མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། པི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཕྱག་རྡོར་གཏུམ་ཆུང་གི་སྒྲུབ་ཐབས་བདག་མདུན་གྱི་འདོན་འགྲིགས་བལྟས་ཆོག་ཏུ་བཀོད་པ།

[Full Size]

ཕྱག་རྡོར་གཏུམ་ཆུང་གི་སྒྲུབ་ཐབས་བདག་མདུན་གྱི་འདོན་འགྲིགས་བལྟས་ཆོག་ཏུ་བཀོད་པ་བཞུགས།

[Full Size]

རས་ཆུང་པ། བླ་མ་ཟངས་རི་པ། འགྲོ་མགོན་རས་པ། རྒྱལ་སྲས་ཞི་བ། དཔལ་ལྡན་ཀརྨ་པ་ནས་རིམ་པར་བརྒྱུད་པ་ནི། ཕྱག་རྡོར་གཏུམ་ཁྱུང་ཁྱུང་ཤམ་ཅན་གྱི་སྒྲུབ་ཐབས་ནི། གནས་དབེན་ཞིང་ཡིད་དུ་འོང་བར། རྡོ་རྗེ་གཏུམ་པོའི་སྐུ་གཟུགས་བཀྲམ་པའི་མདུན་དུ་མཎྜལ་བྱ། ཉེར་སྤྱོད་ལྔ་དང་གཏོར་མ་ཟླུམ་པོ་དཀར་དམར་གྱིས་བརྒྱན་པ་དང་བཟའ་བཅའ་སྣ་ཚོགས་ཀྱིས་བསྐོར་བ་བཤམས། རང་ཉིད་སྟན་བདེ་བར་འདུག་ལ། སྐྱབས་འགྲོ་སེམས་བསྐྱེད་དང་ཚད་མེད་བཞི་བྱ། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། །ཆོས་རྣམས་མི་དམིགས་སྟོང་ཉིད་གྱུར། །ཧཱུྃ་ལས་གནམ་ལྕགས་འཁོར་ལོ་ནི། །རྩིབས་བཅུ་རྣོ་དབལ་དང་ལྡན་པ། །ཡངས་ཤིང་རྒྱ་ཆེ་དེ་ཡི་

[Full Size]

ནང་། །རྡོ་རྗེའི་གཏམས་པའི་གུར་དུ་གྱུར། །དེ་དབུས་པདྨ་འདབ་བརྒྱད་ཀྱི། །ལྟེ་བར་ཉི་མའི་སྟེང་དུ་ཧཱུྃ། །མཐིང་ནག་འོད་ཀྱི་དོན་གཉིས་བྱས། །ཚུར་འདུས་ཡོངས་སུ་གྱུར་པ་ལས། །བདག་ཉིད་རྡོ་རྗེ་གཏུམ་པོ་ནི། །མཐིང་ནག་ཞལ་གཅིག་ཕྱག་གཉིས་པ། །གཡས་པས་རྡོ་རྗེ་རྩེ་ལྔ་ཕྱར། །གཡོན་པས་ཐུགས་ཀར་སྡིགས་མཛུབ་བསྒྲེངས། །ཞལ་གདངས་མཆེ་བ་རྣམ་པར་གཙིགས། །དབུ་སྐྲ་དམར་སེར་གྱེན་དུ་བརྫེས། །དེ་བཞིན་སྨིན་མ་སྨ་ར་འབར། །ཐོད་པ་སྐམ་པོའི་དབུ་རྒྱན་ཅན། །ཀླུ་བརྒྱད་སྦྲུལ་གྱི་སྐུ་བཅིངས་པ། །སྙན་ཆེ་དཔུང་

[Full Size]

རྒྱན་མགུལ་རྒྱན་དང་། །སྐེ་རགས་ཕྱག་གདུབ་ཞབས་གདུབ་མཛད། །སྐུ་སྨད་སྟག་གི་ཤམ་ཐབས་མཛད། །ཞབས་གཡས་བསྐུམས་ཤིང་གཡོན་བརྐྱངས་བས། །གནོད་བྱེད་མཐའ་དག་རབ་མནན་ཞིང་། །ཡེ་ཤེས་མེ་དཔུང་ཀློང་ན་བཞུགས། །འདབ་བརྒྱད་ཉི་སྟེང་ཧཱུྃ་རེ་ལས། །རྡོ་རྗེ་གཏུམ་པོ་རང་འདྲ་བརྒྱད། །ནང་གི་ཕྱོགས་སུ་ཞལ་གཟིགས་པ། །མེ་དཔུང་དབུས་ན་བཞུགས་པར་གྱུར། །གཙོ་འཁོར་ཀུན་གྱི་ཐུགས་ཀར་ནི། །ཉི་མ་ལ་གནས་ཧཱུྃ་མཐིང་ནག །དེ་ཡི་འོད་ཀྱིས་འོག་མིན་ནས། །བསྒོམས་པ་དང་འདྲའི་ཡེ་ཤེས་པ། །སྤྱན་དྲངས་མདུན་གྱི་ནམ་མཁར་བཞུགས། །ཨོཾ་བཛྲ་པུངྒེ་པྲ་ཏིཙྪ་སྭཱ་ཧཱ། དེ་བཞིན་དུ། དྷུ་པེ་སོགས། བརྗོད། སྲིད་གསུམ་འཇིགས་བྱེད་རྡོ་རྗེ་དྲག་པོའི་སྐུ། །བདག་དང་གཞན་གྱི་དཔལ་གྱུར་སྙིང་རྗེ་ཅན། །བདུད་ལས་རྣམ་རྒྱལ་ཡེ་ཤེས་ལྔ་དང་ལྡན། །ཕྱག་ན་རྡོ་རྗེ་ཆི་ལ་ཕྱག་འཚལ་བསྟོད། །ཛཿཧཱུྃ་བཾ་ཧོཿ ཡེ་ཤེས་པ་དང་དམ་ཚིག་དབྱེར་མེད་གྱུར། །སླར་ཡང་སྤྱི་བོར་ཨོཾ་དང་མགྲིན་པར་ཨཱ། །དམར་པོ་ཐུགས་ཀའི་ཆ་སྨད་ཧཱུྃ་སྔོན་པོ། །གནས་གསུམ་རྡོ་རྗེ་གསུམ་དུ་བྱིན་གྱིས་བརླབས། །ཐུགས་ཀར་ཉི་སྟེང་ཧཱུྃ་ལ་

[Full Size]

གཡས་བསྐོར་དུ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ སྔགས་ངོ་ཕྱི་ལ་བསྟན་པ་ཐམས་ཅད་ཀྱང་། །ཁ་དོག་མཐིང་ནག་འོད་ཟེར་འཕྲོ་བར་གྱུར། །བདག་ཉིད་གཙོ་བོའི་ཞལ་ནས་སྔགས་བཟླས་པས། །གཏུམ་པོ་བརྒྱད་ཀྱང་སྔགས་སྒྲ་རབ་ཏུ་སྒྲོག །ཅེས་རྒྱུ་རག་ཤའི་ཕྲེང་བ་བརྒྱ་རྩ་ལ་གཟུངས་སྔགས་དེ་ཉིད་ཅི་ནུས་བཟླའོ། །རྗེ་དྲུག་པས་བཞེད་པ་ལྟར་འཕགས་པ་ཕྱག་ན་རྡོ་རྗེའི་ཆོ་ག་ནི། ཨོཾ་སྭ་བྷ་ཝ་སོགས། སྟོང་པའི་ངང་ལས་མདུན་གྱི་ནམ་མཁར་པོ་ལས་པདྨ་དང་རཾ་ལས་ཉི་མ་རྒྱས་པའི་སྟེང་དུ། རང་གི་སེམས་ཉིད་ཧཱུྃ་མཐིང་ནག་ལས་དཔལ་ཕྱག་ན་རྡོ་རྗེ་སྐུ་མདོག་མཐིང་ནག་གཏུམ་ཞིང་འཇིགས་པ་ཞལ་གཅིག་སྤྱན་གསུམ་པ། མཆེ་བ་གཙིགས་ཤིང་ཁྲོ་གཉེར་བསྡུས་པ། རལ་པ་དམར་སེར་གྱེན་དུ་གཟིངས་པ། མི་བསྐྱོད་པའི་དབུ་རྒྱན་ཅན། གཡས་རྡོ་རྗེ་ནམ་མཁར་ཕྱར་ཞིང་གཡོན་དྲིལ་བུ་དང་བཅས་པས་སྡིགས་མཛུབ་ཅན་སྦྲུལ་ཆེན་པོ་བརྒྱད་ཀྱིས་བརྒྱན་ཅིང་། སྟག་གི་པགས་པའི་ཤམ་ཐབས་ཞབས་གཡས་བསྐུམ་གཡོན་བརྐྱང་གིས་བཞུགས་པ་ལས། མི་འཁྲུགས་པ། གཏུམ་པོ་ཆེན་པོ། འཁོར་ཆེན། ཨུ་ཙ། ལྕགས་སྦུབ། འབྱུང་འདུལ། གོས་

[Full Size]

སྔོན་ཅན། རྣམ་པར་འཇོམས་པ། བདུད་རྩི་འཁྱིལ་བ། བདུད་རྩི་ཐབས་སྦྱོར། ཀི་ལི་ཀི་ལ། འགྲོ་ལྡིང་། ལུས་དམར། རྡོ་རྗེ་རྒྱལ་མཚན། སྙིང་པོ་མཆོག །གཏུམ་པོ། སོགས་མེད་ཞི་བ། སྨེ་བ་བརྩེགས། སྟོབས་པོ་ཆེ། རྡོ་རྗེ་མི་ཕམ་མ། རྡོ་རྗེ་ལུ་གུ་རྒྱུད། རྡོ་རྗེ་གན་རི་ལ་སོགས་པས་བསྐོར་བ། དེ་དག་གི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་དང་སོ་སོའི་སྙིང་པོ། དེ་ལས་འོད་ཟེར་འཕྲོས་པས་རྡོ་རྗེ་རིགས་ཀྱི་འཁོར་ལོས་སྒྱུར་བ་ལ་སོགས་བཅོམ་ལྡན་འདས་ཕྱག་ན་རྡོ་རྗེའི་ལྷ་ཚོགས་འཁོར་དང་བཅས་པ་སྤྱན་དྲངས། བཛྲ་ས་མཱ་ཛཿ ཛཿཧཱུྃ་བཾ་ཧོཿ གཉིས་སུ་མེད་པར་གྱུར། སླར་ཡང་ཐུགས་ཀའི་ས་བོན་ལས་འོད་ཟེར་འཕྲོས། རིགས་ལྔ་འཁོར་དང་བཅས་པ་སྤྱན་དྲངས། ཨརྒྷཾ་སོགས་ཀྱིས་མཆོད། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པས་རིགས་ལྔ་འཁོར་བཅས་ཀྱིས་བདུད་རྩིའི་བུམ་པ་ཐོགས་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། ཞེས་གསུངས་ཤིང་དབང་བསྐུར་བའི་ཆུ་རྒྱུན་གྱི་ཆུས་སྐུ་གང་དྲི་མ་དག་ཆུའི་ལྷག་མ་གྱེན་དུ་འཁྱིལ་བ་ལས་མི་བསྐྱོད་པས་དབུ་བརྒྱན་པར་གྱུར།

[Full Size]

ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་མཐིང་ནག་གི་མཐར། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཅེས་པའི་ཡིག་འབྲུ་བཻཌཱུརྱ་ཞུན་མ་ལྟ་བུ་འཁོར་བ་དེ་དག་ལས་འོད་ཟེར་འཕྲོས། ལུས་ཐམས་ཅད་ཁྱབ་ཀུན་ནས་དཀྲིས་པའི་བག་ཆགས་ཀྱི་མཚན་མ་དང་ནད་གདོན་སྡིག་སྒྲིབ་ཐམས་ཅད་བསལ། གནོད་བྱེད་ཀྱི་གདུག་རྩུབ་ཐམས་ཅད་ཞི་ནས་གུས་ཤིང་འདུས་པ་དང་། རང་ཉིད་མཐུ་སྟོབས་རབ་ཏུ་རྒྱས་ཤིང་ཡོན་ཏན་ཕྲིན་ལས་མཐའ་དག་འགྲུབ་པར་འགྱུར། བསྙེན་པ་གོང་གི་སྔགས་ཅི་ཙམ་ནུས་པར་བཟླ། དེ་ནས་མཆོད་པ་བྱིན་གྱི་ས་བརླབ་པ་ནི། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ། ཀྱིས་བསངས། ཨོཾ་སྭ་བྷ་ཝས་སྦྱངས། སྟོང་པ་ཉིད་དུ་གྱུར། སྟོང་པའི་ངང་ལས་ཨོཾ་ཡིག་ལས། །རིན་ཆེན་སྣོད་ཀྱི་ནང་དུ་ནི། །ཧཱུྃ་ལས་བྱུང་བའི་མཆོད་ཡོན་དང་། །མེ་ཏོག་བདུག་སྤོས་སྣང་གསལ་དང་། །དྲི་ཆབ་ཞལ་ཟས་རོལ་མོ་དང་། །མཆོད་རྫས་བསམ་མི་ཁྱབ་པར་གྱུར། །ཨོཾ་བཛྲ་ཨརྒྷཾ་ཨཱཿཧཱུྃ། དེ་བཞིན་དུ། པུཊྚེ་དྷ་པེ་ཨཱ་ལོ་ཀེ་གནྡྷེ་ནི་ཝི་དྱ་ཤཔྟ་ཨཱཿཧཱུྃ། རཱུ་པ་ཤཔྟ་གྷནེ་ར་ས་སྤརེ་བི་ཤཱ་སྤ་ར་ཎ་ཁཾ། ཨོཾ་ཨཱཿཧཱུྃ་གིས་བྱིན་གྱིས་བརླབས། གཏོར་མ་འབུལ་བ་

[Full Size]

ནི། ཨོཾ་བཛྲ་ཨ་མྲྀ་ཏས་བསངས། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་ཡིད་དུ་འོང་བའི་ནང་དུ་ཨོཾ་ཨཱཿཧཱུྃ་འོད་དུ་ཞུ་བ་ལས་ལྷ་རྫས་ལས་གྲུབ་པའི་གཏོར་མ་དྭངས་ཤིང་ཐོགས་པ་མེད་པ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ་བརྗོད། རང་ཉིད་ཡི་དམ་ལྷར་གསལ་ཐུགས་ཀ་ནས། །འོད་འཕྲོས་ཡི་དམ་ཕྱག་ན་རྡོ་རྗེ་ལ། །སངས་རྒྱས་བྱང་སེམས་དཔག་མེད་ཀྱིས་བསྐོར་བ། །མདུན་གྱི་ནམ་མཁར་སྤྱན་དྲངས་བཞུགས་གྱུར་པའི། །ལྗགས་ཀྱི་འོད་ཟེར་སྦྱ་གུས་གཏོར་མ་ནི། །བདུད་རྩི་དང་བཅས་དྲངས་ཏེ་རབ་གསོལ་བས། །སྐུ་གསུང་ཐུགས་མཉེས་ཚིམ་ཞིང་དགྱེས་པར་གྱུར། །རྡོ་རྗེ་ཐལ་མོ་ཁ་ཕྱེ་བས། ཨོཾབཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཅེས་ལན་གསུམ། ཨ་ཀཱ་རོ་སོགས་ཀྱིས་འབུལ། དེ་ནས་མཆོད་པ་འབུལ་བ་ནི། འཇིག་རྟེན་ཁམས་ནི་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་སྣང་གསལ་དྲི་ཆབ་དང་། །ཞལ་ཟས་རོལ་མོ་ཇི་སྙེད་ཀུན། །བདག་གིས་གུས་པར་བཤམས་པ་འདི། །དཀྱིལ་

[Full Size]

འཁོར་ལྷ་ཚོགས་རྣམས་ལ་འབུལ། །ཨོཾ་སརྦ་ཏ་ཐཱ་ག་ཏ་ཨརྒྷཾ་པཱ་ཏྱཾ་པུཎྜེ་དྷ་པེ་ཨཱ་ལོ་ཀེ་གནྡྷེ་ནེ་ཝི་ཏྱཱ་ཤབྡ་པྲ་ཏཱིཙྪ་སྭཱ་ཧཱ། འཇིག་རྟེན་ཁམས་ནི་དཔག་མེད་ན། །གཟུགས་སྒྲ་དྲི་རོ་རེག་བྱ་དང་། །སྣ་ཚོགས་མཆོད་པ་ཇི་སྙེད་པ། །བདག་གིས་གུས་པར་བཤམས་པ་འདི། །དཀྱིལ་འཁོར་ལྷ་ཚོགས་རྣམས་ལ་འབུལ། །ཨོཾ་སརྦ་ཏ་ཐཱ་ག་ཏ་རུ་པ་ཤབྡ་གནྡྷེ་ར་ས་སྤུནེ་བི་ཤཱ་པྲ་ཏཱིཙྪ་སྭཱ་ཧཱ། ནང་མཆོད་དང་། གསང་མཆོད་ནི། འཇིག་རྟེན་ཁམས་ནི་དཔག་མེད་ན། །གསང་མཆོད་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དཀྱིལ་འཁོར་ལྷ་ཚོགས་རྣམས་ལ་འབུལ། །ཨོཾ་སརྦ་ཏ་ཐཱ་ག་ཏ་པཉྩ་ཨ་མྲྀ་ཏ་པྲ་ཏཱིཙྪ་སྭཱ་ཧཱ། འཇིག་རྟེན་ཁམས་ནི་དཔག་མེད་ན། །གསང་མཆོད་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དཀྱིལ་འཁོར་ལྷ་ཚོགས་རྣམས་ལ་འབུལ། །ཨོཾ་སརྦ་ཏ་ཐཱ་ག་ཏ་མ་ཏངྒེ་པྲ་ཏཱིཙྪ་སྭཱ་ཧཱ། བསྟོད་པ་ནི། ཧཱུྃ་མཛད་ཧཱུྃ་ཏེ་ཙཎྜ་རོ་ཥ་ཎ། །བདེན་གཉིས་ཐུགས་ཆུད་ཆོས་ཀྱི་སྐུ་བརྙེས་ཤིང་། །སྤྲུལ་པའི་སྐུར་སྟོན་ཕྱག་ན་རྡོ་རྗེ་ཆེ། །དུས་མཐའི་མེ་ལྟར་འབར་ལ་ཕྱག་འཚལ་བསྟོད། །ཧཱུྃ། དུས་

[Full Size]

གསུམ་སངས་རྒྱས་ཐམས་ཅད་ཀྱི། །གསང་བའི་མཛོད་ཆེན་འཛིན་པའི་དཔལ། །གདུག་པ་མ་ལུས་འདུལ་མཛད་པ། །སྦྲུལ་སྟག་རིན་ཆེན་རྒྱན་གྱིས་བརྒྱན། །ཆེ་ལ་བརྗིད་པའི་འཇིགས་གཟུགས་ཅན། །རྡོ་རྗེ་ཁྱུང་ཆེན་ཕྱག་ན་བསྣམས། །ཡེ་ཤེས་མེ་འབར་ཀློང་ན་བཞུགས། །པད་ཉི་དྲེགས་པའི་གདན་ལ་འགྱིངས། །གཏུམ་པོ་ཁྱོད་ལ་ཕྱག་འཚལ་བསྟོད། །གོས་སྔོན་ཅན་ལ་ཕྱག་འཚལ་བསྟོད། །རྡོ་རྗེ་རྒྱལ་མཚན་ཕྱག་འཚལ་བསྟོད། །གསང་བའི་བདག་ལ་ཕྱག་འཚལ་བསྟོད། །སྐུ་གསུང་ཐུགས་ལ་ཕྱག་འཚལ་བསྟོད། །བརྩེ་བ་ཆེན་པོས་རྗེས་བཟུང་ལ། །གཟའ་དང་ས་བདག་ཀླུ་གཉན་ལས། །འཚེ་བར་བྱེད་ལ་བསྐྱབ་ཏུ་གསོལ། །བསམ་པའི་དུག་དང་རེག་པའི་དུག །མཐོང་བའི་དུག་དང་ཁ་རླངས་དུག །སྦྱོར་བ་ངན་པའི་དུག་རྣམས་ཀུན། །ཞི་ཞིང་བཟློག་པར་མཛད་དུ་གསོལ། །དེ་ནས་སྙིང་པོ་ནི། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཤམ་བུ་ཐུང་འདོགས་ནི། ག་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ཤམ་བུ་རིང་འདོགས་རྩ་བའི་དྲག་སྔགས་ཉེར་བརྒྱད་པ་ནི། ཧཱུྃ་ཕཊཎ་ཥ་རོ་མ་ཧཱ་ཙཎྜ་བཛྲ་ག་རུ་ཊ་དྷེ་ཝ་ཐན་ཕྱུང་ས་བདག་ནཱ་གའི་སྙིང་ལ་གཟེར་གནོད་བྱེད་

[Full Size]

ཐུམ་རི་ལི་ལི་རྦད། དྲག་སྔགས་ཞེ་དགུ་པ་ནི། ནཱ་ག་ཙཎཱ་ཚལ་པ་ཨུཏྟ་ཏེ། ནཱ་ག་ཙིཏྟ་ཤིནྟ་ཚལ་པ་ནན། ནཱ་ག་ཏྲི་ས་མ་ཡ། ཏྲིག་བྷིག་ནན། ནཱ་ག་ཀྲོ་ཏ་ཙིཏྟ་རཱ་ཛ་ཡ་གནོད་པར་བྱེད་པ་ཐམས་ཅད་མཱ་ར་ཡ། ཤི་ཤི། ནན་ནན། དུལ་དུལ། རྡུད་རྡུད། གནོད་བྱེད་ཕོ་མོ་ཐམས་ཅད་ཐུམ་ཐུམ་རི་ལི་ལི་ཛཿ འཁོར་གཏུམ་པོའི་རིགས་བཞིའི་སྙིང་པོ་ནི། ཨོཾ་ནི་ལཾ་བ་ར་དྷ་ར་བཛྲ་པཱ་ཎི་ཧཱུྃ་ཕཊ༔ ཨོཾ་བཛྲ་པཱ་ཎི་ཧཱུྃ་བཛྲ་རོ་ཥ་ན་ཧཱུྃ་ཕཊ༔ ཨོཾ་བཛྲ་ཙཎྜ་སརྦ་དུཊྚཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ ཨོཾ་བཛྲ་པཱ་ཎི་ས་མན་ཀརྨ་རཀྵ་ཙིཏྟ་བཛྲ་ནཱ་ག་ས་མ་ཏ་ཧཱུྃ་ཕཊ༔ ཡང་སྔགས་བཛྲ་གྱི་ཚབ་ལ་རཏྣ་པདྨ་ཀརྨ་སྦྱར་བས་འཁོར་གཏུམ་པོ་རིགས་བཞིའི་སྔགས་སུ་བཤད། ལྷ་སྔགས་ཤམ་དུ། རཀྵ་རཱ་ཧུ་ལ་གཟའ་ཁ་ཏྲ་རུ་ཏྲ་ས་མ་ཡ་ཙིཏྟ་ཧྲིང་ཛ་ཧྲིང་ཛ་ཕཊཕཊསྭཱ་ཧཱཿ ལྷ་སྔགས་ཤམ་དུ། གཟའ་ཁ་ཏྲ་རུ་ཏྲ་རག་ཤ་རཱ་ཧུ་ལ་ཨ་མ་ཁ་རུ་ཙ་ཤ་ནི༔ ས་མ་ཡ་རཀྵདུ་ཨ་དྷིཥྛ་ན་ཧཱུྃ་སྭཱ་ཧཱཿ ཡིག་བརྒྱས་ལྷག་ཆད་ཁ་བཀང་། བཛྲ་མུ༔ གཏོར་མའི་མགྲོན་རྣམས་རང་གནས་སུ་གཤེགས༔་བདག་ཉིད་ཐུགས་ཀའི་ཧཱུྃ་ལ་ཐིམ་དེ་ཉིད་ཀྱང་༔ མི་དམིགས་སྟོང་པའི་ངང་ལ་མཉམ་པར་བཞག༔ དགེ་བ་འདི་ཡིས་མྱུར་དུ་བདག །

[Full Size]

རྡོ་རྗེ་གཏུམ་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག་བརྗོད། བསྙེན་ཚད་ནི་ས་ཡ་གཅིག་གོ །མཚན་མའི་བསྙེན་པ་ནི་གྲངས་ལ་མ་ལྟོས་པར་རྨི་ལམ་དུ་ཉི་ཟླ་ཤར་བ་དང་། དེའི་སྟེང་དུ་འདུག་པ་དང་། གོ་གྱོན་མཚོན་ཐོགས་པ། མེ་ཏོག་སྔོན་པོ་འཐུ་བ་དང་། རྫོང་བཙན་པོར་འདུག་པ། རི་ལ་འཛེག་པ། ལུས་ལ་བསྐལ་པའི་མེ་ཆེན་འབར་བ་འགྲུབ་པའི་རྟགས་བརྒྱད། གཞན་ཡང་རྒྱ་མཚོར་རྐང་པ་བརྐྱང་བ། རི་རབ་ཀླད་ལ་བསྐོར་བ། སྦལ་ལྕོང་སྡིག་སྦྲུལ་ལག་གིས་འཇུས་པ། སྦྲུལ་བརྒྱད་ཀྱིས་ལུས་ལ་བརྒྱན་པ། ཡི་དམ་གྱི་ཐང་སྐུ་བཤམས་པ། གནོད་སྦྱིན་གྱི་སྡེ་དཔོན་བྱས་པ་རྣམས་འབྱུང་བར་བཤད་དེ། ཐམས་ཅད་རྫོགས་པའམ་ཤས་ཆེར་འབྱུང་བ་ན། དེ་ནས་སྒྲུབ་པ་ལས་སྦྱོར་ལ་འཇུག་གོ །སྔགས་འདིའི་བཛྲ་གཅིག་ཏུ་བསྒྲེང་བའི་བསྙེན་པའི་ཡིག་འབྲུ་བཅུ་གཅིག་པ་ཞེས་གྲགས་སོ། །ཞེས་གསུངས་སོ། །རྗེ་དབང་ཕྱུག་རྡོ་རྗེ་སྐུ་ཕྲ་དུས་ཐུགས་དམ་རྒྱུར་ཉིད་ཀྱིས་བསྐུལ་ནས་ཞྭ་དམར་ལྔ་པས་མཛད་པའི་གཏུམ་པོའི་བདག་བསྐྱེད་དང་། རྗེ་མཐོང་བ་དོན་ལྡན་གྱི་ཞལ་གཟིགས་མདུན་བསྐྱེད་དང་། གཅིག་ཤེས་ཀུན་གྲོལ་གྱི་མཆོད་བསྟོད་དང་། འདོད་གསོལ་སངས་རྒྱས་གླིང་པའི་གཏེར་ཁ་ལྟར། རང་གི་ཐུགས་དམ་རྒྱུར་༧ ཀརྨ་ཨ་རཱ་གས་བསྒྲིགས་པ་ལ་ཉེས་འགལ་མཆིས་ན་ལྷ་ལ་བཤགས་ཤིང་། དགེ་བས་འགྲོ་ཀུན་བར་ཆད་རྐྱེན་ལས་གྲོལ་ནས། བདེ་བ་ཅན་དུ་སྐྱེ་བའི་རྒྱུར་གྱུར་ཅིག །

ཕྱག་རྡོར་གཏུམ་ཆུང་གི་སྒྲུབ་ཐབས་བདག་བསྐྱེད་དཀོན་མཆོག་འབངས་ཀྱིས་མཛད་པ་དང་། མདུན་བསྐྱེད་དོན་ལྡན་ཞབསཀྱིས་མཛད་པ་བསྒྲིགས་པའི་བུ་ཡིག་ཟིན་བྲིས་མ་རུངས་ཚར་གཅོད།

[Full Size]

ཕྱག་རྡོར་གཏུམ་ཆུང་གི་སྒྲུབ་ཐབས་བདག་བསྐྱེད་དཀོན་མཆོག་འབངས་ཀྱིས་མཛད་པ་དང་། མདུན་བསྐྱེད་དོན་ལྡན་ཞབསཀྱིས་མཛད་པ་བསྒྲིགས་པའི་བུ་ཡིག་ཟིན་བྲིས་མ་རུངས་ཚར་གཅོད་ཅེས་བྱ་བ་བཞུགས་སོ།།

[Full Size]

ན་མོ་གུ་རུ་བཛྲ་པཱ་ཎི་ཡེ། །ཕྱག་ན་རྡོ་རྗེ་ཁྱུང་གི་ཤམ་བུ་ཅན། །གཏུམ་མོ་མེ་འབར་མགུལ་ཁུག་མ་ཞེས་པའི། །སྒྲུབ་ཐབས་དཀོན་མཆོག་འབངས་ཀྱིས་མཛད་པ་ཡི། །མན་ངག་ཉུང་བསྡུས་གོ་བདེའི་ཚིག་གིས་བཀོད། །གསང་བདག་བཀའ་འཁོར་བཅས་པས་བཀའ་གནང་སྩོལ། །རྡོ་རྗེ་འཆང་ལ་ཡེ་ཤེས་དབང་ཕྱུག་མས། །ཞུས་པས་ཕྱག་རྡོར་གསང་བ་བསྟན་པའི་རྒྱུད། །གསུངས་པ་བླ་མེད་ཕ་རྒྱུད་ཡིན་པར་བཤད། །སྔགས་རིང་འདི་དག་གསང་སྔགས་རྙིང་མའི་རྒྱུད། །གཏུམ་པོ་ནཱ་ག་བདུད་འདུལ་རྒྱུད་ནས་བྱུང་། །གསང་བའི་བདག་པོ་རྩི་ལུ་པཎྜི་

[Full Size]

ཏ། །སློབ་དཔོན་ལས་ཀྱི་རྡོ་རྗེ་ཐང་ལོ་པ། །ཤིང་ལོ་པ་དང་ཀཎྜ་རི་པ་དང་། །ཝ་ལ་ཙཎྜ་རས་ཆུང་རྡོར་གྲགས་ནས། །དེང་སང་བར་དུ་སྒྲུབ་བརྒྱུད་མ་ཆད་པ། །འདི་ཉིད་ཉམས་སུ་ལེན་ཚུལ་བསྒྲིགས་དགོས་ལྟར། །ཐུན་བཞིར་བདག་བསྐྱེད་བསྙེན་པ་བྱ་བ་དང་། །ཐུན་མཇུག་མདུན་བསྐྱེད་མཆོད་བསྟོད་གཏོར་མ་བསྔོ། །ཡིག་བརྒྱས་ཁ་བཀང་ཐུན་བསྡུ་གཞུང་ལྟར་རོ། །རྒྱུན་ཁྱེར་བྱེད་ན་ཉིན་རེ་ཐུན་རེར་བྱ། །སྔོན་དུ་ལྷ་གཞན་བསྙེན་པ་མ་སོང་ན། །ཨོཾ་བཛྲ་པཱ་ཎི་ཧཱུྃ། ཞི་བསྙེན་འདི་ཉིད་འབུམ་མམ་སུམ་འབུམ་བཟླ། །ལྷ་གཞན་བསྙེན་པ་སོང་ན་མི་དགོས་

[Full Size]

སོ། །དེ་ནས་བསྙེན་པའི་དུས་ཀྱི་དམིགས་པ་ནི། །རང་གི་ཐུགས་ཀའི་ཧཱུྃ་ལས་འོད་ཟེར་ནི། །སྔོན་པོ་ཤས་ཆེ་འོད་ལྔའི་མདངས་ལྡན་པ། །ཕྱོགས་བཅུའི་འཇིག་རྟེན་ཁྱབ་པར་འཕྲོས་པ་ཡིས། །ཕྱོགས་བཅུའི་དུས་གསུམ་སངས་རྒྱས་ཐམས་ཅད་ལ། །མཆོད་པའི་སྤྲིན་ཕུང་དཔག་མེད་གྱུར་པས་མཆོད། །དེ་ཀུན་རྡོ་རྗེ་གཏུམ་པོའི་སྐུར་གྱུར་ཏེ། །འོད་ཞུ་འོད་ཟེར་ཁ་དོག་རྣམ་ལྔར་གྱུར། །ཚུར་འདུས་རང་གི་སྤྱི་བོར་ཐིམ་པ་ཡིས། །ཡེ་ཤེས་ལྔ་ཡི་དབང་བསྐུར་ཐོབ་གྱུར་ཏེ། །དབང་རྟགས་དབུ་རྒྱན་ཐོད་སྐམ་ལྔ་ཡི་རྩེར། །ཨོཾ་ཧཱུྃ་ཏུཾ་ཧྲིཨཱཡིས་མཚན་པར་གྱུར། །དེ་ལ་རྡོ་རྗེ་ཕྲ་མོའི་ཆར་བབས་པས། །རང་ལུས་རྡོ་རྗེའི་གོ་ཁྲབ་ཞུ་ལུབས་གསོལ། །སླར་ཡང་སྔགས་ཕྲེང་འོད་ཟེར་འཕྲོས་པ་ཡིས། །རྒྱལ་བ་ཀུན་མཆོད་ཐམས་ཅད་གཏུམ་པོར་གྱུར། །འོད་ཞུ་ཚུར་འདུས་སྤྱི་བོའི་གཙུག་ནས་ཐིམ། །འོད་འཕྲོས་འགྲོ་བ་ཀུན་གྱི་སྒྲིབ་གཉིས་སྦྱངས། །ཀུན་ཀྱང་གཏུམ་པོའི་སྐུར་གྱུར་སྔགས་སྒྲ་སྒྲོག །དེ་ལྟར་བསྒོམ་ཞིང་པཱ་ཎི་འབྲུ་དྲུག་བཟླ། །དེ་ནི་འདི་ཡི་བསྙེན་པ་ཡིན་པར་བཤད། །ཕྱག་གཡོན་སྡིགས་མཛུབ་བསྒྲེངས་བའི་རྩེ་ལ་ནི། །ཁྱུང་གཅིག་ཁྲ་ཐབས་ཚུལ་དུ་ལྡིང་

[Full Size]

བ་དང་། །བ་སྤུ་ཀུན་ཏུ་ཁྱུང་ཕྲུག་ཕྲ་མོས་གཏམས། །དེ་མིན་དམིགས་པ་གོང་དང་མཚུངས་པར་བསྒོམས། །ཙཎྜ་མ་བཟླས་འདི་ཡི་ཉེ་བསྙེན་ཡིན། །རང་གི་ཐུགས་ཀར་རྡོ་རྗེ་མཐིང་ནག་ནི། །ཚོན་གང་ཙམ་ཞིག་གྱེན་དུ་འགྲེང་བའི་ལྟེར། །ཉི་ཟླའི་གདན་ལ་ཧཱུྃ་མཐིང་ནས་འབྲུ་ཙམ། །དེ་མཐར་རྩ་སྔགས་གཡས་སུ་འཁོར་བ་ལས། །མེ་འབར་ལུས་ཀྱི་ནད་གདོན་ཐམས་ཅད་བསྲེགས། །འོད་ཟེར་ཕྱིར་འཕྲོས་ཁྲོ་བོ་ཁྱུང་གི་ཚོགས། །མཚོན་ཆ་མེ་དཔུང་འཚུབ་མ་ཆེར་འཕྲོས་པས། །སྟོང་གསུམ་ཁམས་གང་གནོད་བྱེད་ཐམས་ཅད་བསྲེགས། །དེ་ལྟར་བསྒོམ་ཞིང་ཙཎཱའི་སྔགས་བཟླས་པས། །འདི་ཡི་སྒྲུབ་པའི་དམིགས་པའི་གཙོ་བོ་ཡིན། །རབ་ཀྱིས་སུམ་འབུམ་འབྲིང་གིས་བདུན་འབུམ་དང་། །ཐ་མས་འབྲུ་འབུམ་ཡང་མཐའ་སུམ་འགྱུར་བཟླ། །གྲངས་ལ་མི་ངེས་རྟགས་ལ་གཙོ་ཆེ་བས། །གཞུང་ནས་གསུངས་པའི་གཏུམ་པོའི་རྟགས་བརྒྱད་སྒྲུབ། །དེ་ནས་རང་ཉིད་གཏུམ་པོའི་གནས་ལྔ་རུ། །རིགས་ལྔའི་ཁྱུང་ནི་དཀར་དམར་མཐིང་སེར་ལྗང་། །འཁོར་ལོ་པདྨ་རྡོ་རྗེ་རིན་ཆེན་དང་། །རལ་གྲི་རྣམས་ནི་གཡས་ཀྱི་ཕྱག་ན་བསྣམས། །གཡོན་པས་རང་མདོག་

[Full Size]

སྦྲུལ་ནི་ཞལ་དུ་གསོལ། །ཐུགས་ཀའི་ཁྱུང་སྔོན་ཐུགས་ཀར་ཡེ་ཤེས་སེམས། །གཏུམ་པོ་རང་འདྲའི་ཐུགས་ཀར་ཉི་ཟླའི་སྟེང་། །བཟླ་བྱའི་སྔགས་ཕྲེང་གཡས་སུ་འཁོར་བ་ལས། །འཕྲོས་པའི་འོད་ཟེར་ཁྱུང་གིས་སྟོང་གསུམ་གང་། །འཕུར་འབབ་ལྡིང་འཇུམ་གཤོག་སྒྲ་འབྲུག་ལྟར་གྲག །གནོད་ཅིང་འཚེ་བའི་ཀླུ་གཉན་ས་བདག་རྣམས། །མིག་བྲུ་སྙིང་དང་ནང་གྲོལ་འདྲེན་ཅིང་ཟ། །སྤུ་གསེབ་བྱེ་ཚན་ཆར་གྱིས་ཤ་རུས་ཕྱེ། །གཤོག་པ་བརྡབས་པས་མེ་རླུང་འཚུབ་མ་ཡིས། །གནོད་བྱེད་ཐམས་ཅད་བྱ་སྒྲོ་མེར་བསྲེགས་ལྟར། །དེ་དག་ཀུན་གྱི་མཐུ་སྟོབས་གཟི་བརྗིད་ཀུན། །ཁྱུང་རྣམས་ལ་ཐིམ་ཁྱུང་རྣམས་བདག་ལ་ཐིམ། །བདག་ཉིད་མཐུ་སྟོབས་གཟི་བརྗིད་ཆེར་འབར་བསྒོམས། །ཐུང་འདོགས་ག་རུ་ཊ་ཡི་སྔགས་ཤམ་དེ། །འབུམ་ཕྲག་གཅིག་གམ་གཉིས་སམ་གསུམ་བཟླས་ཏེ། །མང་ཉུང་རང་ལ་གནོད་འཚེ་ཡོད་མེད་བསྟུན། །འདི་ནི་སྒྲུབ་པ་ཆེན་པོ་ཡིན་པ་སྟེ། །རྣོ་ཕྱིར་སོ་འདྲའི་བསྙེན་པ་ཞེས་ཀྱང་གྲགས། །དེས་མ་ཐུལ་ན་སྔགས་ཐུང་གཉིས་པོའི་མཐར། །གཏུམ་པོ་གློག་གི་དྲག་སྔགས་ཉེར་བརྒྱད་པ། །ཅི་ལ་བཏབ་ཀྱང་ཐོགས་པ་མེད་དེ་བཏགས།། །གལ་ཏེ་དེས་ཀྱང་ཐུལ་

[Full Size]

བར་མ་གྱུར་ན། །དེ་མཐར་དྲག་སྔགས་ཞེ་དགུ་པ་ཉིད་བཏགས། །དེ་ཚེ་རང་གི་ཐུགས་ཀའི་འོད་ཟེར་གྱིས། །སྣོད་བཅུད་མེ་འོད་འབར་བའི་གཏུམ་པོས་གང་། །ཟླ་གདན་ཞབས་གཡོན་བརྡབས་པས་འཁོར་ཀུན་འདར། །འཁོར་རྣམས་གནོད་བྱེད་གཅུན་པས་འདར་ཞིང་འདུད། །དེ་ནི་ཞབས་ཀྱི་ཕྲིན་ལས་ཞེས་བྱའོ། །བ་སྤུའི་ཁུང་ནས་མེ་དཔུང་འབར་མཆེད་འཚུབ། །འཁྱིལ་བས་གནོད་བྱེད་བྱ་སྒྲོ་ལྟ་བུར་བསྲེགས། །དེ་ནི་སྐུ་ཡི་ཕྲིན་ལས་ཞེས་བྱའོ། །རང་ལྕེ་ཟླ་སྟེང་རྡོ་རྗེ་རྩེ་གསུམ་པ། །རྩེ་མོ་རེ་ལ་སྔགས་ནི་ཚན་གསུམ་རེ། །སྔགས་མཇུག་ཕྱིར་བསྟན་ཕཊ་གསུམ་བྲུལ་ལ་ཁད། །སྔགས་ཀྱི་རང་སྒྲ་འབྲུག་ལྟར་སྒྲོག་བྱེད་ཅིང་། །ཕཊ་གསུམ་ལས་ནི་རྡོ་རྗེའི་སེར་ཆེན་འཕྲོས། །གནོད་བྱེད་ཤོ་མང་སེར་བས་གཏོར་བ་བཞིན། །དེ་ནི་གསུང་གི་ཕྲིན་ལས་ཞེས་བྱའོ། །སྐུ་ལ་བརྒྱན་པའི་ཀླུ་བརྒྱད་སྦྲུལ་ཆེན་བརྒྱད། །དེ་དག་ཁ་ནི་ཕྱིར་ལ་ཕྱོགས་པ་ལས། །མཐོང་དུག་རེག་དུག་ཁ་རླངས་མཆེ་བའི་དུག །བསམ་ངན་དུག་ལྔ་ན་བུན་བཞིན་དུ་འཕྲོས། །དགྲ་བགེགས་མེ་ཏོག་སད་ཀྱིས་ཁྱེར་ལྟར་བཅོམ། །དེ་ནི་རྒྱན་གྱི་ཕྲིན་ལས་ཞེས་བྱའོ། །རང་གི་ཐུགས་ཀར་རྡོ་རྗེ་ཧཱུྃ་

[Full Size]

མཚན་ལས། །ཁྲོ་བོའི་རྡོ་རྗེ་རྩེ་མོ་གསུམ་པ་དང་། །ཁྲོ་བོའི་དམག་ཚོགས་ཆེན་པོ་སྤྲོས་པ་ཡིས། །གནོད་བྱེད་བྱ་སྤུ་རླུང་གིས་གཏོར་བ་ལྟར། །ཕྱི་ཡི་རྒྱ་མཚོ་ཆེན་པོའི་ཕ་མཐར་བསྐྲད། །གང་དག་འགྲོ་བར་མི་བྱེད་པ་རྣམས་ནི། །མྱོས་བརྒྱལ་རེངས་འབོག་ཡིད་དབྱུང་ལ་ལ་བསད། །ཟོས་ཤིང་སྙིང་ཕྱུངས་གཏུབས་དང་རྒྱ་མཚོར་བསྒྱུར། །དེ་ཉིད་ཐུགས་ཀྱི་ཕྲིན་ལས་ཞེས་བྱའོ། །ཕྱག་གཡས་རྡོ་རྗེ་ཕྱར་ཞིང་བསྣུན་པ་ལས། །རྡོ་རྗེའི་ཐོག་ཆེན་གྲངས་མེད་ཚག་ཁྲོབ་འཕྲོས། །ཁང་རུལ་སྐྱོགས་ལྟར་གནོད་བྱེད་རྡུལ་ཧྲུལ་སོང་། །རྡོ་རྗེ་གསོར་བས་རང་འདྲའི་ཁྲོ་བོའི་ཆར། །དེ་དག་ཀུན་གྱི་ཕྱག་གཡས་རྡོ་རྗེ་ཡི། །ཐོ་བེ་བཟུང་ནས་གནོད་བྱེད་དམྱལ་དམྱལ་བརྡུངས། །ཐམས་ཅད་ཕྱེ་མ་ཐལ་བ་རྡུལ་དུ་བརླགས། །དེ་ལ་དག་གཏུམ་པོའི་ལས་དྲུག་དམིགས་པའོ། །ཐུན་མཐར་སྤྲུལ་པ་ཐམས་ཅད་བདག་ལ་ཐིམ། །སྙིང་གར་ཡེ་ཤེས་སེམས་དཔའི་ཐུགས་ཀ་རུ། །པདྨ་འདབ་བཞི་རྒྱ་སྲན་ཙམ་གྱི་དབུས། །ཉི་ཟླའི་གའུ་ནང་དུ་རང་གི་སེམས། །ཨ་ཤད་དམར་པོ་སྤྱི་ཡི་རྩེ་མོ་ཙམ། །མར་མེ་ལྟ་བུར་གསལ་ལ་དམིགས་པ་གཏད། །མ་ཡེངས་རྩེ་གཅིག་གནས་པ་ཞི་གནས་ཏེ། །

[Full Size]

དེ་ནས་ཡིད་ལ་ཅི་ཡང་མི་བསམ་པར། །གང་ཤར་ངོ་བོ་སྐྱོང་བ་ལྷག་མཐོང་ཡིན། །དེ་ནི་འདི་ཡི་ལུགས་ཀྱི་ལྷག་མཐོང་སྟེ། །དེ་དོན་ཕྱག་རྡོར་གསང་བསྟན་རྒྱུད་ཉིད་ལས། །བསྐྱེད་པའི་རིམ་པ་དམིགས་པ་ཐོབ་ནས་ནི། །རང་གི་སྙིང་གར་ཡེ་ཤེས་སེམས་དཔའ་བསྒོམ། །ཡེ་ཤེས་སེམས་དཔའི་ཐུགས་ཀར་ནི། །པདྨ་འདབ་བཞི་རྒྱ་སྲན་ཙམ། །དབུས་སུ་ཉི་ཟླའི་གཞལ་ཡས་ཁང་། །གཞལ་ཡས་ཁང་གི་ནང་དུ་ནི། །ཨ་ཤད་མར་མེའི་རྩེ་ལྟར་བསྒོམ། །དེ་ལ་དམིགས་པ་ཐོབ་ནས་ནི། །ཅི་ཡང་བསམ་པར་མི་བྱ་སྟེ། །བསམ་གྱིས་མི་ཁྱབ་དེ་བསམས་ནས། །དེ་ལས་ཡེ་ཤེས་ཐོབ་པར་འགྱུར། །གསལ་ལ་རྟོག་མེད་རིག་པའི་སྐུ། །ཡེ་ཤེས་ཞེས་ནི་དེ་ལ་བྱའོ། །ཞེས་གསུངས་པ་ཡི་དོན་ཡིན་ནོ། །རང་གི་ཐུགས་ཀའི་ཧཱུྃ་གི་འོད་ཟེར་ལས། །རང་འདྲའི་ཁྲོ་བོ་ཕྱོགས་བཅུར་ཁྱབ་པར་འཕྲོས། །གནོད་བྱེད་གདུག་པ་ཅན་རྣམས་དཔའ་བཀོང་སྟེ། །ཚར་བཅད་ཚུར་འདུས་འཁོར་ལོའི་ཕྱི་རོལ་དུ། །རྡོ་རྗེའི་གུར་ཁང་མེ་རི་འབར་བར་གྱུར། །འཁོར་ལོའི་ནང་དུ་བསྲུང་བྱ་ཐམས་ཅད་ཚུད། །གལ་ཆེན་ཐུགས་སྲོག་ཧཱུྃ་གི་ནང་དུ་སྦ། །རྩ་སྔགས་ཤམ་བུར་སྔགས་འདི་

[Full Size]

བཏགས་ལ་བཟླ། །བསྲུང་བྱ་ངོས་འཛིན་ཡོད་ན་མིང་སྦྱར་ཞིང་། །རང་ཉིད་ཡིན་ན་མ་མ་སྦྱར་བ་ཡིན། །གཉིས་ཀར་བསྲུང་བྱ་མ་མ་ཀཱ་ཡ་ཝཱཀ་ཙིཏྟ་རཀྵ་རཀྵ་ཀུ་རུ་ཧཱུྃ་མཾ་སྭཱ་ཧཱ། ཅི་ནུས་བཟླས་པས་རང་གཞན་བསྲུང་བའི་མཆོག །ཕྱི་རོལ་སྣོད་བཅུད་འོད་ཞུ་བདག་ལ་ཐིམ། །བདག་ཉིད་འོད་ཞུ་ཐུགས་ཀའི་ཧཱུྃ་ལ་ཐིམ། །ཧཱུྃ་གི་ཞབས་ཀྱུ་ཡར་ཐིམ་ཧཾ་དུ་གྱུར། །དེ་ལས་མེ་འབར་རང་གི་གནས་ཁང་བསྲེགས། །ཆེར་མཆེད་མེ་འབར་ཡུལ་ཁམས་ཐམས་ཅད་བསྲེགས། །མེ་སྒྲ་འབྲུག་བཞིན་སྔགས་སྒྲ་སྒྲོག་པར་བསམ། །རྩ་སྔགས་ཤམ་བུ་འདི་ཉིད་བཏགས་ལ་བཟླ། །གནོད་བྱེད་ཨུ་ཙ་ཏ་ཕཊ། ཁྱིམ་དུ་གདོན་ཆེན་ཞུགས་པ་འཕུད་ཐབས་སོ། །རང་ལ་གཟའ་ཡི་གནོད་པ་བྱུང་གྱུར་ན། །གཟའ་ཆེན་བརྒྱད་པོ་སྐུ་སྟོད་དྲང་སྲོང་གཟུགས། །ཐལ་མོ་སྦྱར་ཞིང་བདག་ལ་གུས་པའི་ཚུལ། །སྐུ་སྨད་སྦྲུལ་མཇུག་རང་གི་གདན་འོག་མནན། །རང་གི་ཐུགས་ཀའི་སྔགས་ཕྲེང་འོད་ཟེར་གྱིས། །རང་ལུས་གཟའ་ནད་བ་མོར་ཉི་ཕོག་བཞིན། །རང་གི་ཐུགས་ལས་གསང་བདག་ཚོན་གང་པ། །བརྒྱད་སྤྲོས་གཟའ་བརྒྱད་སྤྱི་བོ་ནས་ཞུགས་ཏེ། །སྙིང་གར་ཐིམ་པར་དམ་བཏགས་བྱིན་གྱིས་བརླབས། །

[Full Size]

གནོད་པ་མི་བྱེད་ཁས་བླངས་དམ་བཅས་བསམ། །རཀྵ་རཱ་ཧུ་ལ་བཏགས་སྔགས་དེ་ནི། །བརྒྱའམ་སྟོང་སོགས་གནོད་ཚབ་དང་བསྟུན་བཟླ། །རྐང་ལག་ན་ས་སོགས་སུ་སྔགས་མཆིལ་བཏབ། །གཞན་དག་གཟའ་ཡི་ནད་ཀྱིས་ཟིན་པ་ལ། །རང་གི་ཐུགས་ཀའི་ཧཱུྃ་ལས་འོད་འཕྲོས་པས། །ལྕང་ལོ་ཅན་ནས་གསང་བདག་རང་འདྲ་བ། །གཟའ་བརྒྱད་ཞབས་ཀྱིས་མནན་པ་དང་བཅས་པ། །དཔག་མེད་སྤྱན་དྲངས་ནད་པའི་རྣ་བར་ཐིམ། །ཁ་ཏྲ་རུ་ཏྲ་ལ་སོགས་སྔགས་བཏགས་པ། །བརྒྱ་རྩ་བརྒྱད་བཟླས་ཕུ་མཆིལ་བཏབ་པས་ཕན། །གཏུམ་པོ་རིགས་བཞིའི་སྔགས་ནི་དཀྱིལ་ཆོག་ལ། །གསུངས་ཀྱི་འདི་རུ་དགོས་པ་མ་ཡིན་ནོ། །བུམ་པ་སྤྱི་མཐུན་གཞུང་ལྟར་བཅས་བྱས་ལ། །མཚན་ཉིད་ཡོངས་རྫོགས་རྣམ་རྒྱལ་བུམ་པའི་དབུས། །མདུན་བསྐྱེད་བཞིན་དུ་གཙོ་འཁོར་ཡོངས་རྫོགས་བསྐྱེད། །ཡོད་ན་ཡུངས་ཀར་འབྲུ་བདུན་སྔགས་ལ་བླུགས། །རྩ་སྔགས་མཇུག་ཏུ་སྔགས་འདི་བཏགས་ལ་བཟླ། ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ། སརྦ་པཱ་པ་བྷི་ན་ས་ཨ་ཨཱ༔ ཞེས་པ་ཅི་མང་བཟླས་རྗེས་

[Full Size]

སྔགས་འདི་བརྗོད། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཀཱ་ཡ་ཝཱཀ་ཙིཏྟ་སྭ་བྷ་ཝ་ཤུདྡྷོཉཧཾ། བུམ་ལྷའི་སྐུ་ལས་བདུད་རྩིའི་རྒྱུན་བབས་པས། །བུམ་པ་གང་བའི་ཆུའི་རྡུལ་ཕྲན་རེའང་། །ཁྲོ་ཆུང་དང་ནི་ཁྱུང་གི་རང་བཞིན་བསྒོམས། །ཆུ་དེས་བདག་ཉིད་ཐོ་རངས་ཁྲུས་ཆབ་བྱ། །མི་གཙང་གྲིབ་ཀྱིས་ཚུགས་པར་མི་འགྱུར་ཞིང་། །བུམ་ཆུ་བཏུང་དང་བཀྲུས་པས་འགོས་ནད་བསྲུང་། །མི་ཕྱུགས་གློ་བུར་ན་བ་རྣམས་ལ་ཡང་། །བུམ་ཆུ་བཏུང་དང་བཀྲུས་པས་འཕྲལ་དུ་བདེ། །རྟག་ཏུ་བཏུང་དང་བཀྲུས་པས་སྲིའུ་སོས། །སྨྱོན་པ་ལ་སོགས་ནད་པ་གདོན་ཆེན་ལ། །དང་པོ་ཆ་གསུམ་བྱིན་ལ་བདེན་སྟོབས་བརྗོད། །དེ་ནས་བུམ་ཆུས་བྱབ་ཁྲུས་སྤྱི་ལྟར་བྱ། །དེ་ནས་བུམ་པ་གཏོར་མ་ལ་སོགས་པས། །དབང་བསྐུར་སྤྱི་ལྟར་བྱས་པས་ནད་པ་སོས། །ནད་གདོན་སྨྱོ་འབོག་ཀླུ་དང་ས་བདག་ནད། །དུག་གི་རིགས་དང་མཛེ་རིགས་བཅོ་བརྒྱད་སེལ། །མཇུག་ཏུ་གཏོར་ཟན་ཁམ་གསུམ་བཟའ་རུ་འཇུག །སྲིའུ་ཡིན་ན་གཏོར་མ་སྔས་སྲུང་བཞག །དེ་དག་ཉེར་མཁོའི་ལས་ཚོགས་མདོར་བསྡུས་ཡིན། །ཀླུ་སོགས་གདོན་ཆེན་ངེས་པར་གསོད་པ་ནི། །རང་ལ་ཙི་ཙི་ཛཱ་ལའི་ནད་བྱུང་ན། །གང་གནོད་ལིང་གི་

[Full Size]

སྤྱི་མཐུན་ལྟར་བྲིས་ལ། །དྲིལ་ལ་སྤྲ་ཚིལ་བག་ཟན་སྙིང་ཁར་བཅུག །ཁྲག་སྣ་དུག་སྣ་དྲག་པོའི་ས་སྣས་བྱུགས། །སྔོན་དམར་སྐུད་པས་བཅིངས་པ་གཟུངས་ཐག་སྣར། །དེ་སྟེང་རོ་གཡམ་རྡོ་རྗེ་རྒྱ་གྲམ་བྲི། །མཚམས་བཞིར་ནན་བཞི་ལྟེ་བར་ཛཡིག་དང་། །རྭ་གདེངས་བར་དུ་མཱ་ར་ཡ་ཕཊ་དང་། །སྟེང་དུ་རི་རབ་གླིང་བཞི་བཅས་པ་བྲི། །ཧོམ་ཁུང་ལིང་ག་བཅུག་སྟེ་དེ་ཡིས་མནན། །དེ་སྟེང་ཨོཾམ་བྱས་སྒྲུབ་གཏོར་ཟུར་གསུམ་བཞག །སྟོད་ནི་མདུན་བསྐྱེད་སྨད་ནི་མཆོད་པར་དམིགས། །བགེགས་རིགས་འདུལ་ལ་མི་ཡི་རྗེ་ངར་དང་། །ཀླུ་ལ་སེང་ལྡེང་དགྲ་ལ་གྲི་ལྕགས་མཆོག །མ་རྙེད་དྲག་པོའི་ཤིང་ནི་གང་ཡང་རུང་། །ཕུར་པ་སོར་བཞི་དར་སྔོན་ཅོད་པན་བཏགས། །སྟོད་ནི་གསང་བདག་སྐུ་སྨད་ཕུར་པར་བསྒོམས། །ལིང་གའི་གཟུངས་ཐག་ཕུར་པ་དེ་ལ་བཏགས། །ཡུངས་ཀར་ལ་སོགས་ཐུན་རྫས་གང་འཛོམ་དང་། །ཕུར་པ་དེ་ལ་རྒྱུན་དུ་ཕུ་བཏབ་སྔགས། །དུས་བཞིར་བདག་མདུན་མངོན་རྟོགས་མཆོད་བསྟོད་རྗེས། །ཧོམ་ཁུང་ལྕགས་ཁང་ནང་དུ་གནོད་བྱེད་བཀུག །སྔགས་རིང་སྦྲེལ་མ་ཁོ་ན་བཟླ་བྱ་ཞིང་། །དམིགས་པ་གོང་གི་ལས་དྲུག་ཁོ་ན་བསྒོམས། །

[Full Size]

སྔགས་རིང་སྦྲེལ་མཇུག་ཕུར་སྔགས་འདི་ཉིད་བཏགས། །བཛྲ་ཀཱི་ལི་ཀཱི་ལ་ཡ་གནོད་བྱེད་སརྦ་ཤ་ཏྲ་ཧུར་ཐུམ་ཛམཱ་ར་ཡ་ཧཱུྃ་ཕཊ། ཅེས་བརྗོད་ཕུར་པ་བཏབ་ཅིང་ཐུན་གྱིས་བྲབ། །ཆུ་ལྟཡི་ཕ་རོལ་བརྒལ་དང་ལམ་བུ་བཅོས། །རི་གཟར་རྦབ་འདྲིལ་བྱ་ཆེན་བྱ་བྲན་བསད། །ར་གཡག་ཤ་བ་མ་ཐུབ་རྨིས་ནི་ངན། །རང་ལས་མཐོ་ཞིང་འཇིགས་པ་རྒྱབ་རྟེན་ཡོད། །ཁོ་ཡི་རྒྱབ་རྟེན་ལྷ་ལ་གཏོར་མ་བསྔོ། །རྩ་སྔགས་ཤམ་ལ་འདི་ཉིད་ཅུང་ཟད་བཟླ། །དགྲ་བགེགས་ལྷ་སྲུང་དང་ཤག་ཕྱེས་ཤག་ཕྱེས་མ་མ་ཏྲག་རུ་དྲ་མཱ་ར་ཡ་ཧཱུྃ་ཕཊ། ཅེས་བརྗོད་ཁོ་ཡི་ལྷ་སྲུང་། བྱེར་བར་བསྒོམས། །མི་སྡུག་འཇིགས་གཟུགས་བསྟན་ཡང་སྐྲག་མི་བྱ། །སྙན་པའི་ཚིག་གིས་བྲིད་ཀྱང་བདེན་མི་བཟུང་། །ཉི་ཟླ་དུས་གཅིག་ཤར་དང་རང་ཉིད་ཀྱི། །ཁྲག་དང་ནང་གྲོལ་ཕྱི་རུ་ཕྱུང་རྨིས་བཟང་། །ལིང་ག་འཚག་དང་སྐད་ངན་ཙིར་ཙིར་འདོན། །བྲུབ་ཁུང་ནང་དུ་སྒྲ་གྲག་འོད་འཁྱུག་དང་། །བྲུབ་ཁུང་འོག་གམ་རང་འོག་ས་འབུར་འོང་། །དེ་ནི་ཁུག་པའི་རྟགས་ཡིན་བཟང་བ་སྟེ། །མི་གནོད་ཁས་ལེན་དམ་བཅའ་ཞུ་འབུལ་དང་། །བརྡུངས་བསད་ཤ་ཁྲག་དམར་ཉོབ་ཐུབ་པའི་རྟགས། །ལིང་གའི་མགོ་བཅད་མཆོད་རྟེན་ཞབས་འོག་

[Full Size]

མནན། །ལིང་གའི་སྨད་བཅད་གཏོར་མའི་ནང་དུ་བླུགས། །གཏུམ་པོ་འཁོར་བཅས་ཞལ་དུ་གསོལ་བར་དམིགས། །སྐེད་པ་དྲག་པོའི་སྦྱིན་སྲེག་སྤྱི་ལྟར་བྱ། །ལིང་གའི་ཚད་ནི་སོར་བཞི་འམ་སོར་བཅུ་གཉིས། །མནན་སྣོད་གཅན་གཟན་ཐོད་པ་ཡོད་ན་ལེགས། །ས་འོག་ཆུ་སྲིན་ཁ་རུ་བཅུག་པར་དམིགས། །རོ་གཡམ་རྒྱ་གྲམ་བྲིས་པས་སྟེང་། །ནས་མནན། །རྐང་པས་བརྫིས་སོགས་བྲོ་མནན་སྤྱི་དང་མཚུངས། །དེ་བྱས་ནག་པོའི་ཀླུ་ཡང་སོད་གྱུར་ན། །གདོན་བགེགས་གཞན་ལ་སྨོས་ཀྱང་ཅི་དགོས་གསུངས། །ཕུར་པ་དེ་ཉིད་བསྒྲུབ་པའི་རྟེན་དུ་འཆང་། །སྨྱོན་པ་སེར་བ་སོགས་ལ་གདེངས་པས་ཐུལ། །གསང་བ་ཐུགས་ཀྱི་ཕུར་གཅིག་མ་ཞེས་བྱ། །གཏོར་མ་བྲུབ་ཁུང་ལིང་གར་བརྡེག་གསུངས་ཀྱང་། །དང་པོ་གནས་གསུམ་གཏུག་ལ་དངོས་གྲུབ་བླངས། །རྩ་སྔགས་ཤམ་ལ་དངོས་གྲུབ་ལེན་པའི་སྔགས། །ཀཱ་ཡ་ཝཱཀ་ཙིཏྟ་སརྦ་སིདྡྷི་ཧཱུྃ། །སྒྲུབ་པ་ཡིན་ན་བསྒྲུབ་པ་མ་གྲོལ་བར། གཞུང་གི་གཏོར་མགྲོན་གཤེགས་པའི་ཚིག་དེ་བསྐྱུར། །དངོས་གྲུབ་བླངས་རྗེས་གཏོར་ལྷ་ནམ་མཁར་བཏེག །ལིང་གའི་སྨད་བཅུག་ཤ་ཁྲག་དམིགས་ལ་བསྔོ། །དེ་ལྷག་གཏོར་མ་མེ་

[Full Size]

དཔུང་ཆེན་པོར་དམིགས། །བྲུབ་ཁུང་ནང་གི་ལིང་རོའི་སྟེང་དུ་བརྡེག །བསྲེག་མནན་ལ་སོགས་ཐམས་ཅད་ཚར་བའི་རྗེས། །མཆོད་གཏོར་བཟང་བཤམས་བདག་མདུན་ཚར་གཅིག་བཏང་། །གཏང་རག་ཚུལ་དུ་གཏོར་བསྔོས་གཞུང་ལྟར་བྱ། །གཏོར་མགྲོན་གཤེགས་དང་ཐུན་བསྡུ་གཞུང་ལྟར་རོ། །དེ་ནི་རྗེས་ཆོག་ཡིན་ཞིང་མཚམས་གྲོལ་བྱ། །དེ་ཡིས་གཞུང་གི་སྒྲུབ་པའི་དོན་རྣམས་ཚང་། །དེ་ནས་སྒྲུབ་པའི་རྗེས་སམ་ནམ་ཡང་རུང་། །ལས་བཞིའི་སྦྱིན་སྲེག་སྤྱི་ལྟར་ཤེས་པའི་མིས། །ཐེབ་ཙེའི་ནང་དུ་ཏིལ་ནི་ནག་པོ་བླུགས། །རང་གི་སྙིང་གར་པཾ་ཡིག་ནག་པོ་ལ། །ལུས་ངག་ཡིད་གསུམ་སྡིག་སྒྲིབ་ཐིམ་པར་བསམ། །རང་གི་རྐང་མཐིལ་ཡཾ་ལས་རླུང་གཡོས་པས། །ལྟེ་བའི་རཾ་ལས་གཏུམ་མོའི་མེ་ལྕེ་འབར། །སྙིང་གའི་བཻ་ཡིག་སྡིག་པ་རྭ་ཅན་གྱི། །རྣམ་པར་སྣ་བུག་གཡས་ནས་ཏིལ་ལ་ཐིམ། །དེ་འདྲའི་དམིགས་པ་བདུན་ནམ་ཉེར་གཅིག་བྱ། །དེ་ནས་ཡམ་ཤིང་མར་ཁུ་ཕུལ་བའི་རྗེས། །ཏིལ་ནག་བརྒྱ་དང་རྩ་བརྒྱད་སྔགས་འདིས་ཕུལ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་སརྦ་པཱ་པཾ་ད་ཧ་ན་ཤཱནཾ་ཀུ་རུ་ཡེ་སྭཱ་ཧཱ། སྡིག་པ་ཆེ་ན་ཉིས་བརྒྱ་སུམ་བརྒྱ་བསྲེགས། །ཤིན་ཏུ་ཆེ་ན་སྟོང་སོགས་

[Full Size]

སྐབས་དང་བསྟུན། །མེ་ཏོག་དཀར་པོ་དཀར་གསུམ་ལ་སོགས་པ། །ཞི་བའི་བསྲེག་རྫས་ཅི་འབྱོར་ཙམ་ཞིག་འབུལ། །མདུན་བསྐྱེད་མེ་ལྷ་ཕྱག་རྡོར་ཐུགས་ཀ་ནས། །འོད་ཟེར་དཀར་པོ་རང་གི་སྤྱི་གཙུག་ཞུགས། །སྡིག་སྒྲིབ་ཐམས་ཅད་དུད་ཁུ་སོལ་ཁུ་ལྟར། །བཤང་ལམ་ནས་ཐོན་ས་འོག་སོང་བར་དམིགས། །འདི་ནི་རང་གི་སྒྲིབ་སྦྱོང་མཆོག་ཡིན་པར། །རྒྱ་གཞུང་ཉིད་ནས་ཤིན་ཏུ་རྒྱ་ཆེར་གསུངས། །ནད་པ་གསོ་ན་ནད་པའི་མིང་གཟུགས་བྲིས། །དགྲ་བགེགས་ཞི་འདོད་དེ་ཡི་མིང་གཟུགས་བྲིས། །མེ་ལྷ་ཕྱག་རྡོར་འོད་ཟེར་དམར་པོ་ནི། །མེ་ཡི་རང་བཞིན་འཕྲོས་པས་ནད་པའི་ནད། །དགྲ་དང་བགེགས་ཀྱི་གདུག་རྩུབ་བསམ་ངན་རྣམས། །ཐམས་ཅད་འོད་ཟེར་དེ་ཡིས་གཞོབ་ཐུལ་བསྲེགས། །སླར་ཡང་འོད་ཟེར་དཀར་པོ་འཕྲོས་པ་ཡིས། །ནད་དང་གདུག་རྩུབ་ཐམས་ཅད་ཞི་བར་དམིགས། །གཟུགས་མིང་དེ་ཡང་སྦྱིན་སྲེག་ནང་དུ་བཞུ། །ནད་ལ་གྲོ་དང་བགེགས་ལ་ཡུངས་ཀར་འབུལ། །གོང་ལྟར་ཕཊ་སྤངས་པ་ཡི་སྔགས་དེ་ལ། །ཆེ་གེའི་ནད་གདོན་ཤཱནཾ་ཀུ་རུ་ཡེ་སྭཱ་ཧཱ། བརྒྱ་སྟོང་ལ་སོགས་སྐབས་དང་བསྟུན་པར་བྱ། །དེ་བཞིན་མེ་ཏོག་སེར་པོ་རིན་

[Full Size]

ཆེན་འབྲུ། །བརྒྱ་རྩ་བརྒྱད་བསྲེགས་འོད་ཟེར་སེར་པོ་ཡིས། །རང་གཞིན་ཚེ་དང་བསོད་ནམས་རྒྱས་པར་དམིགས། །ཆྒེ་པུཥྚིཾཀུ་རུ་བྷྱོ་ཤད། །མེ་ཏོག་དམར་པོ་སྨན་སྣ་བརྒྱ་རྩ་བསྲེགས། །འོད་ཟེར་དམར་པོས་སྣང་སྲིད་དབང་བསྡུས་བསམ། །གང་འདོད་ཆེ་གེ་ཛ་ཛཿཧོཿ །མེ་ཏོག་སྔོན་པོ་དུག་སྣ་ཤ་ཁྲག་ཚོགས། །ཐུན་རྫ་ས་ལིང་གར་བཏབ་པ་བརྒྱ་རྩ་བསྲེགས། །སྔགས་རིང་ཉེར་བརྒྱད་པའམ་གཉིས་ཀའི་མཇུག །གནོད་བྱེད་མཱ་ར་ཡ་ཕཊ། ཚངས་པའི་ཚེ་དང་ལྡན་ཡང་བརླག་པར་གསུངས། །འདི་ཡི་སྔགས་རིང་ནཱ་ག་ཞེས་པ་རྣམས། །ཀླུ་ཡི་གནོད་དང་ཀླུ་ཉིད་འདུལ་སྔགས་ཏེ། །དེ་མིན་དགྲ་བགེགས་གཞན་ལ་ཡིན་ན་ནི། །ཀླུ་ཉིད་ལས་མཁན་གྱུར་ནས་དེ་གསོད་བྱེད། །དེ་ནི་སློབ་དཔོན་རྣམས་ཀྱི་ཞལ་ཁྲིད་ཡིན། །རང་ཉིད་གཏུམ་པོའི་བ་སྤུའི་བུ་ག་ནས། །ཁྲོ་ཆུང་མཚོན་ཆ་ཐོགས་པ་སྐར་ལྟར་འཁྲུགས། །རང་ཉིད་བསྐལ་པའི་མེ་དཔུང་ཀློང་ན་བཞུགས། །ཀླུ་ལས་འཕྲོས་པའི་མེ་དཔུང་ཁྲོ་ཚོགས་ཀྱིས། །གནོད་བྱེད་གང་ཡིན་ནམ་མཁའི་མཐར་བསྐྱེད་བསྒོམ། །རྩ་སྔགས་མཇུག་ཏུ་འདི་བཏགས་ཅུང་ཟད་བཟླ། །ཨོཾ་ར་ཙ་སྟེ་བྷ་ཡ་ཆིང་ཆིང་སྭཱ་ཧཱ། །དེ་ཡིས་ཕོ་

[Full Size]

གདོན་རྒྱལ་པོའི་གནོད་པ་ཟློག །བྷྱོ་མ་མ་ཏྲག་རཀྵ། མ་མ་ཏྲག་རུ་སྭཱ་ཧཱ། དེ་ཡིས་མོ་གདོན་རིགས་ཀྱི་གནོད་པ་ཟློག །དེ་ཡིས་ལས་ཚོགས་ཉེར་མཁོ་ཐམས་ཅད་ཚང་། །དེ་ནས་དེ་དག་ཕན་ཡོན་བསྟན་པ་ནི། །ཕྱག་རྡོར་གསང་བ་བསྟན་པའི་རྒྱུད་དང་ནི། །གཏུམ་པོ་ནཱ་ག་ཀླུ་འདུལ་ནག་པོའི་རྒྱུད་གཉིས་ཀ་ནས་རྩ་སྔགས་ཙཎྜ་མ་གསུངས། འཕགས་པ་བར་དུ་གཅོད་པ་སེལ་བའི་གཟུངས་ལས་ཀྱང་ཙཎྜ་མ་གསུངས་ནས། གཤིས་ངན་དུ་འཆི་བ་བཅུ་གསུམ་སྟེ། དུག །མཚོན། ལྷོག་པ། མཚོན་བརྒྱབ་པ། གཅན་གཟན་གྱིས་ཟ་བ། མེས་ཚིག་པ། ཆུས་འཆི་བ། འགོ་བའི་རིམས་གཞན་ཡ་ང་བ། མཛེ་ནད། གསོར་མི་རུང་བའི་ནད་ཡ་ང་བ། གཡང་ལ་ལྟུང་བ། གཞན་གྱི་བྱད་དང་། ཟས་ཀྱིས་བརྣངས་བ་དང་། བདག་རང་གིས་གསོད་པ་སྟེ། གཤིས་ངན་དུ་འཆི་བ་བཅུ་གསུམ་གྱིས་རྐྱེན་བྱེད་པར་མི་འགྱུར་རོ། །འདི་འཛིན་པ་དང་། འཆང་བ་དང་། །བཟླས་བརྗོད་བྱེད་པ་ལ་ནི། ས་དང་ནམ་མཁའ་ལ་གནས་པའི་བགེགས་དྲེགས་པ་ཅན་མ་རུངས་པ་རྣམས་ཀྱིས་གླགས་རྙེད་པར་མི་འགྱུར་རོ། །དེ་ལ་ལས་ཀྱི་སྒྲིབ་པ་དང་། ཉོན་

[Full Size]

མོངས་པའི་སྒྲིབ་པ་དང་། ཤེས་བྱའི་སྒྲིབ་པ་ཐམས་ཅད་བྱང་ཞིང་དག་སྟེ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ནཱ་ག་ཀླུ་འདུལ་གཏུམ་པོའི་རྒྱུད་ལས། ཀླུ་རྣམས་ཀྱིས་གསོལ་པ། གཏུམ་པོ་ཁྱུང་གི་ཚོགས་རྣམས་ཀྱི། །བཀའ་ལས་མི་འདའ་ཚུལ་བཞིན་སྒྲུབས། །གལ་ཏེ་བཀའ་ལས་འདས་གྱུར་ན། །བདག་ཅག་ཀླུ་རྣམས་རྡུལ་དུ་བརླག་གྱུར་ཅིག །ཅེས་ཀླུ་རྣམས་ཀྱིས་དམ་བཅས་སོ། །གཏད་མནན་བྱས་པ་རང་ལ་ལོག་དོག་གམ། །རང་ཉིད་གཞན་གྱི་གཏད་ཞབས་སོང་བའམ། །ཀླུ་དང་ས་བདག་ནད་གདོན་ལུས་ཞུགས་ན། །རང་གི་ལུས་ནི་བུད་ཤིང་ཕུང་པོར་བསམས། །རང་སེམས་རཾ་ལས་ཡེ་ཤེས་མེ་འབར་བས། །རང་ལུས་བུད་ཤིང་ཀླུ་དང་བཅས་པ་ཚིག །ཙཎཱའི་སྔགས་མཇུག་འདི་ཉིད་བཏགས་ལ་བཟླ། །ༀ་བཛྲ་མ་ཧཱ་ཀྲོ་དྷ་པད་མ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་རཾ་ཧཱུྃ་ཕཊ། ནཱ་ག་དུ་ཙནྡ་ཙནྡྲ་མི་ལི་མི་ལི་བྷནྡྷ་བྷནྡྷ་ནཱ་ག་ནི་སྭཱ་ཧཱཿ །སྙིང་མི་དགའ་དང་བརྒྱལ་དང་འདར་ན་བཟླ། །དེ་མིན་སྔགས་རིང་དེ་ཉིད་བཟླ་མི་དགོས། །དེ་ནས་རང་ལུས་སྟོང་པར་གྱུར་པ་དེ། །སྐད་ཅིག་དྲན་རྫོགས་རྡོ་རྗེ་གཏུམ་པོར་

[Full Size]

གསལ། །གནས་ལྔ་ཁྱུང་ལྔ་ཡེ་ཤེས་སེམས་དཔའ་བཅས། །སྤྱི་གཙུག་རྒྱལ་རིགས་འདུལ་བྱེད་ཁྱུང་ནི་དཀར། །དཔུང་གཡས་དམངས་རིགས་འདུལ་བའི་ཁྱུང་ནི་སྔོ། །བརླ་གཡས་བྲམ་ཟེ་འདུལ་བའི་ཁྱུང་ནི་དམར། །བརླ་གཡོན་གདོལ་པ་འདུལ་བའི་ཁྱུང་ནི་ལྗང་། །དཔུང་གཡོན་རྗེའུ་རིགས་འདུལ་བའི་ཁྱུང་ནི་སེར། །རྒྱབ་ཏུ་ཀླུ་མོ་འདུལ་བའི་ཁྱུང་མོ་བཞི། །སོག་གཡས་མེ་ཏོག་འཛིན་པའི་ཁྱུང་མོ་དཀར། །སོག་གཡོན་བདུག་སྤོས་འཛིན་པའི་ཁྱུང་མོ་སེར། །དཔྱི་གཡོན་མར་མེ་འཛིན་པའི་ཁྱུང་ནི་དམར། །དཔྱི་གཡས་དྲི་ཆབ་འཛིན་པའི་ཁྱུང་མོ་ལྗང་། །བ་སྤུ་ཐམས་ཅད་ཁྱུང་ཕྲུག་སྔོན་པོས་གཏམས། །སྐུ་ལས་སྤྲུལ་པའི་ཁྱུང་ཆེན་སྣ་ཚོགས་འཕྲོ། །ཡང་སྤྲུལ་ཁྱུང་ནི་བུ་ཡུག་བཞིན་དུ་འཚུབ། །སུམ་སྤྲུལ་ཁྱུང་གིས་སྟོང་གསུམ་འཇིག་རྟེན་གང་། །ཀུན་ཀྱང་གཡུ་ཡི་སྨིན་མ་མེ་ལྕེ་འབར། །སྤྱན་ནི་ཁྲག་གི་རང་བཞིན་རྦ་རླབས་འཁྲུགས། །གནམ་ལྕགས་འབར་བའི་རྭ་ལ་དུད་པ་ཐུལ། །སྤྱི་གཙུག་ནོར་བུ་དགོས་འདོད་ཆར་པ་འབེབས། །རྡོ་རྗེ་ཕ་ལམ་མཆུ་སྡེར་རྣོ་ཞིང་མཁྲེགས། །རལ་གྲིའི་གཤོག་པ་ཆུ་གྲིའི་མཇུག་སྒྲོ་ཅན། །སྤུ་གྲིའི་ཐིལ་ཕྲན་གསེབ་ནས་

[Full Size]

བྱེ་ཚན་འབེབས། །ཀྲང་ཀྲིང་སྒྲ་སྒྲོག་འཕུར་ལྡིང་སྣ་ཚོགས་བྱེད། །གནོད་བྱེད་རང་མདོག་སྦྲུལ་གྱི་རྣམ་པར་ཟ། །དེ་ལྟར་ཁྱུང་ཆེན་ཉེར་གཅིག་གོ་ཆ་འདི། །ལས་སྐྱོགས་དྲག་པོ་ནམ་ཕྱེད་བསྒོམ་པར་གསུངས། །དེ་ནས་མཚམས་གཅོད་བསྲུང་བའི་དམིགས་རིམ་ནི། །བསྲུང་བྱ་ཐམས་ཅད་རང་གི་གཡས་གཡོན་བསམ། །སྐུ་ལས་འོད་ཟེར་ཁ་དོག་ལྔ་འཕྲོས་པས། །སྟེང་འོག་ཕྱོགས་མཚམས་བར་མཚམས་སྲུབ་མེད་པར། །འོད་ཟེར་དཀར་པོ་རྡོ་རྗེ་དཀར་པོའི་གུར། །སེར་པོ་ནོར་བུས་མཚན་པའི་ཕུར་པའི་གུར། །དམར་པོ་པདྨས་མཚན་པའི་གྲི་གུག་གུར། །ལྗང་གུ་རྒྱ་གྲམ་མཚན་པའི་རལ་གྲིའི་གུར། །མཐིང་ཀ་སྟེང་འོག་གནམ་ལྕགས་འཁོར་ལོ་ནི། །རྩིབས་སྟོང་སོ་འཐབས་གཡས་གཡོན་འཁོར་བའི་གུར། །དེ་རྒྱབ་འོད་ལྔ་འཁྲུགས་པའི་ཡེ་ཤེས་ཀྱི། །མེ་རི་ཁ་དོག་ལྔ་ལྡན་འབར་བར་བསྒོམ། །ཡེ་ནས་དམ་ཚིག་ཡེ་ཤེས་དབྱེར་མེད་དེ། །སྤྱན་འདྲེན་དབང་བསྐུར་མི་དགོས་དྲན་རྫོགས་ཡིན། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་གནོད་བྱེད་ཨུ་ཙ་ཏ་ཡ་ཧཱུྃ་ཕཊ། །འདི་ནི་རྒྱུན་ཁྱེར་རང་གཞན་བསྲུང་བའི་མཆོག །དེ་ལྟར་སེམས་དཔའ་རང་བྱུང་རྡོ་རྗེ་ཡི། །ཁྱད་ཆོས་ཤམ་བུ་ཅན་གྱི་ཆོས་བཞི་

[Full Size]

ལས། །ཕྱག་ན་རྡོ་རྗེ་ཁྱུང་གི་ཤམ་བུ་ཅན། །རྒྱ་ཆེན་རྒྱུད་གཞུང་རྣམས་ནས་འབྱུང་བ་དང་། །མན་ངག་སློབ་དཔོན་རྣམས་ཀྱི་ཞལ་གདམས་དང་། །རང་ལོ་བཅོ་བརྒྱད་ལོན་ནས་ད་ཡི་བར། །ཉམས་སུ་བླངས་བའི་མྱོང་བ་དང་བསྟུན་ནས། །རིག་སྔགས་འཆང་བ་མཐར་ཕྱིན་ཞེས་བྱ་བས། །ཡང་ཡང་ནན་གྱིས་བསྐུལ་བ་དོན་ཡོད་ཕྱིར། །ལུག་ལོ་ས་གའི་དམར་པོའི་ཚེས་གཅིག་གི་།སྔ་དྲོའི་ཆ་ལ་རཱ་ག་ཨ་སྱས་གདམས། །ཡི་གེ་པ་ཡང་ཞུ་བ་པོ་དེས་བྱས། །ཉེས་འགལ་གང་མཆིས་ཡི་དམ་ལྷ་ལ་བཤགས། །དགེ་བས་འགྲོ་ཀུན་རྡོ་རྗེ་འཛིན་ཐོབ་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཕྱག་ན་རྡོ་རྗེ་གཏུམ་པོའི་ལས་ཚོགས་ལས་ཀླུ་གཏོར་རྒྱས་པ་དང་ཞོར་བྱུང་ཀླུའི་གདོན་བཀྲོལ་བསྡུས་པ་བལྟས་ཆོག་ཏུ་བཀོད་པ།

[Full Size]

ཕྱག་ན་རྡོ་རྗེ་གཏུམ་པོའི་ལས་ཚོགས་ལས་ཀླུ་གཏོར་རྒྱས་པ་དང་ཞོར་བྱུང་ཀླུའི་གདོན་བཀྲོལ་བསྡུས་པ་བལྟས་ཆོག་ཏུ་བཀོད་པ་བཞུགས་སོ།།

[Full Size]

ན་མོ་གུ་རུ་བཛྲ་པཱ་ཎི་ཡེ། །བླ་མ་རྡོ་རྗེ་གཏུམ་པོ་ལ། །གུས་པའི་ཡིད་ཀྱིས་ཕྱག་འཚལ་ནས། །རང་དང་གཞན་ལ་ཕན་པའི་ཕྱིར། །ཀླུ་གཏོར་ཆོ་ག་རྒྱས་པ་ནི། །གདོན་བཀྲོལ་བཅས་པ་བྲི་བར་བྱ། །གསང་བའི་བདག་པོས་བདག་སྲུངས་ཤིག །དེ་ནས་ཀླུའི་གདོན་ཁྲོལ་རྒྱས་པ་ཀླུ་ཡི་དཀྱིལ་འཁོར་རྒྱས་པར་བཞེངས་ནས་ཞག་བདུན་ཉེར་གཅིག་སོགས་སུ་བསྒྲུབ་དགོས་པར་གསུངས་པས་འདིར་མ་སྤྲོས་ལ། འདིར་ཕྱག་རྡོར་གྱི་ལས་ཚོགས་ཀླུ་གཏོར་རྒྱས་པར་བཏང་བའི་ཞོར་ལ་ཀླུའི་གདོན་ཁྲོལ་དང་ཀླུ་གཏོར་བྱ་ཚུལ་བསྡུས་ཏེ་བརྗོད་ན་སྟབས་བདེ་ཞིང་ཕན་ཆེ་བར་མཐོང་བས། དེ་ལ་སྦྱོར་བ་བཅའ་ཐབས་དང་། དངོས་གཞི་ཆོ་ག་མཇུག་ཏུ་སྦ་ཚུལ་སྲུང་བ་དང་

[Full Size]

བཅས་པའོ། །དང་པོ་དངོས་གཞིའི་ཐོག་ཏུ་ནས་ཚོམ་བུ་བརྒྱད་བཀོད་པའི་དབུས་སུ་བུམ་པ་སྤྱི་ལྟར་བཅའ། དབང་དང་འབྲེལ་ན་དབང་གཏོར་དང་མཐར་མཆོད་པས་བསྐོར་རོ། །རྡོ་ལེབ་གཙང་མ་ལ་ཚོན་གཙང་མའམ་རྡོ་དཀར་གྱི་པདྨ་འདབ་བརྒྱད་དགུ་རིམ་བྲིས་ལ། དེ་ཀ་ཏོ་རའམ་ཤིང་གི་གཞོང་པ་གཙང་མར་ཤ་ཁྲག་གླ་རྩི་སོགས་དྲི་མ་མེད་ངེས་པའི་དཀྱིལ་དུ་བཞག །པད་འདབ་དབུས་སུ་ཟན་གཙང་མའི་ཀོང་བུ་མེ་ཏོག་གི་གཟུགས་བྱས་པ་ཆེ་བ་གཅིག་བཞག་པའི་སྡོང་བུ་ལ། ཤུག་པའམ་འོམ་བུ་སུར་དཀར་ལྟ་བུའི་བཟང་ཤིང་ཡལ་ག་ཅུང་ཟད་ཅིག་བཙུགས། ཀོང་བུའི་ནང་དུ་ཀླུ་སྨན་རིལ་བུ་གཅིག་བཞག །ཀོང་བུའི་རྩ་བ་དེ་རབ་ཟངས་འབྲིང་རྫ་ཐ་མ་བག་ཟན་ལ་གླང་བུ་དམར་པོ་གཅིག་བྱས་པའི་ཁོག་པར། རིན་པོ་ཆེ་སྣ་ཚོགས་དར་ཟབ་

[Full Size]

དཀར་གསུམ་མངར་གསུམ་གཞུག །རྟ་ལ་མ་ཐ་སྙན་ལ་ཐ། མི་ཟད་ཡུན་གྱི་གཏེར་མཛོད་ཅིག །ཅེས་བྲིས་ལ་བཅུག །ཡང་ན་ཟངས་སྨའི་གླང་བུ་དངུལ་ཆུས་བཀང་བ་རྙེད་ན་རབ་ཡིན་ལ་བུམ་པ་བརྒྱད་མེད་ན་རྫ་བུམ་གཅིག་ཏུ་འབྲུ་སྣ་རིན་ཆེན་དང་ཀླུ་སྨན་གྱི་ས་བཀང་། ཀླུ་བརྒྱད་ཀྱི་སྙིང་པོ་བྲིས་ལ་བཅུག །བུམ་པ་ཀོང་བུའི་དྲུང་ངམ་མ་ཤོང་ན་ཀ་ཏོ་རའི་འགྲམ་དུ་བཞག །གླང་བུ་ཀོང་བུའི་རྩར་བཞག །དེའི་མཐར་བག་ཟན་ནམ་མ་འབྱོར་ན་ཟན་གཙང་མ་ལ་རབ་ཀླུ་བརྒྱད་ཀྱི་གཟུགས། དེ་མ་ཐོན་ན་སྤྲུལ་བརྒྱད་རེ་རེ་ལ་སྦྲུལ་མགོ་བདུན་རེ་ཡོད་པ་བྱ། གཞན་ཡང་སྤྲུལ་ཉ་ལྕོང་སྦལ་གསུམ། ཕག་སེར་ཁྲ་བུད་མེད་སྔོ་བཀྲ་འབྲང་རྒྱས་ཕྱེད་དཀར་ཕྱེད་ནག །མཛོ་རྟོལ་རྟ་བ་གླང་ཤ་བ། སྡོམ་སྡིག་འབུ་ལ་སོགས་ཀླུ་གཟུགས་སྣ་ཚོགས་རེ་རེ་ལ་བརྒྱད་དམ་ལྔའམ་གསུམ་མམ་རེ་རེ་བྱ། རིལ་བུ་དང་དཀར་གཏོར་ཆུང་ཆུང་བརྒྱད་དམ་ལྔའམ་གཅིག་གང་འགྲུབ་དང་མཐེབ་སྐྱུས་བསྐོར་རོ། །ཡོད་ན་མེ་ཏོག་སྣ་ཚོགས་ཆུ་ནས་བཏོན་ལ་སྣོད་དེར་བཀྲམ། དེ་ནས་སྣོད་གཙང་མར་རབ་བ་དཀར་པོའམ་དམར་པོའི་འོ་མ། རི་དཀར་འོ་མ། འབྲི་ཟལ་མོའི་འོ་མ་རྣམས་ཐམས་ཅད་ཡོད་ན་བཟང་། མེད་ན་གང་རྙེད་དང་། ཉུང་ན་ཆུ་གཙང་དང་སྦྱར་ལ་ཀླུ་སྨན་ཅུང་་ཟད་བཏབ་ལ་བཞག །རང་ཤ་ཆང་སྒོག་ཙོང་སྤངས་ཁྲུས་བྱས་ཆབ་བླངས་ལ། རང་ཉིད་སྐད་ཅིག་གིས་གསང་བའི་བདག་པོར་གསལ་བའི་ཐུགས་ཀའི་ཧཱུྃ་ལས་འོད་འཕྲོས་ལྕང་ལོ་ཅན་ནས་ཕྱག་ན་རྡོ་

[Full Size]

རྗེ་ལ་སངས་རྒྱས་དང་ཀླུ་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ་སྤྱན་དྲངས། བཛྲ་པཱ་ཎི་ས་པ་རི་ཝཱ་ར་བཛྲ་ས་མཱ་ཛཿ ན་མོ་བཛྲ་པཱ་ཎི་ཨརྒྷཾ་སོགས། དཀོན་མཆོག་གསུམ་ལ་བདག་སྐྱབས་མཆི། ཞེས་སོགས་དང་སེམས་ཅན་ཐམས་ཅད་བདེ་བ་དང་༔ ཞེས་སོགས་ཚད་མེད་བཞི་བསྒོམས་ནས། ཚོགས་ཞིང་རང་གནས་སུ་བཛྲ་མུཿ ཨོཾ་སྭ་བྷ་ཝ་སོགས་ཀྱིས་སྦྱང་། སྟོང་པའི་ངང་ལས་སྣ་ཚོགས་པདྨ་ཉི་མའི་གདན་ལ་རང་སེམས་ཧཱུྃ་མཐིང་ནག་ལས་འོད་ཟེར་འཕྲོས། འཕགས་པ་མཆོད་སེམས་ཅན་གྱི་དོན་བྱས་ཚུར་འདུས་ཧཱུྃ་ལ་ཐིམ་པས་རྡོ་རྗེ་རྩེ་དགུ་ཧཱུྃ་གིས་མཚན་པ་དེ་ཡོངས་སུ་གྱུར་པ་ལས། རང་ཉིད་སྐད་ཅིག་གིས་བཅོམ་ལྡན་འདས་གསང་བའི་བདག་པོ་སྐུ་མདོག་མཐིང་ནག་ཐུང་ཞིང་འགེལ་བ་སྤྱན་གསུམ་མེ་མདག་གི་ཕུང་པོ་ལྟར་བགྲད་ཅིང་སྤུ་གྲི་ལྟར་འབར་བའི་མཆེ་བ་བཞི་གཙིགས་པ། གློག་ལྟ་བུའི་ལྗགས་བརྐྱངས་ཤིང་དབུགས་མེ་ལྟར་འབར་བ། །ཕྱག་གཡས་རྡོ་རྗེ་རྩེ་ལྔ་ནམ་མཁར་གསོར་ཞིང་གཡོན་སྡིགས་མཛུབ་ཐུགས་ཀར་མཛད་པའི་རྩེ་ནས་ཁྱུང་གི་ཁྲ་འགྱེད་པ། གོས་སྔོན་པོའི་སྟོད་གཡོགས་སྟག་གི་པགས་པའི་སྨད

[Full Size]

དཀྲིས་ཅན། ཐོད་སྐམ་དང་རིན་པོ་ཆེའི་རྩེ་བྲན་གྱིས་བརྒྱན་པའི་དབུ་སྐྲ་གྱེན་དུ་བརྫེས་པ། སྨ་ར་དང་སྨིན་མ་དམར་སེར་གྱེན་དུ་བསྐྱོད་པ་ལས་མེ་སྟག་འཕྲོ་ཞིང་། ཉི་ཟླ་ཕྲག་པར་ཁུར་བ། སྐུ་ལ་སྦྲུལ་ཆེན་པོ་བརྒྱད་ཀྱིས་བརྒྱན་ཅིང་མཐའི་རྒྱ་མཚོ་དཔག་ཚད་བརྒྱད་ཁྲི་བཞི་སྟོང་པ་པུས་མོར་ཕྱིན་པ། པད་ཉི་ཀླུ་གདོན་གདན་དུ་བྱས་པ་ལ་ཞབས་གཡས་བསྐུམས་ཤིང་གཡོན་བརྐྱངས་བར་བཞུགས་པ། སངས་རྒྱས་གང་གཱའི་ཀླུང་གི་བྱེ་མ་སྙེད་བྱེ་བ་བརྒྱ་སྟོང་གི་མཐུ་སྟོབས་ཀྱི་བདག་པོར་དབང་བསྐུར་ཞིང་གསང་བའི་མཛོད་འཛིན་པའི་སྐུར་གྱུར། དེའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་འཕྲོས་ཡེ་ཤེས་པ་སྤྱན་དྲངས། ཛཿཧཱུྃ་བཾ་ཧོཿ སླར་ཡང་དབང་ལྷ་རིགས་ལྔ་སྤྱན་དྲངས་དབང་བསྐུར་སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས། མི་བསྐྱོད་པས་དབུ་བརྒྱན་པར་གྱུར། ཨོཾ་བཛྲ་པཱ་ཎི་ཧཱུྃ། ཨརྒྷཾ་སོགས། ལྕང་ལོ་ཅན་གྱི་གནས་མཆོག་དམ་པ་ནས། །གསང་སྔགས་རིག་སྔགས་ཀུན་གྱི་བདག་པོ་སྟེ། །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ། །གསང་བདག་རྡོ་རྗེ་འཛིན་ལ་ཕྱག་འཚལ་བསྟོད། །རང་

[Full Size]

གི་ཐུགས་ཀར་ཡེ་ཤེས་སེམས་དཔའ་རྡོ་རྗེ་སྔོན་པོ་གྱེན་དུ་འགྲེང་བའི་ལྟེ་བར་ཉི་མའི་གདན་ལ། ཏིང་ངེ་འཛིན་སེམས་དཔའ་ཧཱུྃ་མཐིང་ནག་གི་མཐར་སྔགས་ཕྲེང་བེཌཱུརྱའི་ཞུན་མའི་ཁ་དོག་གཡས་སུ་འཁོར་བའི་འོད་ཟེར་གྱིས། དེ་བཞིན་གཤེགས་པ་ཐམས་ཅད་ཀྱི་མཐུ་སྟོབས་བསྡུས་ནས་རང་ཉིད་ལ་ཐིམ་པར་གྱུར། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཅེས་བརྒྱ་ཙམ་བསྙེན། ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ལས་རིན་པོ་ཆེའི་བུམ་པ་ལྟོ་བ་ཡངས་པ་མགྲིན་པ་རིང་བ་མཆུ་འཕྱང་བ། ཁ་རྒྱན་མགུལ་ཆིངས་ཕུན་སུམ་ཚོགས་པའི་ནང་དུ་མཾ་ལས་འོ་མའི་རྒྱ་མཚོའི་སྟེང་དུ་པཾ་ལས་པད་མ་འདབ་བརྒྱད་ཀྱི་ལྟེ་བར། ཟླ་བའི་གདན་ལ་ཧཱུྃ་ལས་གསང་བའི་བདག་པོ་སྐུ་མདོག་མཐིང་ཤག་ཁྲོ་ཞིང་འཛུམ་པ་དར་དང་རིན་པོ་ཆེའི་རྒྱན་ཅན། ཕྱག་གཡས་རྡོ་རྗེ་ཕྱར་ཞིང་གཡོན་སྡིགས་མཛུབ་དང་དྲིལ་བུ་ཐུགས་ཀར་འཛིན་པ། གོས་སྔོན་པོའི་སྟོད་གཡོགས་སྟག་གི་ཤམ་ཐབས་ཅན། ཞབས་འདོར་ཐབས་སུ་བཞུགས་པ། དེའི་མདུན་དྲུང་དུ་ཆུ་བདག་ཝ་རུ་ཎ་སྦྲུལ་མགོ་དགུའི་གདེངས་ཀ་ཅན་ཆར་སྤྲིན་ལ་ཞོན་པ། པད་འདབ་བརྒྱད་ལ་ཡེ་ཤེས་ཀྱི་

[Full Size]

ཀླུ་ཆེན་པོ་བརྒྱད་སྦྲུལ་མགོ་བདུན་བདུན་གྱི་གདེངས་ཀ་ཅན། ཀླུ་དགུ་པོ་སྐུ་མདོག་དཀར་པོ་ཞི་ཞིང་འཛུམ་པ་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། སྟོད་ལྷའི་རྣམ་པ་ཐལ་མོ་སྦྱར་ནས་གཙོ་བོའི་བཀའ་ཉན་པ། སྨད་སྦྲུལ་མཇུག་གཡས་སུ་འཁྱིལ་པའོ། །གཙོ་བོའི་གནས་གསུམ་ཡི་གེ་གསུམ་དང་། འཁོར་རྣམས་ཀྱི་ཐུགས་ཀའི་ཕུཡིག་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། ཨོཾ་བཛྲ་པཱ་ཎི་ནཱ་ག་རཱ་ཛཿ ས་མ་ཡ་ཛཿ ཛཿཧཱུྃ་བཾ་ཧོ༔གཉིས་སུ་མེད་པར་གྱུར། དབང་ལྷ་སྤྱན་དྲངས་ནས་དབང་བསྐུར་བས་གཙོ་བོ་ལ་མི་བསྐྱོད་པས་དབུ་བརྒྱན་པར་གྱུར། གཙོ་འཁོར་རྣམས་རང་རང་གི་ཐུགས་ཀར་ས་བོན་ལ་རང་རང་གི་སྔགས་ཀྱིས་བསྐོར་བ་ལས་བདུད་རྩིའི་རྒྱུན་བབ། སྐུའི་བ་སྤུའི་བུ་ག་ནས་བྱུང་སྟེ་བདུད་རྩིའི་རྒྱུན་གྱིས་བུམ་པ་གང་བར་གྱུར། རང་གི་ཐུགས་ཀའི་འོད་ཟེར་གཟུངས་ཐག་ལ་འཁྲིལ་ནས་བུམ་ལྷའི་ཐུགས་རྒྱུད་བསྐུལ་བར་གྱུར། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ནཱ་ག་ཤཱིནྟཾ་ཀུ་རུ་སྭཱ་ཧཱ། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཀཱ་ཡ་ཝཱཀ་ཙིཏྟ་སྭ་བྷ་ཝ་ཤུདྡྷོཉཧཾ། ཞེས་བརྒྱ་དང་། ཨོཾ་ཝ་རུ་ཎ་ཡེ་ཤིནྟཾ་ཀུ་རུ་སྭཱ་ཧཱ། ཨོཾ་ཨ་ནན་ཏ་ཡེ་ཤིནྟཾ་ཀུ་རུ་སྭཱ་

[Full Size]

ཧཱ། ཨོཾ་བཱ་སུ་ཀ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་ཏག་ཤ་ཀ་ཡེ་ཤྲིནྟཾ་ཀུ་རུ་སྭཱ་ཧཱ། ཨོཾ་ཀར་ཀོ་ཏ་ཡེ་ཤྲིནྟཾ་ཀུ་རུ་སྭཱ་ཧཱ། ཨོཾ་པདྨ་ཡེ་ཤཱིནཾ་ཀུ་རུ་སྭཱ་ཧཱ། ཨོཾ་མ་ཧཱ་པདྨ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་ཤི་ཀ་པཱ་ལ་ཡེ་ཤྲིནྟཾ་ཀུ་རུ་སྭཱ་ཧཱ། ཨོཾ་ཀུ་ལིང་ཀ་ཡེ་ཤཱིནྟཾ་ཀུ་རུ་སྭཱ་ཧཱ། ཞེས་བརྒྱའམ་ཉེར་གཅིག་བདུན་རེ་ཙམ་གང་འགྲུབ་བཟླ། བཛྲ་པཱ་ཎི་ནཱ་ག་རཱ་ཛཿ ཨཧཱུྃ་སོགས། ལྕང་ལོ་ཅན་གྱི་སོགས་བསྟོད། གདེངས་ཀ་ནོར་བུ་འབར་བའི་འོད་ཀྱིས་ནི། །ས་འོག་མུན་པ་མ་ལུས་སེལ་མཛད་ཅིང་། །བསྟན་ལ་རབ་དགའ་མཐུ་སྟོབས་བསམ་མི་ཁྱབ། །ཀླུ་རྒྱལ་འཁོར་དང་བཅས་ལ་ཕྱག་འཚལ་བསྟོད། །བུམ་ལྷ་ཡེ་ཤེས་པ་རང་གནས་སུ་བཛྲ་མུཿ དམ་ཚིག་པ་འོད་དུ་ཞུ་བས་བུམ་ཆུ་དང་དབྱེར་མེད་པར་གྱུར། ཕྱག་རྡོར་གྱི་གཏོར་མ་བྲན་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་དུ་གཏོར་མ་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ༔ རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ལྕང་ལོ་ཅན་ནས་གསང་བའི་བདག་པོ་སྤྱན་དྲངས་ཏེ་མདུན་བསྐྱེད་མཎྜལ་གྱི་དབུས་སུ་བཞུགས་པར་གྱུར། ཧཱུྃ། མ་ལུས་

[Full Size]

སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་མཛད་པ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་པཱ་ཎི་ས་མཱ་ཛཿ པདྨ་ཀ་མ་ལྱཱ་སིཾ། མཆོད་པའི་སྤྲིན་རྒྱ་མཚོ་བསམ་གྱིས་མི་ཁྱབ་པར་གྱུར། ཨོཾ་བཛྲ་སྤ་ར་ཎ་ཁཾ། ཆུ་བཞི་ཉེར་སྤྱོད་ལྔ་དང་རོལ་མོ་དང་། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ནང་གི་མཆོད་པ་རིག་མ་བཅུ་དྲུག་དང་། །ཕྱི་ནང་གསང་བའི་མཆོད་པ་དུ་མས་མཆོད། །སྐྱེད་ཚལ་གཞལ་མེད་ཁང་པ་དཔག་བསམ་ཤིང་། །གཏེར་གྱི་བུམ་པ་ཁྲུས་རྫིང་པད་མར་བཅས། །རིན་ཆེན་འབྲུ་སྨན་རྩི་བཅུད་བང་མཛོད་དང་། །གོས་དར་ཁྲི་སྟན་བཞོན་པ་བྲན་འཁོར་འབུལ། །ཨོཾ་བཛྲ་པཱ་ཎི་ཨརྒྷཾ་སོགས། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧཱུྃ། སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ། །བདག་དང་གཞན་གྱི་དཔལ་གྱུར་ཐུགས་རྗེ་ཅན། །བདུད་ལས་རྣམ་རྒྱལ་ཡེ་ཤེས་ལྔ་དང་ལྡན། །ཕྱག་ན་རྡོ་རྗེ་ཆེ་ལ་ཕྱག་འཚལ་བསྟོད། །མཆོད་སྦྱིན་གཏོར་མ་ཕུལ་བ་འདི་བཞེས་ལ། །བདག་ཅག་

[Full Size]

དཔོན་སློབ་ཡོན་མཆོད་བསྲུང་བྱ་རྣམས། །ཀླུ་དང་གཉན་དང་ས་བདག་ས་སྲིན་གྱིས། །གནོད་ཅིང་འཚེ་བའི་འཇིགས་ལས་བསྐྱབ་ཏུ་གསོལ། །མཐོང་དུག་རེག་དུག་ཁ་རླངས་མཆེ་བའི་དུག །བསམ་སྦྱོར་ངན་པའི་དུག་རྣམས་ཞི་བ་དང་། །བདག་གིས་འདོད་པའི་དོན་ཀུན་འགྲུབ་པར་མཛོད། །ཅེས་གསོལ་བ་བཏབ། དེ་ནས་བདག་བསྐྱེད་གསང་བདག་ལ་ཁྲུས་གསོལ་བར་མོས་ལ། ཇི་ལྟར་བལྟམས་པ་ཙམ་གྱིས་ནི། །ཞེས་སོགས་བརྗོད་པས་བུམ་ཆུས་ཁ་བཤལ་ཅུང་ཟད་བཏུང་གདོང་ལ་བྱུག་ཅིང་ཁྲུས་བྱས་པས་རང་བསྲུང་དུ་ཡང་འགྱུར་རོ། །དེ་ནས། །ཧཱུྃ་ཧཱུྃ་ཧཱུྃ། རང་ཉིད་རྡོ་རྗེ་གཏུམ་པོ་གནས་འགྱུར་ནས། བྱང་ཆུབ་སེམས་དཔའ་ཕྱག་ན་རྡོ་རྗེ་སྐུ་མདོག་ཟླ་བ་དང་ཀུན་ད་ལྟར་དཀར་བ། ཞལ་གཅིག་སྤྱན་གསུམ་ཞི་ཞིང་འཛུམ་པ་ཕྱག་གཡས་མཆོག་སྦྱིན་མཛད་པའི་ཕྱག་མཐིལ་དུ་བཻ་ལས་དཔག་བསམ་གྱི་ཤིང་ལས། བདུད་རྩི་སྨན་གྱི་ཆར་འབེབས་པ། གཡོན་ཨུཏྤལ་དཀར་པོའི་ཡུ་བ་ཐུགས་ཀར་འཛིན་ཅིང་སྙན་གྱི་ཐད་དུ་ཁ་བྱེ་བའི་སྟེང་དུ་རྡོ་རྗེས་མཚན་པ། གཞོན་ནུ་རལ་པའི་ཅོད་པན་ཅན། རིན་པོ་ཆེའི་རྒྱན་དང་དར་གྱི་ན་བཟའ་ཅན། སེམས་དཔའི་སྐྱིལ་ཀྲུང་གིས་

[Full Size]

པད་དཀར་ཟླ་བའི་གདན་ལ་བཞུགས་པར་གྱུར། ཨོཾ་བཛྲ་པཱ་ཎི་ཧཱུྃ། ནད་པ་གདོན་གྱིས་ཟིན་པའི་རྐང་ལག་མགྲིན་པ་དང་ལྔ་ཚོན་སྐུད་སྔོ་དམར་གྱིས་དཀྲིས་ལ་མདུན་དུ་འཁོད་དོ། །ཀ་ཊོ་རར་ཀླུ་གཟུགས་ཀྱང་མདུན་དུ་སྟེགས་ཅུང་ཟད་ཅིག་གིས་ཁར་བཞག་པས་ཀླུ་སྨན་འོ་མ་ཅུང་ཟད་བླུགས་ཆུ་གཙང་གིས་བྲན། ཨོཾ་ཨ་མྲྀ་ཏེ་ཧཱུྃ་ཕཊ། །ཨོཾ་སྭ་བྷ་ཝ་སོགས། སྟོང་པའི་ངང་ལས་བདག་གི་ཐུགས་ཀ་ནས་ཡི་གེ་ཧཱུྃ་གཅིག་འཕྲོས་པས་གཏོར་སྣོད་རིན་པོ་ཆེའི་སྣོད་སྟོང་གསུམ་དང་མཉམ་པ། དེའི་ནང་དུ་ཁཾ་ལས་བདུད་རྩི་འོ་མའི་རྒྱ་མཚོ་ཆེན་པོ་ཁ་དོག་དཀར་ཞིང་རོ་མཆོག་བརྒྱ་དང་ལྡན་པ། དྲི་ཞིམ་སྤོས་ཀྱི་ངད་ལྡང་བ། དེའི་དབུས་སུ་ཨ་ལས་ཟླ་བའི་དཀྱིལ་འཁོར་གྱི་དབུས་སུ་ཨོཾ་ལས་སྨན་གྱི་སྡོང་པོ་སྟོང་གསུམ་དང་མཉམ་པ། དེའི་སྟེང་དུ་མེ་ཏོག་གི་ཀོ་མོག་ཆེན་པོའི་ནང་ཨ་ལས་ཟླ་བའི་གདན་ལ་བཾ་ལས་བདུད་རྩི་སྨན་གྱི་རྒྱ་མཚོ་མཚོ་ཆེན་མ་དྲོས་པ་ཙམ་གྱི་བདུད་རྩིའི་ཆུ་བོ་ཆེན་པོ་ཕྱོགས་ཐམས་ཅད་དུ་འབབ་པ། དེའི་སྟེང་དུ་ཡི་གེ་ཧཱུྃགཅིག་ལས་འོད་ཟེར་འཕྲོས་པས། ནེའུ་སིང་དང་ནགས་ཚལ་དང་། འབབ་ཆུ་ཉམས་དགའ་བ་དུ་མ་དང་། ས་ཕྱོགས་ཐམས་ཅད་མེ་ཏོག་སྣ་ཚོགས་དང་ཨུཏྤལ་གྱི་ནགས་ཚལ་ཆགས་པ། དེ་

[Full Size]

དག་གི་བར་བར་དུ་ཏཾལས་དཔག་བསམ་གྱི་ཤིང་དང་འོ་མའི་བུམ་པ་དཔག་ཏུ་མེད་པ་ལས་བདུད་རྩི་འོ་མའི་མཚོའི་ཆུ་མིག་འབབ་པ། དེ་ལྟ་བུའི་དབུས་བདུད་རྩི་སྨན་གྱི་སྡོང་པོའི་མཐའ་སྐོར་དུ་པད་འདབ་དགུ་རིམ་དུ་གནས་པའི་ནང་པད་འདབ་དཀར་པོ་རྣམས་ལ་ཀླུ་རྒྱལ་རིགས་དཀར་པོ་བྱིས་པའི་གཟུགས་ཅན་དཔག་ཏུ་མེད་པ། དེ་རྒྱབ་པད་འདབ་སེར་པོ་ལ་རྗེའུ་རིགས་སེར་པོ། དེ་རྒྱབ་པད་འདབ་དམར་པོ་ལ་བྲམ་ཟེའི་རིགས་དམར་སྐྱ། དེ་རྒྱབ་པད་འདབ་ལྗང་གུ་ལ་ཀླུ་དམངས་རིགས་དུད་འགྲོའི་ཆ་བྱད་ཅན་ལྗང་གུ་ཞ་བོ་ལོང་བ་འོན་པ་འཐིང་པོའི་ཚོགས་དང་། དེ་རྒྱབ་པད་འདབ་ནག་པོ་ལ་ཀླུ་གདོལ་པའི་རིགས་ནག་པོ། དེའི་ཕྱི་རོལ་སྣ་ཚོགས་པདྨ་ལ་ཀླུ་མོ་ཀླུ་སྨན་དང་། ཀླུ་བཙན་ལ་སོགས་ཀླུ་སྣ་ཚོགས་པ་གཟུགས་ཁ་དོག་སྣ་ཚོགས་པ་འཆང་བ། དེ་རྒྱབ་ཀླུ་སྲིན་དང་ས་སྲིན་ཐམས་ཅད། དེའི་ཕྱི་རོལ་དུ་གཉན་ཆེན་སྡེ་བརྒྱད་ལ་སོགས་པ་གཉན་རིགས་ཐམས་ཅད་གཟུགས་སྣ་ཚོགས་ཅན། དེའི་ཕྱི་རོལ་དུ་རྗེ་བློན་བཅུ་གཉིས་ལ་སོགས་འབྱུང་བའི་ས་བདག་དང་ཡུལ་འདིའི་གཞི་བདག་དང་ས་བདག་ཐམས་ཅད་ཀྱིས་བསྐོར་བ། ཀླུ་རིགས་

[Full Size]

བཞི་པོ་ཐམས་ཅད་སྐུ་སྟོད་ལྷའི་གཟུགས་ལ་སྦྲུལ་གྱི་གདེངས་ཀ་ཅན། སྐུ་སྨད་སྦྲུལ་དུ་འཁྱིལ་པ། དམངས་རིགས་དང་གཉན་དང་ས་སྲིན་ཐམས་ཅད་དུད་འགྲོ་དང་ཆུ་གནས་ལྟོ་འཕྱེ་སྣ་ཚོགས་ཀྱི་གཟུགས་ཅན། ཀླུ་བདུད་ཀླུ་བཙན་ཀླུ་སྨན་ས་བདག་ཕལ་ཆེར་མིའི་གཟུགས་སྣ་ཚོགས་རྒྱན་གོས་ཕུན་སུམ་ཚོགས་པའོ། །ཀླུ་རྣམས་ཀྱི་ཐུགས་ཀར་ཕུཡིག་གིས་མཚན་པར་གྱུར། སྙན་གསན་དབབ་པ་ནི། ཧཱུྃ་ཧཱུྃ། བདག་ཉིད་གསང་བདག་གི་ཞལ་ནས་སྔགས་སྒྲས་སྟོང་གསུམ་ཁྱབ་པས། ཀླུ་ཐམས་ཅད་ཀྱིས་ཐོས་ནས་སྙན་གསན་ཞིང་ཐུགས་ཟློགཏད་པར་གྱུར། ཨོཾ་བ་ཏ་ལི་མ་ཧཱ་བ་ཏ་ལི། ཧཱུྃ་ཧཱུྃ་ཧཱུྃ། ཛཿཧཱུྃ་བཾ་ཧོཿ སྔགས་གསུམ་བརྗོད། བདག་གསང་བདག་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས་པས། རི་རབ་གླིང་བཞི་རྒྱ་མཚོའི་གཏིང་ས་འོག་ས་སྟེང་ན་གནས་པའི་ཀླུ་གཉན་ས་བདག་ཐམས་ཅད་སྤྱན་དྲངས་པར་གྱུར། ཧཱུྃ། རི་རབ་ཆེན་པོའི་སྟེང་ཤོད་དང་། །རྒྱ་མཚོའི་ཆེན་པོའི་ཁ་ཞབས་དང་། །འཛམ་བུ་གླིང་གི་དབུས་མཐའ་ནས། །སྲིད་པའི་བརླན་ལ་གནས་པ་ཡི། །ས་བདག་ཀླུ་གཉན་འཁོར་བཅས་རྣམས། །གནས་འདིར་ད་ལྟ་

[Full Size]

སྤྱན་འདྲེན་ན། །རྟ་མཆོག་རྒྱལ་པོའི་དམ་ཚིག་དང་། །ཕྱག་ན་རྡོ་རྗེའི་མཐུ་སྟོབས་ཀྱིས། །གནས་འདིར་མྱུར་དུ་གཤེགས་སུ་གསོལ། །རྒྱ་མཚོ་ཡངས་པའི་དཀྱིལ་འཁོར་དང་། །རི་རབ་ཆེན་པོའི་གཞལ་ཡས་ནས། །ཆུ་བདག་ཆེན་པོ་ཝ་རུ་ཎ། །ཀླུ་ཆེན་བརྒྱད་དང་བཅས་པ་རྣམས། །མཆོད་པའི་གནས་འདིར་གཤེགས་སུ་གསོལ། །རྒྱལ་རིགས་དང་ནི་རྗེ་རིགས་དང་། །བྲམ་ཟེའི་རིགས་དང་གདོལ་པའི་རིགས། །ཀླུ་ཡི་རིགས་རྣམས་འཁོར་དང་བཅས། །གཉན་དང་ས་བདག་ཡུལ་བདག་དང་། །ཀླུ་བདུད་ཀླུ་བཙན་མཚོ་སྨན་བཅས། །ཞི་ཞིང་བྱམས་པའི་སེམས་ཀྱིས་ནི། །གནས་འདིར་མཆོད་ཕྱིར་གཤེགས་སུ་གསོལ། །ནཱ་ག་སརྦ་ཨཾ་ཀུ་ཤ་ཛཿ ཨོཾ་འབུ་ཨ་ཏི་པ་ཏི་མ་ཧཱ་པདྨ་མ་ལེ་ཧཱུྃ་ཛཿ ཨ་ཀན་ཡ་ཛཿཧཱུྃ་བཾ་ཧོ༔ སྔགས་ལན་གསུམ་གྱིས་སྤྱན་དྲངས། དཀར་གསུམ་འོ་མ་བདུད་རྩིའི་མཚོ། །བདུད་རྩི་སྨན་གྱི་སྡོང་པོའི་དྲུང་། །དཔག་བསམ་ཤིང་གི་བསིལ་གྲིབ་ལ། །མེ་ཏོག་སྣ་ཚོགས་མཛེས་པའི་ཚལ། །སྣ་ཚོགས་པདྨའི་འདབ་སྟེང་དུ། །ཇི་སྲིད་མཆོད་པ་བདག་འབུལ་བ། །དེ་སྲིད་ཀླུ་དང་ས་བདག་རྣམས། །ཞི་ཞིང་དགྱེས་

[Full Size]

པའི་སེམས་ཀྱིས་ནི། །ཅི་བདེ་བར་ནི་བཞུགས་སུ་གསོལ། །ཨོཾ་བག་ཤ་ཡ་ས་མ་ཡ་ཏིཥྛ་ལྷན། ཛཿཧཱུྃ་བཾ་ཧོསྭཱ་ཧཱ། དམ་ཚིག་པ་དང་དབྱེར་མེད་པར་གྱུར། ཅེས་བཞུགས་པར་བསམས་ལ་མེ་ཏོག་གཏོར། དེ་ནས་ལས་བུམ་མམ་མེད་ན་དུང་ཆོས་སམ་ཐེབ་ཙེ་ནང་དུ་ཆུ་གཙང་བླུགས་ལ། ཧཱུྃ་ལས་རིན་པོ་ཆེའི་བུམ་པར་ཡུམ་སངས་རྒྱས་སྤྱན་མ་དཀར་མོ་གསེར་བུམ་བདུད་རྩིས་བཀང་བ་བསྣམས་པ་ལས་བདུད་རྩི་བབས་པས་ཀླུའི་སྡུག་བསྔལ་ཐམས་ཅད་ཞི་བར་གྱུར། ཨོཾ་རུ་རུ་ཕུ་རུ་ཛྭ་ལ་ཏིཥྛ་སརྦ་ཨརྦ་སཱ་དྷ་ནི་སྭཱ་ཧཱ། ཨོཾ་པྲ་བར་ཏེ། ཤུད་ཏྲ་བྷད་ཏེ་འབར་བྷུ་བ་ས་པྲ་བར་ཏེ། ཨོཾ་ས་བིད་ཀྲི་པྲ་བར་ཏེ། སརྦ་ནཱ་ག་དུག་གོ་པྲ་མ་ན་ཡེ་སྭཱ་ཧཱ། ཞེས་བཟླས་པའི་ཆུ་དེ་ཀླུ་གཟུགས་སྟེང་དུ་སྦྲེང་ཞིང་། ཇི་ལྟར་ལྷ་དབང་ཀླུ་ཡི་རྒྱལ་པོ་ཡི། །བཀྲ་ཤིས་འོ་མའི་ཆུ་རྒྱུན་སྣ་ཚོགས་ཀྱིས། །རྒྱལ་བས་འགྲོ་བའི་དོན་དུ་ཁྲུས་གསོལ་ལྟར། །དེ་བཞིན་བདག་གིས་ཀླུ་རྣམས་སྐུ་ཁྲུས་གསོལ། །དམིགས་མེད་ཡེ་ཤེས་ལས་བྱུང་བའི། །མཆོག་གསུམ་དག་པའི་མཆོད་ཡོན་འདི། །ཀླུ་རྒྱལ་འཁོར་དང་བཅས་ལ་འབུལ། །ཨོཾ་ནཱ་ག་སརྦ་ཨརྒྷཾ་པྲ་ཏཱིཙྪ་སྭཱ་ཧཱ། ཧཱུྃ། མཆོག་གསུམ་དག་པའི་ཞབས་བསིལ་དང་། །

[Full Size]

ཐང་སྐྱེས་ཆུ་སྐྱེས་མེ་ཏོག་ཚོགས། །རང་བཞིན་དྲི་ལྡན་བདུག་སྤོས་དང་། །ཕྱོགས་བཅུ་གསལ་བའི་ནོར་བུའི་འོད། །རོ་ལྡན་བཟའ་བཅའ་ཕུན་སུམ་ཚོགས། །སྤོས་དང་སྨན་སྦྱར་ཆུ་གཙང་དང་། །སྙན་པའི་སྒྲ་དབྱངས་རོལ་མོ་བཅས། །ཀླུ་ཆེན་འཁོར་དང་བཅས་ལ་འབུལ། །དེ་ལས་གཞན་ཡང་མཆོད་པའི་ཚོགས། །རིན་ཆེན་སྣ་བདུན་གཏེར་དང་བརྒྱད། །ཁྲུས་ཀྱི་རྫིང་བུ་དཔག་བསམ་ཤིང་། །འདོད་པའི་ཡོན་ཏན་རྣམ་པ་ལྔ། །རབ་འབྱམས་འཇིག་རྟེན་དཔག་མེད་ན། །མཆོད་པའི་ཚོགས་མཆོད་ཅི་མཆིས་པ། །ཀླུ་རྣམས་སྡུག་བསྔལ་སེལ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །ཨོཾ་ནཱ་ག་རཱ་ཛ་ས་པ་རི་ཝཱ་ར་ཨརྒྷཾ་སོགས་ནས། ཤབྡ་སརྦ་པཱུ་ཛ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཿཧཱུྃ། རང་གི་ཕྱག་མཐིལ་དཔག་བསམ་གྱི་ཤིང་ལས་བདུད་རྩི་སྨན་གྱི་ཆར་པ་དང་། ཕྱག་སོར་ལས་འོ་མའི་ཆུ་རྒྱུན་དཔག་ཏུ་མེད་པ་བབས་པས། ཀླུ་དང་ས་བདག་ཐམས་ཅད་ཀྱིས་འཐུང་ཞིང་ཁྲུས་བྱས་པས་ཀླུའི་ནད་དང་སྡུག་བསྔལ་ཐམས་ཅད་དག་ནས་དགའ་མགུ་ཡི་རང་བཀྲག་མདངས་གཟི་བརྗིད་ཕུན་སུམ་ཚོགས་པར་གྱུར།

[Full Size]

ཧཱུྃ༔ མངར་ལ་སྲིད་ཅིང་སྒྱུར་ལ་མོས། །འོ་མ་འཐུང་ཞིང་གདུབ་རྩུབ་ཅན། །ཀླུ་ཡི་ཚོགས་རྣམས་ང་ལ་ཉོན། །ང་ནི་ཕྱག་ན་རྡོ་རྗེ་སྟེ། །འདོད་དགུ་ཐམས་ཅད་དབང་དུ་སྡུད། །བཀའ་དང་དམ་ཚིག་བདེན་པ་ཡིས། །དམ་ཚིག་དབང་གིས་ཚུར་ཉོན་དང་། །དམ་ཆོས་བདུད་རྩི་ང་ལ་ཡོད། །སྦྱིན་པའི་དོན་ལ་ཁྱད་པར་བསྟོད། །ང་ནི་འཇམ་དཔལ་གཞོན་ནུ་སྟེ། །ལྟོ་འགྲོ་ཀུན་གྱི་གནས་རིས་སུ། །ཆོས་ཀྱི་བདུད་རྩིའི་ཆར་འབེབས་པས། །སོ་སོའི་རྒྱུད་རྣམས་གྲོལ་བར་བྱེད། །ང་ནི་སྤྱན་རས་གཟིགས་དབང་སྟེ། །ཕྱག་གིས་སོར་མོ་རེ་རེ་ལས། །བདུད་རྩི་ཆུ་བོའི་རྒྱུན་འབེབས་པ། །ལྟོ་འགྲོ་ཀུན་གྱི་སྨན་དང་གསོས། །རྫས་ཀྱི་བདུད་རྩི་བླ་མེད་འདིས། །ཀླུ་རྣམས་ཀུན་གྱི་མངའ་རིས་སུ། །དུག་གསུམ་སྡུག་བསྔལ་ནད་བསལ་ནས། །ཞི་བ་བྱང་ཆུབ་སེམས་དང་ལྡན་གྱུར་ཅིག །ནཱ་ག་སྤ་ར་ཎ་ཕཊ༔ དེ་ནས་ཀ་ཊོ་རའི་ནང་ཀླུ་གཟུགས་ཀྱི་སྟེང་དུ་འོ་མ་ཀླུ་སྨན་བཏབ་པ་སྦྱོང་ཞིང་། ཨོཾ་བཱ་སུ་ཀི་མཾ་སྭཱ་ཧཱ། ཞེས་བརྒྱ་རྩ་བརྒྱད་སྦྲེང་ངོ་། །དེ་ནས་གླང་བུ་བུམ་གཏེར་རྣམས་བྲན་ལ། ཨོཾ་ཨ་མྲྀ་ཏེ་ཧཱུྃ་ཊ༔ ཨོཾ་སྭ་བྷ་ཝ༔ སྟོང་པའི་ངང་ལས་གླང་བུ་ཀླུའི་ཕོ་བྲང་རིན་པོ་ཆེའི་

[Full Size]

གཞལ་ཡས་ཁྱམས་ཡངས་ཤིང་རྒྱ་ཆེ་བ་ཀླུའི་ལོངས་སྤྱོད་མ་ཚང་བ་མེད་པས་གང་བ། བུམ་པ་འདོད་འབྱུང་གཏེར་གྱི་བུམ་པ་མི་འཛད་རིན་པོ་ཆེའི་གཏེར་འདོད་པའི་ཡོན་ཏན་ལྔ་དང་ལྡན་པར་གྱུར། ན་མཿསརྦ་ཏ་ཐཱ་ག་ཏ་བྷྱོ༔ ཞེས་སོགས་ནམ་མཁའ་མཛོད་ཀྱི་ཕྱག་རྒྱས་ལན་གསུམ་གྱིས་བྱིན་གྱིས་བརླབས་སོ།། ཨོཾ་མཐའ་ཡས་དང་ནི་འཇོག་པོ་དང་། །སྟོབས་ཀྱི་རྒྱུ་དང་རིགས་ལྡན་དང་། །ནོར་རྒྱས་བུ་དང་དུང་སྐྱོང་དང་། །པདྨ་དང་ནི་ཆུ་ལྷ་དང་། །དགའ་བོ་དང་ནི་ཉེར་དགའ་བོ། །རྒྱ་མཚོ་དང་ནི་རྒྱ་མཚོ་ཆེ། །དཔལ་གྱི་འོད་དང་འོད་པོ་ཆེ། །གཟུགས་ཅན་སྦྲུལ་བཟང་སྟོབས་པོ་ཆེ། །ཀླུ་ཆེན་བརྒྱད་ཀྱིས་གཙོར་བྱས་པའི། །ཀླུ་རྣམས་མ་ལུས་འདིར་འདུས་ཤིག །མཛེས་པའི་དཀར་གསུམ་གཏོར་མ་འདི། །མངར་གསུམ་འོ་མའི་རྒྱ་མཚོར་བཅས། །རིན་ཆེན་ཕྲེང་བའི་ཐེམ་སྐས་ཅན། །ཀླུ་ཡི་ནད་རྣམས་གསོ་བྱེད་པའི། །མཐུན་པའི་རྫས་སུ་འདི་གྱུར་ཅིག །བདག་དང་ཡོན་བདག་འཁོར་བཅས་ལ། །ཀླུ་ལས་གྱུར་པའི་གནོད་པ་ནི། །མཐོང་བའི་དུག་དང་རེག་པའི་དུག །བསམ་པའི་དུག་དང་ཡིད་ཀྱི་དུག །ཁ་རླངས་དུག་དང་ཉོན་

[Full Size]

མོངས་དུག །དེ་དག་ཐམས་ཅད་ཞི་གྱུར་ཅིག །བདག་ལས་གཅེས་པའི་རྫས་ཁྱེར་ལ། །བདག་ལ་གནོད་པ་མ་བྱེད་ཅིག །ཡོན་བདག་འདི་ལ་གནོད་མ་བྱེད། །རྟག་ཏུ་བྱམས་པའི་སེམས་ལྡན་ཞིང་། །ཕ་མ་སྤུན་ཟླའི་སེམས་ཀྱིས་ལྟོས། །ཧཱུྃ། ཀླུ་ཆེན་དགུ་ལ་གནོད་གྱུར་པའི། །རྟ་ར་གླང་ཁྱི་བྱ་རོག་མགོ །རུས་སྦལ་སྲིན་བྱ་བྱ་གག་མགོ །བྱ་ཝང་མགོ་ཅན་ལ་སོགས་པའི། །ཀླུ་ཐེལ་རིགས་རྣམས་མ་ལུས་དང་། །གཞན་ཡང་ལས་ལ་སྐྱེས་པ་ཡི། །བཀའ་དང་དམ་ལ་མ་ཐོག་པའི། །གདུག་པ་ཅན་གྱི་ཀླུ་ཚོགས་ཊྛིལ། །ཀླུ་གཉན་རྣམས་ཀྱི་གསོལ་བའི་ལྷག །བཀའ་ཡི་ཕ་འབབ་འདི་ཁྱེར་ལ། །བདག་ཅག་ཡོན་མཆོད་འཁོར་བཅས་ལ། །ཀླུ་ལས་གྱུར་པའི་གནོད་པ་ཀུན། །སྔར་བྱས་པ་ཡང་བརྟུལ་བར་གྱིས། །ད་ལྟ་ཡང་ནི་མ་བྱེད་པར། །ཕྱིན་ཆད་མི་བྱེད་དམ་ཆོས་ལ། །རང་རང་གནས་སུ་བདེ་བར་དེངས། །ཨོཾ་བཛྲ་ཧཱུྃ་ཀ་ར་ཏྲ་བ་ཏྲི་བ་ཡཀྵ་ཧ་ལ། ཞེས་མནའ་ཚིག་གི་སྔགས་སོ། །དེ་ནས་ཀོང་བུ་ཀླུ་སྨན་བཅས་པ་དེ་ལ་དམིགས་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ༔ སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་དུ་ཨ་ལས་ཟླ་བའི་དཀྱིལ་འཁོར་གྱི་

[Full Size]

སྟེང་དུ། པཾ་ལས་བདུད་རྩིའི་རྒྱ་མཚོ། ཧཱི༔ཧཱིཝལས་ཡེ་ཤེས་ཀྱི་བདུད་རྩི། ཨོཾ་ལས་སྨན་གྱི་སྡོང་པོ། སཱ་ལས་ཨུཏྤལ་གྱི་ནགས་ཚལ། ཧཱུྃ་ལས་དཔག་བསམ་གྱི་ཤིང་། སྨན་གྱི་སྡོང་པོའི་ཡལ་འདབ་ཕུན་སུམ་ཚོགས་པ་ལས་བདུད་རྩིའི་རྒྱུན་འབབ་པར་གྱུར། ཏདྱ་ཐཱ། ཨོཾ་བྷི་ཥ་ཛེ་གྷོ་ཥ་ཛེ་མ་ཧཱ་བྷེ་ཥ་ཛེ་རཱ་ཛ་ས་མུཏྤ་ཏེ་སྭཱ་ཧཱ། ཀླུ་རྒྱལ་རིགས་དང་རྗེའུ་རིགས་དང་དམངས་རིགས་དང་བྲམ་ཟེའི་རིགས་དང་གདོལ་པའི་རིགས་དང་། ཀླུ་བསེན་དང་ཀླུ་འབྲོག་དང་གཉན་དང་ས་བདག་ཐམས་ཅད་བཞེངས་ཤིག །ཅེས། །གསོལ་བས་ཐམས་ཅད་བཞེངས་ནས་དཔག་བསམ་སྨན་གྱི་སྡོང་པོ་ལ་ལྕེས་ལྡག་པར་གྱུར་ཅིག །ཨོཾ་ནཱ་ག་སུ་པྲ་ཏི་བཛྲ་དུན་དྷ་མི་ལི་མི་ལི་སྭཱ་ཧཱ། ཨོཾ་ནཱ་ག་ཤུ་ལི་ནི་སྭཱ་ཧཱ། ཨོཾ་ནཱ་ག་ག་ཤ་ཤ་ཤུ་ཤུ་མུ་ནེ་གྷ་ན་ཙག་ཤ་ཤུར་ནི་ཧཱི༔ བྷ་བ་སྭཱ་ཧཱ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧཱུྃ། ཨོཾ་ནཱ་ག་རཱ་ཙ་བུདྡྷ་བྷ་ག་ཝན། ན་མོ་རཏྣ་ཏྲ་ཡཱ་ཡ། ཧ་ཧ་ཧུ་ཧུ། ཨ་མྲྀ་ཏ་བྷི་ཤུདྡྷེ་སྭཱ་ཧཱ། ཞེས་སྔགས་ཉེར་གཅིག་གམ་གསུམ་བདུན་བཟླའོ།། ་ཧཱུྃ། ང་ནི་ཕྱག་ན་རྡོ་རྗེ་སྟེ། །ཐུགས་རྗེ་ཐབས་ཀྱི་དཀྱིལ་འཁོར་ནས། །ཆོས་ཀྱི་བདུད་རྩིའི་སྤྲིན་ཕུང་ལས། །ཐབས་ལ་མཁས་

[Full Size]

པའི་བདུད་རྩི་ཡིས། །བཀྲ་ཤིས་བདུད་རྩིའི་རྒྱུན་བྱུང་ནས། །འགྲོ་བ་སེམས་ཅན་ལུས་སེམས་ལ། །ཇི་ལྟར་མཐུན་པའི་ལུས་སེམས་ཀྱིས། །ལས་དང་སྡུག་བསྔལ་སྦྱོང་གྱུར་ཅིག་རྡོ་རྗེ་ལྕགས་ཀྱུའི་དཀྱིལ་འཁོར་ནས། །ཡིད་བཞིན་ལྕགས་ཀྱུའི་བཅུད་ཕྱུང་ནས། །ཀླུ་རྣམས་ཀུན་གྱི་ཞེ་སྡང་བསལ། །ཞི་བའི་ངང་ལ་གནས་པར་ཤོག །དུང་ཆེན་གཡས་འཁྱིལ་བདུད་རྩི་ཡིས། །རུས་པ་ཆགས་པ་སོས་གྱུར་ཅིག །ཤུ་དག་ཤུ་ཟུར་བདུད་རྩི་ཡིས། །ཤ་རྣམས་ཆད་པ་སོས་གྱུར་ཅིག །གུ་གུལ་དཀར་པོའི་བདུད་རྩི་འབུལ། །བྱང་ཆུབ་སེམས་དང་ལྡན་གྱུར་ཅིག །འབྲས་ཡོས་དཀར་པོའི་བདུད་རྩི་འབུལ། །དྲན་པ་ཉམས་པ་སོས་གྱུར་ཅིག །རས་སྐུད་དཀར་དམར་བདུད་རྩི་འབུལ། །ཚངས་པའི་ཚེ་དང་ལྡན་གྱུར་ཅིག །འདམ་བུ་རྩི་ཡེ་བདུད་རྩི་ཡིས། །སྐྱབས་དང་འཁྲི་སར་འགྱུར་བར་ཤོག །ནཱ་ག་གེ་སར་བདུད་རྩི་ཡིས། །དབང་པོ་ཉམས་པ་སོས་གྱུར་ཅིག །འོ་མའི་བདུད་རྩི་ཆེན་པོ་ཡི། །ཀླུ་ཡི་གནས་སུ་འགྱུར་བར་ཤོག །ལི་ཁྲི་མཚལ་གྱི་བདུད་རྩི་ཡིས། །ཤ་ཁྲག་ཉམས་པ་སོས་གྱུར་ཅིག །པུ་ཤེལ་རྩེ་ཡི་བདུད་རྩི་ཡིས། །རྩ་རྒྱུད་

[Full Size]

ཉམས་པ་སོས་གྱུར་ཅིག །དབང་པོ་ལག་པའི་བདུད་རྩི་ཡིས། །ཡན་ལག་ཉམས་པ་སོས་གྱུར་ཅིག །རྒྱ་མཚོ་ལྦུ་བའི་བདུད་རྩི་ཡིས། །ཆུ་མིག་སྐམ་པོ་སོས་གྱུར་ཅིག །པྲི་ཡང་ཀུ་ཡི་བདུད་རྩི་ཡིས། །རྣ་བའི་དབང་པོ་སོས་གྱུར་ཅིག །ནཱ་ག་པུངྒེའི་བདུད་རྩི་ཡིས། །དབང་པོ་རྣམ་ལྔ་ཚང་བར་ཤོག །ནཱི་ལ་ཨུཏྤལ་བདུད་རྩི་ཡིས། །མིག་གི་དབང་པོ་ཉམས་པ་སོས་གྱུར་ཅིག །ཨུཏྤལ་དམར་པོའི་བདུད་རྩི་ཡིས། །ལྕེ་ཡི་དབང་པོ་ཉམས་པ་སོས་གྱུར་ཅིག །མཁལ་སྲན་བྲེ་བོའི་བདུད་རྩི་ཡིས། །མཁལ་མ་ན་བ་སོས་གྱུར་ཅིག །ཆུ་སྲིན་སྡེར་མོའི་བདུད་རྩི་ཡིས། །རྐང་པ་ཆད་ཉམས་སོས་གྱུར་ཅིག །ཤིང་ཐོག་བུ་རམ་བདུད་རྩི་ཡིས། །ཡེ་ན་འཇུག་པ་སོས་གྱུར་ཅིག །སྦྱར་རྩི་མེ་ཏོག་བདུད་རྩི་ཡིས། །ལུས་ངག་ཡིད་གསུམ་ཚིམ་གྱུར་ཅིག །ཤ་རི་རམ་གྱི་བདུད་རྩི་ཡིས། །ཅིས་ཀྱང་མི་འཇིགས་སྐྱབས་སུ་ཤོག །རིན་ཆེན་སྣ་ལྔའི་བདུད་རྩི་ཡིས། །ཡེ་ཤེས་ལྔ་དང་ལྡན་པར་ཤོག །བདག་དང་ཡོན་བདག་འཁོར་བཅས་ལ། །གནོད་འགལ་ཐམས་ཅད་ཡོངས་སྤོངས་ལ། །བྱང་ཆུབ་སེམས་དང་ལྡན་པར་ཤོག །དཀོན་མཆོག་

[Full Size]

གསུམ་གྱི་བཀའ་མ་བཅག །སྔགས་འཆང་བདག་གི་བཀའ་མ་བཅག །ཡོན་བདག་རྒྱུ་རྐྱེན་ཆུད་མ་གསན། །ཀླུ་གདོན་དྲག་པོ་མ་རུངས་པ། །བྱང་ཆུབ་སེམས་དང་ལྡན་ནས་ཀྱང་། །སྡོང་དང་གྲོགས་སུ་བྱེད་པར་ཤོག །ཨོཾ་བ་རུ་ནཱ་ག་ཏེ་བ་ཏ་ཡེ་སྭཱ་ཧཱ། ཨོཾ་ནཱ་ག་ཕུ་ཕུ་ཨ་ནན་ཀ་ཡེ་སྭཱ་ཧཱ། ཨོཾ་ཕུ་ཕུ་ཏ་ཀ་ཡེ་སྭཱ་ཧཱ། ཨོཾ་ཕུ་ཕུ་བོ་སུ་ཀ་ཡེ་སྭཱ་ཧཱ། ཨོཾ་ཕུ་ཕུ་ཀ་ཏོ་ཀ་ཡེ་སྭཱ་ཧཱ། ཨོཾ་ཕུ་ཡུ་པདྨ་ཡེ་སྭཱ་ཧཱ། ཨོཾ་ཕུ་ཕུ་མ་ཧཱ་པདྨ་ཡེ་སྭཱ་ཧཱ། ཨོཾ་ཕུ་ཕུ་ཤཾ་ཀ་ལི་སྭཱ་ཧཱ། ཨོཾ་ཕུ་ཕུ་ཀུ་ལོན་ཀི་སྭཱ་ཧཱ། ཨོཾ་ཕུ་ཕུ་ཨ་ནན་ཏ་ཀ་ཤཱིནཾ་ཀུ་རུ་སྭཱ་ཧཱ། ཨོཾ་ནཱ་ག་རཱ་ཙ་ཨ་ནན་སྭཱ་ཧཱ། ཨོཾ་ནཱ་ག་ཤ་ཀ་ལ་ཡ་སྭཱ་ཧཱ། ཨོཾ་ནཱ་ག་སརྦ་པཱུ་ཙ་མེ་ཀ་ཡང་ཡེ་སྭཱ་ཧཱ། ཨོཾ་འབུ་ཨ་ཏི་པ་ཏི་མ་ཧཱ་པ་ར། མ་ཧཱ་པད་མ་མ་ལེ་ནཱི་ཛ་མ་ཧཱ་པུ་ཙ་ས་མ་ཡ་སྭཱ་ཧཱ། །ཞེས་བརྗོད་པས་བདུད་རྩི་སྨན་གྱི་མཆོད་པས་དགྱེས་པར་བསམ། དེ་ནས་གླ་རྩི་གུ་གུལ་མ་འདྲེས་པའི་སྤོས་དང་མེད་ན་བཟང་ཤིང་གི་དུད་པ་ཅུང་ཟད་བྱས་ལ། ཨོཾ་བཛྲ་དྷུ་པེ་ཧཱུྃ། སྣ་ཚོགས་དྲི་ཡིས་བསངས་ནས་ནི། །ནད་སོས་སྨན་དང་དམ་རྫས་ལ། །ཀླུ་ཡི་ཡོན་ཏན་བསམ་མི་ཁྱབ། །དབུ་དགུ་ཅན་གྱི་ཀླུ་རྣམས་དང་། །གདེངས་ཀ་ཅན་གྱི་ཀླུ་རྣམས་དང་། །རྐང་ལག་མང་པོའི་ཀླུ་རྣམས་

[Full Size]

དང་། །ཁ་བརྒྱ་མིག་སྟོང་ཀླུ་རྣམས་དང་། །ཏི་སེ་ཆེན་པོའི་གངས་རུམ་ནས། །མ་ཕམ་མཚོ་ལ་གནས་འཆང་བའི། །མ་དྲོས་རྒྱལ་པོའི་བྱིན་རླབས་ཀྱིས། །ཆད་མེད་ཆུ་བོ་འབབ་པ་ནི། །མེ་ཏི་དང་ནི་ཟང་ཏི་དང་། །ཞི་ཞོ་དང་ནི་གང་གཱ་དང་། །སྲིད་པའི་བརླན་ལ་གནས་འཆའ་བའི། །རྒྱལ་ཁམས་སྐྱོང་བའི་ཀླུ་རྣམས་ལ། །དྲི་ཡི་མཆོད་པ་འདི་ལྟ་སྟེ། །ཙནྡན་དང་ནི་གུར་གུམ་དང་། །ག་པུར་དང་ནི་ཨ་ག་རུ། །ཛཱ་ཏི་ཕ་ལ་སྤོས་ཀྱི་རྒྱལ། །ཤུག་པ་བལ་བུ་མཁན་དཀར་སོགས། །བསམ་པ་དག་པས་བཤམས་པ་འདི། །མོས་ཏེ་དད་པས་འབུལ་ལགས་ཀྱིས། །བཞེས་ཏེ་བདག་ལ་དགྱེས་པར་མཛོད། །ཀླུ་ཤིང་སྣ་ཚོགས་དུད་པ་འདིས། །ཀླུ་ཡི་ནད་རྣམས་སོས་གྱུར་ཅིག །ཀླུ་ཡི་རྨུགས་པ་སངས་གྱུར་ཅིག །ཀླུ་ཤིང་བླ་མ་བྲོ་ཙམ་ན། །ཀླུ་ཡི་མཆིན་ནད་སོས་གྱུར་ཅིག །ཀླུ་ཤིང་ཤུག་པ་བྲོ་ཙམ་ན། །ཀླུ་ནད་རུས་དགུ་སོས་གྱུར་ཅིག །ཀླུ་ཤིང་སེ་བ་བྲོ་ཙམ་ན། །ཀླུ་ཡི་སྟོད་ནད་སོས་གྱུར་ཅིག །ཀླུ་ཤིང་སྐྱེར་པ་བྲོ་ཙམ་ན། །ཀླུ་ཡི་མཁྲིས་ནད་སོས་གྱུར་ཅིག །ཀླུ་ཤིང་ལྟུང་མ་བྲོ་ཙམ་ན། །ཀླུ་གྲུམ་བུའི་ནད་རྣམས་སོས་

[Full Size]

གྱུར་ཅིག །ཀླུ་ཤིང་ཉ་བྲིད་བྲོ་ཙམ་ན། །ཀླུ་གག་པའི་ནད་རྣམས་སོས་གྱུར་ཅིག །ཀླུ་ཤིང་སྨྲ་ག་བྲོ་ཙམ་ན། །ཀླུ་ཡི་མགོ་ནད་སོས་གྱུར་ཅིག །ཀླུ་ཤིང་དབྱར་པ་སྣ་ལ་བྲོ་ཙམ་ན། །ཀླུ་ཡན་ལག་ན་བ་སོས་གྱུར་ཅིག །ཀླུ་ཤིང་ཚར་བུ་བྲོ་ཙམ་ན། །ཀླུ་ཕྲུག་ལྕམ་དྲལ་ན་བ་སོས་གྱུར་ཅིག །ཀླུ་ཤིང་གླ་སྐང་བྲོ་ཙམ་ན། །ཀླུའི་རྐང་རུས་ན་བ་སོས་གྱུར་ཅིག །ཀླུ་ཤིང་སྒྲོན་ཤིང་བྲོ་ཙམ་ན། །ཀླུ་ཡི་མིག་ནད་སོས་གྱུར་ཅིག །ཀླུ་ཤིང་སྤེན་མ་བྲོ་ཙམ་ན། །ཀླུ་ཡི་གློ་ནད་སོས་གྱུར་ཅིག །ཀླུ་ཤིང་ས་ལ་བྲོ་ཙམ་ན། །ཀླུ་ཡི་མཁལ་ནད་སོས་གྱུར་ཅིག །ཀླུ་ཤིང་སྣ་ཚོགས་བདུག་སྤོས་འདིས། །ཐབ་གཞོབ་མནོལ་གྲིབ་སོས་གྱུར་ནས། །བཀྲག་མདངས་གཟི་བརྗིད་ལྡན་གྱུར་ཅིག །ནཱ་ག་དྷཱ་པེ་ཤཱིནཾ་ཀུ་རུ་སྭཱ་ཧཱ། མར་གྱི་རིལ་བུ་བླུགས་འོ་མ་སྦྲེང་ཞིང་། རྒྱ་མཚོ་འཕངས་པའི་ཕོ་བྲང་འདིར། །རིན་ཆེན་སྣ་ལྔ་མཛེས་པ་ཡི། །ཀླུ་ཡི་ལོངས་སྤྱོད་རྒྱས་པར་བཀྲམ། །བུ་རམཾ་སྦྲང་རྩི་འོ་མའི་མཚོ། །དཀར་དང་མངར་བའི་ཞལ་ཟས་འདི། །རོ་མཆོག་བརྒྱ་དང་ལྡན་གྱུར་ནས། །མོས་ཏེ་དད་པས་བདག་འབུལ་གྱི། །བཞེས་ཏེ་རབ་ཏུ་དགྱེས་པར་མཛོད། །ཨོཾ་

[Full Size]

པཉྩ་ནཱ་ག་ས་ཕུ་ད་ཧ་ཧ་ན་ཧ་ན་བ་ལིཾ་ཏ་ཁཱ་ཧི། ནཱ་ག་ཤཱིནྟཾ་ཀུ་རུ་སྭཱ་ཧཱ། དེ་ནས་ཀླུའི་དཀར་གཏོར་རྣམས་བྲན་ལ། ཨོཾ་ཨཱཿཧཱུྃ་ཧ་ཧོ་ཧྲཱི༔ ཧཱུྃ་ལས་རིན་ཆེན་སྣོད་དུ་གཏོར་མ་ནི། །ཁ་དོག་དྲི་རོ་ནུས་པ་ཕུན་ཚོགས་གྱུར། །སྟོང་གསུམ་ཆེན་པོ་ཡུལ་གྱི་དབུས་འཚོ་ཞིང་། །བྱམས་པ་ཆེན་པོ་ཚད་མེད་ཡངས་པའི་ཆོས། །འཕགས་པ་སྤྲིན་ཆེན་མདོ་སྡེའི་གླེང་སློང་ཞིང་། །སངས་རྒྱས་གྲངས་མེད་བསྙེན་བཀུར་མཉེས་མཛད་པའི། །སྟོང་གསུམ་ཀླུ་རྒྱལ་མ་ལུས་འཁོར་བཅས་ལ། །ཏིང་འཛིན་དབང་བསྐུར་ཡིད་བཞིན་བདུད་རྩི་། ཟས། །ཀླུ་རྒྱལ་ཁྱོད་ཀྱི་སྔོན་ཆད་མ་བཏུང་བའི། །ཡིད་བཞིན་གཙང་མར་སྦྱར་བའི་བདུད་རྩི་འདི། །མོས་ཏེ་དད་པའི་སེམས་ཀྱིས་འབུལ་ལགས་ན། །བཞེས་ཏེ་རབ་ཏུ་ཚིམ་ཞིང་རྒྱས་པར་མཛོད། །ཨོཾ་ནཱ་ག་སརྦ་ཨི་དཾ་བ་ལི་གྲོ་ན་གྲི་ན་ས་མ་ཧཱ་སྭཱ་ཧཱ། ནཱ་ག་ཧུ་ལི་ཀ་སྭཱ་ཧཱ། ནཱ་ག་བཱ་སུ་ཀི་ཡེ་སྭཱ་ཧཱ། ཏཀ་ཤ་ཡ་སྭཱ་ཧཱ། བྷ་ཏ་ལི་སྭཱ་ཧཱ། ཨུ་པ་ནན་ཏ་སཱ་ཧཱ། བ་ཏུ་ནན་ཏ་སྭཱ་ཧཱ། ཨོཾ་བི་རུ་བག་ཤ་ཡེ་སྭཱ་ཧཱ། ཨོཾ་ནཱ་ག་ལེ་ནཱ་ག་ལེ་སྭཱ་ཧཱ། ཨོཾ་ནན་ཏེ་ནཾ་ཕུད་ཡ་ཏེ་ན་མ་ཀེ་པྲ་མ་ཏ་ན་ཡེ་སྭཱ་ཧཱ། ཨི་དཾ་བ་ལི་གྲོ་ན་གྲི་ན་ས་ཡ་སྭཱ་ཧཱ།

[Full Size]

ཀླུ་རྣམས་ལྕེ་རྡོ་རྗེ་སྦུ་གུས་གཏོར་མ་གསོལ་བར་དམིགས། དེ་ནས་གཉན་ཡུམ་པའི་དཀར་གཏོར་བྲན་ལ། ཨོཾ་ཨཱཿཧཱུྃ། བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །རིན་ཆེན་སྣོད་དུ་གནས་པའི་གཏོར་མ་འདི། །ལྷ་མོ་བརྟན་མ་ཤི་བྷ་དྲ་དང་། །ས་འཛིན་ལག་པ་འབྱུང་བ་སྤར་སྨེའི་བདག །ལོ་ཟླ་ཞག་དུས་ས་བདག་རྣམས་ལ་འབུལ། །རྗེ་བློན་བཅུ་དྲུག་ལོ་འཁོར་ཟླ་འཁོར་དང་། །བརྟན་མ་མགུལ་ལྷ་གཉན་ཆེན་སྡེ་བརྒྱད་དང་། །གཉན་ཆེན་བཞི་བཅུ་སྲིད་པའི་གཉན་ཆེན་ལྔ། །ཕྱོགས་བཞིའི་གཉན་དང་སྟོང་གསུམ་གཞི་ཡི་བདག །ཁྱད་པར་ཡུལ་འདིའི་གཞི་བདག་རྣམས་ལ་འབུལ། །གཞན་ཡང་ཡོན་བདག་འཁོར་བཅས་པ། །སྔོན་ཆད་གར་སོང་ད་ལྟ་གར་འདུག་གི །ས་བདག་ཡུལ་བདག་ཆེ་ཕྲ་ཐམས་ཅད་དང་། །ཕོག་ཐུག་འཁོན་འགྲས་ཞུགས་པའི་ས་བདག་དང་། །གཉན་དང་ཡུལ་ལྷ་སྡེ་བརྒྱད་རྣམས་ལ་འབུལ། །ཐམས་ཅད་མཉེས་ཤིང་རབ་ཏུ་ཚིམ་གྱུར་ཅིག །ཨོཾ་ཨ་ཀཱ་རོ་མུ་ཁཾ་སོགས་དང་། ཨོཾ་འབུ་ཨ་ཏི་པ་ཏི་མ་ཧཱ་པདྨ་མ་ལེ་ཧཱུྃ་ཛཿ ཨི་དཾ་བ་ལི་གྲོ་ན་ས་ཡ་སྭཱ་ཧཱ། ཨོཾ་ཀུ་མ་ར་ཕུཏྲི་བ་འྀཏ་ཁཱ་ཧི་

[Full Size]

ཁཱ་ཧི། ཞེས་པས་ཐམས་ཅད་ཚིམ་པར་བསམས་ལ་བསྟོད་ཅིང་བསྔགས་ཏེ། ཧཱུྃ། ཀླུ་ཆེན་རྒྱལ་པོ་ཝ་རུ་ཎ། །སྐུ་མདོག་དཀར་ལ་འོད་ཟེར་འཕྲོ། །དབུས་ཕྱོགས་ཀླུ་རྣམས་འདུལ་མཛད་པ། །བདུད་རྩི་བསྣམས་ལ་ཕྱག་འཚལ་བསྟོད། །ཀླུ་ཆེན་རྒྱལ་པོ་ནོར་རྒྱས་བུ། །སྐུ་མདོག་དཀར་ལ་སྐྱོན་མ་གོས། །ཤར་ཕྱོགས་ཀླུ་རྣམས་འདུལ་མཛད་པ། །སྦྲུལ་མགོ་ཅན་ལ་ཕྱག་འཚལ་བསྟོད། །ཀླུ་ཆེན་རྒྱལ་པོ་མཐའ་ཡས་ནི། །སྐུ་མདོག་སྔོན་པོ་སྦྲུལ་མགོ་ཅན། །ལྷོ་ཕྱོགས་ཀླུ་རྣམས་འདུལ་མཛད་པ། །ཡོན་ཏན་རྒྱས་ལ་ཕྱག་འཚལ་བསྟོད། །ཀླུ་ཆེན་རྒྱལ་པོ་སྟོབས་རྒྱུ་ནི། །སྐུ་མདོག་དམར་པོ་སྦྲུལ་མགོ་ཅན། །ནུབ་ཕྱོགས་ཀླུ་རྣམས་འདུལ་མཛད་པ། །མཐུ་ཆེན་ཁྱོད་ལ་ཕྱག་འཚལ་ཀླུ་ཆེན་རྒྱལ་པོ་འཇོག་པོ་ནི། །སྐུ་མདོག་སེར་པོ་སྦྲུལ་མགོ་ཅན། །བྱང་ཕྱོགས་ཀླུ་རྣམས་འདུལ་མཛད་པ། །སྦྲུལ་མགོ་ཅན་ལ་ཕྱག་འཚལ་བསྟོད། །ཀླུ་ཆེན་རྒྱལ་པོ་དུང་སྐྱོང་ནི། །སྐུ་མདོག་དཀར་སེར་སྦྲུལ་མགོ་ཅན། །ཤར་ལྷོའི་ཀླུ་རྣམས་འདུལ་མཛད་པ། །དུག་རྣམས་འཇོམས་ལ་ཕྱག་འཚལ་བསྟོད། །ཀླུ་ཆེན་རྒྱལ་པོ་རིགས་ལྡན་

[Full Size]

ནི། །སྐུ་མདོག་དམར་ལྗང་སྦྲུལ་མགོ་ཅན། །ལྷོ་ནུབ་ཀླུ་རྣམས་འདུལ་མཛད་པ། །ནད་རྣམས་སེལ་ལ་ཕྱག་འཚལ་བསྟོད། །ཀླུ་ཆེན་རྒྱལ་པོ་པདྨ་ནི། །སྐུ་མདོག་སྔོ་སྐྱ་སྦྲུལ་མགོ་ཅན། །ནུབ་བྱང་ཀླུ་རྣམས་འདུལ་མཛད་པ། །དངོས་གྲུབ་འཕེལ་ལ་ཕྱག་འཚལ་བསྟོད། །ཀླུ་ཡི་རྒྱལ་པོ་པད་ཆེན་ནི། །སྐུ་མདོག་དཀར་སེར་སྦྲུལ་མགོ་ཅན། །བྱང་ཤར་ཀླུ་རྣམས་འདུལ་མཛད་པ། །སྐྱོན་མ་གོས་ལ་ཕྱག་འཚལ་བསྟོད། །རྒྱལ་རིགས་རྗེ་རིགས་བྲམ་ཟེའི་རིགས། །དམངས་རིགས་གདོལ་པ་ཀླུ་བདུད་དང་། །ཀླུ་བཙན་མཚོ་སྨན་ལ་སོགས་པའི། །ཀླུ་རིགས་ཀུན་ལ་བདག་བསྟོད་དོ། །ལོ་ཟླ་ཞག་དུས་འབྱུང་བའི་བདག །ཡུལ་ཕྱོགས་ཀུན་ལ་གནས་པ་ཡི། །གཉན་དང་ས་བདག་ཡུལ་བདག་ཀུན། །བདག་གིས་བསྟོད་ཅིང་རབ་ཏུ་བསྔགས། །བསྟོད་དབྱངས་སྙན་ལ་སིམ་གྱུར་ཅིག །དེ་ནས་ནད་པ་དེས་ཕྱག་འཚལ་དུ་བཅུག་ཅིང་རྗེས་ཟློས་བྱ། དེ་བཞིན་གཤེགས་པ་ཀླུ་དབང་རྒྱལ་པོ་ལ་ཕྱག་འཚལ་ལོ། །སྤྲིན་ཆེན་པོའི་མདོ་ལས་གསུངས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ལ་ཕྱག་འཚལ་ལོ། །ཀླུའི་རྒྱལ་པོ་སངས་རྒྱས་བཅོམ་ལྡན་འདས་ལ་ཕྱག་

[Full Size]

འཚལ་ལོ། །ཀླུ་བྱང་ཆུབ་སེམས་དཔའ་གཡོག་མཐའ་ཡས་གཟི་བརྗིད་བཀོད་པ་གདུགས་ལྟ་བུའི་རྒྱལ་པོ་ལ་ཕྱག་འཚལ་ལོ། །རིགས་གསུམ་གྱི་སྤྲུལ་པ་ཀླུ་དགའ་བོ་དང་འཇོག་པོ་ནོར་རྒྱས་གསུམ་ལ་ཕྱག་འཚལ་ལོ། །ཡེ་ཤེས་ཀྱི་ཀླུ་ཆེན་པོ་བརྒྱད་བཙུན་མོ་སྲས་དང་བཅས་པ་ལ་ཕྱག་འཚལ་ལོ། །ཀླུའི་རྒྱལ་པོ་རྒྱལ་རིགས་རྣམས་ལ་ཕྱག་འཚལ་ལོ། །ཀླུའི་རྒྱལ་པོ་བློན་རིགས་རྣམས་ལ་ཕྱག་འཚལ་ལོ། །ཀླུའི་རྒྱལ་པོ་བྲམ་ཟེའི་རིགས་རྣམས་ལ་ཕྱག་འཚལ་ལོ། །ཀླུའི་རྒྱལ་པོ་དམངས་རིགས་རྣམས་ལ་ཕྱག་འཚལ་ལོ། །ཀླུའི་རྒྱལ་པོ་སངས་རྒྱས་རིགས་རྣམས་ལ་ཕྱག་འཚལ་ལོ། །ཀླུའི་རྒྱལ་པོ་མིའི་རིགས་རྣམས་ལ་ཕྱག་འཚལ་ལོ། །གཞན་ཡང་ཀླུའི་བུ་དང་ཚ་བོ་དང་བཅས་པ་རྣམས་དང་། སྤྱན་ཡ་འཁོར་གཡོག་དུ་མ་དང་བཅས་པ་རྣམས་དང་། དཔུང་དང་བཅས་པ་རྣམས་ལ་ཕྱག་འཚལ་ལོ། །གཉན་གྱི་རྒྱལ་པོ་བཙུན་མོ་འཁོར་གཡོག་དང་བཅས་པ་རྣམས་ལ་ཕྱག་འཚལ་ལོ། །ཕྱོགས་བཞི་དབུས་དང་ལྔའི་ས་བདག་ཐམས་ཅད་ལ་ཕྱག་འཚལ་ལོ། །ཡུལ་ས་མཐུ་ཆེན་རྣམས་ལ་ཕྱག་འཚལ་ལོ། །ཞེས་ཕྱག་འཚལ་ནས། པུས་བཙུགས་ཐལ་མོ་སྦྱར་

[Full Size]

ནས་བཤགས་པའི་རྗེས་ཟློས་བཅུག །ཀླུའི་རྒྱལ་པོ་སངས་རྒྱས་བཅོམ་ལྡན་འདས་དང་། ཀླུ་སེམས་དཔའ་ལག་འགྲོ་ཆེན་པོ་དང་། ཡེ་ཤེས་ཀྱི་ཀླུ་བརྒྱད་དང་། འཇིག་རྟེན་འདི་ན་བཞུགས་པའི་ཀླུ་གཉན་གཟི་བྱིན་ཆེ་བའི། རྒྱལ་རིགས་བློན་རིགས་དམངས་རིགས་བྲམ་ཟེའི་རིགས་ཐམས་ཅད་དང་། གཉན་དང་ས་བདག་ཡུལ་བདག་ཐམས་ཅད་ཀྱི་སྤྱན་སྔར། །བདག་སྔགས་འཆང་ངམ་མིང་རུས་ལྷེ་ཞེས་བགྱི་བ་དང་། རྒྱུ་སྦྱོར་ཡོན་བདག་གྱི་བདག་པོ། མིང་རུས་ལྷེ། ཚེ་སྔ་མ་དང་ཡང་སྔ་དང་ཚེ་འདི་དང་དུས་གསུམ་དུ་ཀླུ་དང་ས་བདག་གི་ཐུགས་དང་འགལ་བ་བགྱིས་ན་མཐོལ་ལོ་བཤགས་སོ། །ཕ་མྱེས་ཡང་མྱེས་བདུན་རྒྱུད་ཚུན་ཆོད་ནས་ཀླུ་དང་ས་བདག་གི་ཐུགས་དང་འགལ་བ་བགྱིས་ན་མཐོལ་ལོ་བཤགས་སོ། །ཀླུའི་ཕོ་བྲང་བཤིག་པའམ། གནས་ཁང་བཅོས་པའམ། རྡོ་གཉན་སློག་པའམ། བྲག་གཉན་བཀྲལ་བའམ། ཤིང་གཉན་བཅད་པའམ། ནི་གཉན་བཀས་པའམ། ཆུ་མིག་བསུབ་པའམ། མནའ་བསྐྱལ་ལེན་བྱས་པའམ། ཐབ་གཞོབ་བྱས་པའམ། ཞིང་མུ་བཅད་པའམ། མཁར་ལས་བྱས་པའམ། གྲུ་ཟམ་བཙུགས་པའམ། ཆུ་གཉན་ཡུར་དུ་དྲང་པའམ། ཀླུའི་

[Full Size]

དཀོར་ནོར་བསད་པའམ། ཀླུའི་ཐུགས་དང་འགལ་བ་ཅི་བགྱིས་པ་ཐམས་ཅད་མཐོལ་ལོ་བཤགས་སོ། །གཟའ་སྐར་དུས་ཚེས་མི་རུང་བ་ལ་བྱ་བ་ལས་ཐབས་ཉེས་པའམ་དམག་དང་ཁྲོམ་དང་ཤིད་དང་དུར་ཉེས་པའམ། རྟ་རྒྱུག་ཉེས་སམ་ནོར་བསྲེལ་ཉེས། རི་དྭགས་བསད་དམ་ཟབ་བཏང་ངམ། རི་མེ་བཀྱེས་སམ། གཉན་དང་ས་བདག་ཡུལ་སའི་ཐུགས་དང་ཅི་འགལ་བ་ཐམས་ཅད་མཐོལ་ལོ་བཤགས་སོ། །གནོང་ངོ་འགྱོད་དོ་མི་འཆབ་བོ་མི་སྦེད་དོ། །སླན་ཆད་ཀྱང་མི་བགྱིད་པར་མ་གྱུར་ཅིག །དེ་ནས་ཀླུ་འཇིག་རྟེན་པ་རྣམས་ལ་ཆོས་བཤད་པ་ནི། དཀོན་མཆོག་གསུམ་ལ་ཕྱག་འཚལ་ལོ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །བཟུང་དུ་མེད་ཅིང་བརྗོད་དུ་མེད། །ངོ་བོ་མེད་ཅིང་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་དཔག་མེད་བྱོས། །འོན་ཀྱང་སངས་རྒྱས་རིགས་སུ་སྐྱེས། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །དེ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་

[Full Size]

ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ས་བོན་ཚ་བ་རྣམས་ལ་ནི། །འབྲས་བུ་ཚ་བ་སྨིན་པར་འགྱུར། །ས་བོན་མོངར་བ་རྣམས་ལ་ནི། །འབྲས་བུ་མངར་བ་སྨིན་པར་གྱུར། །ཕན་པའི་འབྲས་བུ་བདེ་བ་ཆེ། །གནོད་པའི་འབྲས་བུའི་སྡུག་བསྔལ་འབྱུང་། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ན་མོ་རཏྣ་ཏྲ་ཡཱ་ཡ། ཨོཾ་ཀཾ་ཀ་ནི་ཀཾ་ཀ་ནི༴ སོགས་ནས༔ པ་རཾ་པ་ར་ཎི་མེ་སརྦ་སཏྭཱ་ན། ཀླུ་གཉན་ས་བདག་གི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཞེས་གཟུངས་ལན་གསུམ། འོ་ཀླུ་དང་ས་བདག་ཐམས་ཅད་དགོངས་སུ་གསོལ། དེ་ལྟར་ངེད་མི་ཡི་ཉེས་པ་ཐམས་ཅད་བཤགས། ཕུད་དང་གཏོར་མས་ནི་མཆོད། རིན་པོ་ཆེ་དང་ཀླུ་སྨན་སྣ་ཚོགས་མ་བསད་པ་ནི་ཕུལ། མ་བསྐུས་པའི་ཆས་སུ་ནི་འཇལ། རྩི་དགུ་སྨན་བཅུས་ཀླུ་ནད་ཐམས་ཅད་ནི་གསོས། གཉིས་སུ་མེད་པའི་དོན་བསྒོམས་ཤིང་གཟུངས་སྔགས་ཟབ་མོས་ཁྱེད་རྣམས་ཀྱི་སྒྲིབ་པ་སྦྱངས། བཅོམ་ལྡན་འདས་ཀྱིས་བཀའ་ཚིགས་སུ་བཅད་པ་བཏོན་པས་ཁྱེད་རྣམས་ཀྱི་བསོད་ནམས་

[Full Size]

སུ་བསྔོས་པས། ཁྱེད་ཀྱི་དགེ་བའི་སྟོང་གྲོགས་ངེད་རྣམས་ཀྱིས་བྱའོ། །ངེད་ཀྱི་དགེ་བའི་སྟོང་གྲོགས་ཁྱེད་ཀྱིས་མཛོད་ལ། བདག་ཅག་དཔོན་སློབ་མི་ནོར་འཁོར་དང་བཅས་པ་རྣམས་དང་ཡོན་བདག་བསྲུང་བྱ་མི་ནོར་འདི་རྣམས་ལ། ད་ཕྱིན་ཆད་གནོད་པ་མ་བྱེད་ཅིག །སྔར་བྱས་པ་ཐམས་ཅད་སོལ་ཅིག །ཀླུ་ནད་དུ་གྱུར་པ་མཛེ་དང་ཕོལ་མིག་དང་། དྲེགས་དང་ཞ་གྲུམ་དང་དམུ་ཆུ་དང་། མེ་དབལ་དང་ཤུ་བ་དང་གཡན་པ་དང་། བད་ཀན་དང་མིད་འཆུས་དང་། མཁལ་སྐེད་ཆུ་སེར་ནད་དང་། མིག་དང་དབང་པོ་མི་གསལ་བ་དང་། གོད་ཁ་དང་ནད་འཁྲུགས་དང་། ལོ་ཉེས་དང་མུ་གེ་ལ་སོགས་པ་ཀླུ་དང་ས་བདག་གི་གནོད་པ་མ་གཏོང་ཞིག །བཟུང་བ་ཐོངས་བཅིངས་པ་ཁྲོལ་བསྡམས་པ་གློད་མནན་པ་ཁྱོག །ནཱ་ག་ཤིག །ནཱ་ག་ཁྲོལ། ནཱ་ག་ཐོངས། ནཱ་ག་ཤཱིནྟཾ་ཀུ་རུ་ཡེ་སྭཱ་ཧཱ། དེ་ནས་རང་ཕྱག་རྡོར་ང་རྒྱལ་བརྟན་པོས་བུམ་པ་ཐོགས་ལ་ནད་པ་ལ་ཁྲུས་བྱ་བ་ནི། སྡེར་ཞིག་ཏུ་སྤྲུལ་དང་སྦལ་པ་ཁ་དོག་སྣ་ཚོགས་སམ། ནག་པོ་གཅིག་བཞག་ལ་དེའི་སྟེང་དུ་བཀྲུ་སྟེ། ཨེ་མ། སྔགས་འཆང་དྲག་པོ་ཆེ། །ཨེ་མ་མ་རུངས་འཇིགས་པ་ན། །ཨེ་མ་ཡང་གསང་རྣལ་

[Full Size]

འབྱོར་ཆེ། །ཕྱག་ན་རྡོ་རྗེ་ཁྱོད་ཕྱག་འཚལ། །ཕྱོགས་བྲལ་ཁྲོ་བོ་ཁྱོད་ཕྱག་འཚལ། །ང་ནི་ཁྲོ་བོ་གོས་སྔོན་ཅན། །སངས་རྒྱས་ཐམས་ཅད་འདུས་པའི་སྐུ། །སངས་རྒྱས་ཀུན་གྱིས་བྱིན་གྱིས་བརླབས། །དབང་བསྐུར་མཆོག་ཐོབ་པ་ཡི་སྐུ། །ཇི་སྟེ་ང་ཡི་དམ་འདས་ན། །གཏོར་མ་དུག་གི་རང་བཞིན་གྱིས། །ཁྱོད་ནི་ཐལ་བ་རྡུལ་དུ་བརླག །གལ་ཏེ་དམ་ཚིག་མ་འདས་ན། །གཏོར་མ་ཡེ་ཤེས་བདུད་རྩི་ཡིས། །ཁྱོད་ཀྱི་སྒོ་གསུམ་སྒྲིབ་སྦྱངས་ནས། །ངེས་པར་ལེགས་པའི་ཡོན་ཏན་འགྲུབ། །དེ་བས་ཀླུ་གཏོར་འདི་བཞེས་ལ། །ཁྱོད་ཀྱི་སྡུག་བསྔལ་སྟོབས་ཀྱིས་ནི། །བདག་དང་ཡོན་གྱི་བདག་པོ་ལ། །ཀླུ་གཉན་ལས་གྱུར་ནད་དང་གདོན། །སྐད་ཅིག་ཙམ་གྱིས་དག་པར་མཛོད། །ཅེས་བུམ་ཆུས་བཀྲུ་ཞིང་ཀླུ་རྣམས་ཀྱི་འོད་ཟེར་དཀར་པོ་བྱུང་ནས་ནད་ཐམས་ཅད་བསིལ་སང་སང་དག་པར་ཡང་ཡང་བསྒོམས་ལ། ཧཱུྃ། རིག་སྔགས་གསང་སྔགས་ཀུན་གྱི་བདག་པོ་སྟེ། །ཡེ་ཤེས་ལྔ་ཡི་བདག་ཉིད་རྡོ་རྗེ་འཛིན། སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །ཐུགས་རྗེས་འགྲོ་བ་སྐྱོབ་པའི་བྱིན་རླབས་ཀྱིས། །ལོག་རྟོག་དྲི་མ་ཐམས་ཅད་བྱང་ནས་ནི། །ཡེ་ཤེས་ཐུགས་རྗེས་རྒྱུན་དུ་སྲུང་བར་

[Full Size]

ཤོག །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ༀ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨཱཿསཱ་ཧཱ། བཛྲ་པཱ་ཎི་ནཱ་ག་ཤཱིནྟཾ་ཀུ་རུ་སྭཱ་ཧཱ། ཨོཾ་ཝ་རུ་ཎ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་ཨ་ནན་ཏ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་སུ་ཀ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་ཏཀཱ་ཀ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་ཀར་ཀོ་ཏ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་པདྨ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་མ་ཧཱ་པདྨ་ཡེ་ཤྲིནྟཾ་ཀུ་རུ་སྭཱ་ཧཱ། ཨོཾ་ཤི་ཀ་པ་ལ་ཡེ་ཤཱིནྟཾ་ཀུ་རུ་སྭཱ་ཧཱ། ཨོཾ་ཀུ་ལིང་ཀ་ཡེ་ཤཱིནྟཾ་ཀུ་རུ་སྭཱ་ཧཱ། ཀླུའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ། ནད་གང་ན་བའི་དམིགས་པ་དང་། ནད་ཐམས་ཅད་ཤཱིནྟཾ་ཀུ་རུ་སྭཱ་ཧཱ། བསམ་པའི་དུག་ཐམས་ཅད་ཤཱིནྟཾ་ཀུ་རུ་སྭཱ་ཧཱ། མཐོང་བའི་དུག་ཐམས་ཅད་ཤཱིནྟཾ་ཀུ་རུ་སྭཱ་ཧཱ། རེག་པའི་དུག་ཐམས་ཅད་ཤཱིནྟཾ་ཀུ་རུ་སྭཱ་ཧཱ། ཁ་རླངས་ཀྱི་དུག་ཐམས་ཅད་ཤཱིནྟཾ་ཀུ་རུ་སྭཱ་ཧཱ། མཆེ་བའི་དུག་ཐམས་ཅད་ཤཱིནྟཾ་ཀུ་རུ་སྭཱ་ཧཱ། ཞེས་བཀྲུའོ། །ཀླུ་དང་ས་བདག་ཁྱེད་རྣམས་སྔོན་གྱི་འཁོན་འགྲས་དང་གདུག་རྩུབ་ཀྱི་དབང་གིས་རྩི་སྨན་དང་གཏོར་མ་བསྔོས་ཀྱང་ད་རུང་གནོད་པ་བྱེད་ན། ཀླུ་ཁྱེད་རྣམས་ཀྱི་གླིང་མེད་པར་གྱུར། །

[Full Size]

གལ་ཆེ་ན་གྱུར་ཅིག་བརྗོད། འཆགས་པ་མེད་པར་གྱུར། མཚོ་མེད་པར་གྱུར། རིན་པོ་ཆེའི་ལྡིང་ཁང་མེད་པར་གྱུར། རིན་པོ་ཆེའི་བྱ་སྐྱིབས་མེད་པར་གྱུར། རྒྱལ་པོའི་སྤྱན་ལམ་དུ་མི་མངོན་པར་གྱུར། རྒྱལ་པོའི་ཆད་པས་བཅད་པར་གྱུར། སྦྲུལ་མགོའི་གདེངས་ཀ་དང་མི་ལྡན་པར་གྱུར། ཆར་གྱི་རྒྱུན་ལ་མི་དབང་བར་གྱུར། མུ་གེའི་འཇིགས་པ་འབྱུང་བར་གྱུར། མེ་ཚན་དང་ཉི་ཚན་དང་བྱེ་ཚན་གྱི་འཇིགས་པ་འབྱུང་བར་འགྱུར། འཕགས་པ་རྟ་མགྲིན་དང་སྟོབས་པོ་ཆེ་དང་། ནམ་མཁའ་ལྡིང་གསེར་མིག་གི་འཇིགས་པ་འབྱུང་བར་གྱུར། དེ་བས་དཀོན་མཆོག་གསུམ་གྱི་བཀའ་མ་བཅག །བདག་གིས་སྦྱིན་པ་ཆུད་མ་གསན། རྡོ་རྗེ་འཛིན་པའི་བཀའ་སྤྱི་བོར་མནོས་ལ། ཀླུ་གཉན་ས་བདག་ལས་གྱུར་པའི་ནད་གདོན་གནོད་པ་ཐམས་ཅད་སོལ་ཅིག །ཕྱིར་ཕྱུངས་ཤིག །རང་དུག་རང་གིས་ཕྱུངས་ཤིག །བསམ་པ་ངན་པ་ཤིག་ཅིག །ལག་རྒྱུ་ངན་པ་ཁྲོལ་ཅིག །ཧཱུྃ་ནཱ་ག་རཱ་ཙ་ས་མ་ཡ་ཛཿ ཤིག་ཤིག་ཁྲོལ་ཁྲོལ། ཆོད་ཆོད་བྱད་ཁྲོལ། ནཱ་ག་རཱ་ཙ་བྱད་ཁྲོལ་ཁྲོལ། ཞེས་ཚོན་སྐུད་གྲིས་བཅད་ལ་ཁྲུས་ཆུ་ནང་དུ་བཞག་གོ །སྤྱི་ལ་དེས་ཆོག །ཧཱུྃ། ཀླུ་ཡི་རྒྱལ་པོ་

[Full Size]

ཚུར་ཉོན་དང་། །ཀླུ་ཆེན་བརྒྱད་པོ་ཚུར་ཉོན་དང་། །རིགས་བཞི་ཀླུ་རྣམས་ཚུར་ཉོན་དང་། །གཉན་དང་ས་བདག་ཚུར་ཉོན་དང་། །ང་ནི་ཕྱག་ན་རྡོ་རྗེ་ཡིན། །སྤུ་གདུག་མཛེས་བྱེད་རྨ་བྱའི་སྒྲོ། །ནད་རྣམས་འབྱིན་པའི་སྨན་ཡིན་ཏེ། །ཀླུ་དང་གཉན་དང་ས་བདག་གི །ནད་གདོན་གནོད་པ་ཕྱིར་ཕྱུངས་ཤིག །རྒྱལ་རིགས་ཀླུ་ཡི་གདུག་རྩུབ་ནི། །ལྕི་ཞིང་འཐིབས་ནས་ན་བ་སྟེ། །རྩ་ཡི་ནད་རྣམས་ཕྱིར་ཕྱུངས་ཤིག །ཚ་བའི་གཟེར་རྣམས་ཕྱིར་ཕྱུངས་ཤིག །རྗེ་རིགས་ཀླུ་ཡི་གདུག་རྩུབ་ནི། །དྲོ་ཞིང་ཚ་བས་ན་བ་སྟེ། །མེ་ཡི་དུག་གཟེར་ཕྱིར་ཕྱུངས་ཤིག །བྲམ་ཟེའི་རིགས་ཀྱི་གདུག་རྩུབ་ནི། །གྲང་ཞིང་བསིལ་བས་ན་བ་སྟེ། །ཆུ་ཡི་དུག་གཟེར་ཕྱིར་ཕྱུངས་ཤིག །དམངས་རིགས་ཀླུ་ཡི་གདུག་རྩུབ་ནི། །ཡང་ཞིང་གཡེང་བས་ན་བ་སྟེ། །རླུང་གི་དུག་གཟེར་ཕྱིར་ཕྱུངས་ཤིག །བད་ཀན་ནད་གཞི་སློང་བྱེད་པའི། །ས་བདག་ནད་རྣམས་ཕྱིར་ཕྱུངས་ཤིག །ཁྱུ་འདུས་པའི་ནད་གཞི་སློང་བྱེད་པའི། །ས་སྲིན་གདུག་པ་ཕྱིར་ཕྱུངས་ཤིག །སྔར་བྱས་དུག་གཟེར་ཕྱིར་ཕྱུངས་ཤིག །ཕྱི་བྱེད་དུག་གཟེར་ཕྱིར་ཕྱུངས་ཤིག །མཐོང་བའི་དུག་

[Full Size]

རྣམས་ཕྱིར་ཕྱུངས་ཤིག །རེག་པའི་དུག་རྣམས་ཕྱིར་ཕྱུངས་ཤིག །སྦྱོར་བའི་དུག་རྣམས་ཕྱིར་ཕྱུངས་ཤིག །ལྟ་བའི་དུག་རྣམས་ཕྱིར་ཕྱུངས་ཤིག །མཆེ་བའི་དུག་རྣམས་ཕྱིར་ཕྱུངས་ཤིག །སྲིད་པའི་དུག་རྣམས་ཕྱིར་ཕྱུངས་ཤིག །ཀླུ་ཡི་ནད་རྣམས་ཕྱིར་ཕྱུངས་ཤིག །གཉན་གྱི་ནད་རྣམས་ཕྱིར་ཕྱུངས་ཤིག །ས་བདག་ནད་རྣམས་ཕྱིར་ཕྱུངས་ཤིག །ས་སྲིན་ནད་རྣམས་ཕྱིར་ཕྱུངས་ཤིག །རིམས་ཡམས་ནད་རྣམས་ཕྱིར་ཕྱུངས་ཤིག །ཤ་ཡི་ནད་རྣམས་ཕྱིར་ཕྱུངས་ཤིག །ཁྲག་གི་ནད་རྣམས་ཕྱིར་ཕྱུངས་ཤིག །རུས་པའི་ནད་རྣམས་ཕྱིར་ཕྱུངས་ཤིག །རྩ་རྒྱུད་ནད་རྣམས་ཕྱིར་ཕྱུངས་ཤིག །སྨྱོ་འབོག་ནད་རྣམས་ཕྱིར་ཕྱུངས་ཤིག །ནད་གང་ན་བའི་མིང་བརྗོད་ལ། ནད་རྣམས་ཐམས་ཅད་ཕྱིར་ཕྱུངས་ཤིག །ཅེས་རྨ་བྱས་བྱབ་ཅིག །ནད་གཟེར་ཐམས་ཅད་འདོན་བྱེད་པའི། །ཀླུ་རྣམས་ཀུན་ལ་ཕྱག་འཚལ་ལོ། །སྦྲུལ་དང་སྦལ་པ་ལྟ་བུ་འདི་ལ་ཐོན། །ཉ་དང་ལྕང་མོ་ལྟ་བུ་འདི་ལ་ཐོན། །རྟ་དང་ཆུ་གླང་ལྟ་བུ་འདི་ལ་ཐོན། །ཆུ་ལུག་ཆུ་འབྲི་ལྟ་བུ་འདི་ལ་ཐོན། །རྩངས་པ་སྡིག་པ་ལྟ་བུ་འདི་ལ་ཐོན། །ཨོཾ་བཛྲ་པཱ་ཎི་སརྦ་ནཱ་ག་ཨ་པ་ན་ཡེ་སྭཱ་ཧཱ། དེ་ནས་དམ་བསྒྲག་པ་

[Full Size]

ནི། ཀླུ་རྒྱལ་རིགས་རྗེའུ་རིགས་བྲམ་ཟེའི་རིགས་དམངས་རིགས་གདོལ་པའི་རིགས། ཀླུ་བསེན་ཀླུ་འབྲོག་གཉན་དང་ས་བདག་ཡུལ་ལྷ་རྣམས་ལ་བལྟ་བའི་སྤྱན་ཉན་པའི་རྣ་བ་མངའ། །བསམ་པའི་སེམས་མངའ་ན། ཁྱེད་རྣམས་སྲོག་གི་སྙིང་པོ་ཡོད་མེད། དུས་གསུམ་རྒྱལ་བའི་ཞལ་མཐོང་ངམ་མ་མཐོང་། ཆོས་ཉིད་སྐྱེ་བ་མེད་པའི་དམ་ཚིག་ལ་གནས་སམ་མི་གནས། དཀྱིལ་འཁོར་གཉེན་པོའི་ཞལ་མཐོང་ངམ་མ་མཐོང་། རྡོ་རྗེ་སློབ་དཔོན་རྗེས་སུ་དྲན་ནམ་མ་དྲན། ང་རྡོ་རྗེ་བཀའ་ཆེན་བསྐྱོད་པའི་བཀའ་འོག་ཏུ་མ་ཆུད་པ་གང་ཡང་མེད་དོ། །རྡོ་རྗེ་བཀའ་ཆེན་གྱི་བཀའ་ལས་མ་འདའ་ཞིག །རྡོ་རྗེ་དྲག་ཆེན་གྱི་དམ་འོག་ཏུ་མ་ཚུད་པ་གང་ཡང་མེད་དོ། །རྡོ་རྗེ་གསུང་ཆེན་གྱི་དམ་ལས་མ་འདའ་ཞིག །བཀའ་ལས་འདས་ན་འཇིགས། བཀའ་ལས་འདས་ན་ཚིག །བཀའ་ལས་འདས་ན་རང་ཤ་རང་གིས་ཟ་བ་དང་། འཛམ་བུའི་གླིང་བཞི་བདུད་དུ་བབ་པ་དང་། དུས་གསུམ་སངས་རྒྱས་གཤེད་དུ་ལྡང་བ་དང་། ས་བོན་མེས་ཚིག་པའི་རང་བཞིན་ཅན་དུ་འགྱུར་བ་དང་། ལུས་ལ་མཛེ་དང་ཕོལ་མིག་གིས་འདེབས་པ་དང་། མེ་ཚན་དང་བྱེ་ཚན་གྱི་ཆར་འབབ་པ་

[Full Size]

དང་། ཁྲོ་བོ་ཡཀྵ་མེ་དབལ་གྱིས་སྙིང་ཁྲག་འདྲེན་པ་དང་། བྱ་ཁྱུང་ག་རུ་ཊས་གཟན་དུ་འགྱུར་ནས། རྡོ་རྗེ་དམྱལ་བ་ཆེན་པོར་ལྟུང་བར་འགྱུར་ཏ་རེ། དེ་བས་ཕྱག་ན་རྡོ་རྗེའི་བཀའ་ལས་མ་འདའ་ཞིག །རིགས་ཀྱི་བུ་ཉོན་ཅིག །ཉི་མ་དང་ཟླ་བ་ནི་ས་ལ་ལྷུང་ཡང་སྲིད་དོ། །ཆུ་བོ་ནི་རྒྱུན་ཆད་ཀྱང་སྲིད་དོ། །རླུང་ནི་ཞགས་པས་བཟུང་ཡང་སྲིད་དོ། །དེ་བཞིན་གཤེགས་པའི་བཀའ་ནི་གཞན་དུ་འགྱུར་བ་མི་སྲིད་པས། ང་ནི་སངས་རྒྱས་ཀྱི་བཀའ་ཡིན་ནོ། །ཆོས་ཀྱི་བཀའ་ཡིན་ནོ། །དགེ་འདུན་གྱི་བཀའ་ཡིན་ནོ། །ཅི་ལྕོགས་ཅི་ལྕོགས་ཀྱང་དཀོན་མཆོག་གསུམ་བཀའ་མ་བཅག་ཅིག །རིགས་ཅན་ཁྱོད་ཀྱིས་ངའི་བཀའ་མ་བཅག་ཅིག །བདེན་པ་ཉོན་ལ་དམ་ཚིག་སྲུངས་ཤིག །མཆོད་པ་དང་གཏོར་མ་འདི་བཞེས་ལ། ད་ཕྱིན་ཆད་གནོད་འཚེ་གདུག་སེམས་མ་བྱེད་ཅིག །བྱམས་པ་དང་ཕན་པའི་སེམས་ཀྱིས་སྟོང་གྲོགས་གྱིས་ཤིག །སེམས་ཞི་བའི་ངང་ལ་གནས་གྱུར་ཅིག །ཨོཾ་བཛྲ་པཱ་ཎི་སརྦ་ནཱ་ག་ས་མ་ཡ་ཧ་ན་ཧ་ན་ཧཱུྃ་ཕཊ། དེ་ནས་འཁྲུགས་བསྡུམ་བྱ་བ་ནི། ཧཱུྃ། སྔོན་གྱི་བསྐལ་པ་དང་པོ་ལ། །ཀླུ་རྒྱལ་གཙུག་ན་རིན་ཆེན་དང་། །བྱ་ཁྱུང་རྒྱལ་པོ་

[Full Size]

གསེར་མིག་གཉིས། །སྒོ་ང་བརྐུས་པས་འཁྲུག་པ་ཤོར། །བཅོམ་ལྡན་འདས་ཀྱིས་འཇལ་དུམ་མཛད། །ཀླུ་ཡི་ནོར་བུ་ཁྱུང་ལ་འཇལ། །དེ་བཞིན་བདག་དང་ཡོན་བདག་རྣམས། །ཀླུ་དང་འཁོན་འགྲས་མཆིས་ན་ཡང་། །ཤིང་རྩི་ཀླུ་སྨན་མཆོད་པ་འབུལ། །སྔོན་ཚེ་རྒྱལ་པོ་ཨ་ཤྭ་དང་། །ཀླུ་ནི་ཀཾ་ཀ་ཏུ་ར་གཉིས། །དང་པོ་འཁོན་ཡང་ཐ་མ་དུམ། །སྲིད་པའི་ཀླུ་གླང་བཙན་བཙུན་དང་། །མཁའ་ལྡིང་ཐོགས་མེད་འཇིགས་བྱེད་གཉིས། །དང་པོ་འཁོན་ཡང་ཐ་མ་དུམ། །ཀླུ་རྒྱལ་དུང་གཙུག་བྱ་བ་དང་། །ག་རུ་ཌ་སྟེ་གསེར་མིག་གཉིས། །དང་པོ་འཁོན་ཡང་ཐ་མ་དུམ། །རྒྱ་ཡི་རྒྱལ་པོ་མ་ཏ་དང་། །ཀླུ་ནི་འཛམ་གླིང་བསྟན་པ་གཉིས། །དང་པོ་འཁོན་ཡང་ཐ་མ་དུམ། །རྒྱལ་པོ་དར་མ་ཨ་ཤྭ་དང་། །ཀླུ་ནི་སྲིད་པའི་ཁང་བསྟན་གཉིས། །དང་པོ་འཁོན་ཡང་ཐ་མ་དུམ། །སྔོན་གྱི་སྲིད་པ་དེ་བཞིན་དུ། །བདག་ཅག་སློབ་དཔོན་འཁོར་བཅས་དང་། །རྒྱུ་སྦྱོར་ཡོན་བདག་འཁོར་བཅས་རྣམས། །ཀླུ་རྒྱལ་བརྒྱད་པོ་འཁོར་བཅས་དང་། །རིགས་བཞིའི་ཀླུ་རིགས་ཐམས་ཅད་དང་། །ཀླུ་བདུད་ཀླུ་བཙན་གཉན་རིགས་དང་། །ས་བདག་ཡུལ་

[Full Size]

བདག་ཐམས་ཅད་དང་། །ཡུལ་འདིའི་ས་བདག་ཀླུ་གཉན་དང་། །འཁོན་ཡང་དེ་ནི་མི་འཁོན་ལ། །གལ་ཏེ་འཁོན་འགྲས་མཆིས་ན་ཡང་། །འཁོན་པ་ཡོད་ན་དེ་རིང་བསྡུམ། །འགྲས་པ་ཡོད་ན་དེ་རིང་སྦྱོངས། །ནད་གསོ་སྨན་དང་གཏོར་མ་དང་། །ཤིང་རྩི་སྣ་ཚོགས་ཆས་སུ་འཇལ། །བདུད་རྩི་སྨན་གྱིས་མཉེས་པར་མཛོད། །གཏོར་མ་ཟས་ཀྱིས་མགུ་བར་གྱིས། །ཤུག་པ་གཡུ་ཡི་སྡོང་བུ་དང་། །སུར་དཀར་སྨན་གྱི་སྡོང་བུ་དང་། །ཀླུ་ཤིང་འོམ་བུ་བདུད་རྩི་ཅན། །སྟག་པ་གསེར་གྱི་སྡོང་བུ་དང་། །སྤྲིན་མ་དངོས་གྲུབ་གཡུང་དྲུང་ཤིང་། །ཉ་བྲིད་སྡོང་བུ་བདུད་རྩིའི་ཤིང་། །མཁན་དཀར་ལྕང་མ་དབྱར་པ་དང་། །སྐྱེར་པ་སེ་བ་སིལ་ཤིང་རྣམས། །འབྱུང་བ་ལྔ་ལས་སྐྱེས་པའི་ཕྱིར། །ཀླུ་ཡི་དུག་ལྔའི་ནད་རྣམས་ཞི། །སྡོང་བུ་རྒྱས་པས་ཀླུ་ཡི་གདུག་པ་ཞི། །དྲི་ངད་ལྡན་པས་ས་བདག་ཀླུ་གཉན་ཚིམ། །མེ་ཏོག་སྐྱེས་པས་ས་བདག་ཀླུ་གཉན་མཉེས། །ཤུག་པས་དངོས་གྲུབ་གསོས་རྣམས་འབྱུང་། །ཐམས་ཅད་ཀུན་ལ་ཕན་ཕྱིར་འབྲས་བུ་རྒྱས། །ཀླུ་གཉན་ས་བདག་རྣམས་ལ་མཆོད་པ་འབུལ། །ཀླུ་གཉན་ས་བདག་བཞུགས་གནས་སུ། །དཔག་

[Full Size]

བསམ་ལྗོན་ཤིང་ཙནྡན་ནགས། །སྨན་གྱི་སྡོང་བུ་འཁྲུངས་པར་ཤོག །མེ་ཏོག་སྣ་ཚོགས་ཕུལ་བ་ཡིས། །ཀླུ་གཉན་ས་བདག་བཞུགས་གནས་སུ། །ཨུཏྤལ་ནགས་ཚལ་པདྨའི་ཚལ། །མེ་ཏོག་གླིང་རྣམས་འཁྲུངས་པར་ཤོག །དར་ཚོན་སྣ་ཚོགས་ཕུལ་བ་ཡིས། །ཀླུ་གཉན་ས་བདག་ཐམས་ཅད་ལ། །ཡོལ་བ་བླ་བྲེ་ལྡ་ལྡི་འཕན། །སྟོད་གཡོགས་སྨད་དཀྲིས་དར་འཕྱང་སོགས། །སྣ་ཚོགས་ན་བཟའི་ལོངས་སྤྱོད་ཤོག །བལ་ཚོན་སྣ་ཚོགས་ཕུལ་བ་ཡིས། །རིན་ཆེན་སྣ་ལྔའི་སྤྲིན་དཔུང་ལ། །དགོས་འདོད་ཆར་ལྟར་འབེབས་པར་ཤོག །ཀླུ་གཟུགས་ཆུ་གནས་སྣ་ཚོགས་ཀྱི། །གཟུགས་བརྙན་སྣ་ཚོགས་འདི་ཕུལ་བས། །ཀླུ་ཡི་བུ་དང་བུ་མོ་དང་། །དཀོར་ནོར་བསད་པ་བྱང་གྱུར་ཅིག །ཤེལ་ཚིགས་འབྲས་ཡོས་ཕུལ་བ་ཡིས། །ཀླུ་གཉན་ས་བདག་མངའ་རིས་སུ། །རྟ་དྲེལ་བོང་བུ་འབྲི་གཡག་དང་། །མཛོ་དང་མཛོ་མོ་བ་དང་གླང་། །དཀོར་ནོར་བརྒྱ་སྟོང་ཁྲི་འབུམ་སོགས། །མཁོ་བའི་ལོངས་སྤྱོད་འབྱུང་བར་ཤོག །ཉི་མ་དེ་རིང་ཕྱིན་ཆད་ནས། །ཀླུ་གཉན་ས་བདག་ཐམས་ཅད་དང་། །བདག་ཅག་ཡོན་མཆོད་འཁོར་བཅས་

[Full Size]

རྣམས། །ཤག་རོགས་ཡིན་ནོ་མནའ་ཐོ་བཅད། །དཔང་པོར་ཕྱག་ན་རྡོ་རྗེ་བཞུགས། །དེ་བས་དེ་རིང་ཕྱིན་ཆད་ནས། །ཁ་འཛིན་སྟོང་གྲོགས་མགོན་སྐྱབས་མཛོད། །ངེད་རྣམས་མངོན་ཤེས་མི་ལྡན་པས། །མ་རིག་མི་ཤེས་དབང་གིས་ནི། །གལ་ཏེ་ཁྱེད་ལ་འགལ་བྱུང་ན། །ཁྱེད་ཀྱིས་བཟོད་པ་དང་དུ་བཞེས། །ངེད་ཀྱང་ཁྱེད་ལ་དུས་སུ་མཆོད། །ཤག་རོགས་དམ་ཚིག་མ་བརྗེད་པར། །རྟག་ཏུ་ཕན་སེམས་ལྡན་པར་མཛོད། །ཨོཾ་བཛྲ་པཱ་ཎི་སརྦ་ནཱ་ག་མ་མ་ས་མ་ཡ་བག་སི་ཧཱུྃ། དེ་ནས་ཀླུ་ལ་སྨོན་ལམ་བཏབ་པ་ནི། དཀོན་མཆོག་གསུམ་གྱི་ཆེ་བའི་བྱིན་རླབས་དང་། ཕྱག་ན་རྡོ་རྗེའི་བཀའ་དང་། ཆོས་དབྱིངས་རྣམ་པར་དག་པའི་བྱིན་རླབས་དང་། རིག་སྔགས་དང་གསང་སྔགས་ཀྱི་མཐུ་དང་། ལྷ་དང་དྲང་སྲོང་གི་བདེན་པ་དང་། སྔགས་དང་ཕྱག་རྒྱུའི་མཐུ་དང་བདེན་པའི་བྱིན་རླབས་ཀྱིས། མཆོད་སྦྱིན་གྱི་གཏོར་མ་འདི། ཀླུའི་གནས་དང་གླིང་དུ་གྱུར་ཅིག །འཆགས་པར་གྱུར་ཅིག །སྐྱེད་མོས་ཚལ་དུ་གྱུར་ཅིག །རིན་པོ་ཆེའི་ལྡིང་ཁང་དུ་གྱུར་ཅིག །ཀླུ་བྱེ་ཚན་གྱིས་འཇིགས་པ་དང་། །མེ་ཚན་གྱིས་འཇིགས་པ་དང་། ཤ་རུལ་གྱིས་འཇིགས་

[Full Size]

པ་དང་། ཚ་བ་བྱེ་ཏུམ་ལྕགས་ཀྱིས་འཇིགས་པ་དང་། ཀླུ་རྣམས་འཇིགས་པ་བཞི་དང་བྲལ་བར་གྱུར་ཅིག །ཀླུའི་སྐྱབས་དང་ལྡན་གྱུར་ཅིག །ཀླུའི་གནས་ཁང་དང་ལྡན་པར་གྱུར་ཅིག །ཀླུ་ཞ་བོ་དང་གྲུམ་པོ་དང་འཕྱེའོ་དང་སྐྲུན་ཅན་དང་། ཀླུ་དེ་རྣམས་ཀྱི་ནད་དང་བྲལ་བར་གྱུར་ཅིག །ཀླུ་ཐམས་ཅད་ཀྱི་སྨན་ནཱ་ག་པུ་དང་། ནཱ་ག་གེ་སར་དང་། ཛཱ་ཏི་ཕ་ལ་དང་། རྒྱ་མཚོའི་ལྦུ་བ་དང་། ནོར་བུ་སྤུ་དགུ་དང་། དབང་པོ་ལག་པ་དང་། ཆུ་སྲིན་གྱི་སེན་མོ་དང་། པུ་ཤེལ་ཙེ་དང་། བུ་རམ་དང་སྦྲང་རྩི་དང་ཀ་ར་དང་སྟར་བུ་དང་། རྒུན་འབྲུམ་དང་ཞོ་དང་འོ་མ་དང་རིན་པོ་ཆེ་སྣ་ལྔ་དང་འབྲུ་སྣ་ལྔ་ལ་སོགས་ཏེ། ཀླུ་ནད་པ་ཐམས་ཅད་ལ་སྨན་གྱི་ཆར་ཆེན་པོ་འབབ་པར་གྱུར་ཅིག །ཀླུ་བཀྲེས་པར་ཟས་དང་། ཕོངས་པར་ནོར་དང་། རྨོངས་པར་བུ་དང་། བསོད་ནམས་ལོངས་སྤྱོད་རྒྱ་ཆེན་པོ་ཕུན་སུམ་ཚོགས་པར་གྱུར་ཅིག །གཞན་ཡང་རྒྱལ་པོའི་སྤྱན་ལམ་དུ་མངོན་པར་གྱུར་ཅིག །སྦྲུལ་མགོའི་གདེངས་ཀ་དང་ལྡན་པར་གྱུར་ཅིག །ཆར་གྱི་རྒྱུན་ལ་དབང་བར་གྱུར་ཅིག །མུ་གེའི་འཇིགས་པ་མི་འབྱུང་བར་གྱུར་ཅིག །ཉི་ཚན་དང་བྱེ་

[Full Size]

ཚན་དང་། ཆུ་ཚན་གྱི་འཇིགས་པ་མི་འབྱུང་བར་གྱུར་ཅིག །འཕགས་པ་སྟོབས་པོ་ཆེ་དང་རྟ་མགྲིན་དང་ནམ་མཁའ་ལྡིང་གི་འཇིགས་པ་ལས་ཐར་བར་གྱུར་ཅིག །གཏོར་མ་འདི་ཀླུ་སྨན་སྣ་ཚོགས་སུ་བྱིན་གྱིས་བརླབས་ཏེ་ཕུལ་བས། ཀླུ་སྣོད་པ་དང་ཁྲག་སྐམ་པ་དང་མིག་ལོང་བ་དང་རྣ་བ་འོན་པ་དང་། དབུགས་མི་བདེ་བ་དང་། གློ་བ་ན་བ་དང་། སྙིང་ན་བ་དང་སེམས་མི་གསལ་བ་དང་། ལྷུ་ཚིགས་སྣད་པ་ཞ་གྲུམ་དང་། རྩ་རྒྱུས་ཆད་པ་དང་སྐམ་པ་དང་འཛུམ་པ་དང་། ཚེམས་སྣད་པ་དང་ཉམས་པ་དང་། ཡན་ལག་སྣད་པ་དང་ཆད་པ་དང་ཞབས་ཀྱི་སོར་མོ་སྣོད་པ་དེ་ཐམས་ཅད་སོས་ཤིང་བྱང་བར་གྱུར་ཅིག །ཀླུ་ཤུ་བ་དང་གཡན་པ་དང་བས་ལྡག་དང་སྐམ་པོ་དང་། ལྔ་བ་དང་རྐང་ནད་དང་རྡོ་དང་། དྲི་མི་ཞིམ་པའི་ནད་ཐམས་ཅད་སོས་ཤིང་བྱང་བར་གྱུར་ཅིག །ཀླུ་རྣམས་བྱང་ཆུབ་ཀྱི་སེམས་རྗེས་སུ་དྲན་ནས་ལུས་ངག་ཡིད་གསུམ་གྱི་སྒྲིབ་པ་གཏན་ནས་བྱུང་ཞིང་། ཚད་མེད་བཞི་དང་དགེ་བ་བཅུ་རྗེས་སུ་དྲན་ནས། འཁོར་བ་དང་ངན་སོང་གི་རྒྱུད་དག་སྟེ། མཐོ་རིས་དང་ཐར་པའི་གོ་འཕང་ཐོབ་པར་གྱུར་ཅིག །ཀླུ་རྣམས་ངན་སོང་གནས་ནས་གཏན་ནས་

[Full Size]

ཐར་བར་གྱུར་ཅིག །ཀླུ་རྣམས་ཀྱི་གནས་སུ་པདྨའི་སྡོང་པོ་དཔག་ཏུ་མེད་པ་འཁྲུངས་ནས་གནས་དང་བསིལ་གྲིབ་ཏུ་གྱུར་ཅིག །ཀླུ་རྣམས་ཤེས་བྱ་ཐམས་ཅད་ལ་ཐོགས་པ་མེད་པ་དང་ལྡན་པར་གྱུར་ཅིག །གཟུངས་དང་ཏིང་ངེ་འཛིན་དང་ལྡན་པར་གྱུར་ཅིག །ཀླུའི་རྒྱལ་པོ་རྔ་སྒྲའི་སྐྱེས་རབས་ལྟར། ཀླུ་ཁྱེད་རྣམས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ནས་འཚང་རྒྱ་བར་གྱུར་ཅིག །དེ་ལྟར་བདག་གིས་སྨོན་ལམ་ཕུལ་ནས་བདག་ཀྱང་ལོངས་སྤྱོད་ལྔ་དང་ལྡན་པར་གྱུར་ཅིག །བདག་ཀྱང་མི་ཚེ་ལ་དགེ་བ་བཅུ་སྤྱོད་པ་དང་། ཚེ་རིང་བ་དང་ནད་མེད་པ་དང་། འཁོར་སློབ་མངའ་ཐང་རྒྱས་པ་དང་། བཙན་ཕྱུག་དཔལ་འབྱོར་དང་ལྡན་པར་གྱུར་ཅིག །བདག་གི་བསོད་ནམས་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་གདག་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པར། །ཐོགས་པ་མེད་པར་འབྱུང་གྱུར་ཅིག །དེ་ནས་གཡང་བླང་བ་ནི། ཧཱུྃ། ཤར་ཕྱོགས་དུང་རི་དུང་གླིང་ནས། །ཀླུ་མི་མགོན་དཀར་པོ་དངོས་

[Full Size]

གྲུབ་ཅན། །ཀླུ་སྨོན་མཆོད་པ་འདི་བཞེས་ལ། །དངོས་གྲུབ་ཕྱྭ་དང་གཡང་དུ་ཁུག །ལྷོ་ཕྱོགས་རྒྱ་མཚོ་ཆུ་གླིང་ནས། །ཀླུ་གཙུག་ན་རིན་ཆེན་དངོས་གྲུབ་ཅན། །ཀླུ་སྨན་མཆོད་པ་འདི་བཞེས་ལ། །ནོར་གཡང་དངོས་གྲུབ་བསྩལ་དུ་གསོལ། །ནུབ་ཕྱོགས་རྫ་རི་རྫ་བྲག་ནས། །ཀླུ་པདྨ་རིགས་འབྱུང་དངོས་གྲུབ་ཅན། །ཀླུ་སྨན་མཆོད་པ་འདི་བཞེས་ལ། །ཆུས་སྲིད་དབང་ཐང་དངོས་གྲུབ་སྩོལ། །བྱང་ཕྱོགས་བྲག་རི་ཆུ་གླིང་ནས། །ཀླུ་རིན་ཆེན་དོན་གྲུབ་དངོས་གྲུབ་ཅན། །ཀླུ་སྨན་མཆོད་པ་འདི་བཞེས་ལ། །མི་འཕེལ་རྟ་བྲག་དངོས་གྲུབ་སྩོལ། །ཤར་ཕྱོགས་ཀླུ་ཆེན་ཀུན་དགའ་ནི། །སེར་མོ་གསེར་གྱི་ལྡེ་མིག་བསྣམས། །ཀླུ་སྨན་མཆོད་པ་འདི་བཞེས་ལ། །ཀླུ་ནད་ཀུན་གྱི་སྒོ་སྡོམས་ལ། །ཀླུ་ཡི་དངོས་གྲུབ་གཡང་སྒོ་ཕྱེས། །ལྷོ་ཕྱོགས་ཀླུ་ཆེན་ཁྱབ་འཇུག་ནི། །གཡུ་མདོག་གཡུ་ཡི་ལྡེ་མིག་བསྣམས། །ཀླུ་སྨན་མཆོད་པ་འདི་བཞེས་ལ། །ཀླུ་ནད་ཀུན་གྱི་སྒོ་རྣམས་སྡོམས། །ཀླུ་ཡི་དངོས་གྲུབ་གཡང་སྒོ་ཕྱེས། །ནུབ་ཕྱོགས་ཀླུ་ཆེན་ཀུན་དགའ་ནི། །ཟངས་མདོག་ཟངས་ཀྱི་ལྡེ་མིག་བསྣམས། །ཀླུ་སྨན་མཆོད་པ་འདི་བཞེས་ལ། །

[Full Size]

ཀླུ་ནད་ཀུན་གྱི་སྒོ་རྣམས་སྡོམས། །ཀླུ་ཡི་དངོས་གྲུབ་གཡང་སྒོ་ཕྱེས། །བྱང་ཕྱོགས་ཀླུ་ཆེན་འབར་བ་ནི། །དར་ལྗང་ཤེལ་གྱི་ལྡེ་མིག་བསྣམས། །ཀླུ་སྨན་མཆོད་པ་འདི་བཞེས་ལ། །ཀླུ་ནད་གདུག་རྩུབ་སྒོ་འདི་སྡོམས། །ཀླུ་ཡི་དངོས་གྲུབ་གཡང་སྒོ་ཕྱེས། །ཕུན་སུམ་ཚོགས་པའི་གཡང་སྒོ་ཕྱེས། །ཀླུ་ཡི་འཕེན་གཡང་ཕྱུག་གཡང་དང་། །ཀླུ་ཡི་དར་གཡེང་བཙན་གཡང་དང་། །ཀླུ་ཡི་མཐུ་སྟོབས་གཟི་བརྗིད་དང་། །ཀླུ་ཡི་དངོས་གྲུབ་བདེ་སྐྱིད་རྣམས། །ཁུ་ཡེ་ཕྱྭ་དང་གཡང་དུ་ལེན། །གཡང་གི་དངོས་གྲུབ་བརྟན་གྱུར་ཅིག །ནཱ་ག་རཱ་ཙ་སི་ཏི་ཧཱུྃ། དེ་ནས་ཀླུ་ཡི་བཀྲ་ཤིས་བརྗོད། ཨོཾ། ཀླུ་ཡི་རྒྱལ་པོ་སངས་རྒྱས་བཅོམ་ལྡན་འདས། །ཀླུ་རྣམས་ཐམས་ཅད་དར་ཞིང་རྒྱས་མཛད་པ། །བསོད་ནམས་ཐུགས་རྗེས་རྫུ་འཕྲུལ་དཔག་མེད་པའི། །ཀླུ་གཉན་ས་བདག་རྣམས་ལ་བཀྲ་ཤིས་ཤོག །ཀླུ་ཆེན་བརྒྱད་ཀྱི་དངོས་གྲུབ་ཚོགས་ཀྱིས་མཆོད། །དངོས་གྲུབ་ཆར་ལྟར་འབབ་པའི་བཀྲ་ཤིས་ཤོག །ཀླུ་རྣམས་འཕེལ་ཞིང་ལོངས་སྤྱོད་ནོར་འཕེལ་བའི། །ཀླུ་གཡང་བཀྲ་ཤིས་མི་ལ་འབབ་པར་ཤོག །ཀླུ་རྣམས་ཆུས་སྲིད་དབང་ཐང་ཆེ་ན་

[Full Size]

ཡང་། །དེང་འདིར་བཀྲ་ཤིས་བདག་ལ་འགྲུབ་པར་ཤོག །ཀླུ་ཡི་བསོད་ནམས་རྫུ་འཕྲུལ་བསམ་མི་ཁྱབ། །ཀླུ་ཡི་དབང་དང་དངོས་གྲུབ་བསམ་མི་ཁྱབ། །ཀླུ་ཡི་སྨོན་ལམ་བཀྲ་ཤིས་བསམ་མི་ཁྱབ། །དེང་འདིར་བཀྲ་ཤིས་མྱུར་དུ་འགྲུབ་པར་ཤོག །ནཱ་ག་རྭ་ཙ་མངྒ་ལཾ་སྭ་ཏི་སིདྡྷི་ཕ་ལ་ཧཱུྃ་སྭཱ་ཧཱ། དེ་ནས་འོ་མའི་ནང་དུ་ཡུངས་ཀར་ཅུང་ཟད་བླུགས་ཀླུ་སྨན་བཏབ་པ་ལ། །ཨོཾ་སུ་པྲ་ཏེ་བཛྲ་དུནེ་མི་ལི་མི་ལི་སྭཱ་ཧཱ། ཞེས་བརྒྱ་རྩ་བརྒྱད་བཟླས་ཁ་རླངས་མ་སོང་བར་ཕུས་བཏབ་ལ་སྣོད་གཙང་མར་བླུགས་པ་དང་། ཤེལ་ཚིགས་དང་ཤིང་རྩི་དང་། གཏོར་མ་རྣམས་བུ་ཚ་གཙང་མ་དམེ་རྨུགས་ནལ་གྲིབ་ཀྱིས་མ་གོས་པ་ལག་པ་བཀྲུས་པས་བཀྱག་ལ། ད་འདི་རྣམས་བདག་གིས་ནས་གཏོར་རོལ་མོ་བྱས་དུས་ཁྱེར་སོང་ལ། མཚོའམ་ཆུ་ཆེན་ཡོད་ན། གཟུགས་བརྙན་གཏོར་མ་ཐམས་ཅད་མཚོའམ་ཆུ་ནང་དུ་ཕུལ། གླང་བུ་དང་བུམ་པ་བྱེ་མ་ནང་དུ་སྦོས་ལ། །ཤིང་རྩི་མཚོ་འགྲམ་དུ་ཚུགས། ཤེལ་ཚིགས་གཏོར། འོ་མ་ཤིང་ལོ་གཙང་མས་མཚོ་དང་སྐམ་པ་ཀུན་ལ་གཏོར།། ༈ ཡང་ཆུ་མིག་ཡིན་ན་གཟུགས་བརྙན་གཏོར་མ་ཆུ་མིག་ནང་དུ་སྦོས་ལ། བྱ་ཁྱིས་མ་ཁྱེར་བར་ཤིང་ལོས་ཁོབ། འོ་མ་ཤེལ་ཚིགས་གཏོར། ཤིང་རྩི་བཙུགས། ཞིང་མུ་བཅད་པའམ་རི་གཉན་ནམ་ཤིང་གཉན་བཅད་དམ། ཕོག་ཐུག་གར་བྱུང་སར་བུམ་པ་གླང་བུ་སྦས། འོ་མ་ཤེལ་ཚིགས་གཏོར། གཏོར་མ་གཟུགས་བརྙན་ནམ་ཤིང་

[Full Size]

དྲུང་ངམ་བྲག་རྩ་ས་ཕུག་སོགས་སུ་སྦོས་ལ་བྱ་ཁྱིས་མི་ཁྱེར་བར་གྱིས། ཡར་འགྲོ་དུས་ཡང་ཕྱི་བལྟས་མ་བྱེད་ལ། ཚུར་འོང་དུས་ཕྱི་བལྟས་མི་བྱེད་པ་གལ་ཆེ། གཏོར་མ་ལ་ཁ་རླངས་མ་ཕོག་པ་གྱིས་ཞེས་བརྗོད་ལ། དེ་ནས་ཀླུ་ཐམས་ཅད་དགའ་ཞིང་མགུ་ནས་རང་རང་གི་གནས་སུ་བྱོན་གྲབ་བྱེད་པར་བསྒོམ་ཞིང་འདི་སྐད་དོ།། ཧཱུྃ། ཀླུ་གཉན་ས་བདག་ཐམས་ཅད་ཀུན། །རྒྱ་མཚོ་ཆེན་པོ་ལ་སོགས་ནས། །འགྲོ་བའི་དོན་ལ་འདིར་བྱོན་ནས། །རྩི་སྨན་གསོལ་ལོ་མཆོད་ཡོན་བཞེས། །སྨོན་ལམ་འདེབས་སོ་དངོས་གྲུབ་བྱིན། །ད་ནི་སོ་སོའི་གནས་སུ་གཤེགས། །དགའ་ཞིང་མགུ་བའི་སེམས་ཀྱིས་ནི། །རང་རང་གནས་སུ་གཤེགས་སུ་གསོལ། །སྤྲུལ་པའི་ཕོ་བྲང་གླིང་སྟེང་ན། །མཐིང་བྲོག་སྔོན་པོའི་མུ་ཁྱུད་ལ། །ན་བུན་འཁྲིགས་པའི་དཀྱིལ་འཁོར་དུ། །ཀླུ་རྣམས་སོ་སོར་གཤེགས་སུ་གསོལ། །རྒྱ་མཚོ་ཆེན་པོའི་སྟེང་དུ་གཤེགས། །རོལ་པའི་མཚོ་བདུན་ནང་དུ་གཤེགས། །མཚོ་མོ་དལ་ཆེན་ནང་དུ་གཤེགས། །བླ་མཚོ་ནག་པོའི་ནང་དུ་གཤེགས། །རང་རང་གནས་སུ་གཤེགས་ནས་ཀྱང་། །ཕ་དང་ཁུ་བོ་སྤུན་ཟླ་དང་། །ཤག་རོགས་མཛའ་བཤེས་ཅི་བཞིན་དུ། །དུས་དང་རྣམ་པ་ཐམས་ཅད་དུ། །

[Full Size]

བདག་དང་ཡོན་བདག་འཁོར་བཅས་ལ། །ཁ་འཛིན་སྟོང་གྲོགས་མེལ་ཙེ་མཛོད། །ཤག་རོགས་བྱས་སོ་མནའ་མ་ཟ། །མ་ནུར་བྱས་སོ་དུག་མ་བླུད། །བཀའ་དང་དམ་ལ་མ་འདའ་བར། །རང་རང་གནས་སུ་ད་གཤེགས་ཤིག །ཨོཾ་སརྦ་ནཱ་ག་གཙྪ། ཨོཾ་ནཱ་ག་སྤ་ར་ན་ས་མ་ཡ་ཕཊ་ཕཊ༔ སྤ་ར་ན་ཕཊ༔ ཅེས་རོལ་མོ་དྲག་ཏུ་བྱ་ཞིང་ནས་ལྕག་གིས་བྲབ་བོ། །དེ་ནས་སྲུང་བ་ནི། ནད་པའམ་བསྲུང་བྱའི་སྙིང་ཁར་ཡི་གེ་ཧཱུྃ་མཐིང་ནག །དེ་ལས་མེ་འབར་བས་ཐ་མལ་གྱི་ལུས་ནད་གདོན་དང་བཅས་པ་བསྲེགས་ནས། སྐད་ཅིག་གིས་དཔལ་ཕྱག་ན་རྡོ་རྗེའི་སྐུར་གྱུར་པའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་བྱིན་གྱིས་བརླབས་ཤིང་བསྲུང་བ་དང་། ལྕང་ལོ་ཅན་ནས་གསང་བའི་བདག་པོ་དང་ཁྱུང་གི་ཚོགས་ཆར་བབ་པ་ལྟར་བྱོན་ནས་ཐིམ་ཞིང་བསྲུང་བར་གྱུར། ཧཱུྃ་ཧཱུྃ་ཧཱུྃ་གིས་སྒྲ་བསྒྲགས་པས། །སྟོང་གསུམ་ཧཱུྃ་སྒྲ་ཏི་རི་རི། །ཕཊ་ཕཊ། ཕཊ་ཀྱིས་སྒྲ་བསྒྲགས་པས། །སྲིད་གསུམ་རྡོ་རྗེ་ཁྲ་ལ་ལ། །ཧཱུྃ་ཧཱུྃ་ཧཱུྃ་གིས་སྒྲ་བསྒྲགས་པས། །རྡོ་རྗེ་མུན་ལྟར་གཏིབས་ཤིང་སྤྱོན། །རྡོ་རྗེ་སྐར་ལྟར་འཁྲུག་ཅིང་བྱོན། །རྡོ་རྗེ་ཐོག་ལྟར་འབེབས་ཤིང་བྱོན། །རྡོ་རྗེ་སེར་ལྟར་

[Full Size]

འཁྲུག་ཅིང་བྱོན། །རྡོ་རྗེ་མེ་ལྟར་འབར་ཞིང་བྱོན། །རྡོ་རྗེ་གློག་ལྟར་འཁྱུག་ཅིང་བྱོན། །ཧཱུྃ་ཧཱུྃ་ཧཱུྃ་གིས་སྒྲ་བསྒྲགས་པས། །རྡོ་རྗེ་རླུང་ལྟར་འཐོར་ཞིང་བྱོན། །ཧཱུྃ་ཧཱུྃ་ཧཱུྃ་གིས་སྒྲ་བསྒྲགས་པས། །དམ་ཚིག་གཞུང་བཞིན་སྲུང་ཙམ་ན། །ཐུགས་དམ་རྒྱུད་ནས་བསྐུལ་ཙམ་ན། །ནམ་མཁའི་དབྱིངས་ནས་དམག་དཔུང་ཆོས། །བར་སྣང་ཁམས་སུ་རུ་དར་ཕྱོར། །ཡེ་ཤེས་དཔལ་གྱི་དམག་དཔུང་བསྐྱེད། །རྡོ་རྗེའི་གོ་མཚོན་གྱོན་ལ་བྱོན། །རྡོ་རྗེའི་མཚོན་ཆེན་ཐོགས་ལ་བྱོན། །དཔལ་གྱི་རུ་དར་ཕྱོར་ལ་བྱོན། །དཔལ་གྱི་དུང་ཆེན་འབུད་ཅིང་བྱོན། །དཔལ་གྱི་དམག་དཔུང་བསྐྱེད་ཅིང་བྱོན། །ཁྱུང་ཆེན་སྤྲུལ་པ་འགྱེད་ཅིང་བྱོན། །ཁྱུང་ཆེན་སྤྲུལ་པ་འགྱེད་ཙམ་ན། །གཤོག་པ་གཡས་པས་ནམ་མཁའ་གང་། །གཤོག་པ་གཡོན་པས་ས་གཞི་ཁེབས། །སྡེར་མོས་གནོད་བྱེད་སྙིང་ནས་བཟུང་། །རྡོ་རྗེ་མཆུ་ཡིས་ཀླད་ཁྲག་འཐུང་། །གསང་བདག་ཁྱུང་གི་ཚོགས་རྣམས་ཀྱིས། །མཐུ་དང་ནུས་པ་སྟོབས་སྐྱེད་ལ། །བདག་དང་རྒྱུ་སྦྱོར་ཡོན་བདག་ལ། །བསྲུང་ཞིང་བསྐྱབ་པར་མཛད་དུ་གསོལ། །བདེ་གཤེགས་རིགས་ཀྱི་ཁྱུང་ཆེན་གྱིས། །

[Full Size]

དཔྲལ་བའི་དབྱིངས་ནས་བསྲུང་དུ་གསོལ། །པདྨའི་རིགས་ཀྱི་ཁྱུང་ཆེན་གྱིས། །མགྲིན་པའི་གནས་ནས་བསྲུང་དུ་གསོལ། །རྡོ་རྗེ་རིགས་ཀྱི་ཁྱུང་ཆེན་གྱིས། །སྙིང་གའི་གནས་རྒྱུནས་བསྲུང་དུ་གསོལ། །རིན་ཆེན་རིགས་ཀྱི་ཁྱུང་ཆེན་གྱིས། །ལྟེ་བའི་གནས་ནས་བསྲུང་དུ་གསོལ། །ལས་ཀྱི་རིགས་ཀྱི་ཁྱུང་ཆེན་གྱིས། །གསང་བའི་གནས་ནས་བསྲུང་དུ་གསོལ། །གདོན་བཞི་འདུལ་བྱེད་ཁྱུང་ཆེན་བཞིས། །མདུན་རྒྱབ་ལ་སོགས་བསྲུང་དུ་གསོལ། །ལྕགས་ཀྱུ་ཞགས་པ་ལྕགས་དྲིལ་ཁྱུང་། །བུ་ག་བཞི་ནས་བསྲུང་དུ་གསོལ། །རྗེ་མོའི་ཁྱུང་ཆེན་བཞི་པོ་ཡིས། །སྤྱི་ཕྲག་ལ་སོགས་གནས་ནས་བསྲུང་དུ་གསོལ། །སྤྲུལ་པའི་ཁྱུང་ཆེན་སྣ་ཚོགས་ཀྱིས། །སྙིང་ག་ཡན་ཆད་བསྲུང་དུ་གསོལ། །ཡང་སྤྲུལ་ཁྱུང་ཆེན་གྲངས་མེད་ཀྱིས། །ལྟེ་བ་ཡན་ཆད་བསྲུང་དུ་གསོལ། །བསམ་མི་ཁྱབ་དང་སུམ་སྤྲུལ་ཁྱུང་། །རྡོ་རྗེ་གཏུམ་པོ་གོས་སྔོན་ཅན། །ཐམས་ཅད་ཀུན་ལ་བསྲུང་དུ་གསོལ། །བདག་དང་ཡོན་བདག་འཁོར་བཅས་རྣམས། །གསང་བདག་མཆོག་ལ་སྐྱབས་ཚོལ་ལོ། །སྲས་མཆོག་རྡོ་རྗེ་ལག་མྱུར་གྱིས། །མྱུར་བ་ཉིད་དུ་སྐྱབས་མཛོད་ཅིག །ཨོཾ་བཛྲ་ཙཎྜ་

[Full Size]

མ་ཧཱ་རོ་ཥ་ཎ་ཧཱུྃ་ཕཊ༔ བུདྡྷཱ་ག་རུ་ཊ་ཨོཾ་ར། པདྨ་ག་རུ་ཊ་ཧཱིརཀྟ། བཛྲ་ག་རུ་ཊ་ཧཱུྃ་རཀྵ། རཏྣ་ག་རུ་ཊ་ཏྲ་རཀྵ། ཀརྨ་ག་རུ་ཊ་ཨཱརཀྟ། ཨེ་པུབྦེ་ག་རུ་ཊ་རཀྵ། བོ་དྷཱ་པེ་ག་རུ་ཊ་རཀྟ། མ་ཨཱ་ལོ་ཀེ་ག་རུ་ཊ་རཀྟ། ཡ་གནྡྷེ་ཧོ་ག་རུ་ཊ་རཀྟ། ག་རུ་ཊ་ཡཀྵ་རཀྟ། ག་རུ་ཊ་ཡ་མ་རཀྟ། ག་རུ་ཊ་ཧུ་ལུ་རཀྟ། ག་རུ་ཊ་ཙིནྟ་རཀྵ། ཛག་རུ་ཊ་རཀྵ། ཧཱུྃ་ག་རུ་ཊ་རཀྟ། བི་ག་རུ་ཊ་རཀྵ། ཧོག་རུ་ཊ་རཀྵ། ཨོཾ་ཨཱཿཧཱུྃ་ས་མ་ཡ་ཙཱ་ག་རུ་ཊ་རཀྵ། ཨོཾ་ཨཱཙྪཱཧཱུྃ་ས་མ་ཡ་ཛཙག་རུ་ཊ་རཀྵ། །ཨོཾ་ཨཱཿཧཱུྃ་ས་མ་ཡ་ག་རུ་ཊ་རཀྟ། ཨོཾ་ཨཱཿཧཱུྃ་ས་མ་ཡ་ག་རུ་ཊ་རཀྵ། མ་མ་རཀྵརཀྵ༔ ཀུ་རུ་ཡེ་སྭཱ་ཧཱ། ཞེས་རྡོ་རྗེ་མགོར་བཞག་པའམ། མེ་ཏོག་གཏོར་ཡང་རུང་ངོ་། །དེ་ནས་ཤིས་པ་བརྗོད་པ་ནི། ཨོཾ། སྔོན་ཚེ་སེམས་དཔའ་ཀུན་ཏུ་བཟང་པོ་ལ། །དེ་བཞིན་གཤེགས་པ་གང་གཱའི་བྱེ་སྙེད་ཀྱིས། །བགེགས་འདུལ་ཁྲོ་བོར་དབང་བསྐུར་རྡོ་རྗེ་བྱིན། །བདེན་པ་དེ་ཡིས་དེང་འདིར་བདེ་ལེགས་ཤོག །བཅོམ་ལྡན་ལག་ན་རྡོ་རྗེ་གཏུམ་པོ་ཆེའི། །མཚན་ཐོས་ཙམ་ནས་མི་འབྲོས་བགེགས་རིགས་གང་། །རྡུལ་དུ་བརླག་པར་དམ་བཅའ་ཞལ་བཞེས་པའི། །བདེན་པ་དེ་ཡིས་

[Full Size]

དེང་འདིར་བདེ་ལེགས་ཤོག །སྔོན་ཚེ་སེམས་བསྐྱེད་སྨོན་ལམ་རྒྱ་ཆེན་དང་། །དྲང་སྲོང་བདེན་ཚིག་མཐུ་ལས་ག་རུ་ཊ། །སངས་རྒྱས་བསྟན་པ་གདུལ་དཀའ་འདུལ། །བདེན་པ་དེ་ཡིས་དེང་འདིར་ལེགས་ཤོག །འཇིག་རྟེན་འདས་ཀྱང་ཀླུ་དབང་ཚུལ་བཟུང་ནས། །སངས་རྒྱས་སྟོང་ལ་བསྙེན་བཀུར་བསྟན་པ་སྲུང་། །ནག་པོའི་ཀླུ་འདུལ་ཆར་རྒྱུན་འགྲོ་བ་སྐྱོབ། །བདེན་པ་དེ་ཡིས་དེང་འདིར་བདེ་ལེགས་ཤོག །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། སོགས་བརྗོད། མེ་ཏོག་གཏོར་རོ། །དེ་ནས་སྤྲོ་ན་ཕྱག་རྡོར་དབང་བསྐུར་ཏེ། རྗེས་གནང་སྤྱི་ལྟར་བྱ་བའོ། །ཀླུ་གནོད་ཚབ་ཆེ་ན་ཀླུ་གཟུགས་དང་ཆུ་གནས་སྣ་ཚོགས་དང་། ཤིང་རྩི་ཤེལ་ཚིགས་འབྲུ་སྣ་རྒྱས་པར་བྱའོ། །གནོད་ཚབ་ཆུང་ན་གཏོར་མ་འོ་མ་ཀླུ་སྨན་གྱིས་ཆོག་གསུངས། ཤིན་ཏུ་བསྡུ་ན་གཏོར་རིལ་ཀླུའི་གཙོ་བོ་དགུ་ལ་དགུ། ཀླུ་རིགས་ལྔ་ལ་ལྔ། གཉན་ས་བདག་ཡུལ་ལྷ་གསུམ་སྟེ། རིལ་བུ་བཅུ་བདུན་འོ་མ་ཀླུ་སྨན་གྱིས་ཆོག །ནད་པ་མེད་དམ་རྒྱུན་དུ་ཡིན་ན་ཕྱག་རྡོར་བུམ་བསྐྱེད་དང་། མདུན་བསྐྱེད་ཁྲུས་བྱབ་སྲུང་གསུམ་དམ་ཚིག་བསྒྲག་པ་རྣམས་བསྒྱུར་ལ། དེ་འཕྲོ་འདོན་ནོ། །ནད་པ་ཁག་ཆེན་ལ་གཞུང་དེ་ཚར་མང་དུ་བཏང་ལ་མཇུག་ཏུ་གདོན་ཁྲོལ་བྱའོ། །འདི་ནི་ཀླུ་ས་བདག་གི་ནད་དང་གནོད་པ་དང་། ཕོག་ཐུག་འགྲམ་འཁྲུགས་དང་། ཞིང་མུ་དང་མཁར་ལས་ཉེས་

[Full Size]

པ། ཤིང་བཅད་པ་ཐབ་གཞོབ་ཤོར་བའམ། མནན་གཏད་བྱུང་བ་སོགས་ཀླུ་དང་ས་བདག་འཁྲུགས་འགྲམ་ཐམས་ཅད་ལ་ཤིན་ཏུ་ཕན་ཆེའོ། །སྔགས་ལུགས་ཀྱི་ཆར་པ་དྲག་འབོད་དང་། དྲག་ལས་བྱས་རྗེས་ལ་ནི་འདི་ཤིན་ཏུ་གལ་ཆེའོ། །ཡང་གཅོད་ལུགས་ཀྱི་དྲག་ལས་མཐུ་གཏད་ཡིན་ན་འདི་མི་རུང་ངོ་། །གལ་ཏེ་བྱས་ན་གཅོད་ལོགས་སུ་འགྱུར་བས་སོ། །གཅོད་རང་གིས་ཞི་དམིགས་བྱའོ། །ས་བདག་འཁྲུགས་བཅོས་ཀྱི་གོ་ཡང་དོན་ལ་ཆོད་པར་སྣང་ངོ་། །འདི་ནི་རྡོ་རྗེ་གཏུམ་པོ་ཀླུ་འདུལ་ཀྱི་རྒྱུད་ལ་བསྟེན་ནས། ཨུ་རྒྱན་རིན་པོ་ཆེས་མཛད་པའི་ཕྱག་རྡོར་དྲེགས་པ་ཀུན་འདུལ་གྱི་ཀླུ་ཆོག་རྣམས་དང་། སྤྲིན་ཆེན་དང་ཀླུ་འབུམ་དང་ཀླུ་གཟུངས་དང་ཀླུ་དང་ས་བདག་གིས་སྤང་སྐོང་དང་། ཕྱག་རྡོར་རྒྱུད་གསང་བ་བསྟན་པའི་རྗེས་འབྲང་། སློབ་དཔོན་ལས་ཀྱི་རྡོ་རྗེ་དང་ཝ་ལ་ཙནྡྲ་ནས་རས་ཆུང་པ་ལ་བརྒྱུད་པའི་གཏུམ་པོ་ཁྱུང་ཤམ་ཅན་གྱི་ཀླུ་གཏོར་དང་མན་ངག་རྣམས་དང་། རྒྱུད་གསང་བརྟེན་དང་། དྲག་པོ་གསུམ་འདུལ་སོགས་ཀྱི་རྗེས་འབྲང་། སློབ་དཔོན་ཀླུ་སྒྲུབ་ཀྱིས་མཛད་པའི་ཕྱག་ན་རྡོ་རྗེ་གཏུམ་ཆེན་གྱི་གཞུང་ནས་བྱུང་བའི་ཀླུ་གཏོར་དང་། དཔལ་ཆེན་ཧྥ་ལོ་བསིལ་བའི་ཚལ་དུ་བཞུགས་དུས་ཀླུའི་རྒྱལ་པོ་བཱ་སུ་ཀིས་སྦྱིན་བདག་བྱས་ཤིང་། ཀླུ་ཉིད་ཀྱིས་དངོས་སུ་ཕུལ་བའི་ཀླུ་གཏོར་རྒྱས་བསྡུས། གྲྭ་ལོ་དང་སྡུམ་ར་དཔལ་གྱི་མཐའ་ཅན་གྱིས་མཛད་པའི་ཀླུ་མཆོད་དང་། ཕྱག་རྡོར་གྱིས་མཛད་པར་གྲགས་པའི་ཀླུ་མཆོད་འོ་མའི་རྒྱ་མཚོ་ལ་སོགས་པ་ལ་ཡུན་རིང་དུ་གོམས་པར་བྱས་ནས། བྱ་སླ་

[Full Size]

ཞིང་ཚེགས་ཆུང་ལ་དོན་ཆེ་ཞིང་བྱིན་རླབས་ཕན་ཐོགས་ཆེ་བ་འདི་ནི། རས་ཆུང་ལུགས་ཀྱི་ཀླུ་གཏོར་ལ་གཞི་བྱས་ནས། ཕྱག་ལེན་གསལ་ཞིང་རྒྱས་པར་བཀོད་པ་ཡིན་ནོ།། ༈ ཨེ་མ་ཀླུ་ཡི་གདོན་ཁྲོལ་ཀླུ་ཆོག་མང་བཤད་ཀྱང་། །ཉེར་གཅིག་ཞག་དགུས་རྟགས་ཐོན་སྒྲུབ་དགོས་ཤིང་། །དེ་ཡང་ཕྱག་རྡོར་བསྙེན་པ་གོང་དུ་དགོས། །དེ་མིན་གཞན་ལ་མི་ཕན་རང་ལ་གནོད། །གླུ་མཆོད་རྒྱས་བསྡུས་རྣམ་པ་མང་བཤད་ཀྱང་། །ཆུ་མིག་རྟགས་པ་ཀླུ་ཡི་ཆགས་ཚད་དང་། །ཀླུ་ཡི་ས་དཔྱད་མི་ཤེས་ཡག་ཉེས་ཆེ། །དེ་ནས་ཀླུ་གཏོར་བཏང་བ་འདི་ལ་ནི། །ཡག་ཉེས་དེ་རྣམས་མེད་ཅིང་ཕན་ཡོན་ནི། །ཀླུ་ཆོག་ཀླུ་མཆོད་དངོས་དང་ཁྱད་པར་མེད། །འོན་ཀྱང་ཀླུ་ཡི་ཐེབས་ལྡོག་བརྩི་བ་དང་། །མཆོད་པ་གཙང་སྦྲ་ཤིན་ཏུ་ཆེ་བ་དང་། །འདི་དུས་ཤ་ཆང་སྒོག་ཙོང་སྤང་བ་གཅེས། །བྱམས་དང་སྙིང་རྗེ་ཕན་སེམས་གལ་ཆེའོ། །དེ་སྐད་རཱ་གའི་མིང་ཅན་སྔགས་མཁན་དེས། །ཕན་སེམས་ལྷག་བསམ་བཟང་པོས་ལྡན་པས་བཀོད། །འོན་ཀྱང་འགལ་འཁྲུལ་ཉེས་པ་གང་མཆིས་པ། །གསང་བདག་ཁྱུང་དང་ཀླུ་ཡི་ཚོགས་ལ་བཤགས། །འདི་བྲིས་དགེ་བས་མི་དང་ཀླུ་རྣམས་ཀུན། །བདེ་སྐྱིད་ལྡན་ཞིང་བྱང་ཆུབ་ཐོབ་པར་ཤོག །དེ་ཡི་དགེ་བས་བདག་དང་འཆི་འཕོས་ཚེ། །ནུབ་ཕྱོགས་བདེ་ཆེན་ཞིང་དེར་བརྫུས་སྐྱེས་ནས། །བྱང་སེམས་མཐུ་ཆེན་ཐོབ་པས་རྗེས་བཟུང་སྟེ། །བྱང་ཆུབ་སྤྱོད་པ་རྒྱ་ཆེན་སྤྱོད་གྱུར་ཅིག །མངྒ་ལཾ། བྷ་ཝནྟུ། །

ཀླུ་གཏོར་རྒྱས་པའི་བུ་ཡིག་ཀླུའི་བྱད་ཁྲོལ་བསྡུས་པ།

[Full Size]

ཀླུ་གཏོར་རྒྱས་པའི་བུ་ཡིག །ཀླུའི་བྱད་ཁྲོལ་བསྡུས་པ་ནི། ཡང་ནད་པ་ལ་ཀླུ་གཏད་སོགས་དོགས་ན་གཏད་ཁྲོལ་ནི། ན་མོ། དཀོན་མཆོག་གསུམ་གྱི་བདེན་པ་དང་། །ཕྱག་ན་རྡོ་རྗེའི་མཐུ་སྟོབས་དང་། །ཁྱུང་ཆེན་འབར་བའི་བདེན་པའི་མཐུས། བསྲུང་བྱ་འདིའི་ལུས་ངག་ཡིད་གསུམ་བྱད་དུ་བཅུག་པ་དང་། མནན་པ་དང་། བཅིངས་པ་ཐམས་ཅད་བྱད་ཐག་གི་སྲད་བུ་སྔོ་དམར་འདི་ལ་ཐིམ་པར་གྱུར་ཅིག །ཛཿཧཱུྃ་བཾ་ཧོཿ ལན་གསུམ། ལག་ཏུ་རལ་གྲི་ཐོགས་ལ། ཨོཾ་ཨཱཿཧཱུྃ། ཁྲོ་ཁྲོ་ཁྲོ་ནཱ་ག་ཤིག་ཤིག །ནཱ་ག་ཁྲོལ་ཁྲོལ། ས་ག་ཤིག་ཤིག །ས་ག་ཁྲོལ་ཁྲོལ། དབུས་ཀྱི་གཙུག་ན་རིན་ཆེན་ལ་གཏད་པ་ཁྲོལ་ཅིག །ཤར་གྱི་མི་མགོན་དཀར་པོ་ལ་གཏད་པ་ཁྲོལ་ཅིག །ལྷོའི་འཇོག་པོ་སེར་པོ་ལ་གཏད་པ་ཁྲོལ་ཅིག །ནུབ་ཀྱི་བྲམ་ཟེ་དམར་པོ་ལ་གཏད་པ་ཁྲོལ་ཅིག །བྱང་གི་གདོལ་པ་ནག་པོ་ལ་གཏད་པ་ཁྲོལ་ཅིག །གདོལ་པ་ནག་པོ་མགོ་དགུ་ལ་གཏད་པ་ཁྲོལ་ཅིག །བྲམ་ཟེ་དམར་པོ་མགོ་དགུ་པ་ལ་གཏད་པ་ཁྲོལ་ཅིག །ཀླུ་སྲིན་མགོ་དགུ་པ་ལ་གཏད་པ་ཁྲོལ་ཅིག །རྒྱ་མཚོ་དུག་རིགས་ལ་གཏད་པ་ཁྲོལ་ཅིག །ནག་པོ་གཞི་ལྕགས་ལ་གཏད་པ་ཁྲོལ་

[Full Size]

ཅིག །མཛེ་ནག་ལས་ཀྱི་འཁོར་ལོ་ལ་གཏད་པ་ཁྲོལ་ཅིག །མཛེ་སྐྱ་རླུང་གི་འཁོར་ལོ་ལ་གཏད་པ་ཁྲོལ་ཅིག །མཛེ་དམར་མེ་ཡི་འཁོར་ལོ་ལ་གཏད་པ་ཁྲོལ་ཅིག །ས་བདག་སྲོག་གི་འཁོར་ལོ་ལ་གཏད་པ་ཁྲོལ་ཅིག །ཐོད་རུས་སྐྱ་བོ་ལ་གཏད་པ་ཁྲོལ་ཅིག །སྙིང་ཁྲག་དམར་པོ་ཆུ་ལ་གཏད་པ་ཁྲོལ་ཅིག །སྲོག་རྩ་དམར་པོ་ཤིང་ལ་གཏད་པ་ཁྲོལ་ཅིག །གཟའ་བདུད་མགོ་དགུ་རྟ་རུ་ཞོན། སྦྲུལ་ནག་མགོ་དགུ་རོལ་དུ་ཁྲིད་པ་ལ་གཏད་པ་ཁྲོལ་ཅིག །སྲིན་པོ་ནག་པོ་ཁལ་འགེལ་བ་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བདུད་ནག་པོ་སྦྲུལ་གྱི་མཇུག་མ་ཅན་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བཙན་ཞགས་པ་ཅན་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བདུད་ནག་པོ་མཛེ་ཡི་ས་བོན་འདེབས་པ་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་

[Full Size]

ཁྲོལ་ཅིག །ཀླུ་བདུད་ནག་པོ་ལུས་ལ་མེ་འབར་མེའི་ཚྭ་ཚྭ་འཕྲོ་བ་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བདུད་ནག་པོ་གིང་ཆེན་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །བསྲུང་བྱའི་ལུས་ངག་ཡིད་གསུམ་ལ་གཏད་པ་ཁྲོལ་ཅིག །ཀླུ་རིགས་ཐམས་ཅད་ཀྱི་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཚངས་པ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཚངས་ཆེན་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་དབང་པོ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཉི་མའི་དབང་པོ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་རྒྱ་མཚོའི་བུ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་དུག་མེ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མཚོ་ཆེན་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མཚོ་ཆེན་གྱི་བུ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཆུ་སྲིན་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཉེར་དགའ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མི་ཞུམ་པ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མར་བལྟས་ན་མི་མཛེས་པ་ལ་གཏད་པ་

[Full Size]

ཁྲོལ་ཅིག །བསྲུང་བྱ་འདི་ཡི་ལུས་ངག་ཡིད་གསུམ། དབང་པོ་སྒོ་ལྔ། གཏད་རིགས་སུམ་བརྒྱ་དྲུག་ཅུ་ལ་གཏད་པ་ཁྲོལ་ཅིག །ཨོཾ་ཀ་ཡ་ཀ་ཡ། བཛྲ་ཚིན་ཚིན། ཤན་ཏི་ཤན་ཏི་ཤག་བྱེར།། མར་མར་སྟམྦྷ་ཡ་བྱེར། མོ་ཧ་ཡ་བྱེར། ཛམྦྷ་ཡ་བྱེར་བྱེར་ཟློག་ཟློག །ཅེས་མནན་པ་དང་བཅིངས་པ་གྲོལ་སྔགས་དང་། ཨོཾ་ཝཱཀ་ཡཀྵ་ཡ། བཛྲ་ཚིན་ཚིན། ཤན་ཏི་ཤན་ཏི་ཤག་བྱེར། མར་མར་སམྦྷ་ཡ་བྱེར། མོ་ཧ་ཡ་བྱེར། ཛམྦྷ་ཡ་བྱེར་ཡ་ཟློག་བྷྱོ༔ ཅེས་ངག་མནན་པ་དང་བཅིངས་པ་གྲོལ་སྔགས་དང་། ཨོཾ་ཙིཏྟ་དྷཀྵ་ཡ། བཛྲ་མ་ཧཱ་ཙ་དྷ། །ཤནྟི་ཤནྟི་ཤག་བྱེར། མར་མར་སྟམྦྷ་ཡ་བྱེར། མོ་ཧ་ཡ་བྱེར། ཛམྦྷ་ཡ་བྱེར་ཡ་ཟློག་ཟློག་བྷྱོ་བར་ཅེས་ཡིད་མནན་པ་དང་བཅིངས་པ་གྲོལ་སྔགས་དང་། བསྲུང་བྱ་འདིའི་ལུས་ངག་ཡིད་གསུམ་ཕ་རོལ་མི་དང་མི་མ་ཡིན་གྱི། མནན་པ་དང་། བཅིངས་པ་དང་། གཏད་སེལ་དུ་བཅུག་པ་ཐམས་ཅད་ཁྲོལ་ཅིག །ཧཱུྃ་ནཱ་ག་རཱ་ཙ་ས་མ་ཡ་ཛཿ ཤོག་ཤོག་ཁྲོལ་ཁྲོལ་ཆོད་ཆོད། བྱད་ཁྲོལ། ནཱ་ག་རཱ་ཙ་བྱད་ཁྲོལ་ཁྲོལ། ཅེས་བརྗོད་ཅིང་གྲིས་ཚོན་སྐུད་གཏུབ་ལ་ཁྲུས་ཆུ་ནང་དུ་དོར། ཀླུའི་བྱད་དུ་ཚུད་པ་ན། །ཞ་དང་གྲུམ་དང་འགྲོ་མི་ཤེས། །དེ་ལ་བྱད་གྲོལ་ཆོ་ག་དགོས། །ནད་པའི་

[Full Size]

ཡན་ལག་ཚོན་སྐུད་དཀྲི། །ཚོན་སྐུད་གྲིས་བཅད་གཏོར་མར་བཅུག །ཀླུ་ཡི་ས་རུ་གཏོར་མ་དང་། །ཡང་གཅིག་དཀྱིལ་འཁོར་ས་ཚོན་བསྐྱལ། །བྱད་དུ་ཆུད་པ་གྲོལ་བར་འགྱུར། །བྱད་ཁྲོལ་བྱ་བའི་མན་ངག་གོ། ཞེས་ཨོཾ་རྒྱན་རིན་པོ་ཆེས་གསུངས་པའི་དོན་བསྡུས་ལག་ལེན་ཁྱེར་བདེ་བར་བཀོད་པ་ནི། ཀླུ་གཏོར་རྒྱས་པའི་བུ་ཡིག་ཏུ་བཀོད་པ་ཨ་རཱ་གས་སོ།། ཨྠྀི། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

འཕགས་པ་སྤྱན་རས་གཟིགས་སེང་གེ་སྒྲ་ཡི་སྒོ་ནས་གདོན་ཁྲོལ་ཤིན་ཏུ་བསྡུས་པ་ཁྱེར་བདེ།

[Full Size]

འཕགས་པ་སྤྱན་རས་གཟིགས་སེང་གེ་སྒྲ་ཡི་སྒོ་ནས་གདོན་ཁྲོལ་ཤིན་ཏུ་བསྡུས་པ་ཁྱེར་བདེ་བཞུགས་སོ།།

[Full Size]

ན་མོ་ལོ་ཀེ་ཤྭ་ར་སེང་ཧ་ནཱ་ད་ཡེ། འཇིག་རྟེན་དབང་ཕྱུག་སེང་གེ་སྒྲ་ལ་འདུད། །གདོན་ཁྲོལ་གསེར་གྱི་ལྡེ་མིག་བསྡུས་པ་བྲི། །སྟེགས་བུ་ལེགས་པར་བཅས་པའི་སྟེང་དུའམ། །ཡང་ན་གཞི་དཀར་སྟེང་ན་ནས་ཚོམ་ལྔ། །དེ་དབུས་རིན་ཆེན་ལས་གྲུབ་བུམ་པ་གཅིག །མགུལ་ཆིངས་རས་དཀར་ཁ་ཚར་ཅན་གྱིས་བྱ། །ལྕག་མ་རྨ་བྱའི་མདོངས་དང་ཀུ་ཤ་དང་། །འོམ་བུ་བལ་བུ་ལ་སོགས་ཤིང་སྣ་ནི། །གང་འཛོམ་རྣམས་ཀྱི་ཁ་རྒྱན་བྱ་བ་ཤེས། །ཁྲུས་བུམ་ནང་དུ་གདོན་ཁྲོལ་རྫས་རྣམས་བླུགས། །དེ་མཐར་ལྷ་བཤོས་ལེགས་པ་ལྔ་ཡང་འགོད། །དེ་མཐར་དཀར་གཏོར་གཅིག་ལ་ཀླུ་བཤོས་བརྒྱན། །མཆོད་པ་སྣ་བདུན་ལ་སོགས་སྤྱི་ལྟར་བཤམས། །སྣོད་གཅིག་ནང་དུ་བགེགས་གཏོར་ཆངས་བུ་དང་། །མར་མེ་ཏིང་ལོས་

[Full Size]

བསྐོར་བ་གཅིག་ཀྱང་བྱ། །དེ་མཐར་བསྲུང་བྱ་གོས་དཀར་གྱོན་བྱས་ལ། །རང་ཉིད་ལ་ནི་ཁ་ནི་གྲུ་ནས་འདུག །རང་ཉིད་བདེ་བའི་སྟན་ལ་འདུག་བྱས་ནས། །རྡོར་དྲིལ་ཌ་མ་རུ་སོགས་ཚགས་བྱས་ནས། །དེ་ནས་བགེགས་གཏོར་དེ་ཉིད་བྲན་བྱས་ལ། །ནམ་མཁའ་མཛོད་ཀྱི་སྔགས་དང་ཕྱག་རྒྱ་བྱ། །ཡི་དམ་ཏིང་འཛིན་གསལ་བས་འདི་སྐད་དོ། །ཨོཾ་ཨ་ཀཱ་རོ་མུ་ཁཾ་སོགས། ཨོཾ་བཛྲ་ཨ་མྲྀ་ཏ་སོགས། སྭ་བྷ་ཝས་སྦྱང་། སྟོང་པ་ཉིད་དུ་གྱུར། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་ཀྱི་ནང་དུ་ལན་ཆགས་ཀྱི་གཏོར་མ་གཟུགས་སྡུག་པ། སྒྲ་སྙན་པ། དྲི་ཞིམ་པ། རོ་མངར་བ། རེག་བྱ་འཇམ་པ་འདོད་པའི་ཡོན་ཏན་ལྔ་དང་ལྡན་པར་གྱུར།

[Full Size]

ན་མ་སརྦ་ཏ་ཐཱ་ག་ཏ་བློ་བི་ཤྭ་མུ་ཁེ་བྷྱ༔ སརྦ་ཐ་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ལན་གསུམ། ཧཱུྃ། ཉོན་ཅིག་བགེགས་དང་ལོག་འདྲེན་འབྱུང་པོའི་ཚོགས། །ཚེ་རབས་ལས་ཀྱིས་མནར་བའི་ལན་ཆགས་རྣམས། །འདིར་གཤེགས་བརྒྱན་པའི་གླུད་གཏོར་འདི་བཞེས་ལ། །དེང་འདིར་སྦྱིན་བདག་འདི་ཡི་ལུས་ངག་ལ། །གནོད་ཅིང་འཚེ་བར་ད་རང་གནས་དེངས། །གལ་ཏེ་མི་འགྲོ་བར་ཆད་བྱེད་པ་ན། །བདག་ཉིད་དབང་ཆེན་འབར་བ་ཐུགས་ཁྲོས་ནས། །ལུས་ངག་ཐལ་བ་བཞིན་དུ་རླག་པར་བྱེད། །དེ་བས་ཚོད་ལྟ་ཉིད་དུ་ཕྱིར་དེངས་ཤིག །ཨོཾ་ཧིབཛྲ་ཀྲོ་དྷ་ཧྱ་གྲི་ཝ་གནོད་བྱེད་འབྱུང་པོ་ཨུ་ཙ་ཏ་ཡ་ཕཊ༔ དེ་ནས་མཆོད་པ་ཐམས་ཅད་བྲན་ལ། ཨོཾ་བཛྲ་ཨ་མྲྀ་ཏ་སོགས། སྭ་བྷ་ཝས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེ་ལས་བྱུང་བའི་སྣོད་དུ་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་འཕགས་པ་ཀུན་ཏུ་བཟང་པོའི་མཆོད་སྤྲིན་ལྟ་བུར་གྱུར། ཨོཾ་བཛྲ་དྷརྨཱ་ར་ཎི་ཏ་པྲ་ར་ནི་ཏ། སཾ་པྲ་ར་ནི་ཏ། སརྦ་བུདྡྷ་ཀྵེ་ཊ་པྲ་ཙ་ལི་ཏི། པྲཛྙཱ་པ་ར་མི་ཏ་ན་ད་སཾ་བྷ་ཝ་བཛྲ་དྷརྨཱ་ཧྲི་ད་ཡ་སནྟོ་

[Full Size]

ཥ་ནི་ཧཱུྃ་ཧཱུྃ་ཧཱུྃ་ཧོ་ཧོ་ཧོ༔ ཨ་ཁཾ་སྭཱ་ཧཱ། ཞེས་བྱིན་གྱིས་བརླབས། དེ་ནས། ཨོཾ་སྭ་བྷཱ་ཝས་སྦྱང་། སྟོང་པའི་ངང་ལས་ཁམས་གསུམ་སྲིད་གསུམ་གྱི་བཅུད་ཐམས་ཅད་བསྡུས་པའི་སེང་གེའི་གདན་ལ་འཕགས་པ་སྤྱན་རས་གཟིགས་འཇིག་རྟེན་དབང་ཕྱུག་སེང་གེའི་སྒྲ་སྐུ་མདོག་དཀར་པོ་ཞལ་གཅིག་ཕྱག་བཞི། གཡས་རྩེ་གསུམ་དང་རལ་གྲི། གཡོན་པདྨ་དང་ཨུཏྤལ་འཛིན་པ་རལ་པ་ཐོད་དུ་བཅིངས་པ། སྐུ་ལ་རིན་པོ་ཆེས་བརྒྱན་པ། ཡན་ལག་ཐམས་ཅད་སྦྲུལ་གྱིས་བརྒྱན་པ། སྣང་ལ་རང་བཞིན་མེད་པའི་སྐུ་ཅན་དུ་གསལ་བའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་དང་ཐུགས་ཀའི་ཧཱུྃལས་འོད་ཟེར་འཕྲོས་པས་པོ་ཊ་ལ་ནས་འཕགས་པ་སྤྱན་རས་གཟིགས་སེང་གེ་སྒྲ་ལ་ཀླུ་ཆེན་པོ་བརྒྱད་ཀྱིས་བསྐོར་བ་བཛྲ་ས་མཱ་ཡ་ཛ་ཛཿ པདྨ་ཀ་མ་ལཱ་ཧཱུྃ། ཨོཾ་ལོ་ཀི་ཤྭ་ར་སེང་ཧཱ་ན་ད་ནཱ་ག་རཱ་ཛ་ས་པ་རི་ཝཱ་ར་ཨརྒྷཾ་ཨཱཿཧཱུྃ། པཱདྱཾ༴ པུཥྤེ༴ དྷཱུཔེ༴ ཨཱ་ལོ་ཀེ༴ གྷནྡྷེ༴ ནཻ་ཝིདྱེ༴ ཤབྟ་ཨཱཿཧཱུྃ༔ སླར་ཡང་ཐུགས་ཀར་ཧཱུྃལས་འོད་ཟེར་འཕྲོས་དབང་ལྷ་རིགས་ལྔ་འཁོར་བཅས་བཛྲ་ས་མཱ་ཛཿ དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་

[Full Size]

བ་བསྩལ་དུ་གསོལ་ལོ། །ཞེས་གསོལ་བ་བཏབ་པས་དབང་གི་ལྷ་རྣམས་ཀྱི་ཨོཾ་བཛྲ་བྷ་ཝ་ཨ་བྷི་ཥིཉྩ་ཧཱུྃ། ཞེས་གསུངས་ཤིང་དབང་བསྐུར་བས་སྐུ་གང་དྲི་མ་ཆུ་ཡི་ལྷག་མ་ཡར་ལུད་པ་ལས་འོད་དཔག་མེད་དང་འཇམ་དཔལ་གྱིས་དབུ་བརྒྱན་པར་གྱུར། ཐུགས་ཀའི་ཧཱིཝཡིག་ལ་སེང་ཧ་ན་དའི་སྔགས་ཀྱིས་བསྐོར་བར་གྱུར། ཨོཾ་སེང་ཧ་ན་ད་ཧཱུྃ་ཕཊ༔ ཞེས་སྟོང་ལས་མི་ཉུང་བར་བཟླའོ། །ན་མོ་རཏྣ་ཏྲ་ཡཱ་ཡ། ན་མོ་ཨརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ཀ་ཊེ། བི་ཀ་ཊེ། ནི་ཀ་ཊེ། ཀ་ཏཾ་ཀ་ཊེ། ཀ་རོ་ཊེ། ཙིཏྟ་ཛྭ་ལ་ཀ་རོ་ཀཾ་ཌ་བིད་སྭཱ་ཧཱ། ཞེས་པ་སུམ་བརྒྱ་ཙམ་བཟླ། ཨོཾ་སེང་ཧཱ་ན་དཱ་ཨཱཙཱཧིཧཱུྃ། སུམ་བརྒྱ་ཙམ་བཟླ། སྔགས་ཕྲེང་དེ་ལས་འོད་ཟེར་འཕྲོས་པ། འཇིག་རྟེན་དབང་ཕྱུག་གི་སྐུ་ལ་ཕོག་པས། ཡེ་ཤེས་ཀྱི་བདུད་རྩིའི་རྒྱུན་བབས་པས་བུམ་པ་གང་བར་གྱུར། དེ་ནས་བསྟོད་པ་ནི། ཧི༔ སྙིང་རྗེའི་སྟོབས་ཀྱིས་སེམས་ཅན་དོན་བྱས་པས། །རང་གི་གྲོགས་ཀྱིས་སྤང་བས་གཅིག་པུར་ལུས། །ཀླུ་དང་གདོན་གྱི་ཚོགས་རྣམས་བཅིངས་བར་མཛད། །འཇིག་རྟེན་དབང་ཕྱུག་སེང་གེ་སྒྲ་ལ་བསྟོད། །ཞེས་པས་

[Full Size]

བསྟོད་དོ། །དེ་ནས་བསྲུང་བྱ་ལ་ཁྲུས་བྱ་བ་ནི། སླ་ངའམ་སྣོད་ཅིག་གི་ནང་དུ་ཆངས་བུ་ལོ་གྲངས་སམ་གང་འཛོམ་བཞག་ལ། དེའི་སྟེང་དུ་བསྲུང་བྱ་རྣམས་ཀྱི་ཁ་ལག་བཤལ་ལ། ཧཱུྃ། རིན་ཆེན་ལས་གྲུབ་བུམ་པ་རྒྱན་ལྡན་འདི། །ཕྱི་ནི་བུམ་པ་གསང་བ་གཞལ་ཡས་ཁང་། །ནང་ནི་ཡེ་ཤེས་གདན་ཁྲོལ་རྫས་ཀྱིས་གང་། །དེང་འདིར་བསྲུང་བྱ་འདི་ལ་ཁྲུས་གསོལ་བས། །འཇིག་རྟེན་སྲིད་པའི་གདོན་གྱིས་བཅིངས་བ་ཁྲོལ། ན་མོ་རཏྣ་ཏྲ་ཡཱ་ཡ། ན་མོ་རྒྱ་གྲི་ཝ་ཡ། ན་མོ་ལོ་ཀི་ཤྭ་ར་ཡ། ཏདྱ་ཐཱ། ཨོཾ་ཧཱི༔ ཀུ་ལུ་མུ་ལུ་ནི་ལ་ཀཎྜ་ཧུ་ལུ་ཧུ་ལུ་ཏིཥྛ་ཏིཥྛ་བནྡྷ་བནྡྷ། མཱ་ར་ཡ་ཧ་ཧ་ཧ་ཧ་བཛྲ་ཀྲོ་ཏ་ཧྱ་གྲཱི་ཝ་ཧྲཱི༔ཧཱུྃ་ཕཊ༔ ལྷ་ཡི་གདོན་གྱིས་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། ལྷ་མ་ཡིན་གྱི་གདོན་གྱིས་བཅིངས་པ་ཐམས་ཅད་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། ཀླུ་ཡི་གདོན་གྱིས་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། མིའམ་ཅི་ཡི་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། ལྟོ་འཕྱེའི་གདོན་གྱིས་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། གནོད་སྦྱིན་གྱི་གདོན་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། བཙན་གྱི་གདོན་བཅིངས་བ་ཐམས་ཅད་

[Full Size]

སརྦ་ཨ་པ་ན་ཡེ་སྭཱ་ཧཱ། དམུ་ཡི་གདོན་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། མ་མོའི་གདོན་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། ཐེའུ་རང་གི་གདོན་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། རྒྱལ་པོ་དང་བསེན་མོའི་གདོན་གྱིས་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། བགེགས་ཀྱིས་བཅིངས་བའི་གདོན་ཐམས་ཅད་སརྦ་ཨ་པ་ན་ཡེ་སྭཱ་ཧཱ། བསྲུང་བྱ་འདི་ཡི་ལུས་བཅིངས་པ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། ངག་བཅིངས་བ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། ཡིད་བཅིངས་པ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། ཨོཾ་ཝ་རུ་ཎ་སྭཱ་ཧཱ། ཨོཾ་ཨ་ནནྟ་སྭཱ་ཧཱ། ཨོཾ་བཱ་སུ་ཀི་ཡེ་སྭཱ་ཧཱ། ཨོཾ་ནཀྵ་ཡེ་སྭཱ་ཧཱ། ཨོཾ་ཀརྐོ་ཊ་ཡ་སྭཱ་ཧཱ། ཨོཾ་པདྨ་ཡེ་སྭཱ་ཧཱ། ཨོཾ་མ་ཧཱ་པདྨ་སྭཱ་ཧཱ། ཨོཾ་ཤང་ཁ་པ་ལ་སྭཱ་ཧཱ། ཀླུ་རྒྱལ་རིགས་དང་། རྗེའུ་རིགས་དང་། དམངས་རིགས་དང་། བྲམ་ཟེ་དང་གདོལ་པ་རྣམས་ཀྱིས་བཅིངས་པ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། བསྲུང་བྱ་འདི་ཡི་ལུས་ངག་ཡིད་གསུམ་བཅིངས་པ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། བསྲུང་བྱ་འདི་ཡི་ལུས་ངག་ཡིད་གསུམ་བཅིངས་བ་ཐམས་ཅད་ཕྱེས་ཕྱེས་ཁྲོལ་ཁྲོལ། བཅིངས་པ་དང་བསྡམས་

[Full Size]

པ་ཐམས་ཅད་སརྦ་ཨ་པ་ན་ཡེ་སྭཱ་ཧཱ། དེ་ནས་རྨ་བྱའི་སྒྲོ་དང་ཀུ་ཤ་སྤེན་མ་འོམ་བུ་བལ་བུ་རྣམས་ཀྱི་ལྕུག་མ་རྣམས་བཟུང་ནས་ལག་པས་གཡབ་ཚུལ་བྱ་ཞིང་། ཧྲཱི༔ མཛེས་བྱེད་རྨ་བྱའི་ལྕག་མ་འདི། །དུག་འཇོམས་འབྱུང་ལྔའི་ཐིག་ལེ་བཀྲ། །རྒྱལ་བ་རིགས་ལྔས་བྱིན་གྱིས་བརླབས། །ཀུ་ཤའི་ལྷུག་མ་གཙང་ཞིང་དག །ཡིད་འོང་མདངས་ལྡན་ཀུ་ཤ་ལ། །འདོད་ཡོན་ལྔ་ཡི་སྙེ་མ་འཁྲུངས། །ཀླུ་ཤིང་འོམ་བུའི་ལྕག་མ་འདི། །དངོས་གྲུབ་ལྷ་ལུང་སྨན་གྱི་ལྷ། །ཡེ་ཤེས་སྟོན་ཕྱིར་འབྱུང་ལྔ་སྐྱེད། །ཐུགས་རྗེས་ཡོན་ཏན་ས་ཡི་དྲོད་ལས་འཁྲུངས། །དམ་ཚིག་གཙང་ཕྱིར་སྨན་གྱི་ཤིང་། །བལ་བུ་སྨན་གྱི་ལྕག་མ་འདི། །དངོས་གྲུབ་སྩོལ་ཕྱིར་མེ་ཏོག་རྒྱས། །གཏི་མུག་ཞི་ཕྱིར་ལོ་མ་ནག །ཞེ་སྡང་ཞི་ཕྱིར་སྡོང་བུ་ཡོ་ཕྲ། །ང་རྒྱལ་ཞི་ཕྱིར་རྟིང་པ་ཟླུམ། །བཀྲ་ཤིས་ཚུལ་དུ་ཡལ་ག་འཕེལ། །སྤེན་མ་ཤིང་མཆོག་ལྷུག་མ་འདི། །འབྱུང་བ་ལྔ་གསལ་ཡེ་ཤེས་ཤིང་། །ཐུགས་རྗེ་སྟོན་ཕྱིར་རྩ་བ་དཀར། བཀྲ་ཤིས་འཕེལ་ཕྱིར་མེ་ཏོག་དཀར། །འདི་ལྔ་ཚེ་སྔོན་གདོན་ཁྲོལ་རྫས། །དེ་རིང་བསྲུང་བྱ་འདི་དག་ལ། །གདོན་གྱིས་བཅིངས་པ་ཁྲོལ་བར་མཛོད། །ཨོཾ་

[Full Size]

ཨཱ་ཧྲཱི༔ སེང་ཧ་ནཱ་ད་ཧཱུྃ་ཕཊ༔ ཧཱིནཱ་ད་ལ་དུམ་པ་ལེ་པ་ལེ་ནཱ་ག་པུ་ཏ། ཧ་ལེ་ཧ་ལེ་ཧ་ལེ། སྤུ་ཊ་སྤུ་ཊ་ནཱ་ག་ཁྲོལ་ཁྲོལ་ཤིག་ཤིག་སྭཱ་ཧཱ། ལྷ་ཡི་རྒྱལ་པོ་ཚངས་པ་ལ་སོགས་པ་ལྷའི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། ཀླུ་ཡི་རྒྱལ་པོ་ཝ་རུ་ཎ་ལ་སོགས་པའི་ཀླུ་ཡི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། དྲི་ཟའི་རྒྱལ་པོ་ཟུར་ཕུད་ལྔ་པ་ལ་སོགས་པའི་དྲི་ཟའི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། གནོད་སྦྱིན་རྒྱལ་པོ་རྣམ་ཐོས་བུ་ལ་སོགས་པའི་གནོད་སྦྱིན་གྱི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། ལྷ་མིན་རྒྱལ་པོ་ཐགས་ཟངས་རིས་ལ་སོགས་པའི་ལྷ་མིན་གྱི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། མིའམ་ཅི་ཡི་རྒྱལ་པོ་ལྗོན་པ་རྟ་མགོ་ཅན་ལ་སོགས་པའི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། གྲུལ་བུམ་རྒྱལ་པོ་སྦྲུལ་མགོ་དགུ་པ་ལ་སོགས་གྲུལ་བུམ་གྱི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། ནམ་མཁའ་ལྡིང་གི་རྒྱལ་པོ་གསེར་མིག་ཅན་ལ་སོགས་ནམ་མཁའ་ལྡིང་གི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། ས་བདག་གི་རྒྱལ་པོ་

[Full Size]

ཐེ་སེ་ལ་སོགས་པའི་ས་བདག་གི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། གཞན་ཡང་ལྷ་དང་མི་དང་ལྷ་མ་ཡིན་གྱི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། རྒྱལ་པོ་དང་བསེན་མོའི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། བཙན་དང་དམུ་དང་ཐེའུ་རང་གི་གདོན་གྱིས་བཅིངས་པ་ཐམས་ཅད། ཕྱེས་ཕྱེས་ཁྲོལ་ཁྲོལ། བསྲུང་བྱ་འདི་ཡི་ལུས་ངག་ཡིད་གསུམ་ལ་བན་བོན་གྱིས་མནན་གཏད་དུ་བཅུག་པའི་གདོན་གྱིས་བཅིངས་པ་ཐམས་ཅད་ཕྱེས་ཕྱེས་ཁྲོལ་ཁྲོལ། ཟོར་ཁ་ཕུར་ཁ་རྦད་འདྲེ་དྲོད་གཏོང་། ཐམས་ཅད་ཕྱེས་ཕྱེས་ཁྲོལ་ཁྲོལ། བསྡམས་པ་དང་མནན་པ་ཐམས་ཅད་ཕྱེས་ཕྱེས་ཁྲོལ་སོལ་སརྦ་ཨ་པ་ན་ཡེ་སྭཱ་ཧཱ། ཞེས་པ་འདི་ཉིད་ཚར་མང་བྱས་པ་ན། །འདི་ཡན་རྣམས་ནི་ཚར་གྱི་གྲངས་གསོག་དགོས། །གཏོར་མ་ལྕུག་མ་སྔོན་གྱི་དེས་ཆོག་གོ །ཁྲུས་ཆུ་ཆངས་བུ་རྣམས་བསྲུང་བྱའི་ལོ་བདུད་ཐོག་ཏུ་ཚར་རེ་ཐོན་ནས་རེ་རེ་བསྐྱལ་དགོས། ཆངས་བུ་ལྕུག་མ་ལྷོའི་ཕྱོགས་སུ་བཅུག །དེ་ནས་རྗེས་ཆོག་ནི། ཨརྒྷཾ་སོགས་ཀྱིས་མཆོད། སྐྱོན་གྱིས་མ་གོས་སྐུ་མདོག་དཀར། །རྫོགས་སངས་རྒྱས་ཀྱིས་དབུ་ལ་བརྒྱན། །ཐུགས་རྗེའི་སྤྱན་གྱིས་འགྲོ་ལ་གཟིགས། །སྤྱན་རས་གཟིགས་

[Full Size]

ལ་ཕྱག་འཚལ་བསྟོད། །ཅེས་བསྟོད། མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་བསྩལ་བ། །དེ་ཀུན་མགོན་པོས་བཟོད་པར་གསོལ། །ཡིག་བརྒྱས་ཁ་བཀང་། ཨོཾ། ཁྱེད་ཀྱིས་སེམས་ཅན་དོན་ཀུན་མཛོད། སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སླར་ཡང་འབྱོན་པར་མཛད་དུ་གསོལ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་། །མཐུན་པ་གྲུབ་ཅིང་ཕུན་སུམ་ཚོགས་གྱུར་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །དགེ་བ་འདི་ཡིས་མྱུར་དུ་བདག །སེང་གེ་སྒྲ་ནི་འགྲུབ་གྱུར་ནས། །བྱེད་དང་གདོན་གྱིས་བཅིངས་བ་ཀུན། །སྐད་ཅིག་ཉིད་ལ་གྲོལ་བར་མཛོད། །ཅེས་པ་འདི་ཡང་དབོན་པོ་གཅོད་པ་ཆོས་འཕེལ་གྱིས་བསྐུལ་ངོར་༧ རཱ་ག་ཨ་སྱས་དཔེ་རྙིང་ཀཿཐོག་ལུགས་འགའ་ཟུང་ནས་། འཕྲལ་དུ་ཞུན་མར་ངོག་ནས་བྲིས། དགེ་བས་འགྲོ་ཀུན་གདོན་ལས་གྲོལ་བར་ཤོག །ཤུ་བྷཾ། མངྒ་ལཾ།། །།༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་འཇམ་དཔལ་ནཱ་ག་རཀཱའི་སྒོ་ནས་ཀླུའི་གདོན་བཀྲོལ་དང་གཏད་བཀྲོལ་ཁྱེར་བདེར་བཀོད་པ།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ འཇམ་དཔལ་ནཱ་ག་རཀཱའི་སྒོ་ནས་ཀླུའི་གདོན་བཀྲོལ་དང་གཏད་བཀྲོལ་ཁྱེར་བདེར་བཀོད་པ་བཞུགས་སོ།།

[Full Size]

ན་མོ་གུ་རུ་མཉྫ་འི་ཡེ། འཇམ་དཔལ་ཡེ་ཤེས་སེམས་དཔར་ཕྱག་འཚལ་ནས། །ཀླུ་ཡི་གདོན་བཀྲོལ་གཏད་བཀྲོལ་ཁྱེར་བདེར་བཀོད། །ཆོས་བདག་སྲུང་མས་བཀའ་གནང་བྱིན་གྱིས་རློབས། །གཞི་སྟེང་བུམ་པ་པད་གདན་འོ་ཆབ་བཀང་། །ལྕགས་སྡེར་རམ་ནི་སྡེར་སྣོད་གཙང་མའི་ནང་། །གཏོར་མ་ཟུར་གསུམ་རྩེ་མོ་དགུ་ཡོད་པ། །དེ་ལ་ཁྲག་བྱུག་ཤ་ཡིས་བརྒྱན་བྱས་ཏེ། །དེ་ལ་སྦྲུལ་ནག་མགོ་བོ་དགུ་པས་དཀྲིས། །རྩེ་ལ་ཉི་ཟླ་ནོར་བུ་མར་རྒྱན་བྱ། །ཟངས་སྡེར་རམ་ནི་སྣོད་ནི་གཙང་མའི་ནང་། །ཀླུ་གཏོར་པད་སྡོང་འདབ་བརྒྱད་གཙོ་བུམ་ལ། །དཀར་གཏོར་གཅིག་བཞག་འདབ་བརྒྱད་རིལ་བུ་བརྒྱད། །ཐེབ་ཙེའི་ནང་དུ་མཐེབ་སྐྱུ་ཏིང་ལོ་དང་། །ལྕོག་རྡོག་ཆངས་བུ་ཀླུ་ཐེལ་བཀར་བའི་རྫས། །ཁྲུས་སྡེར་ནང་དུ་ཟན་གྱི་སྦྲུལ་

[Full Size]

ནག་བཞག །ཚོན་སྐུད་ལྔ་སྒྲིམ་མ་རྙེད་སུམ་སྒྲིལ་ནི། །འདོམ་པ་ཕྱེད་དོ་ཡོད་པ་ཙམ་ཞིག་དང་། །མཐོ་ནི་ཕྱེད་དོ་ཡོད་པ་བཞི་ཡང་འཚག །འབྲུ་སྣ་འོ་ཕུད་ཀླུ་སྨན་བཏབ་པ་བཤམས། །དེ་ནས་འདི་ལྟར་འདོན་སྒོམ་སྦྲགས་པས་འཐུས། །ན་མོ། དཀོན་མཆོག་གསུམ་དང་རྩ་བ་གསུམ། །སྐྱབས་གནས་རྣམས་ལ་སྐྱབས་སུ་མཆི། །འགྲོ་ཀུན་སངས་རྒྱས་ལ་འགོད་ཕྱིར། །བྱང་ཆུབ་མཆོག་ཏུ་སེམས་བསྐྱེད་དོ། །ཀ་དག་ཀློང་ནས་སྤྲུལ་པ་ཡི། །གནམ་ས་གང་བའི་མཆོད་པའི་སྤྲིན། །སྨན་གཏོར་རཀྟ་ལྷ་མོར་བཅས། །ཟད་མེད་གྱུར་ཅིག་པཱུ་ཛ་ཧོ། །བདག་དང་མདུན་གྱི་གཏོར་མའི་རྩེར། །བུམ་ལྷ་ནཱ་ག་རཀ་

[Full Size]

ནི། །ཞལ་གཅིག་ཕྱག་བཞི་ཁྲོ་བོའི་གཟུགས། །དང་པོ་གཉིས་ཀྱིས་གྲི་ཐོད་འཛིན། །དེ་འོག་རལ་གྲི་སྦྲུལ་ཞགས་འཛིན། །སྦྲུལ་མགོ་བདུན་བརྒྱན་དེ་སྟེང་དུ། །ཁྱུང་གི་མགོ་དང་གཤོག་པས་བརྒྱན། །སྐུ་མདོག་ནམ་མཁའི་མདོག་ལྟ་བུ། །སྐུ་སྨད་སྤྲུལ་གྱི་མཇུག་མ་ལ། །སྐུ་སྟོད་ཁྲོ་བོའི་ཆ་བྱད་ཅན། །གཤོག་པས་སྐུ་སྟོད་ཁྱབ་པ་སྟེ། །སྐུ་ལ་རིན་ཆེན་སྣ་ཚོགས་བརྒྱན། །པདྨ་ཟླ་བའི་གདན་ལ་བཞུགས། །ཐུགས་ཀར་པདྨ་འདབ་བརྒྱད་ཀྱི། །ལྟེ་བ་གྲོག་སྐེད་ལྟ་བུ་ཡིས། །འོག་ཏུ་ཕོ་དང་སྟེང་དུ་ཧཱུྃ། །འདབ་མ་བརྒྱད་ལ་ཡིག་འབྲུ་བརྒྱད། །དྲན་རྫོགས་བདག་མདུན་བུམ་ལྷ་ཡི། །ཐུགས་ཀའི་སྔགས་ལས་འོད་འཕྲོས་པས། །འོག་མིན་ཆོས་དབྱིངས་ཞིང་ཁམས་ནས། །སྐུ་དང་སྔགས་ཕྲེང་ཕོ་ཡིག་ཚོགས། །ཆར་བཞིན་བབས་ནས་བདག་མདུན་དང་། །བུམ་པའི་ལྷ་ལ་སིབ་སིབ་ཐིམ། །བུམ་ལྷའི་སྐུ་ལས་བདུད་རྩིའི་རྒྱུན། །བབས་པས་བུམ་པ་གང་བར་གྱུར། །ཨོཾ་ནཱ་ག་རཀྵ་ཕེ་ལཾ་ཧཱུྃ། རབ་སྟོང་འབྲིང་ནི་ལྔ་བརྒྱ་རེ། །ཐ་མ་སུམ་བརྒྱ་ཙམ་ཞིག་བཟླ། །དེ་ནས་གོང་གི་སྔགས་དེ་ལ། ཀླུ་ཡི་ནད་གདོན་ཐམས་ཅད་ཤཱིནྟཾ་ཀུ་རུ་ཡེ་སྭ་ཧཱ། །ཞེས་སྦྱར་ལ་བརྒྱ་རྩ་

[Full Size]

བརྒྱད་བཟླ། ཨོཾ་ནཱ་ག་རཀྵ་ཨརྒྷཾ་སོགས་ནས། ཤརྡ་པྲ་ཏཱིཙྪ་སྭཱ་ཧཱ། ཧཱུྃ། གདུག་པའི་ས་བདག་ཀླུ་གཉན་ཀུན། །སྐད་ཅིག་ཙམ་གྱིས་འཇོམས་བྱེད་པ། །འཇམ་དཔལ་ཐུགས་ལས་སྤྲུལ་པ་ཡི། །ཀླུ་བདུད་མགོ་དགུ་ཁྱོད་ལ་བསྟོད། །བུམ་ལྷ་འོད་ཞུ་བདུད་རྩིར་གྱུར། །ཀླུ་གཏོར་དཔོན་གཡོག་གསུམ་ཀའི་ནང་། །འབྲུ་སྣ་བཏབ་ལ་འོ་ཆབ་བྲན། །དེ་ནས་ནད་པ་མདུན་དུ་ཁོས། ད་ལམ་ཁྱེད་རྣམས་ལ་འཇམ་དཔལ་ནཱ་ག་རཀཱའི་སྒོ་ནས་ཀླུའི་གདོན་ཁྲོལ་དང་གཏད་ཁྲོལ་ཞུ་བའི་ཕྱིར་མཎྜལ་ཕུལ། ད་སློབ་དཔོན་དང་། མདུན་བསྐྱེད་ནཱ་ག་རཀཱ་ནི། ཞལ་གཅིག་ཕྱག་བཞི་ཁྲོ་བོའི་གཟུགས། །དང་པོ་གཉིས་ཀྱིས་གྲི་ཐོད་འཛིན། །དེ་འོག་རལ་གྲི་སྦྲུལ་ཞགས་འཛིན། །སྦྲུལ་མགོ་བདུན་བརྒྱན་དེ་སྟེང་དུ། །ཁྱུང་གི་མགོ་དང་གཤོག་པས་བརྒྱན། །སྐུ་མདོག་ནམ་མཁའི་མདོག་ལྟ་བུ། །སྐུ་སྨད་སྦྲུལ་གྱི་མཇུག་མ་ལ། །སྐུ་སྟོད་ཁྲོ་བོའི་ཆ་བྱད་ཅན། །པདྨ་ཟླ་བའི་གདན་ལ་བཞུགས། །མདུན་བསྐྱེད་ཀྱི་འོག་ཏུ་པདྨ་དཀར་པོ་འདབ་མ་བརྒྱད་པ་ཡངས་ཤིང་རྒྱ་ཆེ་བའི་ལྟེ་བ་དང་འདབ་མ་ལ་ཀླུ་ཆེན་པོ་དགུ་འཁོར་དང་བཅས་པ་མངོན་སུམ་དུ་བཞུགས་པས། གཏོར་མ་ཀླུ་

[Full Size]

སྨན་བདུད་རྩི་རྒྱ་མཚོ་ཆེན་པོ་གསོལ་བས་མཉེས་ཤིང་ཚིམས་ནས། ཁྱེད་རང་ཀླུ་ཡི་གཏད་དུ་བཅུག་པ་ཐམས་ཅད་བཀྱག །བཅིངས་པ་ཐམས་ཅད་བཀྲོལ། བསྡམས་པ་ཐམས་ཅད་གློད། ཀླུ་ཡི་ནད་དང་གནོད་པ་ཐམས་ཅད་བསལ། ཀླུ་གཡང་དངོས་གྲུབ་ཐམས་ཅད་སྩོལ་ཞིང་ཡོད་བསམ་པའི་མོས་པ་མཛོད། ཧཱུྃ། འཁོར་འདས་གཉིས་ཀྱི་སོ་མཚམས་ན། །རྒྱ་མཚོ་ཆེན་པོ་དྭངས་པའི་ནང་། །སྦྲུལ་ནག་འཁྱིལ་པའི་ཀློང་དཀྱིལ་ནས། །རིགས་རྒྱལ་ཀླུ་བདུད་མགོ་དགུ་པ། །བདུད་ཀྱི་བདུད་ཅིག་ཀླུ་ཡི་བདུད། །སྐུ་ནི་རི་རབ་ངོས་ལ་བསྟན། །མཇུག་མ་རྒྱ་མཚོའི་གཏིང་ན་བཞུགས། །ཕྱག་ནི་བཅུ་དྲུག་གཡས་བརྒྱད་ནི། །གྲི་གུག་གཡོན་བརྒྱུད་སྦྲུལ་ཞགས་བསྣམས། །དབུ་ནི་བར་སྣང་ཁམས་ན་འཕྱོ། །ཞལ་ནས་གདུག་པའི་སྒྲ་སྐད་སྒྲོག །འཇིག་བྱེད་ཨཀཱིའི་སྒྲ་སྒྲོག་པ། །སྡོམ་དང་སྡིག་པའི་ཚྭ་ཚྭ་འཕྲོ། །སྤྱན་ནི་དྲག་པོ་ཧུར་ཐུམ་གཟིགས། །མཆེ་བ་རྣོ་དབལ་དམར་ནག་གདངས། །ཀླུ་གཉན་ས་བདག་གདུག་པ་ཅན། །བ་སུ་རིགས་དྲུག་ཟས་སུ་ཟ། །རྒྱལ་རིགས་མགུལ་ཆུ་དོ་ཤལ་བྱས། །བྲམ་ཟེའི་རིགས་ཀྱི་ཕྱག་གདུབ་བྱས། །

[Full Size]

དམངས་རིགས་ཚོགས་རྣམས་སྐེད་ལ་དཀྲིས། །རིགས་ངན་གདོལ་པ་ཞབས་འོག་མནན། །གདུག་པའི་ས་བདག་ཀླུ་གཉན་རྣམས། །སྐད་ཅིག་ཙམ་གྱིས་བརླག་པར་མཛོད། །འཇམ་དཔལ་ཐུགས་ལས་སྤྲུལ་པ་ཡི། །ཀླུ་བདུད་ནག་པོ་བདག་མདུན་གསལ། །ཧཱུྃ། རྒྱ་མཚོ་ཤིན་ཏུ་དྭངས་པའི་ཀློང་དཀྱིལ་ནས། །བདུད་ཀྱི་བདུད་གཤེད་འཆི་བདག་གནས་འདིར་གཤེགས། །སྡེ་བརྒྱད་ཀླུ་ཆེན་འདུལ་ཕྱིར་གཤེགས་སུ་གསོལ། །འཇམ་དབྱངས་སྤྲུལ་པ་ཀླུ་བདུད་ཁྱོད་ཉིད་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །དཀར་གསུམ་ལ་སོགས་མཆོད་པ་སྣ་ཚོགས་འབུལ། །མི་དགེ་སྡིག་པའི་ཚོགས་རྣམས་སོ་སོར་བཤགས། །དུས་གསུམ་དགེ་བའི་ཚོགས་ལ་བདག་ཡི་རང་། །གང་འདུལ་ཐབས་ཀྱི་ཆོས་འཁོར་བསྐོར་དུ་གསོལ། །མྱ་ངན་མི་འདའ་བཞུགས་པར་གསོལ་བ་འདེབས། །བསྟན་པ་བཤིགས་དང་བླ་མའི་སྐུ་དགྲ་དང་། །བདག་ལ་སྡང་བའི་དགྲ་བོ་མ་ལུས་ཀུན། །ཙི་ཙི་ཛྭ་ལའི་ནད་ཀྱིས་གཟིར་བ་དང་། །ཆུད་ནས་བརླག་པའི་ཕྲིན་ལས་ཁྱོད་ཀྱིས་མཛོད། །གང་ལ་བྱ་བའི་ཕྲིན་ལས་ཁྱོད་ཀྱིས་ཤེས། །

[Full Size]

དམིགས་པའི་དགྲ་བགེགས་གང་ཡིན་མྱུར་དུ་སྒྲོལ། །རྣམ་ཤེས་དག་པའི་ཞིང་དུ་ཐུགས་རྗེས་དྲོངས། །ཕྱིན་ཆད་འཁོར་བའི་རྩ་བ་སྟོངས་པར་མཛོད། །བདག་གི་དུག་གསུམ་དུག་ལྔའི་ནད་གདོན་རྣམས། །དཔའ་བོ་ཁྱོད་ཀྱི་ཞལ་དུ་ད་གསོལ་ཅིག །ཚོགས་རྫོགས་སྒྲིབ་བྱང་འདི་ཕྱིའི་བར་ཆད་སོལ། །མི་ནོར་ཟས་གསུམ་དངོས་གྲུབ་སྣ་ཚོགས་སྩོལ། །མཐར་ཐུག་ཡེ་ཤེས་སྙིང་པོའི་དངོས་གྲུབ་སོགས། །ཡིད་ལ་རེ་བའི་འབྲས་བུ་མཆིས་པར་མཛོད། །ཧཱུྃ། སྲིན་པོ་ནག་པོ་ཁྲོས་པའི་སྐུ། །ཐུགས་དམ་གཉན་པོ་བསྐང་བའི་ཕྱིར། །གཏོར་མ་དཀར་གསུམ་མངར་གསུམ་དང་། །སྨན་སྣ་དྲི་སྣ་སྦྱར་བ་ཡི། །རིན་ཆེན་གསེར་དངུལ་འབྲུ་སྣའི་ཚོགས། །དར་ཟབ་རྒྱལ་མཚན་བ་དན་འཕན་གྱིས་སྤྲོས། །མཆོད་དོ་བསྟོད་དོ་ཐུགས་དམ་བསྐང་གྱུར་ཅིག །བསྐང་གྱུར་ཀླུ་ནད་མ་ལུས་སོལ། །བདག་གི་སྒྲུབ་པའི་གྲོགས་མཛོད་ཅིག །དམ་ཚིག་མ་གཡེལ་ཕྲིན་ལས་མཛོད། །ཨོཾ་ཨ་ཀཱ་རོ་སོགས་ལན་གསུམ། ཨོཾ་ཕེ་ལཾ་ཧཱུྃ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། ཨརྒྷཾ་སོགས། ཧཱུྃ། ཀླུ་བདུད་ནག་པོ་ཏི་པཱ་ཙ། །ནཱ་ག་རཀཱ་མཐུ་བོ་

[Full Size]

ཆེ། །དབུ་ནི་བར་སྣང་ཁམས་སུ་སླེབས། །རྒྱབ་ནི་རི་རབ་ཆེ་ལ་གཏད། །མཇུག་མ་རྒྱ་མཚོའི་གཏིང་ན་འཁྱིལ། །གདོང་གཅིག་སྲིན་པོ་ཁྲོས་པའི་ཞལ། །ནག་པོར་དགའ་བའི་ཀླུ་རྣམས་ཟ། །ཨིཀྴ་ཨིཀྴའི་སྒྲ་ཆེན་སྒྲོག །མགོ་བརྒྱད་སྦྲུལ་ཏེ་སྟེང་དུ་གདེངས། །དགྲ་བོ་ཁ་རླངས་མཛེ་ཡིས་འཛིན། །གཡུ་རྣ་རིན་ཆེན་ཅོད་པན་འཆང་། །སུས་སྒྲུབ་པ་ལ་དགོས་དགུ་སྟེར། །རལ་པ་བར་སྣང་ཁམས་སུ་གསིགས། །སྡོམ་སྡིག་ཟླ་ཟེར་ཆར་བཞིན་ཉིལ། །ཕྱག་བརྒྱད་གྲི་ཁུག་འབར་བ་འཛིན། །བརྒྱད་ནི་སྦྲུལ་ཆེན་ཞགས་པ་སྟེ། །འཇམ་དཔལ་གཤིན་རྗེའི་སྤྲུལ་པར་གྲགས། །དམ་ལྡན་ཀླུ་ནད་སེལ་བའི་སྨན། །དངོས་ནི་རྒྱ་མཚོ་ཆེ་ལ་བཞུགས། །སྤྲུལ་པ་དེ་ཝཱ་ཀོ་ཊར་འཆར། །སྨྱོ་ཁའི་རྗེ་བཙུན་མཐུ་བོ་ཆེ། །ཀླུ་འབུམ་གཉན་ཁྲི་ས་བདག་སྟོང་། །ལྟོ་འཕྱེ་ཐམས་ཅད་འཁོར་དུ་སྡུས། །ཀླུ་མོ་ནག་མོ་སྦལ་མགོ་ཅན། །གསང་བའི་གཟུང་མ་ཆེན་མོར་བསྟེན། །སྲོག་བདག་ལྷ་འདྲེ་འཁོར་གྱིས་བསྐོར། །གཏད་ཁྲམ་ནག་པོའི་གཉེར་ཁ་འཛིན། །ཀླུ་གཏད་མནན་པ་བཀྲོལ་དུ་གསོལ། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ།

[Full Size]

རང་ཉིད་ནཱ་ག་རཀྵ་སྟེ། །མདུན་དུ་ཀླུ་དགུ་འཁོར་བཅས་གསལ། །གནས་ནས་བསྒོམ་འདྲ་སྤྱན་དྲངས་ལ། །མདུན་གྱི་བསྐྱེད་པ་དེ་ལ་ཐིམ། །ཧཱུྃ། མི་མགོན་དཀར་པོ་སྐུ་མདོག་དཀར། །ཕྱག་གཉིས་ཐུགས་ཀར་བུམ་པ་འཛིན། །སྦྲུལ་མགོ་སྟོང་གི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །དུང་སྐྱོང་སྐུ་མདོག་དཀར་པོ་ལ། །ཕྱག་གཉིས་སྦྲུལ་ཞགས་ནོར་བུ་འཛིན། །སྦྲུལ་མགོ་བརྒྱ་ཡི་གདེངས་ཀ་ཅན། །སྐུ་སྨད་གདུག་པ་སྤྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །ཀླུ་བདུད་སྦལ་མཛེས་སྐུ་མདོག་ནག །ཕྱག་གཉིས་སྦ་ལྕག་མི་མགོ་འཛིན། །སྦྲུལ་མགོ་ལྔ་བཅུའི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །གཙུག་ན་རིན་ཆེན་སེར་པོ་སྟེ། །ཕྱག་ན་བེ་ཅོན་ནོར་བུ་འཛིན། །སྦྲུལ་མགོ་བཞི་བཅུའི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །ཁྲོ་བོ་ཉ་མགོ་དམར་སེར་ཏེ། །ཕྱག་གཉིས་ཐུགས་ཀར་ཐལ་མོ་སྦྱར། །སྦྲུལ་

[Full Size]

མགོ་སུམ་ཅུའི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །གཟི་ཆེན་སྐུ་མདོག་དམར་པོ་ལ། །ཕྱག་གཉིས་པདྨ་སྦྲུལ་ཞགས་འཛིན། །སྦྲུལ་མགོ་ཉི་ཤུའི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །སྨྱོ་ཁ་སྐུ་མདོག་དུད་ཁ་ལ། །ཕྱག་གཉིས་རྒྱལ་མཚན་སྦྲུལ་ཞགས་འཛིན། །སྦྲུལ་མགོ་བཅུ་ཡི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །མཁར་ནག་སྐུ་མདོག་ནག་པོ་སྟེ། །ཕྱག་གཉིས་སྦྲུལ་ཞགས་རབ་ཏུ་འཆང་། །སྦྲུལ་མགོ་བརྒྱད་ཀྱི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །ཀླུ་རྒྱལ་མ་དྲོས་ལྗང་སྐྱ་སྟེ། །ཕྱག་གཉིས་བྷེ་འབྲས་སྦྲུལ་ཞགས་འཛིན། །སྦྲུལ་མགོ་དྲུག་གི་གདེངས་ཀ་ཅན། །སྐུ་སྨད་གདུག་པ་སྦྲུལ་དུ་འཁྱིལ། །གནས་འདིར་སྤྱན་འདྲེན་གཤེགས་སུ་གསོལ། །འཁོར་ཚོགས་རྣམས་ཀྱང་སྤྱན་འདྲེན་ནོ། །ཀུན་ཀྱང་དགྱེས་པའི་གདན་ལ་བཞུགས། །

[Full Size]

བདག་དང་རྒྱུ་སྦྱོར་ཡོན་བདག་གི །གུས་པས་ཁྱེད་ལ་ཕྱག་འཚལ་ལོ། །ཨོཾ་ནཱ་ག་རཱ་ཛ་ས་པ་རི་ཝཱ་ར་བཛྲ་ས་མ་ཡ་ཛཿ ཏིཥྛ་ལྷན། ཨ་ཏི་པཱུ་ཧོ། ཀླུ་ཐེལ་བཀར་བ་ནི། དེ་ནས་གཏོར་ཆུང་ཆངས་བུ་ཏིང་ལོ་བྲན་ལ། ཨོཾ་ཨ་ཀཱ་རོ་སོགས་ལན་གསུམ་བརྗོད། ཧཱུྃ། མི་མགོན་དཀར་པོ་དུང་སྐྱོང་སོགས། །ཀླུ་ཆེན་དགུ་ལ་གནོད་པ་ཡི། །གདོན་དགུ་བདག་གིས་བཀར་བའོ། །མཐེབ་སྐྱུ་ཏིང་ལོ་འདི་བཞེས་ལ། །ཁྱེད་དགུ་མ་གནས་གཞན་དུ་དེངས། །གལ་ཏེ་འགྲོ་བར་མི་བྱེད་ན། །ག་རུ་ཊ་ཡིས་ཟ་བར་བྱེད། །དེ་བས་མ་འདུག་ཕྱིར་དེངས་ཤིག །ཁྲོ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ། གསུམ་མམ་བདུན་བརྗོད། ལྕོག་རྡོག་ཕྱིར་དོར་ལ། དེ་ནས་ཀླུ་དགུ་འཁོར་བཅས་མཆོད་པ་ནི། ཨོཾ་ཨ་ཀཱ་རོ་སོགས། །ཧཱུྃ། ཀླུ་རྒྱལ་མི་མགོན་དཀར་པོ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་རྒྱལ་དུང་སྐྱོང་དཀར་པོ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་

[Full Size]

ཐམས་ཅད་ཞི་བར་མཛོད། །ཀླུ་བདུད་སྦྲུལ་མཛེས་ནག་པོ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་རྒྱལ་གཙུག་ན་རིན་ཆེན་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་། མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་རྒྱལ་ཁྲ་བོ་ཉ་མགོ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་ཡི་རྒྱལ་པོ་གཟི་ཆེན་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་བདུད་དགེ་བསྙེན་སྨྱོ་ཁ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །

[Full Size]

ཀླུ་བདུད་གཉན་ཆེན་མཁར་ནག་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་རྒྱལ་མ་དྲོས་ཆེན་པོ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་བདུད་དབྱི་དོ་ནག་པོ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་སྨན་གཡོ་རྫོང་མཚོ་ནག་མོ་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཀླུ་བདུད་བྱིས་སྦའི་གཟུགས་ཅན་ལ། །དཀར་གསུམ་མངར་གསུམ་འབྲུ་སྣ་དང་། ། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །རྒྱལ་རིགས་རྗེ་རིགས་བྲམ་ཟེའི་

[Full Size]

རིགས། །དམངས་རིགས་གདོལ་པའི་རིགས་གྱུར་པའི། །སྣང་ཞིང་སྲིད་པའི་ཀླུ་རྣམས་ལ། །དཀར་གསུམ་མངར་གསུམ་འབྲུ་སྣ་དང་། །ཀླུ་སྨན་སྣ་ཚོགས་མཆོད་པ་འབུལ། །བདག་དང་ཡོན་བདག་མགོན་སྐྱབས་དང་། །ཀླུ་ནད་ཐམས་ཅད་ཞི་བར་མཛོད། །ཨོཾ་ནཱ་ག་རཱ་ཛ་ནཱ་ག་ནཱ་གི་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨདྷཾ་སོགས། ཤརྡ་པྲ་ཏིཙྪ་ཡེ་སྭཱ་ཧཱ། བརྒྱའམ་ལོ་གྲངས་ཉེར་གཅིག་གམ་སྐབས་དང་སྦྱར་ལ་བརྗོད། ཧཱུྃ། ཀླུ་ཆེན་དགུ་པོ་འཁོར་དང་བཅས། །རྒྱལ་རིགས་རྗེའུ་རིགས་བྲམ་ཟེའི་རིགས། །དམངས་རིགས་གདོལ་པའི་རིགས་གྱུར་པའི། །ཀླུ་རྣམས་ཀུན་དང་བདག་ཅག་དང་། །ཡོན་བདག་འདི་ཕྱི་སྔ་མ་ཀུན། །ཐུགས་དང་འགལ་བ་གང་གྱུར་པ། །མཐོལ་ལོ་བཤགས་སོ་བཟོད་པར་གསོལ། །ཞེས་པ་ལན་གསུམ་བརྗོད་པར་བྱ། །དེ་ནས་ནད་པ་ཙོག་པུར་འདུག །རྐང་པ་གཉིས་བརྐྱངས་ཕན་ཚུན་བསྣོལ། །པུས་མོའི་སྟེང་དུ་གྲུ་མོ་གཉིས། །བཞག་སྟེ་ལག་པ་གཉིས་ཀྱང་བསྣོལ། །ཚོན་སྐུད་སྣ་ལྔ་རིང་བ་དེས། །མགྲིན་པར་བསྐོན་ལ་གཡས་གཡོན་འཐེན། །ལག་པའི་སྲིན་ལག་གཉིས་ལ་བཅིང་། །དེ་ནས་གཡས་གཡོན་རྒྱ་གྲམ་འཐེན། །རྐང་པའི་མཐེ་བོང་གཉིས་ལ་བཏགས། །ལག་མགོ་གཉིས་དང་རྐང་མགོ་

[Full Size]

གཉིས། །ཚོན་སྐུད་སྣ་ལྔས་ལྷོད་དེ་དཀྲི། །ཡང་དོགས་རལ་གྲི་ཚུད་ཙམ་བྱ། །དེ་ནས་སྔགས་པས་རལ་གྲི་ཐོགས། ན་མོ་རཏྣ་ཏྲ་ཡཱ་ཡ། །སངས་རྒྱས་ཆོས་དང་དགེ་འདུན་བདེན། །བླ་མ་ཡི་དམ་མཁའ་འགྲོ་བདེན། །རྟེན་འབྲེལ་བསླུ་བ་མེད་པ་བདེན། །ཆོས་ཉིད་རྣམ་པར་དག་པ་བདེན། །རྒྱུ་དང་ལམ་དང་འབྲས་བུ་བདེན། །ཆོས་སྐུ་ལོངས་སྐུ་སྤྲུལ་སྐུ་བདེན། །དེ་དག་རྣམས་ཀྱི་བདེན་པ་དང་། །ནཱ་ག་རཀཱའི་མཐུ་སྟོབས་ཀྱིས། །བསྲུང་བྱ་ནད་པ་འདི་ཉིད་ཀྱི། །ལུས་ངག་ཡིད་གསུམ་མནན་པ་དང་། །གཟུགས་ཅན་མི་དང་གཟུགས་མེད་ཀྱི། །ལྷ་འདྲེའི་བསམ་ངན་སྦྱོར་རྩུབ་ཀྱི། །གཏད་རིགས་སུམ་བརྒྱ་དྲུག་ཅུ་ཡི། །མནན་པ་དང་ནི་བཅིངས་པ་ཀུན། །བྱད་ཐག་སྔོ་དམར་སྐུད་པ་ལ། །ད་ལྟ་ཉིད་དུ་ཐིམ་པར་གྱུར། །ཛཿཧཱུྃ་བཾ་ཧོཿ ལན་གསུམ། སངས་རྒྱས་ཀུན་གྱི་གཟི་བརྗིད་དང་། །རང་རྒྱལ་དག་གི་གཟི་བརྗིད་དང་། །དགྲ་བཅོམ་རྣམས་ཀྱི་མཐུ་དག་དང་། །གསང་སྔགས་འཛིན་པ་ཐམས་ཅད་དང་། །ཤཱ་རིའི་བུ་ཡི་ཤེས་རབ་དང་། །མོའུ་འགལ་བུ་ཡི་རྫུ་འཕྲུལ་དང་། །མ་འགགས་པ་ཡི་མིག་དང་ནི། །འོད་སྲུང་སྦྱངས་པའི་ཡོན་ཏན་

[Full Size]

དང་། །ཀོ་ཌི་ནྱའི་སྔར་ཐོབ་དང་། །ཀུན་དགའ་བོ་ཡི་ཐོས་པ་དང་། །ཚངས་པ་ཡི་ནི་བྱམས་པ་དང་། །བརྒྱ་བྱིན་གྱི་ནི་དབང་རྣམས་དང་། །འཇིག་རྟེན་སྐྱོང་བའི་ཡུལ་རྣམས་དང་། །དབང་ཕྱུག་ཆེན་པོའི་སྟོབས་དག་དང་། །དེད་དཔོན་རྣམས་ཀྱི་མཐུ་དང་ནི། །འཕྲོག་མའི་གཟི་བརྗིད་རྫུ་འཕྲུལ་དང་། །དེ་དག་རྣམས་ཀྱི་མཐུ་དང་གཟིས། །བསྲུང་བྱ་འདི་ཡི་ནད་དང་གདོན། །ལུས་ངག་ཡིད་གསུམ་མནན་པ་དང་། །བཅིངས་པ་ཐམས་ཅད་གྲོལ་གྱུར་ཅིག །ཨོཾ་ནཱ་ག་རཀ་ཕེ་ལཾ་ཧཱུྃ། ཙིཏྟ་འུར་ཏི་འུར་བ་ནན་ཁྲོལ། ལྕེ་ཏི་འུར་བྷ་ནན་ཁྲོལ། བསྲུང་བྱ་འདི་རྣམས་ལྷ་སྲིན་སྡེ་བརྒྱད་ཀྱི་མནན་པ་ཕྱེས། བཅིངས་པ་ཁྲོལ། ཨོཾ་ནཱ་ག་རཀ་ཕོ་ལཾ་ཧཱུྃ། མཱ་ར་ཡ་ཕྱེས། ཙིཏྟ་ཕྱེས་ལྕེ་ཏི་ན་ཕྱེས། བསྲུང་བྱ་འདི་ལྷས་མནན་པ་ཕྱེས། བཅིངས་པ་ཁྲོལ། ཨོཾ་ནཱ་ག་རཀཱ་ཕོ་ལཾ་ཧཱུྃ། ཨོཾ་ཤོ་སང་པ་ལ་ཕྲ་མོ་ན་མུ་ཕྱེས། བསྲུང་བྱ་ལྷ་མ་ཡིན་གྱི་མནན་པ་ཕྱེས། །བཅིངས་པ་ཁྲོལ། ཨོཾ་ནཱ་ག་རཀ་ཕོ་ལཾ་ཧཱུྃ། ཨོཾ་ཨཱཿཧཱུྃ་མ་རཱ་ཡ་ཕྱེས། ཙིཏྟ་ཕྱེས། བསྲུང་བྱ་དྲང་སྲོང་གི་མནན་པ་ཕྱེས། བཅིངས་པ་ཁྲོལཾ། ཨོཾ་ནཱ་ག་རཀ་ཕོ་ལཾ་ཧཱུྃ། ཨོཾ་

[Full Size]

བཛྲ་ཤན་ཀུ་རུ་རཾ་པ་ཡེ་སྭཱ་ཧཱ། ཧཱུྃབཛྲ་ཀྲོ་དྷ་རཱ་ཛ་ཝཀ་རཀྵ༔ བསྲུང་བྱ་ལྷ་མ་སྲིན་སྡེ་བརྒྱད་ཀྱི་མནན་པ་ཕྱེས། བཅིངས་པ་ཁྲོལ། ཨོཾ་ནཱ་ག་རཀྵ་ཕོ་ལཾ་ཧཱུྃ། ཨ་ཎི་ཕྱེས། རཾ་ཎི་ཕྱེས། མ་ཎི་རི་འུར་པ་ནན་ཕྱེས། བཅིངས་པ་ཁྲོལ། ལུས་ངག་ཡིད་གསུམ་མནན་པ་ཐམས་ཅད་ཕྱེས། བཅིངས་པ་ཐམས་ཅད་ཁྲོལ། ཨོཾ་ནཱ་ག་རཀ་ཕེ་ལཾ་ཧཱུྃ། དབུས་ཀྱི་གཙུག་ན་རིན་ཆེན་ལ་གཏད་པ་ཁྲོལ་ཅིག །ཤར་གྱི་མི་མགོན་དཀར་པོ་ལ་གཏད་པ་ཁྲོལ་ཅིག །ལྷོའི་འཇོག་པོ་སེར་པོ་ལ་གཏད་པ་ཁྲོལ་ཅིག །ནུབ་ཀྱི་བྲམ་ཟེ་དམར་པོ་ལ་གཏད་པ་ཁྲོལ་ཅིག །བྱང་གི་གདོལ་པ་ནག་པོ་ལ་གཏད་པ་ཁྲོལ་ཅིག །གདོལ་པ་ནག་པོ་མགོ་དགུ་པ་ལ་གཏད་པ་ཁྲོལ་ཅིག །བྲམ་ཟེ་དམར་པོ་མགོ་དགུ་པ་ལ་གཏད་པ་ཁྲོལ་ཅིག་ཀླུ་སྲིན་མགོ་དགུ་པ་ལ་གཏད་པ་ཁྲོལ་ཅིག །རྒྱ་མཚོའི་དུག་རིགས་ལ་གཏད་པ་ཁྲོལ་ཅིག །ནག་པོ་གཞི་ལྕགས་ལ་གཏད་པ་ཁྲོལ་ཅིག །མཛེ་ནག་ལས་ཀྱི་འཁོར་ལོ་ལ་གཏད་པ་ཁྲོལ་ཅིག །མཛེ་སྐྱ་རླུང་གི་འཁོར་ལོ་ལ་གཏད་པ་ཁྲོལ་ཅིག །མཛེ་དམར་མེ་ཡི་འཁོར་ལོ་ལ་གཏད་པ་ཁྲོལ་ཅིག །ས་བདག་སྲོག་གི་འཁོར་ལོ་ལ་གཏད་པ་ཁྲོལ་ཅིག །

[Full Size]

ཐོད་རུས་སྐྱ་བོ་ལ་གཏད་པ་ཁྲོལ་ཅིག །སྙིང་ཁྲག་དམར་པོ་ཆུ་ལ་གཏད་པ་ཁྲོལ་ཅིག །སྲོག་རྩ་དམར་པོ་ཤིང་ལ་གཏད་པ་ཁྲོལ་ཞིག །ཨོཾ་ནཱ་ག་རཀྵ་ཕེ་ལཾ་ཧཱུྃ། །གཟའ་བདུད་མགོ་དགུ་རྟ་རུ་ཞོན། སྦྲུལ་ནག་མགོ་དགུ་རོལ་དུ་ཁྲིད། སྲིན་པོ་ནག་པོ་ཁལ་འགལ་བ་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །གཤིན་རྗེ་ནག་པོ་སྟག་མགོ་ཅན་ལ་གཏད་པ་ཁྲོལ་ཅིག །ཀླུ་བདུད་ནག་པོ་སྦྲུལ་གྱི་མཇུག་མ་ཅན་ལ་གཏད་པ་ཁྲོལ་ཅིག །ཀླུ་བཙན་ཞགས་པ་ཅན་ལ་གཏད་པ་ཁྲོལ་ཅིག །ཀླུ་བདུད་ནག་པོ་མཛེ་ཡི་ས་བོན་འདེབས་པ་ལ་གཏད་པ་ཁྲོལ་ཅིག །ཀླུ་བདུད་ནག་པོ་ལུས་ལ་མེ་འབར་བ་ལ་གཏད་པ་ཁྲོལ་ཅིག །མེ་ཡི་ཚྭ་ཚྭ་འཕྲོ་བ་ལ་གཏད་པ་ཁྲོལ་ཞིག །ཀླུ་བདུད་ནག་པོ་གིང་ཆེན་ལ་གཏད་པ་ཁྲོལ་ཞིག །བསྲུང་བྱ་འདི་གཏད་པ་ཁྲོལ་ཞིག །བསྲུང་བྱ་འདིའི་ལུས་ངག་ཡིད་གསུམ་དབང་པོ་སྒོ་ལྔ་ལ་གཏད་པ་ཁྲོལ་ཞིག །ཨོཾ་ནཱ་ག་རཀ་ཕེ་ལཾ་ཧཱུྃ། ཀླུ་ཡི་རྒྱལ་པོ་ཚངས་པ་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་ཚངས་ཆེན་གཏད་པ་ཁྲོལ་ཞིག །ཀླུ་ཡི་རྒྱལ་པོ་དབང་པོ་ལ་

[Full Size]

གཏད་པ་ཁྲོལ་ཞིག །ཀླུ་ཡི་རྒྱལ་པོ་ཉི་མའི་དབང་པོ་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་རྒྱ་མཚོ་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་རྒྱ་མཚོའི་བུ་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་དུག་མེད་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་མཚོ་ཆེན་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་མཚོ་ཆེན་གྱི་བུ་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་ཆུ་སྲིན་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་ཉེར་དགའ་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་མི་ཞུམ་པ་ལ་གཏད་པ་ཁྲོལ་ཞིག །ཀླུ་ཡི་རྒྱལ་པོ་མར་བལྟས་ན་མི་མཛེས་པ་ལ་བསྲུང་བྱ་འདི་གཏད་པ་ཁྲོལ་ཞིག །བསྲུང་བྱ་འདི་ཡི་ལུས་ངག་ཡིད་གསུམ། དབང་པོ་སྒོ་ལྔ། གཏད་རིགས་སུམ་བརྒྱ་དྲུག་ཅུ་ལ་གཏད་པ་ཁྲོལ་ཞིག །ཨོཾ་ནཱ་ག་རཀྵ་ཕེ་ལཾ་ཧཱུྃ་ནཱ་ག་ས་ག་ཤིག་ཤིག་ཁྲོལ་ཁྲོལ། ཞེས་དྲག་ཏུ་བརྗོད་ཅིང་ཚོན་སྐུད་རྣམས་རལ་གྲིས་བཅད་ལ་བཀྲོལ། དེ་རྣམས་ཆེ་དགུ་བྱས་ལ་གཞན་ཞིག་ལ་རལ་གྲི་གཏད་ནས་དུམ་བུར་གཏུབ་བཅུག་ཅིང་། གང་དག་སངས་རྒྱས་རང་སངས་རྒྱས། །སངས་རྒྱས་རྣམས་ཀྱི་ཉན་ཐོས་དང་། །ཚངས་པ་དང་ནི་འཇིག་རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་ཆེ། །དེ་བཞིན་གནོད་སྦྱིན་སྟོབས་ཆེན་དང་། །

[Full Size]

འཕྲོག་མ་བུ་དང་བཅས་རྣམས་ཀྱིས། །བསྲུང་བྱར་གྱུར་པ་འདི་ཉིད་ལ། །བྱད་སྟེམས་རྣམས་ནི་ཆད་གྱུར་ཅིག །ཨོཾ་ནཱ་ག་རཀ་ཕེ་ལཾ་ཧཱུྃ། ཨོཾ་སརྦ་བྷནྡྷ་ཀ་ཀ་ར་ཏཙྪ་ད་ན་ཡེ་སྭཱ་ཧཱ། དེ་ནས་ཚོན་སྐུད་དུམ་བུ་རྣམས། །ཁྲུས་སྟེར་ནང་དུ་སྦྲུལ་ནག་གི །མཐར་བཀོད་དེ་སྟེང་ཁྲུས་བྱ་ཞིང་། ད་བུམ་པ་འདི་ཡི་ནང་ན་འཇམ་དཔལ་ཡེ་ཤེས་སེམས་དཔའ་འོད་དུ་ཞུ་བའི་བདུད་རྩིའི་རྒྱུན་གྱིས་ཁྱེད་རང་ལ་ཁྲུས་བྱས་པས། ཁྱེད་རང་གི་ལུས་ངག་ཡིད་གསུམ་ལ་གནོད་པའི་ཀླུ་ས་བདག་གི་ནད་དང་གནོད་པ་ཐམས་ཅད་སང་སང་དག་ནས་ལུས་ཤེལ་སྒོང་གཡའ་དག་པ་བཞིན་དུ་གྱུར། བུམ་ཆུ་ཁ་ནང་དུ་བཏུང་བས་སེམས་ཀྱི་བྱིང་རྨུགས་ཐམས་ཅད་སངས་ནས་བདེ་སྟོང་གི་རྟོགས་པ་རྒྱུད་ལ་སྐྱེས་པར་སྒོམས་ཤིག །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གི་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ༔ ཀླུ་ཡན་ལག་ལྔ་ཁྲུས་དང་བུམ་ཆུ་ཐིགས་གཅིག་བཏུང་བཅུག་ཅིང་དེ་ཚེ་སྔགས་འདི་བརྗོད། ཨོཾ་ནག་པོ་ཏི་པ་ཙ་ཡ་ན་ག་རཀྵ༔ རཾ་རཾ་རཾ་རཾ༔ ཡཾ་ཡཾ་ཡཾ་ཡཾ༔ ཁཾ་ཁཾ་ཁཾ་ཁཾ༔ ལཾ་ལཾ་ལཾ་ལཾ༔ ཙ་མ་རི་

[Full Size]

ཕྱུངས༔ ནཱ་ག་ཕུ༔ མཱ་ར་ཡ༔ ཨོཾ་ནཱ་ག་རཀྵ་ཕེ་ལཾ་ཧཱུྃ༔ དེ་ནས་མེ་ལོང་ངོས་ལ་ནད་པའི་གཟུགས་འཆར་བ་ལ་ཁྲུས་བྱ་ཞིང་། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་པས། །ཅི་འདོད་དངོས་གྲུབ་བསྩལ་དུ་གསོལ། །ཨོཾ་ནཱ་ག་རཀྵ་ཕེ་ལཾ་ཧཱུྃ། ཀླུ་བདུད་མགོ་དགུའི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ལཾ་ཧཱུྃ། ཀླུ་རྒྱལ་དུང་སྐྱོང་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ལཾ་ཧཱུྃ། ཀླུ་བདུད་སྦལ་མཛེས་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀྵ་ཕེ་ལཾ་ཧཱུྃ། ཀླུ་རྒྱལ་གཙུག་ན་རིན་ཆེན་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀཱ་ཕེ་ལཾ་ཧཱུྃ། ཀླུ་རྒྱལ་ཁྲ་བོ་ཉ་མགོ་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀྵ་ཕེ་ལཾ་ཧཱུྃ། ཀླུ་རྒྱལ་གཟི་ཆེན་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ཁཾ་ཧཱུྃ། ཀླུ་རྒྱལ་དགེ་བསྙེན་སྨྱོ་ཁ་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་

[Full Size]

ནཱ་ག་རཀཱ་ཡེ་ལཾ་ཧཱུྃ། ཀླུ་བདུད་དགེ་ཆེན་མཁར་ནག་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀཱ་ཕེ་ལཾ་ཧཱུྃ། ཀླུ་རྒྱལ་མ་དྲོས་ཆེན་པོ་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀྵ་ཕེ་ལཾ་ཧཱུྃ། ཡུལ་འདིའི་ཀླུ་བདུད་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀཱ་ཡེ་ལཾ་ཧཱུྃ། ཡུལ་འདི་ཡི་ས་བདག་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ལཾ་ཧཱུྃ། ཡུལ་འདི་ཡི་མཚོ་སྨན་ཚོའཁོར་བཅས་ཀྱི་ནད་དང་གནོད་པ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀཱ་ཕེ་ལཾ་ཧཱུྃ། ཡུལ་འདི་ཡི་ཀླུ་ཕྲུག་འཁོར་བཅས་ཀྱི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ལཾ་ཧཱུྃ། ཀླུ་རྒྱལ་རིགས་ཐམས་ཅད་ཀྱི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀྵ་ཕེ་ལཾ་ཧཱུྃ། ཀླུ་རྗེའུ་རིགས་ཐམས་ཅད་ཀྱི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ལཾ་ཧཱུྃ། ཀླུ་བྲམ་ཟེའི་རིགས་ཀྱི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ལཾ་ཧཱུྃ། ཀླུ་

[Full Size]

དམངས་རིགས་ཀྱི་ནད་དང་གནོད་པ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀཱ་ཕེ་ལཾ་ཧཱུྃ། ཀླུ་གདོལ་པའི་རིགས་ཐམས་ཅད་ཀྱི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ནཱ་ག་རཀཱ་ཡེ་ལཾ་ཧཱུྃ། མཛེ་ཡི་ནད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། དེ་བཞིན་དུ། དྲེག་གི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། གྲུམ་བུའི་ནད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། རྐང་འབམ་གྱི་ནད་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། སུརླའི་ནད་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། འབྲས་ཀྱི་ནད་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ལྷོག་པའི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། སྐྲན་གྱི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། སྲིན་གྱི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། མེ་དབལ་གྱི་ནད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། དམུ་ཆུའི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། མཁལ་ནད་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། མིད་དཀྱུས་ཀྱི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཤུ་བ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། གཡན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། བས་ལྡག་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། རྒྱ་ཐོར་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཀླུ་དང་ས་བདག་གི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། རྨ་

[Full Size]

བྱའི་མདངས་ཀྱིས་བྱབས་ནས། ད་རྨ་བྱའི་སྒྲོ་མདངས་འདི་ཡི་དབུས་སུ་ཉི་མའི་དཀྱིལ་འཁོར། དེ་ཡི་དབུས་སུ་ཕོ་ཡིག་ནག་པོ་ལ་སྔགས་ཀྱི་བསྐོར་བ་ལས་འོད་ཟེར་ཁ་དོག་ལྔ་རབ་ཏུ་འབར་བ་འདི་ཡིས་ཁྱབ་པ་ཙམ་གྱིས། ཁྱེད་རང་གི་ལུས་ངག་ཡིད་གསུམ་ལ་གནོད་པའི་ཀླུ་དང་ས་བདག་གི་ནད་དང་གནོད་པ་ཐམས་ཅད་དུད་པའམ་རླངས་པ་སྔོ་དམར་གྱི་རྣམ་པར་བུན་བུན་ཕྱིར་ཐོན། གདོན་ཐམས་ཅད་ཆུ་གནས་སྣ་ཚོགས་ཀྱི་རྣམ་པར་བ་སྤུའི་བུ་ག་ནས་ཉི་ལི་ལི་ཕྱིར་ཐོན་ནས་སྦྲུལ་ནག་འདི་ལ་ཐིམ་པར་སྒོམས་ཤིག ཨོཾ་ནཱ་ག་རཀཱ་ཝེ་ལཾ་ཧཱུྃ། ཀླུ་རྒྱལ་རིགས་ཀྱི་ནད་དང་གནོད་ཐམས་ཅད་སྦྲུལ་དཀར་ཁྲའི་རྣམ་པར་ཕྱིར་ཕྱུང་། སྦལ་པ་དཀར་ཁྲའི་རྣམ་པར་ཕྱིར་ཕྱུང་། ཉ་དཀར་ཁྲའི་རྣམ་པར་ཕྱིར་ཕྱུང་། ལྕོང་མོ་དཀར་ཁྲའི་རྣམ་པར་ཕྱིར་ཕྱུང་། སརྦ་ཨ་པ་ན་ཡེ་སྭཱ་ཧཱཿ ཡང་རྩ་སྔགས། ཀླུ་རྗེའུ་རིགས་ཀྱི་ནད་དང་གནོད་པ་ཐམས་ཅད་སྦྲུལ་སེར་ཁྲའི་རྣམ་པར་ཕྱིར་ཕྱུང་། །སྦལ་པ་སེར་ཁྲའི་རྣམ་པར་ཕྱིར་ཕྱུང་། ཉ་སེར་ཁྲའི་རྣམ་པར་ཕྱིར་ཕྱུང་། ལྕོང་མོ་སེར་ཁྲའི་རྣམ་པར་ཕྱིར་ཕྱུང་། སརྦ་ཨ་པ་ན་ཡེ་སྭཱ་ཧཱ། རྩ་སྔགས། ཀླུ་བྲམ་ཟེའི་རིགས་ཀྱི་

[Full Size]

ནད་དང་གནོད་པ་ཐམས་ཅད་སྦྲུལ་དམར་ཁྲའི་རྣམ་པར་ཕྱིར་ཕྱུང་། སྦལ་པ་དམར་ཁྲའི་རྣམ་པར་ཕྱིར་ཕྱུང་། ཉ་དམར་ཁྲའི་རྣམ་པར་ཕྱིར་ཕྱུང་། ལྕོང་མོ་དམར་ཁྲའི་རྣམ་པོར་ཕྱིར་ཕྱུང་། སརྦ་ཨ་པ་ན་ཡེ་སྭཱ་ཧཱ། རྩ་སྔགས། ཀླུ་དམངས་རིགས་ཀྱི་ནད་དང་གནོད་པ་ཐམས་ཅད་སྦྲུལ་ལྗང་ཁྲའི་རྣམ་པར་ཕྱིར་ཕྱུང་། །ཉ་ལྗང་ཁྲའི་རྣམ་པར་ཕྱིར་ཕྱུང་། སྦལ་པ་ལྗང་ཁྲའི་རྣམ་པར་ཕྱིར་ཕྱུང་། ལྕོང་མོ་ལྗང་ཁྲའི་རྣམ་པར་ཕྱིར་ཕྱུང་། སརྦ་ཨ་པ་ན་ཡེ་སྭཱ་ཧཱ། རྩ་སྔགས། ཀླུ་གདོལ་པའི་རིགས་ཀྱི་ནད་དང་གནོད་པ་ཐམས་ཅད་སྤྲུལ་ནག་ཁྲའི་རྣམ་པར་ཕྱིར་ཕྱུང་། སྦལ་པ་ནག་ཁྲའི་རྣམ་པར་ཕྱིར་ཕྱུང་། ཉ་ནག་ཁྲའི་རྣམ་པར་ཕྱིར་ཕྱུང་། ལྕོང་མོ་ནག་ཁྲའི་རྣམ་པར་ཕྱིར་ཕྱུང་། སརྦ་ཨ་པ་ན་ཡེ་སྭཱ་ཧཱ། ཨོཾ་ནཱ་ག་རཀ་ཕེ་ལཾ་ཧཱུྃ། མཛེ་དང་དྲེག་དང་གྲུམ་བུ་ཐམས་ཅད་ཨ་པ་ན་ཡེ་སྭཱ་ཧཱ། དེ་བཞིན་དུ། མིད་དཀྱུས་དང་མཁལ་ནད་ཐམས་ཅད་ཨ་པ་ན་ཡེ་སྭཱ་ཧཱ། འབྲས་དང་སྐྲན་ནད་ཐམས་ཅད་ཨ་པ་ཡེ་སྭཱ་ཧཱ། ལྷོག་པ་དང་གཡན་པ་ཐམས་ཅད་ཨ་པ་ན་ཡེ་སྭཱ་ཧཱ། ཤུ་བ་དང་རྒྱ་ཐོར་ཐམས་ཅད་ཨ་པ་ན་ཡེ་སྭཱ་ཧཱ། ཞ་རེངས་དང་གཞོགས་ཕྱེད་སྐམ་པ་སོགས་ཀླུ་

[Full Size]

དང་ས་བདག་གི་ནད་ཐམས་ཅད་ཨ་པ་ན་ཡེ་སྭཱ་ཧཱ། དེ་ནས་ཁྲུས་ཆུ་སྦྲུལ་ནག་ཁ་ཕྱིར་སྒྱུར། དེ་རྒྱབ་ཀླུ་གཏོར། དེ་རྒྱབ་ནཱ་ག་རཀཱའི་གཏོར་མ་བཞག་གཏོར་མ་གཉིས་པོ་གསོ་བྲན་ཡང་བྱས་ལ། །ཨོཾ་ཨཱཿཧཱུྃ། ཧཱུྃ། མི་མགོན་དུང་སྐྱོང་སྦལ་མཛེས་དང་། །གཙུག་ན་རིན་ཆེན་ཉ་མགོ་དང་། གཟི་ཆེན་སྨྱོ་ཁ་མཁར་ནག་དང་། །མ་དྲོས་འཁོར་དང་བཅས་པ་ཡང་། །རིགས་ལྔའི་ཀླུ་རྣམས་ཐམས་ཅད་ཀྱིས། །མཆོད་སྦྱིན་གཏོར་མ་འདི་བཞེས་ལ། །སྔོན་གྱི་ལན་ཆགས་ཡོད་ན་ཡང་། །མཆོད་སྦྱིན་འདི་ཡིས་བྱང་བར་གྱིས། །འཕྲལ་གྱི་རྐྱེན་འགལ་ཡོད་ན་ཡང་། །མཆོད་སྦྱིན་འདི་ཡིས་ཞི་བར་གྱིས། །དོན་མེད་གནོད་པ་ཡོད་ན་ཡང་། །མཆོད་སྦྱིན་འདི་ཡིས་མེད་པར་གྱིས། །ཕོག་ཐུག་འགྲམ་འཁྲུགས་ཤོར་ན་ཡང་། །མཆོད་སྦྱིན་འདི་ཡིས་ཞི་བར་གྱིས། །ཐུགས་དང་འགལ་བ་གྱུར་ན་ཡང་། །མཆོད་སྦྱིན་འདི་ཡིས་དགྱེས་པར་མཛོད། །རྒྱུ་སྦྱོར་སྦྱིན་བདག་བསྲུང་བྱ་འདིས། །མ་བསད་པ་ཡི་སྟོང་འཇལ་ལོ། །མ་བརྐུས་པ་ཡི་ཆས་འཇལ་ལོ། །ད་ནི་གནོད་པའི་སེམས་སྤོངས་ལ། །མཐོང་བའི་དུག་དང་རེག་པའི་དུག །ཁ་རླངས་དུག་དང་མཆེ་བའི་དུག །

[Full Size]

བསམ་པ་ངན་པའི་དུག་རྣམས་ཀུན། །སྐད་ཅིག་ཉིད་ལ་ཕྱིར་ཕྱུངས་ལ། །བྱམས་པའི་སེམས་དང་ལྡན་པར་མཛོད། །ཀླུ་རྒྱལ་འཁོར་དང་བཅས་པ་ཀུན། །དང་པོ་ལན་གཅིག་མི་འབྱོན་རྒྱུ། །ནཱ་ག་རཀཱའི་དམ་ཚིག་གཉན། །ད་ནི་བཞུགས་པ་ཡུན་མ་རིང་། །འཇིག་རྟེན་མི་ཡི་ཡུལ་འདི་ནི། །ཐབ་གཞོབ་དམེ་བཙོག་མི་གཙང་མང་། །ཁྱེད་རྣམས་གཙང་མ་བྲམ་ཟེའི་རིགས། །སྐུ་ལ་གྲིབ་ཀྱིས་ཕོག་ཉེན་མཆིས། །དེ་བས་གློག་ལྟར་མྱུར་མགྱོགས་སུ། །རང་རང་གནས་སུ་གཤེགས་སུ་གསོལ། །འཛམ་གླིང་འདི་ཡི་ཕ་རོལ་ན། །རིན་ཆེན་སྣ་ཚོགས་གྲམ་པ་བརྡལ། །གསེར་གྱི་བྱེ་མ་བཀོད་རེ་ལེགས། །ལྗོན་ཤིང་མཛེས་པའི་ཕྲེང་བ་ཅན། །མཐའ་མེད་རྒྱ་མཚོའི་ནང་དུ་གཤེགས། །གསེར་གྱི་རི་བདུན་ཕ་རོལ་ན། །སྦྲང་རྩི་དང་ནི་འོ་མའི་མཚོ། །ལྷ་བྲན་རྣམས་ཀྱང་ལོངས་སྤྱོད་ལྡན། །རོལ་པའི་མཚོ་བདུན་ནང་དུ་གཤེགས། །གང་གཱ་པཀྵ་སིནྡྷུ་དང་། །ནེརཉྫན་ནའི་ཆུ་ཆེན་བཞི། །གསེར་དང་དངུལ་དང་བཻཌཱུརྱ། །རྡོ་རྗེའི་བྱེ་མ་འདྲེན་ཞིང་འབབ། །ཁ་འབབ་ཆུ་བཞིའི་ནང་དུ་གཤེགས། །མ་ཕམ་གཡུ་མཚོ་ཕྱུག་མོ་ན། །རིན་ཆེན་སྣ་

[Full Size]

ཚོགས་ལས་གྲུབ་པའི། །ཀླུ་ཆེན་རྣམས་ཀྱི་ཕོ་བྲང་ཡོད། །དེ་ཕྱིར་དེ་ཡི་གནས་སུ་གཤེགས། །ཀླུ་བདུད་ཀླུ་བཙན་མཚོ་སྨན་རྣམས། །རང་རང་བླ་མཚོའི་ནང་དུ་གཤེགས། །གཞན་ཡང་ཀླུ་བྲན་ས་བདག་ཚོགས། །རང་རང་གནས་སུ་གཤེགས་སུ་གསོལ། །ཨོཾ་ནཱ་ག་ར་ཙ་ནཱ་ག་ནཱ་གི་ས་པ་རི་ཝཱ་ར་དེང་དེང་། བྱེར་སོང་གཙྪ། ཞེས་གསུམ་མམ་བདུན་བརྗོད། ཨོཾ་ཨཱཿཧཱུྃ༔ ལན་གསུམ། གནོད་བྱེད་ཀླུ་གདོན་གྱི་ཤ་ཁྲག་བདུད་རྩི་རང་བཞིན་དུ་གྱུར། ཨོཾ་གྲིཉྩ་ར་ཙ་བ་ལིང་ཏ་གྲིནྣ་ཁ་ཁ་ཁཱ་ཧི་ཁཱ་ཧི། གསུམ། ཧཱུྃ། འཇིག་རྟེན་འདས་དང་མ་འདས་མཚམས་ཤེད་ནས། །རྒྱ་མཚོ་ཀློང་ཡངས་འཁྲུགས་པའི་ནད་ཤེད་ན། །བསྐལ་པའི་སྦྲུལ་དང་མུན་ནག་གཏིབས་པ་ནས། །དུག་གསུམ་རང་གཟུགས་འཆི་བདག་མགོ་དགུ་པ། །བདུད་ཀྱི་བདུད་གཤེད་གདུག་པ་ཀླུ་ཡི་གཤེད། །དེ་དང་གཉིས་མེད་གདུག་པའི་བུད་མེད་ཆེ། །སྦལ་མགོ་ཁྲག་གི་མིག་དགུ་སྦྲུལ་མཇུག་ཅན། །དགྲ་བོ་གསོད་ལ་ཁྱོད་ལས་ལྷག་པ་མེད། །སྐུ་ནི་དཔའ་བརྗིད་ནམ་མཁའི་ཁམས་དང་མཉམ། །སྟེང་གི་ས་བདག་ཐམས་ཅད་ཁ་ལོ་སྒྱུར། །སྤྱན་གྱིས་ཧུར་ཧུར་ས་དང་

[Full Size]

བར་སྣང་གཟིར། །གདུག་པ་ཅན་གྱི་གཉན་རིགས་ཐམས་ཅད་ཁོལ། །སྐུ་ནི་རི་རབ་ཆེན་པོའི་ངོས་ལ་བརྟེན། །ནང་གི་ལྷ་སྲིན་སྡེ་བརྒྱད་དམག་ཏུ་ཁོལ། །མཇུག་མ་རྒྱ་མཚོ་ཆེན་པོའི་ཀློང་ན་འཁྱིལ། །གདུག་པའི་ཀླུ་ཚོགས་ཐམས་ཅད་ཕོ་ཉར་འགྱེད། །ཕུང་བྱེད་འཆི་བདག་འཁོར་དང་བཅས་པ་རྣམས། །དུས་བཞིར་སངས་རྒྱས་བསྟན་པའི་མེལ་ཚེ་མཛོད། །དམ་རྫས་བརྒྱན་པའི་གཏོར་མ་འདི་བཞེས་ལ། །ཀླུ་ནད་གཉན་ནད་ས་བདག་ནད་རྣམས་ཟློག །གག་ལྷོག་གཟེར་གསུམ་རིམས་དང་འབྲུམ་ནད་དང་། །མཛེ་དང་ཤུ་བ་གཡན་པའི་ནད་རྣམས་ཟློག །གཏད་མནན་ངག་གནོན་སེམས་ཀྱི་ངན་སྦྱོར་དང་། །ཀླུ་ཆེན་རྣམས་ཀྱིས་ཞགས་པས་བཅིངས་པ་ཟློག །མཐོང་དུག་རེག་དུག་མཆེ་དུག་ཁ་རླངས་དུག །བསམ་པ་ངན་དང་ཞེ་སྡང་དུག་རྣམས་ཟློག །ཀླུ་བདུད་ཀླུ་བཙན་ཀླུ་སྨན་གནོད་པ་ཟློག །གཉན་དང་ས་བདག་ས་སྲིའི་གནོད་པ་ཟློག །ས་འདྲེ་ས་སྲིན་ཕུང་འདྲེའི་གནོད་པ་ཟློག །ཀླུ་སྲིན་འཆི་བདག་མགོ་དགུའི་དུས་ལ་བབ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །འཇམ་དཔལ་ཡེ་ཤེས་སེམས་དཔའི་ངོ་བོ་སྟེ། །འགྲོ་

[Full Size]

བ་ཀླུ་ཡི་འཇིགས་ལས་སྐྱོབ་པའི་ཕྱིར། །བསམ་བཞིན་སྐུ་སྤྲུལ་ནཱ་ག་རཀ་ཞེས། །ཀླུ་གཤེད་ཀླུ་ཡི་སྡེ་དཔོན་ཆེན་པོ་ཁྱོད། །སྔོན་གྱི་ཐུགས་དམ་དམ་བཅའ་དྲན་མཛོད་ལ། །བསྲུང་བྱ་འདི་ལ་གནོད་པའི་ཀླུ་ནད་དང་། །ཀླུ་གདོན་ཐམས་ཅད་རང་དབང་མེད་པར་ཁྱེར། །མཐའ་མེད་རྒྱ་མཚོ་ཆེན་པོའི་ནང་དུ་གཤེགས། །འཇིག་རྟེན་འདས་དང་མ་འདས་སོ་མཚམས་ཀྱི། །ཆོས་ཉིད་རང་མདངས་འཁྲུགས་པའི་རྒྱ་མཚོ་ན། །རྟེན་གྱི་བཞུགས་གནས་ཡིན་པས་དེ་རུ་གཤེགས། །ནཱ་ག་རཀྵ་བཛྲ་མུ༔ དེ་ནས་ཁྲུས་ཆུ་དང་སྤྲུལ་ནག་གི་གཟུགས་ནི་ཕྱོགས་གཙང་ངམ་ལོ་བདུད་ཕྱོགས་སུ་བསྐྱལ། ནཱ་ག་རཀའི་གཏོར་མའང་དེ་རྗེས་སུ་ཁྱེར་ལ་དེ་ངོས་སུ་ཕུལ། ཀླུ་གཏོར་ནི་མཚོའམ་ཆུ་མིག་སོགས་སུ་ཕུལ་བཅུག །འོ་དེ་ལྟར་བྱེད་བཀྲོལ་གསེར་གྱི་ཆོ་གས་མནན་གཏད་རྣམས་བཀྲོལ། འཇམ་དཔལ་ན་ག་རཀཱའི་བུམ་ཆོག་གི་ཀླུ་ཡི་ནད་གདོན་རྣམས་བཀྲུས། བྱབ་པའི་ཆོ་གས་བྱབས་ནས། ད་ཕྱིན་ཆད་ཀླུ་ཡི་ནད་གདོན་རྣམས་མི་འཇུག་པའི་ཕྱིར་སྲུང་བའི་གོ་ཆ་བསྒོ་བ་ནི། སློབ་དཔོན་འཇམ་དཔལ་ཡེ་ཤེས་སེམས་དཔར་གསལ་བའི་ཐུགས་ཀ་ནས་སྣ་ཚོགས་རྡོ་རྗེའི་ཆར་བབས་པས། ཁྱེད་རང་གི་ལུས་ལ་རྡོ་

[Full Size]

རྗེའི་གོ་ཁྲབ་ཞུ་ལུབས་སུ་གྱོན་པར་སྒོམས་ཤིག །རྡོ་རྗེ་ལག་ཏུ་ཕྱར་ཞིང་། སངས་རྒྱས་རྣམ་གཟིགས་གཟི་བརྗིད་དང་། །གཙུག་ཏོར་ཅན་གྱི་སྟོབས་རྣམས་དང་། །ཐམས་ཅད་སྐྱོབ་པའི་བདེན་ཚིག་དང་། །ལོག་པ་དད་སེལ་ཏིང་འཛིན་དང་། །གསེར་ཐུབ་ཅེས་བྱའི་ཡེ་ཤེས་དང་། །འོད་སྲུང་གི་ནི་རྫུ་འཕྲུལ་དང་། །ཤཱཀྱ་སེང་གེའི་མཐུ་རྣམས་ཀྱིས། །རླུང་ལས་གྱུར་དང་མཁྲིས་ལས་གྱུར། །བད་ཀན་ལས་གྱུར་འདུས་ལས་གྱུར། །ཀླུ་ཡི་ནད་རྣམས་རབ་བཅོམ་སྟེ། །འདི་ལ་རྟག་ཏུ་བདེ་ལེགས་ཤོག །བདེན་པའི་ཚིག་ནི་དེ་དག་གིས། །ནད་པ་རྣམས་ཀྱི་ནད་སེལ་ཞིང་། །ཉེས་པ་ཐམས་ཅད་ཕྲོག་བྱེད་པ། །བསྲུང་བྱར་བདུད་རྩིར་འགྱུར་བར་ཤོག །སྤྱི་བོ་ཡན་ལག་བཞི་མདུན་རྒྱབརྣམས་སུ་རྡོ་རྗེ་རྒྱ་གྲམ་བཞག །ཨོཾ་ནཱ་ག་རཀ་ཕེ་ལཾ་ཧཱུྃ། ཀླུ་རྒྱལ་རིགས་ཀྱི་ནད་དང་གནོད་པས་མི་ཚུགས་པར་སྲུངས་ཤིག་རཀྵ་ཀུ་རུ་ཡེ་སྭཱ་ཧཱ། དེ་བཞིན་དུ། ཀླུ་རྗེའུ་རིགས་ཀྱི་ནད་དང་གནོད་པས་མི་ཚུགས་པར་སྲུངས་ཤིག་རཀྵ་ཀུ་རུ་ཡེ་སྭཱ་ཧཱ། ཀླུ་དམངས་རིགས་ཀྱི་ནད་དང་གནོད་པས་མི་ཚུགས་པར་སྲུངས་ཤིག་རཀྵ་ཀུ་རུ་ཡེ་སྭཱ་ཧཱ། ཀླུ་བྲམ་ཟེའི་རིགས་ཀྱི་ནད་དང་གནོད་པས་མི་ཚུགས་པར་

[Full Size]

སྲུངས་ཤིག་རཀྵ་ཀུ་རུ་ཡེ་སྭཱ་ཧཱ། ཀླུ་གདོལ་པའི་རིགས་ཀྱི་ནད་དང་གནོད་པས་མི་ཚུགས་པར་སྲུངས་ཤིག་རཀྵ་ཀུ་རུ་ཡེ་སྭཱ་ཧཱ། ཀླུ་བདུད་ཀླུ་བཙན་གྱི་ནད་དང་གནོད་པས་མི་ཚུགས་པར་སྲུངས་ཤིག་རཀྵ་ཀུ་རུ་ཡེ་སྭཱ་ཧཱ། མཚོ་སྨན་དང་གཉན་ཆེན་སྡེ་བརྒྱད་ཀྱི་ནད་དང་གནོད་པས་མི་ཚུགས་པར་སྲུངས་ཤིག་རཀྵ་རཀྵ་ཀུ་རུ་ཡེ་སྭཱ་ཧཱ། དེ་ལྟར་རྡོ་རྗེའི་གོ་བཀོན་པ་དེ་རབ་ཏུ་གནས་པའི་ཆོ་གས་ཤིས་པ་བརྗོད་པའི་མོས་པ་མཛོད། ཅེས་པ་མེ་ཏོག་འཐོར་ཞིང་། སངས་རྒྱས་ཀྱིས་ནི་བདུད་ཕམ་མཛད། །ཆོས་མ་ཡིན་ནི་ཆོས་ཀྱིས་སོ། །དགེ་འདུན་གྱིས་ནི་མུ་སྟེགས་ཕམ། །དབང་པོས་ལྷ་མིན་ཕམ་པར་མཛད། །ལྷ་མིན་རྣམས་ཀྱིས་ཟླ་བ་ཕམ། །ནམ་མཁའ་ལྡིང་གིས་རྒྱ་མཚོ་ཕམ། །མེས་ནི་ཤིང་རྣམས་ཕམ་པར་འགྱུར། །ཆུས་ནི་མེ་ཡང་ཕམ་པར་འགྱུར། །རླུང་གིས་སྤྲིན་རྣམས་རབ་ཏུ་ཕམ། །རྡོ་རྗེ་ཡིས་ནི་རིན་ཆེན་ཕུགས། །ལྷ་རྣམས་བདེན་པ་རབ་ཏུ་གནས། །ས་ཡང་བདེན་པར་གནས་པ་ལགས། །སངས་རྒྱས་ཀྱིས་ནི་ཆོས་ཀྱང་བདེན། །བདེན་པ་རྒྱལ་གྱུར་རྫུན་མ་ལགས། །བདེན་པའི་བདེན་ཚིག་འདི་དག་གིས། །བསྲུང་བྱ་འདི་ཡི་

[Full Size]

ནད་དང་གདོན། །ཕྱིར་རྒོལ་བ་ནི་ཀུན་ལས་རྒྱལ། །སྡིག་པ་ཐམས་ཅད་རབ་ཏུ་ཕམ་སྭཱ་ཧཱ། ཨོཾ་ནཱ་ག་རཀྵ་ཕེ་ལཾ་ཧཱུྃ། ཛ་ཡེ་སྭཱ་ཧཱཿ བི་ཛ་ཡེ་སྭཱ་ཧཱཿ ཛ་ཡེ་བི་ཛ་ཡེ་སྭཱ་ཧཱཿ འོ་དེས་འཇམ་དཔལ་ནཱ་ག་རཀཱའི་སྒོ་ནས་གཏད་ཁྲོལ་དང་ཀླུ་ཡི་གདོན་བཀྲོལ་ལེགས་པར་གྲུབ་པ་ཡིན་པས། །གཏང་རག་གི་མཎྜལ་ཕུལ་ལ། ས་གཞི་སྤོས་ཆུ་སོགས། དེ་ནས་རྗེས་ཆོག་གཞན་མི་དགོས་ཏེ། བདག་བསྐྱེད་སྟོང་པར་བསྡུས་ལ་མི་དམིགས་པར་བ་ཞག་གོ །ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་མེ་སྤྲེལ་ཁྲུམས་སྟོད་ཟླ་བའི་ཚེས་དགུ་ཕྱི་མའི་ནུབ་ནཱ་ག་རཀཱ་ཆ་ལུགས་མངོན་རྟོགས་དང་མཐུན་པ་ཞལ་གཟིགས་ཏེ། སྒྲུབ་སྐོར་དཔེའུ་རིས་དང་བཅས་པ་དངོས་སུ་གསུངས་པས། ཞལ་ཁྲིད་ཀྱི་ནང་ལ་བུམ་ཆོག་དང་ཁྲུས་བྱ་བ་གཞན་དང་འདྲ་གསུངས་པ་ལྟར། གཏེར་བློན་རཱ་ག་ཨ་སྱས་རྒྱས་པར་བཀོད་པའི་ཡི་གེ་པ་ནི་དགེ་སློང་བརྩོན་འགྲུས་ཏེ། ཉེས་འགལ་མཆིས་ན་ཡེ་ཤེས་དང་འཇིག་རྟེན་པའི་ཀླུའི་ཚོགས་ལ་བཤགས་ཤིང་། དགེ་བས་ཀླུ་ཡི་ནད་གདོན་གྱིས་ཉེས་པ་ལ་མི་འཇིགས་སྐྱབས་ཀྱི་སྦྱིན་པ་ཆེན་པོར་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

བྱད་ཁྲོལ་ཕ་རོལ་དཔུང་འཇོམས་དང་ཀླུ་ཡི་གཏད་ཁྲོལ།

[Full Size]

བྱད་ཁྲོལ་ཕ་རོལ་དཔུང་འཇོམས་དང་ཀླུ་ཡི་གཏད་ཁྲོལ་ཞེས་བྱ་བ་བཞུགས་སོ།

[Full Size]

འདི་ཕ་རོལ་གྱི་བྱད་མནན་སོགས་གྲོལ་བར། གནས་དབེན་པར་མཎྜལ་གྱི་དབུས་སུ་རྩ་གསུམ་གྱི་གཏོར་མ་དང་། བུམ་པ་རྒྱན་ལྡན་ཆུས་སུམ་གཉིས་བཀང་ལ། མཆོད་པ་རྣམས་འདུ་བྱས་ལ། ཡི་དམ་གྱི་གཞུང་བསྲང་ལ་བུམ་སྒྲུབ་བྱ་བ་ནི། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་མ་ཧེ་པདྨ་ཉི་ཟླ་བསྣོལ་བའི་སྟེང་དུ། ཨེ་ལས་འཇམ་དཔལ་ཡང་ཟློག་ནག་པོ་ཞལ་གསུམ་ཕྱག་དྲུག་ཞབས་བཞི་བསྒྲད་པ། ཞལ་གཡས་ཞལ་དཀར་བ་གཡོན་དམར་བ་དབུས་མཐིང་བ། ཕྱག་དྲུག་གཡས་གསུམ་འཁོར་ལོ་རལ་གྲི་རྡོ་རྗེ། གཡོན་གསུམ་ལྕག་ཀྱུ་གཏུན་ཤིང་སྡིགས་མཛུབ་བསྣམས་པ། དྲུར་ཁྲོད་ཀྱི་ཆས་བརྒྱད་དང་དཔལ་

[Full Size]

གྱི་ཚེས་དགུ་གསོལ་བ། འཁོར་གཤིན་རྗེ་བྱེ་བ་ས་ཡས་བསྐོར་བ། དེ་ཡི་ཐུགས་ཀར་ཡེ་ཤེས་སེམས་དཔའ་ཞི་བའི་ཆ་བྱེད་གཡས་རལ་གྲི་གཡོན་པོ་ཏི་བསྣམས་པ། དེའི་ཐུགས་ཀར་རིན་པོ་ཆེ་སྣ་ཚོགས་ཀྱི་མཆོད་རྟེན། དེའི་བུམ་པར་རྡོ་རྗེ་རྩེ་ལྔ་ཡས་མར་རིགས་ལྔ་ཡབ་ཡུམ་གྱིས་མཚན་པ། དེའི་ལྟེ་བར་ཉི་ཟླའི་གའུ་ནང་དུ། ཧཱུྃ་ལས་སྔགས་ཀྱི་ཕྲེང་བ་གཡས་སུ་འཁོར་བར་གྱུར། ཨོཾ་ཨ་ཀྲོ་ཏི་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ ཨེ་ཀ་ཡ་མ་དུ་རུ་ཙཀྲ༔ ཧེ་ཀ་ཡ་མ་དུ་རུ་ཙཀྲ༔ བྷཾ་ཝ་ཡ་མ་དུ་རུ་ཙཀྲ༔ སྔགས་ལས་འོད་ཟེར་འཕྲོས་པས། སངས་

[Full Size]

རྒྱས་ཐམས་ཅད་ལ་མཆོད་པ་ཕུལ། བྱིན་རླབས་ཚུར་འདུས། བདག་དང་བསྲུང་བྱ་བུམ་ནང་གི་ལྷ་རྣམས་ལ་ཐིམ་པར་གྱུར། སླར་ཡང་བདག་དང་མདུན་བསྐྱེད་ཀྱི་ཐུགས་ཀའི་སྔགས་ལས་འོད་ཟེར་འཕྲོས་པས། ཕ་རོལ་གྱི་བྱད་མ་ལྷ་སྲུང་དང་བཅས་པའི་སྟོབས་དང་གཟི་བརྗིད་ཐམས་ཅད་འཕྲོག །ཚེ་དང་བསོད་ནམས་ཐམས་ཅད་འབ་ཀྱིས་བསྡུས་ཏེ་བདག་དང་བསྲུང་བྱ་ལ་ཐིམ་པར་གྱུར། ཨེ་ཀ་ཡ་མ་དུ་རུ་ཙཀྲས་སྲུངས། ཧེ་ཀ་ཡ་མ་དུ་རུ་ཙཀྲས་སྲུངས། གྷི་ཝ་ཡ་མ་དུ་རུ་ཙཀྲ་བསྲུངས། སརྦ་ཙིཏྟ་གཟེར་ཐུམ་བྷིག་ནཱན་ཏྲིག་ནན། རྦད་ཡ་བཟློག་ཡ། སམ་གྲུ་ཝི་ར་ནི་ཧཱུྃ་ཧཱུྃ་ཛཿ བདག་དག་བསྲུང་བྱ་མི་ནོར་འཁོར་དང་བཅས་པ་ལ་སྲུངས་ཤིག ལྷ་རྣམས་འོད་དུ་ཞུ་ནས་བུམ་ཆུར་བསམ། བསྟོད་པ་སོགས་བྱས་ནས་སློབ་བུ་བོས་ཏེ། མདུན་དུ་གདན་ནག་པོ་གྲུ་གསུམ་བསྣོལ་བའི་སྟེང་དུ་བཞག །མཐའ་ནས་རྩང་གིས་བསྐོར། ལུས་སྣལ་མ་ཁ་དོག་སྣ་ལྔས་རྩང་སྐེད་ལྟར་བཅིངས། སྤྱི་བོར་ཚ་ཚ་བཞག་ལ་བུམ་ཆུའི་ཁྲུས་བྱ། སྐུད་རྣམས་བྲེག་སྟེ། སླ་ང་ནང་དུ་མེ་ཧོམ་གྲུ་གསུམ་སྦྱར་ལ་ཐུན་རྫས་དང་ལྷན་དུ་བསྲེགས་ལ། སློབ་དཔོན་དང་བུམ་ནང་གི་ལྷ་རྣམས་འོད་ཟེར་འཕྲོས། ཕ་རོལ་གྱི་མནན་བསྲེགས་བྱད་མ་ལྷ་བསྲུངས་དང་བཅས་པ། ཤིག་ཤིག་ཡམ་ཡམ་རྩྭ་

[Full Size]

ཕུང་མེ་ཡི་བསྲེགས་པ་ལྟར་སོང་བར་བསམསལ་རང་ཉིད་ལྷའི་ང་རྒྱལ་དང་བཅས་པས་ཚ་ཞ་མ་ཞིག་བར་ཁྲུས་བྱའོ། །སྤྱི༔ རང་ཉིད་ཡི་དམ་དུ་གསལ་བི་ཐུགས་ཀའི་ས་བོན་ལས་འོད་ཟེར་འཕྲོས་པས། བུམ་ནང་གི་ལྷ་རྣམས་ཀྱི་ཐུགས་རྒྱུད་བསྐུལ། བདག་དང་བུམ་ནང་གི་ལྷ་རྣམས་ཀྱི་ཐུགས་ཀའི་འོད་ཟེར་འཕྲོས་པས། སློབ་མའི་ལུས་ངག་ཡིད་གསུམ་གྱི་བར་ཆད་ཕ་རོལ་གྱི་བྱད་མ་ལྷ་སྲུང་དང་བཅས་པ། ཐམས་ཅད་གཞོབ་ཐུལ་ཐུལ་གྱིས་བསྲེགས་པ་དང་ཤིག་ཤིག་ཡམ་ཡམ་དུ་ཁྲུད་པར་བསམ། ཨོཾ་ཨ་ཀྲོ་ཏི་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ ཨོཾ་ཤིག་ཤིག་ཁྲོལ་ཁྲོལ། ཨོཾ་ཨེ་ཀ་ཡ་མ་དུ་རུ་ཁྲོལ་ཁྲོལ། ཧེ་ཀ་ཡ་མ་དུ་རུ་ཁྲོལ་ཁྲོལ། གྷཾ་ཝ་ཡ་མ་དུ་རུ་ཁྲོལ་ཁྲོལ། ཨོཾ་མ་ཧཱ་དུ་ན་ཁྲོལ་ཁྲོལ། སཾ་ཀ་དུ་ན་ཁྲོལ་ཁྲོལ། ཨོཾ་ཙ་དུར་སྙིང་ལ་ཁྲོལ། ཨོཾ་ར་ཙ་དུ་ན་ཁྲོལ། ཨོཾ་སུ་ཀྲི་རཀྟ་དུ་ན་ཁྲོལ། ཨོཾ་རཀྟའི་ཏི་ཕུར་དུ་ན་ཁྲོལ། གིང་ཀ་ར་ཁྲོལ། མ་ཧཱ་ཀཱ་ལ་ཁྲོལ། ཏྲཀཱ་ཏྲི་ཕུར་དུ་ན་ཁྲོལ། ཡང་ཏེ་བསར་ཁྲོལ། བ་ལ་དེ་ལྡི་ཁྲོལ། ཡ་ཡ་བྲ་བྲ་མ་ར་ཀྲི་ཀ་ཨ་རུ་པ་ཤི་རྦད་ཁྲོལ། ཨོཾ་ཙ་དུར་ཁྲོལ། མ་མོ་ར་ཙ་ཁྲོལ། རཀྟ་མི་ཏྲག་རཀྵ་ཁྲོལ། རཀྟ་རེའུ་མ་ཏྲི་ཤན་མུ་རུ་མུ་

[Full Size]

ཁྲོལ། རག་མོ་གླང་ཏྲིལ་ལ་ར་ཙ་ཁྲོལ། ཅི་ཕི་རི་ཁྲོལ། མ་ཤུ་དུ་ན་ཏྲི་ཁྲོལ། མ་མ་ཙ་ཡ་ཁྲོལ། མ་མ་སྙིང་ཁྲག་ལ་རཀྟ་ཙ་ཡ་ཁྲོལ། མ་མ་ཏྲི་མ་མ་རི་ཤ་ཤ་ཧེ་ཧེ་ཁྲོལ། མ་ཀེ་ཐུམ་པྲ་ཁྲོལ། མ་མ་རྨི་ཤི་ལ་ཐུན་བྷྱོ་ཏྲི་མ་རི་ཤ་ཤ་ཏྲག་ཁྲོལ། ཨེ་ཀ་ཀྲ་མ་མི་ཧྲིང་ཧྲིང་དུ་ཁ་ཚ་དུ་ཁ་ཁྲོལ། ནཱག་ཀླུ་ལ་ཏྲ་ཙ་དེ་ན་ཁྲོལ། ཀ་རུ་ན་ཙ་ལེ་ཙ་ལེ་ཁྲོལ། ཨོཾ་ཏ་ཀི་ན་ཏྲི་ནི་ཙ་ཏེ་ཧཱུྃ། ཧུ་ཡ་ཧུ་ཡ། སུ་རུ་ཏེ་སུ་རུ་ཏེ་སྭཱ་ཧཱ་ཁྲོལ། ཆོད་གཏོང་རྦད་འདྲེ་མ་ལུས་པ། །སརྦ་ཡ་ན་ཡེ་ཁྲོལ། ཨོཾ་བཛྲ་ཀཱི་ལི་ཀཱི་ལི་ཡ་ཁྲོལ། ཨོཾ་བྱ་གྷི་ཝ་ཁྲོལ། ཨོཾ་རཀཱ་ཁྲོལ། ཨོཾ་མཉྫ་ཤྲཱི་ཁྲོལ། ཨོཾ་ཡ་མཱནྟ་ཀ་ཁྲོལ། ཨོཾ་ཡ་མ་རཱ་ཙཁྲོལ། ༀ་མ་ཧཱ་དྷེ་ཝ་ཁྲོལ། ཨོཾ་ཨུ་མ་དྷེ་ཝ་ཁྲོལ། ཨོཾ་ཏྲག་རཀྵ་ཁྲོལ། ཨོཾ་རཀྵ་ཁྲོལ། ཨོཾ་རཱ་ཧུ་ལ་ཁྲོལ། ཨོཾ་རུ་ཏྲ་ཁྲོལ། ཨོཾ་པདྨ་རེ་མ་ཏི་ཁྲོལ། ༀ་ཙ་དུར་ན་ཁྲོལ། ཨོཾ་ཙ་དུ་ན་ཁྲོལ། ༀ་བཛྲ་སཱ་དྷུ་ཁྲོལ། ཨོཾ་སོ་ཤུ་ན་ཁྲོལ། ༀ་གིང་ཀ་ར་ཁྲོལ། ཨོཾ་ནཱ་ག་ར་ཙ་ཁྲོལ། ཨོཾ་སརྦ་ར་ཙ་ཁྲོལ། ཕ་རོལ་གྱི་བྱད་ཀ་ཁྲོལ། ཕུར་ཁ་ཁྲོལ། མནན་བསྲེགས་འཕངསགསུམ་གྱི་ལས་སྦྱོར་ཁྲོལ་ཁྲོལ་ཤིག་ཤིག །ལྷ་སྲིན་སྡེ་བརྒྱད་ཀྱི་བྱད་ཁ་ཁྲོལ་

[Full Size]

ཁྲོལ་ཤིག་ཤིག །ཅེས་བརྗོད་ལ་ཁྲུས་བྱའོ། །སྐུད་པ་རྣམས་བྲེག་ནས་རྩང་ཕུར་རྣམས་བཅག་ནས། ལིངྒ་ཡུངས་ཀར་གུ་གུལ་དང་ལྷན་ཅིག་ཏུ་མེ་ཧོམ་ནང་དུ་བསྲེགས་སོ། །ཕ་རོལ་བྱད་ལ་ལྷ་སྲུང་དང་བཅས་པ། དཔལ་ཆེན་པོའི་ཞལ་དུ་བསྟབ་པར་དམིགས་སོ། །ཀྱེེ༔ འཇམ་དཔལ་གཤིན་རྗེའི་ཞལ་ཕྱེས་ཤིག །བར་ཆད་དགྲ་བགེགས་ཞལ་དུ་བསྟབབོ། །འཁོར་གྱི་གཤིན་རྗེ་ཞལ་ཕྱེས་ཤིག་བྱད་མ་ལྷ་སྲུང་ཞལ་དུ་བསྟབ། །ཕོ་ཉ་ལས་བྱེད་ཞལ་ཕྱེས་ཤིག །མཐུ་བྱེད་བན་བོན་ཞལ་དུ་བསྟབ། །མཱ་ར་ཡ་ཁ་ཁ་ཁཱ་ཧི། ཞེས་བརྗོད་ལ་བསྲེགས་སོ། །དེ་རྗེས་སློབ་མ་གདན་དཀར་པོར་ནས་ཀྱི་རྡོ་རྗེ་རྒྱ་གྲམ་བྲིས་པའི་སྟེང་དུ་བཞག །བསྲུངས་བ་འདོགས། །སྲུང་འཁོར་བསྒོམ། ཚེ་དབང་བསྐུར། བཀྲ་ཤིས་བརྗོད། རྗེས་ཀྱི་བྱ་བ་རྣམས་བྱའོ། །མངྒ་ལཾ། །གནམ་ཆོས་ལུགས་ལ་ཀླུ་ཡི་གཏད་ཁྲོལ་སྔགས་ནག་ཁ་སབ་བསྡུས་པ་བཞུགས་སོ། །ནད་པ་ལ་ཀླུ་ཡི་གཏད་དོགས་ན། གཏད་ཁྲོལ་ནི། ན་མོ། དཀོན་མཆོག་གསུམ་གྱི་བདེན་པ་དང་། །ཕྱག་ན་རྡོ་རྗེའི་མཐུ་སྟོབས་དང་། ཁྱུང་ཆེན་འབར་བའི་བདེན་པའི་མཐུས། བསྲུང་བྱ་འདིའི་ལུས་ངག་ཡིད་གསུམ་བྱེད་དུ་བཅུག་པ་དང་། མནན་པ་དང་། བཅིངས་པ་ཐམས་ཅད་བྱད་ཐག་གི་སྲེད་བུ་སྔོ་དམར་

[Full Size]

འདི་ལ་ཐིམ་པར་གྱུར་ཅིག །ཛཿཧཱུྃ་བཾ་ཧོ༔ ལན་གསུམ། ལག་ཏུ་རལ་གྲི་ཐོགས་ལ། ཨོཾ་ཨཱཿཧཱུྃ། ཁྲོ་ཁྲོ་ཁྲོ་ནཱ་ག་ཤིག་ཤིག །ནཱ་ག་ཁྲོལ་ཁྲོལ། ས་ག་ཤིག་ཤིག །ས་ག་ཁྲོལ་ཁྲོལ། དབུས་ཀྱི་གཙུག་ན་རིན་ཆེན་ལ་གཏད་པ་ཁྲོལ་ཅིག །ཤར་གྱི་མི་མགོན་དཀར་པོ་ལ་གཏད་པ་ཁྲོལ་ཅིག །ལྷོའི་འཇོགཔོ་སེར་པོ་ལ་གཏད་པ་ཁྲོལ་ཅིག །ནུབ་ཀྱི་བྲམ་ཟེ་དམར་པོ་ལ་གཏད་པ་ཁྲོལ་ཅིག །བྱང་གི་གདོལ་པ་ནག་པོ་ལ་གཏད་པ་ཁྲོལ་ཅིག །གདོལ་པ་ནག་པོ་མགོ་དགུ་པ་གཏད་པ་ཁྲོལ་ཅིག །བྲམ་ཟེ་དམར་པོ་མགོ་དགུ་པ་ལ་གཏད་པ་ཁྲོལ་ཅིག །ཀླུ་སྲིན་མགོ་དགུ་པ་ལ་གཏད་པ་ཁྲོལ་ཅིག །རྒྱ་མཚོ་དུག་རིགས་ལ་གཏད་པ་ཁྲོལ་ཅིག །ནག་པོ་གཞི་ལྕགས་ལ་གཏད་པ་ཁྲོལ་ཅིག །མཛེ་ནག་ལས་ཀྱི་འཁོར་ལོ་ལ་གཏད་པ་ཁྲོལ་ཅིག །མཛེ་སྐྱ་རླུང་གི་འཁོར་ལོ་ལ་གཏད་པ་ཁྲོལ་ཅིག །མཛེ་དམར་མེ་ཡི་འཁོར་ལོ་ལ་གཏད་པ་ཁྲོལ་ཅིག །ས་བདག་སྲོག་གི་འཁོར་ལོ་ལ་གཏད་པ་ཁྲོལ་ཅིག །ཐོད་རུས་སྐྱ་བོ་ལ་གཏད་པ་ཁྲོལ་ཅིག །སྙིང་ཁྲག་དམར་པོ་ཆུ་ལ་གཏད་པ་ཁྲོལ་ཅིག །སྲོག་རྩ་དམར་པོ་ཤིང་ལ་གཏད་པ་ཁྲོལ་ཅིག །གཟའ་བདུད་མགོ་

[Full Size]

དགུ་རྟ་རུ་ཞོན། སྦྲུལ་ནག་མགོ་དགུ་རོལ་དུ་ཁྲིད་པ་ལ་གཏད་པ་ཁྲོལ་ཅིག །སྲིན་པོ་ནག་པོ་ཁལ་འགེལ་བ་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བདུད་ནག་པོ་སྦྲུལ་གྱི་མཇུག་མ་ཅན་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བཙན་ཞགས་པ་ཅན་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བདུད་ནག་པོ་མཛེ་ཡི་ས་བོན་འདེབས་པ་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བདུད་ནག་པོ་ལུས་ལ་མེ་འབར་མེའི་ཚྭ་ཚྭ་འཕྲོ་བ་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །ཀླུ་བདུད་ནག་པོ་གིང་ཆེན་ལ་གཏད་པ་ཁྲོལ་ཅིག །གདུག་པ་སྔགས་ཀྱིས་བཅིངས་པ་ཁྲོལ་ཅིག །བསད་པ་སྔགས་ཀྱིས་གཟིར་བ་ཁྲོལ་ཅིག །བསྲུང་བྱའི་ལུས་ངག་ཡིད་གསུམ་

[Full Size]

དབང་པོ་སྒོ་ལྔ་ལ་གཏད་པ་ཁྲོལ་ཅིག །ཀླུ་རིགས་ཐམས་ཅད་ཀྱི་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཚངས་པ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཚངས་ཆེན་ལ་གཏད་པ་ཁྲོལ་ཅིག་ཀླུ་ཡི་རྒྱལ་པོ་དབང་པོ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཉི་མའི་དབང་པོ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་རྒྱ་མཚོའི་བུ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་དུག་མེ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མཚོ་ཆེན་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མཚོ་ཆེན་གྱི་བུ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཆུ་སྲིན་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་ཉེར་དགའ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མི་ཞུམ་པ་ལ་གཏད་པ་ཁྲོལ་ཅིག །ཀླུ་ཡི་རྒྱལ་པོ་མར་བལྟས་ན་མི་མཛེས་པ་ལ་གཏད་པ་ཁྲོལ་ཅིག །བསྲུང་བྱ་འདི་ཡི་ལུས་ངག་ཡིད་ག་སུམ། དབང་པོ་སྒོ་ལྔ། གཏད་རིགས་སུམ་བརྒྱ་དྲུག་ཅུ་ལ་གཏད་པ་ཁྲོལ་ཅིག་ཨོཾ་ཀ་ཡ་ཀ་ཡ། བཛྲ་ཚིནྡྷ་ཚིན། ཤན་ཏི་ཤན་ཏི་ཤག་བྱེར། མཱ་ར་ཡ་སྟམྦྷ་ཡ་བྱེར། མོ་ཧ་ཡ་བྱེར། ཛམྦྷ་ཡ་བྱེར་ཡ་བྷྱོ་ཟློག །ཅེས་ལུས་མནན་པ་བཅིངས་པ་གྲོལ་བའི་སྔགས་དང་། ཨོཾ་ཝཱཀ་ཡཀྵ་ཡ། བཛྲ་ཚིནྡྷ་ཚིནྡྷ། ཤན་ཏི་ཤན་ཏི་

[Full Size]

ཤག་བྱེར། ཡེར་ཡེར་སྟམྦྷ་ཡ་བྱེར། མོ་ཧ་ཡ་བྱེར། ཛམྦྷ་ཡ་བྱེར་ཡ་ཟློག་བྷྱོ། །ཅེས་ངག་མནན་པ་དང་བཅིངས་པ་གྲོལ་བའི་སྔགས་དང་། ཨོཾ་ཙིཏྟ་དྷཀྵ་ཡ། བཛྲ་མ་ཧཱ་ཙ་དྷ། ཤནྟི་ཤནྟི་ཤག་བྱེར། ཡར་ཡར་སྟམྦྷ་ཡ་བྱེར། མོ་ཧ་ཡ་བྱེར། ཛམྦྷ་ཡ་བྱེར་ཡ་ཟློག་ཟློག་བྷྱོ། ཞེས་ཡིད་མནན་པ་དང་བཅིངས་པ་གྲོལ་སྔགས་དང་། བསྲུང་བྱ་འདིའི་ལུས་ངག་ལ་ཕ་རོལ་མི་དང་མི་མ་ཡིན་གྱི། མནན་པ་དང་། བཅིངས་པ་དང་། གཏད་སེལ་དུ་བཅུག་པ་ཐམས་ཅད་ཁྲོལ་ཅིག །ཧཱུྃ་ནཱ་ག་རཱ་ཙ་ས་མ་ཡ་ཛཿ ཤོག་ཤོག་ཁྲོལ་ད། བྱད་ཁྲོལ། ནཱ་ག་རཱ་ཙ་བྱད་ཁྲོལ་ཁྲོལ། ཅེས་བརྗོད་ཅིང་ཚོན་སྐུད་གྲི་ཡིས་བྲེག །རྩང་བླངས་ནས་བཅག །རྨ་བྱས་ཕྱགས་ཤིང་། དུག་གཟིར་ཐམས་ཅད་ཕྱིར་ཕྱུངས་ཤིག །བྱད་དུག་གཟིར་ཕྱིར་ཕྱུངས་ཤིག །མཐོང་བའི་དུག་རྣམས་ཕྱིར་ཕྱུངས་ཤིག །རིག་པའི་དུག་རྣམས་ཕྱིར་ཕྱུངས་ཤིག །བསམ་པའི་དུག་རྣམས་ཕྱིར་ཕྱུངས་ཤིག །སྦྱོར་བའི་དུག་རྣམས་ཕྱིར་ཕྱུངས་ཤིག །ལྟ་བའི་དུག་རྣམས་ཕྱིར་ཕྱུངས་ཤིག །འཚེ་བའི་དུག་རྣམས་ཕྱིར་ཕྱུངས་ཤིག །སྲིད་པའི་དུག་རྣམས་ཕྱིར་ཕྱུངས་ཤིག །ཀླུའི་དུག་རྣམས་ཕྱིར་ཕྱུངས་

[Full Size]

ཤིག །གཉན་གྱི་ནད་རྣམས་ཕྱིར་ཕྱུངས་ཤིག །ས་བདག་གི་ནད་རྣམས་ཕྱུངས་ཤིག །ས་སྲིན་གྱི་ནད་རྣམས་ཕྱིར་ཕྱུངས་ཤིག །རིམས་ཡམས་ཀྱི་ནད་རྣམས་ཕྱིར་ཕྱུངས་ཤིག །ཤ་ཡི་ནད་རྣམས་ཕྱིར་ཕྱུངས་ཤིག །ཁྲག་གི་ནད་རྣམས་ཕྱིར་ཕྱུངས་ཤིག །རུས་པའི་ནད་རྣམས་ཕྱིར་ཕྱུངས་ཤིག །རྩ་རྒྱུས་ཀྱི་ནད་རྣམས་ཕྱིར་ཕྱུངས་ཤིག །སྨྱོ་འབོག་གི་ནད་རྣམས་ཕྱིར་ཕྱུངས་ཤིག །ནད་གང་ཡིན་གྱི་མིང་བརྗོད་ལ། ནད་རྣམས་ཐམས་ཅད་ཕྱིར་ཕྱུངས་ཤིག །རྨ་བྱས་བྱབ་ཅིང་། ནད་གཟིར་ཐམས་ཅད་འདོན་མཛད་པའི། །ཀླུ་རྣམས་ཀུན་ལ་ཕྱག་འཚལ་ལོ། །སྦྲུལ་དང་སྦལ་པ་ལྟ་བུར་འདི་ལ་ཐོན། །སྦྲུལ་དང་ལྕོང་མོ་ལྟ་བུར་འདི་ལ་ཐོན། །ཆུ་རྟ་ཆུ་ལུག་ལྟ་བུར་འདི་ལ་ཐོན། །ཆུ་ལུག་ཆུ་འབྲི་ལྟ་བུར་འདི་ལ་ཐོན། །རྩངས་པ་སྡིག་པ་ལྟ་བུར་འདི་ལ་ཐོན། །ཨོཾ་བཛྲ་པཱ་ཎི་སརྦ་ཨ་པ་ཤ་ཡེ་སྭཱ་ཧཱ། ལིངྒ་ལ་འགུགས་གཞུག་ལན་གསུམ་བྱས་ནས། རྩང་ཚོན་སྐུད་ལིངྒ་ཡུངས་ཀར་ཐུན་རྫས་རྣམས་བཟུང་ནས་ཞལ་བསྟབ་བྱའོ། །མཇུག་ཏུ་གཏོར་མ་གཉིས་བཅས་ནས། གཅིག་རྒྱབ་གཅིག་མེར་བསྲེག་གོ །གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ཅེས་བརྗོད། སྒྲུབ་པའི་དུས་སུ་ཡང་བསྙེན་སྔགས་

[Full Size]

ལ། ཨེ་ཀ་ཡ་མ་སོགས། སྲུང་བ་དང་ཟློག་པ་ཞལ་བསྟབ་སོགས་བྱ། དང་པོ་ཙཀྲ། དེ་ནས་བསྲུང་བ། དེ་ནས་བཟློག་པ། དེ་ནས་བསད་པ། དེ་ནས་བཞེས་ཤིག་རྩ་སྔགས་གསུམ་ཁ་བསྒྱུར་བཏགས་སོ། ༧ རཱ་ག་ཨ་སྱས་མཛད་པའོ། །འདི་བྲིས་དགེ་བས་སྒྲུབ་མཆོག་ཡོན་མཆོད་ཀྱི། །སྒོ་གསུམ་བྱད་གཏད་རྐྱེན་ལས་གྲོལ་གྱུར་ཅིག །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྲིད་པའི་རྒྱལ་མོ་མུ་ཁ་ལེའི་སྒོ་ནས་གཟའ་ཡི་གདོན་བཀྲོལ་བཀའ་གཏེར་ཟུང་འཇུག་ཁྱེར་བདེ་བར་བཀོད་པ།

[Full Size]

སྲིད་པའི་རྒྱལ་མོ་མུ་ཁ་ལེའི་སྒོ་ནས་གཟའ་ཡི་གདོན་བཀྲོལ་བཀའ་གཏེར་ཟུང་འཇུག་ཁྱེར་བདེ་བར་བཀོད་པ་བཞུགས་སོ།།

[Full Size]

ན་མོ་པྲ་ཝ་ཀ་ར་ཡེ། དཔལ་དུས་ཀྱི་འཁོར་ལོའི་མན་ངག་བཀའ་གཏེར་ཟུང་འཇུག་གཟའི་གནོད་པ་ཞི་བའི་ཐབས་ནི། མཎྜལ་གྲུ་བཞིའི་སྟེང་དུ་འདབ་བརྒྱད་བྲིས་པའམ། གཞི་སྟེང་འབྲུའི་འདབ་བརྒྱད་སྟེང་དུ། བུམ་པ་རྫས་ལྡན་འོ་ཆབ་ཀྱིས་བཀང་ལ་བཞག །གཡས་སུ་རིན་པོ་ཆེའི་སྣོད་དུ་ལྕོག་ཟླུམ་དཀར་པོ་མེ་ཏོག་གིས་བརྒྱན། གཡོན་དུ་ཟངས་ལྕགས་སྣོད་དམ་རྡོ་ལེབ་སྟེང་དུ། གཟའ་གཏོར་ཟུར་གསུམ་ནག་པོ་གཡས་གཙུས། རྩེ་ལ་བྱ་མགོ་དང་ལོགས་གསུམ་ལ་མིག་གསུམ་རེ། ཕྱོགས་བཞིར་སྙིང་གཟུགས་ཡུ་བ་ཅན་བཞི། གཙོ་བོའི་ལོགས་གསུམ་དང་སྙིང་ལ་ཤ་དར་རེ་རེ་བཙུགས། དེ་དག་གི་མདུན་དུ་མཆོད་པ་རྣམ་ལྔ་ཚང་བར་བཤམས། ཁྲུས་སྡེར་ནང་དུ་ངར་མི་གཅིག་བཞག །དེ་ནས་འདོན་སྒོམ་སྦྲག་པར་

[Full Size]

བྱའོ།། སྟོང་པའི་ངང་ལས་དམ་ཚིག་པ་དང་ཡེ་ཤེས་པ་དབྱེར་མེད་པའི། རང་ཉིད་སྣ་ཚོགས་ཡུམ་ཁྲོ་མོའི་ཆ་བྱད་ཅན། དབུ་དཀར་པོ། ཕྱག་དང་སྙིང་ཁ་སྔོན་པོ། ལྟོ་བ་སེར་པོ། བརླ་དང་གསང་གནས་དམར་པོ། ཞབས་ལྗང་ཁུ་འདོར་ཐབས་ཅན། གྲི་གུག་ཐོད་ཁྲག་འཛིན་པ། དེའི་ཐུགས་ཀར་པདྨ་དཀར་པོ་དང་ཟླ་བའི་གདན་ལ། ཐཾ་ཡིག་དཀར་པོ་ལ་སྔགས་ཕྲེང་གཡོན་དུ་འཁོར་བ་ལས་འོད་ཟེར་ཕྱོགས་བཅུར་འཕྲོས་པས། འོག་མིན་གྱི་གནས་ནས་དཔལ་དུས་ཀྱི་འཁོར་ལོའི་ཡུམ་རང་འདྲ་བ་དཔག་ཏུ་མེད་པ་ཆར་བཞིན་བབས་ནས་རང་ལ་སིབ་སིབ་

[Full Size]

ཐིམ། ལུས་ངག་ཡིད་གསུམ་བྱིན་གྱིས་བརླབ་ཅིང་བསྲུང་བར་གྱུར། ༀ་ཕྲོ་བི་ཤྭ་མ་ཏ་སྭཱ་ཧཱ། ཞེས་བརྒྱ་ཡན་ཅི་འགྲུབ་བཟླ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ལས་ཕྱི་རིན་པོ་ཆེའི་བུམ་པ་མཚན་ཉིད་དང་ལྡན་པ། ནང་གཞལ་ཡས་ཁང་ཡངས་ཤིང་རྒྱ་ཆེ་བའི་དབུས་སུ། པཾ་ལས་སྣ་ཚོགས་པདྨ་འདབ་མ་བརྒྱད་པའི་སྟེང་དུ། ཟླ་བའི་དཀྱིལ་འཁོར་ཉ་རྒྱས་དབུས་སུ། ཨེ་ཡིག་དམར་པོ་འོད་འཕྲོ་བ། དེ་ཡོངས་སུ་གྱུར་པ་ལས། རལ་གྲི་ཡུ་བ་ཨས་མཚན་པ། དེ་ཞུ་བ་ལས་སྲིད་པའི་རྒྱལ་མོ་མུ་ཁ་ལེ་སྐུ་མདོག་དམར་པོ། གཅིག་ཞི་ཞིང་འཛུམ་པ། ཐོར་ཙུགས་དང་རིན་པོ་ཆེའི་རྩེ་བྲན་ལྔས་བརྒྱན་པ། ཕྱག་གཉིས་གཡས་རལ་གྲི་ཕྱར་ཞིང་། གཡོན་བདུད་རྩིའི་བུམ་པ་ཐུགས་ཀར་འཛིན་པ། དར་སྣ་ཚོགས་ཀྱི་སྟོད་གཡོགས་དང་སྨད་གཡོགས། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། པད་ཟླའི་གདན་ལ་སྐྱིལ་ཀྲུང་གིས་བཞུགས་པའི་བྷ་གའི་ནང་དུ། སྐད་ཅིག་གིས་སྲས་ཁྱབ་འཇུག་རཱ་ཧུ་ལ་སྐུ་མདོག་དུད་ཁ་ཞལ་གཅིག་ཕྱག་གཉིས་པ། གཡས་རལ་གྲི་དང་མདའ་གཞུ་གཡོན་རྒྱལ་མཚན་དང་སྦྲུལ་ཞགས་ཐོགས་པ། སྐུ་ལུས་སྤྱན་

[Full Size]

གྱིས་གང་བ། དབུ་སྟེང་ན་བྱ་རོག་གི་དབུ་དང་སྐུ་སྨད་སྦྲུལ་དུ་འཁྱིལ་བ། སྲས་ཀྱི་ཐུགས་ཀ་དང་། ཡུམ་གྱི་ཐུགས་ཀར་ཟླ་བ་ལ་ཨེ་ཡིག་མཐར་སྔགས་ཕྲེང་འཁོར་བ་ལས་འོད་ཟེར་འཕྲོས། རང་འདྲ་བའི་ཡེ་ཤེས་སེམས་དཔའ་སྤྱན་དྲངས་ཤིང་ཐིམ། ཨོཾ་ཧྲིམ་ཏྲི་ཨ་སུ་རཱ་ཧུ་ལ་བཛྲ་ས་མཱ་ཡ་ཛ་ཛཿཧཱུྃ་བཾ་ཧོ༔ དམ་ཚིག་པ་དང་དབྱེར་མེད་པའི་ཐུགས་ཀའི་སྔགས་ཕྲེང་དང་སྐུ་ལས་བདུད་རྩིའི་རྒྱུན་བབ་བུམ་པ་གང་བར་གྱུར། ཨོཾ་ཧྲིམ་ཏྲི་ཨ་སུ་གཟའི་ནད་གདོན་སརྦ་ཤཱིནྟཾ་ཀུ་རུ་ཡེ་སྭཱ་ཧཱ། ཞེས་རབ་སྟོང་འབྲིང་ལྔ་བརྒྱ་ཐ་མ་ཡང་བརྒྱ་རྩ་བརྒྱད་ལས་མི་ཉུང་བ་བཟླས་ནས་ནད་པ་མདུན་དུ་བོས་ལ། འོ་ན་ད་ལམ་ཁྱེད་རྣམས་ལ་དཔལ་དུས་ཀྱི་འཁོར་ལོའི་མན་ངག་བཀའ་གཏེར་ཟུང་འཇུག་སྲིད་པའི་རྒྱལ་མོ་མུ་ཁ་ལེ་ཡི་སྒོ་ནས་གཟའི་གདོན་བཀྲོལ་ཞུ་བའི་ཕྱིར་མཎྜལ་འབུལ། ད་ངེད་སློབ་དཔོན་ནི་དཔལ་དུས་ཀྱི་འཁོར་ལོའི་ཤེས་རབ་སྟོང་པའི་ཆ་ལས་བྱུང་བ། བཅོམ་ལྡན་འདས་སྒྲོལ་མ་སྣ་ཚོགས་ཡུམ་ཁྲོ་ལྷོ་མོའི་ཆ་བྱད་ཅན། དབུ་དཀར་པོ། ཕྱག་དང་སྙིང་ཁ་སྔོན་པོ། ལྟོ་བ་སེར་པོ། བརླ་དང་གསང་གནས་དམར་པོ། ཞབས་ལྗང་ཁུ་འདོར་ཐབས་ཅན། གྲི་གུག་ཐོད་ཁྲག་

[Full Size]

འཛིན་པར་གུསལ་ཐོབ། མདུན་གྱི་བར་སྣང་ལ་དེའི་བཀའ་སྡོད་ཡུམ་སྲིད་པའི་རྒྱལ་མོ་མུ་ཁ་ལེ་དམར་མོ་ཞི་འཛུམ་རལ་གྲི་དང་བདུད་རྩི་བུམ་པ་འཛིན་པ། དར་དང་རིན་པོ་ཆེའི་བརྒྱན་ཅིང་པད་ཟླ་ལ་སྐྱིལ་ཀྲུང་གིས་བཞུགས་པ། དེའི་འོག་ཏུ་སྲས་མཆོག་རཱ་ཧུ་ལ་དབུ་དགུ་བྱ་རོག་གི་དབུ་དང་བཅུ། ཕྱག་བཞི་རལ་གྲི་མདའ་གཞུ་རྒྱལ་མཚན་སྦྲུལ་ཞགས་འཛིན་པ། སྐུ་ལུས་སྤྱན་སྟོང་གིས་གཏམས་པ། ཕྱོགས་བཞིར་སྲིང་མོ་གདོང་མོ་མཆེད་བཞི་དང་བཅས་པ་མངོན་སུམ་དུ་གསལ་བས། ཁྱེད་རང་གི་ཚེ་སྐྱིན་སྲོག་གླུད་དུ་གཏོར་མ་བདུད་རྩིར་གྱུར་པ་གསོལ་བས་ཤིན་ཏུ་མཉེས་ཤིང་ཚིམས་ནས། གཟའི་ནད་དང་གནོད་པ་ཐམས་ཅད་བསལ་ཏེ་ཁྱེད་རང་ལ་སྲུང་སྐྱོབ་སྡོང་གྲོགས་མཛད་ཅིང་ཡོད་བསམ་པའི་མོས་པ་མཛོད༔ རཾ་ཡཾ་ཁཾ་གིས་མི་གཙང་དྲི་མ་སྦྱངས། །ཨོཾ་གྱིས་སྟོང་པ་ཉིད་དུ་གྱུར། །ཨཱཡིས་གཏོར་སྣོད་རྒྱ་ཆེ་བར། །ཧཱུྃ་གིས་གཏོར་མ་བདུད་རྩིའི་མཚོ། །ཧོཡིས་ཟག་མེད་བདུད་རྩིར་སྒྱུར། །རོ་བརྒྱ་ནུས་པ་སྟོང་དང་ལྡན་། །ཧ་ཧོ་ཧཱུྃཡིས་བྱིན་གྱིས་བརླབས། །མགྲོན་རྣམས་ལྗགས་ལས་འོད་ཟེར་གྱིས། །སྦུ་གུས་བདུད་རྩི་དྲངས་ཤིང་གསོལ། །

[Full Size]

ཤིན་ཏུ་མཉེས་ཤིང་ཚིམ་པར་གྱུར། །བྷྱོ༔ མུ་ལེ་མཚོ་དང་ཡོངས་འདུས་ཤིང་། །དུར་ཁྲོད་བརྒྱད་སོགས་བཞུགས་གནས་ནས། །སྲིད་པའི་རྒྱལ་མོ་སྤྱན་འདྲེན་ནོ། །པད་ཟླའི་སྟེང་དུ་དགྱེས་པར་བཞུགས། །ཨོཾ་ཧིམ་ཏྲི་ཨ་སུ་ཧྲིང་ཛཿ ཛཿཧཱུྃ་བཾ་ཧོཿ དངོས་འབྱོར་ཡིད་ཀྱིས་སྤྲུལ་པ་ཡི། །མེ་ཏོག་བདུག་སྤོས་མར་མེ་དྲི། །བཤོས་བུ་གཟུགས་སྒྲ་དྲི་རོ་དང་། །རེག་བྱ་དཀར་གསུམ་གཏོར་མ་འབུལ། །ལྷ་མོ་མཉེས་ཤིང་ཚིམ་གྱུར་ཅིག །ཨོཾ་ཧྲི་མ་ཏྲི་ཨ་སུ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། ཨཧཱུྃ་སོགས། བྷྱོ༔ ཆོས་སྐུ་སྐྱེ་མེད་ངང་ཉིད་ལས། །འགྲོ་བའི་དོན་དུ་སྐུ་སྤྲུལ་ནས། །འཇིག་རྟེན་འདས་ཀྱང་འཁོར་བའི་ཚུལ། །མ་དང་སྲིང་ལྟར་བསྒྲུབས་ལ་བརྩེ། །མུ་ཁ་ལེ་ལ་བདག་བསྟོད་དོ། །དམ་རྫས་མཆོད་གཏོར་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །བདག་ཅག་སློབ་དཔོན་འཁོར་བཅས་ཀྱི། །གཟའ་གདོན་གནོད་པ་ཞི་བ་དང་། །ནད་མེད་ལུས་སྟོབས་འཕེལ་རྒྱས་མཛོད། །ཚེ་ཡི་དངོས་གྲུབ་དབང་དུ་སྡུས། །གནོད་ཅིང་འཚེ་བའི་ནད་གདོན་ཟློག །མ་གཡེལ་མྱུར་དུ་ལས་

[Full Size]

མཛོད་ཅིག །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཁྱབ་འཇུག་ཆེན་པོ་རཱ་ཧུ་ལ། །སྐུ་མདོག་དུད་ཁ་ཞལ་དགུ་པ། །ཕྱག་བཞི་དང་པོ་གཉིས་ཀྱིས་ནི། །རལ་གྲི་ཆུ་སྲིན་རྒྱལ་མཚན་འཛིན། །དེ་ཡི་ཕྱག་ནི་འོག་མ་གཉིས། །མདའ་གཞུ་སྦྲུལ་གྱི་ཞགས་པ་འཛིན། །མགོ་ལུས་མེད་པར་མིག་གིས་གང་། །ལྟོ་བ་མན་ཆད་སྦྲུལ་དུ་འཁྱིལ། །བྱ་རོག་དབུ་དང་བཅུ་ཡིས་བརྒྱན། །ནམ་མཁའ་ཡངས་པའི་ད་ལ་ནས། །གཟའ་བདུད་ཆེན་པོ་རཱ་ཧུ་ལ། །འདིར་གཤེགས་བརྒྱན་པའི་གཏོར་མ་བཞེས། །གསོལ་ལོ་མཆོད་དོ་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །ཁྱེད་ཀྱི་ཐུགས་དམ་བསྐངས་གྱུར་ནས། །བདག་དང་བསྲུང་བྱ་འདི་ཉིད་ལ། །གཟའ་ཡི་ནད་དང་གནོད་པ་ཀུན། །ད་ལྟ་ཉིད་དུ་ཞི་བར་མཛོད། །རང་དུག་རང་གིས་ད་ཕྱུངས་ཤིག །རང་མཚོན་རང་གིས་ཕར་སྡུས་ཤིག །གདུག་པའི་སྤུ་མདའ་ད་ཐོན་ཅིག །བསམ་སྦྱོར་ངན་པ་བྱས་པ་ཤིག །ལག་རྒྱུ་ངན་པས་བཅིངས་པ་ཁྲོལ། །མཐོང་བའི་དུག་དང་རེག་པའི་དུག །ཁ་རླངས་དུག་རྣམས་ཕྱིར་ཕྱུངས་ཤིག །བསམ་ངན་དུག་དང་དྲི་ཚོར་དུག །ཟེར་གྱི་

[Full Size]

དུག་རྣམས་ཕྱིར་ཕྱུངས་ཤིག །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཁྱོག །མཆོད་པའི་ངོ་གཅིག་ཁྱོད་ཀྱི་གྱིས། །ད་མཆོག་གསུམ་དང་གསང་བའི་བདག །སྲིད་པའི་རྒྱལ་མོའི་བཀའ་མ་བཅག །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་རཱ་ཧུ་ལ་སྭཱ་ཧཱ། ཨི་དཾ་བྷ་ལི་ཏ་སོགས། བདུན། ཨི་ལི་མི་ལི་རཱ་ཧུ་ལ་ཨ་ཡ་མ་བྲེ་དུ་ཏི་ཤ་ན་ལ་རཀྵ༔ ཅེས་བདུན་ཡན་ཆད་ཅི་འགྲུབ་བཟླས་ལ་ན་སར་ཕུ་བཏབ། སྔགས་འདི་བཟླས་ན་རང་བསྲུང་དང་གཞན་ལ་སྔགས་ཆུ་སྔགས་མར་སྲུང་སྐུད་སོགས་བྱས་ན་ཟབ་བོ།། བྷྱོ་གཟའ་བདུད་ཆེན་པོའི་ལྕམ་གཅིག་མ། །ཤར་གྱི་ཟོར་བའི་གདོང་ཅན་དཀར། །ཞལ་གཅིག་ཕྱག་གཉིས་ཟེར་བ་མདུང་། །སྲིང་མོའི་ཆས་ཀུན་ཡོངས་སུ་རྫོགས། །ཞབས་གཉིས་བཞེངས་པའི་སྟབས་ཀྱིས་བཞུགས། །འདིར་གཤེགས་བརྒྱན་པའི་གཏོར་མ་བཞེས། །གསོལ་ལོ་མཆོད་དོ་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས་།ཁྱེད་ཀྱི་ཐུགས་དམ་བསྐངས་གྱུར་ནས། །བདག་དང་བསྲུང་བྱ་འདི་ཉིད་ལ། །མིག་དམར་གཟའ་ཡི་གནོད་པ་ཟློག །མེ་གཟའི་ནད་ཀུན་ཞི་བར་མཛོད། །ཁྱོད་

[Full Size]

ནི་ལས་ཀྱི་དབང་མོ་ཆེ། །མིང་པོ་གཟའ་ཡི་ནད་དང་གདོན། །ཐམས་ཅད་ཁྱོད་ཀྱིས་བསྒྱུར་ཞིང་ཟློག །ཟས་ཀྱི་ངོ་གཅིག་ཁྱོད་ཀྱི་གྱིས། །སྲིད་པའི་རྒྱལ་མོའི་བཀའ་མ་བཅག །གསང་བའི་བདག་པོའི་དམ་མ་བཀྲལ། །བཅོལ་བའི་ཕྲིན་ལས་འགྲུབ་པར་མཛོད། །ཛཾ་མ་ར་རཱ་ཛ། ཨི་དཾ་བ་ལི་ཏ་སོགས། བྷྱོཿ རཱ་ཧུ་ལ་ཡི་ལྕམ་གཅིག་མ། །ལྷོ་ཡི་དྲེད་མོང་གདོང་ཅན་སེར། །ཞལ་གཅིག་ཕྱག་གཉིས་དྲེད་མོང་ཞལ། །སྲིན་མོའི་ཆས་ཀུན་ཡོངས་སུ་རྫོགས། །ཞབས་གཉིས་བཞེངས་པའི་སྟབས་ཀྱིས་བཞུགས། །འདིར་གཤེགས་བརྒྱན་པའི་གཏོར་མ་བཞེས། །གསོལ་ལོ་མཆོད་དོ་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །ཁྱེད་ཀྱི་ཐུགས་དམ་བསྐངས་གྱུར་ནས། །བདག་དང་བསྲུང་བྱ་འདི་ཉིད་ལ། །ཕུར་བུ་གཟའ་ཡི་གནོད་པ་ཟློག །རླུང་གཟའི་ནད་ཀུན་ཞི་བར་མཛོད། །ཁ་མིག་ཡོ་བའི་ནད་ཀུན་སོལ། །རྐང་ལག་ཞ་རེངས་ནད་ཀུན་ཁྲོལ། །བརྒྱལ་ཞིང་འབོག་པའི་ནད་ཀུན་སོལ། །ལོག་གྱུ་རྒོད་པའི་ནད་ཀུན་ཟློག །ཁྱོད་ནི་ལས་ཀྱི་དབང་མོ་ཆེ། །མིང་པོ་གཟའ་ཡི་སྐག་སྒྱུར་ཅིག །མཐུ་དང་ནུས་པ་ཅི་འདུག་བལྟ། །

[Full Size]

རྟགས་དང་མཚན་མ་དངོས་སུ་སྟོན། །སྲིད་པའི་རྒྱལ་མོའི་བཀའ་མ་བཅག །ཕྱག་ན་རྡོ་རྗེའི་དམ་མ་བཀྲལ། །བཅོལ་བའི་ཕྲིན་ལས་མྱུར་དུ་མཛོད། །ཧཱུྃ་མ་རཱ་ཧུ་ལ་ཧཱུྃ། ཨི་དཾ་བྷ་ལིཾ་སོགས། བྷྱོ༔ རཱ་ཧུ་ལ་ཡི་ལྕམ་གཅིག་མ། །ནུབ་ཀྱི་བ་ལང་གདོང་ཅན་དམར། །ཞལ་གཅིག་ཕྱག་གཉིས་བ་ལང་སྒྲོག །སྲིན་མོའི་ཆས་ཀུན་ཡོངས་སུ་རྫོགས། །ཞབས་གཉིས་བཞེངས་པའི་སྟབས་ཀྱིས་བཞུགས། །འདིར་གཤེགས་བརྒྱན་པའི་གཏོར་མ་བཞེས། །གསོལ་ལོ་མཆོད་དོ་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །ཁྱེད་ཀྱི་ཐུགས་དམ་བསྐངས་གྱུར་ནས། །བདག་དང་བསྲུང་བྱ་འདི་ཉིད་ལ། །སྤེན་པ་གཟའ་ཡི་གནོད་པ་ཟློག །ས་གཟའི་ནད་ཀུན་ཞི་བར་མཛོད། །ལྕི་ཞིང་འཐིབས་པའི་ནད་ཀུན་སོལ། །བྱིང་ཞིང་རྨུགས་པའི་ནད་ཀུན་སོལ། །འདུ་ཤེས་མེད་པའི་ནད་ཀུན་སོལ། །ཞི་ཞིང་རེངས་བའི་ནད་ཀུན་སོལ། ཁྱོད་ནི་ལས་ཀྱི་དབང་མོ་ཆེ། །མིང་པོ་གཟའ་ཡི་སྐག་ཟློག་ཅིག །ཟས་ཀྱི་ངོ་ཅིག་ཁྱོད་ཀྱི་གྱིས། །མཐུ་དང་ནུས་པ་ཅི་འདུག་བལྟ། །རྟགས་དང་མཚན་པ་དངོས་སུ་སྟོན། །

[Full Size]

སྲིད་པའི་རྒྱལ་མོའི་བཀའ་མ་བཅག །གསོ་སྔོན་ཅན་གྱི་དམ་མ་བཀྲལ། །བཅོལ་བའི་ཕྲིན་ལས་འགྲུབ་པར་མཛོད། །བི་མཱ་ར་ཡ་བི། ཨི་དཾ་བྷ་ལི་ཏ་སོགས། བྷྱོ་རཱ་ཧུ་ལ་ཡི་ལྕམ་གཅིག་མ། །བྱང་དུ་ཆུ་སྲིན་གདོང་ཅན་ལྗང་། །ཞལ་གཅིག་ཕྱག་གཉིས་ཆུ་སྲིན་དྲེལ། །སྲིན་མོའི་ཆས་ཀུན་ཡོངས་སུ་རྫོགས། །ཞབས་གཉིས་བཞེངས་པའི་སྟབས་ཀྱིས་བཞུགས། །འདིར་གཤེགས་བརྒྱན་པའི་གཏོར་མ་བཞེས། །གསོལ་ལོ་མཆོད་དོ་ཐུགས་དམ་བསྐང་། །ཐུགས་དང་འགལ་བ་མཐོལ་ཞིང་བཤགས། །ཁྱེད་ཀྱི་ཐུགས་དམ་བསྐངས་གྱུར་ནས། །བདག་དང་བསྲུང་བྱ་འདི་ཉིད་ལ། །ཟླ་བ་གཟའ་ཡི་གནོད་པ་ཟློག །ཆུ་གཟའི་ནད་ཀུན་ཞི་བར་མཛོད། །ཡན་ལག་བཤལ་བའི་ནད་ཀུན་སོལ། །རྩ་ཆུ་མི་སྡོམ་ནད་ཀུན་སོལ། །ཡུན་རིང་ན་བའི་གཟའ་ནད་སོལ། །ཁྱོད་ནི་ལས་ཀྱི་དབང་མོ་ཆེ། །མིང་པོ་གཟའ་ཡི་སྐག་ཟློག་ཅིག །ཟས་ཀྱི་ངོ་ཅིག་ཁྱོད་ཀྱི་གྱིས། །མཐུ་དང་ནུས་པ་ཅི་འདུག་བལྟ། །རྟགས་དང་མཚན་མ་དངོས་སུ་སྟོན། །སྲིད་པའི་རྒྱལ་མོའི་བཀའ་མ་བཅག །གོས་སྔོན་ཅན་གྱི་དམ་མ་བཀྲལ། །བཅོལ་བའི་ཕྲིན་ལས་མྱུར་འགྲུབ་

[Full Size]

མཛོད། །ཧཾ་མ་ར་བྷྱོ་ཧོ། ཨི་དཾ་བྷ་ལི་སོགས། བདུན། དེ་ནས་ངར་མི་བྲན་ལ། ཧཱུྃ། ང་ནི་དུས་ཀྱི་འཁོར་ལོའི་ཡུམ། །བཀའ་ནི་སྲིད་པའི་རྒྱལ་མོའི་བཀའ། །དྲང་སྲོང་འཁོར་བཅས་ཚུར་ཉོན་དང་། །གླུད་བདག་ཆེན་པོས་གླུད་ལོངས་ལ། །ཡས་བདག་ཆེན་པོས་ཡས་བཞེས་ཤིག །ད་མི་བས་བཟང་བའི་གླུད་ཅིག་འབུལ། །མི་ཞེས་བྱ་བ་ངན་པ་ཡིན། །རོ་སྟོད་སྣབས་ལུད་ཆར་བཞིན་འབེབས། །རོ་སྨད་དྲི་ཆུའི་རྫིང་བུ་འཁྱིལ། །སྐེད་པ་རྣག་དང་ཆུ་སེར་ཡིན། །གླུད་ཀྱི་ཡོན་ཏན་བསམ་མི་ཁྱབ། །ཟེར་མོང་འཕན་བཟང་མགོ་ཡི་སྐུ་རུ་མཛེས། །ལུང་ཐང་མིག་གིས་ཁམས་གསུམ་མཐོང་། །ལེ་བརྒན་ལྕེ་ཡི་བདེན་ཚིག་སྨྲ། །མགྲོན་བུའི་སོ་ནི་དཀར་ཞིང་མཛེས། །ཞོ་ཤའི་སྙིང་གི་སྔ་ཕྱི་དྲན། །དབང་པོ་ལག་པས་འདུ་བྱེད་མཁྱེན། །ཆུ་སྲིན་སྡེར་མོས་ས་བཅུ་བསྒོད། །མགོ་ལ་རིན་ཆེན་གསེར་གཡུས་བརྒྱན། །ཕྱུག་པོའི་བུ་མོ་མཛེས་མ་འདྲ། །སྐུ་ལ་དར་ཟབ་རྒྱན་གྱིས་བརྒྱན། །ཚོང་པ་ལམ་དུ་ཞུགས་པ་འདྲ། །གཡས་ན་བ་དན་རུ་མཚོན་ཐོགས། །གཡོན་ན་ལོ་གྲངས་ཁྲམ་ཤིང་བསྣམས། །བསྲོ་སྒྲ་ཆེན་པོ་དི་རི་རི། །སྐྱེས་

[Full Size]

ཕྲན་དམག་ལ་ཆས་པ་འདྲ། །ད་ནི་མི་བས་བཟང་བའི་གླུད་འབུལ་ལོ། །ཕྱག་ན་རྡོ་རྗེའི་བཀའ་མ་བཅག །ཡོན་བདག་དྲིན་ལེན་ཆུད་མ་གསན། །ཕུལ་བའི་གླུད་འདི་ད་བཞེས་་ལ། །ཁྱེད་དང་རྒྱུ་སྦྱོར་ཡོན་བདག་གཉིས། །དེ་རིང་ཉིད་དུ་འཇལ་དུམ་གྱིས། །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཁྱོག །བདེན་པའི་བཀའ་ལ་མི་ཉན་གང་ཡང་མེད། །དེ་བས་བདེན་པའི་བཀའ་ཉོན་ཅིག །གཟའ་ཡིས་ཁམས་གསུམ་ལན་ཆགས་པ། །ཉི་མ་དང་ནི་ཟླ་བ་དང་། །མིག་དམར་དང་ནི་ལྷག་པ་དང་། །ཕུར་བུ་དང་ནི་པ་ཝ་སངས། །སྤེན་པ་དང་ནི་སྒྲ་གཅན་འཛིན།། །གཟའ་ཆེན་བརྒྱད་པོ་འཁོར་བཅས་ཀྱིས། །སྔར་བྱས་ལན་ཆགས་འབྲེལ་པ་རྣམས། །གླུད་དང་གཏོར་མ་འདི་བཞེས་ལ། །བུ་ལོན་ལན་ཆགས་འཁོར་བ་གྱིས། །ཤ་འཁོན་མ་ལུས་བྱང་བར་གྱིས། །ལན་ཆགས་མ་ལུས་བྱང་བར་གྱིས། །སྐྱོན་གྲིབ་མ་ལུས་སེལ་བར་གྱིས། །མོ་ངན་འཚེར་རྩུབ་བསྒྱུར་བར་གྱིས། །བཅོལ་བའི་ཕྲིན་ལས་འགྲུབ་པར་མཛོད། །དེ་ནས་བུམ་ལྷ་ཡུམ་སྲས་གཉིས་འོད་དུ་ཞུ་བའི་བདུད་རྩིའི་རྒྱུན་གྱི་བུམ་ཆུ་ནང་དུ་བཏུང་བས་

[Full Size]

ནང་དོན་སྣོད་ལ་གནོད་པའི་ནད་ཐམས་ཅད་བ་མོར་ཉི་ཟེར་ཕོག་ལྟར་གྱུར། ཕྱིའི་ལུས་ལ་ཁྲུས་བྱས་པས། ཕྱི་ལུས་ཀྱི་ནད་ཐམས་ཅད་སངས་སངས་དག་པར་བསྒོམ། ཇི་ལྟར་བལྟམས་པ་སོགས། ཐིགས་གཅིག་འཐུང་ལ་ཡན་ལག་ལྔ་ཁྲུས་བྱེད་བཅུག་ཅིང་། ཧཱུྃ་ཧྲི་ཧྲི་མ་ཏྲི་ཨ་སུ་སྭཱ་ཧཱ། ཨོཾ་གཏུམ་པོ་ལེ་གཏུམ་པོ་ལེ། རྟེ་འབྲེ་ཆུ་འབྲིང་། སུ་སུ་མེ་མེ་ཤིག་ཤིག་སྭཱ་ཧཱ། ཨོཾ་གཟའ་ཁ་ཏྲ་རུ་ཏྲ་ཡེ་སྭཱ་ཧཱ། ཨོཾ་ཨ་ཡ་མ་པྲ་དུ་ཏི་ཤ་ན་ལ་ཡེ་སྭཱ་ཧཱ། ཨོཾ་སུ་བྷེ་རེ་ཏ་ན་ཡེ་སྭཱ་ཧཱ། ཨོཾ་ན་མོ་པ་རི་ན་ཡེ་སྭཱ་ཧཱ། ཨོཾ་བྷེ་ཧྥུ་མ་སུ་ར་ཙོ་གཏོར་རཱ་ཧུ་ལ་ར་མ་དྷིག །ཛཱི་ཤུ་ལ་ཚིལ་མ་ཁུག་ཐང་ཐང་མ་མ་བློ་བྷྱོ༔ ཡ་སྤྱི་པི་ནི་ཚལ་པ་ས་ན་བློ། སརྦ་པཱ་པཾ་ཛྭ་ལ་རཾ་གཟའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། དེ་ནས་མེ་ལོང་ངོས་ལ་ནད་པའི་གཟུགས་འཆར་བཅུག་ལ་ཆུ་ཐིགས་རེ་དང་སྔགས་རི་སྤྲད་ལ་ཁྲུས་བྱ་སྟེ། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིས་ནི། །ཅི་འདོད་དངོས་གྲུབ་སྩོལ་བར་མཛོད། །ཨོཾ་ཧྲི་མ་ཀྲི་ཨ་སུ་གཟའ་ཉི་མའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་གཟའ་ཟླ་བའི་ནད་

[Full Size]

དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་གཟའ་མིག་དམར་གྱི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་གཟའ་ལྷག་པའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ༀ་ཤྲཱི་མ་ཀྲི་ཨ་སུ་གཟའ་ཕུར་བུའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ༀ་ཤྲཱི་མ་ཀྲི་ཨ་སུ་གཟའ་པ་སངས་གི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་གཟའ་སྤེན་པའི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་གཟའ་རཱ་ཧུ་ལའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་སྤྲུལ་པའི་གཟའ་བརྒྱད་ཀྱི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་སྟག་སྲིན་ཟོར་བའི་གདོང་གི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ༀ་ཤྲཱི་མ་ཀྲི་ཨ་སུ་བམ་སྲིན་དྲེད་མོང་གདོང་གི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་རྐང་སྲིན་བ་གླང་གདོང་གི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་འབྲོག་སྲིན་ཆུ་སྲིན་གདོང་གི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་སྨིན་དྲུག་

[Full Size]

ལ་སོགས་ཤར་སྐར་དྲུག་གི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ༀ་ཤྲཱི་མ་ཀྲི་ཨ་སུ་མཆུ་སོགས་མེ་སྐར་དྲུག་གི་ནད་དང་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་ལྷག་མཚམས་ལ་སོགས་ལྕགས་སྐར་དྲུག་གི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་མོན་གྲེ་སོགས་ཆུ་སྐར་དྲུག་གི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་བྲ་ཉེ་ལ་སོགས་ས་སྐར་བཞིའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་མེ་གཟའི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་ཆུ་གཟའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧཱི་མ་ཀྲི་ཨ་སུ་ས་གཟའི་ནད་དང་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་ཧྲི་མ་ཀྲི་ཨ་སུ་རླུང་གཟའི་ནད་དང་གནོད་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། དེ་ནས་རྨ་བྱའི་མདངས་ཐོགས་ལ། ད་ངེད་དཔལ་ལྡན་དུས་ཀྱི་འཁོར་ལོའི་ཤེས་རབ་མ་སྒྲོལ་མ་སྣ་ཚོགས་ཡུམ་དུ་གསལ་བའི་ཕྱག་གཡས་ན་རྨ་བྱའི་སྒྲོ་མདངས་འདིའི་དབུས་སུ་ཟླ་བའི་དཀྱིལ་འཁོར་གྱི་སྟེང་དུ་དབུས་སུ། ཨེ་ཡིག་དམར་པོའི་མཐའ་མར་སྲིད་

[Full Size]

པའི་རྒྱལ་མོ་མུ་ཁ་ལེའི་སྔགས་ཀྱིས་བསྐོར་བའི་འོད་ཀྱིས་ཁྱེད་རང་གི་ལུས་ངག་ཡིད་གསུམ་ལ་གནོད་པའི་གཟའི་ནད་དང་གནོད་པ་ཐམས་ཅད། རྩིག་གསེང་གི་དུ་བ་རླུང་གིས་དེད་པ་ལྟར་ནག་བུན་བུན་ཕྱིར་ཕྱུངས་ནས། ངར་མི་འདི་ལ་སྤོ་བའི་ཚུལ་གྱིས་བྱབ་པར་སྒོམས་ཤིག །ཨོཾ་ཧྲིམ་ཏྲི་ཨ་སུ་གཟའ་ཉི་མའི་ནད་དང་གནོད་པ་སརྦ་ཨ་པ་ན་ཡེ་སྭཱ་ཧཱ། དེ་བཞིན་དུ་གོང་གིས་འགྲེས་ཐམས་ཅད་ལ་ཨ་པ་ན་ཡེ་སྦྱར་ཏེ་བྱབ་ཚུལ་བྱ། དེ་ལྟར་ཁྲུས་བྱབ་ཀྱི་ཆོ་ག་བྱས་པས། དེ་སྔོན་གདན་ནག་པོའི་སྟེང་དུ་ཡོད་པ། གདན་དཀར་པོའི་སྟེང་དུ་བཞག་པའི་མོས་པ་གྱིས། བལ་འདབ་དཀར་ནག་བརྗེ་ཐོན་ན་ལེགས་མ་ཐོན་ཀྱང་རུང་སྟེ། ཐལ་མོ་སྦྱར་བའི་བར་དུ་རྡོ་རྗེའི་རྩེ་མོ་འདི་ཟུང་ལ་རྗེས་ཟློས་མཛོད། སྡིག་པ་ཐམས་ཅད་བྱང་བྱས་ནས། །སྡུག་བསྔལ་ཐམས་ཅད་མེད་པར་བྱེད། །རྒྱུད་དོ་ཅོག་གི་རྩ་བ་སྟེ། །དཔལ་ཀུན་གྱིས་ནི་ལེགས་པར་བརྒྱན། །དེ་ལྟར་གཟའི་ནད་གདོན་ཁྲུས་ཀྱི་ཆོ་གས་བཀྲུས། བྱབ་པའི་ཆོ་གས་བྱབས་ནས། ད་ཕྱིན་ཆད་གཟའི་གནོད་པ་མི་འབྱུང་བར་བསྲུང་བའི་གོ་ཆ་བཀོན་པ་ནི། སློབ་དཔོན་སྣ་ཚོགས་ཡུམ་གྱི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ལ་ཕོག་

[Full Size]

པས། མདུན་བསྐྱེད་ཡུམ་ཉིད་བཞི་མུ་ཁ་ལེའི་ཐུགས་ཀ་ནས་སྣ་ཚོགས་རྡོ་རྗེའི་ཆར་བབས་ནས། ཁྱེད་རང་གི་ལུས་ལ་རྡོ་རྗེའི་གོ་ཁྲབ་ཞུ་ལུབས་སུ་བཀོན་པར་སྒོམས་ཤིག །སྤྱི་བོ་ནས་གནས་ལྔ། དཔུང་མགོ་གཉིས། པུས་མོ་གཉིས་མདུན་རྒྱབ་རྣམས་སུ་རྡོ་རྗེ་རྒྱ་གྲམ་བཞག །ༀ་ཧིམ་ཏྲི་ཨ་སུ་གཟའ་ཉི་མའི་ནད་དང་གནོད་པ་སརྦ་རཀྵ་རཀྵ་ཡེ་སྭཱ་ཧཱ། ཞེས་གོང་གི་ཐམས་ཅད་འགྲེས། རྒྱལ་བ་སྲས་བཅས་བདེན་པའི་བྱིན་རླབས་དང་། །ཉིད་བཞི་མུ་ཁ་ལེ་ཡི་བདེན་པའི་མཐུས། །འགྲོ་བ་འདི་དག་བདག་གིས་བསྲུངས་ཟིན་གྱི། །འདི་ལ་སུས་ཀྱང་གནོད་པ་མ་བྱེད་ཅིག །ཨོཾ་ཧྲི་མ་ཏྲ་ཨ་སུ་བཛྲ་རཀྵ་རཀྵ་ཀུ་རུ་ཡེ་སྭཱ་ཧཱ། མེ་ཏོག་འཐོར་ཞིང་། བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་ཡི། །མཐུན་པ་འགྲུབ་ཅིང་ཕུན་སུམ་ཚོགས་གྱུར་པ། །བཀྲ་ཤིས་དེས་ཀྱང་དེང་འདིར་བདེ་ཤོག །ནད་རིགས་བཞི་བརྒྱ་རྩ་བཞི་ཞི་བ་དང་། །སོགས། སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག །འགྲོ་བའི་ནད་རྣམས་མ་ལུས་པ། །རྟག་ཏུ་འབྱུང་བ་མེད་པར་ཤོག །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། དེ་ནས་ངར་མི་ཁ་ཕྱིར་སྒྱུར། །

[Full Size]

གཏོར་མ་གཉིས་ཀྱང་གསོ་བྲན་བྱས་ལ། བུམ་པའི་ནང་གི་བུམ་ཆུའི་ལྷག་མ་སྐད་ཅིག་གིས། སྲིད་པའི་རྒྱལ་མོ་མུ་ཁ་ལེ་དང་། དེའི་བྷ་གའི་ནང་དུ་སྲས་རཱ་ཧུ་ལ་མངོན་སུམ་དུ་གསལ་བར་གྱུར། ཨོཾ་ཧྲིམ་ཀྲི་ཨ་སུ་རཱ་ཧུ་ལ་ཨརྒྷཾ་སོགས། བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱིས། །ལུས་བཏུད་པ་ཡི་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། །ངར་མི་ཟན་དུམ་མམ་འབྲུ་སྣས་གསོས་ལ། རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ལོ། །ཨོཾ་སམྦྷ་ར་སོགས། བདུན། ཧཱུྃ། འཇིག་རྟེན་ཁམས་ན་དབང་ཆེ་བའི། །སྡེ་བརྒྱད་ཀུན་གྱི་དམག་དཔོན་ཏེ། །ཁྱབ་འཇུག་ཆེན་པོ་རཱ་ཧུ་ལ། །དེ་ཡི་འཁོར་དུ་གཏོགས་པ་ཡི། །བགེགས་དང་འབྱུང་པོ་འདྲེ་ངན་ཚོགས། །ཟ་རེ་འཐུང་སྐོམ་བྱེད་པ་ཡི། །ལན་ཆགས་བདག་པོ་ཐམས་ཅད་ཀྱིས། །འདོད་ཡོན་གླུད་གཏོར་འདི་ཁྱེར་ལ། །ལན་ཆགས་བུ་ལོན་བྲལ་བར་གྱིས། །གནས་འདིར་མ་འདུག་མྱུར་དུ་དེངས། །ཕྱིན་ཆད་མ་ཉེ་མ་འཁོར་ཅིག །ཨོཾ་སརྦ་བིགྷ་ནཱན་གཙཱ་གཙྪ། ཧཱུྃ། གཟའ་བདུད་ཆེན་པོ་རཱ་

[Full Size]

ཧུ་ལ། །སྲིང་མོ་གདོང་མོ་མཆེད་བཞི་དང་། །གཟའ་བརྒྱད་རྒྱུ་སྐར་ཉེར་བརྒྱད་སོགས། །དང་པོ་ལན་གཅིག་མི་འབྱོན་རྒྱུ། །སྲིད་པའི་རྒྱལ་མོ་བཀའ་རེ་གཉན། །འཇིག་རྟེན་མི་ཡུལ་གནས་འདི་རུ། །འགྲོ་བ་སེམས་ཅན་དོན་ལ་དགོངས། །ད་ལྟ་ལན་གཅིག་མི་གཤེགས་རྒྱུ། །འཇིག་རྟེན་ཁམས་འདི་བསྲུང་མཚམས་བཀའ། །འདི་ན་ཕྲག་དོག་སྐྱེ་མཆེད་མང་། །དེ་ནས་འདི་ན་ཉོན་མོངས་དོགས། །གཟའ་དང་རྒྱུ་སྐར་ས་བདག་རྣམས། །སོ་སོ་རང་རང་གནས་སུ་གཤེགས། །ནམ་མཁའི་སྤྲིན་དང་འཇའ་ཚོན་ཡང་། །ལན་གཅིག་སྤྲུལ་པ་མངོན་དུ་བྱུང་། །དེ་ནས་སྤྲུལ་པ་སླར་ལ་གཤེགས། །བར་སྣང་ལྷོ་འུར་སྨུག་སྨུག་ཀྱང་། །ལན་གཅིག་སྤྲུལ་པ་མངོན་དུ་བྱུང་། །དེ་ནས་སྤྲུལ་པ་སླར་ལ་གཤེགས། །སྤྲུལ་པ་རིགས་ཀྱི་འཁོར་བ་ཡིན། །དེ་བས་གཟའ་དང་རྒྱུ་སྐར་རྣམས། །སྤྲུལ་པ་རང་རང་གནས་སུ་གཤེགས། །འཇིག་རྟེན་མི་ཡུལ་གནས་འདི་རུ། །མནོལ་མེད་ཐབ་གཞོབ་འཁོན་སྦྱར་དང་། །ལྟོགས་རྨེ་རྒྱུན་ནི་མི་འཆད་དོ། །ཉོན་མོངས་དུག་ནི་རྒྱ་མཚོ་འདྲ། །མནོལ་གྱི་རླངས་པ་རྒྱུན་མི་འཆད། །དེ་བས་

[Full Size]

གཟའ་དང་རྒྱུ་སྐར་རྣམས། །སོ་སོ་རང་རང་གནས་སུ་གཤེགས། །མདོས་གླུད་མཆོད་གཏོར་འདི་བཞེས་ལ། །དམིགས་མེད་ངང་དུ་བསྔོ་བར་བགྱི། །རང་རང་འདོད་པ་བསྐང་གྱུར་ཅིག །ད་ནི་གཟའ་གཤེགས་ཤ་ར་ར། །སྐར་གཤེགས་དེ་ནི་སི་ལི་ལི། །གཟའ་གཤེགས་དེ་ནི་དགུང་དུ་གཤེགས། །སྐར་གཤེགས་དེ་ནི་གནམ་དུ་གཤེགས། །ནམ་མཁའ་སྟོང་པ་གཟའ་ཡི་ལམ། །བར་སྣང་སྟོང་པ་སྐོར་གྱི་ལམ། །གཟའ་ལམ་དེ་ནི་གནམ་དུ་བསྟན། །སྐར་གཤེགས་དེ་ནི་དགུང་དུ་གཤེགས། །དར་ལམ་མེར་མེར་དག་ལ་གཤེགས། །འཇའ་ལམ་གྱི་གྲུ་དག་ལ་གཤེགས། །མི་མངོན་ནམ་མཁའི་དབྱིངས་སུ་གཤེགས། །ཆོས་ཀྱི་དབྱིངས་སུ་ལམ་བསྟན་ནོ། །ཆོས་ཀྱི་དབྱིངས་ནས་ཕྱིར་མ་ལྡོག །ཨཱི་ར་ཧུ་ལ་ས་པཱ་རི་ཝ་ར་སརྦ་གཙྪགཙྪ། བྷྱོ༔ སྣང་སྲིད་ཡུམ་གྱི་བྷ་གའི་ཀློང་། །དུས་གསུམ་བདེ་གཤེགས་ཡུམ་ཀློང་བསྐྱེད། །རྟག་པའི་རྒྱལ་མོ་མུ་ཁ་ལེ། །ཡེ་ཤེས་མ་མོ་ཆེན་མོ་སྟེ། །བླ་མེད་ཧེ་རུ་ཀ་དང་སྦྱོར། །ཡུམ་ཆེན་ཉིད་བཞི་མུ་ཁ་ལེ། །ཕ་མ་མེད་པའི་སྔོན་ནས་བྱུང་། །སངས་རྒྱས་རྣམས་ལས་ཤིན་ཏུ་སྔ། །དྲེགས་བྱེད་ཀུན་གྱི་ཡུམ་

[Full Size]

རྒན་ཏེ། །ཁྱད་པར་དྲང་སྲོང་གཟའ་ཡི་ཡུམ། །སྲིད་པ་གསུམ་ན་དབང་ཆེ་བ། །སྲིད་པའི་རྒྱལ་མོ་མུ་ཁ་ལེ། །མཆོད་ཅིང་བསྟོད་དེ་ཕྱག་ཀྱང་འཚལ། །བརྒྱན་པའི་གཏོར་མ་འདི་བཞེས་ལ། །བདག་དང་བསྲུང་བྱ་འདི་ཉིད་ལ། །གནོད་པའི་གཟའ་ཡི་ནད་གདོན་ཟློག །ཉི་མ་མིག་དམར་ལ་སོགས་པའི། །མེ་གཟའི་གནོད་པ་ཐམས་ཅད་ཟློག །ཟླ་བ་ལྷག་པ་ལ་སོགས་པའི། །ཆུ་གཟའི་གནོད་པ་ཐམས་ཅད་ཟློག །དྲང་སྲོང་ཕུར་བུ་ལ་སོགས་པའི། །རླུང་གཟའི་གནོད་པ་ཐམས་ཅད་ཟློག །པ་སངས་སྤེན་པ་ལ་སོགས་པའི། །ས་གཟའི་གནོད་པ་ཐམས་ཅད་ཟློག །རཀཱ་ཀློག་ཕྲེང་ལ་སོགས་པའི། །ཕོ་གཟའ་སྲིན་པོའི་གནོད་པ་ཟློག །སྦལ་མགོ་ཁྲག་མིག་ལ་སོགས་པའི། །མོ་གཟའ་ཀླུ་ཡི་གནོད་པ་ཟློག །ཁྱབ་འཇུག་སྒྲ་གཅན་ལ་སོགས་པའི། །ནམ་མཁའི་གཟའ་ཡི་གནོད་པ་ཟློག །བིཥི་དུ་བ་མཇུག་རིང་སོགས། །སྤྲུལ་པའི་གཟའ་བརྒྱད་གནོད་པ་ཟློག །གདོང་མོ་མཆེད་བཞི་ལ་སོགས་པའི། །མོ་གདོན་གཟའ་ཡི་གནོད་པ་ཟློག །རྒྱུ་སྐར་ཉི་ཤུ་བརྒྱད་ལ་སོགས། །གཟའ་སྐར་ཀུན་གྱི་གནོད་པ་ཟློག །སྲིད་པའི་རྒྱལ་

[Full Size]

མོ་མཐུ་མོ་ཆེ། །བདག་དང་བསྲུང་བྱ་འདི་ཉིད་ལ། །གནོད་ཅིང་འཚེ་བར་བྱེད་པ་ཡི། །སྟེང་གདོན་གཟའ་ཡི་ནད་རྣམས་ཀུན། །ཐམས་ཅད་ཁྱོད་ཀྱི་དབང་དུ་སྡུས། །རང་དབང་མེད་པར་ད་ཁྱེར་ལ། །སུམ་ཅུ་རྩ་གསུམ་ལྷ་ཡི་ཡུལ། །བདེ་སྐྱིད་ལྡན་པའི་གནས་སུ་གཤེགས། །རི་རབ་ཆེན་པོའི་བྱང་ཤར་མཚམས། །ཡོངས་འདུས་ཤིང་གི་རྩ་བར་གཤེགས། །སྲིད་པའི་རྒྱལ་མོ་བཞུགས་པའི་གནས། །མུ་ལེ་མཐིང་མཚོའི་ནང་དུ་གཤེགས། །སྣང་སྲིད་ཐམས་ཅད་ཡུམ་གྱི་ཀློང་། །ཆོས་ཀྱི་དབྱིངས་སུ་གཤེགས་སུ་གསོལ། །ཨཱི་ཧྲིམ་ཀྲི་ཨ་སུ་བཛྲ་མུ༔ ཞེས་བརྗོད་པས་མདུན་བསྐྱེད་དང་བུམ་བསྐྱེད་ཐམས་ཅད་རང་གནས་སུ་གཤེགས་པར་བསམས་ལ། དང་པོ་ཁྲུས་ཆུ་དང་བགེགས་གཏོར། དེ་ནས་གཟའ་གཏོར། དེ་ནས་ཡུམ་གཏོར་ཁྱེར་ཏེ། །འདྲེ་ལྔ་བདུད་གཅོད་དམ་ལོ་བདུད་སྟེང་ངམ། ཕྱོགས་གཙང་སར་ཕུལ་རྒྱུ་བསྐུར། དེ་རྣམས་རྩི་མ་ཤེས་ན་རཱ་ཧུ་ལའི་འདུག་སའི་གནས་ཕྱོགས་ལྷོ་ནུབཏུ་ངར་མི་དང་གཟའ་གཏོར་ཕུལ། མ་མོའི་གནས་ཕྱོགས་བྱང་ཤར་དུ་ཡུམ་གྱི་གཏོར་མ་ཕུལ། དེས་གཟའི་ནད་གདོན་ལས་གྲོལ་བར་འགྱུར་ཏེ། བཀའ་མ་དང་གནམ་ཆོས་དང་དགོངས་གཏེར་གསུམ་གྱི་དོན་བསྡུས་ནས། ཕྱི་རབས་ནད་པ་རྣམས་ལ་ཕན་པའི་སེམས་ཀྱིས། ༧ རཱ་ག་ཨ་སྱས་བཀོད་པའི་ཡི་གེ་པ་ནི་དགེ་སློང་

[Full Size]

བིརྱཱ་སྟེ། ཉེས་འགལ་མཆིས་ན་གཟའ་དང་རྒྱུ་སྐར་གྱི་ཚོགས་ལ་བཤགས་ཤིང་། དགེ་བས་ཕྱི་རབས་གཟའ་ནད་ཀྱིས་འཚེ་བ་རྣམས་ལ། མི་འཇིགས་སྐྱབས་ཀྱི་སྦྱིན་པར་གྱུར་ཅིག མངྒ་ལཾ་ཤྲཱི་ཛཱ་ལ་ཛམྦུ་ཨ་ལངྐ་ར་བྷ་ཝནྟུ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྡོ་རྗེ་རྣམ་པར་འཇོམས་པའི་རྒྱུན་ཁྱེར་ཡིད་ཀྱི་ཟླ་ཟེར།

[Full Size]

རྡོ་རྗེ་རྣམ་པར་འཇོམས་པའི་རྒྱུན་ཁྱེར་ཡིད་ཀྱི་ཟླ་ཟེར་ཞེས་བྱ་བ་བི་ཛ་ཧ་ར། བླ་མ་དཀོན་མཆོག་གསུམ་ལ་སྐྱབས་སུ་མཆི། །འགྲོ་ཀུན་དོན་དུ་རྣམ་པར་འཇོམས་པ་བསྒྲུབ། །རང་ཉིད་ལྷར་གསལ་འོད་ཀྱིས་ཚོགས་ཞིང་རྣམས། །ནམ་མཁའ་སྤྱན་དྲངས་ཕྱག་འཚལ་མཆོད་ཚོགས་འབུལ། །སྡིག་པ་ཀུན་བཤགས་དགེ་ལ་རྗེས་ཡི་རང་། །ཆོས་འཁོར་བསྐོར་ཞིང་རྟག་པར་བཞུགས་གསོལ་འདེབས། །དགེ་བས་འགྲོ་ཀུན་བྱང་ཆུབ་ཐོབ་ཕྱིར་བསྔོ། །འགྲོ་ཀུན་བདེ་ལྡན་སྡུག་བསྔལ་ཀུན་བྲལ་ཞིང་། །བདེ་དང་མི་འབྲལ་བཏང་སྙོམས་ལ་གནས་ཤོག །ཚོགས་ཞིང་རང་ཐིམ་མི་དམིགས་སྟོང་ཉིད་ངང་། །རྡོ་རྗེའི་རྭ་གུར་མེ་རི་འབར་བའི་ནང་། །པད་ཉི་ཧཱུྃ་ལས་རྒྱ་གྲམ་ཧཱུྃ་མཚན་ལས། །འོད་འཕྲོས་དོན་གཉིས་བྱས་ནས་ཚུར་འདུས་པས། །རང་ཉིད་རྣམ་འཇོམས་ལྗང་སྔོན་ཁྲོ་ཞིང་འཛུམ། །དབུ་སྐྲ་ཁམ་སེར་གྱེན་བརྫེས་སྤྱན་གསུམ་ལྡན། །ཕྱག་གཡས་སྣ་ཚོགས་རྡོ་རྗེ་ཐུགས་ཀར་གསོལ། །གཡོན་པས་དྲིལ་བུ་དཀུར་བརྟེན་སྐྱིལ་ཀྲུང་བཞུགས། །དར་དང་རིན་ཆེན་རྒྱུན་ལྡན་མེ་དཔུང་འབར། །གནས་གསུམ་འབྲུ་གསུམ་ཧཱུྃ་ལས་འོད་འཕྲོས་པས། །ཡེ་

[Full Size]

ཤེས་སྤྱན་དྲངས་དམ་ཡེ་དབྱེར་མེད་ཅིང་། །དབང་ལྷས་དབང་བསྐུར་རྡོར་སེམས་དབུ་བརྒྱན་གྱུར། །ཐུགས་ཀར་ཉི་སྟེང་སྣ་ཚོགས་རྡོ་རྗེའི་ལྟེར། །ཧཱུྃ་མཐར་གཟུངས་སྔགས་གཡས་སུ་འཁོར་བ་ཡི། །འོད་ཀྱིས་གྲིབ་དང་སྔགས་ཀྱི་ལྷག་ཆད་སྦྱངས། །རིག་སྔགས་ནུས་མཐུ་དཔག་མེད་འཕེལ་བར་གྱུར། །རྒྱ་གར་སྐད་དུ་བཛྲ་བི་དཱ་ར་ཎ་སོགས་གཞུང་ཅི་ནུས་བཟླ། དེ་ནས། རང་ལས་སྤྲུལ་པའི་མཆོད་པའི་ལྷ་མོ་ཡིས། །རྡོ་རྗེ་རྣམ་པར་འཇོམས་ལ་མཆོད་ཅིང་བསྟོད། །ཨོཾ་བཛྲ་བི་དཱ་ར་ན་ཨརྒྷཾ་སོགས་ཤབྟ་ཨཱཿཧཱུྃ། དེ་བཞིན་གཤེགས་པ་ཐམས་ཅད་ཀྱི། །མཐུ་སྟོབས་གཅིག་ཏུ་བསྡུས་པ་ཡི། །རྡོ་རྗེ་ཁྲོ་བོའི་སྐུར་སྟོན་པ། །རྣམ་པར་འཇོམས་ལ་ཕྱག་འཚལ་བསྟོད། །ཡེ་ཤེས་པ་གཤེགས་དམ་ཚིག་མི་དམིགས་གྱུར། །དགེ་བས་རྡོ་རྗེ་རྣམ་འཇོམས་བདག་འགྲུབ་ཤོག །ཅེས་ཨོཾ་རྒྱན་རིག་འཛིན་རྒྱུན་ཁྱེར་དུ། ཨ་རྭ་གིས་བྲིས་པ་ཉེས་བཤགས་དགེ་བ་བྱང་ཆུབ་རྒྱུ་བསྔོའོ། །སརྦ་མངྒ་ལཾ།། །།

གནམ་ཆོས་ལས་བྱུང་བའི་རྣམ་འཇོམས་ལྗང་གུའི་བྱབ་ཁྲུས།

[Full Size]

གནམ་ཆོས་ལས་བྱུང་བའི་རྣམ་འཇོམས་ལྗང་གུའི་བྱབ་ཁྲུས་བཞུགས་སོ༔

[Full Size]

རྡོ་རྗེ་རྣམ་པར་འཇོམས་ལ་འདུད༔ དེ་ཉིད་བསྒྲུབ་པའི་རིམ་པ་ནི༔ ཞལ་གདམས་མན་ངག་ཁ་བཀང་སྟེ༔ བྱབ་ཁྲུས་ཟབ་ཐབས་མདོར་བསྡུས་བྲི༔ ཆོས་བདག་སྲུང་མས་བཀའ་གནང་སྩོལ༔ བུམ་པ་མཆོད་པ་སྤྱི་ལྟར་བཤམས༔ དེ་ནས་འདི་ཉིད་འདོན་སྒོམ་སྦྲག་ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ཀ་དག་ཀློང་ནས་སྤྲུལ་པ་ཡི༔ གནམ་ས་གང་བའི་མཆོད་པའི་སྤྲིན༔ མཆོད་པ་སྣ་བདུན་འདོད་ཡོན་ལྔ༔ ཟད་མེད་གྱུར་ཅིག་པཱུ་ཛ་ཧོ༔ དྲན་རྫོགས་

[Full Size]

དམ་ཡེ་དབྱེར་མེད་པའི༔ རང་དང་མདུན་བསྐྱེད་གཏོར་མའི་རྩེར༔ མཚན་ཉིད་ཡོངས་རྫོགས་བུམ་པའི་ནང་བུམ་ལྷ་རྣམ་འཇོམས་ལྗང་སྔོན་ལ༔ ཞལ་གཅིག་ཕྱག་གཉིས་གཡས་པ་ཡིས༔ སྣ་ཚོགས་རྡོ་རྗེ་ཐུགས་ཀར་གསོར༔ གཡོན་པས་དྲིལ་བུ་དཀུ་ལ་བརྟེན་ཞབས་གཉིས་སེམས་དཔའི་སྐྱིལ་ཀྲུང་བཞུགས༔ དར་དང་རིན་པོ་ཆེ་ཡིས་བརྒྱན༔ ཞལ་གཅིག་ལ་ནི་སྤྱན་གསུམ་པ༔ ཞལ་ནི་འཛུམ་ལ་སྤྱན་ནི་བསྒྲད༔ པདྨ་ཉི་ཟླའི་གདན་ལ་བཞུགས༔ ཐུགས་ཀའི་ཧཱུྃ་ལ་སྔགས་བསྐོར་ལས༔ འོད་ཟེར་དཔག་ཏུ་མེད་པ་འཕྲོས༔ རྡོ་རྗེ་རྣམ་

[Full Size]

འཇོམས་དཔག་མེད་པ༔ བུ་ཡུག་འཚུབ་བཞིན་སྤྱན་དྲངས་ཏེ༔ བདག་མདུན་བུམ་ལྷ་རྣམས་ལ་ཐིམ༔ བུམ་ལྷའི་སྐུ་ལས་བདུད་རྩིའི་རྒྱུན༔ བབས་པས་བུམ་པ་གང་བར་གྱུར༔ རྒྱས་པར་བྱེད་ན་གཟུངས་རིང་ཚར་བདུན༔ འབྲིང་ལ། ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ༔ བྷནྡྷ་བྷནྡ༔ ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ༔ དེ་ལ་ཉེར་གཅིག༔ བསྡུས་པ་ལ། ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ་སྭཱ་ཧཱཿ དེ་ལ་བརྒྱ་རྩ་བཟླས་ནས༔ ཨོཾ་བཛྲ་བི་དཱ་ར་ཎ་ཨརྒྷཾ་ནས། ཤཔྟ་ཨཱཿཧཱུྃ༔ དེ་བཞིན་གཤེགས་པ་ཐམས་ཅད་ཀྱི༔ མཐུ་སྟོབས་གཅིག་ཏུ་བསྡུས་པ་བའི་སྐུར་སྟོན་པའི༔ རྣམ་པར་འཇོམས་ལ་ཕྱག་འཚལ་བསྟོད༔ དེ་ཡིས་རྣམ་འཇོམས་བུམ་ཆོག་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཤམ༔ ཧྱ༔ དེ་ནས་ནད་པ་སོགས་འཚོགས་ལ། ཆབ་བླངས་མཎྜལ་ཕུལ་ནས༔ འོ་ན་ད་ལམ་ཁྱེད་རྣམས་ལ་རྡོ་རྗེ་རྣམ་པར་འཇོམས་པའི་སྒོ་ནས་ཁྲུས་བྱབ་སྲུང་གསུམ་གྱི་ཆོ་ག་བྱེད་པ་ཡིན་པས༔ དེ་ལ་ལོ་རྒྱུས་ཟུར་ཙམ་ཞུ་ན༔ ལྷ་འདིའི་ངོ་བོ་ནི་བྱ་རྒྱུད་ཀྱི་སྐབས་སུ་རྡོ་རྗེ་རྣམ་འཇོམས༔ སྔགས་སྤྱིའི་སྐབས་སུ་ཕྱག་ན་རྡོ་རྗེ། བླ་མེད་ཀྱི་སྐབས་སུ་རྡོ་རྗེ་གཞོན་ནུ་རྣམས་དོན་གཅིག་པས༔ བར་

[Full Size]

ཆད་སེལ་བའི་མཆོག་ཡིན་པར་ཨོ་རྒྱན་ཆེན་པོས་གསུངས༔ འདིའི་རྒྱུད་གསུང་ཚུལ་ནི༔ སྔོན་རྒྱལ་པོ་མ་སྐྱེས་དགྲ་ཞེས་བྱ་བ་བདུད་ལྷས་བྱིན་གྱིས་བསླུས་ནས༔ གཙུག་ལག་ཁང་དང་མཆོད་རྟེན་རྣམས་བཤིགས༔ གླེགས་བམ་རྣམས་མེར་བསྲེགས་ཤིང་ཆུར་བསྐུར༔ རང་གི་ཕ་བཙོན་དོང་དུ་བཅུག་ནས་འཆིར་བཅུག་པས༔ འཇིག་རྟེན་སྐྱོང་བའི་དཔལ་མགོན་བདུན་ཅུ་རྣམས་འཁྲུགས་ནས༔ མི་ནད་དང་ཕྱུགས་ནད་ཀྱི་རྒྱུན་ཆེན་པོ་བབས༔ རྒྱལ་པོ་ཉིད་ནད་རྐང་བཀྲས་ཟིན་ནས་ཟུག་གཟེར་ཆེན་པོ་བྱུང་༔ དེ་ལ་ཕན་པའི་ཐབས་རྒྱལ་པོ་ཆེན་པོ་སྡེ་བཞིས་བཅོམ་ལྡན་འདས་ཤཱཀྱ་ཐུབ་པ་ལ་ཞུས་པས༔ བཅོམ་ལྡན་འདས་ཀྱིས་ཕྱག་ན་རྡོ་རྗེ་བྱིན་གྱིས་བརླབས་པས༔ སངས་རྒྱས་ཀྱི་མཐུས་ལག་ན་རྡོ་རྗེས་འདིའི་རྒྱུད་ལེའུ་བརྒྱ་རྩ་བརྒྱད་པ་གསུངས་ཏེ༔ ལེའུ་དང་པོ་ཁྲུས་ཀྱི་ལེའུ་ལས༔ རྒྱལ་པོས་རྟག་ཏུ་ཁྲུས་གྱིས་ཤིག༔ ཅེས་གསུངས་པས༔ རྒྱལ་པོ་ཆེན་པོ་སྡེ་བཞིས་རྒྱལ་པོ་མ་སྐྱེས་དགྲས་ལོག་པ་བྱས་ནས་མིང་ལོག་པའི་སྙིང་པོ་ཅན་ཞེས་གྲགས་པ་དེ་ལ་བཤད༔ རྒྱལ་པོས་འདིའི་ཁྲུས་བྱས་པས་བསྟན་པ་བཤིགས་པ་དང་༔ ཕ་བསད་པའི་སྡིག་པ་

[Full Size]

དག་ཅིང་ནད་རྐང་བཀྲ་ཡང་ཕན༔ མི་ནད་ཕྱུགས་ནད་རྒྱུན་ཆདཱུ༔ རྒྱལ་པོ་ཡང་རིམ་གྱིས་བྱང་ཆུབ་ཀྱི་འབྲས་བུ་ཐོབ་པར་གྱུར་ཏོ༔ ཡང་རྒྱལ་པོ་གཟུགས་ཅན་སྙིང་པོ་དེའི་ལུས་ངག་ཡིད་གསུམ་གྱི་སྒྲིབ་པ་མ་དག་ནས༔ དཔྲལ་བ་མགྲིན་པ་སྙིང་ག་གསུམ་དུ་སྦ་བ་ཤིན་ཏུ་ཆེ་བ་གསུམ་བྱུང་ནས་དེ་ལ་ཟུག་གཟེར་ཆེན་པོ་བྱུང་ཞིང་ཅིས་ཀྱང་མ་ཕན་པ་ལ༔ འདིའི་ཁྲུས་བྱས་པས་སྒྲིབ་པ་དག༔ ལྔ་བ་ལ་ཕན༔ བྱང་ཆུབ་ཀྱི་ས་བོན་ཐེབས་སོ༔ པཎྜི་ཏ་ནཱ་རོ་པས་གསང་སྔགས་མ་གསང་ལྷུག་པར་བཤད་པས་གསང་བའི་དམ་ཚིག་ཉམས་ནས་ལྗགས་ལ་ཆུ་བུར་ཤིན་ཏུ་ཆེ་བ་ཞིག་བྱུང་སྟེ་འདས་ལ་ཁད་པ་ལ༔ དགེ་སློང་དབང་ཕྱུག་དཔའ་བོས་ལུང་བསྟན་ནས་འདིའི་ཁྲུས་བྱས་པས་དམ་ཚིག་ཉམས་པ་དག་ནས་ལྗགས་ཀྱི་ཆུ་བུར་ཕན་ཞིང་བྱང་ཆུབ་ཀྱི་འབྲས་བུ་ཐོབ་བོ༔ བོད་ཀྱི་རྒྱལ་བློན་རྣམས་ཀྱིས་སྐུ་རིམ་གྱི་གཙོ་བོར་འདིའི་ཁྲུས་མཛད་པས་བསམ་ཡས་སུ་རྣམ་དག་ཁྲུས་ཁང་གླིང་ཞེས་བྱ་བའི་གཙུག་ལག་ཁང་བཞེངས༔ དེའི་རྒྱུན་ལ་བོད་དབུས་གཙང་གི་སྡེ་རིགས་ཆེན་པོ་རྣམས་ཀྱིས་བླ་མཆོད་དགེ་སློང་རེ་བཞག་ནས་རྒྱལ་པོ་བཙུན་མོ་རྣམས་ཀྱིས་ནངས་རེ་བཞིན་འདིའི་ཁྲུས་བྱེད་

[Full Size]

པ་ཡང་བྱུང་༔ ལྷ་རྣམས་རྒྱབ་ཀྱི་ཕྱོགས་པ་དང་༔ ཞེས་པས་ཕོ་ལྷ་དགྲ་ལྷ་ཕྲག་ལྷ་ལ་སོགས་པ་སྐྱོབ་པའི་ལྷ་ལྔ་བརྟེན་པའི་ལྷ་དགུ་རྣམས་ཉམས་པ་དང་རྨུགས་པ་དང་མནོལ་བ་དང་མི་དགྱེས་པ་རྣམས་ཁྲུས་འདིས་སོར་ཆུད་ནས་ལྷ་ངོ་མཐོ་བར་འགྱུར༔ སེམས་ཅན་དབང་པོ་ཉམས་པ་དང་༔ ཞེས་པས་མིག་གི་དབང་པོ་ལ་མིག་ནད་ཀྱི་རིགས་བྱུང་བ་དང་༔ རྣ་བའི་དབང་པོས་སྒྲ་མི་ཐོས་པར་འོན་པ་དང་༔ ལྕེའི་དབང་པོ་ལ་དིག་ལྷུགས་བྱུང་བ་དང་༔ ཡིད་ཀྱི་དབང་པོ་ཉམས་ཏེ་སྨྱོ་བ་དང་༔ ཡིད་མི་བདེ་བ་རྣམས་ཀྱང་འདིས་སེལ༔ གཟའ་དང་རྒྱུ་སྐར་བྱད་སྟེམས་དང་༔ ཞེས་པས་གཟའི་ནད་དང་གཏད་འོག་ཏུ་སོང་བ་རྣམས་ཀྱང་འདིས་སེལ་ལོ༔ མི་བཟད་གདོན་གྱིས་ཉེན་པ་དང་༔ ཞེས་པས་ཀླུ་བདུད་དང་རྒྱལ་འགོང་དང་ལམ་འདྲེ་ལ་སོགས་པ་གདོན་རྒོད་ཤིན་ཏུ་མི་བཟད་པའི་གནོད་པ་ཡང་འདིས་སེལ་ལོ༔ མྱ་ངན་ངལ་ལས་བྱུང་བ་ཡིས༔ ཞེས་པས་བཙོན་དུ་བཟུང་བའི་བཙོན་སྣའི་གྲིབ་དང་༔ རོ་ཁུར་བའི་རོ་གྲིབ་དང་༔ ཡུགས་སར་གྱུར་པའི་ཡུགས་གྲིབ་དང་༔ མཛེ་ཕོ་དང་ཟས་གོས་འདྲེས་པའི་མཛེ་གྲིབ་རྣམས་ཀྱང་འདིས་སེལ་ལོ༔

[Full Size]

དེ་བཞིན་དུ་ཟས་གྲིབ་དང་བཙོག་གྲིབ་དང་ཉམས་གྲིབ་རྣམས་ཀྱང་འདིས་སེལ་ཏེ༔ འདི་དག་བྱེད་ལྷ་དགུའི་གཙོ་བོ་ཁྲུས་ལྷའི་མཆོག་ཡིན་པར་ཡོངས་སུ་གྲགས་སོ༔ ཚེ་ཟད་པ་དང་ཚེ་ཉམས་དང་༔ ཞེས་པས་ཚེའི་བར་ཆད་ཀྱང་འདིས་སེལ༔ ཕུན་སུམ་ཚོགས་མིན་གང་ཆགས་དང་༔ ཞེས་པས་ཐན་དང་ལྟས་ངན་མཐོང་ན་ཡང་འདིས་ཐུབ་ལ༔ དེ་བཞིན་དུ་རྨི་ལམ་ངན་པ་སོགས་ཀྱང་འདིས་ཐུབ་སྟེ༔ རྨི་ལམ་སྡིག་པ་མཐོང་ན་ཡང་༔ དེས་ནི་རབ་བཀྲུས་གཙང་མ་ཡིན༔ མདོ་སྡེ་དམ་པ་ཉན་པར་གྱིས༔ ཞེས་གསུངས་སོ༔ འདི་ལ་བསྟན་པ་སྔ་འགྱུར་པཎ་ཆེན་བི་མ་ལའི་ལུགས་རྣམ་འཇོམས་དཀར་པོ་དང་༔ ཨུ་རྒྱན་གྱིས་གཏེར་དུ་སྦས་པའི་རྣམ་འཇོམས་ལྗང་གུ་དང་༔ གསར་མ་བ་རི་ལོ་ཙཱ་ནས་བརྒྱུད་པའི་རྣམ་འཇོམས་ལྗང་གུ་སོགས་རིགས་མང་ན་ཡང་༔ འདི་ནི་གནམ་ཆོས་ཐུགས་ཀྱི་གཏེར་ཁ་སྟེ༔ འཕགས་པ་ཀུན་དགའ་བོའི་སྤྲུལ་པའི་ཆ་ཤས༔ གསང་བདག་ཕྱག་ན་རྡོ་རྗེ་ཉིད་ཀྱི་ཡང་སྤྲུལ༔ ཤུད་བུ་དཔལ་གྱི་སེང་གེའི་སྐྱེས་མཐར༔ མི་འགྱུར་རྡོ་རྗེ་བདུད་འདུལ་རོལ་པ་རྩལ་ཞེས་གཏེར་ཁ་དུ་མ་ནས་ལུང་བསྟན་པ་དེ་ཉིད་དགུང་ལོ་བཅུ་གཉིས་པ་མེ་སྤྲེའུ་

[Full Size]

མགོ་ཟླའི་ཚེས་བདུན་ནུབ་རྡོ་རྗེ་རྣམ་འཇོམས་མངོན་རྟོགས་དང་མཐུན་པ་གཅིག་ཞལ་དངོས་སུ་གཟིགས་ནས༔ སྒྲུབ་ཐབས་འདི་དངོས་སུ་བཀའ་སྩལ་པ་ཡིན་པས༔ བརྒྱུད་པ་ཉེ་ཞིང་བྱིན་རླབས་ཀྱི་སོ་མ་ཉམས་པའོ༔ འདི་ནི་བསྡུས་པ་ཁྲུས་དོན་གསུམ་མ་ཡིན་ཏེ༔ ཁྲུས་དོན་རེ་རེ་ལ་ཡང་གཉིས་སམ་གསུམ་དུ་བྱས་པས་བདུན་དུ་འགྱུར་རོ༔ དེ་ཡང་ཟླ་བ་སྒྲོན་མའི་མདོ་ལས༔ གང་ཞིག་སངས་རྒྱས་ཡིད་བྱེད་པ༔ དེ་ཡི་མདུན་ན་ཐུབ་པ་བཞུགས༔ ཞེས་གསུངས་པས༔ ཁྱེད་རང་རྣམས་ཐ་མལ་པར་གནས་པའི་མདུན་དུ་ངེད་བཅོམ་ལྡན་འདས་རྡོ་རྗེ་རྣམ་པར་འཇོམས་པའི་ལྷ་ཚོགས་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་ནས་ཁྲུས་བྱབ་ཀྱི་ཆོ་ག་རྣམས་རིམ་བཞིན་མཛད་ཅིང་ཡོད་སྙམ་པའི་མོས་པ་རྩེ་གཅིག་ཏུ་མཛོད་ཅིག༔ ད་ཁྲུས་ཀྱི་ཆོ་ག་དངོས་ལ་ཡང་ཡེ་ཤེས་ཀྱི་ལྷ་ལ་ཁྲུས་གསོལ་བ་དང་༔ སྐྱེས་བུའི་ངན་ཁྲུས་བྱ་བ་གཉིས་ལས༔ དང་པོ་ནི་ཁྱེད་རང་གི་ལྷ་སྲུང་འགོ་བའི་ལྷ་ལྔ་སྐྱོབ་པའི་ལྷ་དགུ༔ ཕ་ལྷ་མ་ལྷ་ཕྲག་ལྷ་དགྲ་ལྷ་སོགས་ལ་གྲིབ་ཀྱིས་ཕོག་ནས་ཡོད་པ་ལ་སྐུ་ཁྲུས་གསོལ་བས༔ སྐུ་ལུས་ཤེལ་ལྟར་དྭངས་ནས་གྲིབ་དང་

[Full Size]

རྨུགས་པ་ཐམས་ཅད་སངས་ཏེ་ཁྱེད་རང་གི་མགོན་སྐྱབས་དང་དཔུང་གཉེན་དུ་བཞེངས་པའི་མོས་པ་མཛོད་ཅིག༔ ཅེས་མེ་ལོང་མཆོད་གཞི་ངོས་སུ་བསྟན་ལ་ཁྲུས་བྱ་ཞིང་༔ ཇི་ལྟར་བལྟམས་པ་ཙམ་གྱིས་ནི༔ ལྷ་རྣམས་ཀྱིས་ནི་ཁྲུས་གསོལ་ལྟར༔ ལྷ་ཡི་ཆུ་ནི་དག་པ་ཡིས༔ དེ་བཞིན་བདག་གིས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། འདི་ནི་ཁྲུས་མཆོག་དཔལ་དང་ལྡན༔ ཐུགས་རྗེའི་ཆུ་ནི་བླ་ན་མེད༔ བྱིན་རླབས་ཡེ་ཤེས་ཆུ་ཡིན་ཏེ༔ ཅི་འདོད་དངོས་གྲུབ་སྩོལ་བར་མཛོད༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དེ་བཞིན་གཤེགས་པ་རྣམས་དང་དེ་སྲས་ལ༔ རིན་ཆེན་བུམ་པ་མང་པོ་སྤོས་ཀྱི་ཆུས༔ ཡིད་འོང་ལེགས་པར་བཀང་བའི་གླུ་དང་ནི༔ རོལ་མོར་བཅས་པ་དུ་མས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དེ་དག་སྐུ་ལ་མཚུངས་པ་མེད་པའི་གོས༔ གཙང་ལ་དྲི་རབ་བསྒོས་པས་སྐུ་ཕྱིའོ༔ ཨོཾ་ཧཱུྃ་ཏྲཱྃ་ཧྲཱིཿཨཱཿསརྦ་ཏ་ཐཱ་ག་ཏ་ཀཱ་ཡ་བི་ཤཱ་དྷ་ནི་སྭཱ་ཧཱཿ སྲབ་འཇམ་ཡང་པ་ལྷ་ཡི་གོས༔ མི་བསྐྱོད་རྡོ་རྗེའི་སྐུ་བརྙེས་ལ༔ མི་ཕྱེད་དད་པས་བདག་འབུལ་ནུ༔ བདག་ཅག་རྡོ་རྗེའི་སྐུ་ཐོབ་ཤོག༔

[Full Size]

ཨོཾ་བཛྲ་ཝས་ཨཱཿཧཱུྃ༔ ཞེས་མཆོད་གཞིའི་ཕྱོགས་སུ་དར་རས་ཀྱིས་ཕྱི་ཚུལ་དང་ན་བཟའ་འབུལ་ཚུལ་བྱའོ༔ ཁྲུས་ཆུ་ལས་བུམ་ནང་དུ་བླུག་སྲོལ་ཡོད༔ དེ་ནས་ལས་བུམ་གྱིས་ཁྲུས་བྱ་བ་ཡིན༔ མེད་ན་བུམ་པ་གཅིག་གིས་ཆོག༔ དེ་ནི་ཁྱེད་རང་རྣམས་ཀྱི་ལྷ་ལ་ཁྲུས་གསོལ་བ་ཡིན་པས༔ གྲིབ་དང་དམུ་གབ་ཐམས་ཅད་སངས་ནས་ལྷ་ངོ་དགུང་བས་མཐོ་སྟེ༔ ཁྱེད་རང་རྣམས་ཀྱི་མགོན་སྐྱབས་དང་དཔུང་གཉེན་དུ་བཞེངས་པའི་མོས་པ་མཛོད༔ ད་ཁྱེད་རང་རྣམས་ལ་སྐྱེས་བུའི་ངན་ཁྲུས་བྱ་བ་ནི༔ མདུན་གྱི་ནམ་མཁར་རྡོ་རྗེ་རྣམ་པར་འཇོམས་པའི་ལྷ་ཚོགས་ཐམས་ཅད་ཀྱི་ཕྱག་ན་ཡེ་ཤེས་ཀྱི་བདུད་རྩིས་བཀང་བའི་བུམ་པ་ཐོགས་ནས་ཁྱེད་རང་རྣམས་ལ་ཁྲུས་བྱས་པས་ལུས་ཀྱི་ན་ཚ་ཐམས་ཅད་ཞི་ཞིང་ལུས་ཤེལ་གོང་ལྟར་གྱུར༔ བུམ་ཆུ་ངག་ཏུ་བཏུང་བས་སེམས་ཀྱི་སྡུག་བསྔལ་སྡིག་སྒྲིབ་ཐམས་ཅད་དག་ནས་སེམས་རྟོག་མེད་ཆོས་ཀྱི་སྐུར་གྱུར་པའི་མོས་པ་མཛོད༔ བུམ་པ་ཐོགས་ལ་དབྱངས་དང་བཅས་པས་ཇི་ལྟར་བལྟམས་པ་ཙམ་གྱིས་ནི༔ ལྷ་རྣམས་ཀྱིས་ནི་ཁྲུས་གསོལ་ལྟར༔ ལྷ་ཡི་ཆུ་ནི་དག་པ་ཡིས༔ དེ་བཞིན་བདག་གིས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ༔

[Full Size]

རྒྱས་པར་སྤྲོ་ན་གཟུངས་རིང་བརྗོད༔ བསྡུ་ན་ན་མཉྩནྡྲ་འདོན་ཅིང་༔ ད་ཆབ་ལན་གསུམ་བླང་༔ ཡན་ལག་ལྔ་ཁྲུས་གྱིས༔ ད་བུམ་ཆུ་ཐིགས་ཅིག་བཏུང་༔ ད་མེ་ལོང་འདི་ལ་ལྟོས་ལ་སྡོད་ཅེས་གཡོན་དྲིལ་བུ་དང་བཅས་པས་མེ་ལོང་ཐོགས་ལ༔ གཡས་པས་བུམ་ཆུ་ཐིགས་རེ་མེ་ལོང་ངོས་སུ་བླུག་ཅིང་༔ རྒྱས་པར་ན༔ ན་མཤྩཎྜ་སོགས་གཟུངས་ཐུང་དང་༔ བསྡུ་ན༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཅེས་པ་སྔགས་རེ་རེའི་མཇུག་ཏུ་འོག་གི་སྔགས་རེ་རེ་སྦྱར་ཞིང་༔ སྔགས་རེ་དང་ཆུ་ཐིགས་རེ་སྤྲད་ལ་མེ་ལོང་ངོས་ནས་བཀྲུ༔ ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་བིགྷ་ནཱི་བགེགས་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་རོ་ག་ནད་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཨོཾ་ཨཱཏྟབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུཏྟཾ་གདུག་པ་ཅན་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཨོཾ་བཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཛཱ་ར་རིམས་ཐམས་ཅད་ཤཱནི་ཀུ་རུ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཨུ་པ་ཏ་ཡེ་ཉེ་བར་འཚེ་བ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་གྲ་ཧེ་གདོན་ཐམས་ཅད་ཤཱནི་ཀུ་རུ་ཡེ་སྭཱ་ཧཱཿ ཨོཾ་ཨཱཿབཛྲ་བི་

[Full Size]

དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཨ་ཀ་ལ་མི་ཏུ་དུས་མ་ཡིན་པར་འཆི་བ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུར་སོབ་རྨི་ལམ་ངན་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཙིཏྟ་བྱེ་ཀུ་ལེ་སེམས་ཀྱི་གཡེང་བ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཞེས་བཀྲུའོ༔ ༈ དེ་ནས་ལག་པ་གཡས་རྡོ་རྗེ་དང་བཅས་པས་སྒྲོ་མདོངས་ཐོགས་ལ༔ ནད་པའི་རྐང་ཞབས་སུ་བལ་འདབ་ནག་པོ་གཅིག་བཞག་གྲུབ་ན་ལེགས༔ ད་གཉིས་པ་བྱབ་པའི་དོན་དུ་ངེད་བཅོམ་ལྡན་འདས་རྡོ་རྗེ་རྣམ་པར་འཇོམས་པར་གསལ་བའི་ཕྱག་གཡས་རྨ་བྱའི་སྒྲོ་མདོངས་འདི་ལ་ཁ་དོག་ལྔ་ཡོད་པ་རིགས་ལྔའི་མཚོན་བྱེད་ཡིན་པས༔ འདིའི་དབུས་ན་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ཡིག་ལྷའི་ཁ་དོག་ཅན་ལ་གཟུངས་སྔགས་དང་སྙིང་པོས་བསྐོར་ནས་ཡོད་པ་འདི་ཁྱེད་རང་ལ་བསྟན་པའི་ཚེ་ཁྱེད་རང་གི་ནད་གདོན་གྲིབ་དང་མི་གཙང་བ་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར་བསྡུས་ནས༔ སྤྲུག་པའི་ཚེ་ཁྲུས་ཆུའི་ནང་དུ་ཁྱེད་རང་གི་གཟུགས་བརྙན་

[Full Size]

ཤར་བ་ལ་སྤྲོ་བའི་ཚུལ་དུ་བྱབས་པས་ལུས་ངག་ཡིད་གསུམ་བདེ་སངས་སངས་སོང་བར་སྒོམས་ཤིག༔ ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་བིགྷཱ་ནཾ་བགེགས་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱབི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་རོ་ག་ནད་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུཏྟཾ་གདུག་པ་ཅན་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཛཱ་ར་རིམས་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཨུ་པ་ཏ་ཡེ་ཉེ་བར་འཚེ་བ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་གྲ་ཧེ་གདོན་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཨ་ཀ་ལ་མྲྀ་ཏུ་དུས་མ་ཡིན་པར་འཆི་བ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུར་སོབ་རྨི་ལམ་ངན་པ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་བཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་

[Full Size]

ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཙིཏྟ་བྱེ་ཀུ་ལེ་སེམས་ཀྱི་གཡེང་བ་ཐམས་ཅད་ཨ་པ་ན་ཡེ་སྭཱ་ཧཱཿ དེ་ནས་ཁྲུས་ནས་ཕྱུང་བ་ནི༔ དེ་ལྟར་བཀྲུས་ཤིང་བྱབས་པས་ནད་གདོན་ཐམས་ཅད་དག་ནས༔ དེ་སྔ་ཕན་ཆད་འཁོར་བའི་རང་བཞིན་སྟན་ནག་པོ་ཉམ་ང་བའི་སྟེང་དུ་ཡོད་པ༔ དེང་ཕྱིན་ཆད་ཐར་བ་དང་བདེ་བའི་རང་བཞིན་སྟན་དཀར་པོའི་སྟེང་དུ་ཕྱིན་པར་སྒོམས་ལ༔ སྟན་བརྗེ་ཐོན་ན་ལེགས༔ བལ་འདབ་ནག་པོ་ཁྲུས་ཆུར་འཕངས་ལ་ཕྱིར་དོར༔ བལ་འདབ་དཀར་པོ་བཞག༔ རྡོ་རྗེ་འདི་ལ་འཇུས་ལ་རྗེས་ཟློས་མཛོད༔ སྡིག་པ་ཐམས་ཅད་བྱང་བྱས་ནས༔ སྡུག་བསྔལ་ཐམས་ཅད་མེད་པར་བྱེད༔ རྒྱུད་དོ་ཅོག་གི་རྩ་བ་སྟེ༔ དཔལ་ཀུན་གྱིས་ནི་ལེགས་པར་བརྒྱན༔ ཚིག་རྗེས་མ་ལན་གསུམ༔ ད་ཁྱེད་རང་རྣམས་ནད་གདོན་བར་ཆད་ལས་ཐར་བའི་ཕྱིར་རྡོ་རྗེ་རྣམ་པར་འཇོམས་པའི་ལྷ་ཚོགས་ཐམས་ཅད་ཀྱིས་མགྲིན་གཅིག་ཏུ་བདེན་སྟོབས་བརྗོད་པར་སྒོམས་ཤིག༔ གཡོན་དྲིལ་བུ་བསིལ༔ གཡས་རྡོ་རྗེ་དང་བཅས་པ་མེ་ཏོག་འཐོར་ཞིང་༔ སངས་རྒྱས་རྣམས་ནི་བདུད་ལས་རྒྱལ༔ ཆོས་ནི་ཆོས་མ་ཡིན་ལས་རྒྱལ༔ དགེ་འདུན་མུ་སྟེགས་རྣམས་ལས་རྒྱལ༔ དབང་པོ་ལྷ་མིན་རྣམས་ལས་

[Full Size]

རྒྱལ༔ ལྷ་མིན་ཟླ་བ་རྣམས་ལས་རྒྱལ༔ ནམ་མཁའ་ལྡིང་ནི་རྒྱ་མཚོ་ལས༔ མེ་ནི་ཤིང་རྣམས་དག་ལས་རྒྱལ༔ ཆུ་ཡང་མེ་ལས་རྒྱལ་བར་འགྱུར༔ རླུང་གིས་སྤྲིན་ནི་རྣམ་པར་གཏོར༔ རྡོ་རྗེ་ཡིས་ནི་རིན་ཆེན་ཕུག༔ ལྷ་རྣམས་བདེ་བར་རབ་ཏུ་གནས༔ ས་ཡང་བདེ་བར་གནས་པ་ལགས༔ སངས་རྒྱས་དང་ནི་ཆོས་ཀྱང་བདེན༔ བདེན་པ་རྒྱལ་གྱུར་རྫུན་མ་ལགས༔ བདེན་པ་དང་བདེན་པའི་ཚིག་འདི་དག་གིས་བསྲུང་བྱ་མི་མཐུན་པའི་ཕྱོགས་ལས་རྒྱལ་བར་གྱུར་ཅིག༔ ཛ་ཡ་ཛ་ཡ༔ གསུམ་པ་བསྲུང་བའི་དོན་དུ་ངེད་བཅོམ་ལྡན་འདས་རྡོ་རྗེ་རྣམ་པར་འཇོམས་པར་གསལ་བས་ཁྱེད་རང་གི་སྤྱི་བོ་སོགས་གནས་རྣམས་སུ་རྡོ་རྗེ་བསྣོལ་མར་བཞག་པས༔ ལུས་ཐམས་ཅད་རྡོ་རྗེའི་གོ་ཁྲབ་ཞུ་ལུབས་སུ་སོ༔ གྱོན་ནས༔ ཕྱིན་ཆད་ནད་གདོན་གང་གིས་ཀྱང་མི་ཚུགས་པར་སྒོམས་ཤིག༔ ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་ལས་རཀྵ་རཀྟ་ཡེ་སྭཱ་དེ་བཞིན་དུ་མགོ་བོའི་དབུས་དང་ཕྱོགས་བཞི༔ དཔུང་པ་པུས་མོ་བཞི་དང་དགུ་རུ་རྡོ་རྗེ་བསྣོལ་མར་བཞག་ཅིང་༔ ༀ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་བིགྷ་ནཱན་བགེགས་ཐམས་ཅད་ལས་རཀྵ་

[Full Size]

རཀྵ་ཡེ་སྭཱ་ཧཱཿ ཨོཾ་ཨཱབི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་རོ་ག་ནད་ཐམས་ཅད་རཀྵ་རཀྟ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུཏྟཾ་གདུག་པ་ཅན་ཐམས་ཅད་རཀ་རཀྟ་ཡེ་སྭཱ་ཧཱཿ ཨོཾ་ཨཱབཛྲ་བི་ད་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཛཱ་ར་རིམས་ཐམས་ཅད་རཀྵ་རཀྟ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཨུ་པ་ཏ་ཡི་ཉེ་བར་འཚེ་བ་ཐམས་ཅད་རཀྵ་རཀྟ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་གྲ་ཧེ་གདོན་ཐམས་ཅད་རཀྵ་རཀྵ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཨ་ཀ་ལ་མི་ཏུ་དུས་མ་ཡིན་པར་འཆི་བ་ཐམས་ཅད་རཀྵ་རཀ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུར་སོབ་རྨི་ལམ་ངན་པ་ཐམས་ཅད་རཀྵ་རཀྟ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་རཀྟ་རཀྟ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཙིཏྟ་བྱེ་ཀུ་ལེ་སེམས་ཀྱི་གཡེང་བ་ཐམས་ཅད་རཀྟ་རཀྟ་ཡེ་སྭཱ་ཧཱཿ རྒྱལ་བ་སྲས་བཅས་བདེན་པའི་བྱིན་རླབས་དང་༔ རྡོ་རྗེ་རྣམ་པར་འཇོམས་པའི་མཐུ་སྟོབས་ཀྱིས༔ འགྲོ་བ་འདི་ལ་བདག་གིས་བསྲུངས་ཟིན་

[Full Size]

གྱིས༔ འདི་ལ་སུས་ཀྱང་གནོད་པ་མ་བྱེད་ཅིག༔ ཨོཾ་བཛྲ་རཀྵ་རཀྟ་ཡེ་སྭཱ་ཧཱཿ དེ་ལྟར་ཁྲུས་ཀྱི་ཆོ་གས་ནད་གདོན་ཐམས་ཅད་བཀྲུས༔ བྱབ་པའི་ཆོ་གས་བྱབས་ནས༔ བསྲུང་བའི་གོ་བགོས་པ་དེ་ཉིད་མི་ཉམས་བརྟན་ཕྱིར་བཅོམ་ལྡན་འདས་རྡོ་རྗེ་རྣམ་པ་འཇོམས་པའི་ལྷ་ཚོགས་རྣམས་ཀྱིས་ཤིས་པ་བརྗོད་ཅིང་རབ་ཏུ་གནས་པར་མཛད་པར་སྒོམས་ཤིག༔ ཨོཾ་འབྲས་བུའི་རྡོ་རྗེ་སངས་རྒྱས་རྡོ་རྗེ་འཆང་༔ ལམ་གྱི་རྡོ་རྗེ་ཐེག་པ་ཆེན་པོའི་ཆོས༔ རྒྱུ་ཡི་རྡོ་རྗེ་དགེ་འདུན་རྡོ་རྗེའི་རིགས༔ མཆོག་གསུམ་རྡོ་རྗེས་སྐྱོབ་པའི་བཀྲ་ཤིས་ཤོག༔ ཆེན་བུམ་པ་རྡོ་རྗེས་མཚན་པ་ལ༔ རྟེན་འབྲེལ་རྫས་དང་རྡོ་རྗེའི་ཆུས་བཀང་ནས༔ རྡོ་རྗེའི་གཟུངས་ཐག་རྡོ་རྗེའི་འོད་ཟེར་འཕྲོ༔ རྡོ་རྗེ་དག་བྱེད་ཁྲུས་ཀྱི་བཀྲ་ཤིས་ཤོག༔ ཉོན་མོངས་བརྒྱད་ཁྲི་བཞི་སྟོང་རྡོ་རྗེས་འཇོམས༔ བགེགས་རིགས་སྟོང་ཕྲག་བརྒྱད་ཅུ་རྡོ་རྗེས་བརླགས༔ ནད་རིགས་བཞི་བརྒྱ་རྩ་བཞི་རྡོ་རྗེས་ཞི༔ རྡོ་རྗེ་སྨོན་ལམ་འགྲུབ་པའི་བཀྲ་ཤིས་ཤོག༔ ཨོཾ་ཛ་ཡེ་ཛ་ཡེ་བི་ཛ་ཡེ་སྭཱ་ཧཱཿ འོ་དེས་བཅོམ་ལྡན་འདས་རྡོ་རྗེ་རྣམ་པར་འཇོམས་པའི་སྒོ་ནས་ཁྲུས་བྱབ་སྲུང་གསུམ་གྱི་ཆོ་ག་ལེགས་པར་གྲུབ་པ་ཡིན་པས༔ དེའི་

[Full Size]

གཏང་རག་ཏུ་མཎྜལ་འབུལ༔ ས་གཞི་སྤོས་ཀྱིས་སོགས། ས་མ་ཡེ་ཨཱཿཧཱུྃ༔ དེས་བྱབ་ཁྲུས་ཚང་བ་ཡིན་ལ་འདི་ལ་རྗེས་གནང་སྦྱར་ན་གནམ་ཆོས་རང་རྐང་ངམ་སྤྱི་ལྟར་སྦྱར་ཡང་རུང་ངོ་༔ ཞེས་པ་འདི་ནི་བླ་བྲན་གསར་པ་འགའ་ཞིག་ལ་ཕན་པའི་ཕྱིར༔ གཏེར་བློན་རཱ་ག་ཨ་སྱས་བསྒྲིགས་པ་ལ་ཉེས་འགལ་མཆིས་ན་ཆོས་བདག་སྲུང་མའི་ཚོགས་ལ་བཤགས་ཤིང་དགེ་བས་གཞན་ཕན་རྒྱ་ཆེན་པོ་འབྱུང་བར་གྱུར་ཅིག༔ ཡི་གེ་པ་ནི་འཕན་ཤུལ་པདྨ་ཐབས་མཁས་ཀྱིས་བགྱིས་པས་བློ་དམན་ལ་ཕན་ཆེ་བ་ཐབས་ལ་མཁས་པའི་འགྲོ་དོན་དུ་གྱུར་ཅིག༔ འདིའི་སྔགས་དང་ལྷ་བརྗེས་ན་གང་ལའང་སྦྱར་རུང་ངོ་༔ མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གནམ་ཆོས་ལས་བྱུང་བའི་རྣམ་འཇོམས་ལྗང་སྔོན་གྱི་བྱབ་ཁྲུས།

[Full Size]

གནམ་ཆོས་ལས་བྱུང་བའི་རྣམ་འཇོམས་ལྗང་སྔོན་གྱི་བྱབ་ཁྲུས་ཞེས་བྱ་བ་བཞུགས་སོ༔

[Full Size]

འདིའི་བྱབ་ཁྲུས་ལ་གཞིའི་སྟེང་དུ་འབྲུའི་པདྨ་འདབ་བརྒྱད༔ དེའི་སྟེང་བུམ་པ་རྫས་ལྡན་ཁ་རྒྱན་མགུལ་ཆིངས་དང་བཅས་པ༔ དེའི་མདུན་དུ་མཆོད་པ་སྤྱི་ལྟར་བཤམས༔ བྱབ་ཁྲུས་ཀྱི་རྫས་ཏིལ་ལམ་ཡུངས་ཀར་རམ་ཡུངས་གཞི༔ བལ་འདབ་དཀར་ནག༔ ལྕོག་རྡོག༔ ཆངས་བུ༔ ཏིང་ལོ༔ བྱབ་པའི་རྫས་ཀུ་ཤ༔ རྨ་བྱའི་མདོངས༔ ཡང་ན་རལ་གྲི༔ བཟང་ཤིང་གི་ཡལ་ག༔ བྱ་རོག་གི་སྒྲོ༔ ངར་མི༔ རྡོར་དྲིལ་སོགས་འཛོམ་པར་བྱས༔ སྐྱབས་སེམས་སྤྱི་ལྟར་སྔོན་དུ་སོང་ནས༔ མངོན་རྟོགས་གཅིག་གིས་བདག་དང་མདུན་བསྐྱེད་དང་བུམ་པའི་ནང་དུས་གཅིག་ལ་བསྐྱེད་པ་རྙིང་མའི་ཁྱད་ཆོས་སོ༔ ཨོཾ༔ ཆུཆུངྐུ༔ རྡོ་རྗེ་རྣམ་པར་འཇོམས་ལ་འདུད༔ འདི་ཉིད་བསྒྲུབ་པའི་རིམ་པ་ནི༔ རང་ཉིད་རྣམ་འཇོམས་

[Full Size]

ལྗང་སྔོན་ལ༔ ཞལ་གཅིག་ཕྱག་གཉིས་གཡས་པ་ཡིས༔ སྣ་ཚོགས་རྡོ་རྗེ་ཐུགས་ཀར་གསོར༔ གཡོན་པས་དྲིལ་བུ་དཀུ་ལ་བརྟེན༔ ཞབས་གཉིས་སེམས་དཔའི་སྐྱིལ་ཀྲུང་བཞུགས༔ དར་དང་རིན་པོ་ཆེ་ཡིས་བརྒྱན༔ ཞལ་གཅིག་ལ་ནི་སྤྱན་གསུམ་པ༔ ཞལ་ནི་འཛུམ་ལ་སྤྱན་ནི་བགྲད༔ པདྨ་ཉི་ཟླའི་གདན་ལ་བཞུགས༔ ཐུགས་ཀའི་ཧཱུྃ་ལ་སྔགས་བསྐོར་བས༔ འོད་ཟེར་དཔག་ཏུ་མེད་པ་འཕྲོས༔ རྡོ་རྗེ་རྣམ་འཇོམས་སྤྱན་དྲངས་བསྟིམ༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ་སྭཱ་ཧཱཿ དེ་ཡིས་རྡོ་རྗེ་རྣམ་འཇོམས་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔

[Full Size]

འདིའི་ཞལ་གདམས་ལ༔ དང་པོ་སྐད་ཅིག་གིས་བསྐྱེད༔ སྔགས་གྲངས་སོགས་མེད༔ འདི་ལ་གཟུངས་རིང་བཏགས་ནས་བཏོན་ན་ལེགས༔ ས་མ་ཡ༔ ཞེས་པ་འདི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ། མེ་སྤྲེའུ་ལོ་མགོ་ཟླ་བའི་ཚེས་བདུན་ནུབ་རྡོ་རྗེ་རྣམ་འཇོམས་མངོན་རྟོགས་དང་མཚུངས་པ་གཅིག་ཞལ་དངོས་སུ་གཟིགས་ནས་སྒྲུབ་པ་འདི་དངོས་སུ་བཀའ་སྩལ་ཏོ༔ ༈ དང་པོ་བདག་བསྐྱེད་ལ་དམིགས་ནས་གཟུངས་ཚར་གཅིག་དང་སྙིང་པོ་བརྒྱ༔ དེ་ནས་བུམ་བསྐྱེད་ལ་དམིགས་ནས་གཟུངས་ཚར་གཅིག་གམ་ཉེར་གཅིག་སྙིང་པོ་བརྒྱ་རྩ༔ དེ་ནས་བདག་མདུན་བུམ་པ་གསུམ་ཀ་ལ་རྒྱས་པར་འདོད་ན། རབ་འབྱམས་རྒྱ་མཚོ་སོགས་དང་༔ ཁ་དོག་དབྱིབས་ལེགས། རྒྱལ་སྲིད་མཆོད་པ་དང་༔ མཉམ་མེད་མ་དང་། སངས་རྒྱས་ཀུན་བས་སོགས་མཚན་བརྒྱས་བསྟོད་ཀྱང་རུང་ལ༔ བསྡུ་ན། ཨོཾ་ཨཱབཛྲ་བི་དཱ་ར་ཎ་ཨརྒྷཾ་སོགས། དེ་བཞིན་གཤེགས་པ་ཐམས་ཅད་ཀྱི༔ སྐུ་གསུང་ཐུགས་ཀྱི་ངོ་བོ་ཉིད༔ ཐུགས་ཀྱི་རྣམ་འཕྲུལ་རྡོ་རྗེ་སེམས༔ རྣམ་པར་འཇོམས་ལ་ཕྱག་འཚལ་བསྟོད༔ ཤོ་ལོ་ཀ་གཅིག་གིས་བསྟོད་པས༔ བུམ་ལྷ་འོད་དུ་ཞུ་ནས་བདུད་རྩིའི་ཆུར་བསམ༔ དེ་ནས་ནད་པ་སོགས་སློབ་མ་མདུན་དུ་འདུག་བཅུག་ལ་འོ་ན་ད་ལམ་ཁྱེད་རྣམས་ལ་རྡོ་རྗེ་རྣམ་པར་འཇོམས་པའི་སྒོ་ནས་ཁྲུས་བྱབ་སྲུང་གསུམ་བྱེད་པ་ཡིན་

[Full Size]

ཏེ༔ སྔོན་རྒྱལ་པོ་ལོག་པའི་སྙིང་པོ་ཅན་དེ་བདུད་ལྷས་བྱིན་གྱིས་བསླུས་ནས་སངས་རྒྱས་ལ་གླང་པོ་ཆེ་སྨྱོན་པ་དང་ཁྱི་གཏུམ་པོ་བཀྱེས༔ སྐྱོགས་སྟོབས་ཆེན་རྐང་དྲུག་བརྒྱབ༔ གཙུག་ལག་ཁང་བཤིགས༔ གླེགས་བམ་རྣམས་ཆུར་བསྐུར༔ རང་གི་ཕ་བསད་པ་སོགས་བྱས་པས་ཆོས་སྐྱོང་བའི་སྲུང་མ་རྣམས་འཁྲུགས་ནས༔ འཛམ་བུ་གླིང་དུ་མི་ནད་དང་ཕྱུགས་ནད་ཆེན་པོ་བྱུང་༔ རྒྱལ་པོ་ཉིད་ནད་རྐང་བཀྲ་བྱ་བའི་ཟུག་གཟེར་ཅན་བྱུང་བས༔ དེ་རྣམས་ཕན་ཕྱིར་རྒྱལ་པོ་སྡེ་བཞིས་ཞུས་ནས། བཅོམ་ལྡན་འདས་ཀྱིས་རྡོ་རྗེ་རྣམ་འཇོམས་རྩ་རྒྱུད་ལེའུ་བརྒྱ་རྩ་བརྒྱད་གསུངས༔ རྒྱལ་ཆེན་སྡེ་བཞིས་རྒྱལ་པོ་ལོག་པའི་སྙིང་པོ་ལ་བཤད༔ རྒྱལ་པོས་ཁྲུས་བྱས་པས་ནད་ཕན༔ མི་ནད་ཕྱུགས་ནད་ཆད་དོ༔ དེ་ནས་རྒྱ་གར་དུ་འདིའི་སྒོ་ནས་གྲུབ་པ་ཐོབ་པ་ལྔ་བྱུང་སྟེ༔ རྒྱལ་པོ་གཟུགས་ཅན་སྙིང་པོའི་ལུས་ངག་ཡིད་གསུམ་གྱི་སྒྲིབ་པ་མ་དག་ནས་སྤྱི་བོ་དང་ལྕེ་དང་སྙིང་ག་གསུམ་དུ་ཝ་ཊྛོབ་ཆེན་པོ་གསུམ་བྱུང་བ་ཡང་རྣམ་འཇོམས་ཀྱི་ཁྲུས་འདི་བྱས་པས་ཕན༔ ནཱ་རོ་པཎྜི་ཏ་གསུང་གི་དམ་ཚིག་ཉམས་ནས་ལྗགས་ལ་ཆུ་བུར་ཆེན་པོ་བྱུང་ནས་འདས་ལ་ཁད་དུ་ཡོད་པ་ལ་

[Full Size]

རྣམ་འཇོམས་ཀྱི་ཁྲུས་འདི་བྱས་པས་ཕན། མཁའ་འགྲོ་མ་ཌོམ་བི་ཀཱ་ར་མས་རྣམ་འཇོམས་བསྒྲུབས་པས་ལོ་གཅིག་ནས་སྤྱི་བོར་བུམ་པ་དངོས་སུ་བབས༔ གསེར་གྱི་བུམ་པ་བདུན་སྟོང་ལྔ་བརྒྱའི་གཏེར་ཐོན༔ བྲམ་ཟེ་ཤི་ཀ་རས་བསྒྲུབས་པས་ཀླུ་རིགས་བཞི་བསྒྲལ༔ སློབ་དཔོན་བི་མ་ལས་བྱབ་ཁྲུས་མཛད་པས་ཤི་བ་གསོན་པོར་བསྒྱུར༔ དེ་བསྟན་པ་ལ་གནོད་པའི་མི་ཡིན་ཞུས་པས་རྣམ་ཤེས་རྣམ་འཇོམས་ཀྱི་སྐུ་ནས་འབྲུ་ཙམ་བྱས་ནས་འོག་མིན་དུ་སྤར་རོ༔ དེ་ལྔ་ནི་རྣམ་འཇོམས་ཀྱི་སྒོ་ནས་གྲུབ་པ་ཐོབ་པ་ཡིན་སྐད༔ དེ་ལ་བི་མ་ལ་མི་ཏྲ་ནས་བརྒྱུད་པའི་རྙིང་མ་དང་༔ བ་རི་ལོ་ཙཱ་ནས་བརྒྱུད་པའི་གསར་མ་དང་༔ གཏེར་ཁ་ཡང་མང་པོ་ནས་བྱུང་བའི་རྣམ་འཇོམས་རིགས་མང་ན་ཡང་༔ འདི་ནི་གནམ་ཆོས་ལས་བྱུང་བ་སྟེ་བརྒྱུད་པ་ཉེ་བའི་ཕྱིར་བྱིན་རླབས་མྱུར་བ་ཡིན་ནོ༔ འདིའི་ཕན་ཡོན་ནི༔ སྡིག་པ་ཐམས་ཅད་བྱང་བྱས་ནས༔ སྡུག་བསྔལ་ཐམས་ཅད་མེད་པར་བྱེད་རྒྱུད་དོ་ཅོག་གི་རྩ་བ་སྟེ༔ དཔལ་ཀུན་གྱིས་ནི་ལེགས་པར་བརྒྱན༔ སེམས་ཅན་དབང་པོ་ཉམས་པ་དང་༔ ཚེ་ཟད་པ་དང་ཚེ་ཉམས་དང་༔ ཕུན་སུམ་ཚོགས་མིན་གང་ཆགས་དང་༔

[Full Size]

ལྷ་རྣམས་རྒྱབ་ཀྱིས་ཕྱོགས་པ་དང་༔ མཛའ་སྡུག་སྐྱེ་བོ་སྡང་བ་དང་༔ བྲན་བཟའ་ལ་སོགས་གཙེས་པ་དང་༔ ཕན་ཚུན་མཐུན་པ་མ་ཡིན་དང་༔ ནོར་གྲིབ་པས་ནི་གནོད་པ་དང་༔ མྱ་ངན་ངལ་དང་གནོད་པ་དང་༔ འཇིགས་པ་དང་ནི་ཕོངས་པ་དང་༔ གཟའ་དང་རྒྱུ་སྐར་བྱད་སྟེམས་དང་༔ མི་བཟད་གདོན་གྱིས་ཉེས་པ་དང་༔ མྱ་ངན་ངལ་ལས་བྱུང་བ་ཡི༔ རྨི་ལམ་སྡིག་པ་མཐོང་ན་ཡང་༔ དེ་ནི་རབ་བཀྲུས་གཙང་མ་ཡིན༔ མདོ་སྡེ་དམ་པ་མཉན་པར་བྱ༔ གང་དག་ཡིད་དགེ་སེམས་དང་ཞིང་༔་གཙང་མའི་གོས་ཀྱིས་རབ་བརྒྱན་ཏེ༔ ཟབ་མོ་སངས་རྒྱས་སྤྱོད་ཡུལ་བ༔ མདོ་སྡེ་འདི་ནི་ཉན་བྱེད་ན༔ མདོ་སྡེ་འདི་ཡི་གཟི་བརྗིད་ཀྱིས༔ སྲོག་ཆགས་དག་ནི་ཐམས་ཅད་ཀྱི༔ མི་བཟད་པ་ཡི་ནད་རྣམས་ཀྱང་༔ དེ་དག་ཐམས་ཅད་ཞི་བ་ལྟར༔ ཚེ་དང་བསོད་ནམས་འཕེལ་བར་གྱུར༔ སྡིག་པ་ཀུན་ལས་རྣམ་པར་ཐར༔ ཞེས་སོགས་རྒྱུད་ཀྱི་ཕན་ཡོན་ཀུན་གྱི་ཚིག་ཐུགས་ལ་མངའ་བ་ལྟར་ཡིན་པས་དེའི་དོན་དུ་མཎྜལ་ཕུལ༔ ས་གཞི་སྤོས་སོགས། འདི་མན་ཆད་ཚིགས་བཅད་ཡིན་པས་དབྱངས་འདེབས་ཐུང་གིས་བྱའོ༔ ཧཱུྃ༔ མདུན་གྱི་ནམ་མཁར་རྣམ་འཇོམས་

[Full Size]

ལྷ་ཚོགས་བཞུགས༔ ཁྱེད་རྣམས་བྱབ་ཁྲུས་ཞུ་བའི་ངོ་ཆེན་ཚུལ༔ བདག་གིས་གསོལ་བ་འདེབས་རོགས་བྱས་པར་བསྒོམ༔ དྲིལ་བུ་འཁྲོལ་ཞིང་༔ སྔོན་ཚེ་བདེ་གཤེགས་ཕོ་བྲང་སྤྱན་སྔ་རུ༔ གདུག་པ་འདུལ་ཕྱིར་རྡོ་རྗེ་ཅན་གྱིས་ནི༔ རྗེས་མཐུན་ཕྲིན་ལས་ཁྱད་པར་གང་བསྒོམས་པ༔ དམ་བཅས་ཕྲིན་ལས་དེ་ནི་རྗེས་དགོངས་ལ། དེ་ཕྱིར་བགེགས་དང་ལོག་འདྲེན་ཚར་ཆོད་ཅིག༔ འགྲོ་བ་འདི་དག་རྗེས་སུ་བཟུང་བའི་ཕྱིར༔ སྡུག་བསྔལ་ངེས་བསལ་བདེ་ལེགས་འབྱོར་ལ་སོགས༔ ཁྲོ་རྒྱལ་ཁྱེད་ཀྱིས་དེང་འདིར་བྱིན་རླབས་མཛོད༔ ལན་གསུམ་མམ་གཅིག་ཀྱང་རུང་ངོ༔ དེ་ནས་ལྕོག་རྡོག་གསུམ་མམ་གཅིག་༔ ཆངས་བུ་ཏིང་ལོ་གསུམ་རེའམ་གཅིག་བཤམས་ལ་བྲན་ནས༔ ཨ་ཀཱ་རོ་སོགས་བརྗོད་ལ་བྱིན་བརླབས་ནས༔ ན་མོ་སངས་རྒྱས་ཆོས་དང་དགེ་འདུན་དང་༔ བདེན་སྨྲ་ཀུན་གྱི་བདེན་ཚིག་དང་༔ སྙིང་པོ་སྔགས་དང་ཕྱག་རྒྱ་དང་༔ གསང་སྔགས་རིག་སྔགས་གཟུངས་སྔགས་དང་༔ རྡོ་རྗེ་རྣམ་འཇོམས་བདེན་པའི་མཐུས༔ བསྲུང་བྱ་འདི་ལ་གནོད་བྱེད་པའི༔ བགེགས་དང་ལན་ཚོགས་འབྱུང་པོ་རྣམས༔ གཏོར་མ་འདི་ཡིས་ཚིམ་པར་གྱིས༔ བུ་ལོན་ལན་ཆགས་འཇལ་ཟིན་

[Full Size]

གྱིས༔ ཕྱིན་ཆད་གནོད་པའི་སེམས་སྤོངས་ཤིག༔ ལྕོག་རྡོག་ཐེབ་ཙེ་གཡས་སུ་བསྐོར་ཞིང་༔ ན་མསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་སོགས་ལན་གསུམ་བྱ་ཞིང་ངར་མིའི་ནང་དུ་བླུགས་བསྲུང་བྱ་འདི་ལ་གནོད་བྱེད་རྣམས༔ ཆངས་བུ་འདི་ཡིས་ལམ་བརྒྱགས་དང་༔ ཏིང་ལོ་འདི་ཡིས་ལམ་སྒྲོན་གྱིས༔ གནོད་ཅིང་འཚེ་བའི་རིག་སྤངས་ནས༔ ཕྱི་ཡི་ལྕགས་རི་ནག་པོའི་རྒྱབ༔ གླིང་བར་མུན་པའི་ནང་དུ་སོང་༔ ཐེབ་ཙེར་ཆངས་བུ་ཏིང་ལོ་བཞག་པས་གཡོན་བསྐོར་བྱ་ཞིང་༔ ཨོཾ་སུམ་བྷ་ནི་སོགས་བརྗོད་པས་ལན་གསུམ་ངར་མིའི་ནང་དུ་བླུགས་སོ༔ དེ་ནས་མདུན་དུ་ཏིལ༔ གཡས་སུ་མེ༔ གཡོན་དུ་ཆུ་བཞག་ལ༔ ཧཱུྃ༔ སྦྱིན་བདག་སྙིང་གར་པཾ་ཡིག་ལ༔ ལུས་ངག་ཡིད་ཀྱི་སྡིག་སྒྲིབ་ཐིམ༔ རྐང་མཐིལ་ཡཾ་ལས་རླུང་གཡོས་པས༔ ལྟེ་བའི་རཾ་ལས་མེ་འབར་བས༔ པཾ་ཡིག་དེད་ནས་སྣ་གཡས་ནས༔ སྡིག་པ་རྭ་ཅན་རྣམ་པར་ཐོན༔ མདུན་གྱི་ཏིལ་ལ་ཐིམ་པར་གྱུར༔ མེ་ནང་ཞི་བའི་ཐབ་ཁུང་ནང་༔ ཁྲོ་བོ་ཧཱུྃ་མཛད་ཞལ་གདངས་བའི༔ ནང་དུ་སྡིག་པ་བསྲེགས་པར་གྱུར༔ ཨོཾ་བཛྲ་ཊཱ་ཀ་ཁ་ཁ་ཁཱ་ཧི་ཁཱ་ཧི༔ སརྦ་པཱ་པཾ་ད་ཧ་ན་བྷསྨིན་ཀུ་རུ་ཡེ་སྭཱ་ཧཱཿ ཞེས་ཏི་ལ་མེར་བསྲེགས་ཆུར་དོར་ཏེ་ཁྲུས་སྡེར་དུ་

[Full Size]

བླུགས་པར་བྱའོ༔ དང་པོ་མཆོད་གཞིའི་དྲུང་དུ་རིན་པོ་ཆེའི་སྡེར་རམ་སྣོད་གཙང་མ་བཞག༔ བུམ་པ་རྡོར་དྲིལ་ཐོགས་ནས་མེ་ལོང་ངོས་ནས་ལྷ་ལ་ཁྲུས་གསོལ་ཏེ། ན་མོ་སྲིད་ཞུའི་མགྲོན་གྱུར་དཀོན་མཆོག་གསུམ་བླ་མ་ཡི་དམ་མཁའ་འགྲོ་དང་༔ ཡེ་ཤེས་ཆོས་སྐྱོང་སྲུང་མ་རྣམས༔ ཁྲུས་ལ་སྤྱན་འདྲེན་གཤེགས་སུ་གསོལ༔ སྡིག་སྒྲིབ་དམ་ཚིག་ཉམས་ཆག་གིས༔ ཡེ་ཤེས་ལྷ་ཚོགས་མ་མཉེས་ནས༔ བཀའ་ཡི་ཆད་པས་སྡིག་གྱུར་ན༔ ལྷ་ལ་དྲི་མ་མི་མངའ་ཡང་༔ ཡོན་བདག་སྡིག་སྒྲིབ་དག་པའི་ཕྱིར༔ ཡེ་ཤེས་བདུད་རྩིས་སྐུ་ཁྲུས་གསོལ༔ ཕན་བྱེད་ལྷ་ཡི་བཀྲ་ཤིས་དེས༔ ཡོན་བདག་འདི་ལ་བདེ་ལེགས་ཤོག༔ ཛ་ཡེ་ཛ་ཡེ་རྒྱལ་གྱུར་ཅིག༔ མེ་ལོང་ངོས་སུ་བུམ་ཆུ་བླུགས་སོ༔ དྲིལ་བུ་འཁྲོལ་ལ་འགྲེས་སོ༔ ཡོན་ཏན་མགྲོན་གྱུར་དཔལ་མགོན་ཚོགས༔ ཚངས་དབང་བརྒྱ་བྱིན་ཕྱོགས་སྐྱོང་བཅུ༔ ལྷ་བརྒྱད་ཀླུ་བརྒྱད་གནོད་སྦྱིན་བརྒྱད༔ གཟའ་བརྒྱད་རྒྱུ་སྐར་ཉི་ཤུ་བརྒྱད༔ ཁྲུས་ལ་སྤྱན་འདྲེན་གཤེགས་སུ་གསོལ༔ ཕོག་ཐུག་འགྲམས་འཁྲུགས་ཉེས་པ་ཡིས༔ འཇིག་རྟེན་ལྷ་རྣམས་མ་མཉེས་ན༔ ཡེ་ཤེས་བདུད་རྩིས་སྐུ་ཁྲུས་གསོལ༔ ཐུགས་དགྱེས་འགྲམས་འཁྲུགས་ཞི་གྱུར་ཅིག༔ ཕན་

[Full Size]

བྱེད་ལྷ་ཡི་བཀྲ་ཤིས་གང་༔ ཡོན་བདག་འདི་ལ་བདེ་ལེགས་ཤོག༔ ཛ་ཡེ་ཛ་ཡེ་རྒྱལ་གྱུར་ཅིག༔ ཡུལ་ལྷ་ཕོ་ལྷ་དགྲ་བླ་དང་༔ མ་ལྷ་ཞང་ལྷ་ཕ་ལྷ་དང་༔ ཁྱིམ་ལྷ་མཁར་ལྷ་ཐབ་ལྷ་སོགས༔ འཇིག་རྟེན་སྲིད་པའི་ལྷ་དགུ་དང་༔ སྐྱོབ་པར་བྱེད་པའི་ལྷ་ལྔ་རྣམས༔ ཁྲུས་ལ་སྤྱན་འདྲེན་གཤེགས་སུ་གསོལ༔ མནའ་དང་ཐབ་གཞོབ་དམེ་བཙོག་གིས༔ ལྷ་ལ་གྲིབ་ཕོག་རྨུགས་འཐིབ་ན༔ ཡེ་ཤེས་བདུད་རྩིས་སྐུ་ཁྲུས་གསོལ༔ ཉམས་དང་རྒུད་པ་སོས་གྱུར་ཅིག༔ བྱིང་དང་རྨུགས་གབ་སངས་གྱུར་ཅིག །བཀྲག་དང་གཟི་བརྗིད་ལྡན་གྱུར་ཅིག༔ ལྷ་ཞལ་དུང་བས་དཀར་བར་ཤོག༔ ཕན་བྱེད་ལྷ་ཡི་བཀྲ་ཤིས་གང་༔ ཡོན་བདག་འདི་ལ་བདེ་ལེགས་ཤོག༔ ཛ་ཡེ་ཛ་ཡེ་རྒྱལ་གྱུར་ཅིག༔ ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ སརྦ་དེ་ཝ་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱཿ ཁྲུས་ཆུ་དེ་ཡར་ཁང་ཁ་ན་བསྐྱལ་ལོ༔ དེ་ནས་ནད་པའི་རྐང་ཞབས་སུ་བལ་འདབ་ནག་པོ་བཞག༔ རང་གིས་རྡོར་དྲིལ་དང་བུམ་པ་ཐོགས་ལ༔ ཧཱུྃ༔ རིན་ཆེན་ལས་གྲུབ་བུམ་པའི་ནང་༔ རྣམ་པར་འཇོམས་པ་འོད་ཞུ་བའི༔ ལྷ་ཡི་བདུད་རྩི་དཀར་ལ་འཚེར༔ ནད་རྣམས་ཞི་བའི་སྨན་ཆེན་པོ༔ གདོན་

[Full Size]

རྣམས་འདུལ་བའི་གཉན་པོ་སྟེ༔ སྤྱི་བོ་ཚངས་པའི་ལམ་ནས་ཞུགས༔ ལུས་ཀུན་ཡེ་ཤེས་བདུད་རྩིས་གང་༔ ནད་གདོན་སྡིག་དང་གྲིབ་རྣམས་ཀུན༔ འོག་སྒོ་རྐང་པའི་མཐིལ་རྣམས་ནས༔ དུད་ཁུ་སོལ་ཁུ་བཞིན་དུ་ཐོན༔ ནང་ཁྲུས་མཆོང་བས་དམར་བར་ཤོག༔ ཕྱི་ཡི་ལུས་ལ་བུམ་ཆུས་བཀྲུ༔ གངས་ལ་ཉི་མ་ཤར་བ་བཞིན༔ ཕྱི་ཁྲུས་དུང་བས་དཀར་བར་ཤོག༔ ཅེས་རྣམ་འཇོམས་ཚར་གཅིག་འདོན་ཞིང་ཆབ་གསུམ་ལེན་པ་དང་༔ བུམ་ཆུ་ཐིགས་གཅིག་འཐུང་༔ ཡན་ལག་ལྔ་ཁྲུས་བྱེད་བཅུག་ལ༔ དེ་ནས་མེ་ལོང་ངོས་ལ་ནད་པའི་གཟུགས་འཆར་བ་ལ་ཁྲུས་བྱེད་དོ༔ སརྦ་པཱ་པཾ་སོགས་རྒྱ་སྐད་ལ་བོད་སྐད་དུ་བསྒྱུར་བ་འདི་དག་པར་ངེས་པས་ལེགས་ཏེ༔ ཧཱུྃ༔ རྣམ་པར་འཇོམས་པའི་བདུད་རྩིས་ཆུས༔ མི་དགེ་བཅུ་དང་མཚམས་མེད་ལྔ༔ ལོག་ལྟ་བརྒྱད་དང་ལྕི་བ་བཞི༔ བཀྲུའོ་སྡིག་སྒྲིབ་ཐམས་ཅད་བཀྲུ༔ སོ་སོར་ཐར་བའི་སྡོམ་པ་དང་༔ བྱང་ཆུབ་སེམས་དཔའི་བསླབ་པ་དང་༔ རིག་འཛིན་སྔགས་ཀྱི་དམ་ཚིག་ལས༔ ཉམས་ཆག་ཉེས་ལྟུང་གང་བྱུང་བ༔ བཀྲུའོ་དག་ཅིང་བྱང་གྱུར་ཅིག༔ དམ་ཚིག་ཉམས་ཆག་བསྐང་གྱུར་ཅིག༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ སྡིག་པ་དང་སྒྲིབ་པ་ཐམས་ཅད་ཤཱནྟིཾ་

[Full Size]

ཀུ་རུ་ཡེ་སྭཱ་ཧཱཿ ཞེས་མེ་ལོང་ངོས་སུ་ཁྲུས་བྱའོ༔ དེ་བཞིན་དུ༔ ཧཱུྃ༔ བགེགས་ཆེན་བཞི་དང་བཅོ་བརྒྱད་དང་༔ བགེགས་རིགས་སྟོང་ཕྲག་བརྒྱད་ཅུ་སོགས༔ ཡོན་བདག་ཚེ་དང་བསོད་ནམས་དང་༔ ཁ་རྗེ་དང་ནི་དབང་ཐང་ལ༔ བར་དུ་གཅོད་པའི་བགེགས་རྣམས་ཀྱི༔ བསམ་ངན་སྦྱོར་རྩུབ་གདུག་སེམས་རྣམས༔ བཀྲུའོ་བདུད་རྩིའི་ཆུ་ཡིས་བཀྲུ༔ གངས་རྒྱུན་བཞིན་དུ་དག་གྱུར་ཅིག༔ ཤེལ་དཀར་བཞིན་དུ་དྭངས་གྱུར་ཅིག༔ བགེགས་ཀྱི་བར་ཆད་མེད་པར་ཤོག༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔་བགེགས་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཧཱུྃ༔ རླུང་ནད་ཉི་ཁྲི་ཆིག་སྟོང་དང་༔ མཁྲིས་ནད་ཉི་ཁྲི་ཆིག་སྟོང་དང་༔ བད་ཀན་ཉི་ཁྲི་ཆིག་སྟོང་དང་༔ འདུས་པ་ཉི་ཁྲི་ཆིག་སྟོང་དང་༔ འབྱུང་བཞི་འཁྲུགས་པའི་ནད་རྣམས་ཀུན༔ བཀྲུའོ་བདུད་རྩིའི་ཆུ་ཡིས་བཀྲུ༔ བ་མོ་ལ་ནི་ཉི་ཟེར་བཞིན༔ ནད་ཀུན་མྱུར་དུ་ཞི་གྱུར་ཅིག༔ ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ནད་ཐམས་ཅད་ཤཱན་ཀུ་རུ་ཡེ་སྭཱ་ཧི༔ ཧཱུྃ༔ ཟ་བའི་འདྲེ་དང་ཤི་བའི་གཤེད༔ འགབ་འདྲེ་ཡུལ་འདྲེ་འཁྱམས་པོ་དང་༔ རྒྱལ་འགོང་དམ་སྲི་དཀོར་གྱི་འདྲེ༔ ལ་

[Full Size]

ཁའི་བཙན་དང་ལུང་ཁུང་བདུད༔ ཤི་འདྲེ་མོ་དང་གསོན་འདྲེ་མོ༔ བསེ་རག་ལྟོགས་འགོང་དབུལ་བའི་སྲི༔ མ་རུངས་གདུག་པ་ཅན་རྣམས་ཀུན༔ བཀྲུའོ་བདུད་རྩིའི་ཆུ་ཡིས་་བཀྲུ༔ མུན་པ་ལ་ནི་ཉི་ཤར་ལྟར༔ ཐམས་ཅད་སངས་ཤིང་དག་གྱུར་ཅིག༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ གདུག་པ་ཅན་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཧཱུྃ༔ མ་མོ་མཁའ་འགྲོའི་ཁ་རླངས་རིམས༔ ཉིན་གཅིག་པ་དང་ཉིན་གཉིས་པ༔ ཉིན་གསུམ་པ་དང་ཉིན་བཞི་པ༔ ཉིན་བདུན་པ་དང་རྟགས་པའི་རིམས༔ མི་ནད་ཕྱུགས་ནད་ཡམས་ཀྱི་ནད༔ འགོས་ནས་གློ་བུར་འཆི་བའི་རྐྱེན༔ ཐམས་ཅད་ཡེ་ཤེས་ཆུ་ཡིས་བཀྲུ༔ བྱང་ཞིང་དག་ནས་ཡམས་ནད་ཀུན༔ ཐམས་ཅད་རྒྱུན་ཆད་ཞི་བར་ཤོག༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ རིམས་ནད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཧཱུྃ༔ ཕོ་གདོན་ཉི་ཁྲི་ཆིག་སྟོང་དང་༔ མོ་གདོན་ཉི་ཁྲི་ཆིག་སྟོང་དང་༔ ཀླུ་གདོན་ཉི་ཁྲི་ཆིག་སྟོང་དང་༔ འདུས་གདོན་ཉི་ཁྲི་ཆིག་སྟོང་དང་༔ སྔོན་ལས་འཕྲལ་རྐྱེན་ལས་བྱུང་བའི་གདོན་རིགས་སྟོང་ཕྲག་བརྒྱད་ཅུ་ཡི༔ བསམ་ངན་སྦྱོར་རྩུབ་ངན་པ་ཀུན༔ བཀྲུའོ་ཡེ་ཤེས་བདུད་

[Full Size]

རྩིས་བཀྲུ༔ ནད་དང་གདོན་ལས་ཐར་གྱུར་ཅིག༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ གདོན་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཧཱུྃ༔ རྒྱུ་ནི་སྔོན་གྱི་ལས་ལས་བྱུང་༔ གདོན་དང་བགེགས་ཀྱིས་རྐྱེན་བྱས་ནས༔ འབྲས་བུ་འབྱུང་བཞི་འཁྲུགས་པའི་ནད་ཚོར་བ་སྡུག་བསྔལ་ཉིད་དུ་སྨིན༔ རྣམ་པར་འཇོམས་པའི་མཐུ་སྟོབས་དང་༔ གཟུངས་སྔགས་ཟབ་མོའི་བྱིན་རླབས་དང་༔ ཁྲུས་མཆོག་རྟེན་འབྲེལ་ནུས་པ་ཡིས༔ ད་ལྟ་རྒྱུ་སྦྱོར་ཡོན་བདག་ཉེ་བར་འཚེ་བ་བྱེད་པ་རྣམས༔ བཀྲུའོ་གནོད་འཚེ་ཐམས་ཅད་བཀུ༔ ཐམས་ཅད་བྱང་ཞིང་དག་གྱུར་ཅིག༔ ཨོཾ་བཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཉེར་བར་འཚེ་བ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ འདི་མན་ཆད་སྔགས་མི་དགོས༔ དྲིལ་བུ་འཁྲོལ་ཞིང་ཚིག་མཚམས་སུ་མེ་ལོང་ངོས་སུ་བུམ་ཆུ་བླུག་པར་བྱའོ༔ ཧཱུྃ༔ མེ་དང་ཆུ་དང་དུག་དང་མཚོན༔ གཡང་ས་གཅན་གཟན་ལ་སོགས་པ་དུས་མིན་འཆི་བ་བཅོ་བརྒྱད་རྣམས༔ བཀྲུའོ་ཡེ་ཤེས་ཆུ་ཡིས་བཀྲུ༔ ཚེ་ཡི་བར་ཆད་ཞི་གྱུར་ཅིག༔ མེ་ལོང་ངོས་སུ་བུམ་ཆུ་གཏིགས་སོ༔ དེ་འགྲེའོ༔ ཧཱུྃ༔ དངངས་སྐག་གྲིབ་ཀྱིས་ནོན་པ་དང་༔ གཉིད་རྡོལ་སད་ལངས་

[Full Size]

རྒྱུག་པ་དང་༔ མགོ་བཅད་སྙིང་ཕྱུང་རྨི་བ་དང་༔ མེ་དོང་ལྟུང་དང་ཆུ་ཡི་ས་ཁྱེར༔ དགྲ་དང་གཅན་གཟན་གདོང་དགུས་དེར༔ ས་ཞབས་བྱིངས་དང་རི་ཡིས་མནན༔ རྨི་ལམ་ངན་པ་ཐམས་ཅད་ཀུན༔ བཀྲུའོ་ཡེ་ཤེས་ཆུ་ཡིས་བཀྲུ༔ དེ་དག་འབྲས་བུ་མེད་གྱུར་ཅིག༔ བུམ་ཆུ༔ རོ་གཉན་ཁུར་དང་མནའ་གཉན་བསྐྱལ༔ ཤིང་གཉན་བཅད་དང་རྡོ་གཉན་རློག༔ ས་གཉན་བརྐོས་དང་ཁང་གཉན་བཤུས༔ སྤར་ཁ་གཟའ་སྐར་མི་རུང་བྱས༔ བྱ་བྱེད་ངན་པ་ཐམས་ཅད་ཀུན༔ བཀྲུའོ་ཡེ་ཤེས་ཆུ་ཡིས་བཀྲུ༔ ཉེས་བྱས་ཐམས་ཅད་དག་གྱུར་ཅིག༔ བུམ་ཆུ་ཧཱུྃ༔ ལས་ནི་སེམས་པ་དང་དེས་བྱས༔ སེམས་པ་ཡིད་ཀྱི་ལས་ཡིན་ཏེ༔ མི་རུང་བསམ་ངན་སྣ་ཚོགས་དང་༔ མི་དགེ་མཚམས་མེད་ཡིད་ལ་དྲན༔ འདོད་ཆགས་ཞེ་སྡང་གཏི་མུག་དང་༔ ང་རྒྱལ་ཕྲག་དོག་བསམ་པ་ཤར༔ རང་སྐྱོན་མེ་ལོང་གཟུགས་བརྙན་ལྟར༔ བསམ་པ་དུག་ལྔས་རྐྱེན་བྱས་པས༔ ཕྱི་ནས་ནད་གདོན་དགྲ་བགེགས་ལངས༔ སེམས་ཀྱི་གཡེང་བ་ངན་པ་རྣམས༔ བཀྲུའོ་ཡེ་ཤེས་ཆུ་ཡིས་བཀྲུ༔ མེ་ལོང་ཕྱིས་པ་ལྟ་བུར་ཤོག༔ སེམས་ཀྱི་ཉེས་པ་དག་གྱུར་ཅིག༔ བུམ་

[Full Size]

ཆུ༔ གཞན་ཡང་བྱུར་དང་སྐལ་པ་ངན༔ བཀྲ་མི་ཤིས་པ་ཐམས་ཅད་བཀྲུ༔ ཕ་རོལ་ཆོད་གཏོང་བྱད་ཁ་དང་༔ ཟོར་ཁ་ཕུར་ཁ་ཐམས་ཅད་བཀྲུ༔ བཟའ་ཉེས་པ་དང་བསྒོམས་ཉེས་དང་༔ དྲི་ཉེས་བཤད་ཉེས་ཐམས་ཅད་དང་༔ བཟླས་བརྗོད་མ་དག་སྐྱོན་རྣམས་བཀྲུ༔ གཟའ་དང་རྒྱུ་སྐར་གནོད་པ་ཡི༔ གཟའ་ནད་ལྐུགས་རེངས་ཐམས་ཅད་བཀྲུ༔ འཆི་བདག་གཤིན་རྗེའི་ཕོ་ཉ་དང་༔ བདུད་ཀྱི་ཞགས་པ་ཁྲམ་འདེབས་བཀྲུ༔ མཚན་མོ་ནག་མོའི་གནོད་པ་དང་༔ མོ་འདྲེ་བསེན་མོའི་གནོད་པ་བཀྲུ་ནད་རིགས་བཞི་བརྒྱ་རྩ་བཞི་བཀྲུ༔ བགེགས་རིགས་སྟོང་ཕྲག་བརྒྱད་ཅུ་བཀུ༔ ཡེ་འདྲོག་སུམ་བརྒྱ་དྲུག་ཅུ་བཀྲུ༔ གློ་བུར་དགུ་བཅུ་རྩ་གཅིག་བཀྲུ༔ ཕ་ཚན་ནང་གི་རྒྱབ་འདྲེ་བཀྲུ༔ མ་ཚན་ནང་གི་སྟོང་འདྲེ་བཀྲུ༔ མ་བུ་གཉིས་ཀྱི་བྱུར་འདྲེ་བཀྲུ༔ བྱད་དང་འཁོན་གྲིབ་ཐམས་ཅད་བཀྲུ༔ ཟས་ངན་ལྟོ་རུ་ཟོས་པ་བཀྲུ༔ གོས་ངན་ལུས་ལ་གྱོན་པ་བཀྲུ༔ མི་གཙང་ཕྱོགས་ངན་བདུད་གཅོད་བཀྲུ༔ དམེ་དང་ཁྲེལ་དང་བྱུར་རྣམས་བཀྲུ༔ མི་གཙང་མནོལ་གྲིབ་ཕོག་པ་བཀྲུ༔ ལུས་ཀྱི་ན་ཚ་ཐམས་ཅད་བཀྲུ༔ སེམས་ཀྱི་

[Full Size]

སྡུག་བསྔལ་ཐམས་ཅད་བཀྲུ༔ ལུས་ངག་ཡིད་གསུམ་སྡིག་སྒྲིབ་བཀྲུ༔ གངས་རི་བཞིན་དུ་དཀར་གྱུར་ཅིག༔ ཤེལ་དཀར་བཞིན་དུ་དྭངས་གྱུར་ཅིག༔ ནད་མེད་བདེ་བ་ཐོབ་གྱུར་ཅིག༔ འཆི་མེད་རིག་འཛིན་ཐོབ་གྱུར་ཅིག༔ ན་མཤྩཎྜ་བཛྲ་ཀྲོ་དྷ་ཡ་སོགས་ཉེ་སྙིང་བརྗོད་ལ་བུམ་ཆུ་མགོ་ལ་བླུག་གོ༔ ངག་ཏུ་བླུད་དོ༔ དེ་ནས་ལག་ཏུ་ཀུ་ཤའམ་རལ་གྲི་སོགས་བྱབ་རྫས་གང་རུང་ཐོགས༔ རང་གི་གཡས་རྡོ་རྗེ་དང་༔ གཡོན་མཐེ་བོང་གི་མཛུབ་ཆུང་མནན༔ གཞན་གསུམ་བརྐྱང་བ་རྡོ་རྗེ་རྩེ་གསུམ་གྱི་ཕྱག་རྒྱས་རྨ་བྱའི་སྒྲོ་སོགས་གང་འཛོམ་བཟུང་༔ མདུན་དུ་ངར་མི་བཞག་ལ༔ ཧཱུྃ༔ ང་ནི་རྡོ་རྗེ་རྣམ་པར་འཇོམས༔ ཕྱག་གཡས་སྣ་ཚོགས་རྡོ་རྗེ་འཛིན༔ གཡོན་པས་རྡོ་རྗེ་རྩེ་གསུམ་གྱི༔ ཕྱག་རྒྱས་བྱབ་པའི་རྫས་འཛིན་པའི༔ དབུས་སུ་ཟླ་བའི་དཀྱིལ་འཁོར་སྟེང་༔ ཧཱུྃ་ཡིག་མཐའ་མར་སྔགས་ཀྱིས་བསྐོར༔ ཡིག་འབྲུ་རྣམས་ལས་འོད་བྱུང་ནས༔ ནད་དང་གདོན་དང་གྲིབ་རྣམས་ཀུན༔ འོད་དེས་བསྡུས་ནས་ངར་མི་ལ༔ སྤོ་བའི་ཚུལ་དུ་ཐིམ་པར་གྱུར༔ ཧཱུྃ༔ བྱབ་རྫས་རྩ་མཆོག་ཀུ་ཤ་འདི༔ ཚངས་པ་ལྷ་ཡི་བྱིན་གྱིས་བརླབས༔ དག་ཅིང་གཙང་བར་བྱེད་པའི་རྫས༔ རྒྱུ་སྦྱོར་ཡོན་གྱི་བདག་པོ་ཡི༔ ཚེ་རབས་

[Full Size]

འཁོར་བ་ཐོག་མེད་ནས༔ བསགས་པའི་སྡིག་པ་སྒྲིབ་པ་དང་༔ དམ་ཚིག་ཉམས་ཆག་ཐམས་ཅད་ཀུན༔ བྱབ་བོ་ཀུ་ཤའི་རྫས་ཀྱིས་བྱབ༔ སྤོའོ་ངར་མི་ཁྱོད་ལ་སྤོ༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ སྡིག་པ་དང་སྒྲིབ་པ་ཐམས་ཅད་ཨ་པ་ན་ཡེ་སྭཱ་ཧཱཿ ཞེས་བྱབ་ཅིང་འོག་མ་རྣམས་ལ་ཡང་སྔགས་འདི་འགྲེའོ༔ ཧཱུྃ༔ བྱབ་རྗེས་ཡུངས་ཀར་གང་བུ་འདི༔ བསྐལ་པ་བརྒྱད་ཀྱི་ཕ་རོལ་ན༔ ཁྲོ་བོ་བརྒྱད་ཀྱིས་བསྒྲུབས་པ་ཡིན༔ ཏ་ཀྲྀཏ་བརྒྱད་ཀྱིས་རྨོས་པ་ཡིན༔ ཕྲ་མེན་བརྒྱད་ཀྱིས་བརྩམས་པ་ཡིན༔ དབང་ཕྱུག་མ་ཡི་ཕོ་ཉ་ཡིན༔ ཕྱག་ན་རྡོ་རྗེས་ཕུལ་བ་ཡིན༔ ཐུབ་པ་ཆེན་པོས་བྱིན་གྱིས་བརླབས༔ བགེགས་རྣམས་འཇོམས་པའི་རྫ་ས་མཆོག་ཡིན༔ ཡོན་བདག་འདི་ལ་གནོད་པའི་བགེགས༔ བྱབ་བོ་ཡུངས་ཀར་གང་བུས་བྱབ་སྤོའོ་ངར་མི་ཁྱོད་ལ་སྤོ༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ བགེགས་ཐམས་ཅད་ཨ་པ་ན་ཡེ་སྭཱ་ཧཱཿ ཧཱུྃ༔ བྱབ་རྫ་ས་ཕོ་རོག་ནག་པོའི་སྒོ༔ ཡེ་ཤེས་མགོན་པོ་ནག་པོ་ཡིས༔ བྱ་རོག་ནག་པོ་གཅིག་ཏུ་སྤྲུལ༔ དཔག་བསམ་ཤིང་གི་རྩེ་ལ་བབ༔ བྱ་རོག་སྤྲུག་སིལ་ལན་གསུམ་བྱས༔ བྱ་རོག་སྤྲུལ་པས་ནམ་

[Full Size]

མཁའ་གང་༔ ལྷ་མིན་དམག་ཚོགས་ཁྲག་ཏུ་སྐྱུགས༔ བྱ་རོག་གཤོག་པ་བརྡབས་པ་ཡིས༔ ཁ་ནས་མེ་འབར་རྒྱ་མཚོ་ཁོསིང་ག་གླིང་གི་སྲིན་མོ་བཏུལ༔ བྱ་རོག་ཀྲོག་ཁྲོག་ལན་གསུམ་གྱིས་གཤིན་རྗེ་བེ་བྷ་སྭ་ཏ་ཡི༔ ཀླད་པ་དྲངས་ནས་དམ་ལ་བཏགས༔ དེ་ཕྱིར་ཕོ་རོག་ནག་པོའི་སྒོ༔ ནད་དང་གྲིབ་རྣམས་འཇོམས་པའི་རྫས༔ ནད་རིགས་བཞི་བརྒྱ་རྩ་བཞི་དང་༔ རིམས་ནད་ཡམས་ནད་དལ་ཡམས་དང་༔ ཟས་གྲིབ་གོས་གྲིབ་བཙོག་གྲིབ་རྣམས༔ གྲིབ་བྱ་ཕོ་རོག་སྒོ་ཡིས་བྱབ༔ སྤོའོ་ངར་མི་ཁྱོད་ལ་སྤྲོ་ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ནད་དང་རིམས་དང་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ ཧཱུྃ༔ བྱབ་རྫས་རལ་གྲི་འབར་བ་འདི༔ འཇམ་དཔལ་དབྱངས་ཀྱིས་བྱིན་གྱིས་བརླབས༔ དཔལ་ལྡན་ལྷ་མོའི་ཐུགས་ཀྱི་རྟགས༔ ཤེས་རབ་རལ་གྲི་འབར་བ་ཡིས༔ བདག་འཛིན་འཁོར་བའི་རྩ་བ་གཅོད༔ མཚོན་ཆས་མི་འཇིགས་གང་ཡང་མེད་འཚོ་བའི་སྲོག་ལ་ཀུན་ཀྱང་འཛེམ༔ ནད་པ་འདི་ལ་གནོད་བྱེད་པའི༔ བྱིངས་ཆེན་གདོན་དང་ཚབ་ཆེན་བགེགས་མ་རུངས་མི་བསྲུན་གདུག་པའི་ཚོགས༔ བྱབ་བོ་རལ་གྲི་སོ་ཡིས་

[Full Size]

བྱབ༔ སྤོའོ་ངར་མི་ཁྱོད་ལ་སྤོ༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ གདོན་གདུག་པ་ཅན་ཉེ་བར་འཚེ་བ་ཐམས་ཅད་ཨ་པ་ན་ཡེ་སྭཱ་ཧཱཿ ཧཱུྃ༔ དཔག་བསམ་ལྗོན་ཤིང་བྱབ་རྫས་འདི༔ སངས་རྒྱས་རྣམ་པར་སྣང་མཛད་ཀྱི༔ འོད་ཟེར་བྱང་ཆུབ་ཤིང་དུ་འཁྲུངས༔ ཤིང་གི་ལྷ་མོ་འོད་ཟེར་ཅན༔ མཁའ་འགྲོ་ཞིང་སྐྱོང་ཐམས་ཅད་བསྟེན༔ ལྗོན་ཤིང་ལྕུག་མ་གསར་པ་འདི༔ བཀྲ་ཤིས་ལྷ་རྣམས་མཉེས་པའི་རྫ་ས༔ བྱུར་དང་སྐལ་བ་ངན་པ་དང་༔ བཀྲ་མི་ཤིས་པ་ཐམས་ཅད་དང་༔ རྨི་ལམ་མཚན་མ་ངན་། པ་དང་༔ བྱ་བྱེད་ངན་པ་ཐམས་ཅད་ཀུན༔ བྱབ་བོ་ཤིང་གི་ལྕུག་མས་བྱབ༔ སྤོའོ་ངར་མི་ཁྱོད་ལ་སྤོ༔ ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ བཀྲ་མི་ཤེས་པ་ཐམས་ཅད་ཨ་པ་ན་ཡེ་སྭཱ་ཧཱཿ ཧཱུྃ༔ བྱབ་རྫས་རྨ་བྱའི་སྒྲོ་མདོངས་འདི༔ སངས་རྒྱས་སྣང་བ་མཐའ་ཡས་ཀྱི༔ བཞུགས་གདན་མཛེས་བྱེད་རྨ་བྱ་སྟེ༔ ལྷ་ཆེན་གཞོན་ནུའི་ཆིབས་ཀྱི་བྱ༔ དུག་རྣམས་འཇོམས་པ་རྨ་བྱ་སྟེ༔ ཁ་དོག་ལྔ་ནི་ཡེ་ཤེས་ལྔ༔ དུག་ལྔའི་ནད་གདོན་འཇོམས་པའི་རྫས༔ དུས་མིན་འཆི་དང་རྦོད་གཏོང་དང་༔ སེམས་ཀྱི་གཡེང་བ་བྱ་བྱེད་ངན༔

[Full Size]

བྱབ་བོ་རྨ་བྱའི་སྒྲོ་ཡིས་བྱབ༔ སྤོའོ་ངར་མི་ཁྱོད་ལ་སྤོ༔ གཟའ་དང་རྒྱུ་སྐར་གནོད་པ་དང་༔ བདུད་ཀྱི་ཞགས་པ་མཚན་མོ་གདོན༔ བྱབ་བོ་རྨ་བྱའི་སྒྲོ་ཡིས་བྱབ༔ སྤོའོ་ངར་མི་ཁྱོད་ལ་སྤོ༔ བཟའ་ཉེས་བསྒོམས་ཉེས་སྐལ་བ་ངན༔ བྱུར་དང་མི་ཁ་བྲ་མཆུ་རྣམས༔ བྱབ་བོ་རྨ་བྱའི་སྒྲོ་ཡིས་བྱབ༔་སྤོའོ་ངར་མི་ཁྱོད་ལ་སྤོ་ནད་རིགས་བཞི་བརྒྱ་རྩ་བཞི་དང་༔ བགེགས་རིགས་སྟོང་ཕྲག་བརྒྱད་ཅུ་དང་༔ བྱིས་པའི་གདོན་ཆེན་བཅོ་ལྔ་རྣམས༔ བྱབ་བོ་རྨ་བྱའི་སྒྲོ་ཡིས་བྱབ༔ སྤོའོ་ངར་མི་ཁྱོད་ལ་སྤོ༔ གློ་བུར་དགུ་བཅུ་རྩ་གཅིག་དང་༔ ཡེ་འདྲོག་སུམ་བརྒྱ་དྲུག་ཅུ་རྣམས༔ བྱབ་བོ་རྨ་བྱའི་སྒོ་ཡིས་བྱབ༔ སྤྲོའོ་ངར་མི་ཁྱོད་ལ་སྤོ༔ ཕ་ཚན་ནང་གི་རྒྱབ་འདྲེ་དང་༔ མ་ཚན་ནང་གི་སྟོང་འདྲེ་རྣམས༔ བྱབ་བོ་རྨ་བྱའི་སྒོ་ཡིས་བྱབ༔ སྤོའོ་ངར་མི་ཁྱོད་ལ་སྤོ༔ འཁོན་དང་གྲིབ་དང་མི་གཙང་བ༔ མི་མཐུན་གནོད་པའི་ཕྱོགས་རྣམས་ཀུན༔ བྱབ་བོ་རྨ་བྱའི་སྒོ་ཡིས་བྱབ༔ སྤོའོ་ངར་མི་ཁྱོད་ལ་སྤོ༔ ན་མཉྩནྡྷ་བཛྲ་ཀྲོ་དྷ་ཡ་དང་། མི་མཐུན་པའི་ཕྱོགས་ཐམས་ཅད་ཨ་པ་ན་ཡེ་སྭཱ་ཧཱཿ དེ་ནས་རྐང་ཞབས་ཀྱི་བལ་འདབ་ནག་པོ་དེ་ངར་མི་ལ་བསྐོན༔ རྐང་ཞབས་སུ་བལ་འདབ་དཀར་

[Full Size]

པོ་བཞག༔ ཧཱུྃ༔ དེ་ལྟར་ཁྲུས་ཀྱི་ཆོ་གས་བཀྲིས༔ བྱབ་པའི་ཆོ་གས་བྱབ་པ་ཡིས༔ སྡུག་བསྔལ་འཁོར་བའི་གདན་ནག་པོ༔ སྤངས་ནས་བདེ་བ་ཐར་པ་ཡི༔ གདན་ནི་དཀར་པོའི་སྟེང་དུ་ཕྱིན༔ བྱང་ཕྱོགས་ལྕང་ལོ་ཅན་གྱི་གནས༔ ཕྱག་ན་རྡོ་རྗེའི་ཞབས་དྲུང་དུ༔ ཕྱིན་པས་ནད་གདོན་བགེགས་ལས་ཐར༔ དེ་ལྟར་བསྒོམས་ལ་ཐལ་སྦྱར་ནས༔ རྡོ་རྗེའི་རྩེ་མོ་འདི་ལ་འཇུས༔ དེ་ནས་འདི་ཡི་རྗེས་ཟློས་མཛོད༔ སྡིག་པ་ཐམས་ཅད་བྱང་བྱས་ནས༔ སྡུག་བསྔལ་ཐམས་ཅད་མེད་པར་བྱེད༔ རྒྱུད་དོ་ཅོག་གི་རྩ་བ་སྟེ༔ དཔལ་ཀུན་གྱིས་ནི་ལེགས་པར་བརྒྱན༔ ལན་གསུམ༔ དེ་ནས་ངར་མི་བྲན་ལ༔ ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་དང་༔ རིན་ཆེན་མང་དང་གཟུགས་མཛེས་དང་༔ འབྱམས་ཀླས་འཇིགས་ཀུན་བྲལ་བ་ཡི༔ དེ་བཞིན་གཤེགས་ལ་ཕྱག་འཚལ་ལོ༔ གླུད་གཏོར་འདོད་པའི་ཡོན་ཏན་ལྔ༔ ངར་མི་མི་བས་གླུད་བཟང་བ༔ ཁམས་དང་སྐྱེ་མཆེད་ཡོངས་སུ་རྫོགས༔ གཅིག་ལས་བརྒྱ་སྟོང་གྲངས་མེད་འཕྲོ༔ སྣང་སྲིད་ལྷ་འདྲེ་ཐམས་ཅད་དང་༔ སྟོང་གསུམ་བདག་པོ་སྤྲིན་གྱི་སྒྲོན༔ རྡོ་རྗེ་མཆུ་དང་བི་ན་ཡ༔ བགེགས་རིགས་སྟོང་

[Full Size]

ཕྲག་བརྒྱད་ཅུ་དང་་ཟ་འདྲེ་ཤི་འདྲེའི་གྲི་བོ་དང་༔ འགོང་པོ་འདྲེ་མོ་བསེ་རག་སོགས༔ ལན་ཆགས་བདག་པོ་ཐམས་ཅད་ལ༔ རྒྱུ་སྦྱོར་ཡོན་གྱི་བདག་པོ་ཡི་ཚེ་སྐྱིན་སྲོག་་གླུད་འདི་འབུལ་ལོ༔ དགའ་མགུ་ཡི་རང་ལྡན་གྱུར་ནས༔ བུ་ལོན་ལན་ཆགས་བྱང་གྱུར་ཅིག༔ མ་གནོད་མ་འཚེ་རང་གནས་དེངས༔ ཨོཾ་སརྦ་བིགྷཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ དེ་ནས་ཁྲུས་ཆུ་དང་ངར་མི་གཅིག་གིས་བཟུང་བཅུག་ལ༔ ཧཱུྃ༔ ང་ནི་རྡོ་རྗེ་རྣམ་པར་འཇོམས༔ སངས་རྒྱས་ཀུན་གྱི་མཐུ་སྟོབས་བདག༔ ཡོན་བདག་འདི་ལ་གནོད་བྱེད་བགེགས༔ འདི་རུ་མ་འདུག་གཞན་དུ་དེངས༔ གལ་ཏེ་བཀའ་ལས་འདའ་བྱེད་ན༔ རྡོ་རྗེ་རྣམ་འཇོམས་ཐུགས་ཁྲོས་ནས༔ ས་གས་རྒྱ་མཚོ་གནམ་དུ་འཕྱུར༔ གནམ་གྲུམ་འབྲུག་སྒྲས་ཀླད་ཁྲག་འགེམས༔ སྲིད་རྩེ་མནར་མེད་ཡན་ཆད་ཀྱི༔ བདུད་དང་བགེགས་ཀྱི་གནས་རྣམས་ཀུན༔ ཡེ་ཤེས་མེ་ཆེན་མཆེད་ཅིང་འབར་སྐད་ཅིག་ཉིད་ལ་སྲེག་པར་བྱེད༔ དེ་བས་མྱུར་དུ་ཕྱིར་དེངས་ཤིག༔ ཨོཾ་སུཾ་བྷ་ནི་སོགས། དྲག་སྔགས་བརྗོད༔ རོལ་མོ་བྱ༔ ནས་ལྕག་བྲབ༔ བགེགས་གནས་པའི་ཕྱོགས་བྱང་ཤར་དུ་བསྐྱལ་བཅུག་གོ༔ དེ་ནས་གཡོན་དྲིལ་བུ་འཁྲོལ་གཡས་རྡོ་རྗེ་གསོར་

[Full Size]

ཞིང་༔ ཧཱུྃ༔ བདག་མདུན་རྣམ་པར་འཇོམས་པ་ཡི༔ སྐུ་ལས་སྣ་ཚོགས་རྡོ་རྗེ་ཡི༔ ཆར་བབས་བསྲུང་བྱའི་ལུས་ལ་ནི༔ རྡོ་རྗེའི་གོ་ཁྲབ་ཞུ་ལུབས་གྱུར༔ སུས་ཀྱང་ཚུགས་པར་མི་འགྱུར་བ༔ རྡོ་རྗེ་ཕ་ལམ་ལྟ་བུར་གྱུར༔ ན་མཤྩཎྜ་བཛྲ་སོགས། བཛྲ་རཀྵ་རཀྵ༔ ཞེས་སྤྱི་བོར་རྡོ་རྗེ་རྒྱ་གྲམ་དུ་བཞག༔ དེ་བཞིན་དུ༔ ན་མོ༔ དཀོན་མཆོག་གསུམ་དང་རྩ་བ་གསུམ༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་སྔགས་དང་ཕྱག་རྒྱ་དང་༔ རྡོ་རྗེ་རྣམ་འཇོམས་བདེན་པའི་མཐུས༔ ཡོན་བདག་བསྲུང་བྱ་འདི་ཉིད་ལ༔ སྡིག་སྒྲིབ་བགེགས་དང་བར་ཆད་རྣམས༔ སྲུངས་ཤིག་སྲུངས་ཤིག་བསྐྱབ་ཏུ་གསོལ༔ ཨོཾ་ཨཱཿབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ སྡིག་པ་ཐམས་ཅད་ལས་སྲུངས་ཤིག༔ བགེགས་ཐམས་ཅད་ལས་སྲུངས་ཤིག༔ བར་ཆད་ཐམས་ཅད་ལས་སྲུངས་ཤིག༔ རཀྵ་རཀྵ་སྭཱ་ཧཱཿ ཞེས་སྙིང་གར་རྡོ་རྗེ་རྒྱ་གྲམ་གྱི་ཚུལ་དུ་བཞག༔ གདུག་པ་ཅན་དང་རིམས་ཀྱི་ནད༔ ཉེ་བར་འཚེ་དང་གདོན་གྱི་ཚོགས༔ དུས་མིན་འཆི་དང་རྨི་ལམ་ངན༔ མཚན་མ་ངན་དང་བྱ་བྱེད་ངན༔ སེམས་ཀྱི་གཡེང་བ་ལ་སོགས་པ༔ སྲུངས་ཤིག་སྐྱོབས་ཤིག་

[Full Size]

འཚོ་བར་མཛོད༔ ཨོཾ་ཨཱབཛྲ་དཱ་ར་ཎ་ཧཱུྃ་ཧཱུྃ་ཕཊ༔ གདུག་པ་ཅན་ཐམས་ཅད་སྲུངས་ཤིག༔ རིམས་ཐམས་ཅད་ལས་སྲུངས་ཤིག༔ གདོན་དང་ཉེར་བར་འཚེ་བ་དང་དུས་མིན་འཆི་བ་སྲུངས་ཤིག༔ རྨི་ལམ་མཚན་མ་ངན་པ་དང་བྱ་བྱེད་ངན་པ་སྲུངས་ཤིག་རཀྵ་རཀྵ་སྭཱ་ཧཱཿ ཞེས་དཔུང་གཡས་དང་༔ བྱུར་དང་སྐལ་བ་ངན་པ་དང་༔ བཀྲ་མི་ཤིས་དང་རྗོད་གཏོང་མཐུ༔ བཟའ་ཉེས་དང་ནི་བསྒོམས་ཉེས་དང་༔ གཟའ་དང་རྒྱུ་སྐར་གནོད་པ་དང་༔ བདུད་ཀྱི་ཞགས་པ་གཤིན་རྗེ་ཡི༔ ཕོ་ཉ་ཐོམས་ཅད་སྲུང་ཞིང་སྐྱོབས༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ བྱུར་དང་སྐལ་ངན་བཀྲ་མི་ཤིས་པ་ཐམས་ཅད་སྲུངས་ཤིག༔ བཟའ་ཉེས་བསྒོམས་ཉེས་གཟའ་དང་རྒྱུ་སྐར་གྱི་གནོད་པ་ཐམས་ཅད་སྲུངས་ཤིག་ཞགས་པ་གཤིན་རྗེའི་ཕོ་ཉ་ཐམས་ཅད་སྲུངས་ཤིག་རཀྵ་རཀྵ་སྭཱ་ཧཱཿ ཞེས་ཕྲག་པ་གཡོན་དུ་བཞག་གོ༔ མཚན་མོའི་གདོན་དང་བྱད་འཁོན་གྲིབ༔ ནད་རིགས་བཞི་བརྒྱ་རྩ་བཞི་དང་༔ བགེགས་རིགས་སྟོང་ཕྲག་བརྒྱད་ཅུ་དང་༔ གློ་བུར་ཡེ་འདྲོག་སུམ་བརྒྱ་དང་༔ དྲུག་ཅུ་ཐམས་ཅད་བསྲུང་དུ་གསོལ༔ ཕ་ཚན་རྒྱབ་འདྲེ་མ་བུ་ཡི༔ བྱུར་འདྲེ་མི་གཙང་

[Full Size]

གྲིབ་ལ་སོགས༔ མི་མཐུན་ཕྱོགས་ཀུན་བསྲུང་དུ་གསོལ༔ ཨོཾ་ཨཱབཛྲ་དཱ་ར་ཎ་ཧཱུྃ་ཧཱུྃ་ཕཊ༔ མི་མཐུན་པའི་ཕྱོགས་ཐམས་ཅད་རཀྵ་རཀྵ་སྭཱ་ཧཱཿ ཞེས་རྒྱབ་ཏུ་བཞག༔ སངས་རྒྱས་སྐུ་གསུམ་བརྙེས་པའི་བྱིན་རླབས་དང་༔ ཆོས་ཉིད་མི་འགྱུར་བདེན་པའི་བྱིན་རླབས་དང་༔ དགེ་འདུན་མི་ཕྱེད་འདུན་པའི་བྱིན་རླབས་དང་༔ རྒྱལ་བ་སྲས་དང་བཅས་པའི་བྱིན་རླབས་དང་༔ རྡོ་རྗེ་རྣམ་པ་འཇོམས་པའི་མཐུ་སྟོབས་ཀྱིས༔ འགྲོ་བ་འདི་ལ་བདག་གིས་བསྲུངས་ཟིན་གྱིས༔ འདི་ལ་སུས་ཀྱང་གནོད་པ་མ་བྱེད་ཅིག༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ བཛྲ་རཀྵ་རཀྟ་ཧཱུྃ་སྭཱ་ཧཱཿ ཞེས་སྤྱི་བོར་བཞག༔ དེ་ནས་རབ་གནས་ཀྱི་ཚུལ་དུ་མེ་ཏོག་འཐོར་ཞིང་༔ ཧཱུྃ༔ སྔོན་ཚེ་བཅོམ་ལྡན་ཐུབ་པའི་དབང་པོ་ཡིས༔ རྡོ་རྗེ་རྣམ་འཇོམས་རྩ་བའི་རྒྱུད་གསུངས་པས༔ རྒྱལ་པོའི་སྡིག་བྱང་མི་ནད་ཕྱུགས་ནད་ཆད༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ རིན་ཆེན་ཁང་བུ་བརྩེགས་པའི་གཞལ་ཡས་སུ༔ བཤད་པའི་རྒྱུད་གསུངས་དགའ་རབ་དབང་ཕྱུག་བཏུལ༔ དེ་བཞིན་དེང་འདིར་བདུད་དང་ལོག་འདྲེན་ཐུལ༔ བར་ཆད་རྐྱེན་རྣམས་ཞི་བའི་བཀྲ་ཤིས་ཤོག༔ དེང་

[Full Size]

འདིར་རྒྱུ་སྦྱོར་སྦྱིན་པའི་བདག་པོ་ཡི༔ ཚེ་དང་བསོད་ནམས་དབང་ཐང་ཆོས་སྲིད་རྣམས༔ ཡར་ངོའི་ཟླ་བཞིན་འཕེལ་བའི་བཀྲ་ཤིས་ཤོག༔ ནད་གདོན་བར་ཆད་རྐྱེན་དང་སྡིག་སྒྲིབ་རྣམས༔ མྱུར་དུ་ཟད་ཅིང་སྟོང་པའི་བཀྲ་ཤིས་ཤོག༔ སློབ་དཔོན་ཚེ་རིང་བུམ་པ་བཀྲ་ཤིས་ཤིང་༔ ཡོན་བདག་ནད་མེད་བདེ་བའི་བཀྲ་ཤིས་ཤོག༔ ཡུལ་ཁམས་མི་ནད་ཕྱུགས་ནད་རྒྱུན་ཆད་ཅིང་༔ ལོ་ལེགས་འབྲུ་འཕེལ་བདེ་སྐྱིད་ཕུན་སུམ་ཚོགས༔ ལྷམ་མེ་ལྷན་ནེ་ལྷང་ངེ་གསལ་གྱུར་ནས༔ གསང་སྔགས་བསྟན་པ་མཐའ་རྒྱས་བཀྲ་ཤིས་ཤོག༔ འོ་དེས་རྡོ་རྗེ་རྣམ་པར་འཇོམས་པའི་བྱབ་ཁྲུས་ཀྱི་ཆོ་ག་ལེགས་པར་གྲུབ་པས་གཏང་རག་གི་མཎྜལ་ཕུལ༔ ས་གཞི་སྤོས་སོགས༔ ཞེས་པ་འདི་ནི་གནམ་ཆོས་སྒྲུབ་ཐབས་ལས་བྱུང་བའི་ལྷན་ཐབས་ཁ་སྐོང་གི་ཚུལ་དུ༔ གསང་སྔགས་རྙིང་མའི་སློབ་དཔོན་བི་མ་ལའི་ལུགས་ཀྱི་བྱབ་ཁྲུས་རྗེ་རང་བྱུང་བས་བསྒྲིགས་པར་མཛད་པའི་དོན་བསྡུས་ཏེ་ཚིགས་བཅད་དུ་ཕབ་ནས་བྲིས་པ་ཡིན་ཏེ༔ འདི་བྱ་རྒྱུད་གསར་མའི་ལུགས་ལྟར་ཤ་ཆང་སྤང་དགོས་པ་སོགས་མིན་པས་ཕྲག་ཡངས་པ་དང་༔ གསར་མའི་ལུགས་ལ་རྣམ་འཇོམས་གཟུངས་རིང་འབུམ་ཕྲག་གཅིག་བསྙེན་ཚད་དེ༔ དུས་ཀྱི་དབང་གིས་འབུམ་ཕྲག་བཞི་དགོས་ལ༔ བསྙེན་པ་མ་ཐོན་པའི་བྱབ་ཁྲུས་བྱིན་རླབས་ཆུང་

[Full Size]

ཞིང་༔ དེའི་བསྙེན་པ་ཐོན་པ་དཀོན་ལ༔ གནམ་ཆོས་འདིའི་སྔགས་ཉུང་ངུ་དེ་སུམ་འབུམ་མམ་དུས་ནི་ཞག་བདུན་བཟླས་ཀྱང་ཆོག་པས་འགྲུབ་སླའོ༔ ཞེས་གོ་འཇོ་བླ་མ་ལྷུན་གྲུབ་བས་བསྐུལ་ནས༔ དུ་སྦྱར་བས་སེམས་ཅན་མང་པོ་ལ་ཕན་པར་གྱུར་ཅིག༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྣམ་འཇོམས་བྱབ་ཁྲུས་ཤིན་ཏུ་བསྡུས་པ།

[Full Size]

ན་མོ་བཛྲ་བི་དཱ་ར་ཎ་ཡེ། རྣམ་འཇོམས་བྱབ་ཁྲུས་ཤིན་ཏུ་བསྡུས་པ་བྱེད་ན་གཅིག་ཤེས་ཀུན་གྲོལ་ལྟར་རམ་གནམ་ཆོས་བདག་མདུན་བུམ་པ་གསུམ་བསྒྲུབས་ནས་གཟུངས་ཅི་ནུས་བཟླ། དེ་ནས་ནད་པའི་མདུན་དུ་ཆ་གསུམ་བཏང་ལ། དེ་ནས་བུམ་པ་ཐོགས་ཏེ། ད་བུམ་པ་འདིའི་ནང་ན་རྡོ་རྗེ་རྣམ་པར་འཇོམས་པ་འོད་དུ་ཞུ་བ་ལས་བྱུང་བའི་བདུད་རྩིས་ཁྱེད་རང་རྣམས་ལ་ཁྲུས་བྱས་པས་ནད་གདོན་སྡིག་སྒྲིབ་ཐམས་ཅད་སང་སང་དག་ནས་ལུས་ཤེལ་གོང་གཡའ་དག་པ་ལྟར་གྱུར་པར་བསྒོམས་ལ། ཆ་གསུམ་ཡན་ལག་ལྔ་ཁྲུས་དང་མཇུག་ཏུ་བུམ་ཆུ་ཐིགས་གཅིག་འཐུང་བཅུག་ལ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ འདི་ནི་ཁྲུས་མཆོག་དཔལ་དང་ལྡན༔ ཐུགས་རྗེའི་ཆུ་ནི་བླ་ན་མེད༔ བྱིན་རླབས་ཡེ་ཤེས་ཆུ་ཡིན་ཏེ༔ ཅི་འདོད་དངོས་གྲུབ་སྩོལ་བར་མཛོད༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཡན་ལག་ལྔ་ཁྲུས་བྱེད་ཚེ་གཟུངས་རིང་ཚར་གཅིག་བརྗོད། དེ་ནས་མེ་ལོང་ལ་གཟུགས་འཆར་དུ་བཅུག །ཡང་སྙིང་གི་མཐར་སྔགས་རེ་དང་ཆུ་ཐིགས་རེ་སྤྲད། ཨོཾ་སརྦ་པཱ་པཾ་སྡིག་པ་དང་སྒྲིབ་པ་

[Full Size]

ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཨོཾ་སརྦ་བིགྷཱ་ནཾ་བགེགས་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཨོཾ་སརྦ་རོ་ག་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་སརྦ་དུཏྟཾ་གདུག་པ་ཅན་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་སརྦ་ཛཱ་ར་རིམས་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཨོཾ་སརྦ་ཨུ་པ་ཏ་ཡེ་ཉེ་བར་འཚེ་བ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་སརྦ་གྲ་ཧེ་གདོན་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་སརྦ་ཨ་ཀ་ལ་མྲྀ་ཏུ་དུས་མ་ཡིན་པར་འཆི་བ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཨོཾ་སརྦ་དུར་སོབ་རྨི་ལམ་ངན་པ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཨོཾ་སརྦ་ཙིཏྟ་བྱེ་ཀུ་ལེ་སེམས་ཀྱི་གཡེང་བ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ འོ་དེས་ཁྲུས་ཀྱི་ཆོ་ག་སོང་ནས། བྱབ་པའི་ཆོ་ག་ནི། རྨ་བྱའི་སྒྲོ་མདངས་འདིའི་དབུས་སུ་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལྗང་སྔོན་གྱི་མཐར་གཟུངས་རིང་གིས་བསྐོར་བའི་འོད་ཀྱིས་ནད་གདོན་ཐམས་ཅད་བྱབ་སྟེ་ཁྲུས་ཆུ་ལ་ཐིམ་པར་སྒོམས་ཤིག༔ ཡང་སྙིང་གི་མཐར། ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་བིགྷཱ་ནཾ་བགེགས་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་རོ་ག་

[Full Size]

ནད་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་དུཏྟཾ་གདུག་པ་ཅན་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་ཛཱ་ར་རིམས་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་ཨུ་པ་ཏ་ཡི་ཉེ་བར་འཚེ་བ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་གྲ་ཧེ་གདོན་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་ཨ་ཀ་ལ་མྲྀ་ཏུ་དུས་མ་ཡིན་པར་འཆི་བ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་དུར་སོབ་རྨི་ལམ་ངན་པ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་ཨ་པ་ན་ཡེ་སྭཱ་ཧཱཿ ཨོཾ་སརྦ་ཙིཏྟ་བྱེ་ཀུ་ལེ་སེམས་ཀྱི་གཡེང་བ་ཐམས་ཊཾཅད་ཨ་པ་ན་ཡེ་སྭཱ་ཧཱཿ འོ་དེས་བྱབ་པ་སོང་ནས་བསྲུང་བའི་དོན་དུ་རྡོ་རྗེ་རྣམ་པར་འཇོམས་པའི་ཐུགས་ཀ་ནས་སྣ་ཚོགས་རྡོ་རྗེ་ཆར་རྒྱུན་བཞིན་བབས་ནས་ཁྱེད་རང་རྣམས་ལ་རྡོ་རྗེའི་གོ་ཁྲབ་བསྐོན་པར་སྒོམས་ཤིག༔ ཡང་སྙིང་གི་མཐར་སྔགས་རེ་བརྗོད་ཅིང་༔ མགོ་བོ་དང་གནས་ལྔ་དཔུང་མགོ་གཉིས་པུས་མོ་རྣམས་སུ་རྒྱ་གྲམ་བཞག་ལ༔ ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་རཀྵ་རཀྟ་ཡེ་སྭཱ་ཧཱཿ ཨོཾ་སརྦ་བིགྷ་ནཱན་བགེགས་ཐམས་ཅད་ལས་རཀྵ་རཀྟ་ཡེ་སྭཱ་ཧཱཿ ཨོཾ་སརྦ་རོ་ག་ནད་ཐམས་ཅད་རཀྟ་རཀྟ་ཡེ་སྭཱ་ཧཱཿ ཨོཾ་སརྦ་དུཏྟཾ་གདུག་པ་ཅན་ཐམས་ཅད་རཀྟ་

[Full Size]

རཀྟ་ཡེ་སྭཱ་ཧཱཿ ཨོཾ་སརྦ་ཛཱ་ར་རིམས་ཐམས་ཅད་རཀྵ་རཀྟ་ཡེ་སྭཱ་ཧཱཿ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨོཾ་སརྦ་ཨུ་པ་ཏ་ཡེ་ཉེ་བར་འཚེ་བ་ཐམས་ཅད་རཀྵ་རཀྵ་ཡེ་སྭཱ་ཧཱཿ ཨོཾ་སརྦ་གྲ་ཧེ་གདོན་ཐམས་ཅད་རཀྟ་རཀྟ་ཡེ་སྭཱ་ཧཱཿ ཨོཾ་སརྦ་ཨ་ཀ་ལ་ཚྭ་ཏུ་དུས་མ་ཡིན་པར་འཆི་བ་ཐམས་ཅད་རཀྟ་རཀྟ་ཡེ་སྭཱ་ཧཱཿ ཨོཾ་སརྦ་དུར་སོབ་རྨི་ལམ་ངན་པ་ཐམས་ཅད་རཀྟ་རཀྟ་ཡེ་སྭཱ་ཧཱཿ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་རཀྵ་རཀྵ་ཡ་སྭཱ་ཧཱཿ ཨོཾ་སརྦ་ཙིཏྟ་བྱེ་ཀུ་ལེ་སེམས་ཀྱི་གཡེང་བ་ཐམས་ཅད་རཀྵ་རཀྟ་ཡེ་སྭཱ་ཧཱཿ རྒྱལ་བ་སྲས་བཅས་བདེན་པའི་བྱིན་རླབས་དང་༔ རྡོ་རྗེ་རྣམ་པར་འཇོམས་པའི་མཐུ་སྟོབས་ཀྱིས༔ འགྲོ་བ་འདི་ལ་བདག་གིས་བསྲུངས་ཟིན་གྱིས༔ འདི་ལ་སུས་ཀྱང་གནོད་པ་མ་བྱེད་ཅིག༔ ཨོཾ་བཛྲ་རཀྵ་རཀཱ་ཡེ་སྭཱ་ཧཱཿ ཞེས་རོལ་མོ་དང་བཅས་བཀྲ་ཤིས་བརྗོད། འདིར་དབང་བསྐུར་རམ་མི་བསྐུར་ཀྱང་རུང་། ཞེས་ཞྭ་དམར་ཅོད་པན་འཛིན་པ་དཀོན་མཆོག་ཡན་ལག་གིས་མཛད་པ་ལས། ༧ རཱ་ག་ཨ་སྱས་ཅུང་ཞིག་གསལ་བར་བྱས་པའོ། །སརྦ་མངྒ་ལཾ།། །།

རྡོ་རྗེ་རྣམ་པར་འཇོམས་པའི་བྱབ་ཁྲུས།

[Full Size]

རྡོ་རྗེ་རྣམ་པར་འཇོམས་པའི་བྱབ་ཁྲུས་བཞུགས་སོ།། རང་ཉིད་སྐད་ཅིག་གིས་རྡོ་རྗེ་རྣམ་པར་འཇོམས་པ་སྐུ་མདོག་ལྗང་སྔོན་ཞལ་གཅིག་ཕྱག་གཉིས་པ། ཕྱག་གཡས་ཁྲུས་ཀྱི་བུམ་པ་དང་། གཡོན་དྲིལ་བུ་དཀུར་བརྟེན་པ། དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་ཞབས་སེམས་དཔའི་སྐྱིལ་མོ་ཀྲུང་གིས་བཞུགས་པ། ཐུགས་ཀར་ཟླ་བའི་སྟེང་དུ་ཧཱུྃ་ཡིག་ལྗང་གུ་ལ་གཟུངས་སྔགས་གཡས་སུ་འཁོར་བ་ལས་འོད་ཟེར་འཕྲོས་པས་བུམ་པ་ནང་གི་ཁྲུས་ཆུ་ལ་ཕོག་པས། རྡོ་རྗེའི་སློབ་མ་འདི་ཉིད་ཀྱི་ནད་གདོན་སྡིག་སྒྲིབ་དང་མི་གཙང་བ་ཐམས་ཅད་མ་ལུས་པ་བྱང་ཞིང་དག་པར་ནུས་པ་ཁྲུས་ཆུ་ཡེ་ཤེས་ལྷ་ཡི་བདུད་རྩིའི་ནུས་པ་དང་ལྡན་པར་གྱུར། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། ཧཱུྃ། སྟོང་གསུམ་ཀུན་ཏུ་དྲི་མཆོག་འབྱུང་གྱུར་བའི། །སྤོས་དང་སྨན་སྦྱར་ཆུ་གཙང་དག་པའི་ཁྲུས། །ཡིད་བཞིན་སྤྲིན་ཕུང་མཁའ་ལས་ཆར་འབེབས་པའི། །མི་གཙང་དྲི་མའི་ཚོགས་ཀུན་དག་

[Full Size]

གྱུར་ཅིག །ཨོཾ་ཤུདྡྷེ་ཤུ་དྷ་ན་ཡེ་སྭཱ་ཧཱ། །ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། འདོན་ལ་གྱེར་སྒོམ་སྦྲགས་ལ་འདི་སྐད་དོ།། ཧཱུྃ། རྡོ་རྗེ་རྣམ་འཇོམས་བྱིན་རླབས་དང་། །གཟུངས་སྔགས་ཁྲུས་ཀྱི་ནུས་པ་དང་། བདག་གི་སྔགས་དང་ནུས་པ་འདིས། །སྐལ་ལྡན་སློབ་མ་འདི་ཉིད་ལ། །སྟེང་གདོན་གཟའ་དང་རྒྱུ་སྐར་གྲིབ། །བར་གདོན་བཙན་དང་ཐེའུ་རང་གྲིབ། །འོག་གདོན་ཀླུ་དང་ས་བདག་གྲིབ། །རྒྱལ་བསེན་དམ་སྲི་འབྱུང་པོའི་གྲིབ། །དེ་རྣམས་མ་ལུས་དག་གྱུར་ཅིག །ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། ཨོཾ་ཤུདྡྷེ་ཤུདྡྷེ་ནཱད་གདོན་གྲིབ་དང་མི་གཙང་བ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། སྡིག་ཅན་ཤན་པ་དམེ་ཕོའི་གྲིབ། །དམ་ཉམས་བན་བཙུན་ཕོ་མོའི་གྲིབ། །ཡུགས་ས་ནལ་མ་རབས་ཆད་གྲིབ། །དེ་རྣམས་མ་ལུས་དག་གྱུར་ཅིག །ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། ཨོཾ་ཤུདྡྷེ་ཤུདྡྷེ་ནད་གདོན་གྲིབ་དང་མི་གཙང་བ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཟས་ངན་ཁ་རུ་ཟོས་པའི་གྲིབ། །གོས་ངན་ལུས་ལ་གྱོན་

[Full Size]

པའི་གྲིབ། །གནས་ཁང་སྦྲ་ཁང་ངན་པའི་གྲིབ། །དེ་རྣམས་མ་ལུས་དག་གྱུར་ཅིག །ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ༔ བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། ཨོཾ་ཤུདྡྷེ་ཤུདྡྷེ་ནད་གདོན་གྲིབ་དང་མི་གཙང་བ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། རོ་ངན་ཁ་ལག་འབྲེལ་བའི་གྲིབ། །ཐབ་གཞོབ་འཐབ་མོ་འཛིངས་རྩོད་གྲིབ། །རྫས་ངན་རྒྱུ་དང་སྤྱད་ཆའི་གྲིབ། །དེ་རྣམས་མ་ལུས་དག་གྱུར་ཅིག །ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། ཨོཾ་ཤུདྡྷེ་ཤུདྡྷེ་ནད་གདོན་གྲིབ་དང་མི་གཙང་བ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། རི་རྩེ་སྤྱང་ཐད་ཤ་དམར་གྲིབ། །བན་བོན་བྱེད་ཁ་གཏད་མནན་གྲིབ། །ལྷ་འདྲེའི་ཕོག་ཐུག་ཕྲག་དོག་གྲིབ། །དེ་རྣམས་མ་ལུས་དག་གྱུར་ཅིག །ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། ཨོཾ་ཤུདྡྷེ་ཤུདྡྷེ་ནད་གདོན་གྲིབ་དང་མི་གཙང་བ་ཐམས་ཅད་ཤཱནཾ་ཀུ་རུ་ཡེ་སྭ་ཧཱ། ཕུག་ལྷས་མ་བཞེས་འཁུ་དོག་གྲིབ། །དགྲ་ལྷས་མ་བཞེས་ཉམས་པའི་གྲིབ། །དམ་ཚིག་ཉམས་ཆག་བཀའ་ཆད་གྲིབ། །དེ་རྣམས་མ་ལུས་དག་གྱུར་ཅིག །

[Full Size]

ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། ཨོཾ་ཤུདྡྷེ་ཤུདྡྷེ་ནད་གདོན་གྲིབ་དང་མི་གཙང་བ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། སྔོན་ལས་འཕྲལ་རྐྱེན་ལས་ཀྱི་གྲིབ། །སྐལ་ལྡན་སློབ་མ་ཁྱོད་ཉིད་ལོ། །མགོ་ནད་སྤྲིན་ལྟར་འཐིབ་པའི་གྲིབ། །མིག་ནད་གྲ་ལིང་འབྱུང་བའི་གྲིབ། །ལུས་ལ་ན་ཚ་འབྱུང་བའི་གྲིབ། །སྲོག་ལ་བར་ཆད་འབྱུང་བའི་གྲིབ། །དེ་དག་མ་ལུས་དག་གྱུར་ཅིག །ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ། ཨོཾ་ཤུདྡྷེ་ཤུདྡྷེ་ནད་གདོན་གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། དེ་ལྟར་གཟུངས་སྔགས་ཆུ་ཡིས་ཁྲུས་བྱས་པས། །གྲིབ་དང་ནད་གདོན་མ་ལུས་ཀུན་དག་ནས། །ཚེ་དང་བསོད་ནམས་དཔལ་འབྱོར་ལོངས་སྤྱོད་རྣམས། །ཟླ་བ་ཡར་ངོ་བཞིན་དུ་རྒྱས་པར་ཤོག །ཉི་ཟླ་སྤྲིན་བྲལ་བཞིན་དུ་གསལ་བར་ཤོག །ཆོས་སྲིད་དབྱར་མཚོ་བཞིན་དུ་རྒྱས་པར་ཤོག །འཆི་མེད་ཚེ་ཡི་རིག་འཛིན་འགྲུབ་པར་ཤོག །ཤིས་བརྗོད་བྱ། ཨ་རཱ་གས་བྲིས་པའོ། །སརྦ་མངྒ་ལཾ།། །།

རྡོ་རྗེ་རྣམ་པར་འཇོམས་པའི་གཟུངས་བཟླ་དུས་དམིགས་རིམ་ཟིན་བྲིས་ཤིན་ཏུ་གསལ་བ།

[Full Size]

རྡོ་རྗེ་རྣམ་པར་འཇོམས་པའི་གཟུངས་བཟླ་དུས་དམིགས་རིམ་ཟིན་བྲིས་ཤིན་ཏུ་གསལ་བ་བཞུགས་སོ།

[Full Size]

ན་མོ་བཛྲ་བི་དཱ་ར་ཎ་ཡེ། རྣམ་འཇོམས་འདི་ནི་བྱ་རྒྱུད་ཡིན་པ་ཡིས། །ཤ་ཆང་སྤངས་ནས་གཙང་སྦྲ་ཆེ་བར་དགོས། །འོན་ཀྱང་རྒྱུད་དོ་ཅོག་གི་རྩ་བ་སྟེ། །རྒྱུད་སྡེ་བཞི་ཀ་ལྟར་དུ་ཉམས་ལེན་རུང་། །བི་མ་མི་ཏྲ་ནས་བརྒྱུད་དཀར་པོ་འདི། །ཤ་ཆང་ལ་སོགས་སྤངས་ཡང་མི་དགོས་ཤིང་། །དྲན་རྫོགས་སྒོམ་ཆོག་སྤྱན་འདྲེན་མེད་ཀྱང་རུང་། །དེ་ཕྱིར་ཀུན་ལ་ཕན་ཆེ་འདི་ཉིད་བཤད། །མངོན་རྟོགས་ངག་ཏུ་བརྗོད་ནི་མི་དགོས་ཏེ། །གཟུངས་ཉིད་འདོན་ཚེ་ཡིད་ཀྱིས་བསྒོམས་པས་ཆོག །སྟོང་པའི་ངང་ལས་སྐད་ཅིག་དྲན་རྫོགས་སུ། །རང་ཉིད་དམ་ཚིག་ཡེ་ཤེས་དབྱེར་

[Full Size]

མེད་པའི། །བདག་ཉིད་རྣམ་པར་འཇོམས་པ་སྟོན་ཟླའི་མདོག །དཀར་ལ་ཅུང་ཟད་སྔོ་བའི་མདངས་ཆགས་པ། །ཞལ་གཅིག་སྤྱན་གསུམ་ཅུང་ཟད་ཁྲོ་ཞིང་འཛུམ། །དབུ་སྐྲ་ཐོར་ཚུགས་རིན་ཆེན་དབུ་བརྒྱན་དང་། །དབུ་གཙུག་རིགས་བདག་རང་ཆས་རྡོར་སེམས་མཚོན། །ཕྱག་གཡས་རྡོ་རྗེ་རྩེ་ལྔ་ཐུགས་ཀར་འཛིན། །གཡོན་པས་བུམ་པ་ལྟེ་བའི་ཐད་དུ་བསྣམས། །སྣ་ཚོགས་དར་དང་རིན་ཆེན་རྒྱན་གྱིས་སྤྲས། །ཞབས་གཉིས་རྡོ་རྗེ་སྐྱིལ་མོ་ཀྲུང་གིས་ནི། །པདྨ་ཉི་ཟླ་བརྩེགས་པའི་གདན་ལ་བཞུགས། །ཡེ་ཤེས་རང་འོད་འཁྲུགས་པའི་དབུས་ན་གསལ། །དེ་ཡི་ཐུགས་

[Full Size]

ཀར་ཟླ་བའི་དཀྱིལ་འཁོར་སྟེང་། །ཧཱུྃ་ཡིག་དཀར་ལ་སྔོ་བའི་མདངས་ཆགས་པ། །དེ་མཐར་གཟུངས་སྔགས་གཡས་སུ་འཁོར་བ་ལས། །འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། །བདག་དང་སེམས་ཅན་ཀུན་གྱི་སྒྲིབ་པ་སྦྱངས། །དུས་གསུམ་རྒྱལ་བ་སྲས་བཅས་ཐམས་ཅད་ཀྱི། །ཐུགས་རྗེ་བྱིན་རླབས་འོད་ཟེར་རྣམ་པར་བསྡུས། །ཐུགས་ཀའི་ཧཱུྃ་དང་སྔགས་ཕྲེང་ལ་ཐིམ་པས། །སྔགས་ཕྲེང་དེ་ལས་ཡེ་ཤེས་བདུད་རྩི་བབ། །བདག་ལུས་ཡེ་ཤེས་བདུད་རྩིས་ལྟེམ་གྱིས་གང་། །སྡིག་སྒྲིབ་མི་གཙང་གྲིབ་དང་ནད་གདོན་རྣམས། །འོག་སྒོ་རྐང་མཐིལ་བ་སྤུའི་བུ་ག་ནས། །ནག་མདངས་ཉིལ་ཉིལ་ཕྱིར་ཐོན་རང་གི་ལུས། །དྲི་མེད་ཤེལ་སྒོང་ལྟ་བུ་གྱུར་བསྒོམ་ཞིང་། །གཟུངས་སྔགས་བཟླ་བ་རང་དོན་དམིགས་རིམ་ཡིན། །གཞན་གྱི་རིམ་གྲོའི་དོན་དུ་འདོན་པའི་ཚེ། །རང་ཉིད་རྣམ་འཇོམས་སྐུ་ཆེ་རི་བོ་ཙམ། །ཕྱག་གཡོན་བུམ་པ་དཀར་པོ་མཆུ་ཡོད་པ། །ཁ་རྒྱན་ཁྲོ་ཞལ་དཀར་པོས་མཚན་པ་འཛིན། །བུམ་པའི་ནང་དུ་ཟླ་བའི་དཀྱིལ་འཁོར་སྟེང་། །ཧཱུྃ་ཡིག་དཀར་ལ་སྔོ་མདངས་ཆགས་པའི་མཐར། །གཟུངས་སྔགས་གཡས་སུ་འཁོར་བའི་འོད་ཟེར་གྱིས། །རྣམ་འཇོམས་

[Full Size]

ཁྲོ་བོ་བཅུ་སོགས་སངས་རྒྱས་དང་། །བྱང་སེམས་ཀུན་གྱི་བྱིན་རླབས་འོད་དེས་བསྡུས། །བུམ་ལྷའི་ཧཱུྃ་དང་སྔགས་ཕྲེང་ལ་ཐིམ་པས། །བདུད་རྩིའི་རྒྱུན་བབས་བུམ་པ་ལྟེམ་གྱིས་གང་། །བུམ་པའི་མཆུ་ནས་བདུད་རྩིའི་ཆུ་རྒྱུན་ནི། །རྐྱལ་པའི་ཁ་ནས་འོ་མ་བྱོ་བཞིན་བབ། །ནད་པ་ལ་སོགས་བསྲུང་བྱ་གང་ཡིན་གྱི། །སྤྱི་བོར་བབས་ནས་འགའ་ཞིག་ཚངས་བུག་ཞུགས། །ལུས་ཀྱི་ཕྱི་ནང་གཉིས་ཀ་བཀྲུས་པ་ཡིས། །སྡིག་སྒྲིབ་ནད་གདོན་གྲིབ་དང་མི་གཙང་དག །ལུས་ཀུན་དྲི་མེད་ཤེལ་སྒོང་ལྟར་གྱུར་བསྒོམ། །དེ་དག་ལན་བ་གཅིག་བསྒོམས་པ་མ་ཡིན་ཏེ། །གཟུངས་ནི་ཇི་ཙམ་འདོན་པའི་ཡུན་དེ་ཡིས། །ཕྱེད་ཡན་རང་དོན་ཕྱེད་མན་གཞན་དོན་བསྒོམ། །རང་དོན་དམིགས་པར་བསྙེན་སྒྲུབ་གཉིས་འདུས་ཏེ། །ལྷ་སྒོམ་བསྙེན་པ་འཕྲོ་འདུས་སྒྲུབ་པ་ཡིན། །གཞན་དོན་དམིགས་པ་ལས་སྦྱོར་ཡིན་པའོ། །དེ་ནས་བསྐྱེད་རིམ་བསྡུ་སོགས་མི་དགོས་ཏེ། །སྒོམ་མཁན་ངོ་བོ་ལྟ་བ་རང་གིས་འཐུས། །རྡོ་རྗེ་ཞེས་བྱ་མི་ཆོད་མི་ཤིགས་པ། །སེམས་ཉིད་ངོ་བོ་འགྱུར་བ་མེད་པ་ཡིན། །དམྱལ་བའི་མེས་ཀྱང་བསྲེགས་པར་མི་ནུས་ཏེ། །དེ་ཕྱིར་སྲ་བ་བརྟན་པ་ཞེས་བྱའོ། །དེ་

[Full Size]

ཉིད་རྟོགས་ན་འཁོར་བའི་སྡུག་བསྔལ་ཀུན། །རྣམ་པར་འཇོམས་པར་བྱེད་པས་རྣམ་འཇོམས་ཟེར། །དེ་ཕྱིར་རང་སེམས་ངོ་བོ་ཉིད་ལ་བལྟ། །དེ་ལྟར་བལྟ་ཞིང་བཟླས་ཀྱང་ལེགས་པ་ཡིན། །བགེགས་རིགས་སྟོང་ཕྲག་ཞི་བ་ལ་སོགས་པའི། །སྨོན་ལམ་ཤེས་བརྗོད་སྤྱི་ལྟར་བྱ་བའོ། །པདྨ་མཐར་ཕྱིན་ཞེས་བྱས་བསྐུལ་བའི་ངོར། །རཱ་ག་ཨ་སྱས་ཉུང་ལ་ཟབ་པར་གདམས་།ཉེས་པ་མཆིས་ན་ཡེ་ཤེས་ལྷ་ལ་བཤགས། །དགེ་བས་གཞན་ཕན་དཔག་མེད་འབྱུང་བར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཁྲོ་བོ་ཆེན་པོ་སྨེ་བ་བརྩེགས་པའི་སྒོ་ནས་རྣལ་འབྱོར་པ་རང་གི་གྲིབ་བསལ་བའི་ཆོ་ག་བདུད་རྩིའི་ཆུ་རྒྱུན།

[Full Size]

ཁྲོ་བོ་ཆེན་པོ་སྨེ་བ་བརྩེགས་པའི་སྒོ་ནས་རྣལ་འབྱོར་པ་རང་གི་གྲིབ་བསལ་བའི་ཆོ་ག་བདུད་རྩིའི་ཆུ་རྒྱུན་ཞེས་བྱ་བ་བཞུགས་སོ།།

[Full Size]

བླ་མ་རྡོ་རྗེ་སེམས་དཔའ་དང་། །ཡི་དམ་སྨེ་བརྩེགས་ཁྲོ་བོ་དང་། །མཁའ་འགྲོ་སྨེ་བརྩེགས་མ་ལ་འདུད། །གཞན་གྱི་གྲིབ་སེལ་ལོགས་སུ་བསྟན། །རྣལ་འབྱོར་རང་གི་གྲིབ་སེལ་ནི། །ཟན་ནི་གཙང་མ་གཅིག་ལ་ནི། །མཆོད་རྟེན་ནག་པོའི་ཕྱོགས་བཞི་རུ། །མདུན་སྤྲུལ་གཡས་སྦལ་རྒྱབ་ཏུ་བྱ། །གཡོན་དུ་ཕག་ནག་གཟུགས་བྱའོ། །འབྲང་རྒྱས་ཕྱེད་དཀར་ཕྱེད་ནག་དང་། །གོཙང་མའི་སྣོད་དུ་ཆངས་བུ་གསུམ། །གཏོར་ཆུང་ཧྭ་ཡུས་བརྒྱན་བྱས་བཞག །རང་གི་སྲིན་ལག་གཡོན་པ་ལ། །སྐུད་ནག་ཕྱིར་ལོག་བཀལ་བ་དཀྲིས། །གདན་ལ་འདུག་སྟེ་འདི་སྐད་དོ། །དེང་ནས་བྱང་ཆུབ་སྙིང་པོ་མཆིས་ཀྱི་བར། །བླ་མ་སངས་རྒྱས་ཆོས་དང་དགེ་འདུན་དང་། །རྡོ་རྗེ་སེམས་དཔའ་ཁྲོ་བོ་སྨེ་བ་

[Full Size]

བརྩེགས། །ཁྲོ་མོ་སྨེ་བརྩེགས་རྣམས་ལ་སྐྱབས་སུ་མཆི། །འགྲོ་བའི་སྡིག་ལྟུང་གྲིབ་དང་སྡུག་བསྔལ་ཀུན། །བསལ་ནས་དག་པའི་ས་ལ་འགོད་པར་ཤོག །བདག་གི་སྤྱི་བོར་ཟླ་སྟེང་ཧཱུྃ་ཡིག་ལས། །འོད་འཕྲོས་དོན་གཉིས་བྱས་ནས་འདུས་པ་ལས། །བཅོམ་ལྡན་རྡོ་རྗེ་སེམས་དཔའ་ཀུན་དའི་མདོག །མཚན་དཔེ་རབ་རྫོགས་དར་དངརིན་ཆེན་བརྒྱན། །རྡོ་རྗེ་དྲིལ་འཛིན་ཕྱེད་སྐྱིལ་བཞུགས་པ་ཡི། །གནས་གསུམ་ཡིག་འབྲུ་གསུམ་ལས་འོད་འཕྲོས་པས། །རྒྱལ་བ་སྲས་བཅས་ཡི་དམ་ཆོས་སྐྱོང་རྣམས། །བུ་ཡུག་འཚུབ་བཞིན་བྱོན་ནས་སྐུ་ལ་ཐིམ། །

[Full Size]

ཐུགས་ཀར་ཟླ་སྟེང་ཧཱུྃ་ལ་ཡིག་བརྒྱས་བསྐོར། །བདུད་རྩིའི་རྒྱུན་བབས་སྡིག་སྒྲིབ་དག་པར་གྱུར། ཨོཾ་བཛྲ་སཏྭ་ས་མ་ཡ་སོགས་ཡིག་བརྒྱ་དང་། ཨོཾ་བཛྲ་སཏྭ་ཧཱུྃ། ཞེས་ཅི་ནུས་བཟླ། །༈ མཆོད་རྟེན་བྲན། ཨོཾ་ཨཱབིབྷཱནྟ་ཀྲྀ་ཏ་ཧཱུྃ་ཕཊ༔ ཨོཾ་སྭ་བྷཱ་ཝ་སོགས། མཆོད་རྟེན་སྟོང་པའི་ངང་ལས་པད་ཉིའི་སྟེང་། །ཧཱུྃ་ཡིག་མཐིང་ནག་འོད་དུ་ཞུ་བ་ལས། །ཁྲོ་བོ་རྨེ་བརྩེགས་དབུ་དགུ་མདུང་ཐབས་བརྩེགས། །སྐུ་མདོག་དུག་ཆེན་ཧ་ལ་བཞིན་དུ་གནག །ཕྱག་བཞི་ཞབས་བཞི་འབྱུང་བཞིའི་གདན་ལ་བཞུགས། །གཡས་ཀྱི་དང་པོས་མེ་དཀྱིལ་གྲུ་གསུམ་བག་ཆགས་བསྲེག །འོག་མས་ས་དཀྱིལ་གྲུ་བཞི་བག་ཆགས་གནོན། །གཡོན་པས་ཆུ་དཀྱིལ་ཟླུམ་པོས་བག་ཆགས་བཀྲུ། །འོག་ནས་རླུང་དཀྱིལ་ཟླ་གམ་བག་ཆགས་གཏོར། །སྐུ་ལ་དུག་གི་མེ་དཔུང་སྔོ་དམར་འབར། །གདན་མཚམས་ཕྱོགས་བཞིར་དུག་གསུམ་མ་རིག་པའི། །ངོ་བོ་བྱ་སྦྲུལ་ཕག་གསུམ་སྦལ་ནག་བཅས། །གཙོ་བོའི་དཔྲལ་བར་ཨོཾ་དང་མགྲིན་པར་ཨཱཿ །ཐུགས་ཀའི་ཧཱུྃ་ལས་འོད་འཕྲོས་ཡེ་ཤེས་པ། །སྤྱན་དྲངས་དམ་ཚིག་པ་དང་དབྱེར་མེད་གྱུར། །སྤྲོ་ན་སྤྱན་འདྲེན་མ་ལུས་སེམས་ཅན་སོགས་བྱའོ། །ཨོཾ་བྷུར་ཁུང་

[Full Size]

དྷིས་ས་མཱ་ཛཿཛཿཧཱུྃ་བཾ་ཧོཿ རྒྱས་པར་རབ་འབྱམས་རྒྱ་མཚོ་སོགས་གང་འོས་དང་བསྡུ་ན། ཨོཾ་བྷར་ཁུང་དྷིས་ཨརྒྷཾ་སོགས་ནས་ཤབྡ་ཨཱཿཧཱུྃ། དེ་ནས་གཏོར་མ་ཆངས་བུ་ལ་ཆུ་གཙང་བྲན་ལ། །ཨོཾ་ཨཱབིཧཱུྃ་སོགས། ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ལས་རིན་ཆེན་སྣོད། །ཡངས་ཤིང་རྒྱ་ཆེའི་ནང་དུ་ཁཾ་ནག་པོ། །ཞུ་བས་བདུད་རྩིའི་རྒྱ་མཚོ་ནག་པོ་གྱུར། །ཨོཾ་ཨཱཿཧཱུྃ༔ ལན་གསུམ། ཁྲོ་བོའི་ལྗགས་རྩེ་འོད་ཟེར་སྦུ་གུ་ཡིས། །བདུད་རྩི་གསོལ་བས་ཚིམ་ཞིང་དགྱེས་པར་གྱུར། །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ཉེར་གཅིག་བརྗོད་ལ་གཏོར་མ་ཆངས་བུ་མཆོད་རྟེན་དུ་འབུལ། ༈ དེ་ནས་སྲིན་མཛུབ་ལ་དཀྲིས་པའི་སྐུད་པ་ནག་པོའི་སྣེ་ནས་ལག་གཡས་ཀྱིས་བཟུང་ལ། ཨོཾ་བཛྲ་སཏཱ་ས་མ་ཡ༔ སོགས་ཡིག་བརྒྱ་བརྗོད་ཅིང་མཆོད་རྟེན་ལ་བསྐོར་བ་གཅིག་བྱས་ཏེ། རང་གི་སྡིག་སྒྲིབ་དང་མི་གཙང་བ་ཐམས་ཅད་འོད་ནག་པོའི་རྣམ་པར་ཐོན་སྐུད་པ་འདི་ལ་ཐིམ་པ་ཉིད་དུ་གྱུར། ཅེས་མདུད་པ་གཅིག་བྱ། དེ་ལྟ་བུ་གསུམ་མམ་བདུན་ནམ་ཉེར་གཅིག་བྱའོ། །དེ་ནས་སྐུད་པ་མཆོད་རྟེན་གྱི་དབུ་ལ་བཏགས་ནས། བདག་གི་བག་ཆགས་སྡིག་སྒྲིབ་ཉམས་ཆག་དང་། །ཕྲག་དོག་མི་གཙང་གྲིབ་ཀྱིས་གོས་པ་རྣམས། །ཐམས་ཅད་ཁྲོ་བོ་

[Full Size]

ཁྱོད་ལ་མཆོད་པར་འབུལ། །སྐུ་གསུང་ཐུགས་རྒྱུད་མཉེས་ཤིང་ཐུགས་དམ་བསྐང་། །སྐུ་ལུས་གཟི་མདངས་རྒྱས་པར་མཛད་དུ་གསོལ། །དེ་ནས་འབྲང་རྒྱས་དཀར་ནག་གྲིས་བགོས་ལ། དཀར་པོ་ཡར་བཞག །ནག་པོ་མཆོད་རྟེན་མདུན་དུ་བཞག་ལ་བྲན་ནས། ཧཱུྃ། བླ་མ་ཡི་དམ་དཔའ་བོ་མཁའ་འགྲོ་དང་། །ཁྲོ་བོ་ཁྲོ་མོ་ཆོས་སྐྱོང་སྲུང་མའི་ཚོགས། །འཁོར་དང་བཅས་པ་གསན་ཅིང་དགོངས་སུ་གསོལ། །ཉམས་དང་དྲི་མའི་ཚོགས་རྣམས་བྱང་བར་མཛོད། །ཉམས་དང་ཚོགས་འདྲེས་ཉམས་པའི་སྐོང་བ་བྱས། །ཉམས་པ་སྣོད་མེད་རྣམས་ལ་ཆོས་བཤད་བྱས། །ཉམས་པའི་ཟས་ཟོས་ཉམས་པའི་སྐོམ་འཐུང་དང་། །ཉམས་པ་ཅན་དང་གཏམ་འདྲེས་ཁ་རླངས་འདྲེས། །ཉམས་པ་ཅན་དང་ཕྱག་དང་གོས་སྟན་འདྲེས། །ཉམས་གྲིབ་སྐྱོན་གྱུར་རྨེ་རྨུགས་ནལ་གསུམ་དང་། །རོ་བག་སྨེ་བཙོག་སྡིག་སྒྲིབ་ལ་སོགས་ཏེ། །བག་ཆགས་བྱུར་གྱིས་གོས་པའི་ཉེས་པ་ཡིས། །བླ་མ་ཡི་དམ་དཔའ་བོ་མཁའ་འགྲོ་དང་། །ཁྲོ་བོ་ཁྲོ་མོ་ཆོས་སྐྱོང་སྲུང་མ་ཡི། །ཐུགས་དང་འགལ་བར་གྱུར་པ་ཅི་མཆིས་དང་། །རྨེ་བཙོག་དྲི་མའི་ཚོགས་ཀྱིས་གོས་གྱུར་པ། །ཁྱེད་ཀྱི་ཐུགས་དགོངས་ནམ་

[Full Size]

མཁའ་ལྟ་བུ་ལ། །མཐོལ་ཞིང་བཤགས་སོ་གནོང་ཞིང་འགྱོད་ལགས་པས། །དག་ཅིང་བྱུང་ནས་ཉམས་གྲིབ་མེད་པར་མཛོད། །ཉམས་གྲིབ་ནད་གདོན་ཐམས་ཅད་དག་ནས་ཀྱང་། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱིས། །བདག་ཅག་ལུས་ངག་ཡིད་གསུམ་བྱིན་གྱིས་རློབས། །རང་གི་གཏི་མུག་ལས་གྱུར་པའི་གྲིབ་དང་སྡིག་སྒྲིབ་ཐམས་ཅད་ཕག་ལ་ཐིམ་པར་བསམས་ལ། ཧཱུྃ། འབྱུང་བ་ལྔ་འདུས་ཕུང་པོ་ལ། །ཉོན་མོངས་སྒྲིབ་པའི་བག་ཆགས་ཀྱིས། །གོས་པར་གྱུར་པའི་དྲི་མ་རྣམས། །གཏི་མུག་ཕག་ལ་ཐིམ་གྱུར་ཅིག །ཨོཾ་མ་ཧཱ་མ་དྷུ་ལི་ཀ་ཡེ་སྭཱ་ཧཱ། རང་གི་ཞེ་སྡང་ལས་གྱུར་པའི་གྲིབ་དང་སྡིག་སྒྲིབ་ཐམས་ཅད་སྤྲུལ་ལ་ཐིམ་པར་བསྒོམས་ལ། ཧཱུྃ། འབྱུང་བ་ལྔ་འདུས་ཕུང་པོ་ལ། །ཉོན་མོངས་སྒྲིབ་པའི་བག་ཆགས་ཀྱིས། །གོས་པར་གྱུར་པའི་དྲི་མ་རྣམས། །ཞེ་སྡང་སྦྲུལ་ལ་ཐིམ་གྱུར་ཅིག །ཨོཾ་མ་མ་ཀྲོ་ཏ་ཀྲོ་ཏ་ཡེ་སྭཱ་ཧཱ། རང་གི་འདོད་ཆགས་ཀླུ། ལས་གྱུར་པའི་གྲིབ་དང་སྡིག་སྒྲིབ་ཐམས་ཅད་བྱ་ལ་ཐིམ་པར་བསྒོམས་ལ། ཧཱུྃ། འབྱུང་བ་ལྔ་འདུས་ཕུང་པོ་ལ། །ཉོན་མོངས་སྒྲིབ་པའི་བག་ཆགས་ཀྱིས། །གོས་པར་གྱུར་པའི་དྲི་

[Full Size]

མ་རྣམས། །འདོད་ཆགས་བྱ་ལ་ཐིམ་གྱུར་ཅིག །ཨོཾ་མ་ཧཱ་ཀི་ལི་ཀི་ལི་སྔོ་ཏ་ཡེ་སྭཱ་ཧཱ། རང་གི་མ་རིག་པའི་ལས་ལས་གྱུར་པའི་གྲིབ་དང་སྡིག་སྒྲིབ་ཐམས་ཅད་སྦལ་པ་ལ་ཐིམ་པར་བསྒོམས་ལ། ཧཱུྃ། འབྱུང་བ་ལྔ་འདུས་ཕུང་པོ་ལ། །ཉོན་མོངས་སྒྲིབ་པའི་བག་ཆགས་ཀྱིས། །གོས་པར་གྱུར་པའི་དྲི་མ་རྣམས། །མ་རིག་སྦལ་པ་འདི་ལ་ཐིམ་གྱུར་ཅིག །ཨོཾ་མ་མ་རཾ་རཾ་ཡེ་སྭཱ་ཧཱ། དེ་ལྟར་མ་རིག་པ་དང་དུག་གསུམ་སོ་སོའི་གཟུགས་ལ་ཐིམ་པ་དེ་ཁྲོ་བོ་ལ་མཐུན་རྫས་སུ་འབུལ་བས་མཉེས་པར་བསྒོམས་ལ། ཧཱུྃ། འབྱུང་བ་ལྔ་འདུས་ཕུང་པོ་ལ། །བྱུར་དང་ནད་གདོན་སྡིག་སྒྲིབ་རྣམས། །ཁྲོ་ཆེན་སྨེ་བ་བརྩེགས་པ་ལ། །མཆོད་པར་འབུལ་བས་དགྱེས་པར་མཛོད། །ཨོཾ་མ་མ་སུ་སུ་ཡེ་སྭཱ་ཧཱ། ཨོཾ་མ་མ་རཾ་རཾ་ཡེ་སྭཱ་ཧཱ། ཨོཾ་མ་མ་ཀར་ཀར་ཡེ་སྭཱ་ཧཱ། ཨོཾ་མ་མ་ཆུར་ཆུར་ཡེ་སྭཱ་ཧཱ། ཞེས་བརྗོད། དེ་ནས། ཧཱུྃ། རང་གི་སྤྱི་བོར་རྡོར་སེམས་སྐུ་ལུས་ལས། །བདུད་རྩིའི་རྒྱུན་བབ་ཚངས་བུག་ནས་ཞུགས་ཏེ། །བདུད་རྩིས་ལུས་གང་ལུས་ངག་ཡིད་གསུམ་གྱི། །སྡིག་སྒྲིབ་ནད་གདོན་གྲིབ་དང་མི་གཙང་བ། །ཐམས་ཅད་སོལ་ཁུའི་རྣམ་པར་ལུས་ནས་ཐོན། །སྨེ་བ་

[Full Size]

བརྩེགས་ལ་མཆོད་པའི་ཚུལ་དུ་འབུལ། །ཁྲོ་བོ་ཤིན་ཏུ་དགྱེས་ནས་གཟི་མདངས་འབར། །མཐུ་ནུས་སྟོབས་རྩལ་ཕུན་སུམ་ཚོགས་པར་གྱུར། །ཨོཾ་བཛྲ་སཏྭ་ས་མ་ཡ༔ སོགས་ཡིག་བརྒྱ་ལན་གསུམ་དང་། ཨོཾ་བྷུར་རྐུ་མ་ཧཱ་པྲ་མཱ་ན་ཡེ་བྷུ་རྩི་བྷུརྐི་བི་མ་ལེ་ཨུ་ཙུསྨུཀྲོ་དྷ་ཧཱུྃ་ཕཊ། ཅེས་ཁྲོ་བོ་རྨེ་བརྩེགས་ཀྱི་སྔགས་ལན་གསུམ་དང་། ཨོཾ་གྷར་ཁཾ་འཛིར་ཁཾ་ཨུ་ཙུཥྨ་ཀྲོ་ཏ་ཕཊ་སྭཱ་ཧཱ། ཞེས་ཁྲོ་མོ་སྨེ་བརྩེགས་ཀྱི་སྔགས་ལན་གསུམ་རྣམས་བརྗོད་ཅིང་། མཆོད་རྟེན་གྱི་སྟེང་དུ་ཁྲུས་བྱས་ལ། བདག་ནི་མི་ཤེས་རྨོངས་པ་ཡིས། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །རྩ་བ་ཡན་ལག་དམ་ཚིག་རྣམས། །ཉམས་ཆག་འགལ་འཁྲུལ་མཐོལ་ལོ་བཤགས། །སྡིག་སྒྲིབ་ཉེས་ལྟུང་དྲི་མའི་ཚོགས། །ཐམས་ཅད་དག་པར་མཛད་དུ་གསོལ། །དེ་སྐད་གསོལ་བ་བཏབ་པ་ཡིས། །རྡོ་རྗེ་སེམས་དཔའ་འོད་ཞུ་ནས། །བདག་ལ་ཐིམ་པས་བདག་ཉིད་ནི། །ཡི་དམ་ལྷ་ཡི་སྐུར་གསལ་གྱུར། །ཨོཾ་ཨཱཿཧཱུྃ། དེ་ནས་མཆོད་རྟེན་གཏོར་མ་སོགས། །གྲོང་ཁྱེར་གྱི་ནི་ལྷོ་

[Full Size]

ཕྱོགས་སམ། །ཁང་པ་མི་མངོན་ས་རུ་ནི། །རོལ་མོ་དང་བཅས་བསྐྱལ་ནས་ཀྱང་། །ཨོཾ་སུམ་བྷ་ནི་སུམ་བྷ་ཧཱུྃ། ཞེས་སོགས་མཚམས་བཅད་སྲུང་འཁོར་བསྒོམ། །དཔེར་ན་རྨ་བྱས་དུག་འཐུང་ན། །སྒྲོ་ལ་མདངས་རེ་འབྱུང་བ་ཡིན། །དེ་བཞིན་སྨེ་བརྩེགས་གྲིབ་སོགས་ཀྱིས། །མཆོད་ན་སྐུ་ལུས་གཟི་མདངས་རྒྱས། །རང་གི་ཉམས་གྲིབ་དག་པ་ཡིན། །སྨེ་བརྩེགས་གྲིབ་སེལ་ཟབ་མོ་འདི། །གཞུང་གི་འཁྲུགས་བསལ་ལག་ལེན་བསྲེས། །སྨེ་བརྩེགས་བསྙེན་པའི་རྣལ་འབྱོར་པ། །རཱ་གའི་མིང་ཅན་དེ་ཡིས་བྲིས། །ཉེས་བཤགས་དགེ་བས་སྒྲིབ་དག་ཤོག །བྷ་ཝནྟུ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཁྲོ་བོ་རྨེ་བརྩེགས་ཀྱི་སྒོ་ནས་གཞན་གྱི་ཉམས་གྲིབ་སེལ་བར་བྱེད་པའི་ཆོ་ག

[Full Size]

ཁྲོ་བོ་རྨེ་བརྩེགས་ཀྱི་སྒོ་ནས་གཞན་གྱི་ཉམས་གྲིབ་སེལ་བར་བྱེད་པའི་ཆོ་ག་ལེགས་པར་བཞུགས་བའི་དབུའོ།།

[Full Size]

ན་མོ་བཛྲ་ཀྲོ་ཏཱ་ཡ། གྲིབ་སེལ་ནི། མཆོད་རྟེན་ནག་པོ་བང་རིམ་དགུ་པ་ཤིང་ནག་གི་སྲོག་ཤིང་ཅན་གྱི་གཡས་སུ་བྱ། གཡོན་དུ་སྤྲུལ། རྒྱབ་ཏུ་སྦལ་པ། མདུན་དུ་ཕག་རྣམས་ནག་པོ་བྱ། དམར་གཏོར་གཅིག་དང་། སྐུད་པ་ནག་པོ་ནད་པའི་ལུས་ཚད་དང་། ནད་པའི་ཆངས་བུ་བཅུ་གསུམ། ཤ་དུམ་བཅུ་གསུམ་རྣམས་བཤམ། བདག་མདུན་བུམ་གསུམ་སྔོན་དུ་སོང་ནས། འོ་ན་སངས་རྒྱས་ཐམས་ཅད་ཡེ་ཤེས་ལ་ཆེ་ཆུང་ཐུགས་རྗེ་ལ་མྱུར་བུལ་མེད་ནའང་། དང་པོའི་ཐུགས་བསྐྱེད་ལུགས་ཀྱི་དབང་གིས་གྲིབ་ཐམས་ཅད་སེལ་བ་ལ་ཁྲོ་བོ་རྨེ་བརྩེགས་འདི་ཐུགས་རྗེ་ཆེ་བ་ཡིན་ཏེ། དེ་ལ་དགོངས་ནས་སློབ་དཔོན་པདྨས། ཉམས་པ་ཅན་གྱི་

[Full Size]

གྲིབ་བྱུང་ན། །སྨེ་བ་བརྩེགས་པས་ཁ་འཛིན་མཛོད། །ཅེས་གསུངས་པ་ལྟར་ཁྲོ་བོ་རྨེ་བརྩེགས་ཀྱི་སྒོ་ནས་གྲིབ་བསལ་བའི་ཕྱིར་མཎྜལ་ཕུལ། ས་གཞི་སོགས། ད་མདུན་གྱི་མཆོད་རྟེན་འདི་ཉིད་སྟོང་པའི་ངང་ལས་པད་ཉིའི་སྟེང་དུ་ཧཱུྃ་ལས་བྱུང་བའི་ཁྲོ་བོ་རྨེ་བརྩེགས་སྐུ་མདོག་དུག་ཧ་ལ་ལྟར་གནག་པ། སྤྱན་གསུམ་གསུམ་བསྒྲད་པའི་དབུ་དགུ་མདུང་ཐབས་སུ་བརྩེགས་པ། ཞལ་གདངས་ཤིང་མཆེ་བ་བཞི་བཞིར་གཙིགས་པ། ཕྱག་བཞི་དང་པོ་གཉིས་ས་དང་ཆུའི་དཀྱིལ་འཁོར་གྱིས་གྲིབ་གནོན་ཅིང་བཀྲུ་བ། འོག་མ་གཉིས་མེ་དང་རླུང་གི་དཀྱིལ་འཁོར་

[Full Size]

བསྣམས་ནས་གྲིབ་ཐམས་ཅད་སྲེག་ཅིང་གཏོར་བ། ཞབས་བཞིས་འབྱུང་པོ་བཞི་མནན་པ་དེ་ལྟ་བུར་སྒོམས་ཤིག །ནད་པས་སྲུང་སྐུད་ནག་པོ་དེ་སྙིང་གར་བཟུང་ལ། ད་ཁྱེད་རང་གི་ནད་གདོན་སྡིག་སྒྲིབ་ཐམས་ཅད་སྐུད་པ་འདི་ལ་ཐིམ་པར་སྒོམས་ཤིག །ན་མོ་སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། ཁྲོ་བོ་རྨེ་བ་བརྩེགས་པའི་བདེན་པ་ཆེན་པོའི་མཐུས། ནད་པ་འདི་ལ་གནོད་པའི་ནད་གདོན་གྲིབ་ཐམས་ཅད་སྲད་བུ་ནག་པོ་འདི་ལ་མཆིས་པར་གྱུར་ཅིག །ཅེས་ལན་གསུམ་བརྗོད། དེ་ནས་རང་གི་ལག་པས་སྲད་བུ་དེ་བཟུང་ལ་ནད་པ་ལ་གཡོན་སྐོར་རེ་དང་མདུད་པ་རེ་དང་སྔགས་རེ་སྤྲད་ལ། ཡིག་བརྒྱ་ཚར་གཅིག །ཨོཾ་བྷར་ཧཱུྃ་སོགས་སྔགས་རིང་ཚར་བརྒྱད། ད་ཁྱེད་རང་གི་གྲིབ་དང་ནད་གདོན་ཐམས་ཅད་ཁྲོ་བོ་སྨེ་བརྩེགས་ལ་འབུལ་བའི་མོས་པས་འདིའི་རྗེས་ཟློས་མཛོད། བདག་གི་ནད་གདོན་སྡིག་སྒྲིབ་འཚེར་རྩུབ་ཐམས་ཅད་ཁྲོ་བོའི་རྒྱལ་པོ་ཁྱོད་ལ་མཆོད་པར་འབུལ་ལོ། །ཞེས་སྐུད་པ་དེ་མཆོད་རྟེན་གྱི་དབུ་ལ་བཏགས། འོ་དེ་ལྟར་གྲིབ་དང་ནད་གདོན་ཐམས་ཅད་ཁྲོ་བོ་རྨེ་བརྩེགས་ལ་ཕུལ་བས་ཁྲོ་བོ་ཆེན་པོ་དེ་ཤིན་ཏུ་མཉེས་པོར་གྱུར་ཅེས་བརྗོད། ད་ཁྱེད་རང་གི་དུག་ལྔ་དུག་

[Full Size]

གསུམ་ལས་གྱུར་པའི་ནད་གདོན་སྡིག་སྒྲིབ་ཐམས་ཅད་གཟུགས་བརྙན་འདི་རྣམས་ལ་ཐིམ་པར་སྒོམས་ཤིག །ན་མོ་སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། ཁྲོ་བོ་རྨེ་བརྩེགས་ཀྱི་བདེན་པ་ཆེན་པོའི་མཐུས། ནད་པ་འདི་ཡི་མ་རིག་པ་དང་ང་རྒྱལ་ལས་གྱུར་པའི་ནད་གདོན་གྲིབ་ཐམས་ཅད་སྦལ་པ་ནག་པོ་འདི་ལ་ཐིམ་པར་གྱུར་ཅིག །ཞེ་སྡང་དང་ཕྲག་དོག་ལས་གྱུར་པའི་ནད་གདོན་གྲིབ་ཐམས་ཅད་སྤྲུལ་ནག་པོ་འདི་ལ་ཐིམ་པར་གྱུར་ཅིག །གཏི་མུག་དང་ང་རྒྱལ་ལས་གྱུར་པའི་ནད་གདོན་གྲིབ་ཐམས་ཅད་ཕག་ནག་པོ་འདི་ལ་ཐིམ་པར་གྱུར་ཅིག །འདོད་ཆགས་ལས་གྱུར་པའི་ནད་གདོན་གྲིབ་ཐམས་ཅད་བྱ་ནག་པོ་འདི་ལ་ཐིམ་པར་གྱུར་ཅིག །དེ་ནས་མེ་ལོང་བུམ་པ་ཐོགས་ལ་སྡེར་ནང་གཅིག་ཏུ་ཁྲུས་བྱ་ཞིང་། ཧཱུྃ། ཁྲོ་བོ་སྨེ་བ་བརྩེགས་པ་ནི། །མཐུ་དང་ནུས་པ་བསམ་མི་ཁྱབ། །ནད་གདོན་གྲིབ་སོགས་དག་པར་མཛོད། །དག་མཛད་ལྷ་ལ་ཕྱག་འཚལ་བསྟོད། །ཨོཾ་བྷར་ཧཱུྃ་སོགས་སྔགས་རིང་ཐུང་གང་རུང་ལ། གྲིབ་དང་ནད་གདོན་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཞེས་བཏགས་པས་མེ་ལོང་གི་གཟུགས་བརྙན་བཀྲུ་བ་

[Full Size]

གྲེའོ། །ཕྱག་གཡས་འོག་མས་མེ་ཡི་འཁོར་ལོ་བསྣམས། །མེ་ཡི་ལྷ་མོ་གོས་དཀར་མོ། །ཞེ་སྡང་བག་ཆགས་དག་པར་མཛོད། །དག་མཛད་ལྷ་ལ་ཕྱག་འཚལ་བསྟོད། །ཨོཾ་བྷུར་ཧཱུྃ་སོགས། གཡོན་གྱི་དང་པོས་ཆུ་ཡི་འཁོར་ལོ་བསྣམས། །ཆུ་ཡི་ལྷ་མོ་མཱ་མ་ཀཱི། །འདོད་པའི་བག་ཆགས་དག་པར་མཛོད། །དག་མཛད་ལྷ་ལ་ཕྱག་འཚལ་བསྟོད། ཨོཾ་བྷར་ཧཱུྃ་སོགས། གཡོན་གྱི་འོག་མས་རླུང་གི་འཁོར་ལོ་བསྣམས། །རླུང་གི་ལྷ་མོ་དམ་ཚིག་སྒྲོལ། །ཕྲག་དོག་བག་ཆགས་དག་པར་མཛོད། །དག་མཛད་ལྷ་ལ་ཕྱག་འཚལ་བསྟོད། །ཨོཾ་བྷར་ཧཱུྃ་སོགས། །གཡས་ཀྱི་དང་པོས་ས་ཡི་འཁོར་ལོ་བསྣམས། །ས་ཡི་ལྷ་མོ་སངས་རྒྱས་སྤྱན། །གཏི་མུག་བག་ཆགས་དག་པར་མཛོད། །དག་མཛད་ལྷ་ལ་ཕྱག་འཚལ་བསྟོད། །ཨོཾ་བྷར་ཧཱུྃ་སོགས། མི་གཙང་དྲི་མ་སྡུག་བསྔལ་ཀུན། །ས་ཡིས་བཀབ་དང་མེ་ཡིས་བསྲེགས། །ཆུ་ཡིས་ཁྱེར་དང་རླུང་གིས་གཏོར། །ཏིལ་འབྲུ་ཙམ་ཡང་མེད་པར་མཛོད། །ཨོཾ་བྷར་ཧཱུྃ་སོགས། སྤྲོན་བྱབ་ཁྲུས་ལྟར། སརྦ་པཱ་པཾ་སོགས་ལ་ཤུདྡྷེ་སྦྱར་ལ་བཀྲུ། ཡན་ལག་ལྔ་ཁྲུས་དང་ཆབ་ལན་གསུམ། ནང་ཁྲུས་བུམ་ཆུ་བཏུང་། དེ་ནས་མདུན་ཐེབ་ཙེའི་ནང་དུ་ཆངས་བུ་

[Full Size]

རེ་དང་ཤ་དུམ་སྤེལ་བ་བྲན་ལ། ད་ཁྱེད་རང་གི་ལུས་ཀྱི་ན་ཚ། སེམས་ཀྱི་སྡུག་བསྔལ། གྲིབ་དང་མི་གཙང་བ་ཐམས་ཅད། རྣམ་པ་སོལ་ཁུ་ལྟ་བུ་ལ། ངོ་བོ་ཡེ་ཤེས་། ཀྱི་བདུད་རྩིར་བྱིན་བརླབས་ནས་ཕུལ་བས། ཁྲོ་བོ་སྨེ་བ་བརྩེགས་པ་ཐུགས་ཤིན་ཏུ་དགྱེས་པར་སྒོམས་ཤིག །ན་མོ་སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། ཁྲོ་བོ་སྨེ་བ་བརྩེགས་པའི་བདེན་པ་ཆེན་པོའི་མཐུས། ནད་པ་འདིའི་ནད་དང་གྲིབ་ཐམས་ཅད་ཆངས་བུ་འདི་ལ་མཆིས་པར་གྱུར་ཅིག །ཛཧཱུྃ་བཾ་ཧོ༔ ཞེས་བསྟིམ། ཨོཾ་ཨ་ཀཱ་རོ་ཚར་གཅིག་དང་། ཨོཾ་ཨཱཿཧཱུྃ་ལན་གསུམ་གྱིས་བྱིན་གྱིས་བརླབ། རང་གི་ལག་གཡས་རྡོ་རྗེ་དང་བཅས་པས་ཐེབ་ཙེའི་ཆངས་བུ་བཟུང་ལ། ཁྲོ་བོ་རྨེ་བ་བརྩེགས་པ་ཁྱོད་སྔོན་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གྲིབ་བསལ་ནས་སངས་རྒྱས་ཀྱི་སར་བཀོད་པ་ལྟར། ནད་པ་རྗེ་འདིས་ཀྱང་དཀོན་མཆོག་གི་བྱ་བ་བྱེད་ཅིང་སེམས་ཅན་གྱི་དོན་བྱེད་པ་ཡིན་པས། འདིའི་ལུས་ངག་ཡིད་གསུམ་གྱི་སྡིག་སྒྲིབ། སྤང་བྱ་མི་མཐུན་པའི་ཕྱོགས་ཐམས་ཅད་ཡེ་ཤེས་ཀྱི་བདུད་རྩིར་བསྒྱུར་ནས་ཁྱེད་ལ་འབུལ་

[Full Size]

བ་ཡིན་པས། དགྱེས་པར་མཛོད་ལ། ནད་པ་འདིའི་ནད་གདོན་བཀྲ་མི་ཤིས་པ་ཐམས་ཅད་ཞི་བར་མཛོད་ཅིག །ཆངས་བུ་ནད་པ་ལ་གཡས་གཡོན་དུ་བསྐོར་ཞིང་། ཨོཾ་བྷར་ཧཱུྃ་སོགས་སྔགས་རིང་ཐུང་གང་རུང་ལ། ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སོགས་བརྗོད་ལ། མཆོད་རྟེན་གྱི་དྲུང་དུ་འབུལ། དེ་ལྟར་བཅུ་གསུམ་རྫོགས་ནས། དམར་གཏོར་བྲན་ལ། ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབས་ལ། ཨོཾ་བྷར་ཧཱུྃ་སོགས་སྔགས་རིང་དང་། ཨ་ཀཱ་རོས་བསྔོས་ལ། ཨརྒྷཾ་སོགས་ཀྱིས་མཆོད། ཁྲོ་བོ་རྨེ་བརྩེགས་ཁྱོད་ཀྱིས་མཆོད་སྦྱིན་གྱི་གཏོར་མ་འདི་འབུལ་བ་ཡོངས་སུ་བཞེས་ལ། ནད་པ་འདི་ཡི་གྲིབ་གདོན་ཐམས་ཅད་ད་ལྟ་ཉིད་དུ་བསལ་བའི་ཕྲིན་ལས་མཛོད་ཅིག །དེ་ནས་དེར་ཡོད་ཚད་ལ་རྗེས་ཟློས་བཅོལ་ལ། རབ་ཡིག་བརྒྱ་དང་དེ་མི་ལྕོགས་ན། ཨོཾ་བཛྲ་སཏྭ་ཧཱུྃ་ཞེས་དང་། ཨོཾ་བྷར་ཧཱུྃ་སོགས་འུར་འདོན་བྱེད། དེ་ནས་བསྟོད་པ་ནི། ༈ ཧཱུྃ། ཆོས་དབྱིངས་རྣམ་དག་དཀྱིལ་འཁོར་ནས། །ཁྲོ་བོ་ཆེན་པོ་སྐུ་བཞེངས་འཚལ། །པདྨ་གསུང་གི་དཀྱིལ་འཁོར་ནས། །ཡེ་ཤེས་ལུས་ཅན་རྣམ་དག་སྐུ། །ཞལ་གསུམ་ཕྱག་དྲུག་ཞབས་བཞི་བསྒྲད། །སྟག་དང་སྦྲུལ་གྱི་རྒྱན་གྱིས་བཀླུབས། །ལོངས་སྐུའི་ཆེས་ལྡན་ཁྲོ་བོ་

[Full Size]

ཁྱོད། །མཚན་དང་དཔེ་བྱད་འོད་དུ་འབར། །གཟུགས་སྣང་གཟུགས་ཀྱི་དྲི་མ་བྲལ། །གཙང་དང་མི་གཙང་དྲི་མ་རྣམས། །ཁྱོད་ཀྱི་སྐུ་མཆོག་དྲན་པས་འཇོམས། །སྟོབས་ལྡན་སྐུ་ལ་ཕྱག་འཚལ་བསྟོད། །ངག་སྒྲིབ་མ་ལུས་འཇོམས་མཛད་ཅིང་། །མི་བསླུ་བདེན་པའི་དྲག་སྔགས་ཀྱིས། །ངག་སྒྲིབ་ངག་གི་དྲི་མ་བཅོམ། །བརྗོད་མེད་གསུང་ལ་ཕྱག་འཚལ་བསྟོད། །གཟུང་འཛིན་རྣམ་རྟོག་འཇོམས་མཛད་ཅིང་། །གཉིས་མེད་ཡེ་ཤེས་སྤྲོས་དང་བྲལ། །ཟབ་ཅིང་གཏིང་མཐའ་ཡངས་པ་ཡི། སྟོབས་ཆེན་ཐུགས་ལ་ཕྱག་འཚལ་བསྟོད། །ཁྱོད་ཀྱི་ཐུགས་རྗེའི་འོད་ཟེར་གྱིས། །དམ་ཚིག་ཉམས་དང་འཚམ་པ་ཡི། །གྲོགས་ངན་དྲི་མས་གོས་པའི་ཚེ། །ཁྲོ་ཆེན་སྐུ་གསུང་ཐུགས་དྲན་པས། །སྐད་ཅིག་ཉིད་ལ་སྒྲོལ་བར་མཛོད། །བརྩེ་བའི་ཐུགས་རྗེས་བསྐྱང་དུ་གསོལ། །ཞེས་བསྟོད། དེ་ནས་རིམ་པར་ཁྲུས་ཆུ་དམར་གཏོར་མཆོད་རྟེན་རྣམས་ཁྱེར་བའི་ཆས་ཀྱིས་བཏེགས་ལ་སྟབས་བདེ་ན་ནད་པ་ལ་བསྐོར་བ་གསུམ་བྱ། མི་བདེ་ན་རང་གི་ལག་པས་མཆོད་རྟེན་བཟུང་ནས་ནད་པ་ལ་གཡོན་བསྐོར་གསུམ་བྱ་སྟེ་བཀྱག་བཅུག་ནས། དེར་ཡོད་ཚད་ཀྱིས་ཤེས་ན་ཡིག་བརྒྱ་དང་མི་ཤེས་ན། ཨོཾ་བཛྲ་སཏྭ་ཧཱུྃ། །

[Full Size]

འུར་འདོན་བྱ། ད་ཁྱེད་ཐམས་ཅད་ཀྱིས་རྗེས་ཟློས་གྱིས། རྒེའི། ནད་གདོན་ཐམས་ཅད་ཁྲོ་བོ་སྟོབས་པོ་ཆེ་ཁྱོད་ལ་འབུལ་ལོ། །ཞེས་བརྗོད། འོ་དེ་ལྟར་ཕུལ་བས་ཁྲོ་བོ་ཆེན་པོ་ད་ཐུགས་རབ་ཏུ་དགྱེས་པར་གྱུར་པར་བསམས་ལ། གཏོར་མ་བཏེགས་བཞིན་དུ་སླར་ཡང་འདིས་བསྟོད་ཅིང་བསྐུལ། ཧཱུྃ། སྔོན་ཚེ་ཁྱོ་མཆོག་གཞོན་ནུའི་སྐུ། །ལྟ་ལོག་བསྒྲལ་ཕྱིར་གནས་སུ་ཕྱིན། །ཐར་པ་ནག་པོའི་ཡུམ་ལ་གཟིགས། །ཐར་པ་ནག་པོར་སྤྲུལ་ཏེ་སྙོམས་པར་ཞུགས། །སྲས་མཆོག་སྨེ་བ་བརྩེགས་པ་འཁྲུངས། །རང་བྱུང་རྡོ་རྗེ་གཞོན་ནུ་ཉིད་དང་མཚུངས། །སྐུ་མདོག་ལྗང་ནག་ཞལ་གསུམ་ཕྱག་དྲུག་པ། །དབུ་སྐྲ་ཁམ་ནག་དམར་སེར་གྱེན་དུ་འཁྱིལ། །གཡས་ཞལ་དཀར་བས་ཁམས་གསུམ་དབང་དུ་སྡུད། །གཡོན་ཞལ་དམར་བས་སྲིད་གསུམ་ཟིལ་གྱིས་གནོན། །དབུས་ཞལ་མཐིང་བས་དྲག་པོའི་ཕྲིན་ལས་མཛད། །ཕྱག་དྲུག་གཡས་ཀྱི་དང་པོ་ན། །གསེར་གྱི་རྡོ་རྗེ་རྩེ་དགུ་བསྣམས། །གདུག་པ་ཐམས་ཅད་འདུལ་བའི་རྟགས། །གཡོན་གྱི་ཕྱག་དྲུག་དང་པོ་ན། །དགྲ་སྟ་འབར་བ་ནམ་མཁར་ཕྱར། །དགྲ་བགེགས་རྩད་ནས་གཅོད་པའི་རྟགས། །ཕྱག་དྲུག་

[Full Size]

གཡས་ཀྱི་བར་པ་ན། །ཤེས་རབ་རལ་གྲི་བསྣམས་པ་ནི། །སྐྱེ་ཤི་རྩད་ནས་གཅོད་པའི་རྟགས། །ཕྱག་དྲུག་གཡོན་གྱི་བར་པ་ན། །ཏྲི་ཤུ་རྩེ་གསུམ་འབར་བ་བསྣམས། །ཉོན་མོངས་རྩད་ནས་གཅོད་པའི་རྟགས། །ཕྱག་དྲུག་གཡས་ཀྱི་ཐ་མ་ན། །སྦྲུལ་ཞགས་ནག་པོ་བསྣམས་པ་ནི། །ཀླུ་གདོན་མ་ལུས་འདུལ་བའི་རྟགས། །ཕྱག་དྲུག་གཡོན་གྱི་ཐ་མ་ན། །བུམ་པ་བདུད་རྩིས་གང་བ་བསྣམས། །དུག་ལྔའི་དྲི་མ་འཁྲུད་པའི་རྟགས། །ཞབས་གཉིས་ཉི་མའི་གདན་ལ་བརྐྱངས། །ཕོ་བདུད་ཟིལ་གྱིས་གནོན་པའི་རྟགས། །ཞབས་གཡོན་ཟླ་བའི་གདན་ལ་བཞུགས། །མོ་བདུད་ཟིལ་གྱིས་གནོན་པའི་རྟགས། །ཞབས་གཉིས་བརྐྱངས་བསྐུམ་འདོར་ཐབས་བསྒྲད། །སྐུ་ལ་ཡེ་ཤེས་ལྔ་ཡི་མེ་དཔུང་འབར། །དུག་ལྔའི་ནད་གདོན་སྡིག་པ་ཐམས་ཅད་སྲེག །རྟགས་བཅུ་ཡོན་ཏན་ལྡན་ལ་ཕྱག་འཚལ་བསྟོད། །དུག་གསུམ་རུ་ཏྲ་ཐར་པ་ནག་པོ་བསྒྲལ། །བུ་ཡིས་ཕ་བསད་སྨེ་བ་བརྩེགས་པར་གྲགས། །དེ་ལྟར་ནལ་དང་དམེ་གྲིབ་སྐྱོན་མ་གོས། །གཞན་ཕྱི་མི་གཙང་སྒྲིབ་པ་ཐམས་ཅད་འཇོམས། །སྡིག་དང་ཉོན་མོངས་འཇོམས་པའི་སྟོབས་པོ་

[Full Size]

ཆེ། །དམ་རྫས་བརྒྱན་པའི་གཏོར་མ་འདི་བཞེས་ལ། །ཉམས་གྲིབ་མི་གཙང་དྲི་མ་དག་པར་མཛོད། །བར་ཆད་དགྲ་བགེགས་འདུལ་བའི་ཕྲིན་ལས་མཛོད། །ཅེས་བརྗོད་ནས། །གྲོང་པ་འདི་མི་མཐོང་བའི་ལྷོ་ནུབ་ངོས་གཅིག་ཏུ་མཆོད་རྟེན་འདི་མ་སྐྱེལ་བར་ཞོག་ལ། དེའི་མདུན་དུ་གཏོར་མ་དང་ཁྲུས་ཆུ་བླུག་ལ་ཞོག །ཅེས་བསྒོ། ནད་པ་ལ་ནས་ལྕག་བྲབ་ཅིང་དྲིལ་བུ་རྒྱུན་བསིལ་དང་། སུམྦྷ་ནི་དྲག་ཏུ་བརྗོད་ནས་མཆོད་རྟེན་ཁྲོ་བོ་དེས་གྲིབ་སོགས་ནད་གདོན་ཁྱེར་ཏེ་གཤེགས་པར་བསམ། དེ་ནས། སྟེང་འོག་ཐམས་ཅད་རྡོ་རྗེའི་གུར་ཁང་མེ་རབ་ཏུ་འབར་བར་གྱུར། ཨོཾ་བཛྲ་རཀྵ་རཀྵ་ཧཱུྃ་སྭཱ་ཧཱ། ཞེས་སྲུང་འཁོར་བསྒོམ། དེ་ནས་བདག་མདུན་བུམ་པའི་རྗེས་ཆོག་སྤྱི་ལྟར་བྱའོ། །གོང་དུ་བདག་མདུན་བུམ་བསྐྱེད་དུས་སྨེ་བརྩེགས་ལྗང་ནག་གཡས་གསུམ་རྒྱ་གྲམ་རལ་གྲི་སྦྲུལ་ཞགས། གཡོན་གསུམ་དགྲ་སྣ་ཏྲི་ཤུ་བུམ་པ་འཛིན་པ་བསྐྱེད་པའམ། དུད་ཁ་བསྐྱེད་ཀྱང་རུང་ལ། -ཞོར་ལ་ཉེར་མཁོའི་ལས་ཚོགས། རང་ཉིད་ཧཱུྃ་དམར་པོ་ལས་བྱུང་བའི་སྨེ་བརྩེགས་སྐུ་ལ་མེ་འབར་བས་ནད་དང་གྲིབ་སོགས་བསྲེགས་པར་བསྒོམས་ནས་སྔགས་བརྒྱའམ་ཉེར་གཅིག་བཟླས་པས། །ཡུལ་མི་གཙང་བར་སྡོད་པ། གོས་དང་སྟན་མི་གཙང་བ། ཟས་རི་བ། ཁ་འཕྲོ་མི་གཙང་བ་ཟ་བ། ནད་ཡམས་ཐམས་ཅད་ཐུབ་བོ།། ༈ དྲི་ཆུ་བར་པའམ། དྲི་བཟང་གི་ཆུ་ལ་སྔགས་ནས་རྩ་སྟོང་འཐུང་ན་ནད་དང་གྲིབ་གང་གིས་

[Full Size]

ཀྱང་མི་ཚུགས་སོ།། ༈ གདོན་དང་བགེགས་ཐམས་ཅད་ཆོམ་གྱིས་བསྲེགས་པར་བསམས་ལ། ནད་པའི་སྙིང་ཁར་སྔགས་བརྒྱ་རྩ་བརྒྱད་བཏབ་ཅིང་གུ་གུལ་ནག་པོ་བདུག་ན་སྨྱོ་འབོག་ཐུལ་ལོ།། ༈ བུམ་པ་སྤོས་ཆུས་བཀང་བའི་ནང་དུ་ཡུངས་ཀར་ལ་སྔགས་མང་དུ་བཟླས་ཏེ་བླུག །བུམ་ཆུས་བཀྲུ་བྱབ་བྱས། གུ་གུལ་བདུག་ན་རིམས་ནད་སོས་སོ།། ༈ ཤོག་བུ་ལ་ནད་པའི་མིང་བྲིས་ལ་ནད་པའི་མལ་འོག་ཏུ་བཅུག །ནད་པའི་ནམ་མཁར་སྨེ་བརྩེགས་བཞུགས་པ་ལས་བདུད་རྩི་བབས་པས་ནད་གདོན་དག་པར་བསམས་ལ་སྔགས་མང་དུ་བཟླ། དེས་གློ་ནད་སེལ་ལོ།། ༈ གུ་གུལ་བསྲེགས་ཤིང་སྔགས་དྲག་ཏུ་བཏབ་ན་འབྲས་དང་ཕོལ་མིག་ལྷོག་པ་སོས་སོ།། ༈ ནད་པ་དྲག་པོའི་སྔས་སྲུང་བྱེད་ན། སོ་ཐོག་ལ་བརྒྱ་རྩ་བརྒྱད་སྔགས་ལ་བྲབ་པར་བྱའོ།། ༈ གོད་གཅོད་བྱེད་ན། དུག་སྣ་གསུམ་གྱི་ལིངྒ་བྱས་ལ་འགུགས་གཞུག་བྱེད། སྔགས་བརྒྱ་རྩ་བརྒྱད་བཟླས་ནས་སྙིང་ཁར་ཕུར་པ་བཏབ་བོ།། ༈ ཕྱུགས་ནད་གཅོད་ན། ར་བའི་དབུས་སུ་བུམ་པའི་མཆོད་གཞི་བྱས། སྤོས་ཆུ་སྔགས་ནས་གཏོར་ན་ཕན་ནོ།། ༈ འགོང་པོ་བསྲེག་ན། དྲག་པོའི་སྦྱིན་སྲེག་སྤྱི་ལྟར་ལ་སྨེ་བརྩེགས་བསྐྱེད་ནས་ལིངྒ་གཏུབས་ནས་སུམ་བརྒྱ་བསྲེགས་ན་ཕྱིན་ཆད་གནོད་མི་ནུས། ཚར་བ་དང་སྨེ་བརྩེགས་རང་ལ་བསྟིམ་མོ། །ཞེས་གྲིབ་སེལ་ཕྱག་ལེན་གྱིས་བརྒྱན་པ་དང་། ཞོར་བྱུང་ཉེར་མཁོའི་ལས་ཚོགས་དང་བཅས་པ་འདི་ཁྲོ་བོ་ཉིད་ལ་ཡི་དམ་དུ་འཛིན་པའི་དགེ་སློང་ཨ་རཱ་གས་ཐུན་མཚམས་གཅིག་ལ་

[Full Size]

གྲུབ་པར་སྦྱར་བའོ། །མངྒ་ལཾ། བྷ་ཝ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གནམ་ཆོས་ཐུགས་ཀྱི་གཏེར་ཁ་ལས་སྨེ་བརྩེགས་སྒྲུབ་ཐབས་ཀྱི་ཟུར་རྒྱན་བྱབ་ཁྲུས་ཤེལ་གྱི་མེ་ལོང་།

[Full Size]

གནམ་ཆོས་ཐུགས་ཀྱི་གཏེར་ཁ་ལས༔ སྨེ་བརྩེགས་སྒྲུབ་ཐབས་ཀྱི་ཟུར་རྒྱན་བྱབ་ཁྲུས་ཤེལ་གྱི་མེ་ལོང་ཡོད༔

[Full Size]

གུ་རུ་རིན་པོ་ཆེ་ལ་ཕྱག་འཚལ་ལོ༔ གནམ་ཆོས་སྨེ་བརྩེགས་བྱབ་ཁྲུས་ནི༔ བུམ་པ་རྫས་ལྡན་སྤྱི་ལྟར་བཤམས༔ དམ་ཡེ་དབྱེར་མེད་དྲན་རྫོགས་བསྒོམ༔ བདག་དང་མདུན་གྱི་བར་སྣང་དང་༔ བུམ་ནང་སྨེ་བ་བརྩེགས་པ་སྨུག༔ ཞལ་གཅིག་ཕྱག་གཉིས་ཁྲུས་བུམ་དང་༔ ལས་ཀུན་སྒྲུབ་པའི་ཐིག་ལེ་བཞི༔ གཡས་གཡོན་པདྨའི་སྟེང་ན་འཛིན༔ སྐུ་ལ་དུར་ཁྲོད་ཆས་བརྒྱད་རྫོགས༔ འདོར་ཐབས་པད་ཉིའི་གདན་ལ་བཞུགས༔ སྐུ་ལས་ཡེ་ཤེས་མེ་དཔུང་འབར༔ དམ་ཚིག་ཡེ་ཤེས་དབྱེར་མེད་པའི༔ ཐུགས་ཀར་ཉི་སྟེང་ཧཱུྃ་སྨུག་ལ༔ སྔགས་ཀྱིས་གཡས་སུ་འཁོར་བ་ལས༔ འོད་

[Full Size]

ཟེར་ཕྱོགས་བཅུར་འཕྲོས་པ་ཡིས༔ སྨེ་བརྩེགས་དཔག་མེད་སྤྱན་དྲངས་ནས༔ བདག་མདུན་བུམ་པའི་ལྷ་ལ་ཐིམ༔ བདག་བསྐྱེད་ཐུགས་ཀའི་ཧཱུྃ་ཡིག་ལས༔ མེ་འབར་གྲིབ་དང་མི་གཙང་བསྲེག༔ བུམ་བསྐྱེད་སྐུ་ལས་བདུད་རྩིའི་རྒྱུན༔ བབས་པས་བུམ་པ་གང་བར་གྱུར༔ ཨོཾ་བྷཆུང་དྷིས་ཧཱུྃ་ཧཱུྃ་ཕཊ་སྭཱ་ཧཱཿ ཞེས་པ་བརྒྱ་སྟོང་ཅི་འགྲུབ་བཟླས༔ ཨརྒྷཾ་སོགས། ཧཱུྃ༔ རབ་འཇིགས་ཆོས་སྐུའི་ངང་ལས་མ་གཡོས་ཀྱང་༔ གདུག་པ་འདུལ་ཕྱིར་རབ་ཏུ་ཁྲོས་པའི་སྐུ༔ དུས་གསུམ་རྒྱལ་བའི་ཕྲིན་ལས་གཅིག་བསྡུས་པ༔ ཁྲོ་རྒྱལ་སྨེ་བ་བརྩེགས་ལ་ཕྱག་འཚལ་བསྟོད༔

[Full Size]

དེ་ནས་ནད་པ་སོགས་མདུན་དུ་འཁོད་རྐང་ཞབས་སུ་བལ་འདབ་ནག་པོ་གཅིག་བཞག་ལ༔ མེ་ལོང་ཁྲུས་སྡེར་སོགས་འཛོམ་པར་བྱ་སྟེ༔ འོ་ན་རང་རེ་རྣམས་ཐོབ་དཀའ་བའི་མི་ལུས་རིན་པོ་ཆེ་འདི༔ སྐྱེ་བ་གཏན་གྱི་སོ་ནམ་མ་འགྲུབ་ཀྱི་བར་དུ་ཆུད་མི་ཟ་བའི་ཕྱིར༔ འདུལ་བ་དང་བྱང་ཆུབ་སེམས་དཔའི་སྡེ་སྣོད་ལས༔ ལུས་བསྲུང་བའི་ཐབས་དུ་མ་གསུངས་ཤིང་། ཁྱད་པར་དུ་ལུས་ངག་ལ་གནོད་པ་ནི་གྲིབ་དང་མི་གཙང་བ་ཡིན་ཏེ༔ དམ་ཚིག་དང་ཚུལ་ཁྲིམས་ཉམས་པའི་གྲིབ་ཀྱིས་ས་ལམ་ལ་སྒྲིབ༔ མཁའ་འགྲོ་ཆོས་སྐྱོང་འཁྲུག་པའི་གྲིབ་ཀྱིས་ཚེ་དང་བསོད་ནམས་ལ་གནོད༔ སྡེ་བརྒྱད་མི་མ་ཡིན་འཁྲུག་པའི་གྲིབ་ཀྱིས་ལུས་སྲོག་ལ་གནོད་དེ༔ བདུད་གྲིབ་ལྕི་ཞིང་འཐིབས་པ་དང་༔ རྒྱལ་པོའི་གྲིབ་སྨོ་ཞིང་འབོག་པ་དང་༔ བཙན་གྱི་གྲིབ་གློ་བུར་དུ་གཟེར་བ་དང་༔ གཟའ་ཡི་གྲིབ་ལྐུགས་ཤིང་རེངས་པ་དང་༔ ཀླུ་ཡི་གྲིབ་མཛེ་དང་ཤུ་བ་ཞ་གྲུམ་དང་༔ མ་མོ་མཁའ་འགྲོ་འཁྲུག་པའི་གྲིབ་ཡམས་ནད་རིམས་ནད་དང་༔ གཞན་ཡང་རོ་བག་དང་ཟས་གོས་མི་གཙང་བའི་གྲིབ་ཀྱིས་ཁམས་ཉོག་ཤེས་པ་བྱིངས༔ ཚིག་པ་ཟ་ཞིང་སྙིང་མི་དགའ་བ་སོགས་འབྱུང་བར་སློབ་དཔོན་པདྨས་གསུངས༔

[Full Size]

དེ་ལ་སྤྱིར་སངས་རྒྱས་ཐམས་ཅད་ཀྱི་ཡེ་ཤེས་ལ་ཆེ་ཆུང་ཐུགས་རྗེ་ལ་མྱུར་བུལ་མེད་ཀྱང་༔ གྲིབ་དེ་དག་སེལ་བ་ལ་ཁྲོ་བོ་རྨེ་བརྩེགས་འདི་ཐུགས་རྗེ་མྱུར་ཞིང་བྱིན་རླབས་གཞན་ལས་ཆེ་བ་ཡིན༔ དེ་ལ་སྨེ་བརྩེགས་འདིའི་ལོ་རྒྱུས་ལ་གསུམ་སྟེ༔ དང་པོ་སངས་རྒྱས་གཞན་གྱིས་མ་ཐུལ་བའི་བདུད་བཏུལ་བ་དང་༔ བར་དུ་རྟ་མགྲིན་དང་ཕག་མོ་གཉིས་ཀྱིས་བར་ཆད་བསལ་བ་དང་༔ ཐ་མ་ལྷ་གཞན་ལས་བྱིན་རླབས་ཆེ་ཞིང་ཐུགས་རྗེ་མྱུར་བའོ༔ དང་པོ་བསྐལ་པ་དཔག་ཏུ་མེད་པའི་གོང་རོལ་དུ་བདག་འཛིན་རུ་ཏྲའི་སྡེ་དཔོན་ལ་བདུད་རིགས་བྱེ་བ་དུང་ཕྱུར་གྱིས་བསྐོར་ནས་སེམས་ཅན་རྣམས་ལ་གནོད་པ་སྣ་ཚོགས་བྱས་སོ༔ དེར་བཅོམ་ལྡན་འདས་ཀུན་ཏུ་བཟང་པོས་བདུད་དེ་དག་བཏུལ་བའི་ཕྱིར་སྟོབས་དང་སྤྲུལ་པ་དཔག་ཏུ་མེད་པ་བསྟན་ཀྱང་བདུད་ཀྱིས་ཀྱང་དེ་ལྟར་བསྟན་ནས་མ་ཐུལ༔ དེ་ནས་བདུད་འདི་སྟོབས་ཀྱིས་མི་ཐུལ་ཐབས་ཀྱིས་འདུལ་བར་དགོངས་ཏེ༔ བདུད་ཀྱི་བུ་སྨེ་བརྩེགས་ལྗང་ནག་ཏུ་སྤྲུལ་ནས་བདུད་ཀྱི་མགོ་ལ་ཙནྡན་གྱི་བེང་བརྒྱབས་ནས་བསྒྲལ༔ བདུད་དམག་བྱེ་བ་ས་ཡ་བཏུལ་ཏེ་འཁོར་དུ་བསྐོར་རོ༔ དེ་རྗེས་ཐུབ་པའི་བསྟན་པ་མ་བྱུང་

[Full Size]

གི་གོང་ཙམ་དུ་བདུད་ཕོ་མ་ཏྲཾ་རུ་ཏྲ་འཁོར་སྡེ་བརྒྱད་དང་འདྲེ་སྲིན་ཐམས་ཅད་ཀྱིས་བསྐོར་ནས་མི་རྣམས་ཨ་ཅང་ཡང་ཆེ་སྟེ་ལྷ་མ་སྲིན་དང་སྲིན་པོའི་རྒྱལ་པོ་ཡང་བསད་ཅིང་ཟོས་སོ༔ དེར་སངས་རྒྱས་རྣམས་བཀའ་བགྲོས་ནས༔ རྟ་མགྲིན་དང་རྡོ་རྗེ་ཕག་མོ་གཉིས་བཏང་༔ ཁོང་རྣམ་གཉིས་བདུད་ཕོ་མོ་གཉིས་ཀྱི་ཁོག་ཏུ་ཞུགས་ཏེ༔ སྤྱི་གཙུག་ནས་རྟ་ཞལ་དང་ཕག་ཞལ་བཏོན་ཀྱང་༔ བདུད་ཀྱི་གྲིབ་ཀྱིས་གསུང་འགགས་པ་ལ༔ འོག་མིན་ནས་སྨེ་བརྩེགས་ཡབ་ཡུམ་བྱོན་ནས་ཁྲུས་མཛད་པས༔ གྲིབ་སངས་ནས་རྟ་སྐད་ལན་གསུམ་བཏོན་པས་ཁམས་གསུམ་དབང་དུ་བསྡུས༔ ཕག་སྐད་ལན་ལྔ་ངུར་པས་དཔའ་བོ་མཁའ་འགྲོ་འབུམ་ཕྲག་ལྔ་བྲན་དུ་བསྐོར་རོ༔ དེ་ཡང་སྨེ་བརྩེགས་འདིའི་དྲིན་ཡིན༔ ལྷ་གཞན་རྣམས་གྲིབ་དང་མི་གཙང་བས་གོས་ན་མི་འགྲུབ༔ འགྲུབ་ཚར་བའི་ནུས་པ་ཡང་ཉམས་པའི་ཕྱིར་གྲིབ་ལ་འཛེམ་དགོས༔ གྲིབ་དང་མི་གཙང་བ་ལ་མི་འཛེམ་པ་སྨེ་བརྩེགས་ཀྱི་དམ་ཚིག་ཡིན༔ སྨེ་དགུ་བརྩེགས་བྱས་པའི་གྲིབ་ཀྱང་སྐད་ཅིག་ལ་འཇོམས་པས་སྨེ་བརྩེགས་ཞེས་བྱའོ༔ བྱ་བ་ཡོངས་སུ་བསྟན་པའི་མདོ་ལས༔ སྡེ་འཁྲུག་བྱས་པའི་ཉེས་པ་དཔག་ཏུ་

[Full Size]

མེད་པ་གསུངས་ཤིང་༔ སྡེ་འཁྲུག་བྱས་པའི་ས་ཆ་དེར་སྒྲུབ་པ་ལོ་བཅུ་གཉིས་བྱས་ཀྱང་འབྲས་བུ་མི་འབྱུང་བར་གསུངས་པ་ལ༔ དེའི་ཉེས་སྐྱོན་ཡང་སྨེ་བརྩེགས་འདིས་སེལ་བར་ཇོ་བོ་རྗེས་གསུངས༔ ལྷ་འདིའི་ངོ་བོ་ནི་ཁྲོ་བོ་སྟོབས་པོ་ཆེ་དང་མགོན་པོ་མ་ནིང་དང་གཅིག་པས༔ བྱིན་རླབས་གཞན་ལས་ཆེ་བ་ཡིན༔ ལྷ་གཞན་བསྙེན་སྒྲུབ་མ་བྱས་པར་བྱིན་རླབས་མི་འཇུག་ལས་ཚོགས་མི་འགྲུབ༔ བསྙེན་པ་ཡང་དུས་སྙིགས་མ་ལ་བཞི་འགྱུར་དགོས་པར་བཤད༔ སྨེ་བརྩེགས་འདི་ལ་བསྙེན་སྒྲུབ་མི་དགོས་པར་འཕྲལ་དུ་ལས་ཚོགས་ཐམས་ཅད་འགྲུབ་ཅིང་བྱིན་རླབས་འཇུག་པས༔ ཐུགས་རྗེ་གཞན་ལས་མྱུར་བ་ཡིན༔ འདིའི་བྱབ་ཁྲུས་སོགས་ཞུས་པས་མི་གཙང་བ་རྣམས་གཙང་བར་འགྱུར༔ མ་དག་པ་རྣམས་དག་པར་འགྱུར༔ སྡིག་སྒྲིབ་ཐམས་ཅད་བྱང་བར་འགྱུར༔ གངས་རྒྱུད་བཞིན་དུ་དཀར་བར་འགྱུར༔ ལྷ་དང་སྲུང་མ་ཐམས་ཅད་ནི༔ མི་དགའ་རྣམས་དགའ་བར་འགྱུར༔ དེ་ལ་སོགས་པ་ཕན་ཡོན་མཐའ་ཡས་པ་འདིའི་རྒྱུད་ལས་གསུངས་སོ༔ དེ་ལ་ཡང་བིར་ཝ་པ་ནས་བརྒྱུད་པའི་དུད་ཁ་ཞལ་གསུམ་ཕྱག་དྲུག་པ་དང་༔ ཇོ་བོ་རྗེའི་

[Full Size]

ལུགས་ལྗང་གུ་ཞལ་གསུམ་ཕྱག་དྲུག་པ་དང་༔ སྔོན་གྱི་གཏེར་ཁ་རྣམས་ནས་དུད་ཁ་ཞལ་གཅིག་ཕྱག་གཉིས་པ་དང་༔ གནམ་ཆོས་ལས་ཀྱང་ལྗང་གུ་ཞལ་གསུམ་ཕྱག་དྲུག་པ་གཅིག་དང་༔ དཔའ་གཅིག་དང་གཉིས་ཡོད་པ་ལས༔ ཕྱག་གཉིས་པ་འདི་ལ་བྱབ་ཁྲུས་སྦྱར་བར་གསུངས་པ་ལྟར་བྱ་བ་ཡིན་ཏེ༔ དེ་ཡང་ཟླ་བ་སྒྲོན་མའི་མདོ་ལས༔ གང་ཞིག་སངས་རྒྱས་ཡིད་བྱེད་པ༔ དེ་ཡི་མདུན་ན་ཐུབ་པ་བཞུགས༔ ཞེས་གསུངས་པས༔ ཁྱེད་རང་གི་མདུན་དུ་ངེད་བཅོམ་ལྡན་འདས་སྨེ་བ་བརྩེགས་པ་ལ་སངས་རྒྱས་དང་བྱང་ཆུབ་སེམས་ཟློདཔའི་ཚོགས་ཀྱིས་བསྐོར་ནས༔ ཁྱེད་རང་ལ་ཁྲུས་བྱབ་ཀྱི་ཆོ་ག་མངོན་སུམ་དུ་མཛད་པའི་མོས་པ་མཛོད། དེ་ལ་ཡང་རྒྱས་པར་ཁྲུས་དོན་བཅུ་གསུམ་མ་དང་༔ འབྲིང་བ་ཁྲུས་དོན་བདུན་མ་དང་༔ བསྡུས་པ་ཁྲུས་དོན་གསུམ་མ་ལས༔ འདི་གསུམ་མ་དེ་ཡིན༔ འདི་ལ་ཡང་ཁྲུས་ཀྱི་ཆོ་ག༔ བྱབ་པའི་ཆོ་ག༔ བསྲུང་བའི་ཆོ་ག་གསུམ༔ དེ་རེ་རེ་ལ་དོན་གཉིས་གཉིས་ཡོད་པ་ལས༔ དང་པོ་ལྷ་ཁྲུས་ཀྱི་དོན་དུ་མདུན་གྱི་ནམ་མཁར་བཅོམ་ལྡན་འདས་སྨེ་བ་བརྩེགས་པ་ལ་ཁྱེད་རང་གི་ཕོ་ལྷ་ཕྲག་ལྷ་ལ་སོགས་པ་སྐྱོབ་པའི་ལྷ་ལྔ་

[Full Size]

དང་༔ དགྲ་ལྷ་ཡུལ་ལྷ་ལ་སོགས་པ་བརྟེན་པའི་ལྷ་དགུས་བསྐོར་བ་ལ་སྐུ་ཁྲུས་གསོལ་བས་གྲིབ་དང་མི་གཙང་བས་གོས་པ་ཐམས་ཅད་སངས་ནས༔ སྐུ་ལུས་བཀྲག་མདངས་གཟི་བརྗིད་རབ་ཏུ་རྒྱས་ཏེ༔ ཁྱེད་རང་གི་མགོན་སྐྱབས་དང་དཔུང་གཉེན་དུ་བཞེངས་པའི་མོས་པ་མཛོད༔ ཡར་མཆོད་གཞི་ངོས་ལ་མེ་ལོང་བསྟན་ཏེ་ཁྲུས་བྱ་ཞིང་༔ ཇི་ལྟར་བལྟམས་པ་ཙམ་གྱིས་ནི༔ ལྷ་རྣམས་ཀྱིས་ནི་ཁྲུས་གསོལ་ལྟར༔ ལྷ་ཡི་ཆུ་ནི་དག་པ་ཡིས༔ དེ་བཞིན་བདག་གིས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤི་ཡེ་ཧཱུྃ༔ དེ་ནས་སྒྲོ་མདོངས་ཀྱི་ཡུ་བས་མེ་ལོང་བྱུག་ཚུལ་བྱ་ཞིང༔ སྟོང་གསུམ་ཀུན་ན་དྲི་ངད་ལྡང་བ་ཡི༔ དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ༔ གསེར་སྦྱངས་བཙོ་མ་བྱི་དོར་བྱས་པ་ལྟར༔ འོད་ཆགས་འབར་བ་དེ་དག་བྱུག་པར་བགྱི༔ ཨོཾ་ཧཱུྃ་ཧཱུྃ་ཧཱུྃ༔ སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ན་ཡེ་སྭཱ་ཧཱཿ དེ་ནས་དར་རམ་རས་ཀྱིས་ཕྱི་ཚུལ་བྱ་ཞིང་༔ རྒྱལ་དང་རྒྱལ་བའི་སྲས་ཀྱི་སྐུ་རྣམས་ལ༔ རེས་དཀར་སྨན་དང་ལྡན་པས་སྐུ་ཕྱིས་པས༔ མི་ཤེས་སྒྲིབ་པ་མ་ལུས་ཀུན་བསལ་ནས༔ ཉེས་པའི་ཚོགས་རྣམས་མ་ལུས་དག་གྱུར་ཅིག༔ ཨོཾ་ཧཱུྃ་ཏྲཱྃ་ཧྲཱིཿཨཱཿ

[Full Size]

སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ན་ཡེ་སྭཱ་ཧཱཿ དེས་ལྷ་ལ་ཁྲུས་གསོལ་སོང་ནས༔ སྐྱེས་བུའི་ངན་ཁྲུས་ནི༔ བཅོམ་ལྡན་འདས་སྨེ་བ་བརྩེགས་པའི་ལྷ་ཚོགས་རྣམས་ཀྱིས་ཕྱག་ན་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་བཀང་བ་ཐོགས་ནས༔ ཁྱེད་རང་རྣམས་ལ་ཁྲུས་བྱས་པས་ལུས་ཀྱི་ན་ཚ་ཐམས་ཅད་ཞི་ཞིང་གྲིབ་དང་མི་གཙང་བ་ཐམས་ཅད་དག་ནས་ལུས་ཤེལ་གོང་དྲི་མ་མེད་པ་ལྟར་གྱུར༔ བུམ་ཆུ་ནང་དུ་འཐུང་བས་སྡིག་སྒྲིབ་ཉོན་མོངས་རྣམ་རྟོག་ཐམས་ཅད་དག་ནས་སེམས་རྟོག་མེད་ཆོས་ཀྱི་སྐུར་གྱུར་པའི་མོས་པ་མཛོད༔ བུམ་པ་ཐོགས་ལ་དབྱངས་དང་བཅས༔ ཇི་ལྟར་བལྟམས་པ་ཙམ་གྱིས་ནི༔ ལྷ་རྣམས་ཀྱིས་ནི་ཁྲུས་གསོལ་ལྟར༔ ལྷ་ཡི་ཆུ་ནི་དག་པ་ཡིས༔ དེ་བཞིན་བདག་གིས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཏེ་ཀ་ཏེ་ས་མ་ཡ་ཤྲི་ཡེ་ཧཱུྃ༔ བུམ་པ་མགོར་བཞག༔ ཆབ་གསུམ་བླངས་ལ་ཁྲུས་སྡེར་དུ་བླུགས་བཅུག༔ ཡན་ལག་ལྔ་ཁྲུས་བྱ༔ བུམ་ཆུ་བླུད༔ དེ་རྣམས་བྱེད་ཚེ་རང་གིས་སྔགས་བཟླའོ༔ དེ་ནས་མེ་ལོང་ངོས་ལ་ནད་པའི་གཟུགས་འཆར་བ་ལ་ཁྲུས་བྱ་ཞིང་༔ འདི་ནི་ཁྲུས་མཆོག་དཔལ་དང་ལྡན༔ ཐུགས་རྗེའི་ཆུ་ནི་བླ་ན་མེད༔ བྱིན་རླབས་ཡེ་ཤེས་ཆུ་ཡིན་ཏེ༔ ཅི་འདོད་དངོས་གྲུབ་སྩོལ་བར་མཛོད༔

[Full Size]

ཆུ་ཐིགས་རེ་དང་སྔགས་སྤྲད་ཅིང་མེ་ལོང་ངོས་ལ་བླུགས་ཤིང་༔ ཨོཾ་བྷུཆུང་དྷིས་ཧཱུྃ་ཧཱུྃ་ཕཊ༔ སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱཿ ཨོཾ་བྷུཆུང་དྷིས་ཧཱུྃ་ཧཱུྃ་ཕཊ༔ སརྦ་བིགྷ་ནཾ་ཤཱནྟི་ཀུ་རུ་ཡེ་སྭཱ་ཧཱཿ ཨོཾ་བྷཆུང་དྷིས་ཧཱུྃ་ཧཱུྃ་ཕཊ༔ སརྦ་རོ་ག༔ དེ་བཞིན་དུ་མགོའི་སྙིང་པོ་དང་མཇུག་གི་ཤཱནྟིཾ་ཀུ་རུ་ཀུན་ལ་འགྲེས་ཏེ༔ སརྦ་དུཥྛ༔ སརྦ་ཛཱ་ར༔ སརྦ་ཨུ་པ་དྲ་ཡེ༔ སརྦ་གྲ་ཧེ༔ སརྦ་ཨ་ཀ་ལ་ཀྲྀ་ཏ་ཡུ༔ སརྦ་དུར་སོབ་ནན༔ སརྦ་དུར་མི་ཏི༔ སརྦ་ཙིཏྟ་བྱུ་ཀུ་ལེ༔ ཞེས་བསྡུས་ན་དེ་ཡན་གྱི་ཆོག་ལ༔ སྤྲོ་ན༔ ནད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ གདོན་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ གྲིབ་ཐམས་ཅད་ཤཱནི་ཀུ་རུ་ཡེ་སྭཱ་ཧཱཿ ཟས་གྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ གོས་གྲིབ་ཐམས་ཅད་ཤཱནི་ཀུ་རུ་ཡེ་སྭཱ་ཧཱཿ རོ་གྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ བཙོག་གྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཉམས་གྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ དམེ་གྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ ཡུགས་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ འཁོན་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ མནོལ་གྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱཿ བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱཿ འོ་

[Full Size]

དེས་ཁྲུས་ཀྱི་ཆོ་ག་སོང་བས༔ སྡིག་སྒྲིབ་མི་གཙང་བ་ཐམས་ཅད་དག་ངེས་བསམ་པའི་མོས་པ་མཛོད༔ གཉིས་པ་བྱབ་པ་ལ་བྱབ་པ་དངོས་དང་༔ ཁྲུས་ས་ནས་ཕྱུང་བ་གཉིས་ལས༔ དང་པོ་བྱབ་པའི་དོན་དུ༔ ངེད་བཅོམ་ལྡན་སྨེ་བ་བརྩེགས་པའི་སྐུར་གསལ་བའི་ཕྱག་ན་ཡོད་པའི་རྨ་བྱའི་སྒྲོ་མདོངས་འདི་ལ་ཁ་དོག་ལྔ་ཡོད་པ་ཡེ་ཤེས་ལྔའི་མཚོན་བྱེད་ཡིན་ཅིང་༔ དེའི་སྟེང་དུ་སྣ་ཚོགས་རྡོ་རྗེའི་ལྟེ་བར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་སྨུག་ནག་གི་མཐར་སྙིང་པོས་བསྐོར་ནས་ཡོད་པ་དེས་ཁྱེད་རང་ལ་བྱབ་པའི་དུས་སུ་སྔགས་ལས་འོད་ཟེར་འཕྲོས་ནས་ཁྱེད་རང་གི་ལུས་ལ་ཕོག་པས༔ དཔེར་ན་རྡོ་ཁབ་ལེན་གྱིས་ལྕགས་ཕྱེ་བསྡུས་པ་བཞིན་དུ༔ ནད་གདོན་ཐམས་ཅད་འུབས་སེ་བསྡུས་ནས་སྤྲུགས་པའི་དུས་སུ་མདུན་དུ་ཁྲུས་ཆུ་འདིའི་ནང་དུ༔ ཁྱེད་རང་གི་གཟུགས་བརྙན་ཤར་བ་ལ་ནད་སྤོ་བའི་ཚུལ་དུ་བྱབས་པས༔ ལུས་ངག་ཡིད་གསུམ་བདེ་སངས་སངས་སོང་བའི་མོས་པ་མཛོད༔ ཨོཾ་བྷུཪྑུང་དྷིས་ཧཱུྃ་ཧཱུྃ་ཕཊ༔ སརྦ་པཱ་པཾ་ཨ་པ་ན་ཡེ་སྭཱ་ཧཱཿ གོང་གི་རྩ་སྔགས་དང་མཇུག་གི་ཨ་པ་ན་ཡེ་ཀུན་ལ་འགྲེའོ༔ ཕྱག་གཡས་རྨ་བྱའི་མདོངས་ཀྱིས་ནད་པའི་ལུས་ནས་ཁྲུས་ཆུ་ནང་དུ་བྱབ་པའི་ཚུལ་རེ་དང་དྲིལ་བུ་

[Full Size]

བསིལ་བར་སྤྲུགས་ཏེ༔ སརྦ་བིགྷ་ནཾ༔ སརྦ་རོ་ག༔ སརྦ་དུཏྟཾ༔ སརྦ་ཛཱ་ར༔ སརྦ་ཨུ་པ་ཏྲ་ཡེ༔ སརྦ་གྲ་ཧེ༔ སརྦ་ཨ་ཀ་ལ་མྲྀ་ཏ་ཡུ༔ སརྦ་དུར་སོབ་ནཾ༔ སརྦ་དུར་མི་ཏི༔ སརྦ་ཙིཏྟ་བྱཱ་ཀུ་ལེ༔ ནད་ཐམས་ཅད་ཨ་པ་ན་ཡེ་སྭཱ་ཧཱཿ གདོན་ཐམས་ཅད་ཨ་པ་ན་ཡེ་སྭཱ་ཧཱཿ གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ ཟས་གྲིབ་ཐམས་ཅད་ཨ་། པ་ན་ཡེ་སྭཱ་ཧཱཿ གོས་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ རོ་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ བཙོག་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ ཉམས་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ དམེ་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ ཡུགས་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ འཁོན་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ མནོལ་གྲིབ་ཐམས་ཅད་ཨ་པ་ན་ཡེ་སྭཱ་ཧཱཿ བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་ཨ་པ་ན་ཡེ་སྭཱ་ཧཱཿ དེས་བྱབ་པའི་ཆོ་ག་སོང་ནས༔ ཁྲུས་ས་ནས་ཕྱུང་བ་ནི་དེ་ལྟར་འཁྲུ་བ་དང་བྱབ་པའི་ཆོ་ག་བྱས་པས༔ ནད་གདོན་བཀྲ་མི་ཤིས་པ་ཐམས་ཅད་དག་ནས༔ སྟན་ནག་པོ་འཁོར་བའི་རང་བཞིན་དེ་སྤང་བར་སྒོམས་ཤིག༔ རྐང་ཞབས་ཀྱི་བལ་འདབ་ནག་པོ་དེ་ཁྲུས་ཆུ་ནང་དུ་འཕང་བཅུག༔ ཁྲུས་ཆུ་ཕྱི་རོལ་དུ་

[Full Size]

བསྒྱུར༔ དེ་ནས་རྐང་ཞབས་སུ་བལ་འདབ་དཀར་པོ་གཅིག་བཅུག་ལ༔ ད་སྟན་དཀར་པོ་ཐར་པའི་གནས་བྱང་ཕྱོགས་ལྕང་ལོ་ཅན་དུ་དཔལ་ཕྱག་ན་རྡོ་རྗེའི་སྤྱན་སྔར་བསླེབས་པས༔ ནད་གདོན་གང་གིས་ཀྱང་གླགས་མི་རྙེད་པར་སྒོམས་ལ༔ ཐལ་མོ་སྦྱར་བའི་བར་དུ་རྡོ་རྗེའི་རྩེ་མོ་འདི་ཟུངས་ལ༔ རྗེས་ཟློས་མཛོད༔ སྡིག་པ་ཐམས་ཅད་བྱང་བྱས་ནས༔ སྡུག་བསྔལ་ཐམས་ཅད་མེད་པར་བྱེད༔ རྒྱུད་དོ་ཅོག་གི་རྩ་བ་སྟེ༔ དཔལ་ཀུན་གྱིས་ནི་ལེགས་པར་བརྒྱན༔ ཚིག་རྗེས་མ་ལན་གསུམ༔ དེས་བྱབ་པ་སོང་ནས་བསྲུང་བ་ནི༔ བྱབ་ཁྲུས་ཀྱི་ཆོ་གས་ནད་གདོན་བསལ་ནས༔ སླར་མི་འཇུག་པའི་ཕྱིར་གོ་ཆ་བགོ་བ་ཡིན་ཏེ༔ ངེད་བཅོམ་ལྡན་འདས་སྨེ་བ་བརྩེགས་པར་གསལ་བས༔ ཁྱེད་རང་རྣམས་ལ་རྡོ་རྗེའི་གོ་ཁྲབ་ཞུ་ལུབས་སུ་བསྐོན་པས༔ ལུས་ལ་རྡོ་རྗེའི་གོ་ཁྲབ་མེ་འབར་ཞིང་ཚྭ་ཚྭ་འཕྲོ་བས༔ ཅིས་ཀྱང་མི་ཆོད་པ་མི་ཤིགས་པ༔ སྲ་བ་བརྟན་པ་བགེགས་དང་ལོག་འདྲེན་གང་གིས་ཀྱང་མི་ཚུགས་པར་སྒོམས༔ ཨོཾ་བྷཆུང་དྷིས་ཧཱུྃ་ཧཱུྃ་ཕཊ༔ སརྦ་པཱ་པཾ་རཀྵ་རཀྵ་སྭཱ་ཧཱཿ ཞེས་སྤྱི་གཙུག་ཏུ་རྡོ་རྗེ་རྒྱ་གྲམ་དུ་བཞག༔ དེ་བཞིན་དུ་མགོ་བོའི་ཕྱོགས་བཞི་དཔུང་པ་གཉིས༔ པུས་མོ་གཉིས༔ སྙིང་

[Full Size]

ག༔ རྒྱབ་རྣམས་སུ་རྡོ་རྗེ་རྒྱ་གྲམ་དུ་བཞག་ཅིང་༔ མགོ་ནས་རྩ་སྔགས་དང་མཇུག་ཏུ་རཀྵ་རཀྵ་སྦྱར་བས༔ སརྦ་བིགྷ་ནཾ༔ སརྦ་རོ་ག༔ སརྦ་དུཥྚ༔ སརྦ་ཛཱ་ར༔ སརྦ་ཨུ་པ་དྲ་ཡེ༔ སརྦ་གྲ་ཧེ༔ སརྦ་ཨ་ཀ་ལ་མྲྀ་ཏ་ཡུ༔ སརྦ་དུར་སོབ་ནཾ༔ སརྦ་དུརྨི་ཏི༔ སརྦ་ཙིཏྟ་བྱཱ་ཀུ་ལེ༔ རཀྵ་རཀྟ་ཡེ་སྭཱ་ཧཱཿ དེས་ཆོག་ལ་སྤྲོ་ན་རྡོ་རྗེ་གདེངས་ཤིང་༔ ཁོ་ལ་ཚད་ཙམ་བྱ་ཞིང་༔ ནད་ཐམས་ཅད་ལས་སྲུངས་ཤིག་རཀྵ་རཀྵ༔ གདོན་ཐམས་ཅད་ལས་སྲུངས་ཤིག་རཀྵ་རཀྵ༔ གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ ཟས་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ གོས་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ རོ་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ བཙོག་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ ཉམས་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ དམེ་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ ཡུགས་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ འཁོན་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ མནོལ་གྲིབ་ཐམས་ཅད་ལས་སྲུངས་ཤིག་རཀྵ་རཀྵ༔ བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་ལས་སྲུངས་ཤིག་རཀྵ་རཀ་ཡེ་སྭཱ་ཧཱཿ

[Full Size]

དེ་ནས་རྡོ་རྗེ་མགོར་བཞག་ལ༔ རྒྱལ་བ་སྲས་བཅས་བདེན་པའི་བྱིན་རླབས་དང་༔ ཁྲོ་བོ་སྨེ་བ་བརྩེགས་པའི་བདེན་པ་ཡིས༔ འགྲོ་བ་འདི་དག་བདག་གིས་བསྲུངས་ཟིན་གྱིས༔ འདི་ལ་སུས་ཀྱང་གནོད་པ་མ་བྱེད་ཅིག༔ ཨོཾ་བཛྲ་རཀྵ་རཀྟ་ཡེ་སྭཱ་ཧཱཿ དེས་བསྲུང་བ་སོང་ནས་གཉིས་པ་ཤིས་པ་བརྗོད་པའི་དོན་དུ་བཅོམ་ལྡན་འདས་སྨེ་བརྩེགས་ལྷ་ཚོགས་རྣམས་ཀྱིས་བསྲུང་བའི་ཆོ་ག་བསྒོམས་པ་དེ་མི་ཉམས་ཤིང་བརྟན་པའི་ཕྱིར་བཀྲ་ཤིས་བརྗོད་ཅིང་རབ་གནས་མཛད་པའི་མོས་པ་མཛོད༔ ཅེས་ནས་གཏོར་ཞིང་༔ ཨོཾ་འབྲས་བུའི་རྡོ་རྗེ་སངས་རྒྱས་རྡོ་རྗེ་འཆང་༔ ལམ་གྱི་རྡོ་རྗེ་ཐེག་པ་ཆེན་པོའི་ཆོས༔ རྒྱུ་ཡི་རྡོ་རྗེ་དགེ་འདུན་རྡོ་རྗེའི་རིགས༔ མཆོག་གསུམ་རྡོ་རྗེས་སྐྱོབ་པའི་བཀྲ་ཤིས་ཤོག༔ སངས་རྒྱས་སྟོང་གི་རྡོ་རྗེའི་མི་མཛོད་འཛིན་ཞིང་༔ རྡོ་རྗེའི་སྐུ་ཅན་ཕྱག་ན་རྡོ་རྗེ་འཛིན༔ རྡོ་རྗེའི་གསུང་གི་རྡོ་རྗེའི་ཧཱུྃ་སྒྲ་སྒྲོག༔ རྡོ་རྗེ་སྨེ་བ་བརྩེགས་པའི་བཀྲ་ཤིས་ཤོག༔ གཉེན་པོའི་རྡོ་རྗེས་མི་དགེ་བཅུ་པོ་འཇོམས༔ སྟོབས་བཅུ་རྡོ་རྗེས་འཇིག་རྟེན་སྐྱོང་བཅུ་གནོན༔ ཕ་རོལ་ཕྱིན་བཅུ་མཐར་ཕྱིན་རྡོ་རྗེ་ཅན༔ རྡོ་རྗེ་ཁྲོ་རྒྱལ་བཅུ་ཡི་བཀྲ་ཤིས་ཤོག༔ རྡོ་རྗེའི་རིགས་ཅན་ཚངས་དབང་

[Full Size]

བརྒྱ་བྱིན་དང་༔ རྡོ་རྗེའི་བཀའ་ཉན་ཕྱོགས་སྐྱོང་ལྷ་ཀླུ་དང་༔ རྡོ་རྗེའི་ཕོ་ཉ་གཟའ་དང་རྒྱུ་སྐར་ཚོགས༔ རྡོ་རྗེའི་རིགས་ཀྱི་སྲུང་མའི་བཀྲ་ཤིས་ཤོག༔ རིན་ཆེན་བུམ་པ་རྡོ་རྗེས་མཚོན་པ་ལ༔ རྟེན་འབྲེལ་རྫས་དང་རྡོ་རྗེའི་ཆུས་བཀང་ནས༔ རྡོ་རྗེའི་གཟུངས་ཐག་རྡོ་རྗེའི་འོད་ཟེར་འཕྲོ༔ རྡོ་རྗེ་དག་བྱེད་ཁྲུས་ཀྱི་བཀྲ་ཤིས་ཤོག༔ ཉོན་མོངས་བརྒྱད་ཁྲི་བཞི་སྟོང་རྡོ་རྗེས་འཇོམས༔ བགེགས་རིགས་སྟོང་ཕྲག་བརྒྱད་ཅུ་རྡོ་རྗེས་བརླག༔ ནད་རིགས་བཞི་བརྒྱ་རྩ་བཞི་རྡོ་རྗེས་ཞི༔ སྨོན་ལམ་རྡོ་རྗེས་འགྲུབ་པའི་བཀྲ་ཤིས་ཤོག༔ ཨོཾ་བྷཆུང་དྷིས་ཀཱ་ཡ་ཝཱཀ་ཙིཏྟ་བཛྲ་སིདྡྷི་ཧཱུྃ༔ ཛ་ཡེ་ཛ་ཡེ་བི་ཛ་ཡེ་སྭཱ་ཧཱཿ དེས་བཀྲ་ཤིས་པར་བྱ་བ་སོང་ངོ་༔ འོ་དེ་རྣམས་ཀྱི་དགེ་བ་བྱང་ཆུབ་ཏུ་བསྔོ་བའི་རྗེས་ཟློས་མཛོད༔ དགེ་བ་འདི་ཡིས་མྱུར་དུ་བདག༔ སྨེ་བ་བརྩེགས་པ་འགྲུབ་གྱུར་ནས༔ འགྲོ་བ་གཅིག་ཀྱང་མ་ལུས་པ༔ དེ་ཡི་ས་ལ་འགོད་པར་ཤོག༔ དེས་ནི་ཁྲུས་བྱབ་བསྲུང་གསུམ་ལེགས་པར་གྲུབ་པ་ཡིན་པས༔ གཏང་རག་གི་མཎྜལ་ཕུལ༔ ས་གཞི་སྤོས་ཆུས་སོགས༔ ཞེས་པ་གནམ་ཆོས་སྨེ་བརྩེགས་སྒྲུབ་ཐབས་ཀྱི་མཇུག་ན་འདི་ལ་བྱབ་ཁྲུས་སོགས་སྦྱར་རུང་ངོ་ཞེས་གསུངས་

[Full Size]

པའི་ཕྱིར་རཱ་ག་ཨ་སྱས་སྦྱར་བའི་ཡི་གེ་པ་ནི་དབོན་པོ་མཐུ་སྟོབས་སོ༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྣལ་འབྱོར་རང་གི་གྲིབ་སྲུང་བ་དང་སེལ་བའི་གདམས་ངག་གྲིབ་སེལ་གསེར་གྱི་ཕ་ཝང་།

[Full Size]

རྣལ་འབྱོར་རང་གི་གྲིབ་སྲུང་བ་དང་སེལ་བའི་གདམས་ངག་གྲིབ་སེལ་གསེར་གྱི་ཕ་ཝང་ཞེས་བྱ་བ་བཞུགས་སོ།།

[Full Size]

ན་མོ་གུ་རུ་ཨུ་ཙུཥྛ་ཀྲོ་དྷ་ཡ། འཆོལ་བའི་ཁྲོ་རྒྱལ་དེ་ལ་ཕྱག་འཚལ་ལོ། །སྡོམ་གསུམ་ལྡན་པའི་རྣལ་འབྱོར་སྒྲུབ་པ་པོས། །ཟས་གྲིབ་གོས་གྲིབ་རོ་དང་རྩོག་གི་གྲིབ། །དམ་ཚིག་ཉམས་དང་གྲིབ་ཅན་འགྲོགས་པའི་གྲིབ། །ཁམས་མི་བདེ་ཞིང་བྱིང་རྨུགས་ཤེས་པ་འཐིབས། །ནད་ཀྱིས་བཏབ་དང་ཚེ་ཡི་བར་ཆད་སྡིག །དེ་དག་མ་བྱུང་གོང་ནས་སྲུང་བའམ། །བྱུང་ན་སྔགས་དང་དམིགས་པས་སེལ་བའི་ཐབས། །བཀའ་གཏེར་གསར་རྙིང་མན་ངག་རྒྱ་མཚོའི་བཅུད། །དམིགས་པ་སྔགས་གཉིས་ཁོ་ནས་ཆོག་པ་ཡིན། །རང་གི་སྙིང་གར་ཧཱུྃ་ཡིག་ལྗང་གུ་ལས། །མེ་འབར་རང་གི་ལུས་དང་གྲིབ་ཀུན་བསྲེགས། །སྟོང་པར་གྱུར་རྗེས་སྐད་ཅིག་དྲན་རྫོགས་སུ། །རང་ཉིད་ཁྲོ་བོ་སྨེ་

[Full Size]

བརྩེགས་ལྗང་གུ་ནི། །ལྗང་དཀར་སྔོ་བའི་ཞལ་གསུམ་ཕྱག་དྲུག་པ། །དང་པོས་ཕྱག་གཉིས་ཐུགས་ཀར་སྡིགས་མཛུབ་བསྣོལ། །བར་པས་གསེར་གྱི་རྡོ་རྗེ་དྲིལ་བུ་གདེངས། །ཐ་མས་ལྕགས་ཀྱུ་དང་ནི་ཞགས་པ་བསྣམས། །དབུ་སྐྲ་དམར་སེར་གྱེན་དུ་བརྗེས་པ་ལ། །སྦྲུལ་སྔོན་ལྟོ་བ་སེར་ཁྲ་ཅན་གྱིས་དཀྲིས། །སྟག་ལྤགས་ལ་སོགས་དུར་ཁྲོད་ཆས་བརྒྱད་གསོལ། །བགེགས་དང་གཟའ་གདོན་ཉི་ཟླ་པད་སྟེང་བཞུགས། །སྐུ་ལས་ཡེ་ཤེས་མེ་རི་སྨུག་ནག་འབར། །དེ་རྒྱབ་ཕྱི་རོལ་ཁྲོ་བོའི་གུར་ཁང་ནི། །རྡོ་རྗེ་གནོད་སྦྱིན་ནག་པོ་སྐུ་ཆེ་བ། །རྡོ་རྗེས་

[Full Size]

གཏམས་པའི་ཕག་རྒོད་མཆེ་བ་འཛིན། །ལྟོ་བ་ཆེ་ཞིང་ཡན་ལག་རགས་པའི་གུར། །དེ་རྒྱབ་བདུད་རྩི་འཁྱིལ་པ་ལྗང་གུ་ནི། །རྒྱ་གྲམ་དབྱུག་པ་སྡིགས་མཛུབ་མཛད་པའི་གུར། །དེ་རྒྱབ་ཕྱོགས་མཚམས་སྟེང་འོག་བཅུ་པོ་རུ། །སྨེ་བརྩེགས་དབུ་དགུ་མདུང་ཐབས་སྐུ་མདོག་ནག །ཕྱག་བཞི་འབྱུང་བ་བཞི་ཡི་འཁོར་ལོ་འཛིན། །ཞབས་བཞི་འབྱུང་བ་བཞི་བརྫིས་མེ་དཔུང་འབར། །དེ་རྒྱབ་རླུང་ནག་འཚུབ་མའི་གུར་ཁང་དང་། །དེ་རྒྱབ་རྒྱ་མཚོ་རྦ་ཀློང་འཁྲུགས་པའི་གུར། །དེ་རྒྱབ་གསེར་གྱི་ཕ་ཝང་སེར་པོའི་གུར། །ཕ་ཝང་རེ་ལ་ལྕགས་སྡིག་རེ་རེས་མཚན། །ལྕགས་སྡིག་རྭ་རྩེར་སྲིད་པའི་བྱ་ཁྱུང་ལྡིང་། །རང་གི་སྤྱི་བོར་རིགས་ཀྱི་ཡུམ་ཆེན་ལྔ། །ཕྱག་ན་རིན་ཆེན་བུམ་པ་བདུད་རྩིས་བཀང་། །ཀུན་གྱི་གནས་གསུམ་ཡིག་འབྲུ་གསུམ་པོ་ལས། །འོད་འཕྲོས་ཡེ་ཤེས་པ་རྣམས་སྤྱན་དྲངས་བསྟིམ། །རང་གི་ཐུགས་ཀར་ཉི་སྟེང་ཧཱུྃ་ལྗང་མཐར། །སྔགས་ཕྲེང་གཡས་སུ་འཁོར་ལས་འོད་ཟེར་འཕྲོས། །ཁྲོ་བོའི་གུར་ལ་ཐིམ་པས་ཁྲོ་བོ་རྣམས། །ཐུགས་ལས་འོད་འཕྲོས་བདག་ལ་ཕོག་པ་ཡིས། །ལུས་ངག་ཡིད་གསུམ་གྲིབ་རྣམས་དག་པར་གྱུར། །སྤྱི་བོའི་ལྷ་མོ་ལྔ་

[Full Size]

ཡི་བུམ་པ་ནས། །བདུད་རྩིའི་རྒྱུན་བབས་རང་གི་སྤྱི་བོར་ཞུགས། །དམ་ཚིག་ཆག་ཉམས་གྲིབ་དང་མི་གཙང་བ། །ཐམས་ཅད་དུད་ཁུ་སོལ་ཁུའི་རྣམ་པ་རུ། །རྐང་མཐིལ་འོག་སྒོ་བ་སྤུའི་བུ་གར་ཐོན། །ཕྱི་རོལ་ཁྲོ་བོ་རྣམས་ཀྱིས་ལྷག་མེད་གསོལ། །ཨོཾ་བྷར་ཁུང་མ་ཧཱ་པྲ་མ་ཎ་ཡེ་བྷར་ཅི་བྱུར་ཀི་བྷི་མ་ལེ་ཨུ་ཙུ་མ་ཧཱ་ཀྲོ་དྷ་ཧཱུྃ་ཕཊ། ཞེས་པ་བརྒྱའམ་ཉི་ཤུ་རྩ་གཅིག་གི་མཐར། ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཙིཏྟ་རཾ་ཤུདྡྷེ་ཨ་ཨ་སྭཱ་ཧཱ། དེ་ནས་མི་དམིགས་སྟོང་པའི་ངང་ལ་བཞག །རྒྱུན་དུ་བྱས་ན་གྲིབ་ཀྱིས་མི་ཚུགས་ཤིང་། །གྲིབ་ཁ་བྱུང་དུས་སྒོམ་བཟླས་བྱས་པས་སེལ། །འདི་ནི་གསར་རྙིང་རྒྱུད་སྡེ་དུ་མའི་བཅུད། །ཁྱད་པར་གར་གྱི་དབང་ཕྱུག་རོལ་བ་རྩལ། །རིག་འཛིན་ཆེན་པོའི་ཞལ་གྱི་བདུད་རྩི་ལགས། །དེ་སྐད་རྟ་ལོ་ཐ་སྐར་ཟླ་བ་ཡི། །གུང་ཐུན་རཱ་ག་ཨ་སྱས་སྨྲས་པ་སྟེ། །འབྲོང་རིགས་དགེ་བཤེས་པདྨ་ཐབས་མཁས་ཀྱིས། །ཕྱི་རབས་འགྲོ་ལ་ཕན་ཕྱིར་འཕྲལ་དུ་བྲིས། །ཉེས་འགལ་མཆིས་ལན་ཡེ་ཤེས་ལྷ་ལ་བཤགས། །དགེ་བས་འགྲོ་ཀུན་སྐྱོན་དང་བྲལ་གྱུར་ཅིག །དགེའོ།། །།

དམ་གྲིབ་ཞི་ཕྱིར་སྨེ་བརྩེགས།

[Full Size]

དམ་གྲིབ་ཞི་ཕྱིར་སྨེ་བརྩེགས་བཞུགས་སོ།། རང་གི་སྙིང་དབུས་ཧཱུྃ་ཡིག་ལྗང་ནག་ལས། །མེ་འབར་ནད་གདོན་གྲིབ་དང་མི་གཙང་བ། །ཐ་མལ་ལུས་བསྲེགས་རང་ཉིད་ཡེ་ཤེས་ཀྱི། །ཁྲོ་བོ་སྨེ་བ་བརྩེགས་པའི་སྐུར་གྱུར་པ། །སྐུ་མདོག་ལྗང་ནག་ཞལ་གསུམ་ཕྱག་དྲུག་པ། །གཡས་དཀར་གཡོན་དམར་དབུས་ལྗང་ཁྲོ་བོའི་ཞལ། །ཁམས་ནག་རལ་པ་སྤྲུལ་སྔོན་ལྟེ་ཕྱིར་དཀྲིས། །གཡས་ཀྱི་ཕྱག་གཉིས་རྡོ་རྗེ་རལ་གྲི་དང་། །གཡོན་གཉིས་ཞགས་པ་དང་ནི་ལྕགས་ཀྱུ་བསྣམས། །མཐའ་གཉིས་སྡིགས་མཛུབ་ཕྱག་རྒྱ་ཐུགས་ཀར་བསྣོལ། །ཁྲོ་བོའི་ཆས་ཀུན་ཡོངས་རྫོགས་མེ་དཔུང་འབར། །པད་ཉི་གདན་ལ་ཞབས་བསྒྲད་བཞེངས་ཏེ་བཞུགས། །དཔྲལ་བར་ཨོཾ་དཀར་མགྲིན་པར་ཨཱཡིག་དམར། །ཐུགས་ཀར་ཉི་སྟེང་ཧཱུྃ་ཡིག་ལྗང་ནག་མཐར། །རང་འདྲ་དཔག་མེད་སྤྱན་དྲངས་རང་ལ་བསྟིམས། །སྔགས་ཕྲེང་འོད་ཟེར་ལྗང་ཁུའི་ལུས་ཀུན་ཁྱབ། །ནད་གདོན་གྲིབ་བསལ་མཐུ་སྟོབས་རྒྱས་པར་གྱུར། །ཨོཾ་བྷར་ཁུང་མ་ཧཱ་པྲ་མ་ཎ་ཡེ་བྷར་ཙི་བྷུར་ཀི་བི་མ་ལེ་ཨུ་ཙུཏྨ་ཀྲོ་དྷ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། བསྙེན་པའོ། །ཨོཾ་བྷར་ཁུང་རྗེས་སྭཱ་ཧཱ། ཡང་སྙིང་གི་སྔགས་རྣམས་གང་མང་

[Full Size]

བཟླའོ་ཞེས། ཨ་རཱ་གས་སོ།། །།

གནམ་ཆོས་སྨེ་བརྩེགས་ཀྱི་ལས་མཐའ་གྲིབ་སེལ་རྟ་ནག་མ་ཟབ་ཅིང་སྟབས་བདེ་བ་བལྟས་ཆོག་འདོན་འགྲིགས།

[Full Size]

གནམ་ཆོས་སྨེ་བརྩེགས་ཀྱི་ལས་མཐའ་གྲིབ་སེལ་རྟ་ནག་མ་ཟབ་ཅིང་སྟབས་བདེ་བ་བལྟས་ཆོག་འདོན་འགྲིགས་བཞུགས་པའི་དབུའོ།

[Full Size]

ན་མོ་བྷུརྑུང་དྷི་ཁ་ཡེ། ཁྲོ་རྒྱལ་སྨེ་བ་བརྩེགས་ལ་ཕྱག་འཚལ་ནས། །གནམ་ཆོས་སྨེ་བརྩེགས་ལྗང་ཁུའི་ལས་སྐོར་བྲི། །ཆོས་བདག་མཁའ་འགྲོས་བཀའ་ཡི་གནང་བ་སྩོལ། །དགོངས་འདུས་གུ་དྲག་མ་ནིང་ལ་སོགས་པས༔ གཏེར་རྙིང་མཁའ་འགྲོའི་གྲིབ་སེལ་མང་གསུངས་ཀྱང་༔ བཅའ་ཚོགས་ཕྱག་ལེན་དཀའ་ཞིང་བཀའ་ཡང་གཉན༔ ཐ་མར་སྡིག་ཅན་དང་ནི་བྱིས་པ་སོགས༔ དེ་ལ་མཁའ་འགྲོའི་གྲིབ་སེལ་རུང་བ་མིན༔ འདི་ནི་ཕྲུག་ཡང་ཀུན་ལ་བྱ་བར་རུང་༔ སྣོད་གཅིག་ནང་དུ་ཟན་ནག་ལས་བྱས་པའི༔ མི་ནག་རྟ་ནག་བྱ་ནག་ཀླད་ན་ལྡིང་༔ ཁྱི་ནག་རྗེས་སུ་འབྲང་བའི་འཁོར་ལྔ་ནི༔ མི་ལུས་བྱ་མགོ་སྦྲུལ་མགོ་ཕག་གི་མགོ༔ སྦལ་པའི་མགོ་ཅན་བཞི་ནི་ཟུར་བཞིར་བཞག༔

[Full Size]

གཏོར་མ་ཟུར་གསུམ་ནག་པོ་ཏིང་ལོ་དང་༔ ངར་མི་དཀར་པོ་གཅིག་ནི་རྟེན་མདུན་བཞག༔ ཁྲུས་ཆུ་གཏོར་འགུ་ནང་དུ་འོ་ཆབ་དང་༔ མདའ་དར་དཀར་པོ་ཁབ་གཅིག་གཙུགས་ལ་བཞག༔ དེ་ནས་ནད་པ་མདུན་དུ་བོས་བྱས་ལ༔ རང་ཉིད་སྐད་ཅིག་དྲན་རྫོགས་ཧཱུྃ་སྨུག་ལས༔ འོད་འཕྲོས་འཕགས་མཆོད་སེམས་ཅན་དོན་བྱས་ནས༔ ཚུར་འདུས་ཡོངས་གྱུར་སྐད་ཅིག་དེ་ཉིད་ལ༔ ཁྲོ་བོ་སྨེ་བ་བརྩེགས་པ་སྐུ་མདོག་སྨུག༔ ཞལ་གསུམ་ཕྱག་དྲུག་གཡས་དཀར་གཡོན་སྔོ་བ༔ དབུས་སྨུག་ཕྱག་ན་དང་པོ་དེ་གཉིས་ཀྱིས༔ ཐུགས་ཀར་སྡིགས་མཛུབ་བསྣོལ་ཞིང་དེ་འོག་གཉིས༔ རྡོ་རྗེ་དྲིལ་བུ་འཛིན་ཏེ་དེ་འོག་གཉིས༔ རྡོ་རྗེ་

[Full Size]

ལྕགས་ཀྱུ་འཛིན་པ་གསལ་བར་གྱུར༔ ཐུགས་ཀར་ཉི་སྟེང་ཧཱུྃ་སྨུག་མཐའ་བསྐོར་དུ༔ སྔགས་ཀྱིས་གཡས་སུ་འཁོར་ལས་འོད་དཀར་པོ༔ འཕྲོས་པས་གྲིབ་དང་མི་གཙང་བ་རྣམས་ཀུན༔ བ་མོར་ཉི་ཟེར་ཕོག་པ་བཞིན་དུ་བསམ༔ སྔགས་ཀྱི་འོད་ཟེར་འོ་ཆབ་ལ་ཐིམ་པས༔ གྲིབ་སེལ་ཡེ་ཤེས་བདུད་རྩི་ཆེན་པོར་གྱུར༔ ཨོཾ་ཨརྩི་མརྩི་བྷར་ཁུང་མ་ཧ་སྲ་ན་ཏ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱཿ ཞེས་པ་བདུན་ནམ་ཅི་འགྲུབ་བརྗོད། དེས་ནི་གྲིབ་གླུད་སྟེང་དུ་ནད་པ་དེས་ཁྲུས་བྱ། ཁ་ལག་བཀྲུ་ཁ་བཤལ་ལ་གླུད་ནང་དུ་བླུག དེ་ཆེ་གོང་གི་སྨེ་བརྩེགས་སྔགས་ཤམ་དུ། ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལོ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ། ཨ་ཨ་སྭཱ་ཧཱཿ ཨོཾ་སྭ་བྷ་ཝ་སོགས། སྟོང་པའི་ངང་ལས་ཏྲི་ཡིག་ཡོངས་སུ་གྱུར་པ་ལས༔ གྲིབ་བདག་མི་ནག་རྟ་ནག་གོས་ནག་གྱོན༔ སྒོ་ང་ནག་པོ་ཁུར་ཤིང་དར་ནག་ཕྱར༔ འཕྲུ་ནག་བཙུགས་ཤིང་བྱ་ནག་ཀླད་ན་ལྡིང་༔ ཁྱི་ནག་རྗེས་སུ་འབྲང་བའི་འཁོར་དུ་ནི༔ མདུན་གཡས་མི་ལུས་འདོད་ཆགས་བྱ་ཡི་མགོ༔ མདུན་གཡོན་མི་ལུས་ཞེ་སྡང་སྦྲུལ་གྱི་མགོ༔ རྒྱབ་གཡས་མི་ལུས་གཏི་མུག་ཕག་གི་མགོ༔ རྒྱབ་

[Full Size]

གཡོན་མི་ལུས་མ་རིག་སྦལ་པའི་མགོ༔ ཀུན་ཀྱང་ཐལ་སྦྱར་བཀའ་ཉན་གསུང་སྡོད་གྱུར༔ ༈ ཀྱཻ། ཉི་མ་ནུབ་ཕྱོགས་ཕ་ཀི་ན། །མུན་པ་ནག་པོའི་སྟེང་རུམ་ནས། །གྲིབ་མཁར་ནག་པོའི་ནང་རོལ་ནས། །ཕ་ནི་མུན་པ་ནག་པོ་དང་། །གླུད་བདག་རྒྱལ་མོ་བཤོས་པའི་སྲས། །བུ་ནི་གྲིབ་བདག་རྒྱལ་པོ་སྟེ། །མུན་པ་ནག་པོ་གོས་སུ་གྱོན། །གྲིབ་རྟ་ནག་པོ་འོག་ཏུ་ཞོན། །གྲིབ་དར་ནག་པོ་ལག་ཏུ་ཐོགས། །གྲིབ་འཕྲུ་ནག་པོ་མགོ་ལ་བཙུགས། །གྲིབ་བྱ་ནག་པོ་ཀླད་ན་ལྡིང་། །གྲིབ་ཁྱི་ནག་པོ་རྗེས་སུ་འབྲང་། །ཡས་དང་གླུད་ལ་སྤྱན་འདྲེན་ན། །འཁོར་ནི་བྱ་སྦྲུལ་ཕག་གི་མགོ །སྦལ་པའི་མགོ་ཅན་བཞི་དང་བཅས། །གྲིབ་གླུད་ལེན་ཕྱིར་མྱུར་དུ་ཤོག །ཁྱེད་རྣམས་གྲིབ་ཀྱི་བདག་པོ་སྟེ། །སེམས་ཅན་ཡོངས་ལ་གྲིབ་ཡམས་གཏོང་། ། གཟའ་ཀླུ་རྣམས་ཀྱི་སྡོང་ཡ་བྱེད། །དམེ་ནལ་སྨུག་གི་སྣ་ཡང་འདྲེན། །སྔོན་ཚེ་རིགས་གསུམ་མགོན་པོ་དང་། །ཁྲོ་རྒྱལ་སྨེ་བ་བརྩེགས་པ་ཡི། །བཀའ་དང་དམ་ལ་བཏགས་པའི་ཚེ། །ཁྱོད་ཀྱིས་ཁས་བླངས་དམ་བཅས་པ། །འདི་ལྟར་གྲིབ་གླུད་བྱིན་པ་ན། །གྲིབ་རྣམས་སེལ་

[Full Size]

བར་དམ་བཅས་པའི། །ཁས་བླངས་དམ་ཚིག་དྲན་པར་གྱིས། །རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ལྟཕྱག་འཚལ་ལོ། །གླུད་དང་ཡས་སྟགས་འདོད་ཡོན་ལྔ། །གཏོར་མ་ཆངས་བུ་འབྲུ་ནག་སོགས། །རང་རང་མཐུན་རྫས་གླུད་གཏོར་འདི། །གྲིབ་བདག་ཀུན་གྱིས་ཐོབ་གྱུར་ནས། །ཐམས་ཅད་ངོམ་ཞིང་ཚིམ་གྱུར་ཏེ། །ལན་ཆགས་བུ་ལོན་བྱང་གྱུར་ནས། །དགའ་མགུ་ཡི་རང་ལྡན་གྱུར་ཅིག །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར། ཧཱུྃ༔ གྲིབ་བདག་རྒྱལ་པོ་ཆེན་པོ་ཁྱོད། །སྐུ་མདོག་ནག་པོ་མུན་པ་འདྲ། །ཆིབས་སུ་དྲེལ་རྟ་ནག་པོ་ཆིབས། །གྲིབ་གོས་ནག་པོ་ལུས་ལ་གྱོན། །གྲིབ་དར་ནག་པོ་ལག་ན་ཐོགས། །གྲིབ་འཕྲུ་ནག་པོ་དབུ་ལ་བཙུགས། །གྲིབ་བྱ་ནག་པོ་ཀླད་ན་ལྡིང་། །གྲིབ་ཁྱི་ནག་པོ་རོལ་དུ་ཁྲིད། །མཐུན་རྫས་རང་གཟུགས་གཏོར་མ་དང་། །མཐུན་རྫས་ཡས་གླུད་འདི་བཞེས་ལ། །གྲིབ་བདག་ཆེན་པོས་གྲིབ་སོལ་ཅིག །བདག་དང་རྒྱུ་སྦྱོར་ཡོན་བདག་གི །ཟས་གྲིབ་གོས་གྲིབ་ནོར་གྱི་གྲིབ། །གྲིབ་གདོན་ངན་པ་སངས་གྱུར་

[Full Size]

ཅིག །རྒྱལ་པོ་བསེན་མོ་འབྱུང་པོའི་གྲིབ། །ལྷ་འདྲེའི་གྲིབ་ནད་སངས་གྱུར་ཅིག །དྲི་ཟ་གྲུལ་བུམ་ཀླུ་ཡི་གྲིབ། །གནོད་སྦྱིན་གྲིབ་རྣམས་སངས་གྱུར་ཅིག །ཐེའུ་རང་འགོང་པོ་མི་ལ་དང་། །སྲིད་པའི་འདྲེ་དགུ་ཐམས་ཅད་ཀྱི། །གྲིབ་གདོན་ངན་པ་སངས་གྱུར་ཅིག །ཉོན་མོངས་དུག་ལྔ་དུག་གསུམ་གྱི། །ལས་ཀྱི་གྲིབ་རྣམས་སངས་གྱུར་ཅིག །མི་གཙང་འཁོན་གྲིབ་བཙོག་ནལ་གྲིབ། །གྲིབ་བདག་ཆེན་པོས་གྲིབ་སོལ་ཅིག །མ་རིག་བཞི་ལས་གྲུབ་པ་ཡི། །སེམས་ལས་ལྷ་འདྲེ་གཉིས་འཛིན་བྱུང་། །རྣམ་རྟོག་ཁ་ཡན་ནད་དུ་གྱུར། །ཐོག་མར་མ་རིག་གདོས་བཅས་གྲིབ། །རྒྱུ་ནི་ཉོན་མོངས་རང་རྒྱུད་གྲིབ། །སྡུག་བསྔལ་ན་ཚ་རྐྱེན་གྱི་གྲིབ། །དེ་གསུམ་ལས་ཀྱི་དུག་ཡིན་ཏེ། །མདའ་དར་གཡབ་ཅིང་། གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤྲོ། །དམ་ཚིག་ཆག་ཉམས་བཀའ་ཡི་གྲིབ། །བཀའ་བཅག་དམ་བཀྲལ་ལྷ་སྲུང་གྲིབ། །གསང་སྔགས་མཆེད་བཙོག་མནོལ་གྱི་གྲིབ། །དེ་གསུམ་ཉམས་ཀྱི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །

[Full Size]

ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །འཁྲུལ་པ་གདུག་སེམས་ཞེ་སྡང་གྲིབ། །དམོད་པ་རུ་ཏྲ་ཕྲག་དོག་གྲིབ། །རགས་པ་ང་རྒྱལ་གནོད་སེམས་གྲིབ། །དེ་གསུམ་རྒྱུ་ལས་བྱུང་བ་སྟེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །སྟེང་ན་གཟའ་དང་འབྱུང་པོའི་གྲིབ། །འོག་ན་ཀླུ་དང་ས་བདག་གྲིབ། །བར་ན་ལྷ་སྲིན་སྡེ་བརྒྱད་གྲིབ། །དེ་གསུམ་གནོད་པའི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤྲོ། །ཕོ་ལྷ་རིགས་ཀྱི་མནོལ་བའི་གྲིབ། །དགྲ་ལྷ་མལ་དུ་གཏོར་བའི་གྲིབ། །མ་ལྷ་མེ་འབར་བོར་གྱུར་གྲིབ། །ཞང་ལྷ་ཐབ་ཀྱི་བོར་བའི་གྲིབ། །ཡུལ་ལྷ་བསང་མཆོད་ཞན་པའི་གྲིབ། །དེ་ལྔ་རང་ལུས་ལྷ་ཡི་གྲིབ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །བན་བོན་མུ་སྟེགས་བྱད་ཀྱི་གྲིབ། །མི་ལ་བསེ་རག་གདོན་གྱི་གྲིབ། །དམེ་སོགས་བཙོག་བྱུར་བུད་མེད་གྲིབ། །ཆོ་འཕྲུལ་བརྡ་ཐན་

[Full Size]

མཐོང་བའི་གྲིབ། །དེ་བཞི་རྐྱེན་གྱི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །ཕ་ཁུ་དམེ་དང་རྨུག་གི་གྲིབ། །མ་ཕྱི་མདུན་དང་ནལ་གྱི་གྲིབ། །མཛའ་བོ་ཤག་རལ་མནའ་ཡི་གྲིབ། །ཉེ་བ་ཁྱིམ་མཚེས་ཟས་ཀྱི་གྲིབ། །རོགས་ངན་སྡིག་ཅན་གྲོགས་ཀྱི་གྲིབ། །དེ་ལྔ་འགྲོགས་པའི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །དར་ཟབ་དབྱི་སྤྱང་གོས་ཀྱི་གྲིབ། །གསེར་གཡུ་ཟངས་ལྕགས་རྫས་ཀྱི་གྲིབ། །བྱིན་ཆས་ཕུང་པོ་རོ་ཡི་གྲིབ། །དེ་གསུམ་འཁྲུལ་པའི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །རི་སློང་སྤྱང་ཐོད་ཤ་དམར་གྲིབ། །བག་སྣ་སྐྱེས་སྣ་མགྲོན་གྱི་གྲིབ། །ཕྲ་མ་ཚིག་རྩུབ་འཁོན་གྱི་གྲིབ། །རྣམ་རྟོག་ཆེ་བ་སེམས་ཀྱི་གྲིབ། །དེ་བཞི་རྣམ་རྟོག་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་

[Full Size]

མི་ཁྱོད་ལ་སྤོ། །ལྷ་དང་ལེ་གུ་རྒྱལ་འགོང་གྲིབ། །སྔ་ཆོམ་ལྷག་ཆད་ཐན་གྱི་གྲིབ། །བདུན་ཟུར་བཞི་གཤེད་ལོ་ཡི་གྲིབ། །ཟླ་ཟུར་བྱ་བྱེད་ཞག་གི་གྲིབ། །དེ་བཞི་དུས་ཀྱི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤྲོ། །གནམ་ལོ་སྤར་ཁ་དགྲ་གཤེད་གྲུབ། །ཐེའུ་རང་ཀླུ་དང་ཕྱོགས་ངན་གྲིབ། །སྲོག་ལུས་ཀླུང་རྟ་འབྱུང་བའི་གྲིབ། །དཀར་ནག་དགུ་མིག་སྨེ་བའི་གྲིབ། །གཅོད་འདྲལ་མི་མཐུན་གཟའ་གྲོགས་གྲིབ། །དེ་ལྔ་གནམ་ལོའི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །རྨི་ལམ་བག་ཆགས་ཐེར་གཟུགས་གྲིབ། །ལས་ངན་འཕྲོ་མཐུད་འཁོར་བའི་གྲིབ། །བག་ཆགས་འཁོར་ངན་ངན་འགྲོའི་གྲིབ། །དེ་གསུམ་བག་ཆགས་སྔོན་ལས་གྲིབ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །གསང་སྔགས་ཆོ་ག་ཉམས་ཆག་གྲིབ། །ལྷ་ལ་ཉེས་པ་བྱས་པའི་གྲིབ། །བཀའ་ལ་བར་ཆད་བྱེད་པའི་གྲིབ། །

[Full Size]

ལུང་ལ་ལོག་པར་རྟོག་པའི་གྲིབ། །ཕན་གནོད་རེ་དོགས་བཏང་སྙོམས་གྲིབ། །གཡོ་སྒྱུ་ཐེ་ཚོམ་ཟོས་པའི་གྲིབ། །ལེ་ལོ་ལྷག་ཆད་ནོར་འཁྲུལ་གྲིབ། །དེ་རྣམས་ཤེས་བྱའི་གྲིབ་ཡིན་ཏེ། །གྲིབ་དེ་དར་དཀར་གཡབ་ཀྱིས་ཕྱགས། །ནད་དེ་མདའ་ཡི་རྒྱུད་ནས་དྲོངས། །གདོན་དེ་ངར་མི་ཁྱོད་ལ་སྤོ། །བདག་དང་རྒྱུ་སྦྱོར་ཡོན་བདག་གི།ལུས་ངག་ཡིད་གསུམ་ཕྱི་ནང་གི །གྲིབ་དང་ནད་གདོན་ཀུན་སངས་ནས། །ཤེལ་སྒོང་བཞིན་དུ་དག་གྱུར་ཅིག །དངོས་པོ་གཉིས་འཛིན་དག་གྱུར་ཅིག །དག་པའི་ས་ལ་གནས་པར་ཤོག །ཨོཾ་ཨརྩི་མརྩི་བྷར་ཁུང་མ་ཧ་སྲ་ན་ཏ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱཿ གྲིབ་དང་མི་གཙང་བ་ཐམས་ཅད་ཨ་པ་ན་ཡེ་སྭཱ་ཧཱ། དེ་ནས་ལག་ཏུ་ཁབ་ཐོགས་ལ། ཀྱེ། དེ་བ་རིང་རྒྱུ་སྦྱོར་ཡོན་བདག་གི །སྐུ་གླུད་ངར་མི་རྒྱན་ཅན་འདི། །ཤ་ནི་བསེ་ལ་ཁྲག་ནི་མཚལ། །རུས་པ་དུང་ལ་ལྤགས་པ་སྐྱིན། །ཟེར་མོ་སྐུ་ལ་ལུང་ཐང་མིག །ཁོང་བཅུད་རིན་ཆེན་སྣ་ལྔ་བཅུག །དར་ཟབ་སྣ་ལྔའི་རྒྱན་གྱིས་བརྒྱན། །འབྲུ་སྣ་དགུ་ཡི་རྒྱུ་ལས་བྱས། །མི་བས་གླུད་བཟང་སྤུ་ཡིས་དྲོ། །ཡོན་བདག་འདི་ཡི་གླུད་དུ་གཏོང་། །བདག་

[Full Size]

དང་རྒྱུ་སྦྱོར་ཡོན་བདག་གི །ཡ་ཀི་སྐྲ་ཡི་ཕྱི་ཟུར་ནས། །རྐང་པའི་སེན་སྣེ་ཡན་ཆད་ཀྱི། །ནད་དང་གཟེར་དང་གདོན་བགེགས་རྣམས། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །བསྲུང་བྱའི་ནད་འདི་ཁྱོད་ལ་སྤོ། །ན་ཤིང་འཐོམ་པ་མགོ་ཡི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །འོན་ཤིང་འཐིབ་པ་རྣ་བའི་ནད། །ཚ་ཞིང་བྱེར་བ་ས་ཡི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །གཟེར་ཞིང་ཁོལ་བ་ཀླད་པའི་ནད། །ལོང་ཞིང་འགྲིབ་པ་མིག་གི་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །འཚུབས་ཤིང་འཚང་བ་སྣ་ཡི་ནད། །དག་པར་བྱེད་པ་ལྕེ་ཡི་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །འགགས་པར་བྱེད་པ་མགུལ་པའི་ནད། །རིམས་ནད་ཁྲག་ནད་མ་མོའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་

[Full Size]

དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །ཞ་ཞིང་གྲུམ་པ་རྐང་པའི་ནད། །ན་ཞིང་སྒྲུང་པ་གཉན་གྱི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །སྨྲ་ཞིང་མྱོས་པ་འབྱུང་པོའི་ནད། །འཕྱོ་ཞིང་གཡེང་བ་གཡོ་སྒྱུའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །གཟུགས་ཀྱི་ཕུང་པོ་སྐུ་ཡི་ནད། །ལུས་ཀྱི་ཕུང་པོ་སྐུ་ཡི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །བཀྲག་གསལ་མདངས་མེད་སྤྱན་གྱི་ནད། །མྱོས་ཤིང་འབྱུང་བ་འབྱུང་པོའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །ཁོང་ཁྲག་དམར་པོ་རྩ་ཡི་ནད། །གཡེང་ཞིང་རེངས་པ་གཞུང་པའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །རྒྱས་ཤིང་སྦོས་པ་ཕོ་བའི་ནད། །ལུ་ཞིང་བརྒྱལ་བ་གློ་བའི་ནད། །སྐུ་གླུད་ངར་

[Full Size]

མི་ཁྱོད་ལ་སྤྲོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །ཤ་སེར་མིག་སེར་མཁྲིས་པའི་ནད། །ཞ་ཞིང་འཁུམ་པ་མཁལ་མའི་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །བཤལ་ཞིང་འཁྲོགས་པ་རྒྱུ་མའི་ནད། །ལྐུགས་ཤིང་རེངས་པ་སྲོག་རྩའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །གཟེར་ཞིང་ཁོལ་བ་སྲོག་རྩའི་ནད། །ནད་རིགས་སུམ་བརྒྱ་དྲུག་ཅུའི་ནད། །སྐུ་གླུད་ངར་མི་ཁྱོད་ལ་སྤོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །སྤྱི་བོ་ཀླད་པའི་རྒྱ་སྲུབ་ནས། །སྤྱན་མིག་གཡས་དང་གཡོན་པ་ནས། །ནད་ཀྱི་མདངས་ཕྱུང་ཚེར་མར་དྲོངས། །རྣ་བ་གཡས་དང་གཡོན་པ་ནས། །སྣ་བུག་གཡས་དང་གཡོན་པ་ནས། །ནད་ཀྱི་མདངས་ཕྱུང་ཚེར་མར་དྲོངས༔ །དུང་སོ་བ་ལེ་སུམ་ཅུའི་ནད། །སྐུ་གླུད་ངར་མི་ཁྱོད་ལ་སྤྲོ། །ནད་ཀྱི་མདངས་ཕྱུང་ཚེར་མར་དྲོངས། །ཁྱོད་ཀྱིས་ནད་འདི་ཁྱེར་ལ་སོང་། །གྲིབ་བདག་རྒྱལ་པོས་

[Full Size]

གྲིབ་ལོངས་ཤིག །ཡས་བདག་ཆེན་པོས་ཡས་བཞེས་ཤིག །རྐྱེན་བདག་ཆེན་པོས་རྐྱེན་སོལ་ཅིག །མི་འདི་ཐོངས་ལ་ཡས་འདི་ཁྱེར། །ཉི་མ་དེ་རིང་ཕྱིན་ཆད་ནས། །ཡོན་བདག་འདི་ལ་གནོད་མ་བྱེད། །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཁྱོག །རིམས་ནད་ཡམས་ནད་གྲིབ་བདག་རྣམས། །གླུད་ཀྱི་གཏོར་མ་འདི་ལོངས་ལ། །དེ་བཞིན་གཤེགས་པའི་བཀའ་ལ་ཉོན། །གལ་ཏེ་བཀའ་ལ་མི་ཉན་ན། །ཤིན་ཏུ་སྟོབས་ཆེན་གཟི་བརྗིད་ཅན། །སྨེ་བ་བརྩེགས་པ་ཁྲོས་ནོས་ནི། །ཕྱག་མཚན་རྡོ་རྗེ་འབར་བ་ཡིས། །ལུས་ནི་དུམ་བུ་སྟོང་དུ་བཏང་། །མགོ་ནི་ཚལ་པ་བརྒྱ་རུ་འགས། །སེམས་ནི་རྡོ་རྗེའི་དམྱལ་བར་འགྲོ། །རྡུལ་ཕྲན་བཞིན་དུ་བརླག་པར་འགྱུར། །དེ་བས་གྲིབ་བདག་རྒྱལ་པོས་གྲིབ་སོལ་ཅིག །ནད་འདི་ཁྱོད་ཀྱིས་ཁྱེར་ལ་སོང་། །ཨོཾ་ཨརྩི་མརྩི་བྷུར་ཁུང་མ་ཧཱ་པྲ་ན་ཏ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། དེ་ནས་གྲིབ་༈ གླུད་ཁ་ཕར་བསྒྱུར་ལ། རྫོངས་འདེབས་བྱའོ། །ཧཱུྃ། གྲིབ་བདག་རྒྱལ་པོ་རྟ་ནག་ཅན། །བྱ་སྦྲུལ་ཕག་གི་མགོ་ཅན་དང་། །སྦལ་པའི་མགོ་ཅན་ལ་སོགས་པའི། །གྲིབ་ཀྱི་བདག་པོ་

[Full Size]

བདག་མོ་ཀུན། །ད་ནི་འགྲོ་རན་ཆས་རེ་རན། །གྲིབ་རྫས་ཆེ་དགུ་རྫོངས་སུ་འདེབས། །བྲ་སྲན་འབྲུ་ནག་རྫོངས་སུ་འདེབས། །ཡོས་བཀྲ་ཆིགས་ཕྱེ་རྫོངས་སུ་འདེབས། །ཚྭ་དང་གཡེར་མ་རྫོངས་སུ་འདེབས། །སྦང་རམ་ཤ་ཤུན་རྫོངས་སུ་འདེབས། །གྲིབ་གླུད་གོས་དུམ་རྫོངས་སུ་འདེབས། །ཟ་འཕྲོ་འཐུང་ལྷག་རྫོངས་སུ་འདེབས། །རྫོངས་འདེབས་འདི་ཡིས་ཚིམ་གྱིས་ལ། །ཕྱིན་ཆད་གནས་འདིར་མ་གནོད་ཅིག །གྲིབ་བདག་ཁྱོད་ལ་ལམ་བསྟན་པ། །ཉི་མ་ནུབ་ཕྱོགས་ཕ་ཀི་ན། །བ་གླང་སྤྱོད་ཀྱི་ཚུར་མཐའ་ན། །འཛམ་བུ་གླིང་གི་ཕར་མཐའ་ན། །རྒྱ་མཚོ་ཆེན་པོའི་ཕར་འགྲམ་ན། །ཉི་མ་ཟླ་བའི་ཟེར་མེད་ཅིང་། །མུན་པ་ནག་པོའི་ཀློང་དཀྱིལ་ནས། །གྲིབ་ཡུལ་ནག་པོ་གནས་རེ་འདེབས། །གྲིབ་མཁར་ནག་པོ་རྫོང་རེ་བཙན། །གྲིབ་མི་སྨྲ་མཁས་ས་ལ་ལ། །གྲིབ་རྟ་འཚེར་དང་སི་ལི་ལི། །གྲིབ་བྱ་ལྡིང་དང་ལྷབས་སེ་ལྷུབ། །གྲིབ་ཁྲི་ཟུག་དང་ལྷངས་སེ་ལྷང་། །གྲིབ་རྫས་སྣ་ཚོགས་སྤུངས་སེ་སྤུང་། །དེ་འདྲའི་གྲིབ་ཡུལ་གནས་རེ་བཟང་། །གྲིབ་བདག་ལམ་བསྟན་དེ་རུ་བསྟན། །ཉི་མ་བྱང་ཕྱོགས་གནས་དག་ཏུ། །

[Full Size]

གྲིབ་ཁང་ནག་པོའི་གཏིང་རུམ་ནས། །གྲིབ་བདག་ཕོས་ནི་འབོད་དང་རྒྱངས་སེ་རྒྱང་། །གྲིབ་བདག་མོས་ནི་གཡབ་དང་ལིངས་སེ་ལིང་། །གྲིབ་བདག་ལམ་བསྟན་དེ་རུ་བསྟན། །གྲིབ་བདག་ཕོ་མོ་དེ་རུ་སོང་། །རྒྱུ་སྦྱོར་ཡོན་གྱི་བདག་པོ་ལ། །ཕྱིན་ཆད་གནོད་པ་མ་བྱེད་ཅིག །དེ་ནས་ལོ་བདུད་སྟེང་ངམ་ཕྱོགས་གཙང་སར་འབུལ་བཅུག་ཅིང་། ཧཱུྃ༔ ང་ནི་ཁྲོ་བོ་སྨེ་བ་བརྩེགས། །སྐུ་ལས་མེ་དཔུང་ཁྲོ་ཆུང་ཚོགས། །སེར་རྒོད་བབ་པ་ལྟར་འཕྲོས་པས། །གྲིབ་དང་གྲིབ་བདག་གདོན་གྱི་ཚོགས། །རྒྱ་མཚོ་ཆེན་པོའི་ཕར་འགྲམ་བསྐྲད། །ཨོཾ་སུམྦྷ་ནི་སུམྦྷ་ནི་སོགས། བརྗོད་ཅིང་རོལ་མོ་བསྒྲགས། མེ་དཔུང་ཁྲོ་ཚོགས་ཚུར་འདུས་པས། །སྟེང་འོག་རྡོ་རྗེའི་གུར་ཁང་ལས། །ཡེ་ཤེས་མེ་དཔུང་འབར་བས་གཏམས། །བདག་དང་བསྲུང་བྱ་ཐམས་ཅད་ལ། །ཕྱིན་ཆད་གྲིབ་ཀྱིས་མི་ཚུགས་པར། །སྨེ་བ་བརྩེགས་པས་བསྲུང་དུ་གསོལ། །ཨོཾ་ཨརྩི་མརྩི་བྷར་ཁུང་མ་ཧཱ་པྲ་ན་ཏ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། བཛྲ་རཀྵ་རཀྵ་ཧཱུྃ། རང་ཉིད་སྨེ་བ་བརྩེགས་པ་དང་། །ནད་པ་མི་དམིགས་འཇའ་ལྟར་ཡལ། །གདོད་ནས་རྣམ་དག་ཆོས་ཀྱི་སྐུ། །མི་གཙང་གྲིབ་སོགས་

[Full Size]

མིང་ཡང་མེད། །ཀ་དག་ཀུན་བཟང་ཀློང་དུ་ཐིམ། །བགེགས་རིགས་སྟོང་ཕྲག་བརྒྱད་ཅུ་སོགས། བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །དགོངས་འདུས་གུ་དྲག་མ་ནིང་ལ་སོགས་པར། །གཞུང་ཆེན་རྣམས་ནས་གྲིབ་སེལ་རྒྱས་པར་གསུངས། །བསྡུས་པ་གྲིབ་སེལ་རྟ་ནག་མ་འདི་ནི། །དམ་པ་བདེ་གཤེགས་སོགས་ཀྱིས་མཛད་པ་དང་། །དག་དང་མ་དག་རྒྱས་བསྡུས་མང་དུ་མཐོང་། །སྔོན་ཚེ་བདག་ཉིད་བྱིས་སྤ་ཡིན་པའི་དུས། །ནད་པ་འགའ་ལ་གྲིབ་སེལ་འདི་བྱས་པས། །འཕྲལ་དུ་ཕན་ཐོགས་ཆེ་བ་མྱོང་བས་གྲུབ། །དབུལ་ཕོངས་རྒས་འཁོགས་བྱིས་པ་ལྷ་མེད་སོགས། །ཟས་གྲིབ་གོས་གྲིབ་སོགས་ཀྱི་རྐྱེན་བྱས་ནས། །གྲ་ལིང་རྐྱེར་དང་སོ་ནད་ཨོཾག་མ་སྒྲུང་། །སྐྱུག་དང་ཡི་ག་ཆད་པ་ལ་སོགས་པ། །གཉོམ་ཆུང་ནད་པ་འགའ་ལ་ཕན་པའི་ཕྱིར། །ཚིག་ཉུང་དོན་གསལ་རཱ་ག་ཨ་སྱས་བསྡེབས། །དགེ་སློང་བརྩོན་འགྲུས་ཞེས་བྱས་ཡི་གེར་བཀོད། །འདི་ནི་སྔར་དང་མི་འདྲ་རྣོ་བ་སྟེ། །བདག་བསྐྱེད་གནམ་ཆོས་སྨེ་བ་བརྩེགས་པ་ནི། །སྔགས་ཀྱང་གཞན་དང་ཅུང་ཞིག་མི་འདྲ་སྟེ། །བརྒྱུད་པ་ཉེ་ཞིང་གཞན་ལས་རྣོ་བ་ཡིན། །གཏོར་མཆོད་ལྷ་གཞུང་ཚོགས་ཀྱང་མི་དགོས་ཏེ། །ནད་པ་རྣམས་ལ་འཕྲལ་དུ་བྱེད་ཆོག་པས། །གཉོམ་ཆུང་དབུལ་ཕོངས་རྣམས་ལ་ཕན་ཐོགས་ཆེ། །དེ་ཕྱིར་གཞན་ཕན་སྙིང་རྗེའི་སེམས་ཀྱིས་བྲིས། །སྦ་འོས་གསལ་བཀོད་ཉེས་པ་མཆིས་སྲིད་ན། །གནམ་ཆོས་བཀའ་ཡི་སྲུང་མ་རྣམས་ལ་བཤགས། །དགེ་བས་

[Full Size]

གཉོམ་ཆུང་ནད་པ་མང་པོ་ལ། །མི་འཇིགས་སྐྱབས་ཀྱི་སྦྱིན་པར་འགྱུར་བར་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ལྷ་སྤྱི་ལ་སྦྱར་རུང་བའི་བྱབ་ཁྲུས་སྤྱི་འགྲོ།

[Full Size]

ལྷ་སྤྱི་ལ་སྦྱར་རུང་བའི་བྱབ་ཁྲུས་སྤྱི་འགྲོ་བཞུགས་སོ། །ན་མོ་བཛྲ་བི་ད་ར་ཎ་ཡེ། འདི་རྣམ་འཇོམས་སྨེ་བརྩེགས་སོགས་ལྷ་གང་འདོད་ལ་སྦྱར་རུང་བའི་བྱབ་ཁྲུས་ནི། གང་ཡིན་གྱི་བདག་བསྐྱེད་མདུན་བུམ་བསྒྲུབ་པ་སྔོན་ཏུ་བཏང་། ཁྱད་པར་བུམ་པ་ལ་བསྙེན་ནས་བརྒྱ་སྟོང་སོགས་ཅི་འགྲུབ་བྱས་ནས་ཅོག་རྡོག་གསུམ་ཆངས་བུ་ཏིང་ལོ་གསུམ། མེ་ཆུ་ཏིལ་སོགས་འཛོམས་པར་བྱས་ལ་ནད་པ་སོགས་བསྒྲུབ་བྱ་སྔོན་དུ་འཁོད་ལ། འོ་ན་ད་ལམ་བྱབ་ཁྲུས་འདི་ལ་རྒྱས་པ་ཁྲུས་དོན་བཅུ་གསུམ་མ་དང་། འབྲིང་ལ་ཁྲུས་དོན་བདུན་མ་དང་། བསྡུས་པ་ཁྲུས་དོན་གསུམ་ཡོད་པ་ལས། ད་ལམ་ཁྲུས་དོན་བདུན་མ་བྱེད་པ་ཡིན། དེ་ལ་ཡང་ཁྲུས་བྱབ་སྲུང་གསུམ་ལས། དང་པོ་ལ་ཡང་བགེགས་སྦྱང་བ། སྡིག་པ་སྦྱང་བ། ཁྲུས་དངོས་དང་གསུམ་ཡོད་པ་ལས། བགེགས་སྦྱང་བ་ལ་ཡང་གསུམ་ལས། དང་པོ་བགེགས་ཞི་བར་སྦྱང་བའི་དོན་དུ་དམིགས་པ་དེ་བཞིན་མཛོད། དེ་ཡང་ཟླ་བ་སྒྲོན་མའི་མདོ་ལས། གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། ཞེས་གསུངས་པས། ཁྱེད་རང་ཐ་མལ་པར་གནས་པའི་མདུན་དུ་ངེད་རང་བཅོམ་ལྡན་འདས་རྗེའི་ལྷ་ཚོགས་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་

[Full Size]

བསྐོར་བས་ཁྲུས་བྱབ་ཀྱི་ཆོ་ག་རྣམས་རིམ་པ་བཞིན་དུ་མཛད་ཅིང་བཞུགས་ཡོད་སྙམ་པའི་མོས་པ་རྩེ་གཅིག་མཛོད། མདུན་དེར་ཐེབ་ཙེ་དྲུག་ཏུ་ཅོག་རྡོག་ཏིང་ལོ་ཆངས་བུ་གསུམ་བྲན་ལ། ད་བགེགས་ཞི་བར་སྦྱང་བའི་དོན་དུ་ཁྱེད་རང་རྣམས་ཀྱི་ལུས་ངག་ཡིད་གསུམ་ལ་གནོད་ཅིང་འཚེ་བར་བྱེད་པའི་གདོན་བགེགས་ཐམས་ཅད་གཏོར་མ་འདི་བུ་ལོན་དང་ལན་ཆགས་ཀྱི་ཚུལ་དུ་འཇལ་བས། བུ་ལོན་སོད། ལན་ཆགས་བྱང་། ཤ་འཁོན་དང་བྲལ་ནས། དེང་ཕྱིན་ཆད་གནོད་པ་མི་བྱེད་པར་ཁས་བླང་བར་སྒོམས་ཤིག །ཨོཾ་བཛྲ་ཡཀྵ་ཧཱུྃ། ཨོཾ་བཛྲ་ཛ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫར་ཎ་ཧཱུྃ་ཕཊ། ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་འོད་དུ་ཞུ་བ་ལས་ལྷ་རྫས་ལས་གྲུབ་པའི་གཏོར་མ་དྭངས་ཤིང་ཐོགས་པ་མེད་པ་ཟག་པ་མེད་པའི་བདེ་བ་སྐྱེད་པར་གྱུར། ཀུན་རིག་སྔོན་འགྲོ་ལྟར་བྱིན་གྱིས་རླབས། ཨོཾ་ཨ་ཀཱ་རོ་སོགས་དེ་ནས་ལག་པས་རྡོ་རྗེ་དང་བཅས་ཐེབ་ཙེ་ལྕོག་རྡོག་བཟུང་ལ་ནད་པ་ལ་གཡས་བསྐོར་བྱ་ཞིང་། སརྦ་བིགྷྣཱན་ན་མཿསརྦ་ཏ་ཐཱ་ག་ཏ་བྷྱོ་སོགས་བརྗོད་ཅིང་སྡེར་ནང་དུ་བླུག །ལྕོག་རྡོག་གསུམ་དེ་ལྟར་རོ། །གཉིས་པ་ཞི་དྲག་ཕྱེ་མར་སྦྱང་བའི་དོན་དུ་དམིགས་པ་འདི་བཞིན་དུ་མཛོད། ཁྱོད་

[Full Size]

རང་གི་ལུས་ངག་ཡིད་གསུམ་ལ་གནོད་པའི་གདོན་ཐམས་ཅད་ཏིང་ལོས་ལམ་སྒྲོན་ཆངས་བུ་འདིས་ལམ་བརྒྱག་ཏུ་བྱིན་པས་སོ་སོ་རང་རང་གི་གནས་སུ་སོང་བའི་མོས་པ་མཛོད་ཅིག །ཏིང་ལོ་ཆངས་བུ་བཟུང་ནས་གཡོན་དུ་བསྐོར་ཞིང་། ཨོཾ་སུམ་བྷ་ནི་སོགས། བརྗོད་ཅིང་སྡེར་ནང་དུ་བླུགས་ལ་ལན་གསུམ། ད་གསུམ་པ་དྲག་པོར་སྦྱང་བའི་དོན་དུ་རང་བཞིན་གྱི་གནས་ནས་ཁྲོ་བོ་མཚོན་ཆ་ཐོགས་པ་དཔག་ཏུ་མེད་པ་བྱོན་ནས་ཁྱེད་རང་གི་ལུས་ངག་ཡིད་གསུམ་ལ་གནོད་པའི་གདོན་བགེགས་ཐམས་ཅད་རང་དབང་མེད་པར་བསྐྲད་གང་དག་མི་འགྲོ་བ་དེ་དག་ཚར་བཅད་ནས་མེད་པར་བྱས་པར་བསྒོམ། ཧཱུྃ། ཡེ་ཤེས་བསྐལ་པའི་མེ་ལྟར་འབར་བའི་འོད། །མ་རིག་འདོད་པའི་མུན་ཁམས་ཐམས་ཅད་སྲེག །ཞེ་སྡང་གཤིན་རྗེའི་འཇིགས་པ་ཐམས་ཅད་འཇོམས། །དཔའ་བོ་ཆེན་པོའི་དཔའ་མཚན་སྟག་ལྤགས་ཅན། །ལོག་འདྲེན་སྲིན་པོའི་མཐའ་གནོན་དགྲ་འདུལ་བ། །རིག་པའི་རྒྱལ་པོ་ཁྲོ་བོ་བཞུགས་སོ་འཚལ། །ལོག་འདྲེན་འདུལ་བའི་སླད་དུ་སྤྱན་འདྲེན་ན། །འགྲོ་བའི་དོན་དུ་མཆོད་ཕྱིར་གཤེགས་སུ་གསོལ། །པདྨའི་རྒྱས། ཨོཾ་པདྨ་ཀ་མ་ལཱ་ཡ་ཧཱུྃ། ཨོཾ་བཛྲ་མ་ཧཱ་ཀྲོ་དྷ་རཱ་ཛ་ས་

[Full Size]

པཱ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། པཱདྱེ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཤབྟ་པྲ་ཏཱིཙྪ་སྭཱ་ཧཱ། ཧཱུྃ། ཆོས་ཉིད་སྟོང་པ་གཉིས་མེད་ངང་ཉིད་ལས། །འཇིག་རྟེན་སྤྱོད་པའི་ཚུལ་ཡང་མི་སྤོང་ཞིང་། །ཐབས་ལ་མཁས་པས་འཇིགས་བྱེད་སྐུར་སྟོན་པ། །ཁྲོ་ཆེན་འབར་བའི་ཚོགས་ལ་ཕྱག་འཚལ་ལོ། །ཡེ་ཤེས་ཞི་བའི་ངང་ལས་མ་གཡོས་ཀྱང་། །སྐུ་ཡི་ཆ་ལུགས་ཟ་བྱེད་རྔམ་སྟབས་ཅན། །གསུང་གི་ང་རོ་འབྲུག་སྟོང་ལྡིར་བའི་སྒྲས། །མ་ལུས་དབང་དུ་སྡུད་ལ་ཕྱག་འཚལ་ལོ། །ལྷག་པའི་ཡེ་ཤེས་རོལ་པ་ཚོསྟོན་མཛད་ཅིང་། །སྡིག་པའི་མཚོན་ཆ་སྣ་ཚོགས་ཕྱག་ན་བསྣམས། །ཉོན་མོངས་དུག་ཆེན་རྩད་ནས་འཇོམས་མཛད་པ། །སྦྲུལ་གདུག་རྒྱན་གྱིས་བརྒྱན་ལ་ཕྱག་འཚལ་ལོ། །བསྐལ་པའི་མེ་ལྟར་འབར་བའི་ཀློང་དཀྱིལ་ན། །དཔའ་བོའི་སྟང་སྟབས་བརྐྱང་བསྐུམས་ཚུལ་དུ་བཞུགས། །ཉི་ཟླ་འབར་བའི་སྤྱན་གྱི་སྡང་མིག་གིས། །བགེགས་དཔུང་སྲེག་པར་མཛད་ལ་ཕྱག་འཚལ་ལོ། །གཏུམ་ཆེན་དུས་མཐའི་མེ་ལྟར་གཟི་བརྗིད་འབར། །གློག་སྟོང་འགྱུར་འདྲའི་ཁྲོ་གཉེར་མཆེ་བ་གཙིགས། །རྔམ་པའི་ང་རོ་འབྲུག་སྒྲ་སྟོང་བཞིན་

[Full Size]

སྒྲོག །ཁྲོ་རྒྱལ་བགེགས་ཚོགས་འདུལ་ལ་ཕྱག་འཚལ་ལོ། །ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་སྒྲ་ལ་ཕྱག་འཚལ་ལོ། །ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ང་ནི་གནས་འདིར་བྱབ་ཁྲུས་ཆོ་ག་བསྒྲུབ། །ཁྱོད་རྣམས་འདི་ནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་ནི་འགས་འགྱུར་ཞིང་། །བགེགས་རྣམས་བརླག་པར་འགྱུར་བར་གདོན་མི་ཟ། །ལྕོག་རྡོག་ཕྱིར་དོར་ཞིང་། བསྲུང་བྱ་འདིའི་ལུས་ངག་ཡིད་གསུམ་ལ་གནོད་ཅིང་འཚེ་བའི་གདོན་བགེགས་ཐམས་ཅད་གཏོར་མ་འདི་ཡིས་ཚིམ་པར་གྱིས་ལ་འདིར་མ་གནས་པར་གཞན་དུ་སོང་ཞིག །གལ་ཏེ་འགྲོ་བར་མི་བྱེད་ན། ཡེ་ཤེས་ཀྱི་རྡོ་རྗེ་མེ་འབར་བས་བསྲེག་ཅིང་བརླག་པར་གདོན་མི་ཟའོ། །དེ་ནས་ལྕག་གིས་བྲབ་ཅིང་། སུམ་བྷ་ནི་སོགས། གདབ། གཡས་སུ་མེ། གཡོན་དུ་ཆུ། མདུན་དུ་ཏིལ་བཤམས་ལ། དེ་ལྟར་བགེགས་སྦྱང་བ་

[Full Size]

སོང་བས། གཉིས་པ་སྡིག་པ་སྦྱང་བ་ནི། འདི་བཞིན་དུ་བསྒོམ་མཛོད། ཁྱེད་རང་གི་རྐང་མཐིལ་གཉིས་སུ་ཡཾ་ལས་རླུང་གི་དཀྱིལ་འཁོར། ལྟེ་བར་ཙནྡ་ལི་ཡེ་ཤེས་ཀྱི་མེ། སྙིང་གར་སྡིག་སྒྲིབ་ཀྱི་ས་བོན་པོ་ནག་པོ། ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་འདུས།.་རྐང་མཐིལ་གྱི་རླུང་གཡོས་པས་ལྟེ་བར་ཙཎྜ་ལིའི་ཡེ་ཤེས་ཀྱི་མེ་འབར་ཏེ། སྙིང་ཁའི་པཾ་ནག་པོ་གྱེན་དུ་དེད་ནས་སྣ་སྒོར་སླེབ་པ་དང་། སྡིག་པ་རྭ་ཅན་གྱི་རྣམ་པར་གྱུར་ནས་མདུན་གྱི་ཏིལ་ལ་ཐིམ། འདིར་རླུང་བུས་ཐོན་ན་ལེགས། མདུན་དུ་མེ་ཉིད་ཞི་བའི་ཐབ་ཁུང་མཚན་ཉིད་དང་ལྡན་པའི་ནང་དུ་པད་ཉིའི་གདན་ལ་ཁྲོ་བོ་ཧཱུྃ་མཛད་དམ་རྡོ་རྗེ་མཁའ་འགྲོ། ་མཐིང་ནག་རྡོ་རྗེ་དང་དྲིལ་བུ་འཛིན་པ། ཞལ་རབ་ཏུ་གདང་བའི་ནང་དུ་སྡིག་པ་རྣམས་སོང་བའི་མོས་པ་མཛོད། ལག་གཡས་གཡོན་མཐེབ་སྲིན་གྱིས་ཏིལ་བཟུང་ལ་མེ་ཆུར་དོར་ཞིང་། ཨོཾ་བཛྲ་ཌཱཀྐི་ཁ་ཁ་ཁཱ་ཧི། སརྦ་པཱ་པཾ་ད་ཧ་ན་བྷསྨིན་ཀུ་རུ་ཡེ་སྭ་ཧཱ། བསྲུང་བྱ་འདིའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཞེས་པའམ་བསྡུ་ན། ཨོཾ་སརྦ་པཱ་པཾ་ད་ཧ་ན་བྷསྨིན་ཀུ་རུ་ཡེ་སྭཱ་ཧཱ། ཞེས་བདུན་ཕུལ། བཛྲ་མུ༔ ཁྲོ་བོ་རང་བཞིན་གྱི་གནས་སུ་གཤེགས་པར་གྱུར།

[Full Size]

དེས་སྡིག་པ་སྦྱང་བ་སོང་བས། ད་ཁྲུས་ཀྱི་ཆོ་ག་དངོས་ལ་ཡང་། ཡེ་ཤེས་ཀྱི་ལྷ་ལ་ཁྲུས་གསོལ་བ་དང་། སྐྱེས་བུས་ངན་ཁྲུས་བྱ་བ་དང་གཉིས་ལས། དང་པོ་ཁྱེད་རང་གི་ལྷ་སྲུང་འགོ་བའི་ལྷ་ལྔ་སྐྱོབ་པའི་ལྷ་དགུ། ཕ་ལྷ་མ་ལྷ་ཕྲག་ལྷ་དགྲ་བླ་ལ་སོགས་པ་ལ་གྲིབ་ཀྱིས་ཕོག་ནས་ཡོད་པ་དེ་ལ་སྐུ་ཁྲུས་གསོལ་བས། སྐུ་ལུས་ཤེལ་ལྟར་། དག་ནས། ནད་གྲིབ་དང་རྨུག་པ་ཐམས་ཅད་སངས་ཏེ་ཁྱེད་རང་གི་ལྷ་མགོན་སྐྱབས་དང་དཔུང་གཉེན་དུ་བཞེངས་བའི་མོས་པ་མཛོད། ཅེས་མེ་ལོང་མཆོད་གཞིའི་ངོས་ལ་བསྟན་ནས་ཁྲུས་བྱས་ཤིང་། ཇི་ལྟར་བལྟམས་པ་ཙམ་གྱིས་ནི༔ ལྷ་རྣམས་ཀྱིས་ནི་ཁྲུས་གསོལ་ལྟར༔ ལྷ་ཡི་ཆུ་ནི་དག་པ་ཡིས༔ དེ་བཞིན་བདག་གིས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ འདི་ནི་ཁྲུས་མཆོག་དཔལ་དང་ལྡན༔ ཐུགས་རྗེའི་ཆུ་ནི་བླ་ན་མེད༔ བྱིན་རླབས་ཡེ་ཤེས་ཆུ་ཡིན་ཏེ༔ ཅི་འདོད་དངོས་གྲུབ་སྩོལ་བར་མཛོད༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དེ་བཞིན་གཤེགས་པ་རྣམས་དང་དེ་སྲས་ལ༔ རིན་ཆེན་བུམ་པ་མང་པོ་སྤོས་ཀྱི་ཆུས༔ ཡིད་འོང་ལེགས་པར་བཀང་བའི་གླུ་དང་

[Full Size]

ནི༔ རོལ་མོར་བཅས་པ་དུ་མས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དེ་དག་སྐུ་ལ་མཚུངས་པ་མེད་པའི་གོས༔ གཙང་ལ་དྲི་རབ་བསྒོས་པས་སྐུ་ཕྱིའོ༔ ཨོཾ་ཧཱུྃ་ཧཱུྃ་ཧཱིཀཱཿསརྦ་ཏ་ཐཱ་ག་ཏ་ཀཱ་ཡ་བི་ཤཱ་དྷ་ནི་སྭཱ་ཧཱཿ སྲབ་འཇམ་ཡང་པ་ལྷ་ཡི་གོས༔ མི་བསྐྱོད་རྡོ་རྗེའི་སྐུ་བརྙེས་ལ༔ མི་ཕྱེད་དད་པས་བདག་འབུལ་ན༔ བདག་ཅག་རྡོ་རྗེའི་སྐུ་ཐོབ་ཤོག༔ ཨོཾ་བཛྲ་ཝས་ཨཱཿཧཱུྃ༔ སྔགས་དང་བཅས་པ་བྱ། ད་སྐྱེས་བུའི་ངན་ཁྲུས་བྱ་བ་ནི། མདུན་གྱི་ནམ་མཁར་རྒེའི་ལྷ་ཚོགས་ཐམས་ཅད་ཀྱི་ཕྱག་ན་ཡེ་ཤེས་ཀྱི་བདུད་རྩིས་བཀང་བའི་བུམ་པ་ཐོགས་ནས་ཁྱེད་རང་རྣམས་ལ་ཁྲུས་བྱས་ནས་ལུས་ཀྱི་ན་ཚ་ཐམས་ཅད་ཞི་ཞིང་ལུས་ཤེལ་སྒང་ལྟར་གྱུར། བུམ་ཆུ་ཁོང་དུ་འཐུང་བས་སེམས་ཀྱི་སྡུག་བསྔལ་དང་སྡིག་སྒྲིབ་ཐམས་ཅད་དག་ནས་སེམས་རྟོག་མེད་ཆོས་ཀྱི་སྐུར་གྱུར་པའི་མོས་པ་མཛོད། བུམ་པ་ཐོགས་ནས་དབྱངས་དང་བཅས། ཇི་ལྟར་བལྟམས་པ་སོགས། ལྷ་གང་ཡིན་གྱི་གཟུངས་རིང་ངམ་རྩ་སྔགས་བརྗོད་ཅིང་ཡན་ལག་ལྔ་ཁྲུས་ཆབ་ལན་གསུམ་བླུགས། དེ་ནས་མེ་ལོང་ངོས་ལ་ནད་པའི་གཟུགས་འཆར་དུ་བཅུག་ལ། སྔགས་མཇུག་ཏུ་ཤམ་བུ་རེ་དང་ཆུ་ཐིགས་རེ་སྒྲུག་ལ། ཨོཾ་སརྦ་པཱ་པཾ་སྡིག་པ་དང་སྒྲིབ་

[Full Size]

པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་བིགྷྣཱཾ་བགེགས་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་རོ་ག་ནད་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་དུཏྟཾ། གདུག་པ་ཅན་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་ཨུ་པ་གྲ་ཧེ་ཉེ་བར་འཚེ་བ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་གྲ་ཧེ་གདོན་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་ཨ་ཀ་ལ་མྲྀ་ཏ་ཡུ་དུས་མ་ཡིན་པའི་འཆི་བ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། ཨོཾ་སརྦ་དུར་སོབ་ནན་རྨི་ལམ་ངན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཨོཾ་སརྦ་ཙིཏྟ་བེ་ཀུལླེ་སེམས་ཀྱི་གཡེང་བ་ཐམས་ཅད་ཤིནྟཾ་ཀུ་རུ་ཡེ་སྭཱ་ཧཱ། དེ་བཞིན་བཀྲུས་སོ། གཉིས་པ་བྱབ་པའི་དོན་དུ་བཅོམ་ལྡན་འདས་སྒེར་གསལ་བའི་ཕྱག་གཡས་རྨ་བྱའི་སྒྲོ་མདངས་འདི་ལ་ཁ་དོག་ལྔ་ཡོད་པ་རིགས་ལྔ་མཚོན་བྱེད་ཡིན་པས། འདི་ཡི་དབུས་པདྨ་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ཡིག་ལྷའི་ཁ་དོག་ཅན་ལ། གཟུངས་དང་སྙིང་པོས་བསྐོར་ནས་ཡོད་པ་འདི་ཁྱོད་ལ་བསྟན་པའི་ཚེ། ཁྱེད་རང་གི་ནད་གདོན་གྲིབ་དང་མི་གཙང་བ་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བསྡུས་ནས།

[Full Size]

སྤྲུགས་པའི་ཚེ་ཁྲུས་ཆུའི་ནང་དུ་ཁྱེད་རང་གི་གཟུགས་བརྙན་ཤར་བ་ལ་སྤྲོ་བའི་ཚུལ་དུ་བྱབས་པས། ལུས་ངག་ཡིད་གསུམ་བདེ་བ་དང་སོང་བ་སྒོམས་ཤིག །སྔགས་མཇུག་ཏུ། ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་བིདྡྷཾ་བགེགས་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་རོ་ག་ནད་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་དུཏྟཾ། གདུག་པ་ཅན་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་ཛཱ་ར་རིམས་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་ཨུ་པ་གྲ་ཧ་ཉེ་བར་འཚེ་བ་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་གྲ་ཧེ་གདོན་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་ཨ་ཀ་ལ་མི་ཏུ་དུས་མ་ཡིན་པའི་འཆི་བ་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་དུར་སོབ་ནན་རྨི་ལམ་ངན་པ་ཐམས་ཅད་ཨ་པ་ན་ཡེ་སྭཱ་ག་ཧཱ༔ ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་ཨ་པ་ན་ཡེ་སྭཱ་ཧཱ། ཨོཾ་སརྦ་ཙིཏྟ་བེ་ཀུལླེ་སེམས་ཀྱི་གཡེང་བ་ཐམས་ཅད་ཨ་པ་ན་ཡེ་སྭཱ་ཧཱ། དེ་ནས་ཁྲུས་ས་ནས་ཕྱུང་བ་ནི། དེ་ལྟར་བཀྲུས་ཤིང་བྱབས་པས་ནད་གདོན་ཐམས་ཅད་དག་ནས་དེ་སྔ་ཕན་ཆད་འཁོར་བའི་རང་བཞིན་སྟན་ནག་པོ་ཉམ་ང་བའི་སྟེང་དུ་ཡོད་པ་དེང་ཕྱིན་ཆད་ཐར་པ་དང་བདེ་བའི་སྟན་

[Full Size]

དཀར་པོའི་སྟེང་དུ་ཕྱིན་པར་བསྒོམས་ལ། སྟན་བརྗེ་ཐུབ་ན་ལེགས། རྡོ་རྗེ་འདི་ལ་འཇུས་ནས་རྗེས་ཟློས་མཛོད། སྡིག་པ་ཐམས་ཅད་བྱང་བྱས་ནས། །སྡུག་བསྔལ་ཐམས་ཅད་མེད་པར་བྱས། །རྒྱུད་དོ་ཅོག་གི་རྩ་བ་སྟེ། །དཔལ་ཀུན་གྱིས་ནི་ལེགས་པར་བརྒྱན། །ཅེས་སམ་སྤྲོ་ན། སྡིག་པ་ཀུན་ལས་རྣམ་པར་ཐར། །ཞེས་པའི་བར་བརྗོད། །གསུམ་པ་བསྲུང་བའི་དོན་དུ། ངེད་རང་བཅོམ་ལྡན་འདས་སྒེར་གསལ་ནས་ཁྱེད་རང་གི་སྤྱི་བོ་སོགས་ནས་གནས་རྣམས་སུ་རྡོ་རྗེ་བསྣོལ་བར་བཞག་ནས་ལུས་ཐམས་ཅད་རྡོ་རྗེའི་གོ་ཁྲབ་ཞུ་ལུབས་སུ་གྱོན་ནས་དེང་ཕྱིན་ཆད་ནད་གདོན་གང་གིས་ཀྱང་མི་ཚུགས་པར་སྒོམས་ཤིག །སྔགས་མཇུག་ཏུ། ཨོཾ་སརྦ་པཱ་པཾ་སྡིག་པ་དང་སྒྲིབ་པ་ཐམས་ཅད་རཀྵ་རཀྟ་ཡེ་སྭཱ་ཧཱ། ཨོཾ་སརྦ་བིནྡྷོ་བགེགས་ཐམས་ཅད་རཀྵ་རཀྟ་ཡེ་སྭཱ་ཧཱ། ཨོཾ་སརྦ་རོ་ག་ནད་ཐམས་ཅད་རཀྵ་རཀྵ་ཡེ་སྭཱ་ཧཱ། ཨོཾ་སརྦ་དུཏྟཾ་གདུག་པ་ཅན་ཐམས་ཅད་རཀྵ་རཀྵ་ཡེ་སྭཱ་ཧཱ། ཨོཾ་སརྦ་ཛཱ་ར་རིམས་ཐམས་ཅད་རཀྵ་རཀ་ཡེ་སྭཱ་ཧཱ། ཨོཾ་སརྦ་ཨུ་པ་གྲ་ཧ་ཉེ་བར་འཚེ་བ་ཐམས་ཅད་རཀྟ་རཀྟ་ཡེ་སྭཱ་ཧཱ། ཨོཾ་སརྦ་གྲ་ཧེ་གདོན་ཐམས་ཅད་རཀྟ་རཀྟ་ཡེ་སྭཱ་ཧཱ། ཨོཾ་སརྦ་ཨ་ཀ་ལ་མྲྀ་

[Full Size]

ཏ་ཡུ་དུས་མ་ཡིན་པའི་འཆི་བ་ཐམས་ཅད་རཀྵ་རཀྟ་ཡེ་སྭཱ་ཧཱ། ཨོཾ་སརྦ་དུར་སོབ་ནན་རྨི་ལམ་ངན་པ་ཐམས་ཅད་རཀྵ་རཀྟ་ཡེ་སྭཱ་ཧཱ། ཨོཾ་སརྦ་དུར་མི་ཏི་མཚན་མ་ངན་པ་ཐམས་ཅད་རཀྵ་རཀྟ་ཡེ་སྭཱ་ཧཱ། ཨོཾ་སརྦ་ཙིཏྟ་བེ་ཀུལླེ་སེམས་ཀྱི་གཡེང་བ་ཐམས་ཅད་རཀྵ་རཀྟ་ཡེ་སྭཱ་ཧཱ། རྒྱལ་བ་སྲས་བཅས་བདེན་པའི་བྱིན་རླབས་དང་། །བཅོམ་ལྡན་རྒེའི་བྱིན་རླབས་ཀྱིས། །འགྲོ་བ་འདི་དག་བདག་གིས་བསྲུངས་ཟིན་གྱིས༔ འདི་ལ་སུས་ཀྱང་གནོད་པ་མ་བྱེད་ཅིག །ཨོཾ་བཛྲ་རཀྵ་རཀྟ་ཡེ་སྭཱ་ཧཱ། དེ་ལྟར་ཁྲུས་ཀྱི་ཆོ་གས་ནད་གདོན་ཐམས་ཅད་བཀྲུས་བྱབ་པའི་ཆོ་གས་བྱབས་ནས་བསྲུང་བའི་གོ་ཆས་གོ་བགོས་པ་དེ་མི་ཉམས་བརྟན་པའི་ཕྱིར། བཅོམ་ལྡན་རྒེའི་ལྷ་ཚོགས་རྣམས་ཀྱི་ཤིས་པ་བརྗོད་པ་རབ་ཏུ་གནས་པར་སྒོམས་ཤིག །ཨོཾ་འབྲས་བུ་རྡོ་རྗེ་སངས་རྒྱས་རྡོ་རྗེ་འཆང་། །ལམ་གྱི་རྡོ་རྗེ་ཐེག་པ་ཆེན་པོའི་ཆོས། །རྒྱུ་ཡི་རྡོ་རྗེ་དགེ་འདུན་རྡོ་རྗེའི་རིགས། །མཆོག་གསུམ་རྡོ་རྗེས་སྐྱོབས་པའི་བཀྲ་ཤིས་ཤོག །རིན་ཆེན་བུམ་པ་རྡོ་རྗེས་མཚན་པ་ལས། །རྟེན་འབྲེལ་རྫས་དང་རྡོ་རྗེའི་ཆུས་བཀང་ནས། །རྡོ་རྗེའི་གཟུངས་ཐག་རྡོ་རྗེའི་འོད་ཟེར་འཕྲོ། །རྡོ་རྗེ་དག་བྱེད་ཁྲུས་ཀྱི་

[Full Size]

བཀྲ་ཤིས་ཤོག །ཉོན་མོངས་བརྒྱད་ཁྲི་བཞི་སྟོང་རྡོ་རྗེས་འཇོམས། །བགེགས་རིགས་སྟོང་ཕྲག་བརྒྱད་ཅུ་རྡོ་རྗེས་བརླག །ནད་རིགས་བཞི་བརྒྱ་རྩ་བཞི་རྡོ་རྗེས་ཞི། །རྡོ་རྗེ་སྨོན་ལམ་འགྲུབ་པའི་བཀྲ་ཤིས་ཤོག །ཨོཾ་ཛ་ཡེ་ཛ་ཡེ་བི་ཛ་ཡེ་སྭཱ་ཧཱ། འོ་དེས་བཅོམ་ལྡན་འདས་རྗེའི་སྒོ་ནས་ཁྲུས་བྱབ་བསྲུང་གསུམ་གྱི་ཆོ་ག་ལེགས་པར་གྲུབ་པ་ཡིན་པས་དེའི་གཏང་རག་ཏུ་མཎྜལ་འབུལ། ས་གཞི་སྤོས་ཆུ་སོགས། མཎྜལ་ཁྲུས་བྱ་བ་ནི། བདག་གི་ཡོངས་གྲགས་སུ་རྣམ་འཇོམས་དཀར་པོ་དང་ལྗང་གུ་སྔོ་ནག་སོགས་ལ་སྦྱར་རོ། །ལྷ་གཞན་ཡང་། གྲིབ་ལ་སྨེ་བརྩེགས། ནད་གང་ལའང་ཙུནྡ། ཀླུ་ལ་ཁྱུང་གི་རིགས་དང་། ནཱ་ག་རཀཱ། གཟའ་ཀླུ་གཉིས་ལ་ཕྱག་རྡོར། མིག་ནད་ཡོངས་ལ་མི་གཡོ་བ། བུ་མ་སོས་པ་ལ་སོ་སོར་འབྲང་མ། བྱིས་སྦ་ལ་སྟོང་ཆེན་རབ་འཇོམས། དུག་ལ་དུག་སེལ་མ་དང་ཁྱུང་ཁྲ། མདོར་ན་ལྷ་གང་ལ་ཡང་སྦྱར་རུང་བའོ། །ཞེས་པ་རཱ་ག་ཨ་སྱས་འཕྲལ་དུ་དོན་གྲུབ་དང་ཡང་དག་སོགས་ལ་ཕན་ཕྱིར་བསྡུས་ཏེ་བྲིས་པའོ། །སརྦ་མངྒ་ལཾ། །བཀྲ་ཤིས་དཔལ་འབར་འཛམ་གླིང་ཡོངས་ཁྱབ་ཤོག ཞལ་དྲོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

བྱབ་ཁྲུས་ཀྱི་ཆོ་ག་ཁྱེར་བདེ་བ་ཁྲུས་དོན་བདུན་མ།

[Full Size]

བྱབ་ཁྲུས་ཀྱི་ཆོ་ག་ཁྱེར་བདེ་བ་ཁྲུས་དོན་བདུན་མ་ཁྲུས་ཀྱི་ལྷ་བརྒྱད་ལ་སྦྱར་སྙམ་པ། ཀརྨ་ཨ་རཱ་གས་སོ།།

[Full Size]

མཎྜལ་འབུལ་ཞིང་སློབ་དཔོན་གྱིས་འདི་སྐད་བརྗོད་པར་བྱའོ། །ད་ལམ་ཁྱེད་རྣམས་ལ་བྱབ་ཁྲུས་ཀྱི་ཆོ་ག་བྱེད་པ་ཡིན་པས་འདི་ལ་ཁྲུས་དོན་བཅུ་གསུམ་མ་དང་། ཁྲུས་དོན་བདུན་མ་དང་། ཁྲུས་དོན་གསུམ་མ་དང་། གསུམ་ཡོད་པ་ལས། ད་ལམ་ཁྲུས་དོན་བདུན་མ་དེ་བྱེད་པ་ཡིན་པས། དེ་ཡང་ཟླ་བ་སྒྲོན་མའི་མདོ་ལས། གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །ཞེས་པས། ཁྱེད་རང་གི་མདུན་དུ་བཅོམ་ལྡན་འདས་རྨི། སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་དངོས་སུ་བྱོན་ནས་བྱབ་ཁྲུས་ཀྱི་ཆོ་ག་རྣམས་

[Full Size]

རིམ་པ་ལྟར་མཛད་པའི་མོས་པ་ཞེ་ཐག་པ་ནས་མཛོད། ཅོག་ལྡོག་དང་ཆངས་བུ་གསུམ་བྲན། ད་ཁྲུས་ཀྱི་ཆོ་ག་ལ་ཡང་གསུམ་ལས་ཐོག་མར་བགེགས་སྦྱང་བའི་དོན་དུ་ཁྱེད་རང་གི་ལུས་ངག་ཡིད་གསུམ་ལ་གནོད་ཅིང་འཚེ་བའི་གདོན་བགེགས་རྣམས་ལ་གཏོར་མ་འདི་བུ་ལོན་ལན་ཆགས་ཀྱི་ཚུལ་དུ་འཇལ་བས་བུ་ལོན་སོད། ལན་ཆགས་བྱང་། ཤ་འཁོན་དང་བྲལ་ནས་དེ་རིང་ཕྱིན་ཆད་གནོད་པ་མི་བྱེད་པར་ཁས་བླངས་ཏེ་སོང་བའི་མོས་པ་མཛོད། རྒྱས་པར་ན་གཏོར་མ་བྱིན་རླབས་ཆ་གསུམ་ལྟར་བྱ། བསྡུས་པ། ཨོཾ་ཨཱཿཧཱུྃ༔ གིས་བྱིན་གྱིས་བརླབས་ནས། སྤྲོ་ན་བདེན་སྟོབས་དང་རོལ་མོ་བྱ། ནད་པ་ལ་

[Full Size]

གཡས་སུ་བསྐོར་ཞིང་། ཨོཾ་སརྦ་བིགྷཱན་ན་མ་སརྦ་ཏ་ཐཱ་ག་ཏ་སོགས་བརྗོད་ཅིང་སྡེར་དུ་བླུག །དེས་ཞི་བས་སྦྱངས་བ་སོང་ནས། གཉིས་པ་ཞི་དྲག་ཕྱེད་མས་སྦྱངས་བའི་དོན་དུ་དམིགས་པ་འདི་བཞིན་མཛོད། ཁྱེད་རང་གི་ལུས་ངག་ཡིད་གསུམ་ལ་གནོད་པའི་གདོན་བགེགས་རྣམས་ལ་ཏིང་ལོ་འདིའི་ལམ་སྒྲོན་ཆངས་བུ་འདིའི་ལམ་རྒྱགས་ཀྱི་ཚུལ་དུ་བྱིན་པས། སོ་སོ་རང་རང་གི་གནས་སུ་སོང་བའི་མོས་པ་མཛོད། རྒྱས་པར་བདེན་སྟོབས་དང་འདོད་གསོལ་བྱ། ཏིང་ལོ་ཆངས་བུ་གཡོན་དུ་བསྐོར་ཞིང་། སུམྦྷ་ནི་སོགས་བརྗོད། བར་དུ་རྡོ་རྗེ་བསྐོར་ཞིང་སེ་གོལ་གཏོགས། དེ་ནས་ཞི་དྲག་ཕྱེད་མས་སྦྱངས་བ་སོང་ནས། གསུམ་པ་དྲག་པོས་སྦྱངས་བ་ནི། རང་བཞིན་གྱི་གནས་ནས་ཡེ་ཤེས་ཀྱི་ཁྲོ་བོ་མཚོན་ཆ་ཐོགས་པ་དཔག་ཏུ་མེད་པ་བྱོན་ནས། ཁྱེད་རང་ལ་གནོད་པའི་གདོན་བགེགས་ཐམས་ཅད་རང་དབང་མེད་པར་བྱ་སྤུ་རླུང་གིས་བརྡས་པ་ལྟར་རྒྱ་མཚོའི་ཕ་རོལ་དུ་བསྐྲད་པའི་མོས་པ་མཛོད། རྒྱས་པ་ན། ཧཱུྃ། ཡེ་ཤེས་བསྐལ་པའི་མེ་ལྟར་འབར་བའི་འོད། །མ་རིག་འདོད་པའི་མུན་ཁམས་ཐམས་ཅད་སྲེག །ཞེ་སྡང་གཤིན་རྗེའི་འཇིགས་པ་ཐམས་ཅད་འཇོམས། །དཔའ་བོ་ཆེན་པོའི་དཔའ་མཚན་སྟག་

[Full Size]

ལྤགས་ཅན། །ལོག་འདྲེན་སྲིན་པོའི་མཐའ་གནོན་དགྲ་འདུལ་བ། །རིག་པའི་རྒྱལ་པོ་ཁྲོ་བོ་བཞུགས་སོ་འཚལ། །ལོག་འདྲེན་འདུལ་བའི་སླད་དུ་སྤྱན་འདྲེན་ན། །འགྲོ་བའི་དོན་དུ་མཆོད་ཕྱིར་གཤེགས་སུ་གསོལ། །པདྨའི་རྒྱས། ཨོཾ་པདྨ་ཀ་མ་ལཱ་ཡ་ཧཱུྃ། ཨོཾ་བཛྲ་མ་ཧཱ་ཀྲོ་དྷ་རཱ་ཛ་ས་པཱ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། པཱཏྱཾ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནེ་ཝི་ཏྱཱ། ཤབྟ་པྲ་ཏིཙྪ་སྭཱ་ཧཱ། ཧཱུྃ། ཆོས་ཉིད་སྟོང་པ་གཉིས་མེད་ངང་ཉིད་ལས། །འཇིག་རྟེན་སྤྱོད་པའི་ཚུལ་ཡང་མི་སྤོང་ཞིང་། །ཐབས་ལོ་མཁས་པས་འཇིགས་བྱེད་སྐུར་སྟོན་པ། །ཁྲོ་ཆེན་འབར་བའི་ཚོགས་ལ་ཕྱག་འཚལ་ལོ། །ཡེ་ཤེས་ཞི་བའི་ངང་ལས་མ་གཡོས་ཀྱང་། །སྐུ་ཡི་ཆ་ལུགས་ཟ་བྱེད་རྔམ་སྟབས་ཅན། །གསུང་གི་ང་རོ་འབྲུག་སྟོང་ལྡིར་བའི་སྒྲས། །མ་ལུས་དབང་དུ་སྡུད་ལ་ཕྱག་འཚལ་ལོ། །ལྷག་པའི་ཡེ་ཤེས་རོལ་པ་སྟོན་མཛད་ཅིང་། །སྡིག་པའི་མཚོན་ཆ་སྣ་ཚོགས་ཕྱག་ན་བསྣམས། །ཉོན་མོངས་དུག་ཆེན་རྩད་ནས་འཇོམས་མཛད་པ། །སྦྲུལ་གདུག་རྒྱན་གྱིས་བརྒྱན་ལ་ཕྱག་འཚལ་ལོ། །བསྐལ་པའི་མེ་ལྟར་འབར་བའི་ཀློང་དཀྱིལ་ན། །

[Full Size]

དཔའ་བོའི་སྟང་སྟབས་བརྐྱང་བསྐུམས་ཚུལ་དུ་བཞུགས། །ཉི་ཟླ་འབར་བའི་སྤྱན་གྱི་སྡང་མིག་གིས། །བགེགས་དཔུང་སྲེག་པར་མཛད་ལ་ཕྱག་འཚལ་ལོ། །གཏུམ་ཆེན་དུས་མཐའི་མེ་ལྟར་གཟི་བརྗིད་འབར། །གློག་སྟོང་འགྱུར་འདྲའི་ཁྲོ་གཉེར་མཆེ་བ་གཙིགས། །རྔམ་པའི་ང་རོ་འབྲུག་སྒྲ་སྟོང་བཞིན་སྒྲོག །ཁྲོ་རྒྱལ་བགེགས་ཚོགས་འདུལ་ལ་ཕྱག་འཚལ་ལོ། །ཧཱུྃ། འཇིགས་པའི་ཧཱུྃ་སྒྲ་ངེས་སྒྲོག་ཅིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་སྒྲ་ལ་ཕྱག་འཚལ་ལོ། །རྒྱས་པར་བདེན་པ་བདར། ནད་པ་ལ་གླུད་བསྐྱལ་གཡོན་དུ་བསྐོར་ཞིང་། ནད་པ་འདིའམ་སྒེའི་ལུས་ངག་ཡིད་གསུམ་ལ་གནོད་ཅིང་འཚེ་བའི་བར་ཆད་བྱེད་པའི་གདོན་བགེགས་ཐམས་ཅད་མཆོད་སྦྱིན་གྱི་གཏོར་མ་འདིས་ཚིམ་པར་གྱིས་ལ་འདིར་མ་གནས་གཞན་དུ་སོང་ཞིག །གལ་ཏེ་འགྲོ་བར་མི་བྱེད་ན་ཡེ་ཤེས་ཀྱི་རྡོ་རྗེ་མེ་རབ་ཏུ་འབར་བས་བསྲེག་ཅིང་འཇོམས་པར་གདོན་མི་ཟའོ། །ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ང་ནི་གནས་འདིར་བྱབ་ཁྲུས་ཆོ་ག་བསྒྲུབ། །

[Full Size]

ཁྱོད་རྣམས་འདི་ནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་ནི་འགས་འགྱུར་ཞིང་། །བགེགས་རྣམས་བརླག་པར་འགྱུར་བར་གདོན་མི་ཟ། །སུམྦྷ་ནི་སོགས་བརྗོད། ནས་ལྕག་གིས་བྲབ་ཅིང་ཕྱི་རོལ་དུ་དོར་རོ། །མདུན་དུ་ཏིལ་གཡས་སུ་མེ་གཡོན་དུ་ཆུ་བཞག་ལ། དེ་རྣམས་ནི་བགེགས་སྦྱངས་ཐབས་གསུམ་པོ་སོང་ནས། ད་སྡིག་པ་སྦྱངས་བའི་དོན་དུ་ཁྱེད་རང་རྣམས་ཀྱི་རྐང་མཐིལ་གཡས་སུ་ཡཾ་ལས་རླུང་གི་དཀྱིལ་འཁོར། ལྟེ་བར་རཾ་ལས་ཙན་ལི་ཡེ་ཤེས་ཀྱི་མེ། སྙིང་ཁར་སྡིག་སྒྲིབ་ཀྱི་ས་བོན་པཾ་ཡིག་ནག་པོ་ལ་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་འདུས་རྐང་འོག་གིས་རླུང་གཡོས་མེ་སྦར་པོ་ཡིག་གྱེན་དུ་དེད་པས་སྣ་སྒོར་སླེབ་པ་དང་། སྡིག་པ་རྭ་ཅན་གྱི་རྣམ་པར་གྱུར་ནས་མདུན་གྱི་ཏིལ་ལ་ཐིམ་པར་མོས་པས་རླུང་བུས། མདུན་གྱི་མེ་འདི་ཞི་བའི་ཐབ་ཁུང་མཚན་ཉིད་དང་ལྡན་པའི་ནང་དུ་སྐད་ཅིག་གིས་ཁྲོ་བོ་ཧཱུྃ་མཛད་གསལ་བའི་ཞལ་གདངས་བའི་ནང་དུ་སྡིག་སྒྲིབ་ཐམས་ཅད་སོང་བའི་མོས་པ་མཛོད། གཡས་གཡོན་གྱིས་མཐེབ་སྲིན་གྱིས་ཏིལ་བསྲེགས་མེ་ཆུར་དོར། ཨོཾ་སརྦ་པཱ་པཾ་

[Full Size]

ད་ཧ་ན་བཛྲ་ཧཱུྃ་ཕཊ༔ ནད་པ་འདིའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ལན་གསུམ། བཛྲ་མུཿ ཁྲོ་བོ་རང་གནས་སུ་གཤེགས་པར་གྱུར། །དེས་སྡིག་པ་སྦྱངས་བ་སོང་ནས། ཁྲུས་ལ་ལྷ་ཁྲུས་དང་སྐྱེས་བུའི་ངན་ཁྲུས་གཉིས་ལས། ཡེ་ཤེས་ཀྱི་ལྷ་ལ་ཁྲུས་གསོལ་བ་ནི། མདུན་གྱི་ནམ་མཁར་བཅོམ་ལྡན་འདས་རྒེ་ལ་ཁྱེད་རང་གིས་སྐྱོབས་པའི་ལྷ་ལྔ། བརྟེན་པའི་ལྷ་དགུས་བསྐོར་བ་ལ་ཁྲུས་གསོལ་བས་གྲིབ་དང་མི་གཙང་བས་གོས་པ་ཐམས་ཅད་སངས་བས། ཁྱེད་རང་གིས་མགོན་སྐྱོབས་དང་དཔུང་གཉེན་དུ་བཞེངས་པའི་མོས་པ་མཛོད། མེ་ལོང་མཆོད་གཞིའི་ངོས་ལ་བསྟན་ནས་ཁྲུས་བྱ་ཞིང་། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། སྒྲོ་མདངས་ཡུ་བས་བྱུག་ཚུལ་དང་། སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱང་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུགས་པར་བགྱི། །ཨོཾ་ཧཱུྃ་ཏྲཱྃ་ཧྲཱིཿཨཱ༔ སརྦ་ཏ་ཐཱ་ག་ཏ་ཀཱ་ཡ་བི་ཤྭ་དྷ་ན་ཡེ་སྭཱ་

[Full Size]

ཧཱ། རས་གཙང་མས་ཕྱི་ཚུལ་དང་༔ རྒྱལ་དང་རྒྱལ་བའི་སྲས་ཀྱི་སྐུ་རྣམས་ལ། །རས་དཀར་སྨན་དང་ལྡན་པས་སྐུ་ཕྱིས་པས། །མི་ཤེས་སྒྲིབ་པ་མ་ལུས་ཀུན་བསལ་ནས། །ཉེས་པའི་ཚོགས་རྣམས་མ་ལུས་དག་གྱུར་ཅིག །ཨོཾ་ཧཱུྃ་ཏྲཱཾ་ཧྲཱིཿཨཱ༔ སརྦ་ཏ་ཐཱ་ག་ཏ་ཀཱ་ཡ་བི་ཤྭ་དྷ་ན་ཡེ་སྭཱ་ཧཱ། དེས་ལྷ་ལ་ཁྲུས་གསོལ་བ་སོང་ནས། སྐྱེས་བུའི་ངན་ཁྲུས་ནི། མདུན་གྱི་ནམ་མཁར་བཅོམ་ལྡན་འདས་རྗེའི་ལྷ་ཚོགས་རྣམས་ཀྱི་ཕྱག་ན་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བ་ཐོགས་ནས། ཁྱེད་རང་རྣམས་ལ་ཁྲུས་བྱས་པས་ལུས་ཀྱི་ན་ཚ་ཐམས་ཅད་ཞི་ཞིང་གྲིབ་དང་མི་གཙང་བ་ཐམས་ཅད་དག །ནང་དུ་བཏུང་བས་སྡིག་སྒྲིབ་ཉོན་མོངས་རྣམ་རྟོག་ཐམས་ཅད་དག་ནས་སེམས་རྟོག་མེད་ཆོས་སྐུར་འགྱུར་བའི་མོས་པ་མཛོད། བུམ་པ་ཐོགས་ནས། ཇི་ལྟར་བལྟམས་པ་སོགས་བརྗོད། བུམ་པ་མགོར་བཞག་ལ་གཟུངས་སམ་ཉེ་བའི་སྙིང་པོ་བརྗོད། ཆ་གསུམ་དང་ཡན་ལག་ལྔ་ཁྲུས་བྱས། བུམ་ཆུས་མེ་ལོང་ངོས་ལ་བཀྲུ་ཞིང་། འདི་ནི་ཁྲུས་མཆོག་དཔལ་དང་ལྡན། སོགས་དང་ཉེ་སྙིང་སྙིང་པོའི་མཐར་གཞུང་ལྟར་བྱའོ། །རྒྱས་པར་སྤྲོ་ན། རྨི་ལམ་ངན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ལྟས་ངན་པ་ཐམས་ཅད་

[Full Size]

ཤཱིནྟཾ་ཀུ་རུ་ཡེ་སྭཱ་ཧཱ། བྱུར་དང་བསྐལ་པ་ངན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། བགེགས་དང་བཀྲ་མི་ཤིས་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ལུས་ཀྱི་ན་ཚ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། སེམས་ཀྱི་ཟུག་རྔུ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། གཟའ་དང་རྒྱུ་སྐར་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཆོད་གཏོང་དང་རྦད་འདྲེ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ལོ་སྐག་དང་ཟླ་སྐུག་དང་ཞག་སྐག་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ནད་རིགས་བཞི་བརྒྱ་རྩ་བཞི་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། བགེགས་རིགས་སྟོང་ཕྲག་བརྒྱད་ཅུའི་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། བདུད་ཀྱི་ཞགས་པ་དང་གཤིན་རྗེའི་ཕོ་ཉ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། མཚན་མ་ངན་པ་དང་བྱ་བྱེད་ངན་པ་ཐམས་ཅད་ཤཱིནཾ་ཀུ་རུ་ཡེ་སྭཱ་ཧཱ། གཟའ་བདུད་ཀྱི་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། སྟེང་ལྷའི་གདུག་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། འོག་ཀླུའི་གདུག་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། བར་གཉན་གྱི་གདུག་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཁ་སྨྲས་གླེང་གཞི་ངན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཞེས་སོགས་གང་འོས་བརྗོད་ཅིང་བཀྲུས། འོ་དེས་ཁྲུས་ཀྱི་ཆོ་ག་སོང་ནས། སྡིག་

[Full Size]

སྒྲིབ་དང་གྲིབ་སོགས་མི་གཙང་བ་ཐམས་ཅད་དག་ངེས་བསམ་པའི་མོས་པ་མཛོད། གཉིས་པ་བྱབ་པ་ལ། བྱབ་པ་དངོས་དང་ཁྲུས་ས་ནས་ཕྱུང་བ་གཉིས་ལས། དང་པོ་བྱབ་པའི་དོན་དུ། ངེད་བཅོམ་ལྡན་རྒེའི་སྐུར་གསལ་བའི་ཕྱག་ན་ཡོད་པའི་རྨ་བྱའི་སྒྲོ་མདོངས་འདི་ལ་ཁ་དོག་ལྔ་ལྡན་ཡོད་པའི་རིགས་ལྔའི་མཚོན་བྱེད་ཡིན་ཅིང་། དེའི་དབུས་སུ་སྣ་ཚོགས་རྡོ་རྗེའི་ལྟེ་བར་ཉི་མའི་སྟེང་དུ་ཧཱུྃ་ལྗང་སྔོན་ནམ་དུད་ཁ་སོགས་སོ་སོའི་མཐར་གཟུངས་དང་སྙིང་པོས་བསྐོར་ནས་ཡོད་པ། དེས་ཁྱེད་རང་ལ་བྱབ་པའི་དུས་སུ་སྔགས་ལས་འོད་ཟེར་འཕྲོས་ནས་ཁྱེད་རང་གི་ལུས་ངག་ལ་ཕོག་པས་དཔེར་ན་རྡོ་ཁབ་ལེན་གྱིས་ལྕགས་ཕྱེ་བསྡུས་པ་བཞིན་དུ་ནད་གདོན་ཐམས་ཅད་རུབ་ཀྱིས་བསྡུས་ནས་སྤྲུགས་པའི་དུས་སུ་མདུན་གྱི་ཁྲུས་ཆུ་འདིའི་ནང་དུ་ཁྱེད་རང་གི་གཟུགས་བརྙན་ཤར་བ་ལ་ནད་སྤོ་བའི་ཚུལ་དུ་བྱབས་པས་ལུས་ངག་ཡིད་གསུམ་བདེ་སངས་སངས་སོང་བའི་མོས་པ་མཛོད། ཅེས་གཟུངས་དང་སྙིང་པོ་ལ་ཨ་པ་ན་བཏགས་པས་གོང་བཞིན་བྱས་ཏེ། ཨ་པ་ན་ཡེ་སྭཱ་ཧཱཿ དེས་བྱབ་པ་དངོས་སོང་ནས། ཁྲུས་ནས་ཕྱུང་བ་ནི། དེ་ལྟར་བཀྲུ་བ་དང་བྱབ་པའི་ཆོ་ག་བྱས་པས་ནད་གདོན་བཀྲ་

[Full Size]

མི་ཤིས་པ་ཐམས་ཅད་དག་ནས་སྟན་ནག་པོ་འཁོར་བའི་གནས་ཉམ་ང་བ་སྤང་ནས་སྟན་དཀར་པོ་བྱུང་ཕྱོགས་ལྕང་ལོ་ཅན་དུ་དཔལ་ཕྱག་ན་རྡོ་རྗེའི་དྲུང་དུ་ཕྱིན་པས་ནད་གདོན་གང་གིས་ཀྱང་གླགས་མི་རྙེད་པའི་མོས་པས་འདིའི་རྗེས་ཟློས་མཛོད། རྡོ་རྗེ་ཐལ་མོའི་བར་དུ་བཟུང་བཅོལ་ལ། སྡིག་པ་ཐམས་ཅད་བྱང་བྱས་ནས། །སོགས་ནས། དཔལ་ཀུན་གྱིས་ནི་ལེགས་པར་རྒྱན། །ཞེས་པའི་བར་སྤྲོ་ན། སྡིག་པ་ཀུན་ལས་རྣམ་པར་ཐར། །གྱིས་བར་རྗེས་ཟློས་བྱ་ཞིང་། སྤྲོ་ན་བལ་འདབ་དཀར་པོ་བརྗེའོ། །དེས་བྱབ་པ་སོང་ནས་བསྲུང་བ་ལ་གསུམ་ལས། དང་པོ་བསྲུང་བ་དངོས་ཀྱི་དོན་དུ་ངེད་བཅོམ་ལྡན་འདས་སྒེར་གསལ་བ་ལས་ཁྱེད་རང་རྣམས་ལ་རྡོ་རྗེའི་གོ་ཁྲབ་ཞུ་ལུབས་སུ་བཀོན་པས་ཕྱིན་ཆད་བགེགས་དང་ལོག་འདྲེན་གང་གིས་ཀྱང་མི་ཚུགས་པའི་མོས་པ་མཛོད། ཅེས་གཞུང་དང་རྩ་སྔགས་ཀྱི་མཐར་རཀྟ་རཀྟ་ཞེས་མགོ་བོའི་ཕྱོགས་ལྔའམ་དཔུང་པ་གཉིས་སྙིང་ཁ་རྣམས་སུ་རྒྱ་གྲམ་དུ་བཞག་ལ། རྒྱལ་བ་སྲས་བཅས་བདེན་པའི་བྱིན་རླབས་དང་། །སོགས་དང་། བཛྲ་རཀྵ་རཀྟ་ཡེ་སྭཱ་ཧཱ། ཞེས་མེ་ཏོག་དང་རྡོ་རྗེ་མགོར་བཞག །དེས་བསྲུང་བ་སོང་ནས། གཉིས་པ་ཤིས་པ་བརྗོད་པའི་དོན་དུ་ངེད་བཅོམ་ལྡན་འདས་སྒེའི་ལྷ་ཚོགས་རྣམས་

[Full Size]

ཀྱིས་བསྲུང་བའི་གོ་བགོས་པ་དེ་མི་ཉམས་ཤིང་བརྟན་པའི་ཕྱིར་བཀྲ་ཤིས་བརྗོད་ཅིང་རབ་གནས་མཛད་པའི་མོས་པ་མཛོད། མེ་ཏོག་གཏོར་ཞིང་། ཨོཾ་འབྲས་བུའི་རྡོ་རྗེ་སངས་རྒྱས་རྡོ་རྗེ་འཆང་། །ལམ་གྱི་རྡོ་རྗེ་ཐེག་པ་ཆེན་པོའི་ཆོས། །རྒྱུ་ཡི་རྡོ་རྗེ་དགེ་འདུན་རྡོ་རྗེའི་རིགས། །མཆོག་གསུམ་རྡོ་རྗེས་སྐྱོབ་པའི་བཀྲ་ཤིས་ཤོག །སངས་རྒྱས་སྟོང་གི་རྡོ་རྗེའི་མཛོད་འཛིན་ཅིང་། །རྡོ་རྗེའི་སྐུ་ཅན་ཕྱག་ན་རྡོ་རྗེ་འཛིན། །རྡོ་རྗེ་གསུང་གིས་རྡོ་རྗེའི་ཧཱུྃ་སྒྲ་སྒྲོག །རྡོ་རྗེ་སྒེའི་གསུང་གི་བཀྲ་ཤིས་ཤོག །གཉེན་པོའི་རྡོ་རྗེས་མི་དགེ་བཅུ་པོ་འཇོམས། །སྟོབས་བཅུ་རྡོ་རྗེས་འཇིག་རྟེན་སྐྱོན་བཅུ་འཇོམས། །ཕ་རོལ་ཕྱིན་བཅུ་མཐར་ཕྱིན་རྡོ་རྗེ་ཅན། །རྡོ་རྗེ་ཁྲོ་རྒྱལ་སྟོབས་བཅུའི་བཀྲ་ཤིས་ཤོག །རྡོ་རྗེའི་རིགས་ཅན་ཚངས་དབང་བརྒྱ་བྱིན་དང་། །རྡོ་རྗེའི་བཀའ་ཉན་ཕྱོགས་སྐྱོང་ལྷ་ཀླུ་དང་། །རྡོ་རྗེའི་ཕོ་ཉ་གཟའ་དང་རྒྱུ་སྐར་ཚོགས། །རྡོ་རྗེ་རིགས་ཀྱི་སྲུང་མའི་བཀྲ་ཤིས་ཤོག །རིན་ཆེན་བུམ་པ་རྡོ་རྗེས་མཚན་པ་ལས། །རྟེན་འབྲེལ་རྫས་དང་རྡོ་རྗེའི་ཆུས་བཀང་ནས། །རྡོ་རྗེའི་གཟུངས་ཐག་རྡོ་རྗེ་འོད་ཟེར་འཕྲོས། །རྡོ་རྗེ་དག་བྱེད་ཁྲུས་ཀྱི་བཀྲ་ཤིས་ཤོག །

[Full Size]

ཉོན་མོངས་བརྒྱད་ཁྲི་བཞི་སྟོང་རྡོ་རྗེས་འཇོམས། །བགེགས་རིགས་སྟོང་ཕྲག་བརྒྱད་ཅུ་རྡོ་རྗེས་བརླགས། །ནད་རིགས་བཞི་བརྒྱ་རྩ་བཞི་རྡོ་རྗེས་ཞི། །སྨོན་ལམ་རྡོ་རྗེ་འགྲུབ་པའི་བཀྲ་ཤིས་ཤོག །ཨོཾ་བཛྲ་པཱ་ཎི་ཀཱ་ཡ་ཝཱཀྐ་ཙིཏྟ་བཛྲ་སིདྡྷི་ཧཱུྃ༔ ཛ་ཡེ་ཛ་ཡེ་བི་ཛ་ཡེ་སྭཱ་ཧཱ། དེས་བཀྲ་ཤིས་རྒྱས་པར་བྱ་བ་སོང་། དེ་རྣམས་ཀྱི་དགེ་བ་བྱང་ཆུབ་ཏུ་བསྔོ་བའི་རྗེས་ཟློས་མཛོད་དགེ་བ་འདི་ཡི་སྒོ་འགྲུབ་གྱུར་ནས། འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །བརྗོད། འོ་དེ་རྣམས་ཀྱི་བཅོམ་ལྡན་འདས་སྒོའི་ལྷ་ཚོགས་ཀྱི་སྒོ་ནས་ཁྲུས་བྱབ་བསྲུང་གསུམ་ལེགས་པར་གྲུབ་པས་དེ་ལྟར་ཐུགས་ལ་བཞག་པར་ཞུ། མཎྜལ་ཕུལ། ཞེས་པ་འདི་རྣམས་ཀྱི་བྱབ་ཁྲུས་རང་བྱུང་ཞབས་ཀྱིས་དང་དབང་ཕྱུག་རྡོ་རྗེས་མཛད་པ་དང་། མི་བསྐྱོད་ཞབས་ཀྱི་སྨེ་བརྩེགས་དང་། དཀོན་མཆོག་འབང་གི་རྣམ་འཇོམས་ཆོ་ག་ཚིགས་བཅད་མ་དང་། གྲགས་པ་དོན་འགྲུབ་ཀྱི་དང་། རྗེ་ཞྭ་དམར་དྲུག་པས་བསྩལ་བའི་ཚན་མང་པོ་དང་། ས་པཎྜི་ཏ་དང་། དབང་ཕྱུག་རྡོ་རྗེས་བསྩལ་བའི་སྨེ་བརྩེགས་རིགས་དུ་མ། ལོ་ཆེན་རིན་ཆེན་བཟང་པོ་དང་། ས་ལུགས་རིགས་དུ་མ་དང་། འབྲུག་ལུགས་སོགས་དུ་མ་ཐོབ་ཅིང་མཐོང་བ་གོ་ཞིང་འདྲེས་པར་བྱས་ནས། སྨེ་བརྩེགས་རྣམ་འཇོམས་གང་ལའང་སྦྱར་རུང་བ་འདི། ཀརྨ་ཨཱ་ར་གས་བྲིས་པའོ།། །།

ཁྲུས་སྔགས།

[Full Size]

ལྷ་སྔགས་ཤམ་དུ། ཨེ་ཧོ་ཤུདྡྷེ། ཡི་ཧོ་ཤུདྡྷེ། རཾ་ཧོ་ཤུདྡྷེ། བི་ཧོ་ཤུདྡྷེ། ལཾ་ཧོ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་ཨཱཿ ཨོཾ་བྷརྩི་བྷནི་བི་མ་ལེ་ཨུ་ཙུཥྛ་མ་ཧཱ་ཀྲོ་དྷ་་ཧཱུྃ་ཕཊ༔ མི་གཙང་བའི་གྲིབ་ཐམས་ཅད་དག་པར་གྱུར་ཅིག་སྭཱ་ཧཱཿ ཨོཾ་བྷུར་ཁུང་དྷིས་རོ་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ བཙོག་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ནལ་གྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ རྨུགས་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ དམེ་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ འཁོན་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ མཛེ་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཡུགས་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ མནོལ་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཟས་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ གོས་གྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ དམ་ཚིག་ཉམས་པའི་གྲིབ་སོགས་མི་གཙང་དྲི་མའི་གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ རྟ་མགྲིན་ནས་སོ། །ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ དེ་བཞིན་དུ། འགྱུར་བྱུར་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ དབང་པོ་ཉམས་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ འབྱུང་བཞིའི་འཇིགས་པ་

[Full Size]

ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ མི་དང་མི་མ་ཡིན་པའི་གདོན་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཆོས་དང་ནོར་གྱིས་ཕོངས་པ་ཐམས་ཅད་ཤིནྟཾ་ཀུ་རུ་ཡེ་སྭཱ་ཧཱཿ གཟའ་དང་རྒྱུ་སྐར་གྱི་གནོད་པ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ ཕ་རོལ་གྱི་བྱད་སྟེམས་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ནད་རིགས་བཞི་བརྒྱ་རྩ་བཞི་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ གདོན་རིགས་སུམ་བརྒྱ་དྲུག་ཅུ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧྭ༔ བགེགས་རིགས་སྟོང་ཕྲག་བརྒྱད་ཅུ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ གློ་བུར་བརྒྱད་ཅུ་རྩ་གཅིག་གི་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ནད་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། གདོན་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ རིམས་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཡམས་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ ཉེ་བར་འཚེ་བ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ གྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ བྱད་ཁ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ༔་བྱུར་དང་སྐལ་པ་ངན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ རྨི་ལམ་ངན་པ་ཐམས་ཅད་ཤི་ཀུ་རུ་ཡེ་སྭཱ་ཧཱཿ མཚན་མ་ངན་པ་ཐམས་ཅད་ནཾ་ཀུ་རུ་ཡེ་སྭཱ་ཧཱཿ བཀྲ་མི་ཤིས་པ་ཐམས་ཅད་ཤིནྟཾ་ཀུ་རུ་ཡེ་སྭཱ་ཧཱཿ དུས་མ་ཡིན་པར་འཆི་བ་

[Full Size]

ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ མཚན་མོ་ནག་མོའི་གནོད་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ དུས་ཀྱི་ཞགས་པ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱཿ གཤིན་རྗེའི་ཕོ་ཉ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ བགེགས་དང་ལོག་པར་འདྲེན་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱཿ དམིགས་ཡུལ་གྱི་ལུས་གདོང་པ་བཀྲུའོ། །ཨ་རཱ་གས་སོ།། །།

ཡང་ཁྱིམ་མི་གཙང་བ་དང་། རོ་ཁུར་ལག་པ་བཀྲུ་བ་དང་། བྱིས་སྤ་སྐྱེས་ནས་བང་ཁྲུས་དང་། བག་མའི་སྣ་ཁྲུས།

[Full Size]

ཡང་ཁྱིམ་མི་གཙང་བ་དང་། རོ་ཁུར་ལག་པ་བཀྲུ་བ་དང་། བྱིས་སྤ་སྐྱེས་ནས་བང་ཁྲུས་དང་། བག་མའི་སྣ་ཁྲུས་དང་། མར་མེ་གྲིབ་སེལ་བཀྲུ་བ་ལ། བུམ་ཆོག་ཅི་ལྟ་བ་སྲོལ་མེད་དེ། །སྔགས་རྒན་རྣམས་ཀྱི་ཕྱག་སྲོལ། རི་རུ་བྱའམ་བྱ་དཀར་གང་རྙེད་དུ་འོ་དཀར་གྱིས་བཀང་ལ། རང་ཡི་དམ་གང་ཡིན་སྐད་ཅིག་ལ་སྒོམ་པའི་ཐུགས་ཀ་ནས་འོད་ཟེར་འཕྲོས་པས། ལྕང་ལོ་ཅན་ནས་རྡོ་རྗེ་རྣམ་པར་འཇོམས་པ་དང་། ཁྲོ་བོ་རྨེ་བརྩེགས་དང་། ཡུམ་སངས་རྒྱས་སྤྱན་མ་དང་། རྡོ་རྗེ་སེམས་དཔའ། མི་འཁྲུགས་པ། རྡོ་རྗེ་ལུ་གུ་རྒྱུད་མ་དང་། ཁྲོ་མོ་སྨེ་བརྩེགས་དང་། རྡོ་རྗེ་སྙེམས་མ་དང་། བདུད་རྩི་འཁྱིལ་པ་སྟེ། ཁྲུས་ལྷ་དག་པ་ལྷ་དགུ་པོ་དེ་ཐམས་ཅད་དམ་རྣམ་འཇོམས་སོགས་སྔགས་གང་ཤེས་པའི། ལྷ་ཐམས་ཅད་ཆར་བབ་པ་ལྟར་སྤྱན་དྲངས་ན་ནས་འོ་དཀར་ལ་ཐིམ་པས་ཡེ་ཤེས་ཀྱི་བདུད་རྩིར་གྱུར་པར་སྒོམས་ཤིག །རྣམ་འཇོམས་དང་། ཡིག་བརྒྱ། ཀཾ་ཀ་ནི། སྨེ་བརྩེགས་སྔགས་སོགས་གང་ཤེས་མང་དུ་འདོན་ནས་འོ་དཀར་ལ་ཕུ་བྱས། དེ་ནས་འོ་དཀར་ཐོགས་ལ། བཀྲུའོ་བཀྲུའོ། །ནད་བཀྲུའོ། གདོན་བཀྲུའོ། །ཟས་གྲིབ་བཀྲུའོ། །གོས་གྲིབ་བཀྲུའོ། །རོ་གྲིབ་བཀྲུའོ། །བཙོག་གྲིབ་བཀྲུའོ། །རྨེ་གྲིབ་བཀྲུའོ། །

[Full Size]

ཞེས་སོགས་གང་ཤེས་བརྗོད་ཅིང་རྣམ་འཇོམས་གཟུངས་རིང་དང་སྨེ་བརྩེགས་སྔགས་སོགས་བརྗོད་ལ་བཀྲུའོ། །ཁྱིམ་ལ་ཡིན་ན་ཤུག་ལོ་སོགས་ཀྱིས་འཐོར། ཆབ་ལེན་བཅུག་པ་དང་། མགོ་ན་ཤུག་པ་དང་ཡན་ལག་ལྔ་ཁྲུས་སོགས་ཅི་བདེར་བྱའོ། །ཨོཾ་བྷར་ཁུང་དྷིས་སྭཱ་ཧཱ། ཞེས་སྨེ་བརྩེགས་ཉེ་སྙིང་། ཨོཾ་ཨ་མི་ཏེ་ཧཱུྃ་ཕཊ༔ བདུད་རྩི་འཁྱིལ་བའི་ཉེ་སྙིང་། ཨོཾ་བཛྲ་བི་དཱ་ར་ཎ་ཧཱུྃ་ཕཊ༔ ཞེས་རྣམ་འཇོམས་མཚན་སྔགས་ཏེ། གཟུངས་རིང་རྣམས་མི་ཤེས་ཀྱང་། སྔགས་དེ་གསུམ་ཀའམ་གང་རུང་ལ། ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་སྭ་། ཧཱ༔ ཞེས་པས་མང་དུ་སྔགས་ཤིང་བཀྲུ་དུས་ཀྱང་སྔགས་དེ་བརྗོད་པས་ཆོག་སྟེ། གྲིབ་ལ་ཤིན་ཏུ་ཕན། ཞེས་པ་བྱབ་ཁྲུས་ཅི་ལྟ་བ་ཐོན་མེད་པར་རང་གར་ཁྲུས་བྱེད་ལུགས་ཏེ། འདི་ཡང་ཕྱག་རྡོར་རིགས་པ་མཆོག་གི་རྒྱུད་དང་། ཨཱ་ལི་ཀཱ་ལི་ཆུ་ཀླུང་ཆེན་པོའི་རྒྱུད་སོགས། ལས་ཚོགས་དུ་མ་ན་གསུངས་པས། །ཕུགས་མེད་པ་རང་ཡིན་ནོ། །ཞེས་རཱ་ག་ཨ་སྱས་སྒོམ་པ་གསར་བུ་ལ་ཕན་ཕྱིར་འཕྲལ་དུ་བྲིས་སོ།། །།

གླུད་བསྔོ།

[Full Size]

དེ་ནས་ཁྲུས་ཆོག་ཚར་ནས་བགེགས་གཏོར་ཁྲུས་གདན་དུ་བཞག་ལ། ནད་པའམ་ཡོན་བདག་རྣམས་ལ་ཁྲུས་བྱས་ལ། གླུད་བསྔོ་བ་ནི། དེ་བཞིན་གཤེགས་པ་རྒྱལ་བ་རིན་ཆེན་མང་ལ་ཕྱག་འཚལ་དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་ཡོངས་སུ་བྲལ་བ་ལ་ཕྱག་འཚལ་ལོ། །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ལན་བདུན་དང་། ཀྱཻ། སྔོན་ཚེ་ལྷ་དབང་བརྒྱ་བྱིན་གླུད། །ད་ལྟ་རྒྱུ་སྦྱོར་སྦྱིན་བདག་གླུད། །ཤ་ཡི་གླུད་འདི་ས་ལ་གཏོང་། །ས་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་

[Full Size]

རྣམས། །གླུད་དང་ཆངས་བུ་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །རུས་པའི་གླུད་འདི་བྲག་ལ་གཏོང་། །ཁྲག་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །རྩ་རྒྱུས་གླེད་འདི་ཤིང་ལ་གཏོང་། །ཤིང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །ལྤགས་པའི་གླུད་འདི་ཐང་ལ་གཏོང་། །ཐང་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །སེམས་ཉིད་གླུད་འདི་མཁའ་ལ་གཏོང་། །མཁའ་ལ་གནས་པའི་ལྷ་འདྲེ་རྣམས། །གླུད་དང་ཆངས་བུ་འདི་བཞེས་ལ། །འཁོར་འདིར་གནོད་པ་མ་བྱེད་ཅིག །གཞན་གྱི་བྱད་ཁ་ཕུར་ཁ་དང་། །ཟོར་ཁ་མནན་པ་ལ་སོགས་ཟློག །སྐག་དང་སྲི་ལང་ལ་སོགས་དང་། །གནོད་བྱེད་ཐམས་ཅད་བཟློག་ཏུ་གསོལ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་། །འདོད་པ་འགྲུབ་ཅིང་ཕུན་སུམ་ཚོགས་པ་ཡི། །བཀྲ་ཤིས་དེས་ཀྱང་དེང་འདིར་བདེ་ལེགས་

[Full Size]

ཤོག །ཅེས་ཡས་ལམ་དུ་གཏོང་ངོ་། །དེ་ནས་དང་པོ་དཀར་གཏོར་མ་ཀིར་བཞག །དེ་རྗེས་ལ་གླུད་གཏོར་བཞག །དེ་རྗེས་དམར་གཏོར་བཞག །དེ་ནས་རིམ་པ་བཞིན་ཏུ་ཐམས་ཅད་བཞག་གོ །ཞེས་པ་འདི་ཡང་སྔགས་འཆང་རཱ་ག་ཨ་སྱས་སྦྱར་བའོ། །སརྦ་མངྒ་ལཾ། །

འཁོན་སྦྱངས་ཀུན་གྱི་དོན་བསྡུས།

[Full Size]

འཁོན་སྦྱངས་ཀུན་གྱི་དོན་བསྡུས་བཞུགས། །ན་མོ་གུ་རུ་བཛྲ་སཏཱ་ཡེ། སྦྱིན་བདག་སྡོམ་པ་ཤོར་བ་དང་། དམ་ཚིག་ཉམས་པ་དང་དགོན་སྡེ་དང་གཙུག་ལག་ཁང་བཤིག་པ་དང་། བསྟན་པ་དང་བསྟན་པ་འཛིན་པའི་དགེ་བའི་བཤེས་གཉེན་ནམ། གྲུབ་ཐོབ་རྟོགས་ལྡན་སྔགས་པ་ནུས་ལྡན་སོགས་ལ་དགྲ་བཙལ་བ་དང་། ཁྱད་པར་དུ་རྒྱལ་བའི་སྐུ་ལ་ངན་སེམས་ཀྱིས་ཁྲག་ཕྱུང་བ་དང་། རང་གི་ལྷ་དང་བླ་མ་ལ་འགྲས་བཙལ་བའི་དམ་སེལ་ཡོད་པའི་རང་དང་སྔར་འགྲས་ཞུགས་པར་སྲུང་བཟློག་བྱས་ན། རང་ལ་སྡུག་ལ་རྟག་ཏུ་བྱམས་ལྡན་པ་ཞེས་པའི་རྩ་ལྟུང་ཕོག་ཅིང་། སྦྱིན་བདག་དེ་ལ་ཕན་མི་ཐོགས་པར། རང་ལ་ལྷ་སྲུང་གི་འཁུ་ལྡོག་དྲག་པོ་འབྱུང་ཞིང་ཚེ་སྲོག་ལ་གནོད་པས། དེའི་འཁོན་གྲིབ་སྦྱངས་པའི་གདམས་ངག་ནི་རང་གི་མདུན་དུ་རང་གི་ཡི་དམ་གང་ཡིན་པ་དེ་བསྐྱེད་ལ། དེ་ལ་འཁོན་འགྲས་གང་ཞུགས་རྣམས་ཀྱི་ཡི་དམ་ཐམས་ཅད་བསྟིམ་ལ་དབྱེར་མེད་དུ་བསམ། ཡི་དམ་དེའི་སྤྱི་བོར་རང་གི་རྩ་བའི་བླ་མ་དེ་རྣམས་རྡོ་རྗེ་སེམས་དཔའི་ཆ་ལུགས་སུ་བསྐྱེད་ལ། དེ་ལ་འཁོན་འགྲས་གང་ཞུགས་ཀྱི་བླ་མ་ཐམས་ཅད་བསྟིམ་ལ་དབྱེར་མེད་དུ་བསམ། ཡི་དམ་དེའི་འོག་གི་གཡས་

[Full Size]

གཡོན་དུ་ཆོས་སྐྱོང་གཙོ་བོ་གང་བྱེད་དེ་བསྐྱེད་ལ། དེ་ལ་སྔར་ཁོ་ལ་ཆད་གང་མྱོང་གི་ཆོས་སྐྱོང་ཐམས་བཅད་བསྟིམ་ལ་དབྱེར་མེད་དུ་བསམ། ཉམས་པ་རྣམས་ཚོགས་ཀྱིས་བསྐང་གསུངས་པས། དེ་རྣམས་ཀྱི་མདུན་དུ་ཚོགས་འཁོར་བཟང་པོ་བཤམས་ལ་ཚོགས་གཞུང་ལྟར་བྱེད་ལ། ཉམས་ཆག་བསྐང་བའི་དགའ་སྟོན་དུ་དམིགས། ཚོགས་ཕུད་ཕུལ་ལ་གཏོར་བསྔོས་བྱེད་ཚོགས་དུམ་གྱིས་བསྐང་བ་གསོ་ལ། རང་དང་སྦྱིན་བདག་གཉིས་ཀའི་སྐྱེ་བ་ཚེ་རབས་ཐམས་ཅད་ལུས་ལོངས་སྤྱོད་དགེ་བའི་རྩ་བ་ཅི་ཡོད་པ་ཐམས་ཅད་ཀྱི་ངོ་བོ་ཡིན་པ་ལ། །རྣམ་པ་གླིང་བཞི་རི་རབ་སོགས་བསྐང་རྫས་ཕུན་སུམ་ཚོགས་པར་བསྐྱེད་ལ་བསྐང་བ་གཞུང་ལྟར་འདོན། བཤགས་པའི་སྐབས་སུ་སྟབས་བདེ་ན་བཤགས་ཚིག་རྗེས་ཟློས་བྱེད་པ་དང་སྦྲག་ལ་ཕྱག་འཚལ་དུ་བཅུག །མི་བདེ་ནའང་བདག་དང་སྦྱིན་བདག་གཉིས་ཀྱི་སྐྱེ་བ་བདུན་རྒྱུད་ཕ་མྱེས་བདུན་རྒྱུད་ཚུན་ཆད་ཀྱི་འཁོན་འགྲས་བཤགས་པའི་བསམས་པས་རང་དང་ཡོན་བདག་ཐམས་ཅད་ཀྱིས་མགྲིན་གཅིག་ཏུ་བཤགས་པ་བྱེད་པར་བསམ་ལ་བཤགས་པ་གཞུང་ལྟར་འདོན། སྔར་ཆེད་པའི་ལས་མཁན་ངོ་ཤེས་ན་དེ་དང་། མི་ཤེས་ན་སྡེ་བརྒྱད་སྤྱི་ལ་དཀར་གཏོར་

[Full Size]

བཟང་པོ་ཞིག་བསྔོ་ལ་ད་ཕྱིན་ཆད་གནོད་པ་མ་བྱེད་ཅེས་བཀའ་བསྒོའོ། །དེ་ནས་དྲག་པོའི་ཆད་མདོ་བྱ། དེ་ནས་ནམ་མཁའ་སྐུ་གསུང་ཐུགས་ཀྱི་བདག་ཉིད་སངས་རྒྱས་དང་བྱང་ཆུབ་སེམས་དཔའ་དཀར་པོ་དང་དམར་པོ་དང་མཐིང་ཁའི་གྲལ་རིམ་པ་གསུམ་བཞུགས་པར་བསྒོམས་ལ། དེ་རྣམས་ལས་ཡི་གེ་བརྒྱ་པའི་སྔགས་ཕྲེང་དཀར་དམར་མཐིང་གསུམ་འཕྲོས་ནས། བླ་མ་རྡོ་རྗེ་སེམས་དཔའི་གནས་གསུམ་དུ་ཨོཾ་དཀར་ཨཱདམར་ཧཱུྃ་མཐིང་ག་གསུམ་ལ་བསྐོར་ནས་འཁོར་བས། དེ་ལས་བདུད་རྩིའི་རྒྱུན་བབ་སྐུ་ལུས་གང་བས། །བླ་མ་ཐམས་ཅད་དང་འཁོན་འགྲས་ཉམས་ཆག་ཅི་ཡོད་དག །བླ་མའི་གནས་གསུམ་ནས་ཡིག་བརྒྱ་དཀར་དམར་མཐིང་གསུམ་འཕྲོས་པས་ཡི་དམ་གྱི་གནས་གསུམ་འབྲུ་གསུམ་ལ་བསྐོར་ནས་བདུད་རྩིའི་རྒྱུན་བབ་སྐུ་ལུས་གང་ནས་ཡི་དམ་དང་འཁོན་ཞུགས་པ་དག །ཡི་དམ་གྱི་གནས་གསུམ་ནས་ཡིག་བརྒྱ་དཀར་དམར་མཐིང་གསུམ་འཕྲོས་ནས་ཆོས་སྐྱོང་གི་གནས་གསུམ་འབྲུ་གསུམ་ལ་བསྐོར་ནས་འཁོར་བས་བདུད་རྩིའི་རྒྱུན་བབ་སྐུ་གང་ཆོས་སྐྱོང་ཐམས་ཅད་དང་འཁོན་འགྲས་ཞུགས་པ་ཐམས་ཅད་བྱང་། དེ་ནས་རྩ་བ་གསུམ་ཀའི་གནས་གསུམ་ནས་ཡིག་

[Full Size]

བརྒྱ་དང་བདུད་རྩིའི་རྒྱུན་དཀར་དམར་མཐིང་གསུམ་བྱུང་། བདུད་རྩིའི་རྒྱུན་གྱིས་རང་གི་ལུས་ཕྱི་ནང་བཀྲུས་ཡིག་བརྒྱ་གསུམ་པོ་རང་གི་གནས་གསུམ་གྱི་འབྲུ་གསུམ་ལ་བསྐོར་ནས་འཁོར་ནས་འོད་ཟེར་གྱིས་ལུས་གང་། ཡོན་བདག་གི་དམ་ཚིག་ཉམས་པ་བསྐང་བར་བྱས་པ་དང་། སྦྱིན་བདག་མ་རུངས་པ་བསྒྲལ་བའི་ཞིང་དུ་གྱུར་པའི་སྔར་འཁོན་དང་དམ་སེལ་ཡོད་པའི་སྲུང་ཟློག་བྱས་པའི་ཉེས་པ་དག་པར་བསྒོམ། དེ་ནས་སྦྱིན་བདག་དེ་རྒྱན་དང་ཕྲེང་བ་གོས་དཀར་པོས་བཀླུབས་ཤིང་ཟླ་བའི་གདན་ལ་འདུག་ནས་ལྷ་རྣམས་ལ་ཐལ་མོ་སྦྱར་ནས་བཤགས་པ་བྱེད་པར་བསམ། དེ་ནས་བླ་མ་ཡི་དམ་ཆོས་སྐྱོང་གསུམ་ཀའི་གནས་གསུམ་ནས་འོད་ཟེར་དང་བདུད་རྩིའི་རྒྱུན་དཀར་པོ་བྱུང་ནས་སྦྱིན་བདག་དེའི་སྤྱི་བོ་ནས་ཞུགས། ལུས་ཕྱི་ནང་ཐམས་ཅད་བཀྲུས་པས་བསྟན་པ་དང་གཙུག་ལག་ཁང་དང་བླ་མ་དགེ་འདུན་སོགས་འགྲས་བཙལ་བ་དང་། ལྷ་དང་འཁོན་འགྲས་བྱད་ཁ་ཐམས་ཅད་དག་ནས་ལུས་ཤེལ་སྒོང་ལྟར་གཙང་སེང་ངེ་བར་གྱུར་པར་བསམ། རྒྱས་པར་ན་བླ་མ་སོ་སོའི་མཚན་སྔགས་དང་ཡི་དམ་སོ་སོའི་མཚན་སྔགས་དང་། ཡིག་བརྒྱ་སྤེལ་བའི། བསྡུ་ན། ཨོཾ་ས་མ་ཡ། ཨཱཿ ས་མ་ཡ། ཧྭ་ས་མ་ཡ། བཛྲ་གུ་རུ། ཨརྩིག་

[Full Size]

མ་ནིང་སྔགས་ལྟ་བུ་དང་། ཨོཾ་བཛྲ་སཏཱ་ས་མ་ཡ། ཞེས་པ་ནས་སཏ་ཨཱ༔ ཞེས་ལྟར་སྤེལ་བ་ཅི་ནུས་བཟླས། དེ་ནས་བླ་མ་ཡི་དམ་ཆོས་སྐྱོང་རང་དང་ཡོན་བདག །བཤགས་རྒྱུའི་ཉེས་བྱས། བཤག་བྱ་འཆགས་བྱེད་དག་མ་དག་དང་། འཁོན་འགྲས་ཡོད་མེད་མདོར་ན་ཕྱི་ནང་སྣོད་བཅུད་ཐམས་ཅད་རང་བཞིན་སྟོང་པ་ཉིད་ཡིན་སྙམ་དུ་བསམ་ལ། དེ་ཐམས་ཅད་ངོ་བོ་སེམས་ཡིན་སེམས་ངོ་བོ་སྤྲོས་པའི་མཐའ་དང་བྲལ་བའི་ངང་ལ་མཉམ་པར་བཞག་གོ །དེ་ལྟར་ཐུན་བཞི་ཉིན་རེ་བཞིན་དུ་བྱའོ། །དེ་ལྟར་བྱས་པས་བློ་བདེ་བ་དང་ཆོས་ལ་དད་པ་དང་། རྨི་ལམ་དུ་འཕུར་བ་ཁྲུས་བྱེད་གོས་དཀར་པོ་གྱོན་པ་ལུས་ལས་ངན་སྐྱུག་སེམས་ཅན་ཐོན་པ་རྨིས་ན་ཉམས་གྲིབ་དག་པའི་རྟགས་ཏེ་གཏང་རག་གི་མཆོད་པ་བཟང་པོ་འབུལ། དེ་ནས་ཟས་ནོར་གང་བྱུང་བ་ཆ་བཞི་བྱེད་ལ། ཆ་གཅིག་བླ་མ་དཀོན་མཆོག་མཆོད། གཉིས་ཆོས་སྐྱོང་སྲུང་མ་མཆོད། གསུམ་འགྲོ་བ་རིགས་དྲུག་ལ་སྦྱིན། བཞི་པ་དེ་རང་གིས་ལོངས་སྤྱོད། །དེས་ནི་སྦྱིན་བདག་ལ་ཕན་ཐོགས་རང་ལ་ཉམས་གྲིབ་དང་བཀའ་ཆད་མི་འབྱུང་ཆོས་སྐྱོང་གི་འཁུ་ལྡོག་མི་འོང་བའི་སྟེང་དུ་གཏང་རག་ཏུ་སོང་ནས་ཕྱིས་ཕྲིན་ལས་གང་བྱེད་ཀྱང་བསྐུལ་བ་ཙམ་གྱིས་འགྲུབ་པར་གསུངས་སོ། །འདི་ནི་བེར་ནག་ཅན་ཕྱག་བཞི་དྲུག་ཞལ་བཞི་པ་སོགས་དང་ཆོས་སྐྱོང་སྤྱིའི་ལས་རྒྱུད་སོགས་དང་ལུང་མན་ངག་དུ་མའི་བཅུད་ཕྱུངས་ཏེ་ཀརྨ་ཨ་རཱ་གས་བཀོད་པའོ། །ཀྱེ་མ་དེང་སང་ལྔ་བརྒྱ་རྩུབ་འགྱུར་དུས་འདི་རུ། །རྒྱལ་བའི་བསྟན་དང་བསྟན་འཛིན་སྐྱེས་བུ་

[Full Size]

ལ། །འགྲས་རྒྱུ་མེད་པའི་སྦྱིན་བདག་ཤིན་ཏུ་དཀོན། །སྦྱིན་བདག་ཕལ་ཆེར་དམ་ཉམས་བཀའ་ལོག་མང་། །སྦྱིན་བདག་འགའ་ཞིག་བསྒྲལ་བའི་ཞིང་བཅུ་ཚང་། །དེ་ཕྱིར་མན་ངག་འདི་དང་མི་ལྡན་ན། །བསྲུང་བ་བྱས་པས་རོང་ལ་ལྟུང་བ་ཕོག །དྲག་ལས་བྱས་པས་སྦྱིན་བདག་བྲུབ་པར་སོང་། །བཟློག་པ་བྱས་པས་བསྟན་པ་བཤིག་པར་སོང་། །ལྷ་སྲུང་ཁྲོས་པས་བཀའ་ཆད་མྱུར་དུ་འབེབས། །དེ་ཕྱིར་མན་ངག་འདི་ནི་གསེར་བས་དཀོན། །ཀུན་གྱི་མི་ཤེས་ཁྱད་ཆོས་ས་མ་ཡ། ཨྠྀི། མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

དྲང་སྲོང་ཆེན་པོའི་ནད་པ་རྗེས་འཛིན།

[Full Size]

དྲང་སྲོང་ཆེན་པོའི་ནད་པ་རྗེས་འཛིན་བཞུགས་སོ། །

[Full Size]

ན་མོ་གུ་རུ་བཛྲ་པཱ་ཎི་ཡེ༔ ཡེ་ཤེས་ཀྱི་གཟའ་མཆོག་ཆེན་པོའི་སྒོ་ནས་ནད་པ་རྗེས་སུ་འཛིན་པའི་མན་ངག་ནི༔་བུམ་པ་ཁ་བརྒྱན་མགུལ་ཆིངས་དང་ལྡན་པར་བུམ་རྫོས་གཞུང་ལྟར་བླུག་པ་དང་༔་གཟའི་བཤོས་བུ་ཕྱག་ལེན་ལྟར་བཤམས་པའི་ནང་དུ་ཤ་རུལ་ཁྲག་རུལ་བཙོས་དང་རྗེན༔ ར་མཆིན་དམར་གྱི་ཤ་ཁྲག་རྣམས༔ ཕ་ཟས་ཡིན་པས་དགྱེས་པ་ཡིན༔ དཀར་གསུམ་མངར་གསུམ་ཀླུ་སྨན་དང་ལ་སྨན་རྩི་སྨན་ག་པུར་རྣམས༔ མ་ཟས་ཡིན་པས་དགྱེས་པ་ཡིན༔ ཞེས་པའི་མཆོད་རྫས་གང་འཛོམས་དང་༔ དགྲ་བོའི་ལིངྒ་དང་ཤ་ཁྲག་གིས་བརྒྱན་པ་བཤམས༔ གཞན་ཡང་མཆོད་པ་རྣམ་ལྔ་སོགས་སྤྱི་ལྟར་བཤམས་ནས༔ འདི་ལྟར་འདོན་བྷེ་བྱ་སྟེ༔ ནད་པས་གཙོར་བྱས་སེམས་ཅན་ཐམས་ཅད་བླ་མ་དང་

[Full Size]

གསང་བའི་བདག་པོ་ཕྱག་ན་རྡོ་རྗེ་ལ་སྐྱབས་སུ་མཆིའོ༔ དཀོན་མཆོག་རིན་ཆེན་རྣམ་པ་གསུམ་ལ་སྐྱབས་སུ་མཆིའོ༔ མ་གྱུར་སེམས་ཅན་ཐམས་ཅད་སྟེང་གདོན་གྱི་ནད་དང་གནོད་པ་ལས་གྲོལ་ནས་རྡོ་རྗེ་འཆང་གི་ས་ལ་འགོད་པའི་ཆེད་དུ་ནད་པ་འདི་རྗེས་སུ་འཛིན་པར་བྱའོ༔ སྐད་ཅིག་གིས་རང་ཉིད་ཕྱག་ན་རྡོ་རྗེ་སྐུ་མདོག་མཐིང་ནག་རབ་ཏུ་ཁྲོས་པའི་ཆ་ལུགས་ཅན༔ ཕྱག་གཡས་གནམ་ལྕགས་ཀྱི་རྡོ་རྗེ་ནམ་མཁར་གསོར་ཞིང་གཡོན་སྡིགས་མཛུབ་ཐུགས་ཀར་བསྒྲེང་བ༔ སྤྲུལ་བརྒྱད་ཀྱིས་སྐུ་ལ་བརྒྱན་ཅིང་སྟག་གི་པགས་པའི་ཤམ་ཐབས་སོགས་ཁྲོ་བོའི་ཆས་རྣམས་

[Full Size]

ཐམས་ཅད་ཀྱིས་བརྒྱན་ཅིང་མེ་དཔུང་རབ་ཏུ་འབར་བའི་ཀློང་ན་གཡས་བསྐུམ་གཡོན་བརྐྱང་གིས་པད་ཉིའི་གདན་ལ་བཞུགས་པའི་ཐུགས་ཀར་ཉི་མའི་གདན་ལ་སྔགས་ཕྲེང་གཡས་སུ་འཁོར་བའི་འོད་ཟེར་གྱིས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་གསང་བའི་བདག་པོའི་རྣམ་པར་ཆར་བབ་པ་ལྟར་བྱོན་ནས་རང་ལ་ཐིམ་པས་མཐུ་སྟོབས་ནུས་པ་ཕུན་སུམ་ཚོགས་པར་གྱུར༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཅེས་བརྒྱ་བཟླས༔ ཨརྒྷཾ་སོགས་ཀྱིས་མཆོད། ལྕང་ལོ་ཅན་གྱི་གནས་མཆོག་དམ་པ་ནི། །གསང་སྔགས་རིག་སྔགས་ཀུན་གྱི་བདག་པོ་སྟེ། །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ༔ གསང་བདག་རྡོ་རྗེ་འཛིན་ལ་ཕྱག་འཚལ་བསྟོད༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ སྐད་ཅིག་༈ གིས་རང་ཉིད་ཕྱག་ན་རྡོ་རྗེ་གནས་འགྱུར་ནས༔ རང་ཉིད་ཡེ་ཤེས་ཀྱི་གཟའ་མཆོག་ཆེན་པོ༔ སྐུ་མདོག་དམར་པོ་ཕྱག་བཞི་པ༔ དབུ་དགུ་བྱ་རོག་གི་མགོ་ཅན༔ གཡས་དང་པོས་ཆུ་སྲིན་གྱི་རྒྱལ་མཚན༔ གཡོན་དང་པོས་ཡིད་བཞིན་གྱི་ནོར་བུ༔ འོག་མ་གཉིས་རྭའི་མདའ་གཞུ་བསྣམས་པ༔ རོ་སྨད་སྦྲུལ་མཇུག་འཁྱིལ་བ༔ མགོ་ལུས་མིག་གིས་ཁེངས་

[Full Size]

པ༔ འཁོར་གདོང་མོ་བཞི༔ དེའི་ཕྱི་རོལ་དུ་གཟའ་ཆེན་པོ་བརྒྱད༔ དེའི་ཕྱི་རོལ་དུ་རྒྱུ་སྐར་ཉི་ཤུ་རྩ་བརྒྱད་ཀྱིས་བསྐོར་བར་གྱུར༔ ལྷ་ཚོགས་དེ་རྣམས་ཀྱི་།གནས་གསུམ་ཡི་གེ་གསུམ་དང་ཐུགས་ཀའི་ཧཱུྃ་ལས་འོད་ཟེར་འཕྲོས་པས༔ བསྒོམ་པ་དང་འདྲ་བའི་ཡེ་ཤེས་པ་སྤྱན་དྲངས༔ བཛྲ་ས་མཱ་ཛ་ཛཿ ཛཿཧཱུྃ་བཾ་ཧོཿ རང་ལ་ཐིམ་ནས་གཉིས་སུ་མེད་པར་གྱུར༔ ཨོཾ་ཀེ་ཏ་ཀེ་ཏ་ཧཱུྃ་ཕཊ༔ ཨ་ཡ་མ་སྲེ་དུ་ཏྲི་ན་ན་ལ་སྭཱ་ཧཱཿ བདག་བསྐྱེད་འདི་བརྒྱ་རྩ་རེ་མ་ཆག་ན་གཟའ་དང་སྡེ་བརྒྱད་ཀྱི་གནོད་པ་སྲུང་བའི་མཆོག་ཏུ་བཤད་དོ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷཱ་ཝ་སོགས། སྟོང་པའི་ངང་ལས་བུམ་པ་ཧཱུྃ་ལས་རིན་པོ་ཆེའི་བུམ་པ་ལྟོ་བ་ཡངས་བ༔ མགྲིན་པ་རིང་བ༔ མཆུ་འཕྱང་བ༔ ལྷ་རྫས་གོས་ཀྱིས་མགྲིན་པ་དཀྲིས་པ༔ དཔག་བསམ་ཤིང་གི་ཡལ་གས་ཁ་རྒྱན་པ༔ ནང་དུ་ཆུ་དང་བཅུད་ཀྱིས་གང་བའི་དབུས་སུ༔ པད་ཉི་གདན་ལ་སྐད་ཅིག་གིས་ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ ཅེས་པའི་སྒྲ་ལས་ཡེ་ཤེས་ཀྱི་གཟའ་མཆོག་ཆེན་པོ་སྐུ་མདོག་དམར་པོ་ཕྱག་བཞི་པ༔ དབུ་དགུ་བྱ་རོག་གི་མགོ་ཅན༔ གཡས་དང་པོས་ཆུ་སྲིན་གྱི་རྒྱལ་མཚན༔ གཡོན་དང་པོས་ཡིད་བཞིན་གྱི་ནོར་

[Full Size]

བུ༔ འོག་མ་གཉིས་རྭའི་མདའ་གཞུ་བསྣམས་པ༔ རོ་སྨད་སྦྲུལ་མཇུག་འཁྱིལ་བ༔ མགོ་ལུས་མིག་གིས་ཁེངས་པ༔ འཁོར་གདོང་མོ་བཞི༔ དེའི་ཕྱི་རོལ་དུ་གཟའ་ཆེན་པོ་བརྒྱད༔ དེའི་ཕྱི་རོལ་དུ་རྒྱུ་སྐར་ཉི་ཤུ་རྩ་བརྒྱད་ཀྱིས་བསྐོར་བར་གྱུར༔ ལྷ་ཚོགས་དེ་རྣམས་ཀྱི་གནས་གསུམ་ཡིག་འབྲུ་གསུམ་དང་ཐུགས་ཀའི་ཧཱུྃ་ལས་འོད་ཟེར་འཕྲོས་པས༔ ཡེ་ཤེས་ཀྱི་གཟའ་མཆོག་ཆེན་པོ་འཁོར་དང་བཅས་པ་སྤྱན་དྲངས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ ས་པཱ་རི་ཝ་ར་བཛྲ་ས་མཱ་ཛཿ ཛཿཧཱུྃ་བཾ་ཧོཿ བུམ་ལྷ་དང་གཉིས་སུ་མེད་པར་གྱུར༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ ས་པཱ་རི་ཝཱ་ར་ཨརྒྷཾ་སོགས་བརྗོད༔ ཧཱུྃ༔ ཕྱག་ན་རྡོ་རྗེའི་བཀའ་ཉན་པ༔ མཐུ་སྟོབས་ནུས་པ་བསམ་མི་ཁྱབ༔་རཱ་ཧུ་ལ་ཞེས་རབ་གྲགས་པའི༔ སྲུང་མ་ཁྱོད་ལ་བདག་བསྟོད་དོ༔ བདག་ཅག་དཔོན་སློབ་མི་ནོར་བཅས༔ སྟེང་གདོན་གཟའ་ཡི་གནོད་པ་སོགས༔ ནད་དང་གདོན་དང་བགེགས་ཀུན་ལས༔ བྱང་ཆུབ་བར་དུ་བསྲུང་བར་མཛོད༔ རང་གི་ཐུགས་ཀའི་འོད་ཟེར་གྱིས་བུམ་ལྷའི་ཐུགས་རྒྱུད་བསྐུལ༔ ལྷ་ཚོགས་རྣམས་ཀྱི་སྐུ་ལས་འཆི་སོས་བདུད་རྩིའི་རྒྱུན་བབ་པས་བུམ་པ་ཁེངས་པར་གྱུར༔ ཨོཾ་ཀེ་

[Full Size]

ཏེ་ཀེ་ཏེ་ཧཱུྃ་སརྦ་དུག་ནན༔ དུག་ཕྱུང་སྭཱ་ཧཱཿ སྟོང་ངམ་བརྒྱ་བཟླ༔ ཨོཾ་བཛྲ་ཀུན་ན་ར་ལ་ཀེ་ཏེ་ཀེ་ཏེ་སརྦ་དུག་ནན་དུག་ཕྱུང་སྭཱ་ཧཱཿ ཞེས་བརྒྱ་བཟླས་སྔགས་རྣམས་ཆུ་གཙང་ལ་སྔགས་ནས་བུམ་ལྷ་ཞུ་ནས་ཁྲུས་རན་དུས་བུམ་པར་བླུག་ན་ཟབ་བོ་སྙམ་མོ༔ ཨོཾ་སྭ་བྷཱ་ཝ་སོགས། སྟོང་པའི་ངང་ལས་སྐད་ཅིག་གིས་རང་གི་མདུན་དུ༔ འཇིག་རྟེན་པའི་གཟའ་བདུད་ཆེན་པོ་སྐུ་མདོག་སྨུག་ནག༔ ཞལ་གཅིག་ཕྱག་གཉིས་རབ་ཏུ་རྔམ་པའི་སྐུ་ཅན༔ སྤྱི་གཙུག་ན་བྱ་རོག་གི་ཞལ་གྱིས་བརྒྱན་པ༔ ཕྱག་གཡས་ཆུ་སྲིན་གྱི་རྒྱལ་མཚན༔ གཡོན་རྭའི་མདའ་གཞུ་འཛིན་པ༔ རོ་སྨད་སྦྲུལ་དུ་འཁྱིལ་བ༔ མགོ་ལུས་མིག་གིས་ཁེངས་པ༔ འཁོར་གདོང་མོ་བཞི༔ དེའི་ཕྱི་རོལ་དུ་གཟའ་ཆེན་པོ་བརྒྱད༔ དེའི་ཕྱི་རོལ་དུ་རྒྱུ་སྐར་ཉི་ཤུ་རྩ་བརྒྱད་ཀྱིས་བསྐོར་བ༔ གཙོ་འཁོར་ཐམས་ཅད་ཀྱི་ཐུགས་ཀར་རང་རང་གི་མིང་ཡིག་དང་པོ་ཐིག་ལེས་བརྒྱན་པ༔ དེ་ལས་འོད་ཟེར་འཕྲོས་པས༔ ཕྱོགས་མཚམས་ནམ་མཁའ་ཡངས་པའི་ཀློང་ནས་གཟའ་བདུད་ཆེན་པོ་འཁོར་དང་བཅས་པ་སྤྱན་དྲངས༔ རཱ་ཧུ་ལ་ས་པཱ་རི་ཝ་ར་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཞེས་མདུན་བསྐྱེད་ལ་བསྟིམ༔ སྐབས་འདིར་གཏོར་མ་ལ་དགྲ་བོ་

[Full Size]

བཀུགས་གཞུག་བྱས་ལ༔ ངོ་བོ་དགྲ་བོའི་ཤ་ཁྲག་ལ་རྣམ་པ་བདུད་རྩིར་བྱིན་གྱིས་བརླབས་ནས༔ གཟའི་ལས་བྱང་དང་བསྐང་གསོལ་སོགས་རྒྱས་པར་བྱས་ལ༔ མདུན་བསྐྱེད་འཇིག་རྟེན་པའི་གཟའ་དང་བུམ་བསྐྱེད་ཡེ་ཤེས་པས་གཟའ་གཉིས་ཀ་ལ་དུས་གཅིག་ལ་གཏོར་མ་བསྔོ་སྟེ༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ རཱ་ཧུ་ལ་ས་པཱ་རི་ཝ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བསྔོ་ཞིང་འབུལ་བའི་གནས་ནི༔ ཡབ་སྲིན་པོ་ཡཀཱ་གློག་གི་ཕྲེང་བ་ཅན༔ ཡུམ་ཀླུ་མོ་སྦལ་མགོ་ཁྲག་མིག་མ༔ སྲས་ཁྱབ་འཇུག་ཆེན་པོ་རཱ་ཧུ་ལ༔ སྲིན་མོ་གདོང་མོ་མཆེད་བཞི༔ ནང་བློན་གཟའ་ཆེན་པོ་བརྒྱད༔ ཕྱི་བློན་རྒྱུ་སྐར་ཉི་ཤུ་རྩ་བརྒྱད༔ བསྡོང་ཟླ་ལྷ་སྲིན་སྡེ་བརྒྱད༔ ཡང་འཁོར་གཟའ་དམག་བྱེ་བ་འབུམ་སྡེའི་ཚོགས་དང་བཅས་པ་རྣམས་ལ་འབུལ་ལོ༔ མཆོད་དོ༔ གསོལ་ལོ༔ མཆོད་པ་དམ་པ་འདི་བཞེས་ལ༔ རང་དུག་རང་གིས་ཕྱུངས་ཤིག༔ རང་ནད་རང་གིས་ཁྱེར་ཅིག༔ གདུག་པའི་སྤུ་མདའ་ཐོན་ཅིག༔ བསམ་སྦྱོར་ངན་པ་ཤིག་ཅིག༔ ལག་རྒྱ་ངན་པ་ཁྲོལ་ཅིག༔ ཅེས་བརྗོད་པས་འཇིག་རྟེན་པའི་གཟའ་བདུད་འཁོར་དང་བཅས་པ་དང་༔ རང་ཉིད་ཡེ་ཤེས་པའི་གཟའ་མཆོག་ཆེན་པོར་གསལ་བ་དེ་རྗེ་

[Full Size]

དཔོན་གྱི་ཚུལ་དུ་དད་ཅིང་གུས་པས་བཀའ་ཉན་གསུང་སྡོད༔ ཇི་ལྟར་བསྒོས་པའི་ཕྲིན་ལས་དེ་དག་སྐད་ཅིག་ཉིད་དུ་བསྒྲུབ་པར་བསྒོམ་ཞིང་༔ ཨོཾ་གཏུམ་བྷ་ལི་གཏུམ་བྷ་ལི༔ བྷི་གཏུམ་བྷ་ལི༔ བྷི་གཏུམ་བྷ་ལི༔ སུ་སུ་མེ་མེ་ཤིག་ཤིག་སྭཱ་ཧཱཿ ཞེས་བརྒྱའམ་ཉེར་གཅིག་ཙམ་བཟླས་སོ༔ དེ་ནས་དུང་ཆོས་ཀྱི་ཆུ་བུམ་པར་བླུགས་ལ༔ ཡེ་ཤེས་ཀྱི་གཟའ་མཆོག་ཆེན་པོ་འཁོར་དང་བཅས་པ་འོད་དུ་ཞུ་བས་བུམ་ཆུ་དང་དབྱེར་མེད་པར་གྱུར༔ སྔགས་ཆུ་བུམ་པར་བླུག་ཅུང་ཟད་རང་གི་དངོས་གྲུབ་བླངས་བས་རང་སྲུང་ངོ་༔ དེ་ནས་མདུན་དུ་ནད་པ་ཁྲུས་བྱས་གསེར་ཞོ་རེའི་མཎྜལ་ཕུལ་ལ་འཁོད༔ འོ་ན་ད་ལམ་ཁྱེད་ལ་ཨོ་རྒྱན་རིན་པོ་ཆེའི་ཕོ་ཉའི་ལས་མཁན༔ ཆོས་སྐྱོང་བའི་སྲུང་མ༔ ཡེ་ཤེས་ཀྱི་གཟའ་མཆོག་ཆེན་པོའི་སྒོ་ནས་གཟའི་དུག་བཀྲུ་བ་དང་༔ གཏོར་མ་ལ་བསྟེན་པའི་བཀའ་གཏད་ཀྱི་སྒོ་ནས་རྗེས་སུ་འཛིན་པར་བྱེད་པ་ལ༔ ཐོག་མར་ལོ་རྒྱུས་ནི་གཉིས་ཏེ༔ ཡེ་ཤེས་ཀྱི་གཟའ་མཆོག་ཆེན་པོའི་སྤྲུལ་བརྒྱུད་བཤད་པ་དང་༔ འཇིག་རྟེན་པའི་གཟའ་བདུད་ནག་པོའི་སྐྱེ་རྒྱུད་བཤད་པ་དང་གཉིས༔ དང་པོ་ནི་ཡེ་ཤེས་ཀྱི་གཟའ་མཆོག་ཆེན་པོ་འདི་ནི༔ འཇིག་རྟེན་གྱི་ཁམས་ཀྱི་གཟའ་དང་རྒྱུ་སྐར་འདུལ་བ་དང་༔ སངས་རྒྱས་ཀྱི་བསྟན་པ་

[Full Size]

བསྲུང་བའི་ཕྱིར༔ སངས་རྒྱས་རྣམ་པར་སྣང་མཛད་ཆེན་པོའི་ཐུགས་ལས་སྤྲུལ་པ་ཡིན་ཏེ༔ ཨོ་རྒྱན་རིན་པོ་ཆེའི་གསུང་ལས། འདི་ནི་རྣམ་སྣང་སྤྲུལ་པ་སྟེ༔ ཅི་ཕྱིར་མེ་ལྕེའི་རྒྱུད་དག་ལས༔ སྡུག་པ་ཙི་ཏའི་ཐིག་ལེ་ཉིད༔ སྣང་མཛད་འཕྲོས་པའི་ཟེར་གྱིས་བརླག༔ ཅེས་གསུངས་སོ༔ ཆོས་སྐྱོང་འདིས་སངས་རྒྱས་ལོངས་སྐུའི་བསྟན་བཞེངས་པའི་ཡོན་བདག་མཛད་པར་བཤད་ཅིང་༔ དྲང་སྲོང་ཆེན་པོ་འདི་ཉིད་ཁྲོ་བོ་རྟ་མགྲིན་གྱི་སྤྲུལ་པ་ཡིན་པར་ཡང་བཤད་དེ༔ རྟ་མགྲིན་ཡང་གསང་ཁྲོས་པའི་རྒྱུད་ལས༔ དྷཱི་པདྨའི་རྒྱལ་པོ་རྟ་མཆོག་དཔལ༔ ཁྲོ་རྒྱལ་ཁྲག་འཐུང་ཧེ་རུ་ཀ༔ ཐུགས་ཀྱི་སྤྲུལ་པ་མི་བཟད་པ༔ སྐྱིང་ཐང་ཆུ་འཁྱག་མངའ་བདག་ཁྱོད༔ ཁྱབ་འཇུག་རཱ་ཧུ་ལ་ཞེས་གསུངས༔ འདི་ད༈ ཉིད་གསང་བདག་ཕྱག་ན་རྡོ་རྗེའི་སྤྲུལ་པ་ཡང་ཡིན་ཏེ༔ ཨོ་རྒྱན་ཆེན་པོའི་ཁྱབ་འཇུག་ཉིད་ལ་བསྟོད་པ་ལས༔ རྡོ་རྗེ་འཛིན་གྱི་སྤྲུལ་པ་ཉིད༔ ཅེས་གསུངས་སོ༔ འདི་ནི་ལོ་ཟླ་དང་ཞག་དུས་ཚེས་གྲངས་ཕྱི་ནང་སྣོད་བཅུད་ཐམས་ཅད་ལ་ཁྱབ་པར་འཇུག་ཅིང་དབང་བསྒྱུར་བ་སྟེ། དཔལ་དུས་ཀྱི་འཁོར་ལོ་ལས༔ ཕྱིའི་སྒྲ་གཅན་ནམ་མཁའ་ལ་འཁོར་ཏེ་མགོ་

[Full Size]

བོ་ཆུ་དང་མཇུག་མ་མེའི་རང་བཞིན་ཏེ་རྒྱུ་སྐར་ཉི་ཤུ་རྩ་བརྒྱད་ལ་རིམ་པར་འཇུག་ཅིང་ཟླ་བ་དྲུག་མཚམས་ན་ཉི་ཟླ་འཛིན་པར་བྱེད་ཅིང་༔ ནང་གི་སྒྲ་གཅན་ནི་རྩ་ཨ་ཝ་དྷུ་ཏི་སྟེ་ཡར་སྣེ་ཧཾ་ཡིག་ཆུ་དང་མར་སྣེ་ཨཐུང་མེའི་རང་བཞིན་དེའི་བར་དུ་སྲོག་ཆེན་པོའི་རླུང་གིས་གང་བར་བཤད་པ་དང་༔ གཞན་དུ་ན་ཟླ་ཉི་སྒྲ་གཅན་གཟའ་སྐར་ཚེས་གྲངས་སོགས་རྣམ་པར་དག་པ་དཔལ་ལྡན་དུས་ཀྱི་འཁོར་ལོའི་དཀྱིལ་འཁོར་རྟེན་བརྟེན་པ་དང་བཅས་པ་ཡིན་པར་བཤད་དོ༔ དེས་ན་ཡེ་ཤེས་ཀྱི་གཟའ་མཆོག་འདིའི་དབང་ཐོབ་ན་འཇིག་རྟེན་པའི་གཟའ་རྒྱུ་སྐར་རྣམས་ཀྱིས་གནོད་མི་ནུས་ཏེ་དཔེར་ན་རྒྱལ་པོ་ཆེན་པོའི་བཀའ་ལུང་དང་ཕྱག་རྟགས་བཟང་པོ་ཐོབ་ན་དེའི་འཁོར་དང་བློན་པོ་སུས་ཀྱང་གནོད་པ་མི་བྱེད་པ་དང་འདྲའོ༔ དེས་གཟའ་ཡེ་ཤེས་པའི་ལོ་རྒྱུས་སོང་ནས༔ འཇིག་རྟེན་པའི་གཟའ་བདུད་ཆེན་པོའི་འབྱུང་ཁུངས་སྐྱེ་རྒྱུད་ནི༔ སྔོན་ཡུལ་ཕྱ་ཡུལ་དང་སྟོད་ཅེས་བྱ་བ་ན༔ ཡབ་ཛའི་དྲང་སྲོང་དང་ཡུམ་དཔལ་མོ་འོད་ལྡན་མ་གཉིས་ལ༔ སྲས་གཅིག་འཁྲུངས་ཏེ་ཡབ་ཡུམ་གཉིས་ཀྱི་རྨི་ལམ་དུ་ཡང་གསེར་གྱི་ཉི་མ་ཤར་བ་དང་ལུས་ལས་སྐར་མདའ་ཆེན་པོ་བརྒྱད་

[Full Size]

ཕྱོགས་བཞི་མཚམས་བརྒྱད་དུ་འཕྲོ་བ་སོགས་ལྟས་བཟང་པོ་ཡང་བྱུང་༔ བུ་དེ་ལོ་བདུན་ནས་རབ་ཏུ་བྱུང་སྟེ་རིག་པའི་གནས་ལྔ་ལ་སྦྱངས་ནས་དགེ་སློང་མཛད་དོ༔ བྲག་ཡང་ཕུག་ཚལ་གྱི་དབེན་གནས་ཤིང་པ་ལ་ཤའི་བསིལ་གྲིབ་ན་དགེ་སྦྱོར་མཛད་ཅིང་བཞུགས་སོ༔ དེའི་དུས་སུ་རྒྱ་གར་བྱང་ཕྱོགས་མཛེས་ལྡན་བྲམ་ཟེའི་གྲོང་ཁྱེར་ཆེན་པོ་ན༔ རྒྱལ་པོ་རཏྣ་སིང་ཧ་ལ་བླ་མཆོད་མེད་ནས༔ གང་དུ་བཙལ་ཡང་མ་རྙེད་ནས་རྒྱལ་པོ་མྱ་ངན་ཆེན་པོས་ནོན་ཏེ༔ རྒྱལ་པོས་བྲང་བརྡུང་ཞིང་དུས་གསུམ་གྱི་སངས་རྒྱས་ཐམས་ཅད་ལ་ཐུགས་རྗེ་མེད་དམ༔ བདག་བསོད་ནམས་ཆུང་བས་བླ་མཆོད་བཀུར་བར་འོས་པ་གཅིག་ཀྱང་མ་རྙེད༔ ད་ཕྱིན་ཆད་བླ་མཆོད་བཟང་པོ་གཅིག་སྐྱེས་པ་རྣམས་ཀྱིས་རྙེད་ན་བློན་པོར་བསྐོ་བུད་མེད་རྣམས་ཀྱིས་རྙེད་ན་བཙུན་མོར་བསྐོ་གསུངས་སོ༔ དེར་རྒྱལ་པོའི་གཡོག་མོ་ཕྲད་ཉ་ཀུ་མ་བྱ་བ་དེ་ཆུ་ལེན་དུ་སོང་བས་མི་གཅིག་གི་རྐང་རྗེས་ལ་མེ་ཏོག་པདྨ་རེ་རེ་སྐྱེས་ནས་འདུག༔ དེའི་རྗེས་བཙལ་བས་ཤིང་པ་ལ་ཤའི་བསིལ་གྲིབ་ན་དགེ་སློང་གཞོན་ནུ་ལྟ་བས་ཆོག་མི་ཤེས་པ་མཚན་དང་དཔེ་བྱད་ཀྱིས་བརྒྱན་པ་མཐོང་ནས༔ རྒྱལ་པོའི་བླ་

[Full Size]

མཆོད་ལ་འབྱོན་པར་ཞུས་པས་མ་གནང་ནས༔ ང་འདི་ན་འདུག་པ་གཞན་ལ་མ་བཤད་ཅིག་བཤད་ན་བར་ཆད་དུ་འགྱུར་རོ་གསུངས་སོ༔ གཡོག་མོས་རྒྱལ་པོ་ལ་ཞུས་པས་རྒྱལ་པོ་འཁོར་དང་བཅས་པ་དགེ་སློང་མཇལ་དུ་སོང་ཕྱག་འཚལ་བསྐོར་བ་བྱས་ནས་དབང་མེད་དུ་རྒྱལ་པོའི་ཕོ་བྲང་དུ་གདན་དྲངས་རོལ་མོ་སྣ་ཚོགས་ཀྱིས་བསུ་བ་བྱས་པས༔ ནམ་མཁའ་ལ་འཇའི་གུར་ཕུབ། ས་རྣམ་པ་དྲུག་ཏུ་གཡོས་སོ༔ རྒྱལ་པོ་དངུལ་གྱི་ཁྲི་ལ་བཞུགས༔ དགེ་སློང་གསེར་གྱི་ཁྲི་ལ་བཞུགས༔ རྒྱལ་པོའི་སྐུ་རིམ་སྣ་ཚོགས་མཛད་ཅིང་བཞུགས༔ གཡོག་མོ་དེ་ཡང་རྒྱལ་པོའི་བཙུན་མོ་དམ་པར་བསྐོས་སོ༔ དེར་གཡོག་མོ་བཙུན་མོར་གྱུར་པ་ལ་མི་ཐམས་ཅད་ཀྱིས་ཕྲག་དོག་བྱས་ནས༔ བཙུན་མོ་འདི་དང་བླ་མཆོད་འཆམས་སོ་ཞེས་རྒྱལ་པོ་ལ་ཞུས་སོ༔ རྒྱལ་པོ་ཐུགས་ཁྲོས་ནས་དགེ་སློང་འདི་ཙནྡན་གྱི་མེ་ལ་གསོན་སྲེག་གྱིས་ཟེར་ནས་མེ་ཆེན་པོ་སྦྱར་བའི་ཚེ༔ དགེ་སློང་གི་བསམ་པ་ལ་ང་དང་པོ་ནགས་གསེབ་ནས་དབང་མེད་དུ་ཁྲིད༔ ད་ཁྲིམས་འདི་འདྲ་གཅོད་སྙམ་ནས་ཞེ་སྡང་ཆེན་པོ་སྐྱེས་ཏེ༔ ལྷ་མ་སྲིན་སྡེ་བརྒྱད་ལ་དམོད་བཙུགས་ནས༔ བཙུན་མོ་སྐྱོན་

[Full Size]

གྱིས་གོས་ཤིང་ཚུལ་ཁྲིམས་འཆལ་བའི་གྲིབ་ཀྱིས་སྐྱེ་བ་ཕྱི་མ་ལ་ཚངས་པའི་འཇིག་རྟེན་མན་ཆད་ནས་འཇག་མའི་སྲིན་བུ་ཡན་ཆད་ཀྱི་སྲོག་དབུགས་གཉིས་ལ་འཇུག་པའི་གནོད་སྦྱིན་ཆེན་པོ་གཅིག་ཏུ་སྐྱེས་ཏེ། རྒྱལ་པོའི་བཙུན་མོ་བཞི་པོ་ཡང་དེའི་བཀའ་ཉན་བྱེད་པར་སྨོན་ལམ་བཏབ་པ༔ སྤུ་གྲི་རེག་གཅོད་ཀྱིས་སྐེ་ལ་བརྒྱབས་ནས་མེ་ནང་དུ་མཆོང་ངོ་༔ དེར་མེ་ལྕེས་ཚིག་ནས་དང་པོ་མེ་རིས་དང་མཆུ་གུར་བྱུང་༔ དེ་ནས་ཁ་མིག་གི་པགས་པ་འཁུམ་ཞིང་ཡོ༔ དེ་ནས་ལུས་ཀྱི་ཤ་ཐམས་ཅད་ཚིག་ནས་འཁུམས་སོ༔ དེའི་རྣམ་སྨིན་གྱིས་ད་ལྟ་གཟའ་ནད་ཀྱིས་ཐེབ་པ་ལ༔ མེ་རིས་དང་མཆུ་གུར་ཁ་ཡོ་མིག་བཟུར་ཤ་འགུལ་འོང་ཞིང་ཚད་པའི་ནད་དང་བསྡོང་བ་ཡིན་ནོ༔ དེ་ནས་དྲང་སྲོང་དགེ་སློང་དེ་ཚེ་འཕོས་ནས༔ ཡབ་སྲིན་པོ་ཡཀཱ་གློག་ཕྲེང་དང་ཡུམ་ཀླུ་མོ་སྦལ་མགོ་ཁྲག་མིག་མ་གཉིས་ཀྱི་སྲས་སུ་གཟའ་བདུད་ཆེན་པོ་འདི་འཁྲུངས་ཏེ༔ སྐྱེས་མ་ཐག་ནས་སེམས་ལ་ཞེ་སྡང་དང་གདུག་རྩུབ་མེ་ལྟར་འབར་ནས༔ སྐྱེ་འགྲོ་ཐམས་ཅད་ཀྱི་སྲོག་དབུགས་སྡུད་ཅིང་སུ་དང་འཕྲད་པ་ཇུར་མིད་བྱས་སོ༔ དེའི་དུས་སུ་སུམ་ཅུ་རྩ་གསུམ་ལྷའི་ཡུལ་ནས༔ འཆི་མེད་ལྷའི་བདུད་རྩི་

[Full Size]

བུམ་པ་གང་ཡོད་པ་དེ་སུས་ཟོས་ཀྱང་འཆི་བ་མེད་པར་ཐོབ་པས༔ དེ་ལྷ་ཐམས་ཅད་ཀྱིས་བགོས་ནས་གསོལ༔ དེའི་བར་ལ་གཞན་ལ་ཤོར་དོགས་ཀྱིས་སྲུང་མཁན་བྱ་ར་བར་ལྷའི་བུ་ཉི་མ་དང་ཟླ་བ་གཉིས་བསྐོས་སོ༔ དེའི་སྐབས་སུ་གཟའ་བདུད་དེར་འོང་ནས་བདུད་རྩི་བརྐུས་ནས་འཐུང་སྟེ་སོང་བ་ལ༔ གཟས་བདུད་རྩི་བརྐུས་སོ་ཞེས་ཉི་ཟླ་གཉིས་ཀྱིས་ལྷ་ལ་བོས་པས༔ གཟའ་བདུད་ཞེ་སྡང་མེ་ལྟར་འབར་ནས༔ ཉི་ཟླ་གཉིས་ཁར་བཅུག་གླིང་བཞི་མུན་པ་བྱས་ནས་བྲོས་སོ༔ དེར་རིགས་གསུམ་གྱི་མགོན་པོས་དེད་པས་ཁོ་སྐྱག་ནས་འདར་ཞིང་དྲི་ཆེན་དང་དྲི་ཆུ་ཤོར་བས༔ དེའི་རྣམ་སྨིན་གྱིས་ད་ལྟ་གཟའ་ནད་ཀྱིས་ཐེབ་ན་འདར་ཞིང་དྲི་ཆེན་དྲི་ཆུ་དབང་མེད་དུ་འཆོར་བ་ཡིན༔ འཕགས་པ་འཇམ་དཔལ་ཐུགས་ཁྲོས་ནས་ཁྲོ་བོ་ཡ་མན་ཏ་ཀས་ལྕགས་ཀྱི་འཁོར་ལོ་རྩིབས་བརྒྱད་པ་འཕངས་བས་ཁོའི་ལྕེ་བཅད་དོ༔ ད་ལྟ་གཟའ་ནད་ཀྱིས་ལྐུགས་ནས་སྨྲ་མི་ཤེས་པ་དེའི་རྣམ་སྨིན་ཡིན་ནོ༔ ཕྱག་ན་རྡོ་རྗེས་རྡོ་རྗེ་འཕངས་བས་ཨོག་མ་བརྡོལ་ཏེ་ཉི་ཟླ་གཉིས་ཀྱང་ཐར༔ ད་ལྟ་ཀྱང་ཉི་ཟླ་བཟུང་ཡང་ཐར་བ་དེ་ཡིན་ནོ༔ ཨོག་མ་ནས་ཟོས་ཚད་ཤུད་པས་ཁོ་

[Full Size]

ལྟོགས་ཏེ་བརྒྱག་རྒྱུ་མ་བྱུང་༔ དེའི་རྣམ་སྨིན་གྱིས་གཟའ་ནད་ཀྱིས་ཐེབས་ནས་ཟས་ཀྱིས་འགྲང་དཀའ་བ་ཡིན་ནོ༔ དེ་ནས་ཕྱག་ན་རྡོ་རྗེས་ཁོ་སླེབ་སྟེ༔ མགོ་ལ་རྡོ་རྗེ་བརྒྱབས་པས་མགོ་དུམ་བུ་དགུར་སོང་བས་མགོ་དགུ་བྱུང་༔ ད་ལྟ་གཟའ་ནད་ཀྱིས་མགོ་ཡུ་འཁོར་བ་དེ་ཡི་རྣམ་སྨིན་ཡིན༔ ཕྱག་ན་རྡོ་རྗེས་ཁོའི་ལུས་ལ་རྡོ་རྗེ་བརྒྱབས་ནས་ལུས་ཚལ་པ་བརྒྱད་དུ་བཀས་པས༔ སྤྲུལ་པའི་གཟའ་ཆེན་པོ་བརྒྱད་དུ་བྱུང་༔ དེ་ནས་ཕྱག་ན་རྡོ་རྗེས་ཁོ་ལྕགས་ཀྱི་དྲྭ་བའི་ནང་དུ་བཅུག་གོ༔ དེའི་རྣམ་སྨིན་གྱིས་ད་ལྟ་གཟའ་ནད་ཀྱིས་ལུས་སྦྲིད་ཅིང་རྐང་ལག་ཞ་བ་ཡིན་ནོ༔ དེ་ནས་ཁོ་ཁྲོ་ཆུའི་ཕ་ཝང་ལ་བཏགས་ནས་རྒྱ་མཚོ་ཆེན་པོའི་གཏིང་དུ་འཕངས་ནས༔ དེའི་རྣམ་སྨིན་གྱིས་གྲང་བའི་ནད་དང་བསྡོང་བ་ཡིན་ནོ༔ ཁོའི་སྦྲུལ་མཇུག་གིས་རྒྱ་མཚོ་ཆེན་པོ་དཀྲུགས་པས་ཀླུ་ཐམས་ཅད་གནས་མ་བདེ་ནས་ཆོ་ངེ་བཏབ་བོ༔ དེ་ནས་ཕྱག་ན་རྡོ་རྗེས་རྒྱ་མཚོའི་སྟེང་ནས་ཡར་དྲངས་ནས༔ སངས་རྒྱས་ཀྱི་བསྟན་སྲུང་དུ་བསྐོས་སོ༔ དེར་ཁོས་སྲོག་གི་སྙིང་པོ་ཕུལ་བསྟན་པ་སྲུང་བར་ཁས་བླངས༔ སྔགས་པས་མཆོད་ན་མགོན་པ་དང་གཅིག༔ བཀའ་ཉན་དམ་ལ་གནས་པ་དང་

[Full Size]

གཉིས༔ ཁྲོད་ན་གར་ཡང་འགྲོ་བ་དང་གསུམ་གྱི་དམ་བཅའ་ཕུལ་ལོ༔ དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ་དང་༔ འདས་པའི་སངས་རྒྱས་རིན་ཆེན་སྙིང་པོ་དང་༔ སངས་རྒྱས་རིན་ཆེན་གཞོན་ནུ་དང་༔ མངོན་རྫོགས་རྒྱལ་པོ་ཆེ་མཆོག་ཧེ་རུ་ཀ་དང་༔ གཤིན་རྗེ་ཡ་མཱནྟ་ཀ་དང་༔ དཔལ་རྟ་མགྲིན་རྣམས་ཀྱིས་ཀྱང་དམ་ལ་བཏགས༔ སངས་རྒྱས་ཀྱི་བསྟན་པ་སྲུང་བ་དང་༔ དམ་ལྡན་གྱི་རྣལ་འབྱོར་བུ་བཞིན་སྐྱོང་ཞིང་བསྒོ་བའི་བཀའ་ཉན་བཅོལ་བའི་ལས་མྱུར་མགྱོགས་སུ་བསྒྲུབ་པ་དང་༔ བསྟན་པའི་སྤྱི་དགྲ་དང་རྣལ་འབྱོར་པའི་སྒོས་དགྲ་རྡུལ་དུ་བརླག་པར་ཁས་བླངས་དམ་བཅས་སོ༔ དེའི་ཚེ་རཱ་ཧུ་ལའི་སྐྱེས་རྒྱུད་འཇིག་རྟེན་སྐྲག་བྱེད་ཏྲེ་ལོག་སྐད་འབྱིན་གྱི་རྒྱུད་ལ་སོགས་པ་གཟའི་རྒྱུད་མང་པོ་ཡང་གསུངས༔ དེ་ཡང་ཆོས་སྐྱོང་ཆེན་པོ་འདིའི་མིང་ནི༔ རྒྱལ་པོའི་གཡོག་མོས་མཇལ་དུས་ཧ་ལེ་ཀ༔ མི་རྣམས་ཀྱིས་དྲང་སྲོང་ཆེན་པོ་བཏགས༔ ལྷ་རྣམས་ཀྱིས་གཟའ་བདུད་ཆེན་པོ༔ ཀླུ་རྣམས་ཀྱིས་དུ་བ་མཇུག་རིང་ཕྱག་ན་རྡོ་རྗེས་ལྗང་སྔོན་ཆེན་པོ༔ འདོད་ཁམས་ཀྱི་ལྷས་རཱ་ཧུ་ལ༔ རིགས་གསུམ་མགོན་པོས་ཁྱབ་འཇུག་ཆེན་

[Full Size]

པོ༔ ལྷ་འདྲེ་ཐམས་ཅད་ཀྱིས་ཙ་ར་ཀ་ཞེས་མིང་དུ་བཏགས་ཏེ༔ རྒྱ་གར་བས་བྷེ་ཏྲི་བྷ་ཏྲཱ༔ རྒྱ་ནག་གིས་ཧལ་ཁྱི་རོ་ཟན༔ ལ་སོགས་ཡུལ་གྲུ་སོ་སོ་ན་ཡང་མིང་དུ་མ་བཏགས་སོ༔ འདིའི་ཁ་རླངས་ཀྱི་ཟེར་ཕོག་པས་ནད་འབྱུང་སྟེ༔ མ་མོ་དང་བསྡོང་བའི་ཕྱིར་ནད་རིགས་ཀུན་གྱི་སྣ་འདྲེན་ཞིང་རིམས་ནད་རླུང་ལྟར་འཕྱོ་བ་དང་༔ གཉན་དང་བཙན་བདུད་བསྡོངས་བས་ནད་དོན་མེད་པར་འབྱུང་ངོ་༔ གཞི་བདག་ཐམས་ཅད་དང་བསྡོངས་བས་འཁོན་ཐབས་དང་ཤན་དམར་གྱི་སྣ་འདྲེན་འོང་༔ ཀླུ་གཉན་དང་བསྡོངས་བས་ཤ་འགུལ་ཤ་བཀྲ་འོང་༔ རླུང་དང་བསྡོངས་བས་རླུང་རྩ་སྡོད་ཅན་འོང་༔ དམ་སྲི་འདྲེ་མོ་དང་བསྡོངས་བས་ཤ་མདོག་དང་ངོ་མདོངས་འགྱུར་ལྡོག་མང་༔ གདོན་འཁྱམ་དང་བསྡོངས་བས་གཟེར་ལ་བསྲན་རྒྱུ་མེད༔ རྒྱལ་པོ་བསྡང་ཕྱིར་འདྲེ་སྣ་རྒོད༔ ཀླུ་བསྡང་ཕྱིར་ཆུ་ཆེན་རྒྱབ་ན་ཐུབ༔ ལྷ་འདྲེ་ཐམས་ཅད་ཀྱིས་བསྡང་ཡ་བྱེད་པས་ནད་གཞི་ཆེ༔ སོས་དཀའ་ལོག་གྱུ་མང་བར་བཤད་དོ༔ དེ་ལྟར་གནོད་པ་ཆེ་ཞིང་སྟོབས་དང་རྫུ་འཕྲུལ་ཡང་ཆེ་སྟེ༔ གཟའི་སྐྱེ་རྒྱུད་ལས༔ སྡོང་ཟླ་ལྷ་སྲིན་ཡོངས་ཀྱིས་བྱེད༔ ལས་མཁན་ཞང་པོ་ཀླུ་ཡིས་

[Full Size]

བྱེད༔ དུས་ཚོད་བརྒྱད་དུ་འཛམ་གླིང་ཉུལ༔ ཉི་མའི་རྗེས་གཅོད་ཤར་དུ་རྒྱུག༔ ཟླ་བའི་རྗེས་གཅོད་ནུབ་ཏུ་རྒྱུག༔ རླུང་ནག་འཚུབ་མ་རྟ་རུ་ཞོན༔ ཐོག་དང་སེར་བའི་སྣ་ཡང་འདྲེན༔ སྲོག་ཆགས་ཀུན་ལ་གནོད་པ་བྱེད༔ ཅེས་གསུངས་སོ༔ དེ་ནས་ཨོ་རྒྱན་རིན་པོ་ཆེ་པདྨ་འབྱུང་གནས་ཀྱིས་དྷ་ན་ཀོ་ཤའི་མཚོ་གླིང་དུ་བར་སྣང་གི་གཟའ་བྲན་ཐམས་ཅད་དམ་ལ་བཏགས༔ ཟ་ཧོར་གྱི་ཡུལ་དུ་མཐའི་དམག་ཚོགས་ཆེན་པོ་བྱུང་བའི་ཚེ་ན་ཨོ་རྒྱན་ཆེན་པོས་ལྷ་མ་ཡིན་གྱི་རྒྱལ་པོའི་མདའ་གཞུ་བླངས་ཏེ་གཟའ་རཱ་ཧུ་ལའི་ལག་ཏུ་བཞག་ནས་དངོས་སུ་བཏགས་པས་དམག་དཔུང་ཐམས་ཅད་བྲོས་ཏེ་སོང་ངོ་༔ གཞན་ཡང་ཨོ་རྒྱན་རིན་པོ་ཆེས་བསིལ་བ་ཚལ་དུ་གཟའ་གདོན་ཐམས་ཅད་བཏུལ་ལྷ་རྒོད་གོང་དུ་གཟའ་ཆེན་པོ་བརྒྱད་དམ་ལ་བཏགས༔ དེ་ནས་ཨོ་རྒྱན་ཆེན་པོ་ཆུ་བོ་ལི་ཧི་ཏའི་འགྲམ་དུ་བཞུགས་པས༔ གཟའ་བདུད་ཆེན་པོ་དེ་ཉིད་དྲང་སྲོང་སྨུག་ནག་འོད་འཕྲོ་བ་སྔགས་པའི་ཆ་ལུགས་རྟ་མོག་རོ་ཞོན་པ་གཅིག་སྤྲུལ་ནས་བྱུང་བས༔ ཁོའི་ཁ་རླངས་ཀྱིས་སློབ་དཔོན་ལ་ཡང་མེ་ལོང་ལ་ཧས་བཏབ་པ་ཙམ་བྱུང་༔ དེར་དམ་ལ་བཏགས་དབང་རྟགས་ཀྱི་རྡོ་རྗེ་སྤྱི་

[Full Size]

བོར་བཞག༔ ལྕེ་ལ་དམ་ཚིག་གི་བདུད་རྩི་བྱིན༔ བསྟན་པ་སྲུང་བར་ཁས་བླངས་དམ་བཅས༔ སློབ་དཔོན་གྱིསས་་སྲུང་བ་དང་བཅོས་ཐབས་དཔག་ཏུ་མེད་པ་མ་འོངས་སེམས་ཅན་ལ་ཕན་པའི་དོན་དུ་མཛད༔ བསྟན་པ་བསྲུང་བའི་ཕྱིར་དུ་དྲག་སྔགས་བརྒྱ་དང་རྩ་བརྒྱད་མཛད༔ ཨོ་རྒྱན་རིན་པོ་ཆེའི་ཞལ་ནས༔ ཨེ་མ་བདག་འདྲ་པདྨ་འབྱུང་གནས་ཀྱིས༔ དུས་ངན་བསྐལ་པ་སྙིགས་མའི་དུས་ཀྱི་ཚེ༔ ཆོས་ལ་དགྲ་དར་བསྟན་པ་དམའ་བའི་དུས༔ ཞིང་བཅུ་གདུག་པའི་རུ་ཏྲ་བསྒྲལ་བའི་ཕྱིར༔ གཟའ་བདུད་ནག་པོ་དུག་གི་སྤུ་གྲི་འདི༔ པདྨ་འབྱུང་གནས་བདག་གིས་གཏེར་དུ་སྦས༔ ཞེས་དང་༔ ད་ལྟ་འདི་ཉིད་སྤེལ་བའི་དུས་མིན་ཏེ༔ མ་འོངས་དུས་ན་སྐྱེ་བོས་ངན་སྔགས་ངོམ༔ ཆོས་མཛད་རྣམས་ནི་ཁས་ཉེས་དམའ་སར་འབེབ༔ སངས་རྒྱས་བསྟན་ལ་རུ་ཏྲ་དངོས་སུ་འབྱུང་༔ མི་ངན་དྲེགས་ཆེན་མཐུ་ཉིད་ནན་གྱི་རྟགས༔ དེ་དུས་ང་ཡི་བསྟན་པ་འཛིན་པ་ཡི༔ དམ་ལྡན་རྣམས་ཀྱིས་མཚོན་ཆ་འདི་ལ་མཛོད༔ སྤུ་གྲིའི་སོ་དང་གནམ་ལྕགས་མེ་འདྲ་འདི༔ བསླེབས་པས་ཆོག་གི་བྱམས་སེམས་སྙིང་རྗེ་བོར༔ དམ་ཉམས་དགྲ་བོ་ཁ་ཕུང་བརྡལ་

[Full Size]

ནས་འགྲོ༔ ཨོ་རྒྱན་བདག་ཉིད་ཞེ་ནག་མ་ལགས་ཏེ༔ བསྟན་པའི་དགྲ་ལ་སྙིང་ཚིམ་ཞེ་རེ་ཚིམ་ཞེས་དང་༔ ལྔ་བརྒྱ་དུས་མཐར་ཐུག་པའི་ཚེ༔ རྣལ་འབྱོར་གདུལ་བྱ་སྐྱོང་བ་ལ༔ བདུད་མི་རྣམས་ཀྱིས་བར་ཆད་རྩོམ༔ དབེན་པའི་གནས་སུ་མིས་མི་སྟེར༔ ནོར་ལ་བལྟས་ནས་སྲོག་ཀྱང་གཅོད༔ ཆོས་བྱེད་མཐུ་ཡིས་བྱེད་པ་འབྱུང་༔ མཐུ་ཁྱེད་མྱུར་བས་འབྱེད་པ་འབྱུང་༔ དེ་དུས་དགོངས་ནས་གཏེར་དུ་སྦས༔ པད་འབྱུང་སྙིང་རྗེ་ཆུང་བ་མིན་ཞེས་གསུངས་ནས༔ གཟའི་སྒྲུབ་སྐོར་དཔག་ཏུ་མེད་པ་གཏེར་དུ་སྦས༔ ཕྱིས་པདྨ་ལས་འབྲེལ་རྩལ་དང་༔ རྡོ་རྗེ་གླིང་པ་རཏྣ་གླིང་པ་སོགས་ཀྱིས་རིམ་པར་གཏེར་ནས་བཏོན༔ དེ་རྣམས་ཀྱི་ནང་ནས་ཐོག་དང་སེར་བ་འབེབས་ཐབས༔ ལྟས་ངན་ཆོ་འཕྲུལ་བཏང་ཐབས༔ དགྲ་སྲོག་མངོན་དུ་ལེན་ཐབས་སོགས་གནོད་བྱ་དང་༔ འཁོར་ལོ་ཟ་ཡིག་མདོས་སྔགས་དང་སྨན་ལ་སོགས་ཕན་བྱ་དང་༔ གཟའི་སྲོག་དབང་རྒྱས་པ༔ གཏོར་དབང་བཀའ་གཏད༔ གཟའ་ནད་ཞི་བའི་ཕྱིར་ནད་པར་རྗེས་འཛིན་གྱི་དབང་ལ་སོགས་པ་མཐའ་ཡས་པར་གསུངས་པའི་ནང་ནས༔ གཟའི་དུག་ཁྲུས་དང་༔

[Full Size]

གཟའ་དབང་ནད་པ་རྗེས་འཛིན་དེ་ཞུ་བའི་ཆེད་དུ་མཎྜལ་ཕུལ༔ ས་གཞི་སྤོས་ཆུས་སོགས། ད་སློབ་དཔོན་ངོ་བོ་གསང་བའི་བདག་པོ་ལ་རྣམ་པ་ཡེ་ཤེས་ཀྱི་ཁྱབ་འཇུག་ཆེན་པོར་མོས་ལ་འདིའི་རྗེས་ཟློས་མཛོད༔ རྡོ་རྗེ་འཛིན་པ་དགོངས་སུ་གསོལ༔ སངས་རྒྱས་བསྟན་པ་སྲུང་བ་དང་༔ གཟའ་གདོན་གནོད་པ་ཞི་བའི་ཕྱིར༔ ཡེ་ཤེས་གཟའ་མཆོག་ཆེན་པོ་ཡི༔ སྐུ་གསུང་ཐུགས་ཀྱི་དབང་བསྐུར་སྩོལ༔ ལན་གསུམ། ད་དཀོན་མཆོག་ཀུན་འདུས་ཀྱི་ངོ་བོ་བླ་མ་གསང་བའི་བདག་པོ་ལ་སྐྱབས་སུ་འགྲོ་ཞིང་༔ བྱང་ཆུབ་མཆོག་ཏུ་སེམས་བསྐྱེད་ནས་སངས་རྒྱས་ཀྱི་བསྟན་པ་རིན་པོ་ཆེ་མིག་གི་འབྲས་ལྟར་སྲུང་སྙམ་པས་འདིའི་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི་ཞེས་སོགས། དེ་ལྟར་སེམས་བསྐྱེད་ནས་འཇིག་རྟེན་པའི་གཟའ་བདུད་ཀྱི་དུག་རླངས་བཀྲུ་བའི་དོན་དུ་དམིགས་པ་འདི་བཞིན་མཛོད༔ རིན་པོ་ཆེའི་བུམ་པ་འདིའི་ནང་ནས་ཡེ་ཤེས་ཀྱི་གཟའ་མཆོག་ཆེན་པོ་འཁོར་དང་བཅས་པ་འོད་དུ་ཞུ་བ་ལས་བྱུང་བའི་བདུད་རྩིའི་ཆུ་རྒྱུན་གྱིས་ཁྱེད་རང་ལ་ཁྲུས་བྱས་པས་གཟའ་རྒྱུ་སྐར་གྱི་གནོད་པ༔ གཟའི་ཁ་རླངས་དང་གདུག་རྩུབ་གཟའ་ནད་དུག་

[Full Size]

རླངས་ཐམས་ཅད་སངས་སངས་དག༔ ལུས་ཤེལ་སྒོང་གཡའ་དག་པ་ལྟར་གྱུར་པའི་མོས་པ་མཛོད༔ ཇི་ལྟར་བལྟམས་པ་ཙམ་གྱིས་ནི༔ ལྷ་རྣམས་ཀྱིས་ནི་ཁྲུས་གསོལ་ལྟར༔ ལྷ་ཡི་ཆུ་ནི་དག་པ་ཡིས་དེ་བཞིན་བདག་གིས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ་འདི་ནི་ཁྲུས་མཆོག་དཔལ་དང་ལྡན༔ ཐུགས་རྗེའི་ཆུ་ནི་བླ་ན་མེད༔ བྱིན་རླབས་ཡེ་ཤེས་ཆུ་ཡིན་ཏེ༔ ཅི་འདོད་དངོས་གྲུབ་སྩོལ་བར་མཛོད༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཞེས་སོགས་བརྗོད་ལ། བུམ་པ་སྤྱི་བོར་བཞག་ལ༔ ཨོཾ་ཀེ་ཏེ་ཀེ་ཏེ་ཧཱུྃ་སརྦ་དུག་ནན་དུག་ཕྱུང་སྭཱ་ཧཱཿ ཆབ་ལེན་བཅུག །ད་བུམ་ཆུ་འདི་ནང་དུ་འཐུང་བས་ནང་དོན་སྣོད་ཤ་རུས་ལ་ཞེན་པའི་ནད་དང་གཟའི་དུག་རླངས་ཐམས་ཅད་བ་མོ་ལ་ཉི་ཟེར་ཕོག་པ་ལྟར་དག༔ བུམ་ཆུས་ལུས་ལ་བྱུགས་པས་ཕྱིའི་ཤ་ལྤགས་ཡན་ལག་དང་ཉིང་ལག་གི་ནད་དང་གཟའི་དུག་རླངས་ཐམས་ཅད་སངས་སངས་དག་པའི་མོས་པ་གྱིས་ལ༔ བུམ་ཆུ་འདི་འཐུང་༔ ད་ཡན་ལག་ལྔ་ཁྲུས་མཛོད༔ ནད་པ་ཡང་བཀྲུའོ༔ དེའི་ཚེ་སྔགས་འདི་སློབ་དཔོན་གྱིས་འདོན་ཅིང་བཀྲུ་བཅུག་གོ༔ ཨོཾ་བཛྲ་ཀུན་ན་ར་ལ༔ ཀེ་ཏེ་ཀེ་

[Full Size]

སརྦ་དུག་ནན༔ དུག་ཕྱུངས་སྭཱ་ཧཱཿ དེ་ནས་མེ་ལོང་གི་ངོས་ལ་ནད་པའི་གཟུགས་འཆར་བ་ལ་ཁྲུས་བྱ་ཞིང་༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་ཉི་མའི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཞེས་མེ་ལོང་ངོས་ལ་ཆུ་བླུགས་ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་ཟླ་བའི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔་གཟའ་དམག་དཔོན་གྱི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་ལྷག་པའི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་ཕུར་བུའི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་པ་ཝ་སང་གི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་སྤེན་པའི་གནོད་པ་ཐམས་ཅད་སྲ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་དུ་བ་མཇུག་རིང་ལ་སོགས་པ་གཟའ་བརྒྱད་ཀྱི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ ཀླུ་དང་མ་མོའི་གནོད་པ་

[Full Size]

ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ རྒྱལ་པོའི་གནོད་པ་ཐམས་ཅད་སྲ་བྷ་ཝ་ཧས་བྷེ་ཧུས་བྷེ་སང་༔ བུམ་ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ དམུ་བཙན་གྱི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ བུམ་ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཤིན་རྗེ་མ་སང་གི་གནོད་པ་ཐམས་ཅད་སྭ་བྷ་ཝ་ཧས་བྷེ་ཧུས་བྷེ་སང་༔ བུམ་ཆུ་བླུགས༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ བདུད་ལ་སོགས་པའི་གནོད་པ་ཐམས་ཅད་སྲ་བྷ་ཝ་ཧས་བྷེ་ཧུས་བྷེ་སང་༔ བུམ་ཆུ་དེས་ལན་གཅིག་སོང་ནས༔ ལུས་ངག་ཡིད་གསུམ་ལ་གནོད་པའི་གཟའི་ནད་དང་དུག་རླངས་ཞི་བའི་ཕྱིར་དེ་ལྟ་བུའི་ཁྲུས་ལན་གསུམ་བྱ་བར་གསུངས་པས༔ འདི་ནི་ཁྲུས་མཆོག་དཔལ་དང་ལྡན༔ ཐུགས་རྗེའི་ཆུ་ནི་བླ་ན་མེད༔ བྱིན་རླབས་ཡེ་ཤེས་ཆུ་ཡིན་ཏེ༔ ཅི་འདོད་དངོས་གྲུབ་སྩོལ་བར་མཛོད༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཞེས་སོགས༔ ནས་སྔར་ལྟར་ཁྲུས་གཅིག་བྱ༔ དེས་དུག་ཁྲུས་ལན་གཉིས་སོང་ནས༔ གསུམ་པའི་དོན་དུ༔ ཇི་ལྟར་བལྟམས་པ་ཙམ་གྱིས་ནི་ཞེས་སོགས༔ སྔར་ལྟར་ཏེ། དེ་ལྟར་ཁྲུས་རྒྱས་པ་ལན་གསུམ་ཚར་ནས༔ འོ་དེ་ལྟར་ལན་གསུམ་གྱིས་

[Full Size]

གཟའི་དུག་ཁྲུས་བྱ་བ་ནི༔ གཞུང་ལས་བཤད་པ་ཡིན་ལ༔ བྱབ་སྲུང་གཉིས་བླ་མའི་མན་ངག་མཐོང་བ་བརྒྱུད་པ་ལས་འབྱུང་བས་ཁ་བཀང་བ་ནི༔ རྨ་བྱའི་མདོངས་འདིའི་དབུས་ན་ཟླ་བའི་དཀྱིལ་འཁོར་གྱི་དབུས་སུ་ཧཱུྃ་ཡིག་གིས་མཐར་ཨོཾ་ཀེ་ཏེ་ཀེ་ཏེ་ཧཱུྃ་སརྦ་དུག་ནན་དུག་ཕྱུངས་སྭཱ་ཧཱཿ ཞེས་པའི་སྔགས་ཀྱིས་བསྐོར་བའི་འོད་ཟེར་གྱིས་ཁྱེད་རང་གི་ལུས་ངག་ཡིད་གསུམ་ལ་གནོད་ཅིང་འཚེ་བའི་གཟའ་ནད་ཐམས་ཅད་ནག་ཉིལ་ཉིལ་བྱས་ནས་ཁྲུས་ཆུའི་ནང་དུ་སྤོ་བའི་ཚུལ་དུ་བྱབ་པའི་མོས་པ་མཛོད༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་ཉི་མའི་གནོད་པ་ཐམས་ཅད་སྲ་བྷ་ཝ་ཧས་བྷེ་ཧུས་བྷེ་སང་༔ ཞེས་སོགས་སྔགས་ཚིག་སྔར་ལྟར་ཚང་བ་ལན་གཅིག་བྱའོ༔ འོ་དེ་ལྟར་ཁྲུས་བྱབ་གཉིས་སོང་ནས༔ ཡེ་ཤེས་ཀྱི་གཟའ་མཆོག་ཆེན་པོའི་དབང་བསྐུར་བའི་དོན་དུ་དམིགས་པ་འདི་བཞིན་དུ་མཛད་པར་ཞུ༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ སྐད་ཅིག་གི་གཏོར་མ་འདི་ཉིད་ཡེ་ཤེས་ཀྱི་གཟའ་མཆོག་ཆེན་པོ་སྐུ་མདོག་དམར་པོ་ཕྱག་བཞི་པ༔ དབུ་དགུ་བྱ་རོག་གི་མགོ་ཅན༔ གཡས་དང་པོས་ཆུ་སྲིན་གྱི་རྒྱལ་མཚན༔ གཡོན་དང་པོས་ཡིད་བཞིན་གྱི་ནོར་བུ༔ འོག་མ་གཉི་ས་རཱའི་མདའ་གཞུ་བསྣམས་

[Full Size]

པ༔ རོ་སྨད་སྦྲུལ་མཇུག་འཁྱིལ་བ༔ མགོ་ལུས་མིག་གིས་ཁེངས་པ༔ འཁོར་གདོང་མོ་བཞི༔ དེའི་ཕྱི་རོལ་དུ་གཟའ་ཆེན་པོ་བརྒྱད༔ དེའི་ཕྱི་རོལ་དུ་རྒྱུ་སྐར་ཉི་ཤུ་རྩ་བརྒྱད༔ གཞན་ཡང་འཇིག་རྟེན་གྱི་ཁམས་ཀྱི་གཟའ་སྐར་ཐམས་ཅད་ཀྱིས་བསྐོར་ནས་བཞུགས་པར་བསྒོམ༔ དེ་ནས་གཏོར་མ་འདི་སྤྱི་བོར་བཞག་པའི་དུས་སུ་དེ་རྣམས་ཀྱི་སྐུ་ལས་བདུད་རྩིའི་རྒྱུན་དཀར་པོ་བྱུང་ནས༔ ཁྱེད་རང་རྣམས་ཀྱི་སྤྱི་བོ་ནས་ཞུགས་པས༔ ལུས་ལ་གནོད་པའི་གཟའ་ནད་ཞ་གྲུམ་ཐམས་ཅད་དྭག༔ ཡེ་ཤེས་ཀྱི་གཟའ་མཆོག་ཆེན་པོའི་སྐུའི་བྱིན་རླབས་ཞུགས་པས་ལུས་གཟི་བརྗིད་ཕུན་སུམ་ཚོགས་པར་གྱུར་ནས་འཇིག་རྟེན་གྱི་གཟའ་སྐར་དང་ལྷ་སྲིན་སྡེ་བརྒྱད་ཀྱི་གནོད་པས་མི་ཚུགས་པར་གྱུར་སྙམ་པའི་མོས་པ་རྩེ་གཅིག་ཏུ་མཛོད་ཅིག༔ གཏོར་མ་ལག་ཏུ་ཐོགས་ལ་དབྱངས་དང་བཅས་པས༔ ཧཱུྃ༔ གཟའ་བདུད་ཆེན་པོ་རཱ་ཧུ་ལ༔ ཕ་སྲིན་མ་ཀླུ་མཐུ་བོ་ཆེ༔ དབུ་དགུ་ཕྱག་བཞི་འཇིགས་གཟུགས་ཅན༔ མགོ་ལུས་མེད་པར་མིག་གིས་གང་༔ སྲིན་མོ་གདོང་མོ་བཞི་དག་དང་༔ གཟའ་བརྒྱད་སྡེ་བརྒྱད་རྒྱུ་སྐར་བཅས༔ རིགས་ཀྱི་བུ་ལ་དབང་བསྐུར་ཅིག༔ སྐུ་དབང་ལུས་

[Full Size]

ལ་བསྐུར་དུ་གསོལ༔ ལུས་ཀྱི་གཟའ་དུག་ཕྱུངས་གྱུར་ཅིག༔ སྤྱི་བོར་བཞག༔ འདི་རང་གི་བུ་ཡིན༔ ཚ་བོ་ཡིན༔ བསྲུང་དུ་གསོལ༔ བསྐྱབ་ཏུ་གསོལ༔ ངའི་བཀའ་དང་དམ་ལས་མ་འདའ་ཞིག༔ ཀེ་ཏེ་ཀེ་ཏེ་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་མེ་ཏོག་གཏོར་ཞིང་༔ སྲིན་པོའི་གཟུགས་ཀྱིས་གདུག་པ་འདུལ༔ ཚར་གཅོད་བྱང་ཆུབ་སེམས་དཔའ་སྟེ་མཚན་གསོལ་གཟའ་བདུད་རཱ་ཧུ་ལ༔ བཀའ་སྲུང་ཆེན་པོའི་སྐུ་ཡི་བཀྲ་ཤིས་ཤོག༔ དེས་སྐུའི་དབང་ཐོབ་པ་ཡིན༔ ཡང་གཟའ་མཆོག་ཆེན་པོ་འཁོར་དང་བཅས་པའི་སྐུ་ལས་བདུད་རྩིའི་རྒྱུན་དམར་པོ་བྱུང་༔ ཁྱེད་རང་གི་སྤྱི་བོ་ནས་ཞུགས༔ ལུས་ཀྱི་ནང་ཐམས་ཅད་གང་བས༔ ངག་ལ་གནོད་པར་བྱེད་པའི་གཟའ་ནད་དིག་ལྐུགས་ཐམས་ཅད་དག༔ ཡེ་ཤེས་ཀྱི་གཟའ་མཆོག་ཆེན་པོའི་གསུང་གི་བྱིན་རླབས་ཞུགས་པས༔ ངག་ལ་ནུས་པ་ཐོགས་པ་མེད་པར་གྱུར་ནས་འཇིག་རྟེན་གྱི་གཟའ་དང་རྒྱུ་སྐར་ལྷ་སྲིན་སྡེ་བརྒྱད་ཐམས་ཅད་ལ་ཇི་ལྟར་བསྒོས་པའི་བཀའ་ཉན་གསུང་སྡོད་པར་གྱུར་སྙམ་པའི་མོས་པ་མཛོད༔ གཏོར་མ་ཐོགས་ལ་དབྱངས་དང་བཅས་པས༔ ཧཱུྃ༔ གཟའ་བདུད་ཆེན་པོ་རཱ་ཧུ་ལ༔ ཕ་

[Full Size]

སྲིན་མ་ཀླུ་མཐུ་བོ་ཆེ༔ དབུ་དགུ་ཕྱག་བཞི་འཇིགས་གཟུགས་ཅན༔ མགོ་ལུས་མེད་པར་མིག་གིས་གང་༔ སྲིང་མོ་གདོང་མོ་བཞི་དག་དང་༔ གཟའ་བརྒྱད་སྡེ་བརྒྱུད་རྒྱུ་སྐར་བཅས༔ རིགས་ཀྱི་བུ་ལ་དབང་སྐུར་ཅིག༔ གསུང་དབང་ངག་ལ་བསྐུར་དུ་གསོལ༔ ངག་གི་དིག་ལྷུག་ཕྱུངས་གྱུར་ཅིག༔ གཏོར་མ་སྤྱི་བོར་བཞག་ལ༔ འདི་རང་གི་བུ་ཡིན༔་ཚ་བོ་ཡིན༔ བསྲུང་དུ་གསོལ༔ བསྐྱབ་ཏུ་གསོལ༔ ངའི་བཀའ་དང་དམ་ལ་མ་འདའ་ཞིག༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ ཝཱཀ་ཨ་བྷི་ཥིཉྩ་མེ་ཏོག་གཏོར་ཞིང་༔ སྲིན་པོའི་གཟུགས་ཀྱིས་གདུག་པ་འདུལ༔ ཚར་གཅོད་བྱང་ཆུབ་སེམས་དཔའ་སྟེ༔ མཚན་གསོལ་གཟའ་བདུད་རཱ་ཧུ་ལ༔ བཀའ་སྲུང་ཆེན་པོའི་གསུང་གི་བཀྲ་ཤིས་ཤོག །དེས་གསུང་གི་དབང་ཐོབ་པ་ཡིན༔ ཡང་གཟའ་མཆོག་ཆེན་པོ་འཁོར་དང་བཅས་པའི་སྐུ་ལས་བདུད་རྩིའི་རྒྱུན་མཐིང་ཁ་བྱུང་༔ ཁྱེད་རང་རྣམས་ཀྱི་སྤྱི་བོ་ནས་ཞུགས༔ ལུས་ཀྱི་། ནང་ཐམས་ཅད་གང་བས༔ སེམས་ལ་གནོད་པར་བྱེད་པའི་གཟའ་ནད་སྨྱོ་འབོག་ཐམས་ཅད་དག༔ ཡེ་ཤེས་ཀྱི་གཟའ་མཆོག་ཆེན་པོའི་ཐུགས་ཀྱི་བྱིན་རླབས་ཞུགས་པས༔

[Full Size]

སངས་རྒྱས་ཀྱི་བསྟན་པ་སྲུང་ཞིང་བསྟན་པ་ལ་གནོད་པ་ཐམས་ཅད་ཚར་གཅོད་པ་ལ་མཐུ་དང་རྫུ་འཕྲུལ་ཐོགས་པ་མེད་པ་ཐོབ་པར་གྱུར་སྙམ་པའི་མོས་པ་རྩེ་གཅིག་ཏུ་མཛོད་ཅིག །གཏོར་མ་ལག་ཏུ་ཐོགས་ལ༔ ཧཱུྃ༔ གཟའ་བདུད་ཆེན་པོ་རཱ་ཧུ་ལ༔ ཕ་སྲིན་མ་ཀླུ་མཐུ་བོ་ཆེ༔ དབུ་དགུ་ཕྱག་བཞི་འཇིགས་གཟུགས་ཅན༔ མགོ་ལུས་མེད་པར་མིག་གིས་གང་༔ སྲིང་མོ་གདོང་མོ་བཞི་དག་དང་༔ གཟའ་བརྒྱད་སྡེ་བརྒྱད་རྒྱུ་སྐར་བཅས༔ རིགས་ཀྱི་བུ་ལ་དབང་སྐུར་ཅིག༔ ཐུགས་དབང་སེམས་ལ་བསྐུར་དུ་གསོལ༔ སེམས་ཀྱི་སྨྱོ་འབོག་ཕྱུང་དུ་གསོལ༔ གཏོར་མ་སྤྱི་བོར་བཞག་འདི་རང་གི་བུ་ཡིན༔ ཚ་བོ་ཡིན༔ བསྲུང་དུ་གསོལ༔ བསྐྱབ་ཏུ་གསོལ༔ ངའི་བཀའ་དང་དམ་ལས་མ་འདའ་ཞིག༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ ཙིཏྟ་ཨ་བྷི་ཥིཉྩ་ཧཱུྃ༔ མེ་ཏོག་གཏོར་ཞིང་༔ སྲིན་པོའི་གཟུགས་ཀྱིས་གདུག་པ་འདུལ༔ ཚར་གཅོད་བྱང་ཆུབ་སེམས་དཔའ་སྟེ༔ མཚན་གསོལ་གཟའ་བདུད་རཱ་ཧུ་ལ༔ བསྟན་པའི་བཀའ་སྲུང་ཐུགས་ཀྱི་བཀྲ་ཤིས་ཤོག༔ དེས་ཐུགས་ཀྱི་དབང་ཐོབ་པ་ཡིན༔ དེ་ལྟར་གཏོར་མའི་དབང་ལན་གསུམ་བསྐུར་བས༔ འཇིག་རྟེན་པའི་གཟའ་

[Full Size]

བདུད་ཀྱི་དུག་ཐམས་ཅད་ཐོན་ནས༔ ཁྱེད་རང་སྐད་ཅིག་གི་ཡེ་ཤེས་ཀྱི་གཟའ་མཆོག་ཆེན་པོའི་སྐུ་ལམ་གྱིས་གྱུར་པའི་མོས་པ་མཛོད༔ མེ་རུ་བཙུགས་ལ༔ དེ་ལྟར་གཟའ་དབང་བསྐུར་ནས༔ གཏོར་མ་ལ་བསྟེན་ནས་བཀའ་བསྒོ་བ་ནི༔ དྲང་སྲོང་ཆེན་པོ་འཁོར་དང་བཅས་པས་ངེད་ཀྱི་ཇི་ལྟར་བསྒོས་པའི་ཕྲིན་ལས་ཐམས་ཅད་ཐོགས་མེད་དུ་བསྒྲུབ་པའི་མོས་པ་མཛོད༔ ཀྱཻ༔ ཡེ་ཤེས་ཀྱི་གཟའ་མཆོག་ཆེན་པོ་སྤུ་གྲི་འབར་བ༔ གཟའ་བདུད་ཆེན་པོ་རཱ་ཧུ་ལ༔ ལྗང་སྔོན་དྲག་པོ༔ དྲང་སྲོང་དཀར་སེར༔ བདུད་པོ་རོག་ཏི༔ བྷི་ཏྲི་པ་ཏྲ༔ བྷི་ནུ་ར་ཙ༔ དུ་བ་མཇུག་རིང་༔ ཁྱབ་མཇུག་ཆེན་པོ༔ བྱི་ན་ཡ་ཀ་ཏེ་སྤྲུལ་པའི་གཟའ་བརྒྱད༔ ཉི་མ༔ ཟླ་བ༔ མིག་དམར༔ ལྷག་པ་ཕུར་བུ༔ པ་ཝ་སངས༔ སྤེན་པ༔ སྒྲ་གཅན་ཏེ་བཀའ་བློན་མཆེད་བརྒྱད༔ ཤར་གྱི་སྟག་སྲིན་ཟོར་བའི་གདོང་ཅན༔ ལྷོའི་བམ་སྲིན་དྲེད་མོང་གི་གདོང་ཅན༔ ནུབ་ཀྱི་རྐང་སྲིན་བ་གླང་གི་གདོང་ཅན༔ བྱང་གི་འབྲོག་སྲིན་ཆུ་སྲིན་གྱི་གདོང་ཅན་ཏེ༔ སྲིང་མོ་གདོང་མོ་མཆེད་བཞི༔ སྨིན་དྲུག་སྣར་མ་མགོ་ལག་ནབས་སོ་རྒྱལ་སྐག་སྟེ༔ ཤར་ཕྱོགས་

[Full Size]

ལྷའི་སྐར་མ་བདུན༔ མཆུ་བྲེ་དབོ་མེ་བཞི་ནག་པ་ས་རི་ས་ག་སྟེ༔ ལྷོ་ཕྱོགས་གཤིན་རྗེའི་སྐར་མ་བདུན༔ ལྷ་མཚམས་སྨོན་སྣུབསཆུ་སྟོད་ཆུ་སྨད་བྱི་བཞིན་གྲོ་བཞིན་ཏེ༔ ནུབ་ཕྱོགས་ཀླུའི་སྐར་མ་བདུན༔ མོན་གྲེ་མོན་གྲུ་ཁྲུམས་སྟོད་ཁྲུམས་སྨད་ནམ་གྲུ་ཐ་སྐར་བྲ་ཉེ་སྟེ་བྱང་ཕྱོགས་གནོད་སྦྱིན་གྱི་སྐར་མ་བདུན་ཏེ༔ ཕྱི་བློན་རྒྱུ་སྐར་གྱི་ལྷ་མོ་ཉི་ཤུ་རྩ་བརྒྱད༔ སྡོང་ཟླ་ལྷ་སྲིན་སྡེ་བརྒྱད་ཡང་འཁོར་གཟའ་བྲན་བྱེ་བ་དུང་ཕྱུར་གྱི་ཚོགས་དང་བཅས་པ་ཁྱེད་རྣམས༔ སྔོན་ཚེ་ཡང་དག་པར་རྫོགས་པའི་སངས་རྒྱས་རིན་ཆེན་སྙིང་པོ་དང་༔ དེ་བཞིན་གཤེགས་པ་རིན་ཆེན་གཞོན་ནུ་དང་༔ བཅོམ་ལྡན་འདས་རྡོ་རྗེ་འཆང་ཆེན་པོ༔ སྟོན་པ་ཤཱཀྱ་ཐུབ་པ༔ དཔལ་ཆེན་མངོན་རྫོགས་རྒྱལ་པོ༔ གཤིན་རྗེའི་གཤེད་ཡ་མཱནྟ༔ ཁྲོ་བོའི་རྒྱལ་པོ་རྟ་མགྲིན༔ གསང་བདག་ཕྱག་ན་རྡོ་རྗེ༔ ཨོ་རྒྱན་པདྨ་འབྱུང་གནས་རྣམས་ཀྱི་བཀའ་དང་དམ་ལ་མ་འདའ་བར༔ སྤྱིར་སངས་རྒྱས་ཀྱི་བསྟན་པ་སྲུངས༔ དཀོན་མཆོག་གི་དབུ་འཕང་བསྟོད༔ རྣལ་འབྱོར་པ་བདག་ལ་སྡང་བའི་དགྲ་སོད༔ གནོད་པའི་བགེགས་ཐུལ༔ ཁྱད་པར་དུ་ཡང་རིགས་ཀྱི་བུ་འདི་བཟུང་བ་

[Full Size]

ཐོངས༔ བཅིངས་པ་ཁྲོལ༔ བསྡམས་པ་གློད༔ མནན་པ་ཁྱོག༔ རང་དུག་རང་གིས་ཕྱུངས༔ རང་ནད་རང་གིས་ཁྱེར༔ གདུག་པའི་སྤུ་མདའ་ཐོན༔ བསམ་སྦྱོར་ངན་པ་ཤིག༔ ལག་རྒྱ་ངན་པ་ཁྲོལ༔ དེང་ཕྱིན་ཆད་རིགས་ཀྱི་བུ་འདི་ཁྱེད་རྣམས་ཀྱི་བུ་ཡིན༔ ཚ་བོ་ཡིན་པས༔ གཟའ་ཀླུ་སྡེ་བརྒྱད་ཀྱི་ནད་དང་གནོད་པ་ལས་སྲུང་། སྐྱོབ་འཚོས༔ མགོན་སྐྱབས་དཔུང་གཉེན་སྡོང་གྲོགས་མེལ་ཚེ་མ་གཡེལ་ཅིག༔ བཀའ་དང་དམ་ཚིག་ལ་མ་འདའ་ཞིག༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ བཛྲ་རཀྵ་རཀྵ༔ མེ་ཏོག་གཏོར་ཞིང་༔ སྲིན་པོའི་གཟུགས་ཀྱིས་གདུག་པ་འདུལ༔ ཚར་གཅོད་བྱང་ཆུབ་སེམས་དཔའ་སྟེ༔ མཚན་གསོལ་གཟའ་བདུད་རཱ་ཧུ་ལ༔ བཀའ་སྲུང་ཆེན་པོའི་བཀྲ་ཤིས་ཤོག༔ འོ་དེ་ལྟར་བཀའ་བསྒོས་པས༔ ངེད་ཀྱི་ཇི་ལྟར་བཀའ་བསྒོས་པ་ལྟར་ཁས་བླངས་དམ་བཅས་ནས༔ ཁྱེད་རང་སྲུང་ཞིང་བསྐྱབ་པའི་ཕྱིར་དུ༔ ཡེ་ཤེས་ཀྱི་གཟའ་མཆོག་ཆེན་པོས་ཁྱེད་རང་ལ་རྡོ་རྗེའི་གོ་ཁྲབ་ཞུ་ལུབས་སུ་བསྐོན་པའི་མོས་པ་མཛོད༔ སྤྱི་བོ་དང་མགོའི་ཕྱོགས་བཞི༔ དཔྲལ་མགྲིན་སྙིང་ལྟེ་གསང་བ་སྟེ་གནས་ལྔ༔ དཔུང་པ་གཉིས༔ སྤུས་མགོ་གཉིས་ཏེ་གནས་བཅུ་ལ་རྡོ་རྗེ་རྒྱ་

[Full Size]

གྲམ་དུ་བཞག་ཅིང་༔ ཨོཾ་ཀེ་ཏེ་ཀེ་ཏེ་ཧཱུྃ་ཕཊ༔ གཟའ་ཉི་མའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ དེས་རིགས་འགྲེས་ཏེ༔ གཟའ་ཟླ་བའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ མིག་དམར་གྱི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ ལྷག་པའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ ཕུར་བུའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ པ་སངས་ཀྱི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ སྤེན་པའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ མཇུག་རིང་ལ་སོགས་གཟའ་བརྒྱད་ཀྱི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ ཀླུའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ མ་མོའི་གནོད་པ་ཐམས་ཅད་ལས་སྲུངས་ཤིག་རཀ་རཀྵ༔ རྒྱལ་པོའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ དམུ་བཙན་གྱི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ གཤིན་རྗེ་མ་སང་གི་གནོད་པ་ཐམས་ཅད་ལས་སྲུངས་ཤིག་རཀྵ་རཀྟ༔ བདུད་ལ་སོགས་པའི་གནོད་པ་ཐམས་ཅད་ལས་སྲུངས་ཤིག་རཀྵ་རཀྵ༔ མེ་ཏོག་གཏོར་ཞིང་༔ རྒྱལ་བ་སྲས་བཅས་བདེན་པའི་བྱིན་རླབས་དང་༔

[Full Size]

བསྟན་སྲུང་རཱ་ཧུ་ལ་ཡི་བདེན་པའི་མཐུས༔ འགྲོ་བ་འདི་ལ་བདག་གིས་བསྲུངས་ཟིན་གྱིས༔ འདི་ལ་སུས་ཀྱང་གནོད་པ་མ་བྱེད་ཅིག༔ བགེགས་རིགས་སྟོང་ཕྲག་བརྒྱད་ཅུ་ཞི་བ་དང་༔ ཞེས་སོགས་བརྗོད༔ འོ་དེས་ནི་ཡེ་ཤེས་ཀྱི་གཟའ་མཆོག་སྤུ་གྲི་འབར་བའི་དབང་དང་༔ འཇིག་རྟེན་གྱི་གཟའ་བདུད་དུག་གི་སྤུ་གྲིའི་བཀའ་གཏད་ལེགས་པར་ཐོབ་པ་ཡིན་ཅིང་༔ འདི་ནི་ཤིན་ཏུ་བཀའ་གཉན་པས་འདི་ཞུས་པའི་བླ་མ་ལ་དམ་ཚིག་མིག་གི་འབྲས་བུ་ལྟར་སྲུང་བ་དང་༔ ཆོས་སྐྱོང་གཟའ་བདུད་ཆེན་པོ་རཱ་ཧུ་ལ་འཁོར་དང་བཅས་པ་ལ་ཡང་༔ ཕ་དང་ཁུ་བོ་སྤྱན་དང་གྲོགས་པོའི་འདུ་ཤེས་བསྒོམ་པ་གལ་ཆེ༔ གལ་ཏེ་དམ་ཚིག་ལ་འདས་ན་བཀའ་ཆད་འཕྲལ་དུ་འོང་༔ དམ་ཚིག་མ་ཉམས་ན་རཱ་ཧུ་ལ་འཁོར་དང་བཅས་པས་དུས་རྟག་ཏུ་མགོན་སྐྱབས་དང་སྡོང་གྲོགས་བྱེད་པར་ཐེ་ཚོམ་མེད་པས་དམ་ཚིག་བསྲུང་སྙམ་པས་འདིའི་རྗེས་ཟློས་མཛོད༔ གཙོ་བོས་ཇི་ལྟར་བཀའ་སྩལ་པ༔ སོགས་བྱའོ༔ དེ་ལྟར་ཤིན་ཏུ་བཀའ་གཉན་པའི་དབང་ཟབ་མོ་ཐོབ་པའི་གཏང་རག་ཏུ་མཎྜལ་ཕུལ༔ ས་གཞི་སྤོས་ཆུས་སོགས༔ དེ་ནས་སློབ་མ་གྱེས་སམ་དེར་ཡོད་ཀྱང་རུང་སྟེ༔ བསྟོད་བསྐུལ་གང་

[Full Size]

རུང་ངམ༔ གཅིག་ནི་མ་ལྟ་བུ་གཅིག་བྱས་ལ་གཟའ་བདུད་འཁོར་བཅས་དགྲ་བོའི་ཐོག་ཏུ་སོང་བར་བསམ་ལ་ཐོག་ཁ་རྩ་བའི་དགྲ་ཕྱོགས་སམ་གཟའ་རྒྱུ་ཕྱོགས་སུ་བཞག་གོ༔ སླར་བུམ་ཆུ་ལྷག་མ་དེ་ཉིད་སྐད་ཅིག་གིས་ཡེ་ཤེས་ཀྱི་གཟའ་མཆོག་འཁོར་དང་བཅས་པ་གསལ་བཏབ་ལ༔ རཱ་ཧུ་ལ་ས་པཱ་རི་ཝ་ར་ཨརྒྷཾ་སོགས། ཕྱག་ན་རྡོ་རྗེའི་བཀའ་ཉན་པ༔ མཐུ་སྟོབས་ནུས་པ་བསམ་མི་ཁྱབ༔ རཱ་ཧུ་ལ་ཞེས་རབ་གྲགས་པའི༔ སྲུང་མ་ཁྱོད་ལ་བདག་བསྟོད་དོ༔ མ་འབྱོར་པ་དང་ཉམས་པ་དང་༔ སོགས། ཡིག་བརྒྱ་བཟླས༔ ཡེ་ཤེས་དང་འཇིག་རྟེན་པའི་གཟའ་དང་རྒྱུ་སྐར་ཐམས་ཅད་རང་རང་གི་གནས་སུ་གཤེགས་སུ་གསོལ༔ རཱ་ཧུ་ལ་ས་པཱ་རི་ཝ་ར་སརྦ་གཙྪགཙྪ༔ འབྱུང་པོ་གང་དག་འདིར་ནི་ལྷགས་གྱུར་ཏེ༔ སའམ་འོན་ཏེ་བར་སྣང་འཁོད་ཀྱང་རུང་་སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང་༔ ཉིན་དང་མཚན་དུ་ཆོས་ལ་སྤྱོད་པར་ཤོག༔ བགེགས་རིགས་སྟོང་ཕྲག་བརྒྱད་ཅུ་ཞི་བ་དང་༔ ཞེས་སོགས་བཀྲ་ཤིས་བྱའོ༔ ཞེས་བྱ་བ་འདི་ནི་ནད་པ་རྗེས་སུ་འཛིན་པའི་ཆོ་ག་ལེགས་པར་གྲུབ་པའོ༔ ཨེ་མ་ཧོ༔ སྲང་སྲོང་ཆེན་པོའི་ནད་པ་རྗེས་འཛིན་ཐབས༔ ཨོ་རྒྱན་ཆེན་པོའི་མཛད་ནས་གཏེར་དུ་སྦས༔ རིག་འཛིན་ཆེན་པོ་ལས་འབྲེལ་རྩལ་གྱིས་བཏོན༔ དེ་ནི་ཧ་ཅང་དར་སྲོལ་ཆེ་བའི་ཕྱིར༔ གཏེར་གྱི་

[Full Size]

གཞུང་ལ་མང་ཉུང་མང་དུ་བྱས༔ འོན་ཀྱང་མན་ངག་ཟབ་པར་གྲགས་པའི་ཕྱིར༔ མན་ངག་ཕྱག་ལེན་ཐུགས་ལ་གབ་པའི་ཕྱིར༔ དཔེ་ཡི་ངོས་ན་ཕྱོགས་མགོ་ཙམ་ལས་མེད༔ དེ་ཉིད་རྗེས་འཇུག་རྣམས་ཀྱིས་གོ་དཀའ་བས༔ རཱ་གའི་མིང་ཅན་སྔགས་འཆང་བདག་ཉིད་ཀྱིས༔ ཕན་པའི་སེམས་ཀྱིས་ཤིན་ཏུ་གསལ་བར་བཀོད༔ འདི་ལ་འགལ་འཁྲུལ་ཉེས་པ་ཅི་མཆིས་པ༔ གསང་བདག་གཟའ་དང་རྒྱུ་སྐར་བཅས་ལ་བཤགས༔ དགེ་བས་འདི་དང་འབྲེལ་པ་གང་ཐོབ་ཀུན༔ གསང་བའི་བདག་པོས་གཏན་དུ་རྗེས་བཟུང་སྟེ༔ གཟའ་དང་རྒྱུ་སྐརི་ནད་གདོན་ལས་གྲོལ་ནས༔ རྒྱལ་བའི་བསྟན་པ་བསྲུང་བའི་མཐུ་ལྡན་ཤོག༔ བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

བྱིན་རླབས་བཀའ་བསྒོ་སྲུང་འཁོར།

[Full Size]

བྱིན་རླབས་བཀའ་བསྒོ་སྲུང་འཁོར་འདི་མི་འགྱུར་རྡོ་རྗེའི་བསྐུལ་ནས་རཱ་ག་ཨ་སྱས་སྦྱར། །

[Full Size]

ན་མོ། དཀོན་མཆོག་གསུམ་དང་རྩ་བ་གསུམ། །ཆོས་ཉིད་རྣམ་པར་དག་པ་དང་། །རྒྱུ་འབྲས་བསླུ་མེད་བདེན་པ་ཡིས། །བསྲུང་བྱ་འདི་ཡི་ནད་གདོན་བགེགས། །ད་ལྟ་ཉིད་དུ་ཞི་གྱུར་ཅིག །གནོད་པར་བྱེད་པའི་གདོན་བགེགས་རྣམས། །རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་ཅིག །ལུས་ལ་མངོན་པར་གནོད་བྱེད་པའི། །ནད་དེ་རབ་ཏུ་ཕྱུང་མཛོད་ལ། །གདོན་ཁྱོད་རང་གི་གནས་སུ་སོང་། །སརྦ་བྷུ་ཏ་གཙྪགཙྪ་ཕཊ། ཧཱུྃ། ང་ནི་ཁྲོ་རྒྱལ་སྨེ་བ་བརྩེགས། །སྐུ་ལས་འཕྲོས་པའི་མེ་དཔུང་གིས། །ནད་གདོན་

[Full Size]

སྡིག་སྒྲིབ་བར་ཆད་ཀུན། །སྐད་ཅིག་ཉིད་ལ་གཞོབ་ཏུ་བསྲེགས། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། སྟེང་ཕྱོགས་བསྲུང་བའི་ཁྲོ་བོ་ནི། །ཧཱུྃ་ཆེན་ཀཱ་རའི་བྱིན་རླབས་ཀྱིས། །གཟའ་གདོན་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། །ཧཱུྃ༔ ཤར་ཕྱོགས་བསྲུང་བའི་ཁྲོ་བོ་ནི། །རྣམ་པར་རྒྱལ་བའི་བྱིན་རླབས་ཀྱིས། །དྲི་ཟའི་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། ལྷོ་ཕྱོགས་བསྲུང་བའི་ཁྲོ་བོ་ནི། །གཤིན་རྗེའི་གཤེད་ཀྱི་བྱིན་རླབས་ཀྱིས། །གཤིན་རྗེའི་གནོད་པའི་བར་ཆད་སོལ། །

[Full Size]

ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། ནུབ་ཕྱོགས་བསྲུང་བའི་ཁྲོ་བོ་ནི། །རྟ་མགྲིན་རྒྱལ་པོའི་བྱིན་རླབས་ཀྱིས། །ཀླུ་གདོན་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། བྱང་ཕྱོགས་བསྲུང་བའི་ཁྲོ་བོ་ནི། །བདུད་རྩི་འཁྱིལ་པའི་བྱིན་རླབས་ཀྱིས། །གནོད་སྦྱིན་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། ཤར་ལྷོ་བསྲུང་བའི་ཁྲོ་བོ་ནི། །དབྱུག་པ་སྔོན་པོའི་བྱིན་རླབས་ཀྱིས། །དྲང་སྲོང་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། ལྷོ་ནུབ་བསྲུང་བའི་ཁྲོ་བོ་ནི། །མི་གཡོ་མགོན་པོའི་བྱིན་རླབས་ཀྱིས། །སྲིན་པོས་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། ནུབ་བྱང་བསྲུང་བའི་ཁྲོ་བོ་ནི། །གཞན་གྱིས་མི་ཐུབ་བྱིན་རླབས་ཀྱིས། །རླུང་ལྷས་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། །བྱང་ཤར་བསྲུང་བའི་ཁྲོ་བོ་ནི། །ཁམས་གསུམ་རྣམ་རྒྱལ་བྱིན་རླབས་ཀྱིས། །འབྱུང་པོས་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ། འོག་ཕྱོགས་བསྲུང་བའི་ཁྲོ་བོ་ནི། །སྟོབས་པོ་

[Full Size]

ཆེ་ཡི་བྱིན་རླབས་ཀྱིས། །ས་བདག་གནོད་པའི་བར་ཆད་སོལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕྱོགས་བཅུ་བསྲུང་བའི་ཁྲོ་བོ་ནི། །ཡེ་ཤེས་ཁྲོ་བཅུའི་བྱིན་རླབས་ཀྱིས། །ཕྱོགས་བཅུ་གདོན་གྱི་བར་ཆད་སོལ། །གཞན་ཡང་ཡི་དམ་སྔགས་གང་ཤེས་མཇུག་ཏུ་སྲུངས་ཤིག་རཀྟ་བཏགས། ཨོ་རྒྱན་རྗེ་འབངས་ཉེར་ལྔ་ལ། །གསོལ་བ་འདེབས་སོ་བྱིན་གྱིས་རློབས། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། །གཏེར་སྟོན་བརྒྱ་དང་རྩ་བརྒྱད་ལ། །གསོལ་བ་འདེབས་སོ་བྱིན་གྱིས་རློབས། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ༔ ཡི་དམ་ཞི་ཁྲོ་རབ་འབྱམས་ལ། །གསོལ་བ་འདེབས་སོ་བྱིན་གྱིས་རློབས། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། མཁའ་འགྲོ་ལོ་མ་གྱོན་མ་ལ། །གསོལ་བ་འདེབས་སོ་བྱིན་གྱིས་རློབས། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཆོས་སྐྱོང་བར་ཆད་ཀུན་སེལ་ལ། །གསོལ་བ་འདེབས་སོ་བྱིན་གྱིས་རློབས། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། དེ་ལྟར་རྒྱུན་དུ་གསོལ་བ་བཏབ་པ་ཡི། །ནད་གདོན་སྡིག་སྒྲིབ་བར་ཆད་ཞི་བར་མཛོད། །རྒྱལ་བ་སྲས་བཅས་རྣམས་ཀྱི་བདེན་པ་ཡིས། །འདི་ལ་སུས་ཀྱང་གནོད་པ་མ་བྱེད་

[Full Size]

ཅིག བཛྲ་རཀྵ་རཀྵ། རཱ་ག་ཨ་སྱས་སྦྱར།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་བསྒོ་མཚམས་གཅོད།

[Full Size]

བཀའ་བསྒོའོ། །བྱིན་རླབས་བཀའ་བསྒོ་མཚམས་གཅོད་སོགས་དགོས་ཟེར་ན། རང་ཉིད་སྐད་ཅིག་ཐུགས་རྗེ་ཆེན་པོར་གསལ་བས་ནད་པ་དང་གདོན་ལ་སྙིང་རྗེ་ཆེན་པོ་བསྐྱེད་ལ། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཆོས་ཉིད་རྣམ་པར་དག་པའི་བདེན་པ་དང་། རྒྱུ་འབྲས་བསླུ་བ་མེད་པའི་བདེན་པ་དང་། བདེན་པ་ཆེན་པོའི་མཐུས། བསྲུང་བྱ་འདི་ལ་གནོད་ཅིང་འཚེ་བར་བྱེད་པའི་གདོན་བགེགས་གང་ཡིན་པ་ཐམས་ཅད་གནོད་ཅིང་འཚེ་བའི་བསམ་པ་སྤོངས་ལ་གནས་གཞན་དུ་དེངས་ཤིག །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོགས་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རངགི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་ཅིག །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

[Full Size]

སངས་རྒྱས་མི་འཁྲུགས་པ་དེས་སྔོན་བྱང་ཆུབ་སེམས་པའི་སྤྱད་པ་སྤྱོད་པ་ན། བདེན་པ་དང་བདེན་པའི་ཚིག་གང་གིས་དམ་བཅས་པ་དང་། ཚིག་བརྗོད་པ་གང་ཡིན་པའི་དམ་བཅས་པ་དང་ཚིག་བརྗོད་པ་དེ་དགོ་ཐམས་ཅད་ཡོངས་སུ་རྫོགས་པར་གྱུར་ཅིག །དམ་བཅས་པ་དང་ཚིག་བརྗོད་པ་དེ་དག་ཐམས་ཅད་ཕ་རོལ་ཏུ་སོན་པའི་བདེན་པ་དང་། བདེན་པའི་ཚིག་དེས། བསྲུང་བྱ་འདིའི་དུས་མ་ཡིན་པའི་འཇིགས་པ་དང་སྐྲག་པ་དང་། ཡམས་ཀྱི་ནད་དང་གནོད་པ་འདི་དག་ནུབ་པར་གྱུར་ཅིག །ཨོཾ་ཨཀྵ་བྷེ་ཛ་བིནྡྷན་ཏ་ཀྲྀཏ་ཧཱུྃ་ཕཊ། འཇིགས་པ་མེད་པར་སྦྱིན་པ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དེ་ལ་ཕྱག་འཚལ་ལོ། །བསྲུང་བྱ་འདིའི་ནད་གདོན་བར་ཆད་ཀྱི་འཇིགས་པ་འདི་ལས་ཡོངས་སུ་ཐར་བ་མཛད་དུ་གསོལ། ཨོཾ་པདྨ་ཚིནྡྷ་མ་ཎི་ཛཱ་ལ་ཧཱུྃ། བཅོམ་ལྡན་འདས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོའི་བདེན་པས། འདིའི་ནད་ཐམས་ཅད་ད་ལྟ་ཉིད་དུ་ཞི་བར་གྱུར་ཅིག །ཨོཾ་ཀ་པ་ཡ་ཀ་པ་མི་ཀཱ་སྭཱ་ཧཱ། སངས་རྒྱས་དཀོན་མཆོག་གི་བཀའ་བདེན་ནོ་ཞེ་ན། ཆོས་དཀོན་མཆོག་གི་བཀའ་བདེན་ནོ་ཞེ་

[Full Size]

ན། དགེ་འདུན་དཀོན་མཆོག་གི་བཀའ་བདེན་ནོ་ཞེ་ན། ཕྱིའི་གནོད་སྦྱིན་ཕོ་མོ་ཞི་བར་གྱུར་ཅིག །བར་འབྱུང་བའི་ན་ཚ་ཞི་བར་གྱུར་ཅིག །ནང་དུག་ལྔའི་རྣམ་རྟོག་ཞི་བར་གྱུར་ཅིག །ཨོཾ་མ་ཎི་པདྨེ་ཧཱུྃ་ཧཱུྃཕཊ། བླ་མ་དམ་པ་རྣམས་ཀྱི་བཀའ་བདེན་ནོ་ཞེ་ན། ཡི་དམ་ལྷ་ཚོགས་རྣམས་ཀྱི་བཀའ་བདེན་ནོ་ཞེ་ན། མཁའ་འགྲོ་ཆོས་སྐྱོང་རྣམས་ཀྱི་བཀའ་བདེན་ནོ་ཞེ་ན། ཕྱིའི་གནོད་སྦྱིན་ཕོ་མོ་ཞི་བར་གྱུར་ཅིག །བར་འབྱུང་བའི་ན་ཚ་ཞི་བར་གྱུར་ཅིག །ནང་དུག་ལྔའི་རྣམ་རྟོག་ཞི་བར་གྱུར་ཅིག །ཨོཾ་མ་ཎི་པདྨེ་ཧཱུྃ་ཧཱུྃཕཊ། དེ་ནས་རང་ཉིད་ཐུགས་རྗེ་ཆེན་པོ་གནས་འགྱུར་རྟ་མགྲིན་ནག་པོར་གསལ་བས། ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ནི་དཔལ་ཆེན་རྟ་མགྲིན་སྐུ། །ང་ཡི་བཀའ་ལས་མ་འདའ་བར། །ཁྱོད་གནས་འདིར་མ་འདུག་གཞན་དུ་དེངས། །ཅི་སྟེ་མི་འགྲོ་འདུག་གྱུར་ན། །དཔལ་ཆེན་རྟ་མགྲིན་ཐུགས་ཁྲོས་ནས། །མཚོན་ཆ་རལ་གྲི་ལྕགས་ཀྱུ་ཡིས། །བགེགས་ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་རླག་པར་བྱེད། །དེ་བས་རང་རང་གནས་སུ་དེངས། །ཨོཾ་བཛྲ་ཀྲོ་དྷ་ཧྱ་གྲི་ཝ་ཧཱུྃ་ཕཊ༔

[Full Size]

གནོད་བྱེད་འབྱུང་པོ་ཨུ་ཙ་ཏ་ཡ་ཧཱུྃ་ཕཊ༔ ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ནི་བཛྲ་རྟ་མགྲིན་སྐུ། །ང་ཡི་བཀའ་ལས་མ་འདའ་བར། །ཁྱོད་གནས་འདིར་མ་འདུག་གཞན་དུ་དེངས། །ཅི་སྟེ་མི་འགྲོ་འདུག་གྱུར་ན། །བཛྲ་རྟ་མགྲིན་ཐུགས་ཁྲོས་ནས། །མཚོན་ཆ་རྡོ་རྗེ་ལྕགས་ཀྱུ་ཡིས། །བགེགས་ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་རླག་པར་བྱེད། །དེ་བས་རང་རང་གནས་སུ་དེངས། །ཧ་བཛྲ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ གནོད་བྱེད་འབྱུང་པོ་ཨུ་ཙ་ཏ་ཡ་ཧཱུྃ་ཕཊ༔ ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ནི་རཏྣ་རྟ་མགྲིན་སྐུ། །ང་ཡི་བཀའ་ལས་མ་འདའ་བར། །ཁྱོད་གནས་འདིར་མ་འདུག་གཞན་དུ་དེངས། །ཅི་སྟེ་མི་འགྲོ་འདུག་གྱུར་ན། །རཏྣ་རྟ་མགྲིན་ཐུགས་ཁྲོས་ནས། །མཚོན་ཆ་རིན་ཆེན་ལྕགས་ཀྱུ་ཡིས། །བགེགས་ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་རླག་པར་བྱེད། །དེ་བས་རང་རང་གནས་སུ་དེངས། །རི་རཏྣ་ཀྲོ་དྷ་ཧྱ་གྲི་ཝ་ཧཱུྃ་ཕཊ༔ གནོད་བྱེད་འབྱུང་པོ་ཨུ་ཙ་ཏ་ཡ་ཧཱུྃ་ཕཊ༔ ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ནི་པདྨ་རྟ་

[Full Size]

མགྲིན་སྐུ། །ང་ཡི་བཀའ་ལས་མ་འདའ་བར། །ཁྱོད་གནས་འདིར་མ་འདུག་གཞན་དུ་དེངས། །ཅི་སྟེ་མི་འགྲོ་འདུག་གྱུར་ན། །པདྨ་རྟ་མགྲིན་ཐུགས་ཁྲོས་ནས། །མཚོན་ཆ་པདྨ་ལྕགས་ཀྱུ་ཡིས། །བགེགས་ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་རླག་པར་བྱེད། །དེ་བས་རང་རང་གནས་སུ་དེངས། །ཧཱིཔདྨ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ གནོད་བྱེད་འབྱུང་པོ་ཨུ་ཙ་ཏ་ཡ་ཧཱུྃ་ཕཊ༔ ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ནི་ཀརྨ་རྟ་མགྲིན་སྐུ། །ང་ཡི་བཀའ་ལས་མ་འདའ་བར། །ཁྱོད་གནས་འདིར་མ་འདུག་གཞན་དུ་དེངས། །ཅི་སྟེ་མི་འགྲོ་འདུག་གྱུར་ན། །ཀརྨ་རྟ་མགྲིན་ཐུགས་ཁྲོས་ནས། །མཚོན་ཆ་རྒྱ་གྲམ་ལྕགས་ཀྱུ་ཡིས། །བགེགས་ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་རླག་པར་བྱེད། །དེ་བས་རང་རང་གནས་སུ་དེངས། །ཧ་ཀརྨ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ གནོད་བྱེད་འབྱུང་པོ་ཨུ་ཙ་ཏ་ཡ་ཕཊ༔ ཨོཾ་སུཾ་བྷ་ནི་དང་། ཨོཾ་བྷར་ཁུང་མ་ཧཱ་སོགས། སྨེ་བརྩེགས་སྔགས་རིང་ཐུང་གཉིས། ན་མཙཎྜ་བཛྲ་སོགས་རྣམ་འཇོམས་སྔགས་ཐུང་། ཨརྩིག་དང་གལ་ཆེ་ན་རྟ་མགྲིན་ནག་པོའི་ཆད་བརྒྱད་སོགས་

[Full Size]

གང་འོས་འདོན་ཅིང་། ཕྲེང་ལྕགས། ནས་ལྕགས་བྲབ། རང་ཉིད་རྟ་མགྲིན་ནག་པོའི་སྐུ་དང་ཕྱག་མཚན་ལས་མེ་ཁ་དོག་སྣ་ལྔ་འཕྲོས་ནས། ནད་པའི་ནད་གདོན་ལུས་ཤ་ཁྲག་དང་བཅས་པ་གཞོབ་ཐུལ་ཐུལ་བསྲེགས་ནས་སྟོང་པར་བསྒོམ་མོ། །དེ་ནས་དེའི་ལུས་ཨོ་རྒྱན་སྨན་བླ་སོགས་ཡི་དམ་དུ་གསལ་བཏབ་གནས་གསུམ་དུ་ཨོཾ་ཨཱཿཧཱུྃ་བསྒོམ། ཕྲེང་བ་མགོར་བཞག་ལ། སོར་མོ་རྒྱལ་བ་རིགས་ལྔ། ཕྲེང་བ་ཡི་དམ་གྱི་སྐུ་བརྒྱ་རྩ་བརྒྱད། མདོ་འཛིན་བླ་མ་ཡི་དམ་མཁའ་འགྲོ་གསུམ་དུ་གསལ་བ་ལས་འོད་ཟེར་ཕྱོགས་བཅུར་འཕྲོས་པས། རང་གི་ངག་ནས་བརྗོད་པའི་བླ་མ་ཡི་དམ་མཁའ་འགྲོ་ཆོས་སྐྱོང་དེ་དག་སངས་རྒྱས་ཀྱི་ཞིང་དེ་ཐམས་ཅད་ནས་ཆར་བབ་པ་ལྟར་བྱོན་ནས་དེ་ལ་ཐིམ་པར་བསྒོམ་ཞིང་། ན་མོ༔ དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་ཐམས་ཅད་ཀྱིས་བྱིན་གྱིས་རློབས་ཤིག །བཀའ་བརྒྱུད་ཕྱི་ཡི་བླ་མ། སྒྲུབ་བརྒྱུད་ནང་གི་བླ་མ། ཡང་དག་དོན་གྱི་བླ་མ། རྒྱལ་བ་དགོངས་པ་བརྒྱུད་པ། རིག་འཛིན་བརྡའི་བརྒྱུད་པ། གང་ཟག་སྙན་ཁུང་བརྒྱུད་པ། གཏེར་ཆོས་སྨོན་ལམ་བརྒྱུད་པ། མཁའ་འགྲོ་གཏད་རྒྱ་བརྒྱུད་པ། ཐུགས་རྗེ་བྱིན་རླབས་བརྒྱུད་པ། བཀའ་བབས་དོན་གྱི་བརྒྱུད་པ། ཕྱག་ཆེན་བརྒྱུད་པའི་བླ་མ། རྫོགས་ཆེན་བརྒྱུད་པའི་

[Full Size]

བླ་མ། ཞི་བྱེད་བརྒྱུད་པའི་བླ་མ། དམར་ཁྲིད་བརྒྱུད་པའི་བླ་མ། གཅོད་ཡུལ་བརྒྱུད་པའི་བླ་མ། ཆོས་དྲུག་བརྒྱུད་པའི་བླ་མ། སྦྱོར་དྲུག་བརྒྱུད་པའི་བླ་མ། རིམ་ལྔ་བརྒྱུད་པའི་བླ་མ། རྒྱ་ཆེན་སྤྱོད་པའི་བརྒྱུད་པ། ཟབ་མོ་ལྟ་བའི་བརྒྱུད་པ། ཉམས་ལེན་བྱིན་རླབས་ཀྱི་བརྒྱུད་པའི་བླ་མ་ཐམས་ཅད་ཀྱིས་བྱིན་གྱིས་རློབས་ཤིག །ཡི་དམ་བྱ་བའི་རྒྱུད་ཀྱི་ལྷ་ཚོགས། སྤྱོད་པའི་རྒྱུད་ཀྱི་ལྷ་ཚོགས། རྣལ་འབྱོར་རྒྱུད་ཀྱི་ལྷ་ཚོགས། བླ་མེད་རྒྱུད་ཀྱི་ལྷ་ཚོགས། ཕ་རྒྱུད་གསང་བ་འདུས་པ། མ་རྒྱུད་མ་ཧཱ་མཱ་ཡཱ། སྤྱི་རྒྱུད་དུས་ཀྱི་འཁོར་ལོ། སྙིང་པོ་ཀྱེ་རྡོ་རྗེ། ཡང་སྙིང་འཁོར་ལོ་བདེ་མཆོག །རྡོ་རྗེ་གདན་བཞི། སངས་རྒྱས་ཐོད་པ། གཤིན་རྗེ་དམར་ནག །དགྲ་ནག་གདོང་དྲུག །རྡོ་རྗེ་འཇིགས་བྱེད་ཀྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །བསྐྱེད་པ་མ་ཧཱ་ཡོ་གའི་ལྷ་ཚོགས། ལུང་ཨ་ནུ་ཡོ་གའི་ལྷ་ཚོགས། རྫོགས་པ་ཆེན་པོ་ཨ་ཏི་ཡོ་ཞི་གའི་ལྷ་ཚོགས། འདུས་པ་མདོའི་ལྷ་ཚོགས། དངོས་གྲུབ་བམ་གྱི་ལྷ་ཚོགས། འཆི་མེད་ཚེའི་ལྷ་ཚོགས། སྒྱུ་འཕྲུལ་ཞི་ཁྲོའི་ལྷ་ཚོགས། འཇམ་དཔལ་སྐུའི་ལྷ་ཚོགས། པདྨ་

[Full Size]

གསུང་གི་ལྷ་ཚོགས། ཡང་དག་ཐུགས་ཀྱི་ལྷ་ཚོགས། ཆེ་མཆོག་ཡོན་ཏན་གྱི་ལྷ་ཚོགས། ཕུར་པ་ཕྲིན་ལས་ཀྱི་ལྷ་ཚོགས། མ་མོ་རྦོད་གཏོང་གི་ལྷ་ཚོགས། རིག་འཛིན་སློབ་དཔོན་ལྷ་ཚོགས། པད་འབྱུང་ཞི་བའི་ལྷ་ཚོགས། རིག་འཛིན་ཁྲོས་པའི་ལྷ་ཚོགས། བདུད་འདུལ་གྲོ་ལོད་ཀྱི་ལྷ་ཚོགས་ཐམས་ཅད་ཀྱིས་བྱིན་གྱིས་རློབས་ཤིག །ཕོ་གདོན་རྒྱལ་འགོང་དམ་སྲི། མོ་གདོན་བསེན་མོ་གསོན་འདྲེ། ཀླུ་གདོན་གཉན་དང་ས་སྲིན། སྟེང་གདོན་གཟའ་དང་རྒྱུ་སྐར། འོག་གདོན་ཀླུ་དང་ས་བདག །བར་གདོན་བཙན་དང་ཐེའུ་རང་། གདོན་རིགས་སྟོང་ཕྲག་བརྒྱད་ཅུའི་གནོད་པས་མི་ཚུགས་པར་སྲུངས་ཤིག །ནད་རླུང་ལས་གྱུར་པའི་ཉི་ཁྲི་གཅིག་སྟོང་། མཁྲིས་པ་ལས་གྱུར་པའི་ཉི་ཁྲི་གཅིག་སྟོང་། །བད་ཀན་ལས་གྱུར་པའི་ཉི་ཁྲི་གཅིག་སྟོང་། འདུས་པ་ལས་གྱུར་པའི་ཉི་ཁྲི་གཅིག་སྟོང་ཐམས་ཅད་ད་ལྟ་ཉིད་དུ་ཞི་བར་བྱིན་གྱིས་རློབས་ཤིག །ཚེ་དང་བསོད་ནམས་དཔལ་དང་འབྱོར་པ། སྟོབས་དང་མངའ་ཐང་རླུང་རྟ་ཉམས་དང་རྟོགས་པའི་ཡོན་ཏན་ཐམས་ཅད། ཟླ་བ་ཡར་གྱི་ངོ་བཞིན་དུ་དར་ཞིང་རྒྱས་པར་བྱིན་གྱིས་རློབས་ཤིག །ཚེ་མི་ཤིགས་པ་རྡོ་

[Full Size]

རྗེ་ལྟ་བུ། མི་འགྱུར་བ་གཡུང་དྲུང་ལྟ་བུ། མི་ནུབ་པ་རྒྱལ་མཚན་ལྟ་བུ། འཆི་བ་མེད་པ་ཚེའི་དངོས་གྲུབ་ཐོབ་པར་བྱིན་གྱིས་རློབས་ཤིག །ཨོཾ་བཛྲ་ཀྲོ་ཏ་རྒྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ བཛྲ་རཀྵ་རཀྵ༔ གལ་ཆེ་ན་ཡི་དམ་གྱི་སྔགས་ལ་རཀྵ་བཏགས་ཤིང་། ལུས་ལ་རྡོ་རྗེའི་གོ་ཁྲབ་བཀོན་པར་དམིགས་ལ། རྒྱལ་བ་སྲས་བཅས་བདེན་པའི་བྱིན་རླབས་དང་། །བདེན་པར་སྨྲ་བ་རྣམས་ཀྱི་བདེན་ཚིག་གིས། །འགྲོ་བ་འདི་ལ་བདག་གིས་བསྲུངས་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཕཊ༔ ཅེས་བརྗོད་ལ་ནད་པ་ལ་རིག་པ་གཏད་ལ་ཉམས་ལེན་ཐུན་ཅིག་སྐྱོང་ངོ་། །འདི་མ་ཎི་བཀའ་འབུམ། མདོ་པདྨ་དཀར་པོ། དཀོན་མཆོག་བརྩེགས་པ། སྨན་མདོ། རྟ་ནག་སྒྲུབ་སྐོར་ལ་སོགས་མདོ་རྒྱུད་མན་ངག་དུ་མའི་དོན་བསྡུས་ཤིང་རང་གི་ཉམས་མྱོང་དང་ཡང་བསྟུན་ནས། བྱིན་རླབས་ཆེ་བར་ངེས་པས་འགྲོ་བ་དཔག་ཏུ་མེད་པ་ལ་ཕན་པར་གྱུར་ཅིག །ཅེས་དགེ་སློང་རྣལ་འབྱོར་སྤྱོད་པ་རཱ་ག་ཨ་སྱས་འབྲུག་ལོ་ཁྲུམས་ཟླ་བའི་གནམ་གང་ཉིན་བྲིས་པ་མང་ལཾ། བྷ་ཝནྟུ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ནད་པ་དང་དུད་འགྲོ་ན་བ་སོགས་ལ་བགེགས་བསྐྲད་དང་ཁྱིམ་དུ་རྡོ་ཐུན་གཏོར་བ།

[Full Size]

ནད་པ་དང་དུད་འགྲོ་ན་བ་སོགས་ལ་བགེགས་བསྐྲད་དང་ཁྱིམ་དུ་རྡོ་ཐུན་གཏོར་བ་སོགས་སྐད་ཅིག་ལ་རང་ཨོ་རྒྱན་སྒོམ་ལ། ཧཱུྃ༔ བདག་ཉིད་ཐ་མལ་རང་སེམས་བཟོ་མེད་འདི༔ དཀོན་མཆོག་སྤྱི་འདུས་པདྨ་འོད་འབར་སྐུ༔ དཀར་གསལ་མདངས་ལྡན་ཞི་འཛུམ་རྒྱན་གྱིས་སྤྲས༔ རྡོ་རྗེ་ཐོད་པ་ཚེ་བུམ་རིན་ཆེན་བརྒྱན༔ པད་ཞྭ་རྒོད་ལྡེམ་ཁ་ཊཾ་གཡོན་ན་འཁྲིལ༔ ཕོད་ཁ་ཆོས་གོས་ཟ་འོག་བེར་ཕྱམ་ཅན༔ མཚན་དཔེས་རབ་བརྒྱན་འོད་ཀྱི་དཀྱིལ་འཁོར་མཛེས༔ མཉམ་ཉིད་བདེ་ཆེན་འཁྱིལ་བའི་སྐྱིལ་ཀྲུང་བཞུགས༔ འོད་ཀྱི་ལུས་ལ་ཡེ་ཤེས་སྙིང་པོ་ཅན༔ གསལ་སྟོང་ཐུགས་རྗེའི་འོད་ཟེར་ཀུན་ལ་སྙོམས༔ ཚེ་དང་ཡེ་ཤེས་ལས་མཆོག་ཌཱཀིའི་ཚོགས༔ མཁའ་འགྲོ་འཇའ་སྤྲིན་རྣམ་མང་འཁྲིགས་པའི་དབུས༔ སྐུ་ཡི་སྤྲུལ་པས་ཞིང་ཁམས་ཡོངས་ལ་ཁྱབ༔ ནམ་མཁའི་ལུས་ཅན་གར་ཡང་ཐོགས་པ་མེད༔ བདེ་གཤེགས་ཀུན་གྱི་བཀོད་པ་སྐུ་ལ་རྫོགས༔ ཀུན་ཀྱང་རྒྱལ་བའི་དཀྱིལ་འཁོར་ཟང་ཐལ་ལ༔ བགེགས་དང་བར་ཆད་ཞེས་བྱའི་མིང་ཡང་མེད༔ སྣང་སྟོང་སྒྱུ་མ་ཙམ་དུ་གསལ་བར་བསྐྱེད༔ ཅེས་པའི་བར་གྱེར་ལ། དེ་ནས་རྒྱལ་བ་རྒྱ་མཚོའི་ནང་ནས། ན་མོ། རྗེ་བཙུན་

[Full Size]

རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། བཅོམ་ལྡན་འདས་འཇིག་རྟེན་དབང་ཕྱུག་རྒྱལ་བ་རྒྱ་མཚོའི་ལྷ་ཚོགས་རྣམས་ཀྱི་བཀའ་བདེན་པ་དང་། དམ་པ་ཆོས་སྐྱོང་བའི་སྲུང་མ་རྣམས་ཀྱི་བཀའ་བདེན་པའི་མཐུས། གདོན་བགེགས་འབྱུང་པོའི་ཚོགས་རྣམས་སྐད་ཅིག་ཉིད་ལ་འདིར་མ་གནས་པར་གཞན་དུ་དེངས་ཤིག །ཅེས་པ་ལན་གསུམ། དེ་ནས་བདེན་སྟོབས་དེ་ལ་མི་རྩི་བའི་གདོན་གདུག་པ་ཅན་རྣམས་རང་ཨོ་རྒྱན་ཐུགས་ཁྲོས་ནས་གུ་རུ་དྲག་པོ་གྱུར་པར་བསྒོམ། བདག་ཉིད་རིག་པའི་ངོ་བོ་ལས༔ འཇིགས་བྱེད་རྡོ་རྗེ་ཐོད་ཕྲེང་རྩལ༔ དམར་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་སྔོ་དབུས་དམར་ཞལ༔ གཡས་གསུམ་རྡོ་རྗེ་གྲི་གུག་གྲི༔ གཡོན་གསུམ་བྷནྡྲ་ཁ་ཊཾ་སྡིག༔ ཞབས་བཞི་བརྐྱང་བསྐུམ་འདོར་ཐབས་བསྒྲད༔ རྡོ་རྗེ་རིན་ཆེན་གཤོག་པ་གདེངས༔ དུར་ཁྲོས་ཆས་བརྒྱད་རྫོགས་པར་གསལ༔ ཡུམ་ཆེན་ཕག་མོ་མཐིང་ནག་འཁྲིལ༔ གྲི་ཐོད་འཁྱུད་སྟོབ་བརྐྱང་བསྐུམ་སྦྱོར༔ ཞེས་པའི་བར་གྱེར་བསྒོམས་བྱས་ལ།

[Full Size]

རང་དྲག་པོའི་སྐུ་ལས་ཁྲོ་བོ་དང་ཁྲོ་མོ་སེར་རྒོད་བབ་པ་ལྟར་འཕྲོས་ནས། གདོན་ཐམས་ཅད་བྱ་སྤུ་རླུང་གིས་གཏོར་བ་ལྟར་མཐའི་རྒྱ་མཚོའི་ཕ་རོལ་དུ་དེད་པར་བསྒོམ་ཞིང་། ཧཱུྃ༔ ང་ནི་ཁྲོ་རྒྱལ་འཇིགས་པའི་སྐུ༔ ཉོན་ཅིག་བགེགས་དང་ལོག་འདྲེན་ཚོགས་ང་ཡི་བཀའ་ལ་འདའ་མ་བྱེད༔ ཁྲོ་རྒྱལ་འབར་བའི་བཀའ་ལས་ནི༔ འབྱུང་པོ་གང་ཞིག་འདའ་བྱེད་པ༔ དྲག་པོ་ཆེན་པོ་དྲག་ཤུལ་ཅན༔ དམར་ནག་མེ་ཕྲེང་ཁྲོས་ནས་ནི༔ ཁྲོ་བོའི་ཚོགས་ཀྱི་ནམ་མཁའ་གང་༔ ཁྲོ་མོའི་ཚོགས་ཀྱི་ས་གཞི་གང་༔ བགེགས་ཚོགས་ཐལ་བ་རྡུལ་དུ་རློགས༔ མིང་ཡང་གྲགས་པར་མི་འགྱུར་བ༔ དེ་བས་མི་འདུག་ད་ལྟ་ཕྱིར་དེངས་ཤིག༔ ཅེས་པའི་བར་དང་གྲོ་ལོད་མཚམས་གཅོད་བཀའ་བསྒོ་ཡང་གྱེར་རུང་ཞིང་། དེ་ནས་ཕྲེང་ལྕགས་སམ། ནས་ལྕགས་སམ། རྡོ་ཐུན་གཏོར་ཞིང་། ཨོཾ་སུམྦྷ་ནི་སོགས། ཨརྩིག་ནེརྩིག་སོགས། གྲོ་ལོད་སྔགས་རྣམ་འཇོམས་སོགས་དྲག་སྔགས་ཤེས་ཚད་གྲངས་སུ་བརྗོད་དོ། །དུད་འགྲོ་ན་བ་ལ་མེ་ཡིས་བྲབ་རུང་། རོ་ཕུད་པ་ལ་ཆེར་ལྕགས་ནས་ལྕགས་རྡོ་ཐུན། གཤེད་ཕུད་དུས་ཡིན་ན་རྡོ་ཐུན་གཏོར། དེ་ནས་ཁྲོ་བོ་རྣམས་ཚུར་འདུས་པས་མེ་རི་དང་། དེ་ནང་ཕུར་པ། སྣ་ཚོགས་རྡོ་རྗེ། རལ་གྲི། འཁོར་ལོ་དང་། དེ་ནང་རྡོ་རྗེའི་གུར་སྟེ་གུར་རིམ་པ་དྲུག་གི་ནང་རང་དང་བསྲུང་བྱ་

[Full Size]

རྣམས་ཚུད་པར་སྒོམས་ཤིག །ཧཱུྃ༔ བདག་ནི་འབར་བ་དབང་གི་བདག་ཉིད་དེ༔ ཁྲོས་པའི་ངང་ལས་ཁྲོ་ཚོགས་མཚོན་ཆའི་ཆར༔ རྡོ་རྗེ་འཁོར་ལོ་རལ་གྲི་འབར་བ་དང་༔ རྒྱ་གྲམ་མེ་དཔུང་ཁྲོ་ཚོགས་རླུང་ལྟར་འཚུབ༔ སྟེང་འོག་ཕྱོགས་མཚམས་ཀུན་ཏུ་ཁྱབ་པར་བསྲུང་༔ བདུད་སྡེ་དཔུང་བཅས་མ་རུངས་གདུག་པའི་ཚོགས༔ བསྲུང་བའི་མཚམས་འདིར་འདུག་པའི་གནས་མེད་ཀྱི༔ གསང་བའི་དཀྱིལ་འཁོར་འདི་ལ་འདའ་མ་བྱེད༔ ཨོཾ་བཛྲ་ཙཀྲ་ཏིཥྛ་ཀརྨ་ཀཱི་ལ་ཡ་ཛྭ་ལ་རཾ་ཧཱུྃ་ཕཊ༔ དེ་ཡན་བགེགས་བསྐྲད་ཡིན། ཡང་ནད་པའམ་དུད་འགྲོ་སོགས་བྱིན་རླབས་དགོས་ན། རང་གུ་དྲག་གི་སྐུ་ལས་ཡེ་ཤེས་མེ་དཔུང་ཆད་པས་དེའི་ནད་གདོན་ལུས་ཤ་ཁྲག་དང་བཅས་པ་གཞོབ་ཐུལ་གྱིས་བསྲེགས་ནས་སྟོང་པར་གྱུར་ཏེ། དེ་ནས་དེ་ཡི་ལུས་སེམས་ཀྱི་ངོ་བོ་དེ་ཀ་ལ་ཨོ་རྒྱན་གྱི་སྐུ་གཅིག་ཏུ་གྱུར་པ་ལ་རང་གི་ཐུགས་ཀ་ནས་འོད་ཟེར་དམར་ནག་རྔ་ཡབ་གླིང་དུ་འཕྲོས་པས། ཨོ་རྒྱན་གྱི་ཐུགས་ཀ་ནས་ཨོ་རྒྱན་གྱི་སྐུ་ཆེ་ཆུང་བུ་ཡུག་འཚུབ་པ་ལྟར་བྱོན་ནས། ནད་པ་ལ་ཐིམ་པར་བསྒོམ་ཞིང་། ཧཱུྃ༔ སྔོན་གྱི་བསྐལ་པའི་དང་པོ་ལ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་

[Full Size]

མང་པོའི་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཕྱིར༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་མཐོ་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱ༔ ཞེས་པའི་བར་གྱེར་ནས། དེ་ནས་ཕྲེང་བ་མགོར་བཞག་ལ། འཇིག་རྟེན་དབང་ཕྱུག །པདྨ་བཛྲ། ཛ་ལེནྡཱ་ར། མེ་ཏྲི་པ། བཛྲ་པཱ་ཎི། བ་དན། སུ་མི་ཏ། ཀཱིརྟི། རས་ཆུང་རྡོ་རྗེ་གྲགས་པ་ལ་སོགས་པ་རྣམས་ཀྱིས་བྱིན་གྱིས་རློབས་ཤིག །ལྷ་དགུའི་བརྒྱུད་རིམ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་། མ་གཅིག་གྲུབ་པའི་རྒྱལ་པོ། ཏེ་ཕུ་པ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀཱི། གཉེན་རས་དགེ་འདུན་འབུམ། ཆོས་རྗེ་རང་བྱུང་རྡོ་རྗེ། མཁས་བཙུན་རིན་ཆེན་རྒྱལ་མཚན། མཾ་ག་ལ་ཀེ་ཏུ་རིན་ཆེན་བཟང་པོ། ཀུན་

[Full Size]

མཁྱེན་མཐོང་བ་དོན་ལྡན། བྱང་སེམས་དཔལ་འབྱོར་དོན་གྲུབ། རྒྱལ་དབང་ཆོས་གྲགས་རྒྱ་མཚོ་ནས། མི་ཕམ་ཆོས་གྲུབ་རྒྱ་མཚོ་ལ་སོགས་དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་པ་དམ་པ་རྣམས་ཀྱིས་བྱིན་གྱིས་རློབས་ཤིག །ལྷ་ལྔའི་བརྒྱུད་པ་དང་གང་ཤེས་མཇུག་ཏུ། རྣམས་ཀྱིས་བྱིན་གྱིས་རློབས་ཤིག །གུ་རུ་པདྨ་འབྱུང་གནས། སྐུ་གསུམ་སྐུ་ལྔ་མཚན་བརྒྱད། གུ་རུ་དྲག་པོ་དམར་ནག་མེ་ཕྲེང་ཅན་གྱི་ལྷ་ཚོགས། བདུད་འདུལ་རྡོ་རྗེ་གྲོ་ལོད་ཀྱི་ལྷ་ཚོགས། འཕགས་མ་རི་ཁྲོད་ལོ་མ་གྱོན་མ་ཅན་གྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །ཕོ་གདོན་རྒྱལ་པོ། མོ་གདོན་བསེན་མོ། ཀླུ་གདོན་ཐེའུ་རང་། སྟེང་གདོན་གཟའ་དང་རྒྱུ་སྐར། འོག་གདོན་ཀླུ་དང་ས་བདག །བར་གདོན་བཙན་གྱི་གནོད་པས་མི་ཚུགས་པར་སྲུངས་ཤིག །ནད་རླུང་ལས་གྱུར་པ། མཁྲིས་པ་ལས་གྱུར་པ། བད་ཀན་ལས་གྱུར་པ། འདུས་པ་ལས་གྱུར་པའི་ནད་རིགས་བཞི་བརྒྱ་རྩ་བཞིའི་གནོད་པ་ཐམས་ཅད་ད་ལྟ་ཉིད་དུ་ཞི་བར་བྱིན་གྱིས་རློབས་ཤིག །བཛྲ་གུ་རུ་ཐོད་ཕྲེང་རྩལ། ཨརྩིག་གྲོ་ལོད་སྔགས་ལོ་མ་ཅན་སོགས་སྙིང་པོ་གང་ཤེས་རེ་རེའི་མཇུག་ཏུ་ཅེས་བཏགས་ལ་བཟླ།

[Full Size]

རང་གི་ལག་གི་ཕྲེང་བ་རྣམས་རྡོ་རྗེ་རྒྱ་གྲམ་གྱུར་པ་ལས་རྡོ་རྗེའི་ཆར་བབས་པས་ལུས་རྡོ་རྗེའི་གོ་ཁྲབ་ཏུ་ལྗིབས་སེ་བཀབ་པར་བསྒོམས་ལ། རྒྱལ་བ་སྲས་བཅས་བདེན་པའི་བྱིན་རླབས་དང་། །བཅོམ་ལྡན་གུ་རུ་དྲག་པོའི་བདེན་པའི་མཐུས། །འགྲོ་བ་འདི་ལ་བདག་གིས་བསྲུངས་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཨོཾ་བཛྲ་རཀྵ་རཀྟ་ཧཱུྃ་སྭཱ་ཧཱ། དེ་ནས་ཅི་ཡང་མི་དམིགས་ནད་པ་རང་དང་བཅས་པ་སྟོང་པ་ཉིད་ཉམས་ལེན་ངང་ལ་ཡུད་ཙམ་བཞག་ལ། ཕཊ་དྲག་པོ་གསུམ་བརྗོད། སྒོམ་པ་པོ་རྣམས་ལ་ཉེ་བར་མཁོ་བའི་ཕྱིར། ༧ རཱ་ག་ཨ་སྱས་འཕྲལ་དུའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མི་ཁ་ཟློག་པའི་གསོལ་འདེབས།

[Full Size]

ན་མོ་མ་ཧཱ་གུ་རུ་སརྦ་སིདྡྷི་ཧཱུྃ། རིག་འཛིན་གྲུབ་དབང་པདྨ་འབྱུང་གནས་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཁྲོ་རྒྱལ་དམར་ནག་མེ་ཕྲེང་ཡབ་ཡུམ་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཡི་དམ་རྟ་མགྲིན་ཕག་མོ་ཡབ་ཡུམ་ལ། །གསོལ་བ་འདེབས་སོ་དབང་བསྐུར་བྱིན་༡གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཡེ་ཤེས་ཆོས་སྐྱོང་མ་མགོན་ལྕམ་དྲལ་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ནོར་ལྷ་གཏེར་བདག་དམ་ཅན་རྒྱ་མཚོ་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །རྗེ་བཙུན་

[Full Size]

འཕགས་མ་སྒྲོལ་མ་དཀར་སྔོན་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །དེ་ལྟར་རྩེ་གཅིག་གསོལ་བ་བཏབ་པའི་མཐུས། །བདག་ལ་ལོག་ལྟ་སྐུར་པ་འདེབས་པ་ཡི། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཞེས་པ་འདི་དུས་ཕྱིས་སྙིགས་མ་ལ་ཐུག་པའི་དུས་འགྲོ་ལ་ཕན་པའི་ཕྱིར། ཨ་རཱ་གས་སྦྱར་བའོ།།

མི་ཁ་བཟློག་གཟུངས་མདོར་བསྡུས།

[Full Size]

མི་ཁ་བཟློག་གཟུངས་མདོར་བསྡུས་བཞུགས་སོ། །རང་ཉིད་ཐུགས་རྗེ་ཆེན་པོའི་ཐུགས་ཀ་ནས་འོད་ཟེར་ལྗང་གུ་འཕྲོས་པས་གཏམ་ངན་མི་ཁ་ཐམས་ཅད་བཟློག་པར་བསམ། ཨོཾ་མ་ཎི་པདྨེ་ཧཱུྃ་ཧཱུྃ༔ ཧུར་ཐུ་མི་ཁ་གཏམ་ངན་ཐམས་ཅད་ཟློག །རི་ལི་རི་ལི། ཨོཾ་མ་ཧཱ་དྷེ་ཝ་དགྲ་བོ་ཀྲྀ་ཏྲི་སྲོག་ལ་རྦད་ཆོད། བྷྱོ་མི་ཁ་ངན་པ་སྒྱུར། མི་ཁ་དགྲ་བོ་མཱ་ར་ཡ། ཐུ་ཐཾ། ཤིག་ཤིག །རྦད་རྦད། དྲིལ་དྲིལ། བྷྱོ་བྷྱོ། ཟློག་ཟློག །བརྒྱའི་མི་ཁ་ཟློག །སྟོང་གི་བྲ་མཆུ་ཟློག བརྒྱ་ཁ་ཡེར་ཡེར་ཟློག །སྟོང་ཁ་མེར་མེར་ཟློག །ནད་སྣ་ཟློག །གདོན་སྣ་ཟློག །ཡམས་སྣ་ཟློག །རིམས་སྣ་ཟློག །དགྲ་སྣ་ཟློག །གྱོད་སྣ་ཟློག །རྐུན་སྣ་ཟློག །དམག་སྣ་ཟློག །ཉི་མ་ཕྱོགས་བཞི་མཚམས་བརྒྱད་ཀྱི་མི་ཁ་གཏམ་ངན་ཐམས་ཅད་ཟློག །ངན་སེམས་ཚུར་ལ་འཆང་བའི་དགྲ་བོ་ཐམས་ཅད་རྦད་རྦད། དྲིལ་དྲིལ། ཐཾ་ཐཾ། ཤིག་ཤིག །བྷྱོ་བྷྱོ། ཟློག་ཟློག །བྷྱོ་ཟློག་ཡཅིག །ཅེས་པ་འདི་ཀརྨ་རཱ་ག་ཨ་སྱས་སྦྱར་བའོ།། །།

ཁ་མཆུ་ཞི་བྱེད་གདུག་པ་སྤུ་མདའ་ནག་པོའི་འཁོར་ལོའི་ལུམ་དང་འདོན་ཆ་ཕྱོགས་དྲིལ།

[Full Size]

ཁ་མཆུ་ཞི་བྱེད་གདུག་པ་སྤུ་མདའ་ནག་པོའི་འཁོར་ལོའི་ལུམ་དང་འདོན་ཆ་ཕྱོགས་དྲིལ་རཱ་ག་སྱས་སོ། །ཀྱེ་མ་སྟོན་པ་བཅོམ་ལྡན་འདས། །བདག་ཅག་ཡུལ་འདིར་མཆིས་པ་རྣམས་ལ་རྒྱལ་པོའི་ཆད་པ་དང་། ཡུལ་གཞན་གྱིས་མིའི་རྩོད་པ་དང་། སྐྱེ་བོ་ཕལ་པས་མཚང་འབྲུ་བ་དང་། དགྲ་རྣམས་ཀྱི་ཁ་མཆུ་བསྙད་ཚོལ་རྩོད་པའི་གཞི་བཏིང་བ་ལ། མ་སྐྲག་མ་བསྔངས་ནས། མན་ངག་འདི་ལ་བརྩོན་པར་བྱའོ། །དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་རིགས་ལྔའི་ལྷ་ལ་ཕྱག་འཚལ་ལོ། །ཞེས་ལན་གསུམ་མཛོད། གཞན་དཀྱིལ་འཁོར་གཅིག་གིས་ཁོག་ཕུབ་ནས། སྐྱབས་འགྲོ་སེམས་བསྐྱེད་ནས་བཟུང་། བསྙེན་པ་བཟླས་མཐར། ཨོཾ་ན་མོ་བྷ་ག་ཝ་ཏེ་ཨདྷ་ཏེ། སམྱཀཾ་བུདྡྷ་ཡ། ཏདྱ་ཐཱ། ཨོཾ་མུ་ནེ་མ་ནེ་མ་ཧཱ་མུ་ནེ་རཀྵ། སརྦ་པུཊྚི་ཀུ་རུ་སརྦ་ཏ་ཐཱ་ག་ཏ་ཨ་དྷིཥྛན་ཨ་དྷིཊྛི་ཏེ། མ་མ་སརྦ་རཀྵ་རཀྵ་སྭཱ་ཧཱ། ཨོཾ་ཁ་དུ་རཀྵ། ཨོཾ་ཁ་མཆུ་སོད། ཏྲག་རཀྵ། ཨོཾ་ཎི་ཝ་ར་སན་རཀྵ། ཧ་ར་ཧ་ར། རཀྵ་རཀྵ་སྭཱ་ཧཱ། ཏདྱ་ཐཱ། ཨོཾ་བཛྲ་པཱ་ཎི་མ་མ་རཀྵ་རཀྵ། ཨོཾ་བྷྱོ་བཟློག་ཨཱི། ཁ་མཆུ་མཱ་ར་ཡ་ཕཊ། ས་མ་ཡ་དུ་རཀྵ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། བདག་འཁོར་དང་བཅས་པ་ལ་ཡས་ཀྱི་བདུད་གཡོས་པ་དང་། ཕ་ཁུའི་བྱུར་འདྲེ་དང་། དགྲ་བོ་དང་། ཉེ་

[Full Size]

དུའི་ལན་ཆགས་དང་། ལོ་ངན་པའི་སྐག་དང་། ཟླ་བའི་སྐག་དང་། བཀྲ་མི་ཤིས་པ་དང་། སྐྱེ་བོའི་རྩོད་པ་དང་། རྒྱལ་པོའི་ཆད་པ་དང་། མཚང་འབྲུ་བ་དང་། ཁ་མཆུ་རྩོད་པ་དང་། ངན་སེམས་དང་། བསམ་པ་ངན་པའི་གྲོགས་དང་། རྨི་ལྟས་ངན་པ་དང་། གདོན་ཐམས་ཅད་བཟློག་པར་འགྱུར་རོ། །སྡང་བ་རྣམས་འདུལ་དུ་གསོལ། ཁ་མཆུ་དང་། བྱོལ་ཟོར་དང་། རྦོད་གཏོང་དང་། རིམས་དང་། ལྟས་ངན་པ་ཐམས་ཅད་ཞི་བ་ཤཱནཾ་ཀུ་རུ་ཡེ་སྭཱ་ཧཱ། ཞེས་པ་འདི་འཆང་བ་དང་། ཀློག་པ་དང་། མེ་ཆུ་ལ་བསྐོར་བའི་མི་དེ་ལ་བསྲུང་བ་དང་བསྐྱབ་པ་དང་ཕ་རོལ་གྱི་རྩོད་པ་ཐམས་ཅད་འཇོམས་སོ། །འཁོར་ལོ་ནི་ཤར་ལ་ཟླུམ་པོ་གང་ཡང་རུང་ངོ་། །གཡས་འཁོར་གཡོན་འཁོར་གང་བདེར་བཤད། ཅེས་པ་འདི་ནི་ཁས་དམན་གཉོམ་ཆུང་ལ། །སྙིང་རྗེའི་སེམས་ཀྱིས་རཱ་ག་ཨ་སྱས་བྲིས། ༈ གདུག་པའི་སྤུ་མདའ་ནག་པོའི་སྔགས་ཤམ་ནི། ཨོཾ་ན་མོ་དྷ་ར་ནི་སྭཱ་ཧཱ། ཨོཾ་དྷི་རི་དྷི་རི་ཏྲ་སྭཱ་ཧཱ། ཨོཾ་སཾ་དྷ་ཡ་ཀྲོ་ཏ་ནི་སྭཱ་ཧཱ། ཨོཾ་ཨ་མྲྀ་ཏ་བྷ་དྷ་དྷ་རི་ཧཱུྃ་སྭཱ་ཧཱ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཱ་ཧཱ། ཨོཾ་ཧ་ནུ་མནྟ་ན་ཀྱི་ལ་བྷྱོ་སྦྱོ། ཨོཾ་ཨ་ནན་ཏ་ན་ཆེ་མོ་ལ་སྲུངས་ཤིག་རཀྵ་རཀྵ། རྨི་མོ་འགྲེས་སོ། །རྒྱལ་པོའི་འཇིགས་པ་

[Full Size]

ལས་བསྲུང་དུ་གསོལ། ཁ་མཆུ་ངན་པ་ལས་བསྲུང་དུ་གསོལ། རྐྱེན་ངན་པ་ལས་བསྲུང་དུ་གསོལ། བན་བོན་གྱི་ཁ་ཡོག་དང་ལྕེ་སྤྱང་ལས་བསྲུང་དུ་གསོལ། ཧོར་འདྲའི་ཁ་ཡོག་དང་མདའ་མདུང་ལས་བསྲུང་དུ་གསོལ། ཡུལ་མི་ཁྱིམ་མཚེས་ཀྱི་ཁ་མཆུ་གཡོ་བ་ལས་བསྲུང་དུ་གསོལ། མུ་སྟེགས་ཀྱི་བྱད་ཁ་དང་རྫས་ངན་ལས་བསྲུང་དུ་གསོལ། མི་དཔོན་གྱི་ཁ་ཡོག་དང་ལྷ་འདྲེའི་རྨོང་བྱེད་ལས་བསྲུང་དུ་གསོལ། རཀྵ་མན་ཆད་འཁོར་ལོའི་ཤམ་ལ་ཡང་སྦྱར། ཞེས་པ་འགྲོ་བ་མི་རྣམས་ལ། །ཕ་རོལ་བདུད་དང་སྲིན་པོ་དང་། །མི་དང་མི་མ་ཡིན་པ་དང་། །སྲིན་པོ་ཕོ་འདྲེ་མོ་འདྲེ་རྣམས། །འགྲོ་བའི་སྙིང་ལ་ཞུགས་པས་ན། །སེམས་ཅན་བསམ་པ་མི་འགྲུབ་པས། །ཚེ་མཐར་མི་ཕྱིན་བསོད་ནམས་ཆུང་། །སྡུག་བསྔལ་ཆེ་ཞིང་བྱུར་ཡུག་མང་། །དེ་ཕྱིར་འགྲོ་བ་མི་རྣམས་ལ། །ཕན་དང་བདེ་བའི་ཕྱིར་དང་ནི། །ཁ་མཆུ་སྒྱུར་བྱེད་ཆེན་པོ་བཀོད། །དེ་ཡི་དགེ་བ་དག་གིས་ནི། །འགྲོ་བའི་སྡུག་བསྔལ་ཞི་བྱེད་ཤོག །ཅེས་པ་འདི་ནི་བདག་བསོད་སྙོམས་ལ་འགྲོ་སྐབས་ཡོན་བདག་ཁ་མཆུས་མནར་བ་@ཞིག་ལ་དགོངས་ནས་ཞུན་མར་ཆུང་བ་གཅིག་གི་ངོགས་ནས་བྲིས། མངྒ་ལཾ།། །།

གྲོ་ལོད་དམ་སྒྲགས།

[Full Size]

ཧཱུྃ་ཧཱུྃ་ཧཱུྃ། རྣལ་འབྱོར་བདག་ལ་དམ་སྲིའི་དགྲ་བྱུང་ན། །སྐྱབས་ཀྱི་དམ་པ་རྡོ་རྗེ་གྲོ་ལོད་འབོད། །ཡེ་ཤེས་སྤྱན་དང་མངོན་ཤེས་དྲུག་ཅུ་ཡིས། །སྣང་སྲིད་འཁོར་འདས་ཐམས་ཅད་ས་ལེར་གཟིགས། །རྡོ་རྗེས་སྙན་མངའ་ནམ་མཁའི་མཐར་ཐུག་པའི། །སྒྲ་རྣམས་ཀུན་གྱི་རྗེས་འགྲོ་སོ་སོར་གསན། །མཐུ་སྟོབས་ཐོགས་མེད་དྲེགས་པ་ཀུན་འདུལ་བ། །གནོད་བྱེད་དམ་སྲི་འདི་ལ་བཀའ་ཆད་ཕོབ། །མ་འོངས་པདྨ་འབྱུང་གནས་མཚན་འཛིན་པ། །སྤྱི་བོར་བླངས་ནས་ཕྲིན་ལས་བསྒྲུབ་བོ་ཞེས། །སྔོན་གྱི་དམ་ཚིག་དེ་ལ་འདས་གྱུར་ན། །རྣལ་འབྱོར་ང་ལ་ཐོ་འཚམ་བྱེད་པ་ཡིན། །བགེགས་དང་དམ་སྲི་འབྱུང་པོ་གང་ཡིན་པ། །ཡཀཱ་ཁྲོ་བོས་མགོ་དང་ཡན་ལག་ཆོད། །གནམ་ལྕགས་སྡིག་པས་དེ་ཡིས་སྙིང་ཁྲག་འཇིབས། །སྔོན་གྱི་དམོད་པ་རང་རང་ཉིད་ལ་ཟློག །རྡོ་རྗེ་གྲོ་ལོད་བཀའ་ལ་བདེན་ཡོད་ན། །ང་ལ་ཐོ་འཚམ་བྱེད་པའི་དམ་སྲི་རྣམས། །མཐུ་སྟོབས་ནུས་པས་རྡུལ་དུ་རླག་གྱུར་ཅིག །ནམ་ཞིག་བདག་གིས་བླ་མེད་འབྲས་ཐོབ་ཚེ། །དམ་སྲི་ཁྱོད་ཀྱང་བདག་གིས་རྗེས་བཟུང་ནས། །བླ་མེད་བྱང་ཆུབ་མཆོག་ལ་འགོད་པར་

[Full Size]

ཅེས་མཛོ་རྫི་མདའ་རུ་དམ་སྲི་ཐོ་འཚམ་བྱུང་ནས། རཱ་ག་ཨ་སྱས་བྲིས་པའོ། །མངྒ་ལཾ།།

གདུགས་དཀར་བསྡུས་པ།

[Full Size]

ཧཱུྃ། སྐྱོབ་པ་ཤཱཀྱ་སེང་གེ་ཡི། །གཙུག་ཏོར་གདུགས་དཀར་འཕྲོ་འདུ་ལས། །བྱུང་བའི་ལྷ་མོ་སྟོབས་ཆེན་མོ། །རིག་པའི་རྒྱལ་མོར་ཕྱག་འཚལ་བསྟོད། །། ༀ་ཨ་སི་ཏ་ཏ་པ་ཏྲེ་ཨ་པ་ར་ཛི་ཏེ་སརྦ་གྲ་ཧ་ན་ས་ཡ་ཏྲ་ཡ་ཡ་ཧ་ན་ཧ་ན་ཧཱུྃ་ཧཱུྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། གདུགས་དཀར་མོའི་ཐལ་རྡེབ། ན་མོ། དཀོན་མཆོག་གསུམ་དང་རྒྱལ་ཡུམ་གདུགས་དཀར་མོས། །སྐུ་གསུང་ཐུགས་དང་བཀའ་ཡི་བདེན་པའི་མཐུས། །ཕ་རོལ་བན་བོན་བྱེད་མ་བསམ་སྦྱོར་ངན། །མཐུ་གཏད་དམོད་སྒྲུབ་རླུང་འཁོར་སྡོམ་སྲེག་མནན། །ཟོར་ཁ་ཕུང་གཤེགས་དབྱེ་སྐད་དམུ་དཀྲུགས་སོགས། །ཐམས་ཅད་ཕྱིར་བཟློག་ཕྲིན་ལས་མཛད་དུ་གསོལ། །ཐལ་མོ་བརྡེབ་པར་བྱའོ། །ཞེས་རཱ་ག་ཨ་སྱས་སོ།། །།

མདོ་སྒྲུབ་སྲུང་བ་ཟབ་མོ།

[Full Size]

མདོ་སྒྲུབ་སྲུང་བ་ཟབ་མོ་བཞུགས་སོ།

[Full Size]

མདོ་སྒྲུབ་བསྲུང་བ་ཟབ་མོ་འདི་ལྟ་སྟེ། དང་པོ་ནངས་སྔ་བདེ་བའི་སྟན་ལ་འདུག །བསྲུང་བ་ཡི་དམ་རྒྱལ་བའི་དཀྱིལ་འཁོར་འདི། །འདོན་སྒོམ་སྦྲག་མའམ་ཡིད་ཀྱིས་དམིགས་རིམ་སྒོམ། །བླ་མ་ཡུམ་ཆེན་དཀོན་མཆོག་རྣམ་གསུམ་ལ། །བདག་དང་བསྲུང་བྱ་ཐམས་ཅད་སྐྱབས་སུ་མཆི། །འགྲོ་དྲུག་སེམས་ཅན་སངས་རྒྱས་མྱུར་ཐོབ་ཕྱིར། །བདག་གིས་ཤེས་རབ་སྙིང་པོ་བསྒོམ་པར་བྱ། །ཨོཾ་སྭ་བྷཱ་ཝ་སོགས། སྣོད་བཅུད་ཆོས་རྣམས་སྟོང་ཞིང་བདག་མེད་ངང་། །བྷི་ཡིག་སེར་པོ་ཡོངས་སུ་གྱུར་པ་ལས། །གསེར་གྱི་འཁོར་ལོ་གུར་ཐབས་རྩིབས་སྟོང་པ། །དེ་དབུས་པད་ཟླར་བཻ་ཡིག་རང་སྒྲར་བཅས། །དེ་

[Full Size]

ལས་འོད་ཟེར་རིམ་པར་འཕྲོས་པ་ཡི། །འཁོར་ལོའི་ཕྱི་རོལ་ཤེར་ཕྱིན་གླེགས་པཾ་གུར། །དེ་རྒྱབ་ཤེས་རབ་རལ་གྲི་རྡོ་རྗེ་དང་། །ཡེ་ཤེས་མེ་དཔུང་གུར་ཁང་སྟོང་གསུམ་ཙམ། །རྒྱ་ཆེ་དཔང་མཐོ་རྔམས་ཐུག་རླུང་མི་ཐར། །བསྐལ་པའི་མེ་ལྟར་ཚ་བསྲེག་ལྟར་མི་བཟོད། །དེ་ནང་ནམ་མཁར་བྱང་སེམས་ལྷ་ཡི་བུ། །སྟོང་ཕྲག་ནོར་བུ་ཁྲུས་བུམ་ཐོགས་ནས་བྱོན། །བུ་ཁྱོད་ཀྱི་དོན་དེ་འགྲུབ་པར་གྱུར་ཅིག་ཅེས། །གསུངས་ཤིང་བདུད་རྩིས་བདག་ལ་ཁྲུས་གསོལ་བས། །ཁཾ་ཡིག་ཡོངས་གྱུར་བདག་ཉིད་ཤཱཀྱ་ཐུབ། །གསེར་མདོག་མཚན་དང་དཔེ་

[Full Size]

བྱད་འོད་ཟེར་འབར། །ཆོས་གོས་གསུམ་གསོལ་རྡོ་རྗེའི་སྐྱིལ་ཀྲུང་གིས། །སེང་གེ་གླང་ཆེན་གྱིས་བཏེག་རིན་ཆེན་ཁྲི། །ཉི་ཟླ་པདྨ་བརྩེགས་པའི་གདན་ལ་བཞུགས། །སྐུ་ཡི་ཚད་ནི་རི་རབ་ཙམ་དུ་ཆེ། །ས་གནོན་མཉམ་བཞག་མཛད་པའི་གཙུག་གཏོར་རྩེར། །ཡུམ་ཆེན་ངོ་བོ་ནོར་བུ་དབང་གི་རྒྱལ། །གསེར་མདོག་སྟོང་གསལ་ངོས་བཟུང་མེད་པས་བརྒྱན། །རང་གི་གཡས་སུ་འཕགས་པ་སྤྱན་རས་གཟིགས། །གཡོན་དུ་ཤཱ་རིའི་བུ་གཉིས་ཐལ་མོ་སྦྱར། །ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་དང་། །ཉན་ཐོས་མཆོག་བརྒྱད་ཉན་རང་དཔག་མེད་བསྐོར། །རང་གི་བ་སྤུའི་བུ་ག་ཐམས་ཅད་ཀྱང་། །ཐུབ་དབང་ནས་འབྲས་ཙམ་རེས་གཏམས་གྱུར་ཞིང་། །སྦྱིན་བདག་ལ་སོགས་བསྲུང་བྱ་ཕལ་པ་རྣམས། །སྲུང་འཁོར་ནང་ཚུད་ཐུབ་པའི་སྐུ་རུ་གསལ། །འཁོར་ལོ་རྩིབས་སྟོང་ནང་དུ་སྐལ་བཟང་གི །སངས་རྒྱས་སྟོང་གིས་ནང་གཟིགས་སྐྱབས་སྦྱིན་མཛད། །ཕྱི་རིམ་སྲུང་འཁོར་བར་རྣམས་ཐམས་ཅད་དུ། །སངས་རྒྱས་རྣམས་ཀྱིས་གུར་ཁང་ཚུལ་དུ་གཏམས། །དེ་ཡི་གནས་གསུམ་ཨོཾ་ཨཱཿཧཱུྃ་གསུམ་མཚན། །དེ་ལས་འོད་འཕྲོས་འོག་མིན་

[Full Size]

ཆོས་དབྱིངས་ནས། །ཤཱཀ་ཐུབ་རྣམ་སྣང་རྡོ་རྗེ་འཆང་ཆེན་དང་། །ཡིག་འབྲུ་གསུམ་པོ་དཔག་མེད་སྤྱན་དྲངས་བསྟིམ། །ཨོཾ་སརྦ་ཏ་ཐཱ་ག་ཏ་བཛྲ་ས་མ་ཡ་ཛ། །ཛཿཧཱུྃ་བོ་ཧོས་སྤྱན་དྲངས། དབང་ལྷ་རིགས་ལྔ་སྤྱན་དྲངས་དབང་བསྐུར་བས། །རྐང་མཐིལ་ནས་བཟུང་སྤྱི་བོའི་གཙུག་གི་བར། །ལུས་ཀུན་ཐུབ་དབང་ནས་འབྲས་ཙམ་གྱིས་གང་། །སྙིང་ཁར་གསེར་གྱི་འཁོར་ལོ་རྩིབས་བཞིའི་དབུས། །རང་སེམས་ངོ་བོ་བཻཡིག་སེར་པོའི་ནང་། །སྟེང་དུ་བླ་མ་ཤར་ཕ་ལྷོ་རུ་མ། །ནུབ་ཏུ་སྤྱན་ཟླ་འཁོར་གཡོག་བྱང་དུ་ནོར། །བཻཡིག་རང་སྒྲས་འོག་མིན་ཞིང་ཁམས་ནས། །སངས་རྒྱས་སྟོང་རྩ་གླང་ཆེན་ཐལ་དཀར་བཅིབས། །མདུན་གྱི་ནམ་མཁར་སྤྱན་དྲངས་རིགས་ཀྱི་བུ། །ཁྱོད་ཀྱི་འདོད་པའི་དོན་རྣམས་འགྲུབ་གྱུར་ཅིག །ཅེས་གསུངས་བཀྲ་ཤིས་བརྗོད་པས་བསྲུང་བྱ་རྣམས། །ཐམས་ཅད་བོཡིག་རང་བཞིན་མི་དམིགས་པ། །གསལ་སྟོང་ཆོས་སྐུ་གཞོམས་གཞིག་བྲལ་བར་གྱུར། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་

[Full Size]

ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། སོགས། ཤེར་སྙིང་མདོ་ཚར་བདུན་ནམ་ལྔ་གསུམ་བཀླགས། །དེ་རྗེས་སྔགས་འདི་མང་ཉུང་ཅི་ནུས་བསྙེན། ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་བོ་དྷི་མ་མ་ས་པཱ་རི་ཝཱ་ར་རཀྵ་རཀྵ་ཀུ་རུ་སྭཱ་ཧཱ། གནོད་བྱེད་རྣམས་ལ་སྔགས་ཀྱི་འོད་ཟེར་ཕོག །འོད་དུ་ཞུ་ནས་ཤཱཀ་ཐུབ་གཙུག་ཏོར་རྩེར། །ཡུམ་ཆེན་ངོ་བོ་ནོར་བུར་ཐིམ་པ་དང་། །སྟོང་ཉིད་གནོད་བྱེད་བྲལ་བར་གྱུར། །དེ་ནས་ཐུན་མཚམས་མཆོད་བསྟོད་ཐུན་བསྡུ་བར། རྒྱས་པར་སྤྲོ་ན་བཟང་སྤྱོད་སྨོན་ལམ་གྱི། །ཡན་ལག་བདུན་པ་འབུལ་ཞིང་མདོར་བསྡུས་ན། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །སོགས་བསྟོད། དགེ་བ་འདི་ཡིས་མྱུར་དུ་བདག །ཡུམ་ཆེན་ཤེར་ཕྱིན་འགྲུབ་གྱུར་ནས། སོགས། སྨྲ་བསམ་བརྗོད་མེད་སོགས། དུས་གསུམ་རྒྱལ་བའི་ཡུམ་གྱི་བཀྲ་ཤིས་ཤོག །ཉིན་གུང་སྲུང་འཁོར་མི་བསྡུ་དེ་གར་བཞག །སྙིང་པོ་སྤྱོད་ལམ་ཀུན་ཏུ་བསྙེན་པར་བྱ། །དེ་

[Full Size]

ནས་དགོང་མོ་བདུད་ཟློག་དམིགས་རིམ་ནི། །ཟབ་མདོ་བདུན་ལྔ་གསུམ་གཅིག་ཅི་ལྕོགས་བཟླ། །སྙིང་པོ་བཟླས་ཤིང་དམིགས་རིམ་འདི་ཉིད་བསྒོམ། །བདག་ཉིད་ཐུབ་དབང་སངས་རྒྱས་ཉན་རང་བཅས། །ཐམས་ཅད་བླ་གོས་ཕུད་ནས་ཕྲག་གཡོན་གཟར། །ཐམས་ཅད་ཐལ་སྦྱར་མགྲིན་གཅིག་དང་། །དབྱངས་གཅིག་བདེན་སྟོབས་བརྗོད་པར་གྱུར། །ན་མོ་བླ་མ་ལ་ཕྱག་འཚལ་ལོ། །སོགས་ནས། རབ་ཏུ་ཞི་བར་གྱུར་ཅིག །རང་ཉིད་ཤཱཀ་ཐུབ་ཕྱག་མཐིལ་གཉིས། །གཡས་པས་ཉི་མ་གཡོན་ཟླ་བ། །བརྡབ་པ་དགྲ་བཅོམ་ལྔ་བརྒྱ་སོགས། །ཉན་རང་སངས་རྒྱས་ཐམས་ཅད་ཀུན། །ཆོས་གོས་ངུར་སྨྲིག་ཕྱོགས་གཅིག་ཏུ། །དུས་གཅིག་བརྡབས་པས་བར་ཆད་དང་། །དགྲ་བགེགས་ཐམས་ཅད་ཞི་བར་གྱུར། །ཐལ་མོ་གསུམ་སོགས་བརྡབ་བྱས་ནས། གང་གིས་རྟེན་ཅིང་སོགས། དམ་པ་དེ་ལ་ཕྱག་འཚལ་ལོ། །བགེགས་རིགས་སྟོང་ཕྲག་སོགས། དེ་ནས་ཉལ་ཁར་ཐུན་བསྡུ་དོན་བསྒོམ་སྟེ། །སྣོད་བཅུད་འོད་ཞུ་སྲུང་འཁོར་མེ་རིར་ཐིམ། །དེ་ཡང་རིམ་བཞིན་འོད་ཞུ་རིང་ལ་བསྡུ། །རང་ཉིད་དབུ་གཙུག་ནོར་བུ་དེ་ལ་ཐིམ། །ནོར་བུ་ཐིག་ལེར་གྱུར་ནས་སྟོང་པར་ཡལ། །རང་སེམས་

[Full Size]

གདོད་ནས་རྣམ་དག་རྒྱལ་བའི་ཡུམ། །ཡོད་མེད་སྐྱེ་འགགས་རྟག་ཆད་ཀུན་བྲལ་བ། །མ་བཅོས་ཆོས་སྐུའི་ཀློང་དུ་ཀློད་ལ་བཞག །དགེ་བ་འདི་ཡིས་མྱུར་དུ་བདག །ཡུམ་ཆེན་ཤེར་ཕྱིན་འགྲུབ་གྱུར་ནས། ཅེས་སོགས་བསྔོ་བ་སྨོན་ལམ་རྒྱ་ཡིས་གདབ། དེ་ལྟར་སྲུང་བ་ཆོས་སྐུ་འོད་འབར་འདི། བསྒོམས་པས་སེམས་ལ་སྟོང་ཉིད་རྟོག་པ་སྐྱེ། །ཉམས་སྣང་ལུས་འདི་ནམ་མཁར་ཡར་སྙམ་བྱེད། །རྨི་ལམ་གསུང་རབ་ཀློག་དང་གོ་ཆ་གྱོན། །མེ་ཏོག་ཐུ་དང་མེ་ཏོག་ཆར་འབེབས་དང་། །བཙན་པའི་བྲག་དང་མཁར་ལ་འདུག་པ་རྨིས། །བཀྲ་ཤིས་ཚེ་རིང་བར་ཆད་ཐམས་ཅད་ཞི། །འདི་དང་ཕྱི་མའི་དོན་ཀུན་འདི་ཡིས་འགྲུབ། །གསང་སྔགས་རིག་སྔགས་གཟུངས་སྔགས་ཀྱི། །བསྲུང་བའི་གདམས་པ་མང་ཡོད་ཀྱང་། །གདོན་དང་བྱད་མས་བཤིག་པ་སྲིད། །ཆོས་སྐུ་ཡུམ་ཆེན་བསྲུང་བ་འདི། །སུས་ཀྱང་གཞོམ་གཞིག་བྲལ་བའོ། །སྲུང་ཟློག་ཀུན་གྱི་རྒྱབ་རྟེན་དུ། །འདི་ཉིད་སྒོམ་བཟླས་ཐུན་རེ་བྱ། །གཞན་ལ་སྲུང་འཁོར་བཏགས་འདོད་ན། །གུར་གུམ་གི་ཝཾ་སྣག་ཚ་ཡིས། །དཔེའུ་ཆུང་ལྟར་བྲིས་བྱས་ལ། །བསྒོམ་པ་ལྟ་བུར་བསྐྱེད་བྱས་ལ། །སངས་རྒྱས་སྟོང་རྩ་བསྐྱེད་བསྟིམ་བྱ། །བཏགས་པས་བྱད་ཁ་ཕུར་ཁ་ཐུབ། །གལ་ཏེ་བྱད་ཁས་དེ་ཤི་ན། །རྫོགས་སངས་རྒྱས་ཀྱི་དབུ་འགས་གསུངས། །འདི་ཡི་བསྲུང་བ་ཞག་བདུན་བསྒྲུབ། །ཡང་ན་རྒྱུན་དུ་བྱ་བའོ། །འདི་བྲིས་ཉེས་པ་གང་མཆིས་བཤགས། །དགེ་བས་འགྲོ་ཀུན་

[Full Size]

སངས་རྒྱས་ཤོག །༧ རཱ་ག་ཨསྱས་ཟིན་བྲིས་བྱས། །མངྒ་ལཾ།། །། སྲུང་འཁོར་དཔེའུ་རིས། ་་་་༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མདོ་སྒྲུབ།

[Full Size]

ན་མོ་པྲཛྙཱ་པཱ་ར་མི་ཏ་ཡེ། ཤེས་རབ་སྙིང་པོའི་བཟླས་བརྗོད་ལ། །བརྟེན་ནས་རྒོད་གཏོང་བཟློག་པ་ནི། །རང་ཉིད་ཐུབ་པའི་བསྐྱེད་རིམ་ནི། །སྲུང་བ་དུས་ལྟར་བསྒོམས་བྱས་ཏེ། །སྲུང་འཁོར་བར་དུ་སངས་རྒྱས་ཀྱི། །སྐུ་རྣམས་བསྒོམ་པར་མི་བྱའོ། །རང་ཉིད་ཐུབ་པའི་འོད་ཟེར་ཕྱོགས་བཅུར་འཕྲོས། །གནོད་བྱེད་བྱད་མ་རང་དབང་མེད་པར་བཀུག །ཕྱི་རོལ་འཁོར་ལོའི་རྩིབས་བར་རྣམས་སུ་བཞག །འཁོར་ལོའི་རྩིབས་སྟོང་སྤུ་གྲི་ངར་རྣོ་བས། །གནོད་བྱེད་རྒྱུག་རྒྱུག་གཏུབས་ནས་བེམ་རིག་བྲལ། །མེས་བསྲེགས་རླུང་གིས་གཏོར་ནས་རྗེས་མེད་བཏང་། །ཁོ་ཡི་རྣམ་ཤེས་ཨ་ཡིག་རྣམ་པ་རུ། །སྟོན་པའི་མཛོད་སྤུར་ཐིམ་པས་ཆོས་སྐུ་ཐོབ། །ཟབ་མདོ་བདུན་ནམ་གསུམ་བཟླས་དེ་ཡི་རྗེས། །ཏདྱ་ཐཱ། ཨོཾ་ག་ཏེ་ག་ཏེ་པཱ་ར་ག་ཏེ་པཱ་ར་སཾ་ག་ཏེ་བྷྱོ་དྷི་སྭཱ་ཧཱ། གནོད་བྱེད་བྱེད་མ་ལ་བྷྱོ་ཛཿ ཨ་ཝཱཀྐ་ཙིཏྟ་ཧཱུྃ་བྷ་ཡ་ནན་ཟློག །ཨོཾ་ཟློག །ཨཱཿཟློག །ཧཱུྃ་ཟློག་སྭཱ་ཧཱ། སྔགས་གྲངས་བརྒྱའམ་ཉེར་གཅིག་བདུན་སོགས་བཟླས། །རང་ཉིད་ཤཱཀ་ཐུབ་ནམ་མཁའ་ཁྱབ་པའི་སྐུ། །ཕྱག་གཡས་ཉི་མ་བསྐལ་པའི་མེ་ཆེན་འབར། །ཕྱག་གཡོན་ཟླ་བ་བསྐལ་པའི་རླུང་ནག་འཚུབ། །ཐུགས་ཀའི་འོད་ཀྱིས་གནོད་བྱེད་དགྲ་བགེགས་

[Full Size]

རྣམས། །རང་དབང་མེད་པར་ཉི་ཟླའི་བར་དུ་བཀུག །ཕྱག་གཉིས་བརྡབས་པས་གདོན་བགེགས་བྱེད་མ་རྣམས། །མེས་བསྲེགས་ཐལ་བ་རླུང་གཏོར་ལུས་ངག་བརླག །སེམས་ཀྱི་གདུག་རྩུབ་ཁོ་རང་ཉིད་ལ་སྨིན། །ན་མོ་བླ་མ་ལ་ཕྱག་འཚལ་ལོ། །ནས། །རབ་ཏུ་ཞི་བར་གྱུར་ཅིག །ཏདྱ་ཐཱ། ཨོཾ་ག་ཏེ་སོགས་དང་། གནོད་བྱེད་བྱེད་མ་ལ་ཨ་བྷྱོ་ཛ། །ཨ་ཝཱཀྐ་ཙིཏྟ་ཧཱུྃ་བྷ་ཡ་ནན་ཟློག །ཨོཾ་ཟློག །ཨཱཟློག །ཧཱུྃ་ཟློག་སྭཱ་ཧཱ། གནོད་བྱེད་སྡེ་བརྒྱད་བྱད་མའི་ཤ་རུས་ཁྲག་རྩ་ལ་ཧུར་ཧུར་ཟློག །ཐལ་མོ་བརྡབ་ཅིང་འབུམ་བཟློག་ཉེར་གཅིག་བཀླག། བགེགས་རིགས་སྟོང་ཕྲག་བརྒྱད་ཅུ་ཞི་བ་སོགས་བརྗོད། འདི་ལ་ཞལ་ཤེས་ཐུགས་ལ་སྦས། དེ་ནས་དམིགས་མེད་སྟོང་ཉིད་རྒྱ་ཡིས་གདབ། །བཟློག་པ་འདི་ཉིད་ཁོ་ན་བྱས་པས་ཀྱང་། །ལོ་ལ་མི་འགོར་ཕ་རོལ་བརླག་པར་གསུངས། །བཟློག་རྟགས་ནམ་མཁར་སྔགས་སྒྲ་གྲག་པ་དང་། །གཞན་གྱིས་ཕྱག་འཚལ་ནག་ལས་རྒྱལ་བ་དང་། །གཡུལ་ལས་རང་རྒྱལ་སེར་བ་བཟློག་སོགས་འབྱུང་། །འདི་བྲིས་ཉེས་བཤགས་དགེ་བ་འགྲོ་ལ་བསྔོ། །རཱ་ག་ཨ་སྱས་བྲིས་པ་སྤྱི་རྒྱུ། མངྒ་ལཾ།། །།

ཟབ་མདོ་བདུད་ཟློག་དམིགས་རིམ།

[Full Size]

ཟབ་མདོ་བདུད་ཟློག་དམིགས་རིམ་བཞུགས།

[Full Size]

ན་མོ་པྲཛྙཱ་པཱ་ར་མི་ཏ་ཡེ། ཤེས་རབ་སྙིང་པོ་འདོན་དུས་དམིགས་རིམ་ནི། །པཎ་ཆེན་གསེར་གདུགས་ཅན་ནས་ས་པཎ་ལ། །བརྒྱུད་པའི་ཤེར་སྙིང་སྒྲུབ་པ་བྱེད་ལུགས་དང་། །ཟབ་མདོ་བདུད་ཟློག་དམིགས་རིམ་ཟིན་བྲིས་སོགས། །ཟབ་མདོའི་སྒོ་ནས་སྲུང་ཟློག་བྱེད་ཚུལ་དང་། །མདོ་སྒྲུབ་རྒྱབ་ལུགས་ངན་སྔགས་མང་ན་ཡང་། །འདི་ནི་བདུད་ཟློག་དམིགས་པ་ཁོ་ན་བྲི། །སྟོང་པའི་ངང་ལས་སྐད་ཅིག་དྲན་རྫོགས་སུ། །སེང་ཁྲི་པདྨ་ཟླ་བའི་གདན་སྟེང་དུ། །རང་ཉིད་ཤཱཀྱ་ཐུབ་པ་བཞུགས་པར་བསྒོམ། །གཡས་གཡོན་ཤཱ་རིའི་བུ་དང་མོའུ་འགལ་བུ། །

[Full Size]

བཞེངས་ཏེ་གནས་པ་དེ་ཡི་འཁོར་ལ་ནི། །དགྲ་བཅོམ་ལྔ་བརྒྱ་ཐམས་ཅད་དགེ་སློང་སྐུ། །དབུ་རིལ་ཞབས་རྗེན་ཕྱག་གཉིས་ཐལ་མོ་སྦྱར། །པུས་བཙུགས་ཆོས་གོས་སྣམ་སྦྱར་ཕྲག་ལ་འཕང་། །རང་ཉིད་ཐུབ་པའི་རམ་བུ་བཀྱག་པའི་ཚུལ། །གཙོ་འཁོར་ཀུན་གྱིས་ཟབ་མདོ་འདོན་པར་བསྒོམ། །རང་ཉིད་ཐུབ་པའི་ཐུགས་ཀར་ཟླ་བའི་སྟེང་། །ཨ་ཡིག་དཀར་པོའི་མཐའ་མར་གཡས་བསྐོར་དུ། །འདི་སྐད་བདག་ཐོས་ནས་བཟུང་བསྟོད་པའི་བར། །མདོ་ཡི་ཚིག་རྣམས་ཕུབ་ཀྱི་སྦ་འཁོར་ལྟར། །གཡས་སྐོར་ཡིག་འབྲུ་དཀར་དང་ཧྲབ་བེ་བསྒོམ། །དེ་ལས་འོད་ཟེར་ཁ་དོག་སྣ་

[Full Size]

ཚོགས་འཕྲོས། །བདག་ལུས་གང་བས་བདག་གི་ལུས་དང་སེམས། །སྒྲིབ་པ་དག་ནས་སྣང་སྟོང་ཆུ་ཟླ་བཞིན། །གང་ཟག་བདག་མེད་དངོས་སུ་རྟོགས་པར་བསྒོམ། །འོད་ཟེར་ཕྱིར་འཕྲོས་སྣོད་ཀྱི་འཇིག་རྟེན་གང་། །བཅུད་ཀྱི་སེམས་ཅན་ཀུན་ལ་ཕོག་པ་ཡིས། །ཐམས་ཅད་སྣང་སྟོང་ཆུ་ཟླ་འཇའ་ཚོན་བཞིན། །ཆོས་ཀྱི་བདག་མེད་དངོས་སུ་རྟོགས་པར་བསྒོམ། །དེ་ནས་དེ་ལྟར་སྒོམ་མཁན་སེམས་ལ་བལྟ། །གཟུགས་དང་ཁ་དོག་མ་གྲུབ་སྟོང་པ་ཉིད། །མེད་པ་མ་ཡིན་ཅི་ཡང་འཕྲོ་ཞིང་འཆར། །ཡོད་པ་མ་ཡིན་རྡུལ་ཙམ་གྲུབ་པ་མེད། །དེ་དོན་སོ་སོར་རང་གི་རིག་པས་རྟོགས། །དེ་དོན་སྨྲ་བར་བསམས་ཀྱང་བརྗོད་མི་ཤེས། །ཕྱི་རོལ་རི་བྲག་གྲོང་ཁྱེར་མི་ལ་སོགས། །གཟུགས་སུ་གྲུབ་ཀྱང་ངོ་བོ་སྟོང་པར་གནས། །སྟོང་པ་ཉིད་ཀྱི་ངང་ལ་གཟུགས་དེ་གསལ། །དེ་གཉིས་མི་འགལ་ཆུ་ཟླ་འཇའ་ཚོན་བཞིན། །ཉམས་ལེན་གསལ་ན་དེ་ཉིད་དངོས་སུ་འཆར། །མ་ཤར་ན་ཡང་དེ་ལྟར་ཡིན་པར་བསྒོམ། །དེ་ནི་དོན་ཟབ་ཡིད་ལ་བསྒོམ་པ་ཡིན། །དེ་ཡི་ངང་ལས་རབ་ལ་ཚར་བདུན་དང་། །འབྲིང་ལ་གསུམ་དང་ཐ་མ་ཚར་གཅིག་སྟེ། །ཚར་གཅིག་ཡིན་ན་སྔོགས་བདུན་གལ་ཆེའོ། །སྔགས་

[Full Size]

བདུན་མ་སོང་བར་དུ་མི་རུང་ངོ་། །ཕྱག་འཚལ་བརྗོད་ཅིང་ཐལ་མོ་སྦྱར་བའི་དུས། །རང་ཉིད་ཐུབ་པ་གཙོ་འཁོར་གསུམ་པོ་ཡིས། །ཕྱག་ནི་ཐལ་མོ་སྦྱར་ནས་བདེན་སྟོབས་བརྗོད། །དགྲ་བཅོམ་ལྔ་བརྒྱ་ཀུན་གྱིས་སྣམ་སྦྱར་དང་། །ཆོས་གོས་ཕྲག་པ་གཡས་སུ་ཕྱར་བར་བསྒོམ། །དེ་ནས་ཐལ་མོ་བརྡབ་པའི་དུས་ཉིད་དུ། །ཐུབ་པ་གཙོ་འཁོར་ཟླགསུམ་གྱིས་ཕྱག་བརྡབ་ཅིང་། །དགྲ་བཅོམ་ལྔ་བརྒྱས་ཆོས་གོས་སྣམ་སྦྱར་རྣམས། །ལན་གསུམ་ས་ལ་བརྡབ་པའི་དམིགས་པ་བྱ། །བགེགས་རིགས་སྟོང་ཕྲག་བརྒྱད་ཅུ་ཞི་སོགས་ཀྱི། །བཀྲ་ཤིས་སྨོན་ལམ་མཉམ་དུ་མཛད་པར་བསྒོམ། །དེ་ནས་དམིགས་པ་བསྡུ་སོགས་མི་དགོས་ཏེ། །སྒོམ་མཁན་ངོ་བོ་ཧྲིག་གེར་བལྟས་པས་འཐུས། །སྔོན་ཚེ་བཅོམ་ལྡན་ཐུབ་པའི་དབང་པོ་ཡིས། །ཤེས་རབ་ཕར་ཕྱིན་ཆོས་འཁོར་བསྐོར་བའི་ཚེ། །བདུད་ཀྱི་རྒྱལ་པོ་དགའ་རབ་དབང་ཕྱུག་གིས། །བདུད་དམག་བྱེ་བ་དཔག་མེད་ཆས་པའི་ཚེ། །དེ་ཚེ་ལྷ་ཡི་དབང་པོ་བརྒྱ་བྱིན་གྱིས། །ཐུབ་པའི་རྡོ་རྗེའི་སྐུ་ལ་འཇིགས་མེད་ཀྱང་། །ཆོས་ཉན་ཉན་ཐོས་འཁོར་ལ་གནོད་དོགས་ནས། །དོན་ཟབ་ཤེས་རབ་ཕར་ཕྱིན་དོན་བསྒོམ་ཞིང་། །ཚིག་

[Full Size]

ཟབ་ཤེར་ཕྱིན་ཁ་ཏོན་བྱས་པའི་མཐུས། །བདུད་དམག་དཔུང་བཅས་བྱེ་བ་ཁྲག་ཁྲིག་རྣམས། །འོང་བར་མ་ནུས་རང་གནས་ལོག་སྟེ་སོང་། །དེ་བཞིན་དེང་སང་སེམས་ཀྱི་སྟོང་ཉིད་དང་། །གོང་དུ་བཤད་པའི་དམིགས་རིམ་ཟབ་མོ་བསྒོམ། །ངག་ཏུ་ཟབ་པའི་མདོ་སྡེ་ཁ་ཏོན་བྱ། །བདེན་སྟོབས་བརྗོད་ཅིང་ཐལ་མོ་བརྡབས་པ་ཡིས། །བདུད་བགེགས་བར་ཆད་རྐྱེན་ངན་ཐམས་ཅད་ཟློག །སྲུང་ཟློག་ཀུན་གྱི་མཆོག་ཏུ་གྱུར་པའི་ཕྱིར། །མཚན་ཉིད་གྲྭ་སའི་སློབ་གཉེར་པ་ཀུན་གྱིས། །རང་སྲུང་ཟབ་མདོ་བདུད་ཟློག་ཆག་མེད་ཡིན། །སྲུང་རིམ་གཞན་མ་ཀུན་གྱི་རྒྱབ་རྟེན་ཟབ། །ཡུམ་ནི་རྒྱས་འབྲིང་གསུམ་ནས་གསུངས་པ་ཡིན། །ཤེར་ཕྱིན་འཛིན་དང་འཆང་དང་ཀློག་པ་ཡི། །ཕན་ཡོན་རྒྱ་ཆེན་དཔག་མེད་གསུངས་པ་རྣམས། །འདི་ཉིད་ཉམས་ལེན་བྱས་པས་འཐུས་པ་ཡིན། །པདྨ་མཐར་ཕྱིན་ཞེས་བྱས་བསྐུལ་བའི་ངོར། །རཱ་ག་ཨ་སྱས་མདོར་བསྡུས་གོ་བདེ་བར། །འགལ་འཁྲུལ་གང་མཆིས་ཀུན་མཁྱེན་དྲུང་དུ་བཤགས། །དགེ་བས་གཞན་ཕན་དཔག་མེད་འབྱུང་བར་ཤོག། །།

ཟབ་མདོ་བསྡུས་པ།

[Full Size]

རྒྱ་གར་སྐད་དུ། ཨརྱ་པཱ་ར་མི་ཏ་ཧྲི་ད་ཡ། བོད་སྐད་དུ། འདི་སྐད་བདག་གིས་ཤཱ་རིའི་བུ། །གཟུགས་དང་ཚོར་བ་གང་ཡང་མེད། །པཱ་ར་ག་ཏེ་མངོན་པར་བསྟོད། །བདུད་བཞི་གནོད་པ་བཟློག་ཏུ་གསོལ། །ཏདྱ་ཐཱ། ཨོཾ་ག་ཏེ་ག་ཏེ་པཱ་ར་ག་ཏེ། པཱ་ར་སཾ་ག་ཏེ། བྷྱོ་དྷི་སྭཱ་ཧཱ། རཱ་ག་ཨ་སྱས་སྦྱར་བའོ།། །།གང་གིས་རྟེན་ཅིང་འབྲེལ་བ་འབྱུང་། །འགགས་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ།། །།

རི་ཁྲུས།

[Full Size]

རི་ཁྲུས་བཞུགས་སོ། །ཐོག་མར་བུམ་པ་ཁ་རྒྱན་མགུལ་ཆིངས་མཚན་ཉིད་དང་ལྡན་པའི་ནང་དུ་ཆུ་དཀར་བུམ་རྫས་བཏབ་ལ་བསྒྲུབ་པ་ནི། སྐྱབས་སེམས་བདག་གི་རྣལ་འབྱོར་སྔོན་སོང་གིས། ཧཱུྃ་ལས་རིན་བ་བུམ་པ་ནི༔ ཞབས་ཞུམ་ལྟོ་ལྡིར་མཆུ་འཕྱང་མགྲིན་པ་རིང་༔ ཁ་ཡངས་ཆུ་དང་བཅུད་ཀྱིས་གཏམས་པའི་ནང་༔ པད་ཟླ་ལྔ་ཚོམ་དབུས་དང་དེ་ཡི་སྟེང་༔ ཀུན་བཟང་མ་ཀི་སྤྱན་མ་ན་བཟའ་དཀར༔ དམ་སྒྲོལ་ལྷ་མོ་རིགས་ལྔ་གསལ་བ་ཡིས༔ སྤྱི་བོར་ཁྲུས་ལྷ་རྣམ་འཇོམས་ལྷ་ལྔ་གསལ༔ མཐིང་དཀར་སེར་དམར་ལྗང་གུ་ཞི་འཛུམ་ཉམས༔ སྣ་ཚོགས་རྡོ་རྗེ་དྲིལ་བུ་མདའ་དར་དང་༔ མེ་ལོང་བསྣམས་པ་སྣང་སྟོང་འཇའ་ལྟར་བསྐྱེད༔ སྤྱན་དྲངས་བསྐྱེད་བསྟིམས་མཆོད་འབུལ་ཕྱག་འཚལ་བསྟོད༔ ཡེ་ཤེས་བདུད་རྩིས་བུམ་པ་གང་བར་གྱུར༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ ཨེ་ཁཾ་ལཾ་རཾ་ཡཾ་ཤུདྡྷེ་ཤུདྡྷེ་སརྦ་པཱ་པཾ་ཤཱནཾ་ཀུ་རུ་ཡེ་སྭཱ་ཧཱཿ ཞེས་བསྙེན་པ་གཉིས་པོ་བརྒྱ་སྟོང་སྐབས་དང་བསྟུན་ནས་བཟླས། ལྷ་མོ་ལྔ་ཡི་སྟེང་དུ་རྣམ་འཇོམས་བསྐྱེད། གསལ་སྟོང་མ་ཡེངས་ངང་དུ་བུམ་སྒྲུབ་བྱའོ། །ས་མ་ཡ་རྒྱ་རྒྱ་རྒྱ༔ བུམ་ལྷ་འོད་དུ་ཞུ་ནས་བདུད་རྩིས་བུམ་པ་གང་བར་གྱུར༔ དེ་ཡི་དམིགས་པའི་ངང་ལ་ཅུང་ཟད་བཞག །རྡོ་རྗེ་སློབ་དཔོན་གྱིས་

[Full Size]

ཤཱཀྱ་ཐུབ་པའམ་པད་འབྱུང་སྐུ་འདྲ་ལ་མེ་ལོང་བསྟན་ལ་བུམ་པ་ཐོགས་དྲིལ་བུ་བསིལ་ཞིང་འདི་སྐད་དོ།། ཧཱུྃ༔ སྔོན་ཚེ་ཤཱཀ་ཐུབ་པདྨ་འབྱུང་༔ འགྲོ་བ་འདྲེན་ཕྱིར་སྐུ་འཁྲུངས་དུས༔ ཀླུ་ཆེན་བརྒྱད་ཀྱིས་ཁྲུས་གསོལ་ལྟར༔ དེ་རིང་བདག་གིས་སྐུ་ཁྲུས་གསོལ༔ ཉོན་མོངས་དྲི་མ་མི་མངའ་ཡང་༔ མཁའ་མཉམ་བདེ་ལ་བཀོད་པ་དང་༔ གཙང་རིས་ལྷ་སྲིན་མཆོད་པའི་ཕྱིར༔ དེ་བཞིན་བདག་གིས་ཁྲུས་གསོལ་ལོ༔ ཨོཾ་གུ་རུ་སརྦ་ཏ་ཐཱ་ག་ཏ་ས་མ་ཡ་ཤྲཱི་ཡེ་ཧཱུྃ༔ ཞེས་སྐུ་ཁྲུས་གསོལ། ཁྲུས་དར་ཐོགས་ལ། ལྷ་དབང་བརྒྱ་བྱིན་ཀཱ་ཤའི་རས་ཕྱིས་ལྟར༔ ལྔ་ལྡན་དར་གྱིས་སྐུ་ཕྱི་ན་བཟའ་གསོལ༔ ཉམས་གྲིབ་དྲི་མའི་བསིལ་བ་མི་མངའ་ཡང་༔ ཡུལ་ལྷ་གཞི་བདག་ལྷ་སྲིན་སྡེ་བརྒྱད་ལ༔ ཕོག་ཐུག་ཉམས་ཆག་མཆིས་པ་གསོ་སློང་ཕྱིར༔ བཟོད་པ་དམ་པའི་གོས་ཀྱིས་བརྒྱན་པར་བགྱི༔ ཨོཾ་གུ་རུ་སརྦ་ཏ་ཐཱ་ག་ཏ་བཛྲ་ཝལྟ་ཨཱཿཧཱུྃ༔ མེ་ལོང་ངོས་ལ་སྐུ་ཕྱི་ཚུལ་བྱ་ཞིང་ན་བཟའ་སྐུ་ལ་གསོལ་ཁྲུས་ཆུ་བུམ་པ་ནང་དུ་བླུག་བུམ་པ་མེད་ན་གཏོར་འགུས་ཆོག །དེ་ནས་མེ་ལོང་ཡུལ་རིས་ཁང་ཁྱིམ་སོགས་ལ་བསྟན་ཞིང་རི་ཁྲུས་བྱ་བ་ནི། ཧཱུྃ༔ དེ་རིང་བཟང་གསུམ་ཉི་མ་ལ༔ ནམ་མཁའི་ལྷ་མོས་ཁྲུས་གསོལ་བས༔ སྨྱོ་འབོག་བརྒྱལ་འཐིབ་འདར་ཞིང་

[Full Size]

གཡེང་༔ དེ་རྐྱེན་རིམས་བྱུང་དག་གྱུར་ཅིག༔ ཨོཾ་ཨེ་དེ་ཝཱི་སརྦ་པཱ་པཾ་ཤཱིནྟཾ་ཀུ་རུ་ཡེ་སྭཱ་ཧཱཿ ཞེས་མེ་ལོང་ངོས་ལ་ཁྲུས་བྱ༔ དེ་ལྟར་རིམ་བཞིན་ཁྲུས་བྱ་བ་ནི། ཧཱུྃ༔ བླ་མ་ཡི་དམ་མཁའ་འགྲོ་དང་༔ སངས་རྒྱས་ཆོས་དང་འཕགས་པའི་དགེ༔ མཁའ་འགྲོ་ཆོས་སྐྱོང་ནོར་གྱི་ལྷ༔ གཏེར་སྲུང་ཡུལ་ལྷ་གཞི་བདག་ལ༔ ཆུ་ཡི་ལྷ་མོས་ཁྲུས་གསོལ་བས། ལ་ཞེ་སྡང་ཉམས་གྲིབ་ཕོག་པ་ཡི༔ འཐབ་རྩོད་ཁྱད་གསོད་སྣད་འཆི་བསྐྲད༔ མཚོན་གྱི་སྐལ་ངན་དག་གྱུར་ཅིག༔ ཨོཾ་ཁི་དེ་ཝཱི་སརྦ་པཱ་པཾ་ཤྲིནྟཾ་ཀུ་རུ་ཡེ་སྭཱ་ཧཱཿ ཧཱུྃ༔ ས་སྙིང་ས་ཡི་ལྷ་མོ་བརྟན༔ ལོ་ཟླ་སྤར་སྨེ་རྗེ་བློན་དང་༔ སྣང་སྲིད་ས་བདག་ཀླུ་གཉན་བཙན༔ ཡུལ་རིས་གཞི་བདག་ཐམས་ཅད་ལ༔ ས་ཡི་ལྷ་མོས་ཁྲུས་གསོལ་བས༔ ངོ་རྒྱལ་ཉམས་གྲིབ་ཕོག་པ་ཡི༔ ཆར་མེད་ཐན་པ་བཙའ་སད་སེར༔ མུ་གེའི་བསྐལ་ངན་ཞི་གྱུར་ཅིག༔ ཨོཾ་ལཾ་དེ་ཝཱི་སརྦ་པཱ་པཾ་ཤཱནཾ་ཀུ་རུ་ཡེ་སྭཱ་ཧཱཿ ཧཱུྃ༔ སྲིད་པ་ཆགས་པའི་ལྷ་དགུ་དང་༔ བོད་ཀྱི་མགུར་ལྷ་བཅུ་གསུམ་རྗེ༔ བརྟན་མ་བཅུ་གཉིས་དགེ་བསྙེན་དང་༔ སྡེ་དཔོན་སུམ་བརྒྱ་དྲུག་ཅུ་དང༔ ལྷ་སྲིན་སྡེ་བརྒྱད་ཡུལ་ལྷ་ལ༔ མེ་ཡི་ལྷ་མོས་ཁྲུས་

[Full Size]

གསོལ་བས༔ འདོད་ཆགས་ཉམས་གྲིབ་ཕོག་པ་ཡི༔ དམར་བཤལ་མགོ་གཟེར་རྒྱུ་གས་དང་ཁོང་ལྷོག་རིམས་ནད་བེ་གེ་འབྲུམ༔ ནད་ཀྱི་བསྐལ་པ་ཞི་གྱུར་ཅིག༔ ཨོཾ་རཾ་དེ་ཝི་སརྦ་པཱ་པཾ་ཤཱིནཾ་ཀུ་རུ་ཡེ་སྭཱ་ཧཱཿ ཧཱུྃ༔ ཕྱོགས་བཅུ་སྟོང་གི་གཞི་བདག་དང་༔ སྲིད་པ་སྟོང་གི་གཞི་བདག་དང་༔ ཡུལ་རིས་སྟོང་གི་གཞི་བདག་རླུང་གི་ལྷ་མོས་ཁྲུས་གསོལ་བས༔ ཕྲག་དོག་ཉམས་གྲིབ་ཕོག་པ་ཡི༔ ས་ལོག་རི་ཉིལ་མཁར་ཁང་སྡིབ༔ མི་མཐུན་འགལ་རྐྱེན་དག་གྱུར་ཅིག༔ ཨོཾ་ཡཾ་དེ་ཝཱི་སརྦ་པཱ་པཾ་ཤཱིནྟཾ་ཀུ་རུ་ཡེ་སྭཱ་ཧཱ། ཧཱུྃ༔ ཕ་ལྷ་མ་ལྷ་ཞང་ལྷ་དང་༔ སྲོག་ལྷ་ལུས་ལྷ་བསྟེན་པའི་ལྷ༔ དགྲ་བླ་ལམ་ལྷ་མགོན་སྐྱོབས་ལྷ༔ སྐྱེས་ལྷ་ཡུལ་ལྷ་གཉེན་པོ་ལ༔ རྣམ་པར་འཇོམས་པས་ཁྲུས་གསོལ་བསཾ༔ བསང་མཆོད་ཞན་དང་གདོན་མར་སྦས༔ དུར་བཏབ་བྲག་བཤིགས་ཤིང་གཉན་གཅད༔ རི་དྭགས་བཤོལ་དང་རི་མེ་བཀྱེས༔ དམེ་རྨུགས་བཙོག་དང་ནལ་གྲིབ་ཕོག༔ མི་ལ་ནད་མང་ནོར་གོད་ཆེ༔ ཞིང་ལ་བཙའ་སད་སེར་ཐན་འབེབས༔་བཀྲ་མི་ཤིས་པའི་ལྟས་དགུ་འབྱུང་༔ ཐམས་ཅད་མ་ལུས་བྱང་གྱུར་ཅིག༔ ཡེ་ཤེས་ཁྲུས་མཆོག་

[Full Size]

འདི་གསོལ་བས༔ ལྷ་ངོ་དགུང་བས་མཐོ་བར་ཤོག༔ སྲིད་གསུམ་ཤེལ་བས་གསལ་བར་ཤོག༔ ཡུལ་ལྷ་བཀྲག་མདངས་རྒྱས་པར་ཤོག༔ འདོད་རྒུའི་། དཔལ་འབྱོར་རྒྱས་པར་ཤོག༔ ཆར་ཆུ་དུས་འབེབས་ལོ་འབྲས་ལེགས༔ བཀྲ་ཤིས་བསྟན་པ་མཐའ་རྒྱས་ཤོག༔ ཨོཾ་ཨཱབཛྲ་བི་དཱ་ར་ཎ་ཧཱུྃ་ཧཱུྃ་ཕཊ༔ སྭཱ་ཧཱཿ སརྦ་པཱ་པཾ་ཤཱིནྟཾ་ཀུ་རུ་ཡེ་སྭཱ་ཧཱཿ ཞེས་རི་ཁྲུས་འདི་བྱས་པས་ཡུལ་ལྷ་གཞི་བདག་ལ་ཕོག་ཐུག་ཉམས་ཆག་སོང་བ་རྣམས་བྱང་བར་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ གནམ་ཆོས་ལས་བྱུང་བར་ཨ་རཱ་གས་བསྒྲིགས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

ས་བདག་སྙིང་གཏེར་དང་བུམ་གཏེར་སྦས་ཐབས་ཡིད་བཞིན་ནོར་བུ།

[Full Size]

ས་བདག་སྙིང་གཏེར་དང་བུམ་གཏེར་སྦས་ཐབས་ཡིད་བཞིན་ནོར་བུ་བཞུགས་པའི་དབུ་ཕྱོགས་ལགས་སོ།།

[Full Size]

ན་མོ་བོ་དྷི་སཏྭ་བྷ་མི་ཙིཏྟ་ཡེ། །སེམས་དཔའ་ས་ཡི་སྙིང་པོ་ལ་ཕྱག་འཚལ་ལོ། །རྒྱུད་ཀྱི་རྒྱལ་པོ་ཡེ་ཤེས་རྔམ་གློག་ལས། གནས་དེ་བསོད་ནམས་གཏེར་ལྡན་ཕྱིར། །རིན་ཆེན་ལྔ་དང་སྨན་ལྔ་དང་། །སྤོས་ལྔ་འབྲུ་ལྔ་སྙིང་པོ་ལྔ། །གྲྭའུ་ནང་དུ་བླུགས་ནས་ནི། །ས་གཞི་གཏེར་དང་ལྡན་པར་བྱ། །ཞེས་པ་དང་།། གསང་བ་འདུས་པའི་རྒྱུད་ལས། །ས་ཡི་ལྷ་མོའི་མཁའ་དབྱིངས་སུ། །གཏེར་སྦས་ཆོ་ག་རྒྱས་པར་བྱེད། །ཅེས་གསུངས། དེས་ཚེ་རིང་བ་སྟེ། ཡེ་ཤེས་རྔམ་གློག་ལས། རིན་ཆེན་གཏེར་དང་དབང་བསྐུར་མཛོད། །གསང་བ་ཚེ་སྟེར་འཛིན་པ་དང་། །ཞེས་གསུངས། དེས་ལོངས་སྤྱོད་འཕེལ་ཏེ། རྒྱུད་གསང་བའི་སྙིང་པོ་ལས། ལོངས་སྤྱོད་འཛད་མེད་རིན་ཆེན་གཏེར། །ཅེས་གསུངས། །

[Full Size]

ཐུགས་སྒྲུབ་ཡང་སྙིང་འདུས་པའི་གཏེར་སྦས་ལས། དེ་ནི་གནས་སྐབས་དང་མཐར་ཐུག་གི་ཡོན་ཏན་དཔག་ཏུ་མེད་ཅིང་། ས་ཕྱོགས་དང་གནས་དེ་ཉིད་བཀྲ་ཤིས། མ་འོངས་སྒྲུབ་པ་པོ་གང་གིས་བསྒྲུབ་ཀྱང་དངོས་གྲུབ་འཐོབ། ཅེས་དང་། ཐུགས་རྗེ་ཆེན་པོ་གསང་འདུས་གཏེར་སྦས་ལས། ཡོན་ཏན་དང་ནི་ཚེ་རིང་ལོངས་སྤྱོད་འཕེལ། །གཞི་བདག་དགྱེས་ནས་གནས་དེར་བཀྲ་ཤིས། རྗེས་སུ་སུས་བསྒྲུབ་ཀྱང་བར་ཆད་མེད་ཅིང་དངོས་གྲུབ་ཐོབ། ནད་མཚོན་མུ་གེ་ལས་ཐར་ནས། ཕྱི་མར་སྐུ་གསུམ་ཡེ་ཤེས་ལྔའི་རྒྱུར་འགྱུར་རོ། །འདི་ནི་སྒྲུབ་ཕྲན་གཞན་ལ་སྦྱར་ན་ཡོན་ཏན་ཆེའོ། །དགོངས་འདུས་སྒྲུབ་ཆེན་ལས། འདོད་ཡོན་ལོངས་སྤྱོད་རྒྱུན་མི་འཆད་ཅིང་སྒྲུབ་པ་པོ་མཆེད་ལྕམ་རྣམས་སྐུ་ཚེ་མཐར་ཕྱིན་པར་བྱ་བའི་ཕྱིར། མི་འཛད་གཏེར་

[Full Size]

གྱི་ཆོ་ག་བྱ་བ་ནི། ཞེས་སོགས་རྒྱས་པར་གསུངས། བཀའ་བརྒྱད་སྒྲུབ་ཆེན་ལས། གཏེར་སྦ་ཚུལ་གསུངས་ནས། ཡོན་ཏན་ནི་ཚེ་འདི་ཡང་ཚེ་རིང་། ལོངས་སྤྱོད་ཆེན་པོ་འཕེལ་ཞིང་། ས་བདག་གཞི་བདག་གི་ཀོ་ལོང་ཞི་བ་དང་། གནས་ཁང་དེ་ཡང་བཀྲ་ཤིས་པར་འགྱུར་རོ། །སྒྲུབ་ཕྲན་ཀུན་ལ་འདི་ཉིད་སྦྱོར། ཕྱི་མར་སྐུ་ལྔ་ཡེ་ཤེས་ལྔའི་རྒྱུར་འགྱུར་ཞིང་། ནད་མུག་མཚོན་གྱི་བསྐལ་པ་གསུམ་ལས་ཐར་ཏེ། མི་ཟད་གཏེར་བདག་ཏུ་འགྱུར་རོ། །ཞེས་པ་དང་། ཞི་ཁྲོ་ངེས་དོན་སྙིང་པོའི་ཁོག་དབུབ་ལས། གཏེར་སྦ་བ་ལ། བུམ་པ་རབ་གསེར་དངུལ་ཟངས། འབྲིང་རྫའི་བུམ་པ་སོ་བཏང་བ་ལ་ཚོན་སྣ་ལྔའི་ཁ་དོག་བསྒྱུར། རང་ཅི་འདོད་ཀྱི་རྫས་ནང་དེར་གསལ་བ་ཚིག་གང་ཡིན་བྲིའོ། །ཚིག་འདོད་དོན་ཡང་གསལ་བར་བྲི། བུམ་རྫས་ཉེར་ལྔ་དང་བཅས་ཏེ་རྒྱས་གདབ། ཅེས་དང་། ཐུགས་རྗེ་ཆེན་པོ་ངན་སོང་རང་གྲོལ་གྱི་བུམ་སྒྲུབ་ལས། ཡང་རིལ་བུ་འདི་རི་བོ་ཆེན་པོ་རྩེ་ལ་ཡོད་པ་ན། དཔག་ཚད་སུམ་བརྒྱ་དྲུག་ཅུའི་འགྲོ་ལ་ཕན་ནོ། །ཞེས་དང་། རྒྱ་ནག་གི་རྩིས་གཞུང་རྣམས་ནས་ཀྱང་། ས་བདག་གི་སྙིང་གཏེར་འདི་བཞག་ན། ཕོག་ཐུག་འགྲམ་འཁྲུགས་ཀླུ་དང་ས་བདག་གི་ནད་དང་སྐག་རིགས་ཐམས་ཅད་བཟློག་ཅིང་རིམ་གྲོ་མཆོག་ཏུ་གསུངས་སོ།། ༈ དེ་དག་ལག་ཏུ་བླང་བའི་རིམ་པ་ནི། །ལྕགས་སོགས་མིན་པའི་རིན་ཆེན་བུམ་པ་རབ། །རྫ་བུམ་སོ་བཏང་དྲི་མ་མེད་པ་འབྲིང་། །གའུ་སྤར་བུ་སྨྱུག་ཚིགས་ཤིང་ཤུན་རུང་།། །རྙིང་མའི་ལུགས་ཀྱི་བསྒྲུབས་པ་བྱས་པ་ཡི། །སྒྲུབ་གཏོར་དུམ་

[Full Size]

བུ་རྫས་ཀྱི་གཙོ་བོ་ཡིན། །ཡང་ན་མ་ཎི་རིལ་བུ་ཡོད་ན་མཆོག །ཞལ་བཞུགས་བླ་མའི་བྱིན་རླབས་རྟེན་མི་རུང་། །རྒྱ་ནག་ལུགས་ལ་རི་བོང་སྙིང་དང་ནི། །ཉ་མགོ་སྲམ་སྣ་ཆུ་སྲིན་སྡེར་མོ་བཤད། །སྙིང་མ་རྙེད་ན་སྨན་གྱི་སྙིང་ཞོ་ཤ། །མཁལ་མ་ཞོ་ཤ་དག་གིས་ཆོག་པ་ཡིན། །སྤྱི་ལ་བུམ་རྫས་ཉེར་ལྔ་གསུངས་ན་ཡང་། །གླ་རྩི་མ་འདྲེས་པ་ཡི་བུམ་རྫས་སོ། །སྤོས་ལྔ་གསུངས་པ་བུམ་རྫས་གསུངས་པ་ཡིན། །སྤྲོས་ཕྱེ་སྦྱར་སྤོས་ལ་སོགས་མི་རུང་གསུངས། །དར་ཚོན་སྣ་ལྔས་ཕྱི་ནས་དཀྲི་བ་ལས། །ནང་དུ་དར་སོགས་བཅུག་པར་མི་བྱའོ། །ཞོ་དང་འོ་མ་རྫས་ལ་བསྲེ་བ་ལས། །ནང་དུ་བརླན་རིགས་བླུགས་ན་རུལ་བས་སྤང་། །དུག་རིགས་གླུ་གུལ་མ་གཏོགས་སྨན་གྱི་རིགས། །ལྕགས་དང་ར་གན་ཉིད་ལས་མ་གཏོགས་པའི། །རིན་ཆེན་རྙེད་ཚད་བཀྲུས་ཤིང་བཅགས་ཏེ་བླུགས། །འབྲུནག་མ་གཏོགས་འབྲུ་སྣ་རྙེད་ཚད་དང་། །ཤ་ཆང་མ་གཏོགས་ཟས་སྣ་རྙེད་ཚད་བླུགས། །རབ་ནི་གསེར་དངུལ་འབྲིང་ནི་མཚལ་རྒྱ་སྣག །ཐ་མའང་སྣག་ཚ་གཙང་མས་དབྱངས་གསལ་བྱེད། །ས་ཡི་སྙིང་པོ་ས་ཡི་ལྷ་མོའི་གཟུངས། །སྣང་བརྒྱད་སྔགས་དང་བཀྲ་ཤིས་རྟགས་བརྒྱད་སྔགས། །ཀླུ་གཟུངས་རྒྱལ་སྲིད་སྣ་བདུན་སྔགས་རྣམས་བྲི། །འདོད་གསོལ་གསུངས་པ་བཀྲ་ཤིས་ཚིག་ཡིན་ཏེ། །རང་རང་ཡོན་བདག་མིང་སོགས་བྲི་མི་རུང་། །བསྡུ་ན་འདི་ཙམ་བྲིས་པས་ཆོག་པ་ཡིན། །ཨོཾ་ཀིཾ་ཧི་ར་ཙ་ཡེ་པྲི་ཤྲཱི་དེ་བཱི་སྭཱ་ཧཱ། ནཱ་ག་ཕུཿ ཏ་ལ་མ་ཐ་སྙན་ལ་

[Full Size]

ཐཱ༔ མི་ཟད་ཡུན་གྱི་གཏེར་མཛོད་ཅིག །ཅེས་པའི་ཤོག་དྲིལ་བྲིས་ཏེ་མར་བསྙུམ་བཅུག །བུམ་པ་རྫས་བཅས་སྔགས་འདིས་བགེགས་བསྐྲད་དོ། །ཨོཾ་ཨ་མྲྀ་ཏེ་ཧཱུྃ་ཕཊ། །ལན་བདུན་བུམ་པའི་རྫ་ས་རྣམས་སྔགས་ཤིང་བླུག །ཨོཾ་ཧཱུྃ་ཏྲཾ་ཧྲཱིཿཨཱཿརཏྣ་མ་ཧཱ་པཉྩ་ཨིན་ཨ་མྲྀ་ཏ་བྷྱོ་དྷི་ཙིཏྟ༔ སརྦ་ནེ་ཏ་གྷནྡྷེ༔ པཉྩ་གྷནྡྷ༔ བཛྲ་གླག་ཤ་ཙིཏྟ༔ ཏ་ཐཱ་ག་ཏ་སརྦ་ཡོ་གི་ནི་མ་ཧཱ་བཛྲ་བྷཱུ་ནི་ཁཾ་ཧོ་སྭཱ་ཧཱཿ ཞེས་བླུག་ཁ་བཅད་ཆུ་མི་འགྲོ་བར་བྱ། ཁ་ལེབ་ལ་ཆའམ་ནི་མར་གྱིས་སྦྱར། །ཤར་རམ་ཤར་ལྷོའི་ཕྱོགས་སུ་ཁ་གྱུ་བའི། །རི་གཉན་རྒྱབ་གཏད་ས་དཔལ་བཟང་སར་སྤ། །མཚོ་གཉན་ནམ་ནི་ཆུ་མིག་གཉན་པོ་ཡི། །ཆུ་གཙད་བརླན་གྱི་གནོད་པ་མེད་ས་རུ། །དཔྱིད་སྟོན་དབྱར་གསུམ་སྐར་མ་ནམ་བཟང་སྟེ། །ཞིང་རྨོ་བྱ་གྲགས་སྣོན་ཟླ་གསུམ་པོ་ལ། །ཁ་ནི་ཤར་ལྷོ་མཚམས་སུ་བསྟན་ལ་བརྐོ། །ཟླ་བ་དྲུག་པ་བདུན་པ་བརྒྱད་པ་གསུམ། །ཁ་ནི་ལྷོ་ནུབ་མཚམས་སུ་རྒྱུ་སྟེ་བརྐོ། །དེ་མིན་ཟླ་བ་དྲུག་ལ་མི་སྦའོ། །ཁྲུ་གང་དང་ནི་སོར་བཞིའི་མཚམས་སུ་སྦ། །དེ་ལས་རིང་དང་ཐུང་བར་མི་རུང་ངོ་། །ཤུག་གུ་འབུམ་ཐུབ་ཕོ་རོག་སྟོང་ཐུབ་དང་། །ངང་པ་ཁྲི་ཐུབ་ཅེས་པའི་དོན་ཡིན་ནོ། །འཇུག་མཁན་ཁྱེའུ་མགོ་གཙང་གལ་ཆེའོ། །དང་པོ་ཆབ་དང་ཡན་ལག་ལྔ་ཁྲུས་བཅུག །རྡོ་སྒྲོམ་གྲོག་ཤུག་ཤུན་སོལ་བ་སོགས། །བཅིབ་ཅིང་རླན་གྱིས་མི་འཇིགས་པར་བྱའོ། །དེ་ནས་འོ་མའམ་ཆབ་ཀྱིས་ཅུང་ཟད་བྲན། །ཨོཾ་སྭ་བྷ་ཝས་སྦྱང་། །

[Full Size]

སྟོང་པའི་ངང་ལས་འབྱུང་བ་རིམ་བརྩེགས་སྟེང་། །ཧཱུྃ་ལས་རིན་ཆེན་སྣ་ཚོགས་ལས་གྲུབ་པའི། །ཕྱི་ནི་བུམ་པ་ནང་ནི་གཞལ་ཡས་ཁང་། །ཤིན་ཏུ་ཉམས་དགའ་ལོངས་སྤྱོད་དུ་མས་གང་། །དེ་དབུས་སྣ་ཚོགས་པདྨ་ཟླ་བའི་སྟེང་། །ཀིཾ་ལས་སེམས་དཔའ་ས་ཡི་སྙིང་པོ་དཀར། །སྨྱུ་གུ་དྲིལ་བུ་འཛིན་ཅིང་ཕྱེད་སྐྱིལ་བཞུགས། །དེ་མདུན་ས་ཡི་ལྷ་མོ་གསེར་གྱི་མདོག །ནོར་བུ་བུམ་འཛིན་སྐུ་སྟོད་ས་ནས་ཐོན། །རྒྱབ་ཏུ་ས་བདག་དབང་ཆེན་སྐུ་མདོག་སེར། །ཞལ་གཅིག་ར་བ་བཞི་ཡི་གདེངས་ཀ་ཅན། །ཕྱག་བཞི་ཐལ་སྦྱར་ལྗོན་ཤིང་རི་རབ་འཛིན། །སྐུ་སྨད་སྦྲུལ་འཁྱིལ་རུས་སྦལ་སྟེང་དུ་བཞུགས། །གཡས་སུ་ཡུལ་དེའི་ཀླུ་དང་གཞི་བདག་ཕོ། །གཡོན་དུ་ཡུལ་དེའི་ཀླུ་དང་གཞི་བདག་མོ། །ཀུན་ཀྱང་ཞི་འཛུམ་དགའ་ཞིང་གུས་པའི་ཚུལ། །སྒོ་བཞི་སྟག་སྐྱ་འབྲུག་སྔོན་བྱ་དམར་དང་། །རུས་སྦལ་རྒྱ་བོ་བཞི་ནི་སྒོ་སྲུང་ཚུལ། །གཞལ་ཡས་ཕྱི་ནང་བར་ཁྱམས་ཐམས་ཅད་དུ། །བཀྲ་ཤིས་རྫས་རྟགས་རྒྱལ་སྲིད་འདོད་ཡོན་ཚོགས། །ལྷ་ཀླུ་མི་ཡི་ལོངས་སྤྱོད་འཛད་མེད་པ། །རྒྱ་ཆེན་རྒྱུན་མི་འཆད་པའི་གཏེར་དུ་གྱུར། །ཨོཾ་བཛྲ་སྤ་

[Full Size]

ར་ཎ་ཁཾ། གཙོ་བོ་གསུམ་གྱི་གནས་གསུམ་འབྲུ་གསུམ་དང་། །ས་བོན་འོད་ཀྱིས་འཁོར་བཅས་སྤྱན་དྲངས་གྱུར། །དེ་ནས་ཞྭ་དང་ཕྱིང་པ་ཡོད་ན་ཕུལ། །ཐལ་མོ་སྦྱར་བར་བྱས་ཏེ་སྙན་གསན་དབབ། ཧོ༔ གསོན་ཅིག་དགོངས་ཤིག་མངོན་ཤེས་ཅན། །ཡེ་ཤེས་སྤྱན་དང་ལྡན་པ་པོ། །བྱང་ཆུབ་སེམས་དཔའ་སེམས་དཔའ་ཆེ། །ས་ཡི་སྙིང་པོ་དགོངས་སུ་གསོལ། །བྱང་ཆུབ་སེམས་དཔའ་རྫུ་འཕྲུལ་ཅན། །ལྷ་མོ་བརྟན་མ་དགོངས་སུ་གསོལ། །ལས་ལ་གྲུབ་པའི་སྟོབས་པོ་ཆེ། །ས་བདག་དབང་ཆེན་དགོངས་སུ་གསོལ། །ལྷ་འདྲེ་ཡོངས་ཀྱི་མངོན་ཤེས་ཅན། །ཡུལ་ཕྱོགས་འདི་ལ་གནས་པ་ཡི། །ཀླུ་དང་ས་བདག་དགོངས་སུ་གསོལ། །སྔོན་ཚེ་བསྐལ་པ་ཆགས་པའི་དུས། །འདོད་ཁམས་གནས་རིས་བདུན་པོ་ན། །སེམས་ཅན་བྱ་བ་གཅིག་ཀྱང་མེད། །སྟེང་ཕྱོགས་གཟུགས་ཁམས་ལྷ་གནས་ན། །འཇིག་རྟེན་མྱེས་པོ་ཚངས་པ་བྱོན། །སྟོང་གསུམ་འཇིག་རྟེན་བདག་ཏུ་བཟུང་། །རིན་ཆེན་གཏེར་ཁ་དཔག་མེད་སྦས། །གཏེར་སྲུང་སྲིད་པའི་ཁྲ་བརྒྱད་བསྐོས། །མངོན་ཤེས་རྫུ་འཕྲུལ་ཐོགས་པ་མེད། །སྤུ་གྲི་འབར་བའི་གཤོག་པ་ཅན། །ས་འོག་དཔག་

[Full Size]

ཚད་ལྔ་བརྒྱ་ན། །ནོར་བུ་གཏེར་ཁ་ཡོད་ཚད་སྲུངས། །དེ་མཐུས་འདོད་ལྷ་རིགས་དྲུག་དང་། །མི་དང་ལྷ་མིན་ཀླུ་རྣམས་དང་། །ཀུན་ཀྱང་གཏེར་གྱི་ནུས་པ་ཡིས། །ལོངས་སྤྱོད་ཕུན་སུམ་ཚོགས་པ་དང་། །འཛམ་གླིང་བྱེ་བ་ཕྲག་བརྒྱ་ན། །སངས་རྒྱས་སྟོང་རྩ་འབྱོན་པའི་ཞིང་། །སྐལ་པ་བཟང་པོ་དེ་ནས་བྱུང་། །དེ་ནས་རི་རབ་རི་ཡི་རྩེར། །རྣམ་པར་རྒྱལ་བའི་ཁང་བཟང་དུ། །ཨ་མོ་ལི་ཀའི་རྡོ་ལེབ་སྟེང་། །རིན་ཆེན་སྣ་ཚོགས་ལས་གྲུབ་པའི། །རུས་སྦལ་ཆེན་པོའི་ལྟོ་བ་དེར། །ལྷ་ཡི་དབང་པོ་བརྒྱ་བྱིན་གྱིས། །རིན་པོ་ཆེ་ཡི་གཏེར་ཆེན་སྦས། །ལྷ་རྣམས་གཟི་བརྗིད་མདངས་དང་ལྡན། །བདེ་སྐྱིད་ཕུན་སུམ་ཚོགས་པར་གྱུར། །རི་རབ་ཆེན་པོའི་ཕྱོགས་བཞི་དང་། །ལྕང་ལོ་ཅན་གྱི་ཕོ་བྲང་དུ། །རྒྱལ་པོ་ཆེན་པོ་སྡེ་བཞི་ཡིས། །རིན་ཆེན་གཏེར་ཁ་དཔག་མེད་སྦས། །གཏེར་བདག་མགོན་པོ་ཛམ་བྷ་ལ། །དངོས་གྲུབ་ནོར་གྱི་བདག་པོ་སྲིད། །འོག་ཕྱོགས་རྒྱ་མཚོ་ཆེན་པོ་ན། །ཀླུ་ཡི་རྒྱལ་པོ་མཐའ་ཡས་ཀྱིས། །རིན་ཆེན་སྣ་ལྔའི་གཏེར་ཆེན་སྦས། །ཀླུ་རྣམས་བདེ་སྐྱིད་གཟི་མདངས་ལྡན། །ཀླུ་རྣམས་ཕྱུག་གཡང་འཕེལ་

[Full Size]

གཡང་སྲིད། །ཆོས་བཟང་སྤྲིན་གྱི་ཡང་ཕུག་ཏུ། །རིག་འཛིན་དཔའ་བོ་ཌཱཀྐི་ཡིས། །ཆོས་དང་ནོར་གྱི་གཏེར་ཆེན་སྦས། །རྒྱ་གར་ཆོས་ཀྱི་དར་གཡང་སྲིད། །དེ་ནས་ནག་པོ་རྒྱ་ཡི་ཡུལ། །རྒྱལ་པོ་གྱི་ཤང་ནག་པོ་ལ། །ས་བདག་གདུག་པའི་དབལ་ཟེར་འཕྲོས། །མི་ནད་ཕྱུགས་ནད་འཁྲུག་པ་ལ། །བཙའ་སད་སེར་བས་ལོ་ཐོག་བཅོམ། །དེ་ཚེ་ཀོང་ཙེ་འཕྲུལ་རྒྱལ་གྱིས། །རིན་ཆེན་སྣ་ལྔའི་གཏེར་སྦས་པས། །རྒྱ་ནག་བདེ་སྐྱིད་འཕེལ་གཡང་སྲིད། ཁ་བ་ཅན་གྱི་རྒྱལ་ཁམས་སུ། །རྒྱལ་པོ་ཐོ་ཐོ་སྙན་ཤལ་གྱིས། །ནོར་བུ་ངང་པའི་སྒོ་ང་ཙམ། །གསེར་ནི་ཁལ་གསུམ་བྲེ་ལྔ་སྦས། །རྒྱལ་པོ་འབྲོང་སྙན་སྡེ་རུ་ཡིས། །གསེར་བྲེ་བརྒྱུད་དང་དངུལ་བྲེ་དགུ། །རྒྱལ་པོའི་དཀོར་ནོར་བཅས་པ་སྦས། །རྒྱལ་པོ་སྲོང་བཙན་སྒམ་པོ་ཡིས། །བཻཌཱུརྱ་ཡི་ལྷུང་བཟེད་དང་། །སྟག་ཤ་དྷེ་ཝ་ལ་སོགས་པའི། །ནོར་བུའི་རིགས་བྱེད་བཅུ་གསུམ་དང་། །ཁྲེ་ལ་འཇལ་བའི་གསེར་ཁལ་གསུམ། །དངུལ་སོགས་རིན་ཆེན་ཁལ་ལྔ་བརྒྱ། །གཡུ་དང་ཟངས་སོགས་མཛོ་རྒྱབ་དགུ། །རྒྱལ་པོའི་དཀོར་ཆ་དཔག་མེད་

[Full Size]

སྦས། །རྒྱལ་པོ་ཁྲི་ལྡེ་ཨག་ཙོམ་གྱིས། །གསེར་ཕྱེ་ཁལ་གསུམ་གཏེར་དུ་སྦས། །རྒྱལ་པོ་ཁྲི་སྲོང་ལྡེའུ་བཙན་གྱིས། །ལྷ་ཀླུ་མི་ཡི་ནོར་བུ་དང་། །དུང་དཀར་གཡས་སུ་འཁྱིལ་བ་བཞི། །གསེར་ཕྱེ་ཁལ་གསུམ་བྲེ་བདུན་སྦས། །ལྷ་སྲས་མུ་ཁྲི་བཙན་པོ་ཡིས། །ནོར་བུ་དགོས་འདོད་ཀུན་འབྱུང་དང་། །སྟག་ཤ་དྷེ་ཝ་ཀེ་ཀེ་རུ། །རལ་གྲི་བཅུ་གསུམ་ལ་སོགས་སྦས། །མངའ་བདག་ཁྲི་རལ་ལ་སོགས་པ། །ཆོས་རྒྱལ་རྣམས་ཀྱིས་གཏེར་སྦས་པས། །བོད་དུ་སངས་རྒྱས་བསྟན་པ་དར། །ཆོས་དང་ལོངས་སྤྱོད་ཕུན་སུམ་ཚོགས། །སྔོན་བྱུང་སྲིད་པ་དེ་བཞིན་དུ། །དེ་རིང་བདག་དང་ཡོན་བདག་གི །ལོ་སྐག་ཟླ་སྐག་བཟློག་པ་དང་། །མོ་ངན་ལྟས་ངན་བསྒྱུར་བ་དང་། །ས་བདག་ཚོགས་རྣམས་མཆོད་པ་དང་། །ཀླུ་རྣམས་གནས་སུ་བཅོལ་བ་དང་། །གཞི་བདག་རྟེན་ལ་བཀོལ་བ་དང་། །ཆར་ཆུ་དུས་སུ་འབབ་པ་དང་། །སད་སེར་བཙའ་འབུ་ཞི་བ་དང་། །རྟག་ཏུ་ལོ་ལེགས་རྩྭ་འཕེལ་ཕྱིར། །གཏེར་བདག་ཁྱེད་རྣམས་སྤྱན་འདྲེན་ན། །ཐུགས་རྗེའི་དབང་གིས་གཤེགས་སུ་གསོལ། །རིན་ཆེན་སྣ་ཚོགས་གཏེར་སྦས་ན། །

[Full Size]

སྐུ་ཡི་རྟེན་དང་གནས་མཛོད་ཅིག །རྡུལ་དང་བྲལ་བའི་ཞིང་ཁམས་དང་། །ལྷོ་ཡི་ཕྱོགས་ཀྱི་འཇིག་རྟེན་ཁམས། །གཞན་ཡང་རྒྱ་ནག་གྱི་མི་ཤན། །རང་བཞིན་གར་བཞུགས་གནས་མཆོག་ནས། །བྱང་ཆུབ་སེམས་དཔའ་སེམས་དཔའ་ཆེ། །ས་ཡི་སྙིང་པོ་གཤེགས་སུ་གསོལ། །གྲངས་མེད་སངས་རྒྱས་སྤྱན་སྔ་རུ། །ས་དང་ས་བོན་བདག་བཟུང་ནས། །སེམས་ཅན་རྣམས་ལ་ཕན་པའི་ཕྱིར། །ལོ་ཐོག་རྩི་ཤིང་འབྲས་དྲུག་རྣམས། །སྐྱེ་ཞིང་ལེགས་པར་སྨིན་མཛད་པ། །ཐུགས་དམ་ཞལ་བཞེས་དུས་འདིར་དགོངས། །གཏེར་ཆེན་འདི་ལ་བརྟན་པར་བཞུགས། །ཡུལ་ཕྱོགས་འདི་རུ་དུས་རྟག་ཏུ། །ལོ་ལེགས་འབྲུ་འཕེལ་རྩྭ་རྒྱས་མཛོད། །སེམས་དཔའ་ཁྱོད་ཀྱི་སྨོན་ལམ་མཐུས། །ཁྱེད་ལ་མཆོད་ཅིང་ཕྱག་འཚལ་ན། །སྨོན་ལམ་གང་བཏབ་འགྲུབ་གསུངས་ཕྱིར། །སེམས་དཔའ་ས་ཡི་སྙིང་པོ་ལ། །ཕྱག་འཚལ་མཆོད་དོ་སྐྱབས་སུ་མཆི། །ཡུལ་ཕྱོགས་འདི་རུ་དུས་རྟག་ཏུ། །ལོ་དགྲ་མེད་ཅིང་ལོ་ཐོག་འཕེལ། །རྩྭ་རྒྱས་འབྲུ་རྣམས་འཕེལ་མཛོད་ཅིག །སྟོང་གསུམ་སྟོང་གི་འཇིག་རྟེན་ཁམས། །དབང་ཆེན་གསེར་གྱི་ས་གཞི་ནས། །ལྷ་མོ་

[Full Size]

བརྟན་མ་གཤེགས་སུ་གསོལ། །གཏེར་ཆེན་འདི་ལ་བརྟན་པར་བཞུགས། །དཔག་ཚད་བརྒྱད་ཁྲི་བཞི་སྟོང་གི །ས་ཡི་བཅུད་རྣམས་འདིར་བསྡུས་ལ། །ཡུལ་འདིར་ས་བཅུད་རྒྱས་པར་མཛོད། །དབང་ཆེན་བྲི་བྷ་ཏྲ་དང་། །ཡུལ་འདིར་གཉུག་མར་གནས་པ་ཡི། །ས་བདག་ཀླུ་གཉན་གཞི་བདག་ཀུན། །རྟེན་འཛུགས་རྟེན་བཅའ་དབུ་འཕང་སྟོད། །ཟད་མེད་གཏེར་ལ་ལོངས་སྤྱོད་ཤོག །བདག་ཅག་ཡོན་མཆོད་འཁོར་བཅས་ལ། །ཁ་འཛིན་སྡོང་གྲོགས་རྒྱབ་རྟེན་མཛོད། །རྟག་ཏུ་ལོ་ལེགས་འབྲུ་འཕེལ་ཞིང་། །བདེ་སྐྱིད་ལྡན་པའི་དངོས་གྲུབ་སྩོལ། །ཨོཾ་ཀིཾ་ཧི་ར་ཙ་ཡེ་པྲ་བྷི་དྷེ་བཱི་སརྦ་ནཱ་ག་བྷུ་མི་པ་ཏི་ས་པ་རི་ཝཱ་ར་ཨརྒྷཾ་སོགས་ནས། ན་མསརྦ་ཏ་ཐཱ་ག་ཏ་བྷྱོ་བྷི་ཤྭ་མུ་ཁེ་བྷྱ༔ སརྦ་ཐ་ཁཾ་ཨུཏྟ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ལན་གསུམ། ༈ ཐུགས་སྒྲུབ་ལས། ཧཱུྃ། འབྱུང་བ་ལྔ་ཡི་སངས་རྒྱས་སྟོང་། །ས་ཡི་ལྷ་མོ་ཁ་ཕྱེས་ཤིག །སྐུ་གསུང་ཐུགས་ཡོན་ཕྲིན་ལས་ལྔ། །སྒྲུབ་པ་ལས་ཀྱི་གཏེར་སྦེད་དོ། །སྙིང་པོ་རིན་ཆེན་སྣ་ལྔའི་འབྲུ། །སྨན་ལྔ་དམ་རྫས་གཏོར་མ་ཡི། །ཡིད་བཞིན་གཏེར་མཆོག་འདི་སྦས་པས། །འདིར་

[Full Size]

འདུས་རྣལ་འབྱོར་བདག་ཅག་རྣམས། །བླ་མེད་བྱང་ཆུབ་མ་ཐོབ་བར། །སྐྱེ་རྒ་ན་འཆིའི་དུས་བྱུང་ཚེ། །གཏེར་མཆོག་འདི་ཡི་བྱིན་རླབས་ཀྱིས། །བདེ་ཐོབ་ལོངས་སྤྱོད་ལྡན་པར་ཤོག །ནད་དང་མུ་གེ་མཚོན་ལ་སོགས། །འཇིགས་པ་བརྒྱད་ལས་ཐར་བ་དང་། །སྐུ་ལྔ་ལྷུན་གྱིས་གྲུབ་པ་ཡི། །ཡེ་ཤེས་ལྔ་དང་ལྡན་པར་ཤོག །ཕྱག་རྒྱ་ལྔ་ཡིས་རྒྱས་འདེབས་སོ། །ཡོན་ཏན་མཐའ་རྒྱས་བཀྲ་ཤིས་ཤོག །ཨོཾ་བཛྲ་རཏྣ་པདྨ་ཀརྨ་སིདྡྷི་ཧཱུྃ་ཧཱུྃ། །ཐུགས་རྗེ་ཆེན་པོ་གསང་འདུས་ལས། ཧཱུྃ། ཆོས་ཉིད་བདེན་པའི་བྱིན་བརླབས་ཀྱིས། །ས་ཡི་ལྷ་མོ་ཁ་ཕྱེས་ཤིག །དབང་ཆེན་ཡུམ་ལྔའི་མཁའ་ཀློང་དུ། །སྒྲུབ་པ་ལས་ཀྱི་གཏེར་སྦེད་དོ། །གསང་བ་འདུས་པའི་གཏེར་སྦེད་དོ། །རིན་ཆེན་བུམ་པའི་གཏེར་སྦེད་དོ། །སྙིང་པོ་ལྔ་ཡི་གཏེར་སྦེད་དོ། །དར་སྣ་ལྔ་ཡི་གཏེར་སྦེད་དོ། །འབྲུ་སྣ་ལྔ་ཡི་གཏེར་སྦེད་དོ། །རིན་ཆེན་སྣ་ལྔའི་གཏེར་སྦེད་དོ། །དམ་རྫས་གཏོར་མའི་གཏེར་སྦེད་དོ། །ཡིད་བཞིན་གཏེར་མཆོག་འདི་སྦས་པས། །རྣལ་འབྱོར་བདག་ཅག་འཁོར་བཅས་རྣམས། །ནམ་ཞིག་འཆི་བའི་དུས་བྱུང་ཚེ། །གཏེར་ཆེན་ཁྱོད་ཀྱི་མདུན་ནས་

[Full Size]

བསུས། །འདོད་ཡོན་ལྔ་ལ་ལོངས་སྤྱོད་ཤོག །ཡེ་ཤེས་ལྔ་ཡིས་ལམ་སྣ་དྲོངས། །མཁའ་འགྲོ་རྣམས་ཀྱིས་གཡས་གཡོན་བརྟེན། །དམ་ཅན་རྣམས་ཀྱིས་རྗེས་ནས་སྐྱོབས། །བཅུ་གསུམ་ས་ལ་ཕྱིན་པར་ཤོག །ཕྱག་རྒྱ་ལྔ་ཡིས་རྒྱས་འདེབས་སོ། །བཛྲ་ཨཱ་ཡུ་སིདྡྷི་ཧཱུྃ། ༈ དགོངས་འདུས་ལས། ཨོཾ་བྷཾ༔ ལྷ་མིའི་སྐྱོབ་པ་སངས་རྒྱས་བཅོམ་ལྡན་འདས། །བདག་དང་འགྲོ་ལ་ཐུགས་རྗེས་བརྩེར་དགོངས་ཕྱིར། །ཉེ་བར་བཟུང་ཕྱིར་ས་འདི་ཁ་ཕྱེས་མཛོད། །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །བདག་ཅག་རྣལ་འབྱོར་མཆེད་ལྕམ་ཐམས་ཅད་ཀྱིས། །སྣ་ཚོགས་འདོད་ཡོན་ལོངས་སྤྱོད་གཏེར་སྦས་པས། །ནམ་ཞིག་མི་རྟག་སྐྱེ་འཆི་བྱུང་བའི་ཚེ། །ལྷག་བསམ་དག་པས་གཏེར་ཆེན་འདི་ཉིད་ལ། །བརྟེན་ནས་མི་ཟད་གཏེར་གྱི་མདུན་བསུ་ཞིང་། །མཆོག་དང་ཐུན་མོང་དངོས་གྲུབ་ལ་སོགས་པ། །འདོད་ཡོན་ལོངས་སྤྱོད་རྣམས་ལ་སྤྱོད་པར་ཤོག །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །བླ་མ་དམ་པ་རྣམས་ཀྱིས་གཏེར་སྦས་པས། །ནམ་ཞིག་མི་རྟག་འཆི་བའི་དུས་བྱུང་ཚེ། །མི་ཟད་རིན་ཆེན་གཏེར་གྱི་མདུན་བསུ་ཞིང་། །

[Full Size]

འདོད་ཡོན་ལོངས་སྤྱོད་རྣམས་དང་འཕྲད་པར་ཤོག །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །དམ་ཅན་ཆོས་སྐྱོང་རྣམས་ཀྱིས་གཏེར་སྦས་པོས། །ནམ་ཞིག་མི་རྟག་སྐྱེ་འཆི་བྱུང་བའི་ཚེ། །མི་ཟད་རིན་ཆེན་གཏེར་གྱི་མདུན་བསུ་ཞིང་། །འདོད་ཡོན་ལོངས་སྤྱོད་རྣམས་དང་འཕྲད་པར་ཤོག །རྡོ་རྗེ་སློབ་དཔོན་ཐུགས་ཀྱིས་གཏེར་སྦས་པས། །སྒྲུབ་པའི་ཡང་སྙིང་མཆོག་དང་འཕྲད་པར་ཤོག །མཆེད་དང་ལྕམ་དྲལ་རྣམས་ཀྱིས་གཏེར་སྦས་པས། །མ་སྲིང་མི་འབྲལ་འགྲོགས་ཤིང་རབ་མཐུན་ནས། །ཚོམ་བུ་གཅིག་གི་ངང་དུ་གྲོལ་བར་ཤོག །དེ་ཡང་ཐུགས་རྗེས་འགྲོ་ཀུན་སྒྲོལ་བར་ཤོག ༈ །ཕུར་པ་ལས། ཆོས་ཉིད་བདེན་པའི་བྱིན་རླབས་ཀྱིས། །ས་ཡི་ལྷ་མོ་ཁ་ཕྱེས་ཤིག །དབང་ཆེན་ཡུམ་ལྔའི་མཁའ་ཀློང་དུ། །སྒྲུབ་པ་ལས་ཀྱི་གཏེར་དུ་སྦས། །ཁྲོ་རྒྱལ་ཡབ་ཡུམ་ཁྲ་ཐབས་དང་། །ཡང་སྤྲུལ་ཕོ་ཉའི་མཁའ་ཀློང་དུ། །དམ་རྫས་གཏོར་མའི་གཏེར་དུ་སྦས། །མི་ཟད་མཛོད་ཀྱི་གཏེར་དུ་སྦས། །གཏེར་ཆེན་འདི་ཡི་བྱིན་རླབས་ཀྱིས། །རྣལ་འབྱོར་བདག་ཅག་འཁོར་དང་བཅས། །ནམ་ཞིག་འཆི་བའི་དུས་བྱུང་ཚེ། །གཏེར་ཆེན་འདི་ཡི་བྱིན་རླབས་

[Full Size]

ཀྱིས། །ཡེ་ཤེས་ལྔ་ལ་ལོངས་སྤྱོད་ཅིང་། །མི་ཟད་ནམ་མཁའི་མཛོད་སྤྱོད་ཤོག །ཡེ་ཤེས་ལྔ་ཡི་མདུན་བསུས་ནས། །བཅུ་གསུམ་རྡོ་རྗེའི་སར་ཕྱིན་ཤོག ། ༈ བཀའ་བརྒྱད་ལས། ཧཱུྃ། སྐྱོབ་པ་སངས་རྒྱས་བཅོམ་ལྡན་འདས། །ས་ཡི་ལྷ་མོ་ཁ་ཕྱེས་ཤིག །ས་ཡི་ལྷ་མོའི་མཁའ་དབྱིངས་སུ། །སྒྲུབ་པ་ལས་ཀྱི་གཏེར་སྦེད་དོ། །ཧེ་རུ་ཀ་ཡི་གཏེར་སྦེད་དོ། །རིན་ཆེན་བུམ་པའི་གཏེར་སྦེད་དོ། །སྙིང་པོ་ལྔ་ཡི་གཏེར་སྦེད་དོ། །དར་སྣ་ལྔ་ཡི་གཏེར་སྦེད་དོ། །སྨན་སྣ་ལྔ་ཡི་གཏེར་སྦེད་དོ། །འབྲུ་སྣ་ལྔ་ཡི་གཏེར་སྦེད་དོ། །རིན་ཆེན་སྣ་ལྔའི་གཏེར་སྦེད་དོ། །དམ་རྫས་གཏོར་མའི་གཏེར་སྦེད་དོ། །ཡིད་བཞིན་གཏེར་ཆེན་འདི་སྦས་པས། །རྣལ་འབྱོར་བདག་ཅག་འཁོར་བཅས་ལ། །ནམ་ཞིག་སྐྱེ་འཆིའི་དུས་བྱུང་ཚེ། །གཏེར་ཆེན་ཁྱོད་ཀྱི་བྱིན་རླབས་ཀྱིས། །འདོད་ཡོན་ལྔ་ལ་ལོངས་སྤྱོད་ཤོག །སྙིང་པོ་ལྔ་ཡི་གཏེར་སྦས་པས། །སྐུ་ལྔ་ལྷུན་གྱིས་གྲུབ་པར་ཤོག །དར་སྣ་ལྔ་ཡི་གཏེར་སྦས་པས། །ཡེ་ཤེས་ལྔ་དང་ལྡན་པར་ཤོག །སྨན་སྣ་ལྔ་ཡི་གཏེར་སྦས་པས། །ནད་ཀྱི་བསྐལ་པ་ཞི་བར་ཤོག །འབྲུ་སྣ་ལྔ་ཡི་གཏེར་སྦས་

[Full Size]

པས། །མུ་གེའི་བསྐལ་པ་ཞི་བར་ཤོག །རིན་ཆེན་སྣ་ལྔའི་གཏེར་སྦས་པས། །མཚོན་གྱི་བསྐལ་པ་ཞི་བར་ཤོག །དམ་རྫས་གཏོར་མའི་གཏེར་སྦས་པས། །མི་ཟད་གཏེར་གྱི་མདུན་བསུས་ཤིག །ཕྱག་རྒྱ་ལྔ་ཡིས་རྒྱས་གདབ་བོ། །ཧོ་རིན་ཆེན་བུམ་པའི་གཏེར་སྦས་པས། རྣལ་འབྱོར་པ་འདི་ཚོགས་ཐམས་ཅད་ཡེ་ཤེས་ལྔའི་དངོས་གྲུབ་ཐོབ་སྟེ། ཚེ་དབང་ཕུན་སུམ་ཚོགས་པའི་བསོད་ནམས་དང་ལྡན་པར་གྱུར་ཅིག །བཛྲ་རཏྣ་པདྨ་ཀརྨ་བུདྡྷ་ཨཱ་ཡུ་སིདྡྷི་ཧཱུྃ། ༈ ཞི་ཁྲོ་ལས། ཧཱུྃ། འབྱུང་བ་ལྔ་ནི་སངས་རྒྱས་ཞིང་། །ས་ཡི་ལྷ་མོ་ཁ་ཕྱེས་ཤིག །བསྟན་པ་མི་འགྱུར་བཀྲ་ཤིས་ཤོག །ཧོ་སྙིང་པོ་ལྔ་དང་དར་སྣ་འབྲུ། །སྤོས་དང་སྨན་སྣ་དམ་རྫས་སོགས། །ཡིད་བཞིན་ནོར་བུས་གཏེར་སྦས་པས། །འདིར་འདུས་སྐལ་ལྡན་ཕོ་མོ་རྣམས། །བླ་མེད་བྱང་ཆུབ་མ་ཐོབ་བར། །སྐྱེ་རྒ་ན་འཆིའི་སྡུག་བསྔལ་རྣམས། །ཟབ་གཏེར་འདི་སྦས་བྱིན་རླབས་ཀྱིས། །དེ་རྣམས་མ་ལུས་བྱང་གྱུར་ཅིག །ནད་དང་མུ་གེ་མཚོན་ལ་སོགས། །འཇིག་པ་བརྒྱད་ལས་ཐར་བར་གྱུར། །ཚེ་དང་བསོད་ནམས་འཕེལ་བར་ཤོག །དུག་ལྔ་གནས་སུ་རྣམ་དག་ནས། །སྐུ་ལྔ་སྐུ་

[Full Size]

གསུམ་ལྷུན་གྲུབ་ཅིང་། །ཡེ་ཤེས་ལྔ་དང་ལྡན་པར་ཤོག །བདག་འཛིན་འཁྲུལ་པ་རབ་དག་ནས། །ལམ་ལྔ་ས་བཅུ་མཐར་ཕྱིན་ཅིང་། །ཐུགས་ལྡན་ནས། །ཕྱག་རྒྱ་ལྔ་ཡིས་རྒྱས་གདབ་བོ། །ཡོན་ཏན་མ་ལུས་མཐའ་རྒྱས་ནས། །བསམ་པའི་དོན་འགྲུབ་བཀྲ་ཤིས་ཤོག །མི་འགྱུར་བརྟན་ཞིང་གནས་པར་མཛོད། །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །རྩ་གསུམ་ལྷ་ཚོགས་རྣམས་ཀྱི་གཏེར་སྦས་པས། །ནམ་ཞིག་མི་རྟག་སྐྱེ་འཆི་བྱུང་བའི་ཚེ། །མི་ཟད་རིན་ཆེན་གཏེར་གྱིས་མདུན་བསུས་ཤིང་། །འདོད་ཡོན་ལོངས་སྤྱོད་ལྔ་དང་འཕྲད་པར་ཤོག །བཛྲ་རཏྣ་པདྨ་ཀརྨ་སིདྡྷི་ཧཱུྃ། ༈ དེ་ནས་རྡོ་ལེབ་ལ་རིགས་ལྔའི་ཕྱག་མཚན་བྲིས་པས་བཀབ་ལ། ཧོ༔ རྡོ་རྗེ་འབར་བའི་རྒྱས་གདབ་ནས། །མི་ཤིགས་མི་འགྱུར་རབ་ཏུ་བརྟན། །རིན་ཆེན་འབར་བས་རྒྱས་གདབ་པས། །ཚེ་དང་བསོད་ནམས་དཔལ་འབྱོར་རྒྱས། །པདྨ་འབར་བས་རྒྱས་གདབ་པས། །ཆགས་མེད་སྐྱོན་བྲལ་ཡོན་ཏན་རྫོགས། །རལ་གྲི་འབར་བས་རྒྱས་གདབ་པས། །བདུད་བཞིའི་བར་ཆད་རྩད་ནས་ཆོད། །འཁོར་ལོ་འབར་བས་རྒྱས་

[Full Size]

གདབ་པས། །ཉོན་མོངས་འཁོར་བའི་སྡུག་བསྔལ་ནི། །རྒྱས་ལྔ་གདབ་པའི་བྱིན་རླབས་ཀྱིས། །སངས་རྒྱས་བསྟན་པ་དར་བ་དང་། །སེམས་ཅན་བདེ་སྐྱིད་ལྡན་པའི་ཕྱིར། །བསྟན་པའི་བཙས་སུ་འདི་གྱུར་ཅིག །དེ་ནས་གྲོགས་རྣམས་ཀྱིས་རྡོ་ལེགས་པར་བཅང་ཞིང་བརྡུང་བཅུག་ཚེ། རང་གིས་བཀྲ་ཤིས་གང་ཤེས་བརྗོད་ཅིང་མེ་ཏོག་འཐོར། རྒྱས་པར་ནི་རྟེན་འབྲེལ་སྙིང་པོ་དང་། བསྡུ་ན། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་མང་དུ་བརྗོད་ཅིང་རྗེས་མི་མངོན་པར་བྱའོ། །མི་མང་འཚོགས་ན་འདི་ལ་འུར་འདོན་བཅུག །བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་འཚལ་ལོ་།ཞེས་འདོན། དེ་ལྟར་བྱས་པའི་ཕན་ཡོན་ནི། །ཤི་མི་རུང་ལ་ཤི་བ་དང་། །སྤར་ཁའི་འགྲམ་འཁྲུགས་སོང་ལ་ཕན། །རོ་དང་བག་མའི་ཕྱོགས་ནོར་ནས། །ས་བདག་ཀོ་ལོང་བསྡུམ་ལ་ཕན། །སྤང་གསར་ཕེད་དང་ཁང་ལས་ཀྱིས། །ས་བདག་ཕོག་ཐུག་སོང་ལ་ཕན། །རི་དྭགས་བསད་དང་རི་མེ་ཤོར། །གཞི་བདག་རྣམས་ལ་འགྲས་ན་ཕན། །བྲག་བཤིག་ཤིང་གཉན་བཅད་པ་ཡི། །གཉན་ལ་ཕོག་ཐུག་སོང་ལ་ཕན། །རྟེན་གསུམ་འཐོར་དང་གཡང་ཅན་ཤི །ས་བཅུད་ཉམས་པར་གྱུར་ལ་ཕན། །བཙའ་སད་སེར་བ་འབུ་ལ་སོགས། །ལོ་ཉེས་ལོ་དགྲ་མང་ལ་ཕན། །རི་སྙིལ་བྲག་ཞིག་ལ་སོགས་པ། །མཁར་ཁང་ཞིག་རལ་མང་ལ་ཕན། །ཡུལ་དེར་མི་འཕག་རྐྱེན་ངན་མང་། །ཡུལ་

[Full Size]

འཆུག་ས་མི་ཟིན་ལ་ཕན། །ཀླུ་དང་ས་བདག་ནད་ལ་ཕན། །དེ་དག་ཀུན་ལ་ཕན་པ་ཡིན། །མོ་རྩིས་གཞུང་ཆེན་ཀུན་ལས་གསལ། །དེ་ཕྱིར་ཀུན་གྱི་ལུང་བསྟན་ཀྱང་། །མ་ནོར་གཞུང་བཞིན་ཤེས་པ་དཀོན། །དེ་ཕྱིར་འགྲོ་ལ་ཕན་དོན་དུ། །སྔགས་འཆང་རཱ་ག་ཨ་སྱ་ཡིས། །གཏེར་ཁ་གསར་རྙིང་གཙུག་ལག་གཞུང་། །ཀུན་གྱི་དོན་བསྡུས་རྒྱས་པར་བསྒྲིགས། །ཐབས་མཁས་ཞེས་བྱས་ཡི་གེར་བཀོད། །ལག་ལེན་གསལ་བས་ཀུན་གྱིས་ཤེས། །འདོན་ཆ་ཁུངས་བཙུན་བྱིན་རླབས་ཆེ། །མ་འོངས་རྐང་གཉིས་མི་རྣམས་ལ། །ཕན་ཐོགས་བཞག་པ་ཆེན་པོ་བྱས། །འགལ་བ་མཆིས་ན་ལྷ་ལ་བཤགས། །དགེ་བས་དུས་ངན་སྙིགས་མར་ཡང་། །འདི་ཉིད་དར་བའི་ས་ཕྱོགས་སུ། །ལོ་ལེགས་འབྲུ་འཕེལ་བདེ་སྐྱིད་ལྡན། །རྫོགས་ལྡན་དུས་དང་མཚུངས་པར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ས་སྙིང་དང་བརྟན་མ་སྦྲགས་སྒྲུབ་ཀྱི་བུམ་གཏེར་སྒྲུབ་ཚུལ་ཤིན་ཏུ་བསྡུས་པ་ཕན་བདེའི་ཡང་སྙིང་།

[Full Size]

ས་སྙིང་དང་བརྟན་མ་སྦྲགས་སྒྲུབ་ཀྱི་བུམ་གཏེར་སྒྲུབ་ཚུལ་ཤིན་ཏུ་བསྡུས་པ་ཕན་བདེའི་ཡང་སྙིང་ཞེས་བྱ་བ་བཞུགས་སོ།།

[Full Size]

ཨོཾ་སྭ་སྟི་སིདྡྷཾ། བྱང་ཆུབ་སེམས་ཀྱི་ནོར་བུ་ཡིས། །ཕན་བདེའི་འདོད་དགུ་སྩོལ་མཛད་པའི། །བླ་མ་མཆོག་དང་ལྷག་པའི་ལྷར། །བཏུད་ནས་གཏེར་བུམ་སྒྲུབ་ཐབས་བཤད། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། བུམ་པ་ཡུལ་གྱི་བྲེ་གང་ཤོང་བ་ལས་མི་ཆུང་བའི་ནང་། །དབུས་སུ་སྲོག་ཤིང་བརྟན་པར་བཙུགས་པ་ལ་གཟུངས་ཀྱི་ཤོག་དྲིལ་དཀྲི་ཞིང་ན་བཟའ་གསོལ། སྒྲུབ་ཆེན་བྱས་པའི་སྒྲུབ་གཏོར། མ་ཎི་རིལ་བུ། བྱ་རྒྱུད་ལུགས་ཀྱི་བུམ་རྫས་ཉེར་ལྔ། སྙིང་ཞོ་ཤ་མཁལ་མ་ཞོ་ཤ་སོགས་ཞོ་ཤའི་རིགས་དང་། དུག་རིགས་མ་འདྲེས་པའི་སྨན་སྣ། གནས་རྟེན་བྱིན་ཅན་དང་ས་དཔལ་ཅན་གྱི་ས་སྣ་ཆུ་སྣ། ལྕགས་དང་ར་གན་མུ་ཟི་ལ་སོགས་མ་འདྲེས་པའི་རིན་པོ་ཆེའི་རིགས། །འབྲུ་ནག་མ་

[Full Size]

གཏོགས་པའི་འབྲུ་སྣ། ཤིང་ཏོག །ཤ་ཆང་མ་གཏོགས་པའི་དཀར་མངར་དང་ཁུར་བ་སོགས་ཟས་སྣ་གཙང་མ། ཤུག་པ་ལ་སོགས་བཟང་ཤིང་གི་ཕྱེ་མ་དང་བཅས་པས་ཕྱུར་བུར་བཀང་། ཁ་འཇིམ་པས་བཅད་ཅིང་རས་དཀར་པོ་ལ་རིགས་ལྔའི་ཕྱག་མཚན་བྲིས་པས་གཡོགས། །མགྲིན་པ་དམ་པོར་བཅིང་། གཟུངས་གཞུག་ཤོག་དྲིལ་ལ་བྲི་རྒྱུ། གཞུང་གི་བཟླས་སྔགས་རྣམས་དང་། ནཱ་ག་ཕུཏ་ལ་མ་ཐ་སྙན་ལ་ཐ། མི་འཛད་ཡུན་གྱི་གཏེར་མཛོད་ཅིག །ཅེས་དང་། དབྱངས་གསལ་རྟེན་སྙིང་། འབད་དང་སྩོལ་བས་མ་གོས་པ། །ཞེས་སོགས་བཀྲ་ཤིས་དང་སུ་པྲ་ཏིཥྛས་མཐའ་བརྒྱན་པ་བྲིའོ། །ས་སྙིང་དང་ནོར་རྒྱུན་མ་སྦྲགས་སྒྲུབ་ཀྱིས་སྙིང་གཏེར་དང་ནོར་བུམ་གཞི་མཐུན་དུ་བྱེད་ན། བཅས་ཀྱི་སྐབས། གཟུངས་གཞུག་ལ་ནོར་རྒྱུན་མའི་

[Full Size]

སྙིང་པོ་དང་། སྤྲོ་ན་གཟུངས་རིང་ཡང་བྲི། ཤ་ཆང་སྒོག་བཙོང་སོགས་མ་འདྲེས་པའི་གཡང་རྫས་ཀྱི་རིགས་ཐུམ་པོར་བྱས་པའང་གཞུག །ངག་འདོན་སྐབས་ནོར་རྒྱུན་མ་བསྐྱེད་ཆོག་སོགས་མཆན་གསལ་ལྟར་སྦྱར་བས་ལེགས་པར་གྲུབ་བོ། །གང་ལྟར་ཡང་བཅའ་གྲུབ་ནས་གཞི་གཙང་མའི་དབུས་སུ་འབྲུ་དཀར་ཅུང་ཟད་བཀྲམ་པར་བུམ་པ་བཞག །དེའི་མདུན་དུ་གཏོར་མ་ལྕོག་ལྡུམ་དཀར་པོ་དང་མཆོད་པ་བཤམ། སློབ་དཔོན་གྱི་མདུན་དུ་རྡོ་དྲིལ། འཐོར་ནས། །གྲོགས་གཞན་ཡོད་ན་རྔ་རོལ་དུང་དཀར་སོགས་བཤམ། གཉིས་པ་ནི། བདག་བསྐྱེད་ཐུགས་རྗེ་ཆེན་པོའི་སྒོམ་བཟླས་རྒྱས་བསྡུས་གང་རིགས་རྗེས། སྤྲོ་ན་བུམ་པ་རྣམས་ལ་སྦྱོང་ཁྲུས་ཚུལ་བཞིན་བྱ། གང་ལྟར་ཡང་བུམ་པ། ཨ་མྲྀ་ཏས་བསང་། སྭ་བྷ་ཝས་སྦྱང་། སྟོང་པའི་ངང་ལས་འབྱུང་བ་རིམ་བརྩེགས་སྟེང་། །ཧཱུྃ་ལས་རིན་ཆེན་སྣ་ཚོགས་ལས་གྲུབ་པའི། །ཕྱི་ནི་བུམ་པ་ནང་ནི་གཞལ་ཡས་ཁང་། །ཤིན་ཏུ་ཉམས་དགའ་ལོངས་སྤྱོད་དུ་མས་གང་། །དེ་དབུས་སྣ་ཚོགས་པདྨ་ཟླ་བའི་སྟེང་། །ཀིཾ་ལས་སེམས་དཔའ་ས་ཡི་སྙིང་པོ་དཀར། །མྱུ་གུ་དྲིལ་བུ་འཛིན་ཅིང་ཕྱེད་སྐྱིལ་བཞུགས། །ནོར་རྒྱུན་མ་དང་སྦྲགས་སྒྲུབ་སྐབས། མདུན་དུ་འཕགས་མ་ནོར་རྒྱུན་ལྷ་མོ་སེར། །ཕྱག་གཉིས་མཆོག་སྦྱིན་རིན་ཆེན་འབྲས་སྙེ་བསྣམས། །ཞེས་སྦྱར། དེ་མདུན་ས་ཡི་ལྷ་

[Full Size]

མོ་གསེར་གྱི་མདོག །ནོར་བུ་བུམ་འཛིན་སྐུ་སྟོད་ས་ནས་ཐོན། །རྒྱབ་ཏུ་ས་བདག་དབང་ཆེན་སྐུ་མདོག་སེར། །ཞལ་གཅིག་ར་བ་བཞི་ཡི་གདེངས་ཀ་ཅན། །ཕྱག་བཞི་ཐལ་སྦྱར་ལྗོན་ཤིང་རི་རབ་འཛིན། །སྐུ་སྨད་སྦྲུལ་འཁྱིལ་རུས་སྦལ་སྟེང་དུ་བཞུགས། །གཡས་གཡོན་ལྷ་ཀླུ་གཞི་བདག་ཕོ་མོ་དང་། །སྒོ་བཞིར་སྲུང་བཞི་ཕྱི་ནང་བར་མཚམས་སུ། །བཀྲ་ཤིས་རྫས་རྟགས་རྒྱལ་སྲིད་འདོད་ཡོན་ཚོགས། །ལྷ་ཀླུ་མི་ཡི་ལོངས་སྤྱོད་ཟད་མི་ཤེས། །རྒྱ་ཆེ་རྒྱུན་མི་འཆད་པའི་གཏེར་དུ་གྱུར། །ན་མསརྦ་ཏ་ཐཱ་ག་ཏེ་བྷྱོ་བི་ཤྭ་སོགས་དང་། ཨོཾ་བཛྲ་སྤ་ར་ཎ་ཁཾ། གཙོ་འཁོར་རྣམས་ཀྱི་གནས་གསུམ་འབྲུ་གསུམ་དང་། །ས་བོན་འོད་ཀྱིས་འཁོར་བཅས་སྤྱན་དྲངས་གྱུར། །ཅེས་གསལ་བཏབ་ལ། སྤྱན་འདྲེན་པ་ནི། ཧོ༔ གསོན་ཅིག་དགོངས་ཤིག་མངོན་ཤེས་ཅན། །ཡེ་ཤེས་སྤྱན་དང་ལྡན་པ་པོ། །བྱང་ཆུབ་སེམས་དཔའ་སེམས་དཔའ་ཆེ། །ས་ཡི་སྙིང་པོ་དགོངས་སུ་གསོལ། །ནོར་བུམ་དང་སྦྲགས་སྒྲུབ་སྐབས། འདོད་རྒུའི་དངོས་གྲུབ་ཆར་འབེབས་པའི། །ནོར་རྒྱུན་ལྷ་མོ་དགོངས་སུ་གསོལ། །ཞེས་སྦྱར། བྱང་ཆུབ་སེམས་མ་རྫུ་འཕྲུལ་ཅན། །

[Full Size]

ལྷ་མོ་བརྟན་མ་དགོངས་སུ་གསོལ། །ལས་ལས་གྲུབ་པའི་སྟོབས་པོ་ཆེ། །ས་བདག་དབང་ཆེན་དགོངས་སུ་གསོལ། །ལྷ་འདྲེ་ཡིད་ཀྱི་མངོན་ཤེས་ཅན། །ཡུལ་ཕྱོགས་འདི་ལ་གནས་པ་ཡི། །ཀླུ་དང་ས་བདག་དགོངས་སུ་གསོལ། །དེ་རིང་བདག་དང་ཡོན་བདག་གི །འགལ་རྐྱེན་བར་ཆད་ཞི་བ་དང་། །མཐུན་རྐྱེན་ལེགས་ཚོགས་རྒྱས་པའི་ཕྱིར། །གཏེར་བདག་ཁྱེད་རྣམས་སྤྱན་འདྲེན་ན། །ཐུགས་རྗེའི་དབང་གིས་གཤེགས་སུ་གསོལ། །རིན་ཆེན་སྣ་ཚོགས་གཏེར་བུམ་ལ། །སྐུ་ཡི་རྟེན་དང་གནས་མཛོད་ཅིག །ཡུལ་ཕྱོགས་འདི་རུ་དུས་རྟག་ཏུ། །ལོ་ལེགས་འབྲུ་དང་རྩྭ་རྣམས་འཕེལ། །ས་བཅུད་དཔལ་གཡང་རྒྱས་པ་དང་། །བདག་ཅག་དཔོན་སློབ་ཡོན་མཆོད་ཀྱི། །ཁ་འཛིན་རྒྱབ་རྟེན་སྡོང་གྲོགས་མཛོད། །བདེ་སྐྱིད་ལྡན་པའི་དངོས་གྲུབ་སྩོལ། ཨོཾ་ཀྵི་ཧི་རཱ་ཛཿ ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི༔ ཞེས་སྦྱར། པྲ་བྷཾ་དེ་བཱི་སརྦ་བྷུ་མི་པ་ཏི་ས་པ་རི་ཝཱ་ར་ཨེ་ཧེ་ཧི། བཛྲ་ས་མཱ་ཛཿ ཛཿཧཱུྃ་བཾ་ཧོཿ ཏིཥྛ་ལྷན། ས་མ་ཡ་ནྟཾ། ས་མ་ཡ་ཧོ༔ ཞེས་སྤྱན་དྲངས་ཤིང་བསྟིམ། ཕྱག་འཚལ་བ་ནི། སེམས་དཔའ་ས་ཡི་སྙིང་པོ་དང་། ས་ཡི་ནོར་བུམ་དང་སྦྲགས་

[Full Size]

སྒྲུབ་སྐབས། ནོར་རྒྱུན་ཞེས་བསྒྱུར། ལྷ་མོ་བརྟན་མ་ཆེ། །ས་བདག་ཀླུ་གཉན་འཁོར་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་པ་ནི། ཁྱེད་རྣམས་མཆོད་པའི་དམ་རྫས་ནི། །དངོས་སུ་ཅི་འབྱོར་གཙང་མར་བཤམས། །ཡིད་ཀྱིས་དཔག་ཏུ་མེད་པར་སྤྲུལ། །ཧ་ཧོ་ཧྭཡིས་བྱིན་བརླབས་པ། །ཟག་མེད་བདེ་བ་སྐྱེད་པའི་རྫས། །ཐུགས་ལ་བཞེད་དགུར་འཆར་བ་ཡི། །མཆོད་གཏོར་ལོངས་སྤྱོད་འདི་བཞེས་ལ། །འདོད་རྒུ་དཔལ་འབྱོར་རྒྱས་པ་དང་། །ས་བཅུད་འཕེལ་བའི་དངོས་གྲུབ་སྩོལ། །ཨོཾ་ཀིཾ་ཧི་རཱ་ཛ༴ ནོར་བུམ་དང་སྦྲགས་སྒྲུབ་སྐབས། བ་སུ་དྷ་རི་ཞེས་སྦྱར། བློ་བྲི་དྷེ་ཝཱི་སརྦ་བྷུ་མི་པ་ཏི་ས་པ་རི་ཝཱ་ར་ཨརྒྷཾ་ནས། ཤབྡ་སརྦ་པཱུ་ཛ་ཨཱཿཧཱུྃ། ཨོཾ་ཀིཾ་ཧི་རཱ་ཛཿ ནོར་བུམ་དང་སྦྲགས་སྒྲུབ་སྐབས། བ་སུ་དྷ་རི་ཞེས་སྦྱར། སྲི་ཤྲཱི་དེ་བཱི་སརྦ་བྷུ་མི་པཱ་ཏི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བསྟོད་པ་ནི། གྲངས་མེད་གོང་ནས་སངས་རྒྱས་ཀྱང་། །རྒྱུའགྲོ་བའི་དོན་དུ་སེམས་དཔའི་ཚུལ། །སེམས་དཔའ་ས་ཡི་སྙིང་པོ་ལ། །ཕྱག་འཚལ་མཆོད་བསྟོད་སྐྱབས་སུ་མཆི། །ནོར་བུམ་དང་སྦྲགས་སྒྲུབ་སྐབས། གང་གི་མཚན་ཙམ་དྲན་པས་

[Full Size]

ཀྱང་། །འཛད་མེད་དབྱིག་གི་ཆར་འབེབས་པ། །འཕགས་མ་ནོར་རྒྱུན་ལྷ་མོ་ལ། །ཕྱག་འཚལ་མཆོད་བསྟོད་སྐྱབས་སུ་མཆི། །ཞེས་སྦྱར། ས་བརྒྱད་ལ་གནས་སེམས་མ་ཆེ། །སྟོང་གསུམ་འཇིག་རྟེན་ས་ཡི་བདག །ས་ཡི་ལྷ་མོ་བརྟན་མ་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡི་རྣམ་ཀུན་ཏུ། །མཆོད་ཅིང་བསྟོད་དེ་ཕྱག་ཀྱང་འཚལ། །བདག་ཅག་ཡོན་མཆོད་འཁོར་བཅས་ཀྱི། །ནད་གདོན་གནོད་པ་ཞི་བ་དང་། །ས་བཅུད་དཔལ་གཡང་རྒྱས་པར་མཛོད། །འདོད་རྒུའི་དངོས་གྲུབབསྩལ་དུ་གསོལ། །བཤགས་པ་ནི། འཁོར་འདས་མགྲོན་རྣམས་ཐམས་ཅད་ལ། །ཚེ་རབས་སྔོན་ནས་ད་ལྟའི་བར། །མི་དགེ་མི་རུང་ལས་བགྱིས་པ། །དེ་དག་ཐམས་ཅད་མཐོལ་ལོ་བཤགས། །ཡི་གེ་བརྒྱ་པ་བརྗོད། བཟླས་པ་ནི། བུམ་ལྷའི་ཐུགས་སྲོག་སྔགས་ཕྲེང་ལས། །འོད་འཕྲོས་བརྟན་གཡོའི་རྒུད་པ་ཞི། །ཚེ་བསོད་དཔལ་འབྱོར་ཡེ་ཤེས་རྒྱས། །དཔག་ཚད་བརྒྱད་ཁྲི་བཞི་སྟོང་གི །ས་བཅུད་བསྡུས་ནས་བུམ་པར་ཐིམ། །དངོས་གྲུབ་ཀུན་གྱི་གཏེར་དུ་

[Full Size]

གྱུར། །ཅེས་བརྗོད་ཅིང་བསམས་ལ། ཨོཾ་ཀིཾ་ཧི་རཱ་ཛཿ ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི༴ ཞེས་སྦྱར། བཱི་ཤྲཱི་དེ་བཱི་སྭཱ་ཧཱ། ཞེས་བསྙེན་པ་དང་། ཨོཾ་ཀིཾ་ཧི་རཱ་ཛཿ་ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི༔ ཞེས་སྦྱར། པྲ་ཤྲཱི་དེ་བཱི་སརྦ་སིདྡྷི་སྭཱ་ཧཱ། ཞེས་སྒྲུབ་སྔགས་ཅི་ནུས་དང་། སྤྲོ་ན། ཨོཾ་སུམྦྷ་ནི་སུམྦྷ་ཧ་ར་ཙ་ར་མ་ཧཱ་པཱ་ཤ་མཱ་རུ་ཏ་ཨ་མོ་གྷ་བཛྲ་སེན་སྭཱ་ཧཱ། །ཞེས་པའི་སྙིང་པོའི་གཟུངས་དང་། ནོར་བུམ་དང་སྦྲགས་སྒྲུབ་སྐབས། ཨོཾ་ཤྲཱི་བ་སུ་ནི་དྷ་ན་ཀྵེ་ཏྲེ་སྭཱ་ཧཱ། ཞེས་དང་། ཨོཾ་བ་སུ་དྷ་རི་ཎི་སྭཱ་ཧཱ། ཞེས་རྒྱུད་སྡེ་གོང་འོག་ལས་བྱུང་བའི་ནོར་རྒྱུན་མའི་སྙིང་པོ་དང་། ཏདྱ་ཐཱ། ཨོཾ་ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། དོ་ཙུ་དོ་ཙུ། བ་ཧ་བ་ཧ་སྭཱ་ཧཱ། ཞེས་ལྷ་མོ་བརྟན་མའི་རིག་པ་དང་། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜལ་ལ་མ་ཡེ་སྭཱ་ཧཱ། ཞེས་ཉེས་སེལ་གྱི་སྔགས་རྣམས་ཀྱང་ཅི་རིགས་པ་བཟླས་མཐར། རྗེས་ཆོག་ནི། ༀ་ཀྱི་ཧི་རཱ་ཛཿ ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི༔ ཞེས་སྦྱར། བྲི་ཤྲཱི་དེ་བཱི་སརྦ་བྷ་མི་པ་ཏི་ས་པ་རི་ཝཱ་ར་ཨརྒྷཾ་ནས། ཤབྡ་སརྦ་པཱུ་ཛ་ཨཱཿཧཱུྃ། ཞེས་པས་མཆོད། ས་སྙིང་ནོར་བུམ་དང་སྦྲགས་སྒྲུབ་སྐབས། ནོར་རྒྱུན་ཞེས་བསྒྱུར། ལྷ་མོ་བརྟན་མ་དང་། །ས་བདག་ཚོགས་ལ་ཕྱག་

[Full Size]

འཚལ་བསྟོད། །མཆོད་གཏོར་ཆུང་དང་རྫས་མ་འཛོམས། །ཉེས་འགལ་གང་མཆིས་མཐོལ་ཞིང་བཤགས། །ས་སྙིང་ས་ཡི་ལྷ་མོ་གཉིས། །ནོར་བུམ་དང་སྦྲགས་སྒྲུབ་སྐབས། ས་སྙིང་ནོར་རྒྱུན་བརྟན་མ་རྣམས། །ཞེས་བསྒྱུར། བདག་དང་ཡོན་བདག་བུམ་གཏེར་ལ། །བརྟན་པར་བཞུགས་ལ་ས་བཅུད་སྤེལ། །འདོད་རྒུའི་ལོངས་སྤྱོད་དངོས་གྲུབ་སྩོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་བརྟན་བཞུགས་བྱ། འབད་དང་རྩོལ་བས་མ་གོས་པའི། །ཞེས་སོགས་བཀྲ་ཤིས་གང་རིགས་བརྗོད། ཚར་གྲངས་དགོས་ན་དེ་ལྟ་བུའི་སྒོ་ནས་གྲངས་གསོག །མཐར་བརྟན་བཞུགས་གྲུབ་རྗེས། མཆོད་སྦྱིན་གནས་འདིར་གང་ལྷགས་སོགས་སམ། འཇིག་རྟེན་པ་ཡི་ས་བདག་རྣམས། །རང་རང་སོ་སོའི་གནས་སུ་གཤེགས། །ལོ་ཀ་བྷུ་མི་པ་ཏི་སརྦ་གཙྩཞེས་དང་། བཀྲ་ཤིས་རྒྱས་པར་བརྗོད་དོ། །གསུམ་པ་ནི། བསྒྲུབས་ཟིན་པའི་བུམ་པ་ས་དཔལ་བཟང་པོར་རླན་གྱིས་མི་འཇིག་པའི་ཚགས་དང་བཅས་ཏེ་སྤ། བརྟན་བཞུགས་ཤིས་བརྗོད་ཙམ་གྱིས་ཀྱང་རུང་མོད། ཅུང་ཟད་སྤྲོ་ན་གོང་གི་ཆོ་ག་ཚར་གཅིག་བསྐྱར་ལ། སརྦ་གཙྩའི་རྗེས། ཧཱུྃ། འབྱུང་བ་ལྔ་ནི་སངས་རྒྱས་དངོས། །ས་ཡི་ལྷ་མོ་མཁའ་ཕྱེས་ཤིག །སྐུ་གསུང་ཐུགས་ཡོན་ཕྲིན་ལས་ཀྱི། །སྒྲུབ་པ་ལས་ཀྱི་གཏེར་

[Full Size]

སྦེད་དོ། །སྙིང་པོ་རིན་ཆེན་སྣ་ལྔ་འབྲུ། །སྨན་སྣ་དམ་རྫས་གཏོར་མ་ཡི། །ཡིད་བཞིན་གཏེར་མཆོག་འདི་སྦས་པས། །འདིར་འདུས་རྣལ་འབྱོར་བདག་ཅག་རྣམས། །བླ་མེད་བྱང་ཆུབ་མ་ཐོབ་བར། །སྐྱེ་རྒ་ན་འཆིའི་དུས་བྱུང་ཚེ། །གཏེར་མཆོག་འདི་ཡི་བྱིན་རླབས་ཀྱིས། །བདེ་ཐོབ་ལོངས་སྤྱོད་ལྡན་པར་ཤོག །ཕྱག་རྒྱ་ལྔ་ཡི་རྒྱས་གདབ་བོ། །ཡོན་ཏན་མཐའ་རྒྱས་བཀྲ་ཤིས་ཤོག །ཨོཾ་བཛྲ་རཏྣ་པདྨ་ཀརྨ་སིདྡྷི་ཧཱུྃ་ཧཱུྃ། རྡོ་ལེབ་ལ་རིགས་ལྔའི་ཕྱག་མཚན་བྲིས་པས་བཀབ་ནས། ཧཱུྃ། རྡོ་རྗེ་འབར་བའི་རྒྱས་བཏབ་པས། །མི་ཤིགས་མི་འགྱུར་རབ་ཏུ་བརྟན། །རིན་ཆེན་འབར་བའི་རྒྱས་བཏབ་པས། །ཚེ་དང་བསོད་ནམས་དཔལ་འབྱོར་རྒྱས། །པདྨ་འབར་བའི་རྒྱས་བཏབ་པས། །ཆགས་མེད་སྐྱོན་བྲལ་ཡོན་ཏན་ལྡན། །རལ་གྲི་འབར་བའི་རྒྱས་བཏབ་པས། །བདུད་བཞིའི་བར་ཆད་རྩད་ནས་ཆོད། །འཁོར་ལོ་འབར་བའི་རྒྱས་བཏབ་པས། །ཉོན་མོངས་འཁོར་བའི་སྡུག་བསྔལ་ཞི། །རྒྱས་ལྔ་བཏབ་པའི་བྱིན་རླབས་ཀྱིས། །སངས་རྒྱས་བསྟན་པ་དར་བ་དང་། །སེམས་ཅན་བདེ་སྐྱིད་ལྡན་པའི་ཕྱིར། །བསྟན་པའི་བཙས་སུ་འདི་

[Full Size]

གྱུར་ཅིག །གྲོགས་རྣམས་ཀྱིས་ས་རྡོས་ལེགས་པར་བཅགས། །རང་ཉིད་ཀྱིས་བཀྲ་ཤིས་གང་ཤེས་དང་། རྟེན་འབྲེལ་སྙིང་པོ་དང་། སུ་པྲ་ཏིཥྛ་སོགས་བརྗོད་ལ་མེ་ཏོག་གི་ཆར་ཕབ། ལས་ཀྱི་རྗེས་མི་མངོན་པར་བྱའོ། །གནོད་སྦྱིན་གཏེར་འཆང་མཆོག་རྣམས་ཀྱི། །འདོད་རྒུའི་བུམ་པ་བཟང་པོ་བཞིན། །གདམས་པའི་སྙིང་པོ་འདི་བརྗོད་དགེས། །ཕན་བདེའི་དཔལ་ཡོན་རྒྱས་གྱུར་ཅིག །ཅེས་པའང་མ་ཧཱ་ཙི་ནའི་གཞུང་གི་གཏོ་བཅོས་རྣམས་དང་བཀའ་། གཏེར་སྤྱིའི་མན་ངག་ལ་བརྟེན་ནས་གྲུབ་བརྙེས་ཀརྨ་ཆགས་མེད་ཀྱིས་མཛད་པའི་གཞུང་ལས་མདོར་བསྡུས་སྙིང་པོར་དྲིལ་བའི་ལེའུ་ཚན་ནོ། །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ས་སྙིང་བུམ་པ་སྒྲུབ་པའི་ལག་ལེན།

[Full Size]

ས་སྙིང་བུམ་པ་སྒྲུབ་པའི་ལག་ལེན་ཁྱེར་བདེ་བ་བཞུགས་སོ།

[Full Size]

ན་མོ་ཀ་ཧི་ར་ཙ་ཡེ།། རྫ་ཡི་བུམ་པ་སོ་བཏང་དུ། །འབྲུ་སྣ་རིན་ཆེན་ཚོགས་ཚད་དང་། །ལྔ་ཕྲག་ལྔ་ཡི་རྫས་རྣམས་དང་། །རི་སྙིང་སྐམ་པོ་ཡོད་ན་བཞག་མེད་ན་སྙིང་ཞོ་བཞག་ཀྱང་ཆོག །རྒྱུད་དང་མཐུན་པའི་ཀླུ་སྨན་དང་། །ས་སྙིང་བརྟན་མའི་གཟུངས་རྣམས་བྲིས། །སྣང་བརྒྱད་སྙིང་པོ་ཚང་བ་བྲིས། །ཀླུ་གཟུངས་དང་ཀླུ་བདེ་བ་སྦྱིན་པའི་སྔགས་གཟུངས་རྣམས་བྲིས་ནས་སྲོག་ཤིང་ལ་དཀྲིས་ཏེ་བཙུགས། ཁ་ཆོད་ལེགས་པར་བྱས་ལ། རི་གཉན་རྒྱབ་རི་བཟང་པོའི་ས་དཔལ་བཟང་པོ་ན། ལྷོར་གདོང་གཏོད་ནས་ལེན་དཔལ་བཟང་བར་ཁ་གྲུ་ལ་བུམ་པ་སྦས་དགོས། ཡུལ་ལྷ་གནས་བདག་ལ་དཀར་གཏོར་གསེར་སྐྱེམས་འབྲུ་སྣས་མཆོད་ལ། རང་ཉིད་སྤྱན་རས་གཟིགས་སམ་འཇམ་དབྱངས་སམ་ས་སྙིང་པད་འབྱུང་གང་མོས་

[Full Size]

སུ་གསལ་བས་སྟོང་ཉིད་སྙིང་རྗེ་བྱང་ཆུབ་སེམས་དང་ལྡན་པས། མདུན་གྱི་དམིགས་རྟེན་མ་དག་པའི་ཆ་ཐམས་ཅད་སྦྱངས་ནས། རྒྱུ་དག་པ་རིན་པོ་ཆེ་ཡིད་བཞིན་གྱི་ནོར་བུ་དགོས་འདོད་ཀུན་འབྱུང་གི་བུམ་པ་རྒྱ་ཆེ་ལ་དཔངས་མཐོ་བའི་ནང་དུ་སྲིད་པ་གསུམ་གྱི་ནོར་རྫས་ལོངས་སྤྱོད་དུ་རུང་བ་ཐམས་ཅད་ཀྱིས་གང་བར་མོས་ལ་འདི་སྐད་དོ། །ཨོཾ་ཨ་མྲྀ་ཏེ་ཧཱུྃ། ཕཊ། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཧཱུྃ་ཡིག་ལས་བྱུང་བའི། །རིན་ཆེན་བུམ་པ་སྟོང་གསུམ་མཉམ་པའི་ནང་། །རིན་ཆེན་སྣ་ལྔ་བླུག་པའི་དགོས་འདོད་འབྱུང་། །སྨན་སྣ་ལྔ་བླུག་ནད་ཀྱི་བསྐལ་པ་ཞི། །འབྲུ་སྣ་ལྔ་བླུག་མུ་གེའི་བསྐལ་པ་ནི། །དྲི་ལྔ་བླུགས་པས་སྙན་གྲགས་

[Full Size]

ཀུན་ལ་ཁྱབ། །སྙིང་པོ་ལྔ་བླུག་ཚེ་རིང་ལོ་བརྒྱ་འཚོ། །རིན་ཆེན་ལྔ་བླུག་མཚོན་གྱི་བསྐལ་པ་ནི། །དགོས་འདོད་ཀུན་འབྱུང་ཟད་མེད་རིན་ཆེན་གཏེར། །ཨོཾ་ཧཱུྃ་ཏྲཾ་ཧྲཱིཿཨཱཿལྔས་བྱིན་རླབས་ཏེ། །ས་བདག་ཀླུ་གཉན་ཡུལ་ལྷ་གཞི་བདག་དང་། །ཁྱད་པར་ས་འདིར་གནས་པའི་ལྷ་ཀླུ་གཉོན། །ཟོ་དོར་ཡུལ་ལྷ་གཞི་བདག་གཉན་པོའི་ཚོགས། །རི་རྒྱལ་འདི་ཡི་གནས་བདག་དགེ་བསྙེན་ནམ། །ཆ་ལུགས་གང་ལྟར་འདུག་པ་ཁྱེད་རྣམས་ལ། །ཟད་མེད་གཏེར་གྱི་ལོངས་སྤྱོད་འབྱུང་ཕྱིར་འབུལ། །ས་བདག་སྙིང་གི་གཏེར་མཛོད་འདི་སྦས་པས། །ས་བདག་འཁྲུག་པའི་སྡུག་བསྔལ་ཞི་གྱུར་ཅིག །ས་བདག་འགྲམ་འཁྲུགས་ཐམས་ཅད་བྱང་གྱུར་ཅིག །ས་བདག་ཉམས་པ་ཐམས་ཅད་སོས་གྱུར་ཅིག །ས་བདག་རྨུག་པ་ཐམས་ཅད་སངས་གྱུར་ཅིག །ས་བདག་རྒུད་པ་ཐམས་ཅད་དར་གྱུར་ཅིག །ས་བདག་ན་བ་ཐམས་ཅད་བདེ་གྱུར་ཅིག །ས་བདག་ཀླུ་གཉན་མཐུ་སྟོབས་རབ་རྒྱས་ནས། །བདག་ཅག་ཡོན་བདག་རྣམས་ལ་ཁ་འཛིན་མཛོད། །ཉིན་གྱི་བྱ་ར་མཚན་གྱི་མེལ་ཚེ་མཛོད། །ཡག་པ་སྤྱོད་ལ་ཉེས་པ་ཀུན་དང་བསྣོལ། །དགྲ་ཇག་ནད་གདོན་བར་

[Full Size]

ཆད་ཞི་བར་མཛོད། །ལོ་ལེགས་ཕྱུགས་འཕེལ་བསོད་ནམས་རྒྱས་པར་མཛོད། །མི་ནོར་དར་རྒྱས་བདེ་སྐྱིད་འཛོམ་པར་མཛོད། །སྙན་གྲགས་བསོད་ནམས་མངའ་ཐང་ལོངས་སྤྱོད་སྤེལ། །དུས་མིན་འཆི་བའི་བར་ཆད་ཞི་བར་མཛོད་། །ཁྱེད་ཅག་ཡུལ་འདིར་གནས་པའི་ས་བདག་སྟེ། །ངེད་ཅག་ས་ལ་གནས་པའི་དབུ་ནག་མི། །གཅིག་གིས་གཅིག་བསྟོད་ཧ་བོ་གངས་བས་དཀར། །གཅིག་གིས་གཅིག་སྨད་རང་སོ་རྫ་བས་ནག །རང་སོ་རྫ་བས་མ་ནག་ལ། །ཧ་བོ་གངས་བས་དཀར་བར་མཛོད། །གནས་མགྲོན་གཉིས་ཀྱི་དམ་ཚིག་སྲུངས། །རྣལ་འབྱོར་བདག་ཅག་ཡོན་སྦྱོར་གྱིས། །ཇི་ལྟར་བཅོལ་བའི་ཕྲིན་ལས་འགྲུབ་པར་མཛོད། །ཀིཾ་ཧི་ར་ཙ་བཱི་ཤྲཱི་དེ་བཱི་བྷུ་མི་པ་ཏི་ནཱ་ག་ནཱ་གི་ས་པཱ་རི་ཝཱ་ར་རཏྣ་པཉྩ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཿཧཱུྃ་སྭཱ་ཧཱ། ས་བདག་སྙིང་གཏེར་འདི་སྦས་པས། །བདག་དང་སྦྱིན་བདག་འཁོར་བཅས་རྣམས། །ནད་མུག་མཚོན་གྱི་བསྐལ་དར་དུས། །གཏེར་ཆེན་འདི་ཡིས་སྐྱོབས་པར་ཤོག །ཅེས་བརྗོད། བཀྲ་ཤིས་བརྗོད། དཀར་གཏོར་ཡང་འབུལ། ས་བརྐོ་བ་ལ། སྟོན་གསུམ་ཁ་ལྷོར་གྲུ། དགུན་གསུམ་ལ་ནུབ་ཏུ་

[Full Size]

ཁ་གྱུ། དཔྱིད་གསུམ་ལ་ཁ་བྱང་དུ་གྱུ། དབྱར་གསུམ་ལ་ཁ་ཤར་དུ་རྒྱུ་ལ་བརྐོ་རུང་ངོ་། །གཞན་གནོད་སྦྱིན་གྱི་གཏེར་བུམ་རང་རང་གཞུང་ལྟར་རོ། །འདི་ས་བདག་སྙིང་གཏེར་ཀླུ་གཏོར་སོགས་ཀྱི་དོན་བསྡུས་ཏེ། རང་གཞན་སེམས་ཅན་ཐམས་ཅད་སྦྱིན་ཡུལ་དུ་གྱུར་པ་རྣམས་ལ་ཕན་ཕྱིར་དུ། ༧ རཱ་ག་ཨ་སྱས་སྦྱར་བའོ། །གཟའ་བཟང་སྐར་བཟང་དང་ས་བདག་ཀླུ་གཉན་ཐེབས་དུས་བྱས་ན་བཟང་གསུངས་སོ། །སརྦ་མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ས་བདག་སྙིང་གཏེར་བསྡུས་པ།

[Full Size]

ས་བདག་སྙིང་གཏེར་བསྡུས་པ་བཞུགས། རྫ་ཡི་བུམ་པ་སོ་མ་གཅིག་ཏུ། འབྲུ་སྣ། རིན་ཆེན་སྣ་ཚོགས། ལྕགས་ནི་མི་ཉན། རི་བོང་གི་སྙིང་སྐམ་པོ་ཡོད་ན་བཞག །མེད་ཀྱང་རུང་། སྨན་སྣ་ཀླུ་སྨན་རྣམས་ཀྱིས་བཀང་། སྣང་བརྒྱད་ཀྱི་སྙིང་པོ་བྲིས་ནས་བཅུག་ན་ཟབ། མེད་ཀྱང་རུང་། ཁ་དམ་པར་བཅད་ལ། རི་གཉན་ས་དཔལ་བཟང་སར། དཀར་གཏོར་གཅིག་ཕུལ་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ཡིག་ལས་བྱུང་བའི། །རིན་ཆེན་བུམ་པ་སྟོང་གསུམ་མཉམ་པའི་ནང་། །རིན་ཆེན་སྣ་ལྔ་བླུགས་པས་དགོས་འདོད་འབྱུང་། །སྨན་ལྔ་བླུགས་པས་ནད་ཀྱི་བསྐལ་པ་ཞི། །འབྲུ་ལྔ་བླུགས་པས་མུ་གེའི་བསྐལ་པ་ཞི། །དྲི་ལྔ་བླུགས་པས་སྙན་གྲགས་ཀུན་ཏུ་ཁྱབ། །སྙིང་པོ་ལྔ་བླུགས་ཚེ་རིང་ལོ་བརྒྱ་འཚོ། །རིན་ཆེན་སྣ་ལྔས་མཚོན་གྱི་བསྐལ་པ་ཞི། །དགོས་འདོད་ཀུན་འབྱུང་ཟད་མེད་རིན་ཆེན་གཏེར། །ཨོཾ་ཧཱུྃ་ཏྲཱྃ་ཧྲཱིཿཨཱཿཡིས་བྱིན་རླབས་ཏེ། །ས་བདག་ཀླུ་གཉན་ཡུལ་ལྷ་གཞི་བདག་དང་། །ཁྱད་པར་ས་འདིར་གནས་པའི་གཞི་བདག་ལ། །ཟད་མེད་གཏེར་གྱི་ལོངས་སྤྱོད་འབྱུང་ཕྱིར་འབུལ། །ས་བདག་སྙིང་གཏེར་དམ་པ་འདི་སྦས་པས། །ས་བདག་འཁྲུགསཔ་ཐམས་ཅད་སྡུམ་

[Full Size]

གྱུར་ཅིག །ས་བདག་འགྲས་པ་ཐམས་ཅད་བྱང་གྱུར་ཅིག །ས་བདག་ཉམས་པ་ཐམས་ཅད་སོས་གྱུར་ཅིག །ས་བདག་རྨུགས་པ་ཐམས་ཅད་སངས་གྱུར་ཅིག །ས་བདག་རྒུད་པ་ཐམས་ཅད་དར་གྱུར་ཅིག །ས་བདག་ན་བ་ཐམས་ཅད་སོས་གྱུར་ཅིག །ས་བདག་ཀླུ་གཉན་ཐམས་ཅད་རབ་དགྱེས་ནས། །བདག་དང་ཡོན་བདག་རྣམས་ལ་ཁ་འཛིན་མཛོད། །ཉིན་གྱི་བྱ་ར་མཚན་གྱི་མེལ་ཚེ་མཛོད། །ལེགས་དང་སྤྱོད་ལ་ཉེས་པ་ཀུན་དང་བསྣོལ། །དགྲ་གྱོད་ནད་གདོན་བར་ཆད་ཞི་བར་མཛོད། །ལོ་ལེགས་ཕྱུགས་འཕེལ་ཚེ་བསོད་རྒྱས་པར་མཛོད། །དུས་མིན་འཆི་སོགས་བར་ཆད་ཞི་བར་མཛོད། །ཁྱེད་ཅག་ཡུལ་འདིར་གནས་པའི་ས་བདག་སྟེ། །ངེད་ཅག་ས་ལ་བརྟེན་པའི་དབུ་ནག་མི། །གནས་མགྲོན་གཉིས་ཀྱི་དམ་ཚིག་ཐུབ་པར་སྲུངས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཨོཾ་བྷུ་མི་པ་ཏི་སཱ་པ་རི་ཝ་ར་རཏྣ་པཉྩ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤྱི་ར་ཎ་ས་མ་ཡེ་ཨཱཿཧཱུྃ་སྭཱ་ཧཱ། ས་བདག་སྙིང་གཏེར་འདི་སྦས་པས། །བདག་དང་སེམས་ཅན་མ་ལུས་པ། །ནད་མུག་མཚོན་གྱི་བསྐལ་པ་དར་བའི་ཚེ། །གཏེར་ཆེན་འདི་ཡིས་སྐྱོབས་པར་

[Full Size]

ཤོག །ཅེས་ཚར་གསུམ་བཏོན་ལ་སྦས། བཀྲ་ཤིས་བརྗོད། དཀར་གཏོར་ཡར་ལ་ཕུལ། ས་བརྐོ་དུས། སྟོན་གསུམ་ལྷོར་ཁ་གྲུ། དགུན་གསུམ་ནུབ། ཚེས་བཅུ་གཉིས་ལ་མི་རུང་། གཞན་སྐར་མ་བཟང་དུས་ནམ་ཡང་རུང་། ༧ རཱ་ག་ཨ་སྱས་འཕྲལ་དུ་བྲིས། བཀྲ་ཤིས།། །།

རྡོ་རྗེ་ཕུར་པའི་ལས་ཚོགས་བཀྲ་ཤིས་པ་རྟེན་འབྲེལ་གྱི་ཆེ་བའི་ཟིན་བྲིས་ལག་ཏུ་བླང་བདེ་བ།

[Full Size]

རྡོ་རྗེ་ཕུར་པའི་ལས་ཚོགས་བཀྲ་ཤིས་པ་རྟེན་འབྲེལ་གྱི་ཆེ་བའི་ཟིན་བྲིས་ལག་ཏུ་བླང་བདེ་བ་བཞུགས་སོ། །

[Full Size]

དཔལ་ཕྲིན་ལས་བདག་ཉིད་ཀརྨ་ཧེ་རུ་ཀ་ལ་ཕྱག་འཚལ་ལོ༔ ཕུར་པ་ཡང་གསང་བླ་མེད་དོན་གྱི་སྙིང་པོ་ཐུན་མོང་མ་ཡིན་པ་འདིའི་ལས་ཚོགས་ཟབ་མོ་གནད་ཀྱི་མཆོག་ཏུ་བསྟན་པ༔ ཤིན་ཏུ་ཟབ་པའི་བཀའ་རྒྱ་ཅན་འདི་ཡིན་ཏེ༔ བཀྲ་ཤིས་པ་རྟེན་འབྲེལ་གྱི་ཆེ་བ་ནི་སྤྱིར་དགེ་འདུན་གྱི་སྟེགས༔ རྒྱལ་པོའི་ཕོ་བྲང་༔ རྣལ་འབྱོར་པའི་སྒྲུབ་ཁང་ལ་སོགས་པ་རྣམས་ས་བཀྲ་ཤིས་ཤིང་༔ ལོངས་སྤྱོད་འདུ་བའི་རྟེན་འབྲེལ་ནི་ཕུར་པ་བི་ཏོ་ཏ་མ་ལ་ནོར་བུ་འབྱུང་བའི་རྒྱུད་ལས་བྱུང་བ་ལྟར་བྱས་ཏེ༔ བཀྲ་ཤིས་པའི་ས་ལས་བྱས་པའི་རྫ་བུམ་བྲེ་གང་ཤོང་བའི་ནང་དུ༔ གྲོ་གའམ་རྒྱ་ཤོག་ལ་རྒྱ་སྣག་གིས༔ ཨོཾ་བྷ་རུ་ན་ཡེ་ཧཱུྃ་སྭཱ་ཧཱཿ ཕུ༔ ཨོཾ་བཱ་སུ་ཀི་མཾ་སྭཱ་ཧཱཿ ཨོཾ་ཝ་རུ་ཎ་

[Full Size]

ཡེ་སྭཱ་ཧཱཿ ཨོཾ་ནཱ་ག་རཱ་ཛཿ བཱ་སུ་པུཎྜི་སརྦ་མངྒ་ལཾ་སིདྡྷི་སྭཱ་ཧཱཿ ཞེས་པའི་ཤོག་དྲིལ་མཇུག་ནས་དྲིལ་ཏེ༔ མགོ་མཇུག་མ་ལོག་པར་དར་སྐུད་སེར་པོས་བཅིངས་ནས་ནང་གཞུག་བྱས་ཏེ༔ སྤྲ་ཚིལ་ལ་ཀླུའི་རྒྱལ་པོ་ནོར་རྒྱས་ཀྱི་གཟུགས་སོར་བརྒྱད་པ་རྒྱལ་པོའི་ཆ་བྱད་ཅན་སྦྲུལ་མགོའི་གདེངས་ཀ་བདུན་ཡོད་པ༔ ཕྱག་གཡས་ནོར་བུ་རིན་པོ་ཆེ་དང་༔ གཡོན་ཨུཏྤ་ལ་བསྣམས་པ༔ སྐུ་སྨད་སྦྲུལ་དུ་འཁྱིལ་བ༔ དེ་ལ་གི་ཝཾ་གིས་བྱུག་སྟེ༔ ཨོཾ་ནཱ་གི་མ་ཎི་མུ་གུ་ཎཾ་སརྦ་མངྒ་ལཾ་སྭཱ་ཧཱཿ ཕུ༔ དེ་ནང་གཞུག་བྱས་ལ༔ དེའི་མདུན་དུ་རྫས་གོང་མ་ལ་ཀླུ་མོ་ནོར་བུའི་ཅོད་པན་ཅན་སོར་བདུན༔ སྦྲུལ་མགོའི་གདེངས་ཀ་ལྔ་ཡོད་པ༔ ཐལ་མོ་སྦྱར་ཏེ་ཡབ་ལ་གཟིགས་པ༔ དེ་གཉིས་ལྟོ་སྦྱར་ཏེ་བུམ་པར་

[Full Size]

བཅུག༔ ལུང་པའི་མདའ་གསུམ༔ ལྔ་བདུན་དགུ་བཅུ་གཅིག་ནས་ཕྱུག་པོ་གཡང་ཅན་ལས་འབྲུ་སྣ་བླང་ལ་བུམ་པར་བཅུག༔ དེ་ཡང་དར་སྣ༔ སྨན་སྣ༔ འབྲུ་སྣ༔ རིན་པོ་ཆེ་སྣ་ལྔ་དང་༔ བུད་མེད་སྔར་ཡུགས་ས་མ་ཕོག་པ༔ ཕ་མ་མ་ཁྱོ་འཛོམ་པའི་བུས་འཐུང་པའི་ནུ་ཞོ་དང་༔ བ་དཀར་སེར་གྱི་འོ་མ་དང་༔ ར་དཀར་མོའི་འོ་མ༔ དེ་གསུམ་ཕྱེ་གཙང་གིས་སྦྲུས་ལ་རིལ་བུ་བྱ༔ དེ་ནས་དཀར་གསུམ་མངར་གསུམ་བླུགས་ལ་ཁེངས་པར་བྱས༔ རྒྱལ་ཟླ་ནག་པ་ཟླ་བ༔ ཆུ་སྟོད་ཟླ་བ་ཐ་སྐར་ཟླ་བ་སྟེ༔ ར་བ་བཞི་གང་ཡང་རུང་བའི་ཡར་ངོའི་གཟའ་སྐར་བཟང་བ་ལ༔ དཀོན་མཆོག་ལ་མཆོད་པ་བཤམས༔ འབྲུའི་གཡུང་དྲུང་བྲིས་པའི་སྟེང་དུ་བུམ་པ་བཞག༔ དགེ་སློང་བཞི་སྡེའི་གདིང་བ་བཏིང་ཆོས་གོས་གྱོན་ནས་ཁ་ལྷོ་ཕྱོགས་སུ་གྱུས་ནས༔ མཆོད་པ་རྣམ་ལྔ་དང་དཀར་གཏོར་ཀླུ་སྨན་བཏབ་པ་བཤམས༔ ཨོཾ་ཨ་མྲྀ་ཏེ་ཧཱུྃ་ཕཊ༔ ལན་བདུན༔ ཨོཾ་སྭ་བྷ་སོགས༔ སྟོང་པའི་ངང་ལས་ཧཱུྃ་ལས་རིན་པོ་ཆེའི་བུམ་པ༔ ལྟོ་བ་ཡང་བ་མགྲིན་པ་རིང་བ༔ མཆུ་འཕྱང་བ༔ ལྷ་རྫས་གོས་ཀྱི་མགྲིན་པ་དཀྲིས་པ༔ དེའི་ནང་དུ་ཁཾ་ལས་བྱུང་བའི་འོ་མའི་རྒྱ་མཚོ༔ དཔག་ཚད་བརྒྱ་ཁྲི་བཞི་སྟོང་པ༔ མཐའ་གསེར་གྱི་བྱེ་མ་དང་༔ རིན་པོ་ཆེ་སྣ་ཚོགས་ཀྱི་གྲམ་བུ་བདལ་བའི་དབུས་སུ༔ རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས་དང་

[Full Size]

བཅས་པའི་དབུས་སུ་པདྨ་དཀར་པོ་འདབ་མ་བརྒྱད་པ་དང་ཟླ་བའི་གདན་བཞི་ཚོམ་གྱི་དབུས་མར༔ ཡི་གེ་དམར་སེར་ཡོངས་སུ་གྱུར་པ་ལས༔ ཀླུའི་རྒྱལ་ང་རྒྱས་སྐུ་མདོག་དམར་སེར༔ རྒྱལ་པོའི་ཆ་བྱད་ཅན༔ སྦྲུལ་མགོའི་གདེངས་ཀ་བདུན་ཡོད་པ༔ ཕྱག་གཡས་ནོར་བུ་རིན་པོ་ཆེ་དང་༔ གཡོན་པས་ཨུཏྤ་ལ་བསྣམས་པ༔ སྐུ་སྨད་སྦྲུལ་དུ་འཁྱིལ་པ༔ དེའི་མདུན་དུ་ཀླུ་མོ་ནོར་བུའི་ཅོད་པན་ཅན༔ སྦྲུལ་མགོའི་གདེངས་ཀ་ལྔ་ཡོད་པ༔ ཐལ་མོ་སྦྱར་ཏེ་ཡབ་ལ་གཟིགས་པ༔ གཡས་དང་གཡོན་དུ༔ ནོར་རྒྱས་ཀྱི་བུ་དང་བློན་པོ་གཉིས༔ གདེངས་ཀ་བདུན་དང་ལྡན་ཞིང་སྦྲུལ་མཇུག་ཅན༔ ཐལ་མོ་སྦྱར་བའི་བར་དུ་ནོར་བུ་འཛིན་པ༔ བཞི་ཀའང་དར་དང་རིན་པོ་ཆེས་བརྒྱན་ཅིང་༔ འཛུམ་པའི་མདངས་དང་ལྡན་པ༔ གནས་གསུམ་ཡི་གེ་གསུམ་དང་༔ ཐུགས་ཀར་ཟླ་སྟེང་ཕུཡིག་ལ་སྔགས་ཀྱིས་བསྐོར་བ༔ དེ་ལས་འོད་ཟེར་འཕྲོས་པས༔ ལྷོ་ཕྱོགས་རྒྱ་མཚོའི་ནང་ནས༔ ཀླུའི་རྒྱལ་པོ་ནོར་རྒྱས་ཡབ་ཡུམ་སྲས་འཁོར་ལོངས་སྤྱོད་དང་བཅས་པ་སྤྱན་དྲངས༔ བཛྲ་ས་མཱ་ཛཿ ཧཱུྃ༔ རི་རབ་ཆེན་པོའི་ལྷོ་ཡི་ཕྱོགས༔ མཐའ་

[Full Size]

མེད་རྒྱ་མཚོ་ཆེན་པོ་ནས༔ ཀླུ་ཡི་རྒྱལ་པོ་ནོར་རྒྱས་དང་༔ ཀླུ་མོ་ནོར་བུའི་ཅོད་པན་ཅན༔ ནོར་རྒྱས་བུ་དང་བློན་པོ་དང་༔ འཁོར་དང་ལོངས་སྤྱོད་བཅས་པ་རྣམས༔ དད་ཅིང་གུས་པས་སྤྱན་འདྲེན་ན༔ སྔོན་གྱི་དམ་ཚིག་དབང་གིས་ནི༔ སྐད་ཅིག་ཙམ་གྱིས་གཤེགས་སུ་གསོལ༔ བུམ་པ་ཀླུ་ཡི་ཕོ་བྲང་ནི༔ རྒྱ་མཚོ་ཆེན་པོར་གྱུར་པའི་ནང་གཉིས་མེད་བརྟན་པར་བཞུགས་སུ་གསོལ༔ ཨོཾ་ནཱ་ག་རཱ་ཙ་ཧཱུྃ་ཛ་ཛཿ ཧཱུྃ་ནཱ་ག་ཡཾ་སྤ་ར་ཎ་ཧཱུྃ་ཛ་ཛཿ ཛཿཧཱུྃ་བཾ་ཧོཿ ནཱ་ག་བཱ་སུ་ཀི་མཾ་ཨཾ་ཀུ་ཤ་ཛཿ ཏིཥྛ་ལྷན༔ ཐུབ་དབང་ཕྱག་རྡོར་རྟ་མགྲིན་དང་༔ པདྨ་འབྱུང་ནས་སྤྱན་སྔ་རུ་ཁས་བླངས་དམ་ཚིག་དྲན་མཛོད་ལ་བདག་གིས་བཅོལ་བའི་ལས་སྒྲུབས་ཤིག༔ ཨོཾ་ཝ་རུ་ཎ་ས་པ་རི་ཝཱ་ར༔ ས་མ་ཡ་མ་ནུ་སྨ་ར་ཡ༔ ས་མ་ཡ་མ་ཏི་ཏཱ་མ་ཏི་ས་མ་ཡ་རཀྵནྟུ༔ ཅོག་རྡོག་ཆངས་བུ་ཏིང་ལོ་བྲན་ལ༔ ཨ་ཀཱ་རོ་སོགས༔ ཧཱུྃ༔ ཀླུ་ཡི་རྒྱལ་པོ་ནོར་རྒྱས་ནི༔ བཙུན་མོ་སྲས་དང་བློན་པོ་དང་༔ འཁོར་དང་བཅས་པ་ཐམས་ཅད་ཀྱི༔ རྗེས་འབྲང་ཀླུ་ཐིལ་སྒབ་འདྲེའི་རིགས༔ རྟ་མགོ་ཅན་དང་གླང་མགོ་ཅན༔ སྤྲུལ་པ་བྱ་གཟུགས་སྣ་ཚོགས་སྟོན༔ གནམ་ཐིལ་དགུ་དང་ས་

[Full Size]

ཐིལ་དགུ༔ སྤང་ཐིལ་དགུ་དང་བསེ་རག་དགུ༔ ཤར་ལྷོ་ནུབ་བྱང་བིལ་རང་བཞི༔ མེ་ཐིལ་ཆུ་ཐིལ་རླུང་ཐིལ་དང་༔ བྲག་ཐིལ་ལ་སོགས་གནོད་བྱེད་ཀུན་།གདུག་པའི་ཞེ་སྡང་སེམས་མ་འཆང་༔ ང་རྒྱལ་རློམ་སེམས་དྲག་པོའི་མཐུས། མི་ལ་གནོད་བྱེད་ཀླུ་གདོན་ཁྱོད༔ གསང་བདག་བཀའ་ལ་མ་འདའ་བར༔ མཆོད་སྦྱིན་གླུད་གཏོར་འདི་བཞེས་ལ༔ གནོད་པ་ཅི་ཡང་མ་བྱེད་ཅིག༔ ཨོཾ་ནཱ་ག་རཱ་ཙ་བ་རུ་བ་ན་ཧྲི་ད་དེ་སྡེ་ཀྲ་ཧཱ་ཡ་མུ་ཁ་མུན་ཛ་ཧཱུྃ་ཕཊ༔ ཨོཾ་ནཱ་ག་རཱ་ཙ་བ་སུ་ཀི་ཏྲི་ཏ་སྟེ་ཏྲ་ཧ་ཡ་བ་ནས་མུ་ཁ་མུན་ཛ་མུན་ཛ་ཧཱུྃ་ཕཊ་སྭཱ་ཧཱཿ ཀླུའི་རྒྱལ་པོ་ནོར་རྒྱས་དང་ནོར་རྒྱས་བུ་ལ་ཕྱག་འཚལ་ལོ༔ ཁྱོད་ཀྱི་གདོན་དང་ཀླུ་སྲིན་ནི༔ རྟ་དང་གླང་གི་མགོ་ཅན་ཡིན༔ ཁྱེད་གཉིས་ཀླུ་དང་ས་བདག་དང་༔ ཐེལ་རང་བཙོན་བདུད་ཆུང་སྲི་དང་༔ རྨོངས་འདྲེ་རྣམས་དང་མ་སྡོངས་ཤིག༔ ཀླུ་མཆོད་པ་གནས་སུ་མཆོད༔ གདོན་ཕྱེ་བ་ཐུར་དུ་བཀར་ཝ་རུ་ན་ཏྲ་ཧཀྵ་མུ་ཁ་ཕུད་ཅིག༔ ཨོཾ་ནཱ་ག་རཱ་ཙ་སརྦ་ཏྲི་ཏ་སྡེ་ཀྲ་ཧ་ཡ་ནན༔ ཨི་དན་ཏེ་ན་ར་ཀན་བ་རཱ་ཧི་ཡ་སརྦ་ས་མ་ཏི་ནན༔ ཧཱུྃ༔ ཕྱག་ན་རྡོ་རྗེའི་མཐུ་སྟོབས་དང་༔ བྱ་ཁྱུང་རྒྱལ་པོའི་

[Full Size]

དྲག་རྩལ་དང་༔ བདེ་གཤེགས་རྣམས་ཀྱི་ཐུགས་རྗེ་ཡིས༔ ཀླུ་ཐིལ་གདོན་ཚོགས་མ་ལུས་ཀུན༔ སྔོན་གྱི་དམ་ཚིག་དྲན་པར་གྱིས༔ གནས་འདིར་བདག་ཅག་འཁོར་བཅས་ཀྱི༔ ཚེ་སྲོག་ནོར་ལ་མ་གནོད་ཅིག༔ གསང་སྔགས་ལས་བྱུང་མནའ་ཡི་ཚིག་ཁྱོད་ཀྱི་སྙིང་ལ་གནས་པ་སྟེ༔ དམ་ཚིག་འདི་ལ་མ་འདའ་ཞིག༔ དམ་ཚིག་འདི་ལས་འདས་གྱུར་ན༔ འཆི་བདག་གིས་ནི་གསལ་ཤིང་ལྟར༔ ཁྱོད་ཀྱི་ཡན་ལག་གཅོད་པར་བྱེད༔ དེ་བས་དམ་ལ་མ་འདའ་ཞིག༔ ཨོཾ་བཛྲ་ཧཱུྃ་ཀ་ར་ཏྲ་བ་ཏྲ་བ་ཏྲི་བ་ཡཀྵ་ཧ་ལ༔ ཧཱུྃ༔ ནོར་རྒྱས་གདོན་གྱུར་རྟ་ཡི་མགོ༔ ནོར་རྒྱས་བུར་གདོན་གླང་མགོ་ཅན༔ བདུད་རྩི་སྨན་གྱི་མཆོད་པ་དང་༔ ཡས་དང་གླུད་ཀྱི་གཏོར་མ་འབུལ༔ གཙོ་བོའི་དམ་ཚིག་དྲན་མཛོད་ལ༔ གནས་འདིར་བདག་ཅག་འཁོར་བཅས་ཀྱི༔ ཚེ་སྲོག་སྲིས་ལ་མ་རྐུ་ཞིག༔ བཟུང་བ་ཐོང་ལ་བཅིངས་བ་ཁྲོལ༔ བསམ་སྦྱོར་ངན་པ་ཞི་བར་མཛོད༔ ཨོཾ་པུ་ནེ་པུ་ནེ་ཙན་ཏེ་ཡེ་སྭཱ་ཧཱཿ ནཱ་ག་ཤཱནྟི་ཀུ་རུ་ཡེ་སྭཱ་ཧཱཿ ཀླུ་ཐིལ་ཝིག་ན་འདི་ཡིན་ཝིག་གོ༔ ཧཱུྃ༔ དཔལ་ཆེན་ཕྱག་ན་རྡོ་རྗེ་དང་༔ བྱ་ཁྱུང་རྒྱལ་པོའི་བཀའ་བྱུང་གིས༔ ཀླུ་ཆེན་ནོར་རྒྱས་བཙུན་མོ་

[Full Size]

སྲས༔ འཁོར་བཅས་ལས་བྱུང་གདོན་གྱི་ཚོགས༔ ཀླུ་སྲིན་ས་སྲིན་ཐེའུ་རང་དང་༔ འགོང་པོ་ཡི་དྭགས་འབྱུང་པོ་རྣམས༔ འདི་རུ་འདུག་པའི་གནས་མེད་ཀྱི༔ ཐམས་ཅད་རང་རང་གནས་སུ་སོང་༔ ཨོཾ་ནཱ་ག་རཱ་ཛཿ ཏི་ཕྲལ་ཤག༔ ནོར་རྒན་ཚ་ཚ་ཐ༔ ཨོཾ་བཛྲ་ག་རུ་ཊ་ནཱ་ག་མཱ་ར་ཡ༔ ཨུ་ཙ་ཏ་ཡ་ཕཊ་ཕཊ༔ འདི་དང་པོ་ཚར་གསུམ་བདུན་སོགས་བཏོན་ནས་རྒྱུན་དུ་མཐོན་ཀྱང་བཟོད༔ ཅེས་པ་གད་པ་བྲག་ཕུག་ཤིང་གཅིག་སོགས་གནས་ཁང་དེ་མི་མཐོང་བའི་སར་བསྐྱལ་བཅུག་གོ༔ ཨོཾ་ལས་ཀླུ་རྣམས་དགྱེས་བསྐྱེད་པའི༔ མཆོད་སྤྲིན་བསམ་མི་ཁྱབ་པར་གྱུར༔ ཨོཾ་བཛྲ་སྤ་ར་ཎ་ཁཾ༔ མཆོག་གསུམ་དག་པའི་ཡོན་ཆབ་དང་༔ ཆུ་སྐྱེས་ཐང་སྐྱེས་མེ་ཏོག་དང་༔ ཙནྡན་ནཱ་གི་སྤོས་དཀར་དྲི༔ དགེ་ཞིང་མུན་འཇོམས་ནོར་བུའི་འོད༔ སྤོས་དང་སྨན་སྦྱོར་ཆུ་གཙང་དང་༔ དཀར་གསུམ་མངར་གསུམ་གཙང་མའི་ཟས༔ སིལ་སྙན་རོལ་མོ་བསྟོད་པའི་དབྱངས༔ རིན་ཆེན་སྣ་བདུན་གཏེར་དང་བརྒྱད༔ ཁྲུས་ཀྱི་རྫིང་བུ་དཔག་བསམ་ཤིང་༔ འདོད་པའི་ཡོན་ཏན་རྣམ་པ་ལ༔ ཀླུ་ཡི་རྒྱལ་པོ་ནོར་རྒྱས་ནི༔ བཙུན་མོ་སྲས་དང་བཅས་ལ་འབུལ༔ གནས་འདིར་ཀླུ་ནད་མི་འབྱུང་

[Full Size]

ཞིང་༔ བཀྲ་ཤིས་ལོངས་སྤྱོད་རྒྱས་པར་མཛོད༔ ཨོཾ་བྷ་རུ་ན་ཡེ་ས་པ་རི་ཝཱ་ར་ཨརྒྷཾ་སོགས་ནས༔ ཤཔྟ་པྲ་ཏཱིཙྪ་ཡེ་སྭཱ་ཧཱཿ ཀླུ་རྒྱལ་ནོར་རྒྱས་འཁོར་བཅས་ལ༔ ནཱ་ག་གེ་སར་སྤུས་པ་དང་༔ རྒྱ་མཚོ་སྦུ་བ་ཨ་རུ་ར༔ ཛཱ་ཏི་པ་ལ་གུར་གུམ་དང་༔ ཙནྡན་དཀར་དམར་པུ་ཤེལ་དབང་པོ་ལག་དང་སྙིང་ཞོ་ཤ༔ ཆུ་སྲིན་སྡེར་མོ་ལེ་བརྒན་དར༔ མགྲོན་བུ་དུང་དང་མུ་ཏིག་དང་༔ ཉི་ཕྱིས་ཟླ་གོར་ཞོ་ཤ་དང་༔ མཁལ་མ་ཤོ་ཤ་རྨ་བྱའི་མདོངས༔ སྟ་རུ་རྒུན་འབྲུམ་མངར་གསུམ་དང་༔ གསེར་གྱི་བྱེ་མ་རས་སྐུད་དང་༔ འོ་མ་དང་ནི་འབྲུ་སྣ་ལྔ༔ རིན་ཆེན་སྣ་ཚོགས་མ་ལུས་པ༔ ཁྱད་པར་དུ་ནི་དབུལ་བར་བྱ༔ ཀླུ་ཡི་ནད་རྣམས་སོས་གྱུར་ཅིག༔ ཀླུ་ནད་ངན་པ་ངས་གསོ་འི༔ མི་ནད་ངན་པ་ཁྱོད་ཀྱིས་སོལ༔ ཨོཾ་ནཱ་ག་རཱ་ཙ་བུདྡྷ་བྷ་ག་ཝན༔ ན་མོ་རཏྣ་ཏྲ་ཡ་ཡཱ་ཧ་ཧ་ཧུ་ཧུ༔ ཨ་མྲྀ་ཏ་བི་ཤུདྡྷེ་སྭཱ་ཧཱཿ ཨོཾ་ཨ་ཀཱ་རོ་སོགས༔ ཨོཾ་བྷ་རུ་ན་ཡ་ཧཱུྃ་སྭཱ་ཧཱཿ ས་པ་རི་ཝཱ་ར་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ལན་གསུམ༔ ཧཱུྃ༔ ཀླུ་ཡི་རྒྱལ་པོ་ནོར་རྒྱས་ནི༔ དམར་སེར་རྒྱལ་པོའི་ཆ་བྱད་ཅན༔ སྦྲུལ་མགོའི་གདེངས་ཀ་བདུན་དང་ལྡན༔ སྐུ་སྨད་གདུག་པ་སྦྲུལ་དུ་

[Full Size]

འཁྱིལ༔ པད་ཟླ་རིན་ཆེན་ཁྲི་ལ་བཞུགས༔ དེ་ཡི་བཙུན་མོ་དམར་སེར་མདོག༔ ཀླུ་མོ་ནོར་བུའི་ཅོད་པན་ཅན༔ སྦྲུལ་མགོའི་གདེངས་ཀ་ལྔ་དང་ལྡན༔ ཐལ་མོ་སྦྱར་ཏེ་ཡབ་ལ་གཟིགས༔ གཡས་སུ་ཀླུ་ཆེན་ནོར་རྒྱས་བུ༔ གཡོན་དུ་དེ་ཡི་བློན་པོ་གཉིས༔ གདེངས་ཀ་བདུན་ལྡན་སྦྲུལ་མཇུག་འཁྱིལ༔ སྐུ་མདོག་དཀར་སེར་འོད་ཟེར་ཕྱག་མཚན་རིན་ཆེན་འབར་བ་བསྣམས༔ སྣ་ཚོགས་པད་ཟླའི་གདན་ལ་བཞུགས༔ ཀླུ་ཆེན་ནོར་རྒྱས་འཁོར་བཅས་ལ༔ རབ་ཏུ་གུས་པས་བདག་གིས་བསྟོད༔ བུམ་པ་ཀླུ་ཡི་གཞལ་ཡས་ཁང་༔ རྒྱ་མཚོ་ཆེན་པོའི་གཏིང་རུམ་འདིར༔ རྟག་ཏུ་བརྟན་པར་བཞུགས་ནས་ཀྱང་༔ ཀླུ་གཡང་དངོས་གྲུབ་བསྩལ་དུ་གསོལ༔ ཀླུ་ཡི་འཕེན་གཡང་ཕྱུགས་གཡང་དང་༔ ཀླུ་ཡི་བཀྲག་མདངས་གཟི་མདངས་གཡང་༔ ཀླུ་ཡི་ཆུས་སྲིད་བཀྲ་ཤིས་གཡང་༔ བསོད་ནམས་ཕུན་ཚོགས་ཀླུ་ཡི་གཡང་༔ དངོས་གྲུབ་ཕུན་ཚོགས་ཆུ་ཡི་ཡང་༔ སྟོན་ཟླ་འབྲིང་པོའི་ཉ་གསུམ་ལ༔ ཀླུ་ཡི་དངོས་གྲུབ་དམ་པ་སྩོལ༔ ཕྱུགས་གཡང་དར་གཡང་སྐྱིད་གཡང་རྣམས༔ ཁུ་ཡེ་ཕྱྭ་དང་གཡང་དུ་བྱོན༔ ཀླུ་ཡི་བཀྲ་ཤིས་

[Full Size]

བསམ་མི་ཁྱབ༔ བཀྲ་ཤིས་དེས་ཀྱང་བཀྲ་ཤིས་ཤོག༔ ཀླུ་རྣམས་ཆུས་སྲིད་དབང་ཐང་ཚེ༔ བཀྲ་ཤིས་དེ་ཡང་འདིར་འབྱུང་ཤོག༔ ཀླུ་ཆེན་ནོར་རྒྱས་དངོས་གྲུབ་མཚོ༔ གནས་འདིར་འགྲུབ་པའི་བཀྲ་ཤིས་ཤོག༔ རྒྱ་གར་རྒྱལ་པོའི་རྒྱལ་སྲིད་དང་རྒྱ་ནག་རྒྱལ་པོའི་དཔལ་འབྱོར་དང་༔ ཧོར་གྱི་རྒྱལ་པོའི་མཐུ་སྟོབས་སོགས༔ འཛམ་གླིང་ཀུན་གྱི་ཕུན་ཚོགས་བཅུད༔ ཐམས་ཅད་གནས་འདིར་འདུ་བར་ཤོག༔ བདེ་སྐྱིད་ཕུན་སུམ་ཚོགས་པར་ཤོག༔ བཀྲ་ཤིས་དེ་ཡི་བཀྲ་ཤིས་ཤོག༔ ཨོཾ་པརྣ་ཤ་བ་རི་སུ་རུ་སི་ཏི་ཧཱུྃ་ནཱ་ག་སི་ཏི་ཕ་ལ་སྭ་ཏི་སྭ་ཏི༔ ནོར་རྒྱས་ཐུགས་ཀར་ཟླ་སྟེང་ཕུཝཡིག་མཐརཿ་སྔགས་ཕྲེང་གཡས་སུ་འཁོར་བའི་འོད་ཟེར་གྱིས༔ སྟོང་གསུམ་ཁམས་ཀྱི་མི་གཡང་ནོར་གཡང་དང་༔ ཀླུ་གཡང་དངོས་གྲུབ་ནོར་བུའི་བཅུད་རྣམས་ཀུན༔ བསྡུས་ནས་བུམ་པའི་ནང་དུ་ཐིམ་བསྒོམ་ཞིང་༔ ཨོཾ་བྷ་རུ་ཎ་ཡེ་ཧཱུྃ་སརྦ་སིདྡྷི་སྭཱ་ཧཱཿ ཞེས་དང་༔ ཨོཾ་བཱ་སུ་ཀི་མཾ་སྭཱ་ཧཱཿ ཞེས་པའི་བསྙེན་པ་དེ་ལ་ཅི་འགྲུབ་འབད༔ ཆོ་ག་འདི་དང་བསྙེན་པ་མང་ན་བཟང་༔ རབ་ཏུ་ར་བ་བཞི་ཡི་ཡར་ངོ་ཡི༔ གཟའ་སྐར་བཟང་ཞིང་ཀླུ་ཐེབས་ཡོད་པའི་དུས༔ འབྲིང་དུ་སྟོན་ཟླ་འབྲིང་པོའི་ཉ་གསུམ་མམ༔ ཐ་མ་ནམ་སྐབས་ཀླུ་ཐེབས་

[Full Size]

ཡོད་པའི་དུས༔ གོང་ལྟར་མཆོད་གཏོར་བུམ་པ་ཡོད་སར་འབུལ༔ གོང་གི་སྤྲ་ཚིལ་རྫས་དེ་མ་འཛོམས་ན༔ ས་གཙང་ལ་བཟོས་སྲུང་ངམ་སྤྲ་ཚིལ་བྱུག༔ ཀླུ་གཏོར་བཏང་ཡང་གཏོར་ཆུ་དེ་རུ་བསྐྱབུམ་པ་དེ་ཁང་པའི་དབུས་ཁྲུ་གང་ཡན་ཆད་ཀྱི་རྩིག་པའི་ཁང་གསེབ་ཏུ་གཞུག༔ སྤོས་དང་དཀར་གསུམ་གྱིས་མཆོད་ལ་འདོད་པའི་དོན་ལ་གསོལ་བ་གདབ༔ ཨོཾ་ཡེ་དྷརྨ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱན་ཐཱ་ག་ཏོ་ཧྱ་བ་དཏ༔ ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཿསྭཱ་ཧཱཿ དེའི་སྟེང་དུ་ཞ་ལ་བྱས་ཏེ༔ ཉི་མ་ཟླ་བ་བཀྲ་ཤིས་པའི་མཆོད་རྟེན་ལ་སོགས་པ་བྲིའོ༔ དེས་ནི་ནོར་ལོངས་སྤྱོད་འཕེལ་བ་དང་༔ དགེ་འདུན་རྒྱལ་པོ་རྣལ་འབྱོར་པ་གང་ཡིན་ན་ཡང་བསྟན་པ་དར་ཞིང་རྒྱས་པར་འགྱུར་རོ༔ ཨེ་མ་དགོས་འདོད་ཀུན་འབྱུང་ནོར་བུ་རིན་པོ་ཆེ༔ གཅིག་ལ་བྱིན་ཀྱང་ཀུན་ལ་ཕན་མི་ཐོགས༔ གསེར་དངུལ་ཇ་དར་སྦྱིན་པའི་འགྱེད་བྱས་ཀྱང་༔ ཅུང་ཟད་ཕན་གྱིས་རྟག་ཏུ་ཕན་མི་ཐུབ༔ བཀྲ་ཤིས་བདེ་ལེགས་འབྱུང་བའི་གདམས་པ་འདི༔ བསྟན་ལ་ཕན་ན་ཀུན་ལ་སྤེལ་བ་ན༔ ཟང་ཟིང་སྦྱིན་པའི་མཆོག་ཏུ་འགྱུར་བར་སེམས༔ དེ་ཕྱིར་གཞན་ཕན་བསམ་པ་བཟང་པོས་བྲིས༔ འོན་ཀྱང་འགལ་འཁྲུལ་ཉེས་པའི་ཚ་མཆིས་སམ༔ སྦ་འོས་གསོལ་བཀོད་ཉེས་པ་མཆིས་སྲིད་ན༔ རྡོ་རྗེ་གཞོན་ནུའི་ལྷ་ཚོགས་རྣམས་ལ་བཤགས༔ དགེ་བས་འདི་དང་འབྲེལ་པ་ཐོགས་ཚད་ཀུན༔ ཕུན་སུམ་ཚོགས་པའི་དཔལ་ལ་སྤྱོད་པར་ཤོག༔ ཨ་རཱ་གས་སོ༔ སརྦ་མངྒ་ལཾ།།

བུམ་གཏེར་བཞག་དུས་གནས་བདག་བརྔན་ལ་གཏོར་འབུལ།

[Full Size]

བུམ་གཏེར་བཞག་དུས་གནས་བདག་བརྔན་ལ་གཏོར་འབུལ་ནི། གཏོར་མ་དཀར་གྱིས་བརྒྱན་པ་བཤམས་ལ། ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོ྅ཧཾ། སྟོང་པའི་ངང་ལས་རིན་ཆེན་སྣོད་ནང་དུ། །མཐུན་རྫས་འདོད་པའི་ཡོན་ཏན་བསམ་མི་ཁྱབ། །མཆོད་གཏོར་འདོད་པའི་ཡོན་ཏན་འདི་རྣམས་ཀྱིས། །ས་དང་བར་སྣང་མ་ལུས་ཁྱབ་པར་གྱུར། །ཨོཾ་ཨཱཿཧཱུྃ། །ཡུལ་འདིར་གཉུག་མར་གནས་པའི་གཞི་བདག་མཆོད། །འཁོར་བཅས་ལ་སོགས་གཞི་བདག་མགྲོན་རྣམས་ཀུན། །མ་ལུས་མྱུར་བ་ཉིད་དུ་ད་བྱོན་ཅིག །མཆོད་གཏོར་དགྱེས་བཞིན་གསོལ་བས་ཚིམ་པར་གྱུར། །ཨོཾ་ཨ་ཀཱ་རོ་ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཾ་དྱ་ནུཏྤནྣ་ཏྭཱཏ་ཨོཾ་ཨཱཿཧཱུྃ་ཕཊ་སྭཱ་ཧཱ། གཉུག་མར་གནས་པའི་གཞི་བདག་མ་ལུས་པ། །རང་རང་འོད་དང་མཐུན་པའི་དངོས་འབྱོར་དང་། །ཡིད་སྤྲུལ་མཆོད་པ་རྒྱ་མཚོས་ཚིམས་གྱུར་ནས། །དཔལ་ལྡན་བླ་མའི་བཀའ་ལས་མ་འདའ་བར། །སྤྱིར་དུ་སངས་རྒྱས་བསྟན་པ་རིན་ཆེན་སྲུངས། །ཁྱད་པར་ཡུལ་འདིར་ནད་མཚོན་མུ་གེ་སོགས། །འཇིགས་པའི་འཚེ་བ་མ་ལུས་ཞི་བ་དང་། །ལོ་ལེགས་འབྲུ་འཕེལ་བདེ་སྐྱིད་ལྡན་པ་ཡི། །མངའ་ཐང་དཔལ་

[Full Size]

འབྱོར་གོང་ནས་གོང་དུ་འཕེལ། །ཆོས་ལྡན་འདོད་དགུ་མ་ལུས་འགྲུབ་པར་མཛོད། །རུ་ང་ཕྲག་དོག་ཀོ་ལོང་བཟོད་མཛོད་ལ། །ཞི་བ་བྱང་ཆུབ་སེམས་དང་ལྡན་པ་ཡིས། །ཡུལ་ཁམས་བདེ་ལེགས་དགེ་བར་སྐྱོང་བ་དང་། །ཕྲིན་ལས་རྣམ་བཞི་འགྲུབ་པའི་སྡོང་གྲོགས་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཅེས་མཚལ་སྡེ་བློ་བཟང་རྣམ་རྒྱལ་གྱིས་བསྐུལ་ནས་སྔགས་འཆང་རཱ་ག་ཨ་སྱས་བྲིས་པའོ། །མངྒ་ལཾ།། །།

ཀླུ་གཏེར་འཛུགས་པ།

[Full Size]

ཀླུ་གཏེར་འཛུགས་པའི་དབུ་ཕྱོགས་ཡོད།

[Full Size]

ཀླུ་གཏེར་འཛུགས་པའི་ཕྱག་ལེན་ནི། ལག་པ་གཡས་གཡོན་རྩེ་གསུམ་གྱི་ཕྱག་རྒྱ་བྱས་པའི་བར་དུ། རིན་པོ་ཆེའི་དྷ་རུ་བཟུང་ལ། ཧཱུྃ། ཀླུ་རྒྱལ་འཁོར་བཅས་གཏེར་སྒོ་ཕྱེས། །ཞེས་སོགས་ཤོ་ལོ་ཀ་གཅིག་ལན་གསུམ་བརྗོད་དེ། དྷ་རུའི་གཏེར་སྙིང་ཁ་ཕྱེས་ནས། གཏེར་བླུགས་བཏོན། དེ་ནས་གཏེར་བུམ་གསར་པ་ཡོད་ན་རབ། མེད་ན་རྙིང་པའི་ནང་དུ། འབྲུ་ལྔ། རིན་ཆེན་ལྔ། དར་སྣ་ལྔ། གཞན་ཡང་ཀླུ་སྨན་སྣ་ཚོགས་ཀྱིས་བཀང་། གཡམ་པས་བཀབ། སྟེང་དུ་ཀླུ་གཟུགས་སྣ་ཚོགས་བ་ལ་ཚོན་གྱིས་དཀྲིས་པ་སོགས་ཕྱག་ལེན་མཐོང་བརྒྱུད་ལྟར་བཤམ་མོ། །ན་མོ་གུ་རུ་ཀླུ་ཡི་གཏེར་འཛུགས་པ་ནི། ཧཱུྃ། ཀླུ་རྒྱལ་འཁོར་བཅས་གཏེར་སྒོ་ཕྱེས། །ས་ཡི་ལྷ་མོ་གཏེར་སྒོ་ཕྱེས། །འདིར་གནས་ཀླུ་

[Full Size]

དང་ས་བདག་རྣམས། །མི་བཟད་གཏེར་སྦས་སྒོ་ཕྱེས་ཤིག །ཅེས་ལན་གསུམ་བརྗོད་ལ། གཏེར་རྫས་བྱིན་གྱིས་བརླབས་པ་ནི། རང་ཐུགས་རྗེ་ཆེན་པོར་བསྐྱེད་ལ། རྡོ་རྗེ་གནོད་སྦྱིན་གྱི་ཕྱག་རྒྱས། ཨོཾ་བཛྲ་ཡཀྵ་ཧཱུྃ། རྡོ་རྗེ་མེ་ཡི་ཕྱག་རྒྱས། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ། གཏེར་རྫས་རྣམས་སྟོང་པར་གྱུར། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། བཅུད་རྣམས་བདུད་རྩིའི་རྒྱ་མཚོ་ཆེན་པོ་ཀླུ་རྣམས་ཚིམ་ཞིང་ནད་ཀུན་གསོ་བའི་བདེ་བ་བསྐྱེད་པའི་བྱེད་ལས་དང་ལྡན་པར་

[Full Size]

གྱུར། རྡོ་རྗེ་བསྡམས་པའི་ཕྱག་རྒྱས། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཾ་དྱ་ནུཏྤནྣ་ཏྭཱཏ་ཨོཾ་ཨཱཿཧཱུྃ་ཕཊ་སྭཱ་ཧཱ། ན་མསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱསརྦ་ཐ་ཁཾ་ཨུཏྟ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ལན་གསུམ་གྱིས་བྱིན་གྱིས་བརླབས་ལ་ཀླུ་ཁང་དུ་བཅུག་སྟེ། ཧཱུྃ། ཀླུ་རྒྱལ་འཁོར་བཅས་གཏེར་སྒོ་ཕྱེས། །ས་ཡི་ལྷ་མོ་གཏེར་སྒོ་ཕྱེས། །འདིར་གནས་ཀླུ་དང་ས་བདག་རྣམས། །མི་བཟད་གཏེར་སྦས་སྒོ་ཕྱེས་ཤིག །བང་མཛོད་རྣམས་སུ་གཏེར་སྦེད་དོ། །ཆོས་ཉིད་མཁའ་ལ་གཏེར་སྦེད་དོ། །འབྲུ་དང་བཟའ་བཏུང་གཏེར་སྦེད་དོ། །དར་ཚོན་གོས་ཀྱི་གཏེར་སྦེད་དོ། །ནད་སེལ་སྨན་གྱི་གཏེར་སྦེད་དོ། །རིན་ཆེན་སྣ་ཚོགས་གཏེར་སྦེད་དོ། །ཡིད་བཞིན་ནོར་བུའི་གཏེར་སྦེད་དོ། །མཛེས་པའི་གཟུགས་དང་སྙན་པའི་སྒྲ། །དྲི་ཞིམ་རོ་མཆོག་ལྡན་པ་དང་། །རེག་བྱ་བདེ་གཏེར་གཏེར་སྦེད་དོ། །གཏེར་ཆེན་དམ་པ་འདི་སྦས་པས། །མི་ཟད་ནམ་མཁའི་མཛོད་ལ་སྤྱོད་པ་དང་། །མཁོ་བའི་རྫས་སུ་འདི་གྱུར་ཅིག །ཉམས་དང་སྨས་པ་སོས་གྱུར་ཅིག །དབང་པོ་གཟི་མདངས་འཕེལ་གྱུར་ཅིག །ཆར་ཆུ་དུས་སུ་འབབ་པ་དང་། །ལོ་ཕྱུགས་རྟག་ཏུ་ལེགས་པ་དང་། །མི་ནད་

[Full Size]

ཕྱུགས་ནད་ཞི་བ་དང་། །སྤུ་ཕྱུགས་ཐམས་ཅད་འཕེལ་གྱུར་ཅིག །བདག་ཅག་ཡོན་མཆོད་འཁོར་བཅས་ལ། །ཀླུ་གཉན་གདུག་པའི་ཁ་རླངས་དུག །མཛེ་ཤུ་གདུག་པའི་ནད་རྣམས་ཀུན། །ཡུད་ཙམ་གྱིས་ནི་ཞི་གྱུར་ཅིག །རྟག་ཏུ་བྱམས་པའི་སེམས་དང་ནི། །འཚོ་བ་ཅུང་ཟད་དག་ལ་ཡང་། །ངན་པའི་ལན་གྱི་གནོད་མ་བྱེད། །ཀྱེ། བདག་དང་རྒྱུ་འབྱོར་ཡོན་བདག་གིས། །ཀླུ་གཉན་ས་བདག་གནས་པའི་ཕྱོགས། །ས་གཉན་བསྐོས་དང་ཆུ་གཉན་དཀྲུག །ཤིང་གཉན་བཅད་དང་རྡོ་གཉན་རློག །དཀར་ཐབ་དཀར་ཐབ་ཤོར་བ་དང་། །སྐྱུར་ཐབ་ལུས་ཐབ་ཤོར་བ་དང་། །ཐབ་གཞོབ་མཁོན་དང་ཉམས་གྲིབ་སོགས། །མི་གཙང་བྱས་པའི་གྲིབ་མ་ཡིས། །ཀླུ་གཉན་ས་བདག་ལ་ཕོག་པས། །ཁྱེད་རྣམས་ལུས་སེམས་བསྣད་གྱུར་ན། །རྫ་ས་སྔགས་ཏིང་འཛིན་བདུད་རྩི་ལ། །བརྟེན་ནས་ལུས་སེམས་བདེ་གྱུར་ཅིག ༈ །ཝ་རུ་ཎ་སོགས་ཀླུ་ཆེན་བརྒྱད་པོ་དང་། །ས་བདག་ཀླུ་ཡི་རིགས་སུ་གྱུར་པ་ལ། །ག་པུར་ཛཱ་ཏིའི་དབུགས་ཉམས་སོས་གྱུར་ཅིག །གུར་གུམ་ཙནྡན་དྲི་ངད་བཟང་གྱུར་ཅིག །དབང་པོ་ལག་པས་ཡན་

[Full Size]

ལག་སོས་གྱུར་ཅིག །ཆུ་སྲིན་སྡེར་མོས་སེན་མོ་སོས་གྱུར་ཅིག །དཀར་དམར་མཚལ་གྱིས་ཁྲག་ཉམས་སོས་གྱུར་ཅིག །དུང་གིས་རུས་པ་ཉམས་པ་སོས་གྱུར་ཅིག །གཟི་ཡིས་མིག་འབྲས་ཉམས་པ་སོས་གྱུར་ཅིག །རྒྱ་དར་དམར་པོས་ལྕེ་ཉམས་སོས་གྱུར་ཅིག །ཟི་ཧུན་རས་སྐུད་རྩ་ཉམས་སོས་གྱུར་ཅིག །གླ་གོར་ཞོ་ཤས་ཤ་ཉམས་སོས་གྱུར་ཅིག །མཁལ་མ་ཞོ་ཤས་མཁལ་ཉམས་སོས་གྱུར་ཅིག །སྤུ་ཤེལ་རྩེ་ཡིས་རྩ་ཉམས་སོས་གྱུར་ཅིག །རྨ་བྱའི་མདངས་ཀྱིས་མདངས་ཉམས་སོས་གྱུར་ཅིག །སྦྲུལ་གྱི་པགས་པས་པགས་ཉམས་སོས་གྱུར་ཅིག །རྡོ་རྒྱུས་དག་གིས་རྒྱུས་ཉམས་སོས་གྱུར་ཅིག །གུ་གུལ་དཀར་པོས་ཚིལ་ཉམས་སོས་གྱུར་ཅིག །བུམ་རམ་ཀ་རས་རོ་མཆོག་མྱོང་གྱུར་ཅིག །མེ་ཏོག་ཤིང་ཏོག་ལུས་ཀུན་མཛེས་གྱུར་ཅིག །རིན་པོ་ཆེ་ཡིས་ཚེ་དཔལ་རྒྱས་གྱུར་ཅིག །རྒྱ་མཚོ་སྦུ་བས་རྐང་ཉམས་སོས་གྱུར་ཅིག །ནཱ་ག་པདྨས་རྣ་དབང་སོས་གྱུར་ཅིག །གཞན་ཡང་ལི་ཤི་སུག་སྨེལ་དང་། །ཟི་ར་དཀར་ནག་ཨུཏྤལ་སྔོན་པོ་དང་། །ཨ་རུ་ར་དང་སྤང་སྤོས་ཏིལ་དཀར་ནག །ཐལ་དཀར་རྡོ་རྗེ་གསོ་མ་ར་ཛ་དང་། །གུར་གུམ་ཤིང་མངར་སྦྲང་རྩི་

[Full Size]

དར་ཟབ་ཚོགས། །དཀར་གསུམ་གྱིས་མཛེས་མཆོད་སྦྱིན་གཏོར་མ་དང་། །མངར་གསུམ་གྱིས་བྲན་འོ་མའི་རྒྱ་མཚོ་དང་། །ཀླུ་རྣམས་དགའ་བའི་མཐུན་པའི་་རྫས་རྣམས་ཀྱིས། །སོ་སོའི་རེ་བ་མྱུར་དུ་སྐོང་གྱུར་ཅིག །ནང་གི་དོན་སྣོད་ཕྱི་ཡི་ཤ་པགས་རུས། །སྐྲ་སེན་བཀྲག་མདངས་རྩ་རྒྱུས་ཉམས་པ་དང་། །གཞོགས་སྐམ་ཞྭ་འོན་ལྐུགས་སོགས་སྡུག་བསྔལ་གྱི། །འཇིགས་པ་ཀུན་ལས་ཀླུ་རྣམས་ཐར་གྱུར་ཅིག །བྱེ་ཚན་མཁའ་ལྡིང་མེ་དང་ཐོག་ལ་སོགས། །གནོད་པ་ཀུན་བྲལ་སྦྲུལ་མགོའི་གདེངས་ཀ་ལྡན། །རིན་ཆེན་བྲག་སྐྱིབས་མཚོ་རྫིང་ཆུ་མིག་དང་། །ནེའུ་སིང་སྐྱིད་ཚལ་རྣམས་དང་ལྡན་གྱུར་ཅིག །མདོར་ན་ལུས་དང་སེམས་ལ་བདེ་བ་དང་། །དཀའ་སྐྱིད་མ་ལུས་ཚོགས་ཀུན་འབྱུང་གྱུར་ཅིག །དེ་ལྟར་ཀླུ་རྣམས་སྨན་གྱིས་ལེགས་སོས་ཤིང་། །བཟང་པོའི་སྨོན་ལམ་བཏབ་པ་འདི་ཡི་མཐུས། །བདག་སོགས་འགྲོ་བ་སེམས་ཅན་མ་ལུས་པ། མཐོང་རེག་བསམ་དང་ཁ་རླངས་སྦྱོར་བ་ཡིས། །ས་བདག་ཀླུ་ཡི་ནད་ཀུན་ཞི་བར་མཛོད། །འཕགས་མཆོག་སྤྱན་རས་གཟིགས་ཀྱིས་བཀའ་གནང་བའི། །འདོད་ཡོན་ལྔ་ལྡན་

[Full Size]

གཏོར་མ་འདི་བཞེས་ལ། །ལན་ཆགས་འཁོར་ཞིང་ཤ་འཁོན་མ་ལུས་བྱང་། །འཇིག་རྟེན་ཁམས་སུ་ཆར་ཆུ་དུས་འབབས་ཤིང་། །ལོ་ཕྱུགས་སྨན་དང་ནགས་ཚལ་རབ་ཏུ་རྒྱས། །འགྲོ་རྣམས་བདེ་སྐྱིད་ཕུན་སུམ་ཚོགས་པ་ཡི། །ལེགས་པའི་ཡོན་ཏན་མ་ལུས་འགྲུབ་པར་མཛོད། །ཀྱི། ས་བདག་ཀླུ་གཉན་ཐམས་ཅད་ཉོན། །རིན་ཆེན་བུམ་པ་བཟང་པོ་འདི། །དགོས་འདོད་སྣ་ཚོགས་འབྱུང་བ་ཡིན། །ཀྱེ། ས་བདག་ཀླུ་གཉན་ཐམས་ཅད་ཉོན། །ཀླུ་ཆེན་བརྒྱད་པོ་འཁོར་དང་བཅས། །གཉན་རིགས་སྡེ་ལྔ་ལ་སོགས་རྣམས། །བདག་གིས་ཁྱེད་ལ་གཏེར་ཅིག་འབུལ། །རིན་ཆེན་བུམ་པའི་གཏེར་ཆེན་ནི། །ཀླུ་ཡི་ནོར་དུ་གྱུར་པ་འདི། །དགུན་གྱི་དུས་སུ་མ་སྐམ་ཞིག །དབྱར་གྱི་དུས་སུ་མ་རུལ་ཞིག །མི་ཟད་རིན་ཆེན་འདི་སྦས་པས། །ཀླུ་རྣམས་རྟག་ཏུ་ལོངས་སྤྱོད་ལྡན། །བདེ་སྐྱིད་ཕུན་སུམ་ཚོགས་གྱུར་ཅིག །རིན་ཆེན་སྣ་ལྔའི་གཏེར་སྦས་པས། །མི་ཟད་གཏེར་དང་འཕྲད་པར་ཤོག །སྙིང་པོ་ལྔ་ཡི་གཏེར་སྦས་པས། །དབང་པོ་ལྔ་པོ་ཚང་བར་ཤོག །སྨན་སྣ་ལྔ་ཡི་གཏེར་སྦས་པས། །ནད་ཀྱི་སྡུག་བསྔལ་ཞི་བར་ཤོག །འབྲུ་སྣ་

[Full Size]

ལྔ་ཡི་གཏེར་སྦས་པས། །མུ་གེའི་བསྐལ་པ་ཞི་བར་ཤོག །སྤོས་སྣ་ལྔ་ཡི་གཏེར་སྦས་པས། །ཚུལ་ཁྲིམས་རྣམ་དག་ཚང་བར་ཤོག །ཤིང་ཐོག་ལྔ་ཡི་གཏེར་སྦས་པས། །རྩི་ཤིང་ནགས་ཚལ་རྒྱས་པར་ཤོག །འོ་མ་ལྔ་ཡི་གཏེར་སྦས་པས། །ཟས་སྣ་རོ་མཆོག་ལྡན་པར་ཤོག །དར་སྣ་ལྔ་ཡི་གཏེར་སྦས་པས། །ཁ་དོག་མདངས་དང་ལྡན་པར་ཤོག །བལ་ཚོན་ལྔ་ཡི་གཏེར་སྦས་པས། །གོས་སྣ་དྲོ་དང་ལྡན་པར་ཤོག །མངར་གསུམ་དག་གི་གཏེར་སྦས་པས། །གཟི་མདངས་བཀྲག་མདངས་ལྡན་པར་ཤོག །དཀར་གསུམ་དག་གི་གཏེར་སྦས་པས། །ཁ་ཟས་བཅུད་དང་ལྡན་པར་ཤོག །ཀླུ་ནོར་བརྒྱད་ཀྱི་གཏེར་སྦས་པས། །མི་འཇིགས་སྐྱབས་དང་ལྡན་པར་ཤོག །ཀླུ་གཟུགས་སྣ་ཚོགས་གཏེར་སྦས་པས། །འཁོར་དང་ལོངས་སྤྱོད་ལྡན་པར་ཤོག །རྫ་བུམ་གསར་པའི་གཏེར་སྦས་པས། །ཡུལ་ཕྱོགས་ཞིང་བཅུད་རྒྱས་པར་ཤོག །མི་ཟད་ཆེན་ཕུལ་བ་འདིས། །སྔགས་དང་ཕྱག་རྒྱས་བྱིན་བརླབས་ནས། །དཀོན་མཆོག་གསུམ་གྱི་བདེན་པའི་བཀའ། །སྦས་ནི་མི་མངོན་དབྱིངས་སུ་སྦས། །བཅོལ་ནི་གདུག་པའི་ཀླུ་

[Full Size]

ལ་བཅོལ། །ཀླུ་ཡི་ས་བཅད་མི་ལ་ཕན། །མི་ཡི་ས་བཅད་ཀླུ་ལ་ཕན། །ས་བདག་ཀླུ་གཉན་གཏེར་དང་འཕྲད་པ་བཞིན། །སྦྱིན་བདག་འགྲོ་རྣམས་གཏེར་དང་འཕྲད་པར་ཤོག །འོག་ཏུ་ཀླུ་ཕྱུག་སྟེང་དུ་མི་ཕྱུག་ཤོག །སྟེང་དུ་མི་དར་འོག་ཏུ་ཀླུ་དར་ཤོག །འོག་ཏུ་ཀླུ་གཉན་སྟེང་དུ་མི་གཉན་ཤོག །རིན་ཆེན་ལྔ་ཡི་བུམ་པ་འདི། །ཀླུ་གཉན་གནས་པའི་ས་ཕྱོགས་སུ། །སྲིད་པའི་ཆུ་མིག་ཆེན་པོ་བརྡོལ། །ནོར་ཁ་ཆུ་མིག་ཆེན་པོ་བརྡོལ། །ནས་ཀྱི་ས་ཆ་ཆེན་པོ་བརྡོལ། །ཕྱུགས་ཀྱི་གཡང་ར་ཆེན་པོ་བརྡོལ། །རིགས་རྒྱུད་བུ་མང་ཆེན་པོ་བརྡོལ། །ད་ནི་སྦས་སོ་དབྱིངས་སུ་སྦས། །དབྱིགས་སུ་སྦས་པས་རུལ་མི་སྲིད། །ད་ནི་བཏབ་བོ་རྒྱ་ཡིས་བཏབ། །རྒྱ་ཡི་བཏབ་པས་འཁྲོལ་མ་གྱུར། །གཅིག་པ་བྱང་ཆུབ་སེམས་ཀྱི་རྒྱ། །གཉིས་པ་ཐབས་དང་ཤེས་རབ་རྒྱ། །གསུམ་པ་སྐུ་གསུང་ཐུགས་ཀྱི་རྒྱ། །ཕྱོགས་བཞི་མཚམས་བརྒྱད་སྟེང་འོག་བཅུ། །མི་འགྱུར་ངེས་པའི་རྒྱ་ཡིས་བཏབ། །སྟེང་དུ་ཤིང་ཐོག་མཁར་སྒོང་བཞག་གོ །གཏེར་འཛུགས་ཀྱི་ཆོ་ག་རྫོགས་སོ།། །།དགེའོ། །དགེའོ། །དགེའོ། ༈་ཁུངས་དག་གང་ཡིན་མ་ཤེས་ཀྱང་ཆགས་མེད་རིན་པོ་ཆེའི་གསུང་ཡིན་པ་འདྲ།

གནས་ཆེན་བྱིན་འབེབས་རྩ་གསུམ་རྒྱུད་བསྐུལ་བྱིན་རླབས་སྤྲིན་ཕུང་།

[Full Size]

གནས་ཆེན་བྱིན་འབེབས་རྩ་གསུམ་རྒྱུད་བསྐུལ་བྱིན་རླབས་སྤྲིན་ཕུང་བཞུགས་སོ། །

[Full Size]

ན་མོ་རཏྣ་ཏྲ་ཡཱ་ཡ། ཆོས་སྐུ་ཀུན་ཏུ་བཟང་པོ་ལ། །གསོལ་བ་འདེབས་སོ་བྱིན་ཆེན་ཕོབ། །འོག་མིན་ཆོས་དབྱིངས་ཞིང་ཁམས་སུ། །གནས་འདི་བྱིན་གྱིས་བརླབ་པར་ཞུ། །གཞོན་ནུ་བུམ་སྐུའི་རང་བཞིན་དུ། །རི་འདི་བྱིན་གྱིས་བརླབ་ཏུ་གསོལ། །ཀུན་བཟང་ཡུམ་གྱི་མཁའ་ཀློང་དུ། །ཁང་པ་འདི་ཉིད་བྱིན་གྱིས་རློབས། །དྲུག་པ་རྡོ་རྗེ་འཆང་ཆེན་ལ། །གསོལ་བ་འདེབས་སོ་བྱིན་གྱིས་རློབས། །སྲིད་པའི་རྩེ་མོ་འོག་མིན་དུ། །གནས་འདི་བྱིན་གྱིས་བརླབ་པར་ཞུ། །གཟུགས་ཁམས་འོད་ཀྱི་ཞིང་བཀོད་དུ། །རི་འདི་བྱིན་གྱིས་བརླབ་ཏུ་གསོལ། །

[Full Size]

རིན་ཆེན་ནོར་བུའི་ཁང་བརྩེགས་སུ། །ཁང་པ་འདི་ཉིད་བྱིན་གྱིས་རློབས། །ལོངས་སྐུ་རྒྱལ་བ་རིགས་ལྔ་ལ། །གསོལ་བ་འདེབས་སོ་བྱིན་ཆེན་ཕོབ། །དག་པའི་ཞིང་ཁམས་ལྔ་པོ་རུ། །གནས་འདི་བྱིན་གྱིས་བརླབ་པར་ཞུ། །བྱང་ཆུབ་ཤིང་ཆེན་ལྔ་པོ་རུ། །རི་འདི་བྱིན་གྱིས་བརླབ་ཏུ་གསོལ། །ཡེ་ཤེས་ལྔ་ཡི་ཕོ་བྲང་དུ། །གནས་ཁང་འདི་ཉིད་བྱིན་གྱིས་རློབས། །ཇོ་བོ་ཐུགས་རྗེ་ཆེན་པོ་ལ། །གསོལ་བ་འདེབས་སོ་བྱིན་ཆེན་ཕོབ། །པོ་ཊ་ལ་ཡི་གནས་མཆོག་ཏུ། །གནས་འདི་བྱིན་གྱིས་བརླབ་པར་ཞུ། །རི་བོ་ཆེན་པོ་ཏཱ་ལ་རུ། །རི་འདི་བྱིན་

[Full Size]

གྱིས་བརླབ་ཏུ་གསོལ། །རང་བྱུང་རིན་ཆེན་གཞལ་ཡས་སུ། །གནས་ཁང་འདི་ཉིད་བྱིན་གྱིས་རློབས། །རྗེ་བཙུན་མགོན་པོ་འཇམ་དབྱངས་ལ། །གསོལ་བ་འདེབས་སོ་བྱིན་ལྟཆེན་ཕོབ། །འཇམ་དབྱངས་སྤྲུལ་པའི་ཞིང་ཁམས་སུ། །གནས་འདི་བྱིན་གྱིས་བརླབ་པར་ཞུ། །རི་བོ་རྩེ་ལྔའི་གནས་མཆོག་ཏུ། །རི་འདི་བྱིན་གྱིས་བརླབ་ཏུ་གསོལ། །རང་བྱུང་མཆོད་རྟེན་ཤེལ་ཁང་དུ། །གནས་ཁང་འདི་ཉིད་བྱིན་གྱིས་རློབས། །བཅོམ་ལྡན་ཕྱག་ན་རྡོ་རྗེ་ལ། །གསོལ་བ་འདེབས་སོ་བྱིན་ཆེན་ཕོབ། །ལྕང་ལོ་ཅན་གྱི་གནས་མཆོག་གནས་འདི་བྱིན་གྱིས་བརླབ་པར་ཞུ། །གསེར་གྱི་རི་བདུན་བྱང་ངོས་རྩེར། །རི་འདི་བྱིན་གྱིས་བརླབ་ཏུ་གསོལ། །རྣམ་ཐོས་སྲས་ཀྱི་ཕོ་བྲང་དུ། །གནས་ཁང་འདི་ཉིད་བྱིན་གྱིས་རློབས། །ཨོ་རྒྱན་པདྨ་འབྱུང་གནས་ལ། །གསོལ་བ་འདེབས་སོ་བྱིན་ཆེན་ཕོབ། །གསང་སྔགས་ཆོས་ཀྱི་འབྱུང་གནས་སུ། །གནས་འདི་བྱིན་གྱིས་བརླབ་པར་ཞུ། །ཟངས་མདོག་དཔལ་གྱི་རི་བོ་རུ། །རི་འདི་བྱིན་གྱིས་བརླབ་ཏུ་གསོལ། །པདྨ་འོད་ཀྱི་གཞལ་ཡས་སུ། །གནས་ཁང་འདི་ཉིད་བྱིན་གྱིས་རློབས། །ཐུབ་དབང་གནས་བརྟན་བཅུ་

[Full Size]

དྲུག་ལ། །གསོལ་བ་འདེབས་སོ་བྱིན་གྱིས་རློབས། །རྒྱ་གར་རྡོ་རྗེ་གདན་སྟེང་དུ། གནས་འདི་བྱིན་གྱིས་བརླབ་པར་ཞུ། །བྱ་རྒོད་ཕུང་པོའི་རི་བོ་རུ། །རི་འདི་བྱིན་གྱིས་བརླབ་ཏུ་གསོལ། །ནཱ་ལེནྡ་ཡི་གཙུག་ལག་ཏུ། །གནས་ཁང་འདི་ཉིད་བྱིན་གྱིས་རློབས། །ཡི་དམ་བདེ་མཆོག་ཡབ་ཡུམ་ལ། །གསོལ་བ་འདེབས་སོ་བྱིན་ཆེན་ཕོབ། །ཨོ་རྒྱན་སྤྲུལ་པའི་ཞིང་ཁམས་སུ། །གནས་འདི་བྱིན་གྱིས་བརླབ་པར་ཞུ། །བདེ་མཆོག་ཕོ་བྲང་གངས་རི་རུ། །རི་འདི་བྱིན་གྱིས་བརླབ་ཏུ་གསོལ། །ཨོ་རྒྱན་གནྡྷོའི་གཙུག་ལག་ཏུ། །གནས་ཁང་འདི་ཉིད་བྱིན་གྱིས་རློབས། །ཆོས་སྐྱོང་མ་མགོན་ལྕམ་དྲལ་ལ། །གསོལ་བ་འདེབས་སོ་བྱིན་ཆེན་ཕོབ། །འོག་མིན་དུར་ཁྲོད་ཆེན་པོ་རུ། །གནས་འདི་བྱིན་གྱིས་བརླབ་པར་ཞུ། །མ་ལ་ཡ་ཡི་རི་བོ་རུ། །རི་འདི་བྱིན་གྱིས་བརླབ་ཏུ་གསོལ། །རང་སྣང་ཐོད་པའི་གཞལ་ཡས་སུ། །གནས་ཁང་འདི་ཉིད་བྱིན་གྱིས་རློབས། །དཀོན་མཆོག་གསུམ་དང་རྩ་བ་གསུམ། །བདེ་ལྡན་ཀུན་གྱི་བདེན་སྟོབས་དང་། །རྒྱལ་བ་སྲས་བཅས་ཐུགས་རྗེ་དང་། །མཁའ་འགྲོ་ཆོས་སྐྱོང་ནུས་མཐུ་དང་། །

[Full Size]

བདག་གི་ལྷག་བསམ་རྣམ་དག་མཐུས། །དེང་སང་ལྔ་བརྒྱ་དགུ་པའི་དཀྱིལ། །ད་དུང་ལྔ་བརྒྱ་ཕྲག་ཕྱེད་བདུན། །ཐུབ་དབང་བསྟན་པ་གནས་སོ་ཞེས། །མགོན་པོའི་རྒྱུད་ནས་། གསུང་པ་ལྟར། །དེ་སྲིད་གནས་འདིར་བསྟན་པ་དར། །གཙུག་ལག་དགེ་འདུན་ཚད་ལྡན་ནི། །བརྒྱ་སྟོང་ཁྲི་འབུམ་རིམ་པར་འདུ། །བཤད་སྒྲུབ་བསྟན་པ་ཉི་ལྟར་གསལ། །མཚན་ལྡན་བཤེས་གཉེན་རྒྱུན་མི་ཆད། །ལུགས་གཉིས་དཔལ་འབྱོར་རྟག་ཏུ་རྒྱས། །དེ་ལ་བར་ཆད་མེད་པ་རུ། །བྱིན་གྱིས་རློབས་ཤིག་དཀོན་མཆོག་གསུམ། །དངོས་གྲུབ་གནོང་ཞིག་ཡི་དམ་ལྷ། །རྟེན་འབྲེལ་བསྒྲིགས་ཤིག་ཌཱཀྐིའི་ཚོགས། །བར་ཆད་སོལ་ཅིག་ཆོས་སྐྱོང་རྣམས། །དཔལ་འབྱོར་སྤེལ་ཅིག་རྣམ་ཐོས་སྲས། །ཞེས་པ་སྒྲ་རྒྱལ་འབྲུག་གི་ལོའི། །ས་ག་ཟླ་བའི་བཅོ་ལྔའི་ཉིན། །ཐུབ་དབང་བྱང་ཆུབ་རྒྱུད་གསུངས་པའི། །དུས་ལ་ཁང་པའི་རབ་གནས་སུ། །དགེ་སློང་རྡོ་རྗེ་འཛིན་པ་ནི། ༧ རཱ་ག་ཨ་སྱས་བྲིས་པའོ། །སརྦ་མངྒ་ལཾ།། །། ༈ གྲུབ་ཐོབ་གོང་མ་རྣམས་ཀྱི་ཆོས་བརྒྱུད་བསྟན་པའི་གནས་ཚད་ལུང་བསྟན་དང་། རྗེ་འདི་ལ་ལུང་བསྟན་རྟེན་འབྲེལ་ལེགས་ལམ་དུ་འགྱུར་བཞིན་དེ་རྣམས་གེགས་མེད་དུ་གྲུབ་པའི་བདེན་ཚིག་སྨོན་ལམ་བཏབ་པ་བཞུགས་སོ། །ན་མོ་ཤཱཀྱ་མུ་ན་ཡེ། །

[Full Size]

བསླུ་མེད་དཀོན་མཆོག་གསུམ་ལ་ཕྱག་འཚལ་ལོ། །སྨོན་ལམ་ཡོངས་སུ་འགྲུབ་པར་བྱིན་གྱིས་རློབས། །གསང་བདག་རྡོ་རྗེ་འཛིན་ལ་ཕྱག་འཚལ་ལོ། །དེ་ལ་བར་ཆད་མེད་པར་བྱིན་གྱིས་རློབས། །བཅོམ་ལྡན་དོན་ཡོད་གྲུབ་ལ་ཕྱག་འཚལ་ལོ། །སྨོན་ལམ་མཐའ་རུ་ཕྱིན་པར་བྱིན་གྱིས་རློབས། །འཕགས་པ་དགེ་བའི་བཤེས་གཉེན་རྟོགས་བརྗོད་ལས། །གནས་བརྟན་བཅུ་དྲུག་འཁོར་དང་བཅས་པ་ཡི། །ཡར་འཕེལ་ཚེ་ལོ་དྲུག་བརྒྱའི་བར་དག་ཏུ། །བསྟན་པ་སྲུང་ཞིང་སྐྱོང་བར་ཞལ་བཞེས་པའི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །དཔལ་ལྡན་དུས་ཀྱི་འཁོར་ལོའི་རྒྱུད་ཆེན་ལས། །ལོ་གྲངས་སྟོང་ཕྲག་དུ་མའི་བར་དག་ཏུ། །ཁོལ་བུ་ཁོལ་བུར་བསྟན་པ་གནས་གསུངས་པའི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །བླ་མེད་ཨ་ཏི་ཡོ་གའི་རྒྱུད་རྣམས་ལས། །དྲུག་ཅུ་ནས་བཟུང་ཚེ་ལོ་བཅུ་པའི་བར། །ཀུན་བཟང་ཐུགས་ཀྱི་བསྟན་པ་དར་གསུངས་པའི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །ཨུ་རྒྱན་ཆེན་པོའི་མ་འོངས་ལུང་བྱང་ལས། །མདོ་བསྟན་ནུབ་ཀྱང་སྔགས་ཀྱི་བསྟན་པ་

[Full Size]

ནི། །སངས་རྒྱས་བསྟན་པ་ཡུན་རིང་གནས་གསུངས་པའི། །ལུང་བསྟན་བྱིན་རླབས་གནས་འདིར་འབྱུང་གྱུར་ཅིག །མགོན་པོ་གྲི་གུག་བརྩེགས་པའི་རྒྱུད་ཆེན་ལས། །བསྟན་པ་ལྔ་བརྒྱ་ཕྲག་དགུ་ནུབ་པའི་རྗེས། །མགོན་པོ་ཕྲིན་ལས་བཞི་ཡི་བསྟན་པ་ནི། །ལྔ་བརྒྱ་ཕྲག་བཞིར་གནས་པར་གསུངས་པ་ཡི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །ཆོས་རྒྱལ་སྲོང་བཙན་སྒམ་པོའི་ཞལ་ཆེམས་ལས། །བསྟན་པ་རྟགས་ཙམ་འཛིན་པའི་དུས་སུ་ཡང་། །བསྟན་པ་ཤིན་ཏུ་རྒྱས་པར་གསུངས་པ་ཡི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །བླ་མ་དགོངས་པ་འདུས་པའི་དམ་ཆོས་རྣམས། །ནམ་ཡང་མི་ནུབ་དར་ཞིང་རྒྱས་གསུངས་པའི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །ལང་གྲོའི་སྨོན་ལམ་དབང་གིས་རཏྣ་གླིང་། །སློབ་མ་ཡང་སློབ་རྗེས་སློབ་བསྟན་པ་རྒྱས། །ཁྱད་པར་གཙང་དང་ཁམས་སུ་དར་གསུངས་པའི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །གུ་རུའི་ལུང་བསྟན་སངས་རྒྱས་བསྟན་པའི་མཇུག །གཏེར་གྱི་བསྟན་པ་སྐྱོང་བར་གསུངས་པ་ཡི། །ལུང་བསྟན་བྱིན་རླབས་གནས་

[Full Size]

འདིར་འབྱུང་གྱུར་ཅིག །ནཱ་རོ་པ་ཡིས་མར་པ་ལོ་ཙཱ་ལ། །ཆོས་བརྒྱུད་ཆུ་བོའི་རྒྱུན་བཞིན་རྒྱས་གསུངས་པའི། །ལུང་བསྟན་བྱིན་རླབས་གནས་འདིར་འབྱུང་གྱུར་ཅིག །མར་པ་ལོ་ཙཱས་མི་ལ་རས་པ་ལ། །སངས་རྒྱས་བསྟན་པ་ཇི་སྲིད་གནས་ཀྱི་བར། །ཉམས་རྟོགས་བརྒྱུད་པ་མི་འཆད་གསུངས་པ་ཡི། །ཉམས་རྟོགས་བརྒྱུད་པ་གནས་འདིར་འབྱུང་བར་ཤོག །འཕགས་མ་སྒྲོལ་མས་ཀརྨ་པཀི་ལ། །བརྒྱུད་པའི་མཆོག་གྱུར་འདི་ལ་སྔགས་འཆང་དང་། །རྣལ་འབྱོར་དཔག་མེད་འབྱུང་བར་ལུང་བསྟན་པའི། །མོས་ཤིང་གུས་རྣམས་བྱང་ཆུབ་ཐོབ་གསུངས་པའི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །གྲུབ་ཆེན་པཀིར་མ་མགོན་རྣམ་གཉིས་ཀྱིས། །ཇི་སྲིད་སངས་རྒྱས་བསྟན་པ་གནས་ཀྱི་བར། །བརྒྱུད་པ་འཛིན་རྣམས་སྐྱོངས་ཤིང་སྲུང་མཛད་པ། །ཞལ་བཞེས་བྱིན་རླབས་གནས་འདིར་འབྱུང་གྱུར་ཅིག །སྡེ་བརྒྱད་བརྟན་མ་མགུར་ལྷ་ཐམས་ཅད་ཀྱིས། །མ་འོངས་གུ་རུ་པདྨའི་རྗེས་འཇུག་རྣམས། །སྲུང་སྐྱོབ་སྡོང་གྲོགས་མཛད་པར་དམ་བཅས་པའི། །ཐ་ཚིག་བདེན་པ་གནས་འདིར་འབྱུང་གྱུར་ཅིག །མཁའ་

[Full Size]

སྤྱོད་པ་ལ་མགོན་པོ་ཕྱག་བཞི་པས། །མི་རབས་བཅུ་དྲུག་བར་དུ་གཏོར་མ་ནི། །ཐེབས་གཅིག་མེད་ཀྱང་བསྟན་པ་སྲུང་གསུངས་པའི། །བདེན་པའི་བྱིན་རླབས་གནས་འདིར་འབྱུང་གྱུར་ཅིག །མཁའ་སྤྱོད་པ་ལ་སྐྱེས་བུ་ཆེན་པོ་ཡིས། །གཏོར་མ་བྱིན་ནས་མི་རབས་བཅུ་དྲུག་ཏུ། །བསྟན་པ་སྲུང་བའི་དམ་བཅའ་ཕུལ་བ་ཡིས། །བྱིན་རླབས་དངོས་གྲུབ་གནས་འདིར་འབྱུང་གྱུར་ཅིག །རྨི་ལམ་འཁྲུལ་སྣང་པད་འབྱུང་བཀའ་ཤོག་ལས། །མི་རབས་བཅོ་ལྔར་ཕ་རྗེས་བུ་ཡིས་སླེབས། །གསུངས་པ་དེ་ཉིད་དོན་དང་ལྡན་གྱུར་ཅིག །ཆོས་ཉིད་རྣམ་དག་རྒྱུ་འབྲས་བསླུ་མེད་དང་། །རྩ་བ་གསུམ་གྱི་ཐུགས་རྗེ་ཚད་མེད་མཐུས། །གནས་འདིར་ཚུལ་ཁྲིམས་ལྡན་པའི་རབ་བྱུང་ཚོགས། །གངྒཱའི་རྒྱུན་བཞིན་དར་ཞིང་རྒྱས་གྱུར་ཅིག །ཅེས་པ་གདུང་རྟེན་རབ་གནས་ཚར་ནུབ་གདུང་རྟེན་པར་བཞེངས་ཡོད་དེ། །མར་མེ་ཡོན་ཆབ་མེད་པར་སྒོག་པར་ལུས་སམ། རི་ཁྲོད་དང་བཅས་པ་མྱུར་དུ་འཇིགས་སམ་ཅི་ཆ་ཡོད་བསམས་ནས། བརྟགས་བྱས་ནུབ་རྨི་ལམ་དུ། རང་གི་མདུན་དུ་ཁྲི་མཐོན་པོའི་སྟེང་ན། སྤྲུལ་སྐུ་དཀོན་མཆོག་བསྟན་འཛིན་དངོས་འདྲ་བ་བཞུགས་འདུག །གསོལ་འཕྲོའི་ཤ་བཙོས་པ་གཅིག་བདག་ལ་གནང་དྲན་འདུག་དེ་ཡི་ཕར་ལོ་དེ་ན་སྤྲུལ་སྐུ་སྒྲུབ་བརྒྱུད་བསྟན་པ་རྣམ་

[Full Size]

རྒྱལ་སྐུ་ཧ་ཅང་མི་གསལ་ཙམ་བཞུགས་འདུག །ཁོང་རྣམ་གཉིས་ཀྱི་མཚན་དེ་ལ་བསམ་ན་རྟེན་འབྲེལ་ལེགས། རྟེན་བཞེངས་པའི་ལྷ་བཟོ་ཕེབས་ཁ་ནུབ། རང་ཚང་གི་དུང་དཀར་གཉིས་བསྒྲིག་ཅིང་བཏང་སོང་བས། །སྐད་ཆེན་པོ་བྱུང་བ་རྨིས་ངས་གདུང་རྟེན་བཞུགས་སའི་མཆོད་བཀྱག་བཟོས་དུས་ས་བརྐོས་ས་ནས་བན་ཆུང་ཀརྨའི་མིང་ཅན་གྱིས་རྡོའི་དུང་དཀར་རང་བྱོན་གྲུ་གང་དང་། མཁྱེན་རབ་ཀྱི་མིང་ཅན་གྱིས་རྡོའི་རལ་གྲི་རང་བྱོན་འཁྱོད་གང་དེ་དག་རྙེད་པའི་དུས་དང་། རང་བྱོན་གསལ་བ་དང་། རྙེད་མཁན་གྱི་མིང་རྣམས་རྟེན་འབྲེལ་ངོ་མཚར་ཆེ་བར་གདའ། དེ་བས་སྔོན་ཞིག་ན་རྨི་ལམ་དུ་རྗེ་ཆོས་ཀྱི་དབང་ཕྱུག་གསལ་བར་མཇལ་རེས་འགའ་ནི་སྤྲུལ་སྐུ་ཡེ་ཤེས་སྙིང་པོ་ཡིན་སྙམ་བྱེད་དེ། །བདག་ལ་ལུང་བསྟན་གྱི་དཔེ་ཆ་གཅིག་གནང་། དེ་ལ་བདག་གི་བརྒྱུད་པ་བླ་རབས་བཅུ་གསུམ་འོང་རྒྱུའི་མིང་གསལ་བར་གདའ་སྟེ་ཡིད་ལ་མ་ཟིན། འདི་རྣམས་རགས་རིམ་གྱི་མིང་ཡིན། འདི་ཡི་བར་བར་དུ། མང་པོ་འོང་བ་ནི་མ་ངེས་གསུངས༔ དཔེ་འདི་བདག་གིས་ཁྱེར་འོང་བས། རང་གི་སློབ་མ་ཡིན་པའི་བླ་མ་འགའ་རེས་སྟོན་དང་ཟེར། ཁྱེད་རྣམས་ལ་བསྟན་པས་ཕན་མེད། འདི་ངའི་དབོན་རྒྱུད་ཁོ་ན་ལ་འོང་རྒྱུ་རེད་སྨྲས་པ་རྨིས། དེ་རྣམས་ལ་བདེན་པ་ཡོད་ཙྪིན། གནས་འདིར་རྔ་དང་དྲིལ་བུའི་སྒྲ་ཡུན་རིང་པོར་མི་འཆད། གདུང་རྟེན་འདི་རྣམས་འོ་མི་བརྒྱལ་འདྲ་བསམས་ནས་སྨྲས་པའོ། །ཨ་རཱ་གས་སོ། །

བརྒྱུད་པའི་གསོལ་འདེབས།

[Full Size]

སྐལ་བཟང་རྣམ་འདྲེན་བཞི་པ་ཤཱཀྱའི་ཏོག །གསང་སྔགས་ཀུན་གྱི་མཛོད་འཆང་རྡོ་རྗེ་འཛིན། །ཤིནྟ་ཀ་ར་ཛ་ཡ་རཀྵིའི་ཞབས། །གསོལ་བ་འདེབས་སོ་དབང་བཞིའི་ཡེ་ཤེས་སྩོལ། །དྷརྨ་པ་ལ་ལོ་ཆེན་རིན་ཆེན་བཟང་། །རང་བྱུང་རྡོ་རྗེ་མཐོང་བ་དོན་ལྡན་ཞབས། །ཆོས་གྲགས་རྒྱ་མཚོ་མི་བསྐྱོད་རྡོ་རྗེ་དང་། །དཀོན་མཆོག་ཡན་ལག་དབང་ཕྱུག་རྡོ་རྗེ་ལ། །གསོལ་བ་འདེབས་སོ་དབང་བཞིའི་ཡེ་ཤེས་སྩོལ། །ཆོས་ཀྱི་དབང་ཕྱུག་མཁས་གྲུབ་རཱ་གའི་མཚན། །རབ་འབྱམས་རྩ་བརྒྱུད་བླ་མའི་ཚོགས་དང་བཅས། །བཅོམ་ལྡན་རྣམ་སྣང་རིགས་བཞིའི་ཡུམ་དང་བཅས། །སེམས་དཔའ་བཅུ་དྲུག་ཕྱི་ནང་ལྷ་མོའི་ཚོགས། །གསོལ་བ་འདེབས་སོ་དབང་བཞིའི་ཡེ་ཤེས་སྩོལ། །སྒོ་བ་བཞི་དང་སྐལ་བཟང་དཔེ་བྲལ་ཚོགས། །ཉན་ཐོས་རང་རྒྱལ་རབ་འཇིགས་ཁྲོ་བོ་བརྒྱད། །མཐའ་ཡས་འགྲོ་བའི་ངན་སོང་སྦྱོང་མཛད་པའི། །རབ་འབྱམས་དཀྱིལ་འཁོར་ལྷ་ཡི་ཚོགས་རྣམས་ལ། །གསོལ་བ་འདེབས་སོ་དབང་བཞིའི་ཡེ་ཤེས་སྩོལ། །དེ་ལྟར་གསོལ་བ་བཏབ་པའི་བྱིན་བརླབས་ཀྱིས། །བདག་སོགས་ནམ་མཁའ་མཉམ་པའི་འགྲོ་བ་ཀུན། །

[Full Size]

མ་རིག་ལས་ཉོན་སྡིག་སྒྲིབ་ཀུན་དག་ནས། །ཚེ་དཔལ་ཡེ་ཤེས་སྣང་བ་རབ་ཏུ་རྒྱས། །མཐོང་ཐོས་དྲན་རེག་འབྲེལ་ཐོགས་སེམས་ཅན་རྣམས། །ངན་སོང་འཁོར་བའི་སྐྱེ་སྒོ་ཀུན་བཀག་སྟེ། །ཕྱིར་མི་ལྡོག་པའི་གོ་འཕང་ཐོབ་གྱུར་ཅིག །ཅེས་པ་འདིའང་དད་ལྡན་ཤཱཀྱའི་བཙུན་པ་ཀརྨ་ཆོས་རྒྱལ་རབ་བརྟན་ནས་བསྐུལ་ངོར། བརྒྱུད་པའི་གསོལ་འདེབས་དང་སྨོན་ལམ་བཅས་ཕྱོགས་འཐུས་སུ་ཆགས་སྤྲུལ་ལྔ་པས་བྲིས་པ་དགེ་བར་གྱུར་ཅིག །མངྒ་ལཾ།། །།

དགོངས་གཏེར་ཀུན་རིག་གི་ཆོ་ག་ངན་སོང་དོང་སྤྲུག་འགྲོ་དོན་རྒྱ་མཚོ།

[Full Size]

དགོངས་གཏེར་ཀུན་རིག་གི་ཆོ་ག་ངན་སོང་དོང་སྤྲུག་འགྲོ་དོན་རྒྱ་མཚོ་ཞེས་བྱ་བ་བཞུགས་སོ།

[Full Size]

ན་མོ་སརྦ་བིད་ཡེ། དགོངས་གཏེར་ཐུགས་ཀྱི་ཀློང་བརྡོལ་ལས་བྱུང་བའི། ཀུན་རིག་གི་འདོན་ཆ་ནི། རྒྱུན་ཁྱེར་བདག་བསྐྱེད་ལ་མཆོད་གཏོར་མི་དགོས། མཆོད་པ་ཡིད་སྤྲུལ་ཆོག །འདོན་བསྒོམ་སྦྲགས་ཏེ། ན་མོ། དཀོན་མཆོག་གསུམ་དང་རྩ་བ་གསུམ། །སྐྱབས་གནས་རྣམས་ལ་སྐྱབས་སུ་མཆི། །འགྲོ་ཀུན་སངས་རྒྱས་ལ་འགོད་ཕྱིར། །བྱང་ཆུབ་མཆོག་ཏུ་སེམས་བསྐྱེད་དོ། །འགྲོ་ཀུན་བདེ་ལྡན་སྡུག་བསྔལ་བྲལ། །བདེ་ལས་ཉམས་མེད་བཏང་སྙོམས་ཤོག །ཀ་དག་ཀློང་ནས་སྤྲུལ་པ་ཡི། །གནམ་ས་གང་བའི་མཆོད་པའི་སྤྲིན། །ཉེར་སྤྱོད་འདོད་ཡོན་རྒྱལ་སྲིད་སོགས། །ཟད་

[Full Size]

མེད་གྱུར་ཅིག་པཱུ་ཛ་ཧོ༔ །སྟེང་འོག་ཕྱོགས་མཚམས་ཐམས་ཅད་ཀུན། །རྡོ་རྗེའི་རྭ་གུར་མེ་རིས་བསྐོར། །ཨོཾ་བཛྲ་རཀྵ་རཀྵ་ཧཱུྃ༔ ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོཉཧཾ། སྟོང་པའི་ངང་ལས། རང་ཉིད་སྐད་ཅིག་གིས་བཅོམ་ལྡན་འདས་ཀུན་རིག་སྐུ་མདོག་དཀར་པོ་ཞལ་བཞི་ཕྱོགས་བཞིར་གཟིགས་པ། ཕྱག་གཉིས་བུདྡྷ་རིགས་ཀྱི་ཕྱག་རྒྱ་མཛད་པ། དར་དང་རིན་པོ་ཆེས་བརྒྱན་པ། སེང་གེའི་ཁྲི་ལ་བཞུགས་པའོ། །ཤར་དུ་རྡོར་སེམས་མཐིང་ག་རྡོ་རྗེ་དང་དྲིལ་བུ་བསྣམས་པ་གླང་ཆེན་གྱི་ཁྲི་ལ་བཞུགས་པའོ། །ལྷོར་རིན་འབྱུང་སེར་པོ་རིན་ཆེན་དང་དྲིལ་

[Full Size]

བུ་འཛིན་པ་རྟའི་ཁྲི་ལ་བཞུགས་པའོ། །ནུབ་ཏུ་སྣང་བ་མཐའ་ཡས་དམར་པོ་པདྨ་དང་དྲིལ་བུ་འཛིན་པ་རྨ་བྱའི་ཁྲི་ལ་བཞུགས་པའོ། །བྱང་དུ་དོན་ཡོད་གྲུབ་པ་ལྗང་གུ་རྒྱ་གྲམ་དང་དྲིལ་བུ་འཛིན་པ་ཤང་ཤང་གི་ཁྲི་ལ་བཞུགས་པའོ། །ཐམས་ཅད་ཀྱང་དར་དང་རིན་པོ་ཆེས་བརྒྱན་པ། ཀུན་གྱི་གནས་གསུམ་འབྲུ་གསུམ་དང་ཐུགས་ཀའི་ས་བོན་ལས་འོད་འཕྲོས། ཡེ་ཤེས་པ་སྤྱན་དྲངས། ཨོཾ་སརྦ་བིད་ཛ་ཡ་པཉྩ་བཛྲ་ས་མཱ་ཛཿ ཛཿཧཱུྃ་བཾ་ཧོཿ དམ་ཚིག་པ་དང་དབྱེར་མེད་པར་གྱུར། ཡེ་ཤེས་ལྔའི་དབང་རྫོགས་པར་གྱུར། ཨོཾ་ཧཱུྃ་ཏྲཱྃ་ཧྲཱིཿཨཱཿ༔ རང་གི་ཐུགས་ཀ་ནས་མཆོད་པའི་ལྷ་མོ་དཔག་ཏུ་མེད་པས་བདག་བསྐྱེད་ལ་མཆོད་ཅིང་བསྟོད་པར་གྱུར། ཆུ་བཞི་ཉེར་སྤྱོད་ལྔ་དང་རོལ་མོ་དང་། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ངོ་མཚར་མཆོད་པ་བཅོ་བརྒྱད་སྒེག་སོགས་བརྒྱད། །ཅོད་པན་གདུགས་སོགས་མཆོད་པ་ཉི་ཤུ་ལྔ། །སྐྱེད་ཚལ་གཞལ་མེད་ཁང་པ་དཔག་བསམ་ཤིང་། །གཏེར་གྱི་བུམ་པ་ཁྲུས་རྫིང་པདྨར་བཅས། །འབྲུ་སྨན་རིན་ཆེན་རྩི་བཅུད་བང་མཛོད་དང་། །གོས་དར་ཁྲི་སྟན་བཞོན་པ་བྲན་ཁོལ་འབུལ། །ཨོཾ་སརྦ་ཏ་ཐཱ་ག་ཏ་

[Full Size]

སརྦ་པཱུ་ཛ་མེ་གྷ་ས་མུ་དྲ་ས་མ་ཡེ་ཧཱུྃ། མཉམ་མེད་མི་གཡོ་མཉམ་མེད་མཆོག་གི་ཆོས་ཉིད་ཅན། །ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་བར་མཛད། །ཡོན་ཏན་མཐའ་ཡས་དངོས་གྲུབ་ཐམས་ཅད་སྦྱིན་མཛད་པ། །དྲི་མེད་མི་གཡོ་མཉམ་མེད་དམ་པའི་མཆོག་ཆོས་ཅན། །ཡོན་ཏན་ཤིན་ཏུ་ཕྲ་བའི་ཆ་ལའང་ཚད་མེད་དེ། །དཔེ་ནི་ནམ་མཁའ་དང་ཡང་བསྐྲུན་དུ་ཡོད་མ་ཡིན། །དངོས་གྲུབ་མཐའི་ཡས་མཉམ་མེད་དཔེ་དང་བྲལ་བ་རྣམས། །སེམས་ཅན་ཁམས་ལ་དངོས་གྲུབ་མཆོག་རྣམས་ངེས་པར་སྩོལ། །རྟག་ཏུ་དྲི་མ་མེད་པ་ཐུགས་རྗེའི་ཤུགས་ལས་བྱུང་། །སྨོམ་ལམ་གྲུབ་པ་འགག་པ་མེད་པའི་ཆོས་ཉིད་ཅན། །འགྲོ་བའི་དོན་སྒྲུབ་རབ་ཏུ་བརྩོན་པ་མཐའ་ཡས་པ། །ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང་། །ཚད་མེད་ཚད་དང་བྲལ་བ་ཤིན་ཏུ་རྫོགས་པ་ཡི། །བདེ་བར་གཤེགས་པའི་གོ་འཕང་དམ་པ་བརྙེས་གྱུར་ཀྱང་། །ཁམས་གསུམ་རྣམས་ཀླུལ་དངོས་གྲུབ་མཆོག་སྩོལ་མཛད་པ་ཡི། །ཐུགས་རྗེའི་སྤྱོད་པ་མི་གཡོ་འགག་པར་ཡོངས་མི་འགྱུར། །ཨེ་མ་ཧོ། ཤིན་ཏུ་བཟང་པོའི་ཆོས་ཉིད་མཆོག་དང་ལྡན། །མཆོག་སྦྱིན་

[Full Size]

རྣམས་ཀྱི་ནང་ནས་གོ་འཕང་མཆོག་བརྙེས་པ། །ཁམས་གསུམ་ཀུན་ལ་རྟག་ཏུ་དངོས་གྲུབ་མཆོག་སྩོལ་མཛད། །མགོན་པོ་དུས་གསུམ་སྒྲིབ་པ་མེད་པར་རབ་མཁྱེན་པ། །དམ་ཚིག་མཆོག་གསུམ་དངོས་གྲུབ་དམ་པ་བདག་ལ་སྩོལ། །འདི་དེ་སངས་རྒྱས་ཐམས་ཅད་ཀྱི། །ཡང་དག་ཡོན་ཏན་རྒྱས་པ་སྟེ། །ལན་གཅིག་ཙམ་ཞིག་བརྗོད་པས་ཀྱང་། །གསང་སྔགས་ཐམས་ཅད་འགྲུབ་པར་འགྱུར། །ལྷ་ལྔའི་ཐུགས་ཀར་ཟླ་བའི་སྟེང་། །སོ་སོའི་ས་བོན་ཡིག་འབྲུའི་མཐར། །སྔགས་ཕྲེང་གཡས་སུ་འཁོར་བ་ལས། །འོད་ཟེར་མཛོད་སྤུའི་སྒོ་ནས་ཐོན། །བདག་དང་སེམས་ཅན་ཐམས་ཅད་ཀྱི། །རྒྱུ་དང་འབྲས་བུའི་ངན་སོང་སྦྱངས། །འོད་ཟེར་ཚུར་འདུས་ཡིག་འབྲུར་ཐིམ། །ན་མོ་བྷ་ག་ཝ་ཏེ་སརྦ་དུརྒ་ཏེ་པ་རི་ཤོ་དྷ་ནི་རཱ་ཛ་ཡ། ཏ་ཐཱ་ག་ཏཱ་ཡ་ཨརྟ་ཏེ། སམྱཀཾ་བུད་དྷ་ཡ། ཏདྱ་ཐཱ། ཨོཾ་ཤོ་དྷ་ནེ་ཤོ་དྷ་ནེ་སརྦ་པཱ་པཾ་བི་ཤོ་དྷ་ན་ཤུདྡྷེ་བི་ཤུདྡྷེ་སརྦ་ཀརྨ་ཨཱ་ཝ་ར་ཎ་བི་ཤོ་དྷ་ནེ་སྭཱ་ཧཱ། ཞེས་རྩ་རིག་དང་། ཨོཾ་ཤོ་དྷ་ནེ་མན་ཆད་རྩེ་རིག་ཐུང་བ་དང་། ཨོཾ་སརྦ་བིད་སརྦ་ཨཱ་ཝ་ར་ཎ་བི་ཤོ་དྷ་ཡ་ཧ་ན་ཧཱུྃ་ཕཊ། ཅེས་སྙིང་པོ་དང་། ཨོཾ་ཧཱུྃ་ཏྲཱྃ་ཧྲཱིཿཨཱཿཿསྭ་ཧཱ། ཞེས་ཉེ་སྙིང་རྣམས་ཅི་འགྲུབ་བཟླ། བདག་

[Full Size]

བསྐྱེད་འདི་རྒྱུན་ཁྱེར་བྱེད་ན་ཡང་རྗེས་ཆོག་དང་བསྡུ་ཆོག་མི་དགོས་ཏེ། སྒོམ་མཁན་སེམས་ཀྱི་ངོ་བོ་ལ་བལྟས་པས་འཐུས། དེ་ནས་མདུན་བསྐྱེད་བྱེད་ན། རབ་དཀྱིལ་ཐང་། མེད་ན་ཚོམ་བུ་བཀོད། ཡང་དབུ་རྒྱན་གཅིག་བཞག་ཀྱང་ཆོག །རྒྱས་པར་བྱེད་ན་བུམ་པ་དང་མཆོད་གཏོར་ཡང་བཤམ། སྤྲོས་མེད་བདག་མདུན་གཉིས་ཁོ་ན་ཡིན་ན། མཆོད་གཏོར་མ་འབྱོར་ཡང་ཡིད་སྤྲུལ་ཆོག །མདུན་བསྐྱེད་ཀྱང་མདུན་གྱི་བར་སྣང་ལ་བསྒོམ། ཨོཾ་སྭ་བྷ་ཝ་སོགས། སྟོང་པའི་ངང་ལས། འབྱུང་བ་རིམ་བརྩེགས་སྣ་ཚོགས་རྡོ་རྗེའི་ལྟེ་བར། རིན་པོ་ཆེའི་གཞལ་ཡས་ཁང་གཉིས་སྦྲགས་གྲུ་བཞི་སྒོ་བཞི་རྩིགས་པ་རིམ་པ་ལྔ་དང་ལྡན་པ། མཚན་ཉིད་ཐམས་ཅད་ཡོངས་སུ་རྫོགས་ཤིང་། ཕྱི་རོལ་འཇིག་རྟེན་པའི་ཁོར་ཡུག་དང་རྡོ་ར་འོད་ཟེར་གྱི་ཕྲེང་བས་བསྐོར་བ། གཞལ་ཡས་ཁང་གི་ནང་ཤར་སྔོ་ལྷོ་སེར་ནུབ་དམར་བྱང་ལྗང་དབུས་དཀར་བའི་དབུས་སུ། འཁོར་ལོ་སྔོན་པོ་རྩིབས་བཅུ་དྲུག་པའི་ལྟེ་བར། ལེའུ་ཚེ་དགུ་ཡི་དབུས་སུ་བཅོམ་ལྡན་འདས་ཀུན་རིག་སྐུ་མདོག་དཀར་པོ་ཞལ་སྤུ་བཞི་ཕྱོགས་བཞིར་གཟིགས་པ། ཕྱག་གཉིས་བུདྡྷ་རིགས་ཀྱི་ཕྱག་རྒྱ་མཛད་པ། དར་དང་རིན་པོ་ཆེས་བརྒྱན་པ་སེང་གེའི་ཁྲི་ལ་བཞུགས་པའོ། །ཤར་དུ་རྡོར་སེམས་སྦྱོང་རྒྱལ་

[Full Size]

མཐིང་ག་རྡོ་རྗེ་དང་དྲིལ་བུ་འཛིན་པ་གླང་ཆེན་གྱི་ཁྲི་ལ་བཞུགས་པའོ། །ལྷོར་རྒྱལ་མཆོག་རིན་འབྱུང་སེར་པོ་རིན་པོ་ཆེ་དང་དྲིལ་བུ་འཛིན་པ་རྟའི་ཁྲི་ལ་བཞུགས་པའོ། །ནུབ་ཏུ་རིག་དབང་སྣང་བ་མཐའ་ཡས་དམར་པོ་པདྨ་དང་དྲིལ་བུ་འཛིན་པ་རྨ་བྱའི་ཁྲི་ལ་བཞུགས་པའོ། །བྱང་དུ་དོན་གྲུབ་མེ་ཏོག་ཆེར་རྒྱས་ལྗང་གུ་རྒྱ་གྲམ་དང་དྲིལ་བུ་འཛིན་པ་ཤང་ཤང་གི་ཁྲི་ལ་བཞུགས་པའོ། །གྲྭ་བཞིར་ཡུམ་བཞི་འཁོར་ལོ་རྩིབས་བཅུ་དྲུག་ལ་སེམས་དཔའ་བཅུ་དྲུག །འཁོར་ལོའི་ཕྱིའི་གྲྭ་ཕྱི་ནང་སྒོ་བཞིར་སྒེག་སོགས་བརྒྱད་དང་སྒོ་བ་བཞི། ཕྱིའི་ལྷ་སྣམ་དང་པོ་ལ་སྐལ་བཟང་གི་སེམས་དཔའ་བཅུ་དྲུག །གཉིས་པ་ལ་དཔེ་བྲལ་གྱི་སེམས་དཔའ་བཅུ་དྲུག །ཐམས་ཅད་ཀྱང་དར་དང་རིན་པོ་ཆེས་བརྒྱན་པ། གཅོ་བོ་ལྔ་རྡོ་རྗེའི་སྐྱིལ་ཀྲུང་ལ་གཞན་རྣམས་སེམས་དཔའི་སྐྱིལ་ཀྲུང་ཅན། ཕྱོགས་མདོག་ཞི་བའི་ཉམས་ཅན་རང་རྟགས་ཕྱག་མཚན་འཛིན་པ། ལྷ་རྣམ་གསུམ་པ་ལ་ཉན་ཐོས་བཅུ་དྲུག །བཞི་པ་ལ་རང་རྒྱལ་བཅུ་གཉིས་རྣམས། ཆོས་གོས་གསུམ་གྱིས་བཀླུབས་ཤིང་ལྷུང་བཟེད་འཁར་གསིལ་འཛིན་པ། སྒོ་བཞིའི་གཡས་གཡོན་དུ་ཁྲོ་བོ་བརྒྱད་འཇིགས་པའི་གཟུགས་ཅན་རང་

[Full Size]

རྟགས་ཕྱག་མཚན་འཛིན་པ། ཕྱིའི་འཁོར་ཡུག་ལ་དཔལ་མགོན་བདུན་ཅུ་རྩ་ལྔ་བསྟན་པ་ལ་དགའ་བའི་འབྱུང་པོའི་ཚོགས་ཐམས་ཅད་གནས་པའོ། །དེ་ཐམས་ཅད་ཀྱི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས། ཡེ་ཤེས་པ་སྤྱན་དྲངས། ཨོཾ་སརྦ་བིད་མཎྜ་ལ་བཛྲ་ས་མཱ་ཛཿ མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེས་རྣམས་སྦྱངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱེད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡོངས་དག་འཁོར་དང་བཅས་ཏེ་གཤེགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་

[Full Size]

འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །དམ་ཚིག་པ་དང་གཉིས་མེད་གྱུར། །ཡེ་ཤེས་ལྔ་ཡི་དབང་རྫོགས་ཤོག །ཛཿཧཱུྃ་བཾ་ཧོཿ ཏིཥྛ་ལྷན། ཨོཾ་ཧཱུྃ་ཏྲཱྃ་ཧྲཱིཿཨཱ༔ ཨ་བྷི་ཥིཉྩཧཱུྃ་སྭཱ་ཧཱ། ཨོཾ་བཛྲ་སྤ་ར་ཎ་ཁཾ། དངོས་སུ་འབྱོར་དང་ཡིད་ཀྱིས་སྤྲུལ། །ཞིང་ཁམས་ཀུན་གྱི་མཆོད་པའི་ཚོགས། །བློ་ཡིས་བླངས་ཏེ་མཆོད་པར་འབུལ། །རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་མར་མེ་དྲི་ཆབ་དང་། །ཞལ་ཟས་རོལ་མོ་ཇི་སྙེད་དང་། །བདག་གིས་གུས་པར་བཤམས་པ་འདི། །ཇི་སྙེད་རྒྱལ་བ་སྲས་དང་བཅས། །དེ་སྙེད་རྣམས་ལ་བདག་འབུལ་ན། །ཐུགས་རྗེའི་མངའ་བ་ཁྱེད་རྣམས་ཀྱིས། །ཅི་བདེ་བར་ནི་བཞེས་ནས་ཀྱང་། །སེམས་ཅན་དོན་ཀུན་མཛད་དུ་གསོལ། །ཨོཾ་སརྦ་ཏ་ཐཱ་ག་ཏཱ་ཨརྒྷཾ་པཱཏྱཾ་པུ་དྷུ་པེ་ཨཱ་ལོ་ཀེ་གནྡྷེ་ནེ་ཝི་ཏྱཱ་ཤབྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འཇིག་རྟེན་ཁམས་ནི་དཔག་མེད་ན། །གཟུགས་མཛེས་སྒྲ་སྙན་དྲི་ཞིམ་དང་། །རོ་མངར་རེག་འཇམ་ཇི་སྙེད་དང་། །བདག་གིས་གུས་པར་བཤམས་པ་འདིས། །རྒྱལ་བ་སྲས་དང་

[Full Size]

བཅས་རྣམས་མཆོད། །ཨོཾ་སརྦ་ཏ་ཐཱ་ག་ཏཱ་ས་པ་རི་ཝཱ་ར་རཱུ་པ་ཤབྡ་གནྡྷེ་རྭ་ས་སྤརེ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུྃ། ཞིང་འདིར་རིན་ཆེན་སྣ་བདུན་གྱིས། །མཁས་པ་དག་གིས་ཡོངས་བཀང་ནས། །དངོས་གྲུབ་འདོད་པ་སྦྱིན་པའི་ཕྱིར། །ཉིན་རེ་ཤེས་རབ་ཅན་གྱིས་དབུལ། །ཨོཾ་སརྦ་ཏ་ཐཱ་ག་ཏཱ་སབྟ་རཏྣ་པྲ་ཏིཙྪ་པཱུ་ཛི་ཏེ་ཨཱཿཧཱུྃ། སྟོང་གསུམ་གྱི་ནི་རྡུལ་སྙེད་དུ། །བདག་ཉིད་ཀྱང་ནི་རྣམ་བསམ་ཞིང་། །མཆོད་པའི་ཕྱིར་ནི་རྣམ་བསམས་ནས། །སངས་རྒྱས་ཀུན་ལ་དབུལ་བར་བྱ། །ཨོཾ་སརྦ་ཏ་ཐཱ་ག་ཏཱ་ཀཱ་ཡ་ནིཅུ་ཏ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། སྟོང་གསུམ་གྱི་ནི་རྡུལ་སྙེད་དུ། །བདག་ཉིད་ཀྱང་ནི་རྣམ་བསམས་ཤིང་། །ལྕེ་ནི་དེ་ཉིད་ལྡན་དང་བཅས། །སངས་རྒྱས་བསྔགས་པ་བརྗོད་པར་བྱ། །ཨོཾ་སརྦ་ཏ་ཐཱ་ག་ཏཱ་ཝཱཀ་ནིརྱ་ཏ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། དེ་ནས་རྣལ་འབྱོར་དེ་ཉིད་ཀྱི། །ལུས་དང་ངག་སེམས་བྱུང་བ་ཡི། །མཆོད་པ་དག་ནི་བསྡུས་ནས་སུ། །སངས་རྒྱས་རྣམས་ལ་དབུལ་བར་བྱ། །ཨོཾ་སརྦ་ཏ་ཐཱ་ག་ཏཱ་ཙིཏྟ་ནིརླུ་ཏ་ན་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། ཆོས་རྣམས་ཐམས་ཅད་

[Full Size]

དངོས་མེད་ཅིང་། །སྟོང་ཉིད་མཚན་མ་ཀུན་དང་བྲལ། །སྨོན་པ་མེད་པའི་ཏིང་འཛིན་མཆོག །སངས་རྒྱས་ཀུན་ལ་དབུལ་བར་བྱ། །ཨོཾ་སརྦ་ཏ་ཐཱ་ག་ཏཱ་གུ་ཤྱ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། ཆོས་དབྱིངས་ཡེ་ཤེས་རྣམ་པར་དག །རྣམ་པར་སྣང་མཛད་བཅོམ་ལྡན་འདས། །ཏིང་ངེ་འཛིན་ལྡན་ཕྱག་རྒྱ་ཅན། །ཕྱག་འཚལ་བཅོམ་ལྡན་ཀུན་རིག་ལ། །མེ་ལོང་ཡེ་ཤེས་རང་བཞིན་ལས། །སེམས་ཅན་མ་ལུས་ཐམས་ཅད་ཀྱི། །ངན་སོང་ཐམས་ཅད་སྦྱོང་མཛད་པ། །ཕྱག་འཚལ་སྦྱོང་བའི་རྒྱལ་པོ་ལ། །མཉམ་ཉིད་ཡེ་ཤེས་ཡོན་ཏན་བདག །ཡིད་བཞིན་ནོར་བུ་རིན་ཆེན་ལྟར། །སེམས་ཅན་བསམ་པ་སྐོང་མཛད་པ། །རྒྱལ་མཆོག་རིན་ཆེན་ཁྱོད་ཕྱག་འཚལ། །སོ་སོར་ཀུན་རྟོགས་གསུང་གི་བདག་གསུང་རབ་པདྨ་ཁ་འབྱེད་པ། །ཁམས་གསུམ་དབུགས་དབྱུང་མཛད་པ་པོ། །ཤཱཀྱ་རིགས་དབང་ཁྱོད་ཕྱག་འཚལ། །ནན་ཏན་ཡེ་ཤེས་ཕྲིན་ལས་བདག །སྣ་ཚོགས་སེམས་ཅན་སྡུག་བསྔལ་ཀུན། །མ་ལུས་པར་ནི་ཞི་མཛད་པ། །མེ་ཏོག་ཆེར་རྒྱས་ཁྱོད་ཕྱག་འཚལ། །གྲྭ་ཡི་ཕྱོགས་ནི་ཀུན་ཏུ་ཡང་། །རིགས་ཀྱི་ཡུམ་བཞིའི་སྐུར་སྟོན་

[Full Size]

པ། །ལྷ་མོ་སྤྱན་དང་མཱ་མ་ཀཱི། །དཀར་མོ་སྒྲོལ་མ་ཁྱོད་ཕྱག་འཚལ། །རྩིབས་ཀྱི་ནང་ནི་ཐམས་ཅད་ན། །བཞུགས་པའི་རྡོ་རྗེ་སེམས་དཔའ་སོགས། །རྫུ་འཕྲུལ་ཆེ་བའི་སེམས་དཔའ་རྣམས། །རྒྱུད་བཞིན་བདག་གིས་བསྟོད་པར་བགྱི། །སྒེག་མོ་ཕྲེང་བ་གླུ་དང་གར། །སྤོས་དང་མེ་ཏོག་མར་མེ་དང་། །དྲི་མཆོག་ལ་སོགས་ལྷ་མོ་བརྒྱད། །ཕྱི་ནང་ལྷ་མོར་ཕྱག་འཚལ་ལོ། །སྒོ་ཡི་དབུས་ན་བཞུགས་པ་གང་། །ལྕགས་ཀྱུ་ཞགས་པ་ལྕགས་སྒྲོག་དྲིལ། །དད་སོགས་ངོ་བོ་ལས་བྱུང་བའི། །སྒོ་སྲུང་རྣམས་ལ་ཕྱག་འཚལ་ལོ། །སྒོ་ཡི་ཁྱམས་ན་བཞུགས་པ་ཡི། །བྱམས་པ་ལ་སོགས་བཅུ་དྲུག་གིས། །རབ་དགའ་ལ་སོགས་གནས་མཛད་པའི། །བྱང་སེམས་རྣམས་ལ་ཕྱག་འཚལ་ལོ། །ཏཱ་ར་ཎ་ཡི་བར་ཁྱམས་ན། །དཔེ་བྲལ་སེམས་དཔའ་བཅུ་དྲུག་ནི། །ས་དང་ཕ་རོལ་ཕྱིན་གྲུབ་པ། །རིགས་ཀྱི་དབང་གིས་བཞུགས་ཕྱག་འཚལ། །སྟོན་པའི་རྟགས་འཆང་ཉན་ཐོས་མཆོག །ལྷུང་བཟེད་འཁར་གསིལ་པོ་ཏི་འཛིན། །བསླབ་སྦྱངས་ཡོན་ཏན་ཀུན་ལྡན་པའི། །ཉན་ཐོས་རྣམས་ལ་ཕྱག་འཚལ་ལོ། །རྟེན་འབྲེལ་དོན་ལ་བརྟེན་

[Full Size]

གནས་པའི། །འཕགས་པ་རང་རྒྱལ་བཅུ་གཉིས་ནི། །འབྱུང་དང་ལྡོག་ལ་རབ་ཞུགས་པའི། །རང་རྒྱལ་གཙོ་ལ་ཕྱག་འཚལ་ལོ། །ཁྲོ་བོ་སྲིན་པོའི་ཆ་ལུགས་ཅན། །སྦྲུལ་དང་མི་སྡུག་མགོས་བརྒྱན་ཅིང་། །སྟག་ལྤགས་ཀྱིས་ནི་རྣམ་དཀྲིས་པའི། །འཇིན་རྟེན་གསུམ་སྣང་སོགས་ཕྱག་འཚལ། །ཕྱི་ཡི་ཁོར་ཡུག་ལ་གནས་པའི། །འཇིགས་བྱེད་ལྷ་ཀླུ་གཟའ་སྐར་དང་། །ཕྱོགས་སྐྱོང་རྒྱལ་ཆེན་ཕྱག་འཚལ་ཞིང་། །འཇིག་རྟེན་པ་ཀུན་བསྟོད་པར་བགྱི། །བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ་ཀུན་རིག་རྣམ་པར་སྣང་མཛད་ཀྱི་ལྷ་ཚོགས་མ་ལུས་ཤིང་ལུས་པ་མེད་པས་ངན་སོང་ཐམས་ཅད་ཡོངས་སུ་སྦྱོང་བའི་ཕྲིན་ལས་མཛད་དུ་གསོལ། ཞེས་བརྗོད་པས་ལྷ་ཐམས་ཅད་ཀྱི་ཐུགས་ཀའི་ས་བོན་ལས་སྔགས་ཀྱི་འོད་ཟེར་རིམ་པ་ལྔ་ལྔ་འཕྲོས། ཁམས་གསུམ་གྱི་འགྲོ་བ་ཐམས་ཅད་སྣང་བར་བྱོས། །དེ་དག་གི་རྒྱུད་ཀྱི་ཉོན་མོངས་པ་ལྔ་ཡེ་ཤེས་ལྔའི་ངང་དུ་བཅོམ་སྟེ་རྒྱུ་དང་འབྲས་བུའི་ངན་སོང་ཐམས་ཅད་ལས་ཐར་བར་མཛད། འོད་ཟེར་ཚུར་འདུས་ཆོས་ཀྱི་ཡི་གེ་དེ་ཉིད་ལ་ཞུགས་པར་གྱུར། གོང་ལྟར་རྩ་རིག་དང་སྔགས་ཐུང་དང་སྙིང་པོ་

[Full Size]

དང་ཉེ་སྙིང་གི་མཇུག་ཏུ་ཆེ་གེ་མོའི་སྡིག་སྒྲིབ་ཐམས་ཅད་ཤཱནྟི་ཀུ་རུ་སྭཱ་ཧཱ། ཞེས་བཏགས་ལ་ཅི་འགྲུབ་བཟླ། ཡིག་བརྒྱ་ཚར་གཅིག་བཟླས་པས་བརྟན་པར་བྱ། བུམ་པ་མེད་ན་བུམ་བསྐྱེད་མི་འདོན། །བུམ་པ་ཆེ་ཆུང་གཉིས་སྤྱི་ལྟར་བཤམ། མེད་ན་གཅིག་གི་མཆུ་ནང་དུ་ལས་ལྷ་བསྐྱེད། ཨོཾ་སྭ་བྷ་ཝ་སོགས། སྟོང་པའི་ངང་ལས། ཧཱུྃ་ལས་རིན་པོ་ཆེའི་བུམ་པ་ལྟོ་བ་ཡངས་པ། མགྲིན་པ་རིང་བ། །མཆུ་འཕྱངས་བ། ལྷ་རྫས་ཀྱི་གོས་ཀྱིས་མགུལ་པ་དཀྲིས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་དུ་ཆུ་དང་བཅུད་ཀྱིས་སུམ་གཉིས་གང་བའི་དབུས་སུ། བུམ་ལྷ་བཅོམ་ལྡན་འདས་ཀུན་རིག་སྐུ་མདོག་དཀར་པོ་ཞལ་བཞི་ཕྱོགས་བཞིར་གཟིགས་པ། ཕྱག་གཉིས་བུདྡྷ་རིགས་ཀྱི་ཕྱག་རྒྱ་མཛད་པ། དར་དང་རིན་པོ་ཆེས་བརྒྱན་པ་སེང་གེའི་ཁྲི་ལ་བཞུགས་པའོ། །ལས་བུམ་གྱི་ནང་དུ་ཧཱུྃ་ལས་རྡོ་རྗེ་གནོད་སྦྱིན་ནག་པོ་ལྟོ་བ་ཡངས་ཤིང་ཕྱག་གཉིས་ཀྱིས་མཆེ་བ་ཞལ་གྱི་གྲྭ་གཉིས་སུ་འཛིན་པ། ལྷ་གཉིས་ཀྱི་གནས་གསུམ་ཡི་གེ་ཀླུ་གསུམ་ལས་འོད་ཟེར་འཕྲོས། ཡེ་ཤེས་པ་སྤྱན་དྲངས་བསྟིམ་ཞིང་ཡེ་ཤེས་ལྔའི་དབང་ཐོབ་པར་གྱུར། ཨོཾ་སརྦ་བིད་བཛྲ་ཡཀྵ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཏིཥྛ་ལྷན། ཨོཾ་ཧཱུྃ་

[Full Size]

ཏྲཱྃ་ཧྲཱི་ཨཱཿ ཨ་བྷི་ཥིཉྩ་ཧཱུྃ་སྭཱ་ཧཱ། བུམ་ལྷའི་སྐུ་ལས་བདུད་རྩིའི་རྒྱུན་བབས་བུམ་པ་ཁེངས་པར་གྱུར། གོང་ལྟར་རྩ་རིག་དང་སྙིང་པོ་བརྒྱ་ལས་མི་ཉུང་བ་བཟླ། ཨོཾ་བཛྲ་ཡཀྵ་ཧཱུྃ། ཅི་འགྲུབ་བཟླས་ནས་ལྟ། མཆོད་པ་ནི། ཤེས་ན་སྒེག་སོགས་བརྒྱད་ཀྱི་ཕྱག་རྒྱ་བྱ་ཞིང་། མ་གྲུབ་ན་ཡང་རུང་སྟེ། རྡོ་རྗེ་སེམས་དཔའ་བསྡུས་པ་ན། ཨོཾ་བཛྲ་སཏཱ་སུ་སཾ་གྲ་ཧཾ། ཨོཾ་བཛྲ་ལཱ་སྱ་ཧཱུྃ། རྡོ་རྗེ་རིན་ཆེན་བླ་ན་མེད། ཨོཾ་བཛྲ་རཏྣ་མ་ནུཏྟཱ་རཾ། ཨོཾ་བཛྲ་མཱ་ལེ་ཧཱུྃ། རྡོ་རྗེ་ཆོས་ཀྱི་གླུ་བླངས་པས། ཨོཾ་བཛྲ་དྷརྨཱ་གཱ་ཡ་ནི། ཨོཾ་བཛྲ་གཱི་ཏཱི་ཧི༔ རྡོ་རྗེ་ལས་ཀུན་བྱེད་པར་གྱུར། ཨོཾ་བཛྲ་ཀརྨ་ཀ་རོཏྟཱ་ཝེ། ཨོཾ་བཛྲ་ནིརྟི་ཨཱ༔ རྡོ་རྗེ་སེམས་དཔའ་བསྡུས་པ་ན། ཨོཾ་བཛྲ་སཏཱ་སུ་སཾ་གྲྭ་ཧཾ། ཨོཾ་བཛྲ་དྷུ་པེ་ཧཱུྃ། རྡོ་རྗེ་རིན་ཆེན་བླ་ན་མེད། །ཨོཾ་བཛྲ་རཏྣ་མ་ནུཏྟཱ་རཾ། ཨོཾ་བཛྲ་པུཉྩེ་ཧཱུྃ། རྡོ་རྗེ་ཆོས་ཀྱི་གླུ་བླངས་པས། ཨོཾ་བཛྲ་དྷརྨཱ་གཱ་ཡ་ནི། ཨོཾ་བཛྲ་ཨཱ་ལོ་ཀེ་ཧཱུྃ༔ རྡོ་རྗེ་ལས་ཀུན་བྱེད་པར་གྱུར། ཨོཾ་བཛྲ་ཀརྨ་ཀ་རོཏྟཱ་ཝེ། ཨོཾ་བཛྲ་གྷནྡྷེ་ཨ། སངས་རྒྱས་ཀུན་བས་སྔར་སངས་རྒྱས། །མི་ཤེས་དྲི་མ་ཀུན་བཅོམ་པ། །ཕྱག་ན་རྡོ་རྗེ་རྒྱལ་དབང་ལ། །དགའ་བའི་བསམས་པས་བསྟོད་པར་བྱ། །ཞེས་པ་ཙམ་མམ། རྒྱས་པར་སྤྲོ་ན། རྡོ་

[Full Size]

རྗེ་རྡོ་རྗེ་འཛིན་རྒྱལ་པོ། །རྡོ་རྗེ་རྡོ་རྗེ་རྡོ་རྗེ་འཛིན། །རྡོ་རྗེ་སྐུ་སྟེ་སྐུ་ཆེ་བ། །ཕྱག་ན་རྡོ་རྗེར་ཕྱག་འཚལ་བསྟོད། །རྡོ་རྗེ་ཡན་ལག་རྡོ་རྗེ་མཆོག །རྡོ་རྗེ་འབར་བ་ཆེར་འབར་བ། །རྡོ་རྗེ་ཤུགས་ཏེ་ཤུགས་ཆེ་བ། །རྡོ་རྗེ་མཚོན་ཆ་རྡོ་རྗེ་ཆེ། །ཕྱག་ན་རྡོ་རྗེ་ཕྱག་ཆེན་པོ། །རྡོ་རྗེ་མདའ་སྟེ་རབ་འབིགས་པ། །རྡོ་རྗེ་རྣོན་པོ་རྣོ་བ་ཆེ། །ཆེ་བའི་ཆེ་བ་རྒྱ་མཚོ་ཆེ། །རྡོ་རྗེ་པདྨ་བྱང་ཆུབ་ཆེ། །བྱང་ཆུབ་སངས་རྒྱས་རང་བྱུང་བ། །རྡོ་རྗེ་རྒྱ་ཆེན་རྒྱ་ཆེན་ཏེ། །རྡོ་རྗེ་སྒྱུ་མ་རྣམ་སྦྱོང་བ། །རྡོ་རྗེ་རྒྱུ་སྟེ་གནོད་སྦྱིན་ཆེ། རྗེ་པདྨོ་རྣམ་སྦྱོང་བ། །རྡོ་རྗེ་ཁྲོ་བོ་མ་རུངས་ཆེ། །རྡོ་རྗེ་དགྲ་སྡང་འཇོམས་པའི་གཙོ། །རྡོ་རྗེ་འཇིགས་པ་སྲུང་བ་ཆེ། །རྡོ་རྗེ་ལྕགས་ཀྱུ་དོན་ཡོད་ཆེ། །རྡོ་རྗེ་རོ་ལངས་རོ་ལངས་ཆེ། །རྡོ་རྗེ་སྲིན་པོ་ཟ་བ་པོ། །རྡོ་རྗེ་གནོད་སྦྱིན་གནོད་སྦྱིན་ཆེ། །རྡོ་རྗེ་གདོན་ཏེ་གདོན་གྱི་མཆོག །འཇིགས་བྱེད་དགྲ་སྟེ་དྲག་པོ་ཆེ། །རྡོ་རྗེ་འཇིགས་བྱེད་རྔམས་བྱེད་པ། །སྒྲུབ་དཀའ་སྒྲུབ་པ་ལེགས་པ་སྟེ། །རྡོ་རྗེ་ལེགས་པ་དགྱེས་མཛད་པ། །རྡོ་རྗེ་དགའ་བ་དགའ་བ་ཆེ། །དགའ་བའི་རྡོ་རྗེ་དབང་བྱེད་པ། །རྡོ་རྗེ་གཟི་བརྗིད་གཟི་བརྗིད་

[Full Size]

ཆེ། །འབར་འོད་གཤིན་རྗེ་མཐར་བྱེད་པ། །རྡོ་རྗེ་དྲག་པོ་དྲག་པོ་ཆེ། །འོད་སྡུག་པས་ནི་སྡུག་པ་ཆེ། །ནམ་མཁའ་དང་ནི་མཉམ་པ་པོ། །རེ་བ་ཐམས་ཅད་རྫོགས་མཛད་པ། །རྡོ་རྗེ་དབང་བསྐུར་རིན་ཆེན་མཆོག །རྡོ་རྗེ་རྒྱལ་མཚན་ཡོན་ཏན་མཚོ། །རྡོ་རྗེ་ཡེ་ཤེས་ཡེ་ཤེས་ཆེ། །རིག་པ་བྱེ་བའི་ཚོགས་ཀྱི་མཆོག །ཧ་ལ་ཧ་ལ་ནག་པོ་ཆེ། །དགྲ་ཆེན་ཞིང་ནི་འཇོམས་པ་ཅན། །རྡོ་རྗེ་འདོད་པ་འདོད་པ་ཆེ། །སྙིགས་མའི་དུས་ངན་རྣམས་སྦྱོང་བ། །སྐད་ཅིག་གཡོ་བའི་ཐེ་ཚོམ་གཅོད། །གློག་བཞིན་ཞལ་གྱི་ལྗགས་ལས་འཕྲོ། །རྡོ་རྗེ་མེ་སྟེ་མ་རུངས་འདུལ། །དྲག་པོ་རབ་སྣང་སྣང་མཛད་པ། །ཉི་མ་སྟོང་གིས་གདུང་བའི་ཞལ། །སྤྱན་དམར་འཇིགས་པ་མཛད་པ་པོ། །ཁྲོ་བོ་དུ་མའི་འོད་བཞིན་འཕྲོ། །ཕྱག་རྣམས་དུ་མའི་མཚོན་ཆ་བརྒྱ། །དུ་མའི་ཞལ་སྟེ་སྐུ་ཡང་སྟོང་། །འཁྱིལ་ཞིང་རྒྱན་ཡང་འཁྱིལ་བ་སྟེ། །སེམས་ཀྱི་ཆོས་ལ་སྐུ་མི་མངའ། །རྣམ་པར་རྟོག་པ་མ་ལུས་སྤངས། །མ་རིག་འཇོམས་པའི་ཚངས་པ་སྟེ། །འདོད་ཆགས་ཞེ་སྡང་སྲིད་མཐར་མཛད། །སྒྱུ་མ་ཁྱབ་འཇུག་རྡོ་རྗེ་ཅན། །རྩེ་གསུམ་རྩེ་གསུམ་འཆང་འཕྲོག་པ། །

[Full Size]

འདོད་ཆགས་ཞེ་སྡང་གཏི་མུག་ཆེ། །སྲིད་དང་སྲིད་མིན་རྣམ་སྦྱོང་བ། །ཞི་ཞིང་དུལ་ལ་དགའ་བ་ཆེ། །སངས་རྒྱས་སངས་རྒྱས་རབ་རྟོགས་པ། །སངས་རྒྱས་བདག་ཉིད་སངས་རྒྱས་སྐུ། །རྡོ་རྗེ་རབ་སྐྱེས་རྡོ་རྗེ་སེམས། །ཀུན་ཏུ་བཟང་པོ་ཆེར་བཟང་པོ། །མཚན་རྣམས་དུ་མས་རབ་བརྒྱན་པ། །ཁམས་གསུམ་བདག་ཉིད་ཁྱབ་པ་པོ། །ཐམས་ཅད་རྡོ་རྗེའི་བདག་ཉིད་གཙོ། །གང་གིས་འདི་བྲིས་བཀླག་གྱུར་ཏམ། །རྟག་ཏུ་འདི་འདོན་འཆང་བྱེད་དང་། །དྲན་ནམ་ཉན་པར་བྱེད་ཀྱང་རུང་། །ཕྱག་ན་རྡོ་རྗེ་འདྲ་བར་འགྱུར། །རྡོ་རྗེ་གནོད་སྦྱིན་ཐབས་ཆེན་པོ། །རྡོ་རྗེ་ཆེ་བ་འཇིགས་པ་ཆེ། །བདུད་འཇོམས་རྡོ་རྗེ་མི་བཟད་པ། །ཕྱག་འཚལ་རྡོ་རྗེ་དྲག་པོ་ལའོ། །བུམ་ལྷ་བྱང་སེམས་ཀྱི་ངོ་བོ་རྡོ་རྗེའི་ཆུ་དང་རོ་གཅིག་པར་གྱུར། རྡོ་རྗེ་གནོད་སྦྱིན་གྱི་དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ་བགེགས་རྣམས་བཟློག་པའི་ཕྲིན་ལས་མཛད་དུ་གསོལ། ཐེབ་ཙེ་གསུམ་དུ་ཅོག་རྡོག་གསུམ་མམ། ཡང་ན་གཏོར་རིལ་གསུམ་ལ། ཨོཾ་ལས་རིན་ཆེན་སྣོད་དུ་གཏོར་མ་རྣམས། །ཨོཾ་ཡིག་ལས་བྱུང་བདུད་རྩིའི་རྒྱ་མཚོར་གྱུར། །ཨོཾ་ཨཱཿཧཱུྃ། དབང་པོ་ལ་

[Full Size]

སོགས་ཕྱོགས་བཅུ་སྐྱོང་བ་བཅུ། །རང་རང་བཙུན་མོ་བློན་པོ་འབངས་འཁོར་བཅས། །འདིར་གཤེགས་དགྱེས་པའི་གདན་ལ་བཞུགས་ནས་ཀྱང་། །སྔོན་གྱི་དམ་ཚིག་དགྱེས་དགོངས་མཆོད་གཏོར་བཞེས། །ཨོཾ་ད་ཤ་དིཀ་ལོ་ཀ་པཱ་ལ་ས་པ་རི་ཝཱ་ར་གྲིཉྩ་དཾ་བ་ལིཾ་ཏྱཱ་སྭཱ་ཧཱ། སརྦ་པཱུ་ཛ་པྲ་ཏིཙྪ་སྭཱ་ཧཱ། ཕྱོགས་བཅུ་སྐྱོང་བའི་དབང་པོ་ཆེན་པོ་བཅུ། །ཕྱོགས་བཅུ་གདོན་གྱི་ཚོགས་དང་བཅས་པ་ལ། །མཆོད་ཅིང་བསྟོད་དེ་ཕྱག་འཚལ་གཏོར་མ་འབུལ། །སོ་སོར་དགྱེས་པའི་ཡིད་ཀྱིས་བཞེས་ནས་ཀྱང་། །རང་རང་ཕྱོགས་རྣམས་ལེགས་པར་སྐྱོང་བ་དང་། །དངོས་གྲུབ་སྩོལ་ཞིང་བགེགས་རྣམས་ཞི་བར་མཛོད། །ཨོཾ་ད་ཤ་དིཀ་ལོ་ཀ་པཱ་ལ་གཙྪ། སྡེ་བརྒྱད་ལ་སོགས་གདོན་གྱི་རིགས་རྣམས་དང་། །གང་དག་འབྱུང་པོ་མཐུ་ཆེན་རྫུ་འཕྲུལ་ཅན། །འཁོར་གཡོག་བུ་སྨད་བཅས་པ་ཐམས་ཅད་ཀུན། །ཕན་པའི་སེམས་ཀྱིས་འདིར་གཤེགས་མཆོད་གཏོར་བཞེས། །ཨོཾ་སརྦ་ལོ་ཀ་པཱ་ལ་གྲིཏྟ་དཾ་བ་ལི་བྱ་སྭཱ་ཧཱ། སརྦ་པཱུ་ཛ་པྲ་ཏཱིཙྪ་སྭཱ་ཧཱ། འབྱུང་པོ་གང་དག་ས་འོག་ས་སྟེང་དང་། །ཆུ་དང་བར་སྣང་ཁམས་ལ་གནས་པ་རྣམས། །མགུ་བར་གྱིས་ལ་མཆོད་སྦྱིན་འདི་

[Full Size]

སྣོམས་ལ། །ལས་རྣམས་འགྲུབ་ཅིང་བར་ཆད་ཞི་བར་མཛོད། །ཨོཾ་སརྦ་བྷུ་ཏ་གཙྪ། རང་ཉིད་རྡོ་རྗེ་ཁྲོ་བོ་གསལ་བར་གྱུར། །བླ་མ་དཀོན་མཆོག་གསུམ་གྱི་བདེན་པའི་མཐུས། །གནོད་བྱེད་བགེགས་ཀྱི་ཚོགས་རྣམས་འདིར་ཁུག་ཅིག །ཊཱ་ཀི་ཧཱུྃ་ཛཿ སརྦ་བིགྷ་ནཱན་གྲིཉྩ་དཾ་བ་ལི་བྱ་སྭཱ་ཧཱ། སརྦ་པཱུ་ཛ་པྲ་ཏིཙྪ་སྭཱ་ཧཱ། གནོད་བྱེད་ལན་ཆགས་བགེགས་ཀྱི་ཚོགས་རྣམས་ཀུན། །གཏོར་མ་འདི་ཁྱེར་གནོད་འཚེའི་བསམ་པ་སྤོང་། །ལུས་ལ་གནོད་པའི་ནད་དེ་ཕྱུངས་ནས་སུ། །གདོན་ཁྱོད་རང་གི་གནས་སུ་ད་སོང་ཞིག །སརྦ་བིགྷ་ནཱན་གཙཱ། ཅེས་ཕྱི་རོལ་དུ་ཕུལ། ༈ དེ་ནས་བདག་འཇུག་བླང་བ་ནི། མདུན་བསྐྱེད་དཀྱིལ་འཁོར་གྱི་གཙོ་བོས་སློབ་དཔོན་གྱི་བྱ་བ་བྱེད་པར་བསྒོམས་ལ། བླ་མ་ལྷར་བཅས་བདག་ལ་དགོངས་སུ་གསོལ། །གླིང་བཞི་རི་རབ་ཉི་ཟླས་བརྒྱན་པ་འབུལ། །སྐྱབས་འགྲོ་སེམས་བསྐྱེད་དམ་ཚིག་བདག་ལ་སྩོལ། །དཀྱིལ་འཁོར་ནང་གཞུག་དབང་རྣམས་བསྐུར་དུ་གསོལ། །སྔར་བྱས་སྡིག་པ་མ་ལུས་སོ་སོར་བཤགས། །དགེ་བ་ཀུན་ལ་རྟག་ཏུ་རྗེས་ཡི་རང་། །དཀོན་མཆོག་གསུམ་ལ་བདག་ནི་སྐྱབས་སུ་མཆི། །འགྲོ་བའི་དོན་དུ་བྱང་ཆུབ་

[Full Size]

སེམས་བསྐྱེད་དོ། །ཕ་རོལ་ཕྱིན་པ་དྲུག་ལ་བསླབ་བགྱི་ཞིང་། །ཁྱད་འཕགས་གསང་སྔགས་དོན་ལ་གནས་པར་བགྱི། །ཚུལ་ཁྲིམས་རྣམ་གསུམ་རིགས་ལྔའི་སྡོམ་པ་དང་། །འགྲོ་བའི་དོན་དུ་སྡོམ་པ་མ་ལུས་བཟུང་། །ལན་གསུམ། ས་མ་ཡ། སློབ་མའི་སྙིང་གར་ཀུན་རྫོབ་དོན་དམ་གྱི། །བྱང་སེམས་ངོ་བོ་ཟླ་བ་རྡོ་རྗེ་གསལ། །རྡོ་རྗེ་སྙིང་གར་བཞག་ལ། ཨོཾ་སུ་ར་ཏེ་ས་མ་ཡ་སཱུ་ཧོ༔ སིདྡྷི་བཛྲ་ཡ་ཐཱ་སུ་ཁཾ། གནས་གསུམ་འཁོར་ལོ་པདྨ་རྡོ་རྗེ་རྣམས། །ཨོཾ་ཨཱཿཧཱུྃ་གི་ཡི་གེས་མཚན་པར་གྱུར། །ཨོཾ་པྲི་ཏ་ཧྲི་ཏ་ཏྲཊ་ཏྲཊ་ཚིནྡྷ་ཚིནྡྷ་སརྦ་ཨ་ཝ་ར་ཎ་ཧཱུྃ་ཕཊ༔ ཅེས་གནས་གསུམ་དུ་རྡོ་རྗེས་རེག །ལུས་ཀྱི་རྩ་གནས་ཉི་ཤུ་རྩ་གཉིས་སུ། །རྡོ་རྗེས་མཚན་པས་རྡོ་རྗེའི་རང་བཞིན་གྱུར། །ཨོཾ་སརྦ་བིད་བཛྲ་ཨ་དྷིཥྛ་ན་ཛྙཱ་ན་ས་མ་ཡེ་ཧཱུྃ། རྗེས་ཟློས། བདག་གི་དགེ་འདིས་འགྲོ་ཀུན་སངས་རྒྱས་ཤོག ༈ །དཀྱིལ་འཁོར་འདིར་ཞུགས་མྱུར་དུ་འཚང་རྒྱ་བས། །ཁྱེད་རྣམས་རྙེད་པ་རབ་རྙེད་དགའ་བར་གྱིས། །སྔགས་འདི་ལན་གསུམ་གྱིས་བསྲུང་། ཨོཾ་ཨཱབི་ག་ནཱན་ཏ་ཀྲྀཏ་ཧཱུྃ་ཕཊ། གདོང་གཡོགས་བྱིན་ལ། ཨོཾ་བཛྲ་ཡཀྵ་ཧཱུྃ། མེ་ཏོག་གཏད་ལ། ཨོཾ་བཛྲ་ཨདྷི་ཏིཥྛ་ཧཱུྃ། ཁྱེད་རང་དཀྱིལ་འཁོར་ནང་དུ་

[Full Size]

ཞུགས་པར་བསྒོམས། ཨོཾ་བཛྲ་ས་མ་ཡ་ཧཱུྃ། རྒྱལ་བ་ཀུན་གྱི་བྱིན་རླབས་ཧཱུྃ་ཡིག་གི །རྣམ་པ་ཆར་བཞིན་བབས་ནས་སློབ་མར་ཐིམ། །ཨོཾ་བཛྲ་པྲ་ཝེ་ཤ་ཡ་ཧཱུྃ༔ ཞེས་མང་དུ་བརྗོད་ཅིང་དྲིལ་བུ་འཁྲོལ། སྤྱི་བོར་རྡོ་རྗེ་རྒྱ་གྲམ་བཞག་ལ། ཨ་ས་མེ་ཏྲི་ས་མེ་མ་ཧཱ་ས་མ་ཡེ་ཧཱུྃ། དཀྱིལ་འཁོར་ནང་དུ་མེ་ཏོག་གཏོར་བཅུག་སྟེ། ཨོཾ་པྲ་ཏིཙྪ་ས་མ་ཡ་ཧཱུྃ། མེ་ཏོག་དེ་སྤྱི་བོར་བཞག་ལ། པྲ་ཏི་ཧྲིཉྩ་ཧཱུྃ། རྡོ་རྗེས་མིག་དར་བསལ་ཞིང་། ཨོཾ་བཛྲ་ཧཱ་སྱ་ཨུདྨ་ཊ་ཡ་ཧཱུྃ། ཨོཾ་བཛྲ་པ་ཤྱ་ཧཱུྃ། མདུན་གྱི་ནམ་མཁར་བཅོམ་ལྡན་ཀུན་རིག་གི །དཀྱིལ་འཁོར་ལྷ་ཚོགས་ཚོ་དངོས་སུ་མཐོང་བར་གྱུར། །དམ་ཆུ་བྱིན་ཅིང་། ཨོཾ་བཛྲ་ས་མ་ཡ་ཧཱུྃ་ཕཊ། ཨོཾ་བཛྲ་ས་མ་ཡ་ཧྲི་ད་ཡ་མེ་པྲ་ཝེ་ཤ་ཡ་དྲི་ཌྷ་ཏིཥྛཧཱུྃ། དམ་ཚིག་བདུད་རྩིའི་ཆུ་འདི་འཐུང་ནས་སུ། །དམ་ཚིག་བསྲུངས་ན་དངོས་གྲུབ་ཐམས་ཅད་ཐོབ། །གལ་ཏེ་ཉམས་ན་སྡུག་བསྔལ་ཐམས་ཅད་སྐྱེད། །དེ་བས་དུས་རྣམས་རྟག་ཏུ་བུ་ཁྱོད་ཀྱིས། །དཀོན་མཆོག་གསུམ་དང་བྱང་སེམས་བླ་མ་ལྷ། །སྙིང་པོ་སྔགས་དང་ཕྱག་རྒྱ་མི་སྤང་ཞིང་། །རྩ་བ་བཞི་སྲུང་ལྷ་སྔགས་ཐེ་ཚོམ་སྤོངས། །རྡོ་རྗེ་སྤྱི་བོར་བཞིག་ལ་རྩ་རིག་དང་། ཨོཾ་ཧཱུྃ་ཏྲཱྃ་ཧྲཱིཿཨཱཿཿསྭཱ་ཧཱ། ཅེས་རྡོ་རྗེ་སྤྱི་བོའི་

[Full Size]

གནས་ལྔར་བཞག་ལ། རིན་ཆེན་མཛེས་པའི་བཀྲ་ཤིས་བུམ་པ་འདིས། །སྐལ་ལྡན་སྐྱེས་བུ་ཁྱོད་ལ་དབང་བསྐུར་བས། །ལས་དང་ཉོན་མོངས་སྒྲིབ་པ་ཀུན་དག་ནས། །བྱང་ཆུབ་སེམས་ཀྱི་རླན་གྱིས་བརླན་པར་ཤོག །ཨོཾ་བུདྡྷ་བཛྲ་རཏྣ་པདྨ་ཀརྨ་ཀ་ལཱ་ཤ་ཨ་བྷི་ཥིཉྩ་ཨོཾ་ཧཱུྃ་ཏྲཾ་ཧྲཱིཿཨཱཿཙཀ་ལི་གཅིག་ཏུ་དབུ་རྒྱན་མེ་ཏོག་ཕྲེང་བ་དར་གྱི་ཅོད་པན་བྲིས་པ་ཐོགས་ལ། རིགས་ལྔའི་དབུ་རྒྱན་མེ་ཏོག་ཕྲེང་བ་དང་། །དར་གྱི་ཅོད་པན་འདི་ཡིས་དབང་བསྐུར་བས། །རིགས་ལྔའི་སྐུ་ཐོབ་འགྲོ་དོན་ཕུན་སུམ་ཚོགས། །ཤེས་བྱ་ཀུན་ལ་ཐོགས་མེད་མཁྱེན་པར་ཤོག །ཨོཾ་ཧཱུྃ་ཏྲཾ་ཧྲཱིཿསཿ རཏྣ་མཱ་ལ་པཊྚ་ཨ་ཝ་ལཾ་བྷྱོ་དྷ་ར་ཎ་ཨ་བྷི་ཥིཉྩ་ཧཱུྃ་སྭཱ་ཧཱ། དེ་ནས་རིགས་ལྔའི་ཕྱག་མཚན་ཙཀ་ལི་གཅིག་ཏུ་བྲིས་པ་ཐོགས་ལ། རིགས་ལྔའི་ཕྱག་རྒྱ་སྤྱི་བོར་བཞག་པ་དང་། །ལག་ཏུ་གཏད་ནས་ཁྱོད་ལ་དབང་བསྐུར་བས། །ཡོན་ཏན་ལྔ་རྫོགས་ཡེ་ཤེས་ལྔ་རྟོགས་ཕྱིར། །རྡོ་རྗེ་སེམས་དཔའ་ཁྱོད་ཀྱིས་ཟུང་། །འདོད་པའི་དོན་རྣམས་འགྲུབ་པར་འགྱུར། །རིན་ཆེན་འབྱུང་ལྡན་ཁྱོད་ཀྱིས་ཟུང་། །འདོད་པའི་དོན་རྣམས་འགྲུབ་པར་འགྱུར། །སྣང་བ་མཐའ་ཡས་ཁྱོད་ཀྱིས་ཟུང་། །འདོད་པའི་དོན་རྣམས་འགྲུབ་པར་འགྱུར། །དོན་

[Full Size]

ཡོད་གྲུབ་པ་ཁྱོད་ཀྱིས་ཟུང་། །འདོད་པའི་དོན་རྣམས་འགྲུབ་པར་འགྱུར། །བཅོམ་ལྡན་ཀུན་རིག་ཁྱོད་ཀྱིས་ཟུང་། །འདོད་པའི་དོན་རྣམས་འགྲུབ་པར་འགྱུར། །ཨོཾ་བུདྡྷ་བཛྲ་རཏྣ་པདྨ་ཀརྨ་མུ་དྲ་ཨ་བྷི་ཥིཉྩ་ཨོཾ་སྭཱ་ཧཱ། ཧཱུྃ་སྭཱ་ཧཱ། ཧཱུྃ་སྭཱ་ཧཱ། ཧཱུྃསྭཱ་ཧཱ། ཨཱཎྞསཱ་ཧཱ། ཙཀ་ལི་གཅིག་ཏུ་རྡོར་དྲིལ་སྣ་ཚོགས་རྡོ་རྗེ་འཁོར་ལོ་བྲིས་པ་ཐོགས་ལ། ཁྱོད་མིང་དཔལ་ལྡན་རྡོ་རྗེ་སེམས་དཔའ་སྟེ། །བུད་མེད་ཡིན་ན་སེམས་མ། མིང་གི་དབང་གིས་མ་འོངས་སངས་རྒྱས་ཤོག །རྒྱ་གྲམ་དབང་གིས་ཕྲིན་ལས་མཐར་ཕྱིན་ཅིང་། །འཁོར་ལོའི་དབང་གིས་ཆོས་འཁོར་བསྐོར་བར་ཤོག །ཨོཾ་བཛྲ་ནཱ་མ་ཀརྨ་ཙཀྲ་ཨ་བྷི་ཥིཉྩ་ཧཱུྃ། ཙཀ་ལི་རྡོར་སེམས་བྲིས་པ་དེའི་གཡས་ངོས་སུ་རིགས་ལྔའི་ཕྱག་མཚན་གཡོན་དུ་ཡུམ་ལྔའི་ཕྱག་མཚན་བྲིས་པ་ཐོགས་ལ། །རིགས་ཀྱི་བདག་དང་རིགས་ལྔའི་ཕྱག་མཚན་དང་། །ཡུམ་ལྔའི་ཕྱག་རྒྱར་བཅས་པས་དབང་བསྐུར་བས། །སློབ་མ་རྡོ་རྗེ་སེམས་དཔའི་སྐུ་རུ་གྱུར། །དཀྱིལ་འཁོར་ཀུན་གྱི་བདག་པོར་འགྱུར་བ་དང་། །གསང་རྒྱུད་དོན་རྟོགས་གསང་བའི་སྣོད་ལྡན་ཤོག །བུདྡྷ་བཛྲ་རཏྣ་པདྨ་ཀརྨ་ཙཀྲ་དྷ་ར་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱ། རྡོར་དྲིལ་བྲིས་པ་གཏད་ལ། རྒྱལ་བ་བྱང་ཆུབ་

[Full Size]

བླ་མེད་དོན་རྟོགས་པ། །ཡེ་ཤེས་མཆོག་དེ་དཀྱིལ་འཁོར་སྙིང་པོར་གསུངས། །ཕྱིན་ཆད་ང་ཡི་བཀའ་ལ་མ་འདའ་ཞིག །རྡོར་དྲིལ་དབང་གིས་ཐབས་ཤེས་ཟུང་འཇུག་ཤོག །ཨོཾ་པྲ་ཛྙཱ་ཨུ་པཱ་ཡ་ས་མ་ཡ་ཡོ་ག་ཨ་བྷི་ཥིཉྩ་ཧཱུྃ་ཨཱ༔ བསྡུ་ན་རྒྱལ་སྲིད་ཙཀ་ལི་གཅིག་ཏུ་བྲིས་པ་ཐོགས་ལ། མི་ཡི་དབང་ཕྱུག་འཁོར་ལོ་ཐོབ་པ་དང་། །སྡིག་པ་གཞོམ་ཕྱིར་དབང་ནི་བསྐུར་བར་བྱ། །ཨོཾ་སཔྟ་རཏྟ་ཨ་བྷི་ཥིཉྩ་མཱི། རྒྱས་པར་སྤྲོ་ན་རྒྱལ་སྲིད་ཙཀ་ལི་སོ་སོར་བྲིས་པ་ཐོགས་ལ། ལྷ་རྫས་ལས་བྱས་ལྟེ་བ་ཤིན་ཏུ་ཟླུམ། །རྩིབས་སྟོང་ལྡན་ཞིང་མུ་ཁྱུད་རབ་མཉམ་བཟང་། །དང་པོའི་སར་གནས་རྣམ་པར་རྒྱལ་གྱུར་གང་། །འཁོར་ལོ་རིན་ཆེན་དམ་པས་དབང་བསྐུར་རོ། །ཨོཾ་ཙཀྲ་རཏྣ་ཨ་བྷི་ཥིཉྩནྟཾ། རིན་ཆེན་ངོ་བོ་ལྷ་རྫས་བཻཌཱུརྱ། །ཀུན་ཏུ་དཔག་ཚད་ཙམ་དུ་སྣང་བྱེད་ཅིང་། །དྲི་མེད་ཉིན་མོ་ཇི་བཞིན་མཚན་དེ་བཞིན། །ནོར་བུ་རིན་ཆེན་དམ་པས་དབང་བསྐུར་རོ། །ཨོཾ་མ་ཎི་རཏྟ་ཨ་བྷི་ཥིཉྩནྟཾ། གཟུགས་མཛེས་ལྟ་ན་སྡུག་ཅིང་ཚུལ་བཟང་མ། །པགས་པའི་མདོག་ལེགས་འཇམ་ཞིང་དྲི་མཆོག་ལྡན། །ཡིད་འོང་འདོད་དགུའི་རེག་བྱ་དང་ལྡན་པའི། །བཙུན་མོ་རིན་ཆེན་དམ་པས་དབང་བསྐུར་

[Full Size]

རོ། །ཨོཾ་པཱི་རཏྣ་ཨ་བྷི་ཥིཉྩནྟཾ། གང་ཡང་རྒྱལ་བ་མུ་ཏིག་མདངས་ལྡན་པས། །གསེར་སོགས་མང་པོ་ཐུབ་ལ་ཕུལ་བ་ལྟར། །བཟོད་ལྡན་མཚུངས་པའི་ཁྱིམ་བདག་ནོར་ལྡན་ཏེ། །བློན་པོ་རིན་ཆེན་དམ་པས་དབང་བསྐུར་རོ། །ཨོཾ་པུ་རུ་ཥ་རཏྣ་ཨ་བྷི་ཥིཉྩ་མཱི། ཡན་ལག་ཐམས་ཅད་ལེགས་སྐྱེས་ས་ལ་ནི། །རབ་གནས་གངས་ཅན་རི་འདྲ་གླང་པོ་ཆེ། །རྒྱལ་པོ་ལ་འོས་མཁའ་ལ་རབ་འགྲོ་བའི། །གླང་པོ་རིན་ཆེན་དམ་པས་དབང་བསྐུར་རོ། །ཨོཾ་ཧསྟི་རཏྣ་ཨ་བྷི་ཥིཉྩནྟཾ། ཐོ་རངས་དུས་སུ་ཕྱོགས་རྣམས་མ་ལུས་པའི། །ས་རྣམས་བསྐོར་ནས་སླར་ཡང་ལྡོག་གྱུར་པ། །རྨ་བྱའི་མགྲིན་པའི་སྤུ་ལྟར་ཡིད་འོང་བའི། །རྟ་མཆོག་རིན་ཆེན་དམ་པས་དབང་བསྐུར་རོ། །ཨོཾ་རུ་རཾ་ག་ཨ་ཤྭ་རཏྣ་ཨ་བྷི་ཥིཉྩནྟཾ། འགྲོ་དང་ལྡོག་དང་ཀུན་ནས་འོང་གྱུར་པའི། །མ་ལུས་བདུད་དཔུང་འཇིགས་པར་བྱེད་པ་སྟེ། །དཔལ་ལྡན་འབྱོར་པའི་དཔུང་དང་བཅས་པ་ཡི། །དམག་དཔོན་རིན་ཆེན་དམ་པས་དབང་བསྐུར་རོ། །ༀ་ཁདྨ་རཏྣ་ཨ་བྷི་ཌིཉྩ་མཱི། རྡོ་རྗེ་སློབ་དཔོན་སྤུན་སོགས་མི་བརྙས་ཤིང་། །སྙིང་རྗེ་ཆེན་པོས་བསྒྲུབས་ན་མྱུར་དུ་འགྲུབ། །རྗེས་ཟློས།

[Full Size]

ཁས་བླངས་དམ་ཚིག་ཀུན་བསྲུང་དངོས་ཀུན་འབུལ། །དེང་ནས་ཁྱོད་ཀྱི་སློབ་མར་བཟུང་དུ་གསོལ། །བདག་འཇུག་ཡིན་ན། ཨོཾ་བཛྲ་དྷ་ར། རཏྣ་དྷ་ར། པདྨ་དྷ་ར། བི་ཤཱ་དྷ་ར། ཏ་ཐཱ་ག་ཏ་ས་མ་ཡ་མཱ་ཏི་ཀྲ་མ་ཏི་ཏ་ཐཱ་ག་ཏ་དྷ་ར་ས་མ་ཡོཉཧཾ། དེ་ནས་ལྷོ་སྒོའི་སྐོར་ནི། མིང་བྱང་གི་ཆོ་ག་ནི་རོའམ་ཤོག་བུ་ལ་ཚེ་འདས་ཀྱི་གཟུགས་ཀྱི་སྙིང་གར་ས་བོན་ནིའི་འོག་ཏུ་མིང་བྱང་དང་བཅས་པ་བྲིས་པའམ། བསྡུ་ན་ས་བོན་ཙམ་བྲིས་ཀྱང་རུང་སྟེ། དེ་ལ་དམིགས་ནས། སྐད་ཅིག་ནི་ཡིག་ཡོངས་གྱུར་ལས། །མདུན་དུ་ཚེ་ལས་འདས་པ་ནི། །གསོན་པོའི་རྣམ་པ་ཇི་ལྟ་བར། །ཡོངས་།སུ་རྫོགས་པ་གསལ་བར་གྱུར། །དཀོན་མཆོག་གསུམ་གྱི་བདེན་པ་དང་། །བདེན་པ་ཆེན་པོས་ཚེ་འདས་ཀྱི། །རྣམ་ཤེས་དག་པའི་ཞིང་མ་གཏོགས། །རིགས་དྲུག་བར་དོ་གར་གནས་ཀྱང་། །སྐད་ཅིག་རྟེན་འདིར་མཆིས་གྱུར་ཅིག །བཛྲ་སཏྭ་ཧཱུྃ་ཛཿ ཛཿཧཱུྃ་བཾ་ཧོཿ ཞེས་ལྕགས་ཀྱུའི་ཕྱག་རྒྱ་རྟེན་གྱི་སྤྱི་བོར་བཞག་གོ །ལྟུང་བ་སློང་བའི་ཕྱག་རྒྱས། ཨོཾ་ཤོ་དྷ་ནེ་ཤོ་དྷ་ནེ་སརྦ་ཨ་པཱ་ཡ་ཨ་པཱ་ཡ་ཧཱུྃ། སྡིག་པ་འཇོམས་པའི་ཕྱག་རྒྱས། ཨོཾ་སརྦ་བིད་སརྦ་པཱ་པཾ་བི་ཤ་དྷ་ནེ་ཧཱུྃ། དེ་བཀྲོལ་བས། ཨོཾ་སརྦ་བིད་ཏཊ། ཞེས་སྡིག་པ་དྲལ། དཀར་གཏོར་དང་ཆངས་བུ་ཏིང་ལོ་བྲན་

[Full Size]

ལ། ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཾ་ཨདྱ་ནུཏྤནྣ་ཏྭ་ཏ་ཨོཾ་ཨཱཿཧཱུྃ་ཕཊ་སྭཱ་ཧཱ། ཞེས་བྱིན་གྱིས་བརླབས་ནས། ན་མ་སརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱ༔ སརྦ་ཐཱ་ཁཾ་ཨུཏཱ་ཏེ་སྤ་ར་ཎི་ཨི་མཾ་ག་ག་ན་ཁཾ་གྲིབྷ་དཾ་བ་ལི་བྱ་སྭཱ་ཧཱ། ཞེས་རྟེན་ལ་གཡས་གཡོན་དུ་བསྐོར་ཏེ་དོར་བ་ཞི་སྦྱངས། ཨོཾ་སུམྦྷ་ནི་སོགས། སྔར་ལྟར་བསྐོར་ཞིང་དོར་བ་ཕྱེད་སྦྱོང་། དཀོན་མཆོག་གསུམ་གྱི་བདེན་པ་དང་། །བདེན་པ་ཆེན་པོས་ཚེ་འདས་ཀྱི། །མཐོ་རིས་ཐར་པའི་གེགས་བྱེད་རྣམས། །གཏོར་མ་འདི་ཡིས་ཚིམས་པར་གྱིས། །གནོད་འཚེ་སྤོངས་ལ་རང་གནས་དེངས། །ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ང་ནི་གནས་འདིར་ཚེ་འདས་སྒྲིབ་པ་སྦྱོང་། །ཁྱོད་རྣམས་འདི་ནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་ནི་འགས་གྱུར་ཞིང་། །བགེགས་རྣམས་བརླག་པར་འགྱུར་བ་གདོན་མི་ཟ། །ཨོཾ་སུམྦྷ་ནི་སོགས། ཡུངས་དཀར་རམ་ནས་ཀྱིས་བྲབ། མེ་ཆུ་ཏིལ་སོགས་བཤམས་ལ། ཚེ་འདས་རྒྱུད་ཀྱི་སྡིག་སྒྲིབ་རྣམས། །ཀཾ་ལས་སྡིག་པ་རྭ་ཅན་གྱི། །རྣམ་

[Full Size]

པར་མདུན་གྱི་ཏིལ་ལ་ཐིམ། །མེ་ཉིད་ཞི་བའི་ཐབ་ཁུང་ནང་། །ཁྲོ་བོ་ཧཱུྃ་མཛད་ཞལ་གདངས་པའི། །ནང་དུ་སྡིག་པ་བསྲེགས་པར་གྱུར། །ཨོཾ་སརྦ་པཱ་པཾ་ད་ཧ་ན་བྷསྨིན་ཀུ་རུ་ཧཱུྃ་སྭཱ་ཧཱ། ཞེས་ཏིལ་མེར་བསྲེག་ཆུར་དོར། མེ་ཆུ་ནང་དུ་བླུགས་ཏེ་དོར་རོ། །བྱེ་མའམ་ཐལ་བ་གཙང་མ་སྔགས་ལ་བྲབ། རྩ་རིག་གི་མཐར་ཚེ་ལས་འདས་པའི་སྡིག་སྒྲིབ་ཐམས་ཅད་ཤཱནྟི་ཀུ་རུ་སྭཱ་ཧཱ། ཞེས་བྲབ་ལ་འབབས་ཆུར་དོར། མེ་ལོང་ལ་དཀྱིལ་འཁོར་གྱི་གཟུགས་བརྙན་ཤར་བ་ལ་རྣམ་རྒྱལ་ཆུས་ཁྲུས་གསོལ་ཞིང་། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་བསྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། །རས་གཙང་གིས་ཕྱི་ཚུལ་བྱ་ཞིང་། དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །ཨོཾ་ཧཱུྃ་ཏྲཱྃ་ཧྲཱིཿཨཱཿ༔ སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ན་ཡེ་སྭཱ་ཧཱ། གོས་ཟུང་ཐོགས་ལ། དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །ཨོཾ་བཛྲ་ཝས་ཨཱཿཧཱུྃ། ཁྲུས་ཆུ་བུམ་པ་གཞན་དུ་བླུགས་ཏེ། དམིགས་རྟེན་གྱི་གཟུགས་བརྙན་བཀྲུ་ཞིང་། འདི་ནི་ཕྱིན་དྲུག་རང་བཞིན་ཆུ། །ཉོན་དྲུག་དྲི་མ་

[Full Size]

སྦྱོང་མཛད་ཅིང་། །ཕྱིན་དྲུག་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཆུ་བོ་དྲུག་གིས་ཁྲུས་བྱས་པས། །བག་ཆགས་རྣམ་དྲུག་སྦྱངས་ནས་ནི། །གང་ལ་ཉེས་པ་མི་མངའ་བའི། །ཁྲུས་ལེགས་མཛད་ལ་ཕྱག་འཚལ་ལོ། །དྲི་ཆུ་དྲུག་གིས་ཁྲུས་བྱས་པས། །དྲི་མ་རྣམ་དྲུག་སྦྱོང་མཛད་ཅིང་། །རྒྱ་ཆེན་ཡོན་ཏན་དྲུག་ལྡན་པ། །ཁྲུས་ལེགས་མཛད་ལ་ཉེས་མི་མངའ། །དྲི་མ་རྣམ་དྲུག་དག་པ་ཡི། །ཡོན་ཏན་ཐམས་ཅད་དང་ལྡན་པ། །སངས་རྒྱས་ཐམས་ཅད་མཆོད་དོན་དུ། །དད་པས་བདག་གིས་ཁྲུས་བགྱིའོ། །ཤོ་ལོ་ཀ་རེ་རེའི་མཐར་རྩ་རིག་བརྗོད་ནས། ཚེ་ལས་འདས་པའི་ཕར་ཕྱིན་དྲུག་གི་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ཞེས་བཀྲུ། འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །དཀོན་མཆོག་གསུམ་པོ་དུག་མི་མངའ། །དཀོན་མཆོག་བདེན་པས་དུག་བཅོམ་མོ། །རྩ་རིག་དང་། །ཨུ་ཚེ་ལས་འདས་པའི་དུག་གསུམ་གྱི་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། འབྱུང་བཞི་དུག་གི་ཕ་ཡིན་ཏེ། །འབྱུང་བཞི་དུག་གི་མ་ཡང་ཡིན། །བདེན་པའི་བདེན་ཚིག་འདི་དག་

[Full Size]

གིས། །ཚེ་འདས་དུག་ནི་དུག་མེད་ཤོག །རྩ་རིག་དང་། ཚེ་ལས་འདས་པའི་འབྱུང་བ་དང་འབྱུང་བ་ལས་གྱུར་པའི་དུག་ཐམས་ཅད་ཤཱནཾ་ཀུ་རུ་སྭཱ་ཧཱ། སངས་རྒྱས་བསོད་ནམས་མཐུ་དག་དང་། །ལྷ་རྣམས་ཀུན་གྱི་བསམ་པ་ཡིས། །ཁྱོད་ཀྱི་འདོད་དོན་གང་ཡིན་པ། །དོན་དེ་དེ་རིང་འགྲུབ་གྱུར་ཅིག །རྐང་གཉིས་ཁྱེད་ཅག་བདེ་ལེགས་ཤོག །རྐང་བཞི་ཁྱེད་ཅག་བདེ་ལེགས་ཤོག །ཁྱེད་ཅག་ལམ་འགྲོ་བདེ་ལེགས་ཤོག །ཕྱིར་འོང་དག་ཀྱང་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་ཤོག །ཁྱེད་ལ་སྡིག་པར་མ་གྱུར་ཅིག །དེ་ནས་ཉེ་དུས་བྱང་བུ་བཟུང་ནས་ཕྱག་འཚལ་དུ་བཅུག་ལ། གཙོ་བོ་རྒྱལ་བ་འགྲོ་བའི་མགོན། །འགྲོ་བ་སྐྱོབས་པའི་དོན་བརྩོན་པ། །སྟོབས་ཆེན་འཇིགས་པ་ཀུན་སེལ་ལ། །ཚེ་འདས་སྐྱབས་སུ་མཆི་ལགས་སོ། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་མཛད་དང་། །བྱང་ཆུབ་སེམས་དཔའི་ཚོགས་ལ་ཡང་། །དེ་བཞིན་ཚེ་འདིས་སྐྱབས་སུ་མཆི། །ཚེ་འདས་འཇིགས་པས་རྣམ་སྐག་ནས། །ཀུན་ཏུ་བཟང་ལ་ཚེ་འདས་

[Full Size]

འབུལ། །འཇམ་པའི་དབྱངས་ལ་བདག་ཉིད་ཀྱིས། །ཚེ་འདས་ལུས་འདི་འབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་བའི། །སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །སྡིག་ལྡན་འདི་ལ་བསྐྱབ་ཏུ་གསོལ། །འཕགས་པ་ནམ་མཁའི་སྙིང་པོ་དང་། །ས་ཡི་སྙིང་པོ་དག་དང་ནི། །ཐུགས་རྗེའི་བདག་ཉིད་ཐམས་ཅད་ལ། །སྐྱབས་འཚོལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཅུར་འབྱེད་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱེད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། །ཁྱེད་ལ་སྐྱབས་སུ་མཆི་ལགས་ཀྱི། །འཇིགས་ལས་མྱུར་དུ་བསྐྱབ་ཏུ་གསོལ། །བློ་ཀ་རྗེས་མ་ལན་གསུམ་བརྗོད། ༈ དེ་ནས་གོང་ལྟར་དབང་བསྐུར། དེ་ལྟར་དབང་བསྐུར་བས་ཚེ་འདས་ལྷའི་ངོ་བོར་གྱུར། ཟས་གོས་སོགས་བཤམས་ལ་བསང་སྦྱང་། ཨོཾ་ལས་འདོད་ཡོན་ནམ་མཁའ་གང་བར་གྱུར། ཨོཾ་བཛྲ་སྤ་ར་ཎ་ཁཾ། ཕྱོགས་དུས་ཀུན་ན་གཟུགས་སྒྲ་དྲི་རོ་རེག །འདོད་ཡོན་ཁྱད་པར་འཕགས་པ་ཅི་མཆིས་པ། །མོས་བློས་ཚེ་འདས་

[Full Size]

ལྷ་ལ་བདག་འབུལ་ན། །བཞེས་ནས་བླ་མེད་བྱང་ཆུབ་ཐོབ་པར་ཤོག །བཛྲ་སཏྭ་ས་པ་རི་ཝཱ་ར་རཱུ་པ་ཤབྡ་གནྡྷེ་ར་ས་སྤྱནྡྷེ་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། ཚེ་འདས་འདོད་པའི་ཡོན་ཏན་གཟུགས་སྡུག་པ་སྒྲ་སྙན་པ་དྲི་ཞིམ་པ་རོ་མངར་བ་རེག་བྱ་འཇམ་པ་ལ་སོགས་ཐམས་ཅད་ལ་མ་ཆགས་པར་ལོངས་སྤྱོད་པར་གྱུར་ཅིག །ནུབ་ཐ་མ་རྟེན་ལ་མེ་སྦར་ཏེ་རྒྱས་པར་ཀུན་རིག་བཞིན་དང་། བསྡུ་ན། ཚེ་འདས་རྒྱུད་ཀྱི་མ་དག་པའི། །ཕུང་པོ་ཁམས་དང་སྐྱེ་མཆེད་རྣམས། །སྐུ་ལྔ་ཡེ་ཤེས་ལྔ་ཡི་མེས། །བསྲེགས་པས་བྱང་ཞིང་དག་པར་གྱུར། །ན་མོ་བྷ་ག་ཝ་ཏེ་སོགས། རྩ་རིག་བརྗོད་ཅིང་མིང་བྱང་བསྲེགས་པའི་ཐལ་བ་གཙང་སར་དོར། ལམ་སྦྱོང་ནི། དཀོན་མཆོག་རིན་ཆེན་དཔལ་ཞིང་དུ། །དཀོན་མཆོག་རིན་ཆེན་ལས་བྱུང་བ། །དཀོན་མཆོག་རིན་ཆེན་འོད་ཟེར་གྱིས། །རིན་ཆེན་ཕྲེང་བ་རྣམ་དག་པའི། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བླ་ན་མེད་པའི་ཁྱད་པར་ལམ། །བྱང་ཆུབ་བར་ཆད་མེད་པའི་ལམ། །རྣམ་པར་གྲོལ་བའི་ལམ་དག་ལ། །བརྟེན་ནས་སྡིག་པ་ཀུན་སྦྱངས་ཏེ། །འཕགས་པའི་ལམ་དེར་འགྲོ་བར་ཤོག །ཨོཾ་རཏྟེ་རཏྠེ་མ་ཧཱ་རཏྟེ། །

[Full Size]

རཏྣ་སཾ་བྷ་ཝེ། རཏྣ་ཀི་ར་ཎེ། རཋེ་མཱ་ལ་བི་ཤུདྡྷེ་ཤོ་དྷ་ཡ་སརྦ་པཱ་པཾ་ཧཱུྃ་ཕཊ། པདྨོ་འདམ་གྱིས་མ་གོས་ལྟར། །སྲིད་གསུམ་དྲི་མས་མ་གོས་ཤིང་། །སྲིད་པའི་པདྨོ་ལས་བྱུང་བའི། །བདེ་བ་ཅན་དུ་སྐྱེ་བར་ཤོག །ཨོཾ་པདྨེ་པདྨེ། པདྨ་སཾ་བྷ་ཝ་མ་ཧཱ་སུ་ཁ་ཝ་ཏི་གཙྪནྟ་སྭཱ་ཧཱ། ཞེས་མེ་ཏོག་དོར། ཚེ་ལས་འདས་པའི་རྣམ་ཤེས་ཡེ་ཤེས་ལྷསེམས་དཔའ་དང་དབྱེར་མེད་པ་བདེ་བ་ཅན་གྱི་ཞིང་དུ་གཤེགས་ཤིང་པདྨ་ལ་བརྫུས་ཏེ་སྐྱེས་པ་ན་བྱང་ཆུབ་སེམས་དཔའི་སྙིང་པོ་རྣམས་ཀྱིས་མཆོད། བཅོམ་ལྡན་འདས་འོད་དཔག་ཏུ་མེད་པའི་ཞལ་མཐོང་ཞིང་གདམས་པ་དང་རྗེས་སུ་བསྟན་པ་ཟབ་མོ་ཐོབ་པས། དེ་དག་རྡོ་རྗེ་སློབ་དཔོན་གྱི་ཆོ་གའི་མཐུ་ཡིན་པར་ཤེས་ནས་སྐད་ཅིག་གིས་འོང་སྟེ། །ཨེ་མ་སངས་རྒྱས་ཐམས་ཅད་ཀྱི། །སྔགས་ཀྱི་བྱིན་རླབས་ཡ་མཚན་ཆེ། །གང་ཕྱིར་མཚམས་མེད་ལྟུང་བ་ཡི། །སེམས་ཅན་ལྷ་གནས་མྱུར་དུ་སྐྱེས། །ཞེས་ཆེད་དུ་བརྗོད་པ་དང་ཕྱག་མཆོད་ཕུལ་ནས། སླར་བདེ་བ་ཅན་གྱི་ཞིང་དུ་གཤེགས་པར་གྱུར། ཨོཾ་སརྦ་བུདྡྷ་ཀྵེ་ཏྲ་གཙནྟ་སྭཱ་ཧཱ། དེ་ནས་རྗེས་ཆོག་ནི། ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས། ཤབྡ་པྲ་ཏཱིཙྪ་སྭཱ་ཧཱ། ཆོས་

[Full Size]

དབྱིངས་ཡེ་ཤེས་རྣམ་པར་དག །རྣམ་པར་སྣང་མཛད་བཅོམ་ལྡན་འདས། །ཏིང་ངེ་འཛིན་ལྡན་ཕྱག་རྒྱ་ཅན། །ཕྱག་འཚལ་བཅོམ་ལྡན་ཀུན་རིག་ལ། །ལྷ་རྣམས་ནོངས་པ་གང་མཆིས་བཟོད་པར་གསོལ། །སྐུ་གསུང་ཐུགས་རྟེན་འདི་ལ་བརྟན་པར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །དམ་ཚིག་པ་རྣམས་རང་ལ་ཐིམ་གྱུར་ཏེ།། །བདག་བསྐྱེད་མཐའ་ནས་དབུས་ཡལ་སྟོང་པར་གྱུར། །འདི་ལྟར་བགྱིས་པའི་བསོད་ནམས་དཔག་མེད་དེས། །བདག་དང་བདག་ལ་འབྲེལ་ཐོགས་སེམས་ཅན་ཀུན། །བདེ་བ་ཅན་གྱི་ཞིང་དུ་སྐྱེ་ཕྱིར་བསྔོ། །རྒྱལ་བའི་དཀྱིལ་འཁོར་བཟང་ཞིང་དགེ་བ་དེར། །པདྨོ་དམ་པ་ཤིན་ཏུ་མཛེས་ལས་ཀྱིས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་ཐོབ་པར་ཤོག །སོགས་སྨོན་ལམ་བྱ། ཞེས་པ་འདི་ཀཐོག་ཕྱོགས་ཀྱི་བླ་མ་ཀུན་བཟང་ཤེས་རབ་དང་། སྨར་ཤོད་གོ་འཇོའི་ཡུལ་ནས་འོང་བའི་དགེ་བཤེས་མང་པོའི་གསུང་གི་བསྐུལ་བ་ལ་བརྟེན་ནས། དགོངས་གཏེར་ཐུགས་ཀྱི་ཀློང་བརྡོལ་ལས་བྱུང་བའི་ཀུན་རིག་གིས་གཞིར་བྱས། སྦྱོང་རྒྱུད་ཀྱི་རྩ་བ་དང་། འགྲེལ་ཆེན་ཐེག་མཆོག་གྲོལ་སྡེ་

[Full Size]

དང་། བཅོམ་ལྡན་རིག་པའི་རལ་གྲིས་མཛད་པ་དང་། མི་ཏྲ་བརྒྱ་རྩ་རྡོར་ཕྲེང་། སྦྱོང་རྒྱུད་དཀྱིལ་འཁོར་བཅུ་གཉིས་ནཱ་ལེནྡྲཔའི་ལུགས་དང་ལྷོ་བྲག་དཔའ་བོའི་ལུགས་གཉིས། ཀུན་རིག་ཆེན་མོ་རྣམ་གྲོལ་སྒོ་ཆེན། །གཞན་ཕན་འོད་ཟེར། གཞན་ཕན་མཐའ་ཡས། དེ་རྣམས་ཀྱི་དོན་ལེགས་པར་བསྡུས་ཏེ། ཀུན་རིག་གི་སྒོ་ནས་དཀོར་ཁ་ཟད་ཟད་ལ་ཟོས་པའི་བན་རྒན་རཱ་ག་ཨ་སྱས། དགོངས་གཏེར་བླ་མེད་ལུགས་གཙོར་བྱས་ནས་བསྒྲིགས་པ་ལ། ཉེས་འགལ་མཆིས་ན་མཁྱེན་ལྡན་རྣམས་ལོ་བཤགས། །དགེ་བས་འདི་དང་འབྲེལ་པ་ཐོགས་ཚད་རྣམས། །བདེ་བ་ཅན་གྱི་ཞིང་དུ་སྐྱེ་བར་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

དགོངས་གཏེར་ཀུན་རིག་གི་དབང་སྒྲུབ།

[Full Size]

དགོངས་གཏེར་ཀུན་རིག་གི་དབང་སྒྲུབ་ནི། ན་མོ་དཀོན་མཆོག་གསུམ་དང་རྩ་བ་གསུམ། །སོགས་སྐྱབས་སེམས་བགེགས་གཏོར་སོང་ནས། སྟེང་འོག་ཕྱོགས་མཚམས་ཐམས་ཅད་ཀུན། །རྡོ་རྗེའི་རྭ་གུར་མེ་རིས་བསྐོར། །ཨོཾ་བཛྲ་རཀྵ་རཀྵ་ཧཱུྃ། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོཉཧཾ། སྟོང་པའི་ངང་ལས་བདག་མདུན་བུམ་ལྷར་བཅོམ་ལྡན་འདས་ཀུན་རིག་སྐུ་མདོག་དཀར་པོ་ཞལ་བཞི་ཕྱོགས་བཞིར་གཟིགས་པ། ཕྱག་གཉིས་བུདྡྷ་རིགས་ཀྱི་ཕྱག་རྒྱ་མཛད་པ། དར་དང་རིན་པོ་ཆེས་བརྒྱན་པ་སེང་གེའི་ཁྲི་ལ་བཞུགས་པའོ། ཤར་དུ་རྡོར་སེམས་མཐིང་ག་རྡོ་རྗེ་དང་དྲིལ་བུ་བསྣམས་པ་གླང་ཆེན་གྱི་ཁྲི་ལ་བཞུགས་པའོ། །ལྷོར་རིན་འབྱུང་སེར་པོ་རིན་ཆེན་དང་དྲིལ་བུ་འཛིན་པ་རྟ་ཡི་ཁྲི་ལ་བཞུགས་པའོ། །ནུབ་ཏུ་སྣང་བ་མཐའ་ཡས་དམར་པོ་པདྨ་དང་དྲིལ་བུ་འཛིན་པ་རྨ་བྱའི་ཁྲི་ལ་བཞུགས་པའོ། །བྱང་དུ་དོན་ཡོད་གྲུབ་པ་ལྗང་གུ་རྒྱ་གྲམ་དང་དྲིལ་བུ་འཛིན་པ་ཤང་ཤང་གི་ཁྲི་ལ་བཞུགས་པའོ། །ཐམས་ཅད་ཀྱང་དར་དང་རིན་པོ་ཆེས་བརྒྱན་པ་ཀུན་གྱི་གནས་གསུམ་འབྲུ་གསུམ་དང་ཐུགས་ཀའི་ས་བོན་ལས་འོད་འཕྲོས། ཡེ་ཤེས་པ་སྤྱན་དྲངས། མ་ལུས་སེམས་

[Full Size]

ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པ། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཨོཾ་སརྦ་བིད་ཛ་ཡ་པཉྩ་བཛྲ་ས་མཱ་ཛཿ ཛཿཧཱུྃ་བཾ་ཧོཿ དམ་ཚིག་པ་དང་དབྱེར་མེད་པར་གྱུར་ཅིག །ཡེ་ཤེས་ལྔའི་དབང་རྫོགས་གྱུར། ཨོཾ་ཧཱུྃ་ཏྲཾ་ཧྲིལླཱ༔། རང་གི་ཐུགས་ཀ་ནས་མཆོད་པའི་ལྷ་མོ་དཔག་ཏུ་མེད་པས་བདག་མདུན་བུམ་པར་མཆོད་ཅིང་བསྟོད་པར་གྱུར། ཆུ་བཞི་ཉེར་སྤྱོད་ལྔ་དང་རོལ་མོ་དང་། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །ངོ་མཚར་མཆོད་པ་བཅོ་བརྒྱད་སྒེག་སོགས་བརྒྱད། །ཅོད་པན་གདུགས་སོགས་མཆོད་པ་ཉི་ཤུ་ལྔ། །སྐྱེད་ཚལ་གཞལ་མེད་ཁང་པ་དཔག་བསམ་ཤིང་། །གཏེར་གྱི་བུམ་པ་ཁྲུས་རྫི་ང་པདྨ་བཅས། །འབྲུ་སྨན་རིན་ཆེན་རྩི་བཅུད་བང་མཛོད་དང་། །གོས་དར་ཁྲི་སྟན་བཞོན་པ་བྲན་ཁོལ་འབུལ། །ཨོཾ་སརྦ་ཏ་ཐཱ་ག་ཏ་པཱུ་ཛ་མེ་གྷ་ས་མུ་ཏྲ་སྤ་ར་ཎ་ས་མ་ཡེ་ཧཱུྃ། ཆོས་དབྱིངས་ཡེ་ཤེས་རྣམ་པར་དག །རྣམ་པར་སྣང་མཛད་བཅོམ་ལྡན་འདས། །ཏིང་ངེ་འཛིན་ལྡན་ཕྱག་རྒྱ་ཅན། །ཕྱག་འཚལ་བཅོམ་ལྡན་ཀུན་རིག་

[Full Size]

ལ། །མེ་ལོང་ཡེ་ཤེས་རང་བཞིན་ལས། །སེམས་ཅན་མ་ལུས་ཐམས་ཅད་ཀྱིས། །ངན་སོང་ཐམས་ཅད་སྦྱོང་མཛད་པ། །ཕྱག་འཚལ་སྦྱོང་བའི་རྒྱལ་པོ་ལ། །མཉམ་ཉིད་ཡེ་ཤེས་ཡོན་ཏན་བདག །ཡིད་བཞིན་ནོར་བུ་རིན་ཆེན་ལྟར། །སེམས་ཅན་བསམ་པ་སྐོང་མཛད་པ། །རྒྱལ་མཆོག་རིན་ཆེན་ཁྱོད་ཕྱག་འཚལ། །སོ་སོར་ཀུན་རྟོགས་གསུང་གི་བདག །གསུང་རབ་པདྨ་ཁ་འབྱེད་པ། །ཁམས་གསུམ་དབུགས་དབྱུང་མཛད་པ་པོ། །ཤཱཀྱ་རིགས་དབང་ཁྱོད་ཕྱག་འཚལ། །ནན་ཏན་ཡེ་ཤེས་ཕྲིན་ལས་བདག །སྣ་ཚོགས་སེམས་ཅན་སྡུག་བསྔལ་ཀུན། །མ་ལུས་པར་ནི་ཞི་མཛད་པ། །མེ་ཏོག་ཆེར་རྒྱས་ཁྱོད་ཕྱག་འཚལ། །ཅེས་བསྟོད་ནས། ལྷ་ལྔའི་ཐུགས་ཀར་སོ་སོའི་ས་བོན་སོགས་བསྒོམ་ནས། བར་རོ། བསྙེན་པ། ཨོཾ་ན་མོ་བྷ་ག་ཝ་ཏེ་སརྦ་དུརྒ་ཏེ་པཱ་རི་ཤུ་དྷ་རཱ་ཛ་ཡ། ཏ་ཐཱ་ག་ཏཱ་ཡ། ཨདྷ་ཏེ་སཾ་མྱཀཾ་བུདྡྷཱ་ཡ། ཏདྱ་ཐཱ། ཨོཾ་ཤཱ་དྷ་ནེ་ཤཱ་དྷ་ནེ་སརྦ་པ་པཾ་བི་ཤྭ་དྷ་ན་ཤུདྡྷེ་བི་ཤུདྡྷེ་སརྦ་ཀརྨ་ཨ་ཝ་ར་ཎ་བི་ཤྭ་དྷ་ནེ་སྭཱ་ཧཱ། ཞེས་རྩ་རིག་དང་། ཨོཾ་ཤོ་དྷ་ནེ་སོགས་མན་ཆད་རྩ་རིག་ཐུང་བ་དང་། ཨོཾ་སརྦ་བིད་སརྦ་ཨ་ཝ་ར་ཎ་ནི་བི་ཤོ་དྷ་ཡ་ཧ་ན་

[Full Size]

ཧཱུྃ་ཕཊ༔ ཅེས་སྙིང་པོ་དང་། ཨོཾ་ཧཱུྃ་ཏྲཱྃ་ཧྲཱིཿཨཱཿ༔ སཱ་ཧཱ། བསྙེན་པ་ཅི་འགྲུབ་བྱའོ། །ལས་བུམ་གྱི་ནང་དུ་ཏཱཾ་ལས་རྡོ་རྗེ་གནོད་སྦྱིན་ནག་པོ་ལྟོ་བ་ཡངས་ཤིང་ཕྱག་གཉིས་ཀྱིས་མཆེ་བ་ཞལ་གྱི་གྲྭ་གཉིས་སུ་འཛིན་པ། དེའི་གནས་གསུམ་ཡི་གེ་གསུམ་ལས་འོད་ཟེར་འཕྲོས་ཡེ་ཤེས་པ་སྤྱན་དྲངས། ཨོཾ་བཛྲ་ཡཀྵ་ཧཱུྃ། །ཅི་འགྲུབ་བཟླས་ལ་མཆོད་བསྟོད་བྱ། ཁྲོ་བོ་རྡོ་རྗེ་གནོད་སྦྱིན་གྱིས། བགེགས་རྣམས་བཟློག་པའི་ཕྲིན་ལས་མཛོད། དེ་ནས་བདག་འཇུག་བླང་བ། །རྡོ་རྗེ་སེམས་དཔའ་ཁྱོད་ཀྱིས་ཟུང་། །སོགས། སྭཱ་ཧཱ། བར་ཙཀ་ལི་བུམ་པས་དབང་བླངས་ལ་གཞན་ལ་བསྐུར་བར་བྱའོ། །ལྷ་ལྔའི་ཐུགས་ཀར་ས་བོན་ཡིག་འབྲུ་ལྔ་ལས་འོད་ཟེར་འཕྲོས་པས་སེམས་ཅན་གྱི་སྒྲིབ་པ་སྦྱངས། སངས་རྒྱས་ཐམས་ཅད་མཆོད་པས་མཉེས་ནས་ཐམས་ཅད་རིགས་ལྔའི་རྣམ་པར་ཆར་བབ་པ་ལྟར་བྱོན་ནས་བདག་མདུན་བུམ་པའི་ལྷ་ལ་ཐིམ་པར་བསྒོམ།

དགོངས་གཏེར་ཐུགས་ཀྱི་ཀློང་རྡོལ་ལས་བྱུང་བ་བཅོམ་ལྡན་འདས་ཀུན་རིག་གི་ཟིན་བྲིས་གོ་བདེ་བར་བཀོད་པ།

[Full Size]

དགོངས་གཏེར་ཐུགས་ཀྱི་ཀློང་རྡོལ་ལས་བྱུང་བ་བཅོམ་ལྡན་འདས་ཀུན་རིག་གི་ཟིན་བྲིས་གོ་བདེ་བར་བཀོད་པ་བཞུགས་སོ༔

[Full Size]

ན་མོ་ཛ་ཡ་པཉྩ་བྷུ༔ རང་ཉིད་བཅོམ་ལྡན་འདས་ཀུན་རིག་སྐུ་མདོག་དཀར་པོ་ཞལ་བཞི་ཕྱོགས་བཞིར་གཟིགས་པ༔ ཕྱག་གཉིས་བུདྨ་རིགས་ཀྱི་ཕྱག་རྒྱ་མཛད་པ༔ དར་དང་རིན་པོ་ཆེས་བརྒྱན་པ༔ སེང་གེའི་ཁྲི་ལ་བཞུགས་པའོ༔ ཤར་དུ་རྡོར་སེམས་མཐིང་ག་རྡོ་རྗེ་དང་དྲིལ་བུ་འཛིན་པ༔ གླང་ཆེན་གྱི་ཁྲི་ལ་བཞུགས་པའོ༔ ལྷོར་རིན་འབྱུང་སེར་པོ་རིན་པོ་ཆེ་དང་དྲིལ་བུ་འཛིན་པ་རྟའི་ཁྲི་ལ་བཞུགས་པའོ༔ ནུབ་ཏུ་སྣང་བ་མཐའ་ཡས་དམར་པོ་པདྨ་དང་དྲིལ་བུ་འཛིན་པ་རྨ་བྱའི་ཁྲི་ལ་བཞུགས་པའོ༔ བྱང་དུ་དོན་ཡོད་གྲུབ་པ་ལྗང་གུ་རྒྱ་གྲམ་དང་དྲིལ་བུ་

[Full Size]

འཛིན་པ་ཤང་ཤང་གི་ཁྲི་ལ་བཞུགས་པའོ༔ ཐམས་ཅད་ཀྱང་དར་དང་རིན་པོ་ཆེས་བརྒྱན་པར་བསྐྱེད་ལ༔ ཨོཾ་ཧཱུྃ་ཏྲཾ་ཧྲིལླཨཱསཱ་ཧཱ༔ ཞེས་བཟླས་སོ༔ དེ་ནས་རྡོ་རྗེ་སྤྱི་བོར་བཞག༔ རྡོ་རྗེ་སེམས་དཔའ་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཧཱུྃ་སྭཱ་ཧཱཿ རིན་ཆེན་སྤྱི་བོར་བཞག༔ རིན་ཆེན་འབྱུང་ལྡན་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཧཱུྃ་སྭཱ་ཧཱཿ པདྨ་སྤྱི་བོར་བཞག༔ སྣང་བ་མཐའ་ཡས་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཧཱུྃསྭཱ་ཧཱཿ རྒྱ་གྲམ་སྤྱི་བོར་བཞག༔ དོན་ཡོད་གྲུབ་པ་ཁྱོད་ཀྱིས་ཟུངས༔

[Full Size]

འདོད་པའི་དོན་རྣམས་འགྲུབ་པར་འགྱུར༔ ཨཱཿསྭཱ་ཧཱཿ དེ་ནས་ཕྱག་མཚན་བཞི་ཀ་བསྡུས་པ་འཁོར་ལོའི་ཚུལ་དུ་བྱས་ལ༔ བཅོམ་ལྡན་ཀུན་རིག་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཨོཾ་སྭཱ་ཧཱཿ ཞེས་སྤྱི་བོར་བཞག༔ དེ་ནས་མཎྜལ་ཕུལ་ལོ༔ ཞེས་པ་སྤྲུལ་སྐུ་མི་འགྱུར་རྡོ་རྗེའི་དགོངས་གཏེར་ལས་བྱུང་བའོ༔ ཨོཾ༔ ཨོཾ་ན་མ་སྶརྦ་བིད་ཡེ༔ དགོངས་གཏེར་འདི་རང་གི་ཉམས་སུ་ལེན་ན་སྔགས་དང་དམིགས་པ་ཁོ་ནས་ཆོག་གོ༔ སྤྲོ་ན་རྩ་རིག་ཀྱང་བཟླས༔ དབང་བསྐུར་ན་མདུན་བསྐྱེད་རྟེན་དབུ་རྒྱན་ནམ་ཚོམ་བུ་ལྔ་བཀོད༔ བུམ་པ་དང་དབང་རྫས་དངོས་སམ་ཙཀ་ལི་འཛོམ་པར་བྱས་ལ༔ སྐྱབས་སེམས་གནམ་ཆོས་ལྟར་རམ། སྤྱི་ལྟར་ད་ནངས་ཚང་ན་འཐུས༔ མངོན་རྟོགས་གཅིག་གིས་བདག་མདུན་བུམ་གསུམ་དུས་གཅིག་ལྷ་སོ་སོར་བསྐྱེད༔ དམ་ཡེ་དབྱེར་མེད་དྲན་རྫོགས་སུ་བསྒོམས་པ་ཡིན༔ ཧ་ཅང་སྤྲོས་པ་ལ་དགའ་ན༔ མ་ལུས་སེམས་ཅན་ཀུན་གྱི་མགོན་གྱུར་སོགས་སྤྱན་འདྲེན་བཞུགས་གསོལ༔ རབ་འབྱམས་ཁ་དོག་དབྱིབས་ལེགས་མ༔ མཉམ་མེད༔ མའི་སྤྱི་བསྟོད་བྱས་ཀྱང་རུང་ངོ་༔ སློབ་མ་འདུས་ནས་ཆབ་དང་མེ་ཏོག་བཀྱེས་ལ༔ མཎྜལ་ཕུལ་ནས༔ འོ་ན་ད་ལམ་ཁྱེད་རྣམས་ལ་བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བའི་དབང་བསྡུས་པ་ཞིག་བསྐུར་བ་ལ་ལོ་རྒྱུས་ཟུར་ཙམ་ཞུ་ན༔ ལྷའི་

[Full Size]

ངོ་བོ༔ རྒྱུད་ཀྱི་གསུངས་ཚུམན་ངག་བྱུང་ཚུཕན་ཡོན་དགོས་ཆེད་དང་བཞི་ལས༔ དང་པོ་རྣམ་སྣང་མངོན་བྱང་ལ་སོགས་པ་ནས་གསུངས་པའི་འོག་མིན་སྟུག་པོ་བཀོད་པ་ནས་ལོངས་སྤྱོད་རྫོགས་སྐུར་ངེས་པ་ལྔ་ལྡན་བཞུགས་པའི་རྣམ་པར་སྣང་མཛད་ཆེན་པོ་ཞེས་སམ༔ ཀུན་རིག་དང་ཐུབ་པ་གངས་ཆེན་མཚོ་ཞེས་ཀྱང་བྱ་བ་དེ་ཡིན་ལ༔ དོན་ལ་འཕགས་པ་སྤྱན་རས་གཟིགས་ལོངས་སྤྱོད་རྫོགས་པའི་སྐུའི་བཀོད་པ་ཆ་གཅིག་ཡིན་པར་གསུངས་སོ༔ གཉིས་པ་དེའི་རྒྱུད་གསུངས་ཚུལ་ནི༔ བཅོམ་ལྡན་འདས་སྤྲུལ་སྐུ་ཤཱཀྱ་ཐུབ་པ་སུམ་ཅུ་རྩ་གསུམ་ལྷའི་གནས་དགའ་བའི་ཚལ་ན་འཁོར་དཔག་ཏུ་མེད་པ་དང་བཅས་ཏེ་བཞུགས་པའི་ཚེ་ལྷའི་བུ་ནོར་བུ་དྲི་མ་མེད་པ་ཤི་ནས་ངན་སོང་དུ་སྐྱེས་པ་དེ་ཐར་བའི་ཆེད་དུ༔ བརྒྱ་བྱིན་གྱིས་ཞུས་པའི་ངོར་སྦྱོང་རྒྱུད་བརྟག་པ་དང་པོ་གསུངས་པས༔ ལྷའི་བུ་དམྱལ་བ་ནས་ཐར་ཏེ་དགའ་ལྡན་ལྷའི་གནས་སུ་སྐྱེས་ཏེ༔ བཅོམ་ལྡན་འདས་དང་བརྒྱ་བྱིན་ལ་དྲིན་ལན་གྱིས་མཆོད་པ་དང་བསྟོད་པ་ཆེད་དུ་བརྗོད་པར་བྱས་སོ༔ བརྟག་པ་ཕྱི་མ་ནི་ཕྱག་ན་རྡོ་རྗེས་གསུངས་ཤིང་སླར་ཡང་ཕྱག་རྡོར་ཉིད་རྡོར་སེམས་སུ་བཞེངས་

[Full Size]

ནས་མེ་ལྟར་འབར་བའི་དཀྱིལ་འཁོར་གསུངས་པས༔ ལྷ་རྣམས་ཀྱིས་མཆོད་ཅིང་མཚན་བརྒྱའི་བསྟོད་པས་ཀྱང་བསྟོད་དོ༔ དེ་ནས་རྒྱུད་འདི་ལྷ་ཡུལ་དུ་བཞུགས་པ་སངས་རྒྱས་འདས་རྗེས་རྒྱལ་པོ་ཛའི་ཁང་སྟེང་དུ་གླེགས་བམ་གྱི་ཆར་བབས་པ་ནས་རྒྱུད་འདི་བྱུང་སྟེ༔ ཕྱག་ན་རྡོ་རྗེས་རྒྱལ་པོ་ཉིད་ལ་དབང་ལུང་གནང་ནས་རིམ་པར་བརྒྱུད་དེ་པཎྜི་ཏ་ཡོ་ག་ལ་མཁས་པ་མི་གསུམ་གྱི་ནང་ནས་ཚིག་དོན་གཉིས་ཀ་ལ་མཁས་པ་ཀུན་དགའ་སྙིང་པོ་ཞེས་ཀྱང་བྱ༔ བྲམ་ཟེ་ཆེན་པོ་པྲ་ཆེན་ཧསྟི་ཞེས་ཀྱང་བྱ་བ་དེ་ལས་ཨུ་རྒྱན་རིན་པོ་ཆེས་གསན། རྒྱལ་པོ་ཁྲི་སྲོང་ལྡེའུ་བཙན་གྱི་རིང་ལ་པཎྜི་ཏ་ཤཱནྟི་ཀ་ར་དང་ལོ་ཙཱ་བ་ཛ་ཡ་རཀྵི་ཏས་བསྒྱུར༔ ཁྲི་རལ་གྱི་དུས་ཨ་ཙཱརྱ་རིན་ཆེན་མཆོག་གིས་ཞུ་དག་མཛད༔ དེ་ཕྱིན་གསར་དུ་བསྒྱུར་བ་མེད་པས་སྦྱོང་རྒྱུད་འདི་ནི་རྙིང་མ་ཡིན་ནོ་ཞེས་རཏྣ་གླིང་པས་གསུངས༔ འོན་ཀྱང་སྔ་དར་གྱི་དབང་གི་བརྒྱུད་པ་ནི་མ་བྱུང་བས༔ ལོ་ཆེན་རིན་ཆེན་བཟང་པོས་ཤདྨ་ཀཱ་ར་སོགས་པཎྜི་ཏ་མང་པོ་ལ་ཞུས་ནས་གསར་མ་ལུགས་ཀྱི་ཆོ་ག་དང་༔ དབང་རྒྱུན་རྒྱས་བསྡུས་མང་དུ་རྒྱ་ཆེར་འཕེལ་ལོ༔ འོན་ཀྱང་དེ་དག་ནི་ཧ་ཅང་བརྒྱུད་པ་རིང་གྲགས་པས་བཤད་པའི་

[Full Size]

ཆོས་ལྟར་གྱུར་པ་ན༔ ཉུང་བསྡུས་བརྒྱུད་པ་ཉེ་བས་བྱིན་རླབས་ཆེ་བ་འདི་ནི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་བདུན་པ་ལ་དགོངས་གཏེར་ཐུགས་ཀྱི་ཀློང་རྡོལ་ཞེས་བྱ་བའི་གཏེར་ཁ་ནས་བྱོན་པ་སྟེ༔ ལོང་སྐོར་དགུ་པའི་ལེའུ་བརྒྱ་པ་ནས༔ ཆོས་ཀྱི་དབྱིངས་ཀྱི་གབ་གཏེར་འབྱུང་༔ སྐུ་གསུམ་བསྟན་པ་དར་ཞིང་རྒྱས༔ བདེ་གཤེགས་༧རྒྱལ་བའི་དགོངས་གཏེར་འབྱུང་༔ ཆོས་སྒོ་མཐའ་ཡས་བསྟན་པ་རྒྱས༔ རིག་འཛིན་བླ་མའི་ཐུགས་གཏེར་འབྱུང་༔ མན་ངག་རྒྱ་མཚོའི་བསྟན་པ་རྒྱས༔ ཡིད་བཞིན་ནོར་བུའི་གཙུག་གཏེར་འབྱུང་༔ དགོས་འདོད་ཡིད་བཞིན་བསྟན་པ་རྒྱས༔ ཞེས་དང་༔ རིག་པ་རྒྱལ་པོའི་རྒྱུད་ལས་ཀྱང་༔ དུས་གསུམ་རྒྱལ་བའི་ཐུགས་གཏེར་ཡིན༔ རྫ་ཤིང་སྣོད་ལ་ཡང་མ་བརྟེན༔ ཞེས་པའི་དོན་ནོ༔ སྤྱིར་སྦྱོང་རྒྱུད་འདི་རྣལ་འབྱོར་རྒྱུད་ཡིན་ཀྱང་༔ རྡོ་རྗེ་གདན་པའི་རྡོ་རྗེའི་ཕྲེང་བ་དང་༔ མི་ཏྲ་ཛོ་ཀིའི་མི་ཏྲ་བརྒྱ་རྩ་རྣམས་ཀྱང་བྱ་སྤྱོད་རྒྱུད་བླ་མེད་ལྟར་ཉམས་ལེན་རུང་བར་མཛད་པ་དང་༔ བི་མ་ལས་རྣལ་འབྱོར་བླ་མེད་ལྟར་ཉམས་སུ་ལེན་ཚུལ་མཛད་པ་དང་མཐུན་པར་འདི་ཡང་བླ་མེད་ལུགས་ཡིན་ལ༔ བླ་མེད་

[Full Size]

ལུགས་ལ་སྤྲོས་བཅས་ཆོ་ག་རྒྱས་པ་དང་༔ སྤྲོས་མེད་དྲན་རྫོགས་སུ་བསྒོམ་པ་གཉིས་ལས༔ འདིར་སྤྲོས་མེད་དྲན་རྫོགས་སུ་བསྒོམ་པ་ཡིན་ཏེ༔ སྡོམ་འབྱུང་ལས༔ རྣོན་པོས་སྐད་ཅིག་རྣམ་པ་ཡིན༔ བསམ་གཏན་ཉིད་ཀྱི་དཀྱིལ་འཁོར་ཏེ༔ སྐད་ཅིག་རྣམ་པའི་རྣལ་འབྱོར་གྱིས༔ རྫོགས་པའི་རིམ་པ་བསྒོམ་པར་བྱ༔ ཞེས་དང་༔ གྲུབ་ཆེན་དྲིལ་བུ་པས༔ རྫུས་ཏེ་སྐྱེ་བའི་སེམས་ཅན་བཞིན༔ ས་བོན་མེད་པར་རྣམ་པར་བསྒོམ༔ ཞེས་གསུངས་པས༔ འདི་ནི་ཟབ་མོ་བསྐྱེད་རིམ་དང་༔ རྟག་པའི་རྫོགས་རིམ་གཉིས་ཀ་ཡིན་སྡོམ་འབྱུང་དཀའ་འགྲེལ་པདྨ་ཅན་ལས༔ སྐྱེ་གནས་རྫུས་ཏེ་སྐྱེ་བ་ཁོ་ན་ལ་ཟབ་མོའི་བསྐྱེད་རིམ་དང་རྟག་པ་རྫོགས་པའི་རིམ་པ་ཞེས་བརྗོད་དོ༔ ཞེས་གསུངས་པ་དང་མཐུན་པའོ༔ དེ་ལ་རྗེ་བཙུན་ཆེན་པོ་ས་སྐྱ་པཎྜི་ཏས༔ བསྐྱེད་རིམ་འབྱངས་པས་དེ་ལྟར་ཡིན་གྱི༔ ལས་དང་པོ་པས་ཡི་དམ་ཀྲོངས་བསྐྱེད་མི་ཐུབ་པས་མི་རུང་ཞེས་དགག་པ་མཛད་ཀྱང་དགོངས་པ་ཅན་ཡིན་གྱི་ངེས་པ་མ་ཡིན་ཏེ༔ མངོན་རྫོགས་ལེའུ་དྲུག་པ་ལས༔ ལས་དང་པོ་པའི་སྒོམ་རིམ་སྟེ༔ སྐད་ཅིག་གཅིག་གིས་སྐུ་རྫོགས་པ༔ ཞེས་དང་༔

[Full Size]

གྲུབ་ཆེན་པཀྱིས༔ སྐྱེ་བོ་ཐ་མལ་པ་ལ་སྐད་ཅིག་དྲན་རྫོགས་སུ་སྒོམ་པ་ཟིན་སླ་བས་ཕན་ཆེ་གསུངས་སོ༔ དེ་བཞིན་དུ་རྫོང་ཕྲེང་གི་འཇམ་རྡོར་སྐབས་སུ༔ འདིར་རྫོགས་པའི་རྣལ་འབྱོར་ལ་མིག་ལ་སོགས་པ་བྱིན་གྱིས་བརླབས་པ་དང་༔ ཡེ་ཤེས་སེམས་དཔའ་དགུག་གཞུག་སོགས་ནི་མ་བཤད་དོ༔ ཞེས་གསུངས་པ་དང་༔ ཨུ་རྒྱན་ཆེན་པོས༔ དྲན་པ་ཙམ་གྱིས་རྫོགས་པ་ཉིད༔ ལྟ་བ་གྱད་ཀྱི་ལྷ་ཞེས་བྱ༔ རྡོ་རྗེ་ལྟ་བུའི་ཏིང་འཛིན་འདི༔ སྲུང་བ་ཀུན་གྱི་མཆོག་ཡིན་ནོ༔ ཞེས་པ་ལྟ་བུའོ༔ དེ་ལྟར་རྒྱུད་གཞུང་ཉི་ཟླ་ལྟར་ཡོངས་སུ་གྲགས་ཤིང་རྩོད་པ་དང་བྲལ་བ༔ མན་ངག་བརྒྱུད་པ་ཉེ་ཞིང་གནད་ཟབ་པའི་ཀུན་རིག་གི་དབང་འདིའི་ཕན་ཡོན་ནི༔ ངན་སོང་སྦྱོང་བའི་རྒྱུད་ཀྱི་རྒྱལ་པོ་ཉིད་ལས༔ བཅོམ་ལྡན་འདས་ཀྱིས་བཀའ་སྩལ་པ༔ ལྷའི་དབང་པོ་ཉོན་ཅིག༔ སེམས་ཅན་དམྱལ་བ་ལ་སོགས་པའི་དབང་དུ་གྱུར་པའི་སེམས་ཅན་སྡིག་པ་བྱེད་པ༔ སྡིག་པ་ཆེན་པོ་བྱས་པ༔ དེ་དག་ཅི་ནས་ཀྱང་སེམས་ཅན་དམྱལ་བའི་སྡུག་བསྔལ་ལས་ཐར་སླ་བས༔ གྲོལ་བར་འགྱུར་བ་ཉོན་ཅིག༔ དེ་ནི་དཀྱིལ་འཁོར་བྲིས་ནས་ནི༔ དེ་ལྟར་ཡང་ནི་བུམ་

[Full Size]

པ་ལ༔ བརྒྱ་རྩ་བརྒྱད་དུ་བཟླས་ནས་ནི༔ དབང་བསྐུར་བ་ནི་རབ་ཏུ་བཏགས༔ དེ་ནས་སྡིག་པ་ཀུན་བྱང་སྟེ༔ དམྱལ་བ་ལ་སོགས་སྡུག་བསྔལ་ལས༔ དེ་ནི་མྱུར་དུ་རྣམ་པར་ཐར༔ སྡིག་ལས་བདག་ཉིད་རྣམ་གྲོལ་ཏེ༔ དག་པར་འགྱུར་བའི་ལྷ་རྣམས་ཀྱི༔ རིགས་སུ་སྐྱེ་བར་གྱུར་ནས་ཀྱང་༔ དེ་ནི་རྟག་ཏུ་སངས་རྒྱས་དང་། ཆོས་འགྲོ་བ་ནི་ཐོབ་པར་འགྱུར༔ ཕྱིར་མི་ལྡོག་པའི་ས་ལ་གནས༔ རིམ་གྱིས་བྱང་ཆུབ་ཐོབ་པར་འགྱུར༔ ཞེས་གསུངས་ཤིང་༔ འདི་ཐོབ་པ་ནི་བསོད་ནམས་ཤིན་ཏུ་ཆེ་བ་ཡིན་ཏེ༔ བཅོམ་ལྡན་འདས་ཀྱི་ཞལ་ནས་གསུངས་པའི་རྒྱུད་དེ་ལས༔ དགེ་བ་བཅུ་དང་ལྡན་པའི་སེམས་ཅན་རྣམས་ཀྱི་རྣ་ལམ་དུ་ཐོས་པར་འགྱུར་གྱི༔ སེམས་ཅན་མ་རབས་རྣམས་ཀྱི་མ་ཡིན་ནོ༔ ཕ་རོལ་ཏུ་ཕྱིན་པ་བཅུ་ལ་མོས་པའི་སེམས་ཅན་རྣམས་ཀྱི་རྣ་ལམ་དུ་ཉེ་བར་འགྲོ་བར་འགྱུར་གྱི༔ སེམས་ཅན་ཕལ་པ་རྣམས་ཀྱི་མ་ཡིན་ནོ༔ སེམས་ཅན་བསམ་པ་ངེས་པ་རྣམས་དང་ཕྱིར་མི་ལྡོག་པའི་ཡོན་ཏན་མང་པོ་ལ་མངོན་པར་དད་པའི་སེམས་ཅན་རྣམས་ཀྱི་རྣ་ལམ་དུ་གྲག་པར་འགྱུར་ཏེ༔ མདོར་ན་ཐམས་ཅད་མཁྱེན་པའི་ཡེ་ཤེས་ལ་བརྟེན་པའི་སེམས་ཅན་

[Full Size]

རྣམས་ཀྱི་རྣ་ལམ་དུ་གྲག་པར་འགྱུར་རོ༔ ཞེས་གསུངས་སོ༔ དེ་ལྟ་བུའི་དབང་ཞུ་བའི་ཕྱིར་སློབ་མ་ཁྱོད་རྣམས་ཀྱིས་རྗེས་ཟློས་མཛོད༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་བཅོམ་ལྡན་ཀུན་རིག་ལ༔ གསོལ་བ་འདེབས་སོ་དབང་བསྐུར་སྩོལ༔ ལན་གསུམ་ཞུ༔ དེ་ཡང་སྦྱོང་རྒྱུད་ལས༔ འགྲོ་ལ་ཕན་ཕྱིར་མྱུར་དུ་བྱང་ཆུབ་བར༔ དེ་དག་བྱང་ཆུབ་མཆོག་ཏུ་སེམས་བསྐྱེད་ཞུགས༔ ཞེས་གསུངས་པས༔ སློབ་དཔོན་བཅོམ་ལྡན་འདས་ཀུན་རིག་དངོས་ཡིན་བསམ་པའི་མོས་གུས་དང་༔ མདུན་དུ་དབང་རྫས་རྣམས་འདི་ལྟར་གསལ་ཐོབ་ཅིག༔ དཀྱིལ་འཁོར་བསྡུས་པ་ཚོམ་བུའི་དཀྱིལ་འཁོར་འདི་ཉིད་བཅོམ་ལྡན་འདས་ཀུན་རིག་སྐུ་མདོག་དཀར་པོ་ཞལ་བཞི་ཕྱོགས་བཞིར་གཟིགས་པ༔ ཕྱག་གཉིས་བུདྨ་རིགས་ཀྱི་ཕྱག་རྒྱ་མཛད་པ༔ དར་དང་རིན་པོ་ཆེས་བརྒྱན་པ༔ སེང་གེའི་ཁྲི་ལ་བཞུགས་པའོ༔ ཤར་དུ་རྡོར་སེམས་མཐིང་ག་རྡོ་རྗེ་དང་དྲིལ་བུ་འཛིན་པ་གླང་ཆེན་གྱི་ཁྲི་ལ་བཞུགས་པའོ༔ ལྷོར་རིན་འབྱུང་སེར་པོ་རིན་པོ་ཆེ་དང་དྲིལ་བུ་འཛིན་པ་རྟའི་ཁྲི་ལ་བཞུགས་པའོ༔ ནུབ་ཏུ་སྣང་བ་མཐའ་ཡས་དམར་པོ་པདྨ་དང་དྲིལ་བུ་

[Full Size]

འཛིན་པ་རྨ་བྱའི་ཁྲི་ལ་བཞུགས་པའོ༔ བྱང་དུ་དོན་གྲུབ་ལྗང་གུ་རྒྱ་གྲམ་དང་དྲིལ་བུ་འཛིན་པ་ཤང་ཤང་གི་ཁྲི་ལ་བཞུགས་པའོ༔ ཐམས་ཅད་ཀྱང་དར་དང་རིན་པོ་ཆེས་བརྒྱན་པ༔ ལྟའཁོར་ཡུམ་བཞི༔ སེམས་དཔའ་དང་སེམས་མ་ཉན་རང་ཁྲོ་བོ་འཇིག་རྟེན་སྐྱོང་བ་དང་བཅས་པ་སྤྲིན་གཏིབ་པ་ལྟར་བཞུགས་པའི་དྲུང་དུ་སྐྱབས་སུ་འགྲོ་བ་དང་སེམས་བསྐྱེད་ཞུ་བའི་ཕྱིར་རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ ཞེས་སོགས༔ སངས་རྒྱས་འགྲུབ་པར་ཤོག༔ ཞེས་པའི་བར་ལན་གསུམ༔ སྦྱོང་རྒྱུད་ཉིད་ལས༔ དེ་ནས་སྔགས་པས་བླ་མེད་བྱང་ཆུབ་ཀྱི༔ གནས་སུ་སློབ་མ་ཡོངས་སུ་སྨིན་པར་བྱ༔ ཞེས་གསུངས་པའི་དོན༔ སྨིན་བྱེད་ཀྱི་དབང་དངོས་ལ་ཡང་༔ མོས་པ་བརྟན་དང་ལྡན་པར་བཅས་ནས་ནི༔ སརྦ་བིད་ཀྱིས་ཇི་སྙེད་དབང་བསྐུར་ཏེ༔ ཞེས་གསུངས་པའི་དོན་སྔགས་ཀྱི་དབང་ནི་མདུན་གྱི་ལྷ་རྣམས་ཀྱི་ཐུགས་ཀ་ནས་སྔགས་ཀྱི་ཡིག་འབྲུ་གསེར་བཙོ་མའི་ཁ་དོག་ཅན་དཔག་ཏུ་མེད་པ་བྱོན་ནས༔ ཁྱེད་རང་རྣམས་ཀྱི་ཚངས་བུག་ནས་ཞུགས་ཏེ་ལུས་ཀྱི་ནང་ཐམས་ཅད་ཡིག་འབྲུས་གང་བས་སྡིག་སྒྲིབ་ཐམས་ཅད་བ་མོ་ལ་ཉི་ཟེར་ཕོག་པ་ལྟར་སངས་ཀྱིས་

[Full Size]

དག་པར་སྒོམས་ཤིག༔ རྒྱས་པར་སྤྲོ་ན་རྡོ་རྗེ་སྤྱི་བོར་བཞག་ལ་རྩ་རིག་ཚར་གཅིག་བརྗོད༔ དེ་ནས་རྡོ་རྗེ་སྤྱི་བོར་དབུས་དང་ཕྱོགས་བཞིར་རེག་ཅིང་དབྱངས་དང་བཅས་པས༔ ཨོཾ་སྭཱ་ཧཱཿ ཧཱུྃ་སྭཱ་ཧཱཿ ཏྲཱྃ་སཱ་ཧཱུ༔ ཧྲཱིཿསྭཱ་ཧཱཿ ཨཱཿསྭཱ་ཧཱཿ རྒྱུད་ལས༔ བུམ་པ་ལ་སོགས་ཇི་སྙེད་མང་ཐོགས་ཏེ༔ བཅུ་པོ་རྣམས་ཀྱི་དབང་ནི་ཅི་དགར་བསྐུར༔ ཅེས་གསུངས་པས༔ ཅི་དགར་གསུངས་པའི་དོན་གཅིག་ཏུ་དབང་བཅུའི་ངེས་པ་མེད་པའི་ཕྱིར༔ འདིར་དབང་བཅུ་བསྡུས་པ་རིགས་ལྔའི་ཕྱག་མཚན་བརྡ་དབང་ཁོ་ན་ལས་མ་བྱུང་ཡང་༔ དེ་ལ་ཕྱག་ལེན་གྱིས་བརྒྱན་ཏེ་བུམ་དབང་རྐྱང་པའམ༔ འཁོར་བཅས་ཅོད་པན་ཕྲེང་བ་མཐའ་རྟེན་རྒྱལ་སྲིད་སྦྱར་ཡང་ལེགས་པའི་ཕྱིར༔ བུམ་པ་འདིའི་ནང་ན་བཅོམ་ལྡན་འདས་ཀུན་རིག་ལྷ་ཚོགས་བཞུགས་པའི་སྐུ་ལས་བདུད་རྩིའི་རྒྱུན་བབས༔ སྤྱི་བོ་ཚངས་བུག་ནས་ཞུགས་ཏེ་སྡིག་སྒྲིབ་ཐམས་ཅད་ཆུ་སྣས་སྒྱུར་མ་ཁྱེར་བ་ལྟར་ནག་ཉི་ལི་ལི་བ་སྤུ་དང་འོག་སྒོ་རྐང་མཐིལ་ཀླུནས་ཕྱིར་ཐོན༔ ལུས་ཡེ་ཤེས་ཀྱི་བདུད་རྩིས་ལྟེམ་གྱིས་གང་བར་སྒོམས་ཤིག༔ ཧཱུྃ༔ བུམ་པ་འདི་ནི་རིན་ཆེན་ཁང་༔ ཀུན་རིག་འཁོར་བཅས་བཞུགས་པ་ཡི༔ དབང་བཞི་

[Full Size]

ཡོངས་རྫོགས་ཐོབ་པར་ཤོག༔ ཨོཾ་ཧཱུྃ་ཏྲཱྃ་ཧྲཱིཿཨཱཿསྭཱ་ཧཱཿ ཀ་ལ་ཤ་ཨ་བྷི་ཥིཉྩ་མཾ༔ དེ་ནས་རྒྱས་པར་སྤྲོ་ན༔་དེ་བཞིན་གཤེགས་པའི་དབུ་རྒྱན་ཅོད་པན་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་བས༔ སྐུ་གསུང་ཐུགས་ཀྱི་ཡོན་ཏན་རབ་རྫོགས་ཏེ་རིགས་ལྔའི་སངས་རྒྱས་མྱུར་དུ་ཐོབ་པར་ཤོག༔ ཨོཾ་བུདྡྷ་ཨ་བྷི་ཥིཉྩ་ཨོཾ་ཧཱུྃ་ཏྲཱྃ་ཧྲཱིཿཨཱཿཧྭ་ཧྭ་ཙམ་པ་ཀའམ་མེ་ཏོག་ཕྲེང་བ་བྲིས་པ༔ རིན་ཆེན་མཛེས་པའི་མེ་ཏོག་ཕྲེང་བ་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་བས༔ བསམ་པ་མྱང་འདས་སྦྱོར་བ་ཁམས་གསུམ་གནས༔ མཛེས་པའི་ཡོན་ཏན་ཕུན་སུམ་ཚོགས་པར་ཤོག༔ ཨོཾ་རཏྣ་མཱ་ལ་ཨ་བྷི་ཥིཉྩ་ཨོཾ་ཧཱུྃ་ཏྲཱྃ་ཧྲཱིཿཨཱཿསྭཱ་ཧཱཿ དར་རམ་བྲིས་པ༔ མཛེས་ཤིང་ཡིད་འོང་དར་གྱི་ཅོད་པན་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་བས༔ ཤེས་བྱ་ཀུན་ལ་ཐོགས་པ་མེད་པ་དང་༔ འགྲོ་བའི་དོན་ལ་མཐུ་དབང་ཐོབ་པར་ཤོག༔ ཨོཾ་བཛྲ་པཊྚ་ཨ་ཝ་ལཾ་བྷ་ན་ཨ་བྷི་ཥིཉྩ་ཧཱུྃ༔ དེ་ནི་ཡོ་ག་རྒྱལ་པོ་དང་ཆོས་བསྟུན་ནས་རྒྱལ་བུ་རྒྱལ་སར་དབང་བསྐུར་བ་ལྟར༔ བུམ་ཆུས་བཀྲུ་ཞིང་དབུ་རྒྱན་དང་ཅོད་པན་གསོལ་བའོ༔ དེ་ནས་དངོས་གཞི་དོན་གྱི་དབང་ནི་རྡོ་རྗེ་འདི་སྤྱི་བོར་བཞག་པ་

[Full Size]

ཙམ་གྱིས་མངོན་པར་དགའ་བ་ལ་སོགས་པ་ཤར་ཕྱོགས་ཀྱི་ཞིང་ཁམས་ཐམས་ཅད་ནས་རྡོ་རྗེ་སེམས་དཔའ་དང་སྤྱོད་པའི་རྒྱལ་པོ་ལ་སོགས་པ་ཐུགས་རྡོ་རྗེ་རིགས་ཀྱི་དེ་བཞིན་གཤེགས་པ་དང་གཤེགས་མ་སེམས་དཔའ་དང་སེམས་མ༔ ཁྲོ་བོའི་ཚོགས་ཐམས་ཅད་ཆར་ལྟར་བབས་ནས་ཁྱེད་རང་རྣམས་ལ་སིབ་སིབ་ཐིམ་པར་སྒོམས་ཤིག༔ དབྱངས་དང་བཅས་པས་རྡོ་རྗེ་ཐོགས་ལ༔ རྡོ་རྗེ་སེམས་དཔའ་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཧཱུྃ་སྭཱ་ཧཱཿ འོ་དེ་ལྟར་རྡོ་རྗེས་དབང་བསྐུར་བས་ལས་ཀྱི་སྒྲིབ་པ་ཐམས་ཅད་རྒྱུན་གཅོད་པའི་དོན་འགྲུབ་པ་ཡིན་ནོ༔ ད་རིན་པོ་ཆེ་འདི་སྤྱི་བོར་བཞག་པ་ཙམ་གྱིས་དཔལ་དང་ལྡན་པ་ལ་སོགས་པ་ལྷོ་ཕྱོགས་ཀྱི་ཞིང་ཁམས་ཐམས་ཅད་ནས་འཁོར་ལོས་སྒྱུར་བ་རིན་ཆེན་འབྱུང་ལྡན་དང་རྒྱལ་མཆོག་རིན་ཆེན་ལ་སོགས་པའི་ཡོན་ཏན་རིགས་ཀྱི་ལྷ་ཚོགས་དེ་བཞིན་གཤེགས་པ་དང་གཤེགས་མ༔ སེམས་དཔའ་དང་སེམས་མ༔ ཁྲོ་བོའི་ཚོགས་ཆར་ལྟར་དུ་བྱོན་ནས་ཁྱེད་རང་རྣམས་ལ་སིབ་སིབ་ཐིམ་པར་སྒོམས་ཤིག༔ རིན་ཆེན་འབྱུང་ལྡན་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཧཱུྃ་སྭཱ་

[Full Size]

ཧཱ༔ འོ་དེ་ལྟར་རིན་པོ་ཆེས་དབང་བསྐུར་བས་བསོད་ནམས་དང་ཡེ་ཤེས་འཕེལ་ཞིང་རྒྱས་ནས་འཁོར་ལོས་སྒྱུར་བའི་འདོད་པའི་དོན་རྣམས་འགྲུབ་པའོ༔ ད་པདྨ་འདི་སྤྱི་བོར་བཞག་པ་ཙམ་གྱིས་ནུབ་ཕྱོགས་བདེ་བ་ཅན་སོགས༔ ནུབ་ཕྱོགས་ཀྱི་ཞིང་ཁམས་ཐམས་ཅད་ནས་སྣང་བ་མཐའ་ཡས་ཚེ་དཔག་ཏུ་མེད་པ་དང་༔ ཤཱཀྱ་རིགས་དབང་ལ་སོགས་པ་པདྨ་རིགས་ཀྱི་དེ་བཞིན་གཤེགས་པ་དང་གཤེགས་མ་སེམས་དཔའ་དང་སེམས་མ་ཁྲོ་བོའི་ཚོགས་ཆར་ལྟར་བྱོན་ནས་ཁྱེད་རང་རྣམས་ལ་ཐིམ་པར་སྒོམས་ཤིག༔ སྣང་བ་མཐའ་ཡས་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཧཱུྃ་སྭཱ་ཧཱཿ དེས་འཁོར་བའི་སྐྱོན་གྱིས་མ་གོས་ཤིང་དག་པའི་ཞིང་ཁམས་བགྲོད་པའི་དོན་རྣམས་འགྲུབ་པ་ཡིན་ནོ༔ དེ་ནས་རྒྱ་གྲམ་སྤྱི་བོར་བཞག་པའི་ཚེ་ལས་རབ་རྫོགས་པའི་སངས་རྒྱས་ཀྱི་ཞིང་བྱང་ཕྱོགས་རྣམས་ནས་དོན་ཡོད་གྲུབ་པ་དང་མེ་ཏོག་ཆེར་རྒྱས་ལ་སོགས་པ་ཕྲིན་ལས་རིགས་ཀྱི་དེ་བཞིན་གཤེགས་པ་དང་གཤེགས་མ་སེམས་དཔའ་དང་སེམས་མ་ཁྲོ་བོའི་ཚོགས་ཆར་ལྟར་བྱོན་ནས་ཁྱེད་རང་རྣམས་ལ་ཐིམ་པར་སྒོམས་ཤིག༔ དོན་ཡོད་གྲུབ་པ་ཁྱོད་ཀྱིས་ཟུངས༔ འདོད་

[Full Size]

པའི་དོན་རྣམས་འགྲུབ་པར་འགྱུར༔ ཨཱཿསྭཱ་ཧཱཿ དེས་ཕྲིན་ལས་བཞི་ལ་མངའ་བརྙེས་ནས་རང་གཞན་གྱི་དོན་བསྒྲུབ་པ་ལ་ཐོགས་པ་མེད་པའི་དོན་འགྲུབ་པའོ༔ ད་ཕྱག་མཚན་བཞི་ཀ་གཅིག་ཏུ་བསྡུས་པ་དང་ཀུན་རིག་རྣམ་པར་སྣང་མཛད་ཀྱི་ཕྱག་རྒྱུ་ཕྱག་རྟགས་འཁོར་ལོའི་ཚུལ་དུ་བྱས་པ་འདི་སྤྱི་བོར་བཞག་པ་ཙམ་གྱིས་འོག་མིན་སྟུག་པོ་བཀོད་པ་ལ་སོགས་པ་དབུས་ཕྱོགས་ཀྱི་ཞིང་ཁམས་ཐམས་ཅད་ནས་བཅོམ་ལྡན་འདས་ཀུན་རིག་རྣམ་པར་སྣང་མཛད་ལ་སོགས་པ་བུད་རིགས་ཀྱི་དེ་བཞིན་གཤེགས་པ་དང་གཤེགས་མ་སེམས་དཔའ་དང་སེམས་ཁྲོ་བོའི་ཚོགས་ཆར་ལྟར་བབས་ནས་ཁྱེད་རང་རྣམས་ལ་སིབ་སིབ་ཐིམ་པར་སྒོམས་ཤིག༔ བཅོམ་ལྡན་ཀུན་རིག་ཁྱོད་ཀྱིས་ཟུངས༔ འདོད་པའི་དོན་རྣམས་འགྲུབ་པར་འགྱུར༔ ཨོཾ་སྭཱ་ཧཱཿ དེས་རྒྱུ་དང་འབྲས་བུའི་ངན་སོང་ཐམས་ཅད་ཡོངས་སུ་སྦྱོང་བའི་འདོད་དོན་འགྲུབ་པ་ཡིན་ནོ༔ འོ་དེ་ལྟར་དབང་བསྐུར་བས་སྡིག་སྒྲིབ་དག་ནས་ཐ་མལ་པའི་ལུས་མ་ཡིན་པར་སློབ་བུ་ཁྱེད་རང་བཅོམ་ལྡན་འདས་ཀུན་རིག་སྐུ་མདོག་དཀར་པོ་ཞལ་བཞི་ཕྱོགས་བཞིར་གཟིགས་པ༔ ཕྱག་གཉིས་བུདྡྷ་རིགས་ཀྱི་ཕྱག་རྒྱ་མཛད་

[Full Size]

པ༔ དར་དང་རིན་པོ་ཆེས་བརྒྱན་པ༔ སེང་གེའི་ཁྲི་ལ་བཞུགས་པའི་སྐུར་ལམ་གྱིས་གྱུར་པར་སྒོམས་ཤིག༔ དེ་ནས་སྔགས་ཀྱི་བཟླས་ལུང་གི་དོན་དུ་མེ་ཏོག་གི་ཕྲེང་བ་ཞིག་ཕུལ་བའི་མོས་པས་རྗེས་ཟློས་མཛོད༔ བཅོམ་ལྡན་ཀུན་རིག་བཟུང་ལགས་ཀྱིས༔ བདག་ལ་འགོ་བར་མཛད་དུ་གསོལ༔ དེ་ལྟར་གསོལ་བ་བཏབ་པས་སློབ་དཔོན་དང་༔ མདུན་བསྐྱེད་ཀྱི་ཐུགས་ཀ་ནས་སྔགས་ཕྲེང་བྱོན་ཏེ་ཞལ་ནས་ཐོན་ཞིང་ཁྱེད་རང་གི་ཞལ་དུ་ཞུགས་ནས་ཐུགས་ཀར་ཧཱུྃ་དཀར་པོའི་མཐར་ཟླ་བའི་གདན་ལ་གཡས་སུ་འཁོར་བར་བསྒོམས་ལ་རྗེས་ཟློས་དང་ཕྲེང་བ་བགྲང་༔ ཨོཾ་ཧཱུྃ་ཏུཾ་ཨཱསཱ་ཧཱ༔ རྒྱས་པར་སྤྲོ་ན་རྩ་རིག་ཚར་གཅིག་བརྗོད༔ དེ་ནས་སྔགས་ཕྲེང་མེ་ཏོག་གི་ཕྲེང་བར་གྱུར་ནས་སྤྱི་བོར་བཅིང་བར་སྒོམས་ཤིག༔ ཙམ་པ་ཀའམ་ནས་སམ་ཕྲེང་བ་བཞག་ལ༔ བཅོམ་ལྡན་ཀུན་རིག་འདི་ལ་བསྩལ་ལགས་ཀྱིས༔ འདི་ལ་འགོ་བར་མཛད་དུ་གསོལ༔ སྤྲོ་ན་ཚིག་རྗེས་མ་གསུམ་ཡང་བརྗོད༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ ཞེས་མེ་ཏོག་གཏོར་བས་བརྟན་ཅིང་རབ་ཏུ་གནས་པར་བྱས༔ དེ་ནས་བསྡུ་ན་རྒྱལ་སྲིད་ཙཀ་ལི་གཅིག་ལ་བྲིས་པ་ཐོགས་ལ༔ ད་དབང་གི་མཐའ་རྟེན་ནི་ཡོ་ག་རྒྱལ་པོ་དང་ཆོས་ལུགས་བསྟན་ཏེ་རྒྱལ་སྲིད་སྣ་

[Full Size]

བདུན་གྱི་དབང་བསྐུར་བས་འཕགས་པའི་ནོར་བདུན་དང་ལྡན་ནས༔ སྐྱེ་བ་ཀུན་ཏུ་འཁོར་ལོས་སྒྱུར་བའི་རྒྱལ་པོར་འགྱུར་བ་དང་༔ མཐར་ཐུག་ཆོས་ཀྱི་རྒྱལ་པོ་སངས་རྒྱས་བཅོམ་ལྡན་འདས་ཀྱི་གོ་འཕང་ཐོབ་པར་འགྱུར་བའི་རྟེན་འབྲེལ་དུ་གྱུར་པར་སྒོམས་ཤིག༔ འཁོར་ལོ་ལ་སོགས་རིན་ཆེན་བདུན་ཐོགས་ལ༔ མི་ཡི་དབང་ཕྱུག་འཁོར་ལོ་ཐོབ་པ་དང་༔ སྡིག་པ་གཞོམ་ཕྱིར་དབང་ནི་བསྐུར་བར་བྱ༔ ཨོཾ་དྲ་བྱ་རཏྟ་ཨ་བྷི་ཥིཉྩམཱ༔ རྒྱས་པར་སྤྲོ་ན་གསར་མ་ལྟར་རྒྱལ་སྲིད་སོ་སོར་ཚིགས་བཅད་དང་སྔགས་ཀྱིས་དབང་བསྐུར་ཏེ༔ ཚིག་ལྷུག་པ་ནི་མི་སྦྱར་ཨ་རོ༔ དེ་ལྟར་བཅོམ་ལྡན་འདས་ཀུན་རིག་གི་བརྡ་དབང་ཟབ་མོ་ཐོབ་པ་ཡིན་པས༔ དཔལ་མགོན་བདུན་ཅུ་རྩ་ལྔ་ལ་སོགས་པ་འཇིག་རྟེན་སྐྱོང་བ་རྣམས་ཀྱིས་བསྲུང་ཞིང་སྐྱོབ་པ་སོགས་ཚེ་འདིའི་ཕན་ཡོན་དང་ངན་སོང་དུ་ནམ་ཡང་མི་ལྟུང་ཞིང་བྱང་ཆུབ་ཐོབ་པ་སོགས་ཕན་ཡོན་མཐའ་ཡས་ཏེ༔ ཚེ་འདིའི་བདེ་བ་མ་ལུས་དང་༔ འཇིག་རྟེན་ཕྱི་མའི་བདེ་མཆོག་དང་༔ སངས་རྒྱས་ཉིད་ཀྱང་ཐོབ་འགྱུར་ན༔ ལྷ་མིའི་བདེ་བ་སྨོས་ཅི་དགོས༔ ཞེས་པས་ད་ལྟ་ཡང་ལྷ་དང་བླ་མ་མི་སྤང་ཞིང་རིམ་གྱིས་རྟོགས་པ་ན་འཕོས་པ་ན་གསང་སྔགས་ཀྱི་

[Full Size]

དམ་ཚིག་བསྲུང་སྙམ་པས་འདིའི་རྗེས་ཟློས་མཛོད༔ གཙོ་བོས་ཇི་ལྟར་སོགས༔ མཎྜལ་ཕུལ༔ དེ་ལྟར་དབང་རྒྱས་པ་གཅིག་ཚར་རྗེས་བརྒྱ་རྩ་སོགས་བྱེད་ན༔ གསོལ་འདེབས༔ དུས་གསུམ་སངས་རྒྱས༔ སོགས་ཚིག་གསུམ་དང་༔ རྩ་ཚིག་གི་ཚིག་གཉིས་རེ་དང་སྔགས་འབྲུ་གསུམ་ཁོ་ནས་ཕྱག་མཚན་ལྔ་རྫོགས་པ་ལ་དབང་རེ་བརྩི་ཞིང་ཡང་མཇུག་ཏུ་རྒྱས་པ་གཅིག་བསྐུར་རོ༔ རྗེས་ཆོག་སེམས་ངོ་བསྐྱངས་པས་འཐུས་ཀྱི༔ བསྡུ་ཆོག་གཤེགས་གསོལ་མི་དགོས་ཏེ་མི་དམིགས་པའོ༔ ཞེས་པ་སྤྱིལ་བུ་དགོན་གྱི་བླ་མ་གཉིས་ཀྱིས་བསྐུལ་ཕྱིར་རཱ་ག་ཨ་སྱས་སྦྱར་བ་ལ་ཉེས་འགལ་མཆིས་ན་རྩ་བ་གསུམ་ལ་བཤགས་ཤིང་དགེ་བས་སེམས་ཅན་ལ་ཕན་པ་རྒྱ་མཚོ་ལྟ་བུར་གྱུར་ཅིག༔ མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

དགོངས་གཏེར་ཀུན་རིག་གི་སྒོ་ནས་ཕུང་པོ་སྲེག་སྦྱང་གི་ཆོ་ག་ངན་སོང་དོང་སྤྲུག་ཕན་བདེ་རྒྱ་མཚོ་ཞེས་རྒྱུད་སྡེ་རྒྱ་མཚོའི་སྦྱིན་སྲེག་ལས་བཀོལ་བ།

[Full Size]

དགོངས་གཏེར་ཀུན་རིག་གི་སྒོ་ནས་ཕུང་པོ་སྲེག་སྦྱང་གི་ཆོ་ག་ངན་སོང་དོང་སྤྲུག་ཕན་བདེ་རྒྱ་མཚོ་ཞེས་རྒྱུད་སྡེ་རྒྱ་མཚོའི་སྦྱིན་སྲེག་ལས་བཀོལ་བ་བཞུགས་སོ། །

[Full Size]

བཅོམ་ལྡན་རྣམ་པར་སྣང་མཛད་ལ། །དང་པོ་ཉིད་དུ་ཕྱག་འཚལ་ནས། །པུར་སྦྱོང་ཆོ་ག་རྒྱུད་དང་ནི། །མན་ངག་ཅི་བཞིན་བྲི་བར་བྱ། །ས་རྒོད་ས་ཆོག་རྒྱས་པར་མ་གྲུབ་ཅིང་། །ལྟོ་འཕྱེ་ལ་སོགས་བརྩི་ཚུལ་ཤེས་དཀའ་བས། །སྦྱིན་སྲེག་བླུགས་ས་དེ་རུ་ས་མི་བརྐོ། །རྡོ་ལེབ་བསྒྲིགས་སམ་ཤིང་ལེབ་བཀོད་པའི་སྟེང་། །གཞན་ནས་ས་ཉོབ་བླང་བླུགས་ལེགས་པར་བཅག །དེ་སྟེང་དཀར་གཏོར་གཉིས་བཤམས་ཏེ། །རང་ཉིད་དྲན་རྫོགས་ཀུན་རིག་གསལ་བསྒོམ་ལ། །འདི་ཉིད་འདོན་སྒོམ་བྱས་པས་འཐུས་པ་ཡིན། །ཧཱུྃ། རང་ཉིད་བཅོམ་ལྡན་ཀུན་རིག་གི །ཕྱག་གཡས་ས་ལ་བརྡབས་པ་ཡིས། །ས་ཡང་རྣམ་པ་དྲུག་ཏུ་གཡོས། །ས་ཡི་ལྷ་མོ་གསེར་གྱི་མདོག །ཐལ་སྦྱར་

[Full Size]

བར་ནས་བུམ་པ་འཛིན། །དར་དང་རིན་ཆེན་རྒྱན་གྱིས་སྨྲས། །སྐྱ་ཕྱེད་ས་ཡི་ནང་ནས་ཐོན། །ས་བདག་ཚོགས་ཀྱིས་བསྐོར་བར་གསལ། །ཨོཾ། ཚུར་བྱོན་ཚུར་བྱོན་ས་ཡི་ནི། །ལྷ་མོ་ཆེན་མོ་འཇིག་རྟེན་ཡུམ། །འདིར་གནས་ས་བདག་ཚོགས་དང་བཅས། །དཀྱིལ་འཁོར་བསྒྲུབ་ཕྱིར་འདིར་གཤེགས་ལ། །ས་གླུད་མཆོད་གཏོར་འདི་བཞེས་ལ། །ཨོཾ་པྲ་ཤྲཱི་དེ་ཝཱི་བྷུ་མི་པ་ཏི་ས་པཱ་རི་ཝཱ་ར་ཨརྒྷཾ་སོགས། ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཾ་ཨདྱ་ནུཏྤནྣ་ཏྭ་ཏ་ཨོཾ་ཨཱ༔ཧཱུྃ་ཕཊ་སྭཱ་ཧཱ། ཨོཾ་པྲི་ཤྲཱི་དེ་ཝི་བྷུ་མི་པ་ཏི་ས་པཱ་རི་ཝ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། དཀྱིལ་འཁོར་

[Full Size]

དོན་དུ་ས་འདི་ནི། །བདག་ཞུ་ཁྱེད་ཀྱིས་བསྩལ་དུ་གསོལ། །གནས་འདིར་དོར་ནས་ཕྱིར་བཟུར་ཞུ། །ས་བདག་ས་ཡི་ལྷ་མོ་རྣམས། །དགའ་བའི་ཡིད་ཀྱིས་ཐལ་སྦྱར་ཏེ།། རྒྱུས་འདིར་གནང་གི་ཅི་བདེར་སྤྱོད། །ཅེས་གསུངས་ས་བདག་རྣམས་ནི་བྱེར། །ལྷ་མོ་ས་དེར་ཐིམ་གྱུར་པས། །ས་ཡང་གསེར་གྱི་ཕུང་པོར་གྱུར། ༈ །རིན་ཆེན་སྣོད་དུ་ཐིག་ཚོན་རྣམས། །ཨོཾ་ཧཱུྃ་ཏྲཾ་ཧྲཱིཿཨཱཿརྣམས་ལས། །བཅོམ་ལྡན་རིགས་ལྔའི་སྐུར་གྱུར་པ། །འོད་ཞུ་ཐིག་ཚོན་སོ་སོར་གྱུར། །ཨོཾ་བཛྲ་ས་མ་ཡ་སུ་ཏྲ་མ་ཏི་ཀྲ་མ་ཧཱུྃ། ཨོཾ་བཛྲ་ཙི་ཏྲ་ས་མ་ཟློཡ་ཧཱུྃ། དེ་ནས་ཐིག་གདབ་སྤྱི་ལྟར་རོ། །ཐབ་ཀྱི་ནང་དུ་གདུང་རེ་མིག་ལ་རིགས་ལྔ་ཡབ་ཡུམ་བཞིའི་ཕྱག་མཚན་བྲི། ཐབ་ཀྱི་ཕྱི་རོལ་དུ་འཁོར་ལོ་རྩིབས་བཅུ་དྲུག་སེམས་དཔའ་བཅུ་དྲུག་སྒེག་སོགས་བརྒྱད་དང་སྒོ་བ་བཞི། དེས་ཕྱིའི་ལྷ་སྣམ་ལ་རིམ་གྱིས་བསྐལ་བཟང་དཔེ་བྲལ་ཉན་རང་ཁྲོ་བོ་རྣམས་བྲི། དེ་ནས་སྒོ་ཕྱེའམ་མེད་ཀྱང་རུང་སྟེ། འཁོར་ཡུག་དཔལ་མགོན་བདུན་དང་རྡོ་ར་འོད་ཟེར་ཕྲེང་བ་བྲི་བ་སོགས་དཔེའུ་རིས་ལྟར་རོ། །འདིར་སྒོ་རྫོགས་བྲི་མ་ཐུབ་ན་ཡང་ཕྱིའི་ལྷ་རྣམས་ཚོན་སྤུངས་སམ། ནས་འབྲུ་ལ་སྔགས་བཟླ་ཞིང་བཀོད་པར་སྣང་གསུངས་སོ། །དེ་ནས་དཀྱིལ་འཁོར་སྟེང་དུ་དར་རམ་རས་སམ་བལ་སོགས་གང་འབྱོར་གྱི་ཞལ་ཁེབས་བྱས་ལ། །དེའི་སྟེང་དུ་རབ་འབྲིང་ཐ་མའི་གདུང་ཁང་

[Full Size]

དཔེའུ་རིས་ལྟར་བརྩེགས། ཐ་མལ་པ་ལ་རྡོ་སྐྱིད་ཤིང་སྡོང་སོགས་བརྩེགས། སྐྱེས་བུ་དམ་པའི་གདུང་ལ་གཟུངས་ཆུས་བཀྲུ་ཞིང་རས་སམ་སྣམ་བུ་ཕྱི་དྲི་བཟང་གིས་ཁྱབ་པར་བྱུག་ཞལ་དུ་བླུག །ཕལ་པ་ལ་ཡང་ཕྱིར་ལྡོག་ཚང་བར་བྱས་པས་ཆོག །རྩ་རིག་སྔགས་པའི་གོས་དང་རྒྱན་གྱིས་བརྒྱན། ༈ གནས་ཡིག་ནི་མགོ་མཛོད་སྤུ་རྣ་བ་གཡས་གཡོན་གཙུག་ཕུད་དང་། སླར་ཡང་རིགས་ལྔའི་སྔགས་དཔུང་པ་གཡས་གཡོན་ལ། ཨོཾ་སརྦ་བིད་ཨ་ཝ་ར་ཎ་ནི་བི་ཤོ་དྷ་ཡ་ཧ་ན་ཧ་ན་ཧཱུྃ་ཕཊ༔ དཔུང་པ་གཡས་ལ་རྩ་རིག །སྣ་བུག་གཉིས་ལ། ཨོཾ་སརྦ་བིད་ཧཱུྃ། རྐང་པར། ཨོཾ་སརྦ་བིད་ཕཊ༔ པུས་མོ་གཡས་ལ། ཨོཾ་སརྦ་བིད་པུས་མོ་གཡོན་༈ ལ། ཨོཾ་སརྦ་བིད་ཧཱུྃ། བོལ་གཡས་ལ། ཨོཾ་སརྦ་བིད་དྲ། བོལ་གཡོན་ལ། ཨོཾ་སརྦ་བིད་སྭཱ། ལོང་བུ་གཡས་ལ། ཨོཾ་སརྦ་བིད་ལོང་བུ་གཡོན་དུ། ཨོཾ་སརྦ་བིད་ཧཱུྃ། མིག་གཡས་ལ། ཨོཾ་སརྦ་བིད་ཏྲ། མིག་གཡོན་ལ། ཨོཾ་ཤད། གསང་གནས་སུ། ཨོཾ་བྷ། ཞེས་པ་རྣམས་རབ་གུར་གུམ་གྱིས་བྲིས་ནས་སོ་སོར་སྦྱར། འབྲིང་མཚལ་གྱིས་བྲིས་ལ་གནས་བཅོ་བརྒྱད་དུ། ཀློག་པའི་ཚུལ་དུ་བྱས་མགོ་དང་དཔུང་པ་གཉིས་སུ་འདོགས། ཐ་མ་སྔགས་ཚར་གསུམ་ཀློག་ནས་གནས་སོ་སོར་གདབ་པར་བསྒོམ། དེ་ནི་སྦྱོང་རྒྱུད་ལུགས་སོ། །བསྡུ་ན་གཙོ་བོའི་སྔགས་འགོ་དང་ལྷ་མོ་བརྒྱད་སྒོ་བ་བཞིའི་སྔགས་ཡན་ལག་བཞི་ལ་བཏགས་

[Full Size]

སོ། །བཏགས་གྲོལ་ཡོད་ནའང་སྙིང་གར་འདོགས་སོ། །དེ་ལ་ཕྱིར་ལྡོག་དབང་བསྐུར་རྒྱས་བསྡུས་གང་ལྕོགས་སྔོན་ཏུ་ཚར་བར་བྱའོ། །དེ་ནི་རོ་ཚེས་བྱའོ། །ཡམ་ཤི་ང་ནི་བལ་བུ་གླང་མ་ལྕང་མ་སོགས་མེ་ཏོག་དང་ཤུག་པ་དཀར་ཞིང་རོ་མངར་བ་གང་རུང་སྟེ། སློབ་དཔོན་གྱི་མཐེའུ་ཆུང་གི་ཚད་ཙམ་སོར་བཅུ་གཉིས་པ་པདྨ་འདབ་བརྒྱད་དོད་པར་བྱས་པས། མར་ཁུའམ་འོ་མ་སྦག །དེ་ནས་ལྔ་སེར་དང་གདོང་མ་ཐུག་པར་འདུག་ལ། གཡས་སུ་བསྲེག་རྫས་བཀོད་པའི་གོ་རིམ་ནི། ཡམ་ཤིང་། མར་ཁུ། ཏིལ། ཡུངས་ཀར། ཞོ་ཟན། ཟས་མཆོག །དུར་ཝ། ནས། གྲོ། སོ་བ། སྲན་མ། འབྲས། ཀུ་ཤ། བིལ་བ། སྟག་ཤིང་ཐོག་སྣ་ཚོགས། མེ་ཏོག །སོ་རྩི། ན་བཟའ། དཀར་གསུམ་མངར་གསུམ། མེ་ཏོག་ནི་དཀར་པོ་ནས་དཀར་སོགས་ཀྱིས་རུང་། བིལ་བའི་ཚབ་ལ་སེ་ཐོག་དང་། སྟརྒའི་ཚབ་ལ་ཤུག་ཐོག་བྱའོ། །དེ་ཐམས་ཅད་སྤོས་ཀྱིས་བདུག་པའམ་བྱུག །འབྲུ་ཐམས་ཅད་མར་ཁུས་ཅུང་ཟད་བྲན། དུར་ཝ་ལ་འོ་མ་ཀུ་ཤ་ལ་མར་ཁུས་སྦག་ལ་བཤམས་པར་གསུངས་སོ།། ༈ གཡོན་དུ་མཆོད་གཞི་ལ་ནས་ཚོམ་སྟེང་དུ་མེ་ལྷའི་གཏོར་མ་ཟླུམ་པོ་པད་འདབ་བསྐོར་བ་ཆེ་ཆུང་གཉིས་དང་མཆོད་པ་སྣ་བདུན་ཆ་ལྔ་ཙམ་དང་། བུམ་པ་ལས་བུམ་བཅས་བཤམས། དེ་ནས་རང་ཉིད་གདན་ལ་རྒྱན་ཆ་དང་ལྡན་པར་འདུག་ལ། ཨོཾ་བཛྲ་ཡཀྵ་ཧཱུྃ། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། གིས་སྦྱངས། སྟོང་པའི་ངང་ལས་ཧཱུྃ་

[Full Size]

དང་ཨ་ལས་བྱུང་བའི་རྡོ་རྗེ་སེམས་དཔའ་ཡབ་ཡུམ་འོད་དུ་ཞུ་བ་ལས་བྱུང་བའི་རྡོ་དྲིལ་མཚན་ཉིད་དང་ལྡན་པ་རང་གི་ལག་མཐིལ་གཡས་སུ་ཟླ་བ་དང་གཡོན་དུ་ཉི་མའི་གདན་ལ་འཁོད་པར་གྱུར། ཞེས་པད་ཀོར་དང་ལྡན་པས་དྲིལ་བུ་བླངས། ཨོཾ་བཛྲ་སཏྭ་ཧཱུྃ། ཞེས་པས་རྡོ་རྗེ་བླངས། ལན་གསུམ་གསོར་ནས་ཐུགས་ཀར་བཟུང་། མཾ་དྷ་ཏུ་ཤྭ་རི་ཧཱུྃ། ཞེས་དྲིལ་བུ་དཀྲོལ་ཞིང་དཀུར་བརྟེན། དེ་ནས་བཟུང་སྟེ་སྦྱིན་སྲེག་མ་ཚར་བར་རྡོར་དྲིལ་དང་འབྲལ་མི་རུང་ངོ་། །དེ་ནས་བདག་མདུན་བུམ་གསུམ་ལས་བུམ་བདག་འཇུག་ཡན་འདོན་པ་ལ། དང་པོ་སྔོན་འགྲོ་སྐྱབས་སེམས་མཆོད་པ་བྱིན་རླབས་ནས་བགེགས་གཏོར་ཅོག་རྡོག་བཏང་ནས་བདག་མདུན་ཀུན་རིག་ཏུ་བསྒོམས་ནས་མཆོད་པ་པུར་ཁང་བཅས་པ་བྲན་ལ། ཨོཾ་སྭ་བྷ་ཝ་སོགས། ཀ་དག་ཀློང་ནས་སྤྲུལ་པ་ཡི། །གནམ་ས་གང་བ་མཆོད་པའི་སྤྲིན། །ཉེར་སྤྱོད་འདོད་ཡོན་བསྲེག་རྫས་རྣམས། །ཟད་མེད་གྱུར་ཅིག་པཱུ་ཛ་ཧོ། །རྡོར་དྲིལ་དང་བཅས་དགང་བླུགས་ཁ་སྦྱོར་ནས་རྫས་རྣམས་ལ་རེག་ཅིང་། ཨོཾ་ཨཱཿཧཱུྃ། ཨོཾ་ཋ་ཋ་ཌ་ཎ་ཥ་ཋ་ཋ། ཨོཾ་ཨཱཿསྭཱ་ཧཱ། །རྫས་རྣམས་བཀྲུ་བར་བསམ། དེ་ནས་ཡམ་ཤིང་ལ་རེག་སྟེ། ཨོཾ་བི་སྭ་ཧཱ། མར་ཁུ་ལ་རེག་སྟེ། ཨོཾ་ཨཱཿསྭ་ཧཱ། འབྲུ་ཐམས་ཅད་ལ་རེག །ཨོཾ་ཛི་སྭ་ཧཱ། ཡང་རྫས་ཐམས་ཅད་ལ་རེག་ཅིང་། ཨོཾ་ཀུ་རུ་ཀུ་རུ་

[Full Size]

སྭཱ་ཧཱ། དེ་ནས་ཀུ་ཤའི་ཆུན་པོ་བཅུ་ལས་བུམ་དཔལ་འབར་ལྔའམ་གསུམ་རླུང་གཡབ་རྣམས་སྣོད་གཅིག་ཏུ་བཞག་ལ་མཆོད་གཡོག་པས་བཟུང་། རང་རྒྱན་ཆས་དང་བཅས་པུར་ཁང་སྒོར་འགྲོ། ཀུ་ཤ་ཆུན་པོ་བརྒྱད་ལས་བུམ་གྱི་ཆུས་བསང་ཞིང་སྦྱངས། སྟོང་པའི་ངང་ལས་ཨོཾ་ལས་ཀུ་ཤ་གསར་པ་སྔོ་ལྗང་རྩ་བ་དང་རྩེ་མོ་མ་ཉམས་པ། ཧ་ཅང་མི་རིང་ཞིང་མི་ཐུང་བ་དག་པར་བྱེད་ཅིང་བསྲུང་བའི་ནུས་པ་ཕུན་སུམ་ཚོགས་པར་གྱུར། ཨོཾ་བཛྲ་སཏཱ་ཞེས་པད་ཀོར་དང་བཅས་གཉིས་རེ་བླངས་ལ། ཨོཾ། ཀུ་ཤ་འདི་ནི་གཙང་ཞིང་དགེ །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པ་འདབ་མའི་སྙིང་། །བདག་གི་བགེགས་རྣམས་ཐམས་ཅད་ནི། །ཞི་ཞིང་བདེ་ལེགས་མཛད་དུ་གསོལ། །ཨོཾ་བཛྲ་སཏཱ་ཨཱ༔ ཞེས་ཆུན་པོ་གཉིས་ཐབ་ཀྱི་སྟེང་དུ་རྩེ་མོ་ཤར་དུ་བསྟན་ཏེ་བཞག་པས་མེ་ལྷའི་གདོན་དུ་བསམ་མོ། །འདི་རྒྱ་གྲམ་དུ་བཅིངས་སྲོལ་སྣང་། གཞན་རྣམས་གཡས་བསྐོར་དུ་ཐབ་ཀྱི་ཁ་ཁྱེར་ལ་རྩ་བ་སྔོན་དུ་འགྲོ་བའི་སྔ་མའི་རྩ་བ་ཕྱི་མའི་རྩེ་མོས་གནོན་པར་ཆུན་པོ་བརྒྱད་པོ་བཀོད། དེ་ནས་ལས་བུམ་གྱི་ཆུས་བསང་སྦྱངས། སྟོང་པའི་ངང་ལས་ཧཱུྃ་ཡིག་ལས་ཞི་བའི་ཐབ་ཁུང་མཚན་ཉིད་དང་ལྡན་པའི་དབུས་སུ་པདྨ་དང་ར་སྐྱེས་ཀྱི་གདན་ལ་རཾ་ལས་མེ་ལྷ་སྐུ་

[Full Size]

མདོག་དཀར་པོ་ཞལ་གཅིག་ཕྱག་བཞི་པ་སྤྱན་གསུམ་རལ་པའི་ཐོར་ཚུགས་ཅན་གཡས་གཉིས་ན་དབྱུག་གུ་དང་མི་འཇིགས་པའི་ཕྱག་རྒྱ་གཡོན་གཉིས་ཕྲེང་བ་རིལ་བ་་འཛིན་པ། མེ་ལྕེ་སྟོང་གིས་དཀྲིས་ཤིང་འོད་འབར་བའི་དཔྲལ་བར་ཨོཾ་མགྲིན་པར་ཨཱཿཐུགས་ཀར་ཧཱུྃ་དང་རཾ་གྱིས་མཚན་པར་གྱུར། རས་འདེ་སྦར་ལ་བསང་སྦྱངས། སྟོང་པའི་ངང་ལས་རས་འདེ་ཨོཾ་ཧཱུྃ་ཏྲཱྃ་ཧྲཱི་ཨཱཿརྣམས་ལས་བྱུང་བའི་རྒྱལ་བ་རིགས་ལྔའི་ངོ་བོ་ཡེ་ཤེས་ཀྱི་མེ་ཁ་དོག་ལྔ་ལྡན་དུ་འབར་བར་གྱུར། དེ་ནས། གསོན་ཅིག་དགོངས་ཤིག་རིགས་ཀྱི་བུ། །ཕུང་པོ་ལྔ་ཡི་བུད་ཤིང་ལ། །རྒྱལ་བ་རིགས་ལྔའི་མེ་སྦྱར་རོ། །འབྱུང་བ་བཞི་ཡི་བུད་ཤིང་ལ། །ལྷ་མོ་བཞི་ཡི་མེ་སྦར་རོ། །དབང་པོ་དྲུག་གི་བུད་ཤིང་ལ། །བྱང་ཆུབ་སེམས་དཔའི་མེ་སྦར་རོ། །ཡུལ་རྣམས་དྲུག་གི་བུད་ཤིང་ལ། །ལྷ་མོ་དྲུག་གི་མེ་སྦྱར་རོ། །ལུས་ངག་ཡིད་གསུམ་བུད་ཤིང་ལ། །རྒྱལ་བའི་སྐུ་གསུམ་མེ་སྦར་རོ། །སྐུ་གསུམ་ཡེ་ཤེས་ལྔ་ལྡན་དུ། །འགྲོ་བའི་དོན་དུ་འགྲུབ་པར་ཤོག །ཨོཾ་བཛྲ་བཛྲ་ཛྭ་ལ་ཛྭ་ལ་ཧཱུྃ། མེ་སྦར་རོ། །གང་ཟག་མཆོག་ལ། དཔལ་ལྡན་བླ་མ་དགོངས་སུ་གསོལ། །ཞེས་སྦྱར་རོ། །འབུད་

[Full Size]

ཤིང་རླུང་གཡབ་མེ་དར་ཚིགས་བཅད་འདི་རྣམས་ཀུན་རིག་ལ་མི་དགོས་གསུངས་སོ། །དེ་ནས་མེ་ལྷ་ཡེ་ཤེས་པ་སྤྱན་འདྲེན་པ་ནི། ཐབ་ཏུ་གནས་པའི་མེ་ལྷ་དམ་ཚིག་པའི་ཐུགས་ཀའི་འོད་ཀྱིས་འཇིག་རྟེན་གྱི་ཤར་ལྷོ་ན་གནས་པའི་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་སྤྱན་དྲངས། ལག་གཡས་མི་འཇིགས་པའི་ཕྱག་རྒྱ་མཐེ་བོང་སྲིན་ལག་གི་རྩ་བར་གཡོབ་ཅིང་རྣ་བ་གཡོན་ངོས་ནས་གཡས་ངོས་སུ་ཁྱེར་ཞིང་ལག་གཡོན་དྲིལ་བུ་བསིལ། ཨོཾ། ཚུར་བྱོན་ཚུར་བྱོན་འབྱུང་པོ་ཆེ། །ལྷ་ཡི་དྲང་སྲོང་གཉིས་སྐྱེས་མཆོག །བསྲེག་བླུག་ཞལ་ཟས་བཞེས་སླད་དུ། །འདི་ནི་ཡང་དག་བསྙེན་པར་མཛོད། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་རབ་སྒྲུབ་པ། །ཐུགས་རྗེས་སེམས་ཅན་དོན་གྱི་ཕྱིར། །འདི་ཉིད་དུ་ནི་གཤེགས་སུ་གསོལ། །ཨོཾ་ཊཱ་ཀི་ཧཱུྃ་ཛཿ ཧཱུྃ། གཟི་བརྗིད་འབར་བ་མེ་ཡི་ལྷ། །འདོད་པ་ཐམས་ཅད་རབ་སྒྲུབ་པ། །ཐུགས་རྗེས་སེམས་ཅན་དོན་གྱི་ཕྱིར། །འབར་བའི་གདན་ལ་བཞུགས་སུ་གསོལ། །ཨོཾ་ཨཀྵེ་ཡེ་དེ་ཝ་ས་མ་ཡ་ཏིཥྛ་ལྷན། ཐབ་ཀྱི་ཤར་ལྷོའི་ཁ་ཁྱེར་ཀུ་ཤའི་གདན་ལ་མེ་ལྷ་ཡེ་ཤེས་པ་འཁོར་བཅས་འཁོད་པར་གྱུར། ཨོཾ་ཨཀྵེ་ཡེ་ས་པཱ་རི་ཝ་ར་ཨརྒྷཾ་པྲ་ཏཱིཙྪ་སྭཱ་ཧཱ། པཱཏྱཾ་པྲ་ཏཱིཙྪ་སྭཱ་ཧཱ།

[Full Size]

ཧཱུྃ། རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །དམ་ཚིག་འདི་ལ་འདས་ན་ནི། །རིགས་རྣམས་མྱུར་དུ་ཐལ་བར་བྱེད། །ཨོཾ་ཧ་ན་ས་མ་ཡ་ཧཱུྃ་ཕཊ༔ མེ་ལྷ་ཡེ་ཤེས་པ་དང་དམ་ཚིག་པ་དབྱེར་མེད་དུ་གྱུར། ཛཿཧཱུྃ་བཾ་ཧོཿ སླར་ཡང་ཐུགས་ཀའི་འོད་ཟེར་གྱིས་རིགས་ལྔ་སྤྱན་དྲངས་ནས། དབང་བསྐུར་སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་རྣམ་པར་སྣང་མཛད་ཀྱིས་དབུ་བརྒྱན་པར་གྱུར། ཨོཾ་ཨཀྵེ་ཡེ་ས་པཱ་རི་ཝཱ་ར་པུལླེ་སོགས། ཤརྡ་པྲ་ཏཱིཙྪ་ཨཱཿཧཱུྃ་སྭཱ་ཧཱ། ཧཱུྃ། གཟི་བརྗིད་འབར་བ་མེ་ཡི་ལྷ། །འབར་བཅས་སྐུ་ཡི་རྒྱན་གྱིས་བརྒྱན། །རྔམས་པའི་བྱིན་ཆེན་ལས་ལ་བརྩོན། །སྲེག་བླུག་འབུལ་ལོ་ལས་ཀུན་སྒྲུབ། །ཚངས་པ་འཇིག་རྟེན་མགོན་གྱི་སྲས། །ཞི་ལ་སོགས་པའི་ལྷ་དཔལ་ཏེ། །ཇི་ལྟར་འདོད་པའི་དོན་བསྒྲུབ་པའི། །གཟི་བརྗིད་རྒྱལ་པོར་ཕྱག་འཚལ་བསྟོད། །དགང་བླུགས་ཀྱི་ཁར་ཧཱུྃ་དང་མེ་ལྷའི་ཞལ་ཅུང་ཟད་གདངས་པའི་ལྗགས་ལ་རཾ་ཡིག་གིས་མཚན་པས་བསྲེག་རྫས་རྣམས་བདུད་རྩིར་བཞེས་པར་གྱུར། བླུགས་གཟར་གྱིས་དགང་གཟར་དུ་མར་ཁུ་བདུན་བླུགས་ཤིང་། ཨོཾ་ཨཀྵེ་ཡེ་སྭཱ་ཧཱ། བདུན་

[Full Size]

གཡས་སྐོར་གསུམ་བྱ་ཞིང་། ཨོཾ་ཨཀྵེ་ཡེ་ཧ་བྱ་ཀ་བྱ་ཝ་ཧ་ན་ཡ་ཨཱ་དི་བྱ་སྭཱ་ཧཱ། ཞེས་མར་ཁུ་རེ་ཐབ་ཏུ་འབུལ། དེ་ནས་ཐབ་ཁ་ལན་གསུམ་རོལ་མོ་བྱེད་ཅིང་བསྐོར་རོ། །དེ་ནས་ཡར་མཆོད་གཞི་རྩར་འདུག་ལ་བསྲེག་རྫས་རྣམས་སྐྱོགས་དང་གཞོང་པ་རྣམས་སུ་མཆོད་གཡོག་པ་ལ་བསྐུར་བ་ཕྱག་ལེན་ནོ། །མེ་པྲ་བརྟག་པ་ནི་གཞུང་དུ་གསལ་ལོ། །མེ་ལྷའི་ཐུགས་ཀའི་འོད་ཟེར་གྱིས་ཚེ་འདས་བཀུག་ནས་དེའི་སྡིག་སྒྲིབ་དང་སྡུག་བསྔལ་ཐམས་ཅད་འོད་ཟེར་གྱིས་དྲངས་ནས་བསྲེག་རྫས་ལ་བསྟིམ་སྟེ་གསོལ་བར་གྱུར། གང་ཟག་བཟང་པོ་ཡིན་ན་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་བཀུག་ནས་བསྲེག་རྫས་ལ་བསྟིམ་གདུང་དང་དཀྱིལ་འཁོར་ལྷ་དབྱེར་མེད་ལ་འབུལ། ཕལ་པ་ལ་བསྲེག་རྫས་དང་ཤ་ཁྲག་དབྱེར་མེད་པ་དཀྱིལ་འཁོར་ལྷ་ལ་འབུལ། དེ་ཡང་བསྲེག་རྫས་ཐམས་ཅད་མཐེབ་སྲིན་ནམ་གུང་མཐེབ་ཀྱིས་འབུལ་ལོ། །ཡམ་ཤིང་བྱང་ཆུབ་ཤིང་དུ་བསམ་ལ་རྩེ་མོ་སྟེང་དུ་བསྟན་ལ་འབུལ་ཞིང་། ཨོཾ་ཨཀྵེ་ཡེ་ས་པཱ་རི་ཝཱ་ར། ཅེས་རྫས་སྔགས་སོ་སོའི་མགོར་སྦྱར་ལ། ཡམ་ཤིང་ལ། ཨོཾ་བོ་དྷི་བྷིཀཱ་ཡེ་སྭཱ་ཧཱ། ཚེ་ལས་འདས་་་་་གང་ཟག་དམ་པ་ལ་ནི་ཞི་བར་གཤེགས། །པའི་སྐྱེ་བ་གཞན་དུ་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། མར་ཁུ་ལ། ཨོཾ་ཨཀྵེ་ཡེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་

[Full Size]

དུ་འབྱོར་པ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། ཏིལ་ལ། ཨོཾ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ། ཚེ་ལས་འདས་པའི་སྡིག་པ་དང་སྒྲིབ་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། ཡུངས་དཀར་ལ། ཨོཾ་སརྦ་ཨརྦ་སིདྡྷི་ཡེ་སྭཱ་ཧཱ། ཚེ་ལས་འདས་པའི་བར་དོའི་འཇིགས་སྐྲག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཟས་མཆོག་ལ། ཨོཾ་སརྦ་སཾ་པ་དེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་བདེ་བ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། དུར་ཝ་ལ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་ཚེ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ནས་ལ། ཨོཾ་མ་ཧཱ་བེ་ག་ཡ་སྭཱ་ཧཱ། ཚེ་ལས་འདས་པའི་དག་པའི་ཞིང་ཁམས་བགྲོད་པ་ལ་མྱུར་བའི་ཤུགས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། གྲོ་ལ། ཨོཾ་བཛྲ་གྷསྨ་རི་ཡེ་སཱ་ཧཱ། ཚེ་ལས་འདས་པའི་སྐྱེ་བ་གཞན་དུ་ནད་མེད་པ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། སོ་བ་ལ། ཨོཾ་བཛྲ་བི་ཛ་ཡེ་སྭཱ་ཧཱ། ཚེ་

[Full Size]

ལས་འདས་པའི་སྐྱེ་བ་གཞན་དུ་ནོར་དང་འབྲུ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། སྲན་མ་ལ། ༀ་བཛྲ་མ་ཧཱ་བ་ལ་ཡ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་སྟོབས་ཕུན་སུམ་ཚོགས་པོ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། འབྲས་ལ། ཨོཾ་བཛྲ་པུཥྛ་ཡེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་བསོད་ནམས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཀུ་ཤ་ལ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་སྲུང་བ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། བིལ་བ་སྟག་ཛ་ཏི་ཕ་ལ་ཤིང་ཐོག་རིགས་གང་རྙེད་ལ། ཨོཾ་ཤྲཱི་ཝ་ཡེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་རིགས་རྒྱུད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། དཀར་གསུམ་མངར་གསུམ་ལ། ཨོཾ་བཛྲ་མཱ་ལེ་པུཥཱ་ཡེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་ཤེས་རབ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། མེ་ཏོག་ལ། ཨོཾ་བཛྲ་པུཊྚེ་ཡེ་སྭཱ་ཧཱ། ཚེ་ལས་འདས་པའི་སྐྱེ་

[Full Size]

བ་གཞན་དུ་ཁ་དོག་དང་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། དྲི་བཟང་པོ་རྩི་ཇ་སོགས་བཏུང་བའི་རིགས་ལ། ཨོཾབཛྲ་ཏཾ་བུ་ལཱ་ཡ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་བཀྲ་ཤིས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། སྨན་སྣ་ཚོགས་ལ། ཨོཾ་ཨོཾ་ཋདྷི་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་ནད་མེད་པ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། དར་ཟབ་གོས་སྣམ་དུམ་བུ་ལ། ཨོཾབཛྲ་ཝསྟྲ་ཡེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་རྒྱུན་དང་གོས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། འདིར་མ་འཐུས་པ་རྣམས་ལ། ཨོཾ་ཨཱཿཧཱུྃ། ཚེ་ལས་འདས་པའི་སྡིག་སྒྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། ཞེས་པས་ཕུལ། དེ་ལྟར་མེ་ལྷ་ལ་གསུམ་རེའམ་བདུན་རེ་ཕུལ་ནས། འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨགྣེ་ཡེ་ས་པཱ་རི་ཝ་ར་ཨརྒྷཾ་

[Full Size]

པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འཇིག་རྟེན་ཁམས་ནི་དཔག་མེད་ན། །ཞབས་བསིལ་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཀྵེ་ཡེ་ས་པཱ་རི་ཝཱ་ར་པཱཧཱུྃ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འཇིག་རྟེན་ཁམས་ནི་དཔག་མེད་ན། །མེ་ཏོག་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཀྵེ་ཡེ་ས་པཱ་རི་ཝཱ་ར་པུཊྚེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འཇིག་རྟེན་ཁམས་ནི་དཔག་མེད་ན། །བདུག་སྤོས་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཀྵེ་ཡེ་ས་པཱ་རི་ཝ་ར་དྷུ་པེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། །འཇིག་རྟེན་ཁམས་ནི་དཔག་མེད་ན། །སྣང་གསལ་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་

[Full Size]

ཕྲིན་ལས་མཛོད། །ཨོཾ་ཨཀྵེ་ཡེ་ས་པཱ་རི་ཝཱ་ར་ཨཱ་ལོ་ཀེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འཇིག་རྟེན་ཁམས་ནི་དཔག་མེད་ན། །དྲི་ཆབ་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཀྵེ་ཡེ་ས་པཱ་རི་ཝཱ་ར་གྷནྡྷེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འཇིག་རྟེན་ཁམས་ནི་དཔག་མེད་ན། །ཞལ་ཟས་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཀྵེ་ཡེ་ས་པཱ་རི་ཝཱ་ར་ནེ་ཝི་ཏྱ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། འཇིག་རྟེན་ཁམས་ནི་དཔག་མེད་ན། །རོལ་མོ་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨགྣེ་ཡེ་ས་པཱ་རི་ཝཱ་ར་ཤབྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཞེས་འབུལ་ཞིང་རོལ་མོ་བྱ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀིས་དབང་བསྐུར་

[Full Size]

བས། །ཤེས་རབ་མཆོག་གིས་ཉོན་མོངས་ཐམས་ཅད་བསྲེག །འཛིན་བྱེད་མེ་ལྷ་ཉིད་ལ་མངོན་པར་འདུད། །ཞི་བའི་ཕྲིན་ལས་འགྲུབ་པ་དང་། །དངོས་གྲུབ་མ་ལུས་སྩོལ་བར་མཛོད། །མེ་ལྷ་ཁྱོད་ཉིད་མེ་འབར་བ་དང་གཉིས་སུ་མེད་པར་བཞུགས་ལ་སྦྱིན་སྲེག་གི་མཆོད་པ་འདི་རྣམས་བཅོམ་ལྡན་འདས་ཀུན་རིག་རྣམ་པར་སྣང་མཛད་ཀྱི་ལྷ་ཚོགས་རྣམས་ཀྱི་ཞལ་དུ་བསྟབས་པའི་ཕྲིན་ལས་མཛོད་ཅིག །ཐུགས་ཀ་ནས་མེ་ལྷ་ཡིད་ལས་སྐྱེས་པ་རང་འདྲ་བ་གཅིག་བྱོན་ནས་དཀྱིལ་འཁོར་གྱི་ལྷ་ལ་མཆོད་པའི་ཕྱག་ཚོགས་བྱེད་པར་གྱུར། མེ་ལྷའི་ལྟོ་བ་ཡངས་ཤིང་རྒྱ་ཆེ་བའི་ནང་དུ། ཨོཾ་སྭ་བྷ་ཝ་ཤུདྡྷསརྦ་དྷརྨཱསུ་བྷ་ཝ་ཤུདྡྷོཉཧཾ། སྟོང་པའི་ངང་ལས་འབྱུང་བ་རིམ་བརྩེགས་སྣ་ཚོགས་རྡོ་རྗེའི་ལྟེ་བར་རིན་པོ་ཆེའི་གཞལ་ཡས་ཁང་སོགས། ཀུན་རིག་མདུན་བསྐྱེད་ལྟར་སྤྱན་འདྲེན་བཞུགས་གསོལ་མཆོད་པ་སྣ་ཚོགས་དབུལ་ཚར་ནས་ཕུང་པོའི་ཡོན་འབུལ་ནི། བཅོམ་ལྡན་རྒྱལ་བ་རིགས་ལྔ་ལ། །ཚེ་འདས་ཕུང་ལྔའི་མཆོད་པ་འབུལ། །ཕུང་པོའི་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱོང་དུ་གསོལ། །སྤྱན་མ་ལ་སོགས་ཡུམ་བཞི་ལ། །ཚེ་འདས་འབྱུང་བཞིའི་མཆོད་པ་འབུལ། །འབྱུང་བཞིའི་སྒྲིབ་

[Full Size]

པ་མ་ལུས་པ། །ཡེ་ཤེས་མེ་ཡིས་སྦྱོང་དུ་གསོལ། །རྡོར་སེམས་ལ་སོགས་རིགས་ལྔ་ལ། །ཚེ་འདས་དབང་ལྔ་མཆོད་པ་འབུལ། །དབང་པོའི་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱོང་དུ་གསོལ། །སྒེག་སོགས་ལྷ་མོ་བརྒྱད་རྣམས་ལ། །ཚེ་འདིས་ཡུལ་དྲུག་མཆོད་པ་འབུལ། །ཡུལ་དྲུག་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱོང་དུ་གསོལ། །སྒོ་བ་ཁྲོ་ཆེན་ཚོགས་རྣམས་ལ། །ཚེ་འདས་ཡན་ལག་མཆོད་པ་འབུལ། །ཡན་ལག་སྒྲིབ་པ་མ་ལུས་པ། །ཡེ་ཤེས་མེ་ཡིས་སྦྱོང་དུ་གསོལ། །ཞེས་གསོལ་བ་བཏབ་པས་ལྷ་རྣམས་ཀྱི་ཐུགས་ཀ་ནས་སྔགས་ཀྱི་འོད་ཟེར་རིམ་པ་ལྔ་ལྔ་འཕྲོས་ཁམས་གསུམ་གྱི་འགྲོ་བ་སྣང་བར་བྱས། དེ་དག་གིས་རྒྱུད་ཀྱི་ཉོན་མོངས་པ་ལྔ་ཡེ་ཤེས་ལྔའི་ངང་དུ་བཅོམ་སྟེ་རྒྱུ་དང་འབྲས་བུའི་།ངན་སོང་ཐམས་ཅད་ལས་ཐར་བར་མཛད། འོད་ཟེར་ཚུར་འདུས་ཆོས་ཀྱི་ཡི་གེ་དེ་ཉིད་ལ་ཐིམ་པ་གྱུར། དེ་ནས་དང་པོར་རྩ་རིག་བརྗོད་པ་ནི། ཨོཾ་ན་མོ་བྷ་ག་ཝ་ཏེ་སརྦ་དུརྒ་ཏེ་པ་རི་ཤོ་དྷ་ནི་རཱ་ཛ་ཡ། ཏ་ཐཱ་ག་ཏཱ་ཡ་ཨརྟ་ཏེ། སམྱཀཾ་བུད་དྷ་ཡ། ཏདྱ་ཐཱ། ཨོཾ་ཤོ་དྷ་ནེ་ཤོ་དྷ་ནེ་སརྦ་པཱ་པཾ་བི་ཤོ་དྷ་ན་ཤུདྡྷེ་བི་ཤུདྡྷེ་སརྦ་ཀརྨ་ཨཱ་ཝ་ར་ཎ་བི་ཤོ་དྷ་ནེ་སྭཱ་ཧཱ། གཅིག །དེ་ནས་ཡམ་ཤིང་

[Full Size]

ལ། ཨོཾ་སརྦ་བིད་སརྦ་ཨཱ་ཝ་ར་ཎ་ནི་བི་ཤོ་དྷ་ཡ་ཧ་ན་ཧཱུྃ་ཕཊ༔ ཨོཾ་ཧཱུྃ་ཏྲཱྃ་ཧྲཱིཿཨཱཿསཱ་ཧཱ། ཨོཾ་བོ་དྷི་བྷིཀྵ་ཡེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། ཞེས་པ་གོང་དུ་མེ་ལྷའི་སྔགས་མ་གཏོགས་ལྷ་སྔགས་རྫས་སྔགས་འདོད་གསོལ་བཅས་གོང་ལྟར་བརྒྱ་རེའམ་ཉེར་གཅིག་གམ་སྐབས་དང་བསྟུན་ལ་ན་བཟའི་བར་དུ་འབུལ་ལོ། །རྫས་རེ་རེའི་གྲངས་རྫོགས་འོག་མའི་མགོར་རྩ་རིག་ཚར་རེ་བརྗོད་དོ། །དེ་ནས་རྫས་རྣམས་རྫོགས་ནས་མཆོད་པ་རྣམ་ལྔ་འབུལ་ནས་ཀུན་རིག་མདུན་བསྐྱེད་གཙོ་འཁོར་བསྟོད་པ་ནི། ཆོས་དབྱིངས་ཡེ་ཤེས་རྣམ་པར་དག །རྣམ་པར་སྣང་མཛད་སོགས་ནས། བསྟོད་པར་བགྱི། ཞེས་འདོད་གསོལ་བཅས་བྱའོ། །དེ་ནས་མེ་ལྷ་ཡེ་ཤེས་པ་ལ་གཏོར་མ་འབུལ་བ་མར་ཁུས་བྲན་ལ། ཨོཾ་བཛྲ་ཡཀྵ་ཧཱུྃ། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། ཨོཾ་ཧཱུྃ་ཏྲཱྃ་ཧྲཱིཿཨཱཿ༔ སྭཱ་ཧཱ། ན་མ་སརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷུ༔ སརྦ་ཐཱ་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ལན་གསུམ་བཏགས་ལ་འབུལ་ནས་བཀྱིག་བཅོལ་ལ། བཅོམ་ལྡན་འཁོར་དང་བཅས་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །

[Full Size]

དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་དང་། །ཡིད་ལ་འདོད་པ་ཀུན་འགྲུབ་མཛོད། །ཅེས་མཆོད་གཡོག་པས་གཏོར་མ་ཐབ་ཏུ་ཕུལ། དེ་ནས་རུས་དུམ་བླངས་ལ་ཚེ་འདས་རྡོ་རྗེ་སེམས་དཔའ་སྐད་ཅིག་གིས་གསལ་ལ། ཐབ་ཀྱི་ལྷ་རྣམས་ཀྱི་འོད་ཟེར་ཆེན་པོས་དབང་བསྐུར་བར་བསྒོམ་པ་ནི་བུམ་པ་ཐོགས་ལ། རིན་ཆེན་མཛེས་པའི་བཀྲ་ཤིས་བུམ་པ་སོགས་ནས། ཨཱསཱ་ཧཱ། དེ་ལྟར་དབང་བསྐུར་ནས་ཚེ་ལས་འདས་པ་ལྷ་རྣམས་དང་སྐལ་བ་མཉམ་པར་གྱུར། དེ་ནས་སྐོམ་ཟས་བཤམས་ལ། ཨོཾ་ལས་འདོད་ཡོན་ནམ་མཁའ་གང་བར་སོགས་ནས། ལོངས་སྤྱོད་པར་གྱུར་ཅིག །ཀུན་རིག་ལྷོ་སྒོ་ལྟར་བྱ། མེ་སྦར་དོར། ལམ་སྦྱོང་ནི༔ དཀོན་མཆོག་རིན་ཆེན་དཔལ་ཞིང་དུ། སོགས་ནས། ཀྵེ་ཏྲ་གཙུན་ཏུ་སྭཱ་ཧཱ། དེ་ནི་སྦྱིན་སྲེག་དངོས་གཞིའོ།། ༈ དེ་ནས་གོང་ལྟར་ལྷ་སྔགས་རྫ་ས་སྔགས་འདོད་གསོལ་བཅས་གསུམ་རེ་འབུལ་ནས་རྗེས་

[Full Size]

ཆོག་ནི། ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས་ནས། ཤབྡ་པྲ་ཏཱིཙྪ་སྭཱ་ཧཱ། ཆོས་དབྱིངས་ཡེ་ཤེས་རྣམ་པར་དག །རྣམ་པར་སྣང་མཛད་བཅོམ་ལྡན་འདས། །ཏིང་ངེ་འཛིན་ལྡན་ཕྱག་རྒྱ་ཅན། །ཕྱག་འཚལ་བཅོམ་ལྡན་ཀུན་རིག་ལ། །ལྷ་རྣམས་ནོངས་པ་གང་མཆིས་བཟོད་པར་གསོལ། །སྐུ་གསུང་ཐུགས་རྟེན་འདི་ལ་བརྟན་པར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །༈ དེ་ནས་མེ་ལྷའི་གཏོར་མ་མར་ཁུས་བྲན་ལ་བཟུང་ནས། ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཾ་ཨདྱ་ནུཏྤནྣ་ཏཱ་ཏ་ཨོཾ་ཨཱཿཧཱུྃ་ཕཊ་སྭཱ་ཧཱ། བྱིན་བརླབས་ནས། ཨོཾ་ཨཀྵེ་ཡེ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །གསུམ། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག་་ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་འདི་བཞེས་ལ། །སོགས་ནས། ཀུན་འགྲུབ་མཛོད། །དེ་ནས་མེ་ལྷར་བསྲེག་རྫས་ལྷག་མ་ཐམས་ཅད་གོང་ལྟར་ཕུལ། ཨརྒྷཾ་སོགས་ཀྱིས་མཆོད། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱ་ཀིས་དབང་བསྐུར་བས། །ཤེས་རབ་

[Full Size]

མཆོག་གིས་ཉོན་མོངས་ཐམས་ཅད་བསྲེག །འཛིན་བྱེད་མེ་ལྷ་ཉིད་ལ་མངོན་པར་འདུད། །ཨོཾ། མ་འབྱོར་པ་དང་ཉམས་པ་དང་། །གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་བྱས་གང་། །དེ་ཀུན་དྲང་སྲོང་བཟོད་པར་གསོལ། །ཡིག་བརྒྱ་བཟླས། ཨོཾ། ཁྱེད་ཀྱིས་སེམས་ཅན་དོན་ཀུན་མཛོད། །རྗེས་སུ་མཐུན་པའི་དངོས་གྲུབ་སྩོལ། །རང་བཞིན་གནས་སུ་གཤེགས་ནས་ཀྱང་། །སླར་ཡང་འགྲོ་བའི་དོན་ཕྱིར་འབྱོན། །ཨོཾ་ཨགེ་དེ་ཝ་བཛྲ་མུཿ གཤེགས་གསོལ་བྱ། བཀྲ་ཤིས་བསྔོ་བ་སྨོན་ལམ་བྱའོ།། ༈ དེ་ནས་རུས་བུ་བསྡུ་བ་ནི། ཨོཾ་བཛྲ་ས་མ་ཡ་ཛ་ཛཿཧཱུྃ་བཾ་ཧོ༔ ཞེས་རུས་པ་དང་ཐལ་བ་བསྡུས་ལ། སྣོད་གཙང་མའི་ནང་དུ་བླུགས་ལ། རུས་པ་ལ་ཕྱིར་ལྡོག་ཁྲུས་གསོལ་བྱས་ལ་ཞིབ་པར་བཏུལ་ཞིང་ཆུ་དང་སྦྱར་ལ། སྦྲུས་པའི་འཇིམ་པ་ལ་རྩ་རིག་བཟླས་ཤིང་ཚ་ཚ་བཏབ། སཱཙྪ་གཞུང་ལྟར་བསངས་སྦྱངས་བྱས་ལ། སྟོང་པའི་ངང་ལས་མཆོད་རྟེན་ཆེན་པོ་མང་པོར་གྱུར་པའི་བུམ་པའི་ནང་དུ་རིན་པོ་ཆེ་སྣ་ཨeཚོགས་ལས་གྲུབ་པའི་གཞལ་ཡས་ཀྱི་ཁང་པ་སོགས། རྩ་ལྷ་སོ་བདུན་མདུན་བསྐྱེད་ལྟར་བསྐྱེད་བསྟིམ་རྒྱས་གདབ་བཟླས་པ་མཆོད་བསྟོད་བྱས་ནས། མཆོད་རྟེན་དེ་རྣམས་འོད་དུ་ཞུ་བ་ལས་སྔར་གནས་པའི་

[Full Size]

མཆོད་རྟེན་སོ་སོའི་རྣམ་པར་གྱུར། སླར་ཡང་ཕྱག་མཆོད་བསྔོ་བ་སྨོན་ལམ་བྱའོ། །གང་ཟག་རྟེན་འབྱོན་པའི་རིགས་ལ། རྟེན་མཁའ་འགྲོས་སྤྱན་འདྲེན་སྲིད་པས་པུར་ཁང་ཐོག་ཏུ་སྐུ་གསུང་ཐུགས་ཀྱི་རྟེན་གཞུག །བསྲེག་ཚོད་ཟིན་པར་བྱའོ། །གདུང་ཁང་ཞལ་མི་ཕྱེ་བར་ཁོ་རང་གི་ཡི་དམ་གང་ཡིན་གྱི་སྤྱན་འདྲེན་བྱིན་འབེབས་དང་མེ་ལོང་ངོས་ལ་ཁྲུས་གསོལ་རྒྱས་པ་དང་། མཆོད་བསྟོད་གསོལ་འདེབས་རྣམས་མཆེད་གྲོགས་སམ་སློབ་མ་དམ་ཚིག་དང་ལྡན་པས་མ་ཆག་པར་བྱའོ། །གང་ཟག་བཟང་པོ་ལ་གསང་སྔགས་བླ་མེད་ཀྱི་ཐུགས་དམ་རྒྱུད་ཡིན་བསྲེག་ཁང་དུ་བཞུགས་ཁར་ཁོ་རང་གི་ཡི་དམ་དེའི་དཀྱིལ་འཁོར་ཡོངས་རྫོགས་སམ་མཆོད་བསྟོད་བྱས་ལ། པུར་དེའི་ཡེ་ཤེས་པ་གཤེགས་གསོལ་བྱས་ཏེ། ཡང་གསར་མ་རྣམས་ལྟ་བུ་ལ། དམ་ཚིག་དཔའ་བོ་གཅིག་ཏུ་བསྐྱེད་ནས་མཆོད་བསྟོད་བསྡུས་པ་གཅིག་བྱའོ། །ཆོས་འབྲེལ་མེད་པ་གཅིག་གིས་མེ་སྦར་རོ། །དེ་ལྟར་མ་བྱས་ན་ཉེས་པ་ཤིན་ཏུ་ཆེའོ། །མེ་སྦར་དུས་དཔལ་ལྡན་བླ་མ་དགོངས་སུ་གསོལ། ཞེས་དང་། ལམ་སྦྱོང་བསྟན་མི་བྱ་བར་གཙོ་བོ་དང་དབྱེར་མེད་དུ་བསྐྱེད་དོ། །བྱེ་མ་མི་བྲབ་མེ་ཏོག་འཐོར་རོ། །ཡང་དེ་ལྟ་བུའི་སྦྱིན་སྲེག་ཤེས་ཀྱང་ཡོ་བྱད་མ་འབྱོར་ན། །དེ་རྣམས་ཡིད་ཀྱིས་བྱས་པར་སྒོམ་ཞིང་ངག་གི་ཚར་གཅིག་འདོན་པས་ཆོག །ཡང་དེ་དག་གི་དོན་ཐམས་ཅད་བྱེད་ཚུལ་གཅེས་ཀྱང་ཚིག་མི་ངེས་པའམ་ནམ་མཁར་མེ་ལོང་ཆེན་པོའི་ནང་དུ་དཀྱིལ་འཁོར་ཡོངས་རྫོགས་བསྐྱེད་ལ། རང་ཡང་རིན་པོ་ཆེའི་ཁྲི་ལ་འདུག་ནས་གཡས་གཡོན་། །

[Full Size]

དུ་རིན་པོ་ཆེ་སྣ་བདུན་གྱི་སྣོད་དུ་སྦྲང་རྩི་ལ་སོགས་པའི་བསྲེག་རྫ་ས་རྣམས་རིན་པོ་ཆེའི་དགང་བླུགས་ཀྱིས་ཕུལ་བར་བསྒོམས་ལ། ཡིད་ཁོ་ནས་བྱའོ། །པཎྜི་ཏ་ཨ་པ་ནས། ཇི་ལྟར་རིག་པ་ཡིད་དང་ལུས། །ཀློག་པའི་་ལས་ནི་ཡན་ལག་བརྩམ། །ཡན་ལག་ཐམས་ཅད་ཡིད་ཀྱིས་སོ། །ཞེས་གསུངས་པའི་དོན་ཡིན་ནོ། །མདོར་ན་རྫས་སོགས་གཙོ་མི་ཆེ། སྔགས་དང་ཏིང་ངེ་འཛིན་གཙོ་ཆེ་བ་ཡིན། ཐབ་དང་ཐིག་ཚོན་བསྲེག་རྫས་རྣམས། ཇི་ལྟར་རྒྱས་ཤིང་ལེགས་པ་བཞིན་ཏུ་བསོད་ནམས་ཆེ་སྟེ། མེད་ཁ་མེད་པ་ནི་མ་ཡིན་ཞིང་། མེད་ཁ་མེད་པ་སྔགས་དང་ཏིང་ངེ་འཛིན་ཁོ་ན་ཡིན་ནོ། །སྦྱིན་སྲེག་བྱས་ན་ཚེ་འདས་ཀྱི་སྒྲིབ་པ་སྦྱོང་བ་ནི། ངན་སོང་སྦྱོང་རྒྱུད་ལས། དེའི་མིང་ནས་བརྗོད་ནས་ནི། །མཁས་པས་འབུམ་ཕྲག་བརྒྱའམ་ནི། །ཡང་ན་བརྒྱ་ཕྲག་སྟོང་ཉིད་དུ། །སྦྱིན་སྲེག་བྱས་པར་གྱུར་ན་ནི། །དམྱལ་བ་ཆེན་པོ་ལྟུང་བའི་མི། །སྡིག་པ་དེ་ལས་ཐར་བར་འགྱུར། །ཇི་སྲིད་མཚན་པར་ཤིན་ཏུ་ནི། །འབར་བའི་གནས་སུ་སྐྱེ་གྱུར་པ། །ཏིལ་དང་ཡུངས་དཀར་འབྲས་རྣམས་དང་། །ར་ཡི་འོ་མ་ལྡན་པ་དང་། །དྲི་ཡིས་བསྐུས་པའི་ཡམ་ཤིང་གིས། །ཆོ་ག་བཞིན་དུ་སྦྱིན་སྲེག་བྱ། །དེ་ནས་འདི་ནི་ངེས་པར་ཡང་། །ལྷ་ཡི་གནས་སུ་སྐྱེ་བར་འགྱུར། །དེ་ཡི་མཚན་མ་སྟོན་པར་བྱ། །ཡང་ན་ལྷ་ཡི་མཆོག་ཏུ་འགྱུར། །ཅེས་གསུངས་སོ། །ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས། བསྲེག་པའི་རིམ་པ་བསྟན་པར་བྱ། །རྣམ་ཤེས་ལྔ་བྲལ་བེམ་པོའི་ལུས། །བག་

[Full Size]

ཆགས་སྦྱང་བས་ཐར་པ་ཐོབ། །སྦྱང་གཞི་ཕྱི་དང་ནང་གི་རོ། །སྦྱོང་བྱེད་འབྱུང་བ་ཡེ་ཤེས་མེ། །འབྱུང་བའི་མེ་ཡིས་བག་ཆགས་སྦྱང་། །ཡེ་ཤེས་མེ་ཡིས་ཉོན་མོངས་བསྲེགས། །ཞེས་གསུངས། སློབ་དཔོན་པདྨས། དེ་ལྟར་བྱས་པའི་ཡོན་ཏན་ནི། །བླ་མ་གང་ཟག་བཟང་པོ་ཡིན་ན་ནི། །ཐུགས་ཀྱི་དགོངས་པ་མཐའ་རུ་ཕྱིན་པར་བྱེད། །རྣལ་འབྱོར་པ་ཡིན་ན་ཕྱིར་མི་ལྡོག་པའི་ས་ཐོབ། སྐྱེ་བོ་ཕལ་པ་ཡིན་ན་རིགས་དྲུག་གི་སྐྱེ་སྒོ་ཆོད་པའོ། །འབྱུང་བ་ཡེ་ཤེས་ཀྱི་མེས་ལས་དང་བག་ཆགས་སྦྱངས། སྐུ་གསུམ་ཡོངས་སུ་རྫོགས་པར་བྱེད། ཅེས་གསུངས་སོ། །དེ་ལྟར་རྒྱུད་སྡེ་རྒྱ་མཚོའི་སྦྱིན་སྲེག་གི་།ཀརྨ་ཕྲིན་ལས་ལ་སོགས་ཤེས་ལྡན་འགས། །ཡང་ཡང་བསྐུལ་ཕྱིར་ལེགས་པར་སྦྱར་བ་ཡིན། །གསར་རྙིང་རྒྱུད་སྡེ་རྒྱ་མཚོའི་དགོངས་པ་བསྟུན། །སློབ་དཔོན་མང་པོའི་ཞལ་ཤེ་ས་མང་པོ་དང་། །མཐོང་བ་བརྒྱུད་པའི་ཕྱག་ལེན་མང་པོས་བརྒྱན། །ཀུན་མཐུན་ཀུན་ལ་ལྷ་ཡི་ངོ་མཚར་ཆེ། །འོན་ཀྱང་འགལ་འཁྲུལ་མཁས་པ་རྣམས་ལ་ཟབཤགས། །དགེ་བས་བདག་དང་འབྲེལ་ཐོགས་ཚེ་འདས་རྣམས། །བདེ་བ་ཅན་དུ་བརྫུས་ཏེ་སྐྱེ་བར་ཤོག །དགེ་སློང་ཀརྨ་རཱ་ག་ཨ་སྱས་སྦྱར་བའོ། །མངྒ་ལཾ། ། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་

[Full Size]

ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།