མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ཕི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐུགས་རྗེ་ཆེན་པོ་སྤྱན་རས་གཟིགས་ཀྱི་དབང་ཐུགས་རྗེའི་བསིལ་བའི་ཆུ་རྒྱུན་མེའི་འཇིགས་པ་དང་ཚད་ནད་ཞི་བར་བྱེད་པ།

[Full Size]

ཐུགས་རྗེ་ཆེན་པོ་སྤྱན་རས་གཟིགས་ཀྱི་དབང་ཐུགས་རྗེའི་བསིལ་བའི་ཆུ་རྒྱུན་མེའི་འཇིགས་པ་དང་ཚད་ནད་ཞི་བར་བྱེད་པ་བཞུགས་སོ།།

[Full Size]

ན་མོ་ལོ་ཀི་ཤྭ་ར་ཡེ༔ ཚད་པའི་ནད་རྣམས་ཞི་བའི་ཕྱིར༔ དུང་ཆོས་ཆུ་ཡིས་བཀང་བ་དང་༔ བུམ་པ་གཏོར་མ་ཆུ་ཤེལ་བཤམ༔ མ་འཛོམས་ན་ཡང་ཙཀ་ལིས་ཆོག༔ མངོན་རྟོགས་ཚར་གཅིག་བརྗོད་པ་ཡིས༔ བདག་མདུན་བུམ་པ་གཏོར་མ་དང་༔ ཆུ་ཤེལ་དུང་ཆོས་ཆུར་བཅས་པ༔ སོ་སོར་ལྷ་ཡི་སྐུར་བསྐྱེད་དེ༔ སྐྱབས་སེམས་ད་ནངས་སོང་བས་འཐུས༔ བདག་ཉིད་དང་མདུན་བསྐྱེད་བུམ་པའི་ནང་དང་ཆུ་ཤེལ་དང་དུང་ཆོས་ཀྱི་ནང་རྣམས་སུ་དམ་ཡེ་དབྱེར་མེད་དྲན་རྫོགས་སུ་ཐུགས་རྗེ་ཆེན་པོ་སྐུ་མདོག་དཀར་པོ་ཆུ་ཤེལ་གྱི་མདོག་ལྟ་བུ་ག་པུར་གྱི་རང་བཞིན་ཅན༔ དར་སྔོན་པོའི་སྟོད་གཡོགས་དང་སྨད་གཡོགས་ཅན༔ རིན་པོ་ཆེས་

[Full Size]

དབུ་བརྒྱན་པ༔ ཕྱག་གཡས་གཡོན་སྐྱབས་སྦྱིན་དང་པདྨ་འཛིན་པ༔ རྒྱ་མཚོ་དང་པད་ཟླའི་གདན་ལ་བཞུགས་པ༔ ངང་པ་དང་ངུར་པ་ལ་སོགས་ཆུ་བྱ་དང་ཆུ་གནས་སྣ་ཚོགས་ཀྱིས་མཐའ་བསྐོར་བའོ༔ དེ་རྣམས་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱི་ལ་སྔགས་ཀྱིས་བསྐོར་བ་ལས་འོད་ཟེར་འཕྲོས་པས་པོ་ཊ་ལ་ནས་ཡེ་ཤེས་སེམས་དཔའ་དཔག་ཏུ་མེད་པ་སྤྱན་དྲངས་ནས་སོ་སོ་ལ་ཐིམ་པར་གྱུར༔ ཨཧཱུྃ༴ སོགས། སྐྱོན་གྱིས་མ་གོས་སྐུ་མདོག་དཀར། །རྫོགས་སངས་རྒྱས་ཀྱིས་དབུ་ལ་བརྒྱན། །ཐུགས་རྗེའི་སྤྱན་གྱིས་འགྲོ་ལ་གཟིགས། །སྤྱན་རས་

[Full Size]

གཟིགས་ལ་ཕྱག་འཚལ་བསྟོད། །ཨོཾ་ཤཾ་ལོ་ཤཾ་ལོ་མ་ཧཱ་ཀ་རུ་ཎ་སྭཱ་ཧཱ་ཞེས་མང་དུ་བཟླས༔ འོ་ན་ད་ལམ་ཁྱེད་རང་རྣམས་ལ་ཐུགས་རྗེ་ཆེན་པོའི་དབང་བསྐུར་བ་ཡིན་ཏེ༔ དེ་ཡང་པདྨ་དཀར་པོའི་མདོ་སྡེ་ལས༔ རིགས་ཀྱི་བུ་སེམས་ཅན་གང་དག་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་མིང་འཛིན་པ་དེ་དག་གལ་ཏེ་མེའི་ཕུང་པོ་ཆེན་པོར་ལྟུང་ན་ཡང་དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་གཟི་བརྗིད་ཀྱིས་མེའི་ཕུང་པོ་ཆེན་པོ་དེ་ལས་རབ་ཏུ་ཐར་བར་འགྱུར་རོ༔ ཞེས་དང་༔ ཐུགས་རྗེ་ཆེན་པོའི་གཟུངས་ལས༔ ཀླུ་གདོན་གཏུམ་པོས་གདུག་པའི་དབུགས་བཏང་བས༔ ཚ་བའི་ནད་ཀྱིས་ཉེན་ནས་འཆི་ཉེ་ཚེ༔ རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན༔ རིམས་ནད་བསལ་ནས་ཚེ་ནི་རིང་བར་འགྱུར༔ ཀླུ་གདོན་རྒྱུ་བས་གཙེས་ཏེ་སྐྱངས་པ་དང་༔ ཤུ་འབྲས་མི་བཟད་རྣག་ཁྲག་འཛག་པའི་ཚེ༔ རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ནས༔ མཆིལ་མ་ལན་གསུམ་བྱུགས་པས་སྐངས་པ་ཞི༔ ཞེས་གསུངས་པས། ནད་དང་གནོད་པ་འཇིགས་པ་

[Full Size]

ཐམས་ཅད་སྲུང་ཞིང་སྐྱོབ་པས༔ འདིའི་སྐུ་འདྲ་རབ་གནས་བྱས་པ་ཡོད་ན་མེའི་འཇིགས་པ་ལས་སྐྱོབ༔ འདིའི་བསྙེན་པ་བྱས་པའམ་དབང་མང་དུ་ཐོབ་ན་ཚད་པའི་ཚད་རོ་ཡོད་པ་མི་ལྡང་བའི་ཐབས་ལ་དེ་བས་ཟབ་པ་མེད༔ དེ་ལྟ་བུའི་དབང་ཟབ་མོ་ཞུ་བའི་ཕྱིར་མཎྜལ་ཕུལ༔ སློབ་མ་ཁྱོད་ཀྱིས་རྗེས་ཟློས་མཛོད༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་ཐུགས་རྗེ་ཆེན་པོ་ལ༔ གསོལ་བ་འདེབས་སོ་བྱིན་གྱིས་རློབས༔ བདག་ལ་དབང་བསྐུར་བསྩལ་དུ་གསོལ༔ ལན་གསུམ།རྗེས་ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ སྡིག་པ་མི་དགེ་སོ་སོར་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་ནི་རབ་བསྒྲུབ་ཕྱིར༔ བྱང་ཆུབ་སེམས་ནི་བསྐྱེད་པར་བགྱི༔ བྱང་ཆུབ་མཆོག་གི་སེམས་ནི་བསྐྱེད་བགྱིས་ནས༔ སེམས་ཅན་ཐམས་ཅད་བདག་གིས་མགྲོན་དུ་གཉེར༔ བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི༔ འགྲོ་ལ་ཕན་ཕྱིར་སངས་རྒྱས་

[Full Size]

འགྲུབ་པར་ཤོག༔ ད་སློབ་མ་ལྷར་བསྐྱེད་པའི་དོན་དུ་འདི་ལྟར་བསྒོམ་མཛོད༔ ཨོཾ་པྲ་བྷ་ཝ་སོགས། སློབ་མ་རང་ཉིད་ཐུགས་རྗེ་ཆེན་པོ་སྐུ་མདོག་དཀར་པོ་ཆུ་ཤེལ་གྱི་མདོག་ལྟ་བུ་ག་པུར་གྱི་རང་བཞིན་ཅན་དར་སྔོན་པོའི་སྟོད་གཡོགས་སྨད་གཡོགས་ཅན༔ རིན་པོ་ཆེས་བརྒྱན་པ༔ ཕྱག་གཡས་གཡོན་སྐྱབས་སྦྱིན་དང་པདྨ་འཛིན་པ༔ རྒྱ་མཚོ་དང་པད་ཟླའི་གདན་ལ་བཞུགས་པ༔ ངང་པ་དང་ངུར་པ་ལ་སོགས་པ་ཆུ་བྱ་དང་ཆུ་གནས་སྣ་ཚོགས་ཀྱིས་མཐའ་བསྐོར་བ༔ དེའི་དཔྲལ་བར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ༔ དེ་ལས་འོད་ཟེར་འཕྲོས་པས་པོ་ཊ་ལ་ནས་ཐུགས་རྗེ་ཆེན་པོ་དཔག་ཏུ་མེད་པ་སྤྱན་དྲངས་སློབ་མ་ལ་ཐིམ་པར་གྱུར༔ ཧཱུྃ༔ ཐུགས་རྗེ་ཆེན་པོའི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ ཨོཾ་ཤཾ་ལོ་ཤཾ་ལོ་མ་ཧཱ་ཀཱ་རུ་ཎ་སཱ་བཛྲ་ཨཱ་ཝེ་ཤ་ཡ་ཨ་ཨཱཿ རྡོ་རྗེ་མགོར་བཞག་ལ༔ ཏིཥྛ་བཛ྄༔ བུམ་པ་ཆུས་བཀང་བ་སྤྱི་བོར་བཞག་ལ༔ ད་བུམ་པ་འདི་ཉིད་ཕྱི་རིན་པོ་ཆེའི་བུམ་པ་ལྟོ་བ་ཡངས་པ༔ མགྲིན་པ་རིང་

[Full Size]

བ༔ མཆུ་འཕྱང་བ༔ ལྷ་རྫས་གོས་ཀྱིས་མགྲིན་པ་དཀྲིས་པ༔ དཔག་བསམ་ཤིང་གིས་ཁ་བརྒྱན་པ༔ ནང་རིན་པོ་ཆེའི་གཞལ་ཡས་ཁང་གི་དབུས་སུ་ཐུགས་རྗེ་ཆེན་པོའི་ལྷ་ཚོགས་བཞུགས་པའི་སྐུ་ལས་བདུད་རྩི་ག་བུར་གྱི་རང་བཞིན་གྱིས་རྒྱུན་བབས༔ སྤྱི་བོ་ཚངས་པའི་བུ་ག་ནས་ཞུགས༔ ལུས་ཀྱི་གནས་བཞི་གང་༔ སྒྲིབ་པ་བཞི་དང་ཚད་པའི་ནད་ཐམས་ཅད་བྱང་ཞིང་དག༔ ནད་མེད་བདེ་བའི་དངོས་གྲུབ་ཐོབ་པར་བསྒོམས༔ ཧཱུྃ༔ བུམ་པ་འདི་ནི་གཞལ་ཡས་ཁང་༔ ཐུགས་རྗེ་ཆེན་པོ་འཁོར་བཅས་བཞུགས་པ་ཡི༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་རྫོགས་ཐོབ་པར་ཤོག༔ ཨོཾ་ཤཾ་ལོ་ཤཾ་ལོ་མ་ཧཱ་ཀཱ་རུ་ཎ་སྭཱ་ཧཱ༔ ཨོཾ་པཱ་ཎི་མཱ་ཧཱ་ཀཱ་རུ་ཎ་ཀཱ་ཡ་སིདྡྷི་ཨོཾ༔ མེ་ཏོག་འཐོར་ཞིང་༔ སངས་རྒྱས་ཀུན་གྱིས་རབ་ཏུ་བསྔགས༔ ཡོན་ཏན་ཀུན་གྱི་གཏེར་གྱུར་པའི༔ སྤྱན་རས་གཟིགས་ཞེས་མཚན་གསོལ་བའི༔ ཐུགས་རྗེ་ཆེན་པོའི་སྐུ་ཡི་བཀྲ་ཤིས་ཤོག༔ འོ་དེས་ལུས་ཀྱི་སྒྲིབ་པ་དག༔ ལུས་ལ་གནོད་པའི་ཚད་པའི་ནད་ཐམས་ཅད་ཞི༔ སྐུའི་དབང་ཐོབ༔ འབྲས་བུ་སྤྲུལ་སྐུའི་ས་བོན་ཐེབས་པའོ༔ དུང་ཆོས་ཆུས་བཀང་

[Full Size]

བ་མགྲིན་པར་བཞག་ལ༔ ད་དུང་དཀར་པོ་གཡས་སུ་འཁྱིལ་བ་ནང་གི་རྩ་རྗེས་ལ་བཀྲ་ཤིས་པའི་རྟགས་བརྒྱད་དོད་པ༔ དེའི་ནང་ན་འཕགས་པ་སྤྱན་རས་གཟིགས་བཞུགས་པའི་སྐུ་ལས་བདུད་རྩི་ག་བུར་གྱི་རྒྱུན་བབས༔ ཁྱེད་རང་གི་མགྲིན་པ་ནས་ཞུགས༔ ལུས་ཐམས་ཅདེ་གང་༔ ཚད་པའི་ནད་དང་ངག་གི་སྡིག་སྒྲིབ་དག་པར་བསྒོམ༔ ཧཱུྃ༔ དུང་ཆོས་འདི་ནི་རིན་ཆེན་གཞལ་ཡས་ཁང་༔ ཐུགས་རྗེ་ཆེན་པོ་འཁོར་བཅས་བཞུགས་པ་ཡི༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་རྫོགས་ཐོབ་པར་ཤོག༔ ཨོཾ་ཤྲཱི་ལོ་ཤཾ་ལོ་མ་ཧཱ་ཀཱ་རུ་ཎ་སྭཱ་ཧཱ༔ ཨོཾ་སུ་ལཾ་སུ་ལཾ་མ་ཧཱ་ཀ་རུ་ཎ་ཝཱཀ་སིདྡྷི་ཨཱཿ མེ་ཏོག་འཐོར་ཞིང་༔ སངས་རྒྱས་ཀུན་གྱིས་རབ་ཏུ་བསྔགས༔ ཡོན་ཏན་ཀུན་གྱི་གཏེར་གྱུར་པའི་སྤྱན་རས་གཟིགས་ཞེས་མཚན་གསོལ་བའི༔ ཐུགས་རྗེ་ཆེན་པོའི་གསུང་གི་བཀྲ་ཤིས་ཤོག༔ འོ་དེས་ངག་གི་སྒྲིབ་པ་དག༔ མགྲིན་པ་ལ་གནོད་པའི་ཚད་པ་དང་འགགས་པའི་ནད་ཐམས་ཅད་ཞི༔ གསུང་གི་དབང་ཐོབ་ངག་ལོངས་སྐུར་འགྲུབ་པའི་སྐལ་བ་དང་ལྡན་པའོ༔ ཆུ་ཤེལ་སྙིང་གར་བཞག་ལ༔ ཆུ་ཤེལ་འདི་སྤྱན་རས་གཟིགས་སུ་གསལ་བའི་ཐུགས་ཀ་

[Full Size]

ནས་རིན་པོ་ཆེ་ཆུ་ཤེལ་ཟུར་བརྒྱད་པ་དཔག་ཏུ་མེད་པ་འཕྲོས་ནས་ཁྱེད་རང་རྣམས་ཀྱི་ཐུགས་ཀར་ཐིམ་པར་སྒོམས་ཤིག༔ ཧཱུྃ༔ ཆུ་ཤེལ་འདི་ནི་ཐུགས་རྗེ་ཆེན་པོ་ཡིན༔ མ་ལུས་འཁོར་བཅས་ལྷམ་མེར་བཞུགས༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་སུ་རྫོགས་ཐོབ་ཤོག། ཨོཾ་ཤཾ་ལོ་ཤཾ་ལོ་མ་ཧཱ་ཀཱ་རུ་ཎ་སྭཱ་ཧཱ༔ ཨོཾ་སུ་རུ་ཏ་ལ་མ་ཧཱ་ཀཱ་རུ་ཎ་ཙིཏྟ་སིདྡྷི་ཧཱུྃ༔ མེ་ཏོག་འཐོར་ཞིང་༔ སངས་རྒྱས་ཀུན་གྱིས་རབ་ཏུ་བསྔགས༔ ཡོན་ཏན་ཀུན་གྱི་གཏེར་གྱུར་པའི༔ སྤྱན་རས་གཟིགས་ཞེས་མཚན་གསོལ་བའི། ཐུགས་རྗེ་ཆེན་པོའི་ཐུགས་ཀྱི་བཀྲ་ཤིས་ཤོག༔ དེས་སེམས་ཀྱི་སྒྲིབ་པ་དག༔ སྙིང་ཚད་ལ་སོགས་ཚད་པའི་ནད་ཐམས་ཅད་ཞི༔ ཐུགས་ཀྱི་དབང་ཐོབ༔ སེམས་ཆོས་སྐུ་འགྲུབ་པའི་སྐལ་པ་དང་ལྡན་པའོ༔ དེ་ནས་སློབ་མ་ཆུས་བྲན་ལ༔ ཁྱེད་རང་སློབ་མ་རྣམས་ཐུགས་རྗེ་ཆེན་པོ་སྐུ་མདོག་དཀར་པོ་ཆུ་ཤེལ་གྱི་མདོག་ལྟ་བུ་ག་པུར་གྱི་རང་བཞིན་ཅན༔ དར་སྔོན་པོའི་སྟོད་གཡོགས་སྨད་གཡོགས་ཅན༔ རིན་པོ་ཆེས་བརྒྱན་པ༔ ཕྱག་གཡས་གཡོན་སྐྱབས་སྦྱིན་དང་པདྨ་འཛིན་པ༔ རྒྱ་མཚོ་དང་པད་ཟླའི་གདན་ལ་བཞུགས་པ༔ ངང་པ་དང་

[Full Size]

ངུར་པ་ལ་སོགས་ཆུ་བྱ་དང་ཆུ་གནས་སྣ་ཚོགས་ཀྱིས་མཐའ་བསྐོར་བ་ཅིག་ཏུ་བསྐྱེད༔ དེ་ལྟར་ཁྱེད་རང་རྣམས་ཐུགས་རྗེ་ཆེན་པོར་གསལ་བ་ལ་བཀྲ་ཤིས་རྫས་བརྒྱུད་ཕུལ་བས་བཀྲ་ཤིས་པར་བྱས་པོར་སྒོམས་ཤིག༔ ཧཱུྃ༔ ཡུངས་ཀར་རྒྱལ་པོ་ཤ་རི་རཾ༔ བདེ་གཤེགས་རྣམས་ཀྱིས་བྱིན་གྱིས་བརླབས༔ སྟོང་ཕྲག་བརྒྱད་ཅུའི་བགེགས་རྣམས་འཇོམས༔ དཔའ་བོ་སྟོབས་ཀྱི་བཀྲ་ཤིས་དབང་ཐོབ་ཤོག༔ ཧཱུྃ༔ བཀྲ་ཤིས་རྩ་མཆོག་དཱརྦ་འདི༔ ལྷ་ཡི་དབང་པོས་བྱིན་གྱིས་བརླབས༔ ནད་གདོན་གནོད་པ་ཀུན་ལས་རྒྱལ༔ སྡུག་བསྔལ་ཞི་བྱེད་བཀྲ་ཤིས་དབང་ཐོབ་ཤོག༔ ཧཱུྃ༔ རྫས་མཆོག་བིལ་བ་ལོང་ཏང་ཙེ༔ རྒྱུ་ཆུང་འབྲས་བུ་འཕེལ་སྟོབས་ཆེ༔ མཐུ་སྟོབས་མི་འཇིགས་སྐུ་ལྔ་རྫོགས༔ སྨིན་རྒྱས་འཕེལ་བའི་བཀྲ་ཤིས་དབང་ཐོབ་ཤོག༔ ཧཱུྃ༔ ལི་ཁྲི་མཚལ་ཆེན་ཆུ་ལས་སྐྱེས༔ སེམས་དཔས་བྱིན་རླབས་རིན་པོ་ཆེ༔ ཁམས་གསུམ་ལྷ་མི་ཀུན་དབང་སྡུད༔ ཐུགས་རྗེས་བདག་གཞན་བཀྲ་ཤིས་དབང་ཐོབ་ཤོག༔ ཧཱུྃ༔ གི་ཝཾ་ཁྱུ་མཆོག་ལས་བྱུང་རྫས༔ དཀར་པོའི་ཆོས་རྣམས་མ་ལུས་འཛིན༔ བཞི་བརྒྱ་རྩ་བཞིའི་ནད་ཀུན་སྒྲོལ༔ ཤེས་བཅུ་དཔལ་ལྡན་བཀྲ་

[Full Size]

ཤིས་དབང་ཐོབ་ཤོག༔ ཧཱུྃ༔ ཞོ་ནི་སྙིང་པོ་བཅུད་ཀྱི་གཞི༔ དབང་པོའི་གཟི་མདངས་བཅུད་ཀུན་འཕེལ༔ བསམ་གཏན་ཏིང་འཛིན་ཡོན་ཏན་སྐྱེ༔ སེམས་ཉིད་དྲི་མེད་བཀྲ་ཤིས་དབང་ཐོབ་ཤོག༔ ཧཱུྃ༔ མེ་ལོང་ཟླུམ་གསལ་སྐུ་གསུམ་མཚོན༔ ཆོས་རྣམས་གཟུགས་བརྙན་རྣམ་དག་ཅིང་༔ མ་རིག་བག་ཆགས་རབ་སངས་ནས༔ མངོན་རྫོགས་སངས་རྒྱས་བཀྲ་ཤིས་དབང་ཐོབ་ཤོག༔ ཧཱུྃ༔ དུང་མཆོག་གཡས་འཁྱིལ་བཀྲ་ཤིས་རིན་པོ་ཆེ༔ གསུང་དབྱངས་ཡན་ལག་དྲུག་ཅུར་ལྡན༔ ཡོན་ཏན་རྒྱ་མཚོ་ཚངས་པའི་གསུང་༔ ཆོས་སྒྲས་ཀུན་ཁྱབ་བཀྲ་ཤིས་དབང་ཐོབ་ཤོག༔ ཨོཾ་སྭ་སྟི་པྲ་སྟི་དྷརྨ་སྭ་སྟི་ཤྲཱི་བྷི་བྷི༔ ཨ་བྷི་ཥིཉྩ་ཨཱཿ དེ་ནས་གཏོར་མ་ཐོགས་ལ༔ ད་གཏོར་མ་འདི་ཉིད་སྔར་སྨོས་མ་ཐག་པའི་ཐུགས་རྗེ་ཆེན་པོར་གསལ་བ་སྟེང་གི་ཆ་ལ་བརྒྱུད་པའི་བླ་མ་དང་བཅས་པ་ཁྱེད་རང་གི་སྤྱི་བོར་བྱོན་ནས་འོད་དུ་ཞུ་བ་ལས་ཁྱེད་རང་ལ་ཐིམ་པར་སྒོམས་ཤིག། ཧཱུྃ༔ གཏོར་མ་འདི་ནི་ཐུགས་རྗེ་ཆེན་པོ་ཡིན༔ མ་ལུས་འཁོར་བཅས་ལྷམ་མེར་བཞུགས༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་སུ་རྫོགས་ཐོབ་ཤོག༔ ཆོས་

[Full Size]

སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ལོ་ཆེན་བེ་རོ་ཙཱ་ན༔ ཤུད་བུ་དཔལ་གྱི་སེང་གེ༔ སྤྲུལ་སྐུ་མི་འགྱུར་རྡོ་རྗེ་བདུད་འདུལ་རོལ་པ་རྩལ༔ གཏེར་སྟོན་བརྒྱ་དང་རྩ་བརྒྱད་ལ་སོགས་པ་བརྒྱུད་པའི་བླ་མ་རྣམས་ཀྱིས་བྱིན་གྱིས་རློབས་ཤིག༔ འཇིགས་པ་འཇིགས་པ་མེད་པར་སྦྱིན་པ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཐུགས་རྗེ་ཆེན་པོ་དང་ལྡན་པས་བྱིན་གྱིས་རློབས་ཤིག༔ ནད་གདོན་བགེགས་དང་བར་ཆད་ཐམས་ཅད་ཞི་བར་བྱིན་གྱིས་རློབས་ཤིག༔ ཁྱད་པར་དུ་ཡང་མགོ་ཚད་དང་༔ གློ་ཚད་དང་༔ སྙིང་ཚད་དང་༔ མཁྲིས་ཚད་དང་མཁལ་ཚད་དང་རྒྱུ་ཚད་དང་ཚད་པའི་ནད་ཐམས་ཅད་ཞི་བར་བྱིན་གྱིས་རློབས་ཤིག༔ ཨོཾ་ཤི་ལོ་ཤི་ལོ་མ་ཧཱ་ཀཱ་རུ་ཎ་སྭཱ་ཧཱ༔ གསུམ་མམ་བདུན་བརྗོད༔ ནད་རིགས་བཞི་བརྒྱ་རྩ་བཞི་ཞི་བ་དང་༔ མི་མཐུན་གནོད་པའི་རྐྱེན་དང་བྲལ་བ་ཡི༔ མཐུན་པ་འགྲུབ་ཅིང་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ འོ་དེས་མེའི་འཇིགས་པ་དང་ཚད་པའི་ནད་ཐམས་ཅད་ཞི་བར་བྱེད་

[Full Size]

པའི་ཐུགས་རྗེ་ཆེན་པོའི་དབང་ཐོབ་པ་ཡིན་པས་འདི་ཉིད་ཡི་དམ་གྱི་ལྷར་བཟུང་བའི་མོས་པས་རྗེས་ཟློས་མཛོད༔ གཙོ་བོས་ཇི་ལྟར༴ སོགས་མཎྜལ་ཕུལ༔ དེ་ནས་དབང་བརྒྱ་སོགས་བྱེད་ན༔ མཎྜལ༔ དུས་གསུམ་སངས་རྒྱས་ཐམས་ཅད་དང་༔ ཁྱད་པར་ཐུགས་རྗེ་ཆེན་པོ་ལ༔ གསོལ་བ་འདེབས་སོ་དབང་བསྐུར་སྩོལ༔ བུམ་པ་ཐོགས་ལ༔ ཧཱུྃ༔ བུམ་པ་འདི་ནི་གཞལ་ཡས་ཁང་༔ ཐུགས་རྗེ་ཆེན་པོ་འཁོར་བཅས་བཞུགས་པ་ཡི༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་རྫོགས་ཐོབ་པར་ཤོག༔ ཨོཾ་ཤཾ་ལོ་ཤ་ལོ་མ་ཧཱ་ཀཱ་རུ་ཎ་སྭཱ་ཧཱ༔ ཨོཾ་པཱ་ཎི་མཱ་ལ་མ་ཧཱ་ཀཱ་རུ་ཎ་ཀཱ་ཡ་སིདྡྷི་ཨཱི༔ དུང་ཆོས༔ ཧཱུྃ༔ དུང་ཆོས་འདི་ནི་རིན་ཆེན་གཞལ་ཡས་ཁང་༔ ཐུགས་རྗེ་ཆེན་པོ་འཁོར་བཅས་བཞུགས་པ་ཡི༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་རྫོགས་ཐོབ་པར་ཤོག༔ ཨོཾ་ཤཾ་ལོ་ཤཾ་ལོ་མ་ཧཱ་ཀཱ་རུ་ཎ་སྭཱ་ཧཱ༔ ཨོཾ་སུ་ལཾ་སུ་ལཾ་མ་ཧཱ་ཀཱ་རུ་ཎ་ཝཱཀ་སིདྡྷི་ཨཱཿ ཆུ་ཤེལ། ཧཱུྃ༔ ཆུ་ཤེལ་འདི་ནི་ཐུགས་རྗེ་ཆེན་པོ་ཡིན༔ མ་ལུས་འཁོར་བཅས་ལྷམ་མེར་བཞུགས༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་སུ་རྫོགས་ཐོབ་ཤོག༔ ཨོཾ་ཤཾ་

[Full Size]

ལོ་ཤཾ་ལོ་མ་ཧཱ་ཀཱ་རུ་ཎ་སཱ་ཧཱ༔ ཨོཾ་སུ་རུ་ཏ་ལ་མ་ཧཱ་ཀཱ་རུ་ཎ་ཙིཏྟ་སིདྡྷི་ཧཱུྃ༔ གཏོར་མ་ཐོགས་ལ། ཧཱུྃ་གཏོར་མ་འདི་ནི་ཐུགས་རྗེ་ཆེན་པོ་ཡིན༔ མ་ལུས་འཁོར་བཅས་ལྷམ་མེར་བཞུགས༔ བུ་ཁྱོད་ལ་ནི་དབང་བསྐུར་བས༔ དབང་བཞི་ཡོངས་སུ་རྫོགས་ཐོབ་ཤོག༔ འཇིགས་པ་འཇིགས་པ་མེད་པར་སྦྱིན་པ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཐུགས་རྗེ་ཆེན་པོ་དང་ལྡན་པས་བྱིན་གྱིས་རློབས་ཤིག༔ ཨོཾ་ཤཾ་ལོ་ཤ་ལོ་མ་ཧཱ་ཀཱ་རུ་ཎ་སྭཱ་ཧཱ༔ གསུམ། མེ་ཏོག་འཐོར་ཞིང་། སངས་རྒྱས་ཀུན་གྱིས་རབ་ཏུ་བསྔགས༔ ཡོན་ཏན་ཀུན་གྱི་གཏེར་གྱུར་པའི༔ སྤྱན་རས་གཟིགས་ཞེས་མཚན་གསོལ་བའི༔ ཐུགས་རྗེ་ཆེན་པོའི་སྐུ་གསུང་ཐུགས་ཀྱི་བཀྲ་ཤིས་ཤོག༔ འོ་དེས་མེའི་འཇིགས་པ་དང་ཚད་པའི་ནད་ཐམས་ཅད་ཞི་བར་བྱེད་བའི་ཐུགས་རྗེ་ཆེན་པོའི་དབང་བསྡུས་པ་ཐོབ་པ་ཡིན་པས་འདི་ཉིད་ཡི་དམ་གྱི་ལྷར་བཟུང་བའི་མོས་པས་རྗེས་ཟློས་མཛོད༔ གཙོ་བོས་ཇི་ལྟར་སོགས། མཎྜལ་ཕུལ༔ ཞེས་པ་དེ་ལ་གྲངས་བཟུང་༔ སྐབས་སུ་དབང་བསྒྲུབ་བསྐྱར་ལ་བསྙེན་པ་མང་དུ་བསྐྱལ༔ དབང་བསྡུས་པ་བསྐུར་ཚེ་རྒྱས་པའི་སྐབས་ཀྱི་དམིགས་པ་རྣམས་ཀྱང་ཡིད་ཀྱིས་བསྒོམས༔ དེ་

[Full Size]

ལྟར་རབ་བརྒྱ་རྩ༔ འབྲིང་ལོ་གྲངས༔ ཐ་ནའང་བཅུ་གསུམ་སོགས་བསྐུར་ཚེ་གོང་དུ་མདོ་དང་རྒྱུད་ལས་བཤད་པའི༔ ཐུགས་རྗེ་ཆེན་པོའི་བྱིན་རླབས་ཚད་པ་ཞི་བའི་ཕན་ཡོན་དེ་ལ་ཐེ་ཚོམ་ཅུང་ཟད་ཀྱང་མེད་པའི་ངེས་ཤེས་ཆེན་པོ་བྱས་ན་ཚད་པའི་ནད་ཞི་བར་ཐེ་ཚོམ་མེད༔ ཐེ་ཚོམ་གྱི་རྣམ་པ་ཅུང་ཟད་སྐྱེས་ཀྱང་ཕན་ཡོན་མི་འབྱུང་བར་བཤད་པས་བླ་མ་དང་སློབ་མ་གཉིས་ཀ་ཐེ་ཚོམ་མེད་པའི་ངེས་ཤེས་ཆེན་པོ་གལ་ཆེ༔ ཞེས་པ་འདི་ནི་དགོངས་གཏེར་གྱི་རྩ་ཚིག་རྡོ་རྗེའི་གསུང་གོ་དཀའ་བར་འདུག་པས་རཱ་ག་ཨ་སྱས་གསལ་བར་བཀོད་པའི་ཡི་གེ་པ་ནི་དགེ་སློང་བརྩོན་འགྲུས་ཏེ༔ འདི་ལ་ཉེས་འགལ་གང་མཆིས་ཆོས་བདག་སྲུང་མའི་ཚོགས་ལ་བཤགས་ཤིང་༔ དགེ་བས་དུས་ངན་སྙིགས་མའི་སྐབས་འདིར་ཚད་པའི་ནད་ཀྱིས་མི་ཕྱེད་ཕྱགས་མས་འདེབས་པའི་སྐབས་སུ་རྐང་གཉིས་འགྲོ་བ་དཔག་ཏུ་མེད་པའི་སྲོག་སྐྱོབ་པར་གྱུར་ཅིག༔ འདི་བྲིས་པས་ཀྱང་མི་འཇིགས་པའི་སྐྱབས་ཀྱི་སྦྱིན་པ་རྒྱ་ཆེན་པོར་གྱུར་ཅིག༔ མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཡིག་དྲུག་བསྐུལ་བ་ངོ་མཚར་ཅན་གཅིག

[Full Size]

ཡིག་དྲུག་བསྐུལ་བ་ངོ་མཚར་ཅན་གཅིག་བཞུགས་སོ།

[Full Size]

ཨོཾ་མ་ཎི་པདྨེ་ཧཱུྃ། དཔལ་གྱི་བྱེ་བ་ཕྲག་བརྒྱ་ནས། །པད་འབྱུང་བྱེ་བ་ཕྲག་བརྒྱ་ཡིས། །འདིར་ཚོགས་ཁྲོམ་པའི་བར་ཆད་སོལ། །ལྕང་ལོ་ཅན་གྱི་གནས་མཆོག་ནས། །གསང་བདག་བྱེ་བ་ཕྲག་བརྒྱ་ཡིས། །འདིར་ཚོགས་ཁྲོམ་པའི་བར་ཆད་སོལ། །བདེ་ཆེན་དབང་དྲག་རོལ་པ་ནས། །ཁྲོ་བོ་རྟ་མགྲིན་རིགས་ལྔ་ཡིས། །འདིར་ཚོགས་ཁྲོམ་པའི་བར་ཆད་སོལ། །འོག་མིན་ཆོས་དབྱིངས་ཞིང་ཁམས་ནས། །དྲིན་ཅན་རྩ་བརྒྱུད་བླ་མ་ཡིས། །འདིར་ཚོགས་ཁྲོམ་ལ་བྱིན་གྱིས་རློབས། །ལྷོ་ཕྱོགས་དཔལ་གྱི་རི་བོ་ནས། །གྲུབ་ཆེན་བརྒྱ་དང་བརྒྱད་ཅུ་ཡིས། །འདིར་

[Full Size]

ཚོགས་ཁྲོམ་ལ་བྱིན་གྱིས་རློབས། །པདྨ་འོད་ཀྱི་གཞལ་ཡས་ནས། །རྗེ་འབངས་ཉི་ཤཱུ་རྩ་བདུན་གྱིས། །འདིར་ཚོགས་ཁྲོམ་ལ་བྱིན་གྱིས་རློབས། །གངས་ཅན་བོད་ཀྱི་ཞིང་ཁམས་ནས། །གཏེར་སྟོན་བརྒྱ་དང་རྩ་བརྒྱད་ཀྱིས། །འདིར་ཚོགས་ཁྲོམ་ལ་བྱིན་གྱིས་རློབས། །དག་པའི་ཞིང་ཁམས་ལྔ་པོ་ནས། །ཞི་བ་བཞི་བཅུ་རྩ་གཉིས་ཀྱིས། །འདིར་ཚོགས་ཁྲོམ་ལ་དངོས་གྲུབ་གནོང་། །དུར་ཁྲོད་མེ་རི་འབར་བ་ནས། །ཁྲག་འཐུང་ལྔ་བཅུ་རྩ་བརྒྱད་ཀྱིས། །འདིར་ཚོགས་ཁྲོམ་ལ་དངོས་གྲུབ་གནོང་། །ཚོམ་བུ་དགུ་ཡི་ད་ལ་ནས། །སྒྲུབ་པ་བཀའ་བརྒྱད་ལྷ་ཚོགས་

[Full Size]

ཀྱིས། །འདིར་ཚོགས་ཁྲོམ་ལ་དངོས་གྲུབ་གནོང་། །རང་བཞིན་རྣམ་དག་གཞལ་ཡས་ནས། །བླ་མ་དགོངས་འདུས་ལྷ་ཚོགས་ཀྱིས། །འདིར་ཚོགས་ཁྲོམ་ལ་དངོས་གྲུབ་གནོང་། །ཕྲིན་ལས་གྲུབ་པའི་གཞལ་ཡས་ནས། །བདུད་འདུལ་ཕུར་པའི་ལྷ་ཚོགས་ཀྱིས། །འདིར་ཚོགས་ཁྲོམ་ལ་དངོས་གྲུབ་གནོང་། །པོ་ཊ་ལ་ཡི་གནས་མཆོག་ནས། །ཐུགས་རྗེ་ཆེན་པོ་སྤྱན་རས་གཟིགས། །འདིར་ཚོགས་ཁྲོམ་གྱི་ལམ་སྣ་དྲོངས། །སྟེང་ཕྱོགས་དགའ་ལྡན་ལྷ་ཡུལ་ནས། །རྒྱལ་ཚབ་བྱམས་པ་མགོན་པོ་ཡིས། །འདིར་ཚོགས་ཁྲོམ་གྱི་ལམ་སྣ་དྲོངས། །ཨོ་རྒྱན་གནྡྷོའི་གཙུག་ལག་ནས། །ཡུམ་མཆོག་རྡོ་རྗེ་ཕག་མོ་ཡིས། །འདིར་ཚོགས་ཁྲོམ་གྱི་ལམ་སྣ་དྲོངས། །རྒྱ་ནག་རི་བོ་རྩེ་ལྔ་ནས། །འཇམ་དཔལ་གཞོན་ནུར་གྱུར་པ་ཡིས། །ཆོས་བཤད་གོ་བར་བྱིན་གྱིས་རློབས། །རྒྱ་གར་ཆུ་བོ་གང་གཱ་ནས། །རིག་པའི་ལྷ་མོ་དབྱངས་ཅན་མས། །ཆོས་བཤད་གོ་བར་བྱིན་གྱིས་རློབས། །ཆོས་ཀྱི་དབྱིངས་ཀྱི་ཕོ་བྲང་ནས། །འཕགས་མ་ཤེར་ཕྱིན་དཀར་མོ་ཡིས། །ཆོས་བཤད་གོ་བར་བྱིན་གྱིས་རློབས། །རི་རབ་རི་ཡི་རྩེ་མོ་ནས། །ཁྱུང་ཆེན་ཉི་ཤཱུ་རྩ་གཅིག་གིས། །ཆོས་བཤད་གོ་བར་

[Full Size]

བྱིན་གྱིས་རློབས། །འདིར་ཚོགས་ཁྲོམ་པའི་སྲུང་སྐྱོབ་མཛོད། །སྟག་ཚང་སེང་གེ་བསམ་འགྲུབ་ནས། །གུ་རུ་རྡོ་རྗེ་གྲོ་ལོད་ཀྱིས། །འདིར་ཚོགས་ཁྲོམ་གྱི་བར་ཆད་སོལ། །གཡུ་ལོ་བཀོད་པའི་ཞིང་ཁམས་ནས། །སྒྲོལ་མ་བརྒྱ་དང་རྩ་བརྒྱད་ཀྱིས། །འདིར་ཚོགས་ཁྲོམ་གྱི་བར་ཆད་སོལ། །ཤར་ཕྱོགས་དག་པའི་ཞིང་བདུན་ནས། །བདེ་གཤེགས་སྨན་ལྷ་མཆེད་བརྒྱད་ཀྱིས། །འདིར་ཚོགས་ཁྲོམ་པའི་ནད་རྣམས་སོལ། །རྒྱ་གར་མངོན་དགའི་རི་ཁྲོད་ནས། །ལྷ་མོ་ཤིང་ལོའི་ན་བཟའ་ཅན། །འདིར་ཚོགས་ཁྲོམ་པའི་ནད་རྣམས་སོལ། །རི་བོ་གྲུ་འཛིན་སྐེད་པ་ནས། །འཕགས་མ་ཡིད་བཞིན་འཁོར་ལོ་ཡིས། །འདིར་ཚོགས་ཁྲོམ་པའི་ནད་རྣམས་སོལ། །གྱི་མི་ཤན་གྱི་གནས་མཆོག་ནས། །སེམས་དཔའ་ས་ཡི་སྙིང་པོ་ཡིས། །རྩྭ་ཁ་ལོ་ཏོག་རྒྱས་པར་མཛོད། །རི་རབ་ཆེན་པོའི་བྱང་ཕྱོགས་ནས། །ལྷ་མོ་ཆེན་མོ་དཔལ་ཆེན་མོས། །རྩྭ་ཁ་ལོ་ཏོག་རྒྱས་པར་མཛོད། །དབང་ཆེན་གསེར་གྱི་ས་གཞི་ནས། །ས་ཡི་ལྷ་མོ་བརྟན་མ་ཡིས། །རྩྭ་ཁ་ལོ་ཏོག་རྒྱས་པར་མཛོད། ༈ འདིར་ཚོགས་ཁྲོམ་པས་ཅི་འདྲ་བསམ། །ང་དེ་ནམ་འཆི་ནམ་འཆི་

[Full Size]

བསམ། །ཟས་གོས་འདི་ཚོ་ཟད་ལུགས་ཀྱིས། །མི་ཚེ་ཟད་ཤི་ན་ཡོད་ཡོད་འདྲ། །ཕུ་ཤི་མདའ་ཤི་ཟེར་བའི་དུས། །རང་ཡང་དེ་དང་འདྲ་སྣང་བྱུང་། །ཕྱུག་པོ་ཤི་བ་ཐོས་པའི་ཚེ། །སྨན་དང་རིམ་གྲོས་མི་ཕན་དོགས། །བཙན་པོ་ཤི་བ་ཐོས་པའི་ཚེ། །དཔུང་གིས་འཆི་བ་མི་ཁོག་དོགས། །གབ་བླ་རྐང་རུས་མཐོང་བའི་ཚེ། །རང་ཡང་དེ་འདྲ་ནམ་ཡོང་བསམ། །དེ་འདྲའི་དུས་ཤིག་བྱུང་ཙ་ན། །དམ་པའི་ཆོས་ཤིག་མ་གཏོགས་པ། །ཅིས་ཀྱང་ཕན་པ་མི་གདའ་བསམ། །གསུང་མཆོག་ཡི་གེ་དྲུག་པ་འདིས། །དེ་དུས་ཕན་ངེས་ཡིན་ནོ་བསམ། །ཡར་མཆོད་མར་སྦྱིན་གང་ཐིངས་ཀྱང་། །དེ་དུས་ལམ་རྒྱགས་ཡིན་ན་བསམ། །དེ་རིང་འདུས་པའི་ཁྲོམ་པ་ཚོ། །ལོ་བརྒྱ་སོང་ནས་གཅིག་ཀྱང་མེད། །དེ་ལ་བསམས་ནས་མཆི་མ་ཤོར། །དེ་རིང་ཚོགས་པའི་མཛེས་མ་ཚོ། །དྲུག་ཅུ་སོང་ནས་ཡི་དྭགས་འདྲ། །དེ་ལ་བསམས་ནས་ཡི་མུག་སྐྱེ། །སྐྱེས་མཐའ་འཆི་དང་བསགས་མཐའ་ཟད། །གང་ལ་སྙིང་པོ་མི་འདུག་པས། །སྙིང་པོ་དམ་པའི་ལྷ་ཆོས་མཛོད། །ཨ་ཀྱང་བུས་ནི་ཀུ་རེ་མིན། །དབྱར་ཁའི་འབུ་སྲིན་མང་ལུགས་ཀྱིས། །མི་ལུས་ཐོབ་པ་དཀའ་དཀའ་འདྲ། །ད་རིས་

[Full Size]

ལུས་ལ་སྙིང་པོ་ལོངས། །གདན་གཅིག་ངག་བཅད་ཁས་ལེན་མཛོད། །དུད་འགྲོ་ཚོ་ལ་ཕར་བལྟས་པས། །སྨྲ་བརྗོད་ཤེས་པ་དཀའ་དཀའ་འདྲ། །ད་རེས་ངག་ལ་སྙིང་པོ་ལོངས། །ཡིག་དྲུག་འདོན་པའི་ཁས་ལེན་མཛོད། །བཤའ་ལུག་འདི་ཚོའི་སྡུག་བསྔལ་ལ། །དམྱལ་བའི་སྡུག་བསྔལ་ཇི་ལྟར་ཁྱག །སྡིག་སྤངས་དགེ་སྒྲུབ་ཁས་ལེན་མཛོད། །བར་དོའི་འཕྲང་ལ་འགྲིམ་པའི་དུས། །གྲོགས་སུ་རིག་པའི་ཁྱེའུ་ཆུང་བཟང་། །ད་ལྟ་ངོ་ཤེས་མཛད་ན་ལེགས། །དམ་པ་རིགས་བརྒྱའི་ལྷ་ཚོགས་རྣམས། །བར་དོའི་འཕྲང་ནས་བསུ་བ་མཛད། །ད་ལྟ་ཞལ་འགྲིས་ཡོད་ན་ལེགས། །ཆོས་ཀྱི་རྒྱལ་པོའི་ཁྲིམས་ར་ནས། །སྡིག་པ་གསང་ཡང་མེ་ལོང་གསལ། །ད་ལྟ་བཤགས་པ་བྱེད་ན་བསམ། །དགེ་བ་འདོད་ཀྱང་ཚོལ་ཁུངས་མེད། །ཡང་ལྗིད་གཤིན་རྗེའི་རྒྱུ་མར་བཀྱག །ད་ལྟ་རང་དབང་ཡོད་དུས་འདིར། །དགེ་བའི་རྒྱ་ཁ་མཐོ་ཙམ་རེམ། །སྤྲང་པོ་ང་ཡི་དཀོར་བཤགས་མཛོད། །ཨ་ཀྱང་ང་དོ་དཀོར་བཤགས་ལ། །ནམ་མཁའ་འདི་ལ་ཕར་བལྟས་པས། །ལྟ་བ་ཕྱོགས་རིས་མེད་པ་དྲན། །ཉི་ཟླ་འདི་ལ་ཕར་བལྟས་པས། །རང་རིག་རང་གསལ་རྗེན་པ་དྲན། །སྤྲིན་

[Full Size]

ཚོགས་འདི་ལ་ཕར་བལྟས་པས། །གང་ཤར་ངོ་བོ་སྟོང་པ་དྲན། །ཆུ་བོ་འདི་ལ་ཕར་བལྟས་པས། །གཉུག་མ་རྒྱུན་ཆད་མེད་པ་དྲན། །ཆུ་རླབས་འདི་ལ་ཕར་བལྟས་པས། །འགྱུ་བ་རང་ཞི་རང་གྲོལ་དྲན། །འཇའ་ཚོན་འདི་ལ་ཕར་བལྟས་པས། །སྣང་སྟོང་ཡི་དམ་ལྷ་སྐུ་དྲན། །བྲག་ཆ་འདི་ལ་ཕར་བལྟས་པས། །གྲག་སྟོང་སྔགས་ཀྱི་རོལ་པ་དྲན། །ཨ་ཀྱང་དེ་ཚོ་ཀུ་རེ་ཡིན། །སྟོང་སྒྲུབ་ཚེས་པ་མཐོལ་ལོ་བཤགས། །ནུབ་ནི་གཏི་མུག་གཉིད་ལ་སོང་། །ནངས་ནུབ་ཟས་གོས་གཡེང་བས་ཁྱེར། །བྱ་བཞག་ཆུ་ཡི་གཉེར་མ་འདྲ། །དོན་ཆུང་ལས་ལ་མི་ཚེ་ཟད། །དམ་ཆོས་བྱེད་བསམ་ངང་ལ་ལུས། །བསམ་རྒྱུ་མེད་པ་འཆི་བདག་སླེབས། །དེ་འདྲའི་དུས་ཤིག་ནམ་ཡོང་ཨང་། །བསམ་ལོ་ཡོད་པའི་མི་ཡོད་ན། །དམ་ཆོས་བསྒྲུབ་ན་ད་རན་གདའ། །རན་པས་མི་ཚད་ཕྱིས་པ་འདྲ། །དེ་ལ་སོམས་ལ་ལྷ་ཆོས་མཛོད། ༈ །ཤར་གྱི་ཕྱོགས་ནས་བཀྲ་ཤིས་པ། །ཐུགས་རྗེ་ཆེན་པོ་སེང་གེ་སྒྲ། །འདིར་འཚོགས་ཁྲོམ་ལ་བཀྲ་ཤིས་ཤོག །ལྷོ་ཡི་ཕྱོགས་ནས་བཀྲ་ཤིས་པ། །ཡིད་བཞིན་འཁོར་ལོ་སྤྱན་རས་གཟིགས། །འདིར་འཚོགས་ཁྲོམ་ལ་བཀྲ་ཤིས་ཤོག །ནུབ་ཀྱི་ཕྱོགས་

[Full Size]

ནས་བཀྲ་ཤིས་པ། །འཇིག་རྟེན་དབང་ཕྱུག་སྤྱན་རིས་གཟིགས། །འདིར་འཚོགས་ཁྲོམ་ལ་བཀྲ་ཤིས་ཤོག །བྱང་གི་ཕྱོགས་ནས་བཀྲ་ཤིས་པ། །དོན་ཡོད་ཞགས་པ་སྤྱན་རས་གཟིགས། །འདིར་འཚོགས་ཁྲོམ་ལ་བཀྲ་ཤིས་ཤོག །སྟེང་གི་ཕྱོགས་ནས་བཀྲ་ཤིས་པ། །པདྨ་གཙུག་ཏོར་སྤྱན་རས་གཟིགས། །འདིར་འཚོགས་ཁྲོམ་ལ་བཀྲ་ཤིས་ཤོག །འོག་གི་ཕྱོགས་ནས་བཀྲ་ཤིས་པ། །མགྲིན་པ་སྔོན་པོ་སྤྱན་རས་གཟིགས། །འདིར་འཚོགས་ཁྲོམ་ལ་བཀྲ་ཤིས་ཤོག །དབུས་ཀྱི་ཕྱོགས་ནས་བཀྲ་ཤིས་པ། །ནམ་མཁའ་རྒྱལ་པོ་སྤྱན་རས་གཟིགས། །འདིར་འཚོགས་ཁྲོམ་ལ་བཀྲིས་ཤོག །ཕྱག་སྟོང་འཁོར་ལོས་སྒྱུར་རྒྱལ་སྟོང་། །ཕུན་སུམ་ཚོགས་པའི་བཀྲ་ཤིས་ཤོག །སྤྱན་སྟོང་བསྐལ་བཟང་སངས་རྒྱས་སྟོང་། །འབྲེལ་ཚད་དོན་ལྡན་བཀྲ་ཤིས་ཤོག །ཅེས་པ་ས་མོ་བྱ་ཡི་ལོ། །མགོ་ཟླའི་ཚེས་དྲུག་ནུབ་མོ་ལ། །བླ་མ་སྦྱིན་པས་བསྐུལ་བའི་ངོར། །ར་གཱ་ཨ་སྱས་གང་དྲན་སྨྲས། །བསྐུལ་བ་པོ་དེས་ཞུན་མར་གྱི། །ངོས་ལ་མགྱོགས་བྲིས་བྱས་པའོ། །མངྒ་ལཾ། །༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གསུང་མཆོག་ཡི་གེ་དྲུག་མའི་ཇོ་རྒྱུན་ཇི་ལྟར་བྱ་བ་དང་དེའི་ཕན་ཡོན་བཅས།

[Full Size]

གསུང་མཆོག་ཡི་གེ་དྲུག་མའི་ཇོ་རྒྱུན་ཇི་ལྟར་བྱ་བ་དང་དེའི་ཕན་ཡོན་བཅས་བཞུགས་སོ། །

[Full Size]

ན་མོ་ལོ་ཀེ་ཤྭ་ར་ཡེ། ཐུགས་རྗེ་ཆེན་པོ་ལ་ཕྱག་འཚལ་ལོ། །ཇོ་རྒྱུན་བྱེད་པའི་ཐོག་མར་སེམས་ཅན་ཐམས་ཅད་ལ་ཡི་གེ་དྲུག་པའི་ཆོས་ཆར་ཕབ་ནས། རིགས་དྲུག་འཁོར་བ་དོང་ནས་སྤྲུགས་པར་བྱ་སྙམ་དུ་སེམས་བསྐྱེད་ནས། སྐད་ཅིག་དྲན་རྫོགས་སུ་རང་ཉིད་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ཞལ་གཅིག་ཕྱག་གཉིས་སྐུ་མདོག་དཀར་ལ་དམར་བའི་མདངས་ཆགས་པ། ཕྱག་གཡས་མུ་ཏིག་གི་ཕྲེང་བ་ཕྱར་ཐབས་སུ་འདྲེན་པ། གཡོན་པདྨ་དཀར་པོ་ཡུ་བ་ནས་ཐུགས་ཀར་མཐེབ་སྲིན་གྱིས་འཛིན་པ། སྙན་གཡོན་གྱི་ཐད་དུ་ཁ་བྱེ་བ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་། ཞབས་གཉིས་པདྨ་དང་ཟླ་

[Full Size]

བའི་གདན་ལ་བཞེངས་ཐབས་སུ་བཞུགས་པ། རི་དྭགས་ཀྲིཥྛ་ས་རའི་པགས་པ་ཕྲག་པ་གཡོན་ལ་བཀལ་བ། དབུ་རྒྱན་དང་མགུལ་རྒྱན་ཕྱག་གདུབ་དང་ཞབས་གདུབ་ཐམས་ཅད་རིན་པོ་ཆེ་སྣ་ཚོགས་ལས་བྱས་པ། དབུ་ཐོར་ཚུགས་ཀྱི་རྩེ་ན་སངས་རྒྱས་འོད་དཔག་མེད་དམར་པོ། ཚོན་གང་བ་གཅིག་འཛུམ་མུ་ལེར་བཞུགས་པ། རང་གི་ཐུགས་ཀར་ཟླ་བའི་གདན་ལ་གྷིཡིག་དཀར་པོ་ལ་ཡི་གེ་དྲུག་པ་ཁྲ་ལམ་མེར་བསྐོར་བ། ལྗགས་ཀྱི་སྟེང་དུ་ཧྲཱི༔ཡིག་དཀར་པོ་ལ་ཡི་གེ་དྲུག་པའི་རང་སྒྲ་འབྲུག་ལྟར་གྲག་པ། ཡེ་ཤེས་དམ་ཚིག་དབྱེར་མེད་པའི་ངོ་བོར་བསྒོམས་ལ། ཁྲོམ་འདུས་ནས་སྐད་མི་ཆེ་མི་ཆུང་བར་བྱ་སྟེ། རྐང་པ་གཉིས་

[Full Size]

གཤིབས་ནས། ཕྱི་རྟིང་བཀྱག་ལ་ས་ལ་ལངས་ལ། རང་ལ་སྐད་ཅི་ཙམ་ཡོད་པ་དེ་རུ་གསུམ་བྱ་བའི་རུ་གཉིས་དེ་འདོན། གཅིག་དེ་ཁོག་ཏུ་བཞག་ནས་ཕྱིར་མི་འདོན་པའི་སྐད་མི་ཟད་པ་འབྱུང་ངོ་། །རྗེ་བླ་མ་རྣམས་ལ་གསོལ་བ་འདེབས། །སྐྱབས་དཀོན་མཆོག་གསུམ་ལ་ཕྱག་འཚལ་ལོ། །སྐྱབས་དཀོན་མཆོག་གསུམ་ལ་སྐྱབས་སུ་མཆི། །སྐྱབས་དཀོན་མཆོག་གསུམ་གྱི་སྐྱབས་ཞབས་ན། །ལྷ་ཐུགས་རྗེ་ཆེན་པོའི་ཆོས་ར་བཙུགས། །གསུང་ཡི་གེ་དྲུག་མའི་ཆོས་འཁོར་བསྐོར། །ལྷ་བུདྡྷ་དམར་པོས་ཇོ་མེ་འབུད། །དགོང་དོ་ནུབ་འདིར་ཚོགས་ཁྲོམ་པ་ལ། །ལྷ་ཐུགས་རྗེ་ཆེན་པོས་བྱིན་ཅིག་ཕོབ། །དགོང་དོ་ནུབ་འདིར་ཚོགས་ཇོ་ར་ལ། །ལྷ་སྤྱན་རས་གཟིགས་ཀྱིས་བྱིན་ཅིག་ཕོབ། །དགོང་དོ་ནུབ་འདིར་འབུད་ཇོ་མེ་ལ། །ལྷ་རྟ་མགྲིན་དམར་པོས་བྱིན་ཅིག་ཕོབ། །དགོང་དོ་ནུབ་བསྐོལ་བའི་ཇོ་ཧུབ་ལ། །ལྷ་བདུད་རྩི་འཁྱིལ་པས་བྱིན་ཅིག་ཕོབ། །དགོང་དོ་ནུབ་འདིར་ཚོགས་ལྷ་འདྲེ་ལ། །ལྷ་ཨོ་རྒྱན་པདྨས་བྱིན་ཅིག་ཕོབ། །དགོང་དོ་ནུབ་འདིར་ཚོགས་ཕོ་སྐྱེས་ཚོ། །ཡབ་ཐུགས་རྗེ་ཆེན་པོས་བྱིན་ཅིག་ཕོབ། །དགོང་དོ་ནུབ་འདིར་ཚོགས་མོ་སྐྱེས་ཚོ། །ཡུམ་ཡི་གེ་དྲུག་མས་བྱིན་ཅིག་ཕོབ། །

[Full Size]

དགོང་དོ་ནུབ་འདིར་ཚོགས་བྱིས་པ་ཚོ། །སྲས་ནོར་བུ་འཛིན་པས་བྱིན་ཅིག་ཕོབ། །དགོང་དོ་ནུབ་འདིར་ཚོགས་བུ་མོ་ཚོ། །སྲས་མོ་རིག་སྔགས་འཛིན་མས་བྱིན་ཅིག་ཕོབ། །དེ་ཡན་ཆད་ས་གཞི་བྱིན་བརླབས་དང་བྱིན་ཕབ་པའོ།། ༈ དོ་ནུབ་འདིར་ཚོགས་ཁྲོམ་པ་ཚོ། །ཕོ་རྣམས་ཐུགས་རྗེ་ཆེན་པོ་ཡིན། །དཔའ་བོའི་ཚོགས་རྣམས་གཡས་གྲལ་གྱིས། །མོ་རྣམས་ཡི་གེ་དྲུག་མ་ཡིན། །དཔའ་མོའི་ཚོགས་རྣམས་གཡོན་གྲལ་གྱིས། །བུ་རྣམས་ནོར་བུ་འཛིན་པ་ཡིན། །ཨ་ཐིག་རྣམས་ཀྱིས་མདུན་གྲལ་གྱིས། །བུ་མོ་ཚོ་རིག་སྔགས་འཛིན་མ་ཡིན། །བུ་མོ་རྣམས་ཀྱིས་ཟུར་གྲལ་གྱིས། །དོ་ནུབ་འདིར་ཚོགས་ཁྲོམ་པ་ཚོ། །ལུས་ནི་སྣང་སྟོང་ལྷ་སྐུ་ཡིན། །རྩ་རྩུབ་མ་མང་ཁྲིགས་སེར་བཞུགས། །ངག་ནི་གྲག་སྟོང་ཆོས་ཉིད་ཡིན། །ཤབ་ཤིབ་མ་མང་ཡིག་དྲུག་གསུངས། །སེམས་ནི་གསལ་སྟོང་ཆོས་སྐུ་ཡིན། །ཐུགས་བརྩེ་དམ་པའི་ཆོས་ལ་གཏོད། །ཡི་གེ་དྲུག་པའི་ཆོས་གྱུར་ན། །རྩ་རྩུབ་གཡེལ་ཆུང་ཕོད་པ་མེད། །གཟུགས་ཅན་མི་ཡི་ཁྲོམ་པ་བས། །གཟུགས་མེད་ལྷ་འདྲེའི་ཁྲོམ་པ་མང་། །སྤྲང་ཕྲུག་ངས་དང་མ་རིག་སྟེ། །ཟ་མ་ཏོག་གི་མདོ་

[Full Size]

ནས་གསུངས། །དཀར་ཕྱོགས་ལྷ་ཀླུ་གཞི་བདག་རྣམས། །ཡིག་དྲུག་འདོན་ནི་བྱོན་པ་ཡིན། །མཆོད་པ་གཞན་བས་འདི་ལ་མཉེས། །ཤར་ནས་རྒྱལ་པོ་ཡུལ་འཁོར་སྲུང་། །དྲི་ཟ་འབུམ་གྱི་འཁོར་བཅས་ལ། །ཡི་གེ་དྲུག་མའི་མཆོད་པ་འབུལ། །འདིར་ཚོགས་ཁྲོམ་པའི་སྲུང་སྐྱོབ་མཛོད། །ལྷོ་ནས་རྒྱལ་པོ་འཕགས་སྐྱེས་པོ། །གཤིན་རྗེ་འབུམ་གྱི་འཁོར་བཅས་ལ། །ཡི་གེ་དྲུག་པའི་མཆོད་པ་འབུལ། །འདིར་ཚོགས་ཁྲོམ་པའི་སྲུང་སྐྱོབ་མཛོད། །ནུབ་ནས་རྒྱལ་པོ་སྤྱན་མི་བཟང་། །ཀླུ་དམག་འབུམ་གྱི་འཁོར་བཅས་ལ། །ཡི་གེ་དྲུག་པའི་མཆོད་པ་འབུལ། །འདིར་ཚོགས་ཁྲོམ་པའི་སྲུང་སྐྱོབ་མཛོད། །བྱང་ནས་རྒྱལ་པོ་རྣམ་ཐོས་སྲས། །གནོད་སྦྱིན་འབུམ་གྱི་འཁོར་བཅས་ལ། །ཡི་གེ་དྲུག་པའི་མཆོད་པ་འབུལ། །འདིར་ཚོགས་ཁྲོམ་པའི་སྲུང་སྐྱོབ་མཛོད། །སྟེང་ཕྱོགས་ནམ་མཁའི་དབྱིངས་རོལ་ནས། །སུམ་ཅུ་རྩ་གསུམ་ལྷ་ཡི་སྡེ། །ལྷ་བྲན་བྱེ་བ་འབུམ་བཅས་ལ། །ཡི་གེ་དྲུག་པའི་མཆོད་པ་འབུལ། །འདིར་ཚོགས་ཁྲོམ་པའི་སྲུང་སྐྱོབམཛོད། །བར་སྣང་ཁམས་ལ་རྒྱུ་བ་ཡི། །གནོད་སྦྱིན་བྱེ་བ་དྲུག་ཅུ་ལ། །ཡི་གེ་དྲུག་པའི་

[Full Size]

མཆོད་པ་འབུལ། །འདིར་ཚོགས་ཁྲོམ་པའི་སྲུང་སྐྱོབ་མཛོད། །ས་ཡི་འོག་ན་གནས་བཅས་པའི། །ཀླུ་རྒྱལ་རྒྱ་མཚོ་མ་དྲོས་པ། །ཀླུ་རིགས་བྱེ་བ་བརྒྱ་སྟོང་ལ། །ཡི་གེ་དྲུག་པའི་མཆོད་པ་འབུལ། །འདིར་ཚོགས་ཁྲོམ་པའི་སྲུང་སྐྱོབ་མཛོད། །དེ་ཚོ་དཀར་ཕྱོགས་ལྷ་ཡི་རིགས། །ཡི་གེ་དྲུག་པའི་བཀའ་སྲུང་ཡིན། །།ཡང་ཡི་གེ་དྲུག་པའི་ཆོས་ར་ན། །དཀར་ཕྱོགས་ལྷ་ཡི་ཁྲོམ་པ་བས། །ནག་ཕྱོགས་ལྷ་འདྲེའི་ཁྲོམ་པ་མང་། །སྤྲང་ཕྲུག་ངས་དང་མ་རིག་སྟེ། །རིག་པ་མཆོག་གི་རྒྱུད་ནས་གསུངས། །དམ་པའི་ཆོས་ལ་མི་དགའ་ཞིང་། །ནག་པོའི་ཕྱོགས་ལ་དགའ་བའི་རིགས། །བགེགས་རིགས་སྟོང་ཕྲག་བརྒྱད་ཅུ་དང་། །དམ་སྲི་ཡུལ་འདྲེ་སྒབ་འདྲེ་རྣམས། །འདི་རུ་མ་འདུག་གཞན་དུ་སོང་། །གལ་ཏེ་མི་འགྲོ་འདུག་གྱུར་ན། །ཇོ་མེ་རྟ་མགྲིན་དམར་པོ་ཡིན། །མེ་སྟག་རྡོ་རྗེའི་ཚྭ་ཚྭ་འཕྲོ། །རྡོ་རྗེའི་ཚྭ་ཚྭ་ཐ་ར་ར། །ཡིག་དྲུག་དྲག་སྔགས་འབྲུག་སྒྲ་ཡིན། །དྲག་སྔགས་འབྲུག་སྒྲ་འུ་རུ་རུ། །ཨོཾ་གྱིས་ལྷ་ཡི་གདོན་རྣམས་ཐུབ། །ལྷ་ཡི་རྩུབ་རིམས་བཟློག་ཏུ་གསོལ། །མ་ཡིས་མ་མོའི་གདོན་རྣམས་ཐུབ། །མ་མོའི་ཁ་རླངས་

[Full Size]

བཟློག་ཏུ་གསོལ། །ཎིས་ནི་རྒྱལ་འགོང་གདོན་རྣམས་ཐུབ། །རྒྱལ་འགོང་སྨྱོ་འབོག་བཟློག་ཏུ་གསོལ། །པད་ཀྱིས་ས་བདག་གདོན་རྣམས་ཐུབ། །ས་བདག་ཞ་གྲུམ་བཟློག་ཏུ་། གསོལ། །མེས་ནི་བདུད་དང་གཤིན་རྗེ་ཐུབ། །བདུད་དང་གཤིན་རྗེའི་ཕོ་ཉ་ཟློག །ཧཱུྃ་གིས་གནོད་སྦྱིན་དྲི་ཟ་ཐུབ། །ལྷ་འདྲེའི་གདུག་པ་བཟློག་ཏུ་གསོལ། །ཡིག་དྲུག་མེ་ཡི་གུར་ཁང་ཕུབ། །ཡེ་ཤེས་མེ་དཔུང་འུ་རུ་རུ། །ནག་པོའི་བདུད་རིགས་གཞོབ་ཏུ་བསྲེག །ཨོཾ་ནི་འཁོར་ལོའི་གུར་ཁང་ཡིན། །སྟེང་ཕྱོགས་འཁོར་ལོའི་གུར་ཁང་ཕུབ། །མ་ནི་རྡོ་རྗེའི་ས་གཞི་ཡིན། །འོག་ཕྱོགས་རྡོ་རྗེའི་ས་བཞི་བརྡལ། །ཎི་ནི་རྡོ་རྗེའི་གུར་ཁང་ཡིན། །ཤར་ཕྱོགས་རྡོ་རྗེའི་གུར་ཁང་ཕུབ། །པད་ནི་རིན་ཆེན་གུར་ཁང་ཡིན། །ལྷོ་ཕྱོགས་རིན་ཆེན་གུར་ཁང་ཕུབ། །མེ་ནི་པདྨའི་གུར་ཁང་ཡིན། །ནུབ་ཕྱོགས་པདྨའི་གུར་ཁང་ཕུབ། །ཧཱུྃ་ནི་རྒྱ་གྲམ་གུར་ཁང་ཡིན། །བྱང་ཕྱོགས་རྒྱ་གྲམ་གུར་ཁང་ཕུབ། །དོ་ནུབ་འདིར་ཚོགས་ཁྲོམ་པ་ལ། །ཡི་གེ་དྲུག་པའི་སྲུང་འཁོར་ཕུབ། །སྟེང་ཕྱོགས་ཨོཾ་གྱི་གུར་ཁང་ཕུབ། །སྟེང་གི་ལྷ་གདོན་བསྲུང་དུ་གསོལ། །ཤར་ཕྱོགས་མ་ཡི་གུར་ཁང་

[Full Size]

ཕུབ། །ཤར་ཕྱོགས་དྲི་ཟའི་གནོད་པ་སྲུངས། །ལྷོ་ཕྱོགས་ཎི་ཡི་གུར་ཁང་ཕུབ། །ལྷོ་ཕྱོགས་གཤིན་རྗེའི་གནོད་པ་སྲུངས། །ནུབ་ཕྱོགས་པད་ཀྱི་གུར་ཁང་ཕུབ། །ནུབ་ཕྱོགས་ཀླུ་ཡི་གནོད་པ་སྲུངས། །བྱང་ཕྱོགས་མེ་ཡི་གུར་ཁང་ཕུབ། །བྱང་ཕྱོགས་གནོད་སྦྱིན་གནོད་པ་སྲུངས། །འོག་ཕྱོགས་ཧཱུྃ་གི་གུར་ཁང་ཕུབ། །འོག་ཕྱོགས་ས་བདག་གནོད་པ་སྲུངས། །དོ་ནུབ་འདིར་འཚོགས་ཁྲོམ་པ་ཚོ། །ཡི་གེ་དྲུག་པས་བསྲུང་དུ་གསོལ། །ཡི་གེ་དྲུག་པས་བསྐྱབ་ཏུ་གསོལ། །དེ་ཡན་མཚམས་གཅོད་སྲུང་འཁོར་ཡིན། ༈ སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །ཞེས་ཚར་བདུན་ཙམ་བརྗོད། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཆེན་པོ་ལ་སེམས་ཡུན་རིང་དུ་གནས་པར་གྱུར་ཅིག །ཚར་གསུམ་མམ་བདུན་བརྗོད། མ་ཎི་འུར་བརྒྱག་

[Full Size]

གསུང་མཆོག་ཡི་གེ་དྲུག་པ་འདི་བཟླས་ན། །ངན་སོང་འཁོར་བའི་སྡུག་བསྔལ་ཀུན་ལས་སྐྱོབས། །སྐྱབས་འགྲོའི་མཆོག་གྱུར་ཡི་གེ་དྲུག་པ་ཡིན། །ཨོཾ་གྱིས་སངས་རྒྱས་རྣམས་ལ་སྐྱབས་སུ་འགྲོ། །སངས་རྒྱས་རྣམས་ཀྱི་ཐུགས་རྗེས་སྐྱབས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །མས་ནི་དམ་ཆོས་རྣམས་ལ་སྐྱབས་སུ་འགྲོ། །དམ་པའི་ཆོས་ཀྱི་སྐྱབས་འོག་ཚུད་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །ཎིས་ནི་དགེ་འདུན་རྣམས་ལ་སྐྱབས་སུ་འགྲོ། །དགེ་འདུན་རྣམས་ཀྱི་ཐུགས་རྗེས་སྐྱོབ་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །པད་ཀྱིས་བླ་མ་རྣམས་ལ་སྐྱབས་སུ་འགྲོ། །བླ་མ་རྣམས་ཀྱི་ཐུགས་རྗེས་སྐྱོབས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །མེས་ནི་ཡི་དམ་རྣམས་ལ་སྐྱབས་སུ་འགྲོ། །རྒྱུད་སྡེ་བཞི་ཡི་ཐུགས་རྗེས་སྐྱོབས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད་།ཧཱུྃ་ནི་མཁའ་འགྲོ་རྣམས་ལ་སྐྱབས་སུ་འགྲོ། །དཔའ་བོ་མཁའ་འགྲོའི་ཐུགས་རྗེས་སྐྱོབས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །བསམ་པ་

[Full Size]

རྣམ་དག་བྱང་ཆུབ་སེམས་བསྐྱེད་ཀྱང་། །གསུང་མཆོག་ཡི་གེ་དྲུག་པ་འདི་ལ་ཚང་། །ཨོཾ་ནི་སྨོན་པ་བྱང་ཆུབ་སེམས་བསྐྱེད་ཡིན། །སངས་རྒྱས་ཐོབ་པའི་སྨོན་ལམ་འདེབས་འདོད་ན། །གསུང་མཆོག་ཡི་གེ་དྲུག་པ་འདི་ལ་ཚང་། །མ་ནི་འཇུག་པ་བྱང་ཆུབ་སེམས་བསྐྱེད་ཡིན། །རྫོགས་པའི་བྱང་ཆུབ་ལམ་ལ་འཇུག་འདོད་ན། །གསུང་མཆོག་ཡི་གེ་དྲུག་པ་འདི་ལ་ཚང་། །ཎི་ནི་གཉིས་མེད་བྱང་ཆུབ་སེམས་བསྐྱེད་ཡིན། །སྟོང་ཉིད་སྙིང་རྗེ་གཉིས་མེད་བསྒོམ་འདོད་ན། །གསུང་མཆོག་ཡི་གེ་དྲུག་པ་འདི་ལ་ཚང་། །པད་ནི་ཆོས་ཉིད་བྱང་ཆུབ་སེམས་བསྐྱེད་ཡིན། །ཆོས་ཉིད་སྐྱེ་མེད་དོན་དེ་རྟོགས་འདོད་ན། །གསུང་མཆོག་ཡི་གེ་དྲུག་པ་འདི་ལ་ཚང་། །མེ་ནི་ཡེ་ཤེས་བྱང་ཆུབ་སེམས་བསྐྱེད་ཡིན། །ཡེ་ཤེས་ལྔ་པོ་སེམས་ལ་འཆར་འདོད་ན། །གསུང་མཆོག་ཡི་གེ་དྲུག་པ་འདི་ལ་ཚང་། །ཧཱུྃ་ནི་དོན་དམ་བྱང་ཆུབ་སེམས་བསྐྱེད་ཡིན། །དོན་དམ་སྙིང་པོ་མངོན་སུམ་རྟོགས་འདོད་ན། །གསུང་མཆོག་ཡི་གེ་དྲུག་པ་འདི་ལ་ཚང་། །ཚད་མེད་དྲུག་གི་འགྲོ་དོན་བྱེད་པ་ཡང་། །གསུང་མཆོག་ཡི་གེ་དྲུག་པ་བཟླས་པས་འགྲུབ། །ཨོཾ་ནི་ཐུགས་རྗེ་

[Full Size]

ཚད་མེད་ཕྱོགས་རིས་མེད། །ཕྱོགས་མེད་རྒྱལ་ཁམས་འགྲོ་དོན་བྱེད་འདོད་ན། །གསུང་མཆོག་ཡི་གེ་དྲུག་པ་བཟླས་པས་འགྲུབ། །མ་ནི་བྱམས་པ་ཚད་མེད་ཀུན་ལ་ཁྱབ། །བྱམས་པ་ཆེན་པོའི་ཏིང་འཛིན་བསྒོམ་འདོད་ན། །གསུང་མཆོག་ཡི་གེ་དྲུག་པ་བཟླས་པས་འགྲུབ། །ཎི་ནི་སྙིང་རྗེ་ཚད་མེད་བུ་ལྟར་བརྩེ། །སྙིང་རྗེ་ཚད་མེད་ཏིང་འཛིན་བསྒོམ་འདོད་ན། །གསུང་མཆོག་ཡི་གེ་དྲུག་པ་བཟླས་པས་འགྲུབ། །པད་ནི་དགའ་བ་ཚད་མེད་ལུས་སེམས་བདེ། །དགའ་བ་ཚད་མེད་ཏིང་འཛིན་བསྒོམ་འདོད་ན། །གསུང་མཆོག་ཡི་གེ་དྲུག་པ་བཟླས་པས་འགྲུབ། །མེ་ནི་བཏང་སྙོམས་ཚད་མེད་དགྲ་གཉེན་བྲལ། །བཏང་སྙོམས་ཚད་མེད་ཏིང་འཛིན་བསྒོམ་འདོད་ན། །གསུང་མཆོག་ཡི་གེ་དྲུག་པ་བཟླས་པས་འགྲུབ། །ཧཱུྃ་ནི་ཆོས་ཉིད་ཚད་མེད་མཐའ་དབུས་མེད། །ཆོས་ཉིད་བདེན་པ་མངོན་སུམ་རྟོགས་འདོད་ན། །གསུང་མཆོག་ཡི་གེ་དྲུག་པ་བཟླས་པས་འགྲུབ། །དེ་ཡན་སྐྱབས་འགྲོ་སེམས་བསྐྱེད་ཡིན། དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཡོན་ཕྲིན་ལས་ལ། །གསོལ་བ་བཏབ་པའི་བྱིན་རླབས་དང་། །དངོས་གྲུབ་ཀུན་འབྱུང་

[Full Size]

གསོལ་འདེབས་ནི། །གསུང་མཆོག་ཡི་གེ་དྲུག་པ་ཡིན། །ཨོཾ་གྱིས་སྐུ་ལ་གསོལ་བ་འདེབས། །མས་ནི་གསུང་ལ་གསོལ་བ་འདེབས། །ཎིས་ནི་ཐུགས་ལ་གསོལ་བ་འདེབས། །པད་ཀྱིས་ཡོན་ཏན་ལ་གསོལ་བ་འདེབས། །མེས་ནི་ཕྲིན་ལས་ལ་གསོལ་བ་འདེབས། །ཧཱུྃ་ནི་སྐུ་གསུམ་བཅས་ལ་གསོལ་བ་འདེབས། །ཆོས་སྐུ་སྣང་བ་མཐའ་ཡས་ལ། །གསོལ་བ་འདེབས་སོ་ཐུགས་རྗེས་གཟིགས། །ལོངས་སྐུ་ཐུགས་རྗེ་ཆེན་པོ་ལ། །གསོལ་བ་འདེབས་སོ་ཐུགས་རྗེས་གཟིགས། །སྤྲུལ་སྐུ་པདྨ་འབྱུང་གནས་ལ། །གསོལ་བ་འདེབས་སོ་ཐུགས་རྗེས་གཟིགས། །ཆོས་རྒྱལ་སྲོང་བཙན་སྒམ་པོ་ལ། །གསོལ་བ་འདེབས་སོ་ཐུགས་རྗེས་གཟིགས། །ལྷ་གཅིག་སྒྲོལ་མ་དཀར་སྔོན་ལ། །གསོལ་བ་འདེབས་སོ་ཐུགས་རྗེས་གཟིགས། །དྲིན་ཆེན་རྩ་བརྒྱུད་བླ་མ་ལ། །གསོལ་བ་འདེབས་སོ་ཐུགས་རྗེས་གཟིགས། །སྔོན་ཚེ་སངས་རྒྱས་པདྨའི་སྙིང་པོ་དེས། །གསུང་མཆོག་ཡི་གེ་དྲུག་པ་མ་རྙེད་ནས། །འཇིག་རྟེན་ཁམས་ནི་བྱེ་བ་ཁྲག་ཁྲིག་གཤེགས། །སྤྱན་རས་གཟིགས་མཇལ་ཡི་གེ་དྲུག་པ་ཐོབ། །སངས་རྒྱས་པདྨའི་སྙིང་པོ་ལ་གསོལ་བ་

[Full Size]

འདེབས། །རྒྱ་གར་མ་ག་ཏ་ཡི་ནུབ་ཕྱོགས་ན། །ཚོང་དཔོན་མཛེས་པའི་བློ་གྲོས་ཞེས་བྱ་བས། །ཚེ་གཅིག་ཡི་གེ་དྲུག་པ་ཐུགས་དམ་མཛད། །གདུང་བཞུས་རྒྱ་གར་ཇོ་བོའི་རིགས་གཅིག་བྱོན། །དེ་ཡང་ཡི་གེ་དྲུག་པའི་རིག་འཛིན་ཡིན། །ཚོང་དཔོན་མཛེས་པའི་བློ་གྲོས་ལ། །གསོལ་བ་འདེབས་སོ་ཐུགས་རྗེས་གཟིགས། །མ་ཧེ་འཚོ་བའི་རྫི་བོས་ཡིག་དྲུག་བཏོན། །མ་ཧེའི་བྲང་ནས་ཐུགས་རྗེ་ཆེན་པོ་བྱོན། །རང་བྱུང་མུ་ཏིག་ཡི་གེ་དྲུག་པ་གནང་། །ད་ལྟ་འཇའ་ལུས་མཁའ་སྤྱོད་གནས་སུ་བཞུགས། །སློབ་དཔོན་ཀླུ་ཡི་བྱང་ཆུབ་ཅེས་སུ་གྲགས། །དེ་ཡང་ཡི་གེ་དྲུག་པའི་རིག་འཛིན་ཡིན། །ཀླུ་ཡི་བྱང་ཆུབ་ཞབས་ལ་གསོལ་བ་འདེབས། །བྲམ་ཟེའི་ཁྱེའུ་བདེ་མཆོག་དུས་སྙིང་གིས། །བྲག་ཕུག་གཅིག་ཏུ་ཡི་གེ་དྲུག་པ་བསྒྲུབ། །བྲག་ཕུག་དེ་ཉིད་ཤེལ་གྱི་མཆོད་རྟེན་གྱུར། །ཕུང་པོ་ལྷག་མེད་རྫོགས་པའི་སངས་རྒྱས་ཐོབ། །དེ་ཡང་ཡི་གེ་དྲུག་པའི་རིག་འཛིན་ཡིན། །བདེ་མཆོག་དུས་སྙིང་ཞབས་ལ་གསོལ་བ་འདེབས། །རྒྱ་གར་ཡུལ་གྱི་རྐུན་མ་གཅིག །ཞག་མ་སུམ་ཅུ་སོ་གཅིག་ལ། །ཡིག་དྲུག་བཏོན་ཅིང་བསྐོར་བ་བྱས། །སྤྱན་རས་

[Full Size]

གཟིགས་ཀྱིས་རལ་གྲི་གནང་། །རལ་གྲི་བཟུང་ནས་ནམ་མཁར་འཕུར། །འཇའ་ལུས་མཁའ་སྤྱོད་གནས་སུ་བྱོན། །གྲུབ་ཆེན་རལ་གྲི་པ་ཞེས་གྲགས། །ཡི་གེ་དྲུག་པའི་རིག་འཛིན་ཡིན། །རལ་གྲི་པ་ལ་གསོལ་བ་འདེབས། །རྒྱ་གར་ཡུལ་གྱི་སྤྲང་པོ་གཅིག །ཡི་གེ་དྲུག་པ་བསྒོམས་བཟླས་ནས། །སྤྱན་རས་གཟིགས་དང་དངོས་སུ་མཇལ། །བཟའ་བཏུང་ཉོ་བའི་གསེར་ཡང་གནང་། །རྫུ་འཕྲུལ་བར་སྣང་བྱ་ལྟར་ལྡིང་། །ཡི་གེ་དྲུག་པའི་རིག་འཛིན་ཡིན། །གྲུབ་ཆེན་གཙང་པ་རས་པ་ཟེར། །རིག་འཛིན་དེ་ལ་གསོལ་བ་འདེབས། །རྒྱ་གར་བྲམ་ཟེའི་ཁྱེའུ་གཅིག །ཐུགས་རྗེ་ཆེན་པོའི་རྡོ་སྐུ་ལ། །ལོ་གྲངས་བཅུ་གཉིས་མེ་ཏོག་ཕུལ། །རྡོ་སྐུའི་གསུང་བསྒྲགས་ལུང་ཡང་བསྟན། །ཚེ་གཅིག་མཆོག་གི་དངོས་གྲུབ་ཐོབ། །རྣལ་འབྱོར་སཾ་གཱ་ཛ་ཞེས་གྲགས། །ཐུགས་རྗེ་ཆེན་པོའི་རིག་འཛིན་ཡིན། །རིག་འཛིན་དེ་ལ་གསོལ་བ་འདེབས། །རྒྱ་གར་རྒྱལ་པོའི་སྲས་གཅིག་པུ། །ཁ་སར་པཱ་ཎིའི་ལྷ་ཁང་དུ། །ཡི་གེ་དྲུག་པ་ཐུགས་དམ་མཛད། །སེངྒེ་ཆིབས་ནས་ནམ་མཁར་འཕུར། །ངོ་མཚར་གྲུབ་རྟགས་བཅུ་གཉིས་བསྟན། །འཆི་

[Full Size]

མེད་འཇའ་ལུས་རྡོ་རྗེའི་སྐུ། །ལོ་རེ་བོད་དུ་ལན་རེ་བྱོན། །མི་ཏྲ་ཛོ་ཀི་ཞེས་སུ་གྲགས། །རིག་འཛིན་དེ་ལ་གསོལ་བ་འདེབས། །དེ་ཚོ་རྒྱ་གར་གྲུབ་ཆེན་རེད། ༈ །བོད་ཡུལ་དབུས་རྒྱུད་ལྷ་ས་ན། །གོས་མེད་གཅེར་བུར་ལོ་དྲུག་ཏུ། །གསུང་མཆོག་ཡི་གེ་དྲུག་པ་བཏོན། །ཐུགས་རྗེ་ཆེན་པོ་དངོས་སུ་མཇལ། །ཕྱག་རྒྱ་ཆེན་པོའི་དངོས་གྲུབ་ཐོབ། །གྲུབ་ཐོབ་གཅེར་སྒོམ་པ་ཞེས་གྲགས། །ཡི་གེ་དྲུག་པའི་རིག་འཛིན་ཡིན། །གཅེར་སྒོམ་པ་ལ་གསོལ་བ་འདེབས། །འབལ་གྱི་དབོན་པོ་བན་ཆུང་གཅིག །སྟོད་ལུང་སྐྱེར་དགོངས་རི་ཁྲོད་དུ། །ཟས་མེད་ཐལ་སྐྱོ་གསོལ་མཛད་ནས། །ལོ་གསུམ་ཡི་གེ་དྲུག་པ་བསྒྲུབས། །ཐུགས་རྗེ་ཆེན་པོ་དངོས་སུ་མཇལ། །མངོན་ཤེས་ཐོགས་མེད་གྲུབ་པ་ཐོབ། །གྲུབ་ཐོབ་སྐྱེར་དགོངས་པ་ཞེས་གྲགས། །ཡི་གེ་དྲུག་པའི་རིག་འཛིན་ཡིན། །སྐྱེར་དགོངས་པ་ལ་གསོལ་བ་འདེབས། །ཡོལ་སྟོན་ཆོས་ཀྱི་དབང་ཕྱུག་དེས། །ཡིག་དྲུག་དབང་ལུང་ཞུས་ཤིང་བསྒྲུབས། །ཐུགས་རྗེ་ཆེན་པོ་དངོས་སུ་འགྲུབ། །བྱམས་དང་སྙིང་རྗེའི་ཆུ་བོ་འབྲུབ། །ཡི་གེ་དྲུག་པའི་རིག་འཛིན་ཡིན། །ཡོལ་སྟོན་ཞབས་ལ་

[Full Size]

གསོལ་བ་འདེབས། །གསང་སྔགས་རྙིང་མའི་སྔགས་པ་གཅིག །ཡིག་དྲུག་ཐུགས་དམ་མཛད་ཅིང་བསྒྲུབས། །ཐུགས་རྗེ་ཆེན་པོ་དངོས་སུ་འགྲུབ། །ལྷ་སའི་བཀའ་ཆེན་གཏེར་ཁ་ཕྱེས། །གྲུབ་ཐོབ་དངོས་གྲུབ་ཅེས་སུ་གྲགས། །ཡི་གེ་དྲུག་པའི་རིག་འཛིན་ཡིན། །དངོས་གྲུབ་ཞབས་ལ་གསོལ་བ་འདེབས། །གཏེར་སྟོན་མངའ་བདག་ཉང་རལ་དེས། །ཡི་གེ་དྲུག་པ་ཐུགས་དམ་མཛད། །ཐུགས་རྗེ་ཆེན་པོ་འགྲོ་འདུལ་འགྲུབ། །སྲས་ལ་རིགས་གསུམ་མགོན་པོ་འཁྲུངས། །བདེ་བ་ཅན་དུ་རྫོགས་སངས་རྒྱས། །ཡི་གེ་དྲུག་པའི་རིག་འཛིན་ཡིན། །མངའ་བདག་ཉང་ལ་གསོལ་བ་འདེབས། །གཏེར་སྟོན་གུ་རུ་ཆོས་དབང་དེས། །ཡི་གེ་དྲུག་ལ་ཧྲཱི༔ཡིག་སྦྱར། །ཐུགས་རྗེ་ཡང་སྙིང་འདུས་པ་བསྒྲུབས། །སྐྱེ་བདུན་ཤ་ཡི་སྒྲུབ་པ་མཛད། །རིགས་དྲུག་འཁོར་བ་དོང་ནས་སྤྲུགས། །ཧཱུྃ་ཧྲཱིཿསྦྱར་བ་དེ་ནས་དར། །གཏེར་སྟོན་གུ་རུ་ཆོས་དབང་ལ། །གསོལ་བ་འདེབས་སོ་ཐུགས་རྗེས་ཟུངས། །སྐྱེས་མཆོག་ཀརྨ་པཀཱི་ལ། །གསང་བ་ཡེ་ཤེས་མཁའ་འགྲོ་མས། །མཁའ་འགྲོ་རྒྱ་མཚོ་འཁོར་བཅས་ཀྱིས། །ཡིག་དྲུག་བསྐུལ་

[Full Size]

འདོན་ལུང་ཡང་བསྟན། །རྒྱ་བོད་ཧོར་གསུམ་ཐམས་ཅད་དུ། །ཡིག་དྲུག་བསྐུལ་འདོན་དེ་ནས་དར། །མཁའ་འགྲོའི་ལུང་བསྟན་བྱིན་རླབས་ཆེ། །གྲུབ་ཆེན་ཀརྨ་པཀི་དེ། །ཡི་གེ་དྲུག་པའི་རིག་འཛིན་ཡིན། །རིག་འཛིན་དེ་ལ་གསོལ་བ་འདེབས། །གཏེར་སྟོན་རཏྣ་གླིང་པ་དེས། །ཐུགས་རྗེ་ཆེན་པོ་གསང་འདུས་བསྒྲུབས། །སྐྱེ་བདུན་རིལ་བུ་བཀྱེས་པའི་དུས། །མེ་ཏོག་སེ་བའི་མེ་ཏོག་ཙམ། །ཉིན་ཕྱེད་བར་དུ་ཆར་ལྟར་བབ། །མ་ཎི་བུམ་སྒྲུབ་དེ་ནས་དར། །རཏྣ་གླིང་ལ་གསོལ་བ་འདེབས། ༈ །མཁས་གྲུབ་ཆགས་མེད་རཱ་ག་དེས། །འཕགས་མཆོག་མི་ལོ་བཅུ་གསུམ་བསྒྲུབས། །ཐུགས་རྗེ་ཆེན་པོའི་དམར་ཁྲིད་བྱུང་། །གནས་ལུགས་བསྟན་པའི་རྩ་བ་ཚུགས། །ཡར་འཕེལ་ཚེ་ལོ་དྲུག་བརྒྱའི་བར། །ཁོང་གི་བསྟན་པ་དར་ཞིང་རྒྱས། །འབྲེལ་ཚད་བདེ་བ་ཅན་དུ་འདྲེན། །ཆགས་མེད་ཞབས་ལ་གསོལ་བ་འདེབས། །རཱ་གའི་ཚིག་འཁོར་འདི་ཁ་བ་སྤྲུལ་སྐུ་ལྔ་པས་བསྣོན་པའི་མཆན། རྒྱ་བོད་གྲུབ་ཐོབ་དེ་རྣམས་ཀྱང་། །ཡིག་དྲུག་སྒོ་ནས་གྲུབ་པ་ཐོབ། །དོ་ནུབ་འདིར་འཚོགས་ཁྲོམ་ནང་ན། །སྐལ་ལྡན་སྐྱེས་བུ་ཨུ་བོ་ཡོད། །ལས་འཕྲོ་སད་པ་ཨུ་

[Full Size]

བོ་ཡོད། །འཆི་བ་དྲན་མི་ཨུ་བོ་ཡོད། །སྙིང་རུས་ཡོད་མི་ཨུ་བོ་ཡོད། །གནམ་ནས་ཉི་ཟླ་ཟུར་ཙམ་ཡིན། །ས་ཡི་མེ་ཏོག་ཐམས་ཅད་བྱེ། །གོ་བའི་བུ་ལ་བརྡ་ཙམ་ཡིན། །གོ་བ་མེད་ན་ཅི་ཆ་ཡོད། །ཨ་ཅང་ཀུ་རེ་ཞུས་པ་ཡིན། །སྤྲང་ཕྲུག་ང་ལ་ཞེ་མ་སྡང་། །དེ་ཡང་རིག་འཛིན་གསོལ་འདེབས་ཡིན། ༈ །ཐུགས་རྗེ་ཆེན་པོ་སྤྱན་རས་གཟིགས། །སངས་རྒྱས་བྱེ་བ་ཕྲག་བཅུ་གཅིག །གཅིག་ཏུ་བསྡུས་པའི་བཅུ་གཅིག་ཞལ། །བཅུ་གཅིག་ཞལ་ལ་གསོལ་བ་འདེབས། །འདིར་ཚོགས་ཁྲོམ་ལ་བྱིན་གྱིས་རློབས། །ཕྱག་སྟོང་འཁོར་ལོས་སྒྱུར་རྒྱལ་སྟོང་། །ཆོས་རྒྱལ་སྟོང་ལ་གསོལ་བ་འདེབས། །འདིར་ཚོགས་ཁྲོམ་ལ་བྱིན་གྱིས་རློབས། །སྤྱན་སྟོང་བསྐལ་བཟང་སངས་རྒྱས་སྟོང་། །སངས་རྒྱས་སྟོང་ལ་གསོལ་བ་འདེབས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་ཤར་ཕྱོགས་ཞིང་ཁམས་ན། །ཐུགས་རྗེ་ཆེན་པོ་སེངྒེའི་སྒྲ། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་ལྷོ་ཕྱོགས་ཞིང་ཁམས་ན། །ཡིད་བཞིན་འཁོར་ལོ་སྤྱན་རེས་

[Full Size]

གཟིགས། །བྱང་སེམས་བྱེ་བ་ཕྲག་བཅུའི་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་ནུབ་ཕྱོགས་ཞིང་ཁམས་ན། །པདྨ་གར་དབང་སྤྱན་རས་གཟིགས། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་བྱང་ཕྱོགས་ཞིང་ཁམས་ན། །ཐུགས་རྗེ་ཆེན་པོ་མེ་ཤེལ་པ། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་ཆ་བྱིན་གྱིས་རློབས། །འདི་ནས་ཤར་ལྷོའི་ཞིང་ཁམས་ན། །ཧ་ལ་ཧ་ལ་སྤྱན་རས་གཟིགས། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་ལྷོ་ནུབ་ཞིང་ཁམས་ན། །པདྨ་བརྒྱན་ལུ་སྤྱན་རས་གཟིགས། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་ནུབ་བྱང་ཞིང་ཁམས་ན། །ཐུགས་རྗེ་ཆེན་པོ་རྡོ་རྗེ་ཆོས། །བྱང་སེམས་བྱེ་བ་བཅུ་ཡིས་བསྐོར། །

[Full Size]

གསོལ་བ་འདེབས་སོ་ཐུགས་རྗེས་ཟུངས། །འདིར་འཚོགས་ཁྲོམ་ལ་བྱིན་གྱིས་རློབས། །འདི་ནས་བྱང་ཤར་ཞིང་ཁམས་ན། །དོན་ཡོད་ཞགས་པ་སྤྱན་རས་གཟིགས། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་སྟེང་ཕྱོགས་ཞིང་ཁམས་ན།།ཆོས་ཀྱི་གཙུག་ཏོར་སྤྱན་རས་གཟིགས། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འདི་ནས་འོག་ཕྱོགས་ཞིང་ཁམས་ན། །མགྲིན་པ་སྔོན་པོ་སྤྱན་རས་གཟིགས། །བྱང་སེམས་བྱེ་བ་བཅུ་ཡིས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །འཁོར་འདས་མཉམ་ཉིད་ཞིང་ཁམས་ན། །ཆོས་སྐུ་ཀུན་ཁྱབ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཀླུ་ཚོགས་ཁྲོམ་ལ་བྱིན་གྱིས་རློབས། །འོག་མིན་འཐུག་པོ་བཀོད་པ་ན། །གངས་ཆེན་མཚོ་རྒྱལ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་

[Full Size]

ཁྲོམ་ལ་བྱིན་གྱིས་རློབས། །མི་མཇེད་དག་པའི་ཞིང་ཁམས་ན། །སངས་རྒྱས་སྟོང་རྩ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །པོ་ཏ་ལ་ཡི་རྩེ་མོ་ན། །བྱང་ཆུབ་སེམས་དཔའ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །བདེ་བ་ཅན་གྱི་ཞིང་ཁམས་ན། །རྒྱལ་བ་རྒྱ་མཚོ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །།འདིར་ཚོགས་ཁྲོམ་ལ་བྱིན་གྱིས་རློབས། །ཟངས་མདོག་དཔལ་གྱི་རི་བོ་ན། །པདྨ་འབྱུང་གནས་སྤྱན་རིས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །དབང་དྲག་རོལ་པའི་དུར་ནས། །རྒྱ་གྲོ་ཝ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །ལྷོ་ཕྱོགས་དཔལ་གྱི་རི་བོ་ན། །ས་ར་ཧ་པ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །བསིལ་བ་ཚལ་གྱི་དུར་ཁྲོད་ན། །བར་ཆད་ཀུན་སེལ་སྤྱན་རས་

[Full Size]

གཟིགས། །གསོལ་བ་འདེབས་སོ་ཐུགས་རྗེས་ཟུངས། །འདིར་ཚོགས་ཁྲོམ་ལ་བྱིན་གྱིས་རློབས། །དེ་ཡན་གསོལ་འདེབས་སོ། ༈ །སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ། །མགོན་པོ་ཚེ་དཔག་ཏུ་མེད་པ་ལ་ཕྱག་འཚལ་ལོ། །དེས་ཚེ་རིང་། སངས་རྒྱས་སྨན་གྱི་བླ་བཻཌཱུརྱའི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེས་ནད་དཀོན། །སངས་རྒྱས་མི་འཁྲུགས་པ་ལ་ཕྱག་འཚལ་ལོ། །དེས་སྒྲིབ་པ་བྱང་། སངས་རྒྱས་ཆོས་གྲགས་རྒྱ་མཚོའི་དབྱངས་ལ་ཕྱག་འཚལ་ལོ། །དེས་འཁྲུག་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་འཚལ་ལོ། །དེས་ལོ་ཡག །དེ་རྣམས་རེ་རེ་ལ་བདུན་རེ་ཙམ་འདོན། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། འུར་འདོན་གཅིག་དང་གསུམ་སྦྲེལ་གཅིག་གཉིས་ཙམ་བསྐུལ་བས་ལྷ་འདྲེའི་གདུག་པ་ཞིའོ། །དེ་ནས་མཆོད་པ་འབུལ་བ་ནི། འོག་མིན་ཆོས་དབྱིངས་ཀྱི་ཞིང་ཁམས་ན། །ཆོས་སྐུ་ཡུམ་ཆེན་ཤེས་རབ་ཕར་ཕྱིན་མས། །ཡིག་དྲུག་འདི་ལ་དད་གུས་ཐལ་མོ་སྦྱར། །ཡུམ་ཆེན་ཤེས་རབ་ཕ་རོལ་ཕྱིན་མ་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་ཤར་གྱི་ཕྱོགས་ཀྱི་ཞིང་ཁམས་ན། །སངས་རྒྱས་པདྨའི་དཔལོ་ནི་

[Full Size]

འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །ཤར་ཕྱོགས་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་ཤར་ལྷོའི་ཕྱོགས་ཀྱི་ཞིང་ཁམས་ན། །སངས་རྒྱས་དཔལ་གྱི་སྙིང་པོ་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །ཤར་ལྷོའི་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་ལྷོ་ཡི་ཕྱོགས་ཀྱི་ཞིང་ཁམས་ན། །།སངས་རྒྱས་པདྨ་རབ་རྒྱས་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །ལྷོ་ཕྱོགས་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་ལྷོ་ནུབ་ཕྱོགས་ཀྱི་ཞིང་ཁམས་ན། །སངས་རྒྱས་པདྨ་བདེ་ཆེན་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །ལྷོ་ནུབ་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་ནུབ་ཀྱི་ཕྱོགས་ཀྱི་ཞིང་ཁམས་ན། །སངས་རྒྱས་འོད་ཟེར་རྒྱལ་མཚན་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །ནུབ་ཕྱོགས་སངས་རྒྱས་བྱང་སེམས་

[Full Size]

ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་ནུབ་བྱང་ཕྱོགས་ཀྱི་ཞིང་ཁམས་ན། །སངས་རྒྱས་མཆོག་ཏུ་མཛེས་པ་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །ནུབ་བྱང་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་བྱང་གི་ཕྱོགས་ཀྱི་ཞིང་ཁམས་ན། །སངས་རྒྱས་པདྨའི་གདུགས་ཅན་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །བྱང་ཕྱོགས་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་བྱང་ཤར་ཕྱོགས་ཀྱི་ཞིང་ཁམས་ན། །སངས་རྒྱས་བདེ་བའི་སྙིང་པོ་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །བྱང་ཤར་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །འདི་ནས་སྟེང་གི་ཕྱོགས་ཀྱི་ཞིང་ཁམས་ན། །སངས་རྒྱས་འགྲོ་ལྟ་བའི་དཔལ་ནི་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །སྟེང་ཕྱོགས་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །

[Full Size]

འདི་ནས་འོག་གི་ཕྱོགས་ཀྱི་ཞིང་ཁམས་ན། །སངས་རྒྱས་པདྨ་ཆགས་པ་འཁོར་དང་བཅས། །ཡི་གེ་དྲུག་ལ་དད་གུས་ཐལ་མོ་སྦྱར། །འོག་ཕྱོགས་སངས་རྒྱས་བྱང་སེམས་ཐམས་ཅད་ལ། །གསུང་མཆོག་ཡི་གེ་དྲུག་མའི་མཆོད་པ་འབུལ། །རྒྱལ་བ་རྒྱ་མཚོ་དཔའ་བོ་རྒྱ་མཚོ་དང་། །།དཔའ་མོ་རྒྱ་མཚོ་གྲུབ་ཐོབ་རྒྱ་མཚོ་དང་། །དམ་ཅན་རྒྱ་མཚོ་ལྷ་ཚོགས་འཁོར་དང་བཅས། །སྙིང་པོ་སྔགས་ཀྱི་མཆོད་པ་ངོ་མཚར་ཅན། །གསུང་མཆོག་ཡི་གེ་དྲུག་མའི་མཆོད་པ་འབུལ། །སྐབས་འདིར་བླ་མ་སྐུ་གཤེགས་པ་རྣམས་ལ་མཆོད་འབུལ་བསྐུལ་བར་བྱའོ། ། ༈ གསུང་མཆོག་ཡི་གེ་དྲུག་པ་འདི། །ཡིད་བཞིན་ནོར་བུ་རིན་ཆེན་ཡིན། །དཀར་ཕྱོགས་ལྷ་ཀླུ་ཐམས་ཅད་ཀྱིས། །དབུ་ནག་མི་ལ་ཡིག་དྲུག་བསླང་། །མཆོད་པ་གཞན་བས་འདི་ལ་མཉེས། །ལྷ་ཆེན་ཚངས་པ་གདོང་བཞིས་ཀྱང་། །དབུ་ནག་མི་ལ་ཡིག་དྲུག་བསླང་། །ལྷ་ཆེན་ཚངས་པ་གདོང་བཞི་ལ། །ཡི་གེ་དྲུག་པའི་མཆོད་པ་འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །ལྷ་ཆེན་དབང་ཕྱུག་ཆེན་པོས་ཀྱང་། །དབུ་ནག་མི་ལ་ཡིག་དྲུག་བསླང་། །ལྷ་ཆེན་དབང་ཕྱུག་ཆེན་པོ་ལ། །ཡི་གེ་དྲུག་མའི་མཆོད་པ་

[Full Size]

འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །ལྷ་ཡི་རྒྱལ་པོ་འཇུག་སྲིད་ཀྱིས། །དབུ་ནག་མི་ལ་ཡིག་དྲུག་བསླང་། །ལྷ་ཡི་རྒྱལ་པོ་འཇུག་སྲིད་ལ། །ཡི་གེ་དྲུག་མའི་མཆོད་པ་འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །ལྷ་ཡི་དབང་པོ་བརྒྱ་བྱིན་ཡང་། །དབུ་ནག་མི་ལ་ཡིག་དྲུག་བསླང་། །ལྷ་ཡི་དབང་པོ་བརྒྱ་བྱིན་ལ། །ཡི་གེ་དྲུག་མའི་མཆོད་པ་འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །ཉི་མ་ཟླ་བ་གཉིས་པོས་ཀྱང་། །དབུ་ནག་མི་ལ་ཡིག་དྲུག་བསླང་། །ལྷ་སྲས་ཉི་མ་ཟླ་བ་ལ། །ཡི་གེ་དྲུག་མའི་མཆོད་པ་འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །རྒྱལ་པོ་ཆེན་པོ་སྡེ་བཞིས་ཀྱང་། །དབུ་ནག་མི་ལ་ཡིག་དྲུག་བསླང་། །རྒྱལ་པོ་ཆེན་པོ་སྡེ་བཞི་ལ། །ཡི་གེ་དྲུག་མའི་མཆོད་པ་འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །རླུང་གི་ལྷ་དང་མེ་ཡི་ལྷས། །དབུ་ནག་མི་ལ་ཡིག་དྲུག་བསླང་། །དྲང་སྲོང་རིག་འཛིན་ཐམས་ཅད་ལ། །ཡི་གེ་དྲུག་མའི་མཆོད་པ་འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །ཆུ་བདག་ཝ་རུ་ཎ་སེས་ཀྱང་། །དབུ་ནག་མི་ལ་ཡིག་དྲུག་བསླང་། །ཆུ་

[Full Size]

ལ་གནས་པ་ཐམས་ཅད་ལ། །ཡི་གེ་དྲུག་མའི་མཆོད་པ་འབུལ། །འདིར་ཚོགས་ཁྲོམ་ལ་སྲུང་སྐྱོབ་མཛོད། །གཤིན་རྗེ་ཆོས་ཀྱི་རྒྱལ་པོས་ཀྱང་། །དབུ་ནག་མི་ལ་ཡིག་དྲུག་བསླང་། །གཤིན་རྗེ་ཆོས་ཀྱི་རྒྱལ་པོ་ལ། །ཡི་གེ་དྲུག་མའི་མཆོད་པ་འབུལ། །ཚེ་འདས་རྣམས་ལ་ཐུགས་ཡངས་མཛོད། །བློན་པོ་གཏུམ་པོ་རབ་གྲགས་ལ། །ཡི་གེ་དྲུག་མའི་མཆོད་པ་འབུལ། །ཚེ་འདས་རྣམས་ལ་ཐུགས་ཡངས་མཛོད། །ལས་མཁན་ཨ་ཝ་གླང་མགོ་ལ། །ཡི་གེ་དྲུག་མའི་མཆོད་པ་འབུལ། །ཚེ་འདས་རྣམས་ལ་ཐུགས་བྱམས་ཞུ། །འཆི་བདག་གཤིན་རྗེའི་ཕོ་ཉ་ལ། །ཡི་གེ་དྲུག་མའི་འཐེན་པ་གཏོང་། །འདིར་འཚོགས་ཁྲོམ་པའི་ཚེ་ཤུགས་མཛོད། །སྣང་སྲིད་ལྷ་སྲིན་སྡེ་བརྒྱད་ལ། །ཡི་གེ་དྲུག་མའི་མཆོད་པ་འབུལ། །འདིར་འཚོགས་ཁྲོམ་པའི་རྐྱེན་ཁ་ཟློག །མ་མོ་མཁའ་འགྲོ་ཐམས་ཅད་ལ། །ཡི་གེ་དྲུག་མའི་མཆོད་པ་འབུལ། །མི་ནད་ཕྱུགས་ནད་ཞི་བར་མཛོད། །ཡུལ་ལྷ་གཞི་བདག་ཐམས་ཅད་ལ། །ཡི་གེ་དྲུག་མའི་མཆོད་པ་འབུལ། །འདིར་འཚོགས་ཁྲོམ་ལ་ཁ་འཛིན་མཛོད། །ཅེས་པ་མཆོད་པའི་ལེའུ་ཡིན། ༈ སྐབས་འདིར་སྐུ་རིམ་ཐམས་ཅད་སོ་

[Full Size]

སོར་བསྐུལ་ལོ། །ལས་ཀྱི་རྣམ་སྨིན་མ་གཏོགས་པར། །ནད་རིགས་བཞི་བརྒྱ་རྩ་བཞི་ཡང་། །གསུང་མཆོག་ཡི་གེ་དྲུག་པས་ཞི། །དོ་ནུབ་འདིར་ཚོགས་ཁྲོམ་པ་ཡི། །ནད་རིགས་བཞི་བརྒྱ་ཞི་བར་ཤོག །ཨོཾ་གྱིས་འདུས་པའི་ནད་རྣམས་ཞི། །དོ་ནུབ་འདིར་འཚོགས་ཁྲོམ་པ་ཡི། །འདུས་པའི་ནད་རྣམས་ཞི་བར་ཤོག །མས་ནི་ཚད་པའི་ནད་རྣམས་ཞི། །དོ་ནུབ་འདིར་འཚོགས་ཁྲོམ་པ་ཡི། །ཚད་པའི་ནད་རྣམས་ཞི་བར་ཤོག །ཎིས་ནི་རླུང་གི་ནད་རྣམས་ཞི། །དོ་ནུབ་འདིར་འཚོགས་ཁྲོམ་པ་ཡི། །རླུང་གི་ནད་རྣམས་ཞི་བར་ཤོག །པད་ཀྱིས་བད་ཀན་ནད་རྣམས་ཞི། །དོ་ནུབ་འདིར་འཚོགས་ཁྲོམ་པ་ཡི། །བད་ཀན་ནད་རྣམས་ཞི་བར་ཤོག །མེས་ནི་གྲང་བའི་ནད་རྣམས་ཞི། །དོ་ནུབ་འདིར་འཚོགས་ཁྲོམ་པ་ཡི། །གྲང་བའི་ནད་རྣམས་ཞི་བར་ཤོག །ཧཱུྃ་གིས་མཁྲིས་པའི་ནད་རྣམས་ཞི། །དོ་ནུབ་འདིར་འཚོགས་ཁྲོམ་པ་ཡི། །མཁྲིས་པའི་ནད་རྣམས་ཞི་པ་བར་ཤོག །ཨོཾ་ནི་རིན་ཆེན་དགོས་འདོད་འབྱུང་། །མུ་གེའི་བསྐལ་པ་ཞི་བར་ཤོག་།མས་ནི་ཐམས་ཅད་སྐྱེད་པར་བྱེད། །ལོ་ཕྱུགས་རྟག་ཏུ་ལེགས་པར་ཤོག །ཎིས་ནི་ལོག་

[Full Size]

པའི་ལམ་ལས་སྐྱོབས། །ཐར་པའི་ལམ་སྣ་ཟིན་པར་ཤོག །པད་ཀྱིས་དུག་ལྔ་གཅོད་པར་བྱེད། །དུག་ལྔ་རང་སར་ཞི་བར་ཤོག །མེས་ནི་རྣམ་རྟོག་སྲེག་པར་བྱེད། །རྣམ་རྟོག་ཡེ་ཤེས་འཆར་བར་ཤོག །ཧཱུྃ་གིས་གདུག་པ་འདུལ་བར་བྱེད། །བདུད་བཞི་གཡུལ་ལས་རྒྱལ་བར་ཤོག ༈ །འོ་ཁྲོམ་པ་མ་གཉིད་ང་ལ་གསོན། །ང་ལ་གསོན་དང་མཚར་གསུམ་ཞུ། །ཧ་ཧ་ཧེ་ཧེ་ཨ་ལ་ལ། །དོ་ནུབ་ནེ་ཙོས་ཆོས་ཤིག་བཤད། །ནེ་ཙོས་ཆོས་ངོ་མི་ཤེས་ཏེ། །སྡིག་པ་ཅི་ཡང་མི་བྱ་ཟེར། །དོ་ནུབ་ཕུག་རོན་དབུ་མ་བཤད། །ཕུག་རོན་དབུ་མ་མི་ཤེས་ཏེ། །དབུ་མ་དབུ་མ་ཟེར་ཞིང་གདའ། །དོ་ནུབ་ཏས་ཆོས་ཤིག་བཤད། །ཁྭ་ཏས་ཆོས་ངོ་མི་ཤེས་ཏེ། །ཡི་གེ་གཅིག་ལ་ཨ་ཡི་མདོ། །ཁྭ་ཏས་ཨ་ཨ་བགྲང་ཞིང་གདའ། །དོ་ནུབ་འུག་པས་སྔགས་གཅིག་འདོན། །འག་པས་སྔགས་འདོན་མི་ཤེས་ཏེ། །འག་པས་ཧཱུྃ་ཧཱུྃ་ཟེར་ཞིང་གདའ། །དོ་ནུབ་མཆིལ་པས་ས་རིས་བྲི། །མཆིལ་པས་ས་རིས་མི་ཤེས་ཏེ། །གཅིག་གཅིག་གཉིས་གཉིས་ཟེར་ཞིང་གདའ། །དོ་ནུབ་སྲེག་པས་སྒོམ་ཅིག་བཤད། །སྲེག་པས་སྒོམ་ངོ་མི་ཤེས་ཏེ། །སྤྲོས་བྲལ་སྤྲོས་བྲལ་

[Full Size]

ཟེར་ཞིང་གདའ། །དོ་ནུབ་འཇུ་ལུའི་ཕར་ཕྱིན་རྩོད། །འཇུ་ལུས་བགྲོ་གླེང་མི་ཤེས་ཏེ། །ས་བཅུ་ས་བཅུ་ཟེར་ཞིང་གདའ། །དོ་ནུབ་འོན་པས་དུང་གཅིག་འབུད། །འོན་པས་དུང་སྐད་མི་གོ་སྟེ། །རྣ་བ་གསང་བ་རྣམས་ཀྱིས་ཐོས། །དེ་ཚོ་གཏམ་གྱི་དཔེ་ལེན་ཡིན། །དཔེ་བརྒྱད་རྒྱབ་ན་དོན་དང་དགུ། །དོ་ནུབ་སྤྲང་ཕྲུག་ངས་ཀྱང་ཆོས་ཤིག་བཤད། །ངས་དག་ཆོས་ངོ་མི་ཤེས་ཏེ། །སྐལ་ལྡན་ཡོད་ན་གོ་ཡང་སྲིད། ༈ །གསོན་དང་ཉོན་དང་འདིར་འཚོགས་ཁྲོམ། །ཡུལ་ལ་ཆགས་འཛིན་མ་ཆེ་དང་། །མི་རྟག་དྲི་ཟའི་གྲོང་ཁྱེར་ཡིན། །བརྩེགས་པའི་ཐ་མ་འཇིག་རྒྱུ་ཡིན། །ལུས་ལ་གཅེས་འཛིན་མ་ཆེ་དང་། །མི་རྟག་བྱ་ཁྱིའི་ཟ་རྒྱུ་ཡིན། །སྐྱེས་པའི་ཐ་མ་འཆི་རྒྱུ་ཡིན། །ནོར་ལ་སེར་སྣ་མ་ཆེ་དང་། །མི་རྟག་སྦྲང་མའི་སྦྲང་རྩི་ཡིན། །གསོགས་པའི་ཐ་མ་འཛད་རྒྱུ་ཡིན། །རོགས་ལ་གདུང་འཛིན་མ་ཆེ་དང་། །མི་རྟག་ཚོང་འདུས་མགྲོན་པོ་ཡིན། །། འདུས་པའི་ཐ་མ་འབྲལ་རྒྱུ་ཡིན། །རྒན་རྒོག་འདྲེ་བཞིན་མི་རྟག་དང་། །མི་རྟག་ལ་ཁའི་ཉི་མ་ཡིན། །ཕ་མ་མཆོད་པའི་ཞིང་ས་ཡིན། །དགྲ་ལ་མནར་སེམས་མ་འཆང་དང་། །

[Full Size]

ཚེ་རབས་མང་པོའི་ཕ་མ་ཡིན། །དགྲ་རྣམས་གཉེན་དུ་འགྱུར་ཡང་སྲིད། །མི་ཚེ་མི་ཕྱེད་མ་བསམ་དང་། །འཆི་བ་རྩ་ལ་གཏུག་གེ་ཡོད། །ནམ་འཆི་ཆ་མེད་ཨ་ཙ་མ། །ཆོས་ལ་ཕྱི་བཤོལ་མ་བྱེད་དང་། །འཆི་བདག་ནམ་ཡོང་ཚོད་ཚོད་མེད། །སང་ཕོད་ཕྱི་མའི་གང་སྔ་ལ། །འཆི་བདག་གཤིན་རྗེའི་ཕོ་ཉ་ལ། །ཚིག་གསུམ་གཏམ་ས་མི་གདའ་ན། །གོམ་གསུམ་འབྲོས་ས་མི་གདའ་ན། །ནོར་གྱི་བསླུ་ས་མི་གདའ་ན། །ངོ་ཆེན་ཞུ་ས་མི་གདའ་ན། །མཁས་པས་གཏམ་ས་མི་གདའ་ན། །དཔོན་པོས་ཁེབས་ས་མི་གདའ་ན། །སྤང་ཕྲུག་ང་ལ་སྐྱོ་བ་སྐྱེས། །འདིར་འཚོགས་ཁྲོམ་པས་ཅི་འདྲ་དགོངས། ༈ །ཡང་གཅིག་གསོན་དང་འདིར་འཚོགས་ཁྲོམ། །སྤྲང་ཕྲུག་ང་ནི་བློ་མ་བདེ། །སྲིད་པ་ཆགས་ནས་ད་ལྟའི་བར། །མི་མ་ཤི་ལུས་པ་གཅིག་མི་གདའ། །ད་སྐྱེས་ཚད་འཆི་རྒྱུ་ཡིན་གྱིས་དོགས། །མི་ང་དང་ན་མཉམ་མང་པོ་ཤི། །ད་རང་ཡང་འཆི་རྒྱུ་ཡིན་གྱིས་དོགས། ༈ །མགོ་དཔོན་རིས་ཚོ་གདུག་རྩུབ་མ་ཆེ་དང་། །ཆུས་དབང་ཐང་སྔོན་གྱི་བསོད་ནམས་ཡིན། །ཆུས་བཙན་པས་རྒྱལ་བའི་ངེས་པ་མེད། །ཁྲིམས་ཆོས་དང་མཐུན་ན་དབང་ཐང་

[Full Size]

ཆེ། །དོ་ནུབ་ཚེ་ཐར་ཁས་ལེན་མ་ཉུང་ན། །མགོ་དཔོན་རིས་ཚོ་ཐུགས་དགོངས་མཐོ་རྟགས་ཡིན། །མི་ང་ལ་བཀའ་བཀྱོན་མ་གནང་དང་། །ང་སྤྲང་པོ་ཁྱི་ཁ་ཕག་མཆུ་ཡིན། ༈ །ཕ་ཁུ་བོ་ཚོ་སེམས་ཁུར་མ་ཆེ་དང་། །བློ་རེ་དོགས་ལུང་སྟོང་གི་ཉ་རྒྱ་ཡིན། །སེམས་རེ་དོགས་སྟེང་ནས་སོང་བ་མེད། །དོ་ནུབ་གདན་གཅིག་ཁས་ལེན་མ་ཉུང་ན། །ཕ་ཁུ་བོ་བསམ་པ་ཡོད་རྟགས་ཡིན། །མི་ང་ལ་ཐུགས་སྡང་མ་མཛད་དང་། །ང་བསམ་མེད་མི་རྫོ་དགུ་གཏམ་ཡིན། ༈ །ཆུང་ཨ་ཉོག་ཚོ་བྱ་བྱིལ་མ་གསོད་དང་། །སྔོན་ཚེ་རབས་མང་པོའི་ཕ་མ་ཡིན། །ཤ་ཁྲག་མི་གཙང་མནོལ་ཟས་ཡིན། །ཨ་ཉོག་ཚོས་སྡིག་པ་སྤངས་ཐུབ་ན། །དེས་ཨ་མའི་རྐུན་མར་ཕྲོག་མ་བརླག །མི་ང་ལ་ཐལ་བ་མ་འདེབས་དང་། །དུས་ནམ་ཞིག་ཕན་པའི་གཅེས་སྤྲས་ཡིན། ༈ །མ་སྲུ་མོ་ཚོ་སེར་སྣ་མ་ཆེ་དང་། །ནོར་ལོངས་སྤྱོད་ཚེ་སྔོན་སྦྱིན་འབྲས་ཡིན། །ནོར་གསོགས་པས་སོགས་པའི་ངེས་པ་མེད། །དོ་ནུབ་དགེ་ཧུབ་ཁས་ལེན་མ་ཉུང་དང་། །མ་སྲུ་མོ་མཛངས་བའི་མཛངས་རྟགས་ཡིན། །མི་ང་ལ་མཆུ་འབུག་མ་བྱེད་དང་། །ང་སྤྲང་ཕྲུག་ཟ་

[Full Size]

འདོད་མཆུ་འཕྲ་ཡིན། ༈ །སྟག་ཤར་པ་ཚོ་ཞེ་སྡང་མ་ཆེ་དང་། །གཏམ་ཕམ་རྒྱལ་ལུང་སྟོང་གི་བྲག་ཆ་ཡིན། །ཕོ་རྒོད་པོ་རང་སྲོག་སྐྱེལ་འདྲེན་ཡིན། །མདའ་སྐྱེན་པོ་དམྱལ་བའི་གཏིང་རྡོ་ཡིན། །སྡུག་སྡིག་པ་རང་གི་རང་ཐུབ་ཡིན། །དོ་ནུབ་སྡིག་པ་ཕུལ་མི་ཡོད་པ་ན། །དེ་ཕ་ལ་བུ་རྒོད་ཚར་བ་ཡིན། །མི་ང་ལ་མིག་གོར་མ་བྱེད་དང་། །ང་བན་ཆུང་གི་ཀུ་རེ་རྩེད་མོ་ཡིན། ༈ །སྨན་བུ་མོ་ཚོ་རང་རྩིས་མ་ཆེ་དང་། །ལུས་མི་གཙང་རྣག་ཁྲག་རྐྱལ་པ་ཡིན། །བཀྲག་གཟི་མདངས་དབྱར་ཁའི་མེ་ཏོག་ཡིན། །རྒྱན་སལ་སིར་རང་མགོ་རང་གཡོགས་ཡིན། །དོ་ནུབ་མར་མེ་ཁས་ལེན་མ་ཉུང་ན། །སྨན་བུ་མོ་ཚོ་རྣམ་རིག་ཡོད་རྟགས་ཡིན། །མི་ང་ལ་ཞེ་ཁྲེལ་མ་འཇོག་དང་། །དུས་ནམ་ཞིག་ཕན་པའི་ཁ་བརྡ་ཡིན། །དོ་ནུབ་འདིར་འཚོགས་ཁྲོམ་པ་ཐམས་ཅད་ཀྱིས། །ཡིག་དྲུག་ཁས་ལེན་མ་ཉུང་མཛོད། ༈ །ཆང་སྐྱེན་པོ་བརྒྱ་བས་ཡིག་དྲུག་དགལ། །ཆང་སྐྱེན་པོ་ཁུར་ནས་འཐུང་ས་མེད། །ཤི་དམྱལ་བའི་ཚད་པས་སྐོམ་པའི་དུས། །ཆང་སྐོམ་དུག་སེལ་བ་ཡིག་དྲུག་ཡིན། །ཟས་ཤ་ཐུད་བརྒྱ་བས་ཡིག་དྲུག་དགའ། །ཟས་ཤ་ཐུད་ཁྱེར་ནས་འགྲོ་

[Full Size]

ས་མེད། །ཤི་ཡི་དྭགས་ཡུལ་དུ་ཕྱིན་པའི་དུས། །བརྒྱག་ཟད་མེད་ཡི་གེ་དྲུག་པ་ཡིན། །གོས་དམར་སྨུག་བརྒྱ་བས་ཡིག་དྲུག་དགའ། །གོས་དམར་སྨུག་གྱོན་ནས་འགྲོ་ས་མེད། །ཤི་གྲང་དམྱལ་ཡུལ་དུ་ཕྱིན་པའི་དུས། །གོས་ལྷགས་པ་ཐུབ་པ་ཡིག་དྲུག་ཡིན། །མཛོ་ཆུང་དཀར་བརྒྱ་བས་ཡིག་དྲུག་དགའ། །མཛོ་ཁྱུང་དཀར་འགེལ་ནས་འགྲོ་ས་མེད། །ཤི་རྒྱུས་མེད་ཡུལ་དུ་ཕྱིན་པའི་དུས། །མཛོ་རྩེ་དགྱུས་མེད་པ་ཡིག་དྲུག་ཡིན། །རྟ་འདོ་ཕྲུག་བརྒྱ་བས་ཡིག་དྲུག་དགའ། །རྟ་མདོ་ཕྲུག་ཆིབས་ནས་འགྲོ་ས་མེད། །ཤི་བར་དོའི་འཕྲང་ལ་བསྒྲོད་པའི་དུས། །རྟ་འགྱེལ་སྦུབ་མེད་པ་ཡིག་དྲུག་ཡིན། །གསེར་སིལ་མ་བརྒྱ་བས་ཡིག་དྲུག་དགའ། །གསེར་མགུ་ལིང་མཆན་ཤེས་བྱེད་ས་མེད། །ཁོང་ཆོས་ཀྱི་རྒྱལ་པོ་མཇལ་བའི་དུས། །གསེར་སླད་མེད་ཡི་གེ་དྲུག་པ་ཡིན། །དངུལ་སྲང་ཀ་བརྒྱ་བས་ཡིག་དྲུག་དགའ། །དངུལ་དཀར་མོ་ཤ་དག་བྱེད་ས་མེད། །ཤི་དམྱལ་བའི་ཡུལ་དུ་འགྲིམ་པའི་ཟོག །དངུལ་ལིང་མ་ཡི་གེ་དྲུག་པ་ཡིན། ༈ །ཨེ་ང་ཡི་ཁ་ལ་མི་ཉན་ན། །ཀུ་སུ་ལུ་པའི་གསུང་ལ་ཉོན། །འདས་ལོག་གསུང་

[Full Size]

ལ་མི་ཉན་ན། །རིན་ཆེན་དཔལ་གྱི་གསུང་ལ་ཉོན། །དཔའ་བོའི་གསུང་ལ་མི་ཉན་ན། །མ་གཅིག་ལབ་སྒྲོན་གསུང་ལ་ཉོན། །མཁའ་འགྲོའི་གསུང་ལ་མི་ཉན་ན། །ཇོ་བོ་རྗེ་ཡི་གསུང་ལ་ཉོན། །པཎ་ཆེན་གསུང་ལ་མི་ཉན་ན། །སྲོང་བཙན་སྒམ་པོའི་གསུང་ལ་ཉོན། །རྒྱལ་པོའི་བཀའ་ལ་མི་ཉན་ན། །ཆོས་ཀྱི་རྒྱལ་པོའི་བཀའ་ལ་ཉོན། །གཤིན་རྗེའི་བཀའ་ལ་མི་ཉན་ན། །པདྨ་འབྱུང་གནས་གསུང་ལ་ཉོན། །རིག་འཛིན་གསུང་ལ་མི་ཉན་ན། །ཐུགས་རྗེ་ཆེན་པོའི་གསུང་ལ་ཉོན། །ཡི་དམ་གསུང་ལ་མི་ཉན་ན། །ཤཱཀྱ་ཐུབ་པའི་གསུང་ལ་ཉོན། །སངས་རྒྱས་གསུང་ལ་མི་ཉན་ན། །སྣང་བ་མཐའ་ཡས་གསུང་ལ་ཉོན། །འོ་ཆོས་སྐུའི་བཀའ་ལ་བཅིག་བློ་མེད། ༈ །དོ་ནུབ་ཡིག་དྲུག་ཁས་ལེན་རེམ་རེམ་མཛོད། །ཕོ་རྒོད་པོ་ཨེ་རེད་ད་རེས་ལྟ། །མོ་རྒོད་མོ་ཨེ་རེད་ད་རེས་ལྟ། །སྤྱང་གྲུང་ཨེ་ཆེ་ད་རེས་ལྟ། །བསམ་བློ་ཨེ་ཡོད་ད་རེས་ལྟ། །སེམས་རྒྱ་ཨེ་ཆེ་ད་རེས་ལྟ། །བློ་ཁོག་ཨེ་ཆེ་ད་རེས་ལྟ། །ཡིག་དྲུག་ཁས་ལེན་སུ་མང་དེ། །ཕོ་རྒོད་པོ་ཡིན་པའི་དཔའ་རྩལ་བཞིན། །དཔའ་རྩལ་ཡི་གེ་དྲུག་པ་ཡིན། །མོ་མཛངས་མ་ཡིན་པས་

[Full Size]

མཛངས་ཆོས་བཞིན། །མཛངས་ཆོས་ཡི་གེ་དྲུག་པ་ཡིན། །ཨ་ཀྱང་ཉོན་དང་འདིར་འཚོགས་ཁྲོམ། །འོང་ངོ་ཤེས་པ་འཆི་བདག་བདུད། །འཆི་བདག་བདུད་ལ་བྲོས་ས་མེད། །ཉི་མ་རྒས་པའི་གྲིབ་སོ་བཞིན། །ཕར་ཕར་བྲོས་ཀྱང་ཚུར་ཚུར་དེད། །འགྲིམ་ངོ་ཤེས་པ་བར་དོའི་འཕྲང་། །བར་དོའི་འཕྲང་ལ་གཟུར་ས་མེད། །གྲིབ་མ་འདྲེ་རུ་མཐོང་བ་བཞིན། །ཁྲོས་པས་མི་ཐར་རང་ལ་འཁོར། །དགོས་ངོ་ཤེས་པ་དམ་པའི་ཆོས། །དམ་པའི་ཆོས་འདི་སྒྲུབ་མི་དཀོན། །འཆི་ནས་ཉོ་སྐྱི་བྱེད་ས་མེད། །དོན་དེ་ཕྱིར་འཚོགས་པའི་ཁྲོམ་པ་ཚོ། །དོ་ནུབ་དགེ་བ་ཁས་ལེན་མ་ཉུང་མཛོད། །རང་སྐལ་མ་གཅོད་ཨ་ཐིག་ཚོ། །ཇ་སུན་གཅིག་སྐལ་བ་ཆད་པའི་དུས། །ཁ་ངོ་གནག་པའི་ཚད་ཚོད་མིན། །ཤ་གཏུབ་རེ་སྐལ་བ་ཆད་པའི་དུས། །མིག་གོར་བྱེད་པས་ཚད་ཚོད་མིན། །ཆང་ཞེས་རེ་སྐལ་བ་ཆད་པའི་དུས། །སྙོག་ཀ་བྱེད་པའི་ཚད་ཚོད་མིན། །ཉིན་གཅིག་མཛར་སྐལ་ཆད་པའི་དུས། །སྡུག་ཡུས་ལུག་པའི་ཚད་ཚོད་མིན། །དོ་ནུབ་ཆོས་སྐལ་ཆད་དོགས་ཀྱིས། །ཆོས་སྐལ་ཆད་ན་སྐལ་ཆད་ཡིན། །ཆོས་སྐལ་ཆད་ན་ལས་ངན་

[Full Size]

ཡིན། །ཆོས་སྐལ་ཆད་ན་བསོད་ཟད་ཡིན། །ཨ་ཐིག་ཆུང་ཆུང་འདི་ཚོས་ཀྱང་། །བྱ་རི་སྲེག་གསུམ་སྤང་རོགས་མཛོད། །ཕྱི་ཤིས་རྗེས་གསུམ་སྤང་རོགས་མཛོད། །ལྡི་ཤིག་མི་གསོད་ཁས་ལེན་མཛོད། །མནའ་མི་སྐྱེལ་ཁས་ལེན་བྱེད་རོགས་མཛོད། །ཡུལ་ས་བཟུང་སོ་བཙུགས་ཤུལ་དུ་ལུས། །རང་ཆག་མེད་ཡུལ་དུ་རྒྱུས་མེད་འཁྱམས། །ཡུལ་འདི་ལ་བློ་གཏད་མི་གདའ་བས། །བློ་གཏད་ས་དམ་པའི་ཆོས་ལ་མཛོད། །མཁར་ཁང་ཁྱིམ་སྦྲ་གུར་ཤུལ་དུ་ལུས། །རང་གནས་མེད་བར་དོའི་འཕྲང་ལ་འགྲིམ། །མཁར་ཁང་ཁྱིམ་འདི་ལ་བློ་གཏད་མི་གདའ་བས། །བློ་གཏད་དམ་པའི་ཆོས་ལ་མཛོད། །རྒྱུ་ཟས་ནོར་གསོག་པ་ཤུལ་དུ་ལུས། །རང་ནོར་མེད་ལག་པ་སྟོང་པར་འགྲོ། །རྒྱུ་ཟས་ནོར་འདི་ལ་བློ་གཏད་མི་གདའ་བས། །བློ་གཏད་ས་དམ་པའི་ཆོས་ལ་མཛོད། །གྲོགས་ཉེ་དུ་མཐུན་གསུམ་ཤུལ་དུ་ལུས། །རང་གྲོགས་མེད་བར་དོའི་འཕྲང་ལ་འགྲིམ། །གྲོགས་ཉེ་དུ་འདི་ལ་བློ་གཏད་མེད། །བློ་གཏད་ས་དམ་པའི་ཆོས་ལ་མཛོད། །གོས་དྲོ་འཇམ་བྲག་ཕུག་སྟོང་པར་འགྲོ། །རང་གོས་མེད་གཅེར་བུར་རྗེན་པར་འགྲོ། །གོས་དྲོ་འཇམ་འདི་ལ་བློ་

[Full Size]

གཏད་མེད། །བློ་གཏད་ས་དམ་པའི་ཆོས་ལ་མཛོད། །ལུས་ཕོངས་ཤིང་གཅེས་པ་བྱ་ཁྱིས་ཟ། །སེམས་རིག་པ་གཏད་མེད་རླུང་ལྟར་འཕྱོ། །ལུས་འདི་ལ་བློ་གཏད་མི་གདའ་བས། །བློ་གཏད་ས་དམ་པའི་ཆོས་ལ་མཛོད། །བློ་ཆོས་ལ་སོང་བའི་མི་ཡོད་ན། །ལོ་གཅིག་ལ་སོ་ནམ་བྱེད་པ་བས། །དམ་པའི་ཆོས་དེ་བསྒྲུབ་པ་ཙ། །ཤཱཀྱ་ཐུབ་པའི་བཀའ་དྲིན་དང་། །སྤྱན་རས་གཟིགས་ཀྱི་ཐུགས་རྗེ་དང་། །ཨོ་རྒྱན་པདྨའི་མཐུ་སྟོབས་ཀྱིས། །དེང་སང་བོད་འདིར་བསྟན་པ་དར། །ས་བཅུའི་སེམས་དཔའ་མང་པོ་བཞུགས། །མོས་གུས་གསོལ་བ་འདེབས་པས་ཆོག །ཁྲིད་སྟོན་བླ་མས་ལུང་པ་གང་། །ཆོས་ར་སྐོ་རེ་འགྲིམ་པས་ཆོག །གླེགས་བམ་གསུང་རབ་ས་ཆ་ཁྱབ། །ཆོས་ཚར་ཙམ་རེ་ཐོན་པས་ཆོག །ལྷ་ཁང་མཆོད་རྟེན་མང་དུ་གདའ། །ཕྱག་དང་སྐོར་བ་བྱེད་པས་ཆོག །སེར་གོས་མནབས་པས་རྒྱལ་ཁམས་གང་། །དག་སྣང་ཕྱོགས་མེད་བྱེད་པས་ཆོག །སྐྱབས་འགྲོ་ཡིག་དྲུག་བྱེད་པས་ཆོག །ཉ་སྡོམ་བསྙེན་གནས་བསྲུང་བས་ཆོག །ཕུ་ཡི་གྲོག་མ་གསོ་བས་ཆོག །མདའ་ཡི་ཉ་མོ་གསོ་བས་ཆོག །བྱ་དགེ་བྱིས་

[Full Size]

དགེ་བྱེད་པས་ཆོག །ཟས་སྦྱིན་དགེ་ཧུབ་བྱེད་པས་ཆོག །རང་སེམས་ངོ་བོ་བལྟས་པས་ཆོག །དེ་འདྲ་བྱེད་པས་ཆོག་པ་དེ། །སངས་རྒྱས་བསྟན་པའི་བཀའ་དྲིན་ཡིན། །མཐའ་འཁོབ་དམ་ཆོས་མི་དར་སར། །དེ་འདྲ་བྱེད་པའི་ལས་དབང་མེད། །དགེ་བ་ཆུང་ཡང་ཕན་ཡོན་ཆེ། །ནོར་བུ་ཆུང་ཡང་དགོས་འདོད་འབྱུང་། །སྡིག་པ་ཆུང་ཡང་གནོད་ཚབས་ཆེ། །བཙན་དུག་ཆུང་ཡང་སྲོག་རྩ་གཅོད། །དེ་ཚོ་ཐུགས་ལ་བཞག་མཛོད་ལ། །སྡིག་སྤངས་དགེ་བ་ཁས་ལེན་མཛོད། །དེ་ཡང་དགེ་བ་ཁས་ལེན་ཡིན། ༈ །འགྱོད་པ་དྲག་པོས་བཤགས་ནུས་ན། །སྡིག་པ་མི་དག་གཅིག་ཀྱང་མེད། །དོ་ནུབ་འདིར་འཚོགས་ཁྲོམ་པ་ཡི། །སྡིག་པ་སྒྲིབ་པ་དག་པར་ཤོག །ཨོཾ་གྱིས་ལུས་ཀྱི་སྒྲིབ་པ་སྦྱང་། །བདག་དང་འགྲོ་བ་སེམས་ཅན་ཀུན། །ལུས་ཀྱི་སྒྲིབ་པ་བྱང་བར་ཤོག །མས་ནི་ངག་གི་སྒྲིབ་པ་སྦྱང་། །བདག་དང་འགྲོ་བ་སེམས་ཅན་ཀུན། །ངག་གི་སྒྲིབ་པ་བྱང་བར་ཤོག །ཎིས་ནི་ཡིད་ཀྱི་སྒྲིབ་པ་སྦྱང་། །བདག་དང་འགྲོ་བ་སེམས་ཅན་ཀུན། །ཡིད་ཀྱི་སྒྲིབ་པ་བྱང་བར་ཤོག །པད་ཀྱིས་ཉོན་མོངས་སྒྲིབ་པ་སྦྱང་། །བདག་དང་འགྲོ་བ་

[Full Size]

སེམས་ཅན་ཀུན། །ཉོན་མོངས་སྒྲིབ་པ་བྱང་བར་ཤོག །མེ་ཡིས་བག་ཆགས་སྒྲིབ་པ་སྦྱང་། །བདག་དང་འགྲོ་བ་སེམས་ཅན་ཀུན། །བག་ཆགས་སྒྲིབ་པ་བྱང་བར་ཤོག །ཧཱུྃ་གིས་ཤེས་བྱའི་སྒྲིབ་པ་སྦྱང་། །བདག་དང་འགྲོ་བ་སེམས་ཅན་ཀུན། །ཤེས་བྱའི་སྒྲིབ་པ་བྱང་བར་ཤོག །ཨོཾ་གྱིས་སྐུ་ཡི་ཉམས་ཆག་བསྐང་། །བདག་མ་མི་དང་འགྲོ་བ་སེམས་ཅན་ཀུན། །སྐུ་ཡི་ཉམས་ཆག་དག་པར་ཤོག །མས་ནི་གསུང་གི་ཉམས་ཆག་བསྐང་། །བདག་དང་འགྲོ་བ་སེམས་ཅན་ཀུན། །གསུང་གི་ཉམས་ཆག་དག་པར་ཤོག །ཎིས་ནི་ཐུགས་ཀྱི་ཉམས་ཆག་བསྐང་། །བདག་དང་འགྲོ་བ་སེམས་ཅན་ཀུན། །ཐུགས་ཀྱི་ཉམས་ཆག་དག་པར་ཤོག །པད་ཀྱིས་རྩ་བའི་ཉམས་ཆག་བསྐང་། བདག་དང་འགྲོ་བ་སེམས་ཅན་ཀུན། །རྩ་བའི་ལྟུང་བ་དག་པར་ཤོག །མེས་ནི་ཡན་ལག་ཉམས་ཆག་བསྐང་། །བདག་དང་འགྲོ་བ་སེམས་ཅན་ཀུན། །ཡན་ལག་ལྟུང་བ་དག་པར་ཤོག །ཧཱུྃ་གིས་ཉམས་ཆག་ཐམས་ཅད་བསྐང་། །བདག་དང་འགྲོ་བ་སེམས་ཅན་ཀུན། །དམ་ཚིག་ཉམས་ཆག་དག་པར་ཤོག །ཨོཾ་གྱིས་གཏི་མུག་འཇོམས་པར་བྱེད། །

[Full Size]

བདག་དང་འགྲོ་བ་སེམས་ཅན་ཀུན། །གཏི་མུག་སྒྲིབ་པ་དག་པར་ཤོག །མས་ནི་ཞེ་སྡང་འཇོམས་པར་བྱེད། །བདག་དང་འགྲོ་བ་སེམས་ཅན་ཀུན། །ཞེ་སྡང་སྒྲིབ་པ་དག་པར་ཤོག །ཎིས་ནི་ང་རྒྱལ་འཇོམས་པར་བྱེད། །བདག་དང་འགྲོ་བ་སེམས་ཅན་ཀུན། །ང་རྒྱལ་སྒྲིབ་པ་དག་པར་ཤོག །པད་ཀྱིས་ཆགས་པ་འཇོམས་པར་བྱེད། །བདག་དང་འགྲོ་བ་སེམས་ཅན་ཀུན། །ཆགས་འཛིན་སྒྲིབ་པ་དག་པར་ཤོག །མེས་ནི་ཕྲག་དོག་འཇོམས་པར་བྱེད། །བདག་དང་འགྲོ་བ་སེམས་ཅན་ཀུན། །ཕྲག་དོག་སྡིག་སྒྲིབ་དག་པར་ཤོག །ཧཱུྃ་གིས་དུག་ལྔ་ཐམས་ཅད་འཇོམས། །བདག་དང་འགྲོ་བ་སེམས་ཅན་ཀུན། །དུག་ལྔའི་སྡིག་སྒྲིབ་དག་པར་ཤོག །སྐབས་འདིར་སྡིག་བཤགས་ཐམས་ཅད་བསྐུལ་ལོ། ༈ ཨོཾ་ནི་སྦྱིན་པའི་ཕ་རོལ་ཕྱིན་པ་ཡིན། །སྦྱིན་པའི་ཕ་རོལ་ཕྱིན་པ་རྫོགས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །མ་ནི་ཚུལ་ཁྲིམས་ཕ་རོལ་ཕྱིན་པ་ཡིན། །ཚུལ་ཁྲིམས་ཕ་རོལ་ཕྱིན་པ་རྫོགས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །ཎི་ནི་བཟོད་པའི་ཕ་རོལ་ཕྱིན་པ་ཡིན། །བཟོད་པའི་ཕ་རོལ་ཕྱིན་པ་རྫོགས་

[Full Size]

འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །པད་ནི་བརྩོན་འགྲུས་ཕ་རོལ་ཕྱིན་པ་ཡིན། །བརྩོན་འགྲུས་ཕ་རོལ་ཕྱིན་པ་རྫོགས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །མེ་ནི་བསམ་གཏན་ཕ་རོལ་ཕྱིན་པ་ཡིན། །བསམ་གཏན་ཕ་རོལ་ཕྱིན་པ་རྫོགས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །ཧཱུྃ་ནི་ཤེས་རབ་ཕ་རོལ་ཕྱིན་པ་ཡིན། །ཤེས་རབ་ཕ་རོལ་ཕྱིན་པ་རྫོགས་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །ཨོཾ་ནི་ཆོས་ཀྱི་དབྱིངས་ཀྱི་ཡེ་ཤེས་ཡིན། །ཆོས་དབྱིངས་ཡེ་ཤེས་སེམས་ལ་འཆར་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །མ་ནི་མེ་ལོང་ལྟ་བུའི་ཡེ་ཤེས་ཡིན། །མེ་ལོང་ཡེ་ཤེས་སེམས་ལ་འཆར་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །ཎི་ནི་མཉམ་པ་ཉིད་ཀྱི་ཡེ་ཤེས་ཡིན། །མཉམ་ཉིད་ཡེ་ཤེས་སེམས་ལ་འཆར་འདོད་པ་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །པད་ནི་སོ་སོར་རྟོགས་པའི་ཡེ་ཤེས་ཡིན། །སོར་རྟོག་ཡེ་ཤེས་སེམས་ལ་འཆར་འདོད་ན། །གསུང་མཆོག་ཡི་གེ་དྲུག་

[Full Size]

པ་གསུང་རོགས་མཛོད། །མེ་ནི་བྱ་བ་གྲུབ་པའི་ཡེ་ཤེས་ཡིན། །བྱ་གྲུབ་ཡེ་ཤེས་སེམས་ལ་འཆར་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །ཧཱུྃ་ནི་ལྷན་ཅིག་སྐྱེས་པའི་ཡེ་ཤེས་ཡིན། །ལྷན་སྐྱེས་ཡེ་ཤེས་རང་ངོ་འཕྲོད་འདོད་ན། །གསུང་མཆོག་ཡི་གེ་དྲུག་པ་གསུང་རོགས་མཛོད། །སྐབས་འདིར་ཚེ་འདས་ཐམས་ཅད་ལ་བསྐུལ་བར་བྱ། ༈ ཨོཾ་ནི་ལྷ་ཡི་ཐུབ་པ་ཡིན། །ལྷ་ཡི་ཡུལ་དུ་ཕྱིན་པའི་དུས། །ལྷ་དབང་བརྒྱ་བྱིན་བཅོམ་ལྡན་འདས། །ཚེ་འདས་ཕམ་ལྟུང་གནས་ནས་དྲོངས། །མ་ནི་ལྷ་མིན་ཐུབ་པ་ཡིན། །ལྷ་མིན་ཡུལ་དུ་ཕྱིན་པའི་དུས། །གས་ཟངས་རིས་སྐྱེས་བཅོམ་ལྡན་འདས། །ཚེ་འདས་འཐབ་རྩོད་གནས་ནས་དྲོངས། །ཎི་ནི་མི་ཡི་ཐུབ་པ་ཡིན། །མི་ཡི་ཡུལ་དུ་ཕྱིན་པའི་དུས། །ཤཱཀྱ་ཐུབ་པ་བཅོམ་ལྡན་འདས། །ཚེ་འདས་བྲེལ་ཕོངས་གནས་ནས་དྲོངས། །པད་ནི་བྱོལ་སོང་ཐུབ་པ་ཡིན། །དུད་འགྲོའི་ཡུལ་དུ་ཕྱིན་པའི་དུས། །སེངྒེ་རབ་བརྟན་བཅོམ་ལྡན་འདས། །ཚེ་འདས་གླེན་ལྐུགས་གནས་ནས་དྲོངས། །མེ་ནི་ཡི་དྭགས་ཐུབ་པ་ཡིན། །ཡི་དྭགས་ཡུལ་དུ་ཕྱིན་པའི་དུས། །ཁ་འབར་རྒྱལ་པོ་བཅོམ་ལྡན་

[Full Size]

འདས། །ཚེ་འདས་བཀྲེས་སྐོམ་གནས་ནས་དྲོངས། །ཧཱུྃ་ནི་དམྱལ་བའི་ཐུབ་པ་ཡིན། །དམྱལ་བའི་ཡུལ་དུ་ཕྱིན་པའི་དུས། །ཆོས་ཀྱི་རྒྱལ་པོ་བཅོམ་ལྡན་འདས། །ཚེ་འདས་ཚ་གྲང་གནས་ནས་དྲོངས། །ཨོཾ་གྱིས་ཕམ་ལྟུང་སྡུག་བསྔལ་སྦྱངས།། །མིང་ནས་སྨོས་པའི་ཚེ་འདས་ཚོ། །ཕམ་ལྟུང་སྡུག་བསྔལ་བྱང་བར་ཤོག །མས་ནི་འཐབ་རྩོད་སྡུག་བསྔལ་སྦྱངས། །མིང་ནས་སྨོས་པའི་ཚེ་འདས་ཚོ། །འཐབ་རྩོད་སྡུག་བསྔལ་བྱང་བར་ཤོག །ཎིས་ནི་བྲེལ་ཕོངས་སྡུག་བསྔལ་སྦྱངས། །མིང་ནས་སྨོས་པའི་ཚེ་འདས་ཚོ། །བྲེལ་ཕོངས་སྡུལ་བསྔལ་བྱང་བར་ཤོག །པད་ཀྱིས་གླེན་ལྐུགས་སྡུག་བསྔལ་སྦྱངས། །མིང་ནས་སྨོས་པའི་ཚེ་འདས་ཚོ། །གླེན་ལྐུགས་སྡུག་བསྔལ་བྱང་བར་ཤོག །མེས་ནི་བཀྲེས་སྐོམ་སྡུག་བསྔལ་སྦྱངས། །མིང་ནས་སྨོས་པའི་ཚེ་འདས་ཚོ། །བཀྲེས་སྐོམ་སྡུག་བསྔལ་བྱང་བར་ཤོག །ཧཱུྃ་གིས་ཚ་གྲང་སྡུག་བསྔལ་སྦྱངས། །མིང་གནས་སྨོས་པའི་ཚེ་འདས་ཚོ། །ཚ་གྲང་སྡུག་བསྔལ་བྱང་བར་ཤོག །ཨོཾ་གྱིས་ལྷ་ཡི་གཡང་ས་བཅད། །མིང་ནས་སྨོས་པའི་ཚེ་འདས་ཚོ། །ལྷ་ཡི་སྐྱེ་སྒོ་ཆོད་པར་ཤོག །མས་ནི་

[Full Size]

ལྷ་མིན་གཡང་ས་བཅད། །མིང་ནས་སྨོས་པའི་ཚེ་འདས་ཚོ། །ལྷ་མིན་སྐྱེ་སྒོ་ཆོད་པར་ཤོག །ཎིས་ནི་མི་ཡི་གཡང་ས་བཅད། །མིང་ནས་སྨོས་པའི་ཚེ་འདས་ཚོ། །མི་ཡི་སྐྱེ་སྒོ་ཆོད་པར་ཤོག །པད་ནི་བྱོལ་སོང་གཡང་ས་བཅད། །མིང་ནས་སྨོས་པའི་ཚེ་འདས་ཚོ། །བྱོལ་སོང་སྐྱེ་སྒོ་ཆོད་པར་ཤོག །མེས་ནི་ཡི་དྭགས་གཡང་ས་བཅད། །མིང་ནས་སྨོས་པའི་ཚེ་འདས་ཚོ། །ཡི་དྭགས་སྐྱེ་སྒོ་ཆོད་པར་ཤོག །ཧཱུྃ་གིས་དམྱལ་བའི་གཡང་ས་བཅད། །མིང་ནས་སྨོས་པའི་ཚེ་འདས་ཆོ། །དམྱལ་བའི་སྐྱེ་སྒོ་ཆོད་པར་ཤོག །ཨོཾ་ནི་བཅོམ་ལྡན་ཐུགས་རྗེ་ཆེན་པོ་ཡིན། །དོ་ནུབ་མིང་ནས་སྨོས་པའི་ཚེ་འདས་ཚོ། །པོ་ཊ་ལ་ཡི་ཞིང་དེར་སྐྱེ་བར་ཤོག །མ་ནི་སངས་རྒྱས་རྣམ་པར་སྣང་མཛད་ཡིན། །དོ་ནུབ་མིང་ནས་སྨོས་པའི་ཚེ་འདས་ཚོ། །འཐུག་པོ་བཀོད་པའི་ཞིང་དེར་སྐྱེ་བར་ཤོག །ཎི་ནི་སངས་རྒྱས་རྡོ་རྗེ་སེམས་དཔའ་ཡིན། །དོ་ནུབ་མིང་ནས་སྨོས་པའི་ཚེ་འདས་ཚོ། །མངོན་པར་དགའ་བའི་ཞིང་དེར་སྐྱེ་བར་ཤོག །པད་ནི་སངས་རྒྱས་རིན་ཆེན་འབྱུང་ལྡན་ཡིན། །དོ་ནུབ་མིང་ནས་སྨོས་པའི་ཚེ་འདས་ཚོ། །དཔལ་དང་ལྡན་པའི་ཞིང་དེར་སྐྱེ་བར་ཤོག །མེ་

[Full Size]

ནི་སངས་རྒྱས་སྣང་བ་མཐའ་ཡས་ཡིན། །དོ་ནུབ་མིང་ནས་སྨོས་པའི་ཚེ་འདས་ཚོ། །བདེ་བ་ཅན་གྱི་ཞིང་དེར་སྐྱེ་བར་ཤོག །ཧཱུྃ་ནི་སངས་རྒྱས་དོན་ཡོད་གྲུབ་པ་ཡིན། །དོ་ནུབ་མིང་ནས་སྨོས་པའི་ཚེ་འདས་ཚོ། །ལས་རབ་རྫོགས་པའི་ཞིང་དེར་སྐྱེ་བར་ཤོག །ཨོཾ་ནི་ཀུན་ཁྱབ་ཆོས་ཀྱི་རྗེ། །མིང་ནས་སྨོས་པའི་ཚེ་འདས་ཚོ། །ཆོས་སྐུའི་གོ་འཕང་ཐོབ་པར་ཤོག །མ་ནི་ལོངས་སྤྱོད་རྫོགས་པའི་སྐུ། །མིང་ནས་སྨོས་པའི་ཚེ་འདས་ཚོ། །ལོངས་སྤྱོད་རྫོགས་སྐུ་ཐོབ་པར་ཤོག །ཎི་ནི་ཐུགས་རྗེ་སྤྲུལ་པའི་སྐུ། །མིང་ནས་སྨོས་པའི་ཚེ་འདས་ཚོ། །སྤྲུལ་སྐུའི་འགྲོ་དོན་ནུས་པར་ཤོག །པད་ནི་ངོ་བོ་ཉིད་ཀྱི་སྐུ། །མིང་ནས་སྨོས་པའི་ཚེ་འདས་ཚོ། །ངོ་བོ་ཉིད་སྐུ་འགྲུབ་བར་ཤོག །མེ་ནི་མངོན་པར་བྱང་ཆུབ་སྐུ། །མིང་ནས་སྨོས་པའི་ཚེ་འདས་ཚོ། །མངོན་པར་བྱང་ཆུབ་ཐོབ་པར་ཤོག །ཧཱུྃ་ནི་མི་འགྱུར་རྡོ་རྗེའི་སྐུ། །མིང་ནས་སྨོས་པའི་ཚེ་འདས་ཚོ། །རྡོ་རྗེ་འཆང་ཆེན་འགྲུབ་པར་ཤོག །དེ་ཡན་ཚེ་འདས་ཡིག་དྲུག་ཡིན། ༈ །ཡང་གཅིག་གསོན་དང་འདིར་འཚོགས་ཁྲོམ། །སྡིག་པ་ཆེ་བའི་མི་ནག་ཕོ་མོ་ཚོ། །སྡིག་པ་བཤགས་པས་མི་

[Full Size]

དག་མ་བསམ་དང་། །མཚམས་མེད་ལྔ་ཡང་ཡི་གེ་དྲུག་པས་དག །ལྟུང་བ་ཕོག་པའི་བན་དེ་དགེ་མ་ཚོ། །ལྟུང་བ་བཤགས་པས་མི་དག་མ་བསམ་དང་། །དམ་ཚིག་ཉམས་ཆག་ཡི་གེ་དྲུག་པས་དག །ཡིག་དྲུག་རེ་རེས་མི་དག་མ་བསམ་དང་། །ཡིག་དྲུག་ལན་གཅིག་བརྗོད་པའི་བསོད་ནམས་ཀྱང་། །བྱང་ཆུབ་སེམས་དཔའི་ས་དྲུག་ཐོབ་དང་མཉམ། །གཞན་གྱི་ཤེས་པས་རྩིས་མེད་མ་བསམ་དང་། །བོད་འདིར་ཐུགས་རྗེ་ཆེན་པོའི་བྱིན་རླབས་ཡིན། །ཡུལ་ཁམས་གཞན་གྱིས་ཡིག་དྲུག་འདོན་མི་ཤེས། །ཆོས་ཐུན་ཐོབ་པའི་ཁྲིད་ཕྲུག་གསར་རྙིང་ཚོ། །ཕྲེང་བ་ཀ་བའི་ངོས་ལ་མ་འགེལ་དང་། །སྒོམ་དང་ཡིག་དྲུག་མི་འགལ་ཟུང་འཇུག་ཡིན། །ཨོཾ་ནི་སྣང་བ་ཐམས་ཅད་རང་གི་སེམས། །མ་ནི་སེམས་ནི་དངོས་མེད་ངོ་བོ་སྟོང་། །ཎི་ནི་ངོས་བཟུང་མེད་པས་འཛིན་པ་བྲལ། །པད་ནི་གཟུང་འཛིན་མཚན་མ་རང་སར་ཞི། །མེ་ནི་རྣམ་རྟོག་ཡེ་ཤེས་ཉིད་དུ་འཆར། །ཧཱུྃ་ནི་སྤྲོས་བྲལ་སྐྱེ་མེད་ཆོས་ཀྱི་སྐུ། །ཡི་གེ་དྲུག་པའི་དོན་འདི་རྟོགས་པ་ན། །དེ་མ་ཐག་ཏུ་སངས་རྒྱས་དགོངས་པ་རྟོགས། །ཨོཾ་ནི་རང་སེམས་འཛིན་མེད་ས་ལེ་བ། །མ་ནི་རང་གི་སེམས་ལ་

[Full Size]

བཅོས་སླད་མེད། །ཎི་ནི་རང་གི་སེམས་ལ་འཛིན་པ་བྲལ། །པད་ནི་གང་ལ་མ་ཆགས་ཞེན་པ་མེད། །མེ་ནི་གང་ཤར་འཛིན་མེད་ངོ་བོ་སྐྱོང་། །ཧཱུྃ་ནི་རང་བྱུང་ཡེ་ཤེས་ཆོས་ཀྱི་སྐུ། །ཡི་གེ་དྲུག་པའི་དགོངས་པ་འདི་རྟོགས་ན། །མི་དེས་དུས་གསུམ་རྒྱལ་བའི་དགོངས་པ་ལོན། །ཨོཾ་ནི་མ་བཅོས་གཞི་ཡི་གནད། །མ་ནི་མ་འགག་ལམ་གྱི་ལྷ་གནད། །ཎི་ནི་ཉོན་མོངས་ཡེ་ཤེས་གནད། །པད་ནི་ཐབས་ཤེས་གཉིས་མེད་གནད། །མེ་ནི་རང་བྱུང་ཡེ་ཤེས་གནད། །ཧཱུྃ་ནི་ཆོས་ཉིད་རང་བྱུང་གནད། །ཡི་གེ་དྲུག་པའི་གནད་འགག་རིགས། །ཟབ་ཆོས་ཀུན་གྱི་གནད་འགག་ཚང་། །ཨོཾ་ནི་རང་སེམས་སྤྲོས་དང་བྲལ། །མ་ནི་སེམས་ཉིད་ངང་ལ་འབྱུང་། །ཎི་ནི་སེམས་ཉིད་རང་ལ་གསལ། །པད་ནི་སེམས་ཉིད་གསལ་ལ་དག །མེ་ནི་སེམས་ཉིད་སྟོང་ཞིང་གསལ། །ཧཱུྃ་ནི་ཆོས་ཉིད་ཀ་ནས་དག །ཡི་གེ་དྲུག་པའི་དོན་བསྒོམས་ན། །སྒོམ་ལ་དེ་བས་བཟང་བ་མེད། ཨཱཿ གཏི་མུག་རོ་ཉལ་མ་བྱེད་ལ། །ཁ་ཡེངས་མིག་ཡེངས་མ་བྱེད་ལ། །ཞེ་སྡང་འཛིང་རྩོད་མ་བྱེད་ལ། །རྩེ་ཀྱུ་འཇུ་བར་མ་བྱེད་ལ། །ཤབ་ཤིབ་གཏམ་ལབ་མ་མང་ལ།

[Full Size]

ཇོ་ཧུབ་ཨེ་འོང་མ་སྲུང་ལ། །ཚོགས་ལ་རློམ་སེམས་མ་བྱེད་ལ། །ང་ལ་མིག་གོར་མ་བྱེད་ལ། །ཡིག་དྲུག་རེ་རེ་གསུང་རོགས་མཛོད། །འཆི་བདག་ལས་ཀྱི་གཤིན་རྗེ་དེ། །གནམ་ལྕགས་འབར་བའི་ཐོག་དང་འདྲ། །སུ་ལ་ཕོག་འོང་ཨ་ཙ་མ། །ནད་རིགས་བཞི་བརྒྱ་རྩ་བཞི་དེ། །སྤྱང་ཐང་ལུག་ལ་འཇབ་པ་འདྲ། །སུ་ལ་ཟིན་འོང་ཨ་ཙ་མ། །གདོན་རིགས་སྟོང་ཕྲག་བརྒྱད་ཅུ་དེ། །རྐུན་ལུང་ནང་གི་ཇག་པ་འདྲ། །སུ་ལ་རྒྱུག་འོང་ཨ་ཙ་མ། །འབྱུང་བ་བཞི་ཡི་གཏད་ལེན་དེ། །གནམ་ས་ཁ་ཞབས་ལོག་པ་འདྲ། །བཟོད་གླགས་མེད་པར་ཨ་ཙ་མ། །སྣང་བ་དཀར་ལམ་དམར་ལམ་དེ། །ཉི་མ་ཟླ་བ་ནུབ་པ་འདྲ། །ཡེ་ཤེས་ཡིན་ཏེ་ངོ་མ་ཤེས། །ལས་འཕྲོ་མེད་པ་ཨ་ཙ་མ། །འོད་གསལ་ཕྱག་རྒྱ་ཆེན་པོ་དེ། །སྤྱིན་ཐག་ཆད་པའི་ནམ་མཁའ་འདྲ། །གོམས་འདྲིས་མེད་པས་ངོ་མ་ཤེས། །སྐལ་མེད་སེམས་ཅན་ཨ་ཙ་མ། །སྒོ་གཅིག་ཕྱག་རྒྱ་ཆེན་པོའི་ལམ། །སྤྱི་བོ་ཚངས་པའི་བུ་ག་དེ། །མཁར་ཁང་མཐོན་པོའི་སྐར་ཁུང་འདྲ། །འགྲོ་སྟབས་མི་བདེ་འགྲོ་མི་ཤེས། །འཕོ་འདེབས་མེད་པ་ཨ་ཙ་མ། །སྒོ་བརྒྱད་འཁོར་བའི་སྐར་ཁུང་དེ། །

[Full Size]

ཁང་པ་སྟེང་ཤོད་སྒོ་བརྒྱད་འདྲ། །འགྲོ་སྟབས་བདེ་བས་དེ་རུ་འགྲོ། །འཁོར་བ་མཐའ་མེད་ཨ་ཙ་མ། །རང་ཉིད་འཆི་བ་མ་ཤེས་ནས། །ཟས་ནོར་གཏོང་དུས་འཇུ་འཐམ་བསྲེ། །ཆགས་ཞེན་ཆེ་བས་ཨ་ཙ་མ། །ཟས་སྐལ་ཆད་པས་ཡིད་མ་ཆེས། །འཆི་བ་ཤེས་ནས་ཡུས་ཀྱི་གནང་།། །སྡིག་པ་དྲན་ནས་སྐག་ཅིང་སྔངས། །རང་ཀྱི་དབང་ཅི་ཡོད་ཨ་ཙ་མ། །ཞི་བ་བཞི་བཅུ་རྩ་གཉིས་དེས། །དག་པའི་ཞིང་དེར་འདྲེན་དགོངས་ཡང་། །ཉི་མ་སྟོང་ཕྲག་ཤར་བ་བཞིན། །གཟི་བརྗིད་ཆེ་བས་བལྟ་མི་བཟོད། །ལས་ངན་སེམས་ཅན་ཨ་ཙ་མ། །རིགས་དྲུག་འཁོར་བའི་ལམ་དྲུག་དེ། །ཐུར་ཀའི་སྐེད་ལམ་བདེ་མོ་འདྲ། །གོམ་ཟོ་ཡངས་པས་འགྲོ་སྙིང་འདོད། །རིགས་དྲུག་སྡུག་བསྔལ་ཨ་ཙ་མ། །རིག་འཛིན་དཔའ་བོ་མཁའ་འགྲོ་དེས། །མཁའ་སྤྱོད་གནས་སུ་འདྲེན་དགོངས་ཡང་། །བསུ་མི་ཇག་པ་ནོར་བ་འདྲ། །ལས་ངན་དབང་གིས་སྲིན་པོར་མཐོང་། །པ་དུར་ཁྲོད་ཆོས་ལ་འཇིགས་སྐྲག་བྱེད། །དམ་ཚིག་ཉམས་ཆག་ཨ་ཙ་མ། །ཁྲག་འཐུང་འབར་བ་ལྔ་བཅུ་དེས། །ཡི་དམ་དངོས་སུ་ཞལ་བསྟན་ཡང་། །ལས་ངན་དབང་གིས་

[Full Size]

གཤིན་རྗེར་མཐོང་། །རང་དབང་མེད་པར་བརྒྱལ་ཞིང་འགྱེལ། །ངོ་མ་ཤེས་པ་ཨ་ཙ་མ། །བར་དོ་འཇིགས་པའི་སྒྲ་བཞི་དེ། །འབྲུག་སྟོང་དུས་གཅིག་གྲག་པ་འདྲ། །བྱིས་པར་རྣ་བའི་རག་དུང་བཞིན། །ཀླད་ཁྲག་བཀའ་བས་ཨ་ཙ་མ། །ཡ་ང་འཇིགས་པའི་འཕྲང་བརྒྱད་དེ། །ཉེས་ཆེན་བཙོན་དུ་བཟུང་བ་བཞིན། །སོད་སོད་རྒྱོབ་རྒྱོབ་ལུང་པ་གང་། །མགོན་སྐྱབས་མེད་པ་ཨ་ཙ་མ། །སྲིད་པ་བར་དོར་འཁྱམས་ཙ་ན། །བྱིས་པ་བྱང་ཐང་སྐྱུར་བ་བཞིན། །རོགས་མེད་གཅིག་པུ་ཨ་ཙ་མ། །རིགས་དྲུག་འཁོར་བའི་སྐྱེ་གནས་དེ། །ཨ་མྱེ་དམེ་ལྕེབས་འཕྱོང་བ་བཞིན། །བཟང་པོར་མཐོང་ནས་དེ་རུ་རྒྱུག །སྡུག་བསྔལ་ཆེན་པོ་ཨ་ཙ་མ། །དེ་འདྲ་དུས་གཅིག་བྱུང་བའི་དུས། །རེ་ས་སྐྱབས་གནས་གཞན་ན་མེད། །ཐུགས་རྗེ་ཆེན་པོ་སྤྱན་རས་གཟིགས། །དེ་དུས་ཐུགས་རྗེའི་ལྕགས་ཀྱུས་ཟུངས། །སྤྲང་ཕྲུག་ང་ལ་ཐུགས་རྗེས་ཟུངས། །འདིར་འཚོགས་ཁྲོམ་ལ་སྐྱབས་མགོན་མཛོད། ༈ །ཨོཾ་ནི་སྐུ་ཡི་བྱིན་རླབས་ལུས་ལ་འབྱུང་། །ཐུགས་རྗེ་ཆེན་པོའི་སྐུ་ཡི་བྱིན་རླབས་རྣམས། །འདིར་འཚོགས་ཁྲོམ་པའི་ལུས་ལ་འཇུག་པར་ཤོག །མས་ནི་

[Full Size]

གསུང་གི་བྱིན་རླབས་ངག་ལ་འབྱུང་། །ཐུགས་རྗེ་ཆེན་པོའི་གསུང་གི་བྱིན་རླབས་རྣམས། །འདིར་འཚོགས་ཁྲོམ་པའི་ངག་ལ་འཇུག་པར་ཤོག །ཎིས་ནི་ཐུགས་ཀྱི་བྱིན་རླབས་སེམས་ལ་འབྱུང་། །ཐུགས་རྗེ་ཆེན་པོའི་ཐུགས་ཀྱི་བྱིན་རླབས་རྣམས། །འདིར་འཚོགས་ཁྲོམ་པའི་སེམས་ལ་འཇུག་པར་ཤོག །པད་ཀྱི་ཡོན་ཏན་བྱིན་རླབས་རང་ལ་འབྱུང་། །ཐུགས་རྗེ་ཆེན་པོའི་ཡོན་ཏན་བྱིན་རླབས་རྣམས། །འདིར་འཚོགས་ཁྲོམ་པ་རྣམས་ལ་འཇུག་པར་ཤོག །མེས་ནི་ཕྲིན་ལས་བྱིན་རླབས་གང་འདོད་འབྱུང་། །ཐུགས་རྗེ་ཆེན་པོའི་ཕྲིན་ལས་བྱིན་རླབས་རྣམས། །འདིར་འཚོགས་ཁྲོམ་པ་རྣམས་ལ་འཇུག་པར་ཤོག །ཧཱུྃ་གིས་བྱིན་རླབས་ཐམས་ཅད་ཐོགས་མེད་འབྱུང་། །ཐུགས་རྗེ་ཆེན་པོའི་བྱིན་རླབས་ཐམས་ཅད་ཀུན། །འདིར་འཚོགས་ཁྲོམ་ལ་མྱུར་དུ་འཇུག་པར་ཤོག །ཨོཾ་ནི་ནོར་བུ་དགོས་འདོད་ཀུན་འབྱུང་ཡིན། །འདིར་འཚོགས་ཁྲོམ་ལ་དགོས་འདོད་འབྱུང་བར་ཤོག །མ་ནི་ཐམས་ཅད་བསྐྱེད་པར་བྱེད་པ་ཡིན། །འདིར་ཚོགས་ཁྲོམ་པའི་བསོད་ནམས་བསྐྱེད་པར་ཤོག་།ཎི་ནི་ལོག་པའི་ལམ་ལས་བཟློག་པ་ཡིན། །འདིར་འཚོགས་ཁྲོམ་

[Full Size]

པའི་ཐར་ལམ་བསྒྲོད་པར་ཤོག །པད་ནི་དུག་ལྔ་ཐམས་ཅད་གཅོད་པར་བྱེད། །འདིར་འཚོགས་ཁྲོམ་པའི་དུག་ལྔ་ཞི་བར་ཤོག །མེས་ནི་རྣམ་རྟོག་ཐམས་ཅད་སྲེག་པར་བྱེད། །འདིར་འཚོགས་ཁྲོམ་པའི་རྣམ་རྟོག་ཞི་བར་ཤོག །ཧཱུྃ་ནི་དུག་ལྔ་ཐམས་ཅད་ཐུལ་བ་ཡིན། །འདིར་འཚོགས་ཁྲོམ་པའི་བདུད་བཞི་ཐུལ་བར་ཤོག །དེ་ནས་བཀྲ་ཤིས་བརྗོད་པ་ནི། ཨོཾ་ནི་ཡི་གེ་དྲུག་མ་ཡིན། །ཡི་གེ་དྲུག་མའི་བཀྲ་ཤིས་ཤོག །རིགས་དྲུག་སེམས་ཅན་འདྲེན་པར་ཤོག །མ་ནི་ཀུན་ཏུ་བཟང་མོ་ཡིན། །ནམ་མཁའི་ལྷ་མོའི་བཀྲ་ཤིས་ཤོག །སད་དང་སེར་བ་མེད་པར་ཤོག །ཎི་ནི་སངས་རྒྱས་སྤྱན་མ་ཡིན། །ས་ཡི་ལྷ་མོའི་བཀྲ་ཤིས་ཤོག །ལོ་ཕྱུགས་རྟག་ཏུ་ལེགས་པར་ཤོག །པད་ནི་ལྷ་མོ་གོས་དཀར་མོ། །མེ་ཡི་ལྷ་མོའི་བཀྲ་ཤིས་ཤོག །འབྲས་དྲུག་རྟག་ཏུ་འཛིན་པར་ཤོག །མེ་ནི་ལྷ་མོ་མཱ་མ་ཀཱི། །ཆུ་ཡི་ལྷ་མོའི་བཀྲ་ཤིས་ཤོག །ཆར་ཆུ་དུས་སུ་འབེབས་པར་ཤོག །ཧཱུྃ་ནི་ལྷ་མོ་དམ་ཚིག་སྒྲོལ། །རླུང་གི་ལྷ་མོའི་བཀྲ་ཤིས་ཤོག །དུས་ཀྱི་འཁྲུག་པ་ཞི་བར་ཤོག །ཨོཾ་ནི་རྡོ་རྗེ་རྣལ་འབྱོར་མ། །རྡོ་རྗེ་ཕག་མོའི་བཀྲ་ཤིས་ཤོག །མཆོག་གི་དངོས་གྲུབ་ཐོབ་པར་

[Full Size]

ཤོག །མ་ནི་སངས་རྒྱས་མཁའ་འགྲོ་མ། །སངས་རྒྱས་མཁའ་འགྲོའི་བཀྲ་ཤིས་ཤོག །སངས་རྒྱས་བསྟན་པ་དར་བར་ཤོག །ཎི་ནི་རྡོ་རྗེ་མཁའ་འགྲོ་མ། །རྡོ་རྗེ་མཁའ་འགྲོའི་བཀྲ་ཤིས་ཤོག །ཚེ་སྲོག་འགྱུར་མེད་བརྟན་པར་ཤོག །པད་ནི་རིན་ཆེན་མཁའ་འགྲོ་མ། །རིན་ཆེན་མཁའ་འགྲོའི་བཀྲ་ཤིས་ཤོག །དགོས་འདོད་ཡིད་བཞིན་འབྱུང་བར་ཤོག །མེ་ནི་པདྨ་མཁའ་འགྲོ་མ། །པདྨ་མཁའ་འགྲོའི་བཀྲ་ཤིས་ཤོག །བདེ་སྐྱིད་ཕུན་སུམ་ཚོགས་པར་ཤོག །ཧཱུྃ་ནི་ལས་ཀྱི་མཁའ་འགྲོ་མ། །ལས་ཀྱི་མཁའ་འགྲོའི་བཀྲ་ཤིས་ཤོག །ཅི་བསམ་ཡིད་བཞིན་འགྲུབ་པར་ཤོག །དོ་ནུབ་ཐུགས་རྗེ་ཆེན་པོའི་ཆོས་རེ་ན། །བྱོན་པ་ཡེ་ཤེས་ལྷ་ཡི་ཚོགས། །ཐམས་ཅད་ཞིང་ཁམས་གནས་སུ་གཤེགས། །འཇིག་རྟེན་ལྷ་ཀླུ་གཞི་བདག་རྣམས། །སོ་སོ་རང་རང་གནས་སུ་བྱོན། །དོ་ནུབ་ཇོ་རྒྱུན་བྱེད་པའི་དགེ་བ་འདིས། །བདག་དང་འགྲོ་དྲུག་སེམས་ཅན་ཐམས་ཅད་ཀུན། །ཐུགས་རྗེ་ཆེན་པོ་མྱུར་དུ་འགྲུབ་པར་ཤོག །ཅེས་པ་འདི་ནི་ཤིང་ཕོ་རྟ་ཡི་ལོ་ལ། གྲོ་ཞུན་ཟླ་བའི་ནང་དུ། ཉི་མ་གསུམ་ལ་རྫོགས་པར་བྲིས་པ་ལ། འགལ་བ་མཆིས་ན་ཡེ་ཤེས་ལྷ་ལ་བཤགས་

[Full Size]

ཤིང་། འདི་བྲིས་དགེ་བས་འདི་ཉིད་མཐོང་ཐོས་འབྲེལ་ཚད་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སྐྱེ་བར་གྱུར་ཅིག །ཅེས་པ་ཐུགས་རྗེ་ཆེན་པོའི་རྣལ་འབྱོར་པ་ཀརྨ་རཱ་ག་ཨ་སྱས་སྦྱར་བའོ། ༈ །ཇོ་རྒྱུན་ལ་བརྟེན་ནས་བདུད་བཟློག་བྱ་ཐབས་ནི། །བླ་མ་སངས་རྒྱས་རྣམས་ཀྱི་བྱིན་གྱིས་རློབས། །བླ་མ་སངས་རྒྱས་རྣམས་ལ་སྐྱབས་སུ་མཆི། །བླ་མ་སངས་རྒྱས་རྣམས་ཀྱི་ཐུགས་རྗེས་གཟིགས། །ཨོ་རྒྱན་རིན་པོ་ཆེས་ཞལ་ནས། །ཁྱད་པར་ནད་ཡམས་མུ་གེ་འཁྲུག་རྩོད་དང་། །ཆག་ཆེན་ཉམ་ང་རྨི་ལྟས་མཚན་མ་ངན། །ལོ་སྐག་ཟླ་སྐག་མོ་རྩིས་ངན་པ་དང་། །ཡིག་བདུན་འཛབ་ཀྱིས་ལུང་པ་ཆོས་སྒྲས་བསྐང་། །གཞན་ལ་མི་རེ་བློ་སེམས་གཅིག་ཏུ་དྲིལ། །དེ་ཆེ་བར་ཆད་ཞི་ནས་ལྟས་བཟང་འགྱུར། །མཆོག་དང་ཐུན་མོང་སྨོན་ལམ་གང་བཏབ་འགྲུབ། །ཅེས་གསུངས་པས། ཇོ་རྒྱུན་ལ་བརྟེན་སྐུ་རིམ་བདུད་བཟློག་བྱ་བ་ནི། ཁྲོམ་པ་ཐམས་ཅད་ཀྱིས་ཐལ་མོ་སྦྱར་ལ། །ན་མོ་བླ་མ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འཕགས་པ་ཕྱག་སྟོང་སྤྱན་སྟོང་འཁོར་ལོས་སྒྱུར་བའི་རྒྱལ་པོ་ལ་ཕྱག་འཚལ་ལོ། །ཕྱོགས་བཅུའི་སྤྱན་རས་གཟིགས་བཅུ་ལ་ཕྱག་འཚལ་ལོ། །ཡབ་ཐུགས་རྗེ་ཆེན་པོ་ལ་ཕྱག་འཚལ་ལོ། །ཡུམ་ཡི་གེ་དྲུག་མ་ལ་ཕྱག་འཚལ་

[Full Size]

ལོ། །སྲས་ནོར་བུ་འཛིན་པ་ལ་ཕྱག་འཚལ་ལོ། །སྲས་མོ་རིག་སྔགས་འཛིན་མ་ལ་ཕྱག་འཚལ་ལོ། །བདག་ཅག་དཔོན་སློབ་ཡོན་མཆོད། སྒྲེ་འདི་ན་ནད་པ་སོགས་མིང་ཞེས་བགྱིའོ། །མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་ནད་རིགས་བཞི་བརྒྱ་རྩ་བཞི། གདོན་རིགས་སྟོང་ཕྲག་བརྒྱད་ཅུ། དུས་མིན་འཆི་བ་བཅོ་བརྒྱད། བཀྲ་མི་ཤིས་པའི་ཕྱོགས་རིས་ངན་པ་ཐམས་ཅད་ཕྱིར་བཟློག་པར་གྱུར་ཅིག །མེད་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །ཐལ་མོ་ལན་གསུམ་བརྡབས་ལ། ཨོཾ་མ་ཎི་པདྨེ་ཧཱུྃ་ཕཊ། ཨོཾ་གྱིས་འདུས་པའི་ནད་གདོན་ཞི། །འདུས་པའི་ནད་གདོན་ཞི་བར་ཤོག །མས་ནི་ཚད་པའི་ནད་གདོན་ཞི། །ཚད་པའི་ནད་གདོན་ཞི་བར་ཤོག །ཎིས་ནི་རླུང་གི་ནད་གདོན་ཞི། །རླུང་གི་ནད་གདོན་ཞི་བར་ཤོག །པད་ཀྱིས་བད་ཀན་ནད་གདོན་ཞི། །བད་ཀན་ནད་གདོན་ཞི་བར་ཤོག །མེས་ནི་གྲང་བའི་ནད་གདོན་ཞི། །གྲང་བའི་ནད་གདོན་ཞི་བར་ཤོག །ཧཱུྃ་གིས་མཁྲིས་པའི་ནད་གདོན་ཞི། །མཁྲིས་པའི་ནད་གདོན་ཞི་བར་ཤོག །ཕཊ་ཀྱིས་བདུད་བཞི་འཇོམས་པར་བྱེད། །

[Full Size]

བདུད་བཞི་བར་ཆད་ཞི་བར་ཤོག །བགེགས་རིགས་སྟོང་ཕྲག་སོགས། དགེ་བ་འདི་ཡིས་སོགས། ཡི་གེ་དྲུག་པ་ཕཊ་སྦྱར་བ། གསང་བ་འདུས་པའི་རྒྱུད་ལས་གསུངས། །བདུད་བཟློག་འདི་ལས་ཟབ་པ་མེད། །ཅེས་པ་འདི་ཡང་ཨ་རཱ་གས་སྦྱར་བ་མངྒ་ལཾ།། ༈ །།ཡིག་དྲུག་བསྐུལ་རྒྱུ་ཉུང་ངུ་ལིས་ཁ་གཉིས་ཡོད། །ཉོན་དང་གསོན་དང་འདིར་འཚོགས་ཁྲོམ། །མི་ལུས་ཐོབ་པ་ད་རེས་ཙམ། །སྙིང་པོ་ལེན་པ་ད་རེས་ཟིན། །ད་རེས་རིན་ཆེན་གླིང་དུ་ཕྱིན། །སྟོང་ལོག་མ་བྱེད་སྙིང་མེད་ཚོ། །འཆི་བདག་ནམ་འོང་ཏིག་ཏིག་མེད། །འབྲོས་ཆེས་བྱེད་ན་ད་རེས་ཟིན། །ཆ་མེད་ཡུལ་དུ་རྒྱུས་མེད་འཁྱམས། །བརྒྱགས་ཕྱེ་བསྒྲུབ་ན་ད་རེས་ཟིན། །བར་དོའི་འཕྲང་ལ་འཇིགས་སྐྲག་ཆེ། །སྐྱེལ་མ་ཚོལ་ལ་ད་རེས་རན། །གཤིན་རྗེའི་ཁྲིམས་ལ་ཡ་རེ་ང་། །སྡིག་པ་བཤགས་ན་ད་རེས་ཟིན། །དམྱལ་བའི་སྡུག་བསྔལ་བཟོད་གླགས་མེད། །དགེ་བ་བསྒྲུབ་ན་ད་རེས་ཟིན། །ཡི་དྭགས་ལྟོགས་སྐོམ་མེ་ལྟར་འབར། །སྦྱིན་པ་བཏང་ན་ད་རེས་ཟིན། །དུད་འགྲོ་གླེན་ལྐུགས་ཡི་རེ་མུག །ཚོགས་བསགས་སྒྲིབ་སྦྱང་བྱ་རེ་རན། །འཁོར་བའི་རྒྱ་མཚོ་གཏིང་རེ་ཟབ། །ཐར་པའི་བསྐལ་པ་བསྙག་རེ་རན། །

[Full Size]

ད་བྱེད་ངང་ལ་མི་ཚེ་ཟད། །དམ་ཆོས་སྒྲུབ་ན་ད་རེས་ཟིན། །མི་རྟག་ཚོང་འདུས་མགྲོན་པོ་འདྲ། །རང་མགོ་ཐོན་ན་ད་རེས་ཟིན། །ཕན་ངོ་ཤེས་པ་དམ་པའི་ཆོས། །གཏན་གྱི་སོ་ནམ་ད་རེས་ཟིན། །དད་པ་ཅན་ལ་ཉམས་རྟོགས་སྐྱེ། །མོས་གུས་བྱེད་ན་ད་རེས་ཟིན། །སྙིང་རུས་ཆེ་ན་དམ་ཆོས་འགྲུབ། །བློ་སྙིང་ཨེ་ཡོད་ད་རེས་བལྟ། །སྒྲུབ་ལ་བརྩོན་ན་དོན་གཉིས་འགྲུབ། །ཁ་ཞེ་ཨི་མཐུན་ད་རེས་བལྟ། །དལ་འབྱོར་མི་ལུས་རིན་ཆེན་འདི། །ལོ་བརྒྱ་དུས་གཅིག་ཡིན་ལེ་ལགས། །ཞེས་ཐམ་ཁར་ཆོས་ར་བཙུགས་དུས་ཨ་རཱ་གས་སོ། །འདིར་འཚོགས་ཁྲོམ་པ་མ་ཡེངས་ཉོན། །ཡུལ་ནི་མགྲོན་པོའི་གནས་ཚང་འདྲ། །སྐྱར་ནས་འགྲོ་འོ་འདིར་འཚོགས་ཁྲོམ། །ལུས་ནི་ལ་ཁའི་ཐོ་ཡོལ་འདྲ། །འགྱེལ་ནས་འགྲོ་འོ་འདིར་འཚོགས་ཁྲོམ། །སེམས་ནི་ཤིང་ཁའི་བྱིས་ཆུང་འདྲ། །འཕུར་ནས་འགྲོ་འོ་འདིར་འཚོགས་ཁྲོམ། །སྡིག་ཅན་བཙན་དུག་ཟོས་དང་འདྲ། །མི་གནོད་ཚབས་ཆེའོ་འདིར་འཚོགས་ཁྲོམ། །དགེ་བ་ཡིད་བཞིན་ནོར་བུ་འདྲ། །ཕན་ཐོགས་ཆེའོ་འདིར་འཚོགས་ཁྲོམ། །བླ་མ་ལོང་བའི་སྣ་ཁྲིད་འདྲ། །ལམ་སྣ་འདྲེན་ནོ་འདིར་

[Full Size]

འཚོགས་ཁྲོམ། །དགྲ་གཉེན་བྱིས་སྦའི་རྩེད་མོ་འདྲ། །ཞེ་སྡང་མ་ཆེ་འདིར་འཚོགས་ཁྲོམ། །བཟའ་ཚང་རྨོས་གླང་གཉའ་རྡེབ་འདྲ། །བྲལ་བར་ངེས་སོ་འདིར་འཚོགས་ཁྲོམ། །མི་བརྒྱ་ནང་ནས་རང་མགོ་གཅེས། །གཅིག་པུར་འགྲོ་འོ་འདིར་འཚོགས་ཁྲོམ། །དགེ་སྡིག་ལུས་དང་གྲིབ་མ་འདྲ། །རང་ལ་འཁོར་རོ་འདིར་འཚོགས་ཁྲོམ། །ལོ་ཟླ་སོང་ཞིང་འཆི་ལ་ཉེ། །རྩར་ན་ཕྱིན་ནོ་འདིར་འཚོགས་ཁྲོམ། །ལས་ཀྱི་གཤིན་རྗེའི་ཕོ་ཉ་ལ། །བཟློག་ཐབས་མེད་དོ་འདིར་འཚོགས་ཁྲོམ། །ད་ལྟ་འགྱོད་མེད་མ་བྱས་ན། །འགྱོད་ཀྱང་འཕྱིས་སོ་འདིར་འཚོགས་ཁྲོམ། །འཇིག་རྟེན་བྱ་བ་ཚར་དུས་མེད། །ཞེན་པ་ལོག་ན་དམ་ཆོས་མཛོད། །འཁོར་བའི་རྒྱ་མཚོར་ཐར་བར་དཀའ། །ཐར་བར་འདོད་ན་དམ་ཆོས་མཛོད། །རང་སེམས་ཆོས་སྐུར་རྟོགས་དུས་མེད། །རྟོགས་པར་འདོད་ན་མཉམ་པར་ཞོག །ཅེས་རཱ་ག་ཨ་སྱས་ཐམ་ཁར་ཆོས་ར་དུས་སྦྱར་བའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཡིག་དྲུག་དུང་ཁ་གང་དུས་དགའ་སྟོན་བྱེད་ཅིང་སྨོན་ལམ་འདེབས་པ།

[Full Size]

ཡིག་དྲུག་དུང་ཁ་གང་དུས་དགའ་སྟོན་བྱེད་ཅིང་སྨོན་ལམ་འདེབས་པའི་དབུ་ཕྱོགས་བཀྲ་ཤིས་པར་གྱུར་ཅིག ༈ །དུང་གིས་ཁ་གང་དུས་སྨོན་ལམ་བཏབ་པ་འདི། དུང་གཉིས་ཟེར་བ་ཚིག་ཁ་བསྒྱུར་ནས་བསྙེན་པ་གང་ཐོན་གྱི་མཇུག་ཏུ་ཐོན་ན་ལེགས། སྒྲུབ་པའི་མཇུག་ཏུ་བྱས་ཀྱང་དེ་དང་འདྲ། བྱེ་བ་ཁ་གང་དུས་དུང་གཉིས་ཟེར་བ་བྱེ་བ་ཁ་བསྒྱུར་ནས་ཚར་རེ་འདོན་ནོ། །

[Full Size]

ན་མོ་གུ་རུ། དུས་མཐའི་སྔགས་འཆང་རཱ་ག་ཨ་སྱ་བདག །ནོར་གྱི་སྙིང་པོ་སྔགས་དང་བསྙེན་སྒྲུབ་སོགས། །ལྷ་དང་དྲང་སྲོང་རྣམས་ཀྱིས་བཤད་པ་ཡི། །རིག་སྔགས་ཀྱིས་ཀྱང་བསླུ་བ་མེད་པ་ལས། །རྫོགས་སངས་རྒྱས་ཀྱིས་གསུངས་པའི་རིག་སྔགས་ཀྱིས། །ནམ་ཡང་བསླུ་བ་མེད་སྙམ་ངེས་ཤེས་བསྐྱེད། །ལོ་བརྒྱད་ལོ་དགུ་ལོ་བཅུ་དུས་ཀྱི་ཚེ། །བཛྲ་གུ་རུ་འཐོར་བསྙེན་བྱས་པ་དང་། །དེ་ནས་བཅུ་དགུའི་བར་དུ་མཚམས་ཡིན་པས། །གུ་རུ་ཞི་དྲག་འཐོར་བསྙེན་མང་པོ་དང་། །དབུས་སུ་ལོ་བདུན་ལོ་ངོ་དྲུག་ཐོག་ཚེ། །སྒྲོལ་དཀར་ལ་སོགས་འཐོར་བསྙེན་མང་པོ་དང་། །ཕྲེང་བ་འཐོར་དང་བོར་བ་ལ་སོགས་ཀྱིས། །དགེ་བ་གྲངས་སུ་བརྩི་རྒྱུ་མ་རྙེད་ཀྱང་། །ཁ་བཀང་ལྷག་དང་ལྷུག་པ་འོང་ངོ་སྙམ། །གཞོན་ཚེ་འཇིག་རྟེན་པ་

[Full Size]

ཡི་ལྷ་ཕྲན་རིགས། །རྣམ་གྲངས་ཉི་ཤཱུ་རྩ་ཙམ་བསྙེན་སྒྲུབ་པ། །ཕྱི་མར་ཕན་གནོད་མེད་སྙམ་འདིར་མ་རྩིས། །བཅུ་གཅིག་ནས་བཟུང་བཅུ་དགུའི་ལོ་མགོ་བར། །ཟླ་མཚམས་འགའ་ཟུང་བྱས་ཚེ་གང་ཐོན་རྣམས། །ཡི་གེར་བྲིས་ནས་འདུག་པ་གཞིར་བྱས་ཏེ། །ཉེར་ལྔ་ནས་བཟུང་དེང་སང་ང་དགུའི་བར། །མཚམས་དང་སྒྲུབ་པ་འཐོར་བསྙེན་ཀུན་བསོགས་པ། །དུང་ཕྱུར་གཅིག་དང་སུམ་འབུམ་བཟླས་པ་ཐེམ། །དེ་ཡི་ནང་དུ་ཚེ་སྒྲུབ་བསྙེན་པ་ནི། །བྱེ་བ་དྲུག་དང་དྲུག་འབུམ་འདྲེས་པ་ཡིན། །དེ་ལྟར་ཡི་དམ་ལྷ་ཚོགས་དུས་འདི་ལ། །ལོ་གྲངས་བཞི་བཅུ་ཞེ་དགུ་ཐོག་པར་གྱུར། །ཉེར་ལྔ་ནས་བཟུང་ཐུགས་རྗེ་ཆེན་པོ་བསྙེན། །ཡིག་དྲུག་ཡིག་བདུན་ཡིག་བཅུ་ལ་སོགས་དང་། །རྒྱལ་བ་རྒྱ་མཚོའི་སྔགས་རིང་གཉིས་ལ་སོགས། །མཚམས་དང་སྒྲུབ་

[Full Size]

པ་འཐོར་སྙེན་ཀུན་བསྡོམས་པའི། །ཐུགས་རྗེ་ཆེན་པོ་དུང་ཕྱུར་གཅིག་དང་ནི། །ཁ་བཀང་འབུམ་ཕྲག་གཉིས་ནི་ཐེམ་པ་ཡིན། །དེ་ལྟར་ཐུགས་རྗེ་ཆེན་པོའི་དུང་འདི་ལ། །ལོ་གྲངས་སུམ་ཅུ་སོ་གཅིག་ཐོག་པ་ནི། །གཏོར་བསྔོས་དུས་མཆོད་རྣམ་གྲངས་མང་བ་དང་། །ཞལ་གདམས་ཟིན་བྲིས་གནམ་ཆོས་ཆག་ཕྱི་སོགས། །རྣམ་གཡེང་བྱ་བ་མང་བས་ལན་པ་ཡིན། །ཁ་བཀང་རྣམས་ནི་སླད་ནས་འདོན་རྒྱུ་ཡིན། །གཞི་མ་ཉིད་དུ་བརྩི་བར་བྱེད་པ་དང་། །འཐོར་བསྙེན་གཞན་གྱི་ཚེ་སྒྲུབ་བདུད་རྩི་ཡིན། །ཁ་བཀང་ལས་བཞིའི་སྦྱིན་སྲེག་བརྒྱ་རྩ་རེ། །རྒྱལ་བ་རྒྱ་མཚོའི་དབང་བཞི་གཏོར་དབང་གཉིས། །གནམ་ཆོས་ཚེ་དབང་བདག་འཇུག་བརྒྱ་རྩ་རེ། །བསྔོ་བ་བརྒྱ་རྩ་བཟླས་པ་རབ་གནས་ཀྱི། །རྟེན་འབྲེལ་སྙིང་པོ་བཟླས་པ་མང་ཞིག་བཅས། །རང་ལོ་ང་དགུ་མེ་མོ་ལུག་གི་ལོ། །ཆོ་འཕྲུལ་ཆེན་པོའི་ཡར་ཚེས་བརྒྱད་ལ་འགྲུབ། །དགའ་སྟོན་བཀྲ་ཤིས་ཚོགས་ཀྱི་འཁོར་ལོ་བྱས། །འདི་ཉིད་བྲི་བ་དགོས་པ་མི་འདུག་ཀྱང་། །བཟླས་པའི་ཁ་བཀང་སྦྱིན་སྲེག་བདག་འཇུག་དང་། །བཟླས་པ་མི་ཉམས་རབ་གནས་རྟེན་འབྲེལ་སྙིང་། །བསྔོ་སྨོན་བརྒྱ་རྩེ་བཀྲ་ཤིས་དགའ་སྟོན་སོགས། །ཕྱི་རབས་རྗེས་འཇུག་རྣམས་ཀྱིས་ཤེས་ཕྱིར་བྲིས། །དུས་ཆེན་སྐར་མ་བཟང་དང་བསྒྲིགས་པ་ཡིན། །རང་གི་ཚོད་ཀའི་དགེ་བ་རླབས་ཆེན་ལ། །བསྔོ་སྨོན་གོ་མ་ལོག་པ་རྒྱ་ཆེན་པོ། །བཏབ་ན་གང་བཏབ་འགྲུབ་པ་རྒྱལ་བས་གསུངས། །དེ་ཕྱིར་རང་གི་འདོད་པ་དང་བསྟུན་པའི། །བསྔོ་བ་སྨོན་ལམ་གང་ཤེས་འདི་ལྟར་གདབ། །།ན་མོ་

[Full Size]

རཏྣ་ཏྲ་ཡཱ་ཡ། ཕྱོགས་བཅུའི་འཇིག་རྟེན་རབ་འབྱམས་ཐམས་ཅད་ན། །འདས་དང་མ་བྱོན་ད་ལྟ་དུས་གསུམ་གྱི། །རྒྱལ་བ་རྒྱལ་སྲས་ཉན་ཐོས་རང་རྒྱལ་ཚོགས། །ཐམས་ཅད་མ་ལུས་བདག་ལ་དགོངས་སུ་གསོལ། །ཡེ་ཤེས་སྤྱན་གྱིས་ཉིན་མཚན་དུས་དྲུག་ཏུ། །ཐུགས་རྗེའི་བརྩེ་བས་སེམས་ཅན་ཐམས་ཅད་ལ། །རྟག་ཏུ་གཟིགས་རྣམས་བདག་ལ་ཐུགས་རྗེས་གཟིགས། །རྡོ་རྗེའི་སྙན་གྱིས་སེམས་ཅན་ཐམས་ཅད་ཀྱི། །ངག་ཏུ་ཅི་སྨྲས་རྟག་ཏུ་གསན་པ་རྣམས། །བདག་གིས་སྨྲས་པའི་ཚིག་འདི་གསན་དུ་གསོལ། །མངོན་ཤེས་ཐུགས་ཀྱིས་སེམས་ཅན་ཐམས་ཅད་ལ། །ཡིད་ལ་ཅི་འགྱུས་རྟག་ཏུ་མཁྱེན་པ་རྣམས། །བདག་གི་འདོད་པའི་དོན་འདི་མཁྱེན་པར་གསོལ། །བདག་ནི་ཐོག་མེད་དུས་ནས་ད་ལྟའི་བར། །དགེ་བའི་རྩ་བ་བགྱིས་དང་བགྱིད་བསྩལ་དང་། །གཞན་གྱིས་བགྱིད་ལ་རྗེས་སུ་ཡི་རང་དང་། །འདི་ལྟར་ཐུགས་རྗེ་ཆེན་པོ་དུང་ཕྱུར་དང་། །རྩ་གསུམ་ལྷ་ཡི་བསྙེན་པ་དུང་ཕྱུར་དང་། །དགེ་བའི་རྩ་བ་ཐམས་ཅད་གཅིག་བསྡུས་ཏེ། །སངས་རྒྱས་འོད་དཔག་མེད་པ་གཙོར་བྱས་པའི། །ཕྱོགས་བཅུ་དུས་གསུམ་རྒྱལ་བ་སྲས་བཅས་དང་། །

[Full Size]

རྩ་བརྒྱུད་བླ་མ་ཀུན་གྱི་སྤྱན་སྔར་འབུལ། །མཆོད་སྤྲིན་རྒྱ་མཚོ་ནམ་མཁའི་མཐའ་ཁྱབ་པའི། །ཉེར་སྤྱོད་ལྔ་དང་འདོད་ཡོན་རྣམ་པ་ལྔ། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །མཆོད་པའི་ལྷ་མོ་བཅུ་དྲུག་ལ་སོགས་པ། །དུས་གསུམ་རྒྱུན་ཆད་མེད་པར་འབྱུང་གྱུར་ཅིག །དེ་ལ་བརྟེན་ནས་རྒྱལ་བའི་བསྟན་པ་ནི། །རབ་འབྱམས་འཇིག་རྟེན་ཁམས་རྣམས་ཐམས་ཅད་དུ། །རྙེད་དང་བཀུར་བསྟི་དང་བཅས་རྒྱས་གྱུར་ཅིག །བསྟན་པ་འཛིན་པའི་སྐྱེས་བུ་དམ་པ་ནི། །གང་ན་སུ་བཞུགས་གང་ཕན་བྱེད་པ་དང་། །དེ་དག་ཐམས་ཅད་ཡུན་རིང་ཞབས་བརྟན་ཞིང་། །འགྲོ་དོན་ཕྲིན་ལས་ཕྱོགས་མཐར་ཁྱབ་གྱུར་ཅིག །དེ་ལྟར་དགེ་རྩ་ཐམས་ཅད་གཅིག་བསྡུས་ཏེ། །ཕ་དང་མ་དང་སློབ་མ་ཡོན་བདག་དང་། །བདག་ལ་འབྲེལ་བ་ཐོགས་ཚད་གཙོར་བྱས་པའི། །འགྲོ་དྲུག་སེམས་ཅན་མ་ལུས་ཀུན་ལ་བསྔོ། །ངན་སོང་འཁོར་བའི་སྡུག་བསྔལ་ཀུན་བྲལ་ནས། །མྱུར་དུ་བླ་མེད་བྱང་ཆུབ་ཐོབ་གྱུར་ཅིག །དེ་ལྟར་དགེ་རྩ་དེ་དག་ཀུན་བསྡུས་ཏེ། །བདག་གི་རྒྱུད་ལ་ད་ལྟ་སྐད་ཅིག་ཉིད། །སྨིན་ནས་དེ་ཡི་འབྲས་བུ་གསལ་གྱུར་ཅིག །ནད་གདོན་འཇིགས་

[Full Size]

པ་བཅུ་དྲུག་ཀུན་ཞི་ནས། །ཚེ་དང་བསོད་ནམས་ཉམས་རྟོགས་འཕེལ་གྱུར་ཅིག །བྱང་ཆུབ་བསྒྲུབ་ལ་བར་ཆད་མི་འབྱུང་ཞིང་། །ཚེ་དང་སྒྲུབ་པ་མཐའ་རུ་ཕྱིན་གྱུར་ཅིག །བདག་གི་རིགས་རྒྱུད་ཆོས་བརྒྱུད་ཐམས་ཅད་ནི། །ཇི་སྲིད་གསང་སྔགས་བསྟན་པ་གནས་ཀྱི་བར། །གང་གཱའི་རྒྱུན་བཞིན་འཕེལ་ཞིང་རྒྱས་པ་དང་། །མཁས་བཙུན་བཟང་པོའི་ཡོན་ཏན་ཀུན་ལྡན་ཞིང་། །མི་ནུབ་བསྟན་པའི་རྒྱལ་མཚན་ཚུགས་གྱུར་ཅིག །ཡུལ་ཕྱོགས་འདི་དང་ཡངས་པའི་རྒྱལ་ཁམས་སུ། །ཡམས་ནད་མུ་གེ་འཁྲུག་རྩོད་མི་འབྱུང་ཞིང་། །ལོ་ལེགས་བདེ་སྐྱིད་ཕུན་སུམ་ཚོགས་གྱུར་ཅིག །བདག་ནི་ནམ་ཞིག་འཆི་བའི་དུས་ཀྱི་ཚེ། །དུག་མཚོན་བསམ་སྦྱོར་ངན་པ་མི་འབྱུང་ཞིང་། །གནད་གཅོད་ཟུག་ཟེར་ཆགས་ཞེན་མེད་གྱུར་ཅིག །དྲན་པ་གསལ་ཞིང་ཐིམ་རིམ་ངོས་ཟིན་ནས། །འཆི་བ་འོད་གསལ་མ་བུ་འཕྲད་གྱུར་ཅིག །འོད་གསལ་ངང་དུ་ཅི་འདོད་གནས་པ་དང་། །དེ་ལ་འབྲོག་སོགས་བར་ཆད་མེད་གྱུར་ཅིག །དེ་ནས་འཁོར་བའི་སྒོ་བརྒྱད་བཀག་བྱས་ཏེ། །ཤེས་བཞིན་ཚངས་པའི་བུག་ནས་འཕོ་གྱུར་ཅིག །དེ་ནས་འོད་གསལ་གཉིས་པ་ངོ་

[Full Size]

འཕྲོད་དེ། །དེ་ཡི་ངང་ལ་ཅི་འདོད་གནས་གྱུར་ཅིག །དེ་ནས་ཡི་དམ་ཐུགས་རྗེ་ཆེན་པོའི་སྐུ། །བསྒོམས་པས་བར་དོ་ཡིད་ལུས་གནས་གྱུར་ནས། །ལྷ་སྐུ་ཕྱག་རྒྱ་ཆེན་པོ་འགྲུབ་གྱུར་ཅིག །གལ་ཏེ་སྒྲ་འོད་ཟེར་གསུམ་ཞི་ཁྲོའི་ལྷ། །ཤར་ནས་མི་སྐྲག་རང་ངོ་ཤེས་གྱུར་ནས། །ཡི་དམ་ལྷ་དང་དགོངས་པ་མཉམ་གྱུར་ཅིག །ཁྱད་པར་བཅོམ་ལྡན་རྒྱལ་བ་འོད་དཔག་མེད། །དགེ་སློང་དགེ་འདུན་ཚོགས་ཀྱིས་མདུན་བདར་ཏེ། །བསུ་བའི་ཚུལ་གྱིས་མདུན་དེར་འབྱོན་གྱུར་ཅིག །སྨན་བླའི་དྲུང་ནས་བྱང་ཆུབ་སེམས་དཔའ་བརྒྱད། །ནམ་མཁར་བྱོན་ནས་བདེ་ཆེན་ཞིང་ཁམས་སུ། །འགྲོ་བའི་ལམ་ཡང་གསལ་བར་སྟོན་གྱུར་ཅིག །ཕྱག་བཞི་པ་དང་ཞིང་སྐྱོང་རྣམ་སྲས་སོགས། །ཡེ་ཤེས་ཆོས་སྐྱོང་སྲུང་མ་ཐམས་ཅད་ཀྱིས། །ཞིང་ཁམས་བསྒྲོད་པའི་ལམ་གྱི་བར་ཆད་སྲུངས། །བདེ་བ་ཅན་གྱི་ཞིང་དེར་སྐྱེས་གྱུར་ཅིག །འོད་དཔག་མེད་པའི་སྐུ་རྒྱབ་རྟེན་པའི་ཤིང་། །མཐོ་ཚད་དཔག་ཚད་སྟོང་དང་དྲུག་བརྒྱ་པ། །དེ་མཐོང་ཡོན་ཏན་དཔག་མེད་ཐོབ་པར་ཤོག །དེ་ཡི་དྲུང་ན་རིན་ཆེན་རྨ་བྱའི་ཁྲིར། །རྒྱལ་བ་འོད་དཔག་མེད་པ་མཚན་དཔེ་འབར། །སྤྱན་རས་གཟིགས་

[Full Size]

དང་མཐུ་ཆེན་ཐོབ་ལ་སོགས། །བྱང་ཆུབ་སེམས་དཔའི་དགེ་འདུན་འཁོར་དང་བཅས། །མངོན་སུམ་ལྷང་ངེར་བདག་གིས་མཐོང་གྱུར་ཅིག །སྐུ་ཡི་འོད་ཟེར་ཕོག་པས་སྒྲིབ་པ་དག །ལུས་ངག་ཡིད་གསུམ་དགའ་ཞིང་བདེ་བ་རྒྱས། །མེ་ཏོག་པདྨའི་སྦུབས་སུ་བདག་ཞུགས་ནས། །སྐད་ཅིག་དེ་ལ་བརྫུས་ཏེ་སྐྱེ་གྱུར་ཅིག །དབུ་ལ་གཙུག་ཏོར་ཞབས་ལ་འཁོར་ལོ་སོགས། །མཚན་དཔེ་ཀུན་རྫོགས་འོད་ཟེར་འབར་བའི་ལུས། །ཞིང་དེའི་སེམས་པ་གཞན་དང་མཚུངས་གྱུར་ཅིག །དེ་མ་ཐག་ཏུ་པདྨ་ཁ་བྱེ་སྟེ། །རྒྱལ་བ་འོད་དཔག་མེད་པ་མཐོང་གྱུར་ཅིག །རང་གི་ལག་པའི་མཐིལ་ནས་མཆོད་པའི་སྤྲིན། །དཔག་མེད་སྤྲུལ་ནས་རྒྱལ་བ་མཆོད་གྱུར་ཅིག །འོད་དཔག་མེད་ཀྱི་ཕྱག་གིས་དབང་གནང་ནས། །བྱང་ཆུབ་མཆོག་གི་ལུང་བསྟན་ཐོབ་གྱུར་ཅིག །དེ་མ་ཐག་ཏུ་རབ་དགའི་ས་ཐོབ་ནས། །རིམ་གྱིས་ས་བཅུ་མངོན་དུ་བྱེད་གྱུར་ཅིག །པོ་ཊ་ལ་དང་ཟངས་མདོག་དཔལ་གྱི་རི། །དགའ་ལྡན་ལྕང་ལོ་ཅན་དང་ཨོ་རྒྱན་ཡུལ། །འོག་མིན་འཐུགས་པོ་བཀོད་དང་མངོན་པར་དགའ། །རྫུ་འཕྲུལ་སྟོབས་ཀྱིས་སྐད་ཅིག་བགྲོད་བྱ་ཞིང་། །ཞིང་དེའི་གཙོ་

[Full Size]

བོ་རྣམས་ལ་མཆོད་སྤྲིན་མཆོད། །དབང་དང་གདམས་ངག་ཞུས་ནས་སྐད་ཅིག་ལ། །སླར་ཡང་བདེ་བ་ཅན་དུ་སླེབས་གྱུར་ཅིག །བདག་དང་སློབ་མ་བརྒྱུད་པར་བཅས་པ་ལ། །ཟས་ནོར་ཆོས་ཀྱིས་འབྲེལ་པའི་འགྲོ་བ་ཀུན། །ནམ་ཞིག་བར་དོར་འཁྱམས་པ་དེ་ཡི་ཚེ། །བདག་གི་མངོན་པར་ཤེས་པས་དེ་མཐོང་ནས། །རྫུ་འཕྲུལ་སྟོབས་ཀྱིས་སྐད་ཅིག་དེར་འོང་སྟེ། །བདེ་བ་ཅན་གྱི་ཞིང་དེར་ཁྲིད་གྱུར་ཅིག །འཛམ་གླིང་བྱེ་བ་ཕྲག་བརྒྱའི་ཞིང་ཁམས་ན། །བྱམས་པ་ལ་སོགས་བསྐལ་བཟང་སངས་རྒྱས་སྟོང་། །བྱེ་བ་ཕྲག་བརྒྱ་རིམ་བཞིན་བྱོན་ནས་ཀྱང་། །ཐེག་ཆེན་ཆོས་ཀྱི་འཁོར་ལོ་བསྐོར་བའི་ཚེ། །སྐད་ཅིག་ཉིད་ལ་བདག་ཀྱང་དེར་འོང་ནས། །སངས་རྒྱས་མཆོད་ཅིང་དམ་ཆོས་ཉན་བྱས་ཏེ། །སྐད་ཅིག་ཉིད་ལ་བདེ་ཆེན་ཞིང་སླེབས་ཤོག །དེ་བཞིན་ཤར་ཕྱོགས་བཻཌཱུརྱ་སྣང་ཞིང་། །ལྷོ་ཕྱོགས་དཔལ་ལྡན་ཞིང་དང་ལས་རབ་རྫོགས། །དག་པའི་ཞིང་ཁམས་རབ་འབྱམས་ཐམས་ཅད་དུ། །རྫུ་འཕྲུལ་སྟོབས་ཀྱིས་སྐད་ཅིག་བགྲོད་བྱེད་ཅིང་། །དབང་དང་གདམས་ངག་ནོད་ནས་སྐད་ཅིག་ལ། །བདེ་བ་ཅན་གྱི་ཞིང་དེར་ཕྱིན་པར་ཤོག །འོད་དཔག་མེད་པའི་སྐུ་ཚེ་

[Full Size]

བརྟན་པའི་ཡུན། །ཇི་སྲིད་གནས་བར་ཞིང་དེར་བདག་གནས་ཤོག །དེ་བཞིན་འོད་ཟེར་དཔལ་བརྩེགས་རྒྱལ་པོ་ཡི། །སྐུ་ཚེ་བསྟན་པ་ཇི་སྲིད་གནས་བར་དང་། །ཡོན་ཏན་ནོར་བུ་བརྩེགས་པའི་རྒྱལ་པོ་ཡི། །སྐུ་ཚེ་ཇི་སྲིད་གནས་པ་དེ་ཡི་བར། །བདག་ནི་ཞིང་དེར་ཁོ་ནར་འཛིན་པར་ཤོག །དེ་ནི་བདག་གི་ཚེ་དེ་བརྗེས་མ་ཐག །ཞིང་ཁམས་དེའམ་དག་པའི་ཞིང་ཁམས་སུ། །བདག་ཉིད་མངོན་པར་རྫོགས་པར་སངས་རྒྱས་ཏེ། །པདྨ་ཆུ་སྐྱེས་དྲི་མེད་ཅེས་བྱར་ཤོག །དེ་ཡི་སྐུ་ཚེ་བསྟན་པ་འཁོར་ལ་སོགས། །འོད་དཔག་མེད་པ་ཉིད་དང་མཚུངས་པར་ཤོག །བདག་ཉིད་ནམ་ཞིག་རབ་དགའི་ས་ཐོབ་ནས། །སྤྲུལ་པ་ཡང་སྤྲུལ་མང་པོ་འབྱེད་པ་ཡང་། །གཞན་ཕན་ཕྲན་ཚེགས་ཙམ་པ་མ་ཡིན་པར། །སྤྱན་རས་གཟིགས་དབང་བྱེ་བ་ཕྲག་བརྒྱ་ཡི། །འགྲོ་དོན་གཅིག་ཏུ་བསྡུས་འདྲའི་ཕྲིན་ལས་དང་། །འཇམ་དབྱངས་བྱེ་བ་ཕྲག་བརྒྱའི་མཁྱེན་རབ་དང་། །ཕྱག་རྡོར་བྱེ་བ་ཕྲག་བརྒྱའི་མཐུ་སྟོབས་དང་། །ཨོ་རྒྱན་བྱེ་བ་ཕྲག་བརྒྱའི་རྫུ་འཕྲུལ་དང་། །རྣམ་སྲས་བྱེ་བ་ཕྲག་བརྒྱའི་དཔལ་འབྱོར་རྣམས། །གཅིག་ཏུ་བསྡུས་འདྲ་ཁོ་ནར་འབྱུང་བར་ཤོག །དེ་

[Full Size]

འདྲའི་བརླབས་ཆེན་མཛད་པའི་ཕྲིན་ལས་ཀྱིས། །སྲིད་པ་ཇི་སྲིད་འགྲོ་དོན་བྱེད་པ་ལ། །འཕགས་མཆོག་རིགས་གསུམ་མགོན་དང་དབྱེར་མེད་ཤོག །བདག་ནི་སྐྱེ་བ་འདི་དང་སྐྱེ་བ་གཞན། །ཟས་ནོར་ཆོས་ཀྱིས་འབྲེལ་པ་ཐོབ་པ་དང་། །མཐོང་དང་ཐོས་དང་དད་ཅིང་གུས་པ་ཡིས། །བདེ་བ་ཅན་གྱི་ཞིང་དུ་སྐྱེ་བར་ཤོག །ཤ་ཁྲག་རུས་དང་སྐྲ་དང་གོས་དུམ་སོགས། །ལུས་ལ་འཆང་ངམ་དེ་ཡི་དྲི་ཚོར་བ། །ནད་རིགས་གདོན་རིགས་ཐམས་ཅད་ཞི་བ་དང་། །ངན་སོང་གསུམ་གྱི་སྐྱེ་སྒོ་ཆོད་པར་ཤོག །འཕགས་པ་དཀོན་མཆོག་གསུམ་ཚེགྱི་བྱིན་རླབས་དང་། །སངས་རྒྱས་བྱང་སེམས་ཀུན་གྱི་ཐུགས་རྗེ་དང་། །ཆོས་ཉིད་གདོད་ནས་རྣམ་པར་དག་པ་ཡི། །བདེན་ལྡན་ཇི་སྙེད་རྣམས་ཀྱི་བདེན་སྟོབས་ཀྱིས། །སྨོན་ལམ་དེ་དག་བསླུ་མེད་འགྲུབ་གྱུར་ཅིག །དཀོན་མཆོག་གསུམ་ལ་ཕྱག་འཚལ་ལོ། །ཏདྱ་ཐཱ་པཉྩ་དྲི་ཡ་ཨ་ཝ་བོ་དྷ་ན་ཡེ་སྭཱ་ཧཱ། ཞེས་པ་འདི་ནི་མེ་མོ་ལུག་གི་ལོ་ཆོ་འཕྲུལ་ཆེན་པོའི་ཡར་ཚེས་བརྒྱད་ཀྱི་ཉིན། །དུང་ཕྱུར་ཁ་གང་བའི་དགའ་སྟོན་ཚོགས་འཁོར་དུས། །གཉིས་མེད་རཱ་ག་ཨ་སྱས་བདག་གིས་སྨྲས། །ཡི་གེ་པ་ནི་བེ་ཁྲོ་དགེ་བཤེས་པདྨ་སྦྱིན་པའོ། །སྨོན་ལམ་འདེབས་དུས་ཚེས་བདུན་ཉིན། །སརྦ་མངྒ་ལཾ།། །།

ཚེ་དབང་གྲུབ་པའི་རྒྱལ་མོའི་ལོ་རྒྱུས།

[Full Size]

ཚེ་དབང་གྲུབ་པའི་རྒྱལ་མོའི་ལོ་རྒྱུས་ལགས་སོ། །འོ་ན་ཚེ་དབང་ཟབ་མོ་ཞུ་བའི་ཐོག་མར་ལོ་རྒྱུས་ཟུར་ཙམ་ཞུ་ན། འདི་ནས་ནུབ་ཀྱི་ཕྱོགས་བདེ་བ་ཅན་ཞེས་བྱ་བའི་ཞིང་ཁམས་བདེ་སྐྱིད་ཕུན་སུམ་ཚོགས་ཤིང་ངན་སོང་དང་སྡུག་བསྔལ་གྱི་མིང་ཡང་མི་གྲགས་པ་དེ་ན། སངས་རྒྱས་ཚེ་དཔག་མེད་དེ་བཞུགས་ཏེ། སྐུ་ཚེའི་ཚད་སུས་ཀྱང་བགྲང་བར་མི་ནུས་པས། སངས་རྒྱས་ཚེ་དཔག་མེད་པ་ཞེས་བྱའོ། །ཞིང་ཁམས་དེ་དང་སངས་རྒྱས་དེའི་མཚན་ལན་གཅིག་ཐོས་ཤིང་དད་པ་གཅིག་ཙམ་སྐྱེས་ན་ཡང་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་པར་གསུངས་སོ། །བཅོམ་ལྡན་འདས་ཤཱཀྱ་ཐུབ་པས་ཚེའི་མདོ་མང་པོ་གསུངས་སོ། །ནང་ལྟར་ན་ཚེ་དཔག་མེད་པ་ཉིད་ཀྱིས་ཚེའི་རྒྱུད་ཏན་བཅོ་བརྒྱད་ལ་སོགས་པ་གསུངས་པ་ལས། ནུབ་ཕྱོགས་ཨུ་རྒྱན་གྱི་ཡུལ་དུ་གོས་དཀར་མོའི་སྤྲུལ་པ་མ་གཅིག་གྲུབ་པའི་རྒྱལ་མོ་བརྫུས་སྐྱེས་སུ་པདྨའི་སྦུབས་སུ་འཁྲུངས་ཏེ། དེ་ཉིད་རྫུ་འཕྲུལ་གྱིས་བདེ་བ་ཅན་དུ་བྱོན་ནས་ཚེའི་རྒྱུད་གཞུང་དབང་ལུང་རྣམས་ཚེ་དཔག་མེད་ཉིད་ལ་ཞུས་པས། འཆི་མེད་ཚེའི་རིག་འཛིན་ཐོབ་སྟེ་ལོ་ལྔ་བརྒྱ་ལོན་ཀྱང་ལོ་བཅུ་དྲུག་གི་ན་ཚོད་དུ་བཞུགས་སོ། །དེ་ལྟ་

[Full Size]

བུའི་མཁའ་འགྲོ་མ་དེས་ཚེ་དཔག་མེད་རྩ་བའི་རྒྱུད་འབུམ་པ་དང་། བཤད་པའི་རྒྱུད་འོད་ཟེར་དྲྭ་བ་གཉིས་ལ་བརྟེན་ནས། ཕྱི་སྒྲུབ་ལྷ་གཅིག་བུམ་གཅིག །ནང་སྒྲུབ་ཞི་བ་ལྷ་མང་། གསང་སྒྲུབ་ཁྲོ་བོ་ལྷ་མང་སོགས་མཛད་དོ། །དེ་ནས་རས་ཆུང་རྡོ་རྗེ་གྲགས་པ་དེ་རྒྱ་གར་དུ་ལན་གསུམ་བྱོན་པས། རྒྱབ་རེས་བླ་མ་ཏེ་པུ་པའི་ཞལ་ནས། དེ་རིང་ཚོང་དུས་ཕ་ཀི་ན་ལྟད་མོ་ལ་སོང་གསུངས། དེར་བྱོན་པས་ཨ་ཙ་ར་ཁྲི་སྙན་གྱི་པགས་པ་ཕྲག་ལ་བཀལ་བ། རྭ་དུང་འབུད་པ་གཅིག་དང་འཕྲད་པས། བོད་ཕྲུག་སྙིང་རྗེ་བ་གཅིག་འདུག་སྟེ།། ཁྱོད་ལ་ཚེ་ཞག་བདུན་ལས་མི་འདུག་ཟེར། དེ་ནས་རས་ཆུང་བ་སྒུག་ནས་མགྱོགས་པར་འོངས་ཏེ་བླ་མ་ལ་ཞུས་པས། ཁྱོད་ལ་ཚེ་དེ་བས་མེད་པ་ངས་ཀྱང་ཤེས་ཏེ། །ཁྱོད་ཡིད་ཆེས་ཕྱིར་བཏང་བ་ཡིན། ད་སྐྲག་མི་དགོས། མ་གཅིག་གྲུབ་པའི་རྒྱལ་མོ་མཇལ་དུ་འགྲོ་གསུངས་ནས་བྱོན། ལོ་རྒྱུས་ཞུས་པས། གྲུབ་པའི་རྒྱལ་མོས་ཚེ་དབང་འདི་གནང་ནས། རས་ཆུང་བ་ཁྱོད་ལོ་ཅི་ཙམ་ཐུབ་པར་འདོད་གསུངས། ང་རང་ཤི་ན་ཡང་ལེགས་སྙམ་པའི་བར་ཐུབ་པར་འདོད་ཞུས་པས། བོད་བསམ་པ་མཐོན་པོ་ལ་ངེས་པ་

[Full Size]

མེད། བུ་ཕའི་ཚེ་དང་མཉམ་པར་བྱེད་གསུངས་ནས་དགུང་ལོ་བཞི་བཅུ་བསྐོར་ནས་སླར་ཡང་བཞི་བཅུ་འཕེལ་ཏེ། མི་ལའི་ཚེ་ཚད་བརྒྱད་ཅུ་གྱ་བརྒྱད་བར་བསྲིངས། །དེས་ན་ཏི་པུ་པས་ཀྱང་ཚེ་དབང་འདི་གནང་སྟེ། ཚེ་སྒྲུབ་འདི་ངས་ཀྱང་ཤེས་ཏེ་གྲུབ་པའི་རྒྱལ་མོ་ཚེ་རིང་བས་ཁྱོད་ཡིད་ཆེས་ཕྱིར་ཞུ་བཅུག་པ་ཡིན་གསུངས། དེ་ནས་བོད་དུ་བྱོན་པས། རྗེ་མི་ལའི་ཞལ་ནས། རས་ཆུང་བ་ཁྱོད་ཀྱིས་སྔར་བོད་དུ་མ་གྲགས་པའི་ཆོས་ཟབ་མོ་ཞིག་མཇལ་སྐྱེལ་བའི་ཚུལ་དུ་ཕུལ་ཅིག་གསུངས་པས། རས་ཆུང་བས་རྒྱ་གར་ནས་རྒྱུད་འགྲེལ་བརྒྱ་རྩ་བརྒྱད་གདན་དྲངས་པའི་ནང་ནས་ཚེ་སྒྲུབ་འདི་ཟབ་པར་དགོངས་ནས། མི་ལ་ལ་ཕུལ་ནས། མི་ལས་དྭགས་པོ། །དེས་ཕག་གྲུ་ལ་བརྒྱུད་པ་དང་། རས་ཆུང་བས་ཟངས་རི་རས་པ་ལ། དེས་འགྲོ་མགོན་རས་ཆེན་ནས་དོན་བརྒྱུད་ལྟར་བརྒྱུད་དོ། །ཚེའི་གཟུངས་འདི་བྱ་རི་དྭགས་ཀྱི་རྣ་ལམ་དུ་ཐོས་ཀྱང་། བླ་ན་མེད་པའི་བྱང་ཆུབ་ཏུ་སངས་རྒྱས་པ་དང་། ཚེ་དཔག་མེད་པའི་མཚན་ཐོས་ནུ་ཡང་ཕན་ཡོན་དུ་མ་གསུངས་ན། དབང་ཐོབ་ན་ལྟ་ཅི་སྨོས། དེ་ལྟ་བུའི་དབང་ཞུ་བའི་ཕྱིར་མཎྜལ་ཕུལ། ཞེས་ཨ་རཱ་གས་

[Full Size]

བྲིས་པའོ།། །།

གྲུབ་པའི་རྒྱལ་མོའི་ལུགས་ཀྱི་ཚེ་དབང་།

[Full Size]

གྲུབ་པའི་རྒྱལ་མོའི་ལུགས་ཀྱི་ཚེ་དབང་བཞུགས་སོ།

[Full Size]

བླ་མ་དང་ཚེ་དཔག་མེད་དབྱེར་མེད་ལ་ཕྱག་འཚལ་ལོ། །བྱིན་གྱིས་བརླབ་ཏུ་གསོལ། གྲུབ་པའི་རྒྱལ་མོ་ནས་བརྒྱུད་པའི་བཅོམ་ལྡན་འདས་ཚེ་དཔག་མེད་ཀྱི་དབང་བྱ་བར་འདོད་པས། ཚེ་གཏོར། ཚེ་ཆང་། ཚེ་རིལ་བུམ་པ་རྣམས་ཀྱི་དྲུང་དུ་མཆོད་པ་བཤམས་ནས། བདག་ཉིད་ཚེ་དཔག་མེད་དུ་གྱུར། ཨོཾ་བཛྲ་སྥ་ར་ཎ་ཁཾ། མཆོད་པའི་ཡོ་བྱད་རྣམས་ཟག་མེད་ཀྱི་བདུད་རྩིར་གྱུར། ཨོཾ་བཛྲ་ཨརྒྷཾ་སོགས་ནས། སེམས་ཅན་ཀུན་གྱི་དོན་གྱི་ཕྱིར། །དཀོན་མཆོག་གསུམ་ལ་བདག་སྐྱབས་མཆི། །བདེ་ལྡན་སྡུག་བསྔལ་དང་བྲལ་ཕྱིར། །དགའ་བ་བཏང་སྙོམས་གནས་གྱུར་ཅིག །ཅེས་སེམས་བསྐྱེད་བྱ།

[Full Size]

ཨོཾ་ཤཱུ་ནྱ་ཏཱ་སོགས། སྟོང་པའི་ངང་ལས་པཾ་ལས་པདྨ་ཨ་ལས་ཟླ་བའི་སྟེང་དུ་ཧྲཱི༔ཡིག་ཡོངས་སུ་གྱུར་པ་ལས། བདག་ཉིད་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་ཀྱི་མཉམ་བཞག་མཛད་པའི་སྟེང་ན་ཚེ་བུམ་བདུད་རྩིས་གང་བ་འཛིན་པ། རྒྱན་རྣམས་དང་སྟོད་གཡོགས་སྨད་གཡོགས་ཀྱིས་སྤྲས་པ། རྡོ་རྗེའི་སྐྱིལ་ཀྲུང་གིས་བཞུགས་པར་གྱུར། དེའི་ཐུགས་ཀར་ཟླ་བ་ལ་ཧཱི༔དམར་པོར་གནས་པའི་མཐར་སྔགས་ཀྱི་འོད་ཀྱིས་ཡེ་ཤེས་པ་སྤྱན་དྲངས། ཨོཾ་བཛྲ་ཨརྒྷཾ་སོགས། འཇིག་རྟེན་འདྲེན་པའི་སོགས། ཛཿཧཱུྃ་བཾ་ཧོ༔ གཉིས་སུ་མེད་པར་

[Full Size]

གྱུར་པའི་ཧྲཱིཿའི་མཐའ་མར་གཟུངས་སྔགས་ཀྱིས་བསྐོར་བར་གྱུར། ཨོཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨ་ཡུཛྙཱ་ན་སུ་བི་ནི་ཙིཏྟ་ཏེ་ཛོ་རཱ་ཛཱ་ཡ། ཏ་ཐཱ་ག་ཏ་ཡ་ཨརྟ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ཨོཾ་པུཎེ་པུཎྱེ་མ་ཧཱ་པུཎྱེ་ཨ་པ་རི་མི་ཏ་པུཎྱེ། ཨ་པ་རི་མི་ཏ་པུཎྱ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐུ་ར་པ་རི་ཤུདྡྷེ་དྷརྨ་ཏེ་ག་ག་ན་ས་མུཏྤ་ཏེ་སྭཱ་ཧཱ། ཞེས་གཟུངས་རིང་དང་། ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། བཟླས་ནས་ཚེ་གཏོར་ལ་ཆུས་བྲན་ཞིང་། ཨོཾ་ཤཱུ་ནྱ་ཏཱ་སོགས། སྟོང་པའི་ངང་ལས་པཾ་ལས་པདྨ་ཨ་ལས་ཟླ་བའི་སྟེང་དུ་ཧྲཱི༔ཡིག་ཡོངས་སུ་གྱུར་པ་ལས་མདུན་བསྐྱེད་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་ཀྱིས་མཉམ་བཞག་མཛད་པའི་སྟེང་ན་ཚེའི་བུམ་པ་བདུད་རྩིས་གང་བ་འཛིན་པ། རྒྱན་རྣམས་དང་སྟོད་གཡོགས་སྨད་གཡོགས་ཀྱིས་སྤྲས་པ་ཞབས་གཉིས་མཉམ་པའི་སྟབས་ཀྱིས་བཞེངས་པར་གྱུར། དེའི་ཐུགས་ཀར་ཟླ་བ་ལ་ཧཱི༔དམར་པོ་གནས་པའི་མཐར་སྔགས་ཀྱི་འོད་ཀྱིས་ཡེ་ཤེས་པ་སྤྱན་དྲངས། ཨརྒྷཾ་སོགས། འཇིག་རྟེན་འདྲེན་པའི་སོགས། ཛཿཧཱུྃ་བཾ་ཧོ༔ གཉིས་མེད་དུ་གྱུར་པའི་ཧིའི་མཐའ་མར་གཟུངས་སྔགས་ཀྱིས་བསྐོར་བར་གྱུར། ཨོཾ་ན་མོ་བྷ་ག་ཝ་

[Full Size]

ཏེ་སོགས་གཟུངས་རིང་དང་། ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། བཟླས། དེ་ནས་ཚེ་བུམ་ནས་བདུད་རྩི་བབས་ཚེ་ཆང་ལ་ཐིམ་པར་གྱུར། དེ་ལས་ཚེ་དཔག་མེད་གཉིས་འཕྲོས་པས་ཚེ་རིལ་ལ་ཐིམ་པར་གྱུར། བུམ་པ་ཆུས་བཀང་། དྲི་བཟང་བཏབ། ཨོཾ་རྒྱ་གྲི་ཝཱ་ཧཱུྃ་ཕཊ། ཀྱིས་བསངས། ཨོཾ་ཤཱུ་ནྱ་ཏཱ་སོགས། སྟོང་པའི་ངང་ལས་ཧཱུྃ་ལས་བུམ་པའི་ནང་དུ་ཧིཝཡིག་ཡོངས་སུ་གྱུར་པ་ལས་བུམ་ལྷ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་ཀྱིས་མཉམ་བཞག་མཛད་པའི་སྟེང་ན་ཚེ་བུམ་བདུད་རྩིས་གང་བ་འཛིན་པ། རྒྱན་རྣམས་དང་སྟོད་གཡོགས་སྨད་གཡོགས་ཀྱིས་སྤྲས་པ། རྡོ་རྗེའི་སྐྱིལ་ཀྲུང་གིས་བཞུགས་པར་གྱུར། དེའི་ཐུགས་ཀར་ཟླ་བ་ལ་ཧྲཱིདམར་པོ་གནས་པའི་མཐར་སྔགས་ཀྱི་འོད་ཀྱིས་ཡེ་ཤེས་པ་སྤྱན་དྲངས། ཨརྒྷཾ་སོགས། འཇིག་རྟེན་འདྲེན་པའི་སོགས། ཛཿཧཱུྃ་བཾ་ཧོ༔ གཉིས་མེད་དུ་གྱུར་པའི་ཧྲཱིའི་མཐའ་མར་གཟུངས་སྔགས་ཀྱིས་བསྐོར་བར་གྱུར། ཨོཾ་ན་མོ་བྷ་ག་སོགས། ཨོཾ་ཨ་མཱ་ར་ཎི་སོགས་བཟླས་མཐར། བུམ་ཆུ་ལྷ་དང་དབྱེར་མེད་དུ་གྱུར། ཅེས་བརྗོད་ཅིང་བླུགས། དེ་ནས་སློབ་མ་རྣམས་ཆུ་གཙང་གིས་ཁྲུས་བྱས་མེ་ཏོག་བཀྱེ། མཎྜལ་ཕུལ་ནས། ཀུན་

[Full Size]

མཁྱེན་ཡེ་ཤེས་སྙིང་པོ་ཅན། །སྲིད་པའི་འཁོར་ལོ་རྣམ་འཇོམས་པ། །དེ་རིང་བཤད་པའི་རིན་ཆེན་གྱིས། །གཙོ་བོས་བདག་ལ་བཀའ་དྲིན་སྩོལ། །ཞེས་ལན་གསུམ་གསོལ་བ་བཏབ། རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་དང་ལྡན་པས་ཉོན། །བརྗེད་ངས་བློ་ལ་རྡོ་རྗེ་སེམས་དཔའ་སོགས། །དུས་གསུམ་སངས་རྒྱས་རྣམས་ཀྱིས་བྱིན་མི་རློབས། །དེ་སྐད་གསུངས་པས་མ་ཡེངས་གུས་པས་ཉོན། །ཞེས་སོགས་ཀྱི་ཚུལ་ལྟར་མ་ཡེངས་པར་ཉོན་ཅིག །དེ་ཡང་ཆོས་འདི་ཏི་པུ་གསང་སྔགས་ཀྱི་སྡོང་པོས་ལུང་བསྟན་པ་ལྟར། མ་གཅིག་གྲུབ་པའི་རྒྱལ་མོ་ལ་རས་ཆུང་པས་གསན། དེ་ལ་ཟངས་རི་རས་པས་གསན། དེ་ལ་འགྲོ་མགོན་རས་ཆེན་གྱིས་གསན་པ་ནས་ཀཾ་ཚང་གི་དོན་བརྒྱུད་ལྟར་བྱུང་བ་ཡིན་ལ། དེ་ལ་ཐོག་མར་བླ་མ་དང་ཚེ་དཔག་མེད་དབྱེར་མེད་པ་ལ་སོགས་པ་རྒྱལ་བ་སྲས་བཅས་ཀྱི་དྲུང་དུ་སྐྱབས་སུ་འགྲོ་བ་སོགས་བྱ་སྙམ་པའི་འདུན་པས་འདིའི་རྗེས་ཟློས་མཛོད། ཅེས་མཚམས་སྦྱར་ནས། དཀོན་མཆོག་གསུམ་ལ་བདག་སྐྱབས་སོགས་ལན་གསུམ། སློབ་མ་བསང་སྦྱངས། སྟོང་པའི་ངང་ལས་པཾ་ལས་པདྨ་ཨ་ལས་ཟླ་བའི་

[Full Size]

སྟེང་དུ་ཧྲཱིཿཡིག་ཡོངས་སུ་གྱུར་པ་ལས་སློབ་མ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་ཀྱིས་མཉམ་བཞག་མཛད་པའི་སྟེང་ན་ཚེ་བུམ་བདུད་རྩིས་གང་བ་འཛིན་པ། རྒྱན་རྣམས་དང་སྟོད་གཡོགས་སྨད་གཡོགས་ཀྱིས་སྤྲས་པ། རྡོ་རྗེ་སྐྱིལ་ཀྲུང་གིས་བཞུགས་པར་གྱུར། དེའི་ཐུགས་ཀར་ཟླ་བ་ལ་ཧཱི༔དམར་པོ་གནས་པའི་སྔགས་ཀྱི་འོད་ཀྱིས་ཡེ་ཤེས་པ་སྤྱན་དྲངས། ཛཿཧཱུྃ་བཾ་ཧོ༔ གཉིས་སུ་མེད་པར་གྱུར་པ་ལ་དབང་ལྷ་རྣམས་ཀྱིས་དབང་བསྐུར་བར་གྱུར། ཅེས་བུམ་པ་སྤྱི་བོར་བཞག་ཅིང་། ཇི་ལྟར་བལྟམས་པ་ཚཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ བུམ་ཆུ་བླུད་དོ། །ཁྱེད་རང་གི་མདུན་དུ་གཏོར་མ་འདི་དང་ཐ་དད་མེད་པའི་ཚེ་དཔག་མེད་པ་ལ་གསོལ་བ་འདེབས་པའི་རྗེས་ཟློས་མཛོད། ཨོཾ་བཛྲ་ཨཱ་ཡུ་ཥ་ས་ར་ཧ་ཀ་ར་རེ་ཤྭ་#ར་རེ་ཧཱུྃ་ཕཊ། གསུམ། ཞེས་གསོལ་བ་བཏབ་པས་མདུན་བསྐྱེད་ཀྱི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུར་འཕྲོས། སློབ་མའི་ཚེ་ཡར་བ་ཆད་པ་མི་མ་ཡིན་གྱིས་ཁྱེར་བ་འཆི་

[Full Size]

བདག་གི་ལག་ཏུ་ཚུད་པ་སོགས་བསྡུས། སྤྱི་བོའི་ཚེ་དཔག་མེད་ཀྱི་བུམ་པའི་ནང་དུ་ལྷུང་། ཡེ་ཤེས་ཀྱི་བདུད་རྩིར་གྱུར། ཁོལ་ཞིང་ལུད། སྤྱི་བོ་ནས་མར་སོང་། ལུས་ཀྱི་ནང་གང་བས་ཚེ་ཉི་ཟླ་དང་མཉམ་པར་སྒོམས་ཤིག །ཅེས་གཏོར་མ་མགོ་ཐོག་ཏུ་བཞག །ཡང་སྔར་ལྟར་གསོལ་བ་བཏབ། རྗེས་ཟློས་གསུམ། ཡང་མདུན་བསྐྱེད་ཀྱི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས། ས་ཆུ་མེ་རླུང་གི་བཅུད་བསྡུས། སྤྱི་བོའི་ཚེ་དཔག་མེད་ཀྱི་བུམ་པའི་ནང་དུ་ལྟུང་། ཡེ་ཤེས་ཀྱི་བདུད་རྩིར་གྱུར། ཁོལ་ཞིང་ལུད། སྤྱི་བོ་ནས་མར་སོང་ལུས་ཀྱི་ནང་གང་བས་ཆེ་ཉི་ཟླ་དང་མཉམ་པར་སྒོམས་ཤིག །ཨོཾ་བཛྲ་ཨཱ་ཡུ་ཥེ་ས་ར་ཧ་ཀ་ར་རེ་ཤྭ་ར་རེ་ཧཱུྃ་ཕཊ། ཅེས་གསོལ་བ་བཏབ་པས་མདུན་བསྐྱེད་ཀྱི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་ཕྱོགས་བཅུའི་སེམས་ཅན་གྱི་ཚེ་དཔལ་བསོད་ནམས་བསྡུས། ཡེ་ཤེས་ཀྱི་བདུད་རྩིར་གྱུར། ཁོལ་ཞིང་ལུད། སྤྱི་བོ་ནས་མར་སོང་། ལུས་ཀྱི་ནང་གང་བས་ཚེ་ཉི་ཟླ་དང་མཉམ་པར་སྒོམས་ཤིག །ཨོཾ་བཛྲ་ཨཱ་ཡུ་ཥ་ས་ར་ཧ་ཀ་ར་རེ་ཤཱ་ར་རེ་ཧཱུྃ་ཕཊ། ཞེས་གསོལ་བ་བཏབ་པས་མདུན་བསྐྱེད་ཀྱི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་

[Full Size]

འཕྲོས། དེ་བཞིན་གཤེགས་པ་ས་ཆེན་པོའི་རྡུལ་སྙེད་རྣམས་དང་། ཁྱད་པར་དུ་ཚེ་དཔག་མེད་ཀྱི་སྐུ་གསུང་ཐུགས་མཁྱེན་བརྩེ་ནུས་པའི་ཡོན་ཏན་འཆི་མེད་ཚེའི་དངོས་གྲུབ་རྣམས་བསྡུས། སྤྱི་བོའི་ཚེ་དཔག་མེད་ཀྱི་བུམ་པའི་ནང་དུ་ལྟུང་། སྤྱི་བོ་ནས་མར་སོང་ལུས་ཀྱི་གནས་བཞི་གང་། དབང་བཞི་ཐོབ། སྒོ་གསུམ་གྱི་དྲི་མ་ཐམས་ཅད་དག་པར་སྒོམས་ཤིག །ཅེས་གཏོར་མ་མགོར་བཞག་ལ། བཅོམ་ལྡན་འདས་ཚེ་དཔག་མེད། མ་གཅིག་གྲུབ་པའི་རྒྱལ་མོ། ཏི་པུ་གསང་སྔགས་སྡོང་པོ། རས་ཆུང་རྡོ་རྗེ་གྲགས་པ། བླ་མ་ཟངས་རི་རས་པ། འགྲོ་མགོན་རས་པ་ཆེན་པོ། རྒྱལ་སྲས་སྤོམ་བྲག་པ། གྲུབ་ཆེན་ཀརྨ་པཀྵི་ལ་སོགས་རྩ་བརྒྱུད་ཀྱི་བླ་མ་རྣམས་ཀྱིས་སློབ་མ་འདི་རྣམས་ལ་དབང་བསྐུར་དུ་གསོལ། འཆི་མེད་ཚེའི་དངོས་གྲུབ་བསྩལ་དུ་གསོལ། བྱིན་གྱིས་བརླབ་ཏུ་གསོལ། ཤིས་པ་བརྗོད། ཨ་མཱ་ར་ཎི་བརྗོད་ལ་ཚེ་ཆང་རིལ་སྦྱིན་ནོ། །གཙོ་བོས་ཇི་ལྟར་སོགས་བརྗོད་དུ་བཅུག་གོ །དེང་ནས་བརྩམས་ཏེ་སོགས། གཏང་རག་གི་མཎྜལ་ཕུལ་བཅུག་གོ །སློབ་མ་གྱེས་ནས་མཆོད་བསྟོད་བྱ། ཞེས་པ་འདི་ནི་དོན་གཉེར་མང་པོ་ལ་ཕན་པའི་ཕྱིར་ཤཱཀྱའི་དགེ་སློང་ཆོས་ཀྱི་དབང་ཕྱུག་གིས་བྲིས་

[Full Size]

པའོ། །ཤུ་བྷཾ།། ༈ སྦྱིན་པ་གཏོང་ཞིང་ཚུལ་ཁྲིམས་སྲུང་བ་དང་། །བཟོད་པ་བསྒོམ་ཞིང་བརྩོན་འགྲུས་བརྩོན་པ་དང་། །མཉམ་པར་བཞག་ཅིང་གནས་ལུགས་རྟོགས་པ་ཡི། བཀྲ་ཤིས་དེས་ཀྱང་དེང་འདིར་བདེ་ལེགས་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཚེ་དབང་གྲུབ་རྒྱལ་ལུགས་ཤིན་ཏུ་བསྡུས་པ།

[Full Size]

ཚེ་དབང་གྲུབ་རྒྱལ་ལུགས་ཤིན་ཏུ་བསྡུས་པ་བཞུགས་སོ། །

[Full Size]

བླ་མ་དང་མགོན་པོ་ཚེ་དཔག་མེད་ལ་ཕྱག་འཚལ་ལོ། །འདིར་ཚེ་དབང་གྲུབ་རྒྱལ་ལུགས་ཤིན་ཏུ་བསྡུས་ཏེ་བསྐུར་བར་འདོད་པས་སྟེགས་ཀྱི་ཁར་ཚེ་གཏོར་བུམ་གཟུགས། ཚེ་རིལ། ཚེ་ཆང་། མཆོད་གཏོར་བཅས་བཤམས། སྔོན་འགྲོ་སྤྲོ་ན་བཏང་། སྐྱབས་སེམས་སྤྱི་བཞིན་བྱ། བསངས་སྦྱངས། སྟོང་པའི་ངང་ལས་པད་ཟླའི་གདན་གྱི་སྟེང་། །ཚེ་དཔག་མེད་མགོན་རྡོ་རྗེའི་སྐྱིལ་ཀྲུང་བཞུགས། །དར་དང་རིན་ཆེན་སྣ་ཚོགས་རྒྱན་གྱིས་བརྒྱན། །མཉམ་བཞག་སྟེང་ན་འཆི་མེད་ཚེ་བུམ་འཛིན། །རབ་མཛེས་མཚན་དཔེས་སྤྲས་པའི་གནས་གསུམ་དུ། །།ཨོཾ་ཨཱཧཱུྃ་གི་ཡི་གེས་མཚན་པ་ལས། །འོད་འཕྲོས་ཡེ་ཤེས་

[Full Size]

སྤྱན་དྲངས་གཉིས་མེད་གྱུར། །ཨརྒྷཾ་སོགས་ཀྱིས་མཆོད། འཇིག་རྟེན་འདྲེན་པའི་གཙོ་བོ་ཚེ་དཔག་མེད། །སོགས་ཀྱིས་བསྟོད། ཐུགས་སྲོག་འོད་ཀྱིས་བླ་ཚེ་ཡར་བ་དང་། །འབྱུང་བཞིའི་བཅུད་དང་སྐྱེ་འགྲོའི་ཚེ་བསོད་དཔལ། །རྒྱལ་བའི་མཐུ་བྱིན་ཚེ་ཡི་དངོས་གྲུབ་བསྡུས། །འཆི་མེད་རྡོ་རྗེའི་རང་བཞིན་ཉིད་དུ་གྱུར། །ཞེས་དམིགས་ཏེ་ཚེ་གཟུངས་རིང་ཐུང་བཟླས། །མདུན་བསྐྱེད་གཏོར་མའང་དེ་བཞིན་བསྐྱེད་བཟླས་བྱ། །བསང་ཆུའམ་ལས་བུམ་རྟ་མགྲིན་སྔགས་ཀྱིས་བྱིན་གྱིས་བརླབས། བདག་འཇུག་བླངས། སློབ་མ་མདུན་དུ་འཁོད་ལ་སྔོན་འགྲོ་སྤྲོ་ན་བཏང་། ཁྲུས་བྱས། ཚེ་དབང་གྲུབ་པའི་རྒྱལ་མོའི་ལོ་རྒྱུས་

[Full Size]

ལགས་སོ། །འོ་ན་ཚེ་དབང་ཟབ་མོ་ཞུ་བའི་ཐོག་མར་ལོ་རྒྱུས་ཟུར་ཙམ་ཞུ་ན། འདི་ནས་ནུབ་ཀྱི་ཕྱོགས་བདེ་བ་ཅན་ཞེས་བྱ་བའི་ཞིང་ཁམས་བདེ་སྐྱིད་ཕུན་སུམ་ཚོགས་ཤིང་ངན་སོང་དང་སྡུག་བསྔལ་གྱི་མིང་ཡང་མི་གྲགས་པ་དེ་ན། སངས་རྒྱས་ཚེ་དཔག་མེད་དེ་བཞུགས་ཏེ། སྐུ་ཚེའི་ཚད་སུས་ཀྱང་བགྲང་བར་མི་ནུས་པས། སངས་རྒྱས་ཚེ་དཔག་མེད་པ་ཞེས་བྱའོ། །ཞིང་ཁམས་དེ་དང་སངས་རྒྱས་དེའི་མཚན་ལན་གཅིག་ཐོས་ཤིང་དད་པ་གཅིག་ཙམ་སྐྱེས་ན་ཡང་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་པར་གསུངས་སོ། །བཅོམ་ལྡན་འདས་ཤཱཀྱ་ཐུབ་པས་ཚེའི་མདོ་མང་པོ་གསུངས་སོ། །ནང་ལྟར་ན་ཚེ་དཔག་མེད་པ་ཉིད་ཀྱིས་ཚེའི་རྒྱུད་ཏན་བཅོ་བརྒྱད་ལ་སོགས་པ་གསུངས་པ་ལས། ནུབ་ཕྱོགས་ཨུ་རྒྱན་གྱི་ཡུལ་དུ་གོས་དཀར་མོའི་སྤྲུལ་པ་མ་གཅིག་གྲུབ་པའི་རྒྱལ་མོ་བརྫུས་སྐྱེས་སུ་པདྨའི་སྦུབས་སུ་འཁྲུངས་ཏེ། དེ་ཉིད་རྫུ་འཕྲུལ་གྱིས་བདེ་བ་ཅན་དུ་བྱོན་ནས་ཚེའི་རྒྱུད་གཞུང་དབང་ལུང་རྣམས་ཚེ་དཔག་མེད་ཉིད་ལ་ཞུས་པས། འཆི་མེད་ཚེའི་རིག་འཛིན་ཐོབ་སྟེ་ལོ་ལྔ་བརྒྱ་ལོན་ཀྱང་ལོ་བཅུ་དྲུག་གི་ན་ཚོད་དུ་བཞུགས་སོ། །དེ་ལྟ་བུའི་མཁའ་འགྲོ་མ་དེས་ཚེ་དཔག་མེད་རྩ་བའི་

[Full Size]

རྒྱུད་འབུམ་པ་དང་། བཤད་པའི་རྒྱུད་འོད་ཟེར་དྲྭ་བ་གཉིས་ལ་བརྟེན་ནས། ཕྱི་སྒྲུབ་ལྷ་གཅིག་བུམ་གཅིག །ནང་སྒྲུབ་ཞི་བ་ལྷ་མང་། གསང་སྒྲུབ་ཁྲོ་བོ་ལྷ་མང་སོགས་མཛད་དོ། །དེ་ནས་རས་ཆུང་རྡོ་རྗེ་གྲགས་པ་དེ་རྒྱ་གར་དུ་ལན་གསུམ་བྱོན་པས། རྒྱབ་རེས་བླ་མ་ཏེ་པུ་པའི་ཞལ་ནས། དེ་རིང་ཚོང་དུས་ཕ་ཀི་ན་ལྟད་མོ་ལ་སོང་གསུངས༔ དེར་བྱོན་པས་ཨ་ཙ་ར་ཁྲི་སྙན་གྱི་པགས་པ་ཕྲག་ལ་བཀལ་བ། རྭ་དུང་འབུད་པ་གཅིག་དང་འཕྲད་པས། བོད་ཕྲུག་སྙིང་རྗེ་བ་གཅིག་འདུག་སྟེ། ཁྱོད་ལ་ཚེ་ཞག་བདུན་ལས་མི་འདུག་ཟེར། དེ་ནས་རས་ཆུང་བ་སྐག་ནས་མགྱོགས་པར་འོངས་ཏེ་བླ་མ་ལ་ཞུས་པས། ཁྱོད་ལ་ཚེ་དེ་བས་མེད་པ་ངས་ཀྱང་ཤེས་ཏེ། ཁྱོད་ཡིད་ཆེས་ཕྱིར་བཏང་བ་ཡིན། ད་སྐྲག་མི་དགོས། མ་གཅིག་གྲུབ་པའི་རྒྱལ་མོ་མཇལ་དུ་འགྲོ་གསུངས་ནས་བྱོན། ལོ་རྒྱུས་ཞུས་པས། གྲུབ་པའི་རྒྱལ་མོས་ཚེ་དབང་འདི་གནང་ནས། རས་ཆུང་བ་ཁྱོད་ལོ་ཅི་ཙམ་ཐུབ་པར་འདོད་གསུངས། ང་རང་ཤི་ན་ཡང་ལེགས་སྙམ་པའི་བར་ཐུབ་པར་འདོད་ཞུས་པས། བོད་བསམ་པ་མཐོན་པོ་ལ་ངེས་པ་མེད། བུ་ཕའི་ཚེ་དང་མཉམ་

[Full Size]

པར་བྱེད་གསུངས་ནས་དགུང་ལོ་བཞི་བཅུ་བསྐོར་ནས་སླར་ཡང་བཞི་བཅུ་འཕེལ་ཏེ། མི་ལའི་ཚེ་ཚད་བརྒྱད་ཅུ་གྱ་བརྒྱད་བར་བསྲིངས། དེས་ན་ཏི་པུ་པས་ཀྱང་ཚེ་དབང་འདི་གནང་སྟེ། ཚེ་སྒྲུབ་འདི་ངས་ཀྱང་ཤེས་ཏེ་གྲུབ་པའི་རྒྱལ་མོ་ཚེ་རིང་བས་ཁྱོད་ཡིད་ཆེས་ཕྱིར་ཞུ་བཅུག་པ་ཡིན་གསུངས། དེ་ནས་བོད་དུ་བྱོན་པས། རྗེ་མི་ལའི་ཞལ་ནས། རས་ཆུང་བ་ཁྱོད་ཀྱིས་སྔར་བོད་དུ་མ་གྲགས་པའི་ཆོས་ཟབ་མོ་ཞིག་མཇལ་སྐྱེལ་བའི་ཚུལ་དུ་ཕུལ་ཅིག་གསུངས་པས། རས་ཆུང་བས་རྒྱ་གར་ནས་རྒྱུད་འགྲེལ་བརྒྱ་རྩ་བརྒྱད་གདན་དྲངས་པའི་ནང་ནས་ཚེ་སྒྲུབ་འདི་ཟབ་པར་དགོངས་ནས། མི་ལ་ལ་ཕུལ་ནས། མི་ལས་དྭགས་པོ། །དེས་ཕག་གྲུ་ལ་བརྒྱུད་པ་དང་། རས་ཆུང་བས་ཟངས་རི་རས་པ་ལ། དེས་འགྲོ་མགོན་རས་ཆེན་ནས་དོན་བརྒྱུད་ལྟར་བརྒྱུད་དོ། །ཚེའི་གཟུངས་འདི་བྱ་རི་དྭགས་ཀྱི་རྣ་ལམ་དུ་ཐོས་ཀྱང་། བླ་ན་མེད་པའི་བྱང་ཆུབ་ཏུ་སངས་རྒྱས་པ་དང་། ཚེ་དཔག་མེད་པའི་མཚན་ཐོས་ན་ཡང་ཕན་ཡོན་དུ་མ་གསུངས་ན། དབང་ཐོབ་ན་ལྟ་ཅི་སྨོས། དེ་ལྟ་བུའི་དབང་ཞུ་བའི་ཕྱིར་མཎྜལ་ཕུལ། ཞེས་ཨ་རཱ་གས་བྲིས་པའོ།། །།བླ་མ་དང་མགོན་པོ་ཚེ་དཔག་

[Full Size]

མེད་དབྱེར་མ་མཆིས་པའི་དྲུང་དུ་འཆི་མེད་ཚེ་ཡི་དངོས་གྲུབ་ལ་སོགས་པ་མཆོག་ཐུན་མོང་གི་དངོས་གྲུབ་མ་ལུས་པ་བདེ་བླག་ཉིད་དུ་ཐོབ་པར་བྱ་བའི་ཕྱིར་དབང་བསྐུར་ཟབ་མོ་ཞུ་བར་བྱ་སྙམ་པའི་སྒོ་ནས་གསོལ་བ་འདེབས་པ་འདིའི་རྗེས་ཟློས་མཛོད། ཀུན་མཁྱེན་ཡེ་ཤེས་སྙིང་པོ་ཅན། །སྲིད་པའི་འཁོར་ལོ་རྣམ་འཇོམས་པ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ལན་གསུམ་བརྗོད། རྒྱུད་རྣམ་པར་དག་པ་བྱ་བའི་ཕྱིར། དཀོན་མཆོག་གསུམ་ལ་སྐྱབས་སུ་འགྲོ་བ་ལ་སོགས་པའི་སྒོ་ནས་བྱང་ཆུབ་མཆོག་ཏུ་སེམས་བསྐྱེད་པའི་བློས་འདི་ཡི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་

[Full Size]

སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། བསང་སྦྱངས། སྟོང་པའི་ངང་ལས་པདྨ་དང་ཟླ་བའི་གདན་གྱི་སྟེང་དུ་ཁྱེད་རང་རྣམས་ཧྲཱི༔ཡིག་ཡོངས་སུ་གྱུར་པ་ལས་མགོན་པོ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་གི་སྟེང་ན་འཆི་མེད་ཚེའི་བདུད་རྩིས་གང་བའི་བུམ་པ་འཛིན་པ། དར་དང་རིན་པོ་ཆེའི་བརྒྱན་ཅིང་ཞབས་རྡོར་སྐྱིལ་དུ་བཞུགས་པའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས། ཡེ་ཤེས་པ་སྤྱན་དྲངས་ཏེ་གཉིས་མེད་དུ་ཐིམ་པའི་མོས་པ་མཛོད། ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ།། བཛྲ་ཨ་བེ་ཤ་ཡ་ཨ་ཨཱཿ རོལ་མོ་བྱ། ཡེ་ཤེས་པ་དེ་ཉིད་བརྟན་པར་བྱ་བའི་མོས་པ་མཛོད། མགོ་བོར་རྡོ་རྗེ་རེག་ཅིང་། ཏིཥྛ་བཛྲ། དེ་ནས་མདུན་དུ་བཤམས་པའི་མདུན་བསྐྱེད་ཀྱི་གཏོར་མ་འདི་ཉིད་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་གསལ་བར་བསྒོམ་ལ་གསོལ་བ་འདེབས་པ་འདིའི་རྗེས་ཟློས་མཛོད། ཨོཾ་བཛྲ་ཨཱ་ཡུ་ཥེ་ས་ར་ཧ་ཀ་ར་རེ་ཤྭ་ར་རེ་ཧཱུྃ་ཕཊ། ཅེས་གསོལ་བ་བཏབ་པ་ལ་བརྟེན་ནས་མདུན་བསྐྱེད་ཀྱི་ཐུགས་ཀའི་ས་བོན་ལས་འོད་ཟེར་འཕྲོས་པས། ཁྱེད་རང་

[Full Size]

རྣམས་ཀྱི་ཚེ་ཡར་བ་དང་། ཆད་པ། བླ་ཚེ་ཉམས་ཤིང་འཕྲོག་པ་སོགས་དང་ས་ཆུ་མེ་རླུང་འབྱུང་བའི་བཅུད། ཕྱོགས་བཅུའི་སེམས་ཅན་གྱི་ཚེ་བསོད་དཔལ་འབྱོར་གྱི་དྭངས་མ། རྒྱལ་བ་སྲས་དང་བཅས་པའི་སྐུ་གསུང་ཐུགས་ཀྱི་བྱིན་རླབས་ཆེའི་དངོས་གྲུབ་ཐམས་ཅད་བསྡུས། བཅོམ་ལྡན་འདས་མགོན་པོ་ཚེ་དཔག་མེད་པའི་ཕྱག་གི་བུམ་པའི་ནང་དུ་ཞུགས། བདུད་རྩིར་ཁོལ་ཞིང་ལུད། སྤྱི་བོ་ནས་མར་སོང་། ལུས་ཀྱི་ནང་གང་བས་ཚེ་ཉི་ཟླ་དང་མཉམ་པའི་མོས་པ་མཛོད། ཚེ་གཏོར་མགོར་བཞག་ལ། རྩ་བ་གསུམ་གྱི་ལྷ་ཚོགས་རྣམས་དང་ཁྱད་པར་བཅོམ་ལྡན་འདས་མགོན་པོ་ཚེ་དཔག་མེད་པས་རྡོ་རྗེའི་སློབ་མ་འདི་རྣམས་ལ། སྐུ་གསུང་ཐུགས་ཀྱི་བྱིན་གྱིས་བརླབས་ཤིང་འཆི་མེད་ཚེ་ཡི་དངོས་གྲུབ་སྩོལ་བར་མཛད་དུ་གསོལ། གཟུངས་སྔགས་བརྗོད། གསུང་ཚེ་ཆང་གི་དབང་བསྐུར་བའི་དོན་དུ་ཚེ་ཆང་འདི་ཉིད་ཚེ་དཔག་མེད་འོད་དུ་ཞུ་བ་ལས་བྱུང་བའི་བདུད་རྩི་འདི་འཐུང་བས་ལུས་ཀྱི་གནས་བཞི་དང་རྩ་འདབ་ཐམས་ཅད་འཆི་མེད་ཚེའི་བདུད་རྩིས་མེར་གྱི་ཁེངས་བའི་མོས་པ་གྱིས། རྩ་སྔགས་བརྗོད་ཚེ་ཆང་བླུད། ཐུགས་ཚེ་རིལ་གྱི་དབང་བསྐུར་བའི་དོན་དུ་ཚེ་རིལ་འདི་

[Full Size]

ཉིད་མདུན་བསྐྱེད་ཚེ་དཔག་མེད་གཉིས་པ་ཞིག་འཕྲོས་ནས་ཁྱེད་རང་གི་སྙིང་ཁར་ཐིམ་པའི་མོས་པ་གྱིས། རྩ་སྔགས་བརྗོད་ཚེ་རིལ་སྦྱིན། བཅོམ་ལྡན་འདས་ཚེ་དཔག་མེད་འོད་དུ་ཞུ་ནས་ཁྱེད་རང་རྣམས་ལ་ཐིམ་པས་དབྱེར་མེད་དུ་གྱུར། དབང་བརྒྱ་སོགས་དགོས་ཚེ་གོང་གི་ཐུགས་སྲོག་འོད་ཀྱིས་ཞེས་སོགས་ཤོ་ལོ་ཀ་གཅིག་པོ་བརྗོད་ལ་འོར་ཀྱང་རུང་ངོ་། །ཚེ་མི་འགྱུར་བ་གཡུང་དྲུང་ལྟ་བུར་མཛོད་ཅིག །མི་ཤིགས་པ་རྡོ་རྗེ་ལྟ་བུར་མཛོད་ཅིག །མི་ནུབ་པའི་རྒྱལ་མཚན་ལྟ་བུར་མཛོད་ཅིག །མི་ཆད་པ་ཆུ་བོའི་རྒྱུན་བཞིན་དུ་མཛོད་ཅིག །བཀྲ་ཤིས་བརྗོད། དེ་ལྟར་གྲུབ་རྒྱལ་ལུགས་ཀྱི་ཚེ་དབང་ཟབ་མོ་ལེགས་པར་གྲུབ་པ་ཡིན་པས་རྩ་བ་དང་ཡན་ལག་གི་དམ་ཚིག་རྣམས་ཚུལ་བཞིན་བསྲུང་སྡོམ་བགྱིའོ་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ལན་གསུམ། དབང་བསྐུར་ལེགས་པར་ཐོབ་པའི་སྐུ་དྲིན་གཏང་རག་གི་ཡོན་ད་དམིགས་ཏེ་མཎྜ་འབུལ་བར་ཞུ། ས་གཞི་སྤོས་ཆུས་སོགས། མཎྜལ་དུ་མ་ཟད་རང་གི་ལུས་ལོངས་སྤྱོད་ཐམས་ཅད་ཀྱང་འཁོར་ལོས་བསྒྱུར་བའི་རྒྱལ་སྲིད་ཀྱི་འབྱོར་པ་ལྟར་སྤྲུལ་ཏེ་འབུལ་ན་ཆ་ཤས་ནས་བཞེས་ལ་ལོངས་སྤྱོད་དུ་

[Full Size]

གསོལ་སྙམ་པས་འདིའི་རྗེས་ཟློས་མཛོད། །དེང་ནས་བརྩམས་ཏེ་བདག་བྲན་དུ། །ཁྱེད་ལ་བདག་ནི་འབུལ་ལགས་ན། །ཁྱེད་ཀྱི་སློབ་མར་བཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །ལན་གསུམ་བརྗོད། དེ་ལྟར་དབང་ཐོབ་པ་ལས་བྱུང་བའི་དགེ་བ་འདིས་མཚོན་ཏེ་རང་གཞན་ནམ་མཁའི་མཐས་ཁྱབ་པའི་སེམས་ཅན་ཐམས་ཅད་ཀྱིས་དུས་གསུམ་དུ་བསགས་པའི་དགེ་བའི་རྩ་བ་ཇི་སྙེད་པ་ཐམས་ཅད་མཐའ་གཉིས་ལ་མི་གནས་པ་བྱང་ཆུབ་ཆེན་པོར་ཡོངས་སུ་བསྔོ་བ་འདི་ལྷན་ཅིག་ཏུ་གསུངས་བར་ཞུ། བསོད་ནམས་འདི་ཡིས་ཐམས་ཅད་གཟིགས་པ་ཉིད། །ཐོས་ནས་ཉེས་པའི་དགྲ་རྣམས་ཕམ་བྱས་ནས། །སྐྱེ་རྒ་ན་འཆིའི་རྦ་རླབས་འཁྲུགས་པ་ཡི། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །བསྔོ་སྨོན་དང་རྗེས་ཆོག་བ་ཏོར་བསྔོས། མཆོད་བསྟོད། བཟོད་གསོལ་སོགས་སྐབས་དང་བསྟུན་ནས་བྱའོ། །དེ་ལྟར་ཚེ་དབང་ཤིན་ཏུ་བསྡུས་པ་འདི་བཞིན་དགོས་ཞེས་མཉན་སྤྲུལ་དགེ་ལེགས་རྒྱ་མཚོས་བསྐུལ་བ་ལྟར་ཤྲཱི་དྷམི་སིདྡྷིམྨསསྤེལ་བ་མངྒ་ལཾ།། དགེའོ།། དགེའོ།། ༧ བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྒྲོལ་མའི་གསོལ་འདེབས།

[Full Size]

ན་མོ་ཨརྱ་ཏཱ་རེ་ཡེ། བདེ་བ་ཅན་གྱི་ཞིང་ཁམས་དང་། །པོ་ཊ་ལ་ཡི་གནས་མཆོག་ནས། །འཕགས་པའི་སྤྱན་ཆབ་ལས་འཁྲུངས་ཤིང་། །དུས་གསུམ་རྒྱལ་བའི་ཕྲིན་ལས་མ། །ཡིད་བཞིན་འཁོར་ལོའི་གཙོར་བྱས་པའི། །སྒྲོལ་མ་ཉི་ཤཱུ་རྩ་གཅིག་པོ། །གནས་འདིར་མྱུར་དུ་གཤེགས་སུ་གསོལ། །བདག་དང་བསྲུང་བྱ་ཐམས་ཅད་ཀྱི། །ནམ་མཁར་པད་ཟླའི་གདན་ལ་བཞུགས། །ལུས་དང་ལོངས་སྤྱོད་དགེ་རྩར་བཅས། །འཕགས་མའི་ཚོགས་ལ་མཆོད་པ་འབུལ། །འཇིགས་པ་ཀུན་ལས་བསྐྱབ་ཏུ་གསོལ། །སྟོན་ཟླའི་མདོག་ཅན་ཞལ་གཅིག་པ། །ཕྱག་གཉིས་མཆོག་སྦྱིན་ཨུཏྤལ་བསྣམས། །ཁྱེད་ལ་ཕྱག་འཚལ་གསོལ་བ་འདེབས། །དམར་མོ་ཞལ་གཅིག་ཕྱག་བརྒྱད་མ། །རྡོར་དྲིལ་སྤྱིར་བསྣོལ་མདའ་གཞུ་དང་། །འཁོར་ལོ་རལ་གྲི་དུང་ཞགས་བསྣམས། །རབ་ཏུ་དཔའ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །དཀར་སེར་དམར་བའི་ཞལ་གསུམ་མ། །བཅུ་གཉིས་ཕྱག་གི་མཉམ་བཞག་དང་། །ཁ་ཊཾ་འཁོར་ལོ་ནོར་བུ་དང་། །རྡོ་རྗེ་མེ་ཏོག་ཕྲེང་བ་གཡས། །རིལ་བ་ཨུཏྤལ་དྲིལ་བུ་དང་། །བུམ་

[Full Size]

པ་པོ་ཏི་གཡོན་ན་བསྣམས། །དཀར་མོ་ཟླ་མདངས་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །མདོག་སེར་པདྨ་ཉི་མའི་སྟེང་། །ཕྱག་བཅུ་ཐུགས་ཀར་ཕྲེང་བ་རྒྱུདང་། །རལ་གྲི་མདའ་དང་རྩེ་ལྔ་དང་། །དབྱུག་གུ་གཡས་པས་བསྣམས་པ་དང་། །དར་དཔྱངས་ཞགས་པ་པདྨ་དང་། །དྲིལ་བུ་གཞུ་ནི་གཡོན་ན་བསྣམས། །གསེར་མདོག་ཅན་གྱི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །གསེར་མདོག་ཕྱག་ནི་བཅུ་གཉིས་འདི། །དང་པོ་གཉིས་ནི་མཉམ་བཞག་སྟེ། །ཁ་ཊཾ་འཁོར་ལོ་ནོར་བུ་དང་། །རྡོ་རྗེ་གཡས་ན་བསྣམས་པ་སྟེ། །མེ་ཏོག་ཕྲེང་བ་སྤྱི་བླུགས་དང་། །ཨུཏྤལ་དྲིལ་བུ་བུམ་པ་དང་། །པོ་ཏི་གཡོན་པའི་ཕྱག་ན་བསྣམས། །གཙུག་ཏོར་རྒྱལ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །གསེར་མདོག་ཞལ་གཅིག་ཕྱག་གཉིས་མ། །སྐྱབས་སྦྱིན་པདྨ་སེར་པོ་འཛིན། །མ་རུངས་འདུལ་ཞིང་ཧཱུྃ་སྒྲ་སྒྲོག ། གསེར་གྱི་མདངས་ལྡན་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །ཆུ་སྐྱེས་དམར་དང་ཉི་མའི་སྟེང་། །རཱ་གའི་མདོག་ཅན་ཕྱག་བཞི་མ། །རལ་གྲི་ཞགས་པ་

[Full Size]

སྡིགས་མཛུབ་ཞགས། །རྣམ་པར་རྒྱལ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །ཁྲོ་མོ་ནག་མོ་ན་བཟའ་སེར། །ཕྱག་བཞི་འཁོར་ལོ་རལ་གྲི་དང་། །ཞགས་པ་སྡིགས་མཛུབ་རབ་ཏུ་གདེངས། །སྦྲུལ་གྱིས་བརྒྱན་ཅིང་འདོར་ཐབས་བསྒྲད། །རྒོལ་བ་འཇོམས་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །པདྨ་དམར་དང་ཆུ་སྲིན་སྟེང་། །གསེར་མདོག་སྐྱིལ་ཀྲུང་ཕྱེད་པས་བཞུགས། །ཁྲོ་མོའི་ཕྱག་ནི་བཞི་པོ་ན། །མྱ་ངན་མེད་པའི་ཡལ་ག་དང་། །རིན་ཆེན་པདྨ་བུམ་པ་འཛིན། །དབང་མཆོག་སྟེར་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །ལྗང་མོ་ཞལ་གཅིག་ཕྱག་གཉིས་མ། །མཆོག་སྦྱིན་སྐྱབས་སྦྱིན་ཨུཏྤལ་བསྣམས། །བརྐྱང་བསྐུམས་རོལ་སྟབས་པད་ཟླར་བཞུགས། །སེང་ལྡེང་ནགས་ཀྱི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །དམར་མོ་ཞལ་གཅིག་ཕྱག་བཞི་མ། །དང་པོ་སྤྱི་བོར་ཐལ་མོ་སྦྱར། །རལ་གྲི་མྱ་ངན་མེད་མཆོག་ནི། །རོལ་སྟབས་ཟླ་བ་པད་དམར་སྟེང་། །མྱ་ངན་མེད་པའི་སྒྲོལ་མ་ལ། །།གསོལ་བ་འདེབས་སོ་ཐུགས་

[Full Size]

རྗེས་ཟུངས། །མདོག་ནག་ཁྲོ་མོ་ཞལ་གཅིག་མ། །ཕྱག་གཉིས་ལྕགས་ཀྱུ་ཞགས་པ་བསྣམས། །པདྨ་ཉི་སྟེང་གཡས་བརྐྱང་འགྱིང་། །འགྲོ་བ་འགུགས་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །གསེར་མདོག་ཞལ་གཅིག་རྡོར་སྐྱིལ་བཞུགས། །ཕྱག་བརྒྱད་རྩེ་གསུམ་ལྕགས་ཀྱུ་དང་། །རྡོ་རྗེ་རལ་གྲི་གཡས་ན་བསྣམས། །ནོར་བུ་ལྕགས་ཀྱུ་དབྱུག་བུམ་གཡོན། །བཀྲ་ཤིས་སྣང་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །མདོག་དམར་ཞལ་གཅིག་ཕྱག་བཞི་ལ། །རལ་གྲི་འཁོར་ལོ་མདའ་གཞུ་བསྣམས། །ཁྲོ་མོ་མེ་འབར་པད་ཉིའི་སྟེང་། །སྨིན་པར་བྱེད་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །ནག་མོ་གཡས་བརྐྱང་མི་རོ་མནན། །གཡས་དཀར་གཡོན་དམར་རྒྱུ་མ་གསོལ། །རལ་གྲི་དབྱུག་གུ་ལྕགས་ཀྱུ་དང་། །ཐོད་པ་ཞགས་པ་ཚངས་པའི་དབུ། །གཡོན་བསྣམས་ཁྲོ་མོའི་ཆ་ལུགས་རྫོགས། །ཁྲོ་གཉེར་གཡོ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །ཟླ་མདོག་རྡོ་རྗེའི་སྐྱིལ་ཀྲུང་བཞུགས། །ཞལ་གཅིག་ཕྱག་ནི་དྲུག་མ་སྟེ། །བསྒྲང་ཕྲེང་མཆོག་སྦྱིན་དབྱུག་

[Full Size]

གུ་གཡས། །པདྨ་དྲིལ་བུ་ཨུཏྤལ་སྟེང་། །པོ་ཏི་འཛིན་ཅིང་པད་ཟླར་བཞུགས། །བདེ་གཤེགས་ཞི་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །མདོག་དམར་ཞལ་གཅིག་སྤྱན་གསུམ་མ། །ཕྱག་གཉིས་ཤིང་འབྲས་སྡིགས་མཛུབ་ཕྱིར། །དམར་སེར་པདྨ་ཉི་མའི་གདན། །སེམས་དཔའི་སྐྱིལ་ཀྲུང་བཅས་མཛད་མ། །ཆགས་པ་འཇོམས་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །དམར་སེར་ཞལ་གཅིག་ཕྱག་གཉིས་མ། །ཕྱག་གཉིས་འཛིན་པའི་ཕྱག་རྒྱ་ཡི། བ་ཐུགས་ཀར་རབ་ཏུ་བསྣམས། །བདེ་བ་ཀུན་སྒྲུབ་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །པད་དཀར་ཟླ་བ་ངང་པའི་སྟེང་། །དུང་མདོག་སེམས་དཔའི་སྐྱིལ་ཀྲུང་བཞུགས། །ཕྱག་གཉིས་སྤྱི་བོར་ལྕགས་ཀྱུ་འཛིན། །མཆོག་སྦྱིན་གཡོན་ན་ཨུཏྤལ་སྟེང་། །པོ་ཏི་འཛིན་ཅིང་རྒྱན་དང་བཅས། །རྣམ་པར་རྒྱལ་བའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །པད་དཀར་ཉི་སྟེང་སེམས་སྐྱིལ་བཞུགས། །མདོག་དཀར་ཕྱག་གཉིས་ཐུགས་ཀ་ནས། །མེ་ཐབ་བསྣམས་པས་སྡུག་བསྔལ་

[Full Size]

བསྲེགས། །སྡུལ་བསྔལ་བསྲེག་པའི་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །པད་དཀར་ཟླ་བའི་གདན་སྟེང་དུ། །དམར་སེར་སེམས་དཔའི་སྐྱིལ་ཀྲུང་བཞུགས། །ཕྱག་གཉིས་ཐུགས་ཀར་གསེར་བུམ་བསྣམས། །དངོས་གྲུབ་འབྱུང་གནས་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །ཁྱུ་མཆོག་པདྨ་ཟླ་བའི་སྟེང་། །ཕྱེད་སྐྱིལ་རོལ་སྟབས་སྐུ་མདོག་དཀར། །སྤྱན་གསུམ་སྟག་ཤམ་དུར་ཁྲོད་ཆས། །རྩེ་གསུམ་མེ་ཏོག་ཕྲེང་བ་བསྣམས། །ཡོངས་སུ་རྫོགས་བྱེད་སྒྲོལ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །གཙོ་མོ་ཡིད་བཞིན་འཁོར་ལོ་དང་། །སྒྲོལ་མ་ཉི་ཤཱུ་རྩ་གཅིག་ལ། །གསོལ་བ་འདེབས་སོ་ཐུགས་རྗེས་ཟུངས། །སྤྱིར་དུ་སེམས་ཅན་ཐམས་ཅད་དང་། །ཁྱད་པར་བདག་ཅིག་བརྒྱུད་པར་བཅས། །འཁོར་བའི་སྡུག་བསྔལ་ཐམས་ཅད་དང་། །ཁྱད་པར་དུས་ངན་སྙིགས་མ་ཡི། །འཇིགས་པ་བརྒྱད་དང་བཅུ་དྲུག་ལས། །སྐྱོབས་པར་མཛོད་ཅིག་ཐུགས་རྗེ་ཅན། །འཇིག་རྟེན་མགོན་པོའི་སྤྱན་ཆབ་ལས། །ལྷ་མོ་ཁྱོད་ནི་འཁྲུངས་མ་ཐག །གང་དག་འཇིགས་པས་སུ་སྐྲག་པ། །

[Full Size]

ང་ཡིས་སྐྱོབས་ཞེས་ཞལ་བཞེས་པའི། །ཐུགས་དམ་ཞལ་བཞེས་མ་གཡེལ་བར། །ད་ནི་ཐུགས་རྗེས་བསྐྱབ་ཏུ་གསོལ། །ཅེས་པ་ཞག་བདུན་ལ་སྒྲོལ་དཀར་བསྙེན་དུས་རྨི་ལམ་དུ་མདུན་གྱི་སྒྲོལ་མ་དཀར་མོ་ལ་སྒྲོལ་མ་ཉེར་གཅིག་གིས་བསྐོར་བ་གསལ་བཏབ་ལ་ཡིད་རྩེ་གཅིག་ཏུ་གཏད་ན་ཞགས་པས་བཅིངས་བ་ལ་སོགས་པའི་འཇིགས་པ་ཐམས་ཅད་ལས་ཐར་རོ། །ཟེར་བའི་སྒྲ་ཞིག་གྲག་པས་རྟེན་འབྲེལ་བྱས་ནས། ༧ ཨ་རཱ་གས་བྲིས་པའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྒྲོལ་དཀར་ཡིད་བཞིན་འཁོར་ལོའི་བཀའ་བབས་གསོལ་འདེབས།

[Full Size]

སྒྲོལ་དཀར་ཡིད་བཞིན་འཁོར་ལོའི་བཀའ་བབས་གསོལ་འདེབས་ནི། ན་མོ་ཨཱརྱ་ཏཱ་རེ་ཡེ། རྒྱུད་རྒྱལ་གསུངས་མཛད་བཅོམ་ལྡན་ཤཱཀྱ་ཐུབ། །འདུས་པའི་འཁོར་དང་ཞུ་སྤོབས་འཇམ་པའི་དབྱངས། །མངོན་པར་འབྱུང་དང་སྣ་ཚོགས་ལས་བྱུང་རྒྱུད། །སྟོན་འཁོར་ཆོས་དང་བཅས་ལ་གསོལ་བ་འདེབས། །འཕགས་མ་ཉིད་དང་དེ་ཡིས་རྗེས་བཟུང་ནས། །རྒྱུའཆི་བསླུའི་བསྟན་བཅོས་མཛད་པོ་ངག་དབང་ཕྱུག །བསྟན་བཅོས་རྒྱས་པའི་ལས་མཛད་ངག་དབང་གྲགས། །དེ་སྲས་ཐུ་བོ་རྣམས་ལ་གསོལ་བ་འདེབས། །སྒྲུབ་ཐབས་བརྒྱ་རྩ་མཛད་པ་རྡོ་རྗེ་གདན། །མན་ངག་བོད་དུ་སྣང་མཛད་བ་རི་པ། །སླེ་ནག་པ་དང་སྒྲེ་པ་ཟུར་ཁ་པ། །བཀའ་བབས་བརྒྱུད་པ་རྣམས་ལ་གསོལ་བ་འདེབས། །པཎ་ཆེན་གསེར་གླིང་པ་དང་ཨ་ཏི་ཤ །འབྲོམ་སྟོན་རྗེ་དང་རྒྱལ་སྲས་སྤྱན་སྔ་པ། །འཕགས་མས་དངོས་སུ་རྗེས་བཟུང་སྒྲ་པའི་ཞབས། །ཞལ་གཟིགས་བརྒྱུད་པ་རྣམས་ལ་གསོལ་བ་ཀླུའདེབས། །མ་འོངས་རྒྱལ་བ་བདུན་པ་ཤཱཀྱའི་སྲས། །གནས་ལྔ་མཁས་པའི་པཎ་ཆེན་དཱ་ན་ཤི། །བཙན་ཐང་བླ་མ་ཀ་པ་ལ་ལ་སོགས། །བྱིན་རླབས་བརྒྱུད་པ་རྣམས་ལ་

[Full Size]

གསོལ་བ་འདེབས། །དྭགས་པོ་ཕག་གྲུ་རྒྱལ་བ་སྟག་ལུང་པ། །བ་ལམ་པ་དང་ཤཱཀྱ་གཞོན་ནུ་དང་། །གྲགས་པ་སེང་གེ་དར་རྒྱལ་མཁའ་སྤྱོད་དབང་། །བརྒྱུད་པའི་བླ་མ་རྣམས་ལ་གསོལ་བ་འདེབས། །གཞན་ཡང་གཡུང་སྟོན་རྡོ་རྗེ་དཔལ་ལ་སོགས། །དབང་གིས་རབ་སྨིན་རིམ་གཉིས་མཐར་སོན་ནས། །འཕགས་མའི་རྒྱུད་གཞུང་ཆུ་བོ་རྒྱས་མཛད་པ། །ངོ་མཚར་བརྒྱུད་པ་དྲུག་ལ་གསོལ་བ་འདེབས། །བསོད་ནམས་འབུམ་དང་བླ་མ་རྒྱལ་མཚན་དང་། །ཆོས་ཀྱི་གྲགས་པ་མཉན་པ་མི་བསྐྱོད་རྗེ། །དཀོན་མཆོག་འབངས་དང་ཞྭ་དགུ་པའི་ཞབས། །བརྒྱུད་པའི་བླ་མ་རྣམས་ལ་གསོལ་བ་འདེབས། །འཕགས་མ་ཡང་ཡང་ཞལ་གཟིགས་ལུང་བསྟན་ཐོབ། །གནས་ལྔ་མཁས་པའི་བྱང་ཕྱོགས་པཎྜི་ཏ། འཇམ་དབྱངས་བླ་མ་ཆོས་ཀྱི་སྣང་བ་ཅན། །རྩ་བའི་བླ་མའི་ཞབས་ལ་གསོལ་བ་འདེབས། །ཚེ་དཔག་མེད་ཡུམ་བཅོམ་ལྡན་གོས་དཀར་མོ། །བསྒོམ་དང་བཟླས་པས་འཇིགས་པ་ཀུན་སྐྱོབས་ཤིང་། །ཚེ་དཔལ་ཡོན་ཏན་ཡེ་ཤེས་རྒྱས་མཛད་མ། །ཡི་དམ་འཕགས་མའི་ཞབས་ལ་གསོལ་བ་འདེབས། །འཕགས་མའི་རྗེས་འབྲངས་ནོར་འཆང་གནོད་སྦྱིན་

[Full Size]

མ། །སྤྲུལ་པའི་ལྷ་མོ་ལྕགས་སྤྱང་སྔོན་མོ་སོགས། །སྒྲོལ་མའི་རྒྱུད་གཞུང་གང་ཟག་སྲུང་མཛད་པ། །ཆོས་བདག་སྲུང་མའི་ཚོགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཡིད་བཞིན་འཁོར་ལོ་གཡས་སྐོར་འོད་ཟེར་གྱིས། །ཉོན་མོངས་སྒྲིབ་གཉིས་བྱང་བར་བྱིན་གྱིས་རློབས། །ནུས་ལྡན་གསང་སྔགས་གཡོན་སྐོར་ཏིང་འཛིན་གྱིས། །ཚེ་དཔལ་ཡེ་ཤེས་འཕེལ་བར་བྱིན་གྱིས་རློབས། །འཁོར་ལོ་འོད་ཟེར་རིམ་དྲུག་ཏིང་འཛིན་གྱིས་། །འཇིགས་པ་ཀུན་ལས་སྐྱོབས་པར་བྱིན་གྱིས་རློབས། །སྣ་ཚོགས་སྔགས་དང་ཏིང་འཛིན་འཁྲུལ་འཁོར་གྱིས། །འགྲོ་བའི་རེ་འདོད་བཀང་བར་བྱིན་གྱིས་རློབས། །ཆོས་ཀུན་སྒྱུ་མ་མེ་ལོང་གཟུགས་བརྙན་ལྟར། །རྒྱལ་ཡུམ་དགོངས་པ་རྟོགས་པར་བྱིན་གྱིས་རློབས། །འཆི་ཚེ་རྣམ་ཤེས་ཧཱུྃ་ཡིག་མདའ་འཕང་བཞིན། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་པ་འདི་ཁ་ཆེ་པཎྜིཏ་ཉི་མ་སྦས་པ་ནས་ཉེ་བར་བཟུང་སྟེ་སྐྱེ་བ་ཐམས་ཅད་དུ་འཕགས་མས་རྗེས་སུ་བཟུང་ནས་གཏམ་རྒྱུད་མཐའ་ཡས་པ་མངའ་ཞིང་སྐུ་སྐྱེ་བ་འདི་ལའང་ལན་དུ་མར་ཞལ་གཟིགས་ཤིང་ལུང་བསྟན་པ་ཐོབ་པའི་ཚུལ་བསྟན་པ་རྗེ་ཆོས་ཀྱི་དབང་ཕྱུག་གིས་ཞལ་སྔ་ནས་འཕགས་མའི་

[Full Size]

སྤྲུལ་པ་རྒྱ་གསུམ་དང་ཁྲི་བཙུན་གཉིས་ཡུན་རིང་དུ་བཞུགས་པའི་གནས་ཤར་འོད་ཟེར་དབ་པའི་ཕོ་བྲང་དུ་སྒྲོལ་མ་ཡིད་བཞིན་འཁོར་ལོའི་རྗེས་གནང་གི་རིམ་པ་ཇོ་བོ་རྗེའི་ལུགས་སུ་ཐོབ་པས་རྭ་ག་ཨ་སྱས་བརྒྱུད་རིམ་ལ་གསོལ་བ་བཏབ་པའོ།། སརྦ་མངྒ་ལཾ། །

འཕགས་མ་ཡིད་བཞིན་འཁོར་ལོའི་སྒྲུབ་ཐབས་རྗེ་ཆོས་ཀྱི་དབང་ཕྱུག་གིས་སྦྱར་བའི་བསྡུས་པའི་ཁ་བཀང་། མདུན་བུམ་སོགས་ལྷན་ཐབས་འདོན་འགྲིགས་བལྟས་ཆོག་ཏུ་བཀོད་པ།

[Full Size]

འཕགས་མ་ཡིད་བཞིན་འཁོར་ལོའི་སྒྲུབ་ཐབས་རྗེ་ཆོས་ཀྱི་དབང་ཕྱུག་གིས་སྦྱར་བའི་བསྡུས་པའི་ཁ་བཀང་། མདུན་བུམ་སོགས་ལྷན་ཐབས་འདོན་འགྲིགས་བལྟས་ཆོག་ཏུ་བཀོད་པ་བཞུགས་པའི་དབུའི་གཟིགས་ཕྱོགས་ལགས་སོ།།

[Full Size]

བྷྲཱུཾཿལས་མཆོད་སྤྲིན་བསམ་གྱིས་མི་ཁྱབ་པར་གྱུར། ཨོཾ་བཛྲ་སྥ་ར་ཎ་ཁཾ། བླ་མ་དཀོན་མཆོག་གསུམ་ལ་སྐྱབས་སུ་མཆི། །འགྲོ་ཀུན་དོན་དུ་བཅོམ་ལྡན་འདས་མ་བསྒོམས། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་པྲ་བྷ་ཝ་ཨཏྨ་ཀོཉཧཾ། སྟོང་པའི་ངང་ལས་པདྨ་ཟླ་བའི་སྟེང་། །ཏཾ༔ཡིག་དཀར་པོའི་འོད་ཀྱིས་འཕགས་པ་མཆོད། །སེམས་ཅན་དོན་བྱས་ཚུར་འདུས་ཡོངས་གྱུར་ལས། །རང་ཉིད་སྒྲོལ་མ་རབ་དཀར་འཛུམ་ཞལ་ཅན། །ཕྱག་གཉིས་གཡས་པས་མཆོག་སྦྱིན་གཡོན་པ་ཡི། །མཐེབ་སྲིན་སྦྱར་བས་ཨུཏྤལ་ཡུ་བ་འཛིན། །བྱེ་དང་མ་བྱེ་མེ་ཏོག་ལྷགས་པ་

[Full Size]

ཡི། །རྩེ་མོ་གསུམ་གྱིས་དུས་གསུམ་སངས་རྒྱས་མཚོན། །སྒེག་ཅིང་ཡིད་འོང་ཡེ་ཤེས་སྤྱན་བདུན་ལྡན། །རིན་ཆེན་རྒྱན་སྤྲས་དར་དཔྱངས་སྨད་གཡོགས་གསོལ། །དབུ་སྐྲ་ནག་ལ་སྣུམ་པ་བཅིངས་ཤིང་གྲོལ། །རྡོ་རྗེའི་གདན་ལ་བཞུགས་པའི་གནས་གསུམ་པོ། །འབྲུ་གསུམ་མཚན་དང་ཐུགས་ཀའི་ཧཱུྃ་ཡིག་ལས། །འོད་འཕྲོས་ཡེ་ཤེས་པ་དང་དབང་ལྷ་རྣམས། །ནམ་མཁར་སྤྱན་དྲངས་དམ་ཚིག་དབྱེར་མེད་འདྲེས། །དབང་ལྷས་དབང་བསྐུར་རིགས་བདག་གིས་མཚན་པའི། །ཐུགས་ཀར་འཁོར་ལོ་རྩིབས་བརྒྱད་ལྟེ་བར་ཧཱུྃ། །སྟེང་འོག་ཨོཾ་ཧཱཿལྷག་

[Full Size]

མའི་ཡི་གེ་བརྒྱད། །རྩིབས་སྟེང་གནས་པའི་འཁོར་ལོ་ཡིག་འབྲུ་རྣམས། །གཡས་གཡོན་འཁོར་བས་འཆི་མེད་ཚེ་ལ་སོགས། །ཡོན་ཏན་ཡེ་ཤེས་ཐམས་ཅད་འཕེལ་གྱུར་ཅིག ། ཡི་གེ་བཅུ་པའི་སྔགས་འདི་ནི། །མི་སྐྱོ་ཡིད་ཀྱིས་བཟླས་བྱས་ཏེ། །ཨོཾ་གྱིས་ཡི་གེ་དང་པོ་སྦྱིན། །ཕྱི་ཡི་ཏཱ་རེ་འབྱུང་བར་སྦྱར། །ཏུཏྟཱ་རེ་དང་ཏུ་རེ་ཕྱེས། །སྭཱ་ཧཱ་མཐའ་རུ་ལས་ཀུན་བྱེད། །ཅེས་དང་། འཆི་བླུ་ལས། དང་པོ་རྣམ་པར་སྣང་མཛད་བརྗོད། །དེ་འོག་ཏཱ་རེ་ལན་གཉིས་བརྗོད། །ཏུཏྟཱ་རེ་གཉིས་ཏཱ་རེ་གཉིས། །སྭཱ་ཧཱ་མཐའ་ཅན་འཆི་བ་བསླུ། །སྒྲོལ་མ་འབྱུང་པའི་རྒྱུད་ལས་གསུངས། །ཞེས་གསུངས་པས་ཡིག་བཅུ་ཁོ་ནའོ། །འབྲུ་བདུན་པ་བཟླ་བྱའི་སྔགས་ཀྱང་། བླ་མའི་མན་ངག་ལས། ཨོཾ་ཏཱ་རེ་ཏུཏྟ་རེ་ཏུ་རེ་མ་མ་ཨཱ་ཡུ་པུཎྱེ་ཛྙཱ་ན་པུཎྚི་ཀུ་རུ་ཡེ་སྭཱ་ཧཱ། བཟླ་ཚུལ་གཞན་དུ་གསལ། ཨོཾ་ཏཱ་རེ་ཏུཏྟཱ་རེ་སོགས། ཨངྒྷཾ་པཱ་དྱ་སོགས། བསྙེན་མཚམས་སུ། ཨོཾ་ཨ་ཨཱ། ཨི་ཨཱི། སོགས། དབྱངས་གསལ་ཡིག་བརྒྱ་བཟླས། ལྷ་དང་ལྷ་མིན་ཅོད་པན་གྱིས། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་ལོ། །ཨོཾ་ལས་རིན་ཆེན་སྣོད་ནང་དུ། །གཏོར་མ་དཀར་གསུམ་མངར་གསུམ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ན་མཿསརྦ་ཏ་ཐཱ་ག་ཏ་བྷྱོ་

[Full Size]

སོགས། སྔགས་དྲུག་ཕྱག་དྲུག་གིས་བྱིན་གྱིས་བརླབས། མགྲོན་རིགས་བཞི་པོ་འཕགས་མ་སྒྲོལ་མ་ཡི། །རྣམ་པར་བྱོན་ནས་གཏོར་མ་གསོལ་བར་མཛོད། །ཨོཾ་ཨཱརྱ་ཏཱ་རེ་ས་པཱ་རི་ཝཱ་ར་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ་བརྗོད་ནས། སྤྲོ་ན། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །སྒྲིབ་གཉིས་བྱང་ཞིང་ཚོགས་གཉིས་མྱུར་རྫོགས་ནས། །འགྲོ་བའི་དོན་དུ་བྱང་ཆུབ་ཐོབ་པར་མཛོད། །ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །འཁོར་བ་ལས་སྒྲོལ་ཏཱ་རེ་མ། །ཏུཏྟཱ་རེ་ཡིས་འཇིགས་བརྒྱད་སྒྲོལ། །ཏུ་རེས་ན་བ་རྣམས་ལས་སྒྲོལ། །སྒྲོལ་མ་ལ་ཡང་ཕྱག་འཚལ་བསྟོད། །པདྨ་དཀར་པོའི་དབུས་གནས་པའི། །ཟླ་བའི་གཟུགས་ཀྱི་གདན་སྟེང་དུ། །རྡོ་རྗེ་སྐྱིལ་ཀྲུང་བཅས་མཛད་མ། །མཆོག་སྦྱིན་མ་ལ་ཕྱག་འཚལ་བསྟོད། །སྟོན་ཀའི་ཟླ་བའི་མདོག་འདྲ་ཞིང་། །ཟླ་བ་ལ་ནི་རྒྱབ་རྟེན་མ། །རྒྱན་རྣམས་ཐམས་ཅད་ཡོངས་སུ་རྫོགས། །ཨུཏྤལ་བསྣམས་ལ་ཕྱག་འཚལ་བསྟོད། །བཅུ་དྲུག་ལོ་ལོན་ལུས་དང་ལྡན། །རྫོགས་སངས་རྒྱས་ཀུན་དེ་ཡི་སྲས། །འདོད་སྦྱིན་སྐུ་ནི་འཆང་

[Full Size]

བའི་ཡུམ། །འཕགས་མ་སྒྲོལ་མ་ལ་ཕྱག་འཚལ། །འཁོར་ལོ་དཀར་མོ་འོད་ཟེར་དཀར། །རྩིབས་བརྒྱད་ལ་ནི་ཡི་གེ་བརྒྱད། །ཡོངས་སུ་འཁོར་བའི་རྣམ་པ་ཅན། །འཁོར་ལོ་ཅན་ལ་ཕྱག་འཚལ་ལོ། །ཞིང་ཁམས་ཐམས་ཅད་ཡོངས་སུ་དག་པ་ལ། །རིན་ཆེན་མེ་ཏོག་མང་པོ་གཅལ་དུ་བཀྲམ། །དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ། །ཡུམ་གྱུར་སྒྲོལ་མ་ཁྱོད་ལ་ཕྱག་འཚལ་ལོ། །འཕགས་མ་སྒྲོལ་མ་སྒྲོལ་མཛད་ཡུམ། །ཡིད་བཞིན་འཁོར་ལོ་ཚེ་འཕེལ་མ། །ལྷ་མོ་ཁྱོད་ལ་གསོལ་བ་ནི། །བདག་གི་ཚེ་ཡི་བར་ཆད་དང་། །ནད་དང་སྡུག་བསྔལ་ཐམས་ཅད་ལས། །ནུས་ལྡན་ཁྱོད་ཀྱིས་བསྐྱབ་ཏུ་གསོལ། །མཆོག་དང་ཐུན་མོང་དངོས་གྲུབ་ཀུན། །མ་ལུས་བདག་ལ་གནང་བར་མཛོད། །འཕགས་མ་ཁྱོད་ལ་དད་བྱེད་པ། །དེ་ལ་རྟག་ཏུ་བུ་བཞིན་དགོངས། །བདག་ཀྱང་ཁྱེད་ལ་གསོལ་འདེབས་ཀྱིས། །ཐུགས་རྗེའི་ལྕགས་ཀྱུས་བཟུང་དུ་གསོལ། །ལྷ་མོའི་སྐུ་མདོག་ཟླ་འདྲའི་མདོག །སྒེག་ཅིང་དུལ་བའི་ཆ་བྱད་ཅན། །གཟུགས་བཟང་རིན་ཆེན་རྒྱན་གྱིས་སྤྲས། །མཛེས་པའི་དར་གྱི་སྨད་གཡོགས་ཅན། །པདྨ་ཟླ་བའི་

[Full Size]

གདན་དབུས་སུ། །ཞབས་གཉིས་རྡོ་རྗེ་སྐྱིལ་ཀྲུང་བཞུགས། །ཞལ་གཅིག་ཕྱག་གཉིས་འཛུམ་བག་ཅན། །དུས་གསུམ་སངས་རྒྱས་བསྐྱེད་པའི་ཡུམ། །ལྷ་མོ་ཁྱོད་ལ་རྟག་ཏུ་འདུད། །ཁྱོད་ལ་བག་ཙམ་བསྟོད་པ་ནི། །བདག་ཅག་བྱང་ཆུབ་བསྒྲུབ་པ་ལ། །དུས་འདི་ནས་བཟུང་བྱང་ཆུབ་བར་། །མི་མཐུན་ཕྱོགས་རྣམས་ཞི་གྱུར་ཅིག །མཐུན་རྐྱེན་ཕུན་སུམ་ཚོགས་པར་ཤོག །ཨོཾ་ཏཱ་རེ་སོགས། མཆོད་བསྟོད་བྱ། ལྷ་རྣམས་ནོངས་པ་གང་མཆིས་བཟོད་པར་གསོལ། སོགས། བདག་དང་འགྲོ་ལ་ཐུགས་བརྩེའི་ཕྱིར། །སོགས་ནས། བཞུགས་སུ་གསོལ། །བར་དུ་བརྗོད། བདག་བསྐྱེད་རྐྱང་པ་ཡིན་ན་ཐུན་བསྡུ་བ་ནི། བཅོམ་ལྡན་འདས་མ་འོད་ཞུ་ས་བོན་ལ། །ཐིམ་ཞིང་དེ་ཡང་མི་དམིགས་འོད་གསལ་བ། སླར་ཡང་ཟུང་འཇུག་སྐུ་ཡི་འགྲོ་དོན་བྱ། །དགེ་བས་འགྲོ་ཀུན་ཤེར་ཕྱིན་ཡུམ་འགྲུབ་ཤོག །ཆོས་ཀྱིས་དབང་ཕྱུག་གིས་བསྩལ་བའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

རྗེ་དྲུག་པས་བསྩལ་བའི་སྒྲོལ་དཀར་བསྡུས་པའི་ལྷན་ཐབས་ཀྱི་མདུན་བུམ།

[Full Size]

རྗེ་དྲུག་པས་བསྩལ་བའི་སྒྲོལ་དཀར་བསྡུས་པའི་ལྷན་ཐབས་ཀྱི་མདུན་བུམ་བཞུགས་སོ།

[Full Size]

ན་མོ་ཨཱརྱ་ཏཱ་རེ་ཡེ། རྗེ་རྒྱལ་བ་ཐམས་ཅད་མཁྱེན་པ་ཞྭ་དམར་རིན་པོ་ཆེ་དྲུག་པས་བསྩལ་བའི་སྒྲོལ་དཀར་བསྡུས་པའི་ཁ་སྐོང་ལྷན་ཐབས་མདུན་བུམ་ནི། །མཎྜལ་ཚོམ་བུ་བུམ་པ་མཆོད་གཏོར་འདུ་བར་བྱས་ལ་བདག་བསྐྱེད་སྔོན་དུ་སོང་ནས། ཨོཾ་ཤཱ་ནྱ་ཏཱ་ཛྙཱ་ན་བཛྲ་སྭ་བྷ་ཝ་ཨཏྨ་ཀོཉཧཾ། ཧཱུྃ་ལས་བུམ་པའི་ནང་དུ་མཎྜལ་སྟེང་། །གཞལ་ཡས་ཁང་དབུས་པདྨ་ཟླ་བའི་སྟེང་། །ཏཱཾ་ཡིག་དཀར་པོའི་འོད་ཀྱིས་འཕགས་པ་མཆོད། །སེམས་ཅན་དོན་བྱས་ཚུར་འདུས་ཡོངས་གྱུར་ལས། །འཕགས་མ་སྒྲོལ་མ་རབ་དཀར་ཞི་འཛུམ་ཅན། །ཕྱག་གཉིས་གཡས་པས་མཆོག་སྦྱིན་གཡོན་པ་ན། །མཐེབ་སྲིན་སྦྱར་

[Full Size]

བས་ཨུཏྤལ་ཡུ་བ་འཛིན། །བྱེ་དང་མ་བྱེ་མེ་ཏོག་ལྷག་པ་ཡི། །རྩེ་མོ་གསུམ་གྱི་དུས་གསུམ་སངས་རྒྱས་མཚོན། །སྒེག་ཅིང་ཡིད་འོང་ཡེ་ཤེས་སྤྱན་བདུན་ལྡན། །རིན་ཆེན་རྒྱན་སྤྲས་དར་དཔྱངས་སྨད་གཡོགས་གསོལ། །དབུ་སྐྲ་ནག་ལ་སྣུམ་པ་བཅིངས་ཤིང་གྲོལ། །རྡོ་རྗེའི་གདན་ལ་བཞུགས་པའི་གནས་གསུམ་པོ། །འབྲུ་གསུམ་མཚན་དང་ཐུགས་ཀའི་ཧཱུྃ་ཡིག་ལས། །འོད་འཕྲོས་ཡེ་ཤེས་པ་དང་དབང་ལྷ་རྣམས། །ནམ་མཁར་སྤྱན་དྲངས་བཛྲ་ས་མཱ་ཛ། །པོ་ཊ་ལ་ཡི་གནས་མཆོག་ནས། །ཏཱཾ་ཡིག་དཀར་པོ་ལས་འཁྲུངས་ཤིང་། །ཏཱཾ་ཡིག་འོད་

[Full Size]

ཀྱིས་འགྲོ་བ་སྒྲོལ། །སྒྲོལ་མ་འཁོར་བཅས་གཤེགས་སུ་གསོལ། །འཕགས་མ་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་ནས་ཀྱང་། །འདི་ཉིད་དུ་ནི་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བ་ནི་བཞུགས་སུ་གསོལ། །ཨོཾ་ཨཱརྱ་ཏཱ་རེ་པདྨ་ཀ་མ་ལཱ་ཡེ་སྟེ། ཛཿཧཱུྃ་བཾ་ཧོ༔དམ་ཡེ་དབྱེར་མེད་འདྲེས། །དབང་ལྷས་དབང་བསྐུར་རིགས་བདག་གིས་མཚན་པའི། །ཐུགས་ཀར་འཁོར་ལོ་རྩིབས་བརྒྱད་ལྟེ་བར་ཧཱུྃ། །གཡས་གཡོན་ཨོཾ་ཧཱ་ལྷག་མའི་ཡི་གེ་བརྒྱད། །རྩིབས་སྟེང་གནས་པའི་འཁོར་ལོ་མུ་ཁྱུད་ལྔ། །དབྱངས་གསལ་རྟེན་འབྲེལ་རྡོ་རྭ་པོ་མེ་རིས་བསྐོར། །འོད་ཟེར་འཕྲོ་འདུས་འཆི་མེད་ཚེ་ལ་སོགས། །ཡོན་ཏན་ཡེ་ཤེས་ཐམས་ཅད་འཕེལ་བར་གྱུར། །ཅེས་བསྒོམས་ནས། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་སམ། །ཡང་ན། ཨོཾ་ཏཱ་རེ་ཏུཏྟ་རེ་ཏུ་རེ་མ་མ་ཨཱ་ཡུཔུཎྱེ་ཛྙཱ་ན་པུཊྚི་ཀུ་རུ་ཡེ་སྭ་ཧཱ། ཞེས་པ་ཅི་འགྲུབ་དང་། གཟུངས་ཐག་བརྒྱུད་ནས་འོད་འཕྲོས་བུམ་ལྷ་བསྐུལ། །ཐུགས་ཀའི་འོད་ཀྱིས་བརྟན་

[Full Size]

གཡོའི་ཚེ་བཅུད་བསྡུས། །སྐུ་ལས་བདུད་རྩིའི་རྒྱུན་བབ་བུམ་པ་གང་། །གོང་ལྟར་ཡིག་བཅུའམ། ཡང་ན་ཚེ་སྙིང་དང་། ཨོཾ་ཏཱ་རེ་ཏུཏྟ་རེ་ཏུ་རེ་ནད་གདོན་སྡིག་སྒྲིབ་ཐམས་ཅད་སརྦ་ཤཱནཾ་ཀུ་རུ་ཡེ་སྭཱ་ཧཱ། ཞེས་བརྒྱ་རྩ་བརྒྱད་བཟླས། ལས་བུམ་ནང་དུ་བདུད་རྩི་འཁྱིལ་པ་གསལ། ཨོཾ་ཨ་མྲྀ་ཏེ་ཧཱུྃ་ཕཊ། ཅེས་ལན་བདུན་བཟླས། ཧཱུྃ་ལས་མཆོད་སྤྲིན་བསམ་གྱིས་མི་ཁྱབ་པར་གྱུར། ཨོཾ་བཛྲ་སྥ་ར་ཎ་ཁཾ། རྗེ་བཙུན་འཕགས་མ་སྒྲོལ་མ་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དང་བས་ཕྱག་བགྱིའོ། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པའི། །དངོས་འབྱོར་ཡིད་ཀྱིས་སྤྲུལ་ནས་འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཨོཾ་ཨཱརྱ་ཏཱ་རེ་ཨརྒྷཾ། པཱདྡྷཾ། པུཥཱ། དྷ་པེ། །ཨཱ་ལོ་ཀེ། གྷནྡྷེ། ནི་ཝི་ཏྱཱ། ཤཔྟ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤུ་ར་ཎ་ས་མ་ཡེ་ཧཱུྃ། རྒྱལ་ཡུམ་ཟག་མེད་འབྱོར་པ་མངའ་སྒྱུར་ཡང་། །འགྲོ་བའི་དོན་དུ་འདོད་ཡོན་རྣམ་ལྔ་ཡིས། །མཆོད་པས་མཁའ་མཉམ་སེམས་ཅན་ཐམས་ཅད་ཀྱི། །བསོད་ནམས་མི་བཟད་གཏེར་ལ་སྤྱོད་

[Full Size]

པར་ཤོག །ཨོཾ་ཨཱརྱ་ཏཱ་རེ་རུ་པ་ཤབྡ་གནྡྷེ་རྭ་ས་སྤངྒེ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། མི་དབང་རིན་ཆེན་སྣ་བདུན་འདི་དག་ནི། །འཕགས་མ་སྲས་དང་བཅས་པ་མ་ལུས་ལ། །བཤམས་ཤིང་ཡིད་ཀྱིས་དམིགས་ཏེ་ཕུལ་བ་ཡིས། །འགྲོ་བ་མི་ཟད་གཏེར་ལ་སྤྱོད་པར་ཤོག །ཨོཾ་ཨཱརྱ་ཏཱ་རེ་སསྟ་རཏྣ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྨྲ་ར་ཎ་ས་མ་ཡེ་ཧཱུྃ། ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །རྒྱལ་བའི་ཡུམ་དང་བྱང་ཆུབ་སེམས་དཔའ་རྣམས། །བཀྲ་ཤིས་རྫས་བརྒྱད་དག་གིས་མཆོད་པར་བགྱི། །ཨོཾ་ཨཱརྱ་ཏཱ་རེ་ཨཊྚ་མངྒ་ལཾ་དྲ་བྱ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། རིན་ཆེན་གདུགས་དང་གསེར་ཉ་པདྨ་དུང་། །བུམ་པ་དཔའ་བེའུ་རྒྱལ་མཚན་འཁོར་ལོ་སྟེ། །ལྷ་ཡི་དགའ་ཚལ་མཛེས་པར་བྱེད་པ་ཡི། །བཀྲ་ཤིས་རྟགས་བརྒྱུད་དག་ནི་འབུལ་བར་བགྱི། །ཨོཾ་ཨཱརྱ་ཏཱ་རེ་ཨཊྚ་མངྒ་ལཾ་ཧེ་ཏུ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བསོད་ནམས་ཡེ་ཤེས་སྐུ་ལྔ་བརྙེས་པ་ལ། །རིན་ཆེན་སྨན་འབྲུ་དྲི་དང་སྙིང་པོ་སོགས། །ལྔ་ཕྲག་ལྔ་ལྡན་རྫས་མཆོག་མཆོད་པ་འབུལ། །འགྲོ་བའི་

[Full Size]

བདེ་གཤེགས་སྙིང་པོ་རྟོགས་པར་ཤོག །ཨོཾ་ཨཱརྱ་ཏཱ་རེ་གརྦྷ་པཉྩ་སརྦ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཐེག་མཆོག་བླ་བྲེ་གདུགས་དང་བ་དན་དང་། །བདུད་བཅོམ་རྒྱལ་མཚན་ལྷབ་ལྷུབ་སྟེང་འཕན་དང་། །གར་དང་རོལ་མོ་མཆོད་པའི་སྒྲ་དབྱངས་ཀྱིས། །འཕགས་མའི་དཀྱིལ་འཁོར་མཛེས་པར་བརྒྱན་པར་བགྱི། །ཨོཾ་ཨཱརྱ་ཏཱ་རེ་སརྦ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཞིང་ཁམས་རྣམ་དག་རྡོ་རྗེའི་ས་གཞི་ལ། །གླིང་བཞི་རི་རབ་ལ་སོགས་མཆོད་པའི་སྤྲིན། །རབ་འབྱམས་བསམ་ཡས་རྡོ་རྗེའི་རྒྱན་ཕྲེང་འབར། །རྡོ་རྗེའི་མཎྜལ་བླ་མེད་བཀོད་པ་འདི། །རྡོ་རྗེ་སྒྲོལ་མ་སངས་རྒྱས་ཀུན་ཡུམ་མར། །མཆོག་ཏུ་དད་པས་ཀུན་ཏུ་བདག་འབུལ་ལོ། །བདག་དང་འགྲོ་བ་རྟག་ཏུ་བདེ་ལེགས་ཀྱིས། །གཞལ་ཡས་འབྱོར་པ་ཟད་མེད་བསྩལ་དུ་གསོལ། །ཨོཾ་ཨཱརྱ་ཏཱ་རེ་མཎྜ་ལ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ། །ལེགས་སྦྱར་འདི་ནི་འཕགས་མ་སྲས་བཅས་ལ། །དད་པས་ཕུལ་བའི་འགྲོ་བ་འདི་དག་ཀུན། །འབྱོར་ལྡན་ཏིང་འཛིན་ཟས་ལ་སྤྱོད་པར་

[Full Size]

ཤོག །ནམ་མཁའ་མཛོད་ཀྱི་ཕྱག་རྒྱས། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བདུད་རྩིས་རྒྱ་མཚོར་བྱིན་གྱིས་བརླབས་ནས། ཨོཾཨཱརྱ་ཏཱ་རེ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ་གྱིས་ཕུལ་ནས། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་ཅག་རྗེ་ཞེས་བྱ་འཁོར་བཅས་རྣམས། །ཚེ་རིང་ལྕེ་ནད་མེད་འཇིགས་པ་ཐམས་ཅད་ནི། །བསོད་ནམས་དཔལ་འབྱོར་ཡར་ངོའི་ཟླ་ལྟར་འཕེལ། །ཕྱི་མ་བདེ་བ་ཅན་དུ་བརྫུས་སྐྱེས་ནས། །འགྲོ་བའི་དོན་དུ་བྱང་ཆུབ་ཐོབ་པར་ཤོག །ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །འཁོར་བ་ལས་སྒྲོལ་ཏཱ་རེ་མ། །ཏུཏྟཱ་རེ་ཡིས་འཇིགས་བརྒྱད་སྒྲོལ། །ཏུ་རེས་ན་བ་རྣམས་ལས་སྒྲོལ། །སྒྲོལ་མ་ལ་ཡང་ཕྱག་འཚལ་བསྟོད། །པདྨ་དཀར་པོའི་དབུས་གནས་པའི། །ཟླ་བའི་གཟུགས་ཀྱི་གདན་སྟེང་དུ། །རྡོ་རྗེ་སྐྱིལ་ཀྲུང་བཅས་མཛད་མ། །མཆོག་སྦྱིན་མ་ལ་ཕྱག་འཚལ་བསྟོད། །སྟོན་ཀའི་ཟླ་བའི་མདོག་འདྲ་ཞིང་། །ཟླ་བ་ལ་ནི་རྒྱབ་རྟེན་མ། །རྒྱན་རྣམས་ཐམས་ཅད་ཡོངས་སུ་རྫོགས། །ཨུཏྤལ་བསྣམས་ལ་ཕྱག་འཚལ་བསྟོད། །བཅུ་དྲུག་

[Full Size]

ལོ་ལོན་ལུས་དང་ལྡན། །རྫོགས་སངས་རྒྱས་ཀུན་དེ་ཡི་སྲས། །འཆང་བའི་ཡུམ། །འཕགས་མ་སྒྲོལ་མ་ལ་ཕྱག་འཚལ། །འཁོར་ལོ་དཀར་མོ་འོད་ཟེར་དཀར། །རྩིབས་བརྒྱད་ལ་ནི་ཡི་གེ་བརྒྱད། །ཡོངས་སུ་འཁོར་བའི་རྣམ་པ་ཅན། །འཁོར་ལོ་ཅན་ལ་ཕྱག་འཚལ་ལོ། །ཞིང་ཁམས་ཐམས་ཅད་ཡོངས་སུ་དག་པ་ལ། །རིན་ཆེན་མེ་ཏོག་མང་པོ་གཅལ་དུ་བཀྲམ། །དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ། །ཡུམ་གྱུར་སྒྲོལ་མ་ཁྱོད་ལ་ཕྱག་འཚལ་ལོ། །འཕགས་མ་སྒྲོལ་མ་སྒྲོལ་མཛད་ཡུམ། །ཡིད་བཞིན་འཁོར་ལོ་ཚེ་འཕེལ་མ། །ལྷ་མོ་ཁྱོད་ལ་གསོལ་བ་ནི། །བདག་གི་ཚེ་ཡི་བར་ཆད་དང་། །ནད་དང་སྡུག་བསྔལ་ཐམས་ཅད་ལས། །ནུས་ལྡན་ཁྱོད་ཀྱིས་བསྐྱབ་ཏུ་གསོལ། །མཆོག་དང་ཐུན་མོང་དངོས་གྲུབ་ཀུན། །མ་ལུས་བདག་ལ་གནང་བར་མཛོད། །འཕགས་མ་ཁྱོད་ལ་དད་བྱེད་པ། །དེ་ལ་རྟག་ཏུ་བུ་བཞིན་དགོངས། །བདག་ཀྱང་ཁྱེད་ལ་གསོལ་འདེབས་ཀྱིས། །ཐུགས་རྗེའི་ལྕགས་ཀྱུས་བཟུང་དུ་གསོལ། །ལྷ་མོའི་སྐུ་མདོག་ཟླ་འདྲའི་མདོག་།སྒེག་ཅིང་དུལ་བའི་ཆ་བྱད་ཅན། །

[Full Size]

གཟུགས་བཟང་རིན་ཆེན་རྒྱན་གྱིས་སྤྲས། །མཛེས་པའི་དར་གྱི་སྨད་གཡོགས་ཅན། །པདྨ་ཟླ་བའི་གདན་དབུས་སུ། །ཞབས་གཉིས་རྡོ་རྗེ་སྐྱིལ་ཀྲུང་བཞུགས། །ཞལ་གཅིག་བྷཕྱག་གཉིས་འཛུམ་བག་ཅན། །དུས་གསུམ་སངས་རྒྱས་བསྐྱེད་པའི་ཡུམ། །ལྷ་མོ་ཁྱོད་ལ་རྟག་ཏུ་འདུད། །ཁྱོད་ལ་བག་ཙམ་བསྟོད་པ་ནི། །བདག་ཅག་བྱང་ཆུབ་བསྒྲུབ་པ་ལ། །དུས་འདི་ནས་བཟུང་བྱང་ཆུབ་བར་། །མི་མཐུན་ཕྱོགས་རྣམས་ཞི་གྱུར་ཅིག །མཐུན་རྐྱེན་ཕུན་སུམ་ཚོགས་པར་ཤོག །ཅེས་བསྟོད། བུམ་ལྷ་འོད་ཞུ་བུམ་ཆུ་དང་འདྲེས་ཤིང་། །ལས་བུམ་ཁྲོ་བོའི་བགེགས་རྣམས་བཟློག་པར་མཛོད། །སྐབས་འདིར་བདག་འཇུག་ལེན་པ་དང་བསྐུར་བ་སོགས་བྱའོ། །རྗེས་ཆོག་ནི། ཨོཾ་ཨཱརྱ་ཏཱ་རེ་ཨརྒྷཾ་སོགས་ཀྱིས་མཆོད། ལྷ་དང་ལྷ་མིན་ཅོད་པན་གྱིས། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་བསྟོད། །སོགས་ཀྱིས་མཆོད། ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་

[Full Size]

ཤིས་ཤོག །བཟོད་གསོལ་བྱ། མདུན་བསྐྱེད་ཡེ་ཤེས་པ་གཤེགས་སམ་རྟེན་ལ་ཐིམ་པར་བསམ་དམ་ཚིག་པ་བདག་ལ་བསྟིམས། ཐུན་བསྡུ་བ་ནི། བཅོམ་ལྡན་འདས་མ་འོད་ཞུ་ས་བོན་ལ། །ཐིམ་ཞིང་དེ་ཡང་མི་དམིགས་འོད་གསལ་བ། །སླར་ཡང་ཟུང་འཇུག་སྐུ་ཡིས་འགྲོ་དོན་བྱ། །དགེ་བས་འགྲོ་ཀུན་ཤེར་ཕྱིན་ཡུམ་འགྲུབ་ཤོག །ཅེས་པ་འདི་ནི་རང་གི་ཐུགས་དམ་བྱ་བའི་ཆེད་དུ་སྔར་གྱི་བཀའ་གདམས་ཡིག་རྙིང་དང་། རྒྱ་གཞུང་གཉིས་དང་། སྤྱན་སྔ་ཆོས་གྲགས་དང་། དཔའ་བོ་གཙུག་ལག་ཕྲེང་བ་དང་། དཀོན་མཆོག་འབངས་དང་རྗེ་དབང་ཕྱུག་རྡོ་རྗེས་མཛད་པ་ཐམས་ཅད་གོ་བསྟུན་ཏེ། རྗེ་དྲུག་པས་མཛད་པའི་ཁ་བཀང་དུ་༧ཀརྨ་ཨ་རཱ་གས་ཆུ་སྟོད་ཟླ་བའི་ཚེས་བཅུ་གསུམ་ཉིན་སྔ་དྲོའི་ཚེ་ལ་རྫོགས་པར་བྲིས་པའོ། །འདི་ལ་ཟིན་བྲིས་རི་ཆོས་ནང་གི་ཚེ་གཡང་ཁ་སྤྲོད་དང་། པདྨ་ཐབས་མཁས་ལ་གནང་བ། ནང་ཆེན་ཨ་ཉོག་ལ་གནང་བ་སོགས་དུ་མ་ཡོད་པས་ཁ་བསྒྱུར་སོགས་དམིགས་བསྲུང་ཚེ་སྒྲུབ་སྦྱིན་སྲེག་ལས་ཚོགས་གང་དགོས་རིག་པས་དཔྱད། དགེ་བས་བཀྲ་ཤིས་བདེ་ལེགས་ཚེ་དང་བསོད་ནམས་སྟོབས། ཡར་ངོའི་ཟླ་འཕེལ་ཆོས་དང་མཐུན་པ་ཡིན། གེགས་མེད་མཐར་ཕྱིན་རྒྱལ་ཡུམ་ཉིད་འགྲུབ་ཤོག །དགེའོ།། ། ༧ བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྒྲོལ་དཀར་མདུན་བུམ་སྟབས་གཅིག

[Full Size]

སྒྲོལ་དཀར་མདུན་བུམ་སྟབས་གཅིག་ཡོད།

[Full Size]

ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོཉཧཾ། སྟོང་པའི་ངང་ལས་འབྱུང་བ་རིམ་བརྩེགས་སྟེང་། །གླིང་བཞི་གླིང་ཕྲན་གྱིས་བསྐོར་རི་རབ་སྟེང་། །མཆོད་པའི་སྤྲིན་ཕུང་རིན་ཆེན་ཁང་བཟང་དབུས། །རིན་ཆེན་ཁྲི་ཡི་སྟེང་དང་བུམ་བཟང་ནང་། །བདུད་རྩིའི་རྒྱ་མཚོར་པདྨ་ཟླ་བའི་སྟེང་། །ཏཾ་ཡིག་དཀར་པོའི་འོད་ཀྱིས་འཕགས་པ་མཆོད། །སེམས་ཅན་དོན་བྱས་ཚུར་འདུས་ཡོངས་གྱུར་ལས། །བཅོམ་ལྡན་སྒྲོལ་མ་རབ་དཀར་འཛུམ་ཞལ་གཅིག །ཕྱག་གཉིས་གཡས་པ་མཆོག་སྦྱིན་གཡོན་པ་ན། །མཐེབ་སྲིན་སྦྱར་བས་ཨུཏྤལ་ཡུ་བ་འཛིན། །བྱེ་དང་མ་བྱེ་མེ་ཏོག་

[Full Size]

ལྷགས་པ་ཡི། །རྩེ་མོ་གསུམ་གྱིས་དུས་གསུམ་སངས་རྒྱས་མཚོན། །སྒེག་ཅིང་ཡིད་འོང་ཡེ་ཤེས་སྤྱན་བདུན་ལྡན། །རིན་ཆེན་རྒྱན་སྤྲས་དར་དཔྱངས་སྨད་གཡོགས་གསོལ། །དབུ་སྐྲ་ནག་ལ་སྣུམ་པ་བཅིངས་ཤིང་གྲོལ། །རྡོ་རྗེའི་གདན་གྱི་བཞུགས་པའི་པད་འདབ་ལ། །སྒྲོལ་མ་ཉེར་གཅིག་བསྐོར་བའི་གནས་གསུམ་དུ། །འབྲུ་གསུམ་མཚན་དང་ཐུགས་ཀའི་ཧཱུྃ་ཡིག་ལས། །འོད་འཕྲོས་ཡེ་ཤེས་པ་དང་དབང་ལྷ་རྣམས། །ནམ་མཁར་སྤྱན་དྲངས་བཛྲ་ས་མཱ་ཛ། ཨོཾ། ཐུགས་རྗེའི་རྨད་བྱུང་བཅོམ་ལྡན་འདས། །འཇིག་རྟེན་དབང་པོའི་སྲས་མོ་

[Full Size]

མཆོག །མ་ལུས་རྒྱལ་བ་ཀུན་གྱི་ཡུམ། །དོན་གཉིས་མཐའ་དག་གྲུབ་མཛད་མ། །ཐུགས་རྗེ་ཆེ་མངའ་འདིར་གཤེགས་གསོལ། །པོ་ཊ་ལ་ཡི་གནས་མཆོག་ནས། །ཏཱཾ་ཡིག་དཀར་པོ་ལས་འཁྲུངས་ཤིང་། །ཏཱཾ་ཡིག་འོད་ཀྱིས་འགྲོ་བ་འདྲེན། །སྒྲོལ་མ་འཁོར་བཅས་གཤེགས་སུ་གསོལ། །འཕགས་མ་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་ཟླ་བར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །ཨཱརྱ་ཏཱ་རེ་བཛྲ་ས་མ་ཡ་ཛཿ པདྨ་ཀཱ་མ་ལྟ་སྟེ། ཨ་བྷི་ཥིཉྩནྟཾ། ཛཿཧཱུྃ་བཾ་ཧོ༔དམ་ཡེ་དབྱེར་མེད་འདྲེས། །དབང་ལྷས་དབང་བསྐུར་རིགས་བདག་གིས་མཚན་པའི། །ཐུགས་ཀར་འཁོར་ལོ་རྩིབས་བརྒྱད་ལྟེ་བར་ཧཱུྃ། །གཡས་གཡོན་ཨོཾ་ཧྭ་བར་དུ་མིང་སྤེལ་ཚིག །རྩིབས་བརྒྱུད་འབྲུ་བརྒྱད་ཕྱི་ནང་མུ་ཁྱུད་ལ། །དབྱངས་གསལ་རྟེན་འབྲེལ་རྡོ་ར་མེ་རི་དཀར། །འོད་ཟེར་འཕྲོ་འདུ་འཆི་མེད་ཚེ་ལ་སོགས། །ཡོན་ཏན་ཡེ་ཤེས་ཐམས་ཅད་འཕེལ་བར་

[Full Size]

གྱུར། །ཨོཾ་ལས་རིན་ཆེན་སྣོད་དུ་མཆོད་པའི་སྤྲིན། །དཀར་གསུམ་གཏོར་མ་བདུད་རྩིའི་རྒྱ་མཚོར་གྱུར། །ཨོཾ་བཛྲ་སྥ་ར་ཎ་ཁཾ། ལྷ་ཡི་མེ་ཏོག་དམ་པ་འདི། །གཙང་ཞིང་དག་པའི་སྐྱེ་གནས་ཏེ། །ནགས་ཀྱི་རོ་སོགས་ཡིད་འོང་བའི། །དྲི་ལ་སོགས་པའི་བདུག་སྤོས་མཆོད། །བསྲུང་བའི་ཚོགས་དང་དག་པ་ཡིས། །ཡིད་ཀྱིས་མུན་འཇོམས་དགེ་བ་སྟེ། །ལྷ་ཡི་དྲི་མཆོག་དམ་པ་འདི། །གཙང་ཞིང་དག་པའི་སྐྱེ་གནས་ཏེ། །ལྷ་ཡི་རོ་མཆོག་ཕུན་ཚོགས་པའི། །བཤོས་གཙང་ཡིད་དུ་འོང་བ་དང་། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སེལ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དཔག་བསམ་གྱིས་ནི་ཤིང་དག་དང་། །ལྗོན་པའི་ཤིང་ནི་ཤིང་བཟང་པོ། །དྲི་ཞིམ་ལོ་འདབ་བཅས་པའི་ཤིང་། །ཕྱོགས་བཅུ་ཀུན་ནས་གཏིབས་གྱུར་ཅིག །སྤོས་ཀྱི་དྲི་ངད་ལྡང་བའི་ཆར། །འབྲུ་དང་མེ་ཏོག་ལ་སོགས་ཆར། །ཡིད་དུ་འོང་བའི་དྲི་ཞིམ་ཆེར། །ངེས་པར་ཀུན་དུ་འབབ་པར་ཤོག །འབབ་ཆུ་ལྡེང་ཀ་ལུ་མ་དང་། །མཚོ་དང་རྫིང་བུ་དག་དང་ནི། །རོ་བརྒྱ་

[Full Size]

དག་དང་ལྡན་པའི་མཚོ། །ངང་པ་ལ་སོགས་བཅས་པ་དང་། །རིན་ཆེན་ཁང་བཟང་ཡིད་འོང་པའི། །དྲ་བ་དྲ་བ་ཕྱེད་པ་དང་། །ཤར་ནུབ་འོད་ཅན་ཉི་ཟླ་དང་། །ཁང་པ་ཤིན་ཏུ་ཡིད་འོང་རྣམས། །རྒྱལ་བའི་ཡུམ་ལ་མཆོད་པར་འབུལ། །ཞིང་འདིར་རིན་ཆེན་སྣ་བདུན་གྱིས། །མཁས་པ་དག་གིས་ཡོངས་བཀང་སྟེ། །དངོས་གྲུབ་འདོད་པ་སྦྱིན་པའི་ཕྱིར། །ཉིན་རེ་ཤེས་རབ་ཅན་གྱིས་འབུལ། །ཞིང་ཁམས་རྣམ་དག་རྡོ་རྗེའི་ས་གཞི་ལ། །གླིང་བཞི་རི་རབ་ལ་སོགས་མཆོད་པའི་སྤྲིན། །རབ་འབྱམས་བསམ་ཡས་རྡོ་རྗེའི་རྒྱན་ཕྲེང་འབར། །རྡོ་རྗེ་སྒྲོལ་མ་རྒྱལ་བ་ཀུན་ཡུམ་ལ། །མཆོག་ཏུ་དད་པས་ཀུན་ཏུ་བདེག་འབུལ་ལོ། །བདག་དང་འགྲོ་ལ་རྟག་ཏུ་བདེ་ལེགས་ཀྱི། །གཞལ་ཡས་འབྱོར་པ་ཟག་མེད་བསྩལ་དུ་གསོལ། །རིན་ཆེན་གདུགས་དང་གསེར་ཉ་པདྨ་དུང་། །བུམ་པ་རྒྱལ་མཚན་དཔའ་བེའུ་འཁོར་ལོ་སྟེ། །ལྷ་ཡི་དགའ་ཚལ་མཛེས་པར་བྱེད་པ་ཡི། །བཀྲ་ཤིས་རྟགས་བརྒྱད་དག་ནི་དབུལ་བར་བགྱི། །ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །རྒྱལ་བའི་ཡུམ་དང་བྱང་ཆུབ་སེམས་མ་ལ། །བཀྲ་ཤིས་

[Full Size]

རྫས་བརྒྱད་དག་ནི་མཆོད་པར་བགྱི། །ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝ་ཏེ། བཛྲ་ས་ར་པྲ་མཛྷ་ནེ། ཏ་ཐཱ་ག་ཏཱ་ཡ། ཨདྷ་ཏེ། སམྱཀཾ་བུདྡྷ་ཡ། ཏདྱ་ཐཱ། ཨོཾ་བཛེ་བཛྲ་མ་ཧཱ་བཛྲ། མ་ཧཱ་ཏེ་ཛ་བཛྲ། མ་ཧཱ་བིདྱ་བཛྲ། མ་ཧཱ་བོ་དྷི་ཙིཏྟ་བཛྲ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛེ། སརྦ་ཀརྨ་ཨཱ་ཝ་ར་ཎ་བི་ཤོ་དྷ་ནི་བཛྲ་ཡེ་སྭཱ་ཧཱ། ཨོཾ་ཨཱརྱ་ཏཱ་རེ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བཅོམ་ལྡན་འདས་འཕགས་མ་ཡིད་བཞིན་གྱི་འཁོར་ལོས་བདག་ཅག་དཔོན་སློབ་མི་ནོར་བསྲུང་བྱ་ཐམས་ཅད་ལ། །རྒྱལ་པོའི་འཇིགས་པ་དང་། དགྲའི་འཇིགས་པ་དང་། །ཆོམ་རྐུན་གྱི་འཇིགས་པ་དང་། མེ་ཆུ་དུག་མཚོན་གྱི་འཇིགས་པ་དང་། ནད་དང་གདོན་ལ་སོགས་པའི་འཇིགས་པ་ཆེན་པོ་བཅུ་དྲུག་ལས་ཐར་བར་མཛད་དུ་གསོལ། ཚེ་དང་བསོད་ནམས་དཔལ་དང་འབྱོར་པ་སྟོབས་དང་མངའ་ཐང་ཐམས་ཅད་དར་ཞིང་རྒྱས་པར་མཛད་དུ་གསོལ། ནམ་འཆི་བའི་ཚེ་ངན་སོང་གི་སྒྲ་ཡང་མི་གྲགས་པར་བདེ་བ་ཅན་གྱི་ཞིང་ཁམས་སུ་སྐྱེ་བར་བྱིན་གྱིས་བརླབ་ཏུ་གསོལ། ༈ སེང་གེ་གླང་ཆེན་མེ་སྦྲུལ་ཆོམ་རྐུན་དང་། །ལྕགས་སྒྲོག་རྒྱ་མཚོ་ཤ་ཟའི་

[Full Size]

འཇིགས་པ་རྣམས། །ཞི་མཛད་ཟླ་བའི་འོད་ལྟར་མཛེས་པའི་གཟུགས། །བཅོམ་ལྡན་སྒྲོལ་མ་ཁྱེད་ལ་ཕྱག་འཚལ་བསྟོད། །ཁྱོད་ཀྱི་ཞབས་ཀྱི་པདྨ་གཉིས་ལ་ནི། །ཡན་ལག་མཆོག་གིས་རབ་ཏུ་གཏུགས་གྱུར་ན། །མངོན་འདོད་བདེ་བའི་འབྲས་བུ་སྨིན་མཛད་མ། །བཅོམ་ལྡན་སྒྲོལ་མ་ཁྱེད་ལ་ཕྱག་འཚལ་བསྟོད། །འདབ་མ་བརྒྱད་ལྡན་ཡངས་པའི་སྙིང་པོ་ནི། །གསེར་ཞུན་ཉི་མ་འཆར་ཀའི་མདོག་འདྲ་ཞིང་། །རྡུལ་བྲལ་སྟོན་ཀའི་ཟླ་ལྟར་དྲི་མ་མེད། །བཅོམ་ལྡན་སྒྲོལ་མ་ཁྱེད་ལ་ཕྱག་འཚལ་བསྟོད། །དྲང་སྲོང་གཙོ་དང་གྲུབ་པ་ལྟོ་འཕྱེ་ཆེ། །གཤིན་རྗེ་སྲིན་པོ་གནོད་སྦྱིན་ལྷ་མིན་དང་། །ལྷ་ཚོགས་རྣམས་ཀྱི་ཞབས་ལ་ཕྱག་བྱས་པའི། །བཅོམ་ལྡན་སྒྲོལ་མ་ཁྱོད་ལ་ཕྱག་འཚལ་བསྟོད། །གླིང་དང་ནགས་ཚལ་སྡུག་པའི་རི་ཁྲོད་དང་། །ཕུག་དང་ཆུ་ཀླུང་རི་བོའི་རྩེ་རྣམས་སུ། །དུས་རྣམས་རྟག་ཏུ་བཞུགས་པར་གྱུར་པ་ཡི། །བཅོམ་ལྡན་སྒྲོལ་མ་ཁྱོད་ལ་ཕྱག་འཚལ་བསྟོད། །སེང་གེ་སྟག་དང་གླང་པོ་མཚོ་ཆེན་དང་། །མེ་དང་འཆིང་བ་རྐུན་པོ་སྦྲུལ་དུག་གི །གནོད་པ་ཐམས་ཅད་རབ་ཏུ་འཇོམས་མཛད་མ། །བཅོམ་ལྡན་སྒྲོལ་མ་ཁྱོད་ལ་ཕྱག་འཚལ་བསྟོད། །

[Full Size]

ཏཱ་རེ་ཏུཏྟ་རེ་དང་ཏུ་རེ་ཡིས། །གཡུལ་གྱི་མཚོན་ཆ་བཟློག་མཛད་ཕན་པར་དགོངས། །འཇིགས་དང་རྨི་ལམ་ངན་པ་འཇོམས་མཛད་མ། །བཅོམ་ལྡན་སྒྲོལ་མ་ཁྱོད་ལ་ཕྱག་འཚལ་བསྟོད། །ཐུགས་རྗེས་ནོན་པའི་ཐབས་ཀྱིས་གང་དང་གང་། །སེམས་ཅན་གཟིགས་གྱུར་དེ་ཡི་དཔལ་འཕེལ་འགྱུར། །སྒྲོལ་མས་མི་བསླུ་འབྲས་བུ་མྱུར་ཐོབ་མཛད། །བཅོམ་ལྡན་སྒྲོལ་མ་ཁྱོད་ལ་ཕྱག་འཚལ་བསྟོད། །གནས་སྐྱེ་བ་མེད་པའི་ཆོས་དབྱིངས་ན། །ཡུམ་རྗེ་བཙུན་འཕགས་མ་སྒྲོལ་མ་བཞུགས། །ཁྱོད་སེམས་ཅན་ཀུན་ལ་བདེ་སྟེར་མས། །བདག་འཇིགས་པ་ཀུན་ལས་བསྐྱབ་ཏུ་གསོལ། །རང་ཆོས་སྐུ་ཡིན་པར་མ་ཤེས་པས། །སེམས་ཉོན་མོངས་དབང་དུ་གྱུར་པ་ཡི། །མར་འཁོར་བར་འཁྱམས་པའི་སྡུག་བསྔལ་ལས། །ཡུམ་ཡང་དག་ལྷ་མོས་བསྐྱབ་ཏུ་གསོལ། །ཆོས་སྙིང་ནས་རྒྱུད་ལ་མ་སྐྱེས་ཏེ། །ཚིག་ཐ་སྙད་རྗེས་སུ་འབྲངས་པ་ལ། །མཐར་གྲུབ་མཐའ་ངན་པས་བསླུས་པ་རྣམས། །ཡུམ་སྤྲོས་བྲལ་ལྷ་མོས་བསྐྱབ་ཏུ་གསོལ། །རྟོགས་པར་དཀའ་བའི་རང་གི་སེམས། །མཐོང་ནས་གོམས་པར་མི་བྱེད་པར། །བྱ་བ་ངན་པས་གཡེངས་པ་

[Full Size]

རྣམས། །ཡུམ་དྲན་པའི་ལྷ་མོས་བསྐྱབ་ཏུ་གསོལ། །དེ་ཉིད་ཀྱི་དོན་ལ་བསམ་བྱས་ཀྱང་། །རྒྱུ་འབྲས་ཀྱི་རྟེན་འབྲེལ་མི་ཤེས་པས། །ཤེས་བྱའི་གནས་ལ་རྨོངས་པ་རྣམས། །ཡུམ་ཀུན་མཁྱེན་ལྷ་མོས་བསྐྱབ་ཏུ་གསོལ། །སེམས་རང་བྱུང་ཡེ་ཤེས་གཉིས་མེད་ལ། །གཉིས་འཛིན་འཁྲུལ་པའི་བག་ཆགས་ཀྱིས། །ཇི་ལྟར་བྱས་ཀྱང་བཅིངས་པ་རྣམས། ཡུམ་གཉིས་མེད་ལྷ་མོས་བསྐྱབ་ཏུ་གསོལ། །སེམས་མཐའ་བྲལ་གཉུག་མའི་མཚན་ཉིད་ཅན། །ཐབས་མཆོག་བདེ་དང་དབྱེར་མེད་ཀྱང་། །ད་དུང་སློབ་པའི་གང་ཟག་རྣམས། །ཡུམ་རྫོགས་སངས་རྒྱས་མས་བསྐྱབ་ཏུ་གསོལ། །ཨོཾ་ཏཱ་རེ་ཏུཏྟ་རེ་ཏུ་རེ་འཇིགས་པ་བཅུ་དྲུག་ཤཱནཾ་ཀུ་རུ་སྭཱ་ཧཱ། ཞེས་པ་འུར་འདོན་སྒྲུབ་པ་གཅིག་བྱེད་དགོས་ཀྱང་། ཆོ་ག་པར་མ་སོགས་གཞན་དུ་ལུས་པས་འཕྲལ་དུ་སྟབས་བདེ་བར་འདོན་བྱ་རཱ་ག་ཨ་སྱས་བྲིས་པ་མངྒ་ལཾ།། །།འདི་ལ་བརྩོན་ན་འཇིགས་པ་ཐམས་ཅད་ཞི་ཞིང་ཚེ་དང་བསོད་ནམས་ཤེས་རབ་འཕེལ། སྤྱི་མ་ངན་སོང་གི་སྒྲ་ཡང་མི་གྲགས་པར་བདེ་བ་ཅན་དུ་སྐྱེ་བར་གསུངས་སོ། །བདག་བསྐྱེད་རྗེ་ཆོས་ཀྱི་དབང་ཕྱུག་གིས་མཛད་པ་ལྟར་རོ། །རྙིང་མ་ལ་མོས་ན་གནམ་ཆོས་ལྟར་བྱའོ། །རྗེས་ཆོག་ནི་སྤྱི་ལྟར་རོ།། ཨོཾ་ཏཱ་རེ་ཏུཏྟ་རེ་ཏུ་རེ་འཇིགས་པ་བཅུ་དྲུག་ཤཱནྟཾ་ཀུ་རུ་ཡེ་སྭཱ་ཧཱ།། །།

གནམ་ཆོས་ལས་ལྷ་མོ་སྒྲོལ་མ་དཀར་མོའི་སྒྲུབ་ཐབས་ཆོ་ག་ལས་ཚོགས་འདོན་ཆ་བཅས།

[Full Size]

གནམ་ཆོས་ལས་ལྷ་མོ་སྒྲོལ་མ་དཀར་མོའི་སྒྲུབ་ཐབས་ཆོ་ག་ལས་ཚོགས་འདོན་ཆ་བཅས་བཞུགས།

[Full Size]

དཀོན་མཆོག་གསུམ་ལ་སྐྱབས་མཆི་ཞིང་༔ འགྲོ་བའི་དོན་དུ་འཕགས་མ་བསྒྲུབ༔ རང་ཉིད་སྒྲོལ་མ་དཀར་མོ་དཀར༔ ཞལ་གཅིག་ཕྱག་གཉིས་སྐྱིལ་ཀྲུང་བཞུགས༔ གཡས་པས་མཆོག་སྦྱིན་གཡོན་ཨུཏྤལ༔ དར་དང་རིན་ཆེན་རྒྱན་གྱིས་བརྒྱན༔ འོད་ཟེར་དཔག་ཏུ་མེད་པ་འཕྲོས༔ དེ་ཡི་ཐུགས་ཀར་ཨུཏྤལ་ནི༔ དཀར་པོ་འདབ་མ་དགུ་པའི་ནང་༔ ལྟེ་བར་ཨོཾ་དང་སྔགས་གཡོན་བསྐོར༔ དེ་ལས་འོད་ཟེར་འཕྲོས་པ་ཡིས༔ སྒྲོལ་མ་དཀར་མོ་ཡེ་ཤེས་པ༔ སྤྱན་དྲངས་ཐིམ་སྟེ་དབང་བསྐུར་གྱུར༔ ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ༔ ཞེས་པས་བསྙེན་པ་ཅི་ནུས་

[Full Size]

འབད༔ ཐུན་མཚམས་རང་གི་ཐུགས་ཀ་ནས༔ འོད་འཕྲོས་སྒྲོལ་མ་སྤྱན་དྲངས་ཏེ༔ པོ་ཏ་ལ་ཡི་གནས་མཆོག་ནས༔ ཏཾ་ཡིག་དཀར་པོ་ལས་འཁྲུངས་ཤིང་ཡིག་འོད་ཀྱིས་འགྲོ་བ་འདྲེན༔ སྒྲོལ་མ་འཁོར་བཅས་གཤེགས་སུ་གསོལ༔ པདྨ་ཟླ་བའི་གདན་ལ་བཞུགས༔ མེ་ཏོག་བདུག་སྤོས་མར་མེ་ཞལ་ཟས་རོལ་མོ་ལ་སོགས་པ༔ དངོས་འབྱོར་ཡིད་ཀྱིས་སྤྲུལ་ནས་འབུལ༔ འཕགས་མའི་ཚོགས་ཀྱིས་བཞེས་སུ་གསོལ༔ ཞིང་ཁམས་རྡོ་རྗེའི་ས་གཞི་ལ༔ གླིང་བཞི་རི་རབ་མཆོད་པའི་སྤྲིན་༔ རབ་འབྱམས་བསམ་ཡས་རྒྱན་ཕྲེང་འབར༔ སྒྲོལ་མ་

[Full Size]

རྒྱལ་བ་ཀུན་ཡུམ་མ༔ མཆོག་ཏུ་དད་པས་བདག་གིས་འབུལ༔ ཨོཾ༔ འཁོར་བ་ལས་སྒྲོལ་ཏཱ་རེ་མ༔ ཏུཏྟཱ་རེ་ཡིས་འཇིགས་བརྒྱད་སྒྲོལ༔ ཏུ་རེས་ན་བ་རྣམས་ལས་སྒྲོལ༔ སྒྲོལ་མ་ཡུམ་ལ་ཕྱག་འཚལ་བསྟོད༔ པདྨ་དཀར་པོའི་དབུས་གནས་པ༔ ཟླ་བའི་གཟུགས་ཀྱི་གདན་སྟེང་དུ༔ རྡོ་རྗེ་སྐྱིལ་ཀྲུང་བཅས་མཛད་མ༔ མཆོག་སྦྱིན་མ་ལ་ཕྱག་འཚལ་བསྟོད༔ སྟོན་ཀའི་ཟླ་བའི་གཟུགས་འདྲ་ཞིང་༔ ཟླ་བ་ལ་ནི་རྒྱབ་རྟེན་མ༔ རྒྱན་རྣམས་ཐམས་ཅད་ཡོངས་སུ་རྫོགས༔ ཨུཏྤལ་བསྣམས་ལ་ཕྱག་འཚལ་བསྟོད༔ བཅུ་དྲུག་ལོ་ལོན་ལུས་དང་ལྡན༔ རྫོགས་སངས་རྒྱས་ཀུན་དེ་ཡི་སྲས༔ འདོད་སྦྱིན་སྐུ་ནི་འཆང་བའི་ཡུམ༔ འཕགས་མ་སྒྲོལ་མ་ཕྱག་འཚལ་བསྟོད༔ འཕགས་མ་སྒྲོལ་མ་སྒྲོལ་མཛད་ཡུམ༔ ཡིད་བཞིན་འཁོར་ལོ་ཚེ་འཕེལ་མ༔ ལྷ་མོ་ཁྱོད་ལ་གསོལ་བ་ནི༔ བདག་གི་ཚེ་ཡི་བར་ཆད་དང་༔ ནད་དང་སྡུག་བསྔལ་ཐམས་ཅད་ལ༔ ནུས་ལྡན་ཁྱོད་ཀྱིས་བསྐྱབ་ཏུ་གསོལ༔ མཆོག་དང་ཐུན་མོང་དངོས་གྲུབ་ཀུན༔ མ་ལུས་བདག་ལ་གནང་བར་མཛོད༔ བདག་ཅག་བྱང་ཆུབ་སྒྲུབ་པ་ལ༔ དུས་འདི་ནས་བཟུང་བྱང་ཆུབ་བར༔ མི་

[Full Size]

མཐུན་ཕྱོགས་རྣམས་ཞི་བ་དང་༔ མཐུན་རྐྱེན་ཕུན་སུམ་ཚོགས་པར་ཤོག༔ མདུན་བསྐྱེད་སྒྲོལ་མ་བདག་ལ་ཐིམ༔ དེ་ཡང་མི་དམིགས་རྒྱལ་བའི་ཡུམ་སྨྲ་བསམ་བརྗོད་མེད་སྟོང་པ་ཉིད༔ དགེ་བས་བདག་དང་འགྲོ་བ་ཀུན༔ བླ་མེད་བྱང་ཆུབ་ཐོབ་པར་ཤོག༔ དེ་ལྟར་རྒྱུན་ཁྱེར་ཉམས་ལེན་ནམ༔ རྩེ་གཅིག་བསྒྲུབས་ན་ཐུན་བཞིར་འབད༔ དེ་ཚེ་ཐུན་མཚམས་དཀར་གསུམ་གྱི༔ གཏོར་མ་ཨ་ཀཱ་རོ་སོགས་ཀྱིས༔ བདུད་རྩིའི་རྒྱ་མཚོར་བྱིན་གྱིས་བརླབས༔ རང་གི་ཐུགས་ཀའི་འོད་ཟེར་གྱིས༔ མགྲོན་རིགས་བཞི་པོ་སྤྱན་དྲངས་ཏེ༔ ཀུན་གྱིས་གཏོར་མ་གསོལ་བར་བསྒོམས༔ རྩ་སྔགས་བ་ལིཾ་ཏ་ནི་བཏགས༔ སེ་གོལ་གཏོགས་པས་རང་གནས་གཤེགས༔ བསོད་ནམས་བསགས་པའི་མཆོག་ཡིན་ནོ༔ དེ་ནས་འདི་ཡི་ཞལ་གདམས་ནི༔ ཚུལ་ཁྲིམས་མི་གཙང་སྐྱོན་ཡོད་པས༔ སྐུ་ལུས་དྲངས་པོ་བསྲངས་བར་བསྒོམས༔ ཕྱག་གཡོན་ཨུཏྤལ་ཡལ་ག་གསུམ༔ གཡས་པས་འབྲས་བུར་སྨིན་པ་སྟེ༔ གཡོན་པས་མེ་ཏོག་ཁ་མ་བྱེ༔ དབུས་མ་འདབ་བརྒྱད་བཀྲག་མདངས་ལྡན༔ དེ་གསུམ་དུས་གསུམ་སངས་རྒྱས་མཆོག༔ ཕྱག་ཞབས་བཞི་དང་དཔྲལ་བ་རུ༔ སྤྱན་རེ་ཡོད་པས་སྤྱན་བདུན་མ་རས་དཀར་སྟོད་གཡོགས་སྨད་དཀྲིས་དང་༔ མུ་ཏིག་ལ་སོགས་རིན་ཆེན་རྒྱུན༔ ཐམས་ཅད་དཀར་པོ་ཁོ་ན་བསྒོམས༔ ཟླ་བའི་གདན་ལ་རྒྱབ་ཡོལ་ཅན༔ ཐུགས་ཀར་ཨུཏྤལ་དཀར་

[Full Size]

པོ་ཡི༔ ལྟེ་བར་ཨོཾ་ཡིག་དཀར་པོའི་མཐར༔ ཨོཾ་མེད་སྔགས་ཕྲེང་གཡོན་དུ་འཁོར༔ དེ་ལས་འོད་ཟེར་ཟླ་བའི་མདོག༔ ཕྱོགས་བཅུར་འཕྲོས་པའི་འོད་ཟེར་གྱིས༔ ཕྱོགས་བཅུའི་སངས་རྒྱས་བྱང་སེམས་མཆོད༔ དེ་དག་ཀུན་གྱི་བྱིན་རླབས་དང་༔ འགྲོ་བའི་བསོད་ནམས་འབྱུང་བའི་བཅུད༔ ཐམས་ཅད་བསྡུས་ནས་རང་ལ་བསྟིམས༔ ཚེ་བསོད་ཡེ་ཤེས་འཕེལ་བར་བསྒོམས༔ ཨོཾ་ཏཱ་རེ་ཏུཏྟ་རེ་ཏུ་རེ༔ མ་མ་ཨཱ་ཡུཔུཎྱེ་ཛྙཱ་ན་པུཊྚི་ཀུ་རུ་ཡེ་སྭཱ་ཧཱ། དེ་ལྟར་བཟླས་པས་ཚེ་སྒྲུབ་ཡིན༔ དེ་ལྟར་རྩེ་གཅིག་བཟླས་པ་ནི༔ རྨི་ལམ་བུད་མེད་རྒྱན་ལྡན་གྱིས༔ དཀར་གསུམ་བདུད་རྩི་སྟེར་བ་དང་༔ ཚེ་ཚད་བརྡ་ཡི་ལུང་བསྟན་འབྱུང་༔ འཇིགས་པ་རྣམས་ལས་ཐར་བ་དང་༔ ཚ་ཚ་འདེབས་དང་མཐོང་བ་དང་༔ ཤེལ་དང་རིན་ཆེན་རྒྱན་ཆ་རྙེད༔ ཉི་མ་ཤར་སོགས་རྨིས་ལྟས་འབྱུང་༔ ཡི་གེ་བཅུ་པ་འབུམ་ཕྲག་བཅུ༔ བཟླ་བ་བསྙེན་པའི་ཚད་ཡིན་ཏེ༔ འབུམ་ཕྲག་གཅིག་ནི་བཟླས་པས་ཀྱང་༔ བར་ཆད་ཀྱིས་ནི་མི་ཚུགས་གསུངས༔ བསྙེན་པ་ཐོན་ན་ཉེར་མཁོ་ཡི༔ ལས་ཚོགས་གང་དགོས་བསྒྲུབས་པས་འགྲུབ༔ ཆུ་དང་གཡང་ས་ཇག་རྐུན་སོགས༔ ཐག་རིང་ལམ་དུ་འགྲོ་བའི་ཚེ༔ འགྲོ་བའི་མདུན་གྱི་བར་སྣང་ལ༔ སྒྲོལ་དཀར་ཕྱག་གཡས་སྐྱབས་སྦྱིན་ཅན༔ དེ་ཡི་ཕྱག་འོག་འགྲོ་བར་བསྒོམ༔ ངག་ཏུ་སྔགས་སམ་བསྟོད་པ་འདོན༔ དེ་ནི་ལམ་སྲུང་མཆོག་ཡིན་ནོ༔ རྩ་སྔགས་ཏུ་རེ་སྭཱ་ཧཱ་མཚམས༔ འཇིགས་པ་ཆེ་གེ་ཤིནཾ་ཀུ་རུ་ཡེ༔ ཞེས་སྦྱར་བཟླ་བ་ཟབ་པ་ཡིན༔

[Full Size]

རང་གཞན་ན་བའི་དུས་ཀྱི་ཚེ༔ ནམ་མཁར་སྒྲོལ་དཀར་སྤྱན་དྲངས་ལ༔ སྐུ་ལས་བདུད་རྩིའི་འོ་རྒྱུན་ལྟར༔ བབས་པས་ནད་གདོན་དག་པར་བསྒོམས༔ ཏུ་རེ་སྭཱ་ཧཱའི་བར་མཚམས་སུ༔ ནད་གདོན་སརྦ་ཤཱནྟིཾ་ཀུ་རུ་ཡེ༔ སྦྱར་ནས་བཟླས་པས་ནད་རྣམས་སེལ་བའི་མཆོག༔ དེ་ནས་སྒྲོལ་དཀར་ནད་པར་བསྟིམས༔ ཐུན་རེ་བཟླས་པས་ནད་རྣམས་སེལ་ནུས་གསུངས༔ རཱ་ག་ཨ་སྱས་ཟིན་བྲིས་འཕྲལ་དུ་སྨྲས༔ བྱས་ཡི་གེར་བཀོད༔ མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་སྒྲོལ་དཀར་ཡིད་བཞིན་འཁོར་ལོའི་རྗེས་གནང་།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་སྒྲོལ་དཀར་ཡིད་བཞིན་འཁོར་ལོའི་རྗེས་གནང་བཞུགས་སོ༔

[Full Size]

དུདུ༔ གུ་རུ་དྷེ་ཝ་ཌཱ་ཀི་ནི་ཧཱུྃ༔ སྒྲོལ་མ་དཀར་མོའི་དབང་སྒྲུབ་བྱ་སྟེ༔ ཞེས་པས༔ འདི་ཉིད་སྒྲུབ་པའི་མན་ངག་ལས༔ དཀྱིལ་འཁོར་གཏོར་མ་ལེགས་པར་བཅས༔ སྐུ་བུམ་ནས་ཕྲེང་རྡོ་རྗེ་གཏོར༔ ཕྱག་མཚན་འཁོར་ལོ་མཆོད་པ་བཤམས༔ དཀོན་མཆོག་གསུམ་ལ་སྐྱབས་མཆི་ཞིང་༔ འགྲོ་བའི་དོན་དུ་འཕགས་མ་བསྒྲུབ༔ བདག་དང་མདུན་དང་བུམ་ནང་དང་༔ གཏོར་མ་སྒྲོལ་མ་དཀར་མོར་གསལ༔ ཞལ་གཅིག་ཕྱག་གཉིས་སྐྱིལ་ཀྲུང་བཞུགས༔ གཡས་པས་མཆོག་སྦྱིན་གཡོན་ཨུཏྤལ༔ དར་དང་རིན་ཆེན་རྒྱན་གྱིས་བརྒྱན༔ འོད་ཟེར་དཔག་ཏུ་མེད་པ་འཕྲོ༔ དེ་ཡི་ཐུགས་

[Full Size]

ཀར་ཨུཏྤལ་ནི༔ དཀར་པོ་འདབ་མ་དགུ་པའི་ནང་༔ ལྟེ་བར་ཨོཾ་དང་སྔགས་གཡོན་བསྐོར༔ དེ་ལས་འོད་ཟེར་འཕྲོས་པ་ཡིས༔ སྒྲོལ་མ་དཀར་མོ་ཡེ་ཤེས་པ༔ སྤྱན་དྲངས་ཐིམ་སྟེ་དབང་བསྐུར་གྱུར༔ ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ༔ བརྒྱ་རྩ་སོགས་ཅི་འགྲུབ་བཟླས༔ དེ་ཡིས་སྒྲོལ་མ་དཀར་མོ་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཁྱམ། དེ་ནས། ལས་བུམ་དུ་དབང་ཆེན་ཁྲོ་བོ་གསལ་བར་གྱུར༔ ཧཱུྃཧཱུྃ་ཕཊ༔ བཟླའོ༔ ཨོཾ་ཨཱརྱ་ཏཱ་རེ་ས་པཱ་རི་ཝཱ་ར་ཨརྒྷཾ་སོགས་ནས། ཨོཾ་འཁོར་བ་ལས་སྒྲོལ་ཏཱ་རེ་མ༔ ཏུཏྟཱ་རེ་ཡིས་འཇིགས་བརྒྱད་སྒྲོལ༔ ཏུ་རེས་ན་བ་རྣམས་

[Full Size]

ལས་སྒྲོལ༔ སྒྲོལ་མ་ཡུམ་ལ་ཕྱག་འཚལ་བསྟོད༔ ཅེས་དང་། བདག་དང་སེམས་ཅན་ཐམས་ཅད་འཇིགས་པ་ཆེན་པོ་བརྒྱད་དང་བཅུ་དྲུག་སོགས་འཁོར་བའི་སྡུག་བསྔལ་མཐའ་དག་ལས་སྐྱོབ་ཅིང་མཆོག་དང་ཐུན་མོང་གི་དངོས་གྲུབ་མ་ལུས་པ་བསྩལ་དུ་གསོལ༔ སློབ་མ་ཁྲུས་བྱས་མཎྜལ་ཕུལ། གནམ་ཆོས་ལུགས་ཀྱི་སྒྲོལ་དཀར་གྱི་དབང་བསྐུར་ཟབ་མོ་ཞུ་བའི་ཡོན་དུ་ཐོག་མར་མཎྜལ་ཕུལ། འོ་ན་ད་ལམ་ཁྱེད་རྣམས་ལ་རྗེ་བཙུན་འཕགས་མ་སྒྲོལ་མའི་དབང་བསྐུར་བ་ཡིན་ཏེ༔ དེ་ཡི་ལོ་རྒྱུས་ཟུར་ཙམ་ཞུ་ན༔ སྒྲོལ་མའི་ངོ་བོ་ནི་སངས་རྒྱས་སྣང་བ་མཐའ་ཡས་ཀྱི་སྤྱན་གཡོན་ལས་སྤྲུལ་པ་ཡིན་ཏེ༔ སངས་རྒྱས་སྣང་བ་མཐའ་ཡས་ཀྱི་ཐུགས་ཀྱི་སྤྲུལ་པ་ཐབས་ཀྱི་ཆ་ལས་སྤྱན་རས་གཟིགས་དང་༔ སྟོང་པ་ཤེས་རབ་ཀྱི་ཆ་ལས་སྒྲོལ་མར་སྤྲུལ་པ་ཡིན་པར་བཤད་དོ༔ དེའང་གནམ་ཆོས་འཕགས་མ་སྒྲོལ་མའི་རྒྱུད་འོད་ཟེར་རབ་འཕྲོ་ཞེས་བྱ་བ་ལས༔ བཅོམ་ལྡན་འདས་རྡོ་རྗེ་འཆང་༔ འཕགས་མ་རྗེ་བཙུན་སྒྲོལ་མ་ཡི༔ རྒྱུད་ཅིག་བདག་ལ་བཀའ་སྩོལ་ཨཾ༔ ཞེས་ཞུས་པས་རྒྱུད་ལེའུ་བཅུ་པ་གསུངས་ཏེ༔ འདིའི་རྒྱུད་ཀྱི་བཀའ་སྲུང་མ༔ དཔལ་མོ་ཐང་ནག་ཁྱོད་ལ་གཏད༔

[Full Size]

ཅེས་གསུངས་པའི་རྒྱུད་ལས༔ ཨེ་མ་ཧོ༔ འཕགས་མ་རྗེ་བཙུན་སྒྲོལ་མ་ཡི༔ ལོ་རྒྱུས་ཅུང་ཟད་བཤད་པ་ནི༔ འཕགས་མཆོག་སྤྱན་རས་གཟིགས་དབང་གིས༔ སྙིང་རྗེ་འཁོར་བ་སྟོང་མ་བཟོད༔ འཁོར་བའི་སེམས་ཅན་ཡང་ཡང་དྲངས༔ ཞེས་ཀྱང་སྟོང་པར་མ་ནུས་ཏེ༔ བཤུམས་པའི་སྤྱན་ཆབ་གཡས་གཡོན་ལས༔ སྒྲོལ་མ་དཀར་སྔོན་འབྱུང་བ་སྟེ༔ ཐུགས་རྗེ་འདི་ལས་ཆེ་བ་མེད༔ ཅེས་གསུངས་སྤྲུལ་པ་འབྱུང་ཚུལ་ནི༔ འཕགས་པ་སྤྱན་རས་གཟིགས་ཀྱིས་སེམས་ཅན་གཅིག་ཀྱང་མ་ལུས་པར་སྒྲོལ་བའི་དམ་བཅའ་མཛད་ཅིང་༔ སེམས་ཅན་གྱི་དོན་དཔག་ཏུ་མེད་པར་མཛད་ནས༔ ད་ཅི་ལྟ་བར་གྱུར་པ་དགོངས་ནས་གཟིགས་པས་སེམས་ཅན་ལ་སྐྱེ་འབྲི་མེད་པས་ཐུགས་མུག་སྟེ༔ སྤྱན་ཆབ་བསིལ་བས༔ སྤྱན་ཆབ་གཉིས་ལས་མེ་ཏོག་པདྨ་གཉིས་བྱུང་སྟེ་ཁ་བྱེ་བའི་ནང་ནས་སྒྲོལ་མ་དཀར་སྔོན་གཉིས་བྱོན་ནས༔ སྲིད་ན་སུ་ཞིག་འཇིགས་པས་འཇིགས་གྱུར་ཡོད་དེ་ཀུན་ངས་སྐྱོབ་མ་འཇིགས་མ་འཇིགས་ཤིག༔ ཅེས་གསུངས་ཤིང་དམ་བཅས་ནས༔ འཕགས་པ་ལ་ཁྱེད་ཐུགས་མུག་མ་མཛད་ངེད་གཉིས་ཀྱིས་གྲོགས་བྱ་སྟེ༔ སེམས་

[Full Size]

ཅན་དཔག་ཏུ་མེད་པའི་དོན་བྱའོ༔ ཞེས་གསུངས་སོ༔ མདོར་ན་འཕགས་པ་སྤྱན་རས་གཟིགས་ཀྱི་སྤྲུལ་པ་ཇི་ཙམ་མཛད་པའི་གྲངས་སུ་སྒྲོལ་མའི་སྤྲུལ་པ་དེ་ཉིད་དུ་ཕྲིན་ལས་ཀྱི་གྲོགས་མཛད༔ སེམས་ཅན་ཇི་སྙེད་པའི་གྲངས་མཉམ་སྤྲུལ་པ་གང་ལ་གང་འདུལ་དུ་འགྲོ་བའི་དོན་མཛད་པ་མང་ཡང་༔ སྐུ་དངོས་ནི་པོ་ཏ་ལར་བཞུགས་སོ༔ དེ་ཡང་སྒྲོལ་མའི་རིགས་ཐམས་ཅད་ཐུགས་རྒྱུད་གཅིག་སྟེ༔ འཇམ་དཔལ་རྩ་རྒྱུད་ལས༔ རིགས་པའི་རྒྱལ་མོ་རྫུ་འཕྲུལ་ཆེ༔ བུད་མེད་གཟུགས་འཆང་ལྷ་མོ་ནི༔ འགྲོ་བ་ཀུན་ཏུ་རྣམ་པར་སེམས་ཅན་རྣམས་ནི་འདུལ་བྱེད་པ༔ ལྷ་མོ་སྒྲོལ་མ་ཞེས་ཀྱང་བསྟན༔ ཞེས་དང་༔ སམ་བུ་ཊི་ལས༔ སྒྲོལ་མ་འཁོར་བ་ལས་སྒྲོལ་མ༔ དེ་ལྟར་སྒོམ་པ་ཙམ་གྱིས་སྒྲུབ་པོ་སངས་རྒྱས་ཐོབ་པར་འགྱུར༔ ཞེས་དང་༔ སྒྲོལ་མ་སྣ་ཚོགས་འབྱུང་བའི་རྒྱུད་ལས༔ འཇམ་དཔལ་དེ་ཡི་ཕན་ཡོན་ནི༔ མཚམས་མེད་པ་ལྔ་དང་༔ དེ་དང་ཉེ་བ་ལྔ་དང་༔ སྡང་བ་དང་རྨི་ལམ་ངན་པ་ཐམས་ཅད་ཞི་བར་འགྱུར་རོ༔ ངན་སོང་གསུམ་གྱི་སྡུག་བསྔལ་ཞི་བར་འགྱུར་རོ༔ ཚེ་རབས་དྲན་པ་དང་༔ དབང་པོ་གསལ་བ་དང་༔

[Full Size]

ཡིད་གཞུངས་པར་འགྱུར་རོ༔ བཟོ་ཡི་གནས་ཐམས་ཅད་ལ་མཁས་པར་འགྱུར་རོ༔ སྟོབས་དང་མདངས་དང་གཟི་བརྗིད་ཕུན་སུམ་ཚོགས་པར་འགྱུར་འཇིག་རྟེན་སྐྱོང་བ་ཐམས་ཅད་ཅེས་ཀྱང་སྲུང་བ་དང་སྐྱོབ་པ་དང་སྦེད་པ་དང་ཕན་པ་བྱེད་ཅིང་གང་དུ་ཕྱིན་པ་ཐམས་ཅད་བཀྲ་ཤིས་པར་འགྱུར་རོ༔ ཞེས་གསུངས་པས༔ སྒྲོལ་མའི་དབང་དང་བྱིན་རླབས་ཐོབ་པ་དང་༔ གསོལ་བ་བཏབ་པ་ཙམ་གྱིས་ནད་གདོན་ལ་སོགས་འཇིགས་པ་བརྒྱད་ཀྱིས་འཚེ་བ་དང་༔ གནོད་པ་ཐམས་ཅད་སྐད་ཅིག་ལ་ཞི་བ་དང་༔ ཚེ་དཔལ་ཕུན་སུམ་ཚོགས་ནས་བདེ་ཆེན་དག་པའི་ཞིང་དུ་སྐྱེ་བར་གསུངས་པའི་དབང་འདི་ནི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ནག་པ་ཟླ་བའི་ཉེར་གསུམ་ལ༔ སྒྲོལ་ལྷམ་དཀར་སྔོན་གཉིས་ཀྱིས་མགྲིན་གཅིག་ཏུ་དངོས་སུ་གསུངས་པས་ཐུགས་རྗེ་མྱུར་ཞིང་བྱིན་རླབས་ཆེ་བའི་དབང་ཞུ་བའི་ཕྱིར༔ སློབ་དཔོན་དང་དབང་རྫས་རྣམས་སྒྲོལ་དཀར་དུ་མོས་ཤིང་༔ སློབ་བུས་གསོལ་བ་འདེབས་པ་འདི་ཡི་རྗེས་ཟློས་མཛོད༔ ཀྱཻ༔ བླ་མ་སངས་རྒྱས་དགོངས་སུ་གསོལ༔ བདག་ལ་འཕགས་མ་སྒྲོལ་མ་ཡི༔ དབང་དང་རྗེས་གནང་

[Full Size]

བསྩལ་དུ་གསོལ༔ ལན་གསུམ༔ དཀོན་མཆོག་གསུམ་ལ་བདག་སྐྱབས་མཆི༔ སོགས༔ ལན་གསུམ༔ དེ་ནས་སློབ་མ་ལྷར་བསྐྱེད་པའི་དོན༔ དམིགས་པ་འདི་བཞིན་བསྒོམ་པར་བྱོས༔ ཁྱེད་རྣམས་སྒྲོལ་མ་དཀར་མོར་གསལ༔ ཞལ་གཅིག་ཕྱག་གཉིས་སྐྱིལ་ཀྲུང་བཞུགས༔ གཡས་པས་མཆོག་སྦྱིན་གཡོན་ཨུཏྤལ༔ དར་དང་རིན་ཆེན་རྒྱན་གྱིས་བརྒྱན༔ འོད་ཟེར་དཔག་ཏུ་མེད་པ་འཕྲོ༔ དེ་ཡི་ཐུགས་ཀར་ཨུཏྤལ་ནི༔ དཀར་པོ་འདབ་མ་དགུ་པའི་ནང་༔ ལྟེ་བར་ཨོཾ་དང་སྔགས་གཡོན་བསྐོར༔ དེ་ལས་འོད་ཟེར་འཕྲོས་པ་ཡིས༔ སྒྲོལ་མ་དཀར་མོ་ཡེ་ཤེས་པ༔ སྤྱན་དྲངས་ཐིམ་སྟེ་དབང་བསྐུར་གྱུར༔ ཧཱུྃ༔ སྒྲོལ་མ་དཀར་མོའི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་གསལ་དུ་གསོལ༔ རྩ་སྔགས་མཐར༔ བཛྲ་ཨཱ་ཝེ་ཤ་ཡ་ཨ་ཨཱཿ རྡོ་རྗེ་མགོར་བཞག་ལ༔ ཡེ་ཤེས་པ་དེ་བརྟན་པར་བསྒོམ༔ ཏིཥྛ་བཛྲ༔ དེ་ནས་སྐུ་གཟུགས་ཐོགས་ལ་འདི་སྐད་དོ༔ ཧཱུྃ༔ འདི་ནི་འཕགས་མ་སྒྲོལ་མའི་སྐུ༔ ཁྱོད་ཀྱི་སྤྱི་བོར་བཞག་པ་ཡིས༔ འཕགས་མ་སྒྲོལ་

[Full Size]

མའི་དབང་ཐོབ་ཅིང་༔ སྐུ་གསུང་ཐུགས་དབང་རྫོགས་པར་ཤོག༔ རྩ་སྔགས༔ ཨ་བྷི་ཥིཉྩ་ཧཱུྃ༔ དེ་ནས་བུམ་པ་སྤྱི་བོར་བཞག༔ ཧཱུྃ༔ བུམ་པ་འདི་ནང་འཕགས་མ་སྒྲོལ་མ་བཞུགས༔ ཁྱོད་ཀྱི་སྤྱི་བོར་བཞག་པ་ཡིས༔ འཕགས་མ་སྒྲོལ་མའི་དབང་ཐོབ་ཅིང་༔ སྐུ་གསུང་ཐུགས་དབང་རྫོགས་པར་ཤོག༔ རྩ་སྔགས༔ ཨ་བྷི་ཥིཉྩ་ཧཱུྃ༔ ཞེས་དང་ནས་ནི་ཐོགས་བྱས་ལ༔ ཧཱུྃ༔ ནས་ཀྱི་འབྲུ་ནི་རེ་རེ་ཡང་༔ འཕགས་མ་སྒྲོལ་མ་ཁྱོད་ཀྱི་ནི༔ སྤྱི་བོར་བཞག་པས་དབང་ཐོབ་ཅིང་༔ སྐུ་གསུང་ཐུགས་དབང་ཡོངས་རྫོགས་ཤོག༔ རྩ་སྔགས༔ ཨ་བྷི་ཥིཉྩ་ཧཱུྃ༔ དེ་ནས་ཕྲེང་བ་ཐོགས་བྱས་ལ༔ ཧཱུྃ༔ འདི་ནི་འཕགས་མ་སྒྲོལ་མ་ཡི༔ སྐུ་གསུང་ཐུགས་ཀྱི་ཕྲེང་བ་སྟེ༔ ཁྱོད་ཀྱི་ལག་ཏུ་གཏད་པ་ཡིས། འཕགས་མ་སྒྲོལ་མའི་དབང་ཐོབ་ཅིང་༔ སྐུ་གསུང་ཐུགས་དབང་རྫོགས་པར་ཤོག༔ རྩ་སྔགས་མཐར༔ ཨ་བྷི་ཥིཉྩ་ཧཱུྃ༔ དེ་ནས་རྡོ་རྗེ་སྙིང་གར་བཞག༔ ཧཱུྃ༔ འདི་ནི་འཕགས་མ་སྒྲོལ་མ་ཡི༔ ཐུགས་ཀྱི་རྟགས་ནི་རྡོ་རྗེ་སྟེ༔ ཁྱོད་ཀྱི་སྙིང་གར་བཞག་པ་ཡིས༔ འཕགས་མ་སྒྲོལ་མའི་དབང་ཐོབ་ཅིང་༔ སྐུ་གསུང་ཐུགས་དབང་རྫོགས་པར་ཤོག༔ རྩ་སྔགས་

[Full Size]

མཐར༔ ཨ་བྷི་ཥིཉྩ་ཧཱུྃ༔ དེ་ནས་གཏོར་མ་སྤྱི་བོར་བཞག༔ ཧཱུྃ༔ འདི་ནི་འཕགས་མ་སྒྲོལ་མ་སྟེ༔ ཁྱོད་ཀྱི་སྤྱི་བོར་བཞག་པ་ཡིས༔ འཕགས་མ་སྒྲོལ་མའི་དབང་ཐོབ་ཤོག༔ སྐུ་གསུང་ཐུགས་དབང་རྫོགས་པར་ཤོག༔ རྩ་སྔགས་མཐར༔ ཨ་བྷི་ཥིཉྩ་ཧཱུྃ༔ དེ་ནས་ཕྱག་མཚན་ལག་ཏུ་གཏད༔ ཧཱུྃ༔ འདི་ནི་འཕགས་མ་སྒྲོལ་མ་ཡི༔ ཕྱག་མཚན་མཆོག་སྦྱིན་ཨུཏྤལ་ཁྱོད་ཀྱི་ལག་ཏུ་གཏད་པ་ཡིས༔ འཕགས་མ་སྒྲོལ་མའི་དབང་ཐོབ་ཅིང་༔ སྐུ་གསུང་ཐུགས་དབང་རྫོགས་པར་ཤོག་རྩ་སྔགས་མཐར༔ ཨབྷི་ཥིཉྩ་ཧཱུྃ༔ དེ་ནས་འཁོར་ལོ་ལག་ཏུ་གཏད༔ ཧཱུྃ༔ འདི་ནི་མཚོན་ཆའི་འཁོར་ལོ་སྟེ༔ དམ་ཚིག་མ་འདས་སྲུང་གྱུར་ན༔ སྐྱབས་འགྱུར་གལ་ཏེ་ཉམས་གྱུར་ན༔ ཚེ་ཡི་འདུ་བྱེད་ལྟུང་བར་བྱེད༔ དེ་བས་དམ་ལས་མ་འདའ་ཞིག༔ ཙཀྲ་ས་མ་ཡ་ཨ་བྷི་ཥིཉྩ་ཧཱུྃ་གཏོར་མའི་བཀའ་བསྒོ་ལུགས་གཉིས་གང་འོས་སྦྱར༔ མཆན། ས་གཞི་སྤོས་ཆུས་སོགས་བྱ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ རུ་ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་ནག་པ་ཟླ་བའི་མར་ངོའི་ཚེས་བརྒྱད་སྒྲོལ་མ་དཀར་སྔོན་གཉིས་བྱོན་ནས་མགྲིན་གཅིག་ཏུ་གསུངས་སོ༔ ཞེས་པ་དབང་བཤད་ལོ་རྒྱུས་ཅུང་ཟད་སོགས་ཕྱག་ལེན་གྱིས་བརྒྱན་ཏེ༔ དགེ་སློང་པདྨ་མ་ཎིའི་བྲིས་

[Full Size]

པ་ལ་ཉེས་འགལ་མཆིས་ན་བཤགས་ཤིང་དགེ་བས་གཞན་ཕན་རྒྱ་ཆེན་པོ་འབྱུང་བར་གྱུར་ཅིག༔ ༈ གཏོར་དབང་ལ་བླ་མ་བརྒྱུད་པ་སོགས་བཀའ་བསྒོ་བྱེད་སྲོལ་འདུག༔ ཤུ་བྷཾ༔ སརྦ་མངྒ་ལཾ།། དེས་འཕགས་མ་སྒྲོལ་མའི་དབང་ལེགས་པར་ཐོབ་པ་ཡིན་པས༔ རང་ཉིད་བྱང་ཆུབ་མ་ཐོབ་ཀྱི་བར་དུ་ཡི་དམ་དུ་བཟུང་སྙམ་པས་འདི་ཡི་རྗེས་ཟློས་མཛོད༔ གཙོ་བོས་ཇི་ལྟར་སོགས། །ས་གཞི་སྤོས་སོགས། ས་མ་ཡ་རྒྱ་རྒྱ་རྒྱ༔ ཁ་ཐཾ་གུ་ཧྱ༔ ཨོཾ་ཨརྒྷཾ་སོགས། ཨོཾ་འཁོར་བ་ལས་སྒྲོལ་སོགས་ཀྱིས་བསྟོད༔ མ་རྙེད་ཡོངས་སུ་སོགས། ཡིག་བརྒྱ་དང་། མདུན་བསྐྱེད་སྒྲོལ་མ་བདག་ལ་ཐིམ༔ དེ་ཡང་མི་དམིགས་རྒྱལ་བའི་ཡུམ༔ སྨྲ་བསམ་བརྗོད་མེད་སྟོང་པ་ཉིད༔ དགེ་བས་བདག་དང་འགྲོ་བ་ཀུན༔ བླ་མེད་བྱང་ཆུབ་ཐོབ་པར་ཤོག༔ བཀྲ་ཤིས་གང་ཤེས་བརྗོད༔ ཅེས་པའང་རཱ་ག་ཨ་སྱས་སྦྱར་བའོ༔ ཨོཾ༔ དབང་མཐར་གཏོར་མའི་བཀའ་བསྒོ་གནས་ལུགས། སླར་ཡང་གཏོར་མ་ལ་བརྟེན་ནས་བཀའ་བསྒོ་བ་ནི༔ ཨོཾ༔ བླ་མ་བརྒྱུད་རིམ་ནི༔ ཆོས་སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་སྲོང་བཙན་སྒམ་པོ༔ སློབ་དཔོན་པདྨ་འབྱུང་གནས༔ ཇོ་མོ་མཁར་ཆེན་མཚོ་རྒྱལ༔ ཆོས་རྒྱལ་ཁྲི་སྲོང་ལྡེའུ་

[Full Size]

བཙན༔ ལྷ་སྲས་མུ་ཁྲི་བཙན་པོ༔ ཤུད་བུ་དཔལ་གྱི་སེངྒེ༔ རིག་འཛིན་འཇའ་ཚོན་སྙིང་པོ༔ ལོ་ཆེན་བཻ་རོ་ཙཱ་ན༔ སྤྲུལ་སྐུ་མི་འགྱུར་རྡོ་རྗེ༔ རཱ་ག་ཨ་སྱ་ལ་སོགས་པའི་བླ་མ་རྣམས་དང་༔ རྗེ་བཙུན་བཅོམ་ལྡན་འདས་འཕགས་མ་སྒྲོལ་མ་སྒྲོལ་དཀར་ཡིད་བཞིན་འཁོར་ལོ༔ འཕགས་མ་བཀྲ་ཤིས་དོན་ཀུན་སྒྲུབ་བྱེད༔ སྒྲོལ་སྔོན་འཇིགས་པ་བརྒྱད་སྐྱོབས༔ སེང་ལྡེང་ནགས་ཀྱི་སྒྲོལ་མ༔ འཕགས་མ་རིག་བྱེད་མ་ལ་སོགས་པའི་སྒྲོལ་མའི་རིག་བྱེད་བཅུ་གཅིག་རྣམས་ཀྱིས་རྡོ་རྗེའི་སློབ་མ་འདི་རྣམས་ལ་དབང་བསྐུར་བ་དང་བྱིན་གྱིས་བརླབ་པར་མཛད་དུ་གསོལ༔ ནད་གདོན་སྡིག་སྒྲིབ་བན་བྱེད་བོན་བྱད་གཏོར་ཁ་གཏད་ཁྲམ་ལ་སོགས་ཚེ་ཡི་བར་ཆད་ཐམས་ཅད་ཞི་ཞིང་མི་འབྱུང་བར་བྱིན་གྱིས་རློབས་ཤིག༔ ཚེ་དཔལ་བསོད་ནམས་ཡེ་ཤེས་ཡོན་ཏན་འབྱོར་པ་ལོངས་སྤྱོད་སྟོབས་ནུས་རླུང་རྟ་ཐམས་ཅད་ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད་ཅིག༔ ནམ་འཆི་བའི་ཚེ་ཞིང་མཆོག་བདེ་བ་ཅན་དུ་སངས་རྒྱས་སྣང་བ་མཐའ་ཡས་ཀྱི་ཞབས་དྲུང་དུ་སངས་རྒྱས་པར་མཛོད་ཅིག༔ མདོར་ན་འཁོར་བ་ངན་སོང་གི་སྡུག་བསྔལ་ཐམས་ཅད་ཞི་བར་མཛད་དུ་

[Full Size]

གསོལ༔ འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ལས་བསྒྲལ་དུ་གསོལ༔ སྐུ་དང་ཞིང་ཁམས་ལྷུན་གྱིས་གྲུབ་པར་མཛད་དུ་གསོལ༔ རྩ་སྔགས་མཐར༔ ཀཱ་ཡ་བ་ལི་ཏ་ཨ་བྷི་ཥིཉྩ་ཧཱུྃ༔ མཐར་ཤིས་པ་བརྗོད་ཅིང་མེ་ཏོག་འཐོར༔ ༈ གཏོར་མའི་བཀའ་བསྒོ་དཔལ་ཡུལ་ལུགས༔ སླར་ཡང་གཏོར་མས་བཀའ་བསྒོ་བ་ནི། གཏོར་དབང་གི་རྗེས་སྐྱོང་བར་འདོད་ན། གཏོར་མ་བཟུང་ལ། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། རྗེ་བཙུན་འཕགས་མ་སྒྲོལ་མ། གཏེར་སྟོན་མི་འགྱུར་རྡོ་རྗེ། མཁས་གྲུབ་ཀརྨ་ཆགས་མེད། རིག་འཛིན་ཀུན་བཟང་ཤེས་རབ་ལ་སོགས་པ་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། འཕགས་མ་སྒྲོལ་མའི་ལྷ་ཚོགས་སྤྲུལ་པ་ཡང་སྤྲུལ་དང་བཅས་པས་བྱིན་གྱིས་བརླབས་པ་དང་དབང་བསྐུར་བར་མཛད་དུ་གསོལ། ནད་གདོན་སྡིག་སྒྲིབ་ལ་སོགས་མི་མཐུན་པའི་ཕྱོགས་ཐམས་ཅད་ཞི་བ་དང་། མཆོག་ཐུན་མོང་གི་དངོས་གྲུབ་སྩོལ་ཞིང་མཐུན་རྐྱེན་ཕུན་སུམ་ཚོགས་པར་མཛད་དུ་གསོལ། ནམ་འཆི་བའི་ཚེ་ནུབ་ཕྱོགས་བདེ་ཆེན་དག་པའི་ཞིང་དུ་འདྲེན་པར་མཛད་དུ་གསོལ།

[Full Size]

ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱཿ ཀཱ་ཡ་ཝཀྐ་ཙིཏྟ་སརྦ་ཨ་བྷི་ཥིཉྩ་ཧཱུྃ༔ ཅེས་བརྗོད་ཅིང་གནས་གསུམ་དུ་བཞག་གོ །དེ་ནས་མེ་ཏོག་འཐོར་ཞིང་། ཨོཾ་འཁོར་བ་ལས་སྒྲོལ་ཏཱ་རེ་མ། །ཏུཏྟཱ་རེ་ཡིས་འཇིགས་བརྒྱད་སྒྲོལ། །ཏུ་རེས་ན་བ་རྣམས་ལས་སྒྲོལ། །སྒྲོལ་མ་ཡུམ་གྱི་བཀྲ་ཤིས་ཤོག །ཅེས་དང་མཐར་བརྗོད། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྒྲོལ་དཀར་གཏོར་བསྔོས།

[Full Size]

སྒྲོལ་དཀར་གཏོར་བསྔོས་ལ། ཐུན་མཚམས་སུ་དཀར་གསུམ་གྱི་གཏོར་མ་ཤ་ཆང་མ་འདྲེས་པ་བཤམས་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་སོགས་སྟོང་པར་སྦྱངས། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་དུ་གཏོར་མ་དཀར་གསུམ་མངར་གསུམ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨ་ཀཱ་རོ་སོགས། མགྲོན་རིགས་བཞི་པོ་འཕགས་མ་སྒྲོལ་མ་ཡིས། །རྣམ་པར་བྱོན་ནས་གཏོར་མ་གསོལ་བར་གྱུར། །ཨོཾ་ཨཱརྱ་ཏཱ་རེ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་མམ་བདུན། བཅོམ་ལྡན་འདས་མ་འཁོར་བཅས་ཀྱིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་སོགས། །ཡིད་ལ་འདོད་པ་ཀུན་འགྲུབ་མཛོད། །ཅེས་འདོད་གསོལ་བྱའོ། །ཨོཾ་ཨཱརྱ་ཏཱ་རེ་ཨརྒྷཾ་སོགས་བརྗོད། ཤབྟ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤུ་ར་ཎ་ས་མ་ཡེ་ཨཱཧཱུྃ། སྤྲོ་ན། རབ་འབྱམས་མ་དང་། ཁ་དོག་དབྱིབས་ལེགས། རྒྱལ་སྲིད་སོགས་ཀུན་རིག་ནས་ཁ་སབ། ཨོཾ་འཁོར་བ་ལས་སྒྲོལ་ཏཱ་རེ་མ། །ཞེས་སོགས་འདོན། འདོད་གསོལ་དེ་ལ་འཐུས་སོ། །མ་འབྱོར་པ་སོགས། བཟོད་པར་གསོལ། །ཞེས་དང་ཡིག་བརྒྱ་ཚར་གསུམ། འདིར་ནི་གཟུགས་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་

[Full Size]

ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་བསྩལ་དུ་གསོལ། །སུ་པྲ་ཏིཥྛ་བཛྲ་ཡེ་སྭཱ་ཧཱ། བཅོམ་ལྡན་འདས་མ་འོད་ཞུ་ས་བོན་ལ། །ཐིམ་ཞིང་དེ་ཡང་མི་དམིགས་འོད་གསལ་ངང་། །སླར་ཡང་ཟུང་འཇུག་སྐུ་ཡིས་འགྲོ་དོན་མཛད། །དགེ་བས་ཡུམ་ཆེན་ཤེར་ཕྱིན་མྱུར་འགྲུབ་ཤོག །བསྔོ་བ་སྨོན་ལམ་བཀྲ་ཤིས་བརྗོད། དབྱངས་གསལ་ཡེ་དྷརྨཱ་ཚར་གསུམ་རེ་བྱ། ཞེས་པ་ཨ་རཱ་གས་སྦྱར་བའོ།། སརྦ་མངྒ་ལཾ། །

རྗེ་ཆོས་ཀྱི་དབང་ཕྱུག་གིས་མཛད་པའི་སྒྲོལ་དཀར་མངོན་རྟོགས་བསྡུས་པའི་ཟིན་བྲིས།

[Full Size]

རྗེ་ཆོས་ཀྱི་དབང་ཕྱུག་གིས་མཛད་པའི་སྒྲོལ་དཀར་མངོན་རྟོགས་བསྡུས་པའི་ཟིན་བྲིས་བཞུགས་ལགས།།

[Full Size]

ན་མོ་ཨརྱ་ཏཱ་རེ་ཡེ། སྒྲོལ་མ་མངོན་པར་འབྱུང་བའི་རྒྱུད་ཆེན་ལས། །དཀར་མོ་ཟླ་མདོག་སྒྲོལ་མ་ཕྱག་མང་འབྱུང་། །སྒྲོལ་མ་སྣ་ཚོགས་འབྱུང་བ་ལས། །ཞི་བའི་སྒྲོལ་མ་དཀར་མོ་འདི་དག་གསུངས། །རྡོ་རྗེ་གདན་བཞིའི་རྒྱུད་ལས་འདི་ཉིད་གསལ། །འདི་ལ་རྒྱ་གཞུང་བརྒྱད་ནི་ཡོད་པའི་ནང་། །པཎ་ཆེན་ངག་གི་དབང་ཕྱུག་གྲགས་པ་དེ། །སྒྲོལ་མ་བྱིན་རླབས་ཆེ་བས་འཆི་མེད་ཐོབ། །ཉི་མའི་ཟེར་ལ་ཆིབས་ནས་ནམ་མཁར་གཤེགས། །འཆི་བ་བསླུ་བའི་རྟོགས་པ་རྒྱས་པར་ནི། །འཆི་བསླུའི་མན་ངག་གྲུབ་ཆེན་ཁོང་གིས་མཛད། །དེ་ཡི་ནང་ནས་བསྡུས་པའི་སྒྲུབ་ཐབས་

[Full Size]

འདི། །སློབ་མའི་ཐུ་བོ་པཎྜི་ཏ་ཡིས་མཛད། །ཇོ་འབྲོམ་ཡས་སྲས་སྐུ་མཆེད་རྣམ་གསུམ་གྱི། །འབྲལ་མེད་ལུས་དང་གྲིབ་བཞིན་དངོས་སུ་འགྲུབ། །དགེ་བཤེས་གླེ་ནག་པ་དང་བྱ་ཡུལ་པ། །དྭགས་པོ་དུས་མཁྱེན་འབྲི་སྟག་ཕག་གྲུ་སོགས། །བཀའ་བརྒྱུད་བླ་མ་རྣམས་ཀྱི་སྐུ་ཚེ་བསྲིངས། །ཕྲིན་ལས་འགྲོ་དོན་རྒྱས་བྱེད་ལྷ་འདི་ཡིན། །ཁྱད་པར་ཀཾ་ཚང་འདི་ཡི་དུས་བར་དུ། །ཞལ་གཟིགས་རྒྱུན་མི་འཆད་པས་བྱིན་རླབས་ཆེ། །ཁྱད་པར་རྒྱལ་བ་མཆོག་གི་སྤྲུལ་སྐུ་ཡི། །ཡི་དམ་བཀའ་བབ་མཆོག་ཏུ་གྱུར་པ་སྟེ། །འོད་དཔག་མེད་པའི་སྤྲུལ་པ་ཞྭ་དམར་ཅན། །འདི་ནི་

[Full Size]

དེ་ཡི་ཡུམ་མཆོག་གོས་དཀར་མོ། །དེ་ཕྱིར་བཀའ་བབ་བརྒྱུད་པ་ཤིན་ཏུ་ཉེ། །ཁྱད་པར་ས་དམ་ཆོས་ཀྱི་རྒྱལ་པོ་དེས། །ཐུགས་དམ་བྱ་ཕྱིར་ཉུང་ངུ་འདི་ཉིད་གནང་། །སྐུ་ཚེ་མཐར་ཕྱིན་བཀའ་འགྱུར་པར་དུ་བཞེངས། །རྩེ་ཤག་དགོན་བཏབ་ཇོ་བོའི་གསེར་ཁང་ཕུབ། །གྲྭ་ཚང་ནང་པ་ཡིས་ནི་དུས་ཇ་བཙུགས། །རྒྱལ་བ་ཉིད་ཀྱིས་དབང་ལུང་གནང་བ་ཡིན། །བདག་ཀྱང་བསྙེན་སྒྲུབ་མང་ཐོབ་ཡི་དམ་བྱས། །དེ་ཕྱིར་བྱིན་རླབས་བརྒྱུད་ལྡན་ཡིད་ཆེས་གྱིས། །ཚིག་ཉུང་དོན་གསལ་གོ་བདེ་བདེ་བའི་ཕྱིར། །འདི་ལ་ཟིན་བྲིས་དགོས་པ་མེད་ནའང་། །འདི་ནི་སྤྱིར་དུ་བྱ་རྒྱུད་ཡིན་བཤད་ཀྱང་། །བླ་མེད་ལྟར་དུ་ཉམས་སུ་ལེན་པ་ཡིན། །དེ་ཕྱིར་གཙང་སྦྲ་ལ་སོགས་མེད་ཀྱང་རུང་། ༈ །སྐྱབས་འགྲོ་སེམས་བསྐྱེད་གཉིས་ནི་གོ་སླ་ཞིང་། །བསྐྱེད་རིམ་གཞུང་ལྟར་དྲན་རྫོགས་བསྒོམས་པས་འཐུས། །སྐུ་ལུས་འགྱིང་བག་མི་བྱ་དྲང་པོར་བསྒོམ། །དེ་ནི་ཚུལ་ཁྲིམས་གཙང་བའི་གནད་ཡོད་གསུངས། །ཕྱག་གཡོན་ཨུཏྤལ་རྩེ་མོ་གསུམ་པ་སྟེ། །གཡས་པ་མེ་ཏོག་བྲུལ་ཏེ་འབྲས་བུར་སྨིན། །གཡོན་པའི་ཁ་ནི་བྱེ་ལ་ཁད་པ་སྟེ། །དབུས་མ་མེ་ཏོག་རབ་ཏུ་རྒྱས་པ་སྟེ། །དུས་གསུམ་སངས་རྒྱས་

[Full Size]

གསུམ་གྱི་ངོ་བོ་ཡིན། །ཕྱག་གཡོན་མཐེབ་སྲིན་སྦྱར་བའི་རྩེ་མོ་གསུམ། །གྱེན་དུ་བསྒྲེང་པ་དཀོན་མཆོག་གསུམ་པོ་མཚོན། །གདན་དང་རྒྱབ་ཡོལ་གཉིས་ཀ་ཟླ་བ་རྒྱས། །ན་བཟའ་ཐམས་ཅད་དཀར་པོ་ཁོ་ན་ཡིན། །སྤྱི་གཙུག་རིགས་བདག་འོད་དཔག་མེད་པ་བསྒོམས། །ཕྱག་གཡས་མཆོག་སྦྱིན་མཛད་པའི་འོག་ཏུ་ནི། །རང་གི་མི་ནོར་བསྒོམ་པ་སྲུང་བའི་མཆོག །སྐུ་ལུས་ནང་གི་སྟོང་པ་སང་ངེ་བ། །དེ་ཡི་སྤྱི་བོས་ནང་དུ་ཨོཾ་དཀར་པོ། །མགྲིན་པར་ཨཱདམར་རིང་ཆ་ཚེག་དྲག་བཅས། །ཐུགས་ཀའི་ཚེ་སྨད་ཧཱུྃ་ཡིག་སྔོན་པོ་སྟེ། །སངས་རྒྱས་ཀུན་གྱི་སྐུ་གསུང་ཐུགས་ཡིན་ནོ། ༈ །ཐུགས་ཀར་ཡིད་བཞིན་འཁོར་ལོ་བསྒོམ་པ་ནི། །བསྡུས་པ་དང་ནི་རྒྱས་པ་གཉིས་ཡོད་དེ། །གཞུང་འདི་ཇོ་བོ་རྗེ་ཡི་ལུགས་ཡིན་ནོ། །འཁོར་ལོ་དཀར་པོ་རྩིབས་བརྒྱད་མུ་ཁྱུད་མེད། །ཟླ་བའི་མདོག་ཅན་གདན་ཐབས་ཐུགས་ཀར་གནས། །ལྟེ་བར་ཧཱུྃ་ཡིག་དཀར་པོ་རིང་ཆ་ཅན། །འཁོར་ལོ་མ་རེག་ཙམ་དུ་བསྒྲེངས་ཏེ་གནས། །ཏཱཾ་ཡིག་སྟེང་གི་བར་སྣང་ཨོཾ་ཡིག་དཀར། །ཏཾཐད་འཁོར་ལོའི་འོག་ཏུ་ཧཱ་ཡིག་དཀར། །རྩིབས་བརྒྱད་སྟེང་དུ་མདུན་ནས་གཡས་བསྐོར་དུ། །ཡི་གེའི་ངོ་

[Full Size]

ནི་ནང་དུ་བསྟན་བྱས་ཏེ། །ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། །དེ་རྣམས་ཀློག་པའི་ཚུལ་དུ་བཟླས། །དེ་ནས་འཁོར་ལོ་གཡས་གཅིག་ཡིག་འབྲུ་གཡོན། །དང་པོ་དལ་ལ་དེ་ནས་ཇེ་མགྱོགས་འཁོར། །ཨོཾ་ཏཱཾཿཧཱ་གསུམ་གཡོ་འགུལ་མེད་པར་གནས། །དེ་ནི་འཁོར་ལོ་བསྡུས་པའི་སྒོམ་ལུགས་ཡིན། ༧ །གལ་ཏེ་འཁོར་ལོ་རྒྱས་པ་སྒོམ་འདོད་ན། །གཞུང་ཚིག་སྒྱུར་ནི་མི་དགོས་ཡིད་ཀྱིས་བསྒོམས། །འཁོར་ལོ་རྩིབས་བརྒྱད་མུ་ཁྱུད་རིམ་པ་ལྔ། །དེ་ནི་སྔོན་ལྟར་ཏཱཾ་ཡིག་བསྒྲེངས་ཐབ་གནས། །དེ་ཡི་གཡས་སུ་ཨོཾ་དང་གཡོན་དུ་ཧཱ། །ཧཱུྃ་ཡིག་མཐའ་རུ་འདོད་གསོལ་ཡི་གེ་སྟེ། །མ་མ་ཨཱ་ཡུ་པུཎྱེ་ཛྙཱ་ན་པུཊྚིཾ་ཀུ་རུ། །མ་མ་ཞེས་པ་བདག་ཅེས་པ་སྟེ། །རང་དོན་ཡིན་ན་དེ་ཡིས་ཆོག་པ་སྟེ། ༧ །བླ་མ་སྦྱིན་བདག་ལ་སོགས་སྐུ་རིམ་ལ། །མ་ཡི་ཚིག་གི་མཚམས་སུ་མིང་བཅུག་སྟེ། །རྩིབས་བརྒྱད་ནང་དུ་སྔོན་ལྟར་ཡིག་འབྲུ་བརྒྱད། །དེ་རྒྱབ་མུ་ཁྱུད་ནང་མར་མདུན་ནས་བརྩམས། །དབྱངས་ཡིག་བཅུ་དྲུག་གཡོན་བསྐོར་དག་ཏུ་གནས། །མུ་ཁྱུད་གཉིས་པར་གསལ་བྱེད་གཡས་བསྐོར་དུ། །གསུམ་པར་རྟེན་འབྲེལ་སྙིང་པོ་གཡས་བསྐོར་ཏེ། །བཞི་པ་རྡོ་རྗེའི་ཕྲེང་བ་ནས་འབྲུ་ཙམ། །ལྔ་པར་མེ་

[Full Size]

རི་དཀར་པོ་སོར་གཅིག་ཙམ། །ཐམས་ཅད་མུ་ཏིག་མདོག་ཅན་འོད་ཟེར་འཕྲོ། །འདི་ལ་སྔགས་ཕྲེང་འཁོར་ལོ་འཁོར་རྒྱུ་མེད། །དེ་ལྟར་འཁོར་ལོ་རྒྱས་བསྡུས་གང་སྒོམ་ཡང་། །འཁོར་ལོ་ཡིག་འབྲུ་ས་བོན་བཅས་པ་ལ། །འོད་ཟེར་དཀར་པོ་འཕྲོས་པས་བདག་ལུས་གང་། །ནད་གདོན་སྡིག་སྒྲིབ་དུས་མིན་འཆི་བ་སོགས། །བ་མོར་ཉི་ཟེར་ཕོག་ལྟར་གསལ་བར་བསྒོམས། །འོད་ཟེར་ཕྱིར་འཕྲོས་འཇིག་རྟེན་ཐམས་ཅད་ཁྱབ། །སངས་རྒྱས་ཐམས་ཅད་མཆོད་ཅིང་ཐུགས་རྒྱུད་བསྐུལ། །སེམས་ཅན་ཀུན་ལ་ཕོག་པས་སྡིག་སྒྲིབ་དག །ཐམས་ཅད་སྒྲོལ་མའི་སྐུར་གྱུར་སྔགས་སྒྲ་སྒྲོག །དེ་དག་ཀུན་གྱི་ཡོན་ཏན་ཡེ་ཤེས་དང་། །བྱིན་རླབས་ཚེ་དང་བསོད་ནམས་དངོས་གྲུབ་དང་། །འབྱུང་བ་ལྔ་ཡི་བཅུད་དང་ནུས་པ་ཀུན། །འོད་ཟེར་དཀར་པོའི་རྣམ་པར་ཚུར་ཐོན་ནས། །རང་གི་ཐུགས་ཀའི་ཡིག་འབྲུ་ལ་ཐིམ་པས། །ཚེ་དང་བསོད་ནམས་ཡེ་ཤེས་རྒྱས་པར་བསྒོམས། །བསྲུང་བྱ་གཞན་གྱི་རིམ་གྲོ་བྱེད་ན་ནི། །འོད་ཟེར་རང་དང་བསྲུང་བྱ་རྣམས་ལ་ཐིམ། །བསྙེན་པའི་སྔགས་འདི་ཡི་གེ་བཅུ་པ་སྟེ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། གདན་ཐོག་གཅིག་གིས་སྒྲུབ་པ་བྱེད་ན་

[Full Size]

ནི། །དུས་ཀྱི་བསྙེན་པ་རབ་ལ་ཟླ་བ་དྲུག །འབྲིང་གསུམ་ཐ་མ་ཞག་ནི་ཉེར་གཅིག་གོ །ཡང་མཐའ་ཞག་བདུན་གྱིས་ཀྱང་ཆོག་པར་བཤད། །གྲངས་ཀྱི་བསྙེན་པ་འབུམ་ཕྲག་བཅུ་ཡིན་ཏེ། །སྙིགས་མའི་དུས་འདིར་བཞི་འགྱུར་ཐོན་ན་རབ། །ཐ་མ་འབུམ་ཕྲག་གསུམ་གྱིས་འགྲུབ་པ་སྟེ། །ཡང་ན་འབུམ་ཕྲག་གཅིག་གིས་ཆོག་པར་བཤད། །དེ་ལྟར་བསྙེན་པ་ཅི་ཙམ་ཐོན་པ་ཡི། །བཅུ་ཆའི་ཚད་ཙམ་སྒྲུབ་པའི་སྔགས་འདི་སྦྱར། །ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨ་ཡུ་པུཎྱེ་ཛྙཱ་ན་པུཎྚི་ཀུ་རུ་ཡེ་སྭཱ་ཧཱ། གལ་ཆེན་བསྲུང་བྱ་ཡོད་ན་མ་ཡི་ནང་། །དེ་ཡི་མིང་དེ་རྒྱ་སྐད་བསྒྱུར་ལ་བཅུག །གལ་ཏེ་སྒྲུབ་པ་མ་ཐོན་རྒྱུན་ཁྱེར་ལ། །སྔགས་ཐུང་སྟོང་རེ་སྔགས་རིང་བརྒྱ་རེ་སྦྱར། །སྔགས་ཐུང་དེ་ཉིད་བརྒྱ་རེ་རྒྱུན་ཁྱེར་ལ། །སྔགས་རིང་དེ་ཉིད་བཅུ་རེ་བཟླས་པ་བྱ། །སྒྲོལ་མའི་དབང་ཐོབ་ཡི་དམ་གྲལ་ཙམ་ནས། །སྔགས་རིང་སྔགས་ཐུང་བརྒྱ་རེ་ཆག་མེད་དམ་ཚིག་ཡིན། །རྗེས་ནི་འོད་ཞུ་སྟོང་པར་བསྡུ་བ་དང་། །བསྔོ་བ་ལ་སོགས་གཞུང་ཚིག་རང་གི་འཐུས། །གལ་ཏེ་འདི་ཡིས་མཚམས་སྦྱོར་བྱེད་ན་ནི། །ཐུན་མཚམས་སླར་ཡང་སྒྲོལ་མའི་སྐུར་གསལ་ནས། །སྤྱོད་ལམ་གང་དགོས་བྱ་བ་འགྲུབ་པ་ཡིན། །

[Full Size]

དེ་ཚེ་འམ་ནི་སྲོད་ཀྱི་དུས་ལ་སོགས། །སྲུང་འཁོར་བསྒོམ་པར་འདོད་ན་འདི་ལྟར་བསྒོམ། །རང་གི་ཐུགས་ཀའི་འཁོར་ལོ་ཡིག་འབྲུ་ལས། །འོད་ཟེར་དཀར་པོ་ཟླ་བའི་མདོག་ལྟར་འཕྲོས། །ལུས་གང་འོད་ཟེར་ཕྱི་རུ་འཕྲོས་པ་ལས། །འཁོར་ལོ་དཀར་པོ་གུར་ཐབས་རྩིབས་བཅུ་པ། །ཕྱོགས་མཚམས་རྩིབས་བརྒྱད་དེ་དང་འོག་རྩིབས་བཅུ། །སྦུབ་ཆོལ་ཁ་སྦྱོར་ལྟ་བུ་ནང་སྟོང་པ། །མུ་ཁྱུད་དང་བཅས་འཁོར་ལོའི་ལྟེ་བ་དེར། །རང་ཉིད་སྒྲོལ་མར་གསལ་བའི་གཡས་གཡོན་དུ། །རང་གི་བསྲུང་བྱ་ཐམས་ཅད་གུས་པར་འཁོད། །རྩིབས་བཅུ་ནང་དུ་སྟེང་འོག་ཨོཾ་ཧྥུདང་། །རྩིབས་བརྒྱད་ཡིག་འབྲུ་བཅུ་པོ་མེ་འབར་བསྒོམ། །རྩིགྲོས་རྣམས་རལ་གྲི་སོ་གཉིས་ལྟ་བུ་ལ། །སྲུབ་མེད་རྣོ་ཞིང་གཡས་སུ་དྲག་ཏུ་འཁོར། །སླར་ཡང་ཐུགས་ལས་འོད་ཟེར་དཀར་པོ་འཕྲོས། །བདག་གཞན་ནད་གདོན་བར་ཆད་ཞི་བར་བྱ། །འཁོར་ལོའི་ཕྱི་རོལ་འོད་ཟེར་དཀར་པོའི་གུར། ༧ །འོད་ཟེར་སེར་པོ་འཕྲོས་པས་ཚེ་བསོད་རྒྱས། །དེ་རྒྱབ་འོད་ཟེར་སེར་པོའི་གུར་དུ་གྱུར། ༧ །དམར་པོ་འཕྲོས་པས་སྣང་སྲིད་དབང་དུ་བསྡུས། །དེ་རྒྱབ་འོད་ཟེར་དམར་པོའི་གུར་དུ་གྱུར། ༧ །སྔོན་

[Full Size]

པོ་འཕྲོས་པས་བདུད་བཞི་ཚར་བཅད་ཏེ། །དེ་རྒྱབ་འོད་ཟེར་སྔོན་པོའི་གུར་དུ་གྱུར། ༧ །ལྗང་གུ་འཕྲོས་པས་ཕྲིན་ལས་སྣ་ཚོགས་འགྲུབ། །དེ་རྒྱབ་འོད་ཟེར་ལྗང་གུའི་གུར་དུ་གྱུར། །འོད་ཟེར་མཐིང་ཀ་འཕྲོས་པས་དེ་དག་ཀུན། །བརྟན་པར་བྱས་ཤིང་དེ་རྒྱབ་མཐིང་ཀའི་གུར། ༧ །དེ་རྒྱབ་རྡོ་རྗེ་དཀར་པོའི་གུར་ཁང་དང་། །དེ་རྒྱབ་མེ་རི་དཀར་པོ་བར་མེད་འབར། །གུར་ཁང་དྲུག་གི་མཚམས་དང་འཁོར་ལོའི་ནང་། །མེ་ཏོག་ཨུཏྤལ་སྔོན་པོས་ཤིག་སེར་གང་། །གཞུང་དུ་ཟུང་འཇུག་སྐུ་ཡི་ཞེས་པའི་དོན། །དེ་ལྟར་ལྷ་དང་འཁོར་ལོ་གུར་ཁང་རྣམས། །སྣང་སྟོང་སྒྱུ་མ་ཆུ་ཟླ་འཇའ་ཚོན་ལྟར། །སེམས་ངོ་གཤིས་དང་མ་བྲལ་ངང་ནས་བསྒོམ། །འདི་ནི་སྒྲོལ་དཀར་སྤྲོས་མེད་རྫོགས་རིམ་སྟེ། །སྲུང་འཁོར་བསྒོམ་པ་འདི་ལས་ལྷག་པ་མེད། །སྲོད་ལ་ཐུན་རེ་མ་ཆག་བསྒོམ་ན་ནི། །བདུད་དང་འཕྲད་ཀྱང་ཕམ་པར་མི་འགྱུར་གསུངས། །མཐར་ནི་གུར་རྣམས་ཕྱི་ནས་རིམ་པ་བཞིན། །གཅིག་ནི་གཅིག་ཐིམ་ཐམས་ཅད་རང་ལ་ཐིམ། །རང་ཉིད་ཐུགས་ཀའི་ཡིག་འབྲུ་ཏིལ་ཐིམ། །དེ་ཡང་མཐའ་ནས་གྱེན་རྫོགས་སྟོང་པར་ཡལ། །ཅི་ཡང་མི་དམིགས་སྨྲ་བསམ་བརྗོད་དང་བྲལ། །

[Full Size]

འཕགས་བཞི་སྐྱེད་བྱེད་ཆོས་སྐུ་ཡུམ་ཆེན་མོ། །དོན་དམ་སྒྲོལ་མ་རང་རིག་སེམས་ཉིད་དུ། །ངོ་ཤེས་དོན་དམ་སྐྱོང་བས་འཁོར་བ་སྒྲོལ། །ས་ལམ་ཡོན་ཏན་སྐྱེ་བའི་མ་ཡིན་པས། །དེ་ཕྱིར་སེམས་ཉིད་སྒྲོལ་མ་ཡིན་ཞེས་བྱ། །གལ་ཏེ་འདི་ཉིད་བསྙེན་སྒྲུབ་མཚམས་བྱེད་ན། །དཀར་གསུམ་ཤ་ཆང་མ་འདྲེས་གཏོར་མ་བཤམས། །ཨ་ཀཱ་རོ་ཡི་སྔགས་ཀྱིས་བྱིན་གྱིས་བརླབས། །བཛྲ་ས་མཱ་ཛ་ཡིས་སྤྱན་འདྲེན་ལ། །རྩ་སྔགས་བྷ་ལི་ཁཱ་ཧི་བཏགས་ལ་འབུལ། །ཨནྡྷུ་ལ་སོགས་སྔགས་ཀྱིས་མཆོད་བྱས་ནས། །མཆོད་བསྟོད་ནང་གི་སྒྲོལ་དཀར་བསྟོད་པ་འདོན། །གཤེགས་སམ་རྟེན་ལ་ཐིམ་སོགས་ཅི་བདེར་བསྒོམས། །ཐུན་དྲུག་ཐུན་བཞི་ཐུན་གསུམ་གང་འགྲུབ་བྱ། །ཐུན་མཚམས་དགེ་སྦྱོར་ཆག་མེད་གང་དགོས་བྱ། །ཚོགས་རྫས་མིན་པའི་ཤ་ཆང་སྒོག་ཙོང་སྤང་། །ཆབ་ལེན་ལ་སོགས་གཙང་སྦྲ་ཅི་ནུས་འབད། ༧ །རྟགས་ནི་མ་སྲིང་བུད་མེད་གོས་དཀར་ཅན། །མཛེས་སྡུག་རྒྱན་ལྡན་བཟའ་བཏུང་རིན་ཆེན་གཏེར། །ལོངས་སྤྱོད་དཀར་གསུམ་བདུད་རྩི་ལ་སོགས་ཟ། །མེ་ཏོག་དམར་པོ་ཁོ་ན་མ་ཡིན་པ། །མེ་ཏོག་ཚལ་དུ་ཕྱིན་དང་ཨུཏྤལ་འཐུ། །འཇིགས་སྐྲག་ལས་

[Full Size]

ཐར་གྱེན་དུ་འགྲོ་བ་དང་། །གོས་དཀར་གྱོན་དང་རྒྱན་གོས་བཟང་པོ་ཐོགས། །ཉི་ཟླ་ཤར་དང་རོལ་མོའི་སྒྲ་སྒྲོག་དང་། །སཱཙྪ་ལུང་དུ་སྟོན་ནམ་་་་་་བརྒྱུན་ཉུང་ཤོས། །སཱཙྪ་དཀར་པོ་མང་པོ་མཐོང་བ་དང་། །སཱཙྪ་གྲངས་ཀ་མཐོང་བ་ཚེ་ཡི་ཚད། །སཱཙྪམཐོང་དང་བརྡབ་རྨིས་བར་ཆད་ཟློག །ཚེ་འདིར་ནད་གདོན་འཇིགས་པ་ཀུན་ལས་ཐར། །ཕྱི་མ་བདེ་ཆེན་ཞིང་ཁམས་པོ་ཏ་ལར། །སྐྱེས་ནས་ངན་སོང་སྒྲ་ཡང་མི་ཐོས་གསུངས། །གལ་ཏེ་ཟླ་བ་དྲུག་ཏུ་གཉིད་སྤངས་ནས། །བྱ་བ་གཞན་སྤང་རྩེ་གཅིག་བསྒོམས་བྱས་ན། །ལུས་འདི་ལ་ནི་འཆི་མེད་འགྲུབ་པར་གསུངས། །དཔེར་ན་ངག་གི་དབང་ཕྱུག་གྲགས་པ་བཞིན། །འདི་ཡི་ལས་ཚོགས་དཔག་ཏུ་མེད་ན་ཡང་། །ཉེར་མཁོ་སྟབས་བདེ་ཅུང་ཟད་འདིར་བརྗོད་ན། །ཆུ་དང་དགྲ་དང་ལམ་ངན་ལ་སོགས་པ། །འཇིགས་སྐྲག་ཡོད་པའི་ཕྱོགས་སུ་འགྲོ་བའི་དུས། །དེ་ཡི་ཐད་ཀྱི་ནམ་མཁར་སྒྲོལ་མ་བསྒོམས། །ཚུར་ལ་ཞལ་གཟིགས་སྐུ་ནི་ཤིན་ཏུ་ཆེ། །ཕྱག་གཡས་སྐྱབས་སྦྱིན་མཛད་པའི་ཞབས་སུ་ནི། །རང་དང་ཁལ་མ་ལ་སོགས་འགྲོ་བར་བསྒོམ། །ཨོཾ་ཏཱ་རེ་ཏུཏྟ་རེ་ཏུ་རེ། འཇིགས་པ་སྨྲེ་ཤཱནཾ་ཀུ་རུ་ཡེ་སྭཱ་ཧཱ། ཞེས་པའི་སྔགས་

[Full Size]

འདི་བཟླས་ཤིང་འགྲོ་བའམ། །ཕྱག་འཚལ་ཉེར་གཅིག་སྒྲོལ་དཀར་བསྟོད་པ་འདོན། །དེ་ཡིས་འཇིགས་པ་ཐམས་ཅད་སྐྱོབས་པར་བཤད། །མགོ་ཐོན་ལམ་སྲུང་མཆོག་ཏུ་གྱུར་པ་ཡིན། །གལ་ཏེ་རང་དང་གཞན་དག་ན་གྱུར་ན། །ཡིད་ཀྱིས་སྒྲོལ་དཀར་ནམ་མཁར་སྤྱན་དྲོངས་ལ། །དེ་ཡི་སྐུ་ལས་བདུད་རྩི་འོ་མ་ལྟར། །ལྷུད་ལྷུད་བབས་པས་རང་ངམ་ནད་པ་ཡི། །ཚངས་བུག་ནས་ཞུགས་ལུས་ཀུན་ཐམས་ཅད་བཀྲུས། །ནད་གདོན་ཀུན་དག་ཤེལ་སྒོང་ལྟ་བུར་གྱུར། །ཨོཾ་ཏཱ་རེ་ཏུཏྟཱ་རེ་ཏུ་རེ་ཤཱནྟིཾ་ཀུ་རུ་ཡེ་སྭཱ་ཧཱ། ཅི་ནུས་བཟླས་རྗེས་སྒྲོལ་མ་ནད་པར་ཐིམ། །མིག་སོགས་ཚ་ནའང་སྔགས་ཆུའི་སྔགས་མཆིལ་བྱུག །དམིགས་པ་གསལ་ཞིང་དད་གུས་ཆེ་བ་ན། །ཐུན་རེ་བྷེ་པས་ནད་པ་ལ་ཕན་པར། །མང་པོ་བྱུང་ཞེས་བཀའ་གདམས་རྣམས་ཀྱིས་གསུངས། །རང་དང་བསྲུང་བྱ་འཁོར་ཚོགས་བཅས་པ་རྣམས། །དམག་ཇག་ཆོམ་རྐུན་རྒྱལ་པོའི་ཆད་པ་རྣམས། །ནད་གདོན་ཡམས་ནད་འཚེ་བའི་རིགས་གྱུར་ཀུན། །ཞི་ཞིང་བསྲུང་བའི་སྔགས་དམིགས་མཆོག་གྱུར་པ། །གོང་དུ་ཤེས་པའི་སྲུང་འཁོར་རྒྱ་ཆེན་བསྒོམ། །དེ་ནས་རང་ཉིད་སྒྲོལ་མའི་གཡས་གཡོན་མདུན། །

[Full Size]

བསྲུང་བྱ་ཐམས་ཅད་ཟླ་བའི་གདན་ལ་བསྒོམས། །རང་གི་ཐུགས་ལས་འོད་ཟེར་འཕྲོས་པ་ཡིས། །སངས་རྒྱས་བྱང་ཆུབ་སེམས་དཔའ་ཐམས་ཅད་ནི། །སྒྲོལ་དཀར་སྐུར་གྱུར་ནམ་མཁར་སྤྱན་དྲངས་ལ། །ཀུན་ཀྱང་ཕྱག་ན་བུམ་པ་དཀར་པོ་ནི། །བདུད་རྩིའི་རྒྱུན་བབ་བསྲུང་བྱ་ཐམས་ཅད་ཀྱིས། །འཇིགས་པ་དེ་དག་འབྱུང་བའི་ལས་སྒྲིབ་དག །ནད་གདོན་ཀུན་དག་ཤེལ་སྒོང་ལྟ་བུར་གྱུར། །རང་གི་ཐུགས་ཀའི་འཁོར་ལོ་ཡིག་འབྲུ་ལས། །འོད་ཟེར་དཀར་པོ་དཔག་མེད་འཕྲོས་པ་ཡི། །འཇིགས་དང་གནོད་པ་ལ་སོགས་གང་ཡིན་དེ། །མྱུར་བར་བཅོ་ལྔའི་ཟླ་ཤར་ལྟར་གསལ་བསྒོམ། །ཨོཾ་ཏཱ་རེ་ཏུཏྟཱ་རེ་ཏུ་རེ་སོགས། །སྤྱི་ལ་འཇིགས་པ་བཅུ་དྲུག་ཅེས་པའམ། །བྱེ་བྲག་འཇིགས་པ་སྨྲེ་སོགས་ཤཱནྟིཾ་ཀུ་རུ་ཡེ་སྭཱ་ཧཱ། འཇིགས་དང་མ་བྲལ་བར་དུ་རྒྱུན་ཁྱེར་ལ། །ཤིན་ཏུ་སྐྲག་ན་ཞག་བདུན་མཚམས་བྱས་བསྒྲུབས། །ཐུན་མཚམས་གཏོར་བསྔོས་འདོད་གསོལ་གང་བདེར་བྱ། །འཇིགས་དང་བྲལ་བའི་རྨིས་ལྟས་གསལ་བའམ། །ཡང་ན་ལུང་བསྟན་ཚིག་དང་ཡི་གེ་མཐོང་། །དེ་བྱུང་འཇིགས་པ་གང་ལའང་ཡ་ང་མེད། །སྲུང་བའི་སྐུད་པ་སྔགས་མར་ལ་སོགས་པར། །ཨ་མྲྀ་ཏ་སོགས་སྔགས་

[Full Size]

ཀྱིས་བསང་སྦྱངས་བྱ། །སྭ་བྷ་ཝ་དང་སྔགས་ཀྱིས་སྟོང་པར་སྦྱངས། །དེ་ནས་དེ་ཉིད་སྒྲོལ་མའི་སྐུར་བསྒོམས་ཏེ། །པོ་ཏཱ་ལ་ནས་ཡིད་ཀྱིས་སྤྱན་དྲངས་བསྟིམ། །ཡི་གེ་བཅུ་པོའི་སྭཱ་ཧཱའི་གོང་དེ་རུ། །བཏགས་ལ་སྔགས་ཆུ་སྔགས་མར་ལ་སོགས་ལ། །ནད་གདོན་སརྦ་ཤཱནྟཾ་ཀུ་རུ་སྦྱར། །སྲུང་སྐུད་རཀྵ་རཀྵ་སྦྱར་བར་བྱ། །རྟ་ཕྱུགས་ལ་སོགས་འཆ་བསྲུང་ཕྱིར་ཡིན་ན་ནི། །གཅན་གཟན་ཆོམ་རྐུན་སརྦ་རཀྟ་སྦྱར། །སྲུང་སྐུད་དཀར་པོར་མདུད་པ་ཉེར་གཅིག་བྱ། །མདུད་པ་རེ་ལ་སྒྲོལ་མ་རེ་རེ་བསྒོམ། །དེ་དག་གང་མང་སྔགས་བཟླས་ཕུ་བཏབ་ནས། །སྒྲོལ་དཀར་འོད་ཞུ་སོ་སོར་ཐིམ་དམིགས་ལ། །བཏགས་དང་བྱུག་སོགས་གང་དགོས་སྐབས་དང་སྦྱར། །འདི་ནི་རྒྱུད་དང་རྒྱ་གཞུང་ལ་སོགས་ནས། །གསུངས་པའི་མན་ངག་ཟབ་མོ་ཁྱབ་ཆེན་ཡིན། །མདོར་ན་འཇིགས་པ་ཐམས་ཅད་སེལ་བ་དང་། །སྒྲོལ་མ་ལས་ལྷག་གཅིག་ཀྱང་མེད་པ་དང་། ༧ །སྤྱན་ནི་སྐད་ཅིག་གློག་དང་འདྲ་མ་གསུངས། །མདོར་ན་འཇིགས་སྐྲག་གང་དང་གང་བྱུང་ཡང་། །སྒྲོལ་མའི་སྤྲུལ་པས་མི་སླེབས་མི་སྲིད་དེ། །འདི་ཡི་སྨོན་ལམ་ཐུགས་བསྐྱེད་སྟོབས་ཆེན་ཡིན། །འོན་ཀྱང་རང་ཉིད་

[Full Size]

སྐྱབས་སུ་མ་སོང་ན། །དེ་རུ་ཕེབས་ཀྱང་སྐྱོབ་རྒྱུ་མེད་པ་ཡིན། །སྐྱབས་ཞུས་ན་ནི་སྔོན་གྱི་ལས་ངན་གྱི། །རྣམ་སྨིན་མ་གཏོགས་ཐམས་ཅད་སྐྱོབ་པར་ངེས། །ཞེས་གསུངས། ཤཱཀྱའི་དགེ་ཚུལ་པདྨ་ཐབས་མཁས་ཀྱིས། །བསྐུལ་ཕྱིར་རཱ་ག་ཨ་སྱས་ཐུན་མཚམས་ཤིག །སྨྲས་པ་བསྐུལ་བ་པོ་དེས་ཡི་གེར་བཀོད། །འཁྲུལ་པ་མེད་པས་བཤགས་བྱ་མ་མཆིས་ཤིང་། །དགེ་བས་འགྲོ་ཀུན་འཇིགས་ལས་གྲོལ་བར་ཤོག །སརྦ་མངྒ་ལཾ། །འདི་བྲིས་དགེ་བས་མཁའ་མཉམ་སེམས་ཅན་ཀུན། །འཕགས་མ་སྒྲོལ་མའི་གོ་འཕང་མྱུར་ཐོབ་ཤོག །བཀྲ་ཤིས་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྒྲོལ་མ་ཡིད་བཞིན་ནོར་བུ་འཁོར་ལོ་ཚིགས་སུ་བཅད་པའི་བསྙེན་སྒྲུབ་བྱ་ཚུལ་ཟིན་བྲིས་མདོར་བསྡུས་པ།

[Full Size]

སྒྲོལ་མ་ཡིད་བཞིན་ནོར་བུ་འཁོར་ལོ་ཚིགས་སུ་བཅད་པའི་བསྙེན་སྒྲུབ་བྱ་ཚུལ་ཟིན་བྲིས་མདོར་བསྡུས་པ་ཙམ་ཞིག་བཞུགས་སོ། །

[Full Size]

གུ་རུ་ཨརྱ་ཏཱ་རེ་ཡེ་ན་མ། འདིར་རྒྱལ་བ་ཐམས་ཅད་མཁྱེན་པ་དྲུག་པའི་ཞལ་སྔ་ནས་འཇང་ས་ཐམ་ཆོས་རྒྱལ་གོང་མ་ཆེན་པོའི་ཐུགས་དམ་རྒྱུན་ཁྱེར་གནང་བར་གྲགས་པའི་སྒྲོལ་མ་ཡིད་བཞིན་འཁོར་ལོའི་མངོན་རྟོགས་ཤིན་ཏུ་བསྡུས་པ་འདིའི་སྒོ་ནས། བསྙེན་སྒྲུབ་ཇི་ལྟར་བྱ་ཚུལ་ཞལ་ཤེས་གདམས་པ་ཟབ་མོ་འདི་ལྟ་སྟེ། མདུན་དུ་རྡུལ་ཚོན་གྱིས་པདྨ་འདབ་བརྒྱད་དཀར་པོ་བྲིས་པའམ། མ་འབྱོར་ན་འབྲུའི་ཚོམ་བུ་བཀོད་དེ་མཐར་མཆོད་པས་བསྐོར་བའམ་མདུན་དུ་བཤམས། གཏོར་མ་ཤ་ཆང་མ་འདྲེས་པ་ཟླུམ་པོ་དང་། སྔོན་འགྲོ་གཏོར་མ་གཅིག་དང་བུམ་པ་རྡོར་དྲིལ་བཤམས།

[Full Size]

རང་ཉིད་ཁྲུས་བྱས་ཤ་ཆང་སྤང་ཟས་མཚམས་སུ་ཆབ་ལེན་པ་སོགས་གཙང་སྦྲ་ལ་གནས་པར་བྱའོ། །སྐྱབས་འགྲོ་སེམས་བསྐྱེད་རྒྱས་པར་བྱ། དང་པོ་ཉིན་སྔོན་འགྲོ་བགེགས་གཏོར་ཀུན་རིག་གམ་གང་རུང་བྱ། སུམ་བྷ་ནིས་བགེགས་བསྐྲད། ཨོཾ་ཨཱབིགྷན་ཏ་ཀྲྀཏ་ཧཱུྃ་ཕཊ་ཅེས་ཕྱོགས་བཅུར་སེ་གོལ་གཏོགས་ཤིང་སྔགས་རེ་བརྗོད་པས་ཕྱོགས་བཅུའི་བགེགས་བསྐྲད་པར་བསྒོམས་ལ། སྟེང་འོག་ཕྱོགས་མཚམས་ཐམས་ཅད་རྡོ་རྗེ་དཀར་པོའི་གུར་བླ་བྲེ་ས་གཞི་དྲྭ་བ་ར་བར་གྱུར། ཕྱི་རོལ་དུ་ཡེ་ཤེས་ཀྱི་མེ་ཁ་དོག་དཀར་པོ་ཤས་ཆེར་འབར་བར་བསྒོམས་ལ། ཨོཾ་བཛྲ་རཀྵ་རཀྵ་ཧཱུྃ་

[Full Size]

ཞེས་ལན་བདུན་གྱིས་སྲུང་འཁོར་བརྟན་པར་བྱིན་གྱིས་བརླབས་སོ། །དེ་ནས་རང་ཉིད་སྐད་ཅིག་གིས་སྒྲོལ་མར་བསྒོམ། ཐུགས་ཀའི་འོད་ཟེར་གྱིས་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པར་སྒྲོལ་མ་ལ་བསྐོར་བ་མདུན་གྱི་ནམ་མཁར་བྱོན་པར་བསྒོམས་ལ། ལག་པ་གཉིས་བསྣོལ་ལ་སེ་གོལ་དཔུང་པའི་ཐད་དུ་རྡེབ་ཅིང་། བཛྲ་ས་མཱ་ཛཿ ཞེས་བརྗོད། དེ་རྣམས་ཀྱི་མདུན་དུ་ཡན་ལག་བདུན་པས་ཚོགས་བསགས་པར་བསྒོམས་ལ། བཟང་སྤྱོད་སྨོན་ཐུང་ཚར་གཅིག་འདོན། དེ་ནས་ཚོགས་ཞིང་དེ་རྣམས་འོད་དུ་ཞུ་རང་ཉིད་སྙིང་གར་ཐིམ་པས་རྒྱུད་བྱིན་གྱིས་བརླབས་པར་བསམ། དེ་ཡན་ཆད་ནི་དང་པོའི་ཉིན་ཡིན་གྱི་རྒྱུན་དུ་མི་དགོས། དེ་ཡན་སྔོན་འགྲོའི་གདམས་པའོ། །དངོས་གཞི་ལ་བསྙེན་སྒྲུབ་ལས་གསུམ་ལས། བླ་མ་དཀོན་མཆོག་གསུམ་ལ་ཞེས་སོགས། བདག་བསྐྱེད་བསྙེན་པའི་བར་དུ་འདོན་ལ། རང་གི་སྙིང་གི་ཐད་ཀྱི་ནང་དུ་ངོ་བོ་ཡེ་ཤེས་ཀྱི་སྒྲོལ་མ་དཀར་མོ་ལ་རྣམ་པ་འཁོར་ལོ་དཀར་པོ་གདན་ཐབས་སུ་གནས་པ། རྩིབས་བརྒྱད་རབ་ཏུ་རྣོ་བའི་ལྟེ་བར་མ་རེག་ཙམ་དུ་ཏཱཾ་ཡིག་དཀར་པོ་འགྲེང་ཐབས་དེའི་སྟེང་གི་ཐད་དུ་ཨོཾ་དེའི་ཐད་འཁོར་ལོའི་འོག་ཏུ་ཧཱ་

[Full Size]

ཡིག་དང་ཡི་གེ་བཅུ་གསུམ་གཡོ་འགུལ་མེད་པར་རྩིབས་བརྒྱད་ལ་ཏཱ་རེ་ཏུཏྟཱ་རེ་ཏུ་རེ་སྭ་བརྒྱད་པོ་རྩིབས་ལ་མ་རེག་ཙམ་དུ་ཡི་གེ་མདུན་དུ་བསྟན་ཅིང་གཡས་བསྐོར་འགྲེང་ཐབས་སུ་གནས་པར་བསྒོམས་ལ། དེ་དག་གསལ་བཏབ་ཅིང་ཡི་གེ་བཅུ་པ་བཟླས། དེ་ནས་དལ་བུས་འཁོར་ལོ་གཡས་ཡི་གེ་འབྲུ་བརྒྱད་གཡོན་བར་བསྒོམ། དེ་ནས་ཇེ་མགྱོགས་སུ་འཁོར། དེ་ནས་ཤིན་ཏུ་མགྱོགས་པར་འཁོར་བར་བསྒོམས་ཏེ། འཁོར་ལོ་གཡས་སུ་འཁོར་བས་སྡིག་སྒྲིབ་ཐམས་ཅད་སང་སང་དག་པར་བསྒོམ། ཡི་གེ་བརྒྱད་གཡོན་དུ་འཁོར་བས་ཚེ་དང་བསོད་ནམས་ཡེ་ཤེས་ཤེས་རབ་ཐམས་ཅད་འཕེལ་བར་བསྒོམ། ཐུན་མཚམས་སུ་མཆོད། མདུན་བསྐྱེད་དང་བུམ་བསྐྱེད་བྱས་ལ་མཆོད་པ་གཏོར་བསྔོས་སོགས་གཞུང་ལྟར་བྱ། །མདུན་བསྐྱེད་ལ་སྔགས་བརྒྱ་དང་། བུམ་བསྐྱེད་ལ་དམིགས་ནས་བརྒྱ་རྩ་བཟླས། སྤྲོ་ན་བདག་འཇུག་བླངས། བདག་འཇུག་མི་ལེན་ན་བུམ་ཆུ་ཅུང་ཟད་འཐུངས་པས་ཁྲུས་བྱ་བའི་གོས་gདང་གདོང་ལ་བྱུག་ནས། མདུན་བསྐྱེད་ཀྱི་སྐུ་ལས་སྒྲོལ་མའི་སྐུ་དང་སྔགས་ཕྲེང་དང་འཁོར་ལོ་དཀར་པོ་མང་པོ་འཕྲོས་ནས་རང་ཉིད་ལ་ཐིམ་པས་སྐུ་གསུང་ཐུགས་ཀྱི་དབང་ཐོབ་པར་

[Full Size]

བསྒོམས་པས་འཐུས། དེ་ནས་མདུན་བུམ་རྗེས་ཆོག་བྱས་ལ་གཤེགས་སམ་རྟེན་ལ་བསྟིམ། བཅོམ་ལྡན་འདས་མ་འོད་ཞུ་སོགས་བདག་བསྐྱེད་བསྡུ། སྟོང་ཉིད་བསྒོམ། ཤེར་ཕྱིན་ཡུམ་འགྲུབ་སོགས་བསྔོ་བ་བྱས་ལ་སླར་ཡང་ཟུང་འཇུག་སྐུ་ཡིས་འགྲོ་ཞེས་སོགས་རང་ཉིད་སྒྲོལ་མ་རྒྱན་མེད་བསྒོམ་ལ་ཐུན་མཚམས་འདིར་ཆུ་གཅིན་དང་། ཟས་བཟའ་བ་སོགས་བྱ། གལ་ཏེ་ཆུ་གཅིན་དང་ཟས་སོགས་ཐུན་གྱི་དཀྱིལ་དུ་བྱེད་དགོས་བྱུང་ན་ཡང་། དེ་མ་ཐག་ཆབ་ལེན་པ་དང་། སྦྲིད་པ་དང་འོག་རླུང་ཤོར་བ་དང་། ངག་ཆེན་པོ་ཤོར་ན་ཡང་དེ་མ་ཐག་ཕྲེང་བ་ཐང་ལ་བཞག་ནས་ཆབ་ལེན་ལ་བདག་བསྐྱེད་མངོན་རྟོགས་ནས་སླར་འདོན་ཝིག་བྱའོ། །དེ་ལྟར་ཐུན་མཚམས་སུ་བྱ་བ་གཞན་གང་དགོས་དང་། འདོན་པ་གཞན་ཆག་མེད་གང་དགོས་རྣམས་བྱའོ། །སླར་བླ་མ་དཀོན་མཆོག་གསུམ་ལ་སྐྱབས་སུ་ནས་བཟུང་སྔར་ལྟར་ཐུན་བཟུང་སྟེ། དེ་ལྟར་ཐུན་གསུམ་མམ། ཐུན་བཞིར་བཅས་ཉམས་སུ་ལེན་ཏེ། སྔགས་ཡི་གེ་བཅུ་པ་དམིགས་པ་འཁོར་ལོ་འཁོར་བར་དེ་བསྒོམས་ཤིང་། ཞག་བདུན་ནམ་བཅུ་གཅིག་གམ། ཉེར་གཅིག །གྲངས་ནི་འབུམ་ཕྲག་བཅུའམ། བཞིའམ། ཐ་ན་འབུམ་ཕྲག་གཅིག་

[Full Size]

བཟླས་པ་ནི་བསྙེན་པའོ།། ༈ དེ་ནས་སྒྲུབ་པ་བྱ་བ་ནི། བདག་མདུན་དང་ཐུན་བཟུང་ལུགས་སྔར་དང་འདྲ་བ་ལས། རང་གི་སྙིང་གའི་འཁོར་ལོ་དེ་ལ་མུ་ཁྱུད་བསྒོམ་སྟེ། ལྟེ་བར་ཧཱུྃ་ཡིག་དེའི་མཐར་མར་རང་དང་རང་གི་བླ་མ་མཆེད་གྲོགས་སོགས་བསྲུང་བྱ་རྣམས་ཀྱི་མིང་གི་ཡི་གེའི་མཇུག་ཏུ་ཨཱ་ཡུ་པུཎྱེ་ཛྙཱ་ན་མ་མ་པུཊྚི་ཀུ་རུ་ཞེས་སོགས་ཡོད་པས་བསྐོར། དེའི་ཕྱིར་ཏཾ་གྱི་གཡས་སུ་ཨོཾ་དང་གཡོན་ངོས་ཕྱོགས་སུ་ཧཱ་ཡིག་།དེ་རྒྱབ་རྩིབས་བརྒྱད་ལ་ཏཱ་རེ་ཏུཏྟཱ་རེ་ཏུ་རེ་སྭཱ་སྟེ་ཡིག་འབྲུ་བརྒྱད། དེ་རྒྱབ་མུ་ཁྱུད་ལ་ཨ་ཨཱ་སོགས་དབྱངས་ཡིག་བཅུ་དྲུག་གཡོན་བསྐོར། དེ་རྒྱབ་མུ་ཁྱུད་ལ་ཀ་ཁ་སོགས་གསལ་བྱེད་སོ་ཅུ་གཡས་བསྐོར། དེ་རྒྱབ་མུ་ཁྱུད་ལ་ཡེ་དྷརྨ་གཡས་བསྐོར་རེ་ཡིག་འབྲུ་ཐམས་ཅད་དཀར་པོ་ལང་ཐབས་སུ་ཧྲམ་མེ་ཡོད་པ། དེ་རྒྱབ་རྡོ་རྗེ་དཀར་པོ་ནས་འབྲུ་ཙམ་གྱི་ཕྲེང་བས་བསྐོར་བ། དེ་རྒྱབ་མེ་རི་དཀར་པོ་སོར་གང་ཙམ་གྱིས་བསྐོར་བར་བསྒོམ། འཁོར་ལོ་འདི་ལ་འཁོར་རྒྱུ་མེད་དོ། །འཁོར་ལོ་འདི་ལས་འོད་ཟེར་དཀར་པོ་ཕྱོགས་བཅུར་འཕྲོས་པས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་རླབས་དང་ལྷ་མི་འགྲོ་བ་ཀུན་ཐམས་ཅད་ཀྱི་ཚེ་དང་བསོད་

[Full Size]

ནམས་ཡོན་ཏན་ཡེ་ཤེས་ཐམས་ཅད་འཕེལ་ཞིང་རྒྱས་པར་བསྒོམས། སྣོད་ཀྱི་འཇིག་རྟེན་གྱི་རྩི་སྨན་རིན་པོ་ཆེའི་ས་བཅུད་ནུས་པ་ཐམས་ཅད་འོད་ཟེར་གྱི་རྣམ་པར་བསྡུས་ནས། འཁོར་ལོ་དང་ཡིག་འབྲུ་ལ་ཐིམ་ཚེ་དང་བསོད་ནམས་ཡོན་ཏན་ཡེ་ཤེས་ཐམས་ཅད་འཕེལ་ཞིང་རྒྱས་པར་བསྒོམ། ཨོཾ་ཏཱ་རེ་ཏུཏྟཱ་རེ་མ་མ་ཨཱ་ཡུ་པུཎྱ་ཛྙཱ་ན་པུཎྚི་ཀུ་རུ་སྭཱ་ཧཱ་ཞེས་བཟླས་འཕྲོ་བཞག །དེ་ནས་ལས་སྦྱོར་ལ། དང་པོ་སྲུང་འཁོར་ནི། རང་ཉིད་སྒྲོལ་དཀར་གྱི་ཕྱི་རོལ་ནས་རིམ་པར་འོད་ཟེར་དཀར་པོ་སེར་པོ་དམར་པོ་ལྗང་གུ་མཆིན་ཁ་ལྕགས་ཁའི་གུར་དྲུག་སྲུབ་དང་བར་མཚམས་མེད་པ་རླུང་སེར་བུ་ཡང་མི་ཐར་བ་གུར་སོ་སོའི་བར་འདོམ་རེ་ཙམ་ཐམས་ཅད་ཨུཏྤལ་དཀར་པོས་གཏམས་པ། གུར་ཁང་ཐམས་ཅད་སྲ་ལ་བརྟན་པ། དེ་རྒྱབ་མེ་རི་དཀར་པོ་རབ་ཏུ་འབར་བ། དེའི་ནང་དུ་འཁོར་ལོ་གུར་ཐབས་ཞྭ་ཐེབ་ཁ་སྦྱར་བ་ལྟ་བུ་ལ། ཕྱོགས་མཚམས་བརྒྱད་སྟེང་འོག་གཉིས་དང་བཅུ་སོགས་ཡོད་པ་ཡངས་ཤིང་རྒྱ་ཆེ་བ་སྟེང་འོག་གཉིས་ལ། ཨོཾ་དང་ཧ་སོགས་མཚམས་བརྒྱད་ལ་ཡི་གེ་ཏཱ་རེ་ཏུཏྟཱ་རེ་ཏུ་རེ་སྭ་བརྒྱད་པོ་ཡང་རི་རབ་ཙམ་མེ་འབར་བར་བསྒོམ། །འཁོར་ལོའི་ནང་རང་གི་གཡས་གཡོན་དུ་རང་གི་བླ་མ་མཆེད་གྲོགས་དང་

[Full Size]

ཡོན་བདག་བསྲུང་བྱར་གྱུར་པའི་མི་ནོར་ཡུལ་ཁམས་གནས་ཁང་དང་བཅས་པ་ཚུད་ནས་ཡོད་པར་བསྒོམས་ལ། རང་ཉིད་སྒྲོལ་མའི་ཐུགས་ཀའི་འཁོར་ལོ་དང་ཡིག་འབྲུ་དེ་ལས་འོད་ཟེར་དཀར་པོ་ཟླ་བའི་འོད་ལྟ་བུར་འཕྲོས་པས། རང་དང་བསྲུང་བྱ་ཐམས་ཅད་ཀྱི་ནད་གདོན་དགྲ་གྱོད་མི་ཁ་ལ་སོགས་གནོད་པ་ཐམས་ཅད་མུན་པ་ལ་ཉི་མ་ཤར་བའམ། བ་མོ་ལ་ཉི་ཟེར་ཕོག་པ་ལྟར་བསལ་ནས་དཀར་སང་སང་དག་པར་གྱུར། དེ་ནས་རང་གི་ཐུགས་ཀ་ནས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་འཁོར་ལོའི་ནང་མདུན་གྱི་ནམ་མཁར་སྤྱན་དྲངས་པས། དེ་ཐམས་ཅད་སྒྲོལ་མ་དཀར་མོ་ཕྱག་གཡས་བུམ་པ་བསྣམས་པའི་སྐུ་ཤ་སྟག་ཏུ་གྱུར། རང་དང་བསྲུང་བྱ་ཐམས་ཅད་ལ་དབང་བསྐུར་ཞིང་ཁྲུས་བྱས་པས་བདུད་རྩི་སྤྱི་བོ་ཚངས་བུག་ནས་ཞུགས་ནས་ནང་ཐམས་ཅད་བཀྲུས་པས་ཚེ་རབས་ཐོག་མ་མེད་པ་ནས་བསགས་པའི་སྡིག་སྒྲིབ། ཚེ་འདིའི་ནད་གདོན་སོགས་འཇིགས་པ་འབྱུང་བ་བཞི་རུ་གྱུར་པའི་སྡིག་སྒྲིབ་ཐམས་ཅད་དག །ཁྱད་པར་ནད་གདོན་དགྲ་དང་རྒྱལ་པོའི་ཆད་པ་སོགས། གནོད་པ་ཐམས་ཅད་སང་སང་དག་པས་ལུས་ཤེལ་སྒོང་གཡའ་དག་པ་ལྟ་

[Full Size]

བུར་གྱུར་པའི་ལུས་ཀྱི་ནང་ཐམས་ཅད་འཆི་མེད་ཡེ་ཤེས་ཀྱི་བདུད་རྩི་འོ་མ་ལྟ་བུས་མེ་རེ་རེ་གང་བས་ལུས་བཀྲག་མདངས་འོད་དང་ལྡན་པར་བསྒོམས་ལ། ཨོཾ་ཏཱ་རེ་ཏུཏྟ་རེ་ཏུ་རེ་ནད་གདོན་དགྲ་ཡི་འཇིགས་པ་སརྦ་ཤཱནི་ཀུ་རུ་སྭཱ་ཧཱ། ཞེས་བཟླས། གྲངས་དང་ཞག་གྲངས་སོགས་གོང་དང་འདྲའོ། །ཐུན་མཚམས་སུ་བྱ་ལུགས་ཀྱང་སྔར་ལུགས་ལ། ཁྱད་པར་གདོན་དགྲ་དང་འཇིགས་པ་ཐམས་ཅད་ཞི་བར་ཡིད་ཀྱིས་གསོལ་བ་བཏབ་ཅིང་། ཅི་མཛད་ཁྱེད་ཤེས་ཀྱི་བློ་བཀལ་ནས་མོས་གུས་དྲག་པོ་གལ་ཆེའོ།། ༈ དེ་ལྟར་ཚེ་སྒྲུབ་ཚེ་རྟགས་ནི། རབ་དངོས་སུ་ཞལ་མཐོང་བ་དང་ལུང་སྟོན་པ་འབྱུང་། འབྲིང་དང་ཐ་མ་ཉམས་སྣང་དང་རྨི་ལམ་དུ་ཞལ་མཇལ་བའམ། སྒྲོལ་མའི་སྐུ་འདྲ་ལེགས་པོ་མཇལ་བ་རྙེད་པ། རྒྱུད་དང་སྒྲུབ་ཐབས་སམ་ཤེར་ཕྱིན་གྱི་པོ་ཏི་མེ་ཏོག་ཨུཏྤལ་རྙེད་དམ་མཐོང་བ། མ་དང་སྲིང་མོ་བུད་མེད་ཆས་བཟང་བུད་མེད་དཀར་མོའམ་བུད་མེད་གོས་དཀར་པོ་ཅན་གྱིས་དཀར་གསུམ་དང་བདུད་རྩི་བཟའ་བཏུང་བྱིན་པ་གོས་དཀར་པོ་གྱོན་པ་ཉི་མ་ཤར་བ། རྒྱུན་བཟང་པོ་བཏགས་པ། རོལ་མོའི་སྒྲ་འབུད་བཀྲོལ་བྱེད་པ། དཀར་གསུམ་སོགས་རྨིས་པ་འགྲུབ་རྟགས་ཡིན་ལ། ཁྱད་པར་

[Full Size]

ཚ་ཚ་འདེབས་པའམ་ཚ་ཚ་མཐོང་བ་འགྲུབ་རྟགས་མཆོག་ཡིན་ཏེ་ཚ་ཚ་གྲངས་ངེས་པ་ཅན་མཐོང་ན་ལོ་ཐུབ་གྲངས་ཡིན་ལ་གྲངས་མ་ངེས་པ་མཐོང་ནའང་རེ་ཞིག་བར་ཆད་བཟློག་པའི་ལྟས་ཡིན་ལ། མེ་དང་ཆུ་དང་དགྲ་དང་གཅན་གཟན་དང་དུག་སྦྲུལ་དང་རོ་ལངས་དང་རྒྱལ་པོ་དང་ཤ་ཟ་དང་ལྕགས་སྒྲོག་བཙོན་ར་འཇིགས་སྐྲག་ལས་ཐར་བ་རྨིས་ན་བར་ཆད་བཟློག་རྟོགས་ཡིན་ཅིང་། ཤེལ་ཕྲེང་སོགས་གྲངས་ཆེ་བར་བྱུང་ངམ་གྲངས་མ་ངེས་པ་བྱུང་བ་ཚེ་འཕེལ་རྟགས་དང་རང་ཉིད་ཁྲི་ལ་འདུག་པ་དང་གཞན་མང་པོས་ཕྱག་འཚལ་བ་སོགས་བསོད་ནམས་རྒྱས་རྟགས་དང་། རིགས་པ་དྭངས་ལུས་བདེ་སེམས་རྩ་སྐྱིད་པ་ཐུགས་དམ་ལ་སྤྲོ་ན་སྒྲིབ་པ་དག་རྟགས་ཡིན་ཅིང་འདིའི་ངོ་བོ་ཤེས་རབ་ཀྱི་ཕ་རོལ་ཏུ་ཕྱིན་མ་ཡིན་པས་ཉམས་རྟོགས་པ་ཤུགས་ཀྱིས་སྐྱེའོ། དེ་ལྟར་རྟགས་ཐོན་ན་དུས་མ་ཡིན་པའི་འཆི་བ་བཟློག་ཅིང་ཚེ་དང་བསོད་ནམས་འཕེལ། བར་ཆད་ཀྱིས་མི་ཚུགས་ངེས་སོ། །དེ་ལ་སྤྱིར་སྒྲོལ་མ་ཐུགས་དམ་རྒྱུད་གཅིག་པས་སྒྲོལ་མ་སྤྱིའི་ཕན་ཡོན་མཐའ་ཡས་པས་བྲི་བར་མི་ནུས་ལ། སྒྲོལ་མ་དཀར་མོ་ཡིད་བཞིན་འཁོར་ལོ་འདིའི་ཕན་ཡོན་ཅུང་ཟད་བཤད་པར་བྱ་སྟེ། སྒྲོལ་མ་ལས་སྣ་ཚོགས་

[Full Size]

འབྱུང་བའི་རྒྱུད་ལས། སྒྲོལ་མ་དཀར་མོ་ཕྱག་གཉིས་མ་སྔགས་ཡི་གེ་བཅུ་པ་འདི་ཉིད་གསལ་བར་གསུངས་ནས། འཇམ་དཔལ་དེའི་ཕན་ཡོན་ནི། མཚམས་མེད་པ་ལྔ་དང་དེ་དང་ཉེ་བ་དང་། སྡང་བ་དང་རྨི་ལམ་ངན་པ་ཐམས་ཅད་ཞི་བར་འགྱུར་རོ། །འཇམ་དཔལ་འདིའི་ཕན་ཡོན། ལས་དེའི་ཕན་ཡོན་ནི་ངན་སོང་གསུམ་གྱི་སྡུག་བསྔལ་ཞི་བར་འགྱུར་རོ། །མི་ཁོམ་པ་བརྒྱད་དུ་ནམ་ཡང་སྐྱེ་བར་མི་འགྱུར་རོ། །འཇམ་དཔལ་འདིའི་ཕན་ཡོན་ནི་ཚེ་རབས་དྲན་པ་དང་དབང་པོ་གསལ་བ་དང་ཡིད་གཞུངས་པར་འགྱུར་རོ། །བཟོ་བའི་གནས་ཐམས་ཅད་མཁས་པར་འགྱུར་རོ། །སྟོབས་དང་གཟི་མདངས་ཕུན་སུམ་ཚོགས་པར་འགྱུར་རོ། །འཇིག་རྟེན་སྐྱོང་བ་ཐམས་ཅད་ཀྱིས་སྲུང་བ་དང་སྐྱོབ་པ་དང་སྦ་བ་དང་ཕན་པར་བྱེད་དོ། །གང་དུ་ཕྱིན་པ་ཐམས་ཅད་ཀྱིས་བཀྲ་ཤིས་པར་འགྱུར་རོ། །ཞེས་གསུངས་སོ། །རྒྱུད་འདི་ལ་ལས་ནི་བྱ་རྒྱུད་དུ་འདོད། ལ་ལས་རྣལ་འབྱོར་ཆེན་པོའི་རྒྱུད་དུ་བཞེད་དོ།། ༈ རྡོ་རྗེ་གདན་བཞིའི་རྒྱུད་ཆེན་པོ་ལས། སྒྲོལ་མ་ཡིད་བཞིན་འཁོར་ལོའི་སྔགས་བཅུ་པ་འདི་གསལ་བར་གསུངས་ནས། རྒྱལ་པོ་བཙོན་ར་དགྲ་ཕྱོགས་དང་། །ཉམ་ངའི་ཡུལ་དུ་འགྲོ་བ་

[Full Size]

དང་། །ཡན་ལག་སྣ་ཚོགས་རིམས་དང་ནི། །ཆུ་དང་དུག་གིས་འཆི་བ་སོགས། །གང་དང་གང་དུ་འཇིགས་པའི་གནས། །དེ་དང་དེར་ནི་བསམ་པ་ཟབ། །ཤེས་རབ་ཞན་དང་ལེ་ལོ་སོགས། །འཁོར་ལོ་བྲིས་ནས་བཅང་བར་བྱ། །བསྲུང་བ་བཟང་པོ་འདི་ཡིས་ནི། །འཇིགས་པ་ཀུན་ལས་གྲོལ་བར་འགྱུར། །ཞེས་གསུངས་སོ། །དེ་བཞིན་དུ་སམ་བྷ་ཏྲའི་རྒྱུད་ལས་ཀྱང་སྔགས་འདི་དང་ལྷ་ཡིད་བཞིན་འཁོར་ལོ་འདི་གསལ་བར་གསུངས་ནས། སྲུང་བའི་ཡི་གེ་རབ་བསྒོམས་ནས། །འཇིགས་པ་ཀུན་ལས་རིང་དུ་འགྱུར། །ཞེས་གསུངས་སོ། །རྒྱུད་སྡེ་འདི་གཉིས་ནི་བླ་མེད་རྒྱུད་ཡིན་ནོ། །ཡང་བྱ་རྒྱུད་དུ་གཏོགས་པ་སྒྲོལ་དཀར་འདིའི་རྒྱུད་འཆི་བ་བསླུ་བའི་རྟོགས་པ་ཞེས་བྱ་བ་རྒྱས་པ་གཅིག་རྒྱ་གར་ན་བཞུགས་པའི་ནང་ནས། འདིའི་སྒོ་ནས་ཚེའི་རིག་འཛིན་ཐོབ་ཅིང་ནམ་མཁའ་ལ་གཤེགས་པའི་པཎྜི་ཏ་ངག་གི་དབང་ཕྱུག་གྲགས་པས་བསྡུས་པའི་སྒྲོལ་དཀར་རྒྱ་གཞུང་ཆེ་བ་དང་། དེའི་ནང་ནས་དེའི་སློབ་མ་ཐུ་བོས་བསྡུས་པའི་རྒྱ་གཞུང་ཆུང་བ་གཉིས་ཚིག་མཐུན་པར། ཚངས་པ་ཁྱབ་འཇུག་ཉི་ཟླ་དང་། །དྲག་པོ་ཕྱོགས་སྐྱོང་འདོད་ལྷས་ཀྱང་། །བ་སྤུའི་རྩེ་མོ་གཡོ་མི་ནུས། །

[Full Size]

འཆི་བདག་ལས་རྒྱལ་སྒྲོལ་མ་བཞིན། །སྐྲ་དཀར་གཉེར་མ་སྐལ་ངན་དང་། །ནད་དང་དབུལ་སོགས་མདོར་བསྡུས་ན། །སེང་གེ་ལ་སོགས་འཇིགས་ཆེན་བརྒྱད། །སྡུག་བསྔལ་ཚོགས་རྣམས་རབ་ཏུ་འཇོམས། །བསྐུལ་བ་མེད་པར་གོས་དང་ནི། །ཁང་བཟང་རིན་ཆེན་ལ་སོགས་འཐོབ། །རལ་གྲི་མིག་སྨན་རྐང་མགྱོགས་དང་། །བུམ་པ་བཟང་པོ་ལ་སོགས་འགྲུབ། །སྙན་དངགས་དང་ནི་སྨྲ་ལ་མཁས། །བློ་རྣོ་ཤེས་རབ་དྲི་མ་མེད། །གཞན་ཡང་འདོད་པའི་དངོས་གྲུབ་རྣམས། །འཁོར་ལོ་འདི་ལ་རབ་ཏུ་འབྱུང་། །ཞེས་གསུངས་ཤིང་། གཞན་ཡང་ཀླུ་སྒྲུབ་ཀྱིས་མཛད་པ་དང་། རྡོ་རྗེ་གདན་པས་མཛད་པ་དང་། ཁ་ཆེ་པཎ་ཆེན་གྱིས་མཛད་པ་དང་། ཇོ་བོ་རྗེས་མཛད་པ་སྟེ་འདི་ལ་རྒྱ་གཞུང་དྲུག་ཡོད་པར་སྣང་ཟལ་བ་རི་ལོ་ཙཱ་བས་སྒྲོལ་མ་རིགས་མི་འདྲ་བ་དུ་མ་བོད་དུ་བསྒྱུར་ཞིང་། སྒྲོལ་མའི་རིགས་ཐམས་ཅད་དགོངས་ནའང་ཕྱག་མང་རྣམ་སྣང་གི་དབུ་རྒྱན་ཅན་དང་། ཡིད་བཞིན་འཁོར་ལོ་འདི་གཉིས་ཐུགས་རྩིས་ཆེ་བ་ཡིན་སྐད། སྤྱན་སྔ་ཚུལ་ཁྲིམས་འབར་གྱི་ཞལ་ནས། འདིའི་བསྙེན་པ་འབུམ་ཚོ་གཅིག་བསྐྱལ་ན་བར་ཆད་གང་ཡང་མི་ཚུགས་གསུངས་ཤིང་། བསྙེན་པ་

[Full Size]

འབུམ་ཕྲག་གཅིག་གིས་ལས་ཐམས་ཅད་འགྲུབ་པར་གསུངས། དགེ་བའི་གཤེས་གཉེན་གྲགས་པའི་ཞལ་ནས། འདི་ཕྲིན་ལས་ཀྱི་ལྷ་མོ་ཡིན་པས་འགྲུབ་སླ་གསུངས། དགེ་བའི་བཤེས་གཉེན་གླེ་ནག་པའི་ཞལ་ནས། འདི་ཟླ་བ་གཅིག་ཤེས་ན་མགོ་སུག་བྲལ་ཡང་དོ་གལ་མེད། ཤ་དུམ་བུ་ཟོས་ཀྱང་མི་སྟོ་གསུངས། དགེ་བཤེས་བགྲེས་པ་ལ། ཞག་བདུན་ན་འདའ་བའི་འཆི་ལྟས་བྱུང་ཡང་འདིས་བཟློག་ནས་སྐུ་ཚེ་མཐར་ཕྱིན ༧ རྗེ་དྭགས་པོ་རིན་པོ་ཆེ་ལ་ལོ་གཉིས་ལས་ཚེ་མེད་པ་འདིས་བསྲིངས་ནས་མཐར་ཕྱིན། སྤྱན་སྔ་བསྲུངས་དུས་གཞན་ལ་འདོན་བཅུག་པས་རྨི་ལམ་ན་ཚ་ཚ་དཀར་ཧྲམ་མེ་འདུག་པ་རྨིས་ཞུས་པས། ད་འཆི་བ་བཟློག་པ་ཡིན་འཕྲོ་གཅོད་ཆོག་གསུངས། བསྙུངས་གཞི་དྭངས། རྗེ་ཆོས་ཀྱི་དབང་ཕྱུག་སྐུ་ཚེ་སོ་བཞི་ལས་མེད་པས་འདིས་ཞེ་བདུན་བར་དུ་བསྲིངས་པར་གྲགས་པ་སོགས། མདོར་ན་རྗེ་ཆོས་ཀྱི་དབང་ཕྱུག་གི་བར་ཞལ་གཟིགས་ཀྱི་རྒྱུན་མ་ཆད་པ་ཡིན་པས་བྱིན་རླབས་ཤིན་ཏུ་ཆེ། རྒྱུད་རྒྱ་གཞུང་ཚད་ལྡན་དུ་མར་ཡང་མངོན་སུམ་དུ་དེ་ལྟར་ཡོད་པས་ཡིད་ཆེས། གསེར་གླིང་པ་ནས་ཇོ་བོ་ཡབ་སྲས་ལ་བརྒྱུད་པ་དང་། རྡོ་རྗེ་གདན་ནས་བ་རི་ལོ་ཙཱ་བ་ལ་

[Full Size]

བརྒྱུད་པ་དང་། ཇོ་བོས་རྣལ་འབྱོར་པ་སྙུག་རུམ་པ་ནས་བརྒྱུད་པ་དང་། ས་སྐྱ་བླ་མ་དམ་པ་ནས་བརྒྱུད་པ་དང་། གྲུབ་ཆེན་ཀརྨ་པཀྴི་ནས་བརྒྱུད་པ་སོགས་བཀའ་བབ་དྲུག་བརྒྱུད་པ་འདི་ལ་ཚང་བས་ཁུངས་བཙུན། དོན་དམ་པར་ནི་ཞྭ་དམར་ཅོད་པན་འཛིན་པ་ཉིད་རྒྱལ་བ་ཚེ་དཔག་མེད་དངོས་ཡིན་ལ་ལྷ་འདི་ནི་དེའི་ཡུམ་གོས་དཀར་མོ་ཡིན་པས། བརྒྱུད་པ་ཤིན་ཏུ་ཉེ་༔ མཉམ་མེད་དྭགས་པོ་ནས་བཟུང་སྟེ་འབྲི་སྟག་ཀར་འབྲུག་སོགས་བཀའ་བརྒྱུད་ཀྱི་སྐྱེས་ཆེན་ཐམས་ཅད་དང་། ས་སྐྱ་བླ་མ་དམ་པ་སོགས། ས་སྐྱའི་ཞབས་དྲུང་ཐམས་ཅད་དང་། དགེ་བའི་བཤེས་གཉེན་པུ་ཏོ་བ་དང་ཤ་ར་བ་སོགས་བཀའ་གདམས་པ་ཐམས་ཅད་དེ། མདོར་ན་སྔོན་བྱོན་དང་། ད་ལྟ་བཞུགས་པའི་བོད་ཀྱི་མཁས་གྲུབ་ཐམས་ཅད་ཞལ་འཆམས། སུས་ཀྱང་ཐེའུ་མ་བརྒྱབས་པས་ཐུགས་དམ་གྱི་རྩ་བ་མཛད་པས་ཡིད་ཆེས། ཚེ་འདིའི་འགལ་རྐྱེན་ཐམས་ཅད་ཞི་ཞིང་བར་ཆད་གང་གིས་ཀྱང་མི་ཚུགས། མཐུན་རྐྱེན་བསོད་ནམས་ཉམས་རྟོགས་ཤེས་རབ་གདུལ་བྱ་འགྲོ་དོན་རྒྱ་ཆེ་ཞིང་། ཕྱི་མ་བདེ་བ་ཅན་ནམ་པོ་ཊ་ལ་སོགས་གང་འདོད་དུ་སྐྱེ་ཤིང་ངན་འགྲོའི་སྒྲ་མི་གྲག་པར་བཤད་པས་དོན་ཆེ་སྟེ། མདོར་ན་

[Full Size]

དོན་ཐམས་ཅད་འགྲུབ་པའི་ལྷ་དང་ལས་གྲུབ་པའི་ཡིད་བཞིན་ནོར་བུ་དགོས་འདོད་ཀུན་འབྱུང་ཡིན་པར་ཤེས་པར་བྱའོ། །ལས་ཀྱི་རྣམ་པར་སྨིན་པ་མ་གཏོགས་པར།། འདི་རྩེ་གཅིག་ཏུ་ཉམས་སུ་བླངས་ན། ཕན་ཡོན་དེ་དག་མི་འབྱུང་མི་སྲིད་དོ། །ཞེས་འཕྲལ་དུ་མཐར་ཕྱིན་གྱིས་བསྙེན་སྒྲུབ་བྱ་ཕྱིར་དང་གཞན་ལའང་ཕན་པའི་ཕྱིར། ཨ་རཱ་གས་ཐུན་མཚམས་སྔ་དྲོའི་ཆ་ལ་བྲིས་པ་འགལ་འཁྲུལ་གང་མཆིས་བཤགས་ཤིང་དགེ་བས་སེམས་ཅན་ཐམས་ཅད་བདེ་བ་ཅན་གྱི་ཞིང་དུ་སྐྱེས་ནས་འཕགས་མས་རྗེས་སུ་བཟུང་བར་གྱུར་ཅིག །བཀྲ་|ཤིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྒྲོལ་དཀར་བསྙེན་པའི་ཞལ་གདམས་ཉུང་ངུ་།

[Full Size]

སྒྲོལ་དཀར་བསྙེན་པའི་ཞལ་གདམས་ཉུང་ངུ་བཞུགས་སོ།

[Full Size]

ན་མོ་གུ་རུ་ཨཱརྱ་ཏཱ་རེ་ཡེ། འཇམ་དཔལ་རྩ་བའི་རྒྱུད་ཆེན་ལས། །བྱང་ཆུབ་སེམས་དཔའི་རིགས་རྣམས་ཀྱི། །རྗེས་སུ་རྗེ་བཙུན་སྒྲོལ་མ་འབྲངས། །རྟག་ཏུ་སྲུང་སྐྱོབ་བྱེད་པར་བཤད། །ཇོ་འབྲོམ་དྭགས་པོ་ནས་བཟུང་སྟེ། །ཞལ་གཟིགས་རྒྱུན་མི་འཆད་པའི་ལྷ། །ཡིད་བཞིན་འཁོར་ལོ་ཚེ་འཕེལ་མ། །ཚེ་བསྲིང་བར་ཆད་སེལ་བའི་མཆོག །མངོན་རྟོགས་རྒྱས་བསྡུས་གང་འདོད་འདོན། །ཡང་ན་དྲན་རྫོགས་ཡིད་ཀྱིས་བསྒོམས། །ཐུགས་ཀར་འཁོར་ལོ་ཟླ་བའི་མདོག །རྩིབས་བརྒྱད་གདན་ཐབས་གནས་པ་ཡི། །ལྟེ་བར་ཧཱུྃ་ཡིག་འགྲེང་ཐབས་གནས། །གཡས་

[Full Size]

སུ་ཨོཾ་དང་གཡོན་དུ་ཧཱ། །ཧཱུྃ་དང་ཨོཾ་ཧཱའི་བར་དུ་ནི། །མ་མ་ཨཱ་ཡུཝཔུཎྱེ་ཛྙཱ་ན་པུཊྚི་ཀུ་རུ། །དེ་རྒྱབ་རྩིབས་བརྒྱད་སྟེང་དུ་ནི། །ཏཱ་རེ་ཏུཏྟ་རེ་ཏུ་རེ་སྭཱ། །དེ་རྒྱབ་མུ་ཁྱུད་རིམ་པ་གསུམ་ལ་ནི། །ནང་མར་དབྱངས་ཡིག་བཅུ་དྲུག་གཡོན་བསྐོར་ཏེ། །བར་མར་གསལ་བྱེད་སུམ་ཅུ་གཡས་སུ་བསྐོར། །དེ་རྒྱབ་རྟེན་འབྲེལ་སྙིང་པོ་གཡས་བསྐོར་ཏེ། །དེ་རྒྱབ་རྡོ་རྗེ་དཀར་པོ་ནས་ཙམ་བསྐོར། །དེ་རྒྱབ་མེ་རི་དཀར་པོ་སོར་གཅིག་ཚད། །ཀུན་ཀྱང་མུ་ཏིག་ཐིག་ལེ་བཞིན་དུ་དཀར། །འཁོར་ལོ་སྔགས་ཕྲེང་འཁོར་རྒྱུ་མེད་པ་སྟེ། །འོད་ཟེར་དཀར་པོ་ཕྱོགས་བཅུར་འཕྲོས་པ་

[Full Size]

ཡིས། །རྒྱལ་བ་ཀུན་མཆོད་དེ་དག་བྱིན་རླབས་དང་། །འགྲོ་བའི་སྒྲིབ་བསལ་དེ་དག་ཚེ་བསོད་ནམས། །འབྱུང་ལྔ་ཉི་ཟླའི་བཅུད་བསྡུས་བདག་ལ་བསྟིམ། །དེ་ནི་བསྙེན་སྒྲུབ་དམིགས་པ་རྒྱས་པ་སྟེ། །རྒྱུད་དང་རྒྱ་གཞུང་བླ་མའི་མན་ངག་ཚང་། །ཇོ་བོ་རྗེ་ཡི་ལུགས་ཀྱི་བསྡུས་པ་ནི། །རང་ཉིད་སྒྲོལ་དཀར་གསལ་བའི་ཐུགས་ཀ་རུ། །འཁོར་ལོ་དཀར་པོ་རྩིབས་བརྒྱད་མུ་ཁྱུད་མེད། །སྟེང་གི་ཐད་དུ་ཨོཾ་ཡིག་བྱ་ལྟར་ལྡིང་། །འཁོར་ལོའི་ལྟེ་བའི་འོག་ཐད་ཧཱ་ཡིག་སྟེ། །རྩིབས་བརྒྱད་སྟེང་དུ་རྩིབས་ལ་མ་རེག་ཙམ། །ཏཱ་རེ་ཏུཏྟཱ་རེ་ཏུ་རེ་སཱ། །ཡིག་ངོ་ནང་དུ་བསྟན་ཏེ་གཡས་སུ་བཀོད། །འཁོར་ལོ་གཡས་སུ་འཁོར་བས་སྡིག་སྒྲིབ་བསལ། །འབྲུ་བརྒྱད་གཡོན་དུ་འཁོར་བས་ཚེ་བསོད་འཕེལ། །ཨོཾ་ཏཾ་ཧཱ་གསུམ་མི་གཡོ་བརྟན་པར་གནས། །སྒྲོལ་དཀར་དམིགས་རིམ་བསྡུས་པ་ཡིན། །དེ་ལྟར་དམིགས་རིམ་རྒྱས་བསྡུས་གང་བྱེད་ཀྱང་། །ཡིག་བཅུ་ཁོ་ན་བཟླས་པ་བསྙེན་པ་སྟེ། །ཨོཾ་ཏཱ་རེ་ཏུཏྟ་རེ་ཏུ་རེ་མ་མ་ཨཱ་ཡུཔུཎྱ་ཛྙཱ་ན་པུཏྟིཾ་ཀུ་རུ་སྭཱ་ཧཱ། ཡིག་བཅུ་འབུམ་ཕྲག་ཚར་ནས་འདི་ཉིད་འདོན། །དེ་ནི་སྒྲོལ་མ་དཀར་མོའི་ཚེ་སྒྲུབ་ཡིན། །རང་ངམ་ནད་པའི་མདུན་གྱི་ནམ་མཁའ་ལ། །

[Full Size]

སྒྲོལ་མ་དཀར་མོ་སྐད་ཅིག་དྲན་རྫོགས་བསྒོམས། །པོ་ཏ་ལ་ནས་ཡིད་ཀྱིས་སྤྱན་དྲངས་བསྟིམ། །ཨརྒྷཾ་ལ་སོགས་སྔགས་དང་ཡིད་ཀྱིས་མཆོད། །ཨོཾ་འཁོར་བ་ལས་སྒྲོལ་ཏཱ་རེ་མ། །ཏུཏྟཱ་རེ་ཡིས་འཇིགས་བརྒྱད་སྒྲོལ། །ཏུ་རེས་ན་བ་རྣམས་ལས་སྒྲོལ། །སྒྲོལ་མ་ལ་ཡང་ཕྱག་འཚལ་བསྟོད། །ནད་ཀྱི་འཇིགས་ལས་བསྐྱབ་ཏུ་གསོལ། །ཅེས་བརྗོད་དད་གུས་རྩེ་གཅིག་བྱ། །སྒྲོལ་མའི་སྐུ་ལས་བདུད་རྩིའི་རྒྱུན། །འོ་རྐྱལ་ཁ་ལྷུད་བཞིན་དུ་བབས། །རང་ངམ་ནད་པའི་ནད་དང་གདོན། །དག་ཅིང་ཤེལ་སྒོང་ལྟ་བུར་གྱུར། །ཨོཾ་ཏཱ་རེ་ཏུཏྟཱ་རེ་ཏུ་རེ་ནད་སརྦ་ཤཱནཾ་ཀུ་རུ་ཡེ་སྭཱ་ཧཱ། སྔགས་དེ་བརྒྱ་ལས་མི་ཉུང་བར་བཟླས། །སྒྲོལ་མ་འོད་ཞུ་ནད་པར་བསྟིམ། །དད་ལྡན་དམིགས་པ་གསལ་ན་ནི། །ཐུན་རེས་ནད་ལས་གྲོལ་འགྱུར་ཞེས། །བཀའ་གདམས་བླ་མ་རྣམས་ཀྱིས་གསུངས། །བདག་ཀྱང་ངེས་ཤེས་ལན་མང་ཐོབ། །ནད་ཀུན་སེལ་བའི་གདམས་པ་ཟབ། ༈ །གདོན་གྱི་རྩུབ་ཆ་ཆེ་དྲགས་ན། །གདོན་དེ་ཡིད་ཀྱིས་མདུན་དུ་བཀུག །སྭ་བྷཱ་ཝ་ཡིས་སྟོང་པར་སྦྱངས། །དེ་ཉིད་སྒྲོལ་མའི་སྐུ་རུ་བསྒོམ། །པོ་ཏ་ལ་ནས་སྤྱན་དྲངས་བསྟིམ། །རང་གི་ལུས་དང་ལོངས་

[Full Size]

སྤྱོད་ཀུན། །མཎྜལ་བྱས་ཏེ་ལན་གསུམ་འབུལ། །ཨརྒྷཾ་ལ་སོགས་སྔགས་ཀྱིས་མཆོད། །ལྷ་དང་ལྷ་མིན་ཅོད་པན་སོགས། །བསྟོད་པ་ཤོ་ལོ་ཀ་གཅིག་བྱ། །རྗེ་བཙུན་འཕགས་མ་སྒྲོལ་མ་ཡིས། །བདག་གི་བར་ཆད་ཐམས་ཅད་སོལ། །ཚེ་དང་བསོད་ནམས་ཐམས་ཅད་འཕེལ་བར་མཛོད། །ཨོཾ་ཨཱརྱ་ཏཱ་རེ་བཛྲ་མུཿ ཞེས་བརྗོད་སེ་གོལ་གདབ་པ་ཡིས། །པོ་ཏ་ལ་རུ་གཤེགས་པར་བསམ། །དེ་འདྲ་ཡང་ཡང་བྱས་པ་ཡིས། །གདོན་ནི་ཇི་ལྟར་རྩུབ་གྱུར་ཀྱང་། །ཇེ་འཇམ་ཕྱིས་ནས་གདོན་མི་འབྱུང་། །འདྲེ་ངན་གཡང་དུ་ལེན་ཐབས་ཟབ། །སྔར་གྱི་དུས་སམ་ནམ་ཡང་རུང་། །རང་ཉིད་སྒྲོལ་མར་གསལ་བ་ཡི། །སྐུ་ཡི་འོད་ཟེར་ལས་གྲུབ་པའི། །ཕྱི་རོལ་རྡོ་རྗེ་མེ་རིས་གུར། །དེ་ནང་འཁོར་ལོ་རྩིབས་བརྒྱད་པ། །གུར་ཐབས་སྦྱབ་ཆོལ་ཁ་སྦྱོར་བཞིན། །སྟེང་དང་འོག་ཏུ་རྩིབས་གཉིས་རེ། །ཕྱོགས་མཚམས་བརྒྱད་དུ་རྩིབས་བརྒྱད་ནི། །རལ་གྲི་སོ་གཉིས་རྩེ་ལྟར་རྣོ། །སྔ་དྲོ་གཡས་དང་ཕྱི་དྲོ་གཡོན། །དྲག་ཏུ་འཁོར་བས་གནོད་བྱེད་གཏུབས། །སྟེང་འོག་རྩིབས་ནང་ཨོཾ་དང་ཧཱ། །ཡིག་འབྲུ་རེ་ཙམ་མེ་དཔུང་འབར། །དེ་དབུས་རང་ཉིད་སྒྲོལ་དཀར་གྱི། །ཕྱག་གཡས་མཆོག་སྦྱིན་

[Full Size]

མཛད་པ་ནི། །ཞབས་ན་བསྲུང་བྱ་ཚུད་པར་བསྒོམ། །ཡི་གེ་བཅུ་པའི་སྔགས་འཇུག་ཏུ། །བདག་དང་བསྲུང་བྱ་ལ་རཀྵ་རཀྵ། །དེ་ཉིད་སྒོམ་བཟླས་བརྩོན་པ་ན། །བདུད་དང་འཕྲད་ཀྱང་མི་ཕམ་གསུངས། །སྒྲོལ་དཀར་བསྲུང་ཐབས་ཤིན་ཏུ་ཟབ། །དེ་ནས་འཇིགས་པ་ཀུན་སྐྱོབ་ནི། །དམིགས་པ་གོང་དང་འདྲ་བ་ལས། །འཁོར་ལོ་ཡངས་ཤིང་རྒྱ་ཆེའི་ནང་། །རང་གི་གཡས་གཡོན་མདུན་རྣམས་སུ། །བསྲུང་བྱ་གང་ཡོད་ཐམས་ཅད་འཁོད། །རང་ཉིད་སྒྲོལ་དཀར་ཐུགས་ཀ་ནས། །འོད་དཀར་ཟླ་བ་ཤར་ལྟར་འཕྲོས། །ཕྱོགས་བཅུའི་སངས་རྒྱས་བྱང་སེམས་ཀུན། །མདུན་གྱི་ནམ་མཁར་སྤྱན་དྲངས་ལ། །ཐམས་ཅད་སྒྲོལ་དཀར་སྐུར་གྱུར་ཏེ། །ཕྱག་གཡས་བུམ་པ་དཀར་པོའི་ནང་། །བདུད་རྩི་དཀར་པོའི་ཆུ་རྒྱུན་བབ། །རང་དང་བསྲུང་བྱ་ཐམས་ཅད་ཀྱི། །ཚེ་རབས་བསྐལ་པ་གྲངས་མེད་ནས། །འཇིགས་པ་འབྱུང་བའི་ལས་སྒྲིབ་དང་། །ད་ལྟའི་འཇིགས་པ་གང་ཡིན་པ། །ཐམས་ཅད་བཀྲུས་ཤིང་དག་གྱུར་ཏེ། །དྲི་མེད་ཤེལ་སྒོང་བཞིན་གྱུར་བསམ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྒྲེ་ཤཱནྟཾ་ཀུ་རུ་སྭཱ་ཧཱ། རྨེ་ཞེས་པའི་ས་དེ་རུ། །ནད་དང་གདོན་དང་

[Full Size]

རིམས་ཡམས་དང་། །གཟའ་དང་རྒྱལ་པོའི་ཆད་པ་དང་། །དུག་མཚོན་མེ་ཆུའི་འཇིགས་པ་སོགས། །དོ་གལ་གང་ཆེ་སྦྱར་བར་བྱ། །ཀུན་ལ་འཇིགས་པ་བཅུ་དྲུག་བརྗོད། །དེ་ལྟར་ཞག་བདུན་ལ་སོགས་པ། །སྒྲུབ་པའི་ཉམས་དང་རྨི་ལམ་དུ། །སྐྲག་མི་དགོས་པའི་ལུང་བསྟན་ནམ། །ཡང་ན་བརྡ་ནི་སྟོན་པར་གྱུར། །དེ་བྱུང་ཉེས་སྐྱོན་མི་འབྱུང་སྟེ། །འཇིགས་སྐྱོབ་ལས་ཚོགས་ངོ་མཚར་ཅན། །ལན་མང་མྱོང་བས་འགྲུབ་པ་ཡིན། ༈ །འདི་ནི་བྱ་རྒྱུད་ཡིན་པའི་ཕྱིར། །སྒྲུབ་ཚེ་ཤ་ཆང་སྤང་དགོས་ཀྱང་། །གལ་ཏེ་སྤང་བར་མ་འཕྲོད་ན། །འོད་འབར་ཡང་ཟབ་ལ་སོགས་ཀྱི། །ཚོགས་འཁོར་ཉུང་ངུ་བྱས་པས་འཐུས། །ཚོགས་ཤ་ཚོགས་ཚང་འཛེམ་མི་རུང་། །རྒྱ་གར་རྒྱལ་རིགས་པཎྜི་ཏ། །ངག་གི་དབང་ཕྱུག་གྲགས་པ་དེ། སྒྲོལ་མ་དཀར་མོས་རྗེས་སུ་བཟུང་། །འཆི་བ་བསླུ་བ་རྒྱས་པ་ནས། །སྒྲོལ་མ་དཀར་མོའི་སྒྲུབ་པ་བསྡུས། །དེ་ལས་བྱུང་བའི་འཆི་བསླུ་ཡི། །སྦྱིན་སྲེག་ལས་བཞི་རྒྱས་པ་།སྤྱི་ལྟར་ལེགས་པར་ཤེས་བྱས་ལ། །ཁྱད་པར་རྒྱས་པའི་ཐབ་གྲུབ་ན། །ཁ་ཁྱེར་རིན་པོ་ཆེ་ཡིས་མཚན་པ་ཡི། །དབུས་སུ་འཁོར་ལོ་རྩིབས་བརྒྱད་དཀར། །ལྟེ་བར་ཧཱུྃ་ཡིག་

[Full Size]

མཚན་པ་བྲི། །དེ་སྟེང་ཤུག་ཤག་གྲུ་བཞི་བརྩེགས། །ཡམ་ཤིང་འོམ་བུ་སོགས་ལ་བྱ། །ཐབ་ཀྱི་དབུས་སུ་མེ་ལྷ་ནི། །མེ་ལྷའི་ཐུགས་ཀར་སྒྲོལ་དཀར་མོ། །ཐམས་ཅད་སྦྱིན་སྲེག་རྒྱས་པ་ལྟར། །ཡམ་ཤིང་མར་ཁུ་ཅི་ལྕོགས་འབུལ། །རམ་རྩི་བརྒྱ་དང་རྩ་བརྒྱད་ནི། །སྔགས་འདི་ཡིས་ནི་འབུལ་བར་བྱ། །ཨོཾ་ཏཱ་རེ་ཏུཏྟ་རེ་ཏུ་རེ་སྭཱ་ཧཱ། ཚེ་ཕུན་སུམ་ཚོགས་པ་པུཏྟིཾ་ཀུ་རུ་སྭཱ་ཧཱ། རིམ་རྩི་ལོ་མ་རྙེད་ན་བཟང་། །མ་རྙེད་ན་རྩ་བ་རྙེད་ཀྱང་ཆོག །སྦྲང་རྩི་ཆུ་ཚན་ནང་དུ་སྤྱོད། །དེ་ཉིད་ཞོ་ཕུད་ཉུང་ངུ་བླུགས། །ཞོ་དེ་རམ་རྩིའི་ནང་དུ་བཏབ། །དེ་ནི་བསྲེག་རྫོ་ས་གཙོ་བོ་ཡིན། །ཡམ་ཤིང་དུརྦ་རམ་རྩི་གསུམ། །ཡེ་ཤེས་འཇིག་རྟེན་མེ་ཡི་ལྷ། །གཏོར་མ་གཉིས་དང་དེ་ལས་གཞན། །མེད་པར་སྦྱིན་སྲེག་བསྡུས་པ་སྟེ། །རྫས་གཅིག་བསྟན་པས་སྦྱིན་སྲེག་ཟེར། །དེ་ལས་གཞན་ཡང་གང་འཛོམ་ཙམ། །འབུལ་བར་སྦྱིན་སྲེག་འབྲིང་པོ་ཡིན། །སྦྱིན་སྲེག་རྗེས་རྣམས་ཐམས་ཅད་བཤམས། །རེ་རེ་ལའང་བརྒྱ་རྩ་རེ་འབུལ། །དེ་ནི་སྦྱིན་སྲེག་རྒྱས་པ་ཡིན། །དེ་ལྟར་བྱས་པའི་ཕན་ཡོན་ནི། །སྔོན་གྱི་ལས་མཐུ་ལས་བྱུང་བའི། །འཆི་བའང་ངེས་པར་བཟློག་

[Full Size]

འགྱུར་ཞེས། །རྒྱ་གཞུང་ཉིད་ནས་གསུངས་པ་ཡིན། །འདི་ནི་དེ་ཡི་ལས་ཚོགས་ཏེ། །ཞིབ་པར་ཁོ་བོས་བྱས་པ་ཡི། །ལས་བཞིའི་སྦྱིན་སྲེག་དཔེའུ་རིས་བཅས། །སྔར་ནས་ཕྱག་ཏུ་འབུལ་ཡོད་པ། །དེ་ལ་གཟིགས་རྟོགས་ཞིབ་པར་མཛོད། །འདི་ན་ཡི་གེ་དཔེ་ཆ་མེད། །དབོན་པོའི་རེ་ན་བཟུང་ཟིན་ལས། །འདི་ན་མི་འདུག་ངེས་པ་ཡིན། །སྤྲེལ་ལོ་འདི་ཡི་སྦྱིན་སྲེག་ནི། །གཞན་ལ་བྱེད་ནི་བཅོལ་ན་ལེགས། །དྭ་ཐོགས་མེ་སྒོ་མི་མཐུན་པས། །སྦྱིན་སྲེག་ཡང་ཡང་གཟིགས་མི་བྱ། །བྱ་ལོ་ཚེས་ནས་ཉིད་ཀྱིས་ཀྱང་། །བསྙེན་པའི་ཁ་སྐོང་ལ་དམིགས་ནས། །སྦྱིན་སྲེག་ཅི་འགྲུབ་བླུགས་ན་ལེགས། །དེ་སྐད་ནང་ཆེན་ཨ་ཉོག་ཅེས། །སེམས་དཔའ་ཆེན་པོའི་བཀས་བསྐུལ་ནས། །རཱ་ག་ཨ་སྱས་སྨྲས་པ་ལྟར། །པདྨ་ཡེ་ཤེས་ཞེས་བྱས་བྲིས། །དགེ་བས་མཐོང་ཐོས་དྲན་རེག་ཀུན། །འཇིགས་པ་ཀུན་ལས་ཐར་གྱུར་ནས། །ཡིད་བཞིན་འཁོར་ལོ་འགྲུབ་གྱུར་ཅིག །འཆི་བསླུའི་དེ་ཡི་སྦྱིན་སྲེག་དམིགས་པ་ནི། །མེ་ལྷ་དང་ནི་སྒྲོལ་དཀར་གྱི། །སྐུ་ལས་འོད་ཟེར་དཀར་པོ་ནི། །འཇམ་ཞིང་བདེ་བའི་རེག་བྱ་ཅན། །འཕྲོས་ནས་ཚངས་བུག་ནས་ཞུགས་པས། །ལུས་ཀུན་ཁྱབ་པས་དུས་

[Full Size]

མིན་པར། །འཆི་བས་རྐྱེན་རྣམས་ཐམས་ཅད་ནི། །བ་མོར་ཉི་ཟེར་ཕོག་པ་ལྟར། །འོད་ཟེར་ལྕགས་ཀྱུའི་རྣམ་པ་དེས། །ལུས་གང་ཚེ་ཡི་དངོས་གྲུབ་ཐོབ། །དེ་ལྟར་བསྒོམ་ཞིང་སྦྱིན་སྲེག་བླུགས། །ཐག་རིང་ཕྱོགས་སུ་འགྲོ་བའི་ཚེ། །འགྲོ་བའི་ཕྱོགས་ཀྱི་ནམ་མཁའ་ལ། །སྒྲོལ་མ་ཚུར་ལ་ཞལ་གཟིགས་པས། །ཕྱག་གཡས་སྐྱབས་སྦྱིན་མཛད་པ་ཡི། །འོག་ཏུ་ཡར་ལ་འགྲོ་བར་བསྒོམས། །སྔགས་སམ་བསྟོད་པ་འདོན་ཅིང་འགྲོ། །མགོ་ཐོན་ལམ་བསྲུང་ཟབ་མོ་ཡིན། །ཆུ་དང་གཡང་ས་ལ་སོགས་པ། །དམིགས་པ་གསལ་ན་ཤིན་ཏུ་ཕན། །སརྦ་མངྒ་ལཾ། །བཀྲ་ཤིས། ཞལ་དྲོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་དཔག་མེད་ལྷ་དགུའི་དཀྱིལ་འཁོར་གྱི་སྒོ་ནས་འཆི་བ་བསླུ་བའི་ཆོ་ག་བྱ་ཐབས་བལྟས་ཆོག་ཏུ་བཀོད་པ།

[Full Size]

ཚེ་དཔག་མེད་ལྷ་དགུའི་དཀྱིལ་འཁོར་གྱི་སྒོ་ནས་འཆི་བ་བསླུ་བའི་ཆོ་ག་བྱ་ཐབས་བལྟས་ཆོག་ཏུ་བཀོད་པ་ཡོད།

[Full Size]

ན་མོ་ཨཱ་ཡུཛྙཱ་ན་ཡེ། ཚེ་དཔག་མེད་ལྷ་དགུའི་འཆི་བསླུ་བྱ་ཐབས་ནི་གཞི་ཡི་སྟེང་དུ་དཀྱིལ་ཐང་བཏིང་། བུམ་པ་བཅུའམ་དྲུག་གམ་གཉིས་བཤམས་མཆོད་པ་སྐོར་བཤམས་དང་། ཕྱོགས་བཞིར་རྒྱལ་ཆེན་སྡེ་བཞིའི་གཏོར་མ་དཀར་གཏོར་བཞི་ལ། ཤར་དུ་འོ་མར་ཆན་བླུགས་པ། ལྷོར་ཉ་ཤ་ལ་ཕུག་ཤ་དང་བཅོས་པ་ཆོས་སྐྱོང་སྤྱི་གཏོར་གཅིག །ནུབ་ཏུ་ཁྲག་དང་ཤ་རྗེན། བྱང་དུ་ཆང་དང་ཤིང་ཐོག་སྣ་ཚོགས་བླུགས་པ་དང་། ཟུར་མིག་ཏུ་ཚེ་དཔག་མེད་ལ་འབུལ་རྒྱུའི་ཟླུམ་གཏོར་རྒྱན་ལེགས་པ་གཅིག །མདུན་ནམ་གང་བདེར་ཆ་གསུམ། །སྡེར་གཅིག་ཏུ་འབྲང་རྒྱས་ཕྱེད་དཀར་ཕྱེད་ནག་ཌ་རུ་འདྲ་བ་ལ། དཀར་པོའི་ངོས་ལ་རས་དཀར་གྱིས་མེ་རུ་ལྔ་དང་། ནག་པོའི་ངོས་ལ་མེ་རུ་ནག་པོ་ལྔ་བཙུགས་པ་མི་གྲངས་སམ་གཅིག །ཡོད་

[Full Size]

ན་ལྷོར་ཚེ་མདོ། བྱང་དུ་འཆི་མེད་རྔ་སྒྲའི་གཟུངས། ནུབ་ཏུ་ཚེ་དཔག་མེད་ཀྱི་སྐུ་རྣམས་ཁྲི་གདན་མཐོ་བ་ལ་བཤམས། ༈ འབྲིང་ཏིང་ནང་དུ་ནས་བླུགས་པའི་སྟེང་དུ། བྱང་དུ་རྔ་སྒྲའི་གཟུངས་ལྷོར་ཚེ་གཟུངས་གཉིས་ཀྱི་གླེགས་བམ་བཞག ༈ །བསྡུ་ན་གཟུངས་གཉིས་ཀྱི་གླེགས་བུ་དཀྱིལ་འཁོར་གྱི་བྱང་དུ་མཉྫིའི་སྟེང་དུ་བཞུགས། རབ་ཏུ་དར་དམར་ལ་ཚེ་གཟུངས་དང་གཤིན་རྗེ་དང་བདུད་རྩི་འཁྱིལ་བའི་གཟུངས་རིང་གསུམ་པོ་གང་རུང་བྲིས་པའི་མཇུག་ཏུ་འཆང་བ་པོ་ལ་སྲུངས་ཤིག་རཀྵ་བཏགས་པའམ་གསུམ་ཀ་བྲིས། བསྡུ་ན་ཚེ་གཟུངས་དང་ཡང་སྙིང་གསུམ་གང་རུང་གིས་ཆོག་གསུངས་ཏེ། ཚེ་གཟུངས་རང་གི་རྒྱུད་ནས་ཚེ་གཟུངས་བཏགས་པར་བཤད་པ་ཤིན་ཏུ་ལེགས་ཏེ། དེ་ཡང་ཕྲེང་གཅིག་བྱའོ། །དེ་རྣམས་གང་འཛོམས་སྙུག་མ་ལ་

[Full Size]

བཏགས་ནས་དཀྱིལ་འཁོར་ནུབ་ཏུ་བཅུག་གམ། སྣོད་འབྲུས་བཀང་བའི་སྟེང་དུ་བཞག་།བསྒྲུབ་བྱའི་གོས་དུམ་རྙིང་པ་གླུད་གོས་ལ་ཚོན་སྐུད་སྣ་ལྔས་རྒྱ་གྲམ་དུ་བཅིངས་ལ། དཀྱིལ་འཁོར་གྱི་དབུས་སུ་ཀུ་ཤའི་གདན་ལ་བཞག །བདུད་རྩི་འཁྱིལ་པའམ་རྟ་མགྲིན་གྱི་སྔགས་བཏབ་པའི་ཆུས་བསྒྲུབ་བྱ་ཁྲུས་བྱས་པའི་ཁྲུས་ཆུས་ཕྱེད་ཁམ་ཕོར་རམ་མ་རྙེད་ན་ཕོར་པ་སྔར་མ་སྤྱད་པ་གཅིག་ཏུ་དཀྱིལ་འཁོར་གྱི་ཤར་དུ་བཞག །རྙེད་ན་དེར་དུག་སྣ་བཏབ། འོ་མ་བླུགས་ཁྲུས་ཆུའི་ཕྱེད་དང་། ས་ནག་མཆོད་རྟེན་རྙིང་པའི་ས་ཚིག་ནག་ཕྱེ་མ། རྫས་ཐལ་ལམ་རོ་ཐལ། མཆོད་རྟེན་ས་མེད་ན་ཚ་ཚ་རྙིང་པའི་ས། དེ་རྣམས་བསྲེས་པའི་འཇིམ་པ་ལ། གཤིན་རྗེ་མ་ཧེའི་མགོ་ཅན། གཡས་ཐོད་དབྱུག་དཀར་པོ་དང་གཡོན་ཞགས་པ་ནག་པོ་ཅན། སྐེད་པ་འདོར་ཐབས་ཅན་མཐོ་གང་ངམ་གྲུ་གང་ཡན་ཆད་ནག་པོ་འཇིགས་ཚུལ་ཅན་བཅས་ལ། མགོ་བཀུག་སྟེ་ཁ་སྦུག་ཚུལ་དགུ་བར་བྱས་ཏེ། རེ་བ་ནག་པོའི་གདན་སླ་ངའི་ནང་དུ་མགོ་དཀྱིལ་འཁོར་གྱི་ལྷོ་ཕྱོགས་སུ་བསྟན་པའི་ཚུལ་དུ་བཞག །དར་རས་ནག་པོས་གདོང་བཀབ། དེ་ཡི་མདུན་དུ་གཞི་ནག་པོ་བཏིང་བར། མེ་ཏོག་ནག་པོ་རྙེད་ན་རབ། མེད་ན་སྲན་མ་དང་ནས་སོགས་འབྲུ་སྣ་ཚོགས་གོས་དར་རས་མོ་སྣ་ཚོགས། ཤ་སོགས་ཟས་སྣ་ཚོགས་དང་མར་ཐུད་གྲོ་ཐུད་སོགས་སྡར་གྱི་རྣམ་གྲངས། ཡུང་ངམ་ཟན་ལ་དཀར་པོ་སེར་པོ་དངུལ་དོམ་མཁྲིས་མང་པོ་བཟོས་པ་ལ་གསེར་སྐྱེམས་བདར། ཟངས་ལྕགས་དངུལ་རྡོ་སོགས་གཡུ་དུང་བྱི་རུ་སོགས་རིན་པོ་ཆེ་ཅི་འཛོམས། ཟན་

[Full Size]

དུམ་མཐེབ་སྐྱུ་ཏིང་ལོ་ཡ་ཟུང་གཙང་མ། ཚ་ཇ་སིལ་ཆུང་བ་སོགས་ནོར་རྫས་གང་འཛོམས་མང་བར་སྤུངས། དེ་རྣམས་འཇལ་བའི་བྲེ་ཕུལ་འབོ། སྲང་ཉ་ག་གཤིན་རྗེའི་རྒྱ་མ་དཀྱིལ་དུ་ལུང་དང་སྣེ་གཉིས་རྒྱ་ཐེབ་ཅན་རྣམས། ལྐོག་དང་གྲོ་ཤོག་སོགས་ལ་བཟོས་ཏེ་གཞི་ཐོག་དེར་བཞག །གཤིན་རྗེའི་མདུན་དུ་དམར་གཏོར་ཤ་ཁྲག་གིས་བརྒྱན་པ་གཅིག་ཀྱང་བཤམས། རྔ་སྒྲའི་གཟུངས་ཀྱི་དཔེ་དང་ཉའི་ཤ་རུས་ཡང་ཚགས་བྱས། ༈ དེ་ནས་ཆོ་ག་བདག་མདུན་བུམ་གསུམ་བདག་འཇུག་རྒྱས་བསྡུས་གང་རུང་བླངས། བདག་འཇུག་ལུང་མེད་ན་ཏིང་ངེ་འཛིན་གྱིས་དབང་བླངས་བུམ་ཆུ་བཏུང་ངོ་། །གཏོར་མ་རྣམས་གོང་དུ་མི་བར་བཞག །བསྙེན་པ་སྐབས་དར་དམར་སྔགས་བྲིས་པ་དེ་སྔགས་ལ་རབ་གནས་བྱའོ། །དེ་བསྒྲུབ་བྱ་ཡོན་བདག་གི་ནད་པ་མདུན་དུ་སྟན་ཀོམ་སྟན་སོགས་ནག་པོ་གཅིག་ལ་བཞག་ལ། མཎྜལ་ཕུལ། དེ་ནས་ཚེ་དཔག་མེད་ཀྱི་གཏོར་མ་ཡེ་ཤེས་ཀྱི་ཆོས་སྐྱོང་སྤྱིའི་གཏོར་མ་གཉིས་འོ་མ་སོགས་ཀྱིས་བྲན་ལ་བསངས་སྦྱངས། ཧཱུྃ་ལས་རིན་པོ་ཆེ་ཡི་སྣོད། །ཡངས་ཤིང་རྒྱ་ཆེའི་སྣོད་དུ་ནི། །ཁཾ་ལས་ལྷ་རྫས་ལས་གྲུབ་པའི། །གཏོར་མ་འདོད་ཡོན་ཕུན་ཚོགས་གྱུར། །ཨོཾ་ཨ་ཀཱ་རོ་སོགས། ཚེ་དཔག་མེད་པ་ལྷ་དགུ་ཡི། །དཀྱིལ་འཁོར་མདུན་དུ་གསལ་བར་གྱུར། །ཏདྱ་ཐཱ་ཨཱི་ཨ་པ་ར་མི་ཏ་ཨ་ཡུརྫུ་ན་ཧཱིཧཱུྃ་ཧཱུྃ་སྭཱ་ཧཱ། ན་མ་སརྦ་ཏ་ཐཱ་ག་ཏ་བྷྱོ་བི་ཤྭ་མི་ཁེ་བྷུ་

[Full Size]

སརྦ་ཐ་ཁཾ་ཨུཏྟག་ཏེ་སྥ་ར་ཎ་ཨི་མཾ་ག་ག་སྭཱ་ཧཱ། ལན་གསུམ། ལྷ་ཐམས་ཅད་ཀྱི་ཞལ་ནས་འོད་ཀྱི་སྤུ་གུ་བྱུང་སྟེ་གསོལ་བར་གྱུར། ཨརྒྷཾ་སོགས། ཆོས་དབྱིངས་འཁོར་ལོ་རྒྱ་ཆེན་བསྐོར། །སེམས་ཅན་སྡུག་བསྔལ་མ་ལུས་པ། །སྐད་ཅིག་ཉིད་ལ་ཞི་མཛད་པའི། །སངས་རྒྱས་ཚེ་དཔག་ལ་ཕྱག་འཚལ། །རྡོ་རྗེ་སེམས་དཔའ་ལས་བྱུང་བའི། །ཉེས་པའི་དྲི་མ་ཀུན་འཇོམས་པ། །རྡོ་རྗེའི་ལུས་ཅན་རྡོ་རྗེ་ཅན། །རྡོ་རྗེ་ཚེ་དཔག་མེད་ཕྱག་འཚལ། །བསམ་པའི་དོན་ཀུན་སྐད་ཅིག་གིས། །རང་འདོད་ཇི་བཞིན་ཚིམ་མཛད་པར། །མཆོག་གི་བདག་པོ་ཆེན་པོ་སྟེ། །རིན་ཆེན་ཚེ་དཔག་མེད་ཕྱག་འཚལ། །ཇི་ལྟར་ཉོན་མོངས་དྲི་མ་ཡིས། །ཀུན་ནས་གོས་པར་མི་འགྱུར་ཞིང་། །ཐུགས་རྗེ་ཆགས་པའི་ཚུལ་སྟོན་པ། །པདྨ་ཚེ་དཔག་མེད་ཕྱག་འཚལ། །འདོད་པའི་དོན་རྣམས་མ་ལུས་པ། །སྐད་ཅིག་གིས་ནི་རྫོགས་པའི་དཔལ། །བསམ་ཀུན་འཕེལ་མཛད་དཔག་བསམ་ཤིང་། །ལས་ཀྱི་ཚེ་དཔག་མེད་ཕྱག་འཚལ། །ཉེས་པ་ཀུན་ལས་རྣམ་གྲོལ་ཞིང་། །སྣ་ཚོགས་ཡོན་ཏན་ཀུན་གྱིས་བརྒྱན། །འཁོར་བ་སྐྱོབས་མཛད་དཔའ་བོ་ཆེ། །ཀུན་གཟིགས་ཚེ་དཔག་

[Full Size]

མེད་ཕྱག་འཚལ། །སྟོབས་ཆེན་རྣམས་ཀྱིས་རབ་བརྒྱན་ཏེ། །མ་ལུས་མི་མཐུན་ཕྱོགས་བཅོམ་པ། །སྟོན་པ་དྲི་མེད་བུ་ཡི་མཐུ། །ཡོན་ཏན་ཚེ་དཔག་མེད་། ཕྱག་འཚལ། །མེ་ལོང་མཉམ་ཉིད་ལ་སོགས་པ། །ཡོན་ཏན་མང་པོའི་མཛོད་འཛིན་ཅིང་། །རྟོག་པ་མ་ལུས་ཁྱོད་ཀྱིས་སྤངས། །ཡེ་ཤེས་ཚེ་དཔག་མེད་ཕྱག་འཚལ། །རྣམ་རྟོག་རླུང་གིས་ཁྱོད་མི་གཡོ། །མཐའ་བྲལ་ཏིང་འཛིན་ཞི་བ་སྟེ། །བདུད་དང་མུ་སྟེགས་ཀུན་འཇོམས་པ། །མི་གཡོ་ཚེ་དཔག་མེད་ཕྱག་འཚལ། །བཅོམ་ལྡན་འདས་ཚེ་དང་ཡེ་ཤེས་དཔག་ཏུ་མེད་པ། རྡོ་རྗེ་ཚེ་དཔག་མེད། རིན་ཆེན་ཚེ་དཔག་མེད། པདྨ་ཚེ་དཔག་མེད། ལས་ཀྱི་ཚེ་དཔག་མེད། ཀུན་གཟིགས་ཚེ་དཔག་མེད། ཡོན་ཏན་ཚེ་དཔག་མེད། ཡེ་ཤེས་ཚེ་དཔག་མེད། མི་གཡོ་ཚེ་དཔག་མེད། ཕྱོགས་བཅུའི་སངས་རྒྱས་བྱེ་བ་ཕྲག་བཅུའི་ཚོགས་དང་བཅས་པ་ཁྱེད་རྣམས་ལ། མཁྱེན་པའི་ཡེ་ཤེས་བརྩེ་བའི་ཐུགས་རྗེ་མཛད་པའི་ཕྲིན་ལས། སྐྱོབ་པའི་ནུས་མཐུ་བསམ་གྱིས་མི་ཁྱབ་པ་ལགས་པས། བསྲུང་བྱ་འདི་རྣམས་འདི་ཉིད་དུས་དང་དུས་མ་ཡིན་པའི་འཆི་བ་ལས་སྐྱོབས་ནས། ཚེ་

[Full Size]

དང་བསོད་ནམས་ཕུན་སུམ་ཚོགས་པར་བྱིན་གྱིས་བརླབ་ཏུ་གསོལ། །ཞེས་ཐལ་མོ་སྦྱར་ལ། མགོ་བོ་འདུད་ཚུལ་བྱའོ། །དེ་ནས་ཆོས་སྐྱོང་སྤྱི་གཏོར་བྲན་ལ་བྱིན་རླབས་སྔོན་དེས་ཆོག །ཧཱུྃ། མགོན་པོ་ཀུན་གཤེགས་ཐུགས་རྗེ་ཅན། །ད་ལྟ་སྙིགས་དུས་ལྔ་ཡི་དུས། །གཤེགས་ཤིང་གཟིགས་པའི་གནས་ངན་ཡང་། །འདྲེན་པའི་བསྟན་པ་བསྲུང་བ་དང་། །སེམས་ཅན་ཀུན་ལ་ཕན་གདག་ཕྱིར། །དམ་ཚིག་ཅན་ལ་རྗེས་བརྩེ་བས། །ནག་པོ་ཡབ་ཡུམ་འཁོར་བཅས་རྣམས། །གནས་འདིར་མྱུར་དུ་གཤེགས་སུ་གསོལ། །ཨོཾ་མ་ཧཱ་ཀཱ་ལ་དེ་ཝི་ས་པཱ་རི་ཝ་ར་ཨེ་རྒྱ་ཧི་བཛྲ་ས་མ་ཡ་ཛཿ པདྨ་ཀཱ་མ་ལ་ཧཱུྃ། ཨོཾ་ཤྲཱི་མ་ཧཱ་ཀཱ་ལ་དེ་ཝི་ས་པཱ་རི་ཝཱ་ར་ན་མསརྦ་ཏ་ཐཱ་ག་ཏ་བྷྱོ་བི་ཤྭ་སོགས་ལན་གསུམ། ཨངྒྷཾ་སོགས། ཧཱུྃ། སྲིན་པོའི་གཟུགས་ཀྱིས་གདུག་པ་འདུལ། །ཚར་གཅོད་བྱང་ཆུབ་སེམས་དཔའ་སྟེ། །གྲོང་ཁྱེར་སུམ་བརྩེགས་འཇོམས་མཛད་པའི། །གཏུམ་པོ་ཁྱོད་ལ་ཕྱག་འཚལ་བསྟོད། །གཏོར་མ་ལག་ཏུ་ཐོགས་ལ་བཟུང་བཅོལ་ལ། དཔལ་ལྡན་མ་ཧཱ་ཀཱ་ལ་ལྕམ་དྲལ་ལ་སོགས་པ་ཡེ་ཤེས་ཀྱི་ཆོས་སྐྱོང་བའི་སྲུང་མ་མཐུ་སྟོབས་ཅན་ཁྱེད་རྣམས་ཀྱིས། བརྒྱན་པའི་གཏོར་མ་རྒྱ་ཆེན་པོ་འདི་བཞེས་ལ།

[Full Size]

བསྲུང་བྱ་ཆྒེའམ། འདི་ཉིད་དུས་དང་དུས་མ་ཡིན་པའི་འཆི་བའི་འཇིགས་པ་ལས་ཐར་བའི་ཕྲིན་ལས་མཛད་དུ་གསོལ། ཅེས་སྟེང་གཙང་སར་ཕུལ་ལོ། །འདིར་ཆོས་སྐྱོང་གཞན་ལ་ཕུལ་ཡང་དེ་ལྟར་བྱའི་བླ་མེད་ལྟར་མི་རུང་གསུངས་སོ།། ༈ དེ་ནས་རྒྱལ་ཆེན་བཞིའི་གཏོར་མ་བྲན་ལ། བསངས་སྦྱངས། ཧཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། ཁཾ་ལས་ལྷ་རྫས་ལས་གྲུབ་པའི་གཏོར་མ་འདོད་ཡོན་ཕུན་སུམ་ཚོགས་པར་གྱུར། ཨོཾ་ཨ་ཀཱ་རོ་སོགས། དཀྱིལ་འཁོར་གྱི་ཤར་སྒོར་ཡུལ་འཁོར་སྲུང་དཀར་པོ་གཡས་གཞུ་དང་གཡོན་པི་ཝཾ་འཛིན་པ། དུང་ཁྲབ་དང་བསེ་ཤམ་ཅན། གཡུ་ཡི་རྨོག་ཞུ་གསོལ་བ། ལྷོར་འཕགས་སྐྱེས་པོ་མཐིང་ཁ། གཡས་རལ་གྲི་དང་གཡོན་བེ་ཅོན་འཛིན་པ། གཡུ་ཡི་ཁྲབ་དང་བསེ་ཤམ་ཅན། གསེར་གྱི་རྨོག་ཞུ་གསོལ་བ། ནུབ་སྒོར་སྤྱན་མི་བཟང་དམར་པོ། གཡས་སྦྲུལ་ཞགས་དང་གཡོན་མཆོད་རྟེན་འཛིན་པ། བསེ་ཁྲབ་དང་སྦྲུལ་ཤམ་ཅན། གསེར་གྱི་རྨོག་ཞུ་གསོལ་བ། བྱང་སྒོར་རྣམ་ཐོས་སྲས་སེར་པོ་གཡས་དབྱུག་པ་དང་གཡོན་ནེའུ་ལེ་བསྣམས་པ། བསེ་ཁྲབ་དང་སྟག་ཤམ་ཅན། གསེར་གྱི་རྨོག་ཞུ་གསོལ་བ། དེ་

[Full Size]

རྣམས་རང་རང་གི་འཁོར་དང་བཅས་པ། རང་གི་ཐུགས་ཀ་ནས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། ཧཱུྃ། མགོན་མཛད་ཤཱཀྱའི་བསྟན་པ་ལ། །ཕྱག་ན་རྡོ་རྗེ་དབང་གི་མཐུས། །བསྟན་པ་སྲུང་བར་ཞལ་བཞེས་པ། །རི་རབ་ལྷུན་པོའི་ཕྱོགས་བཞི་ནས། །ལྷ་ཡི་དགེ་བསྙེན་ཆེན་པོ་སྟེ། །ཡུལ་འཁོར་སྲུང་དང་འཕགས་སྐྱེས་པོ། །སྤྱན་མི་བཟང་དང་རྣམ་ཐོས་སྲས། །མཐུ་ཆེན་རྒྱལ་པོ་ཆེན་པོ་བཞི། །གནས་འདིར་མཆོད་ཕྱིར་གཤེགས་སུ་གསོལ། །ཨོཾ་ཨེ་ཧྱ་ཧི་ཙ་ཏུར་མ་ཧཱ་རཱ་ཛ་ས་པཱ་རི་ཝཱ་ར་བཛྲ་ས་མཱ་ཛཿ ཛཿཧཱུྃ་ཐཾ་ཧོ༔ པདྨ་ཀ་མ་ལྱཱ་སིཾ༔ ས་མ་ཡ་ཧོ་ས་མ་ཙྰ་ཙ་ཏུར་མ་ཧཱ་རཱ་ཛ་ས་པཱ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། སོགས་ནས་ཤབྡའི་བར་མཆོད། དེ་ནས་གཏོར་མ་སོ་སོར་བསྔོ་སྟེ། ཨོཾ་དྷིཥྛ་རཥཱ་ཡ་ན་མཿསརྦ་ཏ་ཐཱ་ག་ཏ་བྷྱོ་བི་སོགས་ཚར་གསུམ་གྱིས་ཕུལ། རྒྱལ་པོ་ཆེན་པོ་དཔལ་དང་ལྡན། །དུང་གི་མདོག་ཅན་པི་ཝཾ་འཛིན། །དྲི་ཟའི་ཚོགས་ལ་དབང་བསྒྱུར་བའི། །ཡུལ་འཁོར་སྲུང་ལ་ཕྱག་འཚལ་བསྟོད། །རི་རྒྱལ་ལྷུན་པོའི་ཤར་ཕྱོགས་ན། །ཕོ་བྲང་ཆེན་པོ་སྤོས་ངད་ལྡན། །རྒྱལ་པོ་ཆེན་པོ་ཡུལ་འཁོར་སྲུང་། །བཙུན་མོ་སྲས་དང་བློན་པོར་བཅས། །

[Full Size]

གཡོག་འཁོར་བྱེ་བ་བསམ་མི་ཁྱབ། །སྡེ་བོ་ཆེ་ལ་སྟོབས་པོ་ཆེ། །ཕ་རོལ་གཞན་གྱི་དཔུང་འཇོམས་པ། །མཆོད་སྦྱིན་གཏོར་མ་འདི་བཞེས་ལ། །འཆི་བ་བཟློག་པའི་ལས་མཛོད་ཅིག །གཏོར་མ་ལག་གིས་བཟུང་། ཤར་ཕྱོགས་ཀྱི་རྒྱལ་པོ་ཡུལ་འཁོར་སྲུང་འཁོར་དང་བཅས་པས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། བསྲུང་བྱ་སྒེའམ། འདི་ཉིད་དུས་དང་དུས་མིན་འཆི་བའི་འཇིགས་པ་ལས་ཐར་བའི་ཕྲིན་ལས་མཛད་དུ་གསོལ། འདི་ལ་ཤར་ཕྱོགས་དྲི་ཟའི་གནོད་པ་ལས་གྱུར་པའི་ནད་གདོན་ཉེ་བར་འཚེ་བ་ཐམས་ཅད་ཞི་བའི་ཕྲིན་ལས་མཛོད་ཅིག །ཅེས་ནད་པའི་ལུས་ལ་བསྐོར་ཚུལ་བྱས་ནས་ཤར་ཕྱོགས་སུ་ཕུལ་བཅུག་གོ །དེ་བཞིན་དུ། ཨོཾ་བེ་རུ་ཌྷ་ཀཱ་ཡེ་ན་མཿསརྦ་ཏ་ཐཱ་ག་ཏ་བྷྱོ་བ་སོགས་ཚར་གསུམ་གྱིས་ཕུལ། དཔའ་བོ་ཆེན་པོ་སྟོབས་པོ་ཆེ། །ཁ་དོག་སྔོན་པོ་རལ་གྲི་འཛིན། །གྲུལ་བུམ་ཚོགས་ལ་དབང་བསྒྱུར་བ། །འཕགས་སྐྱེས་པོ་ལ་ཕྱག་འཚལ་བསྟོད། །རི་རྒྱལ་ལྷུན་པོའི་ལྷོ་ཕྱོགས་ན། །ཕོ་བྲང་ཆེན་པོ་བཻཌཱུརྱ། །རྒྱལ་པོ་ཆེན་པོ་འཕགས་སྐྱེས་པོ། །བཙུན་མོ་སྲས་དང་བློན་པོར་བཅས། །གཡོག་འཁོར་བྱེ་བ་བསམ་མི་ཁྱབ། །སྡེ་བོ་ཆེ་ལ་

[Full Size]

སྟོབས་པོ་ཆེ། །ཕ་རོལ་གཞན་གྱི་དཔུང་འཇོམས་པ། །མཆོད་སྦྱིན་གཏོར་མ་འདི་བཞེས་ལ། །འཆི་བ་བཟློག་པའི་ལས་མཛོད་ཅིག །ལྷོ་ཕྱོགས་ཀྱི་རྒྱལ་པོ་འཕགས་སྐྱེས་པོ་འཁོར་དང་བཅས་པས། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། བསྲུང་བྱ་འདི་ལ་ལྷོ་ཕྱོགས་གྲུལ་བུམ་གྱི་གནོད་པ་ལས་གྱུར་པའི་ནད་གདོན་ཉེ་བར་འཚེ་བ་ཐམས་ཅད་ཞི་བའི་ཕྲིན་ལས་མཛོད་ཅིག །ཅེས་ལྷོ་ཕྱོགས་སུ་ཕུལ་ལོ། །ཨོཾ་བི་རུ་པཱཀྵ་ཡན་མསརྦ་ཏ་ཐཱ་ག་ཏ་བློ་བི་ཤྭ་སོགས་ཚར་གསུམ་གྱིས་ཕུལ། མངའ་བདག་ཆེན་པོ་མཐུ་བོ་ཆེ། །ཁ་དོག་དམར་པོ་སྦྲུལ་ཞགས་འཛིན། །ཀླུ་ཡི་ཚོགས་ལ་དབང་བསྒྱུར་བ། །སྤྱན་མི་བཟང་ལ་ཕྱག་འཚལ་བསྟོད། །རི་རྒྱལ་ལྷུན་པོའི་ནུབ་ཕྱོགས་ན། །ཕོ་བྲང་ཆེན་པོ་རྒྱ་མཚོའི་སོ། ༈ །ངོགས། །རྒྱལ་པོ་ཆེན་པོ་སྤྱན་མི་མཟང་། །བཙུན་མོ་སྲས་དང་བློན་པོར་བཅས། །གཡོག་འཁོར་བྱེ་བ་བསམ་མི་ཁྱབ། །སྡེ་བོ་ཆེ་ལ་སྟོབས་པོ་ཆེ། །ཕ་རོལ་གཞན་གྱི་དཔུང་འཇོམས་པ། །མཆོད་སྦྱིན་གཏོར་མ་འདི་བཞེས་ལ། །འཆི་བ་བཟློག་པའི་ལས་མཛོད་ཅིག་།ནུབ་ཕྱོགས་ཀྱི་རྒྱལ་པོ་ཆེན་པོ་སྤྱན་མི་བཟང་འཁོར་དང་བཅས་པས། མཆོད་

[Full Size]

སྦྱིན་གྱི་གཏོར་མ་འདི་བཞེས་ལ། བསྲུང་བྱ་འདི་ནུབ་ཕྱོགས་ཀླུ་ཡི་གདོན་ལས་གྱུར་པའི་ནད་གདོན་ཉེ་བར་འཚེ་བ་ཐམས་ཅད་ཞི་བའི་ཕྲིན་ལས་མཛོད་ཅིག །ཅེས་ནུབ་ཕྱོགས་སུ་ཕུལ་ལོ། །ཨོཾ་བཻ་ཤྲ་མ་ཎཱ་ཡེ། ན་མསརྦ་ཏ་ཐཱ་ག་ཏ་བྷྱོ་བི་ཤྭ་སོགས་ཚར་གསུམ་གྱིས་ཕུལ། སྡེ་དཔོན་ཆེན་པོ་གསེར་གྱི་མདོག །བེ་ཅོན་དང་ནི་ནེའུ་ལེ་འཛིན། །གནོད་སྦྱིན་ཚོགས་ལ་དབང་བསྒྱུར་བའི། །རྣམ་ཐོས་སྲས་ལ་ཕྱག་འཚལ་བསྟོད། །རི་རབ་ཆེན་པོའི་བྱང་ཕྱོགས་ན། །ཕོ་བྲང་ཆེན་པོ་ལྕང་ལོ་ཅན། །རྒྱལ་པོ་ཆེན་པོ་རྣམ་ཐོས་སྲས། །བཙུན་མོ་སྲས་དང་བློན་པོར་བཅས། །འཁོར་གཡོག་བྱེ་བ་བསམ་མི་ཁྱབ། །སྡེ་བོ་ཆེ་ལ་སྟོབས་པོ་ཆེ། །ཕ་རོལ་གཞན་གྱི་དཔུང་འཇོམས་པ། །མཆོད་སྦྱིན་གཏོར་མ་འདི་བཞེས་ལ། །འཆི་བ་བཟློག་པའི་ལས་མཛོད་ཅིག །བྱང་ཕྱོགས་ཀྱི་རྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པས་མཆོད་སྦྱིན་གྱི་གཏོར་མ་འདི་བཞེས་ལ། བསྲུང་བྱ་འདི་ལ་བྱང་ཕྱོགས་གནོད་སྦྱིན་ལས་གྱུར་པའི་ནད་གདོན་ཉེ་བར་འཚེ་བ་ཐམས་ཅད་ཞི་བའི་ཕྲིན་ལས་མཛོད་ཅིག །ཅེས་བྱང་དུ་ཕུལ་ལོ། །དེ་ནས་མདུན་དུ་ཆ་གསུམ་བཤམས་ལ་གཞུང་ལྟར་བཏང་སྟེ་དེ་ཡང་སོ་

[Full Size]

སོར། དང་པོ་ཕྱོགས་སྐྱོང་ཚར་སྐབས་གཏོར་མ་བཟུང་ལ་བསྲུང་བྱའམ་ནད་པ་ལ་བསྐོར་བའི་ཚུལ་གྱིས། ཕྱོགས་བཅུའི་འཇིག་རྟེན་སྐྱོང་བའི་རྒྱལ་པོ་བཅུ་འཁོར་དང་བཅས་པས། མཆོད་སྦྱིན་གྱི་གཏེམ་རྒྱ་ཆེན་པོ་འདི་བཞེས་ལ། བསྲུང་བྱ་འདི་ལ་དྲི་ཟ་དང་གཤིན་རྗེ་དང་ཀླུ་དང་གནོད་སྦྱིན་དང་། དྲང་སྲོང་དང་སྲིན་པོ་དང་རིག་འཛིན་དང་འབྱུང་པོ་དང་། གཟའ་དང་རྒྱུ་སྐར་དང་ས་བདག་གི་གདོན་ལས་གྱུར་པའི་ནད་གདོན་ཉེ་བར་འཚེ་བ་ཐམས་ཅད་ཞི་བའི་ཕྲིན་ལས་མཛོད་ཅིག །ཅེས་ཕྱོགས་གཙང་སའམ་ལོ་བདུད་ཀྱི་ཕྱོགས་སུ་ཕུལ་ལོ། །ཆ་གཉིས་པ་ལ། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་ལ་སོགས་པ་ཐམས་ཅད་ཀྱི་མཆོད་སྦྱིན་གྱི་འི་གཏོར་མ་རྒྱ་ཆེན་པོ་འདི་བཞེས་ལ། བསྲུང་བྱ་འདི་ལ་སྡེ་བརྒྱད་དང་འབྱུང་པོའི་གདོན་ལས་གྱུར་པའི། ནད་གདོན་ཉེ་བར་འཚེ་བ་ཐམས་ཅད་ཞི་བའི་ཕྲིན་ལས་མཛོད་ཅིག །ཅེས་དེར་ཕུལ། དེ་ནས་གསུམ་པ་ལ། བགེགས་ཀྱི་རྒྱལ་པོ་བྱི་ན་ཡ་ཀ་དང་། ཁམས་གསུམ་བདག་པོ་དང་། སྤྲིན་གྱི་སྒྲོན་མེ་དང་། རྡོ་རྗེ་མཆུ་འཁོར་དང་བཅས་པས། མཆོད་སྦྱིན་

[Full Size]

གྱི་གཏོར་མ་རྒྱ་ཆེན་པོ་འདི་བཞེས་ལ། བསྲུང་བྱ་འདི་ལ་བགེགས་རིགས་སྟོང་ཕྲག་བརྒྱད་ཅུའི་གདོན་ལས་གྱུར་པའི་ནད་གདོན་ཉེ་བར་འཚེ་བ་ཐམས་ཅད་ཞི་བའི་ཕྲིན་ལས་མཛོད་ཅིག །ཅེས་དེར་ཕུལ་ལོ། །དེ་གཤིན་རྗེའི་གཟུགས་ཀྱི་ཞལ་དར་བཀབ་པ་བླངས། ཆུ་གིས་གཙང་བྲན། མདུན་གྱི་ཡོ་བྱད་ཐམས་ཅད་བྲན། གཤིན་རྗེའི་མདུན་དུའང་མཆོད་པ་རྣམ་ལྔ་ལེགས་པར་བཤམས་ལ། སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས་པར་བཤད་པས། བསངས་སྦྱངས། ཨོཾ་སྭ་བྷ་ཝ་སོགས། བདག་དང་དངོས་འཛིན་ཆོས་རྣམས་ཐམས་ཅད་སྟོང་པ་ཉིད་དུ་གྱུར། སྟོང་པའི་ངང་ལས་བློ་སེར་པོ་འོད་དུ་ཞུ་བ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་འདོད་པའི་ཡོན་ཏན་རྣམ་པ་སྣ་ཚོགས་མ་ཚང་བ་མེད་པ་དང་། གཏོར་མ་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ་བརྗོད། བཅོམ་ལྡན་ཤཱཀ་ཐུབ་བྱིན་རླབས་ཀྱིས། །ཐལ་མོ་ཁོང་སྟོང་ཕྱག་རྒྱའི་ནང་། །ཨཱཐདཀར་འོད་འཕྲོས་དངོས་འཛིན་སྦྱངས། །ཨོཾ་སྭ་བྷ་ཝ་ཤུདྡྷསརྦ་དྷརྨཱ་སྭ་བྷ་ཝ་ཤུདྡྷོཉཧཾ། བཅོམ་ལྡན་རྣམ་སྣང་བྱིན་རླབས་ཀྱིས། །ཐལ་མོ་ཚིག་བཅག་ཕྱག་རྒྱའི་ནང་། །ཁཾ་ལྗང་འོད་འཕྲོས་ཟག་མེད་

[Full Size]

སྤེལ། །ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱསརྦ་ཐ་ཁཾ་ཨུཏྟ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བདུད་རྩི་འཁྱིལ་བའི་བྱིན་རླབས་ཀྱིས། །ཐལ་མོ་ཁ་གྱེད་ཕྱག་རྒྱའི་ནང་། །ཛདམར་འོད་འཕྲོས་བདུད་རྩིར་གྱུར། །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། རིན་ཆེན་འབྱུང་ལྡན་བྱིན་རླབས་ཀྱིས། །མཆོག་སྦྱིན་ཕྱག་རྒྱ་ཏྲི་སེར་ལས། །འོད་འཕྲོས་ཀུན་གྱི་འཛད་མེད་ཐོབ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། དོན་ཡོད་གྲུབ་པའི་བྱིན་རླབས་ཀྱིས། །ཁུ་ཚུར་མཆོག་སྦྱིན་ཕྱག་རྒྱའི་ནང་། །ཧ་ལྗང་འོད་འཕྲོས་མགྲོན་ཀུན་ཚིམས། །ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿས་མནྟ་སྥ་ར་ཎ་རསྨི་བྷ་ཝ་ས་མ་ཡ། མ་ཧཱ་མ་ཎི་དུ་རུ་དུ་རུ་ཧྲཱི་ད་ཡ་ཛྭ་ལ་ནི་ཧཱུྃ། ཕྱག་ན་རྡོ་རྗེའི་བྱིན་རླབས་ཀྱིས། །སོར་བསྣོལ་ཕྱག་རྒྱ་ཛདམར་ལས། །འོད་འཕྲོས་མགྲོན་རྣམས་དབང་འདུས་གྱུར། །ན་མཿས་མནྟ་བུདྡྷཱ་ནཾ་ག་རི་ཀྲོ་དྷ་ཤྭ་རི་པྲ་བྷ་ཛྷཱ་ན་མཱ་ར་ཡ་སྭཱ་ཧཱ། ཞེས་གཏོར་མཆོད་བྱིན་བརླབས་ནས། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ། སྟོང་ཉིད་ནམ་མཁའ་ལྟ་བུ་ལས། །ཨེ་ལས་ལྕགས་མཁར་གྲུ་གསུམ་ནང་། །མི་རོ་རྟ་

[Full Size]

རོའི་གདན་སྟེང་དུ། །རུ་ལས་འཆི་བདག་གཤིན་རྗེ་ནི། །མ་ཧེའི་གདོང་ཅན་འཇིགས་སུ་རུང་། །ནག་པོ་ཁྲོ་གཉེར་མཆེ་བ་ཅན། །མིག་གསུམ་རལ་པ་སྤྱི་བོར་བཅིངས། །གཡས་པས་ཐོད་དབྱུག་ཁྲམ་ཤིང་ཕྱར། །གཡོན་པས་ཞགས་པ་གྲི་སོ་གཅིག །རོ་སྨད་སྟག་གི་ཤམ་ཐབས་དཀྲིས། །ཡན་ལག་སེན་མོ་ལྕགས་ཀྱུར་བྱས། །སྲིད་གསུམ་ལྟོ་བའི་ནང་ན་གསལ། །དུག་གསུམ་ལས་གྲུབ་གཤིན་རྗེ་ནི། །ཕག་སྦྲུལ་གླང་གི་མགོ་ཅན་དང་། །གཤིན་རྗེ་བདུན་བརྒྱ་ཉི་ཤཱུ་དང་། །འཆི་བདག་བྱེ་བ་དགུ་ཁྲི་དང་། །བདུད་བཞི་སྡེ་བརྒྱད་བགེགས་རིགས་ནི། །མ་ལུས་གྲངས་ལས་འདས་པས་བསྐོར།། །བདག་ཉིད་ལྷ་ཡི་ས་བོན་ལས། །འོད་ཟེར་ལྕགས་ཀྱུ་ལྟར་འཕྲོས་པས། །འཆི་བདག་འཁོར་བཅས་བཀུག་ལ་བསྟིམ། །ཛཿཧཱུྃ་བཾ་ཧོ༔ས་མ་ཡཱ་ཛ་ཛཿ རྗེ་བཙུན་རྩ་བ་དང་བརྒྱུད་པའི་བླ་མ་རྣམས་ཀྱི་བདེན་པ་དང་། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། དེ་བཞིན་གཤེགས་པ་དང་། རྡོ་རྗེ་དང་རིན་པོ་ཆེ་དང་ལས་ཀྱི་རིགས་སུ་བཞུགས་པ་ཐམས་ཅད་ཀྱི་བདེན་པ་དང་། སྙིང་པོ་

[Full Size]

དང་ཕྱག་རྒྱ་ཏིང་ངེ་འཛིན་དང་གསང་སྔགས་རིག་སྔགས་དང་གཟུངས་སྔགས་དང་། རྟེན་ཅིང་འབྲེལ་བར་འབྱུང་བ་ཟབ་མོ་བསླུ་བ་མེད་པ་རྣམས་ཀྱི་བདེན་པ་དང་། དམ་པ་ཆོས་སྐྱོང་བའི་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ཀྱི་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས། རྒུའམ། བསྲུང་བྱ་འདི་རྣམས་ཀྱི་ཚེ་སྲོག་ལ་བར་དུ་གཅོད་པའི་གཤིན་རྗེ་འཁོར་དང་བཅས་པ་ཐམས་ཅད། སྐད་ཅིག་ཐང་ཅིག་ཡུད་ཙམ་ལ་འདིར་མཆིས་པར་གྱུར་ཅིག །ཊཱཀྐི་ཧཱུྃ་ཛཿཧཱུྃ། ང་ནི་འཇམ་དཔལ་གཤིན་རྗེའི་གཤེད། །ང་ནི་པདྨ་ཧེ་རུ་ཀ །ང་ནི་གསང་བདག་རྡོ་རྗེ་འཛིན། །ཁམས་གསུམ་འདི་ན་སུ་ཡང་རུང་། །ང་ཡི་བཀའ་ལ་མ་འདའ་ཞིག །གལ་ཏེ་བཀའ་ལས་འདའ་བྱེད་ན། །མ་ལུས་རྡུལ་དུ་རླག་པར་བྱེད། རྨེའམ། །བསྲུང་བྱར་གྱུར་པ་འདི་རྣམས་ལ། །གནོད་ཅིང་འཚེ་བར་བྱེད་པའི་བགེགས། །འཆི་བདག་ཨ་ཝ་གླང་མགོ་དང་། །ཚེ་བདག་རཀྵ་ཕག་མགོ་དང་། །སྲོག་བདག་ཞེ་སྡང་སྦྲུལ་མགོ་དང་། །ལོ་བདུད་ལོ་གཤེད་བཅུ་གཉིས་དང་། །སྣང་སྲིད་ལྷ་སྲིན་སྡེ་བརྒྱད་དང་། །བགེགས་རིགས་སྟོང་ཕྲག་བརྒྱད་ཅུའི་ཚོགས། །

[Full Size]

གནོད་པར་བྱེད་པ་གང་ཡང་རུང་། །དཀོན་མཆོག་གསུམ་གྱི་བདེན་པ་དང་། །ཡི་དམ་ལྷ་ཡི་ཏིང་འཛིན་དང་། །ཁྲོ་བོ་ཁྲོ་མོའི་མཐུ་རྩལ་དང་། །སྔགས་དང་ཕྱག་རྒྱའི་བདེན་པ་ཡིས། །རང་དབང་མེད་པར་འདིར་ཁུག་ཅིག །གནོད་བྱེད་སརྦ་སུ་ཏྲི་པྲ་ཏ་བཛྲ་ཨཾ་ཀུ་ཤ་ཛཿཛཿཧཱུྃ་བཾ་ཧོ༔ ཧཱུྃ། འདི་ནས་ལྷོ་ཡི་ཕྱོགས་རོལ་ན། །དཔག་ཚད་བརྒྱད་ཁྲིའི་ཕ་རོལ་ན། །ཐོད་པ་ལྕགས་ཀྱི་གྲོང་ཁྱེར་ན། །ཡི་དྭགས་ཀུན་གྱི་དེད་དཔོན་ནི། །མ་མོ་ཀུན་གྱི་ཚོགས་རྗེ་བོ། །གསོན་གཤིན་ཀུན་གྱི་ཟམ་ཁ་བ། །གསོན་པོ་ཀུན་ལ་འདེབས་པ་པོ། །ཤི་བ་རྣམས་ཀྱི་གཤེད་བུ་ཆེ། །དགེ་བ་ཀུན་གྱི་སྟངས་འཛིན་པ། །སྡིག་པ་ཅན་གྱི་ཆད་པ་མཁན། །ལེགས་ཉེས་ཆོས་བཞིན་སྤྱོད་པ་པོ། །ཆོས་རྒྱལ་གཤིན་རྗེ་ཞེས་བྱ་བ། །མངོན་ཤེས་རྫུ་འཕྲུལ་མཐུ་རླབས་ཅན། །འཁོར་བཅས་གནས་འདིར་གཤེགས་སུ་གསོལ། །ཨོཾ་ཀཱ་ལ་རཱུ་པ་ཧཱུྃ་ཕཊ། ཡ་མ་རཱ་ཛ་ས་པཱ་རི་ཝཱ་ར་ཨཱ་ཀར་ཡ་ཛཿཧཱུྃ་བཾ་ཧོ༔ ཅེས་གཟུགས་ལ་དབྱེར་མེད་དུ་བསྟིམ། དབང་ལྷ་རིགས་ལྔ་བཛྲ་ས་མཱ༔ ཨོཾ་བཛྲ་ཨུ་ད་ཀ་ཨ་བྷི་ཥིཉྩ་ཧཱུྃ། ཞེས་དབང་བསྐུར་དབང་རྟགས་སུ་རྡོ་རྗེ་ནག་པོ་རྩེ་ལྔ་པས་

[Full Size]

དབུ་བརྒྱན་པར་གྱུར། ལག་གཡས་སྡིགས་མཛུབ་གཉིས་སྦྲེང་བ་བེ་ཅོན་གྱི་ཕྱག་རྒྱས། ཨོཾ་ཧྲཱིལླི་ཝི་ཀྲི་ཏཱ་ན་ན་ཧཱུྃ་ཕཊ༔ ཡ་མ་རཱ་ཛ་ས་པཱ་རི་ཝཱ་ར་ས་མ་ཡ་སྟེ། ཞེས་དམ་ལ་བཞག །རྡོ་རྗེ་བསྣམས་པའི་སྡིགས་མཛུབ་གཉིས་བསྟན་ནས། །གཤིན་རྗེའི་རྒྱལ་པོ་འཁོར་བཅས་རྣམས། །དམ་ཚིག་དབང་གིས་འདིར་བརྟན་བཞུགས། །མཆོད་པ་ཚུལ་བཞིན་བཞེས་ནས་ཀྱང་། །ཕྲིན་ལས་མཛད་ཅིང་དེ་སྲིད་དུ། །ལས་གྲུབ་བར་དུ་བཞུགས་སུ་གསོལ། །ཨོཾ་ཡ་མ་རཱ་ཛ་ས་མ་ཡ་ཧོ༔ ཧཱུྃ་ལས་གྲུབ་པའི་སྟོབས་པོ་ཆེ། །རྫུ་འཕྲུལ་དབང་ལྡན་དྲེགས་པའི་གཙོ། །འབྱུང་བའི་འཁོར་ལོས་ཐམས་ཅད་འཇོམས། །སྐྱེ་འགྲོའི་ཤ་ཁྲག་དབུགས་ལ་ཟ། །སྲིད་གསུམ་མ་ལུས་ཞལ་དུ་གསོལ། །སྲོག་འཕྲོག་གཤིན་རྗེར་ཕྱག་འཚལ་བསྟོད། །སྐུ་མདོག་མཐིང་ནག་མུན་རུམ་འཁྱིལ། །མ་ཧེ་ཤིན་ཏུ་ཁྲོས་པའི་གདོང་། །སྤྱན་གསུམ་ཁྲོ་གཉེར་གློག་ལྟར་འཁྱུགས། །ལྕགས་ཀྱི་རལ་པས་མགོ་བོ་བརྒྱན། །ལྗགས་འདྲིལ་མཆེ་བ་གཙིགས་པ་ཡིས། །དུས་གསུམ་སངས་རྒྱས་མན་ཆད་ནས། །འཇག་མའི་སྲིན་བུ་ཡན་ཆད་ཀྱི། །སྲོག་དབུགས་ཟ་བའི་སྟོབས་པོ་ཆེ། །སྲོག་བདག་གཤིན་རྗེར་ཕྱག་འཚལ་

[Full Size]

བསྟོད། །གཡས་པས་ཁྲམ་ཤིང་དབྱུག་པ་ཡིས། །སྐྱེ་འགྲོ་སྲོག་ཆགས་ཁྲམ་ལ་འདེབས། །བདུད་ཞགས་ནག་པོ་མདའ་ལྟར་འཕེན། །རླུང་བས་མགྱོགས་ཏེ་སྐྱེ་འགྲོ་འཆིང་། །ཕྱག་གཡོན་གྲི་ནག་སོ་གཅིག་གིས། །དགྲ་བགེགས་སྲོག་རྩ་མྱལ་མྱལ་གཅོད། །སེན་མོ་མཚོན་ཆ་ལྕགས་ཀྱུ་ཡིས། །འགྲོ་དྲུག་རོ་ཡི་ལུས་ཀུན་གཏུབས། །རྔམ་པའི་སྟབས་ཀྱིས་ཕྱོགས་བཅུར་རྒྱུག །སངས་རྒྱས་ཀུན་བས་སྟོབས་ཆེན་དཔལ། །ཀུན་གྱི་རྫུ་འཕྲུལ་སྟོབས་ཟ་བ། །དྲག་ཤུལ་ཅན་ལ་ཕྱག་འཚལ་བསྟོད། །དེ་ནས་མཆོད་པ་རྣམ་ལྔ་དེ་རེ་རེ་ནས་བཟུང་ལ་མཆོད་གཡོག་པས་སྐུ་གཟུགས་ཀྱི་མདུན་དུ་བླུགས་བཅུག་ཅིང་། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །གཤིན་རྗེ་འཁོར་དང་བཅས་ལ་འབུལ། །ཅི་བདེ་བར་ནི་བཞེས་ནས་ཀྱང་། །དུས་དང་དུས་མིན་འཆི་བ་ཟློག །ཨོཾ་ཡ་མ་རཱ་ཛ་ས་པཱ་རི་ཝཱ་ར་ཨརྒྷཾ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཞབས་བསིལ་ནས་རོལ་མོའི་བར་འགྲེས་སོ། ཁ་དོག་དབྱིབས་ལེགས་ཡིད་འོང་རྒྱན་ཕྲེང་ལྡན། །ཕྱོགས་དུས་ཀུན་ན་གཟུགས་མཆོག་ཅི་མཆིས་

[Full Size]

པ། །མོས་བློའི་གཤིན་རྗེའི་ཚོགས་ལ་བདག་འབུལ་ན། །བཞེས་ནས་དུས་དང་དུས་མིན་འཆི་བ་ཟློག །ཨོཾ་ཡ་མ་རཱ་ཛ་ས་པ་རི་ཝཱ་ར་ཀཱ་མ་གུ་ཎ་བཛྲ་པུ་ཛི་ཏེ་ཨཱཿཧཱུྃ༔ སྤངྒེའི་བར་འགྲེས་སོ།། ༈ དེ་ནས་ཤ་ཁྲག་བརྒྱན་པའི་གཏོར་མ་བྲན། ཨོཾ་སྭ་བྷ་ཝ་སོགས། ཨོཾ་ཨཱཿཧཱུྃ་ཧ་ཧོ་ཧྲཱིཿ ཨོཾ་ཀ་ལ་རུ་པ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི༔ ཨོཾ་ཡ་མ་རཱ་ཛ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི༔ ཨོཾ་ཨཱཿཧཱུྃ་དུ་སི་ཛ་ཧཱུྃ་ཐ་ཨི་དཾ་བ་ལིཾ་ཏ་ཁ་ཁ་ཁཱ་ཧི༔ གསུམ། ཧཱུྃ། འདི་ནས་ལྷོ་ཡི་ཕྱོགས་རོལ་ན། །དཔག་ཚད་བརྒྱད་ཁྲིའི་འོག་རོལ་ན། །ཐོད་པ་ལྕགས་ཀྱི་གྲོང་ཁྱེར་ན། །ཡི་དྭགས་ཀུན་གྱི་སྡེ་དཔོན་པོ། །མ་མོ་ཀུན་གྱི་ཚོགས་རྗེ་བོ། །གསོན་གཤིན་ཀུན་གྱི་ཟམ་ཁ་བ། །གསོན་པོ་ཀུས་ལ་འདེབས་པ་པོ། །ཤི་བ་ཀུན་ལ་གྱི་གཤིན་བུ་རྗེ། །དགེ་བ་ཀུན་གྱི་སྟངས་འཛིན་པ། །སྡིག་པ་ཀུན་གྱི་ཆད་པ་མཁན། །ལེགས་ཉེས་ཆོས་བཞིན་སྤྱོད་པ་པོ། །ཆོས་རྒྱལ་གཤིན་རྗེ་ཞེས་བྱ་བ། །མངོན་ཤེས་རྫུ་འཕྲུལ་མཐུ་རླབས་ཅན། །ཕྱོགས་སྐྱོང་མཛད་དུས་ཙཱ་རི་ཏྲར། །ཁྲག་གི་རྒྱ་མཚོ་རུལ་བའི་མདོག །ཤིན་ཏུ་བརྗིད་ཅིང་སྒེག་པའི་གཟུགས། །མ་ཧེ་རབ་ཏུ་ཁྲོས་པའི་གདོང་། །

[Full Size]

རལ་གྲི་ཕྱར་ཞིང་ཐོད་ཁྲག་འཐུང་། །གཅེར་བུ་རྒྱན་མེད་རྟགས་བསྒྲེང་ནས། །ཙ་མུན་ཧྲཱི་དང་ལྷན་ཅིག་ཏུ། །བརྐྱང་བསྐུམ་རོལ་པའི་གར་སྟབས་ཀྱིས། །སྲིན་གྱི་མ་ཧེ་ཆེན་པོ་བརྫིས། །ས་གསུམ་ཐམས་ཅད་སྤྲུལ་པས་གང་། །སྲོག་བདག་འཆི་བདག་ཕོ་ཉར་འགྱེད། །གཤིན་རྗེའི་ཕོ་ཉ་གཤེད་དུ་འབེབས། །དྲེགས་པའི་སྡེ་དཔོན་ལས་ལ་ཁོལ། །མཆོད་སྦྱིན་གཏོར་མ་འདི་བཞེས་ལ། །དུས་དང་དུས་མིན་འཆི་བ་ཟློག །བཅོལ་བའི་ཕྲིན་ལས་འགྲུབ་པར་མཛོད། །མདུན་དུ་ཕུལ། ཀྱཻ། འཆི་བདག་འཁོར་བཅས་དགོངས་སུ་གསོལ། །བདག་ཅག་ཡོན་མཆོད་འཁོར་བཅས་ལ། །འཆི་བདག་འཁོར་བཅས་ཁྱེད་རྣམས་ཀྱིས། །ཐོག་མཐའ་མེད་ནས་ད་ལྟའི་བར། །བུ་ལོན་ཤ་འཁོན་ལན་ཆགས་དང་། །སྟོང་རིན་གང་ཡང་ཀུན་འཇལ་གྱིས། །ཚེ་སྲོག་བར་ཆད་ཞི་བར་མཛོད། །ལུས་ངག་ཡིད་གསུམ་བར་ཆད་དང་། །འགལ་རྐྱེན་ཅི་ཡང་མ་མཛད་ཅིག །ཅེས་པས་འཆི་བདག་འཁོར་བཅས་ཀྱིས། །མཚོན་ཆ་སྣ་ཚོགས་ཐོགས་པ་དང་། །བཅོས་ནས་བུ་ལོན་ལེན་བསམ་ལ། །དེ་ནས་སློབ་དཔོན་གྱི་ཐུགས་ཀའི་འོད་ཟེར་འཕྲོས་པས་ལྷ་རྣམས་ཀྱི་ཐུགས་རྒྱུད་བསྐུལ་ཞིང་བསྲུང་བྱ་

[Full Size]

མདུན་བསྐྱེད་ཀྱི་གཙོ་བོའི་ཕྱག་གི་བུམ་པར་གནས། འཆི་མེད་ཚེ་ཡི་དངོས་གྲུབ་སྩོལ་བར་བསྒོམས་ལ། གཟུངས་ཅུང་ཟད་བཟླས། དེ་ནས་མཆོད་གཡོག་པས་མདུན་དུ་གཏོར་ཁྲི་ཁར་ཐེབ་ཙེར་ཆངས་བུ་ཏིང་ལོ་མཐེབ་སྐྱུ་རྣམས་བཤམ། འདོན་རོགས་ཡོད་ན་མགོ་གྲངས་བཞག་པ་དང་། གཅིག་གིས་ནས་སོགས་འབྲུ་རྣམས་བྲེ་ཕུལ་ལ་འཇལ་བ་དང་། མར་ཐུད་སོགས་རྒྱ་མ་དང་། གསེར་དངུལ་སོགས་སྲང་ལ་འཇལ་བ་རྣམས་ཟངས་སྡེར་སོགས་སུ་བཤམས་པ་བྲན་ལ། ལྷོ་ངོས་སུ་གཅིག་གིས་ཚེ་གཟུངས་འདོན་པ་དང་། དཀྱིལ་འཁོར་བྱང་ངོས་སུ་གཅིག་གིས་རྔ་སྒྲའི་གཟུངས་སམ། མ་གྲུབ་ན་སྙིང་པོ་བཟླ་ཞིང་། སློབ་དཔོན་ནས། ཨོཾ་སྭ་བྷ་ཝས། ཧཱུྃ་ལས་རིན་པོ་ཆེའི་སྣོད་ཡངས་ཤིང་། རྒྱ་ཆེ་བར་ཚེ་སྐྱིན་སྲོག་གླུད་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། གསུམ་མམ་བདུན། མཆོད་སྦྱིན་གྱི་གཏོར་མ་འདོད་པའི་ཡོན་ཏན་ལྔ་དང་ལྡན་པ་འདི་ཉིད། འཆི་བདག་ཨ་ཝ་གླང་མགོ །ཚེ་བདག་རཀཱ་ཕག་མགོ །སྲོག་བདག་ཞེ་སྡང་སྦྲུལ་མགོ །ལོ་བདུད་ལོ་གཤེད་བཅུ་གཉིས། གཤེད་ཆེན་བདུན་བརྒྱ་ཉི་ཤུ། འཆི་བདག་བྱེ་བ་དགུ་འབུམ། བགེགས་རིགས་སྟོང་ཕྲག་བརྒྱད་ཅུ། བཀའི་ལྷ་མ་སྲིན་སྡེ་བརྒྱད་འཁོར་དང་བཅས་པ་རྣམས་ལ་

[Full Size]

འབུལ་ལོ། །ན་མོ་དཀོན་མཆོག་གསུམ་གྱི་བདེན་པ་དང་། གསང་སྔགས་རིག་སྔགས་དང་། གཟུངས་སྔགས་དང་སྙིང་པོ་དང་ཕྱག་རྒྱ་ཏིང་ངེ་འཛིན་གྱི་བདེན་པ་དང་། མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་། སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་པའི་སྟོབས་ཀྱིས། དེ་རིང་མཆོད་སྦྱིན་གྱི་གཏོར་མ་རྒྱ་ཆེན་པོ་འདིས། བདག་ཅག་འཁོར་དང་བཅས་པ་རྣམས་དང་། ཁྱད་པར་བསྲུང་བྱ་རྒེ་ལ། དུས་འདི་ནས་བཟུང་སྟེ། ནམ་ཞིག་སྙིང་པོ་བྱང་ཆུབ་མ་ཐོབ་ཀྱི་བར་དུ་ནད་ཀྱི་རིགས་སུ་གྱུར་པ་དང་། གདོན་གྱི་རིགས་སུ་གྱུར་པ་དང་། རྨི་ལམ་ངན་པ་དང་མཚན་མ་ངན་པ་དང་། ལྟས་ངན་པ་དང་། དུས་མ་ཡིན་པའི་འཆི་བ་ལ་སོགས་ཏེ། མི་མཐུན་པའི་ཕྱོགས་ངན་པ་ཐམས་ཅད་ཞི་བར་མཛད་དུ་གསོལ། མཐུན་ཞིང་དགེ་བའི་རིགས་སུ་གྱུར་པ་དང་། ཚེ་རིང་བ་དང་ནད་མེད་པ་དང་། བཀྲ་ཤིས་བདེ་ལེགས་ཡོན་ཏན་ཐམས་ཅད་ལྷུན་གྱིས་གྲུབ་པར་མཛད་དུ་གསོལ། །ཅེས་རོལ་མོ་དང་བཅས་པས་གཤིན་རྗེའི་མདུན་དུ་བླུགས། དེ་དང་མཉམ་དུ་འབྲུ་སྣ་སོགས་འཇལ་ནས་བཞག་པ་

[Full Size]

དེ་བླུགས། དེ་དང་དུས་མཉམ་དུ་དཀྱིལ་འཁོར་བྱང་དུ་ཚོན་སྐུད་ཀྱིས་བཅིངས་པའི་གོས་དུམ་དེ་ཉ་ཤའི་དུད་པས་བདུག་པ་མེ་རུམ་འདྲ་བ་བྱ། དེ་ལྟ་བུ་བརྒྱ་རྩ་བརྒྱད། འབྲིང་ལོ་གྲངས། ཐ་མ་ཉེར་གཅིག་བྱས་ཏེ་མི་གྲངས་བརྩི། མི་གྲངས་དང་མཉམ་པའི་རྫས་བླུགས་སོ། །དེ་ནས་ལྷག་མའི་འབྲུ་སྣ་སོགས་ཐམས་ཅད་འཇལ་ཞིང་བླུགས་ཏེ། སོ་འཆི་བདག་གཤིན་རྗེའི་རྒྱལ་པོ་འཁོར་དང་བཅས་པ་ལྷ་སྲིན་བགེགས་རིགས་ཐམས་ཅད་ལ། རྗེ། ཞེས་བྱ་བའི་ཚེ་སྐྱིན་སྲོག་གླུད་དུ་གསེར་སྲང་གཅིག་འཇལ། བརྒྱ་འཇལ། སྟོང་འཇལ། ཁྲི་འཇལ། འབུམ་འཇལ། བྱེ་བ་འཇལ། ས་ཡ་འཇལ། དུང་། ཕྱུར་འཇལ། གྲངས་མེད་འཇལ། དེ་བཞིན་དུ། དངུལ་འཇལ། བཻཌཱུརྱ་འཇལ། པདྨ་རཱ་ག་འཇལ། ཤེལ་འཇལ། མུ་ཏིག་འཇལ། བྱི་རུ་འཇལ། གཡུ་འཇལ། ཡ་འཇལ་འཇལ་ནས་སྲང་ཆག་སོང་། ཞེས་གཏིབ་ལ་ཕར་འཕང་ངོ་། །ཇ་ཉ་ག་གཅིག་ནས། བུ་རམ། ཀ་ར། སྦྲང་རྩི། མར་རྒྱ་མ་གཅིག །སོགས་གོང་བཞིན་དང་། ཐུད། ཤ །ཚིལ། ཚོས། ཡུངས་ཀར་ཕུལ་གང་སོགས། ཏིལ། ཁྲེ། འབྲས་བྲེ་གང་སོགས། སོ་བ། ཡུངས་ནག །ནས་ཁལ་གཅིག་སོགས། སྲད་མ། རྒྱ་སྲན། གྲོ། ཆུར་

[Full Size]

བ། ཚྭ། དར་དོས་གཅིག་སོགས། གོས་ཡུག །སྣམ་ཕྲུག་གཅིག་ནས། སྐབས་འདིར་རྒྱས་པར་ན་སྤྱི་ལྟར་གསེར་སྐྱེམས་འབུལ། དཀར་གཏོར་གཅིག་བསྔོས་ལ་སྡུན་དུ་བཞག །དེ་ནས་དབྱངས་སྙན་རོལ་མོ་དང་བཅས་པས་འདོན་ཏེ། གཞི་སོགས་ཀྱང་བསྡུས་ལ། རང་ཉིད་ཚེ་དཔག་མེད་ཀྱི་ང་རྒྱལ་གྱིས་འདོན་ཏེ། དེ་ཡང་སྔར་གྱི་ཁྲུས་ཆུ་ཁམ་ཕོར་བླུགས་པ་དེ་གཤིན་རྗེའི་མདུན་དུ་བཞག །འབྲང་རྒྱས་ཕྱེད་གཤག་ནག་པོའི་ངོས་མེ་རུ་སླར་ཡང་གཤིན་རྗེའི་མདུན་དུ་བཞག་ལ། འདི་ནས་ལྷོ་ཡི་ཕྱོགས་རོལ་ན། །དཔག་ཚད་བརྒྱད་ཁྲིའི་ཕ་རོལ་ན། །ཐོད་པ་ལྕགས་ཀྱི་གྲོང་ཁྱེར་ན། །ཡི་དྭགས་ཀུན་གྱི་སྡེ་དཔོན་པོ། །མ་མོ་ཀུན་གྱི་ཚོགས་རྗེ་བོ། །གསོན་གཤིན་ཀུན་གྱི་ཟམ་ཁ་བ། །གསོན་པོ་ཀུས་ལ་འདེབས་པ་པོ། །ཤི་བ་རྣམས་ཀྱི་གཤིན་བུ་རྗེ། །དགེ་བ་ཅན་གྱི་སྟངས་འཛིན་པ། །སྡིག་པ་ཅན་གྱི་ཆད་པ་མཁན། །ལེགས་ཉེས་ཆོས་བཞིན་སྤྱོད་པ་པོ། །ཆོས་རྒྱལ་གཤིན་རྗེ་ཞེས་བྱ་བ། །མངོན་ཤེས་རྫུ་འཕྲུལ་མཐུ་རླབས་ཅན། །འཁོར་བཅས་འདིར་ནི་བདག་ལ་ཉོན། །ཁྱོད་ཀྱི་འཁོར་གྱི་ཡི་དྭགས་ལ། །བཟའ་བ་བཟང་པོ་འདི་འབུལ་གྱིས། །འདི་ཟོ་འཁོར་གྱི་ཡི་དྭགས་རྣམས། །མ་འཆེ་བར་ནི་གཞན་དུ་

[Full Size]

དེངས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ཞེས་པ་ནས། ཀུན་འགྲུབ་མཛོད། །ཀྱི་བར་དང་། །རྒྱན་གྱིས་བརྒྱན་པར་བྱས་ཀྱང་ཆོས་ནས། རང་གིས་གནས་སུ་དེང་། །གི་བར་བརྗོད། དེ་ནས་མདུན་དུ་དཀར་གཏོར་དང་། འབྲུ་སྣ་སོགས་སྣོད་གཞན་དུ་ཡོད་ན་དང་། གཤིན་རྗེའི་ཁ་མར་བསྒྱུར་ལ། ཡོད་ན་དར་ནག་ཀྱང་རྗེས་སུ་ཁྱེར་བ་དང་མཉམ་དུ་ཆོས་སྐྱོང་གཏོར་མ་གཏིང་ཕུལ་དུ་ཁྱེར་རྒྱུ་ཡོད་ན་བསྔོ། དེ་ནས་ཁྱེར་བའི་གྲབས་བྱས་ལྷོ་ཡི་སྟོད་སྨད་ལྷོ་ནུབ་སོགས་ཕྱོགས་གཙང་སར་ཁྱེར་གྲབས་བྱས་ལ། རང་ཉིད་ཁྲོ་བོ་གང་རུང་ངམ་གཤིན་རྗེའི་གཤེད་དམ་བདུད་རྩིའི་འཁྱིལ་པའི་ང་རྒྱལ་བྱས་ལ། ཧཱུྃ། ཉོན་ཅིག་འཆི་བདག་གཤིན་རྗེའི་ཚོགས། །ཁྱོད་ནི་ལས་ཀྱི་རྫུ་འཕྲུལ་ཅན། །འགྲོ་བའི་སྲོག་བདག་ཆེན་པོ་ཁྱོད། །མ་རུངས་གཤིན་རྗེའི་འཁོར་གྱིས་བསྐོར། །བགེགས་ཀྱི་རྒྱལ་པོ་འཁོར་བཅས་ལ། །མཆོད་སྦྱིན་གླུད་གཏོར་བཟང་པོ་དང་། །བུ་ལོན་ལན་ཆགས་འཇལ་ཟིན་གྱི། །བདག་དང་དེ་རིང་མི་འདི་ལ། །མ་གནོད་བདུད་ཀྱི་ཁྲམ་ཁ་ཕྱེས། །མ་བཅིངས་འཆི་བདག་ཞགས་པ་ཁྲོལ། །མ་བསད་བདུད་ཀྱི་ཁྲམ་ཁ་སྒྱུར། །མ་འཚེ་འཁོར་བཅས་གཞན་དུ་དེངས། །ལན་ཆགས་སྟོང་དྲིན་འཇལ་

[Full Size]

ཟིན་གྱི། །གླུད་དང་མཆོད་གཏོར་འདི་སྣོམས་ལ། །བགེགས་ཀྱི་རྒྱལ་པོ་ད་སོང་ཞིག །ཅེས་སྒྱུར། སྤྲོ་ན་དེ་རྒྱབ་གཏོར་མ་དར་ནག་རོལ་མོས་བསྐྱལ་ཀྱང་ལེགས། སློབ་དཔོན་གྱིས་མཚམས་བཅད་དྲག་སྔགས་བརྗོད། བསྲུང་བྱ་ལ་ནས་བྲབ་རོལ་མོ་བྱ་སྲུང་འཁོར་བྷེ། གཟུགས་ལྷོ་ཕྱོགས་ཀྱི་གྲོང་ཟད་པའི་མཚམས་སུ་བསྐྱལ་བར་གསུངས་ལ། སྦྲའམ་ཁང་པ་དེ་མི་མཐོང་སར་བསྐྱལ་ལོ། །ཕྱི་མིག་མི་ལྟ་བར་གལ་ཆེའོ།། ༈ །དེ་ནས་གླུད་གོས་ཀྱི་ཚོན་སྐུད་བཀྲོལ་ལ་བསྒྲུབ་བྱའི་ཡན་ལག་ལྔ་བཅིངས། བུམ་པ་དགུ་སོགས་ཡོད་ན་ཅུང་ཟད་ལས་བུམ་དུ་བསྡུ། གཉིས་ལས་མེད་ན་གཙོ་བུམ་ནས་ལས་བུམ་དུ་ཅུང་ཟད་བླུགས་ལ་ཁྲུས་བྱ་སྟེ། འདི་ནི་ཁྲུས་མཆོག་དཔལ་དང་ལྡན། །སོགས་དང་། སྙིང་པོ་དང་ལས་བུམ་སྔགས་ཀྱི་རྗེས་སུ། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། དེ་བཞིན་དུ། ནད་གདོན་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། རིམས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཡམས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཉེ་བར་འཚེ་བ་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། འཁོན་བྱེད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། བྱུར་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། སྐལ་པ་ངན་པ་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། ལྟས་ངན་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ། རྨི་ལམ་ངན་པ་ཐམས་ཅད་

[Full Size]

ཤཱནྟཾ་ཀུ་རུ་ཡེ་སྭཱ་ཧཱ། མཚན་མ་ངན་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། བཀྲ་མི་ཤིས་པ་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། །མཚན་མོ་ནག་མོའི་གདོན་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། བདུད་ཀྱི་ཞགས་པ་ཐམས་ཅད་ཤཱནཾ་ཀུ་རུ་ཡེ་སྭཱ་ཧཱ། གཤིན་རྗེའི་ཕོ་ཉ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། བགེགས་དང་ལོག་འདྲེན་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། ཡན་ལག་ལྔ་ཁྲུས་བྱས་ནས་ནད་གདོན་དག་པར་བསམ། ༈ དེ་ནས་གྲི་སོགས་ཐོགས་ལ། གང་དག་སངས་རྒྱས་རང་སངས་རྒྱས། །སངས་རྒྱས་རྣམས་ཀྱི་ཉན་ཐོས་དང་། །ཚངས་པ་དང་ནི་འཇིག་རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་ཆེ། །དེ་བཞིན་གནོད་སྦྱིན་སྟོབས་ཆེན་དང་། །འཕྲོག་མ་བུ་དང་བཅས་རྣམས་༈ ཀྱིས། །སྒྲེ་ཞེས་བྱའི་སློབ་མ་འདི། །བྱད་སྟེམས་ནད་རྣམས་ཆད་གྱུར་ཅིག །ཨོཾ་སརྦ་བྷན་ཀ་ཀ་ར་ཏ་ཙྪེ་ད་ན་ཡེ་སྭཱ་ཧཱ། ཞེས་བཅིངས་བ་རྣམས་དུམ་བུར་བཅད་ཅིང་གཏུབ་ལ་བཞག་ནས། །ཁམ་ཕོར་གསར་པ་འོ་ཆབ་བླུགས་པའི་ནང་དུ་སྐུད་པ་བཅད་དུམ་བུ་རེ་དང་ལས་བུམ་ཆུ་ཐིགས་རེ་བླུགས་ཤིང་། འདོད་ཆགས་ཞེ་སྡང་གཏི་མུག་གསུམ། །སངས་རྒྱས་ཆོས༴ དགེ་འདུན་༴ ས་ནི་དུག་

[Full Size]

གི་ཕ་སོགས་དུག་བཅོམ་དང་། སངས་རྒྱས་ཀྱི་གཟི་བརྗིད་ཀྱིས་དུག་ངེས་པར་བཅོམ་མོ། །ཆོས་དགེ་འདུན་གྱི་གཟི་བརྗིད་ཀྱིས་དུག་ངེས་པར་བཅོམ་མོ། །རང་སངས་རྒྱས་ཀྱི་གཟི་བརྗིད་ཀྱིས་དུག་ངེས་པར་བཅོམ་མོ། །དགྲ་བཅོམ་པའི་གཟི་བརྗིད་ཀྱིས་དུག་ངེས་པར་བཅོམ་མོ། །ཕྱིར་མི་འོང་བའི་གཟི་བརྗིད་ཀྱིས་དུག་ངེས་པར་བཅོམ་མོ། །ལན་གཅིག་ཕྱིར་འོང་བའི་གཟི་བརྗིད་ཀྱིས་དུག་ངེས་པར་བཅོམ་མོ། །རྒྱུན་དུ་ཞུགས་པའི་གཟི་བརྗིད་ཀྱིས་དུག་ངེས་པར་བཅོམ་མོ། །བདེན་པར་སྨྲ་བའི་གཟི་བརྗིད་ཀྱིས་དུག་ངེས་པར་བཅོམ་མོ། །ཚངས་པའི་བེ་ཅོན་གྱིས་དུག་ངེས་པར་བཅོམ་མོ། །དབང་པོའི་སྡེས་དུག་ངེས་པར་བཅོམ་མོ། །ཁྱབ་འཇུག་གི་འཁོར་ལོས་དུག་ངེས་པར་བཅོམ་མོ། །མེ་ལྷའི་དབལ་གྱིས་དུག་ངེས་པར་བཅོམ་མོ། །ཆུ་ལྷའི་ཞགས་པས་དུག་ངེས་པར་བཅོམ་མོ། །ལྷ་མ་ཡིན་གྱི་རྒྱུས་དུག་ངེས་པར་བཅོམ་མོ། །ཀླུ་ཡི་སྔགས་ཀྱིས་དུག་ངེས་པར་བཅོམ་མོ། །དྲག་པོའི་མདུང་རྩེས་དུག་ངེས་པར་བཅོམ་མོ། །སྐེམ་བྱེད་ཀྱི་མདུང་ཐུང་གིས་དུག་ངེས་པར་བཅོམ་མོ། །དུག་ས་ཡི་ནང་དུ་སོང་ཞིག །ཆུ་ཡི་ནང་དུ་སོང་

[Full Size]

ཞིག མེའི་ནང་དུ་སོང་ཞིག །རླུང་གི་ནང་དུ་སོང་ཞིག །གླུད་གོས་དང་ཁམ་ཕོར་གྱི་ཆུ་ཚོན་སྐུད་ཅན་བྱང་ཕྱོགས་ཀྱི་གྲོང་ཟད་སར་བསྐྱལ་ཏེ་ཕྱི་མིག་མི་བལྟ། དེ་ནས་ཁྲུས་བུམ་ཆུ་ཐིགས་གཅིག་བསྒྲུབ་བྱའི་ཁ་རུ་བཟུང་བཅུག །རྨ་བྱའི་མདོངས་རང་གིས་བཟུང་ལ། ཁྱེད་རང་གི་ནད་གདོན་སྡིག་སྒྲིབ་ཐམས་ཅད་རྨ་བྱའི་སྒོ་འདིས་བླངས་ནས་ཁྲུས་ཆུའི་ནང་དུ་འཕང་བར་བྷེ་ཤིག་།གོང་ལྟར་སྙིང་པོ་དང་ལས་བུམ་སྔགས་ལ། སྡིག་པ་དང་སྒྲིབ་པ་ཐམས་ཅད་ཨ་པ་ན་ཡེ་སྭཱ་ཧཱ། ཞེས་སོགས་གོང་ལྟར་ཁའི་བུམ་ཆུ་ཁྲུས་ཆུ་ནང་དུ་བླུགས་བཅུག་ལ། ཨོཾ་སུམྦྷ་ནི་སོགས་བགེགས་བསྐྲད་ནས་བྲབ་ཅིང་རོལ་མོ་བྱ། ཁྲུས་ཆུ་ཆུ་བོ་རྒྱུན་འབབས་སུ་བསྐྱལ། གཞུང་ལས། དེ་ནས་ཆུ་དེ་མ་བོ་བར། །ཆུ་བོ་ཆེའམ་ལྡིང་ཀ་མཚོ་ཆུ་ཆེན་རྣམས་ལ་དོར་བཅུག་ན། ངེས་པར་འཆི་བ་བཟློག་པ་ཡིན། ཅེས་གསུངས་སོ། །དེ་ལྟར་ཁྲུས་དང་བྱད་ཁྲོལ་བྱབ་ཆོག་བྱབ་པས་དེ་སྔ་ཕན་འཁོར་བ་མྱ་ངན་གྱི་གདན་ནག་པོ་ལ་གནས་པ། ད་ནི་ཐར་པ་དང་ཞི་བའི་རང་བཞིན་གདན་དཀར་པོའི་སྟེང་དུ་བསླེབས་ནས་ཚེ་དཔག་དངོས་ཀྱི་དྲུང་དུ་སླེབས་པའི་མོས་པ་མཛོད། ཅེས་གདན་དཀར་ནག་བརྗེ། དེ་ནས་ལྷ་ཚོགས་རྣམས་ཀྱིས་ཁྱེད་རང་རྣམས་ལ་རྡོ་རྗེས་གོ་ཁྲབ་ཞུ་ལུབས་སུ་བཀོན་པས་ཕྱིན་ཆད་གང་གིས་ཀྱང་མི་ཚུགས་པར་བྷཻཾ་

[Full Size]

ཤིག །ཅེས་སྔགས་གཉིས་དང་། སྡིག་པ་དང་སྒྲིབ་པ་ཐམས་ཅད་ལས་རཀྵ་རཀྵ། །སོགས་གོང་ལྟར་སྤྱི་བོའི་གནས་ལྔར་ཡན་ལག་བཞི་མདུན་རྒྱབ་སླར་ཡང་སྤྱི་བོར་རྡོ་རྗེ་རྒྱ་གྲམ་དུ་བཞག སྔགས་བྲིས་པ་དེ་བཟུང་ལ། བདེན་ཚིག་བརྗོད་པ་ནི། སངས་རྒྱས་རྣམས་ནི་བདུད་ལས་རྒྱལ། །ཆོས་ནི་ཆོས་མ་ཡིན་ལས་རྒྱལ། །དགེ་འདུན་མུ་སྟེགས་རྣམས་ལས་རྒྱལ། །ལྷ་མིན་ཟླ་ཆ་བ་རྣམས་ལས་རྒྱལ། །ནམ་མཁའ་ལྡིང་ནི་རྒྱ་མཚོ་ལས། །མེ་ནི་ཤིང་རྣམས་ཀུན་ལས་རྒྱལ། །ཆུ་ཡང་མེ་ལས་རྒྱལ་བར་འགྱུར། །རླུང་གིས་སྤྲིན་ནི་རྣམ་པར་གཏོར། །རྡོ་རྗེ་ཡིས་ནི་རིན་ཆེན་ཕུགས། །ལྷ་རྣམས་བདེན་པར་རབ་ཏུ་གནས། །ས་ཡང་བདེན་པར་རབ་ཏུ་གནས། །ས་ཡང་བདེན་པར་གནས་པ་ལགས། །སངས་རྒྱས་དང་ནི་ཆོས་ཀྱང་བདེན། །བདེན་པ་རྒྱལ་གྱུར་རྫུན་མ་ལགས། །བདེན་པ་དང་བདེན་པའི་ཚིག་འདི་དག་གིས། སྒྲེ་ཞེས་བྱ་བ་མི་མཐུན་པའི་ཕྱོགས་ལས་རྒྱལ་བར་གྱུར་ཅིག་།ཛ་ཡ་ཛ་ཡ། །སྲུང་བ་བཏགས། དེ་ནས་འབྲང་རྒྱས་དཀར་པོ་ལ་མེ་རུ་སྦར་ལ་ལག་ཏུ་བཞག་སྟེ། བཀྲ་ཤིས་ཚེ་བརྟན་དཔལ་གྱི་ཟས། །སྙིང་པོ་བསྡུས་པའི་བཅུད་འདི་ནི། །དེ་རིང་བུ་ཡི་ཟ་གྱུར་གྱིས། །འདི་

[Full Size]

ཟོས་སངས་རྒྱས་ཚེ་དཔག་མེད། །ཞལ་བཟང་བསྟན་ནས་ནད་ཀུན་ལས། །གྲོལ་འགྱུར་ཐེ་ཚོམ་བྱ་མི་དགོས། །ཨོཾ་ཏདྱ་ཐཱ་ཨ་པ་ར་མི་ཏ་ཨ་ཡུཛྙཱ་ན་དྷཱིཧཱུྃ་ཧཱུྃ་སྭཱ་ཧཱ༔ ཅུང་ཟད་ཟའོ། །དེ་ནས་མེ་ཏོག་འཐོར་ཞིང་། སྦྱིན་པའི་སྟོབས་ཀྱི་སངས་རྒྱས་ཡང་དག་འཕགས། །མི་ཡི་སེངྒེ་སྦྱིན་པའི་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་རྣམས། །སྦྱིན་པའི་སྟོབས་ཀྱིས་ཚེ་ཡང་འཕེལ་བར་ཤོག །སོགས། བསོད་ནམས་རི་བོ་བཞིན་དུ་བརྟན་པ་དང་། །སོགས། ལོ་བརྒྱ་ཐུབ་ཅིང་སྟོན་བརྒྱ་མཐོང་བ་དང་། །སོགས། མཎྜལ་ཕུལ། དེ་ཡང་འཆི་བསླུ་རྐྱང་པ་ལ་དེས་ཆོག་ལ། དབང་དང་སྦྲེལ་ན། བྱད་ཁྲོལ་བྱས། འབྲང་རྒྱས་བྱིན་ནས་དབང་བསྐུར། དབང་གི་ནང་དུ་བྱབ་ཁྲུས་ཡོད་ལྟར་བསྲུང་བའི་སྐབས་སུ་དར་སྔགས་བྲིས་པ་བཏགས། འདི་ནི་གསར་མའི་ཚེ་དཔག་ལྷ་དགུའི་འཆི་བསླུ་དཀོན་མཆོག་ཡན་ལག་གིས་མཛད་པ་ལ་གཞི་བྱས། གྲགས་པའི་ལུགས་དང་། ངོར་ལུགས་དང་ཡང་བསྟུན། ཁ་སབ་དགོས་པ་འགའ་རེ་རྙིང་མའི་འཆི་བསླུ་ནས་སབ་སྟེ། འཁྱེར་བདེ་བ་བལྟས་ཆོག་བྱས་པ་ཡིན་ལ། གསར་མའི་འཆི་བསླུ་ཐམས་ཅད་གཞན་ནས་སབ་དགོས་པ་མང་བས་འཕྲོད་དཀའ་ཞིང་ཕྱག་ལེན་མི་ཐེབ་པ་དང་། རྙིང་མའི་རྫ་ས་སོགས་དཀའ་ཞིང་གཞན་མི་བདེ་བ་དང་། འཇའ་ཚོན་པའི་ལུགས་ནི། ཧ་ཀྱང་གཉན་

[Full Size]

དྲག་པས་འཁུ་ལྡོག་ཆེ་བར་འདུག །འདི་ནི་བཀའ་ཡང་ཤིང་འཇམ་ལ། དོན་ལ་གསར་རྙིང་གི་འཆི་བསླུ་རྣམས་དོན་གཅིག་པར་འདུག་པས། གསང་འདུས་སོགས་ཚེ་ཆོག་གང་ལའང་སྦྱར་ཡང་རུང་ལ། སོ་སོའི་དཀྱིལ་ཐང་ཡོད་དམ་མེད་ན་ཚོམ་བུ་སོགས་ལ་བརྟེན་ནས་རང་རང་གིས་ཚེ་ཆོག་གང་བྱེད་གཞུང་བསྲང་ནས་བྱ་སྟེ། གང་ལ་ཡང་ལས་བུམ་བདུད་རྩི་འཁྱིལ་བར་བསྐྱེད་ནས་སྔགས། ཨོཾ་ཨ་མྲྀ་ཏེ་ཧཱུྃ་ཕཊ༔ དང་། རྣམ་རྒྱལ་བུམ་པར་རང་གིས་ཚེ་ཆོག་གང་ཡིན་དང་ཚེ་གཟུངས་འདོན་པས་འཐུས་སོ། །ཞེས་པ་འདི་ནི་གསར་རྙིང་གི་འཆི་བསླུ་རིགས་མི་གཅིག་པ་དུ་མ་ཞིག །རང་གཞན་གྱི་དོན་དུ་ལག་ལེན་ལ་བསྟར་ནས་ཕན་ཐོགས་པའི་རྟེན་འབྲེལ་ཡང་བྱུང་བས། རང་གི་ཉམས་མྱོང་དང་བསྟུན། སྟབས་བདེ་ལ་མཛེས་ཆ་ཆེ་བ། མང་ཉུང་འཚམས་པ། གཞན་ནས་སབ་མི་དགོས་པ། ཕྱག་ལེན་གསལ་བར་བལྟས་ཆོག་ཏུ། ༧ བདག་རཱ་ག་ཨ་སྱས་བཀོད་པའོ། །འདི་ལ་ཉེས་པ་གང་མཆིས་བཤགས་ཤིང་དགེ་བས་ཆོས་དང་མཐུན་པའི་མི་ཐམས་ཅད་དུས་མ་ཡིན་པའི་འཆི་བ་བསལ་ནས། ཚེ་དཔག་མེད་པའི་གོ་འཕང་འགྲུབ་པར་གྱུར་ཅིག །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཤིན་རྗེའི་གཏོར་ཆེན་གྱི་བཅའ་ཚོགས་གསལ་བར་བཀོད་པ།

[Full Size]

གཤིན་རྗེའི་གཏོར་ཆེན་གྱི་བཅའ་ཚོགས་གསལ་བར་བཀོད་པ་བཞུགས་སོ། །

[Full Size]

འཆི་མེད་ཚེ་ཡི་ལྷ་ལ་ཕྱག་འཚལ་ལོ༔ གཤིན་རྗེའི་གཏོར་ཆེན་བཅའ་ཚོགས་ནི༔ གཞུང་དང་དཔེའུ་རིས་ལྟར་ནི༔ བསྡུ་ན་གཙོ་བོ་མ་གཏོགས་ལོ་སྐོར་ཙཀླུ་བཙུགས་ཀྱང་ཆོག༔ སྔོན་དུ་ཁྱེར་རྒྱུའི་དཀར་གཏོར་གཅིག་དང་རྗེས་ནས་ཁྱེར་རྒྱུའི་དམར་གཏོར་གཅིག་བཅའ༔ ད་ནངས་སྔོན་དུ་ཚེ་སྒྲུབ་ཀྱི་ལས་བྱང་ཚར་གཅིག་ལ་སོགས༔ དཀོན་མཆོག་སྤྱི་འདུས་བཏོན་ཀྱང་ཆོག༔ གཤིན་རྗེའི་བདག་བསྐྱེད་གཅིག་ཡོད་ན་བཟང་དེ་ནས་ལྷོ་ཕྱོགས་ནས་ཚུར་ཁ་གྲུ་ལ༔ གདན་གཙང་མ་ཞིག་མཐོ་བའི་ཁར་གཤིན་རྗེའི་གཟུགས་ཁ་རྒྱུ་ལ་བཞག༔ དེ་ཡང་མགོ་འཕང་མཐོ་ན་མི་རུང་

[Full Size]

བས་ཅུང་ཟད་དགུ་བར་བཞག༔ ཞལ་དེ་རས་ནག་པོ་ཞིག་གིས་བཀབ་ལ་བཞག༔ དེའི་མདུན་དེར་མཆོད་པ་སྣ་བདུན་ལེགས་པར་བཤམས༔ གཞུང་ནས་མ་བཤད་ཀྱང་ཁོ་རང་གི་མདུན་དེར་དམར་གཏོར་གཅིག་བཤམས༔ དེའི་མདུན་གཡས་ཟུར་ཟངས་དམར་གཙང་མ་ལ༔ གཡོན་དུ་ལྕགས་འགུ་གཙང་མ་ལ༔ དེ་གཉིས་གདན་གྱི་མཚམས་དེར་བསྒྲིགས་ལ་བཞག༔ རང་དང་གཤིན་རྗེའི་བར་དུ་གཏོར་ཁྲི་ཐུར་དུ་བཤམས་པའི་སྟེང་དུ་ཐེབ་ཙེ་བཅུའམ་བདུན་བཤམས༔ འབྲུ་སྣ་སོགས་མང་ཆེ་ན་ཟངས་སྡེར་ཡང་རུང་༔ གཏོར་ཁྲིའི་གཡས་ངོས་སུ་གཞི་དཀར་པོའི་སྟེང་དུ་

[Full Size]

རིལ་བུ་དཀར་པོ་བརྒྱ་རེ་དང་༔ འབྲུ་སྣ་དཀར་པོའི་རིགས་གང་འཛོམ་མར་ཆུར་བ་ཐུད་སོགས་དར་ཚན་རིན་པོ་ཆེའི་ཕྱེ་མ་ཅི་འཛོམ་སྤུངས༔ འོ་ཆབ་གཙང་མ་དཀར་པོ་ལོགས་གང་བདེར་བཞག༔ གཡོན་དུ་གཞི་ནག་པོའི་སྟེང་དུ་ཆངས་བུ་ནག་པོ་རིལ་བུ་ནག་པོ་བརྒྱ་རྩ་བཞག་དེ་ཡང་གཙང་མ་དགོས༔ སྲན་མ་རམ་པ་བྲ་བོ་ཆང་གི་གླུམ་དགོས༔ སྒོག་པ་ཤ་ཚིལ་དུམ་བུ་མང་པོ༔ ཁྲག་ཆུ་ཟོ་ཆུང་གང་བཞག༔ གཡས་གཡོན་གཉིས་ཀ་ལ་མཁོ་རྒྱུའི་ནས་བཙོས་པའི་ཆན་ཞིག་ཀྱང་དགོས༔ གཤིན་རྗེའི་མདུན་རྣལ་འབྱོར་གཉིས་ཀྱི་བར་ངར་མི་ལ་ཡོན་བདག་གི་ལུས་ལ་དྲུད་པའི་གླུད་ཟན་གྱིས་བསྐོར༔ གོས་དུམ་བསྐོན༔ ཡར་ལ་གཤིན་རྗེ་ལ་ཁ་གྲུ་ལ་བཞག་གཡས་གཡོན་གཉིས་ལ་མཆོད་གཡོག་གཉིས༔ ལག་པ་བཀྲུས་ལ་ཁ་སྣར་དར་རས་དཀྲིས་ལ་འདུག་ནས༔ ཆུ་གཙང་གིས་བྲན་ནས༔ དེ་ནས་སྭ་བྷ་ཝ་སོགས་མངོན་རྟོགས་ནས༔ བཀུག་གཞུག་ཚིགས་བཅད་ཚར་གསུམ་རེ་བྱ༔ དེ་ནས་སྲུང་འཁོར་གྱི་སྔགས་དེ་ཚར་གསུམ༔ དེ་ནས་ཐེབ་ཙེ་རེ་རེའི་ནང་དུ་འདོན་མི་དུ་ཡོད་ཀྱི་གྲངས་ཀྱི་རིལ་བུ་ཆངས་བུ་དཀར་པོ༔ ཐེབ་ཙེ་རེ་རེའི་ནང་འབྲུ་སྣ་འབྲས་ཆན་ཟས་སྣ་སོགས་སོ་སོར་བཤམས༔

[Full Size]

ཐེབ་ཙེ་གཅིག་སྟོང་པར་བཞག་པ་ནི་ཆུ་སྦྲེང་བའོ༔ འབྲུ་སྣ་ཟས་སྣ་དཀར་གསུམ་དར་ཚོན་སོགས་ཚར་རེ་བླུགས༔ མཆོད་གཡོག་པ་གཅིག་གིས་གཏོར་འགུའི་ཆུས་འོ་ཆབ་ཀྱིས་བྲན༔ སྭ་བྷ་ཝ་སོགས་གཏོར་མ་བྱིན་གྱིས་བརླབས༔ ཨོཾ་ཨཱཙྪཧཱུྃ་སོགས༔ ཐེབ་ཙེ་དུ་ཡོད་ལན་གཅིག་བྱིན་གྱིས་བརླབས༔ སཾ་བྷ་ར་སོགས། ལན་བདུན་བརྗོད༔ དེ་ཚེ་མཆོད་གཡོག་པ་གཅིག་གིས་ཐེབ་ཙེ་གཅིག་ནང་དུ་འོ་ཆབ་སྦྲེང་༔ འདོད་དགུའི་ཡོན་ཏན་ཞེས་པ་ནས་ལྷུན་གྱིས་གྲུབ་པར་མཛད་དུ་གསོལ་ཞེས་པ་ནས་རྔ་རོལ་མོ་འུར་རྡུང་དང་བཅས་པས་མཆོད་གཡོག་པ་གཉིས་ཀྱི་ཟངས་ནང་དུ་བླུགས༔ མཆོད་གཡོག་པ་གཅིག་གིས་ཐེབ་ཙེ་ཡང་བཤལ་ལ་བླུགས༔ དེ་ལྟར་བརྒྱ་རྩ་ཚང་དགོས་པ་ནི་འདོན་མི་དུ་ཡོད་ཀྱི་གྲངས་ཀ་ཙམ་ཆོག༔ དེ་ནས་སློབ་དཔོན་གང་ཡིན་པ་དེས་པད་ཞྭ་སོགས་སྔགས་ཆས་དང་ཁྲག་སོལ་བ་གཡོས་པས་གདོང་ལ་ཞུར་འཐེན༔ མཁུར་བ་གཉིས་ལ་ཐིག་ལེ་བྱ༔ མཆོད་གཡོག་ལྕི་པས་ཐེབ་ཙེ་རེ་རེའི་ནང་དུ་རིལ་བུ་ཟུར་གསུམ་ཆངས་བུ་ནག་པོ་ངར་མི་པར་མ་སོགས་འདོན་མི་དུ་ཡོད་ཀྱི་གྲངས་ཀ༔ ཐེབ་རྩེ་གཅིག་ཏུ་འབྲུ་ནག་རྣམས༔ གཅིག་ཏུ་ཤ་དུམ་ཚིལ་དུམ༔

[Full Size]

གཅིག་ཏུ་ཆངས་བུ༔ གཅིག་སྟོང་པར་བཞག་པ་ཁྲག་ཆུ་ཕྱར་ས༔ གཅིག་ཏུ་ཆན་བླུག༔ གཏོར་འགུའི་ཁྲག་ཆུ་ཤར་གཅིག་བྲམ༔ ཧཱུྃ། ང་ནི་འཇམ་དཔལ་སོགས༴ རྔ་རོལ་མོ་བཅས་བཀུག་གཞུག་ལན་གསུམ་བྱ༔ སྭ་བྷ་ཝ་སོགས་ནས༔ གནོད་བྱེད་དགྲ་བགེགས་རྫོགས་པར་གྱུར་ནས༔ རྗེ་བཙུན་རྩ་བ་དང་སོགས་ནས༴ ཛཿཧཱུྃ་བཾ་ཧོའི་བར་ཕཊ་དགྲ་བགེགས་རྣམ་པར་ཤེས་པ་ཞལ་ནས་ཁྲག་གི་རྒྱ་མཚོ་གྱུར༔ ཨོཾ་ཨཱཿཧཱུྃ་གིས་ལན་གསུམ་བྱིན་རླབས་དུས་གཅིག་བྱ༔ སཾ་བྷ་ར་ལན་གསུམ་མམ་བདུན་བརྗོད་ཚེ་མཆོད་གཡོག་པས་གཏོར་འགུ་ནང་ནས་ཁྲག་ཆུ་སྦྲེང་༔ དགྲ་བགེགས་ཀྱི་ཤ་ཁྲག་ལས་གྲུབ་པའི་ཞེས་པ་ནས་གོང་གི་འགྲེས་བཤངས་ལ༔ ནམ་ཞིག་བྱང་ཆུབ་སྙིང་པོ་ཞེས་ནས༔ སྟོང་པར་གྱུར་ཅིག༔ བར་བརྗོད༔ རྔ་རོལ་མོ་འུར་རྡུང་དང་བཅས་ཏེ་གཡོན་གྱི་ལྕགས་སྣོད་དུ་བླུགས༔ སླར་ཡང་ཁྲག་ཆུས་ཐེབ་ཙེ་བཤལ་ཏེ་བླུག༔ ཡང་སྔར་ལྟར་བཤམས༔ སྔར་ལྟར་འདོན༔ དེ་ལྟར་བརྒྱ་རྩ་མ་རྫོགས་བར་དུ་བྱ༔ དེ་ནས་ངར་མི་བྲན་ལ་གླུད་རབ་ངར་མི་འདོན༔ དེ་ནས་དཀར་གཏོར་འདོན་ལ་སྔོན་དུ་བཞག༔ དེ་རྒྱབ་ངར་མི༔ དེ་རྒྱབ་ཟངས་ལྕགས་འགུ༔ དེ་

[Full Size]

རྒྱབ་གཤིན་རྗེའི་གཟུགས་རྣམོས་བཞག༔ དེ་རྒྱབ་དམར་གཏོར་ཆེ་བ་གཅིག༔ དེ་ནས་རྗེས་ཀྱི་དམར་གཏོར་དེ་འབྲུ་སོགས་ལྷག་མ་ཅི་གདའ་གཤིན་རྗེའི་ནང་དུ་རྫོངས་འདེབས་ཀྱི་ཚུལ་དུ་བླུགས༔ དེ་ནས་ཧཱུྃ་འཆི་བདག་སོགས་བཀའ་བསྒོས་ཏེ་དབྱངས་དང་བཅས་པ་འདོན༔ དེ་ནས་རྗེས་ཀྱི་དམར་གཏོར་དེ་བྲན་ལ་སེང་གདོང་མ་ཚར་གཅིག་འདོན༔ དེ་ནས་དར་ནག་བསྒྲོན་པ་དང་བཅས་ཏེ་གྲལ་རིམ་ལྟར་ཁྱེར༔ ལྷོ་སྟོད་སྨད་གཉིས་ཤར་ལྷོ་ནུབ་སྟེ་རང་དང་ཡོན་བདག་གི་ལོ་དེའི་ལོ་ལྷ་མེད་སར་གཟའ་མཁའ་འགྲོ་གདོང་མ་ཐུག་པར་ཁྱེར༔ གྲོང་ཟད་པའི་གནས་ཁང་དེ་མི་མཐོང་བར་ཡིན་ན་བཟང་༔ ལྷོ་ངོས་ཤིག་མིན་ན་མི་རུང་༔ རེ་ཞིག་ཐམས་ཅད་ཐང་ལ་བཞག༔ དང་པོ་དཀར་གཏོར་བཀྱག་ལ་ཆད་མདོའི་ལམ་བསྟན་ལ་ཕུལ༔ དེའི་སྣོད་དེ་ཆང་གིས་བཀང་ལ་བརྟན་མ་འདོན་ལ་མཆོད༔ དེ་ནས་ངར་མི་ཁ་ཕར་བསྒྱུར་ལ་བཞག༔ གླུད་ཀྱང་དྲུང་དུ་དཔུང་ལ་བཞག༔ དེ་ནས་ཁྲག་ཆུ་དང་འབྲུ་ནག་ཚོ་དོར་བྱོ་བཞག༔ དེ་ནས་གཤིན་རྗེའི་གཟུགས་ལག་གཉིས་ཀྱིས་བཀྱགས་ལ་འཕེན༔ ཁ་གྱུ་ཕྱོགས་བཏགས་ཏེ་ཕྱོགས་གཙང་སར་མ་རྙེད་ན་ཁ་ཕར་བསྟན་ལ་བཞག་ཆོག་

[Full Size]

འཕེན་མི་དགོས༔ དེ་ནས་དམར་གཏོར་བཀྱགས་ལ་སྲིན་མོ་ཟ་ལམ་འདོན༔ ངེས་དོན་སྙིང་པོའི་ཟོར་ལས་དེ་འདོན༔ དམར་གཏོར་འཕེན་དར་ནག་རྡེབ༔ མདོས་སྐྱེལ་མཁན་གོ་ཆ་ཅན་ཡོད་ན་བསྲོ་སྒྲ་སྒྲོག༔ འོ་ཆབ་དང་དཀར་གཏོར་འབྲུ་སྣ་རྣམས་ཆུ་ཆེན་ལ་བསྐྱལ༔ གཏོར་སྣོད་རྣམས་ཁ་སྦུབས་ལ་སྟེང་དུ་དར་ནག་དྲིལ་ལ་བཙུགས་ལ་རྟ་བྲོ་འདོན༔ རྐང་པས་མནན་ལ་སློབ་དཔོན་རྗེས་སུ་བསྡད་ནས་དར་ནག་བསྒྲིལ་ལ་མདུང་ཐབས་སུ་དྲུད་ཅིང་༔ ཁྱུང་གི་རྗེས་བཅད་པར་བསྒོམ་ལ་ཕྱི་མིག་མི་ལྟ་བར་ཁྱིམ་དུ་འོང་༔ གལ་ཏེ་སློབ་དཔོན་ཕྱི་རུ་འབྱོན་འཚེར་ན༔ འདོན་རྒྱུ་ཐམས་ཅད་ཁྱིམ་དུ་བཏོན་ནས་ཕུལ་རྒྱུ་གཞན་ལ་བསྐུར༔ ཚུལ་མ་སླེབ་བར་རྔ་རོལ་མོ་བྱ་ཞིང་སེང་གདོང་མའི་སྔགས་འདོན༔ ཕྱི་མིག་མི་ལྟ་བར་ཤོག་ཅེས་བསྒོ༔ གཏོར་སྣོད་སྒོ་རྩར་སྦུབས་བཅུག་རྟ་བྲོ་འདོན་པས་འཐུས༔ དེ་ནས་སྲུང་འཁོར་བསྒོམ་ལ་ནད་པ་གལ་ཆེན་ཡོད་ན་ཚེ་དབང་བསྐུར༔ ཡང་མདའ་དར་དང་བུམ་པ་བཟུང་ལ་ཚེ་དབང་རྒྱས་པ་ཚེ་འགུགས་དང་བཅས་ཚེ་རྟ་བསྡམས་པ་སོགས་གཞུང་ལྟར་བྱ༔ མ་ལྕོགས་ན་ཚེ་གཟུངས་ཚར་འགའ་ཟུང་འདོན་པས་འཐུས༔ འདི་ནི་རང་དོན་དང་བླ་མ་མཆེད་གྲོགས་

[Full Size]

སོགས་དམ་ཚིག་ཅན་གྱི་དོན་དུ་རུང་གི༔ གཞན་ལ་མི་རུང་རང་ལ་འཁུ་ལྡོག་འོང་༔ གལ་ཏེ་སྡིག་ཅན་དམ་མེད་སོགས་ཀྱི་དོན་ཏུ་མི་བྱེད་ཁ་མེད་རང་བྱུང་ན༔ སྡེ་བརྒྱད་རང་ཤ་རང་གིས་ཟ་བའི་དམིགས་པ་དེ་མ་བསྒོམས་ན་ཚིག་ཙམ་བརྗོད་པ་ལ་ཉེས་འགལ་ཆུང་ངོ་༔ ཚིག་དེ་ཡང་དོན་དུ་དམིགས་པས་ཆོག༔ ཞེས་ཨོ་རྒྱན་བློ་གྲོས་ཀྱིས་བསྐུལ་ནས༔ ཨ་རཱ་གས་ངག་ནས་སྨྲས་པ་ལྟར༔ དགེ་སློང་སྦྱིན་པས་ཡི་གེར་བཀོད་པའོ༔ རིམ་གྲོ་ལ་འདི་ལས་ཟབ་པ་མེད་དོ༔ ཡོན་མཆོད་རྐྱེན་ངན་བར་ཆད་བཟློག་པར་ཤོག༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཤིན་རྗེ་གཤེད་ཀྱི་བདག་བསྐྱེད།

[Full Size]

གཤིན་རྗེ་གཤེད་ཀྱི་བདག་བསྐྱེད་བཞུགས། ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་པཾ་ལས་སྣ་ཚོགས་པདྨ། རཾ་ལས་ཉི་མའི་དཀྱིལ་འཁོར་གྱི་སྟེང་དུ། རང་གི་རྣམ་པར་ཤེས་པ་ཧཱུྃ་ལས་དབྱུག་པ་དཀར་པོ་མི་མགོ་རློན་པས་མཚན་པ། དེ་ལས་འོད་ཟེར་འཕྲོས་དགྲ་བགེགས་གདུག་པ་ཅན་ཐམས་ཅད་ཚར་བཅད། སངས་རྒྱས་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས། རང་ཉིད་བཅོམ་ལྡན་འཇམ་དཔལ་གཤིན་རྗེའི་གཤེད་སྐུ་མདོག་དུས་མཐའི་མེ་ལྟར་འབར་བ། ཞལ་གཅིག་དམར་ལ་ཟླུམ་པའི་སྤྱན་གསུམ་སྡང་མིག་བགྲད་ཅིང་ཁྲག་ལྟར་གཡོ་བ། ཞལ་གདངས་ཤིང་མཆེ་བ་ཟླ་བ་ཚེས་པ་ལྟ་བུ་བཞི་གཙིགས་པ། སྨ་ར་སྨིན་མ་དམར་སེར་གྱེན་དུ་འབར་བ། དབུ་སྐྲ་དམར་སེར་གྱེན་དུ་བརྗེས་པ་ལ་སྦྲུལ་དཀར་པོས་བཅིངས་པ། ཐོད་པ་སྐམ་པོའི་ལྔའི་དབུ་རྒྱན་ལ་རིན་པོ་ཆེའི་རྩེ་བྲན་ལྔས་བརྒྱན་པ། དཔྲལ་བར་ཐལ་ཆེན་གྱི་ཚོམ་བུ། མཁུར་བར་ཁྲག་གི་ཐིག་ལེ། ཨོཾག་མར་ཞག་གི་ཟོ་རིས་ཏེ། བྱུག་པའི་རྒྱན་གསུམ་བྱུག་པ། རུས་པའི་རྒྱན་དྲུག་སྦྲུལ་གྱི་ཆུན་འཕྱང་མི་

[Full Size]

མགོའི་དོ་ཤལ་ཏེ། བཏགས་པའི་རྒྱན་གསུམ་བཏགས་པ། གླང་ཆེན་གྱི་ཀོ་བའི་སྟོད་གཡོགས། ཞིང་ཆེན་གྱི་པགས་པའི་སྐེད་དཀྲིས། སྟག་གི་པགས་པའི་ཤམ་ཐབས་ཏེ། བགོ་བའི་གོས་གསུམ་མནབས་པ། །སྐུ་སྒེག་པ་དང་། དཔའ་བ་དང་། འཇིགས་སུ་རུང་བ་དང་། གསུང་རྒོད་པ། གཤེ་བ་དང་རྔམ་པ། ཐུགས་སྙིང་རྗེ་བ་དང་། ཞི་བ་དང་། མ་རུང་བ་སྟེ། འབར་བའི་གར་དགུ་དང་ལྡན་པ། ཕྱག་གཡས་དབྱུག་པ་དཀར་པོ་མི་མགོ་རློན་པས་མཚན་པ་ནམ་མཁར་འཕྱར་ཞིང་། གཡོན་བདུད་བཞིའི་ཁྲག་གི་བཀང་བའི་ཐོད་པ་ཐུགས་ཀར་འཛིན་པ། ཞབས་གཡས་བསྐུམ་ལས་ཀྱི་གཤིན་རྗེའི་ངོ་བོ་མ་ཧེའི་རྭ་བར་མནན་ཅིང་གཡོན་བརྐྱངས་པས་མ་ཧེའི་འཕོང་སྟེང་བརྫིས་པ། རང་འོད་ཀྱི་ཡུམ་རྡོ་རྗེ་རོ་ལངས་མ་དམར་མོ་གྲི་གུག་ཐོད་ཁྲག་འཛིན་པས་གཉིས་སུ་མེད་པར་འཁྲིལ་བ། དེའི་ཐུགས་ཀར་ཡེ་ཤེས་སེམས་དཔའ་སྐུ་ཆུང་ལ་ཡན་ལག་དོད་པ། དེའི་ཐུགས་ཀར་ཏིང་འཛིན་སེམས་དཔའ་དབྱུག་པ་དཀར་པོ་ཧཱུྃ་དམར་པོས་མཚན་པ། ཡབ་ཡུམ་གྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀའི་ཆ་སྨད་དུ་ཧཱུྃ་སྔོན་པོས་

[Full Size]

མཚན་པ། དེ་ལས་འོད་ཟེར་འཕྲོས་པས་བསྒོམ་པ་དང་འདྲ་བའི་ཡེ་ཤེས་པ་སྤྱན་དྲངས། བཛྲ་ས་མཱ་ཛཿ ཛཿཧཱུྃ་བཾ་ཧོ༔ དམ་ཚིག་པ་དང་གཉིས་སུ་མེད་པར་གྱུར། དབང་ལྷ་རིགས་ལྔ་སྤྱན་དྲངས། དབང་བསྐུར་དབང་རྟགས་རྡོ་རྗེ་སེམས་དཔས་དབུ་རྒྱན་པར་གྱུར། ཐུགས་ཀའི་ཧཱུྃ་དམར་པོའི་མཐར་སྔགས་ཀྱི་བསྐོར་བ་ལས་འོད་ཟེར་རྒྱལ་བ་ཀུན་གྱི་བྱིན་རླབས་བསྡུས་ནས་བདག་ལ་ཐིམ་པས། བདག་གི་སྒོ་གསུམ་དང་གཤེད་དམར་གྱི་སྐུ་གསུང་ཐུགས་དང་དབྱེར་མེད་པར་གྱུར། ཨོཾ་ཧྲཱིལླི་ཝི་ཀྲི་ཏཱ་ན་ཤྲཱི་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཞེས་སྙིང་པོ་དང་། ཨོཾ་ཡ་མཱནྟ་ཀ་ཧཱུྃ་ཕཊ༔ ཅེས་ཉེ་བའི་སྙིང་པོ་གཉིས་བརྒྱ་རྩ་ལས་མི་ཉུང་བ་བཟླས་སོ། ༈ །ཡང་མངོན་རྟོགས་ཉུང་བ་ནི། ཨོཾ་སྭ་བྷ་ཝ་སོགས། སྟོང་པའི་ངང་ལས་པཾ་ལས་པདྨ། རཾ་ལས་ཉི་མའི་སྟེང་དུ་ཧཱུྃ་ལས་མི་མགོ་རློན་པས་མཚན་པའི་དབྱུག་པ་དཀར་པོ་ཧཱུྃ་དམར་པོས་མཚན་པ་ལས་འོད་འཕྲོས། དོན་གཉིས་བྱས་ཚུར་འདུས་ཡོངས་སུ་གྱུར་པ་ལས། གཤིན་རྗེའི་གཤེད་སྐུ་མདོག་དམར་པོ་ཞལ་གཅིག་ཕྱག་གཉིས་སྤྱན་གསུམ་པ་སྐྲ་སེར་པོ་གྱེན་དུ་བརྫེས་པ། ཕྱག་གཉིས་ཀྱི་གཡས་མི་མགོས་མཚན་པའི་དབྱུག་པ་

[Full Size]

དཀར་པོ་ཕྱར་བ། གཡོན་ཐོད་ཁྲག་འཛིན་པ། རང་འོད་ཀྱི་རིག་མ་གྲི་ཐོད་འཛིན་པ་ལ་འཁྱུད་པ། སྟག་དང་སྦྲུལ་གྱིས་བརྒྱན་པ། སྣ་ཚོགས་པདྨ་དང་མ་ཧེའི་སྟེང་ན་གཡས་བསྐུམ་གཡོན་བརྐྱང་གིས་བཞུགས་པ། ཐུགས་ཀའི་ས་བོན་ལས་ཕྱག་མཚན་ས་བོན་གྱིས་མཚན་པའི་སེམས་དཔའ་སུམ་བརྩེགས་ཅན། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ་སོགས་གོང་དང་འདྲ་འགྲེས་སོ། །སེམས་ཅན་ཐམས་ཅད་ཀྱི་གཤེད་ནི་གཤིན་རྗེ་ཡིན། སེམས་ཅད་སུ་ཀྱང་མི་འཆི་བ་མེད་པས་ན་མཐར་གཤིན་རྗེའི་ཁར་འགྲོ་དགོས་པ་ཡིན། དུས་གསུམ་སངས་རྒྱས་མན་ཆད་ནས། །འཇག་མའི་སྲིན་བུ་ཡན་ཆད་ཀྱི། །སྲོག་དབུགས་ཟ་བའི་མཐུ་བོ་ཆེ། །འཆི་བདག་གཤིན་རྗེ་ཞེས་བྱ་འབྱུང་། །ལྷ་འདི་ནི་གཤིན་རྗེ་དེ་འཇོམས་པའི་གཤེད་ཡིན་པས་སོ། །རཱ་ག་ཨ་སྱས་སྨྲས།། །།

རིག་འཛིན་འཇའ་ཚོན་པའི་ཚེ་སྒྲུབ་གནམ་ལྕགས་རྡོ་རྗེའི་ལས་ཚོགས་འཆི་བདག་གཤིན་རྗེའི་གཏོར་ཆེན་གྱི་ལས་འགྲིགས།

[Full Size]

རིག་འཛིན་འཇའ་ཚོན་པའི་ཚེ་སྒྲུབ་གནམ་ལྕགས་རྡོ་རྗེའི་ལས་ཚོགས་འཆི་བདག་གཤིན་རྗེའི་གཏོར་ཆེན་གྱི་ལས་འགྲིགས་བཞུགས་སོ།།

[Full Size]

འཆི་མེད་རྡོ་རྗེ་ཚེའི་ལྷ་ལ་ཕྱག་འཚལ་ལོ། གཤིན་རྗེའི་གཏོར་ཆེན་བཅའ་ཐབས་འདོན་འགྲིགས་གོ་བདེར་བྲིས་པ་ལ། གནས་ཡིད་དང་མཐུན་པར་རྩ་གསུམ་ཆོས་སྲུང་གི་གཏོར་མ་ཕྱི་ནང་གསང་བའི་མཆོད་པ། ཚོགས་དཀར་བགེགས་ཆད་མདོ་བརྟན་སྐྱོང་སོགས་དང་བུམ་གཏོར་ཚེ་འབྲང་ཚེ་ཆང་བཤམས། གཏོར་ཆེན་བཅའ་ཐབས་ལ་མ་ཏཱཾ་གི་གཟུགས་བྲིས་འབུར་གང་རུང་གི་སྙིང་ཁར། གཤིན་རྗེ་ཨ་ཝ་གླང་མགོ་སྐུ་མདོག་ནག་པོ་མི་ལུས་གླང་གི་མགོ་བོ་ཅན་གཡས་པས་ཁྲམ་ཤིང་གཡོན་པས་ཞགས་པ་བསྣམས་པ། དེའི་གཡས་སུ་ཚེ་བདག་རཀྵ་ཕག་མགོ་སྔོན་པོ་ཁྲམ་ཤིང་དང་ཞགས་པ་བསྣམས་པ། གཡོན་དུ་སྲོག་བདག་ཞེ་སྡང་སྦྲུལ་མགོ་དམར་པོ་ཁྲམ་ཤིང་དང་ཞགས་པ་བསྣམས་པ། མ་ཊ་གི་ཡན་ལག་བཞི་ལ་ལོ་བདུད་

[Full Size]

བཅུ་གཉིས་ནི། རྐང་པ་གཡས་སུ་སྟག་ཡོས་གཉིས་ལྗང་གུ། ལག་པ་གཡས་སུ་རྟ་སྦྲུལ་གཉིས་དམར་པོའམ་སྔོན་པོ། ལག་པ་གཡོན་དུ་བྱ་སྤྲེལ་གཉིས་དཀར་པོ། རྐང་གཡོན་དུ་བྱི་ཕག་གཉིས་ནག་པོ། མཚམས་བཞིར་ཤར་ལྷོ་འབྲུག །ལྷོ་ནུབ་ལུག །ནུབ་བྱང་ཁྱི། །བྱང་ཤར་་གླང་བཞི་སེར་པོ་དེ་རྣམས་མིའི་ལུས་ལ་མགོ་བརྙན་ཅན་ཁྲམ་ཤིང་དང་ཞགས་པ་བསྣམས་པ་བྲིས་འབུར་གང་རུང་བྱའོ། །ལྷོ་ཕྱོགས་ནས་ཁ་ཚུར་རྒྱུས་ལ་གདན་མཐོ་བའི་ཁར་བཤམས་མགོ་འཕང་ཅུང་ཟད་རྒུ་བར་ཞལ་ངོ་རས་ནག་གིས་བཀབ་བོ། །སྔོན་དུ་ཁྱེར་རྒྱུ་དཀར་གཏོར་གཅིག་རྒྱབ་ཏུ་དམར་གཏོར་གཅིག་བཅའ། གླུད་ནི་སྒེའི་ལུས་བཀྲུས་པའི་ཆུ་ལ་འབྲུ་སྣ་ཚོགས་ཀྱི་ཕྱེ་བསྲེས་ལ་གླུད་གཟུགས་ཁྲུ་གང་པ་བཅའ་ལ་གོས་བསྐོན་མགུལ་རྒྱན་ཞྭའམ་ཐོད་བཅིངས་ཕོ་མོ་

[Full Size]

གང་ཡིན་གྱི་ཆེས་ཀྱིས་སྤྲས། ཕོ་ཤིང་སྟག་པ་མོ་ཤིང་གླང་མ་གཉིས་ལ་ཁྲམ་རིས་ལོ་གྲངས་གང་རེད་བཏབ་ལ། ཕོ་མོ་གང་ཡིན་གྱི་གཟུགས་ཀྱི་ཕྲག་པ་གཡས་གཡོན་དུ་བཙུགས་སོ། །གཞན་ཡང་དེའི་འཁོར་དུ་རང་དང་ཡོན་བདག་གི་གླུད་།དང་ཆངས་བུས་བསྐོར་ལ་གཤིན་རྗེའི་མདུན་དུ་ཁ་གྱུས་ལ་བཞག་གོ །གླུད་རྫས་ནི། ཤ་ནི་བསེ། ཁྲག་མཚལ། རུས་པ་དུང་། ལྤགས་པ་གྲུམ་ཤུན། སྙིང་ཞོ་ཤ། གློ་བ་བླ་གོར་ཞོ་ཤ །བ་མཆིན། མཁལ་མ་སྲན་མ་ཞོ་ཤ །མཁལ་མ་ཞོ་ཤ །ཐང་དཀར་རྒྱུས་པ། རྩ་རྒྱུས། སྤུ་ཤེལ་རྩེ། མགྲོན་བུའི་སོ། ལྕེ་དར་དམར་རམ་བྱི་རུ། ལོང་ཏང་མིག །ཟངས་མའི་སྣ། གྲོ་གའི་རྣ་བ། སྐྲ་ཟེར་མོའི་སྤུ། དབང་ལག །ཕྲག་གཡས་གསེར། ཕྲག་གཡོན་དངུལ། རྐང་གཡས་ལྕགས། རྐང་གཡོན་ཟངས་དེ་རྣམས་སོ་སོར་གནས་རྣམས་ལ་བཞག་གོ །གཤིན་རྗེའི་མདུན་དུ་མཆོད་པ་སྣ་བདུན་ལེགས་པར་བཤམས། མདུན་དུ་དམར་གཏོར་གཅིག་བཞག །གཡས་སུ་ཟངས་སམ་རྫ་། གཡོན་དུ་ལྕགས་འགུ་གཙང་མ་དེ་གཉིས་གདན་གྱི་མཚམས་ཐང་དེར་བསྒྲིག་ལ་བཞག །གླུད་རྫས་ཆངས་བུ་དཀར་པོ་བརྒྱ། རིལ་བུ་བརྒྱ། ཆངས་བུ་ནག་པོ་བརྒྱ། རིལ་བུ་ནག་པོ་ཟུར་གསུམ་བརྒྱ་རྩ། ལིང་ཆུང་པར་མ་བརྒྱ་བཅལ། ཟ་ལམ་འབྲུ་སྣ་དཀར་པོའི་རིགས་ལ་གྲོ་འབྲས་ནས་ཁྲེ་སོ་བ་ཡུངས་ཀར་སྲིན་དཀར་ཆུར་བ་ཐུད་འོ་མ་ཤིང་ཐོག་རིན་ཆེན་ཕྱེ་མ་དར་ཚོན་སོགས་དང་། ཀ་ར་བུ་རམ་གྱི་ཆུ་ནས་བཙོས་པའི་ཆན། ༈ འབྲུ་ནག་ལ་

[Full Size]

བྲ་བོ་སྲན་ནག་རམ་པ་ཚྭ་སྒོག་ཀླུམ་ཤ་ཚིལ་དུམ་བུ་མང་པོ་ཁྲག་ཆུ་ཆང་ཕུད་དེ་རྣམས། ༈ གཏོར་ཁྲིའི་གཡས་ངོས་སུ་གཞི་དཀར་པོ་ལ་རིལ་བུ་དཀར་པོ་ཆངས་བུ་དཀར་པོ་བརྒྱ་རྩ་བཤམས། འབྲུ་སྣ་དཀར་པོའི་རིགས་གྲོ་འབྲས་སོགས་གོང་ལྟར་བཤམས། འོ་མ་གཙང་མ་དཀར་ལོག་གང་བཞག་།གཡོན་དུ་གཞི་ནག་པོའི་སྟེང་དུ་ཆངས་བུ་ནག་པོ་རིལ་བུ་ནག་པོ་ཟུར་གསུམ་རྣམས་དང་། ལིང་ཆུང་རྣམས་བརྒྱ་རྩ་རེ་བཤམས། དེ་ཡང་གཙང་མ་དགོས། འབྲུ་སྣ་ནག་པོ། ཚྭ་སྒོག་རམ་གསུམ་རྫས་རྣམས་བཤམས། །ཁྲག་ཆུ་བཤམས། དེ་རྣམས་སྣོད་སོ་སོར་བཤམས། དེའི་མདུན་དུ་རྣལ་འབྱོར་པ་རྣམས་ཀྱི་གདན་བཤམས་ལ་སྔོན་འགྲོ་སྐྱབས་སེམས་དཀར་བགེགས་གཞུང་ལྟར་དང་དཀོན་མཆོག་སྤྱི་འདུས་ཚེ་སྒྲུབ་གུ་དྲག་སེང་གདོང་མ་ནིང་བཀའ་སྲུང་གསོལ་མཆོད་རྒྱས་བསྡུས་གང་རུང་བསྐང་ཚོགས་ལྷག་མ་ཡན་སོང་ནས། བདག་བསྐྱེད་གཤིན་རྗེ་གཤེད་གཅིག་བྱ། དེ་ནས་གཏོར་ཁྲིའི་གཡས་གཡོན་དུ་མཆོད་གཡོག་པ་གཉིས་ལག་པ་བཀྲུས་ལ། ཁ་སྣ་རས་ཀྱིས་དཀྲིས་ལ་འདུག །དང་པོ་སྤོས་རུམ་བྱ། དེ་ནས་གཤིན་རྗེའི་གཟུགས་ལ་ཆུ་གཙང་བྲན། སྭ་བྷ་ཝ་སོགས། སྟོང་པའི་ངང་ལས་མདུན་དུ་སོགས་ནས། འཁོད་པར་གྱུར༔ ཡན་དང་། རང་ཉིད་ལྷའི་སོགས་དང་། ན་མོ་རྗེ་བཙུན་སོགས་དང་། ཧཱུྃ་ང་ནི་འཇམ་དཔལ་སོགས་ཚིགས་བཅད་ལྷུག་རྣམས་ཚར་གསུམ་རེ་བྱ། སྲུང་འཁོར་སྔགས་རིང་ན་མས་མནྟ་བུདྡྷ་ཞེས་

[Full Size]

པ་ལན་གསུམ་མམ་བདུན་བརྗོད། དེ་ནས་རང་དང་གཤིན་རྗེའི་བར་དུ་གཏོར་ཁྲི་ཐུར་དུ་བཤམས་པའི་སྟེང་དུ་ཐེབ་ཙེ་བཅུའམ་བདུན་སོགས་བཤམས། ཐེབ་ཙེ་རེ་རེའི་ནང་དུ་འདོན་མི་དུ་ཡོད་ཀྱི་གྲངས་ཀྱི་ཆངས་བུ་དཀར་པོ་དང་རིལ་བུ། ཐེབ་ཙེ་རེ་རེའི་ནང་དུ་འབྲུ་སྣ་འབྲས་ཆན་ཟན་སྣ་སོགས་སོ་སོར་གྲངས་ཚང་བར་བཤམས། ཐེབ་གཅིག་སྟོང་པར་བཞག་པ་ནི་ཆུ་སྦྲེང་བའོ། །དེ་ལྟར་བརྒྱ་རྩ་བརྒྱད་འདང་བའི་འབྲུ་སྣ་ཟས་སྣ་དཀར་གསུམ་སོགས་ཚོད་རེ་བླུག །མཆོད་གཡོག་པ་གཅིག་གིས་གཏོར་འགུའི་མཆུས་འོ་ཆབ་ཀྱིས་བྲན། སྭ་བྷ་ཝ་དང་ཧཱུྃ་ལས་སོགས་ཀྱིས་གཏོར་མ་བྱིན་རླབས། ཨོཾ་ཨཱཿཧཱུྃ་སོགས་ཀྱིས་ཐེབ་ཙེ་དུ་ཡོད་ལན་གསུམ་གྱི་བྱིན་གྱིས་བརླབ། ན་མཿསརྦ་ཏ་ཐཱ་ག་ཏ་སོགས་ལན་བདུན་བརྗོད་ཚེ་མཆོད་གཡོག་པས་གཏོར་འགུའི་མཆུས་འོ་ཆབ་སྦྱོང་། འོདོད་དགུའི་ཡོན་ཏན་དང་ལྡན་པར་གྱུར༔ མཆོད་སྦྱིན་གཏོར་མ་སོགས་ནས། ལྷུན་གྱིས་གྲུབ་པར་མཛད་དུ་གསོལ༔ བརྗོད་ལ་རྔ་རོལ་མོ་འུར་བརྡུང་དང་བཅས། མཆོད་གཡོག་པས་གཡས་ཀྱི་ཟངས་ནང་དུ་བླུགས། མཆོད་གཡོག་གཅིག་གིས་ཐེབ་ཙེ་ཡང་བཤལ་ལ་བླུག །དེ་ལྟར་བརྒྱ་རྩ་བརྒྱད་ཚང་དགོས་པ་ནི་འདོན་མི་དུ་ཡོད་ཀྱི་གྲངས་ཀ་བརྩི་ཆོག ། ཡང་གོང་ལྟར་བཤམས་ལ་འདོན་ནས་བརྒྱ་རྩ་ཚར་ནས། ༈ དེ་ནས་སློབ་དཔོན་གང་ཡིན་དེས་པད་ཞྭ་སོགས་སྔགས་ཆས་དང་ཁྲག་སོལ་བ་སྤྱོས་པས་གདོང་ལ་ཞུར་འཐེན་མཁུར་བ་གཉིས་ལ་ཐིག་ལེ་བྱ། མཆོད་གཡོག་པས་ཐེབ་ཙེ་རེའི་ནང་

[Full Size]

དུ་གོང་ལྟར་རིལ་བུ་ནག་པོ་ཟུར་གསུམ་ཆངས་བུ་ནག་པོ། ལིང་ཆུང་པར་མ་ནག་པོ་འདོན་མི་དུ་ཡོད་ཀྱི་གྲངས་ཀ །ཐེབ་ཙེ་གཅིག་ཏུ་འབྲུ་ནག་ཚྭ་སྒོག་རམ་གསུམ་སོགས་དང་། གཅིག་ཏུ་ཤ་དུམ་ཚིལ་དུམ། གཅིག་ཏུ་ཆང་། གཅིག་སྟོང་པར་བཞག་ལ་ཁྲག་ཆུ་སྦྲེང་། གཅིག་ཏུ་འབྲས་ཆན་བླུགས་ལ་གཏོར་འགུ་ཁྲག་ཆུས་ཤར་གཅིག་བྲན། ཧཱུྃ། ང་ནི་འཇམ་དཔལ་གཤིན་རྗེའི་གཤེད༔ སོགས་རྔ་རོལ་མོ་དང་བཅས་ཏེ་བྱ། སྭ་བྷ་ཝ་སོགས་ནས། གནོད་བྱེད་དགྲ་བགེགས་རྫོགས་པར་གྱུར༔ བོར་རོ།། ན་མོ་རྗེ་བཙུན་སོགས། ཛཿཧཱུྃ་བཾ་ཧོའི་བར་རོ། །ལྷ་དང་དབྱེ་བར་བསམ་ལ། ཕཊ་དགྲ་བགེགས་ཀྱི་རྣམ་ཤེས་རང་ཉིད་ལ་བསྟིམ་གཟུགས་ཕུང་ལ་བཟའ་བ་ཤའི་རི་བོ་བཏུང་བ་ཁྲག་གི་རྒྱ་མཚོར་གྱུར༔ ཨོཾ་ཨཱཿཧཱུྃ་ལན་གསུམ་གྱི་དུས་གཅིག་བྱིན་གྱིས་བརླབས་ལ། ན་མཿསརྦ་ཏ་ཐཱ་ག་ཏ་སོགས་བདུན་བརྗོད་ཚེ་མཆོད་གཡོག་པས་གཏོར་འགུ་ནང་ནས་ཁྲག་ཆུ་སྦྲེང་། དགྲ་བགེགས་ཀྱི་ཤ་ཁྲག་ལས་གྲུབ་པའི་གཏོར་མ་འདོད་པའི་ཡོན་ཏན་ལྔ་དང་ལྡན་པ་འདི་ཉིད། འཆི་བདག་ཨ་ཝ་གླང་མགོ་སོགས་ནས། འབུལ་ལོ། །ན་མོ་དཀོན་མཆོག་གསུམ་གྱི་སོགས། མ་ཐོབ་ཀྱི་བར་དུ་ཡན་བརྗོད། ཚེ་སྲོག་ལ་བར་དུ་གཅོད་པར་བྱེད་པའི་སོགས་ནས། སྟོང་པར་གྱུར་ཅིག་བར་བརྗོད་རྔ་རོལ་མོ་འུར་བརྡུང་

[Full Size]

བཅས་ཏེ་གཡོན་གྱི་ལྕགས་སྣོད་དུ་བླུགས། སླར་ཡང་ཁྲག་ཆུས་ཐེབ་རྩེ་བཤལ་ཏེ་བླུགས། ཡང་སྔར་ལྟར་བཤམས་ལ་སྔར་ལྟར་འདོན། དེ་ལྟར་བརྒྱ་རྩ་མ་རྫོགས་ཀྱི་བར་དུ་བྱ། ༈ བསྡུས་པ་མན་ངག་ལུགས་སུ་བྱ་བར་འདོད་ན་སྔར་ལྟར་བཤམས་ལ་ཁྲག་ཆུས་བྲན་ལ། སྭ་བྷ་ཝ་སོགས། སྟོང་པའི་ངང་ལས་བྷན་དམར་པོ་གྲུ་གསུམ་པའི་ནང་དུ་ཡི་གེ་ཧཱུྃ༔དང་ཏྲི་ཡོངས་སུ་གྱུར་པ་ལས་གནོད་བྱེད་དགྲ་བགེགས་བྱད་མ་རྣམས་གཟུགས་ཀྱི་ཕུང་པོ་དབང་པོ་སྐྱེ་མཆེད་ཐམས་ཅད་ཡོངས་སུ་རྫོགས་པར་གྱུར། རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་དགྲ་བགེགས་བྱད་མ་ལྷ་སྲུང་དང་བཅས་པའི་རྣམ་པར་ཤེས་པ་ནཱིདམར་ལྗང་དང་ཏྲིདམར་སེར་ལ་ཕོག་པས་རང་དབང་མེད་པར་བཀུག་ནས་ལིང་ལ་བསྟིམ་མོ། །ན་མོ་དཀོན་མཆོག་གསུམ་གྱི་བདེན་པ་དང་། གསང་སྔགས་དང་། རིག་སྔགས་དང་། གཟུངས་སྔགས་དང་། སྙིང་པོ་དང་། ཕྱག་རྒྱ་དང་ཏིང་ངེ་འཛིན་གྱི་བདེན་པོ་དང་། དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་། སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་སྟོབས་ཀྱིས། བདག་ཅག་དཔོན་སློབ་ཡོན་མཆོད་

[Full Size]

འཁོར་བཅས་ཀྱི་ལུས་ངག་ཡིད་གསུམ་དང་ཚེ་སྲོག་ལ་བར་དུ་གཅོད་པར་བྱེད་པའི་འཆི་བདག་གཤིན་རྗེ་འཁོར་བཅས་དང་བན་བོན་གྱི་བྱད་མ་ལ་སོགས་པ་གནོད་ཅིང་འཚེ་བའི་གདོན་བགེགས་འདྲེ་གདོན་འབྱུང་པོ་ཐམས་ཅད་གཟུགས་ལིངྒ་འདི་རྣམས་ལ་ཁུག་ཅིག །གཅིག་གམ་གསུམ། ཛཿཧཱུྃ་བཾ་ཧོ༔གཉིས་སུ་མེད་པར་བསྟིམ། ལྷ་དང་ཕྲོལ་ཅིག་ཕཊ། དགྲ་བགེགས་ཀྱི་རྣམ་ཤེས་རང་ཉིད་ལ་བསྟིམ། གཟུགས་ཕུང་ལ་བཟའ་བ་ཤའི་རི་བོ་བཏུང་བ་ཁྲག་གི་རྒྱ་མཚོར་གྱུར་ནས། སླར་ཁོ་རང་རྣམས་ལ་སྦྱིན་པས་རང་དབང་མེད་པར་ཟོས་པར་བསམས་ལ། འདི་ཤིན་ཏུ་གནད་ཆེ་བ་གཅིག་ཡོད་སུ་བྱུང་ལ་མི་བྱ་བ་གསང་སྔགས་སོ་གསུངས་སོ། །ཨོཾ་ཨཱཿཧཱུྃ། །ལན་གསུམ་གྱིས་དུས་གཅིག་ལ་བྱིན་གྱིས་བརླབས་སོ། །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་སོགས་བདུན་བརྗོད་ཚེ་མཆོད་གཡོག་པས་གཏོར་འགུ་ནང་ནས་ཐེབ་ནང་ཁྲག་ཆུ་སྦྲེང་། རྗེས་སུ། དགྲ་བགེགས་ཀྱི་ཤ་ཁྲག་ལས་གྲུབ་པའི་གཏོར་མ་འདོད་པའི་ཡོན་ཏན་ལྔ་དང་ལྡན་པ་འདི་ཉིད༔ འཆི་བདག་ཨ་ཝ་གླང་མགོ་སོགས་གོང་ལྟར་བརྗོད་ནས། དུས་འདི་ནས་བཟུང་སྟེ་ནམ་བྱང་ཆུབ་སྙིང་པོ་མ་ཐོབ་ཀྱི་བར་དུ་ཚེ་སྲོག་ལ་བར་དུ་གཅོད་སོགས་ནས། སྟོང་པར་གྱུར་

[Full Size]

ཅིག༔ བར་བརྗོད་ནས་རྔ་རོལ་མོ་འུར་བརྡུང་དང་བཅས་ཏེ་གཡོན་གྱི་ལྕགས་སྣོད་དུ་བླུགས། སླར་ཡང་ཐེབ་ཙེ་བཤལ་ཏེ་བླུགས། དེའི་འགྲེས་སུ་གོང་ལྟར་བཤམས་ལ་བརྒྱ་རྩ་རྫོགས་པར་བྱའོ། །དེ་ནས་གླུད་དང་ངར་མི་བྲན་ལ། ཨ་མྲ་དང་སྭ་བྷ་ཝ་སོགས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གླུད་གཏོར་འདོད་པའི་ཡོན་ཏན་ཕུན་སུམ་ཚོགས་པ་ནམ་མཁའ་དང་མཉམ་པར་གྱུར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱ། སརྦ་ཐཱ་ཁཾ་ཨུཏྟཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ཨོཾ་ཛྙཱ་ན་ཨ་ཝ་ལོ་ཀི་ཏེ་ས་མནྟ་སྥ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲཱི་ད་ཡ་ཛྭ་ལ་ནི་ཧཱུྃ། ན་མཿས་མནྟ་བུདྡྷཱ་ནཾ་གྲ་རྒྱ་ཤྭ་ར་པྲ་བྷ་ཛོ་ཏི་ནི་མ་ཧཱ་ས་མ་ཡ་སྭཱ་ཧཱ། ཞེས་ལན་གསུམ་བྱིན་གྱིས་བརླབས། གླུད་རབ་གྱེར་རོ།། ཀྱི་དང་པོ་གླུད་བྱུང་སོགས་ནས། གནས་སུ་གཤེགས་བར་རོ། །དེ་ནས་གླུད་ལ་ལམ་བསྟན་པ་ནི། ཀྱཻ། མཐོ་སྲིད་པའི་རྩེ་མོ་མན་ཆད་ནས། །དམའ་ན་རག་དམྱལ་བ་ཡན་ཆད་དུ། །ཕྱོགས་བཅུའི་ལྷ་འདྲེའི་ཚོགས་རྣམས་ཀུན། །སྔོན་ཆད་མཆོད་སྦྱིན་མ་ཐོབ་པ། །དེ་རིང་བདག་གིས་ཁྱོད་མཆོད་

[Full Size]

ནས། །མི་དང་གླུད་དུ་བརྗེ་བར་མཛོད། །གླུད་དང་ལྷ་འདྲེ་བསྡེབས་ལ་སོང་། །གླུད་ལ་ད་ནི་ལམ་བསྟན་འཚལ། །དཔྱིད་ཀྱི་དེ་ནི་ཟླ་གསུམ་ལ། །ཆུ་གསུམ་འདུས་པའི་གཞུང་ལ་སོང་། །དབྱར་གྱི་དེ་ནི་ཟླ་གསུམ་ལ། །རི་གསུམ་འདུས་པའི་རྩེ་ལ་སོང་། །སྟོན་གྱི་དེ་ནི་ཟླ་གསུམ་ལ། །ལུང་གསུམ་འདུས་པའི་མདོ་ལ་སོང་། །དགུན་གྱི་དེ་ནི་ཟླ་གསུམ་ལ། །ལམ་གསུམ་འདུས་པའི་གཞུང་ལ་སོང་། །ལྷ་ཡི་དལ་ཁ་བཟློག་ཅིང་སོང་། །བདུད་ཀྱི་ཁྲམ་ཁ་བསྒྱུར་ལ་སོང་། །བཙན་གྱི་པྲ་ལྟས་བཟློག་ལ་སོང་། །མ་མོའི་འདུས་མ་སྤང་ལ་སོང་། །གཟའ་ཡི་དཀྱུས་ཀ་བཟློག་ལ་སོང་། །དམུ་ཡི་དལ་ནད་བཟློག་ལ་སོང་། །རྒྱལ་པོའི་ཕོ་སྐྱས་བཟློག་ལ་སོང་། །ཐེའུ་རང་རྫོང་འདེབས་བཟློག་ལ་སོང་། །ཀླུ་ཡི་དུག་རྣམས་འཇོམས་ཤིང་སོང་། །བནེའི་རྦོད་གཏོང་བཟློག་ལ་སོང་། །སྲིད་པའི་དལ་ཀ་བཟློག་ལ་སོང་། །དུས་མིན་འཆི་བ་བཟློག་ལ་སོང་། །གློ་བུར་ནད་རྣམས་སེལ་ལ་སོང་། །སྔ་མའི་ལན་ཆགས་འཇལ་ལ་སོང་། །འཕྲལ་གྱི་ཉེས་སྐྱོན་སོལ་ལ་སོང་། །འཛུམ་པའི་མདངས་ཀྱིས་སྟོན་ལ་སོང་། །

[Full Size]

སྙན་པའི་ངག་གིས་འགྲེལ་ལ་སོང་། །ད་བཞེངས་དེ་ནི་ད་བཞུད་འཚལ། །གླད་དང་ལྷ་འདྲེ་བསྡེབས་ལ་སོང་། །གཤེགས་སོ་རང་རང་ཡུལ་དུ་གཤེགས། །ཐམས་ཅད་དགྱེས་ཤིང་ཚིམ་གྱུར་ནས། །རང་གི་ཡུལ་དུ་ད་སོང་ལ། །ཕྱིན་ཆད་གནོད་འཚེ་མ་བྱེད་ཅིག །བཟློག་བཟློག་བསྒྱུར་བསྒྱུར་བྷྱོ་བྷྱོ་བྷྱོ། དེ་ནས་གླུད་དང་གཤིན་རྗེ་ཕྱིར་དཔག་པ་ནི། དང་པོ་དཀར་གཏོར་བཞག །དེ་རྒྱབ་བླུད། དེ་རྒྱབ་ཟངས་སམ་ལྕགས་འགུ། དེ་རྒྱབ་གཤིན་རྗེའི་གཟུགས་རྣམས་ཁ་ཕྱིར་བསྟན་ལ་བཞག །དེ་རྒྱབ་དམར་གཏོར་ཆེ་བ་གཅིག་བཞག །འབྲུ་སྣ་སོགས་ལྷགས་མ་ཅི་གདའ་གཤིན་རྗེའི་ནང་དུ་རྫོངས་འདེབས་ཀྱི་ཚུལ་དུ་བླུགས་ལ། སྒོ་དབྱེ་རྫོངས་འདེབས་ནི། ཁྲོ་བོ་བཅུའི་གུར་ཁང་གི་སྒོ་ཕྱེ་བར་བསྒོམས་ལ། བདེ་གཤེགས་བཀའ་ཡི་གཏོར་མ་འདི། །གཏོར་མའི་ལམ་བསྟན་ཤར་དུ་བསྟན། །དེ་རིང་ཟོར་ཡང་ཤར་དུ་འཕེན། །ཤར་ཕྱོགས་ལྷ་ཀླུ་སྡེ་བརྒྱད་རྣམས། །འཕྲང་པ་རྣམས་ཀྱིས་འཕྲང་སོལ་ལ། །སྒོ་བ་རྣམས་ཀྱིས་སྒོ་ཕྱེས་ཤིག །མཐོ་བ་རྣམས་ཀྱིས་ཞབས་ཡར་སྐུམས། །དམའ་བ་རྣམས་ཀྱིས་དབུ་མར་སྨོད། །ཐད་དུ་ཡོད་པ་སྐུ་གཟུར་གྱིས། །དགྲ་བགེགས་ཡུལ་དུ་ལམ་བསྟན་ནོ། །དགྲ་བགེགས་ཐམས་ཅད་རྫོངས་སུ་འདེབས། །

[Full Size]

བྱད་མ་གནོད་བྱེད་རྫོངས་སུ་འདེབས། །ཕྲིན་ལས་ཐམས་ཅད་བསྒྲུབ་ཏུ་གསོལ། །དེ་བཞིན་དུ་ལྷོ༴ ནུབ༔ བྱང༔ འགྲེས་སོ། །དེ་ནས་ཞི་དྲག་སེང་གསུམ་བསྐུལ་པ་དང་མ་ནིང་བསྐུལ་པ་བཏང་། དེ་ནས་རྔ་བརྡུང་རོལ་མོ་སྒྲོག་ཅིང་གཤིན་རྗེ་རྣམས་ལ་བཀའ་བསྒོ་བ་ནི། ཧཱུྃ། འཆི་བདག་གཤིན་རྗེ་འཁོར་བཅས་དང་། སོགས། ཕཊ་ཡན་འདོན། དེ་ནས་དཀར་གཏོར་གསེར་སྐྱེམས་འདོན། སྲིན་མོཟ་ལམ་འདོན། ཆད་མདོ་གྱེར། ངེས་དོན་སྙིང་པོའི་མཐའི་ཟོར་ལས་དེ་འདོན་ལ་མདོས་གླུད་རྣམས་རྒྱང་རིང་པོར་རང་དང་སྦྱིན་བདག་གི་ལོ་ལྷ་མེད་ས་གཟའ་དང་མཁའ་འགྲོའི་གདོང་མ་ཐུག་པར་གནས་ཁང་མི་མཐོང་བར་ཁྱེར་ལ་གླུད་དང་གཤིན་རྗེའི་གཟུགས་རྣམས་ཁ་ཕར་ལྷོ་ཕྱོགས་སུ་བསྟན་ལ་བཞག །ཁྲག་ཆུས་འབྲུ་ནག་ཚོ་དེར་བྱོ་གླུད་དང་ལན་ཆགས་རྣམས་དྲུང་དུ་སྤུངས། ཕྱི་མིག་མི་བལྟ་བར་ཤོག་ཅེས་བསྒོ། ཚུར་མ་སླེབས་བར་དུ་རྔ་དང་རོལ་མོ་བྱ་ཞིང་དྲག་སྔགས་དང་སེང་གདོང་མའི་སྔགས་བཟློག་སྔགས་འདོན་ལ། འཆི་བདག་གཤིན་རྗེ་འཁོར་བཅས་རང་གནས་སུ་སོང་བར་བསྒོམ། བརྟན་མ་སྐྱོང་ལ་འབུལ། གཏོར་སྣོད་སྒོ་རྩར་སྦུབ་ལ་འགུགས་གཞུག་དང་དཀོན་སྤྱི་རྟ་བྲོ་འདོན། གཏོར་མའི་ཕྱིར་འབྲང་། དགྲ་བགེགས་གནོད་བྱེད་འབྱུང་པོ་ཐམས་ཅད་ཀུན། །གཏོར་གཞོང་རི་རབ་འོག་ཏུ་མནན། །རྒྱ་མཚོ་ཆེན་པོའི་ཞབས་སུ་འཕང་། །ཀླུ་རྒྱལ་

[Full Size]

ཆེན་པོའི་ཁ་རུ་གཏད། །དཔག་ཚད་བརྒྱད་ཁྲིའི་འོག་ཏུ་ནི། །ཐོད་པ་ལྕགས་ཀྱི་གྲོང་ཁྱེར་དུ། །གཤིན་རྗེའི་རྒྱལ་པོས་ཆོས་འཆད་ཀྱི། །དེ་རུ་སོང་ལ་ཆོས་ཉོན་ལ། །བྱང་ཆུབ་སེམས་དང་མ་ལྡན་ཚེ། །སྟེང་གི་ཕྱོགས་སུ་མ་ལྡང་ཞིག །ཧཱུྃ་ནན། ལཾ་ནན། སིཾ་བྷ་ཡ་ནན། དེ་ནས་གཏོར་གཞུང་ཁ་ཡར་ཟེད་ལ། རྒྱལ་ལོ་རྒྱལ་ལོ་ད་ནི་རྒྱལ། །ཁྲོ་བོ་ཁྲོ་མོ་གྲོང་དུ་བསླེབས། །ཚེ་དང་བསོད་ནམས་དཔལ་འབྱོར་རྣམས། །ཡར་ངོའི་ཟླ་ལྟར་རྒྱས་གྱུར་ཅིག །དེ་ནས་སྲུང་འཁོར་བསྒོམས། སྟོང་ཉིད་ཆེན་པོའི་ངང་ལ་བཞག་གོ །དེ་ནས་ནད་པ་སོགས་གལ་ཆེན་ཡིན་ན་ཚེ་དབང་རྒྱས་པར་བསྐུར། ཡང་ན་མདའ་དར་བུམ་པ་བཟུང་ལ་ཚེ་འགུགས་རྒྱས་བསྡུས་གང་རུང་དང་ཚེ་གཏའ་བསྡམ་པ་སོགས་གཞུང་ལྟར་བྱ། མ་ལྕོགས་ན་ཚེ་གཟུངས་ཚར་འགའ་ཟུང་འདོན་པས་འཐུས་གསུངས་སོ། །མཆོད་བསྟོད་བསྡུ་རིམ་བཀྲ་ཤིས་བསྔོ་སྨོན་སོགས་འོད་འབར་མཐའ་རྫོགས་པར་བྱའོ། །དེ་རྗེས་ཟབ་མདོ་སྲུང་བའམ་བདུད་བཟློག་བྱའོ། །འདི་རང་དོན་ནམ་བླ་མ་མཆེད་གྲོགས་སོགས་གལ་ཆེན་དམ་ཚིག་ཅན་གྱི་དོན་དུ་རུང་གི་གཞན་ལ་མི་རུང་རང་ལ་འཁུ་ལྡོག་འོང་། གལ་ཏེ་དམ་ཉམས་དང་སྡིག་ཆེན་སོགས་དོན་དུ་མི་བྱེད་ཁ་མེད་བྱུང་ན། གཞན་བྱ་ཚུལ་ཐམས་ཅད་གོང་ལྟར་བྱ། སྡེ་བརྒྱད་རང་ཤ་རང་གིས་ཟ་བའི་དམིགས་པ་དེ་མ་བསྒོམས་ན། ཚིག་ཙམ་བརྗོད་པ་ལ་

[Full Size]

ཉེས་འགལ་ཆུང་ངོ་། །ཚིག་དེ་ཡང་རང་དོན་དུ་དམིགས་ཆོག་ཅེས་གསུངས་སོ། །རྗེས་སུ་པྲ་བརྟག་སོགས་གཞུང་ལྟར་རོ། །དེ་ལྟ་བུའི་འཆི་བདག་གཤིན་རྗེའི་གཏོར་ཆེན་བྱས་པའི་ཕན་ཡོན་གཞུང་ལས། ཆག་སྒོ་ཇི་ལྟར་ཆེ་ཡང་འདི་ལན་གསུམ་བསྐྱར་ན་མི་བཟློག་མི་སྲིད། ལན་གསུམ་བྱས་ནས་ཀྱང་གཏོར་ཁ་ཡར་བསྟན་ན་ཚེ་དུས་ལ་བབ་པ་ཡིན་པས་ཤེས་པར་བྱའོ། །འདི་གང་བྱུང་གི་རིམ་གྲོ་ལ་བྱེད་དུ་མི་རུང་། རིམ་གྲོ་པ་ནི། རྣལ་འབྱོར་པ་ལྟ་བའི་གདེང་དང་ལྡན་པའམ། ཡང་ན་ཡི་དམ་ལ་བསྙེན་པ་ཐེམ་པ་གཅིག་མ་གཏོགས། གཞན་གང་རུང་གིས་བྱས་ན་རང་ལ་འཁུ་ལྡོག་ངེས་པར་ཡོང་བས་གཟབ་པར་རིག་ཅེས་གསུངས་སོ། །ཞེས་འདོན་འགྲིགས་ཨ་རཱ་གའི་གསུང་ལས་གོ་སྤྱི་བདེ་བར་བྲིས་པ་རྨོངས་པ་རྣམས་ལ་ཕན་སྙམ་ནས་དགེ་སྦྱོང་པདྨའི་རིག་སྔགས་འཛིན་པས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཤིན་རྗེའི་གཏོར་ཆེན་འཆི་བདག་དཔུང་འཇོམས།

[Full Size]

གཤིན་རྗེའི་གཏོར་ཆེན་འཆི་བདག་དཔུང་འཇོམས་ཞེས་བྱ་བ་བཞུགས་སོ༔

[Full Size]

ཆི་མེད་ཚེ་ཡི་ལྷ་ལ་ཕྱག་འཚལ་ལོ༔ རྐྱེན་ངན་བར་ཆད་འཆི་བདག་གཤིན་རྗེའི་གནོད་པ་བཟློག་པ་ལ༔ སྔོན་འགྲོ་དངོས་གཞི་རྗེས་དང་གསུམ༔ དང་པོ་ལག་ལེན་བཅའ་ཐབས༔ བར་དུ་རྒྱབ་རྟེན་གྱི་ཆོ་ག༔ ཐ་མ་པྲ་བཏགས་པའོ༔ དེ་ཡང་གནས་ཡིད་དུ་འོང་བར་ཕྱི་ནང་གསང་བའི་མཆོད་པ་བཤམས༔ རྩ་བ་གསུམ་གྱི་ལྷ་ཚོགས་ཐུགས་དམ་བསྐང་བའི་རིམ་པ་རྣམས་ཚུལ་ལྡན་དུ་བྱ་ཞིང་༔ དངོས་གཞིའི་ལག་ལེན་ནི༔ གཟའ་རྒྱུ་དུས་ས༔ ཡང་ན་མཁའ་འགྲོ་རྒྱུ་དུས་ཀྱི་ཕྱོགས་སུ༔ གཞི་མ་ནག་པོའི་སྟེང་དུ་མ་ཧཱུྃ་གི་གཟུགས་བྱ༔ དེ་ཡི་སྙིང་ཁར་གཤིན་རྗེ་ཨ་ཝ་གླང་མགོ་སྐུ་མདོག་ནག་པོ༔ མི་ལུས་གླང་གི་མགོ་ཅན་ཁྲམ་ཤིང་དང་ཞགས་པ་བསྣམས་པེ༔ དེའི་གཡས་སུ་ཚེ་བདག་རཀ་

[Full Size]

ཕག་མགོ་སྔོན་པོ་ཁྲམ་ཤིང་དང་ཞགས་པ་བསྣམས་པ༔ གཡོན་དུ་སྲོག་བདག་ཞེ་སྡང་སྦྲུལ་མགོ་དམར་པོ་ཁྲམ་ཤིང་དང་ཞགས་པ་བསྣམས་པ༔ མ་ཏྲཾ་གི་ཡན་ལག་བཞི་ལ་ལོ་བདུད་བཅུ་གཉིས༔ ཡན་ལག་རེ་ལ་གསུམ་གསུམ་བཀོད༔ བྲིས་འབུར་གང་རུང་བྱའོ༔ དེ་ཐམས་ཅད་སྐུ་མདོག་ནག་པོ་བྱའོ༔ ཡང་ན་ཕྱོགས་མདོག་དང་བསྟུན་ནམ༔ གོ་ལོག་ཏུ་བྱ་བ་སོགས་སྟག་ཡོས་གཉིས་ལྗང་གུ༔ རྟ་སྦྲུལ་གཉིས་དམར་པོ༔ བྱ་སྤྲེལ་གཉིས་དཀར་པོ༔ བྱི་ཕག་གཉིས་ནག་པོ༔ ཁྱི་འབྲུག་གླང་ལུག་སེར་པོ་སྟེ༔ ཐམས་ཅད་མི་ལུས་མགོ་བརྙན་ཅན༔ ཁྲམ་ཤིང་དང་ཞགས་པ་བསྣམས་པ་བཀོད༔ སྒྲེའི་ལུས་བཀྲུས་པའི་ཆུ་ལ་འབྲུ་སྣ་ཚོགས་པའི་ཕྱེ་བསྲེས་ཏེ་གླུད་གཟུགས་བྱ༔ གོས་བསྐོན་མགུལ་རྒྱན་སྤྲས་ཐོད་བཅིངས༔ ཐོད་བཅིང་ཕོ་མོ་གང་

[Full Size]

ཡིན་དེ་ཡི་ཆས་ཀྱིས་སྤྲས༔ ཕོ་ཤིང་མོ་ཤིང་གཉིས་ལ་ཁྲམ་ཤིང་ལོ་གྲངས་སུ་བཏབ་ཕོ་མོ་གང་ཡིན་གྱི་གཟུགས་ཀྱི་ཕྲག་པ་གཡས་གཡོན་དུ་བཙུགས༔ མདོས་ཀྱི་མདུན་དུ་བཞག༔ མ་ཏྲཾ་གི་གཡས་གཡོན་དུ་གཏོར་སྣོད་རིན་པོ་ཆེའམ་རྫའམ་གང་འབྱོར་གཉིས་བཞག༔ དེ་ཡི་མདུན་དུ་རྣལ་འབྱོར་པ་རང་གི་གདན་བཤམས༔ གཡས་སུ་རིལ་བུ་དཀར་པོ་བརྒྱ་རྩ་བརྒྱད༔ དེ་བཞིན་དུ་ཆངས་བུ་དཀར་པོ་བརྒྱ་རྩ་བརྒྱད༔ འབྲས་སམ་གྲོ་ནས་གཏོར་ཆུང་དཀར་གསུམ་མངར་གསུམ་དང་བཅས་པ་བཤམས༔ གཡོན་དུ་རིལ་བུ་ཟུར་གསུམ་པ་ནག་པོ་བརྒྱ་རྩ་བརྒྱད༔ ཆངས་བུ་ནག་པོ་བརྒྱ་རྩ་བརྒྱད༔ ངར་མི་ནག་པོ་བརྒྱ་རྩ་བརྒྱད༔ ཡུངས་དཀར་ནག་གཉིས༔ བྲ་བོ༔ སྲན་ནག༔ གཏོར་ཆུང་ཁྲག་ཆང་དང་བཅས་པ་བཤམས༔ དེ་ནས་རང་ཉིད་ཡི་དམ་ཁྲོ་བོ་གང་རུང་གཅིག་བསྒོམ༔ ཡན་ལག་བདུན་པ་དང་བསྟོད་པ་དང་བཅས་པ་བྱའོ༔ དེ་ནས་མདུན་དུ་འཆི་བདག་གཤིན་རྗེ་འཁོར་བཅས་བསྐྱེད་པ་ནི༔ ༈ ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ༔ སྟོང་པའི་ངང་ལས་མདུན་དུ་མ་ཏྲ་དགྲ་བགེགས་ཀྱི་ཁོག་པར་འཆི་བདག་ཨ་ཝ་གླང་མགོ་སྐུ་མདོག་ནག་པོ་ཁྲམ་ཤིང་དང་ཞགས་པ་བསྣམས་པ༔ གཡས་སུ་ཚེ་བདག་རཀཱ་ཕག་མགོ་སྔོན་པོ་ཁྲམ་ཤིང་དང་ཞགས་པ་བསྣམས་པ༔ གཡོན་དུ་སྲོག་བདག་ཞེ་སྡང་སྦྲུལ་མགོ་སྐུ་མདོག་དམར་པོ་ཁྲམ་ཤིང་དང་ཞགས་པ་བསྣམས་

[Full Size]

པ༔ དེའི་མཐའ་སྐོར་དུ༔ མི་ལུས་བྱི་བའི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་གླང་གི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་སྟག་གི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་ཡོས་བུའི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་འབྲུག་གི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་སྦྲུལ་གྱི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་རྟ་ཡི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་ལུག་གི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་སྤྲེལ་གྱི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་བྱ་ཡི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་ཁྱི་ཡི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ མི་ལུས་ཕག་གི་མགོ་ཅན་ཁྲམ་ཤིང་དང་ཞགས་པ་བསྣམས་པ༔ གཞན་ཡང་བཀའ་ཡི་ལྷ་སྲིན་སྡེ་བརྒྱད་ཀྱི་ཚོགས་དང་བཅས་པ་འཁོད་པར་གྱུར༔ དེ་ལྟར་བསྐྱེད་ནས་བགེགས་བཀུག་པ་ནི༔ རང་ཉིད་ལྷ་ཡི་ཐུགས་ཀ་ནས་འོད་ཟེར་སྤྲུལ་པའི་ཚོགས་སྐར་ལྟར་འཕྲོས་པས༔ ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་

[Full Size]

ཐོགས་པ་དཔག་ཏུ་མེད་པས༔ འཆི་བདག་གཤིན་རྗེ་འཁོར་དང་བཅས་པ་རང་དབང་མེད་པར་བཀུག་ནས་མདུན་གྱི་གཟུགས་ལ་ཐིམ་པར་གྱུར༔ ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ གསང་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི་བཀའ་བདེན་པ་དང་༔ གཟུངས་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི་བཀའ་བདེན་པ་དང་༔ ཆོས་སྐྱོང་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་༔ བདེན་པ་ཆེན་པོའི་སྟོབས་ལ་བརྟེན་ནས་རྒེའི་ལུས་ངག་ཡིད་གསུམ་ཚེ་སྲོག་ལ་བར་དུ་གཅོད་པར་བྱེད་པའི་འཆི་བདག་ཨ་ཝ་གླང་མགོ༔ ཚེ་བདག་རཀཱ་ཕག་མགོ༔ སྲོག་བདག་ཞེ་སྡང་སྦྲུལ་མགོ༔ ལོ་བདུད་ལོ་གཤེད་བཅུ་གཉིས༔ བགེགས་རིགས་སྟོང་ཕྲག་བརྒྱད་ཅུ༔ གནས་གདོན་ལུས་གདོན༔ ནད་བདག་ཡམས་བདག་རིམས་བདག༔ བཀའ་ཡི་ལྷ་མ་སྲིན་སྡེ་བརྒྱད་ལ་སོགས་པ༔ གནོད་ཅིང་འཚེ་བར་བྱེད་པའི་གདོན་བགེགས་འབྱུང་པོ་གང་དག་ཇི་སྙེད་ཡོད་

[Full Size]

པ་ཐམས་ཅད༔ མཐོ་བ་རི་བོའི་རྩེ༔ དམའ་བ་རྒྱ་མཚོའི་སྟེང་༔ ས་འོག་ས་སྟེང་ས་བླ་གར་གནས་ཀྱང་༔ རང་དབང་མེད་པར་གཟུགས་ཀྱི་ཕུང་པོ་འདི་རྣམས་ལ་ཁུག་ཅིག༔ དྲི་བཛྲ་ཨངྐུ་ཤ་ཛཿཛཿ ཛཿཧཱུྃ་བཾ་ཧོ༔ རུ་པ་དང་གཉིས་སུ་མེད་པར་བསྟིམ༔ སླར་ཡང་ཧཱུྃ་བདུད་རང་དབང་མེད་པར་བཀུག་ལ་བཀའ་ཉན་གུས་འདུད་བྱེད་པར་བསམ་མོ༔ རིགས་པ་ངར་བསྐྱེད་ལ་རོལ་མོ་དབྱངས་དང་བཅས་པས༔ ཧཱུྃ༔ ང་ནི་འཇམ་དཔལ་གཤིན་རྗེའི་གཤེད༔ ང་ནི་པདྨ་ཧེ་རུ་ཀཿ ང་ནི་གསང་བདག་རྡོ་རྗེ་འཛིན༔ ཁམས་གསུམ་འདི་ན་སུ་ཡང་རུང་༔ ང་ཡི་བཀའ་ལ་མ་འདའ་ཞིག༔ གལ་ཏེ་བཀའ་ལས་འདའ་བྱེད་ན༔ མ་ལུས་རྡུལ་དུ་རླག་པར་བྱེད༔ རྒེ་ཞེས་བྱ་བ་ལ༔ གནོད་ཅིང་འཚེ་བར་བྱེད་པའི་བགེགས༔ འཆི་བདག་ཨཝ་གླང་མགོ་དང་༔ ཚེ་བདག་རཀ་ཕག་མགོ་དང་༔ སྲོག་བདག་ཞེ་སྡང་སྦྲུལ་མགོ་དང་ལོ་བདུད་ལོ་གཤེད་བཅུ་གཉིས་དང་༔ སྣང་སྲིད་ལྷ་སྲིན་སྡེ་བརྒྱད་དང་༔ བགེགས་རིགས་སྟོང་ཕྲག་བརྒྱད་ཅུའི་ཚོགས༔ གནོད་པར་བྱེད་པ་གང་ཡང་རུང་༔ དཀོན་མཆོག་གསུམ་གྱི་བདེན་པ་དང་༔ ཡི་དམ་ལྷ་ཡི་ཏིང་འཛིན་དང་༔ ཁྲོ་བོ་ཁྲོ་མོའི་མཐུ་

[Full Size]

རྩལ་དང་༔ སྔགས་དང་ཕྱག་རྒྱའི་བདེན་པ་ཡིས༔ རང་དབང་མེད་པར་འདིར་ཁུག་ཅིག༔ གནོད་བྱེད་སརྦ་སུ་ཏྲི་པྲ་ཏ་བཛྲ་ཨཾ་ཀུ་ཤ་ཛཿ ཛཿཧཱུྃ་བཾ་ཧོ༔ ལན་གསུམ་བརྗོད་ནས་མདུན་བསྐྱེད་ལ་བསྟིམ༔ ན་མས་མནྟ་བུདྡྷ་ནན༔ ན་མས་མན་དྷརྨ་ནན༔ ན་མས་མན་སངྒ་ནན༔ ཨོཾ་སིད་དྷ་ཏ་པ་ཏྲཿ ཨོཾ་བྷི་མ་ལེ༔ ཨོཾ་ཤང་ཀ་རཿ༔ ཨོཾ་པྲ་ཏྱཾ་གྷི་རཿ ཨོཾ་བཛྲ་ཨུཏྟི་ཙཀྲ་ཝརྟི༔ སརྦ་ཡན་མནྟ༔ མུ་ལྦ་ཀརྨ་བྷནྡ་ནན༔ ཏ་ཏྲ་ནན༔ ཀི་ལ་ནན་སཾ༔ མ་མ་ཀིརྟི༔ མེ་ན་ཀེ་ན༔ ཙིཏྟ་ཀི་ཏཾ་ཏུ༔ ས་ཝར༔ ཚིན་ཚིནྡྲ༔ བྷིནྡྲ་ཟློབྷིནྡྷ༔ ཙི་རི་ཙི་རི༔ གྷི་རི་དྷི་རི༔ མཱ་ར་མཱ་ར༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃཧཱུྃ༔ ཧཱུྃ༔ ཕཊ་ཕཊ་ཕཊ༔ ཁྲོ་བོ་བཅུའི་སྔགས་འདི་བརྗོད་པ་ཙམ་གྱིས་ཁྲོ་བོའི་གུར་ཁང་དུ་གྱུར་འཆི་བདག་གཤིན་རྗེ་འཁོར་དང་བཅས་པ་རྣམས་འབྲོས་པའི་ལམ་མེད་པར་འདར་ཕྲི་ལི་ལི་བྱེད་པར་བསམ་མོ༔ སྲུང་འཁོར་ཤིན་ཏུ་དམ་པ་གནད་ཆེའོ༔ ༈ དེ་ནས་ཆངས་བུ་དཀར་པོ་སོགས་ལ་མངར་གསུམ་གྱི་ཆུས་བྲན་ལ༔ ཨོཾ་སྭ་བྷ་ཝས་སྦྱངས། སྟོང་པའི་ངང་ལས་ཧཱུྃ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ༔ དཀར་གསུམ་མངར་

[Full Size]

གསུམ་གྱིས་གང་བའི་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར༔ ཨོཾ་ཨཱཿཧཱུྃ༔ ལན་གསུམ་དང་༔ ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ༔ ཞེས་ཉེར་གཅིག་གམ་བདུན་བརྗོད་པས༔ མཆོད་སྦྱིན་གྱི་གཏོར་མ་འདོད་པའི་ཡོན་ཏན་ལྔ་དང་ལྡན་པ་འདི་ཉིད༔ འཆི་བདག་ཨ་ཝ་གླང་མགོ༔ ཚེ་བདག་རཀྭ་ཕག་མགོ༔ སྲོག་བདག་ཞེ་སྡང་སྦྲུལ་མགོ༔ ལོ་བདུད་ལོ་གཤེད་བཅུ་གཉིས༔ བཀའ་ཡི་ལྷ་མ་སྲིན་སྡེ་བརྒྱད་འཁོར་དང་བཅས་པ་རྣམས་ལ་འབུལ་ལོ༔ བདེན་སྟོབས་ཀྱི་ཕྲིན་ལས་བཅོལ་བ་ནི༔ ན་མོ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་དང་༔ རིག་སྔགས་དང་༔ གཟུངས་སྔགས་དང་༔ སྙིང་པོ་དང་༔ ཕྱག་རྒྱ་ཏིང་ངེ་འཛིན་གྱི་བདེན་པ་དང་༔ མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པ་དང་༔ སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་སྟོབས་ཀྱིས༔ དེ་རིང་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བདག་ཅག་འཁོར་དང་བཅས་པ་རྣམས་ལ་དུས་འདི་ནས་བཟུང་སྟེ་སྙིང་པོ་བྱང་ཆུབ་མ་ཐོབ་ཀྱི་བར་དུ་ནད་ཀྱི་རིགས་སུ་གྱུར་པ་དང་༔

[Full Size]

གདོན་གྱི་རིགས་སུ་གྱུར་པ་དང་༔ རྨི་ལམ་ངན་པ་དེང་༔ མཚན་མ་ངན་པ་དང་༔ ལྟས་ངན་པ་དང་༔ དུས་མ་ཡིན་པར་འཆི་བ་ལ་སོགས་ཏེ༔ མི་མཐུན་པའི་ཕྱོགས་ངན་པ་ཐམས་ཅད་ཞི་བར་མཛད་དུ་གསོལ༔ མཐུན་ཞིང་དགེ་བའི་རིགས་སུ་གྱུར་པ་དང་༔ ཚེ་རིང་བ་དང་༔ ནད་མེད་པ་དང་༔ བཀྲ་ཤིས་བདེ་ལེགས་ཀྱི་ཡོན་ཏན་ཐམས་ཅད་ལྷུན་གྱིས་གྲུབ་པར་མཛད་དུ་གསོལ༔ ཅེས་བསྔོའོ༔ ༈ དེ་ནས་བདག་ཉིད་ཀྱང་སྔགས་ཆས་སྤྲད༔ ཞྭ་གོས་སོགས་ནག་པོ་བྱ༔ གདོང་ལ་རོ་སོལ་ནག་པོ་བྱུག༔ གཏོར་སྣོད་བྷནྡྷ་ནག་པོའི་ནང་དུ༔ ལིངྒ་ཆངས་བུ་ནག་པོ༔ གཏོར་མ༔ བྲ་བོ༔ སྲན་མ༔ ཉུངས་ནག༔ ཤ་དུམ༔ ཁྲག་དང་ཆང་གིས་བྲན་པ་བཤམས༔ འཆི་བདག་གཤིན་རྗེ་འཁོར་བཅས་གཟུགས་ལ་བཀུག་བསྟིམ་བྱ་ཞིང་༔ སླར་ཡང་། ཧཱུྃ༔ ང་ནི་འཇམ་དཔལ་གཤིན་རྗེའི་གཤེད༔ ང་ནི་པདྨ་ཧེ་རུ་ཀ༔ ང་ནི་གསང་བདག་རྡོ་རྗེ་འཛིན༔ ཁམས་གསུམ་འདི་ན་སུ་ཡང་རུང་༔ ང་ཡི་བཀའ་ལ་མ་འདའ་ཞིག༔ གལ་ཏེ་བཀའ་ལས་འདའ་བྱེད་ན༔ མ་ལུས་རྡུལ་དུ་རླག་པར་བྱེད༔ སྒྲེ་ཞེས་བྱ་བ་ལ༔ གནོད་ཅིང་འཚེ་བར་བྱེད་པའི་བགེགས༔ འཆི་བདག་ཨཝ་གླང་མགོ་དང་༔ ཚེ་བདག་རཀ་ཕག་མགོ་

[Full Size]

དང་༔ སྲོག་བདག་ཞེ་སྡང་སྦྲུལ་མགོ་དང་ལོ་བདུད་ལོ་གཤེད་བཅུ་གཉིས་དང་༔ སྣང་སྲིད་ལྷ་སྲིན་སྡེ་བརྒྱད་དང་༔ བགེགས་རིགས་སྟོང་ཕྲག་བརྒྱད་ཅུའི་ཚོགས༔ གནོད་པར་བྱེད་པ་གང་ཡོང་རུང་༔ དཀོན་མཆོག་གསུམ་གྱི་བདེན་པ་དང་༔ ཡི་དམ་ལྷ་ཡི་ཏིང་འཛིན་དང་༔ ཁྲོ་བོ་ཁྲོ་མོའི་མཐུ་རྩལ་དང་༔ སྔགས་དང་ཕྱག་རྒྱའི་བདེན་པ་ཡིས༔ རང་དབང་མེད་པར་འདིར་ཁུག་ཅིག༔ གནོད་བྱེད་སརྦ་སུ་ཏྲི་པྲ་ཏ་བཛྲ་ཨཾ་ཀུ་ཤ་ཛཿ ཛཿཧཱུྃ་བཾ་ཧོའི་བར་ལན་གསུམ་བརྗོད་ནས་མདུན་བསྐྱེད་ལ་བསྟིམ༔ དེ་ནས། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ༔ གིས་སྦྱངས༔ སྟོང་པའི་ངང་ལས་བྷནྡྷ་དམར་པོ་གྲུ་གསུམ་པའི་ནང་དུ་ཡི་གེ་ཏྲི་ཡོངས་སུ་གྱུར་པ་ལས༔ དེ་དགྲ་ལ་བྱེད་ན་ཧྲཱི་དང་བགེགས་ལ་ཏྲི་ལ་བསྐྱེད་དོ༔ གནོད་བྱེད་དགྲ་བགེགས་ཀྱི་གཟུགས་ཀྱི་ཕུང་པོ་དབང་པོ་སྐྱེ་མཆེད་ཡོངས་སུ་རྫོགས་པར་གྱུར་རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུར་འཕྲོས་པས༔ དགྲ་བགེགས་བྱད་མ་ལྷ་སྲུང་དང་བཅས་པའི་རྣམ་པར་ཤེས་པ་ནི་དམར་ལྗང་དང་༔ ཏྲི་དམར་སེར་ལ་ཕོག་པས་རང་དབང་མེད་པར་བཀུག་ནས་ལིངྒ་ལ་བསྟིམ་ཞིང་༔ ཁྱད་པར་དུ་ཡང་བན་བོན་

[Full Size]

དང་འགྲས་པ་ཡོད་ན་བྱད་མའི་རྣམ་ཤེས་བཀུག་ཅིང་༔ འཆི་བདག་གཤིན་རྗེ་འཁོར་བཅས་དང་༔ ཚེ་སྲོག་ལ་བར་དུ་གཅོད་པའི་དགྲ་བགེགས་འབྱུང་པོ་ཐམས་ཅད་བཀུག་ཅིང་ཤ་ཁྲག་གི་རྒྱ་མཚོར་དམིགས་ལ༔ སླར་ཁོ་རང་རྣམས་ལ་བྱིན་པས་ཁོ་རང་ཟོས་པར་བསམ་པ་ཤིན་ཏུ་གནད་ཆེ་བ་ཅིག་ཡོད༔ སུ་བྱུང་བ་ལ་མི་བྱ་བ་གསང་སྔགས་སོ༔ ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ གསང་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི་བཀའ་བདེན་པ་དང་གཟུངས་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི་བཀའ་བདེན་པ་དང་༔ ཆོས་སྐྱོང་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་༔ བདེན་པ་ཆེན་པོའི་སྟོབས་ལ་བརྟེན་ནས༔ རྒེའི་ལུས་ངག་ཡིད་གསུམ་ཚེ་སྲོག་ལ་བར་དུ་གཅོད་པར་བྱེད་པའི་འཆི་བདག་ཨ་ཝ་གླང་མགོ་དང་༔ ཚེ་བདག་རཀྭ་ཕག་མགོ་དང་༔ སྲོག་བདག་ཞེ་སྡང་སྦྲུལ་མགོ་དང་ལོ་བདུད་ལོ་གཤེད་བཅུ་གཉིས་བགེགས་རིགས་སྟོང་ཕྲག་བརྒྱད་པ༔ གནས་གདོན༔ ལུས་གདོན༔ ནད་བདག༔ ཡམས་

[Full Size]

བདག༔ རིམས་བདག༔ བཀའ་ཡི་ལྷ་མ་སྲིན་སྡེ་བརྒྱད་ལ་སོགས་པ༔ གནོད་ཅིང་འཚེ་བར་བྱེད་པའི་གདོན་བགེགས་འབྱུང་པོ་གང་དག་ཇི་སྙེད་ཡོད་པ་ཐམས་ཅད༔ མཐོ་རི་བོའི་རྩེ༔ དམའ་རྒྱ་མཚོའི་སྟེང་༔ ས་འོག་ས་སྟེང་ས་བླ་གར་གནས་ཀྱང་རང་དབང་མེད་པར་གཟུགས་ཀྱི་ཕུང་པོ་འདི་རྣམས་ལ་ཁུག་ཅིག༔ ཏྲི་བཛྲ་ཨཾ་ཀུ་ཤ་ཛཿཛཿ ཛཿཧཱུྃ་བཾ་ཧོ༔ ཞེས་ལིངྒ་ལ་གཉིས་སུ་མེད་པར་བསྟིམ༔ སླར་ཡང་ཧཱུྃ་བདུད་བཀུག་ལ་བསྟིམ༔ ལྷ་དང་དབྱེ་ཞིང་༔ ཕཊ༔ དགྲ་བགེགས་ཀྱི་རྣམ་ཤེས་རང་ཉིད་ལ་བསྟིམ༔ གཟུགས་ཕུང་ལ་བཟའ་བ་ཤ་ཡི་རི་བོ༔ བཏུང་བ་ཁྲག་གི་རྒྱ་མཚོར་གྱུར༔ ཨོཾ་ཨཱཿཧཱུྃ༔ ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ ཁ་འབར་མ་ཡི་སྔགས་བདུན་སོགས་བརྗོད་ཅིང་རྗེས་སུ༔ དགྲ་བགེགས་༔ ཤ་ཁྲག་ལས་གྲུབ་པའི་གཏོར་མ་འདོད་པའི་ཡོན་ཏན་ལྔ་དང་ལྡན་པ་འདི་ཉིད༔ འཆི་བདག་ཨ་ཝ་གླང་མགོ༔ ཚེ་བདག་རཀྵ་ཕག་མགོ༔ སྲོག་བདག་ཞེ་སྡང་སྦྲུལ་མགོ༔ ལོ་བདུད་ལོ་གཤེད་བཅུ་གཉིས༔ བཀའ་ཡི་ལྷ་མ་སྲིན་སྡེ་བརྒྱད་འཁོར་དང་བཅས་པ་རྣམས་ལ་འབུལ་ལོ༔ ཞེས་འབུལ༔ བདེན་སྟོབས་ཀྱིས་ཕྲིན་ལས་བཅོལ་བ་ནི༔ ན་མོ༔ དཀོན་

[Full Size]

མཆོག་གསུམ་གྱི་བདེན་པ་དང་༔ གསང་སྔགས་དང་༔ རིག་སྔགས་དང་༔ གཟུངས་སྔགས་དང་༔ སྙིང་པོ་ཕྱག་རྒྱ་དང་ཏིང་འཛིན་གྱི་བདེན་པ་དང་༔ མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པ་དང་༔ སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་སྟོབས་ཀྱིས༔ དེ་རིང་མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་བདག་ཅག་འཁོར་དང་བཅས་པ་རྣམས་ལ༔ དུས་འདི་ནས་བཟུང་སྟེ༔ ནམ་ཞིག་སྙིང་པོ་བྱང་ཆུབ་མ་ཐོབ་ཀྱི་བར་དུ༔ ཚེ་སྲོག་ལ་བར་དུ་གཅོད་པར་བྱེད་པའི་བྱད་མ་ལྷ་སྲུང་དང་བཅས་པའི་གནོད་བྱེད་ཐམས་ཅད༔ རང་བྱེད་རང་ལ་ལོག་པར་གྱུར་ཅིག༔ རང་གཤེད་རང་ལ་འབེབས་པར་གྱུར་ཅིག༔ རང་སྲོག་རང་གིས་གཅོད་པར་གྱུར་ཅིག༔ རང་ཤ་རང་གིས་ཟ་བར་གྱུར་ཅིག༔ རང་དམའ་རང་གིས་འབེབས་པར་གྱུར་ཅིག༔ རང་ཁྲག་རང་གིས་འཐུང་བར་གྱུར་ཅིག༔ ཕུང་བར་གྱུར་ཅིག༔ བརླག་པར་གྱུར་ཅིག༔ མེད་པར་གྱུར་ཅིག༔ སྟོང་པར་གྱུར་ཅིག༔ ཅེས་བསྔོ་ཞིང་གཡོན་གྱི་སྣོད་དུ་ཕུལ༔ དེ་ནས་གཏོར་མ་གཉིས་གཤིན་རྗེའི་གཡས་གཡོན་གྱི་སྣོད་གཉིས་སུ་བཀོད༔ ༈ དེ་ནས་སྐུ་གླུད་རྒྱན་ལྡན་

[Full Size]

ལ་བསང་སྦྱང་བྱིན་བརླབས་བྱས་ནས༔ གླུད་རབ་དང་བཅས་པས་འཆི་བདག་གཤིན་རྗེ་འཁོར་བཅས་ལ་འབུལ་ལོ༔ དེ་ནས་བསྐུལ་གཏོར་ལ་སྨན་རཀ་སྦྲེང་༔ གཤིན་རྗེ་ཁ་ཕྱིར་བསྒྱུར་ལ་མདུན་དུ་ངར་གླུད་བཞག་དར་ཕྱར༔ དུང་འབུར༔ རྩ་གསུམ་བསྐུལ༔ སྲུང་མ་དྲག་བསྐུལ་དུ་འབོད༔ དེ་ནས་ཁྲོ་བོ་བཅུའི་གུར་ཁ་ཕྱེས་ནས༔ གཟའ་འམ་ཡང་ན་མཁའ་འགྲོ་རྒྱུ་ཕྱོགས་སམ༔ ཡང་ན་ལོ་བདུད་གནས་པའི་ཕྱོགས་དང་༔ དགྲ་བགེགས་ཡོད་པའི་ཕྱོགས་སུ་ཁ་བསྒྱུར༔ རྔ་བརྡུང་རོལ་མོ་སྒྲོག་ཅིང་༔ གཤིན་རྗེ་རྣམས་ལ་བཀའ་བསྒོ་བ་ནི་འདི་སྐད་དོ༔ ཧཱུྃ་འཆི་བདག་གཤིན་རྗེ་འཁོར་བཅས་དང་༔ ལྷ་ཀླུ་གནོད་སྦྱིན་ལ་སོགས་ཏེ༔ གདོན་བགེགས་རིགས་སུ་གྱུར་པ་རྣམས༔ གང་ཟག་འདི་ཞེས་བྱ་བ་ལ༔ གནོད་པར་བྱེད་པ་གང་ཡང་རུང་༔ སེམས་ཅན་ཆེན་པོ་ཁྱོད་ཉོན་ཅིག༔ གདོད་མ་ཉིད་ནས་དངོས་པོར་གོལ༔ དངོས་མེད་པ་ལ་ཡོད་པར་བཟུང་༔ ད་ལྟ་ཉིད་དུ་དངོས་པོར་གོལ༔ རྟག་པར་བཟུང་ཞིང་འཛིན་པར་བཅས༔ དཔེར་ན་ཟོ་ཆུའི་འཁྱུད་མོ་འདྲ༔ སླར་ཡང་ལོག་ཅིང་ངན་སོང་འཁྱམས༔ ཁྱོད་ཀྱི་སེམས་དང་ང་ཡི་སེམས༔ ཁྱོད་ཀྱིས་ད་ལྟ་སོ་སོར་བཟུང་༔ འཁྲུལ་པ་ཡིན་ཏེ་ངན་སོང་རྒྱུ༔ ང་ཡི་སེམས་ཉིད་ཀུན་བཟང་ལ༔ ཁྱོད་ཀྱི་རྫུ་

[Full Size]

འཕྲུལ་ཅི་བསྟན་ཡང་༔ ང་ལ་གཡོ་བ་རྡུལ་ཙམ་མེད༔ སླར་ཡང་རང་སེམས་བརླག་པའི་རྒྱུ༔ སེམས་ཅན་ཀུན་ལ་མ་འཚེ་ཞིག༔ སེམས་ཅན་ཀུན་ལ་འཚེ་བ་ན༔ སེམས་ཅན་སངས་རྒྱས་རྒྱུ་ཡིན་ཏེ༔ སངས་རྒྱས་སྐུ་ལ་ཁྲག་ཕྱུང་ན༔ འགྲོ་བ་སེམས་ཅན་མ་ལུས་ཀུན༔ སྡུག་བསྔལ་ཆེན་པོའི་ཆར་མི་ཕོད༔ གནོད་པ་བྱས་ན་སྲིན་པོར་སྐྱེ༔ དཔལ་ཆེན་སྐུ་ཡིས་བསྒྲལ་ལ་རེ༔ རྟག་པར་བཟུང་ན་མུ་སྟེགས་ཡིན༔ བཅོམ་ལྡན་འདས་ཀྱིས་འདུལ་ལ་རེ༔ ང་རུ་བཟུང་བ་གཤིན་རྗེ་ཡིན༔ ཁྲོ་རྒྱལ་ཞབས་ཀྱིས་བཅགས་ལ་རེ་ཕྲག་དོག་བལྟས་ན་ལྷ་མིན་ཡིན༔ ཕྱི་འགྲོས་གཡང་སར་ལྟུང་བའི་རྒྱལ་བས་གསུངས་པའི་བཀའ་ལ་ཉོན༔ སྒོ་གསུམ་སྡོམ་ལ་གུས་པར་ཉོན༔ འདི་རུ་གནོད་པ་མ་བྱེད་ཇི་ལྟར་ས་བོན་གང་བཏབ་པ་འབྲས་བུ་དེ་ལྟར་སྨིན་པ་ལྟར༔ དགེ་བའི་འབྲས་བུས་མཐོ་རིས་ཐོབ༔ སྡིག་པའི་འབྲས་བུས་ངན་སོང་ལྟུང་༔ དེ་བས་ཡང་དག་དོན་ལ་སོམས༔ གཟུགས་ལ་མཚན་མར་མ་བཟུང་ཞིག༔ གཟུགས་ལ་མཚན་མར་བཟུང་བ་ན༔ དམྱལ་བའི་བཙོ་བསྲེགས་དེ་ན་ཡོད༔ ཡུལ་ལ་ཆགས་པར་མ་བྱེད་ཅིག༔ ཡུལ་

[Full Size]

ལ་ཆགས་པར་བྱས་པ་ན༔ དམྱལ་བའི་རྒྱུ་འབྲས་དེ་ན་ཡོད༔ ཚེ་ལ་རྟག་པར་མ་འཛིན་ཞིག༔ ཚེ་ལ་རྟག་པར་བཟུང་བ་ན༔ དམྱལ་བའི་ཚེ་འཕྲོ་དེ་ན་ཡོད༔ ངན་སོང་དམྱལ་བའི་སྡུག་བསྔལ་ཡང་༔ གཞན་ན་ཡོད་པ་མ་ཡིན་ནོ༔ རང་གི་ཉེས་ན་དམྱལ་བ་ཡིན༔ མ་རྟོགས་ན་ནི་སེམས་ཅན་ཡིན་མ་རིག་ན་ནི་ཉོན་མོངས་ཡིན༔ དུས་གསུམ་བདེ་གཤེགས་སངས་རྒྱས་ཀྱང་༔ གཞན་ན་ཡོད་པ་མ་ཡིན་ནོ༔ རང་གི་ལོན་ན་མཐོ་རིས་ཡིན༔ ལེགས་པར་རྟོགས་ན་སངས་རྒྱས་ཡིན༔ རེག་ཅིང་རྟོགས་ན་ཀུན་བཟང་ཡིན༔ གོ་ཞིང་རྟོགས་ན་རྡོར་འཆང་ཡིན༔ དེ་ལྟར་རྟོགས་ན་ཅི་ཕྱིར་གནོད༔ སེམས་ཉིད་ཀུན་ཏུ་བཟང་པོ་ལ་གནོད་པར་བྱེད་པའི་རྒྱུ་ཡང་མེད༔ གང་དུ་གནོད་པའི་ལས་ཀྱང་མེད༔ མཐོ་རིས་མེད་ཅིང་ངན་སོང་མེད༔ སངས་རྒྱས་མེད་ཅིང་སེམས་ཅན་མེད༔ ལྷ་ཡང་མེད་ཅིང་འདྲེ་ཡང་མེད༔ བདུད་ཀྱང་མེད་ཅིང་བགེགས་ཀྱང་མེད། གལ་ཏེ་དེ་ལྟར་མ་རྟོགས་ན༔ དཔེར་ན་ནམ་མཁའི་སྐར་འཚོགས་འདྲ༔ ནམ་མཁའ་ཉིད་ལས་མ་གཡོས་ཀྱང་༔ ཉི་ཟླ་གཟའ་སྐར་བཀྲ་བ་རྣམས༔ གློ་བུར་རྟོགས་པའི་སྤྲིན་

[Full Size]

གྱིས་བསྒྲིབས༔ ཆོས་ཀྱི་དབྱིངས་ལ་བཟང་ངན་མེད༔ ཀུན་བཟང་གནས་ལ་ཡང་དོག་མེད༔ ཡེ་ཤེས་ཐུགས་ལ་གསལ་འགྲིབ་མེད༔ སངས་རྒྱས་ཐུགས་ལ་སྤང་བླང་མེད༔ འཇིག་རྟེན་གནས་ལ་རང་བཞིན་མེད༔ རྟོགས་ན་ང་ལ་སྐྱབས་སུ་ཤོག༔ མ་རྟོགས་ཚེ་ན་གཞན་དུ་དེངས༔ སྔོན་གྱི་ལན་ཆགས་ཡིན་ན་ཡང་༔ མཆོད་སྦྱིན་འདི་ཡིས་འཁོར་བར་ཤོག༔ འཕྲལ་རྐྱེན་འགལ་བ་ཅི་ཡོད་པ༔ མཆོད་སྦྱིན་འདི་ཡིས་བྲལ་བར་གྱིས༔ བུ་ལོན་ཤ་འཁོན་ཡོད་ན་ཡང་༔ མཆོད་སྦྱིན་འདི་ཡིས་བྱང་བར་གྱིས༔ དོན་མེད་གནོད་པ་བྱེད་ན་ཡང་༔ མཆོད་སྦྱིན་འདི་ཡིས་ཚིམ་པར་གྱིས༔ རང་སྲོག་རང་ལ་གཅེས་པ་ལྟར༔ གཞན་སྲོག་གཞན་ལ་དེ་བས་གཅེས༔ རང་གི་ལུས་ལ་དཔེ་ལོང་ལ་གཞན་ལ་གནོད་པ་མ་བྱེད་ཅིག༔ བཟུང་བ་ཡོད་ན་བཏང་བར་གྱིས༔ བཅིངས་བ་ཡོད་ན་མྱུར་དུ་ཁྲོལ༔ བསྡམས་པ་ཡོད་ན་གློད་དུ་གསོལ༔ རྒྱལ་བའི་བཀའ་ལ་མི་ཉན་མེད༔ སྲིད་པའི་ཆུ་ལ་མི་འཐུང་མེད༔ འབྱུང་བ་རླུང་ལ་མི་བསྟན་མེད༔ མཛེས་པའི་གླུད་ལ་མི་ལེན་མེད༔ དམ་རྫས་བདུད་རྩི་གཏོར་ཆེན་འདི༔ རྟོག་པར་གྱུར་ན་སྨན་

[Full Size]

ཡིན་ཏེ༔ མ་རྟོགས་ན་ནི་དུག་ཏུ་འགྱུར༔ གཡང་ས་ཆེན་པོར་ཆོས་མ་ཉན༔ རྟག་པར་འཛིན་པའི་ལས་མ་བྱེད༔ རང་བྱས་རང་ལ་སྨིན་གྱུར་པས༔ དཔེར་ན་སྐྱེས་པའི་མཚོན་ཆ་འདྲ༔ རང་གིས་བྱས་ཤིང་རང་ཉིད་འཇོམས༔ འཇིག་རྟེན་འདི་ན་མི་རྟག་སྟེ༔ ས་གཞི་ནམ་མཁར་འཕགས་ཀྱང་སྲིད༔ ཉི་ཟླ་ས་ལ་ལྟུང་ཡང་སྲིད༔ རླུང་པ་པས་ཟིན་ཡང་སྲིད༔ ཆུ་བོ་གྱེན་དུ་ལོག་ཀྱང་སྲིད༔ རྒྱལ་བའི་བཀའ་ལ་འགྱུར་མི་སྲིད༔ རྒྱལ་བའི་བཀའ་ལ་མ་འདའ་བར༔ རང་རང་གནས་སུ་ད་ནི་དེངས་རྒྱལ་བའི་བཀའ་ལས་འདས་གྱུར་ན༔ དེ་ཚེ་སངས་རྒྱས་ཐུགས་ཁྲོས་ནས༔ སྤྲུལ་པའི་ཁྲོ་བོ་ཐམས་ཅད་ཀྱིས༔ ལྕགས་ཀྱུ་མཚོན་ཆ་སྣ་ཚོགས་ཀྱིས༔ སྙིང་ནས་བཟུང་སྟེ་བརླག་པར་བྱེད༔ ཚེ་འདིར་སྡུག་བསྔལ་དཔག་མེད་མྱོང་༔ ཕྱི་མ་ངན་སོང་གནས་སུ་ལྟུང་༔ དེ་བས་རང་རང་གནས་སུ་དེངས༔ ང་ཡི་མཚམས་བཅད་ཚུན་ཆོད་ལ༔ སུ་ཡང་འདའ་བར་མ་བྱེད་ཅིག༔ གནོད་བྱེད་འབྱུང་པོ་མ་ར་ཡ་ཕཊ༔ ཅེས་ཆོས་བཤད་བཀའ་བསྒོ་བྱས་ནས༔ གཏོར་མདོས་རྣམས་གོམ་པ་བདུན་ཅུའི་སར་ཁྱེར་ལ་སྲིན་མོ་ཟ་ལམ་སོགས་ཟློག་སྒྱུར་དང་ཟོར་བརྡེག་དང་ཆད་མདོ་

[Full Size]

གྱེར༔ གོ་ཚོན་དང་བཅས་པས་བསོ་སྒྲ་སྒྲོག༔ ཆུ་བོ་ཆེན་པོའི་གཞུང་དུ་བསྐྱལ༔ བཤལ་ཆུས་གཏོར་མ་སྐྱོང་༔ གཏོར་སྣོད་ཁ་སྦུབ་མནན་པ་བྱ༔ གཏོར་བྲོ་བརྡུངས༔ སྲུང་འཁོར་བསྒོམ༔ རྗེས་ཆོག་སྤྱི་མཐུན་བྱའོ༔ ༧ རྗེས་སུ་སྤྲ་བརྟག་པ་ནི༔ གཏོར་ཁ་ཡར་ལ་བསྒྱུར་ན་རྗེས་བཟློག་པ་བསྐྱར་བར་བྱ༔ ཁ་ཕྱིར་ལ་བསྒྱུར་ན་བཟང་༔ འཕྲད་དུ་བསྒྱུར་ན་ཉེས་པ་མི་འབྱུང་ཀྱང་༔ སྐུ་རིམ་ལ་འབད་དོ༔ དེ་ལྟ་བུ་བྱས་པའི་ཕན་ཡོན་ནི༔ ཆག་སྒོ་ཇི་ལྟར་ཆེ་ཡང་འདི་ལ་ལན་གསུམ་བསྐྱར་ན་མི་བཟློག་མི་སྲིད་དོ༔ ལན་གསུམ་བསྐྱར་ནས་ཀྱང་གཏོར་ཁ་ཡར་ལ་བསྟན་ནི༔ ཚེ་དུས་ལ་བབ་པ་ཡིན་པ་ཤེས་པར་བྱའོ༔ འདི་གང་བྱུང་གི་རིམ་གྲོ་ལ་བྱེད་མི་རུང་ངོ་༔ རྣལ་འབྱོར་པ་ལྟ་བའི་གདེང་དང་ལྡན་པའམ༔ ཡང་ན་ཡི་དམ་ལྷ་ལ་བསྙེན་པ་ཐེམ་པ་གཅིག་མ་གཏོགས་གཞན་གྱིས་བྱས་ན་རང་ལ་འཁུ་ལྡོག་འོང་བས་གཟབ་པར་རིག༔ སྤྱི༔ འཆི་བདག་གཤིན་རྗེའི་ཞགས་གཅོད་ཅེས་བྱ་བ་འཁོར་བ་མ་སྟོངས་པར་དུ་མ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཞེས་པ་གུ་རུའི་ཐུགས་རྗེའི་འོད་ཟེར་ལས་སྤྲུལ་པའི་རིག་འཛིན་འཇའ་ཚོན་སྙིང་པོ་ཞེས་ཀྱང་བྱ༔ ལས་འཕྲོ་གླིང་པ་ཞེས་ཀྱང་བྱ༔ ཧཱུྃ་ནག་མེ་འབར་ཞེས་ཀྱང་བྱ༔ ཤར་ལྗོན་པ་ལུང་གི་གནས་སྒོ་ནས་གདན་དྲངས་པའོ༔ ས་མ་ཡ༔ ༈ འདིའི་བརྒྱུད་རིམ་ནི༔ ཆོས་སྐུ་སྣང་བ་མཐའ་ཡས༔ ཐུགས་རྗེ་ཆེན་པོ༔ པདྨ་འབྱུང་གནས༔ ཡེ་ཤེས་མཚོ་རྒྱལ༔ མྱང་བན་ཏིང་འཛིན་བཟང་

[Full Size]

པོ༔ ཧཱུྃ་ནག་མེ་འབར༔ སྤྲུལ་སྐུ་རིག་འཛིན་རྒྱ་མཚོ༔ དྲིན་ཆེན་༧ རཱ་ག་ཨ་སྱ་རིན་པོ་ཆེ་ལའོ༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཚེ་སྒྲུབ་གནམ་ལྕགས་རྡོ་རྗེ་དང་དངོས་གྲུབ་ཀུན་འབྱུང་ལས་གླུད་རབ་ལྷ་ཡི་གནྡྷེ།

[Full Size]

ཚེ་སྒྲུབ་གནམ་ལྕགས་རྡོ་རྗེ་དང་དངོས་གྲུབ་ཀུན་འབྱུང་ལས༔ གླུད་རབ་ལྷ་ཡི་གནྡྷེ་བཞུགས་སོ༔

[Full Size]

འཆི་མེད་ཚེ་ཡི་ལྷ་ལ་ཕྱག་འཚལ་ལོ༔ སྐུ་གླུད་རྒྱན་ལྡན་བཤམས་ལ༔ བསང་སྦྱངས་བྱིན་རླབས་བྱས་ལ༔ རྔ་མཆོག་དང་ལྡན་པས་འདི་ལྟར་གྱེར༔ ཀྱཻ༔ དང་པོ་གླུད་བྱུང་གང་ནས་བྱུང་༔ གླུད་ཀྱི་དེ་ནི་རབ་སྨོས་པ༔ གླུད་ཀྱི་ཕ་ནི་གནམ་ཡང་ཡིན༔ གླུད་ཀྱི་མ་ནི་ས་ཡང་ཡིན༔ གནམ་ས་གཉིས་ཀྱི་བྱིན་རླབས་ལས༔ འབྲུ་སྣ་ཉི་ཤཱུ་རྩ་གཅིག་དེ༔ རྒྱ་ཡུལ་སྐྱེས་ཤིང་ཁྲི་སྒོར་འཁྲུངས༔ སྟོན་པ་དགའ་རབ་རྡོ་རྗེ་ཡིས༔ འབྲུ་སྣ་ཉི་ཤཱུ་རྩ་གཅིག་དེ༔ མོན་ཕོ་མོན་མོའི་ལག་ཏུ་གཏད༔ བརྔོ་ཞིང་བཏག་པར་གྱིས་ཤིག་གསུངས༔ མོན་ཕོ་མོན་མོ་ལྔ་བརྒྱ་

[Full Size]

ཡིས༔ བརྗོའ་འམ་དེ་ནི་མི་བརྔོ་མ༔ རྒྱ་སྲང་མོན་སླང་ནང་དུ་བརྗོ༔ མོན་ཕྲུག་ཕོ་མོ་ལྔ་བརྒྱ་ཡིས༔ བཏགས་སམ་དེ་ནི་མ་བཏག་ན༔ རྒྱ་བཏག་མོན་བཏག་ཁ་ལ་བཏག༔ སྟོན་པ་དགའ་རབ་ཕྱག་ཏུ་ཕུལ༔ སྟོན་པ་དགའ་རབ་རྡོ་རྗེ་ཡིས༔ རིན་ཆེན་སྣ་ལྔའི་ཕྱེ་བསྲེས་ཏེ༔ མི་དང་མཉམ་པའི་གླུད་དུ་བྱས༔ སྔགས་དང་ཕྱག་རྒྱས་བྱིན་གྱིས་བརླབས༔ གླུད་ཀྱི་ངར་གླུད་ལ༔ ཤ་ནི་མ་མཆིས་ན༔ བསེ་ལ་ཤ་ཡང་བྱས༔ ཁྲག་ནི་མ་མཆིས་ན༔ མཚལ་ཆེན་ལྕོག་ལ་བྱས༔ རུས་པ་མ་མཆིས་ན༔ དཔལ་ཆེན་དུང་ལ་བྱས༔ ལྤགས་པ་མ་མཆིས་

[Full Size]

ན༔ གྲུམ་ཤུན་ལྤགས་ལ་བྱས༔ སྙིང་ནི་མ་མཆིས་ན༔ ཞོ་ཤའི་སྙིང་ལ་བྱས༔ གློ་བ་མ་མཆིས་ན༔ གླ་གོར་ཞོ་ཤས་བྱས༔ མཆིན་པ་མ་མཆིས་ན༔ བ་མཆིན་སྨུག་པོས་བྱས༔ མཚེར་པ་མ་མཆིས་ན༔ མཁན་སྲན་བྱེའུ་བྱས༔ མཁལ་མ་མ་མཆིས་ན༔ མཁལ་མ་ཞོ་ཤས་བྱས༔ རྒྱུད་པ་མ་མཆིས་ན༔ ཐང་དཀར་རྒྱ་ལ་བྱས༔ རྩ་རྒྱུས་མ་མཆིས་ན༔ སྤུ་ཤེལ་རྩེ་ལ་བྱས༔ སོ་ནི་མ་མཆིས་ན༔ མགྲོན་བུའི་སོ་ལ་བྱས༔ ལྕེ་ནི་མ་མཆིས་ན༔ ལེ་བརྒན་དར་ལ་བྱས༔ མིག་ནི་མ་མཆིས་ན༔ ལུང་ཐང་མིག་ནི་བྱས༔ སྣ་ནི་མ་མཆིས་ན༔ ཟར་མའི་སྣ་ལ་བྱས༔ རྣ་བ་མ་མཆིས་ན༔ གྲོ་གའི་རྣ་བ་བྱས༔ སྐུ་ནི་མ་མཆིས་ན༔ ཟེར་མོང་སྤུ་ལ་བྱས༔ དབུགས་ནི་མ་མཆིས་ན༔ འབྱུང་བ་རླུང་ལ་བྱས༔ དྲོད་ནི་མ་མཆིས་ན༔ འབྱུང་བ་མེ་ལ་བྱས༔ སེམས་ནི་མ་མཆིས་ན༔ ནམ་མཁའ་ཡང་པར་བྱས༔ ཡན་ལག་མ་མཆིས་ན༔ དབང་པོ་ལག་པས་བྱས༔ རིན་ཆེན་ངར་གླུད་འདི་ཡིས་ནི༔ ཕྲག་པ་གཡས་པ་ནི༔ རིན་ཆེན་གསེར་ལས་བྱས༔ ཕྲག་པ་གཡོན་པ་ནི༔ རིན་ཆེན་དངུལ་ལས་བྱས༔ རྐང་པ་གཡས་པ་ནི༔

[Full Size]

ཐབས་ཆེན་ལྕགས་ལས་བྱས༔ རྐང་པ་གཡོན་པ་ནི༔ ཤེས་རབ་ཟངས་ལས་བྱས༔ སྟོན་པའི་ཞལ་ན་རེ༔ གླུད་ཀྱི་ངར་གླུད་ལ༔ ཁྱོད་མི་ཡི་གླུད་དུ་སོང་ཞིག་གསུངས༔ ངར་གླུད་དེ་ཡི་ཞལ་ན་རེ༔ ང་མི་ཡི་གླུད་དུ་འགྲོ་བ་ལ༔ ང་ལ་ཡོན་ཏན་ཅི་ཙམ་ཡོད༔ སྐྱེས་པ་ཕོ་ཡི་གླུད་དུ་ཇི་ལྟར་འགྲོ༔ ཟ་མ་མོ་ཡི་གླུད་དུ་ཇི་ལྟར་འགྲོ༔ བྱིས་པ་ཆུང་གི་གླུད་དུ་ཇི་ལྟར་འགྲོ༔ ཡུལ་དང་མཁར་གྱི་གླུད་དུ་ཇི་ལྟར་འགྲོ༔ དེ་སྐད་ཙམ་ཞིག་ཞུས་པ་ལ༔ སྟོན་པའི་ཞལ་ནས་འདི་སྐད་གསུངས༔ གླུད་ཀྱི་ངར་གླུད་ཚུལ་ཉོན་དང་༔ ཁྱོད་མི་ཡི་གླུད་དུ་འགྲོ་བ་ལ༔ ཡོན་ཏན་བགྲང་ན་བསམ་མི་ཁྱབ༔ སྐྱེ་མཆེད་བཅུ་གཉིས་འདི་ལ་ཚང་༔ རྣམ་ཤེས་ཚོགས་བརྒྱད་འདི་ལ་ཚང་༔ ཁམས་ཆེན་བཅོ་བརྒྱད་འདི་ལ་ཚང་༔ ཕྱག་གཡས་གསེར་ལས་བྱས་པ་སྟེ༔ སྐྱེས་པ་ཕོ་ཡི་གླུད་དུ་སོང་ཕྱག་གཡོན་དངུལ་ལས་བྱས་པ་སྟེ༔ ཟ་མ་མོ་ཡི་གླུད་དུ་སོང་༔ རྐང་གཡས་ལྕགས་ལས་བྱས་པ་སྟེ༔ བྱིས་པ་ཕོ་ཡི་གླུད་དུ་སོང་༔ རྐང་གཡོན་ཟངས་ལས་བྱས་པ་སྟེ༔ བྱིས་པ་མོ་ཡི་གླུད་དུ་སོང་༔ ཕུང་པོ་གཟུགས་དང་བཅས་པ་སྟེ༔ ཡུལ་

[Full Size]

མཁར་ཁྱིམ་གྱི་གླུད་དུ་སོང་༔ ཞལ་རས་མཚལ་གྱིས་བྱུག་པ་སྟེ༔ རྣལ་འབྱོར་འཁོར་བཅས་གླུད་དུ་སོང་༔ སྨྲ་བ་ངག་སྙན་ཀྱུ་རུ་རུ༔ མི་ཆུང་དེ་ནི་ཐོད་ཀྱིས་གཏོང་༔ འགྲོ་ན་། རབ་སྡུག་ཁྲིགས་སེ་ཁྲིག༔ གླུད་ཀྱི་ངར་གླུད་ཕྱེ་སྟེ་སོང་༔ ལྷ་སྲིན་སྡེ་བརྒྱད་སྤྱན་སྔ་རུ༔ ངར་གླུད་འདི་སྐད་ཐོལ་གྱིས་སྨོས༔ ལྷ་སྲིན་སྡེ་བརྒྱད་ཐམས་ཅད་ལ༔ ང་མི་ཡི་གླུད་དུ་བཏང་བ་ལེགས༔ མི་དང་གླུད་གཉིས་བརྗེ་བར་ཞུ༔ དེ་སྐད་ཙམ་ཞིག་གླེང་བ་ལས༔ ལྷ་སྲིན་སྡེ་བརྒྱད་ཞལ་ན་རེ༔ སྟོན་པ་དགའ་རབ་བཀའ་དྲིན་ཆེ༔ མི་དང་གླུད་གཉིས་བརྗེའོ་ཟེར༔ ལྷ་སྲིན་སྡེ་བརྒྱད་དགྱེས་ཏེ་སོང་༔ ཧཱུྃ༔ སྔོན་ནི་སུ་དང་སུ་ཡི་གླུད༔ ཨ་ཤོ་ཀ་ཡི་རྒྱལ་པོའི་གླུད༔ མཚམས་མེད་སྡིག་པའི་ལས་བྱས་པས༔ མ་མོ་ལྷ་སྲིན་སྡེ་བརྒྱད་ཁྲོས༔ མུ་གེ་དུས་འཁྲུག་ནད་ཡམས་ཕྱུར༔ སློབ་དཔོན་རོ་ལངས་བདེ་བ་ཡིས༔ སྐུ་གླུད་དམར་གཏོར་བཤམ་པ་ནི༔ སྣང་སྲིད་མ་མོའི་ཕྱག་ཏུ་ཕུལ༔ བསད་པ་ལུས་ཀྱི་གླུད་དུ་འབུལ༔ འཕྲོག་པ་ནོར་གྱི་སྐྱིན་དུ་འབུལ༔ ན་མི་ཕོད་པའི་གླུད་དུ་འབུལ་འཆི་མི་ཕོད་པའི་གླུད་དུ་འབུལ༔ ཧཱུྃ༔ བར་དུ་སུ་དང་སུ་ཡི་གླུད༔ བཙན་

[Full Size]

པོ་ཁྲི་སྲོང་ལྡེའུ་བཙན་ལ༔ མ་མོ་མཁའ་འགྲོའི་ལྟས་བྱུང་བས༔ མི་དགེ་མི་རུང་སྣ་ཚོགས་བྱུང་༔ སློབ་དཔོན་པདྨ་འབྱུང་གནས་ཀྱིས༔ རྒྱལ་པོའི་སྐུ་ཡི་ཚད་དུ་བྱས༔ སྐུ་གླུད་དམར་གཏོར་བཤམས་ནས་ནི༔ སྣང་སྲིད་མ་མོའི་ཕྱག་ཏུ་ཕུལ༔ བསད་པ་ལུས་ཀྱི་གླུད་དུ་འབུལ༔ འཕྲོག་པ་ནོར་གྱི་སྐྱིན་དུ་འབུལ༔ ན་མི་ཕོད་པའི་གླུད་དུ་འབུལ༔ འཆི་མི་ཕོད་པའི་གླུད་དུ་འབུལ༔ ཧཱུྃ༔ དེ་རིང་སུ་དང་སུ་ཡི་གླུད༔ བདག་ཅག་རྨེ་འཁོར་བཅས་ལ༔ མ་མོ་མཁའ་འགྲོའི་ལྟས་བྱུང་བས༔ མུ་གེ་དུས་འཁྲུག་ནད་ཡམས་བྱུང་༔ རིག་འཛིན་སྔགས་འཆང་བདག་གིས་ནི༔ སྐུ་གླུད་དར་ཟབ་སྤུངས་ནས་ནི༔ དཔལ་གྱི་གཏོར་མ་དམར་གྱིས་བརྒྱན༔ སྣང་སྲིད་མ་མོའི་ཕྱག་ཏུ་ཕུལ༔ བསད་པ་ལུས་ཀྱི་གླུད་དུ་ཕུལ༔ འཕྲོག་པ་ནོར་གྱི་སྐྱིན་དུ་འབུལ༔ ན་མི་ཕོད་པའི་གླུད་དུ་འབུལ༔ འཆི་མི་ཕོད་པའི་གླུད་དུ་འབུལ༔ ཡུམ་ཆེན་མཁའ་འགྲོ་སྡེ་ལྔ་ནས༔ མ་ཡམས་བརྟན་མ་ཡན་ཆད་དུ༔ སྐུ་གླུད་དམར་གཏོར་རྒྱན་དང་ལྡན༔ སྲིད་པ་མ་མོ་མཁའ་འགྲོའི་ཕྱག་ཏུ་འབུལ༔ བསད་པ་ལུས་ཀྱི་གླུད་དུ་འབུལ༔ ཕྲོག་པ་ནོར་གྱི་སྐྱིན་དུ་འབུལ༔

[Full Size]

ན་མི་ཕོད་པའི་གླུད་དུ་འབུལ༔ འཆི་མི་ཕོད་པའི་གླུད་དུ་འབུལ༔ སྣང་སྲིད་ལྷ་འདྲེའི་ཕྱག་ཏུ་འབུལ༔ མ་མོ་མཁའ་འགྲོ་གཏོར་མས་མཉེས་གྱུར་ཅིག༔ ལྷ་འདྲེ་གླུད་ཀྱིས་མཉེས་གྱུར་ཅིག༔ ལན་ཆགས་བུ་ལོན་སོད་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ དེ་རིང་རྒྱུ་སྦྱོར་ཡོན་བདག་གི༔ ཁྱིམ་སྒོ་ལམ་སྲང་འདི་རྣམས་སུ༔ གནོད་ཅིང་འགལ་བར་མ་བྱེད་ཅིག༔ བཟུང་བ་ཐོངས་ལ་བཅིངས་བ་ཁྲོལ༔ བསྡམས་པ་གློད་ལ་ཟོས་པ་སྐྱུགས༔ བཙམ་པ་ཤེལ་ལ་མནན་པ་ཐེག༔ ལན་ཆགས་བདག་པོ་ཁྱེད་རྣམས་ལ༔ མི་བས་གླུད་བཟང་ད་འབུལ་ལོ༔ བྱ་བས་སྤུ་མཚར་ད་འབུལ་ལོ༔ རྗེ་འདི་ཞེས་བྱ་བ་ཡི༔ ན་ཡི་གླུད་དུ་ད་འབུལ་ལོ༔ རུ་པའི་གླུད་དུ་ད་འབུལ་ལོ༔ དབང་པོ་ལྔ་ཡི་གླུད་དུ་ད་འབུལ་ལོ༔ རྣམ་ཤེས་ཚོགས་བརྒྱད་གླུད་དུ་ད་འབུལ་ལོ༔ སྐྱེ་མཆེད་བཅུ་གཉིས་གླད་དུ་ད་འབུལ་ལོ༔ ཁམས་ཆེན་བཅོ་བརྒྱད་གླད་དུ་ད་འབུལ་ལོ༔ མི་བས་གླུད་བཟང་འདི་ཁྱེར་ལ༔ ཕྱིན་ཆད་གནོད་འཚེ་མ་བྱེད་ཅིག༔ ཞི་བ་བྱང་སེམས་ལྡན་པར་མཛོད༔ ཧཱུྃ༔ ཏིང་ངེ་འཛིན་གྱི་བྱིན་རླབས་ཀྱིས༔ སྔགས་དང་ཕྱག་རྒྱས་ཡོངས་

[Full Size]

བཀྲོལ་ཏེ༔ དམིགས་པ་དག་གིས་འབུལ་ཡང་འབུལ༔ འབུལ་བ་བདག་གིས་མ་ནོར་རོ༔ བཞེས་པ་ཁྱོད་རྣམས་མ་འཁྲུལ་ཅིག༔ གསེར་བས་དེ་ནི་རིན་ཆེ་མེད༔ ཆང་བས་དེ་ནི་ངོ་ཆེ་མེད༔ འཛམ་གླིང་རྒྱན་དུ་རིན་ཆེན་གླུད་འབུལ་ལོ༔ སྲིད་པའི་རྩེ་མོ་མན་ཆད་ནས༔ ན་རག་དམྱལ་ཁམས་ཡན་ཆད་དུ༔ རིན་ཆེན་གཏོར་མ་འདི་འབུལ་ལོ༔ བསྔོས་པ་ཙམ་གྱིས་ཚིམས་གྱུར་ཅིག༔ བསམ་པ་ཙམ་གྱིས་འགྲུབ་གྱུར་ཅིག༔ སོ་སོའི་ཐུགས་དམ་བསྐང་གྱུར་ཅིག༔ ཁྱེད་རྣམས་ཡུལ་གྱི་ལྷ་འདྲེ་ཡིན༔ ང་ནི་ཡུལ་གྱི་སྔགས་པ་ཡིན༔ གཅིག་ལ་གཅིག་བསྟོད་ཧ་བོ་གང་བས་དཀར༔ གཅིག་ལ་གཅིག་སྨད་རོང་པོའི་རྫ་བས་ནག༔ ཧ་བོ་གངས་བས་དཀར་བས་མཛོད༔ རོང་པོ་རྫ་བས་མ་གནག་ཅིག༔ སོ་སོ་རང་རང་གནས་སུ་གཤེགས༔ ཡང་ན་གཤེགས་གསོལ་རྒྱས་པར་བྱའོ༔ ཚེ་སྒྲུབ་གནམ་ལྕགས་རྡོ་རྗེ་དངོས་གྲུབ་ཀུན་འབྱུང་ལས༔ གླུད་རབ་ལྷ་ཡི་གནེ་ཞེས་བྱ་བ་བསྐལ་པ་མ་སྟོང་བར་དུ་མ་རྫོགས་སོ༔ གུ་རུ་པདྨའི་ཐུགས་ཀྱི་འོད་ཟེར་ལས༔ སྤྲུལ་པའི་རིག་འཛིན་འཇའ་ཚོན་སྙིང་པོའམ་སྔགས་འཆང་ཧཱུྃ་ནག་མེ་འབར་གྱིས་ཤར་ལྗོན་པ་ལུང་གི་གནས་སྒོ་ནས་གདན་དྲངས་པའོ༔ ས་མ་ཡ༔ རྒྱ་རྒྱ་རྒྱ༔ བཀྲ་ཤིས།

ཚེ་དཔག་མེད་གནམ་ལྕགས་རྡོ་རྗེ་དངོས་གྲུབ་ཀུན་འབྱུང་ལས་དཔལ་ཆེན་དྲག་པོ་མདོས་ཀྱི་དམག་ལམ་བསྟན་པའི་ཟ་ལམ།

[Full Size]

ཚེ་དཔག་མེད་གནམ་ལྕགས་རྡོ་རྗེ་དངོས་གྲུབ་ཀུན་འབྱུང་ལས༔ དཔལ་ཆེན་དྲག་པོ་མདོས་ཀྱི་དམག་ལམ་བསྟན་པའི་ཟ་ལམ་བཞུགས་སོ༔

[Full Size]

ཧཱུྃ༔ བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ༔ སྐུ་མདོག་དམར་ནག་འབར་བ་ཆེན་པོ་ལ༔ ཡེ་ཤེས་ལྔ་རྫོགས་དཔལ་ལྡན་རྡོ་རྗེའི་སྐུ༔ མི་བཟད་གཟི་བརྗིད་དྲག་པོ་འབར་བ་ཡི༔ ཡེ་ཤེས་མཁའ་འགྲོའི་ཚོགས་བཅས་སྐུ་ལ་བརྒྱན༔ ཁྲོ་རྔམ་བརྗིད་ཀྱི་བདུད་བཞི་ཟིལ་གྱིས་གནོན༔ གུས་པའི་ཚུལ་གྱིས་ལྷ་སྲིན་དམ་ལ་འདུ༔ མ་མོ་མཁའ་འགྲོའི་ཚོགས་རྣམས་དབང་དུ་བསྡུས༔ གིང་ཆེན་དྲག་པོའི་ཚོགས་རྣམས་བྲན་དུ་བསྐོལ༔ ཤ་ཟ་ཁྲག་འཐུང་ཚོགས་རྣམས་ལས་ལ་མངག༔ དཔལ་ཆེན་ཁྲོ་མཆོག་སྐུ་ལ་ཕྱག་འཚལ་བསྟོད༔ ཧཱུྃ༔ བདག་ནི་དཔལ་

[Full Size]

གྱི་སྐུར་བསྒོམས་ནས༔ ཡེ་ཤེས་ཁྲོ་མཆོག་ཆོས་ཀྱི་སྐུ༔ འབར་བའི་ཀློང་ན་གནས་པ་ཡི༔ ཁྲོ་རྒྱལ་དཀྱིལ་འཁོར་སྐུ་ལ་རྫོགས༔ རང་བཞིན་དཀྱིལ་འཁོར་ལྷུན་གྱིས་གྲུབ༔ དབུ་ལ་ཁྱུང་ཆེན་འབར་བས་བརྒྱན༔ དྲག་པོའི་ལས་ཀྱི་གདུག་པ་འདུལ༔ བྷ་ལིང་དམར་གྱི་གཏོར་མ་འདི༔ སྦྱོར་སྒྲོལ་ཕྱག་རྒྱས་བྱིན་གྱིས་བརླབས༔ བསྒྲལ་བའི་ཞིང་བཅུར་དམིགས་ནས་ནི༔ བྷན་ཨེ་ཡི་སྣོད་ནང་དུ༔ དབང་པོ་ལྔ་དང་ཙིཏྟ་དང་༔ ཤ་ཆེན་ལྔ་དང་ཀེང་རུས་བཅས༔ དཔལ་ཆེན་འཁོར་དང་བཅས་ལ་འབུལ༔ མ་མོ་མཁའ་འགྲོའི་ཐུགས་དམ་བསྐང་༔

[Full Size]

དམར་ཆེན་གཏོར་མ་འདི་བཞེས་ལ༔ བཀའ་ཉན་དམ་ཅན་ཚོགས་རྣམས་ཀྱིས༔ སྡང་བའི་དགྲ་ལ་ཕྲིན་ལས་མཛོད༔ བྷྱོ༔ དཔལ་གྱི་གཏོར་ཟོར་རྒྱ་ཆེན་འདི༔ གཏོར་ཁ་དགྲ་ཡི་ཕྱོགས་སུ་སྟོན༔ བཞེས་ཤིག་དམ་ཅན་ཡོངས་ཀྱི་བཞེས༔ གཏོར་མ་དགྲ་ཡི་ཕྱོགས་སུ་འཕེན༔ དམ་ཉམས་དགྲ་བོའི་ཚེ་སྲོག་ཆོད༔ གཏོར་མའི་ལམ་བསྟན་དགྲ་ལ་བསྟན༔ དམ་ཉམས་དགྲ་བགེགས་དུས་མཐའ་ལྟུང་༔ གཏོར་མའི་ཟོར་སྣ་དགྲ་ལ་བསྟན༔ ལྷ་འདྲེ་ཡོངས་ཀྱི་དམག་ཆོས་ལ༔ དཔལ་གྱི་གཏོར་ཟོར་རྒྱ་ཆེན་འདི༔ གཏོར་ཁ་དགྲ་ཡི་ཕྱོགས་སུ་སྟོན༔ བྷྱོ༔ ཤར་གྱི་ཕྱོགས་ནས་དཀར་མོ་སྤྱན་གཅིག་མ༔ དམར་གྱི་གཏོར་མའི་ལམ་སྣ་དགྲ་ལ་དྲོངས༔ ལྷོ་ཡི་ཕྱོགས་ནས་ནག་མོ་ཁ་འབྱམས་མ་དམར་གྱི་གཏོར་མའི་ལམ་སྣ་དགྲ་ལ་དྲོངས༔ ནུབ་ཀྱི་ཕྱོགས་ནས་དམར་མོ་མཆུ་འཇིབ་མ༔ དམར་གྱི་གཏོར་མའི་ལམ་སྣ་དགྲ་ལ་དྲོངས༔ བྱང་གི་ཕྱོགས་ནས་སེར་མོ་རྐང་ལྡག་མ༔ དམར་གྱི་གཏོར་མའི་ལམ་སྣ་དགྲ་ལ་དྲོངས༔ བྷྱོ༔ དམག་གི་རྒྱལ་ཆེན་མོ་བཞི་རྣམས་ཀྱང་༔ རིགས་བཞི་མཁའ་འགྲོའི་དམག་དཔུང་དགྲ་ལ་ཆོས༔ སྲིད་པ་གསུམ་པོ་

[Full Size]

བྷྱོ་ཟློག་བྱེད་པ་མོ༔ སྲིད་པ་ཆགས་བྱེད་མ་མོ་ཆེན་མོ་ཡིས༔ སྲིད་པའི་དམག་དཔུང་དམ་ཉམས་དགྲ་ལ་དྲོངས༔ སྲིད་པ་ཆ་མཉམ་མ་མོ་ཆེན་མོ་ཡིས༔ སྲིད་གདུག་པའི་དམག་དཔུང་དགྲ་ལ་དྲོངས༔ རྣལ་འབྱོར་དགྲ་ལྷ་རིག་འཛིན་གྲུབ་པ་མོ༔ རྣལ་འབྱོར་དགྲ་ལྷའི་དམག་དཔུང་དགྲ་ལ་དྲོངས༔ བསྟན་སྲུང་ལས་བྱེད་ཨེ་ཀ་ཙ་ཏི་མ༔ བསྟན་སྲུང་ལས་བྱེད་དམག་དཔུང་དགྲ་ལ་དྲོངས༔ བདུད་ཀྱི་ཡུམ་ལ་གཤིན་རྗེའི་ལྕམ་གཅིག་མ༔ མདོག་བཟང་ནག་མོ་གྲུབ་པའི་རྣལ་འབྱོར་མ༔ ནག་མོའི་ཚོགས་ཀྱི་དམག་དཔུང་དགྲ་ལ་དྲོངས༔ མདོག་བཟང་སྔོན་མོ་ལྷ་མོ་རྣལ་འབྱོར་མ༔ སྔོན་མོའི་དམག་དཔུང་དམ་ཉམས་དགྲ་ལ་དྲོངས༔ མདོག་བཟང་དཀར་མོ་གླིང་བཞི་སྤྱི་འགྲོ་མ༔ དཀར་མོའི་དམག་དཔུང་དམ་ཉམས་དགྲ་ལ་དྲོངས༔ དབུ་བརྒྱ་སྤྱན་སྟོང་ལྡན་པའི་གར་འཆང་མ༔ སྟོང་ཕྲག་བརྒྱད་ཅུའི་དམག་དཔུང་དགྲ་ལ་དྲོངས༔ པདྨ་གར་དབང་ས་བདག་པདྨའི་ཕྲེང་༔ ས་བདག་གདོན་གྱི་དམག་སྣ་དགྲ་ལ་དྲོངས༔ བྷྱོ༔ ཤར་གྱི་དཀར་མོ་ཆེན་མོ་མཆེ་གཙིགས་མ༔ དཀར་མོ་འབུམ་སྡེས་དམག་སྣ་དགྲ་ལ་དྲོངས༔ ལྷོ་ཕྱོགས་

[Full Size]

ནག་མོ་ཆེན་མོ་ཁ་འབྱམས་མ༔ ནག་མོ་འབུམ་སྡེས་དམག་སྣ་དགྲ་ལ་དྲོངས༔ ནུབ་ཕྱོགས་དམར་མོ་ཆེན་མོ་མཆུ་འཇིབ་མ༔ དམར་མོ་འབུམ་སྡེས་དམག་སྣ་དགྲ་ལ་དྲོངས༔ བྱང་གི་སེར་མོ་ཆེན་མོ་རྐང་ལྡག་མ༔ སེར་མོ་འབུམ་སྡེས་དམག་སྣ་དགྲ་ལ་དྲོངས༔ ཧར་ཏིང་ནག་མོ་བྱང་ཤར་གྲུ་འདེབ་མ༔ བྱང་ཤར་གདོན་གྱི་དམག་དཔུང་དགྲ་ལ་དྲོངས༔ དུན་ཏིང་ནག་མོ་ཤར་ལྷོ་གྲུ་འདེབ་མ༔ ཤར་ལྷོའི་གདོན་གྱི་དམག་ཚོགས་དགྲ་ལ་དྲོངས༔ གྲུབ་ཏིང་སེར་མོ་ནུབ་བྱང་གྲུ་འདེབ་མ༔ ནུབ་བྱང་གདོན་གྱི་དམག་དཔུང་དགྲ་ལ་ཟློདྲོངས༔ ཤརྙིང་སེར་མོ་ལྷོ་ནུབ་གྲུབ་འདེབ་མ༔ ལྷོ་ནུབ་གདོན་གྱི་དམག་སྣ་དགྲ་ལ་དྲོངས༔ བཞུགས་ས་དགྲ་ཡི་ཡུལ་དུ་གྱིས༔ གནས་མལ་དགྲ་ཡི་ཡུལ་དུ་གྱིས༔ བདུད་རྟ་དགྲ་བོའི་ཡུལ་དུ་རྒྱུག༔ དམ་ཉམས་དགྲ་བོ་མྱུར་དུ་སྒོལ༔ ནད་སྣ་ཡམས་སྣ་དགྲ་ལ་དྲོངས༔ དགྲ་མཁར་ནག་པོ་རྨིང་ནས་བསྐྱེལ༔ དགྲ་ལ་ཕྲིན་ལས་མྱུར་དུ་མཛོད༔ དུས་ལ་བབ་བོ་ས་མ་ཡ༔ ཞེས་དང་གཏོར་མའི་དམག་ལམ་བྱས༔ དགྲ་ཕྱོགས་སམ་གནོད་བྱེད་ཀྱི་ཕྱོགས་སམ༔ གར་དགོས་ཕྱོགས་སུ་འཕང་ཞིང་ལྤགས་གཡབ་མོ་རྡེབ༔ གཏོར་གཞོང་སྦུབ༔ རྟ་བྲོ་བརྡུང་༔ ས་མ་ཡ༔

[Full Size]

རྒྱ་རྒྱ་རྒྱ༔ གུ་རུ་པདྨའི་ཐུགས་ཀྱི་སྤྲུལ་པ༔ སྔགས་འཆང་ཧཱུྃ་ནག་མེ་འབར་གྱིས་ཤར་ལྗོན་པ་ལུང་གི་གནས་སྒོ་ནས་གདན་དྲངས་པའོ༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་ཟོར་གྱི་བསྐུལ་བ།

[Full Size]

དེ་ནས་གཏོར་ཟོར་གྱི་བསྐུལ་ནི༔ གཏོར་ཆེན་ལ་དཔལ་འབར་གཟུགས་ཐེབས་ཕྱོགས་སུ་གདོང་ཕྱོགས་པར༔ ཧཱུྃ༔ བླ་མ་ཡི་དམ་མཁའ་འགྲོ་ཐུགས་དམ་ཅན༔ ཕྱི་ནང་ཆོས་སྐྱོང་སྲུང་མ་དམ་ཚིག་ཅན༔ ཀུན་ཀྱང་མི་བཟད་འཇིགས་པའི་ཚ་ལུགས་ཅན༔ སྤྲུལ་པ་ཡང་སྤྲུལ་བདུད་ཀྱི་ཕོ་ཉར་བཅས༔ ཁྲོ་གཏུམ་དྲག་ལ་རྔམ་པའི་ཞལ་གདངས་ཤིང་༔ མི་བཟད་མཚོན་ཆ་འབར་བའི་ཐོག་ཆར་འབེབས༔ སྣ་ཚོགས་སྐུར་སྟོན་ཐབས་ཀྱི་གདུག་པ་འདུལ༔ སྤྲུལ་པའི་དམག་ཚོགས་ཕོ་ཉའི་དཔུང་དང་བཅས༔ སྔོན་གྱི་ཐུགས་དམ་དམ་ཚིག་རྗེས་དགོངས་ལ༔ ཁས་བླངས་བཞིན་དུ་བཅོལ་བའི་ཕྲིན་ལས་མཛོད༔ དམ་ཅན་རྒྱ་མཚོ་དབྱིངས་ནས་སྐུར་བཞེངས་ཤིག༔ བསྟེན་ནོ་མ་གཡེལ་དམ་ཅན་རྒྱ་མཚོའི་ཚོགས་དམར་གྱི་གཏོར་མ་དགྲ་བགེགས་སྙིང་ལ་རྒྱོབས༔ འཁོར་དང་བཅས་པ་ཐལ་བ་རྡུལ་དུ་རློགས༔ བསྟན་པ་བཤིག་དང་བླ་མའི་སྐུ་ལ་བསྡོ༔ སྤྱན་ལ་འཁུ་ཞིང་སེམས་ཅན་ཡོངས་ལ་འཚེ༔ རྣལ་འབྱོར་བདག་ལ་བརྙས་བྱེད་དགྲ་དང་བགེགས༔ དམ་ཅན་རྒྱ་མཚོའི་མངོན་སྤྱོད་ཕྲིན་ལས་མཛོད༔ ཧཱུྃ༔ དེ་རིང་གཏོར་ཟོར་དྲག་པོ་འདི་དག་ནི༔ བྱང་ཆུབ་

[Full Size]

སྒྲུབ་ལ་བར་ཆད་བྱེད་པ་ཡི༔ སྒབ་འདྲེ་དམ་སྲི་རྣམས་ཀྱི་སྲོག་རྩ་ཆོད༔ རྒྱལ་འགོང་འདྲེ་མོ་རྣམས་ཀྱི་སྙིང་རྩ་གཏུང་བཀའ་འདས་དམ་ལོག་རྣམས་ཀྱི་སྙིང་ཁྲག་འཐུང་༔ རིག་འཛིན་དྲོད་ཉུལ་རྣམས་ཀྱི་སྲོག་རྩ་ཆོད༔ དམ་ཉམས་དགྲ་བོ་རྣམས་ཀྱི་མཁར་ལ་རྒྱོབས༔ མ་བྱིན་ཇག་པ་རྣམས་ཀྱི་ལག་པར་རྒྱོབས༔ ཟ་ཁ་ཟུག་པའི་ལྕེ་སྤྱང་ཁ་ལ་རྒྱོབས་གོད་སྲི་ལངས་བའི་གོད་འདྲེའི་སྙིང་ལ་རྒྱོབས༔ དགྲ་སྲི་ལངས་བའི་དགྲ་བོའི་སྟེང་དུ་ཟོར༔ དམོད་ཟོར་མི་ཁ་གཏོང་བའི་ལྕེ་ལ་རྒྱོབས༔ དོ་བསྡོ་ཕོད་བཙུགས་འགྲས་ཚོལ་སྙིང་ལ་རྒྱོབས༔ ལྷ་མེད་མཐུ་མེད་ཟེར་བའི་ངག་ལ་རྒྱོབས༔ རྐུ་ཇག་ཆོམ་ཕྲོག་བྱེད་པའི་ལག་པར་རྒྱོབས༔ བྱད་ཁ་ཕུར་ཁ་སྟོན་པའི་སྙིང་ལ་རྒྱོབས༔ གཏད་ཁ་ཁྲམ་ཁ་སྡང་བའི་དགྲ་ལ་རྒྱོབས༔ ནད་ཁ་ཡམས་ཁ་སྡང་བའི་དགྲ་ལ་བྷྱོ༔ མི་ཁ་བྲ་མཆུ་སྡང་བའི་དགྲ་ལ་བྷྱོ༔ ཆག་ཆེན་ཉམ་ང་སྡང་བའི་དགྲ་ལ་བྷྱོ༔ བྷྱོ༔ དོ་ནུབ་གཏོར་ཟོར་དྲག་པོའི་ཐོག་མདའ་འདི༔ དམ་ཉམས་བྱད་མ་ལྷ་སྲུང་སྙིང་ལ་རྒྱོབས༔ གནོད་བྱེད་བགེགས་དཔུང་བདུད་ཀྱི་སྙིང་ལ་རྒྱོབས་བདུན་རྒྱུད་མ་ལུས་རྩད་ནས་ཆོད་ལ་ཤོག༔ ལྷག་མ་མེད་

[Full Size]

པར་དྲུང་ནས་ཕྱུང་ལ་ཤོག༔ དམ་ཉམས་དགྲ་བོ་ལས་ངན་སྡིག་ཅན་ལ༔ བཀའ་ཆད་མེ་སྟག་ཆུ་ཡི་ཕོག་པ་ལྟར༔ བསྟན་པ་བསྲུང་བའི་ལས་འདི་བསྒྲུབ་པར་མཛོད༔ ཨོཾ་བཛྲ་སརྦ་དུཥྚཾཨེ་ཛ་བྷྱོ༔ རྣྲི་མ་ར་ཡ་སྦྱོ་ཟློག༔ ཟོར་ལས་བསྡུས་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏོར་ཆེན་ལམ་བསྟན།

[Full Size]

དེ་ནས་ལམ་བསྟན་པ་ནི། ཧཱུྃ། གཤིན་རྗེ་འཁོར་བཅས་སྙན་གསོན་འཚལ། །འདི་ནས་ལྷོ་ཕྱོགས་དཔག་ཚད་ནི། །བརྒྱད་ཁྲི་འདས་པའི་ཕ་རོལ་ན། །ལྕགས་མཁར་ཐོད་པའི་དབུས་ཉིད་ནས། །ཡི་དྭགས་སྟོང་དཔོན་མ་མོའི་རྗེ། །གསོན་པོ་སྐོས་འདེབས་གཤིན་གྱི་རྒྱལ། །གསོན་གཤིན་གཉིས་ཀྱི་ཟམ་སོ་ནས། །དགེ་བའི་གྲོགས་མཛད་སྡིག་ཅན་གཤེད། །ལེགས་ཉེས་གཉིས་ཀྱི་སྟངས་འཛིན་པ། །ཆོས་རྒྱལ་གཤིན་རྗེ་ཞེས་བྱ་བཞུགས། །དེ་ཡི་འཁོར་གྱི་ཡམས་བདག་དང་། །འཆི་བདག་གཤིན་རྗེ་འཁོར་བཅས་ལ། །འདོད་པའི་ཡས་སྟགས་མཆོད་པ་འབུལ། །བདག་ཅག་ཡོན་མཆོད་འདི་རྣམས་ལ། །འགལ་རྐྱེན་གནོད་པ་མ་བྱེད་ཅིག །དེ་བཞིན་གཤེགས་པའི་སྦྱིན་སྟོབས་ཀྱིས། །འཆི་བདག་འཁོར་བཅས་རང་གནས་སོང་། །གཞན་ལ་གནོད་འཚེའི་བསམ་པ་སྤོངས། །སོང་ཞིག་གཤིན་རྗེ་གནས་དེར་སོང་། །ད་ལྟར་ཉིད་དུ་འགྲོ་བར་གྱིས། །ཕྱིན་ཆད་འཁོར་འདིར་གཏོགས་པ་ལ། །ཁྱོད་ཀྱིས་གནོད་པ་མ་བྱེད་ཅིག །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་

[Full Size]

སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཐམས་ཅད་འབྱུང་བའི་གནས། །ཡིད་ལ་འདོད་པ་ཀུན་འགྲུབ་མཛོད། །མཐུ་རྩལ་ཅན་གྱིས་བསྟན་པ་སྲུངས། །དེ་རིང་ཉི་མ་ཕྱིན་ཆད་ནས། །བདག་དང་རྒྱུ་སྦྱོར་ཡོན་བདག་ལ། །གདུག་པའི་བསམ་པ་མ་གཏོང་ཞིག །མདོས་གླུད་དགྲ་བོའི་སྟེང་དུ་བསྒྱུར། །སྐག་བདུད་གཤེད་གསུམ་མདོས་ཀྱིས་བསྒྱུར། །བྷྱོ་བྷྱོསྡང་བའི་དགྲ་ལ་བྷྱོ། །བློ་སྦྱོགནོད་པའི་བགེགས་ལ་བྷྱོ། །བྷྱོ་བྷྱོཔྱད་མའི་སྟེང་དུ་བྷྱོ། །བྷྱོ་བྷྱོབར་ཆད་བདུད་ལ་བྷྱོ། །འཆི་བདག་ཚེ་བདག་སྲོག་བདག་དང་། །ལོ་གཤེད་བཅུ་གཉིས་དགྲ་ལ་བྷྱོ། །དགྲ་བགེགས་བྱད་མ་དམ་ཉམས་འདི། །གཤིན་རྗེ་ཁྱོད་ཀྱིས་ཁྲམ་ལ་ཐོབ། །དུས་

[Full Size]

ལ་བབ་བོ་ས་མ་ཡ། །མ་གཡེལ་མ་འདའ་གཤིན་རྗེའི་ཚོགས། །དགྲ་བགེགས་སྟེང་དུ་མདོས་ཟོར་བསྒྱུར། །བཟློག་ཅིག་བསྒྱུར་ཅིག་ས་མ་ཡ། །བློ་མདོས་ཟོར་ཤ་ཁྲག་གཏོར་མ་འདིས༔ ད་ལྟ་རྣལ་འབྱོར་བདག་ཅག་ལ༔ སྡེ་བརྒྱད་ཆད་པ་བྱུང་བ་ཟློག༔ བྱད་ཟོར་ཕུར་ཁ་ཐམས་ཅད་ཟློག༔ བན་དེའི་སྔགས་ཟོར་འདུས་པ་ཟློག༔ མུ་སྟེགས་བོན་པོའི་ཛོ་དམར་ཟློག༔ ལྷ་འདྲེའི་ཟ་ཁ་ཟུག་པ་ཟློག༔ རྒྱལ་པོ་ལོ་ཡི་བདུན་ཟུར་ཟློག༔ བློན་པོ་ཟླ་བའི་དབང་བཙན་ཟློག༔ དམག་མི་ཞག་གི་དཔུང་དགྲ་ཟློག༔ མཚོན་ཆ་དུས་ཀྱི་རྣོ་ངར་ཟློག༔ སྤར་ཁའི་སྐྱ་མདའ་ཟུག་པ་ཟློག༔ སྨེ་བ་དུར་དུ་ཚུད་པ་ཟློག༔ ས་བདག་ཀོ་ལོང་གདུག་རྩུབ་ཟློག༔ འབྱུང་བའི་དགྲ་གཤེད་འཐབ་པ་ཟློག་གཟའ་སྐར་དུས་ཚོད་ངན་པ་ཟློག༔ ལོ་ཟླ་ཞག་དུས་བབ་པ་ཟློག༔ ཁྲམ་དང་བྱད་དུ་བཅུག་པ་ཟློག༔ ཧོམ་དང་པར་བུ་བསྐོར་བ་ཟློག༔ དགྲ་ཆེན་བདུད་དུ་ལང་བ་ཟློག༔ ལྟས་ངན་གློ་བུར་ཡེ་འདྲོགས་ཟློག༔ དུས་མིན་འཆི་བ་རྣམ་བརྒྱད་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ སྔོན་སྒུག་ཕྱིས་

[Full Size]

ནས་དེད་པ་ཟློག༔ དགྲ་སྣ་ཕུང་སྣ་གྱོད་སྣ་ཟློག༔ ནད་སྣ་རིམས་སྣ་ཡམས་སྣ་ཟློག༔ དགྲ་སྲི་རྨི་ངན་ཐམས་ཅད་ཟློག༔ ཆེ་སྲི་ཆུང་སྲི་རྒན་སྲི་ཟློག༔ གཞོན་སྲི་དར་སྲི་གོད་སྲི་ཟློག༔ དགྲ་སྲི་མཚོན་སྲི་ནད་སྲི་ཟློག༔ མདོར་ན་སྲིད་པའི་ཆག་སྒོ་དང་༔ བདག་ལ་གནོད་པའི་དགྲ་བགེགས་རྣམས༔ སྡང་བྱེད་དགྲ་ཡི་སྟེང་དུ་བྷྱོ༔ གནོད་བྱེད་བགེགས་ཀྱི་སྟེང་དུ་བྷྱོ༔ བར་ཆོད་བདུད་ཀྱི་སྟེང་དུ་བྱོ༔ ཟ་འདྲེ་ཕུང་སྲིའི་སྟེང་དུ་བྷྱོ༔ དམ་ཉམས་བྱེད་མའི་སྟེང་དུ་བྱོ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧུ་ལུ་ཧུ་ལུ། བཛྲ་ཙནྡྲ་གནོད་བྱེད་སརྦ་དུཥཱན་ད་ཧ་པ་ཙ་ཧཱུྃ་ཕཊ༔ ཨེ་ཀ་དུ་ན་ཟློག༔ མ་ཧཱ་དུ་ན་ཟློག༔ ས་ག་དུ་ན་ཟློག་ཙ་དུར་སྙིང་ལ་ཟློག༔ སུམ་ཏྲི་རཀྵ་ཟློག༔ བྱད་ཟོར་ཕུར་ཁ་ཆག་ཆེན་ཉམ་ང་ལྟས་ངན་ཆོ་འཕྲུལ་དུས་མིན་འཆི་བ་ཐམས་ཅད་མཱ་ར་ཡ་བྷྱོ་བློ་ཟློག་ཟློག༔ སྒྲུབ་ཆེན་ནས་ཟློག་པ་མང་བྱ་གསུངས་པས་གཞུང་ན་མེད་ཕྱིར་ཀིང་ཀང་གི་ཟློག་ཐུང་༢རཱ་ག་ཨ་སྱས་སབ་པའོ།། །།

བླ་བསླུ།

[Full Size]

བླ་བསླུ་བཞུགས་སོ། །འདིའི་ཆས་ལ། བླ་རྟགས་བླ་རྐང་བླ་གཡུ་བླ་མཚོ། བླ་བདུད་དང་ངར་གླུད་དགོས། འདིའི་ཆས་ལ་བླ་ཤིང་དཔག་བསམ་ལྗོན་ཤིང་། ཆུ་བོ་བརྒྱ་འབབ། བླ་བདུད་ནག་པོ། བླ་གླུད་ཆས་སྟན། ཤྭ་དཀར་ནག །བླ་མཚོ་བླ་རྟགས། བླ་གཡུ། བླ་རྐང་། སྲུང་མདའ་དཀར་པོ། ཚེ་ལྷ་དཀར་པོ་བྱའོ།

[Full Size]

ཡི་དམ་ལྷ་ལ་ཕྱག་འཚལ་ལོ། །འདིར་བླ་གླུད་བྱེད་པ་ལ། བླ་གླུད་ཕོ་མོ་གང་ཡིན་པའི་གཟུགས་ཆས་དང་ལྡན་པར་བྱས། གྲུབ་ན་ཚེ་བདུད། བླ་རྟགས་གཡག་གང་ཡིན་པ་དང་། དེའི་བླ་བདུད་ཀྱི་མགོ་ཅན་བྱས་ལ་བཞག །བླ་རྐང་རྟེན་དུ་བཞུགས། གཞན་སྤྲོས་བཅས་ལ་ཤྭ་དང་། བླ་མཚོ་ནང་དུ་བླ་རྟགས་མར་ལ་བཅས་ཏེ་བཞག །བདེན་པའི་སྟོབས་ཀྱིས་བླ་ཁྱེར་མི་གདོན་བགེགས་བཀུག་གཞུག་བྱ། སྔགས་དྲུག་ཕྱག་དྲུག་གིས་བྱིན་བརླབས་བྱས་ལ། མདའ་དར་ལག་ཏུ་ཐོགས་ལ་འདི་སྐད་དོ། །ཧཱུྃ། ང་ནི་དུས་གསུམ་བཞུགས་པ་ཡི། །ང་ནི་དུས་གསུམ་སྔོན་དུ་བྱུང་། །ང་ནི་དུས་གསུམ་ད་ལྟར་གནས། །ང་ནི་དུས་གསུམ་སླད་ནས་འབྱོན། །དུས་

[Full Size]

གསུམ་ཐམས་ཅད་ང་ཡི་དབང་། །ང་ནི་ཁྲག་འཐུང་ཆེན་པོ་སྟེ། །ཁམས་གསུམ་ཤ་ཁྲག་ང་ཡི་དབང་། །ང་ནི་རུས་འཆའ་ཆེན་པོ་སྟེ། །སྲིད་གསུམ་ཀེང་རུས་ང་ཡི་བདག །ང་ནི་ཤ་ཟ་ཆེན་པོ་སྟེ། །དབུགས་དང་བཀྲག་མདངས་ང་ཡི་བདག །དེ་ཕྱིར་སྣང་སྲིད་ལྷ་འདྲེ་ཀུན། །ང་ཡི་བཀའ་ལས་མ་འདའ་བར། །འདིར་བྱོན་ཚེ་སྲོག་གླུད་འདི་བཞེས། །ཚངས་པ་བརྒྱ་བྱིན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །སྣང་ཞིང་སྲིད་པའི་ལྷ་འདྲེ་ཀུན། །ས་ཆུ་བར་སྣང་ལ་གནས་པའི། །བྱམས་དང་གདུང་སེམས་ལྡན་པ་དག །གནོད་ཅིང་སྡང་

[Full Size]

སེམས་ལྡན་པ་རྣམས། །དེ་ཕྱིར་ཐར་དང་གླུད་འདི་འགྱེད། །དེ་རིང་སྲོག་དང་བླ་བསླུའོ། །རིགས་དྲུག་སེམས་ཅན་ཐམས་ཅད་ལ། །བཅོམ་ལྡན་འདས་ཀྱི་བཀའ་ཡོད་ཀྱིས། །འདིར་མི་ཡོངས་བའི་དབང་ཡང་མེད། །བཀའ་ལ་མི་ཉན་གང་ཡང་མེད། །འབྲུ་བཅུད་བདུད་རྩི་གསེར་སྐྱེམས་བཞེས། །མི་ཡོངས་བ་ཡི་དབང་ཡང་མེད། །ལན་ཆགས་གླུད་ཀྱི་གཏོར་མ་ལ། །མི་ཟ་བ་ཡི་དབང་ཡང་མེད། །ངར་ལ་དེ་ནི་སྤྱན་འདྲེན་ན། །གླུད་ལ་དེ་ནི་ད་ཚུར་གཤེགས། །ཨ་ནཱི་སུ་ཏྲི་པྲ་དུ་ཛཿ ཨ་ཀཆུ་ཡ་ཛ་ཛཿ ཨ་གརྫ་ཧཱུྃ། །ཅེས་སྤྱན་དྲངས། གླུད་བསྔོ། ཧཱུྃ། །དེ་རིང་ཁམས་གསུམ་དབང་དུ་བསྡུས། །དེ་རིང་སྲིད་གསུམ་ཟིལ་གྱིས་གནོན། །དེ་རིང་དུག་གསུམ་རྩད་ནས་གཅོད། །དེ་རིང་སྐུ་གསུམ་ལྷུན་གྱིས་གྲུབ། །དེ་རིང་སྲིད་པའི་དལ་ཁ་སྒྱུར། །དེ་རིང་བླ་དང་སྲོག་བསླུའོ། །བདག་དང་རྒྱུ་སྦྱོར་ཡོན་བདག་གི །བླ་སྲོག་ཚེ་དང་དབང་ཐང་རྣམས། །ཚངས་པའི་འཇིག་རྟེན་མན་ཆད་དང་། །།ན་རག་དམྱལ་ཁམས་ཡན་ཆད་ཀྱི། །གདོན་བགེགས་ཇི་སྲིད་ཡོད་པ་ཡི། །གང་གི་ལག་ན་འདུག་ཀྱང་རུང་། །གཤིན་རྗེའི་བཀའ་སྒྲོམ་ནང་དུ་བཅུག་

[Full Size]

པའམ། །དུར་ཁྲོད་བླ་རྐུན་བདག་མོའི་བླ་ཁྱེར་རམ། །གཤེད་བདག་གྲི་ཐོགས་ལ་སོགས་ཀྱིས། །སྡེ་བརྒྱད་གང་གི་ལག་ཏུ་འདུག་ཀྱང་རུང་། །དེ་རིང་བླ་གླུད་འབུལ་ལོ་བླ་སྲོག་བསླུ། །དུས་གསུམ་བདེ་གཤེགས་གཟུ་དང་དཔང་། །དེ་རིང་གླུད་འདི་བཞེས་ལ་མི་འདི་གློད། །བླ་གླུད་འབྲུ་མཆོག་ངར་གྱི་མི། །རྒྱུ་ནི་འབྲུ་སྣ་ལྔ་ལ་བྱས། །བསེ་རིམ་བམ་པོ་ཤ་རུ་བསྔོ། །ལུང་ཐང་མིག་ལ་ཞོ་ཤའི་སྙིང་། །དུང་ཆེན་གྲམ་པ་རུས་ལ་བསྔོ། །མཚལ་མཆོག་ལི་ཁྲི་ཁྲག་ཏུ་བསྔོ། །སོ་འདི་མགྲོན་བུ་ཐང་བཞེད་ལ། །ཟངས་ཀྱི་རྣ་བ་མཐིང་ཤུན་ཤངས། །ལྕམ་ཟེར་སྐུ་ལ་བྱི་རུའི་ལྗགས། །དབང་པོ་ལག་པ་ཟངས་ལྕགས་རྐང་། །མགོ་ལ་ཐོད་བཅིངས་ལུས་གོས་བཀོན། །སྐེད་ལ་ལིང་བཅིངས་ཞབས་ལ་ལྷམ། །མཛེས་པའི་ངར་གླུད་ངར་མི་འདི། །སྔགས་དང་ཕྱག་རྒྱས་བྱིན་གྱིས་བརླབས། །སྐྱེ་མཆེད་བཅུ་གཉིས་འདི་ལ་ཚང་། །ཁམས་ཆེན་བཅོ་བརྒྱད་འདི་ལ་ཚང་། །དབང་པོ་རྣམ་ལྔ་འདི་ལ་ཚང་། །།འདི་ནི་མི་ལས་དགའ་བའི་གླུད། །ཕོ་གླུད་ངར་མའི་ཆས་ཙམ་ན། །གཡུ་སྨུག་མགོ་ལ་དར་གོས་གསེར་དུ་ཚང་། །སྟག་རལ་

[Full Size]

གཡས་ལ་གཟིག་ཤུབས་གཡོན། །སྐྱེས་བུ་དགྲ་ལ་ཆས་པ་འདྲ། །སྐྱེས་པ་ཕོ་ཡི་གླུད་དུ་འབུལ། །མོ་གླུད་ངར་མའི་ཆས་ཙམ་ན། །གསེར་དངུལ་མགོ་ལ་དར་ཟབ་ལུས། །རིན་ཆེན་རྒྱན་ཆ་སྣ་ཚོགས་མཛེས། །མོ་བཙུན་བག་ལ་ཆས་པ་འདྲ། །ཟ་མ་མོ་ཡི་གླུད་དུ་འབུལ། །རིན་ཆེན་ངར་གྱི་མི་ཆེན་ལ། །ལོ་ཡི་འཆི་སྐག་ཡོད་པ་ཡང་། །བླ་གླུད་ངར་མི་འདི་ལ་སྤོ། །ཟླ་བའི་འཆི་སྐག་ཡོད་པ་ཡང་། །བླ་གླུད་ངར་མི་འདི་ལ་སྤོ། །ཞག་གི་འཆི་སྐག་ཡོད་པ་ཡང་། །བླ་གླུད་ངར་མི་འདི་ལ་སྤོ། །སྤར་ཁའི་འཆི་སྐག་ཡོད་པ་ཡང་། །བླ་གླུད་ངར་མི་འདི་ལ་སྤོ། །སྨེ་བའི་འཆི་སྐག་ཡོད་པ་ཡང་། །བླ་གླུད་ངར་མི་འདི་ལ་སྤོ། །མགོ་ནད་སྤྲིན་ལྟར་འཐིབ་པ་ཡང་། །བླ་གླུད་ངར་མི་འདི་ལ་སྤོ། །རྣ་བ་འོན་དང་འཐིབ་པ་དེ། །བླ་གླུད་འདི་ཡི་རྣ་བར་སྤོ། །ལྕེ་ནད་འཚུབ་ཅིང་གཡོ་བ་ཡང་། །བླ་གླུད་འདི་ཡི་ལྕེ་ལ་སྤོ། །གློ་བ་ལུག་ལྟར་འཁུན་པ་ཡང་། །བླ་གླུད་འདི་ཡི་གློ་བར་སྤྲོ། །མཆིན་ནད་ཉ་ལྟར་འགྱུར་བ་དེ། །བླ་གླུད་འདི་ཡི་མཆིན་པར་སྤྲོ། །མཁལ་ནད་ཆུ་ལྟར་ཁོལ་བ་དེ། །བླ་གླུད་འདི་ཡི་མཁལ་མར་སྤྲོ། །ནང་ཆ་བུ་དགུ་ན་བ་

[Full Size]

དེ། །བླ་གླུད་འདི་ཡི་ནང་ཆར་བསྔོ། །རྐང་ལག་གྲུམ་ཞིང་ན་བ་དེ། །བླ་གླུད་འདི་ཡི་རྐང་པར་སྤོ། །བླ་སྲོག་བསླུ་བའི་གླུད་དུ་འབུལ། །རྒྱས་པར་སྤྲོ་ན་སྣང་སྲིད་སྤྱི་བསྐང་བྱ། ཧཱུྃ། སྲིད་པའི་སྐོས་རྗེ་དམག་དཔོན་དང་། །གནམ་ལྷ་བྱང་ཆུབ་མན་ཆད་ནས། །རྒྱལ་པོ་ཐེའུ་ཡན་ཆད་དུ། །བླ་གླུད་འབུལ་ལོ་བླ་སྲོག་བསླུ། །གླུད་འདི་བཞེས་ལ་མི་འདི་གློད། །ཧཱུྃ། རེ་ལྡེ་མགོ་ཉག་མན་ཆད་ནས། །ནག་པོ་རབས་ཆད་ཡན་ཆོད་དུ། །བདུད་རྣམས་མ་ལུས་ཐམས་ཅད་ལ། །བླ་གླུད་འབུལ་ལོ་བླ་སྲོག་། བསླུ། །གླུད་འདི་འབུལ་ལོ་མི་འདི་གློད། །ཧཱུྃ། སྐོས་རྗེ་བཙན་པོ་མན་ཆོད་ནས། །ཤར་བ་ཕྲེང་ཐོགས་ཡན་ཆད་དུ། །བཙན་རྣམས་མ་ལུས་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། རྨུ་རྗེ་བཙན་པོ་མན་ཆད་ནས། །རྨུ་བཙན་ལེགས་སྦྱོར་ཡན་ཆད་དུ། །རྨུ་རྣམས་མ་ལུས་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། དགའ་བོ་འཇོག་པོ་མན་ཆད་ནས། །ནེའུ་སིང་དུང་སྐྱོང་ཡན་ཆད་དུ། །ཀླུ་རྣམས་མ་ལུས་

[Full Size]

ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། གཟའ་ཆེན་བརྒྱད་པོ་མན་ཆད་ནས། །རྒྱུ་སྐར་ཉེར་བརྒྱད་ཡན་ཆད་དུ། །གཟའ་རྣམས་མ་ལུས་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། གཙོ་བོ་ཡུམ་དྲུག་མན་ཆད་ནས། །འཇིག་རྟེན་མཁའ་འགྲོ་ཡན་ཆད་དུ། །མཁའ་འགྲོ་ཤུགས་འགྲོ་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། མ་བདུད་རྒྱལ་མོ་མན་ཆད་ནས། །གྲོང་རྒྱུ་བསེན་མོ་ཡན་ཆད་དུ། །མ་མོ་མ་ལུས་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ཀོང་བཙུན་དེ་མོ་མན་ཆད་ནས། །འབྲོག་བཙན་འཁོར་འདུས་ཡན་ཆད་དུ། །སྐྱོང་མ་ཡ་མ་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། སྲོག་བདག་རྒྱལ་པོ་མན་ཆད་ནས། །བེ་དཀར་རྒྱལ་པོ་ཡན་ཆད་དུ། །རྒྱལ་པོའི་སྡེ་ཚོགས་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། རྡོ་རྗེ་

[Full Size]

ལེགས་པ་མན་ཆད་ནས། །ཐེའུ་ཕྲ་མོ་ཡན་ཆད་དུ། །བགེགས་རྣམས་མ་ལུས་ཐམས་ཅད་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ཚངས་པ་འཇིག་རྟེན་མན་ཆད་ནས། །ས་འོག་ལྟོ་འཕྱེ་ཡན་ཆད་དུ། །བཀའ་སྣང་ཞིང་སྲིད་པའི་ལྷ་འདྲེ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ཤར་ཕྱོགས་ཚངས་པའི་འཇིག་རྟེན་ནས། །དབང་པོ་དཀར་པོ་རྡོ་རྗེ་འཛིན། །དྲི་ཟའི་གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ཤར་ལྷོ་མེ་ལྷའི་འཇིག་རྟེན་ནས། །དྲང་སྲོང་དམར་སྐྱ་མེ་ཐབ་འཛིན། །མེ་ལྷའི་གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླད་འདི་འབུལ་ལོ་མི་འདི་གློད། །ཧཱུྃ། ལྷོ་ཕྱོགས་གཤིན་རྗེའི་འཇིག་རྟེན་ནས། །གཤིན་རྗེ་ནག་པོ་བེ་ཅོན་འཛིན། །གྲུལ་བུམ་གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ལྷོ་ནུབ་སྲིན་པོའི་འཇིག་རྟེན་ནས། །བདེན་བྲལ་ནག་པོ་རལ་གྲི་འཛིན། །སྲིན་པོའི་

[Full Size]

གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ནུབ་ཕྱོགས་ཀླུ་ཡི་འཇིག་རྟེན་ན། །ཆུ་བདག་དཀར་པོ་སྦྲུལ་ཞགས་འཛིན། །ཀླུ་ཡི་གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ནུབ་བྱང་རླུང་ལྷའི་འཇིག་རྟེན་ན། །རླུང་ལྷ་ལྗང་གུ་བ་དན་འཛིན། །རིག་འཛིན་གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། བྱང་ཕྱོགས་གནོད་སྦྱིན་དཀྱིལ་འཁོར་ནས། །ནོར་སྐྱོང་སེར་པོ་དབྱུག་ཐོ་འཛིན། །གནོད་སྦྱིན་གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། བྱང་ཤར་འབྱུང་པོའི་འཇིག་རྟེན་ན། །དབང་ལྡན་དཀར་པོ་རྩེ་གསུམ་འཛིན། །འབྱུང་པོའི་གདོན་འཁོར་མང་པོ་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །སྡེ་བརྒྱད་ལ། ཧཱུྃ། ཤར་ཕྱོགས་དུང་མཁར་རྩེ་དགུ་ནས། །ལྷ་རབ་ཤམ་པོ་འཁོར་བཅས་ལ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་

[Full Size]

གློད། །ཧཱུྃ། ཤར་ལྷོ་བྲག་དམར་རྩེ་རྒྱལ་ནས། །ཤུ་བ་སྲོག་ཟན་འཁོར་དང་བཅས། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ༔ ལྷོ་ཕྱོགས་གཤིན་ཡུལ་ཟངས་ཐང་ནས། །ཡ་མ་རཱ་ཙ་འཁོར་དང་བཅས། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ལྷོ་ནུབ་ཤེལ་མཁར་རྩེ་དགུ་ནས། །སྐུ་ལྷ་གསང་བ་འཁོར་དང་བཅས། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ནུབ་ཕྱོགས་འཇའ་ཚོན་གུར་ཁང་ནས། །སྲིད་པའི་རྒྱལ་མོ་འཁོར་དང་བཅས། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། ནུབ་བྱང་རིན་ཆེན་སྐུ་མཁར་ནས། །ཀཱ་ལ་ཡཀྵ་འཁོར་དང་བཅས། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། བྱང་ཕྱོགས་བདུད་ཡུལ་མུན་གླིང་ནས། །སྐོས་རྗེ་དྲང་དཀར་འཁོར་དང་བཅས། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། བྱང་ཤར་རྒྱ་མཚོ་དུག་རི་ནས། །འཆི་བདག་ཀླུ་བདུད་འཁོར་དང་བཅས། །བློ་གླུད་

[Full Size]

འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །ཧཱུྃ། རི་རབ་གླིང་བཞིའི་ཕྱོགས་བཞི་ནས། །རྒྱལ་ཆེན་སྡེ་བཞིའི་བཀའ་འཁོར་དུ། །གཏོགས་པའི་དྲི་ཟ་གཤིན་རྗེ་དང་། །ཀླུ་དང་གནོད་སྦྱིན་ལ་སོགས་པ། །བླ་གླུད་འབུལ་ལོ་བླ་སྲོག་བསླུ། །གླུད་འདི་འབུལ་ལོ་མི་འདི་གློད། །དེ་ནས་ཞག་གྲངས་དུ་བྱས་ན་འདི་ཡན་འདོན། དེ་ནས་བླ་འགུགས་པ་ནི། བདེན་སྟོབས་བརྗོད་པ་ནི། ན་མོ། དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། སངས་རྒྱས་ཀྱི་བདེན་པ་དང་། །ཆོས་ཀྱི་བདེན་པ་དང་། དགེ་འདུན་གྱི་བཀའ་བདེན་པ་དང་། བདེན་པ་ཆེན་པོའི་བཀའ་སྣང་ཞིང་སྲིད་པའི་ལྷ་འདྲེ། འཆི་བདག་བདུད་ཀྱི་ལག་ནས་རྒེ་ཞེས་བྱ་བའི། བླ་སྲོག་ཁྱེར་བ་ཡོད་ན་དཀོན་མཆོག་གསུམ་གྱི་བདེན་པས་གཟུགས་ཕུང་འདི་ལ་ཁུག་ཅིག །ཅེས་མང་དུ་བྱས་ལ་བཞག །དེ་ནས་བླ་རྟགས་མར་ལ་བཅས་པ་དེ་ཚེ་བདུད་སྔོན་དུ་ཞགས་པས་བཏགས་ཏེ་བཞག་ལ། རང་གིས་སྣལ་མ་དཀར་པོ་བཟུང་ལ་འདི་སྐད་དོ། ཀྱཻ། ལྷ་འདྲེ་གཉིས་ཀྱི་སོ་མཚམས་ནས། །ལྷ་དང་བདུད་གཉིས་བླ་ཚེ་རྩོད། །མི་བླ་བཙད་པས་ལྷ་སྲུང་རྒྱལ། །ཚེ་བདུད་ནག་པོ་ཁྱི་

[Full Size]

མགོ་ཅན། །སྨུག་པོ་གདུང་གི་བླ་བདུད་ཡིན། །བདུད་པོ་ཁྱོད་ཀྱི་ཞགས་མིག་ན། །ཤེའུ་ཆུང་སྨུག་པོ་ཁྱེར་ཏེ་གདའ། །ཚེ་གླུད་སྲོག་སྐྱིན་འདི་བཞེས་ལ། །ཤེའུ་ཆུང་མི་ཡི་བླ་རུ་བསླུ། །བདུད་ཞགས་ནག་པོ་ཁྱེད་ཀྱིས་བསྐྱིལ། །བདུད་ཀྱི་ཁྲམ་ཁ་ཁྱོད་ཀྱིས་སྒྱུར། །ན་ངོ་ཤི་ལྟས་ཁྱོད་ཀྱིས་སྒྱུར། །མོ་ངན་རྩིས་ངན་ཁྱོད་ཀྱིས་སྒྱུར། །མགུརྨིས་ལྟས་པྲ་ངན་ཁྱོད་ཀྱིས་སྒྱུར། །ལྷ་འདྲེའི་དལ་ཁ་ཁྱོད་ཀྱིས་སྒྱུར། །དུས་མིན་འཆི་བ་ཁྱོད་ཀྱིས་སྒྱུར། ཀྱཻ། བདུད་པོ་ནག་པོ་རྒྱ་སྟག་མགོ །མིག་ཚངས་སྒ་ཡི་བླ་བདུད་ཡིན། །བདུད་པོ་ཁྱོད་ཀྱི་ཞགས་མིག་ན། །རྟེའུ་ཆུང་དམར་པོ་ཁྱེར་ཏེ་གདའ། །ཚེ་གླུད་སྲོག་སྐྱིན་འདི་བཞེས་ལ། །རྟེའུ་ཆུང་མི་ཡིས་བླ་རུ་བསླུ། །བདུད་ཞགས་ནག་པོ་ཁྱེད་ཀྱིས་བསྐྱིལ། །བདུད་ཀྱི་ཁྲམ་ཁ་ཁྱོད་ཀྱིས་སྒྱུར། །ན་ངོ་ཤི་ལྟས་ཁྱོད་ཀྱིས་སྒྱུར། །མོ་ངན་རྩིས་ངན་ཁྱོད་ཀྱིས་སྒྱུར། །རྨིས་ལྟས་པྲ་ངན་ཁྱོད་ཀྱིས་སྒྱུར། །ལྷ་འདྲེའི་དལ་ཁ་ཁྱོད་ཀྱིས་སྒྱུར། །དུས་མིན་འཆི་བ་ཁྱོད་ཀྱིས་སྒྱུར། ཀྱཻ། བདུད་པོ་ནག་པོ་དོམ་མགོ་ཅན། །ཨ་ལྕགས་འབྲུ་ཡི་བླ་བདུད་ཡིན། །བདུད་པོ་ཁྱོད་ཀྱི་ཞགས་མིག་ན། །

[Full Size]

འབྲོང་བེའུ་སྨུག་པོ་ཁྱེར་ཏེ་གདའ། །ཚེ་གླུད་སྲོག་སྐྱིན་འདི་བཞེས་ལ། །འབྲོང་ཆུང་མི་ཡི་བླ་རུ་བསླུ། །བདུད་ཞགས་ནག་པོ་ཁྱེད་ཀྱིས་བསྐྱིལ། །བདུད་ཀྱི་ཁྲམ་ཁ་ཁྱོད་ཀྱིས་སྒྱུར། །ན་ངོ་ཤི་ལྟས་ཁྱོད་ཀྱིས་སྒྱུར། །མོ་ངན་རྩིས་ངན་ཁྱོད་ཀྱིས་སྒྱུར། །རྨིས་ལྟས་པྲ་ངན་ཁྱོད་ཀྱིས་སྒྱུར། །ལྷ་འདྲེའི་དལ་ཁ་ཁྱོད་ཀྱིས་སྒྱུར། །དུས་མིན་འཆི་བ་ཁྱོད་ཀྱིས་སྒྱུར། ཀྱཻ། བདུད་པོ་ནག་པོ་སྤྱང་ཀིའི་མགོ །ཞང་ཞུང་དབྲ་ཡི་བླ་བདུད་ཡིན། །བདུད་པོ་ཁྱོད་ཀྱི་ཞགས་མིག་ན། །དུང་གི་ལུ་གུ་ཁྱེར་ཏེ་གདའ། །ཚེ་གླུད་སྲོག་སྐྱིན་འདི་བཞེས་ལ། །ལུ་གུ་མི་ཡི་བླ་རུ་བསླུ། །བདུད་ཞགས་ནག་པོ་ཁྱེད་ཀྱིས་བསྐྱིལ། །བདུད་ཀྱི་ཁྲམ་ཁ་ཁྱོད་ཀྱིས་སྒྱུར། །ན་ངོ་ཤི་ལྟས་ཁྱོད་ཀྱིས་སྒྱུར། །མོ་ངན་རྩིས་ངན་ཁྱོད་ཀྱིས་སྒྱུར། །རྨིས་ལྟས་པྲ་ངན་ཁྱོད་ཀྱིས་སྒྱུར། །ལྷ་འདྲེའི་དལ་ཁ་ཁྱོད་ཀྱིས་སྒྱུར། །དུས་མིན་འཆི་བ་ཁྱོད་ཀྱིས་སྒྱུར། ཀྱཻ། བདུད་པོ་ནག་པོ་ཟངས་འཕར་མགོ །ཞང་པོ་སྒ་ཡི་བླ་བདུད་ཡིན། །བདུད་པོ་ཁྱོད་ཀྱི་ཞགས་མིག་ན། །གཡུ་ཡི་ར་ཐོང་ཁྱེར་ཏེ་གདའ། །ཚེ་གླུད་སྲོག་སྐྱིན་འདི་བཞེས་ལ། །ར་ཐོང་མི་ཡི་བླ་རུ་བསླུ། ཀྱཻ། བདུད་

[Full Size]

པོ་ནག་པོ་གཟིག་གི་མགོ །དབལ་ཟླ་གཉིས་ཀྱི་བླ་བདུད་ཡིན། །བདུད་པོ་ཁྱོད་ཀྱི་ཞགས་མིག་ན། །ཟངས་ཁྱི་དམར་པོ་ཁྱེར་ཏེ་གདའ། །ཚེ་གླུད་སྲོག་སྐྱིན་འདི་བཞེས་ལ། །ཟངས་ཁྱི་མི་ཡི་བླ་རུ་བསླུ། །བདུད་ཞགས་ནག་པོ་ཁྱོད་ཀྱིས་བསྐྱིལ། །བདུད་ཀྱི་ཁྲམ་ཁ་ཁྱོད་ཀྱིས་སྒྱུར། །ན་ངོ་ཤི་ལྟས་ཁྱོད་ཀྱིས་སྒྱུར། །མོ་ངན་རྩིས་ངན་ཁྱོད་ཀྱིས་སྒྱུར། །རྨིས་ལྟས་པྲ་ངན་ཁྱོད་ཀྱིས་སྒྱུར། །ལྷ་འདྲེའི་དལ་ཁ་ཁྱོད་ཀྱིས་སྒྱུར། །དུས་མིན་འཆི་བ་ཁྱོད་ཀྱིས་སྒྱུར། །ཅེས་ཞགས་པ་དཀར་ནག་ཕྱེས་ལ། བླ་རྟགས་བླ་མཚོའི་ནང་དུ་འཕངས་ལ་གཡས་སུ་ལན་གསུམ་དཀྲུགས་ནས་ཡར་ལྷ་སྲུང་དང་བསྲུང་བྱ་ལ་ཁ་གྱུ་ན་བཟང་། དེ་མིན་ན་ད་རུང་རིམ་གྲོ་དགོས། ཤྭ་ལ་མིག་མང་དུ་བྱས། དེ་ནས་བླ་མཚོ་དཀྲུགས་ལ། ཀྱཻ། བླ་མཚོ་བདུད་རྩི་རོལ་པའི་མཚོ། །གཡས་སུ་ལན་གསུམ་དཀྲུགས་པ་ཡིས། །བོད་མིའུ་རུས་དྲུག་བླ་རྟགས་འདི། །བསླུ་མེད་དཀོན་མཆོག་བདེན་པ་ཡིས། །ལེགས་ཉེས་པྲ་བརྟག་བསྟན་དུ་གསོལ། །ཞེས་དཀྲུག་གོ །དེ་ནས་ཞྭ་དཀར་ནག་འཕང་བ་ནི། ཀྱཻ། སྐྱབས་གསུམ་བསླུ་མེད་དཀོན་མཆོག་བདེན་པ་ཡིས། །དེང་འདིར་རྒྱུ་སྦྱོར་ཡོན་བདག་ལ། །ལེགས་ཉེས་གྲྭ་ལ་

[Full Size]

པྲ་བརྟག་སྟོན། །རྒྱུ་སྟག་བུ་ཆུང་ཁྱི་རྒོད་དང་། །རལ་པ་ཅན་གྱིས་ཤཱ་དཔོན་མཛོད། །རྒྱལ་ལོ་རྒྱལ་ལོ་ལྷ་རྒྱལ་ལོ། །ཞེས་འཕང་། བླ་རྐང་དང་། བླ་རྟགས་ཡར་བླངས་ཕུག་ཏུ་བཞག །བླ་གཡུ་མགུལ་དུ་བཏགས། བླ་གཡུ་ནི་སྔོན་ནས་བདུད་ཀྱི་ཀ་སྒྲོམ་ནང་དུ་བཞག །དེ་ནས་ད་ལྟ་ཡར་བླང་ངོ་། །དེ་ནས་བླ་གླུད་འབུལ་བ་ནི། གཞན་སྔར་ལྟར་ཕྱིར་བཤམས། ཀྱཻ། ད་ནི་བདུད་ལ་ལམ་བསྟན་ནོ། ད་ནི་གླུད་ལ་ལམ་བསྟན་ནོ། །གླུད་དང་ཡས་བརྫང་ཤར་དུ་རྫོང་། །སེང་གེ་དཀར་མོའི་ཁ་ནང་ན། །གཡུ་འབྲུག་སྔོན་མོ་ཁྱེར་ཏེ་གདའ། །སེང་གེ་བདུད་ཀྱི་སྤྲུལ་པ་ཡིན། །གཡུ་འབྲུག་མི་ཡི་བླ་རྟགས་ཡིན། །སེང་གེ་ཁྱོད་ལ་གླུད་མདོས་འབུལ། །གཡུ་འབྲུག་མི་ཡི་བླ་རུ་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫང་ལྷོ་རུ་རྫོང་། །རྒྱ་སྟག་དམར་པོའི་ཁ་ནང་ན། །དྲེལ་ཆུང་དམར་པོ་ཁྱེར་ཏེ་གདའ། །རྒྱ་སྟག་བདུད་ཀྱི་སྤྲུལ་པ་སྟེ། །དྲེལ་ཆུང་མི་ཡི་བླ་རྟགས་ཡིན། །རྒྱ་སྟག་ཁྱོད་ལ་གླུད་མདོས་འབུལ། །དྲེལ་ཆུང་མི་ཡི་བླ་རུ་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་

[Full Size]

གསོལ། ཀྱཻ། གླུད་དང་ཡས་བརྗོང་ནུབ་ཏུ་རྫོང་། །ནུབ་སྐྱ་ཁྲ་ཧོར་བའི་ཁ་ནང་ན། །བྱིའུ་ཆུང་དམར་པོ་ཁྱེར་ཏེ་གདའ། །སྐྱ་ཁྲ་བདུད་ཀྱི་སྤྲུལ་པ་སྟེ། །བྱིས་ཆུང་མི་ཡི་བླ་རྟགས་ཡིན། །སྐྱ་ཁྲ་ཁྱོད་ལ་གླུད་མདོས་འབུལ། །བྱིས་ཆུང་མི་ཡི་བླ་རུ་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫོང་བྱང་དུ་རྫོང་། །སྲམ་ཐང་སྔོན་མོའི་ཁ་ནང་ན། །གསེར་གྱི་ཉ་མོ་ཁྱེར་ཏེ་གདའ། །སྲམ་ཐང་བདུད་ཀྱི་སྤྲུལ་པ་སྟེ། །ཉ་མོ་མི་ཡི་བླ་རྟགས་ཡིན། །སྲམ་ཐང་ཁྱེད་ལ་གླུད་མདོས་འབུལ། །འདོད་ཡོན་རྫོ་ངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫང་ཤར་ལྷོར་རྫོང་། །དོམ་བུ་ཐུག་དཀར་ཁ་ནང་ན། །བྲེ་སྔོན་འབྲོང་བུ་ཁྱེར་ཏེ་གདའ། །དོམ་བུ་བདུད་ཀྱི་སྤྲུལ་པ་སྟེ། །འབྲིང་བུ་མི་ཡི་བླ་རྟགས་ཡིན། །དོམ་བུ་ཁྱེད་ལ་གླུད་མདོས་འབུལ། །འབྲོང་བུ་མི་ཡི་བླ་རུ་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫོང་ལྷོ་ནུབ་རྫོང་། །

[Full Size]

སྤྱང་ཐང་སྔོན་མོའི་ཁ་ནང་དུ། །དུང་གི་ལུ་གུ་ཁྱེར་ཏེ་གདའ། །སྤྱང་ཐང་བདུད་ཀྱི་སྤྲུལ་པ་སྟེ། །ལུ་གུ་མི་ཡི་བླ་རྟགས་ཡིན། །སྤྱང་ཐང་ཁྱེད་ལ་གླུད་མདོས་འབུལ། །ལུ་གུ་མི་ཡི་བླ་རུ་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫང་ནུབ་བྱང་རྫོང་། །འཕར་བ་དམར་མོའི་ཁ་ནང་ནས། །གཡུ་ཡི་ར་ཐོང་ཁྱེར་ཏེ་གདའ། །འཕར་བ་བདུད་ཀྱི་སྤྲུལ་པ་སྟེ། །ར་ཐོང་མི་ཡི་བླ་རྟགས་ཡིན། །འཕར་བ་ཁྱེད་ལ་གླུད་མདོས་འབུལ། །ར་ཐོང་མི་ཡི་བླ་རུ་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫང་བྱང་ཤར་རྫོང་། །དྲེད་མོང་རལ་ཆེན་ཁ་ནང་ན། །གསེར་གྱི་ཕྱི་བ་ཁྱེར་ཏེ་གདའ། །དྲེད་མོང་བདུད་ཀྱི་སྤྲུལ་པ་རེད། །ཕྱི་བ་མི་ཡི་བླ་རྟགས་ཡིན། །དྲེད་མོང་ཁྱོད་ལ་གླུད་མདོས་འབུལ། །ཕྱི་བ་མི་ཡི་བླ་རུ་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫང་སྟེང་དུ་རྫོ་ང་། །ཡ་བདུད་རྒྱལ་པོའི་ཁ་ནང་དུ། །ཡོན་བདག་བླ་ཚེ་

[Full Size]

ཁྱེར་ཏེ་གདའ། །ཡ་བདུད་བདུད་ཀྱི་སྤྲུལ་པ་སྟེ། །ཡོན་བདག་གླུད་ཀྱི་བདག་པོ་ཡིས། །ཡ་བདུད་ཁྱོད་ལ་གླུད་ཡས་འབུལ། །ཡོན་བདག་ཚེ་སྲོག་གླུད་ཀྱིས་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། ཀྱཻ། གླུད་དང་ཡས་བརྫང་འོག་ཏུ་རྫོང་། །མ་བདུད་རྒྱལ་མོའི་ཁ་ནང་ན། །ཡོན་བདག་བླ་ཆེ་ཁྱེར་ཏེ་གདའ། །མ་བདུད་བདུད་ཀྱི་སྤྲུལ་པ་སྟེ། །ཡོན་བདག་གླུད་ཀྱི་བདག་པོ་ཡིས། །མ་བདུད་ཁྱེད་ལ་གླུད་ཡས་འབུལ། །ཡོན་བདག་ཚེ་སྲོག་གླུད་ཀྱིས་བསླུ། །འདོད་ཡོན་རྫོངས་འདེབས་ལམ་བསྟན་ནོ། །རྐྱེན་དང་བར་ཆད་བསྒྱུར་དུ་གསོལ། །འདི་ནས་འོག་གི་ཕྱོགས་རོལ་ན། །ཆོས་ཀྱི་རྒྱལ་པོའི་བཀའ་འཁོར་དུ། །ཨ་ཝ་གླང་མགོ་ལ་སོགས་པ། །ཁྲམ་ཐོགས་གཤིན་རྗེ་བསམ་མི་ཁྱབ། །ཚེ་གླུད་སྲོག་སྐྱིན་འདི་བཞེས་ལ། །བླ་སྲོག་ཉམས་པ་གླུད་ཀྱིས་བསླུ། །རྒྱལ་པོ་དེ་ཡི་གཡས་ཕྱོགས་ན། །བྱི་ན་ཡ་ཀ་ལ་སོགས་པའི། །ཕོ་གདོན་མང་པོ་འཁོར་དང་བཅས། །ཕོ་བླ་ཁྱེར་བ་གླུད་ཀྱིས་བསླུ། །རྒྱལ་པོ་དེ་ཡི་གཡོན་ཕྱོགས་ན། །ཁ་འབར་མ་མོ་ལ་སོགས་

[Full Size]

པའི། །མོ་གདོན་མང་པོ་འཁོར་དང་བཅས། །མོ་བླ་ཁྱེར་བ་གླུད་ཀྱིས་བསླུ། །རྒྱལ་པོ་དེ་ཡི་མདུན་ཕྱོགས་ན། །ནམ་གྲུ་ཁྱི་མགོ་ལ་སོགས་པའི། །ཆུང་གདོན་མང་པོ་འཁོར་དང་བཅས། །ཆུང་བླ་ཁྱེར་བ་གླུད་ཀྱིས་བསླུ། །རྒྱལ་པོ་དེ་ཡི་རྒྱབ་ཕྱོགས་ནི། །ནད་བདག་གོད་འདྲེ་བསམ་མི་ཁྱབ། །འདྲེ་སྲིན་གདོན་འཁོར་མང་པོ་ལ། །བླ་སྲོག་ཉམས་པ་གླུད་ཀྱིས་བསླུ། །གླུད་འདི་བཞེས་ལ་འགྲོ་བར་གྱིས། །ཚེ་སྲོག་ཉམས་པ་སོར་ཆུད་མཛོད། །ཕྱིན་ཆད་འཁོར་འདི་མོ་གནོད་པར། །ཞི་དང་ཕན་པའི་སེམས་ཀྱིས་གཤེགས། །བཛྲ་མུ༔ ཅེས་བླ་གླུད་ཆེན་མོ་སློབ་དཔོན་དགའ་རབ་རྡོ་རྗེ་དང་། པདྨ་འབྱུང་གནས་ཀྱིས་མཛད་པ་ལས། མན་ངག་གདམས་པ་རྣམས་ཀྱིས་དོན་རྒྱས་པར་སྤྲོས་ཏེ་ཕྱོགས་གཅིག་ཏུ། གསེར་འཕྱང་གི་ལོ་ལ། རྭ་ག་ཨ་སྱས་བསྒྲིགས་པ་འདིས་སེམས་ཅན་ཐམས་ཅད་ལ་ཕན་ཐོགས་པར་གྱུར་ཅིག །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་བསླུ་བཞུགས་པའི་དབུ་ཕྱོགས།

[Full Size]

བླ་བསླུ་བཞུགས་པའི་དབུ་ཕྱོགས་ལགས་སོ།

[Full Size]

བླ་བསླུ་བྱེད་པར་འདོད་ན། དང་པོ་སྐྱབས་འགྲོ་སེམས་བསྐྱེད་བྱ། རང་ཉིད་སྐད་ཅིག་གིས་ཡི་དམ་གང་ཡིན་དེ་བསྒོམ། མདའ་གཅིག་།འཕང་གཅིག །དར་དམར་པོ་དཀར་པོ་ཁ་གང་། སྐུད་པ་སྣ་ལྔ་མེ་ལོང་གཅིག་དོང་ཙེ་གཅིག །དེ་རྣམས་མདའ་ཡི་མགུལ་དུ་བཏགས་ལ། ཤ་བརླ་གཡས་པ་གཅིག་གོ་ར་གཅིག །ཤ་ཆང་མར་ཐུད་ཟས་སྣ་ཚོགས། ཤ་རུ་དཀར་པོ་གཅིག་ཡོན་བདག་གི་ལོ་སྐྱའི་གོས་དང་སྦྱར་ལ་གཟུངས་ཚེ་དཔག་མེད་ཀྱི་སྙིང་པོ་བརྗོད་ལ། བླ་བསླུ་ངར་མི་ལྔ་མར་མེ་ལྔ། ཟན་ཆངས་ལྔ་མཐེབ་ཀྱུ་ལྔ་བྱས་ལ། ལོ་མཐུན་པའི་མི་གཅིག་གིས་གཡས་ན་མདའ་དར་གཡུག་ཅིང་གཡོན་ན་ནད་པའི་གོས་བཟུང་ལ། ཕྱོགས་བཞི་མཚམས་བརྒྱད་ལ་འབོད་པར་བྱའོ། །བླ་ཁུག་མི་ཁུག་རྒྱུ་མ་ལ་ཚད། སྔོན་དང་འདྲ་ན་མ་ཁུག་

[Full Size]

རྟགས་ལྷག་ན་བཟང་བ་ཡིན། ཆད་ན་མི་འཆི་བའི་རྟགས་ཡིན། འབྲུ་བྲེ་གང་གི་སྟེང་དུ་ཡོན་བདག་གི་ཕོར་ནང་ཟས་སྣ་ཡོད་ཚད་བཤམས། ཁྱིམ་སྒོའི་མཐང་དཀྱིལ་དུ་འཐག་འདི་སྐད་དོ།། ཀྱཻ། ཚངས་པ་ལ་སོགས་ལྷ་ཆེན་བརྒྱད། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །ལྷ་ཡི་ལག་ནས་མི་བླ་བསླ། །ཉི་མ་ལ་སོགས་གཟའ་ཆེན་བརྒྱད། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །གཟའ་ཡི་ལག་ནས་མི་བླ་བསླུ། །དུ་བ་མཇུག་རིང་ལ་སོགས་པའི། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །གཟའ་བདུད་ལག་ནས་མི་བླ་བསླུ། །དབང་ལྡན་ལ་སོགས་ཕྱོགས་སྐྱོང་

[Full Size]

བཅུ། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །ཕྱོགས་སྐྱོང་ལག་ནས་མི་བླ་བསླུ། །ཆུ་ལྷ་སྲིན་པོ་ལ་སོགས་པའི། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །ཆུ་ལྷ་སྲིན་པོའི་ལག་ནས་མི་བླ་བསླུ། །རླུང་ལྷ་གཟའ་སྐར་ལ་སོགས་པའི། །རྩང་ཀུན་ལ་སོགས་ས་བདག་རྣམས། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །ས་བདག་ལག་ནས་མི་བླ་བསླུ། །རྒྱལ་རིགས་སེར་པོ་ལ་སོགས་པའི། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །ཀླུ་རྒྱལ་ལག་ནས་མི་བླ་བསླུ། །ཡུལ་འཁོར་སྲུང་ལ་སོགས་པ་ཡིས། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །རྒྱལ་ཆེན་ལག་ནས་མི་བླ་བསླུ། །དྲི་ཟ་གྲུལ་བུམ་ལ་སོགས་པའི། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །གནོད་སྦྱིན་ལག་ནས་མི་བླ་བསླུ། །མ་ཎི་བྷ་ཊ་ལ་སོགས་ནོར་སྲུང་བཞིས། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །ནོར་ལྷའི་ལག་ནས་མི་བླ་བསླུ། །གཙུག་ཕུད་གནོད་སྦྱིན་བདུད་རིགས་རྣམས། །བཀྲ་ཤིས་གཙང་མའི་ཡོན་ཆབ་འདི་བཞེས་ལ། །བདུད་ཀྱི་ལག་ནས་མི་བླ་བསླུ། །སྨིན་དྲུག་ལ་སོགས་རྒྱུ་སྐར་རྣམས། །བཀྲ་

[Full Size]

ཤིས་གཙང་མའི་ཡོན་ཆབ་འདི་བཞེས་ལ། །རྒྱུ་སྐར་ཉེར་བརྒྱད་ལག་ནས་མི་བླ་བསླུ། །ཆོས་ཀྱི་རྒྱལ་པོ་ལ་སོགས་པའི། །གཤིན་རྗེའི་ལག་ནས་མི་བླ་བསླུ། །དམུ་ཡི་ལག་ནས་མི་བླ་བསླུ། །བདུད་ཀྱི་ལག་ནས་མི་བླ་བསླུ། །ཡུལ་ལྷའི་ལག་ནས་མི་བླ་བསླུ། །དགྲ་ལྷའི་ལག་ནས་མི་བླ་བསླུ། །ཐབ་ལྷའི་ལག་ནས་མི་བླ་བསླུ། །ཁྱིམ་ལྷ་གེལ་ཐུང་ལག་ནས་མི་བླ་བསླུ། །རྒྱུ་སྦྱོར་ཡོན་གྱི་བདག་པོ་ཁྱོད། །ཕར་ལོ་མ་འགྲོ་ཚུར་ལ་ཤོག །ཁྱོད་ནི་གཤིན་རྗེའི་ཡུལ་དུ་ཅི་ལ་འགྲོ། །གཤིན་རྗེའི་འཇིགས་པ་ཞེ་རེ་ཆེ། །གཤིན་རྗེའི་ཡུལ་དུ་སྐྱུག་རེ་བྲོ། །གཤིན་རྗེའི་ཡུལ་དུ་མ་འགྲོ་ཞིག །ཁྱོད་གཤིན་ལམ་སྐྱ་མོར་ཅི་ལ་འགྲོ། །གཤིན་ཆུ་རབ་མེད་ཅི་ལ་བརྒལ། །ཕར་ལ་མ་འགྲོ་ཚུར་ལ་ཤོག །མི་ངོ་ཆེན་ཅན་གྱིས་བོས་པ་ཡིན། །མི་ངོ་ཤེས་ཅན་དང་འགྲོགས་ལ་ཤོག །གསུང་སྙན་གྲགས་པའི་སྐད་ལ་ཉོན་ལ་ཤོག །སིལ་སྙན་ཌཱ་རུའི་སྐད་ལ་ཉོན་ལ་ཤོག ། སྔགས་འཆང་བདག་གི་སྐད་ལ་ཉོན་ལ་ཤོག །དར་དཀར་གཡབ་པའི་ཕྱོགས་ལ་འགྲོགས་ལ་ཤོག །མདའ་མོ་ལྟོང་བཟང་འདི་ལ་བརྟེན་ལ་ཤོག །གསེར་འཕང་གཡུ་འཕང་འདི་

[Full Size]

ལ་བརྟེན་ལ་ཤོག །མ་མོ་མཁའ་འགྲོའི་ལག་ནས་མི་བླ་བསླུ། །འགོང་པོའི་ལག་ནས་མི་བླ་བསླུ། །རྒྱལ་འགོང་ལག་ནས་མི་བླ་བསླུ། །གྲི་བོ་གྲི་མོས་ལག་ནས་མི་བླ་བསླ། །མཐུ་ཆེན་གཉན་གྱི་སྲུང་མ་མཁྱེན། །བླ་ཡོད་མེད་གཉིས་ཀྱི་སོ་མཚམས་སུ། །བསྐལ་པ་སྟོང་གི་ལམ་དུ་སོང་། །སྙིང་རེ་རྗེ་ལ་ཤ་རེ་ཚ། །ཁྱོད་མི་ཡུལ་བུ་ཚ་ཅི་ལ་བྱེད། །ཤར་བདུད་ཤར་བཙན་ལག་ནས་མི་བླ་བསླུ། །ལྷོ་བདུད་ལྷོ་བཙན་ལག་ནས་མི་བླ་བསླུ། །ནུབ་བདུད་ནུབ་བཙན་ལག་ནས་མི་བླ་བསླུ། །བྱང་བདུད་བྱང་བཙན་ལག་ནས་མི་བླ་བསླུ། །བླ་རྡོ་གནམ་ལ་མ་འཕུར་ཅིག །བླ་རྡོ་ས་ལ་མ་འཛུལ་ཅིག །བདུད་དང་བཙན་གྱི་ལག་ནས་མི་བླ་བསླུ། །བླ་རྔ་གནམ་ལ་མ་གཡུག་ཅིག །བླ་རྔ་ས་ལ་མ་འཛུགས་ཤིག །བླ་བདག་རང་གི་གོ་ཟས་ཡོད། །བླ་ཡི་བརྟེན་ས་མདའ་དར་ཡོད། །གསལ་བྱེད་ལྷ་ཡི་མེ་ལོང་ཡོད། །ཡི་གེའི་བདག་པོ་སྟོང་ཙེ་ཡོད། །རྒྱན་ཆའི་དར་ཚོན་སྣ་ལྔ་ཡོད། །ཚོན་གྱི་སྐུད་པ་སྣ་ལྔ་ཡོད། །ཁྱོད་ཕར་ལ་མ་འགྲོ་ཚུར་ལ་ཤོག །མཛའ་བོ་ཤག་རོགས་འདི་ན་ཡོད། །ཁྱོད་ལ་ཁ་ཟས་ཤ་ཆང་གོས་ནི་འདི་ན་ཡོད། །ཁྱོད་ཀྱི་སྤུན་

[Full Size]

དང་ཕུ་ནུ་འདི་ན་ཡོད། །ཇ་ཆང་འོ་མ་འཚམས་པ་ཡོད། །བོས་པའི་སྐད་ལ་ཉོན་ལ་ཤོག །ཅི་འདོད་སྨོན་ལམ་བཏབ་པ་བཞིན། །ཚེ་རིང་ནད་མེད་ཕུན་ཚོགས་ལྔ། །ཡིད་བཞིན་ནོར་བུ་འོད་ལྡན་པ། །བདེ་ལེགས་ཐམས་ཅད་འབྱུང་བའི་བཀྲ་ཤིས་ཤོག །སངས་རྒྱས་སྐུ་གསུམ་བརྙེས་པའི་བཀྲ་ཤིས་ཤོག །ཅེས་བཀྲ་ཤིས་བརྗོད་བསྔོ་བ་སྨོན་ལམ་གྱིས་རྒྱས་བཏབ། ༈ དེ་ནས་ཡང་ཕོ་མོ་གང་ཡིན་ཀྱང་ཚེ་འགུགས་བྱ། སྨོན་ལམ་བཏབ་བཀྲ་ཤིས་བརྗོད། ཨ་རཱ་གས་མཛད་པའོ། །ཞལ་དྲོ། དགེའོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཨོ་རྒྱན་རིན་པོ་ཆེའི་གསོལ་འདེབས་བར་ཆད་རྐྱེན་སེལ་སུན་ཟློག

[Full Size]

ཨོ་རྒྱན་རིན་པོ་ཆེའི་གསོལ་འདེབས་བར་ཆད་རྐྱེན་སེལ་སུན་ཟློག་བཞུགས་སོ།

[Full Size]

ན་མོ་གུ་རུ་དྷེ་ཝ་དྷཀི་ནཱི། གནས་སྤྱི་བོའི་གཙུག་རོལ་སྟེང་གི་ཆར། །འཇའ་འོད་དཔུང་འཁྲིགས་པའི་གུར་ནང་ནས། །རྗེ་རྫོགས་པའི་སངས་རྒྱས་པདྨ་འབྱུང་། །སྐུ་དཀར་གསལ་སྟོན་ཀའི་ཟླ་རྒྱས་བཞིན། །ཞལ་འཛུམ་མཛེས་སྤྱན་གཉིས་ཞི་མ་ཁྲོ། །དབུ་པད་ཞྭ་རྒོད་ཀྱི་ལྡེམ་འཕྲུ་ཅན། །སྐུ་ཟབ་བེར་ཆོས་གོས་རྣམ་གསུམ་གསོལ། །ཕྱག་རྡོ་རྗེ་བྷནྡྷ་ཚེ་བུམ་བསྣམས། །ཡུམ་སྦས་ཚུལ་ཁ་ཊཾ་མཆན་ཁུང་བརྟེན། །ཞབས་རྡོ་རྗེ་སྐྱིལ་ཀྲུང་པད་ཟླའི་སྟེང་། །ཡེ་གདོད་ནས་དམ་ཡེ་དབྱེར་མེད་གྱུར། །ཕྱི་ནམ་མཁས་གར་ཁྱབ་འཁོར་འདས་ཀུན། །

[Full Size]

རྗེ་པད་འབྱུང་སྐུ་གསུང་ཐུགས་ཀྱིས་ཁྱབ། །གནས་ཞིང་ཁམས་རྒྱ་མཚོ་མ་ལུས་པ། །རྗེ་པད་འབྱུང་སྐུ་ལ་ཐམས་ཅད་རྫོགས། །རྗེ་སངས་རྒྱས་ཐམས་ཅད་འདུས་པའི་ཐུགས། །ཐུགས་ཆོས་སྐུའི་ངོ་བོ་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །ཡུམ་ཆོས་སྐུ་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དམ་ཆོས་ཐམས་ཅད་འདུས་པའི་གསུང་། །གསུང་ལོངས་སྐུའི་ངོ་བོ་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །ཡུམ་ལོངས་སྐུ་མཁའ་

[Full Size]

འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགེ་འདུན་ཐམས་ཅད་འདུས་པའི་སྐུ། །སྐུ་སྤྲུལ་སྐུའི་ངོ་བོ་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །ཡུམ་སྤྲུལ་སྐུ་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་པད་འབྱུང་སྐུ་ཡི་གནས་ལྔ་ལ། །དཔལ་རིགས་ལྔའི་དཔའ་བོ་ཌཱཀྐི་ཚོགས། །བདག་གསོལ་བ་འདེབས་སོ་ཐུགས་རྗེས་ཟུངས། །ཡུམ་ཡེ་ཤེས་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་པད་འབྱུང་སྐུ་ཡི་རྩ་གནས་ལ། །ཡུལ་ཉེར་བཞིའི་དཔའ་བོ་ཊཀྐིའི་ཚོགས། །བདག་གསོལ་བ་འདེབས་སོ་ཐུགས་རྗེས་ཟུངས། །ཕ་གནས་སྐྱེས་ཞིང་སྐྱེས་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་པད་འབྱུང་སྐུ་ཡི་ཆ་ལུགས་ལ། །མ་ཌཱཀྐི་འབུམ་ཚོ་ཉི་ཤུའི་ཚོགས། །བདག་གསོལ་བ་འདེབས་སོ་ཐུགས་རྗེས་ཟུངས། །མ་འབུམ་ཕྲག་མཁའ་འགྲོའི་

[Full Size]

སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགོངས་པ་ཤར་དུ་བསྐྱོད་ཙ་ན། །ཤར་ཞི་མཛད་རྡོ་རྗེ་ཐོད་ཕྲེང་རྩལ། །བདག་གསོལ་བ་འདེབས་སོ་ཐུགས་རྗེས་ཟུངས། །ཤར་རྡོ་རྗེ་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཆེ་ཡི་དངོས་གྲུབ་སྩོལ། །རྗེ་དགོངས་པ་ལྷོ་རུ་བསྐྱོད་ཙ་ན། །ལྷོ་རྒྱས་མཛད་རཏྣ་ཐོད་ཕྲེང་རྩལ། །བདག་གསོལ་བ་འདེབས་སོ་ཐུགས་རྗེས་ཟུངས། །ལྷོ་རིན་ཆེན་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགོངས་པ་ནུབ་ཏུ་བསྐྱོད་ཙ་ན། །ནུབ་དབང་མཛད་པདྨ་ཐོད་ཕྲེང་རྩལ། །བདག་གསོལ་བ་འདེབས་སོ་ཐུགས་རྗེས་ཟུངས། །ནུབ་པདྨ་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགོངས་པ་བྱང་དུ་བསྐྱོད་ཙ་ན། །བྱོང་དྲག་མཛད་ཀརྨ་ཐོད་ཕྲེང་རྩལ། །བདག་གསོལ་བ་འདེབས་སོ་ཐུགས་རྗེས་ཟུངས། །བྱང་ལས་ཀྱི་མཁའ་འགྲོའི་སུན་མ་

[Full Size]

ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགོངས་པ་དབུས་སུ་བསྐྱོད་ཙ་ན། །དབུས་ལྷུན་གྲུབ་བུདྡྷ་ཐོད་ཕྲེང་རྩལ། །བདག་གསོལ་བ་འདེབས་སོ་ཐུགས་རྗེས་ཟུངས། །དབུས་སངས་རྒྱས་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགོངས་པ་ཕྱོགས་མཚམས་བསྐྱོད་ཙ་ན། །སྐུ་གང་འདུལ་གུ་རུ་མཚན་བརྒྱད་མཆོག །བདག་གསོལ་བ་འདེབས་སོ་ཐུགས་རྗེས་ཟུངས། །མ་དུར་ཁྲོད་མཁའ་འགྲོའི་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགོངས་པ་བོད་ཡུལ་བསྐྱོད་ཙ་ན། །དཔལ་རྡོ་རྗེ་གྲོ་ལོད་ཞི་མ་ཁྲོ། །བདག་གསོལ་བ་འདེབས་སོ་ཐུགས་རྗེས་ཟུངས། །སྲིང་བརྟན་མ་བཅུ་གཉིས་སུན་མ་ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །རྗེ་དགོངས་པ་དྲག་པོར་ཁྲོས་ཙ་ན། །དཔལ་གུ་རུ་དྲག་པོ་ཁྲོ་བོའི་རྒྱལ། །བདག་གསོལ་བ་འདེབས་སོ་ཐུགས་རྗེས་ཟུངས། །བཀའ་སྣང་སྲིད་ལྷ་འདྲེའི་སུན་མ་

[Full Size]

ཟློག །རྐྱེན་དུས་མིན་འཆི་བའི་བར་ཆད་སོལ། །མཆོག་ཐུན་མོང་ཚེ་ཡི་དངོས་གྲུབ་སྩོལ། །མི་བདག་གི་ལུས་དང་ལོངས་སྤྱོད་རྣམས། །དཔེ་ཀུན་བཟང་མཆོད་སྤྲིན་ལྟ་བུར་གྱུར། །རྗེ་པད་འབྱུང་མཁའ་འགྲོའི་ཚོགས་ལ་འབུལ། །བདག་དེ་ལྟར་མཆོད་ཅིང་གསོལ་བཏབ་པས། །ཕྱག་ཚེ་བུམ་ནང་ནས་བདུད་རྩི་བབས། །རྐྱེན་བར་ཆད་ནད་གདོན་སྡིག་སྒྲིབ་དག །ལུས་དྲི་མེད་ཤེལ་སྒོང་ལྟ་བུར་གྱུར། །རྗེ་པད་འབྱུང་འོད་ཞུ་བདག་ལ་ཐིམ། །མི་བདག་དང་དབྱེར་མེད་གཅིག་ཏུ་འདྲེས། །རྗེ་ཨུ་རྒྱན་གུ་རུ་ཚེ་དཔག་མེད། །དུས་སྟན་ཐོག་འདི་ལ་འགྲུབ་གྱུར་ནས། །བདག་འཆི་མེད་རྡོ་རྗེའི་སྐུ་ཐོབ་ཤོག །ཨོཾ་ཨཱཿཧཱུྃ་བཛྲ་གུ་རུ་པདྨ་ཨཱ་ཡུ་སིདྡྷི་ཧཱུྃ་ཧཱི༔ གུ་རུ་ཚེ་དཔག་མེད་ཀྱི་སྔགས་འདི་ཅི་ནུས་བཟླའོ། །ཨོཾ་དྷ་ཀ་ནི་ཧཱུྃ༔ ས་ར་ན་ན་མུ་ཁུ་ས་དུ་ན་ཟློག །སུན་མ་བཟློག་པའི་སྔགས་འདི་དུས་བཟང་དུས་བརྒྱའམ་ཉེར་གཅིག་གམ་བདུན་ཙམ་བཟླའོ། །ཧཱུྃ་དྷ་ར་དྷ་དྷ། མཁའ་འགྲོ་མ་རྣམས་ཁྲོས་པའི་སྔགས་འདི་གལ་ཆེ་ན་ཅུང་ཟད་བཟླས་མང་བར་མི་བྱའོ། །ཞེས་པ་འདི་རཱ་ག་ཨ་སྱས་ནད་དྲག་པོའི་བཏབ་ནས་འཆི་བའི་རྟགས་མང་དུ་ཚང་ནས་བྱུང་དུས། འདི་ལྟར་ཡིད་ཀྱིས་གསོལ་བ་བཏབ་པས། ཕྱིས་ནད་ལས་གྲོལ་ཏེ་དུས་གཞན་ལ་མི་ཕན་

[Full Size]

མི་སྲིད་སྙམ་ནས་ཡི་གེར་བཀོད་པ་ཡིན།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སུན་ཟློག་དཔའ་བོ་གདན་བཞུགས་ཀྱི་གསོལ་འདེབས།

[Full Size]

སུན་ཟློག་དཔའ་བོ་གདན་བཞུགས་ཀྱི་གསོལ་འདེབས་བཞུགས་སོ།།

[Full Size]

ན་མོ་གུ་རུ་ཌཱཀི་ནཱི་ཡེ། རང་བཞིན་དག་པའི་གནས་མཆོག་ནས༔ བཅོམ་ལྡན་པདྨ་ཐོད་ཕྲེང་རྩལ༔ ས་ལ་གནས་དང་ཚེ་ལ་དབང་༔ ལྷུན་གྲུབ་ཕྱག་རྒྱ་ཆེན་པོ་སོགས༔ རིག་འཛིན་རྣམས་ལ་གསོལ་བ་འདེབས༔ རིག་འཛིན་སུན་མ་བཟློག་ཏུ་གསོལ༔ འཆི་མེད་ཚེ་ཡི་དངོས་གྲུབ་སྩོལ༔ རང་བྱུང་ཨོ་རྒྱན་གནས་མཆོག་ནས༔ རྟ་མཆོག་རྒྱལ་པོ་ཧེ་རུ་ཀ༔ རྡོ་རྗེ་ཕག་མོ་ཡུམ་དང་བཅས༔ ཡབ་ཡུམ་སྐུ་ཡི་དཀྱིལ་འཁོར་ནས༔ འབུམ་ཚོ་ཉི་ཤཱུ་ཐམ་པ་ཡི༔ མཁའ་འགྲོར་བཅས་ལ་གསོལ་བ་འདེབས༔ དཔའ་བོ་མཁའ་འགྲོའི་སུན་མ་དང་༔ ཡེ་

[Full Size]

ཤེས་སུན་མ་བཟློག་ཏུ་གསོལ༔ འཆི་མེད་ཚེ་ཡི་དངོས་གྲུབ་སྩོལ༔ མཁའ་དབྱིངས་བདེ་ཆེན་ཞིང་ཁམས་ནས༔ བདུད་འདུལ་མ་དང་དངོས་གྲུབ་དཔལ༔ དྲི་མེད་མ་དང་ཕྲིན་ལས་བདག༔ སངས་རྒྱས་མཁའ་འགྲོ་ལ་སོགས་པ༔ རིགས་ལྔའི་མཁའ་འགྲོ་འབུམ་ཕྲག་ལྔར༔ གསོལ་བ་འདེབས་སོ་བྱིན་གྱིས་རློབས༔ དབྱིངས་ཀྱི་སུན་མ་བཟློག་ཏུ་གསོལ༔ འཆི་མེད་ཚེ་ཡི་དངོས་གྲུབ་སྩོལ༔ འཛམ་གླིང་གནས་མཆོག་ཉེར་བཞི་ནས༔ མཁའ་འགྲོ་དཔའ་བོ་ཉི་ཤཱུ་བཞི༔ འཁོར་ནི་བྱེ་བ་འབུམ་ཕྲག་སྟེ༔ ལ་ལ་མི་སྡུག་རྒན་མོར་སྟོན༔ ལ་ལ་

[Full Size]

གཞོན་ཚུལ་མཛེས་པའི་གཟུགས༔ ཅིར་ཡང་སྤྲུལ་ལ་གསོལ་བ་འདེབས༔ གནས་སྐྱེས་སུན་མ་བཟློག་ཏུ་གསོལ༔ འཆི་མེད་ཚེ་ཡི་དངོས་གྲུབ་སྩོལ༔ ཨོ་རྒྱན་ཡུལ་གྱི་ཕྱོགས་མཚམས་ན༔ དུར་ཁྲོད་བརྒྱད་ན་བཞུགས་པ་ཡི༔ མཁའ་འགྲོ་བརྒྱད་དང་གདོང་ཅན་བརྒྱད༔ ཞིང་སྐྱོང་ཕྱོགས་སྐྱོང་ལ་སོགས་པ༔ འབུམ་ཕྲག་དུ་མའི་འཁོར་བཅས་པའི༔ དུར་ཁྲོད་མཁའ་འགྲོར་གསོལ་བ་འདེབས༔ ཤ་ཟའི་སུན་མ་བཟློག་ཏུ་གསོལ༔ འཆི་མེད་ཚེ་ཡི་དངོས་གྲུབ་སྩོལ༔ འདི་ནས་་གཡུ་མཚོ་མུ་ལེ་མཐིང་གི་དབུས༔ རིན་ཆེན་ཐོད་པའི་སྐུ་མཁར་ནས༔ དཔལ་ལྡན་ལྷ་མོ་དཔོན་དང་གཡོག༔ ནག་མོ་འབུམ་སྡེ་འཁོར་བཅས་ལ༔ གསོལ་བ་འདེབས་སོ་མ་གཅིག་མ༔ སྔགས་སྐྱེས་ལས་སྐྱེས་མཁའ་འགྲོ་ཡི༔ སུན་མ་ཐམས་ཅད་བཟློག་ཏུ་གསོལ༔ འཆི་མེད་ཚེ་ཡི་དངོས་གྲུབ་སྩོལ༔ བོད་ཁམས་སྐྱོང་བའི་བརྟན་མ་དང་༔ ལྷ་སྲིན་སྡེ་བརྒྱད་ལ་སོགས་པའི༔ ཕོ་ཉ་ལས་མཁན་ཐམས་ཅད་ཀྱང་༔ མི་གཙང་ལས་ལ་གྲུབ་པ་ཡི༔ ཤ་ཁྲག་དབུགས་ལ་མ་འཕྲོག་པར༔ བྱམས་པའི་སེམས་ཀྱིས་གནས་པར་གྱིས༔ འཇིག་རྟེན་སུན་མ་བཟློག་ཏུ་གསོལ༔

[Full Size]

འཆི་མེད་ཚེ་ཡི་དངོས་གྲུབ་སྩོལ༔ ཕྱི་རུ་གནས་མཆོག་ཉི་ཤཱུ་བཞི༔ ནང་དུ་རྩ་རླུང་ཐིག་ལེའི་གཟུགས༔ གཞན་དུ་ལྷ་སྔགས་དཀྱིལ་འཁོར་ཅན༔ མཁའ་འགྲོའི་ཚོགས་རྣམས་དགོངས་སུ་གསོལ༔ ཡིད་བཞིན་ནོར་བུ་རིན་ཆེན་ལྟར༔ ཐོབ་དཀའི་དལ་འབྱོར་ཐོབ་དུས་འདིར༔ ཐོས་བསམ་སྒོམ་མཐར་མ་ཕྱིན་བར༔ ཚེ་ལ་བར་ཆད་མི་གཏོང་གསོལ༔ ལོ་བརྒྱ་ནང་གི་ཐོག་གཅིག་ལྟར༔ གསང་སྔགས་འབྲས་བུ་དར་དུས་འདིར༔ བསྐྱེད་རྫོགས་མཐའ་རུ་མ་ཕྱིན་བར༔ སྲོག་ལ་བར་ཆོད་མི་གཏོང་གསོལ༔ བྱང་ཆུབ་སྒྲུབ་པའི་ལུས་སྲོག་ལ༔ བར་ཆད་བརྩམས་ན་མཁའ་འགྲོ་མིན༔ གནས་དང་ཞིང་གི་མཁའ་འགྲོ་ཡི༔ རྩ་རླུང་མཁའ་འགྲོ་གསོད་ལགས་སམ༔ རྒྱལ་བའི་རྣལ་འབྱོར་མ་རྒྱུད་དུ༔ དུས་ལ་བབ་ན་འཕོ་བྱ་སྟེ༔ དུས་མིན་ལྷ་རྣམས་གསོད་བྱེད་པ༔ ལྷ་རྣམས་བསད་པ་ཙམ་གྱིས་ནི༔ ངན་འགྲོར་འགྲོ་བ་མ་གསུང་ངམ༔ དེ་བས་རང་སྲོག་མ་གཅོད་པར༔ སྲུང་དང་བསྐྱབ་དང་སྦ་བ་དང་༔ འཆི་མེད་ཚེ་ཡི་དངོས་གྲུབ་སྩོལ༔ ཨོཾ་དྷཱ་ཀི་ནཱི་ས་ར་མུ་ཁུ་ས་དུ་ན་ཟློག༔ ཅེས་པའི་སྔགས་དེ་བདེ་ཆེན་དཀར་མོའི་ཏིང་ངེ་འཛིན་

[Full Size]

གྱིས་བརྒྱ་རྩ་བརྒྱད་བཟླས་སོ༔ ཞེས་པ་འདི་རང་གཞན་ལ་མཁའ་འགྲོའི་གདོན་གྱིས་རྨིས་ལྟས་དང་༔ དངོས་སུ་ན་ཚ་མོད་ཅིང་དོན་མེད་པར་ཁང་པའི་འོག་དང་དྲུང་དུ་བྱ་རྒོད་བབ་པ་དང་། ཁ་ཅིག་ན་ནི་འཛུལ་བ་འདྲ་བ་གཅིག་ལ་རྒྱ་ར་ནས་ཡིན་ཟེར་བའི་མི་སྔོན་པོ་རུས་རྒྱན་ཅན་གཅིག་བྱུང་ནས་ཁྱོད་རྒྱ་གར་དུ་འགྲོ་དགོས་ཟེར་བ་སོགས་ཆོ་འཕྲུལ་དུ་མ་བྱུང་ཡང་། དྲི་མེད་དང་བརྟན་སྐྱོང་སུན་ཟློག །དཔའ་བོ་གདན་བཞུགས་སོགས་བྱེད་པ་ནི། བྱེད་མཁན་དང་ཡོ་བྱད་སོགས་གཞུང་དང་མཐུན་པ་ནི་རྙེད་དཀའ་ཞིང་། གཞུང་དང་མི་མཐུན་པའི་ཕྱོགས་མཚོན་ཙམ་བྱས་ཀྱང་ཕན་ཡོན་ནི་འོང་བར་དཀའ། སྡེར་སུན་འདྲ་རང་གི་བྱེད་ཆོག་ཀྱང་བཟློག་ཆུང་བས་ཡང་ཡང་དགོས་པ་འདྲ་བ་ཞིག་བྱུང་ནས། གསོལ་འདེབས་སུན་བཟློག་འབྲུག་ལུགས་ལ་གྲགས་ཆེ་ཞིང་། ཀར་ལུགས་དུས་མིན་འཆི་ཟློག་ལ་ཡང་དོན་གྱིས་དེར་སྣང་། འདོད་དོན་གང་ལ་ཡང་གསོལ་འདེབས་རུང་བར་གསུངས་གདའ་བས། མཁའ་འགྲོའི་སྙིང་ཐིག་འབུམ་བསྐུལ་དང་། །བདེ་མཆོག་སྙན་རྒྱུད་སུན་ཟློག་དང་། །བསྟུན་ཏེ་ཡར་གྱི་བཅུ་བཞིར་བྲིས། །ལྷབ་ཁ་ཡིན་པར་མི་དགོངས་འཚལ། །སྤྱི་འདིའི་སྟོད་ཆ་མཁའ་འགྲོའི་བརྡའ་སྐད་དང་། སྨད་ཆ་དལ་ཁྲམ་གྱི་སྐོ་སྡོང་བྱ། སྔགས་དེས་ཡུངས་ཀར་སྔགས་ལ་བསྲུང་བྱ་རེ་རེ་ལ་ཡུངས་ཀར་བདུན་རེ་བཏགས་ཀྱང་རུང་། སྤྱི། ཞེས་༧ཨ་རཱ་གས་སྦྱར་བའོ། །མངྒ་ལཾ།། །།

སུན་བཟློག་བསྡུས་པའི་བཅའ་ཐབས།

[Full Size]

ན་མོ་གུ་རུ་ཌཱཀི་ནཱི་ཡེ། བླ་མ་དང་མཁའ་འགྲོའི་ཚོགས་ལ་ཕྱག་འཚལ་ལོ། །སུན་ཟློག་བསྡུས་པའི་བཅའ་ཐབས་ནི། །ཕུག་གཏོར་ཚོགས་དང་གཏོར་འབུལ་དང་། །དཀར་གཏོར་སྔོན་འགྲོ་སྤྱི་དང་མཚུངས། །ཁྲོལ་མང་ལ་སོགས་སྣོད་ཀྱི་ནང་། །ཕུབ་ཞིབ་སོགས་ཀྱིས་ཕྱུར་བུར་བཀང་། །དེ་ལ་འཇིམ་ཞལ་བྱས་པའི་སྟེང་། །རི་རབ་བང་རིམ་བཞི་པ་བྲི། །དེ་སྟེང་དཔལ་གཏོར་ཟུར་གསུམ་པ། །རྐང་གང་ལས་ནི་མི་ཆུང་བཅའ། །མར་རྒྱན་དང་བཅས་ཁྲུ་གང་ཡིན། །དེ་ཡི་སུམ་གཉིས་སླེབས་པ་ཡི། །ཟུར་གསུམ་བཞི་ནི་ཕྱོགས་བཞིར་བཞག །དེ་ལྟར་གཏོར་མ་ལྔ་པོ་དེ། །རྩེ་དང་སྐེད་པ་རྩ་བ་རྣམས། །ཡེ་ཤེས་དང་ནི་འཇིག་རྟེན་གྱི། །དཔའ་བོ་དཔའ་མོ་སྡེ་ལྔ་ཡིན། །དེ་རྒྱབ་ཆུང་བ་བཞི་པོ་ཡི། །སུམ་གཉིས་སླེབས་ཙམ་བཅུ་གཉིས་བཞག །རྩེ་མོ་བརྟན་མ་བཅུ་གཉིས་དང་། །སྨད་རྣམས་དེ་ཡི་འཁོར་རྣམས་སོ། །དེ་རྒྱབ་དེ་ལས་ཆུང་བ་ཡི། །དམར་གཏོར་བཅུ་དང་དཀར་གཏོར་གསུམ། །སྡེ་བརྒྱད་ལྷ་ཀླུ་ཕྱི་རྒྱུད་པ། །ཟུར་གསུམ་རྣམས་ལ་ཁྲག་གིས་བྱུག །དཀར་རྒྱན་ཤ་རྒྱན་གཉིས་ཀ་བྱ། །རྩེ་ལ་བཀྲ་ཤིས་རྟགས་བརྒྱད་དང་། །

[Full Size]

རྒྱལ་སྲིད་སྣ་བདུན་ལ་སོགས་པ། །བསྐང་འབྲས་ཐམས་ཅད་ཚང་བར་བཙུགས། །མར་ཐུད་སོགས་ཀྱི་རིལ་བུ་བཅུག །གཏོར་མའི་རྩེ་ལྔ་མཁའ་འགྲོ་ལྔ། །དབུས་སུ་དཔའ་བོ་སྟག་ཆས་ཅན། །སྟག་ལ་ཙཀཱི་དང་། །ལྷ་མོ་བོང་ཞོན་ཙཀླུ་བཙུགས། །ཤར་དུ་དྲེལ་ཞོན་ལྷོར་སྟག་ཞོན། །ནུབ་ཏུ་འབྲུག་ཞོན་བྱང་དུ་ནི། །རྨ་བྱ་ཞོན་པའི་མཁའ་འགྲོ་མ། །ཙཀྱི་བསྡུས་ད་གས། །ནམ་གདུགས་ཆོས་འབྱུང་ཟུར་དྲུག་ཕུབ། །ཤིང་རིས་མདའ་བཀྲ་འཕང་བཀྲ་རྣམས། །བཅུ་གསུམ་གྲངས་དང་མཉམ་པར་བྱ། །རྩང་བསྐོར་ཚོན་སྐུད་སྣ་ལྔས་དཀྲི། །མདོས་མདུན་མཆོད་པ་སྣ་བདུན་བཤམས། །བཅའ་སྟག་རིན་ཆེན་འབར་བ་ལ། །པད་འདབ་དག་གིས་བསྐོར་བར་བྱ། །ཡིད་ཆགས་བཀྲོལ་རྫས་ཐེབ་ཙེའི་ནང་། །ཕྱག་མཚན་ལྔ་པོ་པར་དུ་བཏབ། །གཙོ་བོ་གང་རུང་གཅིག་གིས་ནང་། །ས་ཉོབ་གྲུ་བཞིར་བསྐོར་བའི་སྟེང་། །འཇིམ་པའི་མཁར་ནི་ནག་པོ་བྱ། །སྟེང་དུ་ནམ་མཁའ་ཤིང་རིས་བཙུགས། །དེ་ཡི་གཡས་གཡོན་གཉིས་པོ་རུ། །བུད་མེད་ནག་མོ་བྱ་ནག་དང་། །འུག་པ་ཞོན་པ་གཉིས་ཀྱི་གཟུགས། །མདུན་དུ་བུད་མེད་དམར་མོ་ནི། །སོར་བཞི་ཙམ་པ་བཅུ་གཅིག་བཅའ། །

[Full Size]

གཙང་མའི་ཟན་ལ་སྐུ་གླུད་ནི། །གལ་ཆེན་ཡིན་ན་སྣོད་གཞན་དུ། །ཚོན་བཅའ་སྲོལ་ལ་ཡོད་འདུག་སྟེ། །སྐུ་གླུད་འཁྱུད་གང་ཙམ་རེར་ཆོག །བླ་མ་ཡིན་ན་སེངྒེ་ཆིབས། །སྐྱེས་པ་ཡིན་ན་བྱ་རྒོད་ཆིབས། །བུད་མེད་ཡིན་ན་རྟ་ལ་ཆིབས། །ཤིན་ཏུ་མཛེས་ལ་དོད་པར་བྱ། །ཡོན་བདག་མི་ཡི་མགོ་དྲང་བཅའ། །སུན་ཟློག་ནང་གི་གཙོ་བོའི་དྲུང་། །རིགས་བཞིས་མཁའ་འགྲོའི་བར་བར་བཞག །ལོགས་སུ་ངར་མི་མཐོ་གང་ཙམ། །གོས་དུམ་བསྐོན་ཤིང་དྲི་གླུད་བསྐོར། །དེ་ཡི་ནང་དང་མར་སུན་ནང་། །སུན་ཟློག་དགོས་པ་མ་གཏོགས་པ། །སྤྱི་ཡི་གླུད་ནི་མི་བླུག་གོ །རྫོངས་འདེབས་རྒྱུ་ཡི་འབྲུ་སྣ་དང་། །ལྡོང་ལ་ཤ་བ་འབྲུ་ལ་རྐྱང་། །དབྲ་ལ་གཡག་དང་སྒ་ལ་ར། །གང་ལ་བླ་བའི་བླ་ནི་རབ། །མ་རྙེད་ལུག་གི་བརླ་ལ་བྱ། །ཚྭཡིག་ཡོན་བདག་དུ་ཡོད་གྲོངས། །ཨོཾ་བཛྲ་ཨ་ཡུཥེ་སྭཱ་ཧཱ། །ཞེས་བྲི་ཚོན་སྐུད་སྣ་ལྔས་དཀྲིས། །དེ་ལ་སྐུད་དཀར་རིང་པོ་བཏགས། །ཤིང་ནག་གཅིག་གིས་ཁྲམ་ཤིང་བྱ། །དེ་གཉིས་སྦྲེལ་ལ་མདོས་དྲུང་བཞག །དེ་ནས་དེ་རྣམས་སྤོས་རུམ་བྱ། །སྔོན་འགྲོ་ལྕོག་རྡོག་གཅིག་བཤམས་ནས། །དལ་ཁྲམ་བཀྱག་རྒྱུའི་ལཱ་

[Full Size]

བ་དང་། །མེ་རུ་གཉིས་དང་དབུ་བརྒྱན་འཚགས། །དེ་ནས་མཁའ་འགྲོའི་ལས་བྱང་སོགས། །འདོན་ཆ་འགྲིག་ཆོག་ལྟ་བུ་སྟེ། །གཞན་ནས་ཚིག་གཅིག་སབ་མི་དགོས། ༈ །ལྷོ་ནུབ་ནུབ་བྱང་ནུབ་སྟོད་སྨད། །དེ་བཞི་གར་གཙང་མ་གཏོགས་པ། །གཞན་དུ་འབུལ་ནི་མི་རུང་གསུངས། །རེ་ཞིག་མདོས་དེ་ཐང་ལ་བཞག །དང་པོ་དཀར་གཏོར་བགེགས་གཏོར་ཕུལ། །དེ་ནས་ཆད་མདོ་བརྟན་སྐྱོང་བྱ། །ཟོར་བཏོན་དེ་ཉིད་ཟོར་དུ་འཕངས། །སུན་ཟློག་ཕུལ་ལ་སྐུ་གླུད་བསྲེགས། །ས་མགྲོན་རྡོ་མགྲོན་ཤི་བསྒྲག་བྱ། །གཏོར་མ་ཕལ་ཆེར་དངོས་གྲུབ་བྱ། །མེ་ཟོར་བཏོན་ནས་མེ་འགལ་འཕངས། །ཁྱིམ་དུ་ཕྱིན་ནས་ཐག་ཡག་དང་། །ཚེ་འགུགས་བཀྲ་ཤིས་རྗེས་ཆོག་རྣམས། །མཁའ་འགྲོའི་ལས་བྱང་མཇུག་ལྟར་རོ། །རྐྱེན་ཟློག་མཆོག་ཏུ་གྱུར་པ་འདི། །སྔགས་འཆང་རཱ་ག་ཨ་སྱ་ཡིས། །རང་དང་གཞན་ལ་ཕན་ཕྱིར་བསྒྲིགས། །འགལ་འཁྲུལ་ཉེས་པའི་ཆ་མཆིས་ན། །མ་མོ་མཁའ་འགྲོའི་ཚོགས་ལ་བཤགས། །འདི་ཕྱིའི་སྒྲིབ་པར་མ་གྱུར་ཅིག །འདིར་འབད་དགེ་བ་གང་མཆིས་དེས། །བསྟན་འཛིན་སྐྱེས་བུ་དམ་པ་རྣམས། །སྙུང་བྲལ་ལོ་བརྒྱ་འཚོ་བཞེས་ཤིང་། །བསྟན་

[Full Size]

འགྲོའི་དོན་ཆེན་འགྲུབ་པར་ཤོག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་སྒྲུབ་ཡང་སྙིང་འདུས་པ་ལས་མཁའ་འགྲོའི་སུན་ཟློག་དཔའ་བོ་གདན་བཞུགས་ལག་ལེན་འཕྱོང་དང་བཅས་པ།

[Full Size]

ཐུགས་སྒྲུབ་ཡང་སྙིང་འདུས་པ་ལས༔ མཁའ་འགྲོའི་སུན་ཟློག་དཔའ་བོ་གདན་བཞུགས་ལག་ལེན་འཕྱོང་དང་བཅས་པ་བཞུགས་སོ༔

[Full Size]

ཨོ་རྒྱན་པདྨ་འབྱུང་གནས་ཡབ་ཡུམ་དང་༔ དབང་ཆེན་མཁའ་འགྲོའི་ཚོགས་དང་བཅས༔ རྩ་བ་གསུམ་ལ་ཕྱག་འཚལ་ལོ༔ དབང་པོ་རབ་ལས་གྱུར་པ་ཡི༔ བཙུན་པ་དང་སྔགས་པ་སྐྱེས་པ་དང་བུད་མེད༔ དེ་རྣམས་ལ་ཡེ་ཤེས་དང་འཇིག་རྟེན་གྱི་མཁའ་འགྲོ་རྣམས་ཀྱིས་མཁའ་སྤྱོད་དང་༔ ཨོ་རྒྱན་དང་བདེ་བ་ཅན་རྣམས་ནས་ཁྲིད་པའི་སུན་མ་རྣམས༔ རླུང་རྟ་འཕྲོད་པའི་དུས་སུ་འོང་བས་དེ་བཟློག་པ་ནི༔ མཁའ་འགྲོའི་སུན་ཟློག་མང་དུ་ཡོད་ཀྱང་རྒྱས་བསྡུས་འབྲིང་གསུམ་ཡོད༔ རྒྱས་པ་ལ་བཅུ་གསུམ་འབྲིང་པོ་ལ་བདུན་ནམ་ལ༔ ཐ་མ་གསུམ་སོགས་ཀྱི་གཞི་ཡང་རབ་རྡུལ་ཚོན་པདྨ་འདབ་བཞི༔ དབུས་སུ་འཁོར་ལོ་སོགས་རིགས་ལྔའི་ཕྱག་མཚན་ཁ་དོག་དང་

[Full Size]

མཐུན་པར་མཚོན་གྱིས་ཁ་བསྒྱུར་བའོ༔ ཐ་མ་སྟེགས་བུའམ་གཞི་དཀར་པོར་ཚོམ་བུ་བཀོད༔ རྒྱས་པར་བསྐང་མདོས་བྱེད་ན་ཁམ་ས་ན་པོ་ལ་རིན་པོ་ཆེ་བརྡར་ལ༔ རི་རབ་བང་རིམ་བདུན་པའི་སྟེང་དུ༔ རྣམ་རྒྱལ་བུམ་པ་ལྕོག་གཞི་དང་བཅས་པ༔ རི་རབ་མཐར་ལྕགས་རི༔ དེའི་བར་དུ་གླིང་བཞི་གླིང་ཕྲན་དང་བཅས་པ་བྱ༔ དེ་ལ་བཀོད་པའི་ཡས་ནི༔ དབུས་སུ་མཁའ་འགྲོ་བོང་ཞོན་དང་༔ དཔའ་བོ་ཞུབ་ཅན་སྟག་ལ་ཞོན་པའི་མཐར༔ ཤར་དུ་དྲེལ་ཞོན༔ ལྷོར་གླང་ཞོན༔ ནུབ་ཏུ་འབྲུག་ཞོན༔ བྱང་དུ་རྨ་བྱ་ཞོན་པ་བཀོད་དོ༔ རི་རབ་བང་རིམ་དང་པོར་གར་མཁན༔ དེ་འོག་ལ་མཆོད་པའི་ལྷ་མོ༔ དེ་འོག་ཁྱུང་ལ་སོགས་པའི་འདབ་ཆགས༔ དེ་འོག་སེངྒེ་ལ་སོགས་གཅན་གཟན༔ དེ་འོག་མར་མེ་ལ་སོགས་ལྷ་བཤོས༔ དེ་འོག་རི་

[Full Size]

དྭགས་སྣ་ཚོགས༔ མི་ནོར་སྣ་དགུ་ལ་སོགས་བསགས༔ དེ་འོག་ལ་དར་འཕན་སྟག་གཟིག་རྒྱལ་མཚན༔ འབྲུ་དང་ཟས་སྣ་ཚོགས༔ རིན་པོ་ཆེ་སྣ་ཚོགས༔ འབྲང་རྒྱས་སྨན་ལེབ༔ ཕྱི་བ་ཏིང་ལོ༔ གླུད་ཕྲན༔ ཤ་ཟན༔ རྟ་ཁལ༔ དྲེལ་ཁལ༔ གཡག་ཁལ་ལ་སོགས་པ་བཀོད༔ མདའ་འཕང་ནམ་མཁའ༔ རྒྱང་བུ༔ ཕོ་གདོང་༔ མོ་གདོང་ལ་སོགས་བཅུ་གསུམ་སོགས་བྱའོ༔ སྟེང་ན་ནམ་གདུགས་སམ༔ དར་མཐིང་ཀའི་གདུགས་ཕུབ་པའོ༔ ༈ གཏོར་མ་ལ་བརྟེན་ན༔ དབུས་སུ་དཔལ་གཏོར་ཆེ་བ་གཅིག་ལ༔ རྩེ་མོར་བོང་ཞོན༔ སྨད་དུ་དུད་འགྲོ་ལ་སོགས་གཟུགས་བརྙན་རྣམས་བཀོད་པ་གོང་དང་འདྲ་བ་ལ༔ སྡེ་བརྒྱད་ཀྱི་ཡས་དང་༔ དྲེལ་ཁལ་ལ་སོགས་གླུད་རྫས་ཀྱིས་མཐའ་བསྐོར༔ ༈ མང་སྡེར་ཆ་ལ་བརྟེན་པར་བྱེད་ན༔ དབུས་སུ་བན་དེ་ལ་ལྷ་ཁང་༔ སྔགས་པ་ལ་མཆོད་རྟེན༔ སྐྱེས་པ་ལ་མཁར་དང་དཔལ་བཤོས༔ བུད་མེད་ལ་ཁང་པ་སྨན་ལེབ་སོགས་གང་དགོས་རིགས་པས་དཔག་སྟེ་བྱ༔ དེ་རྣམས་ལ་དབུས་སུ་དཔའ་བོ་སྟག་ཆས་ཅན་བོང་ཞོན་ལ་སོགས་མདོས་དང་མཐུན་ཏེ༔ ཤར་དུ་བོང་ཞོན༔ ལྷོར་རྟ་ཞོན༔ ནུབ་ཏུ་འབྲུག་ཞོན༔ བྱང་དུ་རྨ་བྱ་ཞོན་པ་བཀོད༔ དེའི་ཕྱིར་གར་མཁན༔ དེའི་ཕྱིར་འདབ་ཆགས༔ དེའི་ཕྱིར་གཅན་གཟན༔ དེའི་ཕྱིར་མར་མེ་ལྷ་བཤོས༔ དེའི་ཕྱིར་མི་ནོར་ལ་སོགས་དུད་འགྲོའི་རིགས༔ དེའི་ཕྱིར་མཆོད་པའི་ལྷ་མོ༔ གར་མཁན་གྱི་ཕྱི་བསྐོར་ཡང་མི་འགལ༔ དེའི་ཕྱིར་འབྲང་རྒྱས་ལ་སོགས་ཁ་བཀང་

[Full Size]

རྣམས་དང་༔ སྡེ་བརྒྱད་ཡས་ལ་སོགས་བཀོད་ཆས་རྣམས་བསག་གོ༔ རྣམ་ལྔའི་མཆོད་པ་རྣམས་རྒྱས་པར་བཤམས༔ ཡང་ཡོན་བདག་གི་ངར་གླུད་ཁྲུ་གང་ལ་སྐྲ་སེན་དང་གོས་བཀོན༔ གླུད་ཕྲན་ལོ་སྐོར་བཅུ་གཉིས་ཀྱིས་བསྐོར༔ དཔུང་པ་གཡས་སུ་ཕོ་ཤིང་གཡོན་དུ་མོ་ཤིང་ལ་ཉ་ག་ལོའི་གྲངས་བྱས་ལ་འཛུགས༔ གཞན་ཡང་དྲི་གླུད་གཉིས་བྱ༔ རྩ་བ་གསུམ་གྱི་ཚོགས་གཏོར་དང་༔ འབྲང་རྒྱས་ཕྱེ་མར་ལ་སོགས་བཀྲ་ཤིས་རྫས་ཚོགས་ཚད་བསག་གོ༔ སུན་ཟློག་དར་ལམ་བཅད་པ་ལ་སོགས་དང་༔ གླུད་གཏོར་ལག་ལེན་རྣམས་ཞལ་ཤེས་སོ༔ དེ་ནས་རྩ་བ་གསུམ་གྱི་ལས་བྱང་གཞུང་བསྲང་ལ༔ ཚོགས་དང་བསྐང་བ་རྒྱས་པར་བྱས་ཏེ༔ སྐབས་འདིར་སུན་ཟློག་བྱ་བ་འདི་སྐད་དོ༔ ༈ སུན་བཟློག་དཔའ་བོ་བསྐྱེད་ཆོག་ནི༔ པད་འབྱུང་ཌཱཀིའི་ཚོགས་ལ་ཕྱག་འཚལ་ལོ༔ གཞུང་ལྟར་བཅས་རྣམས་ཚར་ནས་ལས་བྱང་བཏང་༔ ཆུ་གཙང་བདུད་རྩིས་མདོས་བྲན་འདི་སྐད་དོ༔ ཨོཾ་ཧཱིཔདྨནྟ་ཀྲྀཏ་སོགས་ཀྱིས་བསངས༔ ཨོཾ་སྭ་བྷ་ཝས་སྦྱངས། སྟོང་པའི་ངང་ལས་འབྱུང་བ་རིམ་བརྩེགས་མ་ཀྲྀ་བརྡལ་བའི་སྟེང་དུ་མདོས་གཞི་དབང་ཆེན་གསེར་གྱི་ས་གཞི༔ གླིང་བཞི་གླིང་ཕྲན་བརྒྱད་དང་བཅས་པ༔ བཀྲ་ཤིས་པའི་རྟགས་བརྒྱད༔ རྒྱལ་སྲིད་རིན་པོ་ཆེ་སྣ་བདུན༔ འདོད་པའི་ཡོན་ཏན་ལྔ༔ མཆོད་པའི་ལྷ་

[Full Size]

མོ་བཅུ་དྲུག༔ རིན་པོ་ཆེ༔ འབྲུ་སྨན། དར་ཟབ༔ བྱ་རིགས་སྣ་ཚོགས། གཅན་གཟན་སྣ་ཚོགས༔ རི་དྭགས་སྣ་ཚོགས༔ གཡུང་དྭགས་སྣ་ཚོགས་ཕུན་སུམ་ཚོགས་པ་འཁོར་ལོས་སྒྱུར་བའི་མངའ་ཐང་ལྟ་བུ༔ སྐུ་གཟུགས་རིན་ཆེན་རྒྱ་ཆེན་ནི་མཚན་བཟང་པོ་སུམ་ཅུ་རྩ་གཉིས༔ དཔེ་བྱད་བཟང་པོ་བརྒྱད་ཅུས་བརྒྱན་ཅིང་འོད་དང་འོད་ཟེར་འབར་བ༔ དེའི་གནས་ལྔར་རྒྱལ་བ་རིགས་ལྔ་ཡུམ་ལྔའི་ཕོ་བྲང་༔ དབང་པོ་ཚོགས་དྲུག་ལ་བྱང་ཆུབ་སེམས་དཔའ་སེམས་མ༔ ལུས་ཀྱི་རྩ་གནས་རྣམས་སུ་གནས་ཉི་ཤཱུ་རྩ་བཞི་དང་ཡུལ་སུམ་ཅུ་སོ་གཉིས༔ བ་སྤུ་བྱེ་བ་ས་ཡ་ལ་མཁའ་འགྲོ་བྱེ་བ་ས་ཡའི་ཕོ་བྲང་༔ ཐམས་ཅད་མེ་ལོང་གི་གཟུགས་བརྙན་ལྟར་གསལ་བ༔ དཔའ་བོ་མཁའ་འགྲོ་ཐམས་ཅད་མཉེས་ཤིང་ཚིམ་པར་བསྐྱེད་ནུས་པ༔ འབྲུ་མཆོག་ངར་གྱི་མི་ཆེན་ནི་རིན་པོ་ཆེ་སྣ་ཚོགས་ལས་གྲུབ་པ༔ འགྲོས་མཁས་ལྡེམ་ལྡེམ༔ སྨྲ་མཁས་ལྗགས་ལྗགས༔ རང་འདྲ་བའི་སྤྲུལ་པ་དུ་མ་འཕྲོ་བས༔ སྣང་སྲིད་ཀྱི་ལྷ་འདྲེ་ཐམས་ཅད་དགའ་ཞིང་ཚིམ་ནུས་པར་གྱུར༔ དེ་ཐམས་ཅད་གཟུགས་ལྟ་ན་སྡུག་པར་གྱུར་ཅིག་ཨོཾ༔ སྒྲ་སྙན་ཅིང་ཡིད་དུ་འོང་བར་གྱུར་ཅིག

[Full Size]

ཨཱཿ འདོད་པའི་ཡོན་ཏན་ཕུན་སུམ་ཚོགས་པར་གྱུར་ཅིག་ཧཱུྃ༔ སོ་སོར་ཇི་ལྟར་འདོད་པ་ཐོབ་པར་གྱུར་ཅིག་སྭཱ༔ ཐམས་ཅད་མཉེས་ཤིང་ཚིམ་པར་གྱུར་ཅིག་ཧཱ༔ ཨོཾ་ཨཱཿཧཱུྃ་སྭཱ་ཧཱ༔ མདོས་ཀྱི་སྟེང་རི་རབ་ཀྱི་རྩེ་མོར་ཕྱི་རིན་པོ་ཆེ་ལ་ནང་ཐོད་པ་སྐམ་རློན་བརྩེགས་པའི་གཞལ་ཡས་སྒོ་གྲུ་རྟ་བབས་ཆོས་འཁོར་ཡོངས་སུ་རྫོགས་པའི་ཕྱི་རོལ་དུ་དུར་ཁྲོད་ཆེན་པོ་བརྒྱད་རྡོ་རྗེའི་རྭ་གུར་མེ་རི་དང་བཅས་པའི་དབུས་སུ༔ ཆོས་འབྱུང་བསྣོལ་མ་པད་ཉི་དང་རོའི་གདན་ལ་ཧྲཱིདང་མ་ལས་འོད་འཕྲོས་དོན་གཉིས་བྱས་ཡོངས་སུ་གྱུར་པ་ལས༔ དཔའ་བོ་རྟ་མགྲིན་ཡབ་ཡུམ་རྡོ་རྗེ་ཕག་མོ་དང་འཁྲིལ་ནས་རྟ་སྐད་དང་ཕག་མོའི་ངུར་སྒྲས་དཔའ་བོ་མཁའ་འགྲོ་ཐམས་ཅད་དབང་དུ་བསྡུས་པ༔ དེའི་སྟེང་གི་ནམ་མཁའ་ལ་པདྨ་འབྱུང་གནས་ཡབ་ཡུམ་རྡོ་རྗེ་འཆང་གི་ཆ་ལུགས་ལ་གུ་རུ་མཚན་བརྒྱད་གྲུབ་ཆེན་བརྒྱ་དང་བརྒྱད་ཅུ་ལ་སོགས་པ་རྒྱ་བོད་ཀྱི་རིག་འཛིན་རིགས་ལྔ་ཡབ་ཡུམ་སེམས་དཔའ་སེམས་མ་ཐམས་ཅད་ནམ་མཁའ་ལ་སྤྲིན་ལྟར་འཁྲིགས་པ་བར་སྣང་ལ་ཆེ་མཆོག་དཔལ་དགུ་སོགས་རྒྱུད་སྡེ་དྲུག་གི་ལྷ་ཚོགས༔ ས་གཞིར་གིང་ཡབ་ཡུམ་བཅུ་དྲུག་རིགས་བཞི་དཔའ་བོ་

[Full Size]

མཁའ་འགྲོ་བྱེ་བ་དུང་ཕྱུར༔ ཕྱི་ཁྱམས་ལ་མ་མགོན་ལྕམ་དྲལ་སོགས་ཡེ་ཤེས་འཇིག་རྟེན་གྱི་ཆོས་སྐྱོང་ཐམས་ཅད༔ དུར་ཁྲོད་བརྒྱད་ལ་དུར་ཁྲོད་ཀྱི་ཤ་ཟ་དང་ཞིང་སྐྱོང་༔ བར་མཚམས་རྣམས་སུ་བརྟན་མ་དང་སྡེ་བརྒྱད་ཐམས་ཅད་ཁྲོམ་ལྟར་འཚོགས་པའི་གནས་གསུམ་དུ་ཡིག་འབྲུ་གསུམ་དང་༔ རང་རང་གི་ཐུགས་ཀའི་ས་བོན་ལས་འོད་འཕྲོས་པས་ཡེ་ཤེས་པ་སྤྱན་དྲངས་པར་གྱུར༔ ཅེས་ཨ་རཱ་གས་སོ། །སྤྱན་འདྲེན་པ་ནི༔ ཧཱུྃ༔ དགོངས་ཤིག་སྤྲོས་པ་མེད་པའི་དབྱིངས༔ རང་བཞིན་མཐའ་བྲལ་ངང་ཉིད་ལས༔ ཀུན་རྫོབ་སྒྱུ་མ་ལྟ་བུ་ལ༔ ཐུགས་རྗེ་སྤྲུལ་པའི་སྐུ་བཞེངས་ཤིག༔ དུར་ཁྲོད་རབ་ཏུ་འབར་བའི་དབུས༔ རིན་ཆེན་ལས་གྲུབ་གཞལ་ཡས་ཁང་༔ ཐོད་རུས་བརྩེགས་པའི་སྐུ་མཁར་ནས༔ པདྨ་ཉི་ཟླ་གདན་དུ་བཏིང་༔ ཏི་ར་བམ་ཆེན་གཅལ་དུ་བཀྲམ༔ དྲེགས་པ་ཕོ་མོ་བསྣོལ་བའི་སྟེང་༔ རབ་འཇིགས་གནས་མཆོག་ཆེན་པོ་འདིར༔ སྤྱན་འདྲེན་བཞུགས་སུ་གསོལ་བ་ནི༔ སྔོན་གྱི་བསྐལ་པ་དང་པོ་ལ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས་

[Full Size]

འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ རྡོ་རྗེ་སེམས་དཔའ་ལ་སོགས་པའི༔ རིགས་ལྔ་བྱང་ཆུབ་སེམས་དཔའི་ཚོགས༔ ཕྱོགས་བཅུའི་རྒྱལ་བ་མ་ལུས་དང་༔ བཅོམ་ལྡན་དཔལ་ཆེན་ཧེ་རུ་ཀ༔ སྟོབས་ཆེན་ཁྲོ་རྒྱལ་མ་ལུས་དང་༔ རྒྱལ་བ་ཞི་ཁྲོ་ཐམས་ཅད་ཀྱང་༔ བྱིན་གྱིས་བརླབ་ཕྱིར་གཤེགས་སུ་གསོལ༔ དགའ་རབ་འཇམ་དཔལ་བཤེས་གཉེན་དང་༔ ཤི་རི་སེདྷ་ཀུན་དགའ་བོ༔ ཨིནྡྲ་བོ་དྷི་ཧཱུྃ་ཀཱ་ར༔ ཀླུ་སྒྲུབ་པྲ་ཆེན་ཧ་ཏི་དང་༔ བི་མ་མི་ཏྲ་སཾསྐྲྀ་ཏ༔ རོ་བུ་ཤརྙིང་གཅུ་སོགས༔ བྱིན་གྱིས་བརླབ་ཕྱིར་གཤེགས་སུ་གསོལ༔ པདྨ་བཛྲ་ས་ར་ཧ༔ ལུ་ཧི་པ་དང་ཀུ་ཀུ་རི༔ བིར་བ་པ་དང་ནག་པོ་སྤྱོད༔ སངས་རྒྱས་གསང་བ་ལ་སོགས་པའི༔ གྲུབ་ཆེན་བརྒྱ་དང་བརྒྱད་ཅུའི་ཚོགས༔ མཐུ་སྟོབས་རྫུ་འཕྲུལ་དཔག་མེད་རྣམས༔ བྱིན་གྱིས་བརླབ་ཕྱིར་གཤེགས་སུ་གསོལ༔ བུདྡྷ་བཛྲ་རཏྣ་དང་༔ པདྨ་ཀརྨ་ལོ་ཀ་སོགས༔ ཡེ་ཤེས་དང་ནི་ལས་ལ་གྲུབ༔ མཁའ་འགྲོ་བྱེ་བ་འབུམ་ཚོགས་ཀྱང་༔ དམ་ཚིག་དབང་གིས་སྤྱན་འདྲེན་ན༔ སྔོན་

[Full Size]

གྱི་དམ་ཚིག་ཇི་བཞིན་དུ༔ བྱིན་གྱིས་བརླབ་ཕྱིར་གཤེགས་སུ་གསོལ༔ དཔལ་མགོན་ནག་པོ་འཁོར་བཅས་ལ༔ བདུད་ཕོ་འབུམ་གྱི་ཚོགས་དང་བཅས༔ མ་གཅིག་དཔལ་ལྡན་ལྷ་མོ་ཡང་༔ མ་མོ་བྱེ་བའི་ཚོགས་ཀྱིས་བསྐོར༔ ཨཱ་ར་ལི་ཡི་ཚོགས་རྣམས་ཀུན༔ གྲུ་གསུམ་འབར་བའི་དཀྱིལ་འཁོར་འདིར༔ བྱིན་གྱིས་བརླབ་ཕྱིར་གཤེགས་སུ་གསོལ༔ དེ་ལྟར་མ་ལུས་ཐམས་ཅད་ཀུན༔ འབར་བའི་གདན་ལ་བཞུགས་སུ་གསོལ༔ ཕྱག་འཚལ་ཕྱི་ནང་གསང་བ་ཡི༔ སྨན་གཏོར་རཀྟའི་མཆོད་ཚོགས་འབུལ༔ སྡིག་བཤགས་དགེ་ལ་རྗེས་ཡི་རང་༔ ཆོས་འཁོར་བསྐོར་ཞིང་བསྐལ་པར་ཡང་༔ གྲངས་མེད་འགྲོ་བའི་དོན་ལ་བཞུགས༔ སྐྱབས་གསོལ་བྱང་ཆུབ་ཆེན་པོར་བསྔོ༔ ༈་དཔའ་བོ་གདན་བཞུགས་ཀྱི་མར་དབྱེ་ནི༔ གང་ཞིག་སུན་ཟློག་བྱེད་པའི་ཚེ༔ རྒྱབ་འདྲེ་བཀར་ཐབས་འདི་མེད་ན༔ ལྷ་མིའི་བར་དུ་དབྱེན་བྱེད་ཅིང་༔ བཀྲ་མི་ཤིས་ཤིང་ཕན་མི་ཐོགས༔ དེ་ཕྱིར་སྣ་འདྲེན་བཀར་ཐབས་ནི༔ བང་བའམ་ནི་རྡོ་ལེབ་སྟེང་༔ བཤོས་བུ་མཁར་ཐབས་ནག་པོ་བཞག། གཡས་སུ་བཤོས་བུ་དམར་པོ་དང་༔ གཡོན་དུ་བཤོས་བུ་སྦྲུལ་དཀྲིས་བཞག༔ གཞན་ཡང་ཏིང་ལོ་འབྲང་རྒྱས་དང་༔ འབྲུ་ནགེ་ཚྭ་གཡེར་རམ་རུག་བླུག༔

[Full Size]

ངར་མི་ཆངས་བུ་གོས་དུམ་བཞག༔ དེ་བཞིན་གཤེགས་པ་བཞིའི་མཚན་དང་ནི༔ ཨ་ཀཱ་རོ་ཡིས་བྱིན་གྱིས་བརླབ༔ ག༽སྟོང་པའི་ངང་ལས་སའི་མཎྜལ་གྲུ་བཞི་པའི་སྟེང་དུ༔ བུད་མེད་ནག་མོ་བྱ་མོ་ལ་ཞོན་པ་ཁྲམ་ཤིང་དང་ནད་རྐྱལ་ཐོགས་ནས་རྒྱབ་ཏུ་བུ་ཆུང་གི་མགོ་ཕྲེང་ཁུར་བ༔ རྗེས་སུ་ཁྱི་དཀར་འབྲང་བ༔ བུད་མེད་དམར་མོ་སྲེ་མོང་ལ་ཞོན་པ༔ ཁྲམ་ཤིང་དང་ཞགས་པ་ཐོགས་ནས་ནད་རྐྱལ་ཁུར་བ༔ གཞན་ཡང་ལྷ་སྲིན་སྡེ་བརྒྱད་ཀྱི་འདྲེ་ལྔ་དང་ཁྲིམ་འཛིན༔ འདྲེ་མོ་སྤུན་དགུ་ལ་སོགས་པ་སུན་མའི་སྣ་འདྲེན་ཐམས་ཅད་མངོན་སུམ་ལྟ་བུར་གསལ་བར་གྱུར༔ ཀྱཻ༔ སྲིད་ལྷ་འོད་དཀར་ལ་སོགས་ཏེ༔ ལྷ་ཡི་འདྲེ་ལྔ་ཡས་དང་སྟགས་ཀྱིས་དབྱེ༔ ཕྱིན་ཆད་འཁོར་འདིར་སུན་མའི་སྣ་འདྲེན་མ་བྱེད་ཅིག༔ ཀྱཻ༔ བདུད་རྨང་འཁྲུག་པ་ལ་སོགས་པའི༔ བདུད་ཀྱི་འདྲེ་ལྔ་ཡས་དང་སྟགས་ཀྱིས་དབྱེ༔ ཕྱིན་ཆད་བདུད་ཀྱི་སུན་མའི་སྣ་འདྲེན་མ་བྱེད་ཅིག༔ ཀྱཻ༔ རྨུ་རྗེ་བཙན་པོ་ལ་སོགས་པའི༔ དམུ་ཡི་འདྲེ་ལྔ་ཡས་དང་སྟགས་ཀྱིས་དབྱེ༔ ཕྱིན་ཆད་དམུ་ཡི་སྣ་འདྲེན་མ་བྱེད་ཅིག༔ ཀྱཻ༔ སྐྱེས་བུ་ལུང་བཙན་ལ་སོགས་པའི༔ བཙན་གྱི་འདྲེ་ལྔ་ཡས་དང་སྟགས་

[Full Size]

ཀྱིས་དབྱེ༔ ཕྱིན་ཆད་བཙན་གྱི་སུན་མའི་སྣ་འདྲེན་མ་བྱེད་ཅིག༔ ཀྱཻ༔ ཀླུ་གཉན་དེ་ཝ་ལ་སོགས་པའི༔ ཀླུ་ཡི་འདྲེ་ལྔ་ཡས་དང་སྟགས་ཀྱིས་དབྱེ༔ ཕྱིན་ཆད་ཀླུ་ཡི་སུན་མའི་སྣ་འདྲེན་མ་བྱེད་ཅིག༔ ཀྱཻ། གཉན་རྗེ་རྒྱལ་པོ་ལ་སོགས་པའི༔ གཉན་གྱི་འདྲེ་ལྔ་ཡས་དང་སྟགས་ཀྱིས་དབྱེ༔ ཕྱིན་ཆད་གཉན་གྱི་སུན་མའི་སྣ་འདྲེན་མ་བྱེད་ཅིག༔ ཀྱེ་ནག་པོ་མིག་དགུ་ལ་སོགས་པའི༔ སྲིད་པའི་འདྲེ་ལྔ་ཡས་དང་སྟགས་ཀྱིས་དབྱེ༔ ཕྱིན་ཆད་འདྲེ་ལྔའི་སུན་མའི་སྣ་འདྲེན་མ་བྱེད་ཅིག༔ ཀྱཻ༔ ཡིད་ལ་འཇུག་པ་ལ་སོགས་པའི༔ བགེགས་ཀྱི་འདྲེ་ལྔ་ཡས་དང་སྟགས་ཀྱིས་དབྱེ༔ ཕྱིན་ཆད་བགེགས་ཀྱི་སུན་མའི་སྣ་འདྲེན་མ་བྱེད་ཅིག༔ ཀྱཻ༔ ས་སྲི་ནག་མོ་ལ་སོགས་པའི༔ འདྲེ་མོ་སྤུན་དགུ་ཡས་དང་སྟགས་ཀྱིས་དབྱེ༔ ཕྱིན་ཆད་འདྲེ་མོའི་སུན་མའི་སྣ་འདྲེན་མ་བྱེད་ཅིག༔ ཀྱཻ༔ བཤོས་བུ་མཁར་ཐབས་གྲུ་བཞི་དང་༔ བཤོས་བུ་དམར་ནག་གྲུ་གསུམ་དང་༔ འབྲིང་རྒྱས་ཏིང་ལོ་ཆངས་བུ་དང་༔ ངར་མི་འབྲུ་ནག་ཚྭ་སྒོག་སོགས༔ ཡས་སྟགས་རྣམ་པ་སྣ་ཚོགས་ཀྱིས༔ སྡེ་བརྒྱད་སུན་མ་དབྱེ་ཞིང་ཟློག༔ སྣང་སྲིད་ལྷ་འདྲེའི་སུན་མ་དབྱེ་ཞིང་

[Full Size]

ཟློག༔ ཕུང་པོ་ལུས་ལེན་སུན་མ་དབྱེ་ཞིང་ཟློག༔ ལྷ་ཡི་སུན་མ་བདུད་ཀྱིས་མ་འཁྲིད་ཅིག༔ ལྷ་བདུད་གདུག་པ་མ་སྟོན་ཅིག༔ ཡེ་ཤེས་མཁའ་འགྲོ་སྡེ་ལྔ་དང་༔ སྒབ་འདྲེ་ལྔ་ཡི་སུན་མ་དབྱེ་ཞིང་བཀར༔ ཡེ་ཤེས་དཔའ་བོ་རིགས་ལྔ་དང་༔ སྒབ་འདྲེ་ལྔ་ཡི་སུན་མ་དབྱེ་ཞིང་བཀར༔ བརྟན་མ་བཅུ་གཉིས་སུན་མ་དང་༔ དབུགས་ལེན་བླ་ཁྱེར་སུན་མ་-། དབྱེ་ཞིང་བཀར༔ འཕེན་བྱེད་དར་བྱེད་སུན་མ་དང་༔ རྨང་ཞིང་རྒུད་པའི་སུན་མ་རྣམས༔ ས་ས་སོ་སོར་དབྱེའོ་ས་ལ་ལ༔ ཡེ་ཤེས་ལྷ་ཡི་སུན་མ་དང་༔ གནོད་བྱེད་གདོན་གྱི་ས་སུན་མ་རྣམས༔ ས་ས་སོ་སོར་དབྱེའོ་ས་ལ་ལ༔ དཔའ་བོ་ཐམས་ཅད་གཡས་སུ་བསྐྱལ༔ མཁའ་འགྲོ་ཐམས་ཅད་གཡོན་དུ་བསྐྱལ༔ འདྲེ་གདོན་ཐམས་ཅད་སོ་སོར་དབྱེ༔ གནོད་བྱེད་ཐམས་ཅད་ཐུར་དུ་བཀར༔ བདག་ཅག་དཔོན་སློབ་ཡོན་མཆོད་ལ༔ གནོད་ཅིང་འཚེ་བར་མ་བྱེད་པར༔ སོ་སོ་རང་རང་གནས་སུ་སོང་༔ ཕྱིན་ཆད་མི་གནོད་དམ་

[Full Size]

ཆོས་ཤིག༔ ཅེས་སྟེང་དུ་ཁྲུས་ཆུ་བླུག་ལ་ལོ་བདུད་ཕྱོགས་སུ་བསྐྱལ་ནས༔ མཚམས་གཅོད་སྲུང་འཁོར་བསྒོམ་པར་བྱའོ༔ ཞེས་ཨཱ་ར་གས་བསྡུས་ཏེ་དཔའ་བོ་གདན་བཞུགས་ཀྱི་ཁ་བཀང་དུ་སྦྱར་བའོ༔ ང༽ བཅོམ་ལྡན་རྣམ་སྣང་རྡོ་རྗེ་སེམས༔ ཆོས་ཀྱི་དབྱིངས་དང་མ་མཱ་ཀི༔ སེམས་དཔའ་ལྕམ་དྲལ་ལ་སོགས་ཏེ༔ ཞི་བ་ལྷུན་གྱིས་གྲུབ་པ་རྣམས༔ ཞལ་ཟས་ཚོགས་ཀྱི་མཆོད་པ་དང་༔ བ་ལོ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ བཅོམ་ལྡན་ཆེ་མཆོག་ཧེ་རུ་ཀ༔ ཡུམ་མཆོག་རྡོ་རྗེ་དབྱིངས་ཕྱུག་མ༔ བཀའ་བརྒྱད་ཡབ་ཡུམ་སྲས་དང་བཅས༔ ཁྲོ་བོ་རྨད་དུ་བྱུང་བ་ལ༔ ཞལ་ཟས་ཚོགས་ཀྱི་མཆོད་པ་དང་༔ བ་ལི་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ བཅོམ་ལྡན་མགོན་པོ་ཚེ་དཔག་མེད་རྡོ་རྗེ་སེམས་དཔའ་ཐུགས་ཀྱི་ལྷ༔ རིན་ཆེན་འབྱུང་ལྡན་ཡོན་ཏན་མཛོད༔ རྣམ་པར་སྣང་མཛད་སྐུ་ཡི་གཏེར༔ དོན་ཡོད་གྲུབ་པ་ཕྲིན་ལས་བདག༔ ཕྱོགས་བཅུའི་སངས་རྒྱས་

[Full Size]

ཐམས་ཅད་དང་༔ བྱང་ཆུབ་སེམས་དཔའ་ཆེན་པོའི་ཚོགས༔ ཞི་ཁྲོ་རྒྱལ་བ་རྒྱ་མཚོ་ལ༔ ཞལ་ཟས་ཚོགས་ཀྱི་མཆོད་པ་དང་༔ བ་ལོ་རྒྱན་རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ བཅོམ་ལྡན་བུདྨ་ཧེ་རུ་ཀ༔ ཡུམ་མཆོག་བུདྡྷ་ཀྲོ་ཏི་zམ༔ ཞལ་ཟས་ཚོགས་ཀྱི་མཆོད་པ་དང་༔ བ་ལི་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ བཅོམ་ལྡན་བཛྲ་ཧེ་རུ་ཀ༔ ཡུམ་མཆོག་རྡོ་རྗེ་ཕག་མོ་བཅས༔ ཞལ་ཟས་ཚོགས་ཀྱི་མཆོད་པ་དང་༔ བ་ལཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ བཅོམ་ལྡན་རཏྣ་ཧེ་རུ་ཀ༔ ཡུམ་མཆོག་རྡོ་རྗེ་མཁའ་འགྲོ་མ༔ ཞལ་ཟས་ཚོགས་ཀྱི་མཆོད་པ་དང༔ བ་ལོ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་

[Full Size]

འགྲོའི་སུན་མ་ཟློག༔ ཧཱུྃ༔ བཅོམ་ལྡན་པདྨ་ཧེ་རུ་ཀ༔ ཡུམ་མཆོག་པདྨ་མཁའ་འགྲོ་མ༔ ཞལ་ཟས་ཚོགས་ཀྱི་མཆོད་པ་དང་༔ བ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ བཅོམ་ལྡན་ཀརྨ་ཧེ་རུ་ཀ༔ ཡུམ་མཆོག་ལས་ཀྱི་མཁའ་འགྲོ་མ༔ ཞལ་ཟས་ཚོགས་ཀྱི་མཆོད་པ་དང་༔ བ་ལི་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ རྡོ་རྗེ་སེམས་དཔའ་དགའ་རབ་རྡོ་རྗེ་དང་༔ འཇམ་དཔའ་བཤེས་གཉེན་ཤྲཱི་སེངྷ་དང་༔ ཧཱུྃ་ཆེན་ཀཱ་ར་ཀླུ་སྒྲུབ་སྙིང་པོ་དང་༔ ཨིནྡྲ་བོ་དྷི་ལ་སོགས་པའི༔ རྣལ་འབྱོར་དབང་ཕྱུག་ཐམས་ཅད་ཀྱང་༔ རང་བཞིན་གནས་ནས་སྐུ་བསྐྱོད་ལ༔ ཞལ་ཟས་ཚོགས་ཀྱི་མཆོད་པ་དང་༔ བ་ལོ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལཿ་སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ དུས་གསུམ་སངས་རྒྱས་བསྟན་པ་སྲུང་༔ ལེགས་ལྡན་མགོན་

[Full Size]

པོ་ནག་པོ་སྟེ༔ མ་ཧཱ་ཀཱ་ལ་མཐུ་བོ་ཆེ༔ ནག་པོ་སྟོང་གི་འཁོར་གྱིས་བསྐོར༔ ཤ་ཟ་འབུམ་ནི་ཕོ་ཉར་འགྱེད༔ མ་མོ་བྱེ་བ་ལས་ལ་བསྐུལ༔ ལྷ་མིན་དམག་བཟློག་སྟོབས་པོ་ཆེ༔ དུར་ཁྲོད་གནས་ནས་གཤེགས་སུ་གསོལ༔ ཕོ་རྒྱུད་ཆོས་སྐྱོང་སྲུང་མ་རྣམས༔ མ་ཧཱ་ཀཱ་ལའི་བཀའ་བྱུང་གིས༔ སུན་མ་བཟློག་ཕྱིར་གཤེགས་སུ་གསོལ༔ ཞལ་ཟས་ཚོགས་ཀྱི་མཆོད་པ་དང་༔ བ་ལི་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ སངས་རྒྱས་བསྟན་པ་སྲུང་མཛད་པ༔ ཧེ་རུ་ཀ་ཡི་བཀའ་ཉན་དང་༔ ས་བརྒྱད་གནོན་པའི་སྤྲུལ་པ་སྟེ༔ མ་གཅིག་ལྷ་མོ་དཔོན་གཡོག་ལ་སྲིད་གསུམ་མ་མོའི་ཚོགས་ཀྱིས་བསྐོར༔ བྱང་ཤར་མཚམས་ནས་སྤྱན་འདྲེན་ནོ༔ རྫུ་འཕྲུལ་སྟོབས་ཀྱིས་གཤེགས་སུ་གསོལ༔ ནད་དང་རིམས་ཀྱི་བདག་མོ་ཁྱོད༔ མཐུ་སྟོབས་རྫུ་འཕྲུལ་བསམ་མི་ཁྱབ༔ ནག་མོ་བྱེ་བའི་འཁོར་གྱིས་བསྐོར༔ མོ་རྒྱུད་ཆོས་སྐྱོང་སྲུང་མ་རྣམས༔ སུན་མ་བཟློག་ཕྱིར་གཤེགས་སུ་གསོལ༔ ཞལ་ཟས་ཚོགས་ཀྱི་མཆོད་པ་

[Full Size]

དང་༔ བ་ལི་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ ཡེ་ཤེས་དབྱིངས་ཀྱི་ཕོ་བྲང་ནས༔ ཡེ་ཤེས་མཁའ་འགྲོ་མ་ལུས་དང་༔ མཁའ་ལྟར་དག་པའི་གཞལ་ཡས་ནས༔ མ་དང་མཁའ་འགྲོ་ཐམས་ཅད་དང་༔ མི་མངོན་དབྱིངས་ཀྱི་ཕོ་བྲང་ནས༔ དབྱིངས་ཀྱི་མཁའ་འགྲོ་མ་ལུས་དགོངས༔ ཞལ་ཟས་ཚོགས་ཀྱི་མཆོད་པ་དང་༔ བ་ལོ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ཧཱུྃ༔ དུར་ཁྲོད་ཆེན་པོའི་གནས་བརྒྱད་ནས༔ ལས་ཀྱི་མཁའ་འགྲོ་མ་ལུས་དང་༔ འདོད་དགུ་ལྷུན་གྲུབ་གཞལ་ཡས་ནས༔ རིགས་ཀྱི་མཁའ་འགྲོ་ཐམས་ཅད་དང་༔ དྲག་པོ་ཨེ་ཡི་གཞལ་ཡས་ནས༔ འཇིག་རྟེན་དྲེགས་པ་ཕོ་མོ་དང་༔ ཐོད་མཁར་འབར་བའི་གཞལ་ཡས་ནས༔ གིང་ཆེན་གིང་ཕྲན་ལ་སོགས་ཏ༔ འབུམ་ཕྲག་བྱེ་བ་ས་ཡ་རྣམས༔ ཞལ་ཟས་ཚོགས་ཀྱི་མཆོད་པ་དང་༔ བ་ལོ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་

[Full Size]

ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་སུན་མ་ཟློག༔ ༈ སྟོང་ཉིད་ཕྱག་རྒྱ་ཆེན་པོ་ཡིས༔ ཡེ་ཤེས་མཁའ་འགྲོའི་སུན་མ་ཟློག༔ བྱམས་དང་སྙིང་རྗེ་སེམས་བསྐྱེད་ཀྱིས༔ དབྱིངས་ཀྱི་མཁའ་འགྲོའི་སུན་མ་ཟློག༔ བསྟོད་བསྐུལ་ཕྲིན་ལས་སྣ་ཚོགས་ཀྱིས༔ དཔའ་བོ་མཁའ་འགྲོའི་སུན་མ་ཟློག༔ དར་ཚོན་སྣ་ལྔའི་མཆོད་པ་ཡིས༔ རིགས་ཀྱི་མཁའ་འགྲོའི་སུན་མ་ཟློག༔ ཐོད་པ་ལྟག་སྤྲོད་རྔ་སྒྲ་ཡིས༔ རྡོ་རྗེ་མཁའ་འགྲོའི་སུན་མ་ཟློག༔ རིན་ཆེན་ལྔ་ཡི་རྒྱན་ཆ་ཡིས༔ རིན་ཆེན་མཁའ་འགྲོའི་སུན་མ་ཟློག༔ ཤ་ཆེན་སྤོས་ཀྱི་ལང་ལིང་གིས༔ པདྨ་མཁའ་འགྲོའི་སུན་མ་ཟློག༔ སྨན་སྣ་ཚང་བའི་དམ་རྫས་ཀྱིས༔ ལས་ཀྱི་མཁའ་འགྲོའི་སུན་མ་ཟློག༔ མཆོད་པའི་བྱེ་བྲག་སྣ་ཚོགས་ཀྱིས༔ སངས་རྒྱས་མཁའ་འགྲོའི་སུན་མ་ཟློག༔ རྐང་གླིང་སྐད་དང་སྒྲ་དབྱངས་ཀྱིས༔ རིགས་ལྔ་མཁའ་འགྲོའི་སུན་མ་ཟློག༔ ཤ་སྣ་ཚང་བའི་གཏོར་མ་འདིས༔ འཇིག་རྟེན་མཁའ་འགྲོའི་སུན་མ་ཟློག༔ ཁྲག་སྣ་ཚང་བའི་གཏོར་མ་འདིས༔ ཤ་ཟ་མཁའ་འགྲོའི་སུན་མ་ཟློག༔ ཚིལ་ཆེན་གསུར་གྱི་དུད་པ་

[Full Size]

འདིས༔ གིང་ཆེན་གིང་ཕྲན་ལ་སོགས་པའི༔ དུར་ཁྲོད་བདག་མོའི་སུན་མ་ཟློག༔ དུང་ཆེན་རྐང་གི་གླིང་བུ་དང་༔ མཚན་ལྡན་གསང་བའི་རྔ་ཆུང་གིས༔ སྣ་ཚོགས་མཁའ་འགྲོའི་སུན་མ་ཟློག༔ མི་ལྤགས་གསར་རྙིང་གཡང་གཞི་འདིས༔ མ་མོ་མཁའ་འགྲོའི་སུན་མ་ཟློག༔ རྒྱ་མོ་ར་ཡི་གསུར་དུད་འདིས༔ དགྲ་བླའི་རྒྱལ་མོའི་སུན་མ་ཟློག༔ བསེ་བྱང་ཁྲ་བོ་དར་རྒྱན་འདིས༔ རྒྱལ་པོའི་ཚོགས་ཀྱི་སུན་མ་ཟློག༔ རླབས་ཆེན་ཁྱུང་དང་ངར་ཆེན་འབྲུག༔ རྩལ་ཆེན་སེངྒེ་ལ་སོགས་ཀྱིས༔ ལྷ་ཡི་རྒྱལ་པོའི་སུན་མ་ཟློག༔ མཚལ་བྱ་སྐད་སྙན་བྱ་རིགས་ཀྱིས༔ གཉན་གྱི་རྒྱལ་པོའི་སུན་མ་ཟློག༔ ལྕུང་ཀ་རོག་མོ་ལ་སོགས་དང་། གཤོག་ནག་བྱ་རིགས་ཐམས་ཅད་ཀྱིས༔ བདུད་ཀྱི་རྒྱལ་པོའི་སུན་མ་ཟློག༔ རྟ་རྐྱང་དྲེའུ་ལ་སོགས་པའི༔ རྔོག་ཆགས་སེམས་ཅན་ཐམས་ཅོད་ཀྱིས༔ དམུ་ཡི་རྒྱལ་པོའི་སུན་མ་ཟློག༔ སྟག་གཟིག་གུང་གསུམ་ལ་སོགས་པའི༔ གཅན་གཟན་རི་བཀྲ་སྣ་ཚོགས་ཀྱིས༔ གནོད་སྦྱིན་རྒྱལ་པོའི་སུན་མ་ཟློག༔ ཝ་དང་འཕར་བ་ལ་སོགས་པའི༔ གཅན་གཟན་དམར་པོ་ཐམས་ཅད་ཀྱིས༔ བཙན་གྱི་རྒྱལ་པོའི་སུན་མ་ཟློག༔

[Full Size]

དར་ནག་བ་དན་སྣ་ཚོགས་དང་༔ ནག་པོའི་རྒྱན་ཆ་སྣ་ཚོགས་ཀྱིས༔ སྲིན་པོའི་རྒྱལ་པོའི་སུན་མ་ཟློག༔ ཤ་དགོ་རྣ་བ་ལ་སོགས་དང་༔ རི་དྭགས་གཟུགས་བརྙན་སྣ་ཚོགས་ཀྱིས༔ ས་བདག་རྒྱལ་པོའི་སུན་མ་ཟློག༔ གཡག་ལུག་ར་གསུམ་ལ་སོགས་པའི༔ ནོར་ཕྱུགས་གཟུགས་བརྙན་སྣ་ཚོགས་ཀྱིས༔ ཡུལ་ལྷའི་རྒྱལ་པོའི་སུན་མ་ཟློག༔ ཉི་ཟླ་འཇའ་ཚོན་བྲིས་པ་འདིས༔ གཟའ་བདུད་རྒྱལ་པོའི་སུན་མ་ཟློག༔ འབྲང་རྒྱས་ཏིང་ལོ་ཞལ་དཀར་འདིས༔ སྨན་ཕྲན་རྣམས་ཀྱི་སུན་མ་ཟློག༔ གསེར་གཡུ་རིན་ཆེན་ཁལ་བཀལ་འདིས༔ དཀོར་བདག་རྣམས་ཀྱི་སུན་མ་ཟློག༔ ཀྱཻ༔ ཤ་ཁྲག་དམར་གྱི་གཏོར་མ་འདིས༔ མགོན་པོ་ལེགས་ལྡན་ལ་སོགས་པའི་ཕོ་རྒྱུད་རྣམས་ཀྱི་སུན་མ་ཟློག༔ དར་ནག་བ་དན་གཡག་ནག་དང་༔ ལུག་ནག་བྱ་ནག་ཁྱི་ནག་སོགས༔ ནག་པོའི་རྒྱན་ཆ་དཔག་མེད་ཀྱིས༔ མགོན་པོ་རྣམས་ཀྱི་སུན་མ་ཟློག༔ དར་ནག་གོ་ཁྲབ་སྤྱན་གཟིགས་དང་༔ གསེར་གྱི་ར་སྐྱེས་སེར་པོ་དང་༔ དུང་གི་ར་སྐྱེས་དཀར་པོ་དང་༔ མཆོང་གི་ར་སྐྱེས་སྨུག་པོ་དང་༔ གཡུ་ཡི་ར་སྐྱེས་སྔོན་པོ་ཡི༔ རྡོ་རྗེ་ལེགས་པ་ལ་

[Full Size]

སོགས་པའི༔ སྐྱེས་བུ་རྣམས་ཀྱི་སུན་མ་ཟློག༔ ཁྱི་དཀར་རྟ་དཀར་བྱ་དཀར་དང་༔ གཡག་ལུག་ར་དཀར་ལ་སོགས་ཀྱིས༔ རྒྱལ་པོའི་སྡེ་རིགས་རྣམས་ཀྱི་སུན་མ་ཟློག༔ ཐོད་ལེ་སྐོར་དང་ཕ་ཝང་ལོང་བུ་དང་༔ བླ་གནས་རྡོ་རིགས་ཐམས་ཅད་ཀྱིས༔ ཐེའུ་རང་རྣམས་ཀྱི་སུན་མ་ཟློག༔ ཤ་སྣ་བརྒྱ་དང་རྩ་བརྒྱད་ཀྱིས༔ མ་མོ་རྣམས་ཀྱི་སུན་མ་ཟློག་སྨན་སྣ་བརྒྱ་དང་རྩ་བརྒྱད་ཀྱིས༔ མ་སྲིང་རྒྱ་མཚོའི་སུན་མ་ཟློག༔ ཞིང་ཆེན་བྷྱོ་དང་ཛས་བརྒྱན་འདིས༔ སྲིད་པའི་རྒྱལ་མོའི་སུན་མ་ཟློག༔ གསེར་གཡུ་རིན་ཆེན་སྣ་ཚོགས་འདིས༔ བྱང་སྨན་འབྲོག་སྨན་ཐམས་ཅད་དང་༔ བརྟན་མའི་གནོད་པ་ཞི་གྱུར་ཅིག༔ འབྲང་རྒྱས་ཏིང་ལོ་ཞལ་དཀར་འདིས༔ གཡའ་སྨན་མཚོ་སྨན་གངས་སྨན་དང་༔ ནགས་སྨན་ས་ཡི་ལྷ་མོ་དང་༔ ལྕགས་ཀྱི་ལྷ་མོ་མེའི་ལྷ་མོ༔ ནམ་མཁའི་ལྷ་མོ་ལ་སོགས་ཏེ༔ འབྱུང་བ་བཞི་ཡི་ལྷ་མོ་དང་༔ རི་རབ་རྩེ་ལ་གནས་པ་ཡི༔ ལྷ་ཆེན་ཚངས་པ་ལ་སོགས་ཏེ༔ ལྷ་རྣམས་སྡེ་ཚོགས་སུན་མ་ཟློག༔ ལྷ་ཡི་གཡུལ་ངོ་ད་བསྒྱུར་ཅིག༔ རི་རབ་རྩ་བར་བཞུགས་པ་ཡི༔ ས་བདག་རྩང་ཀུན་ལ་སོགས་ཏེ༔ ས་བདག་ཡོངས་ཀྱི་སུན་

[Full Size]

མ་ཟློག༔ ལྷ་སྲིན་གཡུལ་ངོ་ད་བསྒྱུར་ཅིག༔ རྒྱུ་སྦྱོར་ཡོན་གྱི་བདག་པོ་ཡི༔ ཤ་ཡི་སུན་མ་ད་བསྒྱུར་ཅིག༔ ཁྲག་གི་སུན་མ་ད་བསྒྱུར་ཅིག༔ རུས་པའི་སུན་མ་ད་བསྒྱུར་ཅིག༔ དབང་པོའི་སུན་མ་ད་བསྒྱུར་ཅིག༔ རྣམ་ཤེས་གསལ་བའི་སྒྲོན་མེ་སྦོར༔ མི་ཐུན་རྐྱེན་རྣམས་བཟློག་ཏུ་གསོལ༔ མོ་ངན་འཚེར་རྩུབ་ད་བསྒྱུར་ཅིག །ལྟས་ངན་བརྒྱད་ཅུ་རྩ་གཅིག་དང་༔ བན་བྱེད་བོན་བྱེད་སྔགས་ཟོར་ཟློག་ལོ་ཟླ་ཞག་སྐག་ཐམས་ཅད་དང་༔ གློ་བུར་བརྒྱ་དང་རྩ་གཅིག་ཟློག༔ ཡེ་འདྲོགས་སུམ་བརྒྱ་དྲུག་ཅུ་དང་༔ ནག་རིགས་བཞི་བརྒྱ་རྩ་བཞི་དང་༔ དུས་མིན་འཆི་བ་རྣམ་བརྒྱད་དང་༔ བགེགས་རིགས་སྟོང་ཕྲག་བརྒྱད་ཅུ་ཟློག༔ རྩིས་བྱས་རྡེལ་བུ་ནག་པོ་དང་༔ མོ་ངན་རྨིས་ལྟས་ངན་པ་ཟློག༔ མི་ནག་སྐྱེ་བོའི་ཡ་ཁ་དང་༔ བྲན་གཡོག་ངན་པའི་དམོད་མཆུ་ཟློག༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ ངན་དགུ་སྡིག་བཅུ་ཐམས་ཅད་སྒྱུར༔ མོ་ངན་པྲ་ངན་ཐམས་ཅད་སྒྱུར༔ བྷྱོབྷྱོ༔ ཟློག་ཟློག༔ གཏོར་མ་དུར་ཁྲོད་དམ་རི་རྩེར་བསྐྱལ༔ འབྲང་རྒྱས་ཕྱེ་མར་དངོས་

[Full Size]

གྲུབ་ཏུ་བླང་༔ ལྷག་གཏོར་ལྷགས་མ་སྦྱིན་སྲེག་གྲུབ་ན་ལེགས༔ ས་མ་ཡ༔ རྒྱ་རྒྱ་རྒྱ༔ སྤྲུལ་སྐུ་རཏྣ་གླིང་པས་དམྱལ་སྨད་དགེ་རིའི་བྲག་ནས་གདན་དྲངས་པའོ༔ ཅ༽ དེ་ནས་ཤིང་རིས་བསྔོ་བ་ནི༔ ཧཱུྃ༔ རི་རབ་གླིང་བཞིའི་དཀྱིལ་འཁོར་ནས༔ རིགས་ཀྱི་མཁའ་འགྲོ་ཆེན་མོ་ལྔ༔ སྐུ་མདོག་རིགས་ཀྱི་ཁ་དོག་ཅན༔ ན་བཟའ་དར་གྱི་གོ་ཟུ་གསོལ༔ ཕྱག་ན་གྲི་གུག་ཐོད་ཁྲག་བསྣམས༔ གཡས་བསྐུམ་གཡོན་བརྐྱང་གར་སྟབས་ཚུལ་སིལ་སྙན་མང་པོ་སི་ལི་ལི༔ རྒྱན་ཆ་མང་པོ་པུ་རུ་རུ༔ ཞལ་ནས་ཧ་རི་ནི་ས་སྒྲོག༔ སྤྱན་གསུམ་སྡང་མིག་དགྲ་ལ་བལྟ༔ སྣ་ནས་ནད་ཀྱི་ན་བུན་འཐུལ༔ རིགས་ཀྱི་མཁའ་འགྲོ་འབུམ་གྱིས་བསྐོར༔ རི་རབ་གླིང་བཞིའི་དཀྱིལ་འཁོར་འདིར༔ སྐུ་གསུང་ཐུགས་དང་མཉམ་སྦྱོར་བའི་ལུས་ངག་ཡིད་གསུམ་མདོས་བཏང་གི༔ བདུད་བཞི་ལས་རྒྱལ་རྒྱལ་མཚན་བཞི༔ མཁའ་འགྲོའི་སྐུ་དང་གཉིས་སུ་མེད༔ འཁོར་བའི་གཡུལ་བཟློག་རུ་མཚོན་བཞི་མཁའ་འགྲོའི་ཐུགས་དང་གཉིས་སུ་མེད༔ ཡེ་ཤེས་ལྔ་ལྡན་ནམ་མཁའ་འདི༔ མཁའ་འགྲོའི་ཞལ་དང་གཉིས་སུ་མེད༔ རིན་ཆེན་རྒྱན་ལྡན་རྒྱང་བུ་འདི་མཁའ་འགྲོའི་གསུང་

[Full Size]

དང་གཉིས་སུ་མེད༔ གཉིས་མེད་དོན་རྟོགས་ཕྱག་རྒྱ་ཆེ༔ མཁའ་འགྲོའི་ཐུགས་དམ་བསྐང་གྱུར་ཅིག༔ མདའ་འདི་མཁའ་འགྲོའི་སྐུ་ཡི་རྟེན༔ སྐྱེས་པ་ཕོ་ཡི་གླུད་དུ་འབུལ༔ འཕང་འདི་མཁའ་འགྲོ་མཐུན་པའི་རྫས༔ ཟ་མ་མོ་ཡི་གླུད་དུ་འབུལ༔ ཐབས་མཆོག་སྟག་པའི་ཕོ་གདོང་འདི༔ སྐྱེས་པ་ཕོ་ཡི་གླུད་དུ་འབུལ༔ ཤེས་རབ་གླང་མའི་མོ་གདོང་འདི༔ ཟ་མ་མོ་ཡི་གླུད་དུ་འབུལ༔ སྐུ་གླུད་མཐུན་རྫས་འདི་འབུལ་གྱིས༔ ཁྱོད་ཀྱི་ཐུགས་དམ་བསྐང་གྱུར་ཅིག༔ བདག་ཅག་རྣལ་འབྱོར་རྐྱེན་དབང་ཟློག༔ རིན་ཆེན་ངར་གྱི་མི་བོ་ཆེ༔ མདངས་ལྡན་རྨ་བྱ་མཛེས་པ་འདི༔ མཁའ་ལྡིང་བྱ་དང་ཤེལ་སྒོང་ལུག༔ ཏིང་ལོ་མར་མེ་མདངས་དང་ལྡན༔ ཤ་སྣ་སྙིང་སྣ་གཏོར་མ་བཅས་མཁའ་འགྲོ་མཐུན་པའི་རྫས་སུ་འབུལ༔ ཁྱོད་ཀྱི་ཐུགས་དམ་བསྐང་གྱུར་ཅིག༔ བདག་གི་གཡར་དམ་སོར་རྩོལ་ཅིག༔ གཡར་དམ་བསྐང་ལ་རྐྱེན་དབང་ཟློག༔ དེ་ནས་མ་ཏྲ་འཕྱང་ནི༔ ཧཱུྃ༔ པདྨ་དབང་གི་དཀྱིལ་འཁོར་འདིར༔ མ་ཏྲ་བསྒྲལ་བའི་ཕུང་པོ་ལ༔ དུར་ཁྲོད་ཆེན་པོའི་ཚོགས་ཁང་ཡིན༔ མ་ཏྲི་ཡན་ལག་དོན་སྙིང་ལ༔ སྣང་སྲིད་ལྷ་འདྲེའི་ཕོ་

[Full Size]

བྲང་ཡོད༔ རིགས་ལྔ་མཁའ་འགྲོའི་ཕོ་བྲང་ཡོད༔ རིགས་ལྔའི་སངས་རྒྱས་ཕོ་བྲང་ཡོད༔ ཁྲོ་བོ་བཅུ་ཡི་ཕོ་བྲང་ཡོད༔ དེ་སྟེང་རི་རྒྱལ་ལྷུན་པོ་ཡོད༔ རིན་ཆེན་རི་རབ་ཁོང་སེང་ན༔ རིན་ཆེན་གཏེར་ཆེན་འབྲུ་སྨན་ཡོད༔ རི་རབ་བང་རིམ་བཞི་པོ་ལ༔ འདབ་ཆགས་གཅན་གཟན་རི་དྭགས་དང་༔ གཡུང་དྭགས་ཆུ་གནས་སྣ་ཚོགས་ཡོད༔ མཁའ་འགྲོ་མཉེས་པའི་རྫས་སུ་འབུལ༔ ཕྱི་ཡི་ལྕགས་རི་ནག་པོ་ལ༔ རྩོང་རིང་ཅུང་ཐུང་རྩང་འབྲིང་དང་ཚོན་སྐུད་སྣ་ལྔའི་དྲ་མིག་སོགས་རེ་རེ་ལ་ཡང་བརྒྱ་རྩ་བརྒྱད༔ རེ་རེ་ལ་ཡང་མཁའ་འགྲོ་རེ༔ དྲ་བ་མ་ཡི་སུན་མ་ཟློག༔ ཤ་ཁྲག་དྲོད་དབུགས་སུན་མ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་སུན་ཟློག་དཔའ་བོ་གདན་བཞུགས་མདོས་ཐབས་ཀྱི་ཁ་བཀང་དུ་༧ ཨ་རཱ་གས་སྦྱར་བའོ༔ ༔ ༈ འཆི་བསླུ་བཞུགས་སོ༔ ར་གསུར་བྱས་ལ༔ ཧཱུྃ༔ བཅོམ་ལྡན་དཔལ་ཆེན་ཧེ་རུ་ཀ༔ མཐིང་ནག་འཇིགས་པའི་ཆ་ལུགས་ཅན༔ གཡས་དཀར་གཡོན་དམར་དབུས་མཐིང་ཞལ༔ ཕྱག་དྲུག་ཕྱག་ཆས་སྐྱེ་འགྲོ་སྒྲོལ༔ སྦྲུལ་ཆེན་ཞགས་པས་མ་ཚོགས་འགུགས༔ གཡས་པས་བརྡུང་བས་ཐམས་ཅད་འདུལ༔ དྲེགས་པ་ཕོ་

[Full Size]

མོའི་གདན་ལ་བཞུགས༔ ཡབ་ཡུམ་གཉིས་སུ་མེད་པ་སྟེ༔ ཐུགས་རྗེའི་དབྱིངས་ལ་རོལ་མཛད་པའི༔ གཙོ་མཆོག་འབར་བའི་ཐུགས་དམ་བསྐང་༔ ནད་འདི་སེལ་ལ་རྐྱེན་འདི་ཟློག༔ སེམས་ཅན་འདི་ཡི་མགོ་བོ་དང་༔ མི་འདིའི་མགོ་བོ་བརྗེ་བསོར་མཛོད༔ ཤི་ལྟས་ངན་པ་བཟློག་ཏུ་གསོལ༔ ཧཱུྃ༔ གཙོ་མོ་ཡུམ་གྱི་མངོན་སྤྱོད་མ་སྤྱི་གཙུག་གཡུ་ཡི་རྡོ་རྗེ་རྩེ་དགུ་འབར། གཡུ་ཡི་རལ་པས་སྟོང་ཁམས་གང་༔ གཡས་ཀྱི་ཕྱག་ན་རིགས་ལྔའི་ཕྱག་རྒྱ་བསྣམས༔ གཡོན་གྱི་ཕྱག་ན་བདུད་རྩིའི་ལོངས་སྤྱོད་འདྲེན༔ རིག་པའི་སྤྱན་གྱིས་ཀུན་ལ་གཟིགས༔ ཁམས་གསུམ་ཀུན་ལ་མངའ་མཛད་མ༔ རྟག་ཏུ་དབང་ཕྱུག་ཆེན་པོའི་གྲོགས་མཛད་མ༔ བལྟས་པས་མི་མཐོང་གཅིག་ཀྱང་མེད༔ བསྐང་ངོ་བསྐལ་པས་ཐུགས་དམ་བསྐང་༔ སེམས་ཅན་འདི་ཡི་ལུས་པོ་དང་༔ མི་འདིའི་ལུས་པོ་བརྗེ་བསོར་མཛོད༔ ནད་འདི་སོལ་ལ་རྐྱེན་འདི་ཟློག༔ ཤི་ལྟས་ངན་པ་བཟློག་ཏུ་གསོལ༔ ཧཱུྃ༔ ནམ་མཁའི་རིགས་ཀྱི་རྒྱལ་མོ་ནི༔ མཐིང་ནག་སྤྲིན་གྱི་གོ་ཟུ་ཅན༔ ནམ་མཁའི་ཁམས་ལ་དབང་བསྒྱུར་ཞིང་༔ འགྲོ་བའི་དྲོད་ལ་མངའ་མཛད་

[Full Size]

མ༔ སེམས་ཅན་འདི་ཡི་བཀྲག་མདངས་དང་༔ མི་ཡི་བཀྲག་མདངས་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བསྐ་ལ་བས་ཐུགས་དམ་བསྐང་༔ ཤི་ལྟ་ལྟོས་ངན་པ་བཟློག་ཏུ་གསོལ༔ ཧཱུྃ༔ ཤར་ཕྱོགས་སྲིད་པའི་མངའ་བདག་མོ༔ འབྱུང་བ་ས་ལ་དབང་བསྒྱུར་ཞིང་༔ འགྲོ་བའི་ཤ་ལ་མངའ་མཛད་མ༔ སེམས་ཅན་འདི་ཡི་ཤ་རུས་དང་༔ མི་འདིའི་ཤ་རུས་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ ནད་འདི་སོལ་ལ་རྐྱེན་འདི་ཟློག༔ ཤི་ལྟས་ངན་པ་བཟློག་ཏུ་གསོལ༔ ཧཱུྃ༔ ལྷོ་ཕྱོགས་སྲིད་པའི་མངའ་བདག་མོ༔ འབྱུང་བ་ཆུ་ལ་དབང་བསྒྱུར་ཞིང་༔ འགྲོ་བའི་ཁྲག་ལ་མངའ་མཛད་མ༔ སེམས་ཅན་འདི་ཡི་ཁྲག་དང་ནི༔ མི་འདིའི་ཁྲག་གི་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ ནད་འདི་སོལ་ལ་རྐྱེན་འདི་ཟློག༔ ཤི་ལྟས་ངན་པ་བཟློག་ཏུ་གསོལ༔ ཧཱུྃ༔ ནུབ་ཕྱོགས་སྲིད་པའི་མངའ་བདག་མོ༔ འབྱུང་བ་མེ་ལ་དབང་ཡང་བསྒྱུར༔ འགྲོ་བའི་དྲོད་ལ་མངའ་མཛད་མ༔ སེམས་ཅན་འདི་ཡི་དྲོད་དང་ནི༔ མི་འདིའི་དྲོད་ནི་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ ནད་

[Full Size]

འདི་སོལ་ལ་རྐྱེན་འདི་ཟློག༔ ཤི་ལྟས་ངན་པ་བཟློག་ཏུ་གསོལ༔ ཧཱུྃ༔ བྱང་ཕྱོགས་སྲིད་པའི་མངའ་བདག་མོ༔ འབྱུང་བ་རླུང་ལ་དབང་ཡང་བསྒྱུར༔ འགྲོ་བའི་དབུགས་ལ་མངའ་མཛད་མ༔ སེམས་ཅན་འདི་ཡི་དབུགས་དང་ནི༔ མི་འདིའི་དབུགས་ནི་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ ནད་འདི་སོལ་ལ་རྐྱེན་འདི་ཟློག༔ ཤི་ལྟས་ངན་པ་བཟློག་ཏུ་གསོལ༔ ཧཱུྃ༔ སྲིད་པ་བདེ་འགྲོ་ཁམས་གསུམ་ཡུད་ཙམ་མ༔ སྐུ་མདོག་མཐིང་ནག་ཆེན་མོ་ལ༔ དབུས་ཀྱི་སྤྱན་མིག་ཅིར་ཡང་གཟིགས༔ རིན་ཆེན་རལ་པ་སྣ་ཚོགས་ཀྱིས༔ ཁམས་གསུམ་སྲིད་གསུམ་མ་ལུས་ཁེངས༔ སྣང་སྲིད་སྐྱེ་འགྲོ་སྒྲོལ་མཛད་མ༔ ལྔ་བཅུ་རྩ་བཞིའི་གཙོ་མོ་སྟེ༔ ཕུད་ཀྱི་བདག་མོའི་ཐུགས་དམ་བསྐང་༔ སེམས་ཅན་འདི་ཡི་རྣམ་ཤེས་དང་༔ མི་འདིའི་རྣམ་ཤེས་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ ནད་འདི་སོལ་ལ་རྐྱེན་འདི་ཟློག༔ བདག་དང་རྒྱུ་སྦྱོར་ཡོན་བདག་གི༔ འཆི་ལྟས་ངན་པ་བསྒྱུར་དུ་གསོལ༔ བྷྱོ༔ དཔག་བསམ་ཤིང་གི་ཡལ་ག་ལས༔ དཀར་མོ་གཡག་ཐོད་རལ་པ་ཅན༔ ཉི་ཟླ་

[Full Size]

སྟོང་གི་ཕྲེང་བ་ཅན༔ ཟངས་དང་ལྕགས་ཀྱི་རལ་པ་ཅན༔ མི་མགོའི་ཕྲེང་བའི་དོ་ཤལ་ཅན༔ སྣང་སྲིད་ཀུན་གྱི་བདག་མོ་སྟེ༔ སེམས་ཅན་འདི་ཡི་སྙིང་དང་ནི༔ མི་འདིའི་སྙིང་ནི་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བཟློག་ཏུ་གསོལ༔ བྷྱོ༔ མ་མོ་ཆེན་མོ་ཁྲོས་པའི་དབང་མོ་ཆེ༔ ཁམས་གསུམ་ཐམས་ཅད་གསོལ་མཛད་མ༔ སྲིད་པ་གསུམ་པོ་སྒྲོལ་མཛད་མ༔ སེམས་ཅན་འདི་ཡི་ལག་པ་དང་༔ མི་འདིའི་ལག་པ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བཟློག་ཏུ་གསོལ༔ བྷྱོ༔ མ་ཞེས་ཆེན་མོ་ཁྲོས་པའི་ཡུམ་གཅིག་མ༔ ཁམས་གསུམ་ཐམས་ཅད་གསལ་བར་མཛད༔ གསལ་རྒྱལ་མ་ཡི་ཐུགས་དམ་བསྐང་༔ སེམས་ཅན་འདི་ཡི་གློ་བ་དང་༔ མི་འདིའི་གློ་བ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་

[Full Size]

ལྟས་ངན་པ་བཟློག་ཏུ་གསོལ༔ བྷྱོ༔ མ་ཆེན་ཞེས་པ་ཁྲོས་པའི་དབང་མོ་ཆེ༔ ཁམས་གསུམ་ཐམས་ཅད་བདེ་ལ་སྦྱོར༔ གནམ་སྒྲོལ་མ་ཡི་ཐུགས་དམ་པ།བསྐང་༔ སེམས་ཅན་འདི་ཡི་མཆིན་པ་དང་༔ མི་འདིའི་མཆིན་པ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བཟློག་ཏུ་གསོལ༔ བྷྱོ༔ ཆེ་ཞེས་བཙན་གྱི་དབང་ཕྱུག་མ༔ ཕྱག་ན་མི་མགོའི་ཕོར་པ་ཐོགས་ཕུང་བྱེད་མ་ཡི་ཐུགས་དམ་བསྐང་༔ སེམས་ཅན་འདི་ཡི་མཁྲིས་པ་དང་༔ མི་འདིའི་མཁྲིས་པ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བཟློག་ཏུ་གསོལ༔ བྷྱོ༔ མཚན་ཉིད་སྲིད་པའི་རྒྱས་མཛད་མ་ལག་ན་ཞིང་གི་རྒྱུ་མ་བསྣམས༔ ཕུང་བྱེད་ཆེན་མོས་ཐུགས་དམ་བསྐང་༔ སེམས་ཅན་འདི་ཡི་རྒྱུ་མ་དང་༔ མི་འདིའི་རྒྱུ་མ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་

[Full Size]

སོལ་ལ་རྐྱེན་འདི་ཟློག༔ འཆི་ལྟས་ངན་པ་བཟློག་ཏུ་གསོལ༔ བྷྱོ༔ མཚན་ཉིད་བདག་ཉིད་ཆེན་མོ་ལ༔ ལག་ན་ཞིང་གི་དབྱུག་པ་བསྣམས༔ ཕུང་བྱེད་མ་ཡིས་ཐུགས་དམ་བསྐང་༔ སེམས་ཅན་འདི་ཡི་ཕུང་པོ་དང་༔ མི་འདིའི་ཕུང་པོ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བཟློག་ཏུ་གསོལ༔ བྷྱོ༔ མཚན་ཉིད་གཅིག་པུ་ཆེན་མོ་ལ༔ ཕྱག་ན་ཞིང་གི་རྒྱལ་མཚན་བསྣམས༔ ཕུང་བྱེད་མ་ཡིས་ཐུགས་དམ་བསྐང་༔ དགྲ་བགེགས་གཟུགས་ཕུང་ཤིག་ལ་ཤོག༔ བྷྱོ༔ རི་རབ་གླིང་བཞིའི་ཤར་ཕྱོགས་ནས་ཤར་གྱི་དཀར་མོ་སྤྱན་གཅིག་མ༔ དཀར་མོ་སྒེག་མོ་འབུམ་གྱིས་བསྐོར༔ སེམས་ཅན་འདི་ཡི་སྲོག་རྩ་དང་༔ མི་ཡི་སྲོག་རྩ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བསྒྱུར་དུ་གསོལ༔ བྷྱོ༔ རི་རབ་གླིང་བཞིའི་ལྷོ་ཕྱོགས་ནས༔ ལྷོ་ཡི་ནག་མོ་མཆེ་བ་ཅན༔ ནག་མོ་སྒེག་མོ་འབུམ་གྱིས་བསྐོར༔

[Full Size]

སེམས་ཅན་འདི་ཡི་དབང་པོ་རྣམ་ལྔ་དང་༔ མི་ཡི་དབང་པོ་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི་ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བསྒྱུར་དུ་གསོལ༔ བྷྱོ༔ རི་རབ་གླིང་བཞིའི་ནུབ་ཕྱོགས་ནས༔ ནུབ་ཀྱི་དམར་མོ་དབང་བསྒྱུར་མ༔ དམར་མོ་སྒེག་མོ་འབུམ་གྱིས་བསྐོར༔ སེམས་ཅན་འདི་ཡི་གསང་མཚན་དང་༔ མི་འདིའི་གསང་མཚན་བརྗེ་བསོར་མཛོད༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བསྒྱུར་དུ་གསོལ༔ བྷྱོ༔ རི་རབ་གླིང་བཞིའི་བྱང་ཕྱོགས་ནས༔ བྱང་གི་སེར་མོ་ལས་མཁན་མ༔ སེར་མོ་སྒེག་མོ་འབུམ་གྱིས་བསྐོར༔ བསྐང་ངོ་བསྐལ་པས་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ ནད་འདི་སོལ་ལ་རྐྱེན་འདི་ཟློག༔ འཆི་ལྟས་ངན་པ་བསྒྱུར་དུ་གསོལ༔ བཅོལ་བའི་ཕྲིན་ལས་འགྲུབ་པར་མཛོད༔ ནད་ཁ་ཆོད་ལ་ཡམས་ཁ་ཟློག༔ དུས་ལ་བབས་པའི་ཚེ་ཟད་ཀྱང་༔ ལོ་བརྒྱའི་བར་དུ་བཤོལ་ཐོབ་མཛོད༔ ཅེས་བསྐང་བ་

[Full Size]

གླུད་རྗེ་སྐག་བསྒྱུར་རྫོགས་སོ༔ ༈ དཔལ་ཧེ་རུ་ཀས་སུན་མ་རྣམས་ལ་ལན་བཏབ་པ་ནི་འདི་སྐད་དོ༔ ཡང་སྔ༔ ཀ༽ ཀྱཻ༔ མཁའ་འགྲོའི་ཚོགས་རྣམས་སྙན་གསོན་དང་༔ རིགས་བཟང་ལྷ་ཡི་སྐྱེས་བུ་འདི༔ ཁྱོད་མཁའ་འགྲོའི་ཡུལ་དུ་ངས་མི་གཏོང་༔ མཁའ་འགྲོའི་ཡུལ་བས་སྡུག་པ་མེད༔ འཇའ་ཚོན་གུར་ཕུབ་ལེགས་རྒྱུ་མེད༔ ཡང་དག་བརྩིས་ན་ཡལ་ནས་འགྲོ། མཁའ་ལྟར་དག་པའི་གཞལ་ཡས་དེར༔ མེ་ཏོག་ཆར་འབེབས་ཡག་རྒྱུ་མེད༔ ཡང་དག་བརྩིས་ན་ཡལ་ནས་འགྲོ༔ མི་མངོན་དབྱིངས་ཀྱི་ཕོ་བྲང་དེར༔ རིན་ཆེན་གསེར་གྱི་ལྡིང་ཁང་ཡང་༔ ཡང་དག་བརྩིས་ན་ཞིག་ནས་འགྲོ༔ མཁའ་སྤྱོད་རིན་ཆེན་ཕོ་བྲང་ན༔ མཁའ་འགྲོའི་འདུ་འཚོགས་མང་ཡོད་ཀྱང་༔ ཚོང་དཔོན་བཞིན་དུ་བྱེར་ནས་འགྲོ༔ དེ་བས་མཁའ་འགྲོའི་ཡུལ་དེ་སྡུག༔ རྒྱན་གྱི་གླུད་གཏོར་འདི་བཞེས་ལ༔ ངས་ནི་མི་བཏང་ཁྱེད་རང་གཤེགས༔ ཁ༽ མཁའ་འགྲོའི་ཚོགས་རྣམས་སྙན་གསོན་དང་༔ འདོད་དགུ་ལྷུན་གྲུབ་ཕོ་བྲང་ན༔ ཡིད་འོང་གཏེར་ལ་ལོངས་སྤྱོད་ཡང་༔ ཡང་དག་བརྩིས་ན་བཅུད་མེད་ཡིན༔ དྲག་པོ་ཨེ་ཡི་གཞལ་ཡས་ན༔ ཐོད་པའི་སྐུ་མཁར་བརྩེགས་

[Full Size]

ལེགས་ཀྱང་༔ ཡང་དག་བརྩིས་ན་ཞེ་སྡང་ཡིན༔ མི་ལྤགས་བླ་བྲེ་ཡོལ་བ་ཡང་༔ ཡང་དག་བརྩིས་ན་གཏི་མུག་ཡིན༔ ཚིལ་ཆེན་སྣང་གསལ་མར་མེ་ཡང་༔ ཡང་དག་བརྩིས་ན་འདོད་ཆགས་ཡིན༔ ཤ་ཆེན་གཏོར་མ་སྤྱང་པ་ཡང་༔ ཡང་དག་བརྩིས་ན་ང་རྒྱལ་ཡིན༔ རཀྟའི་རྒྱ་མཚོ་འཁྱིལ་བ་ཡང་༔ ཡང་དག་བརྩིས་ན་འདོད་ཆགས་ཡིན༔ རུས་པའི་རྒྱན་ཆ་མང་པོ་ཡང་༔ ཡང་དག་བརྩིས་ན་གནས་མེད་ཡིན༔ ཚིལ་ཆེན་དྲི་གསུར་བལྟམསཔ་ཡང་༔ ཡང་དག་བརྩིས་ན་དྲི་མེད་ཡིན༔ ཤ་ཆེན་གསུར་དུད་དྲི་ཞིམ་ཡང་༔ ཡང་དག་བརྩིས་ན་བཅུད་མེད་ཡིན༔ ཁྱོད་ཀྱི་ཡུལ་བས་སྡུག་པ་མེད༔ མཁའ་འགྲོའི་ཡུལ་བས་བསྔལ་བ་མེད༔ མཁའ་འགྲོའི་ཡུལ་དེ་དགའ་རྒྱུ་མེད་མཁའ་འགྲོའི་ཡུལ་དེ་སྤོ་རྒྱུ་མེད༔ མཁའ་འགྲོའི་ཡུལ་དེ་སྐྱིད་རྒྱུ་མེད༔ ངེད་བོད་ཀྱི་ཡུལ་བས་སྐྱིད་པ་མེད༔ ཡིད་ཀྱི་ཅི་བསམ་འགྲུབ་པ་ཡིན༔ ཟས་ལ་ལོངས་སྤྱོད་བྱེད་པས་ཆོག༔ རིགས་བཟང་ལྷ་ཡི་སྐྱེས་བུ་འདི༔ ཁྱོད་མཁའ་འགྲོའི་ཡུལ་དེར་ངས་མི་གཏོང་༔ རྒྱན་གྱི་གླུད་གཏོར་འདི་བཞེས་ལ༔ རང་རང་གནས་སུ་ད་གཤེགས་ཤིག༔ ག༽

[Full Size]

ཀྱཻ༔ དཔའ་བོ་མཁའ་འགྲོའི་ཚོགས་རྣམས་སྙན་གསོན་དང་༔ དུར་ཁྲོད་དབྱིངས་ཀྱི་ཕོ་བྲང་ནས༔ དཔའ་བོའི་བྲོ་བརྡུང་མཚར་རྒྱུ་མེད༔ དཔའ་མོས་གར་བྱེད་ལེགས་རྒྱུ་མེད༔ ངང་པའི་སྐད་སྙན་སྙན་རྒྱུ་མེད༔ དུར་པའི་གསུང་དེ་སྤྲོ་རྒྱུ་མེད༔ དར་དཀར་རྒྱལ་མཚན་ལེགས་རྒྱུ་མེད༔ དར་ནག་རུ་མཚོན་བརྗིད་རྒྱུ་མེད༔ སྦ་གླིང་སྨྱུག་གླིང་སྙན་རྒྱུ་མེད༔ གསེར་གྱི་ཉི་མ་དྲོ་རྒྱུ་མེད༔ དུང་གི་ཟླ་བོ་གསལ་རྒྱུ་མེད༔ སྐར་ཕྲན་ཚོམ་བུ་ལེགས་རྒྱུ་མེད༔ ཁྱོད་མཁའ་འགྲོའི་ཡུལ་དེ་སྐྱིད་རྒྱུ་མེད༔ ཁྱོད་མཁའ་འགྲོའི་ཡུལ་དེ་དགའ་རྒྱུ་མེད༔ རྒྱན་གྱི་གླུད་གཏོར་འདི་བཞེས་ལ། དེ་བས་ཁྱོད་རང་གཤེགས་པར་ཞུ༔ ང་༽ ཀྱཻ༔ དཔའ་བོ་མཁའ་འགྲོའི་ཚོགས་རྣམས་སྙན་གསོན་དང་༔ ཨོ་རྒྱན་ཡུལ་གྱི་བདུད་རྩིའི་མཚོ༔ ཡང་དག་བརྩིས་ན་ཞིམ་རྒྱུ་མེད༔ བདུད་རྩི་ཟས་ཀྱི་ལོངས་སྤྱོད་ཡང་༔ ཡང་དག་རྩིས་ན་འཕེལ་རྒྱུ་མེད༔ ཡེ་ཤེས་དབྱིངས་ཀྱི་ཕོ་བྲང་དེར༔ ཐེབ་ཅིག་ཞུགས་པས་སྐྱིད་རྒྱུ་མེད༔ མེ་ཏོག་གླིང་གི་ར་བ་དེར༔ ལན་གཅིག་མཐོང་བས་དགའ་རྒྱུ་མེད༔ མཛེས་པའི་ཡིད་ཀྱི་གདུང་སེམས་དེ༔ སྐད་ཅིག་དྲན་པས་དགའ་རྒྱུ་མེད༔

[Full Size]

མཁའ་འགྲོའི་ཡུལ་བས་སྡུག་པ་མེད༔ འཐབ་རྩོད་གནས་ནས་ཐར་དུས་མེད༔ ཤ་ཆང་ཚོགས་ཀྱང་ཞིམ་རྒྱུ་མེད༔ རཀྟ་ཁྲག་ཀྱང་ཞིམ་རྒྱུ་མེད༔ རིགས་བཟང་ལྷ་ཡི་སྐྱེས་བུ་འདི༔ ཁྱོད་མཁའ་འགྲོའི་ཡུལ་དེར་ངས་མི་གཏོང་༔ རིན་ཆེན་དངུལ་གྱི་སྐུ་མཁར་དེ༔ ཁ་བད་གཡུ་ལ་བྱས་ཡོད་ཀྱང་༔ བལྟས་པས་ལེགས་པ་ངས་མ་མཐོང་༔ རིན་ཆེན་གསེར་གྱི་སྐུ་མཁར་ཡང་ཁ་བད་བྱི་རུས་བྱས་པ་དེ༔ བལྟས་པས་མདངས་ལྡན་ངས་མ་མཐོང་༔ རིན་ཆེན་ལྕགས་ཀྱི་སྐུ་མཁར་དེ༔ ཁ་བད་མཆོང་ལས་བྱས་པ་དེ༔ བལྟས་པས་སྨུག་པར་ངས་མ་མཐོང་༔ ཁྱོད་ཨོ་རྒྱན་ཡུལ་དེར་སྨོན་རྒྱུ་མེད༔ ངེད་བོད་ཀྱི་ཡུལ་བས་དགའ་བ་མེད༔ ཅི་བྱེད་རང་དབང་ཐོབ་པས་དགའ༔ ཚེ་གཅིག་སངས་རྒྱས་འགྲུབ་པས་སྐྱིད༔ རིགས་བཟང་ལྷ་ཡི་སྐྱེས་བུ་འདི༔ ཁྱོད་མཁའ་འགྲོའི་ཡུལ་དུ་ངེས་མི་གཏོང་༔ རྒྱན་གྱི་གླུད་གཏོར་འདི་བཞེས་ལ༔ ཁྱོད་རང་རང་གནས་སུ་ད་བཞུད་འཚལ༔ ཅ༽ ཁྱོད་མཁའ་འགྲོའི་ཚོགས་རྣམས་སྙན་གསོན་དང་༔ བྱ་རིགས་སྐད་སྙན་འདི་ན་ཡོད༔ ངས་ནི་མི་གཏོང་ཁྱོད་རང་བྱོན༔ རིགས་བཟང་ལྷ་

[Full Size]

ཡི་སྐྱེས་བུ་འདིས༔ དཔའ་བོའི་ཕོ་ཉ་བྱེད་མི་ཁོམ༔ དཔའ་མོའི་ཚོགས་དཔོན་བྱེད་མི་ཁོམ༔ ཁྱོད་མཁའ་འགྲོའི་ཡུལ་དེར་ངེས་མི་གཏོང་༔ རྒྱན་གྱི་གླུད་གཏོར་འདི་བཞེས་ལ༔ ཁྱོ་རང་རང་གནས་སུ་ད་བཞུད་འཚལ༔ ཆ༽ ཀྱཻ༔ དཔའ་བོ་མཁའ་འགྲོའི་ཚོགས་རྣམས་སྙན་གསོན་དང་༔ བདག་དང་རྒྱུ་སྦྱོར་ཡོན་བདག་གི༔ ཤ་ཁྲག་རུས་པའི་གླུད་འདི་ནི༔ རིན་ཆེན་འབྲུ་སྣ་ཕྱེ་དཀར་ལ༔ གཞི་མདོས་གཙང་པོའི་ཆབ་ཀྱིས་སྦྲུས་དྲག་པོའི་གཏོར་མ་ཟུར་གསུམ་བཅས༔ དམར་གྱི་གཏོར་མ་རི་ལྟར་སྤུངས༔ བདུད་རྩི་སྨན་གྱི་རྒྱ་མཚོ་དང་༔ དར་ཚོན་སྣ་ལྔའི་རྒྱན་གྱིས་བརྒྱན༔ ཙན་དན་ཤུག་པའི་བྱང་བུ་ལ༔ བྱ་བཟང་དཀར་པོའི་ཕོད་ཀྱིས་བརྒྱན༔ འདོད་ཡོན་ལྔ་རུ་བྱིན་གྱིས་བརླབས། དཔའ་བོ་མཁའ་འགྲོའི་ཚོགས་ལ་གླུད་དུ་འབུལ༔ མཉེས་ཤིང་ཚིམ་པར་མཛད་དུ་གསོལ༔ ཚེ་ཡི་དུས་ལ་བབ་པ་ཡང་ལོ་གསུམ་བར་དུ་བཤོལ་ཐོབ་ཅིག༔ ཚེ་དཔལ་ལོངས་སྤྱོད་རྒྱས་ནས་ཀྱང་༔ ཆག་ཆེན་ཉམ་ང་བཟློག་ཏུ་གསོལ༔ གླུད་འདི་བཞེས་ལ་དགྱེས་པར་མཛོད༔ མཉམ་གཉིས་སྤོས་ལ་མཚུངས་གཉིས་བརྗེས༔ གནས་འདིར་ཕྱིན་ཆད་

[Full Size]

གནོད་པ་མ་བྱེད་ཅིག༔ ཇ༽ དེ་ནས་གླུད་ཆེན་ལག་ཏུ་བཏེག་ལ༔ ཀྱཻ༔ སུན་མའི་ཚོགས་རྣམས་སྙན་གསོན་དང་༔ སངས་རྒྱས་དགོངས་པ་ལས་བྱུང་བའི༔ སྐུ་གླུད་རིན་ཆེན་རྒྱན་ལྡན་འདི༔ མཚན་དཔེས་རབ་བརྒྱན་གཟི་བརྗིད་ལྡན༔ ཁ་དོག་དབྱིབས་ལས་འདས་པ་སྟེ༔ རྡོ་རྗེ་འཆང་གིས་བྱིན་བརླབས་ནས༔ སྔགས་འཆང་རྣལ་འབྱོར་སྐུ་ཚེ་ཡིན༔ ངོ་མཚར་ཅན་གྱི་གླུད་འདི་འབུལ༔ རིགས་བཟང་ལྷ་ཡི་སྐྱེས་བུ་འདི༔ འགྲོ་དོན་བསྟན་པ་རྒྱས་པ་དང་༔ སེམས་ཅན་སངས་རྒྱས་དབྱིངས་བཀོད་ཕྱིར༔ ཇི་སྲིད་འཁོར་བ་མ་སྟོངསབར༔ གཟུགས་སྐུ་དེ་སྲིད་བཞུགས་ནས་ཀྱང་༔ བསྟན་པ་སྐྱོང་ཞིང་བཞུགས་པར་ཞུ༔ ཞེས་ཞུའོ༔ མཁའ་འགྲོའི་ཞུས་ལན་བདུན་པ་རྫོགས་སོ༔ ཀྱཻ༔ སེམས་ཅན་མགོན་གྱུར་བླ་མ་རྗེ༔ བོད་ཡུལ་སེམས་ཅན་དོན་བཞུགས་ངས་མི་གཏོང་༔ ཞེས་ཞུས་ལན་བདུན་པའི་ཚིག་ཐམས་ཅད་དུ་སྦྱར་རོ༔ རྗེས་སུ་ཚར་བ་དང་༔ བླ་མ་ལ་བཞུགས་གདན་ན་བཟའ་འབུལ༔ བནྡེ་ལ་སོགས་བདུད་རྩི་འབུལ༔ གཞན་ཡང་ཕྱེ་མར་ཟས་སྣ་རྒྱན་སོགས་འབུལ་བ་མང་པོ་ཐོགས་ལ་ཐམས་ཅད་མགྲིན་གཅིག་ཏུ༔ ༈ དེ་ནས་མདོས་ཅུང་ཙམ་འཕང་བསྟོད་ལ་སྤྲོ་བ་བསྐྱེད་པ་འདི་སྐད་དོ༔ ཧཱུྃ༔ ཆོས་ཉིད་སྐྱེ་བ་མེད་

[Full Size]

པའི་ངང་ཉིད་ལས༔ གདུལ་བྱའི་དོན་དུ་སྐྱེ་བའི་ཆོ་འཕྲུལ་ཤར༔ སངས་རྒྱས་སྐུ་ཡི་སྤྲུལ་པ་བསམ་མི་ཁྱབ༔ འགྲོ་བའི་དོན་མཛད་སྤྲུལ་སྐུ་ཅིར་ཡང་འཆར༔ སྟོན་པ་ཤཱཀྱ་ཐུབ་པའི་ཞིང་ཁམས་འདིར༔ གླིང་ལ་མིང་བཏགས་ལྷོ་རྒྱལ་འཛམ་བུ་གླིང་༔ དུས་ལ་མིང་བཏགས་རྩོད་ལྡན་སྙིགས་མའི་དུས༔ ཡུལ་ལ་མིང་བཏགས་འདི་ཡུལ་འདི་གནས་སུ༔ སྦྲ་ཁང་མིང་བཏགས་བཀྲ་ཤིས་གཞལ་ཡས་ཁང་༔ ལོ་ལ་མིང་བཏགས་གནམ་ལོ་རྒྱལ་པོ་འདིར༔ ཟླ་བར་མིང་བཏགས་ཟླ་བ་འདི་ཡི་ནང་༔ ཞག་ལ་མིང་བཏགས་དེ་རིང་ཉི་མ་འདིར༔ དུས་ཚོད་མིང་བཏགས་ད་ལྟའི་དུས་ཚོད་ལ༔ ཡོན་བདག་འདི་ཞེས་བྱ་བ་ཡིས༔ ཚེ་གླུད་སྲོག་སྐྱིན་འཇལ་ཕྱིར་གཏོ་བགྱིའོ༔ ཤ་རིན་ཁྲག་ཚབ་གླུད་འབུལ་ལོ༔ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གླུད་རིན་ཆེན་རྒྱན་ཅན་གྱི༔ སྤྱི་བོའི་གཙུག་ཏུ་ཡར་གཟིགས་དང་༔ རྣམ་པར་སྣང་མཛད་ཕོ་བྲང་ཡོད༔ ཟག་མེད་ཆོས་ཀྱི་འཁོར་ལོ་བསྐོར༔ ཤོ་ཨེ་མ༔ མཁའ་འགྲོའི་ཚོགས་རྣམས་དང་རེ་སྤྲོ༔ སུན་མའི་མགྲོན་རྣམས་ཞེ་རེ་ཚིམ༔ ༈ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་

[Full Size]

ཀུན༔ སྐུ་གཟུགས་རིན་ཆེན་རྒྱུན་ཅན་གྱི༔ མགུལ་གྱི་བུམ་པར་ཡར་གཟིགས་དང་༔ སྣང་བ་མཐའ་ཡས་ཕོ་བྲང་ཡོད༔ དྲི་མེད་བཀའ་ཡི་འཁོར་ལོ་བསྐོར༔ ཤོ་ཨེ་མ༔ མཁའ་འགྲོའི་ཚོགས་རྣམས་དངས་རེ་སྤོ༔ སུན་མའི་མགྲོན་རྣམས་ཞེ་རེ་ཚིམ༔ ༈ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱན་ཅན་གྱི༔ བདེ་ཆེན་སྙིང་གི་ཕོ་བྲང་དུ༔ རྡོ་རྗེ་སེམས་དཔའི་དཀྱིལ་འཁོར་བཞུགས༔ ཐུགས་མཆོག་རྡོ་རྗེའི་འཁོར་ལོ་བསྐོར༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ༔ སུན་མའི་མགྲོན་རྣམས་ཞེ་རེ་ཚིམ༔ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱུན་ཅན་གྱི༔ ལྟེ་བ་སྤྲུལ་པའི་འཁོར་ལོ་ན༔ རིན་ཆེན་འབྱུང་ལྡན་ཕོ་བྲང་ཡོད༔ ལོངས་སྤྱོད་རྒྱན་གྱི་འཁོར་ལོ་བསྐོར༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ༔ སུན་མའི་མགྲོན་རྣམས་ཞེ་རེ་ཚིམ༔ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱན་ཅན་གྱི༔ རྡོ་རྗེ་ནོར་བུའི་དབྱངས་ཡིག་ལས༔ དོན་ཡོད་གྲུབ་པའི་ཕོ་བྲང་ཡོད༔ ཕྲིན་ལས་

[Full Size]

ཟད་མེད་འཁོར་ལོ་བསྐོར༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ༔ སུན་མའི་མགྲོན་རྣམས་ཞེ་རེ་ཚིམ༔ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱན་ཅན་གྱི༔ སྨིན་མཚམས་ཐད་དུ་ཡར་གཟིགས་དང་ཕྱག་ན་རྡོ་རྗེའི་ཕོ་བྲང་ཡོད༔ ལོག་འདྲེན་གདུག་པ་འཇོམས་པར་བྱེད༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ༔ སུན་མའི་མགྲོན་རྣམས་ཞེ་རེ་ཚིམ༔ ༈ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱན་ཅན་གྱི༔ ཁུང་གཡས་གཡོན་ཡར་གཟིགས་དང་༔ ནམ་མཁའི་སྙིང་པོའི་ཕོ་བྲང་ཡོད༔ དགོས་འདོད་ཡིད་བཞིན་རེ་བ་སྐོང་༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ་སུན་མའི་མགྲོན་རྣམས་ཞེ་རེ་ཚིམ༔ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱན་ཅན་གྱི༔ སྤྱན་གྱི་གདེང་ལ་ཡར་གཟིགས་དང་༔ པ་རྣམ་སེལ་ཕོ་བྲང་ཡོད༔ གཟུགས་སོགས་རྡོ་རྗེའི་འཁོར་ལོ་བསྐོར༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ༔ སུན་མའི་མགྲོན་རྣམས་ཞེ་རེ་ཚིམ༔ ཨེ་མ་

[Full Size]

ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱན་ཅན་གྱི༔ ཞལ་གྱི་དཀྱིལ་འཁོར་རྒྱས་པ་ལ༔ འཕགས་པ་འཇམ་དཔལ་ཕོ་བྲང་ཡོད༔ ཤེས་བྱ་རྒྱས་པའི་འཁོར་ལོ་བསྐོར༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ༔ སུན་མའི་མགྲོན་རྣམས་ཞེ་རེ་ཚིམ༔ ཨེ་མ་ཧོ༔ སུན་མའི་མགྲོན་རྣམས་ཐམས་ཅད་ཀུན༔ སྐུ་གཟུགས་རིན་ཆེན་རྒྱན་ཅན་གྱི༔ སྐུ་སྟོད་འདས་པའི་སངས་རྒྱས་ཡིན༔ སྐུ་སྐེད་ད་ལྟའི་སངས་རྒྱས་ཡིན༔ སྐུ་སྨད་སླད་ནས་འབྱོན་པའི་སངས་རྒྱས་ཡིན༔ སྐུ་ཡི་དཀྱིལ་འཁོར་རྒྱས་པ་ལ༔ མཁའ་འགྲོ་བྱེ་བའི་སྤྲུལ་པ་ཡོད༔ བསྟན་སྲུང་བྱེ་བ་འགྱེད་ཅིང་སྡུད༔ ཤོ་ཨེ་མ༔ མཁའ་འགྲོའི་ཚོགས་རྣམས་དྭངས་རེ་སྤྲོ། སུན་མའི་མགྲོན་རྣམས་ཞེ་རེ་ཚིམ༔ ཅེས་སྤྲོ་བ་བསྐྱེད་པའོ༔ ༈ དེ་ཡང་གཞུང་ལས་མིང་ནས་ལན་གསུམ་འབོད་པ་སོགས་ཞལ་ལས་ཤེས་པར་གསུངས་པ་ནི༔ གདན་དཀར་པོ་རབ་དགུ་བརྩེགས་ཐ་མ་སུམ་བརྩེགས་འོག་མ་རྡོ་རྗེ་རྒྱ་གྲམ༔ བར་མ་ལ་གཡུང་དྲུང་གཡས་འཁྱིལ་ནས་ཀྱི་བྲིས་ལ་བསྲུང་བྱ་དེ་བཞུགས་བཅོལ༔ ན་བཟའ་ཞྭ་སོགས་གཟབ་པར་བྱ༔ དེའི་མདུན་དུ་གཞི་དཀར་ལ་ཕྱེ་མར་གཏོར་མ་རིན་ཆེན་འབར་བ༔ བཀྲ་ཤིས་རྟགས་བརྒྱད༔

[Full Size]

རྒྱལ་སྲིད་སྣ་བདུན༔ ཟས་སྣ་གང་འཚོགས་བཤམས༔ ཡོན་ཏན་ཅན་ལ་སྐུ་གསུང་ཐུགས་རྟེན༔ སྐྱེས་པ་ལ་གོ་མཚོན༔ བུད་མེད་ལ་རྒྱན་ཆ་སོགས་དང་༔ གྲྭ་རིས་འཁོར་གཡོག་རྣམས་ཀྱིས་ཀྱང་བཤོས་རྟགས་བཞག་སྟེ༔ ཚེ་ཞེས་མིང་སྨོས་ལ༔ ཨོ་རྒྱན་མཁའ་འགྲོའི་གནས་སུ་མི་འབྱོན་པའི་བཅག་རྟགས་ལ༔ འཆི་མེད་ཚེ་ཡི་བུམ་པ༔ མི་ཤིགས་པའི་རྡོ་རྗེ༔ མི་ནུབ་པའི་རྒྱལ་མཚན༔ མི་འགྱུར་བའི་གཡུང་དྲུང་བཀྲ་ཤིས་པའི་རྟགས་བརྒྱད༔ རྒྱལ་སྲིད་རིན་པོ་ཆེ་སྣ་བདུན༔ བཞུགས་པའི་གདན་གཡུང་དྲུང་དང་རྒྱ་གྲམ་གྱི་རི་མོ་ཅན༔ བཞུགས་པའི་གདན་སངས་རྒྱས་ཀྱི་སྐུ་ས་ནོན་གྱི་ཕྱག་རྒྱ་ཅན༔ གསོལ་བའི་སྐྱེམས་འཆི་མེད་ཀྱི་བདུད་རྩི༔ གཞན་ཡང་འཇིག་རྟེན་མིའི་ཟས་ནོར༔ བརྒྱ་འབུལ་དང་བཅས་པ་འབུལ༔ སྐབས་འདིར་གྲྭ་རིས་སོགས་ཀྱི་ཕྲེང་བ་ཀ་ཆ་སྣ་ཚོགས་བཞག་ལ༔ ཆྒེསཿ བརྒྱ་འབུལ་སྒོའི་ཀ་ཆ་རྐེ་སོགས་མང་དུ་བཞག་ལ༔ ཚོན་སྐུད་སྣ་ལྔའི་གཟུངས་ཐག་གཅིག་རྡོ་རྗེ་ལ་བཏགས་ལ་སློབ་དཔོན་གྱིས་བཟུང་ནས༔ ཀྱཻ༔ སྔགས་འཆང་རྒྱལ་པོ་བདག་ལ་ནི༔ སློབ་དཔོན་པདྨས་དབང་ཡང་བསྐུར༔ རིག་འཛིན་རྣམས་ཀྱི་བྱིན་གྱིས་བརླབས༔ མཁའ་འགྲོ་སྡེ་ལྔས་ལུང་ཡང་བསྟན་བརྒྱུད་པའི་བླ་མས་བཀའ་ཡང་གནོང་༔ ལྷ་

[Full Size]

སྲིན་སྡེ་བརྒྱད་དམ་ལ་འདུས༔ དེ་བས་ཞུ་བའི་ཚིག་ལ་གསོན༔ དཀོན་མཆོག་གསུམ་གྱི་བཀའ་ལ་མི་ཉན་མེད༔ འབྱུང་བ་ལྔ་ལས་མ་སྐྱེས་འགྲོ་དྲུག་མེད། མནའ་དང་ཁྲིམས་ལ་མི་གནས་གཅིག་ཀྱང་མེད༔ ཟས་དང་སྐོམ་ལ་མི་ཆགས་གཅིག་ཀྱང་མེད༔ དེ་བས་འགྲོ་བ་སེམས་ཅན་དོན་གྱི་ཕྱིར༔ གནས་འདིར་བཞུགས་པའི་སྟན་ཅིག་འབུལ༔ སྐུ་གཟུགས་གསུང་རབ་མཆོད་རྟེན་གསུམ༔ ཁྱེད་ཐུགས་དགོངས་རྫོགས་པའི་བཅག་རྟགས་འབུལ༔ གདན་ཁྲི་ན་བཟའ་བཤོས་སྐྱེམས་ཡང་༔ ཁྱེད་ཐུགས་དགོངས་དགྱེས་པའི་བཅག་རྟགས་འབུལ༔ སློབ་དཔོན་མཆེད་གྲོགས་སློབ་མའི་ཚོགས༔ ཁྱེད་ཐུགས་དགོངས་རྫོགས་པའི་བཅག་རྟགས་འབུལ༔ གདུགས་དང་བླ་རེ་མཆོད་ཆ་ཡང་༔ ཁྱེད་ཐུགས་དགོངས་དགྱེས་པའི་བཅག་རྟགས་འབུལ༔ ལྟ་བ་བསྒོམ་པ་སྤྱོད་པ་ཡང་༔ ཁྱེད་ཐུགས་དགོངས་དགྱེས་པའི་བཅག་རྟགས་འབུལ༔ རྟ་དྲེལ་མཛོ་གཡག་ནོར་ཕྱུགས་ཡང་༔ ཁྱེད་ཐུགས་དགོངས་དགྱེས་པའི་བཅག་རྟགས་འབུལ༔ ཕྱག་དང་བསྐོར་བ་མོས་གུས་ཡང་༔ ཁྱེད་ཐུགས་དགོངས་དགྱེས་པའི་བཅག་རྟགས་འབུལ༔ སྐལ་ལྡན་སྐྱེས་

[Full Size]

བུ་ལས་ཅན་ལ༔ ཁྱེད་ལ་བཅག་རྟགས་འབུལ་བ་ནི༔ ཡེ་ཤེས་ལྔ་དང་འདོད་ཡོན་ལྔ༔ ཁྱེད་ལ་དགྱེས་པའི་བཅག་རྟགས་འབུལ༔ འབྲུ་ལྔ་གོས་ལྔ་མཆོད་རྫས་ལྔ༔ ཁྱེད་ལ་དགྱེས་པའི་བཅག་རྟགས་འབུལ༔ རིན་ཆེན་ལྔ་དང་དར་ཟབ་ལྗ༔ ཁྱེད་ལ་དགྱེས་པའི་བཅག་རྟགས་འབུལ༔ དགྱེས་པའི་བཅག་རྟགས་ཟས་འདི་འབུལ༔ འགྲོགས་པའི་བཅག་རྟགས་གྲོགས་འདི་འབུལ༔ བུ་སློབ་ཡོན་མཆོད་རྡོ་རྗེ་སྤུན༔ གྲོགས་མཆེད་མ་སྲིང་ཐམས་ཅད་ཀྱིས༔ དགྱེས་པའི་འདོད་ཡོན་བཅག་རྟགས་འབུལ༔ འཁོར་དང་སྡེ་རིགས་ཐམས་ཅད་ཀྱིས༔ དགྱེས་པའི་འདོད་ཡོན་བཅག་རྟགས་འབུལ༔ ཨ་ལ་ལ་སྟེ་བཞེས་སུ་གསོལ༔ སྐལ་ལྡན་ལས་ཅན་སྐྱེས་བུ་ཁྱེད༔ ལོ་བརྒྱའི་བར་དུ་བཞུགས་པར་ཞུ༔ ཚོན་སྐུད་སྣ་ལྔའི་གཟུངས་ཐག་འདི༔ ཡེ་ཤེས་ལྔ་ཡི་ངོ་བོ་ཡིན༔ ཁྱེད་མཁའ་འགྲོའི་ཡུལ་དུ་མི་འབྱོན་འབྲེལ་ཐག་ཞུ༔ ཁྱེད་ཀྱི་ཐུགས་དགོངས་བདག་གིས་བཟུང་བར་བྱ༔ ཕོ་ཡིན་ན་སྲིན་ལག་གཡོན༔ མོ་ཡིན་ན་གཡས་ལ་གཟུངས་ཐག་གི་སྣེ་མོ་བཏགས༔ དེ་ནས་ཕྱེ་མར་ཟས་སྣ་རྒྱན་ཆ་སོགས་འབུལ་བ་མང་པོ་ཐོགས་ལ་ཀུན་གྱིས་མགྲིན་གཅིག་ཏུ་འདི་སྐད་དོ༔ ཀྱེེ༔ སེམས་ཅན་ཀུན་

[Full Size]

གྱི་མགོན་གྱུར་བླ་མ་རྗེ༔ ཨོ་རྒྱན་མཁའ་སྤྱོད་གནས་སུ་མ་བཞུད་པརཿ༔ འགྲོ་བ་སེམས་ཅན་དོན་དུ་བོད་ཡུལ་བཞུགས་པར་ཞུ༔ བུ་སློབ་གདུལ་བྱ་སྨིན་གྲོལ་མཛད་དུ་གསོལ༔ ༈ བདུད་རྩི་སྨན་གྱི་མཆོད་པ་འདི་བཞེས་ལ༔ འཆི་མེད་རིག་འཛིན་ངང་དུ་བཞུགས་སུ་གསོལ༔ སརྦ་པཉྩ་ཨ་མྲྀ་ཏ་ལ་ཁཱ་ཧི༔ ཞེས་དྲངས་ལ་ཆས་རྣམས་འབུལ་ལོ༔ དེ་བཞིན་དུ་སྔགས་པ་ཡིན་ན༔ ཀྱཻ༔ མཐུ་སྟོབས་རྩལ་ལྡན་སྔགས་འཆང་ཁྱེད༔ ཅེས་རིགས་པས་སྦྱར༔ སྐྱེས་པ་ཡིན་ན༔ ཀྱེ༔ རིགས་བཟང་ལྷ་ཡི་སྐྱེས་བུ་ཁྱེད༔ སྡེ་རིགས་འཁོར་འབངས་སྐྱོང་བའི་ཕྱིར༔ ཅེས་སྦྱར༔ བུད་མེད་ཡིན་ན༔ ཀྱཻ༔ རིགས་བཟང་ལྷ་ཡི་སྲས་མོ་ཁྱེད༔ བུ་ནོར་ལོངས་སྤྱོད་འཕེལ་བའི་ཕྱིར༔ ༈ ཨོ་རྒྱན་མཁའ་སྤྱོད་གནས་སུ་མི་བཞུད་པར༔ བོད་ཡུལ་སེམས་ཅན་དོན་བཞུགས་ངས་མི་གཏོང་༔ ཞེས་ཚིག་གོང་འོག་རྣམས་གོང་ལྟར་འགྲེས་ཤེས་པར་བྱའོ༔ མིང་ནས་ལན་གསུམ་བརྗོད་པ་སོགས་ཞལ་ཤེས་ལྟར་བྱའོ༔ ས་མ་ཡ༔ རྒྱ་རྒྱ་རྒྱ༔ ཞེས་བདུད་རྩི་སྨན་སྒྲུབ་ཀྱི་རིལ་བུ་འདྲེས་པའི་ནང་མཆོད་ཅུང་ཟད་རེ་བླུག་པའི་ཆང་ངམ་ཇ་བཟང་པོ༔ དཀར་ཡོལ་སོགས་སྣོད་བཟང་པོ་གས་ཆག་མེད་པ་མར་གྱིས་ཁ་བརྒྱན་པ་བསྐང་སྟེ་དྲོངས༔ དེ་ནི་དམ་རྫས་ལྟ་བུའོ༔ དེ་ནས་

[Full Size]

རྗེས་ཟློས་བཅུག་ལ༔ ཧཱུྃ༔ ང་ནི་སྲ་བརྟན་རྡོ་རྗེའི་སྐུ༔ སྐྱེ་ཤི་མེད་པ་རྡོ་རྗེའི་རྒྱལ༔ ཅིས་ཀྱང་མི་ཚུགས་རྡོ་རྗེའི་ཐུགས༔ ཨོ་རྒྱན་གནས་སུ་མི་འགྲོ་བའི༔ སྔགས་འཆང་རྒྱལ་པོ་མཐུ་སྟོབས་ཅན༔ ཁྱེད་ཀྱི་གསུངས་བཞིན་བདག་གིས་བྱ༔ རང་ཡུལ་གནས་སུ་འདུག་པར་བྱེད༔ ལན་གསུམ༔ དེ་ནས་བརྟན་བཞུགས་འབུལ་བ་ནི༔ ཀྱཻ༔ རྨེ་ཞེས་བྱའི་མིང་སྨོས་ལ༔ ཁྱེད་མཁའ་འགྲོའི་ཡུལ་དུ་མི་འབྱོན་པའི༔ ཁྱེད་ལ་བཞུགས་པའི་གདན་འབུལ་གྱིས༔ སྲ་བརྟན་རྡོ་རྗེའི་བྲག་རི་སྟེང་༔ ཁ་དོག་སྣ་ལྔའི་གྲུམ་ཙེ་བཏིང་༔ མཛེས་ཤིང་འཇམ་པའི་བལ་སྟན་བཏིང་༔ ཡིད་དུ་འོང་བའི་སྟན་དཀར་བཏིང་༔ སྤྱན་ལ་མཛེས་པའི་གདན་དམར་བཏིང་༔ ཞབས་སུ་བདེ་བའི་དར་འབོལ་བཏིང་༔ བསྟན་པ་བསྲུང་ཕྱིར་བརྟན་པར་བཞུགས༔ བསྟན་པ་སྐྱོང་ཕྱིར་བརྟན་པར་བཞུགས༔ བུ་སློབ་སྐྱོང་ཕྱིར་བརྟན་པར་བཞུགས༔ ཉེ་རིང་ཀུན་གྱི་ཁྱེད་བཤོལ་ལོ༔ སྲུང་བ་གཏོ་ཡིས་ཁྱེད་བཤོལ་ལོ༔ སྙིང་པོ་སྔགས་ཀྱིས་ཁྱེད་བཤོལ་ལོ༔ སངས་རྒྱས་བདེན་པས་ཁྱེད་བཤོལ་ལོ༔ སྔགས་འཆང་བདག་གིས་ཁྱེད་བཤོལ་ལོ༔ བཤོལ་བའི་གནས་འདིར་བརྟན་པར་བཞུགས༔ ཞེས་

[Full Size]

གདན་བཏིང་པའི་ཐོག་ཏུ་བརྩེགས་མ་བཏིང་སྟེ་བཞུགས་སུ་གསོལ༔ སྐབས་འདིར་ཕྱེ་མར་དང་ཟས་སྣ་ཅུང་ཟད་གསོལ་བཅུག༔ དེ་ནས་སྤྲོ་བ་བསྐྱེད་པ་ནི༔ ཁྱེད་ཐུགས་དགོངས་གཞན་ལ་མ་སྤྲོ་ལ་བདག་ལ་ཚུར་ལ་གསན་པར་མཛོད༔ ཁྱེད་བཞུགས་པའི་གནས་མལ་འདི་ན་བདེ༔ མཁའ་འགྲོའི་གནས་ན་བདེ་བ་མེད༔ རོལ་མོ་སིལ་སྙན་འདི་ན་སྙན༔ མཁའ་འགྲོའི་གནས་ན་བདེ་བ་མེད༔ ཚོགས་ཀྱི་འཁོར་ལོ་འདི་ན་འཐུག༔ མཁའ་འགྲོའི་གནས་ན་བདེ་བ་མེད། སྣང་གསལ་སྒྲོན་མེ་འདི་ན་གསལ༔ མཁའ་འགྲོའི་གནས་ན་བདེ་བ་མེད༔ དྲི་ཞིམ་སྤོས་དུད་འདི་ན་ཞིམ༔ མཁའ་འགྲོའི་གནས་ན་བདེ་བ་མེད༔ འདོད་དགུ་ལོངས་སྤྱོད་འདི་ན་ཡོད༔ མཁའ་འགྲོའི་གནས་ན་བདེ་བ་མེད༔ ཚེ་གཅིག་སངས་རྒྱས་འདི་ན་འགྲུབ༔ མཁའ་འགྲོའི་གནས་ན་བདེ་བ་མེད༔ ཁྱེད་ཐུགས་དགོངས་ཀློད་ལ་བཞུགས་པར་ཞུ༔ དེ་ནས་བཞུགས་པར་ཁས་ལེན་པ་ནི༔ རྡོ་རྗེ་སློབ་དཔོན་ནམ། སྐལ་ལྡན་སྐྱེས་བུ་འམ། རིགས་བཟང་གི་བུ་མོ་འམ། རྒེ་ཞེས་བྱ་བའི་མིང་ནས་བརྗོད། བསྲུང་བྱས་ཨ་བརྗོད༔ ཁྱེད་མཁའ་འགྲོའི་གནས་སུ་མ་འབྱོན་པ༔ ལོ་བརྒྱའི་བར་དུ་གཟུགས་སྐུ་མི་ཡུལ་དུ་

[Full Size]

བཞུགས་པར་ཞུ༔ བསྲུང་བྱས༔ འོ་དེ་ག་བྱེད༔ ཅེས་དེ་འདྲའི་རྗེས་ཟློས་ལན་གསུམ་བྱེད༔ སྐྱེས་བུ་དམ་པ་རྣམས་ཚིག་བཙུན་ཞིང་རྫུན་སྤངས་པ་ཡིན་པས༔ དེ་ནས་སྲིན་ལག་གི་ཚོན་སྐུད་བཀྲོལ༔ ཚོགས་བཀྱག་རྟགས་ཀྱི་རྫས་རྣམས་སུན་ཟློག་ཕུལ་མ་ཚར་བར་དེ་གར་བཞག༔ ཕུལ་ཚར་ནས་གཏའ་མའི་ཚུལ་དུ་ཉེ་འཁོར་རྣམས་ཀྱིས་ཚུར་བསྡུས་ལ་སོ་སོར་ཚགས་བྱའོ༔ འདི་ནི་ཅུང་ཟད་རྒྱས་པ་ཡིན་ལ་སྡེར་སུན་ལྟ་བུ་བསྡུ་མ་ལ་གཞུང་གི་ཚིགས་བཅད་ཀྱི་བདུད་རྩི་ཇ་སོགས་སྐྱེམས་དང་ཕྱེ་མར་དྲངས་པས་འཐུས་སོ༔ ཞེས་སུན་ཟློག་དཔའ་བོ་གདན་བཞུགས་ཀྱི་ཁ་བཀང་དུ་ཨ་རཱ་གས་སྦྱར་བ་ཉེས་འགལ་མཆིས་ན་བཤགས་ཤིང་དགེ་བས་ཆོས་ལྡན་རྣམས་ཀྱི་སྐུ་ཚེ་རིང་བར་ཤོག༔ དེ་ནས་བླ་བསླུ་བྱ་བ་ནི༔ ལྡོང་ལ་ཤ་བ་འགྲུ་ལ་རྐྱང་༔ དབྲོ་ལ་གཡག་དང་སྒ་ལ་རི༔ མ་འཛོམ་ལུག་གི་བླ་ལ་བྱ༔ ཨོཾ་ཧཱུྃ་ཏྲཾ་ཧཱུྃཨཱནཾ་དང་༔ ཚེ་ཡི་སྙིང་པོ་ལ་སོགས་བྲི༔ ཚོན་སྐུད་སྣ་ལྔས་དཀྲིས་བྱས་ནས༔ སྲུང་སྐུད་དཀར་པོ་སྲད་བུ་དཀར༔ བཏགས་ནས་སྐུད་པ་ནག་པོས་སྦྲེལ༔ ཁྲམ་ཤིང་དང་བཅས་མདོས་ལ་བཙུགས༔ ཧཱུྃ༔ ང་ནི་པདྨ་ཧེ་རུ་ཀ༔ དུར་ཁྲོད་ཆས་ཀྱིས་སྐུ་ལ་བརྒྱན༔ བརྟུལ་ཞུགས་སྤྱོད་པའི་རྣལ་འབྱོར་ཡིན༔ ཁྱེད་མཁའ་འགྲོའི་ཚོགས་དང་ལྷ་སྲིན་ཚོགས༔ རྩེ་གཅིག་གུས་པའི་ཡིད་ཀྱིས་ཉོན༔ ཁྱོད་སྲོག་དང་དབུགས་ལ་ལོངས་སྤྱོད་ཅིང་༔ བླ་ཡིད་

[Full Size]

རྣམ་ཤེས་འཁྱེར་བ་ན༔ མི་ཁོམ་བརྒྱད་ཀྱི་འཇིགས་པ་ཡོད༔ ངན་སོང་གསུམ་ནས་ཐར་དུས་མེད༔ རྒྱུ་འབྲས་ནམ་ཡང་མི་བསླུ་བས༔ མཐོ་རིས་ཐར་ལམ་ཐོབ་འདོད་ན༔ སྤྲུལ་སྐུ་ཤཱཀ་ཐུབ་བཀའ་མ་བཅག༔ ཚེ་གཅིག་སངས་རྒྱས་ཐོབ་འདོད་ན༔ པདྨ་འབྱུང་གནས་དམ་མ་བཀྲལ༔ བདག་དང་རྒྱུ་སྦྱོར་ཡོན་བདག་དང་༔ རིགས་བཟང་ལྷ་ཡི་སྐྱེས་བུ་འདིར༔ སྔོན་ཆད་ཐོ་འཚམ་བྱས་གྱུར་ན༔ སྐུ་གླུད་མདོས་གཏོར་འདི་བཞེས་ལ༔ དོ་ནུབ་ད་ལྟ་འདི་ཉིད་དུ༔ བཟུང་བ་ཐོངས་ལ་བཅིངས་བ་ཁྲོལ༔ བསྡམས་པ་གློད་ལ་མནན་པ་ཁྱོག༔ སྲོག་སྙིང་ནང་གྲོལ་གང་ཁྱེར་རྣམས༔ ནང་དུ་ཆུག་ལ་ཚེ་སྲོག་སྲིངས༔ བཀྲག་མདངས་གང་ཁྱེར་རྒྱབ་ཏུ་ཀློན༔ ནང་གྲོལ་ཤ་ཁྲག་རུས་པ་རྣམས༔ སྔོན་ཆད་གང་ཁྱེར་ས་རུ་ཞོག༔ སྲོག་སྙིང་བླ་གསུམ་ཁྱེར་བ་གཏོད༔ ཁྲག་གིས་ཁ་ཕྲུ་བཏབ་པ་ཁྲུས༔ འཇའ་ཚོན་ཞགས་པས་བཅིངས་པ་ཁྲོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཕཊ༔ ཕཊ༔ ཅེས་བླ་བསླུའོ༔ སུན་མའི་ཡིད་བླ་ལ་ཆགས་པ་བཀྲོལ་ཏེ༔ ཐེབ་ཙེའི་དུ་རིགས་ལྔའི་ཕྱག་མཚན་པར་བཏབ་པ་དང་འབྲུ་སྣ་ཤ་དུམ་ཆངས་བུ་སོགས་བཤམས་ལ༔

[Full Size]

ནད་པ་དང་བླ་མ་ལ་བསྐོར་བ་གསུམ་བྱས་ལ༔ མདོས་ནང་དུ་འབུལ་ལོ༔ ཧཱུྃ༔ སུན་མའི་མགྲོན་རྣམས་ཐམས་ཅད་ཀྱིས༔ སེམས་ཀྱི་ཡིད་ཆགས་བཀྲོལ་བ་ནི༔ རིགས་ལྔའི་ཕྱག་མཚན་མཆོད་པ་ཡིས༔ རིགས་ལྔ་མཁའ་འགྲོའི་ཡིད་ཆགས་བཀྲོལ༔ སྣ་ཚོགས་མཆོད་པ་ཕྱག་མཚན་གྱིས༔ དུར་ཁྲོད་ཆེན་པོའི་གནས་བརྒྱད་དང་༔ ཡུལ་ཆེན་ཉི་ཤཱུ་རྩ་བཞི་ཡི༔ དཔའ་བོ་དཔའ་མོའི་ཡིད་ཆགས་བཀྲོལ༔ ཤ་ཁྲག་དམར་གྱི་གཏོར་མ་དང་༔ སྡེ་བརྒྱུད་སོ་སོའི་མཐུན་རྫས་ཀྱིས༔ དཔལ་ལྡན་མགོན་པོ་ལྕམ་དྲལ་དང་༔ ལྷ་སྲིན་སྡེ་བརྒྱད་ཡིད་ཆགས་བཀྲོལ༔ སྨན་བཤོས་མཆོད་པ་སྣ་ཚོགས་ཀྱིས་བརྟེན་སྐྱོང་སྨན་མོའི་ཡིད་ཆགས་བཀྲོལ༔ ཆངས་བུ་ཏིང་ལོ་ངར་མི་ཡིས༔ ལན་ཆགས་འབྱུང་པོའི་ཡིད་ཆགས་བཀྲོལ༔ ནད་དང་གདོན་གྱི་ཡིད་ཆགས་བཀྲོལ༔ དམ་སྲི་དམ་འདྲེ་དམ་ལ་ཐོགས༔ དེ་ནས་གདོན་ཐག་བཅད་པ་ནི༔ ཧཱུྃ༔ ཡེ་ཤེས་ལྔ་ཡི་མཚོན་ཆ་ཡིས༔ དུག་ལྔ་མཁྲིས་པའི་གདོན་ཐག་ཆོད༔ ཡེ་ཤེས་མཚོན་ཆ་འབར་བ་ཡིས༔ རྩེ་ལ་ཡེ་ཤེས་མེ་འཕྲོས་པས༔ བསྐལ་པ་གསུམ་གྱི་ནད་གདོན་བསྲེགས༔ སྐེད་པར་ཡེ་ཤེས་རླུང་བྱུང་བས༔ བསྐལ་

[Full Size]

པ་གསུམ་གྱི་ནད་གདོན་གཏོར༔ རྩ་བར་ཡེ་ཤེས་ཆུ་བྱུང་བས༔ བསྐལ་པ་གསུམ་གྱི་ནད་གདོན་བཀྲུས་གདོན་གྱི་འཁྲི་ཐག་ད་ཆོད་ཅིག༔ ནད་ཀྱི་འཁྲི་ཐག་ད་ཆོད་ཅིག༔ བགེགས་ཀྱི་འཁྲི་ཐག་ད་ཆོད་ཅིག༔ སུན་མའི་འཁྲི་ཐག་ད་ཆོད་ཅིག༔ ཨོཾ་བྷྲཱུཾ་ཧཱུྃ་ཏྲཱཾ་ཧྲཱིཿཨཱཿ རཾ་ཡཾ་ཁཾ༔ གདོན་གྱི་འཁྲི་ཐག་མཱ་ར་ཡ་རྦད༔ ཅེས་གྲི་ཚད་ལ་མེར་བསྲེག་ལ་བཅད༔ ནག་པོ་ལ་དཀར་པོ་འབྱར་ན་སླར་བླ་བསླུ་བྱའོ༔ དཀར་པོ་ལ་ནག་པོ་འབྱར་ན་ཡིད་ཆགས་བཀྲོལ་ཝིག་བྱའོ༔ ཙེས་སུན་ཟློག་དཔའ་བོ་གདན་བཞུགས་ཀྱི་ཁ་བཀང་ཨ་རཱ་གས་སོ༔ ༈ སློབ་དཔོན་སྤྲུལ་པའི་སྐུ་ལ་ཕྱག་འཚལ་ལོ༔ མཁའ་འགྲོའི་སུན་ཟློག་འདི་ལ༔ རབ་ལུས་སེམས་འཆི་བའི་མཐའ་དང་བྲལ་བ༔ འབྲིང་མཁའ་འགྲོ་ཆོས་སྐྱོང་སྲུང་མས་བསུ་བར་བྱེད་པ༔ ཐ་མ་ལྷ་སྲིན་སྡེ་བརྒྱད་ཀྱི་སྲོག་དབུགས་ལེན་ཅིང་བསུ་བར་བྱེད་པ༔ དེ་ཐམས་ཅད་འདི་ཡིས་བཟློག་པར་འགྱུར་ཏེ༔ སུན་ཟློག་ཐ་མ་ལས་སྦྱོར་བརྟན་མས་བཟློག་པར་བྱ་སྟེ༔ ཧཱུྃ༔ ནམ་མཁའ་གཡུ་ཡི་ལྡིང་ཁང་ནས༔ ཉི་འོད་འབར་བའི་སྨན་གཅིག་མ༔ བཞེངས་ཤིག་བཞེངས་ཤིག་སྐུ་བཞེངས་ཤིག༔ བསྐུལ་ལོ་བསྐུལ་ལོ་ཐུགས་དམ་བསྐུལ༔ དགོངས་ཤིག་དགོངས་ཤིག་ཐུགས་དམ་དགོངས༔ འབོད་པའི་འགྲོ་བ་གྲངས་མང་ཡང་༔ ཧ་ཀྱང་ཉོན་

[Full Size]

མོངས་མ་བསྐྱེད་ཅིག་བོས་ན་ཐུགས་ལོག་མ་མཛད་ཅིག༔ གཡབ་ན་ལེ་ལོ་མ་མཛད་ཅིག༔ ལས་ཀྱི་སུན་མ་བཟློག་ཏུ་གསོལ༔ ལྷ་ཀླུ་སྡེ་བརྒྱད་ལ་སོགས་པའི༔ འཆི་བདག་གཤིན་རྗེའི་སུན་མ་ཟློག༔ བརྟན་མ་ཡོངས་ཀྱི་གཙོ་མོ་སྟེ༔ དམག་གི་རྒྱལ་མོ་ཆེན་མོ་ཁྱོད༔ བདུད་རྩི་སྨན་གཏོར་རཀྟ་དང་༔ ཞལ་ཟས་ཚོགས་ཀྱི་མཆོད་པ་འབུལ་དམ་ལ་གནས་ཤིང་ཕྲིན་ལས་མཛོད༔ ཧཱུྃ༔ གངས་ཀྱི་ཡུམ་ཆེན་གཡུ་བུན་མ༔ མ་མོ་ཡོངས་ཀྱི་སུན་མ་ཟློག༔ ལྷོ་ཡི་སྐྱེ་མཐིང་ཡ་མ་སྐྱོང་༔ བཙན་གྱི་རྒྱལ་མོའི་སུན་མ་ཁ་རག་ཁྱུང་བཙུན་དཔལ་གྱི་ཡུམ༔ བདུད་ཀྱི་རྒྱལ་མོའི་སུན་མ་ཟློག༔ བྱང་གི་གསེར་ཐང་གཡུ་བུན་མ༔ གཤིན་རྗེ་རྒྱལ་པོའི་སུན་མ་ཟློག༔ གངས་དཀར་ཤ་མེད་སྨན་གཅིག་མ༔ སྨན་གྱི་རྒྱལ་མོའི་སུན་མ་ཟློག༔ བྱང་གི་བྱང་ཐང་ཏིང་མོ་སྨན༔ འགྲོག་གི་རྒྱལ་མོའི་སུན་མ་ཟློག༔ སྨན་བཙུན་ཁུག་ཆོས་དབྱར་མོ་བསིལ༔ ཀླུ་ཡི་རྒྱལ་མོའི་སུན་མ་ཟློག༔ དཔལ་ཆེན་གསང་བའི་གྲོགས་མཆོག་མ༔ རི་ཡི་རྒྱལ་མོའི་སུན་མ་ཟློག༔ སྐྱི་མཐིང་གངས་ཀྱི་ལ་རོ་སྨན༔ ཤེལ་ཟ་ལ་རོའི་སུན་མ་ཟློག༔ བརྟན་མའི་

[Full Size]

གཙོ་མོ་ལ་རོ་སྨན༔ མ་སང་རྒྱལ་མོའི་སུན་མ་ཟློག༔ ཀོང་བཙུན་དེ་མོ་བོད་ཁམས་སྐྱོང་༔ མ་བདུད་རྒྱལ་མོའི་སུན་མ་ཟློག༔ ལེགས་སྦྱོར་གསེར་ཐང་ཡི་གེ་རིས༔ དམུ་ཡི་རྒྱལ་མོའི་སུན་མ་ཟློག༔ གཡུ་ཡི་བུ་མོ་སི་ལེ་མ༔ གངས་ཀྱི་རྒྱལ་མོའི་སུན་མ་ཟློག༔ ན་ར་ཤེལ་གྱི་སྨན་གཅིག་མ༔ མ་སང་རྒྱལ་མོའི་སུན་མ་ཟློག༔ མི་།གཡོ་བརྟན་པའི་ས་འཛིན་མ༔ བགེགས་ཀྱི་རྒྱལ་མོའི་སུན་མ་ཟློག༔ འཛམ་གླིང་བསྟན་པའི་བརྟན་མ་དང་༔ བོད་ཁམས་སྐྱོང་བའི་སྐྱོང་མ་རྣམས༔ པདྨ་འབྱུང་གནས་ཕོ་ཉ་ས༔ རྐྱེན་རྣམས་བཟློག་པའི་མཐུ་མོ་ཆེ༔ དམག་དཔུང་བསྐྱེད་ལ་གཏོར་མ་ལོངས༔ བྱད་ཁ་ཕུར་ཁ་བཟློག་པ་དང་༔ སྣང་སྲིད་ལྷ་འདྲེའི་སུན་མ་ཟློག༔ བདུད་རྩི་སྨན་གཏོར་རཀྟ་དང་༔ ཞལ་ཟས་ཚོགས་ཀྱི་མཆོད་པ་བཞེས༔ ཕྲིན་ལས་རྣམ་བཞི་འགྲུབ་པར་མཛོད༔ བྷྱོ་བྷྱོ་བྷྱོ་ཡང་གཅིག་སུན་མ་བཟློག་པ་ནི༔ མ་མོ་མཁའ་འགྲོའི་སུན་མ་ཟློག༔ དཀར་མོ་སྤྱན་གཅིག་མ་ཡི་སུན་མ་ཟློག༔ མ་མོ་རྣམ་བཞིའི་སུན་མ་ཟློག༔ ལས་ཀྱི་མ་བཞིའི་སུན་མ་ཟློག༔ བསྲེ་ཡི་ལྷ་མོ་བཞི་ཡི་སུན་མ་ཟློག༔ གནོད་སྦྱིན་

[Full Size]

སྙིང་འཕྲོག་བཞི་ཡི་སུན་མ་ཟློག༔ བཀའ་སྡོད་བློན་མོ་བཞི་ཡི་སུན་མ་ཟློག༔ དམག་རྒྱལ་མ་བཞིའི་སུན་མ་ཟློག༔ ཡིད་སྐྱེས་མ་མོ་བཞི་ཡི་སུན་མ་ཟློག༔ དབུགས་འཕྲོག་མ་མོ་བཞི་ཡི་སུན་མ་ཟློག༔ སྙིང་འཕྲོག་མ་མོ་བཞི་ཡི་སུན་མ་ཟློག༔ ལས་ཀྱི་མ་མོ་བཞི་ཡི་སུན་མ་ཟློག༔ མ་སྲིང་བརྟན་མའི་སུན་མ་ཟློག༔ སྟེང་ཕྱོགས་ལྷ་རྣམས་སུན་མ་ཟློག༔ འོག་ཕྱོགས་ཀླུ་རྣམས་སུན་མ་ཟློག༔ བར་སྣང་གཉེན་གྱི་སུན་མ་ཟློག༔ སྒྲུབ་པའི་ཚོགས་ཀྱི་སུན་མ་ཟློག༔ གིང་ཆེན་མཆོག་གི་སུན་མ་ཟློག༔ དབང་ཕྱུག་མ་ཚོགས་སུན་མ་ཟློག༔ མ་མོ་དྲུག་ཅུ་རྩ་བཞིའི་སུན་མ་ཟློག༔ འབར་མ་བརྒྱད་ཀྱི་སུན་མ་ཟློག༔ སྲིད་པའི་མ་མོ་བརྒྱད་ཀྱི་སུན་མ་ཟློག༔ ལས་ཀྱི་སྲིན་མོ་བཞི་ཡི་སུན་མ་ཟློག༔ བརྟན་སྐྱོང་མ་མོ་འཁོར་བཅས་སུན་མ་ཟློག༔ ལས་ཀྱི་མ་མོ་འཁོར་བཅས་སུན་མ་ཟློག༔ ཚོགས་དང་གཏོར་མ་འདི་བཞེས་ལ༔ བྱད་ཁ་རྦོད་གཏོང་སུན་མ་བཟློག་ཏུ་གསོལ༔ འབྱུང་བ་ལྔ་ཡི་སུན་མ་བཟློག་ཏུ་གསོལ༔ ཡི་དམ་ལྷ་ཡི་སུན་མ་བཟློག་ཏུ་གསོལ༔ མཁའ་འགྲོ་དམ་ཅན་མ་ལུས་དང་༔ སྲུང་མ་རྣམས་ཀྱི་སུན་མ་བཟློག་ཏུ་གསོལ༔ སྣང་སྲིད་མ་མོ་

[Full Size]

ཐམས་ཅད་ལ༔ འདོད་ཡོན་མཆོད་པ་འབུལ་བ་ནི༔ སེམས་དང་ནམ་མཁའ་ཤ་དང་ས༔ ཁྲག་དང་ཆུ་སྟེ་དྲོད་དང་མེ༔ དབུགས་རླུང་འབྱུང་ལྔའི་མཆོད་པ་འབུལ༔ དྲི་ཆེན་དྲི་ཆུ་བྱང་ཆུབ་སེམས༔ ཤ་ཁྲག་ལ་སོགས་མཆོད་པ་འབུལ༔ མི་རྟ་གླང་ཆེན་རྨ་བྱ་ཁྱི་ཡི་ཤ་ཆེན་རྣམ་ལྔའི་མཆོད་པ་འབུལ༔ གཟུགས་སྣང་སྒྲ་གྲག་མི་དགེ་སྡིག་ལ་སོགས་མཆོད་པ་འབུལ༔ དགའ་བཞི་ཉམས་ཀྱི་མཆོད་པ་འབུལ༔ དགའ་བ་མཉམ་ཉིད་མཆོད་པ་འབུལ༔ ཡོན་ཆབ་མེ་ཏོག་བདུག་སྤོས་དང་༔ སྣང་གསལ་དྲི་མཆོག་ཞལ་ཟས་དང་༔ སྒྲ་སྙན་ལ་སོགས་མཆོད་པ་འབུལ༔ དུང་ཆེན་ཁ་སྦྱོར་དུང་ཁང་དུ༔ ཤ་ཆེན་ཚིལ་ཆེན་སྤོས་བལྟམས་དང་༔ དུར་ཁྲོད་ཆེན་པོའི་ས་གཞི་རུ༔ དབང་པོ་ལྔ་ཡི་མེ་ཏོག་བཀྲམ༔ རྐང་བུ་དུར་ཁྲོད་གཞལ་ཡས་སུ༔ ཚིལ་ཆེན་ཞུན་ཆེན་མར་མེ་བལྟམས༔ མཚན་ལྡན་བཀྲ་ཤིས་ཀཱ་པ་ལར༔ གཏོར་མ་ཡེ་ཤེས་བདུད་རྩིར་བསྒྱུར༔ བྷནྡྲ་ཉིད་ཀྱི་དཀྱིལ་འཁོར་དུ༔ ཤ་མང་ཁུར་བ་ལ་སོགས་པའི༔ རོ་བརྒྱ་ལྡན་པའི་ཚོགས་འཁོར་བཤམས༔ མཚན་ལྡན་རྡོ་རྗེ་ཀ་པཱ་ལར༔ འབྲུ་བཅུད་ཨ་མྲྀ་

[Full Size]

ཏ་ཡིས་བཀང་༔ རྩ་བརྒྱད་སྟོང་ལ་སྦྱར་བའི་སྨན༔ མཚན་ལྡན་རྒྱ་ཆེན་མཆོད་པ་འབུལ༔ ཐབས་དང་ཤེས་རབ་དཀྱིལ་འཁོར་དུ༔ རྣལ་འབྱོར་ཕོ་མོ་ཐམས་ཅད་ཀྱི༔ ཚངས་པའི་སྒྲ་དབྱངས་སྙན་པར་བྱེད༔ གསུང་དབྱངས་ཡན་ལག་དྲུག་ཅུའི་སྒྲས༔ མཆོད་པ་རྒྱ་ཆེན་ཁྱེད་ལ་འབུལ༔ མཆོད་པའི་ལྷ་མོ་ཐམས་ཅད་ཀྱིས༔ གར་སྟབས་བྱེད་ཅིང་མཆོད་པ་འབུལ༔ རིན་ཆེན་ཁང་པ་ཡང་བརྩེགས་དང་༔ རིན་ཆེན་གཏེར་གྱི་བུམ་པ་དང་༔ ཡིད་བཞིན་ནོར་བུ་རིན་ཆེན་དང་༔ རྒྱལ་སྲིད་རིན་ཆེན་སྣ་བདུན་དང་བཀྲ་ཤིས་རྫས་བརྒྱད་མཆོད་པའི་ཚོགས༔ གདུགས་དང་རྒྱལ་མཚན་བ་དན་དང་༔ བླ་རེ་དར་འཕན་ལྡ་ལྡི་སོགས༔ མཆོད་པའི་སྤྲིན་ཕུང་ཅི་སྙེད་རྣམས༔ བླ་མ་ཡི་དམ་དཀོན་མཆོག་དང་༔ མཁའ་འགྲོ་ཆོས་སྐྱོང་རྣམས་ལ་འབུལ༔ ལྷ་ཀླུ་སྡེ་བརྒྱད་ལ་སོགས་པའི༔ འཆི་བདག་གཤིན་རྗེའི་སུན་མ་ཟློག༔ མི་དང་མི་མིན་ལ་སོགས་པའི༔ བྱད་ཁ་ཟོར་ཁ་ཕུར་ཁ་རྣམས༔ བྱད་མ་རྦོད་གཏོང་མཁན་ལ་ཟློག༔ རྨི་ལམ་མཚན་ལྟས་ངན་པ་ཟློག༔ དེ་ནས་སྡེ་བརྒྱད་སུན་ཟློག་བྱ་བ་ནི་འདི་སྐད་དོ༔ ཀྱཻ༔ སུམ་ཅུ་རྩ་གསུམ་ཡར་སྟེང་ནས༔ ལྷ་

[Full Size]

ཡི་རྒྱལ་པོ་ཆེན་པོ་ལ༔ ལྷ་ཡི་འཁོར་ཚོགས་འབུམ་སྡེར་བཅས༔ ལྷ་ཡི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ ལྷ་ཡི་སུན་མ་བཟློག་ཏུ་གསོལ༔ ཧཱུྃ༔ ལྷོ་ཕྱོགས་དུར་ཁྲོད་ཆེན་པོ་ནས༔ གཤིན་རྗེའི་རྒྱལ་པོ་ཆེན་པོ་ལ༔ འཁོར་དུ་གཤིན་རྗེ་འབུམ་གྱིས་བསྐོར༔ གཤིན་རྗེའི་འཁོར་ཚོགས་སུན་མ་ཟློག༔ འདོད་ཡོན་མཆོད་པ་འདི་བཞེས་ལ༔ གཤིན་རྗེའི་སུན་མ་བཟློག་ཏུ་གསོལ༔ ཧཱུྃ༔ ཁམས་གསུམ་དུར་ཁྲོད་ཆེན་པོ་ནས༔ མེ་རླུང་འཚུབ་མའི་ཕོ་བྲང་ནས༔ དཔལ་ལྡན་ལྷ་མོ་ཆེན་མོ་ལ༔ འཁོར་དུ་མ་མོ་འབུམ་སྡེར་བཅས༔ མ་མོའི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ མ་མོའི་སུན་མ་བཟློག་ཏུ་གསོལ༔ ཧཱུྃ༔ སྟོང་གསུམ་བདུད་ཁམས་ཆེན་པོ་ནས༔ བདུད་རྒྱལ་རེ་ལྡེ་མགོ་ཉག་ལ༔ འཁོར་དུ་བདུད་དམག་འབུམ་སྡེར་བཅས༔ བདུད་ཀྱི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ བདུད་ཀྱི་སུན་མ་བཟློག་ཏུ་གསོལ༔ ཧཱུྃ༔ ཐམས་ཅད་འདུལ་བྱེད་དཀྱིལ་འཁོར་ནས༔ རུ་ཏྲའི་རྒྱལ་པོ་ཆེན་པོ་ལ༔ འཁོར་དུ་

[Full Size]

རུ་ཏྲ་འབུམ་གྱིས་བསྐོར༔ རུ་ཏྲའི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ རུ་ཏྲའི་སུན་མ་བཟློག་ཏུ་གསོལ༔ ཧཱུྃ༔ བྲག་དམར་སྤུངས་པའི་ཕོ་བྲང་ནས༔ བཙན་གྱི་རྒྱལ་པོ་ཆེན་པོ་ལ༔ འཁོར་དུ་བཙན་དམག་འབུམ་སྡེར་བཅས༔ བཙན་གྱི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ བཙན་གྱི་སུན་མ་བཟློག་ཏུ་གསོལ༔ ཧཱུྃ༔ འོད་ཕུང་འབར་བའི་གུར་ཁང་ནས༔ གཟའ་བདུད་ཆེན་པོ་རཱ་ཧུ་ལ༔ འཁོར་དུ་གཟའ་སྲིན་འབུམ་སྡེར་བཅས༔ གཟའ་ཡི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ གཟའ་ཡི་སུན་མ་བཟློག་ཏུ་གསོལ༔ ཧཱུྃ༔ རྒྱ་མཚོ་ཆུ་ཡི་དཀྱིལ་འཁོར་ནས༔ གླིང་བཞི་གླིང་ཕྲན་གླིང་གཡོག་དང་༔ འཇིག་རྟེན་ཁམས་ལ་དབང་བྱེད་པའི༔ ཀླུ་ཡི་རྒྱལ་པོ་འཁོར་བཅས་ལ༔ འཁོར་དུ་ཀླུ་དམག་འབུམ་སྡེར་བཅས༔ ཀླུ་ཡི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ ཀླུ་ཡི་སུན་མ་བཟློག་ཏུ་གསོལ༔ ཧཱུྃ༔ ཤེལ་མཁར་འོད་ཀྱི་གཞལ་ཡས་ནས༔ སྲོག་བདག་རྒྱལ་པོ་ཆེན་པོ་ལ༔ འཁོར་དུ་རྒྱལ་འགོང་འབུམ་སྡེའི་

[Full Size]

བསྐོར༔ རྒྱལ་པོའི་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ རྒྱལ་པོའི་སུན་མ་བཟློག་ཏུ་གསོལ༔ ཧཱུྃ༔ བྱང་ཕྱོགས་རིན་ཆེན་ཁང་པ་ནས༔ གནོད་སྦྱིན་རྒྱལ་པོ་ཆེན་པོ་ལ༔ འཁོར་དུ་གནོད་སྦྱིན་འབུམ་སྡེར་བཅས༔ གནོད་སྦྱིན་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ གནོད་སྦྱིན་སུན་མ་བཟློག་ཏུ་གསོལ༔ ཧཱུྃ༔ འོ་ཡུག་ཕྱི་བ་སྟག་རྩེ་ར༔ གཙང་བཙན་རྡོ་རྗེ་ལེགས་པ་ལ༔ འཁོར་དུ་ཐེའུ་རང་འབུམ་སྡེར་བཅས༔ གཙང་བཙན་འཁོར་ཚོགས་སུན་མ་རྣམས༔ འདོད་ཡོན་མཆོད་པ་འདི་བཞེས་ལ༔ ཐེའུ་རང་སུན་མ་བཟློག་ཏུ་གསོལ༔ ལྷ་སྲིན་སྡེ་བརྒྱད་སྐག་དང་སུན་མ་ཟློག༔ ལྷ་སྲིན་སྡེ་བརྒྱད་གནོད་པ་ཐམས་ཅད་ཟློག༔ ལོ་སྐག་སྒྱུར་ལ་ཟླ་སྐག་ཟློག༔ ཞག་སྐག་བསྒྱུར་ལ་ཟ་སྐག་ཟློག༔ རྒྱུ་སྦྱོར་ཡོན་གྱི་བདག་པོ་ལ༔ འཆི་བར་ངེས་པའི་མི་ཡོད་ཀྱང་༔ ལོ་གསུམ་བར་དུ་བཤོལ་ཐོབ་ཅིག༔ བྷྱོབྷྱོབྷྱོ༔ ཟློག་ཟློག་ཟློག༔ དེ་ནས་གསེར་སྐྱེམས་མཆོད་ལ་འདི་སྐད་དོ༔ ཧཱུྃ༔ རི་རབ་ཆེན་པོའི་ཡར་སྟེང་ནས༔ རྣམ་པར་རྒྱལ་བའི་ཁང་བཟང་དུ༔ གནོད་སྦྱིན་

[Full Size]

ཚངས་པ་འཁོར་བཅས་བཞུགས༔ རྒྱལ་ཆེན་བཞི་དང་ཕྱོགས་སྐྱོང་བར༔ ལྷ་ཆེན་བརྒྱད་དང་ཀླུ་ཆེན་བརྒྱད༔ གཟའ་ཆེན་བརྒྱད་དང་ནོར་སྲུང་བརྒྱད༔ གཉན་ཆེན་བརྒྱད་པོ་འཁོར་དང་བཅས༔ གཟའ་དང་རྒྱུ་སྐར་བཅས་པ་དང་༔ ཕྱི་རྒྱུད་སྲུང་མའི་སུན་མ་རྣམས༔ འདོད་ཡོན་ལྔ་དང་ལྡན་པ་ཡི༔ གསེར་སྐྱེམས་མཆོད་པ་འདི་བཞེས་ལ༔ བརྒྱ་བྱིན་ཚངས་པ་ལ་སོགས་པའི༔ ཕྱི་རྒྱུད་སྲུང་མའི་སུན་མ་རྣམས༔ བདག་དང་རྒྱུ་སྦྱོར་ཡོན་བདག་ལ༔ འཆི་བར་ངེས་པའི་མི་ཡོད་ཀྱང་༔ ལོ་གསུམ་བར་དུ་བཤོལ་ཐོབ་ཅིག༔ ལོ་སྐག་བསྒྱུར་ལ་ཞག་སྐག་ཟློག༔ ཞག་སྐག་བསྒྱུར་ལ་ཟ་སྐག་ཟློག༔ དུས་མིན་འཆི་བ་བཅོ་བརྒྱད་ཟློག༔ ཡེ་འདྲོག་སུམ་བརྒྱ་དྲུག་ཅུ་ཟློག༔ ས་བདག་གཉན་གྱི་སུན་མ་ཟློག༔ ཕ་མེས་མཚུན་གྱི་སུན་མ་ཟློག༔ མ་ཕྱི་སྨན་གྱི་སུན་མ་ཟློག༔ ཞང་ཉེ་གཉེན་གྱི་སུན་མ་ཟློག༔ བྲན་འཁོར་རྒྱབ་ཀྱི་སུན་མ་ཟློག༔ གཤིན་པོས་ངུར་འབོད་སུན་མ་ཟློག༔ འཆི་བར་ངེས་པའི་མི་ཡོད་ཀྱང་༔ ལོ་གསུམ་བར་དུ་བཤོལ་ཐོབ་ཅིག༔ ལོ་གསུམ་ཐལ་བའི་དུས་ཚོད་ལ༔ ལན་ཆགས་བགེགས་ལ་གླུད་ཅིག་འཇལ༔ འཆི་

[Full Size]

བདག་བདུད་ལས་ཐར་ཅིག་འདོན༔ ཟླ་ནས་ལོ་རུ་བཤོལ་དུ་གསོལ༔ ལོ་ནས་ཚེ་རབས་ཀུན་ཏུ་བཤོལ༔ བདག་དང་ཡོན་བདག་འཁོར་བཅས་རྣམས༔ ཚེ་རིང་ནད་མེད་ཕུན་སུམ་ཚོགས༔ རྟག་ཏུ་བཀྲ་ཤིས་བདེ་ལེགས་ཤོག༔ ཅེས་གསེར་སྐྱེམས་བསྔོས་ལ་མདོས་བཏང་༔ འདི་ཤིན་ཏུ་གཉན་པས་ནུས་ལྡན་དམ་ཚིག་ཅན་གྱིས་བྱའོ༔ གང་རུང་གིས་བྱས་ན་རང་ལ་ལྡོག༔ རྣལ་འབྱོར་རང་དོན་སོགས་ལ་འདི་ཡིས་མི་བཟློག་མི་སྲིད་དོ༔ ༈ དེ་ནས་གསེར་སྐྱེམས་གཏོར་ཞིང་༔ ཧཱུྃ༔ ཕྱོགས་བཞི་མཚམས་བརྒྱད་སྟེང་འོག་བཅུ༔ ས་ཕྱོགས་ཡུལ་རིས་འདི་དག་ལ༔ གནས་པའི་ས་བདག་ཀླུ་གཉན་ཀུན༔ རྣལ་འབྱོར་བདག་ལ་སྙན་གསོན་དང་༔ རིན་ཆེན་གསེར་སྐྱེམས་བདུད་རྩི་འདི༔ རྡོ་རྗེ་ཕག་མོས་བྱིན་གྱིས་བརླབས༔ ཧེ་རུ་ཀ་ཡི་རྒྱུད་ལས་བྱུང་༔ ཡི་དམ་ལྷ་ཚོགས་མཆོད་པའི་རྫས༔ དཔའ་བོ་མཁའ་འགྲོ་འདུ་བའི་རྫས༔ ལྷ་འདྲེ་མི་གསུམ་མཉེས་པའི་རྫས༔ ཆང་དང་གསེར་དུ་སྦྱར་བ་འདི༔ ལྷ་ཀླུ་གཞི་བདག་རྣམས་ལ་འབུལ༔ གསེར་སྐྱེམས་མཆོད་པ་འདི་བཞེས་ལ༔ སུན་མ་ཟློག་པའི་དཔང་པོ་མཛོད༔ མདོས་དང་ཟོར་གྱི་ལམ་ཕྱེས་ལ༔ མཐོ་བ་

[Full Size]

རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་སྨོད་ལ༔ བར་པ་རྣམས་ཀྱིས་སྐུ་གཟུར་ཅིག་མདོས་ལམ་ཕྱེས་ལ་ཟོར་ལམ་སོལ༔ སུན་མ་ཟློག་པའི་དཔང་པོ་མཛོད༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་སྒོ་དབྱེ་བ་ནི༔ ཧཱུྃ༔ ཕོ་བྲང་ཆེན་པོའི་ཤར་སྒོ་ནས༔ ཁ་གདོང་ནག་མོ་རྫུ་འཕྲུལ་ཅན་བྱམས་པ་ཚད་མེད་ལྕགས་ཀྱུ་ཡིས༔ ཤར་ཕྱོགས་དུང་སྒོ་དཀར་པོ་ཕྱེས༔ སུན་མ་དུར་ཁྲོད་གནས་སུ་སྐྱོལ༔ སུན་མ་ཨོ་རྒྱན་གནས་སུ་སྐྱོལ༔ གཏོར་ཟོར་དགྲ་བགེགས་སྟེང་དུ་རྒྱོབ༔ ཧཱུྃ༔ ཕོ་བྲང་ཆེན་པོའི་ལྷོ་སྒོ་ནས༔ ཕག་གདོང་སེར་མོ་མཐུ་རྩལ་ཅན༔ སྙིང་རྗེ་ཚད་མེད་ཞགས་པ་ཡིས༔ ལྷོ་ཕྱོགས་གསེར་སྒོ་སེར་པོ་ཕྱེས༔ སུན་མ་དུར་ཁྲོད་གནས་སུ་སྐྱོལ༔ སུན་མ་ཨོ་རྒྱན་གནས་སུ་སྐྱོལ༔ གཏོར་ཟོར་དགྲ་བགེགས་སྟེང་དུ་རྒྱོབ༔ ཧཱུྃ༔ ཕོ་བྲང་ནང་གི་ནུབ་སྒོ་ནས༔ ཁྱི་གདོང་དམར་མོ་འཇིགས་པའི་གཟུགས༔ དགའ་བ་ཚད་མེད་ལྕགས་སྒྲོག་གིས༔ ནུབ་ཕྱོགས་ཟངས་སྒོ་དམར་པོ་ཕྱེས༔ སུན་མ་དུར་ཁྲོད་གནས་སུ་སྐྱོལ༔ སུན་མ་ཨོ་རྒྱན་གནས་སུ་སྐྱོལ༔ གཏོར་ཟོར་དགྲ་བགེགས་སྟེང་དུ་རྒྱོབ་

[Full Size]

ཧཱུྃ་ཕོ་བྲང་ཆེན་པོའི་བྱང་སྒོ་ནས་༔ འུག་གདོང་ལྗང་གུ་དྲག་རྩལ་ཅན༔ བཏང་སྙོམས་ཚད་མེད་དྲིལ་བུ་ཡིས༔ བྱང་ཕྱོགས་གཡུ་སྒོ་སྔོན་པོ་ཕྱེས༔ སུན་མ་དུར་ཁྲོད་གནས་སུ་སྐྱོལ༔ སུན་མ་ཨོ་རྒྱན་གནས་སུ་སྐྱོལ༔ གཏོར་ཟོར་དགྲ་བགེགས་སྟེང་དུ་རྒྱོབ༔ སྒོ་མ་རྣམས་ཀྱིས་སྒོ་ཕྱེས་ལ༔ འཕྲང་མ་རྣམས་ཀྱིས་འཕྲང་སོལ་ཅིག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ཕྱོགས་བཞིའི་རྩང་ཤབ་ལ་མདོས་ནང་དུ་བཞག་ག་གོ༔ དཔའ་བོ་གདན་བཞུགས་ལྷན་ཐབས་སུ་ཨ་རཱ་གས་སོ༔ ༈ དེ་ནས་མདོས་ཁ་ཕྱིར་བསྒྱུར་ལ་འདི་སྐད་དོ༔ ཧཱུྃ༔ དགོངས་ཤིག་གནས་མཆོག་དམ་པ་འདིར༔ དཔའ་བོ་དཔའ་མོ་འཁོར་བཅས་རྣམས༔ སྔགས་འཆང་རྣལ་འབྱོར་སྐུ་ཚེ་སྲིངས༔ སུན་མ་བཟློག་ཕྱིར་དངོས་གྲུབ་ནུ༔ ད་ནི་གཤེགས་ཤིག་གཤེགས་རེ་རན༔ ད་ནི་བཞུགས་པ་ཡུན་མ་རིང་༔ ཉི་མ་ནུབ་ཕྱོགས་ཕ་ཀི་ན༔ མཁའ་འགྲོའི་འབོད་པ་ཏི་རི་རི༔ རོལ་མོ་སིལ་སྙན་ཁྲོ་ལོ་ལོ༔ དཔའ་བོ་མཁའ་འགྲོའི་ཚོགས་རྣམས་ཀྱིས༔ གླུ་ལེན་གར་བྱེད་ཁྱུགས་སེ་ཁྱུག༔ དཔའ་བོས་བྲོ་རྡུང་ཁྲིགས་སེ་ཁྲིག༔ དཔའ་མོས་ཤུགས་གླུ་ཀྱུ་རུ་རུ༔ མཁའ་འགྲོས་བརྡ་སྐད་ཏི་རི་

[Full Size]

རི༔ གནས་མཆོག་དེ་ནི་དྭངས་རེ་སྤྲོ༔ གནས་མཆོག་དེ་ནི་དྲི་རེ་ཞིམ༔ མཁའ་འགྲོའི་ཚོགས་རྣམས་ད་བཞུད་ཅིག༔ རང་རང་གཞལ་ཡས་ཁང་ལ་གཤེགས༔ ཁྱེད་རྣམས་གཞལ་ཡས་ཁང་ལ་སྐྱོ༔ སྐྱེལ་ལོ་རང་རང་གནས་སུ་བསྐྱེལ༔ ཁྱེད་རྣམས་གཤེགས་པའི་ཡུལ་ལམ་བདེ༔ དྲི་བཟང་དེ་ནི་སྨན་གྱི་ཡུལ༔ དྲི་བཟང་སྤོས་ངད་ཆི་ལི་ལི༔ འཇའ་ཚོན་སྣ་ལྔ་སྤུངས་སེ་སྤུང་༔ དར་ཟབ་སྣ་ཚོགས་ལྷུབས་སེ་ལྷུབ༔ ད་ནི་ཁྱེད་རང་གནས་སུ་གཤེགས༔ ད་གཤེགས་དེ་ནི་བཞུད་རེ་རན༔ ཁྱེད་རྣམས་གཤེགས་པའི་ཤུལ་ལམ་དེར༔ གཤེགས་སོ་གཤེགས་སོ་ཤ་ར་ར༔ ཁྱེད་ཅག་མ་སྲིང་མཁའ་འགྲོ་རྣམས༔ རང་རང་སོ་སོའི་གནས་སུ་གཤེགས༔ ཀྱཻ༔ མཁའ་འགྲོའི་ལམ་བསྟན་ནུབ་ཏུ་བསྟན༔ ཉི་མ་ནུབ་ཕྱོགས་ཕ་ཀི་ན༔ དུར་ཁྲོད་གླིང་མཆོག་ཉམས་རེ་དགའ༔ བམ་ཆེན་མི་རོ་དཔངས་རེ་མཐོ༔ ཚིལ་ཆེན་མར་མེ་འོད་རེ་གསལཾ༔ རཀྟའི་རྒྱ་མཚོ་མདངས་རེ་ཆེ༔ རྐང་གླིང་དུང་ཆེན་སྐད་རེ་སྙན༔ མི་ལྤགས་གཡང་གཞི་གོས་རེ་དྲོ༔ ཐོད་པའི་སྐུ་མཁར་བརྗིད་རེ་ཆེ༔ མཁའ་འགྲོའི་བརྡ་སྐད་ཏི་རི་རི༔ དཔའ་བོས་གར་བྱེད་ཁྱུགས་སེ་ཁྱུག༔

[Full Size]

དཔའ་མོས་གླུ་ལེན་ཅེ་རེ་རེ༔ སྨན་སྤོས་ངད་པ་ཀྱི་ལི་ལི༔ ཤིང་ཐོག་མེ་ཏོག་བཀྲག་མདངས་ལྡན༔ གསུང་སྙན་སྒྲ་དབྱངས་ཏི་རི་རི༔ མཛེས་པའི་བྱ་རིགས་གྱ་མ་གྱུ༔ གཙང་པོའི་ཆུ་འབབ་མེ་རེ་རེ༔ ཞལ་ཟས་སྣ་ཚོགས་སྤུངས་སེ་སྤུང་༔ དར་གྱི་ཅོད་པན་པུ་རུ་རུ༔ ན་བཟའ་དར་ཤམ་ལྷུབས་སེ་ལྷུབ༔ གཡུ་ཡི་ཞྭ་ཅིག་ཐིབས་སེ་ཐིབ༔ དེ་འདྲའི་གནས་མཆོག་ཉམས་རེ་དགའ༔ མཁའ་འགྲོའི་ལམ་བསྟན་དེ་རུ་བསྟན༔ ད་ནི་གཤེགས་ཤིག་གཤེགས་རེ་རན༔ མཁའ་འགྲོའི་བརྡ་སྐད་ཏི་རི་རི༔ ཐོད་པའི་ཌཱ་དྲིལ་ཁྲོ་ལོ་ལོ༔ དུང་དང་པི་ཝང་སྐད་རེ་བཟང་༔ རྒྱན་ཆེ་མང་པོ་སི་ལི་ལི༔ དེ་འདྲའི་གནས་སུ་ད་གཤེགས་ཤིག༔ སྐྱི་བསེར་རླུང་ལ་བཅིབས་ཏེ་གཤེགས༔ བྱ་རྒྱལ་ཁྱུང་ལ་བཅིབས་ཏེ་གཤེགས༔ རྟ་དྲེལ་བོང་གསུམ་ཆིབས་ལ་གཤེགས༔ སྟག་དང་གཟིག་ལ་ཆིབས་ལ་གཤེགས༔ དོམ་དང་དྲེད་ལ་ཆིབས་ལ་གཤེགས༔ གཡི་དང་སྤྱང་ཀུར་ཆིབས་ལ་གཤེགས༔ མཁའ་འགྲོས་ལམ་བསྟན་ཨོ་རྒྱན་ཡུལ༔ སྣང་སྲིད་ལྷ་འདྲེའི་ལམ་བསྟན་ནི༔ སྡང་བའི་དགྲ་ལ་ལམ་བསྟན་ནོ༔ གནོད་པའི་བགེགས་ལ་ལམ་བསྟན་

[Full Size]

ནོ༔ དེ་ནས་མདོས་ཀྱི་གཏོར་རྫོང་ནི༔ གཏོར་ཆུང་རིམ་པར་འབུལ་ཏེ༔ ཧཱུྃ༔ རྡོ་རྗེ་མཁའ་འགྲོ་གཏོར་ལེན་མ༔ དཀར་མོ་དུང་གི་གཞོང་པ་ཐོགས༔ རྡོ་རྗེའི་གཤོག་པ་བརྡབས་པ་ཡིས༔ དཔག་ཚད་བརྒྱད་ཁྲི་བཞི་སྟོང་ཡང་སྐད་ཅིག་ཡུད་ལ་གཅོད་པར་བྱེད༔ གཏོར་མ་ཁྱེར་ལ་གནས་སུ་བཞུད༔ རྒྱལ་པོའི་གདོན་ཚོགས་སུན་མ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ རིན་ཆེན་མཁའ་འགྲོ་གཏོར་ལེན་མ༔ སེར་མོ་གསེར་གྱི་གཞོང་པ་ཐོགས༔ རིན་ཆེན་གཤོག་པ་བརྡབས་པ་ཡིས༔ དཔག་ཚད་བརྒྱད་ཁྲི་བཞི་སྟོང་ཡང་༔ སྐད་ཅིག་ཡུད་ལ་གཅོད་པར་བྱེད༔ གཏོར་མ་ཁྱེར་ལ་གནས་སུ་བཞུད༔ གཤིན་རྗེའི་གདོན་ཚོགས་སུན་མ་ཟློག༔ བཅོལ་བའི་ཕྲིན་ལས་*འགྲུབ་པར་མཛོད༔ ཧཱུྃ༔ པདྨ་མཁའ་འགྲོ་གཏོར་ལེན་མ༔ དམར་མོ་ཟངས་ཀྱི་གཞོང་པ་ཐོགས༔ པདྨའི་གཤོག་པ་བརྡབས་པ་ཡིས༔ དཔག་ཚད་བརྒྱད་ཁྲི་བཞི་སྟོང་ཡང་༔ སྐད་ཅིག་ཡུད་ལ་གཅོད་པར་བྱེད༔ གཏོར་མ་ཁྱེར་ལ་གནས་སུ་བཞུད༔ ཀླུ་ཡི་གདོན་ཚོགས་སུན་མ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ལས་

[Full Size]

ཀྱི་མཁའ་འགྲོ་གཏོར་ལེན་མ༔ ལྗང་མོ་གཡུ་ཡི་གཞོང་པ་ཐོགས༔ རྒྱ་གྲམ་གཤོག་པ་བརྡབས་པ་ཡིས༔ དཔག་ཚད་བརྒྱད་ཁྲི་བཞི་སྟོང་ཡང་༔ སྐད་ཅིག་ཡུད་ལ་གཅོད་པར་བྱེད༔ གཏོར་མ་ཁྱེར་ལ་གནས་སུ་བཞུད༔ གནོད་སྦྱིན་གདོན་ཚོགས་སུན་མ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སངས་རྒྱས་མཁའ་འགྲོ་གཏོར་ལེན་མ༔ སྔོན་མོ་མུ་མེན་གཞོང་པ་ཐོགས༔ འཁོར་ལོའི་གཤོག་པ་བརྡབས་པ་ཡིས༔ དཔག་ཚད་བརྒྱད་ཁྲི་བཞི་སྟོང་ཡང་༔ སྐད་ཅིག་ཡུད་ལ་གཅོད་པར་བྱེད༔ གཏོར་མ་ཁྱེར་ལ་གནས་སུ་བཞུད༔ དཔའ་བོ་མཁའ་འགྲོའི་སུན་མ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་རྫོངས་འདེབས་ནི་འབྲུ་སྣ་སོགས་འདེབ་ཅིང་༔ ཧཱུྃ་བྷྱོ༔ གཙོ་མོ་ཡུམ་ཆེན་མ་གཅིག་མ༔ ཆོས་ཀྱི་དབྱིངས་སུ་རྫོངས་འདེབས་སོ༔ རྡོ་རྗེ་རིགས་ཀྱི་མཁའ་འགྲོ་མ༔ ཤར་གྱི་ཕྱོགས་སུ་རྫོ་ངས་འདེབས་སོ༔ རིན་ཆེན་རིགས་ཀྱི་མཁའ་འགྲོ་མ༔ ལྷོ་ཡི་ཕྱོགས་སུ་རྫོངས་འདེབས་སོ༔ པདྨ་རིགས་ཀྱི་མཁའ་འགྲོ་མ༔ ནུབ་ཀྱི་ཕྱོགས་སུ་རྫོངས་འདེབས་སོ༔ ལས་ཀྱི་རིགས་ཀྱི་མཁའ་འགྲོ་མ༔ བྱང་གི་ཕྱོགས་སུ་

[Full Size]

རྫོངས་འདེབས་སོ༔ དེ་བཞིན་རིགས་ཀྱི་མཁའ་འགྲོ་མ༔ ནམ་མཁའི་དབྱིངས་སུ་རྫོངས་འདེབས་སོ༔ དབང་ཕྱུག་ཆེན་པོ་ཉི་ཤཱུ་བརྒྱད༔ རཀྟའི་ཀློང་དུ་རྫོངས་འདེབས་སོ༔ བརྟན་མ་ཆེན་མོ་བཅུ་གཉིས་ཀྱང་༔ ཀེང་རུས་གནས་སུ་རྫོ་ངས་འདེབས་སོ༔ སུན་མའི་མགྲོན་རྣམས་ཐམས་ཅད་ལ༔ འདོད་ཡོན་ལྔ་ཡི་སྡོངས་སུ་འདེབས༔ གསེར་གཡུ་དངུལ་གསུམ་རྫོངས་སུ་འདེབས༔ ཇ་ཚོས་རམ་གསུམ་རྫོངས་སུ་འདེབས༔ རས་འཕྲུག་ཐེར་གསུམ་རྫོངས་སུ་འདེབས༔ ལྷ་ཆ་པད་ཀོར་རྫོངས་སུ་འདེབས༔ འབྲུ་དང་བང་མཛོད་རྫོངས་སུ་འདེབས༔ རྫོངས་འདེབས་དྲག་པོ་འདི་བཞེས་ལ༔ རིན་ཆེན་རྒྱན་ཆ་སྤུངས་སེ་འབྱོན་པར་ཞུ༔ རུས་པའི་རྒྱན་ཆ་ཁྲོ་ལེ་འབྱོན་པར་ཞུ༔ སྦ་གླིང་སྙུག་གླིང་ཀྱུ་རེ་འབྱོན་པར་ཞུ༔ གླུ་ལེན་བཀྲ་ཤིས་བརྗོད་དེ་འབྱོན་པར་ཞུ༔ དེ་ནས་གཡང་ལེན་པ་ནི༔ ཧཱུྃ༔ བླ་མ་ཡི་དམ་དཀོན་མཆོག་གསུམ༔ མཁའ་འགྲོ་ཆོས་སྐྱོང་ནོར་ལྷའི་ཚོགས༔ མདོས་ལ་མི་རྫོངས་གཡང་དུ་ལེན༔ ཕ་མྱེས་རྒྱུད་པའི་སྲུང་མ་དང་མགོན་སྐྱོབ་བྱེད་པའི་ལྷ་ལྔ་རྣམས༔ མདོས་ལ་མི་རྫོ་ངས་གཡང་དུ་ལེན༔ བཀྲ་ཤིས་རྟགས་བརྒྱད་རིན་

[Full Size]

ཆེན་བདུན༔ དཔག་བསམ་ཤིང་དང་འདོད་འཇོའི་བུ༔ མདོས་ལ་མི་རྫོངས་གཡང་དུ་ལེན༔ བདག་གི་ཚེ་སྲིངས་ལོངས་སྤྱོད་སྤེལ་ཅི་བསམ་དོན་རྣམས་འགྲུབ་པར་མཛོད༔ གཡང་ཕུད་ལ་མཚོན་མི་བཏང་བར་བཟའོ༔ དེ་ཡང་བུམ་པ་ནོར་བུ་ཉི་ཟླ་རྡོ་རྗེ་སོགས་བྱུང་ན་བཟང་ངོ་༔ མཁའ་འགྲོའི་གཟུགས་བྱུང་ན་སུན་ཟློག་གིས་ལེན་དགོས༔ རྟ་དང་སེངྒེ་སོགས་བྱུང་ན་ངན་ནོ༔ སླར་སུན་ཟློག་བསྐྱར་བར་བྱའོ༔ ༈ དེ་ནས་མདོས་ལ་དབང་བསྐུར་བ་ནི༔ རིགས་ལྔའི་དབུ་རྒྱན་གཅིག་མདོས་ཀྱི་སྟེང་དུ་བཟུང་ནས༔ མདོས་ལ་ནས་འཐོར་ཞིང་༔ ཧཱུྃ༔ དེ་རིང་སྲིད་པའི་མདོས་ཆེན་ལ༔ ཡེ་ཤེས་ལྔ་ཡིས་ང་བསྐུར་རོ༔ ཤཱཀྱ་ཐུབ་པས་དབང་བསྐུར་རོ༔ རིགས་གསུམ་མགོན་པོས་དབང་བསྐུར་རོ༔ དྲག་པོ་སྔགས་ཀྱིས་དབང་བསྐུར་རོ༔ སྔོན་མོ་ནས་ཀྱིས་དབང་བསྐུར་རོ༔ ལྷ་ཀླུ་ཀུན་གྱིས་དཔང་པོ་མཛོད༔ མདོས་སྣ་ཚུར་ལ་མ་ལོག་ཅིག༔ ཁྲོ་བོ་ཁྲོ་མོ་བན་བོན་སོགས༔ སྟོབས་ཆེན་སུ་དང་འཕྲད་གྱུར་ཀྱང་༔ མདོས་སྣ་ཚུར་ལ་མ་ལོག་ཅིག༔ མཁའ་འགྲོའི་སུན་མ་ཁྱེད་རྣམས་ཀྱིས༔ རླུང་དང་འཚུབ་མར་སྐུ་སྤྲུལ་ལ༔ མདོས་ལོངས་གླུད་ཁྱེར་མཁའ་འགྲོ་མ༔ བྷྱོ༔བྷྱོ༔ ཟློག་ཟློག༔

[Full Size]

དེ་ནས་དར་ཁྲམ་བཀྱག་པ་ནི༔ ཁྱེའུ་དབུ་རྒྱན་གྱོན་པ་གཉིས༔ མེ་རུ་བཏེག་ལ་རས་སྣམ་བཀྱག༔ འཇའ་ཚོན་ལམ་གྱི་ཚུལ་དུ་བྱ༔ ཀྱཻ༔ ད་ནི་དར་ཁྲམ་བཀྱག་རན་ཡིན༔ ཡེ་ཤེས་མཁའ་འགྲོ་མན་ཆད་ནས༔ སྣང་སྲིད་ལྷ་འདྲེ་ཡན་ཆད་ཀུན༔ སྤྱན་གྱིས་གཟིགས་ལ་སྙན་གྱིས་གསོན༔ རྒྱུ་སྦྱོར་ཡོན་གྱི་བདག་པོ་ཡི༔ རྒྱུ་རྣམ་པར་དག་པའི་ནོར་ཕྱུགས་ནས༔ ཁྱེད་སུན་མ་རྣམས་ལ་གླུད་དུ་འབུལ༔ སྐུ་གླུད་མདོས་གཏོར་འདི་བཞེས་ལ༔ མཁའ་འགྲོའི་ཚོགས་རྣམས་ཆས་རན་སིན༔ དུར་བྱ་ཀཾ་ཀ་ཆིབས་རན་སིན༔ སོག་བྱའི་རྟ་ལ་ཆིབས་རན་སིན༔ མེ་ཏོག་ཕྲེང་བ་ཐོགས་རིན་སིན༔ ཞིང་གི་གཡང་གཞི་ཐོགས་རན་སིན༔ ཞིང་ཆེན་གཡང་གཞི་གྱོན་རན་སིན༔ དུར་ཁྲོད་ཆས་སུ་ཞུགས་རན་སིན༔ ཡེ་ཤེས་མཁའ་འགྲོ་ཆས་རན་སིན༔ ལས་ཀྱི་མཁའ་འགྲོ་ཆས་རན་སིན༔ འཇིག་རྟེན་མཁའ་འགྲོ་ཆས་རན་སིན༔ གིང་ཕོ་གིང་མོ་ཆས་རན་སིན༔ དུར་ཁྲོད་མཁའ་འགྲོ་ཆས་རན་སིན༔ བརྟན་མ་སྐྱོང་མ་ཆས་རན་སིན༔ ནམ་མཁའི་དབྱིངས་སུ་གཤེགས་རིན་སིན༔ གངས་དཀར་རྩེ་ན་གཤེགས་རན་སིན༔ དུར་ཁྲོད་གནས་ནས་གཤེགས་རན་སིན༔ ཨོ་རྒྱན་

[Full Size]

གནས་སུ་གཤེགས་རན་སིན༔ ཡེ་ཤེས་མཁའ་འགྲོ་མན་ཆད་དང་༔ འཇིག་རྟེན་མཁའ་འགྲོ་ཡན་ཆད་ཀྱི༔ ད་ནི་དར་ཁྲམ་བཀྱག་རན་སིན༔ མདོས་དང་གཏོར་མ་འདི་བཞེས་ལ༔ དར་ཁྲམ་ཐམས་ཅད་ད་ཁྱོག་ཅིག༔ དར་ཁྲམ་གཉན་པོ་དགྲ་དང་བགེགས་ལ་སྒྱུར༔ འཁོར་འདི་སྲུང་ལ་བར་ཆད་ཟློག༔ བྷུདྡྷོ༔ ཟློག་ཟློག༔ སྒྱུར་སྒྱུར༔ ཅེས་རྒྱབ་ནས་ཕར་དྲིལ་ལོ༔ ༈ དེ་ནས་སྐྱེལ་དར་ལེན་པ་ནི༔ ཀྱཻ༔ དཔའ་བོ་མཁའ་འགྲོའི་ཚོགས་རྣམས་ཀུན༔ མ་ཡེངས་བདག་ལ་སྙན་གསོན་དང་༔ ངས་སུན་མ་དུར་ཁྲོད་གནས་སུ་སྐྱེལ༔ སུན་མ་ཨོ་རྒྱན་གནས་སུ་སྐྱེལ༔ ཡེ་ཤེས་ལྔ་ཡི་དངོས་གྲུབ་དེ༔ ཡོན་བདག་འདི་ལ་སྐྱེལ་དར་ཞོག༔ སྐུ་ལྔ་ལྷུན་གྲུབ་དངོས་གྲུབ་དེ༔ ཡོན་བདག་འདི་ལ་བྱིན་གྱིས་རློབས༔ རིགས་ལྔའི་མཁའ་འགྲོ་འབུམ་སྡེ་རྣམས༔ རྐང་པ་རྡོ་རྗེའི་འགྲོས་སྟབས་ཅན༔ མཁའ་ལ་ཐོག་མེད་བུན་ནེ་བུན༔ ལག་པ་རིན་ཆེན་གདུ་གུ་ཅན༔ ཌཱ་རུ་ཅང་ཏེའུ་ཁྲ་ལ་ལ༔ ན་བཟའ་དར་གྱི་ཅོད་པན་ཅན༔ རླུང་གིས་བསྐྱོད་དར་པུ་རུ་རུ༔ རང་རང་གནས་སུ་གཤེགས་སུ་གསོལ༔ ཅེས་བརྗོད་ལ་དངོས་གྲུབ་བྱིན་པར་བསམ་ལ་མདོས་ཕྱི་

[Full Size]

རོལ་དུ་ཁྱེར་རོ༔ དཔའ་བོ་གདན་བཞུགས་ཀྱི་ཁ་བཀང་དུ་ཨ་རཱ་གས་སོ༔ གོང་གིས་བྲེ་ཕུལ་དང་སྲང་ལ་བྱེ་མ་དང་རྡོ་དཀར་ནག༔ མར་ཐུད་འབྲུ་རིན་པོ་ཆེ་གསེར་དངུལ་ལ་སོགས་འཇལ་བའི་ཚུལ་གྱིས༔ གཅིག་བཅུ་བརྒྱ་སྟོང་ཁྲི་འབུམ་ལ་སོགས་པས་གྲངས་མང་པོ་གཤར་ཅིང་༔ གླུད་རྫོངས་ཡིག་ཆུང་ནས་འབྱུང་བ་ལྟར་བརྗོད་ཅིང་༔ ཐམས་ཅད་ཀྱི་རྫོངས་གདབ་པའི་ཚུལ་དུ་བྱས་ལ༔ འོ་སྣང་ཞིང་སྲིད་པའི་མ་མོ་མཁའ་འགྲོ་དྲེགས་པ་སྡེ་བརྒྱད༔ འདྲེ་སྲིན་འབྱུང་པོ༔ མ་ཡམས་ལ་སོགས་པ་སྦྱིན་བདག་སྒྲེ་ལ་འཚེ་བར་བྱེད་པ་ཁྱེད་རྣམས་ལ༔ ཚེ་འཁོར་བ་ཐོག་མ་མེད་པ་ནས་ད་ལྟ་ཡན་ཆད་དུ་བསགས་པའི་ལན་ཆགས་སྟོང་འདྲེ་ཐམས་ཅད་གཞལ་བ་ཡིན་ནོ༔ ལན་ཆགས་འཁོར་རོ༔ བུ་ལོན་བྱང་ངོ་༔ སྟོང་དྲིན་དག་གོ༔ སྔོན་གྱི་ལས་ལས་གྱུར་པའི་བུ་ལོན་ལན་ཆགས་ཐམས་ཅད་བྱང་ངོ་༔ དག་གོ༔ འཕྲལ་གྱི་རྐྱེན་ལས་གྱུར་པའི་བུ་ལོན་ལན་ཆགས་ཐམས་ཅད་འཁོར་རོ༔ བྱང་ངོ་༔ དག་གོ༔ ཕྱི་ཤ་ཁྲག་ལྤགས་པའི་གླུད༔ ནང་དོན་ལྔ་སྣོད་དྲུག་གི་གླུད༔ རྣམ་ཤེས་ཚོགས་བརྒྱད་ཀྱི་གླུད༔ ཚེའི་གླུད༔ སྲོག་གི་གླུད༔ དབང་ཐང་གི་གླུད་དུ་གཞལ་བ་ཡིན་པས༔ ཐོབ་པར་གྱིས་ལ་སོང་ཞིག༔ ངོམ་པར་གྱིས་ལ་སོང་

[Full Size]

ཞིག༔ བགྲང་བར་གྱིས་ལ་སོང་ཞིག༔ ཚིམ་པར་གྱིས་ལ་སོང་ཞིག༔ མགུ་བར་གྱིས་ལ་སོང་ཞིག༔ མ་ཆགས་པར་གྱིས་ལ་སོང་ཞིག༔ མི་འཁོར་བར་སོང་ཞིག༔ ཕྱི་མིག་མ་ལྟ་བར་སོང་ཞིག༔ ཅེས་བརྗོད་ལ་རྫས་རྣམས་མ་མོའི་མདོས་མདུན་དུ་སྤུང་ངོ༔ དེ་ནས་མདོས་ལམ་དུ་ཆས་པའོ༔ དེ་ནས་མདོས་འབུལ་སར་ཕྱིན་ནས་ཆད་ཐོ་བཏང་ལ་ཆད་མདོའི་གཏོར་མ་ཕུལ༔ དེ་ནས་མདོས་བཏེག་བཅུག་ལ་མདོས་ཟོར་བཏང་བའོ༔ ༈ དེ་ནས་ཟོར་འཕང་བ་ནི༔ ཧཱུྃ༔ དམར་ཆེན་གཏོར་མ་ཆེན་པོ་འདི༔ མཁའ་འགྲོ་དམ་ཅན་མཆོད་པའི་རྫ་ས༔ བགེགས་དང་དམ་སྲི་བསྒྲལ་བའི་མཚོན༔ ནད་དང་རིམས་ཀྱི་ན་བུན་འཐུལ༔ མཚོན་དང་ཐུན་གྱི་ཆར་པ་འབེབས༔ བསྟན་པ་བཤིགས་པའི་དགྲ་བོ་ལ༔ མཚོན་གྱི་ཆར་པ་སྣ་ཚོགས་ཕོབ༔ ཁྲག་ཐུན་སྔགས་ཟོར་དེ་ལ་རྒྱོབ༔ ཕུང་བྱེད་འདྲེ་ལ་གཏོར་ཟོར་རྒྱོབ༔ གནོད་པའི་བགེགས་ལ་གཏོར་ཟོར་རྒྱོབ༔ ཟ་བའི་འདྲེ་ལ་གཏོར་ཟོར་རྒྱོབ༔ བར་ཆད་རྐྱེན་ལ་གཏོར་ཟོར་རྒྱབ༔ ལྔ་ཕུང་ལུས་ལ་གཏོར་ཟོར་རྒྱོབ༔ གཏོར་ཟོར་དགྲ་དང་བགེགས་ལ་རྒྱོབ༔ དགྲ་བོ་དམ་སྲི་རྡུལ་དུ་རློག༔ སྣང་སྲིད་ཐམས་ཅད་མདོས་སུ་བཤམས༔ མ་མོ་མཁའ་

[Full Size]

འགྲོའི་དམག་དཔུང་ཟློག༔ ཤ་ཁྲག་དམར་གྱི་གཏོར་ཆེན་འདི༔ མཚོན་ཆ་འབར་བའི་འཁོར་ལོ་བསྐོར༔ དགྲ་དང་བགེགས་ཀྱི་བར་ཆད་ཟློག༔ ངར་གླུད་དཀོར་ཆ་དཔུང་དང་བཅས༔ སྣང་སྲིད་ཡོངས་ཀྱི་རྐྱེན་ཁ་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོགས་སུམ་བརྒྱ་དྲུག་ཅུ་ཟློག༔ གློ་བུར་བརྒྱད་ཅུ་རྩ་གཅིག་ཟློག༔ དུས་མིན་འཆི་བ་རྣམ་བརྒྱད་ཟློག༔ ནད་རིགས་བཞི་བརྒྱ་རྩ་བཞི་ཟློག༔ བགེགས་རིགས་སྟོང་ཕྲག་བརྒྱད་ཅུ་ཟློག༔ རྨི་ལམ་མཚན་ལྟས་ངན་པ་ཟློག༔ བྱད་ཟོར་གཏད་ཁ་ངན་པ་ཟློག༔ རླུང་འཁོར་ཕུང་སེལ་ཐམས་ཅད་ཟློག༔ ནད་ཁ་རིམས་ཁ་ཐམས་ཅད་ཟློག༔ གཞན་གྱི་བསམ་སྦྱོར་ངན་པ་ཟློག༔ མི་ཁ་བྲ་མཆུ་ཐམས་ཅད་ཟློག༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ བཟློག་གོ་དགྲ་དང་བགེགས་ལ་སྒྱུར༔ བཟློག་གོ་མདོས་གཏོར་འདི་ཡིས་ཟློག༔ ཆག་ཆེ་ཉམ་ང་དགྲ་དང་བགེགས་ལ་ཟློག༔ བར་ཆད་རྐྱེན་ངན་ཐམས་ཅད་ཟློག༔ ཅེས་ཟོར་འཕང་༔ དེ་ནས་མདོས་ཕུལ༔ ཐལ་མོ་བརྡབ་བོ༔ དེ་ནས་བཤལ་ཆུས་བརྟན་མ་འདོན༔ རྟ་བྲོ་བྱ༔ ནང་དུ་ལོགས་ལ་ཆེ་

[Full Size]

འགུགས༔ དངོས་གྲུབ་བླངས༔ ཤིས་པ་བརྗོད་བསྔོ་སྨོན་གྱིས་རྒྱས་བཏབ་བྱའོ༔ ༈ སློབ་དཔོན་པདྨས་མཛད་པའི་རྣལ་འབྱོར་ཕོ་མོའི་བརྟན་བཞུགས་མཁའ་འགྲོའི་སུན་ཟློག་ཡིད་བཞིན་ནོར་བུ་དབང་གི་རྒྱལ་པོ་ཞེས་བྱ་བ༔ བདག་འདྲ་མཁར་ཆེན་བཟས་ཡི་གེར་བཀོད་པ་དགེའོ༔ རྐྱེན་ཟློག་ཟབ་མོ་མཐར་ཐུག་འདི༔ ཐུགས་སྒྲུབ་ཆེན་མོའི་ལས་ཚོགས་སུ༔ དགེ་རིའི་བྲག་ལ་སྦས་ཏེ་བཞག༔ མ་འོངས་དུས་ཀྱི་ཐ་མ་ལ༔ ལས་ཅན་གཅིག་དང་འཕྲད་པར་ཤོག༔ སཱ་མཱ་ཡཱ༔ གཏད་རྒྱ༔ སྦས་རྒྱ༔ ཟབ་རྒྱ༔ ༈ ཆོས་རྒྱལ་རཏྣ་གླིང་པས་དམྱལ་སྨད་དགེ་རིའི་བྲག་ནས་གདན་དྲངས་པའོ༔ སརྦ་མངྒ་ལཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རིག་འཛིན་སྲོག་སྒྲུབ་ལས་རྡོ་རྗེ་སློབ་དཔོན་གྱི་བརྟན་བཞུགས།

[Full Size]

རིག་འཛིན་སྲོག་སྒྲུབ་ལས་རྡོ་རྗེ་སློབ་དཔོན་གྱི་བརྟན་བཞུགས་ཡོད། ༈ འདིར་རྡོ་རྗེ་སློབ་དཔོན་ལ་བརྟན་བཞུགས་འབུལ་བར་འདོད་པས། སྟ་གོན་ནི། བླ་མའི་གཏོར་མ་འཁོར་མཁའ་འགྲོ་སྡེ་ཨ་ལྔས་བསྐོར་བ། ཕྱོགས་བཞིར་ཤུགས་འགྲོ་བཞི། དེའི་ཕྱིར་སྡེ་བརྒྱད་ཀྱི་གཏོར་མ། དེའི་ཕྱི་རིམ་འབྱུང་བཞིའི་གླུད། དེའི་ཕྱི་རིམ་རྡོ་རྗེ་སློབ་དཔོན་གྱི་སྐུ་གླུད་བརྒྱ་རྩ། ཆངས་བུ་མཐེབ་སྐྱུ། རིལ་བུ་རྣམས་བརྒྱ་བརྒྱ། བུམ་པ་དྲི་བཟང་གིས་བཀང་བ་བྱ། ཕྱོགས་བཞིར་མདའ་དར་ཁ་དོག་ལྔ་ལྡན། མཆོད་པ་རྣམ་ལྔ་སྨན་རཀ་དང་བཅས་པ་བཤམས་ལ། རྩ་གསུམ་བསྐང་བཤགས་ཀྱི་ཆོ་གས་གཞུང་བསྲང་ལ། དངོས་གཞི་བརྟན་བཞུགས་འབུལ་བ་ནི། རྡོ་རྗེ་རྒྱ་གྲམ་ཉི་ཟླ་ཕྱག་མཚན་གྱིས་མཚན་པའི་སྟེང་དུ་རྡོ་རྗེ་སློབ་དཔོན་བཞུགས་སུ་གསོལ། ཞལ་སྐྱེམས་དྲངས། བུམ་སྒྲུབ་སྔོན་དུ་སོང་བའི་བུམ་པ་ཐོགས་ལ་ཁྲུས་གསོལ་བ་ནི། ཨོཾ་ཨཱཿཧཱུྃ། སྣང་སྟོང་དག་པ་ལྷ་ཡི་གཞལ་ཡས་ཀུན། །ཕ་རོལ་ཕྱིན་དྲུག་ཡེ་ཤེས་ལྔ་ལྡན་དང་། །ས་བཅུ་ལམ་ལྔ་སྐུ་གསུམ་བཅུད་ལྡན་འདིས། །རྡོ་རྗེ་སློབ་དཔོན་སྐུ་ཁྲུས་རབ་གསོལ་བས། །སྒྲིབ་གསུམ་བག་ཆགས་ཉེས་བྱས་ཀུན་བྱང་ཞིང་། །སྐུ་བཞི་ཡེ་ཤེས་ལྔ་ཡི་མཚན་དཔེ་གསལ། །སྣང་སྟོང་འཇའ་ལུས་རྡོ་རྗེ་དྲི་མེད་སྐུ། །སྲིད་ཞིའི་བར་དུ་མི་འགྱུར་བརྟན་པར་མཛོད། །ཨོཾ་སརྦ་ཏ་ཐཱ་

[Full Size]

ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཨོཾ་ཧཱུྃ་ཧཱུྃ་ཧཱིཝཨཱཀ་ཡ་བྷི་ཤུ་དྷ་ན་ཡེ་སྭཱ་ཧཱ། ཁྲུས་ལེགས་པར་གསོལ། དེ་ནས་བརྟན་བཞུགས་འབུལ་བ་ནི། པད་ཉི་ཟླ་བ་སེང་གེའི་ཁྲི། །རྡོ་རྗེ་རིན་ཆེན་པདྨ་རྒྱ་གྲམ་དང་། །འཁོར་ལོ་འབར་བའི་བཀྲ་ཤིས་གདན་སྟེང་དུ། །རིན་ཆེན་བླ་མ་སྐུ་གསུམ་རིགས་བརྒྱའི་གཙོ། །གནས་ལྔར་དཔའ་བོ་མཁའ་འགྲོ་སྡེ་ལྔ་དང་། །དམ་ཅན་བཀའ་སྲུང་བྱིན་འོད་འཁྲུགས་པར་གསལ། །དེ་དག་གནས་ལྔར་ཕྱག་མཚན་ཡིག་འབྲུ་དང་། །འོད་ལྔའི་འཇའ་ཟེར་སྲིད་ཞི་ཁྱབ་པར་འཕྲོ། །བདེ་བར་གཤེགས་པ་གངས་རིར་སྤྲིན་གཏིབས་བཞིན། །མཁའ་སྤྱོད་རིག་འཛིན་ཞིང་བཞུགས་མ་ལུས་བྱོན། །དབང་བསྐུར་རིགས་ཀྱི་བདག་པོས་དབུ་བརྒྱན་མཛེས། །སྲིད་ཞིའི་ངོ་མཚར་མངའ་དབང་རྫོགས་གྱུར་ཅིག །ཅེས་སོགས་སྤྱན་འདྲེན་བྱིན་འབེབས་རྒྱས་པ་སྤྲོ་ན་གཞན་ནས་ཀྱང་བླང་། གདན་བཀྲ་ཤིས་བརྩེགས་པ་པད་ཉི་ཟླ། །དཔལ་སེང་ཁྲི་ཡངས་པ་རྡོ་རྗེའི་གདན། །ལྷ་རིགས་བརྒྱ་རྒྱལ་བའི་ཕྱག་མཚན་ཏེ། །སྐྱབས་རིགས་བརྒྱ་འདུས་པའི་བླ་མ་བཞུགས། །མགོན་མཆོག་གསུམ་བླ་མ་ཡི་དམ་ལྷ། །མ་མཁའ་འགྲོ་རྒྱ་མཚོའི་ཐུགས་རྗེའི་ཟེར། །དངོས་སྒྲུབ་ཀྱི་

[Full Size]

སྤྲིན་ཕུང་འཁྲིགས་པའི་དབུས། །ལྷ་རྒྱུད་སྡེའི་གཙོ་མཆོག་བླ་མ་བཞུགས། །སྣང་སྟོང་དང་རིག་སྟོང་བདེ་སྟོང་སྟེ། །སྣང་སྲིད་ཀུན་སྐྱེ་བ་མེད་པའི་གཞིར། །སྐུ་དུར་ཁྲོད་རུས་རྒྱན་ཁྲོ་ལོ་ལོ། །ཕ་གྲུབ་ཐོབ་རྒྱལ་པོ་བླ་མ་བཞུགས། །དུས་འདི་ནས་བསྐལ་པ་ཇི་སྲིད་ཀྱི། །དབྱིངས་ནམ་མཁའི་འཁོར་ལོ་མ་ཞིག་བར། །ཞིང་ཁྱད་པར་ཅན་དང་ངོ་མཚར་ལྡན། །ངེད་བུ་སློབ་ཚོགས་ཀྱི་མགོན་ལ་བཞུགས། །གནས་སྲིད་ཞིའི་སྙིང་པོ་འོག་མིན་མཁའ། །ཡུལ་ཉེར་བཞི་འདི་ལས་གཞན་མེད་པས། །གཞི་དབྱིངས་རིག་དག་པའི་ཐུགས་རྡོ་རྗེ། །གཤིས་ཆོས་ཉིད་ཟད་པའི་གཞི་ལ་བཞུགས། །སྣང་ཞིང་སྲིད་ངོ་མཚར་བཀྲ་ཤིས་པའི། །རྫས་རིགས་འདུས་ཕྱི་ནང་གསང་མཆོད་དང་། །ཐུགས་དགྱེས་བསྐང་དམ་རྫས་རི་ལྟར་སྤུངས། །ཕ་བླ་མའི་སྐུ་ཚེའི་བརྟན་དུ་འབུལ། །བཀའ་རྫོགས་པ་ཆེན་པོའི་སྐུ་དང་གསུང་། །ཐུགས་བྱིན་འོད་འབར་བའི་དམ་ཚིག་རྫས། སྔགས་གསང་བ་ཆེན་པོའི་དམ་རྫས་ཀུན། །གཟུངས་ནུས་པར་སྦར་ཏེ་ཁྱེད་ལ་འབུལ། །འདིར་བཀྲ་ཤིས་རྫས་རྟགས་མཎྜལ་འབུལ། སྐྱབས་དཀོན་མཆོག་གསུམ་གྱི་བདེན་པ་དང་།

[Full Size]

ཡུལ་གནས་གསུམ་རྩ་གསུམ་མཐུ་སྟོབས་ཀྱིས། །ཕ་བླ་མ་བསྐལ་བརྒྱར་ཞབས་བརྟན་ཞིང་། །ཕྱི་ལྷ་སྲིན་སུན་མ་བཟློག་གྱུར་ཅིག །མངྒ་ལཾ།། དུ་བཀྲམ།

རྡོ་རྗེ་སློབ་དཔོན་བརྟན་བཞུགས་ཀྱི་རྫས་འབུལ་བ།

[Full Size]

དེ་ནས་རྡོ་རྗེ་སློབ་དཔོན་བརྟན་བཞུགས་ཀྱི་རྫས་འབུལ་བ་ནི། མེ་ལོང་འབུལ་ལ། ཧྲཱིཿ མེ་ལོང་རྡོ་རྗེ་འཛིན་ལ་ཕུལ་བ་ཡིས། །ནད་གདོན་གྲིབ་སོགས་ཉེས་པའི་དྲི་དག་ནས། །འགྲོ་ལ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པར་བཞུགས། །ཨོ་ཨཱབཛྲ་ཨ་ཡུ་ཥ་ཏིཥྛ་བཛྲ་ས་མ་ཡ་ཧཱུཾ། གི་ཝཾ་ཕུལ་ལ། ཧྲཱིཿ གི་ཝཾ་རྡོ་རྗེ་འཛིན་ལ་ཕུལ་བ་ཡིས། །རླུང་མཁྲིས་བད་ཀན་འདུ་བའི་འཁྲུགས་ཞི་ནས། །འགྲོ་ལ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པ་བཞུགས། །ཨོཾ་བཛྲ་ཨ་ཡུ་ཥེ་ཏིཥྛ་བཛྲ་ས་མ་ཡ་ཧཱུྃ། ཞོ་ཕུལ་ལ། ཧྲཱི༔ ཞོ་ནི་རྡོ་རྗེ་འཛིན་ལ་ཕུལ་བ་ཡིས། །དོན་དམ་བཅུད་ཀྱི་ནུས་པ་ཡོངས་རྫོགས་ནས། །འགྲོ་ལ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པར་བཞུགས། །ༀ་བཛྲ་ཨ་ཡུ་ཤེ་ཏིཥྛ་བཛྲ་ས་མ་ཡ་ཧཱུྃ། ཡུངས་ཀར་ཕུལ་ལ། ཧྲཱི༔ ཡུངས་ཀར་རྡོ་རྗེ་འཛིན་ལ་ཕུལ་བ་ཡིས། །བགེགས་ཀྱི་སྦྱོར་བ་ཀུན་གྱིས་མི་ཚུགས་ཤིང་། །འགྲོ་བ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པར་བཞུགས། །ཨོཾ་བཛྲ་ཨ་ཡུ་

[Full Size]

ཁེ་ཏིཥྛ་བཛྲ་ས་མ་ཡ་ཧཱུྃ། ལི་ཁྲི་ཕུལ་ལ། ཧྲཱིཿ ལི་ཁྲི་རྡོ་རྗེ་འཛིན་ལ་ཕུལ་བ་ཡིས། །མོས་པ་སྣ་ཚོགས་དབང་དུ་བསྡུས་པ་དང་། །འགྲོ་ལ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པར་བཞུགས། །ཨོཾ་ཨཱབཛྲ་ཨ་ཡུ་ཥེ་ཏིཥྛ་བཛྲ་ས་མ་ཡ་ཧཱུཾ། ཆོས་དུང་ཕུལ་ལ། ཧྲཱིཿ ཆོས་དུང་རྡོ་རྗེ་འཛིན་ལ་ཕུལ་བ་ཡིས། ཆོས་ཀྱི་སྙན་པ་ཕྱོགས་བཅུར་ཁྱབ་པ་དང་། །འགྲོ་ལ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པར་བཞུགས། །ཨོཾ་ཨཱབཛྲ་ཨ་ཡུ་ཥེ་ཏིཥྛ་བཛྲ་ས་མ་ཡ་ཧཱུྃ། བིལ་བ་ཕུལ་ལ། ཧྲཱིཿ བིལ་བ་རྡོ་རྗེ་འཛིན་ལ་ཕུལ་བ་ཡིས། །མཁོ་བའི་སྤྱོད་ཡུལ་ཕུན་ཚོགས་རབ་རྒྱས་ནས། །འགྲོ་ལ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པར་བཞུགས། །ཨོཾ་ཨཱབཛྲ་ཨ་ཡུ་ཥེ་ཏིཥྛ་བཛྲ་ས་མ་ཡ་ཧཱུྃ། དུརྦ་ཕུལ་ལ། ཧྲཱིཿ དུརྦ་རྡོ་རྗེ་འཛིན་ལ་ཕུལ་བ་ཡིས། །ཡོངས་འཛིན་ཚེ་ཡི་ནུས་པ་གོང་འཕེལ་ནས། །འགྲོ་ལ་ཆོས་འཁོར་རྟག་ཏུ་བསྐོར་བའི་ཕྱིར། །རྡོ་རྗེའི་སྐུ་ཚེ་འགྱུར་མེད་བརྟན་པར་བཞུགས། །ཨོཾ་ཨཱབཛྲ་ཨ་ཡུ་ཥ་ཏིཥྛ་བཛྲ་ས་མ་ཡ་ཧཱུྃ། གདུགས་འབུལ་བ་ནི། ཧཱུྃ་ཧྲཱིཿ

[Full Size]

གསེར་གདུགས་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་བསྐལ་བརྒྱར་རྡོ་རྗེའི་ཚེ་འཕེལ་ནས། །འགྲོ་བ་ཀུན་གྱི་ཚ་གདུང་སེལ་བའི་ཕྱིར། །ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱམངྒ་ལཾ་སྭ་སྟི་ཨཱ་ཡུ་ཥེ་ཏིཥྛ་ཧཱུྃ། གསེར་ཉ་ཕུལ་ལ། ཧཱུཾ་ཧྲཱིཿ གསེར་ཉ་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་བསྐལ་བརྒྱར་རྡོ་རྗེའི་ཚེ་འཕེལ་ནས། །ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱམངྒ་ལཾ་སྭ་སྟི་ཨ་ཡུ་ཥེ་ཏིཥྛ་ཧཱུྃ། བུམ་པ་ཕུལ་ལ། ཧཱུྃ་ཧྲཱིཿ བཅུད་བུམ་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་བསྐལ་བརྒྱར་རྡོ་རྗེའི་ཚེ་འཕེལ་ནས། །འགྲོ་ཀུན་སྨིན་ཅིང་གྲོལ་བར་མཛད་པའི་ཕྱིར། ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱཿམངྒ་ལཾ་སྭ་སྟི་ཨ་ཡུ་ཥེ་ཏིཥྛ་ཧཱུཾ། པདྨ་ཕུལ་ལ། ཧཱུཾ་ཧྲཱིཿ པདྨ་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་བསྐལ་བརྒྱར་རྡོ་རྗེའི་ཚེ་འཕེལ་ནས། །འགྲོ་བའི་སྒྲིབ་པའི་སྐྱོན་དང་བྲལ་བའི་ཕྱིར། ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱམངྒ་ལཾ་སྭ་སྟི་ཨ་ཡུ་ཥེ་ཏིཥྛ་ཧཱུྃ། དུང་ཡུལ་ལ། ཧཱུྃ་ཧྲཱིཿ ཆོས་དུང་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་

[Full Size]

བསྐལ་བརྒྱར་རྡོ་རྗེའི་ཚེ་འཕེལ་ནས། ཆོས་ཀྱི་གྲགས་པ་ཡོངས་ལ་སྒྲོག་པའི་ཕྱིར། ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱཿམངྒ་ལཾ་སྭ་སྟི་ཨ་ཡུ་ཥ་ཏིཥྛཧཱུཾ། དཔལ་བེའུ་ཕུལ་ལ། ཧཱུྃ་ཧྲཱིཿ དཔལ་བེའུ་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་བསྐལ་བརྒྱར་རྡོ་རྗེའི་ཚེ་འཕེལ་ནས། །སེམས་ཅན་སངས་རྒྱས་ཐུགས་སུ་སྦྱོར་བའི་ཕྱིར། ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱམངྒ་ལཾ་སྭ་སྟི་ཨ་ཡུ་ཥེ་ཏིཥྛ་ཧཱུཾ། འཁོར་ལོ་ཕུལ་ལ། ཧཱུྃ་ཧྲཱིཿ འཁོར་ལོ་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་བསྐལ་བརྒྱར་རྡོ་རྗེའི་ཚེ་འཕེལ་ནས། །འཁོར་བའི་འཁྲུལ་འཁོར་ཆོས་ལ་སྦྱོར་བའི་ཕྱིར། །ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱམངྒ་ལཾ་སྭ་སྟི་ཨ་ཡུ་ཥཏིཥྛ་ཧཱུཾ། རྒྱལ་མཚན་ཕུལ་ལ། །ཧཱུྃ་ཧྲཱིཿ རྒྱལ་མཚན་སྟོན་པ་སྒྲོན་མེའི་སྐུ་ལ་འབུལ། །གྲངས་མེད་བསྐལ་བརྒྱར་རྡོ་རྗེའི་ཚེ་འཕེལ་ནས། གསང་སྔགས་བསྟན་པའི་རྒྱལ་མཚན་འཛུགས་པའི་ཕྱིར། །ཆོས་ཀྱི་འཁོར་ལོ་རྟག་ཏུ་བསྐོར་བར་ཤོག །ཨོཾ་ཨཱམངྒ་ལཾ་སྭ་སྟི་ཨ་ཡུ་ཥི་ཏིཥྛ་ཧཱུཾ། རྒྱལ་སྲིད་སྣ་བདུན་ལས། དང་པོ་འཁོར་ལོ་ནི། ཧཱུྃ་ཧྲཱིཿ རྒྱལ་སྲིད་འཁོར་ལོ་རིན་ཆེན་ལྷ་རྫས་འདི། །

[Full Size]

བསྟན་པའི་སྒྲོན་མེ་མཆོག་ལ་ཕུལ་བ་ཡིས། །དོན་གཉིས་འབྱོར་པ་རབ་འཕེལ་ནམ་མཁའི་མཛོད། །རྟག་བརྟན་རྡོ་རྗེའི་ཚེ་གཡང་འཕེལ་བར་ཤོག །ཨོཾ་ཨཱཿམ་མ་པུཎེ་པུཏྟི་ཨཱ་ཡུ་ཥེ་ཏིཥྛ་ཧཱུཾ། ནོར་བུ་ཕུལ་ལ། ཧཱུྃ་ཧྲཱིཿ རྒྱལ་སྲིད་ནོར་བུ་རིན་ཆེན་ལྷ་རྫས་འདི། །སྟོན་པ་སྒྲོན་མེ་མཆོག་ལ་ཕུལ་བ་ཡིས། །དོན་གཉིས་འབྱོར་པ་རབ་འཕེལ་ནམ་མཁའི་མཛོད། །རྟག་བརྟན་རྡོ་རྗེའི་ཚེ་གཡང་འཕེལ་བར་ཤོག །ཨོཾ་ཨཱམ་མ་པུཎྱེ་པུཎྚི་ཨཱ་ཡུ་ཥེ་ཏིཥྛ་ཧཱུྃ། བཙུན་མོ་ཕུལ་ལ། ཧཱུྃ་ཧྲཱིཿ རྒྱལ་སྲིད་བཙུན་མོ་རིན་ཆེན་འབྱོར་ལྡན་འདི། །སྟོན་པ་སྒྲོན་མེ་མཆོག་ལ་ཕུལ་བ་ཡིས། །དོན་གཉིས་འབྱོར་པ་རབ་འཕེལ་ནམ་མཁའི་མཛོད། །རྟག་བརྟན་རྡོ་རྗེའི་ཚེ་གཡང་འཕེལ་བར་ཤོག །ཨོཾ་ཨཱམ་མ་པུཎྱེ་པུཊྛི་ཨཱཿ ཨཱ་ཡུ་ཥི་ཏིཥྛ་ཧཱུྃ། བློན་པོ་ཕུལ་ལ། ཧཱུྃ་ཧྲཱིཿ རྒྱལ་སྲིད་རིན་ཆེན་བློན་པོ་ཐབས་ལྡན་འདི། །བསྟན་པའི་སྒྲོན་མེ་མཆོག་ལ་ཕུལ་བ་ཡིས། །དོན་གཉིས་འབྱོར་པ་རབ་འཕེལ་ནམ་མཁའི་མཛོད། །རྟག་བརྟན་རྡོ་རྗེའི་ཚེ་གཡང་འཕེལ་བར་ཤོག །ཨོཾ་ཨཱམ་མ་པུཎྱ་པུཊྚཾ་ཨཱ་ཡུ་ཥེ་ཏིཥྛཧཱུྃ། གླང་ཆེན་ཕུལ་ལ། ཧཱུྃ་ཧྲཱིཿ རྒྱལ་སྲིད་རིན་ཆེན་གླང་པོ་སྟོབས་ལྡན་འདི། །

[Full Size]

བསྟན་པའི་སྒྲོན་མེ་མཆོག་ལ་ཕུལ་བ་ཡིས། །དོན་གཉིས་འབྱོར་པ་རབ་འཕེལ་ནམ་མཁའི་མཛོད། །རྟག་བརྟན་རྡོ་རྗེའི་ཚེ་གཡང་འཕེལ་བར་ཤོག །ཨོཾ་ཨཱཋམ་མ་པུཎྱེ་པུཏྟཾ་ཨཱ་ཡུ་ཏེ་ཏིཥྛཧཱུྃ། རྟ་མཆོག་ཕུལ་ལ། ཧཱུྃ་ཧྲཱིཿ རྒྱལ་སྲིད་རྟ་མཆོག་རིན་ཆེན་རྫུ་འཕྲུལ་འདི། །བསྟན་པའི་སྒྲོན་མེ་མཆོག་ལ་ཕུལ་བ་ཡིས། །དོན་གཉིས་འབྱོར་པ་རབ་འཕེལ་ནམ་མཁའི་མཛོད། །རྟག་བརྟན་རྡོ་རྗེའི་ཚེ་གཡང་འཕེལ་བར་ཤོག །ཨོཾ་ཨཱཋམ་མ་པུཎྱེ་པུཎྞཾ་ཨཱ་ཡུ་ཥེ་ཏིཥྛ་ཧཱུྃ། དམག་དཔོན་ཕུལ་ལ། ཧཱུྃ་ཧྲཱིཿ རྒྱལ་སྲིད་དམག་དཔོན་རིན་ཆེན་རྩལ་ཆེན་འདི། །སྟོན་པ་སྒྲོན་མེ་མཆོག་ལ་ཕུལ་བ་ཡིས། །དོན་གཉིས་འབྱོར་པ་རབ་འཕེལ་ནམ་མཁའི་མཛོད། །རྟག་བརྟན་རྡོ་རྗེའི་ཚེ་གཡང་འཕེལ་བར་ཤོག །ཨོཾ་ཨཱཋམ་མ་པུཎྱེ་པུཥྚིཨཱ་ཡུ་ཥཱ་ཏིཥྛ་ཧཱུཾ། ཚོགས་འཁོར་ཕུལ་ལ། ཧཱུྃ་ཧྲཱིཿ ཟག་མེད་ཚོགས་ཀྱི་འཁོར་ལོའི་འདོད་ཡོན་འདི། གཙོ་བོ་སྟོན་པ་སྒྲོན་མེའི་སྐུ་ལ་འབུལ། །མཁའ་འགྲོའི་ཚོགས་ཀྱི་དུས་སྟོན་སྤྱི་དཔལ་རྗེ། །ཕྱོགས་སུ་མི་གཡོ་གནས་འདིར་བརྟན་པར་བཞུགས། །འཁོར་ལོ་ནི། ཧཱུྃ་ཧྲཱིཿ བདེ་གཤེགས་ཐུགས་ལས་འཁྲུངས་པའི་འཁོར་ལོ་འདི། །གཙོ་བོ་སྟོན་པ་སྒྲོན་མེའི་སྐུ་

[Full Size]

ལ་འབུལ། འགྲོ་བའི་གཏི་མུག་མུན་པ་སེལ་བའི་ཕྱིར། །བདེ་གཤེགས་རིགས་ཀྱི་ཆོས་འཁོར་བསྐོར་བར་བསྐུལ། །རྡོ་རྗེ་ནི། ཧཱུྃ་ཧྲཱིཿ བདེ་གཤེགས་སྐུ་ལས་འཁྲུངས་པའི་རྡོ་རྗེ་ནི། །གཙོ་བོ་སྟོན་པ་སྒྲོན་མེའི་སྐུ་ལ་འབུལ། །འགྲོ་བའི་ཞེ་སྡང་རི་བོ་བསྙིལ་བའི་ཕྱིར། །རྡོ་རྗེ་རིགས་ཀྱི་ཆོས་འཁོར་བསྐོར་བར་བསྐུལ། །རིན་ཆེན་ཕུལ་ལ། ཧཱུྃ་ཧྲཱིཿ བདེ་གཤེགས་ཡོན་ཏན་ལས་འཁྲུངས་རིན་ཆེན་འདི། །གཙོ་བོ་སྟོན་པ་སྒྲོན་མེའི་སྐུ་ལ་འབུལ། །འགྲོ་བའི་ང་བདག་འཛིན་པ་བཤིགས་པའི་ཕྱིར། །རིན་ཆེན་རིགས་ཀྱི་ཆོས་འཁོར་བསྐོར་བར་བསྐུལ། །པདྨ་ཕུལ་ལ། ཧཱུྃ་ཧྲཱིཿ བདེ་གཤེགས་གསུང་ལས་འཁྲུངས་པའི་པདྨ་འདི། །གཙོ་བོ་སྟོན་པ་སྒྲོན་མེའི་སྐུ་ལ་འབུལ་། །འགྲོ་བའི་འདོད་ཆགས་ཆུ་རྒྱུན་སྐམ་པའི་ཕྱིར། །པདྨ་རིགས་ཀྱི་ཆོས་འཁོར་བསྐོར་བར་བསྐུལ། །སྣ་ཚོགས་རྡོ་རྗེ་ཕུལ་ལ། ཧཱུྃ་ཧྲཱིཿ བདེ་གཤེགས་ཕྲིན་ལས་ལས་འཁྲུངས་རྒྱ་གྲམ་འདི། །གཙོ་བོ་སྟོན་པ་སྒྲོན་མེའི་སྐུ་ལ་འབུལ། འགྲོ་བའི་ཕྲག་དོག་དྲི་ངན་གཞོམ་པའི་ཕྱིར། །ཕྲིན་ལས་རིགས་ཀྱི་ཆོས་འཁོར་བསྐོར་བར་བསྐུལ། །རྡོ་རྗེ་དྲིལ་བུ་ཕུལ་ལ། ཧཱུྃ་ཧྲཱིཿ ཐབས་དང་ཤེས་རབ་

[Full Size]

གཉིས་ཀྱི་ཕྱན་མཚན་འདི། །གཙོ་བོ་སྟོན་པ་སྒྲོན་མེའི་སྐུ་ལ་འབུལ། །ཕ་རྒྱུད་མ་རྒྱུད་གཉིས་མེད་རྒྱུད་ཀྱི་ཆོས། །འགྲོ་བའི་དཔལ་དུ་རྟག་དུ་བསྐོར་བར་བསྐུལ། །བདུད་རྩི་ཕུལ་ལ། །ཧཱུྃ་ཧྲཱིཿ བདུད་རྩི་པཉྩ་ཨ་མྲྀ་ཏ་ཡི་རྒྱུད། །གཙོ་བོ་སྟོན་པ་སྒྲོན་མེའི་སྐུ་ལ་འབུལ། །ཟུང་འཇུག་ཆོས་ཀྱི་འཁོར་ལོ་བསྐོར་བ་དང་། །སྐྱེ་འཆི་གཉིས་མེད་དགོངས་པ་བརྟན་པར་བཞུགས། །དབྱངས་གསལ་དང་རྟེན་འབྲེལ་སྙིང་པོ་མང་དུ་བཟླས་ལ། མེ་ཏོག་མཐོར་རོ། །དེ་ནས་བསྲུང་བའི་ཚོགས་ལ་བརྟན་བཞུགས་ཀྱིས་མངའ་གསོལ་བ་ནི། གསེར་སྐྱེམས་འཐོར་ལ། ཧཱུཾ། རྡོ་རྗེ་འཛིན་པ་འདི་ཉིད་ལ། །སྲུང་མའི་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །ཧཱུཾ། རྡོ་རྗེ་འཛིན་པ་འདི་ཉིད་ལ། །སངས་རྒྱས་མཁའ་འགྲོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །རྡོ་རྗེ་མཁའ་འགྲོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །རིན་

[Full Size]

ཆེན་མཁའ་འགྲོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །པདྨ་མཁའ་འགྲོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ལས་ཀྱི་མཁའ་འགྲོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །འཇིག་རྟེན་མཁའ་འགྲོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །དམ་ཚིག་མཁའ་འགྲོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ལྷ་རབ་ཤམ་པོ་ལ་སོགས་པའི། །ལྷའི་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ཡ་མ་ར་ཙ་ལ་སོགས་

[Full Size]

པའི། །གཤིན་རྗེའི་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ཀླུ་བདུད་མགོ་དགུ་ལ་སོགས་པའི། །ཀླུ་ཡི་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །བདུད་རྗེ་རྐང་རིང་ལ་སོགས་པའི། །བདུད་ཀྱི་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ཡམ་ཤུད་དམར་པོ་ལ་སོགས་པའི། །བཙན་གྱི་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། ། འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །བེ་དཀར་དགྲ་བླ་ལ་སོགས་པའི། །རྒྱལ་པོའི་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ཁྱབ་འཇུག་ཆེན་པོ་ལ་སོགས་པའི། །གཟའ་ཡི་ཚོགས་ཀྱིས་གྲོགས་མཛད་ཅིང་།

[Full Size]

གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །གང་བ་བཟང་པོ་ལ་སོགས་པའི། །གནོད་སྦྱིན་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །སྲིད་པའི་རྒྱལ་མོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །རལ་གཅིག་ནག་མོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །རྐང་རྗེ་དྲང་དཀར་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །རེ་མ་ཏི་ཡིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ཚངས་པ་དཀར་པོས་གྲོགས་མཛད་ཅིང་། །གྲངས་མེད་བསྐལ་པར་འཚོ་

[Full Size]

བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །སྐུ་བླ་གསང་བས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །གློག་ཕྲེང་ནག་མོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །སྦལ་མགོ་ཁྲག་མིག་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ཡཀྵ་མེ་དབལ་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །མོན་མོ་ནག་མོས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །རྡོ་རྗེ་བདུད་འདུལ་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ནག་པོ་

[Full Size]

བཀྲག་མེད་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ནག་མོ་མགྱོགས་བྱེད་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །ཨེ་ཀ་ཙ་ཏིའི་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །རྡོ་རྗེ་ལེགས་པས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །དཔལ་མགོན་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བཞུགས་སུ་གསོལ། །རྡོ་རྗེ་འཛིན་པ་འདི་ཉིད་ལ། །སྡེ་བརྒྱད་ཚོགས་ཀྱིས་གྲོགས་མཛད་ཅིང་། །གྲངས་མེད་བསྐལ་པར་འཚོ་བཞེས་ནས། །འགྲོ་བའི་དོན་དུ་བརྟན་པར་བཞུགས། །མངྒ་ལཾ།། །།

དྲི་མེད་མཁའ་འགྲོ་མས་ཤོ་ཞུས།

[Full Size]

དྲི་མེད་མཁའ་འགྲོ་མས་ཤོ་ཞུས་བཞུགས། སློབ་དཔོན་གྱི་གསུངས་པའོ། ཁྱེད་ལས་ཀྱི་མཁའ་འགྲོ་ཚུར་ཉོན་དང་། །ངེད་ཀྱང་ལས་ཀྱི་དཔའ་བོ་ཡིན། །འགྲོ་བ་སེམས་ཅན་ཟས་སུ་ཟ་ན་ཡང་། །དོ་ནུབ་འདི་ན་འཚོགས་རྒྱུ་མེད། །རྣམ་ཤེས་ཁྱོད་ཀྱིས་བསུ་རྒྱུ་མེད། །ལས་ཀྱི་ཕོ་ཉ་བྱེད་མི་མེད། །རིགས་ལྔ་མཁའ་འགྲོས་མ་བསུས་མེད། །ཁྱོད་ལས་ཀྱི་མཁའ་འགྲོས་བསུ་རྒྱུ་མེད། །རོ་མོ་སིལ་སྙན་སྙན་རྒྱུ་མེད། །མདའ་དར་སྤུངས་སེ་ཁྲིད་རྒྱུ་མེད། །དར་ཐག་ལམ་ཡང་སྨོན་རྒྱུ་མེད། །གྲི་གུག་ཐོད་ཁྲག་འཇིགས་རྒྱུ་ཟམེད། །འགྲོ་དྲུག་སེམས་ཅན་འཚོགས་པ་ཡང་། །ཡོངས་སུ་བརྩིས་ན་ཤན་པ་ཡིན། །ཤ་ཁྲག་ཟས་སུ་ཟ་ན་ཡང་། །ཡོངས་སུ་བརྩིས་ན་དམྱལ་བ་ཡིན། །ཁྱེད་ལས་བྱེད་ཚོ་བས་སྡུག་པ་མེད། །སྐྲག་སྣང་ཞེ་སྡང་རྒྱུན་ཆད་མེད། །སུན་རྟ་སུན་ལུག་ཁྲིད་ལ་སོང་། །ཁྱེད་ལས་བྱེད་རང་གི་ཡུལ་དུ་སོང་། ཀ༽ ཁྱེད་ལས་ཀྱི་མཁའ་འགྲོ་ཚུར་ཉོན་དང་། ཁྱེད་རྒྱ་གར་ཡུལ་ནས་འོང་ན་ཡང་། །ཚོགས་དང་གཏོར་མས་ཐུགས་དམ་བསྐང་། །བོད་ཀྱི་ཡུལ་ནས་བསུ་རྒྱུ་ངས་མ་མཐོང་། །ཁྱོད་དཀའ་ལས་མང་ཡང་ཁྱོད་རང་

[Full Size]

ཚག །ཁྱོད་སུན་མའི་སྡེ་རིགས་མང་ན་ཡང་། །ཁྱོད་ཀྱི་རྗེས་སུ་ངས་མི་བཏང་། །ལས་བྱེད་མཁའ་འགྲོ་མང་ས་མེད། །ཤ་ཟ་མཁའ་འགྲོ་འཇིགས་རྒྱུ་མེད། །ལྷ་སྲིན་སྡེ་བརྒྱད་ང་ཡི་བྲན། །བརྟན་མ་བཅུ་གཉིས་ང་ཡི་བཀའ། །སྲིན་པོ་སྲིན་མོ་ང་ཡི་འཁོར། །མ་མོ་སྨན་མོ་ང་ཡི་བྲན། །ཡུལ་འདྲེ་ཟ་བྱེད་ང་ཡི་འབངས། །ཁྱོད་ཀྱི་དོ་ནུབ་བསུ་རྒྱུ་མེད། །ཁྱོད་ཀྱི་འདྲེ་ལ་ང་མི་འཇིགས། །ཚོགས་དང་གཏོར་མས་ཐུགས་དམ་བསྐང་། ཁ༽ ཁྱོད་ལས་བྱེད་མཁའ་འགྲོ་ཚུར་ཉོན་དང་། །ཁྱོད་ཀྱང་མཁའ་འགྲོ་དམ་ཚིག་ཅན། །ང་ཡང་བོད་ཀྱི་རྣལ་འབྱོར་པ། །ཁྱེད་སུན་མས་ཅི་ཙམ་ཉན་པ་ན། །ཕམ་རྒྱལ་ཤོ་ཡིས་འབྱེད་པ་ཡིན། །ང་རྣལ་འབྱོར་དུང་ཤོ་དཀར་པོ་གྱེན་དུ་བསྒྲིལ། །ཁྱོད་སུན་མའི་ཤོ་ནི་ད་སུ་རྒྱས། །ཁྱོད་རང་རྒྱལ་ན་ཁྲིད་ལ་སོང་། །དོ་ནུབ་ང་རང་རྒྱལ་ན་ང་རིང་ཡིན། །དོ་ནུབ་ཤོ་ཡི་དཔང་པོ་དགོས། །དྲང་མཁན་ནམ་མཁའི་དབྱིངས་ནས་བཞེངས། །ཁྱེད་བླ་མ་ཡི་དམ་དྲང་མཁན་མཛོད། །རིག་འཛིན་མཁའ་འགྲོས་དྲང་མཁན་མཛོད། །བཀའ་སྡོད་རྣམས་ཀྱིས་དྲང་མཁན་མཛོད། །ཡུལ་ལྷ་ཟོ་དོར་རྣམས་ཀྱིས་

[Full Size]

དྲང་མཁན་མཛོད། །ནམ་མཁའི་ལྷ་ཡིས་དྲང་མཁན་མཛོད། །བར་སྣང་གཡུ་འབྲུག་རལ་པ་ཅན། །གངས་དཀར་སེང་ལྕམ་རལ་པ་ཅན། །ཁྲག་ལ་རྒོད་གླག་རལ་པ་ཅན། །ནགས་ལ་རྒྱ་སྟག་རལ་པ་ཅན། །རྨོང་པོའི་བུ་ཆུང་རལ་པ་ཅན། །ཕྱུག་པོའི་ཁྱི་རྒོད་རལ་པ་ཅན། །བཅོ་བརྒྱད་ཤོ་ཡི་དཔོན་པོ་མཛོད། །ནག་ལམ་པ་གྱི་དཔོན་པོ་ཡིན། །དྲང་མཁན་རྣམས་ཀྱི་ཤོ་གཅིག་ཁྱེས། །ཁྱོད་རང་རྒྱལ་ན་ཁྱོད་རང་ཡིན། །ང་རང་རྒྱལ་ན་ང་རང་ཡིན། །བཀྱེའོ། །ཤོ་བཀྱེ་ཁ་ཡི་གེ་བྱ། །ནུབ་མཁའ་འགྲོ་དམ་ཚིག་ཅན། །ང་ལྷ་ཤོ་དཀར་པོ་ང་རང་རྒྱལ། །ཁྱོད་མཁའ་འགྲོའི་ཤོ་ནི་ཁྱོད་རང་ཕམ། །ངས་ནི་ཁྱོད་ལ་རྫོངས་ཤིག་འདེབས། །ཚོགས་དང་གཏོར་མས་རྫོངས་ཤིག་འདེབས། །ཇ་དང་ཆང་གི་རྫོངས་ཤིག་འདེབས། །གསེར་གཡུ་རིན་ཆེན་རྫོངས་ཤིག་འདེབས། །རིན་ཆེན་སྣ་ལྔའི་རྫོངས་ཤིག་འདེབས། །གྲོ་ནས་མར་ཐུད་ཞོ་ཆང་འོ་མ་དང་། །དཀར་གསུམ་མངར་གསུམ་རྫོངས་ཤིག་འདེབས། །ཁྱོད་ཀྱི་བཀྲ་ཤིས་སྨོན་ལས་ཐོབ་ཅིང་སོང་། །ལེན་བཞི་པ་རྫོགས་སོ། །ཞེས་དྲི་མེད་མཁའ་འགྲོའི་སུན་བཟློག་ལས།

[Full Size]

ཤོ་ཞུས་ཁོལ་དུ་ཕྱུང་བའོ། །བཀྲ་ཤིས་སོ། ཤོ་ཞུས་མཁའ་འགྲོའི་ཞུས་ལེན། ཡར་སྔོའོ།། ༈ དེ་ནས་རིགས་ལྔ་མཁའ་འགྲོ་རྒྱས་ཏེ། འཇིག་རྟེན་མཁའ་འགྲོ་ཤ་ཟ་ལས་ཀྱི་མཁའ་འགྲོ་གསུམ་གྱིས་འདི་སྐད་དོ། །ཀྱི། རྡོ་རྗེ་སློབ་དཔོན་སྙན་གསོན་དང་། །ངེད་ཀྱང་ལས་ཀྱི་མཁའ་འགྲོ་མ། །འགྲོ་བ་སེམས་ཅན་ཟས་སུ་ཟ་བུ་ལ། །དོ་ནུབ་འདིར་ཡང་ཚོགས་འཁོར་བྱེད་པ་ཡིན། །རྣམ་ཤེས་བསུ་རུ་འགྲོ་བ་ཡིན། །ལས་ཀྱི་ཕོ་ཉ་བྱེད་དུ་བཅུག །ཁྱེད་རིགས་ལྔ་མཁའ་འགྲོས་མི་བསུ་ན། །ངེད་ལས་བྱེད་རྣམས་ཀྱིས་དོ་ནུབ་བསུ་བ་ཡིན། །སིལ་སྙན་སི་ལེ་ད་སུ་འགྲོ། །མདའ་དར་སྤུངས་སེ་ད་སུ་འགྲོ། །དེར་ལམ་རྒྱུད་ལ་ད་སུ་འགྲོ། །ཕྱག་གཡས་གྲི་གུག་ཕྱར་ཏེ་འགྲོ། །གཡོན་པས་ཐོད་ཁྲག་བསྣམས་ཏེ་འགྲོ། །འགྲོ་དྲུག་ཚོགས་འཁོར་བྱེད་ཅིང་འགྲོ། །ཤ་ཁྲག་ཟས་སུ་ཟ་ཞིང་འགྲོ། །ངེད་ལས་ཀྱི་མཁའ་འགྲོའི་ཚོགས་བས་སྐྱིད་པ་མེད། །སུན་རྟ་སུན་ལུག་ཆིབས་ཏེ་འགྲོ། །མ་འདུག་མྱུར་དུ་འགྲོ་བ། ཀ༽ ཀྱཻ། ཁྱེད་རྡོ་རྗེ་སློབ་དཔོན་སྙན་གསོན་དང་། །ངེད་རྒྱ་གར་ཡུལ་ནས་འོང་བ་ཡིན། །བོད་ཀྱི་ཡུལ་དུ་བསུ་རྒྱུ་ཡོད་ནི་འོང་། །ལས་བྱེད་མཁའ་འགྲོ་ལྔ་བརྒྱ་

[Full Size]

ཡོད། །ཤ་ཟ་མཁའ་འགྲོ་སྟོང་ཕྲག་ཡོད། །ལྷ་སྲིན་སྡེ་བརྒྱད་སུན་མ་ཡོད། །བརྟན་མ་བཅུ་གཉིས་སུན་མ་ཡོད། །སྲིན་པོ་སྲིན་མོ་སྟོང་ཕྲག་གཉིས། །མ་མོ་སྨན་མོ་སྟོང་ཕྲག་གཉིས། །ཡུལ་འདྲེ་ཟ་འདྲེ་གྲོང་རྒྱུན་མང་པོ་ཡོད། །མི་འདུག་མྱུར་དུ་བསུ་ནི་འགྲོ། ཁྱོད་ཀྱི་དོ་ནུབ་བཤུལ་རྒྱུ་མེད། ༼ཁ༽ ཀྱཻ། ཁྱེད་རྡོ་རྗེ་སློབ་དཔོན་སྙན་ཚུར་གསོན། །།ངེད་ལས་བྱེད་སུན་མ་མང་དུ་ཡོད། །ཁྱོད་ཀྱིས་ཅིས་ཀྱང་མི་བཏང་ན། །ཡང་ན་ངེད་རང་ཕྱོགས་གཅིག་བཀྱེ། །ཡང་ན་ངེད་རང་ཇག་གཅིག་རྒྱུག །ཡང་ན་ངེད་རང་བདེན་རྫུན་གཏམ། །དོ་ནུབ་ཤོ་འདི་ཁྱོ་རང་རྒྱལ་ན་ཁྱོད་རང་ཡིན། །ངེད་སུན་མ་རྒྱལ་ན་བསུ་ནི་འགྲོ། །དཔའ་བོ་ཚོགས་དཔོན་ཁྱེད་དུ་བཅུག །དཔའ་མོའི་གར་དཔོན་བྱེད་དུ་བཅུག །ལས་མཁན་ཚོགས་དཔོན་བྱེད་དུ་བཅུག །མ་འདུག་མྱུར་དུ་ཤོ་ཅིག་བཀྱེ། །ཁྱེད་ཀྱང་བོད་ཀྱི་ཤོ་གཅིག་ཁྱེས། །ཕམ་རྒྱལ་ཤོ་ཡི་དོ་ནུབ་གསལ། །དོ་ནུབ་ཤོ་ཡི་།དྲང་མཁན་མཛོད། །སུམ་ཅུ་རྩ་གསུམ་ལྷ་གནས་ནས། །ལྷ་ཡི་དབང་པོས་དྲང་མཁན་མཛོད། །བར་སྣང་གཉན་གྱིས་དྲང་མཁན་མཛོད། །འོག་ཕྱོགས་ཀླུ་ཡིས་དྲང་མཁན་མཛོད། །

[Full Size]

ཨ་རུ་རུ། ན་རྒྱ་རུ་རུ། མོན་རུ་རུ། ན་ག་བ་རུ་རུ། ན་ཏི་ཀ་ལ། ཤན་ཏི་ཀ། ན་ག་ཤི་ན་ཙན་ཏྲ་ཀཾ། དྲང་མཁན་འདི་ང་ལ་ཡོད། དོ་ནུབ་ཤོ་ཡི་དཔང་པོ་མཛོད། །ཁྱེད་རང་རྒྱལ་ན་ཁྱེད་རང་ཡིན། །ང་རང་རྒྱལ་ན་ཁྲིད་ནི་འགྲོ། །ཤོ་ཁྱེས། ག༽ ཁྱེད་རྡོ་རྗེ་སློབ་དཔོན་བཀའ་ནི་གཉེན། །དོ་ནུབ་ཤོ་ནི་ཁྱེད་རང་རྒྱལ། །ད་ནི་ཡོན་བདག་ཕོ་མོ་ནི། །ངེད་སུན་མོས་མི་ཁྲིད་བཞུགས་སུ་བཅོལ། །རྡོ་རྗེ་སློབ་དཔོན་རྗེས་སུ་བཟུང་། །ལོ་བརྒྱ་ཐུབ་པར་སྨོན་ལམ་འདེབས། །།བུ་ནོར་དར་རྒྱས་སྨོན་ལམ་འདེབས། །རྡོ་རྗེ་སློབ་དཔོན་སྐུ་ཚེ་རིང་བར་ཤོག །ཡོན་བདག་བར་ཆད་ཞི་བར་ཤོག །གསེར་གཡུ་དུང་ལྕགས་བྱི་རུ་དང་། །དར་ཚོན་སྣ་ལྔའི་མདའ་དར་དང་། །ཞལ་ཟས་རྣམ་པ་སྣ་ཚོགས་དང་། །ཇ་བརྒྱ་ཆང་བརྒྱ་ཤ་བརྒྱ་དང་། །མར་བརྒྱ་ནས་ཁལ་བརྒྱ་དང་ནི། །གྲོ་ཁལ་སྲན་ཁལ་བྲ་ཁལ་བརྒྱ། །གྲོ་མ་མོན་བུ་ཟར་མ་དང་། །ཐུད་དང་ཞོ་ཡི་བྱེ་བྲག་དང་། །འབྲུ་སྣ་ཐམས་ཅད་རྫོངས་སུ་ཐོབ། །མ་འདུག་རྫོངས་འདེབས་མྱུར་དུ་མཛོད། །བཀྲ་ཤིས་སྨོན་ལམ་འདེབས་ཤིང་འགྲོ་བ་ཡིན། །ཤོ་ཞུས་རྫོགས་སོ། དྲི་མེད་མཁའ་འགྲོ་ལས་ཕྱུང་བའོ།། །།

དྲི་མེད་མཁའ་འགྲོ་ལས་རྫོངས་ཞུས།

[Full Size]

དྲི་མེད་མཁའ་འགྲོ་ལས། རྫོངས་ཞུས་སློབ་དཔོན་གྱི་གསུང་རྒྱུའོ། །ཧཱུྃ། དབུས་ནས་བྱོན་པ་སངས་རྒྱས་རིགས། །མ་ཡེངས་བདག་ལ་གསོན་འཚལ་དང་། །ཁྱེད་ད་ནངས་བྱོན་པ་ཨེ་མ་ཧོ། །སེམས་ཀྱི་གཏད་ར་འདི་རུ་ཡོད། །ཁྱེད་དོ་ནུབ་སངས་རྒྱས་ཡུལ་དུ་འབྱོན་པར་ཞུ། །སྐྱེས་བུ་འདི་ཞེས་ཁྲིད་རྒྱུ་མེད། །ཁྱེད་སངས་རྒྱས་ཡུལ་དུ་སྐྱིད་ལག་ཀྱང་། །དེང་སང་དུས་ཀྱི་དུས་མ་མཆིས། །ཚེ་གཅིག་སངས་རྒྱས་མ་འགྲུབ་པར། །བླ་མ་རྗེ་ཡི་བཀའ་མི་གནང་། །མཚན་ལྡན་ཤེས་རབ་སྙིང་ནས་བཤོལ། །གྲོགས་སྙིང་དང་འདྲ་བས་བློས་མ་གཏང་། །དེ་ཕྱིར་འགྲོ་བའི་དུས་མ་མཆིས། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །བདག་པོས་བཟུང་དང་མ་བཟུང་བའི། །མཆོད་རྫས་ཇི་སྙེད་ཐམས་ཅད་འབུལ། །ཁྱེད་འཁོར་དང་བཅས་པ་ཐམས་ཅད་ལ། །འདོད་ཡོན་ལྔ་པོ་རྫོངས་སུ་འདེབས། །གསེར་གཡུ་དངུལ་གསུམ་རྫོངས་སུ་འདེབས། །ཇ་ཚོས་རམ་གསུམ་རྫོངས་སུ་འདེབས། །རས་ཕྲུག་ཐེར་གསུམ་རྫོངས་སུ་འདེབས། །ལྷ་ཆ་པད་ཀོར་རྫོངས་སུ་འདེབས། །འབྲུ་དང་བང་མཛོད་རྫོངས་སུ་

[Full Size]

འདེབས། །རྫོངས་འདེབས་དྲག་པོ་འདི་བཞེས་ལ། །དུང་གི་སྟོད་རྒྱན་ཁྲ་ལེ་འབྱོན་པར་ཞུ། །དུང་གི་སྐེད་རྒྱན་ཁྲ་ལེ་འབྱོན་པར་ཞུ། །དུང་གི་སྨད་རྒྱན་སྤུངས་སེ་འབྱོན་པར་ཞུ། ༼ཀ༽ ཧཱུྃ། ཤར་ནས་བྱོན་པ་སངས་རྒྱས་རིགས། །མ་ཡེངས་བདག་ལ་སྙན་གསོན་དང་། །ཁྱེད་ད་ནངས་བྱོན་པ་ཨེ་མ་ཧོ། །སེམས་ཀྱི་གཏད་ར་འདི་རུ་ཡོད། །ཁྱེད་དོ་ནུབ་སངས་རྒྱས་ཡུལ་དུ་འབྱོན་པར་ཞུ། །སྐྱེས་བུ་འདི་ཞེས་ཁྲིད་རྒྱུ་མེད། །ཁྱེད་སངས་རྒྱས་ཡུལ་དུ་སྐྱིད་ལགས་ཀྱང་། །དེང་སང་དུས་ཀྱི་ཚེ་གཅིག་སངས་རྒྱས་ལ། །ཚེ་གཅིག་སངས་རྒྱས་མ་འགྲུབ་པར། །བླ་མ་རྗེ་ཡི་བཀའ་མ་གནོང་། །མཚན་ལྡན་ཤེས་རབ་སྙིང་ནས་བཤོལ། །གྲོགས་སྙིང་དང་འདྲ་བས་བློས་མ་གཏང་། །དེ་ཕྱིར་འགྲོ་བའི་དུས་མ་མཆིས། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །བདག་པོས་བཟུང་དང་མ་བཟུང་བའི། །མཆོད་རྫས་ཇི་སྙེད་ཐམས་ཅད་འབུལ། །ཁྱེད་འཁོར་དང་བཅས་པ་ཐམས་ཅད་ལ། །འདོད་ཡོན་ལྔ་པོ་རྫོངས་སུ་འདེབས། །གསེར་གཡུ་དངུལ་གསུམ་རྫོངས་སུ་འདེབས། །ཇ་ཚོས་རམ་གསུམ་རྫོངས་

[Full Size]

སུ་འདེབས། །རས་ཕྲུག་ཐེར་གསུམ་རྫོངས་སུ་འདེབས། །ལྷ་ཆ་པད་ཀོར་ལྗོངས་སུ་འདེབས། །འབྲུ་དང་བང་མཛོད་རྫོངས་སུ་འདེབས། །རྫོངས་འདེབས་དྲག་པོ་འདི་བཞེས་ལ། །ཤེལ་གྱི་སྟོད་རྒྱུན་ཁྲ་ལེ་འབྱོན་པར་ཞུ། །ཤེལ་གྱི་སྐེད་རྒྱན་ཁྲ་ལེ་འབྱོན་པར་ཞུ།། །ཤེལ་གྱི་སྨད་རྒྱན་སྤུངས་སེ་འབྱོན་པར་ཞུ། ༼ཁ༽ ཧཱུྃ། ལྷོ་ནས་བྱོན་པ་གཟུགས་ཅན་རིགས། །མ་ཡེངས་བདག་ལ་སྙན་གསོན་དང་། །ཁྱེད་ད་ནང་འབྱོན་པ་ཨེ་མ་ཧོ། །སེམས་ཀྱི་གཏད་ར་འདི་རུ་ཡོད། །ཁྱེད་དོ་ནུབ་སངས་རྒྱས་ཡུལ་དུ་འབྱོན་པར་ཞུ། །སྐྱེས་བུ་འདི་ཞེས་ཁྲིད་རྒྱུ་མེད། །ཁྱེད་སངས་རྒྱས་ཡུལ་དུ་སྐྱིད་ལགས་ཀྱང་། །དེང་སང་དུས་ཀྱི་དུས་མ་མཆིས། །ཚེ་གཅིག་སངས་རྒྱས་མ་འགྲུབ་པར། །བླ་མ་རྗེ་ཡི་བཀའ་མི་གནང་། །མཚན་ལྡན་ཤེས་རབ་སྙིང་ནས་བཤོལ། །གྲོགས་སྙིང་དང་འདྲ་བས་བློས་མ་གཏང་། །དེ་ཕྱིར་འགྲོ་བའི་དུས་མ་མཆིས། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །བདག་པོས་བཟུང་དང་མ་བཟུང་བའི། །མཆོད་རྫས་ཇི་སྙེད་ཐམས་ཅད་འབུལ། །ཁྱེད་འཁོར་དང་

[Full Size]

བཅས་པ་ཐམས་ཅད་ལ། །འདོད་ཡོན་ལྔ་པོ་རྫོངས་སུ་འདེབས། །གསེར་གཡུ་དངུལ་གསུམ་རྫོངས་སུ་འདེབས། །ཇ་ཚོས་རམ་གསུམ་རྫོངས་སུ་འདེབས། །རས་ཕྲུག་ཐེར་གསུམ་རྫོངས་སུ་འདེབས། །ལྷ་ཆ་པད་ཀོར་རྫོངས་སུ་འདེབས། །འབྲུ་དང་བང་མཛོད་རྫོངས་སུ་འདེབས། །རྫོངས་འདེབས་དྲག་པོ་འདི་བཞེས་ལ། །གསེར་གྱི་སྟོད་རྒྱན་ཁྲ་ལེ་འབྱོན་པར་ཞུ། །གསེར་གྱི་སྐེད་རྒྱན་ཁྲ་ལེ་འབྱོན་པར་ཞུ། །གསེར་གྱི་སྨད་རྒྱན་སྤུངས་སེ་འབྱོན་པར་ཞུ། ག༽ ཧཱུྃ། ནུབ་ནས་བྱོན་པ་རོ་ཧའི་རིགས། །མ་ཡེངས་བདག་ལ་སྙན་གསོན་དང་། །ཁྱེད་ད་ནངས་བྱོན་པ་ཨེ་མ་ཧོ། །སེམས་ཀྱི་གཏད་ར་འདི་རུ་ཡོད། །ཁྱེད་དོ་ནུབ་སངས་རྒྱས་ཡུལ་དུ་འབྱོན་པར་ཞུ། །སྐྱེས་བུ་འདི་ཞེས་ཁྲིད་རྒྱུ་མེད། །ཁྱེད་སངས་རྒྱས་ཡུལ་དུ་སྐྱིད་ལག་ཀྱང་། །དེང་སང་དུས་ཀྱི་དུས་མ་མཆིས། །ཚེ་གཅིག་སངས་རྒྱས་མ་འགྲུབ་པར། །བླ་མ་རྗེ་ཡི་བཀའ་མི་གནང་། །མཚན་ལྡན་ཤེས་རབ་སྙིང་ནས་བཤོལ། །གྲོགས་སྙིང་དང་འདྲ་བས་བློས་མ་གཏང་། །དེ་ཕྱིར་འགྲོ་བའི་དུས་མ་མཆིས། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་

[Full Size]

འཇིག་རྟེན་ན། །བདག་པོས་བཟུང་དང་མ་བཟུང་བའི། །མཆོད་རྫས་ཇི་སྙེད་ཐམས་ཅད་འབུལ། །ཁྱེད་འཁོར་དང་བཅས་པ་ཐམས་ཅད་ལ། །འདོད་ཡོན་ལྔ་པོ་རྫོངས་སུ་འདེབས། །གསེར་གཡུ་དངུལ་གསུམ་རྫོངས་སུ་འདེབས། །ཇ་ཚོས་རམ་གསུམ་རྫོངས་སུ་འདེབས། །རས་ཕྲུག་ཐེར་གསུམ་རྫོངས་སུ་འདེབས། །ལྷ་ཆ་པད་ཀོར་རྫོངས་སུ་འདེབས། །འབྲུ་དང་བང་མཛོད་རྫོངས་སུ་འདེབས། །རྫོངས་འདེབས་དྲག་པོ་འདི་བཞེས་ལ། །བྱི་རུའི་སྟོད་རྒྱན་ཁྲ་ལེ་འབྱོན་པར་ཞུ། །བྱི་རུའི་སྐེད་རྒྱན་ཁྲ་ལེ་འབྱོན། །བྱི་རུའི་སྨད་རྒྱན་སྤུངས་སེ་འབྱོན་པར་ཞུ། ༼ང༽ ཧཱུྃ། བྱང་ནས་བྱོན་པ་ལས་ཀྱི་རིགས། །མ་ཡེངས་བདག་ལ་སྙན་གསོན་དང་། །ཁྱོད་ད་ནངས་འབྱོན་པ་ཨེ་མ་ཧོ། །སེམས་ཀྱི་གཏད་ར་འདི་རུ་ཡོད། །ཁྱེད་དོ་ནུབ་སངས་རྒྱས་ཡུལ་དུ་འབྱོན་པར་ཞུ། །སྐྱེས་བུ་འདི་བཞེས་ཁྲིད་རྒྱུ་མེད། །ཁྱེད་སངས་རྒྱས་ཡུལ་དུ་སྐྱིད་ལགས་ཀྱང་། །དེང་སང་དུས་ཀྱི་དུས་མ་མཆིས། །ཚེ་གཅིག་སངས་རྒྱས་མ་འགྲུབ་པར། །བླ་མ་རྗེ་ཡི་བཀའ་མ་གནང་། །མཚན་ལྡན་ཤེས་རབ་སྙིང་ནས་བཤོལ། །གྲོགས་སྙིང་

[Full Size]

དང་འདྲ་བས་བློས་མ་གཏང་། །དེ་ཕྱིར་འགྲོ་བའི་དུས་མ་མཆིས། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །བདག་པོས་བཟུང་དང་མ་བཟུང་བའི། །མཆོད་རྫས་ཇི་སྙེད་ཐམས་ཅད་འབུལ། །ཁྱེད་འཁོར་དང་བཅས་པ་ཐམས་ཅད་ལ། །འདོད་ཡོན་ལྔ་པོ་རྫོངས་སུ་འདེབས། །གསེར་གཡུ་དངུལ་གསུམ་རྫོངས་སུ་འདེབས། །ཇ་ཚོས་རམ་གསུམ་རྫོངས་སུ་འདེབས། །རས་ཕྲུག་ཐེར་གསུམ་རྫོངས་སུ་འདེབས། །ལྷ་ཆ་པད་ཀོར་རྫོངས་སུ་འདེབས། །འབྲུ་དང་བང་མཛོད་ལྗོངས་སུ་འདེབས། །རྫོངས་འདེབས་དྲག་པོ་འདི་བཞེས་ལ། །གཡུ་ཡི་སྟོད་རྒྱན་ཁྲ་ལེ་འབྱོན་པར་ཞུ། །གཡུ་ཡི་སྐེད་རྒྱན་ཁྲ་ལེ་འབྱོན་པར་ཞུ། །གཡུ་ཡི་སྨད་རྒྱན་སྤུངས་སེ་འབྱོན་པར་ཞུ། །སྦ་ལིང་སྙུག་གླིང་ཀྱུ་རེ་འབྱོན་པར་ཞུ། །ལ་ལས་བཀྲ་ཤིས་བརྗོད་དེ་འབྱོན་པར་ཞུ། །ཉི་མ་ཕྱོགས་བཞི་མཚམས་བརྒྱད་དང་། །སྟེང་འོག་གཉིས་དང་བཅུ་པོ་ལ། །འཁོར་གྱི་མཁའ་འགྲོའི་སུན་མ་རྣམས། །ཁྱེད་འཁོར་དང་བཅས་པ་ཐམས་ཅད་ལ། །འདོད་ཡོན་གཏོར་མ་རྫོངས་སུ་འདེབས། །སྐྱེས་བུ་འདི་ཞེས་བྱ་བ་ཡི། །ལོ་སྐག་ཟླ་སྐག་

[Full Size]

ཐམས་ཅད་ཟློག །ཟ་རེ་འཐུང་སྐོམ་གང་མཆིས་རྣམས། །འདོད་ཡོན་གཏོར་མ་འདི་བཞེས་ལ། །རང་རང་གནས་སུ་གཤེགས་པར་མཛོད། །མཁའ་འགྲོའི་སུན་མ་བཟློག་ཏུ་གསོལ། །བཙན་གྱི་སུན་མ་བཟློག་ཏུ་གསོལ། །བདུད་ཀྱི་སུན་མ་བཟློག་ཏུ་གསོལ། །གཤིན་རྗེའི་སུན་མ་བཟློག་ཏུ་གསོལ། །མ་མོའི་སུན་མ་བཟློག་ཏུ་གསོལ། །སྒྱུར་ཅིག་ཟློག་ཅིག་མཱ་ར་ཡ། །དོ་ནུབ་གནོད་པ་ཐམས་ཅད་ཟློག །དྲི་མེད་མཁའ་འགྲོ་ལས་ཁོལ་དུ་ཕྱུང་བའོ། །བཀྲ་ཤིས་སོ།།

དྲི་མེད་མཁའ་འགྲོ་ལས་རྫོངས་ཞུས་ཡར་སྨྲ།

[Full Size]

དྲི་མེད་མཁའ་འགྲོ་ལས། རྫོངས་ཞུས་ཡར་སྨྲ་ཡིན། མ་ཐ་ནས་ཡར་སྔའོ། །ཨོཾ། འདིར་འཚོགས་སྐལ་ལྡན་ཐམས་ཅད་ཀུན། །མ་ཡེང་བདག་ལ་སྙན་གསོན་དང་། །ངེད་ད་ནངས་འོང་བ་དབུས་ནས་འོང་། །སེམས་ཀྱི་གཏད་ར་འདི་རུ་ཡོད། །དོ་ནུབ་དབུས་ཀྱི་ཕྱོགས་སུ་འགྲོ། །མཁའ་འགྲོ་ཆེན་མོ་འབུམ་འཁོར་བཅས། །སྐྱེས་བུ་འདི་ཞེས་ཁྲིད་དུ་འོང་། །ངེད་ཀྱི་གནས་བས་སྐྱིད་པ་མེད། །རི་རྣམས་ཐམས་ཅད་དུང་གི་རི། །ཡུལ་རྣམས་ཐམས་ཅད་དུང་ལས་གྲུབ། །སྐྱེ་འགྲོ་ཐམས་ཅད་དྷ་ཀི་ཡིན། །རྒྱན་རྣམས་ཐམས་ཅད་དུང་ལས་གྲུབ། །བཟའ་བཏུང་ཐམས་ཅད་བདུད་རྩི་ཡིན། །ཉིན་མོ་མེད་ཅིང་མཚན་མོ་མེད། །རྩེ་རོགས་དཔའ་བོ་དཔའ་མོ་ཡིན། །སྣང་ལ་རང་བཞིན་མེད་པའི་གནས། །གནས་མཆོག་དེ་རུ་ཁྱད་པར་འཕགས། །དེ་ཕྱིར་དེ་རུ་གཤེགས་སུ་གསོལ། །གལ་ཏེ་དེ་ལྟར་མི་གཤེགས་ན། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །མཆོད་པའི་བྱེ་བྲག་ཇི་སྙེད་ཀུན། །གཙོ་མོ་མཁའ་འགྲོ་ཆེན་མོ་དང་། །ངེད་འཁོར་གྱི་བཀའ་གཉེན་ཐམས་ཅད་ལ། །འདོད་ཡོན་ལྔ་པོ་རྫོངས་

[Full Size]

སུ་ཐོབ། །ལྗོངས་སུ་ཐོབ་དང་འགྲོ་བ་ཡིན། །གསེར་གཡུ་དངུལ་གསུམ་རྫོངས་སུ་ཐོབ། །ཇ་ཚོས་རམ་གསུམ་རྫོངས་སུ་ཐོབ། །རས་ཕྲུག་ཐེར་གསུམ་རྫོངས་སུ་ཐོབ། །ལྷ་ཆ་པད་ཀོར་རྫོངས་སུ་ཐོབ། །འབྲུ་དང་བང་མཛོད་རྫོངས་སུ་ཐོབ། །དུང་གི་སྟོད་རྒྱན་ཁྲ་ལེ་འགྲོ་བ་ཡིན། །དུང་གི་སྐེད་རྒྱན་ཁྲ་ལེ་འགྲོ་བ་ཡིན། །དུང་གི་སྨད་རྒྱན་ཁྲ་ལེ་འགྲོ་བ་ཡིན།། ༼ཀ༽ ཨོཾ། འདིར་འཚོགས་སྐལ་ལྡན་ཐམས་ཅད་ཀུན། །མ་ཡེང་བདག་ལ་སྙན་གསོན་དང་། །ངེད་ད་ནངས་འོང་བ་ཤར་ནས་འོང་། །སེམས་ཀྱི་གཏད་ར་འདི་འདི་རུ་ཡོད། །དོ་ནུབ་ཤར་གྱི་ཕྱོགས་སུ་འགྲོ། །མཁའ་འགྲོ་ཆེན་མོ་འབུམ་འཁོར་བཅས། །སྐྱེས་བུ་འདི་ཞེས་ཁྲིད་དུ་འོང་། །ངེད་ཀྱི་གནས་བས་སྐྱིད་པ་མེད། །རི་རྣམས་ཐམས་ཅད་ཤེལ་ལས་གྲུབ། །ཡུལ་རྣམས་ཐམས་ཅད་ཤེལ་ལས་གྲུབ། །སྐྱེ་འགྲོ་ཐམས་ཅད་དྷཱ་ཀི་ཡིན། །རྒྱན་རྣམས་ཐམས་ཅད་ཤེལ་ལས་གྲུབ། །བཟའ་བཏུང་ཐམས་ཅད་བདུད་རྩི་ཡིན། །ཉིན་མོ་མེད་ཅིང་མཚན་མོ་མེད། །རྩེ་རོགས་དཔའ་བོ་དཔའ་མོ་ཡིན། །སྣང་ལ་རང་བཞིན་མེད་པའི་གནས། །གནས་མཆོག་དེ་རུ་ཁྱད་པར་འཕགས། །

[Full Size]

དེ་ཕྱིར་དེ་རུ་གཤེགས་སུ་གསོལ། །གལ་ཏེ་དེ་ལྟར་མི་གཤེགས་ན། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །མཆོད་པའི་བྱེ་བྲག་ཇི་སྙེད་ཀུན། །གཙོ་མོ་མཁའ་འགྲོ་ཆེན་མོ་དང་། །ངེད་འཁོར་གྱི་བཀའ་གཉེན་ཐམས་ཅད་ལ། །འདོད་ཡོན་ལྔ་པོ་རྫོངས་སུ་ཐོབ། །ལྗོངས་སུ་ཐོབ་དང་འགྲོ་བ་ཡིན། །གསེར་གཡུ་དངུལ་གསུམ་རྫོ་ངས་སུ་ཐོབ། །ཇ་ཚོས་རམ་གསུམ་རྫོངས་སུ་ཐོབ། །རས་ཕྲུག་ཐེར་གསུམ་རྫོངས་སུ་ཐོབ། །ལྷ་ཆ་པད་ཀོར་རྫོངས་སུ་ཐོབ། །འབྲུ་དང་བང་མཛོད་རྫོངས་སུ་ཐོབ། །ཤེལ་གྱི་སྟོད་རྒྱུན་ཁྲ་ལེ་འགྲོ་བ་ཡིན། །ཤེལ་གྱི་སྐེད་རྒྱན་ཁྲ་ལེ་འགྲོ་བ་ཡིན། །ཤེལ་གྱི་སྨད་རྒྱན་ཁྲ་ལེ་འགྲོ་བ་ཡིན། ༼ཁ༽ ཨོཾ། འདིར་འཚོགས་སྐལ་ལྡན་ཐམས་ཅད་ཀུན། །མ་ཡེང་བདག་ལ་སྙན་གསོན་དང་། །ངེད་འོང་བ་ལྷོ་ཡི་ཕྱོགས་ནས་འོང་། །སེམས་ཀྱི་གཏད་ར་འདི་བཞེས་ལ། །དོ་ནུབ་ལྷོ་ཡི་ཕྱོགས་སུ་འགྲོ། །མཁའ་འགྲོ་ཆེན་མོ་འབུམ་འཁོར་བཅས། །སྐྱེས་བུ་འདི་ཞེས་ཁྲིད་དུ་འོང་། །ངེད་ཀྱི་གནས་བས་སྐྱིད་པ་མེད། །རི་རྣམས་ཐམས་ཅད་གསེར་ལས་གྲུབ། །

[Full Size]

ཡུལ་རྣམས་ཐམས་ཅད་གསེར་ལས་གྲུབ། །སྐྱེ་འགྲོ་ཐམས་ཅད་དྷ་ཀི་ཡིན། །རྒྱན་རྣམས་ཐམས་ཅད་གསེར་ལས་གྲུབ། །བཟའ་བཏུང་ཐམས་ཅད་བདུད་རྩི་ཡིན། །ཉིན་མོ་མེད་ཅིང་མཚན་མོ་མེད། །རྩེ་རོགས་དཔའ་བོ་དཔའ་མོ་ཡིན། །སྣང་ལ་རང་བཞིན་མེད་པའི་གནས། །གནས་མཆོག་དེ་རུ་ཁྱད་པར་འཕགས། །དེ་ཕྱིར་དེ་རུ་གཤེགས་སུ་གསོལ། །གལ་ཏེ་དེ་ལྟར་མི་གཤེགས་ན། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །མཆོད་པའི་བྱེ་བྲག་ཇི་སྙེད་ཀུན། །གཙོ་མོ་མཁའ་འགྲོ་ཆེན་མོ་དང་། །ངེད་འཁོར་གྱི་བཀའ་གཉེན་ཐམས་ཅད་ལ། །འདོད་ཡོན་ལྔ་པོ་ལྗོངས་སུ་ཐོབ། །ལྗོངས་སུ་ཐོབ་དང་འགྲོ་བ་ཡིན། །གསེར་གཡུ་དངུལ་གསུམ་རྫོངས་སུ་ཐོབ། །ཇ་ཚོས་རམ་གསུམ་རྫོངས་སུ་ཐོབ། །རས་ཕྲུག་ཐེར་གསུམ་རྫོངས་སུ་ཐོབ། །ལྷ་ཆ་པད་ཀོར་རྫོངས་སུ་ཐོབ། །འབྲུ་དང་བང་མཛོད་རྫོངས་སུ་ཐོབ། །གསེར་གྱི་སྟོད་རྒྱན་ཁྲ་ལེ་འགྲོ་བ་ཡིན། །གསེར་གྱི་སྐེད་རྒྱན་ཁྲ་ལེ་འགྲོ་བ་ཡིན། །གསེར་གྱི་སྨད་རྒྱན་ཁྲ་ལེ་འགྲོ་བ་ཡིན། ༼ག༽ ཨོཾ། འདིར་འཚོགས་སྐལ་ལྡན་ཐམས་

[Full Size]

ཅད་ཀུན། །མ་ཡེང་བདག་ལ་སྙན་གསོན་དང་། །ངེད་ད་ནངས་ནུབ་ཀྱི་ཕྱོགས་ནས་འོང་། །སེམས་ཀྱི་གཏད་ར་འདི་རུ་ཡོད། །དོ་ནུབ་ནུབ་ཀྱི་ཕྱོགས་སུ་འགྲོ། །མཁའ་འགྲོ་ཆེན་མོ་འབུམ་འཁོར་བཅས། །སྐྱེས་བུ་འདི་ཞེས་ཁྲིད་དུ་འོང་། །ངེད་ཀྱི་གནས་བས་སྐྱིད་པ་མེད། །རི་རྣམས་ཐམས་ཅད་བྱི་རུའི་རི། །ཡུལ་རྣམས་ཐམས་ཅད་བྱུ་རུར་གྲུབ། །སྐྱེ་འགྲོ་ཐམས་ཅད་དྷ་ཀི་ཡིན། །རྒྱན་རྣམས་ཐམས་ཅད་བྱུ་རུ་ལས་གྲུབ། །བཟའ་བཏུང་ཐམས་ཅད་བདུད་རྩི་ཡིན། །ཉིན་མོ་མེད་ཅིང་མཚན་མོ་མེད། །རྩེ་རོགས་དཔའ་བོ་དཔའ་མོ་ཡིན། །སྣང་ལ་རང་བཞིན་མེད་པའི་གནས། །གནས་མཆོག་དེ་རུ་ཁྱད་པར་འཕགས། །དེ་ཕྱིར་དེ་རུ་གཤེགས་སུ་གསོལ། །གལ་ཏེ་དེ་ལྟར་མི་གཤེགས་ན། །མཁའ་འགྲོ་ཆེན་མོ་གཙོ་འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །མཆོད་པའི་བྱེ་བྲག་ཇི་སྙེད་ཀུན། །གཙོ་མོ་མཁའ་འགྲོ་ཆེན་མོ་དང་། །ངེད་འཁོར་གྱི་བཀའ་གཉེན་ཐམས་ཅད་ལ། །འདོད་ཡོན་ལྔ་པོ་རྫོངས་སུ་ཐོབ། །ལྗོངས་སུ་ཐོབ་དང་འགྲོ་བ་ཡིན། །གསེར་གཡུ་དངུལ་གསུམ་རྫོངས་སུ་ཐོབ། །ཇ་

[Full Size]

ཚོས་རམ་གསུམ་རྫོངས་སུ་ཐོབ། །རས་ཕྲུག་ཐེར་གསུམ་རྫོངས་སུ་ཐོབ། །ལྷ་ཆ་པད་ཀོར་རྫོ་ངས་སུ་ཐོབ། །འབྲུ་དང་བང་མཛོད་རྫོངས་སུ་ཐོབ། །བྱི་རུའི་སྟོད་རྒྱན་ཁྲ་ལེ་འགྲོ་བ་ཡིན། །བྱི་རུའི་སྐེད་རྒྱན་ཁྲ་ལེ་འགྲོ་བ་ཡིན། །བྱི་རུའི་སྨད་རྒྱན་ཁྲ་ལེ་འགྲོ་བ་ཡིན།། ༼ང༽ ཨོཾ། འདིར་འཚོགས་སྐལ་ལྡན་ཐམས་ཅད་ཀུན། །མ་ཡེང་བདག་ལ་སྙན་གསོན་དང་། །ངེད་ད་ནངས་འོང་བ་བྱང་ནས་འོང་། །སེམས་ཀྱི་གཏད་ར་འདི་རུ་ཡོད། །དོ་ནུབ་འགྲོ་བ་བྱང་དུ་འགྲོ། །མཁའ་འགྲོ་ཆེན་མོ་འབུམ་འཁོར་བཅས། །སྐྱེས་བུ་འདི་ཞེས་ཁྲིད་དུ་འོང་། །ངེད་ཀྱི་གནས་བས་སྐྱིད་པ་མེད། །རི་རྣམས་ཐམས་ཅད་གཡུ་ལས་གྲུབ། །ཡུལ་རྣམས་ཐམས་ཅད་གཡུ་ལས་གྲུབ། །སྐྱེ་འགྲོ་ཐམས་ཅད་དྷ་ཀི་ལ་ཡིན། །རྒྱན་རྣམས་ཐམས་ཅད་གཡུ་ལས་གྲུབ། །བཟའ་བཏུང་ཐམས་ཅད་བདུད་རྩི་ཡིན། །ཉིན་མོ་མེད་ཅིང་མཚན་མོ་མེད། །རྩེ་རོགས་དཔའ་བོ་དཔའ་མོ་ཡིན། །སྣང་ལ་རང་བཞིན་མེད་པའི་གནས། །གནས་མཆོག་དེ་རུ་ཁྱད་པར་འཕགས། །དེ་ཕྱིར་དེ་རུ་གཤེགས་སུ་གསོལ། །གལ་ཏེ་དེ་ལྟར་མི་གཤེགས་ན། །མཁའ་འགྲོ་ཆེན་མོ་གཙོ་

[Full Size]

འཁོར་ལ། །སྟོང་གསུམ་རབ་འབྱམས་འཇིག་རྟེན་ན། །མཆོད་པའི་བྱེ་བྲག་ཇི་སྙེད་ཀུན། །གཙོ་མོ་མཁའ་འགྲོ་ཆེན་མོ་དང་། །ངེད་འཁོར་གྱི་བཀའ་གཉན་ཐམས་ཅད་ལ། །འདོད་ཡོན་ལྔ་པོ་རྫོངས་སུ་ཐོབ། །ལྗོངས་སུ་ཐོབ་དང་འགྲོ་བ་ཡིན། །གསེར་གཡུ་དངུལ་གསུམ་རྫོངས་སུ་ཐོབ། །ཇ་ཚོས་རམ་གསུམ་རྫོངས་སུ་ཐོབ། །རས་ཕྲུག་ཐེར་གསུམ་རྫོངས་སུ་ཐོབ། །ལྷ་ཆ་པད་ཀོར་རྫོངས་སུ་ཐོབ། །འབྲུ་དང་བང་མཛོད་རྫོངས་སུ་ཐོབ། །གཡུ་ཡི་སྟོད་རྒྱན་ཁྲ་ལེ་འགྲོ་བ་ཡིན། །གཡུ་ཡི་སྐེད་རྒྱན་ཁྲ་ལེ་འགྲོ་བ་ཡིན། །གཡུ་ཡི་སྨད་རྒྱན་ཁྲ་ལེ་འགྲོ་བ་ཡིན། །དྲི་མེད་མཁའ་འགྲོ་ལས་ཁོལ་དུ་ཕྱུང་བའོ། །བཀྲ་ཤིས་པའོ།།

དྲི་མེད་མཁའ་འགྲོ་ལས་སྐྱེས་དར་ཞུས་ལེན།

[Full Size]

དྲི་མེད་མཁའ་འགྲོ་ལས། སྐྱེས་དར་ཞུས་ལེན། མར་སྔའོ།། ཀྱཻ། ཤར་ནས་བྱོན་པ་བཛྲ་རིགས། །མ་ཡེང་བདག་ལ་སྙན་གསོན་དང་། །ངེད་སུན་མ་དུར་ཁྲོད་གནས་སུ་སྐྱེལ། །སུན་མ་ཨོ་རྒྱན་གནས་སུ་སྐྱེལ། །རྣལ་འབྱོར་བདག་ལ་སྐྱེལ་དར་ཞོག །ཡོན་བདག་འདི་ལ་དངོས་གྲུབ་སྩོལ། །སུན་མ་དུར་ཁྲོད་ཤར་དུ་སྐྱེལ། །ཤར་ཕྱོགས་། མཁའ་འགྲོ་འབུམ་སྡེ་རྣམས། །རྐང་པ་རྡོ་རྗེའི་གར་སྟབས་ཅན། །མཁའ་ལ་ཐོག་མེད་བུན་ནེ་བུན། །ལག་པ་དུང་གི་གདུ་བུ་ཅན། །ཌ་རུ་ཅང་ཏེའུ་ཁྲ་ལ་ལ། ན་བཟའ་དར་གྱི་ཅོད་པན་ཅན། །རླུང་གིས་བསྐྱོད་ཅིང་པུ་རུ་རུ། །ཤར་གྱི་ཕྱོགས་སུ་གཤེགས་སུ་གསོལ།། ༼ཀ༽ ཀྱཻ། ལྷོ་ནས་འབྱོན་པ་རིན་ཆེན་རིགས། །མ་ཡེང་བདག་ལ་སྙན་གསོན་དང་། །ངེད་སུན་མ་དུར་ཁྲོད་གནས་སུ་སྐྱེལ། །སུན་མ་ཨོ་རྒྱན་གནས་སུ་སྐྱེལ། །རྣལ་འབྱོར་བདག་ལ་སྐྱེལ་དར་ཞོག །ཡོན་བདག་འདི་ལ་དངོས་གྲུབ་སྩོལ། །སུན་མ་དུར་ཁྲོད་ལྷོ་རུ་སྐྱེལ། །ལྷོ་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་རྡོ་རྗེའི་གར་སྟབས་ཅན། །མཁའ་ལ་ཐོག་མེད་བུན་ནེ་བུན། །ལག་པ་གསེར་གྱི་གདུ་བུ་

[Full Size]

ཅན། །ཌ་རུ་ཅང་ཏེའུ་ཁྲ་ལ་ལ། །ན་བཟའ་དར་གྱི་ཅོད་པན་ཅན། །རླུང་གིས་བསྐྱོད་ཅིང་པུ་རུ་རུ། །ལྷོ་ཡི་ཕྱོགས་སུ་གཤེགས་སུ་གསོལ།། ༼ཁ༽ ཀྱཻ། ནུབ་ནས་བྱོན་པ་པདྨའི་རིགས། །མ་ཡེང་བདག་ལ་སྙན་གསོན་དང་། །ངེད་སུན་མ་དུར་ཁྲོད་གནས་སུ་སྐྱེལ། །སུན་མ་ཨོ་རྒྱན་གནས་སུ་སྐྱེལ། །རྣལ་འབྱོར་བདག་ལ་སྐྱེལ་དར་ཞོག །ཡོན་བདག་འདི་ལ་དངོས་གྲུབ་སྩོལ། །སུན་མ་དུར་ཁྲོད་ནུབ་ཏུ་སྐྱེལ། །ནུབ་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་པདྨའི་གར་སྟབས་ཅན། །མཁའ་ལ་ཐོག་མེད་བུན་ནེ་བུན། །ལག་པ་མཆོང་གི་གདུ་བུ་ཅན། །ཌརུ་ཅང་ཏེའུ་ཁྲ་ལ་ལ། །ན་བཟའ་དར་གྱི་ཅོད་པན་ཅན། །རླུང་གིས་བསྐྱོད་ཅིང་པུ་རུ་རུ། །ནུབ་ཀྱི་ཕྱོགས་སུ་གཤེགས་སུ་གསོལ།། ༼ག༽ ཀྱཻ། བྱང་ནས་བྱོན་པ་ལས་ཀྱི་རིགས། །མ་ཡེང་བདག་ལ་སྙན་གསོན་དང་། །ངེད་སུན་མ་དུར་ཁྲོད་གནས་སུ་སྐྱེལ། །སུན་མ་ཨོ་རྒྱན་གནས་སུ་སྐྱེལ། །རྣལ་འབྱོར་བདག་ལ་སྐྱེལ་དར་ཞོག །ཡོན་བདག་འདི་ལ་དངོས་གྲུབ་སྩོལ། །སུན་མ་བྱང་གི་ཕྱོགས་སུ་སྐྱེལ། །བྱང་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་ལས་རབ་

[Full Size]

གར་སྟབས་ཅན། །མཁའ་ལ་ཐོག་མེད་བུན་ནེ་བུན། །ལག་པ་གཡུ་ཡི་གདུ་བུ་ཅན། །ཌ་རུ་ཅང་ཏེའུ་ཁྲ་ལ་ལ། །ན་བཟའ་དར་གྱི་ཅོད་པན་ཅན། །རླུང་གིས་བསྐྱོད་ཅིང་པུ་རུ་རུ། །བྱང་གི་ཕྱོགས་སུ་གཤེགས་སུ་གསོལ།། ༼ང༽ ཀྱཻ། དབུས་ནས་བྱོན་པ་ཌཀྐིའི་རིགས། །མ་ཡེང་བདག་ལ་སྙན་གསོན་དང་། །ངེད་སུན་མ་དུར་ཁྲོད་གནས་སུ་སྐྱེལ། །སུན་མ་ཨོ་རྒྱན་གནས་སུ་སྐྱེལ། །རྣལ་འབྱོར་བདག་ལ་སྐྱེལ་དར་ཞོག །ཡོན་བདག་འདི་ལ་དངོས་གྲུབ་སྩོལ། །སུན་མ་དབུས་ཀྱི་ཕྱོགས་སུ་སྐྱེལ། །དབུས་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་སྣ་ཚོགས་གར་སྟབས་ཅན། །མཁའ་ལ་ཐོག་མེད་བུན་ནེ་བུན། །ལག་པ་མུ་མེན་གདུ་བུ་ཅན། །ཌ་རུ་ཅང་ཏེའུ་ཁྲ་ལ་ལ། །ན་བཟའ་དར་གྱི་ཅོད་པན་ཅན། །རླུང་གིས་བསྐྱོད་ཅིང་པུ་རུ་རུ། །དབུས་ཀྱི་ཕྱོགས་སུ་གཤེགས་སུ་གསོལ། ཅེས་སྐྱེལ་དར་ཞུས་ལེན་དྲི་མེད་མཁའ་འགྲོ་ལས་ཁོལ་དུ་ཕྱུང་བའོ། མངྒ་ལཾ། །

མེ་ཟོར་སྔས་གཅོད།

[Full Size]

མེ་ཟོར་སྔས་གཅོད་བཞུགས་སོ། །ཧཱུྃ། རཾ་བཅུ་འབར་བའི་མེ་ཟོར་གྱིས། །གནས་བཅུ་འབར་བས་ཕྱོགས་བཅུར་ཁྱབ། །མེ་རི་འབར་བས་སྲིད་གསུམ་ཁེངས། །འབར་བ་མེ་ཡིས་ཁམས་གསུམ་ཁེངས། །ཡེ་ཤེས་མེ་ནི་དཀར་ལ་གསལ། །རྡོ་རྗེ་མེ་ནི་སྔོ་ནག་འཚུབས། །རིན་ཆེན་མེ་ནི་དམར་པོ་འཁྱིལ། །པདྨའི་མེ་ནི་དམར་སྨུག་འཚུབས། །ལས་ཀྱི་མེ་ནི་ལྗང་ནག་འཕྲོ། །དུག་ལྔ་བསྒྲལ་བའི་མེ་ཟོར་ལྔ། །དུག་གསུམ་འཇོམས་པའི་མེ་ཟོར་ཏེ། །སྐུ་ལ་མེ་རི་དཀར་སེར་འབར། །གསུང་གི་མེ་རི་དམར་སེར་འཕྲོས། །ཐུགས་ཀྱི་མེ་རི་མཐིང་ནག་བརྗིད། །ཡོན་ཏན་མེ་རི་འོད་ཟེར་འཕྲོས། །འཕྲིན་ལས་མེ་རི་དྲག་ལ་རྩུབས། །དུག་གསུམ་སྲེག་པའི་མེ་རི་སྟེ། །སངས་རྒྱས་ཀུན་གྱི་ཐུགས་རྗེའི་མེ། །གདུག་པ་ཐམས་ཅད་སྲེག་མཛད་མེ། །མེ་ཟོར་ལྷ་ལ་མི་བགྱིའོ། །ཀླུ་གཉན་ས་བདག་ཀུན་ལ་མི་བགྱིའོ། །མེ་ཟོར་དགྲ་དང་བགེགས་ལ་འཕེན། །ཁྱེད་གཡས་སུ་བཞུགས་པ་གཡོན་དུ་བཟུར། །མཐོ་བ་རྣམས་ཀྱིས་ཞབས་ཡར་སྐུམས། །དམའ་བ་རྣམས་ཀྱིས་དབུ་མར་ཆུམས། །བར་པ་རྣམས་ཀྱིས་སྐུ་བཟུར་

[Full Size]

ཅིག །མེ་ཟོར་དགྲ་དང་བགེགས་ལ་འཕེན། །མ་མོའི་གདུག་པ་ཟོར་གྱིས་ཟློག །མཁའ་འགྲོའི་གདུག་པ་ཟོར་གྱིས་ཟློག །ཤུགས་འགྲོའི་གདུག་པ་ཟོར་གྱིས་ཟློག །དུར་ཁྲོད་རྒྱུག་བྱེད་མ་མོ་སྟེ། །དེ་ཡི་གདུག་པ་ཟོར་གྱིས་ཟློག །དུར་ཁྲོད་རྒྱུད་ཀྱི་མ་མོའི་གདུག་པ་ཟློག །དུར་ཁྲོད་ནད་བདག་མ་མོའི་གདུག་པ་ཟློག །དུར་ཁྲོད་རྒྱན་བྱེད་མ་མོའི་གདུག་པ་ཟློག །དུར་ཁྲོད་རོ་ལངས་མ་མོའི་གདུག་པ་ཟློག །དུར་ཁྲོད་མཚོན་ཆ་མ་མོའི་གདུག་པ་ཟློག །ཁྲག་ནད་ཟོར་གྱི་མ་མོའི་གདུག་པ་ཟློག །དུར་ཁྲོད་ཤ་ཟ་ཁྲག་འཐུང་དང་། །རུས་མུར་ལྤགས་གྱོན་མ་མོ་དང་། །དེ་ཡི་གདུག་པ་ཟོར་གྱིས་ཟློག །དུར་ཁྲོད་མཁའ་འགྲོ་ཤུགས་འགྲོ་དང་། །དུར་ཁྲོད་ལྷག་འབྱུང་མ་མོ་སྟེ། །དེ་ཡི་གདུག་པ་ཟོར་གྱིས་ཟློག །དུར་ཁྲོད་མཁའ་འགྲོ་ཤུགས་འགྲོ་དང་། །མེ་ཟོར་དམར་པོ་ཤ་ར་ར། །དུར་འདྲེ་དུར་སྲི་སྲེག་པར་མཛོད། །མེ་ཟོར་འབར་བས་ཕྱོགས་བཅུར་ཁྱབ། །སྟོང་གསུམ་ཡམས་བདག་སྲེག་པར་མཛོད། །མེ་ཟོར་འབར་བས་སྟོང་གསུམ་ཁེངས། །སྲིད་གསུ་མ་ལྷ་འདྲེའི་གདུག་པ་ཟོར་གྱིས་ཟློག །ནད་དང་ཡམས་དན་སུན་མ་ཟློག །རཾ༔རཾ༔རཾ༔རཾ༔

[Full Size]

རཾ༔རཾ༔རཾ༔ རཾ༔རཾ༔རཾ༔ སྟམ་བྷ་ཡ་ནན་ནན་ནོན་ནོན༔ རྦད་རྦད་རྡུད་རྡུད༔ མངྒ་ལཾ།། མེ་རུ་དམར་ཏ་ལ་ལ་ཁྲ་ཀྱུ་རུ་རུ་འཕང་ལག །སུན་ཟློག་སྐབས་སྦྱར།།

དྲི་མེད་མཁའ་འགྲོ་ལས་བྱོན་ཞུས་ཡ་ཐ།

[Full Size]

དྲི་མེད་མཁའ་འགྲོ་ལས། བྱོན་ཞུས་ཡ་ཐ་བཞུགས་སོ། །མར་སྔའོ། ཀྱཻ། དབུས་ན་བཞུགས་པའི་མཁའ་འགྲོ་མ། །སྔགས་འཆང་བདག་ལ་སྙན་གསོན་དང་། །ཁྱེད་བྱོན་ནི་ཕྱོགས་མཚམས་གང་ནས་བྱོན། །བཞུགས་ནི་དུར་ཁྲོད་གང་དུ་བཞུགས། །མིང་ནི་མཁའ་འགྲོ་གང་ཞེས་བྱ། །བྱོན་ནི་རྐྱེན་ཟློག་གང་ལ་བྱོན། །བཞེས་ནི་འདོད་ཡོན་གང་ལ་བཞེས། །མཁའ་འགྲོས་བདག་ལ་གསུང་པར་ཞུ།། ༼ཀ༽ ཀྱཻ། ཤར་ན་བཞུགས་པའི་མཁའ་འགྲོ་མ། །སྔགས་འཆང་བདག་ལ་སྙན་གསོན་དང་། །ཁྱེད་བྱོན་ནི་ཕྱོགས་མཚམས་གང་ནས་བྱོན། །བཞུགས་ནི་དུར་ཁྲོད་གང་དུ་བཞུགས། །མིང་ནི་མཁའ་འགྲོ་གང་ཞེས་བྱ། །བྱོན་ནི་རྐྱེན་ཟློག་གང་ལ་བྱོན། །བཞེས་ནི་འདོད་ཡོན་གང་ལ་བཞེས། །མཁའ་འགྲོས་བདག་ལ་གསུང་པར་ཞུ། ༼ཁ༽ ཀྱཻ། ལྷོ་ན་བཞུགས་པའི་མཁའ་འགྲོ་མ། །སྔགས་འཆང་བདག་ལ་སྙན་གསོན་དང་། །ཁྱེད་བྱོན་ནི་ཕྱོགས་མཚམས་གང་ནས་བྱོན། །བཞུགས་ནི་དུར་ཁྲོད་གང་དུ་བཞུགས། །མིང་ནི་མཁའ་འགྲོ་གང་ཞེས་བྱ། །བྱོན་ནི་རྐྱེན་ཟློག་གང་ལ་བྱོན། །བཞེས་ནི་འདོད་ཡོན་གང་ལ་བཞེས། །མཁའ་འགྲོས་

[Full Size]

བདག་ལ་གསུང་པར་ཞུ།། ༼ག༽ ཀྱཻ། ནུབ་ན་བཞུགས་པའི་མཁའ་འགྲོ་མ། །སྔགས་འཆང་བདག་ལ་སྙན་གསོན་དང་། །ཁྱེད་བྱོན་ནི་ཕྱོགས་མཚམས་གང་ནས་བྱོན། །བཞུགས་ནི་དུར་ཁྲོད་གང་དུ་བཞུགས། །མིང་ནི་མཁའ་འགྲོ་གང་ཞེས་བྱ། །བྱོན་ནི་རྐྱེན་ཟློག་གང་ལ་བྱོན། །བཞེས་ནི་འདོད་ཡོན་གང་ལ་བཞེས། །མཁའ་འགྲོས་བདག་ལ་གསུང་པར་ཞུ།། ང་༽ ཀྱཻ། བྱང་ན་བཞུགས་པའི་མཁའ་འགྲོ་མ། །སྔགས་འཆང་བདག་ལ་སྙན་གསོན་དང་། །ཁྱེད་བྱོན་ནི་ཕྱོགས་མཚམས་གང་ནས་བྱོན། །བཞུགས་ནི་དུར་ཁྲོད་གང་དུ་བཞུགས། །མིང་ནི་མཁའ་འགྲོ་གང་ཞེས་བྱ། །བྱོན་ནི་རྐྱེན་ཟློག་གང་ལ་བྱོན། །བཞེས་ནི་འདོད་ཡོན་གང་ལ་བཞེས། །མཁའ་འགྲོས་བདག་ལ་གསུང་པར་ཞུ།། ༼ཅ༽ ཀྱཻ། ཕྱོགས་མཚམས་ན་བཞུགས་པའི་མཁའ་འགྲོ་མ། །སྔགས་འཆང་བདག་ལ་སྙན་གསོན་དང་། །ཁྱེད་བྱོན་ནི་ཕྱོགས་མཚམས་གང་ནས་བྱོན། །བཞུགས་ནི་དུར་ཁྲོད་གང་དུ་བཞུགས། །མིང་ནི་མཁའ་འགྲོ་གང་ཞེས་བྱ། །ཕྲིན་ལས་རྐྱེན་ཟློག་གང་ལ་བྱོན། །དགྱེས་ནི་འདོད་ཡོན་གང་ལ་དགྱེས། །མཁའ་འགྲོས་བདག་ལ་གསུང་

[Full Size]

པར་ཞུ།། ༼ཆ༽ ཀྱཻ། མཁའ་འགྲོའི་ཚོགས་རྣམས་སྙན་གསོན་དང་། །ངེས་པར་མཁའ་འགྲོ་ཡིན་པ་ན། །ཨོ་རྒྱན་གནས་ནས་ཡིན་པ་ན། །ཕྱོགས་བཞི་གནས་ཀྱི་འཁོར་ལུགས་དང་། །དུར་ཁྲོད་བརྒྱད་ཀྱི་གནས་ལུགས་རྣམས། །མཁའ་འགྲོས་བདག་ལ་གསུང་པར་ཞུ།། ཇ༽ ཀྱཻ། དེ་ལྟར་མཁའ་འགྲོ་ཡ་མཚན་ཅན། །བདག་ལ་དགོངས་ཤིང་བཞུགས་སུ་གསོལ། །གནས་ཁང་འདི་ལ་བྱིན་ཆེན་ཕོབ། །སྒྲུབ་མཆོག་བདག་ལ་དབང་ཞིག་བསྐུར། །འདིར་ཚོགས་སྐལ་ལྡན་ལམ་སྣ་དྲོངས། །ཡོན་བདག་རྣམས་ཀྱི་སུན་མ་ཟློག །ཅེས་བྱོན་ཞུས་དྲི་མེད་མཁའ་འགྲོ་ལས་ཕྱུང་བའོ། །བཀྲ་ཤིས་སོ།།

སུན་ཟློག་བྱོན་ཞུས་མ་ཐ་ནས་ཡར་ཞུས།

[Full Size]

སུན་ཟློག་བྱོན་ཞུས་མ་ཐ་ནས་ཡར་ཞུས་སོ།། ཀྱཻ། སངས་རྒྱས་མཁའ་འགྲོའི་ཞལ་ན་རེ། །སྔགས་འཆང་རྒྱལ་པོ་སྙན་གསོན་དང་། །ངེད་འོང་བ་དབུས་ཀྱི་ཕྱོགས་ནས་འོང་། །འདུག་ས་དབུས་ཀྱི་དུར་ཁྲོད་ཡིན། །མིང་ནི་སངས་རྒྱས་མཁའ་འགྲོ་བྱ། །རྐྱེན་ངན་སུན་མ་བསྒྱུར་དུ་འོང་། །བཞེས་ནི་འདོད་ཡོན་ལྔ་ལ་བཞེས། །དཔའ་བོས་དེ་ཟླ་ལྟར་དགོངས་པར་མཛོད།། ༼ཀ༽ ཀྱཻ། རྡོ་རྗེ་མཁའ་འགྲོའི་ཞལ་ན་རེ། །སྔགས་འཆང་རྒྱལ་པོ་སྙན་གསོན་དང་། །ངེད་འོང་བ་ཤར་གྱི་ཕྱོགས་ནས་འོང་། །འདུག་ས་དུར་ཁྲོད་ཤར་ན་འདུག །མིང་ནི་རྡོ་རྗེ་མཁའ་འགྲོ་བྱ། །རྐྱེན་ཟློག་སུན་མ་བསྒྱུར་དུ་འོང་། །བཞེས་ནི་འདོད་ཡོན་ལྔ་ལ་བཞེས། །དཔའ་བོས་དེ་ལྟར་དགོངས་པར་མཛོད། ཁ༽ ཀྱཻ། རིན་ཆེན་མཁའ་འགྲོའི་ཞལ་ན་རེ། །སྔགས་འཆང་རྒྱལ་པོ་སྙན་གསོན་དང་། །ངེད་འོང་བ་ལྷོ་ཡི་ཕྱོགས་ནས་འོང་། །འདུག་ས་ལྷོ་ཡི་དུར་ཁྲོད་ཡིན། །མིང་ནི་རིན་ཆེན་མཁའ་འགྲོ་བྱ། །རྐྱེན་ངན་སུན་མ་བསྒྱུར་དུ་འོང་། །བཞེས་ནི་འདོད་ཡོན་ལྔ་ལ་བཞེས། །དཔའ་བོས་དེ་ལྟར་དགོངས་པར་མཛོད། །༼ག༽ ཀྱཻ། པདྨ་མཁའ་

[Full Size]

འགྲོའི་ཞལ་ན་རེ། །སྔགས་འཆང་རྒྱལ་པོ་སྙན་གསོན་དང་། །ངེད་འོང་བ་ནུབ་ཀྱི་ཕྱོགས་ནས་འོང་། །བཞུགས་ས་ནུབ་ཀྱི་དུར་ཁྲོད་ཡིན། །མིང་ནི་པདྨ་མཁའ་འགྲོ་བྱ། །རྐྱེན་ངན་སུན་མ་བསྒྱུར་དུ་འོང་། །བཞེས་ནི་འདོད་ཡོན་ལྔ་ལ་བཞེས། །དཔའ་བོས་དེ་ལྟར་དགོངས་པར་མཛོད།། ང༽ ཀྱཻ། ལས་ཀྱི་མཁའ་འགྲོའི་ཞལ་ན་རེ། །སྔགས་འཆང་རྒྱལ་པོ་སྙན་གསོན་དང་། །ངེད་འོང་བ་བྱང་གི་ཕྱོགས་ནས་འོང་། །འདུག་ས་བྱང་གི་དུར་ཁྲོད་ཡིན། །མིང་ནི་ལས་ཀྱི་མཁའ་འགྲོ་བྱ། །རྐྱེན་ངན་སུན་མ་བསྒྱུར་དུ་འོང་། །བཞེས་ནི་འདོད་ཡོན་ལྔ་ལ་བཞེས། །དཔའ་བོས་དེ་ལྟར་དགོངས་པར་མཛོད། ༼ཅ༽ ཀྱཻ། སྔགས་འཆང་རྒྱལ་པོ་སྙན་གསོན་དང་། །ངེད་འོང་ནི་ཨོ་རྒྱན་ཡུལ་ནས་འོང་། །བཞུགས་ས་དུར་ཁྲོད་གནས་བརྒྱུད་ཡིན། །མིང་ནི་སྣ་ཚོགས་མཁའ་འགྲོ་ཡིན། །ཕྲིན་ལས་སུན་མ་བསྒྱུར་དུ་འོང་། །དགྱེས་ནི་འདོད་ཡོན་ལྔ་ལ་དགྱེས། །དཔའ་བོས་དེ་ལྟར་དགོངས་པར་མཛོད། ༼ཆ༽ ཀྱཻ། སྔགས་འཆང་རྒྱལ་པོ་སྙན་གསོན་དང་། །རིགས་ནི་གསང་སྔགས་ཐེག་ཆེན་རིགས། །གནས་ནི་ཡེ་ཤེས་དབྱིངས་ལ་

[Full Size]

གནས། །ལྟ་ནི་སྟོང་ཉིད་དོན་ལ་ལྟ། །འདུག་ནི་བདེ་གསལ་ངང་ལ་འདུག །ཟས་སུ་བདུད་རྩི་ལྔ་ལ་མྱོང་། །ལས་སུ་འགྲོ་དྲུག་ཐུགས་རྗེས་འདྲེན། །ངེད་མཁའ་འགྲོའི་མཚན་ཉིད་དེ་ལྟར་ལགས། །ཨོ་རྒྱན་ཡུལ་གྱི་མཚན་ཉིད་ནི། །རང་བཞིན་ལྷུན་གྱིས་གྲུབ་པའི་གནས། །སྒྱུ་མ་ལུས་ཀྱི་ཞིང་ཁམས་ན། །དེ་ལ་སྐྲག་འཇིགས་ཡེ་ནས་མེད། །ཡེ་ཤེས་འོད་ཀྱི་གཞལ་ཡས་ལ། །མ་རིག་འཁྲུལ་པའི་རྒྱུས་མ་གོས། །སྣང་སྟོང་སྒྱུ་མའི་དཀྱིལ་འཁོར་ལ། །ཆགས་འཛིན་བྱུང་དོར་རྒྱུས་མ་གོས། །ཆོས་སྐུ་མཁའ་ལྟར་དག་པ་ལ། །ཁ་དོག་འཛིན་པའི་མཐའ་དང་བྲལ། །ལོངས་སྐུ་འགགས་པ་མེད་པ་ལ། །སྐྱེ་འཆི་གཉིས་མེད་ལྷུན་གྱིས་གྲུབ། །སྤྲུལ་པ་ཉི་ལྟར་གསལ་བ་ལ། །ལོང་ལ་མུན་པའི་སྐྱོ་མི་འཇིགས། །རྒྱུ་དང་རྐྱེན་གྱིས་མ་གོས་པའི། །ལྷ་ཆེན་སྐར་ཆེན་ཤར་འདྲ་ཡོད། །ལྷ་བྲན་སྐར་བྲན་ཤར་འདྲ་ཡོད། །སྒྲོན་མེ་ཉི་མ་ཤར་འདྲ་ཡོད། །མེ་ཏོག་རྩི་ལྟར་རྒྱས་འདྲ་ཡོད། །བདུག་སྤོས་སྤྲིན་ལྟར་གཏིབས་འདྲ་ཡོད། །སྣང་གསལ་ལྷ་མོ་འོད་འཕྲོ་ཡོད། །རོ་མཆོག་བརྒྱད་ལྡན་ཞལ་ཟས་ཡོད། །རྐང་གླིང་ཐོད་རྔའི་སྒྲ་

[Full Size]

དབྱངས་ཡོད། །མ་རྨོས་པ་ཡི་ལོ་ཏོག་ཡོད། །རི་བོ་ཐམས་ཅད་རིན་ཆེན་རི། །རྩི་ཤིང་ཐམས་ཅད་དཔག་བསམ་ཤིང་། །འབྲས་བུ་ཐམས་ཅད་ནོར་བུ་སྨིན། །ལོ་འདབ་ཐམས་ཅད་དར་ཟབ་ཡིན། །ཆུ་ཀླུང་ཐམས་ཅད་ཟག་མེད་ཆུ། །སྒྲ་སྐད་ཐམས་ཅད་མཁའ་འགྲོའི་སྒྲ། །དབྱར་དགུན་ཟེར་བའི་དྲོ་གྲང་མེད། །ཉིན་མཚན་ཟེར་བའི་གསལ་འགྲིབ་མེད། །ལྷ་ཕམ་ལྟུང་ཟེར་བའི་སྡུག་བསྔལ་མེད། །ལྷ་མིན་འཐབ་རྩོད་ཟེར་བ་མེད། །མི་ལུས་དབུལ་ཕོངས་ཟེར་བ་མེད། །དམྱལ་བ་ཚ་གྲང་ཟེར་བ་མེད། །བྱོལ་སོང་གླེན་ལྐུགས་ཟེར་བ་མེད། །ཡི་དྭགས་བཀྲེས་སྐོམ་ཟེར་བ་མེད། །ཉོན་མོངས་དུག་ལྔ་ཟེར་བ་མེད། །ཅི་ཡང་མ་གྲུབ་སྟོང་པའི་ངང་། །སྟོང་པའི་ངང་ལ་གསལ་བར་གསལ། །དེ་ཨོ་རྒྱན་ཡུལ་གྱི་མཚན་ཉིད་ཡིན། །དུར་ཁྲོད་བརྒྱད་ཀྱི་གནས་ལུགས་ནི། །ཨོ་རྒྱན་ཡུལ་གྱི་ཤར་ཕྱོགས་ན། །གཏུམ་དྲག་འབར་བའི་དུར་ཁྲོད་ཡོད། །དེ་ན་རྡོ་རྗེ་མཁའ་འགྲོ་བཞུགས། །ཨོ་རྒྱན་ཡུལ་གྱི་ལྷོ་ཕྱོགས་ན། །གད་རྒྱངས་སྒྲོགས་པའི་དུར་ཁྲོད་ཡིན། །དོན་གྲུབ་རིན་ཆེན་མཁའ་འགྲོ་བཞུགས། ཨོ་རྒྱན་ཡུལ་གྱི་ནུབ་ཕྱོགས་

[Full Size]

ན། །པདྨ་འཁྱིལ་པའི་དུར་ཁྲོད་ཡོད། །དྲི་མེད་པདྨ་མཁའ་འགྲོ་བཞུགས། །ཨོ་རྒྱན་ཡུལ་གྱི་བྱང་ཕྱོགས་ན། །ཀཱི་ལ་སྒྲོགས་པའི་དུར་ཁྲོད་ཡོད། །བདེ་ཆེན་ལས་ཀྱི་མཁའ་འགྲོ་བཞུགས། །ཤར་ལྷོ་རབ་འཇིགས་དུར་ཁྲོད་ཡོད། །དམ་ཚིག་ལྡན་པའི་མཁའ་འགྲོ་བཞུགས། །ལྷོ་ནུབ་གཏུམ་པོའི་དུར་ཁྲོད་ཡོད། །མི་མཐུན་སྣ་ཚོགས་མཁའ་འགྲོ་བཞུགས། །ནུབ་བྱང་རབ་རྒྱུའི་དུར་ཁྲོད་ཡོད། །ཀུན་རྒྱུག་ཐམས་ཅད་མཁའ་འགྲོ་བཞུགས། །བྱང་ཤར་དྲག་ཤུལ་དུར་ཁྲོད་ཡོད། །རྒྱུད་འཛིན་འཇིག་རྟེན་མཁའ་འགྲོ་བཞུགས། །དུར་ཁྲོད་བརྒྱད་ཀྱི་གནས་ལུགས་ཡིན། །དཔའ་བོས་དེ་ལྟར་དགོངས་པར་མཛོད། །ཅེས་བྱོན་ཞུས་དྲི་མེད་མཁའ་འགྲོ་ལས་ཁོལ་དུ་ཕྱུང་བའོ། །མངྒ་ལཾ།།

སྐྱེལ་དར།

[Full Size]

སྐྱེལ་དར་བཞུགས་སོ། ཀྱཻ། དཔའ་བོ་ཆེན་པོ་སྙན་གསོན་དང་། །ངེད་སུན་མའི་མགྲོན་གྱི་ཞལ་ན་རེ། །ངེད་ཤར་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་རྡོ་རྗེའི་གར་སྟབས་ཀྱིས། །མཁའ་ལ་ཐོག་མེད་བུན་ནེ་བུན། །དུར་སྲི་དམ་ལ་བཏགས་ཤིང་འགྲོ། །ལག་པ་དུང་གི་གདུ་བུ་ཅན། །མཁའ་འགྲོས་གཏོར་མ་ཁྱེར་ཞིང་འགྲོ། །མེ་ལོང་ལྟ་བུའི་ཡེ་ཤེས་འདི། །སྔགས་འཆང་ཁྱེད་ལ་སྐྱེལ་དར་བཞག །སྐུ་མི་འགྱུར་བའི་དངོས་གྲུབ་དེ། །ཡོན་བདག་འདི་ལ་བྱིན་གྱིས་རློབས། །ངེད་དཔའ་བོ་མཁའ་འགྲོ་ཤར་དུ་འགྲོ།། ༼ཀ༽ ཀྱཻ། དཔའ་བོ་ཆེན་པོ་སྙན་གསོན་དང་། །ངེད་སུན་མའི་མགྲོན་གྱི་ཞལ་ན་རེ། །ངེད་ལྷོ་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་རིན་ཆེན་གར་སྟབས་ཀྱིས། །མཁའ་ལ་ཐོག་མེད་བུན་ནེ་བུན། །དུར་སྲི་དམ་ལ་བཏགས་ཤིང་འགྲོ། །ལག་པ་གསེར་གྱི་གདུ་བུ་ཅན། །མཁའ་འགྲོས་གཏོར་མ་ཁྱེར་ཞིང་འགྲོ། །མཉམ་པ་ཉིད་ཀྱི་ཡེ་ཤེས་འདི། །སྔགས་འཆང་ཁྱེད་ལ་སྐྱེལ་དར་བཞག །གསུང་དབྱངས་དྲུག་ཅུ་དངོས་གྲུབ་དེ། །ཡོན་བདག་འདི་ལ་བྱིན་གྱིས་རློབས། །ངེད་དཔའ་བོ་མཁའ་འགྲོ་ལྷོ་

[Full Size]

རུ་འགྲོ།། ༼ཁ༽ ཀྱཻ། དཔའ་བོ་ཆེན་པོ་སྙན་གསོན་དང་། །ངེད་སུན་མའི་མགྲོན་གྱི་ཞལ་ན་རེ། །ངེད་ནུབ་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་པདྨའི་གར་སྟབས་ཀྱིས། །མཁའ་ལ་ཐོག་མེད་བུན་ནེ་བུན། །དུར་སྲི་དམ་ལ་བཏགས་ཤིང་འགྲོ། །ལག་པ་མཆོང་གི་གདུ་བུ་ཅན། །མཁའ་འགྲོས་གཏོར་མ་ཁྱེར་ཞིང་འགྲོ། །སོ་སོར་རྟོག་པའི་ཡེ་ཤེས་འདི། །སྔགས་འཆང་ཁྱེད་ལ་སྐྱེལ་དར་བཞགས། །ཐུགས་མི་འགྱུར་བའི་དངོས་གྲུབ་དེ། །ཡོན་བདག་འདི་ལ་བྱིན་གྱིས་རློབས། །ངེད་དཔའ་བོ་མཁའ་འགྲོ་ནུབ་ཏུ་འགྲོ།། ༼ག༽ ཀྱཻ། དཔའ་བོ་ཆེན་པོ་སྙན་གསོན་དང་། །ངེད་སུན་མའི་མགྲོན་གྱི་ཞལ་ན་རེ། །ངེད་བྱང་ཕྱོགས་མཁའ་འགྲོ་འབུམ་སྡེ་རྣམས། །རྐང་པ་ལས་རབ་པའི་གར་སྟབས་ཀྱིས། །མཁའ་ལ་ཐོག་མེད་བུན་ནེ་བུན། །དུར་སྲི་དམ་ལ་བཏགས་ཤིང་འགྲོ། །ལག་པ་གཡུ་ཡི་གདུ་བུ་ཅན། །མཁའ་འགྲོས་གཏོར་མ་ཁྱེར་ཞིང་འགྲོ། །བྱ་བ་གྲུབ་པའི་ཡེ་ཤེས་འདི། །སྔགས་འཆང་ཁྱེད་ལ་སྐྱེལ་དར་བཞགས། །ཐུགས་མི་འགྱུར་བའི་དངོས་གྲུབ་དེ། །ཡོན་བདག་འདི་ལ་བྱིན་གྱིས་རློབས། །ངེད་དཔའ་བོ་མཁའ་

[Full Size]

འགྲོ་བྱང་དུ་འགྲོ།། ང༽ ཀྱཻ། དཔའ་བོ་ཆེན་པོ་སྙན་གསོན་དང་། །ངེད་སུན་མའི་མགྲོན་གྱི་ཞལ་ནས་རེ། །ངེད་དབུས་ཕྱོགས་མཁའ་འགྲོ་འབུམ་སྡེ་ཟརྣམས། །རྐང་པ་སྣ་ཚོགས་གར་སྟབས་ཀྱིས། །མཁའ་ལ་ཐོག་མེད་བུན་ནེ་བུན། །དུར་སྲི་དམ་ལ་བཏགས་ཤིང་འགྲོ། །ལག་པ་མུ་མེན་གདུ་བུ་ཅན། །མཁའ་འགྲོས་གཏོར་མ་ཁྱེར་ཞིང་འགྲོ། །ཆོས་ཀྱི་དབྱིངས་ཀྱི་ཡེ་ཤེས་འདི། །སྔགས་འཆང་ཁྱེད་ལ་སྐྱེལ་དར་བཞགས། །ཐམས་ཅད་ལྷུན་གྲུབ་དངོས་གྲུབ་དེ། །ཡོན་བདག་འདི་ལ་བྱིན་གྱིས་ལྕེ་རློབས། །ངེད་དཔའ་བོ་མཁའ་འགྲོ་དབུས་སུ་འགྲོ། །དྲི་མེད་མཁའ་འགྲོ་ལས་སྐྱེས་དར་ཞུས་ལེན་ཁོལ་དུ་ཕྱུང་བའོ། །

མ་འགྲོ་བ་བཟང་མོའི་སྨོན་ལམ།

[Full Size]

མ་འགྲོ་བ་བཟང་མོའི་སྨོན་ལམ་བཞུགས་སོ།། ༈ ཤར་རྡོ་རྗེ་རིགས་ཀྱི་མཁའ་འགྲོ་མ། །སྐུ་མདོག་སྔོན་མོ་མདངས་དང་ལྡན། །རང་འདྲ་རྡོ་རྗེ་དཔའ་བོར་བཅས། །འཁོར་དུ་མཁའ་འགྲོ་འབུམ་གྱིས་བསྐོར། །ཁྱེད་འཁོར་དང་བཅས་ལ་གསོལ་བ་འདེབས། །ཤར་གྱི་དར་ཐག་དབྱིངས་སུ་བསྡུས། །ཤར་གྱི་སུན་མ་བཟློག་ཏུ་གསོལ། །སྤྱིར་ཟླ༔ དམ་ཚིག་ཅན་གྱི་སྡོང་གྲོགས་མཛོད། །དགོས་མཚན་ལྡན་བླ་མའི་སྐུ་ཚེ་བསྲིང་། །རྡོར་སེམས་ཚེ་ཡི་དངོས་གྲུབ་སྩོལ། །བསྐལ་བརྒྱའི་བར་དུ་ཞབས་བརྟན་ཤོག །ལྷོ་རིན་ཆེན་རིགས་ཀྱི་མཁའ་འགྲོ་མ། །སྐུ་མདོག་སེར་མོ་མདངས་དང་ལྡན། །རང་འདྲ་རིན་ཆེན་དཔའ་བོར་བཅས། །འཁོར་དུ་མཁའ་འགྲོ་འབུམ་གྱིས་བསྐོར། །ཁྱེད་འཁོར་དང་བཅས་ལ་གསོལ་བ་འདེབས། །ལྷོ་ཡི་དར་ཐག་དབྱིངས་སུ་བསྡུས། །ལྷོ་ཡི་སུན་མ་བཟློག་ཏུ་གསོལ། །སྤྱིར་དམ་ཚིག་ཅན་གྱི་སྡོང་གྲོགས་མཛོད། །དགོས་མཚན་ལྡན་བླ་མའི་སྐུ་ཚེ་བསྲིང་། །རིན་འབྱུང་ཚེ་ཡི་དངོས་གྲུབ་སྩོལ། །བསྐལ་བརྒྱའི་བར་དུ་ཞབས་བརྟན་ཤོག །ནུབ་པདྨ་རིགས་ཀྱི་མཁའ་འགྲོ་མ། །སྐུ་མདོག་དམར་མོ་མདངས་དང་

[Full Size]

ལྡན། །རང་འདྲ་པདྨ་དཔའ་བོར་བཅས། །འཁོར་དུ་མཁའ་འགྲོ་འབུམ་གྱིས་བསྐོར། །ཁྱེད་འཁོར་དང་བཅས་ལ་གསོལ་བ་འདེབས། །ནུབ་ཀྱི་དར་ཐག་དབྱིངས་སུ་བསྡུས། །ནུབ་ཀྱི་སུན་མ་བཟློག་ཏུ་གསོལ། །སྤྱིར་དམ་ཚིག་ཅན་གྱི་སྡོང་གྲོགས་མཛོད། །དགོས་མཚན་ལྡན་བླ་མའི་སྐུ་ཚེ་བསྲིང་། །སྣང་མཐའ་ཚེ་ཡི་དངོས་གྲུབ་སྩོལ། །བསྐལ་བརྒྱའི་བར་དུ་ཞབས་བརྟན་ཤོག །བྱང་ལས་ཀྱི་རིགས་ཀྱི་མཁའ་འགྲོ་མ། །སྐུ་མདོག་ལྗང་མོ་མདངས་དང་ལྡན། །རང་འདྲ་ཀརྨ་དཔའ་བོར་བཅས། །འཁོར་དུ་མཁའ་འགྲོ་འབུམ་གྱིས་བསྐོར། །ཁྱེད་འཁོར་དང་བཅས་ལ་གསོལ་བ་འདེབས། །བྱང་གི་དར་ཐག་དབྱིངས་སུ་བསྡུས། །བྱང་གི་སུན་མ་བཟློག་ཏུ་གསོལ། །སྤྱིར་དམ་ཚིག་ཅན་གྱི་སྡོང་གྲོགས་མཛོད། །དགོས་མཚན་ལྡན་བླ་མའི་སྐུ་ཚེ་བསྲིང་། །དོན་གྲུབ་ཚེ་ཡི་དངོས་གྲུབ་སྩོལ། །བསྐལ་བརྒྱའི་བར་དུ་ཞབས་བརྟན་ཤོག །དབུས་བུདྡྷ་རིགས་ཀྱི་མཁའ་འགྲོ་མ། །སྐུ་མདོག་དཀར་གསལ་མདངས་དང་ལྡན། །རང་འདྲ་བུདྡྷ་དཔའ་བོར་བཅས། །འཁོར་དུ་མཁའ་འགྲོ་འབུམ་གྱིས་བསྐོར། །ཁྱེད་འཁོར་དང་བཅས་ལ་གསོལ་བ་

[Full Size]

འདེབས། །དབུས་ཀྱི་དར་ཐག་དབྱིངས་སུ་བསྡུས། །དབུས་ཀྱི་སུན་མ་བཟློག་ཏུ་གསོལ། །སྤྱིར་དམ་ཚིག་ཅན་གྱི་སྡོང་གྲོགས་མཛོད། །དགོས་མཚན་ལྡན་བླ་མའི་སྐུ་ཚེ་བསྲིང་། །རྣམ་སྣང་ཚེ་ཡི་དངོས་གྲུབ་སྩོལ། །བསྐལ་བརྒྱའི་བར་དུ་ཞབས་བརྟན་ཤོག །ཞིང་རྣམ་པར་དག་པ་རྒྱལ་བའི་ཞིང་། །དུས་གསུམ་སངས་རྒྱས་འཁྲུངས་པའི་ཞིང་། །མ་དང་མཁའ་འགྲོ་འདུ་བའི་ཞིང་། །ཞིང་འདི་ལས་ལྷག་པ་གཞན་ན་མེད། །ཞིང་འདི་ལ་དགོངས་ཏེ་བཞུགས་སུ་གསོལ། །ཁྲི་འགྱུར་བ་མེད་པ་རྡོ་རྗེའི་ཁྲི། །འཕོ་འགྱུར་མེད་པ་ནོར་བུའི་ཁྲི། །འཇིགས་བརྒྱད་བྲལ་བ་སེང་གེའི་ཁྲི། །ཁྲི་འདི་ལས་ལྷག་པ་གཞན་ན་མེད། །ཁྲི་འདི་ལ་དགོངས་ཏེ་བཞུགས་སུ་གསོལ། །གདན་དྲི་མ་མེད་པ་པདྨའི་གདན། །མ་རིག་མུན་སེལ་ཟླ་བའི་གདན། །གསལ་འགྲིབ་མེད་པ་ཉི་མའི་གདན། །གདན་འདི་ལས་ལྷག་པ་གཞན་ན་མེད། །གདན་འདི་ལ་དགོངས་ཏེ་བཞུགས་སུ་གསོལ། །མི་འགྱུར་གཡུང་དྲུང་ལྟ་བུར་བཞུགས་སུ་གསོལ། །མི་འགགས་ཚངས་དབྱངས་ལྟ་བུར་བཞུགས་སུ་གསོལ། །གཡོ་མེད་རྡོ་རྗེ་ལྟ་བུར་བཞུགས་སུ་གསོལ། །

[Full Size]

ཕྱོགས་ལས་རྣམ་རྒྱལ་མངའ་བར་བཞུགས་སུ་གསོལ། །ལྷུན་གྲུབ་ཆེན་པོའི་ངང་དུ་བཞུགས་སུ་གསོལ། མངྒ་ལཾ། བཀྲ་ཤིས་སོ། །ཞལ་དྲོ།། །།

གདན་བཞུགས་དང་པོ་བརྡའི་བསྐུལ་བ།

[Full Size]

གདན་བཞུགས་དང་པོ་བརྡའི་བསྐུལ་བ་ནི། ཨེ་མ་སྔགས་ཀྱི་རིག་འཛིན་འདི། །ལས་ཀྱི་གདུལ་བྱ་མ་རྫོགས་པས། །སུན་མས་བསྐྱོད་པར་མི་འོས་ཤིང་། །ཆོས་དབྱིངས་༔ ཡེ་ཤེས་མཁའ་འགྲོ་ཡིས། །བཞུགས་པར་གནང་བ་བརྡ་ཡི་གདན། །འབུལ་ལོ་རྡོ་རྗེ་འཛིན་ལ་འབུལ། །ཨེ་མ་སྔགས་ཀྱི་རིག་འཛིན་འདི། །གདུལ་བྱའི་རེ་འདོད་མ་རྫོགས་པས། །སུན་མས་བསྐྱོད་པར་མི་འོས་ཤིང་། །སྟོང་ཉིད་ཡེ་ཤེས་མཁའ་འགྲོ་ཡིས། །བཞུགས་པར་གནང་བ་བརྡ་ཡི་གདན། །འབུལ་ལོ་རྡོ་རྗེ་འཛིན་ལ་འབུལ། །ཨེ་མ་སྔགས་ཀྱི་རིག་འཛིན་འདི། །གནས་ལུགས་ཀློང་དུ་གྱུར་ན་ཡང་། །ཞི་བར་བཞུགས་ཚད་མ་ཕེབས་པས། །སུན་མས་བསྐྱོད་པར་མི་འོས་ཤིང་། །ཡེ་ཤེས་མཁའ་འགྲོ་སྡེ་ལྔ་ཡིས། །བཞུགས་པར་གནང་བ་བརྡ་ཡི་གདན། །འབུལ་ལོ་རྡོ་རྗེ་འཛིན་ལ་འབུལ། །དེ་ནས་དོན་གྱི་གདན་ལ་བཞུགས་སུ་གསོལ། ཨཱཿ རིན་ཆེན་བྱོལ་སོང་ལ་སོགས་པའི། །ལྷ་ཀླུ་གནོད་སྦྱིན་གདན་མཆོག་ལ། །སློབ་དཔོན་དགོངས་པ་ཡེངས་མེད་ཀྱིས། །ཧེ་རུ་ཀ་དཔལ་བཞུགས་སུ་གསོལ། །འཕོ་འགྱུར་མེད་པའི་བཀའ་དྲིན་ཞུ། །བར་ཆད་ཞི་བར་

[Full Size]

མངའ་གསོལ་ལོ། །ཨཱཿ རིན་ཆེན་འཁོར་ལོ་ནོར་བུ་དང་། །སྐྱོན་བྲལ་ཐབས་ཤེས་བརྡའ་གདན་ལ། །སློབ་དཔོན་དགོངས་པ་ཡེངས་མེད་ཀྱིས། །སྣང་སྲིད་ཟིལ་གནོན་བཞུགས་སུ་གསོལ། །གསལ་འགྲིབ་མེད་པའི་བཀའ་དྲིན་ཞུ། །ཚེ་དཔལ་རྒྱས་པའི་མངའ་གསོལ་ལོ། །ལྟ་བ་རྟོགས་པའི་གདན་ཁྲི་ལ། །སྒོམ་པ་རང་གསལ་བཞུགས་སུ་གསོལ། །སྤྱོད་པ་ཡེངས་མེད་བཀའ་དྲིན་ཞུ། །རང་གྲོལ་ཆེན་པོར་མངའ་གསོལ་ལོ། །སེམས་ཉིད་སྟོང་པའི་ཁྲི་གདན་ལ། །བྱར་རྫོགས་ཆེན་པོའི་རྣལ་འབྱོར་སྐུ། །ཡེ་ཤེས་ཉག་གཅིག་བཞུགས་སུ་གསོལ། །ཕྱོགས་ལྷོང་བྲལ་བའི་བཀའ་དྲིན་ཞུ། །སྣང་བ་སྟོང་པའི་ཁྲི་གདན་ལ། །སེམས་ཉིད་ཤར་ཆའི་ཡེ་ཤེས་སྐུ། །གཉིས་སུ་མེད་པར་བཞུགས་སུ་གསོལ། །མཚན་འཛིན་བྲལ་བའི་བཀའ་དྲིན་ཞུ། །ཨཱཿ དབྱིངས་ཀྱི་ཡེ་ཤེས་ཁྲི་གདན་ལ། །རིགས་གདངས་རྒྱལ་པོ་ལུ་གུ་རྒྱུད། །འཕོ་འགྱུར་རང་གྲོལ་བཞུགས་སུ་གསོལ། །མཚན་མ་ནུབ་པའི་བཀའ་དྲིན་ཞུ། །དེ་ནས་རྟགས་ཀྱི་བརྒྱན་གྱིས་ཆེ་བ་བསྐྱེད་པ་ནི། ཀྱཻ། དུས་གསུམ་རྒྱལ་བའི་གདུང་ཚབ་ལ། །གདན་བཞུགས་དང་པོ་མི་ཡི་

[Full Size]

ཕུལ། །སྔགས་འཆང་རིག་འཛིན་བདག་གིས་སོ། །གདན་བཞུགས་གཉིས་པ་ལྷ་ཡིས་ཕུལ། །ཡེ་ཤེས་མཁའ་འགྲོ་སྡེ་ལྔས་སོ། གདན་བཞུགས་གསུམ་པ་རང་བྱུང་དུ། །བསྐྱེད་རྫོགས་བསྟན་པའི་མཐུ་ལས་གྲུབ། །སངས་རྒྱས་ཐུགས་རྗེ་ལས་བྱུང་བས། །རྟགས་ཀྱི་སྣ་ཚོགས་རྡོ་རྗེ་ནི། །ཕྲིན་ལས་རྣམ་བཞིའི་ཁ་དོག་གིས། །ཕྱོགས་ནས་ཡེ་ཤེས་འཇའ་འོད་བཀྲ། །ཤར་གྱི་ར་ལས་རྡོ་རྗེ་ནི། །ཞི་བ་རྡོ་རྗེ་རིགས་རྣམས་ཀུན། །ལྷུན་གྱིས་གྲུབ་པར་རྟགས་ཀྱི་རྒྱ། །ལྷོ་ཡི་ར་ལས་རིན་ཆེན་རིགས། །རྒྱལ་པའི་རིན་ཆེན་རིགས་རྣམས་ཀུན། །ལྷུན་གྱིས་གྲུབ་པར་རྟགས་ཀྱི་རྒྱུ། །ནུབ་ཀྱི་ར་ལས་པདྨ་ཡི། །དབང་གི་པདྨ་རིགས་རྣམས་ཀུན། །ལྷུན་གྱིས་གྲུབ་པ་རྟགས་ཀྱི་རྒྱ། །བྱང་གི་ར་ལས་རལ་གྲི་ཡི། །ཕྲིན་ལས་ཀརྨའི་རིགས་རྣམས་ལ། །མངའ་དབང་བསྒྱུར་བའི་རྟགས་ཀྱི་རྒྱ། །དབུས་སུ་ཡིད་བཞིན་དབང་གི་ནོར། །དགའ་བ་འཁྱིལ་པ་གྲུབ་པ་ནི། །ལས་ཀུན་ལྷུན་གྲུབ་རྟགས་ཀྱི་རྒྱ། །ལྷ་རྫས་ལས་བཞིའི་གདན་མཆོག་ལ། །རྐང་གཉིས་གཙོ་བོ་རྟགས་བཞུགས་ནས། །ཞབས་པད་བསྐལ་པ་ཇི་སྲིད་དུ། །

[Full Size]

གཡོ་མེད་པ་ཡི་གཉིས་མེད་རྒྱས་འདེབས་ཤིང་། །འཕོ་འགྱུར་མེད་པའི་དགོངས་པར་བཞུགས་སུ་གསོལ། །མངྒ་ལཾ།།

སུན་མའི་ཡར་ཞུས།

[Full Size]

སུན་མའི་ཡར་ཞུས་བཞུགས་པའི་དབུ་ཕྱོགས་ལགས་སོ།། ཡར་སྔ། སློབ་དཔོན་སྤྲུལ་པའི་སྐུ་ལ་ཕྱག་འཚལ་ལོ། །སུན་ཟློག་མདོས་གཏོར་རྒྱས་བསྡུས་གང་བྱེད་ཀྱང་། །མཁའ་འགྲོའི་དར་ལམ་གཅོད་ཅིང་བསྟན་བཞུགས་བྱེད་ན། །བླ་མ། སྔགས་པ། སྐྱེས་པ། བུད་མེད་རིགས་བཟང་གང་ཡིན་ཀྱང་། བུ་མོ་གཙང་མ་བཞི་ལ་ཁྲུས་བྱས། རྒྱན་དྲུག་ལ་སོགས་མཁའ་འགྲོའི་ཆས་སུ་ཞུགས་ཏེ། གླུད་གཏོར་དྲུག་ཞུས་ལེན་གྱི་སྐབས་སུ་ལག་ལེན་ཚེ་སྒྲུབ་བརྟེན་བཞུགས་དང་བཅས་པ་ཞལ་ལས་ཤེས་པར་བྱའོ། །དེ་ནས་སུན་མའི་མགྲོན་རྣམས་ཀྱི། དལ་ལམ་དང་བཅས་ཏེ། བདེ་བ་ཅན་དུ་ཁྲིད་པའི་བྲོད་ཁ་འདིང་བ་ནི་འདི་སྐད་དོ། ༼ཀ༽ ཀྱཻ། རིགས་བཟང་ལྷ་ཡི་སྐྱེས་བུ་ཁྱེད། །ངེད་མཁའ་འགྲོ་རྣམས་ལ་ཚུར་ཉོན་དང་། །ཁྱེད་བོད་ཀྱི་ཡུལ་བས་སྡུག་པ་མེད། །ངེད་མཁའ་འགྲོའི་ཡུལ་བས་སྐྱིད་པ་མེད། །ཡེ་ཤེས་དབྱིངས་ཀྱི་ལྡིང་ཁང་ནས། །འཇའ་ཚོན་གུར་ཕུབ་ཀྱི་ལི་ལི། །གཉིས་མེད་མཁའ་ལྟར་དག་པའི་ཕོ་བྲང་ནས། །མེ་ཏོག་ཆར་འབབ་སི་ལི་ལི། །མི་མངོན་དབྱིངས་ཀྱི་ཕོ་བྲང་ནས། །གསེར་གྱི་ལྡིང་ཁང་ལྡེམས་སེ་ལྡེམ། །མཁའ་སྤྱོད་དག་པའི་ཕོ་བྲང་ནས། །མཁའ་འགྲོའི་ཚོགས་རྣམས་སྤུངས་སེ་སྤུང་། །ངེད་མཁའ་འགྲོའི་ཡུལ་བས་སྐྱིད་པ་

[Full Size]

མེད། །ཁྱོད་བོད་ཀྱི་ཡུལ་བས་སྡུག་པ་མེད། །ཁྲེལ་ཕོངས་ལས་ལ་ཐར་དུས་མེད། །ཡིད་ཀྱི་ལས་ལ་ཐར་དུས་མེད། །རིགས་བཟང་ལྷ་ཡི་སྐྱེས་བུ་ཁྱེད། །ངེད་མཁའ་འགྲོའི་ཡུལ་དུ་ད་བཞུད་འཚལ། ༼ཁ༽ ཀྱཻ། རིགས་བཟང་ལྷ་ཡི་སྐྱེས་བུ་ཁྱེད། །ངེད་སུན་མ་རྣམས་ལ་ཚུར་གསོན་དང་། །འདོད་དགུ་འབྱུང་བའི་ཕོ་བྲང་ན། །ཅི་འདོད་གཏེར་གྱི་ལོངས་སྤྱོད་ཡོད། །དྲག་པོ་ཨེ་ཡི་གཞལ་ཡས་ན། །ཐོད་པའི་སྐུ་མཁར་ལྡེམ་པ་ཡོད། །མི་ལྤགས་གཡང་གཞི་རྒྱངས་སེ་རྒྱང་། །ཚིལ་ཆེན་མར་མེ་ཏ་ལེ་ཡོད། །ཤ་ཁྲག་གཏོར་མ་སྤུངས་སེ་ཡོད། །རཀྟའི་མཚོ་མོ་ཀྱི་ལི་ལི། །རུས་པའི་རྒྱན་ཆ་ཁྲོ་ལོ་ལོ། །ཚིལ་ཆེན་སྤོས་དུད་ཐུ་ལུ་ལུ། །མི་རྐང་གླིང་བུ་སྐད་རེ་བཟང་། །ངེད་མཁའ་འགྲོའི་ཡུལ་བས་བྲོད་པ་མེད། །གནས་དེ་རུ་གཤེགས་དང་དེ་རུ་སྐྱིད། །རིགས་བཟང་ལྷ་ཡི་སྐྱེས་བུ་ཁྱེད། །ཁྱེད་བོད་ཀྱི་ཡུལ་བས་སྡུག་པ་མེད། །ཆགས་སེམས་འདི་ལ་གྲོལ་དུས་མེད། །དེ་བས་ཨོ་རྒྱན་ཡུལ་དེར་དེངས།། ག༽ ཀྱཻ། རིགས་བཟང་ལྷ་ཡི་སྐྱེས་བུ་ཁྱེད། །ངེད་སུན་མ་རྣམས་ལ་ཚུར་གསོན་དང་། །ངེད་མཁའ་འགྲོའི་

[Full Size]

གནས་དེ་ཉམས་རེ་དགའ། །དུར་ཁྲོད་ཆེན་པོའི་གནས་མཆོག་ནས། །མཁའ་འགྲོའི་གླུ་ལེན་ཀྱུ་རུ་རུ། །དར་དཀར་རྒྱལ་མཚན་པུ་རུ་རུ། །དར་ནག་རུ་མཚོན་ལྷབས་སེ་ལྷུབ། །རྦ་གླིང་སྙུག་གླིང་ཀྱུ་རུ་རུ། །གསེར་གྱི་ཉི་མ་ཀྱི་ལི་ལི། །དངུལ་གྱི་ཟླ་བ་ཏ་ལ་ལ། །སྐར་ཕྲན་ཚོམ་བུ་ཤིགས་སེ་ཤིག །གནས་དེ་རུ་འདོང་དང་དེ་རུ་སྐྱིད།། ༼ང༽ ཀྱཻ། རིགས་བཟང་ལྷ་ཡི་སྐྱེས་བུ་ཁྱེད། །ཁྱེད་བོད་ཀྱི་ཡུལ་བས་སྡུག་པ་མེད། །བོད་ཀྱི་ཡུལ་བས་དོག་པ་མེད། །བདུད་རྩིའི་ཆུ་ལ་བཏུང་རྒྱུ་མེད། །༈ ཡེ་ཤེས་དབྱིངས་ལ་བཞུགས་རྒྱུ་མེད། །མེ་ཏོག་གླིང་ལ་བལྟ་རྒྱུ་མེད། །མཛེས་པའི་ཡིད་ལ་གདུང་རྒྱུ་མེད། །དེ་བས་བོད་ཀྱི་ཡུལ་དེ་སྡུག །རིགས་བཟང་ལྷ་ཡི་སྐྱེས་བུ་ཁྱེད། །འདི་ན་མཁའ་འགྲོའི་ཡུལ་དེར་གཤེགས། །མཁའ་འགྲོའི་ཡུལ་དེ་གནས་རེ་བཟང་། །རིན་ཆེན་གསེར་གྱི་ལྡིང་ཁང་ནས། །ཁ་བད་གཡུ་ལས་བྱས་པ་ཡོད། །རིན་ཆེན་དངུལ་གྱི་སྐུ་མཁར་ལ། །ཁ་བད་ལྕགས་ལས་བྱས་པ་ཡོད། །རིན་ཆེན་ལྕགས་ཀྱི་སྐུ་མཁར་ལ། །ཁ་བད་བྱི་རུས་བྱས་པ་ཡོད། །རིན་ཆེན་ཟངས་ཀྱི་སྐུ་མཁར་ལ། །ཁ་

[Full Size]

བད་མཆོང་ལས་བྱས་པ་ཡོད། །དེ་འདྲའི་གཞལ་ཡས་ཉམས་རེ་དགའ། །དེ་འདྲའི་གནས་སུ་དང་རེ་སྤྲོ། །གནས་མཆོག་དེ་རུ་ད་བཞུད་འཚལ།། ༼ཅ༽ ཀྱཻ། རིགས་བཟང་ལྷ་ཡི་སྐྱེས་བུ་ཁྱོད། །ངེད་སུན་མ་རྣམས་ལ་ཚུར་གསོན་དང་། །ཨོ་རྒྱན་ཡུལ་དེར་ད་འགྲོ་རན། །མི་འགྲོ་བ་ཡི་དབང་ནི་མེད། །བྱ་མང་སྐད་སྙན་རྩེ་རེ་རེ། །གཅན་གཟན་ངར་སྐད་འུ་རུ་རུ། །རྒྱན་ཆ་མང་པོ་ཁྲོ་ལོ་ལོ། །ཅོད་པན་དར་དཔྱངས་པུ་རུ་རུ། །ཐོད་རྔ་སྟག་སྤྱོད་ཁྲོ་ལོ་ལོ། །སིལ་སྙན་མང་པོ་སི་ལི་ལི། །ཨ་ལ་ལ་ཏེ་ཉམས་རེ་དགའ། །རིགས་བཟང་ལས་ཅན་ད་རེས་རྙེད། །ཨུ་རྒྱན་ཡུལ་དེར་ཁྲིད་ནས་འགྲོ། །དཔའ་བོ་རྣམས་ཀྱི་ཕོ་ཉ་འཇུག །དཔའ་མོ་རྣམས་ཀྱི་འཕྲིན་བྱེད་འཇུག །གསེར་གྱི་གདུ་བུ་ཁྲ་ལ་ལ། །དངུལ་གྱི་མགུལ་རྒྱན་ཝངས་སེ་ཝང་། །དེ་བས་མཁའ་འགྲོའི་ཡུལ་དེར་གཤེགས། །ངེད་མཁའ་འགྲོའི་ཡུལ་དེང་ད་གཤེགས་ཤིག ། ༼ཆ༽ ཀྱཻ། དམ་ཚིག་ལྡན་པའི་རྣལ་འབྱོར་ཁྱེད། །རིགས་བཟང་ལྷ་ཡི་སྐྱེས་བུ་འདི། །ངེད་མཁའ་འགྲོའི་ཡུལ་དེར་མི་བཏང་ན། །ཤ་ཁྲག་གླུད་འདི་ཚུལ་ལ་བྱིན། །ལྤགས་པ་རུས་པའི་གླུད་

[Full Size]

ཅིག་བྱིན། །སྐྲ་དང་བ་སྤུའི་གླུད་ཅིག་བྱིན། །ངེད་ནི་མི་སྡོད་འགྲོ་བ་ཡིན། །༼ཇ༽ ཀྱཻ། ཁྱེད་ནི་བྱང་ཆུབ་སེམས་དཔའ་སྟེ། །རང་དོན་དྲི་མས་མ་གོས་སོ། །མཁའ་མཉམ་འགྲོ་ལ་ཁྱེད་ཐུགས་བརྩེ། །ཁྱེད་ནི་དཔའ་བོ་ཆེན་པོ་སྟེ། །བདུད་དང་མུ་སྟེག་རྡུལ་དུ་རློགས། །ཁྱེད་ནི་ཡེ་ཤེས་སེམས་དཔའ་སྟེ། །འཁོར་བའི་སྐྱོན་གྱིས་ཁྱོད་མ་གོས། །བསྟན་པ་ཡུན་རིང་བསྲུང་བའི་ཕྱིར། །ཁྱེད་ཀྱི་བཀའ་ཉན་བསྒྲུབ་པར་བགྱི། །ཅེས་མཁའ་འགྲོའི་སུན་མ་རྣམས་ཀྱིས་གནང་བ་བྱིན་པས་བསམ་མོ། །མཁའ་འགྲོའི་སུན་ཟློག་གི་ཞུས་ལེན་དོལ་ལམ་བདུན་པ་གོང་མ་རྫོགས་སོ། །གནད་རྣམ་ཞལ་ཤེས་སོ། །དཔེ་འདི་བྲིས་པའི་དགེ་བས་འགྲོ་བ་སྐྱེས་བུ་དམ་པ་རྣམས་ཀྱི་སྐུ་ཚེ་མཐའ་རུ་ཕྱིན་ནས་འགྲོ་དོན་འབད་མེད་ལྷུན་གྲུབ་ཏུ་འབྱུང་བར་གྱུར་ཅིག །མངྒ་ལཾ། ། ༈ སུན་ཟློག་གི་ཆ་ལག་འདི་སྔར་ལྷ་ཐོག་རྒྱལ་པོས་བཞེངས་པའི་རྭ་ག་བཀའ་འབུམ་དཔེ་རྙིང་དཀར་ལེབ་དགོན་དུ་ཡོད་པ་པོད་འཐོར་བུའི་ནང་དུ་བཞུགས་ཡོད་པས་འདིར་བྲིས་པ་ཡིན། འདི་ལ་དཔེ་ཚན་བཅུ་གསུམ་ཡོད་ལགས།

མཁའ་འགྲོ་གསང་བའི་གཏོར་ཟློག་གི་བཅའ་འདོན་ཟིན་བྲིས།

[Full Size]

མཁའ་འགྲོ་གསང་བའི་གཏོར་ཟློག་གི་བཅའ་འདོན་ཟིན་བྲིས་ཡོད་ལགས་སོ། །གུ་རུ་དྷེ་ཝ་ཌཱཀི་ནཱི་ཡེ་ན་མོ། མཁའ་འགྲོའི་གཏོར་ཟློག་འདི་ལ་རྒྱས་པ་མཁའ་འགྲོ་སྙིང་ཐིག་ལས་བྱང་འདི་ན་སབ་ནས་མདུན་བསྐྱེད་ཚོགས་དང་རྗེས་གཏོར་འབུལ་དང་ལས་བྱང་བྱ་ཚུལ་དང་༔ ཕག་མོ་དང་རྒྱལ་བ་རྒྱ་མཚོ་སོགས་ལ་བཏགས་རུང་བས་བྱ༔ དེའི་ལུགས་དང་ཀཿཐོག་གི་བླ་མ་དག་གིས་མཛད་པའི་མདུན་བསྐྱེད་སོགས༔ ཐུགས་སྒྲུབ་བསྟན་པ་སོགས་མང་ན་ཡང་གཞུང་རང་ནས་གསུངས་པ་སོར་བཞག་ནས་བཅའ་ཚོགས་གཞུང་གི་ཡིག་ཆུང་ལྟར་ལས༔ དཀྱིལ་འཁོར་ལས་ཚོགས་ཁ་བསྒྱུར་བདུན་མ་ནས་གསུངས་པ་ལྟར་རྡུལ་ཚོན་རས་བྲིས་སམ༔ མ་འཛོམས་ན་གཞི་སྟེང་ནས་དཀྱིལ་བྲིས༔ དེ་སྟེང་ཟངས་ལྕགས་ཀྱི་སྣོད་ཀྱི་ནང་དུ་གཏོར་མདོས་བཞག་རྩེ་ལ་ཕག་མོའི་ཙཀླི་དང་དར་གདུགས་ཡོད་ན་བཙུགས༔ ཕྱི་རྩང་མ་གསུངས་པས་མི་དགོས༔ བཙུགས་ཀྱང་མི་འགལ་ལོ༔ ནང་ཆུང་བཙུགས་ན་བཟང་སྟེ༔ གཏོར་མ་རེ་ལ་གསུམ་རེའོ༔ ༈ འདོན་ལུགས་ནི་ཐུགས་སྒྲུབ་འདོན༔ ཚོགས་བྱ་ཚོགས་ཕུད་ཀྱིས་གཏོར་མ་གསོ༔ གཏོར་བསྔོས་བྱ༔ བར་པས་བསྐང་བ་གསོས་ལ་ཐུགས་

[Full Size]

སྒྲུབ་བསྐང་བ་འདོན༔ ཚོགས་ཀྱི་བཤགས་པ་བྱ༔ ཚོགས་དུམ་བུ་ལིངྒ་སྦྲགས་ལ༔ ལས་ལ་བཟློག་པ་ནང་དུ་ཕུལ་གཏོར་ཟློག་འདོན༔ དེ་ཚེ་ཨ་ཀ་ས་མ་ར་ཙ་རྒྱུན་མཁན་ཡོད་ན་ལེགས༔ བྱད་ཟློག་ལ་ཨ་ཀ་ས་མ་ར་ཙ༔ ནད་ཟློག་དམག་ཟློག་སོགས་ལས་ཚོགས་བདུན་མའི་གལ་གང་ཆེ་བ་འདོན༔ ༈ དེ་ལྟར་ཞག་དུ་བྱེད་ཚར་ཅི་ཐོན་བྱེད༔ ཉིན་བཟློག་ཆེས་བཅུ་ཞོར་ལ་བྱེད་ཀྱང་རུང་༔ འབུལ་དུས་དཀར་གཏོར་བསྔོ༔ གསེར་སྐྱེམས་གང་རུང་བྱས༔ གཏོར་ཟློག་ཁ་མར་བསྒྱུར༔ གཏོར་རྫོངས་མ་བྱས་ཀྱང་ཆོག༔ བྱེད་ན་མཁའ་འགྲོ་སྙིང་ཐིག་ལས་བྱང་ངམ༔ དེ་ལ་ཅུང་ཟད་ཚིག་བསྒྱུར་འོས་པ༔ བཅོས་པ་མང་ལུགས་ཀྱི་རྗེ་བཙུན་མས་གཏོར་ཆུང་ཟེར་བ་དེས་གཏོར་ཆུང་མང་དུ་འབུལ་བར་བྱ༔ དེ་ནས་སྔོན་དུ་དཀར་གཏོར༔ དེ་རྒྱབ་གཏོར་ཟློག༔ དེ་རྒྱབ་དར་ནག་བཟུང་བཅུག་ལ་གཞུང་གི་ཟོར་ལས༔ དེ་འདོན་ལ་ཕྱོགས་ཡོད་སར་འབུལ་རྒྱུ་བསྐུར༔ ཚུར་སླེབ་པ་ལ་གཏོར་སྣོད་སྦུབས་ལ་ཐུགས་སྒྲུབ་རྟ་བྲོ་བྱ༔ ཚེ་སྒྲུབ་བཀྲ་ཤིས་སོགས་ཀྱང་ཐུགས་སྒྲུབ་ལྟར་བྱའོ༔ འདི་ནད་བཟློག་ལ་ཤིན་ཏུ་ཟབ་པས་ཤེས་པར་བྱའོ༔ ཐུགས་སྒྲུབ་ཀྱི་བསྙེན་པ་ཐེམ་པ་རབ༔ པདྨ་འོད་

[Full Size]

འབར་ཕག་མོ་རྒྱལ་བ་རྒྱ་མཚོ་མཁའ་འགྲོ་སྙིང་ཐིག་གུ་དྲག་གྲོ་ལོད་སོགས་ཀྱི་བསྙེན་པ་ཐེམ་ན་བཅའ་རུང་སྟེ༔ སྔགས་ཧཱིམ་ཧ་རི་ནི་ས་ལ་འབུང་ངོ་༔ ཞེས་དགེ་སློང་༧རཱ་ག་ཨ་སྱས་འཕྲལ་དུ་བྲིས༔ དགེའོ༔ མངྒ་ལཾ།། །།ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འཇམ་དཔལ་སྨྲ་བའི་སེང་གེའི་བརྒྱུད་འདེབས།

[Full Size]

འཇམ་དཔལ་སྨྲ་བའི་སེང་གེའི་བརྒྱུད་འདེབས་བཞུགས་སོ། །ན་མོ་མཉྫགྷོ་ཥ་ཡེ། རྫོགས་པའི་སངས་རྒྱས་ཉི་མའི་ཤིང་རྟ་དང་། །རིག་བྱེད་གཞོན་ནུ་དམ་པ་རྒྱ་གར་བ། །མ་གཅིག་ལབ་སྒྲོན་རྣམས་ལ་གསོལ་བ་འདེབས། །ཤེས་རབ་མེ་ལྟར་འབར་བར་བྱིན་གྱིས་རློབས། །ཁམས་བུ་ཡ་ལེ་གྲུབ་ཆེན་ཡེ་ཤེས་འབར། །གནམ་མཚོ་བ་དང་རས་ཆེན་རང་བྱུང་བ། །གཡུང་སྟོན་པ་དང་རོལ་པའི་རྡོ་རྗེའི་ལ། །གསོལ་བ་འདེབས་སོ་མི་ཤེས་རྨོངས་པ་སོལ། །དར་མ་རྒྱལ་མཚན་མཁའ་སྤྱོད་དབང་པོ་དང་། །དེ་བཞིན་གཤེགས་པ་རཏྣ་བྷ་དྲ་དང་། །མཐོང་བ་དོན་ལྡན་ཞབས་ལ་གསོལ་བ་འདེབས། །རིག་པའི་རྩ་ཁ་བྱེ་བར་བྱིན་གྱིས་རློབས། །འཇམ་དཔལ་བཟང་པོ་སངས་རྒྱས་མཉན་པ་དང་། །མི་བསྐྱོད་རྡོ་རྗེ་དཀོན་མཆོག་ཡན་ལག་དང་། །དབང་ཕྱུག་རྡོ་རྗེའི་ཞབས་ལ་གསོལ་བ་འདེབས། །བཀའ་དང་བསྟན་བཅོས་རྟོགས་པར་བྱིན་གྱིས་རློབས། །བྱང་|ཕྱོགས་རྒྱུད་དུ་བྱོན་པའི་པཎྜི་ཏ། །འཇམ་དབྱངས་བླ་མ་ཆོས་ཀྱི་སྣང་བ་ཅན། །ཐམས་ཅད་མཁྱེན་པ་ཆོས་ཀྱི་དབང་ཕྱུག་ལ། །གསོལ་བ་འདེབས་སོ་མཁྱེན་རབ་དངོས་གྲུབ་

[Full Size]

སྩོལ། །རབ་འབྱམས་སྨྲ་བ་ངག་གི་དབང་ཕྱུག་དང་། །རིན་ཆེན་སྒྲུབ་བརྒྱུད་བསྟན་པ་རྣམ་རྒྱལ་སོགས། །རྩ་བརྒྱུད་བླ་མ་རྣམས་ལ་གསོལ་བ་འདེབས། །སྨྲ་བའི་སེང་གེ་འགྲུབ་པར་བྱིན་གྱིས་རློབས། །སངས་རྒྱས་ཀུན་གྱི་ཕྲིན་ལས་གཅིག་བསྡུས་པ། །མཁས་གྲུབ་དབང་པོ་ཀརྨ་ཆགས་མེད་དང་། །བརྒྱུད་པའི་བླ་མ་འཁོར་ལོའི་མགོན་པོ་ལ། །གསོལ་བ་འདེབས་སོ་མཁྱེན་རབ་དངོས་གྲུབ་སྩོལ། །ཡི་དམ་འཇམ་དབྱངས་དམར་པོ་སྨྲ་སེང་དང་། །དབྱངས་ཅན་ལྷ་མོ་རིགས་ལྔ་ལ་སོགས་པ། །ཡི་དམ་ཌཀིའི་ཚོགས་ལ་བློ༔ གསོལ་བ་འདེབས། །རིག་པའི་གནས་ཀུན་རྟོགས་པར་བྱིན་གྱིས་རློབས། །ཤེས་རབ་མེ་ལྟ་འབར་བར་བྱིན་གྱིས་རློབས། །བྱིན་མཐུ་སྐོམ་ལྟར་འཐུང་བར་བྱིན་གྱིས་རློབས། །མི་ཤེས་རྨོངས་པ་སངས་བར་བྱིན་གྱིས་རློབས། །རིག་གནས་ཀུན་ལ་མཁས་པར་བྱིན་གྱིས་རློབས། །འཇམ་དཔལ་ཡབ་ཡུམ་སྔོན་གྱི་ཐུགས་བསྐྱེད་དང་། །དམ་བཅའ་དགོངས་མཛོད་མྱུར་དུ་ཞལ་སྟོན་ཅིག །ཅེས་འཚོ་མཛད་འཕགས་པ་དོན་གྲུབ་ཀྱིས་བསྐུལ་ངོར། རཱ་ག་ཨ་སྱས་རྟ་ལོ་རྒྱལ་ཟླའི་ཚེས་དགུའི་སྔ་དྲོར་བྲིས། སརྦ་མངྒ་ལཾ།། །།

འཇམ་དཔལ་སྨྲ་བའི་སེང་གེ་ཡབ་ཡུམ་གྱི་སྒྲུབ་ཐབས།

[Full Size]

འཇམ་དཔལ་སྨྲ་བའི་སེང་གེ་ཡབ་ཡུམ་གྱི་སྒྲུབ་ཐབས་བཞུགས་སོ།

[Full Size]

ན་མོ། དཀོན་མཆོག་གསུམ་དང་བླ་མ་འཇམ་དབྱངས་ལ། །དུས་རྣམས་རྟག་ཏུ་བདག་ནི་སྐྱབས་སུ་མཆི། །འགྲོ་བའི་དོན་དུ་བཅོམ་ལྡན་འཇམ་དཔལ་བསྒྲུབ། །སྟོང་པའི་ངང་ལས་པདྨ་ཟླ་བ་དང་། །སེང་གེ་སྔོན་པོའི་སྟེང་དུ་དྷིཡིག་ལས། །འོད་འཕྲོས་དོན་གཉིས་བྱས་ནས་ཚུར་འདུས་པས། །རང་ཉིད་འཇམ་དབྱངས་དམར་པོ་ཞལ་གཅིག་པ། །རལ་གྲི་པུ་སྟི་འཛིན་ཅིང་སྐྱིལ་ཀྲུང་བཞུགས། །ཐུགས་དབུས་ཧཱུྃ་ལ་འཁོར་ལོ་རྩིབས་བཞི་དམར། །དེ་སྟེང་རལ་གྲི་དྷིས་མཚན་སྔགས་ཀྱིས་བསྐོར། །མདུན་དུ་ཧྲཱིལས་དབྱངས་ཅན་ལྷ་མོ་སྔོ། །

[Full Size]

བཞེངས་སྟབས་རལ་གྲི་པུ་སྟི་ཕྱག་ན་བསྣམས། །གཉིས་ཀ་དར་དང་རིན་ཆེན་དུ་མས་བརྒྱན། །ཡུམ་གྱི་ཐུགས་ཀར་པདྨ་འདབ་བཞིའི་སྟེང་། །རལ་གྲི་ཧྲཱིས་མཚན་སྔགས་ཀྱིས་བསྐོར་བའོ། །རང་འདྲའི་ཡེ་ཤེས་སྤྱན་དྲངས་རང་ལ་ཐིམ། །ཐུགས་ལས་འོད་འཕྲོས་སངས་རྒྱས་བྱང་སེམས་དང་། །པཎྜི་ཏ་ཡི་ཤེས་རབ་ཐམས་ཅད་དང་། །ཉན་རང་སོ་སྐྱེའི་ཤེས་རབ་ཐམས་ཅད་ནི། །འོད་ཀྱི་རྣམ་པར་བསྡུས་ནས་སྤྱི་བོར་ཐིམ། །སྡེ་སྣོད་གསུམ་དང་རྒྱུད་སྡེ་བཞི་པོ་ཡི། །ཆོས་རྣམས་བསྡུས་ནས་རང་གི་མགྲིན་པར་ཐིམ། །ཉི་ཟླ་ནོར་བུ་འབྱུང་བ་བཞི་

[Full Size]

ཡིས་བཅུད། །བསྡུས་ནས་རང་གི་སྙིང་གར་ཐིམ་པར་གྱུར། །ཨོཾ་ཧིདྷིམཱ་མེ་དྷི་པཾ་མཉྫཤྲཱི་ཡུཾ་ཧཱིཔྲཛྙཱ་ཝནྟུ་ནི་ཧིདྡྷིསྭཱ་ཧཱ། རང་ལས་སྤྲུལ་པའི་མཆོད་པའི་ལྷ་མོ་ནི། །ནམ་མཁའ་གང་བར་སྤྲུལ་ཏེ་ལྷ་ལ་མཆོད། །ཉེར་སྤྱོད་བདུན་དང་འདོད་པའི་ཡོན་ཏན་ལྔ། །རྒྱལ་སྲིད་བདུན་དང་བཀྲ་ཤིས་རྫས་རྟགས་བརྒྱད། །རི་རབ་གླིང་བཞི་ལྷ་མིའི་ལོངས་སྤྱོད་ཀུན། །བློ་ཡིས་བླངས་ཏེ་འཇམ་དཔལ་ཡབ་ཡུམ་མཆོད། །བདག་ལ་བཀའ་དང་བསྟན་བཅོས་ཐམས་ཅད་ནི། །ཐོགས་མེད་མཁྱེན་པའི་ཤེས་རབ་མྱུར་དུ་སྩོལ། །སེང་གེ་པདྨའི་གདན་སྟེང་དུ། །རྒྱལ་བའི་སྲས་པོ་འཇམ་པའི་དབྱངས། །མདོག་དམར་རལ་གྲི་པུ་སྟི་འཛིན། །སྨྲ་བའི་སེང་གེ་ལ་ཕྱག་འཚལ། །ཆུ་སྐྱེས་ཉི་ཟླའི་གདན་སྟེང་དུ། །སངས་རྒྱས་ཐམས་ཅད་སྐྱེད་པའི་ཡུམ། །མདོག་སྔོན་རལ་གྲི་པུ་སྟི་འཛིན། །དབྱངས་ཅན་མ་ལ་ཕྱག་འཚལ་བསྟོད། །ཡུམ་ནི་འོད་ཞུ་རང་གི་ཐུགས་ཀར་ཐིམ། །རང་ཡང་མི་དམིགས་གནས་ལུགས་རྫོགས་པ་ཆེ། །དགེ་བས་འཇམ་དཔལ་ཡབ་ཡུམ་འགྲུབ་གྱུར་ཅིག །དེ་ཡན་རྒྱུན་དུ་འདོན་རྒྱུ་དང་། །སྔགས་དེ་བརྒྱ་ཕྲག་རེ་ཟུང་ཙམ། །རྒྱུན་དུ་ཐུགས་དམ་བྱེད་པར་གཅེས། །

[Full Size]

འདི་ཡི་ཕན་ཡོན་རྒྱུད་གཞུང་ལས། །སྔགས་ཀྱི་ཕྲེང་བ་ཉི་ཤཱུ་གཅིག །བརྒྱ་ཡིས་མི་བརྗེད་གཟུངས་ཐོབ་འགྱུར། །སྟོང་གིས་སྒྲ་སྐད་ཀུན་ལ་མཁས། །ཁྲི་ཡིས་ཉིན་རེ་ཤོ་ལོ་ཀ །ལྔ་སྟོང་རེ་རེ་འཛིན་པར་ནུས། །ཡི་གེ་ཐམས་ཅད་ཐོགས་མེད་ཤེས། །བཀའ་བཞིན་བསྟན་བཅོས་རྩོམ་པར་ནུས། །མངོན་པར་ཤེས་པ་འཆར་བ་དང་། །ཕྱིས་ནས་ས་ཡི་དབང་ཕྱུག་ཐོབ། །གལ་ཏེ་ལས་འཕྲོ་ཡོད་པ་ན། །ཉི་མ་གཅིག་གིས་འགྲུབ་པར་འགྱུར། །འབྲིང་གིས་གཉིས་ཀྱིས་རྟོགས་པར་འགྱུར། །ཉི་མ་གསུམ་གྱིས་བསྒྲུབས་ན་ནི། །ལས་འཕྲོ་མེད་ཀྱང་འགྲུབ་པར་འགྱུར། །ཉི་ཟླ་ཤར་དང་མེ་ཏོག་འཐུ། །ཞིང་རྨོ་སྣག་ཚ་འཐུང་བ་དང་། །ཉམས་དགའ་ཡི་གེ་འབྲི་ཀློག་དང་། །མཚོན་ཆ་པུ་སྟི་རྙེད་རྨིས་ན། །ཤེས་རབ་འཕེལ་བར་ཐེ་ཚོམ་མེད། །དེ་སྐད་རྒྱ་གར་པཎྜིཏ། །ཀ་མ་ཤཱི་ལས་གསུངས་པ་ཡིན། །རྒྱ་གར་ཡུལ་གྱི་མི་རྒན་ནི། །ལོ་ནི་དགུ་བཅུ་གོ་དགུ་པ། །ཡི་གེ་ཡང་ནི་མི་ཤེས་པས། །ཞག་གཅིག་བསྒྲུབས་པས་འཇམ་དབྱངས་མཇལ། །ལུས་ཀྱང་གཞོན་ནུ་ལོ་བརྒྱད་ཙམ། །རིག་པའི་གནས་ལྔ་ཐོགས་མེད་ཤེས། །པཎྜི་ཏ་ནི་མཁས་པར་གྱུར། །དེ་ལ་ཕ་གཅིག་དམ་པས་ཞུས། །རིམ་གྱིས་བརྒྱུད་དེ་ཀརྨ་པ། །དབང་ཕྱུག་རྡོ་རྗེས་མཛད་པ་ཡི། །གཅིག་ཤེས་ཀུན་གྲོལ་ནང་ན་བཞུགས། །འཇམ་དབྱངས་སྒྲུབ་པ་ཐམས་ཅད་ལས། །འདི་ལས་འགྲུབ་ཐག་ཉེ་བ་མེད། །འདི་ཡི་ལས་ཚོགས་ཤེས་རབ་ཀྱི། །རིལ་བུ་སྔར་དུས་བདག་གིས་བསྒྲུབས། །སུས་ཟོས་ཕལ་ཆེར་

[Full Size]

མཁས་པར་གྱུར། །དེ་ཕྱིར་ད་ལམ་སྙིང་གི་བུ། །པདྨ་ཕྲིན་ལས་ཐུགས་དམ་ཡིན། །སྔགས་འདིའི་བསྙེན་པ་ཅི་གསོག་གྱིས། །ཡོན་ཏན་ཤུགས་ལ་མཁས་པར་འགྱུར། །བསྟན་འཛིན་འགྲོ་དོན་ནུས་པ་ཡི། །གེ་མོ་བླ་མ་ཞེས་བྱ་བ། །མཁས་པ་ཆེན་པོ་འབྱུང་བར་ཤོག །དེ་སྐད་རཱ་ག་ཨ་སྱས་སྨྲས།། ༈ །།ཐུན་མཚམས་གཏོར་མ་འབུལ་བར་འདོད་ན། དཀར་ཟླུམ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཧཱུྃ་ལས་རིན་པོ་ཆེའི་སྣོད་དུ་གཏོར་མ་དཀར་གསུམ་མངར་གསུམ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨ་ཀཱ་རོས་བྱིན་གྱིས་བརླབས། མགྲོན་རིགས་བཞི་པོ་འཕགས་པ་སྨྲ་སེང་གི །རྣམ་པར་བྱོན་ནས་གཏོར་མ་གསོལ་བར་གྱུར། །རྩ་སྔགས་ལ། ས་པཱ་རི་ཝཱ་ར་ཨི་དཾ་བ་ལིཾ་ཏ་ཁཱ་ཧི་ཁཱ་ཧི། ལན་གསུམ། འཕགས་པ་འཇམ་དབྱངས་འཁོར་བཅས་ཀྱིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེ་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད།།

[Full Size]

དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །རང་ལས་སྤྲུལ་པའི་མཆོད་པའི་ལྷ་མོ་ནི། །ནམ་མཁའ་གང་བར་སྤྲུལ་ཏེ་ལྷ་ལ་མཆོད། །ཉེར་སྤྱོད་བདུན་དང་འདོད་པའི་ཡོན་ཏན་ལྔ། །རྒྱལ་སྲིད་བདུན་དང་བཀྲ་ཤིས་རྫས་རྟགས་བརྒྱད། །རི་རབ་གླིང་བཞི་ལྷ་མིའི་ལོངས་སྤྱོད་ཀུན། །བློ་ཡིས་བླངས་ཏེ་འཇམ་དཔལ་ཡབ་ཡུམ་མཆོད། །བདག་ལ་བཀའ་དང་བསྟན་བཅོས་ཐམས་ཅད་ནི། །ཐོགས་མེད་མཁྱེན་པའི་ཤེས་རབ་མྱུར་དུ་སྩོལ། །སེང་གེ་པདྨའི་གདན་སྟེང་དུ། །རྒྱལ་བའི་སྲས་པོ་འཇམ་པའི་དབྱངས། །མདོག་དམར་རལ་གྲི་པུ་སྟི་འཛིན། །སྨྲ་བའི་སེང་གེ་ལ་ཕྱག་འཚལ། །ཆུ་སྐྱེས་ཉི་ཟླའི་གདན་སྟེང་དུ། །སངས་རྒྱས་ཐམས་ཅད་སྐྱེད་པའི་ཡུམ། །མདོག་སྔོན་རལ་གྲི་པུ་སྟི་འཛིན། །དབྱངས་ཅན་མ་ལ་ཕྱག་འཚལ་བསྟོད། །མ་འབྱོར་

[Full Size]

པ་དང་སོགས། ཡིག་བརྒྱ། ཁྱེད་ཀྱིས་སེམས་ཅན་སོགས། བདག་བསྐྱེད་བསྡུ་ལྡང་བྱ། བདག་གཞན་དུས་གསུམ་དགེ་བ་སོགས་ཀྱིས་བསྔོ་བ་བྱ། གཞོན་ནུ་སྐུ་ལུས་འཆང་བ་པོ། །ཡེ་བྷཤེས་སྒྲོན་མེས་རབ་ཏུ་གསལ། །འཇིག་རྟེན་གསུམ་གྱི་མུན་སེལ་བ། །འཇམ་པའི་དབྱངས་ཀྱི་བཀྲ་ཤིས་ཤོག །བཀྲ་ཤིས་ཀྱི་སྣང་བ་རྒྱས་པར་བྱ་བས་འགྲུབ་བོ།། ༈ །ཞལ་བྱུང་ལས་ཚོགས་རིལ་བུ་ནི། །སྔོན་དུས་བསྒྲུབས་ཟིན་ཤེས་རབ་ཀྱི། །རིལ་བུ་གང་རྙེད་རུ་བརྩི་བྱ། །སྤང་རྒྱན་གླ་རྩི་མཚལ་དཀར་གསུམ། །སྤང་སྤོས་དབང་ལག་ཤཱུ་དག་གསུམ། །གསེར་མདོག་རྒྱ་སྐེག་ཤིང་མངར་གསུམ། །ཡུང་བ་ཙནྡན་། ཨ་ཀ་རུ། །དཔའ་བོ་བཅུ་གཉིས་བསྡུས་ནས་སུ། །སྦྲང་རྩི་ཀ་ར་འོ་མ་ཡིས། །རིལ་བུ་དྲིལ་ནས་གུར་གུམ་དང་། །གི་ཝང་རྒྱ་སྐག་གསུམ་གྱིས་ནི། །ས་བོན་བྲིས་ལ་བསྒྲུབས་ནས་བསྟེན། །ཞེས་གསུངས་པ་དང་། བསྙེན་པ་སྔོན་སོང་རྣལ་འབྱོར་པས། །མདུན་དུ་མཎྜལ་ཕྱི་མཆོད་བཤམས། །མཉྫིའི་སྟེང་དུ་རིལ་བུམ་བཞག །བདག་བསྐྱེད་བསྙེན་པ་སོང་ནས་ནི། །སྤྲོ་ན་བདག་མདུན་བུམ་གསུམ་མཐར། །སྟོང་པའི་ངང་ལས་རིལ་བུམ་ཟ་མ་ཏོག །ཧཱུྃ་ལས་རིན་ཆེན་གཞལ་ཡས་ཁང་གི་དབུས། །ཤེས་རབ་རིལ་བུ་རེ་རེ་བཞིན་དུ་ནི། །པདྨ་འདབ་བརྒྱད་ཟླ་བ་རྒྱས་པའི་སྟེང་། །སེངྒེ་སྔོན་པོའི་སྟེང་དུ་དྷིཡིག་ལས།

[Full Size]

འོད་འཕྲོས་དོན་གཉིས་བྱས་ནས་ཚུར་འདུས་པའི། །འཕགས་པ་འཇམ་དབྱངས་དམར་པོ་ཞལ་གཅིག་པ། །རལ་གྲི་པུ་ཏི་འཛིན་ཅིང་སྐྱིལ་ཀྲུང་བཞུགས། ཐུགས་ཀར་བྷྱོ་ལ་འཁོར་ལོ་རྩིབས་བཞི་དམར། །དེ་སྟེང་རལ་གྲི་དྷིས་མཚན་སྔགས་ཀྱིས་བསྐོར། །མདུན་དུ་ཧྲཱིལས་དབྱངས་ཅན་ལྷ་མོ་སྔོ། །བཞེངས་བཏབ་རལ་གྲི་པུ་སྟི་ཕྱག་ན་འཛིནཾ། །གཉིས་ཀ་དར་དང་རིན་ཆེན་དུ་མས་བརྒྱན། །ཡུམ་གྱི་ཐུགས་ཀར་པདྨ་འདབ་བཞིའི་སྟེང་། །རལ་གྲི་ཧྲཱིཿས་མཚན་སྔགས་ཀྱིས་བསྐོར་བའོ། །གནས་གསུམ་ཨོཾ་ཨཱཿཧཱུྃ་དང་ཧྲཱིདྷིས་འོད། །འཇམ་དཔལ་ཡེ་ཤེས་སེམས་དཔའ་སྤྱན་དྲངས་ནས། །རིལ་བུ་དམ་ཚིག་ཡེ་ཤེས་དབྱེར་མེད་གྱུར། །དབང་ལྷས་དབང་བསྐུར་ཡབ་ལ་མི་བསྐྱོད་པ། །ཡུམ་ལ་རྡོ་རྗེ་སེམས་དཔས་དབུ་བརྒྱན་གྱུར། །བདག་བསྐྱེད་ཐུགས་ཀའི་འོད་ཀྱིས་མདུན་བསྐྱེད་བསྐུལ། །ཐུགས་ལས་འོད་འཕྲོས་སངས་རྒྱས་བྱང་སེམས་དང་། །པཎྜི་ཏ་ཡི་ཤེས་རབ་ཐམས་ཅད་དང་། །ཉན་རང་སོ་སྐྱེས་ཤེས་རབ་ཐམས་ཅད་ནི། །འོད་ཀྱི་རྣམ་པར་བསྡུས་ནས་རིལ་བུར་ཐིམ། །སྡེ་སྣོད་གསུམ་དང་རྒྱུད་སྡེ་བཞི་པོ་ཡི། །ཆོས་

[Full Size]

ཀྱི་བྱིན་རླབས་བསྡུས་ནས་རིལ་བུར་ཐིམ། །ཉི་ཟླ་ནོར་བུ་འབྱུང་བ་བཞི་ཡི་བཅུད། །བསྡུས་ནས་རིལ་བུའི་ལྷ་ལ་ཐིམ་པ་ཡིས། །ཤེས་རབ་ཡེ་ཤེས་བསྐྱེད་པའི་རྫས་མཆོག་གྱུར་།སྤྲོ་བསྡུས་དམིགས་པ་ཡང་ཡང་བཟུང་། །སྐྱོ་ན་ཡབ་ཡུམ་སྔགས་སྦྲེལ་བཟླས། །མཐར་ནི་དབྱངས་གསལ་རྟེན་སྙིང་བརྗོད། །གཞུང་གི་མཆོད་བསྟོད་བྱས་པའི་རྗེས། །ལྷ་ཞུ་རིལ་བུར་དབྱེར་མེད་འདྲེས། །ཤེས་རབ་བསྐྱེད་པའི་ནུས་ལྡན་གྱུར་པར་བསམ། །བདག་བསྡུད་དགེ་བསྔོ་ཤིས་པ་བརྗོད། །དེ་ལྟར་བསྒྲུབ་པའི་ཕན་ཡོན་ནི། །རིལ་བུ་རྒྱལ་ཆེན་བཞིར་མཐོང་ན། །ཤེས་རབ་འཇམ་པའི་དབྱངས་མཉམ། །རིལ་བུ་དབྱངས་ཅན་མར་མཐོང་ན། །སངས་རྒྱས་ཞིང་དུ་འགྲོ་བར་འགྱུར། །འོད་དང་དུ་བ་རྔ་སྒྲ་སོགས། །དེ་དག་མཐོང་ན་འགྲུབ་རྟགས་ཡིན། །ཤེས་རབ་འཕེལ་བར་ཐེ་ཚོམ་མེད། །དེ་སྐད་རྒྱ་གཞུང་ཉིད་ལས་གསུངས། །བསྡུ་ན་བདག་མདུན་ཟུང་འཇུག་བསྒྲུབ། །སྐྱབས་སེམས་བདག་བསྐྱེད་སྒོམ་པ་ཡི། །རལ་གྲི་ཧིས་མཚན་སྔགས་ཀྱིས་བསྐོར་བའོ། །ཞེས་མཚམས་རིལ་བུ་མདུན་བསྐྱེད་བསྒྲུབ། །སྟོང་པའི་ངང་ལས་ཤེས་རབ་རིལ་བུ་རྣམས། །རེ་རེ་བཞིན་དུ་བདག་ཉིད་ཅི་འདྲ་བ། །འཇམ་དཔལ་ཡབ་ཡུམ་གསལ་བའི་གནས་གསུམ་དུ། །ཨོཾ་ཨཱཿཧཱུྃ་དང་ཧིདྷིས་འོད་ཟེར་གྱིས། །འཇམ་དཔལ་ཡེ་ཤེས་སེམས་དཔའ་ཡབ་

[Full Size]

ཡུམ་རྣམས། །དཔག་མེད་སྤྱན་དྲངས་བདག་མདུན་རྣམས་ལ་ཐིམ། །དབང་ལྷས་དབང་བསྐུར་རིགས་བདག་དབུ་རྒྱན་གྱུར། །བདག་བསྐྱེད་ཐུགས་ཀའི་འོད་ཀྱིས་མདུན་བསྐྱེད་བསྐུལ། །ཐུགས་ལས་འོད་འཕྲོས་སངས་རྒྱས་བྱང་སེམས་དང་། པཎྜི་ཏ་ཡི་ཤེས་རབ་ཐམས་ཅད་དང་། །ཉན་རང་སོ་སྐྱེའི་ཤེས་རབ་ཐམས་ཅད་ནི། །།འོད་ཀྱི་རྣམ་པར་བསྡུས་ནས་སྤྱི་བོར་ཐིམ། །སྡེ་སྣོད་གསུམ་དང་རྒྱུད་སྡེ་བཞི་པོ་ཡི། །ཆོས་རྣམས་བསྡུས་ནས་བདག་མདུན་མགྲིན་པར་ཐིམ། །ཉི་ཟླ་ནོར་བུ་འབྱུང་བ་བཞི་ཡི་བཅུད། །བསྡུས་ནས་བདག་མདུན་སྙིང་ཁར་ཐིམ་པར་གྱུར། །བདག་མདུན་ཟུང་འཇུག་བསྙེན་པ་ཅི་འགྲུབ་མཐར། །གཞུང་གི་མཆོད་བསྟོད་ཆད་ལྷག་ཁ་བསྐང་ནས། །རིལ་བུ་འོད་ཀྱི་གོང་བུར་རྫས་མཆོག་གྱུར། །བདག་བསྡུ་དགེ་བསྔོ་བཀྲ་ཤིས་བརྗོད། །ཞེས་པ་ཙམ་གྱིས་གྲུབ་པའོ། །རཱ་གས་གསུང་བཞིན་ཡིད་བཞིན་རྩལ་གྱིས་བྲིས། །ཉེས་འམགལ་བཤགས་ཤིང་དགེ་བ་ཅི་མཆིས་པ། །འགྲོ་ཀུན་འཇམ་དབྱངས་གོ་འཕང་མྱུར་ཐོབ་ཤོག །སྟོང་པའི་ངང་ལས་པདྨ་ཟླ་བའི་སྟེང་། །རིལ་བུ་ཧྲཱིལས་ལྷ་མོ་དབྱངས་ཅན་མ། །སྐུ་མདོག་དཀར་མོ་ཞལ་གཅིག་ཞི་ཞིང་འཛུམ། །ཕྱག་གཡས་ཤེས་རབ་

[Full Size]

རལ་གྲི་ནམ་མཁར་ཕྱར། །ཕྱག་གཡོན་ལྷུང་བཟེད་བདུད་རྩིའི་བཀང་བ་བསྣམས། །རིན་ཆེན་བརྒྱན་ལྡན་དར་སྔོན་སྟོད་གཡོགས་ཅན། །དར་གྱི་ཤམ་ཐབས་ཞབས་གཉིས་ཕྱེད་སྐྱིལ་བཞུགས། །གདོད་ནས་ཡེ་ཤེས་དམ་ཚིག་དབྱེར་མེད་གྱུར། ཨོཾ་ཙནྟ་ཀོ་མི་སལ་སལ་ཕྱེས་ཕྱེས་ཧཱུྃ་ཧཱུྃ་སྭཱ་ཧཱ། རིལ་བུ་བདུད་རྩི་ལྷ་མོ་དབྱེར་མེད་པ། །ཁོང་དུ་མིད་པས་ཤེས་རབ་འཕེལ་བར་འགྱུར། །ཅེས་ཨ་རཱ་གས་ཤེས་རབ་རིལ་བུ་ཟ་དུས་འདོན་རྒྱུར་བྲིས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འཇམ་དཔལ་སྨྲ་བའི་སེང་གེའི་གསོལ་འདེབས།

[Full Size]

འཇམ་དཔལ་སྨྲ་བའི་སེང་གེའི་གསོལ་འདེབས་མཆོག་གི་ཚུལ་དུ་མཛད་པ་ཐུན་མཐར་བསྟོད་པ་དང་མཚན་བརྗོད་བསྡུས་པའི་རྗེས་སུ་འདོན་རྒྱུ་ནི། ན་མོ་ཝ་གཱི་ཤྭ་ར་ཡེ། །དུས་གསུམ་སངས་རྒྱས་ཐམས་ཚིཅད་ཀྱི། །གསུང་གི་བདག་ཉིད་བཅོམ་ལྡན་འདས། །པདྨ་རིགས་ཀྱི་བདག་པོ་སྟེ། །གསུང་གི་རྡོ་རྗེ་ཞེས་ཀྱང་བྱ། །འོད་དཔག་མེད་ལ་གསོལ་བ་འདེབས། །དེ་དང་ངོ་བོ་དབྱེར་མེད་པའི། །སྲས་ཀྱི་ཐུ་བོའི་ཚུལ་བཟུང་བ། །བྱང་ཆུབ་སེམས་དཔའ་སེམས་དཔའ་ཆེ། །འཇམ་དཔལ་དམར་པོ་རལ་གྲི་འཛིན། །སྨྲ་བའི་སེང་གེར་གསོལ་བ་འདེབས། །ཤེས་རབ་ཡུམ་གྱི་ཚུལ་བཟུང་བ། །དུས་གསུམ་སངས་རྒྱས་ཐམས་ཅད་ཀྱི། །གསུང་གི་ལྷ་མོ་དབྱངས་ཅན་མ། །གང་གཱའི་ལྷ་མོ་ཞེས་ཀྱང་བྱ། །ངག་གི་ལྷ་མོར་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །བདག་དང་བདག་གི་རྗེས་འཇུག་དང་། །མཐོང་ཐོས་དྲན་རེག་འགྲོ་བ་རྣམས། །མི་ཤེས་རྨོངས་པ་རབ་བསལ་ནས། །ཤེས་རབ་རྩ་ཁ་འབྱེད་པར་ཤོག །སྐྱེ་བ་འདི་ནས་ཚེ་རབས་ཀུན། །ཤེས་རབ་འཆལ་བར་མི་འགྱུར་ཞིང་། །ཤེས་རབ་ཕུན་སུམ་ཚོགས་གྱུར་ནས། །རྒྱལ་བའི་

[Full Size]

གསུང་རབ་རྒྱ་མཚོ་ལ། །མི་བརྗེད་གཟུངས་ཀྱང་ཐོབ་པར་ཤོག །ཆོས་ཉིད་རྣམ་པར་དག་པ་དང་། །རྟེན་འབྲེལ་བསླུ་བ་མེད་པ་དང་། །འཇམ་དཔལ་ཡབ་ཡུམ་ཐུགས་རྗེ་ཡིས། །སྨོན་ལམ་བཏབ་བཞིན་འགྲུབ་པར་ཤོག །ཅེས་འཇམ་དཔལ་དམར་པོ་ཤེས་རབ་རིལ་བུའི་རྫས་འཁོར་ལོ་དཀའ་ཚེགས་ཆེན་པོས་བསྙེན་སྒྲུབ་ཞག་ཉེར་གསུམ་ལ་ཉིན་རེ་ཐུན་རེ་འུར་འདོན་བྱེད་བཅུག་པས། ཁོང་ཕལ་ཆེར་ལ་གཞུང་དང་མཐུན་པའི་རྨིས་ལྟས་ལེགས་པོ་བྱུང་འདུག་པས། །རྣམ་གསུམ་འཛོམ་པའི་དུས་ཆེན་ཉིན་གསོལ་བ་བཏབ་པ་དངོས་གྲུབ་ལེན་ཆོག་གི་ཚུལ་དུ། རཱ་ག་ཨ་སྱས་བྲིས་པའོ། །དགེའོ། མངྒ་ལཾ། །

འཇམ་དཔལ་སྒྲུབ་ཐབས་རྩ་ཚིག

[Full Size]

འཇམ་དཔལ་སྒྲུབ་ཐབས་རྩ་ཚིག་བཞུགས་སོ། །བླ་མ་དཀོན་མཆོག་གསུམ་ལ་སྐྱབས་སུ་མཆི། །འགྲོ་བའི་དོན་དུ་བཅོམ་ལྡན་འཇམ་དཔལ་བསྒྲུབ། །འགྲོ་ཀུན་བདེ་ལྡན་སྡུག་བསྔལ་ཀུན་བྲལ་ཞིང་། །བདེ་ལས་ཉམས་མེད་བཏང་སྙོམས་ལ་གནས་ཤོག །སྭ་བྷཱ་ཝ་སོགས། སྟོང་པའི་ངང་ལས་པཾ་པཾ་ཨ་དཀར་ལས། །རྒྱ་མཚོའི་སྟེང་དུ་པདྨ་ཟླ་བ་བསམ། །དེ་སྟེང་རང་སེམས་ཨ་དཀར་ཉིད་གྱུར་ཏེ། །འོད་འཕྲོས་དོན་བྱས་འདུས་པ་ལས་ལྷར་གྱུར། །ཞལ་གཅིག་ཕྱག་གཉིས་མཆོག་སྦྱིན་ཨུཏྤལ་བསྣམས། །རྡོ་རྗེའི་སྐྱིལ་ཀྲུང་འོད་ཟེར་རབ་འཕྲོ་བ། །དར་དཀར་ན་བཟའ་རིན་ཆེན་རྒྱན་གྱིས་སྤྲས། །སྟོན་ཟླའི་མདོག་ཅན་ལང་ཚོ་ལྡན་པར་བསྒོམ། །གནས་གསུམ་འབྲུ་གསུམ་འོད་ཀྱི་ཡེ་ཤེས་མཚན། །དབང་ལྷས་དབང་བསྐུར་རིགས་བདག་གིས་མཚན་པའི། །སྙིང་དབུས་ཟླ་བའི་དཀྱིལ་འཁོར་རྩིབས་དྲུག་པ། །འབྲུ་དྲུག་ཡི་གེ་བཀོད་པས་གཡས་གཡོན་འཁོར། །ཤུགས་དྲག་རྩེ་མོ་རྣོ་ཞིང་རབ་དཀར་བ། །ཉེས་འཇོམས་སྟོབས་ལྡན་མྱུར་འཛིན་རབ་གསལ་གྱུར། །ཨོཾ་ཝཱ་ཀྱེ་དཾ་ན་མཿ ཐུན་མཚམས་སུ། འཇམ་དཔལ་མདུན་གྱི་ནམ་མཁར་

[Full Size]

བཞུགས་པར་གྱུར། །ཨོཾ་ཝཱ་ཀྱེ་དཾ་ན་མཿ ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཞོན་ནུའི་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་ཏུ་གསལ། །འཇིག་རྟེན་གསུམ་ན་མུན་སེལ་བ། །འཇམ་པའི་དབྱངས་ལ་ཕྱག་འཚལ་ལོ། །བཅོམ་ལྡན་འཕགས་པ་འཇམ་དཔལ་གྱིས་བདག་ལ། །ཤེས་རབ་ཕུན་སུམ་ཚོགས་པ་བསྐྱེད་དུ་གསོལ། །གྲེ་ཕུག་ཨ་དཀར་དག་ལས་འོད་འཕྲོས་པས། །རྒྱལ་བ་ཀུན་གྱི་བློ་གྲོས་དཔག་མེད་དག །བསྡུས་ནས་ཁོང་དུ་ཐིམ་པས་ལུས་ཁེངས་པས། །མི་བརྗེད་དྲན་པའི་གཟུངས་ནི་འདི་ཐོབ་གྱུར། །ཅེས་པ་འདི་ཀརྨ་དོན་གྲུབ་ཀྱི་རྒྱུན་གྱི་ཐུགས་དམ་གྱི་ཆེད་དུ་རྒྱ་གཞུང་ནས། ཨ་རཱ་གས་བསྡུས་པའོ། །འདིར་འབད་བསོད་ནམས་ཉིན་བྱེད་ཀྱིས། །བདག་བློའི་ཆུ་སྐྱེས་རབ་འཛུམ་ཞིང་། །འཆད་རྩོད་རྩོམ་པའི་དྲི་བསུང་གིས། །སྲིད་ཞིའི་ཁྱོན་ཀུན་ཁྱབ་གྱུར་ཅིག། །།