མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ནི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སྣང་བརྒྱད་མདོས་ཀྱི་ཟིན་བྲིས།

[Full Size]

སྣང་བརྒྱད་མདོས་ཀྱི་ཟིན་བྲིས་བཞུགས་སོ།

[Full Size]

ན་མོ་ཨརྱ་མཉྫ་ཤྲཱི་ཡེ། གནམ་ས་སྣང་བརྒྱད་མདོས་ཀྱི་བཅའ་ལུགས་ནི། །སྤྲོ་མ་ལ་སོགས་གཙང་མ་ཉོབ་བཀང་ལ། །དེ་ཡི་སྟེང་དུ་ཟན་ནམ་འཇིམ་པ་ལ། །རི་རབ་བང་རིམ་བཞི་སྟེང་རུས་སྦལ་བཞག །དེ་སྟེང་དཀར་གཏོར་ཆེ་བ་རྩེ་རྒྱལ་གཅིག །དེ་རྒྱབ་ཕྱོགས་བཞིར་དཀར་གཏོར་བཞི་བཞག་སྟེ། །དཀར་གཏོར་ལྔ་པོ་འབྱུང་བའི་ས་བདག་ཡིན། །དེ་རྒྱབ་སྨེ་བ་དགུ་ལ་སྨེ་བཤོས་དགུ། །ལྔ་སེར་བཤོས་བུ་གཙོ་བོའི་མདུན་དུ་བཞག །དེ་རྒྱབ་སྤར་ཁ་བརྒྱད་ལ་སྤར་བཤོས་བརྒྱད། །དེ་རྒྱབ་ལོ་སྐོར་བཅུ་གཉིས་ལོ་བཤོས་བསྐོར། །དེ་རྒྱབ་ཕྱོགས་བཞིར་དཀར་གཏོར་རེ་

[Full Size]

རེ་དང་། །མཚམས་སུ་འབྲི་གཡག་རྟ་ལུག་གཟུགས་འགྲོས་བཞི། །ཤར་སྟག་ལྷོ་འབྲུག་ནུབ་བྱ་བྱང་རུས་སྦལ། །དེ་ཡི་རྒྱབ་ཏུ་ངར་མི་རིལ་བུ་དང་། །མཐེབ་སྐྱུ་ཆངས་བུས་བསྐོར་ཏེ་ཤ་རྒྱན་སྤངས། །རྩེ་ལ་མདའ་རྒོད་སྨུག་རྒོད་གཙང་མ་ལ། །དར་ཚོན་སྣ་ལྔའམ་ནི་བལ་ཚོན་བཏགས། །གཞི་ནི་དཀར་པོའི་སྟེང་དུ་སྣང་མདོས་བཞག །ཐ་མར་མཆོད་པ་སྣ་བདུན་གསེར་སྐྱེམས་དང་། །ཤེལ་ཚིགས་ཕྱེ་མར་ལ་སོགས་ཅི་འབྱོར་བཤམས། །ཤུག་དུད་ཅུང་ཟད་བཏང་ཞིང་ཕྱེ་མར་མཆོད། །ཕྱི་རོལ་ཤིང་རྩི་སྣ་ཚོགས་བརྒྱན་པར་འཛུགས། ༈ །རྒྱས་པར་བྱེད་ན་སྔགས་

[Full Size]

དྲུག་ཕྱག་རྒྱ་དྲུག །བསྡུས་པར་མཆོད་པ་བྱིན་བརླབ་བསང་ལྟར་བྱ། །རྒྱས་པར་སྣང་བརྒྱད་དཀར་ནག་ཁྲ་གསུམ་དང་། །སྣང་མདོས་ཉིད་ཀྱང་གཞུང་ལྟར་འདོན་པ་ཡིན། །འབྲིང་དུ་སྣང་བརྒྱད་དཀར་ནག་གང་རུང་དང་། །སྣང་མདོས་འདོན་ཞིང་ཤིན་ཏུ་བསྡུས་པ་ནི། །སྣང་བརྒྱད་གང་རུང་འདོན་ཞིང་གཏོར་མ་རྣམས། །དཀར་གཏོར་གཞུང་མ་ལྟ་བུ་བསྔོས་བྱས་ལ། །ས་བདག་རིགས་དང་བིཊྚི་ཁྲ་ཚ་ཟིན་ཕུང་གཡུ་མཛོད་ལ་སོགས་ལ་དཀར་གཏོར་ལྔ་མཐར་བཞག་པ་ཕྱག་ལེན། མཆན། དེ་ནས་སྣང་མདོས་ཁང་ཐོག་དཀྱིལ་དུ་བཞག །སྟག་དང་དཀར་གཏོར་ཁང་པའི་ཤར་སྟེང་བཞག །འབྲུག་དང་དཀར་གཏོར་གཅིག་ནི་ལྷོ་ཡི་ཕྱོགས། །བྱ་དམར་དཀར་གཏོར་ཁང་པའི་ནུབ་ཏུ་ཕུལ། །རུས་སྦལ་རྒྱ་བོ་དཀར་གཏོར་བྱང་དུ་བཞག །གལ་ཏེ་ཕུད་པའི་དུས་ཡིན་ན། །ཕུང་པོ་མ་ཁྱོག་བར་དུ་བྱ་ཁྱི་བསྲུང་། །བག་མའི་དུས་སོགས་ཡིན་ན་དེ་དང་མཚུངས། །དམག་འགྲོ་ཁང་སར་དུར་སྤོ་ཁང་རྙིང་བཤིག་པ་སོགས་ལ་བྱེད་ལས་འདིའོ། མཆན། །དེ་ནི་བཅས་སོགས་སྟབས་བདེ་ལེགས་པ་ཡིན། །རྒྱས་པར་རི་རབ་སྟེང་དུ་རྡུལ་ཚོན་གྱིས། །རུས་སྦལ་སྤར་སྨེ་བྲིས་སྟེང་བཤོས་བུ་བཀོད། །ནམ་མཁའ་ཕྱོགས་ལྔར་བཙུགས་ཀྱང་འགལ་

[Full Size]

མེད། །གལ་ཏེ་བྱེད་ན་འབྱུང་ལྔའི་རང་མདོག་ལྔ། །ནམ་མཁའ་བྱེད་སྲོལ་ཕལ་ཆེར་མེད་པ་ཡིན། །སྔགས་འཆང་འོད་ཟེར་ཞེས་བྱས་བསྐུལ་བའི་ངོར། །རྭ་གའི་མིང་ཅན་བསམ་གཏན་པ་དེས་བཀོད། །ཉེས་འགལ་མཆིས་ན་མཁས་ལ་བཤགས། །འགྲོ་ཀུན་བདེ་ལ་འགོད་པའི་ཕྱིར་དུ་བསྔོ། །དགེའོ། །མངྒ་ལཾ།། ༈ དམིགས་པ་ནི་རང་ཉིད་འཇམ་དཔལ་དུ་བསྒོམ་པའམ། ཡང་ན་ཤཱཀྱ་ཐུབ་པ་བསྒོམས་བྱས་ལ། མདུན་དུ་རི་རབ་གསེར་གྱི་རུས་སྦལ་ཏེ། །འཇམ་དབྱངས་གསེར་མདོག་རལ་གྲི་པོ་ཏི་བསྣམས། །འཁོར་དུ་འབྱུང་བ་སྤར་སྨེ་ལོ་ས་སྤར་སྨེས་བསྐོར། །མངོན་སུམ་ལྟར་དམིགས་སྤྱན་དྲངས་མཆོད་པ་འབུལ། །རྗེས་ནས་སྲུང་སྐྱབས་མགོན་སྐྱབས་ཕྱོགས་སྐྱོང་བཞུགས། །དེ་ལྟར་གསལ་བར་དམིགས་ལ་སྣང་བརྒྱད་འདོན། །མཐར་ནི་དམིགས་མེད་ཆོས་ཀྱི་དབྱིངས་སུ་གཤེགས། །ཤིན་ཏུ་གལ་ཆེན་བྱ་བར་སེམས་པ་ན། །སྣང་བརྒྱད་འདོན་རྗེས་སྣང་བརྒྱད་སྙིང་པོའི་སྔགས། །བརྒྱ་རྩ་བརྒྱད་སོགས་བཟླས་ནས་བཀྲ་ཤིས་བརྗོད། །འདི་ནི་ཤིན་ཏུ་ཟབ་པའི་མན་ངག་ཡིན། །དེ་སྐད་དྲང་སྲོང་༧ རཱ་གའི་མིང་གིས་སྨྲས། །དགེ་བས་སྐྱེ་དགུ་བདེ་

[Full Size]

ལ་འགོད་པར་ཤོག །བསྟན་འཛིན་ཡོངས་ཀྱི་བསྟན་པའི་སྒྲོན་མཆོག་དམ་པར་ཤོག །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འཕགས་པ་གནམ་ས་སྣང་བརྒྱད་ཀྱི་ཆོ་ག་ཁམས་གསུམ་བདེ་ལེགས་བཀླག་ཆོག་ཏུ་བཀོད་པ།

[Full Size]

འཕགས་པ་གནམ་ས་སྣང་བརྒྱད་ཀྱི་ཆོ་ག་ཁམས་གསུམ་བདེ་ལེགས་བཀླག་ཆོག་ཏུ་བཀོད་པ་བཞུགས་སོ།།

[Full Size]

བཅོམ་ལྡན་འདས་ཤཱཀྱ་སེང་གེ་ལ་ཕྱག་འཚལ་ལོ། །འཕགས་པ་གནམ་ས་སྣང་བརྒྱད་ཀྱི་མདོས་ཆོག་སློབ་དཔོན་ཀླུ་སྒྲུབ་ཀྱིས་མཛད་པར་གྲགས་པ་དང་། རྒྱ་ནག་ནས་འགྱུར་བའི་ཆོ་ག་གཏེར་སྟོན་སངས་རྒྱས་བླ་མའི་གཏེར་ལས་བྱུང་བ་སོགས་ཀྱི་དོན་མདོར་བསྡུས་པ་ཁམས་གསུམ་བདེ་ལེགས་ཀྱི་ཕྱག་ལེན་བཀླག་ཆོག་ཏུ་བཀོད་པ་ལ། ཐོག་མར་བཅའ་གཞི་ནི། སྔོན་ཆད་རོ་དང་བག་ནལ་སོགས་མ་བྱུང་བའི་གཙང་མའི་གནས་སུ། མདོས་སྟེགས་ཀྱི་དབུས་དང་པོར་རི་རབ་བང་རིམ་བཞི་པ། ཕྱི་རོལ་གླིང་བཞི་མཚོ་དང་ལྕགས་རི་མུ་ཁྱུད་དང་བཅས་པའི་བཀོད་པ་ཅི་མཛེས་སུ་བྱ། དེའི་སྟེང་དུ་རུས་སྦལ་གྱི་གཟུགས་ཀྱི་སྙིང་ཁར་ས་བདག་ཡབ་ཡུམ་སྲས་གསུམ་གྱི་སྐུའམ། གཏོར་མ་དཀར་ཟླུམ་པད་འདབ་ཀྱིས་བརྒྱན་པ་གསུམ་བཞག །

[Full Size]

ཕྱོགས་བཞིར་བཤོས་ཕྲན་བཞི། དེའི་ཕྱི་རོལ་དུ་རིམ་བཞིན་སྤར་ཁ་བརྒྱད། སྨེ་བ་དགུ། ལོ་སྐོར་བཅུ་གཉིས་སོ་སོའི་གཟུགས་སམ་བཤོས་བུ། སྲུང་བཞིའི་གཟུགས། །རི་རབ་བང་རིམ་དང་པོ་ལ་སྡེ་བརྒྱད་བཤོས་བུའམ། བཤོས་ཕྲན་བརྒྱད། གཉིས་པ་ནས་བརྩམས་ཏེ་ཉེར་སྤྱོད། འདོད་ཡོན། བཀྲ་ཤིས་རྫས་རྟགས། རྒྱལ་སྲིད་སྣ་བདུན། མ་རྨོས་ལོ་ཏོག །གཏེར་བུམ་སོགས་སྲིད་པའི་འབྱོར་པ་དང་། རི་དྭགས། གཡུང་དྭགས། རྩ་བར་ཆུ་གནས་སྣ་ཚོགས། གླིང་དང་མཚོ་རྣམས་ལའང་འདོད་ཡོན་གྱི་ཚོགས་དང་། བཤོས་བུ། །རིལ་བུ། དཀར་གསུམ། མངར་གསུམ། འབྲུ་སྨན་སོགས་ཀྱིས་གཏམས། །མཐའ་བསྐོར་དུ་ཤིང་རྩི་བལ་ཚོན་དང་། དར་སྣ་ཚོགས་ཀྱིས་བརྒྱན་པ་བཙུགས། སྟེང་དུ་ནམ་མཁའ་

[Full Size]

དང་། དར་འཕན་སོགས་ཀྱིས་མཛེས་པ་དང་། བྱ་རིགས་སྣ་ཚོགས་ལྡིང་བར་བྱ། མདུན་དུ་གསེར་སྐྱེམས་དང་། གཏོར་མ་ཆ་ལྔ། ཕྱེ་མར། ཟས་ཕུད་ཤེལ་ཚིགས་སོགས་འོག་ཏུ་དགོས་པའི་ཡོ་བྱད་ཐམས་ཅད་བཤམས། དེའི་སྟེང་གི་ནམ་མཁའ་ལ། མ་བདེ་ན་རྒྱབ་ཕྱོགས་སྟེགས་མཐོ་བར་སྟོན་པའི་སྐུ་དང་། གསུང་རབ་གླེགས་བམ། མཆོད་རྟེན་བཅས་ཀྱི་སྤྱན་སྔར་མཆོད་པ་ཅི་འབྱོར་བཤམ་མོ། །དེ་ནས་བདག་བསྐྱེད་ནི། རང་ཉིད་ཡི་དམ་གང་བྱེད་ཀྱི་གཞུང་བསྲང་བའམ་རུང་ལ། ཁྱད་པར་འདི་དང་འབྲེལ་བར་བྱེད་ན། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །སྐྱབས་སེམས་དང་། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཚད་མེད་པ་ལ་གནས་པར་གྱུར་ཅིག །ཚད་མེད་བཞི་བསྒོམ། ཨོཾ་སྭ་བྷ་ཝ་སོགས། །སྟོང་པའི་ངང་ལས་སྐད་ཅིག་དྲན་རྫོགས་སུ། །གནས་ཡུལ་རྣམ་དག་ཞིང་ཁམས་ཆེན་པོའི་

[Full Size]

གཞིར། །སྣ་ཚོགས་པདྨ་འདབ་བརྒྱད་གཉིས་རིམ་དབུས། །བདག་ཉིད་བསྟན་པའི་གཙོ་བོ་ཤཱཀྱའི་རྒྱལ། །གསེར་མདོག་ས་གནོན་མཉམ་བཞག་སྤྲུལ་སྐུའི་ཆས། །རྡོ་རྗེའི་སྐྱིལ་ཀྲུང་འོད་ཟེར་རབ་འཕྲོ་བའི། །པད་འདབ་ནང་མར་ཉེ་བའི་སྲས་བརྒྱད་དང་། །ཕྱི་མར་ཉན་ཐོས་ཆེན་པོ་མཆོག་བརྒྱད་བཞུགས། །གཞན་ཡང་སངས་རྒྱས་བྱང་ཆུབ་སེམས་དཔའ་དང་། །རྫུ་འཕྲུལ་ཆེ་ལྡན་ཉན་རང་དགྲ་བཅོམ་སོགས། །དཔག་མེད་འཁོར་གྱིས་བསྐོར་བའི་སྨིན་མཚམས་ནས། །འོད་ཟེར་བྱེ་བ་བསམ་གྱིས་མི་ཁྱབ་འཕྲོས། །ལྷ་ཀླུ་ས་བདག་སྡེ་བརྒྱད་མི་མ་ཡིན། །ཁམས་གསུམ་ཀུན་ཁྱབ་འབྱུང་པོའི་ཚོགས་ལ་ཕོག །ཞི་ཞིང་དུལ་བས་བྱང་ཆུབ་སེམས་བསྐྱེད་ནས། །ཕན་བདེའི་ཕྲིན་ལས་འབའ་ཞིག་བསྒྲུབ་པར་གྱུར། །ཅེས་བསྒོམ་ཞིང་། ཏདྱ་ཐཱ། ཨོཾ་མུ་ནེ་མུ་ནེ་ཤཱཀྱ་མུ་ན་ཡེ་སྭཱ་ཧཱ། ཞེས་དང་། ཡེ་དྷརྨཱ་སོགས། ཅི་ནུས་དང་། ཨོཾ་སརྦ་ཏ་ཐཱ་ག་ཏ་ཨཱཿ་ཡུར་པུཊྚི་ཀུ་རུ་ཡ་སྭཱ་ཧཱ། ཞེས་པའང་བཟླ། དེ་ནས་ཨ་མྲྀ་ཏས་བསྔགས་པའི་བསང་ཆུ་འཐོར་ཞིང་། མདུན་བསྐྱེད་བསང་སྦྱང་། སྟོང་པའི་ངང་ལས་རང་གི་ཐུགས་ཀ་ནས་འོད་ཟེར་གྱི་རྩེ་ལས་བྱུང་བའི་ཡི་གེ་རཾ་ཡཾ་ཁཾ་ལཾ་

[Full Size]

སུ་རྣམས་འཕྲོས་པ་ལས། མདུན་དུ་རླུང་མེ་ཆུ་སའི་དཀྱིལ་འཁོར་རི་རབ་དང་བཅས་པའི་སྟེང་དུ་ཧཱུྃ་ཡིག་ཡོངས་སུ་གྱུར་པ་ལས་འོད་ཟེར་གྱི་ཁང་བཟང་འཇའ་ཚོན་གྱི་རྣམ་པ་ཅན་ཡངས་ཤིང་རྒྱ་ཆེ་བར་གྱུར། དེའི་སྟེང་གི་ནམ་མཁར་མཆོད་པའི་སྤྲིན་ཕུང་མཐའ་ཡས་མངོན་པར་འཕྲོ་བའི་དབུས་སུ་སྣ་ཚོགས་པདྨ་འདབ་མ་བརྒྱད་པ་གཉིས་རིམ་གྱི་ལྟེ་བར་ཟླ་བའི་གདན་གྱི་སྟེང་དུ་བཅོམ་ལྡན་འདས་དཔལ་རྒྱལ་བ་ཤཱཀྱ་ཐུབ་པ་གསེར་མདོག་ས་གནོན་མཉམ་བཞག་སྤྲུལ་སྐུའི་ཆ་ལུགས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། འདབ་མ་རྣམས་ལ་ཟླ་བའི་གདན་རེ་རེའི་སྟེང་དུ། བསོད་ནམས་ཕུན་སུམ་ཚོགས་པ་ནམ་མཁའི་སྙིང་པོ། བཀོད་པ་ཕུན་སུམ་ཚོགས་པ་ས་ཡི་སྙིང་པོ། གཟི་བརྗིད་ཕུན་སུམ་ཚོགས་པ་ཀུན་ཏུ་བཟང་པོ་བདེ་ལེགས་ཕུན་སུམ་ཚོགས་པ་བྱམས་པ་མགོན་པོ། དགའ་བ་ཕུན་སུམ་ཚོགས་པ་སྒྲིབ་པ་རྣམ་སེལ། མཁྱེན་རབ་ཕུན་སུམ་ཚོགས་པ་འཕགས་པ་འཇམ་དཔལ། ཐུགས་རྗེ་ཕུན་སུམ་ཚོགས་པ་སྤྱན་རས་གཟིགས་དབང་ཕྱུག །མཐུ་སྟོབས་ཕུན་སུམ་ཚོགས་པ་ཕྱག་ན་རྡོ་རྗེ་རྣམས་བྱང་ཆུབ་སེམས་དཔའི་ཆ་བྱད་ཅན། དེའི་ཕྱི་རོལ་དུ་འཕགས་པ་

[Full Size]

ཤཱ་རིའི་བུ། མོའུ་འགལ་གྱི་བུ། འོད་སྲུང་། ཀུན་དགའ་བོ། ནོར་འཛིན། ཉེ་བར་འཁོར། མ་འགགས་པ། རབ་འབྱོར་རྣམས་ཉན་ཐོས་དགྲ་བཅོམ་པ་དབང་པོ་དུལ་བའི་ཚུལ་གྱིས་འཁོད་ཅིང་། གཞན་ཡང་སངས་རྒྱས་བྱང་སེམས་ཉན་རང་དགྲ་བཅོམ་པའི་ཚོགས་བསམ་གྱིས་མི་ཁྱབ་པས་བསྐོར་བ། གཞལ་ཡས་ཁང་གི་དབུས་སུ་ས་བདག་དབང་ཆེན་སྟོད་མི་ཡི་གཟུགས་ལ། དབུ་ལྔ་ཕྱག་བཞི་པོ། མཇུག་མ་སྦྲུལ་དུ་འཁྱིལ་བ། རྩ་ཞལ་རྔམས་ཤིང་མིའི་གདོང་སེར་པོ། གཡས་སྟག་གདོང་ལྗང་གུ་གཡོན་ཕག་གདོང་ནག་མོ། གཡས་ཀྱི་གོང་མར་སྦྲུལ་མགོ་དམར་པོ། གཡོན་གྱི་གོང་མར་སྤྲེལ་མགོ་དཀར་པོ། ཞལ་དབུས་མའི་རལ་པའི་ཐོར་ཚུགས་ཀྱི་རྩེ་མོར་ནོར་བུ་རིན་པོ་ཆེས་བརྒྱན་པ། ཕྱག་དང་པོ་གཉིས་ཀྱིས་ཐུགས་ཀར་ཐལ་མོ་སྦྱར་ནས་སྒྲུབ་པ་པོ་ལ་འདུན་པ། གཡས་ཀྱི་འོག་མ་ན་གསེར་གྱི་འཁོར་ལོ་དཀར་པོ་རྩིབས་བརྒྱད་པ། །རྩིབས་བརྒྱད་པ་ལ་སྤར་ཁ་བརྒྱད་ཀྱི་ཕྱག་རྒྱ་བསྣམས་པ། གཡོན་གྱི་འོག་མ་ན་རི་རབ་བསྣམས་པ། དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། འབྱུང་བ་ལྔའི་རང་

[Full Size]

བཞིན་གྱི་ཉོན་མོངས་པ་ལྔའི་བདག་ཉིད་ཅན། རུས་སྦལ་སེར་པོའི་གདན་ལ་བཞུགས་པའོ། །དེའི་གཡོན་ཡུམ་ས་ཡི་ལྷ་མོ་བརྟན་མ་སྐུ་མདོག་སེར་མོ་བདུད་རྩིའི་བུམ་པ་འཛིན་པ། ཞི་ཞིང་སྒེག་པའི་ཉམས་དང་ལྡན་པ། གཡས་སུ་སྲས་ས་འཛིན་ལག་པ་ཆེན་པོ་སྐུ་མདོག་དཀར་པོ་གཡས་ན་རིན་པོ་ཆེའི་ལྗོན་ཤིང་འཛིན་པ། གཡོན་ན་ཕག་རྒོད་ཀྱི་མཆེ་བ་འཛིན་པ། སྐུ་སྨད་སྦྲུལ་མཇུག་ཏུ་འཁྱིལ་བ། ཤར་དུ་ཤིང་ཁམས་རྒྱལ་པོ་ལྗང་གུ་ལྗོན་ཤིང་འཛིན་པ། ལྷོར་མེ་ཁམས་རྒྱལ་པོ་དམར་པོ་སྒྲོན་མེ་འཛིན་པ། ནུབ་ཏུ་ལྕགས་ཁམས་རྒྱལ་པོ་དཀར་པོ་རལ་གྲི་འཛིན་པ། །བྱང་དུ་ཆུ་ཁམས་རྒྱལ་པོ་ནག་པོ་བུམ་པ་འཛིན་པ། ཡུམ་དུས་བཞི་ལྷ་མོ་བཞི་དང་བཅས་པའོ། །དེའི་ཕྱི་རོལ་དུ་སྤར་ཁ་ཆེན་པོ་བརྒྱད། སྨེ་བ་དགུ། ལོ་སྐོར་བཅུ་གཉིས། ལོ་རྒན་དྲུག་ཅུ། ཐེ་སེ་རྒྱལ་པོ་ལ་སོགས་པའི་ས་བདག །མགྲོན་བུ་ལྷ་ལྔ་ལ་སོགས་ཟླ་བའི་ས་བདག །གསེར་མཛོད་གཡུ་མཛོད་ལ་སོགས་ཞག་དུས་ཀྱི་ས་བདག་རྣམས་ཀྱང་རང་རང་གི་སྐུ་མདོག་ཕྱག་མཚན་རྒྱན་ཆ་ལུགས་ཐམས་ཅད་ཡོངས་སུ་རྫོགས་པར་གྱུར། དེའི་ཕྱི་རོལ་དུ་ཚངས་པ་དང་བརྒྱ་བྱིན་ལ་

[Full Size]

སོགས་པ་ལྷའི་སྡེ་ཚོགས། ཀླུ་ཆེན་བརྒྱད་ལ་སོགས་པ་ཀླུ་ཡི་སྡེ་ཚོགས། གཟའ་ཆེན་བརྒྱད་ལ་སོགས་པ་གཟའི་སྡེ་ཚོགས། གནོད་སྦྱིན་ཆེན་པོ་བརྒྱད་ལ་སོགས་པ་གནོད་སྦྱིན་གྱི་སྡེ་ཚོགས། རྒྱུ་སྐར་ཉེར་བརྒྱད་ལ་སོགས་པ་རྒྱུ་སྐར་གྱི་སྡེ་ཚོགས། གཉན་ཆེན་དེ་བ་ལ་སོགས་པ་གཉན་གྱི་སྡེ་ཚོགས། གཞན་ཡང་གནམ་ས་བར་སྣང་ལ་གནས་པའི་ལྷ་ཀླུ་ས་བདག་གཞི་བདག་འབྱུང་པོའི་ཚོགས་དང་བཅས་པ་ཐམས་ཅད་ཀྱིས་བསྐོར་བ་གསལ་བར་གྱུར། དེ་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། བདག་མདུན་གྱི་ཐུགས་ཀའི་ས་བོན་ལས་འོད་ཟེར་འཕྲོས་པས། བཅོམ་ལྡན་འདས་དཔལ་རྒྱལ་བ་ཤཱཀྱ་ཐུབ་པ་སངས་རྒྱས་བྱང་སེམས་ཉན་རང་དགྲ་བཅོམ་པའི་ཚོགས་དང་ས་བདག་ལྷ་ཀླུ་རྒྱུ་སྐར་སོགས་འཇིག་རྟེན་སྐྱོང་བ་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ ཞེས་སྙན་གསན་དབབ་ལ། དང་པོ་མཆོད་ཡུལ་ཡེ་ཤེས་པ་སྤྱན་དྲངས་པ་ནི། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི།

[Full Size]

བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེའི་རྣམ་སྦྱང་ཞིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། ཁྱེད་བཞེད་འགྲོ་དོན་མཛད་དུས་འདིར་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡོངས་དག་འཁོར་དང་བཅས་ཏེ་གཤེགས་སུ་གསོལ། །ཨོཾ་སརྦ་ཏ་ཐཱ་ག་ཏ་ཤཱཀྱ་མུ་ནེ་ས་པ་རི་ཝཱ་ར་བཛྲ་ས་མཱ་ཛཿ ཞེས་སྤྱན་དྲངས། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། བདག་གི་མཆོད་ཡོན་བཞེས་སླད་དུ། །ཐུགས་ལ་དགོངས་ཤིང་གནང་བར་མཛོད། །ཅེས་བྱོན་ལེགས་བྱ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། ཞེས་སྐུ་ཁྲུས་གསོལ། དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །ཨོཾ་ཧཱུྃ་

[Full Size]

ཧྲཱྃ་ཧྲཱིཿཨཱཿ ཀ་ཡ་བི་ཤོ་དྷ་ནི་སྭཱ་ཧཱ། ཞེས་སྐུ་ཕྱི། དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་དང་། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དག་ཀྱང་དབུལ་བར་བགྱི། །ཨོཾ་བཛྲ་ཝསྡུ་ཨ་ལཾ་ཀ་ར་སྭཱ་ཧཱ། ཞེས་ན་བཟའ་དང་རྒྱུན་འབུལ། བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་པ། །དེ་སྲིད་བཅོམ་ལྡན་བཞུགས་སུ་གསོལ། །ཨོཾ་པདྨ་ཀ་མ་ལཱུ་ཧཱུྃ། ཞེས་བཞུགས་སུ་གསོལ། དེ་ནས། ཇི་སྙེད་སུ་དག་སོགས། བཟང་སྤྱོད་ལས་བྱུང་བ་ལྟར་ཕྱག་མཆོད་ཡན་ལག་བདུན་པ་བྱའོ། །དེ་ནས་འཇིག་རྟེན་པའི་མགྲོན་རྣམས་སྤྱན་འདྲེན་པ་ནི། ཧཱུྃ། རྒྱལ་བའི་བསྟན་སྐྱོང་སེམས་ཅན་བདེ་ལེགས་སྒྲུབ། །སྟོང་གསུམ་མངའ་བདག་ས་བདག་དབང་ཆེན་པོ། །བཙུན་མོ་བརྟན་མ་ས་འཛིན་ལག་པ་ཆེ། །ལོ་ལ་འཁོར་བའི་རྗེ་བློན་བཅུ་གཉིས་སོགས། །ཡབ་ཡུམ་ཀླུ་འཁོར་བཅས་གནས་འདིར་སྤྱན་འདྲེན་ནོ། །ཤར་ཕྱོགས་ཤིང་ཁམས་ལྷོ་ཕྱོགས་མེ་ཡི་ཁམས། །ནུབ་ཕྱོགས་ལྕགས་ཁམས་བྱང་ཕྱོགས་ཆུ་ཡི་ཁམས། །ཕྱོགས་བཞིའི་ལྔ་བདག་

[Full Size]

དུས་བཞི་ཡབ་ཡུམ་རྣམས། །འཁོར་བཅས་མ་ལུས་གནས་འདིར་སྤྱན་འདྲེན་ནོ། །ཕྱོགས་མཚམས་མངའ་བདག་སྤར་ཁ་ཆེན་པོ་བརྒྱད། །ཕོ་བྲང་ལིང་དགུའི་ལྷ་ཚོགས་ཞེ་ལྔ་དང་། །སྤྲུལ་པའི་བློན་ཆེན་ལོ་སྐོར་བཅུ་གཉིས་རྣམས། །འཁོར་བཅས་མ་ལུས་གནས་འདིར་སྤྱན་འདྲེན་ནོ། །འབྱུང་ལྔའི་བདག་ཉིད་ལོ་རྒན་དྲུག་ཅུ་དང་། །ལོ་ལ་འཁོར་བའི་རྗེ་བློན་བཅུ་བདུན་དང་། །མགྲོན་བུ་ལྷ་ལྔ་ལ་སོགས་ཟླ་བའི་ལྷ། །འཁོར་བཅས་མ་ལུས་གནས་འདིར་སྤྱན་འདྲེན་ནོ། །ས་བདག་པི་ལིང་ལ་སོགས་དུས་ཚོད་ལྷ། །གཡུ་མཛོད་སྔོན་མོ་ལ་སོགས་ཟ་མི་ལྷ། །གཞན་ཡང་སྤྲུལ་པ་ཡང་སྤྲུལ་བཅས་པ་རྣམས། །འཁོར་བཅས་མ་ལུས་གནས་འདིར་སྤྱན་འདྲེན་ནོ། །བདེ་ལེགས་སྒྲུབ་མཛད་ལྷ་ཡི་སྡེ་ཚོགས་དང་། །དངོས་གྲུབ་སྟེར་མཛད་ཀླུ་ཡི་སྡེ་ཚོགས་དང་། །དཔལ་འབྱོར་རྒྱས་མཛད་གཟའ་ཡི་སྡེ་ཚོགས་རྣམས། །འཁོར་བཅས་མ་ལུས་གནས་འདིར་སྤྱན་འདྲེན་ནོ། །རིན་ཆེན་གཏེར་འཆང་གནོད་སྦྱིན་སྡེ་ཚོགས་དང་། །དགེ་ལེགས་དོན་འགྲུབ་རྒྱུ་སྐར་ཉི་ཤུ་བརྒྱད། །ཕོ་ཉ་ལས་མཁན་ས་བདག་གཉན་ཆེན་ཚོགས། །འཁོར་བཅས་མ་ལུས་

[Full Size]

གནས་འདིར་སྤྱན་འདྲེན་ནོ། །གཞན་ཡང་ནམ་མཁའ་བར་སྣང་ས་གཞི་ལ། །རྒྱུ་བའི་ས་བདག་ལྷ་ཀླུ་འབྱུང་པོའི་ཚོགས། །ཡུལ་ལྷ་གཞི་བདག་གནས་བདག་གྲོང་གི་ལྷ། །འཁོར་བཅས་མ་ལུས་གནས་འདིར་སྤྱན་འདྲེན་ནོ། །ཨོཾ་སརྦ་དེ་བ་ལོ་ཀ་པཱ་ལ་ས་པ་རི་ཝཱ་ར་བཛྲ་ས་མ་ཡ་ཛཿཛཿ ཛཿ ཛཿཧཱུྃ་བཾ་ཧོ་གཉིས་སུ་མེད་པར་གྱུར། བཞུགས་སུ་གསོལ་བ་ནི། ཧཱུྃ། འཇིག་རྟེན་སྐྱོང་བའི་མཐུ་སྟོབས་རྫུ་འཕྲུལ་ཅན། །རྒྱལ་པོ་བཙུན་མོ་སྲས་དང་བློན་འཁོར་བཅས། །ཡིད་འོང་སྤྲུལ་པའི་དཀྱིལ་འཁོར་གཞལ་ཡས་སུ། །དགྱེས་ཤིང་བརྟན་པར་དགོངས་ཏེ་བཞུགས་སུ་གསོལ། །ཨོཾ་སརྦ་དེ་བཱ་ལོ་ཀ་པཱ་ལ་ས་པཱ་རི་ཝཱ་ར་པདྨ་ཀ་མ་ལཱུ་ཧཱུྃ། ཁྲུས་གསོལ་བ་ནི། ཧཱུྃ། ས་བདག་ལྷ་ཀླུ་འཁོར་བཅས་རྣམས། །ཚུར་གཤེགས་འདིར་ནི་བྱོན་པ་ལེགས། །ཁྱེད་ལ་དྲི་མ་མི་མངའ་ཡང་། །འཇིག་རྟེན་སྲིད་ཞུའི་ཚུལ་གྱིས་ནི། །གཙང་མའི་ཁྲུས་ཆབ་འདི་ཕུལ་བས། །སྐུ་དང་ཕྱག་ཞབས་ཁྲུས་བགྱིའོ། །ཨོཾ་སརྦ་དེ་བཱ་ལོ་ཀ་པཱ་ལ་ས་པཱ་རི་ཝཱ་ར་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། ཕྱག་འཚལ་བ་ནི། ཧཱུྃ། འབྱུང་བ་ཀུན་ལ་དབང་བསྒྱུར་བའི། །ས་བདག་ལྷ་

[Full Size]

ཀླུ་དྲེགས་པའི་ཚོགས། །མཐུ་དཔལ་རྫུ་འཕྲུལ་ལྡན་པ་ལ། །དྭངས་བའི་ཡིད་ཀྱིས་ཕྱག་འཚལ་ལོ། །ན་མོ་ན་མཱ་མི། མཆོད་པ་འབུལ་བའི་ཐོག་མར་མཆོད་རྫས་དང་གཏོར་མ་སོགས་ལ་བསང་ཆུ་འཐོར་ཞིང་བསང་། ཨོཾ་སྭ་བྷ་ཝ་ཤུདྡྷསརྦ་དྷརྨ་སྭ་བྷ་ཝ་ཤུདྡྷོཉཧཾ། མཆོད་གཏོར་རྣམས་རང་བཞིན་གྱིས་དག་པའི་སྟོང་པ་ཉིད་དུ་གྱུར། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏྠ་ཏེ་སྤ་ར་ཎ་ཨི་མཾ་ག་ག་ཎ་ཁཾ་སྭཱ་ཧཱ། མཆོད་གཏོར་རྣམས་མགྲོན་རང་རང་སོ་སོ་ལ་གང་མཁོ་བའི་ཡོ་བྱད་ཟད་མི་ཤེས་པ་ནམ་མཁའི་མཛོད་དུ་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། མཆོད་གཏོར་རྣམས་ངོ་བོ་ཡེ་ཤེས་ཀྱི་བདུད་རྩི་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་༈ ར་ཧཱུྃ། མཆོད་གཏོར་རྣམས་རྣམ་པ་མཆོད་སྦྱིན་གྱི་འདོད་ཡོན་ཆར་བཞིན་དུ་འབེབས་པར་གྱུར། ཨོཾ་ཛྙཱ་ན་ཨ་བ་ལོ་ཀི་ཏེ་ན་མསྶ་མནྟ་སྤ་ར་ཎ་རསྨི་སཾ་བྷ་བ་མ་ཧཱ་མ་ཎི་དུ་རུ་དུ་རུ་ཧྲིད་ཡ་ཛྭ་ལ་ནི་སྭཱ་ཧཱ། མཆོད་གཏོར་རྣམས་གང་ལ་བསྔོས་པ་བཞིན་དུ་ཐོབ་པར་གྱུར། ན་མསྶ་མནྟ་བུདྡྷཱ་ནཾ་གྲ་ཧེ་ཤཱ་རི་པྲ་བྷ་ཛྷོ་ཏི་ནི་མ་ཧཱ་ས་མ་ཡ་སྭཱ་ཧཱ། མཆོད་གཏོར་རྣམས་གང་

[Full Size]

གིས་བཞེས་པའི་མགྲོན་ཐམས་ཅད་བདག་གི་དབང་དུ་འདུས་ནས་ཅི་བསྒོ་བའི་ལས་བསྒྲུབ་པར་གྱུར། ཅེས་སོ་སོའི་ཕྱག་རྒྱ་དང་བཅས་པའི་བྱིན་གྱིས་བརླབ་ཅིང་། ན་མོ། བདག་གི་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་རྣམས་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་འདིར་མ་ལུས་པ། །ཐོགས་པ་མེད་པར་འབྱུང་གྱུར་ཅིག །ཅེས་བདེན་པའི་སྟོབས་བརྗོད། དེ་ནས་མཆོད་པ་འབུལ་བ་ནི། ཧཱུྃ། འབྱུང་བ་ཀུན་ལ་དབང་བསྒྱུར་བའི་། །ས་བདག་ཤྲི་བྷ་དྲ་ནི། །ཡབ་ཡུམ་སྲས་དང་སྤྲུལ་འཁོར་བཅས། །སྐྱོང་བྱེད་རྒྱལ་པོ་ཆེན་པོ་བཞི། །ཕྱོགས་སྐྱོང་བཅུ་དང་ལྷ་གནས་གསུམ། །དབང་བསྒྱུར་ལྷ་ཆེན་བརྒྱད་པོ་དང་། །ཀླུ་རིགས་བཞི་དང་ཀླུ་ཆེན་བརྒྱད། །གཞན་གླུ་ཡང་དགའ་བོ་ཉེ་དགའ་བོ། །སྲིད་པ་ཆུ་ཀླུང་བདག་པོ་དང་། །གཉན་ཆེན་བཅུ་གཅིག་སྡེ་རིགས་བཞི། །ནོར་སྲུང་ཕོ་མོ་དགུ་དང་ནི། །གཟའ་དང་སྤར་ཁ་ལོ་ཟླ་ཞག །དབང་

[Full Size]

བྱེད་ས་བདག་རྫུ་འཕྲུལ་ཅན། །རྒྱུ་སྐར་ཉེར་བརྒྱད་འཁོར་དང་བཅས། །མདོར་ན་ཁམས་གསུམ་རྒྱུ་བ་ཡི། །དྲེགས་པ་སྡེ་བརྒྱད་འབྱུང་པོ་ཀུན། །དེ་རིང་སྲིད་པའི་ཉི་མ་ལ། །བཀྲ་ཤིས་གནས་འདིར་སྤྱན་འདྲེན་ནས། །ཕྱག་འཚལ་མཆོད་པ་འབུལ་བ་ནི། །ཡན་ལག་བརྒྱད་ལྡན་མཆོད་ཡོན་དང་། །གཟུགས་མཛེས་མེ་ཏོག་སྣ་ཚོགས་དང་། །དྲི་ཞིམ་སྤོས་ཀྱི་བྱེ་བྲག་དང་། །ཉི་ཟླ་ལ་སོགས་སྒྲོན་མེའི་ཚོགས། །དྲི་བཟང་བྱུགས་པའི་མཆོག་རྣམས་དང་། །ཞལ་ཟས་བཟའ་བཅའ་བཏུང་བའི་ཚོགས། །སྒྲ་སྙན་རོལ་མོའི་ཚོགས་རྣམས་དང་། །གནས་དང་མཁོ་དགུའི་ཡོ་བྱད་དང་། །དར་ཟབ་འབྲུ་སྣ་བཟང་སྨན་དང་། །རིན་ཆེན་སྣ་ཚོགས་འདོད་ཡོན་ལྔ། །བྱ་གཅན་རི་དྭགས་གཡུང་ཕྱུགས་ཚོགས། །དངོས་འབྱོར་ཡིད་སྤྲུལ་ནམ་མཁའ་གང་། །ཁྱེད་ལ་འབུལ་གྱིས་བཞེས་སུ་གསོལ། །ཨོཾ་སརྦ་དེ་བཱ་ལོ་ཀ་པཱ་ལ་ས་པཱ་རི་ཝཱ་ར་སརྦ་པཱུ་ཛ་ཧོ༔ དེ་ནས་གཏོར་མ་འབུལ་བ་ནི། མཆོད་གཏོར་བྱིན་རླབས་གོང་དུ་ཆ་གཅིག་གྲུབ་པ་ཡིན་ཀྱང་། སྐབས་འདིར། ན་མསྶརྦ་ཏ་ཐཱ་ག་ཏ་བྷྱོ་བི་ཤྭ་སོགས། ནམ་མཁའ་མཛོད་ཀྱི་སྔགས་དང་ཕྱག་རྒྱས་རྒྱས་པར་སྤེལ་ལ། ན་མསྶརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་

[Full Size]

བྷ་ར་སཾ་བྷ་ར་ཧཱུྃ། ཞེས་ལན་བདུན་ལ་སོགས་པས་བསྔོས། ཧོ། མཆོད་སྦྱིན་གྱི་གཏོར་མ་རྒྱ་ཆེན་པོ་ཆ་དང་པོ་འདི་ཉིད་འབུལ་བའི་གནས་སུ་གྱུར་པ་ནི། ཀུང་ས་ཁམས་རྒྱལ་པོ། རྒྱལ་ཕྲན་སྤར་ཁ་མཚམས་བཞི་ལ་གནས་པ། སྨེ་བ་ལྔ་སེར། ལོ་ཟླ་ཞག་དུས་ཁྱི་འབྲུག་གླང་ལུག་ལ་གནས་པ། གཟའ་སྤེན་པ་དང་སྒྲ་གཅན་ལ་གནས་པ། སྐར་མ་མཚམས་བཞི་ལ་གནས་པ། གཉན་ཆེན་པོ་སྤྲེལ་སེར་པོ་ལ་གནས་པ། མདོར་ན་ཉི་མ་དབུས་དང་མཚམས་བཞི་ལ་མངའ་མཛད་པའི་འབྱུང་བ་ས་ཁམས་སུ་གཏོགས་པའི་ལྷ་འདྲེ་དྲེགས་པ་ཅན་རྣམས་ལ། ཡོན་བདག་ཤི་གསོན་མི་ནོར་གྱི་འཚེར་རྩུབ་བསྒྱུར་བ་དང་གླུད་དུ་དམིགས་ཏེ་འབུལ་བ་བཞེས་ལ། ལོངས་སྤྱོད་བསོད་ནམས་ས་ལྟར་རྒྱས་པའི་ཕྲིན་ལས་མཛོད་ཅིག །ཧོ། མཆོད་སྦྱིན་གྱི་གཏོར་མ་ཆ་གཉིས་པ་འདི་ཉིད་འབུལ་བའི་གནས་སུ་གྱུར་པ་ནི། ཀེག་ཤིང་ཁམས་རྒྱལ་པོ། རྒྱལ་ཕྲན། སྤར་ཁ་ཟིན། སྨེ་བ་བཞི་ལྗང་ལ་གནས་པ། ལོ་ཟླ་ཞག་དུས་སྟག་ཡོས་ལ་གནས་པ། གཟའ་ཕུར་བུ་དང་ཤར་སྐར་དྲུག་ལ་གནས་པ། གཉན་ཆེན་པོ་སྟག་དཀར་པོ་ལ་གནས་པ།

[Full Size]

མདོར་ན་ཉི་མ་ཤར་ཕྱོགས་ལ་མངའ་མཛད་པའི། འབྱུང་བ་ཤིང་གི་ཁམས་སུ་གཏོགས་པའི་ལྷ་འདྲེ་རྫུ་འཕྲུལ་ཅན་རྣམས་ལ་ཡོན་བདག་ཤི་གསོན་མི་ནོར་འཁོར་བཅས་ཀྱི་འཚེར་རྩུབ་བསྒྱུར་བ་དང་གླུད་དུ་དམིགས་ཏེ་འབུལ་བ་བཞེས་ལ། ལོངས་སྤྱོད་བསོད་ནམས་ཤིང་ལྟར་འཕེལ་བའི་ཕྲིན་ལས་མཛོད་ཅིག །ཧོ། མཆོད་སྦྱིན་གྱི་གཏོར་མ་ཆ་གསུམ་པ་འདི་ཉིད་འབུལ་བའི་གནས་སུ་གྱུར་པ་ནི། ཇི་མེ་ཁམས་རྒྱལ་པོ། རྒྱལ་ཕྲན། སྤར་ཁ་ལི། སྨེ་བ་དམར་པོ་གཉིས་ནག་ལ་གནས་པ། ལོ་ཟླ་ཞག་དུས་རྟ་སྦྲུལ་ལ་གནས་པ། །གཟའ་ཉི་མ་མིག་དམར་ལ་གནས་པ། སྐར་མ་ལྷོ་སྐར་དྲུག་ལ་གནས་པ། གཉན་ཆེན་པོ་འབྲུག་སྔོན་པོ་ལ་གནས་པ། ཉི་མ་ལྷོ་ཕྱོགས་ལ་མངའ་མཛད་པའི་འབྱུང་བ་མེའི་ཁམས་སུ་གཏོགས་པའི་ལྷ་སྲིན་རྫུ་འཕྲུལ་ཅན་རྣམས་ལ། ཡོན་བདག་ཤི་གསོན་མི་ནོར་གྱི་འཚེར་རྩུབ་བསྒྱུར་བ་དང་། གླུད་དུ་དམིགས་ཏེ་འབུལ་བ་བཞེས་ལ། གཟི་བརྗིད་མེ་ལྟར་འབར་བར་མཛོད་ཅིག །ཧོ། མཆོད་སྦྱིན་གྱི་གཏོར་མ་ཆ་བཞི་པ་འདི་ཉིད་འབུལ་བའི་གནས་སུ་གྱུར་པ་ནི། ཤང་ལྕགས་ཁམས་རྒྱལ་པོ། རྒྱལ་ཕྲན། སྤར་ཁ་དྭ། སྨེ་བ་

[Full Size]

དཀར་པོ་གསུམ་ལ་གནས་པ། ལོ་ཟླ་ཞག་དུས་བྱ་སྤྲེལ་ལ་གནས་པ། གཟའ་པ་སངས་ལ་གནས་པ། སྐར་མ་ནུབ་སྐར་དྲུག་ལ་གནས་པ། གཉན་ཆེན་པོ་བྱ་དམར་པོ་ལ་གནས་པ། མདོར་ན་ཉི་མ་ནུབ་ཕྱོགས་ལ་མངའ་མཛད་པའི་འབྱུང་བ་ལྕགས་ཀྱི་ཁམས་སུ་གཏོགས་པའི་ལྷ་འདྲེ་རྫུ་འཕྲུལ་ཅན་རྣམས་ལ་ཡོན་བདག་ཤི་གསོན་མི་ནོར་གྱི་འཆེར་རྩུབ་བསྒྱུར་བ་དང་། གླུད་དུ་དམིགས་ཏེ་འབུལ་བ་བཞེས་ལ། ལོངས་སྤྱོད་བསོད་ནམས་ཚེ་སྲོག་ལྕགས་ལྟར་སྲ་བའི་ཕྲིན་ལས་མཛོད་ཅིག །ཧོ། མཆོད་སྦྱིན་གྱི་གཏོར་མ་ཆ་ལྔ་པ་འདི་ཉིད་འབུལ་བའི་གནས་སུ་གྱུར་པ་ནི། འུ་ཆུ་ཁམས་རྒྱལ་པོ། རྒྱལ་ཕྲན། སྤར་ཁ་ཁཾ་དང་། སྨེ་བ་ནག་མཐིང་གཉིས་ལ་གནས་པ། ལོ་ཟླ་ཞག་དུས་བྱི་ཕག་ལ་གནས་པ། གཟའ་ཟླ་བ་དང་ལྷག་པ་ལ་གནས་པ། སྐར་མ་བྱང་སྐར་དྲུག་ལ་གནས་པ། གཉན་ཆེན་པོ་རུས་སྦལ་རྒྱ་བོ་ལ་གནས་པ། མདོར་ན་ཉི་མ་བྱང་ཕྱོགས་ལ་མངའ་མཛད་པའི་འབྱུང་བ་ཆུ་ཁམས་སུ་གཏོགས་པའི་ལྷ་འདྲེ་རྫུ་འཕྲུལ་ཅན་རྣམས་ལ། ཡོན་བདག་ཤི་གསོན་མི་ནོར་གྱི་ཚེ་སྲོག་འཚེར་རྩུབ་བསྒྱུར་བ་དང་། གླུད་དུ་དམིགས་ཏེ་

[Full Size]

འབུལ་བ་བཞེས་ལ། ལོངས་སྤྱོད་བསོད་ནམས་མི་རིང་ཆུ་བོའི་གཞུང་ལྟར་རྒྱུན་མི་ཆད་པའི་ཕྲིན་ལས་མཛོད་ཅིག །ཅེས་གཏོར་མ་ཕྱོགས་བཞི་དབུས་དང་ལྔ་ལ་འབུལ། དེ་ནས་གསེར་སྐྱེམས། ཕྱེ་མར། ནས་སྔོན་པོ། ཟས་སྐོམ་གྱི་ཕུད། ཤེལ་ཚིགས། ལྕགས་ངར་པ། དེ་རྣམས་ལག་ཏུ་ཐོགས་ལ་མཆོད་པ་བྱ་ཞིང་མཁྱེན་གསོལ་བྱས་ལ་ས་རིན་འཇལ་ལ་འདི་སྐད་དོ།། ན་མོ། ཕུད་ཐམས་ཅད་ཀྱི་བདག་པོ་མན་ངག་ཐམས་ཅད་ཀྱི་སྙིང་ཁུ། རིགས་ཐམས་ཅད་ཀྱི་ཡང་རྗེ། འཕགས་པ་འཇམ་དཔལ་ལ་ཕྱག་འཚལ་ལོ། །བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་ཊྛེགསན་ཅིང་དགོངས་སུ་གསོལ། སྲིད་པའི་ལྷ་མོ་རྣམ་རྒྱལ་མ་འཁོར་ལྷ་མོ་བདུན་དང་བཅས་པ་རྣམས་ལ། བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་གསོལ། ལྷ་ཀོང་རྩེ་འཕྲུལ་གྱི་རྒྱལ་པོ་ལ་སོགས་ཏེ་གཙུག་ལག་བརྒྱུད་པ་འཛིན་པ་རྣམས་ལ། བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་གསོལ། ཚངས་པ་དང་བརྒྱ་བྱིན་ལ་སོགས་པ་ལྷ་ཆེན་པོ་འཁོར་དང་བཅས་པ་རྣམས་ལ། བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་གསོལ། །

[Full Size]

བྱིན་ཟ་བདེན་བྲལ་ལ་སོགས་ཏེ། ལྷ་མིན་གྱི་སྡེ་ཚོགས་འཁོར་དང་བཅས་པ་རྣམས་ལ། བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་གསོལ། མཁའ་ལྡིང་གི་རྒྱལ་པོ་གསེར་མིག་ལ་སོགས་ཏེ། མཁའ་ལྡིང་འཁོར་དང་བཅས་པ་རྣམས་ལ། བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་གསོལ། ཉི་མ་ཟླ་བ་ལ་སོགས་ཏེ། གཟའ་ཆེན་པོ་བརྒྱད་འཁོར་དང་བཅས་པ་རྣམས་ལ། བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་གསོལ། སྨིན་དྲུག་སྣར་མ་ལ་སོགས་ཏེ། རྒྱུ་སྐར་ཉི་ཤུ་རྩ་བརྒྱད་འཁོར་དང་བཅས་པ་རྣམས་ལ། བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་གསོལ། ཕ་ཁེན་པ་རྒན་པོ་གནམ། མ་ཁོན་མ་རྒན་མོ་ས། བུ་ཆེན་གིན་རི། བུ་མོ་ཟོན་རླུང་། བུ་མོ་འབྲིང་བ་ལི་མེ། བུ་ཕོ་ཆུང་བ་དྭ་ལྕགས། ཚ་མོ་ཟིན་སྤུ་ཤིང་། ཚ་བོ་ཁཾ་ཆུ་ལ་སོགས་ཏེ་སྤར་ཁ་ཆེན་པོ་བརྒྱད་ཀྱི་ལྷ་ཚོགས་འཁོར་དང་བཅས་པ་རྣམས་ལ། །བདུད་རྩི་གཙང་མའི་ཕུད་ཀྱིས་མཆོད། སྙན་གྱིས་གསན་ཅིང་དགོངས་སུ་

[Full Size]

གསོལ། ཧོ། ཤར་སྟོད་ན་གནས་པའི་སྟག་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །ཤར་སྨད་ན་གནས་པའི་ཡོས་བུ་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །ལྷོ་སྟོད་ན་གནས་པའི་སྤྲུལ་རྣམ་པ་ལྔ་མ་འཁྲུགས་ཤིག་།ཞི་བ་དང་བདེ་ལེགས་སུ་བཅོས་སོ། །ལྷོ་སྨད་ན་གནས་པའི་རྟ་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །ལྷོ་ནུབ་མཚམས་ན་གནས་པའི་ལུག་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །ནུབ་སྟོད་ན་གནས་པའི་སྤྲེལ་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །ནུབ་སྨད་ན་གནས་པའི་བྱ་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །ནུབ་བྱང་མཚམས་ན་གནས་པའི་ཁྱི་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །བྱང་སྟོད་ན་གནས་པའི་ཕག་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །བྱང་སྨད་དུ་གནས་པའི་བྱི་བ་རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །བྱང་ཤར་མཚམས་ན་གནས་པའི་གླང་

[Full Size]

རྣམ་པ་ལྔ་མ་འཁྲུགས་ཤིག །ཞི་བ་དང་བདེ་ལེགས་སུ་བཅོས་སོ། །ཕྲག་དོག་མ་བྱེད་ཅིག །ཧོ། གཞན་ཡང་དབུས་ཀྱི་ས་བདག་ཁྱབ་པ་དབང་ཆེན། ས་ཡི་ལྷ་མོ་བརྟན་མ། བློན་པོ་གཙང་ཀུན་སྤྲེལ་མགོ། ས་འཛིན་ལག་པ་ཆེན་པོ་རྣམས་ལ། ས་ལ་རིན་འཇལ། རྡོ་ལ་ནས་འབུལ་བ་ཡིན་པས། རུ་ང་དང་ཕྲག་དོག་མ་བྱེད་ཅིག །ཡ་མ་ང་། ཡོ་མ་བཟུར། ཉམས་ན་བཅོས། ཆད་ན་མཐུད། རལ་ན་དྲུབ། ཡོ་ན་ཐིག་གིས་བསྲོང་། གཞན་ཡང་ས་བདག་རྗེ་བློན་བཅུ་གཉིས། ཀོ་ལོང་སྡོམ་པའི་ལྷ་དགུ། གཙུག་ལག་འཕྲུལ་གྱི་ལྷ་དགུ། ཕོ་བྲང་བཞི་བཅུ་རྩ་གཉིས། ཕྱི་སྐོར་ཕྱི་ན་གནས་པའི་ལྷ། ནང་སྐོར་ནང་ན་གནས་པའི་ལྷ། བར་སྐོར་བར་ན་གནས་པའི་ལྷ། སྐྱོང་བྱེད་དམུ་དགུ། ལམ་གྱི་དམུ་དགུ། འདྲེ་ཆེན་དམུ་དགུ། འབྱུང་བ་ལྔ་ཡི་ལྷ་ཚོགས། ལོ་ཟླ་ཞག་དུས་གཟའ་སྐར་མ་སྤར་ཁ་སྨེ་བ་ལ་གནས་ཤིང་མངའ་མཛད་པ་རྣམས་གསན་ཅིང་དགོངས་སུ་གསོལ། ཁྱེད་རྣམས་ལ་ས་རིན་ལ་ས་འབུལ། རྡོ་རིན་ལ་རྡོ་འབུལ། ཉམས་ན་བཅོས། ཆག་ན་སྦྱར། ཡོ་ན་ཐིག་གིས་བསྲོང་། ཁྱེད་

[Full Size]

རྣམས་ཀྱིས་རུ་ང་དང་ཕྲག་དོག་མ་མཛད་ཅིག །དེ་ནས་ཤེལ་ཚིགས་འབུལ་བ་ལ་འདི་སྐད་དོ། །ཧཱུྃ། ཤེལ་ཚིག་ཁྲི་དཀར་སྟོང་ནག་འདི། །བཅོམ་ལྡན་ཕྱག་ན་རྡོ་རྗེ་ཡིས། །སྔགས་དང་ཕྱག་རྒྱས་བྱིན་བརླབས་ནས། །འདོད་ཡོན་ལོངས་སྤྱོད་ལྷུན་གྱིས་གྲུབ། །སྲིད་པའི་ས་བདག་ཀླུ་གཉན་ཉོན། །ཤེལ་ཚིགས་ཁྲི་དཀར་སྟོང་ནག་འདི། །མེད་པ་དེ་ནི་མི་ལས་བཙལ། །སྲ་བ་དེ་ནི་བྲག་ལས་བརྐོས། །དཀོན་པ་དེ་ནི་རིན་གྱིས་ཉོས། །རྒྱལ་སྲིད་བདུན་གྱི་མཛོད་ནས་བཏོན། །མེས་པོ་གནམ་རྗེ་སྔོན་པོ་ཡིན། །ཕྱི་མོ་ས་སྨན་འཕུལ་མོ་ཡིན། །ཕ་ནི་བདུད་རྩི་བརླན་བྱེད་ཡིན། །མ་ནི་སྲིད་པའི་རྒྱལ་མོ་ཡིན། །ཞིང་པ་རྒན་པོའི་འདུ་བྱེད་ཀྱིས། །དཔྱིད་ཟླ་གསུམ་ལ་རྫུ་འཕྲུལ་བསྡེབ། །དབྱར་ཟླ་གསུམ་ལ་ཆར་གྱིས་བྲན། །སྟོན་ཟླ་གསུམ་ལ་འབྲས་བུ་སྨིན། །མིང་པོ་རྒྱ་ནས་འཕེལ་ཆེན་ཡིན། །སྲིང་མོ་སྔོན་མོ་འབྲུ་བདུན་ཡིན། །སྐུ་གསུང་ཐུགས་ཀྱི་སྐྱེད་དུ་བཅས། །ཐེག་པ་ཆེན་པོའི་སླ་ང་བཙུགས། །འོད་གསལ་ཆེན་པོའི་མེ་སྦར་ནས། །ཐབས་མཆོག་ཆེན་པོའི་ཡོག་པས་དཀྲུགས། །ཤེས་རབ་ཆེན་པོའི་སྐོམ་པ་ཐོགས། །དཀར་བ་གཡང་

[Full Size]

མོ་ལུག་བརྒྱ་དང་། །ནག་པོ་ཟལ་ལེ་འབྲི་བརྒྱ་སྟེ། །སེར་པོ་འདོ་བ་རྟ་བརྒྱ་འཚེར། །ཁམ་པ་འགྱིང་བ་གཡག་བརྒྱ་ངུར། །གླང་ཆེན་བརྒྱ་དང་མ་ཧེ་སྟོང་། །ལྷ་གཡག་བརྒྱ་དང་ངུར་གཡག་ཁྲི། །གཡུ་ལུག་བརྒྱ་དང་ཤེལ་ར་ཁྲི། །བ་ཟལ་བརྒྱ་དང་བིལ་ཁྲི་སྟོང་། །དཀར་བ་བརྒྱ་དང་ནག་པོ་སྟོང་། །སྲིད་པའི་ས་བདག་ཀླུ་གཉན་ལ། །བརྒྱ་ཉིས་སྟོང་མཆིས་པ་འདི་འབུལ་ལོ། །འགྲས་པ་ཟླུམ་ལ་འཁོན་པ་སྦྱངས། །མ་བསད་པ་ཡི་སྟོང་དུ་འབུལ། །མ་བརྐུས་པ་ཡི་འཇལ་དུ་འབུལ། །མ་འཕྲོག་པ་ཡི་སྐྱིན་དུ་འབུལ། །ཚེ་གླུད་སྲོག་གི་རིན་དུ་འབུལ། །སྐྱེས་པ་ཕོ་བརྒྱའི་གླུད་དུ་འབུལ། །ཟ་མ་མོ་ཡི་གླུད་དུ་འབུལ། །བྱིས་སྦ་ཆུང་གི་གླུད་དུ་འབུལ། །སྒོ་ཡི་ནོར་གྱི་གླུད་དུ་འབུལ། །བཞེས་ཤིག་ཚེ་སྐྱིན་གླུད་དུ་བཞེས། །ཞི་བ་བྱང་ཆུབ་སེམས་ལྡན་མཛོད། །ཧོ། ཡུལ་གྱི་ས་བདག་ཀླུ་གཉན་རྣམས། །ཕྲག་དོག་དང་རུ་ང་མ་མཛད་ཅིག །ལས་ཐབས་བཟང་ངན་ཅི་བྱེད་ཀྱང་། །གདུག་རྩུབ་དང་ཀོ་ལོང་མ་མཛད་ཅིག །རྭ་ཡི་རྩེ་ལ་བབ་ཀྱང་མ་རྡུངས་ཤིག །རྨིག་པའི་རྩེ་ལ་བབ་ཀྱང་མ་འཁྲབས་ཤིག །ལྟ་བའི་

[Full Size]

མིག་ལ་བབ་ཀྱང་སྡང་མིག་མ་མཛད་ཅིག །བསམ་པའི་སེམས་ལ་བབ་ཀྱང་ངན་སེམས་མ་འཆངས་ཤིག །སྤྱི་བོའི་གཙུག་ཏུ་བབ་ཀྱང་སིག་གེ་མ་སྤྲུགས་ཤིག །གདུག་པའི་དལ་ལྟ།ཟེར་མ་གཏོངས་ཤིག །ཞི་བ་ཆེན་པོའི་ངང་ལ་གནས་པར་མཛོད་ཅིག །ས་བདག་ཀླུ་གཉན་ཐམས་ཅད་ལ། །བདག་དང་རྒྱུ་སྦྱོར་ཡོན་བདག་གིས་མཐོལ་ལོ་བཤགས་སོ། །ཤིང་གཉན་སྟ་རེས་བཅད་དམ། ཆུ་གཉན་གཏིང་ནས་དཀྲུགས་སམ། མཁར་གཉན་རྨང་ནས་རྫོགས་སམ། རྩྭ་གཉན་ཟོར་བས་བརྫས་སམ། ས་བདག་མགུལ་དུ་ཐབ་ཉེས་བྱས་སམ། ས་གཉན་ལ་རོ་བསྲེགས་སམ། རི་གཉན་ལ་མེ་བཀྱེས་སམ། གོང་རྡོ་ལམ་ཉལ་བྱས་སམ། །དེ་དག་ལ་སོགས་པ་ས་བདག་འགྲམ་དུ་གྱུར་པ་རྣམས་ལ་མཐོལ་ལོ་བཤགས་སོ། །འཁོན་འགྲས་སྦྱོངས་ལ་ཕྲག་དོག་ཀོ་ལོང་མ་མཛད་ཅིག །ཐུགས་ཞི་བ་བྱང་ཆུབ་སེམས་དང་ལྡན་པར་མཛོད་ཅིག་ད་ནི་བདུད་བཅུ་གསུམ་ལ་ཡས་འབུལ་ལོ། རྩྭ་མཚོན་སྤར་བ་འདྲིལ་བ་དང་། རྡོ་མཚོན་སྤར་བ་དང་། ཤེལ་ཚིགས་སྦྲུལ་གཞོམ་དང་། ཤིང་རིས་རྒྱན་དཀར་དང་། སྟག་པའི་ཡོག་པ་དང་། དར་ཚོན་སྣ་ཚོགས་དང་།

[Full Size]

མར་གྱི་རིལ་བུ་དང་། ཐུད་ཀྱི་སྡོང་པོ་དང་། གཟུ་ཟན་དཔའ་སྐྱེམས་དང་། འབྲང་རྒྱས་ཞལ་དཀར་ཏེ། དེ་དག་གིས་བདུད་བཅུ་གསུམ་ལ་བླུད་འཇལ་ལོ། །དལ་གཟེར་མ་གཏོང་ཞིག །བདུད་དུ་མ་འབབས་ཤིག །ཡ་བདུད་གྱེན་དུ་བསྒྱུར། མ་བདུད་ཐུར་དུ་མནན། ལྷ་ལ་རྟེན་བཅའ། མི་ལ་ཡོན་འབུལ། འདྲེ་ལ་ན། དེ་རིང་ཉི་མ་ཐམས་ཅད་དགེ་བ་ཡིན། གཟའ་དང་རྒྱུ་སྐར་ཐམས་ཅད་བཟང་པོ་ཡིན། སངས་རྒྱས་ཐམས་ཅད་རྫུ་འཕྲུལ་ཆེ། དགྲ་བཅོམ་པ་ཐམས་ཅད་ཟག་པ་མི་མངའ་འོ། །བདེན་པ་དང་བདེན་པའི་ཚིག་དེས་བདག་དང་ཡོན་གྱི་བདག་པོ་ལ་ཞི་བ་དང་བདེ་ལེགས་སུ་གྱུར་ཅིག །ཅེས་བརྗོད། བསྡུ་ན་གཏོར་མ་ཕུལ་བའི་རྗེས་སུ་བསྟོད་པ་ལ་འཇུག་ཀྱང་རུང་ངོ་། དེ་ནས་བསྟོད་པ་བྱ་ནི། ཧཱུྃ། འཇིག་རྟེན་སྲུང་མ་དམ་ཚིག་ཅན། །རྒྱལ་པོ་བཙུན་མོ་སྲས་དང་བཅས། །རྒྱལ་ཕྲན་བློན་པོ་ཕོ་ཉ་དང་། །སྤྲུལ་པ་འཁོར་ཚོགས་སྡེ་དང་བཅས། །ལོ་ཟླ་ཞག་དང་དུས་ཚོད་ལྷ། །ལྷ་ཀླུ་གནོད་སྦྱིན་གཉན་གྱི་ཚོགས། །གཟའ་དང་རྒྱུ་སྐར་འབྱུང་པོའི་ཚོགས། །ཡུལ་ལྷ་གཞི་བདག་ཐམས་ཅད་ལ། །བདག་ཅག་

[Full Size]

གུས་པས་ཕྱག་འཚལ་བསྟོད། །སྐབས་འདིར་སྣང་བརྒྱད་ཀྱི་མདོ་ལན་གསུམ་མམ་མང་དུ་བགྲང་། ཁྱད་པར། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜལ་མ་ཡེ་སྭཱ་ཧཱ། ཞེས་མང་དུ་བཟླ། དེ་ནས་ཕྲིན་ལས་བཅོལ་བ་ནི། ཧོ༔ དགོངས་སུ་གསོལ་ལོ། །བདག་ཅག་འཁོར་དང་བཅས་པས། མ་ཤེས་པ་དང་མ་རིག་པའི་དབང་གིས་ས་བདག་ཀླུ་གཉན་ཁྱེད་རྣམས་ཀྱི། ཐུགས་ལ་འཁོན་འགྲས་ཅི་མཆིས་པ་ཐམས་ཅད་བཤགས་སོ། །ཁྱེད་རྣམས་ལ་མནོལ་བ་ཡོད་ན་བསངས། ཆད་པ་ཡོད་ན་མཐུད། བསྙུང་བ་ཡོད་ན་བཅོས། འཁོན་པ་ཡོད་ན་བཟླུམ། དམའ་བ་ཡོད་ན་བསྟོད། ཐུགས་ཞི་བ་བྱང་ཆུབ་ཀྱི་སེམས་དང་ལྡན་པར་གྱུར་ཅིག །ཁྱེད་རྣམས་ལ་ཡོད་མི་བཙུགས། དོ་མི་བསྡོ། འགྲས་མི་བཙལ། བདག་གི་ལས་ཀྱི་བྱ་བ་ཆེན་པོ་འདི་ལ། ཡ་མ་ང་། ཕྲག་མ་དོག །ཀོ་ལོང་རུ་ང་མ་བྱེད། འདྲེ་སྲིན་ངན་པའི་དབྱེན་མ་ཉན། ངན་བྱེད་བགེགས་ཀྱི་རྒྱབ་མ་རྟེན། ལྷ་དང་མགོན་པོའི་བཀའ་མ་བཅགས། རང་རང་གི་དམ་ཚིག་མ་བརྗེད་པར། བདག་ཅག་རྣམས་ལ་དུས་རྟག་ཏུ་མཛའ་གྲོགས་དང་ཤག་རོགས་ལྟ་བུར་ཤེས་པར་གྱིས་ལ་དུས་རྟག་ཏུ་ཕན་པ་དང་

[Full Size]

བདེ་བའི་སྡོང་གྲོགས་རྒྱ་ཆེན་པོ་མཛད་དུ་གསོལ། ཅེས་བརྗོད་ཅིང་མེ་ཏོག་འཐོར། ཚར་གྲངས་བྱེད་ན་མཆོད་གཏོར་གསོ་བྲན་བྱིན་བརླབས་བྱས་ལ། མཆོད་པ་དང་། གཏོར་མ་འབུལ་བ། །བསྟོད་པ། སྣང་བརྒྱད་ཀྱི་མདོ་བཀླག་པ། ཕྲིན་ལས་གསོལ་བ་དང་བཅས་བསྐྱར་བ་ལ་གྲངས་བཟུང་ངོ་། །དེ་ནས་བཟོད་པར་གསོལ་བ་ནི། ཧོ། མཆོད་ཡུལ་ཁྱེད་རྣམས་དགོངས་སུ་གསོལ། །སྣང་སྲིད་མཆོད་པའི་ཆོ་ག་ལ། །ལྷག་ཆད་འགལ་འཁྲུལ་སྙོམས་ལས་དང་། །མཆོད་རྫས་མ་ཚང་སེར་སྣས་སྦག །ཐུགས་དང་འགལ་བ་ཅི་མཆིས་པ། །བཟོད་པར་གསོལ་ལོ་ཚངས་པར་སྩོལ། །ཅེས་བརྗོད་ཡེ་ཤེས་པ་རྣམས་སྐུ་གསུང་ཐུགས་ཀྱི་རྟེན་ལ། ཨོཾ། འདིར་ནི་རྟེན་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་བསྩལ་དུ་གསོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་བརྟན་བཞུགས་བྱ། འཇིག་རྟེན་པ་རྣམས་གཤེགས་སུ་གསོལ་བ་ནི། ཧོ། ས་བདག་ལྷ་ཀླུ་རྫུ་སྤུ་འཕྲུལ་ཅན། །དང་པོ་བྱོན་པ་ཞལ་རེ་དྲོ། །བར་དུ་བཞུགས་པ་དོན་རེ་ཆེ། །ད་ནི་གཤེགས་པ་སྒབ་རེ་བཟང་། །ཉིན་མོ་བདེ་ལེགས་མཚན་བདེ་ལེགས། །ཉིན་མོའི་གུང་

[Full Size]

ཡང་བདེ་ལེགས་ཤོག །ཉིན་མཚན་ཀུན་ཏུ་བདེ་ལེགས་པ། །སངས་རྒྱས་ཀུན་ཏུ་བདེ་ལེགས་ཤོག །ཨོཾ་སརྦ་དེ་བ་ལོ་ཀ་པཱ་ལ་ས་པ་རི་ཝཱ་ར་གཙྪ་མཿ ཞེས་རོལ་མོའི་སྒྲ་དང་བཅས་ཏེ། གཤེགས་སུ་གསོལ་ཞིང་། བཅའ་གཞི་རྣམས་ཕྱོགས་མཚམས་ཀྱི་རི་རྩེ་འམ། མཚོ་དང་རྫིང་བུ། ཆུ་ཀླུང་དང་ཆུ་མིག་སོགས་གཙང་སར་བསྐྱལ། རང་གི་གནས་གསུམ་དུ་ཨོཾ་ཨཱཿཧཱུྃ་གིས་མཚན་ཅིང་ལུས་རྡོ་རྗེའི་གོ་ཁྲབ་ཞུ་བླུགས་ཀྱིས་གཡོགས་པར་གྱུར། ཨོཾ་ཨཱཿཧཱུྃ་ཀཱ་ཡ་ཝཱཀ་ཙིཏྟ་བཛྲ་རཀྵ་རཀྵ། ཞེས་པས་བསྲུངས་བ་བྱས་ལ། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །ལྷར་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་གྱུར་ཅིག །འཇིག་རྟེན་དག་ཀྱང་དར་བར་ཤོག །སྨན་རྣམས་མཐུ་དང་ལྡན་པ་དང་། །གསང་སྔགས་བཟླས་བརྗོད་འགྲུབ་པ་དང་། །མཁའ་འགྲོ་སྲིན་པོ་ལ་སོགས་པ། །སྙིང་རྗེའི་སེམས་དང་ལྡན་གྱུར་ཅིག །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །བདེ་ལེགས་ཕུན་སུམ་ཚོགས་པ་

[Full Size]

ཡིས། །ཡིད་ལ་འདོད་པ་ཀུན་འགྲུབ་ཤོག །གཞན་ཡང་སྐྱེ་བ་འདི་ཉིད་དུ། །མི་མཐུན་ཕྱོགས་ཀུན་ཞི་བ་དང་། །ཚེ་རིང་ནད་མེད་ཕུན་སུམ་ཚོགས། །རྟག་ཏུ་བདེ་དང་ལྡན་གྱུར་ཅིག །བཀྲ་ཤིས་ནི། སྟོན་མཆོག་དམ་པ་ལྷ་མིའི་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཞི་བ་ཆགས་བྲལ་ལྷ་མིའི་མཆོད་འོས་པ། །ཆོས་ལ་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཚོགས་ཀྱི་དམ་པ་ལྷ་མིའི་མཆོད་འོས་པ། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག་།འབྱུང་པོ་གང་དག་འདིར་ནི་ལྷགས་གྱུར་ཏམ། །སའམ་འོན་ཏེ་བར་སྣང་འཁོད་ཀྱང་རུང་། །སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་མོ་ཆོས་ལ་སྤྱོད་པར་ཤོག །གནས་འདིར་ཉིན་མོ་བདེ་ལེགས་མཚན་བདེ་ལེགས། །ཉིན་

[Full Size]

མོའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱིས་བཀྲ་ཤིས་ཤོག །ཅེས་བརྗོད་ཅིང་མེ་ཏོག་འཐོར་རོ། །དེ་ལྟར་བགྱིས་པའི་ཕན་ཡོན་ནི། ཡུལ་དང་མཚེར་ས་བཟུང་བ། ཁང་ལས་བྱེད་པ། བྱེས་ལ་འགྲོ་བ། བྱིས་སྦ་བཙའ་བ། ཤི་སྒབ་གཅོད་པ་བག་མ་བསུ་བ་སོགས་ཀྱི་སྐབས་སུ་བྱས་ན་བཀྲ་ཤིས་ཤིང་བསམ་པ་འགྲུབ། ཞིང་རྨོ་བའི་དུས་སུ་བྱས་ན་ལོ་ཏོག་ལེགས། སྟོན་ཐོག་བསྡུ་བའི་དུས་སུ་བྱས་ན་འབྲུ་འཕེལ། རྟ་ཕྱུགས་ལ་དམིགས་ཏེ་བྱས་ན་སྒབ་འཕེལ། ནད་ཡམས་བྱུང་བའམ། ལྟས་ངན་བྱུང་བའམ། དུར་ཁ་ལྡང་བའམ། སྲི་ཁ་བྱེ་བ་སོགས་ཀྱི་དུས་སུ་བྱས་ན་དེ་དག་ཐམས་ཅད་ཞི་ཞིང་མི་འབྱུང་། ཁྱད་པར་ས་བནོ། རྡོ་རློག །ཤིང་གཅོད་པ་སོགས་ཀྱི་དུས་སུ་བྱས་ན་ས་བདག་ཀླུ་གཉན་ཀུན་གྱི་གནོད་པ་མི་འབྱུང་ཞིང་། ཞི་བ་དང་བདེ་ལེགས་སུ་འགྱུར། མདོར་ན་ཕྲིན་ལས་གང་བརྩམ་པ་ཐམས་ཅད་འགྲུབ་པ་སོགས་ཕན་ཟཡོན་རྒྱ་ཆེར་གསུངས་སོ། །འཕགས་པ་གནམ་ས་སྣང་བརྒྱད་ཀྱི་ཆོ་ག་ཁམས་གསུམ་བདེ་ལེགས་ཀྱི་གཞུང་ངག་འདོན་བཀླག་ཆོག་བཀའ་གཏེར་ཟུང་འབྲེལ་དུ། རཱ་ག་ཨ་སྱས་བྲིས་པ་དགེ་ཤིང་བཀྲ་ཤིས་པར་གྱུར་ཅིག །ཤུ་བྷཾ། མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་རྒྱབ་འཆི་བདག་ཞགས་གཅོད།

[Full Size]

གཏོར་རྒྱབ་འཆི་བདག་ཞགས་གཅོད་བཞུགས་སོ༔

[Full Size]

རྩ་གསུམ་ལྷ་ལ་ཕྱག་འཚལ་ལོ༔ གང་ཞིག་སྒྲུབ་པའི་རྣལ་འབྱོར་པས༔ བསྲུང་བྱ་གདོན་ཆེན་གདོན་པ་ལ༔ གཏོར་ཁོ་སྟོན་པའི་མན་ངག་ནི༔ རང་ཉིད་ཡི་དམ་བསྙེན་ཐེམ་པའི་གཞུང་བསྲང་སྒྲུབ་པ་ཅི་འགྲུབ་རྗེས༔ བྱུང་ན་བྱིན་རླབས་ཆེ་བ་ཡིན༔ མ་བྱུང་ཉིན་བསྒྲུབས་བྱས་ཀྱང་རུང་༔ གློ་བུར་ལས་བཅོལ་ཞེས་བྱ་བས༔ མཆོད་བསྟོད་རྒྱས་བསྡུས་སྐབས་བསྟུན་ལ༔ ཟློག་པ་ལ་སོགས་ཡོད་པའི་རིགས༔ མདུན་བསྐྱེད་ད་ལ་ཅི་བཞིན་བཤམས༔ ཕྲིན་ལས་བཅོལ་བའི་གཏོར་མ་རྒྱུ༔ ཐོག་མདེལ་ལྟ་བུ་གཅིག་གམ་གསུམ༔ ཤ་དར་མེ་རུ་བཙུགས་པར་བཤམས༔ ལྷ་དེའི་གཞུང་བསྲང་བཟླས་པའི་རིགས༔ རྩ་ངར་ལྡན་པ་ཅི་མང་བསྙེན༔ ཚེས་འཇམ་ཐེབས་བཟང་ལྡོག་མེད་དུས༔ བབ་ཚེ་ཟློག་

[Full Size]

གཏོར་རིམ་འབུལ་རྗེས༔ ནད་པ་དེ་ལ་ཟོར་ཁ་སྟོན༔ དམིགས་པ་ཟོར་རྟགས་ཞལ་དུ་གབ༔ དེ་ལས་རང་ཉིད་ཆས་གོས་བཀླུབས༔ མཆེད་ལྕམ་རོལ་ཐོགས་གཡས་གཡོན་བཀྲམ༔ མདུན་དེར་ནད་པས་ཕྱག་གསུམ་འཚལ༔ ཙོག་པུར་འདུག་བཅུག་མཆོད་གཡོག་པས༔ གསེར་སྐྱེམས་བཤམས་ལ་འདི་སྐད་དོ༔ ཧཱུྃ༔ མཆོག་གསུམ་སྟོན་པ་ཡི་དམ་དཀྱིལ་འཁོར་ལྷ༔ དཀྱིལ་འཁོར་དགུ་རྫོགས་ལྷ་ཚོགས་དང་༔ ཡི་དམ་མཁའ་འགྲོ་ཆོས་སྐྱོང་བཅས༔ དམ་ཅན་སྲུང་མའི་ཚོགས་བཅས་རྣམས༔ དོ་ནུབ་གསན་ཅིང་དགོངས་སུ་གསོལ༔ ལྷ་དང་སྲུང་མའི་ཚོགས་བཅས་ལ༔ ཤིན་ཏུ་དྲག་པོའི་ཕྲིན་ལས་བཅོལ༔ དུས་ལ་བབ་བོ་

[Full Size]

དམ་ཚིག་ཅན༔ དམ་ལས་མ་འདའ་ས་མ་ཡ༔ དོ་ནུབ་རྒྱུ་སྦྱོར་ཡོན་བདག་འདིའི༔ ལུས་ངག་ཡིད་ལ་གནོད་པ་ཡི༔ སྔོན་ལས་འཕྲལ་རྐྱེན་གང་ཡིན་པའི༔ འདྲེ་གདོན་འབྱུང་། པོ་བགེགས་ཀྱི་ཚོགས༔ ནད་འདྲེ་ཚ་སྲི་བྱེད་པ་ལ༔ གཏོར་མའི་དབལ་ཟོར་འདི་བསྟན་པས༔ རུ་ང་ཕྲག་དོག་མ་བྱེད་ཅིག༔ ཕོ་ལྷ་དགྲ་ལྷ་ལེའུ་དང་༔ ལུས་ལ་མགོན་སྐྱབས་བྱེད་པ་རྣམས༔ གསེར་སྐྱེམས་གཉེན་པོ་འདི་གསོལ་ལ༔ ཁྱོད་ལ་གཏོར་ཟོར་སྣ་མི་སྟོན༔ ཡུལ་ལྷ་གཞི་བདག་ཁྱིམ་ལྷ་དང་༔ མ་ལྷ་ཞང་ལྷ་སྐྱོབ་བྱེད་རྣམས་གསེར་སྐྱེམས་གཉེན་པོ་འདི་གསོལ་ལ༔ ཁྱོད་ལ་གཏོར་ཟོར་སྣ་མི་སྟོན༔ ཕྱོགས་སྐྱོང་བཅུ་དང་རྒྱལ་ཆེན་བཞི༔ ས་བདག་ཀླུ་གཉན་འཁོར་བཅས་རྣམས༔ གསེར་སྐྱེམས་གཉེན་པོ་འདི་གསོལ་ལ༔ ཁྱོད་ལ་གཏོར་ཟོར་སྣ་མི་སྟོན༔ ས་སྐོར་འདི་ལ་གནས་པ་རྣམས༔ མཐོ་བ་རྣམས་ཀྱིས་ཞབས་ལྡོག་ཅིག༔ དམའ་བ་རྣམས་ཀྱི་དབུ་ཆུམས་ཤིག༔ གཡས་སུ་འདུག་པ་གཡས་སུ་བྱོལ༔ གཡོན་དུ་འདུག་པ་གཡོན་དུ་བྱོལ༔ ཐད་དུ་འདུག་པ་ཐད་དུ་སྐུ་གཟུར་ཅིག༔ གསེར་སྐྱེམས་གཉེན་པོ་འདི་གསོལ་ལ༔ དོ་ནུབ་ཟོར་གྱི་

[Full Size]

ལམ་ཕྱེས་ཤིག༔ རུ་མ་ང་ལ་ཕྲག་མ་དོག༔ དྲག་པོ་ཟོར་གྱི་འོད་འཕྲོས་པས༔ སྐུ་ལ་དེ་ནི་གདོན་ལ་རེ༔ བདེན་པའི་སྟོབས་བརྗོད་མི་ཐུབ་ཅིང་༔ ཕན་པའི་ཚིག་སྨྲས་མི་བརྩི་བར༔ དགོས་པའི་གླུད་བྱིན་མི་ལེན་པའི༔ ནད་འདྲེ་ཚ་སྲིའི་གདོན་བགེགས་ལ༔ དོ་ནུབ་ང་ཡིས་ཟོར་འདི་འཕེན༔ དེ་བས་ལྷ་དང་སྲུང་མའི་ཚོགས་དཀོན་མཆོག་གསུམ་གྱིས་གཟུ་དཔང་མཛོད༔ མཁའ་འགྲོ་ཆོས་སྐྱོང་སྡོང་གྲོགས་གྱིས༔ གསེར་སྐྱེམས་གཉེན་པོ་འདི་གསོལ་ལ༔ ཟོར་ཁ་གནོད་བྱེད་བགེགས་ལ་སྟོན༔ ཐལ་བ་རྡུལ་ཕྲན་བཞིན་དུ་རློགས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གསེར་སྐྱེམས་གཏོར༔ ཡི་དམ་གང་ཡིན་དེའི་བསྐུལ་པ་བཏང་ལ༔ བསྒྲུབ་བྱའི་ཚེ་བསོད་བསྡུ་བ་དང་ཧོམ་ཁུང་དུ་གནོད་བྱེད་གང་ཡིན་གསལ་བ་རྣམས་གཞན་གསལ་ལྟར་ལ༔ དེ་ནས་ནད་པའི་སྟོད་གོས་ཕུད་བཅོལ་ལ་ལག་ཏུ་གཏོར་མ་མེ་རུ་སྒྲོན་པ་གསལ་ལ་ངག་ཏུ༔ ཧཱུྃ༔ མ་གཡེལ་མ་གཡེལ་བླ་མ་ཡི་དམ་ལྷ༔ མཁའ་འགྲོ་ཆོས་སྐྱོང་དམ་ཅན་ཚོགས༔ བདག་ལ་གསན་ཅིང་དགོངས་སུ་གསོལ་ནས་ཀྱང་༔ ཟོར་ལམ་བསྟན་པའི་དུས་ལ་བབ༔ ཟོར་འཕང་སླར་ལ་མ་ལྡོག་ཅིག༔ དོ་ནུབ་ཟོར་གྱི་ལམ་བསྟན་

[Full Size]

པ༔ སྟེང་གི་ལྷ་ལ་ཟོར་མི་འཕེན༔ བར་གྱི་གཉན་ལ་ཟོར་མི་འཕེན༔ འོག་གི་ཀླུ་ལ་ཟོར་མི་འཕེན༔ དགྲ་ལྷ་གཉན་ལ་ཟོར་མི་འཕེན༔ མགོན་བྱེད་རྣམས་ལ་ཟོར་མི་འཕེན༔ སྐྱོབ་བྱེད་ལྷ་ལ་ཟོར་མི་འཕེན༔ ཡུལ་ལྷ་རྣམས་ལ་ཟོར་མི་འཕེན༔ ཡོན་གྱི་བདག་པོའི་ཚེ་སྲོག་ལ༔ བར་ཆད་བྱེད་པའི་གདོན་བགེགས་ཀྱི༔ ལུས་ངག་ཡིད་ལ་ཟོར་འདི་ཡ༔ ཕུང་པོ་ལྔ་ལ་ཟོར་འདི་ཡ༔ དོ་ནུབ་ཟོར་གྱི་ཕྲིན་ལས་མཛོད༔ ཅེས་གལ་ཆེན་ཡིན་ན་བདེན་སྟོབས་བརྗོད་རྗེས་ལྷ་དེའི་དྲག་སྔགས་རྣམས་དང་ཧཱུྃ་བཞི་བརྗོད་ནས་དབང་ངམ་རྒྱབ་པར་བྱའོ༔ མཐར་སྲུང་འཁོར་ཚེ་སྲོག་བྱིན་རླབས་བསྟིམས་ནས༔ ཚེ་འགུགས་ཤིས་བརྗོད་བྱས་ལ་རང་གནས་དུ་བཏང་ངོ་༔ དེ་རྣམས་གཞན་དུ་གསལ་བར་ཤེས་པར་བྱའོ༔ གཏོར་རྒྱབ་འཆི་བདག་ཞག་གཅོད་ཅེས་པ་འདི་རང་གི་བསྙེན་པ་ཐེམ་པའི་ལྷ་གང་ལའང་སྦྱར་ཆོག་པ་ཞིག་དགོས་ཞེས་པདྨ་ཀུན་དགས་བསྐུལ་ངོར་རཱ་ག་ཨ་སྱས་བྲིས་པ་ལ་ཉེས་ཆ་མཆིས་ན་རྩ་གསུམ་ལྷ་ལ་བཤགས་ཤིང་དགེ་བས་འགྲོ་བའི་མི་མཐུན་ཀུན་སེལ་ཤོག༔ འདི་ཤིན་ཏུ་གཉན་པས་གར་ཐོད་ཐོད་བྱ་མི་རུང་༔ སྲུང་མས་འཁུ་ལྡོག་འོང་བས་ཨ་ཐོ་རྒྱུ༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་རྒྱབ་ཀྱི་ཟིན་བྲིས་རབ་ཏུ་གསལ་བ་ཞལ་ཤེས་དམིགས་རིམ་དང་བཅས།

[Full Size]

གཏོར་རྒྱབ་ཀྱི་ཟིན་བྲིས་རབ་ཏུ་གསལ་བ་ཞལ་ཤེས་དམིགས་རིམ་དང་བཅས་བཞུགས་སོ༔

[Full Size]

ན་མོ་གུ་རུ་པདྨ་ཀྲོ་དྷི་ཡེ། དབང་དྲག་པདྨའི་སྐུ་ལ་གུས་བཏུད་ནས། །འགྲོ་ལ་ཕན་ཕྱིར་གཏོར་མའི་མན་ངག་ནི། །ཞལ་ཤེས་ཉམས་མྱོང་སྦྱར་ནས་འདིར་འགོད་བྱ། །རྩ་བ་གསུམ་གྱིས་བཀའ་གནང་བྱིན་གྱིས་རློབས། །འདི་ལ་སྔོན་འགྲོ་དངོས་གཞི་རྗེས་དང་གསུམ། །རྟགས་དང་སྔོན་འགྲོ་ལ་ཡང་རིམ་པ་ལྟར། །མཆོད་བརྔན་གླད་སྦྱིན་བདེན་བདར་ཆོས་བཤད་དང་། །ཉེས་སྤང་བྱམས་དང་སྙིང་རྗེ་གཏོང་ལེན་བསྒོམ། །སྒྲུབ་པ་དངོས་གཞི་ལའང་རིམ་པ་ལྟར། །སྤར་བསྟིམ་བསྐྱེད་ཆོག་འགུགས་གཞུག་གཏོར་རྒྱབ་ལྔ། གསུམ་པ་རྗེས་ཀྱི་བྱ་བ་དྲུག་ཡིན་

[Full Size]

ཏེ། བསྟིམ་ཞིང་སྲུང་དང་ལམ་དགག་སྟོང་ཉིད་བསྒོམ། །བསྔོ་བ་སྨོན་ལམ་གཏོར་པྲ་བརྟག་པའོ། ༈ །དང་པོ་གཏོར་རྒྱབ་ལམ་དུ་འགྲོའམ་མི་འགྲོ་བརྟག་པ་ནི། ནད་གཉན་དང་ཚད་པ་དང་ཁྲག་ནད་རྒྱུ་གཟེར་སོགས་འགོ་བའི་ནད་ཐམས་ཅད་དང་གཟའ་ནད་ལ་མི་རུང་། །བྱས་ན་སླར་ནུས་པ་ཇི་ཙམ་ཡོད་པའི་ཚད་ཙམ་ཐུའོ། །ཡང་གཉན་དང་ཚད་པའི་འགོ་ཆོག་ན་གཞུང་དུ་གདོན་དང་རླུང་བསྡོང་བ་ལ་ཕན་ནོ། །གདོན་ཕོ་གདོན་རྒྱལ་པོ་དང་དཀོར་བདག་དམ་སྲིའི་གནོད་པ་ཐམས་ཅད་ལ་ཕན་ནོ། །མོ་གདོན་ལ་ཡང་ཕན་ནོ། །ཀླུ་དཀར་ཕྱོགས་ཀྱིས་གདོན་ན་མི་རུང་

[Full Size]

ངོ་། ཀླུ་གདོལ་པ་དང་ཀླུ་བདུད་གདོན་ན་རུང་བར་བཤད། གཟའ་ཡིས་གདོན་པ་ལ་བྱས་ན་རང་ངམ་ནད་པ་ལ་འཁུ་ལྡོག་འོང་བར་བཤད་དོ། །ནད་སྲོག་རླུང་སྨྱོ་འབོག་གཟའ་མ་ཡིན་པ་བརྒྱལ་བའི་ནད་ལམ་འདྲེ། ནད་ངོས་མི་ཟིན་པར་ན་བ། འགྲིམ་སྣ་ཆེ་ན་ངེས་པར་ཕན་ནོ། །ཁྱད་ཁ་ཆེན་པོ། ན་ཚ་རྒོད་ནས་ཤི་སྲི་ཞུགས་པ་ལ་ཡང་ཕན་ཏེ་རང་ལ་ཅུང་ཟད་གནོད་༔ བྱིས་སྦ་མང་དུ་ཤི་བའི་ཕ་མ་ལ་བརྒྱབ་ན་དེ་ཕྱིན་སོས་སོ། །བརྟག་པའོ། །ཨྠྀི། སྔོན་འགྲོ་ནི། བྱད་ཁས་གནོད་པ་ལ་ཤེས་ན་བྱད་མ་ཕ་རོལ་པ་དེ་ཡི་ལྷ་ཡི་དམ་ཆོས་སྐྱོང་གང་ཡིན་པ་དེའི་བསྐང་བ་དང་བཤགས་པ་འདོན། དེ་མི་ཤེས་ན་བྱད་མ་གནོད་བྱེད་དེའི་ལྷ་ཐམས་ཅད་སྤྱན་དྲངས་ནས། རང་གི་ཡི་དམ་ཆོས་སྐྱོང་ལ་བསྟིམས་ནས་རང་ལུགས་ཀྱི་བསྐང་བཤགས་ཚར་གཅིག་འདོན། ནམ་མཁའ་ལ་རྡོ་རྗེ་སེམས་དཔའ་སྒོམ་པའི་ཐུགས་ཀ་ནས་བདུད་རྩིའི་རྒྱུན་བྱུང་ནས་རང་གི་བླ་མ་ཡི་དམ་ཆོས་སྐྱོང་རྣམས་ལ་ཁྲུས་གསོལ་བས་སྦྱིན་བདག་ལ་ལྷ་འཁོན་ཞུགས་པ་ཐམས་ཅད་དག །ལྷ་རྣམས་ཀྱི་ཐུགས་ཀ་ནས་བདུད་རྩིའི་རྒྱུན་བྱུང་ནད་པའི་ལུས་ཕྱི་ནས་བཀྲུས་པས་ནད་པ་ཐམས་ཅད་དམ་ཚིག་ཉམས་ཆག་སྔར་བསྟན་པ་དང་བླ་མ་

[Full Size]

སོགས་ལ་གནོད་པ་བྱས་པ་ཐམས་ཅད་དག་པར་བསྒོམས་ལ། ཨོཾ་ས་མ་ཡ༔ ཨཱཿ་ས་མ་ཡ༔ ཧཱུྃ་ས་མ་ཡ༔ འདིའི་བར་དུ་བཛྲ་གུ་རུ་དང་། ཡི་དམ་ཆོས་སྐྱོང་གི་སྔགས་བཙུད། ཨོབཛྲ་སཏཱ་སོགས། ཡིག་བརྒྱ་ཚར་གསུམ་མམ་བདུན་ནམ་ཉེར་གཅིག་ཙམ་བརྗོད། དེ་ནས་ཡེ་ཤེས་ཀྱི་ཆོས་སྐྱོང་གནོད་ན་མཆོད་ཅིང་བསྐང་བཤགས་བྱ་བའོ། །དེ་མ་ཤེས་ན་རང་གི་བསྟན་པ་བཤིག་པར་འགྲོ། ཅིའི་ཕྱིར་ན་སྦྱིན་བདག་དེ་བསྟན་པའི་རུ་ཏྲ་བསྒྲལ་ཞིང་ཚང་བ་ཡིན་པ་ལ། གདུག་ལ་རྟག་ཏུ་བྱམས་ལྡན་པ། ཞེས་པའི་རྩ་ལྟུང་དེ་རང་ལ་ཕོག་གོ །བརྔན་པ་ནི་ལྷ་སྲིན་སྡེ་བརྒྱད་ལས་དང་སྨོན་ལམ་གྱི་དབང་གིས་འགྲོ་བའི་ཚེ་སྲོག་ལ་དབང་བསྒྱུར་བ་དེ། ཚར་གཅོད་པར་དཀའ་བས་མཐུན་པའི་རྫས་ཀྱིས་བརྔན་སྟེར་ན་ཕན་ཏེ། རྒྱས་པར་བྱེད་ན་རྙིང་མའི་བཀའ་སྲུང་སོ་སོ་ལ་གཏོར་མ་འབུལ་ལ་བཀའ་བསྒོའོ། །བརྔན་བསང་བྱའོ། །དེ་ཙམ་མི་ལྕོགས་ན་ཆ་གསུམ་གཏོར་མ་བཞི་བཤམས་ལ་ཆ་དང་པོ་ལ། གདོན་གྱི་རྒྱལ་པོ་ཕྱོགས་སྐྱོང་བཅུ་འཁོར་དང་བཅས་པ་མཆོད་སྦྱིན་གྱི་གཏོར་མ་འདིས་ཚིམ་པར་གྱིས་ལ། ཚེ་འདི་ལ་གནོད་ཅིང་འཚེ་བར་མ་བྱེད་པར་རང་རང་སོ་སོའི་གནས་སུ་

[Full Size]

སོང་ཞིག །བརྗོད་ཅིང་གཏོར་མ་ལག་པས་བཟུང་ནས་སྦྱང་བ་ལྟར་ནད་པ་ལ་བསྐོར་ལ་ཕྱི་རོལ་དུ་བསྐུར། གཉིས་པའི་མཇུག་ཏུ་སྔར་ལྟར་ལས། སྣང་ཞིང་སྲིད་པའི་སྡེ་བརྒྱད་འཁོར་དང་བཅས་པ། སོགས། སྔར་ལྟར་བརྗོད། གསུམ་པ་ལ། ལན་ཆགས་བགེགས་ཀྱི་རིགས་སྟོང་ཕྲག་བརྒྱད་ཅུ་ཐམས་ཅད་གླུད་ཀྱི་གཏོར་མ་འདིས་ཚིམ་པར་སོགས་བརྗོད། དེ་ཡང་བསྡུ་ན་དེས་ཆོག་རྒྱས་པར་ན་གླུད་གཏོར་ཆོས་སྤྱོད་རབ་གསལ་ནས་འབྱུང་བ་ལྟར་གཏོང་གྲུབ་ན་ལེགས་སོ། །བཞི་པ་དཀར་གཏོར་སྤྱི་མཚམས་ལྟར་གཞི་བདག་ལ་བསྔོས་ལ། ཡུལ་ལྷ་གཞི་བདག་ཐམས་ཅད་ཀྱང་མཆོད་སྦྱིན་གྱི་གཏོར་མ་འདིས་ཚིམ་པར་གྱིས་ལ། སློབ་དཔོན་ཆེན་པོ་པདྨ་འབྱུང་གནས་ཀྱི་བཀའ་དང་དམ་ལས་མི་འདའ་བར་ནད་པ་འདི་ལ་གནོད་ཅིང་འཚེ་བར་མ་བྱེད་པར་རང་རང་གི་གནས་སུ་གཤེགས་ཤིག །ཅེས་སྔར་ལྟར་བྱའོ། །དེ་ནི་བརྔན་པ་དང་གླུད་སྦྱིན་པའི་རིམ་པ་སྟེ། འཇིག་རྟེན་གྱི་ལྷ་འདྲེ་གཙང་རིས་ཀྱི་ལྷར་གཏོགས་པ་རྣམས་ནི་ཕར་ཕོག་ཐུག་མ་ཤོར་ན་ཚུར་མི་གནོད་དེ་ཁོང་རྣམས་སྔོན་དགེ་བསྙེན་ཞུས་པ་ཡིན་ནོ། །དེ་ལ་ཕྱོགས་སྐྱོང་གཏོར་མ་སོགས་ཀྱིས་མཆོད་ན་ཕན། གཏོར་རྒྱབ་མི་རུང་སྟེ་ཁོང་

[Full Size]

རྣམས་ལ་ཐབ་གཞོབ་ཆེན་པོ་ཤོར་བའམ། དམར་གཏོར་བརྒྱབ་ན་ཁོང་ལ་ནད་འབྱུང་། ཁོང་རྣམས་ན་ཡུལ་དུ་ནད་ཡམས་ཆེན་པོ་འབྱུང་སྟེ། མགུར་འབུམ་ན་ཚེ་རིང་མའི་གླེང་གཞི་ལྟ་བུའོ། །ཅི་ཡང་མི་ཤེས་པའི་རྫི་བོའི་ཁྲག་ཐབ་ཀྱིས་དེ་ཙམ་གནོད་ན། སྔགས་ཏིང་ངེ་འཛིན་ལྡན་པའི་ཁྲག་ཟོར་བརྒྱབ་ན་ལྟ་ཅི་སྨོས། ཡང་བཙན་དང་རྒྱལ་འགོང་སོགས་ཡིད་བཏགས་ཀྱི་རིགས་སུ་གཏོགས་པའི་ལྷ་འདྲེ་འགའ་རེ་བཀྲེས་སྐོམ་གྱི་སྣང་བ་ཆེན་པོ་རྒྱུན་ཏུ་ཡོད་པས་ཁོང་རྣམས་ལ་མཆོད་པ་དང་གླུད་ཨེ་སྦྱིན་ལ་རེ་འདོད་ཀྱི་ཚུལ་དུ་གནོད་པ་ཡིན་པས། དེ་ལ་གཏོར་མ་བརྒྱབས་ན་ཁྱི་རྐུན་བརྡུང་བ་ལྟར་སྡིག་པ་ཆེ་བས། དེ་ལ་འབྱུང་གཏོར་བསྔོ་དགོས་སོ། །ཡང་ཚེ་སྔོན་ཕར་གནོད་པ་བྱས་པའི་ལས་འབྲས་ཀྱིས། ད་ལྟ་བུ་ལོན་བསྙག་པའི་ཚུལ་དུ་གནོད་པས་དེ་ལ་གཏོར་རྒྱབ་ཀྱིས་མི་ཕན་པས། ཆ་གསུམ་པ་གླུད་གཏོང་བུ་ལོན་འཇལ་བའི་ཚུལ་དུ་བསྔོའོ། །ཡང་སྔོན་ཐུབ་པ་ཆེན་པོ་དང་རྟ་མགྲིན་གསང་བདག་པདྨ་འབྱུང་གནས་སོགས་རིག་འཛིན་གོང་མ་རྣམས་ཀྱི་ཞལ་མཐོང་ཞིང་དམ་ལ་བཏགས་པའི་ལྷ་འདྲེ་ཡིན་ན་བདེན་སྟོབས་བརྗོད་པས་འགྲོ་སྟེ། རང་སྐད་ཅིག་གིས་ཤཱཀྱ་ཐུབ་པར་

[Full Size]

བསྒོམས་ལ། ན་མོ་སངས་རྒྱས་ཀྱི་བཀའ་བདེན་པ་དང་། སོགས། བདེན་བདར་སྤྱི་ལྟར་བྱས་ལ་བདེན་པ་ཆེན་པོའི་མཐུས་ནད་པ་འདི་ལ་གནོད་ཅིང་འཚེ་བའི་གདོན་བགེགས་གང་ཡིན་པ་ཐམས་ཅད་གནོད་ཅིང་འཚེ་བའི་བསམ་པ་རབ་ཏུ་སྤོང་ལ་གནས་གཞན་དུ་དེངས་ཤིག །ཅེས་ལན་གསུམ་བརྗོད། རྒྱས་པར་ན་འདིར་ཕྱག་རྟགས་རྡོ་རྗེ་འདོན། འཆང་བ་པོ་ཟེར་བ་ལ་ནད་པ་འདི་ཞེས་ཚིག་བསྒྱུར། ཡང་སྙན་བརྒྱུད་སོགས་ནས་གསུངས་པ་ལྟར་དཀར་ཕྱོགས་ལྷ་འདྲེ་གཞི་བདག་བན་བོན་རྣམས་ཀྱི་འཚོ་བ་བསྒྲུབ་པའི་ཆེད་དུ་ན་དགེ་བསྐུལ་གྱི་ཚུལ་དུ་གནོད་པ་ཡོད་པས། དེ་ལ་རྒྱབ་མི་རུང་བས་དེ་ལ་ཆོས་བཤད་ན་འགྲོ་བས། ཆོས་རྣམས་ཐམས་ཅད་རྒྱུ་ལས་བྱུང་། །སོགས་དང་། སྐར་མ་རབ་རིབ་མར་མེ་དང་། །སོགས། ཞལ་ནས་གསུངས་པའི་ཚིགས་བཅད་བརྗོད་ནས་ཆོས་ཀྱི་སྦྱིན་པར་བསམས་ལ་སེ་གོལ་རྡེབ། དེ་ལྟར་དཀོན་མཆོག་གསུམ་གྱི་བདེན་པའི་སྟོབས་ལ་མི་བརྩི། དམ་པའི་ཆོས་ལ་མི་ཉན། གླུད་དང་གཏོར་མས་བརྔན་ཀྱང་མི་མགུ་བ་རྣམས་ནི་བདག་གིས་དྲག་པོའི་སྒོ་ནས་ཚར་གཅོད་པ་ཡིན་པས་ང་ནི་མ་ཉེས་མ་ལེན་ནོ། །ཞེས་ལན་གསུམ་བརྗོད། ཡང་

[Full Size]

གདོན་ལ་དགྲ་རུ་བཟུང་ནས་བརྒྱབ་ན་ལྟུང་བ་འོང་ཞིང་རྗེས་སོར་རང་ངམ་འཁོར་ཐམས་ཅད་ལ་ལེན་ལེན་པས་རིང་ཐུགས་རྗེ་ཆེན་པོར་བསྒོམ་ལ་ཨ་ཙ་མ་གདོན་འདི་དང་ནད་པ་འདི་ངའི་སྐྱེ་བ་གྲངས་མེད་པའི་མ་རྒན་ཡིན་པ་ལ་འདི་འདྲ་བདེ་བའི་རྒྱུ་དགེ་བ་བཅུ་བདེ་བའི་འབྲས་བུ་ཐམས་ཅད་དང་ལྡན་ན་ཅི་མ་རུང་སྙམ་པའི་བྱམས་པ་དང་། ད་ལྟ་ནད་པ་འདིའི་སྡུག་བསྔལ་ཆེ། གདོན་འདི་དེའི་རྣམ་སྨིན་གྱིས་ངན་སོང་དུ་སྐྱེ་བས་འདི་གཉིས་ཀ་སྙིང་རེ་རྗེ། ནད་པ་འདི་ཡི་ནད་དང་གདོན་འདི་ཡི་སྡིག་སྒྲིབ་གཉིས་ལ་ཐིམ་ནས་འདི་གཉིས་བདེ་བར་གྱུར་ན་ཅི་མ་རུང་སྙམ་པའི་སྙིང་རྗེ་ཚད་མེད་པར་དར་ཅིག་བསྒོམ། རྒྱས་པར་བྱེད་ན་གཏོང་ལེན་དམིགས་པ་བྱའོ། །དེ་རྣམས་སྔར་ཉིན་ཚར་བའམ་ཡང་ན་སྔ་དྲོ་བྱ། ཡང་སྦྲེལ་ནས་བྱེད་དགོས་བྱུང་ན་གཏོར་རྒྱབ་དང་དེའི་བར་དུ་མལ་རྒྱང་བ་གཅིག་བོས་ཏེ། དེ་མ་བྱས་ན་ཀླུ་ལ་སོགས་པའི་གདོན་ཞིག་གིས་ཚུར་འཛིན་དུས་སླ་ཡང་། ཕར་གཏོང་དུས་མ་གཏོང་པར་གཏོང་འདོད་ཀྱང་སྐད་ཅིག་མ་གཏོང་མི་ཤེས་པའི་རིགས་ཡོད་པས་སོ། །སྔོན་འགྲོ་ཞི་ཆོས་ཀྱི་རིམ་པས་སོ༔ ཨྠྀི༔ དང་པོ་ནི་བཅོམ་ལྡན་འདས་ཀྱིས་དཀོན་མཆོག་གསུམ་ལ་དད་ཅིང་

[Full Size]

དགའ་བའི་ལྷ་འདྲེ་ནི་ཉུང་ངུ་ཙམ་དུ་ཟད་ཀྱི། མ་དད་ཅིང་མི་དགའ་བའི་ལྷ་འདྲེ་ནི་ཤིན་ཏུ་མང་བར་གསུངས་པ་ལྟར། བདུད་དང་བདུད་ཀྱི་རིགས་སུ་གཏོགས་པས་ཡོན་བདག་དད་པ་ཅན་ལ་ནད་སོགས་མ་རུངས་པ་བཏང་ནས། །ཡོན་བདག་དེ་དང་གཞན་མང་པོས་ཆོས་ལ་བདེན་པ་མི་འདུག་ཅེས་ལོག་ལྟར་སྐྱེས་ནས་ངན་སོང་དུ་འགྲོ་བཅུག་པའི་བསམས་པས་གནོད་པ་བྱེད་པ་དང་། གསར་དུ་ལྷ་འདྲེའི་ལུས་བླངས་ནས་གཞན་སུས་དམ་ལ་མ་ཐོགས་པའི་འདྲེ་རྒོད་དང་། ལྷ་འདྲེ་ནག་ཕྱོགས་རྣམས་ཞི་བས་མི་ཐུལ་བས་དྲག་པོས་གཏོར་མས་ཚར་གཅོད་དགོས་ལ་ཡང་རྒྱལ་འགོང་དམ་སྲིའི་རིགས་ནི་སྔོན་དམ་ལ་ཐོགས་ཀྱང་དམ་སྲིའི་རིགས་ཡིན་པས་དྲག་པོས་མ་བཏུལ་ན་བདེན་སྟོབས་ཆོས་སྦྱིན་ཙམ་ལ་མི་བརྩི་བས་སོ། །ཡང་འགྱུར་ལོག་འཕར་ལྡང་བྱེད་པའི་ལྷ་འདྲེ་གཞི་བདག་གིས་རང་དེར་ཡོད་ཚེ་མི་གནོད་པ་སྐད་བྱས་ནས་གཞན་དུ་བྱོལ། རང་མེད་པ་དང་ཁོ་འོང་ནས་གནོད་པ་ཆེར་བྱེད་པ་དང་། མགོ་གཡོག་མགོ་སྐོར་ནས། ཉམས་རྨི་ལམ་དུའམ་སྨྱོན་པ་ཉིད་ཀྱི། འདི་ལྟར་དྲག་ལས་སོགས་མ་བྱེད་དང་ཅི་གསུང་བྱེད་གནོད་པ་མི་བྱེད་དང་འགྲོ་ཟེར་ནས་ཕྱག་འཚལ། དངོས་ཉམས་སུ་སྨོན་པས་

[Full Size]

འབུལ་བ་བྱེད་ཅིང་དྲག་ལས་མ་བྱས་ན། ཡང་ཁོས་གནོད་པ་ཆེར་བྱེད་པའི་རིགས་ཡོད་པ་དེ་རྣམས་ལ་མི་རྒྱབ་ཀ་མེད་ཡིན་པས། ༈ ཡི་དམ་ཆོས་སྐྱོང་གཏོར་ཆོག་གཞུང་ལྟར་ཚར་ནས། རང་གི་གདོང་པ་ལ་ཡོད་ན་བཙན་དུག་དང་རོ་སོལ་ཁྲག་གིས་ནག་པོ་བྱ། མེད་ན་ཁྲག་དང་སོལ་བས་གདོང་པ་ཐམས་ཅད་བཏུམ་ཡང་ན་གདོང་དང་མཁུར་པར་བྱུག་གོ །སྔགས་ཆས་དང་ཆོས་གོས་གྱོན་དར་ནག་སྒྲོན། དང་པོ་ནད་པའི་ལུས་ཀྱི་སྲུང་སྐུད་དང་འཁོར་ལོ་སྲུང་མདུད་རྣམས་བཀྲོལ། རང་མཁའ་འགྲོ་རྒྱུ་ལྡོག་གཟའ་དང་སྒྲ་གཅན་བིཊྚི་ཉིན་གཟའ་རྣམས་དང་གདོང་མི་ཐུག་པར་བྱས་ལ་འདུག །གཡས་སུ་དཀར་གཏོར་གཅིག །དམར་གཏོར་ལྷ་གྲངས་ཐམས་ཅད་ལ་རྩང་དམར་པོ་མེ་རི་འདྲ་བ་དང་། དཔལ་འབར་རེ་བཙུགས་ལ་བཤམས། དང་པོ་རང་མདུན་དུ་ནད་པ་དེ་སྔས་མཐོ་བོར་བྱས་པས་གཏོར་མ་གྱུའོ། །གཞོགས་གཡས་ས་ལ་ཕབ་སྟེ་ཉལ་གོས་འཐུག་པོ་ཐུལ་བ་ལྟ་བུ་རྒུན་སྒང་གཏོར་འཁྱག་ཤད་དྲག་པོས་བརྒྱབ་ཀྱང་ལུས་ལ་མི་གནོད་པར་བྱ། སྟེང་དུ་མེ་མི་མཆེད་པའི་ཕྱིར་གོས་སྤུ་མེད་པས་བཀབ་ལ་བཞག་གོ །དེ་ནས་གཏོར་མའི་སྣ་སེལ་གསེར་སྐྱེམས་བེར་ནག་

[Full Size]

ཅན་ལྟར་རམ། ཕྱག་བཞི་པའམ། ཡང་ན་མཚོན་ཆ་འཁོར་ལོའི་སྒོ་དབྱེ་དེ་གསེར་སྐྱེམས་སུ་བསྒྱུར་སྲོལ་ཡོད་པ་ལྟར་གང་རུང་བྱ། དཀར་གཏོར་དེ་ཡུལ་དེའི་གཞི་བདག་ལ་བསྔོས་ལ་དྲག་པོ་གཏོར་མའི་ལས་བྱེད་པ་ལ་ཀོ་ལོང་རུ་ང་ཕྲག་དོག་མ་བྱེད་པར་བདག་གི་སྡོང་གྲོགས་མཛོད་ཅིག །ཅེས་བཀའ་བསྒོ། དེ་ནས་དམར་གཏོར་ཐམས་ཅད་བྲན་ལ་བཀུག་གཞུག་བྱ་དགྲ་བགེགས་ཀྱི་ཤ་ཁྲག་རུས་དུམ་དམིགས་ལ། ལྷ་སོ་སོའི་རྩ་སྔགས་ལ་ཁཱ་ཧི་བཏགས་ལ་འབུལ། བརྟན་སྐྱོང་དང་ཆད་མདོ་གཉིས་ལ། ཨ་ཡ་མ་དུ་རུ་ཙ་ཤ་ན་དང་། མ་མ་ཧྲིང་ཧྲིང་ལ་བ་ལི་ཏ་བཏགས་ལ་འབུལ། ལྷ་ཡི་རྟེན་མེད་ན་རྒྱལ་འགོང་བརྡུང་ན་འཁུ་ལྡོག་འོང་བར་གསུངས་པས། རང་གི་ཉེར་བདུན་ལྟ་བུ་ཆས་ཀ་ལེ་མི་དགོས་པ་ཡིན་ཀྱང་ལྷ་རྟེན་ཐམས་ཅད་རྟེན་འབྲེལ་ཞིག་ངེས་པར་བཞག་གོ །དེ་ནས་སྐད་ཅིག་གིས་ནད་པ་འདི་ལུས་ཀྱི་དབུས་སུ་རྩ་དབུ་མ་མཚན་ཉིད་དང་ལྡན་པ་སྦ་ལྕག་ཙམ། རྐང་མཐིལ་གཡས་སུ་ཕ་ལས་ཐོབ་པའི་ཐིག་ལེ་དཀར་པོ་སྲན་མ་ཙམ། གཡོན་དུ་མ་ལས་ཐོབ་པའི་ཐིག་ལེ་དམར་པོ་སྲན་མ་ཙམ། །ཕཊ་དེ་གཉིས་གསང་གནས་སུ་འདྲེས་པས་བྱ་མ་སར་གྱི་སྒོ་ང་ཙམ་ཚེ་དང་བསོད་ནམས་

[Full Size]

བཀྲག་དང་གཟི་མདངས་ཁ་རྗེ་དང་དབང་ཐང་བླ་སྲོག་རྣམ་པར་ཤེས་པའི་ངོ་བོར་གྱུར། ཕཊ་ལྟེ་བ། ཕཊ་སྙིང་ཁ། ཕཊ་མགྲིན་པ། ཕཊ་སྤྱི་བོ། ཕཊ་སྤྱི་བོའི་ཚངས་པའི་བུ་ག་ནས་ཐོན།། མདུན་གྱི་ནམ་མཁར་ཡི་དམ་ལྷའི་ཐུགས་ཀར་ཐིམ་པར་གྱུར། རང་རྟོགས་པ་མཐོ་ཞིང་ཏིང་ངེ་འཛིན་གསལ་ན་རང་གི་ཐུགས་ཀར་བསྟིམ་མོ། །དེ་ནས་ནད་པའི་ལུས་ལ་དམིགས་ནས། ཕཊ་ཨེ་ཡཾ་རཾ་ཁཾ་སུ་ནད་པའི་ལུས་འདི་ཉིད་དུག་གསུམ་ལས་གྲུབ་པའི་བཙོན་ཁང་། དུས་མཐའི་ཆར་སྤྲིན་ལྟར་མནག་པ་ཁ་དོག་ཅིང་མཐིལ་ཡངས་པ་ཟིན་ནས་ཐར་ས་མེད་པའི་ནང་དུ་འདོད་ཆགས་ཁྲག་གི་རྒྱ་མཚོ་ཁོལ་བ་ཞེ་སྡང་གི་མེ་འབར་བ་གཏི་མུག་གི་མུན་པ་གཏིབས་པ་ཕྲག་དོག་གི་རླུང་འཚུབ་པ་སྟེང་ན་ཐོག་དང་མཚོན་གྱི་ཆར་འབེབས་པ་ནང་དུ་ཏྲི་ལས་གནོད་བྱེད་གདོན་བགེགས་གང་ཡིན་པ་དེ་ཉིད་ཁ་ངུ་བ། མིག་ཤི་མིག་ལག་པ་གཡས་པས་བྲང་བརྡུང་ཞིང་གཡོན་པས་སྐུ་འབལ་བ། རྐང་ལག་ལྕགས་སུ་བཅུག་པ་བུ་ག་དགུ་ནས་ཁྲག་འཛག་པ་ཉམ་ཐག་དབུགས་དང་བྲལ་ལ་ཁད་པ་འདར་ཕྲི་ལི་ལི་བྱེད་པ་གཅིག་ཏུ་གྱུར། ན་མོ། རྗེ་བཙུན་སོགས་བདེན་བདར་སྤྱི་ལྟར་བྱས་ལ། བདེན་

[Full Size]

པ་ཆེན་པོའི་མཐུས་དཀོན་མཆོག་གསུམ་གྱི་བདེན་སྟོབས་ལ་མི་བརྩི། དམ་པའི་ཆོས་བཤད་ཀྱང་མི་ཉན། མཐུན་རྫས་གཏོར་མས་བརྔན་ཅིང་ལན་ཆགས་གླུད་གཏོར་འཇལ་ཡང་མི་མགུ་བའི་གདོན་བགེགས། དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ཀྱིས་སྲོག་འཕྲོག་པར་ཤོམ་པ། ཚེ་ལ་རྐུ་བ་སྲོག་ལ་འཇབ་པ། འགྱུ་ལོག་འཕར་ལྡང་མགོ་གཡོག་མགོ་སྐོར་བྱེད་པའི་རྒྱལ་འགོང་དམ་སྲི་གནོད་བྱེད་གང་ཡིན་པ་ཐམས་ཅད་གཟུགས་ཕུང་ཤ་ཁྲག་གི་ལིངྒ་འདི་ལ་ཁུག་ཅིག །ཅེས་རྔ་རོལ་མོ་འུར་བརྡུང་དང་བཅས་པས་ཏྲི་བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྤོ་ཊ་པཾ། བཛྲ་གནྡྷེ་ཧོ༔ ཅེས་འགུགས་གཞུག་ལན་གསུམ་བྱ། དེ་ནས་སྔོན་ཨོ་རྒྱན་ནས་དམ་ལ་བཏགས་པའི་སྡེ་བརྒྱད་སྡེ་དཔོན་སུམ་ཅུ་དྲེགས་པ་བཅོ་བརྒྱད་ཕྱི་ནང་གསང་བའི་སྡེ་བརྒྱད་མགུར་ལྷ་བཅུ་གསུམ་དགེ་བསྙེན་ཉེར་གཅིག་བརྟན་མ་བཅུ་གཉིས་རྣམས་ལ་དམ་བདར་བས་སྔོན་གྱི་དམ་ཚིག་དྲན་ནས་བདག་གི་སྡོང་གྲོགས་བྱེད་ཅིང་འདྲེ་ངན་དེ་རྩད་ནས་བརླག་པར་བསམ་ཞིང་། གཏེར་གོང་འོག་གང་ཡང་རུང་བའི་གུ་དྲག་གི་ཆད་མདོ་བཏོན་ལ། མེ་རུ་སྦར་ལ་གཏོར་མ་སྡུན་མ་དེ་རྒྱབ་བརྟན་སྐྱོང་

[Full Size]

བཏོན་ལ་གཅིག་རྒྱོབ། དམིགས་པ་དྲེགས་པ་ཅན་ཐམས་ཅད་ཀྱི་མཐུ་ནུས་ལས་གྲུབ་པའི་གཏོར་མ་མེ་དཔུང་འབར་བ་དེ་བྲུབ་ཁུང་ནང་གི་ལིངྒ་དེ་ལ་བརྒྱབས་པས་གཞོབ་ཐུལ་གྱིས་སོང་བར་བསྒོམ། བསྡུ་ན་ཆད་མདོ་བརྟན་སྐྱོང་གཏོར་མ་གཅིག་གིས་ཆོག །དེ་ནས་སྤུ་གྲི་མཆེད་གསུམ་གཏེར་གོང་འོག་གང་ཡང་རུང་བ་ལ་རྒྱས་པར་ན་གཏོར་མ་གསུམ་སོ་སོར་རྒྱབ། བསྡུ་ན་གཅིག་གིས་ཆོག །དེ་བཞིན་དུ་མ་ནིང་དུད་སོལ་མ། ཕྱག་བཞི་པ་སོགས་རང་གཏོར་མགྲོན་ཆོས་སྐྱོང་ཐམས་ཅད་ཆོས་སྐྱོང་ཆུང་བ་ཚོ་སྔོན་མ་ཆེ་བ་ཚོ་རྒྱབ་མ་བྱས་ཤིང་རྒྱོབ། དམིགས་པ་ལྷ་སོ་སོའི་ཕྱག་མཚན་མེ་འབར་བར་བསྒོམས་ནས་རྒྱབ་པ་འཇམ་མོ། །ཤིན་ཏུ་གལ་ཆེ་ན་རང་ཡི་དམ་དུ་བསྒོམ། གཏོར་མ་དེ་ཆོས་སྐྱོང་ཉིད་དུ་བསྒོམ་ལ་བརྒྱབས་པས། དགྲ་བགེགས་དེ་བསད་བཅད་གཏུབས་བསྲེགས་ཟོས་ནས་མལ་ཡང་མེད་པར་བསམ། འདི་གཉན་པས་རང་ནུས་པ་ཆུང་ན་རང་ལ་ལྡོག་དོགས་ཡོད་པས་ཡག་ཉེས་ཆེའོ། །ནུས་པ་དང་ལྡན་ན་འདི་ཆོད་ཆེའོ། །འདི་ཐམས་ཅད་དཔལ་འབར་སྦྱར་ལོ་ལྷ་སོ་སོའི་བསྐུལ་འདོན་ཅིང་རྔ་བརྡུང་ལ། བསྐུལ་པའི་ཚིག་ལ་དགྲ་བགེགས་སོ་སོ་བསྒྱུར་ཁ་དགོས་

[Full Size]

པའི་ཚིག་ཟུར་ཡོད་ན་དེ་རིགས་པ་བརྟགས་ལ་བསྒྱུར་ཤེས་པར་བྱས་ལ། བསྐུལ་འདོན་ཚར་བ་དང་། མཆོད་གཡོག་སོགས་ཀྱིས་རྔ་དང་རོལ་མོ་ཆེན་པོ་བྱེད་ཅིང་རང་གིས་རྡོར་དྲིལ་དང་། བཅས་གཏོར་མ་བཟུང་ནས་ལྷ་གང་ཡིན་པའི་དྲག་སྔགས་དཔེར་ན་ཕྱག་བཞི་པ་ལ་ཤཱ་ས་ན་དང་བཞི་སྙིང་ལྟ་བུ་འདོན་ཅིང་དམིགས་པ་བཟུང་ལ། དམིགས་པ་གསལ་བར་ཟིན་པ་དང་རྒྱབ་པར་བྱའོ། །ཡང་ཆོས་སྐྱོང་རྣམས་རྫོགས་ཡི་དམ་རྣམས་མ་བརྫོགས་པའི་མཚམས་འདིར་ནད་པ་ཡར་ཅུང་ཟད་བསླང་ལ། ཡོད་ན་རྭ་སྲུང་དང་དྲག་པོ་བདེ་གཤེགས་འདུས་པ་སོགས་ནས་གསུངས་པའི་རྫས་རྒོད་ཡོད་ན་རབ་མེད་ན་ནག་པོ་དགུ་སྦྱོར། མེད་ན་གུ་གུལ་གྲི་ཤ་ལ་ཆ་སོགས་དྲག་པོའི་རྫས་གང་རྙེད་ཀྱིས་བདུག་ཅིང་རྫས་དུད་རང་ལ་མི་ཕོག་པར་བྱས་ནས་ནད་པ་མགོ་བཏུམ་ལ་བདུག །མཆོད་གཡོག་པས་རོལ་ཆེན་དང་བཅས་རང་གི་ཡུངས་ཀར་དང་རྡོ་ཕྱེ་སོགས་གང་འཛོམ་གྱིས་བྲབ་ཅིང་སུམ་བྷ་ནི་སོགས་དྲག་སྔགས་ཤེས་ཚད་བརྗོད། སླར་ཉལ་བཅུག་ལ། སེང་གདོང་མ་འཇའ་ཚོན་གླིང་པའི་དེ། རྟ་མགྲིན་དྲག་པོ་འཇའ་ཚོན་ལུགས། ཁྲོ་ཆུ། དྲག་པོ་བདེར་འདུས་ཀྱི་བསྐུལ་པ་རྔམ་བརྗིད་སྟོབས་ལྡན་ནམ། ཤིན་ཏུ་གལ་

[Full Size]

ཆེ་ན་རཏྣ་ལུགས་ཀྱི་བསྟོད་བསྐུལ་རྣམ་རྒྱལ་འབར་བ་རྣམས་འདོན་ཅིང་རིམ་པ་ལྟར་རྒྱོབ། དམིགས་པ་གོང་ལྟར་གུར་དྲག་དུས་རང་གུར་དྲག་ལ་གཏོར་མ་ཡཀྵ་མེ་དབལ་ལམ་ལྕགས་སྡིག ཁྲོ་ཆུ་དུས་རང་ཁྲོ་ཆུ་ལ་གཏོར་མ་ཡ་མ་རཱ་ཙ་བསྒོམ་ཡང་རུང་ངོ་། །གཏོར་མ་ཕལ་ཆེར་གྱུ་ནས་ཐལ་ན་རྒྱབ་མའི་ཡི་དམ་ཚེ་རྒྱབ་མི་རུང་། ནད་པའི་སྟེང་དུ་རྒྱབ་པའི་དམིགས་པ་དང་བཅས་རྒྱོབ་བསྡིག་མང་དུ་བྱས་ལ་ཕར་ནད་པའི་སྟེང་དུ་ཕུལ་ནས་བཞག་གོ །གཡུལ་ཡག་ཀྱང་དམག་དཔོན་འགྱེལ་ན་གཡུལ་ཉེས་པ་ལྟར། སྔོན་མ་ཡག་ནས་རྒྱབ་མ་ཉེས་ན་ངན་པས་གཡུལ་ཚོད་བཟུང་བ་ལྟ་བུའོ། །དེར་གཏོར་མ་ཐམས་ཅད་བརྫོགས་ནས་མཆོད་གཡོག་པས་རོལ་མོ་དྲག་ཏུ་སྦིར་ལ། རང་ཉིད་རྡོ་དྲིལ་དང་བཅས་པས་མང་པོ་ལ་དྲག་སྔགས་དཔེར་ན་རྟ་མགྲིན་གྱི་ཆེད་བརྒྱད། དྲག་པོའི་སྔགས་རིང་ཏྲི་ཙ་ཙ་ན། ཁྲོ་ཆུའི་བཟློག་སྔགས་རྣམས་འདོན་ཅིང་དང་པོ་སོག་མའམ། སུ་རུ་ཆུན་པོ་ལ་མེ་སྦར་ལན་གསུམ་ཙམ་བྲན། དེ་ནས་ཡི་དམ་ཆོས་སྐྱོང་གི་དར་ནག་གིས་བྲབ་སྨོན་པ་ཡིན་ན་རང་གི་ལྷམ་གཡོན་པ་ཕུད་ལ་བརྡུང་། དེ་ནས་ཆོས་གོས་ཐུ་བས་བརྡུང་སྟེ། དམིགས་པ་ཡང་རང་གི་ཡི་དམ་གང་

[Full Size]

ཡིན་པ་དེར་གསལ་བའི་ང་རྒྱལ་དྲག་པོས་ཕྱག་གཡས་ཀྱི་ཕྱག་མཚན་མེ་འབར་དེས་ཧོམ་ཁུང་ནང་གི་གདོན་དེ་ལ་བརྒྱབས་པས་བྱ་སྒྲོ་མེ་ལ་བསྲེགས་པ་ལྟར་གཞོབ་བུན་བུན་སོང་བར་བསྒོམ། འདི་ཡི་དུས་ན་ནད་པའི་མགོ་ཐོག་ཏུ་རང་གི་རྐང་པ་གཡོན་པས་ཅུང་མནན། ལྷའི་ང་རྒྱལ་དྲག་པོས་གདོན་དེ་ལ་ཞེ་སྡང་ཆེན་པོ་བསྐྱེད་ཅིང་བསྐྱེད་རིམ་གྱི་ང་རྒྱལ་དྲག་པོས། མི་ཞེ་སྡང་ཅན་འཁྲུག་པ་བྱེད་པ་ལྟར། རང་ཡང་ང་རྒྱལ་གྱི་རང་དབང་མི་འདུ་བ་ཙམ་འབྱུང་ཞིང་། དེ་བྱུང་ན་ཕན་པ་ལག་བླངས་སོ། །བརྟུལ་ཞུགས་ཆུང་བས་བགེགས་རྣམས་མཚམས་མ་ཆོད། ཅེས་གསུངས་པས་འདི་རུ་དྲག་པོ་བརྟུལ་ཞུགས་ཀྱི་སྤྱོད་པ་ཡིན་པས་ལྷའི་ང་རྒྱལ་དྲག་པོ་དང་གདོན་ལ་ཐུབ་ཐུབ་བྱེད་པ་གལ་ཆེའོ། །དེ་ལྟར་ཆོས་གོས་བྲབ་དུས་དམིགས་པ་གསལ་བ་དང་། ཕཊ་དྲག་པོ་གཅིག་བརྗོད་ལ་དེ་ནས་རང་མལ་དེར་འདུག་ནས་ཡུད་ཙམ་དམིགས་མེད་དུ་མཉམ་པར་བཞག་གོ །ཡང་ཐུན་མེད་ལྕགས་རྫས་སུ་དར་ནག་ཆོས་གོས་ཀྱིས་བྲབ་པ་གལ་ཆེ་ན་མ་གཏོགས་མི་དགོས་སོ། །དེ་ནས་གཏོར་མ་རྣམས་མཆོད་གཡོག་པར་བསལ་བཅུག་ལ་ནད་པ་ཡར་བསླང་ལ། མདུན་གྱི་ནམ་མཁའི་ཡི་དམ་ཐུགས་ཀ་ནས་ནད་པའི་

[Full Size]

བླ་སྲོག་ཚེ་བསོད་རྣམ་ཤེས་ཐིག་ལེ་དཀར་པོ་དེ་མར་ངང་ཧྲི་ལི་ལི་བྱུང་ནས་སྤྱི་བོ་ནས་ཞུགས་པས་སྙིང་གར་ཐིམ་པར་བསྒོམ་ཞིང་། མགོར་ཕྲེང་བ་བཞག་ལ། ཚེ་དབང་དུ་གྱུར་ཅིག །ཅེས་སོགས་བརྗོད། སྟེང་ཐམས་ཅད་རྡོ་རྗེའི་གུར། ཞེས་སོགས་སྲུང་འཁོར་བྷེ་ལ། རྒྱལ་བ་སྲས་བཅས་བདེན་པའི་བྱིན་རླབས་དང་། །ཞེས་སོགས་བརྗོད་ལ་ཡི་དམ་སྔགས་ཤམ་དུ། ཨོཾ་བཛྲ་རཀྵ་རཀྵ་ཧཱུྃ༔ ཞེས་བརྗོད་ལ་སྔགས་སྲུང་མདུད་བསྐོན། དར་སྐུད་དམ་ཏོང་སྐུད་དམ་སྣལ་མ་ཁ་དོག་སྣ་ལྔ་སྒྲིམ། མ་རྙེད་ན་ཁ་དོག་དཀར་དམར་ནག་གསུམ་སྒྲིམ་པའམ། ཡང་ན་ཡི་དམ་གྱི་ཁ་དོག་ཅན་གྱི་སྐུད་པ་ལ་རྡོ་རྗེའི་མདུད་པ་བྱ་ཡི་དམ་སྔགས་ཀྱིས་བསྔགས་ལ་གདོན་འཇུག་པའི་སྒོ་སྲིན་ལག་གཉིས་ཅུང་ཟད་བསྡམ་ལ་བཅིང་། །སྲིན་ལག་གི་གདོན་འཇུག་པའི་རྩ་དེ་ཧཱུྃ་ཡིག་དམར་པོ་གཅིག་གིས་བཅད་པར་བསམ་མོ། །དེ་ནས་རང་དང་ནད་པ་ལྷ་དང་གདོན་བགེགས་ཐམས་ཅད་དོན་ལ་གྲུབ་པ་རྡུལ་ཙམ་ཡང་མེད་དེ་སྒྱུ་མ་རྨི་ལམ་ལྟར་ཤེས་པར་བྱས་ལ་སྟོང་ཉིད་དར་ཙམ་གཅིག་བསྒོམ། འདི་ལྟར་བགྱིས་པའི་དགེ་བས་གདོན་དེས་གཙོར་བྱས་སེམས་ཅན་ཐམས་ཅད་བྱང་ཆུབ་ཐོབ་པར་གྱུར་ཅིག །

[Full Size]

སོགས་བསྔོ་བ་དང་། སེམས་ཅན་ནད་པ་ཅི་སྙེད་པ་སོགས་དང་། འབྱུང་པོ་གང་དག་འདིར་ནི་ལྷགས་གྱུར་ཏེ། །ཞེས་སོགས་སྨོན་ལམ་བཏབ་པར་བྱའོ། །ཡང་བདེ་རིམ་ལྟ་བུ་གལ་ཆུང་བ་ལ་གཏོར་རྒྱབ་དགོས་ཟེར་བྱུང་ན་གཏོར་ཁ་སྟོན་ཙམ་བྱ་ཟེར། གཏོར་མ་ལ་དགྲ་བགེགས་འགུགས་གཞུག་བྱས་ལ་དེའི་ཤ་ཁྲག་ཏུ་དམིགས་མདུན་དུ་སྦྱིན་བདག་གི་རྒྱབ་ཕྱོགས་ཀྱི་ནམ་མཁར་ཆོས་སྐྱོང་རྣམས་ཞལ་གདངས་བའི་ནང་དུ་གཏོར་མ་ཕུལ་བར་བསྒོམས་ལ། དེའི་མཐུ་བར་གཏོར་མ་ཕུལ་འདི་ལ་ཅུང་མེད་ཀྱང་ཆོག །རྗེས་ལ་ཆུང་རྣམས་དང་གཏོར་མ་བསྲེགས། གཏོར་མ་ཟ་མི་རུང་ཟོས་ན་ཕན་མི་ཐོགས། ཡུལ་པས་ཆུང་སྒོ་གོང་དུ་བཞག་གོ །གཏོར་ཁ་སྟོན་ཙམ་གྱི་གཏོར་མ་ནི་ཟ་རུང་ངོ་། །ཡང་ཡི་དམ་ཆོས་སྐྱོང་གི་གཏོར་མདོས་གང་ཡང་རུང་བ་ནད་པའི་སྟེང་དུ་རྫོགས་ན་ཡང་དམིགས་པ་སོགས་འདྲ་ལ། རྒྱས་པར་ན་འཁོར་སོ་སོའི་བསྐུལ་པ་དང་བཅས་རེ་རེ་ནས་བརྒྱབ་ལ་གཙོ་བོའི་གཏོར་སྣོད་དང་བཅས་པ་སྟེང་དུ་བརྫོགས། བསྡུ་ན་དུས་གཅིག་ལ་བརྫོགས། དེ་ཙམ་གལ་ཆུང་ན་སྟེང་དུ་བརྫོགས་བསྡིགས་བྱས་ལ་རྒྱབ་ཕྱོགས་སུ་བརྫོགས། དུད་སོལ་མའི་བརྒྱ་རྩ་ལ་དེ་ལྟར་བྱས་ན་ནད་ལ་ཕན་

[Full Size]

ཀྱང་རང་ལ་ཉམས་གྲིབ་ཆེན་པོ་འོང་འདུག་བླ་མ་ཝོལ་པས་གསུངས་སོ། ༈ །པྲ་བརྟག་ནི། ལ་ལས་གཏོར་མའི་རྩེ་མོ་ཚུར་བསྟན་ནས་བྱུང་ན་ཕར་སོང་ནས་ཚུར་བྱུང་བ་ཡིན་ཟེར་མཁན་འདུག་ཀྱང་དེ་མི་འཐད་གཏོར་མ་ལངས་ནས་འདུག་པ་གཏོར་མ་བཞད་པ་ཡིན་ཟེར་ཡང་དེ་རང་མ་བཟང་བ་འདྲ་བར་སྣང་། གཏོར་མ་ཐམས་ཅད་རྩེ་ཕྱོགས་གཅིག་ཏུ་ཕར་བསྟན་ན་གཏོར་ཁ་ཤད་པ་ཡིན་པས་ཅུང་མི་དགའ་ཟེར་བ་སྣང་ཡང་། དེ་ལ་ཕུགས་སྐྱོན་མེད་པ་འདྲ། གཏོར་མ་རྩེ་ཚུར་བསྟན་ན་ཤིན་ཏུ་ངན། ཚུར་གང་ཡང་མ་ལོག་པ་ལ་རྩེ་ཕྱོགས་ཀུན་ཏུ་བསྟན་ནས་རྟེན་སྤྱོད་ཧྲུག་གེ་སོང་ན་ཤིན་ཏུ་བཟང་། གཏོར་སྣོད་མཉམ་དུ་འཕེན་པ་ཁ་སྦུབ་དང་ཟད་པ་ལ་ཁྱད་ཆེར་མི་སྣང་། རང་དམིགས་པ་གསལ་ཞིང་ང་རྒྱལ་ཆེན་པོ་གཞན་རོགས་རྣམས་ཀྱང་ཞག་ཐུབ་པ་བྱུང་ན་བཟང་། ནད་པ་སྐད་ངན་ངུ་འབོད་དང་འགྲོ་ཟེར་བ། ཐམས་ཅད་བསད་སོང་ཚིག་སོང་བརླགས་སོང་ཟེར་ན་བཟང་། ནད་པ་སྐྲག་ཅིང་བསྔངས་ནས་རྡུལ་བ་དང་འབྲོས་ཤོམ་བྱེད་ན་བཟང་། གདོན་འབྲོས་པའི་རྟགས་སོ། །ནད་པ་དེ་ཚེ་གཉིད་ལ་སོང་ནས་ཆད་སྨོས་ཉལ་ལ་དགའ་བ་ཧུ་ཤུ་འདོན་ཅིང་ལུས་བརྡུང་བ་ལྟར་གཟེར་མིག་

[Full Size]

གི་ནང་ན་གདོན་སོང་ཚར་བ་ཡིན། གཏོར་མ་རྒྱབ་ཤོམ་གྱི་དམར་གཏོར་བཅའ་དུས་ནས་རང་ལ་ནད་པའི་གདོན་གང་ཡིན་དེའི་སློང་འབྱུང་སྟེ། ཕོ་གདོན་ཡིན་ན་དོན་མེད་དུ་ཞེ་སྡང་སྐྱེ་ནས་གྲྭ་པ་སོགས་ལ་ཞེ་སྡང་ལོད་པ་འབྱུང་། མོ་གདོན་ཡིན་ན་འདོད་ཆགས་སེམས། ཀླུ་གདོན་ལ་གཉིད་དང་གཏི་མུག་འབྱུང་། ནད་ཡང་ཐུ་ནས་འོང་སྟེ་དེ་དུས་ཐུ་ནས་བྱུང་ན་གདོན་བྱིངས་ཆུང་བ་ཡིན་པས་ཕན་སླ། གཏོར་མ་བརྒྱབ་ཐོན་ནས་ནད་པ་ཐུ་ནས་བྱུང་ན། གདོན་བྱིངས་ཆེན་བསླང་བ་ཡིན་པས། རྗེས་མ་གཏོར་མ་བསྐྱར་ནས་བརྒྱབས་པས་ཕན། རང་ཡང་བསྐྱེད་རིམ་མི་གསལ་ནད་པ་ལ་སྔངས་སྐྲག་མི་སྐྱེ་ཐུ་དྲག་ཅི་ཡང་མེད་ན་གདོན་ནད་རང་མིན་པའི་རྟགས་ཡིན་ཏེ་ཕོན་དཀའོ། །ཐུ་དྲག་མེད་ན་ལས་རྣམ་སྨིན་ཡིན་གྱི་ཡི་དམ་ཆོས་སྐྱོང་དང་རང་གི་ནུས་པ་ལ་ལོག་ལྟ་མི་བྱ་སྟེ། རྣམ་པར་སྨིན་པ་ལ་བཟློག་པའི་ཐབས་མེད་པ་ལ་མདོ་རྣམས་ནས་གསུངས་པ་ཡིད་ལ་བྱའོ། །གདོན་བྱིངས་ཆེན་དང་ཀླུའི་གདོན་འདྲེས་ན་འཕྲལ་དུ་མི་ཕན་ཀྱང་རིམ་གྱིས་བདེ་བར་འགྱུར་རོ། །ནད་རྙིང་ལ་ཡང་དེ་དང་འདྲའོ། །གདོན་རྒོད་ཡིན་ན་ཕྱིར་ནངས་ནས་ཕན་པར་འགྱུར་རོ། །རྒྱལ་པོ་དམ་སྲི་ཡིན་ན་ནད་པ་ཇེ་

[Full Size]

བདེ་དང་། ཡང་ཐུ་ལ་ཁ་མང་དུ་བྱེད་ཅིང་ཇེ་བདེ་འོང་ལ་ནད་པ་ཕན་ཁ་གོད་ཚད་དང་ཁྱིམ་དུ་འཐབ་མོ་འགའ་རེ་འབྱུང་ངོ་། །དེ་ནི་གདོན་འགྲོ་བའི་རྟགས་སོ། །མདོར་ན་གདོན་རྒོད་འདུལ་བ་ལ་ནི་འདི་བས་ཟབ་པ་མི་སྲིད་དེ། གདོན་ཕྲན་ཚོགས་ཀྱི་གདོན་རྒོད་ཡིན་ཅིང་རང་ནུས་པ་ཆེ་ན། གདོན་དེ་ཚེ་འཕོ་བར་ནུས་སོ། །འབྲིང་དུ་ནི་དེ་ཕྱིན་ཆད་གཞན་ལ་གནོད་མི་ནུས་སོ། །ཐ་མ་ཡང་དུད་དེ་ཚང་ངམ་ཡང་ཐ་ན་ནད་པ་དེ་ལ་ཡང་གནོད་མི་ནུས་པར་འགྱུར་རོ། །ཤིན་ཏུ་གདོན་སྟོབས་ཆེ་ཞིང་བསྡོང་བ་མང་བ་དམ་བྱེད་ཁ་དྲག་པོ་ལ་ནི་ནད་པ་དེ་ལ་ཕན་ནས། ནོར་སྙིང་དམར་ཅན་ནམ་བྱིས་པའམ་རྒན་གོག་ལྟ་བུ་གཅིག་ལ་རྐྱེན་འགྱུར་བ་སྣ་ཚོགས། དེ་ཅིའི་ཕྱིར་ན་གཅིག་མ་ལོན་བར་ལ་ཁོ་མི་འགྲོ་བའི་རིགས་སུ་གདའོ། །བྱད་ཁ་དྲག་པོས་ཆོས་སྐྱོང་གནོད་པ་ཡིན་ན་སྨྱོན་པ་ཁོ་རང་གིས་དངོས་སུ་སྨྲ་བའམ། ཉམས་རྨི་ལམ་དུ་དྲག་ལས་མ་བྱེད་འདི་ལྟར་ཡིན་ཟེར་བ་འབྱུང་ངོ་། །ཡང་ཡུལ་ལྷའི་གནོད་པ་ལ་ཡང་དེ་འདྲ་འབྱུང་སྟེ། དྲག་ལས་བྱེད་མི་བྱེད་གལ་ཆེ་ཆུང་དང་བསྟུན་པར་བྱའོ། །བདག་གིས་ནི་ནད་གདོན་ཆེན་དང་། སྨོན་པ་མང་དུ་བཏུལ་བའི་གདམས་ངག་གི་གཙོ་

[Full Size]

བོ་གཏོར་རྒྱབ་ཡིན་ནོ། །ཡང་སྨྱོན་རྒོད་ཅིས་ཀྱང་མ་ཐུལ་ན་ནད་པའི་རྣམ་པར་ཤེས་པ་མི་སྤར་བར་གཏོར་མ་བརྒྱབས་ནས་ནད་པའི་ལུས་ཤ་ཁྲག་དང་གདོན་མཉམ་དུ་བསྲེག་པར་བསྒོམ༔ འདི་དཔལ་གྲྭ་ལོའི་གདམས་པ་ཕྱག་བཞི་པའི་ཡིག་ཆ་འགའ་རེ་ལས་འབྱུང་སྟེ། རྣམ་ཤེས་སྤར་ན་གདོན་ཡང་མཉམ་དུ་འཁྲི་སྟེ་ནད་པ་གདོན་གཉིས་དབྱེར་མེད་དུ་གྱུར་ནས་ཕྱེ་དཀའ་བ་ལ་དགོངས་པ་རེད་ཀྱང་འདིས་ཚེ་ལ་ཅུང་ཟད་གནོད་པས་དོགས་མ་བྱུང་ན་དགའོ། །འདི་རྣམས་ནི་ལྷ་སོ་སོའི་གཞུང་ལ་ཟུར་ཙམ་ལས་མ་གསུངས། སློབ་དཔོན་མཁས་པ་རྣམས་ཀྱི་གསུང་རྒྱུན་ངག་ཁྲིད་དུ་ཡོད་པ་དང་། རང་གི་ཉམས་མྱོང་སྦྱར་ནས་བཀོད་པ་འདི་ནི་སྔོན་ཆད་ཡི་གེར་བཀོད་པ་མེད་ཅིང་ཤིན་ཏུ་ཟབ། འོན་ཀྱང་གདོན་རྣམས་ཨར་ལ་གཏད་པས་ཉེས་པ་ཡང་ཅུང་ཟད་ཡོད་དེ་མི་འཁུ་བའི་དམ་ཚིག་ལྔ་ལས་གདོན་དང་འབྱུང་པོ་ལ་འཁུ་བར་གསུངས་པའོ། །དེའི་ཕྱིར་དཔེ་འདི་མང་དུ་མི་སྤེལ་བར་གཅེས་སྤྲས་སུ་བྱའོ། །ཞེས་རི་པ་བླ་མ་ཀརྨ་བག་ཡོད་ཀྱིས་གསུང་གིས་བསྐུལ་བ་ལྟར་རིག་སྔགས་འཆང་བ་ཀརྨ་ཨ་རཱ་གས་ལེགས་པར་བཀོད་པའོ། །འདི་བྲིས་ཉེས་པ་གང་མཆིས་བཤགས་ཤིང་དགེ་བས་འགྲོ་བའི་

[Full Size]

བགེགས་རྣམས་རབ་ཏུ་ཞི་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལན་ཆགས་གླུད་བརྒྱ་བཏང་ཐབས།

[Full Size]

ལན་ཆགས་གླུད་བརྒྱ་བཏང་ཐབས་བཞུགས་སོ།

[Full Size]

ཨོཾ་སྭ་སྟི་སིདྡྷི་ཧཱུྃ། ལན་ཆགས་གཏོར་མ་བྱིན་པར་འདོད་ན། གང་ལ་བྱ་བའི་དམིགས་ཡུལ་གྱི་སྙིང་ཁ་ལ་སོགས་པའི་ལུས་ལ་དྲུད་པའི་ཟན་གླུད་གཟུགས་ཆེ་བ་གཅིག་བྱས་ལ། ཁམ་ཕོར་དུ་བཞག །སྣོད་གཅིག་གི་ནང་དུ་ཆངས་བུ་ལོ་གྲངས་སམ་བརྒྱ་རྩ་བརྒྱད་བཞག་ལ། གཞན་ཡང་ཁྲུས་ཆུ། བསང་ཆུས་བྲན་ནས་མངོན་པར་འདུ་བགྱིས་ནས། དང་པོ་སྐྱབས་འགྲོ་སེམས་བསྐྱེད་ནི། བདག་སོགས་རྒྱུ་སྦྱོར་ཡོན་གྱི་བདག་པོས་གཙོར་བྱས་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བླ་མ་ཡི་དམ་མཁའ་

[Full Size]

འགྲོ་ཆོས་སྐྱོང་སྲུང་མའི་ལྷ་ཚོགས་རྣམས་ལ་གསོལ་བ་འདེབས་སོ། །བྱིན་གྱིས་བརླབ་པར་མཛད་དུ་གསོལ། ལན་གསུམ་མམ་བདུན་བྱ། བདག་སོགས་རྒྱུ་སྦྱོར་ཡོན་གྱི་བདག་པོ་འཁོར་དང་བཅས་པའི་ནད་གདོན་བར་ཆད་ཐམས་ཅད་ཉེ་བར་ཞི་བར་མཛད་དུ་གསོལ། དེ་ནས་སྐད་ཅིག་གིས་བདག་བསྐྱེད་བཟླས་པ་མཆོད་བསྟོད་རྒྱས་བསྡུས་གང་སྐབས་བྱ་སྟེ། དེ་ཡི་མདུན་དུ་སྣོད་ཡངས་བའི་ནང་དུ་ཏྲི་འོད་དུ་ཞུ་བ་ལས། བགེགས་ཀྱི་རྒྱལ་པོ་བྱི་ན་ཡ་ཀས་གཙོར་བྱས་པའི་བགེགས་རིགས་སྟོང་ཕྲག་བརྒྱད་ཅུ་འཁོར་དང་བཅས་པ་རྣམས་བདག་གི་བཀའ་ཉན་དང་གསུང་སྡོད་གནས་

[Full Size]

པར་བསམ་མོ། །དེ་ནས་རང་ཉིད་ཡི་དམ་གྱི་ང་རྒྱལ་དང་ལྡན་པས། ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །སོགས་ནས། འཚལ་ལོ། །ཞེས་དང་། ཧཱུྃ། ཉོན་ཅིག་མ་ལུས་བགེགས་ཀྱི་ཚོགས། །ང་ནི་པདྨ་ཐོད་ཕྲེང་རྩལ། །ཐམས་ཅད་སྲོག་གི་སྙིང་པོ་ང་ལ་ཡོད། །ང་ཡི་བཀའ་ལྟར་བསྒོ་བ་མི་ཉན་ན། །འཁོར་བཅས་བརླག་པའི་སྟོབས་དང་ལྡན། །དེ་བས་མཆོད་སྦྱིན་གནས་འདི་རུ། །བྱམས་པའི་སེམས་དང་ལྡན་པས་ད་ཚུར་བྱོན། །བྱམས་པའི་སེམས་དང་ལྡན་པས་མི་བྱོན་ན། །ང་ནི་སྔགས་འཆང་རྡོ་རྗེ་འཛིན། །ང་ནི་འཆི་མེད་རྡོ་རྗེའི་སྐུ། །སྲོག་གི་སྙིང་པོ་དྲང་བར་བྱེད། །དེ་བས་ལན་ཆགས་གླུད་ལ་ད་ཚུར་བྱོན། །སརྦ་བིགྷཱན་ཊཱ་ཀི་ཧཱུྃ་ཛཿ ཧཱུྃ། ནམ་མཁའ་སྟོང་པ་འགུགས་གྱུར་ན། །གཟུགས་ཅན་རྣམས་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །དམ་ཚིག་ཅན་ཡང་འགུགས་གྱུར་ན། །དམ་ཉམས་རྣམས་ལ་སྨོས་ཅི་དགོས། །བགེགས་ཀྱི་རྒྱལ་པོ་འགུགས་གྱུར་ན། །བགེགས་ཕྲན་རྣམས་ལ་སྨོས་ཅི་དགོས། །གནོད་བྱེད་བགེགས་རིགས་ཐམས་ཅད་ཊཱ་ཀི་རཱ་ཛཿ བཛྲ་ཨངྐུ་

[Full Size]

ཤ་ཛ་ཛཿ ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ནི་ཆེ་མཆོག་ཧེ་རུ་ཀ །ཁྱོད་ནི་ཕྱི་ནང་དམ་ཅན་སྡེ། །བདེན་པའི་བཀའ་ལ་སུས་ཀྱང་ཉན། །དཀོན་མཆོག་བཀའ་ལ་སུ་ཡང་བརྟེན། །རྒྱ་མཚོའི་ཆུ་ལ་སུས་ཀྱང་འཐུང་། །རི་རབ་བློ་ལ་སུ་ཡང་སྡོད། །མཐོ་སྲིད་པའི་རྩེ་མོ་མན་ཆད་དང་། །དམའ་ན་རཀ་དམྱལ་ཁམས་ཡན་ཆད་ཀྱི། །སྣང་སྲིད་ལྷ་འདྲེ་ཕོ་མོ་ལ། །ང་ལན་དུ་ཆགས་པའི་གླུད་ཅིག་བཏང་། །ཁྱོད་ཡང་ན་བླུད་འདི་མི་ལེན་ནམ། །ཡང་ན་བཀའ་འདི་མི་བཙན་ནམ། །འཁོར་བཅས་བརླག་པའི་སྟོབས་དང་ལྡན། །དེ་བས་མཆོད་སྦྱིན་གནས་འདི་རུ། །བྱམས་པའི་སེམས་དང་ལྡན་པས་ད་ཚུར་བྱོན། །དེ་ནས་ལྕགས་ཀྱུས་ཕྱག་རྒྱ་དང་ལྡན་པས། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། །སངས་རྒྱས་ཀྱི་བཀའ་བདེན་པ་དང་། །ཆོས་ཀྱི་བཀའ་བདེན་པ་དང་། །དགེ་འདུན་གྱི་བཀའ་བདེན་པ་དང་། །ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་རྣམས་ཀྱི་བཀའ་བདེན་པ་དང་། །མཁའ་འགྲོ་ཆོས་སྐྱོང་སྲུང་མ་རྣམས་ཀྱི་བཀའ་

[Full Size]

བདེན་པ་དང་། །གསང་སྔགས་དང་། རིག་སྔགས་དང་། གཟུངས་སྔགས་དང་། སྙིང་པོ་དང་། ཕྱག་རྒྱ་དང་། ཏིང་ངེ་འཛིན་གྱི་བཀའ་བདེན་པ་དང་། བདེན་པ་ཆེན་པོ་དག་གི་མཐུ་སྟོབས་ནུས་པའི་བྱིན་རླབས་ཀྱིས། རྒྱུ་སྦྱོར་ཡོན་གྱི་བདག་པོ་རྒེ་ཞེས་པའི་ལུས་ངག་ཡིད་གསུམ་ལ་གནོད་ཅིང་འཚེ་བར་བྱེད་པའི་ཕོ་གདོན་རྒྱལ་པོ་མོ་གདོན་སྲིན་མོ་ཀླུ་གདོན་ས་བདག་སྔ་འདྲེ་རྙིང་པ་ད་འདྲེ་གསར་པ་ཡུལ་འདྲེ་འཁྱམ་པོ་ཁའི་དབུགས་འཕྲོག་ཅིང་ཁོག་པའི་ནང་དུ་སྲོག་གཅོད་པར་བྱེད་པའི་གདོན་བགེགས་རྣམས་དང་། དང་པོ་ནད་ཀྱི་སྣ་འདྲེན་པ། བར་དུ་ལུས་ལ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པའི་ལན་ཆགས་ཀྱི་བདག་པོ་བདག་མོ། ནད་ཀྱི་བདག་པོ། རིམས་ཀྱི་བདག་མོ། །བགེགས་རིགས་སྟོང་ཕྲག་བརྒྱད་ཅུ་བྱིས་སྦའི་གདོན་ཆེན་བཅོ་ལྔ་ལ་སོགས་པའི་གདོན་བགེགས་གང་ཡིན་པ་ཐམས་ཅད་སྐད་ཅིག་རང་དབང་མེད་པར་ལན་ཆགས་གླུད་ཀྱི་གཏོར་མ་འདི་ལ་ཁུག་ཅིག །བཛྲ་ཨངྐུ་ཤ་ཛ་ཛཿ ལན་གསུམ་དེ་ནས་བསྒྲུབ་བྱ་ལ་ཁྲུས་བྱ། རྣམ་འཇོམས་སྨེ་བརྩེགས་པའི་ཁྲུས་སྤྱི་འགྲོ་དང་། རྣམ་འཇོམས་རྒྱས་པ་ཚར་གསུམ་འདོན་པའམ། ཡང་ན་རྣམ་འཇོམས་ཡང་སྙིང་ཉེར་གཅིག་

[Full Size]

བཟླ། ཨོཾ་བཛྲ་བི་དྷ་ར་ན་ཧཱུྃ་ཕཊ༔ ཅི་འགྲུབ་བཟླ། དེ་ནས་ནད་པ་མདུན་དུ་འབོད། རང་གིས་བུམ་པའམ། མེད་ན་གཏོར་འགུ་ནང་དུ་གཟུངས་ཆུ་བཟུང་ལ་ཁྲུས་བྱ། ཁ་ལག་བཀྲུ་བ་སོགས་བྱ་ཞིང་། བདག་གི་ཐུགས་ཀའི་འོད་ཟེར་གྱིས། །རྣམ་འཇོམས་འབྱུང་བའི་ལྷ་མོ་བསྐུལ། །དེ་ལས་བདུད་རྩི་རྒྱུན་བབས་པས། །ཁྲུས་ཆུ་ཡེ་ཤེས་བདུད་རྩིར་གྱུར། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དག་པ་བཟང་པོས་སྐུ་ཁྲུས་གསོལ། །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨཱཿསྭཱ་ཧཱཿ ན་མོ་རཏྣ་ཏྲ་ཡཱ་ཡ། སོགས་ཅི་འགྲུབ་བཟླ། འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱོང་མཛད་ཅིང་། །གཏོང་བ་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ཅིང་ཁྲུས་བགྱིའོ། །ཨོཾ་ཨེ་ཧོ་ཤུདྡྷེ་ཤུདྡྷེ། ཡི་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨཱཿསྭཱ་ཧཱཿ ན་མོ་རཏྣ་ཏྲ་ཡཱ་ཡ། སོགས་གོང་བཞིན་རིགས་འགྲེས། འདི་ནི་ཚུལ་ཁྲིམས་རང་བཞིན་ཆུ། །ཚུལ་འཆལ་དྲི་

[Full Size]

མ་སྦྱོང་མཛད་ཅིང་། །ཚུལ་ཁྲིམས་དྲི་ཡི་ལེགས་བསྒོས་ཆུ། ཁྲུས་ལེགས་མཛད་ཅིང་ཁྲུས་བགྱིའོ། །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡེ། ལོཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨཱཿསྭཱ་ཧཱཿ ན་མོ་རཏྣ་ཏྲ་ཡཱ་ཡ་སོགས། འདི་ནི་བཟོད་པའི་རང་བཞིན་ཆུ། །ཁོང་ཁྲོའི་དྲི་མ་སྦྱོང་མཛད་ཅིང་། །བཟོད་པ་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ཅིང་ཁྲུས་བགྱིའོ། །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་ཐཾ་ལཾ་ཤུདྡྷེ་ཤུདྡྷེ་ཨ་ཨཱཿསྭཱ་ཧཱཿ ན་མོ་རཏྣ་ཏྲ་ཡཱ་ཡ་སོགས། འདི་ནི་བརྩོན་འགྲུས་རང་བཞིན་ཆུ། །ལེ་ལོའི་དྲི་མ་སྦྱོང་མཛད་ཅིང་། །བརྩོན་འགྲུས་དྲི་ཡི་ལེགས་བསྒོས་ཆུ། ཁྲུས་ལེགས་མཛད་ཅིང་ཁྲུས་བགྱིའོ། །ཨོཾ་ཨེ་ཧོ་ཤུདྡྷེ་ཤུདྡྷེ། ཡེ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨཱཿསྭཱ་ཧཱཿ ན་མོ་རཏྣ་ཏྲ་ཡཱ་ཡ་སོགས། འདི་ནི་བསམ་གཏན་རང་བཞིན་ཆུ། །རྣམ་གཡེང་དྲི་མ་སྦྱོང་མཛད་ཅིང་། །བསམ་གཏན་དྲི་ཡི་ལེགས་བསྒོས་ཆུ། ཁྲུས་ལེགས་མཛད་ཅིང་ཁྲུས་བགྱིའོ། །

[Full Size]

ཨོཾ་ཨེ་ཧོ་ཤུདྡྷེ་ཤུདྡྷེ། ཡེ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨཱཿ་ཧཱ༔ ན་མོ་རཏྣ་ཏྲ་ཡཱ་ཡ་སོགས་འདི་ནི་ཤེས་རབ་རང་བཞིན་ཆུ། །ཤེས་འཆལ་དྲི་མ་སྦྱོང་མཛད་ཅིང་། །ཤེས་རབ་དྲི་ཡི་ལེགས་བསྒོས་ཆུ། །ཁྲུས་ལེགས་མཛད་ཅིང་ཁྲུས་བགྱིའོ། །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨཱཿསྭཱ་ཧཱཿན་མོ་རཏྣ་ཏྲ་ཡཱ་ཡ་སོགས། ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཨོཾ་སརྦ་བིགྷཱན་བགེགས་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱཿ ཨོཾ་སརྦ་རོ་ག་ནད་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱཿ ཨོཾ་སརྦ་གདུག་པ་ཅན་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཨོཾ་སརྦ་ཛ་ར་རིམས་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཨོཾ་སརྦ་ཨུ་པ་ཏ་ཡེ་ཉེ་བར་འཚེ་བ་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱཿ ཨོཾ་སརྦ་གྲ་ཧེ་གདོན་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཨོཾ་སརྦ་ཨ་ཀ་ལ་མྲྀ་ཏུ་དུས་མ་ཡིན་པའི་འཆི་བ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་སརྦ་དུར་སོབ་ནན་རྨི་ལམ་ངན་པ་ཐམས་

[Full Size]

ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་སརྦ་ཙིཏྟ་བྱི་ཀུལླེ་སེམས་ཀྱི་གཡེང་བ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ལན་ཆགས་གཏོར་མ་རྣམས་ལ་བསང་ཆུ་གཏོར་ཞིང་། ཨོཾ་སྭ་བྷ་ཝ་སོགས། ལན་ཆགས་གཏོར་མ་མི་དམིགས་སྟོང་པ་ཉིད་དུ་གྱུར། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་ཨཱཿཧཱུྃ་འོད་དུ་ཞུ་བ་ལས་བྱུང་བའི་བགེགས་རིགས་རྣམས་ཀྱི་གཏོར་མ་འདོད་པའི་ཡོན་ཏན་ལྔ་དང་ལྡན་པ་འདི། བཟའ་བའི་ཤ་ཆེ་བ། བཏུང་བའི་ཁྲག་མང་བ། བདུད་རྩིའི་ཚོགས་ཀྱིས་གང་བར་གྱུར། ཨོཾ་ཨཱཿཧཱུྃ༔ ཨོཾ་ཨ་ཀཱ་རོ་མུ་ཁཾ་བྱིན་གྱིས་བརླབས་ནས། དེ་ནས་ཆངས་བུ་རྣམས་གཅིག་སྦྲེང་ངམ། ལྔ་ཚན་དུ་བསྒྲིགས་པ་ལ་སོགས་ལ་ཆབ་ཀྱིས་བྲན་ཅིང་། ཏྭཾ་ཁཾ་ཨོཾ་ཨཱཿཧཱུྃ༔ ན་མསརྦ་ཏ་ག་ཐཱ་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ ལན་གསུམ་དང་། བཅོམ་ལྡན་འདས་དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། གཟུགས་མཛེས་དམ་པ་ལ་ཕྱག་འཚལ་ལོ། །སྐུ་འབྱམས་ཀླས་ལ་ཕྱག་འཚལ་ལོ། །འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །ན་མོ། བདག་གི་

[Full Size]

བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །བགེགས་རིགས་ལན་ཆགས་མགྲོན་ལ་མཆོད་པ་དང་། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་གང་དག་བསམ་པ་ཀུན། །།འཇིག་རྟེན་ཁམས་འདིར་མ་ལུས་པ། །དེ་དག་ཐམས་ཅད་ཀྱི་རིགས་པ། །ཐོགས་པ་མེད་པར་འབྱུང་གྱུར་ཅིག །ཅེས་དང་། ན་མོ། མཆོད་སྦྱིན་གྱི་གཏོར་མ་རྒྱ་ཆེན་པོ་འདོད་པའི་ཡོན་ཏན་ལྔ་དང་ལྡན་པ་འདི། མཆོད་ཅིང་སྦྱིན་པའི་གནས་ནི། བགེགས་ཀྱི་རྒྱལ་པོ་བྱི་ན་ཡ་ཀས་གཙོར་བྱས་པའི་བགེགས་རིགས་སྟོང་ཕྲག་བརྒྱད་ཅུ། ཡ་བདུད་རྒྱལ་པོ། མ་བདུད་འདྲེ་མོ། བཙན་ཁ་བཞི། མགྱོགས་སྡེ་བརྒྱད། རྒྱལ་པོ་དང་རྒྱལ་བྱིན། ས་བདག་དང་ཀླུ་གཉན། ལྷ་སྲིན་སྡེ་བརྒྱད། ནད་བདག་རིམས་བདག །ཡམས་བདག །གོད་འདྲེ་ཕོ་མོ། ཕོ་འདྲེ་མོ་འདྲེ། བག་འདྲེ། གསོན་འདྲེ། ཐེའུ་རང་། སྨན་མོ། དམ་སྲི། གྲི་བོ་གྲི་མོ། གྲིབ་མིང་སྲིང་བཅོ་བརྒྱད། གནོད་པའི་བགེགས་རིགས་འཁོར་དང་བཅས་པ་རྣམས་ལ་འབུལ་ལོ། །མཆོད་

[Full Size]

དོ། །གསོལ་ལོ། །ལན་ཆགས་གླུད་ཀྱི་གཏོར་མ་འདི་བཞེས་ལ། རྒྱུ་སྦྱོར་ཡོན་གྱི་བདག་པོའི་ནད་སྤོས། སེམས་ཀྱི་གཟེར་ཕྱུངས། ཕུག་གི་རྐྱེན་ཟློག །བཅིངས་པ་ཁྲོལ། བསྡམས་པ་གློད། མནན་པ་ཁྱོག །ཁྱེར་བ་བསྡུས། ཚེ་རབས་འཁོར་བ་ཐོག་མ་མེད་པ་ནས། ད་ལྟ་ལ་ཐུག་གི་བར་དུ། བསད་བསད་བཅད་བཅད་སྲོག་གི་ལན་ཆགས། བརྡུངས་བརྡུང་བཙོགས་བཙོག་ན་ཚའི་ལན་ཆགས། བརྐུས་བརྐུས་འཕྲོག་འཕྲོག་རྒྱུ་དབུལ་བའི་ལན་ཆགས། གཞན་ཡང་ཤ་ཟོས་ཚད། ཁྲག་འཐུང་། པགས་པ་བཤུས་པ། རྨོ་རྨོ་བཀལ་བཀལ་བརྒལ་བརྒལ་དྲུང་དྲུང་སའི་ལན་ཆགས་བྱང་བར་གྱུར་ཅིག །བུ་ལོན་སོད། ལན་ཆགས་བྲལ། ཤ་འཁོན་བྱུང་། སྡིག་སྒྲིབ་དག་ནས་མྱུར་དུ་རྣམ་མཁྱེན་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །ཅེས་ལན་བདུན་ཉེར་གཅིག་བརྒྱ་རྩ་དང་གྲངས་བསགས། དེ་ནས། ཀྱཻ། འབྲུ་བཅུད་དེ་ནི་ཚངས་པ་ལ། །ངར་གླུད་དེ་ནི་ཆངས་བསྐད་བྱས། །ཁམས་བཅུད་རིན་ཆེན་གསེར་དང་གཡུ། །དབང་པོ་ལྔ་ནི་རིན་ཆེན་ལ། །མི་བས་འགྲོས་བཟང་མ་ཞེ་འགྲོས། །མི་བས་གསུང་སྙན་ཚངས་པའི་དབྱངས། །

[Full Size]

རྒྱན་རྒྱན་དེ་ནི་སྤུངས་སྤུང་ནས། །ཡོན་བདག་འདི་ཡི་གླུད་དུ་འབུལ། །མི་སྐྱེ་ཕོ་མོ་བྱིས་པ་ལ་སོགས་ཁ་བསྒྱུར་བྱ། རྒྱུ་སྦྱོར་ཡོན་གྱི་བདག་པོ་ཡི། །ཤ་ཡི་གླུད་འདི་ས་ཟིལ་གཏོང་། །ས་ལ་གནས་པའི་ལྷ་འདྲེ་རྣམས། །ལོ་སྐག་འཕགས་པའི་གླུད་བཞེས་ལ། །འཁོར་འདིར་གནོད་པ་མ་བྱེད་ཅིག །རྒྱུ་སྦྱོར་ཡོན་གྱི་བདག་པོ་ཡི། །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །ལོ་སྐག་འཕགས་པའི་གླུད་བཞེས་ལ། །འཁོར་འདིར་གནོད་པ་མ་བྱེད་ཅིག །རྒྱུ་སྦྱོར་ཡོན་གྱི་བདག་པོ་ཡི། །རུས་པའི་གླུད་འདི་རྡོ་ལ་གཏོང་། །རྡོ་ལ་གནས་པའི་ལྷ་འདྲེ་རྣམས། །ལོ་སྐག་འཕགས་པའི་གླུད་བཞེས་ལ། །འཁོར་འདིར་གནོད་པ་མ་བྱེད་ཅིག །རྒྱུ་སྦྱོར་ཡོན་གྱི་བདག་པོ་ཡི། །སེམས་ཀྱི་གླུད་འདི་མཁའ་ལ་གཏོང་། །མཁའ་ལ་གནས་པའི་ལྷ་འདྲེ་རྣམས། །ལོ་སྐག་འཕགས་པའི་གླུད་བཞེས་ལ། །འཁོར་འདིར་གནོད་པ་མ་བྱེད་ཅིག །རྒྱུ་སྦྱོར་ཡོན་གྱི་བདག་པོ་ཡི། །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །ལོ་སྐག་འཕགས་པའི་གླུད་བཞེས་ལ། །འཁོར་འདིར་གནོད་པ་མ་བྱེད་ཅིག །

[Full Size]

རྒྱུ་སྦྱོར་ཡོན་གྱི་བདག་པོ་ཡི། །དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་རྣམས། །ལོ་སྐག་འཕགས་པའི་གླུད་བཞེས་ལ། །འཁོར་འདིར་གནོད་པ་མ་བྱེད་ཅིག །རྒྱུ་སྦྱོར་ཡོན་གྱི་བདག་པོ་ཡི། །སྐུ་དང་ཆུ་རྒྱུས་གླུད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་རྣམས། །ལོ་སྐག་འཕགས་པའི་གླུད་བཞེས་ལ། །འཁོར་འདིར་གནོད་པ་མ་བྱེད་ཅིག །དེ་དག་ལ་ཆངས་བུ་རེ་བསྔོས་ན་ལེགས། ཧཱུྃ། ཤར་ཕྱོགས་བགེགས་ཀྱི་རྒྱལ་པོ་ནི། །ཁམས་གསུམ་རྒྱལ་པོ་འཁོར་དང་བཅས། །འཁོར་དུ་བགེགས་ཕྲན་འབུམ་གྱིས་བསྐོར། །ལན་ཆགས་གླུད་གཏོར་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །ཧཱུྃ། ལྷོ་ཕྱོགས་བགེགས་ཀྱི་རྒྱལ་པོ་ནི། །སྤྲིན་གྱི་སྒྲོན་མ་འཁོར་དང་བཅས། །འཁོར་དུ་བགེགས་ཕྲན་འབུམ་གྱིས་བསྐོར། །ལན་ཆགས་གླུད་གཏོར་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །ཧཱུྃ། ནུབ་ཕྱོགས་བགེགས་ཀྱི་རྒྱལ་པོ་ནི། །རྡོ་རྗེའི་མཆུ་ཅན་འཁོར་དང་བཅས། །འཁོར་དུ་བགེགས་ཕྲན་འབུམ་གྱིས་བསྐོར། །ལན་ཆགས་གླུད་གཏོར་འདི་བཞེས་ལ། །འཁོར་འདིར་གནོད་པ་མ་བྱེད་

[Full Size]

ཅིག །ཧཱུྃ། བྱང་ཕྱོགས་བགེགས་ཀྱི་རྒྱལ་པོ་ནི། །བྱི་ན་ཡ་ཀ་འཁོར་དང་བཅས། །འཁོར་དུ་བགེགས་ཕྲན་འབུམ་གྱིས་བསྐོར། །ལན་ཆགས་གླུད་གཏོར་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །རང་རང་གནས་སུ་བདེ་བར་དེངས། །དེ་ནས་གླུད་གཏོར་ཁ་ཕྱིར་བསྟན་ལ། ཧཱུྃ། སྔོན་གྱི་བསྐལ་པའི་དང་པོ་ལ། །སློབ་དཔོན་པདྨ་འབྱུང་གནས་ཀྱིས། །རྒྱ་གར་བལ་པོ་བོད་ཡུལ་གྱི། །ཁྱོད་དམ་ལ་བཏགས་པའི་ལྷ་འདྲེ་རྣམས། །དམ་ཚིག་དབང་གིས་གླུད་འདི་བཞེས། །རང་རང་གནས་སུ་བདེ་བར་དེངས། །སྔོན་གྱི་སློབ་དཔོན་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། །སྔོན་གྱི་སློབ་དཔོན་བཀའ་བཅག་ན། །ཚེ་འདིར་སྡུག་བསྔལ་སྣ་ཚོགས་འབྱུང་། །ཕྱི་མ་རྡོ་རྗེ་དམྱལ་བར་ལྟུང་། །དེ་བས་བཀའ་དང་དམ་ལ་མ་འདའ་ཞིག ཀྱཻ། སྐུ་གླུད་ངར་གྱི་མི་བོ་ཆེ། །ད་ནི་གཤེགས་སོ་ཤ་ར་ར། །ད་ནི་བཞུད་དོ་ཀྱི་ལི་ལི། །མགོ་སྤྱི་བོའི་གཙུག་རུམ་མན་ཆད་དང་། །ཞབས་ཀྱི་རྐང་མཐིལ་ཡན་ཆོད་ཀྱི། །ནད་འདྲེ་ཚངས་སྲི་གང་ཡིན་པ། །སྐུ་གླུད་ངར་མི་ཁྱོད་ལ་སྤྲོ། །ཁྱོད་ཀྱིས་ནད་འདི་ཁྱེར་ལ་སོང་། །

[Full Size]

རྒྱུ་སྦྱོར་ཡོན་གྱི་བདག་པོ་ཡི། །མགོ་ནས་ཞྭ་ཕུད་ངར་མི་ཁྱོད་ལ་བཀོན། །མགོ་ནད་ཞྭ་ལྟར་ཕུད་ལ་སོང་། །རྒྱབ་ནས་གོས་ཕུད་ངར་མི་ཁྱོད་ལ་བཀོན། །རྒྱབ་ནད་གོས་ལྟར་ལྷཕུད་ལ་སོང་། །རྐང་ནས་ལྷམ་ཕུད་ངར་མི་ཁྱོད་ལ་བཀོན། །རྐང་ནད་ལྷམ་ལྟར་ཕུད་ལ་སོང་། །སྐུ་གླུད་ངར་མིས་ཚུར་གསོན་དང་། །དུ་འགྲོ་ད་བྱོན་ད་རན་རན། །གླུད་འགྲོ་རྣམས་ནི་ཤ་ར་ར། །ངར་འགྲོས་རྣམས་ནི་ལྡེམས་སེ་ལྡེམ། །ཁྱོད་ནི་སྐྱེས་བུ་ཆས་པ་འདྲ། །ཁྱོད་ནི་བག་མ་འགྲོ་མཁན་འདྲ། །ནམ་མཁའི་ཁམས་ལ་གདེངས་ཤིང་སོང་། །ས་གཞིའི་ཁམས་ལ་འཆམས་ཤིང་སོང་། །རང་རང་གནས་སུ་ད་སོང་ཞིག །ཨོཾ་སུཾ་བྷ་ནི་སུཾ་བྷ་ཧཱུྃ། ཅེས་སོགས་ཀྱིས་མཚམས་དྲག་ཏུ་བཅད། གླུད་གཏོར་ཕྱི་མིག་མི་བལྟ་བར་ལམ་པོ་ཆེའམ། ལོ་བདུད་སྟེང་དུ་བསྐྱལ། བཤལ་ཆུ་དོར། ནད་པ་ལ་སྔགས་འདེབས་བྱ་བའོ། །ཞེས་རཱ་ག་ཨ་སྱས་བསྒྲིགས་པའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ན་བསྒྲགས། འཆི་བསྒྲགས། དུར་ལོས། དུར་ཁ་ཚེ་བཟློག །སྲེག་ལོས་བྱེད་པ།

[Full Size]

ན་བསྒྲགས། འཆི་བསྒྲགས། དུར་ལོས། དུར་ཁ་ཚེ་བཟློག །སྲེག་ལོས་བྱེད་པ། དེ་རྣམས་ཆ་ཚང་མ་ཕན་ཐོགས་ཆེ་བ་ཞིག་བཞུགས།

[Full Size]

ན་མོ་མཉྫ་ཤྲཱི་ཡེ། །འཇམ་དཔལ་དབྱངས་ཀྱིས་གསུངས་པ་ཡི། །སྤར་ཁ་བརྒྱད་ཀྱི་ཞལ་ཆེམས་ནི། །རིགས་མི་མཐུན་པ་འགའ་བྱུང་ནས། །ལོ་རེའམ་ནི་ལོ་འགའ་ཡི། །ཚེ་ཤུག་འོང་བའི་ཐབས་ལ་ནི། །ལོས་ལས་ལྷག་པར་མེད་པར་བཤད། །དེ་ཕྱིར་ལོས་དཔེ་འདི་ལ་གཟིགས། །སྔར་གྱི་སྔགས་པ་ཐམས་ཅད་ཀྱིས། །བཅའ་ལུགས་འཁྲུལ་ནས་འདི་ལྟར་བྱས། །ལི་ཐོག་ཡིན་ན་རྟ་ལ་འགེལ། །དེ་སོགས་སྤར་ཁ་གང་བབ་ཀྱི། །སོ་སོར་གནས་པའི་གཟུགས་ལ་འགེལ་བར་བྱེད། །དེ་འདྲ་བྱེད་མཁན་མང་ངོ་སྟེ། །བདེ་རུ་འགྲོ་བ་ཤིན་ཏུ་དཀའ། །ད་ནི་དུར་ལོས་ཕན་ཆེ་ནི། །བཅའ་ཚོགས་རྒྱས་འབྲིང་བསྡུས་དང་གསུམ། །ངར་མི་ནག་པོ་མཐོ་གང་ལ། །ཤིང་ནག་ཆ་བཅིངས་སྟེང་དུ་བཞག །གླུད་གོས་བཀོན་ཞིང་

[Full Size]

ཆངས་བུ་ནི། །ལོ་གྲངས་སམ་ནི་བཅུ་གསུམ་བཞག །དེ་ནི་བཅའ་ཚོགས་བསྡུས་པ་ཡིན། ༈ །འབྲིང་ནི་སོག་མའམ་སྤེན་ནེ་བཅིངས། །ངར་མི་གྲུ་གང་ཙམ་ཞིག་བྱ། །ཆ་བཅིངས་སྟེང་བཞག་གོས་རྙིང་བཀོན། །ཆངས་བུ་བརྒྱ་འམ་ལོ་གྲངས་བྱ། །དེ་ནི་འབྲིང་པོ་བཅའ་ལུགས་ཡིན། ༈ །རྒྱས་པར་སུར་ནག་ལ་སོགས་པ། །ཤིང་སྣ་དགུ་བཅིངས་ངར་མི་ནི། །ལུས་ཚད་ཞྭ་གོས་ལྷམ་གསུམ་བཀོན། །སྒྲ་སེན་དྲི་མ་དེ་ལ་བཏབ། །ཆ་བཅིངས་སྟེང་དུ་རོ་ལྟར་བཞག །ཆངས་བུ་ལོ་གྲངས་སུམ་གྱུར་བཞག །རྟ་ཡི་གཟུགས་དང་ལུག་གཟུགས་དང་། །རྟ་ཐོད་ཁྱི་ཐོད་ཕག་ཐོད་དང་། །ལུག་མགོ་དངོས་སམ་གཟུགས་བརྙན་བྱ། ༈ །དེ་ལྟར་རྒྱས་འབྲིང་གང་ལ་ཡང་། །ས་རྡོ་ཤིང་གསུམ་ཚེ་ཟད་དང་། །སོལ་བ་ཤུག་

[Full Size]

ཤུན་གྲོ་བ་དང་། །ཤ་དུམ་རུས་དུམ་རྫས་ཡིན་ནོ། ༈ །ཀོང་ཙེའི་བཤོས་བུ་རྩེ་ལྔ་དང་། །འབྲུ་སྣ་ཡོས་བཀྲ་མཆོད་པ་ཡིན། །ཇའམ་ཆང་ནི་སྐྱ་ཆུས་དང་། །ཤ་རྣམས་རྡོ་ཟན་བྱེད་པའི་རྫས། །གཏོ་མཁན་ལག་ཏུ་མདའ་དར་ཐོགས། །ལོས་ར་ལོས་ལུག་གང་འཛོམ་གཅིག །ཕོ་མོ་གང་ཡིན་མཚུངས་པར་ཁྲིད། །སྐྱེས་པ་ཡིན་ན་ར་ལུག་གང་འཛོམ་ཕོ། །བུད་མེད་ཡིན་ན་གང་འཛོམ་མོ། །ཕོ་མོ་གང་ཡིན་དུར་གྱི་ཐོག །སྐྱེས་པ་ཡིན་ན་ཕོ་དུར་སྟེང་དུ་བཞག །བུད་མེད་ཡིན་ན་མོ་དུར་སྟེང་དུ་བཞག །སྲེག་ལོས་དུར་ལོས་གཉིས་ལ་ཁྱད་པར་མེད། །སྲེག་ལོས་བྱེད་པ་སྲོལ་ཡིན་ཏེ། །ཚེས་གྲངས་ལྔ་གསུམ་བརྒྱད་གསུམ་ལ། །དུར་འདྲེ་རྒྱུ་བས་དེར་མི་འགྲོ། །ཕྱོགས་ནི་གཙང་སར་འགྲོ་བ་འབུལ་གལ་ཆེ། །གནམ་གང་ལྷ་འདྲེའི་ཡས་མི་མཐོང་། །ཉི་ནག་ཆེ་ཆུང་སོགས་ལ་འཛེམ། །དེ་མིན་ནམ་ཡང་རུང་བ་སྟེ། །སྐྱབས་འགྲོ་ཚད་མེད་བཞི་ཚར་འདི་སྐད་དོ། །འཕགས་པ་འཇམ་དཔལ་རིགས་ལྔ་ལ་སྐྱབས་སུ་མཆིའོ། །ཡོན་བདག་དུས་མིན་འཆི་བ་བཟློག་པའི་ཕྱིར། པཾ་ལས་པདྨ་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རང་གི་རྣམ་པར་ཤེས་པ་དྷིམཐིང་ནག་ལས་འོད་ཟེར་འཕྲོས་དོན་གཉིས་བྱས་ཚུར་འདུས་པ་ལས། རང་ཉིད་འཕགས་པ་འཇམ་དཔལ་སྐུ་མདོག་ནག་པོ་ཞལ་གཅིག་ཕྱག་གཉིས་པ། གཡས་རལ་གྲི་ནམ་མཁའ་ལ་ཕྱར་བ། གཡོན་

[Full Size]

ཨུཏྤལའི་ཡུ་བ་ཐུགས་ཀར་འཛིན་པ། སྙན་གྱི་ཐད་ཀར་ཁ་བྱེ་བའི་སྟེང་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་པུསྟི་བཞུགས་པ། རུས་པ་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། དར་གྱི་ཅོད་པན་དང་ཡེ་ཤེས་ཀྱི་མེ་རབ་ཏུ་འབར་བའི་དབུས་ན་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པར་གྱུར། ཨོཾ་པྲ་སོད་ཆུ་སོད། དུར་ཏ་སོད་དུར་མི་སོད། སྙིང་མགོ་ལ་ཆོད། གཉན་མགོ་ལ་ཆོད། ཁ་ལ་ཛ། ཀཾ་ཤཾ་ཏྲི་རྦད་ཕཊ་སྭཱ་ཧཱ། ཨུ་པ་ཏྲ་ཡེ་ཤཱནྟིཾ་ཀུ་རུ་ཡེ་སྭཱ་ཧཱ། བརྒྱའམ། ཉེར་གཅིག་བཟླས་པས་རང་བསྲུང་ངོ་། །དེ་ནས་ཀོང་ཙེའི་གཏོར་མར་ཆུ་གཙང་བྲན། ཨོཾ་སྭ་བྷ་ཝ་སོགས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ་ལན་གསུམ། ཨོཾ་ཨ་ཀཱ་རོ་ཡིས་བྱིན་གྱིས་བརླབས། འོ་དེ་ཤན་ཞེས་བྱ་བ་ཡི། །རྩེ་ལྔའི་རི་ལ་དཔེ་བླངས་པའི། །ཀོང་ཙེའི་བཤོས་བུ་རྩེ་ལྔ་འདི། །འདོད་ཡོན་ལྔ་ཡི་སྤྲིན་ཕུང་། འཁྲིགས། །རྣམ་ལྔའི་མཆོད་པས་ནམ་མཁའ་གང་། །འཇམ་དཔལ་གཞོན་ནུ་ལ་སོགས་པའི། །སྟོན་པ་འཇམ་དབྱངས་རིགས་ལྔ་ལ། །ཕྱག་འཚལ་མཆོད་པ་སྣ་ཚོགས་

[Full Size]

འབུལ། །ཀོང་ཙེ་འཕྲུལ་གྱི་རྒྱལ་པོ་སོགས། །འཕྲུལ་གྱི་རྒྱལ་པོ་སྡེ་ལྔ་ལ། །ཕྱག་འཚལ་མཆོད་པ་སྣ་ཚོགས་འབུལ། །དུར་ཧར་ནག་པོ་ལ་སོགས་པའི། །རྒྱ་ནག་ཤུ་ཤང་བདུན་རྒྱུད་ལ། །ཕྱག་འཚལ་མཆོད་པ་སྣ་ཚོགས་འབུལ། །མཁས་པ་ཁྲ་མོ་ལ་སོགས་པའི། །རྒྱ་བོད་ལོ་པཎ་ཐམས་ཅད་ལ། །ཕྱག་འཚལ་མཆོད་པ་སྣ་ཚོགས་འབུལ། །བདག་དང་ཡོན་བདག་སྲུང་སྐྱོབ་མཛོད། །ས་བདག་ཀླུ་རྒྱལ་ག་པ་སོགས། །ལོ་ཟླ་འབྱུང་བའི་ས་བདག་དང་། །ས་ཕྱོགས་ཡུལ་ཕྱོགས་འདིར་གནས་པའི། །ས་བདག་ཀླུ་གཉན་ཐམས་ཅད་ལ། །ཀོང་ཙེའི་བཤོས་སྨད་གྲུ་བཞི་དང་། །འབྲུ་སྣ་རིན་ཆེན་སྣ་ཚོགས་འབུལ། །ཤེལ་ཚིགས་ཁྲི་དཀར་སྟོང་ནག་འདི། །ཏིང་ངེ་འཛིན་གྱིས་བྱིན་བརླབས་ནས། །དུང་གི་གཡང་དཀར་བརྒྱད་ཁྲི་འབུལ། །ཤེལ་གྱི་མ་ཧེ་བརྒྱད་ཁྲི་འབུལ། །གསེར་གྱི་བ་གླང་བརྒྱད་ཁྲི་འབུལ། །གཡུ་ཡི་མཛོ་མོ་བརྒྱད་ཁྲི་འབུལ། །ཟངས་ཀྱི་རྔ་མོང་བརྒྱད་ཁྲི་འབུལ། །ལྕགས་ཀྱི་བོང་དྲེལ་བརྒྱད་ཁྲི་འབུལ། །དུང་ལུག་གཡུ་ར་བརྒྱད་ཁྲི་འབུལ། །ས་བདག་ཀླུ་གཉན་མཉེས་གྱུར་ཅིག །འཕགས་པ་འཇམ་དཔལ་རིགས་

[Full Size]

ལྔ་དང་། །ཕྱོགས་བཞི་དབུས་ལྔའི་ས་བདག་ལ། །བཤོས་བུ་རྩེ་ལྔ་འདི་འབུལ་བས། །རྒྱུ་སྦྱོར་ཡོན་གྱི་བདག་པོ་ལ། །ལོ་རྒན་དྲུག་ཅུ་ཐམ་པ་ཡི། །ལོ་བདུད་དྲུག་ཅུ་ཐམ་པ་ཟློག །ཚེ་ཟད་དྲུག་ཅུ་ཐམ་པ་ཟློག །དུར་ཁ་དྲུག་ཅུ་ཐམ་པ་ཟློག །འབྱུང་བ་ལྔ་ཡི་བདུད་གཅོད་ཟློག །འབྱུང་བ་ལྔ་ཡི་དུར་ཁ་ཟློག །འབྱུང་བ་ལྔ་ཡི་ཚེ་ཟད་ཟློག །འཆི་བར་ངེས་པའི་ཚེ་ཟད་ཟློག །ན་ངོ་འཆི་ངོ་དུར་ངོ་ཟློག །ཨོཾ་ཨཱཿརྱ་མཉྫ་ཤཱི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སརྦ་པཱུ་ཛ་ཧོ༔ ཨོཾ་བྷུ་མི་པ་ཏི་ས་པཱ་རི་ཝཱ་ར་བ་ལི་ཏ་ཁཱ་ཧི། སརྦ་པཱ་ཙ་ཧོ། ཅེས་ཀོང་ཙེའི་གཏོར་མ་ཡར་འབུལ། །ཡོས་བཀྲ་དེའི་ཕྱེད་ནམ་མཁའ་ས་གཞིར་གཏོར། ༈ དེ་ནས་ངར་མི་དང་གླུད་ཐམས་ཅད་བྲན་ལ། དེ་བཞིན་གཤེགས་པ་བཞིའི་མཚན་བརྗོད། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ལྟེ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་ཡོངས་སུ་བྲལ་བ་ལ་ཕྱག་འཚལ་ལོ། །ངར་མིའི་ཕུང་ཁམས་སྐྱེ་མཆེད་ཐམས་ཅད་ཡོངས་སུ་རྫོགས་པ། ལོས་ར་

[Full Size]

ལོས་ལུག་ཆེ་ཚོ་སྟོབས་དང་ལྡན་པ། གླུད་ཡས་རྣམས་འདོད་པའི་ཡོན་ཏན་སྣ་ཚོགས་ཀྱིས་འཇིག་རྟེན་གྱི་ཁམས་ཐམས་ཅད་གང་བར་གྱུར། ཨ་ཀཱ་རོ་སོགས། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ལན་གསུམ་བརྗོད་ལ། ཧཱུྃ། སངས་རྒྱས་རྐང་གཉིས་གཙོ་སྟེ་བདེན་པའི་མཆོག །ཆོས་ཉིད་ཆགས་དང་བྲལ་ཏེ་བདེན་པའི་མཆོག །དགེ་འདུན་འདུས་པའི་གཙོ་སྟེ་བདེན་པའི་མཆོག །ཡི་དམ་མཐུ་སྟོབས་གཙོ་སྟེ་བདེན་པའི་མཆོག །མཁའ་འགྲོའི་བར་ཆད་སེལ་ཏེ་བདེན་པའི་མཆོག །ཆོས་སྐྱོང་ནུས་མཐུའི་གཙོ་སྟེ་བདེན་པའི་མཆོག །བདེན་པའི་མཆོག་ནི་དཀོན་མཆོག་གསུམ་གྱི་བཀའ། །དཀོན་མཆོག་བཀའ་ལ་མི་ཉན་གང་ཡང་མེད། །འབབ་པའི་ཆུ་ལ་མི་འཐུང་གང་ཡང་མེད། །རི་རབ་ཟོམ་ལ་མི་བརྟེན་གང་ཡང་མེད། །སྐྱེ་འགྲོ་དབུགས་ལ་མི་བརྟེན་གང་ཡང་མེད། །འབྱུང་བ་ས་ལ་མི་བརྟེན་གང་ཡང་མེད། །མཐོ་སྟེ་སྲིད་པའི་རྩེ་མོ་མན་ཆད་ནས། །དམའ་སྟེ་ན་རག་དམྱལ་ཁམས་ཡན་ཆད་དུ། །ལན་ཆགས་མགྲོན་དུ་གཉེར་བ་རྣམས། །སྲིད་པའི་ལོས་ལ་སྤྱན་འདྲེན་ནོ། །གཉེན་པོའི་ལོས་ལ་ད་ཚུར་བྱོན། །སྲིད་པའི་རྩེ་མོ་

[Full Size]

མན་ཆད་ནས། །ན་རག་དམྱལ་ཁམས་ཡན་ཆད་རྣམས། །གཉེན་པོའི་ལོས་ལ་གཤེགས་སུ་གསོལ། །སྤར་ཁ་དྭ་ལི་ཡིན་ན་ནི། །རང་ལོ་མེ་ཚུད་པས། དུར་ལོས་བྱ་རྒྱུ་ཡིན། གཉེན་པོས་ལོས་ལ་གཤེགས་སུ་གསོལ། །ཟེར་བ་ཡིན། སྤར་ཁ་ལི་མིན་ན་ནི། སྲེག་དགོས་པས། བསྲེག་ལོས་མདོས་ལ་སྤྱན་འདྲེན་ནོ། ཁ་བསྒྱུར་དགོས་པ་ཤེས་པར་བྱའོ། །དེ་གཉིས་མ་ནོར་བ་གལ་ཆེ།། བསྲེག་ལོས་དང་དུར་ལོས་ནོར་བ་གལ་ཆེའོ། །ཤར་ཕྱོགས་དྲི་ཟའི་སྡེ་ཚོགས་རྣམས། །བསྲེག་ལོས་མགྲོན་ལ་སྤྱན་འདྲེན་ན། །མ་ཐོགས་གནས་འདིར་གཤེགས་སུ་གསོལ། །ལྷོ་ཕྱོགས་གཤིན་རྗེའི་འཁོར་ཚོགས་རྣམས། །བསྲེག་ལོས་མགྲོན་ལ་སྤྱན་འདྲེན་ན། །མ་ཐོགས་གནས་འདིར་གཤེགས་སུ་གསོལ། །ནུབ་ཕྱོགས་ཀླུ་གདོན་འཁོར་ཚོགས་རྣམས། །བསྲེག་ལོས་མགྲོན་ལ་སྤྱན་འདྲེན་ན། །མ་ཐོགས་གནས་འདིར་གཤེགས་སུ་གསོལ། །བྱང་ཕྱོགས་གནོད་སྦྱིན་སྡེ་ཚོགས་རྣམས། །བསྲེག་ལོས་མགྲོན་ལ་སྤྱན་འདྲེན་ན། །མ་ཐོགས་ལྕེ་གནས་འདིར་གཤེགས་སུ་གསོལ། །ཕར་རི་ཚུར་རི་གཡས་རི་གཡོན་རི་འདིར། །གནས་པའི་ལྷ་འདྲེ་གནོད་སྦྱིན་སྡེ་ཚོགས་རྣམས། །བསྲེག་ལོས་མགྲོན་ལ་སྤྱན་འདྲེན་ན། །

[Full Size]

མ་ཐོགས་གནས་འདིར་གཤེགས་སུ་གསོལ། ཀྱཻ། །དང་པོ་ལོས་བྱུང་གང་ནས་བྱུང་། །ལྷ་བུ་ནོར་བུ་དོན་གྲུབ་བསྙུངས་། །སློབ་དཔོན་འཆི་མེད་གཙུག་ཕུད་བཀུག །མཐུན་རྫས་ལོས་ཀྱིས་བསྐང་ལགས་བྱས། །དེ་ནས་ལོས་བྱུང་གང་ནས་བྱུང་། །ཀོང་ཙེ་འཕྲུལ་གྱི་རྒྱལ་པོ་བསྙུངས། །དཔོན་སློབ་གསང་བ་གཏོ་འབུམ་བཀུག །མཐུན་རྫས་ལོས་ཀྱིས་བསྐངས་ལགས་བྱས། །དེ་ནས་ལོས་བྱུང་གང་ནས་བྱུང་། །རྒྱལ་པོ་མུ་ཁྲི་བཙན་པོ་བསྙུངས། །སློབ་དཔོན་རྒྱལ་མི་ལོ་ཙཱ་བཀུག །མཐུན་རྫས་ལོས་ཀྱིས་བསྐངས་ལགས་བྱས། །ད་ལྟ་ལོས་བྱུང་གང་ནས་བྱུང་། །སྐལ་ལྡན་རྒྱུ་སྦྱོར་ཡོན་བདག་ལ། །སྔགས་འཆང་རྣལ་འབྱོར་བདག་ཉིད་བཀུག །མཐུན་རྫས་ལོས་ལ་སྤྱན་འདྲེན་ན། །སྲིད་པའི་སྐུ་གླུད་འདི་འབུལ་ལོ། །སྣང་སྲིད་ལྷ་འདྲེ་མཉེས་གྱུར་ཅིག །བསམ་པ་ཡིད་བཞིན་འགྲུབ་པར་ཤོག །སྤར་ཁའི་དུར་མིག་ད་ཆོད་ཅིག །དེ་རིང་སྲིད་པའི་གནམ་གང་ལ། །རྒྱུ་སྦྱོར་ཡོན་བདག་འདི་དག་གིས། །ཁར་སང་ཁར་གྱི་ཉིན་པར་ལ། །མོ་བརྡར་རྩིས་ནི་བྱས་པ་ལས། །རྒྱུ་སྦྱོར་ཡོན་གྱི་བདག་པོ་ནི། འཆི་བདག་ཞགས་པས་ཐེབས་

[Full Size]

སོ་ཟེར། །བདག་སྔགས་འཆང་རྒྱལ་པོ་སྤྱན་དྲངས་ནས། །རྒྱུ་སྦྱོར་ཡོན་བདག་སྐུ་གླུད་ལ། །འབྲུ་སྣ་བརྒྱད་ཀྱི་ཕྱེ་ཟན་ལ། །ངར་མི་མཛེས་པའི་གཟུགས་སུ་བཏོད། །སྐུ་གླུད་ཡས་ལ་སྤྱན་འདྲེན་ན། །མི་བས་གླུད་བཟང་ལྷ་ཕྲུག་འདྲ། །ཤ་ནི་ས་དང་ཁྲག་ནི་ཆུ། །རུས་པ་རྡོ་ལ་དབུགས་ནི་རླུང་། །ཕུང་པོ་ཁམས་དང་སྐྱེ་མཆེད་ཚང་། ཀྱཻ། སྐུ་གླུད་ངར་གྱི་མི་བོ་ཆེ། །ཁྱོད་ནི་བདག་ལ་ཚུར་ཉོན་དང་། །བདག་དང་ཡོན་བདག་འཁོར་བཅས་ཀྱི། །ལོ་ཡི་ན་སྒུག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །ཟླ་བའི་ན་སྐག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །ཞག་གི་ན་སྐག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །ཟ་མའི་ན་སྐག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །སྐར་མའི་ན་སྐག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །ཚེས་གྲངས་ན་སྐག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །དུས་ཚོད་ན་སྐག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །རྒྱ་བོད་སྐག་རིགས་ཐམས་ཅད་ཡང་། །སྐུ་གླུད་ནག་པོ་ཁྱོད་ཀྱིས་ཟློག །སྤར་ཁའི་ན་སྐག་ཤི་

[Full Size]

སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །སྨེ་བའི་ན་སྐག་ཤི་སྐག་ཡང་། །སྐུ་གླུད་ནག་པོ་ཁྱོད་ཀྱིས་ཟློག །ཐམས་ཅད་སྐུ་གླུད་ཁྱོད་ལ་ཚང་། །ཟློག་ཅིག་ན་སྐག་ཤི་སྐག་ཟློག །དུས་མིན་འཆི་བ་ཐམས་ཅད་ཟློག །སྐུ་གླུད་ནག་པོ་ཁྱེད་རྣམས་ཀྱིས། །ལོ་གསུམ་བར་དུ་བཤོལ་ཐོབ་ཅིག ཀྱཻ། སྐུ་གླུད་གཟུགས་ཀྱི་མི་བོ་ཆེ། །ཁྱོད་ཀྱིས་བདག་ལ་ཚུར་ཉོན་དང་། །བདག་དང་རྒྱུ་སྦྱོར་ཡོན་བདག་གི །མགོ་བོའི་སྤྱི་གཙུག་མན་ཆད་ནས། །འོག་གི་རྐང་མཐིལ་ཡན་ཆོད་དུ། །ནད་འདྲེ་ཤར་བ་གང་ཡོད་ཀྱང་། །ཚོགཟུགས་གླུད་ནག་པོ་ཁྱོད་ཀྱིས་ཟློག །སྨྱོ་བར་བྱེད་པ་རྒྱལ་པོའི་གདོན། །ནད་འདྲེ་ཤར་བ་གང་ཡོད་ཀྱང་། །གཟུགས་གླུད་ནག་པོ་ཁྱོད་ཀྱིས་ཟློག །ལྐུགས་པར་བྱེད་པ་དྲི་ཟའི་གདོན། །ནད་འདྲེ་ཤར་བ་གང་ཡོད་ཀྱང་། །གཟུགས་གླུད་ནག་པོ་ཁྱོད་ཀྱིས་ཟློག །འཐོམ་པར་བྱེད་པ་དམུ་ཆུའི་ནད། །ནད་འདྲེ་ཤར་བ་གང་ཡོད་ཀྱང་། །གཟུགས་གླུད་ནག་པོ་ཁྱོད་ཀྱིས་ཟློག །བཤལ་བར་བྱེད་པ་མ་མོའི་གདོན། །ནད་འདྲེ་ཤར་བ་གང་ཡོད་ཀྱང་། །གཟུགས་གླེད་ནག་པོ་ཁྱོད་ཀྱིས་ཟློག །རྨ་ངོ་ཁྲག་ངོ་གྲིབ་ངོའི་

[Full Size]

གདོན། །ནད་འདྲེ་ཤར་བ་གང་ཡོད་ཀྱང་། །གཟུགས་གླུད་ནག་པོ་ཁྱོད་ཀྱིས་ཟློག །རླུང་མཁྲིས་བད་ཀན་ལ་སོགས་པའི། །འདུ་བ་རྣམ་བཞིའི་ནད་རྣམས་ཀྱང་། །གཟུགས་གླུད་ནག་པོ་ཁྱོད་ཀྱིས་ཟློག །མོ་ངན་མཚན་ལྟས་ངན་པ་ཡང་། །གཟུགས་གླུད་ནག་པོ་ཁྱོད་ཀྱིས་ཟློག །སྐག་རིགས་སུམ་བརྒྱ་དྲུག་ཅུ་ཡང་། །གཟུགས་གླུད་ནག་པོ་ཁྱོད་ཀྱིས་ཟློག །བགེགས་རིགས་སྟོང་ཕྲག་བརྒྱད་ཅུ་ཡང་། །གཟུགས་གླུད་ནག་པོ་ཁྱོད་ཀྱིས་ཟློག །ནད་རིགས་བཞི་བརྒྱ་རྩ་བཞི་ཡང་། །གཟུགས་གླུད་ནག་པོ་ཁྱོད་ཀྱིས་ཟློག །ནའོ་ཟེར་བའི་སྒྲ་ཞིག་མ་ཐོས་བར། །ནད་འདྲེ་གདུག་པ་ཅན་རྣམས་མི་ཚིམས་པས། །ན་སྒྲོག་བྱེད་ཅིང་ལྷ་རྗེ་འབོད་ཚུལ་གྱིས། །ལྷ་རྗེ་ཡིན་བརྗོད་ཕྱོགས་བཞིའི་རྡོ་བཞི་བླངས། །ལྷ་རྗེའི་རྩ་ནི་ངན་ཟེར་གཏམ་ངན་བསྒྲགས། ཀྱཻ། ཉོན་ཅིག་སྣང་སྲིད་ལྷ་འདྲེ་རྣམས། །སྤྱན་གྱིས་གཟིགས་ལ་སྙན་གྱིས་གསོན། །མ་ཧཱ་གསེར་གྱི་རུས་སྦལ་གྱི། །གཞོགས་གཡས་ཤར་དུ་བསྟན་པ་ལ། །འབྱུང་བ་ཤིང་གི་ཁམས་སུ་སྲིད། །འབྱུང་བ་ཤིང་གི་མཁར་ནང་ནས། །འབྱུང་བ་ཤིང་གི་ལྷ་རྗེ་བོས། །རྒྱུ་སྦྱོར་ཡོན་གྱི་བདག་པོ་ཡི། །ཤིང་ཆེན་འགྱེལ་འདྲའི་ན་སྐག་

[Full Size]

དང་། །ཤིང་ཆེན་ལོ་འབྲས་སྐམ་འདྲའི་ནད་སྐག་རྣམས། །སྟོན་ཤིང་ལོ་མ་སྐམ་འདྲའི་ནད་རྣམས་ཀྱང་། །དེ་རིང་ལོས་ཆེན་འདི་ཡིས་སྒྱུར། །ཞ་རེངས་མཐིང་གྲུམ་ནད་རྣམས་ཀུན། །དེ་རིང་ལོས་ཆེན་འདི་ཡིས་སྒྱུར། །མཆིན་རྩ་མ་ཚང་སྡུད་འཐིང་དང་། །འཆི་བའི་དུས་ལ་བབ་པ་དང་། །སྨྲེ་སྔགས་འོ་དོད་འབོད་པ་དང་། །དགེ་བ་ཁས་ལེན་བྱེད་པ་དང་། །ཞག་དང་ཟ་མ་བགྲངས་པ་དང་། །བན་བོན་འདིར་བྱོན་ཟེར་བ་དང་། །ཤར་ནས་ལྷ་རྗེ་འབོད་པ་དང་། །དུས་བཞི་ལོག་པས་འཆི་རྩ་རྣམས། །དེ་རིང་ལོས་ཆེན་འདི་ཡིས་སྒྱུར། ཀྱཻ། མ་ཧཱ་གསེར་གྱི་རུས་སྦལ་གྱི། །མགོ་བོ་ལྷོ་རུ་བསྟན་པ་ལ། །འབྱུང་བ་མེ་ཡི་ཁམས་སུ་སྲིད། །མེ་ལས་གྲུབ་པའི་མཁར་ནང་ནས། །འབྱུང་བ་མེ་ཡི་ལྷ་རྗེ་བོས། །རྒྱུ་སྦྱོར་ཡོན་གྱི་བདག་པོ་ཡི། །ནགས་ལ་མེ་ཤོར་འདྲ་བའི་ནད་རྣམས་དང་། །ཁང་ཁྱིམ་མེ་ཡིས་ཚིག་འདྲའི་ནད་རྣམས་ཀྱང་། །དེ་རིང་ལོས་ཆེན་འདི་ཡིས་སྒྱུར། །བཙན་གྱི་ཁྲག་གཟེར་གཏོང་བ་དང་། །མིག་དམར་དལ་ཡམས་འབེབས་པ་དང་། །གློ་བུར་འཆི་བའི་ནད་རྣམས་ཀྱང་། །དེ་རིང་ལོས་ཆེན་འདི་ཡིས་སྒྱུར། །

[Full Size]

སྙིང་རྩ་མ་ཚང་འཆི་དུས་བབ་པ་དང་། །སྨྲེ་སྔགས་འོ་དོད་འབོད་པ་དང་། །དགེ་བ་ཁས་ལེན་བྱེད་པ་དང་། །ཞག་དང་ཟ་མ་བགྲང་བ་དང་། །བན་བོན་། འདིར་བྱོན་ཟེར་བ་དང་། །ལྷོ་ནས་ལྷ་རྗེ་འབོད་པ་དང་། །དུས་བཞི་ལོག་པས་འཆི་རྩ་རྣམས། །དེ་རིང་ལོས་ཆེན་འདི་ཡིས་སྒྱུར། ཀྱཻ། མ་ཧཱ་གསེར་གྱི་རུས་སྦལ་གྱི། །གཞོགས་གཡོན་ནུབ་ཏུ་བསྟན་པ་ལ། །འབྱུང་བ་ལྕགས་ཀྱི་ཁམས་སུ་སྲིད། །ལྕགས་ལས་གྲུབ་པའི་མཁར་ནང་ནས། །འབྱུང་བ་ལྕགས་ཀྱི་ལྷ་རྗེ་བོས། །རྒྱུ་སྦྱོར་ཡོན་གྱི་བདག་པོ་ཡི། །ལྕགས་གདོང་མེ་ཤོར་འདྲ་བའི་ནད་རྣམས་ཀྱང་། །སྲོག་ལ་ཧྲིལ་གྱིས་འདྲིལ་བ་འདྲ་བའི་ནད་རྣམས་དང་། །སྙིང་རླུང་འཕྱོ་བའི་འདྲ་བའི་ནད་རྣམས་ཀུན། །དེ་རིང་ལོས་ཆེན་འདི་ཡིས་སྒྱུར། །གློ་རྩ་མ་ཚང་འཆི་ཟེར་དང་། །འཆི་བའི་དུས་ལ་བབ་པ་དང་། །སྨྲེ་སྔགས་གཏིང་ནས་ཤོར་བ་དང་། །དགེ་བ་ཁས་ལེན་བྱེད་པ་དང་། །ལྕེ་ཞག་དང་ཟ་མ་བགྲངས་བ་དང་། །བན་བོན་འདིར་བྱོན་ཟེར་བ་དང་། །ནུབ་ནས་ལྷ་རྗེ་འབོད་པ་དང་། །དུས་བཞི་ལོག་པས་འཆི་རྩ་རྣམས། །དེ་རིང་ལོས་ཆེན་འདི་ཡིས་

[Full Size]

སྒྱུར། ཀྱཻ། མ་ཧཱ་གསེར་གྱི་རུས་སྦལ་གྱི། །མཇུག་མ་བྱང་དུ་བསྟན་པ་ལ། །འབྱུང་བ་ཆུ་ཡི་ཁམས་སུ་སྲིད། །ཆུ་ལས་གྲུབ་པའི་མཁར་ནང་ནས། །འབྱུང་བ་ཆུ་ཡི་ལྷ་རྗེ་བོས། །རྒྱུ་སྦྱོར་ཡོན་གྱི་བདག་པོ་ཡི། །འབབ་ཆུ་གཏིང་ནས་འཁྱགས་པ་འདྲ་བའི་སྲིན་ནད་དང་། །རྒྱ་མཚོ་སྟེང་ནས་འཁྱགས་པ་འདྲ་བའི་མཁལ་ནད་དང་། །མཁལ་རྩ་མ་ཚང་འཆི་དུས་བབ་པ་དང་། །སྨྲེ་སྔགས་གཏིང་ནས་ཤོར་བ་དང་། །དགེ་བ་ཁས་ལེན་བྱེད་པ་དང་། །ཞག་དང་ཟ་མ་བགྲང་བ་དང་། །བན་བོན་འདིར་བྱོན་ཟེར་བ་དང་། །བྱང་ནས་ལྷ་རྗེ་འབོད་པ་དང་། །དུས་བཞི་ལོག་པས་འཆི་རྩ་རྣམས། །དེ་རིང་ལོས་ཆེན་འདི་ཡིས་སྒྱུར། ཀྱཻ། མ་ཧཱ་གསེར་གྱི་རུས་སྦལ་གྱི། །ཡན་ལག་མཚམས་བཞིར་བརྐྱང་བ་ལ། །འབྱུང་བ་ས་ཡི་ཁམས་སུ་སྲིད། །ས་ལས་གྲུབ་པའི་མཁར་ནང་ནས། །འབྱུང་བ་ས་ཡི་ལྷ་རྗེ་བོས། །རྒྱུ་སྦྱོར་ཡོན་གྱི་བདག་པོ་ཡི། །རི་བོ་རྨང་ནས་འགྱེལ་འདྲའི་ནད་རྣམས་དང་། །མཚེར་རྩ་མ་ཚང་དུས་ལ་བབ་པ་དང་། །འཆི་བའི་དུས་ལ་བབ་པ་དང་། །སྨྲེ་སྔགས་འོ་དོད་འབོད་པ་དང་། །དགེ་བ་ཁས་ལེན་བྱེད་པ་དང་། །

[Full Size]

ཞག་དང་ཟ་མ་བགྲང་བ་དང་། །བན་བོན་འདིར་བྱོན་ཟེར་བ་དང་། །མཚམས་བཞིའི་ལྷ་རྗེ་འབོད་པ་དང་། །དུས་བཞི་ལོག་པའི་འཆི་རྩ་རྣམས། །།དེ་ལོས་ཆེན་འདི་ཡིས་སྒྱུར། །རྒྱུ་སྦྱོར་ཡོན་གྱི་བདག་པོ་ལ། །སྟེང་ནས་བྱ་ནག་ལྡིང་བ་དང་། །འོག་ནས་ཁྱི་ནག་རྒྱུག་པ་ཡང་། །བར་ནས་དུར་ས་འགུལ་བ་རྣམས། །དེ་རིང་ལོས་ཆེན་འདི་ཡིས་སྦྱར། །ཤི་འདྲེ་ཤི་བདག་བདུད་པོ་ནི། །ཤི་བའི་ཚིག་དེ་མ་ཐོས་བར། །ཇི་ལྟར་བྱས་ཀྱང་ཁོ་མི་ཚིམ། །དེ་ཕྱིར་སྐབས་དེར་ཤི་བསྒྲག་བྱ། །ཉེ་དུ་གྲོང་ཚོགས་ཐམས་ཅད་ཀྱིས། །ཤི་ནས་ཐལ་ཞེས་སྐད་ཆེན་འབོད། །ཡུལ་མི་ཁྱིམ་མཚེས་ཐམས་ཅད་འཚོགས། །ངུ་སྐད་སྒྲོག་ཅིང་སྨྲེ་སྔགས་འདོན། །ཉེ་དུ་ཁྱིམ་མཚེས་འཚོགས་ནས་གྲོས་མ་བསྔགས། །བླ་མ་དཔོན་སློབ་འབོད་ཚུལ་གྱིས། །བླ་མ་འདྲེན་ནས་ཆོ་ག་བྱེད་ཚུལ་དང་། །སྒོམ་པ་འབོད་ནས་སྐརྨ་བརྩི་ཚུལ་དང་། །སླར་ཡང་ས་མགྲོན་རྡོ་མགྲོན་མང་དུ་བསྡུས། །གྲལ་ལ་འགྲིགས་པ་ལྟ་བུར་བཞག ཀྱཻ། དང་པོ་ལོས་བྱུང་གང་ནས་བྱུང་། །བསྐལ་པའི་མིང་ནི་རྫོགས་ལྡན་ལྕེ་བཟང་། །དུས་ཚོད་མིང་ནི་བསྐལ་པ་བཟང་། །སངས་རྒྱས་མཚན་ནི་མར་མེ་མཛད། །རྒྱལ་པོའི་མིང་ནི་ཀྲི་ཀྲི་ཞེས། །དུས་དང་བསྐལ་པ་དེ་ཙམ་ན། །ལྷ་བུ་ནོར་བུ་དོན་

[Full Size]

གྲུབ་བསྙུངས། །དཔོན་སློབ་འཆི་མེད་གཙུག་ཕུད་བཀུག །འཆི་ཚུལ་འཕོ་བ་འདེབས་ཚུལ་བྱས། །སྲིད་པའི་ལོས་ཆེན་འདི་བྱས་པས། །ལྷ་བུའི་དོན་གྲུབ་བསྙུངས་ལས་ཐར། །དེ་དུས་ཇི་ལྟར་ཕན་པ་བཞིན། །དེ་རིང་ཡོན་གྱི་བདག་པོ་ཡི། །འཆི་བ་ནད་ལས་ཐར་བར་ཤོག །ན་ཤི་དུར་ཁ་ལོས་ཀྱི་ཆོད། །བསྐལ་པ་དེ་ཡི་འོག་རོལ་དུ། །ཀོང་ཙེ་འཕྲུལ་གྱི་རྒྱལ་པོ་བསྙུངས། །སློབ་དཔོན་གཏོ་འབུམ་གསང་བ་བཀུག །འཆི་ཚུལ་འཕོ་བ་འདེབས་ཚུལ་བྱས། །སྲིད་པའི་ལོས་ཆེན་འདི་བྱས་པས། །ཀོང་ཙེ་འཕྲུལ་རྒྱལ་བསྙུངས་ལས་ཐར། །དེ་དུས་ཇི་ལྟར་ཕན་པ་བཞིན། །རྒྱུ་སྦྱོར་ཡོན་གྱི་བདག་པོ་འདི། །འཆི་བའི་ནད་ལས་ཐར་བར་ཤོག །ན་ཤིའི་དུར་ཁ་ལོས་ཀྱིས་ཆོད། །བསྐལ་པ་དེ་ཡི་འོག་མ་ལ། །རྒྱལ་པོ་མུ་ཏིག་བཙན་པོ་བསྙུངས། །སློབ་དཔོན་རྒྱ་མི་ལོ་ཙཱ་བཀུག །འཆི་ཚུལ་འཕོ་བ་འདེབས་ཚུལ་བྱས། །སྲིད་པའི་ལོས་ཆེན་འདི་བྱས་པས། །རྒྱལ་པོ་དེ་ཉིད་བསྙུངས་ལས་ཐར། །དེ་རིང་ཡོན་གྱི་བདག་པོ་ཡི། །འཆི་བའི་ནད་ལས་ཐར་བར་ཤོག །ན་ཤི་དུར་ཁ་ལོས་ཀྱིས་ཆོད། །བསྐལ་པ་དེ་ཡི་འོག་རོལ་དུ། །རྒྱུ་

[Full Size]

སྦྱོར་ཡོན་གྱི་བདག་པོ་འདི། །བསྙུང་བའི་ནད་ཀྱིས་ཟིན་པ་ལ། །བླ་མ་སློབ་དཔོན་བོས་ནས་ནི། །འཆི་ཚུལ་འཕོ་བ་འདེབས་ཚུལ་བྱས། །སྲིད་པའི་ལོས་ཆེན་འདི་བྱས་པས། །རྒྱུ་སྦྱོར་ཡོན་བདག་འཁོར་བཅས་ནི། །འཆི་བའི་སྐག་ལས་ཐར་བར་ཤོག །ན་ཁ་འཆི་ཁ་དུར་ཁ་ཡང་། །དེ་རིང་ལོས་ཆེན་འདི་ཡིས་སྒྱུར། །རྒྱུ་སྦྱོར་ཡོན་གྱི་བདག་པོ་འདི། །སྟེང་ནས་བྱ་ནག་ལྡིང་བ་དང་། །འོག་ནས་ཁྱི་ནག་ཟུག་པ་དང་། །ལུས་ལ་ན་ཚ་འོང་བ་དང་། །མོ་ངན་རྨི་ལམ་ངན་པ་དང་། །དེ་རིང་ལོས་ཆེན་འདི་ཡིས་སྒྱུར། །སྲོག་ལ་ཤི་ཆད་འོང་བ་ཡང་། །དེ་རིང་ལོས་ཆེན་འདི་ཡིས་སྒྱུར། །བསྲུང་རྟ་མི་ཁ་སྡང་བ་ཡང་། །དེ་རིང་ལོས་ཆེན་འདི་ཡིས་སྒྱུར། །དེ་ནས་ངར་མི་ཆ་ཐོག་ཏུ་བཞག་ལ། ཤར་ལྷོ་ནུབ་བྱང་ཕྱོགས་མཚམས་རྣམས་སུ་འཕེན་ཚུལ་བྱས་ལ། ཕྱོགས་གཅིག་མཐུན་པར་འཕེན་ཚུལ་བྱའོ། །དང་པོ་ཤར་ཕྱོགས་སུ་འཁྱེར་ཚུལ་བྱས་ལ་འདི་སྐད་དོ།། ཀྱི། སྣང་ཞིང་སྲིད་པའི་ལྷ་འདྲེ་ཝེ་རྣམས། །སྙན་གྱིས་གསོན་དང་སྤྱན་གྱིས་གཟིགས། །དཀོན་མཆོག་གསུམ་གྱི་བཀའ་མ་བཅག །རིག་འཛིན་རྣམས་ཀྱི་དམ་མ་བཀྲལ། །རྣལ་འབྱོར་བདག་གི་བཀའ་ལ་

[Full Size]

ཉོན། ཀྱཻ། ད་ནི་ལོས་ཁྱེར་ཤར་ན་ཁྱེར། །ཉི་མ་ཤར་ཕྱོགས་ཕ་ཀི་ན། །སྟག་ཡོས་ལོ་པའི་ན་ས་དུར་ས་ཡོད། །སྲོག་གི་དུར་ལོས་དེ་ལ་འབུལ། །བདག་དང་ཡོན་བདག་འཁོར་བཅས་ཀྱིས། །སྟག་ཡོས་ལོ་པའི་ན་ས་དུར་ས་སྤོས། །རོའི་གཟུགས་དེ་ཤར་དུ་འཕེན་ཚུལ་འཁྱེར་ཚུལ་བྱས། ཀྱི། ཉི་མ་ཤར་ཕྱོགས་ཕ་ཀི་ན། །སེང་གེ་དཀར་མོའི་ཁ་ནང་ནས། །གཡུ་འབྲུག་སྔོན་མོ་ཁྱེར་ཏེ་གདའ། །སེངྒེ་བདུད་ཀྱི་སྤྲུལ་པ་སྟེ། །སེངྒེའི་ཁ་ལ་ལོས་འདི་རྒྱོབས། །གཡུ་འབྲུག་མི་ཡི་བླ་ཚེ་སྤྱོད། ཀྱཻ། ཉི་མ་ཤར་ལྷོ་ཕ་ཀི་ན། །རྒྱ་སྟག་ཁྲ་བོའི་ཁ་ནང་ནས། །རྟེལ་མཐོར་ཕོ་མོ་ཁྱེར་ཏེ་གདའ། །རྒྱ་སྟག་བདུད་ཀྱི་སྤྲུལ་པ་སྟེ། །རྒྱ་སྟག་ཁ་ལ་ལོས་འདི་རྒྱོབ། །རྟེལ་ཐོར་མི་ཡི་བླ་ཚེ་སྤྱོད། །དེ་ནས་ལྷོར་འཕེན་ཚུལ་དང་འཁྱེར་ཚུལ་བྱས། ཀྱཻ། ད་ནས་ལོས་འཁྱེར་ལྷོ་ན་ཁྱེར། །ཉི་མ་ལྷོ་ཕྱོགས་ཕ་ཀི་ན། །རྟ་སྦྲུལ་ལོ་པའི་ན་ས་དུར་ས་སྤོས། །སྲོག་གི་དུར་ལོས་དེ་ལ་འབུལ། །བདག་དང་ཡོན་བདག་འཁོར་བཅས་ཀྱིས། །རྟ་སྦྲུལ་ལོ་པའི་ན་ས་ཆོད་ལ་དུར་ས་སྤོས། །ཉི་མ་ལྷོ་ཕྱོགས་ཕ་ཀི་ན། །དོམ་བུ་ཐུག་དཀར་ཁ་ནང་ནས། །འབྲོང་བུ་དར་མ་ཁྱེར་

[Full Size]

ཏེ་གདའ། །དོམ་བུ་བདུད་ཀྱི་སྤྲུལ་པ་སྟེ། །དོམ་བུའི་ཁ་ལ་ལོས་འདི་རྒྱོབ། །འབྲོང་བུ་མི་ཡི་བླ་ཚེ་སྤྱོད། ཀྱཻ། ཉི་མ་ལྷོ་ནུབ་ཕ་ཀི་ན། །འཕར་བ་དམར་པོའི་ཁ་ནང་ནས། །གཡུ་ཡི་ར་ཐོང་ཁྱེར་ཏེ་གདའ། །འཕར་བ་བདུད་ཀྱི་སྤྲུལ་པ་སྟེ། །འཕར་བའི་ཁ་ལ་ལོས་འདི་རྒྱོབ། །ར་ཐོང་མི་ཡི་བླ་ཚེ་སྤྲོད། ནུབ་ཏུ་འཕེན་ཚུལ་ཁྱེར་ཚུལ་བྱེད། ཀྱཻ། ད་ནས་ལོས་ཁྱེར་ནུབ་ལ་ཁྱེར། །ཉི་མ་ནུབ་ཕྱོགས་ཕ་ཀི་ན། །བྱ་སྤྲེལ་ལོ་པའི་ན་ས་དུར་ས་ཡོད། །སྲོག་གི་དུར་ལོས་དེ་ན་འབུལ། །བདག་དང་ཡོན་བདག་འཁོར་བཅས་ཀྱི། །བྱ་སྤྲེལ་ལོ་པའི་ན་ས་དུར་ས་སྤོས། །ཉི་མ་ནུབ་ཕྱོགས་ཕ་ཀི་ན། །སྲམ་ཐོང་སྔོན་མོའི་ཁ་ནང་ན། །གསེར་གྱི་ཉ་མོ་ཁྱེར་ཏེ་གདའ། །སྲམ་ཐོང་བདུད་ཀྱི་སྤྲུལ་པ་སྟེ། །སྲམ་ཐོང་ཁ་ལ་ལོས་འདི་རྒྱོབ། །གསེར་ཉ་མི་ཡི་བླ་ཚེ་སྤྲོད། ཀྱཻ། ཉི་མ་ནུབ་བྱང་ཕ་ཀི་ན། །སྤྱང་ཐོང་སྔོན་མོའི་ཁ་ནང་ནས། །དུང་གི་ལུ་གུ་ཁྱེར་ཏེ་གདའ། །སྤྱང་ཐོང་བདུད་ཀྱི་སྤྲུལ་པ་སྟེ། །སྤྱང་ཐོང་ཁ་ན་ལོས་འདི་རྒྱོབ། །ལུ་གུ་མི་ཡི་བླ་ཚེ་སྤྱོད། །ཡང་བྱང་དུ་འཁྱེར་ཚུལ་འཕེན་ཚུལ་བྱས་ལ། ད་ནི་ལོས་འཁྱེར་བྱང་དུ་

[Full Size]

ཁྱེར། །ཉི་མ་བྱང་ཕྱོགས་ཕ་ཀི་ན། །བྱི་ཕག་ལོ་པའི་ན་ས་དུར་ས་ཡོད། །སྲོག་གི་དུར་ལོས་དེ་ལ་འབུལ། །རྒྱུ་སྦྱོར་ཡོན་གྱི་བདག་པོ་ཡི། །བྱི་ཕག་ལོ་པའི་ན་ས་དུར་ས་སྤོས། །ཉི་མ་བྱང་ཕྱོགས་ཕ་ཀི་ན། །སྐྱ་བཀྲ་ཧོར་བཀྲའི་ཁ་ནང་ནས། །བྱིའུ་ཆུང་ལྷག་གུ་ཁྱེར་ཏེ་གདའ། །སྐྱ་བཀྲའི་བདུད་ཀྱི་སྤྲུལ་པ་སྟེ། །སྐྱ་བཀྲའི་ཁ་ན་ལོས་འདི་རྒྱོབ། །བྱིའུ་ཆུང་མི་ཡི་བླ་ཚེ་སྤྲོད། ཀྱཻ། ཉི་མ་བྱང་ཤར་ཕ་ཀི་ན། །སྲེ་མོང་རལ་ཆེན་ཁ་ནང་ནས། །གསེར་གྱི་བྱི་བ་ཁྱེར་ཏེ་གདའོ། །སྲེ་མོང་བདུད་ཀྱི་སྤྲུལ་པ་སྟེ། །སྲེ་མོང་ཁ་ན་ལོས་འདི་རྒྱོབ། །བྱི་བ་མི་ཡི་བླ་ཚེ་སྤྲོད། །སྟེང་དུ་ཁྱེར་ཚུལ་དང་འཕེན་ཚུལ་བྱེད། ཀྱི། ད་ནི་ལོས་ཁྱེར་སྟེང་དུ་ཁྱེར་། །ཉི་མ་སྟེང་ཕྱོགས་ཕ་ཀི་ན། ཡ་བདུད་རྒྱལ་པོའི་ཁ་ནང་ནས། །ཉི་ཟླ་གཟའ་སྐར་ཁྱེར་ཏེ་གདའ། །ཡ་བདུད་བདུད་ཀྱི་སྤྲུལ་པ་སྟེ། །ཡ་བདུད་ཁ་ལ་ལོས་འདི་རྒྱོབ། །ཉི་ཟླ་སྐར་གསུམ་མི་ཡི་བླ་ཚེ་སྤྱོད། །འོག་ཏུ་འཕེན་ཚུལ་དང་ཁྱེར་ཚུལ་བྱ། ཀྱི། ད་ནི་ལོས་ཁྱེར་འོག་ཏུ་ཁྱེར། །ཉི་མ་འོག་ཕྱོགས་ཕ་ཀི་ན། །མ་བདུད་རྒྱལ་མོའི་ཁ་ནང་ནས། །གསེར་ཉ་གསེར་སྦྲུལ་ཁྱེར་ཏེ་གདའ། །མ་བདུད་

[Full Size]

བདུད་ཀྱི་སྤྲུལ་པ་ཡིན། །མ་བདུད་ཁ་ལ་ལོས་འདི་ཁྱེར། །གསེར་སྦྲུལ་མི་ཡི་བླ་ཚེ་ཡིན། །ན་ས་ཆོད་ལ་དུར་ས་སྤོས། །མཚམས་བཞི་འཕེན་ཚུལ་དང་ཁྱེར་ཚུལ་བྱེད། ཀྱཻ། ད་ནི་ལོས་འཁྱེར་མཚམས་བཞིར་ཁྱེར། །ཉི་མ་མཚམས་བཞི་ཕ་ཀི་ན། །ཁྱི་འབྲུག་གླང་ལུག་བཞི་པོ་ཡི། །ན་ས་ཆོད་ལ་དུར་ས་སྤོས། །སྲོག་གི་དུར་ལོས་དེ་ལ་འབུལ། །བདག་དང་རྒྱུ་སྦྱོར་ཡོན་བདག་གིས། །ཁྱི་འབྲུག་གླང་ལུག་ལོ་པ་ཡི། །ན་ས་ཆོད་ལ་དུར་ས་སྤོས། །ཡང་བདག་རང་གི་མི་ནོར་གྱི་ལོས་ནི། ཀྱི། རྒྱུ་སྦྱོར་ཡོན་གྱི་བདག་པོ་ལ། །ཁྱིམ་སྒོ་ལམ་སྲང་འདི་དག་ལ། །ཕོ་སྲི་མོ་སྲི་ཁ་ནང་ནས། །ཡོན་བདག་མི་ནོར་ཁྱེར་ཏེ་གདའ། །ཕོ་སྲི་མོ་སྲི་བདུད་སྤྲུལ་ཏེ། །མི་ནོར་མི་ཡི་བླ་ཚེ་ཡིན། །ཕོ་སྲི་མོ་སྲི་ཁ་ན་ལོས་འདི་རྒྱོབ། །མི་ནོར་མི་དང་བཅས་པའི་བླ་ཚེ་སྤྱོད། །ཆག་ཆེན་ཉམ་ང་བཟློག་ཏུ་གསོལ། །ས་བདག་སྐག་རྣམས་ཁྱོད་ཀྱིས་ཟློག །ལོ་ཡི་སྐག་རྣམས་ཁྱོད་ཀྱིས་ཟློག །ཟླ་བའི་སྐག་རྣམས་ཁྱོད་ཀྱིས་ཟློག །ཞག་གི་སྐག་རྣམས་ཁྱོད་ཀྱིས་ཟློག །ཚེས་གྲངས་སྐག་རྣམས་ཁྱོད་ཀྱིས་ཟློག །དུས་ཚོད་སྐག་རྣམས་ཁྱོད་ཀྱིས་ཟློག །

[Full Size]

སྤར་ཁའི་སྐག་རྣམས་ཁྱོད་ཀྱིས་ཟློག །སྨེ་བའི་སྐག་རྣམས་ཁྱོད་ཀྱིས་ཟློག །ལོ་རྒན་དྲུག་ཅུ་སྐག་རྣམས་ཁྱོད་ཀྱིས་ཟློག །གཟའ་སྐར་སྐག་རྣམས་ཁྱོད་ཀྱིས་ཟློག །མོ་རྨིས་མཚན་ལྟས་ངན་པ་ཁྱོད་ཀྱིས་ཟློག །སྐག་རིགས་སུམ་བརྒྱ་དྲུག་ཅུ་ཁྱོད་ཀྱིས་ཟློག །བགེགས་རིགས་སྟོང་ཕྲག་བརྒྱད་ཅུ་ཁྱོད་ཀྱིས་ཟློག །ནད་རིགས་བཞི་བརྒྱ་རྩ་བཞི་ཁྱོད་ཀྱིས་འབྱུང་བའི་སྐག་རྣམས་ཁྱོད་ཀྱིས་ཟློག །དེ་ནས་ལོས་ར་ལོས་ལུག་བྲན་ལ་འདི་སྐད་དོ།། ཀྱཻ། སྣང་ཞིང་སྲིད་པའི་ལྷ་འདྲེ་དང་། །ལན་ཆགས་བགེགས་རིགས་ཐམས་ཅད་ལ། །ཟ་འདྲེ་དུར་འདྲེ་ཐམས་ཅད་ལ། །རྒྱུ་སྦྱོར་ཡོན་བདག་སྐུ་གླུད་དང་། །འབྲུ་མཆོག་ངར་གྱི་མི་བོ་ཆེ། །ཟེར་མོའི་འཕན་བཟང་མགོ་ལ་བཙུགས། །ཡོན་བདག་སྐུ་ཡི་གླུད་དུ་འབུལ། །ར་ཐོང་འདི་ཡི་ཐོད་སྤུ་དང་། །ཡོན་བདག་འདི་ཡི་སྐྲ་རྩེ་དང་། །ངར་མི་འདི་ཡི་སྤྱི་བོ་གསུམ། །ཁྱད་པར་མེད་དེ་རྗེ་བར་བྱེད། །རོ་བསྲེག་རྡོ་དམར་ལུས་ཀྱིས་ཟློག །མུ་ཏིག་འབར་བ་ཀླད་པའི་གླུད། །ར་ཐོང་འདི་ཡི་ཀླད་པ་དང་། །ངར་མི་འདི་ཡི་ཀླད་པ་གཉིས། །ཡོན་བདག་འདི་ཡི་ཀླད་པ་གསུམ། །འདྲ་ནི་འདྲ་སྟེ་རྗེ་བར་

[Full Size]

བྱེད། །རོ་བསྲེགས་རྡོ་དམར་ལོས་ཀྱིས་ཟློག །ལུང་ཐང་སྣ་ཚོགས་སྤྱན་དུ་གླུད། །།ར་ཐོང་འདི་ཡི་མིག་དང་གླུད། །ངར་མི་འདི་ཡི་མིག་དང་གཉིས། །ཡོན་བདག་འདི་ཡི་མིག་དང་གསུམ། །འདྲ་ནི་འདྲ་སྟེ་རྗེ་བར་བྱེད། །རོ་བསྲེགས་རྡོ་དམར་ལུས་ཀྱིས་ཟློག །ར་ཐོང་འདི་ཡི་དབང་པོ་རྣམ་ལྔ་དང་། །ངར་མི་འདི་ཡི་དབང་པོ་རྣམ་ལྔ་དང་། །ཡོན་བདག་འདི་ཡི་དབང་པོ་རྣམ་ལྔ་དང་། །འདྲ་ནི་འདྲ་སྟེ་རྗེ་བར་བྱེད། །རོ་བསྲེགས་རྡོ་དམར་ལུས་ཀྱིས་ཟློག ཀྱཻ། ནང་མི་ཡོན་གྱི་བདག་པོ་ཡི། །ན་སར་ཕྱིན་པའི་ན་ངོ་སྒྱུར། །ཤི་སར་ཕྱིན་པའི་ཤི་ངོ་སྒྱུར། །དུར་ས་ཕྱིན་པའི་དུར་ངོ་སྒྱུར། །བླ་མས་ཤི་འཕོ་འདེབས་པ་སྒྱུར། །དར་ཕྲུག་ཅོ་ཐོད་གཅོད་པ་སྒྱུར། །ཡུགས་ཟས་ཆབ་མ་བཏོག་པ་སྒྱུར། །བུ་སྲིང་མདུན་མར་ཆས་པ་སྒྱུར། །ཕུ་ནུ་རོ་ལ་འཇབ་པ་སྒྱུར། །ཉེ་བས་བཅོལ་ཁ་སྐྱེལ་བ་སྒྱུར། །བན་བོན་དཀྱིལ་འཁོར་བྲི་བ་སྒྱུར། །མཆོད་ལྦེ་པ་འདོམ་ལ་འཇལ་བ་སྒྱུར། །རོ་འཛིན་དཔུང་པ་བརྗེས་པ་སྒྱུར། །རྡོ་ཤིང་རྩིག་པ་བྱེད་པ་སྒྱུར། །རོ་དེ་དུར་དུ་བཞག་པའི་ཚུལ། །ཡས་སྟགས་གོས་བཀོན་བཞག་པ་

[Full Size]

འདིས། །ནང་མི་དུར་དུ་ཞུགས་པ་སྒྱུར། །ས་མཁན་ས་ལ་ཆས་པ་སྒྱུར། །ས་མཁན་དུར་ལུག་ཁྲིད་པ་སྒྱུར། །ཡོན་བདག་ས་ཡས་བསགས་པ་སྒྱུར། །ས་མཁན་ཡོན་གྱིས་བརྫོང་བ་བསྒྱུར། ཀྱཻ། སྐུ་ཡི་གླུད་དང་རིན་གྱི་ཚབ། །གླུད་མཆོག་རྒྱུན་ལྡན་ཡོན་ཏན་ཅན། །འདི་གང་ནས་བལྟས་ཀྱང་མཛེས་པའི་རྫས། །དང་པོ་མ་པང་སྐྱེས་པའི་ཚུལ། །བར་དུ་གཞོན་ནུ་ཤ་བཀྲག་རྒྱས་པའི་ཚུལ། །ཐ་མ་སྡུག་པའི་ནད་ཀྱིས་ཟིན་པའི་ཚུལ། །དེ་འོག་ཤི་ནས་བེམ་རིག་བྲལ་བའི་ཚུལ། །དེ་འོག་རོ་དེ་སྲེག་ཅིང་བཞུ་བའི་ཚུལ། །ཚུལ་ལྔ་འབྱུང་བ་ལྔ་ཡི་ཚུལ། །ན་བ་ཤི་བ་དུར་ཞུགས་དང་། །ཚུལ་ལྔ་ལྡན་པའི་ཡས་ཀྱིས་སྒྱུར། །ད་ནང་མི་ཡོན་གྱི་བདག་པོ་འདི། །ལུས་ཀྱི་ན་ཚ་འོང་བ་སྒྱུར། །སྲོག་གི་བར་ཆད་འོང་བ་སྒྱུར། །གནམ་གྱི་འཇུ་ཐག་ཆད་པ་སྒྱུར། །སྲོག་གི་བརྟན་ཕུར་བུད་པ་སྒྱུར། །སྲུང་རྟ་གནམ་གྱི་ཀ་བ་འགྱེལ་བ་སྒྱུར། །ཡར་གྱི་གནམ་སྒོ་བྱེ་བ་སྒྱུར། །བར་གྱི་དུར་སྒོ་བྱ་བ་སྒྱུར། །མར་གྱི་ས་སྒོ་བྱེ་བ་སྒྱུར། །རོ་བཟུང་དཔུང་པ་བརྗེས་པ་སྒྱུར། །རོ་སྒུག་གཉའ་ལག་བྱེད་པ་སྒྱུར། །རོ་བཏུམ་གོས་ཀྱིས་དཀྲི་བ་དང་། །

[Full Size]

ཟས་ངན་གཏད་ཡར་བྱེད་པ་སྒྱུར། །གསོབ་སྐོན་གཏད་ཡར་བྱེད་པ་སྒྱུར། །དོ་མ་ཁ་ཁྲིད་བྱེད་པ་སྒྱུར། །ངུ་འབོད་མཆི་མ་བྱེད་པ་སྒྱུར། །སྐྲ་གཅོད་མདུན་ལས་བྱེད་པ་སྒྱུར། །བྱ་རུ་རྔ་རྔོག་བྲེག་པ་སྒྱུར། །མ་སྲིང་ཕུ་ནུ་གཅོད་པ་སྒྱུར། །སྐྱེས་པས་འཁོར་གསུམ་གཏོར་བ་སྒྱུར། །བནྡེའི་མཆོད་ཆ་གཏོར་བ་སྒྱུར། །བོན་པོའི་སྒོམ་ཁང་བཤིག་པ་སྒྱུར། །མོ་དུར་བལ་འཕང་གཏོར་བ་སྒྱུར། །ཆུང་ངུར་མ་པང་གཏོར་བ་སྒྱུར། །ནོར་གྱི་བཙན་ཡལ་གཅོད་པ་སྒྱུར། །མཁར་གྱི་ཁ་བད་འགྱེལ་བ་སྒྱུར། །སྦྲ་ཡི་ཆོན་ཐག་གཏོར་བ་སྒྱུར། །སྲུང་དང་ཁྱིམ་གཞི་གཏོར་བ་སྒྱུར། །ཕུ་ནུའི་བཅོལ་སྐྱེལ་བྱེད་པ་སྒྱུར། །ཉེ་དུའི་བཞིན་སྐྱེལ་བྱེད་པ་སྒྱུར། །ཁྱིམ་མཚེས་གཏད་ཡར་བྱེད་པ་སྒྱུར། །བླ་མ་ཡོན་གྱིས་བརྗོང་བ་སྒྱུར། །ས་མཁན་ཡོན་གྱིས་བརྗོང་བ་སྒྱུར། །བསྒྱུར་རོ་བཟློག་གོ་དེས་བསྒྱུར་རོ། །དེ་ཡན་དུར་ལོས་མགོ་རྐང་ཚང་མ་ཡིན། །ད་ནི་སྲེག་ལོས་བྱེད་པ་ན། ལྕེ་སྤར་ཁ་དང་བསྟུན་གསུངས་པས། ནད་པ་དེ་ལི་ཐོག་པ་དང་། དྲ་ཐོག་པ་ཡིན་ན། ངར་མི་གོས་དུམ། ཤ་དང་བཅས་པ་དེ་མི་བསྲེག །རོ་ལ་མེ་མི་ཚུད་དོ་སྨྲས། །གསུར་གཞོབ་མེད་པས་ཟ་འདྲེ་མི་ཚིམས་པས། །ཤ་དུམ་ཚིལ་

[Full Size]

དུམ་ལོས་རའི་སྤུ་བྲེག་བསྲེག་གོ །སྤར་ཁ་དྭ་ལི་མིན་ན། ངར་མི་གོས་དུམ་ཡང་མེ་ལ་བསྲེག །ངར་མི་བསྲེག་ན། རྡོ་གོར་བྱས་ལ་རོ་གཞོག་སྟངས་བྱེད།། ས་མགྲོན་རྡོ་མགྲོན་མང་པོ་བསྡུས། བླ་མ་གདན་ནས་སྲེག་ཆོག་བྱེད་སྟངས་བྱེད། སྒོམ་པ་འབོད་ནས་སྤུར་ཁང་བྱེད་སྟངས་བྱེད། ཨ་མཆོད་བསྡུས་ནས་ཤི་ཆོས་བྱེད་སྟངས་བྱེད། ཡུལ་མི་ཁྱིམ་མཚེས་ཐམས་ཅད་བསྡུས་ནས་རྡོ་ཟོན་ཡིན་བརྗོད་ལ་སྐྱ་ཚུ་དང་། ཤ་ཕུད་དང་། ཇ་ཕུད་དང་། ཆང་ཕུད་གཏོར། མེད་ན་འོ་དཀར་གཏོར། ཡོས་བཀྲ་གཏོར། རྟ་ནོར་ལུག་གསུམ་གྱི་འགྱེད་དང་འབུལ་བ་ཡིན་བརྗོད་ལ། ཀྱེ་ཧོ། སྲེག་ལོས་བྱེད་པ་གར་སྲིད་ན། །སྔོན་ཚེ་བསྐལ་པའི་དང་པོ་ལ། །ཡུལ་ནི་རྒྱ་གར་ཡངས་པ་ཅན། །རྒྱལ་པོ་རབ་ལྡན་བྱ་བ་དེ། །མངའ་ཐང་ཆེ་ཞིང་དར་བའི་ཚེ། །བྲམ་ཟེ་གཏོ་མཁན་སྤྱན་དྲངས་ནས། །མོ་དང་རྡེའུ་བསྟན་པ་ལས། །བྲམ་ཟེ་རྒད་པོའི་ཞལ་ན་རེ། །རྒྱལ་པོའི་སྐུ་ཚེ་ཡོལ་ལ་ཁད། །དེ་ལ་ཅི་ཕན་དྲིས་པ་ལས། །བསྲེག་ལོས་བྱས་ན་རུང་ངོ་སྐད། །དེར་འཕགས་པ་འཇམ་དབྱངས་སྤྱན་དྲངས་ནས། །ཡངས་པ་ཅན་གྱི་གྲོང་ཁྱེར་སྒོ་དྲུང་དུ། །སྲེག་ལོས་བྱེད་པའི་གཞི་མ་བྱུང་། །དཀྱིལ་འཁོར་བཞེངས་ནས་གདུང་ཁང་བརྩེགས། །འབྲུ་སྣ་དགུ་ཡི་ཕྱེ་མ་ལ། །རྒྱལ་པོའི་སྐུ་གླུད་ལུས་ཚད་

[Full Size]

བྱས། །གཡག་ལུག་དར་མིའི་མགོ་སྙིང་ལ། །དབང་པོ་རྣམ་ལྔ་ཚང་བ་དང་། །སྐྲ་སེན་ལུས་ཀྱི་དྲི་མ་དང་། །ཆངས་བུ་ལོ་གྲངས་ཚང་བ་དང་། །དབུ་ཞྭ་ན་བཟའ་ཕྱགས་ལྡུམ་དང་། །གཤིན་རྫས་རྣམ་པ་སྣ་ཚོགས་རྣམས། །གདུང་ཁང་རྣམས་ལ་མཆོད་པ་ཡིས། །དྲི་ཟ་སྲོག་གཅོད་མཉེས་པ་ཡིས། །རྒྱལ་པོའི་མི་བླ་ལོས་ཀྱིས་བསླུས། །སྔོན་གྱི་དེ་ལ་དཔེ་བླངས་ནས། །ད་ལྟ་རྣལ་འབྱོར་སྔགས་འཆང་གིས། །སྦྱིན་བདག་གླུད་དང་གཤིན་རྫོངས་བསྔོ། ཀྱཻ། །ཤི་བའི་རྡོ་ཁྲི་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཁྲི་ལ་རྡོ་ཁྲི་བརྩེགས་པ་ཡིན། །ཤི་བའི་རྡོ་ཁྲི་ངན་པ་སྒྱུར། །ཤི་བའི་ཤིང་ཁྲི་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤིང་ཁྲི་ངན་པ་བརྩེགས་པ་ཡིན། །ཤི་བའི་ཤིང་ཁྲི་ངན་པ་སྒྱུར། །ཤི་བའི་རོ་བསྲེགས་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ངར་མི་ནག་པོ་བསྲེགས་པ་ལྕེ་འདིས། །ཤི་བའི་རོ་བསྲེགས་ངན་པ་སྦྱར། །ཤི་བའི་མེ་ལྕེ་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་མེ་ལྕེ་ངན་པ་སྒྱུར། །ཤི་བའི་སྟོན་མོ་མ་ཡིན་

[Full Size]

ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་སྟོན་མོ་ཟས་ངན་སྒྱུར། །ས་མགྲོན་རྡོ་མགྲོན་འབོད་པ་དེ། །ཤི་བའི་མགྲོན་འབོད་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་མགྲོན་འབོད་ངན་པ་སྒྱུར། །བླ་མ་སློབ་དཔོན་འབོད་པ་དེ། །ཤི་བའི་འདྲེན་སྟོན་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་འདྲེན་སྟོན་ངན་པ་སྒྱུར་། །ངུ་འབོད་མཆི་མ་འདོན་པ་འདི། །ཤི་བའི་ངུ་འབོད་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་ངུ་འབོད་ངན་པ་སྒྱུར། །ཤི་བའི་ཁ་འཕྲད་བྱེད་པ་དེ། །ཤི་བའི་ཁ་འཕྲད་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་ཁ་འཕྲད་ངན་པ་སྒྱུར། །དོ་མ་ངོ་སྟོན་བྱེད་པ་སྟེ། །ཤི་བའི་དོ་མ་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་དོ་མ་ངན་པ་སྒྱུར། །ཞུན་དང་གསུར་རྫས་བཞག་པ་དེ། །ཤི་བའི་གསུར་རྫས་མ་ཡིན་ཏེ། །ཡོན་བདག་སྐག་ཆེན་བསྒྱུར་བའི་ཕྱིར། །ཤི་བའི་ཟས་གསུར་ངན་པ་སྒྱུར། ཀྱཻ། སྔོན་ཚེ་བསྐལ་པའི་དང་པོ་ལ། །ཀོང་ཙེ་འཕྲུལ་གྱི་རྒྱལ་པོ་ཡིས། །ལོ་རྒན་དྲུག་ཅུ་ཐམ་པ་ཡི། །

[Full Size]

འབྱུང་བའི་རྐྱེན་རྣམས་བརྩིས་པ་ལས། །འབྱུང་བ་ལྔ་ལ་བདུད་གཅོད་ལྔ། །དུར་ཁ་ལྔ་ལ་ཚེ་ཟད་ལྔ། །ཚེ་ཟད་ལྔ་ལ་བཟློག་པ་ལྔ། །ད་ནི་ཡོན་གྱི་བདག་པོ་ཡིས། །མི་བླ་བདུད་ཀྱི་ལག་ནས་བསླུས། །གཤིན་རྗེ་རྣམས་ཀྱི་ཚང་ནི་རྫོགས། །གཤིན་རྗེ་མཉེས་པའི་ཡས་འབུལ་ལོ། །ཕོ་རོག་ནག་པོ་སྟོང་ཐུབ་དང་། །ངང་པ་སེར་པོ་ཁྲི་ཐུབ་དང་། །ཤུག་གུ་སྔོན་པོ་འབུམ་ཐུབ་དང་། །ཚེ་ཟད་རྣམས་གསུམ་ཚེ་ཡི་གླུད། །མཛེས་ལྡེམ་གླུད་ཆེན་ལུས་ཀྱི་གླུད། །དར་ཟབ་སྣ་ཚོགས་སྲོག་གི་གླུད། །སྐུ་གླུད་རིན་ཆེན་འདི་རྣམས་ཀྱང་། །གཤིན་རྗེ་བདུན་འབུམ་ལ་སོགས་པའི། །གཤིན་རྗེ་རྣམས་ལ་མི་ཡི་གླུད་དུ་འབུལ། །འདི་དག་འབུལ་གྱིས་བཞེས་སུ་གསོལ། །ངར་མི་ཤ་ཁྲག་རུས་གསུམ་རྣམས། །དུར་ཁ་བསྲེགས་པས་དུར་འདྲེ་སྒྱུར། །དུར་ཆས་སྣ་ཚོགས་དུར་སར་བསྡུས། །རོ་བསྲེགས་རྡོ་དམར་བསྒྱུར་དུ་གསོལ། །ས་རྡོ་ཤིང་གསུམ་བསྡུས་པ་འདི། །ཉིན་སྲིབ་ཤིང་རྡོ་འགུལ་བ་བསྒྱུར། །དུར་ཆས་དུར་ཁར་བསྲེགས་པ་འདིས། །རོ་བསྲེགས་ལག་ལེན་བྱེད་པ་སྒྱུར། །མེ་ལྕེས་གཤིན་རྗེའི་ཚང་བ་ཟློག །དུར་ས་བདུད་ཀྱི་བླ་

[Full Size]

རྐུན་ཟློག །རྒྱུ་སྦྱོར་ཡོན་གྱི་བདག་པོ་ཡི། །རོ་ཁུང་ངར་མིས་བཙང་བའོ། །ཤིད་མི་དཀར་ནག་ཆས་པ་དེ། །ས་མགྲོན་རྡོ་མགྲོན་རྣམས་ཀྱིས་ཟློག །ཤ་ཟན་རམ་ཕྱེས་འགྱེད་བྱས་པས། །རོ་ཤིད་ཟས་ངན་བསྒྱུར་དུ་གསོལ། །མགྲོན་ལམ་སྡུག་ཟན་འགུམ་པ་འདི། །ཟས་སྣ་རྣམས་ཀྱིས་བསྒྱུར་དུ་གསོལ། །གཤིན་གྱི་ཟམ་པ་ཆག་པ་ཡིས། །མིའུ་ཕར་ལ་འགྲོ་ཐབས་མེད། །མི་བདུད་ཚུར་ལ་འོང་ཐབས་མེད། །གོས་གཞོབ་གྱེན་ལ་སོང་བ་འདིས། །གནམ་སྒོ་གྱེན་ལ་བརྟན་པའོ། །དུར་ངོ་འདི་ཡིས་བཅད་དེ་སྒྱུར། །ཤ་ལྷག་ཟ་འཕྲོ་ཟན་མར་འདིས། །ས་སྒོ་ཕྱེ་བ་འདི་ཡིས་བཅད། །སྨྲེ་སྔགས་སྐད་ངན་འདི་ཡིས་སྒྱུར། །རོ་བཟུང་གཏམ་འགྲམ་བྱེད་པ་སྒྱུར། །ཞྭ་གོས་ལྷམ་གསུམ་བསྲེགས་པ་འདིས། །རོ་གཞོབ་དུ་བ་ངན་པ་སྒྱུར། །ཤིང་རྡོ་ཚེ་ཟད་བླངས་བ་ཡིས། །ཤིང་རྡོ་འགུལ་བའི་ལྟས་ངན་སྒྱུར། །ངར་མི་གྲུ་གང་བརྒྱུན་ལྡན་འདིས། །མིའུ་དུར་ཁར་ཆས་པ་སྒྱུར།། །ན་ངོ་ཤི་ངོ་དུར་ངོ་ཟློག །གདུང་དྲུག་འཚོགས་པ་ཐམས་ཅད་ཀྱིས། །མི་རེས་རྡོ་རེ་བླངས་བ་འདིས། །ཆད་པ་འགུལ་བ་འདི་ཡིས་སྒྱུར། །ས་མགྲོན་རྡོ་

[Full Size]

མགྲོན་འདུ་འཚོགས་འདིས། །རོ་བསྲེགས་ལག་ལེན་བྱེད་པ་སྒྱུར། །ས་མགྲོན་རྡོ་མགྲོན་བསྡུས་པ་འདིས། །ཕོ་མགྲོན་མོ་མགྲོན་བསྒྱུར་དུ་གསོལ། །དུར་ཁ་འགུལ་བའི་ལྟས་ངན་སྒྱུར། །དུ་བས་དུ་བ་ངན་པ་སྒྱུར། །ས་མགྲོན་རྡོ་མགྲོན་འདུ་འཚོགས་སྒྱུར། །གསུར་གཞོབ་འགུལ་བའི་ལྟས་ངན་སྒྱུར། །རོ་བསྲེགས་རྡོ་དམར་བཟློག་ཏུ་གསོལ། །རྡོ་མགྲོན་གྱིས་ནི་ཕོ་མགྲོན་སྒྱུར། །ས་མགྲོན་གྱིས་ནི་མོ་མགྲོན་སྒྱུར། །ཤ་ཟན་ཐུད་གསུམ་ཡས་སུ་བསགས། །ཕོ་མོ་མང་པོ་མགྲོན་དུ་བོས། །ཡུལ་མི་ཁ་ལེན་བསྒྱུར་དུ་གསོལ། །ཉིན་སྲིབ་ཤིང་རྡོ་བསྡུས་ནས་ནི། །ལུང་གསུམ་མདོ་རུ་བསྲེག་པ་འདིས། །རི་ལུང་མེད་པར་གསུར་གྱིས་གང་། །རོ་དུད་འཕྱུར་བ་བསྒྱུར་དུ་གསོལ། །མི་བླ་འཁྱམ་པ་གླུད་ཀྱིས་བསླུ། །ཤིང་ནག་མི་གཟུགས་རོ་ཆས་ཅན། །ཁྱོད་ནི་མེ་ལ་བསྲེགས་པའི་ཚེ། །ཡོན་བདག་རོ་རྡོག་བསྲེགས་པ་བསྒྱུར་དུ་གསོལ། །དེ་ཝཱ་རིང་འདིར་ཚོགས་ཐམས་ཅད་ཀྱིས། །དུར་གཤེད་བྱེད་པས་གཏོ་བསྒྱུར་ཡིན། །ད་ནི་ངར་མི་མེ་ལ་བསྲེགས། །རོ་ཆས་བྱེད་པ་རོ་ཚབ་ཡིན། །ཡོན་བདག་ཁྱིམ་སྒོ་ལམ་སྲང་

[Full Size]

ལ། །རོ་དུད་འཐུལ་བ་ལོས་ཀྱིས་བསྒྱུར། །ལྷ་འདྲེ་མི་གསུམ་ལག་ནས་ནི། །བླ་དང་ཚེ་སྲོག་ངེས་པར་བསླུ་བ་ཡིན། །ལོ་གསུམ་བར་དུ་བཤོལ་བ་ཡིན། །ད་ནི་གཏན་ཏུ་བཤོལ་བ་ཡིན། །ཚེ་ཟད་གསུམ་གྱི་མི་བླ་བསླུ། །ཚེ་རིང་གསུམ་གྱིས་གཏོ་དང་ཡར་བསངས་བྱས། །དེ་ལྟར་བྱས་པའི་ཡོན་ཏན་གྱིས། །ཡོན་བདག་ཕོ་མོ་བདེ་བར་བྱས། །ཕོ་ལོས་མོ་ལོས་ཁ་ལོས་བྱས། །སྔགས་འཆང་བདག་གི་སྔགས་ཀྱིས་བསྒྲིལ། །ནས་དང་ཤ་ཟན་ཐུད་དང་གསུམ། །ས་རྡོའི་མགྲོན་ལ་སྟོན་མོ་བྱས། །ར་ལུག་གཉིས་ཀྱང་མེ་ལ་བསྲེགས། །རོ་གཞོབ་ངན་པ་བསྒྱུར་དུ་གསོལ། །ས་སྣ་བྲག་སྣ་ལོས་ཀྱིས་སྒྱུར། །དུར་མི་འགུལ་བ་བསྒྱུར་དུ་གསོལ། །ལམ་མདོ་ལུང་མདོ་ལོས་ཀྱི་ལམ། །དུར་སྒོ་བྱེ་་བ་བསྒྱུར་དུ་གསོལ། །ཕོ་དུར་མོ་དུར་ལོས་ཀྱིས་སྒྱུར། །དུར་ཁ་བྱེ་བ་བཅད་དུ་གསོལ། །བན་བོན་མཐུ་ཆེན་ལོས་ཀྱི་གཤེད། །ཟ་འདྲེ་ཤི་གཤེད་ལོས་ཀྱིས་ཟློག །འཆི་བར་ངེས་པ་ཡིན་ན་ཡང་། །ཐུགས་རྗེས་ཤུགས་ཀྱིས་བཤོལ་བར་བྱ། །ད་ནི་ངར་མི་མེ་ལ་བསྲེགས། །རོ་བསྲེགས་རྡོ་དམར་ལོས་ཀྱིས་ཟློག །ལུང་གསུམ་མདོ་རུ་གསུར་

[Full Size]

གཞོབ་བྱས། །རོ་གཞོབ་ངན་པ་བསྒྱུར་དུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། །འཇམ་དཔལ་རིགས་ལྔའི་ཐུགས་རྗེ་དང་། །དཀོན་མཆོག་གསུམ་གྱི་བདེན་པ་དང་། །ཆོས་ཉིད་རྣམ་པར་དག་པ་དང་། །རྟེན་འབྲེལ་བསླུ་བ་མེད་པའི་མཐུས། །དུར་ཁ་ཐམས་ཅད་ཆོད་གྱུར་ཅིག །དུར་སྲི་ཐམས་ཅད་ཚིམ་གྱུར་ཅིག །ད་ནི་དུར་ངོ་མེད་པར་ཤོག །ལོས་མགྲོན་ཐམས་ཅད་རང་གནས་གཤེགས། །དུས་མིན་འཆི་བའི་རྐྱེན་ཞི་ནས། །ཚེ་རིང་ནད་མེད་བཀྲ་ཤིས་ཤོག །ཨོཾ་ཨ་ཀ་ནི། ནི་ཀ་ནི། ཨ་བྱི་ལ་མཎྜལ་ལ་མ་ཡེ་སྭཱ་ཧཱ། ལན་གསུམ། ལོ་ཟླ་ཞག་དང་དུས་ཚོད་དང་། །སྤར་ཁ་ལོག་མིན་ཞེས་པ་ནི། །དར་རྒུད་ཞིབ་ཏུ་བརྩིས་པ་ན། །སྲོག་ལུས་དབང་ཐང་རླུང་རྟ་ཡི། །ནི་སྐག་འཆི་སྐག་དུར་མིག་མང་། །སྤར་ཁའི་ཞལ་ཁྱིམ་ཐམས་ཅད་ནས། །དྷརྨའི་འབུམ་ལ་འུར་འདོན་དང་། །བསྲེགས་ལོས་དྲག་པོ་འདི་བྱས་ན། །ད་རུང་མི་འཆིའི་བསྲུང་བའི་ཕྱིར། །སྤར་ཁ་བརྒྱད་པོ་གར་བབ་ཀྱང་། །ལོས་འདི་གཏོ་ཡི་མཆོག་ཏུ་ལྕེ་གསུངས། །འོན་ཀྱང་ཆ་ལག་ཚང་བ་དཀོན། །དེ་ཕྱིར་རཱ་ག་ཨ་སྱ་ཡིས། །ལོས་དཔེ་བདུན་ཙམ་བསྡུར་ནས་བསྒྲིགས། །ཡི་གེ་པ་ནི་པདྨ་ཀུན་དགའ་ཞེས། །སྐུ་སྐྱེའི་མིང་ཐོག་གཅིག་གིས་བྲིས། །ཉེས་འགལ་མཆིས་ན་ལྷ་ལ་

[Full Size]

བཤགས། །དགེ་བས་ཇི་སྲིད་མ་སྟོངས་བར། །ཐོབ་པའི་མི་ལུས་རིན་ཆེན་འདི། །དུས་མིན་འཆི་བའི་རྐྱེན་བྲལ་ཤོག །བྷ་ཝནྟུ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལས་ཧུར་དྲག་མོ་ཞི་བར་སྒྲུབ་པ།

[Full Size]

ལས་ཧུར་དྲག་མོ་ཞི་བར་སྒྲུབ་པ་ནི༔ དགོས་པ་རྣམས་ནི་མི་དགོས་སོ༔ གསུངས་པས༔ དཀྱིལ་འཁོར་དང་སྒྲུབ་རྫས་ཅི་ལྟ་བ་མ་འཛོམས་ཀྱང་རུང་༔ སྒྲུབ་ཚེ་ངག་མ་ཆོད་ཀྱང་རུང་༔ འདི་ཡི་རྟོགས་པ་ལས༔ ཞི་བར་བསྒྱུར་ནས་སྒྲུབ་པ་ན༔ ནད་གདོན་སྡིག་སྒྲིབ་བར་ཆད་ཞི༔ དགྲ་གདོན་བགེགས་ཀྱི་གནོད་པ་ཞི༔ འདི་ཡིས་མི་ཞི་གང་ཡང་མེད༔ ནད་ཡམས་རྣམས་ཀྱང་ཞི་བར་འགྱུར༔ ཅེས་གསུངས་པས༔ གཞལ་ཡས་ཁང་གི་གང་དབུས་སུ་ནི༔ དྲན་རྫོགས་རང་ཉིད་ལས་ཧུར་མ༔ དབུ་དྲུག་ཕྱག་ནི་བཅུ་གཉིས་ཏེ༔ གཡས་ཞལ་དཀར་པོ་གཡོན་ཞལ་དམར༔ དབུས་ཞལ་དཀར་པོ་སྟེང་ཞལ་ལྗང་གཡས་ཞལ་སེར་པོ་གཡོན་ཞལ་དམར༔ ཕྱག་ནི་བཅུ་གཉིས་དང་པོ་གཉིས༔ གྲི་གུག་ཐོད་ཁྲག་དེ་འོག་གཉིས༔ ཁཊཾ་པད་ཕོར་དེ་འོག་གཉིས༔ ཕུར་པ་ནད་རྐྱལ་དེ་འོག་གཉིས༔ ཁྲམ་ཤིང་དབྱུག་ཐོ་དེ་འོག་གཉིས༔ དགྲ་སྟ་ཐོ་བ་དེ་འོག་གཉིས༔ གཏུན་ཤིང་སྦྲུལ་གྱི་ཞགས་པ་འཛིན༔ རིན་པོ་ཆེ་ཡི་རྒྱན་གྱིས་བརྒྱན༔ མདོག་དཀར་དར་དཀར་གོས་ཟུང་གསོལ༔ འཛུམ་རྒོད་ཞི་ཆགས་མདངས་ལྡན་པ༔ ཤིན་ཏུ་མཛེས་པ་ཕྱེད་སྐྱིལ་བཞུགས༔ སྤྱི་བོར་གུ་རུ་པད་མ་རྒྱལ༔ ཞལ་གཅིག་ཕྱག་གཉིས་སྐུ་མདོག་

[Full Size]

དཀར༔ པད་ཞྭ་ཆོས་གོས་རྣམ་གསུམ་གསོལ༔ ཕྱག་ན་རྡོ་རྗེ་དྲིལ་བུ་འཛིན༔ གཉིས་ཀ་པདྨ་ཟླ་བའི་གདན༔ དེ་ཡི་ཕྱོགས་བཞིར་ལྷ་མོ་བཞི༔ ལྷ་མོ་དེ་ལ་འཁོར་བཞིས་བསྐོར༔ དེ་རྒྱབ་སྐག་བསྒྱུར་ལྷ་མོ་དགུ༔ དེ་རྒྱབ་སྒོ་མའི་ལྷ་མོ་བཞི༔ དེ་རྒྱབ་སྟོང་བསྐང་ལྷ་མོ་བརྒྱད༔ ཀུན་ཀྱང་དཀར་མཛེས་ལྷ་མོའི་ཚུལ༔ དེ་རྒྱབ་དུར་ཁྲོད་པད་རྡོར་དང་༔ དེ་རྒྱབ་མེ་རི་འབར་བའོ༔ གནས་གསུམ་འབྲུ་གསུམ་འོད་ཀྱིས་ནི༔ ཡེ་ཤེས་པ་ནི་སྤྱན་དྲངས་ཏེ༔ དབང་སྐུར་རིགས་བདག་དབུ་མཚན་གྱུར༔ ཐུགས་ཀར་ཟླ་སྟེང་བྷྱོ་ཡི་མཐར༔ སྔགས་ཕྲེང་གཡོན་དུ་འཁོར་བ་ལས༔ འོད་ཟེར་དཀར་པོ་འཕྲོས་ཤིང་འདུས༔ འཁོར་འདས་ཚེ་བསོད་བྱིན་རླབས་བསྡུས༔ ནད་གདོན་སྡིག་སྒྲིབ་མི་མཐུན་སོགས༔ བ་མོར་ཉི་ཟེར་ཕོག་ལྟར་ཞི༔ བྷྱོ་ཕཊ་ཧཾ༔ དུ་ར་ན༔ ཏཱ་ཀྲོ་ཕཊ༔ ༈ སྔགས་གྲངས་བསྒྲུབ་པའི་གྲངས་ཀ་མེད༔ དེ་ཡིས་ལས་ཧུར་ཞི་བ་འགྲུབ༔ ༈ ཁ་མཆུ་བཟློག་པའི་གཟུངས་འདི་ནི༔ ཨོཾ་ཁྲད་ཁྲ༔ ཨུ་པ་ཡ་ན་ཟློག༔ ས་ཏ་ན༔ ཛུབ་མོ༔ ཧ་ལེ་མི་ཀི་ར་ན༔ ཧ་ཏ་ན༔ ཛུ་ལ་ནི་སྭཱ་ཧཱཿ བསམ་པ་འགྲུབ་པའི་གཟུངས་འདི་ནི༔ ས་མ་ཡ་ན་ཏ༔ ཧ་ན་ཧ་

[Full Size]

ཧ༔ ཧཱུྃ་ཕཊ༔ ན་མ་ཤྲཱི་ཛ་ལ༔ ཤི་ཛ་ལ༔ ཚེ་ཨང་མ་ཏ༔ ཡུ་མ་ཏ༔ ལ་ཡི་མ་ཏ༔ ཙུ་ཙུ་མ་ས་ན་མ་ཏ༔ ཧེ་ཧེ༔ དེ་ནས་ཇག་ཆིངས་གཟུངས་འདི་ནི༔ ས་ར་ན༔ ཕུ་ཏ་ཕུ་ཏ༔ ཀ་ལ་ནན༔ ཛུ་བཟློག༔ ས་ཧ་ར་ན་ནན༔ མོ་ལེ་གྷ་ནན༔ ཨ་ལེ་ནོན༔ ལ་ནན༔ ཧ་ལེ་ནན༔ འཁོར་གྱི་སྔགས་ནི། རྩ་སྔགས་མཇུག་ཏུ༔ མ་བྷྱོ་བྷྱོ་བྷྱོ༔ མ་བྷྱོ་མ་བྷྱོ༔ དུ་བཾ་བྷྱོ་བྷྱོ་བྷྱོ༔ མ་སྦྱོ་མ་བྷྱོ༔ ཧུ་པཾ་ཀྲོ་ཏེ་བྷྱོ༔ མ་བྷྱོ་བྷྱོ༔ འདི་ཡི་མཇུག་ཏུ་ནད་གདོན་སོགས། ཤཱནྟཾ་ཀུ་རུ་ཡེ་སྭཱ་ཧཱཿ སྦྱར༔ ཨགྷོ་སོགས་མཆོད་ནས༔ མ་མོ་ཀུན་གྱི་གཙོ་མོ་སྟེ༔ མཁའ་འགྲོ་ཀུན་གྱི་གཙོ་མོ་ཡིན༔ ཤ་ཟ་ཀུན་གྱི་གཙོ་མོ་སྟེ༔ འཇིག་རྟེན་འདས་ཀྱང་མ་འདས་ཚུལ༔ ལས་ཧུར་དྲག་མོར་འཁོར་བཅས་བསྟོད༔ ཅེས་པ་གནམ་ཆོས་གཞུང་ནས་གསུངས་པ་ལྟར་བསྒྲིགས་པ་མངྒ་ལཾ། འདི་སྤྱི་ཡི་ལས་བྱང་དུ་སབ་ཀྱང་རུང་༔ མ་སབ་འདི་དག་ལྟར་བྱས་ཀྱང་ཆོག །ཞལ་དྲོ། ཞལ་ཤེས་སོ། །དགེའོ།། །།

གནམ་ཆོས་ལས་ཧུར་དྲག་མོ་ལས་སྐག་ཟློག་རྣམ་དགུའི་ཕྱག་ལེན་གཏན་ལ་ཕབ་པ།

[Full Size]

གནམ་ཆོས་ལས་ཧུར་དྲག་མོ་ལས༔ སྐག་ཟློག་རྣམ་དགུའི་ཕྱག་ལེན་གཏན་ལ་ཕབ་པ་བཞུགས་སོ།

[Full Size]

གུ་རུ་དྷེ་ཝ་ཌཱཀྐི་ནི་ཧཱུྃ༔ གནམ་ཆོས་ལས་ཧུར་དྲག་མོའི་སྐོར༔ ལྷ་མོའི་སྐག་ཟློག་རྣམ་དགུ་ཡི༔ ལག་ལེན་རིམ་པ་འདི་ལྟ་སྟེ༔ རང་དོན་སྤྲོས་མེད་བྱེད་པ་ན༔ དམར་གཏོར་གཅིག་གིས་ཆོག་པ་ཡིན༔ གཞན་དོན་སྤྲོས་བཅས་སྔགས་ནག་ལུགས༔ འཇིམ་པའི་སྐག་ཟློག་སོ་སོའི་གཟུགས༔ བུད་མེད་གཟུགས་ལ་རང་མདོག་བྱ༔ ཁ་དོག་བསྟོད་པའི་ནང་དུ་གསལ༔ དེ་མདུན་དམར་གཏོར་གཅིག་བཞག་སྟེ༔ གཡས་སུ་མདའ་བཀྲ་གཡོན་འཕང་བཀྲ་རྒྱབ་ཏུ་ནམ་མཁའ་ཤིང་རིས་བཙུགས༔ མཐེབ་སྐྱུ་ཆངས་བུ་གཙང་མ་དང་༔ ཤ་དུམ་འབྲུ་སྣ་རྣམས་ཀྱིས་གསོ༔ ཇ་ཆང་ཆུ་གཙང་གང་འཛོམ་བྲན༔ དབང་ལུང་ལ་སོགས་ཐོབ་ན་ནི༔ བདག་བསྐྱེད་ལས་ཧུར་དྲག་མོ་བསྒོམ༔ དེ་ཡི་དབང་ལུང་མ་ཐོབ་

[Full Size]

ན༔ གུ་རུ་ཞི་དྲག་གང་རུང་ཞིག༔ བསྒོམས་ན་དེ་ཡིས་འཐུས་པ་སྟེ༔ ལས་ཧུར་དྲག་མོ་ཞེས་བྱ་བ༔ དོན་ལ་མནྡ་ར་བ་ཡིན༔ དེ་ནས་འདོན་བསྒོམ་སྦྲགས་པས་འཐུས༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ཡིག་ལས༔ གཏོར་སྣོད་རིན་ཆེན་ལས་གྲུབ་པ༔ ཡངས་ཤིང་རྒྱ་ཆེ་དེ་ཡི་ནང་༔ ཁཾ་ཡིག་ལས་བྱུང་གཏོར་མ་ནི༔ ཟག་མེད་ཡེ་ཤེས་བདུད་རྩི་མཚོ༔ ཁ་དོག་དྲི་རོ་ཕུན་སུམ་ཚོགས༔ འདོད་ཡོན་ལྔ་ལྡན་མཆོད་པའི་སྤྲིན༔ ནམ་མཁའ་བར་སྣང་ཁྱབ་པར་གྱུར༔ ཨོཾ་ཨཱཿཧཱུྃ་ཧ་ཧོ་ཧིསྭཱ་ཧཱཿ ལན་གསུམ། རང་མདུན་མཆོད་གཏོར་དེ་ཡི་སྟེང་༔ མཁའ་ལ་ཆུ་བུར་རྡོལ་བ་

[Full Size]

ལྟར༔ སྒོའི་སྐག་ཟློག་ལྷ་མོ་ནི༔ རྒྱན་དང་ཆ་ལུགས་ཡོངས་རྫོགས་པ༔ སྐད་ཅིག་དྲན་རྫོགས་གསལ་བ་ལ༔ འོད་འཕྲོས་རང་འདྲ་སྤྱན་དྲངས་ཐིམ༔ བྷྱོ༔ མུ་ལེ་མཚོ་དང་ཡོངས་འདུའི་ཤིང་༔ དུར་ཁྲོད་བརྒྱད་སོགས་བཞུགས་གནས་ནས༔ རྒེའི་སྐག་ཟློག་སྤྱན་འདྲེན་ནོ༔ སྡང་དགྲའི་སྟེང་དུ་དགྱེས་པར་བཞུགས༔ ༀ་ཤྲཱི་དེ་ཝི་ཧཱུྃ་ཛཿ ཛཿཧཱུྃ་བཾ་ཧོ༔ དངོས་འབྱོར་ཡིད་ཀྱིས་སྤྲུལ་པ་ཡི༔ མེ་ཏོག་བདུག་སྤོས་མར་མེ་དྲི༔ བཤོས་བུ་གཟུགས་སྒྲ་དྲི་རོ་དང་༔ རེག་བྱ་སྨན་གཏོར་རཀྟའི་ཚོགས་སྒོའི་སྐག་ཟློག་བྱེད་པ་ཡི༔ ལྷ་མོ་འཁོར་དང་བཅས་ལ་འབུལ༔ འཁོར་བཅས་མཉེས་ཤིང་ཚིམ་གྱུར་ཅིག༔ ཨོཾ་ཤྲཱི་དེ་ཝི་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི་ཁཱ་ཧི༔ ཨརྒྷཾ་སོགས། ཧཱུྃ། ཆོས་སྐུ་སྐྱེ་མེད་ངང་ཉིད་ལས༔ འགྲོ་བའི་དོན་དུ་སྐུ་སྤྲུལ་ནས༔ འཇིག་རྟེན་འདས་ཀྱང་འཁོར་བའི་ཚུལ༔ མ་དང་སྲིང་ལྟར་བསྒྲུབ་ལ་བརྩོན་རྒེའི་སྐག་རྣམས་ཟློག་བྱེད་པའི༔ ལྷ་མོ་འཁོར་དང་བཅས་ལ་བསྟོད༔ དམ་རྫས་མཆོད་གཏོར་ཐུགས་དམ་བསྐང་༔ ཐུགས་དང་འགལ་བ་མཐོལ་ཞིང་བཤགས༔ བདག་ཅག་སློབ་དཔོན་འཁོར་བཅས་ཀྱི༔ ཡམས་ནད་མི་ནད་

[Full Size]

ཞི་བ་དང་༔ འབྲུ་དང་རྐང་འགྲོ་འཕེལ་རྒྱས་མཛོད༔ འདོད་དགུ་ཐམས་ཅད་དབང་དུ་སྡུས༔ གནོད་ཅིང་འཚེ་བའི་དགྲ་བགེགས་སྒྲོལ༔ མ་གཡེལ་མྱུར་དུ་ལས་མཛོད་ཅིག་བཅོལ་བའི་ཕྲིན་ལས་འགྲུབ་པར་མཛོད༔ དེ་ཡན་སྐག་ཟློག་གང་བྱེད་ཀྱང༔ རྨེ་ཞེས་པར་མིང་བསྒྱུར་བྱ༔ དེ་མན་ཁྱད་པར་མེད་པ་ཡིན༔ དེ་ནས་སྐག་ཟློག་གང་ཡིན་གྱི༔ གཞུང་ཉིད་འདོན་པར་བྱ་བའི་རྗེས༔ སོ་སོའི་བཟློག་པ་གང་ཡིན་དེ༔ ཅི་འགྲུབ་བསྙེན་པོ་བྱེད་པ་སྟེ༔ གཏོར་ཆོག་ལྟ་བུ་ཡིན་ན་ནི༔ ཕྱོགས་ཀྱི་གཙང་སའམ་ཡས་ལམ་དུ༔ གཏོ་དེ་ཕུལ་རྒྱུ་བསྐུར་བ་ཡིན༔ གཏོར་མའང་དེ་དང་འདྲ་བ་སྟེ༔ སོག་གས་ན་ཕུལ་ཡང་རུང་༔ རང་གི་གལ་ཆེན་ཐམས་ཅད་ལ༔ གཏོར་མ་ཞག་མང་བཞག་ནས་ཀྱང་༔ ཉིན་རེ་ཚར་རེ་འདོན་པ་དང་༔ རྒྱུན་བསྙེན་ཞག་མང་བྱས་ནས་འབུལ༔ སྐག་ཟློག་འབུལ་ཁ་འདོན་ན་ཡང་༔ གཏོར་མ་སོ་སོར་བསྒྲིགས་ནས་བཤམས༔ རིམ་བཞིན་སོ་སོར་འདོན་ཞིང་བསྙེན༔ རིམ་བཞིན་སོ་སོར་འབུལ་བར་བྱ༔ གཏོར་ཟློག་ཚུལ་དུ་ཕྱོགས་གཅིག་བཅའ༔ གཏོར་ཟློག་བཞིན་དུ་བཅའ་འདོན་ནི༔ བྱས་ན་ལེགས་པར་འགྱུར་སྙམ་བྱེད༔ ལན་གསུམ་མཎྜལ་བརྒྱ་རྩ་སོགས༔ ཕུལ་ནས་གསོལ་བ་བཏབ་བྱས་ཀྱང་༔ དེ་འདྲ་མི་ཕོད་ཟེར་བ་བྱུང་༔ དེ་ཕྱིར་ཕྱོགས་གཅིག་མདོས་ཀྱི་ཚུལ༔ བཅའ་བར་བྱ་བ་མ་ཡིན་ནོ༔ སྤར་ཁའི་གཏོ་ཡི་གོ་ཆོད་ཀྱང་༔ བཙོག་གླུད་བླུགས་པར་མི་

[Full Size]

བྱ་སྟེ༔ ཚངས་བུ་བཞག་ཀྱང་གཙང་མ་དགོས༔ སྐག་ཟློག་དགུ་པོ་འདི་དག་ཀྱང་༔ དཔལ་ལྡན་ལྷ་མོའི་སྤྲུལ་པ་སྟེ༔ མི་མངོན་ནམ་མཁའི་དབྱིངས་རུམ་ན༔ དཔལ་ལྡན་ལྷ་མོ་རེ་མ་ཏི༔ སྐུ་ལུས་གཅིག་ལ་སྤྲུལ་པ་སྟོང་༔ སྤྲུལ་པ་རེ་ལ་ཕྱག་བརྙན་འབུམ༔ སྐུ་ཡང་མི་གཅིག་སོ་སོར་བསྒོམ༔ མཚན་ཡང་མི་གཅིག་སོ་སོར་འབོད༔ སྔགས་ཀྱང་མི་གཅིག་སོ་སོར་བཟླ༔ ཇི་ལྟར་བྱས་ཀྱང་ངོ་བོ་གཅིག༔ ཅི་ལྟར་བྱས་ཀྱང་ཕྲིན་ལས་འགྲུབ༔ དེ་སྐད་ལྷ་མོའི་རྒྱུད་ལས་གསུངས༔ དེ་ཕྱིར་སྐག་ཟློག་དགུ་པོ་ཡང་༔ ལྷ་མོའི་སྐུ་ཡི་འགྱུར་བ་སྟེ༔ ཡིན་པར་ཤེས་ཤིང་དད་གུས་བསྐྱེད༔ སྐག་ཟློག་དགུ་པོ་གང་བྱེད་ཀྱང་༔ དམར་གཏོར་གཅིག་ནི་མདུན་བཤམ་བྲན༔ ལས་བྱང་སྔོན་ལྟར་བྱས་ནས་ཀྱང་༔ སོ་སོའི་གཞུང་ནི་གང་ཡིན་འདོན༔ ཨོྃ༔ ལས་ཧུར་དྲག་མོ་ལ་ཕྱག་འཚལ་ལོ༔ དགྲ་ཡི་སྐག་ཟློག་མ་ཡི་སྒྲུབ་ཐབས་ནི༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་དམར་གཏོར་གཅིག་བཅའ་འོ༔ བྷྱོ༔ ལྷ་མོ་དགྲ་ཡི་སྐག་ཟློག་མ༔ དབུ་ནི་དམར་ལ་ལུས་གཡས་ལྗང་༔ ཞབས་གཉིས་སྔོ་ལ་ལུས་གཡོན་དཀར༔ ཕྱག་གཉིས་དགྲ་སྟ་ཐོ་བ་འཛིན༔ ལུས་ལ་རས་ཁྲའི་འདུང་མ་གྱོན༔ ཞབས་གཉིས་བཞེངས་པའི་སྟབས་ཀྱིས་བཞུགས༔ འདུང་མ་མོ་བཙུན་གོས་ལྟ་བུ༔ སྐུ་ནི་ཞི་བའི་ཆ་ལུགས་ཅན༔ འདིར་གཤེགས་བརྒྱན་པའི་གཏོར་མ་བཞེས༔

[Full Size]

གསོལ་ལོ་མཆོད་དོ་ཐུགས་དམ་བསྐང་༔ ཁྱོད་ཀྱི་ཐུགས་དམ་བསྐངས་གྱུར་ནས༔ བདག་དང་བསྲུང་བྱ་མི་ནོར་ལ༔ དགྲ་ཡི་སྐག་རྣམས་ཐམས་ཅད་ཟློག །སྔ་དགྲ་ལག་བརྡར་དགྲ་སྲི་ཟློག༔ ཕྱི་དགྲ་ཡིད་ལ་བསམ་པ་ཟློག༔ ད་དགྲ་ཐད་དུ་ལང་བ་ཟློག༔ ངོ་ལ་གདོང་ཐུག་བྱེད་པ་ཟློག༔ ལྐོག་ནས་འབུ་བཞིན་འབུགས་པ་ཟློག །མ་ཉེས་ཁ་ཡོག་བཏང་བ་ཟློག༔ བརྒྱ་ཡི་མི་ཁ་ཟུག་པ་ཟློག༔ སྟོང་གི་བྲ་མཆུ་གཏོང་བ་ཟློག༔ དགྲ་སྣ་མེ་ལྟར་འབར་བ་ཟློག༔ དགྲ་སྣ་ཆུ་ལྟར་འབྲུབ་པ་ཟློག༔ དགྲ་སྣ་རླུང་ལྟར་འཚུབ་པ་ཟློག༔ དགྲ་སྣ་བལ་ལྟར་གཡེངས་བ་ཟློག༔ གཡས་ནས་ཕོ་བརྒྱས་མདའ་བརྡར་ཟློག༔ གཡོན་ནས་མོ་བརྒྱས་དུག་གཡོས་ཟློག༔ མདུན་ནས་རྩང་བཞིན་འཛུགས་པ་ཟློག༔ རྒྱབ་ན་ཁྱི་བཞིན་ཟུག་པ་ཟློག༔ ཇག་པས་རྟ་ཁ་བསིགས་བ་ཟློག༔ རྐུན་བུས་ཤ་ཆིངས་ཁུར་བ་ཟློག༔ དགྲ་ཆེན་བདུད་དུ་ལངས་བ་ཟློག༔ དམག་སྣ་ཇག་སྣ་སྟོན་པ་ཟློག༔ དགྲ་སྣ་རྐུན་སྣ་སྟོན་པ་ཟློག༔ སྲོག་ལ་དགྲ་དར་གསོད་གཅོད་ཟློག༔ ལུས་ལ་དགྲ་དར་བརྡེག་བཙོག་ཟློག༔ དབང་ཐང་དགྲ་དར་འཕྲོག་བཅོམ་

[Full Size]

ཟློག༔ རླུང་རྟ་དགྲ་དར་མི་ཁ་ཟློག༔ རྨ་ངོ་ཁྲག་ངོ་ཐམས་ཅད་ཟློག༔ ལྕགས་དང་ཞགས་པས་བཅིངས་བ་ཟློག༔ བཙན་གྱིས་ཐོག་བབ་བྱེད་པ་ཟློག༔ ཕྱི་ཡི་ཕྱི་དགྲ་ལངས་བ་ཟློག༔ ནང་ནས་ནང་འཁྲུག་ལངས་བ་ཟློག༔ ཟུར་ནས་གཅོད་དགོས་ཟེར་བ་ཟློག༔ གསོད་ཤོམ་བརྡུང་ཤོམ་བྱེད་པ་ཟློག༔ རྐུན་ཤོམ་འཕྲོག་ཤོམ་བྱེད་པ་ཟློག༔ ཕྱོགས་བཞིའི་དགྲ་བོ་ལངས་བ་ཟློག༔ མཚམས་བཞིའི་དགྲ་བོ་ལངས་བ་ཟློག༔ ལོ་ནི་སྐོར་ཆེན་དྲུག་ཅུ་ཡི༔ སྟེང་ནས་དགྲ་སྐག་ལངས་བ་ཟློག༔ ལོ་ཡི་རྒྱལ་པོ་བཅུ་གཉིས་ཀྱི༔ སྟེང་ནས་དགྲ་སྐག་ལངས་བ་ཟློག༔ བློན་པོ་ཟླ་བ་བཅུ་གཉིས་ཀྱི༔ སྟེང་ནས་དགྲ་སྐག་ལངས་པ་ཟློག༔ དམག་མི་ཞག་གྲངས་སུམ་བརྒྱ་དང་༔ དྲུག་ཅུའི་དགྲ་སྐག་ལངས་བ་ཟློག༔ དུས་ཚོད་སྟོང་དང་བདུན་བརྒྱ་ཡི༔ ཐོག་ནས་དགྲ་སྐག་ལངས་བ་ཟློག༔ གཟའ་བདུན་རྒྱུ་སྐར་ཉེར་བརྒྱད་ཀྱི༔ སྟེང་ནས་དགྲ་སྐག་ལངས་བ་ཟློག༔ དེ་མཚམས་ཀླུ་ཆེན་བརྒྱད་པོ་ཡི༔ དུས་སུ་དགྲ་སྐག་ལངས་བ་ཟློག༔ ལོ་ཟླའི་རྗེ་བློན་བཅུ་བདུན་གྱི༔ ཐད་ནས་དགྲ་སྐག་ལངས་བ་ཟློག༔ གཟུགས་ཅན་མི་ཡི་དགྲ་ལངས་ཟློག༔

[Full Size]

གཟུགས་མེད་ལྷ་འདྲེའི་དགྲ་ལངས་ཟློག༔ བྷྱོ་བྷྱོ་ཟློག་ཟློག༔ ཐུགས་ཀར་ཟླ་སྟེང་ཁཾ་ཡིག་མཐར༔ སྔགས་འཕྲེང་གཡོན་དུ་འཁོར་བ་ལས༔ འོད་ཟེར་སྣ་ཚོགས་ཕྱོགས་བཅུར་འཕྲོས༔ དགྲ་སྐག་དགྲ་ངོ་ཐམས་ཅད་ནི༔ བ་མོར་ཉི་ཟེར་ཕོག་ལྟར་དག༔ དགྲ་ཡི་འཇིགས་པ་བྲལ་བར་བསྒོམ༔ མ་བྷྱོ་དགྲ་ཟློག༔ སྔགས་དེ་ཅི་ནུས་བསྙེན་པ་བྱ༔ དང་པོ་སྤྱན་འདྲེན་དུས་སུ་ཡང་༔ ཐུགས་ཀའི་ཁཾ་ལས་འོད་འཕྲོས་པས༔ སྤྱན་དྲངས་བསྐྱེད་པ་དེ་ལ་བསྟིམས༔ དུས་གཅིག་ཚར་གྲངས་མང་པོ་དང་༔ སྔགས་ནི་མང་དུ་བཟླས་ལ་འབུལ༔ ཡང་ན་རྒྱུན་བསྙེན་ཡུན་རིང་བྱ༔ འབུལ་ལུགས་ལ་སོགས་དགུ་ཁ་མཐུན༔ ལྷ་མོའི་དགྲ་ཟློག་ཟབ་ཅིང་མྱུར༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཞལ་གདམས་ནི་སྐུ་ཞི་བའི་ཆ་ལུགས་སོ༔ འདུང་མ་ནི་ནང་གྱོན་འདྲ་བའོ༔ སྔགས་གྲངས་སྒྲུབ་གྲངས་མེད༔ བདག་བསྐྱེད་ལས་ཧུར་དྲག་མོ་བསྐྱེད་ན་ལེགས༔ ཡི་དམ་གཞན་ཡང་རུང་ངོ་༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་རྟ་ཆེན་ཟླ་བའི་ཡར་ངོའི་ཚེས་བཅུ་ནུབ་དགྲའི་སྐག་ཟློག་མ་ཉིད་ཀྱིས་དངོས་སུ་གསུངས་སོ༔ ཞེས་པ་འདོན་ཆ་རཱ་ག་ཨ་སྱས་སྦྱར་བའོ༔ ཨོཾ༔ ངམཐ༔ ལས་ཧུར་དྲག་མོར་ཕྱག་འཚལ་ལོ༔ མེ་ཡི་སྐག་ཟློག་བསྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ སྤྲོན་དམར་གཏོར་གཅིག་བཅའ་འོ༔ བྷྱོ༔

[Full Size]

ལྷ་མོ་མེ་ཡི་སྐག་ཟློག་དམར༔ ཞལ་གཅིག་ཕྱག་གཉིས་གཟར་བུ་མེ༔ སྐུ་ལ་རས་དཀར་འདུང་མ་གསོལ༔ ལྷ་མོའི་ཆས་རྣམས་ཡོངས་སུ་རྫོགས༔ ཞབས་གཉིས་བཞེངས་པའི་སྟབས་ཀྱིས་བཞུགས༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ བདག་དང་ཡོན་བདག་བསྲུང་བྱ་ལ༔ ཕྱི་དང་ནང་དང་གསང་བ་ཡི༔ མེ་ཡི་སྐག་རྣམས་ཐམས་ཅད་ཟློག༔ སྲོག་ལུས་དབང་ཐང་རླུང་རྟ་ལ༔ མེ་དགྲ་དར་བའི་སྐག་རྣམས་ཟློག༔ སྐོར་ཆེན་དྲུག་ཅུ་ཐམ་པ་ཡི༔ མེ་དགྲ་དར་བའི་མེ་སྐག་ཟློག༔ སྤར་ཁ་ལི་དང་རྟ་སྦྲུལ་གྱི༔ སྟེང་དུ་རྩུབ་པའི་མེ་སྐག་ཟློག༔ སྨེ་བ་དགུ་དམར་བདུན་དམར་གྱི༔ སྟེང་དུ་རྩུབ་པའི་མེ་སྐག་ཟློག༔ བློན་པོ་ཟླ་བ་བཅུ་གཉིས་དང་༔ ཞག་མ་སུམ་བརྒྱ་དྲུག་ཅུ་ཡི༔ སྟེང་དུ་རྩུབ་པའི་མེ་སྐག་ཟློག༔ ཉི་མ་དང་ནི་དམག་དཔོན་དང་༔ མེ་སྐར་དྲུག་གི་མེ་སྐག་ཟློག༔ རྟ་སྦྲུལ་ལི་དང་རང་ལོའི་སྐག༔ ཕྱིན་པ་མེ་ཡི་རང་སྐག་ཟློག༔ བྱ་སྤྲེལ་ལི་ལ་ཕྱིན་པ་ཡི༔ མེ་དགྲ་དར་བའི་མེ་སྐག་ཟློག༔ ལྷོ་ཕྱོགས་མེ་ཡི་དགྲ་དར་ཟློག༔ ཡུལ་

[Full Size]

ཁམས་མེ་ཡིས་ཚིག་པ་ཟློག༔ སྦ་ཁྱིམ་མེ་ཡིས་ཚིག་པ་ཟློག༔ མཁར་ཁང་མེ་ཡིས་ཚིག་པ་ཟློག༔ ས་ཚིག་ཐན་ཆེན་འབར་བ་ཟློག༔ ལུས་ལ་མེ་སྐག་ལངས་བ་ཟློག༔ མགོ་ཚད་སྙིང་ཚད་གློ་ཚད་ཟློག༔ མཁལ་ཚད་ཕོ་ཚད་རྒྱུ་ཚད་ཟློག༔ གསང་བ་སེམས་ཀྱི་མེ་སྐག་ཟློག༔ ཞེ་སྡང་མེ་ལྟར་འབར་བ་ཟློག༔ སྐག་ཟློག་ལྷ་མོའི་དུས་ལ་བ༔ བཅོལ་བའི་ཕྲིན་ལས་འགྲུབ་པར་མཛོད༔ ལྷ་མོའི་ཐུགས་ཀར་རཾ་ལ་ནི༔ སྔགས་ཕྲེང་གཡོན་དུ་འཁོར་བ་ལས༔ འོད་ཟེར་དཔག་ཏུ་མེད་པ་འཕྲོས་མེ་ཡི་སྐག་ཟློག་སྤྱན་དྲངས་ནས༔ མདུན་དུ་བསྐྱེད་པ་དེ་ལ་ཐིམ༔ སླར་ཡང་འོད་ཟེར་སྣ་ཚོགས་འཕྲོས༔ མེ་ཡི་སྐག་དང་གནོད་པ་ཀུན༔ བ་མོར་ཉི་ཟེར་ཕོག་ལྟར་བསྒོམ༔ རཾ་ཁ་ལ་མེ་ཟློག༔ ཚར་གྲངས་སྔགས་གྲངས་ཅི་མང་བྱ༔ དེ་ཡིས་མེ་ཡི་སྐག་བོག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ རམཐ༔ ཅེས་པ་སྤྲུལ་སྐུ་དགུང་ལོ་བཅུ་གསུམ་པ་རྟ་ཆེན་ཟླ་བའི་ཉེར་བརྒྱད་ལ་ལྷ་མོ་མེ་ཡི་སྐག་ཟློག་མ་ཉིད་ཀྱིས་ཕུལ་ལོ༔ དེ་ལ་འདོན་ཆ་རཱ་ག་ཨ་སྱེས་སྦྱར་བའོ༔ ཨོྃ༔ ལས་ཧུར་དྲག་མོར་ཕྱག་འཚལ་ལོ༔ ས་ཡི་སྐག་བཟློག་མ་སྒྲུབ་ཐབས༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་དམར་གཏོར་གཅིག་བཅའ་

[Full Size]

འོ༔ བྷྱོ༔ ལྷ་མོ་ས་ཡི་སྐག་ཟློག་སེར༔ ཞལ་གཅིག་ཕྱག་གཉིས་ཐོ་བ་བསྐྱེད༔ ལྷ་མོའི་ཆས་ཀུན་ཡོངས་སུ་རྫོགས༔ ཞབས་གཉིས་བཞེངས་པའི་སྟབས་ཀྱིས་བཞུགས༔ དར་སེར་འདུང་མ་སྐུ་ལ་གསོལ༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ བདག་དང་བསྲུང་བྱ་ཐམས་ཅད་ཀྱི༔ སྲོག་ལུས་དབང་ཐང་རླུང་རྟ་ལ༔ ས་ཡི་གནོད་པའི་ས་སྐག་ཟློག༔ སྟག་ཡོས་ཁོན་ལ་ཕྱིན་པ་ཡི༔ སྤར་ཁ་ས་ཡི་དུར་སྐག་ཟློག༔ ལོ་ཟླ་ཞག་དུས་ལུག་གི་སྟེང་༔ སྟག་ཡོས་ཕྱིན་པའི་དུར་སྐག་ཟློག༔ ལྔ་སེར་སྟེང་དུ་ཕྱིན་པ་ཡི༔ སྨེ་བའི་ས་སྐག་ལངས་བ་ཟློག༔ ས་ལོ་བཅུ་གཉིས་སྟེང་རྩུབ་པ༔ ལོ་རྒན་དྲུག་ཅུའི་ས་ཐོསྐག་ཟློག༔ གཤེད་བཞིའི་སྟེང་དུ་རྩུབ་པ་ཡི༔ རྒྱལ་པོ་ལོ་ཡི་ས་སྐག་ཟློག༔ ཐ་ཆུང་བཞི་ལ་རྩུབ་པ་ཡི༔ བློན་པོ་ཟླ་བའི་ས་སྐག་ཟློག༔ གཤེད་བཞི་ཞག་ལ་རྩུབ་པ་ཡི༔ དམག་མི་ཞག་གི་ས་སྐག་ཟློག༔ གཤེད་བཞི་དུས་ལ་རྩུབ་པ་ཡི༔ དུར་ཚོད་མཚོན་ཆའི་ས་སྐག་ཟློག༔ རི་ཉིལ་ས་ལོག་མཁར་ཁང་འགྱེལ༔ ཕྱི་རོལ་སྣོད་ཀྱི་ས་སྐག་ཟློག༔

[Full Size]

སྐང་ལོག་ས་སྐྱོན་ཤ་ལྷག་སོགས༔ ལུས་ཀྱི་ས་སྐག་ནད་རྣམས་ཟློག༔ ཕོ་བའི་ནད་དང་མཚེར་པའི་ནད༔ དོན་དང་སྣོད་ཀྱི་ས་སྐག་ཟློག༔ རྐང་ལག་རྐྱང་པ་ཞུ་རིང་སོགས༔ ཡན་ལག་བཞི་ཡི་ས་སྐག་ཟློག༔ ས་བདག་འཁྲུགས་པའི་གནོད་པ་སོགས༔ ཕྱི་དང་ནང་གི་ས་སྐག་ཟློག༔ ལྡི་འཐིབ་གཉིད་དང་རྨུགས་པ་སོགས༔ གསངབ་སེམས་ཀྱི་ས་སྐག་ཟློག༔ བྷྱོ་བྷྱོ་ཟློག་ཟློག༔ ལྷ་མོའི་ཐུགས་ཀར་ཟླ་བའི་སྟེང་༔ ལཾ་ལས་སྔགས་ཕྲེང་གཡོན་དུ་འཁོར༔ དེ་ལས་འོད་ཟེར་འཕྲོས་པ་ཡི༔ ས་ཡི་སྐག་ཟློག་སྤྱན་དྲངས་ནས༔ བསྒོམ་པ་དེ་ཡི་སྐུ་ལ་ཐིམ༔ སླར་ཡང་འོད་ཟེར་འཕྲོས་པ་ཡིས༔ ཕྱི་ནང་གསང་བའི་ས་སྐག་ཀུན༔ སྤྲིན་ནག་རླུང་གིས་གཏོར་ལྟར་བསྒོམ༔ སྔགས་འདི་ཅི་འགྲུབ་མང་དུ་བརྗོད༔ ལཾ་མ་ན་ས་ཟློག༔ དེ་ཡིས་ས་ཡི་སྐག་ཟློག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ དཀུ། ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་རྟ་ཆེན་ཟླ་བའི་གནམ་གང་ཉིན་ལྷ་མོ་སའི་སྐག་ཟློག་མ་ཉིད་ཀྱིས་དངོས་སུ་གསུངས་སོ༔ ཞེས་པ་འདོན་ཆ་རཱ་ག་ཨ་སྱས་སྦྱར་བའོ༔ ཨོཾ༔ ལས་ཧུར་དྲག་མོ་ལ་ཕྱག་འཚལ་ལོ༔ ལྕགས་ཀྱི་སྐག་ཟློག་མ་སྒྲུབ་ཐབས༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་

[Full Size]

དམར་གཏོར་གཅིག་བཅའ་འོ༔ བྷྱོ༔ ལྷ་མོ་ལྕགས་ཀྱི་སྐག་ཟློག་དཀར༔ ཞལ་གཅིག་ཕྱག་གཉིས་ལྕགས་ཆ་བྲོ༔ ལྷ་མོའི་ཆ་ལུགས་ཡོངས་སུ་རྫོགས༔ དར་དཀར་འདུང་མ་སྐུ་ལ་གསོལ༔ ཞབས་གཉིས་བཞེངས་པའི་སྟབས་ཀྱིས་བཞུགས༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ ཕྱི་དང་ནང་དང་གསང་བ་ཡི༔ ལྕགས་ཀྱི་སྐག་རྣམས་ཐམས་ཅད་ཟློག༔ སྟག་དང་ཡོས་ཀྱི་ལོ་པ་ལ༔ ནུབ་ཀྱི་བྲག་དཀར་སྤྲེལ་འདུ་སོགས༔ ས་དགྲ་ལངས་བའི་ལྕགས་སྐག་ཟློག༔ བྲག་ཞིག་ལྷ་འདྲེས་རྡོ་འཕེན་དང་༔ རི་རྡོ་ཞིང་དུ་འགྲིལ་བ་སོགས༔ ལྟས་ངན་ཆོ་འཕྲུལ་ལྕགས་སྐག་ཟློག༔ མདའ་གྲི་མདུང་གསུམ་དགྲ་དར་སོགས༔ ལུས་ལ་མཚོན་གྱི་ལྕགས་སྐག་ཟློག༔ བྲག་སྲིན་བྲག་ཐིལ་གནོད་པ་སོགས༔ བྲག་གནས་ལྷ་འདྲེའི་ལྕགས་སྐག་ཟློག༔ སྟག་དང་ཡོས་ཀྱི་ལོ་པ་ཡི༔ དྭ་ཡི་སྟེང་དུ་ཕྱིན་པ་སོགས༔ སྤར་ཁའི་ལྕགས་སྟག་ལངས་བ་ཟློག༔ སྲོག་ལུས་དབང་ཐང་རླུང་རྟ་ལ༔ ལྕགས་དགྲ་དར་བའི་ལྕགས་སྐག་ཟློག༔ ལོ་ཟླ་ཞག་དང་ཟ་མ་ལ༔ སྨེ་བ་སྐར་

[Full Size]

གསུམ་སྟེང་རྩུབ་པའི༔ སྨེ་བའི་ལྕགས་སྐག་ལངས་བ་བཟློག༔ དེ་བཞིན་ལོ་ཟླ་ཞག་དུས་སུ༔ དྭ་ཡི་སྟེང་དུ་རྩུབ་པ་ཡི༔ སྤར་ཁའི་ལྕགས་སྐག་ཐམས་ཅད་ཟློག༔ སྟག་དང་ཡོས་ཀྱི་ལོ་པ་ཡི༔ ལོ་ཟླ་ཞག་དང་ཟ་མ་རྣམས༔ བྱ་སྤྲེལ་ཐོག་ཏུ་ཕྱིན་པ་ཡི༔ ལོ་ཟླ་ཞག་དུས་ལྕགས་སྐག་ཟློག༔ ལྕགས་སྐག་དྲུག་དང་པ་སངས་ཀྱི་༔ གནོད་པའི་གཟའ་སྐར་ལྕགས་སྐག་ཟློག༔ ཤིང་ལོ་བཅུ་གཉིས་ལོ་པ་རྣམས༔ ལྕགས་ལོ་བཅུ་གཉིས་སྟེང་ཕྱིན་སོགས༔ དྲུག་ཅུ་ལོ་ཡི་ལྕགས་སྐག་ཟློག༔ རུས་པ་དཀར་པོ་ལྕགས་ཀྱི་ཁམས༔ རུས་པ་ན་བའི་ལྕགས་སྐག་ཟློག༔ མགོ་ཆག་ཀླད་པ་ལུག་པ་སོགས༔ སྒལ་ཚིགས་གཞུང་པའི་ནད་རྣམས་ཟློག༔ རྐང་ལག་ཆག་ཅིང་གྲུམ་པ་སོགས༔ ལྕགས་འདྲེ་གྲི་བོ་གྲི་མོ་ཟློག༔ བཙོན་བཟུང་ལྕགས་བླུག་ལྕགས་སྐག་ཟློག༔ ས་མ་ཡ་བྷྱོ་བྷྱོ་ཟློག་ཟློག༔ ལྷ་མོའི་ཐུགས་ཀར་ཟླ་བའི་སྟེང་༔ ཙཾ་མཐར་སྔགས་ཕྲེང་གཡོན་དུ་འཁོར༔ དེ་ལས་འོད་ཟེར་འཕྲོས་པ་ཡིས༔ ལྕགས་ཀྱི་སྐག་ཟློག་སྤྱན་དྲངས་ནས༔ མདུན་གྱི་བསྐྱེད་པ་དེ་ལ་བསྟིམ༔ སླར་ཡང་འོད་འཕྲོས་ལྕགས་ཀྱི་སྐག༔ བ་མོར་ཉི་ཟེར་

[Full Size]

ཕོག་ལྟར་བསྒོམ༔ དེ་ནས་སྔགས་འདི་ཅི་འགྲུབ་བརྗོད༔ ཙ་དམར་ལྕགས་ཟློག༔ དེ་ཡིས་ལྕགས་ཀྱི་སྐག་ཟློག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཤཔ། ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་སྤོ་ཟླ་བའི་ཚེས་གཅིག་ལ་ལྷ་མོ་ལྕགས་ཀྱི་སྐག་ཟློག་མ་ཉིད་ཀྱིས་དངོས་སུ་ཕུལ་བའོ༔ ཞེས་པ་འདོན་ཆ་རཱ་ག་ཨ་སྱས་སྦྱར་བའོ༔ ཨོྃ༔ ལྕགས་ཐཾ༔ ལས་ཧུར་དྲག་མོ་ལ་ཕྱག་འཚལ་ལོ༔ གནམ་གྱི་སྐག་ཟློག་མ་སྒྲུབ་ཐབས༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་དམར་གཏོར་གཅིག་བཅའ་འོ༔ བྷྱོ༔ ལྷ་མོ་ནམ་མཁའི་སྐག་ཟློག་སྔོ༔ ཞལ་གཅིག་ཕྱག་གཉིས་འཇའ་ཚོན་གྲི༔ ལྷ་མོའི་ཆ་ལུགས་ཡོངས་སུ་རྫོགས༔ དར་སྔོན་འདུང་མ་སྐུ་ལ་གསོལ༔ ཞབས་གཉིས་བཞེངས་པའི་སྟབས་ཀྱིས་བཞུགས༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ ཕྱི་ནང་གསང་བ་གནམ་གྱི་སྐག་སྐག་ཟློག་ལྷ་མོའི་སྐག་བཟློག་ཅིག༔ ལི་དང་ཁེན་ལ་སྤུངས་པའམ༔ བུག་པའི་གནམ་སྒོ་བྱེ་བ་ཟློག༔ ལོ་ཟླ་ཞག་དང་དུས་ཚོད་ལ༔ རྟ་སྦྲུལ་ལི་དང་ཁེན་ལ་ཕྱིན༔ གནམ་གྱི་དུར་སྐག་ལངས་བ་ཟློག༔ གནམ་སྐག་ཐོག་དང་སེར་བ་ཟློག༔ གནམ་རྡོ་

[Full Size]

དུས་མིན་ཁ་ཆར་ཟློག༔ གནམ་ཁྱི་ངུ་ཟུག་བྱེད་པ་ཟློག༔ གནམ་ཐིལ་ས་ལ་བབ་པ་ཟློག༔ གཟའ་སྐར་ཐང་ལ་ལྷུང་བ་ཟློག༔ གནམ་ནད་གཟའ་ཡི་གདོང་ཐུག་ཟློག༔ གནམ་གྱི་དལ་ཁ་བབ་པ་ཟློག༔ སྐར་མདའ་ས་ལ་བབ་པ་ཟློག༔ གནམ་སྒྲོན་གཤིན་རྗེའི་མཆེ་ཟུར་ཟློག༔ བྱ་ཆེན་སྟེང་དུ་བབ་པ་ཟློག༔ བྱ་ཐན་ལུས་ལ་ཕོག་པ་ཟློག༔ གཟའ་ཆེན་བརྒྱད་ཀྱི་གཟེར་འདེབས་ཟློག༔ གཟའ་དང་རྒྱུ་སྐར་འཁྲུག་པ་ཟློག༔ རྒྱུ་སྐར་རྣམས་ཀྱི་ཉེས་སྐྱོན་ཟློག༔ འཇའ་སྣ་ཁྱིམ་དུ་ཟུག་པ་ཟློག༔ གཡུ་འབྲུག་ས་ལ་འབབ་པ་ཟློག༔ གནམ་རྟ་གནམ་ལུག་བབ་པ་ཟློག༔ འུར་སྒྲ་ཐུག་ཆོམ་བྱུང་བ་ཟློག༔ གཟའ་བདུད་རྒྱུག་གྲངས་མང་བ་ཟློག༔ གྲོང་ཁྱེར་སྟོང་པའི་གནམ་སྐག་ཟློག༔ སྦྲ་ཁྱིམ་སྟོང་པའི་གནམ་སྐག་ཟློག༔ བང་མཛོད་སྟོང་པའི་གནམ་སྐག་ཟློག༔ མེད་སྣང་ལྟོགས་སྣང་ལངས་བ་ཟློག༔ སྟོང་པ་ནམ་མཁའི་སྐག་རྣམས་ཀུན༔ སྐག་ཟློག་ལྷ་མོའི་ད་ཟློག་ཅིག༔ ས་མ་ཡ་བྷྱོ་བྷྱོ༔ ཟློག་ཟློག༔ ལྷ་མོའི་ཐུགས་ཀར་ཟླ་བའི་སྟེང་༔ ཨེ་མཐར་སྔགས་ཕྲེང་གཡོན་དུ་འཁོར༔ དེ་ལས་འོད་ཟེར་འཕྲོས་པ་ཡིས༔ ནམ་མཁའི་

[Full Size]

སྐག་བཟློག་སྤྱན་དྲངས་བསྟིམས༔ སླར་ཡང་འོད་ཟེར་འཕྲོས་པ་ཡིས༔ གནམ་ནད་གནམ་གྱི་སྐག་རྣམས་ཀུན༔ མུན་པར་ཉི་མ་ཤར་བཞིན་གསལ༔ སྔགས་འདི་ཅི་ནུས་བརྗོད་པར་བྱ༔ ཨེ་མོ་ཐེ་གནམ་གྱི་སྐག་ཟློག༔ དེ་ཡིས་གནམ་གྱིས་སྐག་ཟློག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཤ་རྒྱ༔ ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་པ་བྱ་ལོ་སྤོ་ཟླ་བའི་ཚེས་གསུམ་གྱི་ཉིན་ལྷ་མོ་ནམ་མཁའི་སྐག་ཟློག་མ་ཉིད་ཀྱིས་དངོས་སུ་ཕུལ་ལོ༔ ཞེས་པ་འདོན་ཆ་རཱ་ག་ཨ་སྱས་སྦྱར༔ ཨོཾ༔ ལས་ཧུར་དྲག་མོར་ཕྱག་འཚལ་ལོ༔ ཆུ་ཡི་སྐག་ཟློག་བསྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་དམར་གཏོར་གཅིག་བཅའ་འོ༔ བྷྱོ༔ ལྷ་མོ་ཆུ་ཡི་སྐག་ཟློག་སྔོ༔ ཞལ་གཅིག་ཕྱག་གཉིས་ཆུ་རྐྱལ་ཐོགས༔ ལྷ་མོའི་ཆུ་ལུགས་ཡོངས་སུ་རྫོགས༔ དར་སྔོན་འདུང་མ་སྐུ་ལ་གསོལ༔ ཞབས་གཉིས་བཞེངས་པའི་སྟབས་ཀྱིས་བཞུགས༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ བདག་དང་བསྲུང་བྱ་ཐམས་ཅད་ལ༔ ཆུ་ཡི་གནོད་པའི་སྐག་རྣམས་ཟློག༔ སྲོག་ལུས་དབང་ཐང་རླུང་རྟ་རྣམས༔ འབྱུང་བ་མེ་ཁམས་ཡིན་རྣམས་ལ༔

[Full Size]

ཆུ་དང་འཕྲད་པའི་ཆུ་སྐག་ཟློག༔ སྤར་ཁ་ཟླ་བ་ཞག་དུས་སུ༔ རྟ་སྦྲུལ་ཁཾ་ལ་ཕྱིན་པ་ཟློག༔ གཉིས་ནག་དང་ནི་གསུམ་མཐིང་ལ༔ རྩུབ་པ་སྨེ་བའི་ཆུ་སྐག་ཟློག༔ རྟ་དང་སྦྲུལ་གྱི་ལོ་པ་རྣམས༔ བྱི་ཕག་ལོ་ལ་ཕྱིན་པ་སོགས༔ རྒྱལ་པོ་ལོ་ཡི་ཆུ་སྐག་ཟློག༔ དེ་བཞིན་རྟ་དང་སྦྲུལ་ལོ་པ༔ ཞག་དང་ཟ་མ་ལ་སོགས་པ་བྱི་ཕག་ཤར་བའི་ཆུ་སྐག་ཟློག༔ སྲོག་ལུས་དབང་རླུང་མེ་ཁམས་པ༔ ཆུ་ཡི་སྐར་མ་ཟླ་ལག་སོགས༔ གཟའ་དང་སྐར་མའི་ཆུ་སྐག་ཟློག༔ ལ་ངུར་གངས་རྡིབ་གངས་རྒྱུག་དང་༔ རྐང་ལག་ཕྱིད་པའི་ཆུ་སྐག་ཟློག༔ ཆུས་ཁྱེར་གྲུ་ལོག་ཤ་སྦྱད་སོགས༔ ཆུ་ཡིས་ཤི་བའི་ཆུ་སྐག་ཟློག༔ སྡུག་གི་མཆི་མ་བབ་པ་སོགས༔ མྱ་ངན་ཆེན་པོའི་ཆུ་སྐག་ཟློག༔ དམུ་ཆུ་གྲང་ནད་ཆུ་འགག་སོགས༔ ཆུ་སེར་གྲང་འབྱམས་ཆུ་སྐག་ཟློག༔ གྲང་སྲིན་རྣག་ཁྲག་འཛག་པ་དང་༔ བཤལ་དང་སྐྱག་པའི་ཆུ་སྐག་ཟློག༔ རྟ་དང་སྦྲུལ་གྱི་ལོ་པ་ལ༔ བྱང་གི་ཆུ་བོ་རྒྱུན་འབབ་སོགས༔ ས་ཡི་ས་དགྲ་ཆུ་སྐག་ཟློག༔ གྲོང་པའི་བྱང་དུ་མཚོ་ཆུང་དང་༔ ཆུ་སྒྲོན་ཉི་མའི་སྲབ་མདའ་སོགས༔ ས་དགྲ་ཆུ་སྐག་ལངས་བ་ཟློག༔ ཡུལ་མི་

[Full Size]

ཆུ་ཁམས་གནོད་པ་སོགས༔ མིང་གི་ཆུ་སྐག་ལངས་བ་ཟློག༔ འདོད་ཆགས་ཆུ་ལྟར་འཁྲུགས་པ་ཟློག༔ ཆུ་ལ་གནས་པའི་གདོན་རྣམས་ཟློག༔ ཕྱི་དང་ནང་དང་གསང་བ་ཡི༔ ལྷཆུ་ཡིས་གནོད་པའི་སྐག་རྣམས་ཟློག༔ ཐམས་ཅད་མ་ལུས་བཟློག་ཏུ་གསོལ༔ ས་མ་ཡ་བྷྱོ་བྷྱོ་ཟློག་ཟློག༔ ལྷ་མོའི་ཐུགས་ཀར་ཟླ་བའི་སྟེང་༔ ཁཾ་མཐར་སྔགས་ཕྲེང་གཡོན་དུ་འཁོར༔ དེ་ལས་འོད་ཟེར་འཕྲོས་པ་ཡིས༔ ཆུ་ཡི་སྐག་ཟློག་སྤྱན་དྲངས་ནས༔ སྒོམ་པ་དེ་ཡི་སྐུ་ལ་ཐིམ༔ སླར་ཡང་འོད་ཟེར་སྣ་ཚོགས་འཕྲོས༔ ཆུ་ཡི་སྐག་དང་གནོད་པ་ཀུན༔ བ་མོར་ཉི་ཟེར་ཕོག་ལྟར་གྱུར༔ ཁཾ་མ་ར་ཆུ་ཟློག༔ མང་དུ་བརྗོད༔ དེ་ཡིས་ཆུ་ཡི་སྐག་ཟློག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཧཁ༔ ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་པ་བྱ་ལོ་སྤོ་ཟླ་བའི་ཚེས་བཞིའི་ནུབ་དཔལ་ལྡན་ལྷ་མོ་ཆུའི་སྐག་བཟློག་མ་ཉིད་ཀྱིས་དངོས་སུ་ཕུལ་ལོ༔ འདོན་ཆ་རཱག་ཨ་སྱས་སྦྱར་བའོ༔ ཤམ༔ ཨོཾ༔ ཤམཛྷ་ལས་ཧུར་དྲག་མོ་ལ་ཕྱག་འཚལ་ལོ༔ ཤིང་གི་སྐག་ཟློག་བསྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་དམར་གཏོར་གཅིག་བཅའ་འོ༔ བྷྱོ༔ ལྷ་མོ་ཤིང་གི་སྐག་ཟློག་མ༔ ལྗང་ཁུ་ཞལ་གཅིག་ཕྱག་གཉིས་མ༔ གཡས་པས་ཤིང་ལོ་གཡོན་དུ་དྲྭ་

[Full Size]

བ༔ ལྷ་མོའི་ཆས་ཀུན་ཡོངས་སུ་རྫོགས༔ ཞབས་གཉིས་བཞེངས་པའི་སྟབས་ཀྱིས་བཞུགས༔ རས་ལྗང་འདུང་མ་སྐུ་ལ་གསོལ༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ ཕྱི་ནང་གསང་བ་ཤིང་གི་སྐག༔ ཐམས་ཅད་བཟློག་པའི་དུས་ལ་བབ༔ ལོ་ཟླ་ཞག་དང་དུས་ཚོད་རྣམས༔ ཟིན་གྱི་སྟེང་དུ་རྩུབ་པ་ཡི༔ སྤར་ཁའི་ཤིང་སྐག་ལངས་བ་ཟློག༔ གཤེད་བཞི་སྟག་ཡོས་ཟིན་ལ་ཕྱིན༔ ཤིང་གི་དགྲ་སྐག་ལངས་བ་ཟློག༔ ས་ལོ་བཅུ་གཉིས་ལོ་པ་རྣམས༔ ཤིང་ལོ་བཅུ་གཉིས་སྟེང་དུ་ཕྱིན༔ དྲུག་ཅུ་ལོ་ཡི་ཤིང་སྐག་ཟློག༔ མཚམས་བཞི་ལོ་པའི་མི་རྣམས་ནི༔ སྟག་དང་ཡོས་ཀྱི་ལོ་ལ་ཕྱིན༔ གནམ་ལོ་ལོག་མན་ཤིང་སྐག་ཟློག༔ དེ་བཞིན་གཤེད་བཞི་ལོ་པ་རྣམས༔ དཔྱིད་ཟླ་ར་དང་འབྲིང་ལ་བབ༔ བློན་པོ་ཟླ་བའི་ཤིང་སྐག་ཟློག༔ དེ་བཞིན་ཞག་དང་དུས་ཚོད་ལ༔ སྟག་དང་ཡོས་བུ་ཤར་བའི་ཚེ༔ མཚམས་བཞི་ལོ་པའི་ཤིང་སྐག་ཟློག༔ ཤར་སྐར་དྲུག་དང་ཕུར་བུ་ཡིས༔ གནོད་པའི་གཟའ་སྐར་ཤིང་སྐག་ཟློག༔ ཤར་དང་ནུབ་ཀྱི་

[Full Size]

ཤིང་གཅིག་དང་༔ ཤིང་ནག་རེ་བའི་གཡབ་མོ་སོགས༔ ས་དགྲ་ཤིང་སྐག་ལངས་པ་བཟློག༔ ཤིང་ཆེན་འགྱེལ་བའི་འོག་ཚུད་དང་༔ ཤིང་གཉན་བཅད་པའི་གནོད་པ་ཟློག༔ ཀ་གདུང་འཕྲེད་དུ་ཆག་པ་དང་༔ བོང་བའི་བཅུད་རྩི་ཟག་པ་སོགས༔ ཤིང་སྐག་ལྟས་ངན་ལངས་བ་ཟློག༔ རྩ་དང་རྒྱུས་པ་ནང་གི་ཤིང་༔ རྩ་སྐྱོན་འཐེང་སྡོད་བྱུང་བ་ཟློག༔ རྩ་དང་ཆུ་རྒྱུས་ཆད་པ་ཟློག༔ རྩ་རྒྱུད་གཟེར་ཞིང་ཁུམ་པ་ཟློག༔ མཆིན་པ་ཤིང་གི་ཁམས་ཡིན་པས༔ མཆིན་ནད་མཆིན་སྐྲན་ཞུགས་པ་ཟློག༔ རང་རྒྱུད་ཤིང་ལྟར་རེངས་བ་ཟློག༔ ས་མ་ཡ་བྷྱོ་བྷྱོ་ཟློག་ཟློག༔ ལྷ་མོའི་ཐུགས་ཀར་ཧཱུྃ་ལྗང་མཐར༔ སྔགས་ཕྲེང་གཡོན་དུ་འཁོར་བ་ལས༔ འོད་ཟེར་དཔག་ཏུ་མེད་པ་འཕྲོས༔ ཤིང་གི་སྐག་ཟློག་སྤྱན་དྲངས་ནས༔ མདུན་དུ་བསྐྱེད་པ་དེ་ལ་ཐིམ༔ སླར་ཡང་འོད་འཕྲོས་ཤིང་གི་སྐག༔ ཐམས་ཅད་སངས་སེ་དག་པ་བསྒོམ༔ སྔགས་འདི་ཅི་མང་བརྗོད་པར་བྱ༔ ཤཾ་མ་ན་ཤིང་ཟློག༔ དེ་ཡིས་ཤིང་གི་སྐག་ཟློག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ གམ། ཅེས་པ་སྤྲུལ་སྐུ་ལ་རྟ་ཆེན་ཟླ་བའི་ཉེར་དྲུག་ནུབ་མོ་ལྷ་མོ་ཤིང་གི་སྐག་ཟློག་མ་ཉིད་ཀྱིས་དངོས་སུ་ཕུལ་ལོ༔ འདོན་ཆ་རཱ་ག་ཨ་སྱས་སྦྱར་བའོ༔

[Full Size]

ཨོྃ༔ ལས་ཧུར་དྲག་མོ་ལ་ཕྱག་འཚལ་ལོ༔ རླུང་གི་སྐག་ཟློག་མ་སྒྲུབ་ཐབས༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་དམར་གཏོར་གཅིག་བཅའ་འོ༔ བྷྱོ༔ ལྷ་མོ་རླུང་གི་སྐག་ཟློག་ལྗང་༔ གཡས་ནི་རླུང་ཞགས་གཡོན་སྦྲུལ་ཞགས༔ དར་ལྗང་འདུང་མ་སྐུ་ལ་གསོལ༔ ལྷ་མོའི་ཆས་ཀུན་ཡོངས་སུ་རྫོགས༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ ལོ་ཟླ་ཞག་དང་དུས་ཚོད་རྣམས༔ བཞི་ལྗང་སྟེང་དུ་རྩུབ་པ་ཡི༔ སྨེ་བའི་རླུང་སྐག་ལངས་བ་ཟློག༔ ལོ་ཟླ་ཞག་དང་དུས་ཚོད་རྣམས༔ ཟོན་གྱི་སྟེང་དུ་རྩུབ་པ་ཡི༔ སྤར་ཁའི་རླུང་སྐག་ལངས་བ་ཟློག༔ རླུང་ནག་འཚུབ་མས་བཏུམ་པ་ཟློག །ཁང་ཁྱིམ་རླུང་གིས་བསྐྱེལ་བ་ཟློག༔ སྦྲ་གུར་རླུང་གིས་ཁྱེར་བ་ཟློག༔ རླུང་རྟ་རྒུད་པའི་རླུང་སྐག་ཟློག༔ དགྲ་སྣ་རླུང་ལྟར་འཚུབ་པ་ཟློག༔ མི་ཁ་རླུང་ལྟར་འཚུབ་པ་ཟློག༔ རླུང་ཁ་དགྲ་ལ་ཤོར་བ་ཟློག༔ གཏམ་རླུང་ཕམ་པའི་རླུང་སྐག་ཟློག༔ རླུང་འཁྱོམས་ཆེན་པོ་ལངས་བ་ཟློག༔ བད་རླུང་མགོ་བོ་འཁོར་བ་ཟློག༔ སེམས་རླུང་སྨྱོ་དང་འབོག་པ་

[Full Size]

ཟློག༔ རླུང་འགག་ཕོ་ལྷོག་གླང་འཐབ་ཟློག༔ རླུང་གཟེར་སྟོད་འཚང་ལངས་བ་ཟློག༔ རླུང་གཟའ་ཁ་མིག་ཡོ་བ་ཟློག༔ རླུང་འཁྲུག་མཐོང་སྣང་སྐྲག་སྣང་ཟློག༔ གསང་རླུང་སེམས་ཀྱི་འཕྲོ་རྒོད་ཟློག༔ དོན་མེད་ཚིག་པ་ཟ་བ་ཟློག༔ རང་སྲོག་རང་གིས་གཅོད་པ་ཟློག༔ ཕྱི་ནང་གསང་བའི་རླུང་སྐག་རྣམས༔ སྐག་ཟློག་ལྷ་མོས་ད་བཟློག་ཅིག༔ ས་མ་ཡ་བྷྱོ་བྷྱོ་ཟློག་ཟློག༔ ལྷ་མོའི་ཐུགས་ཀར་ཟླ་བའི་སྟེང་༔ ཡཾ་མཐར་སྔགས་ཕྲེང་གཡོན་དུ་འཁོར༔ དེ་ལས་འོད་ཟེར་འཕྲོས་པ་ཡིས༔ རླུང་གི་སྐག་ཟློག་སྤྱན་དྲངས་ནས༔ མདུན་དུ་བསྐྱེད་པ་དེ་ལ་ཐིམ༔ སླར་ཡང་འོད་ཟེར་འཕྲོས་པ་ཡིས༔ རླུང་གི་ནད་དང་གནོད་པ་ཀུན༔ བྱང་ཞིང་དག་ནས་མེད་པར་བསྒོམས༔ སྔགས་འདི་ཅི་ནུས་བརྗོད་པར་བྱ༔ ཡཾ་མ་ར་ན་ཁཾ་ཁཾ་ནི༔ ཚྭ་ཏ་ནི་རླུང་ཟློག༔ དེ་ཡིས་རླུང་གི་སྐག་ཟློག་འགྲུབ༔ ས་མ་ཡ༔ རྒྱ༔ ཁ་ཐཾ༔ གུ་ཧྱ༔ ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་རྟ་ཆེན་ཟླ་བའི་ཉེར་བདུན་ནུབ་ལྷ་མོ་རླུང་གི་སྐག་ཟློག་མ་ཉིད་ཀྱིས་དངོས་སུ་ཕུལ་ལོ༔ འདོན་ཆ་རཱ་ག་ཨ་སྱས་སྦྱར་བའོ༔ ཨོཾ༔ ལས་ཧུར་དྲག་མོར་ཕྱག་འཚལ་ལོ༔ ཕྱོགས་ཀྱི་སྐག་ཟློག་མ་སྒྲུབ་ཐབས༔ དཀྱིལ་འཁོར་མེད་ཅིང་གཏོར་མ་མེད༔ སྤྲོ་ན་དམར་གཏོར་

[Full Size]

ༀ་གཅིག་བཅའ་འོ༔ བྷྱོ༔ ལྷ་མོ་ཕྱོགས་ཀྱི་སྐག་ཟློག་མ༔ སྐུ་མདོག་དམར་སེར་ཞལ་གཅིག་ཕྱག་གཉིས་རི་རབ་ཕུར་པ་འཛིན༔ ལྷ་མོའི་ཆ་ལུགས་ཡོངས་སུ་རྫོགས༔ དར་འདུང་དམར་སེར་སྐུ་ལ་གསོལ༔ ཞབས་གཉིས་བཞེངས་པའི་སྟབས་ཀྱིས་བཞུགས༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ ཤར་ཕྱོགས་དྲི་ཟའི་སྐག་རྣམས་ཟློག༔ ལྷོ་ཕྱོགས་གཤིན་རྗེའི་སྐག་རྣམས་ཟློག༔ ནུབ་ཕྱོགས་ཀླུ་ཡི་སྐག་རྣམས་ཟློག༔ བྱང་ཕྱོགས་གནོད་སྦྱིན་སྐག་རྣམས་ཟློག༔ ཤར་ལྷོ་མེ་ལྷའི་སྐག་རྣམས་ཟློག༔ ལྷོ་ནུབ་སྲིན་པོའི་སྐག་རྣམས་ཟློག༔ ནུབ་བྱང་རླུང་ལྷའི་སྐག་རྣམས་ཟློག༔ བྱང་ཤར་དབང་ལྡན་སྐག་རྣམས་ཟློག༔ སྟེང་ཕྱོགས་གཟའ་སྐར་སྐག་རྣམས་ཟློག༔ འོག་ཕྱོགས་ས་བདག་སྐག་རྣམས་ཟློག༔ འདྲེ་ལྔ་གནས་པའི་ཕྱོགས་སྐག་ཟློག༔ བདུད་གཅོད་།གནས་པའི་ཕྱོགས་སྐག་ཟློག༔ གནོད་བྱེད་གནས་པའི་ཕྱོགས་སྐག་ཟློག༔ སྤར་ཁ་རང་ཐོག་ཕྱོགས་སྐག་ཟློག༔ སྤར་ཁ་དགྲ་ཡི་ཕྱོགས་སྐག་ཟློག༔ ཐེ་སེ་ཧལ་ཁྱི་ཙང་ཀུན་

[Full Size]

སོགས༔ ཕྱོགས་སུ་འགྲོ་བའི་ཕྱོགས་སྐག་ཟློག༔ གཟའ་དང་ཁྲ་ཚ་ཟིན་ཕུང་སོགས༔ གདོང་དང་ཐུག་པའི་ཕྱོགས་སྐག་བཟློག༔ ཕྱོགས་དེར་སོང་ན་རྐྱེན་འོང་བའི༔ ཡུལ་ལྷ་ཁྲོས་པའི་ཕྱོགས་སྐག་ཟློག༔ མཆོད་རྟེན་ལྷ་ཁང་ཡོད་ཕྱོགས་སུ༔ འགྲོ་མི་རུང་བའི་ཕྱོགས་སྐག་ཟློག༔ གྲུ་ཟམ་རུ་ནག་ཡོད་ཕྱོགས་སུ༔ འགྲོ་མི་རུང་བའི་ཕྱོགས་སྐག་ཟློག༔ ལྕགས་བཟོ་མགར་ཚང་ཡོད་ཕྱོགས་སུ༔ འགྲོ་མི་རུང་བའི་ཕྱོགས་སྐག་ཟློག༔ ཤིང་བཟོ་མཁར་ལས་བྱེད་ཕྱོགས་སུ༔ འགྲོ་མི་རུང་བའི་ཕྱོགས་སྐག་ཟློག་བང་སྟོང་སྨོན་མ་ཡོད་ཕྱོགས་སུ༔ འགྲོ་མི་རུང་བའི་ཕྱོགས་སྐག་ཟློག༔ རྟ་བཤའ་བག་མ་བཏང་ལེན་སར༔ འགྲོ་མི་རུང་བའི་ཕྱོགས་སྐག་ཟློག༔ ས་རྐོ་ཁང་ནག་བཤུ་འགེབ་སར༔ འགྲོ་མི་རུང་བའི་ཕྱོགས་སྐག་ཟློག༔ མི་ཤི་རྡོ་ཟན་བྱེད་ས་རུ༔ འགྲོ་མི་རུང་བའི་ཕྱོགས་སྐག་ཟློག༔ ལི་ལ་ཁྱི་ཟླའི་བཅུ་བདུན་བར༔ ནུབ་ཏུ་འགྲོ་བའི་ཕྱོགས་སྐག་ཟློག༔ ཁོན་ལ་ཕག་གི་ཟླ་བ་ཡི༔ བཅུ་བཞི་ནས་ནི་བཅུ་བདུན་བར༔ བྱང་དུ་འགྲོ་བའི་ཕྱོགས་སྐག་ཟློག༔ དྭ་ལ་སྟག་ཟླའི་ཉེར་གཅིག་ལ༔ ཤར་དུ་འགྲོ་བའི་ཕྱོགས་སྐག་ཟློག༔

[Full Size]

ཁེན་ལ་རྟ་ཡི་ཟླ་བ་ཡི༔ ཚེས་གཅིག་ནས་ནི་བཅུ་བདུན་བར༔ ལྷོ་རུ་འགྲོ་བའི་ཕྱོགས་སྐག་ཟློག༔ ཁོ་ལ་ལུག་གི་ཟླ་བ་ཡི༔ ཚེས་བཅུ་ནས་ནི་ཉེར་གཅིག་བར༔ ལྷོ་ནུབ་འགྲོ་བའི་ཕྱོགས་སྐག་ཟློག༔ གིན་ལ་འབྲུག་གི་ཟླ་བ་ཡི༔ ཚེས་གཅིག་ནས་ནི་བདུན་གྱི་བར༔ ཤར་ལྷོར་འགྲོ་བའི་ཕྱོགས་སྐག་ཟློག༔ ཟིན་ལ་སྤྲེའུ་ཟླ་བ་ཚེས་གཅིག་ནས་ནི་བདུན་གྱི་བར༔ ནུབ་ཏུ་འགྲོ་བའི་ཕྱོགས་སྐག་ཟློག༔ ཟོན་ལ་གླང་གི་ཟླ་བ་ཡི༔ ཚེས་གཅིག་ནས་ནི་བདུན་གྱི་བར༔ བྱང་ཤར་འགྲོ་བའི་ཕྱོགས་སྐག་ཟློག༔ བྱི་ལིང་རྒྱུ་བའི་གདོང་ཕྱོགས་སུ༔ བྱིས་སྦ་ཁྲིད་པའི་ཕྱོགས་སྐག་ཟློག༔ སྒྲ་གཅན་འཕར་བ་གནས་ཕྱོགས་སུ༔ དམག་མི་གཤར་བའི་ཕྱོགས་སྐག་ཟློག༔ ཧལ་ཁྱི་རོ་ཟན་གནས་ཕྱོགས་སུ༔ མཚོན་རྩེ་བསྟན་པའི་ཕྱོགས་སྐག་ཟློག༔ བ་དན་ཁྲ་བོ་གནས་ཕྱོགས་སུ༔ དར་ཕྱར་དུང་འབུད་ཕྱོགས་སྐག་ཟློག༔ གཞི་བདག་དྲག་པོ་གནས་ཕྱོགས་སུ༔ དྲག་ལས་བྱས་པའི་ཕྱོགས་སྐག་ཟློག༔ ཙང་ཀུན་འཕྱེ་བོ་གནས་ཕྱོགས་སུ༔ ཁ་མཆུ་གཏམ་པའི་ཕྱོགས་སྐག་ཟློག༔ ཕྱོགས་མི་གཙང་བའི་ཕྱོགས་རྣམས་སུ༔ ཀོ་

[Full Size]

ལོང་བསྡོམས་པའི་ལས་བྱས་པ༔ དེ་དག་ཐམས་ཅད་བཟློག་ཅིང་སྒྱུར༔ ས་མ་ཡ་བྷྱོ་བྷྱོ་ཟློག་ཟློག༔ ལྷ་མོའི་ཐུགས་ཀར་ཟླ་བའི་སྟེང་༔ ཕྱི་མཐར་སྔགས་ཕྲེང་གཡོན་དུ་འཁོར༔ འོད་ཟེར་དཔག་མེད་འཕྲོས་པ་ཡིས༔ ཕྱོགས་ཀྱི་སྐག་ཟློག་སྤྱན་དྲངས་ནས༔ བསྒོམ་པ་དེ་ཡི་སྐུ་ལ་ཐིམ༔ སླར་ཡང་འོད་ཟེར་འཕྲོས་པ་ཡིས༔ ཕྱོགས་དང་ཕྱོགས་ངན་གནོད་པ་ཀུན༔ བ་མོར་ཉི་ཟེར་ཕོག་ལྟར་ཞི༔ ཕྱི་མ་ར་ཕྱོགས་ཟློག༔ དེ་ཡིས་ཕྱོགས་ཀྱི་སྐག་ཟློག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ གཅེས་པ་སྤྲུལ་སྐུ་དགུང་ལོ་བཅུ་གསུམ་པ་བྱ་ལོ་སྤོ་ཟླ་བའི་ཚེས་ལྔ་ལ་ལྷ་མོ་ཕྱོགས་ཀྱི་སྣག་བཟློག་མ་ཉིད་ཀྱིས་དངོས་སུ་གསུངས་སོ༔ འདོན་ཆ་རཱ་ག་ཨ་སྱས་སྦྱར་བའོ༔ དེ་ནས་སྐག་ཟློག་གང་ཡིན་ཀྱང་འབུལ་ཁ་འདི་འདོན༔ བྷྱོ༔ མི་མངོན་ནམ་མཁའི་དབྱིངས་རུམ་ནས༔ དཔལ་ལྡན་ལྷ་མོ་རེ་མ་ཏི༔ སྐུ་ལུས་གཅིག་ལ་སྤྲུལ་པ་སྟོང་༔ སྤྲུལ་པ་རེ་ལ་ཕྱག་བརྙན་འབུམ༔ སྐུ་ཡང་མི་གཅིག་སོ་སོར་བསྒོམ༔ སྔགས་ཀྱང་མི་གཅིག་སོ་སོར་བཟླ༔ མཚན་ཡང་མི་གཅིག་སོ་སོར་འབོད༔ ཇི་ལྟར་བྱས་ཀྱང་ངོ་བོ་གཅིག༔ ཇི་ལྟར་བྱས་ཀྱང་ཕྲིན་ལས་འགྲུབ༔ ལྷ་མོ་ཆེ་གེའི་སྐག་ཟློག་མ་བརྒྱན་པའི་གཏོར་མ་འདི་བཞེས་ལ༔

[Full Size]

བདག་གིས་ཇི་ལྟར་བཅོལ་བ་ཡི༔ སྐག་རྣམས་ཟློག་པའི་ཕྲིན་ལས་མཛོད༔ མཐུ་དང་ནུས་པ་ཅི་འདུག་ལྟ༔ རྟགས་དང་མཚན་མ་དངོས་སུ་སྟོན༔ དམ་ལ་མ་འདའ་དམ་ཚིག་ཅན༔ དུས་ལ་བབ་བོ་ས་མ་ཡ༔ སྟོང་གསལ་ནམ་མཁའི་དབྱིངས་རུམ་ནས༔ སྤྲིན་དང་གློག་དང་འཇའ་ཚོན་གསུམ༔ ལན་གཅིག་སྤྲུལ་པ་དངོས་སུ་བྱུང་༔ དེ་ནས་སྤྲུལ་པ་དབྱིངས་སུ་ཐིམ༔ མ་གཅིག་ཐུགས་ཀྱི་མཁའ་ཀློང་ནས༔ ལྷ་མོ་སྒོའི་སྐག་ཟློག་མ༔ ལན་གཅིག་སྤྲུལ་པ་དངོས་སུ་བྱོན༔ ད་ནི་ཆོས་ཀྱི་དབྱིངས་སུ་ཐིམ༔ ལྷ་མོ་སྒོའི་སྐག་ཟློག་མ༔ ད་ནི་རང་གི་གནས་སུ་གཤེགས༔ བདག་དང་བསྲུང་བྱ་འདི་དག་ལ༔ གནོད་པའི་སྐག་རིགས་དེ་རྣམས་ཀུན༔ ཐམས་ཅད་བསྡུས་ཏེ་ཁྱེར་ལ་གཤེགས༔ མ་མོ་མཁའ་འགྲོ་འདུ་བའི་གནས༔ རྒྱ་གར་དུར་ཁྲོད་བརྒྱད་དུ་གཤེགས༔ མ་ཚོགས་མཁའ་འགྲོ་འདུ་བའི་གནས༔ ནུབ་ཕྱོགས་ཨོ་རྒྱན་ཡུལ་དུ་གཤེགས་ལྷ་མོ་དཔོན་གཡོག་བཞུགས་པའི་གནས༔ མུ་ལེ་མཐིང་མཚོའི་ནང་དུ་གཤེགས༔ ཡོངས་འདུ་ཤིང་གི་རྩ་བར་གཤེགས༔ བྱང་ཤར་ཆོས་དབྱིངས་གནས་སུ་གཤེགས༔ ཨོཾ་དེ་ཝི་བཛྲ་མུཿ

[Full Size]

གཙཱ་གཙྩ༔ ཅེས་བརྗོད་ཕྱོགས་ཀྱི་གཙང་སའམ༔ ཡས་ལམ་ཕྱོགས་སུ་ཕུལ་རྒྱུ་བསྐུར༔ སྤར་ཁའི་གཏོ་ལ་འདི་བཅས་ན༔ སྤར་ཁ་རང་གནས་ཕྱོགས་སུ་ཕུལ༔ ནད་པའི་དོན་དུ་བཅའ་བ་ན༔ ལོ་བདུད་ཐོག་ཏུ་ཕུལ་བར་བྱ༔ གནོད་པ་བྱུང་ནས་འདི་བཅས་ན༔ དགྲ་སོགས་གང་གནོད་ཕྱོགས་སུ་ཕུལ༔ རང་གི་བདེ་རིམ་བཅའ་བ་ན༔ ཕྱོགས་སོགས་བརྩི་བར་མ་ཤེས་ན༔ བྱང་ཤར་ལྷ་མོ་གནས་ཕྱོགས་ཕུལ༔ སྐག་སོགས་ཞིབ་རྩིས་མི་ཤེས་ན༔ ལི་ནི་མེ་ལ་ཁོན་ནི་ས༔ དྭ་ནི་ལྕགས་ལ་ཁེན་ནི་གནམ༔ ཁམ་ནི་ཆུ་ལ་ཟིན་ནི་ཤིང་༔ ཟོན་ནི་རླུང་གི་སྐག་ཟློག་བཅའ༔ གང་ཐོགས་བཞི་ལ་འདུས་མཁན་དང་༔ དགྲ་དང་ཁ་མཆུ་ལངས་བ་ནི༔ དགྲ་ཡི་སྐག་ཟློག་བཅའ་བར་བྱ༔ གིན་ཐོག་ཕྱོགས་སུ་འགྲོ་མཁན་ནམ༔ གཞན་ཡང་ཐག་རིང་འགྲོ་དགོས་ན༔ ཕྱོགས་ཀྱི་སྐག་ཟློག་བཅའ་བར་བྱ༔ འདི་ནི་ཅུང་ཟད་སྤྲོས་བཅས་ཡིན༔ སྤྲོས་བཅས་བཅའ་འདོན་ལོང་མེད་ཅིང་༔ མེ་མཆེད་གྲུ་ཁ་རབ་སོ་དང་༔ གློ་བུར་ཇག་རྐུན་ལ་སོགས་པ༔ དམིགས་པ་བསྒོམ་ཞིང་སྔགས་བཟླས་ཆོག༔ གཏེར་གཞུང་དུ་མའི་ལུགས་སུ་སྣང་༔ སྤྲོ་ན་དམར་གཏོར་གཅིག་བཅའ་གསུངས༔ དེ་ལ་འདོན་ཆ་གཞུང་ན་མེད༔ དེ་ཕྱིར་འདོན་ཆ་དང་བཅས་པའི༔ ཕྱག་ལེན་གསལ་ཞིང་ཁྱེར་བདེ་བ༔ གཏེར་བློན་རཱ་ག་ཨ་སྱས་སྦྱར༔ དགེ་སློང་བཅས་ཡི་གེར་བཀོད༔ ཉེས་འགལ་ལྷ་མོའི་ཚོགས་ལ་བཤགས༔ དགེ་བས་འདི་ཉིད་ཆེར་འཕེལ་ནས༔ མ་འོངས་རྐང་གཉིས་འགྲོ་རྣམས་ལ༔ ཕན་ཐོགས་རྒྱ་ཆེན་

[Full Size]

འབྱུང་བར་ཤོག༔ མངྒ་ལཾ༔ བཀྲ་ཤིས༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་གཏེར་ལས་ལས་ཧུར་དྲག་མོའི་དམ་བདར་དྲག་པོ།

[Full Size]

གནམ་ཆོས་ཐུགས་གཏེར་ལས་ལས་ཧུར་དྲག་མོའི་དམ་བདར་དྲག་པོ་བཞུགས་སོ༔

[Full Size]

ལས་ཧུར་དྲག་མོ་ལ་ཕྱག་འཚལ་ལོ༔ དམ་བདར་དྲག་པོའི་བཙན་དུག་ནི༔ བྷྱོ༔ ལས་ཧུར་དྲག་མོ་རྫུ་འཕྲུལ་ཅན༔ དམ་ཚིག་ཆེན་པོའི་དུས་ལ་བབ༔ ཁྱོད་ཀྱི་སྨོན་ལམ་འདི་མིན་ནམ༔ རྣལ་འབྱོར་དམ་ཚིག་ཅན་ལ་བརྩེ༔ ཤིན་ཏུ་མཐུ་ཆེ་རི་རབ་བརླག༔ ཅི་བཅོལ་ལས་རྣམས་བསྒྲུབ་ནུས་པ༔ དམ་ཚིག་ཅན་ལ་སྡང་བ་ཡི༔ དགྲ་དང་བགེགས་ནི་གང་འདུག་ཀྱང་༔ བདག་གིས་ཐལ་བར་བརླག་ནུས་ཤོག༔ ཁྱོད་ཀྱི་སྨོན་ལམ་དེ་མིན་ནམ༔ གང་འཇིགས་ཁྱོད་ཀྱི་འཁོར་ཡིན་སྐད༔ གནོད་བྱེད་དགྲ་བགེགས་ལས་ངན་འདི༔

[Full Size]

ཁྱོད་ཀྱིས་ད་ལྟ་ཉིད་དུ་སྒྲོལ༔ སྲིད་པ་གསུམ་གྱི་འཇིག་རྟེན་ན༔ ཁྱོད་ལས་འཇིགས་པ་མེད་སན་ཟེར༔ དེ་ལྟར་ཁྱོད་ཉིད་མཐུ་དགྲ་བགེགས་མི་བསྒྲལ་ཅི་བྱུང་ངམ༔ རྡོ་རྗེ་གཡུ་དྲག་མ་ཁྱོད་ནི༔ འགྲན་མེད་མཆེད་ལྔ་ཡོད་དོ་སྐད༔ ཡེ་ཤེས་སྲིང་གཅིག་ཡིན་ནོ་སྐད༔ བརྟག་པ་བདུད་མོ་ཡིན་ནོ་སྐད༔ དམ་ཚིག་མཐུ་ཆེན་ཡིན་ནོ་སྐད༔ ས་བདག་ཚ་བོ་ཡིན་ནོ་སྐད༔ ཁྱོད་ནི་སྟོབས་ལྡན་ཡིན་པས་དགྲ་བགེགས་ཁྱོད་ཀྱིས་མི་གསོད་པ༔ སྲོག་ལ་བབ་ནི་ཡོད་དམ་ཅི༔ རཏྣ་ཁྲོ་དྲག་ཁྱོད་ལས་ནི༔ ཆེ་བའི་མ་མོ་མེད་དོ་སྐད༔ ཁམས་

[Full Size]

གསུམ་ཀུན་ཏུ་རྒྱུག་བྱེད་པ༔ དོན་མེད་གནས་སུ་ནད་ཆར་འབེབས༔ རྣལ་འབྱོར་སྐུ་ལ་བསྡོ་བ་ཡི༔ དམ་ཉམས་འདི་ཉིད་མི་བསྒྲལ་ན༔ ཁྱོད་ཀྱི་མཐུ་རྩལ་མེད་དམ་ཅི༔ པད་མ་ནག་དྲག་ཁྱོད་ཉིད་ནི༔ རལ་གཅིག་དྲག་མོ་མཐུ་རྩལ་ཅན༔ ཁྱོད་ལ་འགྲན་ཟླ་མེད་དོ་ཟེར༔ ཁྱོད་ཀྱིས་ཆེ་འགྱིང་བྱེད་པ་སྟེ༔ ང་ལ་འདི་བས་ཐུ་མ་བྱུང་༔ འདི་འདྲའི་དམ་ཉམས་དགྲ་བགེགས་འདི༔ མྱུར་དུ་བསྒྲལ་བར་མི་བྱེད་པར༔ ཁྱོད་ལ་དགྲ་བོ་སུ་ཡིས་མནན༔ ལས་འདི་ཁྱོད་ཀྱིས་མྱུར་དུ་སྒྲུབས༔ ཀརྨ་འདྲོག་ཆེན་མཐུ་རྩལ་ཅན༔ ཁ་མོ་ཆེ་ནི་འགྲན་མེད་ཟེརཿ༔ ཁྱོད་ལ་མཐུ་རྩལ་ཡོད་པས་ན༔ དགྲ་བགེགས་མི་གསོད་ཅི་ལ་བསྐྱུར༔ ཁྱོད་ཀྱི་ད་བར་བསྐྱུར་བ་འདི༔ ཁྱོད་ལ་ནད་ཀྱིས་ཟིན་ནམ་ཅི༔ ཁྱོད་ལྔས་དགྲ་བོ་བསྒྲལ་བ་ལ༔ རླུང་འཚུབ་བས་ཀྱང་མགྱོགས་སོ་ཟེར༔ གཟའ་བདུད་ཆེན་པོ་རཱ་ཧུ་ལ༔ འཇིག་རྟེན་ཁམས་ན་འགྲན་ཟླ་བྲལ༔ སེམས་ཅན་དོན་མེད་ནད་ཀྱིས་གསོད༔ ད་རེས་རྣལ་འབྱོར་བདག་ཅག་ལ༔ དོ་བསྡོ་ཕོད་བཙུགས་ཆོས་སྐྱོང་བརྙས༔ དམ་ཉམས་དགྲ་བགེགས་འདི་ཉིད་ནི༔ མྱུར་དུ་བསྒྲལ་བར་མི་བྱེད་པར༔ ཁྱོད་ལ་

[Full Size]

ལྟས་ངན་ཅི་འདྲ་བྱུང་༔ ཁྱོད་ཀྱིས་མྱུར་དུ་དགྲ་བགེགས་ཟློག༔ དུར་ཁྲོད་བདག་མོ་མཐུ་རྩལ་ཅན༔ ངེ་ནེ་མ་ཞེས་ཡོངས་སུ་གྲགས༔ ཁྱོད་ལ་མཐུ་རྩལ་ཡོད་པ་ན༔ དགྲ་ལ་ཆོ་འཕྲུལ་མི་གཏོང་བ༔ བདག་ནི་ཡི་ཆད་ལས་ཅི་བྱུང་༔ ནད་ཀྱི་བདག་མོ་གདུག་པ་ཅན༔ ཤིན་ཏུ་འཇིགས་པས་དགྲ་བགེགས་སོད༔ དགྲ་བོ་མི་གསོད་ནད་ཅིས་ཐེབས༔ སྐྱ་མོ་མཆེད་བཞི་དྲེགས་པའི་བདག༔ ཁྱོད་ཀྱིས་དགྲ་བགེགས་མི་གསོད་ན༔ ཁྱོད་ཀྱི་མཐུ་རྩལ་བདེན་པ་མེད༔ ལས་ངན་དགྲ་བགེགས་སྡིག་ཅན་འདིས་ལས་ཧུར་དྲག་མོ་མི་བདེན་ཟེར༔ ངས་ནི་ཡི་དམ་ཕྱག་མང་སྨྲས༔ དགྲ་བོས་འདྲེ་མོ་ནག་རབ་ཟེར༔ གསང་བའི་གཡུ་དྲག་མཐུ་རྩལ་ཅན༔ ཐུགས་ཆེན་ལྕམ་གཅིག་ཡིན་ནོ་སྨྲས༔ འདྲེ་མོ་ལས་ཀྱི་མེ་ལོང་འཛིན༔ དགྲ་བོ་ཡིས་ནི་དེ་ལྟར་ཟེར༔ ཡེ་ཤེས་འཇིགས་བྱེད་མཐུ་ཆེན་སྨྲས༔ དགྲ་བོས་རྒྱལ་འགོང་མགོ་དགུ་ཟེར༔ དུད་སོལ་དྲེལ་ཆིབས་འཇིགས་སོ་སྨྲས༔ དགྲ་བོས་བོང་ཞོན་ནད་བདག་ཟེར༔ ཨེ་ཀ་ཙ་ཏི་འཇིགས་རུང་སྨྲས༔ དགྲ་བོས་མིག་བཏོན་སྐུ་ཟད་ཟེར༔ ཁ་མོ་ཆེ་ནི་འཇིགས་སོ་སྨྲས༔ དགྲ་བོས་འདྲེ་

[Full Size]

མོ་སྙིང་འབྱིན་ཟེར༔ གཟའ་བདུད་ཆོས་སྐྱོང་ཆེན་པོ་སྨྲས༔ དགྲ་བོས་འདྲེ་ཕོ་སྦྲུལ་མཇུག་ཟེར༔ དུར་ཁྲོད་བདག་མོ་མཐུ་ཆེན་སྨྲས༔ དགྲ་བོས་མི་འདྲེ་བླ་འཁྱམས་ཟེར༔ ནད་བདག་ཆེན་མོ་ཡིན་ནོ་སྨྲས༔ དགྲ་བོས་འདྲེ་མོ་སྲོག་གཅོད་ཟེར༔ སྐྱ་མོ་རྫུ་འཕྲུལ་ལྡན་ནོ་སྨྲས༔ དགྲ་བོས་འདྲེ་མོ་སྤུན་བཞི་ཟེར༔ ཡི་དམ་ཆོས་སྐྱོང་མཐུ་མེད་ཟེར༔ རྣལ་འབྱོར་བདག་ལ་ལྷ་མེད་ཟེར༔ དགྲ་བོས་འདི་ཙམ་བརྙས་པ་ལ༔ རྟག་ཏུ་ལྷ་མཆོད་དོན་ཆུང་སྙམ༔ འུག་པ་གསེར་གྱི་མིག་ཅན་ཁོ༔ ཉ་མོའི་སྟེང་དུ་རྒོད་ལུགས་ཀྱང་༔ ཉིན་ལ་བབ་ན་བལྟ་དབང་མེད༔ ལས་ཧུར་དྲག་མོ་འཁོར་བཅས་རྣམས༔ དོན་མེད་སྟེང་དུ་མཐུ་ཆེ་སྟེ༔ དགྲ་བོ་བྱུང་ན་ད་མི་སྣང་༔ ལས་ཧུར་དྲག་མོའི་མཐུ་རྩལ་དང་༔ ལས་འཕྲོ་བསྒུགས་ནས་བསྡད་པ་ལ༔ དེ་འདྲའི་མཐུ་རྩལ་སུ་ལ་ཡོད༔ དེ་བས་ཁྱོད་ལ་མཐུ་མེད་ན༔ ཧ་ཧ་ཉམས་ཡང་མཚར་པོ་ཆེ༔ ད་རེས་རེམ་ཞིག་དགྲ་ལ་རྒྱུགས༔ བློ་བྱོ་སྡང་བའི་དགྲ་ལ་བྱོ༔ སོད་སོད་སྡང་བའི་དགྲ་བགེགས་སོད༔ ལས་ཧུར་དྲག་མོས་མྱུར་ཆོམ་ལ༔ ཞིང་བཅུའི་དམ་ཉམས་དགྲ་བགེགས་འདིའི༔ ཤ་ལ་ཟོ་ཞིག་ཚྭ་ས་ཁ་རཾ་

[Full Size]

ཁཱ་ཧི༔ ཁྲག་ལ་འཐུངས་ཤིག་རཀྟ་ཁ་རཾ་ཁཱ་ཧི༔ རུས་པ་འཆོས་ཤིག་ཀཾ་ནི་རི་ཏི་ཁ་རཾ་ཁཱ་ཧི༔ ཀླད་པ་ལྡོག་ཅིག་ཀོ་རོ་ཙ་ན་ཁ་རཾ་ཁཱ་ཧི༔ རྒྱུ་མ་གསོལ་ཅིག་བ་སུ་ཏ་ལ་ཁ་རཾ་ཁཱ་ཧི༔ དགྲ་བགེགས་གནོད་བྱེད་ཀྱི་ཤ་ཁྲག་དབུགས་གསུམ་ལ་རྒྱུག་རྒྱུག་རྦད་རྦད༔ ཁྲོ་ཟོ༔ ཆོམ་ཆོམ་གྷི་གྷི༔ ཙེར༔ ཧུལ་ཧུལ༔ དགྲ་བགེགས་གནོད་བྱེད་ཧུར་ཐུ་ཛཿ མཱ་ར་ཡ་རྦད་ནན་ནན་ཧྲིང་ཛ་ཛཿ རུ་རུ་རུ་ཀཾ་ཀཱི་ཧཱུྃ༔ དུ་མ་ར༔ ཀརྨ་ཏུ་བློ་རྒྱུག༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གླུ་ཧྱ༔ ཙབྱམསྱ། འདིའི་ཞལ་གདམས་ལ༔ དགྲ་བོ་ཟེར་བར་དགྲ་བགེགས་སྦྱར་བ་རིམ་གྲོ་དུས་སོ༔ སོད་ཅེས་པའི་ཚབ་ཏུ་བཟློག་སྦྱར་རུང་༔ དམིགས་པ་རང་ཉིད་ལས་ཧུར་དུ་སྒོམས༔ དེ་ཡང་འཁོར་ཡོངས་རྫོགས་ཀྱིས་བསྐོར༔ བདག་བསྐྱེད་འཁོར་བཅས་ལས་འོད་ཟེར་འཕྲོས་པས་མདུན་བསྐྱེད་སོ་སོའི་ཐུགས་ཀར་ཐིམ༔ མདུན་བསྐྱེད་འཁོར་བཅས་ཀྱི་ཐུགས་ཀར་དམིགས་བྱ་དགྲ་བོའི་ས་བོན་ཧཱུྃ་ལྗང་གུ་གཅིག་ཡར་རྒྱུག་མར་བརྒྱུགས་པས་ཐུགས་སྣད་པར་བྱས༔ ཡང་དགྲ་བོ་དེ་དངོས་འདྲ་བ་གཅིག་གིས་དབྱུག་ཐོ་ཁྱེར་ནས༔ མདུན་བསྐྱེད་ལྷ་དེ་རྣམས་ཀྱི་བྲང་ལ་བརྡེགས༔ དེ་ནས་ལྷ་རྣམས་རབ་ཏུ་ཁྲོས་ནས་ཡུལ་དུ་སོང་ནས་རྡུལ་དུ་བརླགས་པར་བསམ་མོ༔ འདི་ནམ་རེད་འདོན་མི་རུང་གལ་ཐུག་དུས་འདོན༔ སྒྲུབ་པའི་གནད་ཡི་གེ་བསྒྲུབ་མི་རུང་དུས་

[Full Size]

དང་ཐུག་ན་ལེགས༔ ས་མ་ཡ༔ རྒྱ་རྒྱ་རྒྱ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་བྱ་ལོ་ཆོ་འཕྲུལ་ཆེན་པོའི་བཅུ་གཉིས་ཉིན་ལས་ཧུར་དྲག་མོས་དངོས་སུ་གསུངས་སོ༔ ཡེ་ཤེས་འཇིགས་བྱེད་གཏོར་ཟློག་འདི༔ སྤྲུལ་སྐུ་ཉིད་ཀྱིས་བཀས་བསྐུལ་ནས༔ གཞུང་ནས་ཁྲིགས་སུ་སྡེབ་པ་དང་༔ ཁ་བཀང་འདོན་ཆ་སྦྱོར་གསུངས་ནས༔ ལོ་ཡི་རྒྱལ་པོ་བྱི་བའི་ལོ༔ སྨིན་དྲུག་ཟླ་བར་བརྩམས་བྱས་ཀྱང་༔ ཤིན་ཏུ་གཉན་པའི་ལྟས་མཐོང་ནས༔ ལོ་དགུའི་བར་དུ་བཏང་སྙོམས་བཞག༔ བཀའ་རྒྱ་གྲོལ་བའི་ལྟས་མཐོང་ཞིང་༔ སྤྲུལ་སྐུའི་དགོངས་པ་རྫོགས་པའི་ཕྱིར་སྤྲེལ་ལོ་སྨིན་དྲུག་ཟླ་བ་ཡི་ཉེར་བདུན་ཉི་ན་པར་རྫོགས་པར་བསྒྲིགས༔ སྔོན་ཆད་ས་སྟེང་མ་གྲགས་པ་འམ༔ བཟློག་པ་འདི་བས་ཟབ་པ་ནི༔ འཇིག་རྟེན་ཁམས་ན་སྲིད་མི་འགྱུར་ཤིན་ཏུ་ཟབ་ཅིང་གཉན་པའི་ཕྱིར༔ གཞན་ལ་མི་སྤེལ་གསང་ཞིང་སྤྱོད༔ དེ་སྐད་གཏེར་སྟོན་སྐུ་གཤེགས་ཀྱང་༔ གཏེར་བློན་རཱ་ག་ཨ་སྱས་སྨྲས༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མདོས་ཟློག་སྤྱི་ཡི་རྩང་གྱེར་བི་ཛ་ཧ་རཾ།

[Full Size]

མདོས་ཟློག་སྤྱི་ཡི་རྩང་གྱེར་བི་ཛ་ཧ་རཾ། ཧཱུྃ། དཔལ་ཆེན་ཁྲག་འཐུང་ཧེ་རུ་ཀ །དྲག་པོའི་བཟློག་མདོས་ལྕགས་རི་ལ། །དབང་དྲག་ལས་ཀྱི་རྩང་ཕུར་བཙུགས། །བཀའ་སྡོད་ཕོ་ཉ་མཉེས་པའི་རྫས། །རྩང་ཕུར་ཡར་གྱི་རྩེ་མོ་ལ། །འུར་འུར་ཆེམ་ཆེམ་སྤྲིན་ནག་འཁྲིགས། །མ་རུངས་འབྲུག་སྒྲ་ཤི་རི་རི། །རྐེད་པ་རྒྱ་མདུད་འབར་བ་ལ། །མི་བཟད་གློག་དམར་སྐྱེམས་སེ་སྐེམ། །གནམ་ལྕགས་ཐོག་གི་བུ་ཡུག་འཚུབ། །གདུག་པའི་རྩང་ཕུར་མར་རྩེ་ན། །རྡོ་རྗེ་མེ་ཡི་སེར་བ་འབེབས། །དགྲ་བགེགས་ཐལ་བ་རྡུལ་དུ་རློགས། །དངུལ་ལམ་དཀར་པོའི་ཤིང་དག་ལ། །ཤར་ཕྱོགས་ཞི་བའི་རྩང་ཕུར་བདུན། །རྩེ་མོ་ཟུར་གསུམ་དུག་གསུམ་ཞི། །ཡར་རྩེ་དུང་གི་སེང་གེ་འགྱིང་། །སྤྲུལ་པའི་སེང་ཆེན་ནམ་མཁའ་གང་། །གཡུ་རལ་སྤྲུག་ཅིང་སེང་སྐད་འདོན། །མར་རྩེ་ཆུ་སྲིན་མཆེ་བ་གཙིགས། །སྤྲུལ་པའི་ཆུ་སྲིན་ས་འོག་ཁྱབ། །དྲག་པོའི་རྐན་སྒྲ་ཐགས་སེ་ཐག༔ རྐེད་པ་རྒྱ་མདུད་ཟླུམ་པོའི་ནང་། །ཤར་ཕྱོགས་ཞི་བའི་ལས་མཛད་པའི། །ཤར་གྱི་དབང་ཕྱུག་མ་བདུན་གནས། །ནད་གདོན་དགྲ་བགེགས་འཇིགས་པ་བརྒྱད། །ཞི་བར་མ་

[Full Size]

གྱུར་གང་ཡང་མེད། །ཞི་མཛད་མ་ཡིས་ཞི་བར་མཛོད། །བར་ཆད་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། གསེར་རམ་སེར་པོའི་ཤིང་དག་ལ། །ལྷོ་ཕྱོགས་རྒྱས་པའི་རྩང་ཕུར་བདུན། །རྩེ་མོ་ཟུར་གསུམ་སྐུ་གསུམ་གནས། །ཡར་རྩེ་རྒྱ་སྟག་དམར་པོ་མཆོངས། །སྟག་མོ་འཛུམ་དྲུག་ཤིགས་སེ་ཤིག །མར་རྩེ་ཕག་རྒོད་མཆེ་བ་གཙིགས། །ཕག་རྒོད་མཆེ་བ་ཐགས་སེ་ཐག །རྐེད་པ་རྒྱ་མདུད་གྲུ་བཞི་གནས། །ལྷོ་ཕྱོགས་རྒྱས་པའི་ལས་མཛད་པའི། །ལྷོ་ཡི་དབང་ཕྱུག་སྲིང་བདུན་གནས། །ཚེ་དང་བསོད་ནམས་འབྱོར་པ་དྲུག །རྒྱས་པར་མ་གྱུར་གང་ཡང་མེད། །རྒྱས་མཛད་མ་ཡིས་རྒྱས་པར་མཛོད། །ཚེ་དང་བསོད་ནམས་པུཊྚི་ཀུ་རུ་ཡེ་སྭཱ་ཧཱ། ཟངས་སམ་དམར་པོའི་ཤིང་དག་ལ། །ནུབ་ཕྱོགས་དབང་གི་ཟངས་ཕུར་བདུན། །རྩེ་མོ་ཟུར་གསུམ་ཁམས་གསུམ་སྡུད། །།ཡར་རྩེ་གཟིག་ཆེན་ཐིག་ལེ་འགྱིང་། །གཟིག་མོའི་ངར་སྐད་འུ་རུ་རུ། །མར་རྩེ་དོམ་ནག་མཆེ་བ་གཙིགས། །དོམ་ནག་མཆེ་གཙིག་ཐམས་སེ་ཐམ། །སྐེད་པ་རྒྱ་མདུད་ཟླ་གམ་ནང་། །ནུབ་ཕྱོགས་དབང་གི་ལས་མཛད་པའི། །ནུབ་ཀྱི་དབང་ཕྱུག་མ་བདུན་གནས། །ཁམས་གསུམ་སྲིད་གསུམ་འཁོར་འདས་

[Full Size]

རྣམས། །དབང་དུ་མ་གྱུར་གང་ཡང་མེད། །དབང་བྱེད་མ་ཡིས་དབང་དུ་སྡུད། །ཁམས་གསུམ་སྲིད་གསུམ་བ་ཤང་ཀུ་རུ་ཡེ་སྭཱ་ཧཱ། ལྕགས་སམ་དྲག་པོའི་ཤིང་དག་ལ། །བྱང་ཕྱོགས་དྲག་པོའི་རྩང་ཕུར་བདུན། །རྩེ་མོ་ཟུར་གསུམ་གདོན་གསུམ་འདུལ། །ཡར་རྩེ་བསེ་ཡི་བྱ་གླག་ལྡིང་། །བྱ་ཁྲ་འཇུམ་དང་ཆུམས་སེ་ཆུམ། །མར་རྩེ་ལྕགས་ཀྱི་ཕོ་རོག་འགྱེད། །བྱ་རོག་རྐང་འགྲོས་ཀྲངས་སེ་ཀྲང་། །རྐེད་པ་རྒྱ་མདུད་གྲུ་གསུམ་ནང་། །བྱང་ཕྱོགས་དྲག་པོའི་ལས་མཛད་པའི། །བྱང་གི་དབང་ཕྱུག་སྲིང་བདུན་གནས། །བདུད་བཞིའི་དགྲ་བགེགས་ལོག་འདྲེན་རྣམས། །བརླགས་པར་མ་གྱུར་གང་ཡང་མེད། །རློག་བྱེད་མ་ཡིས་བརླག་པར་མཛོད། །དགྲ་བགེགས་མཱ་ར་ཡ་ཧཱུྃ་ཕཊ། གདུག་རྩུབ་ཚེར་མའི་ཤིང་རྣམས་ལ། །ལས་བྱེད་རྩང་ཕུར་དྲུག་ཅུ་ལ། །རྩེ་མོ་ཟུར་གསུམ་སྲིད་གསུམ་འདུལ། །ཡར་རྩེ་ཡེ་ཤེས་མེ་དཔུང་འབར། །བཙན་དམག་ལས་ལ་ཤ་ར་ར། །མར་རྩེ་བསྐལ་པའི་མུན་ནག་འཁྲིགས། །བདུད་དམག་བྲོ་བརྡུང་ཁྲིགས་སེ་ཁྲིག །སྐེད་པ་རྒྱ་མདུད་གཞལ་ཡས་ཁང་། །སྲིན་མོ་དྲུག་ཅུ་རྩ་བཞི་གནས། །ཤར་གྱི་རྩང་

[Full Size]

བཙུགས་ཨ་ལོང་རིས། །དྲ་མིག་ཟླུམ་པོ་ལྷུན་གྱིས་གྲུབ། །ལྷོ་ཡི་རྩང་བཙུགས་ཨ་ལོང་རིས། །དྲ་མིག་གྲུ་བཞི་ལྷུན་གྱིས་གྲུབ། །ནུབ་ཀྱི་རྩང་བཙུགས་ཟླ་གམ་རིས། །དྲ་མིག་ཟླ་གམ་ལྷུན་གྱིས་གྲུབ། །དྲག་པོའི་རྩང་བཙུགས་ཕུར་སོ་རིས། །དྲ་མིག་གྲུ་གསུམ་ལྷུན་གྱིས་གྲུབ། །དབང་ཕྱུག་རྩང་བཙུགས་འཚུབ་མ་རིས། །མེ་ལོང་འཚུབ་མ་ལྷུན་གྱིས་གྲུབ། །ལས་ཀྱི་རྩང་བཙུགས་སྲིན་པོའི་འགྲོས། །སྲིན་མོའི་གར་སྟབས་ལྷུན་གྱིས་གྲུབ། །རྩང་ཕུར་གདུག་རྩུབ་དྲ་མིག་ན། །མྱུར་མགྱོགས་ཕོ་ཉ་འགྱུ་བའི་སྲང་། །དགྲ་བགེགས་བྱད་མ་ཁྲམ་ལ་ཐོབ། །ཆག་ཆེན་ཉམ་ང་ཐམས་ཅད་ཟློག །སྔོ་དམར་ཞགས་པས་སྡོམ་པ་ཡིས། །རིམས་ནད་དལ་ཁ་ཐམས་ཅད་ཟློག །བ་སུ་ཏ་ཡིས་དཀྲིས་པ་ཡིས། །ཁྲག་ནད་རྒྱུག་གཟེར་ཐམས་ཅད་ཟློག །ཤ་ཁྲག་ལིང་གས་བརྒྱན་པ་ཡིས། །སྲིན་མོའི་དམག་ཚོགས་ཐུགས་དམ་བསྐང་། །སྲིད་པའི་དལ་ཁ་ཐམས་ཅད་ཟློག །ཟློག་བྱེད་དར་སྟག་བརྒྱན་པ་ཡིས། །དཔལ་ཆེན་འཁོར་བཅས་ཐུགས་དམ་བསྐང་། །བཅོལ་བའི་ཕྲིན་ལས་འགྲུབ་པར་མཛོད། །གྲྭ་ལོའི་གསུངས་ལས། རཱ་ག་ཨ་སྱས་བཏུས་པའོ། །མངྒ་ལཾ།། །།

འཇམ་དཔལ་དམར་སེར་དང་རྒྱ་ནག་སྐག་ཟློག་ལས་བྱུང་བའི་ཕུའི་གྲོག་མ་དང་བར་གྱི་བྱ་རིགས་མདའི་ཉ་མོ་གསོ་བའི་ཐབས་དང་ཁང་པ་བསྒྱུར་གཏོ་བདག་བསྐྱེད་བསང་སྦྱངས་སོགས།

[Full Size]

འཇམ་དཔལ་དམར་སེར་དང་རྒྱ་ནག་སྐག་ཟློག་ལས་བྱུང་བའི་ཕུའི་གྲོག་མ་དང་བར་གྱི་བྱ་རིགས་མདའི་ཉ་མོ་གསོ་བའི་ཐབས་དང་ཁང་པ་བསྒྱུར་གཏོ་བདག་བསྐྱེད་བསང་སྦྱངས་སོགས་ཆ་ཚང་བ་བཞུགས་སོ༔

[Full Size]

བཛྲ་པཱ་ཎི་ན་མ་ཡེ༔ འཕགས་པ་འཇམ་དཔལ་ཞབས་ལ་གུས་ཕྱག་འཚལ༔ དབུལ་པོ་ཉམ་ཆུང་སྐག་ཆེན་བསྒྱུར་བའི་ཐབས༔ འབྱོར་པ་མེད་པའི་དབུལ་པོ་ཉམ་ཆུང་གིས༔ རིམ་གྲོ་ཆེན་པོ་བྱེད་པའི་ཐབས་མེད་པ༔ དེ་དག་རྣམས་ལ་ཕན་པའི་གཏོ་བཅོས་ནི༔ འཇམ་དཔལ་ནག་པོས་བདག་ལ་བཀའ་གནང་སྩོལ༔ ཕུ་ཡི་གྲོག་མ་མདའ་ཡི་ཉ་མོ་གསོ༔ འདབ་ཆགས་བྱ་ལ་སྟོན་མོ་ཞེས་གསུངས་པས༔ གྲོག་མ་གསོ་བའི་ཕྱེ་མ་ཕུར་མ་ནི༔ ཀ་ཏོ་ལ་སོགས་སྣོད་གཙང་ཆེན་པོ་གང་༔ ཉ་མོ་གསོ་བའི་ཟན་རིལ་སྣོད་གཙང་གང་༔ འདབ་ཆགས་གསོ་བའི་ཟན་རིལ་མང་པོ་དང་༔ དེ་གསུམ་སྣོད་གཙང་གསུམ་དུ་བཞག་ནས་ཀྱང་༔ ལན་ཆགས་བརྔན་པའི་ཡོན་བདག་དྲི་གླུད་ནི༔ ཟན་རིལ་ཆངས་བུ་ལོ་གྲངས་སྡེར་མ་གང་༔ རང་ཉིད་

[Full Size]

འཇམ་དཔལ་ནག་པོ་དྲན་རྫོགས་བསྒོམ༔ རང་ཉིད་འཇམ་དཔལ་ནག་པོ་དབུ་སྐྲ་སྤྱི་བོར་བཅིངས་བ༔ ཞལ་གཅིག་ཕྱག་གཉིས་པ་གཡས་རལ་གྲི་མེ་འབར་བ་དགྲ་བགེགས་ལ་བསྣུན་པར་བྱེད་པ༔ གཡོན་པོ་ཏི་ཐུགས་ཀར་བསྣམས་པ༔ ལྟོ་བ་ཆེ་བ་གཡས་ཞབས་བསྐུམས་གཡོན་བརྐྱངས་བ༔ སྤྱན་གསུམ་དམར་ཞིང་ཟླུམ་པ་ཡེ་ཤེས་ཀྱི་མེ་འབར་བའི་དབུས་ན་བཞུགས་པ༔ དེའི་སྤྱི་བོར་རྩ་བའི་བླ་མ་དང་དབྱེར་མེད་པའི་འཇམ་དཔལ་དམར་སེར་རལ་གྲི་དང་པོ་ཏི་བསྣམས་པ༔ དར་དང་རིན་པོ་ཆེའི་རྒྱན་དང་ལྡན་པ་གསལ་བར་གྱུར༔ ཨོཾ་པྲ་སོད༔ ཆུ་སོད༔ དུར་ཏ་

[Full Size]

སོད༔ དུར་མི་སོད༔ སྙིང་མགོ་ལ་ཆོད༔ གཉན་མགོ་ལ་ཆོད༔ ཁ་ལ་ཛཿ ཀཾ་ཤཾ་ཏྲཾ་རྦད་ཕཊསྭཱ་ཧཱཿ ཞེས་པ་བརྒྱའམ་ཉེར་གཅིག་བཟླ༔ བདག་བསྐྱེད་འདི་ནི་ཉ་མོ་གྲོག་མ་འདབ་ཆགས་གསོ་བ་ཁང་པ་བསྒྱུར་གཏོ་གང་ལའང་འདི་འདོན་དགོས་སོ༔ མདུན་གྱི་ཕྱེ་མ་ཕུར་མ་ཟན་རིལ་ཆངས་བུ་སོགས་ཆུ་གཙང་གིས་བྲན་ལ་བྱིན་གྱིས་བརླབ་པ་ནི༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཤཱཀྱ་ཐུབ་པའི་བྱིན་རླབས་ཀྱིས། ཐལ་མོ་ཁོང་སྟོང་ཕྱག་རྒྱའི་ནང་༔ ཨ་ཡིག་དཀར་པོར་འོད་འཕྲོས་པས༔ ཕྱེ་མ་ཕུར་མ་ཆངས་རིལ་རྣམས༔ དངོས་འཛིན་མི་གཙང་དྲི་མ་དག༔ དོན་དམ་སྟོང་ཉིད་ངོ་བོར་གྱུར༔ ཨོཾ་སྭ་བྷ་ཝ་ཤུདྡྷསརྦ་དྷརྨུསྭ་བྷ་ཝ་ཤུདྡྷོཉཧཾ༔ ལན་གསུམ། འབྲས་དཀར་ཕྱེ་མ་ཕུར་མ་དང་༔ དྲི་སྣ་ལྔ་ཡི་རིལ་བུ་དང་༔ ཡོན་བདག་དྲི་གླུད་ཆངས་བུ་རྣམས༔ ལན་ཆགས་བུ་ལོན་འཇལ་བའི་རྫས༔ སྣང་སྲིད་ལྷ་འདྲེ་ཐམས་ཅད་ཀྱི༔ དབང་པོ་དྲུག་གི་སྤྱོད་ཡུལ་དུ༔ འདོད་པའི་ཡོན་ཏན་རྣམ་པ་ལྔ༔ སྤྲིན་ལྟར་འཁྲིགས་ཤིང་ཆར་ལྟར་འབེབས༔ ཟད་མེད་ནམ་མཁའི་མཛོད་དུ་གྱུར༔ རྣམ་པར་སྣང་མཛད་བྱིན་རླབས་ཀྱིས༔ ཐལ་མོ་ཚིག་བཅག་ཕྱག་རྒྱའི་ནང་༔ ཡི་གེ་ཁཾ་ལས་འོད་འཕྲོས་པས༔ གླུད་རྫས་

[Full Size]

དེ་དག་འཕེལ་ཞིང་རྒྱས༔ སྟོང་གསུམ་འཇིག་རྟེན་གནམ་ས་གང་༔ ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མི་ཁེ་བྷ་སརྦ་ཐ་ཁཾ་ཨུཏྟ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ལན་གསུམ། བདུད་རྩི་འཁྱིལ་པའི་བྱིན་རླབས་ཀྱིས༔ ཐལ་མོ་ཁ་གྱེད་ཕྱག་རྒྱའི་ནང་༔ ཛ༠ཡིག་དམར་པོ་འོད་འཕྲོས་པས༔ གླུད་ཡས་ཟད་མེད་བདུད་རྩི་གྱུར༔ ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ལན་གསུམ། རིན་ཆེན་འབྱུང་ལྡན་བྱིན་རླབས་ཀྱིས༔ མཆོག་སྦྱིན་ཕྱག་རྒྱ་ཏྭ་སེར་ལས༔ འོད་འཕྲོས་མགྲོན་རྣམས་ཐམས་ཅད་ལ༔ བསྔོས་པ་བཞིན་དུ་ཐོབ་གྱུར་ཅིག༔ ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་གསུམ། དོན་ཡོད་གྲུབ་པའི་བྱིན་རླབས་ཀྱིས༔ ཁ་ཚུར་མཆོག་སྦྱིན་ཕྱག་རྒྱའི་ནང་༔ ཧ་ལྗང་འོད་ཟེར་འཕྲོས་པའི་མཐུས༔ མགྲོན་ཀུན་མཉེས་ཤིང་ཚིམས་གྱུར་ཅིག༔ ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿས་མནྟཱ་རསྨི་བྷ་ཝ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ། ལན་གསུམ། ཕྱག་ན་རྡོ་རྗེའི་བྱིན་རླབས་ཀྱིས༔ སོར་བསྣོལ་ཕྱག་རྒྱ་ཛ༔དམར་ལས༔ འོད་འཕྲོས་མགྲོན་ཀུན་དབང་དུ་འདུས༔ བདག་གི་བཀའ་བཞིན་བསྒྲུབ་པར་གྱུར༔ ན་

[Full Size]

མ༔ས་མནྟ་བུདྡྷཱ་ནཾ་ག་རི་ཀྲོ་དྷ་ཤ་རི་པྲ་བྷན་ཛྷཱ་ན་མཱ་ར་ཡ་སྭཱ་ཧཱཿ ལན་གསུམ། མགྲོན་རྣམས་ཀུན་གྱི་ས་བོན་ལས༔ འོད་ཟེར་སྣ་ཚོགས་འཕྲོས་པ་ཡིས༔ སོ་སོའི་གནས་ནས་སོ་སོ་རྣམས༔ སྤྱན་དྲངས་སོ་སོར་ཐིམ་པར་གྱུར༔ ཞེས་ལན་ཆགས་ཀྱི་བདག་པོ་བདག་མོ་རྣམས་ནི༔ བསད་བསད་བཅད་བཅད་ཀྱི་ལན་ཆགས༔ བརྡུངས་བརྡུངས་བཙོག་བཙོག་གི་ལན་ཆགས༔ བཤས་བཤས་བཤུས་བཤུས་ཀྱི་ལན་ཆགས༔ དབྱིག་གསེར་དངུལ་གྱི་ལན་ཆགས༔ རྫས་དར་ཟབ། རྭ་བ་དཀོར་ནོར་གྱི་ལན་ཆགས༔ གྲོགས་ཁྱིམ་ཐབས་ཀྱི་ལན་ཆགས༔ རྐུ་འཕྲོག་བཅོམ་པའི་ལན་ཆགས། ལན་ཆགས་ཀྱི་བདག་པོ་ཐམས་ཅད་སྤྲིན་ཕུང་གཏིབས་པ་བཞིན་དུ་བསྒོམས༔ བགེགས་རིགས་སྟོང་ཕྲག་བརྒྱད་ཅུ༔ བྱིས་པའི་གདོན་ཆེན་བཅོ་ལྔ༔ ན་འདྲེ་ཤི་གཤེད་གྲི་བོ་གྲི་མོའི་ཚོགས་རྣམས་ཀྱིས་བསྐོར་ནས་ཡོད་པར་བསྒོམས༔ དེ་ནས་རང་ཉིད་འཇམ་དཔལ་གསལ་བའི་ངང་ནས་འདི་སྐད་དོ༔ ཀྱཻ༔ གླད་བདག་རྣམས་ལ་གླུད་འབུལ་ནི༔ སྤྱི་བདུད་ནག་པོ་མི་ཡི་མཚོག་མ་འདོད༔ མཚོག་མའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ སྤར་ཁ་བརྒྱད་ཀྱི་མི་ཡི་ཀླད་པ་འདོད༔ ཀླད་པའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ ཟོལ་མ་སྒོ་མཁན་མི་ཡི་ཨོལ་ཀྲོང་འདོད༔ ཨོལ་ཀྲོང་གླུད་དང་སྐྱིན་དུ་ཟན་ཆངས་རིལ་བུ་

[Full Size]

འབུལ༔ མི་བདུད་བུ་ཆུང་མི་ཡི་ནུ་མ་འདོད༔ ནུ་མའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ མི་བདུད་ཁྲག་མཁན་མི་ཡི་རྩིབ་མ་འདོད༔ རྩིབ་མའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ ལ་ཤི་འཚོ་མཛད་མི་ཡི་མཁྲིས་པ་འདོད༔ མཁྲིས་པའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ ལ་ཤི་འཚོ་མཛད་མི་ཡི་གློ་བ་འདོད༔ གློ་བའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ རྫིང་མཆོག་ཞོ་བཤིག་མི་ཡི་མཆིན་པ་འདོད༔ མཆིན་པའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ ཁ་བརྒྱད་གླུ་ལེན་མི་ཡི་མཁལ་མ་འདོད༔ མཁལ་མའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ བཞི་བཅུ་རྩ་བཞིའི་མི་སྙིང་དམར་པོ་འདོད༔ མི་སྙིང་གླུད་དང་སྐྱིན་དུ་ཟན་ཆངས་རིལ་བུ་འབུལ༔ བཞི་བཅུ་གཉེར་འཚོགས་མི་ཡི་གཉེར་མ་འདོད༔ གཉེར་མའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ སྲིན་པོ་ཐག་འཐག་མི་ཡི་རྒྱུ་མ་འདོད༔ རྒྱུ་མའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ ནག་པོ་ཐང་ཡན་མི་ཡི་ལོང་ཀ་འདོད༔ ལོང་ཀའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ ནག་པོ་ཐང་ཡན་མི་ཡི་ཕོ་བ་

[Full Size]

འདོད༔ ཕོ་བའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ ཟོར་མ་འདའ་འཕེན་མི་ཡི་དཔུང་པ་འདོད༔ དཔུང་པའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ བཙན་ལག་མདའ་འཕེན་མི་ཡི་ལག་ངར་འདོད༔ ལག་ངར་གླུད་དང་སྐྱིན་དུ་ཟན་ཆངས་རིལ་བུ་འབུལ༔ མ་བདུད་ཁྲོ་བོའི་མི་ཡི་ཚང་ར་འདོད༔ ཚང་རའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ འདོད་མཆོག་རྒན་མོའི་མི་ཡི་ཕོ་མཚན་འདོད༔ ཕོ་མཚན་གླུད་དང་སྐྱིན་དུ་ཟན་ཆངས་རིལ་བུ་འབུལ༔ འདོད་མཆོག་རྒོད་པོའི་མི་ཡི་མོ་མཚན་འདོད༔ མོ་མཚན་གླུད་དང་སྐྱིན་དུ་ཟན་ཆངས་རིལ་བུ་འབུལ༔ མོ་བདུད་མདའ་རབ་མི་ཡི་སོག་པ་འདོད་སོག་པའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ སྤར་མོ་ལྗིབ་ལྗིབ་མི་ཡི་རྐང་པ་འདོད༔ རྐང་པའི་གླུད་དང་སྐྱིན་དུ་ཟན་ཆངས་རིལ་བུ་འབུལ༔ སྐྱིན་གྱི་རྩང་ར་ཡུག་ཆེན་འབུལ༔ སྐྱིན་གྱི་དོང་ཙེ་དཀར་ནག་འབུལ༔ སྐྱོན་གྱི་ཚེར་ཕུང་བཅུ་གསུམ་འབུལ༔ འབུལ་བ་ང་ཡིས་མ་ནོར་ན༔ བཞེས་པ་ཁྱེད་ཀྱིས་མ་ནོར་ཅིག༔ ཕུ་ཡི་གྲོག་མ་གསོས་པ་ཡིས༔ ཀག་ཆེན་འབུ་ལྟར་གཡེང་བ་ཡི༔ མི་ཁ་འབུ་ལྟར་ཁོལ་བ་དང་༔

[Full Size]

སྐག་ཆེན་འབུ་ལྟར་གཡེང་བ་ཡི༔ མི་རོ་འབུ་ཡིས་ཟ་བ་སྒྱུར༔ མི་ཤི་རྡོ་ཟན་བྱེད་པ་སྒྱུར༔ ཅེས་ཕྱེ་མ་ཕུར་མ་དེ་གྲོག་ཚང་གར་ཡོད་དུ་གཏོར་བཅུག༔ མདའ་ཡི་ཉ་མོ་གསོས་པ་ཡིས༔ མི་ཁ་ཆུ་ལྟར་ཁོལ་བ་སྒྱུར༔ སྐག་ཆེན་ཆུ་ལྟར་ཁོལ་བ་སྒྱུར༔ ཕོ་མགྲོན་མོ་མགྲོན་བྱེད་པ་སྒྱུར༔ ཉེ་དུའི་གཅོད་ཁ་བྱེད་པ་སྒྱུར༔ ཅེས་ཉ་མོ་གསོ་བའི་ཟན་རིལ་དེ་ཉ་ཚང་ཆུ་འཁྱིལ་བའི་ནང་དུ་གཏོར་བཅུག༔ འདབ་ཆགས་བྱ་ཡི་མགྲོན་ཚོགས་འདིས༔ མི་རོ་སྟེང་གི་བྱ་བརྒྱ་དང་༔ སྐག་ཆེན་བྱ་ལྟར་ལྡིང་བ་སྒྱུར༔ རིལ་བུ་སྟོང་ཚོ་གཏོང་བ་འདིས༔ བན་བོན་ཟོར་འདྲེན་བྱེད་པ་སྒྱུར༔ ཅེས་ཟན་རིལ་དེ་ཁང་ཐོག་ཏུ་གཏོར་བཅུག། བགེགས་རིགས་སྟོང་ཕྲག་བརྒྱད་ཅུ་དང་༔ བྱིས་པའི་གདོན་ཆེན་བཅོ་ལྔ་དང་༔ ཚེ་རབས་སྔ་མའི་ལན་ཆགས་ལ༔ བྱམས་པས་སྦྱིན་གཏོང་འདི་ལོངས་ལ༔ ལན་ཆགས་བུ་ལོན་འཁོར་བར་མཛོད༔ ཡོན་བདག་གི་ཆངས་བུ་དེ་ཡས་ལམ་ཕྱོགས་སུ་གཏོར་བཅུག་གོ༔ ས་མ་ཡ༔ རྒྱ་རྒྱ་རྒྱ༔ ཅེས་༧ རཱ་ག་ཨ་སྱས་སྦྱར་བའོ། །མངྒ་ལཾ། ༈ དེ་ནས་སྐག་ཆེན་ཁང་པ་བསྒྱུར་བའི་ཐབས༔ ཁྱིམ་གྱི་དུད་པ་ཐམས་ཅད་བསྡུས་ནས་ནི༔ སློ་མའི་ནང་དུ་བླུགས་ནས་ཕྱོགས་གཅིག་ལློབཞག༔ ཡོས་བཀྲ་སྡེར་གང་འབྲུ་སྣ་བཅས་པ་རྣམས༔ སྔོན་འགྲོ་དཀར་གཏོར་ལེགས་པ་གཅིག་བཤམས་ལ༔ ཇ་ཕུད་དམ་ནི་ཆང་ཕུད་གང་འཛོམས་ལ༔ གསེར་སྐྱེམས་བརྡར་བ་ཕུད་ཏིང་གང་ནི་བཤམས༔ དཀར་གཏོར་གསེར་

[Full Size]

སྐྱེམས་བྱིན་རླབས་གོང་ལྟར་བྱེད༔ བདག་བསྐྱེད་འཇམ་དཔལ་གོང་གི་འགྲེས་ཡིན་ལ༔ བྱིན་རླབས་སྔགས་དྲུག་ཕྱག་དྲུག་གོང་ལྟར་བྱ༔ ཧཱུྃ༔ ང་ནི་འཇམ་དཔལ་གཤིན་རྗེའི་གཤེད༔ སྲིད་གསུམ་འདི་ན་ང་དབང་ཆེ༔ སྣང་ཞིང་སྲིད་པའི་ལྷ་འདྲེ་ཀུན༔ ཐམས་ཅད་ང་ཡི་བཀའ་ལ་ཉོན༔ དོ་ནུབ་སྦྲ་ཁང་བསྒྱུར་བ་ལ༔ ཐེ་སེ་གཙང་ཀུན་ཧལ་ཁྱི་དང་༔ སེ་བ་བླ་མཁྱེན་སྔ་ཕྱི་གཉིས༔ དེ་སོགས་ལོ་ལ་འཁོར་བ་ཡི༔ ས་བདག་རྗེ་བློན་བཅུ་བདུན་གྱི༔ སྟེང་དུ་ཁང་ནག་མི་བསྒྱུར་རོ༔ དཀར་གཏོར་གསེར་སྐྱེམས་འདི་བཞེས་ལ༔ ཀོ་ལོང་རུ་ང་མི་མཛད་པར༔ མི་བླ་འདྲེ་ཡིས་བརྐུས་པ་སྒྱུར༔ ལྷ་ཆེན་བཙུན་མོ་བློན་པོ་དང་༔ གྲོལ་བུ་བ་དན་ཁྲ་བོ་དང་༔ ཟླ་བའི་ས་བདག་བཅུ་དྲུག་དང་༔ ལྔ་སེར་གནམ་ཐིག་སེར་ནག་གི༔ སྟེང་དུ་ཁང་ནག་ངས་མི་སྒྱུར༔ དཀར་གཏོར་གསེར་སྐྱེམས་འདི་བཞེས་ལ༔ ལོ་ཡི་སྐག་ཆེན་བསྒྱུར་དུ་གསོལ༔ བདག་དང་རྒྱུ་སྦྱོར་ཡོན་བདག་གི༔ སྲོག་ལྷ་ལུས་ལྷ་དཔལ་དང་གཡང་༔ གནམ་སྨན་གནས་པའི་ཕྱོགས་རྣམས་སུ༔ ཁང་ནག་བསྒྱུར་བ་མ་ཡིན་ནོ༔ དཀར་གཏོར་གསེར་སྐྱེམས་འདི་བཞེས་ལ༔ ཀོ་ལོང་ཕྲག་དོག་མ་བྱེད་

[Full Size]

པར༔ བདུད་ཀྱི་ཁྲམ་ལ་བཏབ་པ་སྒྱུར༔ སྲོག་ལྷ་ལུས་ལྷ་ནོར་ལྷ་དང་༔ གནམ་སྨན་ལ་སོགས་འགོ་བའི་ལྷས༔ དཀར་གཏོར་གསེར་སྐྱེམས་འདི་བཞེས་ལ༔ ཁང་ནག་བསྒྱུར་ལ་ཕྲག་མ་དོག༔ ཡོན་གྱི་བདག་པོ་འཁོར་བཅས་ལ༔ གཤིན་རྗེའི་འཁོར་ལོ་བསྐོར་བ་སྒྱུར༔ རྣལ་འབྱོར་མ་བརྒྱད་མཁའ་འགྲོ་ལྔ༔ གཟའ་བརྒྱད་ཐུན་ཕྱེད་སྒྲ་གཅན་དང་༔ བིཊྚེ་དུས་མཚན་ཆེན་མོ་དང་༔ པི་ལིང་དང་ནི་ཁྲ་ཚ་དང་༔ གསེར་མཛོད་གཡུ་མཛོད་ལ་སོགས་དང་ཞག་དང་དུས་ལ་རྒྱུ་བ་ཡི༔ སྟེང་དུ་ཁང་ནུག་ངས་མི་སྒྱུར༔ དཀར་གཏོར་གསེར་སྐྱེམས་འདི་བཞེས་ལ༔ ཡོན་གྱི་བདག་པོ་འདི་དག་ལ༔ བཙན་གྱི་ཤྭ་རྡེལ་བསྒྲིལ་བ་སྒྱུར༔ ཡུལ་ཕྱོགས་འདི་ལ་གནས་པ་ཡི༔ ཡུལ་ལྷ་བཙན་དང་ཀླུ་དང་བདུད༔ གཉུག་མར་གནས་པའི་མཐུ་ཆེན་གྱིས༔ དཀར་གཏོར་གསེར་སྐྱེམས་འདི་བཞེས་ལ༔ སྟེང་དུ་ཁང་ནག་མི་བསྒྱུར་རོ༔ གལ་ཏེ་ཕྱོགས་ནོར་ཤོར་སྲིད་ན༔ ཉེས་ལན་དགྲ་བགེགས་སྟེང་དུ་སྒྱུར༔ ལོ་སྐག་ཟླ་སྐག་བསྒྱུར་དུ་གསོལ༔ རྣལ་འབྱོར་བདག་གི་རྒྱབ་རྟེན་མཛོད༔ བཅོལ་བའི་ཕྲིན་ལས་འགྲུབ་པར་མཛོད༔

[Full Size]

ཨོཾ་བྷུ་མི་པ་ཏི་སརྦ་ནཱ་ག་ནཱ་གི་བ་ལིཾ་ཏ་ཛ་གད་པཱུ་ཛ་ཁཱ་ཧི་ཁཱ་ཧི༔ ཞེས་གཏོར་མ་གསེར་སྐྱེམས་མཆོད་ལ་དུད་པ་དང་ཡོས་བཀྲ་ཁང་ཐོག་ཏུ་གཏོར་ལ་འདི་སྐད་དོ༔ ཧཱུྃ༔ དེ་རིང་སྲིད་པའི་གནམ་གང་ལ་ལྷ་ཡང་གསོན་ལ་འདྲེ་ཡང་ཉོན༔ ཡོན་གྱི་བདག་པོ་ཆེ་འདི༔ ན་ཤི་དུར་དུ་ཞུགས་སོ་ཟེར༔ མི་བླ་འདྲེ་ཡིས་བརྐུས་སོ་ཟེར༔ གོད་ཁ་གཏོར་བརླག་ཆེའོ་ཟེར༔ བཙའ་སད་སེར་གསུམ་འོང་ངོ་ཟེར༔ རྒྱལ་འགོང་ཕུག་ཏུ་ཞུགས་སོ་ཟེར༔ སྐག་དང་འཚོར་རྩུབ་བསྒྱུར་བའི་ཕྱིར༔ ལྷ་ཡི་བཀའ་ཆད་བཏང་ངོ་ཟེར་བདུད་ཀྱི་ཁྲམ་ལ་བཏབ་བོ་ཟེར༔ དེ་ཕྱིར་སྔགས་འཆང་བདག་ཅག་གིས༔ སྐག་ཆེན་འཚེར་རྩུབ་བསྒྱུར་བའི་ཕྱིར༔ དེ་རིང་ཁང་ནག་བདག་གིས་སྒྱུར༔ ནང་གི་དུད་པ་ཕྱི་རུ་གཏོར་བ་འདིས༔ རྒྱལ་འགོང་ཕུག་ཏུ་ཞུགས་པ་དང་༔ ནང་གི་སྐག་ཆེན་ཕྱི་རུ་སྒྱུར༔ ཁང་ཐོག་ས་ནི་ནང་གཏོར་འདིས༔ ཕྱྭ་གཡང་ཕྱི་རུ་སོང་བ་ནང་དུ་ཁུག༔ དེ་རིང་ཁང་ནག་བསྒྱུར་བ་འདིས༔ ན་ཤི་དུར་དུ་ཞུགས་པ་སྒྱུར༔ མི་བླ་འདྲེ་ཡིས་བརྐུས་པ་སྒྱུར༔ དེ་རིང་ཁང་ནག་བསྒྱུར་བ་འདིས༔ ཁང་བསྒྱུར་མ་ཡིན་སྐག་བསྒྱུར་ཡིན༔ དེ་ཕྱིར་སྐག་ཆེན་འདི་ཡིས་སྒྱུར༔ གོད་ཁ་

[Full Size]

གཏོར་བརླག་ཆེ་བ་སྒྱུར༔ བཙའ་སད་སེར་གསུམ་འདི་ཡིས་སྒྱུར༔ སྐག་དང་འཚེར་རྩུབ་ཆེ་བ་སྒྱུར༔ ལྷ་ཡི་བཀའ་ཆད་བབ་པ་སྒྱུར༔ བདུད་ཀྱི་ཁྲམ་ལ་བཏབ་པ་སྒྱུར༔ བཙན་གྱི་ཤྭ་རྡེལ་འགྲེལ་བ་སྒྱུར༔ མ་སྲུ་མགོ་ཡི་མདུན་བབ་སྒྱུར༔ སྐྱེས་པའི་ལུས་ལ་མདུན་བབ་སྒྱུར༔ བན་དེའི་ཧོམ་ཟོར་ངན་པ་སྒྱུར༔ སྔགས་པའི་ཕུར་ཁ་སྟོན་པ་སྒྱུར༔ སྐྱེ་བོའི་མདའ་ཟོར་བསྟན་པོ་སྒྱུར༔ བུད་མེད་དམོད་ཟོར་ཐལ་ཟོར་སྒྱུར༔ རྨི་ལམ་དྲ་རྟགས་ངན་པ་སྒྱུར༔ དེ་ནས་ཡོས་བཀྲ་གཏོར་ཞིང་འདི་སྐད་དོ༔ ཨོཾ་ཅི་ཅི་སྭཱ་ཧཱཿ བྱི་བ་ལོ་པའི་སྐག་སྒྱུར་ཅིག༔ ཨོཾ་ཉ་ཅི་སྭཱ་ཧཱཿ གླང་ལོ་པའི་སྐག་སྒྱུར་ཅིག༔ ཨོཾ་པ་ཅི་སྭཱ་ཧཱཿ སྟག་ལོ་པའི་སྐག་སྒྱུར་ཅིག༔ ཨོཾ་ཞ་ཅི་སྭཱ་ཧཱཿ ཡོས་ལོ་པའི་སྐག་སྒྱུར་ཅིག༔ ཨོཾ་ང་ཅི་སྭཱ་ཧཱཿ འབྲུག་ལོ་པའི་སྐག་སྒྱུར་ཅིག །ཨོཾ་དུ་ཅི་སྭཱ་ཧཱཿ སྦྲུལ་ལོ་པའི་སྐག་སྒྱུར་ཅིག༔ ཨོཾ་བི་ཅི་སྭཱ་ཧཱཿ རྟ་ལོ་པའི་སྐག་སྒྱུར་ཅིག༔ ཨོཾ་ད་ཉ་སྭཱ་ཧཱཿ ལུག་ལོ་པའི་སྐག་སྒྱུར་ཅིག༔ ཨོཾ་ག་ཉ་སྭཱ་ཧཱཿ སྤྲེལ་ལོ་པའི་སྐག་སྒྱུར་ཅིག༔ ཨོཾ་ཀུ་ཉ་སྭཱ་ཧཱཿ བྱ་ལོ་པའི་སྐག་སྒྱུར་ཅིག༔ ཨོཾ་ཅི་ཅི་སྭཱ་ཧཱཿ ཁྱི་ལོ་པའི་སྐག་སྒྱུར་ཅིག༔

[Full Size]

ཨོཾ་ཅི་ཉ་སྭཱ་ཧཱཿ ཕག་ལོ་པའི་སྐག་སྒྱུར་ཅིག༔ དེ་ནི་ལོ་ཡི་སྐག་སྒྱུར་ཆེན་པོའོ༔ ལོ་གང་རྩུབ་པ་དེ་ལ་གྲངས་མང་བཅུག༔ དེ་ནས་ཟླ་བའི་སྐག་སྒྱུར་འདི་ཉིད་བརྗོད༔ ཨོཾ་སྟེ་སྭཱ་ཧཱཿ སྟག་ཟླ་བའི་སྐག་སྒྱུར་ཅིག༔ ཨོཾ་ཡཾ་སྭཱ་ཧཱཿ ཡོས་ཟླ་བའི་སྐག་སྒྱུར་ཅིག༔ ཨོཾ་ཁཾ་སྭཱ་ཧཱཿ འབྲུག་ཟླ་བའི་སྐག་སྒྱུར་ཅིག༔ ཨོཾ་ཧཱུྃ་སྭཱ་ཧཱཿ སྦྲུལ་ཟླ་བའི་སྐག་སྒྱུར་ཅིག༔ ཨོཾ་རྟ་སྭཱ་ཧཱཿ རྟ་ཟླ་བའི་སྐག་སྒྱུར་ཅིག༔ ༀ་ལཾ་སྭཱ་ཧཱཿ ལུག་ཟླ་བའི་སྐག་སྒྱུར་ཅིག༔ ཨོཾ་པཾ་སྭཱ་ཧཱཿ སྤྲེལ་ཟླ་བའི་སྐག་སྒྱུར་ཅིག༔ ཨོཾ་ཁཾ་སྭཱ་ཧཱཿ བྱ་ཟླ་བའི་སྐག་སྒྱུར་ཅིག༔ ཨོཾ་ཁཾ་སྭཱ་ཧཱ། ཁྱི་ཟླ་བའི་སྐག་སྒྱུར་ཅིག༔ ཨོཾ་ཛཾ་སྭཱ་ཧཱཿ ཕག་ཟླ་བའི་སྐག་སྒྱུར་ཅིག༔ ཨོཾ་བྱི་སྭཱ་ཧཱཿ བྱི་བ་ཟླ་བའི་སྐག་སྒྱུར་ཅིག༔ ཨོཾ་གི་སྭཱ་ཧཱཿ གླང་ཟླ་བའི་སྐག་སྒྱུར་ཅིག༔ དེ་ནི་ཟླ་བའི་སྐག་སྒྱུར་ཆེན་པོ་སྟེ། ཟླ་བ་གང་ལ་རྩུབ་པ་མང་བཅུག་གོ༔ ཞེས་པ་འདི་ནི་སྔགས་འཆང་རཱ་ག་ཨ་སྱས་ཉམ་ཆུང་དབུལ་པོ་རྣམས་ལ་ཕན་པའི་ཕྱིར༔ འཇམ་དཔལ་གྱི་རྒྱུད་དང་རྒྱ་ནག་སྐག་ཟློག་གནམ་ཆོས་ལས་བྱུང་བ་རྣམས་ལེགས་པར་བསྒྲིགས་པའོ༔ འདི་ནི་འཇམ་དཔལ་དམར་སེར་གྱི་གསུངས་ཁོ་ནའོ༔ སརྦ་མངྒ་ལཾ།། །། ༧ བཟོ་རིག་གནས་མདོའི་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འདྲེ་དགུ་སྐྱས་འདེབས།

[Full Size]

འདྲེ་དགུ་སྐྱས་འདེབས་བཞུགས་པའི་དབུ་ཕྱོགས་ལགས་སོ།

[Full Size]

ཀོང་རྩེ་བྱང་ཆུབ་སེམས་དཔའ་ལ་ཕྱག་འཚལ་ལོ། །འདྲེ་དགུ་སྐྱས་འདེབས་དང་བཀར་བའི་ཡས་ནི། དང་པོ་མི་ལ་ལ། དང་པོ་ཀེང་རུས་ཀྱི་མི། ཁྱི་གུ། ཕེ་གུ། རེའུ་ཆེ། ལུ་གུ། བྱིའུ་ཆུང་། སྐྱ་ཀ །སྦལ་པ། རྨོང་ཙི། སྲེ་མོང་དང་དགུའི་གཟུགས་བྱ། རྫོང་ནི་བྱི་ལ་སྲེ་མོང་ཁྱི། དབྲེ་སྐྱེ་མ་སྨིན་ཟས་གླུད་བརྫོང་། བསེ་རག་བཀར་བ་ནི། མི་ལུས་ལག་ན་ཁྱི་སྤྱང་བཟུང་བ་གཅིག །ཁྱིམ་བྱ་འཇོལ་མོ་ལ་བསྐྱོན། སྐྱ་ཀ་རོལ་དུ་ཁྲིད་པར་བྱ། ཡས་ནི་འབུ་སྐོགས། བྱ་ཐོད་རུས་བསྙེན་རྣམས་བསགས། ༈ འགོང་པོའི་ཡས་ནི། མི་ལུས་རི་བོང་ལ་ཞོན་པ་གཅིག་བྱ། གླ་བ་རོལ་དུ་ཁྲིད་པ་གཅིག་བྱ། ཡས་ནི་གླ་བའི་རིལ་མ། རྒྱལ་རོང་། ཟོམ་སྟོང་། འགོང་ཡས་བསགས། ༈ གྲི་བོ་

[Full Size]

བཀར་བ་ནི། གྲི་བོབཀར་བ་ཤ་ཕོ་རུ་བཅུ་ལ་ཞོན་པ། ཕག་ནག་རོལ་དུ་ཁྲིད་པ། གྲི་བྱ་ཕོ་རོག་ཀླད་ན་ལྡིང་བ། གྲི་ཁྱི་སྤྱང་ཀུ་རོལ་དུ་ཁྲིད་པ། ཡས་ནི། ཕག །ཕོ་རོག །ཤ་རུ། མདའ་ཆག །གཞུ་ཆག། །ཕུབ་རྣམས་བརྫོང་བར་བྱ། ༈ གོད་འདྲེ་བཀར་ན། གཅན་གཟན་འཕར་སྤྱང་ཝའི་མགོ་ཅན། ཕག་ནག་ལ་ཞོན་པ། ཕོ་ཁའི་སུ་ལུ་ཞྭ། གོད་ཀོ་ཡི་གསོ། རྒྱུ་མའི་སྐེ་རགས། གཡས་བཤའ་གྲི། གཡོན་གོད་སྐྱེ་བསྣམས་པ་གཅིག་བྱ། ཡས་ནི་རྡང་དུམ། ཁེབ་ཐག །སྣ་གཅུ། ཤ་ཁྲག་རུས་གསུམ། བཙོག་ཆངས་བརྫོང་། ༈ ནད་འདྲེ་བཀར་བ་ལ། མི་གཟུགས་འག་པ་ལ་ཞོན་པ། གཟེ་མོ་རྐང་རིང་རོལ་དུ་ཁྲིད་པ་བྱ། ཡས་ལ་ངར་གླུད། ཞྭ་གོས་ལྷམ་གསུམ། ཤ་ཁྲག་རུས་གསུམ་

[Full Size]

བརྗོང་། ༈ མུག་འདྲེ་བཀར་བ་ནི། མི་ལུས་མཛོ་དྲེལ་གླ་བའི་མགོ་ཅན། སྲིན་བྱ་ཁུ་ཡུག་ལ་བསྐྱོན། ར་ཡུ་ལུག་ཡུ་རོལ་དུ་ཁྲིད་པ་གཅིག་བྱ། ཡས་ནི། སྤྲེལ། གྲུམ་པ། བྱ་མ་བྱིའུ། ངར་གླུད་རྣམས་བརྫོང་། ༈ ཐེའུ་རང་བཀར་བ་ནི། སྐྱེས་བུ་མིག་གཅིག །ལག་པ་གཅིག །རལ་པ་གཅིག །ནུ་མ་གཅིག་པ། ར་རྒན་རུ་གཅིག་ལ་ཞོན་པ། ཡས་ནི་རའི་ཤ་ཁྲག་རུས་གསུམ། ཆོ་ལོ་དུང་ཤོ། དར་ཟབ་སྣ་ཚོགས་བརྗོང་། ༈ མི་ཁ་བཀར་བ་ནི། མི་ཁ་བ་རུ་བྲ་བ་ལ་ཞོན་པ། སྲེ་མོང་རོལ་དུ་ཁྲིད་པ། ལྕམ་པ་གཡེར་མ་ཚྭ་སྒོག་རམ་རུག་ཐུམ་པོ་ཁུར་དུ་བཅུག །ཤང་ཤང་བྲ་མཆུ། མི་ཁའི་ཡས་དང་བྲ་བ་བརྗོད་བྱ། དེ་ནས་གཏོ་ཡས་བདེན་པ་སྨྲང་གིས་བྱིན་གྱིས་བརླབས་ལ་འདི་སྐད་དོ།། ཀྱི། ང་ནི་གསང་བདག་རྡོ་རྗེ་འཛིན། །འབྱུང་པོའི་ཚོགས་རྣམས་ང་ལ་ཉོན། །དང་པོ་འདྲེ་སྲིན་བྱུང་ཁུངས་ནི། །སྔོན་གྱི་བསྐལ་པ་དང་པོ་ལ། །ཕྱི་སྣོད་ནང་བཅུད་ལས་ཀྱིས་སྲིད། །ལྷ་འདྲེ་མི་གསུམ་དུས་གཅིག་སྲིད། །ལྷ་ཡི་བདེ་བ་འདྲེ་ཡིས་སྡུག་བསྔལ་བྱེད། །ལས་དང་ཉོན་མོངས་དུག་ལྔ་ཡིས། །།ནམ་མཁའ་སྟོང་པའི་དབྱིངས་རུམ་ནས། །རླུང་ནག་འཚུབ་མ་དགུ་སྐོར་བྱུང་། །འབྱུང་བ་ཆུ་ཡི་སྙིང་པོ་ལ། ཁྲོན་པ་ནག་པོ་གཅིག་ཏུ་བྱུང་། །རླུང་ནག་འཚུབ་མའི་ནང་ཤེད་ན། །གནོད་སྦྱིན་

[Full Size]

ཧ་ལ་ནག་པོ་བྱུང་། །ཆུ་ལ་ཀླུ་མོ་གདུག་བྱེད་བྱུང་། །དེ་གཉིས་བསྡེབས་པའི་འཕྲོ་འདུ་ལས། །འདྲེ་གདོན་བརྒྱ་དང་རྩ་གཅིག་བྱུང་། །དེ་ཡི་ཁ་རླངས་གདུག་རྩུབ་ལས། །ནད་རིགས་བཞི་བརྒྱ་རྩ་བཞི་བྱུང་། །གདོན་ཆེན་སྲིད་པའི་འདྲེ་དགུ་དང་། །གཙུག་ལག་འབྱུང་བའི་གདོན་བཅུ་བྱུང་། ཀྱཻ། དང་པོ་འདྲེ་ལ་གང་གིས་སྔ། །དང་པོ་འདྲེ་ལ་མི་ལ་སྔ། །མི་ལའི་ཕ་དང་ཡབ་སྨོས་པ། །ཕ་དེ་ཙ་ཀ་བྱི་ལ་མགོ །མ་དེ་ཅུ་ཏྲ་ཅི་ར་མ། །དེ་གཉིས་བསྡེབས་པའི་ངན་འཚོག་ལ། །བུ་ནི་མི་ལ་ཙ་ཏྲ་བྱུང་།ལུས་པོ་ཆུ་རུས་ཀེང་རུས་ལ། །བཟའ་བཏུང་ནུ་མས་བརྣངས་ཏེ་ཤི། །དེ་རྒྱལ་བུ་མཐིང་གེའི་མཁར་རྩར་སྦས། །དེ་དུས་མི་ལ་ཁྱི་དང་བསྡེབས་པའི་བུ། །མི་ལ་ཁྱི་གུ་ཞེས་ཀྱང་བྱ། །མི་ལ་ཕག་དང་བསྡེབས་པའི་བུ། །མི་ལ་ཕེ་གུ་ཞེས་ཀྱང་བྱ། །མི་ལ་ར་དང་བསྡེབས་པའི་བུ། །མི་ལ་རིའུ་ཚེ་ཞེས་ཀྱང་བྱ། །མི་ལ་ལུག་དང་བསྡེབས་པའི་བུ། །མི་ལ་ལུག་གུ་གཅིག་ཏུ་བྱུང་། །མི་ལ་བྱིའུ་དང་བསྡེབས་པའི་བུ། །མི་ལ་བྱིའུ་ཆུང་ཞེས་ཀྱང་བྱ། །ཉེལ་ཆུང་སྐྱ་ག་སྦལ་པ་དང་། །རྨོང་ཚེ་སྲེ་མོང་གཉིས་དང་

[Full Size]

དགུ། །ལ་ལས་བྱིས་པའི་ཆུང་སྲི་བྱེད། །ལ་ལས་བུད་མེད་མངལ་སྲི་བྱེད། །ལ་ལས་སྐྱེས་པའི་སྲོག་གཅོད་བྱེད། །ལ་ལས་མི་སྤྲུལ་དགུ་རུ་སྤྲུལ། །དེ་འདྲའི་མི་ལ་སྤུན་དགུ་དེ། །མི་གནོད་དེ་ནི་མི་བརྩེ་ན། །མི་ལ་ལྷར་ཡང་མི་མཆོད་དེར། །མི་ལ་འདྲེར་ཡང་མི་བཀར་ཏེ། །གནོད་ཅིང་དེ་ནི་འཚེ་བ་ན། །བྱི་ལ་སྲེ་མོང་ཁྱི་གུ་དང་། །དབྱེ་སྐྱེ་མ་སྨིན་ཟས་གླུད་ཀྱིས། །མི་ལ་ཁྱོད་ལ་རྫོངས་སུ་འདེབས། །མི་ལ་དགྲ་ཡི་ཡུལ་དུ་སྐྱས་འདེབས་སོ། །མི་ལ་དཀར་པོ་མ་ལྡང་ཞིག །མི་ལ་བཅད་དོ་མ་སྐྱེ་ཞིག །དགྲ་ལ་རྦད་དོ་ཆོ་རེ་རེ། །མི་ལ་འགྲོ་ན་བསེ་རག་ཁྲིད། ༈ །བསེ་རག་ཕ་དང་མ་ཡི་མིང་། །ཕ་ནི་གནམ་བསེ་ཇི་རི་སྤྲེལ་རྩག་ཅན། །མ་ནི་ས་བསེར་ནག་མོ་ཧུ་རུ་ཁ། །དེ་གཉིས་སྡེ་ངན་འཚོགས་པ་ལ། །བུ་ནི་བསེ་རག་སྤུན་དགུ་སྲིད། །ཕོ་ཤི་མོ་ལ་འདུར་བའི་བསེ་རག་དང་། །མོ་ཤི་ཕོ་ལ་འདུར་བའི་བསེ་རག་དང་། །ཕ་ཤི་བུ་ལ་འདུར་བའི་བསེ་རག་དང་། །བུ་ཤི་ཕ་ལ་འདུར་བའི་བསེ་རག་དང་། །དེ་ལྟར་བསེ་རག་སྤུན་དགུ་དེ། །ལོ་གསུམ་བར་དུ་དཀར་མ་མཐོང་། །མཁར་གོང་དཀར་པོ་མཐོང་བའི་ཚེ། །སྭོ་དགྲ་དེ་

[Full Size]

ནི་ཀྲོགས་སེ་ཀྲོག །ལོ་གསུམ་བར་དུ་དམར་མ་མཐོང་། །སྙ་ལོ་དམར་པོ་མཐོང་བའི་ཚེ། །གྲི་བརྡར་དེ་ནི་ཡུགས་སེ་ཡུག །ཤོ་ཁོག་སྐམ་པོ་གོས་སུ་གྱོན། །རུས་པ་བཙའ་ཅན་ཁ་ན་མུར། །ཁྱི་སྤྱང་འཛིན་ཅིང་བཤུག་གླུ་ལེན། །ཁྱིམ་བྱ་འཇོལ་མོ་རྟ་རུ་ཞོན། །སྐྱ་ག་ཁྲ་མོ་རོལ་དུ་ཁྲིད། །དེ་འདྲའི་བསེ་རག་སྤུན་དགུ་དེ། །མི་གདོན་དེ་ནི་མི་བརྩེ་ན། །བསེ་རག་ལྷར་ཡང་མི་མཆོད་དེ། །བསེ་རག་འདྲེར་ཡང་མི་བཀར་ཏེ། །གནོད་ཅིང་འཚེ་བར་གྱུར་པ་ན། །འབུ་སྐོགས་བྱ་ཐོད་རུས་རྐྱེན་གསུམ། །བསེ་རག་རྣམས་ལ་རྫོངས་སུ་འདེབས། །དགྲ་ཡི་ཡུལ་དུ་ད་ཆོས་ཤིག །བསེ་རག་བཀར་རོ་མ་ལྡང་ཞིག །བསེ་རག་བཅད་དོ་མ་སྐྱེ་ཞིག །ཕྱིན་ཆད་འཁོར་འདིར་མ་གནོད་ཅིག །བསེ་རག་འགྲོ་ན་འགོང་པོ་ཁྲིད། ༈ །དེ་ནས་འདྲེ་ལ་འགོང་པོ་སྔ། །ཕ་ནི་བདུད་པོ་འགོང་ཆེན་ཡིན། །མ་ནི་པྲ་ཟ་རུ་རིང་མ། །དེ་གཉིས་སྡེབ་ངན་འཚོགས་པ་ལ། །བུ་ནི་འགོང་པོ་སྤུན་དགུ་བྱུང་། །རི་བོང་རྣ་རིང་རྟ་རུ་ཞོན། །གླ་བ་མགྲིན་རིང་རོལ་དུ་ཁྲིད། །མི་ཕོའི་བློ་ལ་འགོང་པའི་འགོང་པོ་དང་། །བུད་མེད་སྲིད་ལ་འགོང་བའི་འགོང་པོ་

[Full Size]

དང་། །རྟ་ཕོའི་བང་ལ་འགོང་བའི་འགོང་པོ་དང་། །དཀར་གྱི་ཞོ་ལ་འགོང་བའི་འགོང་པོ་དང་། །སྒྱུར་གྱི་ཆང་ལ་འགོང་པའི་འགོང་པོ་དང་། །གཞོང་ཐོག་ཟན་ལ་འགོང་བའི་འགོང་པོ་དང་། །མཆིག་ཐོག་ཕྱེ་ལ་འགོང་བའི་འགོང་པོ་དང་། །དེ་ལྟར་འགོང་པོ་སྤུན་དགུ་དེས། །མི་གནོད་དེ་ནི་མི་བརྩེ་ན། །འགོང་པོ་ལྷར་ཡང་མི་མཆོད་དེ། །འགོང་པོ་འདྲེ་ཡང་མི་བཀར་ཏེ། །གནོད་ཅིང་དེ་ནི་འཚེ་བ་ན། །གླ་རིལ་རི་རས་རྐྱལ་སྟོང་དང་། །འགོང་ཡས་སྣ་དགུའི་རྫོངས་གདབ་བོ། །འགོང་པོ་དགྲ་ཡི་ཡུལ་དུ་སྐྱས་གདབ་བོ། །འགོང་པོ་བཀར་རོ་མ་ལྡང་ཞིག །འགོང་པོ་བཅད་དོ་མ་སྐྱེ་ཞིག །དགྲ་ལ་རྦད་དོ་ཆོ་རེ་རེ། །འགོང་པོ་འགྲོ་ན་གྲི་བོ་ཁྲིད། ༈ ཀྱཻ། དེ་ནས་འདྲེ་ལ་གྲི་བོ་སྔ། །ཕ་ནི་གནམ་གྲི་ཝལ་ཝོལ་བྱ་བ་ཡིན། །མ་དེས་ས་གྲི་ཕྱུད་མ་ཕྱོལ། །དེ་གཉིས་སྡེབ་ངན་འཚོགས་པ་ལ། །བུ་ནི་གྲི་བོ་སྤྱན་དགུ་བྱུང་། །གྲིར་གྲིར་ཤི་བའི་ཡུ་མར་དང་། མདའ་གྲིར་ཤི་བའི་ལྟོང་དམར་དང་། །མདུང་གྲིར་ཤི་བའི་རྩེ་དམར་དང་། །རྔབ་གྲིར་ཤི་བའི་གྷོ་སྐྱ་དང་། །རྡོ་གྲིར་ཤི་བའི་དབུག་ལྐུགས་དང་། །མེ་གྲིར་ཤི་བའི་གསུར་

[Full Size]

གཞོབ་དང་། །ཆུ་གྲིར་ཤི་བའི་འདར་ཤང་དང་། །ལྕེབ་གྲིར་ཤི་བའི་ཐག་བཤལ་དང་། །དེ་ལྟར་གྲི་བོ་སྤུན་དགུ་དེས། །ཤ་ཕོ་རུ་བཅུ་རྟ་རུ་ཞོན། །ཕག །ནག་སྒུར་པོ་རོལ་དུ་ཁྲིད། །གྲི་བྱ་ཕོ་རོག་ཀླད་ན་ལྡིང་། །གྲི་ཁྱི་སྤྱང་ཀུ་རོལ་དུ་ཁྲིད། །མི་གནོད་དེ་ནི་མི་བརྩེ་ན། །གྲི་བོ་ལྷར་ཡང་མི་མཆོད་དེ། །གྲི་བོ་འདྲེར་ཡང་མི་བཀར་ཏེ། །གནོད་འཚེ་གདོན་དུ་གྱུར་པ་ན། །ཕག་དང་ཕོ་རོག་ཤ་རུ་དང་། །མདའ་ཆག་གཞུ་ཆག་ཕུབ་རྣམས་ནི། །གྲི་བོ་ཁྱོད་ལ་རྫོང་གདབ་བོ། །གྲི་བོ་དགྲ་ཡི་ཡུལ་དུ་སྐྱེས་ཐོབ་ཅིག །གྲི་བོ་བཀར་རོ་མ་ལྡང་ཞིག །གྲི་བོ་བཅད་དོ་མ་སྐྱེ་ཞིག །དགྲ་ལ་རྦད་དོ་ཆོ་རེ་རེ། ༈ །གྲི་བོ་འགྲོ་ན་གོད་འདྲེ་ཁྲིད། །གོད་འདྲེ་ཕ་དེ་ཤ་ཟན་བྱ་རོག་གདོང་། །མ་དེ་ཁྲག་ལྡག་སྤྱང་སྔོ་མ། །དེ་གཉིས་སྡེབ་ངན་འཚོགས་པ་ལ། །བུ་ནི་གོད་འདྲེ་སྤུན་དགུ་སྲིད། །ཆེ་གསུམ་ནོར་གྱི་གོད་འདྲེ་དང་། །གཅན་གཟན་འཕར་བ་སྤྱང་ཀིའི་མགོ །ཤ་ལ་ཟ་ཞིང་ཁྲག་ལ་འཐུང་། །འབྲིང་གསུམ་བ་བོང་གོད་འདྲེ་དེ། །བྱ་རོག་ཤ་འགྱུར་ཤ་སྐད་བྱེད། །གློ་ཧོན་གཟའ་དང་ལྷོག་པ་དང་། །རྔོ་རྐུ་ཤིག་དང་

[Full Size]

རྦབ་གཡང་འཆག །ཆུང་གསུམ་ར་ལུག་གོད་འདྲེ་བྱེད། །དེ་ལྟར་གོད་འདྲེ་སྤུན་དགུ་དེ། །ཕག་ནག་སྒུར་པོ་རྟ་རུ་ཞོན། །ཕོ་ཁ་སུ་ལུ་ཞྭ་རུ་གྱོན། །གོད་ཀོ་ནག་པོ་གོས་སུ་གྱོན། །རྒྱུ་མ་ནག་པོའི་སྐེ་རགས་བཅིངས། །གཡས་ན་བཤའ་གྲི་སྟ་རེ་ཕྱར། །གཡོན་ན་གོད་སྐྱེ་ནག་པོ་ཁུར། །དེ་ལྟར་གོད་འདྲེ་སྤུན་དགུ་དེ། །མི་གནོད་དེ་ནི་མི་བརྩེ་ན། །གོད་འདྲེ་ལྷར་ཡང་མི་མཆོད་ཅིང་། །གོད་འདྲེ་འདྲེ་ཡང་མི་བཀར་རོ། །གནོད་ཅིང་འཚེ་བར་བྱེད་པ་ན། །རྡང་དུམ་ཁེབ་ཐོག་སྣ་གཅུ་དང་། །ཤ་ཁྲག་རུས་པ་བཙོག་ཆངས་དང་། །གོད་འདྲེ་ཁྱོད་ལ་རྫོང་བཏབ་བོ། །གོད་འདྲེ་དགྲ་ཡི་ཡུལ་དུ་སྐྱས་ཆོས་ཤིག །གོད་འདྲེ་བཀར་རོ་མ་ལྡང་ཞིག །གོད་འདྲེ་བཅད་དོ་མ་སྐྱེ་ཞིག །དགྲ་ལ་རྦད་དོ་མ་ལྡང་ཞིག །གོད་འདྲེ་འགྲོ་ན་ནད་འདྲེ་ཁྲིད། ཀྱཻ། ནད་འདྲེའི་ཕ་དེ་ཇ་ལོ་གཅོད་ཕོ་ཆེ། །མ་དེ་འདུད་ཁ་ཟང་ལིང་བ། །དེ་གཉིས་སྡེབ་ངན་འཚོགས་པ་ལ། །བུ་ནི་ནད་འདྲེ་སྤྱན་དགུ་སྲིད། །རླུང་དང་མཁྲིས་པ་བད་ཀན་དང་། །གཟའ་དང་མ་ཞུ་དུག་རིགས་དང་། །གཉན་སྲིན་བཞི་བརྒྱའི་ནད་ཀྱི་བདག །འུག་པ་མིག་སེར་རྟ་རུ་ཞོན། །

[Full Size]

གཟེ་མོ་རྐང་རིང་རོལ་དུ་ཁྲིད། །ཨ་ན་ཨ་ཚ་གཟེར་མཁུན་བདག །ཁྱོད་ལ་མི་གནོད་དེ་ནི་མི་བརྩེ་ན། །ནད་འདྲེ་ལྷར་ཡང་མི་མཆོད་དེ། །ནད་འདྲེ་འདྲེ་ཡང་། མི་བཀར་རོ། །གནོད་ཅིང་འཚེ་བར་གྱུར་པ་ན། །གླད་མ་ཆངས་བུ་ངར་གླུད་དང་། །ཤ་ཁྲག་རུས་གསུམ་ཞྭ་གོས་ལྷམ་གསུམ་དང་། །ཡས་སྟགས་སྣ་ཚོགས་དུག་ཟས་སྣ་དགུ་ཡིས། །ནད་འདྲེ་རྣམས་ལ་རྫོངས་སུ་འདེབས། །ནད་འདྲེ་དགྲ་བོའི་ཡུལ་དུ་སྐྱེས་ཆོས་ཤིག །ནད་འདྲེ་བཀར་རོ་མ་ལྡང་ཞིག །ནད་འདྲེ་བཅད་དོ་མ་སྐྱེ་ཞིག །ནད་འདྲེ་དགྲ་ལ་རྦད་ཆོ་རེ་རེ། །ནད་འདྲེ་འགྲོ་ན་མུག་འདྲེ་ཁྲིད། ཀྱཻ། མུག་འདྲེ་དེ་ཡི་ཕ་སྨོས་པ། །ནམ་མཁའི་ལྷོ་བུན་བང་ན་འགྲིམས། །དམུ་འདུང་བླ་འཁྱམ་ཀང་ཀའི་མགོ །མ་ནི་དམུ་ཟ་ཉ་མིག་སྐད་ངན་བསྒྲགས། །དེ་གཉིས་སྡེབ་ངན་འཚོགས་པ་ལ། །བུ་ནི་མུག་འདྲེ་སྤྱན་དགུ་སྲིད། །མི་སྤྲུལ་དེ་ནི་དགུ་རུ་སྤྲུལ། །མི་བརྫུ་དེ་ནི་དགུ་རུ་རྗེས། །ཕྱུག་པོའི་དབུལ་འདྲེ་བྱེད་པའི་དུས། །མཛོ་དང་དྲེལ་ལ་སྤྲུལ་ཞིང་བརྫུ། །ཕྱུག་པོའི་དབུལ་འདྲེ་བྱེད་པའི་དུས། །གྱོད་སྣ་འདྲེན་པའི་གླ་བ་དང་། །ཕུང་འདྲེ་དགུ་དང་སྤྲུལ་ཞིང་

[Full Size]

བརྫུ། །ནད་རིགས་གདོན་རིགས་འདྲེ་ཡི་རིགས། །ཀུན་དང་བསྡོངས་ཏེ་སྤྲུལ་ཞིང་བརྫུ། །དེ་འདྲའི་མུག་འདྲེ་སྤུན་དགུ་དེ། །མི་གནོད་དེ་ནི་མི་འཚེར་ན། །སྲིན་བྱ་ཁུ་ཡུག་མིག་སེར་ཞོན། །ར་ཡུ་ལུག་ཡུ་རོལ་དུ་ཁྲིད། །ངན་སྡུག་ན་ཤི་ཁ་ནས་བསྒྲགས། །ནམ་མཁའི་ལྷོ་བུན་བཞིན་དུ་འཐིབས། །དེ་འདྲའི་མུག་འདྲེ་སྤུན་དགུ་དེ། །མི་གནོད་དེ་ནི་མི་བརྩེ་ན། །མུག་འདྲེ་ལྷར་ཡང་མི་མཆོད་དེ། །མུག་འདྲེ་འདྲེ་ཡང་མི་བཀར་རོ། །གནོད་ཅིང་འཚེ་བར་བྱེད་པ་ན། །བདག་དང་རྒྱུ་སྦྱོར་ཡོན་བདག་ལ། །གནོད་ཅིང་འཚེ་བར་གྱུར་པ་ན། །ཡས་དགུ་ཐག་བཅུ་ཞྭ་ལྷམ་རྣམས། །མུག་འདྲེ་ཁྱོད་ལ་རྫོངས་སུ་འདེབས། །མུག་འདྲེ་དགྲ་ཡི་ཡུལ་དུ་ད་ཆོས་ཤིག །མུག་འདྲེ་བཀར་རོ་མ་ལྡང་ཞིག །མུག་འདྲེ་བཅད་དོ་མ་སྐྱེ་ཞིག །དགྲ་ལ་རྦད་དོ་ཆོ་རེ་རེ། །མུག་འདྲེ་འགྲོ་དང་ཐེའུ་རང་ཁྲིད། ཀྱཻ། ཐེའུ་རང་ཕ་ནི་སྟག་འཚུར་སྐྱེས་གཅིག་པོ། །མ་ནི་སྒང་མ་སྙིང་ཆུང་སྣ་རུ་མ། །དེ་གཉིས་སྡེབ་ངན་འཚོགས་པ་ལ། །བུ་ནི་ཐེའུ་རང་སྤུན་དགུ་བྱུང་། །སྐྱེས་བཟང་དེ་ནི་ལུས་གཅིག་པོ། །དཔྲལ་བའི་དབྱིངས་ན་མིག་གཅིག་པོ། །བྲང་གི་མདོ་ན་

[Full Size]

ནུ་གཅིག་པོ། །ཁ་ཡི་ནང་ན་སོ་གཅིག་པོ། །སྙོབ་པར་བྱེད་པའི་ལག་གཅིག་པོ། །མགོ་ན་རལ་པ་སྒྲ་གཅིག་པོ། །འགྲོ་བར་བྱེད་པའི་རྐང་གཅིག་པོ། །སྤྲུལ་པ་སྣ་ཚོགས་དུ་མ་འགྱེད། །ནངས་སྔ་ཕར་ན་འགྲོ་བའི་ཚེ། །སྟག་ཆས་ཁྲ་དང་སི་ལི་ལི། །ནུབ་མོ་ཚུར་ལ་འོང་བའི་དུས། །བས་དྲི་དེ་ནི་ཐུ་ལུ་ལུ། །ཕོ་ཡི་ལུས་ལ་། གནོད་པའི་དུས། །ན་ཆུང་མཛེས་སྡུག་ཅན་དུ་སྤྲུལ། །ཐིག་ལེ་བརྐུ་ཞིང་ལུས་མདངས་འཆོར། །ཚེ་སྲོག་གཅོད་ཅིང་ཁ་དབུགས་ལེན། །མོ་ཡི་ལུས་ལ་གནོད་པའི་དུས། །རག་ཤ་སྐྱེས་བཟང་གཅིག་ཏུ་སྤྲུལ། །དུས་མིན་མངལ་ཁྲག་འབབ་ཏུ་འཇུག །སྟོང་སྦྲུམ་བྱེད་ཅིང་ཚེ་སྲོག་གཅོད། །ཟླ་དགུ་ཁྲག་ཏུ་བསྒྱུར་བ་དང་། །ཕོ་ལུས་མོ་རུ་བསྒྱུར་བ་དང་། །གནོད་བྱེད་ཐེའུ་རང་སྤུན་དགུ་དེ། །མི་སྤྲུལ་དེ་ནི་དགུ་རུ་སྤྲུལ། །ར་རྒན་རུ་རིང་རྟ་རུ་ཞོན། །ར་སླག་ཁྲ་མོ་གོས་སུ་གྱོན། །དེ་འདྲའི་ཐེའུ་རང་སྤུན་དགུ་དེས། །བདག་དང་ཡོན་གྱི་བདག་པོ་ལ། །མི་གནོད་དེ་ནི་མི་བརྩེ་ན། །ཐེའུ་རང་ལྷར་ཡང་མི་མཆོད་ཅིང་། །ཐེའུ་རང་འདྲེ་ཡང་མི་བཀར་རོ། །གནོད་ཅིང་འཚེ་བར་གྱུར་པ་ན། །ར་

[Full Size]

ཡི་ཤ་ཁྲག་རུས་སྤུ་དང་། །ཆོ་ལོ་དུག་ཤོ་དར་ཟབ་རྣམས། ཐེའུ་རང་ཁྱོད་ལ་རྫོངས་སུ་འདེབས། །ཐེའུ་རང་བཀར་རོ་མ་ལྡང་ཞིག །ཐེའུ་རང་བཅད་དོ་མ་སྐྱེ་ཞིག །དགྲ་བོའི་ཡུལ་དུ་སྐྱས་ཆོས་ཤིག །དགྲ་ལ་རྦད་དོ་ཆོ་རེ་རེ། །ཐེའུ་རང་འགྲོ་ན་མི་ཁ་ཁྲིད། །མི་ཁ་དེ་ཡི་ཕ་སྨོས་པ། །སྟོང་ཕྱ་འོད་ནག་བྱ་བ་ཡིན། །མ་ནི་སྟོང་བྱ་མ་ཝང་བྱ་བ་ཡིན། །དེ་གཉིས་སྡེ་ངན་འཚོགས་པ་ལས། །བུ་ནི་མི་ཁ་སྤུན་དགུ་བྱུང་། །རྒྱ་ཡི་མི་ཁ་ཇ་དང་བསྡོངས། །འཇང་གི་མི་ཁ་དར་དང་བསྡོངས། །ཧོར་གྱི་མི་ཁ་མདའ་དང་བསྡོངས། །བོད་ཀྱི་མི་ཁ་འབྲུ་དང་བསྡོངས། །མི་ཡི་མི་ཁ་གསེར་དང་བསྡོངས། །མོན་གྱི་མི་ཁ་གཟི་དང་བསྡོངས། །བལ་པོའི་མི་ཁ་རམ་དང་བསྡོངས། །ཀོང་པོའི་མི་ཁ་རྩོད་དང་བསྡོངས། །དམུ་ལུང་མི་ཁ་དངུལ་དང་བསྡོངས། །དེ་ལྟར་མི་ཁ་སྤུན་དགུ་དེ། །བྲ་བ་རྣ་དམར་རྟ་རུ་ཞོན། །སྲེ་མོང་དམར་མོ་རོལ་དུ་ཁྲིད། །ལྕམ་པ་གཡེར་མ་བྲ་བོ་ས། །ཚྭ་སྒོག་རམ་རུག་ཐུམ་པོ་ཁུར། །ཤང་ཤང་བྲ་མཆུ་ལས་ལ་མག །འཕེན་ཟེར་རྨང་བའི་མི་ཁ་དང་། །ཆེ་ཟེར་ཆུང་བའི་མི་ཁ་དང་། །ཕྱུག་ཟེར་དབུལ་བའི་མི་ཁ་

[Full Size]

དང་། །སྐྱིད་ཟེར་སྡུག་པའི་མི་ཁ་དང་། །བརྒྱག་ཟེར་ལྟོགས་པའི་མི་ཁ་དང་། །དེ་ལྟར་མི་ཁ་སྤུན་དགུ་དེས། །ཡུལ་སྡེ་འཁྲུག་པའི་འདྲེ་ཡང་མི་ཁས་བྱེད། །དཔོན་གཡོགས་འཁྲུག་པའི་འདྲེ་ཡང་མི་ཁས་བྱེད། །ཕུ་ནུ་འཁྲུག་པའི་འདྲེ་ཡང་མི་ཁས་བྱེད། །ཚ་ཞང་འཁྲུག་པའི་འདྲེ་ཡང་མི་ཁས་བྱེད། །མ་བུ་བྱེ་བའི་འདྲེ་ཡང་མི་ཁས་བྱེད། །མནའ་སྙིང་འཐབ་པའི་འདྲེ་ཡང་མི་ཁས་བྱེད། །ཚགས་སེར་བྱེ་བའི་འདྲེ་ཡང་མི་ཁས་བྱེད། །མི་སྤྱན་བྱེ་བའི་འདྲེ་ཡང་མི་ཁས་བྱེད། །ཤག་རོགས་བྱེ་བའི་འདྲེ་ཡང་མི་ཁས་བྱེད། །དེ་ལྟར་མི་ཁ་སྤུན་དགུ་ལ། །བཀར་བའི་ཡས་སུ་བྲ་བ་སྦྱིན། །འདི་ཨོག་མ་ཡོད་པས་གྲི་བོ་ཐུབ། །གཞུག་གུ་མེད་པས་འདྲེ་མོ་ཐུབ། །ལྟག་པ་སྐྱ་བས་ཡལ་འདྲེ་ཐུབ། །སྲིན་མོ་ཟངས་ཀྱི་སྣ་དམར་ལ། །རྒྱ་འགྲོ་མི་ལ་ཁྲིམས་གཏམ་བྱེད། །དབུས་འགྲོ་མི་ལ་ཆོས་གཏམ་བྱེད། །བོད་ཀྱི་མི་ལ་ཁ་མཚར་གཏོང་། །སྒོམ་ཆེན་མིན་ཏེ་རླུང་ཆས་བྱེད། །བག་མ་མིན་ཏེ་བཟུར་འདུག་བྱེད། །ཙ་ཙ་ཙི་ཙི་དཔའ་སྐད་འདོན། །དེ་མི་ཁ་བཀར་བའི་ཡས་སུ་གཏོང་། །ད་མི་ཁ་མི་གནོད་འཚེ་བ་ན། །མི་ཁ་

[Full Size]

ལྷར་ཡང་མི་མཆོད་དེ། །མི་ཁ་འདྲེ་ཡང་མི་བཀར་ཏེ། །གནོད་ཅིང་དེ་ནི་འཚེ་བ་ན། །ཚྭ་གཡེར་རམ་རུག་ལྕམ་པ་བྲ་བོ་དང་། །ཁྱི་སྤུ་ར་བལ་སྒོག་པ་དང་། །ཡས་དགུ་ཐག་བཅུ་རྫོངས་སུ་འདེབས། །དགྲ་ཡི་ཕྱོགས་སུ་སྐྱས་ཆོས་ཤིག །མི་ཁ་བཀར་རོ་མ་ལྡང་ཞིག །མི་ཁ་བཅད་དོ་མ་སྐྱེ་ཞིག །མི་ཁ་བྲུབ་བོ་མ་ལྡང་ཞིག །དེ་ནས་གླུད་ཡས་ཁ་ཕྱིར་བསྒྱུར་ལ་ལམ་བསྟན་པ་ནི། ཀྱི། སྲིད་པ་སྔོན་གྱི་འདྲེ་གདོན་ཚོགས། །འདི་ན་འདུག་པའི་གནས་མལ་མེད། །ཁྱིམ་ནི་མི་བདེ་ཀཾ་ལ་ཀཾ། །སྦྲ་ནི་མི་བདེ་ཧར་མ་ཧོར། །མི་ལ་འདྲེ་གདོན་ཆགས་ས་མེད། །ནོར་ལ་འདྲེ་གདོན་གནས་ས་མེད། །འདྲེ་སྐྱེས་ཤར་གྱི་ཕྱོགས་སུ་སོང་། །ཉི་མ་ཤར་ཕྱོགས་ཕ་ཀི་ན། །ནག་པོ་རྒྱ་ཡི་ཡུལ་རེ་བཟང་། །འདྲེ་ཕོ་རྒྱུད་རྒྱལ་ས་འཛིན་དུ་ཡོད། །འདྲེ་མོ་རྒྱུད་བཙུན་མོ་བྱེད་ས་ཡོད། །འདྲེ་བྲན་བློན་པོ་བྱེད་ས་ཡོད། །བང་མཛོད་བདག་མེད་འབུམ་ཕྲག་ཡོད། །བཟའ་བའི་ཟ་ཆེ་དེ་ན་ཡོད། །བཏུང་བའི་སྐྱེམས་བཟང་དེ་ན་ཡོད། །འགྲོགས་པའི་རོགས་བཟང་དེ་ན་ཡོད། །འདྲེ་སྐྱས་ཤར་དུ་ཤ་ར་ར། །ཤར་ཕྱོགས་འགྲོ་བའི་ལམ་སོ་དེར། །སུ་དང་ཕྲད་པ་དེ་

[Full Size]

ལ་སྒྱུར། །སྒྱུར་ཅིག་སྒྱུར་ཅིག་ས་མ་ཡ། །ཨུ་ཙ་ཏ་ཡ་ཕཊ། ཀྱཻ། སྲིད་པ་སྔོན་གྱི་འདྲེ་གདོན་ཚོགས། །འདྲེ་སྐྱས་ལྷོ་ཡི་ཕྱོགས་སུ་སོང་། །ཉི་མ་ལྷོ་ཕྱོགས་ཕ་ཀི་ན། །འཇང་ནག་པོ་རྒྱལ་པོ་ཡུལ་རེ་བཟང་། །འདྲེ་ཕོ་རྒྱུད་ཀྱི་རྒྱལ་ས་འཛིན་ས་ཡོད། །འདྲེ་མོ་རྒྱུད་བཙུན་མོ་བྱེད་ས་ཡོད། །འདྲེ་བྲན་བློན་པོ་བྱེད་ས་ཡོད། །བང་མཛོད་བདག་མེད་འབུམ་ཕྲག་ཡོད། །བཟའ་བའི་ཤ་ཆེན་དེ་ན་ཡོད། །བཏུང་བའི་སྐྱེམས་བཟང་དེ་ན་ཡོད། །འགྲོགས་པའི་གྲོགས་བཟང་དེ་ན་ཡོད། །འདྲེ་སྐྱས་ལྷོ་ན་ཤ་ར་ར། །ལྷོ་ཕྱོགས་འགྲོ་བའི་ལམ་སོ་དེར། །སུ་དང་ཕྲད་པ་དེ་ལ་སྒྱུར། །སྒྱུར་ཅིག་སྒྱུར་ཅིག་ས་མ་ཡ། །ཨུ་ཙ་ཏ་ཡ་ཕཊ། ཀྱཻ། སྲིད་པ་སྔོན་གྱི་འདྲེ་གདོན་ཚོགས། །འདྲེ་སྐྱས་ནུབ་ཀྱི་ཕྱོགས་སུ་སོང་། །ཉི་མ་ནུབ་ཕྱོགས་ཕ་ཀི་ན། །མོན་པ་ལུག་ཕྱུག་ཡུལ་རེ་བཟང་། །འདྲེ་ཕོ་རྒྱུད་རྒྱལ་ས་འཛིན་ས་ཡོད། །མོ་རྒྱུད་བཙུན་མོ་བྱེད་ས་ཡོད། །འདྲེ་བྲན་བློན་པོ་བྱེད་ས་ཡོད། །ལུག་དང་བང་མཛོད་བདག་མེད་ཡོད། །བཟའ་བའི་ཤ་ཆེན་དེ་ན་ཡོད། །བཏུང་བའི་སྐྱེམས་བཟང་དེ་ན་ཡོད། །འདུག་པའི་གྲོགས་བཟང་དེ་

[Full Size]

ན་ཡོད། །འདྲེ་སྐྱས་ནུབ་ཏུ་ཤ་ར་ར། །ནུབ་ཕྱོགས་འགྲོ་བའི་ལམ་སོ་དེར། །སུ་དང་འཕྲད་པ་དེ་ལ་སྒྱུར། །སྒྱུར་ཅིག་སྒྱུར་ཅིག་ས་མ་ཡ། །ཨུ་ཙ་ཏ་ཡ་ཕཊ། ཀྱཻ། སྲིད་པ་སྔོན་གྱི་འདྲེ་གདོན་ཚོགས། །འདྲེ་སྐྱས་བྱང་གི་ཕྱོགས་སུ་སོང་། །ཉི་མ་བྱང་ཕྱོགས་ཕ་ཀི་ན། །ནོར་དང་སོག་པོ་ཡུལ་རེ་བཟང་། །འདྲེ་ཕོ་རྒྱུད་རྒྱལ་ས་འཛིན་ས་ཡོད། །མོ་རྒྱུད་བཙུན་མོ་བྱེད་ས་ཡོད། །འདྲེ་བྲན་བློན་པོ་བྱེད་ས་ཡོད། །རྟ་དང་དཀོར་མཛོད་བདག་མེད་ཡོད། །བཟའ་བའི་ཟ་ཆེ་དེ་ན་ཡོད། །བཏུང་བའི་སྐྱེམས་བཟང་དེ་ན་ཡོད། །འདུག་པའི་གྲོགས་བཟང་དེ་ན་ཡོད། །འདྲེ་སྐྱས་བྱང་དུ་ཤ་ར་ར། །བྱང་ཕྱོགས་འགྲོ་བའི་ལམ་སོ་དེར། །སུ་དང་འཕྲད་པ་དེ་ལ་སྒྱུར། །སྒྱུར་ཅིག་སྒྱུར་ཅིག་ས་མ་ཡོ། །ཨུ་ཙ་ཏ་ཡ་ཕཊ། གནོད་བྱེད་ཡུལ་དུ་སྐྱེས་ཆོས་ཤིག །བསེ་རག་ཡུལ་དུ་སྐྱེས་ཆོས་ཤིག །འགོང་པོའི་ཡུལ་དུ་སྐྱེས་ཆོས་ཤིག །གྲི་བོའི་ཡུལ་དུ་སྐྱས་ཆོས་ཤིག །གོད་འདྲེའི་ཡུལ་དུ་སྐྱེས་ཆོས་ཤིག །གདུག་འདྲེའི་ཡུལ་དུ་སྐྱེས་ཆོས་ཤིག །ཐེའུ་རང་ཡུལ་དུ་སྐྱེས་ཆོས་ཤིག །མི་ཁའི་ཡུལ་དུ་སྐྱེས་ཆོས་ཤིག །སྲིད་པའི་འདྲེ་དགུ་

[Full Size]

སྐྱས་ཆོས་ཤིག །གཙུག་ལག་གདོན་བཅུ་སྐྱས་ཆོས་ཤིག །སྔ་འདྲེ་ཕྱི་འདྲེ་གདོན་ཐམས་ཅད་དགྲ་བོའི་ཡུལ་དུ་སྐྱས་ཆོས་ཤིག །ཅེས་དགྲ་ཕྱོགས་སུ་བསྐྱལ་ལོ། །སྲུང་ཁ་བའི་འཁོར་ལོ་བྷྱོ་མཚམས་བཅད་དོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མདོས་བཟློག་བསྐང་གསུམ་གང་བྱེད་ཀྱང་རྗེས་ཆོག་གསེར་འགྱུར་གྱི་རྩིས་ལྕགས་གསེར་དུ་བསྒྱུར་བ་ལྟ་བུའི་གདམས་ངག་རྐྱེན་ཟློག་གྲོང་ཆོག་བྱས་ཀྱང་བྱང་ཆུབ་ཀྱི་ལམ་དུ་འགྲོ་བའི་ཐབས་ཟབ་མོ།

[Full Size]

མདོས་བཟློག་བསྐང་གསུམ་གང་བྱེད་ཀྱང་རྗེས་ཆོག་གསེར་འགྱུར་གྱི་རྩིས་ལྕགས་གསེར་དུ་བསྒྱུར་བ་ལྟ་བུའི་གདམས་ངག་རྐྱེན་ཟློག་གྲོང་ཆོག་བྱས་ཀྱང་བྱང་ཆུབ་ཀྱི་ལམ་དུ་འགྲོ་བའི་ཐབས་ཟབ་མོ་བཞུགས་སོ།།

[Full Size]

སྒྲུབ་པའམ་སྲུང་ཟློག་ལ་སོགས་གང་བྱས་ཀྱང་མཇུག་རྗེས་ཀྱི་ཆོ་གའི་རིམ་པ་འདི་ལྟར་ཏེ། མདུན་དུ་བསྐྱེད་པའི་ལྷ་ཚོགས་ཐམས་ཅད་ཀྱི། །དཔྲལ་བ་མགྲིན་པ་ཐུགས་ཀ་ལྟེ་བ་དང་། །གསང་གནས་ལྔ་ནས་སྐུ་གསུང་ཐུགས་ཡོན་ཏན། །ཕྲིན་ལས་ལྔ་ཡི་བྱིན་རླབས་དངོས་གྲུབ་ཀུན། །ཐིག་ལེ་དཀར་པོ་ཨོཾ་གྱིས་མཚན་པ་དང་། །དམར་པོ་ཨཱཿས་མཚན་སྔོན་པོ་ཧཱུྃ་གིས་མཚན། །སེར་པོ་སྭཐམཚན་ལྗང་ཁུ་ཧཡིས་མཚན། །ཆར་བཞིན་བབས་ནས་རང་གི་གནས་ལྔར་ཐིམ། །དབང་དང་བྱིན་རླབས་དངོས་གྲུབ་ཐོབ་པར་གྱུར། །ཡེ་ཤེས་ལྷ་རྣམས་བདག་ལ་རྗེས་དགོངས་ནས། །

[Full Size]

ཡེ་ནས་ཁྱེད་དང་དབྱེར་མེད་དོན་གཅིག་ཀྱང་། །མ་རྟོགས་འཁྲུལ་པས་འཁོར་བར་འཁྱམས་ལགས་ན། །ཐུགས་རྗེས་བརྩེ་བས་བདག་ལ་དགོངས་སུ་གསོལ། །བྱིན་རླབས་དབང་དང་དངོས་གྲུབ་བསྩལ་དུ་གསོལ། །འཛད་མེད་ནོར་གྱི་དངོས་གྲུབ་བསྩལ་དུ་གསོལ། །བརྒྱུད་འཛིན་སྲིད་ཀྱི་དངོས་གྲུབབསྩལ་དུ་གསོལ། །འགྱུར་མེད་སྐུ་ཡི་དངོས་གྲུབ་བསྩལ་དུ་གསོལ། །འགགས་མེད་གསུང་གི་དངོས་གྲུབ་བསྩལ་དུ་གསོལ། །འཁྲུལ་མེད་ཐུགས་ཀྱི་དངོས་གྲུབ་བསྩལ་དུ་གསོལ། །ཡོན་ཏན་རེ་སྐོང་དངོས་གྲུབ་བསྩལ་དུ་གསོལ། །ཕྲིན་ལས་འགྲོ་

[Full Size]

འདུལ་དངོས་གྲུབ་བསྩལ་དུ་གསོལ། །བླ་མེད་མཆོག་གི་དངོས་གྲུབ་བསྩལ་དུ་གསོལ། །ཐུགས་རྗེས་ཕྱི་བཤོལ་མེད་པར་མྱུར་དུ་སྩོལ། །ཁྱེད་དང་བདག་གཉིས་གཡར་དམ་གཅིག་པའི་གནད། །ད་ལྟ་ཉིད་དུ་མཆོག་ཐུན་གཉིས་ཀ་སྩོལ། །ༀ་གུ་རུ་དེ་ཝ་ཌཱཀྐི་ནཱི་སརྦ་དྷརྨཱ་པ་ལ་ཀཱ་ཡ་སིདྡྷི་ཨོ། ཝཱཀྐ་སི་དྷི་ཙིཏྟ་སིདྡྷི་ཧཱུྃ། སརྦ་སིདྡྷི་སྭཱ། ཀརྨ་སིདྡྷི་ཧཱ། ཞེས་གོང་གི་དམིགས་པ་གསལ་བས་ལན་གསུམ་བརྗོད། །ནང་མཆོད་བདུད་རྩིས་གནས་གསུམ་ཐིག་ལེ་བྱ། །ཅུང་ཟད་ལྕེ་ལ་མྱོང་བར་བྱ་བ་དང་། །གཏོར་མ་ནས་ཀྱང་ཅུང་ཞིག་དངོས་གྲུབ་བླངས། །སླར་ཡང་མཆོད་པ་ཁ་གསོ་བྲན་བྱས་ལ། །ཨོཾ་སྭ་བྷ་ཝ་སོགས། སྟོང་པའི་ངང་ལས་མཆོད་རྫས་ཐམས་ཅད་ནི། །མཆོད་པའི་སྤྲིན་ཕུང་ནམ་མཁའ་ཁྱབ་གྱུར་པ། །རང་གི་ཐུགས་ལས་སྤྲུལ་པའི་ལྷ་མོའི་ཚོགས། །ནམ་མཁའ་གང་བས་བདག་མདུན་སོ་སོ་ལ། །མཆོད་ཅིང་བསྟོད་པའི་དབྱངས་ཀྱིས་བསྟོད་པར་གྱུར། །བདག་དང་མདུན་བསྐྱེད་ལྷ་ཚོགས་ཐམས་ཅད་ལ། །ཉེར་སྤྱོད་བདུན་དང་འདོད་པའི་ཡོན་ཏན་ལྔ། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །མཆོད་པའི་ལྷ་མོ་བཅུ་དྲུག་ལ་སོགས་པ། །ཀུན་བཟང་མཆོད་པའི་སྤྲིན་ཕུང་ལྟ་

[Full Size]

བུས་མཆོད། །ཨོཾ་གུ་རུ་དྷེ་ཝ་ཌཱ་ཀི་ནཱི་སརྦ་དྷརྨཱ་པཱ་ལ་ཨརྒྷཾ་སོགས། ཧཱུྃ། བྱིན་རླབས་ཀུན་གྱི་འབྱུང་གནས་རྩ་བ་སྟེ། །དཔལ་ལྡན་བླ་མ་རྣམས་ལ་ཕྱག་འཚལ་བསྟོད། །དངོས་གྲུབ་རྣམ་གཉིས་འབྱུང་བའི་རྩ་བ་སྟེ། །ཡི་དམ་ལྷ་ཚོགས་རྣམས་ལ་ཕྱག་འཚལ་བསྟོད། །ཕྲིན་ལས་རྣམ་བཞི་འགྲུབ་པའི་རྩ་བ་སྟེ། །མཁའ་འགྲོ་ཆོས་སྐྱོང་རྣམས་ལ་ཕྱག་འཚལ་བསྟོད། ༈ །རྩ་བ་གསུམ་གྱི་ལྷ་ཚོགས་དགོངས་སུ་གསོལ། །བདག་ནི་ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ་ལ་སོགས། །བཅས་དང་རང་བཞིན་ཁ་ན་མ་ཐོ་བའི། །སྡིག་ལྟུང་ཉེས་པའི་ཚོགས་བགྱིས་མཐོལ་ལོ་བཤགས། །ཁྱད་པར་བདག་ཅག་སོ་སྐྱེའི་དབང་གྱུར་པས། །ཆོ་ག་ལྷག་ཆད་ནོར་འཁྲུལ་གྱུར་པ་དང་། །ཏིང་འཛིན་མི་གསལ་བྱིང་རྒོད་གཉིད་རྨུགས་དང་། །མཆོད་གཏོར་ཆུང་ཞིང་གཙང་སྦྲ་མ་བྱས་སོགས། །འགལ་ཞིང་འཁྲུལ་པ་གང་མཆིས་བཟོད་པར་གསོལ། །བརྩེ་བར་དགོངས་ཏེ་བཟོད་པར་བཞེས་ནས་ཀྱང་། །ཚེ་འདིའི་བར་ཆད་རྐྱེན་དུ་མི་འགྱུར་ཞིང་། །ཕྱི་མ་བྱང་ཆུབ་ཐོབ་ལ་མི་བསྒྲིབ་པར། །སྒྲིབ་མེད་ཚངས་པའི་

[Full Size]

དངོས་གྲུབ་བསྩལ་དུ་གསོལ། །གསོལ་བ་བཏབ་པས་སྐད་ཅིག་ནམ་མཁའ་ལ། །རྡོ་རྗེ་སེམས་དཔའ་བྱོན་པའི་ཐུགས་ཀ་ནས། །བདུད་རྩིའི་རྒྱུན་བབ་བདག་གིས་ཉམས་ཆག་བཀྲུས། །སྐུ་ཡི་འོད་ཟེར་ཟླ་བའི་འོད་ལྟ་བུ། །ལྷ་ཚོགས་ཀུན་ལ་ཕོག་པས་ཉམས་གྲིབ་དང་། །ལྷ་ཚོགས་མི་དགྱེས་པ་ཀུན་སངས་སེ་དག །ལྷ་ཚོགས་བཀྲག་མདངས་གཟི་བརྗིད་སྔར་བས་བཟང་། །རྡོར་སེམས་འོད་དུ་ཞུ་ནས་བདག་ལ་ཐིམ། །ཉམས་ཆག་འགལ་འཁྲུལ་ཐམས་ཅད་དག་པར་གྱུར། །ཨོཾ་བཛྲ་སཏཱ་ས་མ་ཡ་སོགས་ཡིག་བརྒྱ་ཚར་གསུམ་བཟླ། བདག་གིས་ཤེས་པ་བརྗོད་པས་ལྷ་ཀུན་གྱིས། །བཀྲ་ཤིས་བརྗོད་པས་མེ་ཏོག་ཆར་བབས་ནས། །བདག་ཅག་དཔོན་སློབ་ཡོན་མཆོད་ཡུལ་ཁམས་བཅས། །བདེ་སྐྱིད་ཕུན་སུམ་ཚོགས་པར་བྱིན་རླབས་གྱུར། །ཨེ་མ་ཧོ༔ ཀུན་བཟང་རྒྱལ་བ་རིགས་ལྔ་རྡོ་རྗེ་སེམས། །རྒྱལ་བ་དགོངས་པ་བརྒྱུད་པའི་བཀྲ་ཤིས་ཤོག །དགའ་རབ་རྡོ་རྗེ་ཤྲཱི་སེང་པདྨ་འབྱུང་། །རིག་འཛིན་བརྡ་བརྒྱུད་བླ་མའི་བཀྲ་ཤིས་ཤོག །བཀའ་བབ་མི་དགུ་རྗེ་འབངས་ཉི་ཤུ་བདུན། །གང་ཟག་སྙན་བརྒྱུད་བླ་མའི་བཀྲ་ཤིས་ཤོག །མ་གཅིག་མཚོ་

[Full Size]

རྒྱལ་ལབ་སྒྲོན་རྡོ་རྗེ་སྒྲོན། །མཁའ་འགྲོ་གཏད་བརྒྱ་བརྒྱུད་པའི་བཀྲ་ཤིས་ཤོག །གླིང་པ་བརྒྱད་སོགས་གཏེར་སྟོན་བརྒྱ་རྩ་བརྒྱད། །གཏེར་ཆོས་སྨོན་ལམ་བརྒྱུད་པའི་བཀྲ་ཤིས་ཤོག །དབང་བསྐུར་བརྒྱུད་བཤད་མན་ངག་སྦྱིན་མཛད་པའི། །དྲིན་ཆེན་རྩ་བརྒྱུད་བླ་མའི་བཀྲ་ཤིས་ཤོག །ཚེ་བདག་རིགས་ལྔ་ཡབ་ཡུམ་མགྱོགས་མའི་ཚོགས། །འཆི་མེད་ཚེ་ཡི་ལྷ་ཚོགས་བཀྲ་ཤིས་ཤོག །ཐུགས་རྗེ་ཆེན་པོ་ཐུབ་དྲུག་སངས་རྒྱས་སྟོང་། །ཐུགས་རྗེ་འགྲོ་འདུལ་ལྷ་ཚོགས་བཀྲ་ཤིས་ཤོག །གུ་རུ་ཞི་དྲག་རྟ་མགྲིན་འཇིགས་བྱེད་སོགས། །ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག །བཀའ་དགོངས་ཕུར་གསུམ་ཞི་ཁྲོ་རབ་འབྱམས་སོགས། །ཐེག་པ་དགུ་ཡི་ལྷ་ཚོགས་བཀྲ་ཤིས་ཤོག །བེར་གུར་ཕྱག་བཞི་ཕྱག་དྲུག་མ་ནིང་སོགས། །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །ལྷ་མོ་དཔོན་གཡོག་བརྟན་མ་བཅུ་གཉིས་སོགས། །བརྟན་སྐྱོང་ལྷ་མོ་རྣམས་ཀྱི་བཀྲ་ཤིས་ཤོག །ཛམ་ལྷ་རིགས་ལྔ་ནོར་རྒྱུན་མཆེད་ལྔ་སོགས། །ནོར་ལྷ་གཏེར་བདག་རྣམས་ཀྱི་བཀྲ་ཤིས་ཤོག །ཚངས་དང་བརྒྱ་བྱིན་རྒྱལ་ཆེན་སྡེ་བཞི་སོགས། །གཙང་རིགས་

[Full Size]

དཔལ་མགོན་བདུན་ཅུའི་བཀྲ་ཤིས་ཤོག །ཨོཾ་གུ་རུ་དྷེ་ཝ་ཌཱཀྐི་ནཱི་སརྦ་དྷརྨཱ་པ་ལ་སྭ་སྟི་སྭ་སྟི་མངྒ་ལཾ། སརྦ་སིདྡྷི་ཕ་ལ་ཨ་ལ་ལ་ཧོ། བདག་གིས་ཐལ་སྦྱར་སྨོན་ལམ་བཏབ་པ་ཡིས། །ལྷ་ཚོགས་ཀུན་གྱིས་མཐུན་འགྱུར་མཛད་པར་གྱུར། །ཕྱོགས་བཅུའི་འཇིག་རྟེན་རབ་འབྱམས་ཁམས་བཞུགས་པའི། །རྒྱལ་བ་སྲས་བཅས་ཉན་ཐོས་རང་རྒྱལ་ཚོགས། །མངོན་ཤེས་དྲུག་དང་ཡེ་ཤེས་སྤྱན་མངའ་བ། །ཐམས་ཅད་བདག་ལ་གསན་ཅིང་དགོངས་སུ་གསོལ། །ཐོག་མེད་དུས་ནས་ད་ལྟ་ཡན་ཆད་དུ། །བདག་གིས་བསོད་ནམས་དགེ་ཚོགས་ཅི་བསགས་པ། །ཁྱད་པར་ད་རེས་ལྷ་བསྒོམས་སྔགས་བཟླས་ཤིང་། །མཆོད་བསྟོད་བསྐང་གསོའི་རིམ་པ་བགྱིས་པ་ཡི། །དགེ་བའི་རྩ་བ་ཇི་སྙེད་མཆིས་པ་རྣམས། །ཕྱོགས་བཅུའི་རྒྱལ་བ་སྲས་བཅས་སྤྱན་སྔར་འབུལ། །མཆོད་པའི་སྤྲིན་ཕུང་ནམ་མཁའ་ཁྱབ་གྱུར་ནས། །རྒྱལ་བའི་བསྟན་པ་ཕྱོགས་བཅུར་རྒྱས་པ་དང་། །བསྟན་འཛིན་རྣམས་ཀྱང་སྐུ་ཚེ་བརྟན་གྱུར་ཅིག །དེ་ཡི་དགེ་བས་དྲིན་ཆེན་ཕ་མ་དང་། །བདག་ལ་འབྲེལ་པ་ཐོགས་པའི་གཙོར་བྱས་པའི། །མར་གྱུར་འགྲོ་བ་སེམས་ཅན་ཐམས་ཅད་

[Full Size]

ཀུན། །ཚོགས་རྫོགས་སྒྲིབ་བྱང་མྱུར་དུ་སངས་རྒྱས་ཤོག །དགེ་བའི་རྩ་བ་དེ་དག་ཀུན་བསྡུས་ཏེ། །།བདག་གིས་རྒྱུད་ལ་ད་ལྟ་ཉིད་སྨིན་ནས། །ཚེ་རིང་ནད་། མེད་བསོད་ནམས་ཉམས་རྟོགས་འཕེལ། །བསྐྱེད་རྫོགས་གཉིས་ལ་བརྟན་པ་ཐོབ་པར་ཤོག །ནམ་ཞིག་དུས་ལ་བབ་སྟེ་འཕོ་བའི་ཚེ། །སྐྱེ་བ་གཞན་གྱིས་བར་མཚམས་མི་ཆོད་པར། །ཡི་དམ་དཔའ་བོ་མཁའ་འགྲོས་མདུན་བསུས་ཏེ། །མེ་ཏོག་ཆར་འབེབས་རོལ་མོའི་སྒྲ་དང་བཅས། །བདེ་བ་ཅན་གྱི་ཞིང་དེར་ཁྲིད་པར་ཤོག །ཞིང་དེར་པདྨོ་མཆོག་ལ་བརྫུས་སྐྱེས་ནས། །སྣ་ཚོགས་མཆོད་པས་རྒྱལ་བ་མཆོད་བྱེད་ཅིང་། །ཨོ་རྒྱན་ཆོས་སྐུ་སྣང་བ་མཐའ་ཡས་དང་། །ནམ་ཡང་འབྲལ་མེད་མངོན་པར་སངས་རྒྱས་ཤོག །བསླུ་མེད་དཀོན་མཆོག་གསུམ་གྱི་བདེན་པ་དང་། །ཆོས་ཉིད་ཆོས་ཅན་འགོག་དང་ལམ་གྱི་བདེན། །བདེན་པར་གྲུབ་པ་རྣམས་ཀྱི་བདེན་ཚིག་གིས། །སྨོན་ལམ་དེ་དག་གེགས་མེད་འགྲུབ་གྱུར་ཅིག །དཀོན་མཆོག་གསུམ་ལ་ཕྱག་འཚལ་ལོ། །ཏདྱ་ཐཱ། པཉྩ་དྲི་ཡ་ཨ་ཝ་བྷྱོ་དྷ་ན་ཡེ་སྭཱ་ཧཱ། ༈ མདུན་དུ་བསྐྱེད་པའི་ཡེ་ཤེས་ལྷ་ཚོགས་ཀུན། །རང་བཞིན་ཆོས་

[Full Size]

ཀྱི་དབྱིངས་སུ་གཤེགས་ནས་ཀྱང་། །སླར་ཡང་བདག་གིས་སྤྱན་འདྲེན་མཆོད་བསྟོད་དུས། །ཆོས་ཀྱི་དབྱིངས་ནས་བཞེངས་ཏེ་འབྱོན་པར་ཞུ། །འཇིག་རྟེན་པ་རྣམས་རང་རང་གནས་བཛྲ་མུཿ། །དམ་ཚིག་པ་རྣམས་བདག་ལ་ཐིམ་པར་གྱུར། །ཨོཾ་ཨཱཿཧཱུྃ་བདག་བསྐྱེད་དམ་ཚིག་ཡེ་ཤེས་དབྱེར་མེད་པ། །མཐའ་ནས་དབུས་འདུས་ཐུགས་ཀའི་ཧཱུྃ་ལ་ཐིམ། །ཧཱུྃ་ཡང་གྱེན་རྫོགས་ཡལ་ནས་སྟོང་པ་ཉིད། །རང་རིག་འོད་གསལ་ཆོས་སྐུ་རྗེན་པར་བུད། །བལྟས་པས་མི་མཐོང་ངང་ལ་ཅི་རེ་བལྟ། །སེམས་ལ་མྱོང་རྒྱུ་ཡོད་ཀྱང་མི་ཤེས། །སྨྲ་བསམ་བརྗོད་མེད་ཆོས་སྐུ་རྒྱལ་བའི་ཡུམ། །ཀུན་ཏུ་བཟང་པོའི་དགོངས་པ་ཨ་ལ་ལ། །ཨཱཿ་ལི་ཀཱ་ལི་རྟེན་འབྲེལ་སྙིང་པོ་བརྗོད། །དེ་ཡིས་རབ་གནས་བྱིན་རླབས་མི་ཉམས་གནད། །སྔགས་འཆང་མགོན་ལུ་ཞེས་བྱས་བསྐུལ་བའི་ངོར། །༧རཱ་ག་ཨ་སྱས་འཕྲལ་དུ་གང་དྲན་སྨྲས། །པདྨ་ཐབས་མཁས་ཞེས་བྱས་ཡི་གེར་བྲིས། མངྒ་ལཾ།། །། རྟེན་ཡོད་ན། ལྷ་རྣམས་ནོངས་པ་སོགས། འདོན་མཆན། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྡོ་རྗེ་ཕུར་པའི་མོ་པྲ་སྒྲུབ་པའི་ཟིན་བྲིས་གསལ་བའི་མེ་ལོང་།

[Full Size]

རྡོ་རྗེ་ཕུར་པའི་མོ་པྲ་སྒྲུབ་པའི་ཟིན་བྲིས་གསལ་བའི་མེ་ལོང་བཞུགས་སོ།

[Full Size]

གུ་རུ་པྲ་ཝཱ་ཀ་ར་དེ་བ་བཛྲ་ཀུ་མཱ་ར་ན་མཿ ཀུན་རྫོབ་བདེན་པའི་རྟེན་འབྲེལ་མོ། །སྒྲུབ་པར་འདོད་པའི་གང་ཟག་གིས། །དབེན་ཞིང་གཙང་མའི་གནས་དག་ཏུ། །བལ་ཕྱིང་ངམ་ནི་གཞི་མ་དཀར་པོའི་སྟེང་། །ནས་ཀྱི་གཡུང་དྲུང་གཡས་འཁྱིལ་བྲི། །དེ་སྟེང་སྡེར་སོགས་རིན་ཆེན་སྣོད། །བཙན་བཤོས་མཁར་ཐབས་བྱས་པའི་སྟེང་། །ཟུར་གསུམ་རྩེ་རྒྱལ་དཀར་དམར་བརྒྱན། །གཡས་སུ་འབྲང་རྒྱས་གཡོན་སྨན་སྟེང་། །རྒྱབ་ཏུ་གསང་ཕྱི་མདུན་མཐེབ་སྐྱུ། །ནས་དཀར་བྲེ་གང་ནང་དུ་ནི། །མདའ་དར་དམར་པོ་བཙུགས་པར་བྱ། །ཕུད་རྒོད་ལ་སོགས་མཆོད་པ་བཤམ། །ཕྱེ་མར་ཤུག་དུད་བཏང་ན་བཟང་། །སྒྲུབ་རྟེན་མེ་ལོང་གཙང་མར་བཅང་། །རང་ཉིད་ཡི་དམ་པད་འབྱུང་བསྒོམ། །གྱེར་བསྒོམ་སྦྲགས་ལ་

[Full Size]

འདི་སྐད་དོ།། ཧཱུྃ༔ རང་ཉིད་ཡི་དམ་ཐུགས་ཀ་ནས༔ འོད་ཟེར་ལྕགས་ཀྱུ་ལྟ་བུར་འཕྲོས༔ ནུབ་ཕྱོགས་གཡའ་སྤང་མཚམས་ཤེད་ནས༔ གསལ་བྱེད་མོ་ཡི་བདག་པོ་ནི༔ བཙན་རྗེ་སྙིང་ཀྲུང་བཙན་པོ་སྟེ༔ སྐད་ཅིག་ཉིད་ལ་སྤྱན་དྲངས་གྱུར༔ ཀྱཻ༔ བཞེངས་ཤིག་སྙིང་དྲུང་བཙན་པོ་བཞེངས༔ སྐུ་ལ་དར་ནག་གོ་ཟུ་གསོལ༔ ཆིབས་སུ་སྨྱུ་གུ་སྒབ་ནག་ཆིབས༔ དབུ་ལ་བྱ་ཞུ་སྨུག་པོ་གསོལ༔ ཕྱག་ན་མདའ་མོ་བྱ་རྒོད་བསྣམས༔ འཕྲུལ་གྱི་མེ་ལོང་རྐེད་ལ་བཙུགས༔ ལྷབ་ལྷབ་དེ་ནི་འཕུར་ཞིང་བྱོན༔ ཐོལ་ཐོལ་དེ་ནི་སྨྲ་ཞིང་བྱོན༔ མོ་

[Full Size]

བདག་ལགས་པས་མོ་སྟོན་ཅིག༔ པྲ་བདག་ལགས་པས་པྲ་སྟོན་ཅིག༔ རྫུན་དང་གཡོ་སྒྱུ་མ་མཛད་ཅིག་སྒྲིབ་མེད་ཝ་ལེར་བསྟན་དུ་གསོལ༔ ང་ཡིས་འབོད་པར་མ་ཆད་དམ༔ ཁྱོད་ཀྱིས་འོང་བར་མ་ཆད་དམ༔ པྲ་བདག་དེ་ནི་པྲ་ལ་བྱོན༔ དེ་རིང་སྣང་སྲིད་ས་ལེར་སྟོན༔ བཛྲ་ས་མ་ཡ་ཛཿཛཿ ཛཧཱུྃ་བཾ་ཧོ༔ ཏིཥྛ་ལྷན༔ ཨོཾ་ཨ་ཀཱ་རོ་སོགས། ཨོཾ་ཨཱཿ༔ཧཱུྃ་བཙན་རྒོད་སྙིང་དྲུང་བཙན་པོའི་ཞལ་དུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་སྭཱ་ཧཱཿ ཧཱུྃ༔ བཙན་རྒོད་སྙིང་དྲུང་བཙན་པོ་ནི༔ སྐུ་ནི་སྨུག་ལ་དར་ནག་གསོལ་ཆིབས་སུ་སྨྱུག་གུ་སྒབ་ནག་ཆིབས༔ བྱ་ཞུ་གསོལ་ཞིང་མདའ་དར་བསྣམས༔ སྣང་གསལ་མེ་ལོང་སྐེད་ལ་བཙུགས༔ འབུར་ཞིང་གཡོན་ནས་ཐོལ་ཐོལ་མོ་ལྷ་པྲ་ཡི་བདག་པོ་ཁྱེད༔ དམ་རྫས་བརྒྱན་པའི་གཏོར་མ་བཞེས༔ འཁོར་དང་བཅས་པ་མཉེས་གྱུར་ཅིག༔ བཅོམ་ལྡན་རྡོ་རྗེ་གཞོན་ནུ་དང་༔ སློབ་དཔོན་པདྨ་འབྱུང་གནས་ཀྱི༔ བཀའ་དང་དམ་ལ་མ་འདའ་བར༔ དེང་འདིར་བདག་གིས་མོ་བསྒྲུབ་ན༔ བཟང་ངན་གཉིས་ཀྱི་མཐོང་ཆོད་ལ༔ ལེགས་ཉེས་གཉིས་ཀྱི་ཤན་ཕྱེས་ལ༔ རྣོ་མཐོང་མོ་ཡི་དངོས་གྲུབ་སྩོལ༔

[Full Size]

དེ་ལྟར་མཆོད་ཅིང་ལས་བཅོལ་ནས། བཙན་རྗེ་རང་གི་མདུན་དུ་གནས༔ གསལ་བྱེད་མོ་རྣམས་སྟོན་པར་གྱུར༔ ཨོཾ་ད་ན་རཱ་ཙ་ཕཊ༔ ན་ད་རྭ་ཙ་ཕཊ༔ ནི་དུ་རཱ་ཙ་ཕཊ༔ དུ་ན་རཱ་ཙ་ཕཊ༔ དུ་པ་རྭ་ཙ་ཕཊ༔ པྲ་མོ་སྟོན་སྭཱ་ཧཱཿ སྔགས་དེ་རབ་ནི་ཁྲི་ཕྲག་གཅིག །འབྲིང་ནི་བདུན་སྟོང་ཐ་མ་ཡང་། །སུམ་སྟོང་བཟླས་པས་འགྲུབ་པ་སྟེ། །མེ་ལོང་གཙང་མ་སྔགས་དར་བྱད། །དུས་ནི་ཞག་གཅིག་རང་གིས་བསྒྲུབ། །དམ་ཚིག་མི་གཙང་བ་ལ་འཛེམ། །ཡུགས་སར་མི་འགྲོགས་ཡུགས་ས་ཡི། །ཁ་འཕྲོ་གོས་ཡུགས་འཛེམ་པ་དང་། །མི་ལ་མི་སྨྲ་ཤིན་ཏུ་གསང་། །སྒྲུབ་པ་ཐོན་ནས་མོ་ལྷ་དེ། །འོད་ཞུ་མེ་ལོང་དེ་ལ་བསྟིམ། །མདའ་དར་དེ་ཉིད་རྟེན་རྫ་ས་བཅང་། །མེ་ལོང་རྒྱུན་དུ་འཆང་བར་བྱ། །དེ་ནས་མོ་ནི་ནམ་འདེབས་དུས། །འཛོམ་ན་བཙན་བཤོས་མདའ་དར་སོགས། །ཐམས་ཅད་བསྒྲུབ་དུས་བཞིན་དུ་བཤམས། །ཕྱེ་མར་ཕུད་རྒོད་ལ་སོགས་བཤམ། །དེ་ཙམ་རྒྱས་པར་མ་འཕྲོད་ན། མདའ་དར་མོ་ནས་ཕྱེ་མར་བཤམ། །སྒྲུབ་དུས་བཞིན་དུ་གྱེར་ནས་བསྒྲུབ། །བསྙེན་པ་ཡང་ནི་ཅུང་ཟད་བཟླ། །དེ་ལྟ་བུ་ཡང་མ་འཛོམ་ན། །མོ་ནས་མཆོད་པའི་རྫས་སུ་བཤམ། །ཀྱེ་བཞེངས་ཤིག་ནས་ས་ལེར་སྟོན། །ཞེས་པའི་བར་གི་གཞུང་གི་ཚིག །བློ་ཀ་བཞིས་སྤྱན་འདྲེན་བྱ། །དེ་ནས་བསྙེན་པ་ཅུང་ཟད་བྱ། །དེ་ལྟར་རྒྱས་བསྡུས་གང་བྱེད་ཀྱང་། །སྔགས་ནི་བརྒྱ་རྩ་བརྒྱད་བཟླས་ནས། །

[Full Size]

མེ་ལོང་རྒྱས་བཏབ་བགེགས་རྣམས་བསྐྲད། །ཨོཾ་བཛྲ་ཙནྡྲ་པྲ་ཏ་ཡ༔ དེ་ནས་སྒྲུབ་སྔགས་བརྒྱ་རྩ་བཟླ༔ ཨོཾ་ད་ན་ར་ཙ་ཕཊ༔ ནི་དུ་ར་ཙ་ཕཊ༔ དུ་པ་ར་ཙ་ཕཊ༔ པྲ་མོ་སྟོན་སྭཱ་ཧཱཿ དེ་ནས་མོ་ཁ་འབྱེད་པའི་སྔགས། །ཅི་འགྲུབ་བཟླས་ལ་མེ་ལོང་གི །གསལ་ངོས་དེ་ལ་ཕུ་བཏབ་བོ། །ཨོཾ་ཨ་མེ་ཀ་ཁ་མ་ཀྲ་ཀ་ཁ་ཡ༔ ཙཏྲ་ཀ་ཁ་ཡ༔ སྤོས་དང་ཕྱེ་མར་གསུར་དུད་བྱ། །དེ་ནས་རང་གི་གང་ཤེས་ཀྱི། །རྡེལ་མོ་ཤཱ་མོ་ཆོ་ལེའི་མོ། །ཇུ་ཐིག་ལ་སོགས་མོ་ཡི་རིགས། །མོ་ནི་གང་ཤེས་གཞུང་ལྟར་བཏབ། །མཁའ་འགྲོ་སྡེ་བཅུ་ཡིན་ན་ནི། །མཁའ་འགྲོའི་མོ་བདར་རྗེས་སུ་ནི། །འདི་བྱས་དེ་ནས་མོ་བཏབ་བོ། །མོ་ནི་འདེབས་དུས་མེ་ལོང་སྟེ། །རང་གི་སྐེ་ལ་བཏགས་པར་བྱ། །རྒྱུན་དུ་སྐ་ལ་བཏགས་པའམ། །གཙང་སར་སྦས་སམ་གའུར་བཅུག །དེ་ལ་གཞན་གྱི་ལག་མི་འགྲིམ། །དགོས་དུས་བླངས་ནས་སྔགས་ཀྱིས་བཏབ། །གལ་ཏེ་མོ་ལ་མི་གཞུག་ཅིང་། །ལན་རེ་ཙམ་ལས་མི་འདེབས་ནས། །རྒྱུན་དུ་རྩུབ་ཆགས་འོང་དོགས་ན། །དང་པོ་བསྒྲུབས་ནས་བཙན་རྗེ་དེ། །རང་གནས་བཛྲ་མུཿས་གཤེགས་ལ། །དགོས་དུས་སྤྱན་དྲངས་མོ་བཏབ་ནས། །སླར་ཡང་རང་གནས་གཤེགས་གསོལ་བྱ། །མེ་ལོང་ལ་ནི་མི་བསྟིམ་མོ། །མོ་འདི་རྒྱུན་དུ་མཁོ་བ་ན། །མེ་ལོང་ལ་བསྟིམ་རྒྱུན་དུ་འཆང་། །ཉལ་ཏེ་གློ་བུར་མོ་ནས་ཀྱང་། །མེད་པར་ཕྲེང་མོ་འདེབས་དགོས་ན། །སྤྱན་འདྲེན་ཤོ་ལོ་ཀ་བཞི་པོ། །མོ་བདར་ཚུལ་དུ་བརྗོད་

[Full Size]

ནས་ཀྱང་། །བགེགས་བསྐྲད་སྔགས་དེ་ཚར་བདུན་ནི། །མེ་ལོང་མི་གསལ་ངོས་དེར་བཏབ། །སྒྲུབ་སྔགས་ཉེར་གཅིག་ཙམ་དུ་འདོན། །མོ་ཁ་འབྱེད་སྔགས་ཉེར་གཅིག་ཙམ། །བཟླས་ལ་མེ་ལོང་གསལ་ངོས་བཏབ། །དེ་ནས་ཕྲེང་མོ་གཞུང་ལྟར་འདེབས། །ཡིད་ཀྱིས་མཆོད་པས་མཆོད་པར་དམིགས། །ཇ་སོགས་ཕོར་ཁའི་མཆོད་པ་ལ། །དཀོན་མཆོག་གསུམ་ལ་མཆོད་པའི་རྗེས། །སྙིང་དྲུང་བཙན་པོ་མཆོད་ཅིག་བརྗོད། །ཕུར་པ་ཡང་གསང་སྤུ་གྲི་ཡི། །ལས་ཚོགས་ཨོ་རྒྱན་རྗེས་མཛད་པའི། །རྟེན་འབྲེལ་མོ་པྲའི་སྒྲུབ་པ་འདི། །གཞུང་ཚིག་གོ་བར་དཀའ་མཐོང་ནས། །གནས་བསྐོར་ལ་སོགས་འགྲོ་མཁན་ལ། །མོ་རྣོ་ཤེས་པ་གལ་ཆེ་བས། །མ་འོངས་འགྲོ་ལ་ཕན་སེམས་ཀྱིས། །སྔགས་འཆང་རཱ་ག་ཨ་སྱ་ཡིས། །འདི་བྲིས་ཉེས་འགལ་ཅི་མཆིས་པ། །ཆོས་བདག་དང་ནི་བཙན་ལ་བཤགས། །དགེ་བས་འགྲོ་བ་ཐམས་ཅད་ལ། །ཉིས་དགུ་ཀུན་ལས་ཐར་ནས་ཀྱང་། །ལེགས་དགུ་ཀུན་དང་ཕྲད་པར་ཤོག །མོ་སྒྲུབ་ཟིན་བྲིས་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

འཕགས་པ་འཇམ་དཔལ་གྱིས་མཛད་པའི་རྡེལ་མོའི་ཐབས་དཔྱད་གསལ་བའི་མེ་ལོང་།

[Full Size]

འཕགས་པ་འཇམ་དཔལ་གྱིས་མཛད་པའི་རྡེལ་མོའི་ཐབས་དཔྱད་གསལ་བའི་མེ་ལོང་བཞུགས་སོ།

[Full Size]

ཐམས་ཅད་མཁྱེན་པ་ལ་ཕྱག་འཚལ་ལོ། །ན་མོ་ཤར་གཅིག་གཉིས་གསུམ་བཞི་ལྔ་དྲུག་བདུན་བརྒྱད་དགུ་བཅུ་བཅུ་གཅིག་བཅུ་གཉིས། ཉི་ཤུ་ཉེར་གཅིག་ཉེར་གཉིས་ཉེར། སུམ་ཅུ་སོ་གཅིག་སོ་གཉིས། བཞི་བཅུ་ཞེ་གཅིག་ཞེ་གཉིས། དཀར་པོ་ཤེལ་གྱི་མོ་རྡེལ་བཞི་བཅུ་ཞེ་གཉིས་དངོས་ཀྱིས་ཚང་། སྲིད་པའི་གནམ་ཕུབ། དོང་མོའི་ས་གཞི་བཏིང་། སྟེང་དུ་ལྷ་སྲིད། བར་དུ་མི་སྲིད། འོག་ཏུ་འདྲེ་སྲིན་བྱུར་གསུམ་སྲིད། མོ་འདི་འཕགས་པ་འཇམ་དཔལ་གྱིས་གཏན་ལ་ཕབ། མ་སང་གི་ཡུལ་དུ་རྡེལ་མོ་གཏན་ལ་ཕབ། རྒྱ་ཡི་ཡུལ་དུ་གབ་རྩེ་གཏན་ལ་

[Full Size]

ཕབ། བོད་ཀྱི་ཡུལ་དུ་ལྷ་པྲ་གཏན་ལ་ཕབ། ཞང་ཞུང་གི་ཡུལ་དུ་ཇུ་ཐིག་གཏན་ལ་ཕབ། མེ་ཉག་གི་ཡུལ་དུ་སོག་མོ་གཏན་ལ་ཕབ། ཧོར་གྱི་ཡུལ་དུ་མདའ་མོ་གཏན་ལ་ཕབ། འཇང་གི་ཡུལ་དུ་ཆུ་མོ་གཏན་ལ་ཕབ། དེ་ནས་མོ་ཡི་དམུ་གབ་གསལ་བ་ནི། མཁར་སྒོང་ཐོགས་ཏེ། ༈ དཀོན་མཆོག་གསུམ་གྱི་བདེན་པས་རྣོ་བ་མོའི་མི་མཐོང་བ་དེ་ཕྱིས། ལྷའི་རྣ་བ་མི་གཏོར་བ་དེ་ཕྱིས། འདྲེ་ཡི་ཐོག་གུ་མི་འཛུགས་པ་དེ་ཕྱིས། མོའི་དབུ་གབ་དེ་ཕྱིས། སྨུག་པ་དེ་ཕྱིས། འཐིབ་པ་དེ་ཕྱིས། ལ་ཁ་བར་ཆོད་པ་དེ་ཕྱིས། ལུང་བ་མོས་ཆོད་པ་དེ་ཕྱིས། རྒྱལ་ཁ་

[Full Size]

བློན་གྱིས་ཆོད་པ་དེ་ཕྱིས། བློན་ཁ་བྲན་གྱིས་ཆོད་པ་དེ་ཕྱིས། ཕོ་ཤི་གྲི་བོས་ཆོད་པ་དེ་ཕྱིས། མོ་ཤི་གྲི་མོས་ཆོད་པ་དེ་ཕྱིས། ཟླ་བ་ཉའི་ཆོད་པ་དེ་ཕྱིསས། སྐརྨ་རྟའི་ཆོད་པ་དེ་ཕྱིས། ཉ་ཁ་འདམ་གྱིས་ཆོད་པ་དེ་ཕྱིས། ཁྱི་ཁ་རུས་ཀྱིས་ཆོད་པ་དེ་ཕྱིས། རྟ་ཁ་སྲབ་ཀྱིས་ཆོད་བ་དེ་ཕྱིས། ཕོ་ཁ་མོའི་ཆོད་པ་དེ་ཕྱིས། བཟང་ཁ་ངན་གྱིས་ཆོད་པ་དེ་ཕྱིས། མགྱོགས་ལམ་བུལ་གྱིས་ཆོད་པ་དེ་ཕྱིས། རྣོ་ལམ་རྡུལ་གྱིས་ཆོད་པ་དེ་ཕྱིས། གོར་ཡུལ་ནས་ཕྱིས། གོར་ཆེན་ཕ་བང་གིས་ཆོད་པ་དེ་ཕྱིས། ཤིང་ཡུལ་ནས་ཕྱིས། ཤིང་ཆེན་སྡོང་པོས་ཆོད་པ་དེ་ཕྱིས། རྩྭ་ཡུལ་ནས་ཕྱིས། རྩྭ་ཆེན་འཇག་མས་ཆོད་པ་དེ་ཕྱིས། མཁན་ཡུལ་ནས་ཕྱིས། ས་ཡིས་ཕྱིས། ས་དུག་མུ་ཟིའི་ཆོད་པ་དེ་ཕྱིས། ཆུ་ཡིས་ཕྱིས། ཆུ་ཆེན་རེ་འབྱམས་ཀྱིས་ཆོད་པ་དེ་ཕྱིས། ཤུགས་སུ་བྱུང་བ་ནགས་སུ་གསལ། ཞབས་སུ་གཞོམས། མོ་ལ་རྐུ་བ། ཕྱུ་ལ་སྒྲིབ་པ། མོ་འདི་འདེབས་པ་ལ་མི་འབབ་པ། གཟའ་དང་སྐརྨ་དུས་ཚོད་ཚེས་གྲངས་ལ་མི་འབབ་པ། ལྷ་ཕྲུ་ཁྱིམ་ཕྱུ་ལ་འབབ་མི་རུང་བ་ཐམས་ཅད་དུང་གི་འབུ་བཞིན་ཕྱིས། ལྕགས་ཀྱི་བཙའ་བཞིན་

[Full Size]

ཕྱིས། མོ་ལ་རྐུ་བ། ཕྱུ་ལ་སྒྲིབ་པ་ཐམས་ཅད་སྡིག་པ་མོ་རྐུན་མའི་སྟེང་དུ་ཕྱིར་བསྒྱུར་རོ། །ཨུཙྪ་ཏ་ཡ་ཕཊ༔ ཅེས་འཁར་སྒོང་ནུབ་ཏུ་དོར། ༈ དེ་ནས་མོ་བདར་ནི། རྣོ་བའི་ལྷ་བདར། ལྷ་མོ་གསལ་མོ་ལ་བདར། ཏིང་ངེ་འཛིན་ཀྱང་མོ་ལ་བདར། རིག་འཛིན་ཐུགས་ཀྱང་མོ་ལ་བདར། དྲང་སྲོང་ཡི་མོ་ལ་བདར། དཀོན་མཆོག་གསུམ་གྱི་མོ་ལ་བདར། ཡི་དམ་ལྷ་ཚོགས་རྣམས་ཀྱི་མོ་ལ་བདར། འཇམ་དཔལ་དབྱངས་ཀྱི་མོ་ལ་བདར། སྤྱན་རས་གཟིགས་ཀྱི་མོ་ལ་བདར། ཕྱག་ན་རྡོ་རྗེ་མོ་ལ་བདར། བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མ་མོ་ལ་བདར། ནོར་ལྷ་གཏེར་བདག་མོ་ལ་བདར། མཁའ་འགྲོ་སྡེ་ལྔ་མོ་ལ་བདར། བན་བོན་སྲུང་མ་མོ་ལ་བདར། བཀའ་སྲུང་དམ་ཅན་རྒྱ་མཚོ་མོ་ལ་བདར། ཚངས་པ་བརྒྱ་བྱིན་མོ་ལ་བདར། རྒྱལ་ཆེན་སྡེ་བཞི། ཕྱོགས་སྐྱོང་ཞིང་སྐྱོང་། བརྟན་མ་བཅུ་གཉིས། ཐམས་ཅད་མཁྱེན་པ་ལྷ་ཆེན་བརྒྱད་ཀླུ་ཆེན་བརྒྱད་ལྷ་གཟའ་ཆེན་རྒྱུ་སྐར་ཉི་ཤུ་རྩ་བརྒྱད། གཉེན་ཆེན་བརྒྱད། གངས་དཀར་ཏི་སེ། ཐང་ལྷ་ཡར་བཞུད། ཡར་ལྷ་ཤམ་པོ། རྨ་ཆེན་སྤོམ་ར། ཇོ་བོ་གཟེ་རྒྱལ། སྒྱོགས་ཆེན་གདོང་

[Full Size]

ར། མགུར་ལྷ་བཅུ་གསུམ། དགྲ་བླ་དར་མ་མཆེད་བཞི། མགྲོན་ཡག་དར་མ་བཅུ་གསུམ། དགྲ་བླ་བྱ་ཁྱུང་། གཡའ་སྤང་སྐྱེས་གཅིག །གཡུ་འབྲུག་སི་ལེ། གནམ་སྨན་དཀར་མོ་མོ་ལ་བདར། མོ་ཕོབ་མོ་མདུད་པྲ་མོ་སྟོན། ནམ་མཁའ་ལྷའི་དྲང་མཁན། བར་སྣང་གཉན་གྱི་དྲང་མཁན། ས་གཞི་ཀླུའི་དྲང་མཁན། ཡོད་མེད་ཤེས་པ། བདེན་རྫུན་ཤེས་པ། དཀར་ནག་ཤེས་པ། ཕམ་རྒྱལ་ཤེས་པ། ཡོ་དྲང་ཤེས་པ། ཤེས་བཞི་མཐོང་བརྒྱད། མ་སང་གི་རྡེལ་མོའི་ལྷ་ཚོགས་རྣམས་ཀྱིས་མོ་ཕོབ། མོ་བདར་མོ་མདུད། མོ་བཀྲའི་ལྷ་འཁོར་སུམ་བརྒྱ་དྲུག་ཅུ་ཁྱེད་རྣམས་ལ་ཕྱག་ཏུ་རྣོ་བའི་ཡོན་འབུལ་བས་མོའི་རྣོ་སོ་མཛོད་ཅིག །གསལ་པོར་ཕོབ། མགོ་མ་གཡོག །ཁ་མ་རྫུན། ལྕེ་མ་དིག །བཟང་ངན་མ་བསྲེ། དིག་མ་བསྐོར། ཤི་གསོན་གཉིས་སྟང་ཆོད། བདེན་རྫུན་གཉིས་རྟགས་ཐོན། དཀར་ནག་གཉིས་ཤན་ཕྱེས། ཡོད་མེད་གཉིས་རྩིས་ཐོབ། ཕྱི་ནས་དགྲ་ལངས་སམ་མ་ལང་། གྱོད་བྱུངས་སམ་མ་བྱུང་། དུར་ས་བྱེའམ་མ་བྱེད། ཁྱིམ་ཕྱུ་སྟོངས་སམ་མི་སྟོང་། གྲོགས་ཕྱུ་རྟགས་སམ་མི་རྟག །མོ་ཁོག་སྟོངས་སམ་མི་སྟོང་། བུ་ཚིའི་བསེ་ར་

[Full Size]

སྟོངས་སམ་མི་སྟོང་། དགྲ་ཕྱུ་ལངས་སམ་མི་ལང་། རྩེ་གསུམ་ཞིགས་སམ་མ་ཞིག །རྩེ་བཞིའི་མདུན་ཞུ་གྱོན་ནམ་མ་གྱོན། གླིང་བཞི་བྱ་བླུག་བྱས་མ་བྱས། མོ་ཡི་འཛེར་བཞི་བུད་དམ་མ་བུད། རུ་སོད་བྱ་བྲལ་བབས་སམ་མ་བབ། བྱ་བྲལ་མཐུར་སྐྱ་བབས་སམ་མ་བབ། ཉིན་སྲིབ་ཤིང་སྡོང་འགུལ་ལམ་མ་འགུལ། ལྷ་ཕྲུ་ཉམས་སམ་མ་ཉམ། མ་སང་གི་རྡེལ་མོ་མ་འཆུག །སྲིད་པའི་སྨྱོ་ཆུ་མ་འཐུང་། ཤེལ་གྱི་ལོར་རྡེལ་བཞི་བཅུ་ཞེ་གཉིས་འདི་བརྩིས་ནས་ཚང་། བཏབ་ན་ཐིག་མོ་དྲང་པོར་ཕོབ་ཅིག་།ཨོཾ་ཡེ་དྷརྨ་ཧེ་ཏུ་པྲ་བྷ་ཝ་ཧེ་ཏུནྟེ་ཥཱ་ཏ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཿསྭཱ་ཧཱ། དེ་ནས་རྣོ་མཐོང་རྣམས་ལ་སེམས་རྩེ་གཅིག་ཏུ་གཏད་དེ་ཕྲེང་བ་བཅད་དོ། ༈ སྤྱིར་མོ་ལ་གཅེས་པ་བཅུ་གསུམ་ཡོད། ཁྱིམ་ཕྱུ་ལ་ཁྱིམ་ཕྱུ་གཅེས། ཇག་ཕྱུ་ལ་ཇག་ཕྱུ་གཅེས། མོ་རྒྱུད་ལ་གཡའ་སྤང་གཅེས། ལེ་གུ་ལ་སྲུང་མདའ་གཅེས། སྨན་ཕྱུ་ལ་སྨན་ཕོར་ལྔ་གཅེས། སྲིད་ཕྱུ་ལ་ཆུ་མིག་གཅེས། མགྲོན་པོ་ལ་གྲོགས་ཁྱུ་གཅེས། དགྲ་ཕྱུ་ལ་རྫིའུ་གཅེས། རྗེ་རྒྱལ་གཅིག་གི་མོ་འདེབས་ན། ཕུ་རི་གསུམ་གྱི་གངས་དཀར་མ་ཞུ་དགོས། གཙོ་

[Full Size]

བོ་གཅིག་གི་མོ་འདེབས་ན། གཙོ་བོའི་གྲོས་ར་མ་ཞིག་དགོས། བླ་མ་གཅིག་གི་མོ་འདེབས་ན། ཉི་མ་ཟླ་བ་སྐརྨ་གསུམ། དུས་གཅིག་མུན་པས་མ་བསྒྲིབས་དགོས། ཆོས་པ་གཅིག་གི་མོ་འདེབས་ན། ཆ་ལ་ཐོག་གི་མ་བཤིག་དགོས། བན་དེ་གཅིག་གི་མོ་འདེབས་ན། རྡོར་དྲིལ་སྐེད་ནས་མ་ཆག་དགོས། སྔགས་པ་གཅིག་གི་མོ་འདེབས་ན། རྔ་གཤང་ལག་ནས་མ་ཤོར་དགོས། སྐྱིད་མོ་གཅིག་གི་མོ་འདེབས་ན། སྐྱིད་ཀྱི་ཉི་མ་མ་ལ་དགོས། སྡུག་པོ་གཅིག་གི་མོ་འདེབས་ན། སྡུག་གི་མཆི་མ་མ་སྐམ་དགོས། ཕྱུག་པོ་གཅིག་གི་མོ་ཊྛའདེབས་ན། ཟངས་དཀར་འོ་མ་མ་བོ་དགོས། དབུལ་པོ་གཅིག་གི་མོ་འདེབས་ན། ར་ཡི་རྫིང་བུ་མ་སྐམ་དགོས། འཕན་པོ་གཅིག་གི་མོ་འདེབས་ན། ཤ་བའི་ཤ་རུ་རྒྱས་འདྲ་དགོས། ནད་པ་གཅིག་གི་མོ་འདེབས་ན། ནད་པའི་སྔས་སྟན་མ་ཞིག་དགོས། ལྷ་རྗེ་གཅིག་གི་མོ་འདེབས་ན། སྨན་ཕོར་དུག་གིས་མ་གང་དགོས། མོ་མ་གཅིག་གི་མོ་ལ་ནི། །མོ་ལ་གབ་སྨུག་མ་བྱུང་དགོས། མགར་བ་གཅིག་གི་མོ་ལ་ནི། རི་ཚ་ཁབ་ཏུ་མ་འཐོར་དགོས། བཟོ་བོ་གཅིག་གི་མོ་ལ་ནི། མཐིབ་ལྕིབ་ཁུང་བུ་མ་བུག་དགོས། ཇག་པ་གཅིག་གི་

[Full Size]

མོ་ལ་ནི། ཇག་པའི་སྐུང་ཆེན་མ་འགྲོགས་དགོས། དམག་ཁྲ་བོ་གཅིག་གི་མོ་ལ་ནི། མདུང་དར་སྐེད་ནས་མ་ཆག་དགོས། སྟག་ཤར་གཅིག་གི་མོ་ལ་ནི། སྟག་སྟག་དར་མ་མདས་མ་བསད་དགོས། རྐུན་མ་གཅིག་གི་མོ་འདེབས་ན། ཝ་གྲྭ་ཡག་བདས་ལ་མ་ཟིན་དགོས། སྨན་བུ་མོ་གཅིག་གི་མོ་འདེབས་ན། ཉ་མོ་སྐམ་ལ་མ་བུད་དགོས། །མ་སྲུ་གཅིག་གི་མོ་འདེབས་ན། མཚོ་ལ་ཕྲི་འཐག་མ་བྱུང་དགོས། བྱིས་པ་གཅིག་གི་མོ་འདེབས་ན། མེ་ཏོག་སད་ཀྱིས་མ་ཟོས་དགོས། སྐྱེས་ཀྱི་ཕོ་ཕྱུ་ལ། གསེར་གྱི་ཀ་བ་མ་ཆག་དགོས། གཞི་ཕྱུ་ལ། གཡུའི་གདུང་མ་མ་ཆག་དགོས། སྲོག་ཕྲུ་ལ། སྲོག་གི་ལྷ་མདའ་མ་ཆག་དགོས། ནོར་ཕྱུ་ལ་གཡང་ར་མ་ཞིག་དགོས། ཞིང་ཕྱུ་ལ། སྨད་ཀྱི་ཡུལ་གསུམ་ཆུས་མ་ཁྱེར་དགོས། བློ་ཕྱུ་ལ། བློ་ཡི་རྫིའི་མ་ཉེས་དགོས། གྲོགས་ཕྱུ་ལ། གྲོགས་ཀྱི་ཕུང་པོ་མ་ཞིག་དགོས། སྲིད་པའི་མོ་ཁོག་དགུའི་དཔྱད་ལ། ༼༡༽ཐམས་ཅད་ཁ་ལྔ་གསལ་ཡིན། ༼༢༽ ཐམས་ཅད་ཁ་སྦས་ཐབ་འདྲེའི་ངོ་ཡིན། ༼༣༽ ཐམས་ཅད་གྲོགས་ངོ་ཡིན། ༼༤༽ ཐམས་ཅད་ཕྱི་དང་གླིང་པ་ཡིན། ༈ ལིང་རྩེའི་དགུའི་རྐྱང་བཤད་སོ་

[Full Size]

དྲུག་གི་རེའུ་མིག་ནི། ལྷ་ཕྲུ་དང་པོ་རུ་སྦལ་ལག་གཡས། ལོ་འབྲུག །ཁམ་ས། ཤར་ལྷོ། སྤར་ཁ་ཟོན། སྨེ་བ་བཞི་ལྗང་། ཕོ་བ་དང་པོ། དགྲ་བླ་བྱ་ཁྱུང་གི་ས། བླ་མ་རྡོ་རྗེ་སློབ་དཔོན་དང་། མི་དཔོན་གྱི་ས། ལེ་གུ་དང་སྲུང་མའི་ས། རྒས་མགོ་སེའི་ས། མོའི་མིག་དང་རྩེ་འཛིན་ཡིན། ༡༽ བབ་ན་དགྲ་བླ་དར་མ་རྩེར་ཐོན། ཝེར་མ་སོ་ལ་ཆས། ལྷ་བཟང་པོས་མགོན་སྐྱབ་བྱེད། དགྲ་བླའི་དཔའ་ཁར་ཚུགས། སྲིད་པའི་དམུ་ཐག་བརྐྱངས། ཚེའི་སྲུང་མདའ་ཚུགས། བན་བོན་ཡིན་ན་ལྷ་སྲུང་འཁོར། སྐྱེ་བོ་ཡིན་ན་དགྲ་བླ་འཁོར། ལྷ་གསོལ་བྱས་ན་བཟང་། ཅི་ལའང་བཟང་ངོ་། ༼༢༽ བབ་ན་ལྷ་མ་དགའ། སྲུང་མདའ་ཆག །ལྷ་བཙོང་ཕོད་ཀྱིས་བཙོང་། འདྲེ་ཉོ་ཕོད་ཀྱིས་ཉོས། ལྷའི་བཀའ་ཆད་འོང་། མི་ཆེན་དང་བླ་ཆེན་ཡིན་ན་མདུན་ཕོག་ངོ་ཡིན། ལ་ཁ་ཆེན་པོ་ནས་སྐྲག་སྔངས་འོང་ངོ་། །ཤ་ཆང་ཁ་ཆར་སེར་བའི་ངོ་། བཙོག་མནོལ་གྱི་ངོ་། ཁྱད་པར་འབྲུག་ལོ་པ་ལ་ངན། ཐེའུ་རང་དང་འདྲེ་གདོན། གནམ་སྒོ་བཅད། བསང་དང་གསས་མཁར་བསྟོད། ཚེ་སྒྲུབ་བྱ། བསྐང་བཤགས་བྱ། རྣམ་འཇོམས་འདོན། སྲུང་

[Full Size]

མདའ་བཙུགས། འབུམ་འདོན། བཟློག་པ་བྱའོ།། ༼༣༽ བབ་ན་ལྷ་བཟང་པོས་སྡོང་གྲོགས་བྱེད། གྲོགས་ཕུགས་སུ་ཚུད། བྱ་ཁྱུང་གྲེ་བ་ཤའི་གང་། གྲོགས་ངོ་ཡིན། སེམས་ཅན་སྤྱི་མཚན་ཅན་ཕྱིན་པའི་ངོ་། ལྷ་དགའ་ཞིང་འདྲེ་ནོན། ཅི་ལ་བཏབ་ཀྱང་བཟང་ངོ་།། ༼༤༽ བབ་ན་ལྷའི་གཞི་ཚུགས་པས་བཟང་། ཕ་མཚུན་བཟང་པོ་གྲ་མ་ཉམས་པའི་ངོ་ཡིན། གཡང་གི་ལྷ་ཕྱུ་མ་ཞིག་ནད་པ་ཡིན་ན་ནད་གཞི་ཆེ་སྟེ་མི་འཆི། དེ་ཡན་ཀུན་ལ་ཡང་ཕྱི་དལ་ཆེ་སྟེ་བཟང་ངོ་།། ༈ ལྷ་ཕྱུ་བར་མ་འདི་རུ་སྦལ་གྱི་གཞོགས་གཡས་ཤར་སྟག་ཡོས་ལོ་པའི་ས་མལ། སྤར་ཁ་ཟིན། སྨེ་བ་གསུམ་མཐིང་། ཕོ་བ་འབྲིང་བ། སྐྱེས་དར་མའི་ཕྱུ། བཟའ་དཔོན་བློ་འཛིན་གྱི་ཕྱུ། རྟ་ཕོའི་ཕྱུ། མཛོ་གཡག་གི་ཕྱུ། ༼༡༽ བབ་ན་ངོ་སོ་མཐོ། སྙིང་དགའ། སྲོག་ཕྱུ་ལ་བར་ཆད་མེད། ན་ཚ་མི་ཡོང་། ཅི་ལ་ཡང་བཟང་། ༼༢༽ བབ་ན་ཕོ་གྲས་གཡས་ཀྱི་ས་ལ་ངན། བཙོག་གྲིབ་ངོ་། ཁྲག་ངོ་། བཟའ་དཔོན་ལ་ངན། ཁྱད་པར་སྟག་ཡོས་ལོར་ངན། ནད་པར་ངན། དོན་མི་འགྲུབ། སྐྱེས་དར་མ་གྱོད་ཀྱིས་ཟིན། ཕ་སྤུན་ལ་གྱོད་བྱུང་ན་དེས་

[Full Size]

ལན། ནོར་ལ་བོར་གཏོར་ཡོངས། ནད་པ་ལ་རྒྱལ་པོ་དང་གྲི་བོ་གདོན། མོ་ཉེའི་ཕྱོགས་ནས་འདྲེ་གདོན། གཡང་སྐྱབས་བྱ། འབུམ་འདོན། དགྲ་བྲུབ་དང་གཤིན་རྗེའི་ཚོང་བཟློག་བྱ། ༼༣༽ བབ་ན་སྐྱེས་པ་ངོ་སོ་མཐོ། གར་སོང་གྲོགས་དང་འཕྲད། ཁ་གང་གིས་ཟས་ཟ། མིག་གང་གིས་ལྟད་མོ་ལྟ། ནོར་ལ་དབང་། ད་ལྟ་མེད་ཀྱང་ད་ལྟ་རྙེད། སེམས་ཅན་སྤྱི་མཚན་ཅན་ལག་ཏུ་རྩེབ། རྟ་ལ་བཟང་། ༼༤༽ བབ་ན་ཡུལ་ཟིན་མཁར་ལ་འཕོ་འགྱུར་མེད། སྲོག་ཕྲུ་ལ་བཟང་། ཕར་འགྲོ་ལ་ཕྱི་དལ་ཆེ། ཨེ་འོང་ན་མི་འོང་། །ནད་པ་ཡིན་ན་མི་འཆིའོ།། ༈ ལྷ་ཕྲུ་ཐ་མ་རུས་སྦལ་རྐང་པ་གཡས་པ་བྱང་ཤར་གླང་། སྤར་ཁ་གིན་ཁཾ་ས། སྨེ་བ་བརྒྱད་དཀར། བྱེས་ཀྱི་བྲང་ར་ཡིན། ཟས་ནོར་གྲོགས་ཕྱུ། །ཆུང་གསུམ་གྱི་རྩེ་ར་ཡིན་ནོ།། ༼༡༽ བབ་ན་རྟ་ཕོ་དཀར་མཚན་ཅན་གྱི་ངོ་ཡིན། བུ་ཚ་ངོ་གསར་གྱི་ངོ་། རྒོད་མ་གཅིག་གིས་མི་བརྒྱ་འཚིང་། ཚོང་བྱས་ན་བཟང་། ཆུ་འགྲམ་དུ་ཟླ་བོ་དང་འཕྲད། ནད་པ་འདྲེ་གདོན། བྱང་ཤར་ནས་བུད་མེད་སྨེ་བ་ཅན་གྱི་ལག་ན་ར་ཕག་ཤའི་གདོན། ས་བདག་གནོད། བོར་བ་རྙེད། ཨེ་འོང་ན་འོང་། ཅི་ལ་ཡང་

[Full Size]

བཟང་། ༼༢༽ བབ་ན་ཆུང་སྲིའི་ཁ་ཟུག །བུ་ཚའི་རྩེ་ར་སྟོང་། བྱེས་སུ་སོང་ན་བྲང་རྐུན་སྡང་། རྟ་བོང་བརྟོད་ཕུར་བུད། རྐུན་ངོ་། དགྲ་བྲུབ་དང་རྐུན་ཆིང་བྱ། བུ་ཚ་གསོ་དཀའ། ཚེ་སྒྲུབ་བྱ། ཚེ་གཟུངས་བྱ། ལམ་འཕྲང་བཅོས། གླང་ལོ་པ་ལ་ངན། གཟུངས་འདུས་གྲྭ་ལྔ་གསེར་འོད་འདོན། གསས་མཁར་བསྟོད། །བྱིས་ཆུང་འཕུར་མདོས་བཅའ། ཆུང་སྲི་མནན་ནོ།། ༼༣༽ བབ་ན་གཡང་གི་ར་བ་ནང་དུ་ལྷའི་དམུ་ཐག་ཚུགས་པས་བཟང་། འཕྲལ་དུ་གྲོགས་ཡོང་། །བྱིས་ཚང་ནང་དུ་སྒོང་གསུམ་ཡོང་། རྒྱ་མཚོའི་ནང་དུ་གསེར་ཉ་འཁྱིལ། བུ་གསུམ་སྐྱེས་པས་ཡུལ་གསུམ་བཟུང་། བོར་བ་རྙེད། བློ་ཕུ་སྲོག་ཕུ་ཅི་ལ་བཏབ་ཀྱང་བཟང་ངོ་།། ༼༤༽ བབ་ན་ཡུལ་མཁར་ལ་འཕོ་འཆུགས་མེད། བུ་རྒྱུད་དཀོན། ཕ་སྤུན་ནང་འཐབ་ངོ་། །གྲོགས་ཁྱུ་ལ་བཟང་། ཨེ་འོང་ན་ཕྱི་དལ་ཆེའོ།། ༈ ཁྱིམ་པ་དང་པོ་འདི་རུས་སྦལ་གྱི་མགོ་བོ། ལོ་རྟ་སྦྲུལ་མེ། སྤར་ཁ་ལི་སྨེ་བ་དགུ་དམར། གནམ་སྨན་དཀར་མོའི་ཕྱུ། གནམ་སྒོ་ཆེ་བ། མ་ཕྱི་རྒན་རིམ་གྱི་ཕྱུ། གཉེན་དཀར་ནག་གི་ས་འཚམ་ནོར་ཕྱུ་དང་པོ། ནད་པའི་སྔས་

[Full Size]

མགོ། མོ་ཡི་སྲོག་གོ ། ༼༡༽ བབ་ན་གནམ་སྨན་དཀར་མོས་མགོན། གནམ་སྒོ་གསེར་གྱི་བྱི་བས་སྲུངས། མ་སྲུ་རྒན་རིམ་ལ་བཟང་། རྟ་ནོར་གྱི་རྒྱུད་འཕེལ། གནམ་སྒོ་དམ། མོ་བཙུན་དར་མའི་མོ་ལ་བཟང་། ནད་པ་ཡིན་ན་སྨན་འཕྲོད་པས་བཟང་། ༼༢༽ བབ་ན་མ་སྲུ་དང་། རྟ་སྦྲུལ་ལོར་ངན་དུར་ངོ་། །བུ་སྲིང་གྱོད་ངོ་། ཁ་ཆར་འབབ། སྨན་ཕོར་གཏོང་། བརྩེགས་བསྣོལ་ངོ་་། གདོན་ཕྱྭ་འགག་འདྲེ་གདོན་ཞི་བརྔན་བསང་གསུམ་བྱ། གནམ་སྒོ་བཅད། ཕྲག་ལྷ་བསྟོད། རྣམ་འཇོམས་ཁྲི་ཚར་འདོན། ཁྱིམ་བདག་མོ་ན་ངོ་ཡོད། ཡང་ན་བྱེ་བྲལ་དང་། ཁང་ཁྱིམ་ལ་མེ་ཤོར་དོགས་ཡོད། མོ་འདྲེ་དང་གྲི་བོ་བཀར་རོ།། ༼༣༽ བབ་ན་ལྷ་ཡིས་སྡོང་གྲོགས་བྱེད། སྨན་འཕྲོད་སྲིད་འཕེལ། བུ་སྲིང་ཕྱོགས་ཀྱི་གྲོགས་ངོ་། ཅི་ལ་བཏབ་ཀྱང་བཟང་། ༼༤༽ བབ་ན་སྨན་གྱི་མཁར་ཡིན། ནད་པ་ཡིན་ན་གཞི་ཆེ། གཞི་གླེང་། གྲོགས་མེད། ཕྱི་དར་གྱི་ངོ། ཁ་ཆར་འབབ་དཀའ་འོ།། ༈ ཁྱིམ་པ་འབྲིང་པོ་འདི་རུ་སྦལ་ལྟོ་བ་སྟེ། གཡུ་འབྲུག་སི་ལིའི་ས་མལ་བུད་མེད་དར་མའི་ཕྱུ། ཞོ་ཆང་དང་། མ་འགྲིའི་ཕྱུ། སྲིད་ཀྱི་ཆུ་

[Full Size]

མིག །ནད་པའི་ཉལ་ས། མོའི་སྙིང་ཡིན་ནོ། ༼༡༽ བབ་ན་གང་ལའང་། ཁྱིམ་བདག་མོ་ལ་བུ་ཚ་འཁོར། ཟས་ནོར་འཕེལ། དགྲ་གྱོད་མེད། ཐག་རིང་མགྲོན་། པོ་འོང་། ནོར་ཕྱུ། ཁྱིམ་ཕྱུ་ཅི་ལའང་བཟང་ངོ་། ༼༢༽ བབ་ན་མོ་བཙུན་དར་མ་བདུད་ཀྱིས་ཁྱེར། ཁྱིམ་བདག་མོ་ལ་ནད་ཀྱིས་ཐེབ། བང་མཛོད་སྟོང་གྱོད་ངོ་། བྱེ་བྲལ་ལམ་རྐུན་ངོ་། མྱ་ངན་གཏམ་ངན། སྲིད་ཀྱི་ཆུ་མིག་སྐམ། ཁྱིམ་བདག་མོའི་སྙིང་བྱུང་། ཁ་མཆུ་གྱོད་ངོ་། ནད་པའི་ཉལ་ས་སྟོང་། རབས་ཆད་དང་། དམེ་ཕོ་དང་རྒྱལ་པོ་གནོད་པའི་ས་ནས་ཚེའུ་ཕྲན་ཤའི་གདོན། རྒྱལ་མདོས། ཚ་ཚ་ཆུ་གཏོར། ཉི་ཁྲི། རྣམ་འཇོམས། སྡོང་རྒྱན། གྲོང་པ་དགུའི་ས་ནས་ཕག་སྤུ་ར་སྤྱི་བསྲེས་ལ་ངར་མི་བྱ། གོས་དམར་པོ་བཀོན་ལ་དུར་དུ་བསྲེགས། གཟུངས་འདུས་འདོན། ཐབ་བསང་དང་། གཡང་སྐྱབས་བྱ། ཁྱིམ་མཚེས་ཀྱི་འདྲེའི་གདོན། མགྲོན་པོ་སྤྱད་ནག་ལ་འཛེམ། རྒྱ་ནག་ལྷ་སྐག་ཟློག །མྱ་ངན་དགུ་ཟློག །མཁའ་འགྲོའི་སུན་ཟློག །འབུམ་དང་བསྐང་གསོལ། ཁྱི་ཐོད་ར་ཐོད་དུ་གླུད་བླུགས་ལ་རྒྱ་གྲམ་དུ་བོར། ཀླུ་བཅོས་བྱ། ཅི་ལའང་ངན་ནོ།

[Full Size]

༼༣༽ བབ་ན་གསེར་གྱི་ས་གཞི་ལ་གཡུ་ཡི་ཆུ་མིག་གདོལ། ཁྱིམ་བདག་མོ་ལ་སྲི་འཁོར། གཡང་གི་མཚོ་མོ་འཁྱིལ། གྲོགས་ངོ་ཆེ། བང་མཛོད་རྣམས་གང་། སྲིད་ཕྱུ་བུ་གསུམ། བཞོན་གྱི་སྒབ་འཕེལ་ཅི་ལའང་བཟང་། ༼༤༽ བབ་ན་མི་རྒས་དང་སྐྱིད། ཉི་མ་དགོང་མོ་དྲོ། ཁྱིམ་བདག་མོའི་རིང་ལ་འཕོ་འཆུག་མེད། གཞི་གླེང་། ནད་པ་ནད་གཞི་ཆེ། ཞོ་ཆང་མེད་ན་ཡུལ་འདྲེ་གདོན། ཕྱི་དལ་ཆེ་སྟེ་གང་ལ་བཏབ་ཀྱང་བཟང་བའོ།། ༈ ཁྱིམ་ཕྱུ་ཆུང་བ་རུ་སྦལ་གྱི་མཇུག་མ་བྱང་ཆུ་ཁམས། ལོ་བྱི་ཕག །སྨེ་བ་གཅིག་དཀར། སྤར་ཁ་ཁམ། གཡང་གི་ར་བ། ནད་པའི་སྟན་མང་། གཞོན་མ་རྐང་ཕྲན་ས། བྲན་དང་། ཁྱི་ཕག་ཞིང་དང་། ཁྱིམ་ཕྱུ་ཐ་མ་ནོར་གྱིས་བང་མཛོད་གང་། སྒོ་ཐེམ་ནང་མ་ས་སྒོ་ཡིན། ༼༡༽ བབ་ན་ས་སྒོ་ཆོད་པས་བཟང་། ར་བ་འཕེལ། སྒོ་ཐེམ་དམ། ནོར་ཕྱུ་བཟང་། སྲིད་ཕྱུ་ཡང་བཟང་། ཕར་འགྲོ་ཚུར་འོང་གཉིས་ཀ་ཤུལ་རྡོ་ཡིན། ༼༢༽ བབ་ན་ཕག་བྱི་ལོ་པར་ངན། ས་སྒོ་བྱེ། སྟན་མང་ཞིག་སྙིང་སྟོང་ངོ་། །བུ་མོ་ལ་ངན། ཁ་སྨྲས་ངོ་། རྨིག་པ་ཁ་བྲག་ཅན་ལ་རྩོ་ངོ་ཡོད། དགྲ་འདྲེ་ལང་།

[Full Size]

གདོན་ཕྱུ། མོ་འདྲེ་ཟ་འདྲེ་གདོན། གཡང་སྐྱབས་བྱ་ཞིང་གཡང་སྒོམ་བསྡམས། ས་སྒོ་བཅད། ས་བདག་འཁྲུགས་བཅོས་འབད། ༼༣༽ བབ་ན་ནོར་འཕེལ། ར་ལུག་རྐང་ཕྲན་ཀུན་ལ་བཟང་། བུ་མོ་དང་ཆུང་གསུམ་ལ་བཟང་། གྲོགས་ངོ་བཟང་ངོ་།། ༼༤༽ བོབ་ན་སྒོ་བཞི་གྱད་ཀྱིས་སྲུང་བ་ཡིན། སྒོ་ཐེམ་གླིང་། ནོར་ཕྲུ་ལ་བཟང་། ཨེ་འོང་ན་མི་འོང་། ཤུལ་རྡོ་ཡིན། ཁྱད་པར་ནད་པའི་མོ་ལ་བཟང་། ༈ ཕྱི་ཕྱུ་དང་པོ་སྲིན་པོ་ཞ་རེང་ཁྲག་མིག་གི་ཕྱུ། རུ་སྦལ་ལག་པ་གཡོན། ལྷོ་ནུབ་ལུག་གི་ཕྱུ། སྤར་ཁ་ཁེན། སྨེ་བ་གཉིས་ནག་ལ་ཁ་མཐོན་པོའི་ཕྱུ། དགྲ་ཕྱུ་ཆེ་བའོ།། ༼༡༽ བབ་ན་འདྲེ་ལན་གསེར་ཉ་བྱ་བ་དེས། ཁྱོད་ཀྱི་བ་དན་ཕྱར་བས་ངན། དགྲ་ངོ་སྐྲག་བསྔང་ངོ་། །ལུག་ལོ་པ་ལ་ངན། བཙན་དང་རྒྱལ་པོས་གནོད། གྲི་བོའི་ཕྱོགས་ནས་ཟས་ཀྱི་ངོ་། བན་བོན་གྱི་བྱད་ཁ། མི་ཆེན་གྱི་ཟས་ནོར་གྱིས་གདོན། ར་སྐྱེས་རྩེན། ཕྲུ་འཐབ་མོའི་ངོ་། ཤ་རུ་བཀྱག །ཐེའུ་རང་བཀར། རྒྱལ་མདོས་བྱ། དགྲ་བྲུབ་དང་། ཚེ་གཟུངས་འདོན། རྐུན་ངོ་ཡིན། བོར་སྟོར་ཚོལ་ན་སའི་སྟོད་ནས་རྙེད། ༼༢༽

[Full Size]

བབ་ན་དགྲ་གདོན་མགོ་དེ་གྱོད་ཀྱིས་ནོན། དགྲ་ཡི་བློ་འཛིན་ཤི་ངོ་། ལུག་ལོ་པ་ལ་ངན། དེ་ལ་རབས་ཆད་ཀྱི་རྫས་ནག་པོ་གདོན། ༼༣༽ བབ་ན་ཁ་ཆར་ངོ་། ལ་ཁའི་ཁལ་པའི་ངོ་། ལྷ་ཕྲུ་བཟང་ན་དམར་ངོ་ངན་ན་གྲོགས་ཕར་སོང་ངོ་ཡིན་དེ་རྐུན་ངོ་ཡིན་ནོ།། ༼༤༽ བབ་ན་དགྲ་ར་རྒན་བཞིན་དུ་བཞི་ཁྱིག་བྱས་པས་དགྲ་མེད། ཨེ་འོང་མི་འོང་དགྲ་གྱོད་ཕྱི་དལ་ཚུད་པ་ཡིན། ༈ ཕྱི་ཕྱུ་འབྲིང་པོ་འདི་དགྲ་ཕྱུ་བར་པ་སྟེ། སྲིན་མོ་ཕག་ཞོན་གྱི་ཕྱུ། རུ་སྦལ་གཞོགས་གཡོན་པ། བྱ་སྤྲེལ་ས་མལ་སྤུར་ཁ་དྭ། སྨེ་བ་བདུན་དམར། །ཞང་པོ་དང་། ཤག་རོགས་ཀྱི་ཕྱུ། དགྲ་དར་མ་དང་རི་བརྩིབ་སྤྱང་ཐང་སྔོན་མོའི་ཕྱུ། རི་ཐང་འཚམ་གྱི་ཕྱུ། ཉི་མ་ནུབ་ཀྱི་ཟམ་སོ་ཡིན། ༼༡༽ བབ་ན་རི་རྩིབ་ཀྱི་སྤྱང་ཐོང་སྔོན་རྒྱུག་ངོ་། རྐང་ཐང་སྐྱ་བོའི་མགྱོགས་ངོ་། རི་སྐེད་ཀྱི་དགྲ་ངོ་། ནད་པ་ལ་ཚ་ཞང་དང་མི་ཆེན་གྱི་ཕྱི་ནས་འདྲེ་གདོན། མོ་མགྲོན་སྐྱས་ནག །རྫས་ནག་གདོན། བྲག་ནག་རྩ་བའི་ཀླུ་གདོན། དེ་ཡི་ཐེའུ་རང་གི་མདོས་དང་། དགྲ་བྲུབ་བྱ། བྱད་ཟློག །འབུམ་འདོན། མགོ་གསུམ་བྱ། བོར་སྟོར་ཡིན་ན་རི་སྐེད་ནས་རྙེད་དོ།། ༼༢༽ བབ་ན་

[Full Size]

དགྲ་དར་མ་དེ་གྱོད་ཀྱིས་ཟིན། བདུད་ཀྱི་བླ་ཤིང་སྟ་རེས་བཅད། དགྲ་ཡི་བླ་ལུག་སྤྱང་ཀིའི་ཁྱེར། དགྲ་ཚེ་ཟད་ཁྲག་ཏུ་སྐྱུགས་ཏེ་ཤི་ངོ་དགྲ་མེད། ཤར་རིགས་དང་མགྲོན་པོ་ལ་ངན། ནད་པ་བྱ་སྤྲེལ་པ་ལ་ངན། ཚ་ཚ་ལོ་གྲངས་སུམ་འགྱུར་བཏབ། རབས་ཆད་རྒྱས་པའི་ས་ནས་སྤྱད་ནད་སྣོད་ནག་གདོན། དོན་ཕྲུ་ལ་མི་འགྲུབ་བོ།། ༼༣༽ བབ་ན་རང་ཕྱུ་བཟང་ན་གྲོགས་ངོ་ཡིན། མིན་ན་གྲོགས་ཕྱི་ཤོར་ངོ་ཡིན། ནོར་ལ་གོད་ངོ་ཡིན། རྟ་ནོར་ཀུན་ལ་ངན། གཡང་སྐྱབས་བྱ། གཡང་སྒོ་བསྡམ། ༼༤༽ བབ་ན་དགྲ་ནམ་བྱུང་གི་ཐག་པས་ཟིན། དགྲ་གྱོད་ཞབས་སུ་ཚུད། མགྲོན་ཕྲུ་ལ་མི་འོང་། སྲོག་ཕྱུ། བློ་ཕྱུ་བཟང་། ལར་ཕྱི་དལ་སོ། ༈ །ཕྱི་ཕྱུ་ཐ་མ་འདི་བྱུར་མི་ལ་སྤྱན་བདུན་གྱི་ཕྱུ། རུ་སྦལ་རྐང་པ་གཡོན། ཁྱི་ལོའི་ཕྱུ། སྤར་ཁ་ཁོན། ཆུང་སྲི་ཁ་དམར་གྱི་ཕྱུ། དགྲ་ཕྲུ་ཆུང་བ་ཉན་པའི་ཁྱི་མོ་སྣ་གསང་། རྐུན་བུ་ཐག་བཟུང་གི་ཕུ། བྲན་གཡོག་དང་། སྤྲང་པོ་མཐུ་ཟད་ཀྱི་ཕྱུ། སྒོ་ཐེམ་ཕྱི་མ་འདིར། ༼༡༽ བབ་ན་རྐུ་ངོ་ཡིན། ལྷ་འདྲེས་ཉོ་ཚོང་བྱས། བཞིན་ལེན་ཡག་པས་སྤྱད། ཁ་སྨྲས་ཀྱི་ངོ་ཡིན།

[Full Size]

གདོན་ཕྱྭ་ལ་བུ་སྲིང་དང་ཁྱིམ་མཚེས་ཀྱི་མོ་འདྲེ་གདོན། ཀླུ་དང་བྲག་སྲིན་གདོན། ཡམས་ཟློག །དགྲ་བྲུབ་བྱ། གཟུངས་འདུས་འདོན། བོར་སྟོར་མོ་ལ་ས་ཁ་སྨད་ཁ་གསལ་ངོ་ཡིན། མགྱོགས་པོ་ཡིན། ༼༢༽ བབ་ན་དགྲ་གྱོད་རྡོག་པས་ནོན། ཁྱི་ལོ་པར་ངན། གདོན་ཕྱྭ་མོ་འདྲེའི་གདོན། མུན་རུབ་ནས་ཤར་ནས་འོང་ནས་མགྲོན་པོར་གནོད། །༼༣༽ བབ་ན་སྒོ་ཐེམ་བྱི་བ་ཡིན། མིག་པ་ཁ་བྲག་ཅན་ལ་གོད་ངོ་ཡོད། །གཡུང་ཉམས། གྲོགས་ཕྱིར་ཤོར་དོགས་ཡོད། རང་ཁྱུ་དང་ཁྱིམ་ཕྱུ་བཟང་ན་གྲོགས་ཚུར་འོང་ངོ་ཡིན། རང་ཕྱུ་ངན་ན་ཆུང་སྲིའི་ཚང་བཅས་ཡིན། ༼༤༽ བབ་ན་དགྲ་གདོན་ཕྱི་དལ་ཆེ། གཞི་གླིང་ཚུར་འོང་ན་མི་འོང་། ཕར་འགྲོ་རྣམས་མི་འགྲོ། སྒོ་ཐེམ་ཕྱི་མ་དམ་པ་ཡིན། རྐྱང་བཤད་སོ་དྲུག་རྫོགས་སོ།། ༈ །།དང་པོ་རྡེའུ་དྲུག་བབ་མིང་ནི། །༡།༣།༢། འདི་སྟོད་ཀྱི་རྡེའུ་དྲུག་བར་མ་ཡིན། མི་སྲོག་ལྷའི་ཚེ་ལ་ནོར་དང་ཕྲད། ནད་པ་མི་འཆི། མོ་རབ་ཀྱི་ཡང་རྩེ། མགྲོན་པོ་འོང་སྟེ་ཁེ་འགྱོད་ངོ་། ལྷ་གསོལ་བྱ། རྒན་རྒོན་སྲོག་ཕྲུ་དག་ལ་ངན། གཞི་ཕྱུ་ལ་འཕྲལ་དུ་བཟང་སྟེ། ཕུགས་སུ་མི་རྟགས། དེ་མིན་ཅི་ལ་བཏབ་ཀྱང་

[Full Size]

བཟང་། །༣།༡།༢། རྡེའུ་དྲུག་རབ་ཀྱི་འོག་མ། ཕྱི་གྲོགས་ནང་དུ་ལོན། ལྷ་གྲོགས་ཕུགས་སུ་ཚུད། ལྷ་སྨན་ངོ་མཐོ། ཁ་འགྱོད་ཕྱི་རུ་བུད། དགྲ་ཕྱུ་ལ་དགྲ་མེད། མགྲོན་པོ་ལམ་དུ་ཞུགས་པ་དང་། ཚུར་འོང་ལ་ཁ་སྨྲས་ཡོང་། ལར་བཟང་། །༡།༢།༣། འདི་རྡེའུ་དྲུག་འབྲིང་པོ་བྱ་བ་ཡིན། ས་རྐོས་རྡོ་སློག་གཉན་དང་ཀླུ་མ་དགའ་བས་ཀླུ་མཆོད་བྱ། ལྷ་གསོལ། གཡང་འགུགས་བྱ། གྲོགས་ཕྱིར་ཤོར་ཏེ་ཐ་མ་རང་ལ་འཁོར། །༣།༢༡། འདི་ནི་རྡེའུ་དྲུག་འབྲིང་སྟོད་དེ། དགྲ་ངོ་ཡོད། ཁྱིམ་ཕྱུ་ཁ་འགྱོད་མི་ཁ་དགྲ་བྲུབ་བྱ། མ་སྲུའི་དུར་ས་ཉེས། གྲོགས་ཕྲུ་ལ་གཡང་གླུད་བྱ། བསང་དང་ཁྲུས་དང་ཚ་ཚ་བཏབ། །༢།༡།༣། འདི་རྡེའུ་དྲུག་འབྲིང་སྨད་ཡིན། ལྷ་སྲུང་མནོལ། བསང་མཆོད་བྱ། ཕ་ཁུ་རྒན་རིམ་ནད་ཀྱིས་ཐེབ་དོགས་ཡོད། མི་གཙང་བའི་ངོ་ཡིན། བསང་དང་ཁྲུས་བྱ། གྲོགས་ཕྱིར་ཤོར་བས་གཡང་སྐྱབས་བཅས། དུར་ས་ཉེས་པས་མཚུན་བཅོས་བྱ། ནོར་རྒྱུན་མ་འདོན། །༢།༣།༡། འདི་རྡེའུ་དྲུག་གོ་ལོག་ཡིན། ཕུག་ལྷ་མ་དགའ་བས་གསོལ་མཆོད་དྲག་པོ་བྱ། དགྲ་ལྷའི་དཔའ་བསྟོད། དགྲ་ངོ་ཡོད། དགྲ་བྲུབ་དགྲ་

[Full Size]

ཆོས་བྱ། ནད་པ་ཡིན་ན་གཟའ་དང་རྒྱལ་པོ་གདོན། རྒྱལ་མདོས་དང་རྒྱལ་པོའི་གསོལ་ཀ་བྱ། སྐེད་སྨད་གཉིས་གཉིས་བཟང་ན་འབྲིང་། སྐྱེད་སྨད་ངན་མོ་ངན་ཡིན། །༡།༡།༤ རྡེའུ་དྲུག་བྱིས་ཆུང་ནང་བསྟན་ཡིན། མ་ལྷས་དར་ཕྱར་ལྷ་ངོ་དུང་བས་དཀར། དགྲ་མགོ་མཁར་གྱིས་ནོན་པ་ཡིན། མི་ཆེན་བླ་ཆེན་སྐད་ཆ་གསལ་སེའི་ངོ་། ནད་པར་ནད་གཞི་ཆེ་སྟེ་སྐྱོན་མེད་དོ། །ཅི་བཏབ་བཟང་། །༤།༡།༡། རྡེའུ་དྲུག་བྱིས་ཆུང་ཕྱི་བསྟན་ཡིན། དགྲ་བླ་གཞི་ལ་བཞུགས། ཁྱུང་བ་ཆུ་དགྲ་ལ་ཟུགས། ཕྱི་ནས་དགྲ་བྱུང་ཡང་རང་ལ་མི་ཚུགས། མི་ཆེན་ཞིག་དང་ལབ་དགོས་པའི་ངོ་ཡིན། ནད་པ་ཡིན་ན་རྒྱལ་པོ་གདོན། རྒྱལ་མདོས་བྱ། །༡།༤།༡། རྡེའུ་དྲུག་བྱིལ་ཆུང་གཤོག་བརྒྱང་ཡིན། ལུང་པ་གཅིག་ན་ཁྱི་སྤྱང་གཉིས། འབྲོང་གཉའ་ཕར་ཚུར་འཐེན་ངོ་ཡིན། ཀུ་ཅོ་ཟང་ཟིང་བྱད་ངོ་ཡིན། འབྲོང་ཆུ་རུ་བརྡར་བྱད་ངོ་ཡིན། ཁ་སྨྲས་གླེང་གཞིའི་ངོ། ཁྱོས་ལག་གཡས་བཀྱག་ན། ངས་གཡོན་བཀྱག །ཁྱོས་མདའ་ཕྱིར་ན་ངས་མདུང་ཕྱུར། སྐྱེས་པའི་ལྷ་དང་། འདྲེ་གཉིས་ཀྱིས་རྩོད། བསང་གསོལ། རྒྱལ་མདོས། དགྲ་བྲུབ་བྱ། །༢།༢།༢། འདི་ལ་རུ་སོད་

[Full Size]

གོང་རྒྱུག་བྱས། ངན་པ་སྡུན་རྒྱུ་ཟེར། བཙན་དང་རྒྱལ་པོའི་ངོ་། ཁ་སྨྲས་ཁ་གྱོད་ངོ་། ཁ་བ་བུ་ཡུག་གི་ངོ་། ཤ་དམར་ངོ་། གཏམ་ངན་འུར་ཟིང་ངོ་། ཨེ་འོང་ན་འོང་། བུད་མེད་ཆང་ཁུར་གྱི་མགྱོགས་ངོ་། དེ་ནས་རྡེའུ་དྲུག་བབ་མིག་ཚང་། །༣་༣།༤། བཅུ་བབ་སེང་གེ་ནང་བསྟན་འདི། ཕུགས་སུ་ལྷ་ཆེན་བཞུགས་པ་ཡིན། མི་རབས་གསུམ་ལ་བཟང་བ་ཡིན། གྲོགས་ཕྱུ་ནོར་ལ་བཟང་། དགྲ་ཕྱུ་ལ་ཕྱི་དལ་ཡིན། ཨེ་འོང་ན་མི་འོང་། གདོན་ཕྱྭ་ཕུར་ཁ་གདོན། བཟློག་པ་བྱ། ནད་པའི་མོ་ལ་བཟང་། །༤།༢།༣བཅུ་བབ་སྦྲུལ་མགོ་ཕྱིར་བསྟན་ཡིན། གྲོགས་ཕྱིར་ཤོར། ཀླུ་རྒྱལ་མགོ་ཡི་ནོར་གཅིག་དེ། བྱ་རྒྱལ་ཁྱུང་གི་ཕོ་བྲང་ངོ་ཡིན། དེ་སྔ་ཕྱུག་ཀྱང་དབུལ་དོགས་ཡོད། །གྲོགས་གཅིག་མི་ལ་ནོར་དོགས་ཡོད། ནད་པ་ཡིན་ན་ནད་གཞི་བསྲུང་བ་གལ་ཆེ། །༢།༤།༣། རྡེའུ་བཅུ་ཐང་དམར་གཤོག་བརྒྱང་གི་མི་རྟའི་མགྱོགས་ངོ་། འོང་ངམ་བྱས་ན་འོང་། ཐུབ་བམ་བྱས་ན་ཐུབ་ངོ་། སྲིད་ཕྱྭ་ལ་བཟང་། ཁྱུང་རྒྱང་རོག་པོ་མཛོ་ཁྲིད་དེ། །མཛོ་ཕར་ཁྲིད་ཚུར་ཁྲིད་རྐང་སྨད་སྟོད། །༤།༤།༢། བཅུ་བབ་གྱོད་ཁ་ཕྱིར་བསྟན་བཟང་། །བསྟན་པ་

[Full Size]

མ་ཡིན་ཐེབ་པ་ཡིན། །ནེ་གུ་འཕོང་ནག་དགྲ་ལ་ནག །མཐུ་བྱེད་ན་བཟང་། དགྲ་ཚེ་ཟད་ཁྲག་ཏུ་སྐྱག་པ་ཡིན། དམག་ལ་ཆས་ན་བཟང་། ནད་པ་ལ་ས་བདག་གདོན། དབང་ཆེན་བཅའ། །༢།༤།༤། བཅུ་བབ་གྱོད་ཁ་ནང་བསྟན་ངན། །ནེ་གུ་མཐུ་ནག་ཟོར་བས་གྱོད་ཁ་ལྷ་ལ་བསྟན། འགོ་བའི་ལྷ་དང་བྲལ། ལྷ་ཤུལ་གདོན་གྱིས་བཟུང་། ལྷ་ལ་གསོལ་མཆོད་བྱ། གདོན་ཕྱྭ་ཡུགས་ས་གདོན། ཁྲམ་ཁ་སྟོང་བཟློག་བྱ། ཕྲག་ལྷ་བསྟོད། ཨེ་འོངན་མི་འོང་། ཕ་ཁུ་རྒན་རིམ་ལ་ངན། རིམ་གྲོ་དྲག་པོ་བྱ། །༤།༢༤བཅུ་རྡེའུ་གྲོགས་ལ་སྐྱེད་ཆེད་ཡིན། ཇག་པ་ཡིན་ན་དགྲ་དང་ཕྲད་བྱེ་བྲལ་གྱི་ངོ་། གྲི་ཁ་མཚོན་བསྒྱུར་བྱ། བྲན་གཡོག་གི་ནོར་འབོར་ངོ་། དམར་ངོ་། ས་རྐོ་རྡོ་སློག་མི་ཉན། བསང་དང་ཁྲུས་བྱ། ཁྱིམ་ལྷ་མཆོད། ཁྱད་པར་ཚོང་པའི་མོ་ལ་ངན། རྡེལ་བཅུ་བབ་མིག་རྫོགས། ༈ སྐྱེད་སྨད་གཉིས་ཀྱི་བབ་མིག་ཡོད། །༣།༣།༢། འདི་གྲོགས་ཁ་ཕྱིར་བསྟན། རྐང་དུ་བབ་ན་ཞག་ཉག་མིག་ཙམ་ལ་འགོང་པོ་གདོན། བུ་རྟ་དར་མ་ནད་ཀྱིས་ཐེབ། གཡང་ཉམས་པས་གཡང་སྐྱབས་བྱའོ། །སྐྱེས་དར་མ་ན་ངོ་། འཆི་བསླུ་བྱ། ཚེ་སྒྲུབ་དང་

[Full Size]

དབང་ཞུ། ལམ་འཕྲང་བཅོས། སྨད་ལ་བབ་ན་ཤིན་ཏུ་ངན། ཀླུ་བསང་ཀླུ་གཏོར་ཀླུ་འབུམ་འདོན། ངན། །༣༡༢༣༣། བརྒྱད་བབ་གྲོགས་བགོས་གྲོགས་ས་ངན། གྲོགས་ཡང་ཆུང་ཐུམ་སོ་ཕྱེད་གསུམ། ཁྱིམ་བདག་མོ་ན་ངོ་ཡོད། ཚེ་སྒྲུབ་དང་ཚེ་དབང་ཚེ་གཟུངས་འདོན། སྨད་དུ་བབ་ན་བྱིས་པ་ཆུང་གསུམ་ལ་ངན། རྨིག་ཀ་ཉ་བྲག་ཅན་ལ་གོད་ངོ་ཡོད། རྣམ་འཇོམས་འདོན། །༤།༣།༡། འདི་ནི་གྲོགས་ལེན་པར་འགྲོ། སྐེད་དུ་བབ་ན་གྲོགས་ཕར་འགྲོ། སྨད་དུ་བབ་ན་རྐུན་ངོ་། སྙིང་དང་འདྲ་བའི་མི་ཡིས་བསླ་ཉེས་ཡོད། གཙུག་ཏོར་དཀར་མོའི་བཟློག་པ། རྡོ་རྗེ་སྡེར་མོ་འདོན། །༡།༣།༤བརྒྱད་བབ་གྲོགས་ནི་ཚུར་ལེན་བཟང་། སྐེད་དུ་བབ་ན་ཡོན་ཏན་ལྡན་པའི་ལག་ནས་གྲོགས་ངོ་། དགྲ་མེད་ཕོ་ལ་ནད་མེད། སྨད་བབ་ས་སྒོ་ཆོད་པས་བཟང་། ཨེ་འོང་ན་མི་འོང་། ཕྱི་དལ་ཆེ་སྟེ་བཟང་། །༣།༤།༡། བརྒྱད་བབ་སྐྱ་མི་མདུང་བཟུང་ཡིན། དགྲ་ངོ་ཡོད། ཐག་སྣ་ཕྱིར་རྒྱུ་ཡོད། །གཞི་ཕྱུ་ལ་བཟང་། ཨེ་འོང་ན་འོང་། སྨད་བབ་གོད་ངོ་ཡིན། ནོར་ལྷ་གསེར་འོད་འདོན། །༡།༤།༢། བརྒྱད་བབ་གཡང་སྒོ་ཁ་ལུང་ཟེར། སྐེད་བབ་སྐྱེས་

[Full Size]

པ་བྱེས་འགྲོར་བཟང་། ཆུང་གསུམ་བྱིས་པའི་རྩེ་ར་བཟང་། ཕྱུགས་ཀྱི་ར་བ་གང་། དགྲ་མེད། གདོན་ཕྲུ་ལ་རྒྱལ་པོ་གདོན། རྒྱལ་འགྱོགས་བྱ། །༣།༡།༤། བརྒྱད་བབ་དཔལ་གྱི་བེའུ་བཟང་། སྐྱེས་པ་གྲོགས་དང་ཕྲད། མོ་བཙུན་ངོ་མཐོ། དགྲ་མེད། སྨད་བབ་བྱིས་པ་དང་། རྟ་ལ་བཟང་། །༤་༡་༣། བརྒྱད་བབ་གྲོགས་ལེན་ནང་མི་བཟང་། གྲོགས་ནང་དུ་ཚུད། བློ་ཕྱུ་དོན་ཕྱུ་དགྲ་ཕྱུ་གང་ལའང་བཟང་། གྲྭ་ལྔ་འདོན། སྐྱེད་སྨད་གང་ལ་བབ་ཀྱང་བཟང་བའོ། །༤།༢། བརྒྱད་བབ་གྱོད་ཁ་ཕྱིར་བསྟན་ཡིན། དགྲ་མགོ་རེ་བས་གཏུམ། ཉེས་སྐྱོན་བཟློག་པས་ནོན། གཞི་ཕྱུ་ལ་འབྲིང་། ཨེ་འོང་ན་མི་འོང་། སྨད་དུ་བབ་ན་ནོར་ཕྱིར་ཤོར་ངོ་། ནོར་བཟུང་དང་། གདུགས་དཀར། དགྲ་བྲུབ་བྱ།༢།༢།༤། བརྒྱད་བབ་གྱོད་ཁ་ནང་བསྟན་ཡིན། སྐེད་བབ་བློ་རྩེ་གཉིས་ཀྱིས་དོན་མི་འགྲུབ། ནོར་ལ་གོད་ངོ་། གསེར་འོད་འདོན། ཨེ་འོང་ན་མི་འོང་། སྨད་དུ་བབ་ན་བུ་མོ་དང་བྲན་མོ་ལ་གཡོག་གི་ས་ནས་རྐྱེན་ལང་ངོ་། །ནད་པ་ལ་ཀླུ་གདོན། ཀླུའི་སྤང་ཀོང་འདོན། ས་བདག་བཅོས། །༢།༤།༢། བརྒྱད་བབ་མི་མཐོའི་ངོ་། ཕྱི་ཐར་གདོང་

[Full Size]

ཐུག ཁ་མཆུ། བྱེ་བྲལ་ངོ་། ཤག་ཕར་འདེབས་ཚུར་འདེབས་ཀྱི་ངོ་། ཨེ་འོང་ན་འོང་། གཞི་ཕྱུ་ལ་འབྲིང་། ནད་པ་ཡིན་ན་སྡོང་རྒྱན་མདོས་བྱ། བསང་དང་བསྐང་བཤགས། ཁ་མཆུ་ཞི་གཟུངས་འདོན། སྐྱེད་སྨད་གང་ལ་ཡང་ངན། །༡།༡།༢། འདི་རི་རྩེ་རི་ལམ་ངོ་ནང་བསྟན་ཡིན། སྐེད་དུ་བབ་ན་མོ་ཕྱུགས་རྩེབ་ངོ་། སྨད་དུ་བབ་ཀླུན་བཟང་། རྐུན་མ་མེད། ཚུར་འོང་གི་མགྱོགས་ངོ་། ནད་པ་མི་འཆིའོ།། །༢།༡༡། རྩི་རི་ལམ་ངོ་ཕྱི་བསྟན་ཡིན། སྐྱེད་དུ་བབ་ན་སྐྱེས་པ་བྱེས་སུ་ཚེས་པར་ངན། ཁ་མཆུ་འོང་། སྨད་དུ་བབ་ན་མོ་ཕྱུགས་ཀྱི་ཐག་སྣ་ཕར་འགྲོ་ཡིན། ནད་པ་ཡིན་ན་ངན། གཤེད་མདོས། ཤེར་སྙིང་། གྲྭ་ལྔ་། འཆི་བསླུ་བྱེད། དགྲ་ངོ་ཡོད་པས་དགྲ་ཆོས་བྱའོ། །༡།༢།༡། འདི་རྩི་རི་ཁ་འཐམ་ཡིན། བུད་མེད་ལ་ངན། སྙིང་སྟོང་འོང་། སྐེད་དུ་བབ་ན་ལྷ་འདྲེ་མི་གསུམ་ཤག་འདེབས་ཀྱི་ངོ་ཡིན། བཙུན་པ་དང་བུད་མེད་ལ་གཏམ་གླེང་དགོས་ལྷ་པའི་ངོ་ཡིན། ཁ་མཆུ་ཞི་མདོ། ཤེར་སྙིང་འདོན། བསང་གསོལ་བྱ། གོད་ངོ་དང་། ཐབ་གཞོབ་མནོལ་གྱི་ངོ་ཡིན། །༤།༤།༤། འདི་སྐད་བབ་ན་གསེར་སྐད་བན་དེ་བཟང་།

[Full Size]

གནམ་སྒོ་ས་སྒོ་མ་བྱེ་ན། དགྲ་གདོན་གྱོད་ཀྱིས་ཐེབ་པས་བཟང་། ནད་པར་རྒྱལ་པོ་གདོན་པས་ངན། རྒྱལ་གསོལ་བྱ། རྒྱལ་བཞི་བཅའོ། །གཞན་ལ་བཟང་། །༤།༤།༤། སྨད་དུ་གཡུ་ཤམ་ཟེར། སྒོ་གསུམ་ལྕགས་ཀྱི་འདེན་བུའི་གདན། མཁར་སྒོ་མེད་ནང་ན་རྒྱལ་པོ་སྲོག་མེད་བཞུགས། ནད་པ་ནད་གཞི་ཆེ་སྟེ་ཕུགས་སུ་དྲག །ཕར་འགྲོ་ཤུལ་རྡོ། ཚུར་འོང་འགྱོགས་ངོ་་། ཁྱད་པར་རྟ་སྔོན་ཅན་གྱི་མགྱོགས་པོ་ཡིན། ཇ་ཚེ་ཙམ་ལ་མ་སླེབ་ན། ཞག་བཞི་བར་དུ་མི་འོང་ཟེར། ཁ་ཆར་ཆེན་པོའི་ངོ་ཡིན། གཞན་གང་ལ་བཏབ་ཀྱང་བཟང་། མོ་འདི་འདྲའི་ཟུར་འདྲེས་རབ་ཏུ་བཟང་། བཅོམ་ལྡན་འདས་ཀྱིས་ལྷས་སྦྱིན་བཏུལ། ཚེ་བདུད་ཡོད་ཀྱང་ཐུབ་པར་འགྱུར། རྟ་འདེད་མོ་ལ་བཟང་། ཕྱུག་དང་བེལ་ལུག་སྐྱོང་བས་བཟང་། མཐུ་གཏད་བྱེད་ན་མྱུར་བའོ། །འདི་ནི་ཤི་ཏུ་ངན། གཤིན་རྗེའི་ཁྲམ་ལ་བཏབ། ནད་པའི་མོ་ལ་ངན། ཉི་ཟླ་གཟའ་ཡིས་ཟིན། ཤི་མིག་གསོན་ལ་ལྟ། ཤི་གསོན་ལག་པ་འབྲེལ། ད་བུའི་ཕ་མཚན་ཤོར་བ་ཡིན། ཕ་གཅིག་བུ་གཅིག་དམག་ལ་ཆས་ཏེ་བུ་གཅིག་དམག་གིས་བསད། ཇག་མོ་ལ་ངན། ནད་པ་ལ་འབུམ་

[Full Size]

དང་། ཤེར་སྙིང་། བརྒྱ་བཞི། རྣམ་འཇོམས་འདོན། ཅི་ལ་བཏབ་ཀྱང་ངན། ༢ མོ་འདི་རབ་ཏུ་བཟང་སྟེ། བྲག་དམར་དཀྱིལ་དུ་རྒོད་པོ་ཡོད། །ནམ་མཁའི་ངང་ནས་འཕྱོ་བ་ཡིན། ལེགས་ལྡན་ནག་པོས་བཟོ་རྒྱལ་བསོ། ཙནྡན་བེང་བཟོས་ལྷ་དམག་ཟློག །ཁྱད་པར་བུ་ཚའི་མོ་ལ་བཟང་། ད་འུས་ས་ཡུལ་བཟུང་། ནད་པ་ལ་བཟང་ངོ་། ༤ འདི་འདྲ་བབ་ན་བཟང་། འཁོར་ལོ་དྲུག་པ་ནད་ཀྱི་ཐེབ། འཚོ་བྱེད་སྨན་བཏང་ནད་ལས་གྲོལ། གཤིན་རྗེའི་ལག་ནས་མི་བླ་ཁུག །ནད་པའི་མོ་ལ་བཟང་། སྨན་པ་འགུགས་ན་བཟང་། སྡེ་ཆེན་གྱི་མོ་ལ་བཟང་། །འདི་འདྲ་བ་ནི་ངན་པར་བཤད། སྔོན་ཚེ་མུ་སྟེགས་དྲུག་པོ་དེས། བཅོམ་ལྡན་འདས་ལ་རྩོད་པ་བརྒྱབ། །ནག་གསེས་སྟག་མོ་གཟན་ལ་ཆས། རྔོན་པས་ཤ་བས་རྐང་ཟུང་བྱས་ཟེར། ཝ་མོ་སྡར་མ་རྙི་ལ་ཚུད། མགྲོན་པོ་ནད་པའི་མོ་ལ་ངན། རྟ་འདེད་གཅིག་གི་མོ་ལ་བཟང་། མི་སྤུན་ལྷ་གཉིས་ཀྱི་མོ་ལ་ངན། །འདི་འདྲ་བབ་ན་གཏོ་མི་དགོས། སྔོན་ལྷ་དབང་བརྒྱ་བྱིན་གྱིས་བདུད་ལྷས་སྦྱིན་བསྒྲལ། ལྷ་མིན་གཡུལ་ཟློག །མཐུ་གཏད་བྱེད་པར་བཟང་། དགྲ་

[Full Size]

ཚེ་ཟད་ཁྲག་ཏུ་སྐྱུགས་ཏེ་ཤི། འདྲེ་གདོན་དང་ལམ་དུ་འཕྲད། གླུད་ལེན་ཡས་འད། མགྲོན་པོའི་མོ་ལ་ངན། ཇག་པ་ལ་ངན། བུ་རྟ་ཆུང་གསུམ་ལ་ངན། བུ་མོ་འཕང་གིས་བསད། རྐུན་མའི་མོ་ལ་བཟང་། ཚེ་གཟུངས། ལམ་འཕྲང་བཅོས། ཟམ་པ་འཛུགས། མགོ་གསུམ་བྱ། །མོ་འདི་རབ་ཏུ་བྱུང་བ་ལ་བཟང་། སྡེ་སྣོད་རྒྱུད་སྡེ་ཁོངས་སུ་ཆུད། ས་ཆེན་རབ་ཏུ་ནོན་ཏེ། དབུ་ལ་གཙུག་ཏོར་རྡོལ། བུ་ཁྱིམ་པ་ལ་ངན། སྔོན་ཚེ་ཟས་གཙང་སྲས་པོ་རབ་ཏུ་བྱུང་སྟེ། རྒྱལ་བརྒྱུད་ཆད། ཕ་གཅིག་བུ་གཅིག་མོ་ལ་ངན། ཇག་མི་བརྒྱའི་གསོད་དོགས་ཡོད། ཀླུ་མཆོད། ཆུང་སྲི་མནན། ༤ མོ་འདི་འདྲ་བབ་ན་འབྲིང་དུ་དཔྱད། བདུད་རྗེ་ཇག་ལ་ཆས་ཏེ་ཤཱཀྱའི་ནོར་རྣམས་བརྐུས། མགོ་བོ་ཚལ་པ་བརྒྱད་དུ་གས་ཟེར། མགོ་ཆག་མིག་གི་མོ་ལ་ངན། སྨན་པ་འགུགས་པའི་མོ་ལ་བཟང་། བདུད་བཟློག་འཆི་བསླུ་དགྲ་བྲུབ་བྱ། སྟོན་ཞིང་ས་རྒད་པོ་ནས་ཚོང་བྱས། བྱིས་ཆུང་མ་བུ་གཟན་ལ་ཆས། ཞིང་པས་བྱིས་བསད་བྱིས་བསད་བྱིས་ཕྲུག་ལུས། གཞི་ཕྱུ་བུད་མེད་མཚོན་གྱིས་སྨྲས། བུ་ནི་ཡུལ་དུ་ལུས་པའོ། །ཁྱིམ་སར་འབུབ་པའི་མོ་ལ་ངན། ༈

[Full Size]

འདིར་གཅིག་གསུམ་བརྩེགས་ན་འུར་ངོ་། ལྷ་གསོལ་ཆོས་འདོན་མ་བྱས་ན། ལྷའི་བཀའ་ཆད་འོང་། བསང་དང་ཚོགས་བསྐང་བྱ། མགྲོན་པོ་ལ་བཟང་། དགྲ་མེད། ནད་པ་སྐྱོན་མེད། །འདིར་གཉིས་གསུམ་བརྩེགས་ན་ཤིན་ཏུ་ངན། གསེར་གྱི་ཀ་བ་ཆག་གོ །སློབ་དཔོན་ཕ་ཁུ་རྒན་རིམ་ལ་ངན། ཕ་ཚན་མི་བདེ། འཁྲུག་པ། རྨེ་ངོ། རོ་འཛིན་ལག་པས་བླང་། ཕྱི་ཕྱུ་དར་ན་ཤིན་ཏུ་ངན། ནད་པར་ངན། དཀོན་མཆོག་ལ་སྐྱབས་འཚོལ། ཚེ་ཐར་གཅིག །གྲི་བྲུབ་བྱ། འདིར་གསུམ་བརྩེགས་ན་བཟང་། ལྷ་གྲོགས་ཕུགས་སུ་ཚུད། དབུལ་པོ་ནོར་དང་ཕྲད་ངོ་། ཡུལ་མཁར་བཟུང་བའི་མོ་ལ་བཟང་། ཕ་ཚན་འཕན་པོ་དང་ཕྱུག་པོའི་ངོ་ཡིན། ཅི་ལ་ཡང་བཟང་། །བཞི་གསུམ་བརྩེགས་ན་རབ་ཏུ་བཟང་། །ལྷ་མཁར་རྩེ་ནས་རྒྱལ་ས་ཐོན། །སྡེ་ཆེན་གྲངས་མང་གི་ངོ་ཡིན། ནད་པ་ཡིན་ན་ནད་གཞི་ཆེ་སྟེ་བཟང་། ཅི་ལའང་ཕྱི་དལ་གྱིའོ། །མི་ལྷ་རྒན་གཅིག་གི་བྱ་བ་བཏང་། འགུར་འཚེར་རྒན་མོ་ལ་ཁར་ཕྱིན། ལྷ་ཕྲུ་གསུམ་གྱི་བརྩེགས་དཔྱད་རྫོགས་སོ།། །། ༈ ཁྱིམ་ཕྱུ་གསུམ་དུ་གཅིག་གསུམ་བརྩེགས་ན། ར་

[Full Size]

མདའ་རིང་ཏུག་གི་ངོ་། ཕོ་བརྒྱ་མཚོན་གྱིས་བསད། མོ་བརྒྱ་ཡུགས་སར་བུད། ངུ་འབོད་སྐྲག་སྔངས་ངོ་ཡིན། ཁ་ངན་ངོ་། དུར་ངོ་། ལྷ་ཕྱུ་བཟང་ན་གྲགས། ཕྱི་ཕྱུ་དར་ན་དམར་ངོ་། འུར་ཟིང་ལུང་པ་ཀུ་ཅོས་གང་ངོ་ཡིན། ༣ གཉིས་གསུམ་བརྩེགས་ན་ནད་ངོ་ཡིན། གཡུའི་གདུང་མ་ཆག་།ཡུལ་དཔོན་དང་། མི་རྒན་ཆེ་གསུམ་ལ་ངན། ཁྱད་པར་ནོར་ལ་ངན། ཁ་སྨྲས་དང་། ཁ་མཆུ་དགྲ་རྐུན་ངོ་། ཁྱིམ་བདག་མོ་ལ་བྱེ་བྲལ་འོང་། འབུམ་དང་བརྒྱད་སྟོང་པ་འདོན། བཟློག་པ་བྱ། གསུམ་གསུམ་བརྩེགས་ན་ཤིན་ཏུ་བཟང་། བུ་མང་གྲོགས་ཕྲད། མི་སྲོག་ལྷ་ཡིས་བཟུང་། རྣོ་མཚོན་ཤུབས་དང་ཕྲད། ནོར་གྱིས་བང་མཛོད་གང་། ཕྱུགས་གཡང་འཁོར། མ་ཤོང་གསུམ་དུ་རལ་ངོ་ཡིན། ཁྱིམ་ཕྱུ་མོ་སྐམ་ལ་བུ་སྐྱེ་ཟེར། འདི་ཡུལ་བཟུང་མཁར་བརྩེགས་པ་ལ་བཟང་། ཁྱིམ་ཕྱུ་གླེང་། ཕྱི་དལ་ཆེ། མགྲོན་པོ་ད་ལྟ་མ་སླེབ་ན། མྱུར་དུ་མི་སླེབ། ནད་པ་ནད་གཞི་ཆེ། བར་གྱི་བཞི་འཕྲིགས་ཤ་ཁྲི་ཡིན། སྟོད་དུ་བཞི་འགྲིགས་ཤིང་ཁྲི་ཟེར། འདི་ཤ་རི་ཁྲག་གི་རྒྱ་མཚོ་ཡིན། ཕྱུག་པོ་ཡིན་ན་ཐ་མ་དབུལ་དོགས་ཡོད། དབུལ་པོ་ཡིན་

[Full Size]

ན་མོ་ལ་འདི་བཟང་། །འདིར་གཅིག་བབ་འདི། དུར་ངོ་། དགྲ་རྐུན་ངོ་། ཡུལ་དུ་ཁྱིམ་མཚེས་ཀུ་ཆོ་འོང་ངོ་ཡིན། མགྲོན་པོ་མྱུར་དུ་མ་སླེབ་ན་མི་འོང་། །ཚོང་ཕུ་མགྲོན་ཕྲུ་ཀུན་ལ་ངན། དགྲ་ཆོས་བྱ། འདི་འདྲ་བབ་ན་རབ་ཏུ་བཟང་། དགྲ་ཤི་གཡག་འགྱེལ། དགྲ་ཚེ་ཟད་ཁྲག་ཏུ་སྨྱུག་སྟེ་ཤི། དམག་དཔོན་དར་མ་ནད་ཀྱིས་ཐེབ། དགྲ་མི་ཟད་རྟ་ཟད་གྱོད་ཀྱིས་ཐེབ། ཕར་རྩོད་ན་རང་ཉིད་རྒྱལ། འདྲེ་མིག་ཏུ་ཕུར་པ་ཐོབ། མཐུ་བྱེད་ན་བཟང་། འགྲོན་པོ་འགྲོ་འདོད་ཀྱི་གོམ་པ་རྡོ་ལ་ཐུག །ལང་འདོད་ཀྱི་ཅོ་ཐོ་བེང་གིས་བཟུང་། ཕྱི་དལ་ཆེ་སྟེ་བཟང་། འདི་འདྲ་བབ་ན་ཡམས་ནད་ངོ་། ཕ་མྱེས་ཀྱི་གཡང་བུ་སྲིང་ལ་སོང་ངོ་ཡིན། གཡང་སྐྱབས་བྱ། ཚེ་འགུགས་བྱ་ཚུ་འདི་བབ་ན་དགྲ་ཕྱུ་མགྲོན་ཕྱུ་གང་ཡང་ངན། ཕྱི་དལ་ཡིན། མགྲོན་པོ་ཨེ་འོང་མི་འོང་། ནམ་ཕུག་ཕ་ཡུལ་མི་ལ་ཤོར། ལ་ཆེན་གཅིག་གི་ཕར་རྒྱབ་ན། དམག་་གདོང་ཆེན་གཅིག་གི་སོ་པ་ཡོད་ན་ཐང་། ནད་པར་ནད་གཞི་ཆེ། རིམ་གྲོ་དྲག་པོ་བྱ། སྨད་དུ་བཞི་འགྲིགས་གདན་ཁྲི་ཡིན། བརྩེགས་དཔྱད་རྫོགས་སོ།། ༈ །།སྲིད་པའི་རི་

[Full Size]

རབ་རྩེ་ནས་མ་ཉིལ་དགོས། ༢ གཉིས་རེ་བབ་ན་ཉིལ་བ་ཡིན། སྐྱེས་བུ་དར་མ་སྟག་ཆས་ལ། རྡོ་ནག་བཙའ་ཡི་མ་ཟིན་དགོས། ༢ གཉིས་རེ་བབ་ན་ཟིན་པ་ཡིན། །མར་ཁུའི་མཚོ་མོ་མ་སྐམ་དགོས། །གཉིས་རེ་བབ་ན་སྐམ་པ་ཡིན། །གཡུ་ཡི་རྒྱ་མཚོ་སྔོན་མོ་དེ། །རྒྱ་ཡི་ཐན་པས་མ་སྐམ་དགོས། གཉིས་རེ་བབ་ན་སྐམ་པ་ཡིན། །གཡུ་ཡི་གདུང་མ་མ་ཆག་དགོས། ༢ གཉིས་རེ་བབ་ན་ཆག་པ་ཡིན། །གཡང་ཡི་ར་བ་མ་རལ་དགོས། ༢ གཉིས་རེ་བབ་ན་རལ་བ་ཡིན། །མནན་ཕུག་ཐོག་གི་ཕུར་ཁ་མ་ཟུག་དགོས། ༢ གཉིས་རེ་བབ་ན་ཟུག་པའོ།། ༢ །མདའ་ཉག་ཕྲན་གྱི་མདེའུ་མ་གཏོར་དགོས། །གཉིས་རེ་བབ་ན་གཏོར་བ་ཡིན། །བྱུར་གྱི་ས་མདའ་བཙའ་ཡི་མ་ཟིན་དགོས། ༢ གཉིས་རེ་བབ་ན་བཙའ་ཡིས་ཟིན། ༈ །རྩེ་བཞིའི་མདུན་ཞུ་མ་གྱོན་དགོས། ༢་༢ གཉིས་རེ་བབ་ན་གྱོན་པ་ཡིན། །གླིང་བཞི་བྱོ་བླག་མ་བྱས་དགོས། ༢ གཉིས་རེ་བབ་ན་བྱོ་བླུག་ཡིན། །གནམ་སྒོ་ས་སྒོ་མ་བྱེ་མ་དགོས། གཉིས་རེ་བབ་ན་བྱེ་བ་ཡིན། །།རུ་སོད་འཁོར་མོ་མ་བབ་དགོས། །གཉིས་རེ་བབ་ན་འཁོར་

[Full Size]

བ་ཡིན། །ར།བཙན་ས་གཞི་མ་མ་འཆུག་དགོས། །གཉིས་རེ་བབ་ན་འཆུགས་པ་ཡིན། །མོ་ལ་འཛེར་གསུམ་མ་བབ་དགོས། །གཉིས་རེ་བབ་ན་འཛེར་གསུམ་ཡིན། །མོའི་རྡེའུ་མ་གཏོར་དགོས། ༢ །གཉིས་རེ་བབ་ན་གཏོར་བ་ཡིན། །བྱ་བྲལ་བརྒྱུད་པ་མ་བབ་དགོས། འདི་འདྲ་བབ་ན་བྱ་རལ་བརྒྱུད། སྲིད་ཀྱི་ཆུ་མིག་མ་སྐམ་དགོས། ། གཉིས་རེ་བབ་ན་སྐམ་པ་ཡིན། །རུ་སོད་གོང་བརྒྱུད་མ་བྱས་དགོས། འདི་འདྲ་བ་ན་གོང་རྒྱུད་བྱས། །ཆུང་སྲིའི་ཚང་མང་མ་བཅས་དགོས་པ་འདི་འདྲ་བབ་ན་ཚང་བཅས་ཡིན། ཤ་གཅིག་གསུམ་བརྩེགས་ན་སྔང་ངོ་ཡིན། ༣ གཉིས་གསུམ་བརྩེགས་ན་དུར་ངོ་ཡིན། རྟ་གསུམ་གསུམ་བརྩེགས་ན་གྲོགས་ངོ་ཡིན། བཞི་གསུམ་བརྩེགས་ན་ས་མཁར་ཡིན། །ཕ་ཡུལ་མི་ལ་མི་འཆོར་ཞིང་། མཁར་ལྷན་བྱེད་ན་བཟང་། འདིར་གཅིག་གསུམ་ལྔ་བརྩེགས་ན་བུད་མེད་ལ་སྐྲག་སྔངས་འོང་། ༣ གཉིས་གསུམ་བརྩེགས་ན་དུར་ངོ་། །གསུམ་གསུམ་བརྩེགས་ན་གྲོགས་ངོ་། བཞི་གསུམ་བརྩེགས་ན་བུད་མེད་ཀྱི་

[Full Size]

ཁྱིམ་ཕྱུ་ཟིན་ངོ་། དགྲ་མེད་གྲོགས་དང་འཕྲད་ངོ་། འདིར་གཅིག་གསུམ་བརྩེགས་ན་སྐྲག་སྔང་འོང་། གཉིས་གསུམ་བརྩེགས་ན་དགྲ་བོ་གྱོད་ཀྱིས་ཟིན་པས་བཟང་། གསུམ་གསུམ་བརྩེགས་ན་གྲོགས་ཕྱི་ཤོར་ངོ་ཡིན། སྐྲ་སྐུད་མི་ལ་འཆོར་དོགས་ཡོད། གཡང་སྐྱབས་གསེར་འོད་འདོན། འདི་འདྲ་བབ་ན་དགྲ་གདོན་ཕྱི་དལ་ཡིན་པས་བཟང་། གྲོགས་ཕྱུ་འཕྲལ་དུ་བཟང་། ཕུགས་སུ་ཕ་ཡུལ་མི་ལ་འཆོར། ༢ ལྷ་ཕྲུ་གཉིས་བབ་མགོ་ནད་ཀྱི་ངོ་། ཕོ་ཕྱུ་ལ་གཉིས་བབ་ན་ཕོ་མཆིན་ན་ངོ་། བང་ར་ལ་གཉིས་བབ་ན་རྟ་ཕྱུགས་ཀྱི་གོད་ངོ་། གནམ་སྒོར་གཉིས་བབ་ཕ་ཚན་གྱི་ན་ངོ་། ༣ སྤྱིར་བཙན་ས་གསུམ་དུ་གཅིག་བབ་མང་ན་མི་ལ་བཟང་། གསུམ་བབ་མང་ན་ནོར་ལ་བཟང་། བཞི་བབ་མང་ན་ཐམས་ཅད་ཕྱི་དལ་ཡིན། འདི་བཙན་ས་གསུམ་ཡིན། འདི་བབ་ན་རི་རབ་གླིང་བཞི་འགུལ་བ་ཡིན། སྙིང་ནོར་མི་ལ་ཤོར་ངོ་ཡིན། བཟློག་བསྒྱུར་དྲག་པོ་བྱ། ༢ འདི་ནི་གླིང་བཞི་སྟོང་ངོ་ཡིན། དགྲ་བཞི་བསྐོར་གསུམ་ཀུན་ལ་ངན། གྲི་ངོ་རྨེ་ངོ་ཡིན། ཤིན་ཏུ་ངན་པའོ། །༢༣ འདི་དགྲ་བཞི་

[Full Size]

བསྐོར་གསུམ་ཀུན་ལ་བཟང་། རི་རབ་གླིང་བཞི་བརྟན་པ་ཡིན། གང་ལ་ཡང་བཟང་ངོ་།། ༤༤ འདི་ཕྱོགས་བཞིར་མཁར་བཞི་བརྩེགས་ཏེ་བཟང་། ཡུལ་མཁར་བཟུང་བའི་མོ་ལ་བཟང་། ཨེ་འོང་ན་མི་འོང་། ནད་འདི་འདྲ་བབ་ན་འོ་མའི་རྒྱ་མཚོ་སྐམ། ནད་པ་ཡིན་ན་ལམ་ཞུགས་ཡིན། ༈ དེ་ནས་བརྒྱ་བྱིན་དཀར་ནག་ཁྲ་གསུམ་བཤད། འདི་བརྒྱ་བྱིན་དཀར་པོ་གཏོ་མི་དགོས། འདི་བརྒྱ་བྱིན་ཁྲ་བོ་གཏོ་བྱས་ན་ཕན། བརྒྱ་བྱིན་ནག་པོ་གཏོའི་མི་འགྱུར་བས་ངན་པ་ཐ་ཆད་ཡིན། དེ་ལྟར་བབ་མིག་དཔྱད་རྒྱས་པ་རེ་མིག་ལེགས་པར་གསལ་བ་རྫོགས་སོ།། །། འཕགས་པ་འཇམ་དཔལ་དབྱངས་ལ་ཕྱག་འཚལ་ལོ། །མ་སང་གི་རྡེལ་མོའི་སྐོར་ལས་རྒྱས་པར་ཕྱུང་ན། ལོ་འབྱུང་བ་སྤར་ཁ་སྨེ་བའི་སྐོར་འགོ་གལ་ཆེ་བས། དེ་མིན་ནད་པ་འཆི་སོས་དང་། བརྩི་བྱ་གང་ཡིན་གྱི། སྲོག་ལུས་དབང་ཀླུང་གི་དར་རྒུད་མི་མཛོད། ༈ ལྷ་ཕྱུ་དང་པོ་འབྲུག་ལོ་པའི་ས་མལ་དུ། ༡༢ ༣ བབ་ན་བཟང་། གཉིས་བབ་ན། ཁྱི་ཟླའི་ཚེས་བཅུ་གཅིག་ལ་སྐག་ཐོག་ཡིན། འབུམ་དང་ཚེ་སྒྲུབ་བྱ། མོ་

[Full Size]

སྨན་ཡིན་ན། ལྷ་མོའི་གསོལ་ཁ་བྱ། ༈ ཁྱིམ་ཕྱུ་དང་པོ། རྟ་སྦྲུལ་ལོ་མལ་དུ། ༡༣༤ བབ་ན་བཟང་། གཉིས་བབ་ན་སྦྲུལ་ལོ་པའི་སྐག་ནི་ཕག་ཟླའི་ཚེས་དྲུག་དང་། ཉི་ཤུ་བརྒྱད་ལ་ཡོད། རྟ་ལོ་པའི་སྐག་ནི། བྱ་ཟླའི་ཚེས་གསུམ་དང་དགུ་ལ་ཡོད། དྲག་པོའི་བཟློག་པ་དང་། །པཉྩ་དམར་པོ་ལོ་གྲངས་བྱ། ཕྱི་ཕྱུ་ཆེ་ཕྱུ་འདི་ལུག་ལོ་པའི་ས་ཡིན་པས། གཉིས་བབ་ན། སྐག་ནི་གླང་ཟླ་བའི་ཚེས་བཅོ་བརྒྱད་དང་། ཉི་ཤུ་ལྔ་ལ་སྐག་ཡོད། ཚོགས་དང་བསྐང་བ། རྒྱལ་མདོས། ས་བདག་ཡོ་བཅོས། ཚ་ཚ་སེར་པོ་ལོ་གྲངས་སུམ་འགྱུར་བཏབ། གསུམ་བབ་ན་བརྒྱ་བྱིན་གདོན། ཞང་ཉེ་ལ་ངན། བཞི་བབ་ན་གདན་བགོས་བྱ་དགོས། ༈ ཕྱི་ཕྱུ་འབྲིང་པོ་བྱ་སྤྲེལ་ལོ་པའི་ས་མལ། འདིར་གཅིག་བབ་ན་སྐྲག་སྔངས་ངོ་ཡིན། གཉིས་བབ་ན་བྱ་ལོའི་སྐག་ནི། ཡོས་ཟླའི་ཚེས་བཅུ་དང་། ཉི་ཤུ་ལྔ་ལ་ཡོད་སྤྲེལ་ལོ་པའི་སྐག་ནི། སྟག་ཟླའི་ཚེས་བཅུ་གསུམ་དང་ཉི་ཤུ་དགུ་ལ་ཡོད། གཏོ་ལ་མི་ཁ་བཀར། ཕག་ཐོད་བོར། གྲི་ཟོར་བྱ། མོ་མའི་བཀར་ཡས་བྱ། ཚ་ཚ་དཀར་པོ་ལོ་གྲངས་སུམ་འགྱུར་བཏབ། ནུབ་ཕྱོགས་སུ་བསྐྱལ་

[Full Size]

ལོ། །གསུམ་བབ་ན་བཟང་ངོ་།། ༈ ཕྱི་ཕྱུ་ཐ་མ་འདི་ཁྱི་ལོ་པའི་ས་མལ་ཏེ། འདིར་བབ་ན་ཐེའུ་རང་གདོན། གཉིས་བབ་ན་ངན། ཁྱི་ལོ་པའི་སྐག་ནི། འབྲུག་ཟླའི་ཚེས་གཅིག །བཅུ་གཅིག་དང་ཉི་ཤུ་གསུམ་ལ་ཡོད། སྟོན་མོ་བྱ། སྤྲང་ལོང་ལ་སྦྱིན་པ་བྱ། ཚ་ཚ་སེར་པོ་ལོ་གྲངས་སུམ་འགྱུར་ནུབ་བྱང་དུ་བསྐྱལ་ན་ཐུབ་བོ། །བཞི་གསུམ་བབ་ན་བཟང་ངོ་།། ༈ ཁྱིམ་ཕུ་ཆུང་བ་འདི། ཕག་ལོ་དང་། བྱི་ལོ་པའི་ས་མལ་ཡིན་པས། འདི་གཅིག་བབ་ན་བཟང་། གཉིས་བབ་ན། བྱི་ཕག་ལོ་པར་ངན་ཏེ། ཕག་ལོ་པའི་སྐག་ནི། སྦྲུལ་ཟླའི་ཚེས་གཉིས་དང་ཉི་ཤུ་བརྒྱད་ལ་ཡོད། བྱི་ལོ་པའི་སྐག་ནི། རྟ་ཟླའི་ཚེས་གཅིག་ལ་ཡོད་དེ། དེའི་གཏོ་ལ། དགྲ་ཆོས་བྱ། གྲྭ་ལྔ་འདོན། ཚ་ཚ་སྔོན་པོ་ལོ་གྲངས་སུམ་འགྱུར་བྱང་དུ་བཞག་ན་ཐུབ་ངེས་སོ།། ༈ ལྷ་ཕྱུ་མཐའ་མ་འདི། གླང་ལོ་པའི་ས་མལ་ཡིན་པས། འདིར་གཅིག་དང་གཉིས་བབ་ན་གླང་ལོ་པའི་སྐག་ནི། ལུག་ཟླའི་ཚེས་གཉིས་དང་། ཉི་ཤུ་དྲུག་ལ་ཡོད་དེ། གྲི་ཁ་མཚོན་བསྒྱུར་བྱ། ཐེའུ་རང་གི་མདོས། ལེ་གུ་ཡིན་ན་འདྲེ་མོ་རྫ་མདོས་བྱ། འདྲེ་མོ་

[Full Size]

མནན་ནོ། །པཉྩ་སེར་པོ་ལོ་གྲངས་སུམ་འགྱུར་བཏབ་ལ་བྱང་ཤར་ཕྱོགས་སུ་བཞག །བཞི་དང་གསུམ་བབ་ན་བཟང་ངོ་།། ༈ ལྷ་ཕྱུ་འབྲིང་པོ་འདི་སྐྱེས་བུ་བློ་འཛིན་དང་སྟག་ཡོས་ལོ་པའི་ས་མལ། གཅིག་བབ་ན་བཟང་། གཉིས་བབ་ན་སྟག་ཡོས་ལོ་པར་ངན། སྟག་ཡོས་ལོ་པའི་སྐག་ནི། སྤྲེལ་ཟླ་བའི་ཚེས་གསུམ་དང་བཅོ་ལྔ་ཉི་ཤུ་བདུན་ལ་ཡོད། ཡོས་ལོ་པའི་སྐག་ནི་བྱ་ཟླའི་ཚེས་གཅིག་དང་བཅུ་དྲུག་ཉེར་བརྒྱད་ལ་ཡོད། དེའི་གཏོ་ལ་གཤིན་རྗེའི་བཟློག་པ་བྱ། མཚན་བརྗོད་སྒྲོགས། ཚ་ཚ་ལྗང་གུ་ལོ་གྲངས་སུམ་འགྱུར་ཤར་དུ་བསྐྱལ་ལོ། །གསུམ་བབ་ན་སྙན་གྲགས་དོ་། བཞི་བབ་ན་བཟང་གཞི་ཕྱུ་ལ་བཟང་ངོ་།། ༈ ལར་གཅིག་པ་ཐམས་ཅད་ངོ་སོ་མཐོ། གཉིས་ཐམས་ཅད་ཁ་སྨྲས་ཐབ་དམར་འདྲེ་མོའི་ངོ་། གསུམ་ཐམས་ཅད་གྲོགས་ངོ་། དམུ་ཐག་ཡིན། བཞི་ཐམས་ཅད་ཕྱི་དལ་ཡིན། ༈ དེ་ནས་གདོན་ངོས་བཟུང་བ་ནི། ལྷ་ཕྲུ་དང་པོར་གསུམ༔ བར་དུ་གཅིག་བབ་ན་ནད་པ་སོས་ངོ་ཡིན། ལྷ་ཕྱུ་དང་པོ་དང་མར་མར་གཉིས་དང་བཞི་བབ་ན། རྗེས་སེར་པོ་རི་མོ་ཅན་སྙེབ་ནས་ཟླ་བ་བརྒྱད་སོང་ངམ། ཡང་ན་ཉི་

[Full Size]

མ་བཅུ་གཉིས་ཚུན། སྣོད་གཏོང་གཅིག་དང་མཉམ་དུ་འོང་བ་དེ། གོམ་པ་གསུམ་མམ་བཞིའི་མཚམས་སུ་ཡོད། དེའི་རྟགས་ལ་རྟ་ཞར་བ་གཅིག་ཡོད། །༈ ཁྱིམ་ཕྱུ་དང་པོ་འདི་ལ་སྨན་པའི་འདུག་ས་ཡིན། སྨན་པའི་གདན་ས་ནོན་གྱུར་ན། སྨན་པས་རྒྱལ་ཁ་ལེན་པ་ཡིན། ལྷ་ཕྱུ་བར་མ་ནད་པའི་འདུག་ས་ཡིན། སྨན་ཕོར་ཆུང་བ་ཡིན། གཉིས་བབ་ན་མི་རུང་། གཅིག་བབ་ན་སྨན་ཕོར་བདུད་རྩིས་གང་བ་ཡིན། ལྷ་ཕྲུ་ཆུང་བ་འདི་སྨན་ཕོར་ཆུང་བ་ཡིན། ཁྱིམ་ཕྱུ་ཐ་མ་འདི་སྨན་ཕོར་འབྲིང་བ་ཡིན། གཅིག་བབ་ན་བཟང་། ཕྱི་ཕྱུ་དང་པོ་གཉིས་བབ་ན། བན་བོན་ནམ་དགོན་སྡེ་གྲགས་པ་ཅན་གྱི་ཕུ་ནས་རྫས་སེར་པོ་གདོན། སྨན་ཨེ་ཐེབ་ལྟ་བ་ལ། གཉིས་བབ་ན་མི་རུང་། གཅིག་བབ་ན་སྨན་གྱིས་ནད་པ་སོས་པ་ཡིན། གཏོ་ལ་ནག་པོ་མགོ་གསུམ་འཕང་། ༈ ཕྱི་ཕྱུ་དང་པོ་དང་བར་མ་གཉིས་བབ་ན། སྣོད་ཁ་ཆག་པ་གཅིག་གིས་གདོན། ཡང་ན་ཟངས་བུག་པ་གཉིས་སམ། ཁ་ཆག་པ་གཅིག་གིས་གདོན། ལྷ་ཕྱུ་དང་པོ་དང་གཉིས་པར། གཉིས་བབ་ན་ངན་པ་དང་། ཁྱིམ་ཕྱུ་དང་པོ་དང་བར་མ་ལ་གཉིས་རེ་བབ་ན། བནྡེ་

[Full Size]

དང་བོན་པོ་ལ་ངན་གདན་ས་ཤོར། པོ་ཏིའི་བརྩེགས་པ་ཞིག་པ་ཡིན། གནམ་གྱི་བྱ་ཐན་འོང་དོགས་ཡོད། ཕྱུགས་ལ་བེལ་གཉིས་ཁྲིད། རྟ་ལ་རྟེལ་གཉིས་འགྲོས། ད་ལོ་མ་ཡིན་སང་ཕོད་ཡིན། ༈ ཕྱི་ལ་བར་མ་ལ་གསུམ་བབ་ན། བན་བོན་གྱི་ལག་ནས་རྫས་གཅིག་ངེས་པར་ཡོད། འབུམ་ཚར་གསུམ་འདོན། ཡི་དམ་བསྐང་བཤགས་ཅི་མང་བྱེད། ནད་པ་མི་འཆི་སྔས་ཀྱི་ཞ་དང་མ་བྲལ་དགོས། འོག་གི་ཉལ་ས་མ་རུལ་དགོས། གཏན་པའི་གཏན་མ་མ་ཞིག་དགོས། དེ་གསུམ་ལ་གཉིས་རེ་བབ་པ་ཡིན། གཅིག་གསུམ་བཞི་བབ་ན་མི་འཆི་བར་བཤད། སྙིང་མིག་སྲོག་གསུམ་རྩེ་ན་འཛིན་དང་བཞི་ལ་གཉིས་བབ་ན་མི་རུང་། ལྷ་ཕྲུ་དང་པོ་དང་བར་མ་དང་། ཁྱིམ་ཕྱུ་དང་པོ་དང་བར་མ་བཞིའོ།། ༈ ལྷ་ཕྱུ་བར་མ་དང་། ཁྱིམ་ཕྱུ་གོང་མ། ཕྱི་ཕྱུ་བར་མ་དང་གསུམ་ལ། ༡ དང་བཞི་བབ་ན་བཟང་། གཉིས་བབ་ན། སྐྱེས་དར་མ་མཚོན་གྱིས་གསོད་དོགས་ཡོད། །༈ སྟོད་ཚ་བའི་ནད་ཁམས་སུ་ལ་དཔྱད། ནད་ཀྱི་ངོས་འཛིན་གང་ལ་བྱེད། མཁལ་མ་རྩིའི་འདུག་གནས་ཡིན། རྩའི་འཐེན་ཐག་སྨད་ན་ཡོད། དེའི་ངོས་

[Full Size]

འཛིན་གང་ལ་བྱེད། སྨད་དུ་གཅིག་བབ་དེ་ལ་ཟེར། དེར་གཉིས་བབ་ནས་ཙནྡན་ནགས་ལ་མེ་ཤོར་ཡིན། དེ་དར་མ་གཅིག་གི་ལོ་ལ་ངན། བར་གྱི་མཆིན་པ་ཡིན། མཆིན་པས་ལུས་པོ་སྐྱེན་པ་ཡིན། ལྷ་ཕྲུ་དང་པོ་ལ་གཅིག་བབ་ན་ནད་མི་འཆི་བའི་རྫི་བོ་ཡིན། ཤར་ཕྱོགས་ནས་ལྕགས་ཆས་འདྲེ་ཅན་བླངས་ནས་གདོན། ཟླ་བ་བརྒྱད་ཙམ་སོང་། དེ་ནི་སྐྱེ་དཀར་པོའམ་ཁྲ་བོའི་ནང་ན་ཡོད། དེའི་རྟགས་སུ་མདའ་བཅུའམ་བརྒྱད་ཡོད། ཡང་ཁྱི་རྔ་སྣེ་དཀར་པོ་ཅན་ཞིག་ཡོད། སྨད་གྲང་བར་ངོས་འཛིན་དྲོད་ལས་སྐྱེས་པའི་སྨན་བྱས་ན་ཕན། ༈ ཕྱི་ཕྱུ་ཐ་མ་ལ་གཅིག་བབ་ནད་པའི་མོ་ལ་བཟང་། གཉིས་བབ་ན་ངན། འབུམ་དང་དབང་ཞུ། གཏོ་ནག་ཡུལ་ཟློག་བྱེད། །དཀྱིལ་འཁོར་ཞལ་བསྒྱུར་བྱ། ༈ བུ་རྟ་ཆུང་གསུམ་མོ་འདེབས་ན། སྨད་ཀྱི་སྐུ་མཁར་མ་ཞིག་དགོས། ལྷ་ཕྲུ་ཐ་མ་དང་། ཁྱིམ་ཕྱུ་བར་མ། ཐ་མ་ལ་གཉིས་རེ་བབ་ན་སྐུ་མཁར་ཞིག །ལྷ་ཕྱུ་དང་པོ་ལ་གཅིག །ལྷ་ཕྱུ་བར་མར་གཉིས། ཕྱི་ཕྱུ་དང་པོ་བཞི་བབ་ན་བུ་ཚ་ནད་པའི་མོ་ལ་བཟང་ངོ་། གཤིན་རྗེའི་ལག་ནས་བླ་འགུགས། མའི་པང་

[Full Size]

ནས་བུ་ཚ་ཚར། ཁྱིམ་ཕྱུ་བར་མ་ལ་གཉིས་བབ་ན་བུ་ཚ་ནད་པའི་མོ་ལ་ངན། དུང་ཁྱུང་དཀར་པོའི་ཚང་ནང་དུ་དུག་སྦྲུལ་ནག་པོ་གཅིག་ནི་བཞུགས། དེའི་གདོན་ལ། རྫས་དམར་པོ་གཅིག་ནུབ་ཕྱོགས་ངོས་ནས་འཁྱར་བས་ལེན། ཡང་ན་རྗེས་དཀར་སེར་འདྲེས་པ་བུད་མེད་མཚན་ངན་ཞིག་གི་ལག་ནས་བླང་བས། དེ་གོམ་པ་གསུམ་མམ་བཞིའི་མཚམས་སུ་ཡོད། གཟུངས་འདུས་འདོན། གྲྭ་ལྔ་འདོན། གཟུངས་ཆེན་སྡེ་ལྔ་འདོན། ༈ ཕྱི་ཕྱུ་ཐ་མ་ལ་གསུམ་བབ་ན། བུ་ཚ་ནད་པའི་ཕྱིར་དུ་གྲོགས་སོང་ངོ་ཡིན། གདོན་ཕྱྭ་ཁྱིའི་གདོན་པ་ཡིན། བསྲུང་རིམ་གང་ཡང་བྱས་ན་ནད་པ་མི་འཆི། ༈ ཁྱིམ་ཕྱུ་གོང་འོག་གསུམ་འབྲིང་གསུམ་འདི་བུད་མེད་ཆེ་ཕྲ་ཆུང་གསུམ་གྱི་ས་མལ། དེ་གསུམ་བཟང་ན་བུད་མེད་ཆེ་ཕྲ་ཀུན་ལ་བཟང་། དེ་གསུམ་ངན་ན་བུད་མེད་ལ་ངན་པའོ། །ཁྱིམ་ཕྱུ་དང་པོར་གསུམ་བབ་ན། བུད་མེད་མི་འཆི་བའི་རྫིའུ་ཡིན། སྨན་པས་ནད་པ་སོས་པ་ཡིན། གློ་ཡི་ནད་པ་བཅོས་པ་ཡིན། སྐྱགས་བཤལ་དང་བཅས་པས་འོང་ངོ་། །དེ་འདྲ་འོང་ན་ནད་པ་འཚོ། དེ་ནི་བུད་མེད་ས་དཔྱད་ཡིན། ༈ ཁྱིམ་ཕྱུ་བར་མར་གཉིས་

[Full Size]

བབ། ཕྱི་ཕྱུ་དང་པོར་གཉིས་བབ་ན། བུད་མེད་མོ་ལ་ངན་པ་ཡིན། བར་གྱི་ཐབ་ཀ་ཞིག་པ་ཡིན། སྐྱུང་ཁ་ཁྲ་ཡིས་ཁྱེར་བ་ཡིན། སྐྱུང་ཕྲུག་ཁྲ་ཡིས་ཁྱེར་བ་ཡིན། བྱང་ཤར་ནས་རྫས་སེར་པོ་གཅིག་བླངས་བས་གདོན། དེའི་རྟགས་སུ་འབྲི་ཞར་བ་གཅིག་ཡོད། ཡང་ན་རྟ་སྔོན་པོ་གཅིག་ཡོད། ཕྱི་ཕྱུ་ཐ་མར་གཅིག་བབ་ན། །བུད་མེད་མི་འཆི་བའི་རྫིའུ་ཡིན། ཁྲ་ཡི་གཤོག་པ་ཆག་པ་ཡིན། བྱིའུ་ཁ་ནས་ཤོར་བ་ཡིན། སྐྱུང་ཕྲུག་ཚང་དང་ཕྲད་པ་ཡིན། སྐྱུང་ཀ་མ་བུ་རང་མལ་ཐོན། གདོན་ཕྱྭ་ལ་མོ་འདྲེ་གདོན། འདྲེ་མོ་དགུ་མདོས་བྱ། ༈ ཁྱིམ་ཕྱུ་ཐ་མ་གཉིས་བབ་ན། བུད་མེད་ལ་ངན། བུ་མོ་འཕང་གིས་བསད། ཆུ་བྲན་གཅིག་གི་ནང་ཤེད་ནས། ཉ་མོ་སྲམ་གྱིས་ཁྱེར་བ་ཡིན། བུ་ཚ་ཞར་བ་གཅིག་གིས་གདོན། ཡང་ན་སྤྲེལ་ལོ་པས་རྫས་ཁྱེར་བས་གདོན། དེའི་རྟགས་སུ་བུ་མོ་བཞི་ཙམ་ཡོད། ༈ ཁྱིམ་ཕྱུ་ཐ་མ་ལ་གསུམ་བབ་ན་བུད་མེད་མི་འཆི་བའི་རྗེའུ་ཡིན། རྟ་དམར་པོ་གཅིག་དེའི་རྟགས་སུ་ཡོད། ཡང་ན་ཟངས་ལ་ཆགས་པ་བཞི་ཙམ་ཡོད། ཆུ་བྲན་གཅིག་གི་ནང་ཤེད་ན། ཉ་མོ་གསེར་མིག་ཐར་བ་

[Full Size]

ཡིན། ཆུ་བྱ་ནག་པོ་ཤི་བ་ཡིན། པོ་ཏི་ཞལ་ཕྱེ་ཀློག་ན་བཟང་། །ཡང་སྟེང་དུ་ལྷའི་ཕྱག་རྩེ་དགོས། བར་དུ་གཤོག་དྲུག་རྒྱས་འདྲ་དགོས། སྨད་དུ་གདན་ཁྲི་ལྟ་བཤམ་འདྲ་དགོས། ཡང་སྟེང་དུ་སེངྒེའི་གར་བྱེད་དགོས། སྨད་དུ་ཉ་མོ་འགྱུ་འདྲ་དགོས། དེ་རྣམས་ངོས་འཛིན་གང་ལ་བྱེད། ལྷ་་རང་གི་ས་མལ་ཏེ། གཉིས་བབ་ན་མི་རུང་། ཡང་གནམ་སྒོ་བྱེ་ན་གཙུགས་ཏོར་འདོན། ས་སྒོ་བྱེད་ན་སྣང་བརྒྱད་ལོ་གྲངས་འདོན། ཤིང་ཁྲི་བབ་ན་འབུམ་ལ་འུར་འདོན་བྱ། རྟ་ཕྱུ་ངན་ན་རྟ་གཟུངས་འདོན། །ནོར་ཕྱུ་ངན་ན་ནོར་གཟུགས་དང་གདུགས་དཀར་འདོན། ཞིང་ཕྱུ་ངན་ན་ཞིང་ལྷའི་བསང་མཆོད་བྱ། ཕྱི་ཕྱུ་གསུམ་དར་ན་དགྲ་བྲུབ་བྱ། དེ་ནས་སྤྱི་སྤྱད་དོ། །ད་དགྲ་བླ་བྱ་ཁྱུང་བྱ་བ་དེས། །སྲིད་པ་གསུམ་པོ་གྲོས་སུ་འདེབས། །དཔག་བསམ་ཤིང་གི་རྩེ་མོར་གནས། །དགྲ་བླ་ཡུམ་གྱི་སྐུ་མཁར་ཡིན། །མ་སྲུ་ཀུན་གྱི་སྲུང་མ་ཡིན། །ལེ་གུ་ཀུན་གྱི་སྲུང་མདའ་ཡིན། །ཇག་པ་ཀུན་གྱི་ཝེར་མ་ཡིན། །དཔའ་མཚུན་ཝེར་མ་ཉལ་ཉུལ་དེ། །གངས་སེང་དབུས་ན་འབྱོན་པའི་དུས། །རལ་གྲིའི་རྐང་ལ་ཆུ་གྲིའི་

[Full Size]

གཤོག །དགྲ་སྟ་ངར་མའི་ཕྱག་མཚན་ཅན། །རྨོག་རི་གངས་དཀར་རྩེ་མོ་ནས། །སྒྱུ་འཕྲུལ་འོད་ཀྱིས་མཁའ་ལ་འདུག །དེ་ཇག་པའི་མོ་ལ་དར་ན་བཟང་། །དེ་ལ་ལྷ་ཕྱུའི་རྡེལ་གཅིག་ཟེར། ༈ །ད་གནམ་སྨན་དཀར་མོ་བྱ་བ་དེ། །དུང་བྱ་ཁྱུང་གི་རྟ་ལ་ཆིབས། །འཇའ་ཚོན་སྣ་ལྔའི་འོད་ཁང་བཞུགས། །གཡའ་སྤང་ཡུལ་སྨན་འཁོར་གྱིས་བསྐོར། །བཟང་ངན་གཉིས་སུ་མེད་པར་ཟློག །དྲང་མཁན་མདུང་མཁན་རྫུ་འཕྲུལ་ཅན། །ཐོག་འབྲུག་བར་སྣང་གི་བདག་མོ་བྱེད། །མ་རྒན་སྲུ་མོ་ཀུན་གྱི་དགྲ་བླ་མོ། །བུ་མོ་གཞོན་ནུའི་རྩེད་རོལ་བྱེད། །མ་བུ་ཀུན་གྱི་ས་མཁར་ཡིན། །མ་ཕྱི་ཀུན་གྱི་འདུག་གནས་ཡིན། ༈ །ད་གཡང་སྤང་སྐྱེས་གཅིག་བྱ་བ་དེས། །གནས་པ་རྒྱ་བྲག་གི་དཀྱིལ་དུ་འདུག །གཉེན་དགྲ་བླ་འབུམ་གྱི་འཁོར་གྱིས་བསྐོར། །གོ་ཆ་རྣོ་མཚོན་ཀུན་ལ་གནས། །སྐྱེས་བུ་དར་མའི་དགྲ་བླ་བྱེད། །དེ་ཕོ་ཕྱུའི་རྡེལ་གཅིག་དེ་ལ་ཟེར། །གཡུ་འབྲུ་སི་ལི་བྱ་བ་དེ། །གནས་ནི་ལྷོ་ཡི་ཕྱོགས་སུ་གནས། །ཤེལ་མཁར་ཟུར་གསུམ་རྩེ་མོ་ན། །གནམ་ལྕགས་འཕྲུལ་གྱི་རྨོག་ཞུ་མནབ། །དུང་གི་ཁྲབ་དཀར་སྐུ་ལ་

[Full Size]

གསོལ། །འཇའ་ཚོན་སྣ་ལྔའི་རི་མོ་ཅན། །གཙོ་བོ་གཡའ་སྤང་སི་ལེ་མ། །སྐུ་ལ་རྩེ་བལ་འཐིབ་བ་མནབ། །དེ་ཁྱིམ་ཕྱུའི་རྡེལ་གཅིག་དེ་ལ་ཟེར། །འདིར་གཉིས་བབ་ན་གཡའ་སྤང་གྱོད་ལ་འཐོགས། །གཡུ་འབྲུག་ལ་མི་ཁ་མ་ཕོག་དགོས། །གཉིས་བབ་ན་མི་ཁ་ཕོག་པས་ངན། །ལར་གཅིག་པ་ཐམས་ཅད་ཆུ་དང་ས་ཡིན། །གཉིས་པ་མེ་གསུམ་པ་ཐམས་ཅད་ཤིང་། །བཞི་པ་ཐམས་ཅད་རླུང་ཡིན། །འགྲོ་བའི་མི་ཡི་མོ་འདེབས་ན། །ས་ཆུའི་བླ་རྡེལ་མང་ན་བཟང་། །སེམས་ཅན་ནོར་གྱི་མོ་འདེབས་ན། །།རླུང་གི་མོ་རྡེལ་མང་ན་བཟང་། །འདོ་བ་རྟ་ཡི་མོ་འདེབས་ན། །ཆུ་ཡི་བླ་རྡེལ་མང་ན་བཟང་། །ལར་གཅིག་པ་ཐམས་ཅད་ལྷ་ངོ་ཡིན། །ངོ་གསུམ་བརྩེགས་ན་སྔགས་ངོ་ཡིན། །གཉིས་པ་ཐམས་ཅད་གྱོད་ངོ་ཡིན། །གྱོད་གསུམ་བརྩེགས་ན་དུར་ངོ་ཡིན། །གསུམ་པ་ཐམས་ཅད་གྲོགས་ངོ་ཡིན། །གྲོགས་གསུམ་བརྩེགས་ན་སྲུང་ངོ་ཡིན། །བཞི་པ་ཐམས་ཅད་གཞི་གླིང་ཡིན། །བཞི་གསུམ་བརྩེགས་ན་འཁང་ངོ་ཡིན། །ཡུལ་མཁར་བཟུང་བའི་མོ་ལ་བཟང་། །ནད་པའི་མོ་ལ་ངོ་གསུམ་བབ་ན་སློང་ངོ་ཡིན། །ཕྱི་ཕྱུར་ངོ་གསུམ་བབ་ན་

[Full Size]

དགྲ་ངོ་གྱོད་ངོ་གདོན་གྱི་ངོ་། ཕོའི་དུར་ངོ་ཕོ་ལ་ངན། མོའི་དུར་ངོ་མོ་ལ་ངན། ཕྱི་ཕྱིའི་དུར་ངོ་གཉེན་བཤེས་ལ་ངན། དེ་ལྟ་བུ་དང་དཔྱད་ཆེན་རྒྱས་པར་འདོད་ན་གཞུང་ཆེན་ལ་བལྟའོ།། ༈ འཕགས་པ་འཇམ་དཔལ་དབྱངས་ལ་གུས་བཏུད་ནས། །མ་སང་རྡེལ་མོ་ཤེལ་དཀར་མེ་ལོང་འདི། །རྐང་གཉིས་མི་རྣམས་ཀུན་གྱི་གྲོས་འདེབས་མཆོག །འགྲོ་ཀུན་བློ་ཡི་མུན་པ་ཀུན་བསལ་ནས། །ལེགས་ཉེས་སྟང་འཛིན་ཀུན་ཏུ་རབ་གསལ་ནས། །འགྲོ་ཀུན་ཡོངས་ལ་ཕན་པའི་རྒྱུར་གྱུར་ནས། །བཀྲ་ཤིས་དཔལ་གྱིས་ཡོངས་ཁྱབ་བདེ་ཞིང་ལྡན། །འབད་མེད་ལྷུན་གྲུབ་གོ་འཕང་ཐོབ་པར་ཤོག །རྡེལ་སྤྱད་སྣང་གསལ་སྒྲོན་མེ་འདི། །འཇམ་དབྱངས་རྡེལ་མོ་ཞེས་པ་ན། །གལ་གནད་གང་ཆེའི་མཁོ་ཚོགས་འདི། །༧ རཱ་ག་ཨ་སྱས་འཕྲལ་དུ་བསྒྲིགས། །ཉེས་འགལ་འཇམ་པའི་དབྱངས་ལ་བཤགས། །དགེ་བས་འབྲེལ་ཚད་པྲ་གསལ་ཤོག །སརྦ་མངྒ་ལྷ་ལཾ།། །། གྲྭ་མིག་བཞི་བཅུ་ཞེ་བརྒྱད་དུ་གཞུང་བཤད་ཀྱིས་བརྒྱན་པ་ཡོད།

[Full Size]

འདི་ཕྱུག་མི་རབ་གཏེར་དང་འཕྲད་ངོ་ཡིན། རྟ་བོར་གྱི་མོ་ལ་འདི་བབ་ན་ངེས་པར་རྩད་ཆོད་པས་བཟང་། མི་ནོར་འཛོམ། ཞོ་ཆང་འཕྲོད། ཁྱིམ་བདག་མོ་ཚེ་རིང་། སེམས་ཅན་སྤུ་ནག་གི་བོར་སྟོར་ལ་འདི་བབ་ན་བཟང་སྟེ་ར་རིང་འོང་། །འདི་སྲུང་མའི་ལྷས་འགོ་ས་ཡུལ་བཟུང་བའི་མོ་ལ་བཟང་། །རྟ་དཀར་མཚན་ཅན་ལག་ཏུ་ཕོག་ངོ་ཡིན་པས་བཟང་། འདི་རུ་སོང་བྱ་བྲལ། ལམ་བྱ་བྲལ། མཐུ་སྐྱ་རྒྱུག མགྲིམ་པ་ཨེ་འོང་ན་འདི་བབ་ན་ངེས་པང་ཡོང་། འདི་ཚང་མོ་ལ་ལྷག་པར་བཟང་བར་བཤད། འདི་བབ་ན་སྒོ་བཞི་འཁྲུགས་ཞེས་ཡུལ་མི་ཟིན། འདི་འགུར་འཚེར་རྒན་མོ་ལ་ཁར་ཕྱིན། ཚོང་མོ་ལ་བཟང་གཞན་ལ་ངན།

[Full Size]

ཤར་ལྷོ་འབྲུག་སྟེ་ཁམས་ས་ཁམ་སྤར་ཁ་ཟོན་ཤར་ཕྱོགས་སྟག་ཡོས་ལོ་སྟེ་ཁམས་ཤིང་སྤར་ཁ་ཟིན། བྱང་གླང་ལོ་ཁམས་ས་སྤར་ཁ་གིན། ༨ ལྷོ་རྟ་ལོ་སྦྲུལ་ལོ་ཁམས མེ་སྤར་ཁ་ལི་ ༩ འདི་ནད་པ་ཡིན་ཉལ་ས་སྟེ་མོའི་སྲོག་རྩ། ༡༣༤ བཟང་། བྱང་བྱི་བ་ཕག་ལོ་ཁམས་ཆུ་སྤར་ཁ་ཁཾ་ ༡། ལྷོ་ནུབ་ལུག་སྟེ་ཁམས་ས་སྤར་ཁ་ཁོན་ ༢ ནུབ་བྱ་ལོ་སྤྲེལ་ལོ་ཁམས་ལྕགས་སྤར་ཁ་དྭ་ ༧ ནུབ་བྱང་ཁྱི་ལོ་ཁམས་ས་སྤར་ཁ་ཁེན་ ༦ ལྷ་ཕྱྭ་དང་པོ་དགྲ་བླ་ཁྱུང་རྒྱ་མཚོ་ས་ཟེར། གཡའ་སྤང་སྐྱེས་གཅིག་གི་ས་ཟེར། བྱིས་པ་སོགས་ཆུང་གསུམ་གྱི་རྩེ་ས་འོག་རྟ་མཛོ་ཁལ་གྱི་ཕྱུ། མ་གནམ་སྨན་དཀར་མོའི་ཕྲུ་ནད་པའི་སྨན་ཕོར། གཡུ་འབྲུག་སི་ལི་མའི་ས་ས་མལ་མ་འབྲིའི་ཕྱུ། གཞོན་མ་ར་ལུག་ཀོང་ཕྲན་དང་གྱི་ཟེ་བ་བང་མཛོད་ཀྱི་ཕྱྭ། སྲིན་པོ་ཉ་རིང་ཁྲག་མིག་གི་ས་སྟེ་དགྲ་ཕྱུ་གོང་མ། འདི་སྲིན་མོ་ཕག་ཞོན་གྱི་ས་དགྲ་ཕྱུ་བར་མ་མ་དར་དགོས་དར་ན་ངན། འདི་ཉན་པའི་ཁྱི་མོ་སྣ་གསང་གི་ཕྲུ་ཟོར་སྒོ་ཐེམ་ཕྱི་མ།

བཅུ་གསུམ་ཚུགས་ཀྱི་མོ་ཡིག་མངོན་ཤེས་འཕྲུལ་གྱི་མེ་ལོང་ནམ་མཁའ་གསལ་བ།

[Full Size]

བཅུ་གསུམ་ཚུགས་ཀྱི་མོ་ཡིག་མངོན་ཤེས་འཕྲུལ་གྱི་མེ་ལོང་ནམ་མཁའ་གསལ་བ་ཞེས་བྱ་བ་བཞུགས་སོ།། རྒྱ་གར་སངས་རྒྱས་ཆོས་མོ་ཁྱད་པར་ཅན་གྱི་རྣོ་མཐོང་ཟེར་བའི་བཅུ་གསུམ་ཚུགས་བཏབ་པ་ནི། འདེབས་མཁན་གྱིས་སེམས་ཀློད་ཅིང་མོ་ནས་ཕུད་ལྷག་རྣམས་བྲེ་གང་མཆོད་ཅིང་མོ་བདར་བ་ནི་འདི་སྐད་དོ།།

[Full Size]

རྒྱ་གར་ཆོས་ཀྱི་རྒྱལ་པོ་ལ་ཕྱག་འཚལ་ལོ། །ན་མོ་བུདྡྷ་ཡ། ན་མོ་དྷརྨ་ཡ། ན་མཿསངྒྷ་ཡ། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། །དགེ་འདུན་གྱི་བདེན་པ་དང་། ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་གྱི་བདེན་པས་མོ་ཕོབ། འཕགས་པ་ཉན་ཐོས་དང་རང་རྒྱལ་དགྲ་བཅོམ་པ་རྣམས་ཀྱིས་མོ་ཕོབ། འདས་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་མོ་ཕོབ། རིགས་ལྔའི་སངས་རྒྱས་དང་ཕྱོགས་བཅུའི་སངས་རྒྱས་རྣམས་ཀྱིས་མོ་ཕོབ། མཁྱེན་རབ་ཀྱི་མངའ་བདག་

[Full Size]

འཕགས་པ་འཇམ་དཔལ་ལ་མོ་བདར། ཐུགས་རྗེ་དང་སྙིང་རྗེའི་མངའ་བདག་འཕགས་པ་སྤྱན་རས་གཟིགས་ལ་མོ་བདར། མཐུ་སྟོབས་ཀྱི་མངའ་བདག་དཔལ་ཕྱག་ན་རྡོ་རྗེ་ལ་མོ་བདར། ཤེས་རབ་ཆེ་བའམ་མཆོག་ཤཱ་རིའི་བུ་སོགས་འཕགས་པ་ཉན་ཐོས་ཆེན་པོ་བརྒྱད་ལ་མོ་བདར། འཕགས་པ་ཀླུ་སྒྲུབ་སོགས་འཛམ་གླིང་རྒྱན་དྲུག་མཆོག་གཉིས་ལ་མོ་བདར། ས་ར་ཧ་དང་ཀུ་ཀུ་རི་པ་སོགས་རྒྱ་གར་གྲུབ་ཆེན་བརྒྱད་ཅུ་ལ་མོ་བདར། ཕ་གཅིག་དམ་པ་རྒྱ་གར་སོགས་གྲུབ་ཐོབ་ཕོ་མོ་བཞི་བཅུ་ལ་མོ་བདར། ཀུན་ཏུ་བཟང་པོ་རྡོ་རྗེ་འཆང་ཆེན་ནས་བརྒྱུད་པའི་རྙིང་མ་

[Full Size]

བརྒྱུད་པའམ་རིག་འཛིན་གསར་མ་བརྒྱུད་པའི་བླ་མ་རྣམས་ལ་མོ་བདར། ཐེག་པ་དགུ་དང་རྒྱུད་སྡེའི་ཡི་དམ་དཀྱིལ་འཁོར་གྱི་ལྷ་ཚོགས་ཐམས་ཅད་ལ་མོ་བདར། ཞིང་དང་གནས་ཡུལ་དུར་ཁྲོད་ལ་གནས་པའི་དཔའ་བོ་མཁའ་འགྲོ་ཐམས་ཅད་ལ་མོ་བདར། སངས་རྒྱས་ཀྱི་ཆོས་སྐྱོང་བར་མཛད་པའི་ཆོས་སྐྱོང་སྲུང་མ་ཐམས་ཅད་ལ་མོ་བདར། ལྷ་ཆེན་པོ་བརྒྱད་ལ་མོ་བདར། ཀླུ་ཆེན་པོ་བརྒྱད་ལ་མོ་བདར། གཟའ་ཆེན་པོ་བརྒྱད་ལ་མོ་བདར། ནོར་སྲུང་ཆེན་པོ་བརྒྱད་ལ་མོ་བདར། འཇིགས་བྱེད་ཆེན་པོ་དགུ་ལ་མོ་བདར། རྒྱལ་པོ་ཆེན་པོ་བཞི་ལ་མོ་བདར། རྒྱུ་སྐར་ལྷ་མོ་ཉི་ཤུ་རྩ་བརྒྱད་ལ་མོ་བདར། དཔལ་མགོན་བདུན་ཅུ་རྩ་ལྔ་ལ་མོ་བདར། ཀོང་ཙེ་འཕྲུལ་གྱི་རྒྱལ་པོས་གཙོར་མཛད་པའི་རྩིས་ལྷ་སུམ་བརྒྱ་དྲུག་ཅུ་དང་རྫུ་འཕྲུལ་ལ་དབང་ཞིང་མངོན་ཤེས་སྟོན་པའི་མོ་ལྷ་སུམ་བརྒྱ་དྲུག་ཅུ་ལ་མོ་བདར། བསྲོ་བསྲོ་མོ་ཡི་མྱེས་པོ་མི་ཤེས་དགུ་ཤེས་ཤེས་བཞི་མཐོང་བརྒྱད་རྣམས་ཀྱིས་མོ་ཕོབ། རྣོ་མཐོང་མོ་ལྷའི་རྒྱལ་པོ་རྣམས་ཀྱིས་མོ་ཕོབ། འཕགས་པ་སྤྱན་རས་གཟིགས་དབང་ཕྱུག་གིས་སེམས་ཅན་གྱི་དོན་དུ་མོ་ལེགས་པར་སྟོན་ཅིག །བསྲོ་བསྲོ་མོ་ལ་དགའ་བ་

[Full Size]

རྣམས་ཀྱི་ཕ་བདར། ཡབ་བདར། ཡབ་ཚངས་པ་གསེར་གྱི་རྒྱལ་པོ་བདར། མ་བདར། ཡུམ་བདར་ཡུམ་གཡུའི་ན་ཁྲ་སྔོན་ལ་མོ་བདར། སྲིན་པོའི་མཚོ་ལ་མེ་འབུད་པ་ལྷབ་ཀྱིས་འབར་བ་ལ་མོ་བདར། རྣོ་མཐོང་མོ་ལྷའི་རྒྱལ་པོ་རྒྱལ་མོ་རྣམས་ཀྱིས་མོ་ཕོབ་ཅིག །གཞན་ཡང་ལོ་ལྷ་སུམ་བརྒྱ་དྲུག་ཅུའི་ལྷ་ལ་མོ་ཕོབ་ཅིག །སྟོང་གསུམ་སྲིད་པའི་གཞི་བདག་དང་། འཛམ་གླིང་འདི་ཡི་གཞི་བདག་ལ་མོ་བདར། སྒོས་གངས་ཅན་བོད་ཀྱི་གཞི་བདག །ཡང་དགོས་ས་ཆ་འདི་ཡི་གཞི་བདག་ཕ་རི་ཚུ་རི་ཉིན་སྲིབ་ལ་གནས་པ། སོགས་དང་ཕ་མྱེས་རྒྱུད་ཀྱི་དགྲ་ལྷ་སོགས་ཞེས་པ་ནས་མོ་བདར་རོ་དེ་ནས། ཁྱེད་རྣམས་ལ་རྫུན། ང་མ་བསླུ། མགོ་མ་གཡོག །ཞལ་མ་བསྐུང་། །གཏིང་མ་བཀག །མོ་འདི་དྲང་དུ་ཕོབ་ཅིག །བདེན་བརྫུན་གཉིས་ཀྱི་ཤན་ཕྱེས་ཤིག །ཡག་ཉེས་གཉིས་ཀྱི་སྟོང་ཆོད་ཅིག །ཏིག་ཏིག་ཏུ་ཕོབ། གསལ་གསལ་དུ་སྟོན། འམ་འམ་དུ་བྲིས། སིང་སིང་དུ་སྨོད་ཅིག །གཞན་ཅི་ལི་བྱ། ཀུན་ལི་སྨོད། དོ་གལ་ཁྱད་པར་ཅན་གྱི་མོ་སྒོ་འདི་སྨོད་པ་ཡིན་པས་གསལ་ལྷང་ལྷང་དུ་ཕོབ་ཅིག་སྟོན་ཅིག །ཅེས་

[Full Size]

བརྗོད་ནས་ཕྲེང་བ་ལྷུ་གཅིག་བཅད་ནས་ལྷུ་དེ་ལའང་བཞི་རེ་བཅད་པའི་རྗེས་སུ་ལུས་པ་དེའི་གྲངས་ལ་ནས་འབྲུའམ་རི་མོ་བྲིས་པ་དེ་གཅིག་པ་དང་། དེ་ལྟ་བུའི་བཅད་ལུགས་བཅུ་གསུམ་གྱི་བར་དུ་བྱས་ནས་བཅད་པ་ནི་མོ་རྐྱང་ཞེས་པའོ། །བཅུ་གསུམ་དང་པོ་ཚར་གཅིག །བར་དུ་ཚར་གཅིག་ཐ་མ་ཚན་གཅིག་བྱས་ནས་གསུམ་དུ་དཔྱད་པ་ནི་ངེས་པ་ཅན་དུ་འབྱུང་བའོ། །དེ་ནས་མོ་ཡི་འབྲེལ་པ་བཤད་པ་ནི། ནད་པའི་མོ་ལ་གཅིག་ཡིན་ན། ངོ་མཐོང་མང་པོ་འབྱུང་ན་རྐང་ཐང་གཉིས་འགྲུལ་དང་མི་དམེ་ཕོ་གདོལ་ཅན་གདོན། ནད་ནི་ཚ་བ། དགེ་མཆོད་བྱ་དགོས། མོ་དག་མང་པོ་བྱུང་ན་གཟེར་ངོ་ཡིན། ནད་ཚ་གྲང་འདྲེས་པའི་ངོ་ཡིན། དམེ་ཕོ་དང་བོན་པོའི་གདོན། ༈ ཁ་སྨྲས་མང་པོ་བྱུང་ན་ཡུགས་ས་མ་དང་དབང་པོ་མ་ཚང་བའི་གདོན། ནད་བད་ཀན་ཡིན། ལྷ་བསང་བྱ། ༈ ཕྱི་དལ་མང་པོ་བྱུང་ན་སྐྱ་མི་དང་རྐང་ཐང་གདོན། ནད་རླུང་ཡིན། ཡས་སོགས་བྱ། གསུང་རབ་ཀློག་པ་དང་སིང་སྟོན་བྱའོ།། ༈ ད་སྤྱི་དཔྱད་ནི་གཅིག་པ་ཐམས་ཅད་ངོ་མཐོ་ཡིན། གཉིས་པ་ཐམས་ཅད་ཁ་སྨྲ་ཡིན། གསུམ་པ་ཐམས་ཅད་མོ་དག་གྲོགས་ངོ་ཡིན། ༠༠ བཞི་པ་ཐམས་ཅད་ཕྱི་དལ་ཡིན། ༠་དེ་ལ་གཅིག་བཟང་། གཉིས་ངན།

[Full Size]

གསུམ་བཟང་། ༠༠ བཞི་འབྲིང་ཙམ་ཡིན་ནོ། །ད་ལོ་པ་ལ་དཔྱད་པ་ནི། ༅། གཅིག་པ་བྱི་བ་ལོ་པའི་ལོ་ལམ་ཡིན། རང་ས་འགྱུར་མེད་ཡིན། རྡོག་པོ་ཆས་པའི་དང་པོ་ཡིན། འདུག་ན་གཞི་ཡིན། འགྲོ་ན་ལམ་ཡིན། ༅། གཉིས་པ་གླང་ལོ་པའི་ལོ་མལ་ཡིན། སྒོ་ཕྱི་ནང་གཉིས་ཀྱི་ས་མཚམས་ཡིན། གྲུ་ཁ་རབ་སོའི་ས་མཚམས་ཡིན། བུ་སྲིང་གླང་རིང་ཡིན། ཉི་མ་ཤར་ཕྱོགས་ཀྱི་དགྲ་ས་ཡིན། བུ་མོའི་མཐའ་ཕྱུ་ཡིན། ཁྱིམ་མཚེས་དང་བྲན་འཁོར་གྱི་ཕྱུ་ཡིན། གཉིས་པ་འདི་བཟང་དགོས། ། གསུམ་པ་སྟག་ལོ་པའི་ལོ་མལ་ཡིན། སྙིང་དགའ་བ་རྣམས་ཀྱི་དང་པོ་ཡིན། ཐབ་འགྲམ་དང་སྐྱེས་འགྲམ་བུ་ཚ་ཆུང་གསུམ་གྱི་ཕྱུ་ཡིན། མགྲོན་པོ་ཤ་ཆང་གི་ཕྱུ། ཁྱིམ་པའི་མ་ཁོལ་ཆུང་བ། གྲོགས་ཁྱུ་དང་བློ་ཕྲུ་ཆུང་བ་ཡིན། །བཞི་པ་ཡོས་ལོ་པའི་ལོ་མལ་ཡིན། གྲོགས་ཕྱུའི་སྤྱང་ར་ཆེ་བ་ཡིན། ཁྱིམ་པའི་ཆུང་བ་བདུད་རྩིའི་སྨན་ཕོར་ཡིན། སྨན་འཚོ་ནད་པའི་ཁར་རླུག་པ་ཀླུ་ཁྱིམ་ཡོད་ཀྱི་ཀ་བ་བཙུགས་པ་ཡིན། ལྔ་བ་འབྲུག་ལོ་པའི་ལོ་མལ་ཡིན། དགྲ་དར་ལ་རབ་ཀྱི་ཕྱུ་ཡིན། འདྲེ་གདོན་གཉིས་ཀྱི་ཕྱུ་ཡིན། རྐུན་མའི་ཕྱུ་ཡིན། བུ་སྲིང་དང་མག་པའི་ཕྱུ་ཡིན། སྨན་པའི་ཕྱུ་ཡིན། ཉི་མ་ལྷོ་ཕྱོགས་ཀྱི་

[Full Size]

དགྲ་ཕྱུ་ཡིན། དྲུག་པ་སྦྲུལ་ལོ་པའི་ཕྱུ་མལ་ཡིན། མ་པང་དང་བཞོན་ཟོ་ཡིན། བ་དང་མཛོ་མོའི་ཕྱུ། རྟ་རྒོད་མ་དང་ཆང་རྫས་པའི་ཕྱུ། བྱའི་སྒོ་ང་དྲང་ཕྱུ་ཡིན། རང་ཕྱུ་ཡིན་པས་བཟང་དགོས། བདུན་པ་རྟ་ལོ་པའི་ལོ་མལ་ཡིན། སྐྱེས་དར་མ་དང་རྟ་ཕོ་མཛོ་ཕོའི་ཕྱུ། ཕ་ཡུལ་དང་འོག་རྟ་འགེལ་མཛོ་མདའ་གཞུ་སྒ་སྟན་གྱི་ཕྱུ། གཞིའི་ཁྱིམ་མཛེས། བྱེས་ཀྱི་འགྲོན་རོགས། སྨན་ཤིང་གི་ཡལ་ག་བཞིན་ནོ། །བརྒྱད་པ་ལུག་ལོ་པའི་ལོ་མལ་ཡིན། སྨན་ཤིང་གི་སྡོང་ཕྱིའི་ལྕགས་རི་ཡིན། སངས་རྒྱས་ཆོས་ཀྱི་བསྒོམ་ཁང་ཡིན། བནྡེ་དང་སྐྱེས་དར་མའི་ཕྱུ་ཡིན། རང་ཕྱུ་འགྱུར་མེད་ཆོས་ཀྱི་སྙིང་པོ་ཡིན། །དགུ་པ་སྤྲེལ་ལོ་པའི་ལོ་མལ་ཡིན། ཉི་མ་ནུབ་ཕྱོགས་ཀྱི་དགྲ་ཕྱུ། གཉན་དང་ས་བདག་བདུད་ཀྱི་གཤར་ལམ། གནམ་སྒོ་ཡིན། །ཕྱི་ཕྱུ་འགྱུར་མེད་ཡིན། །བཅུ་པ་བྱ་ལོ་པའི་ལོ་མལ་ཡིན། བརྒྱའི་ཚོང་ཕྱུ་ཡིན། ལ་ཁ་མཐོ་ཕྱུ་ཡིན། མོའི་ཁག་བཟུང་ཡིན། ཁྱིམ་ཕྱུ་ཆེ་བ་ཡིན། མོ་བཙུན་གྱི་ཕྱུ། ཟས་ནོར་སྙིང་དམར་ཅན་གྱི་ཕྱུ། གྲོགས་ཁྱུ་དོན་ཕུ་ཆེ་བ་ཡིན། རྒོད་མ་དང་མཛོ་མོའི་ནུ་མ་ཐོན་ཕྱུ་ཡིན། །བཅུ་གཅིག་ཁྱི་ལོ་པའི་ལོ་མལ་ཡིན། དགྲ་བླའི་གནས་ཕྱུ་ཡིན། རང་ཕུ་འགྱུར་མེད་ཡིན།

[Full Size]

སྨན་ཤིང་རྩེ་རྒྱལ་ཡིན། ལྷ་མཆོད་པའི་ཕྱུ་ཡིན། བདུད་དང་བཙན་དང་རང་ཕྱུ་ཡིན། ཕ་ཁུ་རྒན་རབས་དང་མ་ཕྱི་རྒན་རབས་ཀྱི་ཕྱུ་ཡིན། ཟས་ནོར་གང་དམར་ཕྱུ་ཡིན། བཅུ་གཉིས་ཕག་ལོ་པའི་ལོ་མལ་ཡིན། རིམ་གྱི་ཤ་མཐའ་ཨེ་རིང་ཡིན། ཕྱི་ཕྱུ་འགྱུར་མེད་ཡིན། ཤ་མཐའ་བྲན་དམར་ཡིན། ཉི་མ་ཕྱོགས་ཀྱི་དགྲ་ཕྱུ་ཡིན། ཕྱི་ཕྱུ་ལ་ལོང་དགོས། དགྲ་ཨེ་འོང་དེ་ཡིས་ཤེས། །བཅུ་གསུམ་པ་ཐ་མ་གནས་ཕུགས་ཡིན། བླ་མ་སློབ་དཔོན་གོང་མ་ཆོས་བརྒྱུད་བན་བཙུན་གྱི་ཕྱུ་ཡིན། ཕྱི་ཆ་མདའ་ཀྱང་ཡིན། སང་ཕོད་དེང་སང་ཡིན། དཔག་བསམ་ཤིང་གི་རྩེ་མོ་ཡིན། རྨ་བྱའི་གསུང་སྙན་སྒྲོགས་པའི་ཕྱུ་ཡིན་པས་བཟང་དགོས། ༈ ད་ཁྱིམ་ཕྱུ་ལ་བཏབ་པ་ཡིན་ན་འདི་ལྟར་དཔྱད། གཅིག་པ། བཞི་པ། དྲུག་པ། བདུན་པ། བརྒྱད་པ། བཅུ་པ། བཅུ་གཅིག །བཅུ་གསུམ་རྣམས་བཟང་དགོས། གལ་ཏེ་གཅིག་པ་འགྱོད་ན་ས་བདག་དབང་ཆེན་བྱ། གཉིས་པ་འགྱོད་ན་ས་སྒོ་བཅད། གསུམ་པ་འགྱོད་ན་ཆུང་གསུམ་ལ་སིང་སྟོན་བྱ། བཞི་དང་དྲུག་འགྱོད་ན་ཆོས་ཀློག །སྟོན་མོ་བྱ། བདུན་བརྒྱད་འགྱོད་ན་བསྐང་བ་ཚོགས་འཁོར་བྱ། དགུ་པ་བཅུ་པ་འགྱོད་ན་གཡུང་དྲུང་གི་གཏོ་ཐིག་བྱ། བཅུ་གཅིག་འགྱོད་

[Full Size]

ན་དགྲ་བླའི་བསང་མཆོད་བྱ། བཅུ་གཉིས་འགྱོད་ན་ངོམ་གྱི་བཅོས་པ་བྱ། བཅུ་གསུམ་པ་འགྱོད་ན་ཕ་བཙུན་གྱི་བཅོས་པ་བྱའོ། ༈ །ད་ཁྱིམ་ཕྱིའི་ཁོག་དཔྱད་དང་ཕྱི་ཕྱུ་དཔྱད་པ་ནི། ཕྱི་ཕྱུའི་། དགྲ་ཕྱུ་བཞི་ནི། གཉིས་པ། ལྔ་པ། དགུ་པ། བཅུ་གཉིས་པོ་དང་བཞི་ཡིན། དེའི་ནང་དུ་ལྔ་དང་བཅུ་གཉིས་དབང་ཆེ། བཅུ་གཉིས་ལ་མོ་དག་བབ་ན་གྲོགས་ཕྱི་ས་ལ་འགྲོ་ངོ་རང་ཡིན། །ཁོག་དཔྱད་ནི། གཅིག །གསུམ། བཞི། དྲུག །བདུན། བརྒྱད། བཅུ། བཅུ་གཅིག་པ་སོགས་ཚན་པ་བརྒྱད་པོ་རང་ཕྱུ་ཡིན་པས་དགོས། མཁར་འཛིན་རྩེ་འཛིན་དབང་ཆེ་བས་བཟང་དགོས། དེའང་སྲོག་མིག་སྙིང་གསུམ་ནི། གཅིག་པ་མོའི་མིག །བཅུ་གཅིག་སྲོག །བརྒྱད་པ་སྙིང་། བཅུ་མོའི་སྙིང་ཁྱིམ་ཡིན། ༈ ད་ནི་དོན་ཕྱུ་ཞིག་བཏབ་ན། །གསུམ་དང་བཅུ་དང་བཅུ་གསུམ་ལ་ངོ་མཐོ་བབ་ན། དོན་འགྲུབ་ལ་སྡོད་དོན་འཕྲོད། དེ་གསུམ་ཁ་སྒྲ་དང་ཕྱི་དལ་བབ་ན་དོན་མི་འགྲུབ་མི་འཕྲོད། ༈ ད་སྲོག་ཕྱུའི་རིགས་ལ་བཏབ་པ་ཡིན་ན། དང་པོ་སྐྱེས་དར་མ་ཡིན་ན། གཅིག །བཞི། བདུན། བརྒྱད། བཅུ། བཅུ་གཅིག་རྣམས་བཟང་དགོས། དེ་རྣམས་ངན་ན་བཟློག་པ་བྱ། ཚོགས་གསོག་བྱ། མཚུན་བཅོས་དང་གྲི་བྲུབ་བྱ། ཚེ་

[Full Size]

ཆོག་བྱ། བུ་ཚ་ཆུང་གསུམ་ཞིག་ཡིན་ན།། གསུམ། བཞི། དྲུག །བརྒྱད། བཅུ་གཅིག་བཟང་དགོས། གསུམ་ངན་ན་ཆུམ་ཆུང་གསུམ་ཡས་བོར། དྲུག་ངན་ན་བསྲུང་བཏབ་བྱ། བརྒྱད་ངན་ན་ལྷ་ངོ་བསྟོད། བཅུ་གཅིག་ངན་ན་འབྲུ་ཕ་གསུམ་གྱི་གླུད་མདོས་བོར། ཚེ་རྫི་འདོན། ཆུང་ཡས་བོར། ༈ མི་རྒན་ཞིག་ཡིན་ན། བཞི། བདུན། བརྒྱད། བཅུ། བཅུ་གཅིག་རྣམས་བཟང་དགོས། དེ་རྣམས་ངན་ན་རྟ་རྒན་གྱི་གཞུང་རུས་དང་། ཚེ་ཟད་པའི་ས་རྡོ་ཤིང་གསུམ་གྱི་ཡས་བོར། མཚུན་བཅོས་བྱ། དགྲ་བླའི་བསང་མཆོད་དང་གཡང་སྐྱབས་བྱའོ།། ༈ ད་ཁྱིམ་བཟུང་བུད་མེད་ཀྱི་སྲོག་ཕྱུ་ཡིན་ན། བཞི། དྲུག བཅུ་བཟང་དགོས། དེ་གསུམ་ངན་ན་ཁྱི་མོའི་གཞུང་རུས་དང་། ཡུག་པོའི་རྩམ་པས་ངར་མི་དང་། སྲིན་མོའི་མདོས་བྱའོ།། ༈ བུ་མོ་ཆུང་གསུམ་མམ་དར་མའི་སྲོག་ཕྱུ་ཡིན་ན། གཉིས། དྲུག་བཟང་དགོས། དེ་ངན་ན་འཇོལ་མོང་གསོབ་རབ་དང་རབས་ཆད་ཀྱི་ཆངས་བསྐྱད་བོར། ༈ བནྡེའི་སྲོག་ཕྱུ་ལ། གཅིག །བདུན། བརྒྱད། བཅུ་བཟང་དགོས། དེ་རྣམས་ངན་ན་ཀློག་འདོན་འབྱུང་བཞིའི་ཚ་ཚ། ཆུ་གཏོར་དང་ཟློག་པ། མཆོད་རྟེན་བཞེངས། བསྐང་བཤགས་དང་ཚེ་སྒྲུབ་

[Full Size]

བྱ། བརྒྱད་པ་བཟང་ན་ཞེས་པའོ།། ༈ བོན་པོའི་སྲོག་ཕུ་ལ། བཞི། བདུན། དགུ། བཅུ་གཅིག་བཟང་དགོས། དེ་རྣམས་ངན་ན་གཤིན་རྗེ་ལ་འཇལ། ཐར་སྒོ་བྱ། ཞི་བ་བསྐང་བཤགས་བྱའོ། །དེ་རྣམས་བྱས་སྐབས་བདེ་བའི་དུས་ཀྱི་སྲོག་ཕྱུའི་དཔྱད་ཐིག་གོ ། ༈ ད་ནད་པའི་རིགས་ཀྱི་སྲོག་ཕྲུ་ལ་སྤྱི་དཔྱད་དང་སྒོས་དཔྱད་གཉིས་ལས། དང་པོ་སྤྱི་དཔྱད་ནི། ཕྱི་ཕྱུ་|ཐམས་ཅད་ཕྱི་དལ་དགོས། མོ་ཁོག་བཟང་དགོས། སྐྱེས་པ་བུད་མེད་ཆུང་གསུམ་གང་ཡིན་དེའི་རང་ཕྱུ་བརླིང་དགོས། ཕྱི་ཕྱུ་འཛམ་དགོས། མོའི་རྩེ་མོ་ཐོན་དགོས། སྒོས་སུ་དཔྱད་པ་ནི། བུད་མེད་ལ་དྲུག་དང་བཅུ་བཟང་དགོས། དེ་བཞིན་དུ་བུ་མོ་ལ་གཉིས་དང་བཞི། བནྡེ་ལ་བརྒྱད་དང་བཅུ་གསུམ། བོན་པོ་ལ་དགུ། སྨན་པ་ལ་བཞི་དང་བདུན། སྐྱེས་དར་མ་ལ་བདུན། མ་ཕྱི་ལ་བཅུ། བུ་ཚ་ལ་གསུམ་སོགས། དེ་རྣམས་འོང་ཆེ་བས་བཟང་ངན་དཔྱད་པ་དང་། དེའི་གནས་མལ་དང་གཞི་འཛིན་རྩེ་འཛིན་གསུམ་དཔྱད་པ་གལ་ཆེ། བདུན་པ་ནད་པའི་ཉལ་ཕྱུ་ཡིན་པས་ངན་དགོས། བརྒྱད་པ་ནད་པའི་མགོ་སྔས་ཡིན་པས་བཟང་དགོས། ༈ ད་མགྲོན་ཕྱུ་ལ་བཏབ་པ་ཡིན་ན། ཕྱི་དལ་ཆེ་དགོས། རང་ཕྲུ་དར་དགོས། ཡང་ན་ཕྱི་བཟང་ནང་བཟང་བྱུང་ན་ཕོ་ཉ་

[Full Size]

རང་ཆོས་ཡིན། རང་ཕྱུ་དར་ནས་ཕྱི་ཕྱུ་ངན་ན་དགྲ་མེད། རང་ཕྱུ་གཅིག་དང་གསུམ་བབ་ན་ཕྱི་ཕྱུ་གཉིས་དང་བཞི་བབ་ན། ཟིན་གྱི་དམུ་གབ་དགྲ་ལ་བཀབ་ངོ་ཡིན། དེ་བར་དང་མཐར་བཟློག་བྱུང་ན་དགྲ་ཡི་དམུ་གབ་ཀྱི་ཟིན་བཀབ་ངོ་ཡིན་པས་དགྲ་བྲུབ་བྱ། གཅིག་བདུན་བཅུ་གཅིག་ལ་ཁ་སྨྲས་བབ་ཅིང་། གཉིས་ལྔ་དགུ་བཅུ་གཉིས་ལ་ངོ་མཐོ་བ་ན་བྲོས་མི་ཁོམ་ངོ་ཡིན་པས་ཡུལ་དེར་སེར་བ་དང་གཅན་གཟན་སོགས་ཟིན་འགྲོགས་བྱུང་ན་དེས་ཐུབ། དེ་མ་བྱུང་ན་དགྲ་བོ་བྲུབ་ས་ཤིན་ཏུ་གལ་ཆེ། ༈ ད་ནི་ཨེ་འོང་མི་འོང་གི་མོ་ཡིན་ན། གཅིག་མོ་དག །གཉིས་ཁ་སྨྲས་བབ་ན་ཤུལ་རྡོ་ཡོད། གཅིག་མོ་དག་གཉིས་ལ་བཞི་བབ་ན་ཕྱི་དལ་ཡིན། ཨེ་འོང་ན་ཕྱི་ཕྱུ་ངོ་མཐོ་བབ་ན་འོང་། ཨེ་འཕྲད་ན་འཕྲད། གསུམ་ལ་ངོ་མཐོ་བབ་ན་རྡོག་ཞབས་སུ་རླུང་སོང་བས་འོང་ངོ་། གཅིག་དང་གཉིས་ལ་ཁ་སྨྲས་བབ་ན་འོང་། ཕྱི་ཕྱུ་ལ་ཕྱི་དལ་དང་ཁ་སྨྲས་བབ་ན་མི་འོང་། མི་འཕྲད་དོ། །ཕྱི་བཟང་ནང་བཟང་བྱུང་ན་ཕོ་ཉ་རང་ཆས་ཡིན། ཕྱི་ངན་ནང་ངན་བྱུང་ན་དགྲ་ཕུང་ཟིན་བརླག་ཡིན། །༈ ད་ནི་གདོན་དོ་ཞིག་བཟུང་བ་ལ་བཏབ་ན། རང་ཕྲུ་དང་ཕྱི་ཕྱུ་གཉིས་རེ་བབ་ན། གྲི་བོའི་གདོན། གྲི་བོ་འདུལ་བའི་ཆོ་ག་བྱ། གྲི་ཡས་བོར། གཟུངས་

[Full Size]

འདོན་༔ རང་ཕྱུ་ངོ་མཐོ་བབ་ནས་གཉིས་དང་ལྔ་ལ་ཁ་སྨྲས་བབ་ན། རྫས་ནག་དང་ཟས་ངན་ཟས་རླུང་ས་ཅན་གཅན་སློའི་གདོན། ཡང་ལྔ་ཡན་ཆོད་ལ་གཉིས་རེ་བབ་ན་ལྔ་ཡན་ཆོད་བཟང་ན། བུ་ཚ་བུད་མེད་གསུམ་ཀའི་འདྲེ་གདོན། ཤ་དམར་གདོན། གཟུངས་འདོན། ཁྲུས་འདོན་ཁྲུས་དང་བཤགས་པ་བྱ། ཡང་གཅིག་དང་དགུ་ལ་རེ་རེ་བབ་ནས་བཞི་དང་དྲུག་ལ་གཉིས་གཉིས་བབ་ན། ཞང་པོ་དང་དམེ་ཕོའམ་མི་རྐང་ཐང་དང་ཤ་དམར་གདོན། ལྔ་ལ་ངོ་མཐོ་བབ་ན་མི་དམར་བ་ཞིག་གིས་གདོན། ༈ ད་ནོར་མོ་ཞིག་བཏབ་ན། །གསུམ་པ་གྱོད་ན་བིལ་ལུག་ཆུང་གསུམ་ལ་ངན༔ དྲུག་པ་གྱོད་ན་སེམས་ཅན་མོ་རིགས་སྙིང་དམར་ཅན་ཅིག་ཤི། བདུན་པ་གྱོད་ན་ཕོ་རིགས་ལ་ངན། བརྒྱད་གྱོད་ན་སེམས་ཅན་སྣ་མ་ཞིག་ཤི། བ་ལ་བཞི་དང་དྲུག་བཟང་དགོས། འབྲི་ལ་བརྒྱད་དང་བཅུ་གཅིག་བཟང་དགོས། ལུག་ལ་གསུམ་དང་བརྒྱད་བཟང་དགོས། ར་ལ་གཅིག་དང་གསུམ་བཟང་དགོས། ༈ ད་ནི་རྟ་ལ་མོ་ཞིག་བཏབ་ན། གསུམ་གྱོད་ན་རྟེའུ་ལ་ངན། དྲུག་གྱོད་ན་རྒོད་མ་ལ་ངན། བདུན་གྱོད་ན་ཕོའམ་གསེབ་ལ་ངན། བརྒྱད་གྱོད་ན་ཕོ་རྒན་ལ་ངན། བཅུ་གྱོད་ན་ཕོ་མོ་གང་མང་རུང་བ་ལ་ངན་པས་རྟ་གཟུངས་འདོན། རྟ་བོན་རྟ་གླུད་འཇལ། རྟ་

[Full Size]

བསང་བྱ། རྟ་བཅོས་ཤེས་ཚད་གཏོ་བྱ། ༈ ད་ནི་ལོ་ལ་མོ་ཞིག་བཏབ་ན། ལྔའི་བར་དུ་རེ་རེ་དང་གསུམ་གསུམ་རེ་བབ་ན་ཞིང་ལ་ལྗང་ཐོན་ལོ་ཡག །འགྱོད་ན་ངན་པས་ལོ་གཏོ་བྱ། བཞི་དྲུག་བརྒྱད་བཅུ་གཅིག །བཅུ་གསུམ་རྣམས་བཟང་དགོས། རང་ས་འགྱོད་ཅིང་ཕྱི་ཕྱུ་བཞི་ལ་རེ་རེ་གསུམ་གསུམ་བབ་ན་བཙའ་སད་སེར་གསུམ་འོང་བས་བསྲུང་བ་བྱའོ། ༈ ། ད་ནི་ཆང་མོ་ཞིག་བཏབ་ན། དྲུག་གི་བར་དུ་བསྒྲུང་བ་ཡིན་ཏེ། གཅིག་པ་ཆང་རྫ་འཛིན་པ། གཉིས་པ་ཆང་ཚོང་། གསུམ་པ་གླུ་འབྲུ། བཞི་བ་ཆང་ཟོམ། ལྔ་པ་ཁུར་ཐག །དྲུག་པ་མགྲོན་པོའི་ཕྱུ། ད་གཅིག་གྱོད་ན་རྫ་མའི་ཁ་སྨྲས་སོ། །གཉིས་གྱོད་ན་ཆང་ཚང་ལ་འདྲེ་ཞུགས་ངོ་ཡིན་པས་སྤོ་དགོས། གསུམ་གྱོད་ན་ཆང་བསྡད་དོ། །བཞི་གྱོད་ན་ཟོམ་མམ་ཕོམ་ལ་ཁ་སྨྲས་འོང་། ལྔ་གྱོད་ན་ཆང་ལ་ཁ་སྨྲས་འོང་། དྲུག་གྱོད་ན་མགྲོན་པོ་ལ་ཁ་སྨྲས་འོང་། ༈ ད་ནི་སྲིད་ཕྱུ་ལ་བཏབ་པ་ཞིག་ཡིན་ན། བརྒྱད་པ་ངོ་མཐོའམ་མོ་དག་བྱུང་ན་བུ་སྐྱེ། དྲུག་དང་བརྒྱད་ལ་ཕྱི་དལ་དང་ཁ་སྨྲས་བྱུང་ན་བུ་མོ་སྐྱེ། གཉིས་ལ་གསུམ་ལ་རེ་རེའང་བབ་ན་བུ་སྐྱེ། གཉིས་དང་གསུམ་བཞི། དྲུག་ལ་ཁ་སྨྲས་བྱུང་ན་སྲིད་འགོག ༈ ད་ནི་དབེན་ཕྱུ་ལའམ་ས་ཆ་ཡུལ་བཟུང་ལ་བཏབ་པ་ཞིག་

[Full Size]

ཡིན་ན། གཅིག་ས་བདག་གནས་མལ་ཡིན་པས་བཟང་དགོས། གཉིས་ཧོམ་ཁུང་ཕྱག་གི་ཕྱུ་ཡིན་པས་རས་དགོས། གསུམ་གཏེར་ཕོར་གྲུ་གསུམ་གྱི་ཕྱུ་ཡིན་པས་བཟང་དགོས། བཞི་གླུ་ཁ་གཏད་པ་ཡིན་པས་བཟང་དགོས། ལྔ་དགྲའི་མ་ཏྲི་གི་ཕྱུ་ཡིན་པས་ངན་དགོས། དྲུག་རང་གི་གནས་མལ་གྱི་དལ་ཡིན་པས་བཟང་དགོས། བདུན་གྲོགས་མཆེད་པ་ཡིན་པས་བཟང་དགོས། བརྒྱད་བནྡེ་དང་མཆོད་རྟེན་གྱི་ཕྱུ་ཡིན་པས་བཟང་དགོས། དགུ་བྱེད་སྟག་དང་སློབ་དཔོན་གྱི་ཕྱུ་ཡིན་པས་བཟང་དགོས། བཅུ་མཐུ་ཆེན་དང་དབང་འཛིན་གྱི་ཕྱུ་ཡིན་པས་བཟང་དགོས། བཅུ་གཅིག་དགྲ་བླ་དར་འཛིན་གྱི་ཕྱུ་ཡིན་པས་བཟང་དགོས། བཅུ་གཉིས་ངམ་གྱིལ་བྱང་གི་དགྲ་ཕྱུ་ཡིན་པས་རལ་དགོས། བཅུ་གསུམ་དཔག་བསམ་ཤིང་གི་རྩེ་མོ་ཡིན་པས་བཟང་དགོས། ༈ ད་ནི་ཇག་རྒྱུག་པའམ་དགྲ་ལ་རྒོལ་བ་བྱེད་པའི་མོ་ཡིན་ན། མོ་ཁོག་གི་ས་ཆ་ཡུལ་བཟུང་དང་འདྲ་སྟེ། རིང་ཕྲུ་དར་ནས་ཕྱི་ཕྱུ་ཆགས་ན་དགྲ་ཐུབ། ཕྱི་ཕྱུ་དར་ནས་རང་ཕྱུ་ཆགས་ན་རང་ཕུང་། །ཕྱི་འགྱོད་ནང་འགྱོད་དགྲ་ཕུང་ཟིན་བརླག་འོང་། ནང་དར་ནས་ཕྱི་ཆགས་ན་རང་རྒྱལ། ཕྱི་དར་ནས་ནང་ཆགས་ན་དགྲ་རྒྱལ་བའོ། ༈ །ཡང་བྱེད་འདྲེན་པ་ཞིག་ལ་བཏབ་པ་ཡིན་ན། བརྒྱད་སངས་རྒྱས་ཆོས་

[Full Size]

ཀྱི་ཕྱུ་བཟང་ན་བརྗེ་རྒྱལ། དགུ་བཟང་ན་བོན་པོ་རྒྱལ། ༈ བྱད་ཨེ་ཟུག་མི་ཟུག་ལྟ་བ་ལ། ལྔ་དང་བདུན་ལ་དཔྱད། ལྔ་ཆགས་ནས་བདུན་དར་ན་ཟུག །ལྔ་དར་ནས་བདུན་ཆགས་ན་མི་ཟུག ༈ །ཚུར་ལོག་མི་ལོག་ལྟ་བ་ནི། བརྒྱད་དང་བཅུ་གཉིས་དར་རྒུད་དཔྱད། གཉིས་ཀ་དམའ་ན་ལོག་ངོ་ཡིན། བརྒྱད་ངན་ཅིང་བཅུ་གཉིས་བཟང་ན། བཟང་ལམ་ངན་གྱིས་ཆོད་པས་ལོག་གོ །བརྒྱད་བཟང་བཅུ་གཉིས་ངན་ན་མི་ལོག་གོ །བརྒྱད་སངས་རྒྱས་ཆོས་ཀྱི་ཕྱག་རྩེ་བནྡེའི་གནས་མལ་ཡིན་པ་དར་དགོས། དགུ་གཤེན་རབ་ཀྱི་ས་ཡིན་པས་དར་ན་བོན་པོ་རྒྱལ། །དེ་ལྟར་དཔྱད་པར་བྱའོ། ༈ །ད་ནི་རེ་རེ་བཞིན་དུ་རང་རང་གོང་དཔྱད་བྱ་བ་ནི། གཅིག་པ་ཐམས་ཅད་ངོ་མཐོ་ཡིན། རང་བར་བབ་ན་བཟང་ཞིང་ཐམས་ཅད་བཀའ་ཉན་ཉན་ཅིང་རྐང་ཐང་བེར་ག་ཅན་ནམ། ཡང་ན་སྐྱ་པ་རྐང་ཐང་འདྲེས་མའི་གོས་དཀར་མཚན་ཅན་སྣུམ་ཅན་འོང་བའི་ངོ་ཡིན། གཉིས་པ་ཐམས་ཅད་ཁ་སྨྲས་བབ་སྟེ་འཁོན་འཐབ་དང་རྫས་ནག་དང་ཆར་ཞོད་རླུང་འཚུབ་ཤ་ལྟམར་སློང་ངོ་ཡིན། གསུམ་པ་ཐམས་ཅད་གྲག་ངོ་ཡིན་པས་རང་ཕྱི་ལ་མང་དུ་བབ་ན་གྲོགས་ངོ་རྫས་སྔོན་པོ་འོད་ཅན་འོང་བའི་ངོ་ཡིན། བཞི་པ་ཐམས་ཅད་ཕྱི་དལ་ཏེ། ཁ་ཆར་བུ་ཡུག་གྲོ་སྟོང་སྐྱེ་སྟོང་

[Full Size]

ཕྱར་བའི་ངོ་ཡིན། རྫབ་ཁྲ་བོ་སྨེ་ཅན་ཅོག་འདྲེ་ཅན་དང་རབས་ཆད་བླ་གནས་ཡིན་ཡང་རང་ཕྱུ་རྣམས་ལ་བབ་ན་འབྲིང་ངོ་། ༈ །ད་ནི་མོ་ཡི་ལེན་དཔྱད་པ་ནི། གཅིག་པའི་ལེན་བཅུ་གཅིག་པ་ཡིན། གཉིས་ལེན་བཞི་དང་བཞི་ལེན་བརྒྱད་པ་ཡིན། གསུམ་ལེན་དྲུག་དང་དྲུག་ལེན་བཅུ་གཉིས་པ་ཡིན། ལྔ་ལེན་བཅུ་པ་ཡིན། བོདུན་དང་དགུ་ལ་ལེན་མེད་དོ། །དེ་ལྟ་བུ་དཔྱད་པར་བྱ་བ་ནི༔ ངོ་མཐོ་ལེན་ལ་ཁ་སྨྲས་ངན། ཁ་སྨྲས་ལེན་ལ་ངོ་མཐོ་བཟང་། ངོ་མཐོ་ལེན་ལ་ཕྱི་དལ་ངན། ཕྱི་དལ་ལེན་ལ་མོ་དག་བཟང་། མོ་དག་ལེན་ལ་ཁ་སྨྲས་ངན། ཁ་སྨྲས་ལེན་ལ་མོ་དག་བཟང་བ་ཡིན། སྤྱིར་མོ་འདི་ལ་གནས་མལ་དང་བཟང་ངན་འབྲིང་གསུམ་མཆན་ལེན་གལ་ཆེའོ། །དེ་བཟང་ན་བཟང་མཆན་དཔྱད། །བཟང་ངན་རྒྱང་ལེན་བྱང་གསུམ་ཀ་བཟང་ན་བཟང་ཐག་ཆོད། གསུམ་ཀ་ངན་ན་ངན་ཐག་ཆོད། འདྲེས་མ་ཐག་ཐུམ་དུ་བབ་ན་མོ་ཡི་སྟོད་སྨད་དཔྱད་པ་གལ་ཆེའོ། །གནས་མལ་དང་བཞི་འཛིན་རྩེ་འཛིན་རྣམས་དཔྱད་པ་གལ་ཆེའོ། །དེའི་ནང་ནས་སྙིང་མིག་སྲོག་གསུམ་དཔྱད་པ་གལ་ཆེའོ། ༈ །ད་ནི་མོ་དཔྱད་གཞུང་རྐྱང་དར་དུ་བྱ་བ་ནི། གཅིག་པ་རང་ཕྲུ་འགྱུར་མེད་ཡིན། རྡོག་པོ་ཆས་ཀྱི་དང་པོ། འདུག་ན་གཞི་འགྲོ་ན་ལམ་ཡིན། གཅིག་

[Full Size]

བྱུང་ན་བཟང་། མགྲོན་ལ་འགྲོ་ན་རྡོག་པོ་ལ་གྲོགས་ཡོད། གཉིས་བྱུང་ན་རྡོག་པོ་ན་ཁ་སྨྲས་ཡོད། མི་གཅིག་པོར་ངན། ནད་ཕོག་ན་འཆི་དོགས་ཡོད། གདོན་ཕྱྭ་ལ་གོས་ནག་གོན་པ་ལ་གདོན། བང་ནག་ཁང་ནག་སྦྲ་ནག་སྤྱད་ནག་གདོན། གསུམ་བྱུང་ན་མོ་དག་ཡིན། དོན་དག་ཅི་ལ་བཏབ་ཀྱང་བཟང་། བཞི་བྱུང་ན་ཕྱི་དལ་ཡིན་མོ་འཇམ་པོ་ཡིན། ༈ གཉིས་པ་སྒོ་ཕྱི་མ་ནང་གི་ས་མཚམས་ཡིན། སྒོ་ཁྱི་བྲན་འཁོར་གྱི་ཕྱུ་ཡིན། གཅིག་བྱུང་ན་བཟང་། གཉིས་བྱུང་ན་ངན། སྒོ་ཕྱི་ནང་ས་མཚམས་ལ་ཁ་སྨྲས་ཡོད། བྲན་དང་སྒོ་ཁྱི་ཤི་ངོ་ཡིན། སྔོན་ནས་ཤི་ན་དེ་ཡིས་ཆོད། མ་ཤི་ན་ཤི་དོགས་ཡོད། མགྲོན་ལ་འགྲོ་ན་དོན་མི་འགྲུབ། གདོན་ཕྱྭ་ལ་མོ་བཙུན་བྱེ་བྲལ་ཅན་ལ་ངན། སྐྱེ་ཐུང་བ་ཤ་རྩ་ནག་པ་སྨྲ་བ་མང་བ་དེ་འདྲ་བ་ཞིག་ལ་གནོད༔ གཏོ་ལ་ཤིང་སྒོ་ཆུང་ངུ་དང་ཐལ་བའི་བུད་མེད་བོར། གསུམ་བྱུང་ན་མོ་དག་ཡིན་ཅི་ལ་བཏབ་ཀྱང་བཟང་། བཞི་བྱུང་ན་ཕྱི་དལ་ཡིན། དོན་མེད་དགྲ་མེད་འཇམ་པོ་ཡིན། ༈ གསུམ་པ་ཆེ་གསུམ་གྱི་འདུན་ས། ཆུང་གསུམ་གྱི་རྩེ་ར་ཡིན། རྫི་འདུག་ཆུང་བ་ཡིན། གཅིག་བྱུང་ན་བཟང་། གཉིས་བྱུང་ན་ངན་ཤི་ངོ་ཡིན། གདོན་ཕྱུ་ལ་ཐབ་གཞོབ་དང་མི་ཆེན་གདོན། མགྲོན་

[Full Size]

ལ་འགྲོ་ན་དོན་མི་འགྲུབ། གསུམ་བྱུང་ན་ཅི་ལ་བཏབ་ཀྱང་བཟང་། བཞི་བྱུང་ན་ཕྱི་དལ་མོ་འཇམ་པོ་ཡིན། ༈ བཞི་པ་གྲོགས་ཕྱུའི་གཡང་ར་ཆེ་བ། ཁྱིམ་ཕུ་ཆུང་བ་ཡིན། གཅིག་བྱུང་ན་བཟང་། མགྲོན་ལ་འགྲོ་ན་བཟང་། རྫས་སྨར་དམར་པོ་འདོན། བུ་སྐྱེས་དགྲ་མེད་གྲོགས་དང་འཕྲད། ཅི་ལ་བཏབ་ཀྱང་བཟང་། གཉིས་བྱུང་ན་ཅི་ལ་བཏབ་ཀྱང་ངན། གདོན་ཕྱྭ་ལ་ཤ་མར་གདོན། །གསུམ་བྱུང་ན་གྲོགས་ངོ་ཡིན། དོན་དག་བཞི་བྱུང་ན་ཕྱི་དལ་མོ་འཇམ་པོ་ཡིན། ༈ ལྔ་པ་ཕྱི་ཕྱུ་ཆེན་པོ་ཡིན། ༧ གཅིག་བྱུང་ན་ངན། མི་ཆེན་ལ་ངན། ཞིག་རལ་འོང་། བུ་སྨད་དང་བཟའ་ཚོདཔོན་ལ་ངན། དགྲ་ངོ་ཡིན་པས་དགྲ་བྲུབ་བྱ། བཙན་བཀར་ཤ་རུ་དང་གྲི་ཡས་བོར། ཨེ་འོང་ན་འོང་། ཨེ་འཕྲད་ན་འཕྲད། ༧ གཉིས་བྱུང་ན་དགྲ་ཐུབ་འདྲེ་འདྲ་ཐུལ། དགྲ་མེད་བཟང་། ༧ གསུམ་བྱུང་ན་ཕུགས་ཀྱི་ཟས་ནོར་སྨར་པོ་སྒོར་ཤོར་ངོ་ཡིན། ནང་གི་གྲོགས་ཕྱི་ལ་འཐོར་ངོ་ཡིན། ནོར་སྟོར། གཡང་ཉམས་མགྲོན་ལ་འགྲོ་ན་ངན་ནོ། ༧ བཞི་བྱུང་ན་ཕྱི་དལ་མོ་འཇམ་པོ་ཡིན། ༈ དྲུག་པ་བཞོན་མ་དང་མོ་བཙུན་གྱི་ཕྱུ་ཡིན། ༧ གཅིག་བྱུང་ན་ཁྱིམ་ཕྱུ་བཟང་། བུ་སྐྱེ་དོན་འགྲུབ་དགྲ་མེད་བཙལ་འཚོལ་རྙེད། སྟོར་བ་རྙེད། ཅི་ལ་བཏབ་ཀྱང་

[Full Size]

བཟང་། ༧ གཉིས་བྱུང་ན་གཞོན་མ་ལ་ངན། མོ་བཙུན་ཤི་ངོ་ཡིན། གདོན་འབྱུང་པོ་ཡིན་པས་སྔོན་བྱུང་ན་དེས་ཐུབ། གདོན་ཕྱྭ་ལ། ཕྱད་ནག །ཁ་ནག །གོས་ནག་གདོན། རབས་ཆད་ཀྱི་རུས་ཟོས་ས་གདོན། འགགས་གྲིའམ་རོ་དང་བབ་ལ་གདོན། གཏོ་ལ་ཁྲུས་ཆོག་བྱ། ཀླུ་བཅོས་བྱ། ༧ གསུམ་བྱུང་ན་མོ་དག་ཡིན་པས་བཟང་། ༧ བཞི་བྱུང་ན་ཕྱི་དལ་འཇམ་པོ་ཡིན། དོན་མི་འགྲུབ། ཨེ་འོང་ན་མི་འོང་། བཙལ་བ་མི་ལོན། མགྲོན་ལ་འགྲོ་ན་དོན་མི་འགྲུབ། ཕྱི་དལ་ཆེའོ། ༈ །བདུན་ལམ་ཕོ་རྟ་ཕོ་མཛོ་ཕོའི་ཕྱུ། ༧ གཅིག་བྱུང་ན་བཟང་། མགྲོན་ལ་འགྲོ་ན་དོན་འགྲུབ། སེམས་ཅན་ཕོ་རིགས་ལོན། བཙལ་བ་དང་སྟོར་བ་རྙེད། ཅི་ལ་བཏབ་ཀྱང་བཟང་། ༧ གཉིས་བྱུང་ན་ངན། མི་ཆེན་དང་སྤྱད་ཁྲ་བོའི་གདོན། རྟའི་སྒ་སྟན་དང་རྫས་ཁྲ་བོ་གདོན། དོན་མི་འགྲུབ། བཙལ་བ་མི་རྙེད། ཨེ་འོང་ན་མི་འོང་། རྟ་ལ་ཉན་འོང་བས་རྟ་ཕོ་ལ་སོགས་ཤི་དོགས་ཡོད། རྟིང་ཕོ་ལྔ་བརྒྱ་གྱེར་བྱ། གཏོར་ཟློག །དགྲ་བྲུབ་དང་གོད་བྲུབ་བྱ། གཡང་ལེན་རྣམས་བྱ། མཛོ་རྟའི་ཐོད་བོར། ༧ གསུམ་བྱུང་ན་བཟང་། ཟས་རྙེད་དོན་འགྲུབ་གྲོགས་ཅི་ལ་བཏབ་ཀྱང་བཟང་། ༧ བཞི་བྱུང་ན་ཨེ་འོང་ན་མི་

[Full Size]

འོང་། ནད་པ་སོས་ངོ་ཡིན་པས་མི་འཆི། མོ་འཇམ་པོ་ཡིན། ༈ བརྒྱད་བནྡེའི་ཕྱུ་ཡིན། ༧ གཅིག་བྱུང་ན་བཟང་། ལྷ་མཆོད་དང་དགྲ་བླའི་མཆོད་པ་ཀླུ་མཆོད་བྱས་ན་བཟང་། ༧ གཉིས་བྱུང་ན་ངན། ལུག་ལོ་པ་ལ་ངན། བནྡེའི་བྱད་དང་བཙོག་ནལ་གདོན། ལུག་གི་ཤ་ལྤགས་སྣུམ་རིགས་ཐུད་དང་མར་སོགས་གདོན། བནྡེའི་མོ་ལ་ངན། གཏོ་ལ་ཀླག་འདོན་དང་གཟུངས་ཁྲུས་གཡང་ལེན་ཀླུ་མཆོད་བྱས་ན་བཟང་། ༧ གསུམ་བྱུང་ན་མོ་དག་ཡིན། བནྡེ་ལ་བཟང་། ཚེ་རིང་གྲོགས་རྙེད། ཅི་ལ་བཏབ་ཀྱང་བཟང་། ༧ བཞི་བྱུང་ན་ཕྱི་དལ་ཡིན། མོ་འབྲིང་ཙམ་ཡིན། ༈ དགུ་པ་ཕྱི་ཕྱུ་མི་འབྲིང་རྒྱུད་ཀྱི་ཕྱུ་ཡིན། ༧ གཅིག་བྱུང་ན་བརྗེ་ལ་བཟང་། དགྲ་སྐྱེ་ལ་ལྐོག་ན་དགྲ་ངོ་ཡོད། ཐུག་གཏོར་དོགས་ཡོད། དགྲ་བླ་དང་བོན་པོ་གདོན། ཕོ་གདོན་ཡིན། ༧ གཉིས་བྱུང་ན་དགྲ་མེད། གནོད་པ་མེད། ཁྱད་པར་དུ་ནུབ་ཕྱོགས་ཀྱི་དགྲ་ལྕུ་ཆགས། བོན་པོའི་བྱད་དང་དགྲ་ངོ་འཇམ། ༧ གསུམ་བྱུང་ན་གྲོགས་ཕྱི་ཕྱུ་ལ་ཐོར་བས་ངན། བཙལ་བས་མི་ལོན། སྟོར་བས་མི་རྙེད། ༧ བཞི་བྱུང་ན་དགྲ་ཕྱུ་ལ་དགྲ་མེད། གདོན་ཕྱྭ་ལ་གདོན་མེད། མོ་འཇམ་པོ་ཡིན། ༈ བཅུ་པ་ཁྱིམ་ཕྱུ་ཆེ་བ་མོ་བཙུན་དང་ཟས་ནོར་སྙིང་དམར་ཅན་གྱི་ཕྱུ།

[Full Size]

མོ་ཡི་སྙིང་འདི་ལ། ༧ གཅིག་བྱུང་ན་བཟང་ངོ་ཡིན། གནང་ལམ་ཡིན་པས་གནང་རྙེད། དོན་འགྲུབ་ཤག་རྒྱལ། རྨང་པོའི་བུ་རྙེད། གྲོགས་ཕྲུ་ལ་གྲོགས་ཡོད། མགྲོན་ཕྲུ་ལ་དགྲ་མེད། གཙོ་བོ་བརྒྱ་འདུས་དབང་ཆོད་ཅིག་གིས་བྱེད་པ་ཡིན། ཤིང་སྐམ་ལ་ལོ་མ་རྒྱས། བྲག་སྐམ་ལ་ཆུ་རྡོལ། མོ་སྐམ་ལ་བུ་སྐྱེ་བའི་དབང་ཐང་ཡོད། །སྟོར་བ་རྙེད། ཅི་ལ་བཏབ་ཀྱང་བཟང་། ༧ གཉིས་བྱུང་ན་གཙོ་བོ་བརྒྱད་འདུས་ཀྱང་དབང་ཆོད་བྱེད་མི་གཅིག་ཀྱང་མེད་པའི་ངོ་ཡིན། བ་དང་མོ་བཙུན་ཤི་ངོ་ཡིན། བཞོ་ཟོ་སྟོང་པའི་ངོ་ཡིན། ཨེ་འཕྲད་ན་མི་འཕྲད། ཨེ་ཕྱིན་ན་མི་ཕྱིན། །གདོན་ཕྱྭ་ལ་རི་ཁ་མཐོན་པོའི་ས་ནས་གཡང་སློ་དང་རི་དྭགས་ཀྱི་སློ་རྒྱུད་ནས་བར་ཐིལ་བཙན་ཐིལ་གནམ་ཐིལ་རྣམས་གདོན། གཏོ་ལ་མོ་འདྲེ་རྫ་མདོས་གནམ་ཐེལ་མདོས་ཐེའུ་རང་བཀར། ༧ གསུམ་བྱུང་ན་བཟང་མོ་དག་ཡིན། ཚེ་རིང་ནད་མེད། སྟོར་བ་རྙེད། དོན་འགྲུབ། འདྲེ་ཐུལ། དགྲ་མེད། ཅི་ལ་བཏབ་ཀྱང་བཟང་། ༧ བཞི་བྱུང་ན་དགྲ་མེད། མོ་༧ འཛམ་པོ་ཡིན། ༈ བཅུ་གཅིག་དགྲ་བླའི་ཕྱུ་ཡིན། ༧ གཅིག་བྱུང་ན་དགྲ་བླའི་ངོ་སོ་མཐོན་པོ་ཡིན། དགྲ་ཐུབ་འདྲེ་ཐུལ། ཅི་ལ་བཏབ་ཀྱང་བཟང་། ༧ གཉིས་བྱུང་ན་དགྲ་བླ་ལྐུགས་པའི་ངོ་

[Full Size]

ཡིན། མགྲོན་པོ་གཉིས་འགྲུལ་ལམ་ཁྱི་ཁྲིད་གཉིས་འགྲུལ་གདོན། གཏོ་ལ་གླང་ཆེན་སྣ་བསྒྱུར་བྱ། ནད་པ་ཡོད་ན་ཤི་དོགས་ཡོད། ༧ གསུམ་བྱུང་ན་བཟང་། ༧ བཞི་བྱུང་ན་ཕྱི་དལ་ཆེ། དགྲ་མེད་གྲོགས་མེད་ཡིན། ༈ བཅུ་གཉིས་ཕྱི་དལ་ཆེ་བ་ཡིན། གཅིག་བྱུང་ན་མི་ཆུང་རྒྱུད་མགྲོན་ཆུང་བ་ལ་ངན་ན་ངོ་ཡོད། ཕག་ཤ་དང་སྤྱད་ནག་གོས་ནག །རྫས་ནག །ཟས་ནག་གདོན། ༧ གཉིས་བྱུང་ན་བཟང་། དགྲ་མེད་འདྲེ་མེད་དོ།། ༧ གསུམ་བྱུང་ན་ནོར་ཤོར། གྲོགས་ཕྱི་ཕྱུ་ལ་འཐོར། སྙིང་སྟོང་ཡོད། གཡང་ཉམས་ངོ་ཡིན། ཕྱུགས་གཏོར་དོགས་ཡོད། དགྲ་བྲུབ། གོད་བྲུབ་བྱ། གཡང་ལེན་རབ་ཏུ་བྱའོ།། ༧ བཞི་བྱུང་ན་མོ་འཇམ་པོ་ཡིན། ༈ བཅུ་གསུམ་མོ་ཡི་རྫིའུ་ཡིན་པས། ༧ གཅིག་བྱུང་བཟང་། དགྲ་ཐུབ། འདྲེ་ཐུལ། དོན་འགྲུབ༔ ནད་པ་སོས། སྲིའུ་གསོ་ན་ཐོན། རྒྱལ་ཁ་ཐོབ། ཤིང་སྐམ་ལོ་མ་སྐྱེས། བྲག་སྐམ་ལ་ཆུ་རྡོལ། རྨང་པོར་བུ་སྐྱེས། དགྲ་སོད། གནང་ཐོབ། ཅི་ལ་བཏབ་ཀྱང་བཟང་བའོ། ༧ །གཉིས་བྱུང་ན་ངན། མདུན་ཞུ་ཡིན། རྨེ་རྨུག་ནལ་གསུམ་གྱི་མགོ་ནོན་པ་ཡིན། དཔག་བསམ་ཤིང་གི་རྩེ་མོ་ཐོག་གིས་བཅད། མི་དཀར་པོ་མགོ་ནག་པོ་བྱ་བ་ཡིན། འདྲེ་ཁྱིམ་ན་

[Full Size]

གབ། གདོན་ཕྱྭ་ལ། ཁང་ནག་སྦྲ་ནག་སྐྱས་ནག་གདོན། མི་མདུན་ཆེན་པོ་ཕོག་པ་གདོན། དགྲ་མགོ་ཐོག་འབྱུང་ཉན་ཡོད། དགྲ་བྲུབ་དགྲ་མནན་བྱ། རྣམ་འཇོམས་ཁྲུས་ཆོག་བྱ། ཀླུ་གཉན་བཅོས། ༈ གསུམ་བྱུང་ན་བཟང་། ཚེ་རིང་། ནོར་རྙེད། བཙལ་བ་རྙེད། ནད་པ་སོས། ཅི་ལ་བཏབ་ཀྱང་བཟང་། དགེ་ལེགས་འཕེལ། བཅུ་གསུམ་ཚུགས་ཀྱི་མོ་ཡིག་མངོན་ཤེས་འཕྲུལ་གྱི་ལྡེ་མིག་འདི་ནི་ཨ་རཱ་གས་མཛད་པའོ། །སརྦ་མངྒ་ལཾ།། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྟེན་འབྲེལ་བརྟག་ཐབས།

[Full Size]

རྟེན་འབྲེལ་བརྟག་ཐབས་བཞུགས་པའི་དབུ་ཕྱོགས་ལགས་སོ།

[Full Size]

ན་མོ་གུ་རུ་དྷེ་ཝ་ཌཀྐི་ནི། གསང་བ་ཡེ་ཤེས་མཁའ་འགྲོ་ལ་བཏུད་ནས། །རྟེན་འབྲེལ་བརྟག་ཐབས་ཉེར་མཁོ་བྲི་བར་བྱ། །སྟོང་པའི་ངང་ལས་ཤར་ཤིང་། ལྷོ་མེ། ནུབ་ལྕགས། བྱང་ཆུ་དབུས་སའི་གཞལ་ཡས་ཁང་གི་དབུས་སུ། རང་ཉིད་སངས་རྒྱས་མཁའ་འགྲོ་སེར་མོ་འཁོར་ལོ་དང་གསེར་གྱི་ས་གཞི་བསྣམས་པ། ཤར་དུ་རྡོ་རྗེ་མཁའ་འགྲོ་སྔོན་མོ་རྡོ་རྗེ་དང་ལྗོན་ཤིང་། ལྷོར་རིན་ཆེན་མཁའ་འགྲོ་དམར་མོ་རིན་པོ་ཆེ་དང་མེ་དཔུང་། ནུབ་ཏུ་པདྨ་མཁའ་འགྲོ་དམར་མོ་པདྨ་དང་ལྕགས་སྒྲོག །བྱང་དུ་ལས་ཀྱི་མཁའ་འགྲོ་མཐིང་ནག་རྒྱ་གྲམ་དང་བུམ་པ་ཆུས་བཀང་བ་བསྣམས་པ། དེ་

[Full Size]

ལྔ་ཁས་རང་གསང་བ་ཡེ་ཤེས་ཀྱི་མཁའ་འགྲོའི་གདན་བཏེག་པར་བསྐྱེད། མན་ངག་ལྟར་འབྱུང་བ་ལྔའི་བསྙེན་པ་བསྐྱལ། མེ་ཏོག་དང་འབྲུ་སྣ་ཚོགས་པའི་གཏོར་མ་རྩ་སྔགས་ཀྱིས་འབུལ་དུས་འབྱུང་བའི་ལྷ་མོ་རྣམས་མདུན་གྱི་ནམ་མཁར་བཞུགས་པས་གསོལ་བར་བསམ། མཁའ་འགྲོ་ལྔ་པོ་འབྱུང་ལྔའི་ཁམས། །རྟེན་འབྲེལ་འབྱུང་བ་ལྔ་ལ་སྒྱུར། །ཡེ་ཤེས་ལྔ་ཡི་ངོ་བོ་ཉིད། །ཡུམ་ཆེན་ལྔ་ལ་ཕྱག་འཚལ་བསྟོད། །རྟེན་འབྲེལ་བཟང་པོ་བསྟན་དུ་གསོལ། །རྟེན་འབྲེལ་ངན་པ་གཤེད་ལ་སྒྱུར། །ཅེས་གསོལ་བ་བཏབ་བོ། སྐྱ་རེངས་ཤར་ནས་ནམ་ལངས་བར་རྡོ་རྗེ་མཁའ་འགྲོའི་དུས། ཉི་མ་ཤར་ལ་ཁད་དེ་སངས་

[Full Size]

རྒྱས་མཁའ་འགྲོའི་དུས། ཉི་དྲོས་ནས་ཕྱེད་ཚུན་ཆད་རིན་ཆེན་མཁའ་འགྲོ། ཉིན་ཕྱེད་དྲང་དེ་སངས་རྒྱས་མཁའ་འགྲོ། ཉི་མ་ཕྱེད་ཡོལ་ནས་དགོང་ཆེན་ཚུན་དེ་པདྨ་མཁའ་འགྲོ། །དགོང་ཆུང་ནས་ཉི་མ་ནུབ་ནས་དམར་ཐག་ཆད་ཚུན་ཆད་ལ་ལས་ཀྱི་མཁའ་འགྲོ། ་་་དམ་པའི་ལུགས་ལ་ནི་སངས་རྒྱས་མཁའ་འགྲོ་བྱེད་དོ།། མུན་རུབ་ནས་ནམ་ཕྱེད་ལ་མ་ཟིན་ཚུན་དེ་ལས་ཀྱི་མཁའ་འགྲོ། ནམ་ཕྱེད་ནས་སྐྱ་རེངས་མ་ཤར་བར་དེར་སངས་རྒྱས་མཁའ་འགྲོའི་དུས་ཚོད་ཡིན་ནོ། །ནད་པའི་གདོན་ངོས་བཟུང་བ་ནི། རྡོ་རྗེ་མཁའ་འགྲོའི་དུས་སུ་ནད་པ་ཡོད་ཟེར་ནས་བྱུང་ན་རྟེན་འབྲེལ་འདྲི་ན། འདྲེ་ནི་བདུད་དང་མ་མོ་དང་། དམ་སྲི་དང་འབྱུང་པོ་བསྡོང་བས་གདོན། ཕ་མྱེས་ཀྱི་ཟ་འདྲེ་དེ་མི་ནག་པོ་དང་བྱ་ནག་པོ་ཞིག་ཏུ་སྤྲུལ་ནས་གནོད་པར་བྱེད་དོ། །ནད་ནི་འཁྲུ་བའམ། སྐྱུགས་པའམ། སྐྱངས་པའམ། ཤར་ཕྱོགས་ནས་ཤིང་ཆའམ། ཟས་ངན་གྱི་རྒྱབ་ནས་འདྲེ་མོ་དང་ས་བདག་གདོན། གློ་བའམ། སྙིང་གཟེར་བའམ། རོ་སྟོད་ན་བ་འོང་དོགས་ཡོད། ཁྱེད་ལ་ཁྱིམ་མཚེས་རྐང་པ་འཐིང་བའི་མི་གཙང་བ་ཡོད་ཐང་། ཁང་པའི་བྱང་ནས་ས་དབྱིབས་སམ། རྡོ་བ་གྲུ་བཞི་ཡོད་ཐང་།

[Full Size]

ཡང་ན་ལྷོ་ནས་ས་དབྱིབས་སམ་རྡོ་གྲུ་གསུམ་ཡོད་ཐང་། དེ་གཉིས་གཅིག་ཀླུའི་རྒྱུག་སྲང་ཡོད་པས། དེའི་རྟགས་ལ་ཁང་པ་འཚག་པ་འོང་། ཐབ་ཀ་ཤར་ནས་ལྟ་འམ། ཆུ་ར་ཟངས་ཁ་ཆག་པ་གཅིག་ཡོད་ཐང་། དེ་ལ་དམ་སྲི་མོ་གཅིག་འཁྲི་བས་ཕུག་སྲིས་ཟད་མགྱོགས། ནོར་ཕྱུགས་རྭ་ཅོ་ཅན་གྱིས་ཕན་མི་ཐོགས་ཉན་ཡོད། མེ་གོང་ངམ་ལྷོར་ལྟ་བའམ། ཁྱིམ་ན་ཆང་མི་ཞིམ་པའམ། ཆང་བཟི་བྱེད་པ་ཡོད། བན་དེའམ་སྐྱ་མ་སེར་གྱི་རྒྱབ་ནས་བེ་ཧར་གནོད། ཞག་གཅིག་ནས་ཁྱིམ་དེར་ནད་པ་གཅིག་འོང་། ཡང་ན་གཅན་སྤྱང་ལ་ར་ལུག་སོགས་ཤོར་བའམ། གོད་ཁ་འོང་། ༈ རིན་ཆེན་མཁའ་འགྲོའི་དུས་སུ། རྟེན་འབྲེལ་དྲི་བའི་ནད་པ་ཡོད་ཟེར་ནས་བྱུང་ན། གྲི་བོ་དང་གྲི་མོས་རིའི་འདྲེ་བཙན་དང་བསྡོངས་ནས་གནོད། རྟ་དམར་པོ་ལ་ཟངས་ཀྱི་དྲ་བ་བཀལ་ནས་ཁ་གདངས་པ་གཅིག་དང་། ཁྱོད་ཀྱི་ཁྱིམ་ན་ཟངས་སྤྱད་དམ། རྫོ་ས་དམར་པོའམ་རྫས་འོད་ཅན་ལ་གྲི་བོ་འཁོར། དེས་བྱ་དམར་པོ་དང་རྟ་དམར་པོ་ཞིག་སྤྲུལ་ནས་གནོད། ནད་པ་ལ་ཡང་དེས་གནོད། ན་ལུགས་ནི་ཁ་སྐམ་ཚ་དྲོད་ཆེ། སྙིང་ག་རོ་སྟོད་ན་བའམ། བྲང་རྒྱབ་དང་རྩིབ་

[Full Size]

ལོགས་གཟེར། ཡང་ན་ཚད་པའམ་ཁྲག་སྐྱུགས་པའམ། མཚོན་ཟུག་པ་ལྟར་དུ་ན་ན་ཐང་། ཁྱེད་ཚང་སྤུན་མང་བའམ། ཡང་ན་ནང་མི་མཐུན་པ་ཡོད་ན་ཐང་། ཐབ་ཀའི་རྒྱབ་ངོས་ན་རང་འཐག་ཡོད་ན་ཐང་། མོ་འདྲེ་དང་རྒྱལ་པོས་གདོན། ཕུག་སྲིས་མི་སྨེ་ནོར་ཕྱུགས་བོར་སྟོར་རམ་གོད་ཁ་འོང་དོགས་ཡོད། མོ་ཉེ་ཕྱོགས་སུ་ཟས་ངན་སྐྱེལ་དགོས་པའམ། ཁ་འགྱོད་འོང་དོགས་ཡོད། ༈ པདྨ་མཁའ་འགྲོའི་དུས་སུ་རྟེན་འབྲེལ་དྲི་བའམ་ནད་པ་ཡོད་ཟེར་ན། འགོང་པོ་དང་ཐེའུ་རང་རྒྱལ་བསེན་བསྡོངས་ནས་གནོད། བན་དེའམ་སྡེ་པའམ་དགོན་པའམ། ལྷ་ཁང་ནས་བྱུང་བའི་སེ་ར་དཀར་མཚན་ཅན་ནམ། འོད་ཅན་ནམ་སྐྱ་བོ་ལ་རྒྱལ་འགོང་དང་ཐེའུ་རང་འཁྲི་ནས་མི་ནོར་ཐམས་ཅད་ལ་གནོད། རྨི་ལམ་ཡང་རྒྱལ་བླ་ཆེན་པོ་ཡང་ཡང་རྨིས་ན་ཐང་། རྒྱལ་འགོང་དེ་བྱ་དཀར་པོ་གཅིག་དང་ཁྱི་དཀར་པོ་གཅིག་དང་། སྤྲེའུ་རྟེན་རིཀཱ་གཅིག་ཏུ་སྤྲུལ་ནས། ངེད་མི་ནོར་ཐམས་ཅད་ལ་གནོད་པ་བསྐྱལ་བ་་ཡིན་ཟེར་ཞིང་འདུག །ཤར་ཕྱོགས་ཀྱི་ཤིང་ལ་གནས་པའི་འདྲེ་མོ་གཅིག་གིས། བུད་མེད་རལ་པ་ཅན་གཅིག་ཏུ་སྤྲུལ་ནས་གནོད། ན་ལུགས་ནི་ལུས་ལྡི་བའམ་རོ་སྟོད་རྒྱས། མགོ་

[Full Size]

དང་ཁ་མི་བདེ་བའམ། གློ་ལུ། སྙིང་མི་དགའ་རིགས་མི་བརྟེན། ཁྱོད་ཁྱོད་འོང་བའམ། ནུ་མ་བྲང་བཤུལ་གཟེར་ན་ཐང་། ལྷོ་ཕྱོགས་ནས་ཤ་དམར་རམ། །ཡང་ན་རྒྱལ་བསེན་འཁྲི་བའི་འགྲིམ་པ་ཁྱིམ་དུ་ཕྱིན་པའི་ནད་ཁག་བསླངས། ཁྱོད་ཚང་མིང་སྲིང་མང་པོ་ཡོད་པའམ། ཡང་ན་ཁྱིམ་བདག་ལ་ན་ཚ་མང་བ་གཅིག་ཡོད་ན་ཐང་། སྒོ་ནུབ་ཏུ་བསྟན་པའམ། ཡང་ན་ཁྱི་སྔོན་པོའམ་ནག་པོ་ཡོད་ན་ཐང་། མཆིག་ལྷོ་ངོས་ན་ཡོད་པའམ། ཡང་ན་ཆུ་ར་བྱང་ངོས་ན་ཡོད་ན་ཐང་། ཁྱེད་ཚང་ལ་ནོར་དཀར་པོའམ། དཀར་མཚན་ཅན་གཅིག་གིས་ཕན་ཐོགས། ༈ ལས་ཀྱི་མཁའ་འགྲོའི་དུས་སུ་རྟེན་འབྲེལ་དྲི་བའམ་ནད་པ་ཡོད་ཟེར་ན། ཕུང་སྲི་དང་ཀླུ་བསེན་ནག་པོ་དང་གངས་བསེན་སོགས་མོ་གདོན་གྱིས་གནོད། ཀླུའི་རིགས་ཀྱིས་ཀྱང་གནོད། སྤྱད་ནག་གཅིག་ལ་མོ་འདྲེ་འཁྲི་བ་དེས་བུད་མེད་ཅིག་གིས་གླང་དམར་པོ་གཅིག་ཁྲིད་པར་སྤྲུལ་ནས་མི་ནོར་ཐམས་ཅད་ལ་གནོད། ཕག་གཅིག་ཁ་དམར་ཐབས་སེ་ས་སློག་ཅིང་འདུག་སྟེ་ཀླུ་ས་བདག་གིས་གནོད། ཀླུ་བསེན་གནས་སར་ཐབ་གཞོབ་ཤོར་བའམ། ས་རྐོ་རྡོ་སློགས་བྱས་པས་ཕོག་ཐུག་སོང་བ་འདྲ། ནད་ནི་

[Full Size]

ལུས་ལྗིད་བསྣག་བྱས་པ་ལྟར་ན་བའམ། ལུས་ལྗིད་ཡང་ན་ལུས་སྦྲིད་བ་སྤུ་རྩེ་བའམ། གློ་སྙིང་ན་ཚིག་པ་ཟ་ཞིང་མི་དགའམ་ཕོ་མཆིན་མི་བདེ། ཡང་ན་དམུ་ཆུ་དང་སྐྲངས་པ་འཁྲུ་སྐྱུགས་ཤུ་ཐོར་གང་རུང་འབྱུང་སྟེ། མདོར་ན་ཀླུ་ས་བདག་གི་ནད་གང་རུང་གཅིག་འོང་། ཉི་མ་དགུང་མོའི་འགྲིམ་པ་གཅིག་གི་རྒྱབ་ནས་མོ་འདྲེ་ངོ་སྲབ་པའམ། སྐྲ་བྱི་བོངས་ཐུང་བ་གཅིག་གིས་མི་ནོར་ཐམས་ཅད་ལ་གནོད། ཁྱེད་ཚང་ལ་སྒོ་ལྷོར་ལྟ་བའམ་ཁྱི་སྔོན་པོའམ་ཡང་ན་ཁྱིམ་བདག་མོ་ཤ་སྔོན་བའམ་སྐྱ་སེར་ཡོད་ན་ཐང་། རང་འཐག་བྱང་ན་ཡོད་པའམ། ཡང་ན་ཁྱིམ་ན་ཆང་ཞིག་ཡོད་ན་ཐང་། ཁྱིམ་མཚེས་ཀྱི་འདྲེ་མོས་གདོན་པས་བུ་ཚའམ་ཆུང་གསུམ་སོས་དཀའ། ༈ སངས་རྒྱས་མཁའ་འགྲོའི་དུས་སུ་རྟེན་འབྲེལ་དྲི་བའམ་ནད་པ་ཡོད་ཟེར་ན། གཉན་དང་ས་བདག་དང་གཟའ་དང་གཤིན་རྗེས་གནོད། བན་དེ་ཞྭ་ཐེབ་ཅན་ལག་ན་འཁར་བ་བཟུང་། ཁལ་དུ་དྲེའུ་ཁྲིད་པ་གཅིག་དང་ཐེའུ་རང་སྤྲེའུའི་མགོ་ཅན་གཅིག་གིས་སྐབས་སྐབས་སུ་ར་བ་ཉུལ་ལོ། །བུད་མེད་རལ་པ་ཅན་གཅིག་གིས་སིལ་པོ་གཅིག་རྒྱབ་ལ་ཁུར་ནས་འདུག་སྟེ་ཁྱེད་ཚང་གི་ཕ་མྱེས་རང་སའམ། སྔར་ང་གནས་ས་བཤིག་པ་ཡིན་

[Full Size]

ཟེར་ནས་གནོད། སྤྱོད་ཆ་སེར་པོའམ་རྫས་འོད་ཅན་ནམ། ཀླུ་ནད་ཅན་གྱི་ལག་ནས་བྱུང་བའམ། སེ་ར་ལ་གདོན་འཁྲི། ཁྱེད་ཚང་སྔར་སྔགས་པའམ། བན་བོན་དང་འགྲས་པ་འདྲ། བྱད་ཁས་གནོད། ནད་ལུས་ལྗིད་པའམ། དང་ཁ་འགག །མཁལ་རྐེད་མན་ཆད་ཚག་ཚིག་ན་བའམ། ཕོ་མཆིན་ན། ཡང་ན་རོ་སྟོད་ན་བའམ། །འཆུས་པའམ། ཤུ་བ་བས་ལྡག་ཕོལ་མིག་གམ། སྐྲངས་ལྷོག་སོགས་ནད་སྣ་ཚོགས་འོང་དོགས་ཡོད། ཉི་མ་བྱང་ཕྱོགས་སུ་ཟས་མི་གཙང་བའམ། ཆང་སྐྱུར་འཐུང་བའམ། ཡུགས་ས་མོ་དང་ཁ་མཆུའམ། གཏམ་སྙོག་བྱས་པས་ནད་ཁག་བསླང་པ་འདྲ། ཁྱེད་ཚང་ཁྱིམ་སྒོ་ཤར་ལྷོར་བལྟ་བའི་ཆུ་ར་ནུབ་ཏུ་ཡོད་པའམ་རང་འཐག་བྱང་ན་ཡོད་ཐང་་། ཡོན་བདག་མོ་ཡོན་བདག་ལ་ངག་བྱམས་པའམ། ཡང་ན་ནད་བུའམ་གཅོང་ནད་ཅན་ཡོད་ན་ཐང་། ཡང་ན་ཁང་པའི་སྒོ་རྩ་ཞིག་ཏུ་ཤིང་རྩི་བསྐུང་པ་ཡོད་པའམ་ཁྱིམ་ན་ཆོས་པོ་ཏི་ཡོད་ན་ཐང་། ༈ ཡང་ནད་པའི་རིམ་གྲོ་ལ་གདན་འདྲེན་པར། རྟ་རོག་པོ་བྱུང་ན་ཕོ་གདོན་རིགས་ཀྱིས་གནོད། རྟ་དམར་པོ་བྱུང་ན་གྲི་བོས་གདོན། རྟ་དཀར་པོ་བྱུང་ན་རྒྱལ་པོས་གདོན། རྟ་ནག་པོ་

[Full Size]

བྱུང་ན་བདུད་རིགས་ཀྱིས་གནོད། བུད་མེད་བྱུང་ན་ཕོ་འདྲེས་གནོད། དེ་ནས་རྣལ་འབྱོར་པ་རང་བྱེས་ལ་འགྲོ་དུས། རྐང་གཡས་པ་རྡོ་ལ་བརྡབ་ན་གྲི་བོས་གནོད། གཡོན་བརྡབ་ན་གྲི་མོས་གནོད། ཐེམ་པའི་འོག་ཏུ་རྐང་པ་ཤོར་བའམ། རྐང་པ་ལ་མི་གཙང་བ་འགོས་བྱུང་ན། ནད་པ་དེས་སྔར་དཀོན་མཆོག་གསུམ་ལ་དེས་བརྡབ་པའམ་མི་གཙང་བ་བྱས་པའི་ལས་ངན་པའི་རྟགས་ཡིན། ནད་པའི་རྩ་ན་རུས་པ་ཤ་མེད་གསར་པ་གདའ་ན་གྲིར་ཤི་བ་གསར་པས་གདོན། རུས་པ་ཤ་མེད་པ་རྙིང་པ་གདའ་ན་གྲིར་ཤི་བ་རྙིང་པས་གདོན། དང་པོ་ནད་པ་ལ་ཕྲད་མ་ཐག་ནད་པ་དེ་ཁ་ཤར་དུ་ལྟ་ནས་འདུག་ན་རྒྱལ་པོས་གདོན། ལྷོར་ལྟ་བ་དང་འཕྲད་ན་གཤིན་རྗེས་གདོན། ནུབ་ཏུ་ལྟ་བ་དང་འཕྲད་ན་ཀླུས་གདོན། བྱང་དུ་ལྟ་བ་དང་འཕྲད་ན་གནོད་སྦྱིན་གྱིས་གདོན། དེ་གང་ལ་ཡང་ཆ་གསུམ། འབྱུང་བཞི་གླུད་གཏོར། བྱབ་ཁྲུས་རྣམས་ཀྱིས་ཕན་པར་སྣང་། སློབ་དཔོན་པདྨས་མཛད་པའི་རྟེན་འབྲེལ་བརྟག་ཐབས་སངས་རྒྱས་གླིང་པའི་གཏེར་ལས་བྱུང་བ་དང་། རྗེ་དམ་པ་སངས་རྒྱས་ཀྱིས་མཛད་པའི་ཞི་བྱེད་ཀྱི་ཆ་ལག་རྟེན་འབྲེལ་བརྟག་ཐབས་མི་འདྲ་བ་གཉིས་དང་དེ་གསུམ་བསྟུན་ཅིང་རྨོངས་པས་

[Full Size]

གོ་དཀའ་བའི་ཚིག་རྣམས་ཅུང་ཟད་བཀྲོལ། ཉེ་བར་མི་མཁོ་བ་རྣམས་རེ་ཞིག་བསལ། གོ་བ་ལེན་ཚུལ་དང་སྨྲ་ཚུལ་གསལ་བར་བྱས་ཏེ། གསང་བ་ཡེ་ཤེས་ཀྱི་མཁའ་འགྲོའི་ལས་ཚོགས་སུ་དམིགས་ནས་རྣལ་འབྱོར་པ་ཀརྨ་ཨ་རཱ་གས་ལེགས་པར་སྦྱར་བའོ། །མངྒ་ལཾ།། ༧ འདི་བྲིས་འགལ་འཁྲུལ་ཉེས་པ་ཅི་མཆིས་པ། །ཡེ་ཤེས་མཁའ་འགྲོ་འབྱུང་བའི་ལྷ་ལ་བཤགས། །དགེ་བས་མ་རྒན་སེམས་ཅན་མ་ལུས་པ། །གཉིས་འཛིན་འཁྲུལ་པའི་ནད་གདོན་ལས་གྲོལ་ནས། །གཉིས་མེད་བདེ་བ་ཆེན་པོར་ལྷུན་གྲུབ་ཤོག །ཐམས་ཅད་ཀུན་མཁྱེན་ཨོ་རྒྱན་རིན་པོ་ཆེ། །རྟེན་འབྲེལ་མངོན་སུམ་གཟིགས་པའི་དམ་པ་རྗེ། །སྣང་སྲིད་འབྱུང་ལྔའི་བདག་མོ་མཁའ་འགྲོ་ལྔ། །དེ་དག་གཞུང་དང་གསུང་ལ་དཔང་པོ་ཡིན། །བདག་གི་མི་ཤེས་རྨོངས་པའི་གཏི་མུག་ཅན། །གཞན་གྱི་ལེགས་ཉེས་ཤེས་པ་ག་ལ་ཞིག །རང་ཉིད་དོ་ནུབ་འཆིའམ་མི་ཤེས་སམ། །དེ་ཕྱིར་རྫུན་སྨྲས་ཉེས་པ་ང་ལ་མེད། །འོན་ཀྱང་བརྩམས་གྱི་ཉེས་པ་བཤགས་སོགས་བྱས། །དེ་ཡང་མཁས་པ་རྣམས་ཀྱི་ཕྱག་བཞེས་ཡིན། །ཨྠྀི། བྷ་ཝནྟུ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ལྷ་བརྒྱད་མོ་ཡིག

[Full Size]

ལྷ་བརྒྱད་མོ་ཡིག་བཞུགས་སོ།། ན་མོ། སྐྱབས་གནས་དཀོན་མཆོག་གསུམ་གྱི་ལྷ་ཚོགས་རྣམས་ཀྱི་བདེན་པས་མོ་ཕོབ། གསལ་པོར་ཕོབ་ཅིག །དྲང་པོར་ཕོབ་ཅིག །བཟང་ངན་རུ་ཤན་སོ་སོར་ཕྱེས་ཤིག །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། རུ་རྩི་རཀྟ་པྲ་བར་དྷ་ན་ཡེ་སྭཱ་ཧཱ། ཨ་དཀར་ཤིག་ཤིག་སྤྲ་མོ་ཕོབ། སུཥྚ་ཏིཥྛ་ནན་སྭཱ་ཧཱ། གྲངས་མང་བཟླ། ༼གཅིག༽ །དང་པོ་རྒྱལ་མཚན་ལ་བབ་ན། །མཁར་ལ་གསེར་འཕྲུ་ཚུགས་པ་དང་འདྲ། ཅི་བཏབ་ཅི་ཡི་མོ་ལ་བཟང་། ཁྱད་པར་ནད་པའི་མོ་ལ་བཟང་། ༼གཉིས༽ །ཕོ་རོག་ལ་བབ་ན། །མགྲོན་རྩེ་མི་མངོན་ཞྭ་རྩེ་མངོན། །མགྲོན་པོ་ཆེན་པོ་འོང་ངོ་ཡིན། །གཏམ་ངན་ལུང་པའི་མདའ་ནས་ཁྱབ། །གྲི་ངོ་དགྲ་ངོ་དམར་ངོ་ཡོད། །དགྲ་བོ་ཡོད་པས་དགྲ་བཟློག་བྱ། ༼གསུམ།༽ །སེང་གེ་ལ་བབ་ན། སེང་དཀར་མོའི་ལུས་ལ་གཡུ་རལ་རྒྱས། །ཅི་བཏབ་ཅི་ཡི་མོ་ལ་བཟང་། །ཁྱད་པར་ནད་པའི་མོ་ལ་བཟང་། །ཁ་ཆར་བུ་ཡུག་འཚུབ་ངོ་ཡིན། ༼བཞི༽ གླང་ཆེན་ལ་བབ་ན། སྨྱུར་བ་ནོར་གྱིས་གང་། བང་མཛོད་འབྲུ་ཡིས་གང་། རི་མགོ་རྩྭ་མེད་ལ་རྩྭ་སྐྱེས། ལུང་པ་ཆུ་མེད་ལ་ཆུ་འབབ། ཤིང་སྐམ་པོ་ལ་ཡལ་ག་རྒྱས། བུ་ནོར་མེད་ལ་བུ་ནོར་འོང་། ཅི་ལ་བཏབ་ཀྱང་

[Full Size]

བཟང་བ་ཡིན། ༼ལྔ༽ རྟ་བརྒྱའི་རྟོད་ཕུར་ལ་བབ་ན། གངས་དཀར་རྩེ་ནས་འཁྱག་ཞུ། དགྲ་མགོ་རེ་བས་བཏུམ། །རྐང་ཐང་རྟ་ཁྲིད་མོ་ལ་བཟང་། རྔོན་པ་ཁྱི་ཁྲིད་མོ་ལ་བཟང་། ཕར་འགྲོ་མོ་ཡི་ཤུལ་རྡོ་ཆེ། ཚུར་ཡོངས་མི་ཡི་མགྱོགས་ངོ་ཆེ། ༼དྲུག༽ བེར་ག་ལ་བབ་ན། སྒོ་ལ་ནོར་མི་ཚུགས། ཕུག་གི་ཟས་ནོར་ཆད། སེམས་ཀྱི་ཅི་མང་དྲན། དོན་ཀྱིས་ཀྱང་མི་འགྲུབ། །ཤུལ་རྡོ་ཆེ་བསེ་རག་ཞུགས། བསམ་ལྷུན་ཐོན། ༼བདུན༽ རུས་སྦལ་ལ་བབ་ན། དགྲ་ཡུལ་དུ་མུན་པ་འཁྲིགས། རང་ཡུལ་དུ་སྒྲོན་མེ་སྦར། མཛོ་ཕོ་ལ་དགུ་ལུང་དགུ་བརྒྱབ་ཀྱང་། སྣ་ཐག་རང་གི་ཨོ་ལུ་ནང་དུ་ཡོད་པ་དང་འདྲ། ༼བརྒྱད༽ བྱ་དཀར་ལ་བབ་ན། བྱ་དཀར་ཀྱི་ལི་ཡོད་པའི། འགྲོ་འདུག་གི་མོ་ལ་བཟང་། སྐད་པོ་ཆེའི་སྐད་ཅིག་གོ་ནས། མིག་པོ་ཆེའི་མིག་གིས་རིགས་ནས། ཞག་གསུམ་ཚུན་ཆད་སྐད་ཆ་གསལ་པོ་ཆེན་པོ་ཅིག་གོ་འོང་ངོ་ཡིན། ལྷ་བརྒྱད་མོ་ཡིག་མངོན་ཤེས་གསལ། ཨ་རཱ་གས་བྲིས་པ་དགེའོ།། །།

བཀྲ་ཤིས་མོ་བརྒྱད་ཀྱི་མོ་བདར།

[Full Size]

བཀྲ་ཤིས་མོ་བརྒྱད་ཀྱི་མོ་བདར་བཞུགས་སོ།། ཀྱཻ༔ མོ་ལ་རྐུ་ཞིང་རྩིས་ལ་སྒྲིབ༔ རྣོ་མཐོང་གཅོད་ལ་རླུ་གབ་ཅན༔ འབྱུང་པོ་གྲིབ་ཅན་གཞན་དུ་དེངས༔ ཧཱུྃ་ཧཱུྃ་མོ་རྐུན་ཨུ་ཙ་ཏ་ཡ་ཕཊ༔ ད་ནི་རྣོ་མཐོང་མོ་ལྷ་བདར༔ འགྲོ་དྲུག་རྟག་ཏུ་སྤྱན་གྱིས་གཟིགས༔ འཕགས་པ་ཐུགས་རྗེ་ཆེན་པོ་བདར༔ དུས་གསུམ་ཐོགས་མེད་ས་ལེར་གཟིགས༔ ཨོ་རྒྱན་པདྨ་འབྱུང་གནས་བདར༔ ཕྱི་ནང་རྟེན་འབྲེལ་ཀུན་གྱི་བདག༔ ལྷ་ལྕམ་མནྡཱ་ར་བ་བདར༔ འབྱུང་བཞི་དབང་བསྒྱུར་མཁའ་འགྲོའི་གཙོ༔ མ་གཅིག་ཡེ་ཤེས་མཚོ་རྒྱལ་བདར༔ མོ་རྩིས་ཀུན་གྱི་སྟོན་པ་མཆོག༔ སྐུ་མཆོག་འཕགས་པ་འཇམ་དབྱངས་བདར༔ ལྷ་སྲིན་ཀུན་གྱི་གཉན་པོ་ཆེ༔ བཅོམ་ལྡན་གུ་རུ་དྲག་པོ་བདར༔ མ་མོ་མཁའ་འགྲོ་ཀུན་གྱི་རྗེ༔ ཆོས་སྐྱོང་གུར་གྱི་མགོན་པོ་བདར༔ ནོར་ལྷ་འཇིག་རྟེན་སྐྱོང་བའི་རྒྱལ༔ རྒྱལ་ཆེན་རྣམ་ཐོས་སྲས་པོ་བདར༔ དེ་ལྟར་ལིང་ཚེའི་ལྷ་བརྒྱད་དང་༔ གཞན་ཡང་ཡེ་ཤེས་འཇིག་རྟེན་པའི༔ རྣོ་མཐོང་མོ་ལྷ་ཐམས་ཅད་བདར༔ བཟང་ངན་གཉིས་ཀྱིས་སྟངས་ཆོད་ལ༔ ལེགས་ཉེས་གཉིས་ཀྱི་ཤན་ཕྱེས་ཤིག༔ གཏན་གཏན་ཕོབ་ལ་ཏིག་ཏིག་སྨོས༔ ཞེས་གང་དགོས་སྨོད༔

[Full Size]

རྡེའུ་ནག་པོ་བདུན་དཀར་པོ་གཅིག་དང་བརྒྱད་བཞག༔ དཀར་པོ་གང་བབ་ཡིན༔ ཚུགས་གསུམ་མམ༔ ཚུགས་གཉིས་ངེས་པར་དགོས༔ གཉིས་ཀ་བཟང་ན་བཟང་ངེས། གཉིས་ཀ་ངན་ན་ངན་ངེས༔ མ་མཚུངས་ན་ཐེ་ཚོམ་པས་ཐག་ཆོད་དཀའ་གསུངས༔ ཞེས་སྤྲུལ་སྐུ་རིན་པོ་ཆེས་བཀའ་གནང་བ་ལྟར༔ བཀྲ་ཤིས་མོ་བརྒྱད་ཀྱི་མོ་ཞལ་ཤེས་དང་བཅས་པ༔ ཨ་རཱ་གས་བྲིས་པ་མངྒ་ལཾ།། །།

རྨི་ལམ་བརྟག་ཐབས་འཕྲུལ་གྱི་མེ་ལོང་།

[Full Size]

རྨི་ལམ་བརྟག་ཐབས་འཕྲུལ་གྱི་མེ་ལོང་ཞེས་བྱ་བ་བཞུགས་སོ། །བླ་མ་དཀོན་མཆོག་གསུམ་ལ་སྐྱབས་སུ་མཆི། །མངོན་ཤེས་བསྒྲུབས་ནས་འགྲོ་བའི་དོན་བྱའོ། །པད་ཟླའི་སྟེང་དུ་རང་ཉིད་པད་འབྱུང་དཀར། །བརྐྱང་བསྐུམ་གྱིས་བཞུགས་རུས་པའི་རྒྱན་དྲུག་མཛེས། །ཕྱག་ན་གསལ་བྱེད་པད་སྡོང་དཀར་པོ་ནི། །སྨིན་མཚམས་ཐད་དུ་པདྨ་རྒྱས་པའི་སྟེང་། །པྲ་ཡི་ཌཱ་ཀི་ཞབས་གཉིས་བཞེངས་སྟབས་བཞུགས། །ཕྱག་གཉིས་ཤེལ་བུམ་དངུལ་དཀར་མེ་ལོང་བསྣམས། །དེ་ལ་ཤེལ་གྱི་བུ་མོ་རྒྱན་མེད་ཅིག །བསྐོར་བ་བྱེད་ཅིང་བཞུགས་པ་གསལ་བར་གྱུར། །གནས་གསུམ་འོད་ཀྱིས་ཡེ་ཤེས་པ་སྤྱན་དྲངས། །ཛཧཱུྃ་བཾ་ཧོ༔གཉིས་སུ་མེད་པར་གྱུར། །བཛྲ་གུ་རུ་དྷཱ་ཀི་ནཱི་ཨརྒྷཾ། པཱདྱཾ། པུཥྤེ་སོགས། ཨོཾ༔ དངོས་གྲུབ་མཆོག་བརྙེས་ཡ་མཚན་སྤྲུལ་པའི་སྐུ། །སྐྱེ་འཆི་གཉིས་སྤངས་པདྨའི་ནང་ནས་འཁྲུངས། །འཁོར་བ་ཐུགས་རྗེས་སྒྲོལ་མཛད་ཐོད་ཕྲེང་སྐུ་ལ་གསོལ། །མཚོ་སྐྱེས་རྡོ་རྗེའི་སྐུ་ལ་ཕྱག་འཚལ་བསྟོད། །རང་གི་ཐུགས་ཀའི་འོད་ཀྱིས་འཇིག་རྟེན་ལྷ། །མངོན་ཤེས་ཅན་རྣམས་ཐམས་ཅད་བསྡུས་ནས་ཀྱང་། །རང་དང་ལྷ་མོ་གཉིས་ལ་ཐིམ་

[Full Size]

པར་གྱུར། །བདག་ལ་རྨི་ལམ་མངོན་ཤེས་འདི་འདོད་པས། །ལྷ་ཀླུ་ཀུན་གྱི་བུ་མོ་ཁྱེད་གཉིས་ལ། །དྲིས་དང་ཤེས་ཞེས་ཟེར་བས་ཁྱེད་གཉིས་ཀྱིས། །བདག་ལ་དོ་ནུབ་གསལ་བར་བསྟན་དུ་གསོལ། །རང་དང་བུ་མོ་ཀུན་གྱིས་སྔགས་བཟླས་གྱུར། །སྔགས་རྣམས་བརྒྱ་རྩ་བརྒྱད་དུ་བཟླས་པ་བྱ། །ཨོྃ་ཨཱཿ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཧཱིམ་ཧ་རི་ནི་ས་ཕུ་ཕུ་རུ་རུ་ཆུ་བུར་མིག་གི་སྒོ་སོལ་ཅིག །དགོང་མོ་མདའ་མོ་བྱ་རྒོད་དམར། །དར་དཀར་མེ་ལོང་བཏགས་ལ་གཡབ། །སྔགས་དེ་བརྒྱ་རྩ་བརྒྱད་དུ་བཟླ། །གཉིད་ཁ་གང་འདོད་གསོལ་འདེབས་ནས། །མོས་གུས་བྱས་ཏེ་དམིགས་པ་ཡང་ཡང་རྫོགསལ། །རང་གི་འདོད་དོན་འདི་དང་འདི། །བསྟན་དུ་གསོལ་ཞེས་གསོལ་བ་གདབ། །རང་གི་དོན་རྣམས་མཐོང་བ་དང་། །མཁའ་སྤྱོད་ཨོ་རྒྱན་འོག་མིན་དང་། །སངས་རྒྱས་ཞིང་སོགས་སྲིད་གསུམ་མཐོང་། །འཕྲུལ་གྱི་མངོན་ཤེས་མེ་ལོང་འདི། །སྣོད་ངན་གཞན་ལ་སྤེལ་མི་བྱ། །རཱ་གས་བསྡུས་ཏེ་བྲིས་པའོ། །ཨྠྀི། །ཡང་རྨི་ལམ་བརྟག་པ་ནི། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཧྲིམ་ཧ་རི་ནི་ས་ཕུ་ཕུ་རུ་རུ་ཆུ་བུར་མིག་གི་སྒོ་སོལ་ཅིག །ཨོཾ་ན་ན་ཏི་མི་མི་ཏི་མོ་ཏིང་ནི་ཙི་ལ་ས་མུནྟི་ཤ་ན་མ་ཏ་མང་ལ་སྭཱ་ཧཱ། ཞེས་མང་དུ་བོཟླ་བའམ། ཉལ་ཁ་བརྒྱ་རྩ་བརྒྱད་བཟླས་ནས། ཉལ་ཁ་དམོད་བཙུགས། གཞན་དང་གཏམ་མི་སྨྲ་བར་ཉལ་ན་

[Full Size]

གསལ་ལོ། །ཨ་རཱ་གས་སོ། །འདིའི་ལག་ལེན་ལ། ཡར་མར་གྱི་ཚེས་བཅུ་སོགས་དུས་བཟང་དང་འགྲིགས་ན་རབ། གང་ལྟར་ཡང་། ཉིན་མོ་རྩ་གསུམ་ཆོས་སྲུང་གི་ཚོགས་མཆོད་དང་སྐོང་བཤགས་བཅས་རྒྱས་པར་བྱ། ཉལ་ཁར་གོང་གི་སྒོམ་བཟླས་ནན་ཏན་བྱས་ལ། གཞན་དང་གཏམ་སྨྲ་བ་དང་། རེ་དོགས་ཀྱི་བློ་སྤངས་ཏེ་ལྷའི་གསལ་སྣང་དང་མོས་གུས་ཀྱི་ངང་དུ་གཉིད་དུ་འགྲོ་བར་བྱས་པས་ཐོ་རངས་ཀྱི་དུས་མངོན་སུམ་དུ་ལུང་སྟོན་པའི་ཚིག་།གམ། བརྡ་རྟོགས་ཀྱི་རིམ་པ་གང་རུང་འབྱུང་བས་དཔྱད་ཤེས་པར་བྱའོ། །ལངྒ་ལཾ།། །།

ཉེར་མཁོའི་སྔགས་འབུམ་བཀའ་གཏེར་གདམས་ངག་གསུམ་ལས་བཏུས་པ།

[Full Size]

ཉེར་མཁོའི་སྔགས་འབུམ་བཀའ་གཏེར་གདམས་ངག་གསུམ་ལས་བཏུས་པ་བཞུགས་སོ། །ན་མོ་གུ་རུ་དྷེ་ཝ་ཌཱཀྐི་ནི། དགེ་བཤེས་འཕགས་པ་རྣམ་རྒྱལ་ཞེས་བྱ་བས། །ཉེར་མཁོའི་གདམས་ངག་འགའ་ཞིག་དགོས་གསུངས་པས། །བཀའ་དང་གཏེར་ལུང་གདམས་ངག་མཐའ་ཡས་པས། །ཡི་དམ་སོ་སོར་ཉེར་མཁོའི་ལས་ཚོགས་ཏེ། །སོ་སོའི་བསྙེན་པ་ཐེམ་པ་མ་གཏོགས་པ། །སུ་དང་གང་ལ་བྱས་ཀྱང་ཕན་པར་དཀའ། །བྲི་ན་དཀའ་བའི་འཁོར་ལོ་ཟ་ཡིག་དང་། །རྙེད་པར་དཀའ་བའི་རྫས་སྣ་མང་པོ་ཅན། །འདོན་པར་དཀའ་བའི་སྔགས་དང་ཡིག་རིགས་སོ། །ཐོན་པར་དཀའ་བའི་ཁྲི་འབུམ་གྲངས་ཀ་སོགས། །དེ་འདྲའི་གདམས་ངག་ཟབ་ཟབ་མང་ན་ཡང་། །སྔ་མ་ལྷག་ཆད་གདམས་ངག་ཡ་ཟུང་རེ། །བྱས་པས་མི་ཕན་ལོག་ལྟ་སྐྱེ་བའི་རྒྱུ། །དེ་ཕྱིར་གདམས་ངག་མང་པོ་སྤྲོས་པ་སྐྱུངས། །ལག་ལེན་ཡོད་པའི་ཉེར་མཁོ་འགའ་ཟུང་ཙམ། །ཡི་དམ་གང་རུང་བསྙེན་པ་ཐེམ་པ་ཡིས། །ངག་བཅད་ཤ་ཆང་སྤང་ལ་སྔགས་པས་ན། །ལན་གྲངས་དུ་མར་ཕན་པའི་ལག་ལེན་ཡོད། །རེ་རེ་ཙམ་ལ་ཕན་པར་མ་གྱུར་ན། །གདམས་ངག་རྫུན་རེད་སྙམ་པའི་ལོག་ལྟ་སྤངས། །ལས་ཀྱི་རྣམ་པར་སྨིན་པ་མ་གཏོགས་པའི། །ཐུབ་པས་གསུངས་པའི་དོན་དེ་དྲན་པར་བྱ། ༈ གླང་འཐབ་སྔགས་ནི། ཨོཾ་གཤིན་རྗེ་ཆུ་གླང་ཞོན་ཅིབས་པ་སྟེ་ཐི་སོད། དེ་ནས་རང་གི་སྲིན་མཛུབ་གསེར་གྱི་རྡོ་རྗེར་བསམ། སྔགས་མང་རབ་བཏབ། སྲིན་མཛུབ་ཀྱིས་ལྟེ་བ་ལ་བསྐོར། དེ་ནས་

[Full Size]

ལྟེ་བའི་དཀྱིལ་དུ་གཏད། རྡོ་རྗེའི་འོད་ཟེར་གྱིས་བསྡུས་ནས་གདོན་རྡོ་རྗེ་ལ་ཐིམ་པར་བསམ། ཤིན་ཏུ་ཟབ། ༈ དུག་སྔགས་ལ། ཨོཾ་ཧ་རི་ནི་ས་ཕྱུང་ཕྱུང་། ཕཊ་ཕཊ་ཀྲིག་ཡེལ་སྭཱ་ཧཱ། ཞེས་རྩི་དག་སྦྱར་དུག་རཏྣའི་དུག་སོགས་ཐམས་ཅད་ཐུབ། རྣོ་ཚད་ལྟ་བར་འདོད་ན་སྐུད་པ་ནག་པོར་མདུད་པ་གསུམ་རྒྱབ་ལ། མདུད་པ་རེ་ལ་སྔགས་བརྒྱ་བཏབ། དུག་གི་སྐྱེད་པ་ལ་བཅིང་ན་དུག་རིགས་འགྱེལ་ལོ། །ཕབས་ལ་བཏབ་ན་ཆང་ལོ་བར་མི་འགྱུར། ནང་པར་ལྟོ་སྟོང་ལ་བཟླས་ན་དུག་རིགས་ཀྱི་འཇིགས་པ་མེད་དོ། །རྟ་ཡི་བཙན་སྔགས་ལ། ཨོཾ་བྱེ་མ་རཀཱ་སོད། བྱེ་མ་རཀྵ་རུབ། འོམ་བུའི་ལྕག་ཚན་ཡོད་ན་བཟང་། མེད་ན་འོམ་བུ་དུམ་བུ་ལྕག་ཚན་ལ་ཟློབཏགས། ལྕག་ཚན་རླུང་ལ་བསྒོམ། རྟ་བྱེ་མའི་རིར་བསྒོམ། ལྕག་ཚན་སྔགས་ལ་རྒྱབ། ད་ནངས་ལྕག་ཚན་སྔགས་ནས་སོང་ན་བཙན་སླད་མི་འོང་། །སྒོ། ཡང་ན་སྣ་ཁྲག་གཅོད་པའི་སྔགས་ལ། ཨ་མུ་ར་རཾ་རཾ་ཞི་བ་རཾ་རཾ། སད་སད་སྭཱ་ཧཱ། སྨྱུ་གུ་ནས་ཕུ་གདབ་བོ། །གཡུ་ཐོག་ལུགས་སོ།། ༈ རྨ་གསར་པ་ལ་སྔགས་འདི་སྨྲ་བ་བཅད་ལ་སྔགས། ཨོཾ་ཙ་ལ་སེད། ཀ་རྡུར་སོད། སྒྲུང་པ་མི་སྲིད་མྱུར་དུ་འཚོ། སངས་རྒྱས་གླིང་པའི་ལུགས། ༈ མར་མེ་འབུ་སྲིན་སྲུང་ན། ཨོཾ་ཟླ་བ་ལི་ཟླ་བ་ལི་སྭཱ་ཧཱ། མང་དུ་བཟླས་སྔགས་ཆུ་ཀོང་བུའི་ཁར་བླུག །འཇའ་ཚོན་སྙིང་པོའི་གཏེར་མའོ། ༈ །ལིང་ཐོག་སྔགས་ལ། ལིང་ཐོག་ཉ་ལ་བསམ། །

[Full Size]

སྔགས་ཆུ་བྱ་ལ་བསམ། བྱས་ཉ་བསད་པ་བསམ། ཨོཾ་ཧར་ལིང་སྭཱ་ཧཱ། ས་མ་ཡ། ༈ ཁྱི་སྨྱོན་སྔགས་ནི། ཟན་ཤ་ལ་སྔགས་བཏབ། ཨོཾ་ཀ་ཀ་ཀི་ཀི་ཅ་ཅ་ཅི་ཅི་སྐྱ་རེངས་མཆེ་བའི་དབལ་སོད། སྔགས་དང་སྔགས་ཆུ་གཉིས་ཀ་བྱ། ༈ ཡང་རིམས་སྲུང་། ཨཱཿ་དམར་པོ་ཁྲག་ཁྲིག་སོད། འདི་ནངས་སྔ་མོ་སྔགས་ན་ནད་ཀུན་ཐུབ། འདི་རྣམས་བདུད་འདུལ་རྡོ་རྗེའི་གཏེར་མའོ།། ༈ རང་ཉིད་སྤྱན་རས་གཟིགས་གསལ་ནས། སྐྱབས་འགྲོ་སེམས་བསྐྱེད་བྱ། སྔགས་འདི་བཟླས་ན་ཤིག་མི་འོང་། ཨོཾ་མོ་ཆིལ་མ་ལ་མ་ཙན་ཏྲ་ཡེ་སྭཱ་ཧཱ། ༈ སྔགས་ལ། ཨོཾ་ཏི་ཐི་ནི་ནི་ཐབ་ལ་སྭཱ་ཧཱ། གདམས་ངག་འདི་རྣམས་འཆར་མེའོ།། ༈ ལམ་སྲུང་གདམས་པ་ནི། རང་དམ་པར་བསྒོམ། རྡེའུ་གཉིས་བླང་སྔགས་བདུན་བཟླས་ལ་གཡས་གཡོན་དུ་གཏོར་བས་རང་འདྲ་བའི་ཨ་ཙ་ར་བདུན་དུ་གྱུར་ནས་སྲུང་སྐྱོབ་བྱེད་ནས་གཡས་གཡོན་དུ་འགྲོ་བར་བསམ། ཨོཾ་ས་པ་ཏི་ནན་སྭཱ་ཧཱ། འགྲོ་མི་དགོས་པ་ཁ་ཆིངས་སུ་འགྲོ་ཞིང་ཆོམ་རྐུན་ཅི་ཙམ་བྱུང་ཡང་གནོད་པར་མི་ནུས་པར་ཁྱད་འཕགས་སོ།། ༈ སྒྲུབ་ཁང་དུ་བྱི་བ་མི་ཆགས་པའི་སྔགས། ཨོཾ་ཧུ་ལུ་ཧུ་ལུ་ཙནྡྷེ་སྭཱ་ཧཱ། ཡུངས་ཀར་སྔགས་ལ་གནས་ཁང་དུ་གཏོར་བས་ཐུབ་བོ། ༈ །ཚག་པ་སྲུང་ན། ཨོཾ་ཀི་ཏ་ན་ཀི་ཏ་ན་ཙི་ཀ་པ་ར་ཙི་ཀ་པ་ར་ཚག་པའི་སྲོག་ལ་ཨ་ས་ནན་སྭ་ཧཱ། ཆུ་འགྲམ་གྱི་བྱེ་མ་ལ་སྟོང་སྔགས་པས་ཐུབ་བོ།། ༈ ལོ་ཏོག་ལ་

[Full Size]

འབུ་སྲིན་གྱི་གནོད་པ་སྲུང་བ་ནི། ཆུ་ཆེན་གྱི་བྱེ་མ་རོ་བསྲེགས་ཀྱི་ཐལ་བ་གཉིས་ལ་བསྲེས། ན་མ་ཨ་ཝ་ར་ནན་ཏ་ཡ་ཐ་ད་ར་མ་ཧཱ་དྷ་ན་དྷ་ཀ་ཌ་དུ་ཌ་ཌེ་སྭཱ་ཧཱ། ལན་གསུམ་མམ་བདུན་གཉིས་སོགས་སྔགས་ལ་གཏོར། ༈ ཞིང་ལ་འབུ་སྲིན་གྱི་གནོད་པ་བསྲུང་ན། ཆུ་ཆེན་གྱི་བྱེ་མ་ལ་སྔགས་བཏབ། ཨོཾ་ཨཱཿཧཱུྃ་གུ་རུ་ཏྲ་ཤང་མ་ཧཱ་ཡུང་འདུ། ས་སྲིན་ནག་པོའི་སྙིང་ལ་རྦད་རཾ་བྷྱོ༔ ཞིང་ལ་ཕན། ཨོྃ༔ གནམ་ཆོས་ལས་བྱུང་བའི་སྣ་ཁྲག་གཅོད་པ་ནི། ཨོཾ་སུ་པ་ཀི་སྭཱ་ཧཱ། འདི་མགོ་ནས་ཡར་དྲིལ་མར་ནང་བཏུམ་ལ་བྱིན། སྐེད་ནས་ལྟེབ་ཤ་ནང་བཏུམ་ལ་བྱིན། མཇུག་ནས་ཡང་དྲིལ་ཟན་ནང་བཏུམ་ལ་བྱིན། ༈ མིག་ལ་གཅར་བྱུང་ན། ཨོཾ་ཤག་སྨྲ་ཀ་ལ་ཡེ་སྭཱ་ཧཱ། ༈ ཆུ་འགགས་ལ། ཨོཾ་ཀ་ཀི་པི་ལི་ཤི་ཤང་ཡེ་སྭཱ་ཧཱ། ༈ ཡང་རྐུན་ཆིངས་འཇག་མ་སོར་བཞི་ལ་སྔགས། རྣ་ལྟག་གཡོན་དུ་བཅུག ན་མོ་རུ་ཏྲ་ཡ་མ་ཧི་རི་མི་རི་སྭཱ་ཧཱ། སྔགས་འདི་འདྲ་བ་ཕས་ཤེས་ཀྱང་བུ་ལ་མི་བྱིན། གསེར་སྲང་དག་གིས་བཀའ་རྒྱ་ཡོད། ༈ རང་ནོར་གྱི་འོ་མ་མ་སྟེར་ན། སྲུང་སྐུད་ནག་པོ་ལ། ༀ་མ་ཧེ་ཙུག་ནི་ཙུག་ཏི་ནི་སྭཱ་ཧཱ། ཞེས་མང་དུ་བཏབ་ལ་འདོགས། ༈ སྐྱུག་གནོན་སྔགས་ལ། ཨོཾ་ཤྲཱི་ཡཾ་ཝི་ནག་པོ་སོད། སྐུད་པ་ཁྲ་ཁྲེལ་ལ་སེ་ཆིངས་མདུད་པ་དགུ་རྒྱབ་སྦྲུལ་ནག་གི་སེ་ཆིངས་མདུད་པར་བསམ་མོ། ༈ སྐྱང་འཇོམས་སྔགས་ལ། ཨ་ཙ་ར་བེ་ཛ་འུབ་འདུས། རྒྱན་རྒྱལ་བའི་

[Full Size]

སྔགས་ནི། ཨོཾ་ཙཀྲ་ར་ཎི་རེ། ལན་བདུན་བསྐོར་ནས་བླང་ངོ་།། ༈ མི་ནོར་ཁྲིད་མ་ཐུབ་ན། ཏ་ལ་ཡ་མ་ཤ་ཧཱུྃ། ༈ མིག་ཁ་བས་མི་ཕྱིད་པའི་སྔགས་ལ། ཨོཾ་བྱ་ཤར་ཧཱུྃ་ཕཊ་། ཁ་བ་སྔགས་མིག་ལ་འདུད། ༈ སོ་སྲིན་སྔགས་ལ། ཨོཾ་ཐ་ཀ་རུ་ཧི། ར་ཚིལ་ལ་སྔགས། བདུག་པ་བྱས་ན་ཕན་ནོ། ༈ །མངོན་ཤེས་འཆར་བའི་སྔགས་ནི། ཚེས་བཅོ་ལྔ་ནམ་ཚེས་བརྒྱ་བརྒྱད་བཟླའོ། །ཏདྱ་ཐཱ། བྷི་བ་ཙཀྵ་སྭཱ་ཧཱ། ༈ རྒྱ་ཐོར་སྔགས་ལ། ཨ་ནད་སོད། རྒྱ་ནད་སོད། ནད་ཀྱི་རྒྱལ་པོ་རྒྱ་ཐོར་སོད། རྒྱ་ཐོར་ནད་ཀྱི་རྒྱལ་པོ་སོད། འཛེར་ནད་གཏིང་ནས་ཕུད། ཆུ་སེར་མཐའ་ནས་སྐམ༔ མུ་ཟི་ནག་པོ་དང་མར་རྙིང་ལ་སྔགས་ཟབ་བོ། །སྔགས་ཐོར་བུ་འདི་རྣམས་རཱ་ག་ཨ་སྱས་ཉེར་མཁོ་བསྒྲིགས་པ་འགྲོ་བ་མང་པོ་ལ་ཕན་པར་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མན་ངག་ཟབ་པའི་དཀོར་མཛོད་དགོས་འདོད་ཀུན་འབྱུང་།

[Full Size]

མན་ངག་ཟབ་པའི་དཀོར་མཛོད་དགོས་འདོད་ཀུན་འབྱུང་བཞུགས་སོ། །ཁ་ཆར་གཅོད་པའི་སྔགས་ནི། རང་ཉིད་ཨ་ཙ་ར་སྔོན་པོར་བསྒོམས་ལ༔ ཨོཾ་ཙཀྲ་ཙཀྲ་རྦད་རྦད་དུམ་དུམ་ཚིལ་ཆིལ་ཆོད་ཆོད་སྭཱ་ཧཱ། རྩམ་པ་ལ་སྔགས་མེ་ལ་བསྲེག །སེམས་ཅན་ཕྱིར་ལོག་མི་འགྲོ་བའི་སྔགས་ནི། ས་རྨ་བྷྱོ་ཟློག་ཟློག༔ ཚྭ་ལ་སྔགས་ནས་སླ་ང་ནང་དུ་བླུག་ནས་མགོ་ལ་ལན་གསུམ་གྱིས་ཕྱི་ལོག་ཏུ་བསྐོར། གྲིབ་གདོན་ལས་ཀྱི་སྡིག་སྒྲིབ་སྔོན་གྱི་འཕྲལ་རྐྱེན་སོགས་ལ་སྲུང་མདུད་སྔགས་ལ། ཨོཾ་པདྨ་ཤ་ཝ་རི་ཕཊ༔ ནན་པར་ཤིག༔ ནཱ་ག་ནན༔ ཏདྱ་ཐཱ༔ སརྦ་བི་རི་ཏ༔ ཧ་ན་ཧ་ན༔ བཛི་ན་རཀྵ་རཀྟ་ཧཱུྃ་ཕཊ༔ ཕུ་མདུད་དང་སྔགས་ཆུ་བྱས་ལ་བདག་གཞན་ལ་བྱིན། ཟ་འདྲེ་ཤི་གཤེད་བརླགས་པའི་མན་ངག་ནི། ཀ་རུ་ནི་ཏྲི་ཛཿ སྒོ་ལ་སྦྱར་དགོས། དབང་སྡུད་ནི་སིནྡྷུ་ར་ལ་སྔགས་ནས། པ་ཤང་ཀུ་རུ་དོ་ཤ་དོ་ཡ་དོ་ག་ཡ༔ རིམ་པ་ཡང་ནན་ཏན་སྔགས་ནས་གང་འདོད་ལུས་ལ་བྱུགས་པས་དབང་དུ་འདུས། སེམས་ཅན་ནུ་མ་རྨ་རེད་ན་སྔགས་ནི། ཨོཾ་ཐབ་འབྲུམ་འབྲུམ་སོད༔ སེམས་ཅན་འོ་མ་མ་གཏད་ན་སྔགས་ནི། ཨོཾ་དྲི་ཤང་ཁུ་རུ་ཛ་ཛཿ ཚྭ་ལ་སྟོང་ཚོ་སྔགས་དགོས། ཞིང་ལ་ཚག་པ་བྱུང་ན་སྔགས་ནི། ཨོཾ་ཀི་སྟེང་ན་ཀི་སྟང་གྷ་སྨི་ག་པ་རི་ཚག་པའི་སྲོག་ཨཱཿ་པ་ར་ནན་སྭཱ་ཧཱཿ བྱེ་མ་ལ་སྔགས་ནས་གཏོར། སྦྲུལ་གྱིས་ཕུག་ན་

[Full Size]

སྔགས་ནི། ༀ་འབུ་ཙ་རྩ་ཏྲ་དུག་ནན་སྭཱ་ཧཱཿ གནམ་ཆོས་ལས་རྟ་ཡི་བཙན་སྔགས་ནི། ཨོཾ་བཛྲ་གུ་རུ་བོས་བོས་ཧཱུྃ་ཧཱུྃ་སྭཱ་ཧཱཿ སྲུངས་ཤིག༔ ཁྲག་གཅོད་སྔགས་ནི། ཨོཾ་ར་ཙ་སྣང་༔ མཐེ་བོང་ལ་སྔགས་ནས་མནན་ནོ། །རྟ་ཟོག་སྒབ་བསྲུང་བའི་སྔགས་ནི། སྐུད་པ་དམར་ཁྲ་གསུམ་བསྒྲིལ་ནས། ཆུང་སྲི་ཁ་ཆིངས་དམ་སྲི་མོ་ལ་སྣང་མི་བསེ་རག་མཱ་ར་ཡ་རྦད༔ སེམས་ཅན་ལ་འདོགས་དགོས། དུག་རིགས་ཐུབ་པའི་སྔགས་ནི། ཨོཾ་ཧྲིང་ཧྲིང་ནི་ཨ་གུ་ལ་ཀ་ཐ་ཐ༔ གཏོར་མར་བྱི་བས་མི་དགྲ་བའི་སྔགས་ནི། ཨོཾ་ཨ་རི་ཙི་རི་ཁཾ་སྭཱ་ཧཱཿ ནས་ལ་སྔགས་ནས་གཏོར། ཟོག་བཤས་མ་སྒྱུར་ན། ཨ་ཀ་ཀ་ཤང་ཤང་༔ ཀེ་ཀེ་ཤང་ཤང་་ཀ་སྐྱི་ཤང་ཤང་༔ ཀ་ན་ཤང་ཤང་༔ ཨོཾ་ཙར་ཡེ་ཧུ་ཡེ༔ རུ་རུག་སྔགས་ནི། ཨོཾ་ཀ་པ་རུ་དུག་སོད༔ ཆུ་དུག་སོད༔ མེ་དུག་སོད༔ རུ་ཤོ་བཙན་དུག་སོད༔ ཁྲག་ལ། གཅོད་སྔགས་ནི། ཨོཾ་པདྨ་ཁ་ཧཱུྃ༔ ཕུ་བྱ། ལིང་ཐོག་སྔགས་ནི། ཨོཾ་གྱི་ལིང་སོད༔ དགྲ་ལིང་ནག་པོ་རྩ་ལ་རྒྱུགས་སོད༔ མིག་ལ་ཕུ་བྱ། ཤ་དུག་སྔགས་ནི། ཨོཾ་དུག་སོད་དུག་སོད༔ དུག་ཤ་ཧུ་ལུ་ལ་སོད༔ སྔགས་ཆུ་འཐུང་དགོས། ཨོལ་འགགས་སྔགས་ལ། ཨོཾ་པ་ཐུན་སྣང་༔ ཁྲི་ཚོ་བཟླས་ལ་སྔགས་ཆུ་བླུག་པར་བྱའོ། །རྨ་ཁྲག་བཅད་པའི་སྔགས་ནི། ཨོཾ་མ་ཧོ་ར་ཙ་ཉག་སྭཱ་ཧཱཿ ཟམ་

[Full Size]

པའི་ས་ལ་སྔགས་བཏབ་ནས་ཕྱི་ལ་བྱུག་དགོས། ཐབས་གཉན་སྔགས་ལ། ཁྱུད་དྲིལ་སྣང་སོད༔ ཐབས་སྔགས་ནི། ཨ་ཀྲིས་ཐབས་སོད༔ གཉན་སྔགས་ལ། ཨ་ཐཾ་ཨུག་ཐཾ༔ གྲིབ་ཀྱིས་དཔུང་པ་བཟུང་ན་སྔགས་ནི། ཨོཾ་མ་ཤ་ཏྲི་པ་ན་སྣང་༔ སྲུང་སྐུད་ནག་པོ་ལ་མདུད་པ་དགུ་བདུན་གང་རུང་བྱས་ལ་མདུད་དགོས། བྱིས་པ་མཚན་དུ་བྱས་ན་ཁྱི་ནག་གི་སྤུ་ལ་མདུད་པ་དགུ་བདུན་གང་རུང་བྱས་ལ་སྔགས་ནི། ༀ་ཛུ་ཏྲི་ཛུ་ཏྲི་སྭཱ་ཧཱཿ ཟབ་བོ། ལག་རྩ་འགད་པ་ཚིགས་འཁྲོལ་བ་སོགས་ལ། སྐུད་པ་དཀར་ནག་གཉིས། དཀར་པོ་ནང་འབྲེལ་ལྷན་ཅིག་འདུད་པ་ལ་སྔགས་འདི་གདབ། ཨོཾ་ཙ་ཁྲིད་ནན་ཕཊ་སྭཱ་ཧཱཿ ཞེས་ལག་པ་ལ་འདོགས་དགོས། མི་ལ་བླ་གནས་བརྩི་མི་དགོས་པའི་སྔགས་ནི། ཨོཾ་ན་ག་རྦད་སྭ་ཆག་ཆིངས་སྔགས་ནི། ཨོཾ་ཙ་ག་ཤུ་ར་ལ་སྣང་སྭཱ་ཧཱཿ ཆོག་མཚམས་སྐུད་པས་དཀྲིས། སེམས་ཅན་ཕྱིར་ལོག་མི་འགྲོ་བའི་སྔགས་ནི། ཨོཾ་སྡིག་སྡིག་མ་མ་ཁོ་ཁག་དམ༔ སྲུང་སྐུད་ཁྲ་བོ་ལ་སྔགས་བརྒྱ་རྩ་བཏབ་མདུད་པ་དགུ་བྱེད་ནས་ཕོ་ཡི་ལག་གཡས་མོ་ཡི་ལག་གཡོན་བཅིངས་ནས་སྦྲུལ་གྱིས་དཀྲིས་པར་བསམས་ནས་སྔགས། གཅན་གཟན་ཁ་ཆིངས་ནི། ཨོཾ་མ་རུ་ཙྩཾ་སྭཱ་ཧཱཿ སྤང་མོ་འདུར་འདུར་སོད་ཨིག་ནན༔ སྐུད་པ་དཀར་པོ་ལ་མདུད་པ་གསུམ་བྱས་ནས་འདོགས། རྟ་ཡི་ཨོག་ཏི་བསྲུང་བའི་སྔགས་ནི། བྷྱོ་ཏ་ལི་རྦད༔ རྟ་ཡི་ཁ་ལོ་སྔགས་ནི། ཨོཾ་

[Full Size]

ནག་པོ་ཡཾ་སྲི་སོད༔ ཅེས་ཐོད་པའི་སྤུ་འཛུམ་སིག་དགོས། ཁྱི་ཐོ་བསྲུང་བའི་སྔགས་ནི། ཨོཾ་མི་རི་མི་རི་རྩི་སྭཱ་ཧཱཿ ཁྲོ་ཆགས་ལ་སྔགས་ནས་ཁྱི་ལ་འདོགས། རྟ་ཡི་བུར་སྔགས་ནི། ཨོཾ་བུར་སོད་བུར་སོད༔ བུར་སྐལ་སོད༔ ལྕག་ཚན་ལ་སྔགས་ནས་ལྕག་ཚན་བུར་བར་བསམ་བུར་ཚ་རྣལ་བར་བསམ། འོན་པའི་རྣ་བར་ཐོས་པར་བསམ། མིག་ལ་ལིང་ཐོག་བུད་ན་རང་ཉིད་བྲམ་ཟེ་ནག་པོ། སྣ་ཉག་པ། མིག་ཟབ་པ་རླུང་གི་ཤུགས་དང་ལྡན་པ་བསྒོམ་ལ། མིག་ནམ་མཁའ་ལིང་ཐོག་སྤྲིན། སྔགས་རླུང་གིས་སྤྲིན་དེད་པར་བསམ་ལ་སྔགས་དགོས།། ཨོཾ་ཡ་དན་ཏི་སྭཱ་ཧཱཿ ན་ག་ལིང་ཐོག་སོད༔ བརྒྱའམ་སྟོང་གིས་སེལ་བར་ཐེ་ཚོམ་མེད། ལིང་ལེན་སྔགས་ནི། མུ་ན་ཡེ་ཨག་ཀྲོང་ཧུར་ཕུང་སྭཱ་ཧཱཿ དུག་སྔགས་ནི། ཨོཾ་ཧ་རི་ནི་ཡ་ཕྱུང་ཕྱུང་༔ ཕཊ་ཕཊ༔ ཏྲིག་ཡེར་སྭཱ་ཧཱཿ ཁྱི་ཡི་ཁ་ཆིངས་ནི། ཨོཾ་གུ་གུ་ར་ཙ་ཁྱི་ཡི་ཁ་ཆིངས༔ གུ་གུ་ར་ཛའི་མཆུ་ཆིངས་ཤིག༔ རང་ཉིད་ཤཱཀྱ་ཐུབ་པར་བསྒོམ། མཐེ་བོང་ཕྱག་ན་རྡོ་རྗེར་བསྒོམ་དགོས། ཇག་ཆིངས་ནི། ལྡུམ་སྒྲོག་ལ་སེ་ཆིངས་མདུད་པ་བྱས་ལ་སྔགས་དགོས། ཨོཾ་ཐར་ནི༔ ཐར་ནི༔ མ་ཧཱ་ཐར་ནི་སྭཱ་ཧཱཿ མི་རྒོད་དགྲ་རྐུན་ཇག་གསུམ་གྱི་ཁ་ཆིངས་ཤིག༔ རྟ་ཡི་དུག་སྔགས་ནི། ཨོཾ་ཧ་སིང་ཧུ་སིང་དུག་རིགས་ནག་པོ་སོད༔ སྔགས་ཆུ་བྱའོ། །བེའུ་མྱང་བའི་སྲུང་སྔགས་ནི། སྐུད་པ་

[Full Size]

དམར་པོ་ལ་མདུད་པ་གསུམ་བྱས་ནས། ཨ་ཙག་རཀྵ་ཀ་ལ་རཀྟ་རྣད་ཐུམ༔ ཐབས་གཉན་སྔགས་ནི། ཨོཾ་ས་མ་ནན་ཡེ་སྭཱ་གྲིབ་སྔགས་ནི། ནག་པོ་ཁྲོ་གཏུམ་མགོ་དགུ་སོད༔ གྲིབ་གདོན་ནག་པོ་སྲོག་ལ་རྦད༔ ཐབས་སྔགས་ནི། ཨོཾ་གནམ་ལྕགས་ཁྱུང་གིས་དབལ་ཐབས་སོད༔ སྔགས་ནག་ཀླུ་གཉན་འཇོམས་བྱེད་ནི། །ཤ་ཆང་བུད་མེད་སྤང་ནས་ནི། །ནད་སྔགས་རང་ཉིད་སྲུང་བ་ནི། །དེ་དག་འདི་ལས་ཟབ་པ་མཆོག །ཨོཾ་ནག་པོ་ཀ་ལ་ར་ཤ་རྦད་རྦད༔ སོད་སོད༔ ཕྱུང་ཕྱུང་༔ སྤུ་གྲི་ཟད་ཟད༔ གནོད་བྱེད་གདུག་པའི་ཤ་ལ་ཟོ་ཨོཾ་ལྷོག་ལྷོག༔ ཟོ་ཟོ༔ འུབ་འབ༔ སོད་སོད༔ ཕྱུང་ཕྱུང་༔ ཡ་མ་དུ་ནན་སོད༔ ནད་པ་ལ་སྔགས་ཆུ་བླུད་དགོས། སྐྲངས་པ་ཐམས་ཅད་ལ་མཐའ་ནས་བྱུག་དགོས། སོ་སྲིན་སྔགས་ནི། ཨོཾ་མུ་ནི་མུ་ནི་སོད༔ མུ་ཏྲི་མུ་ཏྲི་སོད༔ ཛཾ་ཛ་སོད༔ གཉན་ཡ་མ་ན་བ་སོད༔ སྲིན་བུ་ཡ་མ་ན་བ་སོད༔ མར་ལ་སྔགས་ནས་སོ་ལ་བསྟེན་དགོས། ཁ་ཚའི་སྔགས་ནི། ཨོཾ་ཏྲིར་ཛ་ནག་པོ་སྲོག་ལ་ཆི༔ བཞོ་ཟོ་འོ་མའི་འགོང་པོ་ཁ་ཆིངས་ནི། ཨོཾ་དཀར་མོ་འོ་རྐུན་མའི་སྲོག་ལ་ཛ་ཛཿ རམ་རམ༔ ཚ་ལ་སྔགས། བརྡུང་ན། སྲུང་སྐུད་ར་ལ་བཏགས། རྒྱ་ཐོར་སྔགས་ནི། ཨོཾ་ནག་པོ་ཀྲོ་དྷི་ཤི༔ མི་ཕྱུགས་ཀྱི་བུ་

[Full Size]

དང་། ཤ་མ་ཆུ་མ་ཐོན་ན་སྔགས་ནི། ཨོཾ་རྦད་རྦད་༔ རྗོད་རྡུད༔ ཆོད་ཆོད༔ སད་སད༔ སིང་སིང་༔ ཁྲོལ་ཁྲོལ་སྭཱ་ཧཱཿ ཞེས་ཆུ་དང་། བདེ་ཀུན་འབྱུང་འདི། །འགྲོ་བ་རྣམས་ལ་ཕན་ཕྱིར་དུ། །རཱ་ག་ཨ་སྱས་སྦྱར་བ་དགེ་ལེགས་འཕེལ། །ཉེས་འགལ་མཆིས་ན་ཡེ་ཤེས་ལྷ་ལ་བཤགས། སརྦ་མངྒ་ལཾ། དག་དེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

གཟའ་སྲུང་མ་བུ་དགུ་འཁྱམས་ཀྱི་འཁོར་ལོ་ལག་ལེན་མ་བུ་ཟ་ཡིག་ཟ་སྨན་བདུག་སྨན་ལུས་ཡིག་བཏགས་ཐབས་ལོ་རྒྱུས་དང་བཅས་པ།

[Full Size]

གཟའ་སྲུང་མ་བུ་དགུ་འཁྱམས་ཀྱི་འཁོར་ལོ་ལག་ལེན་མ་བུ་ཟ་ཡིག་ཟ་སྨན་བདུག་སྨན་ལུས་ཡིག་བཏགས་ཐབས་ལོ་རྒྱུས་དང་བཅས་པ་བཞུགས་སོ།།

[Full Size]

ཨོཾ་རྒྱན་སྨན་བླ་དབྱེར་མེད་ལ༔ སྒོ་གསུམ་གུས་པས་ཕྱག་འཚལ་ལོ༔ གཟའ་སྲུང་གཏེར་གྱི་སྒྲོམ་བུ་འདི་ལ༔ དང་པོ་ལོ་རྒྱུས། གཉིས་པ་བརྟག་ཐབས། གསུམ་པ་འཁོར་ལོ་མ་བུ། བཞི་པ་ཟ་ཡིག །ལྔ་པ་ལུས་ཀྱི་ཡི་གེ །དྲུག་པ་ཟ་སྨན་དང་བདུག་སྨན་བདུན་ལས༔ དང་པོ་ལོ་རྒྱུས་ནི་གནས་ཁྱུང་ལུང་དངུལ་དཀར་བྲག་ཕུག་ཏུ༔ བླ་ཆེན་དྲན་པ་ནམ་མཁས་་་་་གཏེར་སྟོན་ཉང་རལ་ཟེར་བ་འདུག་ཀྱང་ཤིན་ཏུ་མ་དག་འདྲ། ཐམས་ཅད་ཟིལ་གནོན་གྱི་ཏིང་ངེ་འཛིན་ལ་བཞུགས་པ་ལས༔ ཚེས་བཅུ་གསུམ་གྱི་སྲོད་ལ་མཁའ་འགྲོ་སུ་ཀ་སིདྡྷི་ཕྱག་གཡས་གྲི་གུག༔ གཡོན་པས་ཐོད་ཁྲག་བསྣམས་ནས་བྱོན་པས༔ འོད་ཀྱིས་ལམ་ཐམས་ཅད་གང་ནས་བྱུང་༔ ཁོང་གིས་གདུང་བའི་དབྱངས་ཀྱིས་གསོལ་བ་བཏབ༔ དཀར་གཏོར་གཅིག་ཕུལ་བས༔ མཁའ་འགྲོ་མ་དེའི་ཞལ་ནས༔ རྣལ་འབྱོར་པ་ཁྱེད་ལ་ངས་གཟའ་བཅོས་ཟབ་མོ་གཅིག་སྟོན་གསུང་འཇའ་ཡལ་བ་ལྟར་རེས་གཅིག་བྱོན་སོང་བས་ཤོག་སེར་མཐོ་གང་ཙམ་ཞིག་གཏེར་དུ་བཞེས༔ གཞན་ཡང་གཏེར་ཕྲན་འགའ་ཙམ་བྱུང་༔ ཁོང་གིས་ཞལ་བཤུས་མགུལ་དུ་འཆང་༔ གཏེར་དུ་སྦས་སོ་ས་མ་ཡཱ༔ རྒྱ་རྒྱ་རྒྱ༔ ཨྠྀི༔ གཉིས་པ་གཟའི་ཆུ་ལ་བརྟག་པ་འདི་ལྟ་སྟེ༔ ནུབ་མོ་སྐར་མ་

[Full Size]

རྫོགས་དུས་དང་འིརྒྱུ་འི་ལེརནད་དུབཏོད་ལོ་དང་ས་པས་ཁུ་བཀབ་ཕང་སྒྲུང་སྙམ་ཡི་པང་ལེབ་ཀྱིས་དབུལ༔ ཕྱིད་དབལྟས་པས་ཆུ་སྡེརཔོ་འདུག༔ ཆུ་གཙོ་ཡིན་པ།ཆུ་རིས་ཅན་གྱིས་བསྐོར་ནག་པ་འདུག་ན་རླུང་གཟའ་ཡིན་པས་རླུང་རིས་ཅན་གྱིསབསྐོར༔ དམརཔོ་འདུག་ན་མེ་གཟའ་ཡིན་པས་མེ་རིས་ཅན་གྱིས་བསྐོར༔ ཡེར་པ་འདུག་ནས་གཟའ་ཡིན༔ པས་སྐུ་གཚིགས་དག་གིས་བསོད་ཏུ་ཉོག་པོརསངོན་ཐུབ་དཀའ་བའི་ལས་ཡིན་པས་འཁོར་ལོ་དགུ་བས་པཱརཱནོདོ༔ ཟབམ་ཡིད་པས་དུ་ཡུལརིསྲོག་འཁོར་སྲོག་ཡིག་གིས་བསྐོར༔ འདི་བུ་ཡིག་ཡིན་མེ་གཟའ། དྲནིའི་རྫསའི་ཆུ་དགགླཙི༔ ཡུང་བ། ཕོག་ཚིལ་། ཐོག་དུས་རྟ་བོད་རྣམས་རྫས་ཡིན་འཁོར་ལོ་ནང་དུ་བསྟུམ། ནང་ལའང་བདུག༔ འདིའི་རབ་གནས་མན་ངག་ཡི་གེ་ཉེར་གཅིག་བཟླས། གསུམ་པ་འཁོར་ལམ་བུ་དམུ་ཨེར་པ་དད་རང་རྫས་ཀྱིས་བྱུག་གོ་བཀྲ་ཤིས། བཞི་པ་ཟ་ཡིག་ལག་ལེན་ལ། འདི་སྤྱི་འཇོམས་ཡིན་

[Full Size]

རི་མོ་དང་ཡི་གེ་ཡོད།

[Full Size]

རི་མོ་དང་ཡི་གེ་ཡོད།

[Full Size]

རི་མོ་དང་ཡི་གེ་ཡོད།

[Full Size]

རི་མོ་དང་ཡི་གེ་ཡོད།

[Full Size]

རྒྱ་ཡིག་དང་སྨར་ཡིག་དང་ཡིག་རྒོད་དགུ་ཡོད༔ ནང་ཡིག་དྲུག་ཡོད། ཟ་ཡིག་བདུན་ཡོད༔ མན་ངག་གི་རྫས་གསུམ་ཡོད། ལོག་ནོན་གྱི་སྨན་གཅིག་ཡོད། རྣོ་འབེབས་ཀྱི་ཤ་སྣ་གཉིས་ཡོད༔ ཟ་སྨན་དྲུག་ཡོད༔ བདུག་སྨན་གཅིག་ཡོད༔ དེ་ལ་རྟེན་འབྲེལ་རྫ་ས་དང་གསུམ༔ སྲོག་སྙིང་དམ་རྫས་དང་བཅས་པ་ཕུལ༔ ཁས་བླངས་དམ་བཅའ་ཐ་ཚིག་བགོས༔ ས་མ་ཡ༔ རྒྱ་རྒྱ་རྒྱ༔ བུ་ཡིག་གི་གནད་ཚིགས་ནི༔ སྦས་པ་ཁ་ཅིག་ཁྱེད་ལ་ཕུལ༔ དེ་ལ་སྔགས་འདི་ལ་ཡིག་རྒོད་དགུ་ཡོད། སྤྱི་ཡི་བུ་ཡིག་གཅིག་ཡོད། ལོག་ནོན་སྨན་ནི་གྲི་རུས་ཡིན། རྣོ་འབེབས་ཤ་སྣ་གཉིས་ནི། ཏིལ་ལོའི་ཤ་དང་སྦྲུལ་ཤ་ཡིན། དྲུག་པ་ཟ་སྨན་ལ་མུ་ཟི་ནག་པོ་གུ་གུལ་ཆུ་དག་གླ་རྩི་གཟའ་དུག་ནག་པོ་ཞད་ཙམ་ཨ་རུ་ར་མུ་ཟི་ནག་པོ་ག་མ་ལི་སྐྱམ་དར་མགོ་གསུམ་གྱི་ཤ་དེ་རྣམས་ཡིན། འཁོར་ལོ་རབ་གསེར་དངུལ། འབྲིང་མཚལ། ཐ་མ་རྒྱ་སྣག་གིས་བྲི། འཁོར་ལོ་འདི་དང་ལག་ལེན་འདི་རྣམས་མཁའ་འགྲོ་མའི་སྙིང་ཐིག་ཡིག་རྒོད་གྱི་བརྡའ་འགྱུར་འདི་རྣམས་ཀུན་ལ་མི་སྤེལ་གསང་བའི་རྒྱ༔ གཟའ་བཅོས་མ་བུ་དགུ་འཁྱམས་གཏེར་གྱི་སྒྲོམ་བུ་འདི་གཏེར་སྟོན་རཏྣའི་མཚན་ཅན་གྱིས་རི་དར་དཀར་ཡོལ་བས་བྲེས་འདྲའི་རྒྱུད་ནས་གཏེར་དུ་བཏོན། གཏེར་སྲུང་རཱ་ཧུ་ལ་ཡིས་སྲོག་སྙིང་ཕུལ། ཕྱི་རབ་ལས་འཕྲོ་ཅན་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ མངྒ་ལཾ།།

ཉི་མ་མདུང་གང་མ།

[Full Size]

༈ ཉི་མ་མདུང་གང་མ་ཁུངས་བཙུན་དག་པ་བཞུགས་སོ། །ཉེར་དགུ་ནས་བཟུང་ཉི་མ་མདུང་གང་ཙམ་ལ་ཁ་ནུབ་ཏུ་བལྟས་ལ། བླ་མ་དཀོན་མཆོག་གསུམ་ལ་སྐྱབས་སུ་མཆི། །འགྲོ་བའི་དོན་དུ་གསང་བའི་བདག་པོ་བསྒྲུབ། །ལན་གསུམ། ཨོཾ་སྭ་བྷ་ཝས་སྦྱང་། །སྟོང་པའི་ངང་ལས་པད་ཉི་རི་རབ་སྟེང་། །རང་ཉིད་ཧཱུྃ་ལས་གསང་བདག་སྐུ་མདོག་མཐིང་། །ཞལ་གཅིག་ཕྱག་གཉིས་ཁྲོ་བོའི་ཆས་རྣམས་རྫོགས། །རྡོ་རྗེ་ཕྱར་ཞིང་སྡིགས་མཛུབ་སྦྲུལ་ཞགས་གདེངས། །བརྐྱང་བསྐུམ་ཞབས་ཀྱིས་མེ་དཔུང་ཀློང་ན་བཞུགས། །འབྲུ་གསུམ་གྱིས་མཚན་ཡེ་བསྟིམ་དབང་རྫོགས་གྱུར། །ཨོཾ་བཛྲ་པཱ་ཎི་ཨརྒྷཾ་སོགས། ཤརྡ་པྲ་ཏཱིཙྪ་སྭཱ་ཧཱ། ལྕང་ལོ་ཅན་གྱི་གནས་མཆོག་དམ་པ་ནས། །སོགས་ཀྱིས་བསྟོད། ཏདྱ་ཐཱ། ཨོཾ་ནི་ལཾ་བྷ་ར་དྷ་ར་བཛྲ་པཱ་ཎི་ར་ཛྷཱ་པ་ཡ་ཏི་སྭཱ་ཧཱ། །ཞེས་སོ། །ཙཎྜ་མ་ཧཱ་བརྒྱ་རྩ་བཟླ། རང་མདུན་ཁྲག་མཚོ་གྲུ་གསུམ་ནང་དུ་ནི། །རཱ་ཧུ་ལ་ནི་དུད་ཁ་མགོ་དགུ་པ། །མགོ་ལུས་མིག་གང་སྐུ་སྨད་སྦྲུལ་དུ་འཁྱིལ། །ཕྱག་བཞི་དང་པོ་ཐལ་སྦྱར་འོག་མ་གཉིས། །སྦྲུལ་

[Full Size]

ཞགས་མདའ་གཞུ་འཛིན་ཅིང་གདོང་སྨད་པ། །མཐེབ་ཚིགས་ཙམ་པ་བཀའ་ཉན་ཚུལ་དུ་གྱུར། །བསྙེན་སྔགས་ལྔ་བཅུས་ཁོ་ཉིད་དཀར་པོར་སོང་། །བདུན་ཅུ་སོང་བས་སྦྲུལ་མཇུག་ཁོང་པར་ཐིམ། །གོ་ལྔ་སོང་བས་ཞལ་རྣམས་རྩ་ཕྱག་ཐིམ། །སྦྲུལ་མཇུག་ལྷག་མེད་རྐང་པ་གཅིག་ཀྱང་སྐྱེས། །བརྒྱ་རྩ་བཟླས་པས་ལག་གཉིས་རྩ་ཕྱག་ཐིམ། །ཕྱག་མཚན་རང་ལ་ཕུལ་ཞིང་སྲོག་སྙིང་ཕུལ། །ལུས་ཀྱི་རྒྱན་རྣམས་རིན་ཆེན་རྒྱན་གྱུར་ཏེ། །མཛེས་ཤིང་ཡིད་འོང་ལྷ་ཡི་གཟུགས་སུ་གྱུར། །གཏོར་མ་བྲན་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་བ་སོགས། ཨོཾ་ཨ་ཀཱ་རོ་མུ་ཁཾ་སོགས། གསུམ་བརྗོད། ཨོཾ་ཀེ་ཏ་ཀེ་ཏ་རཱ་ཧུ་ལ་བི་ཛ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི་སྭཱ་ཧཱ། ལན་གསུམ། ཨོཾ་བཛྲ་པཱ་ཎི་ཨ་ཛ་མ་ནྱ་ཨ་བི་རཱ་ཙ་ཡེ་སྭཱ་ཧཱ། པུཤྩ། དྷུ་པེ། ཨཱཿ་ལོ་ཀེ། གྷནྡྷེ། ནེ་ཝི་ཏྱ། ཤཐཱ་ཨཱཿཧཱུྃ༔ ཕྱག་ན་རྡོ་རྗེའི་བཀའ་ཉན་པའི། །མཐུ་སྟོབས་ནུས་པ་བསམ་མི་ཁྱབ། །རཱ་ཧུ་ལ་ཞེས་རབ་གྲགས་པའི། །སྲུང་མ་ཁྱོད་ལ་བདག་བསྟོད་དོ། །བདག་ཅག་དཔོན་སློབ་མི་ནོར་བཅོས། །སྟེང་གདོན་གཟའ་ཡི་གནོད་པ་སོགས། །གདོན་དང་བགེགས་དང་ནད་ཀུན་ལས། །

[Full Size]

བྱང་ཆུབ་བར་དུ་བསྲུང་བར་མཛོད། །རཱ་ཧུ་ལ་ཡིས་ཁས་བླངས་ནས། །རྒྱ་མཚོའི་ཕར་འགྲམ་སོང་བར་གྱུར། །རཱ་ཧུ་ལ་ས་པཱ་རི་ཝཱ་ར་གཙྪ། ཞེས་གཏོར་མ་ནུབ་ངོས་སུ་དོར། །ཨོཾ་ཉི་མ་ནན། ཟླ་བ་ནན། ཀླད་པ་ནན། སྙིང་མགོ་ནན། གཞི་རྩེ་ལྟག་ཁུང་ནན། ཨེ་ཙི་ཏྲི་མ་ཏྲ་ཟློག །ཨེ་ནཱ་ག་ཤིག །ནཱ་ག་སོད། ནཱ་ག་ཟློག །ན་ག་ཀའི་མགོ་ལ་ནན། ཨ་རཱ་གས་མགྱོགས་པར་བྲིས་སོ། །ཁྲག་མཚོ་དེ་ཡང་སྐམ་པར་བསམ། །སྟོང་ཉིད་དུ་བཞག །འདི་རྒྱབ་རེས་ཉི་ཤུ་དགུ་བར་མ་ཆག་ན་སྐྱེ་བ་འབུམ་ཚོ་གསུམ་དུ་གཟའི་གནོད་པ་མི་འབྱུང་གསུངས་ཏེ། ཟླ་བ་དགུ་ལ་མ་ཆག་ན་ལག་བླངས་མའོ། །མངྒ་ལཾ། །འདིའི་ཕྱག་ལེན་ཁྱུང་པོ་ཞག་གཅོད་འབྱུང་གནས་ནས། རི་སྤྲུལ་རིན་པོ་ཆེ་ཀརྨ་མཁས་མཆོག་གིས་གསན། དེ་ལ་ཀུན་གཟིགས་མཉྫགྷོ་ཥས་གསན།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གནམ་ཆོས་སྨན་བླའི་ཆོ་གའི་བརྒྱུད་འདེབས་ནད་སེལ་བདུད་རྩིའི་ཆུ་རྒྱུན།

[Full Size]

གནམ་ཆོས་སྨན་བླའི་ཆོ་གའི་བརྒྱུད་འདེབས་ནད་སེལ་བདུད་རྩིའི་ཆུ་རྒྱུན་ཅེས་བྱ་བ་བཞུག་སོ། །ན་མོ་གུ་རུ་བྷེ་ཥ་ཛེ་ཡེ། མཚན་ལེགས་གསེར་བཟང་སྒྲ་དབྱངས་རྒྱལ་པོ་དང་། །མྱ་ངན་མེད་མཆོག་ཆོས་བསྒྲགས་རྒྱ་མཚོའི་དབྱངས། །ཆོས་བློ་མངོན་མཁྱེན་ཤཱཀ་ཐུབ་སྨན་གྱི་བླ། །བདེ་བར་གཤེགས་པ་བརྒྱད་ལ་གསོལ་བ་འདེབས། །འཇམ་དཔལ་སྐྱབས་གྲོལ་གསང་བདག་རྡོ་རྗེ་འཛིན། །ཉི་ལྟར་གསལ་མཛད་ཟླ་བ་ལྟར་སྣང་མཛད། །རིག་པའི་ཡེ་ཤེས་ཡིད་ལས་སྐྱེས་ལ་སོགས། །ས་བཅུའི་སེམས་དཔའ་རྣམས་ལ་གསོལ་བ་འདེབས། །ཀུན་དགའ་བོ་དང་འཚོ་མཛད་གཞོན་ནུ་དང་། །ཀླུ་སྒྲུབ་དཔའ་བོ་ཟླ་བ་མངོན་པར་དགའ། །བེ་རོ་ཙ་ན་ཆོས་རྒྱལ་ཁྲི་སྲོང་རྗེ། །མཁས་གྲུབ་ལོ་པཎ་རྣམས་ལ་གསོལ་བ་འདེབས། །།གཏེར་སྟོན་གྲྭ་པ་མངོན་ཤེས་དར་མ་གྲགས། །གཙང་སྟོད་དཀོན་སྐྱབས་རྒྱལ་བ་གཡུ་ཐོག་མགོན། །ཨ་བོ་ཆོས་རྗེ་མཉམ་ཉིད་རྡོ་རྗེ་སོགས། །གསོ་རིགས་བརྒྱུད་པ་རྣམས་ལ་གསོལ་བ་འདེབས། །ཡི་དམ་སྨན་བླ་སྨན་གྱི་དྲང་སྲོང་བཞི། །རྣོ་མཐོང་སྟོན་མཛད་སྨན་གྱི་ལྷ་མོ་བཞི། །སྨན་གྱི་དྲང་སྲོང་འབུམ་ཕྲག་དྲུག་ཅུ་སོགས། །བདུད་རྩི་སྨན་གྱི་ལྷ་ལ་

[Full Size]

གསོལ་བ་འདེབས། །ཊཱཀི་སྨན་གྱི་ལྷ་མོ་དཔལ་ཕྲེང་མ། །དངོས་གྲུབ་གཏེར་མཛད་འཛམ་ལྷ་དཀར་པོ་དང་། །སྨན་གྱི་བཀའ་སྲུང་ཞང་བློན་སྡེ་དགུ་སོགས། །མཁའ་འགྲོ་ཆོས་སྐྱོང་རྣམས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །མཐོང་རེག་དྲི་བའི་སྒོ་ནས་བརྟག་པའི་ཕྱིར། །མེ་ལོང་གསལ་བའི་ངོས་ལ་གཟུགས་བརྙན་བཞིན། །ནད་ཀྱི་མཚན་ཉིད་ཤེས་པར་བྱིན་གྱིས་རློབས། །ཐང་དང་ཕྱེ་མ་རིལ་བུ་སྦྱར་བའི་ཚེ། །སྨན་ཐོས་ཙམ་ཞིག་ཁར་ཕྱིན་འགྲོ་བ་རྣམས། །བཅོམ་ལྡན་སྨན་བླའི་ཐུགས་རྗེས་དེར་ཞུགས་ནས། །འཆི་མེད་རིག་འཛིན་ཐོབ་པར་བྱིན་གྱིས་རློབས། །བདག་གི་སྨན་ལ་སུ་ཡིས་ལོངས་སྤྱོད་པ། །བདེ་གཤེགས་སྨན་བླ་བརྒྱད་ཀྱིས་རྗེས་བཟུང་ནས། །ངན་སོང་འཁོར་བའི་སྐྱེ་སྒོ་ཀུན་བཀག་ནས། །མྱུར་དུ་བྱང་ཆུབ་ཐོབ་པར་བྱིན་གྱིས་རློབས། །སྐྱེ་བ་འདི་དང་ཚེ་རབས་ཐམས་ཅད་དུ། །བདག་ཉིད་མཐོང་ཐོས་དྲན་རིག་འགྲོ་བ་རྣམས། །རླུང་མཁྲིས་བད་ཀན་འདུས་པའི་ནད་ཞི་ཞིང་། །བཅོམ་ལྡན་སྨན་གྱི་བླ་དང་དབྱེར་མེད་ཤོག །ཅེས་དབོན་པོ་བསོད་ནམས་མགོན་གྱིས་བསྐུལ་ངོར། རཱ་ག་ཨ་སྱས་འཕྲལ་དུ་སྦྱར་བའོ། །སརྦ་མངྒ་ལཾ།། །།

དགོངས་གཏེར་ཐུགས་ཀྱི་ཀློང་གསལ་གྱི་ཟུར་རྒྱན་གནམ་ཆོས་ཉིད་ནས་ཟུར་དུ་བསྒྲིགས་པ་སྨན་བླའི་ཆོ་ག་བཻ་ཌཱུརླའི་ཆུ་རྒྱུན།

[Full Size]

དགོངས་གཏེར་ཐུགས་ཀྱི་ཀློང་གསལ་གྱི་ཟུར་རྒྱན་གནམ་ཆོས་ཉིད་ནས་ཟུར་དུ་བསྒྲིགས་པ་སྨན་བླའི་ཆོ་ག་བཻ་ཌཱུརླའི་ཆུ་རྒྱུན་བཞུགས་སོ།

[Full Size]

ན་མོ་མ་ཧཱ་བྷེ་ཥ་ཛུ། འདི་ལ་འཛོམ་ན་སྨན་བླའི་ཞལ་ཐང་མདུན་དུ་ཞི་བའི་མཆོད་པ་མཎྜལ་སོགས་ཅི་འབྱོར་བཤམས་པས་ཚོགས་རྫོགས། མེད་ན་མདུན་བསྐྱེད་ནམ་མཁར་དམིགས། མཆོད་པ་ཡིད་ཀྱིས་སྤྲུལ་ཆོག་པས་ཅི་ཡང་མི་དགོས་སོ། །འདི་བླ་མེད་ལུགས་ཡིན་པས་འདོན་མཁན་ཤ་ཆང་སྤང་བ་དང་། ཁྲུས་དང་ཆབ་ལེན་སོགས་གཙང་སྦྲ་མི་དགོས། འོན་ཀྱང་འདིའི་དབང་ལུང་ནི་ངེས་པར་ཐོབ་དགོས་ཏེ། བླ་མེད་གསང་སྔགས་ལུགས་ཡིན་པའི་ཕྱིར་རོ། །བདག་མདུན་དུས་གཅིག་ལ་བསྐྱེད་པ་རྙིང་མའི་ལུགས་ཡིན་པས་སོ་སོར་མི་དགོས། རྙིང་མ་གྱེར་སྒོམ་ཡིན་པས་ཚིག་དོན་ཡིད་ཀྱིས་བསྒོམ་ཞིང་། ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་

[Full Size]

མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ཀ་དག་ཀློང་ནས་སྤྲུལ་པ་ཡི༔ གནམ་ས་གང་བའི་མཆོད་པའི་སྤྲིན༔ མཎྜལ་རྒྱལ་སྲིད་ལྷ་མོར་བཅས༔ ཟད་མེད་གྱུར་ཅིག་པཱུ་ཛ་ཧོ༔ འགྲོ་ཀུན་བདེ་ལྡན་སྡུག་བསྔལ་བྲལ༔ བདེ་ལས་ཉམས་མེད་བཏང་སྙོམས་ཤོག༔ ཨོཾ་སྭ་བྷཱ་ཝ་ཤུདྡྷསརྦ་དྷསྭ་བྷ་ཝ་ཤུདྡྷོ྅ཧཾ༔ སྟོང་པ་ཉིད་དུ་གྱུར༔ སྟོང་པའི་ངང་ལས་སྟོང་གསུམ་འདི་ལྟ་ན་སྡུག་གི་ཕོ་བྲང་དུ་གྱུར་པའི་ནང་དུ་སེང་གེའི་ཁྲི་པད་ཟླ་སོ་སོའི་སྟེང་དུ༔ རང་ཉིད་དང་མདུན་བསྐྱེད་ཀྱི་གཙོ་བོའི་ས་བོན་ཧཱུྃ་མཐིང་

[Full Size]

ག་ལས༔ སྨན་བླ་སྐུ་མདོག་བཻཌཱུརྱ་ལྟ་བུ་འོད་ཟེར་འཕྲོ་བའི་སྐུ་ཅན་ཆོས་གོས་གསུམ་གྱིས་བཀླུབས་པ༔ ཕྱག་གཡས་མཆོག་སྦྱིན་གྱི་ཨ་རུ་ར་དང་༔ གཡོན་མཉམ་བཞག་ལྷུང་བཟེད་འཛིན་པ༔ མཚན་དཔེ་རྫོགས་ཤིང་རྡོ་རྗེ་སྐྱིལ་ཀྲུང་གིས་བཞུགས་པ༔ ཁྱད་པར་དུ་མདུན་བསྐྱེད་ཀྱི་འདབ་མ་རྣམས་ལ་ཐུབ་དབང་ལ་སོགས་པའི་སངས་རྒྱས་བདུན་དང་ཆོས་པུ་སྟི༔ དེ་རྒྱབ་སེམས་དཔའ་བཅུ་དྲུག༔ དེ་རྒྱབ་འཇིག་རྟེན་སྐྱོང་བ་བཅུ་དང་གནོད་སྦྱིན་གྱི་སྡེ་དཔོན་བཅུ་གཉིས་སོ་སོའི་འཁོར་དང་བཅས་པ༔ སྒོ་བཞི་ལ་རྒྱལ་པོ་ཆེན་པོ་བཞི་དང་བཅས་པའི་གནས་གསུམ་ཡི་གེ་གསུམ་དང་ཐུགས་ཀའི་ཧཱུྃ་ལས་འོད་ཟེར་འཕྲོས་པས༔ ཤར་ཕྱོགས་ཀྱི་སངས་རྒྱས་སོ་སོའི་ཞིང་ཁམས་ནས་ཡེ་ཤེས་པ་དཔག་ཏུ་མེད་པ་སྤྱན་དྲངས་ནས་བདག་མདུན་རྣམས་ལ་ཐིམ་པར་གྱུར༔ ཧཱུྃ༔ སྨན་བླ་མཆེད་བརྒྱད་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་བདག་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ ན་མོ་མ་ཧཱ་བྷེ་ཥ་ཛུ་ས་པ་རི་ཝཱ་ར་བཛྲ་ས་མ་ཡ་ཛཛཿ བཛྲ་ས་མ་ཡ་ཏིཥྛ་ལྷན༔ ཨོཾ་ཧཱུྃ་ཏྲཱཾ་

[Full Size]

ཧྲཱིཿཨཱཿ༔ ཨ་བྷི་ཥིཉྩ་ཧཱུྃ༔ ཧཱུྃ༔ མེ་ཏོག་བདུག་སྤོས་མར་མེ་དྲི༔ ཞལ་ཟས་རོལ་མོ་ལ་སོགས་པའི༔ གཟུགས་སྒྲ་དྲི་རོ་རེག་བྱ་ཆོས༔ བདག་གིས་ལྷ་ལ་མཆོད་པ་འབུལ༔ བདག་ཅག་ཚོགས་གཉིས་རྫོགས་པར་ཤོག༔ ཨརྒྷཾ་སོགས་ནས་རཱུ་པ་ཤབྡ་གནྡྷེ་རྭ་ས་སྤརཱི་པྲ་ཏིཙྪ་ཧཱུྃ༔ ཧཱུྃ༔ བཀྲ་ཤིས་གཙོ་བོ་རྫས་བརྒྱད་དེ༔ གཙོ་མཆོག་རྒྱལ་པོ་ཡུངས་ཀར་སོགས༔ བདག་གིས་ལྷ་ལ་མཆོད་པ་འབུལ༔ ཚོགས་གཉིས་ཡོངས་སུ་རྫོགས་པར་ཤོག༔ མངྒ་ལཾ་ཨརྦ་སིདྡྷི་ཧཱུྃ༔ ཧཱུྃ༔ བཀྲ་ཤིས་གཙོ་བོ་རྟགས་བརྒྱད་དེ༔ གཙོ་མཆོག་རྒྱལ་པོ་བུམ་པ་སོགས༔ བདག་གིས་ལྷ་ལ་མཆོད་པ་འབུལ༔ སེམས་ཅན་ཚོགས་གཉིས་རྫོགས་པར་ཤོག༔ མངྒ་ལཾ་ཀུམྦྷ་ཧཱུྃ༔ ཧཱུྃ༔ འདོད་ཡོན་རྩ་བ་རིན་ཆེན་བདུན༔ གཙོ་མཆོག་རྒྱལ་པོ་ནོར་བུ་སོགས༔ བདག་གིས་ལྷ་ལ་མཆོད་པར་འབུལ༔ བདག་ནི་ཚོགས་གཉིས་རྫོགས་པར་ཤོག༔ ཨོཾ་མ་ཎི་རཏྣ་ཧཱུྃ༔ ཧཱུྃ༔ ཀུན་གྱི་གཙོ་བོ་རི་རབ་གླིང་༔ རི་རབ་གླིང་བཞི་གླིང་ཕྲན་བཅས༔ བདག་གིས་ལྷ་ལ་མཆོད་པ་འབུལ༔ ཚོགས་གཉིས་ཡོངས་སུ་རྫོགས་པར་ཤོག༔ ཨོཾ་རཏྣ་མཎྜལ་ཧཱུྃ༔ ཧཱུྃ༔

[Full Size]

བདག་གིས་དྲི་ལྡན་དྲི་ཆབ་ཀྱིས༔ བདེ་གཤེགས་སྐུ་ལ་སྐུ་ཁྲུས་གསོལ༔ ལྷ་ལ་དྲི་མ་མི་མངའ་ཡང་༔ སྡིག་སྒྲིབ་དག་པའི་རྟེན་འབྲེལ་བགྱི༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ༔ ཧཱུྃ༔ རས་དཀར་འཇམ་དྲི་ལྡན་པ་ཡིས༔ རྒྱལ་བའི་སྐུ་ཉིད་ཕྱི་བར་བགྱི༔ སྐུ་ལ་དྲི་མ་མི་མངའ་ཡང་༔ སྡུག་བསྔལ་བྲལ་བའི་རྟེན་འབྲེལ་བགྱི༔ ཨོཾ་ཀཱ་ཡ་བི་ཤྭ་དྷ་ནི་ཧཱུྃ༔ ཧཱུྃ༔ ན་བཟའ་མཛེས་ལྡན་ངུར་སྨྲིག་འདི༔ རྒྱལ་བའི་སྐུ་ལ་གསོལ་བར་བགྱི༔ སྐུ་ལ་བསིལ་བ་མི་མངའ་ཡང་༔ བཀྲ་མདངས་འཕེལ་བའི་རྟེན་འབྲེལ་བགྱི༔ ཨོཾ་བཛྲ་ཝས་ཨཱཿཧཱུྃ༔ ཧཱུྃ༔ སྐུ་མདོག་བཻཌཱུརྱ་ཡི་རི་བོ་འདྲ་འགྲོ་བ་སེམས་ཅན་ནད་ཀྱི་སྡུག་བསྔལ་སེལ༔ བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་ལྷ་ལ་ཕྱག་འཚལ་བསྟོད༔ མཚན་ལེགས་རིན་ཟླ་གསེར་བཟང་མྱ་ངན་མེད༔ ཆོས་བསྒྲགས་རྒྱ་མཚོ་ཆོས་བློ་ཤཱཀྱ་ཐུབ༔ དམ་པའི་ཆོས་དང་སེམས་དཔའ་བཅུ་དྲུག་སོགས༔ དཀོན་མཆོག་རིན་ཆེན་གསུམ་ལ་ཕྱག་འཚལ་བསྟོད༔ ཚངས་དང་བརྒྱ་བྱིན་རྒྱལ་ཆེན་ཕྱོགས་སྐྱོང་གནོད་སྦྱིན་སྡེ་དཔོན་བཅུ་གཉིས་

[Full Size]

གཡོག་དང་བཅས༔ ལྷ་མི་སྨན་གྱི་རིག་འཛིན་དྲང་སྲོང་ཚོགས༔ བདུད་རྩི་སྨན་གྱི་ལྷ་ལ་ཕྱག་འཚལ་བསྟོད༔ བདག་མདུན་ཐུགས་ཀར་ཧཱུྃ་ལ་སྔགས་ཕྲེང་གིས་བསྐོར་བར་དམིགས་ལ། ཏདྱ་ཐཱ༔ ཨོཾ་བྷི་ཥ་ཚེ་བྷེ་ཥ་ཛེ་མ་ཧཱ་བྷེ་ཁོ་ཚེ་རཱ་ཛ་ས་མུཏྤ་ཏེ་སྭཱ་ཧཱཿ ཞེས་ཅི་ནུས་བཟླས་ནས་མཇུག་ཏུ། སྡིག་ལྟུང་ཀུན་བཤགས་དགེ་བ་བྱང་ཆུབ་བསྔོ། །ནད་གདོན་སྡུག་བསྔལ་བྲལ་བའི་བཀྲ་ཤིས་ཤོག །འཇིག་རྟེན་པ་རྣམས་རང་གནས་བཛྲ་མུཿ། །ཡེ་ཤེས་དམ་ཚིག་ལྷ་རྣམས་བདག་ལ་ཐིམ། །ཀ་དག་ཀུན་བཟང་ཀློང་དུ་ཨེ་མ་ཧོ། །ཞེས་པ་དགོངས་གཏེར་གྱི་ཟུར་རྒྱན་དུ་གནམ་ཆོས་ཉིད་ནས་བསྡུས་ཏེ་རཱ་ག་ཨ་སྱས་བསྒྲིགས་པ་ལ་འགལ་བ་མཆིས་ན་ལྷ་ལ་བཤགས་ཤིང་། དགེ་བས་སེམས་ཅན་ཐམས་ཅད་ནད་ལས་ཐར་ནས་མྱུར་དུ་སྨན་བླའི་གོ་འཕང་ཐོབ་པར་གྱུར་ཅིག །མདོ་ཆོག་ལ་ཁྲུས་གསོལ་སྟོད་ན་ཡོད་ཀྱང་། དེ་ལས་མཐོ་བ་རྣལ་འབྱོར་བླ་མེད་རྒྱུད་ལ་མཇུག་ཏུ་ཡོད་པ་མི་འགལ་ལོ། །དེ་ལྟར་ཆོ་ག་འདི་ལ་ཐུགས་དམ་བྱས་ན་ཕན་ཡོན་ནི། བཙུན་པ་ཡིན་ན་ཚུལ་ཁྲིམས་མི་ཉམས་ཤིང་། གལ་ཏེ་ཉམས་པ་ལྟ་ཞིག་ཡིན་ཀྱང་དེའི་སྒྲིབ་པ་བྱང་ནས་ངན་སོང་དུ་མི་ལྟུང་བ་དང་། དམྱལ་བ་དང་ཡི་དྭགས་དུད་འགྲོར་སྐྱེ་བའི་ལས་ངན་ཐམས་ཅད་དག་ནས་དེར་མི་སྐྱེ། གལ་ཏེ་སྐྱེས་ཀྱང་དེ་མ་ཐག་ཏུ་ཐར་ནས་བདེ་འགྲོ་མཐོ་རིས་ཀྱི་མཆོག་ཏུ་སྐྱེ་ཞིང་རིམ་

[Full Size]

གྱིས་སངས་རྒྱས་ཐོབ་པ་དང་། ཚེ་འདིར་ཡང་ཟས་གོས་ཚེགས་མེད་པར་འབྱོར་བ་དང་། ནད་དང་གདོན་དང་བྱད་ཀ་དང་རྒྱལ་པོའི་ཆད་པ་ལ་སོགས་པའི་གནོད་པ་ཞི་བ་དང་། ཕྱག་ན་རྡོ་རྗེ་དང་ཚངས་པ་དང་བརྒྱ་བྱིན་དང་རྒྱལ་པོ་ཆེན་པོ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་གཡོག་བདུན་འབུམ་བདུན་འབུམ་དང་བཅས་པས་བསྲུང་ཞིང་བསྐྱབས་ཏེ། དུས་མ་ཡིན་པའི་འཆི་བ་བཅོ་བརྒྱད་དང་། དགྲ་དང་གཅན་གཟན་ལ་སོགས་པའི་གནོད་པ་ཐམས་ཅད་ལས་ཐར་ཞིང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པར་འགྱུར་བ་སོགས་རྒྱས་པར་སྨན་བླའི་མདོ་གཉིས་ནས་ཕན་ཡོན་བསམ་ལས་འདས་པ་གསུངས་ཤིང་། ཆོས་ཕལ་ཆེར་ལ་སྐྱོན་འདོགས་ཤིང་མགུ་དཀའ་བ་མཁས་པའི་གྲྭ་ས་ཆེན་པོ་བྱང་ངམ་རིང་དཔལ་འཁོར་ཆོས་སྡེ་ལ་སོགས་མཚན་ཉིད་ཀྱི་གྲྭ་ས་ཐམས་ཅད་ནས་གསོན་པོའི་སྐུ་རིམ་དང་ཤི་བའི་སྒྲིབ་སྦྱོང་ལ་སྨན་བླ་མ་གཏོགས་གཞན་ཆོ་ག་མི་དར་ཞིང་། བོད་ཡུལ་རྡོ་རྗེ་གདན་ལྷ་ས་ཇོ་བོའི་མདུན་དང་བསམ་ཡས་བྱང་ཆུབ་ཆེན་པོའི་མདུན་དུ་བཏང་རྒྱུའི་ཆོ་ག་ཡང་སྨན་བླའི་ཆོ་ག་ཡིན། དེལྟར་བཀའ་གསར་རྙིང་མདོ་སྔགས་གང་ལ་ཡང་སྨན་བླའི་ཆོ་ག་བས་ཕན་ཡོན་ཆེ་བ་མེད་པས་ཡིད་ཆེས་པར་གྱིས། དེ་ལ་རྒྱས་བསྡུས་མང་ཡང་འདི་ཚིག་ཉུང་དོན་འཐུས་པ་དང་། བླ་མེད་ལུགས་ཡིན་པས་གཙང་སྦྲ་མི་དགོས། འདི་ཡིད་སྤྲུལ་ཡིན་པས་གཏོར་མཆོད་མེད་ཀྱང་ཆོག་པས་ཀུན་གྱིས་ཉམས་སུ་ལོངས་ཤིག །ཤུ་བྷཾ།། །།

གནམ་ཆོས་ཐུགས་ཀྱི་གཏེར་ཁ་ཐུགས་ཀྱི་ཀློང་རྡོལ་ལས་བྱུང་བའི་སྨན་ལྷ་དང་ཆོས་གྲགས་རྒྱ་མཚོའི་མངོན་རྟོགས་འདོན་འགྲིགས།

[Full Size]

གནམ་ཆོས་ཐུགས་ཀྱི་གཏེར་ཁ་ཐུགས་ཀྱི་ཀློང་རྡོལ་ལས་བྱུང་བའི་སྨན་ལྷ་དང་ཆོས་གྲགས་རྒྱ་མཚོའི་མངོན་རྟོགས་འདོན་འགྲིགས་ཡོད།།

[Full Size]

འདི་ལ་མཆོད་གཏོར་ཚོགས་དང་རྟེན་སོགས་མི་དགོས༔ མཆོད་པ་ཡིད་ཀྱིས་སྤྲུལ་ནས་ཆོས་སྤྱོད་ལྟར་འདོན་ཆོག༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ཀ་དག་ཀློང་ནས་སྤྲུལ་པ་ཡི༔ གནམ་ས་གང་བའི་མཆོད་པའི་སྤྲིན༔ མཎྜལ་རྒྱལ་སྲིད་ལྷ་མོ་བཅས༔ ཟད་མེད་གྱུར་ཅིག་པཱུ་ཛ་ཧོ་སྐད་ཅིག་དྲན་རྫོགས་སུ། རང་ཉིད་སྨན་བླ་སྐུ་མདོག་སྔོ༔ ཆོས་གོས་རྣམ་གསུམ་སྐུ་ལ་གསོལ༔ ཉི་ཟླ་པདྨའི་གདན་ལ་བཞུགས༔ ཞལ་གཅིག་ཕྱག་གཉིས་

[Full Size]

ལྷུང་བཟེད་འཛིན༔ ཕྱག་གཡས་མཆོག་སྦྱིན་ཨ་རུ་ར༔ རང་གི་སྤྱི་བོར་དེ་བཞིན་གཤེགས༔ ཆོས་གྲགས་རྒྱ་མཚོ་སྐུ་མདོག་དཀར༔ ཞལ་གཅིག་ཕྱག་གཉིས་གཡས་པ་ཡིས༔ སྐྱབས་སྦྱིན་གཡོན་པས་མཉམ་བཞག་མཛད༔ ཞབས་གཉིས་རྡོ་རྗེ་སྐྱིལ་ཀྲུང་བཞུགས༔ ཆོས་གོས་རྣམ་གསུམ་སྐུ་ལ་གསོལ༔ པདྨ་ཟླ་བའི་གདན་ལ་བཞུགས༔ ཞེས་བདག་བསྐྱེད་དང་། སྟོང་གསུམ་འདི་ལྟ་ན་སྡུག་གི་ཕོ་བྲང་དུ་གྱུར་པའི་ནང་དུ༔ སྨན་གྱི་བླ་སྐུ་མདོག་བཻཌཱུརྱ་ལྟ་བུར་འོད་ཟེར་འཕྲོ་བའི་སྐུ་ཅན༔ ཆོས་གོས་རྣམ་གསུམ་གྱིས་སྐུ་ལ་བཀླུབས་པ༔ ཕྱག་གཡས་མཆོག་

[Full Size]

སྦྱིན་ཨ་རུ་ར་དང་༔ གཡོན་ལྷུང་བཟེད་བདུད་རྩིས་བཀང་བ་འཛིན་པ༔ དྲང་སྲོང་སྨན་གྱི་ལྷ་མོའི་ཚོགས་ཀྱིས་བསྐོར་བ༔ བདག་མདུན་གྱི་གནས་གསུམ་ལས༔ ཨོཾ་ཨཱཿཧཱུྃ་གསུམ་ལས་འོད་ཟེར་འཕྲོས་པས༔ ཡེ་ཤེས་པ་སྤྱན་དྲངས་གཉིས་སུ་མེད་པར་གྱུར༔ སྨན་ལྷ་མཆེད་བརྒྱད་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་བདག་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ ཨོཾ་བཛྲ་ཨཱཿ་ཝེ་ཤ་ཡ་ཨ་ཨཱཿ༔ ས་མ་ཡ་ཛ་ཛཿ ས་མ་ཡཱ་ཏིཥྛ་ལྷན༔ ཨ་ཏི་པཱུ་ཧོ་ཧཱུྃ༔ བཅོམ་ལྡན་སྨན་ལྷའི་ལྷ་ཚོགས་ལ༔ བཀྲ་ཤིས་རྟགས་བརྒྱད་རིན་ཆེན་བདུན༔ མཆོད་པ་འབུལ་ལོ་ཐུགས་དམ་བསྐང་༔ སྐུ་མདོག་བཻཌཱུརྱ་ཡི་རི་བོ་འདྲ༔ འགྲོ་བ་སེམས་ཅན་ནད་ཀྱི་སྡུག་བསྔལ་སེལ༔ བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་ལྷ་ལ་ཕྱག་འཚལ་བསྟོད། བཅོམ་ལྡན་སྨན་ལྷ་འཁོར་བཅས་ལ༔ འཁོར་བའི་ཉོན་མོངས་དབང་གྱུར་པས༔ མ་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ དེ་ནས་བདག་མདུན་

[Full Size]

གཉིས་ཀྱི་ཐུགས་ཀར་ཟླ་བའི་སྟེང་དུ༔ ཧཱུྃ་མཐིང་ཁ་ལ་སྔགས་ཕྲེང་གཡས་སུ་འཁོར་བ་ལས་འོད་ཟེར་ཁ་དོག་སྣ་ཚོགས་འཕྲོས་པས༔ ཤར་ཕྱོགས་བཻཌཱུརྻའི་ཞིང་ཁམས་ནས༔ སངས་རྒྱས་སྨན་བླ་ལ་ཕོག་པས་ཐུགས་རྒྱུད་བསྐུལ༔ དེ་ནས་སྨན་ལྷའི་སྐུ་ཆེ་ཆུང་སྣ་ཚོགས་དང་༔ གསུང་སྔགས་ཀྱི་ཕྲེང་བ་དང་༔ ཐུགས་ཨ་རུ་ར་དང་ལྷུང་བཟེད་བདུད་རྩིས་བཀང་བ་ཆར་བབ་པ་ལྟར་བྱོན་ནས་རང་ལ་ཐིམ་པར་བསྒོམས་ལ༔ ཏདྱ་ཐཱ༔ ཨོཾ་བྷེ་ཥ་ཛྷེ་བྷེ་ཥ་ཕྱི་མ་ཧཱ་བྷེ་ཥ་ཛུ་རཱ་ཛ་ས་མུཏྤ་ཏེ་སྭཱ་ཧཱཿ ཞེས་གསུངས་པ་དང་༔ ཨོཾ་མ་ཧ་བྷེ་ཥ་ཛུ་ཡེ་སྭཱ་ཧཱཿ ཞེས་སྙིང་པོ་ཅི་ནུས་བཟླ། སྨན་སྡུད་ཁ་དེ་ལྟར་བཟླས་ལ༔ སྨན་ལྷ་མང་པོ་ཆར་ལྟར་བབ་པ་ལྟར་སྨན་ལ་ཐིམ་པར་བསྒོམ་ཞིང་ཅི་ནུས་གོང་གི་སྔགས་མཇུག་ནད་ཐམས་ཅད་མེད་པར་བྱེད་པའི་ནོར་བུ་བཟང་པོའི་རྟོགས་པ་ནས་གསུངས་པ་འདི་བཏགས་ལ། སྨན་ལ་རབ་གནས་ཀྱི་ཚུལ་དུ་སྔགས་ན་ཕན་ཐོགས་པའོ༔ ཨོཾ་ཀཱ་པ་ཡཀཱ་པ་ཡ་མི་ཀཱ་སྭཱ་ཧཱཿ རིམས་ནད་ལ་སྐྲག་ན་གོང་གི་སྨན་ལྷའི་སྔགས་ལ་རིམས་ནད་ཐམས་ཅད་མེད་པར་བྱེད་པའི་སྔགས་འདི་བཏགས་ལ་བཟླ༔ རིམས་ནད་ལ་སྔགས་ན་ཕན་ཆེའོ༔ ཨོཾ་ཕཊ་ཕཊ་ཧཱུྃ་ཧཱུྃ་སྭཱ་ཧཱཿ རིམ་གྲོ་དུས་ནད་འགོ་དོགས་ན་སྨན་ལྷ་སྨན་བླའི་སྔགས་མཇུག་ཏུ་འགོ་བའི་ནད་ཐམས་ཅད་མེད་པར་བྱེད་པ་འདི་བཏགས་ལ་

[Full Size]

བཟླའོ༔ ཨོཾ་ཀྲི་ཀཱ་ཡེ་སྭཱ་ཧཱཿ དེ་ལྟར་སྔགས་གསུམ་པོ་རྒྱུད་འབུམ་ནས་གསུངས་སོ༔ ཡང་སྐབས་སུ་རང་གི་སྤྱི་བོར་དེ་བཞིན་གཤེགས་པ་ཆོས་བསྒྲགས་རྒྱ་མཚོའི་དབྱངས་ལ་དད་འདུན་རྩེ་གཅིག་པས། དེ་བཞིན་གཤེགས་པ་ཆོས་བསྒྲགས་རྒྱ་མཚོའི་དབྱངས་ལ་ཕྱག་འཚལ་ལོ༔ ཞེས་ཅི་ནུས་བསྒྲགས་པས་བསྙེན་པའོ༔ དེ་ནས་དེའི་ལས་ཚོགས་ནི༔ ཨོཾ་ཀྲི་ཀྵ་ཧ་ནི་ཨ་ཡེ་སྭཱ་ཧཱཿ མང་དུ་བཟླས་ན་ཁ་མཆུ་ཞིའོ༔ ཨོཾ་ལ་ལི་ཧ་ན་ཨ་ལི་ཀི་ཧཱུྃ་ཕཊ༔ མང་དུ་བཟླས་ན་དགྲ་མི་འོང་། ཨོཾ་ཤ་ཧི་ཀྐི་ཏ་སྭཱ་ཧཱཿ མང་དུ་བཟླས་ན་དུས་མིན་འཆི་བ་བཟློག་པའོ༔ དེ་གསུམ་གནམ་ཆོས་ཡིན་ནོ༔ ཐུན་མཇུག་ཏུ་མདུན་བསྐྱེད་སྨན་བླ་ནི། སྨན་སྒྲོ་དང་སྨན་ཡིག་ལ་ཐིམ་པར་བསྒོམ། བདག་བསྐྱེད་བསྡུ་རིམ་སོགས་མི་དགོས། སེམས་ངོ་སྐྱོང་བས་འཐུས༔ བདག་ཡེ་ཤེས་པ་ནམ་ཡང་མི་གཤེགས་པ་ནི། རྙིང་མ་རྫོགས་ཆེན་ལུགས་ཡིན་ཟབ་བོ༔ དེ་ནས་རང་བཞིན་ནད་ཀྱིས་འཚེ་བ་ལ། །རང་གི་ཐུགས་ལས་འོད་ཟེར་སྔར་ལྟར་འཕྲོས༔ ཤར་ཕྱོགས་བཻཌཱུརྨ་སྣང་ཞིང་ཁམས་སུ༔ བཅོམ་ལྡན་སྨན་ལྷ་བཞུགས་པའི་ཐུགས་ཀར་ཕོག༔ སྔོན་གྱི་དམ་བཅའ་ཐུགས་བསྐྱེད་སྨོན་ལམ་དྲན༔ འོད་ཟེར་བཻཌཱུརྱ་ཡི་མདོག་འདྲ་འཕྲོས༔ བདག་དང་བསྲུང་བྱ་རྣམས་ཀྱི་ལུས་ལ་ཐིམ༔ ནད་ཀུན་བ་མོར་ཉི་ཟེར་ཕོག་ལྟར་བསྒོམ༔ སངས་རྒྱས་སྨན་གྱི་བླ་

[Full Size]

བཻཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོས། སྔོན་སྨོན་ལམ་ཆེན་པོ་བཅུ་གཉིས་བཏབ་པའི་བདེན་པ་དང་༔ བདེན་པའི་ཚིག་དེས། བདག་དང་བསྲུང་བྱའི་ནད་ཐམས་ཅད་ད་ལྟ་ཉིད་དུ་ཞི་བར་གྱུར་ཅིག༔ ཏདྱ་ཐཱ༔ ཨོཾ་བྷེ་ཥ་ཛྷེ་བྷི་ཥ་ཕྱི་མ་ཧཱ་བྷི་ཥ་ཚེ་རཱ་ཛ་ས་མུཏྤ་ཏེ་སྭཱ་ཧཱཿ ནད་ཐམས་ཅད་སརྦ་ཤཱནྟི་ཀུ་རུ་ཡེ་སྭཱ་ཧཱཿ གཅིག་གམ་གསུམ་མམ་བདུན་སོགས་སྐབས་དང་བསྟུན། །རྣམ་སྨིན་མ་གཏོགས་ནད་ཀུན་ཞི་བའི་ཚུལ། །སྨན་མདོ་རྒྱས་བསྡུས་གཉིས་ལས་རྒྱ་ཆེར་གསུངས། །སྔགས་དང་དམིགས་པ་མན་ངག་གཞན་ནས་བསྣོན། །ཨྠྀི། བཀའ་གདམས་གླེགས་བམ་ནང་གསུངས་གདམས་ངག་ཡིན། །དེ་ལྟར་ཐུགས་རྗེ་བྱིན་རླབས་བདེན་སྟོབས་ཀྱིས། །སྲུང་དང་ཟློག་པའི་མན་ངག་ཟབ་མོ་ནི། །བཀའ་ཡི་དོན་རྣམས་གདམས་ངག་ཉིད་དུ་ཤར། །རང་གིས་ཉམས་སུ་བླངས་བའི་ཆོས་ཡིན་ནོ། །གསུང་རབ་རྒྱ་མཚོ་གོ་བའི་སྐྱེས་བུ་ཡིས། །དཔྱད་ན་འདི་ལས་ཟབ་པའི་གདམས་ངག་འདི། །འཇིག་རྟེན་གསུམ་པོར་བཙལ་ཡང་རྙེད་མི་འགྱུར། །རཱ་ག་ཨ་སྱས་ཇི་ལྟར་སྨྲས་པ་བཞིན། །བླ་མ་བརྩོན་འགྲུས་རྒྱ་མཚོས་བྲིས་པ་དགེའོ། །སརྦ་མངྒ་ལཾ། །༧ འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

དགོངས་གཏེར་ཐུགས་ཀྱི་ཀློང་གསལ་གྱི་ཟུར་རྒྱན་སྨན་བླའི་སྒོམ་བཟླས་སྤྲོས་མེད་ཨ་ཏི་ཡོ་ག་ལྟར་ཉམས་སུ་ལེན་ཐབས་ཉོན་མོངས་སེལ་བྱེད།

[Full Size]

དགོངས་གཏེར་ཐུགས་ཀྱི་ཀློང་གསལ་གྱི་ཟུར་རྒྱན༔ སྨན་བླའི་སྒོམ་བཟླས་སྤྲོས་མེད་ཨ་ཏི་ཡོ་ག་ལྟར་ཉམས་སུ་ལེན་ཐབས་ཉོན་མོངས་སེལ་བྱེད་བཞུགས་སོ༔ ན་མོ་བྷཻ་ཥ་ཛྱཻ་ཡེ༔ སྐྱབས་བསླུ་མེད་དཀོན་མཆོག་རྣམ་གསུམ་ལ༔ བདག་རྩེ་གཅིག་གུས་པས་སྐྱབས་སུ་མཆི༔ མ་འགྲོ་དྲུག་བདེ་ལ་འགོད་པའི་ཕྱིར༔ བདག་བྱང་ཆུབ་མཆོག་ཏུ་སེམས་བསྐྱེད་དོ༔ ཆོས་ཐམས་ཅད་ཡེ་ནས་རྫོགས་པ་ཆེ༔ དོན་སྨྲ་བརྗོད་ཡོད་མེད་རྟག་ཆད་བྲལ༔ གཤིས་སྟོང་པའི་རང་མདངས་རིག་པའི་རྩལ༔ གནས་ལྟ་ན་སྡུག་གི་ཕོ་བྲང་དབུས་རང་བཅོམ་ལྡན་བདེ་གཤེགས་སྨན་གྱི་བླ༔ སྐུ་མཐིང་གསལ་ནམ་མཁའ་དྭངས་པའི་མདོག༔ མཚན་དཔེ་བྱད་གཟི་བརྗིད་འོད་དུ་འབར༔ གཡས་མཆོག་སྦྱིན་རྣམ་རྒྱལ་ཨ་རུ་ར༔ གཡོན་བེཟླུར་སྒྱུ་ལྷུང་བཟེད་བདུད་རྩིས་བཀང་༔ ཞབས་རྡོ་རྗེ་སྐྱིལ་ཀྲུང་པད་ཟླའི་སྟེང་༔ དར་དམར་པོ་ཆོས་གོས་རྣམ་གསུམ་བཀླུབས༔ ཐུགས་ཟླ་སྟེང་ཧཱུྃ་མཐིང་སྔགས་ཀྱིས་བསྐོར༔ ཞིང་ཤར་ཕྱོགས་བེཌཱུརྨ་སྣང་ནས༔ རང་འདྲ་བའི་ཡེ་ཤེས་སྤྱན་དྲངས་བསྟིམ༔ དེ་སྒོམ་མཁན་རང་གི་སེམས་ཉིད་དོ༔ དེ་མ་བཅོས་ལྷུག་པར་རང་ཞལ་བལྟ༔ དེ་བལྟས་པས་དུག་

[Full Size]

གསུམ་རང་སར་ཞི༔ དཔེ་ཆུ་རླབས་ཆུ་ལ་ཐིམ་པ་བཞིན༔ གནས་ཁམས་གསུམ་འཁོར་བའི་སྡུག་བསྔལ་ཀུན༔ ད་སེལ་མཛད་སྨན་པའི་རྒྱལ་པོ་ཡིན༔ དེ་རྟོགས་ན་བླ་མེད་རྒྱུད་སྡེའི་དོན༔ ཆོས་ཕྱག་རྒྱ་ཆེན་པོ་དེ་ཉིད་རང་༔ དོན་བཅོམ་ལྡན་སྨན་བླ་རང་གི་སེམས༔ སེམས་སྟོང་པའི་རང་མདངས་སྨན་བླའི་སྐུ༔ ཕྱི་སྣོད་འཇིག་རྟེན་ལྟ་ན་སྡུག་ཕྱི་རྩི་བཅུད་རང་བྱུང་ནད་སེལ་སྨན༔ ནང་འགྱུ་བ་རང་གྲོལ་དུག་ལྔ་དང་༔ ཉོན་མོངས་པ་བརྒྱད་ཁྲི་སེལ་བའི་སྨན༔ དོན་བསྐྱེད་རྫོགས་ཟུང་འཇུག་འདི་བསྒོམས་པས༔ རྟེན་འབྲེལ་རྩི་སྨན་སྦྱར་བ་ཡིས༔ ནད་འདུ་བ་རྣམ་བཞི་ཞི་བར་ཤོག༔ ནང་རང་སེམས་ཆོས་སྐུར་སྦྱོར་བ་ཡིས༔ མ་འགྲོ་དྲུག་སྡུག་བསྔལ་སེལ་བར་ཤོག༔ ཏདྱ་ཐཱ༔ ཨོཾ་བྷཻ་ཥ་ཛྱཻ་བྷེ་ཥ་ཛྱཻ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ་སྭཱ་ཧཱཿ ཞེས་བསྐྱེད་རྫོགས་ཟུང་འཇུག་ཨ་ཏི་ཡོ་ག་ལྟར་ཉམས་སུ་ལེན་ཐབས༔ དགོངས་གཏེར་ཐུགས་ཀྱི་ཟུར་རྒྱན་རཱ་ག་ཨ་སྱས་བྲིས་པའོ། །དགེའོ།། །།

སྨན་བླའི་སྒོམ་བཟླས་བླ་མའི་རྣལ་འབྱོར།

[Full Size]

སྨན་བླའི་སྒོམ་བཟླས་བླ་མའི་རྣལ་འབྱོར་བཞུགས་སོ།། ན་མོ་བྷི་ཥ་ཛཱི་ཡེ། བསླུ་མེད་དཀོན་མཆོག་གསུམ་ལ་སྐྱབས་སུ་མཆི། །འགྲོ་བའི་དོན་དུ་བཅོམ་ལྡན་སྨན་བླ་བསྒྲུབ། །བདག་གི་སྤྱི་བོར་པདྨ་ཟླ་བའི་སྟེང་། །ཧཱུྃ་ཡིག་མཐིང་ནག་འོད་ཀྱིས་འཕགས་པ་མཆོད། །སེམས་ཅན་ཀུན་གྱི་དོན་བྱས་ཚུར་འདུས་པས། །རྩ་བའི་བླ་མ་དབྱེར་མེད་བཅོམ་ལྡན་འདས། །སྨན་བླ་སྐུ་མདོག་བཻཌཱུརྱ་ཡི་མདོག །ཞལ་གཅིག་ཞི་འཛུམ་མཛོད་སྤུ་དཀར་པོས་བརྒྱན། །ཕྱག་གཉིས་གཡས་པས་མཆོག་སྦྱིན་ཕྱག་རྒྱ་ཡིས། །སྨན་མཆོག་རྣམ་རྒྱལ་ལོ་མ་དང་བཅས་འཛིན། །གཡོན་པས་མཉམ་བཞག་ལྷུང་བཟེད་བདུད་རྩིས་བཀང་། །རྡོ་རྗེའི་སྐྱིལ་ཀྲུང་པད་མའི་གདན་ལ་བཞུགས། །མཚན་དཔེ་རབ་རྫོགས་ཆོས་གོས་རྣམ་གསུམ་གསོལ། །འོད་ཟེར་ཉི་མ་འབུམ་གྱི་གཟི་བརྗིད་འབར། །དེ་ཡི་དཔྲལ་བར་ཨོཾ་དཀར་མགྲིན་པར་ནི། །ཨཱཿཡིག་དམར་པོ་ཐུགས་ཀར་ཟླ་བའི་སྟེང་། །ཧཱུྃ་ཡིག་སྔོན་པོའི་མཐའ་མར་གཟུངས་ཀྱིས་བསྐོར། །དེ་ལས་འོད་འཕྲོས་ཤར་ཕྱོགས་འཇིག་རྟེན་ཁམས། །བེཟླུརྒྱ་སྣང་ཞིང་ནས་ཡེ་ཤེས་པ། །ནམ་མཁའ་སྤྱན་དྲངས་གཉིས་སུ་

[Full Size]

མེད་པར་ཐིམ། །གཞན་ཡང་ཕྱོགས་བཅུའི་རྒྱལ་བ་སྲས་བཅས་པ། །སྨན་བླའི་རྣམ་པར་སྤྱན་དྲངས་གཉིས་མེད་གྱུར། །སྐྱབས་གནས་ཀུན་འདུས་ངོ་བོ་སྨན་བླ་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །གླིང་བཞི་རི་རབ་རྒྱལ་སྲིད་རིན་ཆེན་བདུན། །བཀྲ་ཤིས་རྫས་རྟགས་བརྒྱད་དང་འདོད་ཡོན་ལྔ། །བདག་ལུས་ལོངས་སྤྱོད་སྣང་སྲིད་ཐམས་ཅད་འབུལ། །ཐོག་མེད་དུས་ནས་ད་ལྟ་ཡན་ཆད་དུ། །བཅས་དང་རང་བཞིན་ཁ་ན་མ་ཐོའི་ལས། །ཉེས་པའི་ཚོགས་རྣམས་གང་མཆིས་མཐོལ་ལོ་བཤགས། །འཕགས་སྐྱེས་བསོད་ནམས་ཀུན་ལ་རྗེས་ཡི་རང་། །གང་འདུལ་ཆོས་འཁོར་རྒྱ་ཆེན་བསྐོར་བར་བསྐུལ། །འཁོར་བ་ཇི་སྲིད་བཞུགས་པར་གསོལ་བ་འདེབས། །དགེ་བ་འདི་ཡིས་འགྲོ་ཀུན་བདེ་གྱུར་ཅིག །བཅོམ་ལྡན་ཁྱེད་ཀྱི་ཐུགས་བསྐྱེད་སྨོན་ལམ་དང་། །ཚད་མེད་ཐུགས་རྗེས་བདག་ལ་བརྩེར་དགོངས་ལ། རླུང་མཁྲིས་བད་ཀན་འདུས་པའི་ནད་རྣམས་དང་། །འཁོར་བའི་འཇིགས་པ་ཀུན་ལས་བསྐྱབ་ཏུ་གསོལ། །ཞེས་གསོལ་མོད་ལས་སྐུ་ལས་བདུད་རྩི་བབ། །ཚངས་བུག་ནས་

[Full Size]

ཞུགས་ནད་གདོན་སྡིག་སྒྲིབ་རྣམས། །དུད་ཁུའི་རྣམ་པ་འོག་གི་སྒོ་ནས་ཐོན། །ས་འོག་སོང་བས་ལས་ཀྱི་གཤིན་རྗེ་ཚིམ། །བདག་ལུས་དྲི་མེད་ཤེལ་སྒོང་ལྟ་བུའི་ནང་། །འཆི་མེད་སྨན་གྱི་བདུད་རྩིས་ལྟེམ་གྱིས་གང་། །ཞེས་བསྒོམས་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་སྨན་གྱི་བླ་་༔ བཻཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །ཞེས་ལན་གསུམ། བདུན་ནམ་ཉེར་གཅིག་གམ་བརྗོད། ཏདྱ་ཐཱ། ཨོཾ་བྷཻ་ཥ་ཛྱཻ་བྷེ་ཥ་ཛྱཻ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ་སྭཱ་ཧཱ། ཞེས་ཅི་ནུས་བཟླ། སྨན་བླའི་སྐུ་གསུང་ཐུགས་ལས་འོད་ཟེར་ནི། །དཀར་དམར་མཐིང་གསུམ་རང་གི་གནས་ལྔར་ཐིམ། །སྐུ་གསུང་ཐུགས་ཀྱི་དབང་མཆོག་ཐོབ་གྱུར་ནས། །བཅོམ་ལྡན་འོད་ཞུ་བདག་དང་དབྱེར་མེད་ཐིམ། །རྒྱལ་བ་ཀུན་གྱི་ཐུགས་དང་རང་གི་སེམས། །དེ་བཞིན་ཁམས་གསུམ་འགྲོ་བའི་སེམས་ཉིད་ཀུན། །དབྱེར་མེད་ཆོས་ཀྱི་དབྱིངས་སུ་ངོ་བོ་གཅིག །རང་སེམས་གདོད་ནས་ཆོས་སྐུ་ཡིན་པའི་ཕྱིར། །རེ་དོགས་བཅོས་སླད་མི་དགོས་རང་སར་ཞོག །བཟང་འདོད་འཇུར་བུས་མ་བཅིངས་ལྷོད་ལ་ཞོག །རྣམ་རྟོག་དགྲ་རུ་མ་བལྟ་ཡན་དུ་

[Full Size]

ཆུག །འདབ་ཆགས་ཇི་ལྟར་འཕུར་ཡང་ནམ་མཁའི་ངང་། །ཉ་མོ་ཇི་ལྟར་འཕྱོ་ཡང་རྒྱ་མཚོའི་ངང་། །རྣམ་རྟོག་ཇི་ལྟར་འཕྲོ་ཡང་སེམས་ཉིད་ངང་། །མ་ཡེངས་དྲན་རྫི་མ་བརྗེད་ཉམས་ལེན་ཡིན། །འདིས་མཚོན་དུས་གསུམ་དགེ་བ་ཅི་བསགས་མཐུས། །ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །ནམ་ཞིག་འཕོས་ཚེ་འཆི་བ་ཆོས་ཀྱི་སྐུ། །མངོན་སངས་རྒྱས་ནས་བར་དོ་ལོངས་སྐུ་འགྲུབ། །སྐྱེ་བ་སྤྲུལ་སྐུ་ནུབ་ཕྱོགས་བདེ་ཆེན་དུ། །རྒྱལ་བ་འོད་དཔག་མེད་པའི་ཞབས་དྲུང་དུ། །གསེར་གྱི་པད་མོ་མཆོག་ལ་རྫུས་སྐྱེས་ནས། །བྱང་ཆུབ་སྤྱོད་པ་རྒྱ་ཆེན་སྤྱོད་པར་ཤོག །ཅེས་པ་དགེ་སློང་གླིང་བཀྲ་ཤིས་གྱི་ཐུགས་དམ་བྱ་ཕྱིར། དགེ་སློང་རཱ་ག་ཨ་སྱས་འཕྲལ་དུ་བྲིས་པ་དགེ་ལེགས་འཕེལ།། །།

སྨན་བླའི་སྒྲུབས་ཐབས།

[Full Size]

སྨན་བླའི་སྒྲུབས་ཐབས་བཞུགས་སོ། །བླ་མ་དཀོན་མཆོག་གསུམ་ལ་སྐྱབས་སུ་མཆི། །འགྲོ་བའི་དོན་དུ་བཅོམ་ལྡན་སྨན་བླ་བསྒྲུབ། །ཆོས་རྣམས་དམིགས་མེད་ཡེ་ནས་སྟོང་པ་ཉིད། །དེ་ཡི་ངང་ལས་རང་ཉིད་དྲན་རྫོགས་སུ། །དམ་ཡེ་དབྱེར་མེད་བཅོམ་ལྡན་སྨན་གྱི་བླ། །སྐུ་མདོག་མཐིང་ཀ་ཞལ་གཅིག་ཕྱག་གཉིས་པ། །ཕྱག་གཡས་མཆོག་སྦྱིན་སྨན་མཆོག་རྣམ་རྒྱལ་འཛིན། །གཡོན་པས་མཉམ་བཞག་བདུད་རྩི་ལྷུང་བཟེད་བསྣམས། །མཚན་དཔེས་རབ་བརྒྱན་རྡོ་རྗེ་སྐྱིལ་ཀྲུང་བཞུགས། །སྐུ་ལ་ཆོས་གོས་རྣམ་པ་གསུམ་གྱིས་བཀླུབས། །པད་ཟླའི་སྟེང་བཞུགས་འོད་ཟེར་དཔག་མེད་འཕྲོ། །ཐུགས་ཀར་ཟླ་སྟེང་ཧཱུྃ་ལ་སྔགས་གཡས་བསྐོར། །དེ་ལས་འོད་ཟེར་འཕྲོས་པས་ཤར་ཕྱོགས་ནས། །སྨན་བླ་དཔག་མེད་བྱོན་ནས་རང་ལ་ཐིམ། །སླར་ཡང་སྐུ་ལས་འོད་ཟེར་འཕྲོས་པ་ཡིས། །མཐོང་ཐོས་འགྲོ་བའི་དུག་གསུམ་ནད་ཞི་ནས། །ཐམས་ཅད་བླ་མེད་བྱང་ཆུབ་ཐོབ་གྱུར་ཅིག །ཏདྱ་ཐཱ། ཨོཾ་བྷཻ་ཥ་ཛྱཻ་བྷེ་ཥ་ཛྱཻ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ་སྭཱ་ཧཱ། ཞེས་བསྙེན་པ་ཅི་འགྲུབ་བྱས་ནས། དེ་ལྟར་སྒོམ་མཁན་ཐམས་ཅད་རང་གི་སེམས། །སེམས་ནི་ཡོད་མེད་

[Full Size]

མཐའ་བྲལ་སྟོང་པ་ཉིད། །གང་ཤར་མ་ཡེངས་ཙམ་དུ་ངོ་བོ་སྐྱོངས། །འཛིན་མེད་མ་བཅོས་ལྷུག་པར་བསྒོམ་ཤེས་ན། །དུག་ལྔའི་ནད་ཞི་བཅོམ་ལྡན་སྨན་བླ་འགྲུབ། །འདི་ལྟར་སྒོམ་བཟླས་བྱས་པའི་དགེ་བ་ཡིས། །མཐོང་ཐོས་དྲན་རེག་ཀུན་གྱི་ནད་ཞི་ནས། །བཅོམ་ལྡན་སྨན་བླ་ཉིད་དང་དབྱེར་མེད་ཤོག །ཅེས་པ་ལྷ་རྗེ་དབང་ལུས་བསྐུལ་ནས་ལྕི་སྟོད་ཨོ་རྒྱན་གྱིས་བཞེངས་པའི་མཆོད་རྟེན་དང་ཉེ་བའི་སར། ཨ་རཱ་གས་སོ།།

སྨན་ཆོག་དོན་བསྡུས།

[Full Size]

སྨན་ཆོག་དོན་བསྡུས་བཞུགས་སོ།། ན་མོ་བྷཻ་ཥ་ཛྱཻ་ཡེ༔ བླ་མ་དཀོན་མཆོག་གསུམ་ལ་སྐྱབས་སུ་མཆི༔ འགྲོ་ལ་ཕན་ཕྱིར་བཅོམ་ལྡན་སྨན་བླ་བསྒྲུབ༔ ཆོས་རྣམས་སྟོང་ཉིད་ཡེ་ནས་རྫོགས་པ་ཆེ༔ དེ་ཡི་རང་མདངས་མཁའ་ལ་འཇའ་ཤར་ལྟར༔ ཤར་ཕྱོགས་ལྟ་ན་སྡུག་གི་གཞལ་ཡས་ཁང་༔ དེ་དབུས་སེང་ཁྲི་པདྨ་ཟླ་བའི་སྟེང་༔ རང་ཉིད་དམ་ཡེ་དབྱེར་མེད་དྲན་རྫོགས་སུ༔ བཅོམ་ལྡན་སྨན་བླ་སྐུ་མདོག་བཻཌཱུའི་མདོག༔ མཚན་དཔེས་རབ་བརྒྱན་ཆོས་གོས་རྣམ་གསུམ་གསོལ༔ ཕྱག་གཡས་མཆོག་སྦྱིན་སྨན་མཆོག་ཨ་རུ་ར༔ གཡོན་པས་བདུད་རྩིས་བཀང་བའི་ལྷུང་བཟེད་བསྣམས༔ རྡོ་རྗེ་སྐྱིལ་ཀྲུང་གཟི་བརྗིད་འོད་ཟེར་འབར༔ ཐུགས་ཀར་ཟླ་སྟེང་ཧཱུྃ་ལ་སྔགས་གཡས་བསྐོར༔ དེ་ལས་འོད་འཕྲོས་ཤར་ཕྱོགས་ཞིང་ཁམས་སུ༔ སྨན་བླ་གྲངས་མེད་སྤྱན་དྲངས་རང་ལ་ཐིམ༔ རང་ལས་འོད་འཕྲོས་ནད་པ་ལ་སོགས་པའི༔ སེམས་ཅན་ཀུན་གྱི་ནད་དང་སྡུག་བསྔལ་བསལ༔ བཅོམ་ལྡན་སྨན་བླ་སྔོན་ཚེ་སེམས་དཔའ་ཡིས༔ སྨོན་ལམ་བཅུ་གཉིས་བཏབ་པའི་བདེན་པ་དེས༔ བདག་དང་ནད་པ་འདི་ཡི་ནད་དང་གདོན༔ ཐམས་ཅད་ད་

[Full Size]

ལྟ་ཉིད་དུ་ཞི་གྱུར་ཅིག༔ བདག་ཀྱང་སྒྲིབ་པ་ཀུན་བྱང་ཚོགས་རྫོགས་ནས༔ བདེ་ཆེན་དག་པའི་ཞིང་དུ་སྐྱེ་བར་ཤོག༔ ཏདྱ་ཐཱ༔ ཨོཾ་བྷི་ཥ་ཚེ་བྷེ་ཥ་ཛུ་མ་ཧཱ་བྷི་ཥ་ཛུ་ར་ཛཱ་ས་མུཏྤ་ཏེ་ཨོཾ་བྷེ་ཥ་ཛེ་སྭཱ་ཧཱཿ ཞེས་དགོངས་གཏེར་ལས་བྱུང་བའི་འདོན་བྱ་འདི་རཱ་ག་ཨ་སྱས་སྦྱར་བའོ༔ སརྦ་མངྒ་ལཾ། བཀྲ་ཤིས། ཞལ་དྲོ། །

དགོངས་གཏེར་ཐུགས་ཀྱི་ཀློང་གསལ་གྱི་ཟུར་རྒྱན་སྨན་བླའི་དབང་ནད་རིགས་ཀུན་སེལ་སྨན་གྱི་ཆར་རྒྱུན།

[Full Size]

དགོངས་གཏེར་ཐུགས་ཀྱི་ཀློང་གསལ་གྱི་ཟུར་རྒྱན་སྨན་བླའི་དབང་ནད་རིགས་ཀུན་སེལ་སྨན་གྱི་ཆར་རྒྱུན་ཡོད་དོ།།

[Full Size]

ན་མོ་མ་ཧཱ་བྷེ་ཥ་ཛུ་ཡེ༔ འབྲུའི་ཚོམ་བུའི་སྟེང་དུ་དབང་གཏོར་ལ་ཙཀ་ལི་འཛུགས༔ མཆོད་པ་ཅི་འཛོམ་བཤམ༔ སྤྲོ་ན་སྨན་ཆོག་འདོན༔ བསྡུ་ན་བདག་མདུན་དུས་གཅིག་དྲན་རྫོགས་སུ༔ སྟོང་གསུམ་འདི་ལྟ་ན་སྡུག་གི་ཕོ་བྲང་དུ་གྱུར་པའི་ནང་དུ་བདག་དང་གཏོར་མ་སྨན་བླ་སྐུ་མདོག་བཻཌཱུརྱ་ལྟ་བུ་འོད་ཟེར་འཕྲོ་བའི་སྐུ་ཅན༔ ཆོས་གོས་གསུམ་གྱིས་བཀླུབས་པ༔ ཕྱག་གཡས་མཆོག་སྦྱིན་ཨ་རུ་ར་དང་༔ གཡོན་ལྷུང་བཟེད་འཛིན་པའི་གནས་གསུམ་ཡི་གེ་གསུམ་གྱིས་མཚན་པ་ལས་འོད་ཟེར་འཕྲོས་པས༔ ཤར་ཕྱོགས་བེཟླུརླ་སྣང་གི་ཞིང་ནས་བསྒོམ་པ་དང་འདྲ་བའི་ཡེ་ཤེས་པ་ཆར་བབས་པ་ལྟར་བྱོན་

[Full Size]

ནས་བདག་དང་གཏོར་མའི་ལྷ་ལ་ཐིམ་པས་གཉིས་སུ་མེད་པར་གྱུར། ཏདྱ་ཐཱ༔ ཨོཾ་བྷེ་ཥ་ཛེ་གྷོ་ཥ་ཛུ་མ་ཧཱ་བྷི་ཥ་ཛཱི་རཱ་ཛ་ས་མུཏྠ་ཏེ་སྭཱ་ཧཱཿ ཞེས་བརྒྱ་རྩ་བརྒྱད་ལས་མི་ཉུང་བ་ཅི་འགྲུབ་བཟླས་ལ༔ ཨོཾ་མ་ཧཱ་བྷེ་ཥ་ཛུ་ཡེ༔ ཨརྒྷཾ་སོགས། ཤབྡ་པྲ་ཏཱིཙྪ་སྭཱ་ཧཱཿ ཧཱུྃ༔ སྐུ་མདོག་བཻཌཱུརྱ་ཡི་རི་བོ་འདྲ༔ འགྲོ་བ་སེམས་ཅན་ནད་ཀྱི་སྡུག་བསྔལ་སེལ༔ བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་ལྷ་ལ་ཕྱག་འཚལ་བསྟོད༔ དེ་ནས་སློབ་མ་འདུས་ནས་ཆབ་དང་མེ་ཏོག་བཀྱེ༔ སྔོན་དུ་དབང་མ་སོང་ངམ་ནད་པ་སོགས་ཡིན་ན༔ སྔོན་འགྲོ་བགེགས་གཏོར་མཚམས་བཅད་སྲུང་འཁོར་བསྒོམ་

[Full Size]

པ་སྐབས་དང་བསྟུན༔ ཡང་ནད་པ་གལ་ཆེ་བ་ལྟ་བུ་ཡིན་ན་སྔོན་འགྲོའི་ཚབ་ལ། གནམ་ཆོས་ནས་བྱུང་བའི་ནད་པ་བྱིན་རླབས་ཤོག་བཀྲ་མ་བྱ༔ དེ་ནས་དབང་བཤད་ནི༔ དེ་ཡང་བཅོམ་ལྡན་འདས་སྨན་གྱི་བླ་འདི་ནི་བསྐལ་པ་གྲངས་མེད་པ་ནས་བྱང་ཆུབ་ཏུ་སེམས་བསྐྱེད༔ མཚན་ཐོས་པ་ཙམ་གྱིས་ཀྱང་ངན་འགྲོའི་སྡུག་བསྔལ་དང་ནད་ཞི་བའི་སྨོན་ལམ་དཔག་ཏུ་མེད་པ་བཏབ༔ སྨོན་ལམ་དེ་རྣམས་མ་འགྲུབ་ཀྱི་བར་དུ་བདག་སངས་མི་རྒྱ་བའི་དམ་བཅའ་ཆེན་པོ་མཛད་ནས་བསྐལ་པ་དཔག་ཏུ་མེད་པའི་ཕ་རོལ་ཏུ་ཕྱིན་པ་དྲུག་ལ་སྤྱད་པས༔ མཐར་སྨོན་ལམ་ཐམས་ཅད་འགྲུབ་ནས་སངས་རྒྱས་ཏེ༔ ཤར་ཕྱོགས་ཀྱི་སངས་རྒྱས་ཀྱི་ཞིང་བེཟླུརླ་སྣང་ཞེས་བྱ་བ་བདེ་སྐྱིད་ཕུན་སུམ་ཚོགས་པ་བདེ་བ་ཅན་ལྟ་བུ་ན་ད་ལྟ་ཡང་མྱ་ངན་ལས་མི་འདའ་བར་སྐུ་ཡོངས་སུ་བཞུགས་སོ༔ སངས་རྒྱས་དེའི་མདོ་རྒྱུད་དང་མན་ངག་གསོ་བ་རིག་པ་ལ་སོགས་འཇིག་རྟེན་འདིར་དར་ཚུལ་ནི༔ སྔོན་སངས་རྒྱས་ཤཱཀྱ་ཐུབ་ཆེན་གྱིས་གསོ་དཔྱད་འབུམ་པ་གསུངས་པ་འཇིག་རྟེན་མྱེས་པོ་ཚངས་པའི་ཐུགས་ལ་བཟུང་བ་ལ༔ བསྐལ་པ་བཟང་པོ་འདི་དང་པོ་ཆགས་པའི་སྐབས༔ མི་རྣམས་ཀྱི་མིང་ལ་ཤེད་བུ་ཞེས་བཏགས་སོ༔ དེར་

[Full Size]

ཤེད་བུ་ལ་མ་ཞུ་བའི་ནད་བྱུང་བ་ལ༔ ཚངས་པས་འབུམ་པ་ལས་བསྡུས་པ་འབུམ་ཁུ་ཚུར་གསུངས་པས༔ འཛམ་བུ་གླིང་འདིར་སངས་རྒྱས་མ་བྱོན་ཞིང་ཆོས་མ་དར་བའི་གོང་ནས་སངས་རྒྱས་སྨན་བླའི་ཐུགས་རྗེས་གསོ་རིག་དར་བས༔ ཕྱི་རོལ་པ་ལ་ཡང་དེ་ལ་བརྟེན་ནས་གསོ་རིག་དར་རོ༔ དེ་ནས་བསྟན་པ་འདི་ལ་སྟོན་པ་ཤཱཀྱ་ཐུབ་པས་ཆོས་འཁོར་དང་པོ་བསྐོར་བའི་ཚེ་འདུལ་བ་སྨན་གྱི་གཞི་དང་༔ ཆོས་འཁོར་བར་པ་བསྐོར་བའི་ཚེ༔ རོལ་མོ་སྒྲ་གཅན་གྱི་ཤིང་དྲུང་ན་འཇམ་དཔལ་གྱིས་ཞུས་ནས༔ སྨན་བླའི་མདོ་དང་སྨན་བླ་མཆེད་བརྒྱད་ཀྱི་མདོ་གསུངས༔ གཞན་ཡང་གསེར་འོད་དམ་པ་ལ་སོགས་ནས་ཀྱང་ཞར་བྱུང་དུ་གསུངས་པ་མང་ངོ་༔ དེ་ནས་ཆོས་འཁོར་ཐ་མ་བསྐོར་བའི་ཚེ༔ བཅོམ་ལྡན་འདས་སྨན་བླའི་ཏིང་ངེ་འཛིན་ལ་བཞུགས་ནས་རྒྱུད་བཞི་གསུངས་སོ༔ དེ་དག་ཀུན་དགའ་བོ་དང་འཚོ་མཛད་གཞོན་ནུ་སོགས་ལས་བརྒྱུད་དེ་ནང་པ་ལ་དར་རོ༔ དེ་ནས་ཨོ་རྒྱན་ཆེན་པོ་པདྨ་འབྱུང་གནས་ཀྱིས་རིན་ཆེན་སྨན་གྱི་ནགས་ཚལ་དུ་སངས་རྒྱས་སྨན་གྱི་བླ་རྩི་བཅུད་ཀྱི་ལྷ་མོ་བཅུ་དྲུག་གིས་བསྐོར་བ་ཞལ་མཇལ་ནས་སྨན་བླའི་དབང་དང་རྒྱུད་ལུང་མན་

[Full Size]

ངག་ཐམས་ཅད་གནང་ངོ་༔ མདོ་གཉིས་ནི་འཇམ་དཔལ་གྱིས་མཁན་པོ་བོ་དྷི་སཏཱ་ལ་དབང་ལུང་མན་ངག་དང་བཅས་པ་དངོས་སུ་གནང་བས༔ སྨན་བླའི་ཆོ་ག་རྒྱས་བསྡུས་གསུམ་མཛད་དེ༔ ཟ་ཧོར་ཡུལ་དུ་ཉིད་ཀྱི་དབོན་པོ་བོ་དྷི་སཏཱ་ཆུང་བ་ལ་གནང་༔ བོད་དུ་རྒྱལ་པོ་ཁྲི་སྲོང་ལྡེའུ་བཙན་གྱི་སྐུ་རིམ་དང་སྒྲིབ་སྦྱངས་ལ༔ ལྷ་ས་ཇོ་བོའི་མདུན་དང་༔ བསམ་ཡས་བྱང་ཆུབ་ཆེན་པོའི་མདུན་དུ་སྨན་བླའི་ཆོ་ག་བཙུགས་པའི་རྒྱུན་དེང་སང་ཡང་མ་ནུབ་པར་བཞུགས་སོ༔ དེ་ནས་མཁས་པ་བཻ་རོ་ཙ་ན་རྒྱ་གར་དུ་བྱོན་ཏེ༔ ཁ་ཆེའི་པཎྜི་ཏ་ཟླ་བ་མགོན་པོ་སོགས་མཁས་གྲུབ་མང་པོ་བསྟེན་ནས་རྒྱུད་བཞི་སོགས་སྨན་བླའི་རྒྱུད་མན་ངག་མང་པོ་བོད་དུ་བསྒྱུར་བ་དང་༔ བདུད་རྩིའི་བུམ་པ་སོགས་དབང་ལུང་མན་ངག་མང་པོ་ཨོ་རྒྱན་རིན་པོ་ཆེས་གནང་བས༔ མང་བཙུན་ཁུ་ལུ་ལ་སོགས་པ་གསོ་རིག་ལ་མངའ་བརྙེས་པའི་སོ་སོ་རིག་འཛིན་མང་པོ་ཡང་བྱུང་༔ གླང་དར་གྱིས་བསྣབས་པར་དོགས་ནས་ཕལ་ཆེར་གཏེར་དུ་སྦས་པ་ལས༔ ཕྱིས་གྲྭ་པ་མངོན་ཤེས་ཅན་དང་༔ ར་མོ་ཤེལ་སྨན་དང་༔ སྨན་པ་ཉི་འོད་གསལ་སོགས་ཀྱིས་གཏེར་ནས་བཏོན་པས་དེང་སང་དར་ཞིང་རྒྱས༔ ཡང་

[Full Size]

ཨོ་རྒྱན་རིན་པོ་ཆེའི་ཐུགས་ཀྱི་སྤྲུལ་པ་གཡུ་ཐོག་ཡོན་ཏན་མགོན་པོ་དེ་རྒྱ་གར་དུ་བྱོན་པས༔ ལྷ་ལྕམ་མནྡ་ར་བ་འཇའ་ལུས་སུ་བཞུགས་པའི་མཚན༔ ལྷ་མོ་དཔལ་ཕྲེང་མར་གྲགས་པ་དེ་ཞལ་གཟིགས་ནས༔ སྨན་བླའི་དབང་ལུང་མན་ངག་གནམ་ཆོས་སུ་གནང་བ་ཡི་གེར་བཀོད་པ་ལ༔ ཤོག་དྲིལ་དཀར་དམར་གྱི་གླེགས་བམ་དང་༔ བླ་སྒྲུབ་ལ་སོགས་པའི་ཟབ་ཁྱད་དཔག་ཏུ་མེད་པ་ཡོད་ཅིང་༔ སྣེའུ་གདོང་རྒྱལ་པོའི་ཕོ་བྲང་དུ་དེ་རྣམས་སྤེལ་བའི་ཚེ་ཨ་རུ་ར་རློན་པའི་ཆར་བབས༔ ཉིད་ཀྱི་པང་དུ་ཨ་རུ་ར་རློན་པ་སྙིམ་པ་ཁ་སྦྱོར་ཙམ་ལོ་མ་དང་་བཅས་པ་གཅིག་བབས་པ་དེ་སྲས་ལ་གནང་ངོ་༔ ཡང་བོ་དྷི་སཏྭ་ཆུང་བའི་དབོན་པོ་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ན་དེ་བོད་དུ་གདན་འདྲེན་བྱུང་བ་འབྱོན་ནམ་མི་འབྱོན་དགོངས་ནས་རྡོ་རྗེ་གདན་དུ་ཕྱག་བསྐོར་བ་མཛད་པས༔ ནམ་མཁའ་ལས་སྨན་བླ་མཆེད་བདུན་ཞལ་གཟིགས༔ བོད་དུ་སོང་དང་འགྲོ་དོན་འབྱུང་ཞིང་ངེད་བདུན་གྱི་མཆོད་པ་ཡང་དར་བར་འགྱུར་རོ༔ ཞེས་ལུང་བསྟན་ནས་བོད་དུ་བྱོན་ཏེ༔ ཉིད་ཀྱི་མེས་པོ་བོ་དྷི་ས་ཏཱས་མཛད་པའི་སྨན་བླའི་ཆོ་གའི་དབང་ལུང་སྤེལ་བས༔ ར་སྒྲེང་དང་བྱང་ངམ་རིང་

[Full Size]

དཔལ་འཁོར་ལོ་བདེ་ཆེན་ལ་སོགས་དགེ་འདུན་གྱི་སྡེ་ཆེན་པོ་རྣམས་སུ་སྨན་བླའི་ཆོ་ག་ད་ལྟའི་བར་དུ་དར་ཞིང་རྒྱས་སོ༔ དེ་ནས་ལུང་བསྟན་བཀའ་རྒྱ་མ་ནས་ལུང་བསྟན་པའི༔ ཟུར་མཁར་ཨ་བོ་ཆོས་རྗེ་དེས༔ ནམ་ཐོ་རངས་ཞིག་ལ་གཡུ་ཐོག་མགོན་པོ་ཞལ་གཟིགས་བྱིན་གྱིས་བརླབས་པས༔ སྨན་བླའི་རྒྱུད་མན་ངག་ཐམས་ཅད་ལ་མཁས་པར་གྱུར་ཏེ༔ རྒྱུད་བཞིའི་དབང་གཏེར་དང་༔ ཨོ་རྒྱན་ཆེན་པོས་མཛད་པའི་གཏེར་མའི་མན་ངག་འཐོར་བུ་བ་ཐམས་ཅད་དང་༔ གཡུ་ཐོག་པ་ལ་ལྷ་མོ་དཔལ་ཕྲེང་མས་གནང་བའི་གནམ་ཆོས་ཀྱི་དོན་བསྡུས་ནས་བྱེ་བ་རིང་བསྲེལ་མཛད༔ དེ་རྗེས་ཟུར་མཁར་མཉམ་ཉིད་རྡོ་རྗེས་མཚན་ཉིད་བསླབས་པའི་སྐབས་སུ་རྒྱལ་བའི་དབང་པོས་དེང་སང་མཚན་ཉིད་བསྟན་པ་དར་ཆེ༔ གསོ་རིག་འདི་ནུབ་པར་ཉེ་བས༔ ཁྱེད་ཟུར་མཁར་བའི་དུས་དང་༔ སྐྱེ་བ་གཉིས་ཀ་ཡིན་པས༔ གསོ་རིག་སྦྱོང་གསུངས་པས་སྨན་བླའི་རྒྱུད་མན་ངག་ཐམས་ཅད་ལ་མཁས་པར་མཛད་པས་ཟུར་མཁར་བ་རྗེས་མར་གྲགས༔ རྒྱུད་བཞི་པར་དུ་འཁོད་པའི་ཞལ་བཀོད་དང་༔ སྨན་བླའི་རྒྱུད་མན་ངག་གི་བཤད་སྒྲུབ་ཀྱི་རྒྱུན་བཙུགས་སོ༔ དེ་ནས་སློབ་དཔོན་ཀླུ་སྒྲུབ་

[Full Size]

དང་༔ པཎྜི་ཏ་དཔའ་བོ་དང་༔ དྭགས་པོ་ལྷ་རྗེས་མཛད་པ་སོགས༔ གསར་མ་ལུགས་ཀྱི་གསོ་རིག་མང་དུ་ཡོད་ན་ཡང་ཆེར་མ་དར༔ དེང་སང་གངས་རིའི་ཁྲོད་འདིར་ནད་པ་རྣམས་ཀྱིས་སྨན་ཟ་བ་དང་སྨན་པ་འབོད་ཅིང་སྨན་བླའི་མཚན་ཐོས་པ་འདི་ནི༔ ཨོ་རྒྱན་རིན་པོ་ཆེ་དང་༔ པ་གོར་བེ་རོ་ཙ་ན་གཉིས་ཁོ་ནའི་བཀའ་དྲིན་ཡིན་ནོ༔ དེ་ལྟར་བོ་དྷི་སཏྭ་དང་༔ གྲྭ་པ་མངོན་ཤེས་ཅན་སོགས་ནས་བརྒྱུད་པའི་དབང་ལུང་གི་རྒྱུན་ཡང་ཅི་རིགས་པར་ཐོབ་མོད་ཀྱི༔ དེ་ལ་འདི་ནི་པ་གོར་བེ་རོ་ཙ་ནའི་ཐུགས་ཀྱི་འོད་ཟེར་ལས་བྱུང་བ་རིག་འཛིན་མི་འགྱུར་རྡོ་རྗེ་དགུང་ལོ་བཅུ་གཉིས་སྐབས་སུ་སངས་རྒྱས་སྨན་གྱི་བླ་རྨི་ལམ་དུ་མཇལ་ནས༔ ནད་པ་བྱིན་རླབས་ཤོག་ཁྲ་མ་གནང་༔ སྤྲེལ་ལོ་ཐ་སྐར་ཟླ་བའི་ཚེས་གསུམ་ནུབ་སྨན་བླ་དངོས་སུ་ཞལ་གཟིགས་ནས་སྒྲུབ་ཐབས་གནང་ངོ་༔ དགུང་ལོ་བཅུ་བདུན་གླང་ལོའི་དཔྱིད་སྐུ་མཚམས་ལ་བཞུགས་སྐབས༔ སྔོན་བེ་རོ་ཙ་ནའི་དུས་ཀྱི་བག་ཆགས་སད་དེ༔ སྨན་བླའི་སྒྲུབ་ཐབས་དང་དབང་འདིའི་རྩ་ཚིག་དགོངས་གཏེར་ལས་ཕབ་པ་ཡིན་ནོ༔ དེ་ལ་དབང་འདིའི་ཕན་ཡོན་ནི༔ སངས་རྒྱས་སྨན་བླའི་མདོ་གཉིས་

[Full Size]

བཅོམ་ལྡན་ཤཱཀྱ་ཐུབ་པས་གསུངས་པའི་དོན་བསྡུས་ཏེ་བཤད་ན༔ ཚངས་པར་སྤྱོད་པ་རྣམས་ཚུལ་ཁྲིམས་མི་ཉམས་པ་དང་༔ ནད་ཀྱིས་དབང་པོ་དང་ཡན་ལག་མ་ཚང་བའམ་ཉམས་པ་རྣམས་དབང་པོ་ཡན་ལག་རྫོགས་པར་འགྱུར་བ་དང་༔ ནད་ཐམས་ཅད་རབ་ཏུ་ཞི་ཞིང་བྱང་ཆུབ་མ་ཐོབ་ཀྱི་བར་དུ་ནད་མེད་པར་འགྱུར་བ་དང་༔ བྱད་ཁ་དང་རིག་སྔགས་ཀྱི་གནོད་པས་མི་ཚུགས་པ་དང་༔ རྒྱལ་པོའི་འཇིགས་པ་དང་ཆད་པ་ལས་ཐར་བ་དང་༔ ཟས་དང་གོས་དང་ལོངས་སྤྱོད་ཀྱིས་མི་ཕོངས་པར་འགྱུར༔ གནོད་སྦྱིན་གྱི་སྡེ་དཔོན་བཅུ་གཉིས་གཡོག་བདུན་འབུམ་བདུན་འབུམ་དང་བཅས་པས༔ སྲུང་ཞིང་སྐྱོང་བ་དང་གནོད་པ་ཐམས་ཅད་ལས་ཟློག་པར་བྱེད་པ་དང་༔ ཕྱག་ན་རྡོ་རྗེ་དང་ཚངས་པ་དང་བརྒྱ་བྱིན་གྱིས་ཀྱང་དུས་རྟག་ཏུ་བསྲུང་བ་དང་༔ དབུལ་ཞིང་ཕོངས་བའི་སྨན་པ་དང་སྨན་མི་རྙེད་པའི་ནད་ཐམས་ཅད་ཞི་བ་ཚེ་འདི་ལ་ཕན་པའི་རིམ་གྲོ་དང་༔ བུད་མེད་རྣམས་ཀྱང་བུད་མེད་ཀྱི་སྐྱེ་སྒོ་ཆོད་ནས་ཕྱིན་ཆད་སྐྱེས་པར་འགྱུར་བ་དང་༔ ཚེ་འདིར་སེར་སྣ་དང་འཕྲོག་བཅོམ་གྱི་ཉེས་པས་ཕྱི་མ་ཡི་དྭགས་སུ་སྐྱེས་ན་ཡང་དེ་མ་ཐག་ཏུ་སྨན་བླ་དྲན་ནས་ཐར་ཏེ༔ ཕྱུག་ཅིང་

[Full Size]

ལོངས་སྤྱོད་ཆེ་བར་སྐྱེས་ནས་སྦྱིན་པ་གཏོང་བར་འགྱུར་བ་དང་༔ ཚེ་འདིར་སྡིག་སྒྲིབ་དང་ཆོས་དང་གང་ཟག་ལ་ལོག་ལྟ་བྱས་པས་དམྱལ་བར་སྐྱེས་ན་ཡང་དེ་མ་ཐག་ཏུ་སངས་རྒྱས་སྨན་བླ་དྲན་ནས་ཐར་ཏེ༔ མིར་སྐྱེས་ནས་ཆོས་སྤྱོད་པར་འགྱུར་ཏེ༔ རིམ་གྱིས་སངས་རྒྱས་ཐོབ་པ་དང་༔ ཚེ་འདིར་ཕྲག་དོག་གིས་བདག་བསྟོད་གཞན་ལ་སྨད་པའི་ཉེས་པས༔ དུད་འགྲོར་སྐྱེས་ན་ཡང་དེ་མ་ཐག་སྨན་བླ་དྲན་ནས༔ མྱུར་དུ་ཐར་ཏེ་མི་ཤེས་རབ་ཅན་དུ་སྐྱེས་ནས་ཆོས་སྤྱོད་ཅིང་རིམ་གྱིས་སངས་རྒྱས་ཐོབ་པ་དང་༔ མདོར་ན་འདིའི་དབང་འདི་ཐོབ་ན་ལྟ་ཅི་སྨོས༔ མཚན་རྣ་ལམ་དུ་བསྒྲགས་ན་ཡང་ངན་སོང་དུ་འགྲོ་བའི་གོ་སྐབས་མེད་པར་བཅོམ་ལྡན་འདས་ཤཱཀྱ་ཐུབ་པས་མདོ་ལས་གསུངས་སོ༔ དེ་ལྟར་ཕན་ཡོན་ཆེ་ཞིང་བརྒྱུད་པ་ཉེ་བས་བྱིན་རླབས་ཀྱི་སོ་མ་ཉམས་པའི་དབང་ཞུ་བའི་ཕྱིར༔ མཎྜལ་ཕུལ༔ ས་གཞི་སྤོས་སོགས། ད་བླ་མ་བཅོམ་ལྡན་འདས་སྨན་བླར་གསལ་བའི་དྲུང་དུ་གསོལ་བ་འདེབས་པ་འདིའི་རྗེས་ཟློས་མཛོད༔ དུས་གསུམ་སངས་རྒྱས་ཐམས་དང་༔ ཁྱད་པར་བདེ་གཤེགས་སྨན་བླ་ལ༔ གསོལ་བ་འདེབས་སོ་དབང་བསྐུར་སྩོལ༔

[Full Size]

གསུམ། ད་མདུན་གྱི་གཏོར་མ་འདི་ཡང་སངས་རྒྱས་སྨན་གྱི་བླ༔ འཁོར་སྨན་བླ་མཆེད་བརྒྱད་སེམས་དཔའ་བཅུ་དྲུག༔ ཚངས་པ་དང་བརྒྱ་བྱིན་རྒྱལ་པོ་བཞི༔ གནོད་སྦྱིན་གྱི་སྡེ་དཔོན་བཅུ་གཉིས་ལ་སོགས་པ་ཉི་མ་དང་འོད་ཟེར་ལྟར་བཞུགས་པའི་དྲུང་དུ་སྐྱབས་སུ་འགྲོ་ཞིང་བྱང་ཆུབ་ཏུ་སེམས་བསྐྱེད་སྙམ་པ་གྱིས་ལ་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་གཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་གཉིས་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་བདག་གིས་མགྲོན་དུ་གཉེར༔ བྱང་ཆུབ་སེམས་མཆོག་ཡིད་འོང་བསྐྱེད་པར་བགྱི༔ འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔ གསུམ་མམ་ཚིག་ཐ་མ་གསུམ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པ་ཉིད་དུ་གྱུར༔ སྟོང་པའི་ངང་ལས་སྟོང་གསུམ་འདི་ལྟ་ན་སྡུག་གི་ཕོ་བྲང་དུ་གྱུར་པའི་ནང་དུ༔ ཁྱེད་རང་རྣམས་

[Full Size]

སྨན་བླ་སྐུ་མདོག་བཻཌཱུརྻ་ལྟ་བུ་འོད་ཟེར་འཕྲོ་བའི་སྐུ་ཅན༔ ཆོས་གོས་གསུམ་གྱིས་བཀླུབས་པ༔ ཕྱག་གཡས་མཆོག་སྦྱིན་ཨ་རུ་ར་དང་༔ གཡོན་ལྷུང་བཟེད་འཛིན་ཅིང་པད་ཟླ་ལ་རྡོ་རྗེ་སྐྱིལ་ཀྲུང་གིས་བཞུགས་པར་སྒོམས་ཤིག༔ དྲིལ་བུ་དབྱངས་དང་བཅས་པས༔ དེ་ཡི་གནས་གསུམ་འབྲུ་གསུམ་མཚན༔ ཨོཾ་དཀར་ཨཱཿཋདམར་ཧཱུྃ་མཐིང་དང་། ས་བོན་ལས་ནི་འོད་འཕྲོས་པས༔ སྨན་བླ་ཡེ་ཤེས་པ་དུང་ཕྱུར༔ ཁ་བ་བུ་ཡུག་འཚུབ་བཞིན་བྱོན༔ སློབ་མར་གཉིས་སུ་མེད་པར་ཐིམ༔ ན་མོ་མ་ཧཱ་བྷེ་ཥ་ཛཱི་ཡེ་ཨཱཿ་ཝེ་ཤ་ཡ་ཨ་ཨཱཿ༔ སྤོས་དང་རོལ་མོ་སྔགས་དམིགས་ཡུན་རིང་བྱའོ༔ རྡོ་རྗེ་མགོར་བཞག་ལ༔ ཡེ་ཤེས་པ་དེ་བརྟན་པར་གྱུར༔ ཏིཥྛ་བཛྲ༔ ད་སྐུ་གསུང་ཐུགས་ཀྱི་དབང་གསུམ༔ བྱིན་རླབས་བཀའ་བསྒོ་དང་བཞི་ལས༔ དང་པོའི་དོན་དུ་རྗེས་ཟློས་མཛོད༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་བཅོམ་ལྡན་སྨན་བླ་ལ༔ གསོལ་འདེབས་སྐུ་ཡི་དབང་བསྐུར་སྩོལ༔ དེ་ལྟར་གསོལ་བ་བཏབ་པས༔ གཏོར་མ་སྨན་བླར་གསལ་བའི་དཔྲལ་བའི་ཨོཾ་ལས་འོད་ཟེར་དཀར་པོ་འཕྲོས་པས༔ ཤར་ཕྱོགས་ཀྱི་སངས་རྒྱས་ཀྱི་ཞིང་རྣམས་ནས་

[Full Size]

བཅོམ་ལྡན་འདས་སྨན་བླ་མཆེད་བརྒྱད་ཀྱི་སྐུ་ཆེ་ཕྲ་དཔག་ཏུ་མེད་པ་ཁ་བ་བུ་ཡུག་ལྟར་སྤྱན་དྲངས་ནས༔ ཁྱེད་རང་རྣམས་ལ་སིབ་སིབ་ཐིམ་པར་སྒོམས་ཤིག༔ གཏོར་མ་དབྱངས་དང་བཅས༔ ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི༔ བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ སྐུ་ཡི་དབང་མཆོག་སྦྱིན་གྱིས་ལོངས༔ ཏདྱ་ཐཱ༔ ཨོཾ་བྷི་ཥ་ཛུ་བྷི་ཥ་ཛུ་མ་ཧཱ་བྷི་ཥ་ཛུ་རཱ་ཛ་ས་མུཏྟ་ཏེ་སཱ་ཏ༔ ཀཱ་ཡ་ཨ་བྷི་ཥིཉྩ་ཨོ༔ མེ་ཏོག་འཐོར་ཞིང་༔ ཧཱུྃ༔ སྐུ་མདོག་བཻཌཱུརྱ་ཡི་རི་བོ་འདྲ༔ འགྲོ་བ་སེམས་ཅན་ནད་ཀྱི་སྡུག་བསྔལ་སེལ་བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་སྐུ་ཡི་བཀྲ་ཤིས་ཤོག༔ འོ་དེས་ལུས་ཀྱི་སྒྲིབ་པ་དག༔ སྐུའི་དབང་ཐོབ༔ ལུས་ཀྱི་ནད་གདོན་ཞི༔ ལུས་ལ་སྤྲུལ་སྐུའི་ས་བོན་ཐེབས་པའོ༔ ད་གཉིས་པའི་དོན་དུ་རྗེས་ཟློས་མཛོད༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་བཅོམ་ལྡན་སྨན་བླ་ལ༔ གསོལ་འདེབས་གསུང་གི་དབང་བསྐུར་སྩོལ༔ དེ་ལྟར་གསོལ་བ་བཏབ་པས་གཏོར་མ་སྨན་བླར་གསལ་བའི་མགྲིན་པའི་ཨཱཿཡིག་ལས་འོད་ཟེར་དམར་པོ་འཕྲོས་པས༔ ཤར་ཕྱོགས་ཀྱི་

[Full Size]

སངས་རྒྱས་ཀྱི་ཞིང་ཁམས་རྣམས་ནས་དབྱངས་དང་གསལ་བྱེད་སྨན་བླ་མཆེད་བརྒྱད་ཀྱི་གཟུངས་དང་སྙིང་པོ་ཉེ་སྙིང་གི་ཡིག་ཕྲེང་དཔག་ཏུ་མེད་པ་སྤྱན་དྲངས་ནས་ཁྱེད་རང་རྣམས་ཀྱི་མགྲིན་པར་ཐིམ་པར་སྒོམས་ཤིག༔ གཏོར་མ་བཟུང་དབྱངས་དྲིལ་བུ་དང་བཅས༔ ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི༔ བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ གསུང་གི་དབང་མཆོག་སྦྱིན་གྱིས་ལོངས༔ ཏདྱ་ཐཱ༔ ཨོཾ་བྷཻ་ཥ་ཛྱཻ་བྷེ་ཥ་ཛྱཻ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ་སྭཱ་ཧཱཿ ཝཱཀྐ་ཨ་བྷི་ཥིཉྩ་ཨཱཿ༔ མེ་ཏོག་འཐོར་ཞིང་༔ ཧཱུྃ༔ སྐུ་མདོག་བཻཌཱུརྱ་ཡི་རི་བོ་འདྲ༔ འགྲོ་བ་སེམས་ཅན་ནད་ཀྱི་སྡུག་བསྔལ་སེལ༔ བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་གསུང་གི་བཀྲ་ཤིས་ཤོག༔ དེས་ངག་གི་སྒྲིབ་པ་དག༔ གསུང་གི་དབང་ཐོབ༔ ངག་ལ་ལོངས་སྐུའི་ས་བོན་ཐེབས་པའོ༔ ད་གསུམ་པའི་དོན་དུ་རྗེས་ཟློས་མཛོད༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་བཅོམ་ལྡན་སྨན་བླ་ལ༔ གསོལ་འདེབས་ཐུགས་ཀྱི་དབང་བསྐུར་སྩོལ༔ དེ་ལྟར་གསོལ་བ་བཏབ་པས་གཏོར་མ་སྨན་བླར་གསལ་བའི་

[Full Size]

ཐུགས་ཀའི་ཧཱུྃ་ལས་འོད་ཟེར་འཕྲོས་པས༔ ཤར་ཕྱོགས་ཀྱི་སངས་རྒྱས་ཀྱི་ཞིང་ཁམས་རྣམས་ནས་རྡོ་རྗེ་སྔོན་པོ་རྩེ་ལྔ་པ་དང་༔ ཨ་རུ་ར་རྣམ་པར་རྒྱལ་བ་དང་༔ བདུད་རྩིས་གང་བའི་ལྷུང་བཟེད་དཔག་ཏུ་མེད་པ་སྤྱན་དྲངས་ནས་ཁྱེད་རང་རྣམས་ཀྱི་སྙིང་ཁར་ཐིམ་པར་སྒོམས་ཤིག༔ ཅེས་གཏོར་མ་དབྱངས་དང་བཅས་པས༔ ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི༔ བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ ཐུགས་ཀྱི་དབང་མཆོག་སྦྱིན་གྱིས་ལོངས༔ ཏདྱ་ཐཱ༔ ཨོཾ་བྷི་ཥ་ཛུ་བྷེ་ཥ་ཛུ་མ་ཧཱ་བྷི་ཥ་ཛི་རཱ་ཛ་ས་མུཏྤ་ཏེ་སྭཱ་ཧཱཿ ཙིཏྟ་ཨ་བྷི་ཥིཉྩཧཱུྃ༔ མེ་ཏོག་འཐོར་ཞིང་༔ ཧཱུྃ༔ སྐུ་མདོག་བཻཌཱུརྱ་ཡི་རི་བོ་འདྲ༔ འགྲོ་བ་སེམས་ཅན་ནད་ཀྱི་སྡུག་བསྔལ་སེལ༔ བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་ཐུགས་ཀྱི་བཀྲ་ཤིས་ཤོག༔ དེས་སེམས་ཀྱི་སྒྲིབ་པ་དག༔ ཐུགས་ཀྱི་དབང་ཐོབ༔ སེམས་ལ་ཆོས་སྐུའི་ས་བོན་ཐེབས་པའོ༔ ད་བཞི་པའི་དོན་དུ་རྗེས་ཟློས་མཛོད༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་སྨན་བླ་མཆེད་བརྒྱད་ལ༔ གསོལ་འདེབས་དབང་དང་བྱིན་རླབས་སྩོལ༔ ད་གཏོར་མ་འདི་ཉིད་སྨན་

[Full Size]

བླ་མཆེད་བརྒྱད་འཁོར་བྱང་ཆུབ་སེམས་དཔའ་བཅུ་དྲུག་དང་བཅས་པ༔ སྟེང་གི་ཆ་ལ་རིག་འཛིན་བརྒྱུད་པའི་བླ་མ་སྤྲིན་ལྟར་འཁྲིགས་པ༔ ཕྱིའི་མཐའ་སྐོར་དུ་འཇིག་རྟེན་སྐྱོང་བ་དང་གནོད་སྦྱིན་སྡེ་དཔོན་བཅུ་གཉིས་ཁྲོམ་ལྟར་འཚོགས་པ༔ ཁྱེད་རང་རྣམས་ཀྱི་སྤྱི་བོར་གཏོར་མ་དང་ཐ་དད་མེད་པར་བྱོན་ནས༔ གསོལ་བ་ཇི་ལྟར་བཏབ་པ་དང་༔ སོ་སོའི་སྔོན་གྱི་སྨོན་ལམ་ཇི་ལྟར་བཏབ་པའི་བཀའ་དྲིན་ཐམས་ཅད་ད་ལྟ་ཉིད་དུ་ཐོབ་པར་བྱིན་གྱིས་བརླབས་ནས༔ ཡེ་ཤེས་པ་ཐམས་ཅད་འོད་དུ་ཞུ་ནས་ཁྱེད་རང་རྣམས་ལ་དབྱེར་མེད་པར་ཐིམ་པས༔ འཇིག་རྟེན་པ་རྣམས་ཀྱིས་ཀྱང་རང་རང་གིས་དམ་བཅས་པ་ལྟར་སྲུང་ཞིང་སྐྱོབ་པར་ཞལ་གྱིས་བཞེས་པའི་མོས་པ་མཛོད་ཅིག༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོས་བྱིན་གྱིས་རློབས་ཤིག༔ དེ་བཞིན་གཤེགས་པ་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོས་བྱིན་གྱིས་རློབས་ཤིག༔ དེ་བཞིན་གཤེགས་པ་རིན་པོ་ཆེ་དང་ཟླ་བ་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོས་བྱིན་

[Full Size]

གྱིས་རློབས་ཤིག༔ དེ་བཞིན་གཤེགས་པ་གསེར་བཟང་དྲི་མེད་རིན་ཆེན་སྣང་བ་བརྟུལ་ཞུགས་གྲུབ་པས་བྱིན་གྱིས་རློབས་ཤིག༔ དེ་བཞིན་གཤེགས་པ་མྱ་ངན་མེད་མཆོག་དཔལ་གྱིས་བྱིན་གྱིས་རློབས་ཤིག༔ དེ་བཞིན་གཤེགས་པ་ཆོས་བསྒྲགས་རྒྱ་མཚོའི་དབྱངས་ཀྱིས་བྱིན་གྱིས་རློབས་ཤིག༔ དེ་བཞིན་གཤེགས་པ་ཆོས་རྒྱ་མཚོའི་མཆོག་གི་བློས་རྣམ་པར་རོལ་པ་མངོན་པར་མཁྱེན་པས་བྱིན་གྱིས་རློབས་ཤིག༔ སྟོན་པ་རྒྱལ་བ་ཤཱཀྱ་ཐུབ་པས་བྱིན་གྱིས་རློབས་ཤིག༔ བྱང་ཆུབ་སེམས་དཔའ་ཉི་ལྟར་སྣང་མཛད་དང་ཟླ་ལྟར་གསལ་མཛད་དང་༔ འཇམ་དཔལ་དང་སྐྱབས་གྲོལ་དང་ཕྱག་ན་རྡོ་རྗེ་ལ་སོགས་པ་སེམས་དཔའ་བཅུ་དྲུག་གིས་བྱིན་གྱིས་རློབས་ཤིག༔ འཕགས་པ་ཀུན་དགའ་བོ༔ གུ་རུ་པདྨ་འབྱུང་གནས༔ མཁན་པོ་བོ་དྷི་སཏྭ༔ མཁས་པ་བེ་རོ་ཙ་ན་ལ་སོགས་པ་རིག་འཛིན་བླ་མ་རྣམས་ཀྱིས་བྱིན་གྱིས་རློབས་ཤིག༔ སློབ་མ་འདི་རྣམས་ཀྱི་རླུང་མཁྲིས་བད་ཀན་འདུས་པ་ལས་གྱུར་པའི་ནད་རིགས་བཞི་བརྒྱ་རྩ་བཞིའི་གནོད་པ་ཐམས་ཅད་ད་ལྟ་ཉིད་དུ་ཞི་བར་བྱིན་གྱིས་རློབས་ཤིག༔ ཕུན་སུམ་ཚོགས་པའི་དཔལ་ལ་ལོངས་སྤྱོད་ནས་ངན་སོང་གི་སྐྱེ་སྒོ་

[Full Size]

ཆོད་དེ༔ སངས་རྒྱས་ཀྱི་ཞིང་ཁམས་རྣམ་པར་དག་པར་སྐྱེས་ནས་མྱུར་དུ་འཚང་རྒྱ་བར་བྱིན་གྱིས་རློབས་ཤིག༔ ཚངས་པ་དང་བརྒྱ་བྱིན་དང་རྒྱལ་པོ་ཆེན་པོ་བཞི་དང་༔ གནོད་སྦྱིན་གྱི་སྡེ་དཔོན་བཅུ་གཉིས་གཡོག་བདུན་འབུམ་བདུན་འབུམ་དང་བཅས་པ་རྣམས་ཀྱིས་ཀྱང་༔ སྔོན་གྱི་དམ་ཚིག་ཞལ་གྱིས་བཞེས་པ་བཞིན་དུ༔ སློབ་མ་འདི་རྣམས་ལ་བསྲུང་བ་དང་བསྐྱབ་པར་མཛོད་ཅིག༔ ཏདྱ་ཐཱ༔ ཨོཾ་བྷཻ་ས་ཛྱེ་སོགས། ཧཱུྃ༔ སྐུ་མདོག་བཻཌཱུརྱ་ཡི་རི་བོ་འདྲ༔ འགྲོ་བ་སེམས་ཅན་ནད་ཀྱི་སྡུག་བསྔལ་སེལ༔ བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་ལྷ་ཚོགས་བཀྲ་ཤིས་ཤོག༔ མེ་ཏོག་འཐོར་ཞིང་༔ དེས་བསགས་པ་ཆ་སྙོམས་ཀྱི་སྒྲིབ་པ་དག༔ བདུད་རྩི་སྨན་གྱི་ལྷ་ཚོགས་ཀྱི་དབང་ཐོབ༔ བདེ་བ་ཆེན་པོའི་ས་བོན་ཐེབས་པ་ཡིན༔ དེ་ལྟར་དབང་ཐོབ་ནས༔ ཤེས་ན་སྨན་བླའི་ཆོ་ག་འདོན་ཞིང་བསྙེན་པ་བྱ༔ མི་ཤེས་ན་ཡང་༔ སངས་རྒྱས་སྨན་གྱི་བླ་བཻཌརྱ་འོད་ཀྱི་རྒྱལ་པོ་ལ་ཕྱག་འཚལ་ལོ༔ ཞེས་པ་རབ་བརྒྱ༔ འབྲིང་ཉེར་གཅིག༔ ཐ་མ་བདུན་རེ་མ་ཆག་པར་བྱས་ན༔ ནད་ཐམས་ཅད་ཞི་བ་དང་༔ ཕྱི་མ་ངན་སོང་དུ་མི་འགྲོ༔ གལ་ཏེ་

[Full Size]

སྡིག་པ་ཆེ་བས་ལན་གཅིག་སོང་ཡང་མྱུར་དུ་ཐར་ནས་ལྷ་མིའི་མཐོ་རིས་སུ་སྐྱེ་སྟེ༔ རིམ་གྱིས་བྱང་ཆུབ་ཐོབ་པར་བཅོམ་ལྡན་འདས་ཀྱི་མདོ་ལས་གསུངས་པས་ཡིད་ཆེས་པས་ཡི་དམ་དུ་བྱ་སྙམ་པས་འདིའི་རྗེས་ཟློས་མཛོད༔ དུས་འདི་ནས་བཟུང་སྟེ་བྱང་ཆུབ་བར༔ བཅོམ་ལྡན་སྨན་གྱི་བླ་འདི་ཉིད༔ ཡི་དམ་ལྷ་རུ་གཟུང་བར་བྱ༔ ད་གཏང་རག་ཏུ་མཎྜལ་ཕུལ་བ་འདིའི་རྗེས་ཟློས་མཛོད༔ ལི་ཡི་མཎྜལ་རིན་ཆེན་བསྒྱུར་བྱས་ནས༔ ནས་རྣམས་ཀུན་ཀྱང་གསེར་གཡུར་བསྒྱུར་བྱས་ནས༔ བླ་མ་ཐུགས་རྗེ་སྤྲུལ་པའི་སྐུ་གཅིག་ལ༔ དད་པས་འབུལ་ལོ་ཐུགས་རྗེས་བདག་གཞན་གཟིགས༔ སློབ་མ་གྲོལ་ནས་རང་རང་གིས་ནུས་པ་གསོ་ཕྱིར་ཅུང་ཟད་བཟླས་ལ༔ བདག་མདུན་གྱི་ཡེ་ཤེས་པ་དང་དམ་ཚིག་པ་རང་ཉིད་ལ་ཐིམ༔ འཇིག་རྟེན་པ་བཛྲ་མུཿ དགེ་བ་འདི་ཡིས་མྱུར་དུ་བདག༔ ཅེས་སོགས་བསྔོ་བ་བྱས་ལ་མི་དམིགས་པར་བཞག་གོ༔ ཡང་ནད་པ་ཁག་ཆེན་གཅོང་ནད་ཀྱིས་ཡུན་རིང་མནར་བ༔ ཟུངས་ཟད་འཆི་ལ་ཁད་རང་མིན་པ་སྨན་དང་རིམ་གྲོ་གང་གིས་ཀྱང་ངོ་སོ་མེད་པ༔ གདོན་ཤས་ཆེ་བ་གྲིབ་ཁ་ཆེ་བ༔ ངོ་ཤེས་དག་གིས་ཁྱེད་ཤེས་ཕན་ཐབས་ཟེར་བ་བློ་བཀལ་ནས་བྱུང་བ་དག་ལ༔ གཞན་བཀའ་གཉན་ཅིང་མཛེས་ཆ་ཆེ་བའི་དབང་ཆེན་པོ་དག་བསྐུར་ཀྱང་ཕན་དཀའ༔ འདིའི་དང་པོ་དབང་རྒྱས་པ་གཅིག་ཚར་བར་བྱས་ལ༔ སླར་དབང་སྒྲུབ་དང་བསྙེན་པ་ཅི་

[Full Size]

མང་བྱས་ཏེ༔ དབང་བསྡུས་པ་འདི་ལ་རབ་བརྒྱ་རྩ་བརྒྱད་འབྲིང་ལོ་གྲངས༔ ཐ་མ་ཉེར་གཅིག་སོགས་དང་༔ ལོ་གྲངས་སུམ་འགྱུར་སོགས༔ དམིགས་པ་གསལ་བར་བྱས་ཏེ་བསྐུར་ན༔ ཚེ་ཟད་ལས་ཟད་བསོད་ནམས་ཟད་པ་གསུམ་འཛོམ་ན་སངས་རྒྱས་ཀྱིས་ཀྱང་བཟློག་ཏུ་མེད༔ དེ་མིན་ལས་ནད་ཡིན་ཀྱང་ཅུང་ཟད་དྲག་ཁ་འོང་སྟེ༔ སངས་རྒྱས་འདིའི་སྨོན་ལམ་གྱི་སྟོབས་ཡིན༔ རང་ལ་ཡང་བཀའ་མི་གཉན༔ ཚེ་དབང་བརྒྱ་རྩ་སོགས་རང་གི་ཚེ་ལ་གླུ་གཟན་པར་སྨྲ་སྲོལ་གདའ༔ འདི་ནི་བྱ་སླ་ཉེས་མེད་ཕན་ཆེའོ༔ དེ་ལ་ཐོག་མར་མཎྜལ་ཕུལ་ནས་སྐབས་རེ་ལ་བཅུའམ་ཉི་ཤུ་སོགས་གང་འོས་བསྐུར་རྗེས་གཙོ་བོས་ཇི་ལྟར་དང་མཎྜལ་རེ་རེའི་ཆོག་གོ༔ གྲྭ་པ་མང་ན་སྔགས་འུར་འདོན་མང་དུ་བྱེད་བཅུག་པས་བྱིན་རླབས་ཆེའོ༔ ད་སློབ་དཔོན་སྨན་བླ་གཙོ་རྐྱང་དང་གཏོར་མ་སྨན་བླ་མཆེད་བརྒྱད་འཁོར་དང་བཅས་པ་གསལ་བ་ལ་གསོལ་བ་འདེབས་སྙམ་པས་གསུམ་སངས་རྒྱས་ཐམས་ཅད་དང་༔ ཁྱད་པར་སྨན་བླ་མཆེད་བརྒྱད་ལ༔ གསོལ་བ་འདེབས་སོ་དབང་བསྐུར་སྩོལ༔ དེ་ལྟར་གསོལ་བ་བཏབ་པས་མདུན་གྱི་སངས་རྒྱས་སྨན་བླ་འཁོར་བཅས་ཀྱིས་གནས་གསུམ་ཡི་གེ་གསུམ་ལས་འོད་ཟེར་དཀར་དམར་མཐིང་གསུམ་འཕྲོས་པས༔ ཤར་ཕྱོགས་ཀྱི་སངས་རྒྱས་ཀྱི་ཞིང་རྣམས་ནས༔ བཅོམ་ལྡན་འདས་སྨན་བླ་

[Full Size]

མཆེད་བརྒྱད་ཀྱི་སྐུ་ཆེ་ཕྲ་དཔག་ཏུ་མེད་པ་དང་༔ གསུང་སྔགས་ཀྱི་ཕྲེང་བ་དང་༔ ཐུགས་རྡོ་རྗེ་རྩེ་ལྔ་དང་ཨ་རུ་རྣམ་པར་རྒྱལ་བ་དཔག་ཏུ་མེད་པ་ཁ་བ་བུག་ཡུག་ལྟར་སྤྱན་དྲངས་ནས་ཁྱེད་རང་གི་ལུས་ངག་ཡིད་གསུམ་ལ་སིབ་སིབ་ཐིམ་པར་སྒོམས་ཤིག༔ ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི༔ བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ དབང་མཆོག་དམ་པ་སྦྱིན་གྱིས་ལོངས༔ ཏདྱ་ཐཱ༔ ཨོཾ་བྷི་ཥ་ཛེ་གྷོ་ཥ་ཛུ་མ་ཧཱ་བྷེ་ཥ་ཛྭ་རཱ་ཛ་ས་མུཏྟ་ཏེ་སྭཱ་ཧཱཿ ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩ་མཱི༔ ཧཱུྃ༔ སྐུ་མདོག་བཻཌཱུར་ཡི་རི་བོ་འདྲ༔ འགྲོ་བ་སེམས་ཅན་ནད་ཀྱི་སྡུག་བསྔལ་སེལ༔ བྱང་ཆུབ་སེམས་དཔའ་བརྒྱད་ཀྱི་འཁོར་གྱིས་བསྐོར༔ རིན་ཆེན་སྨན་འཛིན་ལྷ་ཡི་བཀྲ་ཤིས་ཤོག༔ དེས་སྒྲིབ་པ་ཐམས་ཅད་དག༔ དབང་ཐམས་ཅད་ཐོབ༔ ནད་གདོན་བར་ཆད་ཐམས་ཅད་ཞི༔ བྱང་ཆུབ་ཀྱི་ས་བོན་ཐེབས་པའོ་ཞེས་དེ་ལ་གྲངས་བཟུང་བར་བྱའོ༔ ཚིགས་བཅད་ཐམས་ཅད་ལ་དབྱངས་རིང་ཐུང་སྣ་ཚོགས་དང་༔ སྔགས་བརྗོད་ཚེ་དྲིལ་བུ་བསིལ་བ་དང་༔ གཙོ་ཆེར་བྱིན་འབེབས་དམིགས་པ་ཡིན་པས་སྤོས་དུད་དང་༔ བཀྲ་ཤིས་དུས་མེ་ཏོག་འཐོར་བ་སོགས་བྱས་པས༔ ཚིག་ཉུང་ཡང་དང་བ་འདྲེན་པ་དང་༔ མཁས་པས་

[Full Size]

བལྟས་ཀྱང་ཟབ་ལ་རྒྱ་ཆེ་བ་ཞིག་སྣང་ངོ་༔ དབང་བརྒྱ་གྲུབ་ནས་འདི་གསང་སྔགས་ཡིན་པས་ཚོགས་དང་རང་གི་ཆོས་སྐྱོང་ལ་གཏོར་མ་འབུལ་བ་སོགས་རྒྱས་པར་གྲུབ་ན་བཀྲ་ཤིས་ཕན་ཐོགས་བྱིན་རླབས་བབ་ཆེ་བའི་རྟེན་འབྲེལ་ཡོད༔ ཅེས་བྱ་བ་འདི་ནི་སྤྲུལ་སྐུ་ཉིད་ཀྱིས་བཀའ་གནང་ནས༔ བདག་རཱ་ག་ཨ་སྱས་བསྒྲིགས་པ་སྟེ༔ དབང་འདི་དགོངས་གཏེར་ལ་གནམ་ཆོས་ནས་ཁ་སབ་འོས་ས༔ ལོ་རྒྱུས་སོགས་ནི་བདག་གིས་བགྱིས་པ་ལ་འགལ་བ་མཆིས་ན་བཤགས་ཤིང་༔ དགེ་བས་སེམས་ཅན་ཐམས་ཅད་ནད་ཀྱི་སྡུག་བསྔལ་ལས་གྲོལ་བར་གྱུར་ཅིག༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

དགོངས་གཏེར་གཙོར་བྱས་པའི་སྨན་བླའི་གཏོར་དབང་གསར་རྙིང་ཐུན་མོང་ཞིག

[Full Size]

དགོངས་གཏེར་གཙོར་བྱས་པའི་སྨན་བླའི་གཏོར་དབང་གསར་རྙིང་ཐུན་མོང་ཞིག་བཞུགས་སོ། །

[Full Size]

ན་མོ་མ་ཧཱ་བྷེ་ཥ་ཛུ། དབང་གཏོར་སྤྱི་འཚམས། ཡོད་ན་ཙཀ་ལི་བཙུགས་མེད་ཀྱང་རུང་། འཛོམ་ན་མཆོད་པ་བཤམ་མེད་ཀྱང་གཏོར་མས་ཆོག་སྟེ། འདི་རྙིང་མའི་ལུགས་ཡིན་པས་མངོན་རྟོགས་གཅིག་གིས་བདག་བསྐྱེད་དང་། བླ་མེད་ཨ་ཏིའི་ལུགས་ཡིན་པས་དྲན་རྫོགས་སུ་བསྒོམ། དམ་ཡེ་དབྱེར་མེད་དུ་བསྐྱེད་པ་ཡིན་ནོ། །སྟོང་གསུམ་འདི་ལྟ་ན་སྡུག་གི་ཕོ་བྲང་དུ་གྱུར་པའི་ནང་དུ་རང་ཉིད་དང་གཏོར་མ་སྨན་བླ་སྐུ་མདོག་བཻཌཱུརྱ་ལྟ་བུ་འོད་ཟེར་འཕྲོ་བའི་སྐུ་ཅན་ཆོས་གོས་གསུམ་གྱིས་བཀླུབས་པ། ཕྱག་གཡས་མཆོག་སྦྱིན་ཨ་རུ་ར་དང་གཡོན་ལྷུང་བཟེད་བསྣམས་པ་བུ་ཡུག་ལྟར་སྤྱན་དྲངས་ནས་རང་དང་མདུན་བསྐྱེད་ལ་སིབ་སིབ་

[Full Size]

ཐིམ་པར་གྱུར། ཏདྱ་ཐཱ། ཨོཾ་བྷཻ་ཥ་ཛྱཻ་བྷེ་ཥ་ཛྱཻ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ་སྭཱ་ཧཱཿ ཞེས་བསྙེན་པ་བརྒྱ་ལས་མི་ཉུང་བ་སྟོང་སོགས་ཅི་འགྲུབ་བཟླ༔ ཨརྒྱུ་སོགས་ཀྱིས་མཆོད། ཐུགས་རྗེས་ཀུན་ལ་སྙོམས་པའི་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་སྡུག་བསྔལ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ལ་ཕྱག་འཚལ་བསྟོད། །དེ་ནས་སློབ་མ་རྣམས་ཁྲུས་བྱས་མཎྜལ་ཕུལ། སྔོན་དུ་དབང་བསྐུར་བ་ཡིན་ན་མི་དགོས་སོ། །མིན་ན་བགེགས་གཏོར་བཏང་སུམ་བྷ་ནི་བརྗོད་དེ་བགེགས་བསྐྲད། འོ་ན་ད་ལམ་སྨན་བླའི་གཏོར་དབང་ཞིག་བྱེད་པ་ཡིན་ཏེ། དེ་ཡང་བཅོམ་ལྡན་

[Full Size]

འདས་ཡུལ་ཡངས་པ་ཅན་རོལ་མོ་སྒྲ་ཅན་གྱི་ཤིང་དྲུང་ན་བཞུགས་པའི་ཚེ། འཇམ་དཔལ་གྱིས་ཞུས་པའི་ངོར་སྨན་བླའི་མདོ་གསུངས་པས། ཕྱག་ན་རྡོ་རྗེ་དང་ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་ཀྱིས་མ་འོངས་པ་ན་སངས་རྒྱས་སྨན་བླའི་མཚན་ཐོས་པ་དང་འཛིན་པ་རྣམས་སྲུང་ཞིང་སྐྱོབ་པར་ཁས་བླངས་དམ་བཅས་སོ། །དེ་ནས་ཕྱིས་འདིའི་དབང་ལུང་རྣམས་རྗེ་བཙུན་འཇམ་དབྱངས་ཀྱིས་མཁན་པོ་བྷྱོ་དྷི་སཏྭ་ལ་གནང་ནས་ཉིད་ཀྱི་དབོན་པོ་པོ་དྷི་སཏྭ་ཆུང་བ་ནས་ཇོ་བོ་རྗེ་ལ་བརྒྱུད་པ་གསར་མ་དང་། བོ་དྷི་སཏྭ་བོད་དུ་བྱོན་ནས་རྒྱལ་པོ་ཁྲི་སྲོང་ལྡེ་བཙན་ལ་གནང་། ལྷ་སྲས་སད་ན་ལེགས་ནས་བརྒྱུད་པ་རྙིང་མ་དང་། དུས་ཕྱིས་གནམ་ཆོས་དང་ཟདགོངས་གཏེར་ནས་བྱུང་བ་སོགས་བརྒྱུད་པ་བཞི་ཙམ་ལས་བརྒྱུད་པའི་ལུང་གི་རྒྱུན་ཐོབ་པས་བརྒྱུད་པ་ཡང་གང་ལ་དེད་ཀྱང་རུང་ལ་སྔགས་འདི་རྒྱུད་འགའ་རེ་ནས་ཀྱང་འབྱུང་ཞིང་མདོ་ལུགས་ཁོ་ནར་ཡང་མ་ངེས་ཤིང་། གཡུ་ཐོག་པའི་བླ་སྒྲུབ་ཀྱང་བླ་མེད་ལུགས་སུ་སྣང་བ་ལྟར། འདི་རང་ནི་བླ་མེད་ཨ་ཏི་ཡོ་ག་ལྟར་དྲན་རྫོགས་སུ་བསྒོམ་པ་ཡིན་ལ། སྤྱིར་སངས་

[Full Size]

རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོའི་མཚན་ཐོས་པ་ཙམ་གྱིས་ཀྱང་ཕན་ཡོན་མཐའ་ཡས་ཏེ། ཚུལ་ཁྲིམས་ཉམས་པ་མི་འགྱུར་བ་དང་། རྣ་བ་འོན་པ་དང་། །མིག་ལོང་བ་རྣམས་ཀྱང་འོན་པ་སང་ཞིང་མིག་གསལ་བ་དང་། དབང་པོ་མ་ཚང་བ་རྣམས་ཚང་བ་དང་། ནད་ཀྱི་རིགས་ཐམས་ཅད་ལ་ཕན་པར་འགྱུར་བ་དང་། རྒྱལ་པོའི་འཇིགས་པ་དང་ཆད་པ་ལས་ཐར་བ་དང་། སེར་སྣའི་ཉེས་པས་ཡི་དྭགས་སུ་སྐྱེ་བའི་སྒྲིབ་པ་དག་ནས་དེར་མི་སྐྱེ་བ་དང་། སྐྱེས་ཀྱང་མྱུར་དུ་ཐར་བ་དང་། ཚུལ་ཁྲིམས་འཆལ་བ་དང་། ཆོས་སྤངས་བའི་སྒྲིབ་པ་དག་པ་དང་། ཕྲག་དོག་གིས་བདག་བསྟོད་གཞན་ལ་སྨད་པའི་སྒྲིབ་པ་དག་པ་དང་། ཕྲ་མ་དང་བྱེད་ཁ་དྲོད་གཏོང་གང་གིས་ཀྱང་མི་ཚུགས་པར་གསུངས་ཤིང་། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་གཡོག་བདུན་འབུམ་བདུན་འབུམ་དང་བཅས་པས་བསྲུང་ཞིང་སྐྱོང་བ་དང་གནོད་པ་ཐམས་ཅད་བཟློག་པར་གསུངས་སོ། །མཚན་ཐོས་པ་ཙམ་གྱི་ཕན་ཡོན་དེ་ལྟར་ན། དབང་ཐོབ་ན་ནི་ཕན་ཡོན་སྨོས་ཅི་དགོས་པས། དེ་ལྟ་བུའི་དབང་ཞུ་བའི་ཕྱིར་འདིའི་རྗེས་ཟློས་མཛོད། བླ་མ་རྡོ་རྗེ་འཛིན་

[Full Size]

པ་ལ་སོགས་པ། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་དང་། །བདེ་གཤེགས་སྨན་བླ་མཆེད་བདུན་དང་། །སློབ་དཔོན་བདག་ལ་དགོངས་སུ་གསོལ། །བདག་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ། བཅོམ་ལྡན་འདས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ། ཡི་དམ་དུ་སློབ་དཔོན་གྱིས་བསྩལ་དུ་གསོལ།། ལན་གསུམ་མམ་ཚིག་རྗེས་མ་གསུམ། ད་སྐྱབས་འགྲོ་སེམས་བསྐྱེད་འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་གཉིས་རབ་བསྒྲུབ་ཕྱིར། །བྱང་ཆུབ་མཆོག་གི་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སེམས་མཆོག་ཡིད་འོང་བསྐྱེད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །གསུམ་མམ་ཚིག་རྗེས་མ་གསུམ་བྱའོ། །ད་དབང་ཞུ་བའི་ཡུལ་གཏོར་མ་ལྷར་བསྐྱེད་པ་དང་།

[Full Size]

ཁྱེད་རང་སློབ་མ་རྣམས་ལྷར་བསྐྱེད་པར་དུས་གཅིག་ཏུ་འདི་ལྟར་གསལ་ཐོབ་ཅིག །སྟོང་གསུམ་འདི་ལྟ་ན་སྡུག་གི་ཕོ་བྲང་དུ་གྱུར་པའི་ནང་དུ། གླང་པོ་ཆེས་བཏེག་པའི་ཁྲི་པདྨ་དང་ཟླ་བའི་གདན་ལ་ཧཱུྃ་ཡིག་མཐིང་ག་ཡོངས་སུ་གྱུར་པ་ལས། བཅོམ་ལྡན་འདས་སྨན་གྱི་བླ་བཻཌཱུརླ་ལྟ་བུ་ལ་འོད་ཟེར་འཕྲོ་བ། དབུ་གཙུག་ཏོར་ཞབས་འཁོར་ལོ་སོགས་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པའི་སྐུ་ཅན་ཆོས་གོས་གསུམ་གྱིས་བཀླུབས་ཤིང་རྡོ་རྗེ་སྐྱིལ་ཀྲུང་གིས་བཞུགས་པ། ཕྱག་གཡས་མཆོག་སྦྱིན་གྱི་ཕྱག་རྒྱས་ཨ་རུ་ར་རྣམ་པར་རྒྱལ་བ་ལོ་མ་དང་བཅས་པ་འཛིན་ཅིང་། གཡོན་བེཟླུརྒྱའི་ལྷུང་བཟེད་བདུད་རྩིས་བཀང་བ་མཉམ་བཞག་གི་སྟེང་ན་འཛིན་པ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་ཧཱུྃ་ལས་འོད་འཕྲོས་པས། ཤར་ཕྱོགས་བཻཌཱུརྨ་སྣང་གི་ཞིང་ཁམས་ནས་བཅོམ་ལྡན་འདས་སྨན་བླའི་སྐུ་ཆེ་བ་རི་རབ་ཙམ། ཆུང་བ་ཡུངས་ཀར་གྱི་འབྲུ་ཙམ། ཁ་བ་བུ་ཡུག་ལྟར་བྱོན་ནས་མདུན་བསྐྱེད་དང་ཁྱེད་རང་རྣམས་ལ་སིབ་སིབ་ཐིམ་པར་སྒོམས་ཤིག །སྤོས་

[Full Size]

རོལ་མོ་དང་བཅས། ཧཱུྃ། བདེ་གཤེགས་སྨན་བླའི་ལྷ་ཚོགས་མ་ལུས་རྣམས། །གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ། །སྐལ་ལྡན་དད་ལྡན་འདི་ལ་དབང་མཆོག་བསྐུར། །ལོག་འདྲེན་ཚེ་ཡི་བར་ཆད་བསལ་དུ་གསོལ། །རྩ་སྔགས་མཐར། བཛྲ་ཨཱཿ་ཝེ་ཤ་ཡ་ཨ་ཨཱཿ༔ ཞེས་ལན་གསུམ་མམ་བདུན་བརྗོད། ད་ཡེ་ཤེས་པ་དེ་མི་ཉམས་བརྟན་པར་བྱ་བའི་མོས་པ་མཛོད་ཅིག་།ཅེས་རྡོ་རྗེ་མེ་ཏོག་སྤྱི་བོར་བཞག་ལ། ཏིཥྛ་བཛྲ། ད་དབང་དངོས་ཞུ་བའི་དོན་དུ་རྗེས་ཟློས་མཛོད། བཅོམ་ལྡན་འདས་སྨན་གྱི་བླ་བཻཌཱུརླ་འོད་ཀྱི་རྒྱལ་པོས།། སྔོན་སྨོན་ལམ་ཆེན་པོ་བཅུ་གཉིས་བཏབ་པའི་བྱིན་རླབས་དང་བཀའ་དྲིན་ཐམས་ཅད་བདག་ལ་ད་ལྟ་ཉིད་དུ་བསྩལ་དུ་གསོལ། གསུམ་མམ་གཅིག །དེ་ལྟར་གསོལ་བ་བཏབ་པས་གཏོར་མ་སྨན་བླར་གསལ་བའི་དཔྲལ་བའི་ཨོཾ་ལས་འོད་ཟེར་དཀར་པོ་ཟླ་བ་ཤར་བ་ལྟ་བུ་འཕྲོས། ཁྱེད་རང་རྣམས་ཀྱི་དཔྲལ་བ་ནས་ཞུགས་ལུས་ཐམས་ཅད་གང་ཞིང་ལུས་ལ་ཐིམ་པར་སྒོམས་ཤིག །གཏོར་མ་བཟུང་ཞིང་། ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི་བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ སྐུ་ཡི་དབང་མཆོག་སྦྱིན་གྱིས་

[Full Size]

ལོངས། རྩ་སྔགས་ལ། ཀཱ་ཡ་ཨ་བྷི་ཥིཉྩ་ཨོ༔ ཞེས་གཏོར་མ་སྤྱི་བོར་བཞག་གོ །མེ་ཏོག་འཐོར་ཞིང་། སྐུ་མདོག་མཐིང་ཀ་ཨུཏྤལ་སྔོན་པོ་འདྲ༔ ཕྱག་གཡོན་བདུད་རྩི་སྨན་གྱི་ལྷུང་བཟེད་བསྣམས༔ དུག་གསུམ་ནད་སེལ་སངས་རྒྱས་སྨན་གྱི་བླ༔ བཻཌཱུརྱ་ཡི་འོད་ཀྱི་བཀྲ་ཤིས་ཤོག༔ དེས་སྐུའི་དབང་ཐོབ། ལུས་ཀྱི་ནད་གདོན་ཞི། ལུས་ཀྱི་སྒྲིབ་པ་དག །འབྲས་བུ་སྤྲུལ་སྐུའི་ས་བོན་བཞག་པ་ཡིན་ནོ། །ཡང་གཏོར་མ་སྨན་བླར་གསལ་བའི་མགྲིན་པའི་ཨཱཿཡིག་ལས་འོད་ཟེར་དམར་པོ་ཉི་མ་ཤར་བ་ལྟ་བུ་འཕྲོས་པ་ཁྱེད་རང་རྣམས་ཀྱི་མགྲིན་པ་ནས་ཞུགས་ལུས་ཐམས་ཅད་གང་ཞིང་མགྲིན་པར་ཐིམ་པར་སྒོམས་ཤིག༔ ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི༔ བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ གསུང་གི་དབང་མཆོག་སྦྱིན་གྱིས་ལོངས། རྩ་སྔགས་དང་། ཝཱཀ་ཨ་བྷི་ཥིཉྩ་ཨཱཿ ཞེས་མགྲིན་པར་བཞག །སྨོན་ལམ་རྒྱ་ཆེན་ཡོངས་སུ་དག་གྱུར་པས། ཡིད་བཞིན་ནོར་བུ་ལྟ་བུར་གཞན་དོན་མཛད། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ཀྱི་བཀྲ་ཤིས་ཤོག །མེ་ཏོག་གཏོར། དེས་ངག་གི་སྒྲིབ་པ་དག །

[Full Size]

གསུང་གི་དབང་ཐོབ། ངག་ལ་གནོད་པའི་ནད་གདོན་ཞི། ལོངས་སྤྱོད་རྫོགས་སྐུའི་ས་བོན་བཞག་པ་ཡིན་ནོ། །ཡང་གཏོར་མ་སྨན་བླར་གསལ་བའི་ཐུགས་ཀའི་ཧཱུྃ་ལས་འོད་ཟེར་མཐིང་ཁ་ནམ་མཁའ་དྭངས་པ་ལྟ་བུར་འཕྲོས། ཁྱེད་རང་རྣམས་ཀྱི་སྙིང་ག་ནས་ཞུགས། ལུས་ཐམས་ཅད་གང་ཞིང་སྙིང་ཁར་ཐིམས་པར་སྒོམས་ཤིག །ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི༔ བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ ཐུགས་ཀྱི་དབང་མཆོག་སྦྱིན་གྱིས་ལོངས། རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། ཞེས་སྙིང་གར་བཞག །སྨོན་ལམ་རྒྱ་ཆེན་ཡོངས་སུ་དག་གྱུར་པས། །ཡིད་བཞིན་ནོར་བུ་ལྟ་བུར་གཞན་དོན་མཛད། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ཀྱི་བཀྲ་ཤིས་ཤོག །མེ་ཏོག་འཐོར། དེས་ཡིད་ཀྱི་སྒྲིབ་པ་དག །ཐུགས་ཀྱི་དབང་ཐོབ། སེམས་ལ་གནོད་པའི་ནད་གདོན་ཞི། འབྲས་བུ་ཆོས་སྐུའི་ས་བོན་བཞག་པ་ཡིན་ནོ། །ཡང་གཏོར་མ་སྨན་བླར་གསལ་བའི་སྐུའི་གནས་ཐམས་ཅད་ནས་འོད་ཟེར་དཀར་དམར་མཐིང་སེར་ལྗང་གུ་འཇའ་ཚོན་ཤར་བ་ལྟ་བུར་འཕྲོས་ཁྱེད་རང་རྣམས་ཀྱི་ལྟེ་བ་ནས་ཞུགས། ལུས་

[Full Size]

ཐམས་ཅད་གང་ཞིང་ཐིམ་པར་སྒོམས་ཤིག །ཧཱུྃ༔ བཞི་བརྒྱ་རྩ་བཞིའི་ནད་འཇོམས་པའི༔ བཻཌཱུརྱ་ཡི་རི་བོ་འདྲ༔ འོད་ཟེར་འཕྲོ་བའི་རྒྱལ་པོ་ཡི༔ དབང་མཆོག་ཡོངས་རྫོགས་སྦྱིན་གྱིས་ལོངས། །རྩ་སྔགས་དང་། སརྦ་ཨ་བྷི་ཥིཉྩ་ཧོ༔ ཞེས་ལྟེ་བར་བཞག་གོ །རླུང་དང་མཁྲིས་པ་བད་ཀན་འདུས་པ་སོགས། །འབྱུང་བ་ཆེན་པོ་འཁྲུག་པར་གྱུར་པ་ཡི། །ནད་ཀྱི་གཉེན་པོ་ཕྱག་གཡས་ཨ་རུ་ར། །སྨན་གྱི་རྒྱལ་པོ་མཆོག་གི་བཀྲ་ཤིས་ཤོག །ཅེས་པས་མེ་ཏོག་གཏོར་རོ། །དེས་སྒོ་གསུམ་ཆ་སྙོམས་ལ་གནོད་པའི་ནད་དོན་ཞི། འབྲས་བུ་ངོ་བོ་ཉིད་ཀྱི་ས་བོན་བཞག་པ་ཡིན་ནོ། །དེ་ནས་གཏོར་མས་བཀའ་བསྒོ་བ་ནི། གཏོར་མ་ལག་ཏུ་བཟུང་ནས། གཏོར་མ་འདི་ཉིད་སྨན་བླར་གསལ་བ་ཁྱེད་རང་རྣམས་ཀྱི་སྤྱི་བོར་བྱོན། ཐུགས་ཀ་ནས་འོད་ཟེར་ཁ་དོག་སྣ་ཚོགས་འཕྲོས་པས་ཤར་ཕྱོགས་ཀྱི་སངས་རྒྱས་ཀྱི་ཞིང་ཁམས་ནས། བདེ་གཤེགས་སྨན་བླ་མཆེད་བརྒྱད་ཀྱི་སྐུ་ཆེ་བ་ལ་རི་རབ་ཙམ། ཆུང་བ་ལ་ཡུངས་ཀར་ཙམ། གསུང་སྔགས་ཀྱི་ཕྲེང་བ། ཐུགས་ཨ་རུ་ར་ལྷུང་བཟེད་བདུད་རྩིས་བཀང་བ་དཔག་ཏུ་མེད་པ་ཁ་བ་བུ་ཡུག་འཚུབ་པ་ལྟར་དུ་བྱོན་ནས་ཁྱེད་

[Full Size]

རང་རྣམས་ལ་མཚོ་ལ་ཁ་བ་བབས་པ་ལྟར་ཐིམ་པས། བདེ་གཤེགས་སྨན་བླ་མཆེད་བརྒྱད་འཁོར་དང་བཅས་པའི་བྱིན་རླབས་དང་། སྨོན་ལམ་གྱི་བཀའ་དྲིན་ཐམས་ཅད་བདག་ལ་ད་ལྟ་ཉིད་དུ་ཐོབ་བྱུང་སྙམ་པའི་མོས་འདུན་རྩེ་གཅིག་ཏུ་མཛོད་ཅིག །དེ་བཞིན་གཤེགས་པ་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོས་བྱིན་གྱིས་རློབས་ཤིག །སངས་རྒྱས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོས་བྱིན་གྱིས་རློབས་ཤིག །སངས་རྒྱས་གསེར་བཟང་དྲི་མེད་རིན་ཆེན་སྣང་བ་བརྟུལ་ཞུགས་གྲུབ་པས་བྱིན་གྱིས་རློབས་ཤིག །སངས་རྒྱས་མྱ་ངན་མེད་མཆོག་དཔལ་གྱི་རྒྱལ་པོས་བྱིན་གྱིས་རློབས་ཤིག །སངས་རྒྱས་ཆོས་བསྒྲགས་རྒྱ་མཚོའི་དབྱངས་ཀྱིས་བྱིན་གྱིས་རློབས་ཤིག །སངས་རྒྱས་ཆོས་རྒྱ་མཚོའི་མཆོག་གི་བློས་རྣམ་པར་རོལ་པ་མངོན་པ་མཁྱེན་པས་བྱིན་གྱིས་རློབས་ཤིག །སངས་རྒྱས་སྨན་གྱི་བླ་བཻཌཱུརྨ་འོད་ཀྱི་རྒྱལ་པོས་བྱིན་གྱིས་རློབས་ཤིག །རྒྱལ་བ་ཤཱཀྱ་ཐུབ་པས་བྱིན་གྱིས་རློབས་ཤིག །འཇམ་དཔལ་དང་སྐྱབས་གྲོལ་དང་ཕྱག་ན་རྡོ་རྗེ་ལ་སོགས་པ་སེམས་དཔའ་བཅུ་དྲུག་གིས་བྱིན་གྱིས་རློབས་ཤིག །

[Full Size]

ཚངས་པ་དང་བརྒྱ་བྱིན་དང་། རྒྱལ་པོ་ཆེན་པོ་སྡེ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་འཁོར་དང་བཅས་པས་སྲུང་ཞིང་སྐྱོབ་པར་མཛོད་ཅིག །སྨན་བླ་མཆེད་བརྒྱད་འཁོར་དང་བཅས་པས་རྡོ་རྗེའི་སློབ་མ་འདི་རྣམས་ཀྱི་ལས་དང་ཉོན་མོངས་པའི་སྒྲིབ་པ་ཐམས་ཅད་དག་པར་མཛོད་ཅིག །འཁོར་བ་དང་ངན་སོང་གི་སྐྱེ་སྒོ་ཐམས་ཅད་ཆོད་པར་མཛད་དུ་གསོལ། གདོན་དང་བགེགས་དང་བར་ཆད་ཐམས་ཅད་ལས་ཐར་བར་མཛད་དུ་གསོལ། རླུང་མཁྲིས་བད་ཀན་འདུས་པ་ལས་གྱུར་པའི་ནད་ཐམས་ཅད་ཞི་བར་མཛད་དུ་གསོལ། དུས་མ་ཡིན་པར་འཆི་བ་ཐམས་ཅད་དང་བྱད་ཁ་དང་རྐྱེན་ངན་པ་ཐམས་ཅད་བཟློག་པར་མཛད་དུ་གསོལ། བཀྲ་ཤིས་དང་བདེ་ལེགས་ཐམས་ཅད་འཕེལ་བར་མཛད་དུ་གསོལ། ནམ་འཆི་བའི་ཚེ་སངས་རྒྱས་ཀྱི་ཞིང་ཁམས་རྣམ་པ་དག་པར་སྐྱེས་ནས་མྱུར་དུ་སངས་རྒྱས་པར་བྱིན་གྱིས་རློབས་ཤིག །རྩ་སྔགས་ཤམ་དུ། ཀཱ་ཡ་ཝཱཀ་ཙིཏྟ་སརྦ་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱཿ དེ་ནས་མེ་ཏོག་གཏོར་ཞིང་། ཉི་མ་ལྟ་བུར་མ་རིག་མུན་པ་སེལ༔ ཟླ་བ་ལྟ་བུར་ཉོན་མོངས་གདུང་བ་སེལ༔ དུག་གསུམ་ནད་སེལ་སངས་རྒྱས་སྨན་གྱི་བླ༔

[Full Size]

བཻཌུརྱ་ཡི་འོད་ཀྱི་བཀྲ་ཤིས་ཤོག༔ ད་སྔགས་ཀྱི་བཟླས་ལུང་གི་དོན་དུ་ཁྱེད་རང་རྣམས་ཀྱིས་མེ་ཏོག་གི་ཕྲེང་བ་རེ་ཕུལ་བའི་མོས་པས་རྗེས་ཟློས་མཛོད། བཅོམ་ལྡན་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་དུ་གསོལ། །ལན་གསུམ་མམ་གཅིག །ད་སློབ་དཔོན་དང་མདུན་བསྐྱེད་ཀྱི་ཐུགས་ཀ་ནས། སྔགས་ཕྲེང་བཻཌཱུརྱ་ཞུན་མའི་མདོག་ལྟ་བུ་བྱོན་ནས། ཁྱེད་རང་རྣམས་ཀྱི་ཞལ་དུ་ཞུགས་ནས། ཐུགས་ཀར་ཧཱུྃ་གི་མཐར་འཁོད་བར་བསྒོམས་ལ་སྔགས་འདིའི་རྗེས་ཟློས་མཛོད། ཏདྱ་ཐཱ། ཨོཾ་བྷཻ་ཥ་ཛྱཻ་བྷེ་ཥ་ཛྱཻ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ་སྭཱ་ཧཱཿ གཅིག་གམ་གསུམ་བརྗོད། དེ་ནས་སྔགས་ཕྲེང་མེ་ཏོག་གི་ཕྲེང་བར་གྱུར་ནས་སྤྱི་བོར་བཅིང་བར་སྒོམས་ཤིག༔ རྡོ་རྗེ་སྤྱི་བོར་བཞག་ལ། བཅོམ་ལྡན་འདི་ལ་༈ བསྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །དེ་བཞིན་གཤེགས་པ་སྨན་གྱི་བླ་བཻཌཱུརྱ་འོད་ཀྱི་རྒྱལ་པོའི་བྱིན་རླབས་དང་སྨོན་ལམ་གྱི་བཀའ་དྲིན་རྣམས་རྡོ་རྗེའི་སློབ་མ་འདི་རྣམས་ལ་ད་ལྟ་ཉིད་དུ་འཇུག་ཅིང་བརྟན་པར་གྱུར་ཅིག །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ ཡེ་ཤེས་སྤྱན་གྱིས་འགྲོ་བ་ཀུན་ལ་གཟིགས། །ཐུགས་རྗེའི་སྤྱན་གྱིས་འགྲོ་བ་ཀུན་ལ་

[Full Size]

ཁྱབ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརླ་ཡི་འོད་ཀྱི་བཀྲ་ཤིས་ཤོག །ཅེས་མེ་ཏོག་གཏོར་རོ། །དེས་བདེ་གཤེགས་སྨན་བླའི་གཏོར་དབང་ལེགས་པར་ཐོབ་པས། དེང་ཕྱིན་ཆད་སངས་རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ་ལ་ཕྱག་འཚོལ་ལོ། །ཞེས་པ་འདི་རབ་བརྒྱ་རེ། འབྲིང་ཉེར་གཅིག། ཐ་མ་བདུན་རེ་མ་ཆག་ན། ནད་ཐམས་ཅད་ཞི་ཞིང་མི་འབྱུང་བ་དང་། ཕྱི་མ་ངན་སོང་དུ་མི་ལྟུང་ལ། གལ་ཏེ་སྡིག་པ་ཆེ་བས་ངན་སོང་དུ་སོང་ན་ཡང་དེ་མ་ཐག་ཏུ་བདེ་འགྲོ་ལྷ་དང་མིའི་ལུས་ཐོབ་ཅིང་། རིམ་གྱིས་བྱང་ཆུབ་ཐོབ་པར་བཅོམ་ལྡན་འདས་ཀྱིས་མདོ་ལས་གསུངས་པའི་ཕྱིར། མཚན་དེ་མི་བརྗེད་པར་འདོན་བསམ་པའི་དམ་བཅའ་གྱིས་ལ་འདིའི་རྗེས་ཟློས་མཛོད། གཙོ་བོས་ཇི་ལྟར་བཀའ་སྩལ་པ། །སོགས། མཎྜལ་ཕུལ། ས་གཞི་སྤོས་ཆུས་སོགས། དེ་ནས་སློབ་མ་རྣམས་གྲོལ། ཡང་ན་ནད་པ་གཅོང་ནད་ཅན་ལྟ་བུ་ལ་འདིའི་དབང་བརྒྱ་བྱས་ན་ལས་ནད་ཡིན་ཀྱང་ཅུང་ཟད་སྲབ་པར་འགྱུར་རོ། །སངས་རྒྱས་ཀྱི་སྨོན་ལམ་གྱི་བདེན་ཚིག་ཡིན་པས། ནད་མང་བ་ཡང་ཉུང་བར་ནུས། རྒན་རྒོན་འཆི་ལ་ཁད་ལ་ངན་སོང་དུ་མི་འགྲོ་ཐབས་དེ་ལས་ཟབ་པ་མེད་པས། སྔོན་དུ་དབང་རྒྱས་པ་གཅིག་བསྐུར་

[Full Size]

ནས་རྗེས་མ་འདི་ལ་གྲངས་བཟུང་སྟེ་བརྒྱའམ་ལོ་གྲངས་བསྐུར་ཏེ། འདིའི་རྗེས་ཟློས་མཛོད། ཀྱཻ། བླ་མ་སངས་རྒྱས་དགོངས་སུ་གསོལ། །བདག་ལ་སྨན་བླ་མཆེད་བརྒྱད་ཀྱི། །དབང་དང་རྗེས་གནང་བསྩལ་དུ་གསོལ། །གསུམ་མམ་གཅིག །ད་གཏོར་མ་འདི་ཉིད་བཅོམ་ལྡན་འདས་སྨན་གྱི་བླར་གསལ་བ་ཁྱེད་རང་རྣམས་ཀྱི་སྤྱི་བོར་བྱོན། དེའི་ཐུགས་ཀ་ནས་འོད་ཟེར་ཤར་ཕྱོགས་སུ་འཕྲོས་པས་སྨན་བླ་མཆེད་བརྒྱད་ཁ་བ་བུ་ཡུག་ལྟ་བུར་བྱོན་ནས། ཁྱེད་རང་རྣམས་ལ་ཐིམ་པར་སྒོམས་ཤིག །གཏོར་མ་ལག་ཏུ་བཟུང་། ཧཱུྃ། བཞི་བརྒྱ་རྩ་བཞིའི་ནོད་འཇོམས་པའི། །བཻཌཱུརྱ་ཡི་རི་བོ་འདྲ། །འོད་ཟེར་འཕྲོ་བའི་རྒྱལ་པོ་ཡི། །དབང་མཆོག་དམ་པ་སྦྱིན་གྱིས་ལོངས། ༈ དེ་བཞིན་གཤེགས་པ་མཚན་ལེགས་རིན་ཆེན་ཟླ་བ། །གསེར་བཟང་དྲི་མེད་མྱ་ངན་མེད་མཆོག །ཆོས་བསྒྲགས་རྒྱ་མཚོ། ཆོས་བློ་མངོན་མཁྱེན། ཤཱཀྱ་ཐུབ་པ། སངས་རྒྱས་སྨན་གྱི་བླ་བཻཌཱུརླ་འོད་ཀྱི་རྒྱལ་པོ། འཇམ་དཔལ་སྐབས་གྲོལ་ཕྱག་ན་རྡོ་རྗེ་རྣམས་ཀྱིས་བྱིན་གྱིས་རློབས་ཤིག །ནད་གདོན་སྡིག་སྒྲིབ་ཐམས་ཅད་ད་ལྟ་ཉིད་དུ་ཞི་བར་མཛད་དུ་གསོལ། འཁོར་བ་དང་ངན་སོང་གི་སྐྱེ་སྒོ་ཐམས་ཅད་

[Full Size]

ཆོད་པར་མཛད་དུ་གསོལ། དུས་མ་ཡིན་པར་འཆི་བ་དང་རྐྱེན་ངན་ཐམས་ཅད་བཟློག་པར་མཛད་དུ་གསོལ། ཚེ་དང་བསོད་ནམས་བདེ་ལེགས་ཐམས་ཅད་འཕེལ་བར་མཛད་དུ་གསོལ། ནམ་འཆི་བའི་ཚེ་སངས་རྒྱས་ཀྱི་ཞིང་ཁམས་རྣམ་པར་དག་པར་སྐྱེས་ནས་མྱུར་དུ་སངས་རྒྱས་པར་བྱིན་གྱིས་རློབས་ཤིག །ཏདྱ་ཐཱ༔ ཨོཾ་བྷཻ་ཥ་ཛྱཻ་བྷེ་ཥ་ཛྱཻ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ་སྭཱ་ཧཱཿ ཀཱ་ཡ་ཝཀ་ཙིཏྟ་སརྦ་ཨ་བྷི་ཥིཉྩ་ཧཱུྃ༔ མེ་ཏོག་གཏོར་ཞིང་ཤིས་པ་བརྗོད། ལྷ་མིའི་སྟོན་པ་སྨན་པའི་རྒྱལ་པོ་སྟེ། །བཅོམ་ལྡན་འཇིག་རྟེན་གསུམ་ན་སྐྱབས་མཛད་པ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྱ་ཡི་འོད་ཀྱི་བཀྲ་ཤིས་ཤོག །ཅེས་བརྗོད། དེས་དབང་གཅིག་སོང་བ་ཡིན་ལ་དེ་ལྟ་བུ་དུ་ཐོན་བྱའོ། །མཇུག་ཏུ་གྲོལ་དུས། གཙོ་བོས་ཇི་ལྟར་བཀའ་སྩལ་པ་སོགས་དང་། མཎྜལ་བྱའོ། །ཞེས་པ་དབང་ཚིག་དང་གཞུང་དབང་སྒྲུབ་རྣམས་སྤྲུལ་སྐུའི་དགོངས་གཏེར་ཡིན་ལ་ཕྱག་ལེན་ཆིངས་རྣམས་བདག་གིས་སྦྱར་བ་ཡིན་ཏེ། འདི་ནི་བཀའ་གཏེར་གང་ལ་ཡང་སྦྱར་དུ་རུང་ལ། སྟབས་བདེ་བས་འགྲོ་དོན་རྒྱ་ཆེན་འབྱུང་བར་གྱུར་ཅིག །ཅེས་རཱག་ཨ་སྱས་བཀོད་པ་ལ་ཉེས་འགལ་མཆིས་ན་ལྷ་ལ་བཤགས་སོ། །མངྒ་ལཾ།། །།

སྨན་བླའི་འཆི་བསླུ།

[Full Size]

སྨན་བླའི་འཆི་བསླུ་བཞུགས་སོ༔ ན་མོ་གུ་རུ་བྷི་ཥ་ཛཱི༔ གནམ་ཆོས་དགོངས་གཏེར་ལས་བྱུང་བའི་སྨན་ལྷའི་དབང་གི་སྔོན་འགྲོ་ཤོག་ཁྲའི་འཆི་བསླུ་བྱེད་ན༔ སྨན་བླའི་དབང་བསྐུར་དུས་ཡིན་ན་བཟང་༔ འཕྲལ་དུ་ཡིན་ན་གཞི་དཀར་སྟེང་དུ་མཆོད་པ་ཅི་འབྱོར་དང་བྲིས་སྐུ་བཀྲམ་ལ་ཆོ་ག་རྒྱུན་ཁྱེར་རང་གིས་བསྒྲིགས་པ་བསྙེན་པ་བརྒྱ་རྩ་བཟླས་རྗེས༔ ནད་པའི་ལུས་བཀྲུས་པའི་དྲི་ཆུའི་ཆངས་བུ་བཞི་བཅུ་རྩ་བཞི་དང་ཏིང་ལོ་དེ་ཙམ་ཤ་དུམ་བཅས་པ་གྱོ་ཆག་ལ་སོགས་སྣོད་ནང་དུ༔ ངར་མི་གླང་གི་མགོ་ཅན༔ རྒྱབ་ཏུ་སྤྲེལ་གྱི་མགོ་ཅན༔ མདུན་དུ་ཕག་གི་མགོ་ཅན༔ གཡས་སུ་གནམ་ལོའི་མགོ་ཅན༔ གཡོན་དུ་ལོ་བདུད་བཞག༔ གོས་དུམ་སྐྲ་འཇག་བཞག༔ གཞི་སྟེང་མཎྜལ་སྟེང་དུ་འབྲུ་སྣའི་ཚོམ་བུ་བཀོད་ལ་བཞག༔ ནད་པ་ཡང་མདུན་དུ་འདུག༔ རང་ཉིད་སྨན་བླར་གསལ་བའི་མདུན་དེར་མདུན་བསྐྱེད་དཀྱིལ་འཁོར་ལྟརཿ༔ མཐའ་སྐོར་དུ་ཞང་བློན་སྡེ་དགུ་སྲུང་སྐྱོབ་བྱེད་པའི་སྲུང་མ་ལྷན་ཅིག་སྐྱེས་པའི་ལྷ་དང་༔ འགོ་བའི་ལྷ་ལྔ་དང་ཡུལ་ལྷ་བཅས་པ་གསལ་བཏབ་ལ། བདག་འཛིན་ཐམས་ཅད་སྟོང་པའི་ངང་ལས་སེངྒེའི་ཁྲི་ཡངས་ཤིང་རྒྱ་ཆེ་བ་ལྷ་རྫས་ཀྱི་གོས་ཀྱིས་བཀབ་པའི་སྟེང་དུ་པདྨ་དང་ཟླ་བའི་སྟེང་དུ་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ་མཚན་བཟང་དང་དཔེ་བྱད་ཐམས་ཅད་ཀྱིས་བརྒྱན་པ། དེ་ལ་ཐུབ་པ་ལ་སོགས་སངས་རྒྱས་བདུན་གྱིས་བསྐོར་ནས་བཞུགས་པ། དེ་རྒྱབ་ཏུ་ཞང་བློན་སྡེ་དགུ་

[Full Size]

ཡེ་ཤེས་དང་འཇིག་རྟེན་གྱི་ཆོས་སྐྱོང་སྲུང་མ་འགོ་བའི་ལྷ་ལྔ། སྐྱོབ་པའི་ལྷ་དགུ། ཡུལ་ལྷ་ཟོར་དོར་དང་བཅས་པ་གསལ་བར་གྱུར། ཏདྱ་ཐཱ། ཨོཾ་བྷེ་ཥ་ཛྷི་བྷི་ཥ་ཕྱི་དྷརྨ་པཱ་ལ་ལོ་ཀ་པཱ་ལ་ལོ་ཀ་དྷེ་ཝ་ཨེ་ཧྱ་ཧི་ས་མཱ་ཡ་ཛ༔ཛཿ གཉིས་སུ་མེད་པར་ཐིམ་པར་གྱུར། བགེགས་གཏོར་བསང་ཆུས་བྲན། ཨོཾ་བཛྲ་ཨ་མྲྀ་ཏེ་སོགས། སྭ་བྷ་ཝ་སོགས། སྟོང་པའི་ངང་ལས་འཆི་བདག་གི་རྒྱལ་པོ་གླང་གི་གདོང་པ་ཅན་སྤྱན་དམར་ལ་ལུས་ནག་པ། གཡས་བཤའ་གྲི་དམར་པོ་དང་། གཡོན་ཁྲམ་ཤིང་འཛིན་པ། མདུན་དུ་སྲོག་བདག་རཀྵ་ཕག་མགོ། རྒྱབ་ཏུ་ཚེ་བདག་སྤྲེལ་མགོ་དམར་པོ། གཡས་སུ་ནད་བདག་གནམ་ལོའི་གཟུགས་ཅན། གཡོན་དུ་ནད་པའི་ལོ་བདུད་མིང་གང་ཡིན་སྨོད། མཐའ་སྐོར་དུ་ལན་ཆགས་བུ་ལོན་ཤ་འཁོན་སྟོང་མགྲིན། བགེགས་ཀྱི་རིགས་སུ་གྱུར་པ་ངར་མི་དང་གཉིས་སུ་མེད་པར་ཐིམ་པར་དམིགས། དེ་ནས་བདེན་སྟོབས་ནི། ན་མོ། དཀོན་མཆོག་གསུམ་དང་ཡི་དམ་ལྷ། །མཁའ་འགྲོ་ཆོས་སྐྱོང་སྲུང་མ་དང་། །བཅོམ་ལྡན་སྨན་བླ་མཆེད་བརྒྱད་དང་། །ཚངས་དང་བརྒྱ་བྱིན་རྒྱལ་ཆེན་བཞི། །གནོད་སྦྱིན་སྡེ་དཔོན་འཁོར་ཚོགས་བཅས། །ལྷ་ཚོགས་ཀུན་གྱི་བདེན་

[Full Size]

པའི་མཐུས། །བསྲུང་བྱ་ནད་པ་འདི་ཉིད་ཀྱི། །ལུས་ངག་ཡིད་གསུམ་ལ་གནོད་ཅིང་། །འཚེ་བའི་ནད་འདྲེ་གདོན་བགེགས་ཀུན། །མྱུར་དུ་རང་གཟུགས་གླུད་ཡས་ལ། །ཁུག་ཅིག་ཛཿཧཱུྃ་བཾ་ཧོ༔ ཨཱཿ ལན་གསུམ་བརྗོད། བགེགས་གཏོར་བྱིན་གྱིས་བརླས་པ་ནི། ཨ་ཀཱ་རོ་སོགས་ཀྱི་མཐར། དེ་བཞིན་གཤེགས་པ་བཞིའི་མཚན་བརྗོད། ཁ་འབར་མའི་སྔགས་བསྒྲུང་། དེ་ནས་འབྲུ་སྣ་ཐོགས་ལ་འདི་སྐད་དོ། །འབྲུ་སྣ་ལྔ་ཡི་མཆོད་པ་འདི། །རྟག་ཏུ་མགོན་སྐྱོབ་བྱེད་པ་དང་། །ལྷན་ཅིག་སྐྱེས་པའི་ལྷ་ལ་འབུལ། །དེ་ནས་ཆངས་བུ་བསྔོ་བ་ནི། ཚངས་བུ་ཤ་དུམ་འོ༔ ཏིང་ལོ་འདི། །བགེགས་རིགས་སྟོང་ཕྲག་བརྒྱད་ཅུ་དང་། །མཉམ་པོར་འོང་བའི་བདུད་ལ་སྦྱིན། །གཱིཏ་ཨི་དཾ་བ་ལིཾ་ཏ་ཁཱ་ཧི། དེ་ནས་ཤོག་བཀྲ་བཀོད་ལ། ཧཱུྃ། ནད་ཀྱིས་ཟིན་པའི་ནད་པ་ལ། །ཨ་རུ་རུ་ཡིས་ནད་པ་བསླ། དེའི་འགྲེས་ལ་སོ་སོར་བསྔོས་རྗེས། ཧཱུྃ། ཡེ་ཤེས་བསྐལ་པ་མེ་ལྟར་འབར་བའི་འོད། །མ་རིག་འདོད་པའི་མུན་ཁམས་ཐམས་ཅད་བསྲེགས། །ཞེ་སྡང་གཤིན་རྗེའི་འཇིགས་པ་ཐམས་ཅད་འཇོམས། །ལོག་འདྲེན་སྲིན་པོའི་མཐའ་གནོན་དགྲ་འདུལ་བ། །དཔའ་བོ་ཆེན་པོའི་དཔའ་མཚན་སྟག་ཤམ་ཅན། །རིག་

[Full Size]

པའི་རྒྱལ་པོ་ཁྲོ་རྒྱལ་གཤེགས་སུ་གསོལ། །ལོག་འདྲེན་འདུལ་བའི་སླད་དུ་སྤྱན་འདྲེན་ན། །འགྲོ་བའི་དོན་དུ་མཆོད་ཀྱིས་གཤེགས་སུ་གསོལ། །ཨོཾ་བཛྲ་ཀྲོ་དྷ་རཱ་ཛ་ས་པཱ་རི་ཝཱ་ར་ཨརྒྷཾ་པྲ་ཏིཙྪ་སྭཱ་ཧཱཿ རྣམ་ལྔ་རོ་མོ་དང་བཅས་པས་མཆོད། ཧཱུྃ། ཆོས་ཉིད་སྟོང་པ་གཉིས་མེད་ངང་ཉིད་ལས། །འཇིག་རྟེན་སྤྱོད་པའི་ཚུལ་ཡང་མི་སྤོང་ཞིང་། །ཐབས་ལ་མཁས་པ་ཁྲོ་བོའི་སྐུར་སྟོན་པ། །ཁྲོ་ཆེན་འབར་བའི་ཚོགས་ལ་ཕྱག་འཚལ་བསྟོད། །ཡེ་ཤེས་ཞི་བའི་ངང་ལས་མ་གཡོས་ཀྱང་། །སྐུ་ཡི་ཆ་ལུགས་ཟ་བྱེད་རྔམས་སྟབས་ཀྱིས། །གསུང་གི་ང་རོས་འབྲུག་སྟོང་ལྡིར་བའི་སྒྲས། །མ་ལུས་དབང་དུ་བསྡུས་ལ་ཕྱག་འཚལ་བསྟོད། །ལྷག་པའི་རོལ་པ་ཡེ་ཤེས་སྟོན་མཛད་ཅིང་། །སྡིག་པའི་མཚོན་ཆ་སྣ་ཚོགས་ཕྱག་ན་བསྣམས། །ཉོམ་མོངས་དུག་གསུམ་རྩད་ནས་གཅོད་མཛད་པའི། །སྦྲུལ་གདུག་རྒྱན་གྱིས་བརྒྱན་ལ་ཕྱག་འཚལ་བསྟོད། །བསྐལ་པ་མེ་ལྟར་འབར་བའི་ཀློང་དཀྱིལ་ནས། །དཔའ་བོའི་སྟངས་སྟབས་བརྐྱང་བསྐུམ་ཚུལ་གྱི་བཞུགས། །ཉི་ཟླ་འབར་བའི་སྤྱན་གྱི་སྡང་མིག་གིས། །བགེགས་དཔུང་སྲེག་པར་མཛད་ལ་ཕྱག་འཚལ་བསྟོད། །གཏུམ་ཆེན་དུས་མཐའི་མེ་ལྟར་གཟི་བརྗིད་འབར། །གློག་སྟོང་འཁྱུར་འདྲའི་ཁྲོ་གཉེར་

[Full Size]

མཆེ་བ་གཙིགས། །རྔམས་པའི་ང་རོས་འབྲུག་སྒྲ་སྟོང་གསུམ་སྒྲོག །ཁྲོ་རྒྱལ་བགེགས་ཚོགས་འདུལ་ལ་ཕྱག་འཚལ་བསྟོད། །ཧཱུྃ་འཇིགས་པའི་ཧཱུྃ་སྒྲ་ངེས་སྒྲོག་ཅིང་བགེགས་རྣམས་མ་ལུས་འཇོམས་མཛད་པ༔ དངོས་གྲུབ་མ་ལུས་སྩོལ་བའི་ལྷ༔ བགེགས་ཀྱི་དགྲ་ལ་ཕྱག་འཚལ་བསྟོད༔ བཀའ་བསྒོ་བ་ནི། ཧཱུྃ། ང་ནི་གནས་འདིར་སྐལ་ལྡན་དབང་བསྐུར་ཞིང་། །བགེགས་རྣམས་འདི་རུ་མ་འདུག་གཞན་དུ་དེངས། །གལ་ཏེ་ང་ཡི་བཀའ་ལ་འདས་པ་ན། །ཡེཤེས་ཅན་གྱི་རྡོ་རྗེ་འབར་བ་ཡི། །མགོ་བོ་ཚལ་པ་བརྒྱར་ནས་འགས་གྱུར་ཞིང་། །བགེགས་རྣམས་བརླག་པར་འགྱུར་བ་གདོན་མི་ཟ། །བགེགས་རྣམས་འདི་རུ་མ་འདུག་གཞན་དུ་དེངས། །སུམྦྷ་ནིས་བགེགས་བསྐྲད། འོག་ཐམས་ཅད་རྡོ་རྗེའི་ས་གཞི་སོགས། སྲུང་འཁོར་བཅས། སོགས་ཀྱིས་བགེགས་བསྐྲད་ལ། གུ་གུལ་བདུག །ཡུངས་ཀར་གྱིས་བྲབ་ལོ་བདུད་ཡོད་ཕྱོགས་དོར། སྨན་བླའི་དབང་བརྒྱ་གྲུབ་ན་ལེགས། མ་གྲུབ་ན་ཡང་རུང་། དེ་ནས་བཀྲ་ཤིས་གང་ཤེས་བརྗོད། བསྔོ་བ་སྨོན་ལམ་བྱ། མི་འགྱུར་རྡོ་རྗེའི་དགོངས་གཏེར་འཆི་བསླུའི་ཤོག་བཀྲའི་ལྷན་ཐབས་སུ་ཨ་རཱ་གས་སྦྱར་བའོ། །མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་ལས་སྨན་བླའི་ནད་པ་བྱིན་རླབས་ཤོག་བཀྲ།

[Full Size]

གནམ་ཆོས་ཐུགས་ཀྱི་གཏེར་ཁ་ལས་སྨན་བླའི་ནད་པ་བྱིན་རླབས་ཤོག་བཀྲ་བཞུགས་སོ༔

[Full Size]

གནམ་ཆོས་དགོངས་གཏེར་གཙོ་བོར་བྱེད་པའི་སྨན་བླའི་གཏོར་དབང་ཐུན་མོང་བ་ལྟར། གནམ་ཆོས་སྤྱི་འགྲོས་ཀྱིས་ཟུར་བརྒྱན་པའི་དབང་སྒྲུབ། དབང་དངོས་ཀྱི་ཐོག་མར། ནད་པ་བྱིན་རླབས་ཤོག་བཀྲ་མ་སྦྱར་དགོས་པས། སློབ་མ་རྣམས་ཁྲུས་བྱས་ནང་དུ་འཚོགས་ལ། འོ། ནམ་མཁའ་དང་མཉམ་པའི་སེམས་ཅན་ཐམས་ཅད་རྒྱུ་དང་འབྲས་བུའི་ནད་དང་སྡུག་བསྔལ་ཉམ་ང་བའི་གནོད་པ་ཐམས་ཅད་ལས་བསྐྱབས་ནས། ཀུན་མཁྱེན་རྒྱལ་བ་སྨན་གྱི་བླ་བཻཌཱུརྱ་འོད་ཀྱི་རྒྱལ་པོའི་གོ་འཕང་ལ་འགོད་པར་བྱ། དེའི་ཆེད་དུ་བྱིན་རླབས་གཏོར་དབང་ཟབ་མོ་ནོད་དེ། དོན་གཉིས་སྒྲུབ་པའི་ཐབས་

[Full Size]

ཉམས་སུ་ལེན་པར་བྱའོ་སྙམ་པའི་ཐུགས་བསྐྱེད་པ་གསལ་བཏབ་ནས། མ་ཡེངས་པར་གསན་འཚལ། དེ་ལ་ཐོག་མར་ནད་གདོན་ཞི་བར་བྱེད་པའི་ནད་པ་བྱིན་རླབས་ཤོག་བཀྲ་མའི་ཆོ་ག་བསྒྲུབ་པ་ལ། དམིགས་པ་འདི་བཞིན་དུ་མཛོད། དེ་ཡང་ཟླ་བ་སྒྲོན་མའི་མདོ་ལས། གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །ཞེས་གསུངས་པས། ཁྱེད་རང་ཐ་མལ་པར་གནས་པའི་མདུན་དུ། ངེད་བཅོམ་ལྡན་འདས་སངས་རྒྱས་སྨན་བླ་མཆེད་བརྒྱད་སེམས་དཔའ་བཅུ་དྲུག་ཚངས་པ་བརྒྱ་བྱིན་རྒྱལ་ཆེན་བཞི་གནོད་སྦྱིན་གྱི་སྡེ་

[Full Size]

དཔོན་བཅུ་གཉིས་ལ་སོགས་པ་ཉི་མ་དང་ཟེར་ལྟར་བཞུགས་པའི་དྲུང་དུ། ཁྱེད་རང་རྣམས་ཀྱི་ལུས་ངག་ཡིད་གསུམ་ལ་གནོད་ཅིང་འཚེ་བར་བྱེད་པའི་ནད་འདྲེ་གདོན་བགེགས་ཐམས་ཅད་བཀའ་ཉན་གསུང་སྡོད་སྔོན་གྱི་ཚུལ་དུ་འདུག་པ་ལ། ནད་པ་འདི་བསླུ་བའི་ཡོན་དུ་འདོད་ཡོན་སྟོང་གསུམ་ལྷ་མིའི་ལོངས་སྤྱོད་དཔག་ཏུ་མེད་པར་བྱིན་གྱིས་བརླབ་ཅིང་། ནད་པའི་ནད་བདག་རྣམས་ལ་བུ་ལོན་དང་ལན་ཆགས་ཀྱི་ཚུལ་དུ་བྱིན་པས། ནད་བདག་ཐམས་ཅད་དགྱེས་ཤིང་ཚིམས་ནས་བུ་ལོན་སོད། ལན་ཆགས་བྱང་། ཤ་འཁོན་དང་བྲལ། །ད་ཕྱིན་ཆད་གནོད་པ་མི་བྱེད་པར་ཁས་བླངས་པར་སྒོམས་ཤིག །ཅེས་པའི་མཇུག་དེར་སློབ་མའམ། ནད་པའི་དྲི་ཟན་ལ་ངར་མི་སྐྱེ་མཆེད་དོད་པ་དང་། ཆངས་བུ། ལམ་སྒྲོན་བཅས་སྣོད་གཅིག་ཏུ་བཤམ་པ་དང་། ཤོག་བཀྲ་རྣམས་ལ། ཆུས་བྲན་ཏེ། ཨ་མྲྀ་ཏས་བསང་། སྭ་བྷ་ཝས་སྦྱང་། རིན་ཆེན་སྣོད་དུ་གླུད་གཏོར་དང་། །ལྷ་མིའི་ལོངས་སྤྱོད་ནམ་མཁའི་མཛོད། །བདུད་རྩིར་གྱུར་ཅིག་ཨོཾ་ཨཱཿཧཱུྃ། །ཞེས་པས་བྱིན་གྱིས་བརླབས་ནས། ནད་ཀྱིས་ཟིན་པའི་ནད་པ་ལ༔ ཨ་རུ་ར་ཡིས་ནད་པ་བསླ༔ ལྷུང་བཟེད་ཟས་ཀྱིས་བཀང་བ་འདི༔ ནད་པའི་ནད་བདག་ཁྱོད་ལ་

[Full Size]

སྦྱིན༔ ནད་ཀྱིས་ཟིན་པའི་ནད་པ་ལ༔ རྒྱལ་མཚན་འདི་ཡིས་ནད་པ་བསླུ༔ ཀེ་ཀེ་རུ་དང་ནོར་བུ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ཟིན་པའི་ནད་པ་ལ༔ གུར་གུམ་འདི་ཡིས་ནད་པ་བས༔ ཕག་རྒོད་མཆེ་བ་ཡ་གཅིག་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱི་ཟིན་པའི་ནད་པ་ལ༔ གི་ཝཾ་འདི་ཡིས་ནད་པ་བསླུ༔ བང་བ་ནས་ཀྱིས་བཀང་བ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ཟིན་པའི་ནད་པ་ལ༔ པོ་ཏི་འདི་ཡིས་ནད་པ་བསླུ༔ ནད་པའི་ནད་བདག་ཁྱོད་ལ་སྦྱིན༔ ནད་པའི་རོ་འདི་སྦྱིན་པར་བྱ༔ ཟོ་ལུ་ཆང་གིས་བཀང་བ་འདི༔ ནད་པའི་ནད་བདག་ཁྱོད་ལ་སྦྱིན༔ ༈ ནད་ཀྱིས་ནོན་པའི་ནད་པ་ལ༔ ཡིག་དྲུག་འདི་ཡིས་ནད་པ་ཇ་བཟང་རྩིག་པ་བྱས་པ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ གདུགས་ཆེན་འདི་ཡིས་ནད་པ་ཤིང་ཐོག་བིལ་ཝ་རློན་པ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ཆུ་སྲིན་འདི་ཡིས་ནད་པ་བསླུ༔ ཐོད་པ་བདུད་རྩིས་བཀང་བ་འདི༔ ནད་པའི་ནད་བདག་ཁྱོད་

[Full Size]

ལ་སྦྱིན༔ ནད་ཀྱིས་ནོན་པའི་ནད་པ་ལ༔ སྒྲོ་མདོངས་འདི་ཡིས་ནད་པ་བསླུ༔ བྱི་རུ་འབིགས་སུ་ཆགས་པ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ མདའ་དར་འདི་ཡིས་ནད་པ་བསླུ༔ མར་ཐུད་རྩིག་པ་བྱས་པ་འདི༔ ནད་པའི་ནད་བདག་ཁྱོད་ལ་སྦྱིན༔ ༈ ནད་ཀྱིས་ནོན་པའི་ནད་པ་ལ༔ གི་ཝཾ་འདི་ཡིས་ནད་པ་བསླུ༔ ཉི་ཟླ་སྐར་མས་བརྒྱན་པ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ལྷ་བཤོས་འདི་ཡིས་ནད་པ་བསླུ༔ པི་ཝཾ་སྙན་པའི་སྐད་ཅན་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ཐ་དཀར་རྡོ་རྗེས་ནད་པ་བསླུ༔ མི་སྙིང་ཁྲག་ཏུ་བསྐྱིལ་བ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ཉ་སོག་འདི་ཡིས་ནད་པ་བསླུ༔ ཉ་མོ་གསེར་གྱི་མིག་བྱས་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ འབུ་ཁོག་འདི་ཡིས་ནད་པ་བསླུ༔ དུང་ལས་བྱས་པའི་ཤ་རུ་འདི༔ ནད་པའི་ནད་བདག་ཁྱོད་ལ་སྦྱིན་༈ ནད་ཀྱིས་ནོན་པའི་ནད་པ་ལ༔ ཤོག་དྲིལ་འདི་ཡིས་ནད་

[Full Size]

པ་བསླུ༔ གསེར་ལས་བྱས་པའི་མི་མགོ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ཤ་ཁོག་འདི་ཡིས་ནད་པ་བསླུ༔ དངུལ་ལས་བྱས་པའི་གཉན་རུ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ རྔ་ཆེན་འདི་ཡིས་ནད་པ་བསླུ༔ གསེར་ལས་བྱས་པའི་རྒྱ་གླིང་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ དུང་དཀར་འདི་ཡིས་ནད་པ་བས༔ སྣ་ཚོགས་སྙན་པའི་རོལ་མོ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ དྲི་ཞིམ་འདི་ཡིས་ནད་པ་བསླུ༔ བྱ་རྒོད་ཐང་སྨུག་སྒྲོ་མདོངས་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ཀུ་ཤ་འདི་ཡིས་ནད་པ་བསླུ༔ བྱ་རྒོད་ཐང་སྨུག་སྒྲོ་རྩ་འདི༔ ནད་པའི་ནད་བདག་ཁྱོད་ལ་སྦྱིན༔ ༈ ནད་ཀྱིས་ནོན་པའི་ནད་པ་ལ༔ གོས་ཅན་འདི་ཡིས་ནད་པ་བསླུ༔ རྒྱ་གར་སིན་དྷུར་ལི་ཁྲི་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ མེ་ལོང་འདི་ཡིས་ནད་པ་བསླུ༔ མ་ཧེ་བཞོས་པའི་འོ་མ་འདི༔ ནད་པའི་ནད་

[Full Size]

བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ དཔལ་བེའུ་འདི་ཡིས་ནད་པ་བསླུ༔ ཀླུ་ཡི་ནོར་བུ་འབར་བ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ མར་མེ་འདི་ཡིས་ནད་པ་བསླུ༔ ཤིང་ཐོག་དམར་རུ་མགོ་ནག་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ནོར་གཡུ་འདི་ཡིས་ནད་པ་བསླུ༔ ཤིང་ཐོག་བེ་ཏའི་འབྲས་བུ་འདི༔ ནད་པའི་ནད་བདག་ཁྱོད་ལ་སྦྱིན༔ ༈ ནད་ཀྱིས་ནོན་པའི་ནད་པ་ལ༔ ཁ་ཊཾ་འདི་ཡིས་ནད་པ་བསླུ༔ མགོན་པོའི་ཕྱག་མཚན་གྲི་གུག་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ བཻཌཱུརྨ་ཡིས་ནད་པ་བསླུ༔ བྱང་གི་གསེར་ནི་བརྒྱ་དྲུག་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ པདྨ་རཱ་གས་ནད་པ་བསླུ༔ མཁའ་འགྲོའི་པདྨ་རཀྟ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ མེ་ཏོག་འདི་ཡིས་ནད་པ་བསླ༔ ཐིག་ལེ་བྱང་སེམས་དཀར་པོ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ མདའ་གཞུ་འདི་ཡིས་ནད་པ་

[Full Size]

བསླུ༔ བཙན་གྱི་མདུང་དར་དམར་པོ་འདི༔ ནད་པའི་ནད་བདག་ཁྱོད་ལ་སྦྱིན༔ ༈ ནད་ཀྱིས་ནོན་པའི་ནད་པ་ལ༔ ཀཱ་པ་ལ་འདིས་ནད་པ་བསླུ༔ རྩ་ཡི་རྒྱལ་མོ་རོ་རྐྱང་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ གསེར་གྱི་གཞོང་པས་ནད་པ་བསླུ༔ སྲིན་པོའི་ལྕེ་བདེ་འབར་བ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ མིག་འབྲས་གཉིས་ཀྱིས་ནད་པ་བསླུ༔ ཀླུ་ཡི་མཆོད་རྟེན་དཀར་པོ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ ནེའུ་ལེ་ཡིས་ནད་པ་བསླུ༔ གཤིན་རྗེའི་རལ་གྲི་བསམ་འགྲུབ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ གཡས་ཤག་འདི་ཡིས་ནད་པ་བསླུ༔ གསེར་གྱི་འཁོར་ལོ་རྩིབས་བཞི་འདི༔ ནད་པའི་ནད་བདག་ཁྱོད་ལ་སྦྱིན༔ ༈ ནད་ཀྱིས་ནོན་པའི་ནད་པ་ལ༔ དབུ་འོད་འདི་ཡིས་ནད་པ་བསླུ༔ རྒྱབ་འོད་རིན་ཆེན་འོད་རྒྱལ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ པད་ལྡན་འདི་ཡིས་ནད་པ་བསླུ༔ དམར་སེར་དར་

[Full Size]

འཕྱངས་བཟང་པོ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ རྣ་རྒྱན་འདི་ཡིས་ནད་པ་བསླུ༔ རིན་ཆེན་སྣ་ཚོགས་མགུལ་རྒྱན་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ སྟོད་གཡོགས་འདི་ཡིས་ནད་པ་བསླུ༔ རྒྱལ་བ་རིགས་ལྔའི་དབུ་རྒྱན་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ སྨད་གཡོགས་འདི་ཡིས་ནད་པ་བསླུ༔ ལྷ་ཡི་ཕྱག་གཡོན་སྡིགས་མཛུབ་འདི༔ ནད་པའི་ནད་བདག་ཁྱོད་ལ་སྦྱིན༔ ༈ ནད་ཀྱིས་ནོན་པའི་ནད་པ་ལ༔ ཞགས་པ་འདི་ཡིས་ནད་པ་བསླུ༔ མགོན་པོའི་བླ་རྟགས་བེང་ཆེན་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ རྒྱ་ལྷམ་འདི་ཡིས་ནད་པ་བསླུ༔ གསེར་གྱི་ལྷམ་སྒྲོག་ནར་མ་འདི༔ ནད་པའི་ནད་བདག་ཁྱོད་ལ་སྦྱིན༔ ནད་ཀྱིས་ནོན་པའི་ནད་པ་ལ༔ པད་ཞྭ་འདི་ཡིས་ནད་པ་བསླུ༔ བདུད་རྩིས་བཀང་བའི་དམ་བེ་འདི༔ ནད་པའི་ནད་བདག་ཁྱོད་ལ་སྦྱིན༔ འབྱུང་པོ་མཐུ་ཆེན་ཁྱེད་ཅག་རྣམས༔ འདོད་ཡོན་མཆོད་སྦྱིན་རྒྱ་ཆེན་དང་༔ ཡིད་མཐུན་གླུད་དང་ཆངས་བུ་ལོངས༔

[Full Size]

བཟུང་བ་ཐོངས་ལ་བཅིངས་པ་ཁྲོལ༔ བུ་ལོན་ཤ་འཁོན་ལན་ཆགས་ཁྱེར༔ བསྲུང་བྱ་འདི་ལ་མ་གནོད་པར༔ བགེགས་རིགས་འབྱུང་ཚོགས་གཞན་དུ་དེངས༔ གལ་ཏེ་མི་ཉན་འཚེ་བྱེད་ན༔ ཡེ་ཤེས་ཁྲོ་བོས་བརླག་པར་འགྱུར༔ དེ་བས་བསྒོ་བའི་བཀའ་ལ་ཉོན༔ ཞེས་བཀའ་བསྒོས་པས། སླར་ཡང་མཚམས་སྦྱོར་ལྟར། འོ། ད་ནི་འདོད་ཡོན་སྣ་ཚོགས་ཀྱིས་ཁྱེད་རྣམས་དགྱེས་ཤིང་ཚིམ་པར་གྱིས་ལ། བསྲུང་བྱ་འདིའི་ལུས་ངག་ཡིད་གསུམ་བཟུང་བ་ཡོད་ན་ཐོངས། བཅིངས་བ་ཡོད་ན་ཁྲོལ། བསྡམས་པ་ཡོད་ན་སླད། །མནན་པ་ཡོད་ན་ཁྱོག །དེང་ཕྱིན་ཆད་འདིར་མ་གནས་པར་གཞན་དུ་སོང་ཞིག །གལ་ཏེ་མི་འགྲོ་བར་འདུག་ན། ཡེ་ཤེས་ཀྱི་རྡོ་རྗེ་འབར་བས་བསྲེག་ཅིང་བརླག་པར་གདོན་མི་ཟའོ། །སརྦ་བྷུ་ཏ་བིགྷཱན་གཙྩ་གཙྪས་གླུད་ཡས་རྣམས་བཞི་མདོའམ། ལོ་བདུད་ཕྱོགས་སུ་བཏང་། གདོན་བགེགས་རྣམས་དགའ་ཞིང་མགུ་བས། མཆོད་སྦྱིན་རྣམས་ཁྱེར་ཏེ་རང་གནས་སུ་སོང་བར་བསམ། མཆོད་སྦྱིན་ཐོབ་ཀྱང་མི་འགྲོ་བ་རྣམས་བསྐྲད་པའི་ཕྱིར་ཐུན་བྲབ། གུ་གུལ་བསྲེག །རོལ་མོའི་སྒྲ་དང་བཅས་ནས་ལྕག་བྲབ། སུམྦྷ་ནི་དྲག་ཏུ་བརྗོད། ནད་པའི་ལུས་ལ་རྡོ་རྗེའི་གོ་ཁྲབ་ཞུ་ལུབས་སུ་གོན་པར་བསམས་ལ། སྲུང་འཁོར་བསྒོམ་ལ་

[Full Size]

དབང་བསྐུར་རོ། །སྐུ་ལས་མེ་དཔུང་ཁྲོ་ཚོགས་འཕྲོས༔ གདོན་བགེགས་ཐམས་ཅད་ཚར་བཅད་ནས༔ ཕྱི་རོལ་རྡོ་རྗེའི་གུར་ཁང་ལ༔ ཡེ་ཤེས་ལྔ་ལྡན་མེ་དཔུང་འབར༔ བཛྲ་རཀྵ་རཀྵ་ཧཱུྃ༔ དེ་ལྟར་རྡོ་རྗེ་སྲུང་བའི་འཁོར་ལོ་མེ་རི་དང་བཅས་པས། ཕྱོགས་བཅུར་བར་མེད་དུ་གཏམས་པས་བགེགས་དང་བར་ཆད་ཀྱིས་གླགས་མི་རྙེད་པའི་མོས་པ་མཛོད། དེ་རྣམས་ཀྱིས་བྱིན་རླབས་ཤོག་བཀྲ་མའི་རིམ་པར་གྲུབ་ནས། སླར་ཡང་བཀའ་གཏེར་ཟུང་འཇུག་གཏོར་དབང་ཟབ་མོ་ཞུ་བའི་ཡོན་དུ་མཎྜལ། འོ་ན། ད་ལམ་སྨན་བླའི་གཏོར་དབང་ཞིག་སོགས་ནས། དབང་རྒྱས་པ་གྲུབ་ཀྱི་བར་མཐར་ཆགས་སུ་བསྐུར་བས། བསྡུས་པ་གྲངས་གསོག་དེའང་ཐོབ་པར་བརྩི་བས་ཟུར་དུ་བསྐུར་མི་དགོས་ཤིང་། གྲངས་གསོག་སྐབས། རྒྱས་པ་ཚར་གཅིག་བསྐུར་བས་གཏོར་མའི་བཀའ་བསྒོ། ཤིས་བརྗོད་བཅས་གྲུབ་རྗེས། དབང་བསྡུས་པ་ལ་འཇུག །གྲངས་རྫོགས་པ་ན། བཟླས་ལུང་ཕྱིན་དབང་རྒྱས་པའི་མཇུག་མཐར་དབྱུང་བ་ཕྱག་བཞེས་ཡིན། ཆོ་གའི་རྗེས་གནམ་ཆོས་སྤྱི་བཞིན་ནོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གུ་རུ་རིན་པོ་ཆེ་ལ་གདུང་དབྱངས་ཀྱི་གསོལ་འདེབས།

[Full Size]

གུ་རུ་རིན་པོ་ཆེ་ལ་གདུང་དབྱངས་ཀྱི་གསོལ་འདེབས་བཞུགས། གུ་རུ་པདྨ་སིདྡྷི་ཧཱུྃ༔ རྗེ་སངས་རྒྱས་ཀུན་གྱི་ཡོན་ཏན། བྱང་སེམས་ཀུན་གྱི་ཐུགས་རྗེ། །ཁྲོ་རྒྱལ་ཀུན་གྱི་མཐུ་སྟོབས། །དཔའ་བོ་ཀུན་གྱི་གཟི་བརྗིད། །མཁའ་འགྲོ་ཀུན་གྱི་བྱིན་རླབས། །སྲུང་མ་ཀུན་གྱི་ནུས་མཐུ། །གཅིག་ཏུ་བསྡུས་པའི་ངོ་བོ། །ཀུན་འདུས་པདྨ་འབྱུང་གནས། །རྗེས་འཇུག་བུ་ལ་གཟིགས་དང་། །བྱིན་གྱིས་བརླབ་པར་ཞུ་དང་། །སྙིགས་མ་ལྔ་ཡི་དུས་ན། །བདེ་གཤེགས་བྱིན་རླབས་ཡལ་དུས། །ཆོས་ཀྱི་ངད་པ་ཡལ་དུས། །བསྒྲུབས་ཀྱང་འགྲུབ་རྟགས་མེད་དུས། །མཁའ་འགྲོ་ཆོས་སྐྱོང་གྱེས་དུས། །དཀར་ཕྱོགས་ཐབས་སུ་འབྲོས་དུས། །ནག་ཕྱོགས་བདུད་རིགས་འཚུབས་དུས། །ཁྱོད་ཉིད་ཐུགས་རྗེ་ཆེ་རྒྱུན། །ཆེ་བའི་དུས་ལ་བབ་ལགས། །ཕོ་གདོན་རྒྱལ་པོ་དར་དུས། །མི་ཕྱེད་སྨྱོན་པར་འགྲོ་དུས། །མོ་གདོན་མ་མོ་འཁྲུགས་ནས། །ནད་ཀྱིས་ན་བུན་འཐིབས་དུས། །སྟེང་གདོན་གཟའ་སྐར་འཁྲུགས་ནས། །ཐོག་སེར་གཟའ་ནད་མང་དུས། །འོག་གདོན་ཀླུ་གཉན་འཁྲུགས་ནས། །ཞ་གྲུམ་གཅོང་ནད་མང་དུས། །ཁྱོད་ཀྱི་འདུལ་སྐལ་ཡིན་ན། །

[Full Size]

འདུལ་བའི་དུས་ལ་བབ་ལགས། །ཧོར་སོགས་མཐའ་དམག་གཡོ་དུས། །གཙུག་ལག་ཆོས་འཁོར་འཇིགས་དུས། །འཁྲུག་རྩོད་དམག་ཇག་དར་དུས། །རི་ཀླུང་རྐུན་མས་གང་དུས། །བཙུན་པ་སྡོམ་ཁྲིམས་མེད་དུས། །སྐྱེ་བོའི་མནའ་ཆད་མེད་དུས། །ཁྱེད་ཀྱི་ཐུགས་རྗེས་སྐྱོབ་ན། །བསྐྱབ་པའི་དུས་ལ་བབ་ལགས། །གནམ་ལ་ཆར་ཆུ་མེད་དུས། །ས་ལ་འབྲས་དྲུག་མེད་དུས། །མུ་གེ་གོད་ཡམས་དར་དུས། །རང་ནོར་གཞན་གྱིས་སྤྱོད་དུས། །བློ་གཏད་གང་བྱས་བསླུ་དུས། །སུ་ལའང་བློ་གཏད་མེད་དུས། །ཁྱོད་ཉིད་ཐུགས་རྗེ་ཆེ་ན། །ཆེ་བའི་དུས་ལ་བབ་ལགས། །ཡར་དང་མར་གྱི་ཚེས་བཅུ། །རྒྱུན་པར་ནངས་རེ་དགོང་རེ།། །བོད་ཀྱི་དོན་ལ་འབྱོན་ན། །བདག་ཅག་འཁོར་དང་བཅས་པས། །བློ་གཏད་ཁྱེད་ལ་བྱས་ནས། །རྒྱུན་པར་གསོལ་བ་འདེབས་ན། །ཅི་མཛད་ཁྱེད་རང་ཤེས་ལ། །རིམས་ནད་གདོན་དང་ཆོམ་རྐུན། །དགྲ་དང་རྒྱལ་པོའི་འཇིགས་པ། །ཡིད་མི་བདེ་དང་དབུལ་ཕོངས། །འཁོར་བའི་འཇིགས་པ་ཆེན་པོ། །རྣམ་པ་དུ་མས་མནར་དུས། །ཡེ་ཤེས་སྤྱན་གྱིས་གཟིགས་དང་། །ཐུགས་རྗེའི་ལྕགས་ཀྱུས་ཟུང་

[Full Size]

ལ། །འཇིགས་པ་མྱུར་དུ་སྐྱོབས་ཤིག །ཅེས་རང་ལོ་ཉེར་ལྔ་པ་ལ། ལོ་ཉེས་དང་དུས་ཀྱི་འཁྲུགས་པ་རིམས་དང་གོད་ཡམས་སོགས་མི་བདེ་སྣ་ཚོགས་བྱུང་བ་ལ། ཡར་གྱི་ཚེས་བཅུ་ལ། ཀརྨ་ཨ་རཱ་གས་གདུང་དབྱངས་ཀྱིས་ང་རོའི་འོ་དོད་ཆེན་པོ་བྱས་ནས་བྲིས་པའོ། །སརྦ་མངྒ་ལཾ། །།

ལྷ་མོ་པརྞ་ཤ་ཝ་རིའི་གསོལ་འདེབས།

[Full Size]

ལྷ་མོ་པརྞ་ཤ་ཝ་རིའི་གསོལ་འདེབས་ནི། ན་མོ་པི་ཤ་ཙི་ཡེ། དུས་གསུམ་སངས་རྒྱས་བསྐྱེད་པའི་ཡུམ། །ཡུམ་ཆེན་ཤེས་རབ་ཕར་ཕྱིན་མ། །གཟུགས་ཀྱི་སྐུར་སྟོན་འགྲོ་བའི་མགོན། །ལོ་མ་གྱོན་མར་ཕྱག་འཚལ་བསྟོད། །གྲངས་མེད་གོང་ནས་སངས་རྒྱས་ཀྱང་། །ས་བརྒྱད་སེམས་མའི་ཚུལ་སྟོན་ཞིང་། །རྒྱལ་བའི་ཕྲིན་ལས་སྒྲུབ་མཛད་མ། །གསེར་མདོག་ཅན་མར་ཕྱག་འཚལ་བསྟོད། །རྒྱ་གར་རི་ཁྲོད་མདངས་དགའ་བར། །ཤིང་ལོ་གསར་པའི་གོས་མནབས་ནས། །འཕགས་པ་མི་ཕམ་སྒྲུབ་མཛད་མ། །རིག་སྔགས་གྲུབ་མ་ཁྱོད་ཕྱག་འཚལ། །གདུག་རྩུབ་ཐམས་ཅད་ཞི་མཛད་ཅིང་། །བཀྲ་ཤིས་བདེ་ལེགས་སྦྱིན་མཛད་མ། །པརྞ་ཤ་ཝ་རི་ཞེས་པའི། །ལྷ་མོ་ཁྱོད་ལ་ཕྱག་འཚལ་བསྟོད། །བདག་དང་སློབ་མ་བརྒྱུད་པར་བཅས། །ལྷ་མོ་ཁྱོད་ལ་སྐྱབས་གསོལ་གྱིས། །ཡམས་ནད་རིམས་ནད་ཕྱུགས་ནད་ལས། །རྟག་ཏུ་ཁྱོད་ཀྱིས་བསྲུང་བར་མཛོད། །ཅེས་པ་འདི་ཞི་བའི་སྦྱིན་སྲེག་བརྒྱ་རྩ་བླུག་སྐབས། ལོ་མ་གྱོན་མ་མང་དུ་བླུགས་དུས། བུད་མེད་གསེར་བཙོ་མའི་མདོག་ཅན་ཤིན་ཏུ་རྒྱས་ཤིང་རྒྱན་སྣ་ཚོགས་ཀྱིས་བརྒྱན་པ་ཞིག་མཇལ་བས། དེ་རང་གི་ཨ་མ་ཡིན་སྙམ་ནས་ནུ་མ་ནུས་པར་

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ ལོ་མ་ཅན་གྱི་གཏོར་སྒྲུབ་ཟིན་བྲིས་གསལ་བར་བཀོད་པ།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ ལོ་མ་ཅན་གྱི་གཏོར་སྒྲུབ་ཟིན་བྲིས་གསལ་བར་བཀོད་པ་བཞུགས་སོ། །

[Full Size]

ཤམ་ན་མོ་པརྞ་ཤ་ཝ་རཱི་ཡེ། འཕགས་མ་རི་ཁྲོད་མ་ལ་ཕྱག་འཚལ་ནས། དེ་ཡི་གཏོར་སྒྲུབ་མན་ངག་གསལ་བཀོད་བྱ། ལྷ་མོ་ཉིད་ཀྱིས་བཀའ་གནང་བྱིན་གྱིས་རློབས། །དུས་ངན་སྙིགས་མ་བསོད་ནམས་མར་འགྲིབ་དུས། །དུ་རུ་ཀ་ཡི་དམག་ཚོགས་སྡེ་ལྔ་འབྱུང་། །དེ་ཡི་ནང་ནས་ནད་ཀྱི་དུ་རུ་ཀ །བཀའ་དང་བསྟན་བཅོས་གཞུང་ནས་མ་གྲགས་པའི། །འགོས་ནད་མང་པོ་དར་བས་མི་ཐོག་འབུད། །ནད་རྟགས་མེ་ཆུ་གོ་ལོག་སྟོན་པའི་ཕྱིར། །རྩི་སྨན་ཅིས་ཀྱང་མི་ཕན་དུག་ཏུ་འགྲོ། །དེ་དག་སྲུང་དང་ཟློག་དང་ཞི་བའི་ཐབས། །ལོ་མ་གྱོན་མའི་སྒྲུབ་ཐབས་ཚེམ་པ་ལྔ། །གནས་ཆོས་ཐུགས་ཀྱི་གཏེར་ཁ་ལས་བྱུང་བ། །གཅིག་ཏུ་དྲིལ་ནས་ཉམས་སུ་ལེན་པའི་ཐབས། །ལི་སྡེར་ཤིང་སོགས་ཞི་བའི་སྣོད་ཀྱི་ནང་། །གཏོར་

[Full Size]

མ་ལྔ་པོ་དཔེའུ་རིས་ལྟར་བཅའ། །དེ་ལ་ཙཀ་ལི་བདུན་པ་དཔེའུ་རིས་ལྟར། །མ་ནོར་གཏོར་མ་སོ་སོར་བཙུགས་ལ་བཤམས། །ཤོག་གུ་གཙང་མར་ནད་བདག་ལིངྒ་ནི། །མངོན་རྟོགས་ནང་ནས་འབྱུང་བ་ལྟ་བུར་བྲིས། །གཞུང་ལྟར་འགུགས་གཞུག་མང་དུ་བྱས་ནས་ཀྱང་། །ཐེམ་འོག་གམ་ནི་འོག་ཕྱོགས་ལམ་ལ་མནན། །སྟེང་དུ་རྡོ་ལེབ་རྡོ་རྗེ་རྒྱ་གྲམ་མནན། །རྒྱུན་དུ་འདོན་དུས་དེ་ལ་མནན་དམིགས་བྱ། །གལ་ཏེ་མནན་པ་ལ་སོགས་མ་འགྲུབ་ཀྱང་། །དམིགས་པ་ཁོ་ན་བྱས་པས་ཆོག་པ་ཡིན། །དཔོན་སློབ་མང་ན་བརྒྱ་ཚར་བསོག་པའམ། །གཅིག་པུ་ཡིན་ན་ཞག་འགའ་སྒྲུབ་པ་བྱེད། །སྒྲུབ་པ་མ་ཐོན་ནའང་ཚར་མང་འདོན། །གློ་བུར་ཙཀ་ལི་གཏོར་མ་མ་འཛོམས་ཀྱང་། །ཟླུམ་གཏོར་ལྔ་ཚོམ་གཅིག་ལ་བཏོན་ཀྱང་རུང་། །ཚར་གྲངས་ཅི་

[Full Size]

འགྲུབ་བཏོན་རྗེས་རང་དོན་ལ། །གཏོར་མ་དེ་ཡིས་བདག་འཇུག་དབང་ཡང་བླང་། །གྲྭ་སློབ་ཡོན་བདག་ལ་སོགས་གལ་ཆེན་ལ། །གཏོར་མ་དེ་ཡིས་རྗེས་གནང་སྤྱི་ལྟར་བྱ། །བདག་འཇུག་དབང་བསྐུར་གྲུབ་བམ་མ་གྲུབ་རུང་། །གཏོར་མ་བསྲུང་བྱ་ཀུན་གྱིས་དངོས་གྲུབ་རོལ། །དངོས་གཞི་ཆོ་ག་འདི་ཉིད་འདོན་བསྒོམ་སྦྲགས། ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་བའི་རིམས་ནད་རྒྱུན་གཅོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ཀ་དག་ཀློང་ནས་སྤྲུལ་པ་ཡི༔ གནམ་ས་གང་བའི་མཆོད་པའི་སྤྲིན༔ དཀར་གསུམ་མངར་གསུམ་སྨན་གྱི་མཚོ༔ ཟད་མེད་གྱུར་ཅིག་པཱུ་ཛ་ཧོ༔ བདག་དང་མདུན་དུ་ལོ་མ་ཅན༔ སེར་མོ་ཞལ་གཅིག་ཕྱག་གཉིས་མ༔ གཡས་པས་རྡོ་རྗེ་གཡོན་སྡིགས་མཛུབ༔ རྨ་བྱ་ལོ་མའི་ཤམ་ཐབས་ཅན༔ པདྨ་ཉི་མའི་གདན་ལ་བཞུགས༔ མདུན་བསྐྱེད་ཞབས་འོག་ཤིང་ལོ་མ༔ ལྗང་མོ་ཁྲོ་མོའི་ཆ་ལུགས་རྫོགས༔ ཟླ་བ་ཕྱེད་པའི་དབུ་རྒྱན་ཅན༔ ཕྱག་ན་ཆུ་ཤེལ་ཞགས་པ་འཛིན༔ རྟ་ལྗང་ཆིབས་ནས་ཝ་མོ་ཁྲིད་གཙོ་འཁོར་གནས་གསུམ་ཡིག་འབྲུ་གསུམ༔ ཐུགས་ཀའི་པོ་ལས་འོད་འཕྲོས་པས༔ སངས་རྒྱས་ཀུན་གྱི་བྱིན་རླབས་

[Full Size]

རྣམས༔ བདག་མདུན་ཐིམ་ཞིང་དབང་བསྐུར་གྱུར༔ ཨོཾ༔ རྒྱ་རྒྱ་རྒྱ་མ༔ ཧཱུྃ༔ འོག་མིན་ཞིང་དང་མདངས་དགའ་བའི༔ རི་ཁྲོད་ལ་སོགས་བཞུགས་གནས་ནས༔ འོ་མ་གྱོན་མ་གཤེགས་སུ་གསོལ༔ པདྨ་ཉི་ཟླའི་གདན་ལ་བཞུགས༔ སྟོང་གསུམ་འཇིག་རྟེན་རབ་འབྱམས་ན་མཆོད་པའི་རྣམ་པ་ཅི་འབྱོར་དང་༔ བདུད་རྩི་སྨན་གྱི་མཆོད་པ་འབུལ༔ ནད་རྣམས་མ་ལུས་འཇོམས་མཛད་ཅིང་༔ གདོན་ཀུན་ཙིཏྟ་སྲེག་བྱེད་མ༔ ནད་རིགས་ཀུན་འཇོམས་རྡོ་རྗེ་སྟེ༔ ལོ་མ་གྱོན་མར་ཕྱག་འཚལ་བསྟོད་བདག་དང་བསྲུང་བྱ་ཐམས་ཅད་ཀྱི༔ ནད་རིགས་བཞི་བརྒྱ་རྩ་བཞི་སོལ༔ ཡམས་ནད་རིམས་ནད་ཞི་བར་མཛོད༔ སྙིགས་མའི་ནད་ཀྱི་བསྐལ་པ་ལ༔ ཁྱེད་ཀྱིས་བསྲུང་ཞིང་སྐྱབས་མཛོད་ཅིག༔ ཨོཾ༔ ཐོག་གུ་བུ་བྱ་བཏབྱ༔ ཀ་བ་རྣམ་དག་བྱང་ཆུབ་སེམས་མའི་ལུས༔ ཁ་ནས་ཧཱུྃ་ཧཱུྃ་ཕཊ་ཀྱིས་དགྲ་བོ་ཟློག༔ གང་ན་བཞུགས་ཀྱང་བདག་ལ་ཐུགས་གཟིགས༔ ང་ཡི་བར་ཆད་ཐམས་ཅད་ད་སོལ་ཅིག༔ ཅ་ལེ་ཅོ་ལེ་མང་པོ་མ་མཛད་ཅིག༔ ཚབ་ཆོབ་མ་མཛད་བདག་ལ་སྐྱོར་སྟོན་ཅིག༔ ཇ་ཆང་ཕུད་ཀྱིས་ཁྱེད་ནི་རྟག་ཏུ་

[Full Size]

མཆོད༔ ཉ་མ་ལ་སོགས་བདག་གི་འཁོར་རྣམས་ཀྱིས༔ ཏོ་ཏེ་མི་བྱེད་ཁྱེད་ལ་གསོལ་བ་འདེབས༔ ཐལ་ཆེན་རཀྟ་ཞག་གི་ཟོ་རིས་བརྒྱན༔ དོན་རྣམས་འགྲུབ་མཛད་མ་ལ་ཕྱག་འཚལ་ལོ༔ ན་བ་ལྟ་བུ་རྟ་ཕོ་ཆིབས་ནས་བྱོན༔ སྤར་ཁ་བརྒྱད་དང་བཅས་པ་བཟློག་ཏུ་གསོལ༔ ཕ་མའི་རིང་ནས་ཁྱེད་ལ་གསོལ་བ་འདེབས༔ བ་གཅིག་ཡོད་ནའང་ཁྱེད་ལ་བསྔོས་ནས་བཤས༔ མ་མོ་ཁྱོད་ནི་ཞལ་གཅིག་ཕྱག་གཉིས་མ༔ གཙུག་ན་ཟླ་བ་ཕྱེད་པས་རབ་ཏུ་བརྒྱན༔ ཚ་བ་འཇོམས་པའི་ཆུ་ཤེལ་གཡས་ན་བསྣམས༔ ཛ་ཝ་ག་ཏིའི་ཞགས་པ་གཡོན་ན་བསྣམས༔ ཝ་མོ་ཁྲིད་ནས་མཚན་གྱི་གུང་ལ་རྒྱུ༔ ཞ་བོའི་ལག་ནས་བྱུང་བའི་དབྱུག་པ་ཡོད༔ ཟབ་བེར་ངུར་སྨྲིག་ན་བཟའ་བདག་ལ་ཡོད༔ འ་ག་ཏཱ་ཡི་འབྲས་བུ་བདག་ལ་ཡོད༔ ཡོ་འགུལ་མེད་པའི་བསྙེན་པ་བདག་གིས་བགྱིད༔ ར་དཀར་ཕོ་མོའི་འོ་ཞོ་བདག་ལ་ཡོད༔ ལ་ཆེན་བརྒྱབ་ནའང་ཁྱེད་ལ་གསོལ་བ་འདེབས༔ ཤི་ན་མ་གཏོགས་ཁྱེད་ལ་གསོལ་བ་འདེབས༔ ས་ཆ་གང་ན་ཡོད་ཀྱང་ཐུགས་རྗེས་ཟུང་༔ ཧ་ཀ་ས་ལ་མ་ཕོག་བདག་ལ་ཡོད༔ ཨཱཿ་ལི་ཀཱ་ལི་ཅི་ཐོན་བརྗོད་ཅིང་ཡོད༔ ཨཱཿ་ལི་ཀཱ་ལི་

[Full Size]

བརྗོད༔ དག་པོ་མི་ཤེས་ན་བྲིས་ནས་བཞག་ཡོད་པས་ཆོག༔ ཧཱུྃ་ལས་རིན་ཆེན་སྣོད་ནང་དུ༔ ཨོཾ་ལས་གཏོར་མ་བདུད་རྩིའི་མཚོ༔ ཁ་དོག་དྲི་རོ་ཕུན་སུམ་ཚོགས༔ ལྷ་མོ་དཔོན་གཡོག་མཉེས་བྱེད་གྱུར༔ ཨོཾ་ཨཱཿཧཱུྃ་ཧ་ཧོ་ཧཱུྃ༔ ཨོཾ་པི་ཤ་ཙི་སྭཱ་ཧཱུྃ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ གསུམ༔ ཨོཾ་པི་ཤ་ཙི་ར་མ་ཁ་ཡེ་སྭཱ་ཧཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ། ཤར་གྱི་གཏོར་མ་མེ་ཏོག་ཅན་ཉེར་སྤྱོད་ཀུན་ལ་སོགས་པ་ཡི༔ ཞི་བའི་མཆོད་སྤྲིན་རྒྱ་མཚོ་འདི༔ ཕྱོགས་བཅུའི་སངས་རྒྱས་ཐམས་ཅད་མཆོད༔ ཨོཾ་སརྦ་ཏ་ཐཱ་ག་ཏ་བ་ལིཾ་ཏ་ཁཱ་ཧི་པཱུ་ཙ་ཧོ༔ ཧཱུྃ༔ ལྷ་མིན་མི་ལ་གཡུལ་རྒྱལ་ནས༔ ལྷ་རྣམས་མ་དགའ་གཡུལ་གཏུགས་བྱས༔ ལྷ་རྣམས་ལྷ་མིན་གཡུལ་རྒྱལ་ནས༔ ལྷ་མོ་རྣམས་ཀྱི་མཆོད་པ་ནི༔ རིམས་ནད་ནི་ཕྱིར་མཆོད་པ་འབུལ༔ ཕྱོགས་བཅུའི་སངས་རྒྱས་ཐམས་ཅད་མཆོད༔ ཕྱོགས་བཅུའི་སངས་རྒྱས་དེ་རྣམས་ལ༔ བདེན་པ་ཆེན་པོ་ཡོད་དམ་མེད༔ བདེན་པ་ཆེན་པོ་ཡོད་གྱུར་ན༔ ཕྱོགས་བཅུའི་སངས་རྒྱས་དེ་རྣམས་ཀྱི༔ མཐུ་དང་བདེན་པ་ཆེན་པོ་ཡིས༔ བདག་ཅག་དཔོན་སློབ་འཁོར་བཅས་ཀྱི༔ རིམས་ནད་ཐམས་ཅད་ཞི་བར་

[Full Size]

མཛོད༔ གལ་ཏེ་བདེན་པ་མེད་ན་ནི༔ སངས་རྒྱས་རྣམས་ཀྱི་བྱིན་རླབས་ནི༔ ཅུང་ཟད་ཙམ་ཡང་མེད་པ་ཡིན༔ དེ་ཕྱིར་རིམས་ནད་མེད་པར་མཛོད༔ ཨོཾ་ཨོཾ་ཨོཾ༔ ས་མ་ཡ༔ ཛཱ་ར་ཤཱནྟི་ཀུ་རུ་ཡེ་སྭཱ་ཧཱཿ ནུབ་ཀྱི་གཏོར་མ་གྲི་གུག་ཅན༔ འདོད་པའི་ཡོན་ཏན་ལྔ་ལ་སོགས༔ དབང་གི་མཆོད་སྤྲིན་རྒྱ་མཚོ་འདིས༔ ཕྱོགས་བཅུ་དུས་དྲུག་སངས་རྒྱས་མཆོད༔ ཨོཾ་སརྦ་ཏ་ཐཱ་ག་ཏ་བ་ལིཾ་ཏ་ཁཱ་ཧི་པཱུ་ཛ་ཧཱུྃ༔ ཧཱུྃ༔ ཕྱོགས་བཅུའི་སངས་རྒྱས་དྲུག་དང་བཅས༔ དེ་དུས་སངས་རྒྱས་ཐམས་ཅད་བྱོན༔ དེ་དུས་བྱོན་པའི་སངས་རྒྱས་རྣམས༔ བདེན་པ་ཡོད་མེད་ད་ལྟའོ༔ སངས་རྒྱས་ཁྱེད་ཀྱི་བདེན་པའི་མཐུས༔ བདག་ཅག་དཔོན་སློབ་འཁོར་བཅས་ཀྱི་རིམས་ནད་འདི་ནི་ཞི་བར་མཛོད༔ མ་ཡེངས་མ་འཁྲུལ་དག་གསོན་ཅིག༔ བདག་ཅག་དཔོན་སློབ་འཁོར་བཅས་རྣམས༔ དུས་ངན་སྙིགས་མ་འདི་ཡི་དུས༔ ཚེ་ལ་བརྐུ་བའི་ནད་ངན་འདུག༔ སྲོག་ལ་འཇབ་པའི་ནད་ངན་འདུག༔ སྐུ་ལ་བསྡོ་བའི་ནད་ངན་འདུག༔ འདི་རྣམས་ཐམས་ཅད་ཞི་བར་མཛོད༔ གལ་ཏེ་ཞི་བར་མ་བྱས་ན༔ ཕྱོགས་བཅུ་དུས་དྲུག་སངས་རྒྱས་དེ༔ རྣམས་ལ་བདེན་པ་

[Full Size]

མེད་པ་ཡིན༔ ཨ་ཨ་ཨཱཿ༔ ས་མཡ༔ ཛཱ་ར་ཤིནཾ་ཀུ་རུ་ཡེ་སྭཱ་ཧཱཿ གཏོར་མ་གྲུ་བཞི་ཡུ་བ་ཅན༔ རྒྱལ་སྲིད་བདུན་ལ་སོགས་པ་ཡི༔ རྒྱས་པའི་མཆོད་སྤྲིན་རྒྱ་མཚོ་འདི༔ དུས་དྲུག་ཕྱོགས་བཅུའི་སངས་རྒྱས་མཆོད༔ ཨོཾ་སརྦ་ཏ་ཐཱ་ག་ཏ་བ་ལིཾ་ཏ་ཁཱ་ཧི་པཱུ་ཛ་ཧོ༔ ཧཱུྃ༔ བདུད་དང་ལྷ་གཉིས་གཡུལ་གཏུགས་ནས་༔ དེ་དུས་ལྷ་རྣམས་།གཡུལ་རྒྱལ་དུས༔ ལྷ་མོ་རྣམས་ཀྱིས་ཕྱོགས་བཅུ་ཡི༔ སངས་རྒྱས་རྣམས་ལ་མཆོད་པ་ནི༔ དུས་དྲུག་ཏུ་ནི་མཆོད་པར་བྱས༔ སངས་རྒྱས་རྣམས་ཀྱང་དེ་དུས་མཉེས༔ དེ་དུས་ནད་རིམས་བསལ་བ་བཞིན༔ ད་ཡང་བདག་གི་ནད་རིམས་སོལ༔ བདེན་པ་ཨི་འདུག་ད་ལྟའོ༔ དུས་ངན་སྙིགས་མར་སྐྱེས་པ་ཡི༔ བདག་ཅག་དཔོན་སློབ་འཁོར་བཅས་རིམས་ནད་རྩེག་མོ་འདི་ཉིད་ནི༔ བླ་མའི་སྐུ་ལ་བསྡོས་སུ་བཙུགས༔ དེ་ལ་བདེན་པ་མེད་པའམ༔ ཡོད་ན་རིམས་ངན་ད་ཞི་མཛོད༔ ཧཱུྃ་ཧཱུྃ་ཧཱུྃ༔ ས་མ་ཡ༔ ཛཱ་ར་ཤཱནཾ་ཀུ་རུ་ཡེ་སྭཱ་ཧཱཿ ཧཱུྃ༔ བྱང་གི་གཏོར་མ་ཟུར་གསུམ་ཅན༔ དྲག་པོའི་མཆོད་སྤྲིན་དཔག་མེད་པ༔ ཁྲོ་བོ་ཁྲོ་མོ་ཐམས་ཅད་དང་༔ མ་མོ་མཁའ་འགྲོ་ཐམས་ཅད་མཆོད༔

[Full Size]

ཨོཾ་སརྦ་ཀྲོ་དྷ་དྷ་ཀི་དེ་ཝི་བྷ་ལི་ཏ་ཁཱ་ཧི་པཱུ་ཛ་ཧོ༔ ལོ་མའི་ཤམ་ཐབས་སྨད་དུ་གསོལ༔ མ་མོ་ཐམས་ཅད་དབང་དུ་སྡུད༔ ཅེ་སྤྱང་གཟུགས་ཅན་ནད་བདག་མོ༔ ཁྱོད་ཀྱི་དབང་དུ་སྡུས་གྱིས་ལ༔ ནད་ཀུན་ཞི་བའི་ཕྲིན་ལས་མཛོད༔ མདུན་གྱི་འོག་ཏུ་ས་ཡི་དོང་༔ ཁ་དོག་མཐིལ་ཡང་ཐར་མེད་ནང་༔ ཅེ་སྤྱང་གཟུགས་ལ་མཆེ་བཞི་ཡི༔ བྲང་མདོར་སླེབ་ཅིང་སྐྲ་མཚམས་སླེབ༔ ནུ་གཉིས་གཡས་གཡོན་གྲུ་མོའི་ཐད༔ སླེབས་ཏེ་ཚོན་དུ་ནད་རྐྱལ་གཉིས་ཕྲག་ན་ཁུར་ཞིང་ལག་ཏུ་ཐོགས༔ ཤིན་ཏུ་འཇིགས་པའི་མིག་གཉིས་ལ༔ ལོང་ལོང་དཔུང་གཉིས་ཧཱུྃ་ཛདང་༔ ཁ་ནང་མཱ་ར་ཡ་ཁྲད་དང་༔ མགྲིན་པའི་གཡས་དང་གཡོན་གཉིས་ལ༔ ཞོན་ཞོན་གྲུ་མོ་ཆག་ཆག་གི༔ ཡིག་འབྲུ་དང་བཅས་གསལ་བར་གྱུར༔ དཀོན་མཆོག་གསུམ་དང་རྩ་བ་གསུམ༔ རི་ཁྲོད་མ་དང་ཤིང་ལོ་མའི༔ བདེན་པ་ཆེན་པོའི་མཐུ་སྟོབས་ཀྱིས༔ བདག་ཅག་རྣམས་ལ་གནོད་པ་ཡི༔ ནད་འདྲེ་རིམས་ཀྱི་སྣ་འདྲེན་ཀུནེ༔ ནད་བདག་ཅེ་སྤྱང་གཟུགས་ལ་ཁུག༔ ཛཧཱུྃ་བཾ་ཧོས་དབྱེར་མེད་གྱུར༔ ཧཱུྃ༔ བདུད་དང་ལྷ་རྣམས་གཡུལ་གཏུག་དུས༔ དེ་དུས་ལྷ་ཕམ་བདུད་རྒྱལ་

[Full Size]

ནས༔ སངས་རྒྱས་རྣམས་ལ་བར་ཆད་བྱས༔ དེ་དུས་ཐམས་ཅད་སྐྲག་ཅིང་འདར༔ ཉི་མ་ཟླ་བ་ཐང་ལ་བྲུལ༔ སངས་རྒྱས་རྣམས་ཀྱིས་བདུད་མ་ཐུལ༔ དེ་ལྟར་བྱས་ན་བདེན་པ་མེད༔ གལ་ཏེ་བདེན་པ་ཡོད་གྱུར་ན༔ བདག་ཅག་དཔོན་སློབ་འཁོར་བཅས་ཀྱི༔ རིམས་ནད་ཐམས་ཅད་ད་ཞི་མཛོད༔ བླ་མའི་སྐུ་ལ་བསྡོ་བ་དང་༔ སངས་རྒྱས་བསྟན་པ་བཤིགས་པ་དང་༔ དཀོན་མཆོག་དབུ་འཕང་སྨད་པ་དང་༔ གསང་སྔགས་ཆོས་ལ་སྡང་བ་དང་༔ སྡེ་དགོན་ཡོ་བྱད་རྐུ་བ་དང་༔ བསམ་གཏན་པ་ཡི་སེམས་དཀྲུག་དང་༔ སྐྱེ་བོ་སྡིག་ལ་དགའ་བ་དང་༔ དགེ་བ་སྡིག་ལ་སྒྱུར་བྱེད་པའི༔ ཞིང་བཅུ་ཚང་བའི་དགྲ་བོ་ནི་ཐམས་ཅད་འདི་ཡི་ལུས་ལ་ཚང་༔ ཕྱོགས་བཅུའི་སངས་རྒྱས་ཐམས་ཅད་ཀྱིས༔ དེ་དུས་བདུད་རྣམས་བཏུལ་བ་ཡིས༔ རིམས་ངན་འདི་ནི་ད་ཐུལ་ཅིག༔ ཧཱི༔ཧཱི༔ཧི༔ ས་མ་ཡ༔ སརྦ་ཛྭ་ར་ཕཊ༔ ཅེ་སྤྱང་གཟུགས་ཅན་ནད་བདག་མོ༔ རིམ་དགུའི་ས་ཡི་འོག་ཏུ་སོང་༔ དེ་སྟེང་རླུང་མེ་ཆུ་ས་དང་༔ རི་རབ་གླིང་བཞི་བཅས་པས་ནོན༔ ཨོཾ་པི་ཤ་ཙི་སྭཱ་ཧཱཿ སརྦ་ཛྭ་ར་མཱ་ར་ཡ་སྟམྦྷ་ཡ་ན་ཤ་ཡ༔ ཨོཾ་

[Full Size]

ལམ་ཧཱུྃ་ལམ་སྟམྦྷ་ཡ་ནན༔ བདག་མདུན་ལྷ་མོས་ཐུགས་ཀ་ནས༔ པཾ་མཐར་སྔགས་འཕྲེང་གཡོན་དུ་འཁོར༔ རང་གི་ཐུགས་ལས་འོད་འཕྲོས་པས༔ རང་འདྲའི་ལྷ་མོ་ཡེ་ཤེས་པ༔ དཔག་མེད་སྤྱན་དྲངས་བདག་མདུན་ཐིམ༔ སྤྲུལ་པའི་ལྷ་མོས་ནམ་མཁའ་གང་༔ བར་སྣང་ས་གཞི་ཐམས་ཅད་གང་༔ སྐུ་ལས་ཡེ་ཤེས་མེ་ཆེན་འབར༔ ནད་རིམས་ཡམས་ནད་ཐམས་ཅད་ནི༔ བྱ་སྒྲོ་མེ་ལ་བསྲེགས་ལྟར་གྱུར༔ ཨོཾ་པི་ཤ་ཙི་པརྞ་ཤ་ཝ་རི་སརྦ་ཛྭ་ར་པྲ་ཤ་མ་ནི་སྭཱ་ཧཱཿ ཞེས་བཟླས་བསྙེན་པ་ཅི་འགྲུབ་དང་༔ ཤིང་ལོ་མ་ཡི་ཐུགས་ཀ་རུ༔ བཾ་མཐར་སྔགས་ཕྲེང་གཡོན་འཁོར་དང་ཕྱག་གི་ཆུ་ཤེལ་འོད་ཟེར་གྱིས༔ ནམ་མཁའ་བར་སྣང་ལྷ་མོ་བསྐུལ༔ དེ་དག་སྐུ་ལས་བདུད་རྩི་ནི༔ སྨན་གྱི་ཆར་རྒྱུན་ཆར་བབས་པས༔ ནད་རིམས་ཡམས་ནད་ཐམས་ཅད་དང་༔ བདེ་སྟོང་ཉམས་རྟོགས་འབར་བར་གྱུར༔ ཨོཾ་པི་ཤ་ཙི་པཎྜ་ཤ་ཝ་རི་སརྦ་རཾ་ཁཾ་པྲ་མ་ཡེ་སྭཱ་ཧཱཿ སྤྲུལ་པའི་ལྷ་མོ་བདག་མདུན་ཐིམ༔ མདུན་བསྐྱེད་ལོ་མ་གྱོན་མ་ཡི༔ ཕྱག་གཡས་རྡོ་རྗེ་དེ་ཉིད་ལས༔ འོད་ཟེར་ཉི་འོད་འཆར་ལྟར་དུ༔ འཕྲོས་པས་འོད་ཟེར་དེ་ཉིད་ནི༔ གང་ཕོག་ནད་

[Full Size]

ཀྱིས་མི་ཚུགས་གྱུར༔ ཨོཾ་པི་ཤ་ཙི་ས་ཧཱ༔ ཨོཾ་པི་ཙི་རཾ་ཁཾ་ཡེ་སྭཱ་ཧཱཿ བཛྲ་རཀྵ་ཀུ་རུ་ཡེ་སྭཱ་ཧཱཿ བསྙེན་པ་ཅི་འགྲུབ་བཟླས་པའི་རྗེས༔ གསོ་བྲན་བྱས་པས་ཆོག་པ་སྟེ༔ བརྒྱ་རྩ་མན་ནས་གསུམ་བདུན་ཡན༔ ཅི་འགྲུབ་རྟགས་དང་བསྟུན་པས་མཆོག༔ འདི་སྐབས་གཞན་ལ་དབང་བསྐུར་ནས༔ རྒྱས་པར་རྗེས་གནང་སྤྱི་ལྟར་ཏེ༔ བསྡུ་ན་བདག་འཇུག་ཡིག་ཆུང་སྟེ༔ བཏོན་པས་དབང་བསྐུར་ཚང་བ་སྟེ༔ གལ་ཆེན་ཡིན་ན་གསུམ་བདུན་ཞིག༔ བདག་འཇུག་ཡིག་ཆུང་མི་དགོས་ཏེ༔ མདུན་བསྐྱེད་བླ་མ་དབྱེར་མེད་བསམ༔ ས་གཞི་སྤོས་སོགས། གསོལ་བ་བཏབ་པ་འདིའི་རྗེས་ཟློས་མཛོད༔ ཕྱོགས་བཅུ་དུས་གསུམ་སངས་རྒྱས་དང་སློབ་དཔོན་ལོ་མ་ཅན་རྣམས་ལ༔ གསོལ་བ་འདེབས་སོ་དབང་བསྐུར་སྩོལ༔ ཞེས་ལན་གསུམ༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་གཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་གཉིས་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་

[Full Size]

བདག་གིས་མགྲོན་དུ་གཉེར༔ བྱང་ཆུབ་སེམས་མཆོག་ཡིད་འོང་བསྐྱེད་པར་བགྱི༔ འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔ ཞེས་བརྗོད༔ དེ་ནས་ཁྱེད་རང་རྣམས་ཀྱིས་མོས་པ་འདི་ལྟར་སྒོམས་ཤིག༔ གཏོར་མ་འདི་དང་སློབ་དཔོན་གཉིས་ཀ་ལོ་མ་ཅན༔ གོང་དུ་མངོན་རྟོགས་ལྟར་དུ་བསྒོམ༔ ཁྱེད་རང་གི་སྤྱི་བོར་བཞག་པའི་ཚེ༔ གཏོར་མ་ལོ་མ་ཅན་དང་༔ སློབ་དཔོན་གཉིས་ཀའི་བྱིན་རླབས་ཞུགས་པར་གྱུར་པར་སྒོམས་ཤིག༔ ཅེས་གཏོར་མ་མགོར་བཞག༔ ཧཱུྃ༔ འོག་མིན་ཞིང་དང་མདངས་དགའ་བའི་རི་ཁྲོད་ལ་སོགས་བློབཞུགས་གནས་ནས༔ འོ་མ་གྱོན་མ་གཤེགས་སུ་གསོལ༔ དབང་བསྐུར་བྱིན་གྱིས་བརླབ་ཏུ་གསོལ༔ ཨོཾ་པི་ཤ་ཙི་པཎྜ་ཤ་སོགས། ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩ་ཧཱུྃ༔ སྔགས་བདུན་བརྗོད༔ དེ་ནས་ལོ་མ་གྱོན་མ་འདི་ཉིད་ཡི་དམ་དུ་བཟུང་སྙམ་པས་རྗེས་ཟློས་གྱིས་ཤིག༔ གཙོ་བོས་ཇི་ལྟར་བཀའ་བསྩལ་པ༔ དེ་དག་ཐམས་ཅད་བདག་གིས་བགྱི༔ ས་གཞི་སྤོས་ཆུས་སོགས། རང་ལ་ཚད་རུ་ལ་སོགས་ཀྱི༔ རིམས་ནད་འཚེ་བ་མང་བ་ལ༔ འདི་ཡི་ཆོ་ག་བདག་འཇུག་བཅས༔ བརྒྱ་རྩ་བླངས་ན་ཤིན་ཏུ་ཕན༔ གལ་ཆེན་གཞན་ལའང་དེ་དང་མཚུངས༔ ལོ་མ་ཅན་དང་ཤིང་ལོ་མ༔

[Full Size]

ཨོྃ༔ གཉིས་ཀའི་སྒྲུབ་པ་ཚང་འདོད་ན༔ ཆོ་ག་འདི་ཉིད་དུས་བཞིར་གཏང་རྒྱུན་དུ་ཐུན་མགོར་ལོ་མ་ཅན༔ ཐུན་མཇུག་ཤིང་ལོ་མ་ཉིད་བསྙེན༔ རྟགས་ནི་ལྷ་མོ་སྤྱི་དང་མཚུངས༔ སྨན་དང་ཆུ་ཤེལ་རྙེད་པ་རྨིས༔ མཚམས་ནི་གྲོལ་ཁ་བདག་འཇུག་བླངས༔ སྒྲུབ་པའམ་ནི་དབང་བསྐུར་མཇུག༔ རི་ཁྲོད་མ་དང་ཤིང་ལོ་མར༔ ཐུགས་ལ་འགལ་བ་ཐམས་ཅད་བཤགས༔ ཕྱག་འཚལ་མཆོད་ཅིང་བསྟོད་པར་བགྱི༔ གཡོག་མོ་འོད་ཞུ་དཔོན་མོར་ཐིམ༔ ལྷ་མོ་ཡེ་ཤེས་རང་ལ་ཐིམ༔ དམ་ཚིག་ལྷ་མོ་གཏོར་མར་ཐིམ༔ བདག་ཉིད་མཐའ་ནས་དབུས་སུ་ཡལ༔ རྒྱལ་བའི་ཡུམ་གྱི་དགོངས་པ་རྟོགས༔ དགེ་བས་འགྲོ་བའི་ནད་ཀུན་ཞི༔ བདེ་སྐྱིད་ལྡན་པའི་བཀྲ་ཤིས་ཤོག༔ ཅེས་པ་འདི་ནི་ས་ཕྱོགས་སུ༔ སྟོད་སྨད་ཀུན་ནས་རིམས་ནད་དལ༔ ཕོག་ནས་མི་ཐར་འཆི་འདུག་ཕྱིར༔ རོ་ཁུར་བ་རྣམས་ནད་མེད་ཀྱང་༔ གསོན་ལ་བསྙུང་བའི་དུས་ངན་བྱུང་༔ དེ་ཚེ་རཱ་ག་ཨ་སྱ་ཡིས༔ ལྷ་མོ་ཉིད་ལ་གསོལ་བཏབ་པས༔ འདི་ཉིད་བསྒྲིགས་ན་ཕན་ཆེ་སྟེ༔ ཐེང་ཆོག་ཡིན་གསུངས་ལུང་བསྟན་བྱུང་༔ དེ་ཕྱིར་ཆུ་ཕོ་བྱི་བའི་ལོ༔ དབྱར་ཟླ་ར་བའི་ཚེས་བཅུར་བསྒྲིགས༔ ཡི་གེ་དགེ་བའི་མིང་གིས་བྲིས༔ ཙཀ་ལི་བཅའ་ཚོགས་དཔེའུ་རིས་ལྟར་རོ། མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གྱོན་མའི་དབང་གྲངས་གསོག་ཐབས།

[Full Size]

འདིར་ལོ་མ་གྱོན་མའི་དབང་གྲངས་སུ་གསོག་པའི་ཚེ་བདག་དབང་ལྟར་བསྐུར་ཏེ༔ མདུན་བསྐྱེད་དང་བླ་མ་དབྱེར་མེད་པའི་བསམ་པའི་དྲུང་དུ་མཎྜལ་ཕུལ༔ ས་གཞི་སྤོས་ཀྱིས་ད་གསོལ་བ་འདེབས་པ་འདིའི་རྗེས་ཟློས་མཛོད༔ ཕྱོགས་བཅུ་དུས་གསུམ་སངས་རྒྱས་དང་༔ སློབ་དཔོན་ལོ་མ་ཅན་མ་ལ༔ གསོལ་བ་འདེབས་སོ་དབང་བསྐུར་སྩོལ༔ ཞེས་ལན་གསུམ༔ དཀོན་མཆོག་གསུམ་ལ་སྐྱབས་སུ་མཆི༔ སོགས༔ ཁྱེད་རང་རྣམས་ཀྱིས་མོས་པ་འདི་ལྟར་སྒོམས་ཤིག༔ སློབ་དཔོན་དང་གཏོར་མ་ལོ་མ་ཅན༔ སེར་མོ་ཞལ་གཅིག་ཕྱག་གཉིས་མ༔ གཡས་པས་རྡོ་རྗེ་གཡོན་སྡིགས་མཛུབ༔ རྨ་བྱ་ལོ་མའི་ཤམ་ཐབས་ཅན༔ པདྨ་ཉི་མའི་གདན་ལ་བཞུགས༔ མདུན་བསྐྱེད་ཞབས་འོག་ཤིང་ལོ་མ༔ ལྗང་མོ་ཁྲོ་མོའི་ཆ་ལུགས་རྫོགས། ཟླ་བ་ཕྱེད་པའི་དབུ་རྒྱན་ཅན༔ ཕྱག་ན་ཆུ་ཤེལ་ཞགས་པ་འཛིན༔ རྟ་ལྗང་ཆིབས་ཤིང་ཝ་མོ་ཁྲིད་གཙོ་འཁོར་གནས་གསུམ་ཡིག་འབྲུ་གསུམ༔ ཐུགས་ཀའི་པོ་ལས་འོད་འཕྲོས་པས༔ སངས་རྒྱས་ཀུན་གྱི་བྱིན་རླབས་རྣམས༔ བདག་མདུན་ཐིམ་ཞིང་དབང་བསྐུར་གྱུར༔ ད་གཏོར་མ་ཁྱེད་རང་གི་སྤྱི་བོར་བཞག་པའི་ཚེ༔ གཏོར་མ་ལོ་མ་གྱོན་མ་

[Full Size]

དང་སློབ་དཔོན་གཉིས་ཀའི་བྱིན་རླབས་ཐམས་ཅད་ཞུགས་པར་སྒོམས༔ ཞེས་གཏོར་མ་མགོར་བཞག་ལ༔ ཧཱུྃ༔ འོག་མིན་ཞིང་དང་མདངས་དགའ་བའི༔ རི་ཁྲོད་ལ་སོགས་བཞུགས་གནས་ནས༔ ལོ་མ་གྱོན་མ་གཤེགས་སུ་གསོལ༔ དབང་བསྐུར་བྱིན་གྱིས་བརླབ་ཏུ་གསོལ༔ ལོ་མའི་ཤམ་ཐབས་སྨད་དུ་གསོལ༔ མ་མོ་ཐམས་ཅད་དབང་དུ་བསྡུས་ཅེ་སྤྱང་གཟུགས་ཅན་ནད་བདག་མོ༔ ཁྱོད་ཀྱིས་དབང་དུ་བསྡུས་གྱིས་ལ༔ ནད་ཀུན་ཞི་བའི་ཕྲིན་ལས་མཛོད༔ བདག་དང་བསྲུང་བྱ་ཐམས་ཅད་ཀྱི་ནད་རིགས་བཞི་བརྒྱ་རྩ་་བཞི་སོལ༔ ཡམས་ནད་རིམས་ནད་ཞི་བར་མཛོད༔ སྙིགས་མའི་ནད་ཀྱི་བསྐལ་པ་ལ༔ ཁྱོད་ཀྱིས་སྲུང་ཞིང་སྐྱབས་མཛོད་ཅིག༔ ཨོཾ་པི་ཤ་ཙི་པརྞ་ཤ་ཝ་རི་སརྦ་ཛྭ་ར་པྲ་ཤ་མ་ནི་སྭཱ་ཧཱཿ ཨོཾ་པི་ཤ་ཙི་པརྞ་ཤ་ཝ་རི་སརྦ་རཾ་ཁཾ་པྲ་མ་ན་ཡེ་སྭཱ་ཧཱཿ ཀཱ་ཡ་ཝཱཀ་ཙིཏྟ་སིདྡྷི་སརྦ་ཨ་བྷི་ཥིཉྩ་ཧཱུྃ༔ སྔགས་ལན་བདུན་བརྗོད༔ ནད་རྣམས་མ་ལུས་འཇོམས་བྱེད་ཅིང་༔ གདོན་ཀུན་ཙིཏྟ་སྲེག་བྱེད་མ༔ ནད་རིགས་ཀུན་འཇོམས་ལྷ་མོ་སྟེ༔ ལོ་མ་གྱོན་མའི་བཀྲ་ཤིས་ཤོག༔ མེ་ཏོག་འཐོར་རོ༔ དེ་ནས་ལོ་མ་ཅན་འདི་ཡི་དམ་དུ་བཟུང་སྙམ་པ་གྱིས་ལ་འདིའི་

[Full Size]

རྗེས་ཟློས་གྱིས་ཤིག༔ གཙོ་བོས་ཇི་ལྟར་བཀའ་སྩལ་སོགས། ས་གཞི་སྤོས་ཆུས་སོགས། མཎྜལ་འབུལ་ལོ༔ གཏོར་བསྒྲུབས་ནས་སོ༔ མངྒ་ལཾ༔

ཐུགས་གཏེར་ལས་ལོ་མ་ཅན་གྱི་གཏོར་དབང་ལུང་བསྟན་བྱིན་རླབས་ཅན།

[Full Size]

ཐུགས་གཏེར་ལས་ལོ་མ་ཅན་གྱི་གཏོར་དབང་ལུང་བསྟན་བྱིན་རླབས་ཅན་བཞུགས་སོ༔

[Full Size]

ཤམཐ༔ ན་མོ་པརྞ་ཤ་ཝ་རི་ཡེ༔ ལོ་མ་ཅན་གྱི་དབང་སྒྲུབ་ནི༔ གཏོར་མ་དཔེའུ་རིས་ལྟར་བཅའ༔ བདག་དང་མདུན་དུ་ལོ་མ་ཅན༔ སེར་མོ་ཞལ་གཅིག་ཕྱག་གཉིས་མ༔ གཡས་པས་རྡོ་རྗེ་གཡོན་སྡིགས་མཛུབ༔ རྨ་བྱ་ལོ་མའི་ཤམ་ཐབས་ཅན༔ པདྨ་ཉི་མའི་གདན་ལ་བཞུགས༔ སངས་རྒྱས་ཀུན་གྱི་བྱིན་རླབས་རྣམས༔ བདག་མདུན་ཐིམ་ཞིང་དབང་བསྐུར་གྱུར༔ ཨོཾ་པི་ཤ་ཙི་པཎི་ཤ་ཝ་རི་སརྦ་ཛྭ་ར་པྲ་ཤ་མ་ནི་སྭཱ་ཧཱཿ སྔགས་ནི་ཕྲེང་སྐོར་གཅིག་གཉིས་བཟླ༔ དེ་ནས་ཁྲུས་བྱས་མཎྜལ་ཕུལ༔ སྔོན་དབང་མ་བསྐུར་ན་བགེགས་གཏོར་ཕུལ༔ མཚམས་བཅད༔ འོ་ན་ལོ་མ་ཅན་གྱི་གཏོར་

[Full Size]

དབང་ལུང་བསྟན་བྱིན་རླབས་ཅན་འདི་ནི༔ སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ༔ མེ་སྤྲེལ་ས་ག་ཟླ་བའི་ཡར་ཚེས་གཅིག་གི་སྔ་དྲོ་ལོ་མ་ཅན་མངོན་རྟོགས་ལྟ་བུ་ཞབས་རྡོ་རྗེ་སྐྱིལ་ཀྲུང་ཅན་གཅིག་ཞལ་གཟིགས་པས་དངོས་སུ་གསུངས་པའི་ཕྱིར༔ བརྒྱུད་པ་ཉེ་ཞིང་བྱིན་རླབས་ཀྱི་སོ་མ་ཉམས་པ་ཡིན་ལ༔ ཕྱག་གཉིས་མ་འདིའི་དབང་ཆོས་ཀྱི་དབང་ཕྱུག་གིས་མཛད་པ་ཡང་ཐོབ་པས༔ བཀའ་གཏེར་གཉིས་ཀ་ཡིན་ལ༔ ལོ་མ་ཅན་གྱི་གཟུངས་གཉིས༔ སྒྱུ་འཕྲུལ་དྲྭ་བ༔ སཾ་བུ་ཏྲི༔ དངོས་གྲུབ་བསྟན་གཟིགས་ཀྱི་རྒྱུད་ལས༔ པདྨ་གླིང་པ་དང་༔

[Full Size]

བདུད་འདུལ་རྡོ་རྗེའི་གཏེར་ཁ་སོགས་ནས་རིམས་ནད་ཞི་བ་དང་སྲུང་བ་རྒྱུན་གཅོད་པའི་མཆོག་དམ་པ་ནི༔ ལོ་མ་གྱོན་མ་འདི་ཡིན་པར་གསུངས་སོ༔ དེ་ལྟ་བུའི་དབང་ཞུ་བའི་ཕྱིར་མཎྜལ་ཕུལ༔ ས་གཞི་སྤོས་སོགས་བརྗོད༔ གསོལ་བ་འདེབས་པ་འདིའི་རྗེས་ཟློས་མཛོད༔ ཕྱོགས་བཅུ་དུས་གསུམ་སངས་རྒྱས་དང་༔ སློབ་དཔོན་ལོ་མ་ཅན་རྣམས་ལ༔ གསོལ་བ་འདེབས་སོ་དབང་བསྐུར་སྩོལ༔ ཞེས་ལན་གསུམ༔ དཀོན་མཆོག་གསུམ་ལ་བདག་སྐྱབས་མཆི༔ ཞེས་དང་པོ་ཚང་མ་གཅིག༔ དེ་ནས་ཚིག་བཞི་པོས་ཆོག༔ དེ་ནས་ཁྱེད་རྣམས་མོས་པ་འདི་ལྟར་སྒོམས་ཤིག༔ གཏོར་མ་འདི་དང་སློབ་དཔོན་གཉིས་ཀ་ལོ་མ་ཅན་སེར་མོ་ཞལ་གཅིག་ཕྱག་གཉིས་མ༔ གཡས་པས་རྡོ་རྗེ་གཡོན་སྡིགས་མཛུབ༔ རྨ་བྱ་ལོ་མའི་ཤམ་ཐབས་ཅན༔ པདྨ་ཉི་མའི་གདན་ལ་བཞུགས༔ ཁྱེད་རང་གི་སྤྱི་བོར་བཞག་པའི་ཚེ༔ གཏོར་མ་ལོ་མ་ཅན་དང་སློབ་དཔོན་གཉིས་ཀའི་བྱིན་རླབས་ཞུགས་པར་སྒོམས་ཤིག༔ གཏོར་མ་ལག་ཏུ་ཐོགས་ལ༔ ཧཱུྃ༔ འོག་མའི་ཞིང་དང་མདངས་དགའ་ཡི༔ རི་ཁྲོད་ལ་སོགས་བཞུགས་གནས་ནས༔ ལོ་མ་གྱོན་མ་གཤེགས་སུ་གསོལ༔ དབང་བསྐུར་བྱིན་གྱིས་

[Full Size]

བརླབ་ཏུ་གསོལ༔ བདག་དང་བསྲུང་བྱ་ཐམས་ཅད་ཀྱི༔ ནད་རིགས་བཞི་བརྒྱ་རྩ་བཞི་སོགས༔ ཡམས་ནད་རིམས་ནད་ཞི་བར་མཛོད༔ སྙིགས་མའི་ནད་ཀྱི་བསྐལ་པ་ལ༔ ཁྱོད་ཀྱིས་སྲུང་ཞིང་སྐྱབས་མཛོད་ཅིག༔ ཅེས་གཏོར་མ་མགོར་བཞག༔ སྔགས་ལན་བདུན་བརྗོད་ཚེ༔ སྐུ་ལས་ཡེ་ཤེས་ཀྱི་མེ་འབར་བས་ནད་གདོན་ཐམས་ཅད་བསྲེགས་སྐུ་ལས་བདུད་རྩིའི་ཆུ་རྒྱུན་བབས་པས་ནད་གདོན་ཐམས་ཅད་བཀྲུས༔ ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལོ་མ་ཅན་གྱི་སྐུར་གྱུར་ནས་བདག་དང་བསྲུང་བྱ་ཐམས་ཅད་ལ་ཐིམ་པས་དབང་དང་བྱིན་རླབས་ཐོབ་ནས་ལོ་མ་ཅན་གྱི་སྐུར་གྱུར་པར་བསྒོམ༔ སྔགས་ཚན་བདུན་པོ་བརྗོད༔ ཨོཾ་པི་ཤ་ཙི་པརྞ་ཤ་ཝ་རི་སརྦ་རཾ་ཁཾ་ཡེ་པྲ་མ་ན་ཡེ་སྭཱ་ཧཱཿ ཨོཾ་པི་ཤ་ཙི་རཾ་ཁཾ་ཡེ་སྭཱ་ཧཱཿ ཨོཾ་པི་ཤ་ཙི་ཛཱ་ར་པྲ་ཤ་མ་ནི་སྭཱ་ཧཱཿ ཨོཾ་པི་ཤ་ཙི་པརྫུ་ཤ་ཝ་རི་ཛྭ་ལ་སརྦ་ཤཱནྟཾ་ཀུ་རུ་ཡེ་སྭཱ་ཧཱཿ ཨོཾ་པི་ཤ་ཙི་སྭཱ་ཧཱཿ བཛྲ་ཨཱཿ་བེ་ཤ་ཡ་ཨ་ཨཱཿ༔ ཡེ་ཤེས་པ་འབེབས༔ ཨོཾ་པི་ཤ་ཙི་པརྞ་ཤ་ཝ་རི་སརྦ་ཛྭ་ར་པྲ་ཤ་མ་ནི་ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩམཾ༔ ཨོཾ་པརྞ་ཤ་ཝ་རི་སྭཱ་ཧཱཿ ཛཱ་ར་རཀྵ་རཀྵ༔ མེ་

[Full Size]

ཏོག་གཏོར་ཞིང་༔ ནད་རྣམས་མ་ལུས་འཇོམས་བྱེད་ཅིང་༔ གདོན་ཀུན་ཙིཏྟ་སྲེག་བྱེད་མ༔ ནད་རིགས་ཀུན་འཇོམས་ལྷ་མོ་སྟེ༔ ལོ་མ་གྱོན་མའི་བཀྲ་ཤིས་ཤོག༔ དེ་ནས་ལོ་མ་ཅན་འདི་ཉིད་ཡི་དམ་དུ་བཟུང་སྙམ་པ་གྱིས་ལ་འདིའི་རྗེས་ཟློས་མཛོད༔ གཙོ་བོས་ཇི་ལྟར་སོགས་བརྗོད༔ ས་གཞི་སྤོས་སོགས༔ ཞེས་པ་འདི་གནམ་ཆོས་གཞུང་ལས་གབ་འཁྲུགས་སྡེབ་པ་དང་༔ ཁ་བཀང་དགོས་པ་རྣམས་བཀང་སྟེ༔ ལྕགས་ཕོ་ཁྱིའི་ལོ་ནག་པ་ཟླ་བའི་ཡར་ཚེས་བཅུ་གཅིག་གི་ཉིན༔ འཚོ་མཛད་པདྨ་བསམ་བཟང་རིམས་ནད་ཀྱི་བྲོ་ཚབས་ཆེ་བའི་ཚེ༔ གཏེར་བློན་རཱ་ག་ཨ་སྱས་བསྒྲིགས་པ་ལ༔ ཉེས་འགལ་མཆིས་ན་ལྷ་ལ་བཤགས་ཤིང་༔ དགེ་བས་སྙིགས་དུས་ཀྱི་ནད་ཀྱི་དུ་རུ་ཀའི་དམག་ཚོགས་བཟློག་པར་གྱུར་ཅིག༔ དབང་གཏོར་མ་གྲུབ་ན་ཡང་སྤྱི་གཏོར་གྱིས་ཆོག་པར་གསུངས་སོ༔ ཡི་གེ་པ་ནི་གླིང་གི་དགེ་བཤེས་པདྨ་དད་པས་བྲིས་སོ༔ འདིའི་དབང་གཅིག་ཐོབ་ན་ཡང་བསྙེན་པ་སོགས་རུང་ཞིང་༔ འདིའི་དབང་མང་དུ་ཐོབ་ན་ནད་ངན་གྱི་རིགས་ན་བ་ལ་ཕན་པ་དང་༔ ནད་མི་འཕྲོ་བ་དང་༔ རིམས་ནད་ཀྱི་འཇིགས་པ་ལས་རང་གཞན་བསྲུང་བའི་མཆོག་དམ་པ་ཡིན་པས༔ གསུམ་ལྔ་བདུན་བཅུ་གསུམ་ཉེར་གཅིག་ལོ་གྲངས་བརྒྱ་རྩ་སོགས་སྐབས་དང་བསྟུན་པས་རིམས་ནད་ལ་ཕན་པ་དང་༔ བསྲུང་བའི་ཐབས་ལ་བཀའ་གསར་རྙིང་གཏེར་གསུམ་ནས་འདི་བས་ཟབ་པ་མེད་གསུངས་སོ༔ མངྒ་ལཾ༔ བྷནྟུ༔

ལོ་མ་གྱོན་མའི་སྒོམ་བཟླས།

[Full Size]

ལོ་མ་གྱོན་མའི་སྒོམ་བཟླས་ནི། བདག་དང་མདུན་དུ་ལོ་མ་ཅན། །སེར་མོ་ཞལ་གཅིག་ཕྱག་གཉིས་མ། །གཡས་པས་རྡོ་རྗེ་གཡོན་སྡིགས་མཛུབ། །རྨ་བྱ་ལོ་མའི་ཤམ་ཐབས་ཅན། །པདྨ་ཉི་མའི་གདན་ལ་བཞུགས། །སངས་རྒྱས་ཀུན་གྱི་བྱིན་རླབས་རྣམས། །བདག་མདུན་ཐིམ་ཞིང་དབང་བསྐུར་གྱུར། །ཧཱུྃ། འོག་མིན་ཞིང་དང་མདངས་དགའ་བའི། །རི་ཁྲོད་ལ་སོགས་བཞུགས་གནས་ནས། །ལོ་མ་གྱོན་མ་གཤེགས་སུ་གསོལ། །པདྨ་ཉི་ཟླའི་གདན་ལ་བཞུགས། །སྟོང་གསུམ་འཇིག་རྟེན་རབ་འབྱམས་ན། །མཆོད་པའི་རྣམ་པ་ཅི་འབྱོར་དང་། །བདུད་རྩི་སྨན་གྱི་མཆོད་པ་འབུལ། །ནད་རྣམས་མ་ལུས་ཞི་མཛད་མ། །གདོན་བགེགས་ཙིཏྟ་སྲེག་བྱེད་མ། །ནད་རིགས་ཀུན་འཇོམས་རྡོ་རྗེ་སྟེ། །ལོ་མ་གྱོན་མར་ཕྱག་འཚལ་བསྟོད། །བདག་མདུན་ལྷ་མོའི་ཐུགས་ཀ་རུ། །པཾ་མཐར་སྔགས་ཕྲེང་གཡོན་དུ་འཁོར། །རང་གི་ཐུགས་ལས་འོད་འཕྲོས་པས། །རང་འདྲའི་ལྷ་མོ་ཡེ་ཤེས་པ། །དཔག་མེད་སྤྱན་དྲངས་བདག་མདུན་ཐིམ། །སྤྲུལ་པའི་ལྷ་མོའི་ནམ་མཁའ་གང་། །སྐུ་ལས་ཡེ་ཤེས་མེ་ཆེན་འབར། །ནད་རིགས་ཡམས་ནད་ཐམས་

[Full Size]

ཅད་ཀུན། །བྱ་སྒྲོ་མེ་ལ་བསྲེགས་བཞིན་གྱུར། །ཨོཾ་པི་ཤ་ཙི་སྭཱ་ཧཱ། ཨོཾ་པི་ཤ་ཙི་པཎྜ་ཤ་བ་རི་སརྦ་ཛྭ་ར་པྲ་ཤ་མ་ཎ་ཡེ་སྭཱ་ཧཱ། བདག་དང་བསྲུང་བྱ་ཐམས་ཅད་ཀྱི། །ནད་རིགས་བཞི་བརྒྱ་རྩ་བཞི་སོལ། །ཡམས་ནད་རིམས་ནད་ཞི་བར་མཛོད། །སྙིགས་མའི་ནད་ཀྱི་བསྐལ་པ་རྣམས། །ཁྱེད་ཀྱིས་བསྲུང་ཞིང་སྐྱབས་མཛོད་ཅིག །ཅེས་པ་འདི་ནངས་སྔ་ཕྲེང་སྐོར་རེ་བཟླས་ན་ནད་རིམས་ཐམས་ཅད་ཞི་བར་འགྱུར། བྱེ་བ་གཅིག་གིས་ནད་ངན་སྟོང་གི་ནང་དུ་སོང་ཡང་སྐྱོན་མེད་པར་ཨོ་རྒྱན་རིན་པོ་ཆེས་གསུངས་སོ། །ཞེས་པ་ཨ་རཱ་གས་སོ།། །། ༈ རང་ཉིད་ལོ་མ་གྱོན་མའི་སྐུ། །གསེར་མདོག་ལོ་མའི་ཤམ་ཐབས་ཅན། །རྡོ་རྗེ་དང་ནི་སྡིགས་མཛུབ་མཛད། །པདྨ་ཉི་གདན་ལ་བཞུགས་པར་གྱུར། །ཨོཾ་པི་ཤ་ཙི་པརྞ་ཤ་བ་རི་རོ་ག་ཛ་ར་པྲ་ཤ་མ་ཎི་སྭཱ་ཧཱ། ཨོཾ་པི་ཤ་ཙི་སྭཱ་ཧཱ། ཞེས་བཟླས་སོ། །ཨ་རཱ་གས་སོ།། །།

སྲུང་བ་ལྔའི་ཆོ་ག་ནད་གདོན་ཀུན་སེལ།

[Full Size]

སྲུང་བ་ལྔའི་ཆོ་ག་ནད་གདོན་ཀུན་སེལ་བཞུགས་པའི་དབུ་ཕྱོགས་ལགས་སོ།

[Full Size]

ན་མོ་དེ་ཝཱི་པཉྩ་ཡེ། སྲུང་བ་ལྔ་ཡི་ཆོ་ག་ནི། །རབ་ཏུ་རྡུལ་ཚོན་དཀྱིལ་འཁོར་ནི། །དབུས་སུ་འདབ་བཞི་མུ་ཁྱུད་བྲི། །བསྡུ་ན་ནས་ཚོམ་ལྔ་ཡིས་ཆོག །དེ་དབུས་མཆོད་རྟེན་པུ་རི་བཤམས། །མེད་ན་སཱཙྪ་འམ་ཐུབ་པའི་སྐུ། །ཡང་ན་བྲིས་པའི་མཆོད་རྟེན་རུང་། །ཡང་ན་གནས་བཅུའི་ཐང་ཀ་བཤམས། །དབུས་སུ་གཏོར་མ་ཟླུམ་པོ་དང་། །ཕྱོགས་བཞིར་དཀར་གཏོར་བཞི་ཡི་ནང་། །འབྲུ་སྣ་མེ་ཏོག་བླུགས་པ་བཤམས། །གཏོར་མ་བཞི་ཡི་རྩེ་ལ་ནི། རྒྱལ་ཆེན་སྡེ་བཞིའི་ཙཀ་ལི་བཙུགས། །ཞོ་ཕུད་འོ་ཕུད་ཕྱེ་མར་དང་། །འབྲུ་སྣ་བསང་མཆོད་དུས་ལྟར་བཤམས། །མཆོད་པ་སྣ་བདུན་བསྐོར་བཤམས་བྱ། །ཟུར་བཞིར་མདའ་དར་བཞི་ཡང་བཙུགས། །ཚོན་སྐུད་སྣ་ལྔའམ་དཀར་ནག་དམར། །གཅིག་བསྒྲིམ་འདོམ་

[Full Size]

གང་ཙམ་ཞིག་བཤམས། །མདུན་དུ་ས་སྟེགས་གཙང་མའམ། །སླ་ངའི་ནང་དུ་ཤིང་རྩི་དང་། །ཤུག་པ་ལ་སོགས་བསང་ཁང་ལྟར། །ཐམས་ཅད་ཆུ་གཙང་བྲན་ལ་བཞག༔ བདག་གིས་སེམས་ཅན་ཀུན་དོན་དུ། །རིག་པའི་ལྷ་མོ་ལྔ་བསྒྲུབ་སྟེ། །འགྲོ་བའི་སྡུག་བསྔལ་སེལ་བར་བྱ། །རང་ཉིད་ལྷ་མོ་ལྔར་གསལ་བའི། །ཐུགས་ལས་འོད་ཟེར་འཕྲོས་པ་ཡིས། །རིག་པའི་ལྷ་མོ་ལྔ་པོ་ནི། །སངས་རྒྱས་བྱང་སེམས་ཚོགས་དང་བཅས། །མདུན་གྱི་ནམ་མཁར་སྤྱན་དྲངས་བཞུགས། །སྒོ་གསུམ་གུས་པས་ཕྱག་འཚལ་ལོ། །བདག་དང་བསྲུང་བྱ་ཐམས་ཅད་ཀྱི། །སྡིག་ལྟུང་ལས་ཀུན་མཐོལ་ཞིང་

[Full Size]

བཤགས། །དགེ་བསོད་ཀུན་ལ་རྗེས་ཡི་རང་། །ཆོས་ཀྱི་འཁོར་ལོ་བསྐོར་མཛད་ཅིང་། །མྱ་ངན་མི་འདའ་རྟག་བཞུགས་གསོལ། །དཀོན་མཆོག་གསུམ་ལ་སྐྱབས་མཆི་ཞིང་། །བླ་མེད་བྱང་ཆུབ་སེམས་བསྐྱེད་དོ། །དགེ་བས་འགྲོ་ཀུན་སངས་རྒྱས་ཤོག །ཚོགས་ཞིང་རང་གི་སྙིང་ཁར་ཐིམ། །ཨོཾ་སྭ་བྷ་ཝ་སོགས། སྟོང་པའི་ངང་ལས་རྡོ་རྗེའི་ས་གཞི་དང་། །རྭ་གུར་མེ་རི་སྲུང་འཁོར་རྒྱ་ཆེན་ནང་། །པདྨ་འདབ་བཞི་ཟླ་གདན་ལྔ་ཡི་དབུས། །རང་ཉིད་རིག་པའི་རྒྱལ་མོ་ལྔ་གྱུར་ཏེ། །དབུས་སུ་པཾ་ལས་སོ་སོར་འབྲང་མ་ནི། །སེར་ནག་དཀར་བའི་ཞལ་གསུམ་སྤྱན་གསུམ་གསུམ། །དར་དང་རིན་ཆེན་རྒྱན་ལྡན་ཕྱེད་སྐྱིལ་བཞུགས། །ཕྱག་བཅུ་གཡས་ལྔ་རལ་གྲི་རྡོ་རྗེ་མདའ། །མཆོག་སྦྱིན་ཡུ་བ་ཐུགས་ཀར་གནས་པའི་གདུགས། །གཞུ་དང་རྒྱལ་མཚན་རིན་ཆེན་ཆུན་པོ་དང་། །དགྲ་སྟ་དུང་རྣམས་གཡོན་གྱི་ཕྱག་ན་བསྣམས། །ཤར་དུ་ཧཱུྃ་ལས་སྟོང་ཆེན་རབ་འཇོམས་དཀར། །ཞལ་གཅིག་པ་ལ་ཕྱག་ནི་དྲུག་པ་སྟེ། །གཡས་གསུམ་རལ་གྲི་མདའ་དང་མཆོག་སྦྱིན་ཕྱག །གཡོན་གསུམ་ཞགས་པ་གཞུ་དང་དགྲ་སྣ་འཛིན། །ལྷོ་རུ་མཾ་ལས་རྨ་བྱ་ཆེན་

[Full Size]

མོ་ལྗང་། །ཞལ་གཅིག་ཕྱག་གཉིས་སྒྲོ་མདངས་མཆོག་སྦྱིན་ཕྱག །ནུབ་ཏུ་ཧཱུྃ་ལས་གསང་སྔགས་རྗེས་འཛིན་ནག །བྱང་དུ་ཛ་ལས་བསིལ་བའི་ཚལ་མ་དམར། །གཉིས་ཀ་ཞལ་གཅིག་ཕྱག་ནི་བཞི་མ་སྟེ། །གཡས་གཉིས་རལ་གྲི་མཆོག་སྦྱིན་གཡོན་གཉིས་ན། །དགྲ་སྟེ་ཞགས་པ་འཛིན་ཅིང་ཉི་མའི་གདན། །ཀུན་ཀྱང་དར་དང་རིན་ཆེན་རྒྱན་གྱིས་བཀླུབས། །རོལ་པའི་སྟབས་ཀྱིས་འགྱིང་བའི་ཚུལ་གྱིས་བཞུགས། །ཀུན་གྱི་གནས་གསུམ་ཨོཾ་ཨཱཿཧཱུྃ་གསུམ་དང་། །རང་རང་ཐུགས་ཀའི་ས་བོན་འོད་ཟེར་གྱིས། །རང་འདྲའི་ཡེ་ཤེས་སེམས་དཔའ་སྤྱན་དྲངས་ནས། །ཛཧཱུྃ་བཾ་ཧོ༔གཉིས་སུ་མེད་པར་གྱུར། །དབང་ལྷ་རིགས་ལྔ་སྤྱན་དྲངས་དབང་བསྐུར་ནས། །དབང་རྟགས་གཙོ་མོ་ལ་ནི་རིན་འབྱུང་དང་། །རྣམ་སྣང་དོན་གྲུབ་འོད་དཔག་རིམ་བཞིན་བརྒྱན། །རང་གི་ཐུགས་ལས་སྤྲུལ་པའི་མཆོད་ལྷའི་ཚོགས། །མཆོད་རྫས་དུ་མ་འཛིན་པས་བདག་བསྐྱེད་ཀླུ་མཆོད། །དེ་ཝི་པཉྩ་ཨརྒྷཾ་སོགས། ཉོན་མོངས་ལྔ་པོ་རྣམ་དག་ཅིང་། །ཕུང་པོ་ལྔ་ཡི་ངོ་བོ་ཉིད། །རིགས་ལྔ་ཡེ་ཤེས་ལྔ་ཡི་རང་བཞིན་ནི། །རིག་པའི་ལྷ་མོ་ལྔ་ལ་བསྟོད། །

[Full Size]

རང་རང་ཐུགས་ཀར་ཟླ་སྟེང་ས་བོན་མཐར། །རང་རང་སྔགས་ཕྲེང་འོད་ཟེར་གྱིས། །སངས་རྒྱས་ཀུན་མཆོད་བྱིན་རླབས་བསྡུས། །འགྲོ་ཀུན་སྒྲིབ་པ་སྦྱངས་བར་གྱུར། །ཨོཾ་་ཨཱཿཋཔྲ་ཏི་སཱ་རེ་པྲ་ཧཱུྃ། ཨོཾ་ཨཱཿཋམ་ཧཱ་ས་ཧ་སྲ་པྲ་མརྡ་ནི་ཧཱུྃ་ཧཱུྃ། ཨོཾ་ཨཱཿམ་ཧཱ་མ་ཡུ་རི་མཾ་ཧཱུྃ། ཨོཾ་ཨཱཿམ་ཧཱ་མནྟ་ཨ་ནུ་དྷཱ་རི་ཧཱུྃ་ཧཱུྃ༔ ཨོཾ་ཨཱཿམ་ཧཱ་ཤཱི་ཏ་བ་རི་ཛ་ཧཱུྃ༔ ཞེས་ཅི་ནུས་བརྗོད་བསྙེན་པ་བྱ། ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སོགས། རིམ་གྱིས་ཐམས་ཅད་སྟོང་པ་ལས། །བྷྱོ་ལས་གཞན་ལས་ཁང་པ་ནི། །གྲུ་བཞི་སྒོ་བཞི་རྟ་བབས་སོགས། །མཚན་ཉིད་ཐམས་ཅད་ཡོངས་རྫོགས་པའི། །ཕྱོགས་བཞིར་ཐེམ་སྐས་ལྡན་པ་ཡི། །ཕྱི་ཁྱམས་མཚོ་དང་རྫིང་བུ་ནི། །ཆུ་བྱ་སྣ་ཚོགས་བཅས་པ་དང་། །དཔག་བསམ་ཤིང་དང་བུམ་པ་བཟང་། །མེ་ཏོག་སྣ་ཚོགས་ཀྱིས་ཁྱབ་པ། །རྡོ་རྗེའི་རྭ་བ་འོད་ཟེར་གྱིས། །ཕྲེང་བས་ཀུན་ནས་བསྐོར་བ་ཡི། །དབུས་དང་ཕྱོགས་བཞི་གཡས་གཡོན་དང་། །སྒོ་བཞི་པདྨ་ཟླ་བའི་གདན། །བུམ་པ་ཧཱུྃ་ལས་གཞལ་ཡས་ཁང་། །བཅུད་ནི་བོ་ལས་བདུད་རྩིའི་མཚོ། །དེ་ནང་པཾ་ལས་པད་འདབ་བཞི། །དབུས་དང་འདབས་བཞིར་ཟླ་བའི་གདན། །གཞལ་

[Full Size]

ཡས་ཁང་གི་ཁྱམས་རྣམས་སུ། །གཏོར་མ་དཀར་གསུམ་བདུད་རྩིའི་མཚོ། །ཡིད་མཐུན་ལོངས་སྤྱོད་མཆོད་པའི་སྤྲིན། །ཀུན་ཏུ་བཟང་པོའི་རྣམ་ཐར་བཞིན། །ས་དང་བར་སྣང་གང་བར་གྱུར། །ཨོཾ་བཛྲ་སྤ་ར་ཎ་ཁཾ། བདག་བསྐྱེད་ཐུགས་ཀའི་འོད་ཟེར་གྱིས། །ལྷ་མོ་ལྔ་དང་མགྲོན་གྱི་ཚོགས། །སྤྱན་དྲངས་གདན་ལ་བཞུགས་པར་གྱུར། །ཧཱུྃ། མགོན་པོ་ཀུན་གཤེགས་ཐུགས་རྗེ་ཅན། །ད་ལྟ་སྙིགས་མ་ལྔ་ཡི་དུས། །གཤེགས་ཤིང་བཞུགས་པའི་གནས་ངན་ཡང་། །འདྲེན་པའི་བསྟན་པ་སྲུང་བ་དང་། །སེམས་ཅན་ཀུན་ལ་ཕན་གདགས་ཕྱིར། །རིག་པའི་རྒྱལ་མོ་ཆེན་མོ་ལྔ། །ཚངས་དང་བརྒྱ་བྱིན་རྒྱལ་ཆེན་བཞི། །རང་རང་འཁོར་ཚོགས་དཔུང་དང་བཅས། །མཆོད་པ་འབུལ་གྱིས་བཞེས་སླད་དུ། །སྐད་ཅིག་ཙམ་གྱིས་གཤེགས་སུ་གསོལ། །རྒྱལ་ཆེན་སྡེ་བཞི་བཀའ་འཁོར་ན། །དྲི་ཟ་གྲུལ་བུམ་ཀླུ་གནོད་སྦྱིན། །གདོན་རིགས་དུང་ཕྱུར་གྲངས་མེད་སྒྱུ་རྣམས། །མདོ་སྡེའི་ཞགས་པས་དྲངས་ནས་ཀྱང་། །སྐད་ཅིག་ཉིད་ལ་འདིར་ཁུག་ཅིག །ཛཧཱུྃ་བཾ་ཧོ༔ཏིཥྛ་ལྷན། །དཀྱིལ་འཁོར་དབུས་དང་བུམ་པའི་ནང་། །ལྷ་མོ་ལྔ་པོ་

[Full Size]

བཞུགས་སུ་གསོལ། །རབ་འཕགས་མདུན་གྱི་བར་སྣང་ལ། །ཐུབ་སྐུ་གསེར་གྱི་ཁ་དོག་ལ། །མཚན་རྣམས་ཀྱིས་ནི་རབ་ཏུ་བརྒྱན། །མཆོད་རྟེན་རིང་བསྲེལ་འཕགས་པའི་ཚོགས། །གསེར་གྱི་མཆོད་སྡོང་དང་ཡང་འདྲ། །མེ་ཏོག་པདྨ་བཞིན་དུ་རྒྱས། །ཚངས་པས་སྤྲུལ་པའི་གཞལ་མེད་ཁང་། །རྡོ་རྗེའི་གདན་ལ་བཞུགས་སུ་གསོལ། །གཡས་གཡོན་ཚངས་དང་བརྒྱ་བྱིན་གཉིས། །ཐལ་མོ་སྦྱར་ནས་འཁོད་པར་གྱུར། །དཀྱིལ་འཁོར་ཆེན་པོའི་ཕྱོགས་བཞི་རུ། །དཔལ་དང་གཟི་བརྗིད་འབར་བ་ཡི། །རྒྱལ་པོ་ཆེན་པོ་དཔལ་དང་ལྡན། །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་སྤྱན་མི་བཟང་། །བྱང་ཕྱོགས་ན་ནི་ལུས་ངན་པོ། །ཆོས་ཀྱི་གོ་ཆ་བསྒོས་གྱུར་ཏེ། །བཟང་པོའི་ཁྲི་ལ་བཞུགས་སུ་གསོལ། །དངོས་འབྱོར་ཡིད་ཀྱིས་རྣམ་སྤྲུལ་པའི། །མཆོད་སྤྲིན་རྒྱ་མཚོ་དཔག་མེད་མཆོད། །ཐུབ་པའི་དབང་པོ་མཆོད་རྟེན་བཅས། །ཕྱག་འཚལ་སྐྱེས་བུ་དཔལ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ཏེ་ཕྱག་འཚལ་བསྟོད། །རིག་པའི་རྒྱལ་མོ་ལྔ་པོ་དང་། །ཚངས་དང་

[Full Size]

བརྒྱ་བྱིན་རྒྱལ་ཆེན་བཞི། །ཆོས་རྒྱལ་ཁྱོད་ལ་ཕྱག་འཚལ་བསྟོད། །རང་གི་ཐུགས་ཀའི་འོད་ཟེར་གྱིས། །བུམ་ནང་ལྷ་མོ་ལྔ་པོ་བསྐུལ། །སྐུ་ལས་བདུད་རྩིའི་རྒྱུན་བབས་པས། །བུམ་པ་བདུད་རྩིས་གང་བར་གྱུར། །ཨོཾ་མ་ཎི་དྷ་རི་བཛྲ་ཎི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་ཨ་མྲྀ་ཏ་ཝ་རེ་ཝ་ར་པྲ་ཝ་ར་བི་ཤུདྡྷེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་མ་ཧཱ་མ་ཡུ་རི་བདུ་རཱཛཱི་ཧཱུྃ་ཧཱུྃ་ཕྲཊ་ཕྲཊ་སྭཱ་ཧཱ། ཨོཾ་བི་མ་ལེ་བི་པུ་ལེ་ཛ་ཡ་ཝ་རེ་ཨ་མྲྀ་ཏེ་བི་ར་ཛ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་བྷ་ར་བྷ་ར་སཾ་བྷ་ར་སཾ་བྷ་ར། ཨིནྡྲི་ཡ་ཝ་ལ་བི་ཤཱ་དྷ་ནི་རུ་རུ་ཙ་ལེ་ཧཱུྃ་ཧཱུྃ་ཕཊ་ཕཊ་སྭཱ་ཧུ། རེ་རེ་ལ་ཡང་བརྒྱ་རྩ་བརྒྱད་བཟླ། བུམ་ལྷ་འོད་དུ་ཞུ་ནས་བདུད་རྩིར་གྱུར་པར་བསམ། དེ་ནས་ནད་པ་མདུན་དུ་བཞག །ཙོག་པུར་རྐང་ལག་བསྣོལ་ཏེ་འདུག །སྐུད་པ་ཁྲ་བོས་གཉའ་བ་ནས། །སྲིན་ལག་གཉིས་དང་རྐང་པའི་མཐེབ། །གཉིས་བཏགས་སྐུད་པས་རྒྱ་གྲམ་བྲི། །ནད་གདོན་དུག་དང་བྱད་སྟེམས་སོགས། །སྐུད་པ་དེ་ལ་ཐིམ་པར་བསྒོམ། །ཤིང་སྣས་མེ་སྦར་དུད་པ་བཏང་། །སྦྱིན་སྲེག་བླངས་བར་གྱིས་ཟེར་དུས། །མཆོད་པའི་ཕུད་རྣམས་མེ་ལ་ཕུལ། །གཏོར་མ་ལྔ་པོ་འོ་མའམ། །ཆུ་གཙང་བྲན་ལ་ཨ་ཀཱ་རོ། །ལན་གསུམ་བརྗོད་པས་བྱིན་གྱིས་བརླབས། །ཧཱུྃ། རྫོགས་སངས་རྒྱས་དང་དེ་ཡི་སྲས། །

[Full Size]

ཉན་ཐོས་དང་ནི་རང་སངས་རྒྱས། །རིག་པའི་རྒྱལ་མོ་ཆེན་མོ་ལྔ། །ཚངས་པ་དང་ནི་བརྒྱ་བྱིན་སོགས། །རིགས་བྱེད་ཀུན་གྱི་ཕ་རོལ་ཕྱིན། །སྐྱེ་བོ་དགའ་མཛད་སྨན་པའི་རྗེ། །འཇིག་རྟེན་ཐམས་ཅད་གསོ་མཛད་པ། །གནོད་སྦྱིན་སྲིན་པོ་གང་དག་རྣམས། །ཕྱོགས་དང་ཕྱོགས་མཚམས་གནས་པ་དང་། །ས་ཡི་འོག་དང་ས་ཡི་སྟེང་། །ནམ་མཁའ་དག་ལ་གནས་པའི་གདོན། །ཐམས་ཅད་གཏོར་མ་འདི་བཞེས་ལ། །ནད་གདོན་བྱད་སྟེམས་དུག་རྣམས་སོལ། །ན་མསརྦ་བུདྡྷ་བྷྱོ་དྷི་སཏཱ་དེ་ཝ་པཉྩལོ་ཀ་པཱ་ལ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ་མམ་བདུན་བརྗོད། གཏོར་མ་ལག་ཏུ་ཐོགས་ནས། ནད་པ་ལ་གཡས་གཡོན་དུ་བསྐོར་ཞིང་། དེ་བཞིན་གཤེགས་པའི་མཚན་དང་། སྟོབས་དང་། དབང་ཕྱུག་དང་བྱིན་གྱིས་རླབས་ཀྱིས་བསྲུང་བྱ་འདི་བདེ་ལེགས་སུ་གྱུར་ཅིག་སྭཱ་ཧཱ། ཕྱོགས་ཐམས་ཅད་དུ་བདེ་ལེགས་སུ་གྱུར་ཅིག་སྭཱ་ཧཱ། དེ་ནས་དབུས་ཀྱི་གཏོར་མ་ཁང་སྟེང་ངམ་གུང་ཁར་ཕུལ་བཅུག །ཕྱེ་མར་སོགས་མེ་ནང་དུ་མཆོད་བཅུག་ཅིང་། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་དང་། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མའི་བུ་དང་བཅས་པ་

[Full Size]

ཡང་། །བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླངས་བར་གྱིས། །དེ་དག་གིས་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་པར་འགྱུར། །བསྲུང་བྱ་འདི་ཡི་འཇིགས་པ་དང་། །གནོད་པ་ཐམས་ཅད་ལས་བདེ་ལེགས་སུ་གྱུར་ཅིག་སྭཱ་ཧཱ། རྒྱལ་པོ་ཡུལ་འཁོར་སྲུང་བ་ཡང་། །མེ་ཏོག་ཚོགས་ལྟར་རྒྱས་གྱུར་ཅིག །ཀ་ལ་པིང་ཀའི་སྒྲ་དབྱངས་ཅན། །ཁུ་བྱུག་དང་ནི་རྨ་བྱའི་སྒྲ། །རྔ་དང་འབྲུག་གི་སྒྲ་སྒྲོག་པ། །ཐུབ་ཆེན་གནོད་སྦྱིན་སྲིན་པོ་དང་། །དྲི་ཟ་སྟོང་ཕྲག་དྲུག་ཅུ་བཞི། །ཤར་གྱི་ཕྱོགས་ཆའི་ཕྱོགས་ན་གནས། །འཁོར་བཅས་གཏོར་མ་འདི་བཞེས་ལ། །དྲི་ཟ་ལས་གྱུར་ནད་དང་གདོན། །ཐམས་ཅད་ཞི་ཞིང་མེད་པར་མཛོད། །ཨོཾ་དྷྲྀ་ཏ་རཱཥྛ་ཡ་ས་པཱ་རི་ཝཱ་ར་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་མམ་བདུན་བྱ། དེ་ནས་གཏོར་མ་ལག་ཏུ་ཐོགས་ལ་ནད་པ་ལ་གཡས་གཡོན་དུ་བསྐོར་ཞིང་། རྒྱལ་པོ་ཆེན་པོ་ཡུལ་འཁོར་སྲུང་གི་མིང་དང་། སྟོབས་དང་། དབང་ཕྱུག་དང་། བྱིན་གྱིས་བརླབས་ཀྱིས་བསྲུང་བྱ་འདི་ཡི་གདོན་ཐམས་ཅད་དང་། གནོད་པ་ཐམས་ཅད་ལས་

[Full Size]

ཐར་བར་གྱུར་ཅིག་སྭཱ་ཧཱ། བསྲུང་བྱ་འདི་ཤར་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ། ཞེས་ཤར་ཕྱོགས་སུ་ཕུལ་ལ་ཙཀ་ལི་ཚུར་བླང་། ཡང་མཆོད་པ་བྱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་དང་། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མའི་བུ་དང་བཅས་པ་ཡང་། །བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གིས་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་པར་འགྱུར། །བསྲུང་བྱ་འདི་ཡི་འཇིགས་པ་དང་གནོད་པ་ཐམས་ཅད་ལས་བདེ་ལེགས་སུ་གྱུར་ཅིག་སྭཱ་ཧཱ། །རྒྱལ་པོ་ཆེན་པོ་འཕགས་སྐྱེས་པོ། །གྲུམ་བུམ་ཡི་དྭགས་སྲུལ་པོ་དག །སྟོང་ཕྲག་བརྒྱད་ཅུ་རྩ་བཞི་རྣམས། །ལྷོ་ཕྱོགས་ཆ་ཡི་ཕྱོགས་ན་གནས། །འཁོར་བཅས་གཏོར་མ་འདི་བཞེས་ལ། །གཤིན་རྗེ་གྲུལ་བུམ་ལས་གྱུར་པའི། །ནད་གདོན་གནོད་པ་མེད་པར་མཛོད། །ཨོཾ་བེ་རུ་ཌྷ་ཀཱ་ཡེ་ས་པ་རི་ཝཱ་ར་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཅེས་ལན་གསུམ་མམ་བདུན་བརྗོད་ལ། གཏོར་མ་སྔར་ལྟར་ནད་པ་ལ་བསྐོར་ཞིང་། རྒྱལ་པོ་ཆེན་པོ་འཕགས་སྐྱེས་པོ་ཡི་མིང་དང་། སྟོབས་དང་།

[Full Size]

དབང་ཕྱུག་དང་བྱིན་གྱིས་བརླབས་ཀྱིས། བསྲུང་བྱའི་གདོན་དང་གནོད་པ་ཐམས་ཅད་ཞི་བར་གྱུར་ཅིག་སྭཱ་ཧཱ། བསྲུང་བྱ་ལྷོ་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱཿ ཅེས་ལྷོ་ཕྱོགས་སུ་ཕུལ། ཡང་མཆོད་པ་བྱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་དང་། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མའི་བུ་དང་བཅས་པ་ཡང་། །བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གིས་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་པར་འགྱུར། །བསྲུང་བྱ་འདི་ཡི་འཇིགས་པ་དང་། །གནོད་པ་ཐམས་ཅད་ལས་བདེ་ལེགས་སུ་གྱུར་ཅིག་སྭཱ་ཧཱ། རྒྱལ་པོ་མིག་མི་བཟང་བ་ཡང་། །ཀླུ་དང་འདབ་བཟང་གསང་བ་སོགས། །སྟོང་ཕྲག་དྲུག་ཅུ་རྩ་བཞི་དག །ནུབ་ཀྱི་ཕྱོགས་ཀྱི་ཆ་ལ་གནས། །འཁོར་བཅས་གཏོར་མ་འདི་བཞེས་ལ། །ཀླུ་ལས་གྱུར་པའི་ནད་དང་གདོན། །ཐམས་ཅད་ཞི་ཞིང་མེད་པར་མཛོད། །ཨོཾ་བྷེ་རུ་པཀྵ་ཡེ། ས་པ་རི་ཝཱ་ར་ཨི་དཾ་བྷ་ལི་ཏ་ཁ་ཁ་ཁཱ་ཧི་ཁཱ་ཧི། ཞེས་གསུམ་མམ་བདུན་བརྗོད། གཏོར་མ་ལག་ཏུ་ཐོགས་ལ་

[Full Size]

ནད་པ་ལ་བསྐོར་ཞིང་། རྒྱལ་པོ་ཆེན་པོ་མིག་མི་བཟང་གི་མིང་དང་། སྟོབས་དང་། དབང་ཕྱུག་དང་། བྱིན་གྱིས་བརླབས་ཀྱིས་བསྲུང་བྱ་འདི་རྣམས་བདེ་ལེགས་སུ་གྱུར་ཅིག་སྭཱ་ཧཱ། བསྲུང་བྱ་ནུབ་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ། ཞེས་ནུབ་ཕྱོགས་སུ་ཕུལ། ཡང་མཆོད་པ་གཅིག་བྱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་དང་། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མའི་བུ་དང་བཅས་པ་ཡང་། །བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གིས་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་པར་འགྱུར། །བསྲུང་བྱ་འདི་ཡི་འཇིགས་པ་དང་གནོད་པ་ཐམས་ཅད་ལས་བདེ་ལེགས་སུ་གྱུར་ཅིག་སྭཱ་ཧཱ། རྒྱལ་པོ་ཆེན་པོ་རྣམ་ཐོས་བུ། །གནོད་སྦྱིན་གསང་སྔགས་མི་མཛད་ཅན། །སྟོང་ཕྲག་དྲུག་ཅུ་རྩ་བཞི་དག །བྱང་གི་ཕྱོགས་ཆའི་ཕྱོགས་ན་གནས། །འཁོར་བཅས་གཏོར་མ་འདི་བཞེས་ལ། །གནོད་བྱེད་ལས་གྱུར་ནད་དང་གདོན། །ཐམས་ཅད་ཞི་ཞིང་མེད་པར་མཛོད། །ཨོཾ་བཻ་ཤྲ་ཝ་ཎ་ཡ་ས་པ་རི་ཝཱ་ར་ཨི་དཾ་བྷ་ལི་

[Full Size]

ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ་མམ་བདུན་བརྗོད་ལ། གཏོར་མ་བཟུང་ལ་ནད་པ་ལ་བསྐོར་ཞིང་། རྒྱལ་པོ་ཆེན་པོ་རྣམ་ཐོས་ཀྱི་བུ་ཡི་མིང་དང་། སྟོབས་དང་། དབང་ཕྱུག་དང་། བྱིན་གྱིས་བརླབས་ཀྱིས་བསྲུང་བྱ་འདི་བདེ་ལེགས་སུ་གྱུར་ཅིག་སྭཱ་ཧཱ། བསྲུང་བྱ་བྱང་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ། ཞེས་གཏོར་མ་བྱང་དུ་ཕུལ། སླར་ཡང་མཆོད་པ་བྱེད་ཅིང་། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་དང་། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མའི་བུ་དང་བཅས་པ་ཡང་། །བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གིས་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་པར་འགྱུར། །བསྲུང་བྱ་འདི་ཡི་འཇིགས་པ་དང་གནོད་པ་ཐམས་ཅད་ལས་བདེ་ལེགས་སུ་གྱུར་ཅིག་སྭཱ་ཧཱ། དེ་ནས་རལ་གྲི་ལག་ཏུ་ཐོགས་ལ། གང་དག་སངས་རྒྱས་རང་སངས་རྒྱས། །སངས་རྒྱས་རྣམས་དང་ཉན་ཐོས་དང་། །ཚངས་དབང་དང་ནི་འཇིག་རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་དང་། །དེ་བཞིན་གནོད་སྦྱིན་སྟོབས་ཆེན་དང་། །

[Full Size]

འཕྲོག་མ་བུ་དང་བཅས་པ་ཡང་། །དེ་དག་མཐུ་དང་གཟི་བརྗིད་ཀྱིས། །རོ་ལངས་ལས་ཀྱང་ཆད་གྱུར་ཅིག །རྡོ་རྗེས་རིན་ཆེན་ཕུག་པ་དང་། །མེ་ཡིས་བུད་ཤིང་བསྲེགས་པ་དང་། །རླུང་གིས་སྤྲིན་ནི་འཐོར་བ་དང་། །ཉི་མས་ནགས་ཚལ་སྐེམ་བྱེད་པ། །བདེན་པའི་ཚིག་ནི་འདི་དག་གིས། །བྱད་སྟེམས་ལས་རྣམས་ཚིམ་པར་ཤོག །རྒྱས་པར་བུམ་བསྐྱེད་སྐབས་ཀྱི་སྔགས་ལྔ་སྦྲེལ། འབྲིང་པོ་བདག་བསྐྱེད་སྐབས་ཀྱི་སྔགས་ལྔ་སྦྲེལ། བསྡུ་ན་ནི། ཨོཾ་མ་ཎི་དྷ་རི་བདྲི་ཎཱི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕྲཊ་ཕྲཊསྭཱ་ཧཱ། ཨོཾ་ཧཱུྃ་སྭཱ་ཧཱ། ཨོཾ་ཨཾ་སྭཱ་ཧཱ། ཨོཾ་ཧཱུྃ་སྭཱ་ཧཱ། ཨོྃ་ཛ་སྭཱ་ཧཱ། ཞེས་པ་ལྷ་མོ་ལྔའི་སྔགས་བསྡུས་པ་དང་། ཨོཾ་སརྦ་བྷན་ཀ་ཁོརྡ་ཙྪེ་ད་ན་ཡེ་སྭཱ་ཧཱ། ཞེས་པ་ཅི་མང་བརྗོད་ཅིང་ཚོན་སྐུད་གྲི་ཡིས་བཅད་ལ་བཀྲོལ་ལ། སྔགས་རྗེས་མ་བཟླ་ཞིང་དུམ་བུ་མང་དུ་གཏུབས། ཡོད་ན་ཡུངས་ཀར་མེད་ན་འབྲུ་གང་འཛོམ་དང་མཉམ་དུ་སྐུད་དུམ་གོང་གི་ལྷ་མོ་ལྔའི་སྔགས་མཇུག་ཏུ། ནད་གདོན་སརྦ་ཛྭ་ལ་རཾ་ཤཱནཾ་ཀུ་རུ་ཡེ་སྭཱ་ཧཱ། ཞེས་བདུན་ནམ་ཉེར་གཅིག་གི་སྦྱིན་སྲེག་གིས་མེ་ནང་དུ་བསྲེགས་ལ། ལྷ་ཐམས་ཅད་ཀྱིས་གསང་སྔགས་འདི་དག་གི་བྱད་དང་། རོ་ལངས་དང་། སྨན་དང་། སྔགས་དང་། དུག་དང་། དུག་སྦྱར་མ་རྣམས་བཅད་དོ། །བཤིག་

[Full Size]

གོ། །ཕམ་པར་བྱས་སོ། །སྭཱ་ཧཱ། ལྔ་བ་དང་། ཤུ་བ་དང་། སྨྱོ་བ་དང་། འབྲས་དང་། འབྲུམ་བུ་དང་། རྐང་འབམ་དང་། དུག་འཐུང་བ་ལས་ཐར་བར་འཚལ་ལོ། །ཞེས་བརྗོད་ལ་ནས་འཐོར། དེ་ནས་བུམ་པ་ལག་ཏུ་ཐོགས་ལ། སངས་རྒྱས་ཀུན་གྱི་གཟི་བརྗིད་དང་། །རང་རྒྱལ་དག་གི་གཟི་བརྗིད་དང་། །དགྲ་བཅོམ་རྣམས་ཀྱི་མཐུ་དག་དང་། །གསང་སྔགས་འཛིན་པ་ཐམས་ཅད་དང་། །ཤཱ་རིའི་བུ་ཡི་ཤེས་རབ་དང་། །མོའུ་འགལ་བུ་ཡི་རྫུ་འཕྲུལ་དང་། །མ་འགགས་པ་ཡི་མིག་དང་ནི། འོད་སྲུང་སྦྱངས་བའི་ཡོན་ཏན་དང་། །ཀཽཎྜི་ནྱ་ཡི་སྔར་ཐོབ་དང་། །ཀུན་དགའ་བོ་ཡི་ཐོས་པ་དང་། །ཚངས་པ་ཡི་ནི་བྱམས་པ་དང་། །བརྒྱ་བྱིན་གྱི་ནི་དབང་རྣམས་དང་། །འཇིག་རྟེན་སྐྱོང་བའི་ཡུལ་རྣམས་དང་། །དབང་ཕྱུག་ཆེན་པོའི་སྟོབས་དག་དང་། །སྡེ་དཔོན་རྣམས་ཀྱི་མཐུ་དང་ནི། །འཕྲོག་མའི་གཟི་བརྗིད་རྫུ་འཕྲུལ་དང་། །དེ་དག་རྣམས་ཀྱི་མཐུ་དང་གཟིས། །བསྲུང་བྱ་འདི་ཡི་ནད་དང་གདོན། །འབྱུང་པོའི་དུག་ནི་དུག་མེད་ཤོག །དུག་མེད་དུག་རྣམས་དག་གྱུར་ཅིག །གོང་གི་རྩ་སྔགས་ལྔའི་མཇུག་ཏུ། ༀ་ཨེ་ཧོ་ཤུདྡྷེ་

[Full Size]

ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ། ཙིཏྟ་བི་ཤུདྡྷེ་ཨ་ཨཱཿ་སྭཱ་ཧཱ། ཞེས་བརྗོད་ཅིང་ཡན་ལག་ལྔ་ཁྲུས་བྱ། བུམ་ཆུ་བཏུང་། དེ་ནས་ཚིག་རེའི་མཚམས་སུ་སྔགས་རེ་བརྗོད་ཅིང་མེ་ལོང་ངོས་ནས་ཁྲུས་རེ་བྱ། འབྲས་དང་རྨ་དང་ཤུ་བ་དང་། །གཡན་པ་དང་ནི་འབྲུམ་བུ་དང་། །ལྡོག་པ་དང་ནི་གཡའ་བ་ཡི། །ནད་སོགས་གནོད་པ་རབ་ཏུ་བཅོམ། །སྔགས་དང་ཁྲུས་བྱ། འདོད་ཆགས་ཞེ་སྡང་གཏི་མུག་གསུམ། །དེ་དག་འཇིག་རྟེན་དུག་གསུམ་ཏེ། །སངས་རྒྱས་ཆོས་དང་དགེ་འདུན་གསུམ། །དཀོན་མཆོག་གསུམ་ལ་དུག་མི་མངའ། །དཀོན་མཆོག་གཟི་ཡིས་དུག་བཅོམ་མོ། །དུག་རྣམས་གཏན་ནས་དག་གྱུར་ཅིག །སྔགས་དང་ཁྲུས་བྱ། འབྱུང་བཞི་དུག་གི་ཕ་ཡིན་ཏེ། །འབྱུང་བཞི་དུག་གི་མ་ཡང་ཡིན། །བདེན་པའི་བདེན་ཚིག་འདི་དག་གིས། །བསྲུང་བྱའི་དུག་ནི་དུག་མེད་ཤོག །དུག་རྣམས་གཏན་ནས་དག་གྱུར་ཅིག །འབྱུང་བཞི་དུག་གི་མ་ཡིན་ཏེ། །འབྱུང་བཞི་དུག་གི་ཕ་ཡང་ཡིན། །བདེན་པའི་བདེན་ཚིག་འདི་དག་གིས། །དུག་ནི་ས་ཡི་ནང་དུ་སོང་། །གང་བའི་སྣོད་དུ་དུག་སོང་ཞིག་སྭཱ་ཧཱ། ཞེས་རྡོ་རྗེ་དང་སྒྲོ་མདངས་

[Full Size]

ཀྱིས་བྱབ་པའི་ཚུལ་བྱས་ལ། ཞེས་ཁྲུས་ཆུ་ས་ཡི་ནང་དུ་བླུགས་བཅོལ། དེ་ནས་ལག་གཡོས་རྡོ་རྗེ་ཕྱར་ཞིང་། སངས་རྒྱས་རྣམས་ཀྱི་གཟི་བརྗིད་དང་། །གཙུག་ཏོར་ཅན་གྱི་སྟོབས་རྣམས་དང་། །ཐམས་ཅད་སྐྱོབ་པའི་བདེན་ཚིག་དང་། །ལོག་པར་དད་སེལ་ཏིང་འཛིན་དང་། །གསེར་ཞེས་བྱ་བའི་ཡེ་ཤེས་དང་། །འོད་སྲུང་གི་ནི་རྫུ་འཕྲུལ་དང་། །ཤཱཀྱ་སེང་གེའི་མཐུ་རྣམས་དང་། །རླུང་ལས་གྱུར་དང་མཁྲིས་ལས་གྱུར། །བད་ཀན་ལས་གྱུར་འདུས་ལས་གྱུར། །ནད་རྣམས་ཐམས་ཅད་རབ་བཅོམ་སྟེ། །འདི་ལ་རྟག་ཏུ་བདེ་ལེགས་ཤོག །བདེན་པའི་བདེན་ཚིག་འདི་དག་གིས། །ནད་པ་རྣམས་ནི་ནད་སེལ་ཞིང་། །ཉེས་པ་ཐམས་ཅད་འཕྲོག་བྱེད་པ། །བསྲུང་བ་བདུད་རྩིར་འགྱུར་བར་ཤོག །དེ་ནས་རྡོ་རྗེ་མགོར་བཞག་ལ། ཚངས་པ་དང་། བརྒྱ་བྱིན་དང་། །རྒྱལ་པོ་ཆེན་པོ་བཞི་དང་། དབང་ཕྱུག་ཆེན་པོ་དང་། གནོད་སྦྱིན་གྱི་སྡེ་དཔོན་དང་། གནོད་སྦྱིན་སྟོབས་པོ་ཆེ་དང་། འཕྲོག་མ་ཀླུ་ལ་སོགས་པའི་མིང་གིས་དཀོན་མཆོག་གསུམ་ལ་མཆོད་པར་བགྱིའོ། །དེ་རྣམས་སྟོབས་དང་དབང་ཕྱུག་དང་། གཟི་བྱིན་གྱིས་འདི་ལ་བདེ་ལེགས་སུ་གྱུར་ཅིག །འདི་ལ་བསྲུང་

[Full Size]

བར་གྱིས་ཤིག །དེ་ནས་ལྷ་མོ་ལྔ་པོ་སོ་སོའི་སྔགས་མཇུག་ཏུ། ལྷ་ལྔའི་སྔགས་ནི། ༀ་ཨཱཿཔྲ་ཏི་ས་རེ་པྲ་ཧཱུྃ། ཨོཾ་ཨཱཿམ་ཧཱ་ས་ཧ་སྲ་པྲ་མརྡ་ནི་ཧཱུྃ་ཧཱུྃ། ཨོཾ་ཨཱཿ་མ་ཧཱ་མ་ཡུ་རི་མཾ་ཧཱུྃ། ཨོཾ་ཨཱཿམ་ཧཱ་མནྟྲ་ཨ་ནུ་དྷ་རི་ཧཱུྃ་ཧཱུྃ། ཨོཾ་ཨཱཿམ་ཧཱ་ཤཱི་ཏ་བ་རི་ཛཿཧཱུྃ། ཨོཾ་བཛྲ་རཀྵ་རཀྵ་ཧཱུྃ༔ ཞེས་བརྗོད་ཅིང་མགོ་དང་རྐང་ལག་བཞིར་རྡོ་རྗེ་བསྣོལ་མར་བཞག །དེ་ནས་མེ་ཏོག་གཏོར་ཞིང་། སངས་རྒྱས་རྣམས་ཀྱིས་བདུད་ཕམ་མཛད། །ཆོས་མ་ཡིན་ནི་ཆོས་ཀྱིས་སོ། །དགེ་འདུན་གྱིས་ནི་མུ་སྟེགས་ཕམ། །དབང་པོས་ལྷ་མིན་ཕམ་པར་གྱུར། །ལྷ་མིན་རྣམས་ཀྱིས་ཟླ་བ་ཕམ། །ནམ་མཁའ་ལྡིང་གིས་རྒྱ་མཚོ་ཕམ། །མེས་ནི་ཤིང་རྣམས་ཕམ་པར་གྱུར། །ཆུས་ནི་མེ་རྣམས་ཕམ་པར་འགྱུར། །རླུང་གིས་སྤྲིན་རྣམས་རབ་ཏུ་ཕམ། །རྡོ་རྗེ་ཡིས་ནི་རིན་ཆེན་ཕམ། །ལྷ་རྣམས་བདེན་པར་རབ་ཏུ་གནས། །ས་ཡང་བདེན་པར་གནས་པ་ལགས། །སངས་རྒྱས་དང་ནི་ཆོས་ཀྱང་བདེན། །བདེན་པ་རྒྱལ་གྱུར་རྫུན་མ་ལགས། །བདེན་པའི་བདེན་ཚིག་འདི་དག་གིས། །བསྲུང་བྱ་འདི་ལ་ནད་དང་གདོན། །ཕྱིར་རྒོལ་བ་ནི་ཀུན་ལས་རྒྱལ། །སྡིག་པ་ཐམས་ཅད་རབ་ཏུ་ཕམ་སྭཱ་ཧཱ། ལྷ་མོ་ལྔ་ཡི་སྔགས་མཇུག་ཏུ། ཛ་ཡེ་

[Full Size]

སྭཱ་ཧཱ། བི་ཛ་ཡེ་སྭཱ་ཧཱ། ཛ་ཡེ་བི་ཛ་ཡེ་སྭཱ་ཧཱ། ཞེས་མེ་ཏོག་འཐོར་རོ། །དེ་ནས་རྗེས་ཆོག་སྤྱི་ལྟར་བྱའོ། །དེས་སྲུང་བ་ལྔའི་ཆོ་ག་རྫོགས་སོ།། །།འདིའི་དབང་བསྐུར་བར་འདོད་ན། སྐུ་གསུང་ཐུགས་ཀྱི་རྗེ་གནང་སྤྱི་ལྟར་ལས། བཀྲ་ཤིས་རྫས་རྟགས་གང་རུང་གིས་མཐའ་བརྟེན་ནས། གཏོར་མའི་བཀའ་བསྒོ་བ་ཡང་བྱའོ། །དེ་ཡང་གཟུངས་ཆེན་སྡེ་ལྔ་ལས། ནད་པ་རྣམས་ནི་གསོ་བྱ་བ། །དེ་ནས་རབ་ཏུ་ཤེས་པར་བྱ། །ཞེས་སོགས་དང་། སྤོས་ཆབ་སྣ་ཚོགས་སྦྱར་བྱས་ཏེ། །བུམ་པ་ཆེན་པོའི་ནང་དུ་བླུགས། །གང་བྱད་སྟེམས་ཀྱིས་ཕོག་པ་དེ། སྐུད་པ་དེས་བཅིངས་ཏེ། བུམ་པའི་ཆབ་ཀྱིས་བཀྲུ་བར་བགྱིའོ། །སྐུད་པ་ཡང་མཚོན་གྱིས་བཅད་དེ། ཞུགས་ཀྱི་ནང་དུ་དོར་བར་བྱའོ། །ཞེས་དང་། བསྐྱེད་པ་ཙམ་དང་། རྡོ་རྗེས་བྱབ་པ་ཙམ་གྱིས་དུས་མ་ཡིན་པ་འཆི་བ་དང་། ནད་ཆེན་པོ་ལས་ཡོངས་སུ་ཐར་བར་འགྱུར་རོ། །དེའི་ནད་ཐམས་ཅད་ཀྱང་རབ་ཏུ་ཞི་བར་འགྱུར་རོ། །རྒྱུན་རིང་དུ་ན་བ་ལ་བྱབས་པ་ཙམ་གྱིས་རབ་ཏུ་ཞི་བར་འགྱུར་རོ། །ཞེས་གསུངས་སོ།། ༈ ཨེ་མ། ཐུབ་པའི་བཀའ་དངོས་བྱིན་རླབས་ནུས་ལྡན་འདི། །ཟབ་ཀྱང་སྔོན་ཆད་སུས་ཀྱང་མ་བསྒྲིགས་ལུས། །ལྕགས་ཕོ་ཁྱི་ལོ་སྟག་ཟླའི་ཉ་བསྐོར་ནས། །གྲྭ་ལྔ་གཅིག་ཤེས་ཀུན་གྲོལ་རྡོར་ཕྲེང་དང་། །དེ་བཞིན་སྒྲུབ་ཐབས་རྒྱ་མཚོ་བརྒྱ་རྩ་དང་། །མི་ཏྲ་བརྒྱ་རྩ་ལ་སོགས་གོ་བསྟུན་ནས། །སྔགས་དང་ཞལ་ཕྱག་ལ་སོགས་ཞུ་དག་བྱས། །བསྒྲིགས་པ་རུང་དང་མི་

[Full Size]

རུང་ཐེ་ཚོམ་པས། །ཞག་མང་ལུས་ཚེ་ཡར་ངོའི་ཚེས་བཅུ་ནུབ། །ཚོགས་དང་མཆོད་པ་ལ་སོགས་གཟབ་པའི་ཚེ། །མཛེས་སྡུག་ལྟ་ན་སྡུག་པའི་བུ་མོ་ལྔས། །འཛུམ་ཞིང་འཇིགས་པའི་འཕྲང་ལས་སྒྲོལ་བར་རྨིས། །ཕྱིར་ནངས་ཉིད་ནས་གསར་དུ་བརྩམ་འདོད་སྐྱེས། །བྲིས་པས་དེ་ཉིན་ཉིད་ལས་ལེགས་པར་འགྲུབ། །ཐུབ་པའི་བཀའ་ལ་བར་ཆོད་མ་ལགས་སོ། །འོན་ཀྱང་ཉེས་པར་གྱུར་ན་འཆགས་བགྱི་ཞིང་། །ཕྱི་རབས་ནད་པ་ཀུན་ལ་ཕན་པར་ཤོག །ཅེས་པ་འདི་ནི་༧ རཱ་ག་ཨ་སྱས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རིག་སྔགས་ཀྱི་རྒྱལ་མོ་སོ་སོར་འབྲང་མ་ཆེན་མོའི་ཙཀྲ་ཇི་ལྟར་འབྲི་བའི་དཔེའུ་རིས་བལྟས་ཆོག་ཏུ་བཀོད་པ།

[Full Size]

རིག་སྔགས་ཀྱི་རྒྱལ་མོ་སོ་སོར་འབྲང་མ་ཆེན་མོའི་ཙཀྲ་ཇི་ལྟར་འབྲི་བའི་དཔེའུ་རིས་བལྟས་ཆོག་ཏུ་བཀོད་པ་བཞུགས་སོ།།

[Full Size]

ན་མོ་ཤཱཀྱ་མུ་ནེ་ཡེ། བཅོམ་ལྡན་ཐུབ་དབང་དེ་ལ་ཕྱག་འཚལ་ནས། །དེས་གསུངས་སོ་སོར་འབྲང་བའི་འཁོར་ལོ་ནི། །བྲི་ཚུལ་མཐོང་བ་བརྒྱུད་ལྟར་གསལ་བར་བྱ། །ལྷ་མོ་ལྔ་པོས་བཀའ་ཡི་གནང་བ་སྩོལ། །དེ་ལ་ཤོག་བུ་མཐོ་དོ་གྲུ་བཞི་པ་གཅིག་ལ། མུ་ཁྱུད་རིམ་པ་བཅུ་སྐོར་ཏེ། ལྟེ་བ་ལ་ལ་ལཉྫའི་པྲ་ཡིག་ཆེན་པོ་ཅིག་བྲིས་པའི་ནང་དུ། ཨོཾ་མ་ཎི་དྷ་རི་བཛྲ་ཎི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕཊམ་མ་རཀྵ་རཀྵ་ཀུཅནྟ་སྭཱ་ཧཱ། ཞེས་བྲི། ཚིགས་དེའི་ཕྱི་ལ་ཧཱུྃ་ཡིག་བརྒྱད་ཕྱོགས་རེ་རེ་གཉིས་རེའོ། །དེ་རྒྱབ་མུ་ཁྱུད་ལ་ཨོཾ་མ་ཎི་དྷ་རི། ནས་ཕཊ་མ་མ་རྨེ་གནོད་པ་རཀྵ་རཀྵ། རཀྵ་ཨ་ཡུ། པུཎྱ་དྷ་ན་ཤཌ་ནི་ཀུནྡནྟ་སྭཱ་ཧཱ། ཞེས་བྲི། དེ་རྒྱབ་མུ་ཁྱུད་ལ། ཨོཾ་མ་ཎི་དྷ་རི་

[Full Size]

ནས། ཕཊ་ཕཊ་མ་མ་རཀྵ་རཀྵ་སྭཱ་ཧཱ། འཇིགས་པ་ཐམས་ཅད་ལས་སྲུངས་ཤིག །ཝཱ་ཧུ་མ་དྨ་ཡོ། སརྦ་ཨ་པ་ཀྵ་ཨ་ཤཱནྟི་ཀུཝན། ཞེས་བྲི། དེ་རྒྱབ་སོར་གཅིག་ཙམ་ལ་པདྨ་འདབ་བརྒྱད་བྲིས་པའི་ཕྱོགས་བཞིར་པཾ་ཡིག་རྒྱ་ཡིག་ཆེན་པོ་བྲིས་པའི་ནང་དུ། ཨོཾ་མ་ཎི་སོགས་ནས། ཕཊ་ཕཊ༔ མ་མ་རཀྵ་སྭཱ་ཧཱ། ཞེས་དང་པྲ་ཡིག་ཕྱོགས་མཚམས་བརྒྱད་དུ་ཧཱུྃ་བརྒྱད་བྲི། པྲ་ཡིག་གི་ཕྱིར་པདྨའི་ནང་ལ་ལྟེ་བ་ངོས་ནས་མགོ་བཟུང་ལ། ཤར་དུ། ཨོཾ་བི་མ་ལི་བི་པུ་ལེ་ཛ་ཡ་བ་ཏི་ཨ་མྲྀ་ཏེ་ཧཱུྃ་ཧཱུྃ་ཕཊ་ཕཊ་མ་མ་རཀྵ་ཀུ་རུ་སྭཱ་ཧཱ། ཞེས་བྲི། ལྷོར། ཨོཾ་ཨ་མྲྀ་ཏ་བི་ལོ་ཀི་ནི་གནྡྷ་སཾ་རཀྵ་ཎི་ཧཱུྃ་ཧཱུྃ་ཕཊ་ཕཊ་མ་མ་རཀྵ་ཀུ་རུ་སྭཱ་ཧཱ།

[Full Size]

ཞེས་བྲི། ནུབ་ཏུ། ཨོཾ་བྷ་ར་བྷ་ར་སཾ་བྷ་ར་ཨིནྟི་ཡ་ལ་བི་ཤྭ་དྷ་ནི་ཧཱུྃ་ཕཊ༔ ཧཱུྃ་མ་མ་རཀྵ་ཀུ་རུ་སྭཱ་ཧཱ། ཞེས་བྲི། བྱང་དུ། ཨོཾ་ཨ་མྲྀ་ཏ་བ་རེ་བ་ར་བ་ར་པྲ་བ་ར་བི་ཤུདྡྷེ་ཧཱུྃ་ཧཱུྃ་ཕཊ་ཕཊ་མ་ལྷམ་རཀྵ་རཀྵ་ཀུཅནྟ་སྭཱ་ཧཱ། ཞེས་བྲི། མཚམས་ཀྱི་པད་འདབ་བཞི་ལ་རྡོ་རྗེ་ཕྱེད་པ་བཞི་བྲིས་པའི་ར་དབུས་མ་སྦོམ་པར་བྱས་པའི་ནང་དུ་ཤར་ལྷོར། ཨོཾ་བི་ཤོ་དྷ་བཛྲ་ཎི་ཧཱུྃ་ཧཱུྃ་ཕཊ་ཕཊ་སྭཱ་ཧཱཿ ཞེས་བྲི། ལྷོ་ནུབ་ཏུ། ཨོཾ་ཨ་མྲྀ་ཏ་བ་རེ་ཧཱུྃ་ཧཱུྃ་ཕཊ་ཕཊ༔ ཅེས་དང་། ནུབ་བྱང་དུ། ཨོཾ་བི་མ་ལེ་ཧཱུྃ་ཧཱུྃ་ཕཊ་ཕཊ། བྱང་ཤར་དུ། ཨོཾ་ཛ་ཡ་བ་རེ་ཧཱུྃ་ཧཱུྃ་ཕཊ་ཕཊ། ཅེས་བྲི། མ་མ་རཀྵ་རཀྵ་སྭཱ་ཧཱ། བཞི་ཁ་ལའོ། །རྡོ་རྗེའི་ཕྱི་པདྨའི་ཕྱི་པདྨའི་ནང་དུ་བཞི་ཁ་འདྲ་བར། ཨོཾ་སུཾ་བྷ་བདྲི་ཎི་ཧཱུྃ་ཡ་རཀྵ་རཀྵ་སྭཱ་ཧཱ། ཞེས་བྲི། དེ་རྒྱབ་པད་འདབ་ཉི་ཤུ་རྩ་ལྔ་ལ་ཧྲི༔ཡིག་རེ་རེ་བྲིའོ། །དེ་རྒྱབ་མུ་ཁྱུད་ལ། ཨོཾ་ཨ་པ་ར་ཛི་ཏ་མ་ཧ་དེ་བི་ཏྲ་ཊ། ཨོཾ་ཀ་ལ་ཀཎི་ཀྲྀ་ཊ། ཨོཾ་པདྨ་ཀུཎཱི་པཾ། ཨོཾ་པུཎྜདནྟི་ནི་ཧཱུྃ། ཨོཾ་མ་ཎཱི་ཀུ་ཤི་ཧཱུྃ། ཨོཾ་བཛྲ་ཤི་ཁ་ལེ་ཧཱུྃ། ཨོཾ་མ་ཧཱ་ཀྵ་ཤེ་ཏེ་ཧཱུྃ། ཨོཾ་མ་ཧཱ་ཀ་ལི་ཧཱུྃ། ཨོཾ་མཾ་ཏི་རུ་ཏཾ། ཨོཾ་བཛྲ་བྷ་ཏི་ཎ་ཌ། ཨོཾ་བཛྲ་ལ་ཊི། ཨོཾ་སུ་པཱ་ཤི་ཀྲི་ཏ་ཧཱུྃ༔ ཨོཾ་བཛྲ་པཱ་ཤི་བྷི་ཏ། ཨོཾ་བཛྲ་པ་ཎི་མ་ཧཱ་བ་ལི་དྷི། ཨོཾ་བཛྲ་མ་ལེ་མཾ། ཨོཾ་ཨ་མྲྀ་ཏ་ཀུཎྜ་ལཱི་སྭཱ་ཧཱ། ཨོཾ་

[Full Size]

ཛཱ་ལ་ཛཱ་ལ་ཧཱུྃ་ཕཊ་བྷྱོ། ཨོཾ་ཊཀྐི་ཧཱུྃ་ཛ་སྭཱ་ཧཱ། སརྦ་སིདྡྷི་མྨེ་པྲ་ཡཙྪནྟ་སྭཱ་ཧཱ། ཞེས་བྲི་བའོ། དེ་རྒྱབ་མུ་ཁྱུད་ལ། ཨོཾ་བཛྲ་ཧཱུྃ༔ ཨོཾ་མ་ཎི་ཙུནྡཱ་ཧི༔ ཨོཾ་པུ་བརྨ་ཀེ་ཤི་ཀྲ་ཊ། ༀ་བི་ཀ་ལི་ལཾ། ཨོཾ་བི་རྒྱ་མ་ལ་ནི་ཛ་ཧཱུྃ། ཨོཾ་ཤནྟི་ཧཱུྃ། ཨོཾ་སུསྟི་བ་ལ་དྷ་ནི་ཧ། ཨོཾ་སུཾ་བྷ་ཀ་རི་ཧཱུྃ། ཨོཾ་མ་ཎི་དྷ་རི་ཧཱུྃ། ཨོཾ་རཏྣ་མ་ལ་དྷ་རི་ཧཱུྃ། ཨོཾ་མ་ཧཱ་པྲ་ཏི་ས་རེ་ཐཾ། ཨོཾ་དྷུ་རུ་དྷུ་རུ། མུ་རུ་མུ་རུ། སུ་རུ་སུ་རུ། ཀུ་རུ་ཀུ་རུ་ཧཱུྃ་ཧཱུྃ། ཨོཾ་བ་ལ་བརྡ་ནི་ཧོ༔ ཨོཾ་མ་ཧཱ་བ་གི་ལཾ། ཨོཾ་རུ་རུ་ཙ་ལེ་ཧཱུྃ་ཧཱུྃ་ཕཊ་སྭཱ་ཧཱཿ ཨོཾ་མ་ཎི་དྷ་རི་སོགས། །ཕཊཕཊ་སྭཱ་ཧཱཿ འཆང་བ་པོ་ལ་མི་མཐུན་པའི་ཕྱོགས་ཐམས་ཅད་ལས་རཀྵ་རཀྵ་སྭཱ་ཧཱ། ཞེས་བྲིའོ། །ཨོཾ་རཀྟ་སྱ་ཀ་ཛ་ཏལྔ། ཨོཾ་བུདྡྷཱ་རཀཱི་ཏི་ཧི། ཨོཾ་ཀ་པ་ལི་ནཾ་ཐཾ། ༀ་ལཾ་ཀེ་ཤྭ་རེ་ལཾ། ཨོཾ་དྷུ་ནེ་ལཾ། ཨོཾ་ཀེ་ཤི་ནི་ཀཱི། ཨོཾ་ཧ་རི་ཏི་ཧཾ་ཀཱ། ཨོཾ་པཉྩཀི་ཏྲེ། ཨོཾ་ལི་ཀི་སཾ་དུ་ཧཱུྃ། ཨོཾ་ཀུན་ཛི་དནྟི་བི་ཕཊ། ཨོཾ་ཤྲཱི་ཡ་དེ་བི་ཀྲྀ། ཨོཾ་ས་ར་སྭ་སྟི་པཾ། ཨོཾ་རཀྵ་རཀྵ་མ་མ་སརྦ་བྷ་ཡེ་བྷ་བཻ། ཨོཾ་དེ་བི་པདྨེ་མཾ། ཨོཾ་མ་ཎི་དྷ་རི་བདྲི་ཎི། ཨོཾ་མ་མཾ་མ་མཾ། ཨོཾ་ཧཱུྃ་ཀུ་ཊི་ཧཱུྃ། ཧཱུྃ་ཧཱུྃ་ཨ། ཨོཾ་མ་ཎི་དྷ་རི་བཛྲ་ཎི། མ་ཧཱ་པྲ་ཏི་ས་རེ་ཧཱུྃ་ཧཱུྃ་

[Full Size]

ཕཊ་ཕཊ། ནི་ཡ་ཏ་ཨ་ནི་ཡ་ཏ། བེ་ད་ནི་ཡེ་ཨ་བྷུ་བྷུ་བྷ་སྱ། མེ་བྷ་ག་ཝན། ཀརྨ་བ་ཨ་ཤེ་ཥ་ཏི། ཀྭ་ཡཾ་ཀུ་རུ་མ་མ་རཀྵ་རཀྵ་སྭཱ་ཧཱ། ཞེས་བྲི། དེ་རྒྱབ་མུ་ཁྱུད་ལ་རྡོ་རྗེ་སུམ་ཅུ་སོ་གཉིས་གྲལ་ཐབས་སུ་བྲིས་པའི་བར་བར་དུ། སྔགས་འདི་ཡིག་འབྲུ་རེ་རེ་བྲིའོ། །ཛཾ་ སྨཾ་ ཀཾ བུ་ སུ་ ༀ བྷཾ ཨོཾ་ ཏྲི་ ཀྵི་ དྷི ཤཾ ཝི་ ཧཱུྃ་ ཧཱུྃ་ཨོཾ་ སཾ པུསྟ ལཀྵ ཀི་ བྷྲཱུཾ ཨི་བྷྲཱུཾ་ ཧཾ་ཀ ཁཾ་ཧཾ བ་ཧྲི་ ཛ་པཾ ཧྲི་རི་ ཧཱུྃ་ཁཾ་ ཧོ་སུ་ ཧཱུྃ་ ཛ་བཾ པུ་ཧོ་ ཧཱུྃ་ཨོཾ་ ཕཊ །ཅེས་བྲི། དེ་རྒྱབ་ལིང་ཚེ་འམ་པད་འདབ་བཞི་བཅུ་ཞེ་གཉིས་ལ། ལྕགས་ཀྱུ། དགྲ་སྣ། རྡོ་རྒྱུརྗེའི་ཞོགས་པ། དུང་དཀར། འཁོར་ལོ། རལ་གྲི། རྨ་བྱའི་མདོངས། ཁ་ཊཾ། རྡོ་རྗེ། སྟ་རེ། དུང་དཀར། རལ་གྲི། ལྕགས་ཀྱུ། འཁོར་ལོ་རྩིབས་བཞི་པ། ཁ་ཊཾ། དུང་དཀར། སྦྲུལ་ཞགས། དྲིལ་བུ། རྡོ་རྗེ། རལ་གྲི། ལྕགས་ཀྱུ། ཁ་ཊཾ། ཐོ་བ། རྡོ་རྗེའི་ཞགས་པ། དུང་དཀར། འཁོར་ལོ་ཟླུམ་པོ། རལ་གྲི། །རྨ་བྱའི་མདོངས། ཁ་ཊཾ། རྡོ་རྗེ། དགྲ་སྟ། དུང་དཀར། རལ་གྲི། ལྕགས་ཀྱུ། འཁོར་ལོ་རྩིབས་བཞི། ཁ་ཊཾ། དུང་དཀར། སྦྲུལ་ཞགས། དྲིལ་དུ། རྡོ་རྗེ། རལ་གྲི་རྣམས་བྲིའོ། །མཚོན་ཆ་རྣམས་རྩེ་ཕྱིར་བསྟན་ནོ། །དེ་རྒྱབ་མུ་ཁྱུད་ལ་ཡེ་དྷརྨའི་མཇུག་ཏུ་རཀྵ་རཀྵ་མཾ་སརྦ་ས་

[Full Size]

ཏཾ་ཤུ་སརྦ་པ་པཾ་པྲ་ཤ་མ་ནི་སྭཱ་ཧཱ། དབྱངས་གསལ་བྱེད་དང་། སརྦ་དུཁེ་བྷྱ༔ སརྦ་བྷ་ཡེ་་་སརྦ་ཨུ་པ་སནེ་པབྷྱ༔ སརྦ་གྲ་ཧེ་བྷ༔ སརྦ་བྱཱ་དྷི་བྷྱ༔ ཨེ་བཾ་བ་དྷ། ཏ་ཌ་ན། ཏརྫ་ན། ཌ་ཛ། ཏ་སྐར་ར། ཨིགྷ། ཨུ་ད་ཀ། ཤས་མཾ་རཀྵ་ཀུཅན་སྭཱ་ཧཱ། ཞེས་བྲི། དེ་རྒྱབ་མེ་རི། ཟུར་བཞིར་པད་ཟླའི་གདན་བཞི་ལ་རྒྱལ་པོ་བཞིའི་སྙིང་པོ་བྲི་སྟེ། ཤར་ལྷོ། ཨི་དྷི་ཏ་རཱཏྟ་ཡ་མ་མ་རཀྵ་སྭཱ་ཧཱ། དེའི་སྟེང་དུ་པི་ཝང་དང་། གཡས་གཡོན་དུ་ཉ་བུམ་པ་བྲིའོ། །ལྷོ་ནུབ་ཏུ། ཨོཾ་བེ་རུ་ཌྷ་ཀ་ཡེ་མ་མ་རཀྵ་སྭཱ་ཧཱ། དེའི་སྟེང་དུ་རལ་གྲི་དང་། གཡས་གཡོན་དུ་པདྨ་དུང་དཀར་བྲི། ནུབ་བྱང་དུ། ཨོཾ་བི་རུ་པཀྵ་ཡེ་མ་མ་རཀྵ་སྭཱ་ཧཱ། དེའི་སྟེང་དུ་སྦྲུལ་ཞགས་དང་གཡས་གཡོན་དཔལ་བེའུ་དང་རྒྱལ་མཚན་བྲི། བྱང་ཤར་དུ། ཨོཾ་བྷེ་ཤ་ཝ་ཎ་མ་མ་རཀྵ་སྭཱ་ཧཱ། དེའི་སྟེང་དུ་རྒྱན་དང་གཡས་གཡོན་འཁོར་ལོ་དང་གདུགས་བྲི། དབུས་ཀྱི་པྲ་ཡིག་སེར། ཕྱོགས་བཞིའི་པདྨ་དང་པྲ་ཡིག་ཕྱོགས་མདོག་བྱ། རྡོ་རྗེ་གཅིག་ཕྱོགས་མདོག་བཻ་སེར་པོ་བྱ། རྡོ་རྗེ་རྣམས་སེར། མེ་རི་དམར། གཞན་མཛེས་ཚོན་བྱའོ། །སྤྱིར་འདི་ལ་རྒྱས་བསྡུས་བྲི་ལུགས་མི་འདྲ་བ་མང་དུ་མཐོང་ནའང་། འདི་ཁུངས་བཙུན་ནམ་སྙམ་པའི་གསལ་ཞིང་སྔགས་སྒྲ་དག་པ་ཞིག་ལས་བསྡུས་ཏེ། བྲིས་པ་ནི་དགེ་སློང་ཨ་རཱ་གས་སྔགས་རྣམས་ཁོར་ཞུས་བྱས་སོ། །བཀྲ་

[Full Size]

ཤིས་དཔལ་འབར་འཛམ་གླིང་རྒྱན་འགྱུར་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མིག་ནད་སེལ་བའི་གཟུངས་སྔགས་ཉི་མའི་སྒྲོན་མེ།

[Full Size]

མིག་ནད་སེལ་བའི་གཟུངས་སྔགས་ཉི་མའི་སྒྲོན་མེ་ཞེས་བྱ་བ་བཞུགས་སོ།

[Full Size]

ན་མོ་ལོ་ཀི་ཤྭ་ར་ཡེ། ན་མོ་རཏྣ་ཏྲ་ཡཱ་ཡ། སྤྱན་རྒྱས་ཨུཏྤ་ལ་ཡི་དྲི། །ཏོག་གི་རྒྱལ་པོ་ཞེས་བྱ་བའི། །དེ་བཞིན་གཤེགས་ལ་གསོལ་བ་འདེབས། །མིག་ནད་ཞི་བར་བྱིན་གྱིས་རློབས། །ཕྱག་སྟོང་མཐིལ་དུ་སྤྱན་སྟོང་ལྡན། །སྤྱན་སྟོང་སངས་རྒྱས་སྟོང་དུ་སྤྲུལ། །སྤྱན་རས་གཟིགས་ལ་གསོལ་བ་འདེབས། །མིག་ནད་ཞི་བར་བྱིན་གྱིས་རློབས། །དབུ་སྟོང་མངའ་ཞིང་སྤྱན་སྟོང་ལྡན། །བྱེ་བ་བརྒྱ་ཡིས་སྤྱན་མངའ་མ། །གདུགས་དཀར་མོ་ལ་གསོལ་བ་འདེབས། །མིག་ནད་ཞི་བར་བྱིན་གྱིས་རློབས། །དབུ་སྟོང་མ་ལ་ཕྱག་སྟོང་མ། །སངས་རྒྱས་

[Full Size]

ཀུན་གྱི་ཡེ་ཤེས་སྤྱན། །ཕག་མོ་མཆོག་ལ་གསོལ་བ་འདེབས། །ཡེ་ཤེས་སྤྱན་དུ་བྱིན་གྱིས་རློབས། །མིག་གི་རྣམ་པར་ཤེས་པ་དང་། །མིག་གི་དབང་པོ་གནས་དག་པའི། །རྣམ་སྣང་མཛད་ལ་གསོལ་བ་འདེབས། །མིག་གི་ནད་གདོན་ཞི་བར་མཛོད། །མིག་གི་འབྲུ་ཡི་ནང་སྙིང་ན། །རྒུན་འབྲུམ་ཚད་ཙམ་གནས་དག་པ། །མི་བསྐྱོད་པ་ལ་གསོལ་བ་འདེབས། །མིག་གི་ནད་གདོན་ཞི་བར་མཛོད། །མིག་འབྲས་དཀར་པོ་གནས་དག་པའི། །རིན་ཆེན་འབྱུང་ལྡན་བཅོམ་ལྡན་འདས། །གསོལ་བ་འདེབས་སོ་ཐུགས་རྗེས་ཟུང་། །མིག་གི་ནད་གདོན་

[Full Size]

ཞི་བར་མཛོད། །མིག་སྤྱན་མིག་ཤ་དམར་པོ་ནི། །རྣམ་པར་དག་པའི་བཅོམ་ལྡན་འདས། །འོད་དཔག་མེད་ལ་གསོལ་བ་འདེབས། །མིག་གི་ནད་གདོན་ཞི་བར་མཛོད། །མིག་གི་འབྱེད་འཛུམ་གཡོ་བ་རྣམས། །རྣམ་པར་དག་པའི་བཅོམ་ལྡན་འདས། །དོན་ཡོད་གྲུབ་ལ་གསོལ་བ་འདེབས། །མིག་གི་ནད་གདོན་ཞི་བར་མཛོད། །མིག་གི་སྐྱེ་མཆེད་གནས་དག་པའི། །སེམས་དཔའ་ས་ཡི་སྙིང་པོ་ལ། །གསོལ་བ་འདེབས་སོ་ཐུགས་རྗེས་ཟུང་། །མིག་གི་ནད་གདོན་ཞི་བར་མཛོད། །མིག་གཉིས་བྱིན་གྱིས་བརླབ་མཛད་ཅིང་། །བཅོམ་ལྡན་གཏི་མུག་རྡོ་རྗེ་ལ། །གསོལ་བ་འདེབས་སོ་ཐུགས་རྗེས་ཟུང་། །མིག་གི་ནད་གདོན་ཞི་བར་མཛོད། །མིག་གཉིས་དེ་ཝི་ཀོ་ཊི་གནས། །རྡོར་འོད་ཌཱ་ཀི་དབང་ཕྱུག་མ། །ཡབ་ཡུམ་གཉིས་ལ་གསོལ་བ་འདེབས། །མིག་གི་ནད་གདོན་ཞི་བར་མཛོད། །མིག་གཡས་གཤིན་རྗེའི་མཆེ་བ་དང་། །མིག་གཡོན་གཤིན་རྗེ་འཇོམས་མ་ལ། །གསོལ་བ་འདེབས་སོ་ཐུགས་རྗེས་ཟུང་། །མིག་གི་ནད་གདོན་ཞི་བར་མཛོད། །མིག་གཉིས་ཧཱུྃ་ཧཱུྃ་ཧོ་ཡིག་ལས། །བྱུང་བའི་རྡོ་རྗེ་ཉི་མ་ལ། །གསོལ་བ་འདེབས་སོ་

[Full Size]

ཐུགས་རྗེས་ཟུང་། །མིག་གི་ནད་གདོན་ཞི་བར་མཛོད།། །མིག་གི་རྩ་ཁམས་གནས་དག་པའི། །རྩ་རི་ཡེ་ཤེས་འཁོར་ལོ་ལ། །གསོལ་བ་འདེབས་སོ་ཌཱ་ཀིའི་། ཚོགས། །མིག་གི་ནད་གདོན་ཞི་བར་མཛོད། །ལོང་བ་མིག་དང་འཕྲད་པའི་ལྷ། །སྒྲོལ་མ་ཉི་ཤུ་རྩ་གཅིག་ལ། །གསོལ་བ་འདེབས་སོ་ཐུགས་རྗེས་ཟུང་། །མིག་གི་ནད་གདོན་ཞི་བར་མཛོད། །མིག་གི་ཁམས་ནི་གནས་དག་པའི། །རྡོ་རྗེ་མྱུ་གུ་ཡབ་ཡུམ་ལ། །གསོལ་བ་འདེབས་སོ་ཐུགས་རྗེས་ཟུང་། །མིག་གི་ནད་གདོན་ཞི་བར་མཛོད། །མིག་གི་རླུང་ཁམས་གནས་དག་པའི། །མ་མོ་ཆེན་མོ་ཀོའུ་རི་མ། །གསོལ་བ་འདེབས་སོ་ཐུགས་རྗེས་ཟུང་། །མིག་གི་ནད་གདོན་ཞི་བར་མཛོད། །མིག་གི་རང་བཞིན་གནས་༔ དག་པའི། །སྲིན་མོ་གཡག་གི་མགོ་ཅན་གྱིས། །དཔལ་ཆེན་བཀའ་ལས་མ་འདའ་བར། །མིག་གི་ནད་གདོན་ཞི་བར་མཛོད། །མིག་གི་རྣམ་ཤེས་གནས་དག་པའི། །བཀའ་སྲུང་བདུད་ཀྱི་རྒྱལ་པོ་ཁྱོད། །བཀའ་དང་དེམ་ལས་མ་འདའ་བར། །མིག་གི་ནད་གདོན་ཞི་བར་མཛོད། །མིག་གི་རྣམ་ཤེས་གནས་དག་པའི། །སྲིན་མོ་ཁྱི་ཡི་མགོ་ཅན་

[Full Size]

མ། །ཁྲག་འཐུང་རྒྱལ་པོའི་བཀའ་བཞིན་དུ། །མིག་ལ་སྲུང་སྐྱོབ་མེལ་ཚེ་གྱིས། །འགྲོ་དྲུག་སེམས་ཅན་ཐམས་ཅད་ཀྱིས། །མིག་གི་སྒོ་ནས་གང་བསགས་པའི། །སྡིག་སྒྲིབ་བདག་ལ་སྨིན་གྱུར་ནས། །འགྲོ་ཀུན་སྤྱན་ལྔ་ཐོབ་པར་ཤོག །འགྲོ་བ་སེམས་ཅན་ཐམས་ཅད་ཀྱི། །མིག་ལ་གནོད་པའི་ནད་གདོནཀུན། །བདག་གི་མིག་ལ་ཐིམ་གྱུར་རྫུནས། །འགྲོ་བའི་མིག་རྣམས་བདེ་ལེགས་ཤོག །དེ་ཡི་བདེན་སྟོབས་ནུས་པ་ཡིས། །བདག་གི་མིག་གི་དབང་པོ་ཡིས། །ཕན་ཐོགས་རྒྱ་ཆེར་ནུས་པར་ཤོག །བདེ་གཤེགས་བཀའ་ཡི་བླ་མ་མཆོག །ཕྱོགས་མེད་རྒྱ་ཆེན་བསྟེན་པ་ལ། །རབ་རིབ་བར་ཆད་མི་ལྡང་ཞིང་། །མ་རིག་མུན་པ་སངས་བར་ཤོག །དབང་ལུང་ཁྲིད་ཁ་གདམས་དགུ་ཡིས། །སྣོད་ལྡན་ཐར་ལམ་སྟོན་པ་ལ། །ལོང་བའི་བར་ཆད་མི་ལྡང་ཞིང་། །ཆོས་རྒྱུད་རྒྱ་ཆེན་འཕེལ་བར་ཤོག་།རྒྱང་ཞགས་ཆུ་ཡི་སྒྲོན་མ་ལ། །བརྟེན་ནས་ཡེ་ཤེས་ལྟ་བ་ལ། །མིག་ནད་བར་ཆད་མི་ལྡང་ཞིང་། །སྐུ་གསུམ་མངོན་དུ་མཐོང་བར་ཤོག །སྨན་གྱི་ལྷ་དང་དབྱེར་མེད་པའི། །དཔལ་ལྡན་བླ་མ་ཡི་དམ་ལྷ། །མཁའ་འགྲོ་ཆོས་སྐྱོང་བདེན་པའི་

[Full Size]

མཐུས། །སྨོན་ལམ་འདི་དག་མྱུར་འགྲུབ་ཤོག །ཅེས་པ་འདི་རང་གི་མིག་མི་བདེ་བས་ཟླ་གསུམ་ཙམ་ན་ནས་དཔྱད་དང་སྨན་སོགས་ཅི་ནུས་བྱས་རུང་མ་དྲག་ཅིང་བདག་གིས་གསོལ་འདེབས་འདི་བྱས་པ་དེ་ནས་བཟུང་སྟེ་གྲགས་མགོ་བརྩམས་སོ། །ཞེས་པ་དགེ་སློང་རཱ་ག་ཨ་སྱས་མཛད་པའོ།། །། ༈ མིག་གཟུངས་བཞུགས་སོ། །བྱམས་མགོན་སྤྱན་རས་གཟིགས་ཀྱི་ཐུགས་རྗེ་དང་། །གསལ་བྱེད་མིག་གི་དབང་པོ་འཇམ་པའི་དབྱངས། །གྲིབ་གདོན་འཇོམས་མཛད་རྡོ་རྗེ་འཛིན་ལ་སོགས། །རིགས་གསུམ་མགོན་པོའི་བརྩེ་བའི་ཐུགས་རྗེ་ཡིས། །གྲིབ་དང་བད་ཀན་ཁྲག་སྲིན་གནོད་པ་ཞི། །གསལ་བྱེད་མིག་གིས་ཚེ་འདི་མཐོང་བར་ཤོག །ཨོཾ་དཀར་རྒྱལ་སྭཱ་ཧཱ། ཨོཾ་གསལ་བྱེད་སྭཱ་ཧཱ། ཞེས་རཱ་ག་ཨ་སྱས་མཛད་པའོ། །དགེའོ། །བཀྲ་ཤིས། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མིག་འབྱེད་ཡིད་བཞིན་རིན་ཆེན།

[Full Size]

མིག་འབྱེད་ཡིད་བཞིན་རིན་ཆེན་བཞུགས་སོ། །སྐྱབས་འགྲོ་བསྡུས་པ། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ་སོགས། ཨོཾ་སྭ་བྷཱ་ཝ་སོགས། སྟོང་པའི་ངང་ལས་རང་སེམས་ཧཱིདཀར་པོ། །སྐད་ཅིག་ཡོངས་གྱུར་ཐུགས་རྗེ་ཆེན་པོ་ཉིད། །ཤེལ་གྱི་རི་བོ་ལྟར་གསལ་རྣམ་དག་སྐུ། །ཞལ་གཅིག་ཟླ་རྒྱས་ཞི་འཛུམ་ཕྱག་བཞི་པ། །དྲི་མེད་པདྨ་དང་ནི་ཟླ་བའི་དཀྱིལ། །གདན་ལ་བཞེངས་ཐབས་མཉམ་པའི་སྟབས་བཞུགས་པ། །ཕྱག་བཞི་དང་པོ་གཉིས་ཀྱིས་མིག་འབྱེད་ཀྱིས། །སྔགས་ཆུ་མིག་ལ་འཇུག་པའི་ཕྱག་རྒྱ་ཅན། །ཐུགས་ཀར་བཅས་ཤིང་གཡས་ཀྱི་འོག་མ་ནི། །དངུལ་གྱི་བུམ་པ་བདུད་རྩིའི་ཆུས་གང་བ། །རྣམ་པ་སྡིག་སྒྲིབ་དྲི་མ་ཀུན་བསལ་བ། །གཡོན་གྱི་འོག་མས་མེ་ལོང་བསྣམས་པ་ལ། །རབ་འབྱམས་ཞིང་ཁམས་གསལ་བ་སྐུ་ཁྲུས་གསོལ། །སྣ་ཚོགས་རིན་པོ་ཆེ་ཡི་རྒྱན་གྱིས་བརྒྱན། །དར་ཤམ་ན་བཟའ་ལ་སོགས་ཉེར་བཀླུབས་པ། །རི་དྭགས་པགས་པས་ནུ་མ་གཡོན་པ་བཀབ། །གསུང་མཆོག་སྣང་བ་མཐའ་ཡས་དབུ་ལ་བརྒྱན། །ཡེ་ནས་དམ་ཚིག་ཡེ་ཤེས་དབྱེར་མེད་གྱུར། །ཏདྱ་ཐཱ། ཨོཾ་ཧུ་ཡ་ཧུ་ཡ། ཧུ་དུ་ཧུ་དུ། ཀི་

[Full Size]

ལི་ཀི་ལི་ཙཀླུ་མེ་ཏྲི་ཤ་ཀྲུ་ན་ཡེ་སྭཱ་ཧཱ། ན་མོ་རཏྣ་ཏྲ་ཡཱ་ཡ། ན་མ་ཨཱཿརྱ་ཛྙཱ་ན་སཱ་ག་ར། བེ་རོ་ཙ་ན་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨདྷ་ཏེ་སམྱཀཾ་བུདྡྷཱ་ཡ། ན་མཿསརྦ་ཏ་ཐཱ་ག་ཏེ་བྷུ། ཨདྷ་ཏེ་བྷུ། སམྱཀཾ་བུདྡྷེ་བྷུ། ན་མ་ཨཱཿརྱ་ཨ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་དྷ་ར་དྷ་ར། ངྷི་རི་དྷི་རི། དྷུ་རུ་དྷུ་རུ། ཨི་ཝིཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མ་ཝ་རེ། ཨི་ལི་མི་ལི་ཙི་ཏི་ཛྭ་ལ་མ་པ་ན་ཡེ་སྭཱ་ཧཱ། མིག་འབྱེད་ཡིད་བཞིན་རིན་ཆེན་འདི་ཨ་རྭ་གས་སྦྱར་བའོ།། །།

[Full Size]

མདུན་གྱི་ནམ་མཁར་འཕགས་པ་སྤྱན་རས་གཟིགས་སྐུ་མདོག་དཀར་པོ་ཕྱག་བཞི་དང་པོ་གཉིས་མིག་འབྱེད་ཕྱག་རྒྱ་འོག་མ་གཉིས་ཁྲུས་བུམ་དང་མེ་ལོང་འཛིན་པ། །དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། ཞབས་གཉིས་བཞེངས་པའི་སྟབས་ཀྱིས་བཞུགས་པར་གྱུར། ཏདྱ་ཐཱ། ཨོཾ་ཧུ་ཡ་ཧུ་ཡ་ཧུ་དུ་ཧུ་དུ་ཀི་ལི་ཀི་ལི། ཙཀླུ་མི་ཏྲི་ཤ་ཀྲུ་ན་སྭཱ་ཧཱ། ཨོཾ་གསལ་ལེ་གསལ་ལེ་མུན་གསལ་ལེ་མུན་ཀུན་ཧྲིག་སྭཱ་ཧཱ། ཨོཾ་གསལ་བྱེད་སྭཱ་ཧཱ། ཨོཾ་དཀར་རྒྱལ་སྭཱ་ཧཱ། ཨོཾ་ཨཱཿཀ་བྷཱུ་ཏྲེ་མེ་ཏྲེ་ཡུག་ལ་སྭཱ་ཧཱ། སྨན་རྒྱུ་རཱ་ག་ཨ་སྱས་ཆོས་དབྱིངས་རྡོ་རྗེ་ལ་ཨ་ཙ་རས་ཕུལ་བའོ། །སྤྱན་གསལ་ལོ། །

ཁྱི་སྨྱོན་བཅོས་པའི་ཐབས་ལག་ཏུ་བླང་བའི་རིམ་པ།

[Full Size]

ཁྱི་སྨྱོན་བཅོས་པའི་ཐབས་ལག་ཏུ་བླང་བའི་རིམ་པ་བཞུགས་སོ། །པདྨ་འབྱུང་གནས་སྐུ་ལ་ཕྱག་འཚལ་ལོ། །སྙིགས་དུས་མ་མོ་འཁྲུགས་པའི་ཁ་རླངས་དང་། །རྒྱལ་འགོང་འབྱུང་པོ་ཁ་དར་ཆོ་འཕྲུལ་ཆེ། །དེ་དུས་ཁྱི་སྨྱོན་མི་སྨྱོན་བོང་སྨྱོན་གྱིས། །འགྲོ་བ་ཀུན་ལ་གནོད་འཚེ་ཆེ་བ་དང་། །ཁྱད་པར་མེ་ཕོ་སྤྲེལ་ལོ་ཚེས་པའི་ཚེ། །ཁྱི་སྨྱོན་གནོད་པ་ཆེན་པོ་དར་བར་གསུངས། །དེ་ཡི་བསྲུང་ཐབས་བརྟག་ཐབས་བཅོས་ཐབས་དང་། །སྨན་དཔྱད་རྫས་སྦྱོར་དཔག་ཏུ་མེད་པ་རྣམས། །གཏེར་ཁ་དུ་མར་རྒྱ་ཆེར་གསུངས་ན་ཡང་། །ལག་ཏུ་མི་ལོན་སྨན་རྫས་དམ་ཚིག་དཀའ། །དེ་ཕྱིར་འགྲོ་ལ་ཕན་པའི་སེམས་བསྐྱེད་ཀྱིས། །སྔགས་ཀྱི་བཅོས་ཐབས་གབ་སྦས་བསལ་ཏེ་བཀོད། །ཆོས་བདག་མཁའ་འགྲོས་བཀའ་ཡི་གནང་བ་སྩོལ། །སྔགས་མཁན་ཤ་ཆང་སྒོག་ཙོང་སྤངས་བྱས་ཏེ། །ཆུ་ཆེན་ཆུ་བླངས་སྔགས་ཆུ་མང་བུ་བྱ། །མི་རྟ་ནོར་ཕྱུགས་གང་ཕོག་རྣམས་ལ་ནི། །ཡུན་རིང་བར་དུ་བླུད་པས་ཕན་པའོ། །དཀོན་མཆོག་ཀུན་འདུས་པདྨ་འབྱུང་གནས་ལ། །བདག་དང་ནད་པ་ཐམས་ཅད་སྐྱབས་སུ་མཆི། །འགྲོ་བའི་དོན་དུ་རིག་སྔགས་བསྒྲུབ་པར་བྱ། །ཆོས་ཀུན་མི་དམིགས་ཡེ་ནས་རྫོགས་པ་ཆེ། །དེ་ཡི་རང་མདངས་རང་སེམས་གྷིཡིག་ལས། །རང་ཉིད་དབང་ཆེན་རྟ་མགྲིན་སྐུ་མདོག་དམར། །ཁྲོ་བོའི་ཆས་རྫོགས་དབུ་གཙུག་རྟ་དབུ་

[Full Size]

འཚེར། །གྲི་གུག་ཐོད་ཁྲག་འཛིན་ཅིང་བརྐྱང་བསྐུམ་བཞུགས། །ཕག་མོ་དམར་མོ་གྲི་ཐོད་འཛིན་པ་འཁྱུད། །མེ་དཔུང་དབུས་སུ་པད་ཉི་རོ་སྟེང་དུ། །འདོར་ཐབས་ཀྱིས་བཞུགས་ཐུགས་སྲོག་ཧཱུྃཡིག་མཚན། །ཡེ་ནས་དམ་ཚིག་ཡེ་ཤེས་གཉིས་མེད་ངང་། །སྟོང་པའི་ངང་ལས་ནད་པ་ཐམས་ཅད་ཀྱི། །ལུས་རྣམས་སོ་སོར་གཞལ་ཡས་ཁང་པ་ནི། །གྲུ་བཞི་སྒོ་བཞི་རྟ་བབས་ཆོས་འཁོར་བཅས། །དེ་དབུས་པདྨ་ཉི་མ་ཟླ་བའི་སྟེང་། །སེམས་ནི་གསང་བདག་ཕྱག་ན་རྡོ་རྗེ་མཐིང་། །རྡོ་རྗེ་ཕྱར་ཞིང་སྡིགས་མཛུབ་ཐུགས་ཀར་བསྒྲེངས། །ཁྲོ་བོའི་ཆས་རྫོགས་འདོར་ཐབས་མེ་ཀློང་བཞུགས། །དམ་ཡེ་དབྱེར་མེད་ཐུགས་སྲོག་ཧཱུྃ་གིས་མཚན། །དེ་ལྟར་གསལ་བས་སྔགས་འདི་གྲངས་མེད་བཟླ། །ཨོཾ་ཀྱཻ་རིང་རིང་ཀྱེ་རིང་མཆེ་བའི་དབལ་སོད། །དང་པོ་སྔགས་འདི་སྟོང་ཕྲག་ཡན་ཆད་བཟླ། །དེ་ནས་སྔགས་འདི་བཟླ་བར་བྱ་བའོ། །ཨོཾ་དཀར་ཁྲམ་སོད། དམར་ཁྲམ་སོད། ནུར་ཁྲམ་སོད། ཁྲག་ཉག་རམ་སོད། མེ་ལྟར་འབར་བ་སོད། ཆུ་ལྟར་ཁོལ་བ་སོད། རླུང་ལྟར་འཕྱོ་བ་སོད། གཞི་དུག་ནད་ཀྱི་བདག་མོ་ལ་སྭ་ཧཱ། ཞེས་པའི་སྔགས་འདི་ལྔ་བརྒྱ་ཙམ་རེ་བཟླ། །དེ་བར་

[Full Size]

ངག་བཅད་དེ་ནས་ཐུན་བསྡུ་བ། སྣོད་བཅུད་རང་ཐིམ་དེ་ཡང་མི་དམིགས་གྱུར། །དགེ་བས་འགྲོ་ཀུན་པད་འབྱུང་སྐུ་ཐོབ་ཤོག །དེ་ནས་སྔར་ལྟར་ཐུན་བཟུང་སྔགས་པར་བྱ། །དེ་ལྟར་ཡུན་རིང་ཞག་གྲངས་མང་དུ་བྱ། །ནད་པ་ལ་ནི་ཁྱི་སྨྱོན་གཏམ་མི་སྨྲ། །མི་གཙང་ལ་འཛེམ་དྲག་ཤུལ་འཐབ་རྩོད་སྤང་། །དེ་སྐད་རཱ་ག་ཨ་སྱས་བསྡུས་ཏེ་བྲིས། །དགེ་བས་སེམས་ཅན་ཐམས་ཅད་བདེ་གྱུར་ཅིག །མངྒ་ལཾ།། །།

ནད་གདོན་ཀུན་སེལ་རིམ་གྲོ་གཏོར་འབུལ།

[Full Size]

ནད་གདོན་ཀུན་སེལ་རིམ་གྲོ་གཏོར་འབུལ་ཞེས་བྱ་བ་བཞུགས་སོ༔ ཀེ་ཀེ་རུའི་རྒྱ་ཅན་ལེགས་པར་སྣང་ངོ་༔

[Full Size]

ན་མོ་གུ་རུ་དྷེ་ཝ་ཌཱཀྐི་ནཱི་ཡེ༔ པད་འབྱུང་འཆི་བ་མེད་ལ་ཕྱག་འཚལ་ལོ༔ སྙིགས་དུས་འགྲོ་ལ་ཕན་པར་བྱ་བའི་ཕྱིར༔ ནད་གདོན་ཀུན་སེལ་རིམ་གྲོ་གཏོར་འབུལ་ནི༔ གབ་འཁྲུགས་བསལ་ཏེ་སྤྲུལ་སྐུའི་གསུངས་བཞིན་བཀོད༔ ཆོས་བདག་སྲུང་མས་བཀའ་ཡི་གནང་བ་སྩོལ༔ སྤྲུལ་པའི་རིག་འཛིན་མི་འགྱུར་རྡོ་རྗེ་དེ༔ དགུང་ལོ་དགུ་ནི་བཞེས་པའི་དུས་ཚོད་ལ༔ ཟངས་རི་འབར་བ་རྩེ་དགུའི་ཉེ་ལོགས་སུ༔ ཉམས་དང་རྨི་ལམ་འདྲེས་པའི་སྐབས་ཤིག་ན༔ གནོད་སྦྱིན་དམར་པོ་ཤན་པ་དམར་ནག་དེ༔ རྒྱན་དང་ཆ་ལུགས་ཡོངས་སུ་རྫོགས་པར་བྱུང་༔ འདི་ལྟར་རིམ་གྲོ་འདི་ཉིད་ལུང་བསྟན་ནས༔ འདི་ཡིས་ནད་རིགས་གདོན་རིགས་ཐམས་ཅད་ལ༔ ཕན་པར་འགྱུར་ཞེས་ལུང་དུ་བསྟན་པ་སྟེ༔ ཐུགས་ཐོག་ཉིད་

[Full Size]

ནས་ལན་འགའ་མཛད་པས་ཀྱང་༔ རྟེན་འབྲེལ་ལེགས་ཤིང་ཕན་ཐོགས་ཆེ་བར་བྱུང་༔ དེ་ནས་དགུང་ལོ་བཅུ་གཅིག་ལོན་པའི་དུས༔ གཞུང་གི་རྩ་ཚིག་ཡི་གེར་བཀོད་ན་ཡང་༔ རྒྱུད་ཚིག་འདྲ་བས་ཕྱག་ལེན་ཐེབས་པར་དཀའ༔ དེ་ནས་སྤྲུལ་སྐུའི་གསུངས་བཞིན་ཕྱག་ལེན་བཅས༔ འདི་ནི་ཤིན་ཏུ་གསལ་བར་བྲིས་པའོ༔ དང་པོ་དཀྱིལ་འཁོར་རབ་ནི་རྡུལ་ཚོན་ཏེ༔ རས་བྲིས་སམ་ནི་ཤོག་བུར་བྲིས་ཀྱང་རུང་༔ དེ་ཡང་རྒྱས་བསྡུས་འབྲིང་པོའི་བྲི་ལུགས་གསུམ༔ པདྨ་འདབ་བཞི་ལྟེ་བ་མཐིང་ཀ་ལ༔ ཤར་དཀར་ལྷོ་སེར་ནུབ་དམར་བྱང་ལྗང་བ༔ མཚམས་བཞིར་པད་ཚབ་སྔོན་པོ་བྱ་བ་སྟེ༔ ཤར་གྱི་པད་ཤུན་དམར་པོ་བྱ་བ་སྟེ༔ ལྷོ་ཡི་པད་ཤུན་ལྗང་གུ་བྱ་བ་ཉིད༔ ནུབ་ཀྱི་པད་ཤུན་དཀར་ཞིང་བྱང་ཤུན་སྔོ༔ དེ་རྒྱབ་པདྨའི་གོང་རས་ནག་

[Full Size]

པོ་བྱ༔ དེ་རྒྱབ་དུར་ཁྲོད་བཀོད་པ་ཚང་བ་དང་༔ དེ་རྒྱབ་རྡོ་རྗེའི་ར་བ་མེ་རི་བྲི༔ འབྲིང་ནི་ལས་བཞི་རྡོ་ར་མེ་རིས་བསྐོར༔ བསྡུས་པ་འདབ་བཞི་མུ་ཁྱུད་སེར་པོས་བསྐོར༔ འདབ་བཞི་བྲི་ལུགས་ཚོན་སོགས་གོང་དང་མཐུན༔ དཀྱིལ་འཁོར་ལྟེ་བར་ལྷ་བཤོས་གཅིག་བཞག་སྟེ༔ འདབ་བཞི་ཤར་སྟེང་སྣོད་ནང་དཀར་གཏོར་གཅིག༔ ལྷོ་རུ་རྟ་དང་ནུབ་ཏུ་དམར་གཏོར་དང་༔ བྱང་དུ་མཛོ་མོའི་གཟུགས་རྣམས་ཟན་ལ་བྱ༔ དཀྱིལ་འཁོར་ནུབ་ངོས་དུར་ཁྲོད་སྟེང་དུ་ནི། བུམ་པ་ཁ་རྒྱན་བཅས་པ་བཤམས་པ་རྣམས༔ དཀྱིལ་འཁོར་དེ་ནི་རང་གི་གཡས་སུའོ༔ རང་གི་གཡོན་ངོས་སྣོད་ནི་གཙང་མ་རུ༔ དབུས་སུ་གཏོར་མ་སྟོད་ཟུར་གསུམ་པ་ལ༔ མར་གྱི་བརྒྱན་བཏགས་དེ་ཡི་གཏོར་རྒྱན་ལ༔ ཤར་དུ་ཤོག་དཀར་གཡས་སུ་ཤོག་ནག་དང་༔ རྒྱབ་ཏུ་ཤོག་དམར་བྱང་དུ་ཤོག་ལྗང་དང་༔ སྟེང་དུ་ཤོག་སེར་དུམ་རེ་སྟོད་དུ་སྦྱར༔ དེ་ཡི་ཤར་དུ་ཟན་ལ་པར་བཏབ་པའི༔ ཤར་དུ་སེང་གེ་ནུབ་ཏུ་ཁྱི་ཡི་གཟུགས༔ བྱང་དུ་ཕག་དང་ཤར་ལྷོར་ར་ཡི་གཟུགས༔ ལྷོ་ནུབ་ལྕོག་རྡོག་ལྷོ་རུ་དམར་གཏོར་གཅིག༔ ནུབ་བྱང་ལྕོག་རྡོག་བྱང་ཤར་འབྲང་གི་གཟུགས༔ ཇ་ཕུད་རྔ་ཡབ་དང་བཅས་བཤམས་པར་བྱ༔ རང་མདུན་ཤིང་གཉིས་ཕར་ལ་བརྐྱངས་བའི་ངོས༔ རེ་བྱེད་ཅེས་ཀྱི་ཙཀླུ་རྣམས་བཤམས་ཏེ༔ རང་ངོས་གཡས་ནས་ཕར་ལ་རིམ་པ་ལྟར༔ རྒྱལ་མཚན་ཁུར་བུ་ཆུང་བ་གདམས་པ་འཛིན༔ ཁྲབ་ཆེན་མི་ཡི་སྤོས་འཛིན་རྟ་དང་དྲེལ༔ བཻ་རོ་ཕོ་རྣམས་བཀྲམ་ཞིང་གཡོན་ངོས་སུ༔ གཡོན་ངོས་མི་ནི་བྱི་ལའི་མགོ་ཅན་ལ༔

[Full Size]

བལ་ལྗང་གཡོན་པས་ལྕགས་ཀྱུ་ལག་ཏུ་འཛིན༔ མཛོ་གཡག་མཛོ་མོ་འབྲི་ཡི་གཟུགས་དང་ནི༔ ལམ་གྱི་གཡས་གཡོན་སྟག་གཟིག་གིས་བསྲུང་ལ༔ བམ་རོ་མོ་རྣམས་རིམ་པར་ཕར་ལ་བཀྲམ༔ དེ་ནས་འདི་ལྟར་གྱེར་སྒོམ་བྱ་བ་ཡིན༔ དཀོན་མཆོག་ཀུན་འདུས་པདྨ་འབྱུང་གནས་ལ༔ བདག་དང་བསྲུང་བྱ་ནད་པ་སྐྱབས་སུ་མཆི༔ ཚེ་རབས་མང་པོའི་མ་རྒན་ནད་པ་འདིའི༔ ནད་གདོན་བར་ཆད་བདག་གིས་བསལ་བར་བྱ༔ ཨ་ཆོས་རྣམས་དམིགས་མེད་ཡེ་ནས་རྫོགས་པ་ཆེ༔ དེ་ཡི་རང་མདངས་སྐད་ཅིག་དྲན་རྫོགས་སུ༔ རང་ཉིད་སྣང་སྲིད་ཀུན་གྱི་སྟོབས་བསྡུས་པ། གནོད་སྦྱིན་དྲག་པོ་ཤན་པ་དམར་ནག་ནི༔ རབ་ཁྲོས་དམར་ནག་ཞལ་གཅིག་ཕྱག་བཞི་པ༔ སྤྱན་གསུམ་ཞལ་གདངས་མཆེ་གཙིགས་ཧ་ཧ་རྒོད༔ ཁྲག་རལ་གྱེན་གཟིངས་དུར་ཁྲོད་ཆས་ཀྱིས་བརྒྱན༔ ཕྱག་བཞི་གཡས་གཉིས་རལ་གྲི་གྲི་གུག་དང་༔ གཡོན་གཉིས་ཐོད་ཕྲེང་བྷནྡཱ་ཙིཏྟ་འཛིན༔ སྟག་གི་ཤམ་ཐབས་བེར་ཆེན་དམར་པོ་གསོལ༔ ཟངས་ཀྱི་ཁྱུང་དམར་བཅིབས་ཤིང་མེ་འོད་འཕྲོ༔ དེ་ཡི་ཙིཏྟ་པདྨ་དམར་པོ་ནི༔ འདབ་བརྒྱད་གྱེན་དུ་ཁ་བྱེའི་ཟེའུ་འབྲུ་ལ༔ སངས་རྒྱས་ཀུན་འདུས་པདྨ་འབྱུང་གནས་ནི༔ སྐུ་མདོག་

[Full Size]

མཐིང་ག་རྡོ་རྗེ་དྲིལ་བུ་འཛིན༔ མཚན་དཔེ་རབ་རྫོགས་དར་དང་རིན་ཆེན་བརྒྱན༔ གཟི་བརྗིད་མདངས་ལྡན་རྡོ་རྗེ་སྐྱིལ་ཀྲུང་བཞུགས༔ ཡེ་ནས་དམ་ཡེ་དབྱེར་མེད་གསལ་བ་ཡི༔ ཐུགས་ཀར་ཟླ་སྟེང་ཧཱུྃ་ཡིག་མཐིང་གའི་མཐར༔ སྔགས་ཀྱིས་བསྐོར་ལས་འོད་ཟེར་ཕྱོགས་བཅུར་འཕྲོས༔ རྒྱལ་བ་སྲས་བཅས་ཀུན་གྱི་བྱིན་རླབས་དང་༔ ཡི་དམ་ཆོས་སྐྱོང་དྲེགས་པ་ཐམས་ཅད་ཀྱི༔ མཐུ་སྟོབས་ནུས་པ་ཀུན་བསྡུས་བདག་ལ་ཐིམ༔ བར་ཆད་རྐྱེན་ངན་བཟློག་པའི་སྟོབས་ལྡན་གྱུར༔ ཨོཾ་ཨཱཿཧཱུྃ་བཛྲ་གུ་རུ་དྷེ་ཝ་ཌཱཀྐི་ནཱི་སརྦ་སིདྡྷི་ཕ་ལ་ཧཱུྃ་ཨཱཿདམིགས་པ་དང་བཅས་བསྙེན་པ་བརྒྱ་ཙམ་བཟླ༔ པད་འབྱུང་རྩ་བ་གསུམ་གྱི་བདེན་པ་དང་༔ ཆོས་སྐྱོང་ཤན་པ་དམར་ནག་བདེན་པའི་མཐུས༔ ནད་པ་འདི་ཡི་ནད་གདོན་བར་ཆད་ཀུན༔ སྐད་ཅིག་ད་ལྟ་ཉིད་དུ་ཞི་གྱུར་ཅིག༔ ཨོཾ་ཨཱཿཙྪཱཧཱུྃ་བཛྲ་གུ་རུ་དྷེ་ཝ་ཌཱཀྐི་ནཱི་སརྦ་སིདྡྷི་ཕ་ལ་ཧཱུྃ་ཨཱཿཨེ་ཧེ་མ་རུ་རྩེ་གུ་ཎ་ཧིཏྲི་ཧཱུྃ་ཛཿ ནད་པ་འདིའི་ནད་གདོན་བར་ཆད་ཀུན་སརྦ་ཤིནཾ་ཀུ་རུ་ཡེ་སྭཱ་ཧཱཿ ཞེས་པ་དེ་ནི་ལན་བདུན་བརྗོད་པར་བྱ༔ ཧཱུྃ༔ དེ་རིང་ཡུལ་གཞན་དག་ན་ནི༔ ཆོས་སྐྱོང་གཉེན་པོ་གཞི་བདག་ཀུན༔ དེ་རིང་དགྲ་བོའི་སྟེང་དུ་ཆོས༔ རྨེ་

[Full Size]

འདི་ལ་མ་གནོད་ཅིག༔ གདོན་བགེགས་ཐམས་ཅད་སོ་སོའི་གནས་སུ་གཤེགས༔ ༈ གདོན་རྫོངས་ཐིག་རྒྱ་ཅན་བཞུགས་སོ༔ ཧཱུྃ༔ རྣལ་འབྱོར་བདག་གིས་གདོན་རྫོངས་སོ༔ རྫོངས་སོ་རྒེའི་གདོན་རྫོངས་སོ༔ སྤོས་ཀྱི་དུད་པས་གདོན་རྫོངས་སོ༔ རྫོངས་བཞིན་ཁྱོད་ཉིད་འགྲོ་བར་གྱིས༔ མི་རོ་འདི་ཡིས་གདོན་རྫོངས་སོ༔ རྫོངས་བཞིན་ཁྱོད་ཉིད་འགྲོ་བར་གྱིས༔ ཟས་སྣ་རྣམས་ཀྱི་གདོན་རྫོངས་སོ༔ རྫོངས་བཞིན་ཁྱོད་ཉིད་འགྲོ་བར་གྱིས༔ དམག་དཔོན་རྒྱལ་པོས་གདོན་རྫོངས་སོ༔ རྫོངས་བཞིན་ཁྱོད་ཉིད་འགྲོ་བར་གྱིས༔ རྟ་དྲེལ་ཁྱུ་ཡི་གདོན་རྫོངས་སོ༔ རྫོངས་བཞིན་ཁྱོད་ཉིད་འགྲོ་བར་གྱིས༔ གདོན་ཁྱོད་བཻ་རོ་ཕོ་ཡིས་དེད༔ ཀྱུ་ཧུ་ལེ་ཡི་གདོན་ཁྱོད་དེང་༔ མཛོ་མོ་འབྲི་ཁྱུའི་གདོན་རྫོངས་སོ༔ རྫོངས་བཞིན་ཁྱོད་ཉིད་འགྲོ་བར་གྱིས༔ མཛོ་གཡག་ཁྱུ་ཡིས་གདོན་རྫོངས་སོ༔ སྟག་གཟིག་གྲུས་མས་གདོན་རྫོངས་སོ༔ བཻ་རོ་མོ་ཡི་གདོན་ཁྱོད་དེད༔ རྫོངས་བ་བཞིན་དུ་ཁྱོད་སོང་ཞིག༔ རྫོངས་བཞིན་མི་འགྲོ་འདིར་འདུག་ན༔ བདག་ཉིད་ཆེན་པོ་ཐུགས་ཁྲོས་ཏེ༔ གནམ་ས་མེ་ཡི་ཕུང་

[Full Size]

པོས་གང་༔ བར་སྣང་གནམ་ལྕགས་རྡོ་རྗེ་དང་༔ ཧཱུྃ་དང་སྡིག་པའི་དྲྭ་བས་བཀང་༔ ཁྱོད་ཉིད་མགོ་བོ་འགེམས་བྱས་ཏེ༔ རྡོ་རྗེ་དམྱལ་བར་ལྟུང་ཏ་ར༔ དེ་བས་ད་ལྟ་ཕྱིར་། དེངས་ཤིག་རྗེ་འདི་ལ་ད་ཕྱིན་ཆད༔ མ་གནོད་གནོད་ན་ལྕགས་སྡིག་གིས༔ ཁྱོད་ཀྱི་སྙིང་ཁྲག་འཇིབས་ཏ་ར༔ བླ་མ་རྣམས་ཀྱི་བྱིན་རླབས་དང་༔ ཡི་དམ་རྣམས་ཀྱི་བརྟུལ་ཞུགས་དང་༔ མཁའ་འགྲོ་ཆོས་སྐྱོང་སྟོབས་མཐུ་ཡིས༔ ཁྱོད་ཀྱི་སྙིང་ལ་ལྕགས་སྡིག་ཞུགས༔ དེ་ཡིས་སྙིང་ཁྲག་ཐམས་ཅད་འཇིབས༔ གནམ་ས་གནམ་ལྕགས་རལ་གྲི་འབེབས༔ ཁྱོད་ཀྱི་མགོ་བོ་དེ་ཡིས་འགེམས༔ རྒྱབ་ནས་བསྐལ་པའི་མེ་ཡིས་དེད༔ སྔོན་ནས་མུན་ནག་ཆེན་པོས་ཁྲིད༔ རྡོ་རྗེའི་དམྱལ་བར་ལྟུང་བ་ལ༔ བདག་ཉིད་ཆེན་པོ་གདོན་མི་ཟ༔ ཧཱུྃ་ཧཱུྃ་ཨུ་ཙ་ཏ་ཡ་ཕཊ༔ ཧཱུྃ་བཞི་བརྗོད༔ རིམ་གྲོ་གཏོར་འབུལ་གྱི་ལྷན་ཐབས་སུ་སྤྲུལ་སྐུ་ལ་མ་ནིང་གིས་དངོས་སུ་གསུངས་པའོ༔ ཤུ་བྷཾ་༈ དེ་ནས་ཙཀྐི་མདུན་ནས་ཕོར་ལ་བསྡུ༔ དེ་ནས་སྔགས་འདི་དྲག་ཏུ་བརྗོད་པར་བྱ༔ བྷྱོ་མི་མི་ལྷ་ཧཱུྃ་ཕཊ༔ ཨ་ཨཱཿ་ཨི་རི་རི༔ ཀ་ཁ་གྷ་ཏྲ་ཧཱུྃ་ཧཱུྃ་ཕཊ༔ དེ་ནས་རང་ཉིད་ལག་ཏུ་ནས་གཏོར་ལ༔ ཀ་ལ་ཁ་ག་བྷྱོ༔ རྨི་མི་སྲོག་

[Full Size]

བྷྱོ༔ ཌཱཀྐི་ཐམས་ཅད་བྷྱོ༔ བྷྱོ་ཐམས་ཅད་བྷྱོ་མ་ཐིམ༔ བྷྱོ་བྷྱོ་བྷྱོ༔ དེ་ནས་ཇ་ཕུད་དེ་ཉིད་ཕྱོགས་བཅུར་གཏོར༔ མཎྜལ་ཞིང་ཁམས་སྲིད་ཀྱང་ག་ལ་རུང་༔ དེ་ནས་དཀར་གཏོར་བཤམས་པ་དེ་ཉིད་བྲན༔ བྷཾ་ལས་རིན་ཆེན་སྣོད་དུ་གཏོར་མ་ནི༔ དཀར་གསུམ་མངར་གསུམ་བདུད་རྩིའི་རྒྱ་མཚོར་གྱུར༔ ཨོཾ་ཨཱཿཧཱུྃ༔ ཧཱུྃ༔ རྣལ་འབྱོར་ཆེན་པོ་བདག་ཉིད་ལ༔ དད་པ་དང་ནི་དམ་ཚིག་གིསཾ༔ གནོད་བྱེད་ཐམས་ཅད་འདི་རུ་འདུས༔ ཕཊ༔ ཅེས་བརྗོད་དཀར་གཏོར་དེ་ཉིད་ཕུལ་བར་བྱ༔ དེ་ནས་ལྷོ་ཡི་དམར་གཏོར་བྲན་ལ་བཟུང་བཅུག་སྟེ༔ ཧཱུྃ༔ རྗེ་འདི་ལ་གནོད་བྱེད་རྣམས༔ གཙྩ་རི་ཡི་གནས་སུ་གཤེགས༔ ཕཊ༔ ཅེས་བརྗོད་དེ་ཉིད་ཕུལ་དུ་བཅུག༔ དེ་ནས་འདི་བཟླས་དམར་གཏོར་གཅིག་ལ༔ སྔགས་བཟླས་པ་ཡི་ཕུ་ནི་འདེབས་པར་བྱ༔ ཨོཾ་ཏྲག་ཏྲ་ཅང་སྭཱ་ཧཱཿ ཕྲེང་སྐོར་ཙམ་བཟླ༔ དམར་གཏོར་རྩེ་མོ་བཅད༔ ར་དང་ལུག་དང་ནོར་དང་གསུམ༔ རྟ་དང་དྲེལ་དང་བ་དང་གསུམ་འཕེལ་བར་གྱུར་ཅིག༔ ཅེས་བརྗོད་ལྕོག་རྡོག་གཅིག་ནི་ཕུལ་བར་བྱ༔ ལྷོ་ནུབ་ཀྱི་ལྕོག་རྡོག་མེ་ལ་བསྲེག་པར་བྱ༔ ཤར་གྱི་ཤོག་བུ་དཀར་པོ་བཏོག་ལ་འཕེན༔ ལྷའི་གནོད་པ་སྒྱུར་ཅིག༔ ལྷོ་ཡི་ཤོག་ནག་བཏོག་ལ་འཕེན་ནས། བདུད་ཀྱི་གནོད་པ་སྒྱུར༔ ནུབ་ཀྱི་ཤོག་

[Full Size]

དམར་བཏོག་ལ་འཕངས་ནས༔ བཙན་གྱི་གནོད་པ་སྒྱུར༔ བྱང་གི་ཤོག་ལྗང་བཏོག་ལ་འཕངས་ནས༔ གནོད་སྦྱིན་གྱི་གནོད་པ་སྒྱུར༔ སྟེང་གི་ཤོག་སེར་བཏོག་ལ་འཕངས་ནས༔ རྒྱལ་པོའི་གནོད་པ་སྒྱུར༔ ཞེས་བརྗོད༔ སངས་རྒྱས་ཀུན་འདུས་ཐུགས་རྗེ་ཚད་མེད་པར༔ གུ་རུ་པདྨ་འབྱུང་གནས་བདེན་པ་ཡིས༔ ནད་གདོན་མྱུར་དུ་ཞི་བའི་བཀྲ་ཤིས་ཤོག༔ སྣང་སྲིད་དྲེགས་པའི་སྡེ་དཔོན་མཐུ་སྟོབས་བདག༔ ཤན་པ་དམར་ནག་འཁོར་བཅས་མཐུ་སྟོབས་ཀྱིས༔ ནད་གདོན་བར་ཆད་མྱུར་ཞི་བཀྲ་ཤིས་ཤོག༔ སྣང་སྲིད་ཐམས་ཅད་འོད་ཞུ་བདག་ལ་ཐིམ༔ བདག་ཉིད་ཤན་པ་འོད་ཞུ་པད་འབྱུང་ལ༔ པད་འབྱུང་འོད་ཞུ་ཐུགས་སྲོག་ཧཱུྃ་ལ་ཐིམ༔ ཧཱུྃ་ཡང་གྱེན་རྫོགས་མི་དམིགས་སྟོང་པ་ཉིད༔ ལྷ་དང་འདྲེ་དང་ནད་གདོན་ལ་སོགས་པ༔ ཡང་དག་དོན་ལ་རྡུལ་ཙམ་གྲུབ་པ་མེད༔ ཐམས་ཅད་རང་གི་སེམས་ཉིད་གཅིག་པུས་འཕྲུལ༔ སེམས་ནི་ཡེ་ནས་ཡོད་མེད་རྟག་ཆད་བྲལ༔ ཨ་ཨ་ཨ༔ འདི་ཉིད་བྱེད་ཚེ་ཐེབ་ཙེ་གཙང་མའི་ནང་༔ ཆུ་གཙང་གིས་བཀང་དེ་ཡི་ནང་དུ་ནི༔ ཅོང་ཞི་འབྲུག་ཤི་ང་རྡོ་རུས་བབ་ལ་དང་༔ རོ་སོལ་བཙག་རྣམས་ཞིབ་བཏགས་ཕྱེ་མ་བཏབ༔ རང་གི་རྒྱབ་ཀྱི་ཕྱོགས་སུ་

[Full Size]

བཞག་པར་བྱ༔ དེ་ནི་ས་ལེའུ་སྨན་ཞེས་བྱ་བ་ཡིན༔ འདི་ལྟར་རྫས་དང་བཅའ་སོགས་དམིགས་རིམ་དང་༔ འདོན་བྱ་བཅས་པ་མ་ནོར་ཚང་བ་ནི༔ ཐེ་ཚོམ་མེད་པར་བྱས་པར་གྱུར་ན་ནི༔ རིགས་ཀུན་ལ་ཕན༔ ཁྱད་པར་དུས་ངན་སྙིགས་མའི་ནད་ལ་ཕན༔ གཟའ་ཀླུ་སྡེ་བརྒྱད་ལ་སོགས་གདོན་རྣམས་ཞི༔ ཁྱད་པར་རྒྱལ་བསེན་ས་བདག་ནད་ལ་ཕན༔ དུས་ཀྱི་དབང་གིས་འདི་ཉིད་ཕན་ཐོགས་བསྲུང་ཕྱིར་ཤིན་ཏུ་རྣོ༔ གནོད་སྦྱིན་ཆེན་པོའི་གསུངས་པའི་རྒྱུད་ཚིག་ལས༔ སྤྲུལ་སྐུ་ཉིད་ཀྱིས་ཇི་ལྟར་གསུངས་པ་རྣམས༔ རྡོ་རྗེའི་ཚིག་ལ་ནོར་འཁྲུལ་ཅི་མེད་དོ༔ འོན་ཀྱང་ཁྱེར་བདེ་རཱ་ག་ཨ་སྱས་བསྒྲིགས༔ སྐུ་ཉིད་ལ་བརྟེན་ནས༔ མི་རྣམས་ནད་དང་གདོན་ལས་ཐར་གྱུར་ཅིག༔ མངྒ་ལཾ།། ཨྠྀི༔ ཟབ་བོ༔ རྒྱ་རྒྱ་རྒྱ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྨན་བླའི་ཤོག་བཀྲའི་དབང་གི་སྔོན་འགྲོའི་ཚབ་ལ་སྔོན་དུ་བྱ།

[Full Size]

སྨན་བླའི་ཤོག་བཀྲའི་དབང་གི་སྔོན་འགྲོའི་ཚབ་ལ་སྔོན་དུ་བྱ༔ ད་ནད་གདོན་ཞི་བར་བྱེད་པའི་དོན་དུ་དམིགས་པ་འདི་བཞིན་མཛོད༔ དེ་ཡང་ཟླ་བ་སྒྲོན་མའི་མདོ་ལས༔ གང་ཞིག་སངས་རྒྱས་ཡིད་བྱེད་པ༔ དེ་ཡི་མདུན་ན་ཐུབ་པ་བཞུགས༔ ཞེས་གསུངས་པས༔ ཁྱེད་རང་ཐ་མལ་པར་གནས་པའི་མདུན་དུ་ངེད་བཅོམ་ལྡན་འདས་སངས་རྒྱས་སྨན་བླ་མཆེད་བརྒྱད་སེམས་དཔའ་བཅུ་དྲུག་ཚངས་པ་བརྒྱ་བྱིན་རྒྱལ་ཆེན་སྡེ་བཞི་གནོད་སྦྱིན་སྡེ་དཔོན་བཅུ་གཉིས་ལ་སོགས་པ་ཉི་མ་དང་འོད་ཟེར་ལྟར་བཞུགས་པའི་དྲུང་དུ༔ ཁྱེད་རང་རྣམས་ཀྱི་ལུས་ངག་ཡིད་གསུམ་ལ་གནོད་ཅིང་འཚེ་བར་བྱེད་པའི་ནད་འདྲེ་གདོན་བགེགས་ཐམས་ཅད་བཀའ་ཉན་གསུང་སྡོད་ཀྱི་ཚུལ་དུ་འདུག་པ་ལས༔ ནད་པ་འདི་བསླུ་བའི་ཡོན་དུ་འདོད་ཡོན་སྟོང་གསུམ་ལྷ་མིའི་ལོངས་སྤྱོད་དཔག་ཏུ་མེད་པར་བྱིན་གྱིས་བརླབ་ཅིང་༔ ནད་པའི་ནད་བདག་རྣམས་ལ་བུ་ལོན་ལན་ཆགས་ཀྱི་ཚུལ་དུ་སྦྱིན་པས་ནད་བདག་ཐམས་ཅད་དགྱེས་ཤིང་ཚིམས་ནས་བུ་ལོན་སོད་ལན་ཆགས་བྱང་ཤ་འཁོན་དང་བྲལ༔ ད་ཕྱིན་ཆད་གནོད་པ་མི་བྱེད་པར་ཁས་བླངས་པར་བསྒོམ༔ བྱིན་རླབས་ཤོག་བཀྲ་འདིར་བྱ༔ ཚར་ནས༔ འོ་ད་ནི་

[Full Size]

འདོད་ཡོན་སྣ་ཚོགས་ཀྱིས་ཁྱེད་རྣམས་དགྱེས་ཤིང་ཚིམས་པར་གྱིས་བསྲུང་བྱ་འདིའི་ལུས་ངག་ཡིད་གསུམ་ལ་བཟུང་བ་ཡོད་ན་ཐོངས༔ བཅིངས་པ་ཡོད་ན་ཁྲོལ༔ བསྡམས་པ་ཡོད་ལ་ཀློད༔ མནན་པ་ཡོད་ན་ཁྱོགས༔ དེང་ཕྱིན་ཆད་འདིར་མ་གནས་པར་གཞན་དུ་སོང་ཞིག༔ གལ་ཏེ་མི་འགྲོ་བར་འདུག་ན༔ ཡེ་ཤེས་རྡོ་རྗེ་འབར་བས་བསྲེག་ཅིང་བརླག་པར་གདོན་མི་ཟའོ༔ ནས་ལྕག་བྲབ༔ སུཾ་བྷ་ནིས་བསྐྲད༔ གདོན་བགེགས་ཐམས་ཅད་ཚིམས་ནས་རང་གནས་སུ་སོང་བར་བསམ༔ ནད་པའི་ལུས་ལ་རྡོ་རྗེའི་གོ་ཁྲབ་ཞུ་ལུབས་སུ་གོན་པར་བསམ༔ སྲུང་འཁོར་བསྒོམ་ལ་དབང་བསྐུར་རོ༔ པདྨའི་རིག་སྔགས་འཛིན་པས་ལྷན་ཐབས་སུ་སྦྱར་བའོ། །

[Full Size]

གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །