད་མྱོག་མྱོག་བྷྱོ་བྷྱོ་ཟློག་ཟློག །རྦད་རྦད་ཐུམ་ཐུམ་ལིང་། རི་ལི་ལི་མྱོག་འདུས་ལིང་ཐོབ། ཟློག་བྱེད་ཆེན་པོ་དགྲ་ལ་བྷྱོ་བྷྱོ་ཟློག་ཟློག །རྦད་རྦད་མྱོག་མྱོག་བྷྱོ་ཐུམ་རི་ལི་ལི་རྦད་

[Full Size]

རྦད། གདུག་བྱེད་ཆེན་པོ་དགྲ་ལ་བློ་བློ་ཟློག་ཟློག །རྦད་ཆོད་ལིང་རཀྵ་ཁུག །ཐུམ་རི་ལི་ལི། དགྲ་ལ་རྦད་རྦད། དགྲ་ལ་བྷྱོ་བྷྱོ་ཟློག་ཟློག །ཨོཾ་ཧ་ས་ཙི་ཀ་པ་ར་ཏ་དགྲ་བགེགས་གནོད་བྱེད་མཱ་ར་ཡ་ཁ་ཐམ། གནོད་བྱེད་དགྲ་བགེགས་གྱི་ལུས་སྟམྦྷ་ཡ་ནན། མཱ་ར་ཡ་ནན། ༈ ཨོཾ་ཙན་ཏྲེ་དམ་སྲིའི་ཁ་ལ་རཀྟ་དུ་སིང་དུ་ཆོད༔ དགྲ་བོ་དམ་ཉམས་ཀྱི་སྲོག་རྩ་ཆོད་ཆོད་རྦད་རྦད། དགྲ་བགེགས་གནོད་བྱེད་རྦད་ཆོད་ཆོད། མྱོག་མྱོག་དུམ་དུམ་ཤར་ཤར། མཱ་ར་ཡ་བྷྱོ་བློ་ཟློག་ཟློག ལས་མཁན་ཆེན་པོ་དགྲ་བགེགས་ཀྱི་ཐོག་ཏུ་བྱོ་བྷྱོ་ཟློག་ཟློག ༈ །ཨོཾ་ཧ་ས་ཙི་ཀ་པ་ར་ཏ་རྨི་དགྲ་བགེགས་གནོད་བྱེད་མྱོག་ཐུམ་རིལ་རྦད། སྲོག་རྩ་དམར་པོ་ཆོད། མྱོག་ཐུམ་ལིང་མཱ་ར་ཡ་ཐུམ་ཐུམ་བྷྱོ་བྱོ་ཟློག་ཟློག །དྲག་པོ་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །རྦད་རྦད་ཐུམ་རི་ལི་ལི་མཱ་ར་ཡ་བྷྱོ་བྷྱོ་ཟློག་ཟློག །འཇིགས་བྱེད་ཆེན་པོད་དགྲ་ལ་བྷྱོ་བྷྱོ་ཟློག་ཟློག །ཨོཾ་ཧ་ས་ཅི་ཀ་པ་ར་ཏ་དགྲ་བགེགས་གནོད་བྱེད་མཱ་ར་ཡ་རྦད་རྦད། མཐུ་སྟོབས་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །ཐུམ་རི་ལི་ལི། གནོད་བྱེད་མྱོག་འདུས་ལིང་ཐོབ། ཟློག་བྱེད་

[Full Size]

ཆེན་པོ་དགྲ་ལ་བྷྱོ་བྷྱོ་ཟློག་ཟློག །ཐུམ་རི་ལི་ལི་རྦད་ཡ། གདུག་བྱེད་ཆེན་པོ་དགྲ་ལ་བྷྱོ༔བྷྱོ༔ཟློག་ཟློག །ཆོད་ལིང་མྱོག་མྱོག རཀ་ཐུན་ཁུག་ཐུམ་རི་ལི་ལི་བྷྱོ་བྷྱོ་ཟློག་ཟློག ༈ ། ཨོཾ་ཧ་ས་ཅི་ཀ་པ་ར་ཏེ་དགྲ་བགེགས་ཀྱི་ལུས་ངག་ཡིད་གསུམ་མཱ་ར་ཡ་མྦྷ་ཡ་ནན། ༈ ཨོཾ་ཧ་ས་ཅི་ཀ་པ་ར་ཏ་དགྲ་བགེགས་ཀྱི་ཐོག་ཏུ་བློ་བྷྱོ་ཟློག་ཟློག །ཨོཾ་ཙན་ཏྲི་དམ་སྲིའི་ཁ་ལ་རཀཱ་དུ་སིང་དུ་ཆོད། དགྲ་བགེགས་གནོད་བྱེད་དམ་ཉམས་ཀྱི་སྲོག་རྩ་ཆོད་ཆོད་རྦད་རྦད། དགྲ་བགེགས་གནོད་བྱེད་མཱ་ར་ཡ་རྦད་རྦད་ཆོད་ཆོད་མྱོག་མྱོག་དུམ་དུམ་ཤར་ཤར་མཱ་ར་ཡ་བྷྱོ་བྷྱོ་ཟློག་ཟློག ལས་མཁན་ཆེན་པོ་དགྲ་བགེགས་ཀྱི་ཐོག་ཏུ་བློ་བྷྱོ་ཟློག་ཟློག །ཟློག་སྔགས་འདི་དུས་དྲུག་གམ་གསུམ་ལ་བརྒྱའམ་ཉེར་གཅིག་བདུན་སོགས་བཟླས་ལ། ཡུངས་ཀར་རམ་རམ་པ་བྲ་བོ་སོགས་ཀྱིས་བྲབ་པར་བྱའོ། །ཟློག་བྱེད་སྔགས་བྱང་འདི་མེད་ན། །མདའ་ལ་མདེལ་མེད་ཁ་ནུབ་འཕང་བ་འདྲ། །མཚོན་ལ་ཡུ་བ་མེད་པ་འདྲ། །དེ་བས་འདི་ཉིད་བཟླས་གྱུར་ན། །རྣོ་བའི་ཚད་ནི་ཐོག་གི་མེ་དང་འདྲ། །གསང་ཞིང་སྤྱད་པ་མན་ངག་ཡིན། །གཞན་ལ་བསྟན་ན་ཆད་པ་འོང་། །དམ་ཚིག་ལྡན་པས་སྙིང་ལ་འཆོངས། །ཞེས་པ་འདི་ཡན་ཆད་ནི་མི་ནག་མགོ་བོ་གསུམ་པའི་རྒྱལ་མདོས་བར་ཆད་ཀུན་སེལ་གྱི་མདོས་གཞུང་འདོན་འགྲིགས་ཚིག་ཉུང་དོན་འདུས་

[Full Size]

ཤིན་ཏུ་གསལ་བར་བཀོད་པ་རྫོགས་སོ། །དེ་རྣམས་ཤིན་ཏུ་བསྡུས་པ་སྤྲོས་མེད་ནི་གནམ་ཆོས་ཧ་ས་གཞྭ་ལ་འཐུས་སོ། །དེ་ནས་རྗེས་ཀྱི་ལས་འགྲིགས་ནི་ཀ་ཐེམ་བསྒྲིགས་པ་ལྟར་བྱའོ། །རཱ་ག་ཨ་སྱས་བྲིས། མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མི་ནག་མགོ་བོ་གསུམ་པའི་མདོས་ཆེན་གྱི་གཏོར་རྫོངས་ལྷན་ཐབས།

[Full Size]

མི་ནག་མགོ་བོ་གསུམ་པའི་མདོས་ཆེན་གྱི་གཏོར་རྫོངས་ལྷན་ཐབས་བཞུགས་སོ། །

[Full Size]

གཏོར་ཆུང་དགུ་ཤ་ཁྲག་དང་ཉ་བོ་དུམ་བུ་རེས་བརྒྱན་ལ། ཡོས་བཀྲ་འབྲུ་སྣ་མཐེབ་སྐྱུ་ཆང་ཕུད་བཏབ། འགུགས་གཞུག་བ་སྒྲལ་ལས་བྱས་ལ་བདུད་རྩིས་བྲན་ལ། གཏོར་ཆུང་དགྲ་བགེགས་བསྒྲལ་བའི་ཤ་ཁྲག་རུས་པ་དང་། གང་འདོད་ཡིད་མཐུན་བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུྃ་ཧ་ཧོདྷིསྭཱ་ཧཱ། ཧཱུྃ། འཇམ་དཔལ་བཀའ་ཉན་མཐུ་བོ་ཆེ། །ཟློག་བྱེད་མི་ནག་མགོ་བོ་གསུམ། །མ་རུངས་གདུག་པ་ལྟོ་འཕྱེའི་གཟུགས། །འགྲན་གྱི་དོ་མེད་དྲག་རྩལ་ཅན། །རིགས་གསུམ་མགོན་པོའི་དབང་བསྐུར་བས། །འཁོར་ལོ་གསུམ་ལྡན་དུས་ལ་བབ། །གཡས་ཕྱོགས་སྟག་གི་མགོ་བོ་ཡིས། །རྒྱལ་འགོང་སྤུན་དགུ་

[Full Size]

ཆམ་ལ་ཕོབ། །གཡོན་ཕྱོགས་ཕག་ཞལ་རྔམ་བརྗིད་ཞལ། །ས་སྲི་དུར་སྲི་ཆམ་ལ་ཕོབ། །དབུས་ཕྱོགས་གླང་ཆེན་འཇིགས་པའི་མགོས། །དགྲ་གྱོད་དམ་སྲི་ཆམ་ལ་ཕོབ། །སྐུ་མདོག་ནག་པོ་འཇིགས་པའི་ཚུལ། །ཕྱག་དྲུག་གདུག་པའི་མཚོན་ཆ་འཛིན། །གཤོག་པ་གནམ་ལྕགས་རལ་གྲི་འབར། །དུར་ཁྲོད་ཆས་བརྒྱད་རྒྱན་རྣམས་གསོལ། །ཞབས་གཉིས་དཔའ་བོ་འགྱིངས་ལྟར་བསྒད། །རེ་འབྱམས་ནག་པོས་རྔ་མ་གཡུག །བྱུར་དང་མི་ཁ་འོག་ཏུ་མནན། །དགྲ་སྲི་ནག་པོ་ཆམ་ལ་ཕོབ། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་

[Full Size]

བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲིའམ་དགྲ་སྲིའམ། ལྟས་ངན་ནམ། མི་ཁའམ། དགྲ་ལ་སྒྱུར། འདི་བཞི་འགྲེའོ། །༈ འདི་ཡི་སྐབས་སུ་ལྷ་གཏོར་འབུལ་རེ་མདོས་ནང་དུ་ཕུལ་བཅུག་།ཆང་ཕུད་ཁྲག་ཐིགས་རེ་ཡང་མཆོད། ༈ མི་དམར་ཧཱུཾ། འབྱུང་བ་ལྔ་ཡི་ཁྲི་སྟེང་ནས། །མ་རུངས་ལོག་འདྲེན་གཏུམ་པོའི་སྐུ། །འཁོར་དུ་གདུག་པའི་ཚོགས་ཀྱིས་བསྐོར། །མི་དམར་མགོ་གསུམ་ཤང་ཤང་དང་། །བདུད་བཙན་མ་མོ་རྔ་ཞོན་མ། །མི་ཁའི་བུ་མོ་སྤུན་དགུ་ཡང་། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། ཁྲོ་བོ་ཕ་བུ། ཧཱུྃ། ཧ་ས་གརྒྷའི་བཀའ་འཁོར་ན། །ས་བདག་ཁྲོས་པའི་འཇིགས་གཟུགས་ཅན། །ཁྲོ་བོ་ཕ་བརྒྱུད་བུ་བརྒྱད་ཚོགས། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། །སྤར་ཁ་བརྒྱད། ཧཱུྃ། མི་ནག་མགོ་གསུམ་བཀའ་འཁོར་ན། །འགྲོ་བ་ཚེ་དཔལ་བསྐྱེད་པའི་ལྷ། །སྤར་ཁ་

[Full Size]

བརྒྱད་པོ་འཁོར་དང་བཅས། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། །སྨེ་བ་དགུ། ཧཱུྃ། ནག་པོ་ཆེན་པོ་བཀའ་འཁོར་ན། །ཕོ་བྲང་གླིང་དགུ་བཞི་བཅུའི་ལྷ། །སྨེ་བ་དགུ་པོ་འཁོར་དང་བཅས། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། །ལོ་སྐོར་བཅུ་གཉིས། ཧཱུྃ། ནག་པོ་ཆེན་པོའི་བཀའ་འཁོར་ན། །འགྲོ་བའི་རྣམ་ཤེས་བརྟེན་པའི་གཞི། །ལུས་སྲོག་དབང་ཐང་བསྐྱེད་པའི་བརྟེན། །ལོ་སྐོར་བཅུ་གཉིས་ལོ་རྒན་ཚོགས། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། ༈ །དཔལ་མགོན་བདུན་ཅུ། ཧཱུྃ། ནག་པོ་ཆེན་པོའི་བཀའ་འཁོར་ན། །སྟོང་གསུམ་འཇིག་རྟེན་བྱ་ར་བ། །དཔལ་མགོན་བདུན་ཅུ་རྩ་གཉིས་ལ། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་

[Full Size]

བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། །རུ་འདྲེན་བཞི། ཧཱུཾ། ནག་པོ་ཆེན་པོའི་བཀའ་འཁོར་ན། །རྡོ་རྗེ་ལེགས་པ་པེ་ཧར་རྒྱལ། །མཁར་ནག་རྡོ་རྗེ་དུད་སོལ་མ། །རང་རང་འཁོར་ཚོགས་བཅས་པ་ལ། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། ༈ །གཏོ་མཁན་སྒོ་སྲུང་། ཧཱུྃ། ནག་པོ་ཆེན་པོའི་བཀའ་འཁོར་ན། །གཏོ་མཁན་རིགས་བཞི་སྒོ་སྲུང་བཞི། །ཤ་ཁྲག་གཏོར་མ་འདི་བཞེས་ལ། །བདག་དང་ཡོན་བདག་འཁོར་བཅས་ལ། །སྡང་བའི་དགྲ་དང་གནོད་པའི་བགེགས། །གྱོད་དང་ཕུང་སྲི་དགྲ་ལ་སྒྱུར། །གཏོར་ཆུང་ཕུལ། དེ་ལ་ནས་འབྲུ་སྣ་ཡོས་བཀྲ་མདོས་ལ་བཏབ། བཙོག་གླུད་ངར་མདོས་ནང་དུ་བཏབ་བཅུག་ལ། རྫོངས་འདེབས་གཞུང་ལྟར་འདོན་པར་བྱ། གཏོར་རྫོངས་འདི་མདོས་ཐབས་ལ་སྦྱར་དགོས། གཏོ་ཐབས་ལ་མི་དགོས་གཞུང་གི་རྫོངས་འདེབས་དེས་ཆོག་པར་བཤད་དོ། གཏོར་རྫོང་ལྷན་ཐབས་སུ་བཀོད་པའོ། །ཀརྨ་ཨ་རཱ་གས་སོ། །ལྗོངས་འདེབས་ལ་འཇུག་གོ །

མི་ནག་མགོ་བོ་གསུམ་པའི་མདོས་ཆེན་ལས་སྤར་ཁའི་དགྲ་ཟོར་མཚོན་གྱི་ཆར་པ།

[Full Size]

མི་ནག་མགོ་བོ་གསུམ་པའི་མདོས་ཆེན་ལས་སྤར་ཁའི་དགྲ་ཟོར་མཚོན་གྱི་ཆར་པ་བྱ་བ་བཞུགས་སོ། །

[Full Size]

འཇམ་དཔལ་ཁྲོས་པའི་རྒྱལ་པོ་ལ་ཕྱག་འཚལ་ལོ། །མི་ནག་མགོ་བོ་གསུམ་པའི་སྒོ་ནས་དྲག་པོའི་ཟོར་ལས་བྱ་བ་ནི། ་་་མདའ་ཟོར་་་་གཏོར་ཟོར་་་རྐོང་ཟོར། ཁྲག་ཟོར། དུག་ཟོར། ཐོད་ཟོར། ཐུན་ཟོར། མེ་ཟོར། ཆུ་ཟོར། མཚོན་ཟོར་རྣམས་བཤམས། དེ་ནས་སྔགས་པ་ཆས་སུ་ཞུགས་ལ། གསེར་སྐྱེམས་མཆོད། ཟོར་ལམ་བསལ། རྩ་བ་གསུམ་གྱི་ལྷ་ཚོགས་ཆོས་སྐྱོང་དམ་ཅན། མི་ནག་འཁོར་བཅས་ལྷ་སྲིན་སྡེ་བརྒྱད་ཚོགས་ཀྱི་ཕྱག་ན་མཚོན་ཆ་སྣ་ཚོགས་ཐོགས་ནས། དགྲ་བགེགས་བྱད་མ་རྡུལ་དུ་བརླག་པར་བསམ། ལིངྒའམ་ཐན་གཟུགས་ལ་འགུགས་གཞུག་དྲག་ཏུ་བྱས་ལ་འདི་སྐད་དོ། །ཧཱུྃ། ང་ནི་འཇམ་དཔལ་ཁྲོས་པའི་སྐུ། །ཞལ་གསུམ་ཕྱག་དྲུག་སྐུ་

[Full Size]

མདོག་སེར། །ཕྱག་ན་དུག་གི་ཟོར་རྣམས་ཐོགས། །ཞེ་སྡང་དུག་ལྔ་འདུལ་བའི་ཕྱིར། །གཡས་ན་ལྷ་ཡི་དམག་དཔུང་སྡུད། གཡོན་ན་ཀླུ་ཡི་དམག་དཔུང་སྡུད། །ཐད་ན་ལྷ་སྲིན་སྡེ་བརྒྱད་སྡུད། །དབུས་ན་སྤྱི་ཡི་དམག་དཔུང་སྡུད། །སྡང་བའི་དགྲ་ལ་དམག་འདྲེན་འཚལ། །གནོད་པའི་བགེགས་ལ་དམག་འདྲེན་འཚལ། །ངན་སྔགས་གདུག་པའི་མཐུ་ཟོར་དང་། །མ་མོ་ཡོངས་ཀྱི་ཁྲག་ཟོར་དང་། །སྡེ་བརྒྱད་ཡོངས་ཀྱི་ཐུན་ཟོར་དང་། །བྱད་ཀྱི་སྔགས་ཟོར་ངན་སྔགས་འདི། །སྡང་བའི་དགྲ་ལ་ཟོར་འཕེན་ནོ། །གནོད་པའི་བགེགས་ལ་ཟོར་

[Full Size]

འཕེན་ནོ། །བར་ཆད་རྐྱེན་ལ་ཟོར་འཕེན་ནོ། །ཟོར་འཕང་ཚུར་ལ་མ་ལྡོག་ཅིག །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ང་ནི་འཕགས་པ་འཇམ་དཔལ་ཏེ། །འབྱུང་བ་ལྔ་ཡང་ང་ལ་འདུས། །སྤར་ཁ་བརྒྱད་ཀྱང་ང་ལ་འདུས། །སྨེ་བ་དགུ་ཡང་ང་ལ་འདུས། །ལོ་སྐོར་བཅུ་གཉིས་ང་ལ་འདུས། །ལོ་རྒན་དྲུག་ཅུ་ང་ལ་འདུས། །སྲུང་རྟ་བཅུ་གཉིས་ང་ལ་འདུས། །སྲོག་ལུས་དབང་ཐང་ང་ལ་འདུས། །ལོ་གཤེད་བཅུ་གཉིས་ང་ལ་འདུས། །ང་ཡི་ལག་གཡས་ཟིན་རླུང་ཡིན། །ལག་པ་གཡོན་པ་ཁོན་མ་ས། །རྐང་པ་གཡས་པ་གིན་རི་སྟེ། །རྐང་པ་གཡོན་པ་ཁེན་གནམ་ཡིན། །རྩིབ་ལོགས་གཡས་པ་ཟིན་ཤིང་སྟེ། །རྩིབ་ལོགས་གཡོན་པོ་དྭ་ལྕགས་སོ། །མིག་ནི་སྤར་ཁ་ལི་མེ་སྟེ། །མཚན་མ་ཁཾ་ཆུ་ཉིད་ཡིན་ནོ། །དེ་ལྟར་སྤར་སྨེ་ལོ་ཟླ་ཞག །དེ་ལ་གནས་པའི་ས་བདག་ཚོགས། །དེ་རིང་དྲག་པོས་ལས་ལ་བཞེངས། །སངས་རྒྱས་བསྟན་པའི་སྤྱི་དགྲ་དང་། །རྣལ་འབྱོར་བདག་གི་སྒོས་དགྲ་ལ། །དེ་རིང་དྲག་པོའི་ཟོར་འཕེན་ནོ། །དགྲ་བགེགས་ཐལ་བ་རྡུལ་དུ་རློགས། །དེ་ནས་མདའ་ཟོར་ཐོགས་ལ། ཧཱུྃ། མི་ནག་མགོ་གསུམ་

[Full Size]

སྣ་འདྲེན་པ། །མི་དམར་མགོ་གསུམ་མཐུ་བོ་ཆེ། །གཡས་པ་གླང་གི་མགོ་བོ་ཅན། །གཡོན་པ་སྦྲུལ་གྱི་མགོ་བོ་ལ། །དབུས་ནི་གཏི་མུག་ཕག་གི་མགོ ། ལུས་པོ་ཕུང་སྲིའི་མགོ་བོ་ཅན། །རྐང་ལག་རྣམས་ནི་འཕྱོ་འཕྱོ་བ། །ཡན་ལག་རྣམས་ནི་ལྡིང་ལྡིང་བ། །བན་ཟོར་ལ་ནི་སྟོབས་རེ་ཆེ། །བོན་ཟོར་ཟློག་པའི་མཐུ་བོ་ཆེ། །དེ་རིང་ཟོར་རྣམས་དགྲ་ལ་དྲོངས། །ཕྱག་ན་མདའ་ཟོར་དྲག་པོ་ཐོགས། །དགྲ་བགེགས་སྙིང་ལ་མདའ་ཟོར་རྒྱོབས། །རྡུལ་ཕྲན་བཞིན་དུ་བརླག་པར་མཛོད། །ཙན་ཁྲི་བ་ཏྲི་དམ་སྲི་ཁ་ལ་རཀྵ་དུ་ཏྲི་ཆོད། དམ་ཉམས་ལ་ཆོད། དམ་སྲི་ལ་ཆོད། དགྲ་ལ་ཆོད། དགྲ་འདྲེ་གདོན་གསུམ་ལ་ཆོད། ཅེས་མདའ་ཟོར་འཕང་། ༈ དེ་ནས་དུག་ཟོར་ཐོགས་ལ། བྷྱོཿ མི་ནག་རྒྱབ་ཕྱོགས་ལས་མཁན་ནི། །ཧ་ལ་རྔམ་པ་གླང་ཞོན་ནི། །སྐུ་མདོག་མཐིང་ནག་འཇིགས་པའི་གཟུགས། །དུར་མི་ནག་པོས་སྔོན་ནས་ཁྲིད། །བདུད་མི་ནག་པོས་རྒྱབ་ནས་དེད། །ལག་ན་དུག་མཚོན་ཟོར་ནག་འཕེན། །བཀའ་ཡི་གཏོར་མ་འདི་བཞེས་ལ། །དམ་ཉམས་དགྲ་ལ་ཟོར་རྣམས་རྒྱོབ། །མྱོས་ཐོབ་ཐལ་བ་རྡུལ་དུ་རློགས། །བྷྱོ་མི

[Full Size]

ཁ་ཐུམ་ཧྲིལ་དགྲ་ལ་བྷྱོཿ བཙན་དུག་རེ་ལྕགས་ཐང་ཕྲོམ་འདྲེས་མ་རྣམས་འཕང་ངོ། ༈ །དེ་ནས་ཁྲག་ཟོར་ཐོགས་ལ། བྷྱོཿ སྐུ་ཡི་གཡས་ནས་དཔུང་ནོན་པ། །ཟངས་ཀྱི་མ་མོ་དམར་མོ་ནི། །ཁྲག་མདོག་དམར་པོ་ཁྲག་ལྟ་བུ། །ཞལ་ནས་བྷྱོ་ཡི་སྒྲ་སྒྲོག་པ། །འཇིག་རྟེན་ཀུན་ཡང་འདར་ཞིང་བསྔངས། །སྲིད་པ་གསུམ་གྱི་བདག་མོ་སྟེ། །ལུས་ལ་ནད་ཀྱི་ན་བུན་འཐུལ། །ཁྲག་གི་ཆར་པ་སི་ལི་ལི། །ཆིབས་སུ་རྔ་མོང་དཔུང་དཀར་ཆིབས། །ཁྲག་གི་རྒྱ་མཚོར་གཤེགས་པའི་ཚེ། །ཁྲག་ནད་དགྲ་བོའི་ཡུལ་དུ་དྲོངས། །ཕྱག་ན་ཁྲག་ཟོར་ནད་རྐྱལ་ཐོགས། །དགྲ་ལ་ཁྲག་ཟོར་ཁྲག་ནད་རྒྱོབས། །དམ་ཉམས་བསྟན་དགྲ་རྡུལ་དུ་རློགས། །བྷྱོ་མ་མ་རུ་ལུ་གནོད་བྱེད་དགྲ་འདྲེ་བྱད་གསུམ་གྱི་སྲོག་ལ་མཱ་ར་ཡ་ཆད༔ དེ་ནས་ཐོད་ཟོར་ཐོགས་ལ། བྷྱོཿ ལི་ཡི་ཡུལ་དུ་མ་མོ་ནི། །ཨུ་རྟ་དམར་མོ་ཟངས་ཀྱི་རལ་པ་ཅན། །བྱང་ཤར་མཚམས་ཀྱི་མ་མོ་ནི། །རླུང་ནག་འཚུབ་མའི་ནང་ན་གནས། །སྤྲིན་གྱི་རྒྱལ་མོ་དུ་རུ་ཀ །ཆིབས་སུ་དྲེལ་རྟ་རྐང་གསུམ་ཆིབས། །སྔགས་འཆང་བསྟན་པ་སྲུང་བའི་ཚོགས། །དཔལ་ལྡན་ལྷ་མོ་མཐུ་མོ་ཆེ། །སྐུ་ལ་ཡེ་ཤེས་མེ་

[Full Size]

དཔུང་འབར། །སྲིད་གསུམ་ཟོར་གྱི་བདག་མོ་སྟེ། །ནད་ཀྱི་བདག་མོ་ཟོར་ལ་བསྐྱོད། །ཕྱག་ན་ཐོད་ཟོར་སྐྱ་བོ་བསྣམས། །བལ་མོས་ཐོད་ཟོར་དགྲ་ལ་ཡ། །དགྲ་བོ་བདུན་རྒྱུད་རྩད་ནས་ཆོད། །མ་མ་བྷྱོ་བྷྱོ་དམ་ཉམས་དགྲ་བགེགས་མཱ་ར་ཡ་ཕཊ༔ དེ་ནས་རྐོང་ཟོར་ཐོགས་ལ། བྷྱོཿ མ་མོ་ཁྱོད་ཀྱི་ལས་མཁན་ནི། །བལ་མོ་ཆུ་སྲིན་གདོང་པ་ཅན། །ཁ་ནས་ངན་སྔགས་མདའ་ལྟར་འཕེན། །ཞལ་གདངས་མིག་བསྒྲད་མཆེ་བ་གཙིགས། །ལྗགས་ནི་བར་སྣང་གློག་ལྟར་འཁྱུགས། །ཕྱག་ན་རྐོང་ཟོར་དགྲ་ལ་འཕེན། །བདུད་བཙན་གཤིན་རྗེའི་ཟོར་སྣ་ཟློག །དགྲ་བོའི་ཡུལ་དུ་ཟོར་སྣ་ཁྲིད། །དགྲ་བོ་མི་ནོར་རྡུལ་དུ་རློགས། །མ་མ་ཁ་སུ་ཏྲི་ཀ་ཏྲི་ཡཾ་ཡཾ་ཐུམ་རི་ལི་ལི། དེ་ནས་ཐུན་ཟོར་ཐོགས་ལ། ཧཱུྃ། ང་ནི་གཟའ་བདུད་ཆེན་པོ་ཡིན། །ང་ནི་དུ་ཝ་མཇུག་རིང་ཡིན། །སེམས་ཅན་སྲོག་ལ་ང་དབང་ཆེ། །དེ་བས་ཐམས་ཅད་ང་ལ་འདུས། །དེ་རིང་ལོག་འདྲེན་བསྒྲལ་བ་ཡིན། །ང་ཡི་མགོ་ནི་མི་དམར་ཡིན། །ལག་ན་མེ་ཟོར་དམར་པོ་བསྣམས། །མེ་ཟོར་དམ་ཉམས་དགྲ་ལ་རྒྱོབ། །སྤྱན་མིག་གཡས་གཡོན་ཉི་ཟླ་གཉིས། །ལག་པ་

[Full Size]

མེ་ཟོར་ཆུ་ཟོར་བསྣམས། །མེ་ཟོར་ཆུ་ཟོར་དགྲ་ལ་རྒྱོབས། །ང་ཡི་ཁ་འདི་སྲིན་པོའི་ཁ། །བྱད་དང་ངན་སྔགས་དགྲ་ལ་རྒྱོབས། །ལག་པ་གཡས་གཡོན་ལྷག་པ་སྟེ། །ཕྱག་ན་ཁྲག་ཟོར་ཤིང་ཟོར་བསྣམས། །ཤིང་གི་ཟོར་མདའ་དགྲ་ལ་རྒྱོབས། །རྐེད་པ་གཡས་པ་པ་ཝ་སངས། །ལག་པ་ལྕགས་ཀྱི་མདའ་ཟོར་བསྣམས། །ལྕགས་ཟོར་གྲི་མདུང་དགྲ་ལ་རྒྱོབས། །རྐང་གཡོན་དུ་ཝ་མཇུག་རིང་ཡིན། །ལག་ན་གསེར་གྱི་མཆོད་རྟེན་བསྣམས། །ས་བདུད་ས་སྲིན་དགྲ་ལ་རྒྱོབས། །སྒལ་ཚིགས་རྒྱུ་སྐར་ཉེར་བརྒྱད་དེ། །ལག་ན་ཐུན་རྫས་སྣ་ཚོགས་ཐོགས། །སྐར་ངན་སྐར་མདའ་དགྲ་ལ་རྒྱོབས། །གཟའ་གདོང་རྒྱུ་སྐར་འཁོར་བཅས་རྣམས། །དྲག་པོ་ཟོར་གྱི་ལས་ལ་བཞེངས། །མཚོན་ཆ་དུག་ཐུན་སྣ་ཚོགས་ཟོར། །བསྟན་པ་བཤིག་པའི་དགྲ་ལ་དྲོངས། །ཐལ་བ་རྡུལ་དུ་བརླག་པར་མཛོད། །རཀཱ་ར་ཧུ་ལ་གནོད་བྱེད་དགྲ་བགེགས་མཱ་ར་ཡ་རྦད། དེ་ནས་མཚོན་ཆ་སྣ་ཚོགས་ཐོགས་ལ། ཧཱུྃ། ནམ་མཁའ་གཡུ་ཡི་ལྡིང་ཁང་ནས། །གསང་བ་གཟའ་བདུད་སྤྲུལ་པ་ལས། །ཤེལ་གྱི་མདོག་ཅན་མི་སྲུན་པ། །སྐུ་མདོག་མཐིང་ནག་འཇིགས་པ་ལ། །

[Full Size]

གཡས་ན་གཅོད་བྱེད་རལ་གྲི་བསྣམས། །གཡོན་ན་མཚོན་ཆ་སྣ་ཚོགས་བསྣམས། །དམ་ཉམས་དགྲ་ལ་མཚོན་ཟོར་ཡ། །གནོད་པའི་བགེགས་ལ་མཚོན་ཟོར་ཡ། །བྱད་མ་དམ་ཉམས་དགྲ་འདྲེ་ལ། །སྣ་ཚོགས་མཚོན་ཆའི་ཆར་པ་ཕོབ། །མགོ་ལུས་ཡན་ལག་དུམ་བུར་གཏུབས། །བཛྲ་ཏིག་ན་དགྲ་བོའི་སྙིང་ལ་མཱ་ར་ཡ་ཆོད་ཆོད། ༈ དེ་ནས་མེ་ཟོར་ཐོགས་ལ། ཧཱུྃ། དུར་ཁྲོད་ཆེན་པོ་བསིལ་ཚལ་ནས། །ས་སྟེང་མེ་རི་འབར་ཀློང་ནས། །མ་ཧཱ་དེ་ཝའི་ཐུགས་སྤྲུལ་ལས། །སྤྱང་ཀིའི་མགོ་ཅན་མི་སྲུན་པ། །སྐུ་མདོག་དམར་ནག་འཇིགས་པའི་གཟུགས། །ཕྱག་གཡས་སྲེག་པའི་མེ་དཔུང་བསྣམས། །གཡོན་པས་མེ་ཟོར་དམར་པོ་བསྣམས། །དེ་རིང་བགེགས་ལ་མེ་ཟོར་ཡཱ། །དེ་རིང་དགྲ་ལ་མེ་ཟོར་ཡཱ། །དགྲ་བགེགས་སྲེག་པའི་ལས་མཛོད་ཅིག །མ་ཧཱ་དེ་ཝ་གནོད་བྱེད་དགྲ་བགེགས་ཐུམ་རི་ལི་ལི། ཛྭ་ལ་རཾ་རཾ༔ ༈ དེ་ནས་ཆུ་ཟོར་ཐོགས་ལ། ཧཱུྃ། རྒྱ་མཚོ་འཁྱིལ་བའི་རྦ་ཀློང་ནས། །ཕག་རྒོད་མགོ་ཅན་མི་སྲུན་པ། །གཡས་པ་ཆུ་ཟོར་སྔོན་པོ་ཐོགས། །གཡོན་ནི་ཆུ་ཐིགས་བཤའ་སྦྱད་བསྣམས། །དགྲ་བགེགས་སྟེང་དུ་ཆུ་ཟོར་

[Full Size]

རྒྱོབས། །ཡུལ་མཁར་རྨིང་ནས་ཕྱགས་པར་མཛོད། །དགྲ་བོ་མཱ་ར་ཡ་ཁཾ་ཁཾ། དེ་ནས་གཏོར་ཟོར་ཐོགས་ལ། ཧཱུྃ། འཕགས་པ་འཇམ་དཔལ་ཐུགས་རྗེ་ཡིས། །འགྲོ་དྲུག་ཡོངས་ལ་ཕན་གདགས་ཕྱིར། ཡ།སྟོབས་ལྡན་མགོ་གསུམ་ལས་ལ་བཞེངས། །མི་དམར་བདུད་བཙན་ལས་ལ་བཞེངས། །མ་མོ་དཔོན་གཡོག་ལས་ལ་བཞེངས། །ཁྲོ་བོ་ཕ་བརྒྱད་ལས་ལ་བཞེངས། །ས་བདག་བུ་བརྒྱད་ལས་ལ་བཞེངས། །སྤར་སྨེ་ལོ་སྐོར་ལས་ལ་བཞེངས། །ལོ་རྒན་དྲུག་ཅུ་ལས་ལ་བཞེངས། །དཔལ་མགོན་བདུན་ཅུ་ལས་ལ་བཞེངས། །ལོ་ཟླ་ཞག་དུས་ལས་ལ་བཞེངས། །རུ་འདྲེན་སྡེ་བཞི་ལས་ལ་བཞེངས། །ཕོ་ཉ་གཡོག་འཁོར་ལས་ལ་བཞེངས། །དོ་ནུབ་དགྲ་ལ་དམག་འདྲེན་ནོ། །དོ་ནུབ་བགེགས་ལ་དམག་འདྲེན་ནོ། །དོ་ནུབ་ཟོར་གྱི་ལམེ་བྱེ་དོ། །དོ་ནུབ་གཏོར་ཟོར་དགྲ་ལ་འཕེན། །བདག་ཅག་ཡོན་མཆོད་འཁོར་བཅས་ལ། །སྲུང་རྟ་སྲོག་ལུས་དབང་ཐང་ལུས། །ཕྱོགས་ཀྱི་བདུན་ཟུར་གཤེད་བཞི་དང་། །ལོ་སྐག་ཟླ་སྐག་ཟོར་གྱིས་ཟློག །མི་ནད་ཡམས་ནད་ཟོར་གྱིས་ཟློག །གློ་བུར་ཡེ་འདྲོགས་ཟོར་གྱིས་ཟློག །མོ་ངན་རྨིས་ངན་ཟོར་

[Full Size]

གྱིས་ཟློག །བན་བྱེད་བོན་བྱད་ཟོར་གྱིས་ཟློག །ཕྱུགས་ལ་གློ་ཧོན་ཟོར་གྱིས་ཟློག །མེ་ཆུ་དགྲ་གཤེད་ཟོར་གྱིས་ཟློག །ཤིང་དགྲ་ལྕགས་དགྲ་ཟོར་གྱིས་ཟློག །དགྲ་གྱོད་འཁོན་གསུམ་ཟོར་གྱིས་ཟློག །དེ་ལྟར་མི་ནག་འཁོར་བཅས་ཀྱི། །ཕྱག་གཡས་རང་རྟགས་མཚོན་ཆ་ཐོགས། །དགྲ་བོའི་ལུས་ལ་མཚོན་ཟོར་རྒྱོབ། །གཡོན་པས་གཏོར་ཟོར་བགེགས་ལ་འཕེན། །གནོད་པའི་བགེགས་ལ་གཏོར་ཟོར་རྒྱོབས། །དགྲ་བོའི་ཡུལ་དུ་དམག་སྣ་དྲོངས། །བགེགས་ཀྱི་སྟེང་དུ་ཟོར་སྣ་དྲོངས། །ཁྱད་མའི་སྟེང་དུ་ཟོར་སྣ་དྲོངས། །སངས་རྒྱས་བསྟན་པའི་སྤྱི་དགྲ་དང་། །དཔལ་ལྡན་བླ་མའི་སྐུ་དགྲ་དང་། །རྣལ་འབྱོར་བདག་གི་སྒོས་དགྲ་ལ། །སྣ་ཚོགས་ཟོར་གྱི་ཆར་པ་ཕོབ། །དམ་ཉམས་སྙིང་ལ་གཏོར་ཟོར་རྒྱོབས། །ལུས་ངག་ཡིད་གསུམ་དུམ་བུར་གཏུབ། །ཤ་ཁྲག་ལས་མཁན་ཞལ་དུ་བཞེས། །ལྷག་མ་མེས་བསྲེགས་ཆུ་ཡིས་ཁྱེར། །རྡུལ་ཕྲན་ཙམ་ཡང་མེད་པར་མཛོད། །དེ་ནས་གཏོར་ཟོར་འཕངས་ལ་བཟློག་སྔགས་རིང་མོ་བརྗོད། དམིགས་པ་ནི་རང་ཉིད་ཡི་དམ་འཕགས་པ་འཇམ་དཔལ་ཁྲོས་པའི་ཕྱག་ན། མི་ནག་མགོ་གསུམ་འཁོར་དང་བཅས་པ་སོ་

[Full Size]

སོའི་ཕྱག་མཚན་གང་ཡིན་ཐོགས་ནས། དམ་ཉམས་པའི་དགྲ་བགེགས་ལ་བརྒྱབས་པས། ཤོ་མོང་ལ་སེར་བ་ཕོག་པ་ལྟར་དུམ་བུར་གཏུབ་པ་དང་། ཁོ་ཡི་རྣམ་ཤེས་ཨཱདཀར་པོ་གསལ་བ་ལས། འཇམ་དཔལ་དང་དཀྱིལ་འཁོར་ལྷ་ཚོགས་ལས་འོད་ཟེར་འཕྲོས་ཨཱཡིག་ལ་ཕོག་པས་སྡིག་སྒྲིབ་ཐམས་ཅད་དག་སྟེ། ཨཱ་ཡིག་བདེ་བ་ཅན་དུ་སངས་རྒྱས་སྣང་བ་མཐའ་ཡས་ཀྱི་ཐུགས་ཀར་རྒྱངས་སེ་འཕང་། ་་ས་བརྒྱད་གནས་པའི་བྱང་ཆུབ་སེམས་དཔོ་འ་རྒྱལ་བའི་སྲས་སུ་འཁྲུངས་པར་བསམ། ཤ་ཁྲག་དེ་མི་ནག་མགོ་གསུམ་འཁོར་བཅས་ཀྱིས་ཟོས་པར་བསམ། ལྷག་མ་བསྐལ་པའི་མེ་ཡིས་བསྲེགས་ཏེ། ཐལ་བ་ཆུས་ཁྱེར་ནས་མཐའ་ཡི་རྒྱ་མཚོར་ཁྱེར་བས་མིང་ནས་མེད་པར་བསམས། དེ་ལྟར་བྱས་པས་ཕྱི་མ་ཡང་རང་ལ་མི་སྒྲིབ་པར། རྒྱུད་ཐམས་ཅད་ནས་གསུངས་སོ། །ཨ་རཱ་གས་གསུངས། བཀྲ་ཤིས་པར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མི་ནག་མགོ་གསུམ་མདོས་ཀྱི་ལས་འགྲིགས་ལས། གསང་བ་མི་དམར་མགོ་གསུམ་གྱི་སྣ་ཁྲིད།

[Full Size]

མི་ནག་མགོ་གསུམ་མདོས་ཀྱི་ལས་འགྲིགས་ལས། གསང་བ་མི་དམར་མགོ་གསུམ་གྱི་སྣ་ཁྲིད་བྱ་བ་བཞུགས་སོ། །

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། མི་ནག་མགོ་གསུམ་མདོས་ཀྱི་སྣ་ཁྲིད། གསང་བ་མི་དམར་མགོ་གསུམ་ནི། མདོས་རྫོངས་ཞལ་བསྟབ་ལམ་བསྟན་ཚར་ནས་འདི་ཡིས་སྣ་ཁྲིད་བྱས་ནས་སོང་བའི་ཚུལ་དུ། མདོས་དཔག་རན་ཁར་འདི་སྐད་དོ། །ཀྱཻ། མི་དམར་མགོ་གསུམ་ཚུར་ཉོན་དང་། །ནག་པོ་མགོ་གསུམ་མདོས་གཏོང་ན། །མི་དམར་ཁྱོད་ཀྱིས་སྣ་ཁྲིད་གྱིས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །བདག་དང་ཡོན་བདག་འཁོར་བཅས་ལ། །མི་མཐུན་ཐན་ལྟས་ངན་པ་དང་། །འགོང་པོ་ཐེའུ་རང་ལང་བ་དང་། །ཕོ་སྲི་མོ་སྲི་ལང་བ་དང་། །

[Full Size]

འདྲེ་སྲིན་ཆོ་དགུ་བསྡུས་བསྡུས་ནས། །མི་དམར་ཁྱོད་ལ་ཁུར་ཅིག་བསྐུར། །མི་ནག་ཁྱོད་ལ་རྫོངས་གཅིག་འདེབས། །དགྲ་འདྲེའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྲོད། །མི་དམར་ཁྲག་འདོད་ཁྲག་དང་སྤྱོད། །མེ་ཉག་སོག་མོ་ངན་པ་དང་། །ཞང་ཞུང་ཇུ་ཐིག་ངན་པ་དང་། །རྒྱ་ཡི་གཙུག་ལག་ངན་པ་དང་། །བོད་ཀྱི་ལྷ་བཀྲ་ངན་པ་དང་། །དགྲ་ཡི་ལྷ་ཉེ་ངན་པ་དང་། །ནུབ་ཀྱི་རྨི་ལམ་ངན་པ་དང་། །དུས་ཀྱི་འཁྲུག་པ་ངན་པ་དང་། །མོ་ངན་སོགས་སྡིག་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་

[Full Size]

ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དང་སྤྱོད། །རྒྱ་གར་ཆོས་འཁྲུག་ངན་པ་དང་། །སྟག་གཟིག་ནོར་གྱི་སྣེ་འདྲེ་དང་། །གེ་སར་དམག་གི་དགྲ་འདྲེ་དང་། །རྒྱལ་ཕྲན་བཞི་ཡི་ཞེ་ངན་དང་། །ཞང་ཞུང་ངན་སྔགས་བཅས་པ་དང་། །བལ་པོའི་ངན་སྔགས་བཏང་བ་དང་། །བནྡེ་ཡོངས་ཀྱི་སྔགས་ཟོར་དང་། །བོན་པོ་ཡོངས་ཀྱི་གཏད་ཟོར་དང་། །སྐྱེ་བོ་ཡོངས་ཀྱི་མདའ་ཟོར་དང་། །སྦྱོ་ཟོར་ཆོ་དགུ་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དང་སྤྱོད། །མི་ནད་སྣ་དགུ་རྟ་ནད་འཚེར་རྩུབ་དང་། །ཕྱུགས་ནད་གློ་ཧོན་ལུག་ནད་ལྟེ་བ་དང་། །ར་ནད་གིག་ཐང་ཕག་ནད་སྡིག་པ་དང་། །ཁྱི་ནད་དེ་ནི་གག་པ་རྣམས། །ནད་སྣ་ཆོ་དགུ་བསྡུས་བསྡུས་ནས། མི་དམར་ཁྱོད་ལ་ཁུར་ཅིག་བསྐུར། །མི་ནག་ཁྱོད་ལ་རྫོངས་གཅིག་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་

[Full Size]

དམར་ཁྲག་འདོད་ཁྲག་དང་སྤྱོད། །བརྒྱ་ཡི་མི་ཁ་སྟོང་གི་བྲ་མཆུ་དང་། །གློ་བུར་ཡེ་འདྲོགས་འོང་བ་དང་། །ཕོ་སྐག་གངས་ལྟར་ཉིལ་བ་དང་། །མོ་སྐག་བལ་ལྟར་གཡེང་བ་དང་། །སྐྱེ་བོའི་ཡལ་ཁ་བྱེ་བ་དང་། །མི་ཁ་བྲ་མཆུ་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དང་སྤྱོད། །བེའུ་ལ་སྣ་མེད་ཡ་སོ་སྐྱེས། །རྟ་ལ་སྟེ་ལག་ཁྲིད་པ་དང་། །ཕྱུགས་ལ་ཡན་ལག་མ་ཚང་དང་། །ར་ལུག་ལྷག་ཆད་ཐན་སྣ་དང་། །རི་དྭགས་ཁྱིམ་དུ་འགྲིམ་པ་དང་། །ཡོས་བཏགས་རམ་ཕྱེ་བྱུང་བ་དང་། །བྱ་ཐན་བྱིའུ་ཐན་སྦྲུལ་ཐན་དང་། །ཐན་ངན་ཐམས་ཅད་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྲོད། །མི་དམར་ཁྲག་འདོད་ཁྲག་ལ་འཐུང་། །སྐེ་ནད་མིག་ནད་སོ་ནད་དང་། །ཁྲག་ནད་རྒྱུ་གཟེར་རིམས་ནད་དང་། །འབྲུམ་བུ་ལྷོག་པ་རྒྱ་ཐོར་དང་། །མི་ནད་ཐམས་

[Full Size]

ཅད་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དང་སྤྱོད། །ཚ་སླད་གྲང་སླད་ཀླད་སྡོད་དང་། །གླན་པ་ལ་གར་ཁོའི་ཁྱོག་དང་། རྟ་ནད་ཐམས་ཅད་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དོང་སྤྱོད། །ཁ་ཚ་གློ་ཧོན་ལྷོག་པ་དང་། །གཟའ་ནད་ཀླད་སྨོན་རྩ་དཀར་དང་། །གོར་ནད་མཆིན་བུ་རྔོ་དམར་དང་། །ནོར་ནད་ཐམས་ཅད་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དང་སྤྱོད། །ལྟེ་བ་མྱང་ངན་ནད་ན་དང་། །འབྲུམ་བུ་སྐྱེ་འགགས་ར་འབུ་སོགས། །ལུག་ནད་ར་ནད་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །

[Full Size]

དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དང་སྤྱོད། །འབྲས་དང་གག་པ་ལྕེ་འབམ་དང་། །གག་སྨྱོན་ཁྱི་སྨྱོན་བྱུང་བ་དང་། །ཁྱི་ནད་ཐམས་ཅད་བསྡུས་བསྡུས་ནས། །མི་དམར་ཁྱོད་ལ་ཁུར་གཅིག་བསྐུར། །མི་ནག་ཁྱོད་ལ་རྫོངས་སུ་འདེབས། །དགྲ་བོའི་ཡུལ་དུ་མི་ནག་སོང་། །མི་ནག་ཤ་འདོད་ཤ་དང་སྤྱོད། །མི་དམར་ཁྲག་འདོད་ཁྲག་དང་སྤྱོད། །མི་ཁ་བྲ་མཆུ་ཁྱེར་ལ་སོང་། །མོ་ངན་ལྟས་ངན་ཁྱེར་ལ་སོང་། །སྙིང་སྟོང་གོད་ཁ་ཁྱེར་ལ་སོང་། །ཡམས་ནད་དགྲ་སྣ་ཁྲིད་ལ་སོང་། །བཙའ་སད་སེར་གསུམ་ཁྱེར་ལ་སོང་། །མི་ནད་ནོར་ནད་ཁྱེར་ལ་སོང་། །རྟ་ནད་ཁྱི་ནད་ཁྱེར་ལ་སོང་། །ར་ནད་ལུག་ནད་ཁྱེར་ལ་སོང་། །མདོས་ཆེན་འདི་ཡི་གཏོ་སྣ་ཁྲིད། །དམ་ཉམས་དགྲ་བོའི་ཡུལ་དུ་སོང་། །དེ་རུ་གནས་ཆོས་ཟ་སྐལ་གཏོང་། །མིང་ཡང་མེད་པར་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །མི་དམར་མགོ་གསུམ་གྱི་སྣ་ཁྲིད་རྫོངས་འདེབས་འདི། མདོས་འབུལ་ཁར་འགེལ་དུ་བཅའ་གསོལ་ཡོད་ཀྱང་ངལ་པོ་ནང་གི་མི་དམར་སྣ་ཁྲིད་བསལ་ན་ལེགས་སོ། །དགེའོ། །ཨ་རཱ་གས་

[Full Size]

གསུངས།། །། ༧ ཁོམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

མི་ནག་མགོ་བོ་གསུམ་པའི་མདོས་ཆེན་ལས། རྗེས་ཀྱི་ལས་འགྲིག་སྒོ་དབྱེ་རྫོངས་འདེབས་ལམ་བསྟན་གདན་བསྐྱོད་གཤེགས་གསོལ།

[Full Size]

མི་ནག་མགོ་བོ་གསུམ་པའི་མདོས་ཆེན་ལས། རྗེས་ཀྱི་ལས་འགྲིག་སྒོ་དབྱེ་རྫོངས་འདེབས་ལམ་བསྟན་གདན་བསྐྱོད་གཤེགས་གསོལ་རྣམས་བཞུགས་སོ། །

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། །མི་ནག་མགོ་བོ་གསུམ་པའི་མདོས་འབུལ་དུས་རྗེས་ཀྱི་ལས་འགྲིགས་བསྟན་པ། དང་པོ་མདོས་སྒོ་དབྱེ་བ་ནི། གསེར་སྐྱེམས་དང་མདའ་དར་ཐོགས་ལ་འདི་སྐད་དོ། །ཀྱཻ། ཀོང་ཙེ་འཕྲུལ་གྱི་རྒྱལ་པོ་ཡིས། །གཏོ་ཡས་གླུད་ཀྱིས་ཐམས་ཅད་བཅོས། །རྒྱ་རྗེ་སྟོང་འཇམ་འཁོར་བཅས་ཀྱིས། །གཏོ་ཡས་གླུད་ཀྱིས་ཐམས་ཅད་བཅོས། །དེ་རིང་སྔགས་འཆང་རྣལ་འབྱོར་གྱིས། །ངན་དགུ་དུག་བཅུ་ཟློག་ཅིང་སྒྱུར། །གཏོ་ཡས་འདི་ཡིས་ཐམས་ཅད་ཚིམ། །མགུ་ཤིང་དགྱེས་པར་གསོལ་བ་བཏབ། །འདོད་པའི་ལོངས་སྤྱོད་ཡ་མཚན་ཅན། །གླུད་དུ་

[Full Size]

བསགས་པའི་ཡས་སྟགས་རྣམས། །སོ་སོའི་འདོད་པ་ཚིམ་གྱུར་ཅིག །སོ་སོའི་འདོད་པ་ཚིམས་ནས་ཀྱང་། །རང་རང་བདེ་བའི་གནས་སུ་གཤེགས། །དེ་ནས་སྒོ་ཕྱི་སྒོ་དབྱེ་བ་ནི། །ཀྱཻ། ད་ནི་མདོས་ཀྱི་སྒོ་དབྱེ་འཚལ། །ཕྱོགས་བཞི་སྒོ་བཞི་མ་ཕྱེས་ན། །གཏོ་ཡས་གསོག་པ་གང་དུ་གཏོང་། །དེ་ཕྱིར་ཕྱི་སྒོ་ཕྱེ་ཡང་འཚལ། །ཀྱཻ། ད་ནི་གཏོ་སྒོ་ཤར་དུ་དབྱེ། །གཏོ་ཡི་ལམ་བསྟན་ཤར་དུ་བསྟན། །ཤར་ཕྱོགས་དྲི་ཟ་ཡུལ་འཁོར་སྲུང་། །ཕྲག་མ་དོག་ལ་རུ་མ་ཐུར། །ས་བདག་སྟག་སྐྱ་ཞེ་སྡང་ཅན། །གདུག་པའི་ཞེ་སྡང་སོ་མ་འཆའ། །གཏོ་ཡས་གླུད་ཀྱི་

[Full Size]

སྣ་མ་བསྐྱིལ། །གསེར་སྐྱེམས་དམ་པ་འདི་བཞེས་ལ། །གཏོ་མཁན་ཡོན་བདག་འཁོར་བཅས་ལ། །གདུག་པའི་མདའ་རྒོད་མ་འཕེན་ཅིག །ཀྱཻ། ད་ནི་གཏོ་སྒོ་ལྷོ་རུ་བསྟན། །གཏོ་ཡི་ལམ་བསྟན་ལྷོ་རུ་བསྟན། །ལྷོ་ཕྱོགས་གཤིན་རྗེ་འཕགས་སྐྱེས་པོ། །ཕྲག་མ་དོག་ལ་རུ་མ་ཐུར། །ས་བདག་འབྲུག་སྔོན་ང་རྒྱལ་ཅན། ་།གདུག་པའི་ང་རྒྱལ་སྐད་མ་་་འདོན། །གཏོ་ཡས་གླུད་ཀྱི་སྣ་མ་བསྐྱིལ། །གསེར་སྐྱེམས་དམ་པ་འདི་བཞེས་ལ། །གཏོ་མཁན་ཡོན་བདག་འཁོར་བཅས་ལ། །ང་རྒྱལ་གདུག་པ་མ་བརྟེན་ཅིག །ཀྱཻ། ད་ནི་གཏོ་སྒོ་ནུབ་ཏུ་དབྱེ། །གཏོ་ཡི་ལམ་བསྟན་ནུབ་ཏུ་བསྟན། །ནུབ་ཕྱོགས་ཀླུ་གདོན་སྤྱན་མི་བཟང་། །ཡ་མ་ང་ལ་ཕྲག་མ་དོག །ས་བདག་བྱ་དམར་འདོད་ཆགས་ཅན། །གདུག་པའི་འདོད་ཆགས་མ་སྦྱོར་ཅིག །གསེར་སྐྱེམས་དམ་པ་འདི་བཞེས་ལ། །གཏོ་ཡས་གླུད་ཀྱི་སྣ་མ་བསྐྱིལ། །གཏོ་མཁན་ཡོན་བདག་འཁོར་བཅས་ལ། །འདོད་ཆགས་མེ་ཆེན་མ་འབར་ཅིག །ཀྱཻ། ད་ནི་གཏོ་སྒོ་བྱང་དུ་དབྱེ། །གཏོ་ཡི་ལམ་བསྟན་བྱང་དུ་བསྟན། །བྱང་ཕྱོགས་གནོད་སྦྱིན་རྣམ་ཐོས་སྲས། །ཡ་མ་ང་ལ་ཕྲག་མ་དོག །ས་བདག་

[Full Size]

སྦལ་ནག་གཏི་མུག་ཅན། །གདུག་པའི་གཏི་མུག་མ་འཐིབ་ཅིག །གསེར་སྐྱེམས་དམ་པ་འདི་བཞེས་ལ། །གཏོ་ཡས་གླུད་ཀྱི་སྣ་མ་བསྐྱིལ། །གཏོ་མཁན་ཡོན་བདག་འཁོར་བཅས་ལ། །གཏི་མུག་ཁྲོས་པའི་ཞེ་མ་ནག །ཀྱཻ། ད་ནི་གཏོ་སྒོ་མཚམས་བཞིར་བསྟན། །གཏོ་ཡི་སྒོ་དབྱེ་མཚམས་བཞིར་དབྱེ། །མཚམས་བཞི་སྲུང་བ་དབང་ལྡན་མེ། །སྲིན་པོ་རླུང་ལྷ་རྫུ་འཕྲུལ་ཅན། །ས་བདག་རྒྱལ་བློན་འཁོར་བཅས་རྣམས། །རུ་མ་ཐུར་ལ་ཕྲག་མ་དོག །གསེར་སྐྱེམས་དམ་པ་འདི་བཞེས་ལ། །གཏོ་ཡས་གླུད་ཀྱི་སྣ་མ་བསྐྱིལ། །གཏོ་མཁན་ཡོན་བདག་འཁོར་བཅས་ལ། །ཕྲག་མ་དོག་ལ་ཡ་མ་ང་། །རུ་ང་ཁྲོ་གཏུམ་མ་མཛད་ཅིག །ཀྱཻ། མདོས་ཀྱི་སྒོ་དབྱེ་སྟེང་དུ་དབྱེ། །གནམ་རིམ་པ་བཅུ་གསུམ་ཡང་སྟེང་ན། །གནམ་གྱི་གུང་རྒྱལ་འབོད་ཏོང་ཏོང་། །དགུ་ཚིགས་སྐྱ་མོ་མདོས་ཀྱི་སྒོ །མདོས་གླུད་གཉེན་པོ་དེར་གཤེགས་ལ། །ལྷ་སྲིན་སྡེ་བརྒྱད་ཁ་ཁོག་ཅིག །ཀྱཻ། མདོས་ཀྱི་སྒོ་དབྱེ་ཐུར་དུ་དབྱེ། །རྒྱ་མཚོ་མཐའ་མེད་གཏིང་རུམ་ནས། །ཀླུ་སྲིན་གདུག་པ་སྒོ་དབྱེའོ། །ཆུ་བོ་གཞུང་རིང་མདོས་ཀྱི་སྒོ། །མདོས་གླུད་

[Full Size]

གཉན་པོ་དེར་གཤེགས་ལ། །ཀླུ་སྲིན་གདུག་པའི་ཁ་ཁོག་ཅིག །མདོས་སྒོ་ཡས་སྒོ་ཤགས་སེ་ཕྱེས། །གཏོ་སྒོ་གླེད་སྒོ་ཡོངས་སུ་ཕྱེས། །གཏོ་ཡས་གནས་སུ་ཐེངས་བར་ཤོག་་་ཨ་མདའ་དར་ཕྱོགས་སུ་གཡུག་ཅིང་ཆུང་ལ་རེག །གསེར་སྐྱེམས་ཡང་ཕྱོགས་སུ་མཚམས་སུ་མཆོད། ་དེ་ནི་ཕྱི་སྒོ་དབྱེ་བའོ།—།དེ་ནས་ནང་སྒོ་དབྱེ་བ་ནི་གསེར་སྐྱེམས་ཐོགས་ལ། ཧཱུཾ། ང་ནི་འཇམ་དཔལ་ནག་པོ་སྟེ། །མི་ནག་ཁྱོད་ཀྱི་སྒོ་སྲུང་ནི། །བུད་མེད་མི་བཟད་འཇིགས་པའི་གཟུགས། །ནད་ཀྱི་དྲེལ་རྟ་རྐང་གསུམ་ཞོན། །ཕྱག་ན་ནད་ཀྱི་རྐྱལ་པ་བསྣམས། །གོས་སུ་ནད་སྨྱོགོས་ནག་པོ་གྱོན། །མི་རོ་བམ་པོ་རྒྱབ་ཏུ་ཁུར། །འཁོར་དུ་མ་མོ་འབུམ་གྱིས་བསྐོར། །མགོ་གསུམ་མདོས་སྒོ་ཤར་དུ་གཏོད། །ཤར་ཕྱོགས་ཤིང་སྒོ་ལྗང་ཁུ་སྟེ། །འབྱུང་བ་ཤིང་སྒོ་ཤར་དུ་ཕྱེས། །གླུད་འགྲོ་ཤར་དུ་འགྲོ་བར་གྱིས། །གསེར་སྐྱེམས་དམ་པ་འདི་བཞེས་ལ། །མདོས་སྒོ་ཤར་དུ་དབྱེ་རུ་གསོལ། །ཧཱུྃ། མི་ནག་ཁྱོད་ཀྱི་སྒོ་སྲུང་ནི། མི་དམར་མགོ་གསུམ་འཇིགས་པའི་གཟུགས། །ཕྱག་ན་སྐྱེར་པའི་མདའ་གཞུ་བསྣམས། །འཁོར་དུ་མི་དམར་འབུམ་གྱིས་བསྐོར། །སེམས་ཅན་རྣམས་ཀྱི་མདངས་ཀྱང་འཕྲོག །

[Full Size]

མགོ་གསུམ་མདོས་སྒོ་ལྷོ་རུ་གཏོད། །ལྷོ་ཕྱོགས་མེ་སྒོ་དམར་པོ་ཕྱེས། །འབྱུང་བ་མེ་སྒོ་ལྷོ་རུ་ཕྱེས། །གླུད་འགྲོ་ལྷོ་རུ་འགྲོ་བར་གྱིས། །གསེར་སྐྱེམས་དམ་པ་འདི་བཞེས་ལ། །མདོས་སྒོ་ལྷོ་རུ་དབྱེ་རུ་གསོལ། །ཧཱུྃ། མི་ནག་ཁྱོད་ཀྱི་སྒོ་སྲུང་ནི། །བདུད་ནག་འཇིགས་པའི་ཆ་བྱད་ཅན། །བདུད་རྟ་ནག་པོ་འོག་ན་བཅིབས། །ཕྱག་ན་མདུང་དར་ནག་པོ་ཕྱར། །འཁོར་དུ་བདུད་དམག་འབུམ་གྱིས་བསྐོར། །མགོ་གསུམ་མདོས་སྒོ་ནུབ་ཏུ་གཏོད། །ནུབ་ཕྱོགས་ལྕགས་སྒོ་དཀར་པོ་ཕྱེས། །འབྱུང་བ་ལྕགས་སྒོ་ནུབ་ཏུ་ཕྱེས། །གླུད་འགྲོ་ནུབ་ཏུ་འགྲོ་བར་གྱིས། །གསེར་སྐྱེམས་དམ་པ་འདི་བཞེས་ལ། །མདོས་སྒོ་ནུབ་ཏུ་དབྱེ་རུ་གསོལ། །ཧཱུྃ། མི་ནག་ཁྱོད་ཀྱི་སྒོ་སྲུང་ནི། །མི་ཁའི་རྒྱལ་མོ་བྲ་མཆུ་མ། །མགོ་བོ་འཇིགས་བྱེད་བྲ་བའི་མགོ །མི་ཁའི་བུ་མོ་འབུམ་གྱིས་བསྐོར། །རྐེད་འདབ་བྱུར་གྱི་གཤོག་བརྡབས་པས། །སྟོང་གསུམ་སྟོང་གི་མི་ཁ་སྡུད། །མགོ་གསུམ་མདོས་སྒོ་བྱང་དུ་གཏོད། །བྱང་ཕྱོགས་ཆུ་སྒོ་སྔོན་མོ་སྟེ། །འབྱུང་བ་ཆུ་སྒོ་བྱང་དུ་ཕྱེས། །གླུད་འགྲོ་བྱང་དུ་འགྲོ་བར་གྱིས། །གསེར་སྐྱེམས་དམ་པ་འདི་བཞེས་

[Full Size]

ལ། །མདོས་སྒོ་བྱང་དུ་དབྱེ་རུ་གསོལ། །གསེར་སྐྱེམས་མདོས་ནང་དུ་མཆོད་ལ་རྩང་རེ་ཤབ་པར་བྱའོ། །དེ་མདོས་ཞལ་དགྲ་ལ་བསྒྱུར་བ་ནི། མདོས་ཁ་ཕྱིར་བསྟན་ལ་འབྲུ་ནག་གཏོར་ཞིང་འདི་སྐད་དོ། །ཧཱུྃ། ང་ནི་འཕགས་པ་འཇམ་དཔལ་ཡིན། །ང་ནི་ཐུགས་རྗེ་ཆེན་པོ་ཡིན། །ང་ནི་ཕྱག་ན་རྡོ་རྗེ་སྟེ། །ང་ནི་དྲེགས་པ་འདུལ་དཔོན་ཡིན། །སྡེ་བརྒྱད་མ་ལུས་དམ་ལ་འདུས། །ད་ནི་སྲིད་པའི་མདོས་བཏང་ན། །འཕགས་པ་འཇམ་དཔལ་བཀའ་མ་བཅག །མདོས་ཆེན་ཞལ་ཁ་ཤར་དུ་བསྟན། །ཤར་ཕྱོགས་དྲི་ཟའི་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །ཤར་ཕྱོགས་དྲི་ཟའི་གདོན་ཚོགས་ཀྱིས། །དགའ་དང་གུས་པས་མདོས་འདི་བཞེས། །དྲི་ཟའི་གདོན་ཚོགས་བཟློག་ཏུ་གསོལ། །ཡང་མདོས་ཀྱི་ཞལ་ཁ་ཤར་ལྷོ་མཚམས་སུ་བསྟན། ཤར་ལྷོ་མེ་ལྷའི་གདོན་ཚོགས་ཀྱིས། དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །ཤར་ལྷོ་མེ་ལྷའི་གདོན་ཚོགས་ཀྱིས། །དགའ་དང་གུས་པས་མདོས་འདི་བཞེས། །མེ་ལྷའི་གདོན་

[Full Size]

ཚོགས་ཞི་བར་མཛོད། །ཡང་མདོས་ཀྱི་ཞལ་ཁ་ལྷོ་རུ་སྒྱུར། ལྷོ་ཕྱོགས་གཤིན་རྗེའི་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །གཤིན་རྗེའི་གདོན་ཚོགས་ཐམས་ཅད་ཀྱིས། །དགའ་དང་དགྱེས་པས་མདོས་འདི་བཞེས། །གཤིན་རྗེའི་གདོན་ཚོགས་བཟློག་ཏུ་གསོལ། །ཡང་མདོས་ཀྱི་ཞལ་ཁ་ལྷོ་ནུབ་མཚམས་སུ་བསྟན། ལྷོ་ནུབ་སྲིན་པོའི་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །ལྷོ་ནུབ་སྲིན་པོའི་གདོན་ཚོགས་ཀྱིས། །དགའ་དང་གུས་པས་མདོས་འདི་བཞེས། །སྲིན་པོའི་གདོན་ཚོགས་བཟློག་ཏུ་གསོལ། །ཡང་མདོས་ཀྱི་ཞལ་ཁ་ནུབ་ཏུ་སྒྱུར། ནུབ་ཕྱོགས་ཀླུ་ཡི་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །ཀླུ་ཡི་གདོན་ཚོགས་རྣམས་ལ་འབུལ། །དགའ་དང་དགྱེས་པས་མདོས་འདི་བཞེས། །ཀླུ་ཡི་གདུག་པ་ཞི་བར་མཛོད། །ཡང་མདོས་ཀྱི་ཞལ་ཁ་ནུབ་བྱང་མཚམས་

[Full Size]

སུ་སྒྱུར། ནུབ་བྱང་རླུང་ལྷའི་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །ནུབ་བྱང་རླུང་ལྷའི་གདོན་ཚོགས་ཀྱིས། །དགའ་དང་གུས་པས་མདོས་འདི་བཞེས། །རླུང་ལྷའི་གདུག་པ་ཞི་བར་མཛོད། །ཡང་མདོས་ཀྱི་ཞལ་ཁ་བྱང་དུ་བསྟན། བྱང་ཕྱོགས་གནོད་སྦྱིན་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །བྱང་ཕྱོགས་གནོད་སྦྱིན་གདོན་ཚོགས་ཀྱིས། །དགའ་དང་དགྱེས་པས་མདོས་འདི་བཞེས། །གནོད་སྦྱིན་གདུག་པ་ཞི་བར་མཛོད། །ཡང་མདོས་ཀྱི་ཞལ་ཁ་བྱང་ཤར་མཚམས་སུ་བསྟན། །བྱང་ཤར་དབང་ལྡན་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །བྱང་ཤར་དབང་ལྡན་གདོན་ཚོགས་ཀྱིས། །དགའ་དང་དགྱེས་པས་མདོས་འདི་བཞེས། །དབང་ལྡན་གདུག་པ་ཞི་བར་མཛོད། །ཡང་མདོས་ཀྱི་ཞལ་ཁ་སྟེང་གི་ཕྱོགས་སུ་སྒྱུར། ཉི་ཟླ་གཟའ་སྐར་ཐམས་ཅད་ཀྱིས། །དགའ་དང་

[Full Size]

རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་སྣ་ལྔས་བརྒྱན་པ་འདི། །སྟེང་ཕྱོགས་གཟའ་སྐར་གདོན་ཚོགས་ཀྱིས། །དགའ་དང་དགྱེས་པས་མདོས་འདི་བཞེས། །གཟའ་སྐར་གདུག་པ་ཞི་བར་མཛོད། །ཡང་མདོས་ཀྱི་ཞལ་ཁ་འོག་ཏུ་སྒྱུར། ས་བདག་ཀླུ་ཡི་གདོན་ཚོགས་ཀྱིས། །དགའ་དང་རྒོད་དང་འཛུམ་གྱིས་བསུ། །རིན་ཆེན་ལྔ་ལས་གྲུབ་པའི་མདོས། །འདོད་ཡོན་ལྔ་ཡིས་བརྒྱན་པ་འདི། །ས་བདག་ཀླུ་ཡི་སྡེ་ཚོགས་ཀྱིས། །དགའ་དང་དགྱེས་པས་མདོས་འདི་བཞེས། །ས་བདག་གདུག་པ་ཞི་བར་མཛོད། །ཡང་མདོས་ཀྱི་ཞལ་ཁ་དགྲ་ལ་སྒྱུར། སངས་རྒྱས་བསྟན་དགྲ་ཐམས་ཅད་དང་། །རྣལ་འབྱོར་བདག་གི་སྒོས་དགྲ་དང་། །བར་ཆད་བགེགས་དང་བྱད་མ་སོགས། །དམ་ཉམས་དགྲ་ལ་ཟ་ཁ་བསྟན། །ད་ནི་དགྲ་བོའི་ཡུལ་དུ་སོང་། །གཏོ་སྣ་ཡས་སྣ་དགྲ་ལ་ཁྲིད། །དགྲ་བོའི་ཁྱིམ་དུ་ཕོ་བྲང་ཐོབ། །དེ་རུ་གནས་ཆོས་ཟ་སྐལ་གཏད། །མི་ཟད་ཕུགས་ནས་ཟད་པར་གྱིས། །ནོར་ཟད་སྒོ་ནས་ཟད་པར་གྱིས། །མི་ནོར་བསོད་ནམས་ཕྱགས་མས་ཐོབ། །དགྲ་འདྲེ་བྱད་གསུམ་རྡུལ་དུ་རློགས། །

[Full Size]

བཅོལ་བའི་ཕྲིན་ལས་འགྲུབ་པར་མཛོད། །དེ་ནས་སྒོར་བྱོན་ལ་གསེར་སྐྱེམས་གཞུང་ལྟར་མཆོད། དེ་ནས་ནང་དུ་ལོག་ནས་ཆོས་སྐྱོང་དང་བཀའ་སྲུང་གི་གཏོར་འབུལ་རྣམས་བྱ། དེ་ནས་ཞུས་ལེན་བཟང་པོ་ལབ། དེ་ནས་རྫོངས་འདེབས་ནི། འབྲུ་སྣ་ཡོས་བཀྲ་མདོས་ནང་དུ་བཏབ། ་་མི་ཁའི་རྫས་དང་བཙོག་གླུད་སྣ་ཚོགས་བགེགས་མདོས་ནང་དུ་བཏབ་ལ་འདི་སྐད་དོ། །ཀྱི་ང་ནི་འཕགས་པ་འཇམ་དཔལ་ཡིན། །འཇམ་དཔལ་དབྱངས་ཀྱི་བཀའ་བཞིན་དུ། །མི་ནག་མགོ་བོ་གསུམ་པ་དང་། །འཁོར་གྱི་ལྷ་སྲིན་སྡེ་བརྒྱད་དང་། །མི་དམར་ཤང་ཤང་བདུད་བཙན་དང་། །མ་མོ་རྔ་ཞོན་དཔོན་གཡོག་དང་། །མི་ཁའི་བུ་མོ་སྤུན་དགུ་དང་། །ནད་ཡམས་རིམས་བདག་གོད་འདྲེ་སོགས། །མི་ནག་མགོ་གསུམ་འཁོར་བཅས་ལ། །ཡས་སྟགས་སྣ་ཚོགས་རྫོངས་སུ་འདེབས། །ཐན་ངན་ལྟས་ངན་བསྒྱུར་དུ་གསོལ། །གཙང་རིགས་དཔལ་མགོན་བདུན་ཅུ་དང་། །སྤར་སྨེ་ལོ་ཟླ་ཞག་དུས་ལྷ། །ས་བདག་རྒྱལ་བློན་འཁོར་དང་བཅས། །ཁྲོ་བོ་ཕ་བརྒྱུད་བུ་བརྒྱད་སོགས། །དཀར་ཕྱོགས་ལྷ་སྲིན་ཐམས་ཅད་ལ། །གསེར་སྐྱེམས་དཀར་གསུམ་མངར་གསུམ་དང་། །མདོས་ཆོས་གཟུགས་འགྲོས་སྣ་ཚོགས་དང་། །

[Full Size]

འབྲུ་སྣ་ཡོས་བཀྲ་རྫོངས་སུ་འདེབས། །སྔགས་འཆང་བདག་ཅག་འཁོར་བཅས་ཀྱི། །རྐྱེན་ངན་བར་ཆད་ཞི་བར་མཛོད། །ནམ་མཁའ་མདའ་བཀྲ་འཕང་བཀྲ་དང་། །ཤིང་རིས་དར་པན་མཚོན་ཆ་དང་། །མདོས་དང་གཏོར་མ་རྒྱ་ཆེན་འདི། །སྣང་སྲིད་ལྷ་འདྲེའི་མཐུན་རྫས་ཡིན། །མགོ་གསུམ་ཁྱོད་ལ་རྫོངས་སུ་འདེབས། །མི་མཐུན་བར་ཆད་བསྒྱུར་དུ་གསོལ། །སྟག་གཟིག་རིན་ཆེན་སྣ་ལྔ་འདི། །བརྒྱ་བྱིན་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །བརྒྱ་བྱིན་གདོན་རྣམས་བསྒྱུར་དུ་གསོལ། །གོང་སྲག་གླིང་བུ་བལ་ཚོན་རྣམས། །ཡམས་འདྲེ་རི་བྱིལ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཡམས་འདྲེ་རི་བྱིལ་བསྒྱུར་དུ་གསོལ། །འུག་པ་ལྟུང་ཁྲ་སྲིན་བྱ་གསུམ། །བྲག་སྲིན་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །བྲག་སྲིན་གདོན་རྣམས་བསྒྱུར་དུ་གསོལ། །གོས་རས་དར་ཚོན་སྣ་ལྔ་རྣམས། །མཐོང་འདྲེ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །མཐོང་འདྲེ་མཐོང་སྲི་བསྒྱུར་དུ་གསོལ། །

[Full Size]

ཤ་རུ་དགོ་རུ་གཙོད་རུ་གསུམ། །གྲི་བོ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །གྲི་བཙན་གདོན་རྣམས་བསྒྱུར་དུ་གསོལ། །རྣ་རུ་རྒྱ་རུ་གླང་ར་གསུམ། །འཁོན་འདྲེ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །འཁོན་འདྲེ་འཁོན་ཐན་བསྒྱུར་དུ་གསོལ། །མདའ་ཆག་གཞུ་ཆག་ཕུབ་རྒོག་གསུམ། །གྲི་བོ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །གྲི་བོའི་གྲི་སྲི་བསྒྱུར་དུ་གསོལ། །མི་རུས་ཁྱི་རུས་རྟ་རུས་གསུམ། །ཡུལ་འདྲེ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཡུལ་འདྲེ་ཡུལ་གདོན་བསྒྱུར་དུ་གསོལ། །རི་བོང་རྔ་མོང་བོང་བུ་གསུམ། །ཆུང་སྲི་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཆུང་སྲིའི་གདོན་རྣམས་བསྒྱུར་དུ་གསོལ། །སྦྲུལ་དང་སྦལ་པ་ལྕོང་མོ་གསུམ། །ཀླུ་གདོན་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཀླུ་གདོན་གནོད་པ་བསྒྱུར་དུ་གསོལ། །འཕར་ཐོད་སྤྱང་ཐོད་དྲེལ་ཐོད་གསུམ། །བཙན་གྱི་བཀར་བའི་ཡས་ཡིན་པས། །

[Full Size]

མགོ་གསུམ་ཁྱོད་ལ་རྫོངས་སུ་འདེབས། །བཙན་གྲིའི་གདོན་རྣམས་བསྒྱུར་དུ་གསོལ། །མཛོ་ཐོད་དྲེལ་ཐོད་འགར་ཐོད་གསུམ། །རབསཆད་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །རབསཆད་གདོན་རྣམས་བསྒྱུར་དུ་གསོལ། །ཤ་མ་རུ་མ་ཆུ་ནག་བལ། །གྲེ་བོ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །གྲེ་བོའི་གདོན་རྣམས་བསྒྱུར་དུ་གསོལ། །རམ་པ་རུག་པ་སྒོག་པ་གསུམ། །ཚྭ་དང་གཡེར་མ་བྲ་བོ་དྲུག །བཙོད་དང་མཚུར་ནག་སྦྲང་མ་དགུ། །ཁྲ་བོ་སོ་བ་དེ་དང་བཅུ། །མི་ཁ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །མི་ཁ་བྲ་མཆུ་ངན་པ་བསྒྱུར་དུ་གསོལ། །ཁྱི་གུའི་ཤ་དང་སྲེ་མོང་ཤ །ཕེ་གུ་ཤ་དང་རྟིས་ཆུང་ཤ །ལུག་གུའི་ཤ་དང་རེའུའི་ཤ །ཆུ་སྲིན་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཆུང་འདྲེ་ཆུང་སྲི་བསྒྱུར་དུ་གསོལ། །ཤིང་དུག་རྩ་དུག་རེ་ལྕག་གསུམ། །ཐེའུ་རང་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཐེའུ་རང་སྤུན་དགུ་བསྒྱུར་དུ་གསོལ། །རྔ་

[Full Size]

མོང་དྲེལ་དང་བོང་བུ་གསུམ། །ཕུང་སྲི་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཕུང་འདྲེ་ཕུང་སྲི་བསྒྱུར་དུ་གསོལ། །སྤྱང་ཀི་འཕར་བ་ཤ་ཁྱི་གསུམ། །བཙན་སྲི་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །གཅན་སྲི་གཅན་ཐད་བསྒྱུར་དུ་གསོལ། །མཛོད་རྟ་དྲེལ་གྱི་ཐོད་པ་གསུམ། །རབས་ཆད་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །རབས་ཆད་རྨང་སྲི་བསྒྱུར་དུ་གསོལ། །ཤོ་མང་རྡོ་མང་རམ་རུག་གསུམ། །གྲིབ་བདག་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྡོ་ངས་སུ་འདེབས། །གྲིབ་བདག་དལ་ཡམས་བསྒྱུར་དུ་གསོལ། །ཟ་ལྷག་ལྟོགས་ཡས་འཐུང་ལྷག་རྣམས། །ལྟོག་འགོང་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཁ་འགོང་ལྟོགས་འགོང་བསྒྱུར་དུ་གསོལ། །ཚྭ་དང་རམ་པ་སྒོག་པ་གསུམ། །མི་ཁ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །མི་ཁ་བྲ་མཆུ་བསྒྱུར་དུ་གསོལ། །སྲེ་མོང་བྱི་ལ་ཁྱི་གུ་གསུམ། །ཆུང་སྲི་བཀར་བའི་ཡས་ཡིན་པས། །མགོ་གསུམ་

[Full Size]

ཁྱོད་ལ་རྫོངས་སུ་འདེབས། །ཆུང་སྲི་ཐམས་ཅད་བསྐྱར་དུ་གསོལ། །རྐྱལ་སྟོང་གྲོད་པ་ཁ་དྲག་གསུམ། །ཁ་འགོང་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ཁ་འགོང་བསེ་རག་བསྒྱུར་དུ་གསོལ། །རྡང་ཐག་ཕུར་དུམ་སྣེལ་ཆུ་གསུམ། །གོད་འདྲེ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །གོད་ཁ་གོད་འདྲེ་བསྒྱུར་དུ་གསོལ། །སྤྲེལ་དང་གྲུམ་པ་བྱ་མ་བྱིལ། །རྨེ་ནལ་རྨུགས་གསུམ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །སྨེ་ནལ་རྨུགས་གསུམ་བསྒྱུར་དུ་གསོལ། །ངར་མི་གོས་རྙིང་ལྷམ་ཁྲད་གསུམ། །སྐག་འདྲེ་སྐག་སྲི་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །སྐག་འདྲེ་སྐག་སྲི་བསྒྱུར་དུ་གསོལ། །ཁྱི་ཐོད་ཕག་ཐོད་གཡག་རུ་གསུམ། །དགྲ་སྲི་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །དགྲ་འདྲེ་དགྲ་སྲི་བསྒྱུར་དུ་གསོལ། །འབུ་སྐོགས་ཤིང་ཤུན་བྱིའུ་ཚང་གསུམ། །སྙིང་སྟོང་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །བློ་ཉེས་ཁ་

[Full Size]

གྱོད་བསྒྱུར་དུ་གསོལ། །ཁྱི་ཐོད་ཕག་ཐོད་རྟ་རྨིག་གསུམ། །ས་སྒོ་བཅད་པའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །ས་འདྲེ་ས་སྲི་བསྒྱུར་དུ་གསོལ། །གཡག་རུ་རྣ་རུ་ཤ་རུ་གསུམ། །དཔྱི་མིག་གོད་ཤ་གོད་རུས་རྣམས། །གོད་འདྲེ་བཀར་བའི་ཡས་ཡིན་པས། །མགོ་གསུམ་ཁྱོད་ལ་རྫོངས་སུ་འདེབས། །གོད་འདྲེ་གོད་སྲི་བསྒྱུར་དུ་གསོལ། །བཞི་བརྒྱ་རྩ་བཞིའི་ནད་རིགས་དང་། །སྟོང་ཕྲག་བརྒྱད་ཅུའི་བགེགས་རྣམས་དང་། །ཡེ་འདྲོགས་སུམ་བརྒྱ་དྲུག་ཅུ་རྣམས། །གླང་ཆེན་ཁྱོད་ལ་ཁལ་དུ་བཀལ། །མི་ནག་ཁྱོད་ལ་རྫོངས་སུ་འདེབས། །ནད་བདག་རྣམས་ལ་རྫོངས་སུ་འདེབས། །ཡམས་བདག་རྣམས་ལ་རྫོངས་སུ་འདེབས། །གླུད་བདག་རྣམས་ལ་རྫོངས་སུ་འདེབས། །གོད་བདག་རྣམས་ལ་རྫོངས་སུ་འདེབས། །ནད་ཡམས་གོད་ཁ་བཟློག་ཏུ་གསོལ། །གག་ལྷོག་གཟེར་གསུམ་ཚ་ལོང་འབྲུམ་གསུམ་དང་། །ཁྲག་ནད་རྒྱུ་གཟེར་རིམས་ནད་དང་། །མཛེ་དང་ཤུ་བ་རྒྱ་ཐོར་དང་། །སྐྱེ་ནད་སོ་ནད་མིག་ནད་དང་། །ཞ་ལོང་འོན་ལྐུགས་སྨྱོ་འབོག་སོགས། །མི་ནད་ཐམས་ཅད་བཟློག་ཅིང་སྒྱུར། །གློ་གོར་ཧོན་གསུམ་

[Full Size]

ཁ་ཚྭ་སོགས། །ནོར་ནད་ཐམས་ཅད་བཟློག་ཅིང་སྒྱུར། །རྟ་ལ་རྟ་གོད་རྟ་སྲི་དང་། །ཚྭ་ལྷན་གྲང་ལྷན་ལྷད་འབྱམས་དང་། །སྙིང་འཁྲུགས་ལ་གར་ཁོག་འཁྱོག་སོགས། །རྟ་ནད་ཐམས་ཅད་བཟློག་ཅིང་སྒྱུར། །ར་ལུག་ལྟེ་བ་མྱང་ནད་དང་། །འབུམ་པ་རྡོ་དམར་རྭ་འབུ་སོགས། །ར་ནད་ལུག་ནད་བཟློག་ཅིང་སྒྱུར། །ཡས་ཀྱི་སྲི་ལང་བཟློག་ཅིང་སྒྱུར། །གནམ་གྱི་དལ་ཁ་བཟློག་ཅིང་སྒྱུར། །ས་ཡི་ཡམས་ཁ་བཟློག་ཅིང་སྒྱུར། །མི་ཁ་བྲ་མཆུ་བཟློག་ཅིང་སྒྱུར། །ས་སྲི་ས་གདོན་བཟློག་ཅིང་སྒྱུར། །མོ་ངན་རྨི་ངན་བཟློག་ཅིང་སྒྱུར། །ཐན་དང་ལྟས་ངན་ཐམས་ཅད་རྣམས། །བྷྱོ་བྷྱོ་སྡང་བའི་དགྲ་ལ་བྷྱོ༔ །བཟློག་བཟློག་གནོད་པའི་བགེགས་ལ་ཟློག །བསྒྱུར་བསྒྱུར་སུ་འཕྲད་དེ་ལ་སྒྱུར། །ཅེས་རྫོངས་འདེབས་བཏབ་བོ། ༈ །དེ་ནས་ལམ་བསྟན་བྱ་བ་ནི། མདོས་ཕྱིར་དཔག་ལ། མདུན་ནས་ཐལ་ལམ་དཀར་པོ་གཏོད་ལ། ཐན་གཟུགས་སམ་ལིངྒ་སྣ་ལ་བཞག་ལ། དེ་ནས་དང་པོ་དཀར་གཏོར། དེ་ནས་མི་དམར་སྣ་ཁྲིད། དེ་རྒྱབ་བགེགས་གཏོར། དེ་རྒྱབ་གླང་ཆེན་ཁལ་འགེལ། དེ་རྒྱབ་ཟོར་རྣམས། དེ་རྒྱབ་མདོས་ཆེན། དེ་རྒྱབ་མཚམས་གཅོད་ལ་དམར་གཏོར་རྣམས་བཞག ༈ །དང་པོ་དཀར་གཏོར་སྤྱི་ལྟར་བསྔོ།

[Full Size]

དེ་ནས་ངར་མདོས་བསྔོ། དེ་ནས་གླང་ཆེན་ཁལ་འགེལ་འདོན་ཚར་ནས། དེ་ནས་མི་དམར་སྣ་ཁྲིད་བཏོན། བགེགས་གཏོར་སྡུན་གྱི་མར་མེ་སྒྲོན་ལ། ལམ་བསྟན་ནི་འདི་སྐད་དོ། །ཀྱཻ། མི་མིན་མགོ་བོ་གསུམ་པ་རྒྱུདང་། །འཁོར་གྱི་ལྷ་སྲིན་སྡེ་བརྒྱད་དང་། །དྲེགས་པ་ཕོ་རྒྱུད་མོ་རྒྱུད་རྣམས། །ད་ནི་གཤེགས་སོ་ཆོས་སོ་དགྲ་ལ་ཆོས། །ད་ནི་མདོས་ཀྱི་ལམ་བསྟན་པ། །གླིང་བཞི་རི་རབ་སྒ་ར་ར། །རི་རབ་གྲུས་འདེབས་ཕྱ་ར་ར། །འཛམ་བུ་གླིང་བཞི་ཀྱི་ལི་ལི། །ད་ནི་མདོས་འགྲོ་གླུད་འགྲོ་བས། །མདོས་འགྲོ་གླུད་འགྲོ་ལྡེམས་སེ་ལྡེམ། །གླུད་འགྲོ་དེ་ནི་པན་ཚིམ་པུན། །མདོས་འགྲོ་གླུད་འགྲོ་ཉི་ལི་ལི། །ཀྱཻ། ད་ནི་མདོས་འགྲོ་གང་དུ་འགྲོ། །མདོས་འགྲོ་རི་གསུམ་རྩེ་ལ་འགྲོ། །རི་གསུམ་རྩེ་ལ་མི་འགྲོ་རྒྱུ། །བྱ་ལྡིང་རྒོད་ལྡིང་དེ་ན་ལྡིངས།། །སྐྱི་སེར་རླུང་ཡང་དེ་རུ་འཕྱོ། །དེ་ཕྱིར་མདོས་བསྐྱལ་གླད་བསྐྱལ་ལོ། །ཡང་མདོས་འགྲོ་གླུད་འགྲོ་གང་དུ་འགྲོ། །ལུང་གསུམ་མདོས་སའི་མདོ་རུ་འགྲོ། །ལུང་གསུམ་མདོ་རུ་མི་འགྲོ་རྒྱུ། །ཆེ་འགྲོ་ཆུང་འགྲོ་མདོ་རུ་འགྲོ། །ལྷ་སྲིན་སྡེ་བརྒྱད་ལམ་སྲང་ཡིན། །དེ་ཕྱིར་མདོས་བསྐྱལ་ལུང་གསུམ་མདོ་རུ་བསྐྱལ། །ཡང་མདོས་འགྲོ་གླུད་

[Full Size]

འགྲོ་གང་དུ་འགྲོ། །ཆུ་བོ་ཆེན་པོའི་གཞུང་དུ་འགྲོ། །ཆུ་བོའི་གཞུང་དུ་མི་འགྲོ་རྒྱུ། །ཆེ་འཐུང་ཆུང་འཐུང་ཆུ་ལ་འཐུངས། །དུས་རྒྱུན་དུ་ཉ་སྲམ་གནས་པ་ཡིན། །དེ་ཕྱིར་ཆུ་བོའི་གཞུང་དུ་བསྐྱལ། །ཀྱཻ། མདོས་འགྲོ་གླུད་འགྲོ་ཤར་དུ་འགྲོ། །ཉི་མ་ཤར་ཕྱོགས་ཕ་ཀི་ན། །ཤེལ་གྱི་རྟ་ཕོ་རྒོ་བ་ཙམ། །བང་རེ་མགྱོགས་ཏེ་གྱ་མ་གྱུ། །ཤེལ་གྱི་མི་ཆུང་འཕྱི་བ་ཙམ། །སྨྲ་རེ་མཁས་ཏེ་ལྷ་མ་ལྡིབ། །དེ་ནི་མི་བཟང་རྟ་རེ་མགྱོགས། །དེ་ན་འཁོར་བཟང་གཡོག་རེ་མང་། །དེ་ན་གོས་བཟང་ཆས་རེ་བཟང་། །མདོས་ཀྱི་ལམ་བསྟན་དེ་རུ་བསྟན། །ཡང་མདོས་ཀྱི་ལམ་བསྟན་ལྷོ་རུ་བསྟན། །མདོས་འགྲོ་གླུད་འགྲོ་གང་དུ་འགྲོ། །ཉི་མ་ལྷོ་ཕྱོགས་ཕ་ཀི་ན། །གཡུ་ཡི་རྟ་ཕོ་རྒོ་བ་ཙམ། །བང་རེ་མགྱོགས་ཏེ་གྱ་མ་གྱུ། །གཡུ་ཡི་མི་ཕོ་འཕྱི་བ་ཙམ། །སྐྱ་རེ་མཁས་ཏེ་ལྟ་མ་ལྡིབ། །དེ་ན་འཁོར་བཟང་གཡོག་རེ་མང་། །དེ་ན་ཆས་བཟང་བརྒྱན་རེ་བཟང་། །མདོས་ཀྱི་ལམ་བསྟན་དེ་རུ་བསྟན། །ཡང་མདོས་འགྲོ་གླུད་འགྲོ་ནུབ་ཏུ་འགྲོ། །ཉི་མ་ནུབ་ཕྱོགས་ཕ་ཀི་ན། །ཟངས་ཀྱི་རྟ་ཕོ་རྒོ་བ་ཙམ། །བང་རེ་མགྱོགས་ཏེ་རྒྱུ་མ་གྱུ། །ཟངས་ཀྱི་

[Full Size]

མི་ཆུང་འཕྱི་བ་ཙམ། །སྨྲ་རེ་མཁས་ཏེ་ལྷ་མ་ལྡིབ། །དེ་ནི་འཁོར་བཟང་གཡོག་རེ་མང་། །དེ་ན་གོས་བཟང་ཆས་རེ་བཟང་། །མདོས་ཀྱི་ལམ་བསྟན་དེ་རུ་བསྟན། །ཡང་ཟུ།མདོས་ཀྱི་ལམ་བསྟན་བྱང་དུ་བསྟན། །ཉི་མ་བྱང་ཕྱོགས་ཕ་ཀི་ན། །གསེར་གྱི་མི་ཆུང་འཕྱི་བ་ཙམ། །སྨྲ་རེ་མཁས་ཏེ་ལྡེ་མ་ལྡིབ། །གསེར་གྱི་རྟ་ཆུང་རྒོ་བ་ཙམ། །བང་རེ་མགྱོགས་ཏེ་གྱ་མ་གྱུ། །དེ་ན་འཁོར་བཟང་གཡོག་རེ་མང་། །དེ་ན་ཆས་བཟང་གོས་རེ་མཛེས། །མདོས་ཀྱི་ལམ་བསྟན་དེ་རུ་བསྟན། །ཡས་སྒོ་ཕྱེས་ཤིག་ལམ་བསྟན་ནོ། །ཀྱཻ། མདོས་ཀྱི་ལམ་བསྟན་ཤར་དུ་བསྟན། །དར་གླིང་དཀར་པོ་མདོས་ཀྱི་ཤུལ། །ཉི་མ་ཤར་ཕྱོགས་ཕ་ཀི་ན། །ཁམས་གསུམ་རྒྱལ་པོ་འབོད་དང་ཏོངས་སེ་ཏོང་། །ལྷ་སྲིན་སྡེ་བརྒྱད་དེར་སོང་ཞིག །དྲི་ཟའི་དལ་ཁ་བསྒྱུར་དུ་གསོལ། །ཡང་མདོས་ཀྱི་ལམ་བསྟན་ལྷོ་རུ་བསྟན། །གཤིན་ལམ་ནག་པོ་མདོས་ཀྱི་ཤུལ། །སྤྲིན་གྱི་ཤུལ་བས་འབོད་པ་ཏོངས་སེ་ཏོང་། །ལྷ་སྲིན་སྡེ་བརྒྱད་དེར་སོངཞི་ག །འཆི་བདག་ནག་པོའི་དལ་ཁ་སྒྱུར། །ཡང་མདོས་ཀྱི་ལམ་བསྟན་ནུབ་ཏུ་བསྟན། །བདུད་ལམ་ནག་པོ་མདོས་ཀྱི་ཤུལ། །

[Full Size]

རྡོ་རྗེ་མཆུ་རིང་འབོད་པ་ཏོངས་སེ་ཏོང་། །ལྷ་སྲིན་སྡེ་བརྒྱད་དེར་སོང་ཞིག །ཀླུ་སྲིན་མ་མོའི་དལ་ཁ་སྒྱུར། །ཡང་མདོས་ཀྱི་ལམ་བསྟན་བྱང་དུ་བསྟན། །གནོད་སྦྱིན་སྟག་སྣང་མདོས་ཀྱི་ཤུལ། །བྱི་ན་ཡ་ཀས་འབོད་དང་ཏོངས་སེ་ཏོང་། །ལྷ་སྲིན་སྡེ་བརྒྱད་དེར་སོང་ཞིག །གནོད་སྦྱིན་དེལ་ཁ་བསྒྱུར་དུ་གསོལ། །ཡང་མདོས་ཀྱི་ལམ་བསྟན་གནམ་དུ་བསྟན། །དགུ་ཚིགས་སྐྱ་མོ་མདོས་ཀྱི་ཤུལ། །གནམ་ཕྱིས་གུང་རྒྱལ་འབོད་དང་ཏོངས་སེ་ཏོང་། །ལྷ་སྲིན་སྡེ་བརྒྱད་དེར་སོང་ཞིག །མ་བདུད་རྒྱལ་མོའི་དལ་ཁ་སྒྱུར། །ཡང་མདོས་ཀྱི་ལམ་བསྟན་ས་ལ་བསྟན། །ས་ལམ་བྱང་མ་མདོས་ཀྱི་ཤུལ། །ས་བདག་རྒྱལ་མོས་འབོད་དང་ཏོངས་སེ་ཏོང་། །ལྷ་སྲིན་སྡེ་བརྒྱད་དེར་སོང་ཞིག །ཀླུ་སྲིན་ས་བདག་དལ་ཁ་བསྒྱུར་དུ་གསོལ། །ཡང་མདོས་ཀྱི་ལམ་བསྟན་གང་དུ་བསྟན། །རི་རབ་གླིང་བཞིའི་ཕ་རོལ་ན། །གསེར་གྱི་རི་བདུན་ཕ་རོལ་ན། །ལྕགས་རི་ནག་པོའི་མུ་ཁྱུད་ལ། །གནོད་སྦྱིན་ཀུན་ཏུ་ཁྱབ་པ་དེས། །ཉི་ཟླའི་འོད་ཀྱང་མི་གསལ་ཏེ། །རྟག་ཏུ་མུན་པ་འཐིབས་སེ་འཐིབ། །མདོས་གླུད་ལམ་བསྟན་དེ་རུ་བསྟན། །

[Full Size]

ལྕགས་ཀྱི་རྔ་མོང་དེ་ལ་བསྐྱོན། །ལྕགས་རི་ནག་པོའི་མཐའ་རུ་སྐྱལ། །སྐད་ཅིག་ཉིད་ལ་ཕྱིན་པར་གྱིས། །མི་བུ་འདི་ཡི་སྲོག་གླུད་དུ། །སྐུ་གླུད་ཁྱོད་ཀྱང་གཏོང་བར་བྱ། །ལྕགས་རི་ནག་པོའི་མཐའ་མ་ན། །མུན་པ་འཐིབ་པའི་གཞལ་ཡས་ན། །སྦལ་པ་རྟ་སྐད་འཚེར་བ་ཡོད། །ལྕོང་མོ་འབྲི་སྐད་འཚེར་བ་ཡོད། །སྨིག་མ་གཡག་ལྟར་འགྱིང་བ་ཡོད། །སྦྲུལ་ཆེན་མི་ལྟར་ལང་བ་ཡོད། །དྲེགས་པའི་ཁྲོམ་རྣམས་འཚོགས་པ་ཡོད། །མདོས་གླུད་གཉེན་པོ་དེར་གཤེགས་ཤིག །ཆགས་ཆེན་ཉམ་ང་ཐམས་ཅད་ཟློག །སྔོན་རྒྱ་རྗེ་སྐག་ལས་ཐར་བ་བཞིན། །ད་ལྟ་རྒྱུ་སྦྱོར་ཡོན་བདག་གི །བཟའ་དཔོན་སྲས་དང་སློབ་མར་བཅས། །འཁོར་འབངས་སྡེ་རིས་བཅས་པ་གྱི། །སྐག་དང་འཚེ་རྩུབ་ཐམས་ཅད་ཟློག །གཙུག་ལག་འབྱུང་བའི་སྐག་ཆེན་ཟློག །ཆགས་ཆེན་ཉམ་ང་བཟློག་ཏུ་གསོལ། །མི་མཐུན་ཕྱོགས་ལས་ཐར་བར་མཛོད། །ཤི་སྒབ་ཆོད་ལ་གསོན་སྒབ་སྤེལ། །གོད་འདྲེ་སོད་ལ་ལོངས་སྤྱོད་སྤེལ། །སྐག་ཆེན་སྐག་ལས་ཐར་བར་མཛོད། །སྔགས་འཆང་གཏོ་ཡས་བསགས་པ་འདིས། །ལྷ་སྲིན་གཉིས་ཀྱི་ཉོ་ཚོང་ཟློག །ལྷ་སྲིན་རྣམས་ཀྱི་

[Full Size]

གདུག་སེམས་ཞི་གྱུར་ཅིག །ཅེས་པས་ལམ་བསྟན་ནོ། །དེ་ནས་གཟའ་དང་མཁའ་འགྲོ་པི་ལིང་སོགས་རྒྱུ་ཕྱོགས་དང་བསྟུན་ལ། རང་དང་ཡོན་བདག་གི་ལོ་ལྷའི་ཕྱོགས་མིན་པར་ཁ་རྒྱུས་ལ། ཟོར་རྣམས་ལིང་གའམ་ཐན་གཟུགས་ལ་བཀུག་གཞུག་བྱས་ལ། ཟོར་རྣམས་རིམ་པ་བཞིན་དུ་འཕང་། ཡང་ན་མདོས་ཕྱི་རོལ་དཔག་ཚར་ནས་འཕངས་ཀྱང་རུང་། མདོས་འབུལ་ས་ཡང་ཕྱོགས་གཙང་སར་ཕུལ། དེ་ནས་དམར་གཏོར་བྲན་ལ་ཡི་དམ་ཆོས་སྐྱོང་གི་བསྐུལ་པ་འདོན་པར་བྱའོ། །དེ་ནས་མདོས་སྣ་ཡས་སྣ་ཚུར་རང་ལ་མི་ལྡོག་པའི་ཕྱིར་མདོས་ལ་དབང་བསྐུར་ཏེ། ཡུངས་ཀར་རམ་འབྲུ་ནག་གིས་མདོས་ལ་བྲབ་ལ་འདི་སྐད་དོ། །ཧཱུྃ། དེ་རིང་སྲིད་པའི་གདོང་གང་ལ། །འབྱུང་བ་ལྔ་ཡི་བྱད་མདོས་འདི། །མཐོ་བ་ནམ་མཁའ་འདི་ལ་དཔེ་བླང་ནས། །དབང་པོ་རྣམ་ལྔ་མགོ་ལ་ཚང་། །རྒྱུ་སྦྱོར་ཡོན་གྱི་བདག་པོ་ཡི། །མཐོ་བ་མགོ་ཡི་གླུད་དུ་འབུལ། །སངས་རྒྱས་ཤཱཀྱ་ཐུབ་པ་ཡིས། །མདོས་ཀྱི་དབུ་ལ་དབང་བསྐུར་རོ། །སྲིད་པའི་མདོས་ཆེན་ཕོ་བྲང་འདི། །གསལ་བབ་ཀྱང་ནི་ཐོག་རྒྱུག་བཞིན། །གསང་བའི་བདག་པོའི་མཐུ་སྟོབས་ཀྱིས། །སྲིད་པའི་མདོས་ལ་དབང་བསྐུར་རོ། །མདོས་སྣ་ཚུར་ལ་མི་རྒྱུ་བའི། །ལྷ་ཆེན་རྣམས་ཀྱིས་དབང་བསྐུར་རོ། །ཞི་བ་ཀུན་འདུས་

[Full Size]

འཇམ་དཔལ་གྱིས། །དྲག་པོའི་མདོས་ལ་དབང་བསྐུར་རོ། །མདོས་སྣ་ཚུར་ལ་མི་གྱུ་བའི། །སྤྱན་རས་གཟིགས་ཀྱི་དབང་པོ་ཡིས། །མདོས་ལ་དབང་བསྐུར་བྱིན་གྱིས་རློབས། །སངས་རྒྱས་སེམས་དཔའ་ཐམས་ཅད་ཀྱིས། །མདོས་ལ་དབང་བསྐུར་བྱིན་གྱིས་རློབས། །རྐང་གཉིས་གཙོ་བོ་སངས་རྒྱས་ཀྱིས། །སྲིད་པའི་མདོས་ལ་དབང་བསྐུར་རོ། །འདོད་ཆགས་བྲལ་བའི་ཆོས་རྣམས་ཀྱིས། །སྲིད་པའི་མདོས་ལ་དབང་བསྐུར་རོ། །བསླབ་བཞི་ལས་བརྩོན་དགེ་འདུན་གྱིས། །སྲིད་པའི་མདོས་ལ་དབང་བསྐུར་རོ། །སངས་རྒྱས་བཀའ་ཡི་སྲུང་མ་ཡིས། །སྲིད་པའི་མདོས་ལ་དབང་བསྐུར་རོ། །རྒྱུད་སྡེ་བཞི་ཡི་སྲུང་མ་ཡིས། །སྲིད་པའི་མདོས་ལ་དབང་བསྐུར་རོ། །གསང་སྔགས་ཕ་རྒྱུད་ཐམས་ཅད་ཀྱིས། །སྲིད་པའི་མདོས་ལ་དབང་བསྐུར་རོ། །གསང་སྔགས་མ་རྒྱུད་ཐམས་ཅད་ཀྱིས། །སྲིད་པའི་མདོས་ལ་དབང་བསྐུར་རོ། །ཆོས་སྐྱོང་ཕོ་རྒྱུད་ཐམས་ཅད་ཀྱིས། །སྲིད་པའི་མདོས་ལ་དབང་བསྐུར་རོ། །ཆོས་སྐྱོང་མོ་རྒྱུད་ཐམས་ཅད་ཀྱིས། །སྲིད་པའི་མདོས་ལ་དབང་བསྐུར་རོ། །དྲག་པོ་བཟློག་པའི་མདོས་འདི་ལ། །ཡེ་ཤེས་

[Full Size]

ལྷ་ཡིས་དབང་བསྐུར་རོ། །མིག་གི་གཡས་གཡོན་གཉིས་ལ་དབང་བསྐུར་རོ། །འབྱུང་བ་ལྔ་ཡི་བྱད་མདོས་འདིར། །སྤྲུལ་པའི་ལྷ་ཡིས་དབང་བསྐུར་རོ། །རྭ་རྩེ་གཡས་གཡོན་གཉིས་ལ་དབང་བསྐུར་རོ། །སྲིད་པའི་མདོས་ཆེན་ཕོ་བྲང་འདིར། །བར་སྣང་ཁམས་ནས་དབང་བསྐུར་རོ། །མདོས་དང་ཟོར་ལ་དབང་བསྐུར་རོ། །ཕྲག་གོང་གཡས་གཡོན་གཉིས་ལ་དབང་བསྐུར་རོ། །སྤྲིན་དང་གཟའ་ཡིས་དབང་བསྐུར་རོ། །སྲིད་པའི་བློ་བཟློག་མདོས་འདི་ལ། །ལྷ་དམག་འབུམ་གྱིས་དབང་བསྐུར་རོ། །དྲག་པོ་གསང་བའི་མདོས་འདི་ལ། །རྫུ་འཕྲུལ་མཐུ་ཡིས་དབང་བསྐུར་རོ། །དྲག་པོ་སྔགས་ཀྱིས་དབང་བསྐུར་རོ། །སྔོན་མོ་སྲིད་པའི་འཕེལ་ནས་འདི། །ཀུན་ཀྱང་ལྷ་ཡི་ཕོ་ཉ་སྟེ། །ཟློག་བྱེད་མདོས་ལ་དབང་བསྐུར་རོ། །འཕྱེ་ནས་ཡུངས་ཀར་འབྲུ་བདུན་འདི། །དྲག་པོ་ཕོ་ཉའི་འཕྲིན་པ་སྟེ། །ཟློག་བྱེད་མདོས་ལ་དབང་བསྐུར་རོ། །མདོས་སྣ་ཚུར་ལ་མི་གྱུ་བའི། །ལྷ་སྲུང་རྣམས་ཀྱིས་དབང་བསྐུར་རོ། །ཅིས་ཀྱང་མི་ཐུབ་མི་ཚུགས་པའི། །ཡེ་ཤེས་ཆེན་པོས་དབང་བསྐུར་རོ། །འབྱུང་བ་ལྔ་ཡི་ལྷ་རྣམས་ཀྱིས། །སྲིད་པའི་

[Full Size]

མདོས་ལ་དབང་བསྐུར་རོ། །སྤར་ཁ་བརྒྱད་པོའི་ལྷ་རྣམས་ཀྱིས། །སྲིད་པའི་མདོས་ལ་དབང་བསྐུར་རོ། །སྨེ་བ་དགུ་ཡི་ལྷ་རྣམས་ཀྱིས། །སྲིད་པའི་མདོས་ལ་དབང་བསྐུར་རོ། །ལོ་སྐོར་བཅུ་གཉིས་ལྷ་རྣམས་ཀྱིས། །སྲིད་པའི་མདོས་ལ་དབང་བསྐུར་རོ། །ནག་པོ་མགོ་གསུམ་འཁོར་བཅས་ཀྱིས། །སྲིད་པའི་མདོས་ལ་དབང་བསྐུར་རོ། །མི་དམར་མ་མོ་དཔོན་གཡོག་གིས། །སྲིད་པའི་མདོས་ལ་དབང་བསྐུར་རོ། །བདུད་བཙན་མི་ཁ་བ་རུ་ཡིས། །སྲིད་པའི་མདོས་ལ་དབང་བསྐུར་རོ། །ཤང་ཤང་གཟའ་བདུད་འཁོར་བཅས་ཀྱིས། །སྲིད་པའི་མདོས་ལ་དབང་བསྐུར་རོ། །ས་བདག་སྤྲུལ་པ་ཡང་སྤྲུལ་གྱིས། །སྲིད་པའི་མདོས་ལ་དབང་བསྐུར་རོ། །མདོས་སྣ་ཚུར་ལ་མ་གྲུ་ཞིག །སྲ་བའི་གོ་དང་འཕྲད་གྱུར་ཀྱང་། །མདོས་སྣ་ཚུར་ལ་མ་གྲུ་ཞིག །ཁྲོམ་པོའི་དམག་དང་འཕྲད་གྱུར་ཀྱང་། །མདོས་སྣ་ཚུར་ལ་མ་རྒྱུ་ཞིག །དཀའ་ཐུབ་བརྒྱ་དང་འཕྲད་གྱུར་ཀྱང་། །མདོས་སྣ་ཚུར་ལ་མ་གྱུ་ཞིག །ཐུན་ཟོར་མཁན་དང་འཕྲད་གྱུར་ཀྱང་། །མདོས་སྣ་ཚུར་ལ་མ་གྲུ་ཞིག །སྔགས་འཆང་རྡོ་རྗེ་འཆང་དང་འཕྲད་གྱུར་ཀྱང་། །མདོས་སྣ་ཚུར་ལ་མ་

[Full Size]

གྲུ་ཞིག །གཟའ་སྐར་གང་དང་འཕྲད་གྱུར་ཀྱང་། །མདོས་སྣ་ཚུར་ལ་མ་རྒྱུ་ཞིག །མདོས་བྷྱོ་ད་ནི་དགྲ་ལ་བྷྱོ༔ །མདོས་ཀྱི་གཤེགས་ཤུལ་དགྲ་ལ་དྲོངས། །མདོས་བྷྱོ་གནོད་པའི་བགེགས་ལ་བྷྱོ༔ །དགྲ་བགེགས་བྱད་མ་རྡུལ་དུ་རློགས། །བཟློག་ཅིག་བསྒྱུར་ཅིག་ས་མ་ཡཱ། བྷྱོ་བྷྱོ་ཟློག་ཟློག་སྒྱུར་ཅིག །དེས་ཚུར་ལ་མི་ལྡོག་གོ ༈ །དེ་ནས་གཤེགས་གསོལ་དང་དགྲ་ལ་རྦད་པ་ནི། གསེར་སྐྱེམས་མཆོད་ལ་འདི་སྐད་དོ། །ཧཱུྃ། ཧ་ས་གརྒྷ་འཁོར་དང་བཅས་པ་ཡིས། །མདོས་དང་ཤ་ཁྲག་གཏོར་མ་འདི་བཞེས་ལ། །སྣང་ཞིང་སྲིད་པའི་ལྷ་འདྲེ་དང་། །འདྲེ་སྲིན་བགེགས་རིགས་བདུན་ཁྲི་རྣམས། །སྡང་བ་དགྲ་བོའི་ཡུལ་དུ་རྒྱུགས། །གནས་དང་ཕོ་བྲང་དེ་རུ་ཐོབས། །ཟ་ཁ་འཐུང་ཁ་དེ་རུ་སྤོས། །འབྱུང་བ་སྤར་སྨེ་ལོ་ཟླའི་བདག །གཙང་རིས་དཔལ་མགོན་བདུན་ཅུ་དང་། །ས་བདག་གཞི་བདག་ཐམས་ཅད་ཀུན། །དཀར་གསུམ་གཏོར་མ་འདི་བཞེས་ལ། །གཏོ་གླུད་འདི་ཡི་ལམ་ཕྱེས་ལ། །མདོས་ལམ་ཟོར་ལམ་དགྲ་ལ་སྟོན། །སོ་སོ་རང་རང་གནས་སུ་གཤེགས། །འདྲེ་ངན་ལན་ཆགས་བདག་པོ་དང་། །ཟ་འདྲེ་ཕོ་གདོན་མོ་གདོན་དང་། །གོད་

[Full Size]

འདྲེ་བསེ་རག་བགེགས་རིགས་ཚོགས། །གླུད་དང་གཏོར་མ་འདི་ལོངས་ལ། །མཐའ་མེད་ལྕགས་རིའི་ཕར་མཐར་བསྐྲད། །གལ་ཏེ་མི་འགྲོ་འདུག་གྱུར་ན། །རིགས་གསུམ་མགོན་པོ་ཐུགས་ཁྲོས་ནས། །ཁྱུང་འབྲུག་སེང་ཆེན་སྤྲུལ་པ་འགྱེད། །རྡུལ་དུ་བརླག་པར་གདོན་མི་ཟ། །དེ་བས་མ་འདུག་མྱུར་དུ་དེངས། །སརྦ་བྷུ་ཏ་གཙྩ་གཙྪ། དེ་ནས་མི་ནག་འཁོར་བཅས་གདན་བསྐྱོད་པ་ནི། མདོས་གཏོར་རྣམས་ཀྱི་གདན་བསྒུལ་བཅུག་ལ། འདི་སྐད་དོ། །ཧཱུྃ། འཕགས་པ་འཇམ་དཔལ་བཀའ་བྱུང་གིས། །རྣལ་འབྱོར་བདག་གི་གནས་ཁང་འདིར། །མི་ནག་མགོ་གསུམ་འཁོར་བཅས་རྣམས། །ད་ནི་བཞེངས་ཤིག་ད་གཤེགས་རན། །དང་པོ་བྱོན་པ་ཞལ་རེ་དྲོ། །བར་དུ་བཞུགས་པ་དོན་རེ་ཆེ། །ད་ནི་གཤེགས་པ་སྒབ་རེ་བཟང་། །སྔགས་འཆང་ཡོན་མཆོད་འཁོར་བཅས་ཀྱི། །ཁྱིམ་སྒོ་ལམ་སྲང་འདི་དག་ནས། །དགྲ་བགེགས་ལྟས་ངན་བསྒྱུར་བའི་ཕྱིར། །བཞེངས་ཤིག་བཞེངས་ཤིག་གནས་ནས་བཞེངས། །སྐྱོད་ཅིག་སྐྱོད་ཅིག་གནས་ནས་སྐྱོད། །མི་ནག་མགོ་བོ་གསུམ་པ་ཁྱོད། །སྡང་བའི་དགྲ་ལ་རྔམས་པའི་ཕྱིར། །ཞབས་གཉིས་གྱད་ཀྱི་འདོར་ཐབས་

[Full Size]

བཞེངས། །གདན་ནས་སྐུ་བསྐྱོད་བཞེངས་སུ་གསོལ། །མདུན་ནས་མདོས་སྣ་ཁྲིད་པའི་ཕྱིར། །མི་དམར་མགོ་གསུམ་གདན་ནས་སྐྱོད། །མི་ཁ་བྲ་མཆུ་བསྒྱུར་བའི་ཕྱིར། །མི་ཁ་བྲ་རུ་གདན་ནས་སྐྱོད། །དགྲ་ལ་ཉེས་པ་བཏང་བའི་ཕྱིར། །ཤང་ཤང་སེར་པོ་གདན་ནས་སྐྱོད། །ཐན་ལྟས་ངན་པ་བསྒྱུར་བའི་ཕྱིར། །མ་མོ་རྔ་ཞོན་གདན་ནས་སྐྱོད། །གཡས་ནས་བདུད་དམག་གདན་ནས་སྐྱོད། །གཡོན་ནས་བཙན་དམག་གདན་ནས་སྐྱོད། །ས་བདག་ཁྲོ་བོ་གདན་ནས་སྐྱོད། །སྤར་ཁ་བརྒྱད་པོ་གདན་ནས་སྐྱོད། །སྨེ་བ་དགུ་པོ་གདན་ནས་སྐྱོད། །ལོ་སྐོར་བཅུ་གཉིས་གདན་ནས་སྐྱོད། །ལོ་རྒན་དྲུག་ཅུ་གདན་ནས་སྐྱོད། །དཔལ་མགོན་བདུན་ཅུ་གདན་ནས་སྐྱོད། །ས་བདག་རྒྱལ་བློན་གདན་ནས་སྐྱོད། །དགྲ་བོའི་མི་རབས་བཅད་པའི་ཕྱིར། །རྡོ་རྗེ་ལེགས་པ་གདན་ནས་སྐྱོད། །དགྲ་ལ་སྨྱོ་འབོག་གཏོང་བའི་ཕྱིར། །དཔེ་ཧར་རྒྱལ་པོ་གདན་ནས་སྐྱོད། །དགྲ་ལ་མཛེ་ནད་གཏོང་བའི་ཕྱིར། །ཀླུ་བདུད་ནག་པོ་གདན་ནས་སྐྱོད། །དགྲ་ལ་དམག་འཁྲུག་གཏོང་བའི་ཕྱིར། །མ་མོ་ནག་མོ་གདན་ནས་སྐྱོད། །ཕྱོགས་

[Full Size]

བཞི་མདོས་སྒོ་དབྱེ་བའི་ཕྱིར། །སྒོ་སྲུང་སྡེ་བཞི་གདན་ནས་སྐྱོད། །མདོས་སྒབ་མཐའ་ནས་སྡུད་པའི་ཕྱིར། །སྟོབས་ཆེན་གླང་ཆེན་གདན་ནས་སྐྱོད། །བྱུར་འདྲེ་དགྲ་ལ་བསྐྱོད་པའི་ཕྱིར། །གླུད་ཡས་སྣ་ཚོགས་གདན་ནས་སྐྱོད། །སྣང་སྲིད་ལྷ་སྲིན་སྡེ་བརྒྱད་རྣམས། །མི་བས་གླུད་བཟང་འདི་བཞེས་ལ། །ཕོ་བྲང་དབུས་ནས་ད་སྐྱོད་ཅིག །གཤེགས་སོ་ཆོས་སོ་ད་བཞུད་ཅིག །གཙང་རིས་དཔལ་མགོན་ནམ་མཁའི་གནས་སུ་གཤེགས། །ས་བདག་ཀླུ་གཉན་རི་རབ་དཀྱིལ་དུ་གཤེགས། །མ་མོ་རྣམས་ནི་དུར་ཁྲོད་གནས་སུ་གཤེགས། །ཡ་བདུད་རྣམས་ནི་རི་གསུམ་རྩེ་ལ་གཤེགས། །མ་བདུད་རྣམས་ནི་ལུང་གསུམ་མདོ་རུ་གཤེགས། །རྒྱལ་འགོང་རྣམས་ནི་ལྷ་ཁང་རྙིང་པར་གཤེགས། །ཐེའུ་རང་རྣམས་ནི་བྲག་ཕུག་ནང་དུ་གཤེགས། །བཙན་རྣམས་ཐམས་ཅད་བྲག་དམར་ཟུར་ལ་གཤེགས། །ཀླུ་གཉན་ཐམས་ཅད་རྒྱ་མཚོའི་ནང་དུ་གཤེགས། །གཟེད་སྨན་རྣམས་ནི་གཡའ་སྤང་མཚམས་སུ་གཤེགས། །ས་བདག་རྣམས་ནི་གངས་དཀར་རྩེ་ལ་གཤེགས། །ཡུལ་འདྲེ་ལན་ཆགས་བདག་པོ་ཀུན། །ལམ་དང་སྲང་གི་གཞི་མདོར་གཤེགས། གཤེགས་

[Full Size]

སོ་ཆས་སོ་ཤ་ར་ར། །ཞེས་པ་ཁྱིམ་ནས་གཤེགས་པའོ། ༈ །དེ་ནས་རང་ཉིད་ལྷ་ཡི་ང་རྒྱལ་དང་ལྡན་པས། མཚམས་དྲག་ཏུ་བཅད་ལ་དྲག་སྔགས་དང་སུམྦྷ་ནི་བརྗོད་ཅིང་ཐུན་གྱིས་བྲབ་ལ། མདོས་ཁྱེར་བཅུག་ལ་ལྟས་ངན་ཡོད་ན་མདོས་སྣ་ལ་ཁྱེར་རོ། །རང་ཉིད་སྔགས་ཆས་དང་བཅས་ལ། རྔ་དང་རོལ་མོ་དར་ནག་བཅས། སྐྱེས་པས་གོ་གྱོན། བུད་མེད་མང་པོ་གཤར་བ་བཀྲལ་སོགས་ཀྱི་སྐྱེལ་འགྲོ་སྟེ། ༈ དམིགས་པ་ནི། གཙོ་བོ་མགོ་གསུམ་ལ་མགོ་གསུམ་གྱི་འཁོར། འཁོར་རྣམས་ལ་རང་གི་འཁོར་ཚོགས་དང་བཅས་པས། བདག་དང་ཡོན་བདག་གི །ལོ་ཟླའི་སྐག་ངན། ཐན་ལྟས་ངན་པ། མི་ཁ་བྲ་མཆུ། ནད་ཡམས་གོད་ཁ། དགྲ་འདྲེ་བྱུར་གསུམ། རྐྱེན་ངན་བར་ཆད་ཐམས་ཅད་མཐའ་ཡི་རྒྱ་མཚོའི་ཕར་མཐར་ཁྱེར་ལ་སོང་བར་བསམ་ལ་འགྲོ་སྟེ། དགྲ་ལ་རྦད་ནི་དགྲ་བོའི་ཡུལ་དུ་ཁྱེར་ནས་སོང་ལ། དེ་རུ་གནས་བཅས་ནས་དགྲ་བོའི་ཟ་སྐལ་འཐུང་སྐལ་བྱས་ནས། ནད་ཡམས་མཚོན་ཆའི་ཆར་ཕབས་ནས་དགྲ་བོ་རྡུལ་དུ་བརླགས་པར་བསམས་ལ། བསྐུལ་པ་བྱེད་མ་ཁ་ཕུང་འདོན་ལ་ཁྱེར་རོ། །བསྟན་ལ་ཐུག་པ་མ་གཏོགས་གར་ཐོད་དུ་མི་རུང་ངོ། །རང་ལ་ལྡོག་ཉེས་ཡོད་པས་མི་བྱའོ། ༈ །དེ་ནས་རོལ་མོ་དང་བཅས་པས་སྔགས་འདི་བརྗོད་ལ་ཁྱེར་རོ། །ཨོཾ་ཡ་མཱནྟ་ཀ །ཡ་མ་རཱ་ཛ། མ་ཧཱ་དྷེ་ཝ། ས་མ་ཡ་ཧཱུྃ་བྱོལ། ནག་པོ་ཕེ་ཤ་ཧཱུྃ། བྱོལ་བྱོལ། མི་ཁ་ཆིལ་ཆིལ། མི་ཁ་ཟློག་

[Full Size]

ཟློག །མི་ཁ་མཱ་ར་ཡ་ཧུར་ཐུམ་ཐུམ་རྦད་རྦད། མི་ཁ་དྲིལ་དྲིལ། མི་ཁ་ཐུམ་ཐུམ། མི་ཁ་ཆིལ་ཆིལ། མི་ཁ་ཟློག་ཟློག །མི་ཁ་དྲིལ་དྲིལ། མི་ཁ་རྦད་རྦད། མི་ཁ་བྱོལ་བྱོལ། མི་ཁ་ཟློག་ཟློག །བརྒྱའི་མི་ཁ་སྟོང་གི་བྲ་མཆུ་ཟློག །མོ་ངན་རྨིས་ངན་ལྟས་ངན་དགྲ་གྱོད་འཁོན་གསུམ་བན་བྱེད་བོན་བྱད་ཐམས་ཅད་དགྲ་ལ་བཟློག་ཅིག །ཅེས་བརྗོད་ཅིང་གོམ་པ་དྲུག་ཅུ་ལས་མི་ཐུང་བ་ཞིག་ཏུ་བསྐྱལ་ལ་བཞག ༈ །དེ་ནས་ཐན་རིགས་ཡོད་ན་མདོས་སྣ་བཏོན་པའི་སར་སྦྲ་ཁང་མི་མཐོང་སར་དེ་ནུབ་སྦས་ལ་བཞག །ཕྱིར་ནངས་ས་དཔལ་དང་གོང་ནོན་ཆོད་ཆེ་སར་བཅའ་སྟེ་ནག་པོ་བརྩེགས་ལ་མནན་པར་བྱའོ། ༈ །དེ་ནས་དཀར་གཏོར་ནས་བཟུང་སྟེ་རིམ་བཞིན་ཕུལ། དེ་ནས་མདོས་ལ་ཞིག་ས་བསྟན་པ་ནི་འདི་སྐད་བརྗོད། །ཀྱཻ། སྟོང་གསུམ་མི་རྟག་འགྱུར་བ་སོགས། །ཆོས་རྣམས་མི་འགྱུར་རྟག་པ་པོ། །ཆོས་ཀྱི་དབྱིངས་ལ་འགྱུར་བ་མེད། །ཚིག་དང་ཐ་སྙད་མི་རྟག་འགྱུར་བ་སོགས། །ཡེ་ཤེས་དོན་དམ་མི་འགྱུར་རྟག་པ་སོགས། །བྱ་བ་འདི་ལ་རྟག་ཆགས་གནས་པ་མེད། །དེ་བས་མདོས་ཀྱང་སྒྱུ་མ་ཡིན། །ཅི་ལྟར་འཇིགས་ཀྱང་ཕྲག་དོག་མེད། །དེ་བས་མདོས་ཀྱང་སྒྱུ་མ་ཡིན། །སྒྱུ་མ་ཡིན་པས་ཕྲག་དོག་མེད། །སྒོ་ཐེམ་

[Full Size]

བརྒལ་བ་ཕྱིན་ཆོད་ནས། །མི་རྟག་འཇིག་རྒྱུ་ཡིན་པ་ལ། །ཤ་དང་ས་ལ་དབྱེ་བ་མེད། །སྒོ་ཐེམ་བརྒལ་པ་ཕྱིན་ཆོད་ནས། །ས་མདོར་བཞག་ཀྱང་ཕྲག་དོག་མེད། །དབུགས་དང་རླུང་ལ་དབྱེ་བ་མེད། །སྒོ་ཐེམ་བརྒལ་བ་ཕྱིན་ཆོད་ནས། །རླུང་གིས་བཤིག་ཀྱང་ཕྲག་དོག་མེད། །ཁྲག་དང་ཆུ་ལ་དབྱེ་བ་མེད། །སྒོ་ཐེམ་བརྒལ་བ་ཕྱིན་ཆོད་ནས། །ཆུ་ཡིས་བཤིག་ཀྱང་ཕྲག་དོག་མེད། །མེ་དང་དྲོད་ལ་དབྱེ་བ་མེད། །སྒོ་ཐེམ་བརྒལ་བ་ཕྱིན་ཆོད་ནས། །མེ་ཡིས་བཤིག་ཀྱང་ཕྲག་དོག་མེད། །རྩྭ་དང་ཤིང་ལ་དབྱེ་བ་མེད། །སྒོ་ཐེམ་བརྒལ་བ་ཕྱིན་ཆོད་ནས། །ཤིང་གིས་བཤིག་ཀྱང་ཕྲག་དོག་མེད། །རྡོ་དང་རུས་ལ་དབྱེ་བ་མེད། །སྒོ་ཐེམ་བརྒལ་བ་ཕྱིན་ཆོད་ནས། །རྡོ་ཡིས་བཤིག་ཀྱང་ཕྲག་དོག་མེད། །མི་དང་བྱོལ་སོང་གང་བཤིག་ཀྱང་། །མི་རྟག་པ་ཡི་རྒྱུ་ཡིན་པས། །གང་གིས་བཤིགས་ཀྱང་ཕྲག་དོག་མེད། །སྒོ་ཐེམ་བརྒལ་བ་ཕྱིན་ཆོད། ནས། །འདིར་བཞག་ཟེར་བའི་ས་ཆ་མེད། །བདག་དང་རྒྱུ་སྦྱོར་ཡོན་བདག་གི །ཁྱིམ་སྒོ་ལམ་སྲང་འདི་དག་ན། །གནོད་པར་བྱེད་པའི་དགྲ་བགེགས་རྣམས། །གང་ཡིན་

[Full Size]

སྡང་བའི་དགྲ་ལ་བློ། །མི་ནག་མགོ་བོ་གསུམ་པ་ཁྱོད། །གང་དུ་བཏང་བའི་ལས་མཛོད་ཅིག །སྔགས་འཆང་བདག་གི་བཀའ་མ་བཅག །ཡོན་བདག་དྲིན་ལེན་ཆུད་མ་གསན། །སྔོན་གྱི་དམ་ཚིག་དྲན་པར་གྱིས། །གཏོ་ཡས་གནས་སུ་ཐེངས་བར་མཛོད། །འབྱུང་བ་ལྔ་ལས་བྱུང་བ་ཡི། །ཕྲག་དོག་ལན་ཆགས་མགྲོན་ཡིན་པས། །གང་གིས་བཤིག་ཀྱང་ཕྲག་དོག་མེད། །སྒྱུ་མ་ཡིན་པ་ཤེས་པར་གྱིས། །བཅོལ་བའི་ཕྲིན་ལས་འགྲུབ་པར་མཛོད། །མི་ནག་མགོ་བོ་གསུམ་པའི་མདོས་ཆེན་ལས། གཏོ་ནག་མཚན་མ་དགྲ་ཟློག་གི་ལྷན་ཐབས་ཟློབཞུགས། མི་ནག་མགོ་གསུམ་མདོས་ཆེན་ལས། འབུལ་དུས་གོམ་པ་དྲུག་ཅུའི་སར་བསྐྱལ། དེ་ནས་མདོས་མི་རྟག་པ་ཞིག་པ་བསྟན་པ་འདོན་ཚར་ནས། གལ་ཆེན་བྱད་སྣ་བཟློག་ན། བསྐུལ་པ་བྱད་མ་ཁ་ཕུང་འདོན་ལ་བརྫོགས། དགྲ་ལ་བསྐུལ་ན་གཏོ་ནག་མཚན་མ་དགྲ་ཟོར་འདི་འདོན། ལྟས་ངན་གདོན་བགེགས་ཟློག་ན་གཞུང་རང་གིས་ཆོག་སྟེ། གཞན་འདོན་མི་དགོས། གོང་དུ་ཟོར་མ་འཕངས་ན་འདིའི་ཟོར་གྱིས་གོ་ཆོད་དོ། །དེ་ནས་གཏོ་ནག་མཚན་མ་དགྲ་ཟོར་ནི། གཏིང་ཕུལ་དམར་གཏོར་རང་གིས་ཐོགས་ལ། དམིགས་པ་ནི་མི་ནག་འཁོར་དང་བཅས་པ་དགྲ་བོའི་ཡུལ་དུ་སོང་ནས། དགྲ་བགེགས་རྣམས་གྲོག་ཚང་ལ་སེར་བ་བརྒྱབ་པ་ལྟར་རྡུལ་དུ་བརླགས་པར་བསམས་ལ། རོལ་མོ་དང་

[Full Size]

བཅས་པས་འདི་སྐད་དོ། །ཧཱུྃ། བཅོམ་ལྡན་འཕགས་པ་འཇམ་དཔལ་དང་། །རྟ་མགྲིན་ཕྱག་ན་རྡོ་རྗེ་དང་། །ཁྱུང་འབྲུག་སེང་གསུམ་སྤྲུལ་པ་བཅས། །ཁྱེད་ཀྱི་ཐུགས་དམ་རྒྱུད་བསྐུལ་གྱིས། །གཏོ་སྤྱད་འདི་ཡི་དཔུང་ཕུལ་མཛོད། །འཇམ་དབྱངས་སྤྲུལ་པ་འབྱུང་བ་ཆེ། །མ་ཧཱ་གསེར་སྦལ་སེར་པོ་ལ། །གནས་པའི་ས་བདག་ཀླུ་གཉན་གྱིས། །གཏོ་སྤྱད་འདི་ཡི་དཔུང་ཕུལ་མཛོད། །མཚེ་མ་དགའ་ལྡན་གཙང་རིགས་ལྷ། །རིག་འཛིན་བདག་གི་ལྷ་སྲུང་གིས། །གཏོ་སྤྱད་འདི་ཡི་དཔུང་ཕུལ་མཛོད། །ལྷ་ཀླུ་གཟའ་དང་གནོད་སྦྱིན་དང་། །རྒྱལ་ཆེན་བཞི་དང་རྒྱུ་སྐར་ཚོགས། །ཕྱོགས་སྐྱོང་དཔལ་མགོན་བདུན་ཅུ་རྣམས། །གཏོ་སྤྱད་འདི་ཡི་དཔུང་ཕུལ་མཛོད། །ཕུ་རི་ཕུ་བདག་རི་བྲག་གི་བདག །མདའ་རི་མདའ་བདག་མ་སྤང་མཚོ་དང་ཀླུ། །གངས་རི་གངས་བརྒྱུད་གངས་སྨན་ཀ་རའི་གཉན། །ཉིན་རི་སྲིབ་བཙན་གཡའ་རི་ནགས་ཀྱི་སྨན། །གཡན་ཁམས་སུམ་ཅུ་ཀླུ་དང་ཁམས་ཀྱི་བདག །ལྷ་སྲིན་སྡེ་བརྒྱད་ཤ་ཁྲག་དམར་གྱི་བདག །ཐམས་ཅད་གཏོ་སྤྱད་འདི་ཡི་དཔུང་ཕུལ་མཛོད། །ཀྱཻ། སྣང་སྲིད་ལྷ་འདྲེ་ཐམས་

[Full Size]

ཅད་ཀུན། །མཉམ་གཉིས་རྗེས་པའི་གླུད་དུ་འབུལ། །ཕོ་མོ་བན་བོན་རྗེ་དང་བྲན། །རྨིག་ཆགས་སྡེར་ཆགས་དུད་འགྲོའི་ཚོགས། །སུ་དང་འཕྲད་པ་དེ་དང་བརྗེ། །སྣང་སྲིད་ལྷ་འདྲེ་བདུད་བཙན་རྣམས། །གཏོ་ནག་ཡས་ནག་འདི་ཡིས་སྒྱུར། །ཆོ་འཕྲུལ་སྣ་ཚོགས་འདི་ཡིས་ཤིག།ཁྲམ་ཁ་མི་ཁ་ཟོར་ཁ་ཟློག །བདག་དང་ཡོན་གྱི་བདག་པོ་ཡི། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །ཐན་ལྟས་ངན་པ་ཐམས་ཅད་སྒྱུར། །བྱུར་དང་འགོང་པོ་གོད་ཁ་སྒྱུར། །ལོ་སྐག་ཟླ་སྐག་ཞག་སྐག་སྒྱུར། །གཏོ་ནག་མཚན་མའི་དགྲ་ཟོར་འདི། །ཡོན་བདག་སྐུ་གླུད་བརྗེ་བའི་གཏོ། །བོན་དང་འཕྲད་ན་རླག་པར་བྱེད། །བོན་དང་འཕྲད་ན་རྡུལ་དུ་བརླག །ཕོ་མོ་གང་འཕྲད་དེ་དང་བརྗེ། །ན་མཉམ་ལོ་མཉམ་དེ་དང་བརྗེ། །མིང་འདྲ། ལོ་འདྲ་དེ་དང་བརྗེ། །གཟུགས་འདྲ་མཁན་འདྲ་དེ་དང་བརྗེ། །དྲང་སྲོང་བདེན་པའི་གཏོ་ནག་འདིས། །ཕ་ཚན་རྒྱབ་འདྲེ་ཐམས་ཅད་ཟློག །མ་ཚན་ཕུ་ནུའི་བྱོལ་ཁ་ཟློག །རྨི་ལྟས་ངན་དང་ཐན་ལྟས་དང་། མཚན་མ་བྱུར་ཁ་ངན་པ་རྣམས། །གོང་

[Full Size]

གི་རྗེ་དང་དཔོན་ལ་བྷྱོ༔ །ཁྲག་གི་སྐག་རྣམས་ཆུ་ལ་བྷྱོ༔ །དྲོད་ཀྱི་སྐག་རྣམས་མེ་ལ་སྦྱོ། །རུས་པའི་སྐག་རྣམས་རྡོ་ལ་སྦྱོ། །ཤ་ཡི་སྐག་རྣམས་ས་ལ་བྷྱོཿ བ་སྤུའི་སྐག་རྣམས་རྩ་ལ་བྷྱོཿ རྩ་རྒྱུད་སྐག་རྣམས་ཤིང་ལ་བྷྱོ༔ །སེམས་ཀྱི་སྐག་རྣམས་མཁའ་ལ་བྷྱོ༔ །གཟུགས་ཀྱི་སྐག་རྣམས་རོ་ལ་བྷྱོ༔ །སུ་དང་འཕྲད་པ་དེ་ལ་སྒྱུར། །ས་རྡོ་སེམས་མེད་དེ་ལ་སྒྱུར། །བྷྱོ། མི་ནག་འཁོར་བཅས་ལས་ལ་བསྐུལ། །གཏོ་ནག་མཚན་མའི་དགྲ་ཟོར་འདི། །བསྟན་པ་གཉན་གྱི་སྤྱི་དགྲ་དང་། །རྣལ་འབྱོར་བདག་གི་སྒོས་དགྲ་དང་། །སྦྱོར་བ་ངན་དང་མཚན་མ་རྩུབ། །མོ་ངན་རྨི་ལམ་ངན་པ་དང་། །སྔ་དགྲ་ལག་ལ་དར་བ་དང་། །ཕྱི་དགྲ་ཡིད་ལ་བསམ་པ་དང་། །ད་དགྲ་དངོས་སུ་བསྡོ་བ་ཡི། །གཟུགས་ཅན་དགྲ་དང་གཟུགས་མེད་བགེགས། །ཁ་ནས་ཚིག་རྩུབ་བརྗོད་པ་དང་། །དཀོན་མཆོག་བདེན་པའི་བཀའ་བཅག་དང་། །གནོད་བྱེད་དགྲ་འདྲེ་བྱད་གསུམ་ལ། །གཏོ་ནག་མཚན་མའི་དགྲ་ཟོར་རྒྱོབས། །དགྲ་བགེགས་མ་རུངས་གདུག་པ་ཅན། །།སྲིད་པའི་གཏོ་ནག་འདི་ཡིས་ནོན། །ཐལ་བ་རྡུལ་དུ་བརླག་པར་མཛོད། །

[Full Size]

གཏོ་ནག་མཚན་མའི་དགྲ་ཟོར་འདི། །རི་ལ་བརྒྱབ་ན་རི་ཡང་ཉིལ། །མཚོ་ལ་བརྒྱབ་ན་མཚོ་ཡང་སྐེམ། །བྲག་ལ་བརྒྱབ་ན་བྲག་ཡང་ཉིལ། །ཆུ་ལ་བརྒྱབ་ན་ཆུ་ཡང་སྐམ། །ཤིང་ལ་བརྒྱབ་ན་ཤིང་ཡང་ཆག །ལྕགས་ལ་བརྒྱབ་ན་ལྕགས་ཀྱང་ཞུ། །དགྲ་ལ་བརྒྱབ་ན་རྡུལ་དུ་བརླག །བགེགས་ལ་བརྒྱབ་ན་ཐལ་བར་བརླག །སྡང་བའི་དགྲ་ལ་གཏོར་ཟོར་རྒྱོབས། །གནོད་པའི་བགེགས་ལ་གཏོར་ཟོར་རྒྱོབས། །བྱད་མ་དམ་སྲིའི་སྙིང་ལ་རྒྱོབས། །ཐོག་སེར་མཚོན་ཆའི་སྐྱོགས་ཆེན་གྱིས། །དགྲ་བོའི་ཡུལ་མཁར་རྨིང་ནས་སྐྱེལ། །ལུས་སེམས་དུམ་བུ་ཕྱེ་མར་གཏུབས། །ཤ་ཁྲག་ཕུང་པོ་ཟས་སུ་ཟོ། །བགེགས་ཚོགས་བསྐལ་པའི་མེ་ལ་བསྲེགས། །ཐལ་བ་མིང་མེད་རླུང་གིས་གཏོར། །གཏོ་འདི་དགྲ་བོའི་སྟེང་དུ་བྷྱོ༔ །གཏོ་འདི་བགེགས་ཀྱི་སྟེང་དུ་བྷྱོ༔ །གཏོ་འདི་བར་ཆད་རྐྱེན་ལ་བྷྱོ༔ །དགྲ་བགེགས་ཐལ་བ་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །ཨོ་ཕེ་ཤ་ཀེ་རུ་བྷྱོཿ ཨ་ཡ་མ་དུ་རུ་ཙ་ཤ་ན། གནོད་བྱེད་དགྲ་བགེགས་བྱད་མ་རྨིས་ལྟས་མཚན་ངན་དགྲ་གྱོད་འཁོན་གསུམ་མི་ཁ་བྲ་མཆུ་ཐམས་ཅད་མཱ་ར་ཡ་རྦད་རྦད་

[Full Size]

བྷྱོ་བྷྱོ་ཟློག་ཟློག །དེ་ནས་ཡས་རྣམས་རྫོགས་ཚར་སྟེང་གཏིང་ཕུལ་དམར་གཏོར་དེ། གཏོ་ཡས་རྣམས་ཀྱི་རྒྱབ་ཏུ་འཕེན་ནམ་རྩེར་ཕྱིར་བསྟན་ལ་ཕུལ། དེ་ནས་མདོས་གཏོར་སྣོད་སར་སྦུབས་ལ་དམ་སྲི་བཀུག་གཞུག་དྲག་ཏུ་བྱས། ཡི་དམ་ལྷ་ཡི་རྟ་བྲོ་བརྡུངས་ལ། ཡི་དམ་ལྷ་སྔགས་ཤམ་དུ། ཨོཾ་ལཾ་ཧཱུཾ་ལཾ་སྟམྦྷ་ཡ་ནན། དམ་སྲི་སྒབ་འདྲེ་ཐམས་ཅད་གཏོར་གཞོང་རི་རབ་འབར་བའི་འོག་ཏུ་སྟམྦྷ་ཡ་ནན། གཏོར་གཞོང་ཁ་ཡར་བཀྱག་ལ། འཇིག་རྟེན་ཁམས་ཀྱི་ཟས་ནོར་གྱི་གཡང་དང་དངོས་གྲུབ་ཐམས་ཅད་བསྡུས་ནས་གཏོར་སྣོད་གང་བར་གྱུར། སརྦ་སིདྡྷི་ཕ་ལ་ཧཱུྃ། ཞེས་བརྗོད་ལ་འབྲུ་སྣ་རྣམས་བླུག ཡོན་བདག་རྣམས་ཕྱི་མིག་མི་ལྟ་བར་སྔོན་ལ་བཏང་། རང་སྲུང་འཁོར་བསྒོམ་ནས་རྒྱབ་ནས་འོང་བ་སོགས་ཕྱག་ལེན་ལྟར་བྱའོ། ༈ །དར་ནག་དྲིལ་ལ་ཁྱེར་བཅུག་རང་རྒྱབ་ནས་འོང་ལ་དམིགས་པ་འདི་བྱས། རང་གི་རྒྱབ་ཏུ་ནམ་མཁའ་ཐམས་ཅད་ཁྱུང་ཆེན། བར་སྣང་ཐམས་ཅད་གཡུ་འབྲུག །ས་གཞི་ཐམས་ཅད་དུང་སེང་གིས་གང་ནས། དེ་དག་གི་ང་རོ་དྲག་པོ་སྟོང་གསུམ་གང་བ་བསྒྲགས་པས། འདྲེ་ངན་ཐམས་ཅད་སྐྲག་ནས་མཐའི་ལྕགས་རིའི་ཕ་རོལ་དུ་བྲོས་ནས། ཕྱིར་མི་ལྡོག་པར་ཁྱུང་འབྲུག་སེང་གསུམ་གྱིས་སྲུང་བར་གྱུར། ཁྲོ་བཛྲ་ག་རུ་ཌ་ཧཱུྃ་ཕཊ༔ རཀྵ་རཀྵ་སྭཱ་ཧཱ། དུ་ན་དུ་ན་ཧཱུྃ་ཕཊ༔ རཀྵ་རཀྵ་སྭཱ་ཧུ། ཡ་མ་རཱ་ཛ་ཧཱུྃ་ཕཊ༔ རཀྵ་རཀྵ་

[Full Size]

སྭཱ་ཧཱ། དེ་ནས་ཁྱིམ་དུ་ལོག་ནས་ཚོགས་འཁོར་དང་བསྐང་བ་རྒྱས་པར་བྱའོ། །དེ་ནས་ཚེ་འགུགས་དང་དངོས་གྲུབ་བླང་ཆོག་བྱའོ། །དེ་ནས་ཡི་དམ་ལྷ་ཡི་རྗེས་ཆོག་བྱས་རྗེས། ཨོ་མཉྫཤི་ལོ་ཀི་ཤྭ་རི་བཛྲ་པཱ་ཎི་ཨབྷཾ་སོགས་ཀྱིས་མཆོད། གཞོན་ནུའི་སྐུ་ལུས་འཆང་བ་པོ་སོགས་ཀྱིས་བསྟོད། བསྟོད་པར་འོས་པ་ཐམས་ཅད་སོགས། མ་འབྱོར་པ་དང་ཉམས་པ་སོགས། ཡིག་བརྒྱ་བརྗོད། མདུན་བསྐྱེད་རིགས་གསུམ་མགོན་པོ་འཁོར་བཅས་རྣམས། །རང་ལ་ཐིམ་པས་བྱིན་རླབས་དངོས་གྲུབ་ཐོབ། །ཕྱི་རོལ་སྲུང་འཁོར་ཁྱུང་འབྲུག་སེང་གེ་རྣམས། །རང་ཉིད་རིགས་གསུམ་གཅིག་དྲིལ་སྐུ་ལ་ཐིམ། །དེ་ཡང་མཐའ་ནས་དབུས་ཡལ་སྟོང་པ་ཉིད། །དགེ་བས་རིགས་གསུམ་མགོན་པོ་འགྲུབ་གྱུར་ཅིག །བཀྲ་ཤིས་བདེ་ལེགས་བསམ་པ་ལྷུན་གྲུབ་ཤོག །དེ་ནས་རང་གི་ཡི་དམ་གཤེགས་གསོལ་བསྡུ་ཆོག་དང་བཀྲ་ཤིས་བསྔོ་བ་སྨོན་ལམ་རྒྱས་པར་བྱའོ། ༈ །སྤྱིར་གཏོ་ཐམས་ཅད་ཀྱི་རྩ་བ་མགོ་གསུམ་འདི་ལས་ཁོལ་དུ་ཕྱུང་བ་ཡིན་པས། གཏོ་རིགས་ཐམས་ཅད་འདི་ཉིད་བཅས་པས་འཐུས་ཤིང་། ལོ་དང་སྤར་ཁའི་སྨེ་བའི་འགྲམས་འཁྲུག་བདུད་གཅོད་སྐག་རིགས་ཐམས་ཅད་དང་། ས་བདག་གིས་ཀོ་ལོང་བསྡམས་པ། ན་ཤི་དུར་དང་ཁང་ལས་བག་མ་ལ་སོགས་སྐལ་ངན་དུ་སོང་བ། རྩིས་ངན་མོ་ངན་རྨི་ལམ་ངན་པ་དགྲ་གྱོད་འཁོན་

[Full Size]

གསུམ། མི་ཁ་བྲ་མཆུ་དགྲ་བགེགས་བྱད་ཁ་ཁུར་ཁ་ཐམས་ཅད་བཟློག་པ་དང་། ཁྱད་པར་ལྟས་ངན་ཐན་རིགས་ཐམས་ཅད་བཟློག་པ་འདི་ཉིད་མཆོག་ཏུ་ཟབ་ཅིང་རྣོ་ཆོད་གཞན་ལས་ཆེ་བ་ཡིན་ནོ། །དེ་ལྟར་ན་སྐག་ཟློག་ལ་གཏོ་ཕྲན་གཞན་སྒྱུར་ལ་འདི་ཉིད་དྲིལ་བས་མཆོག་ཏུ་ཟབ་བོ། ༈ །རྒྱ་ནག་ལུགས་ཀྱི་ས་བདག་གཏོ་རྒྱུད་ནག་པོ་ལས། མི་ནག་མགོ་བོ་གསུམ་པའི་མདོས་ཀྱི་བཅའ་ཐབས། འཕགས་པ་འཇམ་དཔལ་གྱིས་མཛད་པ། བོད་དུ་རྒྱུ་ཟ་ཨོན་ཆུང་གིས་བསྒྱུར་བ་ཕྱག་ལེན་འགྲིགས་ཆོག་སུ་བསྡེབས་པ། ཚིག་ཉུང་བ། འཐུས་ཆེ་བ། དོན་ཟབ་པ། ཅུང་ཞིག་གསལ་བར་བསྒྲིགས་ཆོག་ཏུ། སྔགས་འཆང་སྤྲ་ཝ་པུ་རིས་ལག་ལེན་ལྟར་རང་གི་དོན་དུ་བསྒྲིགས་པ་ལ། ཆེ་ཚང་སངས་རྒྱས་ཡེ་ཤེས་ཀྱིས་རྒྱ་ནག་གི་མན་ངག །གབ་སྦས་གསང་ཚིག་གབ་པའི་ཐིག་དམར་སེར་སོགས་གསལ་བར་བསྒྲིགས་པའོ། །ས་སྐྱ་པ་ཡི་བཀའ་སྲུང་རྣོ་ཁྱད་དང་བཅས་ནས་སྔགས་འཆང་རཱ་པག་ཨ་སྱས་གསལ་ཆ་ཅུང་ཞིག་བསྒྲིགས་ནས། སྔགས་འཆོང་ཨུ་རྒྱན་བཀྲ་ཤིས་ཀྱིས་བསྐུལ་ཕྱིར་བྲིས་པའོ། དགེ་བས་རིགས་གསུམ་མགོན་པོ་འགྲུབ་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མི་ནག་མགོ་གསུམ་གྱི་དགྲ་ཆོས།

[Full Size]

མི་ནག་མགོ་གསུམ་གྱི་དགྲ་ཆོས་བཞུགས་པའི་དབུ་ཕྱོགས་ལགས་སོ།

[Full Size]

ཀྱཻ། རི་རབ་ཆེན་པོའི་སྟེང་ཕྱོགས་ནས། །ཡི་དམ་ལྷ་ཡི་བཀའ་ལ་ཉོན། །ཡབ་གཅིག་མ་ཧཱ་དེ་བ་ཡང་། །ལྷ་སྲིན་ཡོངས་ཀྱི་སྡེ་དཔོན་ཏེ། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོད་དམ་པ་འདིར། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བོའི་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་འཁོར་

[Full Size]

ཕོ་ཉ་ནི། །ཀྱཻ། རི་རབ་ཆེན་པོའི་ཤར་ཕྱོགས་ནས། །སྲོག་བདག་དཀར་པོ་སྤྱན་གཅིག་པ། །སྲོག་བདག་ཡོངས་ཀྱི་སྡེ་དཔོན་ཏེ། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདིར། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བོའི་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་ཉན་ཕོ་

[Full Size]

ཉ་ནི། །ཀྱཻ། རི་རབ་ཆེན་པོའི་ལྷོ་ཕྱོགས་ནས། །གཤིན་རྗེ་ཡ་མ་རཱ་ཙ་ནི། །གཤིན་རྗེ་ཡོངས་ཀྱི་སྡེ་དཔོན་ཏེ། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདི། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བོའི་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་ཉན་ཕོ་ཉ་ནི། །ཀྱཻ། རི་རབ་ཆེན་པོའི་ནུབ་ཕྱོགས་ནས། །ཀླུ་རྒྱལ་འཆི་བདག་མགོ་དགུ་ནི། །སྣང་སྲིད་ཡོངས་ཀྱི་སྡེ་དཔོན་ཏེ། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདིར། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བགེགས་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་

[Full Size]

དམག་ལ་ཆོས། །དེ་ཡི་བཀའ་ཉན་ཕོ་ཉ་ནི། །ཀྱཻ། རི་རབ་ཆེན་པོའི་བྱང་ཕྱོགས་ནས། །གནོད་སྦྱིན་གང་བ་བཟང་པོ་ནི། །གནོད་སྦྱིན་ཡོངས་ཀྱི་སྡེ་དཔོན་ཏེ། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདིར། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བོའི་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་ཉན་ཕོ་ཉ་ནི། །ཀྱཻ། རི་རབ་ཆེན་པོའི་ཤར་ལྷོ་ནས། །བདུད་རྒྱལ་རེ་ཏི་མགོ་ཉག་ནི། །བདུད་རྣམས་ཡོངས་ཀྱི་སྡེ་དཔོན་ཏེ། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདིར། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བགེགས་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་

[Full Size]

ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་ཉན་ཕོ་ཉ་ནི། །ཀྱཻ། རི་རབ་ཆེན་པོའི་ནུབ་བྱང་ནས། །བཙན་རྒྱལ་ཡ་བ་རྒྱ་གཅིག་ནི། །གཙང་བཙན་རྡོ་རྗེ་ལེགས་པ་ནི། །སྣང་སྲིད་བཙན་གྱི་སྡེ་རིགས་དང་། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདིར།། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བགེགས་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་ཉན་ཕོ་ཉ་ནི། །ཀྱཻ། རི་རབ་ཆེན་པོའི་བྱང་ཤར་ནས། །ཆེ་ཞེས་དཔལ་ལྡན་རེ་མ་ཏི། །མ་མོ་རྣམས་ཀྱི་དཔོན་མོ་སྟེ། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདིར། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བོའི་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །

[Full Size]

དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་ཉན་ཕོ་ཉ་ནི། །ཀྱཻ། དགུ་ཚིགས་སྐྱ་མོའི་གཞུང་ལམ་ནས། །གཟའ་བདུད་ཆེན་པོ་རཱ་ཧུ་ལ། །སྣང་སྲིད་གཟའ་ཡི་སྡེ་དཔོན་དམག་ལ་ཆོས། །སྔོན་ཚེ་ཁས་བླངས་དམ་བཅས་བཞིན། །སྒྲུབ་པའི་གནས་མཆོག་དམ་པ་འདིར། །དམ་ལ་དགོངས་ཏེ་གཤེགས་སུ་གསོལ། །དམ་རྫས་གཏོར་མ་འདི་བཞེས་ལ། །དགྲ་བགེགས་སྟེང་དུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། །དེ་ཡི་བཀའ་ཉན་ཕོ་ཉ་ནི། །ཀྱཻ། མུ་ལེ་རྒྱལ་མོའི་བཀའ་འཁོར་ནས། །འབྲོག་མོ་ལྔ་བཅུ་དམག་ལ་ཆོས། །མི་ནག་མགོ་གསུམ་དམག་ལ་ཆོས། །དམག་དཔོན་ཆེན་པོ་དམག་ལ་ཆོས། །ཇག་དཔོན་ཆེན་པོ་དམག་ལ་ཆོས། །ཚོང་དཔོན་ཆེན་པོ་དམག་ལ་ཆོས། །རྔོན་དཔོན་ཆེན་པོ་དམག་ལ་ཆོས། སྡང་བའི་

[Full Size]

དགྲ་དང་གནོད་པའི་བགེགས། །འཆི་བདག་བདུད་དང་འཕྲལ་གྱི་རྐྱེན། །ཐམས་ཅད་མ་ལུས་དབང་དུ་བསྡུས། །བཅོལ་བའི་ཕྲིན་ལས་འགྲུབ་པར་མཛོད། །ཀྱཻ། ཀོང་ཙེ་འཕྲུལ་གྱི་རྒྱལ་པོ་ཡི་ས། །གཏོ་ཡས་གླུད་ཀྱི་རྫོངས་བསྔོས་སོ། །རྒྱུ་འབྱོར་ཡོན་བདག་འཁོར་བཅས་ཀྱི། །ངན་དགུ་སྡིག་བཅུ་བསྒྱུར་དུ་གསོལ། །ལྟས་ངན་བརྒྱད་ཅུ་རྩ་གཅིག་་་སྒྱུར། །ལོ་ཟླ་ཞག་གི་སྐག་རྣམས་སྒྱུར། །ཉི་མ་ཕྱོགས་བཞི་མཚམས་བརྒྱད་སྟེང་འོག་ནས། །སྡང་བའི་དགྲ་བོ་མ་ལུས་ཁུག་ལ་ཤོག །མི་ནག་ཁྱོད་ཀྱི་ཞལ་དུ་བསྟབ། །དགྲ་མནན་ཞ་བོར་མནན་ནོ། །དགྲ་ལག་ཞ་བོར་བཀུག་གོ །དགྲ་སྙིང་ཐང་དུ་ཕྱུང་ངོ། །དགྲ་མཚོན་དུམ་བུར་གཅོག་གོ །དགྲ་རྐུན་ཇག་གསུམ་མར་ལ་བྲུབ་བོ། །ཡར་ལ་མ་ལྡང་ཞིག །འོ། བདག་ཅག་ཡོན་མཆོད་འདི་དག་ལ། སྡང་བའི་དགྲ་བོ་ལས་ངན་པ། བསམ་པ་ངན་པ། ཞེ་ལ་སྡང་བ། བསམ་པ་ལོག་པ། སྔ་དགྲ་བྱས་པ། ཕྱི་དགྲ་ཤོམ་པ། སྐུ་ལ་བསྡོ་བ། ནོར་ལ་རྐུ་བ། རིང་ལ་ཚད་པ། རྟོ་ཁ་བསིགས་པ། ཡོབ་ཆེན་བཀྲོལ་བ། ཁྱིམ་གཉའ་ནས་རྒྱུག་དགོས་ཟེར་བ། ཁྱིམ་འོག་ནས་རྐུ་

[Full Size]

དགོས་ཟེར་བ། གཞི་ནས་འདུག་པའི་ཁྱིམ་དགྲ། བྱེས་སུ་ཆས་པའི་བྱེས་དགྲ། ཉི་མ་ཕྱོགས་བཞི་མཚམས་བརྒྱད་ནས་ཆས་པའི་དགྲ་རྐུན་ཐམས་ཅད་དཀོན་མཆོག་གསུམ་གྱི་བདེན་པའི་མཐུ་སྟོབས་ཀྱིས། ལུང་གསུམ་འདུས་པའི་མདའ། རི་གསུམ་འདུས་པའི་སྣ། ཆུ་གསུམ་འདུས་པའི་འགྲམ། ལམ་གསུམ་འདུས་པའི་རྒྱ་གྲམ་དུ། གཏོར་གཞོང་རི་རབ་ཆེན་པོའི་ཞབས་སུ་ནོན་ཅིག །མི་ནག་མགོ་གསུམ་གྱི་དགྲ་ཆོས་ཧ་ས་གནྟའི་ལྷན་ཐབས་སུ་རཱ་ག་ཨ་སྱས་བྲིས། ། ༧ ཁམས་སྲོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།