མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ཚི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

གནམ་ཆོས་ཐུགས་གཏེར་ལས་སྒྲུབ་པ་སྤྱི་ཡི་དམ་སྲི་རྒབ་འདྲེ་མནན་ཐབས་སྟོབས་ཆེན་ཧ་ལ་འབར་བའི་རི་རབ།

[Full Size]

གནམ་ཆོས་ཐུགས་གཏེར་ལས༔ སྒྲུབ་པ་སྤྱི་ཡི་དམ་སྲི་རྒབ་འདྲེ་མནན་ཐབས་སྟོབས་ཆེན་ཧ་ལ་འབར་བའི་རི་རབ་བཞུགས་སོ༔

[Full Size]

གུ་རུ་དྷེ་ཝ་དྷཱ་ཀི་ནཱི་ཧཱུྃ༔ སྒྲུབ་པ་སྤྱི་ཡི་དམ་སྲི་རྒབ་འདྲེ་མནན་ཐབས་སྟོབས་ཆེན་མ་ཧཱ་བ་ལའི་སྒྲུབ་ཐབས་ནི། དུག་ཤོག་ལ་སྒྲུབ་གཞུང་སོ་སོའི་རྒབ་འདྲེ་སྤྱི་འཚམས་དབང་པོ་སྐྱེ་མཆེད་དོད་པར་བྲི། དེ་མནན་པའི་ཐབས་ལ་དུག་ཤོག་གྲུ་བཞི་ལ། མ་ཧཱ་བ་ལའི་མངོན་རྟོགས་ལྟར་སྐུ་གཟུགས་ཤིན་ཏུ་བརྗིད་དང་ལྡན་པར་བྲི། ལྟེ་བའི་ནང་དུ་གྲུ་གསུམ་བྲིས་པའི་དཀྱིལ་དུ་ཛཙཡིག་ཁ་སྤྲོད་ཀྱི་བར་དུ་ནི་ཏྲི་ལུགས་གསུམ་བརྩེགས་མར་བྱ༔ དེའི་རྒྱབ་ཏུ་རལ་གྲི་མེ་འབར་བ་དཔེའུ་རིས་ལྟར་བྲིས། དེའི་ནང་དུ་སྔགས་འདི་ཐུར་དུ་བརྩེགས་མར་ཕྲེང་གཅིག་གིས་ཤོང་བར་བྱ། ཨོཾ་ན་མ་ར་ན་པྲ་ཤ་མ་ཤག་དུན་ཧཱུྃ་ཧཱུྃ་ནན༔ དུལ་དུལ་ནན་ཆད་སོད་སྙིང་ལ་མཱ་ར་ཡ་སོད༔ ཅེས་བྲིས།

[Full Size]

ལྕགས་སྣོད་ཀྱི་ནང་དུ་དམར་གཏོར་ཤ་ཁྲག་གིས་བརྒྱན་པ་གཅིག་མདུན་དུ་བཤམ། རང་གཞུང་ཡི་དམ་སྒྲུབ་པ་གང་བྱེད་ཀྱི་གནས་འགྱུར་ནས་འདི་སྐད་དོ། །དང་པོ་བདག་བསྐྱེད་ནི༔ རང་ཉིད་གནས་འགྱུར་སྟོབས་པོ་ཆེ༔ སྐུ་མདོག་ནག་པོ་ཞལ་གཅིག་པ༔ ཕྱག་གཉིས་གཡས་པས་ཐོ་བ་དང་༔ གཡོན་པས་སྡིགས་མཛུབ་ཞགས་པ་འཛིན༔ ཁྲོ་བོའི་ཆས་ཀུན་ཡོངས་སུ་རྫོགས༔ ཞབས་གཉིས་གྱད་ཀྱི་འདོར་ཐབས་བསྒྲད༔ རྩ་སྔགས་ནི། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ་སྤོ་ཊ་སྤོ་ཊ་ཧཱུྃ་ཕཊ༔ ཅེས་ལན་མང་བར་བཟླས། མདུན་བསྐྱེད་ནི། སྐུ་གཟུགས་དང་གཏོར་མ་བཤམས་ལ། གསལ་བར་བསྐྱེད་པ་ནི། ཨོཾ་སྭ་བྷཱ་བས་སྦྱང་།

[Full Size]

སྟོང་པའི་ངང་ལས་སྐད་ཅིག་གིས་སྐུ་གཟུགས་མི་དམིགས་པ་ལས། མ་ཧཱ་བ་ལ་སྐུ་མདོག་དུད་ཁ་ཞལ་གསུམ་རྩ་ཞལ་གླང་གི་ཞལ་དམར་པོ་རྭ་ཅོ་མར་ཟང་ངེ་གདེངས་པ། བར་པ་མི་མགོ་དམར་པོ་སྦྲུལ་ཟ་བ། སྟེང་མ་མི་མགོ་སྔོན་པོ་མིག་གཅིག་པ། མགོ་ལ་དར་སྔོན་པོའི་ཅོད་པན་བཅིངས་པ། སྦྲུལ་མགོ་དགུའི་གདེངས་ཀ་ཅན། སྐུ་སྨད་སྦྲུལ་དུ་འཁྱིལ་བ༔ ལྟེ་བར་ཟུར་གསུམ་ཧོམ་ཁུང་འབར་བའི་ནང་དུ། དགྲ་བགེགས་ཐམས་ཅད་རང་དབང་མེད་པར་བཀུག་ནས། ཕྱག་གཉིས་གནམ་ལྕགས་ཀྱི་ཕུར་པ་འདྲིལ་ཞིང་འདེབས་ནས་གསོད་པར་བྱེད་པའི་གནས་གསུམ་འབྲུ་གསུམ་དང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་སྤྱན་དྲངས། བཛྲ་ས་མ་ཡ་ཛཿ ནུབ་བ་ལང་སྤྱོད་ནས་སྤྱན་འདྲེན་པ་ནི། ཧཱུྃ། འདི་ནས་ནུབ་ཀྱི་ཕྱོགས་རོལ་ན། །རི་རབ་ལྷུན་པོའི་ནུབ་ངོས་ནས། །ཉི་མ་ཟླ་བའི་གཤེགས་ལམ་ན། །ནམ་མཁའ་དམར་ལ་ས་གཞི་དམར། །རྒྱ་མཚོ་དག་ཀྱང་དམར་པོ་སྟེ། །དེ་ལ་མིང་དང་མཚན་བཏགས་པ། །བ་ལང་སྤྱོད་ཀྱི་གླིང་ཞེས་བྱ། །དེ་ལ་བཞུགས་པའི་སྟོབས་པོ་ཆེ། །འདྲེ་སྲིན་འདུལ་བའི་མཐུ་བོ་ཆེ། །མ་ཧཱ་བ་ལ་བདུད་ཀྱི་བུ། །གནོད་

[Full Size]

བྱེད་འདུལ་ཕྱིར་སྤྱན་འདྲེན་ནོ། །སྐད་ཅིག་ཡུད་ཀྱིས་འདིར་བྱོན་ལ། །སྐུ་གཟུགས་འདི་དང་དབྱེར་མེད་དུ། །དགྲ་བགེགས་འདུལ་ཕྱིར་བཞུགས་སུ་གསོལ། །ཨོཾ་མ་ཧཱ་བ་ལ་ཨེ་བྱེ་ཧི་ཛཧཱུྃ་བཾ་ཧོ༔ ས་མ་ཡ་ཏིཥྛ་ལྷན། ཞེས་སྐུ་གཟུགས་དང་དབྱེར་མེད་དུ་བསྟིམ། མཆོད་པ་འབུལ་བ་ནི། གཏོར་མ་ཆུ་ཆང་གིས་བྲན་ལ་བྱིན་གྱིས་བརླབ་པ་ནི། ཨོཾ་སྭ་བྷཱ་བས་སྦྱང་། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཀྱི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨ་ཀཱ་རོ་མུ་ཁཾ་སོགས་ལན་གསུམ་གྱིས་བྱིན་གྱིས་བརླབ་བོ།། ཧཱུྃ། སྟོབས་ཆེན་མ་ཧཱ་བ་ལ་ཁྱོད། །སྐུ་མདོག་དུད་ཁ་གླང་ཞལ་གདངས། །གསང་ཆེན་མཆོད་པ་འབུལ་བ་ནི། །རཀྟའི་ཁྲག་ལྷུ་འཁྲིགས་པ་ལ། །ཞིང་ཆེན་ལྷུ་དུམ་ཉི་ལི་ལི། །དམར་ཆེན་གཏོར་མ་རི་ལྟར་སྤུངས། །དགྲ་བགེགས་བླ་ཚེ་སྲོག་གསུམ་དང་། །དབང་པོ་རྣམ་ལྔ་ནང་རོལ་བཅས། །ཟས་སྐལ་ལྷག་མ་མེད་པར་བཞེས། ཨོཾ་མ་ཧཱ་བ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བདུན་ནམ་གསུམ་སོགས་ཕུལ། ཨརྒྷཾ་སོགས་ནས་ཤབྟ་པཱུ་ཛ་ཧོ༔ བསྟོད་པ་ནི། ཧཱུྃ། འཇིག་རྟེན་ལྷ་འདྲེ་ཀུན་གྱི་གཤེད་པོ་སྟེ། །ལས་ཀྱི་མཐུ་ལས་གྲུབ་པའི་

[Full Size]

བདུད་ཀྱི་བུ། །བ་ལང་སྤྱོད་ཀྱི་གླིང་ལ་དབང་བསྒྱུར་བ། །སྟོབས་ཆེན་མ་ཧཱ་བ་ལ་ཁྱོད་ལ་བསྟོད། །སྐུ་གཟུགས་འདི་དང་དབྱེར་མེད་བརྟན་བཞུགས་ལ། །ཁྱོད་ཀྱི་འདུལ་སྐལ་ཡིན་པས་འདྲེ་འདི་ནོན། །སྟོབས་ཆེན་ཁྱེད་ཀྱི་ཐུགས་དམ་དུས་ལ་བབ། །བཟླས་པ་ནི། ཨོཾ་སྐུ་ལྔ་མ་ཧཱ་བ་ལ་སྟོབས་ཆེན་པོ་ཀྲོ་དྷ་ཡ་ཁྲོ་བོ་བྷ་ལ་བྷ་ལ་སྟོབས་པོ་ཆེ་ཡ་བསྡུས་པ་ཧཱུཾ་ཕཊ་ཚར་གཅོད་སྭཱ་ཧཱ།་གཞི་ཚུགས། ཞེས་བརྒྱ་རྩ་བརྒྱད་བཟླས་པར་བྱའོ། །མཐར་སྐུ་གཟུགས་དེ་དང་དབྱེར་མེད་དུ་བསྟིམ་ལ་གནས་པར་བྱ། དེ་ནས་དོང་བྲུས་པའི་ནང་དུ་ལིངྒ་གན་རྐྱལ་དུ་མགོ་ཕྱིར་བསྟན་ལ་འགུགས་གཞུག་རྒྱས་པར་བྱ། ཨེ། མདུན་དུ་གནམ་ལྕགས་ཁང་སྒྲོམ་ཟུར་གསུམ་པ། གཏིང་ཟབ་ཁ་ཁྱེར་མཐོ་ཞིང་དུག་གསུམ་འཁྲིགས། །ལས་བྱེད་ཕོ་ཉའི་བཤན་ར་ཆེན་པོའི་ནང་། །ཞིང་བཅུའི་ལོག་འདྲེན་ཐམས་ཅད་རབ་ཏུ་ཚུད། །ན་མོ། དཀོན་མཆོག་གསུམ་དང་མ་ཧཱ་བ་ལའི་བདེན་པའི་མཐུས། །ལོག་འདྲེན་བར་ཆོད་དགྲ་བགེགས་དམ་སྲི་རྒབ་འདྲེ་རྣམས། །གང་ཞིག་དཀོན་མཆོག་གསུམ་ལ་དམོད་དང་བླ་མར་བརྙས། །སེམས་ཅན་འཚེ་ཞིང་དགེ་བཅུ་ཁྱད་བསོད་མི་དགེ་ལེན། །གཟུགས་ལིང་མིང་དང་མཚན་མར་བཏབ་པ་འདིར་ཁུག་

[Full Size]

ཅིག །ཨོཾ་མ་ཧཱ་བ་ལ་ཆེ་མོ་ཨཾ་ཀུ་ཤ་ཛ་ཛ་ཛཿཧཱུྃ་བཾ་ཧོ༔ ཞེས་བརྒྱ་རྩ་བརྒྱད་བཟླས་པར་བྱ། རང་ཉིད་ཡི་དམ་ཁྲོ་བོའི་ཐུགས་ཀ་ཡི། འོད་ཟེར་ལྕགས་ཀྱུས་ཡང་ཡང་བཀུག་ལ་བསྟིམ། ལིངྒ་དགྲ་བགེགས་དངོས་སུ༔ དམ་སྲི་ཆུང་སྲི་སྒོ་འདྲེ་རྟ་ནོར་གང་གནོད་ཁ་བསྒྱུར་བྱ། བསམ་ལ། སྐུ་ལག་ཏུ་བླངས་ནས་མ་ཧཱ་བ་ལ་དངོས་སུ་བསྐྱེད་ནས། དགྲ་བགེགས་མནན་པར་བསམ། ཧཱུྃ། འདྲེ་སྲིན་གདུག་པ་འདུལ་བའི་ཕྱིར། །སྟོབས་ཆེན་ཁྲོ་བོའི་སྤྲུལ་པ་སྟེ། །བ་ལང་སྤྱོད་ལ་དབང་བསྒྱུར་བའི། །མ་ཧཱ་བ་ལ་བདུད་ཀྱི་བུ། །སྐུ་ནི་དུད་ཁ་རི་རབ་ཙམ། །རྩ་ཞལ་དམར་པོ་གླང་གི་ཞལ། །གནམ་ལྕགས་མེ་ཡི་རྭ་ཅོ་གཟིངས། །བར་པ་ཁྲོ་ཞལ་ཀླུ་གདོན་ཟ། །སྟེང་ཞལ་སྔོན་པོ་མིག་གཅིག་པ། །དར་སྔོན་འབར་བའི་ཅོད་པན་བཅིངས། །སྦྲུལ་མགོ་དགུ་ཡི་གདེངས་ཀ་ཅན། །མཇུག་མ་ཞེ་སྡང་སྦྲུལ་དུ་འཁྱིལ། །ལྟེ་བ་ཟུར་གསུམ་ཧོམ་ཁུང་དུ། །དགྲ་བགེགས་བཀུག་ནས་བྲུབ་པར་བྱེད། །ཕྱག་གཉིས་གནམ་ལྕགས་ཕུར་པ་ནི། །འདྲིལ་ཞིང་གནོད་བྱེད་གསོད་པར་བྱེད། །ལས་ལ་གྲུབ་པའི་སྟོབས་པོ་ཆེ། །མིང་དང་གཟུགས་སུ་བྲིས་པ་འདི། །གནོད་བྱེད་ཆེ་ཁྱོད་ལ་གཏད་དོ་མ་ཤོར་ཅིག །

[Full Size]

མནན་པ་ཡིན་ནོ་མ་ལྡང་ཞིག །མ་ཧཱ་བ་ལའི་ཞབས་སུ་མནན། །སྟོབས་པོ་ཆེ་ཡི་ཞབས་སུ་མནན། །ༀ་ལཾ་ཨཱཿ་ལཾ་ཧཱུཾ་ལཾ་ཏཱཾ་བྷ་ཡ་ནན། ཞེས་དམིགས་བྱ་དགྲ་བགེགས་འདྲེ་ཀུན་ནི། །ལྟེ་བ་ཧོམ་ཁུང་ནང་ཚུད་དེ། །བ་ལང་སྤྱོད་དམ་རྒྱ་མཚོའི་བར། །ཁྱེར་ཏེ་ཟོས་བསད་བསྐྲད་པར་བསམ། །ལིངྒའི་སྟེང་དུ་མ་ཧཱ་བ་ལའི་སྐུ་ཁ་སྦུབ་ལ་མགོ་ཕྱིར་བསྟན་ལ་མནན་ནོ། །དེའི་སྟེང་དུ་རོ་གཡམ་ལ་རོ་སོལ་གྱི་རྡོ་རྗེ་རྒྱ་གྲམ་བྲིས་པའི་ལྟེ་བར་ཧཱུྃ་རེ་མཚམས་སུ་ལོ་རེ་རེ་བྲི། དེ་རྒྱབ་ཏུ་རི་རབ་གླིང་བཞི་གླིང་ཕྲན་བརྒྱད་བྲི། །དེ་སྟེང་མེ་ཆུ་ས་ལྕགས་ཤིང་རྣམས་བླུགས། །རྒྱས་གདབ་འཁོར་ལོ་རིམ་པ་དགུ་བྲིས་ལ་མནན། ཡི་དམ་གང་བསྒྲུབ་གཞུང་ལྟར་རྟ་བྲོ་བརྡུང་བར་བྱ། །བླ་མ་དྲག་པོ་ཆོས་སྐྱོང་ཞལ་བཞི་སོགས་མི་འགྱུར་རྡོ་རྗེའི་དག་སྣང་མ་ཧཱ་བ་ལ་དེས་དངོས་སུ་ཕུལ་བ་དང་བསྟན་ནས་ཞལ་གདམས་ཟིན་བྲིས་འདོན་ཆ་བཅས་ཚང་བར་རྟ་ལོ་འབྲུག་ཟླའི་མར་ངོའི་བཅུ་གཉིས་གུང་དུ་ཨ་རཱ་གས་ཁྲིད་ཚུལ་དུ་སྨྲས་སོ།། །།

ལྷ་མོ་འོད་ཟེར་ཅན་སེར་མོ་ཕྱག་གཉིས་མའི་སྒྲུབ་ཐབས་འདོན་སྒོམ་སྦྲག་པ་བསྙེན་སྒྲུབ་ལས་སྦྱོར་གཅིག་ཏུ་དྲིལ་བ།

[Full Size]

ལྷ་མོ་འོད་ཟེར་ཅན་སེར་མོ་ཕྱག་གཉིས་མའི་སྒྲུབ་ཐབས་འདོན་སྒོམ་སྦྲག་པ་བསྙེན་སྒྲུབ་ལས་སྦྱོར་གཅིག་ཏུ་དྲིལ་བ་བཞུགས་སོ། །

[Full Size]

ན་མོ་དྷེ་ཝི་མཱ་རི་ཙི། འཇིགས་པ་ཀུན་སྐྱོབ་མ་ལ་ཕྱག་འཚལ་ལོ། །ལྷ་མོ་འདི་ཉིད་དང་པོ་ཡུན་རིང་བསྙེན། །བར་དུ་བསྒྲུབ་ཅིང་ཐ་མ་ལས་ལ་སྦྱོར། །གསུངས་ཀྱང་སྙིགས་དུས་དེ་འདྲའི་ལོང་མ་མཆིས། །ཚེ་ཐུང་ནད་མང་དགྲ་རྐུན་རླུང་ལྟར་འཚུབ། །དེས་ན་མྱུར་དུ་བྱིན་རླབས་འཇུག་པའི་ཐབས། །བསྙེན་སྒྲུབ་ལས་སྦྱོར་ཆིག་དྲིལ་སྒྲུབ་པ་བཤད། །དཀར་གསུམ་གཏོར་མ་ཟླུམ་པོ་བཤམས་པའི་རྩེར། །ལྷ་མོའི་ཙཀླི་བཙུགས་པ་དམིགས་པའི་རྟེན། །ཡང་ན་ཤིང་ལེབ་སོགས་ལ་ལྷ་མོ་ནི། །ལྗང་གུ་གཡོན་གཟིགས་མཆོད་རྟེན་དབུ་བརྒྱན་པ། །ཨོཾ་རག་སྟོད་གཡོགས་སྔོན་པོ་ཅན་བྲིས་སོ། །ཤིང་ལ་རྒྱབ་རྟེན་པདྨའི་གདན་ཅན་ནོ། །དེ་ཡི་མདུན་ངོས་མཆོད་པ་ཅི་འབྱོར་བཤམས། །ས་ཡི་གྲྭའུ་གྲུ་བཞི་ཁ་སྦྱར་

[Full Size]

ནང་། །ཡ་གབ་མ་གབ་ཚུ་ཡིག་སེར་པོ་བྲི། །ཏཱཾ་ཡིག་མིག་ཏུ་སྔགས་རིང་བྲིས་པ་ཡི། །ཙཀླུའི་གོང་དུ་དགྲ་ཇག་ཆོམ་རྐུན་མིང་། །བྲིས་པའི་བར་དུ་གོ་གསུམ་ཐལ་བས་བཀང་། །ཁ་སྦྱོར་སྟེང་དུ་སྣ་ཚོགས་རྡོ་རྗེ་བྲི། །སྐུད་པ་སེར་པོས་རྒྱ་གྲམ་དཀྲིས་བྱས་ལ། །གཏོར་མའི་འོག་གམ་རང་མདུན་དམན་སར་བཞག །ཤིང་གི་དབྱུག་པ་རྡོ་རྗེ་རྩེ་གསུམ་མགོ ། ཡུ་བ་རྡོ་རྗེ་རྩེ་གཅིག་བྱས་པ་གཅིག །ཡོད་ན་མདུན་བསྐྱེད་རྟེན་དུ་བཙུགས་པར་བྱ། །མེད་ན་ཙཀ་ལི་གིས་ནི་ཆོག་པའོ། །རང་ཉིད་ཁྲུས་དང་གཙང་སྦྲ་བྱ་བ་དང་། །སྒྲུབ་ཚེ་ཚོགས་འཁོར་མ་གཏོགས་ཤ་ཆང་སྤང་། །ལ་ཕུད་སྒོག་པ་མི་གཙང་ཟས་ལ་འཛེམ། །ལྷ་མོ་དེ་ཉིད་རྩེ་གཅིག་དད་པས་བསྒྲུབ། །འདོན་སྒོམ་སྦྲག་མ་འདི་ཉིད་ཐུན་གསུམ་སྟེ། །ཐུན་གསུམ་བསྙེན་སྒྲུབ་ལས་

[Full Size]

སྦྱོར་གསུམ་པོ་ཡིན། །ཐུན་མཚམས་མདུན་བསྐྱེད་མཆོད་བསྟོད་གསུམ་ཁ་འདོན། །དཀོན་མཆོག་གསུམ་དང་འོད་ཟེར་ཅན་མ་ལ། །བདག་དང་བསྲུང་བྱ་འཁོར་བཅས་སྐྱབས་སུ་མཆི། །འགྲོ་བ་ཀུན་གྱི་འཇིགས་སྐྲག་བསལ་བའི་ཕྱིར། །འཕགས་མ་འོད་ཟེར་ཅན་མ་བསྒྲུབ་པར་བྱ། །རང་ཉིད་སྐད་ཅིག་ལྷ་མོའི་སྐུར་གསལ་བའི། །ཐུགས་ཀའི་ཏཱཾ་ཡིག་འོད་ཀྱིས་འོད་ཟེར་ཅན། །སངས་རྒྱས་བྱང་སེམས་འཁོར་ཚོགས་དང་བཅས་པ། །སྤྱན་དྲངས་མདུན་གྱི་ནམ་མཁར་བཞུགས་པ་ལ། །རང་གི་ཐུགས་ཀའི་འོད་ལས་མཆོད་པའི་སྤྲིན། །དཔག་མེད་སྤྲུལ་ནས་ལྷ་མོའི་སྐུ་ལ་མཆོད། །ན་མོ་མཱ་རི་ཙྩཾ་སརྦ་པྲ་ཏཱིཙྪ་སྭཱ་ཧཱ། དཀོན་མཆོག་གསུམ་དངོས་འཇིགས་པ་ཀུན་སེལ་མ། །འོད་ཟེར་ཅན་ལ་བདག་ཅག་སྐྱབས་སུ་མཆི། །ཐོག་མེད་དུས་ནས་བདག་ཅག་འཁོར་བཅས་ཀྱིས། །འཇིགས་དང་སྡུག་བསྔལ་རྒྱུ་བསགས་མི་དགེའི་ལས། །གང་བྱས་དེ་དག་འགྱོད་པས་སོ་སོར་བཤགས། །རྒྱལ་དང་རྒྱལ་སྲས་འཕགས་དང་སོ་སྐྱེ་ཡིས། །མི་འཇིགས་སྦྱིན་དང་བཟོད་པའི་གོ་ཆ་སོགས། །དགེ་བ་གང་བསགས་ཀུན་ལ་རྗེས་ཡི་རང་། །འགྲོ་ཀུན་འཁོར་བའི་འཇིགས་ལས་སྐྱོབ་པའི་

[Full Size]

ཕྱིར། །བླ་མེད་བྱང་ཆུབ་སེམས་ནི་བདག་གིས་བསྐྱེད། །ནམ་མཁའི་མཁའ་མཉམ་སེམས་ཅན་མ་ལུས་པའི། །འཇིགས་སྐྲག་སྡུག་བསྔལ་ཚོགས་ནི་ཅི་མཆིས་པ། །ཐམས་ཅད་མ་ལུས་བདག་གིས་སེལ་བར་ཤོག །ནམ་མཁའི་ལྷ་མོ་འོད་ཞུ་བདག་ལ་ཐིམ། །འགྲོ་ཀུན་བདེ་ལྡན་སྡུག་བསྔལ་ཀུན་བྲལ་ཞིང་། །བདེ་ལས་ཉམས་མེད་བཏང་སྙོམས་ལ་གནས་ཤོག །ཨོཾ་སྭ་བྷཱ་ཝ་ཤུདྡྷཱ་སརྦ་དྷསྭ་བྷཱ་ཝ་ཤུདྡྷོ྅ཧཾ། སྟོང་པའི་ངང་ལས་རྡོ་རྗེའི་ས་གཞི་དང་། །རྭ་གུར་མེ་རི་འབར་བའི་དབུས་ཉིད་དུ། །སྣ་ཚོགས་པདྨ་ཟླ་སྟེང་རང་གི་སེམས། །ཏཱཾ་ཡིག་སེར་པོའི་འོད་ཀྱིས་རྒྱལ་བ་མཆོད། །སེམས་ཅན་ཀུན་གྱི་འཇིགས་པ་ཐམས་ཅད་བསལ། །རྒྱལ་བའི་སྟོབས་བཅུ་འགྲོ་བའི་བསོད་ནམས་སྟོབས། །ཐམས་ཅད་ཚུར་འདུས་མྱ་ངན་མེད་པའི་ཤིང་། །ཡལ་ག་ནཱཾ་གྱིས་མཚན་པ་ཡོངས་གྱུར་ལས། །རང་ཉིད་ལྷ་མོ་གསེར་མདོག་ཤིན་ཏུ་མཛེས། །ཞལ་གཅིག་ཞི་འཛུམ་ཕྱག་གཉིས་ཁབ་སྐུད་འཛིན། །ཞབས་གཉིས་ཕྱེད་སྐྱིལ་གཡོན་པ་ཅུང་ཟད་བརྐྱངས། །སྟོད་གཡོགས་ཨོཾ་རང་སྔོན་པོ་ཤམ་ཐབས་དཀར། །སྣ་ཚོགས་དར་དང་རིན་ཆེན་རྒྱན་གྱིས་

[Full Size]

བཀླུབས། །གནས་གསུམ་འབྲུ་གསུམ་ཐུགས་ཀའི་མཾ་ཡིག་ལས། །འོད་འཕྲོས་ཡེ་ཤེས་པ་དང་དབང་གི་ལྷ། །ནམ་མཁར་སྤྱན་དྲངས་ཡིད་སྤྲུལ་མཆོད་ཚོགས་འབུལ། །ཛཧཱུྃ་བོ་ཧོས་དམ་ཡེ་དབྱེར་མེད་འདྲེས། །དབང་ལྷས་དབང་བསྐུར་རྣམ་སྣང་དབུ་བརྒྱན་གྱུར། །ཐུགས་ཀར་ཟླ་སྟེང་རཾ་ཡིག་མཐའ་མ་ལ། །སྔགས་ཕྲེང་གཡོན་དུ་འཁོར་བའི་འོད་ཟེར་གྱིས། །རྒྱལ་བ་ཀུན་མཆོད་འགྲོ་བའི་འཇིགས་ཀུན་བསལ། །རྒྱལ་བ་སྲས་བཅས་ཀུན་གྱི་མཐུ་དང་སྟོབས། །འཇིག་རྟེན་སྐྱེ་འགྲོའི་བསོད་ནམས་སྟོབས་ནུས་རྣམས། །བསྡུས་ནས་བདག་དང་བསྲུང་བྱ་རྣམས་ལ་ཐིམ། །ཁྱད་པར་འོག་མིན་གནས་དང་རི་རབ་རྩེར། །མྱ་ངན་མེད་པ་རྒྱ་གར་ཤིང་དྲུང་ནས། །འོད་ཟེར་ཅན་མའི་སྐུ་ནི་ཆེ་ཕྲའི་ཚོགས། །ཁ་བ་བུ་ཡུག་འཚུབ་པ་ལྟ་བུར་བྱོན། །བདག་དང་བསྲུང་བྱ་ཀུན་ལ་སིབ་སིབ་ཐིམ། །འཇིགས་སྐྲག་སྡུག་བསྔལ་ཀུན་ལས་སྐྱོབ་པར་གྱུར། །ཨོཾ་མཱ་རི་ཙེ་སྭཱ་ཧཱ། ཡི་གེ་དྲུག་པ་བསྙེན་པ་འདི་ཉིད་ནི། །ནམ་ལངས་ནས་བཟུང་དྲོས་ཆེན་བར་དུ་བཟླས། །དེ་ནས་ཐུན་མཚམས་མདུན་བསྐྱེད་མཆོད་བསྟོད་ནི། །ཨོཾ་སྭ་བྷ་ཝ༔ སྟོང་པའི་ངང་ལས་མདུན་དུ་པད་ཟླའི་སྟེང་། །མྱ་ངན་

[Full Size]

མེད་པའི་ཤིང་གི་ཡལ་ག་ནི། །ཏཱཾ་ཡིག་སེར་པོས་མཚན་པ་ཡོངས་གྱུར་ལས། །ལྷ་མོ་འོད་ཟེར་ཅན་མ་གསེར་གྱི་མདོག །ཞལ་གཅིག་ཞི་འཛུམ་ཐོར་ཚུགས་དབུ་རྒྱན་ཅན། །ཕྱག་གཉིས་ཁབ་སྐུད་གནོད་བྱེད་ཁ་མིག་ཚེམས། །དར་དཀར་སྨད་གཡོགས་རག་སྟོད་གཡོགས་སྔོ། །རིན་ཆེན་རྒྱན་ལྡན་སྐྱིལ་ཀྲུང་རོལ་སྟབས་བཞུགས། །ཕོ་ཉ་མོ་བཞི་ལ་སོགས་འཁོར་གྱིས་བསྐོར། །དེ་ཡི་གནས་གསུམ་ཨོཾ་ཨཱཿཿཧཱུྃ་གསུམ་དང་། །ཐུགས་ཀར་ཟླ་སྟེང་ཏཱཾ་ཡིག་སྔགས་ཕྲེང་ལས། །འོད་འཕྲོས་ཡེ་ཤེས་པ་དང་དབང་ལྷ་རྣམས། །ནམ་མཁར་སྤྱན་དྲངས་བཛྲ་ས་མཱ་ཛཿ ཧཱུྃ། ཆོས་དབྱིངས་རྣམ་པར་དག་པའི་ཞིང་ཁམས་ནས། །རྒྱལ་བའི་བསྐྱེད་ཡུམ་ལྷ་མོ་འོད་ཟེར་ཅན། །གཤེགས་དང་བཞུགས་པའི་མཚན་མ་མི་མངའ་ཡང་། །ཆུ་ཟླ་བཞིན་དུ་གནས་འདིར་སྣང་བར་མཛོད། །འཐུག་པོ་བཀོད་དང་བདེ་ཅན་ཞིང་ཁམས་ནས། །རྒྱལ་བའི་བསྐྱེད་ཡུམ་ལྷ་མོ་འོད་ཟེར་ཅན། །སྙིགས་མ་ལྔ་དུས་འབྱོན་པར་མི་འོས་ཀྱང་། །སྨོན་ལམ་ཐུགས་བསྐྱེད་དབང་གིས་འདིར་གཤེགས་ཤིག །ཡོངས་འདུས་ཤིང་དང་མྱ་ངན་མེད་ཤིང་ནས། །རིག་

[Full Size]

སྔགས་ལྷ་མོ་མཐུ་ཆེན་འོད་ཟེར་ཅན། །དེང་འདིར་ཁྱེད་ཀྱི་ཕྲིན་ལས་དུས་ལ་བབ། །གློག་བཞིན་མྱུར་བའི་སྟོབས་ཀྱིས་འདིར་བྱོན་ཞིག །གསེར་མདོག་ཕག་དང་པདྨ་ཟླ་བའི་སྟེང་། །མི་གཡོ་དགྱེས་ཤིང་བརྟན་པར་བཞུགས་སུ་གསོལ། །ཨོཾ་མཱ་རི་ཙེ་ཛཿཧཱུྃ་བཾ་ཧོ༔ ཏིཥྛ་ལྷན༔ དབང་ལྷས་དབང་བསྐུར་རྣམ་སྣང་དབུ་བརྒྱན་གྱུར། །ཧཱུཾ་ལས་རིན་ཆེན་སྣོད་དུ་ཁཾ་ཡིག་ལས། །མཆོད་པའི་སྤྲིན་དང་དཀར་གསུམ་བདུད་རྩིའི་མཚོ། །ཨོཾ་ཨཱཿཿཧཱུྃ་གིས་ཡེ་ཤེས་བདུད་རྩིར་གྱུར། །མཆོད་ཡོན་མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ཉེར་སྤྱོད་རྣམ་པ་བདུན། །དངོས་འབྱོར་ཡིད་ཀྱིས་སྤྲུལ་ཏེ་འབུལ་ལགས་ན། །བདག་ཅག་རྣམས་ཀྱི་ཉེར་མཁོ་ལོངས་སྤྱོད་ལ། །དགྲ་ཇག་ཆོམ་རྐུན་འཇིགས་ལས་སྐྱོབས་པར་མཛོད། །གཟུགས་སྒྲ་དྲི་རོ་རེག་བྱའི་འདོད་ཡོན་ལྔ་། །དངོས་འབྱོར་ཡིད་ཀྱིས་སྤྲུལ་ཏེ་འབུལ་ལགས་ན། །བདག་གི་འདོད་ཡོན་མཁོ་རྒུ་ལོངས་སྤྱོད་ལ། །དགྲ་ཇག་ཆོམ་རྐུན་འཇིགས་ལས་སྐྱོབ་པར་མཛོད། །གདུགས་དང་གསེར་ཉ་དུང་དཀར་པདྨ་དང་། །རིན་ཆེན་བུམ་པ་དཔལ་བེའུ་འཁོར་ལོ་སྟེ། །བཀྲ་ཤིས་རྟགས་བརྒྱད་ལྷ་མོའི་སྐུ་

[Full Size]

ལ་འབུལ། །བདག་ཅག་བཀྲ་ཤིས་བདེ་སྐྱིད་ལྡན་པར་མཛོད། །འཁོར་ལོ་ལ་སོགས་རྒྱལ་སྲིད་རིན་ཆེན་བདུན། །བློ་ཡིས་སྤྲུལ་ཏེ་ལྷ་མོ་ཁྱེད་ལ་འབུལ། བདག་དང་བདག་གི་བསྲུང་བྱ་ཐམས་ཅད་ཀུན། །རྒྱལ་པོའི་འཇིགས་པ་ཀུན་ལས་སྐྱབས་པར་མཛོད། །རིན་ཆེན་སྨན་འབྲུ་དྲི་དང་སྙིང་པོ་ལྔ། །སྣ་ཚོགས་མཆོད་པ་དངོས་སམ་ཡིད་ཀྱིས་འབུལ། །ཚེ་རབས་ཀུན་ཏུ་མེ་ཆུ་རྒྱལ་པོའི་དགྲ། །འཇིགས་དང་སྡུག་བསྔལ་ཀུན་ལས་སྐྱབས་པར་མཛོད། །གླིང་བཞི་ཉི་ཟླ་རི་རབ་གཞལ་མེད་ཁང་། །བློ་ཡིས་སྤྲུལ་ནས་ཡིད་ཀྱིས་ལེགས་བླངས་ནས། །དཔག་ཏུ་མེད་པའི་མཆོད་པས་མཆོད་ལགས་ན། །བདག་ཅག་ཡུལ་ཁམས་བཅས་པ་བསྐྱབ་ཏུ་གསོལ། །ཨོཾ་ཨ་ཀཱ་རོ༔ ཨོཾ་མཱ་རི་ཙེ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨནྡྷཾ་སོགས། ཧཱུྃ་བྷོ༔ རྒྱལ་བའི་ཡུམ་མཆོག་ལྷ་མོ་འོད་ཟེར་ཅན། །སྐུ་མདོག་ཕྱག་མཚན་མ་ངེས་ཅིར་ཡང་སྟོན། །རེས་འགའ་སེར་མོ་ཞལ་ལྔ་ཕྱག་བཅུ་མ། །རེས་འགའ་སེར་མོ་ཞལ་གསུམ་ཕྱག་བརྒྱད་མ། །རེས་འགའ་དམར་མོ་ཞལ་དྲུག་བཅུ་གཉིས་ཕྱག །རེས་འགའ་དམར་མོ་ཞལ་གསུམ་ཕྱག་

[Full Size]

དྲུག་མ། །རེས་འགའ་སེར་མོ་ལྗང་མོ་ཕྱག་གཉིས་མ། །སྣ་ཚོགས་སྤྲུལ་པའི་སྐུ་ལ་ཕྱག་འཚལ་བསྟོད། །སྣ་ཚོགས་རྒྱན་དང་སྣ་ཚོགས་ཕྱག་མཚན་དང་། །སྣ་ཚོགས་ཞི་དང་ཁྲོ་དང་ཞི་མ་ཁྲོ། །སྣ་ཚོགས་འཇིག་རྟེན་སྐྱོང་དང་ཤིང་རྟ་དང་། །ཕག་དང་པད་ཟླ་ལ་སོགས་སྣ་ཚོགས་གདན། །ཡི་གེ་དྲུག་དང་བདུན་སོགས་སྣ་ཚོགས་སྔགས། །ཞི་རྒྱས་དབང་སོགས་སྣ་ཚོགས་ལས་གྲུབ་མ། །ལྷ་མོ་འཕྲུལ་མོ་ཆེ་ལ་བདག་བསྟོད་དོ། །བཀའ་ཡི་ཕོ་ཉ་ལྷ་མོ་ཕག་གདོང་བཞི། །ཁབ་སྐུད་ལ་སོགས་སྣ་ཚོགས་ཕྱག་མཚན་འཛིན། །གཙོ་མོའི་བཀའ་བཞིན་གང་བཅོལ་ལས་བསྒྲུབས་མ། །མྱུར་མགྱོགས་ཕྲིན་ལས་ཅན་ལ་བདག་གིས་བསྟོད། །གང་ཞིག་ལྷ་མོ་ཆེན་མོ་འོད་ཟེར་ཅན། །ཁྱོད་མིང་ཙམ་ཞིག་སུ་ཡིས་ཤེས་པ་དེ། །དགྲ་ཡི་དབང་དུ་འགྲོ་བར་མི་འགྱུར་ཞིང་། །ཆད་པས་བཅད་མེད་མགོ་བོ་བྲེག་ཏུ་མེད། །རྨོངས་པར་བྱར་མེད་མེ་ཡིས་བསྲེག་ཏུ་མེད། །བརྒག་ཏུ་མེད་ཅིང་བརྒལ་མེད་བཟུང་དུ་མེད། །དགྲ་དང་ཆོམ་རྐུན་ཕལ་པས་མཐོང་མི་འགྱུར། །ཞགས་པ་ལྕགས་སྒྲོག་དག་གིས་བཅིངས་མི་ནུས། །དེ་ལྟར་ནུས་ལྡན་ལྷ་མོ་མཆོག་ཁྱོད་ལ། །

[Full Size]

བདག་གིས་ཕྱག་འཚལ་མཆོད་ཅིང་བསྟོད་ལགས་ན། །བདག་ཅག་དཔོན་སློབ་བསྲུང་བྱ་འཁོར་བཅས་ལ། །དགྲ་དང་ཆོམ་རྐུན་རྒྱལ་པོའི་འཇིགས་པ་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །མེ་ཆུ་གཡངས་ས་དུག་གི་འཇིགས་པ་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །ཕྱིར་རྒོལ་བ་དང་ཕྱི་ནང་འཁྲུག་རྩོད་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །སྟག་གཟིག་སེང་གེ་ལ་སོགས་གཅན་གཟན་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །ལམ་གྱི་དགྲ་དང་ཆོམ་རྐུན་ལམ་ངན་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །བཅིངས་བ་བཏེགས་བརྩོག་མགོ་བོ་བྲེག་པ་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །བསྲེག་དང་གཞུར་དང་ཆད་པས་བཅད་པ་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །དགག་དང་བཟུང་དང་བརྒལ་བའི་འཇིགས་པ་ལས། །སྐྱོབ་པར་མཛོད་ཅིག་ལྷ་མོ་འོད་ཟེར་ཅན། །དགྲ་ཇག་ཆོམ་རྐུན་གནོད་འཚེ་ཤོམ་རྣམས་ཀྱི། །ཁ་མིག་ཚེམ་པར་མཛོད་ཅིག་འོད་ཟེར་ཅན། །གསེར་མདོག་ཕག་ར་ཉི་ཟླའི་བྱ་སྐྱིབས་སུ། །བདག་དང་བསྲུང་

[Full Size]

བྱ་སྲུང་ཞིང་སྦ་བར་མཛོད། །སྔོན་གྱི་དམ་ཚིག་ཐུགས་དམ་མ་གཡེལ་བར། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །བདག་མདུན་ཡེ་ཤེས་པ་རྣམས་རྟེན་ལ་ཐིམ། །དམ་ཚིག་པ་རྣམས་མི་དམིགས་སྟོང་པར་གྱུར། །འདི་ལྟར་འོད་ཟེར་ཅན་མ་བསྒྲུབ་པ་ཡི། །དགེ་བས་འགྲོ་ཀུན་འཇིགས་པ་ཀུན་བྲལ་ནས། །མྱུར་དུ་བཅོམ་ལྡན་གོ་འཕང་ཐོབ་པར་ཤོག །འཇིགས་པ་ཀུན་སྐྱོབ་བཀྲ་ཤིས་ཀུན་སྩོལ་མ། །ལྷ་མོ་འོད་ཟེར་ཅན་གྱི་བཀྲ་ཤིས་གང་། །དེང་འདིར་བདག་ཅག་རྣམས་ལ་འབྱུང་བར་ཤོག །ཅེས་བརྗོད་དེ་ནི་བསྙེན་པ་ཐུན་དང་པོ། ༈ །དེ་ནས་སྒྲུབ་པའི་ཐུན་ནི་གཉིས་པ་ལ། །སྐྱབས་འགྲོ་ནས་བཟུང་བསྙེན་པའི་བར་དུ་འདོན། །དེ་ནས་སྒྲུབ་པའི་དམིགས་པ་འདོན་བསྒོམ་བྱ། །བདག་དང་བསྲུང་བྱ་མ་ལུས་ཐམས་ཅད་ཀྱི། །ཕྱི་རོལ་གསེར་གྱི་མདོག་ཅན་ཕག་གི་ཚོགས། །ཁ་ཕྱིར་གྱུ་ནས་ཕག་སྐད་ངུར་སྒྲ་སྒྲོག །ཕག་གི་རེ་བ་སུམ་རིམ་བར་མཚམས་མེད། །སྟེང་འོག་ཨ་ལས་ཉི་ཟླའི་དཀྱིལ་འཁོར་གཉིས། །ཁ་ལེབ་ཞབས་སྡོམ་ལྟ་བུར་གྱུར་པའི་ནང་། །བསྲུང་བྱ་མི་ནོར་ཐམས་ཅད་ཚུད་པར་གྱུར། །ཟླ་བའི་སྟེང་འོག་གཉིས་སུ་ཉི་མ་གཉིས། །དེ་ལྟར་ཉི་

[Full Size]

ཟླའི་ནང་དུ་རང་ཅག་གབ། །ཉི་ཟླའི་འོད་ཟེར་ཤིན་ཏུ་འབར་བ་ཡིས། །དགྲ་ཇག་རྐུན་པོས་ལྟ་བར་མི་བཟོད་པ། །མཐོང་བར་མི་ནུས་འོད་ཀྱིས་བསྒྲིབས་པར་གྱུར། །ཨོཾ་མཱ་རི་ཙི་འོད་ཟེར་ཅན་བདག་ཅག་དཔོན་སློབ་མི་ནོར་ཐམས་ཅད་ལ་སྐྱོབས་ཤིག་སྭཱ་ཧཱ། ཞེས་པ་དགོང་ཀ་བར་དུ་འདོན་ཞིང་བསྒོམ། །དེ་ནས་སྔར་ལྟར་མདུན་བསྐྱེད་མཆོད་གཏོར་འབུལ། །ཐུན་བསྡུ་སླར་ཡང་དགོང་ཐུན་བཟུང་བ་ནི། །སྔར་ལྟར་བདག་བསྐྱེད་བསྙེན་པའི་བར་དུ་འདོན། །བསྙེན་པའི་བར་སྐབས་སྔགས་དང་དམིགས་པ་ནི། །རང་གི་སྐུ་ལས་སྤྲུལ་པའི་ལྷ་མོ་དང་། །རང་བཞིན་གནས་ནས་བྱོན་པའི་ལྷ་མོའི་ཚོགས། །འཇིག་རྟེན་ཁམས་ཀུན་མ་ལུས་ཐམས་ཅད་ཁྱབ། །ཀུན་ཀྱང་གསེར་མདོག་དར་དང་རིན་ཆེན་བརྒྱན། །གསེར་མདོག་ཕག་ལ་ཆིབས་ནས་རླུང་ལྟར་རྒྱུགས། །ཕྱག་ན་ཁབ་དང་སྐུད་པ་བསྣམས་ནས་ཀྱང་། །གནོད་བྱེད་དགྲ་ཇག་རྐུན་པོའི་ཁ་མིག་ཚེམས། །དགྲ་སྣ་རྐུན་སྣ་བར་ཆད་བཟློག་པར་གྱུར། །ཨོཾ་མཱ་རི་ཙེ། བད་ཏཱ་ལི། བ་དཱ་ལི། བ་རཱ་ལི། བཱ་རཱ་ཧ་མུ་ཁི། སརྦ་དུཥྛན་གནོད་བྱེད་དགྲ་ཇག་ཆོམ་རྐུན་ཐམས་ཅད་ཙཀྵ་མུ་ཁཾ་བྷནྡྷ་བྷནྡྷ་སྭཱ་ཧཱ། འདི་ནི་ཉི་ནུབ་མུན་ནི་རུབ་ཁ་བར། །བསྒོམ་ཞིང་

[Full Size]

བཟླས་ནས་གོང་ལྟར་མདུན་བསྐྱེད་དང་། །མཆོད་བསྟོད་ཐུན་ནི་བསྡུ་ཚུལ་གོང་དང་འདྲ། །མུན་ནི་རུབ་ནས་རྒྱུན་གྱི་ཐུགས་དམ་དང་། །ཆག་མེད་ཐུགས་དམ་གང་ཡོད་རྒྱུན་བཞིན་བྱ། །དེ་ནས་སླར་ཡང་བསྙེན་པ་བྱེད་འདོད་ན། །སྐད་ཅིག་དམིགས་པ་བདག་བསྐྱེད་རྐྱང་པ་བསྒོམ། །དམིགས་པ་ཁོ་ན་བྱ་ཞིང་བསྙེན་པ་བྱ། །ཉལ་ཁ་ཡེ་ཤེས་རྟེན་བསྟིམ་དམ་ཚིག་པ། །མི་དམིགས་བྱ་བ་སྟོང་ཉིད་ངང་ལ་ཉལ། །སྦྲུལ་དང་སྤྲེའུ་བྱི་བ་བོང་བུ་དང་། །རྟ་དང་གླང་ཆེན་མ་ཧེ་དྲེད་དང་ཁྱི། །ཕན་ཚུན་འཐབ་དང་རང་ཉིད་སྐྲག་པ་རྨིས། །སྔགས་ནི་ད་རུང་གཉིས་འགྱུར་ལ་སོགས་བཟླས། །རྒྱ་མཚོ་བརྒལ་དང་རི་བོ་ལ་གནས་དང་། །སངས་རྒྱས་བྱང་སེམས་ལྷ་ཚོགས་མཇལ་བ་དང་། །བུད་མེད་གཞོན་བུ་མཛེས་མ་རྒྱན་ལྡན་དང་། །འོད་ཟེར་ཅན་མ་མཇལ་དང་ལུང་སྟོན་དང་། །དྲི་བཟང་འཐུལ་དང་མར་མེ་འཛིན་པ་དང་། །འགྲུབ་པའི་རྟགས་ཏེ་མཚན་མའི་བསྙེན་པའོ། །ཟླ་བ་དྲུག་གསུམ་མམ་ཉེར་གཅིག་ལ་སོགས་དང་། །འབུམ་ཕྲག་ཉེར་བཞི་ཡང་ན་བྱེ་ཆུང་གཅིག །ཐ་མ་དྲུག་འབུམ་བྱེ་བ་བཟླས་ཀྱང་འགྲུབ་པ་སྟེ། །འབྲུ་དྲུག་ཁོ་ན་ཡིན་ཀྱང་གསུམ་ཀ་བརྩི། །ཐུན་མགོ་རྣམས་སུ་ཕྱག་རྒྱས་བཅིངས་བར་བྱ། །ལག་གཉིས་ཐལ་སྦྱར་མཐེབ་ཆེན་ཅུང་ཟད་བཀུག །གུང་མོ་རྩེ་གཏུག་མཛུབ་མོ་གུང་མོ་སྦྱར། །ཟླུམ་པོ་རྣམ་རྒྱལ་བྱས་ལ་ལྟེ་བའི་ཐད། །ཕྱག་རྒྱ་དེ་བཞག་རྐང་པ་སྐྱིལ་ཀྲུང་བཅས། །དེ་ནི་ལས་ཀུན་འགྲུབ་པའི་ཕྱག་རྒྱ་ཡིན། །འགྲུབ་ན་གྲའུ་དབེན་པའི་ས་རུ་བཞག །འཇིགས་པ་ཆེ་སར་

[Full Size]

དབྱུག་པ་བཟུང་ནས་འགྲོ། །སྐུད་པ་དཀར་པོར་ཉེར་གཅིག་མདུད་པ་སྔགས། །རྐུན་མའི་གནོད་པ་སྲུང་བར་འགྱུར་བ་སྟེ། །སྔགས་ནི་མགོ་ཡི་སྔགས་རིང་དེ་ཡིན་ནོ། །མདུད་པ་བྱེད་ཚེ་ལྷ་མོ་ཉིད་བསྒོམས་ནས། །དང་པོ་ཕྱག་རྒྱ་བཅིངས་བྱས་དེ་ཉིད་ནས། །དལ་བུས་རླུང་བཟུང་ལྕེ་ལ་སོ་མི་བསྐྱོད། །ཁ་མིག་བཙུམས་ནས་སྔགས་ནི་ཡིད་བཟླས་དང་། །བསྲུང་སྐུད་སྔགས་རེ་མདུད་པ་ཉེར་གཅིག་བར། །དབུགས་ནི་ཕྱི་རུ་མི་བཏང་གལ་ཆེའོ། །རང་ཉིད་འཇིགས་པ་ཆེ་དུས་ནངས་རེ་བྱ། །དེ་ལྟར་སྒྲུབ་ཐབས་དང་ནི་རྟོགས་པ་རྒྱུད། །རྒྱ་གཞུང་བསྟུན་ཏེ་རཱ་ག་ཨ་སྱས་བྲིས། །ཉེས་པ་མཆིས་བཤགས་དགེ་བ་བྱང་ཆུབ་བསྔོ། །སྔགས་འདོན་ལུགས་ནི། ཨོཾ་མཱ་རི་ཙེ་སྭཱ་ཧཱ། །བསྙེན་སྔགས་སོ། །ཨོཾ་མཱ་རི་ཙེ་འོད་ཟེར་ཅན་བདག་ཅག་དཔོན་སློབ་མི་ནོར་ཐམས་ཅད་སྐྱོབས་ཤིག་སྭཱ་ཧཱ། སྒྲུབ་པའོ། །ཨོཾ་མཱ་རི་ཙུ། བད་ཏཱ་ལི། བ་དཱ་ལི། བ་རྭ་ལི། བཱ་རཱ་ཧ་མུ་ཁི། སརྦ་དུཏྟཾ་པྲ་དུཏྟཾ་གནོད་བྱེད་དགྲ་ཇག་ཆོམ་རྐུན་ཐམས་ཅད་ཙཀཱ་མུ་ཁཾ་བྷནྡྷ་བྷནྡྷ་སྭཱ་ཧཱ། ལས་སྦྱོར་རོ། །ཙེ་ཞེས་པའི་ཡེ་དེ་མགྱོགས་པར་ཀློག་དགོས། སྔགས་འདོན་ལུགས་བཀྲོལ་བྲིས་པའོ། །ཡིག་རྙིང་ལྟར་ཞལ་བཤུས་གྲུབ་བོ། །ཞུས་སོ།། ༧ ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགོངས་གཏེར་ལས་འོད་ཟེར་ཅན་མའི་དབང་།

[Full Size]

དགོངས་གཏེར་ལས་འོད་ཟེར་ཅན་མའི་དབང་ཡོད།

[Full Size]

ན་མོ་མཱ་རཱི་ཙེ། འོད་ཟེར་ཅན་མའི་དབང་ནི། བུམ་པ་གཏོར་མ་སོགས་དབང་རྫས་བཤམས། སྐྱབས་འགྲོ་སེམས་བསྐྱེད་སྤྱི་འཚམས་གཅིག་ད་ནངས་སོང་བས་འཐུས། སྐད་ཅིག་དྲན་རྫོགས་དམ་ཡེ་དབྱེར་མེད་དུ། བདག་དང་བུམ་ལྷ་དང་གཏོར་མ་འོད་ཟེར་ཅན་སྐུ་མདོག་སེར་མོ་དར་དང་རིན་པོ་ཆེའི་སྣ་ཚོགས་ཀྱིས་བརྒྱན་པ་ཕྱག་གཡས་གཡོན་གཉིས་ཁབ་དང་སྐུད་པ་འཛིན་པ། དབུ་སྐྲ་ཐོར་ཅོག་ལ་རིན་པོ་ཆེའི་རྒྱན་དུ་མས་བརྒྱན་པ། ཕག་སེར་མོའི་སྟེང་ན་རོལ་སྟབས་སུ་བཞུགས་པ། ཐུགས་ཀར་མཱི་སེར་པོ་གཅིག་ལ་རྩ་སྔགས་ཀྱིས་བསྐོར་བ་ལས་འོད་ཟེར་ཕྱོགས་བཅུར་འཕྲོས་པས།

[Full Size]

ཕྱོགས་བཅུའི་ཞིང་ནས་འོད་ཟེར་ཅན་གྱི་སྐུ་ཆེ་ཕྲ་སྣ་ཚོགས་ཆར་བཞིན་བབས་བདག་མདུན་བུམ་པའི་ལྷ་ལ་ཐིམ་པར་གྱུར། ཨོཾ་མཱ་རཱི་ཙེ་མཾ་སྭཱ་ཧཱ། ཞེས་བརྒྱ་སྟོང་ཅི་འགྲུབ་མང་དུ་བཟླས་ནས། ཨརྒྷཾ་སོགས། གང་ཁྱོད་མིང་ཙམ་འཛིན་དང་དྲན་པ་ཡིས། །མི་མཐུན་ཕྱོགས་རྣམས་མ་ལུས་སེལ་གྱུར་ཞིང་། །འཇིག་རྟེན་འཇིག་རྟེན་འདས་པའི་དཔལ་སྟེར་མ། །འཕགས་མ་འོད་ཟེར་ཅན་ལ་ཕྱག་འཚལ་བསྟོད། །དེ་ནས་སློབ་མ་འདུས་ཁྲུས་བྱས་ལ་མཎྜལ་ཕུལ། འོ་ན་ད་ལམ་ཁྱེད་རྣམས་ལ་ལྷ་མོ་འོད་ཟེར་ཅན་གྱི་དབང་བསྐུར་བ་ཡིན་ཏེ། ལྷ་འདིའི་ངོ་བོ་ནི་རྗེ་བཙུན་མའི་རིགས་སུ་ཡང་

[Full Size]

གཏོགས་ལ། ཞི་བ་ལྷ་མོ་འོད་ཟེར་ཅན། དྲག་པོར་བྱས་ན་དཔལ་ལྡན་ལྷ་མོ་རང་བྱུང་རྒྱལ་མོ་ཡིན་པས་བཀའ་ཡང་ཤིན་ཏུ་གཉན། སྔོན་གྱི་དུས་ན་ལྷ་དང་ལྷ་མིན་འཐབ་པའི་ཚེ། ལྷ་རྣམས་ཀྱི་མདངས་ལས་ལྷ་མོ་འདི་འཁྲུངས། ལྷ་མོས་གསེར་གྱི་ཅོ་ཐོའང་སྤྲུགས་པའི་ནང་ནས། གསེར་གྱི་གོ་ཁྲབ་བྱེ་བ་དུང་ཕྱུར་བྱུང་བས་ལྷ་རྣམས་ལྷ་མ་ཡིན་གྱིས་གཡུལ་ལས་རྒྱལ། ལྷ་མོ་ཡང་དཔག་བསམ་ཤིང་གི་བདག་མོར་བསྐོས་པས། ཤིང་གི་ལྷ་མོ་འོད་ཟེར་ཅན་ཞེས་གྲགས་སོ། །ངོ་བོ་ས་བཅུའི་སེམས་མ་ཡིན་ཀྱང་། རྣམ་པ་འཇིག་རྟེན་པའི་ཚུལ་གྱིས་རྒྱ་གར་མྱ་ངན་མེད་པའི་ཤིང་དྲུང་ན་བཞུགས་པས། རྣོ་མྱུར་འཇིག་རྟེན་དང་འདྲ་སྟེ་ཤིན་ཏུ་རྣོ། དེ་ཡང་འོད་ཟེར་ཅན་གྱི་གཟུངས་དང་རྟོགས་པ་ནི་བྱ་བའི་རྒྱུད་ཡིན་ལ། སྒྱུ་འཕྲུལ་དྲྭ་བ་སོགས་ནས་གསུངས་པ་ནི་རྣལ་འབྱོར་རྒྱུད། རྡོ་རྗེ་གུར་ལས་གསུངས་པ་ནི་བླ་མེད་རྒྱུད། ལྷ་མོ་དངོས་གྲུབ་བསྟན་གཟིགས་རྒྱུད་ལས་གསུངས་པ་ནི་རྙིང་མ་ཡིན། དགོངས་གཏེར་འདི་ནི་རྙིང་མའི་རྒྱུད་དང་མཐུན་པ་ཡིན། དེ་ཡང་བཅོམ་ལྡན་འདས་རྒྱལ་བྱེད་ཀྱི་ཚལ་ན་བཞུགས་པའི་ཚེ། དགེ་སློང་རྣམས་ལ་བཀའ་སྩལ་

[Full Size]

པ། ལྷ་མོ་འོད་ཟེར་ཅན་ཞེས་བྱ་བ་མཐུ་དང་རྫུ་འཕྲུལ་དཔག་ཏུ་མེད་པ་གཅིག་ཡོད་དེ། དེའི་མིང་ཤེས་པ་དེ་ཡང་བཟུང་བ་དང་། བཅིང་བ་དང་། ཆད་པ་གཅོད་པ་དང་། མགོ་བྲེགས་པ་དང་། མེར་བསྲེག་ཏུ་མེད། དགྲའི་དབང་དུ་མི་འགྲོ་གསུངས་སོ། །རྡོ་རྗེ་གུར་ལས་ཀྱང་། ཆོམ་རྐུན་མེད་ཕྱིར་མཱ་རི་ཙེ། ཞེས་དང་། །དངོས་གྲུབ་བསྟན་གཟིགས་ཀྱི་རྒྱུད་ལས། ཆོམ་རྐུན་འཇོམས་བྱེད་བཅུ་བཞི་མ་རཱི་ཙེ། ཞེས་དང་། གཟུངས་དང་རྟོགས་པ་ལས་ཀྱང་། ཨོཾ་མཱ་རཱི་ཙེ་སྭཱ་ཧཱ། མཆོག་གི་སྙིང་པོ་འདི་ངེས་པར་མཆོག་ཏུ་འགྲུབ་པར་འགྱུར་རོ། །རིམས་ཐམས་ཅད་མེད་པར་བྱེད་དོ། །ནད་ཐམས་ཅད་མེད་པར་བྱེད་དོ། །བཟླས་པ་དང་སྦྱིན་སྲེག་གིས་ཀྱང་འོད་ཟེར་ཅན་གྱི་་ནོར་འཕེལ་སྐྱེད་པར་བྱེད་དོ། །ཞེས་གསུངས་སོ། །འདི་བསྒྲུབ་པའི་ཚེ་རྟགས་ནི། སྦྲུལ་སྤྲེའུ་བྱི་བ་བོང་བུ་རྟ་གླང་ཆེན་མ་ཧེ་དྲེད་དང་ཁྱི་སོགས་ཕན་ཚུན་འཐབ་པ་དང་། རང་ཉིད་སྐྲག་པར་རྨིས་ན་སྔགས་ད་དུང་གཉིས་འགྱུར་བཟླས། རྒྱ་མཚོ་ལས་བརྒལ་བ་དང་། རི་བོ་ལ་གནས་པ་དང་། གཞོན་ནུ་མ་དང་འཕྲད་པར་རྨིས་པ་དང་། མར་མེའི་རྩེ་མོ་

[Full Size]

འཕེལ་ཞིང་དྲི་ཞིམ་པ་སྣ་ཚོགས་བྲོ་བ་དང་། སངས་རྒྱས་བྱང་སེམས་འོད་ཟེར་ཅན་མཐོང་བར་འགྱུར་ཏེ། འགྲུབ་རྟགས་སོ། །འོག་དང་སྟེང་དུ་ཨ་ལས་ཟླ་བའི་དཀྱིལ་འཁོར་གཉིས་ཀྱི་བར་དུ་རང་ཡོད་པར་བསྒོམ། ཡང་ཉི་ཟླ་གཉིས་ཕན་ཚུན་འདྲེས་པར་བསྒོམས་ལ། འོད་ཟེར་ཅན་བདག་ལ་སྐྱོབས་ཤིག །ཅེས་འཇིགས་པ་ཆེན་པོའི་དུས་སོ། །དབྱུག་པ་སྟེང་རྡོ་རྗེ་རྩེ་གསུམ་འོག་རྡོ་རྗེ་རྩེ་གཅིག་པ་བྱས་པས་རྐུན་མ་སོགས་གནོད་པ་བསྲུང་ཞིང་འཇིགས་པ་ཆེ་དུས་ལག་ཏུ་ཐོགས་ལ་ཡི་གེ་དྲུག་པ་བཟླས་ན་འཇིགས་པ་ཐམས་ཅད་བསྲུང་ངོ་། །གསེར་གྱི་མདོག་གི་ཕག་གི་དབུས་སུ་རང་ལྷ་མོ་ཕྱག་དྲུག་པའམ་གཉིས་པར་བསྒོམ། ཕྱག་རྒྱ་བཅིངས་ནས་སྔགས་རིང་འདི་བཟླས་ན་དགྲའི་ནང་དུ་སོང་ཡང་བཟུང་བ་དང་། བཅིངས་བ་དང་། ཆད་པ་བཅད་པ་དང་། མགོ་བྲེགས་པ་དང་། མེས་བསྲེག་ཅིང་དགྲའི་དབང་དུ་མི་འགྲོའོ། །སྔགས་འདི་ཡིད་ལ་བྱས་ནས་དལ་བུས་རླུང་བཟུང་ལྕེ་ལ་སོས་བསྡོམ། ལྷ་མོ་དྲན་པས་སྔགས་བཟླ་ཞིང་ཁ་མིག་ལྕེ་བསྡོམས་ནས་གོས་མཐའ་མ་སྐུད་པ་ལ་ཉེར་གཅིག་བཟླ་ཞིང་ཉེར་གཅིག་མདུད་དེ་བཏགས་ན། ནགས་ནང་གི་ལམ་

[Full Size]

ངན་དུ་ཡང་རྐུན་མའི་གནོད་པ་བསྲུང་ངོ་། །ཞེས་གསུངས། མདོར་ན་བཀའ་གསར་རྙིང་གཏེར་གསུམ་ཐམས་ཅད་ནས། དགྲ་དང་ཆོམ་རྐུན་ལམ་དགྲའི་འཇིགས་པ་སྐྱོབ་པའི་མཆོག་ཏུ་གསུངས་པའི་ཕྱིར། ཐག་རིང་དུ་འགྲོ་བ་རྣམས་ལམ་དགྲའི་བར་ཆད་ཞི་བ་དང་མགོ་ཐོན་པའི་ཐབས། གཞི་བྱེས་གང་དུ་ཡང་རུང་སྟེ། དགྲ་དང་ཇག་པ་དང་། རྐུན་མ་དང་། རྒྱལ་པོའི་ཆད་པ་དང་། མ་ཉེས་པའི་ཁ་ཡོག་དང་། ཕྱི་ནང་གི་འཁྲུག་རྩོད་དང་། མི་ཁ་བྲ་མཆུ་ལ་སོགས་པ་ཉེ་བར་འཚེ་བ་ཐམས་ཅད་ཞི་བའི་མཆོག་ཏུ་གྱུར་པ་ཡིན། འདི་ལ་ཡང་གསར་རྙིང་རིགས་མང་དུ་ཡོད་དེ། འདི་ནི་དགོངས་གཏེར་བརྒྱུད་པ་ཉེ་བས་ཤིན་ཏུ་རྣོ་བ་ཡིན། དེ་ནས་དེའི་དབང་བསྐུར་ནི། གསོལ་འདེབས་འདིའི་རྗེས་ཟློས་གྱིས། དུས་གསུམ་སངས་རྒྱས་ཐམས་ཅད་དང་། །ལྷ་མོ་འོད་ཟེར་ཅན་མ་ལ། །གསོལ་བ་འདེབས་སོ་དབང་བསྐུར་སྩོལ། །ལན་གསུམ། དེ་ནས་འདིའི་རྗེས་ཟློས་གྱིས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་ཆུབ་ཡིད་ཀྱིས་

[Full Size]

བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ལྟཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་མྱུར་ཐོབ་ཤོག །གསུམ་མམ་རྗེས་མ་གསུམ་བྱ། ད་ཁྱེད་རང་འོད་ཟེར་ཅན་མ་སྐུ་མདོག་སེར་མོ་དར་དང་རིན་པོ་ཆེ་སྣ་ཚོགས་ཀྱིས་བརྒྱན་པ་ཕྱག་གཡས་གཡོན་གཉིས་ཁབ་དང་སྐུད་པ་འཛིན་པ། དབུ་སྐྲ་ཐོར་ཅོག་ལ་རིན་པོ་ཆེའི་རྒྱན་དུ་མས་བརྒྱན་པ། ཕག་སེར་མོའི་སྟེང་དུ་རོལ་སྟབས་སུ་བཞུགས་པ་ཐུགས་ཀར་མཾ་སེར་པོ་གཅིག་ལ་རྩ་བའི་སྔགས་ཀྱིས་བསྐོར་བ་དེ་ལས་འོད་ཟེར་འཕྲོས་པས། རྒྱ་གར་མྱ་ངན་མེད་པའི་ཤིང་དྲུང་ནས་འོད་ཟེར་ཅན་དཔག་ཏུ་མེད་པ་སྤྱན་དྲངས་ཁྱེད་རང་རྣམས་ལ་ཐིམ་པར་སྒོམས། ཧཱུྃ། འོད་ཟེར་ཅན་མའི་ལྷ་ཚོགས་མ་ལུས་རྣམས། །གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ། །སྐལ་ལྡན་དད་ལྡན་འདི་ལ་དབང་མཆོག་བསྐུར། །ལོག་འདྲེན་ཚེ་ཡི་བར་ཆད་བསལ་དུ་

[Full Size]

གསོལ། །ཨོཾ་མཱ་རཱི་ཙྩཾ་མཾ་སྭཱ་ཧཱ༔ བཛྲ་ཨ་ཝེ་ཤ་ཡ་ཨ་ཨཱུརྡོ་རྗེ་མགོར་བཞག་ལ། ཏིཥྛ་བཛྲ༔ ད་བུམ་པ་འདིའི་ནང་ན་ལྷ་མོ་འོད་ཟེར་ཅན་འོད་དུ་ཞུ་བའི་བདུད་རྩིའི་དབང་བསྐུར་བས། བདུད་རྩིའི་རྒྱུན་སྤྱི་བོ་ནས་ཞུགས། ལུས་ཐམས་ཅད་གང་ཚེ་རབས་འཁོར་བ་ཐོག་མ་མེད་པ་ནས་གཞན་ལ་གནོད་འཚེ་བྱས་པའི་སྒྲིབ་པ་དག །འོད་ཟེར་ཅན་གྱི་སྐུའི་བྱིན་རླབས་ཞུགས། ལུས་གཞོམ་གཞིག་བྲལ་བ་རྡོ་རྗེའི་སྐུ་ཐོབ་པར་སྒོམས་ཤིག །བླ་མས་བུམ་པ་ཐོགས་ཏེ། ཧཱུྃ། ལྷ་མོ་འོད་ཟེར་ཅན་མ་ཡིས། །སྐུ་ཡི་དབང་མཆོག་བསྐུར་བའི་རྫས། །རྣམ་རྒྱལ་བུམ་པ་བདུད་རྩིའི་མཚོ། །ལྷ་མོ་ཉིད་དང་གཉིས་སུ་མེད། །སྐལ་ལྡན་བུ་མཆོག་ཁྱོད་ལ་དབང་བསྐུར་བས། །འཇིགས་པ་ཀུན་ལས་ཐར་གྱུར་ཅིག །ཊཱཀི་མཱ་རཱི་ཙེ་ཀཱ་ཡ་སིདྡྷི་ཧཱུཾ། གང་གི་མཚན་ཙམ་འཛིན་ཅིང་དྲན་པས་ཀྱང་། །བར་དུ་གཅོད་པ་ཀུན་ལས་སྐྱབས་མཛད་ཅིང་། །དྲི་མེད་བདེ་བ་ཆེན་པོ་སྩོལ་མཛད་མ། །ལྷ་མོ་འོད་ཟེར་ཅན་མའི་སྐུ་ཡི་བཀྲ་ཤིས་ཤོག །འོ་དེས་ལུས་ཀྱི་སྒྲིབ་པ་དག་སྐུའི་དབང་ཐོབ། ལུས་གཞོམ་གཞིག་དང་བྲལ་བ་རྡོ་རྗེའི་སྐུ་འགྲུབ་པའི་སྐལ་བ་དང་ལྡན་

[Full Size]

ནོ། །ད་བུམ་པ་འདིའི་ནང་ན་ལྷ་མོ་འོད་ཟེར་ཅན་ཞུ་བའི་བདུད་རྩི་ཁྱེད་རང་གི་མགྲིན་པ་ནས་ཞུགས། ལུས་ཀྱི་རྩ་གནས་ཐམས་ཅད་གང་བས་རྩ་མདུད་རྣམས་གྲོལ། བདེ་སྟོང་གི་ཡེ་ཤེས་འབར་བར་སྒོམས་ཤིག །ཧཱུཾ། ལྷ་མོ་འོད་ཟེར་ཅན་མ་ཡི། །གསུང་གི་དབང་མཆོག་བསྐུར་བའི་རྫས། །རོ་མཆོག་ལྡན་པའི་ཨ་མྲྀ་ཏ། །ལྷ་མོ་ཉིད་དང་གཉིས་སུ་མེད། །སྐལ་ལྡན་བུ་མཆོག་ཁྱོད་ལ་དབང་བསྐུར་བས། །འཇིགས་པ་ཀུན་ལས་ཐར་གྱུར་ཅིག །ཊཱཀི་མཱ་རཱི་ཙེ་ཝཱཀ་སིདྡྷི་ཧཱུྃ། ཞེས་བུམ་པ་མགྲིན་པར་བཞག །བུམ་ཆུ་བླུད། གང་གི་མཚན་ཙམ་འཛིན་ཅིང་དྲན་པས་ཀྱང་། །བར་དུ་གཅོད་པ་ཀུན་ལས་སྐྱབས་མཛད་པ། །དྲི་མེད་བདེ་བ་ཆེན་པོ་སྩོལ་མཛད་མ། །ལྷ་མོ་འོད་ཟེར་ཅན་མའི་གསུང་གི་བཀྲ་ཤིས་ཤོག །འོ་དེས་ངག་གི་སྒོ་ནས་གཞན་ལ་མི་སྙན་པར་བརྗོད་པའི་སྒྲིབ་པ་དག །གསུང་གི་དབང་ཐོབ་ངག་བདེན་ཚིག་འགྲུབ་པའི་སྐལ་བ་དང་ལྡན་ནོ། །ད་གཏོར་མ་འདི་ཉིད་ལྷ་མོ་འོད་ཟེར་ཅན་དུ་གསལ་བའི་ཐུགས་ཀ་ནས་འོད་ཟེར་ཁ་དོག་སྣ་ཚོགས་བྱུང་། ཁྱེད་རང་རྣམས་ཀྱི་སྙིང་གར་ཐིམ་པར་སྒོམས་ཤིག །ཧཱུྃ། ལྷ་མོ་འོད་ཟེར་ཅན་མ་ཡི། །

[Full Size]

ཐུགས་ཀྱི་དབང་མཆོག་བསྐུར་བའི་རྫས། །དཔལ་གྱི་གཏོར་མ་བརྗིད་ལྡན་འདི། །ལྷ་མོ་ཉིད་དང་གཉིས་སུ་མེད། །སྐལ་ལྡན་བུ་མཆོག་ཁྱོད་ལ་དབང་བསྐུར་བས། །འཇིགས་པ་ཀུན་ལས་ཐར་གྱུར་ཅིག །ཊཱཀི་མཱ་རཱི་ཙེ་ཙིཏྟ་སིདྡྷི་ཧཱུྃ། ཞེས་སྙིང་གར་གཏུགས། གང་གི་མཚན་ཙམ་འཛིན་ཅིང་དྲན་པས་ཀྱང་། །བར་དུ་གཅོད་པ་ཀུན་ལས་སྐྱབས་མཛད་ཅིང་། །དྲི་མེད་བདེ་བ་ཆེན་པོ་སྩོལ་མཛད་པ། །ལྷ་མོ་འོད་ཟེར་ཅན་མའི་ཐུགས་ཀྱི་བཀྲ་ཤིས་ཤོག །དེས་སེམས་ཀྱིས་གཞན་ལ་གནོད་སེམས་ཀྱི་སྒྲིབ་པ་དག །ཐུགས་ཀྱི་དབང་ཐོབ། སེམས་འཇིགས་སྐྲག་དང་བྲལ་བ་རྡོ་རྗེ་ལྟ་བུའི་ཏིང་ངེ་འཛིན་བསྒོམ་པར་དབང་བའི་སྐལ་པ་དང་ལྡན་ནོ། །ང་ལྷ་མོ་འོད་ཟེར་ཅན་གྱི་སྐུའི་གནས་བརྒྱད་ནས་བཀྲ་ཤིས་པའི་ལྷ་མོ་བརྒྱད་རང་རང་གི་ཕྱག་མཚན་འཛིན་པ་འཕྲོས་ནས། ཁྱེད་རང་རྣམས་ཀྱི་ལུས་ཀྱི་གནས་བརྒྱད་ལ་ཐིམ་པས་བཀྲ་ཤིས་བདེ་ལེགས་ཕུན་སུམ་ཚོགས་པའི་སྐལ་བ་དང་ལྡན་པར་སྒོམས་ཤིག །བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་དཔལ་གྱི་བེའུ་འོད་འབར་བ། །བསྣམས་ནས་རྒྱལ་བའི་ཐུགས་ལ་མཆོད་པ་ལྟར། །ཐུགས་ལ་

[Full Size]

དཔལ་བེའུའི་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་ཤྲཱི་ཝཏྠ་ཨ་བྷི་ཥིཉྩ་ཧཱུཾ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གསེར་གྱི་འཁོར་ལོ་འོད་འབར་བ། །བསྣམས་ནས་རྒྱལ་བའི་ཞབས་ལ་མཆོད་པ་ལྟར། །ཞབས་ལ་འཁོར་ལོའི་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་ཙཀྲ་ཨ་བྷི་ཥིཉྩ་ཧཱུྃ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་པདྨ་དམར་པོ་འདབ་བརྒྱད་པ། །བསྣམས་ནས་རྒྱལ་བའི་ལྗགས་ལ་མཆོད་པ་ལྟར། །ལྗགས་ལ་པདྨའི་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་པདྨ་ཨ་བྷི་ཥིཉྩ་ཧཱུྃ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་རིན་ཆེན་རྒྱལ་མཚན་རབ་མཛེས་པ། །བསྣམས་ནས་རྒྱལ་བའི་སྐུ་ལ་མཆོད་པ་ལྟར། །སྐུ་ལ་རྒྱལ་མཚན་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་དྷ་ཛ་ཨ་བྷི་ཥིཉྩ་ཧཱུྃ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གདུགས་བཟང་གསེར་གྱི་ཡུ་བ་ཅན། །བསྣམས་ནས་རྒྱལ་བའི་དབུ་ལ་མཆོད་པ་ལྟར། །དབུ་ལ་གདུགས་ཀྱི་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་ཚཏྟཾ་ཨ་བྷི་ཥིཉྩ་ཧཱུྃ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་རིན་ཆེན་བུམ་པ་རབ་མཛེས་པ། །བསྣམས་

[Full Size]

ནས་རྒྱལ་བའི་མགུལ་ལ་མཆོད་པ་ལྟར། །མགུལ་ལ་བུམ་པའི་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་ཀུམ་བྷ་ཨ་བྷི་ཥིཉྩ་ཧཱུྃ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་ཆོས་ཀྱི་དུང་སྒྲ་སྒྲོགས་མཛད་པ། །བསྣམས་ནས་རྒྱལ་བའི་གསུང་ལ་མཆོད་པ་ལྟར། །གསུང་ལ་དུང་གི་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་ཤཾ་ཁ་ཨ་བྷི་ཥིཉྩ་ཧཱུྃ། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གསེར་གྱི་ཉ་མོ་འོད་འབར་བ། །བསྣམས་ནས་རྒྱལ་བའི་སྤྱན་ལ་མཆོད་པ་ལྟར། །སྤྱན་ལ་ཉ་ཡི་བཀྲ་ཤིས་ཐོབ་པར་ཤོག །ཨོཾ་མངྒ་ལཾ་མདྨ་ཨ་བྷི་ཥིཉྩ་ཧཱུྃ། བསོད་ནམས་རི་བོ་བཞིན་དུ་བརྟན་པ་དང་། སོགས། ད་གཏོར་མ་འདི་ཉིད་ལྷ་མོ་འོད་ཟེར་ཅན་མ་སྐུ་མདོག་སེར་པོ་དར་དང་རིན་པོ་ཆེ་སྣ་ཚོགས་ཀྱིས་བརྒྱན་པ། ཕྱག་གཡས་གཡོན་གཉིས་ཁབ་དང་སྐུད་པ་འཛིན་པ། དབུ་སྐྲ་ཐོར་ཚུགས་ལ་རིན་པོ་ཆེའི་རྒྱན་དུ་མས་བརྒྱན་པ། ཕག་སེར་མོའི་སྟེང་ན་རོལ་སྟབས་སུ་བཞུགས་པ་ཐུགས་ཀའི་མཾ་སེར་པོ་གཅིག་ལ་རྩ་སྔགས་ཀྱིས་བསྐོར་བ། དེ་ལས་འོད་ཟེར་འཕྲོས་པས་རྒྱ་གར་མྱ་ངན་མེད་པའི་ཤིང་དྲུང་ནས་ལྷ་མོ་འོད་ཟེར་ཅན་གྱི་སྐུ་ཆེ་ཕྲ་

[Full Size]

སྣ་ཚོགས་གསུང་སྔགས་ཀྱི་ཕྲེང་བ་ཐུགས་མྱ་ངན་མེད་པའི་ཤིང་གི་ཡལ་ག་དང་མཾ་ཡིག་སེར་པོ་ཆར་བཞིན་བབས་ནས་ཁྱེད་རང་རྣམས་ལ་སིབ་སིབ་ཐིམ། མཐར་ལྷ་མོ་འོད་དུ་ཞུ་ནས་ཁྱེད་རང་ལ་ཐིམ་པར་སྒོམས་ཤིག །ཨོཾ་མཱ་རཱི་ཙེ་འོད་ཟེར་ཅན། སློབ་མ་འདིའི་འཇིགས་པ་དང་སྐྱག་པ་ཐམས་ཅད་ལས་སྐྱོབས་ཤིག་སྭཱ་ཧཱ། ཨོཾ་མཱ་རཱི་ཙེ་བད་ཏ་ལི། བ་ད་ལི། བ་ར་ལི། བ་ར་ཧ་མུ་ཁི་སརྦ་དུཏྟཾ་པྲ་དུཏྟཾ་ཙཀ་མུ་ཁཾ་བྷནྡྷ་བྷན་སྭཱ་ཧཱ། གང་གིས་མཚན་ཙམ་འཛིན་ཅིང་དྲན་པས་ཀྱང་། །བར་དུ་གཅོད་པ་ཀུན་ལས་སྐྱབས་མཛད་ཅིང་། །དྲི་མེད་བདེ་བ་ཆེན་པོ་སྩོལ་མཛད་མ། །ལྷ་མོ་འོད་ཟེར་ཅན་མའི་བཀྲ་ཤིས་ཤོག །འོ་དེས་དགོངས་གཏེར་ལས་བྱུང་བའི་འོད་ཟེར་ཅན་མའི་དབང་ལེགས་པར་ཐོབ་པ་ཡིན་པས་འདི་ཡི་དམ་དུ་འཛིན་པའི་མོས་པས་རྗེས་ཟློས་མཛོད། གཙོ་བོས་ཇི་ལྟར་སོགས། མཎྜལ་ཕུལ། གྲྭ་སློབ་བམ་ཡོན་བདག་གལ་ཆེན་རྒྱ་དབུས་ལྷོ་བྱང་སོགས་ཐག་རིང་དུ་འགྲོ་བ། དམག་སོགས་འཇིགས་སྐྲག་གི་སར་འགྲོ་བ་ཁྲིམས་ར་སོགས་སུ་འགྲོ་དུས་སམ་ཁ་ཡོག་དང་ཆད་པས་གཟིར་དོགས། གཞི་ན་འདུག་ནའང་དགྲ་ཇག་ཁ་མཆུ་སོགས་ཀྱིས་འཇིགས་སྐྲག་ཆེ་བ། དེ་དག་ལ་འདིའི་དབང་བསྐུར་ནས་བསྙེན་པ་བྱེད་ན་མཆོག་ཡིན། བསྙེན་པ་ཡང་མི་

[Full Size]

ཤེས་ན་རབ་འདིའི་དབང་བརྒྱ་འམ། ལོ་གྲངས་སུམ་འགྱུར། འབྲིང་ལོ་གྲངས་ཐ་ནའང་བཅུ་གསུམ་ཡན་ཆད་བསྐུར། དེའི་བར་ཆད་དེ་དག་ལ་ཕན་པའི་ཐབས་དེ་ལས་ཟབ་པ་མེད་དོ། །ཞེས་དགོངས་གཏེར་རྡོ་རྗེའི་གསུང་གི་རྩ་ཚིག་དོན་གཏེར་བློན་ཀརྨ་ཨ་རཱ་གས་རྒྱས་པར་བཀྲོལ་བ་ལ། ཉེས་འགལ་མཆིས་ན་ཆོས་བདག་སྲུང་མའི་ཚོགས་ལ་བཤགས་ཤིང་། དགེ་བས་མ་འོངས་སེམས་ཅན་མང་པོ་ལ་མི་འཇིགས་སྐྱབས་ཀྱི་སྦྱིན་པ་ཆེན་པོར་གྱུར་ཅིག །ཡི་གེ་པ་ནི་དགེ་སློང་བརྩོན་འགྲུས་ཀྱིས་བགྱིས་པའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འོན་ཟེར་ཅན་གྱི་མདུན་བསྐྱེད།

[Full Size]

འོན་ཟེར་ཅན་གྱི་མདུན་བསྐྱེད་ཡོད།

[Full Size]

མདུན་དུ་ཞིང་ཁམས་རྣམ་པར་དག་པའི་དབུས། །མྱ་ངན་མེད་པའི་ལྗོན་ཤིང་བསིལ་གྲིབ་ལ། །པདྨ་ཟླ་བ་ཕག་པ་སེར་པོའི་སྟེང་། །ཏཱཾ་ལས་མྱ་ངན་མེད་པའི་འོད་ཟེར་ཅན། །སེར་ལྗང་ཞལ་གཅིག་ཕྱག་གཉིས་ཞི་ཞིང་འཛུམ། །སྟོད་གཡོགས་ཨོཾ་རག་སྔོན་པོ་ཤམ་ཐབས་དཀར། །སྣ་ཚོགས་རིན་ཆེན་རྒྱན་གྱིས་རྣམ་པར་བརྒྱན། །ཕྱག་གཡས་ཁབ་དང་སྐྱབས་སྦྱིན་གཡོན་པ་ན། །མྱ་ངན་མེད་པའི་ཡལ་ག་སྐུད་པ་བསྣམས། །གནས་གསུམ་འབྲུ་གསུམ་ཐུགས་ཀའི་ཚྭ་འོད་ཀྱིས། །རང་བཞིན་གནས་ནས་འཁོར་བཅས་སྤྱན་དྲངས་གྱུར། །ཧཱུཾ།

[Full Size]

འོག་མིན་གནས་དང་བྱང་ཤར་ཡོངས་འདུའི་ཤིང་། །པོ་ཊ་ལ་དང་ཨོ་རྒྱན་རྡོ་རྗེ་གདན། །མྱ་ངན་མེད་པའི་ལྗོན་པ་ལ་སོགས་ནས། །ལྷ་མོ་འོད་ཟེར་ཅན་མ་འཁོར་དང་བཅས། །རྩེ་གཅིག་དད་པའི་ཡིད་ཀྱིས་སྤྱན་འདྲེན་ན། །ཐུགས་རྗེ་ཐུགས་དམ་དབང་གིས་གཤེགས་སུ་གསོལ། །པད་ཟླ་ཕག་པའི་གདན་ལ་དགྱེས་པར་བཞུགས། །དབང་ལྷས་དབང་བསྐུར་མཆོད་རྟེན་དབུ་བརྒྱན་གྱུར། །ཨོཾ་མཱ་རཱི་ཙེ་ས་པ་རི་ཝཱ་ར་བཛྲ་ས་མ་ཡ་ཛཿཧཱུྃ་བཾ་ཧོ༔ ཏིཥྛ་ལྷན། ཨ་བྷི་ཥིཉྩནྟཾ། ཨོཾ་བཛྲ་སྤ་ར་ཎ་ཁཾ། མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་

[Full Size]

གཟུགས་སྒྲ་དྲི་རོ་རེག །དངོས་འབྱོར་ཡིད་སྤྲུལ་མཆོད་པ་རྒྱ་མཚོའི་ཚོགས། །འོད་ཟེར་ཅན་མ་འཁོར་དང་བཅས་ལ་འབུལ། །ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །རྒྱལ་བའི་ཡུམ་མཆོག་འོད་ཟེར་ཅན་མ་ལ། །བཀྲ་ཤིས་རྫས་བརྒྱུད་དག་ནི་དབུལ་བར་བགྱི། །རིན་ཆེན་གདུགས་དང་གསེར་ཉ་པདྨ་དུང་། །བུམ་པ་རྒྱལ་མཚན་དཔལ་བེའུ་འཁོར་ལོ་སྟེ། །ལྷ་ཡི་དགའ་ཚལ་མཛེས་པར་བྱེད་པ་ཡི། །བཀྲ་ཤིས་རྟགས་བརྒྱད་དག་ནི་དབུལ་བར་བགྱི། །མི་དབང་རིན་ཆེན་སྣ་བདུན་འདི་དག་ནི། །འོད་ཟེར་ཅན་མ་འཁོར་དང་བཅས་པ་ལ། །བཤམས་ཤིང་ཡིད་ཀྱིས་དམིགས་ཏེ་ཕུལ་བ་ཡིས། །འགྲོ་བ་མི་ཟད་གཏེར་ལ་སྤྱོད་པར་ཤོག །ཞིང་ཁམས་རྣམ་དག་རྡོ་རྗེའི་ས་གཞི་ལ། །གླིང་བཞི་རི་རབ་ལ་སོགས་མཆོད་པའི་སྤྲིན། །རབ་འབྱམས་བསམ་ཡས་རྡོ་རྗེའི་རྒྱན་ཕྲེང་འབར། །འོད་ཟེར་ཅན་མ་རྒྱལ་བ་ཀུན་ཡུམ་ལ། །མཆོག་ཏུ་དད་པས་ཀུན་ཏུ་བདག་འབུལ་ལོ། །བྷཾ་ལས་རིན་ཆེན་སྣོད་དུ་ཁཾ་ཡིག་ལས། །གཏོར་མ་དཀར་གསུམ་མངར་གསུམ་བདུད་རྩིའི་མཚོ། །ཁ་དོག་དྲི་རོ་ནུས་པ་

[Full Size]

ཕུན་སུམ་ཚོགས། །འོད་ཟེར་ཅན་མ་འཁོར་དང་བཅས་ལ་འབུལ། །ཨོཾ་མཱ་རཱི་ཙི་ས་པ་རི་ཝཱ་ར་ཨབྷཾ་པཱཧུཾ་པུཊྚེ་དྷ་པེ་ཨཱཿ་ལོ་ཀེ་གནྡྷེ་ནེ་ཝི་དྱ་ཤརྡ་རུ་པ་ཤབྡ་གནྡྷེ་ར་ས་སྤརྴེ། ཨ་མཎྜ་ལ་ཌ་བྱ། ཨཊྚ་མངྒ་ལ་ཧེ་ཏུ། སབྟ་རཏྣ། རཏྣ་མཎྜལ་ལ། པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། ༈ ཨོཾ་མཱ་རཱི་ཙེ་ས་པ་རི་ཝཱ་ར་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི། གང་གི་མཚན་ཙམ་འཛིན་ཅིང་དྲན་པས་ཀྱང་། །བར་དུ་གཅོད་པ་ཀུན་ལས་སྐྱོབ་མཛད་ཅིང་། །དྲི་མེད་བདེ་བ་ཆེན་པོ་སྩོལ་མཛད་མ། །ལྷ་མོ་འོད་ཟེར་ཅན་ལ་ཕྱག་འཚལ་བསྟོད། །སྐུ་མདོག་མ་ངེས་དཀར་སེར་དམར་ལྗང་སྔོ། །ཞལ་ཕྱག་མ་ངེས་སྣ་ཚོགས་ཅིར་ཡང་འགྱུར། །ཆ་ལུགས་མ་ངེས་ཞི་ཁྲོ་ཞི་མ་ཁྲོ། །འདོད་དགུ་བསྒྱུར་བའི་ལུས་འཆང་མ་ལ་བསྟོད། །མཚན་ནི་མ་ངེས་ལྷ་མོ་འོད་ཟེར་ཅན། །སྒྲོལ་མ་གཟི་བརྗིད་ཅན་མ་རལ་གཅིག་མ། །བེ་ཏཱ་ལི་དང་ནམ་གྲུ་རེ་མ་ཏི། །ཤིང་གི་ལྷ་མོ་འོད་འཆང་མ་ལ་སོགས། །མིང་བརྒྱ་མཚན་སྟོང་མ་ལ་ཕྱག་འཚལ་བསྟོད། །མཐུ་སྟོབས་རྫུ་འཕྲུལ་ནུས་པ་བསམ་མི་ཁྱབ། །ཉིན་མཚན་དུས་དྲུག་སེམས་ཅན་ཀུན་ལ་

[Full Size]

གཟིགས། །འཇིགས་དང་གནོད་པ་ཀུན་ལས་སྐྱོབ་མཛད་མ། །ལྷ་མོ་ཐུགས་རྗེ་ཅན་ལ་ཕྱག་འཚལ་བསྟོད། །ཕག་གི་གདོང་ཅན་ཞལ་གཅིག་ཕྱག་གཉིས་མ། །ཉི་ཤུ་རྩ་བཞི་ལ་སོགས་འཁོར་གྱི་ཚོགས། །རིག་སྔགས་གྲུབ་པའི་ལྷ་མོ་བྱེ་བ་འབུམ། །འོད་ཟེར་ཅན་མ་འཁོར་དང་བཅས་ལ་བསྟོད། །གང་ཞིག་ཁྱེད་སྔགས་བརྗོད་ཅིང་གསོལ་བཏབ་ན། །བཅིངས་དང་ཆད་པས་གཅོད་དང་མགོ་བྲེག་དང་། །མེ་དང་ཆུ་དང་དུག་དང་མཚོན་ལ་སོགས། །གནོད་པ་ཀུན་སྐྱོབ་མ་ལ་ཕྱག་འཚལ་བསྟོད། །རྒྱལ་པོ་དགྲ་དང་ཆོམ་རྐུན་གཅན་གཟན་དང་། །ཕྱི་ནང་འཁྲུག་རྩོད་གྲོགས་པོས་བསླུས་པ་དང་། །ལམ་གྱི་འཇིགས་པ་སྣང་བ་ལ་སོགས་པ། །འཇིགས་པ་ཀུན་སྐྱོབ་མ་ལ་ཕྱག་འཚལ་བསྟོད། །མཐུ་དང་རྫུ་འཕྲུལ་དཔག་ཏུ་མེད་པ་ཡི། །ལྷ་མོ་འོད་ཟེར་ཅན་མ་ཁྱེད་ཉིད་ལ། །བདག་ཅག་དཔོན་སློབ་མི་ནོར་ཐམས་ཅད་དང་། །དམིགས་ཡུལ་བསྲུང་བྱ་ཐམས་ཅད་སྐྱབས་སུ་མཆི། །དགྲ་དང་རྒྱལ་པོའི་འཇིགས་ལས་བསྐྱབ་ཏུ་གསོལ། །མེ་ཆུ་དུག་མཚོན་འཇིགས་ལས་བསྐྱབ་ཏུ་གསོལ། །བཟུང་དང་བཅིངས་བའི་འཇིགས་ལས་བསྐྱབ་ཏུ་གསོལ། །

[Full Size]

ཆད་པས་བཅིངས་བའི་འཇིགས་ལས་བསྐྱབ་ཏུ་གསོལ། །ཕྱི་ནང་འཁྲུག་རྩོད་འཇིགས་ལས་བསྐྱབ་ཏུ་གསོལ། །བསླུས་དང་མགོ་བསྐོར་འཇིགས་ལས་བསྐྱབ་ཏུ་གསོལ། །དམག་ཇག་ཆོམ་རྐུན་འཇིགས་ལས་བསྐྱབ་ཏུ་གསོལ། །བཙོན་བཟུང་རྡེག་འཚོགས་འཇིགས་ལས་བསྐྱབ་ཏུ་གསོལ། །ལམ་ལོག་ལམ་གོལ་འཇིགས་ལས་བསྐྱབ་ཏུ་གསོལ། །བགེགས་དང་ལམ་དགྲའི་འཇིགས་ལས་བསྐྱབ་ཏུ་གསོལ། །སྡང་དང་འཕྲོག་བཅོམ་འཇིགས་ལས་བསྐྱབ་ཏུ་གསོལ། །ནད་དང་རིམས་ཀྱི་འཇིགས་ལས་བསྐྱབ་ཏུ་གསོལ། །ཁ་མཆུ་གླེང་གཞིའི་འཇིགས་ལས་བསྐྱབ་ཏུ་གསོལ། །ཁ་ཡོག་ཁ་སྨྲས་འཇིགས་ལས་བསྐྱབ་ཏུ་གསོལ། །སྡིགས་དང་བསྐྲད་པའི་འཇིགས་ལས་བསྐྱབ་ཏུ་གསོལ། །སྔོན་གྱི་ཐུགས་དམ་དམ་ཚིག་རྗེས་དགོངས་ལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཕྱོགས་བཅུའི་རྒྱལ་བ་སྲས་བཅས་ཐུགས་རྗེ་དང་། །བདེན་ལྡན་ཇི་སྙེད་བདེན་པའི་བདེན་སྟོབས་དང་། །ལྷ་མོ་འོད་ཟེར་ཅན་གྱི་མཐུ་སྟོབས་ཀྱིས། །བདག་སོགས་འཇིགས་པ་ཀུན་ལས་ཐར་གྱུར་ཅིག །ཨོཾ་ལྷ་མོ་འོད་ཟེར་ཅན། །བདག་ཅག་དཔོན་

[Full Size]

སློབ་མི་ནོར་ཐམས་ཅད་ལ་སྐྱོབས་ཤིག །ཨོཾ་ལྷ་མོ་འོད་ཟེར་ཅན། །བདག་དང་བསྲུང་བྱ་ཐམས་ཅད་རྒྱལ་པོའི་འཇིགས་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན། བདག་དང་བསྲུང་བྱ་ཐམས་ཅད་ཆད་པ་གཅོད་པའི་འཇིགས་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་དང་བསྲུང་བྱ་ཐམས་ཅད་མེ་ཆུ་དུག་མཚོན་གྱི་འཇིགས་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་ཅག་དཔོན་སློབ་བསྲུང་བྱ་ཐམས་ཅད་ཕྱིར་རྒོལ་བ་དང་ལམ་ལོག་པའི་འཇིགས་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་ཅག་དཔོན་སློབ་བསྲུང་བྱ་ཐམས་ཅད་གྲོགས་པོ་ངན་པས་བསླུས་པའི་འཇིགས་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་ཅག་དཔོན་སློབ་བསྲུང་བྱ་ཐམས་ཅད་བགགས་པ་དང་བསྒྲལ་བ་དང་བསྐྱེད་པའི་འཇིགས་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་ཅག་དཔོན་སློབ་བསྲུང་བྱ་ཐམས་ཅད་ཕྱི་ནང་འཁྲུག་རྩོད་ཐམས་ཅད་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་ཅག་དཔོན་སློབ་བསྲུང་བྱ་ཐམས་ཅད་ཁ་ཡོག་དང་ཕྲ་མའི་གནོད་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་

[Full Size]

ཅག་དཔོན་སློབ་བསྲུང་བྱ་ཐམས་ཅད་ཁ་མཆུ་དང་གླེང་གཞི་ཁ་སྨྲས་ཀྱི་གནོད་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་ཅག་དཔོན་སློབ་བསྲུང་བྱ་མི་ནོར་ཐམས་ཅད་མི་ནད་དང་ཕྱུགས་ནད་ཀྱི་འཇིགས་པ་ལས་སྲུངས་ཤིག་སྭཱ་ཧཱ། ཨོཾ་ལྷ་མོ་འོད་ཟེར་ཅན་བདག་ཅག་དཔོན་སློབ་བསྲུང་བྱ་མི་ནོར་ཐམས་ཅད་འཚེ་བ་དང་འཇིགས་པ་ཐམས་ཅད་ལས་སྲུངས་ཤིག་སྭཱ་ཧཱ། ཞེས་གསོལ་གདབ་སྔགས་ནི་བདག་བསྐྱེད་ནང་ལྟར་རོ། །རྟགས་ནི་སྦྲུལ་སྤྲེའུ་བྱི་ལ་བོང་བུ་རྟ་གླང་ཆེན་མ་ཧེ་དྲེད་དང་ཁྱི་ཕན་ཚུན་འཐབ་པ་དང་རང་ཉིད་སྐྲག་པར་རྨིས་ན། སྔགས་ད་རུང་གཉིས་འགྱུར་བཟླའོ། །རྒྱ་མཚོ་ལས་བསྒལ་བ་དང་རི་བོ་ལ་གནས་པ་དང་། གཞོན་ནུ་མ་དང་འཕྲད་པ་དང་། མར་མེའི་རྩེ་མོ་འཕེལ་ཞིང་དྲི་ཞིམ་པོ་སྣ་ཚོགས་བྲོ་བ་དང་། སངས་རྒྱས་བྱང་སེམས་དང་འོད་ཟེར་ཅན་མཐོང་བར་གྱུར་ཏེ་འགྲུབ་རྟགས་སོ། །ཞེས་རྟོགས་པ་ལས་གསུངས། ཞེས་འདི་རང་གཞན་ཐམས་ཅད་ལ་འཇིགས་པ་ཆེན་པོ་ཡ་ང་བར་གྱུར་པའི་ཚེ། འདི་ཡི་མངོན་རྟོགས་སོགས་དཔེ་ཡང་གཞན་དུ་ལུས་ཀྱང་། སྒྲུབ་པ་ཞིག་བྱེད་དགོས་བྱུང་དུས་སུ། གྲྭ་པ་རྣམས་ཀྱི་འདོན་པའི་ཕྱིར་དུ། རཱ་ག་ཨ་སྱས་འཕྲལ་དུ་བྲིས་ཀྱང་། གཟུངས་དང་རྟོགས་པ་དང་། རྒྱ་གཞུང་སྒྲུབ་ཐབས་དང་། རྡོར་ཕྲེང་དང་གནམ་ཆོས་དང་དགོངས་གཏེར་ཐམས་ཅད་ཀྱི་དོན་འདུས་པར་ཡོད་ཅིང་། བསླབ་བཏུས་

[Full Size]

ནས་གསུངས་པ་དང་མཐུན་ནོ། །ཞེས་དགེ་སློང་རཱ་ག་ཨ་སྱས་སྦྱར་བ་མངྒ་ལཾ། །དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྷ་མོ་འོད་ཟེར་ཅན་གྱི་རྒྱུན་ཁྱེར་དམིགས་རིམ་ཟིན་བྲིས་འཇིགས་པ་ཀུན་སྐྱོབས།

[Full Size]

ལྷ་མོ་འོད་ཟེར་ཅན་གྱི་རྒྱུན་ཁྱེར་དམིགས་རིམ་ཟིན་བྲིས་འཇིགས་པ་ཀུན་སྐྱོབ་ཅེས་བྱ་བ་བཞུགས་པའི་དབུ་ཕྱོགས་སོ། །

[Full Size]

གསེར་མདོག་ཕག་གི་ར་བ་སུམ་རིམ་ནང་། །ཉི་ཟླའི་གའུ་རིམ་པ་གསུམ་གྱི་དབུས། །རང་ཉིད་ཚྭ་ལས་འོད་ཟེར་ཅན་མ་སེར། །ཞི་འཛུམ་ཁབ་སྐུད་འཛིན་ཅིང་ཕྱེད་སྐྱིལ་བཞུགས། །སྟོད་གཡོག་ཨོཾ་རག་སྔོན་པོ་ཤམ་ཐབས་དཀར། །སྣ་ཚོགས་རྒྱན་ལྡན་རྣམ་སྣང་དབུ་བརྒྱན་ཅན། །ཐུགས་ཀར་ཟླ་སྟེང་སྔགས་ཕྲེང་གཡོན་དུ་འཁོར། །འོད་ཀྱིས་རང་འདྲ་དཔག་མེད་སྤྱན་དྲངས་ཐིམ། །ལྷ་མོ་ཕག་ཞོན་གྲངས་མེད་འཇིག་རྟེན་གང་། །གནོད་བྱེད་དགྲ་བགེགས་ཁ་མིག་ཚིམ་པར་གྱུར། །དེ་ལྟར་མངོན་རྟོགས་དྲན་རྫོགས་གསལ་གདབ་ནས། །བསྙེན་པ་བསྲུང་བ་

[Full Size]

ལས་སྦྱོར་རྣམ་པ་གསུམ། །དམིགས་པ་སོ་སོར་རྩེ་གཅིག་བསྒོམ་ཞིང་བཟླས། །དང་པོ་རང་ཉིད་ལྷ་མོའི་སྐུར་གསལ་བའི། །ཐུགས་དབུས་ཟླ་སྟེང་ཚྭ་ཡིག་འགྲེང་སྟེ་གནས། །དེ་མཐར་སྙིང་པོ་འབྲུ་དྲུག་སྔགས་དེ་ནི། །མདུན་ནས་བརྩམས་ཏེ་ཡིག་ངོ་ནང་དུ་བསྟན། །གཡས་སུ་འཁོར་ནས་འཁོད་པ་གསལ་བཏབ་སྟེ། །དེ་ཉིད་ཀློག་པའི་ཚུལ་དུ་ཅུང་ཟད་བཟླས། །དེ་ནས་སྔགས་ཕྲེང་དེ་ཉིད་མི་འཁོར་བར། །ཕྲེང་བའི་ཕྲེང་ལུང་བཞིན་དུ་འོད་སེར་པོ། །གཡོན་དུ་འཁོར་བར་དམིགས་ལ་བཟླས་པ་བྱ། །དེ་ནས་འདི་ཡི་ལུགས་ཀྱི་བསྙེན་པ་ཡིན། །དེ་ནས་སྔགས་ཕྲེང་དང་པོ་དལ་བུས་འཁོར། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །དེ་ནས་འོད་ཟེར་སྣ་ཚོགས་ཕྱོགས་བཅུར་འཕྲོས། །སེམས་ཅན་ཀུན་གྱི་སྡིག་སྒྲིབ་

[Full Size]

འཇིགས་སྐྲག་བསལ། །འོད་དེས་སངས་རྒྱས་ཀུན་མཆོད་ཐུགས་རྒྱུད་བསྐུལ། །སངས་རྒྱས་ཐམས་ཅད་འོད་ཟེར་ཅན་མའི་སྐུར། །གྱུར་ནས་ཁ་བ་བུ་ཡུག་འཚུབ་བཞིན་བྱོན། །ཁྱད་པར་ཨོ་རྒྱན་ཡུལ་དང་རྒྱ་གར་ན། །མྱ་ངན་མེད་པའི་ཤིང་གི་སྡོང་པོ་ནས། །འོད་ཟེར་ཅན་མ་དཔག་ཏུ་མེད་པ་བྱོན། །བདག་ལ་ཐིམ་པས་མཐུ་སྟོབས་བྱིན་རླབས་ཐོབ། །ཨོཾ་མཱ་རཱི་ཙེ་སྭཱ་ཧཱ། དེ་ལྟར་བཟླ་བ་འདི་ཡི་སྒྲུབ་པ་ཡིན། །འདི་ཡི་སྒྲུབ་པ་རྩེ་གཅིག་བྱེད་ན་ནི། །དུས་ཀྱི་བསྙེན་པ་ཟླ་གཅིག་གམ་ཉེར་གཅིག་བྱ། །གྲངས་ཀྱི་བསྙེན་པ་འབུམ་ཕྲག་དྲུག་ཡིན་ནོ། །བཞི་འགྱུར་བཟླས་ན་ངེས་པར་འགྲུབ་པར་འགྱུར། །རྟགས་ནི་ཆུ་བོ་ཆེ་ལས་བརྒལ་བ་དང་། །རི་བྲག་བཙན་ཞིང་ཆེ་བའི་སར་འདུག་དང་། །བུད་མེད་གཞོན་ནུ་མཛེས་མར་འཕྲད་པ་དང་། །ལྷ་མོ་ཉིད་དང་སངས་རྒྱས་བྱང་སེམས་མཇལ། །དེ་དག་ཉམས་དང་རྨི་ལམ་སྐབས་སུ་འབྱུང་། །དངོས་སུ་དྲི་ཞིམ་སྣ་ཚོགས་བྲོ་བ་དང་། །མར་མེ་འཛིན་ནམ་མེ་ལྕེ་སྔར་བས་རིང་། །དེ་དག་འགྲུབ་པའི་རྟགས་ནི་ཡིན་པར་གསུངས། །གལ་ཏེ་སྦྲུལ་དང་སྤྲེའུ་བྱི་ལ་དང་། །བོང་བུ་རྟ་དང་གླང་པོ་མ་ཧེ་དང་། །དྲེད་དང་ཁྱི་སོགས་ཕན་ཚུན་འཐབས་པ་དང་། །གཞན་ཡང་རང་ཉིད་འཇིགས་སྐྲག་བྱུང་རྨིས་ན། །ད་རུང་སྔགས་ནི་ཉིས་འགྱུར་བཟླ་དགོས་གསུངས། །འདི་ཡི་ཐུན་མཚམས་དཀར་གསུམ་གཏོར་མ་བཤམས། །ཨ་ཀཱ་རོ་ཡི་སྔགས་ཀྱིས་བྱིན་བརླབས་ནས། །རྩ་སྔགས་བ་ལི་ཁཱ་ཧི་བཏགས་ལ་འབུལ། །ཡིད་ཀྱིས་ལྷ་མོ་སྤྱན་དྲངས་མདུན་དུ་

[Full Size]

བཞུགས། །ལྗགས་ཀྱི་འོད་ཟེར་སྦུ་གུ་གཏོར་མར་ཟུག །བདུད་རྩི་དྲངས་ཤིང་གསོལ་བས་མཉེས་པར་བསྒོམ། །སྤྲོ་ན་རབ་འབྱམས་རྒྱ་མཚོ་སོགས་ཀྱིས་མཆོད། །མེད་ན་ཨརྒྱུ་ལ་སོགས་སྔགས་མཆོད་ཆོག །སྤྲོ་ན་སྤྱི་བསྟོད་རྒྱས་བསྡུས་གང་རུང་བྱ། ༈ གང་གིས་མཚན་ཙམ་འཛིན་ཅིང་དྲན་པས་ཀྱང་། །བར་དུ་གཅོད་པ་ཀུན་ལས་སྐྱོབ་མཛད་ཅིང་། །དྲི་མེད་བདེ་བ་ཆེན་པོ་སྩོལ་མཛད་མ། །ལྷ་མོ་འོད་ཟེར་ཅན་ལ་ཕྱག་འཚལ་བསྟོད། །གཏོར་མགྲོན་རྟེན་ལ་ཐིམ་མམ་གཤེགས་པར་དམིགས། །དེ་ལྟར་བསྙེན་པ་ཐེམས་ནས་སྲུང་བ་ནི། །ཕག་རྒོད་སེར་པོ་འཇིགས་ཤིང་ཡ་ང་བ། ཁ་གདངས་མཆེ་གཙིགས་ཟེ་བ་གྱེན་དུ་ལངས། །ཁ་ཕྱིར་བལྟས་ཤིང་ངུར་སྒྲ་འབྲུག་ལྟར་སྒྲོག །དེ་འདྲའི་ར་བ་གྲུ་བཞི་སུམ་རིམ་སྟེ། །གཅིག་ཐོག་གཅིག་རྩག་རི་བོ་ཙམ་དུ་མཐོ། །དེ་ནང་ཟླ་བ་འོག་དང་ཉི་མ་སྟེང་། །ཉི་མའི་འོད་ཟེར་འབར་ཞིང་ཚ་བ་དེས། །སུས་ཀྱང་བལྟ་བར་མི་བཟོད་མིག་ཚིག་པར། །དེ་ནང་ཉི་མ་གཡས་དང་ཟླ་བ་གཡོན། །གའུ་ཁ་སྦྱོར་ཁ་འགྲིགས་གྱེན་དུ་ལངས། །དེ་ནང་ཉི་མ་འོག་དང་ཟླ་བ་སྟེང་། །གའུ་ཁ་སྦྱོར་ཡངས་ཤིང་རྒྱ་ཆེ་བ། །དེ་དབུས་རང་ཉིད་ལྷ་མོའི་སྐུར་གསལ་བའི། །གཡས་གཡོན་མདུན་རྒྱབ་བསྲུང་བྱ་མི་ནོར་ཚུད། །ཉི་ཟླ་སུམ་རིམ་ཤིན་ཏུ་འོད་ཆེ་བས། །གནོད་བྱེད་ཀུན་གྱི་མིག་བསྒྲིབས་བལྟར་མི་ཟུག །བསྲུང་བྱ་ཐམས་ཅད་དེ་ནང་གབ་པ་ལ། །རང་ཉིད་ལྷ་མོས་ཐུགས་རྗེས་སྐྱོབས་པར་

[Full Size]

བསྒོམ། །ཨོཾ་མཱ་རཱི་ཙླི་འོད་ཟེར་ཅན་བདག་ཅག་དཔོན་སློབ་མི་ནོར་ཐམས་ཅད་ལ་སྐྱོབས་ཤིག་སྭཱ་ཧཱ། དེ་ནི་སྔ་དྲོ་བསྲུང་བའི་དམིགས་པ་ཡིན། །དེ་ནས་རང་གི་ཐུགས་ཀའི་འོད་ཟེར་ལས། །སྤྲུལ་པའི་ལྷ་མོ་བྱེ་བ་དུང་ཕྱུར་ཚོགས། །ཀུན་ཀྱང་ཕག་རྒོད་སེར་པོ་འབྲོང་གཡག་ཙམ། །རླུང་ལྟར་ཕྱོགས་བཅུར་རྒྱུག་པ་ཆིབས་སུ་ཆིབས། །རྡོ་རྗེ་ཕ་ལམ་རྒྱུ་ལས་གྲུབ་པ་ཡི། །རྣོན་པོ་ཁབ་དང་སྐུད་པ་མཉེན་མོ་ཐོགས། །གནོད་ཅིང་འཚེ་བའི་དགྲ་ཇག་ཆོམ་རྐུན་གྱི། །མིག་རྣམས་ཚེམས་པས་གནོད་པའི་ནུས་པ་བྲལ། །སྐུར་འདེབས་ཚིག་ངན་མི་ཁ་སྐྱོན་རྣམས་ཀྱི། །ཁ་རྣམས་ཐུབ་པས་སྨྲ་བའི་ནུས་པ་བྲལ། །དེ་ལྟར་བསྒོམ་ཞིང་སྔགས་རིང་འདི་ཉིད་བཟླས། །ཨོཾ་མཱ་རཱི་ཙེ་བཱད་ཏ་ལི། བཱ་ད་ལི། བཱ་ར་ལི། བཱ་རཱ་ཧཱ་མུ་ཁི༔ སརྦ་དུཎྞཾ་པྲ་དུཏྟཾ་གནོད་བྱེད་དགྲ་ཇག་ཆོམ་རྐུན་གཅན་གཟན་རྣམས་ཆེ་མོ་སྐབས་སུ་གང་བབ་སྦྱར། ཙཀྵ་མུ་ཁཾ་བན་བན་སྭ་ཧཱ། །དེ་ཡིས་ཇག་རྐུན་བཅིང་བའི་མཆོག་ཏུ་གྱུར། །མི་ཁ་སྲུང་བའི་ཐབས་ཀྱང་དེ་ཟབ་བོ། །སྒྲུབ་པ་བྱེད་ན་བྱེད་ལུགས་དེ་ལྟར་ཏེ། །སྔོན་དུ་སྒྲུབ་པ་གྲུབ་བམ་མ་གྲུབ་ཀྱང་། །གཞུང་ལྟར་མངོན་རྟོགས་བསྒོམས་པར་བྱས་ནས་ཀྱང་། །སྔགས་ཚན་གསུམ་པོ་ཅི་ནུས་རིམ་བཞིན་བཟླས། །འཇིགས་སྐྲག་མེད་ཅིང་བདེ་བའི་སྐབས་སུ་ནི། །བསྙེན་པའི་སྔགས་དང་དམིགས་པ་ཅི་ནུས་བྱ། །འཇིགས་སྐྲག་དོགས་པ་ཡོད་ན་བར་མ་མང་། །རྐུན་དོགས་ལ་སོགས་ཤིན་ཏུ་སྐྲག་

[Full Size]

པའི་དུས། །སྔགས་རིང་དེ་ཉིད་ཅི་ནུས་མང་བར་བཟླ། །དེ་ནི་དྲིལ་སྒྲུབ་རྒྱུན་ཁྱེར་ཞེས་བྱ་ཡིན། །གལ་ཏེ་བསྙེན་སྒྲུབ་ལ་སོགས་ལོང་མེད་པར། །དགྲ་དང་རྒྱལ་པོའི་འཇིགས་པ་ལ་སོགས་པ། །འཕྲལ་དུ་ཉེས་བརྒྱུད་ཅི་བྱ་གཏོལ་མེད་ན། །མཚམས་བསྡམས་གྲུབ་ན་ལེགས་ཤིང་མ་གྲུབ་ཀྱང་། །དམིགས་པ་གསལ་བ་སྔགས་ཚན་གསུམ་པོ་རྣམས། །སྟོང་ཕྲག་རེའམ་ཡང་ན་བརྒྱ་ཕྲག་རེ། །བཟླས་རྗེས་སླར་ཡང་མངོན་རྟོགས་ཝིག་སྟེ་འདོན། །དེ་ལྟར་རྩེ་གཅིག་མ་ཡེངས་འབད་པ་ན། །རྣམ་སྨིན་མཐོང་ཆོས་མྱོང་གྱུར་མ་གཏོགས་པའི། །འཇིགས་པ་གང་ཡང་མི་སྐྱོབས་སྲིད་མི་འགྱུར། །བཅོམ་ལྡན་འདས་ཀྱི་ཞལ་ནས་གསུངས་པ་ཡི། །འོད་ཟེར་ཅན་གྱི་གཟུངས་དང་རྟོགས་པ་ནི། །བྱ་བའི་རྒྱུད་ཀྱི་ཁོང་དུ་གཏོགས་ན་ཡང་། །རྡོ་རྗེ་གུར་སོགས་གསར་མའི་བླ་མེད་རྒྱུད། །ལྷ་མོ་དངོས་གྲུབ་བསྟན་གཟིགས་ལ་སོགས་པ། །རྙིང་མའི་རྒྱུད་སྡེ་རྣམས་ནས་མང་དུ་གསུངས། །རྡོར་ཕྲེང་ནང་དུ་དཀྱིལ་འཁོར་རྒྱས་པ་ཡོད། །སྒྲུབ་ཐབས་རྒྱ་མཚོ་བརྒྱ་རྩ་གཉིས་ཀ་ནས། །ཞལ་ཕྱག་མང་པོ་རིགས་ཀྱང་དུ་མ་ཡོད། །གནམ་ཆོས་དགོངས་གཏེར་གཉིས་ནས་འབྱུང་བ་དང་། །གསར་རྙིང་རྒྱུད་གཞུང་ཀུན་གྱི་དོན་བསྡུས་ཏེ། །རྒྱུན་ཁྱེར་ཉམས་ལེན་ཚིག་ཉུང་དོན་ཟབ་ཡིན། །འདི་ཉིད་ཉམས་སུ་བླངས་བའི་ཕན་ཡོན་ཀྱང་། །ནད་རྣམས་ཐམས་ཅད་མེད་པར་གྱུར་པ་དང་། །རིམས་རྣམས་ཐམས་ཅད་མེད་པར་འགྱུར་བ་དང་། །དགྲ་དང་རྒྱལ་པོའི་ཆད་པ་ལ་སོགས་པས། །བཙོན་དུ་བཟུང་དང་

[Full Size]

བཀྱིགས་དང་ལྕགས་སུ་བཅུག །ཆད་པ་གཅོད་དང་མགོ་བོ་བྲེག་པ་དང་། །མེ་ལ་བསྲེགས་དང་ཆུ་རུ་བསྐུར་བ་དང་། །དུག་དང་མཚོན་གྱིས་གསོད་པར་བྱེད་པ་སོགས། །དགྲ་ཡི་གནོད་པ་གང་ཡང་འབྱུང་མི་འགྱུར། །ཇག་རྐུན་གཅན་གཟན་ཐམས་ཅད་བཅིངས་པའི་མཆོག །ནོར་དང་ལོངས་སྤྱོད་ལ་སོགས་འཕེལ་བ་དང་། །ངེས་པར་མཆོག་གི་དངོས་གྲུབ་ཐོབ་པར་གསུངས། །མནན་པ་སྦྱིན་སྲེག་ལ་སོགས་མང་གསུངས་ཀྱང་། །ཉེ་བར་མཁོ་བའི་ལས་ཚོགས་གཅིག་བརྗོད་པ། །བལ་གཙང་སྲུང་སྐུད་དཀར་པོ་རིང་བ་ལ། །རང་ཉིད་ལྷ་མོའི་བསྐྱེད་རིམ་བསྒོམས་བྱས་ལ། །མིག་བཙུམས་ཁ་དང་ལྕེ་སོགས་དམ་དུ་བསྡམས། །སྔགས་རིང་དེ་ཉིད་ཡིད་ཀྱིས་བཟླ་བྱ་ཞིང་། །སྲུང་སྐུད་མདུད་པ་ཉེར་གཅིག་མ་ཚར་བར། །མིག་གིས་མི་བལྟ་དབུགས་ཀྱང་ཕྱིར་མི་གཏང་། །མདུད་པ་རེ་ལ་ལྷ་མོ་རེ་རེ་བསྒོམ། །ཚར་ནས་ཕུ་བྱ་སྔགས་རིང་མང་དུ་བསྔགས། །རྟ་དྲེལ་ལ་སོགས་གང་ལ་བཏགས་པ་དེས། །ཇག་རྐུན་བསྲུང་བའི་མཆོག་ཏུ་འགྱུར་བར་གསུངས། །དེ་བཞིན་ཤིན་ཏུ་འཇིགས་ཤིང་སྐྲག་པའི་སར། །ཕག་གི་ར་བ་ཉི་ཟླ་སོགས་བསྒོམ་ཞིང་། །སྔགས་རིང་དེ་ཉིད་རྩེ་གཅིག་བཟླ་བཞིན་དུ། །ལག་པ་གཉིས་པོ་ཐལ་མོ་སྦྱར་བྱས་ཏེ། །ཁ་ཕྱེ་མཐེབ་ཆེན་གཉིས་པོ་ཅུང་ཟད་བཀུག །གུང་མོ་གཉིས་པོ་རྩེ་མོ་ཕན་ཚུན་རེག །སྲིན་མཛུབ་གཉིས་པོ་གུང་མོ་ལ་སྦྱར་ཏེ། །ཟླུམ་པོའི་རྣམ་པར་སྨིན་པའི་ཕྱག་རྒྱ་དེ། །རང་ཉིད་སྐྱིལ་ཀྲུང་བྱས་པའི་ལྟེ་བར་གཏུག །དེ་ནས་སྔགས་རིང་དམིགས་པ་དང་བཅས་

[Full Size]

པས། །དགྲ་ཡི་ནང་དུ་སོང་ཡང་མི་མཐོང་ཞིང་། །གལ་ཏེ་མཐོང་ཡང་གནོད་པར་མི་འགྱུར་གསུངས། །རང་ཉིད་བསྲུང་བ་སྔགས་དང་ཕྱག་རྒྱ་དེ། །གཞན་གྱི་སྲུང་བ་སྲུང་སྐུད་དེ་ཡིན་ནོ། །འདི་ལས་ཟབ་པའི་དགྲ་ཆིངས་རྐུན་ཆིངས་ནི། །ཐུབ་པའི་ཞལ་ནས་གསུངས་པ་མེད་ངེས་སོ། །གྲྭ་པ་ཕྱོགས་བཅུར་རྒྱུ་བ་རྣམས་ཀྱི་དོན། །རཱ་ག་ཨ་སྱས་ཐུན་མཚམས་གཅིག་ལ་སྨྲས། །ཤཱཀྱའི་དགེ་ཚུལ་པདྨ་ཐབས་མཁས་ཀྱིས། །ལག་པ་རླུང་གི་རྟ་ལ་ཞོན་ནས་བྲིས། །དགེ་བས་འགྲོ་བ་མ་ལུས་ཀུན་སྐྱོབ་ཤོག །དགེའོ། དགེའོ། དགེའོ།། ༈ ལས་བཞིའི་འཁོར་ལོའི་རྒྱུད་ཕྱི་མ་ལས། དུས་ངན་ཐ་མ་བྱུང་བའི་ཚེ། །ལྷ་མོའི་ནང་ནི་འོད་ཟེར་ཅན། །འཕགས་པའི་ནང་ན་འཇམ་དཔལ་ཉིད། །འདི་གཉིས་མ་གཏོགས་དངོས་གྲུབ་གཞན། །རིག་འཛིན་ཀུན་ལ་མ་ཡིན་ནོ། །ཞེས་གསུངས་སོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྷ་མོ་འོད་ཟེར་ཅན་གྱི་རྒྱུན་ཁྱེར་ཟིན་བྲིས་འཇིགས་པ་ཀུན་སྐྱོབས།

[Full Size]

ལྷ་མོ་འོད་ཟེར་ཅན་གྱི་རྒྱུན་ཁྱེར་ཟིན་བྲིས་འཇིགས་པ་ཀུན་སྐྱོབས་བཞུགས། ཨཱཿ༔ གསེར་མདོག་ཕག་གི་ར་བ་གསུམ་རིམ་ནང་། །ཉི་ཟླ་གའུ་རིམ་པ་གསུམ་གྱི་དབུས། །རང་ཉིད་མཱ་ལས་འོད་ཟེར་ཅན་མ་སེར། །ཞི་འཛུམ་ཁབ་སྐུད་འཛིན་ཅིང་ཕྱེད་སྐྱིལ་བཞུགས། །སྟོད་གཡོགས་ཨང་རག་སྔོན་པོ་ཤམ་ཐབས་དཀར། །སྣ་ཚོགས་རྒྱན་ལྡན་རྣམ་སྣང་དབུ་རྒྱན་ཅན། །ཐུགས་ཀར་ཟླ་སྟེང་སྔགས་ཕྲེང་གཡོན་དུ་འཁོར། །འོད་ཀྱི་རང་འདྲ་དཔག་མེད་སྤྱན་དྲངས་བསྟིམ། །ལྷ་མོ་ཕག་ཞོན་གྲངས་མེད་འཇིག་རྟེན་གང་། །གནོད་བྱེད་དགྲ་བགེགས་ཁ་མིག་ཚེམས་པར་གྱུར། །ཨོཾ་མཱ་རཱི་ཙེ་སྭཱ་ཧཱ། ཅི་ནུས་བཟླས། ཨོཾ་མ་རི་ཙེ་འོད་ཟེར་ཅན་བདག་ཅག་དཔོན་སློབ་མི་ནོར་ཐམས་ཅད་ལ་སྐྱོབས་ཤིག་སྭཱ་ཧཱ། དེ་ནི་སྲུང་བའི་དམིགས་པ་ཡིན་པའོ། །ཨོཾ་མཱ་རཱི་ཙེ། བཱད་ཏ་ལི། བ་དཱ་ལི། བཱ་ར་ལི། བཱ་རཱ་ཧཱ་མུ་ཁཾ། སརྦ་དུཏྠ་པྲ་དུན། གནོད་བྱེད་དགྲ་ཇག་ཆོམ་རྐུན། གཅན་གཟན་ནམ་རྒེ་སྐབས་སུ་གང་བབ་སྦྱར། སརྦ་ཙཀར་མུ་ཁཾ་བྷནྡྷ་བྷན་སྭཱ་ཧཱ། དེ་ནི་དགྲ་རྐུན་འཆིང་བའི་མཆོག་ཏུ་འགྱུར། །མི་ཁ་སྲུང་བའི་ཐབས་ཀྱང་དེ་ཟབ་བོ། །སྒྲུབ་པ་སྔོན་དུ་གྲུབ་བམ་མ་གྲུབ་ཀྱང་། །གཞུང་

[Full Size]

ལྟར་མངོན་རྟོགས་བསྒོམས་པར་བྱས་ནས་སུ། །སྔགས་ཚན་གསུམ་པོ་རིམ་བཞིན་ཅི་ནུས་བཟླས། །འཇིགས་སྐྲག་མེད་ཅིང་བདེ་བའི་སྐབས་སུ་ནི། །བསྙེན་པའི་སྔགས་དང་དམིགས་པ་ཅི་ནུས་བྱ། །འཇིགས་སྐྲག་གནོད་པ་ཡོད་ན་བར་མ་མང་། །རྐུན་དོགས་ལ་སོགས་ཤིན་ཏུ་སྐྱག་པ་ན། །སྔགས་རིང་དེ་ཉིད་ཅི་ནུས་མང་བར་བཟླས། །དེ་ནི་དྲིལ་སྒྲུབ་རྒྱུན་ཁྱེར་བྱ་བ་ཡིན། །གལ་ཏེ་བསྙེན་སྒྲུབ་ལ་སོགས་ལོང་མེད་ན། །དགྲ་དང་རྒྱལ་པོའི་འཇིགས་པ་ལ་སོགས་པ། །འཕྲལ་དུ་ཉེ་བརྒྱུད་ཅི་བྱ་གཏོལ་མེད་ན། །དམིགས་པ་གསལ་བས་སྔགས་ཚན་གསུམ་པོ་རྣམས། །སྟོང་ཕྲག་རེའམ་ཡང་ན་བརྒྱ་ཕྲག་རེ། །བཟླས་རྗེས་སླར་ཡང་མངོན་རྟོགས་ཝིག་སྟེ་འདོན། །དེ་ལྟར་རྩེ་གཅིག་མ་ཡེང་འབད་པ་ན། །འཇིགས་པ་གང་ཡང་མི་སྐྱོབ་སྲིད་མི་འགྱུར། །འདི་ཉིད་ཉམས་སུ་བླང་བའི་ཕན་ཡོན་ཀྱང་། །ནད་རིམས་ཐམས་ཅད་མེད་པར་འགྱུར་བ་དང་། །དགྲ་དང་རྒྱལ་པོའི་ཆད་པ་ལ་སོགས་པ། །དུག་དང་མཚོན་གྱིས་གསོད་པར་བྱེད་པ་སོགས། །དགྲ་ཡི་གནོད་པ་གང་ཡང་འབྱུང་མི་འགྱུར། །ཇག་རྐུན་གཅན་གཟན་འཇིགས་པ་ཀུན་ལས་སྐྱོབས། །ཚེ་དང་ལོངས་སྤྱོད་ལ་སོགས་འཕེལ་བ་དང་། །ངེས་པར་མཆོག་གི་དངོས་གྲུབ་ཐོབ་པར་གསུངས། །འདི་ལས་ཟབ་པའི་གདམས་ངག་གཞན་ལ་མེད། །ཐུབ་པའི་ཞལ་ནས་གསུངས་པ་མེད་ངེས་སོ། །གྲྭ་པ་ཕྱོགས་བཅུར་རྒྱུ་བ་རྣམས་ཀྱི་དོན། །རཱ་ག་ཨ་སྱས་ཐུན་མཚམས་གཅིག་ལ་སྨྲས། །ཤཱཀྱའི་དགེ་སློང་པདྨ་མཐར་ཕྱིན་གྱིས། །ལག་པ་རླུང་གི་རྟ་

[Full Size]

ལ་ཞོན་ནས་བྲིས། །དགྲ་རྐུན་གཅན་གཟན་འཇིགས་ཀུན་སྐྱོབས་པར་ཤོག །མངྒ་ལཾ།།

དགྲ་རྐུན་ཇག་པ་ལ་སོགས་ལ་གསར་རྙིང་མང་པོ་ནས་བཅུད་བསྡུས་ཏེ་དགྲ་ཆིངས་འཁོར་ལོ།

[Full Size]

དགྲ་རྐུན་ཇག་པ་ལ་སོགས་ལ་གསར་རྙིང་མང་པོ་ནས་བཅུད་བསྡུས་ཏེ་དགྲ་ཆིངས་འཁོར་ལོ་བཞུགས་སོ། །

[Full Size]

ན་མོ་པདྨ་ཀ་རཱ་ཡ། དགྲ་དང་ཇག་པ་ལ་སོགས་དོགས་པ་ཆེ་བའི་ས་ཆར། སྒར་པ་གཤར་དགོས་པའམ་རང་གི་བྲང་ང་རྫིས་པ་སོགས་ལ་དགྲ་ཇག་གིས་ཉེན་པའི་ས་ཡིན་ན་དགོས་པ་གལ་ཆེ། གསར་རྙིང་མང་པོ་ནས་བཅུད་བསྡུས་དགྲ་ཆིངས་ཀྱི་འཁོར་ལོ་ཆུ་རླུང་སོགས་ལ་བསྐོར་བ། ལག་འཁོར་ཡང་རུང་སྟེ། མཁར་དྲུང་པ་སོགས་ཀྱི་དགྲ་ཆིངས་ལག་འཁོར་བྱེད་པའི་ཕྱིར་རོ། །དེ་ལས་དང་པོ་གྲོ་ཤོག་གང་རུང་ལ་འཁོར་ལོ་མུ་ཁྱུད་རིམ་པ་གསུམ་དུ་བསྐོར་བའམ། ཕྱི་མུ་ཁྱུད་དྲས་དང་དྲུབས་ཡིན། དེ་ཡི་ནང་གི་མུ་ཁྱུད་ལ་སྔགས་རིང་ཐམས་ཅད་བྲི། དེའི་ནང་གི་མུ་ཁྱུད་ལ་ལིངྒ་གནས་ཡིག་བཅས་སྤྱི་ལྟར་ལས་ས་ལྟའི་སྔགས་མགོ་ཕྱི་དང་། གནམ་ལྟའི་སྔགས་མགོ་ནང་དུ་དོད་པར་བྱ། སྔགས་མགོ་དབུས་ནས་སྔགས་མཇུག་ཕྱི་ལ་

[Full Size]

ཐོན་པར་བྱ། གཉིས་ཀའི་ལིངྒ་ལྟེ་བར་ཛཐཱཁ་སྤྲོད། ཁ་སྤྲོད་ཀྱི་བར་དུ་ཏྲི་ཡིག་བྲི། དེ་ཡི་རྒྱབ་ནས། ཨོཾ་མཉྫ་ཤི་ཡ་མཱནྟ་ཀ་ཡ་མ་རཱ་ཛ་ཧཱུྃ་ཕཊ། ཨོཾ་མ་རི་ཙེ་ནཱཾ་སྭཱ་ཧཱ། དགྲ་ཇག་ཆོམ་རྐུན་ཐམས་ཅད་ཛཧཱུྃ་བཾ་ཧོ༔ གནོད་པར་བྱེད་པའི་དགྲ་ཇག་ཆོམ་རྐུན་ཐམས་ཅད་བླ་ཤ་རེ་མ་ཏི་འགྲིམ་འགྲིམ་ཤ་མ་རུ་ཏི་ཐུལ་ཐུལ་མྱོག་མྱོག་ཡེང་ཡེང་ཤ་མ་རུ་ཏི་ཁུག་ལིང་མྱོག་ལིང་ཐུ་ཙ་མུན་ཏྲི་ཛཿཧཱུྃ་བཾ་ཧོ༔ ཞེས་བྲིས་ལིངྒའི་ཕྱི་ནས། ཨོཾ་ཡ་མ་ཀིང་ཀ་ཁ་ཏུ་ནི་མྱོག་དགྲ་བོ་ཇག་རྐུན་ཐམས་ཅད་ཝཱཀ་ཙཱ་བྷ་ཡ་ནན། བིགྷཱན་ཏྲི་ཐུན་ཏི་ཤན་ཏི་ཤན་སྤུར་ཐོ་སྤུར་བྲུབ་བི་ཤ་ཙཀྲ་ཧ་ལ་ཧ་ལ་ས་མ་ཡ་དགྲ་བོ་ཇག་རྐུན་ཐམས་

[Full Size]

ཅད་སྟེ་བྷ་ཡ་ཡཀྵ་ནན། ཧཱུཾ་ཧཱུཾ་ལཾ་ལཾ་སུཾ་བྷ་ཡ་ནན། ཨོཾ་ཁ་ཐུན་ཁ་ཐུན་ས་མ་ཡ་དུན་ཏྲི། པྲ་ལེ་ཛྭ་ལ་པྲ་ལེ་ཛྭ་ལ་གནོད་པར་བྱེད་པའི་དགྲ་ཇག་ཆོམ་རྐུན་ཐམས་ཅད་མཱ་ར་ཡ་རྦད་ནན་ཆིངས་ཤིག །ཅེས་བྲིའོ། །དེ་ནི་ཀིང་ཀང་སྔགས་རིང་སྟེ་འདྲ་མིན་མང་ཡང་མཁར་དྲུང་བའི་པར་མ་ལས་བཤུས་པ་ཡིན་པས་དག་པར་ཡོད། ༈ དེ་ནས་ས་ལྟ་ལ་དུར་ཁྲོད་བདག་པོ་འདི་བྲིའོ། །ཨོཾ་ཤ་ལངྐ་ཤ་ལངྐ་དུར་དུར་ཧབ་ཤ་ཧབ་ཤ་རྒྱུག་ཅིག །རྒྱུག་ནས་སོད་རྒྱུག་ནས་སོད། སྐྱུག་ཅིག་སྐྱུག་ཅིག །སྐྱུག་ནས་སོད་སྐྱུག་ནས་སོད། དུན་དུར་དྷ་རྨུག་དྷ་རྨུག་དྷ་ཡེ་སྭཱ་ཧཱ། དགྲ་བོ་ཇག་པ་རྐུན་མ་ཐམས་ཅད་ཀྱི་ཁ་ཆིངས་ཤིག་མཆུ་སྡོམས་ཤིག །ཅེས་བྲིའོ། །དེ་ནི་དབང་ཕྱུག་ཤ་ལངྐའི་སྔགས་ཏེ་དྲེགས་པའི་གཞུང་ཆེན་སོགས་ནས་བྱུང་བའི་དགྲ་རྐུན་གཅན་གཟན་བཙན་པོ་རྣམས་ཀྱི་ཁ་ཆིང་ཡིན། གཏེར་ཁ་མང་པོ་ནས་འབྱུང་ངོ་། །ས་ལྟའི་ལིངྒའི་ཕྱི། ཨོཾ་མཱ་རི་ཙེ་སྭཱ་ཧཱ། ཨོཾ་བ་དཱ་ལི་བ་དཱ་ལི་བཱ་རཱ་ཧ་མུ་ཁཱི་སརྦ་དུཏྟཾ་པྲ་དུཏྟཾ་ཙཀྵ་ཐམུ་ཁཾ་བྷནྡྷ་བྷནྡཱ་མུ་ཁཾ་ཛམྦྷ་ཡ། ཧཱུཾ་བྷ་ཡ། མོ་ཧ་ཡ་སྭཱ་ཧཱ། ལྷ་མོ་འོད་ཟེར་ཅན་མའི་ལས་ཚོགས་སྔགས་རིང་འདི་རྟོགས་པ་ལས་བྱུང་བའི་ཉམས་མྱོང་དང་བཅས་པ་ཡིན། དེའང་མཐུད་པ། ཨོཾ་ཀ་ཤ་ཀ་ཤ་བྲག་ཐལ་བྲལ་ཐལ། སྙིང་ལ་ཆོད་ཆོད། ཡ་ཡ་ཙེ་ཙེ། ནན་

[Full Size]

རྦད་རྦད། ཁ་ལ་རཀ་རྦད། སྙིང་ལ་རཀཱ་རྦད། རུས་ལ་རཀཱ་རྦད། རྩ་ལ་རཀྵ་རྦད། ཁྲག་ལ་རཀྵ་རྦད། གཟུགས་ཕུང་ལ་རཀཱ་རྦད། དྲན་རིག་ལ་རཀྵ་རྦད། དགྲ་བོའི་ལུས་ངག་ཡིད་གསུམ་ཆིངས་ཤིག །ཧཱུཾ་བྷ་ཡ་ནན། དགྲ་བོ་ཇག་རྐུན་མཱ་ར་ཡ་རིང་རྨུག་མྱོག་འཐིབ་འཐིབ། ཉི་མ་ཕྱོགས་བཞི་མཚམས་བརྒྱད་ཀྱི་དགྲ་ཇག་ཆོམ་རྐུན་ཐམས་ཅད་མཱ་ར་ཡ་ཆད་ནན་ཆིངས་ཤིག །འདི་ནི་བྱ་མང་བརྩོན་འགྲུས་གྲགས་པ་ལ་རྗེ་བཙུན་སྒྲོལ་མས་དངོས་སུ་གནང་བའི་རྐུན་ཆིང་ར་རུ་མའི་སྔགས་ཡིན་གནམ་ལྟའི་ཤ་ལངྐའི་གོང་དུ། དུར་ཁྲོད་བདག་པོའི་སྔགས་འདི་བྲིས་ཀྱང་ལེགས་པས། ཨོཾ་གྷི་རཱ་ཛ་གྷི་རཱ་ཛ་ཀུ་མ་ཀུ་མ་ཁུ་ཐིས་མ་ཧཱ་ཐར་ནི་དགྲ་ཇག་ཆོམ་རྐུན་ཐམས་ཅད་བྷནྡྷ་བྷནྡྷ་ཆིངས་ཤིག་སྭཱ་ཧཱ། ཞེས་བྲི། གཉིས་ཀའི་ཕྱི་ནང་མུ་ཁྱུད་གཅིག་བསྐོར་བས། ཧཱ་སྭཱ་ཎ་མ་ཤྲ་ཧཱ་མ་དཱི་བཱ་ཝཾ་ཨེ་ཅེས་རྟེན་འབྲེལ་ལོག་པ། ཨོཾ་བར་བྲི། ཨོཾ་མུ་ནེ་ཙོ་ར་མུ་རྐ་ཙོ་ཙོ་སྭཱ་ཧཱ། ཇག་པ་ཆོམ་རྐུན་ཛ་ལ་མནྡྷ་ཡ་ཁུག་ཅིག་སྭཱ་ཧཱ། ཞེས་འདོད་གསོལ་བཅས་པ་བྲི། དམིགས་བསལ་དུ་ཡོད་ཚེ་འདིར་མིང་བྲི་ཆོག་གོ །ལིངྒ་ལ་རིམ་གྱིས་བྱུག །ལིངྒ་ལྟེ་བར་ལྷ་དབྱེའི་རྫས་དང་སྨྱོ་ཁྲག །སེམས་ཅན་མགོ་འཁོར་ཤི་བའི་ཤ་ཁྲག་བྱུག །ཐམས་ཅད་ཐང་ཕྲོམ་འབྲས་བུ་དང་བཙན་དུག་སྔོ་ཚ་བ་

[Full Size]

གསུམ་གྱིས་བྱུག་གོ །དང་པོ་འཁོར་ལོར་ཀིང་ཀང་གི་འགུགས་གཞུག་དང་། ལྷ་དབྱེ་རྟགས་ཐོན་བྱ། འཁོར་ལོའི་སྔགས་རྣམས་རབ་གནས་ཀྱི་ཚུལ་དུ། ཐུན་རྫས་སྔགས་ལ་བྲབ་ནས། ཚོན་སྐུད་སོགས་ཀྱིས་བཙེམ། གྲི་ལྕགས་སམ་ཤིང་སྤམ་ནག་གིས་སྲོག་ཤིང་བྱས་ལ་ཆུ་རླུང་སོགས་ལ་བསྐོར་བའོ། །ལག་འཁོར་དུ་བྱེད་རུང་ངོ་། ད་དུང་ཞལ་ཤེས་འགའ་རེ་དང་ལག་ལེན་མཐོང་བརྒྱུད་ལས་ཀྱང་ཤེས་དགོས་པ་ཡོད་དོ། །ཞེས་པ་འདིའང་གཉེར་པ་ཆོས་འཕེལ་གྱིས་བསྐུལ་བའི་ངོར། སྔགས་འཆང་ཨ་རྭགས་བྲིས་པའི་དགེ་བས་ཆོས་བྱེད་སྒྲུབ་པ་རྣམས་ལ་དགྲ་རྐུན་ལས་རྒྱལ་བར་གྱུར་ཅིག་སརྦ་མངྒ་ལཾ།། ཞལ་ཤེས་འགའ་རེ་ཡོད་ཟེར་བ་ནི། ལག་འཁོར་བྱེད་ན་ཚྭ་ཡིག་ནས་སྲོག་ཐུར་འཁོར་སྤུད་ལང་ཐད་རྩེ་དགོས། ཐོན་ན་ཀིང་ཀང་ངམ་གླང་རུའི་ཞོར་སྒྲུབ་དང་། དུར་ཁྲོད་བདག་པོའི་གཏོར་འབུལ། རྙིང་མ་སྤྱིའི་ཐུན་གཏོར་དང་དགྲ་ཆོས་བསྡུས་པ་ཐོན་ན་ལེགས། བཀྲ་ཤིས། སརྦ་མངྒལཾ།། ༈ གནམ་ལྟའི་སྔགས་འཁོར་ནི། ཛཀྲྀཏྲཿ ཨོཾ་མཉྫ་ཤི་ཡ་མཱན་ཀ་ཧཱུྃ་ཕཊ། དགྲ་བོ་ཇག་རྐུན་ཐམས་ཅད་ཛཧཱུྃ་བཾ་ཧོ༔ དགྲ་རྐུན་གྱི་བླ་ཤ་རེ་མ་ཏི་འགྲིམ་ཤ་མ་རུ་ཏི་ཐུལ་ཐུལ་མྱོག་མྱོག་ཡེད་ཡེད་ཤ་མ་རུ་ཏི་ཁུག་ལིང་མྱོག་ལིང་ཤ་ལིང་ཐུ་ཙ་བུན་ཏཱི་ཛཿཧཱུྃ་བཾ་ཧོ༔ ལིངྒ་ཕྱི་མགོ་ནས། ཨོཾ་ཡ་མ་ཀིང་ཀང་ཁ་ཏུ་ནི་མྱོག་དགྲ་བོ་ཝཱཀ་ཙཱ་བྷ་ཡ་ནན། ཏྲི་ཐུན་ཏི་ཤན་ཏི་ཤན་སྤུར་ཐུན་སྤུར་བྲུབ་བི་ཤ་

[Full Size]

ཙཀྲ་ཧ་ལ་ཧ་ལ་ས་མ་ཡ་དགྲ་བོ་ཇག་རྐུན་སུཾ་བྷ་ཡ་རཀྟ་ནན། དྲུན་དྲུན་ལཾ་ལཾ་སུཾ་བྷ་ཡ་ནན། ཨོཾ་ཁ་ཐུན་ཁ་ཐུན་ཡ་མ་ཡ་མ་དུན་ཏྲ་དུན་ཏྲི་པྲ་ལེ་ཛྭ་ལ་པྲ་ལེ་ཛྭ་ལ་དགྲ་རྐུན་ཇག་གསུམ་ཐམས་ཅད་ཀྱི་ཁ་ཆིངས་ཤིག །ཨོཾ་མཱ་རི་ཙེ་ཡཱཾ་སྭཱ་ཧཱ། བ་དཱ་ལི་བ་དཱ་ལི་བཱ་རཱ་ཧ་མུ་ཁཱི་སརྦ་དུཥཱན་པྲཏྟན་ཙཀྵམུ་ཁཾ་བྷནྡྷ་བྷནྡཱ་མུ་ཁཾ་ཛཾ་བྷ་ཡ་ཙཱ་བྷ་ཡ་མོ་ཧ་ཡ་སྭཱ་ཧཱ། དགྲ་རྐུན་ཇག་གསུམ་ཐམས་ཅད་ཆིངས་ཤིག་ཨོཾ་ཀ་ཤ་ཀ་ཤ་བྲག་ཐང་བྲག་ཐང་སྙིང་ལ་ཆོད་ཆོད་ཡ་ཡ་ཙེ་ཙེ་ནན་ནན་ཁ་ལ་རཀཱ་རྦད་སྙིང་ལ་རཀཱ་ཟད་རུས་ལ་རཀྵ་རྦད། རྩ་ལ་རཀཱ་རྦད་ཤ་ཁྲག་ལ་རཀ་ཆད་གཟུགས་ཕུང་ལ་རཀྵ་རྦད། དྲན་རིག་ལ་རཀྵ་རྦད་དགྲ་བོའི་ལུས་ངག་ཡིད་གསུམ་ཆིངས་ཤིག་སྟམྦྷ་ཡ་ནན་དགྲ་ཇག་ཆོམ་རྐུན་མཱ་ར་ཡ་རེངས་སྨུག་འཐིབ་འཐིབ་ཉི་མ་ཕྱོགས་བཞི་མཚམས་བརྒྱད་ཀྱི་དགྲ་བོ་ཇག་རྐུན་ཐམས་ཅད་མཱ་ར་ཡ་རྦད་ནན་ཆིངས་ཤིག །ཧཱ་སྭཱ་ཡེ་ཎ་སོགས། རྟེན་འབྲེལ་ལོག་པ་བྲི། ཨོཾ་མུ་ན་ཙོ་ར་མུར་རྒྱ་ཙེ་ཙེ་སྭཱ་ཧཱ། ཏྲག་ཛ་ལ་མ་དྷ་ཡེ་ཁུག་སྭཱ་ཧཱ། ཉི་མ་ཕྱོགས་བཞི་མཚམས་བརྒྱད་ཀྱི་གནོད་པར་བྱེད་པའི་དགྲ་བོ་ཇག་རྐུན་ཐམས་ཅད་ཀྱི་ལུས་ངག་ཡིད་གསུམ་མཱ་ར་ཡ་རྦད་ནན་ཆིངས་ཤིག་

[Full Size]

ཁ་ཆིངས་ཤིག་མཆུ་སྡོམས་ཤིག་རྐང་ལག་ཆིངས་ཤིག། ༈ །ས་ལྟའི་ཡིག་མགོ་ཕྱིར། ལིངྒའི་སྙིང་ཁར། ཛནཱིཏྲ། མགོ་ནས། ཨོཾ་མཉྫ་ཤི་ཡ་མཱནྟ་ཀ་ཧཱུྃ་ཕཊ། དགྲ་ཇག་རྐུན་ཐམས་ཅད་ལཿཧཱུྃ་བཾ་ཧོ༔ དགྲ་རྐུན་ཇག་པའི་བླ་ཤ་རེ་མ་ཏི་སོགས་བླ་འགུགས་སྔགས། ཛཧཱུྃ་བཾ་ཧོ༔ སོགས། ལིངྒ་ཕྱི་ནས། ཨོཾ་ཡ་མ་ཀིང་ཀཾ་ཁ་ཏུཾ་ནི་མྱོག་དགྲ་བོ་ཝཱ་ཀ་སྟམྦྷ་ཡ་ནན་བིགྷན་ཏྲི་ཐུན་ཏེ་ཏྲི་ཤན་ཏྲི་ཤན་སྤུར་ཐུན་སྤུར་ཐུབ་བྷི་ཤ་ཙཀྲ་ཧ་ལ་ཧ་ལ་ས་མ་ཡ་དགྲ་སྲི་རྐུན་མ་ཐམས་ཅད་སུཾ་བྷ་ཡ་རཀྵ་ནན། ཨོཾ་ཏུཾ་ཏུཾ་ལཾ་ལཾ་ཙཱ་བྷ་ཡ་ནན། ཨོཾ་ཁ་ཐུན་ཁ་ཐུན་ཡ་མ་ཡ་མ་དུན་ཏྲ་དུན་ཏྲི་པྲ་ལེ་ཛྭ་ལ་པྲ་ལེ་ཛྭ་ལ་གནོད་བྱེད་དགྲ་ཇག་ཆོམ་རྐུན་ཐམས་ཅད་མཱ་ར་ཡ་ནན་ཆིངས་ཤིག །ཨོཾ་གྷི་རཱ་ཛ་བྷི་རཱ་ཛ་ཀུ་མ་ཀུ་མ་ཁུམ་ཐོས་མ་ཧཱ་ཐར་ནི་དགྲ་ཇག་ཆོམ་རྐུན་ཐམས་ཅད་བྷནྡྷ་བྷནྡྷ་སྭཱ་ཧཱ། ཨོཾ་ཤ་ལངྐ་ཤ་ལངྐ་དུར་ཧབ་ཤ་ཧབ་ཤ་དགྲ་བོ་ཇག་རྐུན་ཐམས་ཅད་ཀྱི་སྲོག་ཙིཏྟ་ལ་ཤ་མ་མ་འགུ་འགུ་ཤག་ཤག་རྦད་རྦད་རྒྱུག་ཅིག་རྒྱུག་ཅིག་རྒྱུག་ནས་སོད་རྒྱུག་ནས་སོད། རྒྱུག་ཅིག་རྒྱུག་ཅིག་རྒྱུག་ནས་སོད་རྒྱུག་ནས་སོད། དུ་དྷ་དུ་དྷ་མུར་དྷ་མུར་དྷ་ཡེ་སྭཱ་ཧཱ། ཉི་མ་ཕྱོགས་བཞི་མཚམས་བརྒྱད་ཀྱི་དགྲ་རྐུན་ཇག་གསུམ་ཐམས་

[Full Size]

ཅད་ཁ་ཆིངས་ཤིག །སྤྱང་ཀི་འཕར་བ་གསའ་གཡི་དོམ་དྲེད་སོགས་གནོད་བྱེད་གཅན་གཟན་ཐམས་ཅད་ཀྱི་རྐང་ལག་སྡོམས་ཤིག་མཆུ་ཆིངས་ཤིག །ས་ལྟ་གཉིས་ཀྱི་ཕྱི་མ་ལ། ཧཱ་སཱ་ཡེ་ཎ་མ་བྲི། ཨོཾ་མུ་ནེ་རྩོ་རྩོ་མུ་རྒྱ་རྩོ་རྩེ་སྭཱ་ཧཱ། ཇག་པ་ཛ་ལ་མ་དྷ་ཡེ་ཁུག་སྭཱ་ཧཱ། ཉི་མ་ཕྱོགས་བཞི་མཚམས་བརྒྱད་ནས་གནོད་པར་བྱེད་པའི་དགྲ་ཇག་ཆོམ་རྐུན་ཐམས་ཅད་ཀྱི་ལུས་ངག་ཡིད་གསུམ་མཱ་ར་ཡ་རྦད་ནན་ཆིངས་ཤིག་ཁ་ཐུ་མཆུ་ཆིངས་རྐང་ལག་ཆིངས་ཤིག༔ ཚག་མེད་དང་བསྐུང་ཡིག་མེད་པ་བྲི། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགྲ་ཆིངས་འཁོར་ལོ།

[Full Size]

ན་མོ་པདྨ་ཀ་ར་ཡེ། དགྲ་དང་ཇག་པ་རྐུན་མ་སོགས་ཀྱི་གནོད་པ་ཆེ་བའི་སར་སྒར་པ་འགྲོ་དགོས་པ་ལའམ། རང་གི་སྤུ་དང་རྫོང་སོགས་ལ་དགྲ་ཇག་གིས་གནོད་པའི་སར་ཡིན་ན་དགོས་གལ་ཆེ་བ་གསར་རྙིང་མང་པོའི་བཅུད་བསྡུས་དགྲ་ཆིངས་འཁོར་ལོ་ཆུ་རླུང་ལག་འཁོར་བསྐོར་བ་གང་ཡང་རུང་སྟེ། མཁའ་དྲུང་ལ་སོགས་ཀྱི་དགྲ་ཆིངས་འཁོར་ལོ་ལག་འཁོར་བྱེད་དར་བའི་ཕྱིར་རོ། །དེ་ལ་དང་པོ་གྲོ་ཤོག་གང་རུང་ལ་འཁོར་ལོ་མུ་ཁྱུད་རིམ་པ་བཞི་བསྐོར་བའི་ཕྱི་ཡི་མུ་ཁྱུད་ནི་དགྲ་རྐུན་བྲུབ་པ་ཡིན། དེ་ནང་མུ་ཁྱུད་ལ་སྔགས་རིང་ཐམས་ཅད་བྲིས། དེ་ནང་མུ་ཁྱུད་ལ་ལིངྒ་གནས་ཡིག་དང་བཅས་པ་སྤྱི་ལྟར་ལས་ས་ལྟའི་སྔགས་མགོ་ཕྱི་དང་གནམ་ལྟའི་སྔགས་མགོ་ནང་དུ་དོད་པར་བྱས། སྔགས་མགོ་དབུས་ནས་སྔགས་མཇུག་ཕྱི་ལ་ཐོན་པར་བྱས་སོ། ༈ །སྤྱིར་གཤིན་རྗེའི་ཀིང་ཀང་དམར་ནག་དུར་ཁྲོད་བདག་པོ་གླང་རུ་མ་འོད་ཟེར་ཅན་མ་འདི་ཡི་དགྲ་ཆིངས་མགོ་འཁོར་བསད་ལས་གཞུང་ལས་གབ་པ་མངོན་ཕྱུང་འདི་ལ་རང་རང་སོ་སོའི་སྔགས་མཚམས་སུ་དགྲ་རྣོ་མོའི་ཀ་ཆ་ཆེ་འདི་ཕྱོགས་བཞི་མཚམས་བརྒྱད་གང་དུ་ཡོད་ཀྱང་མགོ་འཁོར་གཅིག་ཤར་ནུབ་གཉིས་པོ་གོ་བཟློག་ཅིག །ལྷོ་བྱང་གཉིས་པོ་གོ་བཟློག་ཅིག། སོགས་བྲིས་ལ་འདི་དྲེགས་པ་གཞུང་ན་ཡོད་ལྟར་ལས་བྲིའོ། །འཁོར་ལོ་འདི་བསྐོར་ཁ་ལ་དགྲ་གནོད་ཆེ་དུས་སམ། མགོ་འཁོར་དགོས་དུས་སམ། ཡར་ངོ་མར་ངོ་གང་རིག་གཟའ་རྒྱུ་བ་གཟའ་དར་དུས་ཁྲ་ཉི་ཟིན་གསུམ་ལ་སྤྲད་ལ་ཆུ་རླུང་ལག་འཁོར་གང་བདེར་བསྐོར་བ་འདི་ལ་

[Full Size]

བསད་ལས་ནི་གཞན་ལས་གབ་པའོ། །དེ་ནས་ས་ལྟ་གནམ་ལྟ་གཉིས་ཀའི་ལྟོ་ལིངྒའི་བར་ཛ་ཁ་སྤྲོད་ཀྱི་བར་དུ་རྨི་ཡིག་བྲིས། དེ་རྒྱབ་ནས། ཨོཾ་མཉྫ་ཤི་ཡ་མཱནྟ་ཀ་ཡ་མ་རཱ་ཛ་ཧཱུྃ་ཕཊ༔ ཨོཾ་མ་རི་རྩེ་མཾ་སྭཱ་ཧཱ། དགྲ་ཇག་ཆོམ་རྐུན་ཐམས་ཅད་ཛཿཧཱུྃ་བཾ་ཧོ༔ གནོད་པར་བྱེད་པའི་དགྲ་ཇག་ཆོམ་རྐུན་ཐམས་ཅད་ཀྱི་བླ་ཤ་རེ་མ་ཏི་འགྲོ་འགྲི་ཤ་མ་རུ་ཏི་ཐུལ་ཐུ་ཐུ་མྱོག་མྱོག་ཡེད་ཡེད་ཤ་མ་རུ་ཏི་ཁུག་ལིང་མྱོག་ལིང་ཤ་ལིང་ཐུ་ཙ་མུན་ཏྲི་ཛཧཱུྃ་བཾ་ཧོ༔ ལྟོ་བའི་མུ་ཁྱུད་ལ་བྲི། ལིངྒའི་གསང་བར་ཕཊ༔ རྗེ་ངར་གཉིས་ལ་ཆིངས། བླ་དཔུང་གཉིས་ལ་ཆག །ཚིགས་བཞི་ལ་ཛཧཱུྃ་བཾ་ཧོ༔ ངག་ལ་ཁ་ཐཾ། མིག་ལ་ལོང་། རྣ་བར་འོན། སྤྱི་བོར་ནན་སོགས་སྤྱི་ལྟར་བྲི། མུ་ཁྱུད་གསུམ་པ་ལ། ཨོཾ་ཡ་མ་ཀིང་ཀང་ཁ་ཏུན་རྨི་མྱོག་དགྲ་བོ་ཇག་རྐུན་ཐམས་ཅད་ཝཱཀྐ་ཙཱ་བྷ་ཡ་ནན༔ བྷིག་ནན་ཏྲི་ཐུ་ཏི་ཏྲི་ཤན་སྤུར་ཤྲཱི་སྤུར་ཐཾ༔ བྷི་ཤ་ཙཀྲ་ཧ་ལ་ཧ་ལ་ས་མ་ཡ་དགྲ་སྲི་ཆོམ་རྐུན་ཐམས་ཅད་ཙཱ་བྷ་ཡ་རཀྟ་ནན། ཨོཾ་དྲུན་དྲུན་ལཾ་ལཾ་ཏཱཾ་བྷ་ཡ་ནན། ཨོཾ་ཁ་ཐུན་ཁ་ཐུན་ཡ་མ་ཡ་མ་དུན་ཏྲ་དུན་ཏྲི་པྲ་ལེ་ཛྭ་ལ་པྲ་ལེ་ཛྭ་ལ་གནོད་པར་བྱེད་པའི་དགྲ་ཇག་ཆོམ་རྐུན་ཐམས་ཅད་མཱ་ར་ཡ་ཆད་ནན་ཆིངས་ཤིག༔ དེ་ནས་ཀིང་ཀང་སྔགས་རིང་སྟེ་འདྲ་མིན་མང་ཡང་མཁའ་དྲུང་པའི་པར་མ་དང་བསྟུན་པས་དག་

[Full Size]

པར་ཡོད། དེ་ནས་གནམ་ལྟ་དུར་ཁྲོད་བདག་པོའི་སྔགས་བྲི། ས་ལྟ་ལ་འོད་ཟེར་ཅན་མའི་སྔགས་བྲིས་སོ། །དེ་ནས་དུར་ཁྲོད་བདག་པོའི་སྔགས་ནི། ཨོཾ་གྷི་རཱ་ཛ་གྷི་རཱ་ཛ་ཀུ་མ་ཀུ་མ་ཊུ་ཐིས་མ་ཧྭ་ཐར་ནུ་དགྲ་ཇག་ཆོམ་རྐུན་གཅན་གཟན་ཐམས་ཅད་བྷནྡྷ་བྷནྡྷ་ཆིངས་ཤིག་སྭཱ་ཧཱ༔ འོད་ཟེར་ཅན་མའི་སྔགས་རིང་ནི། ཨོཾ་མ་རི་ཙེ་མཾ་སྭཱ་ཧཱ༔ ཨོཾ་བད་ཏ་ལི་བ་དཱ་ལི་བཱ་རཱ་ཧཱི་ས་ར་ཧ་མུ་ཁེ་སརྦ་དུཊྚ་ནན་ཕྲ་དུཊྚནན་གནོད་བྱེད་དགྲ་ཇག་ཆོམ་རྐུན་གྱི་ཙཀླུ་མུ་ཁཾ་བྷནྡྷ་བྷནྡཱ་མུ་ཁཾ་ཛ་བྷ་ཡ་ནྟཾ་བྷ་ཡ་མོ་ཧ་ཡ་སྭཱ་ཧཱ༔ དགྲ་རྐུན་ཇག་གསུམ་ཐམས་ཅད་ཆིངས་ཤིག༔ འདི་ནི་ལྷ་མོ་འོད་ཟེར་ཅན་གྱི་ལས་ཚོགས་སྔགས་རིང་ནི་རྟོག་པ་ལས་བྱུང་ཞིང་ཉམས་མྱོང་དང་བཅས་པ་ཡིན། གནམ་ལྟ་ལ་དུར་ཁྲོད་བདག་པོའི་སྔགས་མཇུག་ཏུ་འདི་བྲིས། ཨོཾ་ཤ་ལངྐ་ཤ་ལངྐ་དུ་ར་དུ་ར་ཧབ་ཤ་ཧབ་ཤ༔ དགྲ་བོ་ཇག་རྐུན་ཐམས་ཅད་ཀྱི་སྲོག་ཙིཏྟ་ལ་ཤལ་མ་མ་འགུ་འགུ་ཤག་ཤག་རྦད་རྦད་རྒྱུག་ཅིག་རྒྱུག་ཅིག༔ དགྲ་རྒྱུག་ནས་སོད༔ རྒྱུག་ནས་སོད༔ སྐྱུག་ཅིག་སྐྱུག་ཅིག༔ དགྲ་བོ་སྐྱུག་ནས་སོད་སྐྱུག་ནས་སོད༔ དུ་རྟ་དུ་རྟ་རྨུ་རྟ་རྨུ་རྟ་ཡེ་སྭཱ་ཧཱ༔ ཉི་མ་ཕྱོགས་བཞི་མཚམས་བརྒྱད་ཀྱི་དགྲ་ཇག་ཆོམ་རྐུན་ཐམས་ཅད་ཀྱི་ལུས་ངག་ཡིད་གསུམ་ཆིངས་ཤིག༔ གཅན་གཟན་ནམ་

[Full Size]

གནོད་བྱེད་ཐམས་ཅད་ཀྱི་ཁ་ཆིངས་ཤིག༔ ཅེས་བྲིས་པར་དབང་ཕྱུག་ན་ལང་ཀའི་སྔགས་དྲེགས་པའི་གཞུང་ཆེན་སོགས་ལས་འབྱུང་བའི་དགྲ་རྐུན་གཅན་གཟན་བཙན་པོ་རྣམས་ཆིངས་ཡིན་གཏེར་ཁ་མང་པོ་ནས་འབྱུང་བའོ༔ ས་ལྟ་ལ་འོད་ཟེར་ཅན་མའི་སྔགས་མཇུག་ཏུ་འདི་བྲིས། ཨོཾ་ཀ་ཤ་ཀ་ཤ་བྲག་ཐལ་བྲག་ཐལ་སྙིང་ལ་ཆོད་ཆོད་ཡ་ཡ་ཙ་ཙ་ནན་ནན་ཆད་ཁ་ལ་རཀྵ་རྦད་སྙིང་ལ་རཀྵ་རྦད་རུས་ལ་རཀྵ་རྦད་ཙ་ལ་རཀྵ་རྦད་ཁྲག་ལ་རཀྵ་རྦད་གཟུགས་ཕུང་ལ་རཀྵ་རྦད་དྲན་རིག་ལ་རཀྵ་རྦད་དགྲ་བོའི་ལུས་ངག་ཡིད་གསུམ་ཆིངས་ཤིག༔ ནྟཾ་བྷ་ཡ་ནན་དགྲ་ཇག་ཆོམ་རྐུན་མ་ར་ཡ་རེངས་རྨུག་མྱོག་འཐིབ་འཐིབ་ཉི་མ་ཕྱོགས་བཞི་མཚམས་བརྒྱད་ཀྱི་དགྲ་ཇག་ཆོམ་རྐུན་ཐམས་ཅད་མ་ར་ཡ་རྦད་ནན་ཆིངས་ཤིག༔ འདི་བྱ་མང་བརྩོན་འགྲུས་གྲགས་ལ་རྗེ་བཙུན་སྒྲོལ་མས་དངོས་སུ་གནང་བའི་རྐུན་ཆིངས་ར་རུ་མའི་སྔགས་ཡིན་ནོ། །གཉིས་ཀའི་ཕྱི་ཡི་མུ་ཁྱུད་ལ། །ཧཱ་སྭཱ་ཡེ་ཎ་མ་ཤ་ཧཱ་མ་དཱི་བཱ་ཝཱ་ཨེ་དྷ་རོ་ནི་ཡོ་ཥཱ་ཏེ་དཏ་ཝ་ཧུ་ཏོ་ག་ཐཱ་ཏ་ནཥ་ཏེ་དུན་ཧེ་ཝ་བྷ་པྲ་ཏུ་ཧེ་མདྷ་ཡེ་ཨོཾ། ཨོཾ་མུ་ནི་ཙོ་ར་མུར་རྒྱ་ཙ་ཙ་སྭཱ་ཧཱ། ཇག་པ་ཆོམ་རྐུན་ཛ་ལ་མ་རྡ་ཡེ་ཁུག་ཅིག་སྭཱ་ཧཱ༔ ཉི་མ་ཕྱོགས་བཞི་མཚམས་བརྒྱད་ནས་གནོད་པར་བྱེད་པའི་དགྲ་ཇག་ཆོམ་རྐུན་ཐམས་ཅད་ཀྱི་ལུས་ངག་ཡིད་གསུམ་མཱ་ར་

[Full Size]

ཡ་རྦད་ནན་ཆིངས་ཤིག་རྐང་པ་ཆིངས་ཤིག༔ དེ་སོགས་འདོད་གསོལ་བྲིས་དམིགས་གསལ་དུ་ཡོད་ཚེ་མིང་བྲི་ཆོག༔ ལིངྒ་ལ་རམ་གྱི་བྱུག༔ ལིངྒའི་ལྟོ་བར་ལྷ་དབྱེའི་རྫས་དང་སྨྱོ་སེམས་མགོ་འཁོར་གྱི་ཤི་བའི་ཤ་ཁྲག་བྱུག་ཐང་ཕྲོམ་བཙན་དུག་གིས་བྱུགས་སོ༔ ཚ་བ་གསུམ་གྱིས་བྱུགས༔ ཕྱི་ཡི་སྔགས་རིང་རྣམས་ལ་གྲི་ཁྲག་བྱུག༔ དང་པོ་འཁོར་ལོ་ལ་ཀིང་ཀང་གི་འགུགས་གཞུག་དང་ལྷ་དབྱེ་རྟགས་ཐོན་བྱ༔ འཁོར་ལོའི་སྔགས་རྣམས་རབ་གནས་ཚུལ་དུ་ཐུན་རྫས་སྔགས་ལ་བྲབ་ལ༔ ཚོན་སྐུད་སོགས་སྐུད་པས་ཚེམས་ལ་གྲི་ལྕགས་སམ་ཤིང་སྤོམ་ནག་གི་སྲོག་ཤིང་བྱས་ལ༔ རླུང་ཆུ་སོགས་ལ་བསྐོར་བའམ་ལག་བསྐོར་བྱས་ཀྱང་རུང་ངོ་༔ ད་རུང་ཞལ་ཤེས་འགའ་རེ་དང་ལག་ལེན་མཐོང་བ་བརྒྱུད་པ་ཀྱང་ཤེས་དགོས་པ་ཡོད་དོ༔ ཞེས་པ་འདི་ཡང་གཉེར་པ་ཆོས་འཕེལ་གྱི་བསྐུལ་ངོར་སྔགས་འཆང་ཨཱཿ་ར་གས་བྲིས་པ་ཆོས་བྱེད་བྱང་ཆུབ་སྒྲུབ་པ་པོ་རྣམས་ལ་དགྲ་རྐུན་ལས་རྒྱལ་བར་གྱུར་ཅིག། ཅེས་པའི་མན་ངག་ཡང་གསང་ཡིན་པས་ཀུན་ལ་བཤད་ན་ལས་བྱེད་རྣམས་ཀྱི་སྙིང་ཁྲག་དྲོངས་ཤིག༔ ཨྠྀི༔ ་རྒྱ་རྒྱ་རྒྱ༔ འདི་གཞན་ལ་སྤེལ་ན་རང་ལ་ཤིན་ཏུ་གནོད་པས་གཅིག་བརྒྱུད་མ་གཏོགས་མང་དུ་མ་སྤེལ་ས་མ་ཡ་རྒྱ་རྒྱ༔ ཞལ་ཤེས་འགའ་རེ་ཡོད་གསུངས་པ་ནི་ལག་འཁོར་བྱེད་ན་རྨི་ཡིག་ནས་སྲོག་ཐུར་འཁོར་བསྡུད་ལང་རྩ་རྩེ་དགོས་ཐོན་ན་ཀིང་ཀང་གླང་རའི་ནོར་སྒྲུབ་དང་། དུར་ཁྲོད་བདག་པོའི་གཏོར་འབུལ་རྙིང་མ་སྤྱིའི་ཐུན་གཏོར་དང་དགྲ་ཆོས་བསྡུས་པ་ཐོན་ན་ལེགས། །

ལྷ་བདུན་མ།

[Full Size]

ཨཱཿཿ ཆོས་རྣམས་དམིགས་མེད་ཡེ་ནས་རྫོགས་པ་ཆེ། །དེ་ཡི་རང་མདངས་མཁའ་ལ་འཇའ་ཤར་ལྟར། །རང་ཉིད་རྡོ་རྗེ་སེམས་དཔའ་ཤེལ་གྱི་མདོག །དར་དང་རིན་ཆེན་རྒྱན་སྤྲས་འཛུམ་པའི་ཞལ། །ཕྱག་གཉིས་རྡོ་རྗེ་དྲིལ་འཛིན་ཕྱེད་དཀྱིལ་བཞུགས། །དེ་ཡི་ཐུགས་ཀར་ཞི་བ་བཞི་བཅུ་གཉིས། །མགྲིན་པར་རིག་འཛིན་སྡེ་ལྔ་ཡབ་ཡུམ་འཁྲིལ། །སྤྱི་བོར་ཁྲག་འཐུང་འབར་བ་ལྔ་བཅུ་བརྒྱད། །མེ་ལོང་གཟུགས་བརྙན་ལྟ་བུར་བཀྲ་ལམ་མེ། །དམ་ཚིག་ཡེ་ཤེས་དབྱེར་མེད་གདོད་ནས་གསལ། ཨོཾ་ཨཱཿཿཧཱུྃ༔ བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷརྟུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷོ་ཧཱུཾ། ཞེས་དང་། འ་ཨ་ཤ་ས་མ་ཧ༔ འདི་ནི་བཏགས་གྲོལ་སྙིང་པོ་སྟེ། ཞི་ཁྲོའི་ཉམས་ལེན་ཚང་བའོ། ། ༈ རང་ཉིད་དྲན་རྫོགས་དམ་ཡེ་དབྱེར་མེད་ངང་། །ཐུགས་རྗེ་ཆེན་པོ་གསང་འདུས་སྐུ་མདོག་དམར། །མཚན་དཔེ་དར་དང་རིན་ཆེན་རྒྱན་རྣམས་རྫོགས། །ཞལ་གཅིག་དབུ་གཙུག་སྣང་བ་མཐའ་ཡས་བཞུགས། །ཕྱག་གཡས་ཐུགས་ཀར་པད་ཕྲེང་གཡོན་པ་ཡི། །ཚེ་བུམ་ལྟེ་བར་འཛིན་ཅིང་ཕྱེད་སྐྱིལ་བཞུགས། །མཁའ་འགྲོ་གསང་ཡེ་དམར་མོ་སྐུ་ལ་འཁྲིལ། །ཕྱག་གཡས་

[Full Size]

ཨུཏྤལ་གཡོན་པས་ཚེ་བུམ་བསྣམས། །ཐུགས་དཀར་འཁོར་ལོ་དཀར་པོ་རྩིབས་དྲུག་པའི། །ལྟེ་བར་ཧཱིདང་རྩིབས་དྲུག་ཡི་གེ་དྲུག །དེ་ལས་འོད་འཕྲོས་རྒྱལ་བ་ཐམས་ཅད་མཆོད། །སྐུ་གསུང་ཐུགས་ཀྱི་བྱིན་རླབས་བདག་ལ་བསྡུས། །འགྲོ་བའི་སྒོ་གསུམ་སྡིག་སྒྲིབ་སྦྱང་བར་གྱུར། ཨོཾ་མ་ཎི་པདྨེ་ཧཱུཾ་ཧཱི༔ ཨ་ར་པ་ཙ་མི་ཏ་ཧྲིད་ཡ་སྭཱ་ཧཱ། མ་བསྒོམ་སངས་རྒྱས་ཐོབ་པའི་ཐབས། །དེ་ཡི་བུམ་སྒྲུབ་ཉམས་ལེན་ཚང་། ༈ སེམས་ཅན་ཐམས་ཅད་ཀྱི་དོན་དུ་དམིགས་ནས། ཨོཾ་པདྨོ་ཨུཏྟི་ཥ་བི་མ་ལེ་ཧཱུཾ་ཕཊ། ཉིན་རེ་ཚར་བདུན་མ་ཆག་ན་བདེ་བ་ཅན་དུ་སྐྱེ། སྤྱན་རས་གཟིགས་པདྨ་གཙུག་ཏོར་གྱི་སྙིང་པོའོ། །འདི་ཤུག་པ་དམར་པོ་རབ། མ་རྙེད་ན་བཟང་ཤིང་གང་རུང་བ་རྣམས་ལ་མང་དུ་བསྔགས་ནས་ཡང་ཡང་བདུག་པས་མི་ནད་ནོར་ནད་རྟ་ནད་ལུག་ནད་ཡམས་ནད་ཀྱི་རིགས་ཐམས་ཅད་ཆད་པར་གསུངས་པ་གསར་རྙིང་གཉིས་ཀ་མཐུན་ནོ། ༈ །སྤྱན་རས་གཟིགས་ཡིད་བཞིན་འཁོར་ལོའི་སྙིང་པོ་འདི་ཅི་མང་བཟླས་པས་ནད་ཐམས་ཅད་དང་འཁྲུག་རྩོད་ཁ་སྨྲས་དང་བཀྲ་མི་ཤིས་པ་ཐམས་ཅད་ཞི། བཀྲ་ཤིས་བདེ་ལེགས་འབྱུང་བ་རྒྱུད་དང་མན་ངག་གཉིས་ཀ་མཐུན། ཨོཾ་པདྨ་ཚིནྡྷ་མ་ཎི་ཛཱ་ལ་ཧཱུྃ། སངས་རྒྱས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། འདི་ལ་རབ་བརྒྱ། འབྲིང་ཉེར་གཅིག །ཐ་མ་བདུན་རེ་མ་

[Full Size]

ཆག་ན། ཚེ་འདིར་ནད་ཞི་ཞིང་ཕྱི་མ་ངན་སོང་ལ་མི་འགྲོ་བ་ཐུབ་པའི་བཀའོ། ༈ ཧཱུཾ། བདག་དང་མདུན་དུ་ལོ་མ་ཅན། །སེར་མོ་ཞལ་གཅིག་ཕྱག་གཉིས་མ། །གཡས་པ་རྡོ་རྗེ་གཡོན་སྡིགས་མཛུབ། །རྨ་བྱ་ལོ་མའི་ཤམ་ཐབས་ཅན། །པདྨ་ཉི་མའི་གདན་ལ་བཞུགས། །སངས་རྒྱས་ཀུན་གྱི་བྱིན་རླབས་ནི། །བདག་མདུན་ཐིམ་ཞིང་དབང་བསྐུར་གྱུར། །ཨོཾ་པི་ཤ་ཙི་པཎ་ཤ་ཝ་རི་སརྦ་ཛཱ་ར་པྲ་ཤ་མ་ནི་སྭཱ་ཧཱ། ཞེས་བསམ། ཨོཾ་པི་ཤ་ཙི་སྭཱ་ཧཱ། ནངས་སྔ་ཕྲེང་བསྐོར་རེ་མ་ཆག་པར་རྩ་སྟོང་ལ་བཟླས། སྣ་བུག་ཏུ་ཕུ་གདབ། གལ་ཆེ་དུས་མང་བར་རྒྱུ་བགྲང་ན་ནད་ཉུང་ཞིང་རིམས་ནད་ཐམས་ཅད་ཞི། བཀྲ་ཤིས་བདེ་ལེགས་འབྱུང་བ་གནམ་ཆོས་གསར་རྙིང་ཐམས་ཅད་ནས་གསུངས་སོ། ༈ །རང་ཉིད་སྨེ་བརྩེགས་ལྗང་ནག་ཁྲོས། །གཡས་སྔོ་གཡོན་དཀར་དབུས་ལྗང་ཞལ། །དང་པོས་སྡིགས་མཛུབ་ཐུགས་ཀར་བསྣོལ། །བར་པས་ལྕགས་ཀྱུ་ཞགས་པ་སྟེ། །ཐ་མས་རྡོ་རྗེ་དྲིལ་བུ་བསྣམས། །ཁྲོ་བོའི་ཆས་རྫོགས་པད་ཉིར་བཞུགས། །ཐུགས་ཀར་ཧཱུྃ་ལྗང་སྔགས་ཀྱིས་བསྐོར། །རང་འདྲ་སྤྱན་དྲངས་རང་ལ་བསྟིམ། །མེ་འབར་གྲིབ་དང་མི་གཙང་བསྲེགས། །ཨོཾ་བྷུར་ཁུང་མ་ཧཱ་པྲ་མ་ཎ་ཡེ་བྷུར་རྩི་

[Full Size]

བྷར་ཀི་བི་མ་ལེ་ཨུ་ཙུཥཱ་ཀྲོ་དྷ་ཧཱུྃ་ཕཊ། ཡང་ན། ཨོཾ་བྷར་ཁུང་དྷིས་སྭཱ་ཧཱ། བཟླས་པས་ཟས་གྲིབ་གོས་གྲིབ་དང་རོ་གྲིབ་བཙོག་གྲིབ་དམ་ཉམས་གྲིབ་ཐམས་ཅད་ཞི་ཞིང་གཞན་ལའང་། སྔགས་ཆུ་བྱས་ནས་ཁྲུས་བྱེད་བཅུག སྣ་ནོར་དང་ཁྱིམ་ལ་གཏོར་བའམ། །གུ་ཁུལ་ལམ་ནི་ཤུག་པ་སོགས། །བསྔགས་ནས་བདུག་ན་གྲིབ་ཀུན་སེལ། ༈ རྒྱལ་བ་རྒྱ་མཚོའི་ལས་ཚོགས་ནི། རང་ངམ་ནད་པ་གང་ཡིན་དེ། །གང་དུ་ན་བའི་ས་དེ་རུ། །རྒྱལ་བ་རྒྱ་མཚོའི་སྐུ་ཞིག་བསྒོམ། །དེ་ལས་ཡུན་རིང་རྩེ་གཅིག་བསྒོམ། །དེ་ནས་སྐབས་སུ་དྲག་དམིགས་ནི། །གང་ནའི་ས་དེར་ཁྱུང་གཅིག་བསྒོམ། །ཁྱུང་དེས་ནད་གདོན་ཟ་ཞིང་ནི། །ནང་ནས་ཚུར་ཞུགས་དེས་ནང་ནས། །ནད་ཀྱི་རྫོརླངས་པ་ནག་ཕྱུར་རེ། །བྱུང་བས་ནད་བདག་ལ་ཕོག་བསྒྲལ། །དེས་ནི་ནད་རྣམས་ཀུན་ལ་ཕན། །རང་ཉིད་རྒྱལ་བ་རྒྱ་མཚོར་བསྒོམ། །རང་ངམ་གཞན་ལ་གནོད་བྱེད་ཡི། །གདོན་ལ་སྙིང་རྗེ་དྲག་པོ་བསྒོམ། །དེ་ལ་ཡུན་ནི་ཅི་རིང་བྱ། །དེ་ནས་དྲག་པོའི་དམིགས་པ་ནི། །རང་ཉིད་རྒྱལ་བ་རྒྱ་མཚོ་ཡི། །སྐུ་ལས་ཁྲོ་ཆུང་རྟ་མགྲིན་ནི། །དམར་པོ་དབྱུག་ཐོ་ཞགས་པ་ཅན། །གྲངས་མེད་སེར་རྒོད་བབ་ལྟར་འཕྲོས། །མེ་དཔུང་རླུང་འཚུབ་དང་བཅས་ཏེ། །གདོན་བགེགས་རྒྱ་མཚོའི་ཕ་རོལ་བསྐྲད། །རྟ་མགྲིན་ཐམས་ཅད་ཚུར་འདུས་ནས། །ཁྲོ་བོའི་གུར་དུ་གྱུར་པ་བསྒོམ། །དེ་ཡི་གདོན་རྣམས་

[Full Size]

ཐམས་ཅད་ཞི། །སྔགས་ནི་ཡིག་དྲུག་ཤམ་བུ་རུ། །རྐེའི་ནད་གདོན་ཤཱནཾ་ཀུ་རུ་སྭཱ་ཧཱ། བརྒྱ་སོགས་མང་ཉུང་གལ་དང་བསྟུན། ༈ གསར་རྙིང་སྤྱི་ཡི་ལས་ཚོགས་ནི། །རང་གཞན་བློ་སེམས་མི་བདེ་ན། །སྙིང་དཀྱིལ་ཡིག་གེ་བཻ་དཀར་པོ། །དེ་ལས་བདུད་རྩི་དཀར་པོ་བབ། །སྙིང་ནི་བདུད་རྩིས་གང་བར་སེམས། །དམིགས་པ་ཟིན་ནས་འཕྲལ་དུ་ཕན། །ཡུན་རིང་བསྒོམས་ན་རྩད་ནས་ཕན། ༈ རང་གཞན་ཚད་སར་ན་བ་དང་། །སྙིང་དཀྱིལ་བ་ཡིག་དཀར་པོ་ལས། །ག་པུར་གྱི་ནི་རང་བཞིན་གྱི། །ཆུ་འཆག་བབ་ནས་དོན་སྣོད་བཤེལ། །ནད་ཀུན་འོག་སྒོ་ནས་ཐོན་དམིགས། །རང་ཉིད་ན་ན་སོ་བསྒྲིབ་པ། །སེལ་སྒྲ་དང་བཅས་རླུང་ཡང་རྔུབ། །མྱུར་དུ་ཕན་པ་མྱོང་བས་གྲུབ། ༈ །རང་གཞན་གྲང་བའི་ནད་བྱུང་ན། །ལྟེ་འོག་ཐད་ཀྱི་དབུ་མའི་ནང་། །རཾ་ཡིག་དམར་པོ་མེ་འབར་བས། །ལུས་ཀུན་མེ་ཡིས་རབ་ཏུ་གང་། །ནད་དང་གདོན་བཅས་བསྲེགས་པར་གྱུར། །ནན་ཆེན་བསྒོམས་ན་ཕན་པར་ངེས། ༈ རང་གཞན་རླུང་གི་ནད་བྱུང་ན། མདུན་དུ་བྷནྡྷ་ཆེན་པོའི་ནང་། །འབྲི་མར་མར་ཁུས་གང་བ་ལ། །རྐང་པའི་མཐེ་བོང་གཡས་པ་ནི། །སྐུ་གུར་གྱུར་པའི་ནང་དུ་རྔུབས། །ལུས་ཀུན་མར་ཁུས་སེར་ལྟེམ་གང་། །བ་སྤུ་བུ་ག་ཐམས་ཅད་ནས། །ཡུངས་ཀར་ཙམ་པ་ཁྲོམ་མེ་བསྒོམ། །ནན་གྱིས་བསྒོམས་ན་ཕན་པར་ངེས། །སྔགས་ནི་མེད་དེ་དམིགས་པའོ། ༈ །སྒྲོལ་མ་དཀར་མོའི་ལས་ཚོགས་ནི། །རང་དམ་ནད་པ་

[Full Size]

གཞན་རང་རུང་། །ནམ་མཁར་སྒྲོལ་མ་དཀར་མོ་བསྒོམ། །པོ་ཊ་ལ་ནས་སྤྱན་དྲངས་བསྟིམ། །ནད་དེ་ཞི་བར་གསོལ་བ་བཏབ། ཨོཾ་ཏཱ་རེ་ཏུཏྟཱ་རེ་ཏུ་རེ་སྒྲོམོའི་ནད་ཤཱནྟིཾ་ཀུ་རུ་སྭཱ་ཧཱ། ཅེས་ཅི་ཙམ་ནུས་པ་བཟླས། སྒྲོལ་མའི་སྐུ་ལས་བདུད་རྩི་ནི། །དཀར་པོ་འོ་མའི་རྒྱུན་ལྟར་བབས། །དེ་ཡིས་ནད་དེ་སང་སང་དག །དེ་ནས་ན་སར་སྒྲོལ་མ་བསྟིམ། །དེ་ནས་དམིགས་མེད་ངང་ལ་བཞག་དད་པ་ངེས་ཤེས་མ་ཆུང་ན། །འདི་ལས་ཟབ་པ་ཡོད་མི་སྲིད། །ལག་བླང་མང་བས་ཡིད་ཆེས་ཡོད། །དེ་ལྟར་ཐུགས་དམ་ཉེར་མཁོའི་སྐོར། །བྱ་བཏང་ཀརྨ་ཤེས་རབ་ལ། །ཕན་ཕྱིར་རཱ་ག་ཨ་སྱས་བྲིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྡོམ་བུ་བྱུང་དུས་ཀྱི་ཡོན་སྦྱངས།

[Full Size]

ལྡོམ་བུ་བྱུང་དུས་ཀྱི་ཡོན་སྦྱངས་བཞུགས་སོ། །ཡང་ལྡོམ་བུ་བྱུང་དུས་ལ་སོགས་ནམ་ཡང་རུང་སྟེ། མདུན་དུ་མར། ཐུད་ཤ་ཞོ་ལ་སོགས་ཕུལ་ནས་བྱུང་དུས། ཆབ་ཀྱིས་བྲན་ལ། རང་ཉིད་སྐད་ཅིག་ལ་ཡི་དམ་རྒྱལ་བ་རྒྱ་མཚོ་ནམ་མཁས་ཁྱབ་ཚད་ཀྱི་སངས་རྒྱས་བྱང་སེམས་ཆོས་སྐྱོང་འཇིག་རྟེན་སྐྱོང་བ་འགྲོ་བ་རིགས་དྲུག་གནོད་བྱེད་ལན་ཆགས་དང་བཅས་པ་ཐམས་ཅད། །ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་། ལྷ་མོ་འོད་ཟེར་ཅན་དང་། རི་ཁྲོད་ལོ་མ་ཅན་དང་། ཨཱཿརྱ་ཛམ་བྷ་ལ་དཀར་པོའི་སྐུར་གྱུར་པར་བསྒོམས་ལ། མདུན་གྱི་ཟས་དེ་ཡང་ཀྱི་རིན་པོ་ཆེའི་སྣོད་དུ་བདུད་རྩིའི་རྒྱ་མཚོ་རྒྱ་ཁྱོན་ནམ་མཁའ་དང་མཉམ་པར་གྱུར་པ་ལ། མགྲོན་ཐམས་ཅད་ཀྱི་ལྗགས་ནས་རྡོ་རྗེའི་སྦུ་གུ་བྱུང་ནས་བདུད་རྩི་གསོལ་ནས་མཉེས་པར་བསྒོམ་ཞིང་ངག་ཏུ། ཨོཾ་ཨཱཿཿཧཱུྃ་ཧ་ཧོ་ཧཱུྃསྭཱ་ཧཱ༔ ཨོཾ་མ་ཎི་པདྨེ་ཧཱུྃ༔ ཨི་དཾ་བྷ་ལིཾ་ཏ་ཁཱ་ཧི། ༀ་མ་རི་ཙེ་སྭཱ་ཧཱ། ཨི་དཾ་བྷ་ལིཾ་ཏ་ཁཱ་ཧི། ཨོཾ་པི་ཤ་ཙི་སྭཱ་ཧཱ། ཨི་དཾ་བྷ་ལིཾ་ཏ་ཁཱ་ཧི། ཨོཾ་པདྨ་ཀྲོ་དྷ་ཨཱཿརླ་ཛམ་བྷ་ལ་ཧྲིད་ཡ་སྭཱ་ཧཱ༔ ཨི་དཾ་བྷ་ལི་ཏ་ཁཱ་ཧི༔ དཀོན་མཆོག་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར་ཅིག །རིགས་དྲུག་འདོད་

[Full Size]

པ་ཚིམ་གྱུར་ཅིག །ལན་ཆགས་བུ་ལོན་བྱང་གྱུར་ཅིག །རྣམ་བཞིའི་མགྲོན་གྱི་ཚོགས་རྣམས་ལ། །ཚད་མེད་མཆོད་སྦྱིན་འདི་བསྔོས་པས། །བདག་དང་སེམས་ཅན་ཐམས་ཅད་ཀུན། །ལོངས་སྤྱོད་ལྡན་ཞིང་ཚོགས་རྫོགས་ནས། །མྱུར་དུ་སངས་རྒྱས་ཐོབ་པར་ཤོག །ཅེས་བརྗོད་པ་དང་། མགྲོན་རྣམས་དང་པོ་སྤྱན་འདྲེན་མི་དགོས། དྲན་རྫོགས་དམ་ཡེ་དབྱེར་མེད་སྣང་སྲིད་ལྷར་གསལ་བཏབ་པ་ཡིན། རྗེས་ནས་གཤེགས་གསོལ་དང་བསྡུ་ཆོག་མི་དགོས། ཐམས་ཅད་ཡེ་ཤེས་ཀྱི་ཆོ་འཕྲུལ་ཡིན་པས་སེམས་ཀྱི་ངོ་བོ་ལ་ལྟ་བ་རྫོགས་རིམ་མཆོག །འདི་ལྟར་བྱས་པས་ཡོན་བདག་ཚོགས་རྫོགས། རང་ལ་དཀོར་སྒྲིབ་མི་འབྱུང་ལ་རིམས་ནད་དང་ཕྱུགས་ནད་ཞི། ལོངས་སྤྱོད་ཤུགས་ཀྱིས་འཕེལ་བ་སྟེ། སྲོང་བཙན་སྒམ་པོའི་གཏོར་མ་ལམ་ཁྱེར་ཞེས་བྱ་བ་དང་། རྒྱལ་བ་རྒྱ་མཚོའི་གཏོར་མའི་དགོངས་པ་དང་མཐུན་པར། རང་གི་ཉམས་དང་བསྟུན་ཏེ་དབོན་པོ་པདྨ་ནམ་མཁའི་དོན་དུ་བྲིས་པ་ལ། ཉེས་འགལ་མཆིས་ན་བཤགས་ཤིང་དགེ་བས་འགྲོ་བ་མང་པོ་ལ་ཕན་པ་རྒྱ་ཆེན་པོར་གྱུར་ཅིག །ཅེས་པ་༧ ཨ་རཱ་གས་སྦྱར།

རྔ་ཐུག་ཁམས་གསུམ་ཟིལ་གནོན་ཞེས་བྱ་བའི་འདོན་བྱ།

[Full Size]

རྔ་ཐུག་ཁམས་གསུམ་ཟིལ་གནོན་ཞེས་བྱ་བའི་འདོན་བྱ་བཞུགས་སོ། །དབུ་ཡི་གཟིགས་ཕྱོགས་དགེ་ལེགས་འཕེལ།

[Full Size]

ན་མོ་མ་ཧཱ་ཀཱ་ལ་ཡེ། ཐུག་ལྕགས་ཁ་ཊོ་དབྱིབས་ཅན་ནི། །སྡེ་པ་བླ་ཆེན་ཐོབ་ཡིན་ཅིང་། །མདུང་ལྕགས་སྔགས་པ་སྤྱི་ཡི་ཡིན། །སྟོད་སྨད་བར་གསུམ་འབོད་ཅད་བསད། །སྔགས་ཀྱི་ཤོག་དྲིལ་བཅུག་པར་གསུངས། །ཡང་ན་ཕྱོགས་གསུམ་བྱ་བར་གསུངས། །རྒྱས་པར་སྲོག་འཁོར་བླ་རྡོ་བཏགས། །རང་དང་ཆོས་སྐྱོང་གང་རྩེན་པའི། །སྤྱི་དང་བྱེ་བྲག་གང་འདོད་རུང་། །བྱེས་སུ་ཁྱེར་རམ་གཞི་ལ་འཛུགས། །དུས་བཟང་ལས་བྱང་གསོལ་ཁ་སྐབས། །གྱེར་སྒོམ་སྦྲགས་ལ་འདི་སྐད་དོ། །ཧཱུྃ། སྔོན་གྱི་བསྐལ་པའི་དང་པོ་ལ། །རི་རབ་རི་ཡི་སྲོག་ཤིང་ལ། །ཡོངས་འདུས་དཔག་བསམ་ལྗོན་ཤིང་སྐྱེས། །རྩ་བ་ཀླུ་ཡི་ཡུལ་དུ་ཟུག །སྐེད་པ་ལྷ་མིན་ཡུལ་དུ་

[Full Size]

རྒྱས། །རྩེ་མོ་ལྷ་ཡི་ཡུལ་དུ་སླེབས། །ལོ་མར་གནམ་ལོའི་གཟུགས་བརྙན་འཆར། །ཟིལ་པ་གླིང་བཞི་ཆར་རྒྱུན་འབབ། །འབྲས་བུ་བདུད་རྩི་ལྷ་ཡི་ཟས། །དེ་ལ་ལྷ་དང་ལྷ་མིན་རྩོད། །འཁྲུག་པ་དེ་ཉིད་ཞི་བའི་ཕྱིར། །དཔག་བསམ་ཤིང་གི་བདག་མོ་ལ། །མ་གཅིག་དཔལ་ལྡན་ལྷ་མོ་བསྐོས། །དེ་ཚེ་ཤིང་གི་ལྷ་མོ་ལ། །འོད་ཟེར་སྤྱན་མ་ཞེས་སུ་གྲགས། །ལྷ་དང་ལྷ་མིན་མགོན་སྐྱབས་མཛད། །ལྷ་མིན་བདུད་ཀྱི་དམག་དཔུང་ཟློག །སྔོན་དུས་སྲིད་པ་དེ་བཞིན་དུ། །དཔག་བསམ་ཙནྡན་གོར་ཤི་ཤ། །ལྷ་ཤིང་ཤུག་པའི་སྡོང་པོ་འདི། །རྩ་

[Full Size]

བ་ཀླུ་ཡི་ཡུལ་དུ་ཟུགས། །ནད་སེལ་ཀླུ་སྨན་ཆུ་རྒྱུན་འབེབས། །བརྟེན་ནི་འབྱུང་བ་ས་ལ་བརྟེན། །ས་ཡི་ལྷ་མོ་སངས་རྒྱས་སྤྱན། །གཡོ་འགུལ་མེད་པར་བརྟན་པར་ཟུངས། །སྐེད་པ་བར་སྣང་ཁམས་སུ་ཁྱབ། །བར་སྣང་གཉན་གྱི་སྤྱན་ལམ་དུ། །ལོ་འབྲས་མེ་ཏོག་བར་སྣང་ཁྱབ། །ལོ་མ་དར་ཟབ་སྲབ་ལས་འཇམ། །འབྲས་བུ་ཡིད་བཞིན་ནོར་བུའི་ཚོགས། །དགོས་འདོད་སྣ་ཚོགས་ཆར་དུ་འབེབས། །རྩེ་མོ་དགུང་སྔོན་ནམ་མཁའི་དབྱིངས། །མ་གཅིག་ལྷ་མོའི་སྤྱན་ལམ་ན། །བྱང་ཤར་ཡོངས་འདུའི་ལྗོན་པའི་ཤིང་། །དཔལ་ལྡན་མགོན་པོའི་སྤྱན་ལམ་ན། །རྡོ་རྗེ་གདན་གྱི་བྱང་ཆུབ་ཤིང་། །སེང་གདོང་ཡབ་ཡུམ་སྤྱན་ལམ་ན། །རྔམ་པ་སྒྲ་སྒྲོགས་ཤིང་ཆེན་ངོས། །ཞིང་སྐྱོང་ཕྱོགས་སྐྱོང་སྤྱན་ལམ་ན། །དུར་ཁྲོད་བརྒྱད་ཀྱི་རང་བྱུང་ཤིང་། །བྱ་རོག་གདོང་ཅན་སྤྱན་ལམ་ན། །བསིལ་བ་ཚལ་གྱི་ཉ་གྲོའི་ཤིང་། །མྱུར་མཛད་མགོན་པོའི་སྤྱན་ལམ་ན། །ལྷོ་ཕྱོགས་ཙནྡན་རྐང་གཅིག་ཤིང་། །ཀླུ་རྒྱལ་རྣམས་ཀྱི་སྤྱན་ལམ་ན། །ལྷོ་ཕྱོགས་ཛམ་བུའི་པྲིཀྵའི་ཤིང་། །ཙནྡན་སྡོང་པོའི་ཤིང་ཆེན་འདི། །ཕྱི་ལྟར་འདོད་འབྱུང་དཔག་བསམ་ཤིང་། །

[Full Size]

དགོས་འདོད་ཆར་པ་སི་ལི་ལི། །ནང་ལྟར་ཙནྡན་བེང་ཆེན་ཤིང་། །ལྷ་དམག་བྱེ་བ་དགུ་ཁྲི་གནས། །གསང་བ་ཆོས་དབྱིངས་ཕོ་བྲང་ཆེ། །ཆོས་སྐྱོང་དམ་ཅན་ཐམས་ཅད་ཀུན། །སྤྲིན་ལྟར་འདུ་ཞིང་རླུང་ལྟར་འཚུབ། །མ་མགོན་ཞིང་སྐྱོང་ཕྱོགས་སྐྱོང་ཀུན། །སྲིད་པ་ཆགས་ནས་ཤིང་ལ་བརྟེན། །སྲིད་པའི་རྒྱུད་ལུང་དེ་བཞིན་ཉིད། །ཤིང་ཆེན་འདི་ལ་བརྟེན་ཆོས་ཤིག །ཧཱུྃ། སྔོན་གྱི་བསྐལ་པའི་དང་པོ་ལ། །ལྷ་དང་ལྷ་མིན་འཁྲུག་པའི་ཚེ། །བརྒྱ་བྱིན་མངོན་ཤེས་ལྡན་པ་དེས། །གཞན་འཕྲུལ་དབང་བྱེད་ལྷ་གནས་ནས། །ཡེ་ཤེས་མགོན་པོ་སྤྱན་དྲངས་པས། །མགོན་པོ་བྱ་རོག་ཆེན་པོར་སྤྲུལ། །དཔག་བསམ་ཤིང་གི་རྩེ་ལ་བབ། །བྱ་རོག་སྤྲུག་སེལ་ལན་གསུམ་བྱས། །ཇེ་ཆེར་རི་རབ་ཙམ་དུ་གྱུར། །སྤྲུལ་པའི་ལྷ་དམག་ནམ་མཁའ་གང་། །རི་རབ་གཡོ་ཞིང་རྒྱ་མཚོ་ཁོལ། །ལྷ་མིན་དམག་ཚོགས་ཁྲག་ཏུ་བཅུག །མགོན་པོ་བྱ་རོག་ཆེན་པོ་དང་། །དཔག་བསམ་ཤིང་གི་བདག་པོར་གྱུར། །སྔོན་བྱུང་སྲིད་པ་དེ་བཞིན་དུ། །དཔག་བསམ་ཙནྡན་སྡོང་པོར་རྩེར། །རྔ་ཐུག་ནག་པོ་སྐྱོན་པ་འདི། །མགོན་པོ་བྱ་

[Full Size]

རོག་ཆེན་པོ་དངོས། །སིག་སིག་ཡམ་ཡམ་འགུལ་ཙམ་ན། །མགོན་པོའི་སྤྲུལ་པ་ནམ་མཁའ་གང་། །དགྲ་བགེགས་ལོག་འདྲེན་དཔུང་ཚོགས་རྣམས། །ཁྲག་ཏུ་བསྐྱུར་ཤིང་བརྒྱལ་བར་བྱེད། །རྔ་ཐུག་ཤར་དུ་བསྐྱོད་ཙ་ན། །སྐུ་མགོན་དཀར་པོའི་ནམ་མཁའ་གང་། །ནད་གདོན་བར་ཆད་ཞི་བར་མཛོད། །རྔ་ཐུག་ལྷོ་རུ་བསྐྱོད་ཙ་ན། །ཡོན་ཏན་མགོན་སེར་ནམ་མཁའ་གང་། །ཚེ་བསོད་དཔལ་འབྱོར་རྒྱས་པར་མཛོད། །རྔ་ཐུག་ནུབ་ཏུ་བསྐྱོད་ཙ་ན། །གསུངམགོན་དམར་པོའི་ནམ་མཁའ་གང་། །ཁམས་གསུམ་སྲིད་གསུམ་དབང་དུ་བསྡུས། །རྔ་ཐུག་བྱང་དུ་བསྐྱོད་ཙ་ན། །ཕྲིན་ལས་མགོན་ལྗང་ནམ་མཁའ་གང་། །གནོད་བྱེད་དགྲ་བགེགས་རྡུལ་དུ་རློགས། །རྔ་ཐུག་རང་སར་གནས་ཙམ་ན། །ཐུགས་མགོན་མཐིང་གས་ནམ་མཁའ་གང་། །མཆོག་གི་དངོས་གྲུབ་བསྩལ་དུ་གསོལ། །བ་དན་འདི་ནི་མཆོད་པའི་རྫས། །རྒྱལ་བས་མདོ་རྒྱུད་ཀུན་ནས་གསུངས། ། ཧཱུྃ༔ སྔོན་གྱི་བསྐལ་པའི་དང་པོ་ལ། །ཡུམ་ཆེན་ཨུ་མ་དེ་ཝ་ཡི། །སྲས་མོ་ལྷ་མོ་དུང་སྐྱོང་མ། །ཁོལ་མོ་ལྷ་མོ་རེ་མ་ཏི། །འབོད་ཕྱིར་དྲེད་མོང་རལ་པས་གཡབ། །རང་

[Full Size]

དབང་མེད་པར་མདུན་དུ་བཀུག །བཀའ་བསྒོས་དམ་བཞག་སྨོན་ལམ་བཏབ། །སྔོན་དུས་སྲིད་པ་དེ་བཞིན་དུ། །རྔ་ཐུག་རལ་པ་ནག་པོ་འདིའི། །ཡུམ་ཆེན་དམ་ཚིག་སྒྲོལ་མ་ཡིས། །གཡབ་ཅིང་སྤྲུལ་པའི་དུས་རྣམས་ལ། །ལྷ་མོ་དཔོན་གཡོག་མྱུར་དུ་བྱོན། །རྟེན་རྫས་རྔ་ཐུག་འདི་ལ་བཞུགས། །རྔ་ཐུག་ཤར་དུ་གཡབ་པའི་ཚེ། །ཤར་ཕྱོགས་མ་མོ་དཀར་མོ་འབུམ། །འདིར་བྱོན་ཞི་བའི་ཕྲིན་ལས་སྒྲུབས། །རྔ་ཐུག་ལྷོ་རུ་གཡབ་པའི་ཚེ། །ལྷོ་ཕྱོགས་མ་མོ་སེར་མོ་འབུམ། །འདིར་བྱོན་རྒྱས་པའི་ཕྲིན་ལས་མཛོད། །རྔ་ཐུབ་ནུབ་ཏུ་གཡབ་པའི་ཚེ། །ནུབ་ཕྱོགས་མ་མོ་དམར་མོ་འབུམ། །འདིར་བྱོན་དབང་གི་ཕྲིན་ལས་མཛོད། །རྔ་ཐུག་བྱང་དུ་གཡབ་པའི་ཚེ། །བྱང་ཕྱོགས་མ་མོ་ལྗང་མོ་འབུམ། །འདིར་བྱོན་དྲག་པོའི་ཕྲིན་ལས་མཛོད། །རྔ་ཐུག་རང་སར་གནས་པའི་ཚེ། །ཡེ་ཤེས་ལས་ཀྱི་མ་མོ་རྣམས། །འདིར་བྱོན་མཆོག་ཐུན་དངོས་གྲུབ་སྩོལ། ། ཧཱུྃ། སྔོན་གྱི་བསྐལ་པའི་དང་པོ་ལ། །སུམ་ཅུ་རྩ་གསུམ་ལྷ་ཡུལ་ན། །ལྷ་མིན་བདུད་ཀྱི་དམག་ཚོགས་གཡོས། །མངོན་ཤེས་ལྡན་པའི་ལྷ་རྣམས་ཀྱིས། །རི་རབ་རི་ཡི་རྩེ་

[Full Size]

མོ་ནས། །དར་ནག་གཡབ་མོའི་གཡབ་པའི་ཚེ། །འཛམ་གླིང་ལྷོ་ཕྱོགས་དུར་ཁྲོད་ནས། །ཆོས་སྐྱོང་མ་མགོན་འཁོར་དང་བཅས། །སྤྲིན་ནག་རླུང་གིས་བསྐྱོད་པ་བཞིན། སུམ་རྩེན་ལྷ་ཡི་ཡུལ་དུ་བྱོན། །ལྷ་མིན་དམག་ཚོགས་གཡུལ་ངོ་ཟློག །དཀར་ཕྱོགས་ལྷ་རྣམས་རྒྱལ་བར་མཛད། །སྔོན་བྱུང་སྲིད་པ་དེ་བཞིན་དུ། །ཐུག་ལྕགས་མགུལ་རྒྱན་དར་ནག་འདི། །མཐོ་བ་དགུང་ལ་དཔེ་བླངས་ནས། །གོང་རས་ཁ་དོག་སྔོན་པོ་བྱས། །ལྷ་ངོ་དགུང་བས་མཐོ་གྱུར་ཅིག །དམའ་བ་ས་ལ་དཔེ་བླངས་ནས། །འོག་ཤམས་ཁ་ཚོདོག་སེར་པོ་བྱས། །ཆོས་སྲིད་ས་ལྟར་བརྟན་གྱུར་ཅིག །མ་མགོན་སྐུ་ལ་དཔེ་བླངས་ནས། །དར་གྱི་ཁ་དོག་ནག་པོ་བྱས། །མཐུ་སྟོབས་ནུས་པ་རྒྱས་གྱུར་ཅིག །ཡེ་ཤེས་མེ་ལ་དཔེ་བླངས་ནས། །རྒྱབ་ཀྱི་གདོང་རས་དམར་པོ་བྱས། །དགྲ་བགེགས་བདུད་དཔུང་བསྲེགས་གྱུར་ཅིག །ཕྲིན་ལས་རྣམ་བཞི་འགྲུབ་པའི་ཕྱིར། །དར་ལྕེ་ཁ་དོག་སྣ་ཚོགས་བྱས། །བསམ་པ་ཡིད་བཞིན་འགྲུབ་གྱུར་ཅིག །མ་མགོན་དམ་ཅན་བརྟེན་པའི་ཕྱིར། །དར་ལ་བསྙེན་སྒྲུབ་གསང་སྔགས་བྲིས། །ཆོས་སྐྱོང་སྤྲིན་ལྟར་འདུ་གྱུར་ཅིག །

[Full Size]

དར་ལྕེ་རླུང་རྟའི་མདོག་དང་སྔགས། །དབང་ཐང་རླུང་རྟ་དར་གྱུར་ཅིག །ཕྱར་དར་གཡབ་དར་བསྒྲུབ་པའི་རྫས། །གསང་སྔགས་རྒྱུད་དེ་ཀུན་ནས་གསུངས། །དོན་དང་ལྡན་པའི་དར་ནག་འདི། །ཕྱར་བས་ཆོས་སྐྱོང་ཐམས་ཅད་འདུ། །ཆ་དང་བསོ་ལ་དགའ་བ་དང་། །དར་ལ་འདུ་བ་དགྲ་བླའི་ལུགས། །སེར་ཆགས་ཡོངས་ཀྱི་དགྲ་བླ་རྣམས། །དར་ནག་ཕྱར་བས་དེར་འདུས་ཤིག །སྔོན་ཚེ་ལྷ་མོ་དཔོན་གཡོག་གཉིས། །རླུང་ལྷ་བསྒྲུབ་པའི་རླུང་ནག་འགྲུབ། །རླུང་ནག་གཡོས་ནས་ལྷ་མོ་སྤྲུལ། །སྲིད་པའི་མ་མོ་རླུང་ཕྱིར་མ། །ཁྱོད་ཀྱིས་དར་ནག་ཕྱོགས་བཅུར་གཡོབ། །དར་ནག་ཤར་དུ་གཡབ་པའི་ཚེ། །ཤར་ཕྱོགས་ཆོས་སྐྱོང་སྲུང་མ་རྣམས། །ཉི་ཟླ་བཞིན་དུ་ཤར་བཞིན་བྱོན། །རུ་མཚོན་འདི་ལ་བརྟན་པར་བཞུགས། །དར་ནག་ལྷོ་རུ་གཡབ་པའི་ཚེ། །ལྷོ་ཕྱོགས་ཆོས་སྐྱོང་སྲུང་མ་རྣམས། །ལྷོ་སྤྲིན་བཞིན་དུ་གཏིབ་ཅིང་བྱོན། །རུ་མཚོན་འདི་ལ་བརྟན་པར་བཞུགས། །དར་ནག་ནུབ་ཏུ་གཡབ་པའི་ཚེ། །ནུབ་ཕྱོགས་ཆོས་སྐྱོང་སྲུང་མ་རྣམས། །ཆུ་བོ་བཞིན་དུ་འབབ་ཅིང་བྱོན། །རུ་མཚོན་འདི་ལ་བརྟན་

[Full Size]

པར་བཞུགས། །དར་ནག་བྱང་དུ་གཡབ་པའི་ཚེ། །བྱང་ཕྱོགས་ཆོས་སྐྱོང་སྲུང་མ་རྣམས། །སྐྱི་སེར་བཞིན་དུ་འདྲིལ་ཅིང་བྱོན། །རུ་མཚོན་འདི་ལ་བརྟན་པར་བཞུགས། །དར་ནག་སྟེང་དུ་བསྐྱོད་པའི་ཚེ། །སྟེང་ཕྱོགས་ཆོས་སྐྱོང་སྲུང་མ་རྣམས། །སྦྲང་ཆར་བཞིན་དུ་འབབ་ཅིང་བྱོན། །རུ་མཚོན་འདི་ལ་བརྟན་པར་བཞུགས། །དར་ནག་འོག་ཏུ་ནོར་བའི་ཚེ། །འོག་ཕྱོགས་ཆོས་སྐྱོང་སྲུང་མ་རྣམས། །ན་བུན་བཞིན་དུ་འཐུལ་ཞིང་བྱོན། །རུ་མཚེན་འདི་ལ་བརྟན་པར་བཞུགས། །དར་ནག་བྱང་ཤར་གཡབ་པའི་ཚེ། །བྱང་ཤར་ནག་འདབ་དུར་ཁྲོད་ནས། །མགོན་པོ་བྱ་རོག་འདིར་བྱོན་བཞུགས། །དར་ནག་ཤར་ལྷོར་གཡབ་པའི་ཚེ། །ཤར་ལྷོར་ནག་འདབ་དུར་ཁྲོད་ནས། །མྱུར་མཛད་མགོན་པོ་འདིར་བྱོན་བཞུགས། །དར་ནག་ལྷོ་ནུབ་གཡབ་པའི་ཚེ། །ལྷོ་ནུབ་ལང་ཀ་པུ་རུ་ནས། །སྲིན་མགོན་ཡབ་ཡུམ་འདིར་བྱོན་བཞུགས། །དར་ནག་ནུབ་བྱང་གཡབ་པའི་ཚེ། །ནུབ་བྱང་ཨོ་རྒྱན་བྲག་རི་ནས། །བྲག་ལྷ་མགོན་པོ་འདིར་བྱོན་བཞུགས། །དར་ནག་ཉིན་མོ་གཡབ་པའི་ཚེ། །ཉི་མའི་སྲས་པོ་རེ་མནྟ། །འདིར་བྱོན་རུ་མཚོན་འདི་ལ་

[Full Size]

བཞུགས། །དར་ནག་མཚན་མོ་གཡབ་པའི་ཚེ། །མཚན་མོ་རྒྱུག་པའི་དུད་སོལ་མ། །འདིར་བྱོན་རུ་མཚོན་འདི་ལ་བཞུགས། །དར་ནག་རྒྱུན་དུ་གཡབ་པའི་ཚེ། །བཀའ་སྲུང་དམ་ཅན་རྒྱ་མཚོའི་ཚོགས། །འདིར་བྱོན་རུ་མཚོན་འདི་ལ་བཞུགས། །ཧཱུྃ། སྔོན་གྱི་བསྐལ་པའི་དང་པོ་ལ། །རི་བོ་གནམ་ལྕགས་འབར་བའི་རྩེར། །བདུད་པོ་རི་ཊའི་ཕོ་བྲང་བཅས། །དཔལ་ཆེན་རྟ་མགྲིན་ཡབ་ཡུམ་གྱིས། །བདུད་རྒྱལ་རུ་ཊ་ཕོ་མོ་བཏུལ། །རི་ཡི་རྒྱལ་པོ་མ་ལ་ཡ། །གནམ་ལྕགས་འབར་བའི་རྩེ་མོ་ན། །རང་སྣང་ཐོད་པའི་གཞལ་ཡས་ཁང་། །མེ་རླུང་འཚུབ་མའི་ཀློང་དཀྱིལ་ནས། །ཆོས་སྐྱོང་མ་མགོན་ཐམས་ཅད་ཀྱི། །གཏན་གྱི་བཞུགས་གནས་ཕོ་བྲང་བཅས། །སྔོན་བྱུང་སྲིད་པ་དེ་བཞིན་དུ། །ཐུག་ལྕགས་གནམ་ལྕགས་འབར་བ་ལ། །ཆོས་སྐྱོང་ཀུན་གྱི་བཞུགས་གནས་མཛོད། །སྔོན་ཚེ་བསྐལ་པའི་དང་པོ་ལ། །དྲང་སྲོང་ཆེན་པོ་དཀོན་པ་སྐྱེས། །ལོ་གྲངས་འབུམ་ཕྲག་བཅུ་གཉིས་བར། །ཏིང་འཛིན་གཅིག་ལ་མཉམ་པར་བཞག །དྲང་སྲོང་དེ་ཡི་རུས་པ་ལ། །གནམ་ལྕགས་རྡོ་རྗེ་ཕ་ལམ་བྱུང་། །ལྷ་ཆེན་རྣམས་ཀྱི་ཕྱག་ཆ་

[Full Size]

མཛད། །དྲག་པོ་འཇིགས་བྱེད་ནག་པོ་དེས། །གནམ་ལྕགས་འབར་བའི་མདུང་གཅིག་བྱས། །བཏབ་ན་མི་ཕོག་མི་སྲིད་ཅིག །ཕོག་ནས་མི་སྨྲས་མི་སྲིད་ཅིག །སྨྲས་ན་མི་ཤི་མི་སྲིད་གསུམ། །ཤི་ནས་ངན་སོང་མི་འགྲོ་མེད། །དམ་བཅའ་བཞི་ལྡན་ཏྲི་ཤུ་ལ། །ཆོས་སྐྱོང་ཀུན་གྱི་ཐུགས་ཀྱི་རྟེན། །དྲེགས་བྱེད་ཀུན་གྱི་ཕྱག་ཆར་བྱུང་། །དེ་བཞིན་ཐུག་ལྕགས་ཏྲི་ཤུ་ལ། །ཆོས་སྐྱོང་ཀུན་གྱི་ཐུགས་རྟེན་མཛོད། །ཏྲི་ཤུ་ལ་ནི་ཕྱག་བྱས་ཀྱང་། །ལྷ་མོའི་ཐུགས་དམ་བསྐང་ལགས་ན། །དངོས་སུ་བཤམས་ནས་སྨོས་ཅི་དགོས། །ལྷ་མོ་དཔོན་གཡོག་ཐུགས་དམ་བསྐང་། །སྔོན་ཚེ་ལྷ་མིན་དམག་དཔུང་གིས། །བརྒྱ་བྱིན་ལྷ་ཡི་མངའ་ཐང་འཕྲོག །ལྷ་མིན་གྲོང་ཁྱེར་སུམ་བརྩེགས་བརྩིགས། །དབང་ཕྱུག་ཆེན་པོའི་ལུང་བསྟན་ནས། །རྒྱ་མཚོ་ཆེན་པོའི་ཕ་རོལ་ནས། །མགོན་པོ་ནག་པོ་ལེགས་ལྡན་དེས། །གནམ་ལྕགས་རྡོ་རྗེ་ཕ་ལམ་དེས། །ཏྲི་ཤུ་ལ་ནི་མཚོན་ཆར་བརྡུང་། །ལྷ་མིན་གྲོང་ཁྱེར་སུམ་བརྩེགས་བཤིགས། །སྔོན་བྱུང་སྲིད་པ་དེ་བཞིན་དུ། །ཐུག་ལྕགས་འབར་བ་འདི་བཙུགས་པས། །དགྲ་བགེགས་བདུད་ཚོགས་ཞིག་གྱུར་

[Full Size]

ཅིག །དཔལ་ལྡན་མགོན་པོའི་ཕྱག་ཆ་འདིས། །མགོན་པོ་ཀུན་གྱི་ཐུགས་དམ་བསྐང་། །རྔ་ཐུག་རྔམ་བརྗིད་འབར་བ་འདིས། །ཕྱི་ནི་ཐུག་ལྕགས་མེ་རི་འབར། །ནང་ལྟར་ཐོད་མཁར་གཞལ་ཡས་ཁང་། །གསང་བ་འོག་མིན་ཆོས་ཀྱི་དབྱིངས། །རྣམ་པར་སྣང་མཛད་དུར་ཁྲོད་ཆེ། །སྟོང་གསུམ་ཡུངས་འབྲུ་ཚུད་པ་དང་། །ནམ་མཁའ་ལག་མཐིལ་མཉམ་པའི་འཕྲུལ། །འོག་མིན་དུར་ཁྲོད་རྩུབ་འགྱུར་ཚལ། །ཡོང་འདུས་ཤིང་དང་མུ་ལེ་མཚོ། །ལྕང་ལོ་ཅན་དང་དུར་ཁྲོད་བརྒྱད། །རྡོ་རྗེ་གདན་དང་ན་ལན་ཊ། །ཨོ་རྒྱན་རི་དང་དཔལ་གྱི་རི། །ཆོས་སྐྱོང་བཞུགས་གནས་ཐམས་ཅད་དང་། །དབྱེར་མེད་ཐུག་ལྕགས་ལྷུན་གྱིས་གྲུབ། །ཕྱི་ལྟར་གཡག་རྒོད་རྔ་མ་སྟེ། །ཉག་མ་རེ་རེ་སྲོག་ལྟར་སྲུང་། །ནང་ལྟར་དགོས་འདོད་འབྱུང་བའི་སྤྲིན། །དགོས་འདོད་ཆར་པ་སི་ལི་ལི། །ནག་པོ་སེར་སྤྲིན་འཁྲིགས་པ་འདྲ། །དྲག་པོའི་ཐོག་སེར་དགྲ་ལ་འབེབས། །གསང་བ་མཆོད་པའི་སྤྲིན་ཆེན་ཏེ། །འཐུག་པོ་བཀོད་དང་བདེ་བ་ཅན། །མངོན་དགའི་ཞིང་དང་དགའ་ལྡན་ཞིང་། །འདོད་ཁམས་ལྷ་གནས་ཐམས་ཅད་ཀྱིས། །

[Full Size]

བརྒྱན་དང་བཀོད་པ་མཆོད་པའི་རྫས། །ཐམས་ཅད་རང་བྱུང་ལྷུན་གྱིས་གྲུབ། །ཕྱི་ལྟར་དར་ནག་རི་མཚོན་སྦྲེང་། །ལྷ་དང་སྲུང་མ་སྤྲིན་ལྟར་འདུ། །ནང་ལྟར་འབོད་སྒྲུབ་རྟེན་པའི་རྫས། །སྙིང་པོ་སྔགས་ཀྱི་རང་སྒྲ་སྒྲོག །གསང་བ་ལས་བཞི་བསྒྲུབ་པའི་རྫ་ས། །ཕོ་ཉ་ལས་མཁན་སྐར་ལྟར་འཁྲུགས། །འདི་ལྟར་ཐུག་ལྕགས་རུ་མཚོན་འདི། །ཆོས་སྐྱོང་སྲུང་མའི་རྟེན་དུ་བཙུགས། །རྟེན་ལ་འཁོར་ཞིང་བཞུགས་སུ་གསོལ། །རྒྱུ་ཅན་རྟེན་འབྲེལ་ཕུན་ཚོགས་པས། །ཆོས་སྐྱོང་དམ་ཅན་སྲུང་མ་ཀུན། །དབྱེར་མེད་ཆུ་ལ་ཆུ་ཞགས་ལྟར། །རྔ་ཐུག་འདི་ལ་བརྟན་པར་བཞུགས། །ལྷ་སོ་སོར་མཚན་དང་། ཚུར་བྱོན་རྔ་ཐུག་འདི་ལ་བྱོན། ཅེས་སྦྱར་ནས། དགོན་གནས་སྒར་གཞི་རྟེན་གསུམ་དང་། །མཆོད་ཆ་དཔེ་ཆ་ཀ་ཆ་དང་། །རྟ་དྲེལ་ནོར་ཕྱུགས་གྲུ་འཁོར་བཅས། །རྣལ་འབྱོར་མི་ནོར་འཁོར་བཅས་རྣམས། །བསྲུང་བའི་སྲུང་མར་ཁྱེད་རྣམས་བསྐོས། །ཐམས་ཅད་བདག་ཏུ་བཟུང་མཛོད་ལ། །ཉིན་མཚན་དབྱེར་བ་མེད་པ་སྲུངས། །དགྲ་དང་བགེགས་ལ་མ་ཤོར་ཅིག །གལ་ཏེ་དགྲ་རྐུན་ཇག་པ་ཡི། །ཁྱེར་ན་ར་མདའ་དེ་མ་ཐག །ཤིན་ཏུ་

[Full Size]

འཇིགས་རུང་ཆོ་འཁྲུལ་གྱིས། །དངས་སྐྲག་འགྱོད་པ་སྐྱེས་མཛོད་ལ། །རྒྱ་མཚོའི་སྟེང་དུ་ཁྱེར་ཀྱང་ལོང་། །རང་འཁོར་གྲྭ་སློབ་ལོངས་སྤྱོད་བཅས། །ཡར་ངོས་ཟླ་ལྟར་འཕེལ་བར་མཛོད། །ཁྱེད་རྣམས་མངོན་ཤེས་སྤྱན་ལྡན་ཞིང་། །མཐུ་སྟོབས་རྫུ་འཕྲུལ་ཐོགས་མེད་པས། །ཅི་ལྟར་བཅོལ་བཞིན་འགྲུབ་པར་མཛོད། །མཐུ་རྩལ་ནུས་པ་ཅི་འདུག་ལྟ། །རྟགས་དང་མཚན་མ་དངོས་སུ་སྟོན། །མ་གཡེལ་ཁས་བླངས་དམ་བཅས་དགོངས། །དུས་ལ་བབ་བོ་ས་མ་ཡ། །བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་ལྷ་སོ་སོའི་བསྙེན་སྔགས་བརྗོད་ཅིང་ལྷ་རྣམས་རྔ་ཐུག་ལ་བསྟིམ། །སྔགས་མཐར་སུ་པྲ་ཏིཥྛ་དང་། །རྟེན་འབྲེལ་སྙིང་པོ་བཏགས་ལ་རབ་གནས་བྱ། བཀྲ་ཤིས་སོགས་བྱ། དམིགས་རིམ་འདོན་བྱ་ལྟར་བསྒོམ། ཞེས་པ་རཱ་ག་ཨ་སྱས་མཐུན་མཚམས་ཤིག་ལ་བྲིས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྔ་ཐུག་རྔམ་བརྗིད་འབར་བ།

[Full Size]

རྔ་ཐུག་རྔམ་བརྗིད་འབར་བ་བཞུགས་པའི་དབུ་ཕྱོགས་ལགས་སོ།

[Full Size]

ཨོཾ་ཨ་མྲྀ་ཏེ་ཧཱུྃ་ཕཊ། རཾ་ཡཾ་ཁཾ། ཨོཾ་སྭ་བྷ་ཝ༔ ཧཱུྃ། ཆོས་སྐྱོང་དམ་ཅན་བརྟེན་པའི་རྫས། །ཡུ་བ་དཔག་བསམ་ཙནྡན་ཤིང་། །བསྙེན་སྒྲུབ་ལས་སྦྱོར་སྔགས་གཏེར་སྦས། །ཡོངས་འདུས་ས་བརྟོལ་ལྗོན་ཤིང་འདྲ། །རྩེ་མོ་ཐུགས་ལྕགས་རལ་གྲིའི་དབྱིབས། །བསྐལ་པའི་མེ་དཔུང་འབར་བ་བཀོད། །ཤེས་རབ་རལ་གྲི་མེ་འབར་འདྲ། །མགུལ་དུ་གཡག་རྒོད་རྔ་མ་བཏགས། །སྣ་ཚོགས་དར་ཚོན་རྣམས་ཀྱིས་བརྒྱན། །སེར་སྤྲིན་དགུང་དུ་འཁྲིགས་པ་འདྲ། །མདུང་རྩེ་གནམ་ལྕགས་འབར་བ་ལ། །སྣ་ཚོགས་མཚོན་ཆའི་འོད་ཟེར་འཕྲོ། །རྩེ་ཡི་

[Full Size]

མེ་རི་བཀོད་པ་ལས། །མེ་འོད་གློག་ཞགས་ཚྭ་ཚྭ་འཕྲོ། །བ་དན་སྤུ་ཉག་རེ་རེ་ལ། །འདོད་ཡོན་སྣ་ཚོགས་ཆར་དུ་འབེབས། །ཡུ་བ་ཙནྡན་ཤིང་ཆེན་ལས། །ལྷ་དམག་བྱེ་བ་ས་ཡ་འགྱེད། །དར་ནག་རུ་མཚོན་ཕྱར་བ་ལ། །ཆོས་སྐྱོང་དམ་ཅན་སྤྲིན་ལྟར་འདུ། །ཕྱི་ལྟར་ཐུག་ལྕགས་རུ་མཚོན་ལ། །ནང་ལྟར་ཐོད་མཁར་མེ་རླུང་འཚུབ། །གསང་བ་ཆོས་ཀྱི་ཕོ་བྲང་ཆེ། །ཉི་ཟླ་པདྨ་བམ་གྱི་གདན། །རྟེན་རྫས་བསྐང་རྫས་ཕུན་སུམ་ཚོགས། །བསྟན་སྲུང་བཞུགས་གནས་ལྷུན་གྱིས་གྲུབ། །ངོ་མཚར་རུ་མཚོན་ཐུགས་ཀྱི་ལྕགས། །རྔ་ཐུག་རྔམ་

[Full Size]

ཞིང་བརྗིད་ལྡན་འདི། །ཆོས་སྐྱོང་སྲུང་མའི་རྟེན་དུ་འབུལ། །རྟེན་ལ་འཁོར་ཞིང་དགྱེས་པར་བཞུགས། །ཧཱུྃ། ཡེ་ཤེས་མགོན་པོ་ལེགས་ལྡན་ཡང་། །ཚུར་བྱོན་རྔ་ཐུག་འདི་ལ་བཞུགས། །ལས་ཀྱི་མགོན་པོ་བེར་ནག་ཅན། །ཚུར་བྱོན་རྔ་ཐུག་འདི་ལ་བཞུགས། །འཇིག་རྟེན་དྲེགས་བྱེད་བེར་ནག་ཅན། །ཚུར་བྱོན་རྔ་ཐུག་འདི་ལ་བཞུགས། །ཕྱོགས་བཅུའི་མགོན་པོ་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །དྲེགས་པ་བདུན་ཅུ་རྩ་གཉིས་ཡང་། །ཚུར་བྱོན་རྔ་ཐུག་འདི་ལ་བཞུགས། །དྲེགས་པ་ཕོ་དགུ་མོ་དགུ་ཡང་། །ཚུར་བྱོན་རྔ་ཐུག་འདི་ལ་བཞུགས། །མྱུར་མགྱོགས་དྲེགས་པ་སྐྱ་གསུམ་ཡང་། །ཚུར་བྱོན་རྔ་ཐུག་འདི་ལ་བཞུགས། །དཔལ་ལྡན་རང་བྱུང་རྒྱལ་མོ་ཡང་། །ཚུར་བྱོན་རྔ་ཐུག་འདི་ལ་བཞུགས། །མ་མོ་བདུན་པོ་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །སྲིང་མོ་བཞི་པོ་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །འབར་མ་དགུ་པོ་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །དུས་བཞི་ལྷ་མོ་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །དམག་

[Full Size]

གི་རྒྱལ་མོ་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །དབང་ཕྱུག་ཉེར་བརྒྱད་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། བརྟན་མ་བཅུ་གཉིས་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །མ་མགོན་ལྕམ་དྲལ་འཁོར་དང་བཅས། །ཚུར་བྱོན་རྔ་ཐུག་འདི་ལ་བཞུགས། །ཐུགས་ལ་འཁོར་ཞིང་བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་དང་། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་སྲུང་བ་ཡི། །གཉེར་དང་བློན་པོ་ཁྱོད་ཀྱིས་མཛོད། །རང་རེ་གཉིས་ཀྱི་དཀོར་ནོར་ལ། །དགྲ་རྐུན་ཇག་པས་ཁྱེར་བའི་དུས། །ར་མདའ་རྗེས་གཅོད་མ་གཡེལ་ཅིག །རྣལ་འབྱོར་མི་ནོར་ལོངས་སྤྱོད་བཅས། །ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཐུགས་རྟེན་ཐུགས་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །བྱ་རོག་མཚན་ཅན་རྟེན་དུ་འབུལ། །ནག་པོ་ཆེན་པོ་ཕྱག་བཞི་པ། །ཚུར་བྱོན་རྔ་ཐུག་འདི་ལ་བཞུགས། །བྱ་རོག་གདོང་ཅན་ནག་པོ་སྟོང་། །

[Full Size]

ཚུར་བྱོན་རྔ་ཐུག་འདི་ལ་བཞུགས། །སེང་གེའི་གདོང་ཅན་ཤ་ཟ་འབུམ། །ཚུར་བྱོན་རྔ་ཐུག་འདི་ལ་བཞུགས། །རྩ་འཇིབ་མ་མོ་བྱེ་བ་འབུམ། །ཚུར་བྱོན་རྔ་ཐུག་འདི་ལ་བཞུགས། །ལེགས་ལྡན་ཁྲབ་ཅན་བྱེ་བ་འབུམ། །ཚུར་བྱོན་རྔ་ཐུག་འདི་ལ་བཞུགས། །ཞིང་སྐྱོང་ཉེར་བཞི་གནོད་སྦྱིན་ཁྲི། །མགོན་པོ་བྱ་རོག་འཁོར་བཅས་རྣམས། །ཐུག་ལ་འཁོར་ཞིང་བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་དང་། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་སྲུང་བ་ཡི། །གཉེར་དང་བློན་པོ་ཁྱོད་ཀྱི་མཛོད། །རང་རེ་གཉིས་ཀྱི་དཀོར་ནོར་ལ། །དགྲ་རྐུན་ཇག་པས་ཁྱེར་བའི་དུས། །ར་མདའ་རྗེས་གཅོད་མ་གཡེལ་ཅིག །རྣལ་འབྱོར་མི་ནོར་ལོངས་སྤྱོད་བཅས། །ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཐུགས་རྟེན་ཐུགས་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །དཔལ་ལྡན་ལྷ་མོའི་རྟེན་དུ་བཙུགས། །མ་གཅིག་དཔལ་ལྡན་དུད་སོལ་མ། །ཚུར་བྱོན་རྔ་ཐུག་འདི་ལ་བཞུགས། །ལྷ་མོ་རིགས་བཞི་སྙིང་

[Full Size]

འཕྲོགས་གསུམ། །ཚུར་བྱོན་རྔ་ཐུག་འདི་ལ་བཞུགས། །དུར་ཁྲོད་མ་མོ་བརྒྱད་པོ་ཡང་། །ཚུར་བྱོན་རྔ་ཐུག་འདི་ལ་བཞུགས། །གདོང་ཅན་བརྒྱད་དང་སྒོ་མ་བཞི། །ཚུར་བྱོན་རྔ་ཐུག་འདི་ལ་བཞུགས། །མ་མོ་བྱེ་བ་འབུམ་སྡེ་རྣམས། །ཚུར་བྱོན་རྔ་ཐུག་འདི་ལ་བཞུགས། །དུད་སོལ་ལྷ་མོ་འཁོར་དང་བཅས། །ཚུར་བྱོན་རྔ་ཐུག་འདི་ལ་བཞུགས། །ཐུགས་ལ་འཁོར་ཞིང་བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་དང་། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་སྲུང་བ་ཡི། །གཉེར་དང་བློན་པོ་ཁྱོད་ཀྱིས་མཛོད། །རང་རེ་གཉིས་ཀྱི་དཀོར་ནོར་ལ། །དགྲ་རྐུན་ཇག་པས་ཁྱེར་བའི་དུས། །ར་མདའ་རྗེས་གཅོད་མ་གཡེལ་ཅིག །རྣལ་འབྱོར་མི་ནོར་ལོངས་སྤྱོད་བཅས། ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཐུགས་རྟེན་ཐུགས་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །མྱུར་མཛད་མགོན་པོའི་རྟེན་དུ་བཙུགས། །མ་ཧཱ་ཀ་ལ་ཕྱག་དྲུག་པ། །ཚུར་བྱོན་རྔ་ཐུག་འདི་ལ་བཞུགས། །ཡུམ་

[Full Size]

གཅིག་ལྷ་མོ་རེ་མ་ཏི། །ཚུར་བྱོན་རྔ་ཐུག་འདི་ལ་བཞུགས། །གནོད་སྦྱིན་ཀེ་ཊ་པཱ་ལ་ཡང་། །ཚུར་བྱོན་རྔ་ཐུག་འདི་ལ་བཞུགས། །དབང་ཕྱུག་ཛི་ན་མི་ཏྲ་ཡང་། །ཚུར་བྱོན་རྔ་ཐུག་འདི་ལ་བཞུགས། །གཤིན་རྗེ་ཊཀྐི་རཱ་ཛ་ཡང་། །ཚུར་བྱོན་རྔ་ཐུག་འདི་ལ་བཞུགས། །བདུད་མགོན་ཏྲག་ཤད་ནག་པོ་ཡང་། །ཚུར་བྱོན་རྔ་ཐུག་འདི་ལ་བཞུགས། །གཙང་རིས་དཔལ་མགོན་བདུན་ཅུ་ཡང་། །ཚུར་བྱོན་རྔ་ཐུག་འདི་ལ་བཞུགས། །གསང་བའི་ལས་མཁན་ཡབ་ཡུམ་ཡང་། །ཚུར་བྱོན་རྔ་ཐུག་འདི་ལ་བཞུགས། །དྲེགས་པ་ཕོ་ཚོམོ་ལྔ་སྟོང་ཡང་། །ཚུར་བྱོན་རྔ་ཐུག་འདི་ལ་བཞུགས། །མྱུར་མཛད་མགོན་པོ་འཁོར་བཅས་ཡང་། །ཐུགས་ལ་འཁོར་ཞིང་བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་དང་། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་སྲུང་བ་ཡི། །གཉེར་དང་བློན་པོ་ཁྱོད་ཀྱིས་མཛོད། །རང་རེ་གཉིས་ཀྱི་དཀོར་ནོར་ལ། །དགྲ་རྐུན་ཇག་པས་ཁྱེར་བའི་དུས། །ར་མདའ་རྗེས་གཅོད་མ་གཡེལ་ཅིག །རྣལ་འབྱོར་མི་ནོར་ལོངས་སྤྱོད་བཅས། །ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་

[Full Size]

པར་མཛོད། །ཧཱུྃ། ཐུགས་རྟེན་ཐུགས་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །མ་ནིང་ནག་པོའི་རྟེན་དུ་བཙུགས། །མ་ནིང་སྡེ་ལྔ་ཛམ་ནག་བཅས། །ཚུར་བྱོན་རྔ་ཐུག་འདི་ལ་བཞུགས། །སྲོག་བདུད་དཔལ་འབར་ཡང་འཁོར་བརྒྱད། །ཚུར་བྱོན་རྔ་ཐུག་འདི་ལ་བཞུགས། །བདུད་མགོན་སྲོག་བདུད་ནག་པོ་ཡང་། །ཚུར་བྱོན་རྔ་ཐུག་འདི་ལ་བཞུགས། །བདུད་དམག་བྱེ་བ་དུང་ཕྱུར་ཡང་། །ཚུར་བྱོན་རྔ་ཐུག་འདི་ལ་བཞུགས། །གཏེར་སྲུང་སྤུ་གྲི་མཆེད་གསུམ་ཡང་། །ཚུར་བྱོན་རྔ་ཐུག་འདི་ལ་བཞུགས། །གཏེར་སྲུང་མཁའ་རི་ལྕམ་དྲལ་ཡང་། །ཚུར་བྱོན་རྔ་ཐུག་འདི་ལ་བཞུགས། །གཟའ་བདུད་དུག་གི་སྤུ་གྲི་ཡང་། །ཚུར་བྱོན་རྔ་ཐུག་འདི་ལ་བཞུགས། །གཟའ་བརྒྱད་གདོང་མོ་མཆེད་བཞི་ཡང་། །ཚུར་བྱོན་རྔ་ཐུག་འདི་ལ་བཞུགས། །བཙན་རྒོད་ཇག་པ་མེ་ལེན་ཡང་། །ཚུར་བྱོན་རྔ་ཐུག་འདི་ལ་བཞུགས། །སྐྱེས་བུ་ལུང་བཙན་ལྕམ་དྲལ་ཡང་། །ཚུར་བྱོན་རྔ་ཐུག་འདི་ལ་བཞུགས། །མ་ནིང་གཏེར་སྲུང་རྒྱ་མཚོའི་ཚོགས། །ཐུགས་ལ་འཁོར་ཞིང་

[Full Size]

བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་དང་། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་སྲུང་བ་ཡི། །གཉེར་དང་བློན་པོ་ཁྱོད་ཀྱིས་མཛོད། །རང་རེ་གཉིས་ཀྱི་དཀོར་ནོར་ལ། །དགྲ་རྐུན་ཇག་པས་ཁྱེར་བའི་དུས། །ར་མདའ་རྗེས་གཅོད་མ་གཡེལ་ཅིག །རྣལ་འབྱོར་མི་ནོར་ལོངས་སྤྱོད་བཅས། །ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཐུགས་རྟེན་ཐུགས་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །སེང་གདོང་ཡབ་ཡུམ་རྟེན་དུ་བཙུགས། །བདུད་མགོན་སེང་གདོང་ཡབ་དང་ཡུམ། །ཚུར་བྱོན་རྔ་ཐུག་འདི་ལ་བཞུགས། །བམ་རོ་ཕོ་མོ་སྡེ་བརྒྱད་བཅས། །ཚུར་བྱོན་རྔ་ཐུག་འདི་ལ་བཞུགས། །བདུད་དམག་སྟོང་སྡེ་ཤ་ཟ་འབུམ། །ཚུར་བྱོན་རྔ་ཐུག་འདི་ལ་བཞུགས། །གདོང་བཞི་ནག་པོ་ཡུམ་ཆེན་བཞི། །ཚུར་བྱོན་རྔ་ཐུག་འདི་ལ་བཞུགས། །སྲིན་མགོན་ཐོད་ཕྲེང་ཡུམ་དང་བཅས། །ཚུར་བྱོན་རྔ་ཐུག་འདི་ལ་བཞུགས། །མ་ཧཱ་དེ་ཝ་ཨུ་མར་བཅས། །ཚུར་བྱོན་རྔ་ཐུག་འདི་ལ་བཞུགས། །ལས་མགོན་

[Full Size]

མདུང་འཛིན་བྲག་ལྷ་མགོན། །ཚུར་བྱོན་རྔ་ཐུག་འདི་ལ་བཞུགས། །བདུད་མགོན་སྲིན་མགོན་གཉན་མགོན་རྣམས། །ཚུར་བྱོན་རྔ་ཐུག་འདི་ལ་བཞུགས། བྲག་མགོན་མདུང་འཛིན་ལྷ་ཆེན་རྣམས། །ཐུགས་ལ་འཁོར་ཞིང་བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་དང་། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་སྲུང་བ་ཡི། །གཉེར་དང་བློན་པོ་ཁྱོད་ཀྱིས་མཛོད། །རང་རེ་གཉིས་ཀྱི་དཀོར་ནོར་ལ། །དགྲ་རྐུན་ཇག་པས་ཁྱེར་བའི་དུས། །ར་མདའ་རྗེས་གཅོད་མ་གཡེལ་ཅིག །རྣལ་འབྱོར་མི་ནོར་ལོངས་སྤྱོད་བཅས། །ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཐུགས་རྟེན་ཐུགས་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །རྟ་ནག་དྲེགས་པའི་རྟེན་དུ་བཙུགས། །རྟ་ནག་དྲེགས་པ་སྡེ་བརྒྱད་བཅས། །ཚུར་བྱོན་རྔ་ཐུག་འདི་ལ་བཞུགས། །ཡུམ་ཆེན་ཨེ་ཀ་ཙཱ་ཏི་མ། །ཚུར་བྱོན་རྔ་ཐུག་འདི་ལ་བཞུགས། །སྲས་མཆོག་ཤན་པ་དམར་ནག་ཡང་། །ཚུར་བྱོན་རྔ་ཐུག་འདི་ལ་བཞུགས། །

[Full Size]

བཀའ་སྲུང་ཤ་ཟ་ཁ་མོ་ཆེ། །ཚུར་བྱོན་རྔ་ཐུག་འདི་ལ་བཞུགས། །བཙན་རྒོད་འབར་བ་མཆེད་བདུན་ཡང་། །ཚུར་བྱོན་རྔ་ཐུག་འདི་ལ་བཞུགས། །སྒྲོལ་གིང་ཆེན་པོ་བེག་རྩེ་ཡང་། །ཚུར་བྱོན་རྔ་ཐུག་འདི་ལ་བཞུགས། །ཀླུ་བདུད་དགེ་བསྙེན་སྨྱོ་ཁ་ཡང་། །ཚུར་བྱོན་རྔ་ཐུག་འདི་ལ་བཞུགས། །ཀླུ་བདུད་རྡོ་རྗེ་རྒྱལ་པོ་ཡང་། །ཚུར་བྱོན་རྔ་ཐུག་འདི་ལ་བཞུགས། །དགེ་བསྙེན་ལྷ་ཆེན་ཐང་ལྷ་ཡང་། །ཚུར་བྱོན་རྔ་ཐུག་འདི་ལ་བཞུགས། །སྤྲུག་གི་བཙན་རྒོད་ཆེན་པོ་ཡང་། །ཚུར་བྱོན་རྔ་ཐུག་འདི་ལ་བཞུགས། །ཨ་ཕྱི་ཆོས་ཀྱི་སྒྲོལ་མ་ཡང་། །ཚུར་བྱོན་རྔ་ཐུག་འདི་ལ་བཞུགས། །བཀྲ་ཤིས་ཚེ་རིང་མཆེད་ལྔ་ཡང་། །ཚུར་བྱོན་རྔ་ཐུག་འདི་ལ་བཞུགས། །ཀླུ་རྒྱལ་གཞོན་ནུ་གཏུམ་པོ་ཡང་། །ཚུར་བྱོན་རྔ་ཐུག་འདི་ལ་བཞུགས། །ཀླུ་རྒྱལ་མི་མགོན་དཀར་པོ་ཡང་། །ཚུར་བྱོན་རྔ་ཐུག་འདི་ལ་བཞུགས། །བཀའ་སྲུང་མ་མགོན་སྡེ་བརྒྱད་ཡང་། །ཚུར་བྱོན་རྔ་ཐུག་འདི་ལ་བཞུགས། །ཕྱི་ནང་གསང་བའི་ལྷ་བརྒྱད་ཡང་། །ཚུར་བྱོན་རྔ་ཐུག་འདི་ལ་བཞུགས། །སྔགས་བདག་དྲེགས་པ་བཅོ་བརྒྱད་ཡང་། །ཚུར་བྱོན་རྔ་ཐུག་འདི་ལ་བཞུགས། །

[Full Size]

དྲེགས་པའི་སྡེ་དཔོན་སུམ་ཅུ་ཡང་། །ཚུར་བྱོན་རྔ་ཐུག་འདི་ལ་བཞུགས། །མྱུར་མགྱོགས་དྲེགས་པ་ཉི་ཤུ་ཡང་། །ཚུར་བྱོན་རྔ་ཐུག་འདི་ལ་བཞུགས། །རྟ་ནག་དྲེགས་པ་བཀའ་སྲུང་ཚོགས། །ཐུགས་ལ་འཁོར་ཞིང་བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་དང་། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་སྲུང་བ་ཡི། །གཉེར་དང་བློན་པོ་ཁྱོད་ཀྱིས་མཛོད། །རང་རེ་གཉིས་ཀྱི་དཀོར་ནོར་ལ། །དགྲ་རྐུན་ཇག་པས་ཁྱེར་བའི་དུས། །ར་མདའ་རྗེས་གཅོད་མ་གཡེལ་ཅིག །རྣལ་འབྱོར་མི་ནོར་ལོངས་སྤྱོད་བཅས། །ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། ཐུགས་རྟེན་ཐུག་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །རྒྱལ་ཆེན་རྣམ་སྲས་རྟེན་དུ་བཙུགས། །གསེར་མདོག་རྒྱལ་ཆེན་རྣམ་ཐོས་སྲས། །ཚུར་བྱོན་རྔ་ཐུག་འདི་ལ་བཞུགས། །ལྗང་ཁུ་སེར་ཆེན་རྣམ་ཐོས་སྲས། །ཚུར་བྱོན་རྔ་ཐུག་འདི་ལ་བཞུགས། །མཐིང་མདོག་ཕྱག་དྲུག་རྣམ་ཐོས་སྲས། །ཚུར་བྱོན་རྔ་ཐུག་འདི་ལ་

[Full Size]

བཞུགས། །དམར་པོ་གོ་ཆ་རྣམ་ཐོས་སྲས། །ཚུར་བྱོན་རྔ་ཐུག་འདི་ལ་བཞུགས། །དཀར་པོ་ཚེ་འཛིན་རྣམ་ཐོས་སྲས། །ཚུར་བྱོན་རྔ་ཐུག་འདི་ལ་བཞུགས། །འཛམ་ལྷ་ལ་སོགས་གནོད་སྦྱིན་བརྒྱད། །ཚུར་བྱོན་རྔ་ཐུག་འདི་ལ་བཞུགས། །གནོད་སྦྱིན་མོ་བརྒྱད་ཀླུ་ཆེན་བརྒྱད། །ཚུར་བྱོན་རྔ་ཐུག་འདི་ལ་བཞུགས། །སྡེ་དཔོན་ཉི་ཤུ་རྩ་བརྒྱད་ཡང་། །ཚུར་བྱོན་རྔ་ཐུག་འདི་ལ་བཞུགས། །ལྗོངས་ཆེན་གནས་པ་བཅུ་དྲུག་ཡང་། །ཚུར་བྱོན་རྔ་ཐུག་འདི་ལ་བཞུགས། །ཆོས་སྤྱན་སུམ་ཅུ་སོ་གཉིས་ཡང་། །ཚུར་བྱོན་རྔ་ཐུག་འདི་ལ་བཞུགས། །གནོད་སྦྱིན་བྱེ་བ་བདུན་འབུམ་ཡང་། །ཚུར་བྱོན་རྔ་ཐུག་འདི་ལ་བཞུགས། །གཏེར་བདག་ཛམ་ལྷ་རིགས་དགུ་ཡང་། །ཚུར་བྱོན་རྔ་ཐུག་འདི་ལ་བཞུགས། །གནོད་སྦྱིན་ཨ་པར་ཙིཏྟ་ཡང་། །ཚུར་བྱོན་རྔ་ཐུག་འདི་ལ་བཞུགས། །རྟ་བདག་ཨརྱ་རེ་མན། །ཚུར་བྱོན་རྔ་ཐུག་འདི་ལ་བཞུགས། །ཇོ་བོ་ཚོགས་བདག་རིགས་ལྔ་དང་། །རྣམ་སྲས་ནོར་ལྷ་རྒྱ་མཚོའི་ཚོགས། །ཐུགས་ལ་འཁོར་ཞིང་བཞུགས་སུ་གསོལ། །བདག་གི་འཁོར་སློབ་རྟ་དྲེལ་ནོར། །མངའ་ཐང་ལོངས་སྤྱོད་འདོད་དགུའི་

[Full Size]

ཚོགས། །འཕེལ་བའི་གཉེར་ཁ་ཁྱོད་ལ་གཏད། །ཡར་ངོའི་ཟླ་དང་དབྱར་ཆུ་བཞིན། །འཕེལ་བར་མཛོད་ཅིག་ཐུགས་དམ་ཅན། །ཧཱུྃ། ཐུགས་རྟེན་ཐུགས་ལྕགས་མེ་འབར་དང་། །རྔ་ཐུག་རྔམ་བརྗིད་འབར་བ་དང་། །དར་སྣའི་རུ་མཚོན་ཕྱར་བ་འདི། །སྐྱེས་བུ་ལྕམ་དྲལ་རྟེན་དུ་བཙུགས། །དམ་ཅན་རྡོ་རྗེ་ལེགས་པ་ཁྱེད། །ཚུར་བྱོན་རྔ་ཐུག་འདི་ལ་བཞུགས། །མགར་བ་དམར་ནག་མཆེད་འཁོར་བཅས། །ཚུར་བྱོན་རྔ་ཐུག་འདི་ལ་བཞུགས། །བྲན་གཡོག་མོན་པ་ཨ་ཙ་ར། །ཚུར་བྱོན་རྔ་ཐུག་འདི་ལ་བཞུགས། །དགྱེས་སྡེ་བརྟན་མ་བཅུ་གཉིས་ཡང་། །ཚུར་བྱོན་རྔ་ཐུག་འདི་ལ་བཞུགས། །སྲིང་གཅིག་རྡོ་རྗེ་གཡུ་སྒྲོན་མ། །ཚུར་བྱོན་རྔ་ཐུག་འདི་ལ་བཞུགས། །མཆེད་ལྔ་སྨན་ཕྲན་འབུམ་དང་བཅས། །ཚུར་བྱོན་རྔ་ཐུག་འདི་ལ་བཞུགས། །དགེ་བསྙེན་ཉི་ཤུ་རྩ་གཅིག་ཡང་། །ཚུར་བྱོན་རྔ་ཐུག་འདི་ལ་བཞུགས། །བཀའ་འཁོར་གིང་ཆེན་སྡེ་བཞི་ཡང་། །ཚུར་བྱོན་རྔ་ཐུག་འདི་ལ་བཞུགས། །ལྷ་ཀླུ་བདུད་བཙན་འཁོར་ཚོགས་ཀྱང་། །ཚུར་བྱོན་རྔ་ཐུག་འདི་ལ་བཞུགས། །དུར་ཁྲོད་བདག་པོ་ཡབ་ཡུམ་ཡང་། །ཚུར་བྱོན་

[Full Size]

རྔ་ཐུག་འདི་ལ་བཞུགས། །དཀོར་བདག་རྡོ་རྗེ་ངན་ནེ་མ། །ཚུར་བྱོན་རྔ་ཐུག་འདི་ལ་བཞུགས། །བཀའ་སྲུང་ལྷ་བཙན་སྤོམ་ར་ཡང་། །ཚུར་བྱོན་རྔ་ཐུག་འདི་ལ་བཞུགས། །ཇོ་བོ་སྐུ་རྒྱལ་ཤེ་ན་ཡང་། །ཚུར་བྱོན་རྔ་ཐུག་འདི་ལ་བཞུགས། །སྨོན་སྐྱེས་གང་ཞུར་མཆེད་གསུམ་ཡང་། །ཚུར་བྱོན་རྔ་ཐུག་འདི་ལ་བཞུགས། །སྐུ་རྒྱལ་ཙོ་རྒྱལ་གོ་རྒྱལ་ཡང་། །ཚུར་བྱོན་རྔ་ཐུག་འདི་ལ་བཞུགས། །སྐྱེས་བུ་ངོམ་རྒྱལ་འཁོར་བཅས་ཡང་། །ཚུར་བྱོན་རྔ་ཐུག་འདི་ལ་བཞུགས། །གཏམ་རྒྱལ་དབྱི་དོ་དགེ་བསྙེན་ཡང་། །ཚུར་བྱོན་རྔ་ཐུག་འདི་ལ་བཞུགས། །དུར་ཁྲོད་བདག་པོ་ཡབ་ཡུམ་དང་། །རྡོ་རྗེ་ལེགས་པ་གཡུ་སྒྲོན་མ། །དུར་ཁྲོད་བདག་མོ་ངན་ནེ་མ། །ཡུལ་ལྷ་མཐུ་ཆེན་ཁྱེད་རྣམས་ཀུན། །ཐུགས་ལ་འཁོར་ཞིང་བཞུགས་སུ་གསོལ། །དགོན་གནས་སྒར་གཞིའི་གྲྭ་སློབ་བཅས། །རྟེན་གསུམ་མཆོད་ཆ་ཀ་ཆ་དང་། །རྟ་དྲེལ་ནོར་ཕྱུགས་ཐམས་ཅད་དང་། །གསེར་དངུལ་ཟངས་ལྕགས་མན་ཆད་ནས། །ཁབ་དང་སྐུད་པ་ཡན་ཆད་རྣམས། །ཁྱེད་ཅག་རྣམས་ཀྱི་དཀོར་དུ་བསྔོ། །ངེད་རང་རྣམས་ཀྱི་དཀོར་ནོར་འདི། །དགྲ་རྐུན་ཇག་པ་གཅན་

[Full Size]

གཟན་ལ། །མ་བསྐུར་ཉིན་མཚན་རྟག་ཏུ་སྲུངས། །གལ་ཏེ་དགྲ་རྐུན་ཇག་པ་ཡིས། །ཁྱེད་ན་ར་མདའི་ཆོ་འཕྲུལ་ནི། །དེ་མ་ཐག་ཏུ་འཇིགས་རུང་ཐོངས། །མཐུ་རྩལ་ཅི་འདུག་དེ་དུས་ལྟ། །གལ་ཏེ་མ་ཐུབ་ཤོར་སྲིད་ན། །ཁྱེད་རྣམས་མཐུ་རྩལ་མི་བདེན་ཞེས། །འཇིག་རྟེན་ཀུན་གྱིས་དམོད་འགྱུར་བས། །དེ་བས་སྨྲ་བབ་ཅང་ཡོད་དམ། །དེ་ཕྱིར་མ་གཡེལ་མཐུ་དཔུང་བསྐྱེད། །སྔོན་གྱི་དམ་ཚིག་མ་བརྗེད་ཅིག །རྣལ་འབྱོར་མི་ནོར་འཁོར་བཅས་རྣམས། །ཐུབ་པར་སྲུངས་ཤིག་ཐུགས་དམ་ཅན། །བཅོལ་བའི་ཕྲིན་ལས་འགྲུབ་པར་མཛོད། །སོ་སོའི་བསྙེན་སྔགས་ལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་པ་བཏགས་ཤིང་བཟླས་ལ་སོ་སོའི་འཁོར་བཅས་དཔག་ཏུ་མེད་པ་སྤྱན་དྲངས་ལ་བསྟིམ། མཐུ་སྟོབས་ནུས་པ་དྲག་རྩལ་དང་ལྡན་པར་བསམས་ལ། རྟེན་ལ་རྟེན་བཅས་ནས་དངོས་གྲུབ་ཆར་ལྟར་འབེབས་ཤིང་སྲུང་བར་བསྒོམ། ཡེ་དྷརྨས་རབ་གནས་བྱས་ལ་འཛུགས། རྒྱུན་དུ་ཡང་བཀའ་བསྒོ་དང་དམིགས་པ་བསྐྱར་རོ། །བཅོལ་གཏམ་དྲག་ཏུ་བྱས་ན་གང་བསམ་ཐོགས་པ་མེད་པར་འགྲུབ་པར་གསུངས་སོ། །ཞེས་པ་གཏེར་གཞུང་མ་ནིང་ཐུགས་ལྕགས་རྩེན་ཐབས་དང་། རྗེ་ཆོས་ཀྱི་དབང་ཕྱུག་གི་མ་མགོན་ཐུགས་ལྕགས་རྩེན་ཐབས་དང་། གུར་ཞལ་སོགས་ལ་

[Full Size]

ཐུགས་བཙུགས་པ་དར་སྲོལ་ཆེ་བར་འདུག་པ་ལྟར། དགོས་པ་ཞིག་བྱུང་དུས། སྔགས་འཆང་རཱ་ག་ཨ་སྱས་བྲིས་པའོ། །སརྦ་མངྒ་ལཾ། ཤུ་བྷཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

རཱ་ག་ཨ་སྱེས་བསྒྲིགས་པའི་ཞྭ་ནག་བརྟན་བཞུགས་ལེགས་སོ།། བྷྱོ༔ ཆོས་སྐྱོང་མ་མགོན་འཁོར་བཅས་ལ། །མཐུན་པའི་རྟེན་རྫས་འབུལ་བ་ནི། །ཞྭ་ནག་གདུགས་ལྟར་ཕུབ་པ་འདི། །མཐིང་ནག་ནམ་མཁའ་ཡང་པ་འདྲ། །ཆོས་དབྱིངས་མཐའ་དབུས་མེད་པའི་བརྡ། །ཟླུམ་པོའི་དབྱིབས་སུ་འདུག་པ་འདི། །ཆོས་སྐྱོང་ངོ་བོ་གཅིག་པའི་བརྡ། །སངས་རྒྱས་གཞོན་ནུ་བུམ་པའི་སྐུ། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་བྱིན་གྱིས་བརླབ་ཏུ་གསོལ། །རྩེ་ལ་ཁ་ཊཾ་བཙུགས་པ་ནི། །དུག་གསུམ་རྩོད་ནས་གཅོད་པའི་བརྡ། །ཆོས་སྐུ་ལོངས་སྐུ་སྤྲུལ་པའི་སྐུ། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་བྱིན་གྱིས་བརླབ་ཏུ་གསོལ། །དེ་འོག་བུམ་པས་བརྒྱན་པ་འདི། །ཚེ་ཡི་དངོས་གྲུབ་སྩོལ་བའི་བརྡ། །བཅོམ་ལྡན་མགོན་པོ་ཚེ་དཔག་མེད། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་བྱིན་གྱིས་བརླབ་ཏུ་གསོལ། །དེ་འོག་རྡོ་རྗེ་རྩེ་ལྔ་ནི། །དུག་ལྔ་གནས་སུ་དག་པའི་བརྡ། །རྒྱལ་བ་རིགས་ལྔ་ཡུམ་ལྔ་བཅས། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་

[Full Size]

བྱིན་གྱིས་བརླབ་ཏུ་གསོལ། །རིགས་འགྲེས་སོ། །དེ་འོག་པདྨའི་ཕྲེང་བ་ནི། །ཉོན་མོངས་དྲི་མ་དག་པའི་བརྡ། །ཞི་བ་རྡོ་རྗེ་དབྱིངས་ཀྱི་བརྡ། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་ལམ་སྣ་འདྲེན་དུ་གསོལ། །དེ་འོག་ཐོད་པ་དུང་ཁང་ནི། །ཁྲག་འཐུང་ལྷ་ཚོགས་གཞལ་ཡས་ཁང་། །ཁྲག་འཐུང་ཁྲོ་བོའི་ལྷ་ཚོགས་རྣམས། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་ལམ་སྣ་འདྲེན་དུ་གསོལ། །དེ་འོག་སྣ་ཚོགས་པདྨ་ནི། །འཁོར་བའི་སྐྱོན་གྱིས་མ་གོས་བརྡ། །དག་པ་རིག་འཛིན་སྔོན་པོ་ཚོགས། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་དབང་དང་བྱིན་གྱིས་རློབས། །དེ་འོག་རྔ་ཡབ་ནག་པོ་ནི། །རི་རབ་རྩེ་ཡི་ལྗོན་ཤིང་འདྲ། །ཡོངས་འདུས་ཤིང་བདག་དཔལ་ལྷ་མོ། །གཉིས་མེད་བརྟན་པར་བཞུགས་སུ་གསོལ། །བཞུགས་ནས་དབང་དང་བྱིན་གྱིས་རློབས། །དེ་འོག་ཞྭ་ཡི་གོང་བུ་ནི། །རི་རྒྱལ་མ་ལ་ཡ་དང་འདྲ། །ཆོས་སྐྱོང་མགོན་པོ་ལྕམ་དྲལ་རྣམས། །སྤྲིན་ལྟར་འདུ་ཞིང་བཞུགས་སུ་གསོལ། །བཞུགས་ནས་བསྟན་པ་བསྲུང་དུ་གསོལ། །དེ་འོག་ཆོས་འབྱུང་བརྩེགས་མ་

[Full Size]

ནི། །མ་རྒྱུད་མཁའ་འགྲོའི་དཀྱིལ་འཁོར་ཏེ། །སྟེང་གི་ཆོས་འབྱུང་ཟུར་གསུམ་ལ། །ཡེ་ཤེས་མཁའ་འགྲོ་མ་མོ་གསུམ། །འོག་གི་ཆོས་འབྱུང་ཟུར་གསུམ་ལ། །འཇིག་རྟེན་མཁའ་འགྲོ་མ་མོ་གསུམ། །མཁའ་འགྲོ་དྲུག་པོ་བཞུགས་པ་ནི། །སྲུང་སྐྱོབ་ཕྲིན་ལས་མཛད་དུ་གསོལ། །ཕྱི་མཐའ་རྔ་ཡབ་མ་རྒྱུད་ནི། །ནག་པོ་སེར་སྤྲིན་འཁྲིགས་པ་འདྲ། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་གནོད་སྦྱིན་ཁྲི། །ཁྲབ་ཅན་བྱེ་བ་འབུམ་སྡེ་རྣམས། །སྤྲིན་ལྟར་འདུ་ཞིང་བཞུགས་སུ་གསོལ། །ཀློག་ལྟར་འཁྱུག་ཅིང་ཕྲིན་ལས་སྒྲུབས། །ཞྭ་ཆོས་སྐྱོང་སྲུང་མ་མཉེས་པའི་རྫས། །དྲག་པོའི་ཕྲིན་ལས་བསྒྲུབ་པའི་ཞྭ། །སྔགས་འཆང་ཆེ་བ་འདོན་པའི་ཞྭ། །ཐོག་དང་སེར་བ་བསྲུང་བའི་ཞྭ། །འགྱུར་མེད་ཆོས་སྐུ་མཚོན་པའི་ཞྭ། །སྣང་སྲིད་ཟིལ་གྱིས་གནོན་པའི་ཞྭ། །བགེགས་དང་བར་ཆད་འདུལ་བའི་ཞྭ། །ཞྭ་ལ་མེ་ལོང་བརྒྱན་པ་འདི། །དགྲ་བགེགས་ཟིལ་གྱིས་གནོན་པའི་ཞྭ། །འཇིགས་རྔམ་བརྗིད་པའི་ཞྭ་ནག་འདི། །མ་ཧཱ་ཀཱ་ལའི་རྟེན་དུ་བཙུགས། །དཔལ་ལྡན་ལྷ་མོའི་རྟེན་དུ་བཙུགས། །བྱ་རོག་མཚན་ཅན་རྟེན་དུ་

[Full Size]

བཙུགས། །སྲས་མཆོག་ནག་པོའི་རྟེན་དུ་བཙུགས། །རྡོ་རྗེ་བེར་ཅན་རྟེན་དུ་བཙུགས། །རང་བྱུང་རྒྱལ་མོའི་རྟེན་དུ་བཙུགས། །མྱུར་མཛད་མགོན་པོའི་རྟེན་དུ་བཙུགས། མ་ནིང་ནག་པོའི་རྟེན་དུ་བཙུགས། །ཏྲག་ཤད་ནག་པོའི་རྟེན་དུ་བཙུགས། །སེང་གདོང་ནག་པོའི་རྟེན་དུ་བཙུགས། །སྲིན་མགོན་ནག་པོའི་རྟེན་དུ་བཙུགས། །གདོང་བཞི་ནག་པོའི་རྟེན་དུ་བཙུགས། །བྲག་ལྷ་མགོན་པོའི་རྟེན་དུ་བཙུགས། །མདུང་འཛིན་མགོན་པོའི་རྟེན་དུ་བཙུགས། །ནག་པོ་སྟོང་གི་རྟེན་དུ་བཙུགས། །ཤ་ཟ་འབུམ་གྱི་རྟེན་དུ་བཙུགས། །མ་མོ་བྱེ་བའི་རྟེན་དུ་བཙུགས། །རྟེན་ལ་འཁོར་ཞིང་བཞུགས་སུ་གསོལ། །ཞྭ་ནག་འདི་ལ་བཞུགས་སུ་གསོལ། །བཞུགས་ནས་བྱིན་གྱིས་བརླབ་ཏུ་གསོལ། །ཞྭ་ནག་གདུགས་ལྟར་ཕུབ་པ་འདི། །སྔགས་འཆང་མགོ་ལ་གྱོན་ཙམ་ན། །ཆོས་སྐྱོང་ལས་ལ་མྱུར་བར་མཛོད། །དབུ་ལ་གདུགས་ལྟར་བཀྲ་ཤིས་ཤོག །རྔ་ཡབ་སྤྲིན་ལྟར་འཐིབ་ཙམ་ནས། །ཆོས་སྐྱོང་སྤྲིན་ལྟར་འདུ་བར་ཤོག །རྡོ་རྗེ་རྩེ་ལྔས་བརྒྱན་པ་འདི། །ཡེ་ཤེས་ལྔ་དང་ལྡན་པར་ཤོག །ཨོཾ་བཛྲ་མུ་གུ་ཏཱཾ། ཨ་བྷི་ཥིཉྩ་ཧཱུྃ། ཞེས་པ་འདི་

[Full Size]

གནས་བསམ་འགྲུབ་གླིང་དུ་ཞྭ་ནག་དགའ་མཚར་འདུག་པའི་རབ་གནས་འཕྲལ་རུ་བྲིས། རཱ་ག་ཨ་སྱེས་སྦྱར་བའོ། །ཚེ་འདིར་ཞྭ་ནག་འཛིན་པའི་བཀྲ་ཤིས་ཤོག །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྔ་བོའི་ནང་གཞུག་བྲི་ཚུལ་རྩ་གསུམ་དགྱེས་པའི་སྒྲ་དབྱངས།

[Full Size]

རྔ་བོའི་ནང་གཞུག་བྲི་ཚུལ་རྩ་གསུམ་དགྱེས་པའི་སྒྲ་དབྱངས་བཞུགས་པའི་དབུ་ཕྱོགས་ལགས་སོ།།

[Full Size]

ཨོཾ་ཨཱཿཿཧཱུྃ། ན་མོ་ཤྲཱི་ཧེ་རུ་ཀ་ཡེ། དེ་ཡང་བདེ་མཆོག་རྩ་རྒྱུད་ལས། །ཤིན་ཏུ་སྒྲ་སྙན་དྲིལ་བུ་འཁྲོལ། །སྒྲུབ་པ་པོ་ཡིས་རྔ་རྡུང་ཞིང་། །ཧ་ཧ་ཞེས་ནི་བརྗོད་པར་བྱ། །གུས་པ་ཡིན་ན་གཏོར་མ་སྦྱིན། །རང་འདོད་ལས་ལ་རྣལ་འབྱོར་པས། །ཆོ་ག་ཅི་བཞིན་སྦྱིན་པར་བྱ། །ཞེས་གསུངས་པས། སྔགས་ཀྱི་ཆོ་ག་རྣམས་ལ་རྔ་བརྡུང་དགོས་པ་ཡིན། རྔ་ལ་ཡང་ཇ་ཆེན་རྔ་ཟླུམ་དོན་གཅིག་ལ། འཕྲད་རྔ་དང་ནི་ཟོམ་རྔ་དོན་གཅིག་ལ། རྫ་རྔ་ནི་ལི་ཡི་རྫ་མ་ཡིན་ལ། རྔ་ཆུང་དང་ནི་ལག་རྔ་ཡུ་བ་ཅན་རྣམས་དོན་གཅིག་ལ། གསང་བའི་རྔ་ཆུང་དོན་གཅིག་པར་ཐོད་པའི་ཌ་མ་རུའོ། །དེ་ལ་རྔ་ཆེན་དང་ཇ་ཆུང་གི་ནང་གཞུག་བྲི་ལུགས་ལ། འགའ་ཞིག་གི་སྔགས་མགོ་ཕྱིར་ཟུར་གཅིག་ལ་བསྟན་ནས་སྔགས་ཕྲེང་ཅི་ཤོང་ཅུང་ལྔ་དྲུག་ཏུ་

[Full Size]

བྲིས་འདུག་པ་མི་ལེགས་ཏེ། རྔ་ལ་མགོ་འཇུག་མེད་པའི་སྐྱོན་དུ་འགྱུར་རོ། །རྔ་ལ་མགོ་མཇུག་ཡོད་པ་སྟེ། སྟོད་ལ་རི་བོའི་རྩེ་ཟེར། སྨད་ལ་རྒྱ་མཚོའི་གཏིང་ཟེར། །གཡས་གཡོན་ལ་སེང་གེའི་འགྲམ་ཞེས་བྱ་བ་ཡིན་ནོ། །དེས་ན་རྔ་ཡི་སྟེང་ཕྱོགས་ནས་སྔགས་འདི་ལྟར་ཕྱོགས་གཉིས་སུ་བྲིའོ། །དེ་ལ་དང་པོ་བླ་མ་བརྒྱུད་པ་ཐམས་ཅད་མཚན་སྔགས་བྲི། དེ་ནས་ཡི་དམ་ཐམས་ཅད་སྔགས། དེ་འོག་ཆོས་སྐྱོང་ཐམས་ཅད་སྔགས་བྲི་སྟེ། བླ་མ་བརྒྱུད་པ་ནི། ༈ ཨོཾ་ཨཱཿངྒཤི་བཛྲ་དྷ་ར་ཧཱུཾ། རྡོ་རྗེ་འཆང་། ཨོཾ་ཨཔྲཛྙཱ་བྷ་དྲ་ཧཱུཾ། ཏེ་ལོ། ཨོཾ་ཨཱཿཛཱ་ན་སིདྡྷི་ཧཱུཾ། ནཱ་རོ་པ། ཨོཾ་ཨཱཿདྷརྨཱ་མ་ཏི་ཧཱུྃ། མར་པ། ཨོཾ་ཨཱཿཿཧ་ས་བཛྲ་ཧཱུྃ། མི་ལ། ཨོཾ་ཨཱཿཔུཎྱ་རཏྣ་ཧཱུཾ། དྭགས་པོ། ཨོཾ་

[Full Size]

ཨདྷརྨ་ཀཱིརྟི་ཧཱུྃ། དུས་མཁྱེན། ཨོཾ་ཨཱཿཋབུདྡྷ་ཀིརྟི་ཧཱུྃ། རས་ཆེན། ཨོཾ་ཨཱཿཔུཎེ་བཛྲ་ཧཱུྃ། སྤོམ་བྲག་པ། ཨོཾ་ཨཱཿཀརྨ་ཀ་ཧཱུཾ། ཨོཾ་ཨཱཿརཏྣ་ཤྲཱི་ཧཱུྃ། ཨོ་རྒྱན་པ། ཨོཾ་སྭ་ཡཾ་བྷ་བཛྲ་ཧཱུྃ༔ རང་བྱུང་བ། ཨོཾ་ཨཱཿབཛྲ་ཤྲཱི་ཧཱུྃ། གཡུང་སྟོན་པ། ཨོཾ་ཨཱཿལ་ལི་ཏ་བཛྲ་ཧཱུྃ། རོལ་པའི་རྡོ་རྗེ། ཨོཾ་ཨཱཿཛཱ་ན་ཤཱི་ཧཱུཾ། མཁའ་སྤྱོད་དབང་པོ། ཨོཾ་ཨཱཿཏ་ཐཱ་ག་ཏ་ཧཱུྃ། དེ་བཞིན་གཤེགས་པ། ཨོཾ་ཨཱཿག་ག་ན་དྷ་ཛ་ཧཱུཾ། མཁའ་སྤྱོད་པ། ཨོཾ་ཨཱཿཿདྷརྨ་དྷ་ཛ་ཧཱུྃ། སྒམ་པོ་པ། ཨོཾ་ཨཱཿཨ་ནནྟ་མངྒ་ལཾ་ཧཱུཾ། བྱ་བྲལ་པ། ཨོཾ་ཨཱཿསརྦ་གུ་རུ་ཧཱུྃ། བླ་མ་ཐམས་ཅད། ཨོཾ་ཨཱཿ ཨ་མི་ཏ་བྷ་ཧཱུཾ། སྣང་བ་མཐའ་ཡས། ཨོཾ་ཨཱཿལོ་ཀི་ཤྭ་ར་ཧཱུཾ། ཐུགས་རྗེ་ཆེན་པོ། ཨོཾ་ཨཱཿཔྲ་ཝ་ཀཱ་ར་ཧཱུཾ། པདྨ་འབྱུང་གནས། ཨོཾ་ཨཱཿཌཀྐི་ཛྙཱ་ན་སཱ་ག་རཱ་ཛ་ཡེ་ཧཱུཾ། ཡེ་ཤེས་མཚོ་རྒྱལ། ཨོཾ་ཨཱཿརཏྣ་ཤྲཱི་བྷ་དྲ་ཧཱུྃ་རཏྣ་གླིང་པ། ཨོཾ་ཨཱཿཋཨ་ཡུ་པ་ཤང་ཀིརྟི་ཧཱུྃ། ཚེ་དབང་གྲགས་པ། ཨོཾ་ཨཱཿཿཧཱུྃ་བཛྲ་གུ་རུ་པདྨ་སིདྡྷི་ཧཱུཾ། ཨོཾ་གུ་རུ་ཨ་ཡུ་ཛཱ་ན་ཧཱུཾ་ཧཱུཾ་ཎི་ཛཿ སིདྡྷི་ཕ་ལ་ཧཱུྃ། ཨོཾ་གུ་རུ་ཨཱཿ་ཡུ་སིདྡྷི་ཧཱུྃ་ཧཱུྃ༔ ཨ་མ་ར་ཎི་ཛཱི་ཝནྟི་ཡེ་སྭཱ་ཧཱ། ཨོཾ་ཨཱཿཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛསིདྡྷི་ཕ་ལ་ཧཱུྃ་ཨཱཿ༔ ཧཱི་མ་ཧ་རི་ནི་ས་ར་ཙ་ཧྲི་ཡ་ཙིཏྟ་ཧྲི་ཧྲི་ཛ་ཛཿ ཨོཾ་ཨཱཿཧཱུྃ་ཨ་རྩིག་ནིརྩིག་ན་མོ་བྷ་

[Full Size]

ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔ བཛྲ་ཧཱུྃ། ཡཀྵ་ཧཱུཾ། རཀྵ་ཧཱུྃ། ཨ་ཡ་མ་དུ་རུ་ཙ་ཤ་ན་ས་མ་ཡ་མཱ་ར་ཡ་ཧཱུྃ་ཕཊ༔ ཨཀཿསཿམཿརཿཙཤདརསམ༔ རཡཕཊ༔ ཨོཾ་ཧཱི༔ཧ་ཧ་ཧཱུྃ་ཧཱུྃ་ཕཊ༔ ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ༔ ཌཱ་ཀི་ནཱི་ཛཱ་ལ་སཾ་བྷ་རཾ་སྭཱ་ཧཱ༔ ཨོཾ་བཛྲ་བེ་རོ་ཙ་ནཱི་ཧ་རི་ནི་ས་ཧཱུྃ་ཕཊ་སྭཱ་ཧཱ༔ ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནི་ཡེ་བཛྲ་བརྣ་ནི་ཡེ་བཛྲ་བེ་རོ་ཙ་ནི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཨཱཿཿཧཱུྃ་ཧཱུྃ༔ ཨོཾ་མ་ཎི་པདྨེ་ཧཱུྃ། དྷུ་མ་གྷ་ཡེ་ན་མ་སྭཱ་ཧཱ། ཧ་རི་ནི་ས་ར་ཙ་ཧྲི་ཡ་ཧཱུྃ་ཛཿ ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏ་ལི་ཧཱུཾ། ཨོཾ་བཛྲ་ཀ་ཝུ་ཝ་པ་ཤ་མ་ཧཱ་ཀཱ་ལཱ་ཡཱ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཧཱུྃ་ཤྲཱི་ཡ་དེ་ཝི་ཀཱ་ལི་ཀ་ལི་མ་ཧཱ་ཀཱ་ལི་ཧཱུྃ་བྷོ་ཛཿ ཨོཾ་བཛྲ་མ་ཧཱ་ཀཱ་ལ་ཀིཾ་ཀྵེ་ཏྲ་བིཙྪཱན་བི་ན་ཡ་ཀ་ཧུ་ཧཱུྃ་ཕཊ་ཕཊ་སྭཱ་ཧཱ། གུ་རུ་མ་ཧཱ་ཀཱ་ཧ་རི་ནི་ས་སིདྡྷི་ཛཿ སྐྱེ་འགྲོ་ཕོ་མོའི་ལུས་སེམས་ལོངས་སྤྱོད་ཝ་ཤཾ་ཀུ་རུ་ཧོ༔ ཨོཾ་ཤྲཱི་མ་ཧཱ་ཀཱ་ཡ་གྷ་ན་གླུ་བྱ་རཾ་སིདྡྷི་ཧཱུྃ་ཕཊ༔ ཨོཾ་བཛྲ་སཱ་དྷུ་ས་མ་ཡ་ཝཀ་ཧུཾ་ཧཱུྃ་ཤྲཱི་ནི་ཀྲ་མ་ནི་ས་མཱ་ཡ་སཱ་དྷ་ཏྲི་ཛ་ཛཧཱུྃ་བཾ་ཧོ༔ ཨོཾ་ཛཾ་བྷ་ལ་ཛ་ལེན་ཏྲ་ཡེ་སྭཱ་ཧཱ༔ ཞེས་སོགས་ཡི་དམ་ཆོས་སྐྱོང་ནོར་ལྷ་གང་འདོད་སྔགས་བྲིས། ཧཱུྃ།

[Full Size]

གསང་མཆོག་གསུང་གི་བདེ་ཆེན་རིག་མ་ནི། །སྐུ་མདོག་དམར་མཛེས་རྔ་ཟླུམ་སྒྲ་སྒྲོག་མ། །བདེ་བ་མཆོག་གིས་རྒྱལ་བ་མཉེས་པར་མཛད། །གསང་མཆོག་བདེ་བའི་མཆོད་པ་བཞེས་སུ་གསོལ། །ཨོཾ་བཛྲ་མུ་ཙེ་ཨཱཿཧཱུཾ། རྡོ་རྗེ་ལྷ་མོའི་རྔ་ཆེན་བརྡུང་། །རོལ་པའི་ལྷ་མོ་སྐུ་མདོག་དམར། །བླ་མ་ཡི་དམ་མཁའ་འགྲོ་མཆོད། ཨོཾ་བཛྲ་མྲི་ཏཾ་གེ་ཧཱུྃ་ཧཱུྃ་ཕཊ༔ དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སེལ་བྱེད་པ། །སྤྲིན་རྣམས་སོ་སོར་གནས་གྱུར་ཅིག །ཨོཾ་བཛྲ་དྷརྨཱ་ར་ཎི་ཏ་པྲ་ར་ཎི་ཏ་སཾ་པྲ་ར་ཎི་ཏ་སརྦ་བུདྡྷ་ཀྵེ་ཊ་པྲ་ཙ་ལི་ཏེ་པྲཛྙཱ་པཱ་ར་མི་ཏ་ན་ད་སཾ་བྷ་ཝེ། བཛྲ་དྷམ་ཧཱིད་ཡ་སན་ཏོ་ཥ་ཎི་ཧཱུཾ་ཧཱུཾ་ཧཱུཾ་ཧོ་ཧོ་ཧོ་ཨ་ཁཾ་སྭཱ་ཧཱ། ཞེས་རོལ་མོའི་གཟུངས་འབྲིའོ། །མགོ་གཡོན་ངོས་ལ། ཨོཾ་མུ་ནི་མུ་ནི་མ་ཧཱ་མུ་ནི་ཤཱཀྱ་མུ་ན་ཡེ་སྭཱ་ཧཱ། ཨོཾ་སརྦ་ཏ་ཐཱ་ག་ཏ་ཤརྡ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཿཿཧཱུྃ། གསེར་འོད་དམ་པའི་རྔ་ཆེན་སྒྲ་ཡིས་ནི། །སྟོང་གསུམ་གྱི་ནི་འཇིག་རྟེན་གསུམ་འདི་ན། །ངན་སོང་སྡུག་བསྔལ་གཤིན་རྗེའི་སྡུག་བསྔལ་དང་། །དབུལ་བའི་སྡུག་བསྔལ་ཐམས་ཅད་ཞི་བར་ཤོག །རྔ་བོ་ཆེ་ཡི་སྒྲ་སྐད་འདི་

[Full Size]

ཡིས་ནི། །འཇིག་རྟེན་རྨོངས་པ་ཐམས་ཅད་ཞི་གྱུར་ཅིག །ཇི་ལྟར་ཐུབ་དབང་འཇིགས་མེད་འཇིགས་ཞི་ལྟར། །སེམས་ཅན་འཇིགས་མེད་འཇིགས་དང་བྲལ་བར་ཤོག །ཇི་ལྟར་འཁོར་བ་ཀུན་མཁྱེན་ཐུབ་དབང་པོ། །འཕགས་པའི་ཡོན་ཏན་ཀུན་དང་ལྡན་པ་དང་། །སྐྱེ་དགུ་ཏིང་འཛིན་བྱང་ཆུབ་ཡན་ལག་གི །ཡོན་ཏན་ལྡན་ཞིང་ཡོན་ཏན་རྒྱ་མཚོར་གྱུར། །རྔ་བོ་ཆེ་ཡི་སྒྲ་སྐད་འདི་ཡིས་ནི། །སེམས་ཅན་ཐམས་ཅད་ཚངས་པའི་སྒྲ་ལྡན་གྱུར། །སངས་རྒྱས་བྱང་ཆུབ་དམ་པ་མཆོག་རེག་ཤོག །ཆོས་ཀྱི་འཁོར་ལོ་དམ་པ་བསྐོར་གྱུར་ཅིག །བསྐལ་པ་བསམ་གྱིས་མི་ཁྱབ་བཞུགས་པར་ཤོག །འགྲོ་ལ་ཕན་ཕྱིར་ཆོས་ཀྱང་སྟོན་གྱུར་ཅིག །ཉོན་མོངས་འཇོམས་གྱུར་སྡུག་བསྔལ་སེལ་བར་ཤོག །འདོད་ཆགས་ཞེ་སྡང་གཏི་མུག་ཞི་གྱུར་ཅིག །སེམས་ཅན་གང་དག་ངན་སོང་སར་གནས་ཏེ། །རུས་པའི་ལུས་ལ་མེ་ལྕེ་རབ་འབར་བ། །དེ་དག་རྔ་ཆེན་སྒྲ་སྐད་ཐོས་གྱུར་ཅིག སེམས་ཅན་སྡུག་བསྔལ་རབ་ཏུ་ཞི་གྱུར་ནས། །སངས་རྒྱས་ཕྱག་འཚལ་ལོ་ཞེས་ཚིག་ཐོས་ཤོག །སེམས་ཅན་ཀུན་གྱི་ཚེ་རབས་བརྒྱ་དག་དང་། །ཚེ་རབས་སྟོང་ཕྲག་བྱེ་བར་སྐྱེ་

[Full Size]

དྲན་ཤོག །ཐུབ་པའི་དབང་པོ་རྟག་ཏུ་དྲན་གྱུར་ཅིག །དེ་དག་གིས་ནི་རྒྱ་ཆེན་གསུང་ཐོས་ཤོག །རྔ་བོ་ཆེ་ཡི་སྒྲ་སྐད་འདི་ཡིས་ནི། །སངས་རྒྱས་རྣམས་དང་རྟག་ཏུ་འགྲོ་རྙེད་གྱུར། །སྡིག་པའི་ལས་རྣམས་རྣམ་པར་སྤང་བར་ཤོག །བྱ་བ་དགེ་བ་རྣམས་ནི་སྤྱོད་གྱུར་ཅིག །ལྷ་དང་མི་རྣམས་སྲོག་ཆགས་ཐམས་ཅད་ཀྱི། །དེ་དག་བསམ་དང་སྨོན་ལམ་གང་ཡིན་པ། །རྔ་བོ་ཆེ་ཡི་སྒྲ་སྐད་འདི་ཡིས་ནི། །དེ་དག་རྣམས་ཀྱི་རེ་ཀུན་རྫོགས་གྱུར་ཅིག །སེམས་ཅན་གང་དག་སེམས་དམྱལ་མི་ཟད་སྐྱེས། །ལུས་ལ་མེ་ལྕེ་ཀུན་ཏུ་རབ་ཏུ་འབར། །སྐྱབས་མེད་མྱ་ངན་བཅས་ཤིང་ཡོངས་འཁྱམ་པ། །མེ་རྣམས་དེ་དག་རབ་ཏུ་ཞི་བར་ཤོག །སེམས་དམྱལ་ཡི་དྭགས་མེ་ཡི་འཇིག་རྟེན་ན། །སེམས་ཅན་སྡུག་བསྔལ་མི་བཟད་དྲག་པོ་གང་། །རྔ་བོ་ཆེ་ཡི་སྒྲ་སྐད་འདི་ཡིས་ནི། །དེ་དག་རྣམས་ཀྱི་སྡུག་བསྔལ་ཀུན་ཞི་ཤོག །རྒྱས་པར་འདོད་ན་བཀྲ་ཤིས་ཀྱི་ཚིགས་བཅད་གང་རུང་ཡང་བྲིའོ། །དེ་ནས་ར་དང་གནའ་བ་གཉིས་ཁ་སྤྱོད་འཛོམས་ན་རབ། ར་ཡི་པགས་པ་མཚོན་གྱིས་ཤ་ཚིལ་བཞར་ཚལ་ཆོད་པར་བྱས་ལ་སྐུད་མེད་པར་ཅི་ཙམ་མཉེ། དེ་ནས་སྦང་མ་བྲེ་དོ། ཕབས་དོག་གཅིག །ཕུག་རོན་བྲུན་སྤར་གང་དེ་གསུམ་ཆུར་སྦྱང་བའི་ནང་དུ་ལྤགས་པ་

[Full Size]

ཞག་གསུམ་སྦྱང་། དེ་ནས་བཏོན་ལ་ཆུ་མེད་པར་བརྩིར། ཕུར་སྦྲུལ་བྱས་ལ་ཕུབ་རྒྱང་ལ་གྲིབ་སྐམ་ཞག་བདུན་བྱས་ལ་སྐམ་ཐག་བཅད། དེ་ནས་སྦང་མ་མང་བ་ཞིག་གི་ནང་དུ་མཚུར་ཕུལ་གང་། ར་ལུག་གི་ཀླད་པ་ཕུལ་གང་། བུལ་ཏོག་ཕུལ་གང་། སུག་པ་ཕུལ་གང་། དེ་རྣམས་ཆུར་བཏབ་པའི་ནང་དུ་སྦང་ཡག་བྱེད། དེ་ནས་སྟོན་ལ་དར་བའམ། ཞོ་དང་ཆུ་བསྲེས་ནས་བཀྲུས་ལ། དེ་ནས་གཡོག་སྟེ། ཤིན་ཏུ་རྒྱང་ཞིང་ཅི་ཐུབ་མཐེན་ལ་གཡོག་དགོས། ཐང་རབ་ལ་སྐད་རབ། ཐང་འབྲིང་ལ་སྐད་འབྲིང་། ཐང་ཐ་མ་ལ་སྐད་ཐ་མའོ། །དེ་ནས་གྲིབ་སྐམ་བྱས་པས་དབྱར་མི་སྤབ། དགུན་མི་ཁྲང་། སྐད་འབྲུག་སྒྲ་འདྲ་བ་འབྱུང་བ་སྟེ་རྫས་གཡོག་གོ །རྔ་ཐང་ན་གཡེར་མ་དང་། ཀླད་པ་བསྲེས་ལ་བྱུག་པས་ལྷོད་དོ། །རྔ་ལྷོད་ན་ཆང་དང་གཡེར་མ་བསྲེས་ལ་བྱུག་པས་ཁྲང་ངོ་། །རྫས་གཡོག་མི་བྱེད་ན་གཡོག་དུས་དམ་ལྷོད་རན་པ་གལ་ཆེ། ཐང་ན་རྔ་ཤིང་ཆག་ལྷོད་ན་སྐད་མི་འབྱུང་། དམ་ཅན་འདུ་བའི་རྔ་ཞེས་བྱ་བ་མགོ་མཇུག་མ་ལོག་པར་བྱའོ། །རྔ་ཀུན་ཏུ་བཟང་པོ། རྔ་ལྕག་ཀུན་ཏུ་བཟང་མོ་གཉིས་སྦྱོར་བ་བྱས་པས་བླ་མེད་ཆོས་ཀྱི་སྒྲ་ཁམས་གསུམ་དུ་ཁྱབ་པར་བསྒོམ། རྡོ་ལྕག་རྡེག་དུས་རི་བོའི་རྩེ་མི་སྙིལ། རྒྱ་མཚོའི་གཏིང་མི་དཀྲུགས། སེང་གེའི་འགྲམ་མི་བཅག་སྟེ་རྔ་ཡི་དཀྱིལ་སྨད་ལ་རྡེག སྤྱན་འདྲེན་དུས་རྔ་ལྕག་ཚུར་རྡེག །རྦད་བསྐུལ་དུས་ཕར་རྡེག་གོ །ཞེས་རྔ་ཡི་ནང་གཞུག་འབྲི་ཚུལ་ཨ་ནུ་ཚེ་དབང་རྡོ་རྗེས་བསྐུལ་ནས། ༧ རཱ་ག་ཨ་སྱས་བཀོད་པ་ལ་ཉེས་འགལ་མཆིས་

[Full Size]

ན་དམ་ཅན་རྒྱ་མཚོ་རྣམས་ལ་བཤགས་ཤིང་། དགེ་བས་གསང་སྔགས་བསྟན་པ་དར་ཞིང་རྒྱས་གྱུར་ཅིག །རྔ་སྒྲས་འཇིག་རྟེན་ས་གསུམ་ཀུན་ལ་ཁྱབ་པར་ཤོག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཇ་མཆོད་གར་དབང་མི་ཟིན་བྲིས།

[Full Size]

ཇ་མཆོད་གར་དབང་མི་ཟིན་བྲིས་བཞུགས་སོ།། ༈ གུ་རུ་པཱུ་ཛ་ཧོ། གསང་སྔགས་རྙིང་མའི་སྐབས་སུ་ཇ་འདི་ནི། །ཅུང་ཟད་ཡོད་ཀྱང་བསྐོལ་སྲོལ་མ་བྱུང་བས། །ཇ་མཆོད་ཅེས་པ་དར་བར་མ་བྱུང་ངོ་། །ཕྱི་དར་གསར་མའི་སྐབས་སུ་ཇ་བསྐོལ་དར། །སངས་རྒྱས་གཉིས་པ་ཇོ་བོ་ལྷ་གཅིག་ཕེབས། །འབྲོམ་དང་ནག་ཚོ་ལོཙྪས་ཇ་དྲངས་ཏེ། རིན་ཆེན་འབྲུག་རྒྱབ་ཡིད་འོང་དམ་པ་དེར། །བློ་གསལ་ལྕེ་བདེ་འགྲོ་ན་མགྱོགས་པ་ཡི། །དཔག་བསམ་ཤིང་གི་བཅུད་རྣམས་ལེགས་བསྡུས་ཏེ། །བླ་མ་ཁྱེད་ལ་མཆོད་པ་འདི་འབུལ་ལོ། །ཞེས་ཞུས་དྲངས་བས་ཇོ་བོ་རབ་ཏུ་མཉེས། །དམར་སེར་འཇམ་དབྱངས་མདོག་ཅན་འདི་ཉིད་ནི། །བོད་ཀྱི་བསོད་ནམས་སྟོབས་ལས་གྲུབ་གསུངས་བཞེས། །དེ་ཕྱིར་ཇ་ཡི་མཆོད་པ་དར་བ་ཡིན། །དེ་བཞིན་འདྲེན་མཆོག་ཆོས་ཀྱི་དབང་ཕྱུག་གིས། །ལོངས་སྤྱོད་འཁོར་ལོ་སྒོ་གསུམ་ཚིམ་བྱེད་ཅིང་། །ཆོས་ཀྱི་འཁོར་ལོ་སྔོན་ཆེད་བློ་གྲོས་འཆང་། །ཞེས་སོགས་ཇ་ལ་བསྟོད་པ་ཇ་མཆོད་མཛད། །དུས་གསུམ་སངས་རྒྱས་ཐམས་ཅད་མཆོད་པ་བས། །བླ་མའི་བ་སྤུ་ཉག་མཆོད་ལྷག་གསུངས་པས། །དཀའ་བས་བཙལ་ཞིང་དཀོན་པས་བསྒྲུབས་པ་ཡི། །

[Full Size]

ཇ་ཡི་ཕུད་ཀྱིས་བླ་མ་མཆོད་པ་ན། །བསོད་ནམས་ཚོགས་ཆེན་རྫོགས་པར་ཐེ་ཚོམ་མེད། །རྒྱུད་གཞུང་རྣམས་ནས་དངོས་སུ་མ་གསུངས་ཀྱང་། །དྲི་ཆབ་ཅེས་བྱའི་དོན་ནི་ཇ་ལ་འཐུས། །དྲི་ཆབ་ཅེས་བྱའི་དྲི་བཟང་སྤོས་ཆུ་སྟེ། །ཇ་ཡང་དྲི་བཟང་ཤིང་གི་སྤོས་ཆུ་ཡིན། །རྒྱ་ནག་སྟོང་ཀུན་ཡུལ་དུ་སྐྱེས་པའི་ཕྱིར། །འཇམ་དཔའི་དབྱངས་ཀྱིས་བྱིན་གྱིས་བརླབ་པའི་ཕྱིར། །ཇ་འཐུང་ལྕེ་བདེ་ཤེས་རབ་རིག་པ་གསལ། །མཆོད་པའི་རྫས་ནི་གོང་ཐོར་ཆེ་བཞིན་དུ། །བསོད་ནམས་ཆེ་ཕྱིར་ཇ་འདི་གོང་ཐང་ཆེ། །དེ་ཕྱིར་ཇ་ཡི་ཕུད་མཆོད་བསོད་ནམས་ཆེ། །མཆོད་པ་འབུལ་དུས་མདུན་གྱི་མཁའ་གསུངས་པ། །མདུན་གྱི་ནམ་མཁའི་དབྱིངས་ནི་མཐོན་པོ་ན། །ཁྱུང་གིས་བཏེག་པའི་པདྨ་ཟླ་བའི་སྟེང་། །གར་དབང་རྡོ་རྗེ་འཆང་ཆེན་སྐུ་མདོག་དམར། །རྡོ་རྗེའི་སྐྱིལ་ཀྲུང་དར་དང་རིན་ཆེན་བརྒྱན། །རྡོ་རྗེ་དྲིལ་བུ་ཐུགས་ཀར་བསྣོལ་ཏེ་བསྣམས། །ལོངས་སྤྱོད་རྫོགས་སྐུ་འོད་ཟེར་འབར་བར་བསྒོམས། །དེ་འོག་མུ་ཏིག་སྟར་ལ་བརྒྱུས་པ་བཞིན། །སྐྱེས་རབས་ཕྲེང་བ་ཐོ་བརྩེགས་སྒོམ་པ་སྟེ། །མི་ལའི་སློབ་མ་བལ་པོ་གཞོན་ནུ་བ། །རས་དཀར་ན་བཟའ་གྲུབ་ཐོབ་ཆ་ལུགས་ཅན། །དེ་འོག་དྭགས་པོའི་སློབ་མ་ཚུལ་

[Full Size]

ཁྲིམས་པ། །དུས་གསུམ་མཁྱེན་པའི་ཉེ་གནས་ནམ་མཁའ་འོད། །ཀརྨ་པཀཱིའི་སློབ་མ་བཀྲ་ཤིས་གྲགས། །གསུམ་པོ་དགེ་སློང་ཆ་ལུགས་དྭགས་ཞུ་ཅན། །དེ་འོག་ན་རིམ་བདུན་པོ་ཆ་ལུགས་མཐུན། །དགེ་སློང་ཆ་ལུགས་ཞྭ་དམར་གསེར་མདོངས་ཅན། །ཀུན་ཀྱང་ཕྱག་ཀུན་ཆོས་འཆད་མཉམ་བཞག་མཛད། །དམ་ཡེ་དབྱེར་མེད་དྲན་རྫོགས་གསལ་བཏབ་སྟེ། །ཇ་ཞལ་ཡེ་ཤེས་ཀ་པཱ་ལ་ཡི་ནང་། །ཇ་ནི་ཟག་མེད་བདུད་རྩིར་གྱུར་པ་ལ། །ཕུད་རླངས་མཆོད་པའི་སྤྲིན་གྱིས་མཆོད་པར་བསྒོམ། །གསོལ་བ་འདེབ་སོ་བྱིན་གྱིས་རླབས་ཟེར་དུས། །གཅིག་ལ་གཅིག་ཐིམ་སྤྲུལ་སྐུ་འོག་མར་ཐིམ། །བདག་སོགས་གདུལ་བྱ་ཟེར་བའི་ཚིག་གི་སྐབས། །ཚུར་བྱོན་རང་གི་སྙིང་གི་དཀྱིལ་དུ་བཞུགས། །དེ་དོན་མི་བསྐྱོད་རྗེས་མཛད་ཇ་མཆོད་ལས། །རྡོ་རྗེའི་ལུས་མཆོག་དཀྱིལ་འཁོར་དག་པའི་དབུས། །བདུད་རྩི་སྒྲ་ཅན་རྒྱས་པའི་སྙིང་ཁ་དེར། །མི་ཤིག་གནས་པའི་དཔལ་ལྡན་ཀརྨ་པ། །འཆི་བ་མེད་པར་བཞུགས་དེར་ལེགས་བསམ་གསུངས། །དེ་ཕྱིར་ཇ་ཉིད་འཐུང་བའི་དུས་ཀྱི་ཚེ། །སྙིང་གའི་བླ་མ་མཆོད་པའི་དམིགས་པས་བཏུང་། །བླ་མ་མཆོད་པས་སྐུ་ལུས་གཟི་མདངས་རྒྱས། །

[Full Size]

སྐུ་ལས་ཡེ་ཤེས་བདུད་རྩིས་རྒྱུན་བབས་པས། །བདག་གི་ལུས་ཀུན་ལྟེམ་གྱིས་གང་གྱུར་ནས། །མཆོག་དང་ཐུན་མོང་དངོས་གྲུབ་ཐོབ་པར་བསྒོམ། །བདུད་རྩིའི་དགའ་སྟོན་འགྱེད་ཅེས་བྱ་བ་དང་། །དངོས་གྲུབ་སྩོལ་ཞེས་བྱ་བའི་དོན་ཡིན་ཏེ། །དེ་ནས་བླ་མ་འོད་ཞུ་རང་ལ་ཐིམ། །རང་སེམས་བླ་མ་དབྱེར་མེད་ངོ་བོ་ལྟ། །མཆོག་གི་དངོས་གྲུབ་ཕྱག་རྒྱ་ཆེན་པོ་དེ། །ཕྱི་དུས་མི་འགྱངས་དེ་མ་ཐག་ཏུ་འཆར། །འདི་ལྟར་ཇ་ནི་བཟང་བའི་ཉིན་རེ་བཞིན། །ཇ་མཆོད་མ་ཆག་དམིགས་པ་འདི་ཟིན་ན། །དོན་ལ་བླ་མ་མཆོད་པ་ཆག་མེད་ཡིན། །བསོད་ནམས་བསགས་ཐབས་བྱེ་བ་གྲངས་མེད་ཀྱང་། །བླ་མ་མཆོད་ལས་ལྷག་པ་མེད་གསུངས་ཕྱིར། །བླ་མ་ལ་ཡང་རྣམ་གྲངས་མང་མོད་ཀྱི། །ཨོ་རྒྱན་རྗེ་དང་མི་ལ་རས་ཆེན་སོགས། །ཀརྨ་པ་ཡི་ན་རིམ་ཐམས་ཅད་ཀྱིས། །འོད་དཔག་མེད་ཀྱི་སྤྲུལ་པར་ལུང་བསྟན་ཅིང་། །ན་རིམ་རྣམས་ཀྱིས་ཡིན་པར་ཞལ་གྱིས་བཞེས། །དེ་ཕྱིར་ཞྭ་དམར་ཅོད་པན་འཛིན་མཆོད་པ། བདེ་བ་ཅན་དུ་སྐྱེ་བའི་ས་བོན་ཡིན། །དེ་ཕྱིར་འོད་དཔག་མེད་དངོས་ཡིན་ཕྱིར་རོ། །རཱ་ག་ཨ་སྱས་གྲྭ་པ་རྣམས་ལ་གདམས། །མཐར་ཕྱིན་ཞེས་བྱས་ཡི་གེར་བཀོད་པའོ།། །།

སྒ་ལོའི་བླ་སྒྲུབ།

[Full Size]

ན་མོ་གུ་རུ་བཛྲ་དྷ་ར་ཡེ། །བདག་གི་སྤྱི་བོར་པདྨ་ཟླ་བའི་སྟེང་། །རྩ་བའི་བླ་མ་རྒྱལ་བ་སྲས་དང་བཅས། །དབྱེར་མེད་ངོ་བོ་དཔལ་ཆེན་སྒ་ལོ་ཙཱ། །དགེ་སློང་ཆ་ལུགས་ཆོས་གོས་པཎ་ཞྭ་ཅན། །སྐུ་སྟོད་གཅེར་བུར་སྒོམ་ཐག་དམར་པོས་བརྒྱན། །ཞལ་གཅིག་ཁྲོ་འཛུམ་སྤྱན་གསུམ་ནམ་མཁར་གཟིགས། །ཕྱག་གཉིས་རྡོ་རྗེ་དྲིལ་བུ་ཐུགས་ཀར་བསྣོལ། །འཇའ་འོད་མེ་དཔུང་འཁྲུགས་པའི་ཀློང་ན་བཞུགས། །སྐུ་ཡི་ནང་དབུས་རྩ་གསུམ་འཁོར་ལོ་ལྔ། །སྤྱི་བོར་བདེ་མཆོག་ཡབ་ཡུམ་དཀར་པོ་ལ། །སྐུ་ཡི་དཔའ་བོ་ཡབ་ཡུམ་བརྒྱད་ཀྱིས་བསྐོར། །མགྲིན་པར་གསུང་གི་བདེ་མཆོག་དམར་པོ་ལ། །གསུང་གི་དཔའ་བོ་མཁའ་འགྲོ་བརྒྱད་ཀྱིས་བསྐོར། །ཐུགས་ཀར་ཐུགས་ཀྱི་བདེ་མཆོག་མཐིང་ཁ་ལ། །ཐུགས་ཀྱི་དཔའ་བོ་མཁའ་འགྲོ་བརྒྱད་ཀྱིས་བསྐོར། །ལྟེ་བར་བདེ་བ་ཆེན་པོ་འཁོར་ལོ་སྡོམ། །སྙིང་པོ་མ་བཞི་སྒོ་མཚམས་བརྒྱད་ཀྱིས་བསྐོར། །གསང་བར་ཡེ་ཤེས་མགོན་པོ་ཡབ་ཡུམ་ལ། །བྱ་སེང་ཡུམ་དང་ལེགས་ལྡན་མཁའ་འགྲོ་བརྒྱད། །དབུ་གཙུག་རྡོ་རྗེ་འཆང་ཆེན་བཀའ་བརྒྱུད་ཚོགས། །ཐམས་ཅད་གསལ་སྟོང་མེ་ལོང་

[Full Size]

གཟུགས་ལྟར་གསལ། །འོག་མིན་གནས་དང་ཡུལ་ཆེན་ཉེར་བཞི་ནས། །རྩ་བརྒྱུད་བླ་མ་ཡི་དམ་ཆོས་སྐྱོང་ཚོགས། །ཁ་བ་བུག་ཡུག་བཞིན་དུ་བྱོན་ནས་ཐིམ། །འཻ། རྡོ་རྗེ་འཆང་ཆེན་བཀའ་བརྒྱུད་ཀྱི་བླ་མ། །གསོལ་བ་འདེབས་སོ་ཐུགས་རྗེས་ཟུངས་ཤིག །བྱིན་རླབས་མཆོག་གི་དངོས་གྲུབ་གནོང་མཛོད། །འཁོར་ལོ་སྡོམ་པ་དྲུག་ཅུ་རྩ་གཉིས། །གསོལ་བ་འདེབས་སོ་བྱིན་གྱིས་རློབས་ཤིག །མཆོག་དང་ཐུན་མོང་དངོས་གྲུབ་སྩོལ་མཛོད། །བྱ་རོག་མཚན་ཅན་ཆོས་སྐྱོང་སྲུང་མ། །གསོལ་བ་འདེབས་སོ་མཐུ་སྟོབས་དཔུང་བསྐྱེད། །ཕྲིན་ལས་རྣམ་བཞི་མྱུར་དུ་སྒྲུབ་མཛོད། །ཨོ་རྒྱན་ཐུགས་སྤྲུལ་དཔལ་ཆེན་སྒ་ལོ། །བླ་མ་ཀུན་འདུས་ཁྱེད་རང་མཁྱེན་ནོ། །བདེ་མཆོག་ངོ་བོ་དཔལ་ཆེན་སྒ་ལོ། །ཡི་དམ་ཀུན་འདུས་ཁྱེད་རང་མཁྱེན་ནོ། །ཡེ་ཤེས་མགོན་པོ་དངོས་སྤྲུལ་སྒྲ་ལོ། །ཆོས་སྐྱོང་ཀུན་འདུས་ཁྱེད་རང་མཁྱེན་ནོ། །ལུས་ལ་སྐུ་ཡི་བྱིན་གྱིས་རློབས་ཤིག །འཆི་མེད་ཚེ་ཡི་དངོས་གྲུབ་གནོང་མཛོད་ཅིག །ངག་ལ་གསུང་གི་བྱིན་གྱིས་རློབས་ཤིག །བདེན་ཚིག་ནུས་མཐུ་འགྲུབ་པར་མཛོད་ཅིག །སེམས་ལ་ཐུགས་ཀྱི་བྱིན་གྱིས་རློབས་ཤིག །ཕྱག་

[Full Size]

རྒྱ་ཆེན་པོའི་དངོས་གྲུབ་སྩོལ་ཅིག །དེ་ལྟར་བླ་མ་རྒྱང་འབོད་བྱས་པ་ཡིས། །དཔལ་ཆེན་སྒ་ལོའི་སྐུ་ཡི་དཀྱིལ་འཁོར་ལས། །བདུད་རྩིའི་རྒྱུན་བབ་ཚངས་པའི་ལམ་ནས་ཞུགས། །སྒྲིབ་བཞི་དག་ཅིང་དབང་བཞི་རྫོགས་པར་ཐོབ། །སྐུ་བཞིའི་ས་བོན་རྒྱུད་ལ་བཞག་པར་མཛོད། །ཨོཾ་ཨཱཿཿགུ་རུ་ཀུ་མ་ར་ཤྲི་སིདྡྷི་ཧཱུྃ་སྭཱ་ཧཱ། ཞེས་བསྙེན་པ་ཅི་ནུས་བྱ། དེ་ནས་བླ་མ་སྐུ་ཡི་ལྷ་ཚོགས་བཅས། །འོད་ཞུ་རང་ལ་ཐིམ་པས་དབྱེར་མེད་འདྲེས། །རང་སེམས་སྤྲོས་བྲལ་འོད་གསལ་རྗེན་པར་བུད། །ཡེངས་བ་མ་ཡིན་འདི་བསྒོམ་གཏད་སོ་མེད། །རང་སེམས་མ་བཅོས་རང་བབ་ལྷོད་ལ་བཞག །ཐ་མལ་ཤེས་པ་རང་རིག་རྗེན་པ་འདི། །དམ་ཆོས་ཕྱག་རྒྱ་ཆེན་པོ་ཨེ་མ་ཧོ། །འདི་ལྟར་བླ་སྒྲུབ་བྱས་པའི་དགེ་བ་འདིས། །འགྲོ་ཀུན་ཚེ་གཅིག་རྡོ་རྗེ་འཆང་འགྲུབ་ཤོག །ཅེས་པ་དྲུང་འཚོ་བ་ཀུན་དགའ་བསྟན་པ་རྒྱ་མཚོ་ཞེས་པས་བསྐུལ་ནས། དཔལ་སྒ་ལོ་ཙཱའི་སྒྲུབ་གནས་གྲུབ་ཆེན་དེ་ཉིད་ཀྱི་མཆོད་རྟེན་དང་ཉེ་བ་ཚངས་གསར་གཟིམ་ཁང་དུ་འཕྲལ་དུ་བྲིས་པས་ཀུན་ལ་ཕན་པར་གྱུར་ཅིག །ཨ་རཱ་ག་རིན་པོ་ཆེའི་ཕྱག་བྲིས་ཡིག་ཆ་ལས་དག་པར་ཞལ་བཤུས་སོ།། །།

ལེའུ་བདུན་མའི་དམིགས་རིམ་འདོན་ཆར་ཕན་པ།

[Full Size]

ལེའུ་བདུན་མའི་དམིགས་རིམ་འདོན་ཆར་ཕན་པ་བཞུགས་སོ།

[Full Size]

ན་མོ་གུ་རུ་སིདྡྷི་ཧཱུྃ། ཨོ་རྒྱན་རྗེ་ལ་ཕྱག་འཚལ་ལོ། །དེ་ཡི་སྒྲུབ་ཐབས་མཐའ་ཡས་ཀྱང་། །ཕྱི་ལྟར་སྒྲུབ་ཐབས་གསོལ་འདེབས་སྐོར། །ལེའུ་བདུན་མ་ཞེས་བྱ་བའི། །དམིགས་རིམ་ངག་འདོན་གསལ་བྱེད་བརྗོད། །རང་ཉིད་རྟ་ཕག་ཡབ་ཡུམ་སྐུ། །དམར་པོ་གྲི་གུག་ཐོད་ཁྲག་འཛིན། །སྤྱི་གཙུག་རྟ་དབུ་ཕག་ཞལ་ཅན། །སྐུ་ལ་དུར་ཁྲོད་ཆས་བརྒྱད་གསོལ། །ཞབས་གཉིས་པད་ཉིར་བདུད་བཞི་མནན། །མེ་དཔུང་ཀློང་ན་འགྱིངས་བར་བསྒོམ། །ཞེས་པའི་བདག་བསྐྱེད་ལེའུ་བདུན་ཀུན་ལ་འགྲེས། །རང་གི་སྤྱི་བོར་པདྨ་དཀར་དམར་མཐིང་། །དཀར་པོའི་སྟེང་དུ་སྤྲུལ་སྐུ་པདྨ་འབྱུང་། །པད་ཞྭ་ཆོས་གོས་ཟ་

[Full Size]

འོག་བེར་ཕྱམ་ཅན། །མཚན་དཔེའི་རབ་རྒྱས་སྤྲུལ་སྐུའི་ཆ་ལུགས་རྫོགས། །དེ་སྟེང་པདྨ་དམར་པོའི་གདན་གྱི་སྟེང་། །བླ་མ་ལོངས་སྤྱོད་རྫོགས་སྐུ་ཚེ་དཔག་མེད། །དམར་པོ་མཉམ་བཞག་ཚེ་བུམ་ཡུམ་དང་འཁྲིལ། །དར་དང་རིན་ཆེན་རྒྱན་ལྡན་ལོངས་སྐུའི་ཆས། །དེ་ཡི་དབུ་གཙུག་པདྨ་སྔོན་པོའི་སྟེང་། །བླ་མ་ཆོས་སྐུ་གསང་འདུས་རྡོ་རྗེ་འཆང་། །མཐིང་ནག་སྤྱན་གསུམ་རྡོ་རྗེ་དྲིལ་བུ་འཛིན། །རིགས་ལྔས་དབུ་བརྒྱན་རུས་པའི་རྒྱན་དྲུག་གསོལ། །མཚོ་རྒྱལ་དཀར་མོ་གྲི་ཐོད་འཛིན་པས་འཁྱུད། །སྤྲུལ་སྐུའི་ཕྱི་རིམ་པདྨ་འདབ་དྲུག་སྟེང་། །ནམ་

[Full Size]

མཁའི་སྙིང་པོ་ཁྲི་སྲོང་ལྡེའུ་བཙན་དང་། །མཚོ་རྒྱལ་སྣ་ནམ་རྡོ་རྗེ་བདུད་འཇོམས་དང་། །མུ་ཁྲི་བཙན་པོ་རིག་འཛིན་རྒོད་ལྡེམ་ཅན། །དྲུག་པོ་རྒྱན་དང་ཆ་ལུགས་གསལ་བར་གྱུར། །གཙོ་བོ་གསུམ་པོའི་གནས་གསུམ་འབྲུ་གསུམ་ལས། །འོད་འཕྲོས་འོག་མིན་བདེ་ཆེན་རྔ་ཡབ་ནས། །བླ་མ་སྐུ་གསུམ་འཁོར་བཅས་སྤྱན་དྲངས་ཐིམ། །ཨེ་མ་ཧོ༔ སྤོས་བྲལ་ཆོས་ཀྱི་དབྱིངས་ཀྱི་ཞེས་སོགས་ནས། །བརྒྱུད་རིམ་གསོལ་འདེབས་མཐར་ཅེས་བསྙེན་པ་བསྒྲུང་། །སྤྱི་བོའི་བླ་མ་སྐུ་གསུམ་གསང་གསུམ་ལས། །བྱིན་རླབས་ཐིག་ལེ་དཀར་དམར་མཐིང་གསུམ་འཕྲོས། །བདག་གི་གནས་གསུམ་ཐིམ་པས་བྱིན་རླབས་ཞུགས། །སྐུ་གསུང་ཐུགས་ཀྱི་དངོས་གྲུབ་ཐོབ་པར་གྱུར། །སྐུ་གསུམ་འོད་ཞུ་རང་ལ་དབྱེར་མེད་ཐིམ། །དེ་ནས་མ་བཅོས་སེམས་ཀྱི་རང་ཞལ་ལྟ། །ངོ་བོ་སྟོང་པ་བླ་མ་ཆོས་ཀྱི་སྐུ། །རང་བཞིན་གསལ་བ་བླ་མ་ལོངས་སྤྱོད་རྫོགས། །སྣ་ཚོགས་འགགས་མེད་བླ་མ་སྤྲུལ་པའི་སྐུ། །སྐུ་གསུམ་རང་ལ་རྙེད་པས་བཟླས་པ་འགྲུབ། །ལེའུ་དང་པོའི་དམིགས་རིམ་སྦི་རྒྱ། ༈ །།སྤྱི་གཙུག་པདྨ་ཉི་ཟླའི་གདན་སྟེང་དུ། །ཨོ་རྒྱན་སྤྲུལ་སྐུ་པདྨ་ཐོད་ཕྲེང་རྩལ། །སྐུ་ཚད་རི་རྒྱལ་ལྟ་བུར་གཟི་བརྗིད་འབར། །ཐུགས་དབུས་ཀུན་

[Full Size]

བཟང་རིགས་ལྔ་ཞི་བའི་ལྷ། །མགྲིན་པར་པདྨ་གར་དབང་རིག་འཛིན་ཚོགས། །དུང་ཁང་ཆེ་མཆོག་ཁྲག་འཐུང་ལྔ་བཅུ་བརྒྱད། །སྤྱི་གཙུག་ཚངས་བུག་ཚེ་དཔག་ཚེ་ཡི་ལྷ། །དཔྲལ་བར་འཇམ་དཔལ་གཤིན་རྗེ་སྐུ་ཡི་ལྷ། །མགྲིན་པར་དབང་ཆེན་རྟ་མགྲིན་གསུང་གི་ལྷ། །ཐུགས་ཀར་ཡང་དག་བཛྲ་ཐུགས་ཀྱི་ལྷ། །ལྟེ་བར་རྡོ་རྗེ་གཞོན་ནུ་ཕུར་པའི་ལྷ། །གསང་བར་བླ་མེད་མ་མོ་རྦོད་གཏོང་ལྷ། །པུས་མོ་གཡས་སུ་འཇིག་རྟེན་མཆོད་བསྟོད་ལྷ། །པུས་མོ་གཡོན་དུ་དམོད་པ་དྲག་སྔགས་ལྷ། །སྲོག་རྩར་ཤཱཀ་ཐུབ་ཉན་ཐོས་འཁོར་དང་བཅས། །དེ་སོགས་རྩ་གནས་དྲུག་ལ་ཐུབ་པ་དྲུག །ལྟེ་འོག་སོར་བཞིར་ཕག་མོའི་དཀྱིལ་འཁོར་ལྷ། །སྐུ་ཡི་རྩ་གནས་ཉི་ཤུ་རྩ་བཞི་ན། །ཡུལ་ལྟཆེན་ཉེར་བཞིའི་དཔའ་བོ་རྣལ་འབྱོར་མ། །སྐུ་ཡི་བ་སྤུ་བྱེ་བ་ས་ཡ་ལ། །དཔའ་བོ་མཁའ་འགྲོ་བྱེ་བ་ས་ཡ་སྟེ། །སྐུ་ལ་སངས་རྒྱས་ཀུན་གྱི་བཀོད་པ་རྫོགས། །ཐམས་ཅད་ཆུ་ནང་ཟླ་བ་ལྟ་བུར་གསལ། །དེ་ལྟར་བསྒོམ་སྟེ། ཨེ་མ་ཧོ༔ སངས་རྒྱས་བསྟན་པ་རྨད་བྱུང་སོགས༔ ལེའུ་གཉིས་པའི་གསོལ་འདེབས་སྙིང་པོ་བསྒྲུང་། །ལྷ་ཚོགས་ཀུན་གྱི་སྐུ་ལས་བདུད་རྩི་

[Full Size]

བབས། །གུ་རུའི་སྐུ་གང་བདུད་རྩིའི་ཆར་རྒྱུན་བབས། །ཚངས་བུག་ནས་ཞུགས་རང་ལུས་ལྡེམས་སེ་གང་། །སྒོ་གསུམ་སྒྲིབ་དག་གསང་བའི་དབང་བཞི་ཐོབ། །ཨོ་རྒྱན་འོད་དུ་ཞུ་ནས་རང་ལ་ཐིམ། །མཆོག་ཐུན་དངོས་གྲུབ་ཡིད་བཞིན་ཐོབ་པར་གྱུར། །ལེའུ་གཉིས་པའི་དམིགས་རིམ་སྤྱི་རྒྱ། །རང་མདུན་རྔ་ཡབ་གླིང་ཕྲན་སྲིན་པོའི་ཡུལ། དཔལ་རི་པདྨ་འོད་ཀྱི་གཞལ་ཡས་ཁང་། །སྒོ་གྲུ་རྟ་བབས་མཚན་ཉིད་ཡོངས་སུ་རྫོགས། །དབུས་སུ་རིན་ཆེན་ཟུར་བརྒྱད་པད་ཟླའི་སྟེང་། །དཔལ་ཆེན་ཆེ་མཆོག་པདྨ་ཐོད་ཕྲེང་རྩལ། །སྤྲུལ་སྐུའི་ཆ་ལུགས་འོད་དང་གཟི་བརྗིད་འབར། །ཕྱོགས་མཚམས་པདྨ་ཏི་ར་ཉི་ཟླའི་སྟེང་། །སྒྲུབ་ཆེན་བཀའ་བརྒྱད་ཁྲག་འཐུང་གཙོ་བོ་བརྒྱད། །དེ་རྒྱབ་པད་འདབ་བཞི་ཡི་གདན་སྟེང་དུ། །རིག་འཛིན་གིང་དང་མཁའ་འགྲོ་སྡེ་བཞིའི་ཚོགས། །ཐམས་ཅད་མ་ལུས་དུར་ཁྲོད་རྒྱན་དང་ལྡན། །སྒོ་བཞིར་རྒྱལ་ཆེན་སྡེ་བཞི་འཁོར་བཅས་གསལ། །དེ་ལྟར་བསྒོམ་ཞིང་། ཨེ་མ་ཧོ༔ འདི་ནས་ཉི་མ་ལྷོ་ནུབ་མཚམས་ཤེད་སོགས། །ལེའུ་གསུམ་པའི་གསོལ་འདེབས་སྙིང་པོ་བསྒྲུང་། །གསོལ་བ་བཏབ་པས་ལྷ་ཚོགས་དེ་དག་གི་

[Full Size]

དཔྲལ་མགྲིན་ཐུགས་ཀ་ལྟེ་བ་གནས་བཞི་ནས། །འོད་ཟེར་དཀར་དམར་མཐིང་དང་ལྗང་གུའི་ཚོགས། །སྐར་མདའ་ཆད་བཞིན་རང་གི་གནས་བཞིར་ཐིམ། །དབང་དང་བྱིན་རླབས་དངོས་གྲུབ་ཐོབ་པར་གྱུར། །ལེའུ་གསུམ་པའི་དམིགས་རིམ་སྦི་རྒྱ། །རང་གི་སྤྱི་བོར་པད་གདན་སུམ་བརྩེགས་སྟེང་། །སྟེང་མ་ཀུན་བཟང་ཡབ་ཡུམ་མཐིང་༡ག་སྟེ། །དེ་མཐར་རྒྱལ་བ་རིགས་ལྔ་རྡོ་རྗེ་འཆང་། །རྒྱལ་བ་དགོངས་བརྒྱུད་སངས་རྒྱས་ཀུན་གྱིས་བསྐོར། །དེ་འོག་སྟོན་པ་རྡོ་རྗེ་སེམས་དཔའ་ལ། །དགའ་རབ་ཤྲཱི་སེང་རྒྱ་གར་རིག་འཛིན་བརྒྱད། །རིག་འཛིན་བརྡའ་བརྒྱུད་བླ་མ་ཀུན་གྱིས་བསྐོར། །དེ་འོག་སྤྲུལ་སྐུ་པདྨ་འབྱུང་གནས་ལ། །རྗེ་འབངས་ཉེར་ལྔ་གཏེར་སྟོན་བརྒྱ་རྩ་བརྒྱད། །གང་ཟག་སྙན་བརྒྱུད་བླ་མ་ཀུན་གྱིས་བསྐོར། །ཀུན་ཀྱང་འཇའ་འོད་ཐིག་ལེ་ཐིག་ཕྲན་འཁྲུགས། །ནམ་མཁའི་ཁམས་རྣམས་ཡོངས་སུ་གང་བར་གྱུར། །དེ་ལྟར་བསྒོམ་ཞིང་། ཨེ་མ་ཧོ༔ སྤྲོས་བྲལ་བདེ་ཆེན་རྒྱལ་བ་སོགས། །ལེའུ་བཞི་པའི་གསོལ་འདེབས་སྙིང་པོ་བསྒྲུང་། །ལྷ་ཚོགས་ཐམས་ཅད་ཨོ་རྒྱན་ཉིད་ལ་ཐིམ། །ཨོ་རྒྱན་འོད་ཞུ་རང་ལ་ཐིམ་པ་ཡིས། །རང་གི་

[Full Size]

སེམས་ཉིད་ཆོས་སྐུ་རྗེན་པར་གྱུར། །ཕྱག་ཆེན་མཆོག་གི་དངོས་གྲུབ་ཐོབ་པར་གྱུར། །ལེའུ་བཞི་པའི་དམིགས་རིམ་སྤྱི་རྒྱ། །རང་གི་སྤྱི་བོར་པདྨའི་སྡོང་པོ་ནི། །དབུས་དང་འདབ་བརྒྱད་སྟེང་དུ་ཟླ་གདན་རེ། །དབུས་སུ་ཨོ་རྒྱན་སྤྲུལ་སྐུའི་ཆ་ལུགས་ཅན། །འདབ་མ་བརྒྱད་ལ་གུ་རུ་མཚན་བརྒྱད་གསལ། །རྔ་ཡབ་གླིང་ནས་སྤྱན་དྲངས་གཉིས་མེད་ཐིམ། །ཨེ་མ་ཧོ༔ ལྷོ་ནུབ་རྔ་ཡབ་གླིང་ཕྲན་སོགས། ལེའུ་ལྔ་པའི་གསོལ་འདེབས་སྙིང་པོ་བསྒྲུང་། །མཚན་བརྒྱད་འོད་ཞུ་ཨོ་རྒྱན་ཉིད་ལ་ཐིམ། །ཨོ་རྒྱན་འོད་ཞུ་རང་ལ་ཐིམ་པ་ཡིས། །དབང་དང་བྱིན་རླབས་དངོས་གྲུབ་ཐོབ་པར་གྱུར། །ལེའུ་ལྔ་པའི་དམིགས་རིམ་སྤྱི་རྒྱ། །།རང་ཉིད་ཡི་དམ་རྟ་ཕག་ཡབ་ཡུམ་གྱི། །སྐུ་རྒྱབ་གཏད་པའི་པད་སྡོང་ཆེན་པོའི་རྩེར། །ཨོ་རྒྱན་ཆེན་པོ་སྤྲུལ་སྐུའི་ཆ་ལུགས་ཅན། །ཁྲོ་འཛུམ་སྤྱན་གཉིས་ནམ་མཁའི་མཐོངས་ལ་གཟིགས། །འོད་འཕྲོས་རྔ་ཡབ་གླིང་ནས་སྤྱན་དྲངས་བསྟིམ། །ཨེ་མ་ཧོ༔ ནུབ་ཕྱོགས་བདེ་བ་ཅན་གྱི་ཞིང་ཁམས་སོགས། །ལེའུ་དྲུག་པའི་གསོལ་འདེབས་སྙིང་པོ་བསྒྲུང་། །ཨོ་རྒྱན་སྐུ་ལུས་ཆུང་ངུ་ཞིག་ཏུ་གྱུར། །རང་གི་ཚངས་བུག་ནས་ཞུགས་སྙིང་གར་

[Full Size]

བྱོན། །རང་སྙིང་པདྨ་དམར་པོ་འདབ་བརྒྱད་པ། །ཅུང་ཟད་ཁ་བྱེའི་ནང་དུ་བཞུགས་པར་གྱུར། །ལེའུ་དྲུག་པའི་དམིགས་རིམ་སྤྱི་རྒྱ། །ང་ཡི་རྗེས་འཇུག་འཁོར་བ་སྤང་འདོད་སོགས། །མདུན་གྱི་ནམ་མཁར་ཨོ་རྒྱན་སྤྲུལ་པའི་སྐུ། །ཕྱག་གཡོན་མཉམ་བཞག་བྷནྡྷ་ཚེ་བུམ་འཛིན། །ཕྱག་གཡས་རྡོ་རྗེ་དང་བཅས་སྐྱབས་སྦྱིན་མཛད། །སྐྱབས་སྦྱིན་འོག་ཏུ་བདག་དང་བསྲུང་བྱ་ཚུད། །འཇིགས་དང་གནོད་པ་ཀུན་ལས་ཐུགས་རྗེའི་སྐྱོབ། །ཨེ་མ་ཧོ༔ ནུབ་ཕྱོགས་བདེ་བ་ཅན་གྱི་ཞིང་ཁམས་སོགས། །བསམ་པ་ལྷུན་གྲུབ་མ་ཡི་གསོལ་འདེབས་བྱ། །དེ་ནི་སྤྱི་ཁྱབ་འཇིགས་པ་ཀུན་སེལ་ཡིན། །ཁྱད་པར་ནད་ཀྱི་འཇིགས་པས་ཉན་པ་ན། །རང་ངམ་ནད་པའི་སྤྱི་བོར་ཨོ་རྒྱན་གྱི། །ཆ་ལུགས་སངས་རྒྱས་སྨན་བླའི་སྐུ་རུ་བསྒོམ། །ཕྱག་གཡོན་བདུད་རྩི་སྨན་གྱི་ལྷུང་བཟེད་ནས། །ཚ་བའི་ནད་ལ་ག་པུར་བསིལ་བའི་ཆུ། །ཚངས་བུག་ནས་ཞུགས་ལུས་ཀུན་དག་པར་བསྒོམ། །གྲང་བའི་ནད་ལ་ཁྲོ་ཆུ་ཁོལ་མའི་རྒྱུན། །བབས་པས་ནད་ཀུན་བྱ་སྒྲོ་མེར་བསྲེགས་བསྒོམ། །རླུང་གི་ནད་ལ་འབྲི་མར་བཞུས་འདྲའི་རྒྱུན། །ལུས་ཀུན་ཀོ་ཀམ་

[Full Size]

སྣུམ་གྱིས་བརླན་པ་བཞིན། །འདུས་པའི་ནད་ལ་བདུད་རྩི་ཁ་དོག་ལྔ། །བབས་པས་ལུས་གང་འབྱུང་བ་ཁོད་སྙོམ་བསྒོམ། །འཆི་བར་ཉེ་ཚེ་སྤྱི་གཙུག་པད་ཟླའི་སྟེང་། །ཨོ་རྒྱན་ཆོས་སྐུ་སྣང་བ་མཐའ་ཡས་བསྒོམ། །རང་ལུས་དབུས་སུ་ཨ་ཝ་དྷཱུ་ཏཱིའི་རྩ། །མར་སྣེ་ལྟེ་འོག་ཕུག་རྡུགས་སྙུག་ཚིགས་བཞིན། །ཡར་སྣེ་ཚངས་བུག་ཧད་པོར་སྐར་ཁུང་བཞིན། །སྙིང་ཁར་རང་གི་རླུང་སེམས་རྣམ་ཤེས་ནི། །ཐིག་ལེ་དཀར་དམར་མདངས་ལྡན་འཕར་ལ་ཁད། །སྐར་མདའ་ཆད་བཞིན་ཚངས་པའི་བུ་ག་ནས། །ཨོ་རྒྱན་སྣང་མཐའི་ཐུགས་ཀར་ཡང་ཡང་བསྟིམ། །དབུགས་ཆད་བར་དུ་དེ་ཉིད་བསྒོམས་པས་འཐུས། །ཆུ་དང་གཡང་ས་དགྲ་རྐུན་གཅན་གཟན་སོགས། །འཇིགས་པ་ཡོད་སར་འགྲོ་ཚེ་ནམ་མཁའ་ལ། །ཨོ་རྒྱན་སྐྱབས་སྦྱིན་མཛད་པ་སྒོམ་བཞིན་དུ། །བསམ་པ་ལྷུན་གྲུབ་མ་ཉིད་འདོན་པས་འཐུས། །ལེའུ་བདུན་པའི་དམིགས་རིམ་སྤྱི་རྒྱ། །དེ་ལྟར་ལེའུ་བདུན་མའི་གསོལ་འདེབས་ཀྱི་ཟིན་བྲིས་ལས་ཁོལ་དུ་ཕྱུང་བའོ། །རཱ་ག་ཨ་སྱས་ལྕགས་ཕོ་བྱི་བའི་ལོར་བདག་གི་རྒྱུན་འདོན་བྱ་ཕྱིར་བྲིས་པའོ། །སརྦ་མངྒ་ལཾ།། །།

གསོལ་འདེབས་ལེའུ་བདུན་པའི་དམིགས་རིམ་ལོ་རྒྱུས་ཕན་ཡོན་དང་བཅས་པ།

[Full Size]

གསོལ་འདེབས་ལེའུ་བདུན་པའི་དམིགས་རིམ་ལོ་རྒྱུས་ཕན་ཡོན་དང་བཅས་པ་བཞུགས་སོ།

[Full Size]

ན་མོ་གུ་རུ་པྲ་ཝཱ་ཀ་རཱ་ཡེ། དུས་གསུམ་རྒྱལ་བ་མ་ལུས་འདུས་པའི་སྐུ། །ཨོ་རྒྱན་རིན་པོ་ཆེ་ལ་ཕྱག་འཚལ་ནས། །ལེའུ་བདུན་མའི་དམིགས་རིམ་ཞལ་ཤེས་བྲི། །ཆོས་བདག་ཌཱཀིས་བཀའ་ཡི་གནང་བ་སྩོལ། །དེ་ལ་དང་པོ་ལོ་རྒྱུས་ཟུར་ཙམ་བཤད་པ་ནི། ཨ་ཏི་བཀོད་པའི་རྒྱུད་ལས། ལོ་རྒྱུས་དོན་གྱིས་མ་བཤད་ན། །གསང་ཆེན་ངེས་པའི་བཀའ་འདི་ལ། །ཡིད་མི་ཆེས་པའི་སྐྱོན་དུ་འགྱུར། །ཞེས་གསུངས་པའི་ཕྱིར་རོ། །དེ་ལ་གནས་ཕུན་སུམ་ཚོགས་པ་བདེ་བ་ཅན་གྱི་ཞིང་ཁམས་ན། སྟོན་པ་ཕུན་སུམ་ཚོགས་པ་སངས་རྒྱས་འོད་དཔག་མེད་ལ། འཁོར་ཕུན་

[Full Size]

སུམ་ཚོགས་པ་པདྨ་རིགས་ཀྱི་སེམས་དཔའ་དང་སེམས་མ་གྲངས་མེད་པས་བསྐོར་ནས་བཞུགས་པའི་ཚེ། འཇིག་རྟེན་གྱི་དཔའ་བོ་དང་ཌཱཀི་རྣམས་ཀྱི་ཕྱོགས་བཅུའི་སངས་རྒྱས་ཐམས་ཅད་འགྲོ་བའི་དོན་དུ་སྤྲུལ་པའི་སྐུ་འབྱོན་པར་གསོལ་བ་བཏབ་པས། སངས་རྒྱས་ཐམས་ཅད་ཀྱི་ཐུགས་ཀའི་འོད་ཟེར་སངས་རྒྱས་འོད་དཔག་ཏུ་མེད་པའི་ཐུགས་ཀར་ཐིམ་སྟེ། སྣང་བ་མཐའ་ཡས་ཀྱི་ཐུགས་ཀ་ནས་གསེར་གྱི་རྡོ་རྗེ་ལ་ཡི་གེ་ཧཱུྃཡིས་མཚན་པ་ཞིག་འཕྲོས་ནས། བདེ་བ་ཅན་གྱི་ཞིང་ཁམས་ཀྱི་ལྷོ་ནུབ་འོ་མ་ཅན་གྱི་མཚོ་ལ་ཐིམ་པས། པད་སྡོང་གི་རྩེ་ནས་གུ་རུ་སྐུ་ལྔ་ཐོད་ཕྲེང་རྩལ་སྡེ་

[Full Size]

ལྔའི་ཚུལ་དུ་འཁྲུངས་སོ། །དེར་འཕགས་པ་སྤྱན་རས་གཟིགས་ཀྱིས་སངས་རྒྱས་སྣང་བ་མཐའ་ཡས་ལ་སྤྲུལ་པ་དེའི་ལོ་རྒྱུས་གསུངས་བར་ཞུས་པས། གུ་རུ་ཆོས་སྐུར་སྒྲུབ་པའི་རྒྱུད་བརྒྱ་རྩ་བརྒྱད། ལོངས་སྐུར་སྒྲུབ་པའི་རྒྱུད་བརྒྱ་རྩ་བརྒྱད། སྤྲུལ་སྐུར་སྒྲུབ་པའི་རྒྱུད་བརྒྱ་རྩ་བརྒྱུད་རྣམས་བསྡུས་པའི་རྒྱུད། སྤྱི་རྒྱུད་པད་སྡོང་བརྩེགས་པ། སྐུ་རྒྱུད་ཤེལ་གྱི་རི་བོ། གསུང་རྒྱུད་རིན་ཆེན་འབྲུག་སྒྲ། ཐུགས་རྒྱུད་ནམ་མཁའ་ཀློང་ཡངས། ཡོན་ཏན་རྒྱུད་བསྟན་པའི་སྲོག་ཤིང་། ཕྲིན་ལས་རྒྱུད་སྤུ་གྲི་རེག་གཅོད། གུ་རུ་དྲག་པོར་སྒྲུབ་པའི་རྒྱུད་དྲེགས་པའི་སྙིང་འབྱིན་དང་བདུན་བཀའ་སྩལ་པ་རྣམས། སྤྱན་རས་གཟིགས་ཀྱིས་བཀའ་ཡི་བསྡུ་བ་བྱས་ནས། མཁའ་འགྲོ་གསང་བ་ཡེ་ཤེས་ལ་གཏད་དེ། གསང་བ་ཡེ་ཤེས་མཁའ་འགྲོས་འཛམ་བུ་གླིང་དུ་གདན་དྲངས་ནས། རི་བོ་པོ་ཊ་ལ་ཡི་ལྷོ་ནུབ་བྲག་ཕུག་མཱ་ར་ཏི་ཀར་གཏེར་དུ་སྦས་སོ། །དེ་ནས་ཐོད་ཕྲེང་སྡེ་ལྔའི་སྤྲུལ་པ་དབུས་ཕྱོགས་རྣམ་སྣང་གངས་ཆེན་མཚོའི་ཕྱོགས་སུ་བཞུགས་པའི་འཛམ་གླིང་བྱེ་བ་ཕྲག་བརྒྱ་ན་པད་འབྱུང་བྱེ་བ་ཕྲག་བརྒྱ། ཤར་ཕྱོགས་རྡོ་རྗེ་གངས་ཆེན་མཚོ་ལ་སོགས་པ། ཕྱོགས་བཞི་ན་རིགས་བཞིའི་གངས་ཆེན་མཚོ་བཞིའི་

[Full Size]

ཕྱོགས་ན་གནས་པའི་འཛམ་གླིང་བྱེ་བ་ཕྲག་བརྒྱ་ཚན་བཞིན་ཡང་པད་འབྱུང་བྱེ་བ་ཕྲག་བརྒྱ་ཚན་བཞིར་སྤྲུལ་ནས་འགྲོ་དོན་མཛད་དོ། །དེ་བཞིན་དུ་འགྲོ་བ་རིགས་དྲུག་དེ་སྙེད་དུའང་པད་འབྱུང་རེ་རེ་སྤྲུལ་ནས་འགྲོ་དོན་མཛད་དེ། དེ་ཐམས་ཅད་ཐུགས་རྒྱུད་ངོ་བོ་ནི་གཅིག་ཡིན་ནོ། །དེ་ལ་འཛམ་བུ་གླིང་འདིར་འགྲོ་དོན་མཛད་ཚུལ་ལའང་ཕྱི་ནང་གསང་བ་ཡང་གསང་བཞིར་ཡོད་དེ། ཕྱི་ལྟར་ལྷོ་ནུབ་རྔ་ཡབ་གླིང་གི་ཚུར་མཐའ། ནུབ་ཕྱོགས་ཨོ་རྒྱན་ཡུལ་གྱི་ཕར་མཐའི་བར་དེར་རྒྱ་མཚོས་ཆོད་ནས་ཡོད་པའི་གཙང་ལག་གཅིག །ཨོ་རྒྱན་ཡུལ་དྷ་ན་ཀོ་ཤའི་གླིང་དུ་བརྐྱངས་ནས་ཡོད་པ་དེར་པད་སྡོང་ལ་སྐུ་འཁྲུངས་ནས། ཨོ་རྒྱན་ཡུལ་གྱི་རྒྱལ་པོ་ཞིག་གི་བུ་ཚབ་མཛད་པ་ལ། བློན་པོའི་བུ་བཀུམས་པས་རྒྱལ་པོས་སྤྲུགས། །རབ་ཏུ་བྱུང་ནས་རིག་གནས་མཐའ་དག་ལ་མཁས་པའི་པཎྜི་ཏ་ཆེན་པོར་གྱུར་ཏེ། བསྟན་བཅོས་མང་དུ་བརྩམས་ནས། ནཱ་ལེནྡྲའི་པཎྜི་ཏ་བདུན་བརྒྱ་ལ་གཟིགས་སུ་ཕུལ་བས། ཐམས་ཅད་ཀྱིས་ཕྱག་འཚལ་ཞབས་སྤྱི་བོར་བླངས་ནས་ཁྱོད་ཀྱི་གསུངས་རྣམས་སྟོན་པའི་བཀའ་དང་ཁྱད་པར་མི་འདུག་པས། མདོ་རྒྱུད་ཀྱི་ལུང་འདྲེན་སོགས་བཤད་པའི་ཡན་ལག་གཞན་མི་

[Full Size]

དགོས་པར་འདུག །ཅེས་ཞུས་པས་མཚན་པཎྜི་ཏ་ཡན་ལག་མེད་པའི་རྡོ་རྗེ་ཞེས་གྲགས། དེ་ནས་རྒྱ་གར་ནུབ་ཕྱོགས་ཀྱི་དུར་ཁྲོད་དུ་སྒྲུབ་པ་མཛད་པས་མཆོག་གི་དངོས་གྲུབ་ཐོབ་ནས་མཚན་པདྨ་བཛྲ་ཞེས་གྲགས་ཏེ། བདེ་མཆོག་ཕྲེང་བའི་རྒྱུད་ནས་ལུང་བསྟན་པའི་གྲུབ་ཆེན་བརྒྱད་ཀྱི་ཡ་གྱལ། ད་ལྟ་བླ་མེད་དཀྱིལ་འཁོར་ནུབ་ཕྱོགས་ཀྱི་དུར་ཁྲོད་དུ་བཞུགས་པའི་གྲུབ་ཆེན་དེ་ཡིན་ལ། རྒྱ་གར་དུ་དབྱར་ལོ་དགུན་ལོ་ཞེས་པ། དབྱར་དགུན་རེ་ལ་ལོ་རེར་བརྩི་སྲོལ་ཡོད་པའི་ལུགས་ཀྱིས་ལོ་སུམ་སྟོང་བཞེས་རྒྱབ་བོད་དུ་བྱོན་ནས། བསམ་ཡས་བཞེངས་ལྷ་འདྲེ་ཐམས་ཅད་དམ་ལ་བཏགས། དེ་ནས་བོད་ཀྱི་རྒྱལ་པོའི་དབང་ཞུས་ནས་དབང་ཡོན་དུ་རྒྱལ་པོའི་བཙུན་མོ་མཁར་ཆེན་བཟའ་མཚོ་རྒྱལ་འབུལ་དགོས་གསུངས་པས། བློན་པོ་རྣམས་མ་དད་ནས། པཎྜི་ཏ་འདི་རྒྱ་བལ་གྱི་མི་འདོད་པ་ཅན་ཞིག་འདུག །ཧ་ཅང་མཐུ་དང་རྫུ་འཕྲུལ་ཆེ་དྲག་རྒྱལ་སྲིད་འཕྲོག་དོགས་ཡོད་ཟེར་ནས། གསེར་མང་པོ་བསྡུས་ནས་ཕུལ་ཏེ་རྒྱ་གར་དུ་འབྱོན་པར་ཞུས་པས། བློན་པོ་རྣམས་ཀྱི་སྣང་ངོར་བོད་དུ་ལོ་བཅུ་གཉིས་ལས་མ་བཞུགས་པར་རྒྱ་གར་དུ་བྱོན་ཏེ། ཕྱིའི་རྣམ་ཐར་ལས་མ་དག་པ་རྣམས་ཀྱི་སྣང་ངོར་ཡིན་

[Full Size]

ནོ། །ནང་ལྟར་ན་པད་སྡོང་ལ་སྐུ་འཁྲུངས། རྒྱ་དཀར་ནག་ལི་ཡུལ་སོགས་སུ་བསྟན་པ་དང་སེམས་ཅན་རྣམས་ཀྱི་དོན་རྒྱ་ཆེན་པོ་མཛད་དེ། མཆོག་གི་མཚན་བརྒྱད་དང་། སྤྲུལ་པའི་མཚན་བཞི་བཅུ་སོགས་སུ་གྲགས་ནས། ལོ་ཧྲིལ་པོ་སུམ་སྟོང་དྲུག་བརྒྱ་བཞེས་ནས་བོད་དུ་བྱོན། ལྷ་འདྲེ་ཐམས་ཅད་དམ་ལ་བཏགས་ནས་བསམ་ཡས་བཞེངས་པ་དང་། གཏེར་ཁ་བྱེ་བ་སྦས་ནས་བོད་དུ་ལོ་བརྒྱ་དང་བཅུ་གཅིག་བཞུགས་ཏེ་སྲིན་པོའི་ཁ་གནོན་དུ་བྱོན། དེ་ནི་ལས་ཅུང་ཟད་དག་པའི་སྣང་ངོར་ཡིན་ནོ། །གསང་བ་ལྟར་ན་པདྨ་འབྱུང་གནས་ཟེར་བ་དེ། གཞན་རང་རྒྱུད་པ་ཞིག་མ་ཡིན་ཏེ་སངས་རྒྱས་སྣང་བ་མཐའ་ཡས་ཞེས་ཀྱང་བྱ། འོད་དཔག་ཏུ་མེད་པ་ཞེས་ཀྱང་བྱ། ཚེ་དཔག་མེད་ཅེས་ཀྱང་བྱ་བ་དེ་ཉིད་དངོས་ཡིན་ལ་བདེ་བ་ཅན་གྱི་ཞིང་ཁམས་ནས་སྤྲུལ་པ་དེ་བྱ་བབ་པ་ལྟར། ཨོ་རྒྱན་ཡུལ་གྱི་པད་སྡོང་རྩེར་བྱོན་ནས། དེ་ཉིད་དུ་མཁའ་འགྲོ་མ་རྣམས་ལ་རྒྱུད་སྡེ་མཐའ་ཡས་པ་ཞིག་གསུངས་ནས། སླར་གནས་ཉི་ཤུ་རྩ་བཞི་སོགས་གནས་ཆེན་རྣམས་སུ། རང་བཞིན་གྱི་དཀྱིལ་འཁོར་དངོས་སུ་སྤྲུལ་ནས། བྱང་ཆུབ་སེམས་དཔའ་དང་དཔའ་བོ་ཌཱཀི་རྣམས་ལ་རྒྱུད་སྡེ་དཔག་ཏུ་མེད་པར་

[Full Size]

གསུངས་ཤིང་གཏེར་དུ་སྦས་སོ། །རྒྱ་བོད་ཀྱི་ལྷ་འདྲེ་དྲེགས་པ་ཅན་ཐམས་ཅད་འདུལ་བའི་ཕྱིར་རྟ་མགྲིན་དམར་ནག་དང་། གུ་རུ་དྲག་པོ་རིགས་ལྔ་དང་། ཆེ་མཆོག་ཧེ་རུ་ཀ་དང་། རྡོ་རྗེ་གཞོན་ནུ་སོགས་ཁྲོ་བོའི་སྐུར་བཞེངས་ནས་ལྷ་འདྲེ་ཐམས་ཅད་དམ་ལ་བཏགས་ཤིང་སྲོག་སྙིང་ཕུལ། དེ་ནས་སྐུ་དངོས་སྲིན་པོའི་ཁ་གནོན་མཛད་ཀྱང་སྤྲུལ་པ་ནི་ཡར་མར་གྱི་ཚེས་བཅུ་དང་ནང་ནུབ་རྒྱུན་དུ་བོད་ལ་བྱོན་ཅིང་། དད་པ་ཅན་ལ་བྱིན་གྱིས་བརླབ་ཅིང་དངོས་གྲུབ་སྩོལ་བ་དང་། དུས་ཕྱིས་གསར་དུ་ལྷ་འདྲེ་སྐྱེས་པ་རྣམས་ཀྱང་དམ་ལ་འདོགས་པར་མཛད་དེ། གསང་བའི་རྣམ་ཐར་འདི་ལས་དག་པ་རྣམས་ཀྱི་སྣང་ངོར་ལགས་སོ། །ཡང་གསང་དེ་ཁོ་ན་ཉིད་ལྟར་ན། སྣང་སྲིད་འཁོར་འདས་ཐམས་ཅད་པདྨ་འབྱུང་གནས་ཀྱི་སྐུ་གསང་ཐུགས་ཀྱི་ཡེ་ནས་ཁྱབ་པར་བཞུགས་པས་སྐྱེ་འཆི་དང་། འདས་གྲོང་དང་། གཤེགས་བཞུད་མི་མངའ་སྟེ། དག་པ་ས་གསུམ་ལ་གནས་པའི་བྱང་ཆུབ་སེམས་དཔའ་རྣམས་ཀྱི་སྣང་ངོར་ལགས་སོ། །ངེས་པ་ཁོ་ནར་མདོ་ཡི་སྟོན་པ་སྤྲུལ་སྐུ་ཤཱཀྱ་ཐུབ་པ་ཡིན་ཅིང་། སྔགས་ཀྱི་སྟོན་པ་སྤྲུལ་སྐུ་པདྨ་འབྱུང་གནས་ཡིན་པའི་ཕྱིར། ཉིད་ཀྱི་གསུང་རྣམས་རྒྱུད་ཚིག་རྡོ་རྗེའི་གསུང་ཡིན་

[Full Size]

པས། རྒྱུད་གཞན་ལ་བརྟེན་ནས་མཛད་མི་དགོས་ནའང་། གདུལ་བྱ་ཐེ་ཚོམ་ཅན་རྣམས་དྲང་བའི་ཕྱིར་དུ། བྲག་ཕུག་མཱ་ར་ཏི་ཀར་འཆི་མེད་ཚེའི་རིག་འཛིན་སྒྲུབ་དུས། མཁའ་འགྲོ་མ་གསང་བ་ཡེ་ཤེས་ཀྱིས་གཏེར་སྒོ་ཕྱེས་ནས། སྔར་སངས་རྒྱས་སྣང་བ་མཐའ་ཡས་ཀྱིས་གསུངས་པའི་རྒྱུད་དེ་རྣམས་ཆོས་བདག་པོ་ལ་སྤྲད་པའི་ཚུལ་གྱིས་ཨོ་རྒྱན་ལ་གཏད་དེ། སངས་རྒྱས་ཚེ་དཔག་མེད་དངོས་སུ་བྱོན་ནས་དབང་བསྐུར་རོ། །དེ་ནས་རྒྱུད་དེ་དག་ལ་བརྟེན་ནས་གུ་རུ་ཉིད་ཀྱིས་སྒྲུབ་ཐབས་དཔག་ཏུ་མེད་པར་མཛད་དེ། རྒྱ་གར་དང་བལ་ཡུལ་བོད་ཁ་བ་ཅན་དུ་གཏེར་ཁ་བྱེ་བ་ས་ཡ་སྦས་ནས། མ་འོངས་ལས་ཅན་རྣམས་ཀྱིས་རིམ་པར་བཏོན་ནས་སེམས་ཅན་གྱི་དོན་རྒྱ་ཆེན་པོ་འབྱུང་བའི་སྨོན་ལམ་ལུང་བསྟན་དང་བཅས་པ་སོ་སོར་མཛད་དོ། །དེ་ལྟར་གུ་རུ་ཉིད་ཀྱི་སྒྲུབ་ཐབས་གྲངས་མེད་པ་དེ་ཐམས་ཅད་ཚུར་བསྡུ་ན་བཞིར་འདུས་ཏེ། ཕྱི་གསོལ་འདེབས་ལ་བརྟེན་ནས་བླ་མ་ལྟར་སྒྲུབ་པ་དང་། ནང་བསྐྱེད་རིམ་སྔགས་བཟླས་པ་ལ་བརྟེན་ནས་མ་ཧཱ་ཡོ་ག་ལྟར་སྒྲུབ་པ་དང་། གསང་བ་རྩ་རླུང་ཐིག་ལེ་ལ་བརྟེན་ནས་ཨ་ནུ་ཡོ་ག་ལྟར་སྒྲུབ་པ་དང་། ཡང་གསང་རྫོགས་པ་ཆེན་པོ་ལ་བརྟེན་

[Full Size]

ནས་ཨ་ཏི་ཡོ་ག་ལྟར་སྒྲུབ་པ་དང་བཞིའོ། །དེ་ཡི་ནང་ནས་ཕྱི་གསོལ་བ་འདེབས་པ་ལ་བརྟེན་ནས་སྒྲུབ་པའི་ཐབས་ལེའུ་བདུན་པ་འདི་ཡང་གཏེར་ཁ་མང་ཞིག་ཏུ་སྦས་པ་ལས། པདྨ་གླིང་པས་གཅིག་བཏོན་པ་ལྷོ་མོན་ངོས་སུ་ཅུང་ཟད་དར་ཏེ་འགྲོ་དོན་ཆུང་། འདི་ནི་སྣ་ནམ་རྡོ་རྗེ་བདུད་འཇོམས་ཀྱི་སྐྱེ་བ་རིག་འཛིན་རྒོད་ཀྱི་ལྡེམ་འཕྲུ་ཅན་གྱི་ཆོས་སྐལ་ཡིན་ཏེ། ཟང་ཟང་ལྷ་བྲག་དང་། བྲག་རི་དུག་སྦྲུལ་སྤུངས་འདྲ་སོགས་ནས། བསེ་སྒྲོམ་སྨུག་པོ་དང་། དུང་སྒྲོམ་དཀར་པོ་དང་། གསེར་སྒྲོམ་སེར་པོ་དང་། མཆོང་སྒྲོམ་དམར་པོ་དང་། གཡུ་སྒྲོམ་ལྗང་གུ་སྟེ་གཏེར་གྱི་སྒྲོམ་ཆེན་པོ་ལྔ་བྱུང་བ་བཏོན་པའི་ནང་ནས། རྫོགས་ཆེན་དགོངས་པ་ཟང་ཐལ། བླ་མ་བཀའ་བརྒྱད། གུ་རུ་དྲག་མཐིང་། རྒྱལ་བརྔན་ཆེན་མོ་ལ་སོགས་པ་ཆོས་སྐོར་དཔག་ཏུ་མེད་པ། བྲམ་ཟེ་སྐྱེ་བདུན་གྱི་ཤ །འབྲས་མོ་ལྗོངས་སོགས་གནས་ཆེན་མང་པོའི་གནས་ཡིག །ཨོ་རྒྱན་ཡབ་ཡུམ་དབུ་ལོ་ན་བཟའ་སྐུ་འདྲ་སོགས་དཔག་ཏུ་མེད་པ་གཏེར་ནས་བཏོན། དེ་དུས་རི་ཁྲོད་བ་བཟང་པོ་གྲགས་པས་ལེའུ་བདུན་མ་གཏེར་ནས་ཐོན་པ་ཆོས་བདག་རིག་འཛིན་རྒོད་ལྡེམ་ཅན་ཡིན་པས་གཏེར་ཤོག་ཁོང་ལ་ཕུལ། རྒྱལ་པོ་ཁྲི་སྲོང་ལྡེའུ་

[Full Size]

བཙན་གྱི་གདུང་རྒྱུད་གཙང་ལ་སྟོད་བྱང་པ་ཆོས་རྒྱལ་ཚང་གིས་སྦྱིན་བདག་བྱས་པས་འགྲོ་དོན་རྒྱས་ཏེ། དབུས་གཙང་ཁམས་ཐམས་ཅད་དུ་ཁོང་གི་གཏེར་ཆོས་རྒྱས་པར་གྱུར་ཏེ། མཐར་དཔོན་སློབ་དགུ་རྫུ་འཕྲུལ་གྱི་སྟོབས་ཀྱིས་འབྲས་མོ་ལྗོངས་སུ་བྱོན་ནས། གནས་ཀྱི་གདའ་ལུགས་ཀྱི་ཡི་གེ་བྱ་རྒོད་གྱི་སྐེ་ལ་བཏགས་ནས་ལན་གཉིས་བསྐུར། དཔོན་སློབ་རྣམས་གནས་དེ་ནས་མཁའ་སྤྱོད་དུ་གཤེགས་སོ། །དུས་ཚོད་ནི་རྗེ་རིན་པོ་ཆེའི་སྐུ་ཚེའི་སྟོད་ཙམ་ལ་ཡིན་ནོ། །དེ་ལྟར་ཁུངས་བཙུན་པའི་གསོལ་འདེབས་འདི་ལའང་། ཕྱི་བླ་མ་སྐུ་གསུམ་ཐོ་བརྩེགས་སུ་གསོལ་བ་འདེབས་པ། ནང་བླ་མ་ཞི་ཁྲོ་རབ་འབྱམས་སུ་གསོལ་བ་འདེབས་པ་དང་། གསང་བ་རིག་འཛིན་བརྒྱུད་པའི་བླ་མ་ལ་གསོལ་བ་འདེབས་པ། ཟངས་མདོག་དཔལ་གྱི་རི་ཡི་ཞིང་བཀོད་ལ་བརྟེན་ནས་གསོལ་བ་འདེབས་པ། རྣམ་ཐར་རྗེས་སུ་དྲན་པའི་སྒོ་ནས་གསོལ་བ་འདེབས་པ། ངོ་བོ་དྲན་པའི་སྒོ་ནས་གསོལ་བ་འདེབས་པ། ཐུགས་རྗེ་བྱིན་རླབས་དྲན་པའི་སྒོ་ནས་གསོལ་བ་འདེབས་པ་དང་བདུན་ནོ། །དང་པོ་སྐྱབས་འགྲོ་སེམས་བསྐྱེད་སྤྱི་ལྟར་བྱས་ཀྱང་ལེགས། བསྡུ་ན་སྐྱབས་འགྲོ་ནི་གསོལ་འདེབས་རང་གི་

[Full Size]

འཐུས། སེམས་ཅན་ཐམས་ཅད་ཚེ་རབས་མང་པོའི་ཕ་མ་ཤ་སྟག་ཡིན་པས། དུས་རྟག་ཏུ་རིགས་དྲུག་གི་སྡུག་བསྔལ་ལས་ཐར་དུས་མེད་པའི་སྙིང་རེ་རྗེ། སེམས་ཅན་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པའི་ཕྱིར་དུ། བདག་གིས་དཀོན་མཆོག་ཀུན་འདུས་གུ་རུ་རིན་པོ་ཆེ་ལ་གསོལ་བ་འདེབས་པར་བྱའོ་སྙམ་པའི་སེམས་བསྐྱེད་ལ། ༈ རང་གི་སྤྱི་གཙུག་ཁྲུ་གང་ཙམ་གྱི་སྟེང་དུ་པདྨ་འདབ་དྲུག་དང་ཟླ་བའི་གདན་ལ། ཨོ་རྒྱན་སྤྲུལ་སྐུའི་ཆ་ལུགས་པད་ཞྭ་ཆོས་གོས་ཟབ་བེར་ཅན་གཞུང་ལྟར་བསྒོམ། འདབ་མ་དྲུག་ལ་གཡས་སུ་ཁྲི་སྲོང་ལྡེའུ་བཙན་དང་མུ་ཁྲི་བཙན་པོ་གཉིས་རྒྱལ་པོའི་ཆ་ལུགས་དར་དམར་གྱི་ལ་ཐོད་ཅན། གཡོན་དུ་ཡེ་ཤེས་མཚོ་རྒྱལ་མཁའ་འགྲོའི་ཆ་ལུགས་ཅན་དང་རྡོ་རྗེ་བདུད་འཇོམས། རྒྱབ་ཏུ་ནམ་མཁའི་སྙིང་པོ་པཎ་ཞྭ་ཆོས་གོས་ཅན། མདུན་དུ་རིག་འཛིན་རྒོད་ལྡེམ་ཅན་སྨུག་ནག་རྣལ་འབྱོར་པའི་ཆ་ལུགས་ཅན་སྤྱི་བོར་རྒོད་སྒྲོ་སྐྱེས་པ། ཨོ་རྒྱན་གྱི་སྤྱི་གཙུག་ཏུ་བླ་མ་ལོངས་སྐུ་ཚེ་དཔག་མེད་དམར་པོ། ཡུམ་ཚེ་ཡི་ལྷ་མོ་ཙཎྜ་ལཱི་དམར་མོ་ཚེ་མདའ་དང་ཚེ་བུམ་བསྣམས་ནས་ཡབ་ལ་འཁྱུད་པ། ཡབ་ཀྱི་དཔྲལ་བར་རྣམ་སྣང་ཚེ་དཔག་མེད་ཡབ་ཡུམ་དཀར་པོ།

[Full Size]

མགྲིན་པར་སྣང་བ་མཐའ་ཡས་ཚེ་དཔག་མེད་ཡབ་ཡུམ་དམར་པོ། ཐུགས་ཀར་མི་བསྐྱོད་པ་ཚེ་དཔག་མེད་ཡབ་ཡུམ་མཐིང་ག །ལྟེ་བར་རིན་འབྱུང་ཚེ་དཔག་མེད་ཡབ་ཡུམ་སེར་པོ། གསང་གནས་སུ་དོན་གྲུབ་ཚེ་དཔག་མེད་ཡབ་ཡུམ་ལྗང་གུ། ཐམས་ཅད་མཉམ་བཞག་གི་སྟེང་དུ་ཚེ་བུམ་འཛིན་པ། སྐྱིལ་ཀྲུང་གིས་བཞུགས་ཤིང་དར་དང་རིན་པོ་ཆེ་ཡིས་བརྒྱན་པ། ལོངས་སྐུའི་སྤྱི་གཙུག་ཏུ་བླ་མ་ཆོས་སྐུ་རྡོ་རྗེ་འཆང་མཐིང་ནག་རྡོ་རྗེ་དང་དྲིལ་བུ་འཛིན་པ་ཡུམ་མཚོ་རྒྱལ་དཀར་མོ་གཅེར་བུ་གྲི་ཐོད་ཅན་ཡབ་ལ་འཁྱུད་པ། དེ་གསུམ་ཀའི་དཔྲལ་བར་ཨོཾ་དཀར་པོ། མགྲིན་པར་ཨཱཿཿདམར་པོ། ཐུགས་ཀར་ཧཱུྃ་མཐིང་ག་དེ་ལས་འོད་ཟེར་འཕྲོས་པས་སངས་རྒྱས་ཀྱི་ཞིང་ཁམས་ཐམས་ཅད་ནས། ཆོས་སྐུ་ལོངས་སྐུ་སྤྲུལ་སྐུའི་སངས་རྒྱས་བྱང་སེམས་ཐམས་ཅད་སྤྱན་དྲངས་ནས་དབྱེར་མེད་དུ་ཐིམ་པས་དཀོན་མཆོག་ཀུན་འདུས་ཀྱི་ངོ་བོར་བསྒོམས་ལ། ཨེ་མ་ཧོ༔ སྤྲོས་བྲལ་ཆོས་ཀྱི་དབྱིངས་ཀྱི་ཞིང་ཁམས་སུ༔ ཞེས་པ་ནས། པདྨ་སིདྡྷི་ཧཱུྃ༔ གི་བར་དུ་གསོལ་བ་བཏབ་པས། བླ་མ་སྐུ་གསུམ་གྱི་དཔྲལ་བའི་ཨོཾ་ལས་འོད་ཟེར་དཀར་པོ་འཕྲོས་ནས། རང་གི་དཔྲལ་བར་ཐིམ་པས་ལུས་

[Full Size]

ཀྱི་སྒྲིབ་པ་དག་ནས། སྐུའི་བྱིན་རླབས་དང་དངོས་གྲུབ་ཐོབ། མགྲིན་པའི་ཨཱཿཋལས་འོད་ཟེར་དམར་པོ་འཕྲོས་ནས་རང་གི་མགྲིན་པར་ཐིམ་པས་ངག་གི་སྒྲིབ་པ་དག་ནས་གསུང་གི་བྱིན་རླབས་དང་དངོས་གྲུབ་ཐོབ། ཐུགས་ཀའི་ཧཱུྃ་ལས་འོད་ཟེར་སྔོན་པོ་འཕྲོས་ནས་རང་གི་སྙིང་གར་ཐིམ་པས་ཡིད་ཀྱི་སྒྲིབ་པ་དག་ནས་ཐུགས་ཀྱི་བྱིན་རླབས་དང་དངོས་གྲུབ་ཐོབ་པར་བསྒོམ་མོ། །དེ་ནས་ཆོས་སྐུ་ལོངས་སྐུ་ལ་ཐིམ་ལོངས་སྐུ་སྤྲུལ་སྐུ་ལ་ཐིམ། འཁོར་རྣམས་གཙོ་བོ་ལ་ཐིམ། གཙོ་བོ་འོད་དུ་ལྟེམ་གྱིས་ཞུ་ནས་རང་ལ་ཐིམ་པས། ཨོ་རྒྱན་རིན་པོ་ཆེའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་དམ་ཆུ་ལ་ཆུ་ཐིམ་པ་ལྟར་གྱུར་པས་རང་གི་ལུས་ངག་ཡིད་གསུམ་གྱི་སྒྲིབ་པ་དག་ནས་སྐུ་གསུམ་ཡོངས་རྫོགས་ཀྱི་བྱིན་རླབས་དང་དངོས་གྲུབ་ཐོབ་པར་བསྒོམ་མོ། །དམིགས་པ་དེ་རྣམས་སྒོམ་ཚེ་བཛྲ་གུ་རུ་འདོན་པར་བྱའོ། །དེ་ནི་སྐུ་གསུམ་ཐོ་བརྩེགས་སུ་བསྒོམས་ནས་བྱིན་རླབས་ཞུ་བ་སྟེ། ལེའུ་དང་པོའི་བསྒོམ་བྱ་ཟབ་བོ། །ཨྠྀི།། །།དེ་ནས་རང་གི་སྤྱི་བོར་པདྨ་དང་ཟླ་བའི་གདན་རྒྱ་ཁྱོན་བསམ་ལས་འདས་པ། དེའི་སྟེང་དུ་ཨོ་རྒྱན་རིན་པོ་ཆེ་པད་ཞྭ་ཆོས་གོས་ཅན་གཞུང་ལྟར་ལ། སྐུ་

[Full Size]

ཤིན་ཏུ་ཆེ་བ་དབུ་སྲིད་པའི་རྩེ་ན་སླེབ་པ། སྐུ་སྟོད་ཀྱིས་གཟུགས་ཁམས་ཁྱབ་པ། སྐུ་སྨད་ཀྱིས་འདོད་ཁམས་ཁྱབ་པ། སྐུའི་ནང་སྟོང་ཞིང་གསལ་བ། སྐུ་ཡི་འོད་ཀྱིས་སངས་རྒྱས་ཀྱི་ཞིང་ཐམས་ཅད་ཁྱབ་པ། སངས་རྒྱས་ཀྱི་ཞིང་ཁམས་ཐམས་ཅད་སྐུ་ལུས་ཀྱི་བཀོད་པ་ལ་རྫོགས་པ། སྐུའི་ནང་སྟོང་སང་ངེ་བ་གསལ་བ་ལ་ལུས་དཀྱིལ་བཀོད་པའི་ཚུལ་དུ། དབུ་ཀླད་པ་དུང་ཁང་གི་ནང་དུ་ཆེ་མཆོག་ཧེ་རུ་ཀ་ལ་ཁྲག་འཐུང་འབར་བ་ལྔ་བཅུ་རྩ་བརྒྱད་ཀྱི་ལྷ་ཚོགས་ཀྱིས་བསྐོར་བ། དཔྲལ་བ་མཛོད་སྤུའི་ནང་དུ་འཇམ་དཔལ་གཤིན་རྗེའི་གཤེད་ལ་འཇམ་དཔལ་སྐུ་ཡི་ལྷ་ཚོགས་ཀྱིས་བསྐོར་བ། མགྲིན་པ་ལོངས་སྤྱོད་འཁོར་ལོར་རིག་འཛིན་དཔའ་བོ་ཐོད་པ་རྩལ་ལ་དག་པ་རིག་འཛིན་གྱི་ལྷ་ཚོགས་ཀྱིས་བསྐོར་བ། ལྗགས་པདྨ་ལེ་བརྒན་གྱི་ནང་དུ་རྟ་མགྲིན་པདྨ་དབང་ཆེན་ལ་པདྨ་གསུང་གི་ལྷ་ཚོགས་ཀྱིས་བསྐོར་བ། ཐུགས་ཀའི་སྟོད་ཙིཏྟ་རིན་པོ་ཆེ་མེ་ཤེལ་གྱི་གུར་ཕུབ་པ་ལྟ་བུའི་ནང་དུ། ཆོས་སྐུ་ཀུན་བློ་བཟང་ཡབ་ཡུམ། ལོངས་སྐུ་རིགས་ལྔ་ཡབ་ཡུམ། སེམས་དཔའ་སེམས་མ་བཅུ་དྲུག་ཤཱཀྱ་ཐུབ་པ་ལ་སོགས་སྤྲུལ་སྐུ་ཐུབ་དྲུག །སྒོ་བ་ཁྲོ་ཆེན་ཡབ་ཡུམ་བཞི་སྟེ་ཞི་བ་བཞི་བཅུ་རྩ་གཉིས་

[Full Size]

སྐུ་ཚོམ་བུ་ཧྲུག་གེ་བཞུགས་པ། ཐུགས་ཀའི་ཆ་སྨད་དུ་ཐུགས་མཆོག་བཛྲ་ཧེ་རུ་ཀ་ལ་ཡང་དག་ཐུགས་ཀྱི་ལྷ་ཚོགས་ཀྱིས་བསྐོར་ནས་བཞུགས་པ། ལྟེ་བར་བླ་མེད་ཧེ་རུ་ཀ་ལ་མ་མོ་རྒོད་གཏོང་གི་ལྷ་ཚོགས་ཀྱིས་བསྐོར་ནས་བཞུགས་པ། ལྟེ་འོག་ཆོས་འབྱུང་དམར་པོ་ཡངས་ཤིང་རྒྱ་ཆེ་བའི་དབུས་སུ་ཡུམ་མཆོག་རྡོ་རྗེ་ཕག་མོ་ལ་མཁའ་འགྲོ་བྱེ་བ་འབུམ་གྱིས་བསྐོར་ནས་བཞུགས་པ། གསང་གནས་བདེ་བསྐྱོད་འཁོར་ལོ་ན་བཅོམ་ལྡན་རྡོ་རྗེ་གཞོན་ནུ་ལ་ཕྲིན་ལས་ཕུར་པའི་ལྷ་ཚོགས་ཀྱིས་བསྐོར་ནས་བཞུགས་པ་སྟེ། ཁྲོ་བོ་དེ་དག་ཕལ་ཆེར་ཞལ་གསུམ་ཕྱག་དྲུག་ཡིན་ཀྱང་ཞལ་གཅིག་ཕྱག་གཉིས་པ་ཡང་བསྒོམ་རུང་གསུངས། འཁོར་རྣམས་མོས་པ་ཙམ་གྱིས་ཆོག །གཞན་ཡང་མཛོད་སྤུའི་རྩེར་འཇམ་དབྱངས། ལྗགས་རྩེར་སྤྱན་རས་གཟིགས༔ ཐུགས་ཀའི་ཐད་ཀྱི་བྲང་ལ་ཕྱག་ན་རྡོ་རྗེ། སྐུ་ཡི་རྩ་གནས་ཉི་ཤུ་རྩ་བཞི་ན་ཡུལ་ཉི་ཤུ་རྩ་བཞིའི་དཔའ་བོ་དང་ཊཱ་ཀི། བ་སྤུ་བྱེ་བ་ས་ཡ་ཐམས་ཅད་དུ་དཔའ་བོ་མཁའ་འགྲོ་ཏིལ་གྱི་གོང་བུ་ཁ་ཕྱེས་པ་ལྟ་བུ། ཕྱག་གཡོན་བྷནྡྷའི་སྟེང་དུ་ཚེ་བུམ་ནང་དུ་སངས་རྒྱས་ཚེ་དཔག་མེད་ལ་འཆི་མེད་ཚེའི་ལྷ་ཚོགས་ཀྱིས་བསྐོར་བར་བསྒོམ། ཡེ་ཤེས་པ་སྤྱན་འདྲེན་མི་

[Full Size]

དགོས་ཏེ། སྐུ་ཡི་བཀོད་པ་དེ་དང་སངས་རྒྱས་ཀྱི་ཞིང་ཁམས་ཐམས་ཅད་ན་བཞུགས་པའི་ཡེ་ཤེས་པ་དབྱེར་མེད་དུ་བསྒོམས་ལ། ཨེ་མ་ཧོ༔ སངས་རྒྱས་བསྟན་པ་རྨད་བྱུང་བསམ་ཡས་ལ༔ ཞེས་པ་ནས། ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ ཞེས་པའི་བར་ཚང་བར་འདོན། དེ་ལྟར་གསོལ་བ་བཏབ་པས་སྐུའི་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱི་སྐུ་ལས་ཟག་མེད་ཡེ་ཤེས་ཀྱི་བདུད་རྩི་ངང་ཁྲ་ལ་ལ་བབས་པས་སྐུ་ལུས་ལྟེམ་གྱིས་གང་། མ་ཤོང་བའི་ཚུལ་དུ་གསང་བ་རྡོ་རྗེའི་སྦུབས་ནས་ངང་རྒྱང་རྒྱང་བབ་སྟེ། །རང་གི་སྤྱི་གཙུག་ཚངས་པའི་བུ་ག་ནས་ཞུགས། སྤྱི་བོ་བདེ་ཆེན་གྱི་འཁོར་ལོ་གང་། ལུས་ཀྱི་སྒྲིབ་པ་དག་སྐུ་བུམ་པའི་དབང་ཐོབ། ལམ་བསྐྱེད་རིམ་བསྒོམ་པ་ལ་དབང་། ལུས་སྤྲུལ་སྐུ་འགྲུབ་པའི་སྐལ་པ་དང་ལྡན་པར་བྱས། བདུད་རྩི་མར་བབ་མགྲིན་པ་ལོངས་སྤྱོད་ཀྱི་འཁོར་ལོ་གང་། ངག་གི་སྒྲིབ་པ་དག །གསུང་གསང་བའི་དབང་ཐོབ། ལམ་རྩ་རླུང་བསྒོམ་པར་དབང་། ངག་ལོངས་སྐུ་གསུང་དབྱངས་ཡན་ལག་དྲུག་ཅུ་དང་ལྡན་པར་འགྲུབ་པའི་སྐལ་ལྡན་དུ་གྱུར། བདུད་རྩི་མར་བབ་སྙིང་ག་ཆོས་ཀྱི་འཁོར་ལོ་གང་། སེམས་ཀྱི་སྒྲིབ་པ་དག་

[Full Size]

ཐུགས་ཤེས་རབ་ཡེ་ཤེས་ཀྱི་དབང་ཐོབ། ལམ་རྩ་རླུང་ཐིག་ལེ་རྫོགས་པའི་རིམ་པ་བསྒོམ་པར་དབང་། སེམས་ཆོས་སྐུ་འགྲུབ་པའི་སྐལ་བ་དང་ལྡན་པར་བྱས། བདུད་རྩི་མར་བབས། ལྟེ་བ་སྤྲུལ་པའི་འཁོར་ལོ་གང་། ལུས་ངག་ཡིད་གསུམ་ཆ་སྙོམས་ཀྱི་སྒྲིབ་པ་དག །དབང་བཞི་པ་དོན་དམ་པ་ཚིག་དབང་རིན་པོ་ཆེ་ཐོབ། ལམ་འོད་གསལ་ཕྱག་རྒྱ་ཆེན་པོ་བསྒོམ་པར་དབང་། ངོ་བོ་ཉིད་ཀྱི་སྐུ་འགྲུབ་པའི་སྐལ་བ་དང་ལྡན་པར་བྱས། བདུད་རྩི་མར་བབས། གསང་གནས་བདེ་སྐྱོང་གི་འཁོར་ལོ་གང་། བག་ཆགས་དང་ཤེས་བྱའི་སྒྲིབ་པ་ཕྲ་མོ་ཡན་ཆད་དག །རིག་པ་རྩལ་གྱི་དབང་ཐོབ། ལམ་རྫོགས་པ་ཆེན་པོ་བསྒོམ་པར་དབང་། ཀུན་བཟང་བདེ་བ་ཆེན་པོའི་སྐུ་འགྲུབ་པའི་སྐལ་བ་དང་ལྡན་པར་བྱས། བདུད་རྩི་རྐང་མཐིལ་ནས་སྤྱི་གཙུག་མན་ཆད་ལྟེམ་གྱིས་གང་ནས། ནད་གདོན་སྡིག་སྒྲིབ་ཐམས་ཅད་བ་སྤུའི་སྒོ་དང་འོག་སྒོ་རྐང་མཐིལ་གཉིས་ནས་ནག་ཉིལ་གྱིས་ཕྱིར་ཐོན། བདག་གི་ལུས་དྲི་མེད་ཤེལ་སྒོང་ལྟར་གྱུར། དེ་ནས་སྤྱི་བོའི་ཨོ་རྒྱན་རིན་པོ་ཆེ་སྐུ་ལུས་ལ་བཀོད་པའི་ལྷ་ཚོགས་དང་བཅས་པ་ཐམས་ཅད་འོད་དུ་ལྟེམ་མེ་ཞུ་ནས། བདག་ལ་སིབས་ཀྱིས་ཐིམ་པས་བདག་གི་ལུས་གདོས་

[Full Size]

བཅས་ཤ་ཁྲག་གི་ཕུང་པོ་འདི་སྐད་ཅིག་ལ་བདེ་ཆེན་གྱི་ལུས་སུ་གནས་གྱུར་ནས། རང་ཉིད་རྡོ་རྗེ་སེམས་དཔའ་དཀར་པོ་རྡོ་རྗེ་ཐུགས་ཀར་འཛིན་ཅིང་དྲིལ་བུ་དཀུ་ལ་བརྟེན་པ། དར་དང་རིན་པོ་ཆེས་བརྒྱན་ཅིང་པད་ཟླའི་གདན་ལ་ཕྱེད་སྐྱིལ་དུ་བཞུགས་པར་གྱུར་པའི་ཐུགས་ཀར་ཞི་བ་བཞི་བཅུ་རྩ་གཉིས། མགྲིན་པར་དག་པ་རིག་འཛིན་གྱི་ལྷ་ཚོགས། ཀླད་པ་དུང་ཁང་གི་ནང་དུ་འབར་བ་ཁྲག་འཐུང་ལྔ་བཅུ་རྩ་བརྒྱད་ཐམས་ཅད་མེ་ལོང་ནང་གི་གཟུགས་བརྙན་ལྟར་བཀྲ་ལམ་མེར་གསལ་བར་བསྒོམ། དེ་རྣམས་སྐུ་མདོག་ཕྱག་མཚན་སོ་སོར་མ་ཤེས་ནའང་ཡོད་སྙམ་པའི་མོས་པ་ཙམ་གྱིས་ཆོག །དེ་ནི་ནང་ལྟར་བླ་མ་ཞི་ཁྲོ་རབ་འབྱམས་ལུས་དཀྱིལ་ལ་གསོལ་བ་བཏབ་ནས་དབང་བཞི་ལེན་པའི་གདམས་ངག་སྟེ་ལེའུ་གཉིས་པའི་དམིགས་རིམས་ཟབ། །ཨྠྀི། །།དེ་ནས་རང་ཉིད་ཁ་ལྷོ་ནུབ་ཏུ་རྒྱུས་ལ་འཛམ་བུ་གླིང་འདི་ཐམས་ཅད་པདྨ་དང་ཟླ་བའི་གདན་ཆེན་པོ་གཅིག་ཏུ་གྱུར་པའི་སྟེང་དུ་རང་ཉིད་བཅོམ་ལྡན་གསང་ཆེན་རིགས་གཅིག་རྡོ་རྗེ་སེམས་དཔའི་སྐུ་རི་རབ་ཙམ་པ། སྐྱིལ་ཀྲུང་གིས་འཛམ་གླིང་ཁེབས་པ། སྐུ་མདོག་དཀར་པོ་ཕྱག་གཡས་རྡོ་རྗེ་ཐུགས་ཀར་འཛིན་ཅིང་

[Full Size]

གཡོན་དྲིལ་བུ་དཀུར་བརྟེན་པ། དར་དང་རིན་པོ་ཆེ་སྣ་ཚོགས་ཀྱིས་བརྒྱན་ཅིང་ཐུགས་ཀར་ཟླ་བའི་གདན་ལ་རང་སེམས་ཡེ་ཤེས་སེམས་དཔའ་ཧཱུྃ་དཀར་པོས་མཚན་པ། ཡེ་ཤེས་དམ་ཚིག་དབྱེར་མེད་པའི་ངོ་བོར་བསྒོམས་ལ། མདུན་ཕ་ཀི་ན་ལྷོ་ནུབ་རྔ་ཡབ་གླིང་དེའི་ཕྱི་རིམ་མེ་རིའི་ཕྲེང་བ་དང་རྡོ་རྗེའི་ར་བ། ནང་དུ་ཕྱོགས་མཚམས་བརྒྱད་ལ་སྲིན་པོའི་གྲོང་ཁྱེར་ཆེན་པོ་བརྒྱད་ཡོད་པ་ནི་དུར་ཁྲོད་ཆེན་པོ་བརྒྱད། དེའི་དབུས་མར་མཚོ་དབུས་སུ་རི་དམར་པོ་ཟུར་གསུམ་གདན་ཐབས་ཀྱི་སྟེང་དུ་ཕོ་བྲང་པདྨ་འོད་ཀྱི་གཞལ་ཡས་ཁང་། གྲུ་བཞི་སྒོ་བཞི་རྒྱན་རྟ་བབས་ལ་སོགས་པ་དཀྱིལ་འཁོར་གྱི་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་རིན་པོ་ཆེའི་ཁྲི་གདན་ཐབས་ཟུར་བརྒྱད་པའི་སྟེང་པདྨ་དང་ཉི་མའི་གདན་ལ། ཨོ་རྒྱན་རིན་པོ་ཆེ་སྤྲུལ་སྐུའི་ཆ་ལུགས་ཆོས་གོས་པད་ཞྭ་ཅན་ངོ་བོ་ནི་ཆེ་མཆོག་ཧེ་རུ་ཀ་དང་དབྱེར་མེད་པ། སྐུ་གཟི་བརྗིད་ཉི་མ་སྟོང་བས་ལྷག་པ། དེའི་མདུན་དེ་ཤར་ཡིན་པ་ཐུགས་མཆོག་བཛྲ་ཧེ་རུ་ཀ་ལ་ཡང་དག་ཐུགས་ཀྱི་ལྷ་ཚོགས་ཀྱིས་བསྐོར་བ། སྐུའི་གཡས་དེ་ལྷོ་ཡིན་པས་འཇམ་དཔལ་གཤིན་རྗེའི་གཤེད་ལ་འཇམ་དཔལ་སྐུའི་ལྷ་ཚོགས་ཀྱིས་བསྐོར་བ། སྐུ་རྒྱབ་ནུབ་ངོས་དེར་རྟ་

[Full Size]

མགྲིན་པདྨ་དབང་ཆེན་ལ་པདྨ་གསུང་གི་ལྷ་ཚོགས་ཀྱིས་བསྐོར་བ། སྐུ་གཡོན་བྱང་དེར་དཔལ་ཆེན་རྡོ་རྗེ་གཞོན་ནུ་ལ་ཕྲིན་ལས་ཕུར་པའི་ལྷ་ཚོགས་ཀྱིས་བསྐོར་བ། མདུན་གཡས་ཟུར་ཤར་ལྷོ་དེར་བླ་མེད་ཧེ་རུ་ཀ་ལ་མ་མོ་རྦོད་གཏོང་གི་ལྷ་ཚོགས་ཀྱིས་བསྐོར་བ། རྒྱབ་གཡས་ཟུར་ལྷོ་ནུབ་དེར་དཔའ་བོ་རིག་འཛིན་ཐོད་པ་རྩལ་ལ་བླ་མ་རིག་འཛིན་གྱི་ལྷ་ཚོགས་ཀྱིས་བསྐོར་བ། རྒྱབ་གཡོན་ཟུར་ནུབ་བྱང་དེར་དྲེགས་པ་ཀུན་འདུལ་ལ་འཇིག་རྟེན་མཆོད་བསྟོད་ཀྱི་ལྷ་ཚོགས་ཀྱིས་བསྐོར་བ། མདུན་གཡོན་བྱང་ཤར་དུ་སྟོབས་ལྡན་ནག་པོ་ལ་དམོད་པ་དྲགས་སྔགས་ཀྱི་ལྷ་ཚོགས་ཀྱིས་བསྐོར་བ། དེའི་རྒྱབ་གིང་ཆེན་བརྒྱད་མཁའ་འགྲོ་ཤུགས་འགྲོ་བརྒྱད་དང་བཅུ་དྲུག་ཐམས་ཅད་གྲི་གུག་ཐོད་ཁྲག་ཅན། གཞན་ཡང་དཀྱིལ་འཁོར་ཕྱི་ནང་ཐམས་ཅད་དུ་མཁའ་འགྲོ་ཆོས་སྐྱོང་ཐམས་ཅད་སྤྲིན་ལྟར་འཁྲིགས་པར་བསྒོམ་སྟེ། འཁོར་ལྷ་དེ་དག་སྐུ་མདོག་ཕྱག་མཚན་མ་གསལ་ཀྱང་བཟོད། བཞུགས་ཡོད་སྙམ་པའི་མོས་པ་ཙམ་གྱིས་ཆོག་གོ །དེ་ལྟར་བདག་རྡོ་རྗེ་སེམས་དཔའ་འཛམ་གླིང་ཁྱབ་པ་དེ་བདག་བསྐྱེད། མདུན་དུ་གུ་རུ་རིན་པོ་ཆེ་ལ་བཀའ་བརྒྱད་ཀྱི་ལྷ་ཚོགས་བདུན་བརྒྱ་ཉི་ཤུའི་བསྐོར་བ་

[Full Size]

དེ་ལ་མདུན་བསྐྱེད་དུ་བྱས་ལ་གསོལ་བ་འདེབས་ཏེ། ཨེ་མ་ཧོ༔ འདི་ནས་ཉི་མ་ལྷོ་ནུབ་མཚམས་ཤེད་ན༔ ཞེས་པ་ནས། འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་དུ་གསོལ༔ ཞེས་པའི་བར་དུ་གསོལ་བ་བཏབ་པས། འཁོར་ཐམས་ཅད་ཀྱི་བྱིན་རླབས་ཐུགས་རྗེ་དངོས་གྲུབ་མཐུ་ནུས་ཐམས་ཅད་འོད་ཁ་དོག་ལྔའི་རྣམ་པར་གཙོ་བོ་ལ་ཐིམ། གཙོ་བོའི་དཔྲལ་བ་ནས་ཐིག་ལེ་དཀར་པོ་ཨོཾ་གྱིས་མཚན་པ་ཞིག་སྐར་མདའ་འཕང་བ་ལྟར་དཀར་ཤར་གྱིས་བྱུང་ནས་རང་གི་དཔྲལ་བར་ཐིམ་པས། འགྱུར་བ་མེད་པའི་སྐུའི་དངོས་གྲུབ་ཐོབ་ནས་འཆི་བ་མེད་པ་རྡོ་རྗེའི་སྐུར་གྱུར། གུ་རུའི་མགྲིན་པ་ནས་ཐིག་ལེ་དམར་པོ་ཨཱཿཡིག་གིས་མཚན་པ་ཞིག་དམར་ཤར་གྱིས་བྱུང་ནས་རང་གི་མགྲིན་པར་ཐིམ་པས། འགག་མེད་གསུང་གི་དངོས་གྲུབ་ཐོབ་ནས་ཆོས་ཐམས་ཅད་བསླབ་མ་དགོས་པར་རང་རྡོལ་དུ་ཤེས་ཏེ་འཆད་རྩོད་རྩོམ་གསུམ་ལ་ཐོགས་པ་མེད་པར་གྱུར། གུ་རུའི་ཐུགས་ཀ་ནས་ཐིག་ལེ་སྔོན་པོ་ཧཱུྃ་ཡིག་གིས་མཚན་པ་ཞིག་སྔོ་ཤར་གྱིས་འཕྲོས་ནས་རང་གི་སྙིང་གར་ཐིམ་པས་འཁྲུལ་མེད་ཐུགས་ཀྱི་དངོས་གྲུབ་ཐོབ་ནས། སྒོམ་སྒྲུབ་ལ་མ་ལྟོས་པར་སྟོང་ཉིད་འོད་གསལ་གྱི་དོན་མངོན་སུམ་རྗེན་པར་རྟོགས། གུ་

[Full Size]

རུའི་ལྟེ་བ་ནས་ཐིག་ལེ་སེར་པོ་གསེར་བཙོ་མའི་མདོག་ལ་སྭཡིག་གིས་མཚན་པ་ཞིག་སེར་ཤར་གྱིས་འཕྲོས། རང་གི་ལྟེ་བར་ཐིམ་པས་ཡོན་ཏན་རེ་སྐོང་གི་དངོས་གྲུབ་།ཐོབ་ནས་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཐམས་ཅད་རང་བྱུང་ལྷུན་གྲུབ་ཏུ་ཐོབ། གུ་རུའི་གསང་གནས་ནས་ཐིག་ལེ་ལྗང་གུ་ཧཡིག་གིས་མཚན་པ་གཅིག་ལྗང་ཤར་གྱིས་འཕྲོས་ནས། རང་གི་གསང་གནས་སུ་ཐིམ་པས་ཕྲིན་ལས་འགྲོ་འདུལ་གྱི་དངོས་གྲུབ་ཐོབ་ནས། ལས་དང་བྱ་བ་གང་བསམ་ཐམས་ཅད་ཐོགས་པ་མེད་པར་འགྲུབ་པ་དངོས་གྲུབ་ཐོབ་པར་བསྒོམ་མོ། །དེ་ནས་བདག་རྡོ་རྗེ་སེམས་དཔའ་འོད་དུ་ཞུ་ནས་ཐུགས་ཀའི་ཧཱུྃ་ལ་ཐིམ། ཧཱུྃ་ཡང་གྱེན་རྫོགས་སུ་ཡལ་ནས་སྟོང་པ་ཉིད་དུ་གྱུར་པར་བསྒོམས་ལ། སེམས་བཅོས་སླད་མེད་པར་ལྷུག་པར་བཞག་ལ་དེའི་ངོ་བོ་ལ་མ་ཡེངས་ཙམ་དུ་བལྟའོ། །དེ་ནི་རྔ་ཡབ་གླིང་གི་བཀོད་པ་ལ་བརྟེན་ནས་བླ་མ་སྒྲུབ་ཆེན་བཀའ་བརྒྱད་ཀྱི་ལྷ་ཚོགས་ལ་གསོལ་བ་བཏབ་ནས། དངོས་གྲུབ་ལེན་པ་སྟེ། ལེའུ་གསུམ་པའི་དམིགས་རིམ་ཟབ། །ཨྠྀི།། །།དེ་ནས་རང་གི་སྤྱི་བོའི་གཙུག་ཏུ་མེ་ཏོག་པདྨའི་སྡོང་པོ་གཅིག་ལ་མེ་ཏོག་དཀར་དམར་མཐིང་

[Full Size]

གསུམ་བརྩེགས་མར་ཡོད་པ་རེ་རེ་ལ་འདབ་མ་སྟོང་ཕྲག་དུ་མ་ཡོད་པའི་འོག་མ་ལ་པདྨ་དཀར་པོའི་ལྟེ་བར་ཨོ་རྒྱན་རིན་པོ་ཆེ་སྤྲུལ་སྐུའི་ཆ་ལུགས་ཆོས་གོས་པད་ཞྭ་ཅན། འདབ་མ་རྣམས་ལ་རྗེ་འབངས་ཉི་ཤུ་རྩ་ལྔ་ལ་སོགས་བོད་ཀྱི་རིག་འཛིན་གང་ཟག་སྙན་བརྒྱུད་བླ་མ་ཐམས་ཅད་ཀྱིས་བསྐོར་ནས་བཞུགས་པ། ཨོ་རྒྱན་གྱི་དབུ་གཙུག་ཏུ་པདྨ་དམར་པོའི་ལྟེ་བར་རིག་འཛིན་དགའ་རབ་རྡོ་རྗེ་དཀར་པོ་ཆོས་གོས་གསོལ་ཞིང་སྐྱིལ་ཀྲུང་ས་གནོན་མཉམ་བཞག་ཅན། དབུ་གཙུག་ཏོར་ཞབས་འཁོར་ལོས་བརྒྱན་པའི་པད་འདབ་རྣམས་ལ། རིག་འཛིན་བརྒྱད་ལ་སོགས་རྒྱ་གར་གྱི་གྲུབ་ཐོབ་རིག་འཛིན་བརྡའ་བརྒྱུད་བླ་མ་རྣམས་ཀྱིས་བསྐོར་ནས་བཞུགས་པ། དེའི་དབུ་གཙུག་པདྨ་སྔོན་པོའི་ལྟེ་བར་ཆོས་སྐུ་ཀུན་ཏུ་བཟང་པོ་མཐིང་ཀ་མཉམ་བཞག་གི་ཕྱག་རྒྱས་ཡུམ་ཀུན་ཏུ་བཟང་མོ་དཀར་མོ་ལ་འཁྱུད་པ། འདབ་མ་རྣམས་ལ་རིགས་ལྔའི་སངས་རྒྱས་ཤཱཀྱ་ཐུབ་པ་ལ་སོགས་པ་སངས་རྒྱས་བྱང་སེམས་རྒྱལ་བ་དགོངས་བརྒྱུད་ཐམས་ཅད་ཀྱིས་བསྐོར་ནས་བཞུགས་པར་བསྒོམ། དེ་ལྟར་གཙོ་བོ་གསུམ་གྱི་གནས་གསུམ་གྱི་ཡི་གེ་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་མཁའ་སྤྱོད་དག་པའི་གནས་ནས་རིག་འཛིན་གྱི་

[Full Size]

ལྷ་ཚོགས་ཐམས་ཅད་ཁ་བ་བུ་ཡུག་འཚུབ་པ་ལྟར་བྱོན་ནས་དབྱེར་མེད་དུ་ཐིམ་པར་བསྒོམ། ཨེ་མ་ཧོ༔ སྤྲོས་བྲལ་བདེ་ཆེན་རྒྱལ་བ་ཀུན་ཏུ་བཟང་༔ ཞེས་པ་ནས། གང་ཟག་སྙན་བརྒྱུད་བླ་མར་གསོལ་བ་འདེབས༔ ཞེས་པའི་བར་གསོལ་བ་བཏབ་པས་རིག་འཛིན་གྱི་ལྷ་ཚོགས་རྣམས་ལས་འོད་ཟེར་དཔག་ཏུ་མེད་པ་འཕྲོས་པས། སྣོད་བཅུད་འཁོར་འདས་ཐམས་ཅད་འོད་དུ་ཞུ་ནས། རིག་འཛིན་རྣམས་ལ་ཐིམ། རིག་འཛིན་གྱི་འཁོར་ཐམས་ཅད་གཙོ་བོ་གསུམ་ལ་ཐིམ། གཙོ་བོ་གསུམ་ཡང་ཀུན་ཏུ་བཟང་པོ་དགའ་རབ་རྡོ་རྗེ་ལ་ཐིམ། དགའ་རབ་རྡོ་རྗེ་ཨོ་རྒྱན་ལ་ཐིམ། ཨོ་རྒྱན་རིན་པོ་ཆེ་ཡང་འོད་དུ་ཞུ་ནས་བདག་ལ་ཐིམ་པས་བདག་གི་ལུས་འདི་ཡང་འོད་དུ་ཞུ་ནས་ནམ་མཁའ་ལ་འཇའ་ཡལ་བ་ལྟར་དངོས་མེད་དུ་ཡལ་བར་བསྒོམས་ལ། མ་ཡེངས་ཙམ་དུ་རང་གི་སེམས་ལ་བལྟས་ཏེ་ཡུད་ཙམ་འདུག་གོ །དེའི་ཚེ་སྔར་བྱས་པའི་བྱ་བ་ཐམས་ཅད་ལ་བསམ་བློ་མི་བཀྲམ། ད་འདི་བྱེད་ཀྱི་བསམ་གཞིག་མི་བཏང་། ད་ལྟ་ཡིད་ལ་ཅི་དྲན་ཞིང་གདའ་བ་དེ་ལ་ཅེ་རེ་བལྟས་པས། སེམས་ཀྱི་ངོ་བོ་དེ་ལ་གཟུགས་ཁ་དོག་དངོས་པོ་ཅི་ཡང་མ་མཐོང་བ་དེ་སྟོང་པ་ཉིད་ཡིན་

[Full Size]

ནོ། །ཅི་ཡང་མེད་པ་མ་ཡིན་པར་ཅི་ཡང་དྲན་ཞིང་གསལ་བའི་འོད་གསལ་ཞེས་བྱའོ། །རེས་འགའ་ཅི་ཡང་མི་དྲན་པར་ཀྱི་ལེ་འདུག་པ་གནས་པ་ཟེར་རོ། །རེས་འགའ་གར་ཡང་འཕྲོ་ལྷཞིང་རྒྱུག་པས་འགྱུ་བ་ཟེར་རོ། །གནས་སམ་འགྱུའམ་ཅི་བྱེད་ཅི་གདའ་རིག་པས་རིག་པ་ཟེར་རོ། །གནས་འགྱུ་གཉིས་ལ་བཟང་ངན་མེད་དེ་གཉིས་ཀ་སེམས་ཡིན་ལ་ཁྱད་པར་མེད་པའོ། །ཧ་ཀྱང་རྩུབ་དྲག་ནས་མ་བདེ་ན་ལུས་སེམས་ལྷོད་དེ་ཀློད། ཁོ་རང་གར་འགྲོ་བཏང་ལ་རྒྱངས་སྲུངས་བྱས་པས་ཁོ་རང་ཚུར་ལ་འཁོར་ནས་བདེ་ལྷན་ནེ་གནས་སོ། །ཧ་ཅང་གནས་ཉམས་ཆེ་ནས་མ་གསལ་བ་རྨུགས་སེ་འདུག་ན། ལུས་སེམས་བསྒྲིམས་ལ་ཧྲིག་གེར་བལྟས་པས་གསལ་ལོ། །ལྟ་ཡུན་རིང་ན་མི་གསལ་བས། ལྟ་ཡུན་ཐུང་ལ་ལྟ་གྲངས་མང་བར་བྱའོ། །རེས་འགའ་གསལ་ཞིང་ངེས་ཤེས་སྐྱེ། རེས་འགའ་མི་གསལ་ཞིང་འདི་མིན་པ་འདྲ་བསམ་པའི་ཐེ་ཚོམ་སྐྱེ། དགྱེ་དགུ་མང་དུ་བྱུང་ཡང་མ་བསྐྱུར་བར་བསྐྱངས་པས་རིམ་གྱིས་བྱིས་པས་བསམ་བློ་ཟིན་པ་ལྟ་བུ་ཞིག་འོང་ངོ་། །གསོལ་འདེབས་ཀྱི་ལེའུ་ཁ་རེ་རེ་དབྱངས་དང་བཅས་ནས་བཏོན་རྗེས། སེམས་ལ་བལྟས་པས་ངེས་ཤེས་ཡོད་པའི་ཉམས་བཟང་པོ་

[Full Size]

རེ་འཕྲལ་དུ་སྐྱེའོ། །འདི་གསོལ་འདེབས་དུས་ཁོ་ན་མ་ཡིན་པར། ཟ་དུས་འཐུང་དུས་འགྲོ་འཆག་ཉལ་འདུག་ཀུན་ཏུ་ཡུད་ཙམ་རྒྱུན་དུ་མ་བརྗེད་པར་བལྟ་བར་བྱ་སྟེ། མིག་གིས་རི་བྲག་དང་གྲོང་ཁྱེར་དང་མི་དང་དུད་འགྲོ་སོགས་གཟུགས་སྣ་ཚོགས་གང་མཐོང་ན་ཡང་། འདི་ནི་འདི་རེད། འདི་ནི་བཟང་། འདི་ནི་ངན་བསམ་པའི་རྣམ་པར་རྟོག་པ་སྐྱེས་པའི་དུས་སུ། འདི་བཟང་འདི་ངན་བསམ་པའི་སེམས་དེ་ལ་ཧྲིག་གེར་བལྟས་པས། ངོ་བོ་སྟོང་པ་ཉིད་དུ་ལྷང་ངེར་འཆར་བ་ནི་གཟུགས་སྣང་སྟོང་གི་ཏིང་ངེ་འཛིན་ཡིན་ནོ། །གཟུགས་མཛེས་མི་མཛེས་དང་བཟང་ངན་གཉིས་ཀའི་ངོ་བོ་སྟོང་པ་ཉིད་དུ་རོ་སྙོམས་ཐུབ་ན་གཟུགས་སྣང་སྟོང་དུ་གྲོལ་བའོ། །རྣ་བའི་ཡུལ་དུ་སྙན་པའི་གླུ་དང་པི་ཝཾ་དང་རང་ལ་བྱམས་ཤིང་བསྟོད་པའི་ཚིག་ཐོས་ན་སེམས་དགའ་བའི་རྟོགས་པ་སྐྱེ། དེའི་ངོ་བོ་ལ་བལྟས་པས་སྟོང་པ་ཉིད་ཡིན་ནོ། །མི་སྙན་པའི་སྒྲ་ཝ་དང་ཁྭ་ཏའི་སྐད་དང་རང་ལ་གནོད་པའམ་སྨད་པའི་ཚིག་ཐོས་ན་མི་དགའ་བའི་རྟོག་པ་སྐྱེ། དེའི་ངོ་བོ་ལ་བལྟས་ན་སྟོང་པ་ཉིད་ཡིན། སྙན་དང་མི་སྙན་པའི་སྒྲ་གཉིས་པོ་ཁྱད་མེད་སྟོང་པ་ཉིད་དུ་རྟོགས་ན་སྒྲ་གྲག་སྟོང་དུ་གྲོལ་བ་ཡིན་ནོ། །དེ་

[Full Size]

བཞིན་དུ་ཡིད་ལ་དད་པ་དང་དག་སྣང་དང་བྱམས་སྙིང་རྗེ་སོགས་དགེ་བའི་བསམ་པ་སྐྱེས་ནའང་། དེའི་ངོ་བོ་སྟོང་པ་ཉིད་དུ་མ་རྟོགས་ན། འཇིག་རྟེན་པའི་བདེ་སྐྱིད་འབྱུང་བའི་རྒྱུ་ཙམ་ལས་བྱང་ཆུབ་འཐོབ་པའི་རྒྱུར་མི་འགྲོ་བས། བསམ་པ་བཟང་པོ་དེའི་ངོ་བོ་ལ་བལྟས་པས་སྟོང་ཉིད་སྙིང་རྗེ་ཟུང་དུ་འཇུག །དགེ་བའི་བསམ་པ་བཟང་པོ་ནི་ཐབས་དེའི་ངོ་བོ་སྟོང་ཉིད་དུ་རྟོགས་པས་ཤེས་རབ་ཡིན་པས་ཐབས་ཤེས་རབ་ཟུང་འཇུག་དེ་བྱང་ཆུབ་ཐོབ་པའི་རྒྱུ་ཡིན་ནོ། །སེམས་ལ་རྣམ་རྟོག་མི་འཕྲོ་དགུ་འཕྲོ་མི་དྲན་དགུ་དྲན་འདི་རང་གིས་རང་མ་རིག་པས་ལྷན་ཅིག་སྐྱེས་པའི་མ་རིག་པ་ཞེས་བྱ་བ། འཁོར་བ་མཐའ་མེད་དུ་འཁྱམས་པའི་རྩ་བ་ཡིན་ཏེ། རྣམ་སྣང་མངོན་བྱང་གི་རྒྱུད་ལས། རྣམ་རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་འཁྱམས་བྱེད་ཡིན། །ཅེས་གསུངས་པ་འདི་རང་གིས་རང་རིག་ན་ལྷན་ཅིག་སྐྱེས་པའི་ཡེ་ཤེས་ཕྱག་རྒྱ་ཆེན་པོ་ཡིན་ཏེ། མི་རྟོགས་ཏིང་འཛིན་ལ་གནས་ན། །ནམ་མཁའ་བཞིན་དུ་རྟོགས་མེད་གནས། །ཞེས་གསུངས་ཏེ། མ་རིག་ན་རྣམ་རྟོག་རིག་ན་ཡེ་ཤེས་དེ་གཉིས་རིག་མ་རིག་གི་ཁྱད་མ་གཏོགས་སེམས་ཡིན་པ་ལ་ཁྱད་མེད་དོ། །སེམས་ལ་ཞེ་སྡང་སྐྱེས་ན་

[Full Size]

དམྱལ་བའི་ས་བོན། ཞེ་སྡང་དེའི་ངོ་བོར་བལྟས་པས་གཟུགས་ཁ་དོག་དངོས་པོ་མེད་པར་སྟོང་པ་ཉིད་དུ་ཡལ་བ་དེ་མེ་ལོང་ལྟ་བུའི་ཡེ་ཤེས་སོ། །སེམས་ལ་གཏི་མུག་ནག་ཐིབས་སེ་བ་དེ་དུད་འགྲོའི་ས་བོན། དེའི་ངོ་བོར་བལྟས་པས་སྟོང་པ་ཉིད་དུ་རྟོགས་པ་ཆོས་དབྱིངས་ཡེ་ཤེས་སོ། །སེམས་ལ་ང་རྒྱལ་སྐྱེས་པ་དེ་ལྷ་ཕམ་ལྟུང་གི་རྒྱུ་ཡིན། དེའི་ངོ་བོར་བལྟས་པས་སྟོང་པ་ཉིད་དུ་གྲོལ་བ་མཉམ་པ་ཉིད་ཀྱི་ཡེ་ཤེས་སོ། །སེམས་ལ་འདོད་ཆགས་སྐྱེས་པ་དེ་ཡི་དྭགས་ཀྱི་ས་བོན། དེའི་ངོ་བོར་བལྟས་པས་སྟོང་པ་ཉིད་དུ་གྱུར་པ་སོ་སོར་རྟོག་པའི་ཡེ་ཤེས་སོ། །སེམས་ལ་ཕྲག་དོག་སྐྱེས་པ་དེ་ལྷ་མ་ཡིན་གྱི་ས་བོན། དེའི་ངོ་བོར་བལྟས་པས་སྟོང་པ་ཉིད་དུ་རྟོགས་པའི་བྱ་བ་གྲུབ་པའི་ཡེ་ཤེས་སོ། །མ་རིག་ན་དུག་ལྔ། །རིག་ན་ཡེ་ཤེས་ལྔ་ཡིན་པས། དུག་ལྔ་སྤང་མི་དགོས་པར་ཡེ་ཤེས་ལྔར་འཆར་བ་གསང་སྔགས་ཀྱི་ཁྱད་ཆོས་ལགས་སོ། །དེ་ལྟ་བུའི་ཉམས་ལེན་དེ་རྒྱུན་དུ་སྐྱོང་ཐུབ་ན་ཕྱག་རྒྱ་ཆེན་པོ་དང་། རྫོགས་ཆེན་དང་། ཟབ་མོ་དབུ་མ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཞི་བྱེད་ལ་སོགས་པ་ཟབ་ཆོས་ཐམས་ཅད་ཀྱི་དོན་ཡང་ཚང་བ་ཡིན་ནོ། །གལ་ཏེ་དེ་འདྲ་

[Full Size]

ཉམས་ལེན་དེ་མ་གོ་བའམ་གོ་ཡང་ཉམས་སུ་མ་ལོན་ན། བསྐྱེད་རིམ་ཁྱེར་སོ་གསུམ་གྱི་དག་སྣང་སྦྱང་བར་བྱ་སྟེ། གཟུགས་མཐོང་ཚད་ཐམས་ཅད་ཨོ་རྒྱན་རིན་པོ་ཆེའི་སྐུ་སྣང་སྟོང་འཇའ་ཚོན་ལྟ་བུར་བསྒོམ། སྒྲ་གྲག་ཚད་ཐམས་ཅད་བཛྲ་གུ་རུའི་སྒྲ་གྲག་སྟོང་བྲག་ཆ་ལྟར་བསྒོམ། ཡིད་ལ་དྲན་ཚད་ཐམས་ཅད་དྲན་སྟོང་སྨིག་རྒྱུ་ལྟ་བུ་ཡིན་སྙམ་དུ་བྱ། མདོར་ན་འཁོར་འདས་སྣོད་བཅུད་ཐམས་ཅད་དངོས་པོ་བདེན་པར་གྲུབ་པ་གཅིག་ཀྱང་མེད་དེ་རང་གི་སེམས་འཁྲུལ་ནས་དངོས་པོར་མཐོང་བ་ཡིན་ཏེ། དཔེར་ན་རྨི་ལམ་དུ་བྲག་རི་དང་གྲོང་ཁྱེར་སྐྱེས་པ་བུད་མེད་ལ་སོགས་རྨིས་པ་ན་སེམས་འཁྲུལ་པ་མ་གཏོགས་གཅིག་ཀྱང་མེད་པ་དང་འདྲ་བས་སྣང་སྲིད་འཁོར་འདས་ཐམས་ཅད་སྟོང་ཞིང་བདག་མེད་པའི་སྟོང་པ་ཉིད་ཡིན་ནོ་སྙམ་དུ་སྟོང་ཉིད་རྒྱས་འདེབས་ཙམ་དུ་བསྒོམ་པར་བྱའོ། །དེ་ལྟ་བུའི་ཉམས་ལེན་དེ་དག་གསལ་འདེབས་པའི་ཕྱིར་ངག་ཏུ་ཡང་། འདི་ལྟར་མིག་གི་ཡུལ་དུ་སྣང་བ་ཡི༔ ཞེས་སོགས་ནས། བདག་འདྲའི་རང་རྒྱུད་གྲོལ་བར་བྱིན་གྱིས་རློབས༔ ཞེས་པའི་བར་ཚིག་འབྲུ་ཉི་ཤུ་རྩ་གཅིག་དེ་འདོན་ཅིང་གསོལ་བ་བཏབ་པ་དང་། ཚིག་གི་དོན་ལ་བསམ་གཞིག་རྒྱུན་ཏུ་བཏང་བར་བྱའོ། །

[Full Size]

ལེའུ་བཞི་པ་རིག་འཛིན་གྲུབ་ཐོབ་རྣམས་ལ་གསོལ་བ་བཏབ་ནས་བྱིན་ཕབ་སྟེ་ཉམས་ལེན་སྐྱོང་བའི་གདམས་པ་ཟབ། །ཨྠྀི།། །།དེ་ནས་རྣམ་ཐར་གསོལ་འདེབས་འདི་ལ་མཚན་མང་དུ་ཡོད་ཀྱང་། མཆོག་གི་མཚན་བརྒྱད་གཙོ་ཆེ། འདི་ལ་ཉི་མ་འོད་ཟེར་མཚན་མེད་པ་ནི། གསང་སྔགས་ཐམས་ཅད་ལ་གབ་སྐུང་རེ་འོང་སྲོལ་ཡོད་པས་ཉི་མ་འོད་ཟེར་མཚན་སྦས་པ་ཡིན་ནོ། །རང་གི་རྒྱབ་ཕྱོགས་འདི་ནས་པདྨའི་སྡོང་པོ་ཆེན་པོ་གཅིག་སྐྱེས་པའི་སྡོང་པོ་ལ་རང་རྒྱབ་གཏད་པའི་སྟེང་གི་བར་སྣང་ལ། མེ་ཏོག་པད་མ་འདབ་མ་བརྒྱད་པ་རྒྱ་ཆེ་བའི་ལྟེ་བར་ཟེའུ་འབྲུའི་སྟེང་དུ། ཨོ་རྒྱན་རིན་པོ་ཆེ་སྤྲུལ་སྐུའི་ཆ་ལུགས་ཆོས་གོས་པད་ཞྭ་ཅན་གཞུང་ལྟར་བསྒོམ་མོ། །འདབ་མ་བརྒྱད་ལ་མདུན་དེ་ཤར་ཡིན་པའི་འདབ་ཡམ་ལ། པདྨ་འབྱུང་གནས་མཐིང་ནག་སྐུ་གཅེར་བུ་ཕྱག་གཡས་རྡོ་རྗེ་རྩེ་ལྔ། གཡོན་པས་སྡིགས་མཛུབ་ཅན་ཡུམ་དཀར་མོ་ལ་འཁྱུད་པ། གཡས་ཀྱི་འདབ་མ་ལ་མཁས་པ་བློ་ལྡན་མཆོག་སྲེད་སྔགས་པའི་ཆ་ལུགས་ཌ་མ་རུ་དང་བྷན་བསྣམས་པ། རྒྱབ་ཀྱི་འདབ་མ་ལ་ཉི་མ་འོད་ཟེར་སེར་པོ་གྲུབ་ཐོབ་ཆ་ལུགས་ཕྱག་གཡས་ཁ་ཊཱ་གཡོན་ཉི་ཟེར། གཡོན་གྱི་འདབ་མར་

[Full Size]

འཕགས་པ་སེང་གེ་སྒྲ་སྒྲོག་མཐིང་ནག་ཁྲོ་བོའི་སྐུ། རྡོ་རྗེ་སྡིགས་མཛུབ་ཅན་སྐུ་སྟོད་ལ་སེང་གེའི་གཡང་གཞི་མནབས་པ། མདུན་གཡས་ཤར་ལྷོར་པདྨ་སཾ་བྷ་པཎྜི་ཏ་གཞོན་ནུ་ཕྱག་གཡས་པས་ལི་ཡི་བཟེད་ཞལ་པདྨའི་རི་མོ་ཅན། གཡོན་སྐྱབས་སྦྱིན། རྒྱབ་གཡས་ཟུར་འདབ་མ་ལ་པདྨ་རྒྱལ་པོ་ལ་ཐོད་དམར་པོ་ཅན། ཕྱག་གཡས་སེང་ལྡེང་གི་ཌཱ་མ་རུ་གཡོན་མེ་ལོང་རྒྱབ་གཡོན་ཟུར་དུ་ཤཱཀྱ་སེང་གེ་ཤཱཀྱ་ཐུབ་པ་འདྲ་བ་ལ་ས་གནོན་མཉམ་བཞག་རྡོ་རྗེ་འཛིན་པ། མདུན་གཡོན་རྡོ་རྗེ་གྲོ་ལོད་སྨུག་ནག་དབུ་སྐྲ་སྨུག་འབོལ་གྱེན་དུ་བརྗེ་ས་པ། སྐུ་ལ་ཕོད་ཁ་ལྗང་གུའི་སྟེང་དུ་ཆོས་གོས་ངུར་སྨྲིག་དང་མི་མགོའི་དོ་ཤལ་ཅན། རྡོ་རྗེ་ཕྱར་ཞིང་ཕུར་པ་འདྲིལ་བ། སྟག་མོའི་སྟེང་དུ་བརྐྱང་བསྐུམ་དུ་འགྱིང་བའོ། །གཙོ་འཁོར་དགུ་ཁའི་དཔྲལ་བར་ཨོཾ། མགྲིན་པར་ཨཱཿཐུགས་ཀར་ཧཱུཾ། དེ་ལས་འོད་ཟེར་འཕྲོས་པས་རྔ་ཡབ་གླིང་ནས་ཨོ་རྒྱན་རིན་པོ་ཆེ་གུ་རུ་མཚན་བརྒྱད་དང་བཅས་པ་སྤྱན་དྲངས་ནས་དབྱེར་མེད་དུ་ཐིམ་པར་བསྒོམ། ཨེ་མ་ཧོ༔ ལྷོ་ནུབ་རྔ་ཡབ་གླིང་ཕྲན་སྲིན་པོའི་ཡུལ༔ ཞེས་པ་ནས། ཐུགས་རྗེས་གཟིགས་ལ་བྱིན་གྱིས་བརླབ་ཏུ་གསོལ༔ ཞེས་པའི་བར་དུ་གསོལ་བ་བཏབ་

[Full Size]

ནས་མཚན་བརྒྱད་ཀྱི་དངོས་གྲུབ་སོ་སོར་ཞུ་བ་ནི། སྡིག་སྒྲིབ་ཉེས་ལྟུང་གི་དྲི་མ་ཐམས་ཅད་དག་པར་འདོད་ན། གཙོ་འཁོར་ཐམས་ཅད་པདྨ་འབྱུང་གནས་ལ་ཐིམ། །པདྨ་འབྱུང་གནས་རང་ལ་ཐིམ་པས་རང་ཉིད་པདྨ་འབྱུང་གནས་ཀྱི་སྐུར་གྱུར་པར་བསྒོམ་མོ། །རིག་པའི་གནས་ལྔ་དང་སྡེ་སྣོད་གསུམ་ལ་མཁས་པར་འདོད་ན། གཙོ་འཁོར་ཐམས་ཅད་པདྨ་སཾ་བྷ་ལ་ཐིམ། པདྨ་སཾ་བྷ་རང་ལ་ཐིམ་པས་རང་ཉིད་པདྨ་སཾ་བྷའི་སྐུར་གྱུར་པར་བསྒོམ་པར་བྱའོ། །ལུས་རྩལ་ཆེ་བ་དང་མདའ་སྐྱེན་པ་དང་སྨྲ་མཁས་པ་ལ་སོགས་སྒྱུ་རྩལ་དྲུག་ཅུ་རྩ་བཞི་དང་། སྔགས་ཀྱི་རྒྱུད་སྡེ་ཐམས་ཅད་ལ་མཁས་པར་འདོད་ན། གཙོ་འཁོར་ཐམས་ཅད་བློ་ལྡན་མཆོག་སྲེད་ལ་ཐིམ། བློ་ལྡན་མཆོག་སྲེད་རང་ལ་ཐིམ་པས་རང་བློ་ལྡན་མཆོག་སྲེད་དུ་གྱུར་པར་བསྒོམ། མི་ཆེན་པོ་ཡིན་ན་སྡེ་སྲིད་མངའ་ཐང་འཕེལ་བ་དང་། མི་ཕལ་པ་ཡིན་ན་མི་ཐམས་ཅད་བྱམས་ཤིང་བུད་མེད་ཐམས་ཅད་ཀྱི་ཡིད་འཕྲོག་པར་འདོད་ན། གཙོ་འཁོར་ཐམས་ཅད་པདྨ་རྒྱལ་པོ་ལ་ཐིམ། པདྨ་རྒྱལ་པོ་རང་ལ་ཐིམ་པས་རང་ཉིད་པདྨ་རྒྱལ་པོའི་སྐུར་གྱུར་པར་བསྒོམ། བླ་མ་ཡིན་ན་འགྲོ་དོན་ཆེ་བ་དང་ཡོན་ཏན་མཁས་པ་ཡིན་ན་ཕན་

[Full Size]

ཐོགས་ཆེ་བ་དང་ཕལ་པ་ཡིན་ན་ཉམས་རྟོགས་སྐྱེ་བར་འདོད་ན། གཙོ་འཁོར་ཐམས་ཅད་ཉི་མ་འོད་ཟེར་ལ་ཐིམ་ནས། ཉི་མ་འོད་ཟེར་རང་ལ་ཐིམ་པས་རང་ཉི་མ་འོད་ཟེར་གྱི་སྐུར་གྱུར་པར་བསྒོམ། སྒོམ་ཆེན་ཡིན་ན་ཚེ་འདིར་ལོངས་སྤྱོད་འདུ་ལོང་གི་སྒོམ་སྒྲུབ་ཀྱི་བར་ཆད་མི་འབྱུང་བ་དང་། རབ་བྱུང་ཡིན་ན་ཉོན་མོངས་པའི་དབང་དུ་མི་ཤོར་བས་ཚུལ་ཁྲིམས་ལ་བར་ཆད་མི་འབྱུང་བ་དང་། ཕལ་པ་ཡིན་ན་ཚེ་རབས་ཐམས་ཅད་དུ་ལུས་ལ་ན་ཚ་དང་དུས་མ་ཡིན་པའི་འཆི་བ་མི་འབྱུང་བ་དང་། དགེ་བཤེས་ཡིན་ན་སངས་རྒྱས་ཀྱི་བསྟན་པ་ལ་ཕན་པའི་བྱ་བ་རྒྱ་ཆེན་པོ་བསྒྲུབ་པར་འདོད་ན། གཙོ་འཁོར་ཐམས་ཅད་ཤཱཀྱ་སེངྒེ་ལ་ཐིམ་ནས། ཤཱཀྱ་སེང་གེ་རང་ལ་ཐིམ་པས། རང་ཤཱཀྱ་སེང་གེར་གྱུར་པར་བསྒོམ་མོ། །དགེ་བཤེས་ཡིན་ན་བགྲོ་གླེང་རྩོད་པ་ལས་རྒྱལ་བ་དང་། ཕལ་པ་ཡིན་ནའང་བན་བྱད་བོན་བྱད་དང་མུ་སྟེགས་ཀྱི་བྱད་ཁ་དང་། གཟའ་ཀླུ་ཆོས་སྐྱོང་གི་གནོད་པ་མི་འབྱུང་ཞིང་། བཀའ་སྲུང་དཀོར་བདག་གི་འཁུ་ལྡོག་མི་འབྱུང་བ་དང་ཐམས་ཅད་བཟློག་པར་འདོད་ན། གཙོ་འཁོར་ཐམས་ཅད་སེང་གེ་སྒྲ་སྒྲོག་ལ་ཐིམ་ནས། སེང་གེ་སྒྲ་སྒྲོག་རང་ལ་ཐིམ་པས་རང་སེང་གེ་སྒྲ་སྒྲོག་གི་སྐུ་གྱུར་

[Full Size]

པར་བསྒོམ་མོ། །བླ་མ་དང་སྔགས་པ་ཡིན་ན་ལྷ་སྲིན་སྡེ་བརྒྱད་ལ་བཀའ་གང་བསྒོས་ཉན་པ་དང་། ཕལ་པ་ཡིན་ནའང་སྡེ་བརྒྱད་ཡུལ་ལྷ་ཐམས་ཅད་ཀྱི་གནོད་པས་མི་ཚུགས་ཤིང་སྡོང་གྲོགས་བྱེད་པར་འདོད་ན། གཙོ་འཁོར་ཐམས་ཅད་རྡོ་རྗེ་གྲོ་ལོད་ལ་ཐིམ་ནས། རྡོ་རྗེ་གྲོ་ལོད་རང་ལ་ཐིམ་པས་རང་རྡོ་རྗེ་གྲོ་ལོད་དུ་གྱུར་པར་བསྒོམ་མོ། །མཆོག་ཐུན་མོང་གི་དངོས་གྲུབ་ཅི་ཡང་འགྲུབ་ཅིང་ཚེ་རིང་བར་འདོད་ན། གུ་རུ་མཚན་བརྒྱད་ཁ་དེ་གཙོ་བོའི་ཕྱག་གཡོན་བྷནྡྷའི་ནང་གི་ཚེ་བུམ་ལ་ཐིམ་ནས། འཆི་མེད་ཚེ་ཡི་བདུད་རྩི་དེ་ཕྱུར་ཞིང་། །མར་བབས་པས་རང་གི་སྤྱི་བོ་ཚངས་པའི་བུ་ག་ནས་ཞུགས། རྐང་མཐིལ་ཡན་ཆད་སྤྱི་གཙུག་མན་ཆད་ཚེའི་བདུད་རྩིའི་ངང་ལྟེམ་གྱིས་གང་ནས། ནད་གདོན་ཆེའི་བར་ཆད་ཐམས་ཅད་བ་སྤུའི་བུ་ག་དང་འོག་སྒོ་དང་རྐང་མཐིལ་གཉིས་ནས་རྣག་ཁྲག་དང་འབུ་སྲིན་གྱི་གཟུགས་སུ་ནག་ཉིལ་གྱིས་ཕྱིར་ཐོན། སྤྱི་བོའི་པད་སྡོང་པདྨ་དང་བཅས་པ་གཙོ་བོ་ལ་ཐིམ། གཙོ་བོ་ཨོ་རྒྱན་སྐུ་དེ་ཇེ་ཆུང་དུསོང་ནས་སོར་གང་ཙམ་གཟི་བརྗིད་དང་ལྡན་པར་གྱུར་ནས་རང་གི་ཚངས་བུག་ནས་མར་བྱོན་སྙིང་གར་ཕེབས་པ་དང་། རང་གི་སྙིང་དེ་པདྨ་དམར་པོ་འདབ་མ་བརྒྱད་པ་ཅུང་

[Full Size]

ཟད་ཁ་བྱེ་བའི་དབུས་སུ་ཟེའུ་འབྲུའི་སྟེང་དུ་བཞུགས་པ་ཙམ་གྱིས་ཨོ་རྒྱན་སྤྲུལ་སྐུ་དེ་གནས་འགྱུར་ནས། གུ་རུ་ཚེ་དཔག་མེད་མཚོ་སྐྱེས་རྡོ་རྗེ་སྐུ་མདོག་བྱི་རུའི་ལྟ་བུའི་ཞལ་གཅིག་སྤྱན་གསུམ་ཐོར་ཚུགས་ཅན། ཕྱག་གཉིས་མཉམ་བཞག་གི་སྟེང་ན་ཚེ་བུམ་འཛིན་པ་རྡོ་རྗེའི་སྐྱིལ་ཀྲུང་གིས་བཞུགས་པའི་པང་དུ་ཡུམ་མནྡཱ་ར་བ་དམར་མོ་གཅེར་བུ་ཚེ་མདའ་དང་ཚེ་བུམ་འཛིན་པས་འཁྱུད་པ། ཡབ་ཡུམ་གཉིས་ཀ་དར་དང་རིན་པོ་ཆེ་དང་རུས་པའི་རྒྱན་དྲུག་གིས་བརྒྱན་པ། སྐུ་སོར་གང་ཙམ་ཞིག་རྟག་ཏུ་བཞུགས་པར་བསྒོམ་མོ། །དེ་ནི་རྣམ་ཐར་དྲན་པའི་སྒོ་ནས་གསོལ་བ་བཏབ་སྟེ་དངོས་གྲུབ་སོ་སོར་ཞུ་བའི་གདམས་ངག་སྟེ། ལེའུ་ལྔ་པའི་དམིགས་རིམ་ཟབ། །ཨྠྀི།། །།དེ་ནས་རང་གི་སྤྱི་བོར་པདྨ་འདབ་མ་བཞི་པའི་དབུས་སུ། །སྐུ་མཆོག་བུདྨ་ཐོད་ཕྲེང་རྩལ་སྐུ་མདོག་དཀར་པོ་འཁོར་ལོ་དྲིལ་བུ་འཛིན་ཅིང་རྡོ་རྗེ་ཕག་མོ་དམར་མོ་ལ་འཁྱུད་པ། མདུན་ངོས་དེར་ཐུགས་མཆོག་རྡོ་རྗེ་ཐོད་ཕྲེང་རྩལ་མཐིང་ཀ་རྡོ་རྗེ་དང་དྲིལ་བུ་འཛིན་པ་རྡོ་རྗེ་མཁའ་འགྲོ་སྔོན་མོ་ལ་འཁྱུད་པ། གཡས་སུ་ཡོན་ཏན་རཏྣ་ཐོད་ཕྲེང་རྩལ་སེར་པོ་རིན་ཆེན་དྲིལ་བུ་འཛིན་ནས་རིན་ཆེན་མཁའ་འགྲོ་སེར་མོ་ལ་འཁྱུད་པ། རྒྱབ་ཏུ་

[Full Size]

གསུང་མཆོག་པདྨ་ཐོད་ཕྲེང་རྩལ་དམར་པོ་པདྨ་དང་དྲིལ་བུ་འཛིན་པ་པདྨ་མཁའ་འགྲོ་དམར་མོ་ལ་འཁྱུད་པ། གཡོན་ཏུ་ཕྲིན་ལས་ཀརྨ་ཐོད་ཕྲེང་རྩལ་ལྗང་གུ་ཕྱག་གཡས་རྡོ་རྗེ་རྒྱ་གྲམ་དང་གཡོན་དྲིལ་བུ་འཛིན་པ་ལས་ཀྱི་མཁའ་འགྲོ་ལྗང་མོ་ལ་འཁྱུད་པ། ལྔ་ཀའང་ཞལ་ཁྲོ་འཛུམ་འགྱིང་བག་གཟི་བརྗིད་འབར་བ། འཁོར་ལོས་སྒྱུར་བའི་ཆ་བྱད་དང་རིན་པོ་ཆེ་དང་རུས་པའི་རྒྱན་ཆ་ཅན། ཟ་འོག་གི་སྨུག་བེར་ཤ་བའི་སྙན་ཞུ་རྒོད་སྒྲོ་དར་གྱི་ཅོད་པན་འཕུར་བ། གྲུ་མོ་ན་ཁ་ཊཾ་བརྟེན་ཅིང་ཞབས་ཕྱེད་སྐྱིལ་ཉི་ཟླའི་གདན་ལ་བཞུགས་པ། །ཡུམ་རྣམས་གཅེར་བུ་གྲི་གུག་ཐོད་ཁྲག་གིས་འཁྱུད་ཅིང་བཅུ་དྲུག་ལོན་པའི་ན་ཚོད་ཅན་རུས་པའི་རྒྱན་དྲུག་གིས་བརྒྱན་པའོ། །དབུས་མའི་ཡབ་ཀྱི་ཐུགས་ཀར་ཨོཾ། ཡུམ་གྱི་ཐུགས་ཀར་ཧཱུྃ༔ ཤར་གྱི་ཡབ་ཡུམ་ཐུགས་ཀར་ཧཱུྃ་དང་ཧཱ། གཡས་ཀྱི་ཡབ་ཡུམ་ཐུགས་ཀར་ཧཱུྃ་དང་རི། རྒྱབ་ཀྱི་ཡབ་ཡུམ་ཐུགས་ཀར་ཧཱུྃདང་ནི། གཡོན་གྱི་ཡབ་ཡུམ་ཐུགས་ཀར་ཨཱཿདང་ས། དེ་རྣམས་ལས་འོད་ཟེར་འཕྲོས་པས་རྔ་ཡབ་གླིང་ནས་གུ་རུ་སྐུ་ལྔ་ཡབ་ཡུམ་སྤྱན་དྲངས་དབྱེར་མེད་དུ་ཐིམ་པར་བསྒོམ། ཨེ་མ་ཧོ༔ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔ མགོན་

[Full Size]

པོ་ཚེ་དཔག་མེད་ཀྱི། ཞེས་སོགས་ནས། འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་དུ་གསོལ༔ ཞེས་པའི་བར་གྱིས་གསོལ་བཏབ་པས། ཡབ་ཡུམ་རྣམས་སྙོམས་པར་ཞུགས་པའི་སྒྲས། ཕྱོགས་བཅུའི་བླ་མ་ཡི་དམ་སངས་རྒྱས་བྱང་སེམས་ཐམས་ཅད་ཁ་བ་བུ་ཡུག་ལྟར་སྤྱན་དྲངས་ལ། ཡབ་རྣམས་ཡབ་ལྔའི་ཞལ་དུ་ཞུགས། ཡུམ་རྣམས་ཡུམ་ལྔའི་ཞལ་དུ་ཞུགས་བདུད་རྩིར་ཞུ་སྟེ། ཡབ་ཡུམ་བཅུའི་སྦྱོར་མཚམས་ནས་བདུད་རྩི་བྱང་སེམས་དཀར་དམར་གྱི་རྒྱུན་བབ་སྟེ། རང་གི་སྤྱི་བོ་ཚངས་པའི་བུ་ག་ནས་ཞུགས། སྤྱི་བོ་བདེ་ཆེན་གྱི་འཁོར་ལོ་གང་སྐུའི་དམ་ཚིག་ཉམས་ཆག་ཐམས་ཅད་བསྐངས། གཟུགས་ཀྱི་ཕུང་པོ་དང་སེམས་ནམ་མཁའི་ཁམས་བུདྡྷ་ཐོད་ཕྲེང་རྩལ་ཡབ་ཡུམ་གྱི་ངོ་བོར་གནས་འགྱུར། བདུད་རྩི་མར་བབས་མགྲིན་པ་ལོངས་སྤྱོད་ཀྱི་འཁོར་ལོ་གང་། གསུང་གི་དམ་ཚིག་ཉམས་ཆག་བསྐངས་ནས་འདུ་ཤེས་ཀྱི་ཕུང་པོ་དང་དྲོད་ཀྱི་ཁམས་པདྨ་ཐོད་ཕྲེང་རྩལ་ཡབ་ཡུམ་གྱི་ངོ་བོར་གྱུར། བདུད་རྩི་མར་བབས། སྙིང་ཁ་ཆོས་ཀྱི་འཁོར་ལོ་གང་ཐུགས་ཀྱི་དམ་ཚིགས་ཉམས་ཆག་བསྐངས་ནས་རྣམ་ཤེས་ཀྱི་ཕུང་པོ་ཁྲག་གི་ཁམས་རྡོ་རྗེ་ཐོད་ཕྲེང་རྩལ་ཡབ་ཡུམ་གྱི་ངོ་བོར་གྱུར།

[Full Size]

བདུད་རྩི་མར་བབས། ལྟེ་བ་སྤྲུལ་པའི་འཁོར་ལོ་གང་། རྩ་བའི་དམ་ཚིག་ཉམས་ཆག་བསྐངས་ནས་ཚོར་བའི་ཕུང་པོ་དང་ཤའི་ཁམས་རཏྣ་ཐོད་ཕྲེང་རྩལ་ཡབ་ཡུམ་གྱི་ངོ་བོར་གྱུར། བདུད་རྩི་མར་བབས་གསང་གནས་བདེ་སྐྱོང་གི་འཁོར་ལོ་གང་། ཡན་ལག་གི་དམ་ཚིག་ཉམས་ཆག་བསྐངས། འདུ་བྱེད་ཀྱི་ཕུང་པོ་དང་དབུགས་ཀྱི་ཁམས་ཀརྨ་ཐོད་ཕྲེང་རྩལ་ཡབ་ཡུམ་གྱི་ངོ་བོར་གྱུར། བདུད་རྩི་རྐང་མཐིལ་ནས་སྤྱི་གཙུག་གི་བར་ལྟེམ་གྱིས་གང་ནས་གུ་རུ་སྐུ་ལྔ་ཡབ་ཡུམ་གདན་དང་བཅས་པ་འོད་དུ་ལྟེམ་གྱིས་ཞུ་ནས་རང་ལ་དབྱེར་མེད་དུ་ཐིམ་པས་དུག་ལྔ་རྣམ་པར་དག །ཡེ་ཤེས་ལྔ་མངོན་དུ་འཆར། སྐུ་ལྔ་ལྷུན་གྱིས་གྲུབ་པར་བསྒོམ། དེ་ནས་ངོ་བོ་སངས་རྒྱས་ཐམས་ཅད་འདུས་པའི་རིགས་ལྔར་དྲན་པའི་སྒོ་ནས་གསོལ་བ་འདེབས་ཤིང་། དམ་ཚིག་ཉམས་ཆག་སྦྱོང་བ་སྟེ། ལེའུ་དྲུག་པའི་དམིགས་རིམ་ཟབ། །ཨྠྀི།། །།དེ་ནས་ལེའུ་བདུན་པའི་ཞལ་ཤེས་ནི། ལས་ཀྱི་རྣམ་པར་སྨིན་པ་ནི་སྐྱོབ་མི་ནུས་ཏེ། སྔོན་གྲོང་ཁྱེར་སེར་སྐྱ་ན་མཐའ་འཁོབ་རྒྱལ་པོ་འཕགས་སྐྱེས་པོའི་དམག་གིས་ཤཱཀྱའི་རྒྱལ་རིགས་ལྔ་བརྒྱ་ལྷག་ཙམ་བསད་པའི་ཚེ། བཅོམ་ལྡན་འདས་རྒྱལ་བ་ཤཱཀྱ་ཐུབ་

[Full Size]

པ་དེ་ཉིད་བཞུགས་ཀྱང་སྐྱོབ་པར་མ་གྱུར་པ་དང་། རྫུ་འཕྲུལ་ཆེ་བའི་མཆོག་མོའུ་འགལ་གྱི་བུ་མུ་སྟེགས་རྣམས་ཀྱིས་སྐུ་འདམ་བུ་ལྟར་བརྡུང་བའི་ཚེ་རྫུ་འཕྲུལ་ཅུང་ཟད་ཀྱང་སྟོན་མ་ནུས་པ་ལྟ་བུའོ། །ཐེ་ཚོམ་དང་ཡིད་གཉིས་དང་དད་པ་ལྟེམ་རྐྱང་ཡོད་ན་མི་སྐྱོབ་སྟེ། ཐུགས་རྗེ་ཆེན་པོའི་གཟུངས་ཀྱི་ཕན་ཡོན་རྣམས་ལས། ཐེ་ཚོམ་གྱི་རྣམ་པ་ཅུང་ཟད་སྐྱེས་ན་དེ་ཐམས་ཅད་མི་འགྲུབ་བོ། །ཞེས་གསུངས་པ་ལྟ་བུའོ། །སྔོན་ནས་ཡུན་རིང་དུ་གསོལ་བ་བཏབ་ནས། བྱིན་རླབས་ཞུགས་པའི་རྟགས་ཅུང་ཟད་མཐོང་དགོས་ཀྱི། གྲུ་ཁའི་སྐྱབས་འགྲོ་ལྟ་བུས་སྐྱོབ་པར་དཀའོ། །དེ་ལྟ་བུ་རྣམས་མ་ཡིན་པར་དད་པ་བརྟན་པོས་སྔོན་ནས་ཡུན་རིང་གསོལ་བ་བཏབ་ནས། ཐུགས་རྗེ་བྱིན་རླབས་ཞུགས་པའི་རྟགས་དང་མཚན་མ་ཅུང་ཟད་ཐོན་པར་བྱས་ནས་འཕྲལ་དུ་འདོད་དོན་གང་དགོས་གསོལ་བ་བཏབ་ན་འགྲུབ་བོ། །དེ་འགྲུབ་ན་རང་ཉིད་ནུས་པ་ཆེ་བའི་ང་རྒྱལ་མི་རུང་བས། གུ་རུའི་ཐུགས་རྗེ་བྱིན་རླབས་ཡིན་པར་ཤེས་ནས་སླར་ཡང་དད་གུས་མེ་ལ་ཤིང་བསྣན་པ་ལྟར་བྱ་དགོས་སོ། གལ་ཏེ་ཕྲིན་ལས་དེ་མ་འགྲུབ་ན་དད་པ་ལོག་པར་མི་བྱའོ། །ལས་ཀྱི་རྣམ་པར་སྨིན་པ་ནི་མ་གཏོགས་སོ། །ཞེས་གསུངས་

[Full Size]

པ་ལྟར་རྣམ་སྨིན་ཡིན་པ་ཤེས་པར་བྱའོ། །དཔེ་ཆ་ལ་ང་ཉིད་ཅེས་པ་གུ་རུའི་གསུང་ཚིག་བྲིས་པ་ཡིན། འདོན་དུས་ཨོ་རྒྱན་ཞེས་བསྒྱུར་བར་བྱའོ། །ཚིག་མཚམས་ཐམས་ཅད་དུ་བསམ་པ་ལྷུན་གྱིས་གྲུབ་པར་བྱིན་གྱིས་རློབས། ཞེས་དཔེ་འགའ་རེ་ལ་མེད་ཀྱང་བཙུད་པར་བྱའོ། །དང་པོ་ནི་རང་གི་སྤྱི་བོར་ཨོ་རྒྱན་རིན་པོ་ཆེ་བསྒོམས་ནས་གསོལ་བ་བཏབ་པས། གུ་རུའི་དཔྲལ་བ་ནས་འོད་ཟེར་དཀར་པོ་བྱུང་རང་གི་དཔྲལ་བར་ཐིམ་པས། གཏི་མུག་གི་སྒྲིབ་པ་དག་ནས་དུད་འགྲོའི་སྐྱེ་སྒོ་ཆོད། མགྲིན་པ་ནས་འོད་ཟེར་དམར་པོ་བྱུང་རང་གི་མགྲིན་པར་ཐིམ་པས། འདོད་ཆགས་ཀྱི་སྒྲིབ་པ་དག་ནས་ཡི་དྭགས་ཀྱི་སྐྱེ་སྒོ་ཆོད། ཐུགས་ཀ་ནས་འོད་ཟེར་མཐིང་ཀ་བྱུང་ནས་རང་གི་སྙིང་གར་ཐིམ་པས། ཞེ་སྡང་གི་སྒྲིབ་པ་དག་ནས་དམྱལ་བའི་སྐྱེ་སྒོ་ཆོད། ལྟེ་བ་ནས་འོད་ཟེར་སེར་པོ་བྱུང་ནས་རང་གི་ལྟེ་བར་ཐིམ་པས། ང་རྒྱལ་གྱི་སྒྲིབ་པ་དག་ནས་ལྷ་ཕམ་ལྟུང་དང་མི་བྲེལ་ཕོངས་ཀྱི་སྐྱེ་སྒོ་ཆོད། གསང་གནས་ནས་འོད་ཟེར་ལྗང་གུ་བྱུང་ནས་རང་གི་གསང་གནས་སུ་ཐིམ་པས། ཕྲག་དོག་གི་སྒྲིབ་པ་དག་ནས་ལྷ་མིན་གྱི་སྐྱེ་སྒོ་ཆོད། དེ་ནས་ཨོ་རྒྱན་རིན་པོ་ཆེ་རང་ལ་ཐིམ་པས་དུག་ལྔ་ཡེ་

[Full Size]

ཤེས་ལྔར་གནས་འགྱུར་བར་བསྒོམས་པས་དུག་ལྔའི་སྒོ་ནས་བསགས་པའི་སྡིག་སྒྲིབ་དག་ནས་འགྲོ་བ་རིགས་དྲུག་གི་སྐྱེ་སྒོ་ཆོད། ལས་ཚོགས་དང་པོའོ།། །།ཡང་དུ་རུཥའི་དམག་ཚོགས་ཆེན་པོས་འཇིགས་པ་བྱུང་ན། རང་ཉིད་འཕགས་པ་རྡོ་རྗེ་གྲོ་ལོད་སྐུ་མདོག་སྨུག་ནག་ཁྲོ་ཞལ་ཨམ་གཙིགས་བསྡམས་ཤིང་སྤྱན་གསུམ་བསྒྲད་པ། ཕྱག་གཡས་གསེར་གྱི་རྡོ་རྗེ་ཕྱར་ཞིང་གཡོན་གནམ་ལྕགས་ཀྱི་ཕུར་པས་ཕ་རོལ་ལ་གཟིར་བའི་རྩེ་ནས་གནམ་ལྕགས་ཀྱི་ཐོག་རྒོད་གྲངས་མེད་པ་འཕྲོ་བ། ཕོད་ཁ་ལྗང་གུ་དང་ཆོས་གོས་མི་མགོའི་ཕྲེང་བ་ཅན། ཐུགས་ཀར་ཧཱུྃ་དམར་ནག་ལས་མེ་འབར་བ། ཡེ་ཤེས་པ་དང་དམ་ཚིག་པ་དབྱེར་མེད་པའི་ངོ་བོ། ཞབས་གཉིས་བརྐྱང་བསྐུམ་བྱེད་ཀྱི་འདོར་ཐབས་ཀྱིས་རྒྱ་སྟག་དམར་པོ་རི་རབ་ཙམ་སྟག་སྐད་འབྲུག་ལྟར་ངུར་བའི་སྟེང་ན་བཞུགས་པ། རང་གི་སྤྱི་བོར་ཨོ་རྒྱན་ཀརྨ་ཐོད་ཕྲེང་རྩལ་སྐུ་མདོག་ལྗང་ནག་མཆེ་བ་ཅུང་ཟད་གཙིགས་ཤིང་སྤྱན་གསུམ་བསྒྲད་པ་ཕྱག་གཡོན་དྲིལ་བུ་དང་བཅས་པའི་སྡིགས་མཛུབ་ཕ་རོལ་ལ་གཟིར་བ། ཕྱག་གཡས་གནམ་ལྕགས་ཀྱི་རྡོ་རྗེ་ཐོག་རྒོད་འཕྲོ་བ་ནམ་མཁའ་ལ་ཕྱུར་བ། བེར་དང་པད་ཞྭ་ལྗང་ནག་དང་བེར་ལྗང་ནག་གཉིས་ཀྱི་སྟེང་ན་

[Full Size]

ཆོས་གོས་གསོལ་བ། ཞབས་དཔའ་བོ་གཡུལ་ལས་རྒྱལ་བའི་བཞུགས་སྟང་ཕྱེད་སྐྱིལ་ལ་གཡས་ཅུང་ཟད་བརྐྱངས་ནས་བཞུགས་པར་བསྒོམ། ཐུགས་ཀའི་ཧཱ་ཡིག་ལྗང་ནག་ལས་འོད་འཕྲོས་རྔ་ཡབ་ནས་དེ་བསྐྱེད་པ་ལྟ་བུ་སྤྱན་དྲངས་ལ་བསྟིམ་མོ། །གསོལ་འདེབས་བསམ་པ་ལྷུན་གྲུབ་མ་འདོན། དེ་ལྟར་གསོལ་བ་བཏབ་པས་གུ་རུའི་སྐུ་ལས་འོད་ཟེར་ལྗང་ནག་ཚྭ་ཞིང་རྩུབ་པའི་རེག་བྱ་ཅན་འཇིག་རྟེན་ཁྱབ་པར་འཕྲོས་པས། འཇིག་རྟེན་གྱི་ཁམས་ཀྱི་ལྷ་མ་སྲིན་སྡེ་བརྒྱད། སྡེ་དཔོན་སུམ་ཅུ། དཔལ་མགོན་བདུན་ཅུ། དྲེགས་ཆེན་བཅོ་བརྒྱད། མགུར་ལྷ་བཅུ་གསུམ། བརྟན་མ་བཅུ་གཉིས། དགེ་བསྙེན་ཉེར་གཅིག །ཐམས་ཅད་སྔོན་གྱི་དམ་ཚིག་རྗེས་སུ་དྲན་ནས། གོ་གྱོན་མཚོན་ཐོགས་ཏེ་དམག་དཔུང་གི་གཟུགས་སུ་སྐད་ཅིག་ཉིད་ལ་སྤྲིན་ནག་ལྟར་འཐིབས་ནས་ཕ་རོལ་གྱི་དམག་ཚོགས་ཐམས་ཅད་རང་དབང་མེད་པར་བཟློག་པར་བསྒོམ་མོ། །ལས་ཚོགས་གཉིས་པའོ།། རང་ངམ་གཞན་ལ་ནད་ཀྱིས་ཐེབས་པའི་དུས་སུ་སྤྱི་བོར་ཨོ་རྒྱན་པད་ཞྭ་ཆོས་གོས་ཅན་གཞུང་ལྟར་བསྒོམ་པའི་ཕྱག་གཡོན་ཚེ་བུམ་ནང་དུ་སངས་རྒྱས་སྨན་གྱི་བླ་བསྒོམ་པའི་ཐུགས་ཀར་ཧཱུཾ་སྔོན་

[Full Size]

པོ་དེ་ལས་འོད་ཟེར་འཕྲོས་པས། རྔ་ཡབ་ནས་ཨོ་རྒྱན་དང་ཤར་ཕྱོགས་ཀྱི་ཞིང་ཁམས་བཻཌཱུརྱ་སྣང་བ་ནས་སྨན་བླ་སྤྱན་དྲངས་ལ་དབྱེར་མེད་དུ་བསྟིམ། གསོལ་འདེབས་ལ་བསམ་པ་ལྷུན་གྲུབ་མ་མང་དུ་བཏོན་ནས། ཕྱག་གཡོན་བུམ་པའི་ནང་སྨན་བླའི་སྐུ་ལས་བདུད་རྩིའི་རྒྱུན་བབས་ཏེ། བུམ་པའི་ཁ་ནས་ལུད་ནད་པའི་ཚངས་བུག་ནས་ཞུགས་ཏེ་ལུས་གང་དེ་ཡང་ཚད་པའི་ནད་ལ་བདུད་རྩི་དཀར་པོ་ག་པུར་གྱི་ཆུ་ལྟར་གྲང་སིལ་སིལ་བ། གྲང་བ་ལ་བདུད་རྩི་དམར་པོ་ལྕགས་སྲེག་གི་ཁུ་བ་ལྟར་ཚ་ཞིང་བསྲེགས་པ། རླུང་གི་ནད་ལ་བདུད་རྩི་སེར་པོ་འབྲུ་མར་བཞུས་པ་ལྟ་བུ། འདུས་པའི་ནད་ལ་བདུད་རྩི་ཁ་དོག་ལྔ་ལྡན་བསིལ་དྲོད་སྙོམས་པར་བབས། ཚད་པའི་ནད་ཐམས་ཅད་བཀྲུས། གྲང་བའི་ནད་ཐམས་ཅད་བསྲེགས། རླུང་གི་ནད་ལ་ཀོ་སྐམ་སྣུམ་གྱིས་བརླན་པ་ལྟ་བུ། འདུས་པའི་ནད་ལ་བ་མོ་ལ་ཉི་ཟེར་ཕོག་པ་ལྟར་བསྒོམས་ལ། མཐར་ཨོ་རྒྱན་དང་སྨན་བླ་འོད་དུ་ཞུ་ནས་གང་ན་ས་དེར་ཐིམ་པར་བསྒོམ། །ཁོལ་བུར་གཟེར་ན་གང་ན་ས་དེར་ཨོ་རྒྱན་སྨན་བླ་གོང་ལྟར་སྐུ་ཆུང་ངུ་བསྒོམས་ལ་གསོལ་བ་བཏབ་ནས་ན་ས་དེར་ཐིམ་པར་བསྒོམ་པར་བྱའོ། །ལས་ཚོགས་གསུམ་པའོ།།

[Full Size]

དབུལ་ཕོངས་དང་བཀྲེས་སྐོམ་དང་མུ་གེ་སེལ་བ་ནི། རང་གི་སྤྱི་བོར་པདྨ་འདབ་མ་སེར་པོ་འདབ་མ་སྟོང་ལྡན་གྱི་ལྟེ་བར་གུ་རུ་རཏྣ་ཐོད་ཕྲེང་རྩལ་སྐུ་མདོག་གསེར་བཙོ་མ་ལྟ་བུ། བེར་དང་པད་ཞྭ་ཆོས་གོས་ཐམས་ཅད་ཟ་འོག་སེར་པོ་རིན་ཆེན་ཆ་བདུན་རི་མོ་ཅན། སྐུ་ཤ་རྒྱས་ཤིང་གཟི་བརྗིད་དང་ལྡན་པའི་ཐུགས་ཀར་ཧཱུྃ་ཡིག་སེར་པོ་ལས་འོད་ཟེར་འཕྲོས་པས་རྔ་ཡབ་ནས་ཡེ་ཤེས་པ་སྤྱན་དྲངས་ལ་བསྟིམ། བསམ་པ་ལྷུན་གྲུབ་མའི་གསོལ་བ་བཏབ་པའི་སྐུ་ལས་འོད་ཟེར་སེར་པོ་འཇིག་རྟེན་ཁྱབ་པར་འཕྲོས་ནས། རྣམ་སྲས་རིགས་ལྔ་ཛཾ་ལྷ་རིགས་ལྔ་ལ་སོགས། གནོད་སྦྱིན་བྱེ་བ་བདུན་འབུམ་ནོར་རྒྱུན་མ་མཆེད་ལྔ་ལ་སོགས་ནོར་ལྷ་མོ་རིགས། མཁའ་འགྲོ་བྱེ་བ་འབུམ་སྡེ། ཚོགས་བདག །ཨ་པ་ར་ཙི་ཛི་ཏ། ས་ཡི་ལྷ་མོ་སོགས་དངོས་གྲུབ་ལ་དབང་བ་རྣམས་སྔོན་གྱི་དམ་ཚིག་རྗེས་སུ་དྲན་ནས་ན་བུན་འཐིབས་པ་ལྟར་སྐད་ཅིག་ལ་འདུས་ནས། ལ་ལས་རིན་པོ་ཆེའི་ཆར། ལ་ལས་འབྲུའི་ཆར། ལ་ལས་ཟས་དང་གོས་ཀྱི་ཆར་འབེབས་པར་བསམས་ལ། མཐར་ཨོ་རྒྱན་རང་ལ་ཐིམ་པར་བསྒོམས་པས་དབུལ་ཕོངས་འབྱུང་བའི་ལས་ཀྱི་སྒྲིབ་པ་དག་ནས་རང་ཉིད་རཏྣ་ཐོད་ཕྲེང་རྩལ་དུ་

[Full Size]

གྱུར་པར་བསྒོམ། ལས་ཚོགས་བཞི་པའོ།། །།སྔོན་གཏེར་སྟོན་རཏྣ་གླིང་པས། ཁྱུང་ཚང་བྲག་ནས་གཏེར་དང་པོ་བཏོན་དུས་བྲག་བརྐོས་པས། སེར་བ་བྱ་སྒོང་ཙམ་དང་རྡོ་ཡི་ཆར་པ་ལུག་མགོ་ཙམ་འུར་སྒྲ་དང་བཅས་ནས་བབས་པས། རོགས་ཐམས་ཅད་སྐྲག་ནས་ངུ་འབོད་བྱས་པས། གཏེར་སྟོན་གྱིས་ཨོ་རྒྱན་ལ་གསོལ་བ་བཏབ་པས། ང་ཁྱེད་ཀྱི་ལུང་བསྟན་པའི་གཏེར་སྟོན་ཡིན་ན་ཆོ་འཕྲུལ་འདི་ཙམ་མ་བཏང་། མིན་ན་ཅི་འདོད་གྱིས་གསུངས་པས། སེར་བ་དང་རྡོའི་ཆར་བབ་པ་ཆད་ནས་གཏེར་རྣམས་ཐོན་པ་དང་། ལྷོ་བྲག་མཁར་ཆུ་ནས་ཁྲོམ་བསྡུས་ནས་གཏེར་འདོན་གསུངས་ནས་བྲག་བརྐོས་པས་གཏེར་མ་རྙེད་པ་ལ། ཁྲོམ་རྣམས་ཀྱིས་རྫུན་རེད་སྨྲ་དོགས་ནས། ཨོ་རྒྱན་ལ་གསོལ་བ་བཏབ་པས། གཏེར་བདག་དགེ་བསྙེན་མཁའ་རི་མི་དཀར་རྟ་དཀར་ཅན་དངོས་སུ་བྱུང་ནས། བྲག་ལ་ལྕག་ཚན་བཙུགས་ནས་གཏེར་འདི་ན་ཡོད། ངས་ཕ་ནོར་བུ་ལ་འཕྲོད་ནས་ཡོད་དོ་ཟེར་བ་ཁྲོམ་ཀུན་གྱིས་དངོས་སུ་མཐོང་ཞིང་གཏེར་ཐོན་ནས། རཏྣ་གླིང་པ་ལ་ཐམས་ཅད་ཡིད་ཆེས་པར་གྱུར་པ་ལྟ་བུ་ཡིན་ལ། སྔོན་སྤྲེའུ་བྱང་ཆུབ་སེམས་དཔའ་བྲག་སྲིན་མོའི་བུ་སྤྲེའུ་ཕྲུག་བོད་ཀྱི་མིའི་ས་བོན་

[Full Size]

དུ་གྱུར་པ་དེ་རྣམས་མ་སོས་ནས། སྤྲེའུ་པོ་ཏ་ལར་སོང་ནས། ཐུགས་རྗེ་ཆེན་པོ་ལ་ཞུས་པས་འབྲུ་སྣ་ལྔའི་སྤར་གང་བོད་དུ་གཏོར་བ་ལས་འབྲུ་སྣ་ལྔ་འཁྲུངས། རིན་པོ་ཆེའི་ཕྱེ་མ་སྤར་གང་བོད་དུ་གཏོར་བ་ལས་གསེར་ཁ་དངུལ་ཁ་ལྕགས་ཁ་ཟངས་ཁ་སོགས་གཏེར་རྣམས་འབྱུང་བར་བཤད་པས། གསེར་དངུལ་ཟངས་ལྕགས་བརྐོ་བ་དང་བཞུ་བ་ཡང་དོན་ལ་གཏེར་ཡིན་པས། རང་གི་སྤྱི་བོར་ཨོ་རྒྱན་སེར་པོ་ཕྱག་གཡས་ནོར་བུ་དང་རིན་པོ་ཆེ་དང་གཡོན་བྷནྡྷའི་སྟེང་དུ་གཏེར་གྱི་བུམ་པ་འཛིན་པར་བསྒོམ། རྔ་ཡབ་གླིང་ནས་སྤྱན་དྲངས་ལ་བསྟིམས་ནས་བསམ་པ་ལྷུན་གྲུབ་མའི་གསོལ་བ་བཏབ་པས། སྐུ་ལས་འོད་ཟེར་འཕྲོས་ཡུལ་དེའི་གཏེར་བདག་ལྷ་འདྲེ་རྣམས་ལ་ཕོག་པས། སྔོན་གྱི་དམ་ཚིག་རྗེས་སུ་དྲན་ཏེ་སེར་སྣའི་མདུད་པ་ལས་གྲོལ་ནས། གཏེར་ཁ་ཐམས་ཅད་ཨོ་རྒྱན་ལ་འབུལ་བའི་ཚུལ་གྱིས། ས་འོག་གི་རིན་པོ་ཆེ་ཅི་ཡོད་པ་ཐམས་ཅད་རྫ་རི་ཉིལ་བ་ལྟར་བཏོན་ཅིང་བྱིན་པར་བསམ། མཐར་ཨོ་རྒྱན་རང་ལ་ཐིམ་པས་རང་རཏྣ་ཐོད་ཕྲེང་རྩལ་དུ་གྱུར་པར་བསྒོམ། ལས་ཚོགས་ལྔ་པའོ།། །།ཡང་འབྲས་མོ་ལྗོངས་དང་། པདྨ་བཀོད་དང་། བྱང་འབྲས་མོ་གཤོངས་

[Full Size]

དང་། གྲོ་བོ་ལུང་དང་། ལི་ཡུལ་ཆུང་བ་དང་། སྦས་པའི་ཡུལ་ཆེ་ཆུང་རྣམས་སུ་འགྲོ་དུས་སམ། ཙཱ་རི་གངས་ཀྱི་ར་བ། ཡོལ་མོ་གངས་ཀྱི་ར་བ། གནོད་སྦྱིན་གངས་ཀྱི་ར་བ་སོགས། ཨོ་རྒྱན་རིན་པོ་ཆེའི་དབེན་གནས་གངས་ཆེན་ཉི་ཤུ་རྩ་གཅིག་ལ་སོགས་གནས་ཆེན་རྣམས་སུ་འགྲོ་བའི་དུས། རང་ཉིད་སྤྱི་བོར་ཨོ་རྒྱན་རིན་པོ་ཆེ་སྤྲུལ་སྐུའི་ཆ་ལུགས་ཕྱག་གཡས་རྡོ་རྗེ་དང་བཅས་པའི་སྐྱབས་སྦྱིན་ཅན། རང་གི་མདུན་ཕ་ཀིར་ཨོ་རྒྱན་གཅེར་བུ་ཨ་ཙ་རའི་གཟུགས་ཌཱ་མ་རུ་འཁྲོལ་ཞིང་གར་བྱེད་པས་ལམ་སྣ་ཁྲིད་པར་བསྒོམས་ལ། རྔ་ཡབ་ནས་ཡེ་ཤེས་སེམས་དཔའ་སྤྱན་དྲངས་ལ་བསྟིམ་མོ། །བསམ་པ་ལྷུན་གྲུབ་མ་བཏོན་ལ་གསོལ་བ་བཏབ་པས་ཨོ་རྒྱན་གྱི་སྐུ་ལས་འོད་ཟེར་དམར་པོ་ཚ་ཞིང་སྲེག་པ་འཕྲོས། གནས་ཀྱི་གཞི་བདག་རྣམས་དང་སྒོ་སྲུང་རྣམས་ལ་ཕོག་པས། སྔོན་གྱི་དམ་ཚིག་རྗེས་སུ་དྲན་ནས་ཐམས་ཅད་ཀྱི་ལམ་སྣ་ཁྲིད་ཅིང་སྣང་སྲིད་ལྷ་འདྲེ་ཐམས་ཅད་ཀྱི་དབང་པོའི་སྒོ་ལྔ་ནས་མེ་དཔུང་འུ་རུ་རུ་འབར་བས་ཁ་ཆར་བུ་ཡུག་བཅད་པར་བསྒོམ། གནས་དེ་རྣམས་སུ་ཆོས་ཁོ་ན་བསམས་ནས་འགྲོ་ན། རབ་ཨོ་རྒྱན་དངོས་འབྲིང་སྤྲུལ་པའི་བྱ་རིགས་རི་དྭགས་ཐ་མ་ཉམས་རྨི་ལམ་དུ་

[Full Size]

ལམ་སྟོན་པར་ཐེ་ཚོམ་མེད་གསུངས་སོ། །ལས་ཚོགས་དྲུག་པའོ།། །།ཡང་འབྲོག་ཅེས་པ་ས་སྟོང་དུ་གཅན་གཟན་དུག་སྦྲུལ་སོགས་ཀྱིས་སྐྲག་ན། སྤྱི་བོར་ཨོ་རྒྱན་ཕྱག་གཡས་རྡོ་རྗེ་དང་བཅས་པའི་སྐྱབས་སྦྱིན་ཅན་བསྒོམས་ནས་བསམ་པ་ལྷུན་གྲུབ་མའི་གསོལ་བ་བཏབ་པས། ཨོ་རྒྱན་གྱི་སྐུ་ལས་འོད་ཟེར་འཇིག་རྟེན་ཁྱབ་པར་འཕྲོས་པས། རྒྱ་གར་གྱི་དུར་ཁྲོད་བརྒྱད་ཨོ་རྒྱན་རང་བྱུང་གི་དུར་ཁྲོད་དང་དགུ་ནས། གིང་ཕོ་དགུ་གིང་མོ་དགུ་ཐམས་ཅད་གཅེར་བུ་རུས་པའི་རྒྱན་དྲུག་ཅན། ལག་ན་རྗེའི་ཆུང་ཐོགས་པ་དང་། དུར་ཁྲོད་ཀྱི་སྲུང་མ་ཀེང་རུས་ཕོ་མོ་ལག་ན་དབྱུག་ཐོ་དང་སྦྲུལ་ཞགས་ཐོགས་པ། ལྷ་མོ་ལྕགས་སྒྲོག་མ་ལྗང་མོ་ལག་ན་ལྕགས་སྒྲོག་ཐོགས་པ་མང་པོ་བྱུང་ནས་རང་གི་མཐའ་བསྐོར་ནས་ཞལ་ཕྱིར་གྱུས་ཏེ་ཀུ་སྒྲ་དང་བསྔོ་སྒྲ་དང་བཤུད་གླུ་དང་ང་རོའི་སྒྲས་གཅན་གཟན་བསྐྲད་པར་བསྒོམ་མོ། །ལས་ཚོགས་བདུན་པའོ།། །།རི་ཉིལ་བ་དང་བྲག་ཞིག་པ་དང་ས་ལོག་ས་འགུལ་སོགས་འབྱུང་དོགས་ན། རང་ཨོ་རྒྱན་སེར་པོ་ཕྱག་གཉིས་ས་གནོན་མཛད་པ་ཞབས་རྡོ་རྗེའི་སྐྱིལ་ཀྲུང་གིས་ས་ཆ་དེ་ཁྱབ་པར་བསྒོམས་ནས་གསོལ་བ་བཏབ་པས། ཨོ་རྒྱན་

[Full Size]

རིན་པོ་ཆེ་ལས་འོད་ཟེར་སེར་པོ་འཕྲོས་པས། ས་བདག་ལྟོ་འཕྱེ་དང་ལྷ་མོ་བརྟན་མ་དང་། ས་འཛིན་ལག་པ། ས་བདག་དབང་ཆེན། བློན་པོ་ཤྲཱི་བྷ་དྲ་ཐམས་ཅད་རང་དབང་མེད་པར་འདུས་ནས་ས་གཞི་མི་གཡོ་ཞིང་བརྟན་པའི་ཕྲིན་ལས་སྒྲུབ་པར་བསྒོམས་ལ་མཐར་ཨོ་རྒྱན་ས་ཆ་དེ་ལ་ཐིམ་པར་བསྒོམ་མོ། །མཁར་ཁང་འགྱེལ་དོགས་ནའང་དེ་བཞིན་དུ་ཨོ་རྒྱན་མཁར་ཁང་ལ་བསྟིམ་མོ། །ལམ་ངན་དང་གཡང་ས་ལ་འགྲོ་དུས་མི་ཕྱུགས་རྦབ་དོགས་ན། གཡང་སའི་ཐད་ཀྱི་བར་སྣང་ལ་ཨོ་རྒྱན་སྐུ་ཤིན་ཏུ་ཆེ་བ་ཕྱག་གཡས་སྐྱབས་སྦྱིན་གྱིས་གཡང་ས་དེ་རྭ་བའི་ཚུལ་དུ་གཡོར་བར་བསྒོམ་མོ། །དེ་དག་ནི་སའི་འཇིགས་པ་སེལ་བའོ། །གྲུ་ལོག་དོགས་པའམ། རབ་མི་ཆོད་དོགས་སམ། ཟམ་པ་ལས་བྲུལ་དོགས་སམ། བྲེང་ངམ་ལྕགས་ཐག་ཆད་དོགས་ན། ཆུའི་ཐད་བར་སྣང་ལ་ཨོ་རྒྱན་གཞུང་ལྟར་ལ་ཕྱག་གཡས་སྐྱབས་སྦྱིན་མཛད་པ། ཕྱག་སྐྱབས་སྦྱིན་དེས་ཆུའི་ཕར་ཀ་ཚུར་ཀ་ཐམས་ཅད་ཁེབས་པར་བསྒོམ། ཨོ་རྒྱན་གྱི་སྐུ་ལས་འོད་ཟེར་འཕྲོས་པས་ཆུ་བདག་ཀླུ་བདུད་ཀླུ་བཙན་ཐམས་ཅད་ལ་ཕོག་པས་སྔོན་གྱི་ཁས་བླངས་དྲན་ནས་གནོད་པ་མི་བྱེད་པར་ཆུ་ལས་སྒྲོལ་བའི་སྡོང་གྲོགས་

[Full Size]

བྱེད་པར་བསམ། ཆུ་ལས་སྒྲོལ་ཚར་ནས་ཨོ་རྒྱན་རང་ལ་བསྟིམ་མོ། །སེར་བ་བཅས་ནས་བྱུང་ན་སེར་སྤྲིན་གྱི་དཀྱིལ་དུ་རྡོ་རྗེ་གྲོ་ལོད་བསྒོམ། སྐུ་ལས་མེ་འབར་བས་སེར་སྤྲིན་དེ་མེའི་ཕུང་པོར་གྱུར་པར་བསྒོམས་ལ་གསོལ་བ་བཏབ་པས་སེར་བ་ཞུའོ། །སེར་བ་རྒྱབ་བྱུང་ན་སེར་བའི་གདོང་ལ་རྡོ་རྗེ་གྲོ་ལོད་ཞལ་ཕར་གཟིགས་ནས་སྐུ་ལས་མེ་ཕུང་ཉྩ་འཚུབ་མ་བསྐལ་པའི་འཐོར་རླུང་ལྟ་བུས་སེར་བ་ཕར་བཟློག་པར་བསྒོམ། སྡིགས་མཛུབ་ཀྱིས་ཞིང་མེད་ས་ལ་སེར་ལམ་བསྟན་པར་བྱའོ། །ཤུ་འུད་ཀྱིས་ཡུལ་དང་ཞིང་ཁྱེར་དོགས་ན། །ཤཱའི་འུད་ཀྱི་སྣར་ཐོ་ཆེན་པོ་བརྩེགས་པའི་ནང་དུ་གནས་ཆེན་ཐམས་ཅད་ཀྱི་ས་སྣ་དང་། ཨོ་རྒྱན་གྱི་སྐུའམ་བཛྲ་གུ་རུ་རྡོ་ལ་བྲིས་ནས་བཞག །ཐོ་དེ་སེང་གེ་སྒྲ་སྒྲོག་བྱ་ཁྱུང་གི་དབུ་བརྒྱན་ཡནས་ཞལ་ཕར་གཟིགས་པར་བསྒོམ། རྔ་ཡབ་ནས་ཡེ་ཤེས་པ་དེ་འདྲ་བ་དཔག་ཏུ་མེད་པ་སྤྱན་དྲངས་ལ་བསྟིམ། བསམ་པ་ལྷུན་གྲུབ་མའི་གསོལ་འདེབས་བརྒྱའམ་ཉེར་གཅིག་འདོན་ནས་ཐོ་ལ་རབ་གནས་བྱའོ། །གལ་ཆེ་ན་རབ་གནས་ལོ་དུས་སུ་བསྐྱར། ཁ་ཆར་ཆེ་ནས་གནོད་ན། རང་གི་སྤྱི་བོར་ཨོ་རྒྱན་སྐུ་ལས་མེ་དཔུང་འབར་བར་བསྒོམ། ནམ་མཁའ་ཐམས་ཅད་

[Full Size]

སྤྲུལ་པའི་མེའི་བྱ་ཁྱུང་གིས་གང་བ། ས་གཞི་ཐམས་ཅད་ལྕགས་སྲེག་གི་རང་བཞིན། དབུས་ཀྱི་རི་བོ་མཆོག་རབ་ལ་མེ་མར་མེའི་སྡོང་བུ་ལྟར་འབར་བ། ཨོ་རྒྱན་གྱི་སྐུའི་འོད་ཟེར་ཕོག་པས་སྣང་སྲིད་སྡེ་བརྒྱད་ཀྱི་ཁ་སྣ་མིག་རྣ་བ་རྣམས་ནས་མེ་དཔུང་འུ་རུ་རུ་འབར་བ། ཀླུ་ཐམས་ཅད་རྒྱ་མཚོའི་གཏིང་དུ་བྲོས་པར་བསྒོམས་ལ་གསོལ་བ་བཏབ་བོ། །དེས་ནི་ཆུའི་འཇིགས་པ་སེལ་བའོ། །མཁར་ཁང་གྲོང་ཁྱེར་ནགས་ཚལ་སོགས་ལ་མེའི་མཆེད་དམ་མཆེད་དོགས་ན། དེའི་ནམ་མཁའ་ལ་ཨོ་རྒྱན་སྐུ་མདོག་སྔོན་པོ་ཕྱག་གཡས་སྐྱབས་སྦྱིན་དང་གཡོན་བུམ་པ་ཅན་གྱི་སྐུ་ལས་ཆུའི་རྒྱུན་ཆུ་བོ་གངྒཱ་ཙམ་བབས་པས་མེ་བསད་པར་བསྒོམ། མེ་མཆེད་དོགས་ཡིན་ན་ཆུའི་བཅུད་དེ་དག་མཁར་ཁང་གང་ཡིན་པ་དེ་ལ་ཐིམ་པར་བསྒོམ། ནགས་ཚལ་གྱི་མེ་བཤོལ་ན་ཨོ་རྒྱན་གྱི་སྐུའི་འོད་ཟེར་གྱིས་ཀླུ་དང་ཡུལ་ལྷ་ཐམས་ཅད་རང་དབང་མེད་པར་བསྐུལ་ནས་ཁ་ཆར་ཆེན་པོ་འབེབས་པར་བསྒོམ། ཐན་པ་ཆེན་པོས་ས་ཚིག་ན་ཨོ་རྒྱན་གྱི་སྐུའི་འོད་ཟེར་གྱིས་རྒྱ་མཚོ་ཆེན་པོའི་ཀླུ་རྣམས་རང་དབང་མེད་པ་བསྐུལ་ནས་ཀླུ་རེ་རེའི་ཀྱང་ཆུའི་རྐྱལ་པ་སྟོང་ཕྲག་མང་པོ་ཐོགས་ནས་བར་སྣང་ཁམས་སུ་སྤྲིན་གྱི་རྟ་ལ་ཞོན་ནས་ཆུ་བོའི་རྒྱུན་གྱིས་

[Full Size]

འཛམ་བུའི་གླིང་སྔོ་ལྟེམ་མེ་གང་བར་བསམ། ཨོ་རྒྱན་གྱི་བ་སྤུའི་བུ་ག་ནས་ཀྱང་ཆུ་བོའི་རྒྱུན་ཤིང་རྟའི་འཕང་ལོ་ཙམ་བབས་པས་རྩྭ་སྔོ་ཐམས་ཅད་སྔོ་ལྷུབ་ལྷུབ་སྐྱེ་བར་བསམས་ལ་གསོལ་བ་བཏབ་བོ། །མེའི་འཇིགས་པ་སེལ་བའོ། །རླུང་ཐོག་གིས་མཁར་ཁང་འགྱེལ་དོགས་པ་དང་། སྤྲིན་རླུང་གིས་གཏོར་ནས་ཆར་མི་བབ་ན། ཨོ་རྒྱན་གསེར་གྱི་མདོག་ཅན་ཞལ་ནུབ་བྱང་དུ་གཟིགས་པ། སྐུ་རི་རབ་ཙམ་ཕྱག་གཉིས་མཉམ་བཞག་ཅན་གྱི་སྐུ་ལས་འོད་ཟེར་འཕྲོས་པས། ནུབ་བྱང་མཚམས་ནས་རླུང་ལྷ་སྔོན་པོ་ཤ་བ་ཞོན་པ་ལག་ཏུ་རླུང་གི་བ་དན་བསྒྲིལ་ནས་འཛིན་པ་ཞིག་རང་དབང་མེད་པར་བཀུག་ནས་ཨོ་རྒྱན་གྱི་གདན་ཞབས་སུ་ཚུད་པས་རླུང་ལྷའི་བ་དན་ཆག །ཤ་བའི་རྐང་པ་ཆག་ནས་གདན་ཞབས་སུ་འགུལ་འཆུག་མེད་པར་མནན་པར་བསྒོམས་ལ་གསོལ་བ་འདེབས། སད་འབྱུང་དོགས་ན་ཨོ་རྒྱན་གྱི་སྐུའི་འོད་ཟེར་གྱིས་ཀླུ་ཐམས་ཅད་རང་དབང་མེད་པར་བསྐུལ་ནས། ཀླུ་དང་ཡུལ་ལྷ་ཐམས་ཅད་ཀྱི་དབང་པོའི་སྒོ་ལྔ་ནས་སྤྲིན་དང་ན་བུན་སྨུག་ཞོད་ཕྱུ་རུ་རུ་བྱུང་། ནམ་མཁའ་ཐམས་ཅད་མཁའ་འགྲོ་མའི་ཚོགས་ལག་ན་སྤྲིན་གྱི་རྔ་ཡབ་འཛིན་པས་གང་བར་བསྒོམས་ལ་གསོལ་བ་

[Full Size]

བཏབ་བོ། །དེ་དག་ནི་རླུང་གི་འཇིགས་པ་སེལ་བའོ། །འབྱུང་བཞིའི་དམིགས་པ་སྣ་ཁ་མང་ཡང་གཅིག་ཏུ་བསྡུས་ནས། ལས་ཚོགས་བརྒྱད་པའོ།། །།ཆོམ་རྐུན་ཡོད་སར་འགྲོའམ་ཚུར་འོང་དོགས་ན། སྤྱི་བོར་ཨོ་རྒྱན་ཕྱག་གཡས་སྐྱབས་སྦྱིན་ཅན་བསྒོམ། སྐུ་ལས་འོད་ཟེར་འཕྲོས་པས་དུར་ཁྲོད་ཀྱི་གནས་ཐམས་ཅད་ནས་དུར་ཁྲོད་ཀྱི་བདག་པོ་དང་བདག་མོ་ཀེང་རུས་ཀྱི་གཟུགས་ཅན་ལག་ན་ལྕགས་ཀྱུ་དང་ཞགས་པ་ལྕགས་སྒྲོག་དྲིལ་བུ་འཛིན་པ་དཔག་ཏུ་མེད་པ་དང་། རི་རབ་ཀྱི་རྩེ་དང་རྒྱ་གར་མྱ་ངན་མེད་པའི་ཤིང་དྲུང་ནས། ལྷ་མོ་འོད་ཟེར་ཅན་མ་སེར་མོ་ཕག་ལ་ཆིབས་པ། ལག་ན་ཁབ་དང་སྐུད་པ་འཛིན་པ་དཔག་ཏུ་མེད་པ་བུ་ཡུག་འཚུབ་པ་བཞིན་བྱུང་ནས། ཇག་རྐུན་ཐམས་ཅད་ལྕགས་ཀྱུས་སྙིང་ནས་བཟུང་བ། འགུལ་དབང་མེད་པར་ཞགས་པས་བཅིངས། ལྕགས་སྒྲོག་གིས་བསྡམས། དྲིལ་བུའི་སྒྲ་ཡིས་ཡིད་མྱོས་ཏེ་དྲན་མེད་དུ་གྱུར། ཁབ་དང་སྐུད་པས་ཁ་དང་མིག་བཙེམས་པར་བསྒོམས་ལ་གསོལ་བ་བཏབ་བོ། །ལས་ཚོགས་དགུ་པའོ།། །།མཚོན་ཆའི་འཇིགས་པ་སྲུང་བ་ནི། རང་ཉིད་སེང་གེ་སྒྲ་སྒྲོག་མཐིང་ནག་ཁྲོ་བོའི་སྐུ། ཕྱག་གཡས་རྡོ་རྗེ་

[Full Size]

གསོར་ཞིང་གཡོན་སྡིགས་མཛུབ་ཀྱི་རྩེ་ལས་མེ་འབར་བ། ཐུགས་ཉི་ཟླའི་གའུ་ཁ་སྦྱོར་གྱི་བར་དུ་མི་རྟ་བསྲུང་བྱ་རྣམས་ཚུད་པར་བསྒོམ། རང་གི་སྤྱི་བོར་ཨོ་རྒྱན་ཆོས་གོས་པད་ཞྭ། ཕྱག་གཡས་རྡོ་རྗེ་དང་བཅས་པའི་སྐྱབས་སྦྱིན་གྱིས་བདག་ལ་སྐྱོབ་པའི་ཚུལ་དུ་བསྒོམ། རྔ་ཡབ་ནས་དེ་འདྲ་བ་སྤྱན་དྲངས་ནས་རང་དང་སྤྱི་བོའི་ཨོ་རྒྱན་གཉིས་ཀ་ལ་བསྟིམས་ནས། བསམ་པ་ལྷུན་གྲུབ་མའི་གསོལ་བ་བཏབ་པས། ཕྱག་གཡས་རྡོ་རྗེ་ལས་རྡོ་རྗེ་ཕྲ་མོ་གྲངས་མེད་པ་མང་པོ་འཕྲོས་པས་བདག་གི་མགོ་ལུས་ཐམས་ཅད་རྡོ་རྗེའི་གོ་ཁྲབ་ཞུ་ལུབས་སུ་གྱུར། ཕྱག་གཡས་རྡོ་རྗེ་ལས་རྡོ་རྗེ་ཕ་ལམ་ལས་གྲུབ་པའི་རྡོ་རྗེ་ཆེན་པོའི་ཚོགས་འཕྲོས་པས་ཕྱོགས་མཚམས་ཐམས་ཅད་རྡོ་རྗེའི་ར་བ་ཟླུམ་པོའི་སྟེང་རྡོ་རྗེའི་གུར། ས་དེ་ནི་རྡོ་རྗེའི་ལྟེ་བ་ལྟ་བུར་གྱུར་པའི་ཕྱོགས་བཞིར་རྡོ་རྗེའི་ར་ཁ་གདེངས་པའི་རྡོ་རྗེའི་རྩེ་མོ་བཞི་སྐྱེས་པའི་རྡོ་རྗེ་རྒྱ་གྲམ་གྱི་ལྟེ་བའི་ནང་དུ་རང་ཉིད་ཚུད་ནས་རྡོ་རྗེའི་རྩེ་མོ་ལས་བསྐལ་པའི་མེ་ཕུང་དམྱལ་བའི་མེའི་ཚ་ངར་དང་ལྡན་པ་འུར་སྒྲ་དང་བཅས་མཆེད་ཅིང་འབར་བས་དགྲ་ཡི་མཚོན་ཐམས་ཅད་ཞ་ཉེ་མེས་བསྲེགས་པ་ལྟ་བུར་ནུས་མེད་དུ་སོང་བར་བསྒོམ་མོ། །འདི་ནི་གོང་ནས་ཡུན་རིང་

[Full Size]

དུ་བསྒོམ་ཞིང་གསོལ་བ་བཏབ། དགོས་དུས་དམིགས་པ་གསལ་བར་བསྒོམས་ནས་གསོལ་བ་འདེབས་ལོངས་མ་བྱུང་ན་ཡང་། ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ ཞེས་པ་ཁོ་ན་སྔགས་འདོན་པ་ལྟར་བྱའོ། །དེས་རབ་མཚོན་མི་འཁོར། འབྲིང་མི་ཟུག །ཐ་མ་ཡང་ཉེས་ཞབས་མི་འགྲོ་བར་ངེས་ཏེ། ལས་ཀྱི་རྣམ་པར་སྨིན་པ་ནི་མ་གཏོགས་སོ། ལས་ཚོགས་བཅུ་པའོ།། །།དེ་ནས་དུས་ནམ་ཞིག་རང་ཉིད་འཆི་ནད་ཕོག་པར་གྱུར་པ་ན། ལན་གསུམ་དུ་རིམ་གྲོ་དང་སྨན་སོགས་ཐབས་གང་དྲག་བྱ། དེ་མ་བྱས་ན་ལུས་ལྷ་བསད་པའི་ཉེས་པ་འབྱུང་བའི་ཕྱིར་འཕོ་བ་བསྒོམ་མི་རུང་། ཅིས་ཀྱང་མ་ཕན་འཆི་བའི་རྟགས་ཚང་ན། རང་གི་སྤྱི་བོར་ཁྲུ་གང་གི་སར་པདྨ་དང་ཟླ་བའི་གདན་ལ་ཨོ་རྒྱན་སྤྲུལ་སྐུ་པད་ཞྭ་ཆོས་གོས་ཅན་གཞུང་ལྟར་བསྒོམ། དེའི་ཐུགས་ཀར་ལོངས་སྐུ་ཐུགས་རྗེ་ཆེན་པོ་སྤྱན་རས་གཟིགས་དཀར་པོ་ཕྱག་བཞི་པ་གཞུང་ལྟར་བསྒོམ། དེའི་ཐུགས་ཀར་ཆོས་སྐུ་སྣང་བ་མཐའ་ཡས་འོད་དཔག་མེད་དམར་པོ་གཞུང་ལྟར་བསྒོམ། བདེ་བ་ཅན་དང་པོ་ཏ་ལ་དང་རྔ་ཡབ་གླིང་ནས་ཡེ་ཤེས་པ་སྤྱན་དྲངས་ལ་བསྟིམ། གཞན་ཡང་བླ་མ་ཡི་དམ་སངས་རྒྱས་བྱང་སེམས་རང་གི་

[Full Size]

རེ་ལྟོས་ཡོད་ཚད་འབྲེལ་བ་ཐོབ་ཚད་ཐམས་ཅད་ཡིད་ཀྱིས་སྤྱན་དྲངས་ལ་བླ་མ་སྐུ་གསུམ་ལ་བསྟིམས་ནས། སྐྱབས་གནས་དཀོན་མཆོག་ཀུན་འདུས་ཀྱི་ངོ་བོར་བསྒོམས་ལ་རང་གིས་ནུས་ན་གསོལ་འདེབས་བསམ་པ་ལྷུན་གྲུབ་མ་འདོན། རང་གིས་མ་ནུས་ན་དམ་ཚིག་གཙང་ཞིང་སྐད་བདེ་བ་ཞིག་ལ་དབྱངས་དང་བཅས་པས་འདོན་བཅོལ། འདོན་རོགས་མེད་ན་རང་གི་ཡིད་ཀྱིས་གསོལ་བ་བཏབ་ནས། བདག་གི་ལུས་ཤ་ཁྲག་གི་ཕུང་པོ་འདི་ནམ་ཡང་འཇིག་པའི་ཆོས་ཅན་ཡིན། བདག་ཁོ་ན་མ་ཡིན། སངས་རྒྱས་བཅོམ་ལྡན་འདས་ནས་འཇག་མའི་སྲིན་བུ་ཡན་ཆད་འཆི་བའི་ཆོས་ཉིད་འདི་ལས་མ་འདས། ད་ནི་འཁོར་བ་འདིས་སུན། ལུས་འདི་བོར་མ་ཐག་ཏུ་ཨོ་རྒྱན་ཆོས་སྐུའི་ཞིང་ཁམས་བདེ་བ་ཅན་དུ་འགྲོ་ནས་ཨོ་རྒྱན་ཆོས་སྐུའི་ངོ་བོ་སངས་རྒྱས་སྣང་བ་མཐའ་ཡས་ལ་ཆོས་ཉན་ནས་སྟན་ཐོག་དེ་ལ་ས་བཅུ་ཐོབ་པ་ཞིག་བྱས་ནས་སྤྲུལ་པ་བྱེ་བ་ཕྲག་བརྒྱས་སེམས་ཅན་གྱི་དོན་བྱའོ་སྙམ་དུ་སེམས་བསྐྱེད། རང་གི་ལུས་དང་ལོངས་སྤྱོད་ཉེ་དུ་འཁོར་ཞིང་ཁང་དང་བཅས་པ་ཨོ་རྒྱན་རིན་པོ་ཆེ་བླ་མ་སྐུ་གསུམ་དེ་ལ་མཎྜལ་གཅིག་ཏུ་བསྡུས་ཏེ་ཡིད་ཀྱིས་ཕུལ་ནས་གང་ལའང་ཆགས་ཞེན་སྤུ་ཙམ་ཡང་མེད་

[Full Size]

པར་བྱའོ། །འདི་ཐམས་ཅད་བདག་གིས་ཨོ་རྒྱན་ལ་ཕུལ་ཚར་བ་ཡིན་པས་ད་ནས་དོན་མེད། སུས་ཅི་བྱས་ཀྱང་རུང་སྙམ་དུ་བྱའོ། །དེ་ནས་ཨོ་རྒྱན་གྱི་སྐུ་ལས་ཧྲཱི༔ཡིག་མང་དུ་འཕྲོས་ཏེ། དམྱལ་བར་སྐྱེ་བའི་ལམ་སྒོ་འོག་སྒོ། ཡི་དྭགས་ཀྱི་ལམ་ཁ། དུད་འགྲོའི་ལམ་གསང་གནས། ལྷ་མ་ཡིན་དང་གྲུལ་བུམ་གྱི་སྐྱེ་བའི་སྒོ་རྣ་བ་གཉིས། གནོད་སྦྱིན་དུ་སྐྱེ་བའི་སྒོ་སྣ་བུག་གཡས། མིར་སྐྱེ་བའི་སྒོ་སྣ་བུག་གཡོན། འདོད་ཁམས་ཀྱི་ལྷར་སྐྱེ་བའི་སྒོ་ལྟ་བ། མིའི་རྒྱལ་པོར་སྐྱེ་བའི་སྒོ་མིག་གཡོན། གཟུགས་ཁམས་ལྷར་སྐྱེ་བའི་སྒོ་མིག་གཡས་དང་མཛོད་སྤུ། གཟུགས་མེད་ཁམས་སུ་སྐྱེ་བའི་ལམ་ཚངས་སྨེ་རྣམས་ཧི༔ཡིག་དམར་པོ་མེ་འབར་བ་རེ་རེས་བཀག་པར་བསྒོམ། རང་གི་ལུས་ཀྱི་དབུས་ན་རྩ་དབུ་མ་མདའ་སྨྱུག་འབྲིང་པོ་ཙམ་མར་སྣེ་ལྟེ་འོག་ན་ཕུག་རྡུགས་སུ་ཡོད་པ། ཡར་སྣེ་སྤྱི་བོ་ཚངས་པའི་བུ་ག་རག་དུང་གི་ཁ་ལྟར་ཧད་པོར་ཡོད་པ། ལྟེ་དབུས་སུ་དབུ་མའི་ནང་དུ་མ་ལས་ཐོབ་པའི་རཀྟའི་ངོ་བོ་པདྨ་དམར་པོ་འདབ་མ་བརྒྱད་པ་སེན་མོ་ཙམ་པ། དེའི་སྟེང་དུ་རང་གི་སེམས་ཉིད་ཀྱི་ངོ་བོ་རླུང་སེམས་ཐམས་ཅད་གཅིག་ཏུ་འདུས་པའི་དྭངས་མ། ཐིག་ལེ་དཀར་པོ་སྣུམ་ལ་འདྲིལ་བ་འོད་

[Full Size]

དང་བཅས་པ་སྲན་མ་ཙམ་པ་ཞིག་བསྒོམ། ཧིཀ་བདུན་བརྗོད་པས་ཐིག་ལེ་དེ་སྙིང་གར་འཕར། ཡང་བདུན་བརྗོད་པས་མགྲིན་པར་འཕར། ཡང་བདུན་བརྗོད་པས་སྤྱི་བོར་འཕར། ཡང་བདུན་བརྗོད་པས་སྤྱི་བོ་ནས་ཨོ་རྒྱན་བླ་མ་སྐུ་གསུམ་ཐུགས་ཀར་སིབ་སིབ་ཐིམ་པར་བསྒོམ། དམིགས་པ་དེ་དབུགས་མ་སོང་བར་དུ་རང་གིས་བསྒོམ། འཆི་ཁར་ཡིད་མི་གསལ་ན་རོགས་གཅིག་གིས་ཡང་ཡང་གསལ་འདེབས་བྱའོ། །རྟགས་ནི་སྤྱི་བོ་སྐྲངས་པ་དང་། སྤྱི་བོ་ནས་རླངས་པ་འཐུལ་བ་དང་། ཁྲག་དང་ཆུ་སེར་ཐོན་པ་དང་། དྲོད་སྤྱི་བོར་འདུས་པ་དང་། སྤྱི་བོར་ཀག་སྒྲ་གྲག་པ་དང་། སྐྲ་ཁོལ་བུར་བྱི་བ་ནང་རྟགས་ཡིན། རུས་པ་ལ་སྐུ་དང་ཡིག་འབྲུ་བྱོན་པ་གསང་བའི་རྟགས་ཡིན། མཁའ་ལ་འཇའ་ཚོན་ཤར་བ་ཕྱི་རྟགས་ཏེ་རྟགས་གསུམ་ཚང་ན་ངེས་པར་ཐེབས་རྟགས་སོ། །འདི་ནི་སྡིག་པོ་ཆེ་བཙན་ཐབས་སུ་སངས་རྒྱས་པའི་གདམས་ངག་སྟེ། འཕོ་བ་ཐེབས་ན་སྡིག་པོ་ཆེ་ཡིན་ཀྱང་སྡིག་པས་མི་གོས་པར་དག་པའི་ཞིང་དུ་སྐྱེ་བ་གསང་སྔགས་ཀྱི་ཉེ་ལམ་ཡིན་པར་གསུངས་སོ། །ཚེ་འདིར་སེམས་ངོ་ལེགས་པ་རང་ཡིད་ཆེས་པར་བསྲུང་རྒྱུ་ཡོད་ནས་ཐུགས་དམ་ལ་འདུག་འདོད་ན།

[Full Size]

རང་ལུས་སྤྲུལ་སྐུ་ཨོ་རྒྱན་གཞུང་ལྟར་བསྒོམ། དེའི་ཐུགས་ཀར་རང་གི་སྙིང་དེ་ལོངས་སྐུ་ཚེ་དཔག་མེད་ཡབ་ཡུམ་བསྒོམ། དེའི་ཐུགས་ཀར་རང་གི་སེམས་དེ་ཆོས་སྐུ་རྡོ་རྗེ་འཆང་ཡབ་ཡུམ་བསྒོམ། རྡོ་རྗེ་འཆང་གི་ཐུགས་ཀར་ཟླ་བའི་སྟེང་དུ་ཧཱུྃ་མཐིང་ནག་འོད་ཟེར་དང་བཅས་པ་བསྒོམ། རྔ་ཡབ་དང་བདེ་བ་ཅན་དང་འོག་མིན་ནས་གུ་རུ་སྐུ་གསུམ་སྤྱན་དྲངས་རང་ལ་བསྟིམ། བསམ་པ་ལྷུན་གྲུབ་མ་རང་གིས་འདོན་ནམ་རོགས་ལ་འདོན་བཅུག །དེ་ནས་འཆི་ལ་ཁད་བྱུང་ཙ་ན། རང་ལུས་ཨོ་རྒྱན་དེ་འོད་དུ་ཞུ་ནས་ཐུགས་ཀའི་ལོངས་སྐུ་ལ་ཐིམ། ལོངས་སྐུ་འོད་དུ་ཞུ་ནས་ཆོས་སྐུ་རྡོ་རྗེ་འཆང་ལ་ཐིམ། དེའི་ཐུགས་ཀའི་ཧཱུཾ་ལ་ཐིམ་ཧཱུྃ་གྱེན་རྫོགས་སུ་ཡལ་ནས་སྟོང་པ་ཉིད་དུ་བསྒོམས་ལ། སེམས་ལ་འཁྲུལ་སྣང་དང་འཇིགས་སྐྲག་ཅི་བྱུང་ན་ཡང་། སེམས་ཁོ་རང་ཡིན་གྱི་ལོགས་ནས་ཅིའང་ཤར་རྒྱུ་མེད་པས། གང་ཤར་དེའི་ངོ་བོ་ལ་ཧྲིག་གེར་བལྟས་པས་སྟོང་ཉིད་འོད་གསལ་དུ་འཆར་རོ། །འབྱུང་བཞིའི་ཐིམ་རིམ་དཀར་ལམ་ཟླ་བ་ཤར་འདྲ། དམར་ལམ་ཉི་མ་ཤར་འདྲ། ནག་ལམ་མུན་པ་རུབ་འདྲ་ཅི་ཤར་ཡང་སོ་སོར་ངོས་བཟུང་མི་དགོས། གང་ཤར་དེ་ཉིད་ཀྱི་ངོ་བོ་ལ་བལྟས་པས་སྟོང་པ་ཉིད་དུ་འཆར་རོ། །

[Full Size]

དེ་ནས་གཞིའི་འོད་གསལ་སྤྲིན་ཐག་ཆད་པའི་ནམ་མཁའ་ལྟ་བུ་འཆར་དུས་མི་ངོ་ཤེས་པ་འཕྲད་པ་ལྟར་ངོ་ཟིན་ནས་དེའི་ངང་དུ་གནས་པ་ལ་འོད་གསལ་ཟིན་ནས་ཐུགས་དམ་ཟིན་པ་ཟེར་རོ། །དེ་ཡང་ཕྱི་དབུགས་ཆད་མ་ཐག་ཏུ་གདུང་ཆས་ལེགས་པར་བྱས་ལ། བླ་མའམ་མཆེད་གྲོགས་ཞིག་གིས། འདི་ལྟར་མིག་གི་ཡུལ་དུ་སྣང་བ་ཡི༔ ཞེས་པ་ནས། བར་དུ་འོད་གསལ་རང་ངོ་ཤེས་པ་དང་༔ ཞེས་སོགས། ངོ་སྤྲོད་ཚིག་འབྲུ་ཉེར་གཅིག་པ་དེ་དབྱངས་དང་བཅས་སྐད་སྙན་པོས་ལན་གསུམ་མམ་བདུན་བརྗོད་པས། ཤ་བཀྲག་བཟང་ཞིང་བཞིན་འཛུམ་པ་འདྲ་བ་བག་ཆགས་པ་འོང་། དྲུང་དེར་སེམས་ངོ་སྐྱོང་ཤེས་མཁན་བསྡད་ན་ཉམས་རྟོགས་བཟང་པོ་སྐྱེ་བ་ནང་རྟགས་སོ། །ཤི་དུས་དང་བསྲེགས་དུས་ནམ་མཁར་སྤྲིན་མེད་པར་དྭངས་ཤིང་རླུང་མེད་པ་དང་། སྟོན་ཀ་སྤྲིན་མེད་ཀྱང་རྨུགས་དྲོ་བས་སད་མི་འབྱུང་བ་ཕྱིའི་རྟགས། བསྲེགས་པ་ན་ཨ་ཡིག་ཧཱུྃ་ཡིག་རིང་བསྲེལ་ཐུགས་མ་ཚིག་པ་འབྱོན་པ་གསང་རྟགས་ཏེ། རྟགས་གསུམ་ཚང་ན་ངེས་པར་འོད་གསལ་ཟིན་པའོ། །ལས་ཚོགས་བཅུ་གཅིག་པའོ།། །།དེ་ལྟར་འཕོ་བ་ཐེབ་པ་དང་འོད་གསལ་ཞག་བདུན་ཕན་

[Full Size]

བཞུགས་ན་བར་དོ་མེད་པ་ཡར་གྱི་ཟང་ཐལ་ཡིན། མཚམས་མེད་པ་བྱས་པའི་སྡིག་པོ་ཆེ་འཕོ་བ་མ་ཐེབ་ན་བར་དོར་བགྲོད་ལོང་མེད་པ་མར་གྱི་ཟང་ཐལ་ཡིན། དེ་མིན་ཐམས་ཅད་བར་དོ་བགྲོད་དགོས་པས། ཞི་བའི་ལྷ་ཚོགས་སྐུ་གཟི་བརྗིད་ཉི་མ་སྟོང་དུས་གཅིག་ལ་ཤར་བ་ལྟར་བལྟ་བས་མི་བཟོད་པ་དང་། ཁྲོ་བོའི་སྐུ་འཇིགས་སུ་རུང་བས་སོད་སོད་རྒྱོབ་རྒྱོབ་ཟེར་བ་དང་། འབྱུང་བ་བཞིའི་རླུང་ལོག་པའི་སྒྲ་རི་བོ་སྟོང་ཉིལ་བ་ལྟ་བུ། རྒྱ་མཚོ་སྟོང་འཁྲུགས་པ་ལྟ་བུ། འཇིག་རྟེན་ཐམས་ཅད་ལ་མེ་མཆེད་པ་ལྟ་བུའི་འུར་སྒྲ། འབྲུག་སྟོང་དུས་གཅིག་ལ་གྲག་པ་ལྟ་བུའི་སྒྲ་རྣམས་ཀྱིས་ཀླད་ཁྲག་འགས་སྣང་བྱེད། རེས་འགའ་གྲོགས་མེད་པར་བྱིས་པ་ཐང་སྟོང་དུ་བསྒྱུར་བ་ལྟ་བུ་དང་། རེས་འགའ་དམག་དང་གཅན་གཟན་ཁ་ཆར་མུན་རུབ་པ་ལྟ་བུ་དང་། ལས་ཀྱི་གཤིན་རྗེས་དེད་པའི་སྣང་བ་སོགས་འཁྲུལ་སྣང་ལ་འདི་མི་འཆར་བྱ་བ་མེད་པའི་ཆེ། འདི་ལྟར་མིག་གི་ཡུལ་དུ་སྣང་བ་ཡི༔ ཞེས་སོགས་ངོ་སྤྱོད་ཚིག་འབྲུ་ཉེར་གཅིག་པ་དེ་མ་བརྗེད་པར་ཐམས་ཅད་སྟོང་ཉིད་དུ་རོ་སྙོམ་དགོས། གལ་ཏེ་སྟོང་ཉིད་ལ་གོམས་འདྲིས་ཆུང་ན། གཟུགས་ཐམས་ཅད་ཨོ་རྒྱན་གྱི་སྐུ། སྒྲ་ཐམས་ཅད་བཛྲ་གུ་རུ།

[Full Size]

སེམས་ཀྱི་འཁྲུལ་རྟོགས་ཐམས་ཅད་སྟོང་ཉིད་ཆོས་སྐུའི་རང་རྩལ་ཡིན་སྙམ་ཞིང་། ཨོ་རྒྱན་ལ་གསོལ་བ་འདེབས། བསམ་པ་ལྷུན་གྲུབ་མ་འདོན་པས། འཁྲུལ་སྣང་ཐམས་ཅད་ཞི་ནས་ཨོ་རྒྱན་ཉིད་དངོས་སུ་བྱོན་ཏེ་དག་པའི་ཞིང་ཁམས་སུ་ཁྲིད་པར་ངེས་སོ། །དེ་ལྟར་ཐུགས་དམ་མ་ཟིན་འཕོ་བ་མ་ཐེབ་ན་ཡང་བར་དོ་ཆོད་ནས་གྲོལ་བའི་རྟགས་ལ། ཕུང་པོ་བསྲེག་པ་ན་ལྗགས་དང་སྤྱན་མ་ཚིག་པ། སྐུ་གཟུགས་ཡིག་འབྲུ་དུང་དཀར་ཕྱག་མཚན་སོགས་འབྱོན་ནོ། །རིང་བསྲེལ་ཁ་དོག་ལྔའམ་གང་རིགས་གཅིག །ནམ་མཁར་འཇའ་ཚོན་ཁ་དོག་སྣ་ཚོགས་དང་མེ་ཏོག་གི་ཆར་སོགས་འབྱུང་བར་གསུངས། གལ་ཏེ་བར་དོ་ཆོད་ནས་དག་པའི་ཞིང་དུ་མི་སྐྱེ་བར་མིར་སྐྱེས་ནས་འགྲོ་དོན་བྱེད་པའི་རྟགས་ནི། སྤྲིན་འཇའ་དཀར་པོ་ཤིང་ལོ་འདྲ་བ་དང་། མེ་ཏོག་གི་ཆར་ཅུང་ཟད་འབབས་པ་དང་། དབུ་བུམ་ཧྲིལ་དང་རིང་བསྲེལ་ཞིབ་བུ་ཅུང་ཟད་འབྱུང་བར་བཤད་དོ། །ལས་ཚོགས་བཅུ་གཉིས་པའོ།། །།ཡང་ཚེ་སྔོན་གྱི་ལས་སྒྲིབ་དང་། འཕྲལ་སྣང་བ་འདི་འབྲིད་མཁས། རིག་པ་འདི་ཅོལ་ཆུང་། འཁྲུལ་པ་འདི་ཞིག་དཀའ་བས། ཚེ་འདིའི་སྣང་བ་འདི་ལ་བདེན་

[Full Size]

འཛིན་ཨ་འཐས་ཆེ་ན། སྤྱི་བོར་ཨོ་རྒྱན་གཞུང་ལྟར་བསྒོམ་ལ་གསོལ་བ་བཏབ། སྐུ་ལས་འོད་ཟེར་འཕྲོས་ཕྱི་ནང་སྣོད་བཅུད་དངོས་པོ་ཐམས་ཅད་ལ་ཕོག་པས་ནམ་མཁའི་འཇའ་དང་ཆུ་ནང་གི་ཟླ་བ་དང་། མེ་ལོང་ནང་གི་གཟུགས་བརྙན་ལྟར་སྣང་ལ་རང་བཞིན་མེད་པར་གྱུར་ཏེ་ཐམས་ཅད་བདེན་པར་མ་གྲུབ་པ་སྒྱུ་མ་རྨི་ལམ་ལྟ་བུ་ཡིན་སྙམ་དུ་ཡང་ཡང་བསྒོམ་པར་བྱའོ། །སྡུག་བསྔལ་བྱུང་བའམ། རླུང་ཤས་ཆེ་བའམ། གདོན་གྱིས་གནོད་པའི་བློ་མི་བདེ་བ་དང་། རིག་པ་མི་ནོན་པ་ལ། རང་གི་སྙིང་འདི་འོད་ཁ་དོག་སྣ་ལྔ་སྣལ་མ་ལྟ་བུས་དཀྲིས་ནི་ཡོད་པར་བསྒོམ། རང་གི་སྙིང་གི་ནང་དུ་ཨོ་རྒྱན་སྤྲུལ་སྐུ་གཞུང་ལྟར་ལ། ཕྱག་གཉིས་མཉམ་བཞག་གི་སྟེང་དུ་ཀ་པཱ་ལ་བསྣམས་ནས་ཞབས་རྡོ་རྗེའི་སྐྱིལ་ཀྲུང་ཅན་བསྒོམ། །ཡེ་ཤེས་པ་བསྟིམས་ནས་གསོལ་བ་བཏབ་པས། ཕྱག་གཡོན་བྷནྡྷའི་ནང་ཡི་གེ་བོ་ཡིག་དཀར་པོ་ལས་བདུད་རྩི་བབས་ནས། རང་གི་སྙིང་གའི་ནང་ཐམས་ཅད་ངང་ལྟེམ་གྱིས་གང་བར་བསྒོམས་པས་བློ་བདེའོ། །ཉལ་དུས་གཞོགས་གཡས་ས་ལ་ཕབ་ནས་རང་གི་སྙིང་གི་དཀྱིལ་དུ་ཨོ་རྒྱན་རིན་པོ་ཆེའི་སྐུ་མཐེ་བོང་ཙམ་མེ་ཤེལ་གྱི་མདོག་འོད་ཙེ་རེ་བ་ལ་སེམས་གཏད་ནས་

[Full Size]

ཉལ་བས་འོད་གསལ་ཟིན་ནོ། །འོད་གསལ་ནི་གཉིད་མ་སོང་རྨི་ལམ་མ་རྨིས་ཀྱི་སྐབས་དེར་སེམས་ངོ་ཟིན་ན་དེའི་ངང་ལ་གནས་པ་དེ་འོད་གསལ་ཡིན་ནོ། །ཡང་མགྲིན་པར་པདྨ་འདབ་བཞིའི་དབུས་སུ་ཨོ་རྒྱན་སྐུ་ཚོན་གང་མེ་ཤེལ་མདོག་འོད་འབར་བ་ལ་སེམས་བཟུང་ནས་ཉལ་བས་རྨི་ལམ་ཟིན་ནོ། །རྨི་ལམ་ཟིན་པ་ནི་རྨི་ལམ་ཡིན་པར་ངོ་ཤེས་ནས་བསྐྱེད་རིམ་དང་རྫོགས་རིམ་སོགས་བསྒོམས་པས་ཉིན་ལྟར་གསལ་བར་འགྱུར། ཡང་འཕུར་ནས་ཞིང་ཁམས་དང་གནས་བཟང་པོ་རྣམས་ལ་བལྟ་བར་བྱའོ། །ཡང་ཟས་ཟ་འཐུང་དུས་སྣོད་ཡེ་ཤེས་ཀྱི་ཀ་པཱ་ལ། ཟས་དེ་ཡེ་ཤེས་ཀྱི་བདུད་རྩིར་བསྒོམས་ལ་ཨོཾ་ཨཱཿ༔ཧཱུྃ་གིས་བྱིན་གྱིས་བརླབས་ཏེ། རང་ཉིད་ཨོ་རྒྱན་བསྒོམ་པའི་དཔྲལ་བར་ཨོ་རྒྱན་དཀར་པོ། མགྲིན་པར་ཨོ་རྒྱན་དམར་པོ། སྙིང་གར་ཨོ་རྒྱན་སྔོན་པོ། ལྟེ་བར་ཨོ་རྒྱན་སེར་པོ། གསང་གནས་སུ་ཨོ་རྒྱན་ལྗང་གུ་སྟེ་ཨོ་རྒྱན་རིགས་ལྔ་ལ་མཆོད་པར་བསྒོམས་ལ། ཟ་འཐུང་བྱས་པས་དཀོར་སྒྲིབ་མི་འབྱུང་ཞིང་ཚོགས་རྫོགས་པར་འགྱུར་རོ། །འགྲོ་བའི་ཚེ་གཡས་ཕྱོགས་སུ་པདྨའི་སྡོང་པོའི་རྩེར། ཨོ་རྒྱན་རིན་པོ་ཆེ་ལ་སངས་རྒྱས་བྱང་སེམས་ཐམས་ཅད་ཀྱིས་བསྐོར་བར་བསྒོམས་

[Full Size]

ལ། དེ་ལ་བསྐོར་བ་བྱེད་པའི་མོས་པས་འགྲོ་བར་བྱ་སྟེ། འགྲོ་འདུག་བསྐོར་བའི་གདམས་པའོ། །དེ་ལྟར་འཁྲུལ་པ་གཅོད་པའི་དམིགས་པ་དེ་ཐམས་ཅད་གཅིག་ཏུ་བརྩིས་ནས། ལས་ཚོགས་བཅུ་གསུམ་པའོ།། །།དེ་རྣམས་ཕལ་ཆེར་རང་དོན་ཡིན་པས། གཞན་དོན་མ་བྱས་ན་ཐེག་པ་ཆེན་པོའི་ལམ་དུ་མི་འགྱུར་བས། སྤྱི་བོར་ཨོ་རྒྱན་སྤྲུལ་སྐུ་གཞུང་ལྟར་བསྒོམས་ལ། གསོལ་འདེབས་བསམ་པ་ལྷུན་གྲུབ་མ་བཏོན་པས། ཨོ་རྒྱན་གྱི་དཔྲལ་བ་ནས་འོད་ཟེར་དཀར་པོ་འཕྲོས། དུད་འགྲོའི་འཇིག་རྟེན་འཐུག་པོ་བཀོད་པའི་ཞིང་ཁམས་སུ་བསྒྱུར་དུད་འགྲོ་ཐམས་ཅད་བུདྡྷ་ཐོད་ཕྲེང་རྩལ་ཨོ་རྒྱན་དཀར་པོའི་སྐུར་གྱུར། ཨོ་རྒྱན་གྱི་མགྲིན་པ་ནས་འོད་ཟེར་དམར་པོ་འཕྲོས། ཡི་དྭགས་ཀྱི་འཇིག་རྟེན་བདེ་བ་ཅན་གྱི་ཞིང་ཁམས་སུ་བསྒྱུར། ཡི་དྭགས་ཐམས་ཅད་པདྨ་ཐོད་ཕྲེང་རྩལ་ཨོ་རྒྱན་དམར་པོའི་སྐུར་གྱུར། ཨོརྒྱན་གྱི་ཐུགས་ཀ་ནས་འོད་ཟེར་མཐིང་ཀ་འཕྲོས། དམྱལ་བའི་འཇིག་རྟེན་མངོན་པར་དགའ་བའི་ཞིང་ཁམས་སུ་བསྒྱུར། དམྱལ་བའི་སེམས་ཅན་ཐམས་ཅད་བཛྲ་ཐོད་ཕྲེང་རྩལ་ཨོ་རྒྱན་མཐིང་ཀའི་སྐུ་ཤ་སྟག་ཏུ་གྱུར། ཨོ་རྒྱན་གྱི་ལྟེ་བ་ནས་འོད་ཟེར་སེར་པོ་འཕྲོས། ལྷ་

[Full Size]

དང་མིའི་འཇིག་རྟེན་དཔལ་དང་ལྡན་པའི་ཞིང་ཁམས་སུ་བསྒྱུར། ལྷ་དང་མི་ཐམས་ཅད་རཏྣ་ཐོད་ཕྲེང་རྩལ་ཨོ་རྒྱན་སེར་པོའི་སྐུར་གྱུར། ཨོ་རྒྱན་གྱི་གསང་གནས་ནས་འོད་ཟེར་ལྗང་གུ་འཕྲོས། ལྷ་མ་ཡིན་གྱི་འཇིག་རྟེན་ལས་རབ་རྫོགས་པའི་ཞིང་ཁམས་སུ་བསྒྱུར། ལྷ་མ་ཡིན་ཐམས་ཅད་ཀརྨ་ཐོད་ཕྲེང་རྩལ་ཨོ་རྒྱན་ལྗང་གུ་སྐུ་ཤ་སྟག་ཏུ་གྱུར་ནས། འགྲོ་བ་རིགས་དྲུག་གི་གནས་སྟོངས་ནས་བཛྲ་གུ་རུ་འུར་དི་རི་རི་འདོན་པར་བསྒོམས་ནས་གསོལ་བ་བཏབ་བོ། རིགས་དྲུག་གི་གནས་སྦྱོང་བའི་དམིགས་པ་དང་ལས་ཚོགས་བཅུ་བཞི་པའོ།། །།དེ་ཡན་ཆད་ནི་ལེའུ་བདུན་པའི་དམིགས་རིམ་ཤིན་ཏུ་རྒྱས་པ་གབ་བསྐུང་མེད་པར་བཀོད་པ་ཡིན་ནོ། གལ་ཏེ་གང་ཟག་བློ་རྨོངས་པས་དམིགས་པ་དེ་རྣམས་སོ་སོར་མ་ཟིན་ནའང་། སྤྱི་བོར་ཨོ་རྒྱན་སྤྲུལ་སྐུ་གཞུང་ལྟར་བསྒོམས་ནས་ལེའུ་བདུན་པ་འདོན། མཐར་ཨོ་རྒྱན་རང་ལ་བསྟིམས་ནས་རང་གི་སེམས་ལ་སེམས་ཀྱིས་རྒྱུན་དུ་བྱ་ར་བྱས་ན་ཡང་དེས་འཐུས་སོ། །འདོན་ལུགས་གསོལ་འདེབས་རེ་རེས་དམིགས་པ་དང་བཅས་ཞག་བདུན་རེ་བྱས་ནས། ཞག་ཞེ་དགུར་གསོལ་འདེབས་བདུན་རྫོགས་པར་བྱས་ན་ཟབ། ཡང་ཉིན་ཞག་

[Full Size]

གཅིག་ལ་ནམ་ལངས་སྔ་དྲོ་དགོང་ཆེན་ཉི་ཐལ་སྲོད་ནམ་ཕྱེད་ཐོ་རངས་བདུན་ལ་ཐུན་བཟུང་བའི་ཚུལ་དུ་ལེའུ་རེ་རེ་དམིགས་པ་དང་བཅས་པས་བཏོན་ནས་ཞག་གཅིག་ལ་ལེའུ་བདུན་ཀ་རྫོགས་པར་བྱས་ནའང་རུང་། ཡང་གདན་ཐོག་གཅིག་ཏུ་ལེའུ་བདུན་ཀ་འདོན་བསྒོམ་ཡང་རུང་། རབ་ལེའུ་བདུན་ཀ་ཞག་རེ་ལ་མ་ཆག་པ། འབྲིང་གསུམ་རེ་ཙམ་འདོན་རེས་བྱ། ཐ་མ་ཡང་ལེའུ་རེ་རེ་ཙམ་མ་ཆག་པར་གལ་ཆེའོ། །དེ་ལྟར་རྒྱུན་དུ་གསོལ་བ་བཏབ་པས་བྱིན་རླབས་ཞུགས་པའི་རྟགས་ནི། ཨོ་རྒྱན་རིན་པོ་ཆེ་ཉིད་ཀྱི་གསུངས་ལས། དྲོད་ཚད་རྟགས་ཀྱི་མཚན་མ་འདི་ལྟར་འབྱུང་། །རབ་ནི་ཞལ་མཐོང་དབང་བསྐུར་བྱིན་གྱིས་བརླབ། །ཐོད་རྔ་རྐང་གླིང་སྒྲ་སྒྲོག་ལུང་བསྟན་འབྱུང་། །ཞིང་སྐྱོང་མཁའ་འགྲོས་དངོས་སུ་གཏོར་མ་ལེན། །བཀའ་སྲུང་ཆོས་སྐྱོང་ཐམས་ཅད་སྤྲིན་ལྟར་འདུ། །སྣང་སྲིད་ལྷ་འདྲེ་ཀུན་གྱིས་སྲོག་སྙིང་ཕུལ། །གང་བརྩམས་ལས་རྣམས་ཐོགས་མེད་འགྲུབ་པར་འགྱུར། །འབྲིང་ནི་ཉམས་དགའ་བག་དྲོ་བྱིན་ཆེན་འཐིབ། །སྨན་རཀ་གཏོར་མ་ཁོལ་དང་རླངས་པ་འཕྱུར། །རང་ལུས་སྦྲིད་ཅིང་འཕར་འདར་རང་དབང་མེད། །དབེན་ཁང་སྤོས་དྲིས་གང་ཞིང་འཁོར་ལ་མཁའ་འགྲོ་འབེབས། །

[Full Size]

ལེགས་ཉེས་སྨྲ་ཞིང་སྒྲ་སྐད་སྣ་ཚོགས་འབྱིན། །ཐ་མ་རྨི་ལམ་མཚན་མ་འདི་ལྟར་འབྱུང་། །ལུས་ལས་མི་གཙང་རྣག་ཁྲག་འབབས་པ་དང་། །ཁྲུས་བྱེད་ཆས་གོས་དཀར་པོ་གྱོན་པ་དང་། །ཉི་ཟླ་ཤར་དང་མེ་ཏོག་སྣ་ཚོགས་འཐུ། །རི་བོའི་རྩེར་འདུག་གླིང་གཞན་མཐོང་བ་སོགས། །ལས་ངན་སྒྲིབ་པ་དག་པའི་མཚན་མ་ཡིན། །མེ་ཏོག་ཆར་འབབས་བདུད་རྩིའི་རྫོངས་ལ་འཐུང་། །དར་ཕྱར་དུང་འབུད་ཆོས་འཆད་ཁྲི་ལ་འདུག །བུད་མེད་ཚོགས་ཀྱིས་ཕྱག་བྱེད་ཟས་ནོར་སྟེར། །དངོས་གྲུབ་བྱིན་རླབས་ཞུགས་པའི་མཚན་མ་ཡིན། །གོ་གྱོན་མཚོན་ཐོགས་དམག་ཆེན་ཁ་ལོ་སྒྱུར། །རི་ཀླུང་མེར་སྲེག་སེམས་ཅན་སྣ་ཚོགས་བསྒྲལ། །བཙན་པོའི་རྫོང་ཞུགས་ང་རྒྱལ་ཆ་སྒྲ་འདེབས། །བར་ཆད་བགེགས་ལས་རྒྱལ་བའི་མཚན་མ་ཡིན། །རྨི་ལམ་དག་ཏུ་བླ་མ་མཁའ་འགྲོའི་ཚོགས། །ཞལ་མཐོང་ཆོས་འཆད་ལུང་སྟོན་བྱེད་པ་དང་། །རང་ཉིད་རུས་རྒྱན་ཐོགས་ནས་ནམ་མཁར་འཕུར། །ལྷ་ཡི་གནས་སམ་ཨོ་རྒྱན་ཡུལ་དུ་ཕྱིན། །ཞིང་ཁམས་བཀོད་པ་ཁྱད་འཕགས་མཐོང་བ་ནི། །ཨོ་རྒྱན་པདྨ་འགྲུབ་པའི་མཚན་མ་ཡིན། །ཅེས་པ་དང་། བཟང་པོ་དགེ་བའི་མཚན་མ་ཅི་བྱུང་

[Full Size]

ཡང་། །དགའ་བྲོད་རློམ་སེམས་འཁྲི་བ་རྩད་ནས་བཅད། །ངན་པའི་མཚན་མ་ལྟས་ངན་ཅི་བྱུང་ཡང་། །བག་ཆགས་འཁྲུལ་སྣང་ཡིན་པས་ལམ་དུ་ཁྱེར། །ཐམས་ཅད་སེམས་ལས་བྱུང་བས་སྤྲོས་པ་ཆོད། །སེམས་ཉིད་སྤྲོས་བྲལ་ཆོས་སྐུར་ལ་བཟླའོ། །ཞེས་གསུངས་ཤིང་། ཁྱད་པར་ལས་སྒྲིབ་ཆེ་ཆུང་གིས། །ཨོ་རྒྱན་པདྨ་ང་རང་དང་། །དངོས་ཉམས་རྨི་ལམ་དུ་ཡང་མཇལ། །ལུང་བསྟན་ཆོས་བཤད་བྱེད་པ་འོང་། །མཆོག་དང་ཐུན་མོང་དངོས་གྲུབ་ཐོབ། །མཁའ་འགྲོ་ལུས་དང་གྲིབ་བཞིན་འགྲོགས། །བར་ཆད་ཐམས་ཅད་སེལ་བར་བྱེད། །ཅེས་པ་དང་། ལྔ་བརྒྱ་དུས་ཀྱི་ཐ་མ་ལ། །དུས་སྙིགས་ཁྲིམས་ཞིག་བསྟན་པ་ཉམས། །ལྷ་སྲིན་སྡེ་བརྒྱད་ཁ་རྒྱལ་བས། །དྲེགས་ཅན་དམ་ལ་བཏགས་ཕྱིར་དུ། །ཕྱི་རབས་སྐྱེ་བོ་ཐ་མལ་དང་། །བོད་ཀྱི་བནྡེ་ནུས་ཆུང་དོན། །པདྨ་བདག་གི་སྒྲུབ་ཐབས་བསྟན། །ཞེས་དང་། རིག་འཛིན་སྔགས་འཆང་པདྨ་བདག་འདྲ་ཡི། །སྐུ་ལྔ་མཚན་བརྒྱད་རྣམ་ཐར་དཔག་མེད་ལ། །མ་འོངས་དུས་སུ་སྒྲུབ་ལུགས་དཔག་མེད་བརྩམས། །ཀུན་ཀྱང་ཡང་ཟབ་མཐར་ཐུག་གཞི་བརྩམས་ཏེ། །ཞེས་པ་དང་། ཨེ་མ་ཧོ། བདག་འདྲ་པདྨ་

[Full Size]

འབྱུང་གནས་ངས། །རང་གི་སྒྲུབ་པ་རང་གིས་བརྩམས། །སུ་འཕྲད་བདེ་ཆེན་ཞིང་དུ་སྦྱོར། །ཅེས་དང་། ཚུལ་བཞིན་སྤྱོད་པས་རང་བཞིན་བདེ་ལ་འགོད། །མི་ལུས་དོན་ལྡན་ཡིན་ནོ་རིགས་ཀྱི་བུ། །འདི་ནི་རྗེས་འཇུག་སུ་དང་སུས་བསྒྲུབ་ཀྱང་། །རྔ་ཡབ་གནས་ནས་ཨོ་རྒྱན་པདྨ་ཡིས། །རྒྱུན་ཆད་མེད་པར་ཐུགས་རྗེས་མི་འཛིན་རེ། །ཐེ་%ཚོམ་མེད་པའི་དམ་ཚིག་གཙང་བར་གཅེས། །གསོལ་བ་ཐོབ་ཅིག་རྗེས་འཇུག་རིགས་ལྡན་རྣམས། །བུ་ལ་གདུང་བའི་མ་ལྟར་བདག་གིས་སྐྱོབ། །ཉམས་དང་རྨི་ལམ་དངོས་ཀྱི་ཚུལ་དུ་ཡང་། །ཚུལ་བཞིན་སྒྲུབ་པའི་བུ་དང་ཞལ་མཇལ་ནས། །ངོ་སྤྲོད་དབང་བསྐུར་ཆོས་འཆད་ལུང་ཡང་སྟོན། །བསླུས་ན་པད་འབྱུང་ཞན་ནོ་རྗེས་འཇུག་རྣམས། །ཞེས་དང་། དུས་བཟང་ཡར་ངོའི་ཚེས་པ་བཅུ་ཡི་དུས། །མཆོད་པ་བཤམས་ཤིང་མོས་གུས་གདུང་ཤུགས་ཀྱིས། །སྙིང་ཁོང་རུས་པའི་གཏིང་ནས་ང་ཉིད་ལ། །གསོལ་བ་བཏབ་ན་པདྨ་ང་ཉིད་ཀྱིས། །ཟངས་མདོག་དཔལ་གྱི་རི་བོའི་རྩེ་མོ་ནས། །ཁྱེའུ་ངུ་ལ་ཕ་མས་མི་བཟོད་ལྟར། །བརྩེ་སེམས་ལྡན་པས་དད་ལྡན་ཚོགས་ཁང་དུ། །སྤྲུལ་པ་སྣ་ཚོགས་དུ་མའི་ཆ་ལུགས་སུ། །སྤྲུལ་

[Full Size]

ནས་འོང་བས་དེ་དོན་གོ་བར་གྱིས། །དེ་དུས་སྨོན་ལམ་གང་བཏབ་འགྲུབ་པ་དང་། །བྱིན་རླབས་ཞུགས་པའི་རྟགས་ནི་སྣ་ཚོགས་འབྱུང་། །ཁྱད་པར་བག་དྲོ་ཉམས་དགའ་ཤེས་པ་གསལ། །གླུ་གར་ཉམས་དང་བྲོ་ཡང་འཁྲབ་སྙིང་འདོད། །དད་ལྡན་འགའ་རེས་མངོན་སུམ་མཐོང་ཡང་སྲིད། །དེ་དུས་རྟོག་པ་མི་སྐྱིལ་ཅི་བདེར་མཛོད། །གཞན་ཡང་འཇའ་དང་འོད་དང་འོད་ཀོར་དང་། །སྒྲ་དང་འཇའ་རིས་རྣམ་པ་སྣ་ཚོགས་འབྱུང་། །དེ་དུས་པདྨ་ང་རུ་ཤེས་པར་གྱིས་ལ་སྨོན་ལམ་ཐོབ། །ང་དང་རིག་འཛིན་མཁའ་འགྲོའི་ཚོགས། །ཁྱད་པར་སྤྲེའུ་ཟླའི་ཚེས་བཅུ་ལ། །བོད་ཀྱི་རྒྱལ་ཁམས་ཡོངས་ལ་འོངས། །དམ་ཚིག་ལྡན་ཞིང་བསྒྲུབ་བརྩོན་ལ། །དངོས་གྲུབ་སྦྱིན་ཅིང་བར་ཆད་སེལ། །ཉམས་པ་ཅན་རྣམས་ལྟུང་བར་འགྱུར། །ཞེས་གསུངས་སོ། །རྩ་བའི་རྒྱུད་ཆེན་པོ་པད་སྡོང་བརྩེགས་པ་ལས། དབང་པོ་གསུམ་གྱི་ཁྱད་པར་ལས། །འདི་ཉིད་དང་ནི་བར་དོ་དང་། །གཅིག་གིས་བརྒྱུད་དེ་ས་ཆོད་ནས། །ཡང་དག་བསྟན་པ་མི་གཡོ་འགྱུར། །གདོས་བཅས་ཉིད་དང་བྲལ་བའི་ཚེ། །རྡུལ་བྲལ་མཁའ་ལ་འོད་ཟེར་འཇའ། །ཡིག་འབྲུ་སྐུ་གཟུགས་རིང་བསྲེལ་སོགས། །སྐུ་

[Full Size]

གསུམ་ཐོབ་རྟགས་འབྱུང་བར་འགྱུར། །འབད་པ་དོན་ཡོད་གཅིག་ཆོག་ཉིད། །ཅེས་དང་། སྐུ་རྒྱུད་ཤེལ་གྱི་རི་བོ་ལས། གཞི་སྣང་དག་པ་ཆོས་ཀྱི་དབྱིངས། ལྷག་མེད་ཉིད་དུ་མྱ་ངན་འདའ། །སྒྲ་དང་འོད་དང་བཅས་ནས་སུ། །སྐུ་གསུམ་ཞིང་དུ་མངོན་འབྱུང་བ། །གདུལ་བྱ་རྣམས་ལ་ལྷག་མར་བཅས། །སྐུ་གདུང་རིང་བསྲེལ་བཞག་ནས་ཀྱང་། །གཞན་ཕན་ཐབས་ཀྱིས་འགྲོ་བ་རྣམས། །རིམ་གྱིས་འདྲེན་པར་དེས་བྱེད་དོ། །ཡང་མཐའ་བར་དོ་ཉིད་དུ་ཡང་། །རང་སྣང་ཡེ་ཤེས་ལྷ་དང་འཕྲད། །རང་ངོ་ཤེས་ནས་རྣམ་པར་གྲོལ། །དེ་ཡང་རྒྱུ་འབྲས་དེ་ཡིས་ཡིན། །སྤྲུལ་པ་ལས་ཀྱང་སྤྲུལ་དང་སྐུ། །སྐུ་དང་མཚན་དཔེས་རབ་སྤྱས་ཤིང་། །ལས་དག་ཞིང་ལ་རབ་སྣང་བས། །བྱང་ཆུབ་མངོན་དུ་དེ་འགྱུར་ཞིང་། །དེ་སོགས་པ་དང་ཡང་དག་ལྡན། །སྤྱི་ཕུད་ཉིད་དུ་གསལ་བར་བྱེད། །ཅེས་གསུངས་སོ། །དེ་རྣམས་ནི་ཨོ་རྒྱན་རིན་པོ་ཆེ་ལ་རྩེ་གཅིག་གསོལ་བ་བཏབ་པས་འདི་དང་ཕྱི་མར་རྟགས་འབྱུང་ཚུལ་ཡིན་ལ། ཕན་ཡོན་ལ་སྤྱི་བོར་བླ་མ་སངས་རྒྱས་ཀུན་འདུས་སུ་བསྒོམས་ནས་གསོལ་བ་བཏབ་པའི་ཕན་ཡོན་ནི། ཡེ་ཤེས་གསལ་བ་སྒྲོན་མེའི་རྒྱུད་ལས། །

[Full Size]

མཚན་དང་དཔེ་བྱད་ལྡན་པའི་ལྷ། །བསྐལ་པ་འབུམ་དུ་བསྒོམ་པ་ལས། །བླ་མ་དྲན་པ་བསོད་ནམས་ཆེ། །ཞེས་དང་། དམ་ཚིག་བཀོད་པའི་རྒྱུད་ལས། མཚན་དང་དཔེ་བྱད་ལྡན་པའི་ལྷ། །བསྐལ་པ་འབུམ་དུ་བསྒོམས་པ་ཡིས། །བླ་མ་དྲན་པའི་འབུམ་ཆར་ཡིན། །ཅེས་དང་། ཡེ་ཤེས་རྒྱ་མཚོ་དམ་ཚིག་མཆོག་གི་རྒྱུད་ལས། སྤྱི་དང་སོ་སོར་དུས་རྟག་ཏུ། །བླ་མ་སྤྱི་བོར་སྒོམ་པའི་མི། །བསྐལ་པ་འབུམ་ཕྲག་སྟོང་ཉིད་དུ། །ཡི་དམ་བསྒོམ་པའི་བསོད་ནམས་ཀྱིས། །སྟོང་ཕྲག་གྲངས་མེད་ཆར་མི་ཕོད། །དེས་ན་བསྐལ་སྟོང་སངས་རྒྱས་པས། །བླ་མ་གཉན་པ་ཤེས་པར་བྱ། །ཞེས་དང་། ཨ་ཏི་བཀོད་པའི་རྒྱུད་ལས། དྲིན་དང་ལྡན་པའི་བླ་མ་དེ། །སྤྱི་བོའི་གཙུག་གམ་སྙིང་གི་དཀྱིལ། །ཡན་ལག་མཐིལ་དུ་སུས་བསྒོམ་པ། །སངས་རྒྱས་སྟོང་གི་ཡོན་ཏན་ཡང་། །གང་ཟག་དེ་ཡིས་འཛིན་པར་འགྱུར། །ཅེས་དང་། དཔལ་གསང་བ་འདུས་པའི་རྒྱུད་ལས། སློབ་དཔོན་སྙིང་གར་སུས་བསྒོམས་པས། །བྱང་ཆུབ་འདི་ཡིས་ཐོབ་འགྱུར་ཞིང་། །ངོ་མཚར་ཆེན་པོའི་དངོས་གྲུབ་ཡིན། །སྐུ་གསུང་ཐུགས་ནི་འགྲུབ་པར་འགྱུར། །ཅེས་དང་། དམ་ཚིག་བཀོད་

[Full Size]

པ་རྒྱ་མཚོའི་རྒྱུད་ལས་། རྫོགས་པའི་རིམ་པ་བསྐལ་བའི་བར་དུ་ནི། །འདུ་འཛི་རྣམ་གཡེང་སྤངས་ནས་བསྒོམས་པ་བས། །བླ་མ་རང་གི་སེམས་དཀྱིལ་དུ། དར་གཅིག་ཤར་བ་ཙམ་གྱིས་ནི། །འབུམ་ཕྲག་ཉི་ཤུའི་ཆར་མི་ཕོད། །ཅེས་དང་། ཌཱཀི་གསང་མཛོད་ཀྱི་རྒྱུད་ལས་། ངེས་པར་སངས་རྒྱས་ཁོ་ན་ཡི། །འདུ་ཤེས་བླ་མ་ལ་བསྐྱེད་ནས། །མཆོག་གི་གོ་འཕང་འདིར་ཐོབ་ཀྱི། །ཐབས་གཞན་དམན་པའི་ལམ་ཡིན་ནོ། །དཔེར་ན་ཡིད་བཞིན་ནོར་བུ་བཞིན། །ལྷག་པའི་བསམ་པ་དག་པས་ནི། །དགོས་འདོད་ཐམས་ཅད་འབྱུང་བར་བྱེད། །ཅེས་དང་། འབྲས་བུ་བླ་ན་མེད་པའི་རྒྱུད་ཆེན་པོ་དྲི་མ་མེད་པའི་སྙིང་པོ་ལས། བླ་མ་སངས་རྒྱས་གང་བསྒྲུབ་པ། །དེ་ཉིད་མོས་གུས་སྟོབས་ལས་བྱུང་། །བླ་མ་དཀྱིལ་འཁོར་ཀུན་གྱི་གཙོ། །བདག་ཉིད་ཆེན་པོ་ལྷ་ཚོགས་ཡིན། །མཆོག་དང་ཐུན་མོང་དངོས་གྲུབ་ཀུན། །ཐམས་ཅད་བླ་མ་མཆོག་ལས་འབྱུང་། །དགོས་འདོད་འབྱུང་བའི་རིན་པོ་ཆེ། །གང་གིས་འབྲེལ་པ་དོན་དང་ལྡན། །ཅེས་དང་། རྒྱུད་ཆེན་པོ་དྲི་མ་མེད་པའི་སྙིང་པོ་ལས། བླ་མ་དག་ལ་མོས་གུས་མེད་གྱུར་ན། །བསྒྲུབས་ཀྱང་འགྲུབ་

[Full Size]

པར་མི་འགྱུར་བས། །དེ་བས་གུས་པ་ཐམས་ཅད་ཀྱིས། །བླ་མའི་སྐུ་གསུང་ཐུགས་མཉེས་བྱ། །མོས་གུས་གང་ཡོད་རྒྱལ་བའི་སྲས། །གཉུག་མ་ལྷན་སྐྱེས་ཡེ་ཤེས་འཆར། །ཅེས་དང་། ཡིད་བཞིན་མཆོག་གི་རྒྱུད་ལས། རང་གི་བླ་མ་འདུན་པའི་ལྷ། །སྤྱི་བོའི་གཙུག་ཏུ་བསྒོམ་པ་ཡིས། །སངས་རྒྱས་དཀྱིལ་འཁོར་སྟོང་ཕྲག་ཉིད། །ལག་མཐིལ་བཞག་ནས་སྟོང་གསུམ་བསྐོར། །སྙིང་གར་ལན་གསུམ་བསྟིམས་བྱས་པས། །བརྒྱ་སྟོང་དུ་ཡང་ཆར་མི་ཕོད། །དེ་བས་རྟག་ཏུ་དྲན་པ་ཡིས། །སྤྱི་གཙུག་འཁོར་ལོའི་རྒྱན་ཉིད་དུ། །དཔལ་ལྡན་བླ་མ་བསམ་པར་བྱ། །ཞེས་དང་། ཌཱ་ཀི་གསང་མཛོད་རྒྱུད་ལས། ལྷ་ལ་བརྟན་པ་ཐོབ་པ་བས། །བླ་མ་ཡུད་ཙམ་དྲན་པ་མཆོག །གསལ་ལ་མི་རྟོག་བདེ་བ་དང་། །དབྱེར་མི་ཕྱེད་པ་དེ་ཉིད་ནི། །བླ་མ་བསྒོམ་པ་ཁོ་ན་ལས། །སྐྱེས་འགྱུར་གཞན་གྱིས་འགྲུབ་པར་དཀའ། །ནོར་བུ་རིན་ཆེན་འབར་བ་བཞིན། །མི་བརྗེད་མཆོག་གི་དངོས་གྲུབ་སྟེར། །ཅེས་དང་། དྲི་མེད་གསང་བའི་རྒྱུད་ལས། དཔལ་གྱི་གཙོ་བོའི་བླ་མ་ལས། །རིགས་ལྔ་ལྷ་དང་ལྷ་མོའི་ཚོགས། །ཞི་ཁྲོ་མ་ངེས་ཟག་པ་མེད། །བདེ་བའི་ལྷ་སྐུ་བླ་མེད་

[Full Size]

འབྱུང་། །ཆོས་དབྱིངས་ངང་ལས་གསལ་བར་སྟོན། །ཅེས་དང་། སངས་རྒྱས་འདུས་པའི་རྒྱུད་ལས། གང་འདུལ་གདུལ་བྱའི་ཞིང་བཞིན་དུ། །བླ་མ་སྒྲུབ་པའི་ཐབས་བརྩམས་ཏེ། །དེ་ཉིད་དོན་དུ་སུས་གཉེར་བ། །ཐེག་ཆེན་བླ་མའི་ས་བོན་ཏེ། །ཀུན་གྱི་བདག་ཉིད་ཆེན་པོར་འགྱུར། །ཅེས་དང་། གསང་བ་འདུས་པའི་རྒྱུད་ལས། །བླ་མ་ལ་གུས་སློབ་མ་ཡིས། །སྒྲ་རིང་བ་དང་གསལ་བ་དང་། །སྐད་གསང་མཐོན་པོས་གསོལ་འདེབས་ན། །དེ་ལ་བདག་གིས་དངོས་གྲུབ་སྟེར། །ཅེས་དང་། ཡེ་ཤེས་རྒྱ་མཚོའི་རྒྱུད་ལས། བསྙེན་དང་སྒྲུབ་པ་བྱེད་པ་བས། །བླ་མའི་གསོལ་འདེབས་ལན་གཅིག་བརྗོད། །ནུས་པ་འབུམ་ཕྲག་ཆར་མི་ཕོད། །ཅེས་དང་། དགྲ་ནག་གི་རྒྱུད་ལས། ཆོས་སྐུའི་བླ་མའི་གཟུགས་སུ་བྱོན། །དེ་ལ་ཐེ་ཚོམ་མེད་པ་ཡི། །མཁས་པས་དེ་ལ་དངོས་གྲུབ་ཉེ། །ཡང་ན་བླུན་པོ་དད་པ་བརྟན། །དེ་ལ་སྦྱོར་བའི་དངོས་གྲུབ་ཉེ། །རྟོག་ཅིང་སྤྱོད་པའི་རྟོག་གེ་བ། །དེ་ལ་དངོས་གྲུབ་ཤིན་ཏུ་རིང་། །ཞེས་དང་། ཡེ་ཤེས་རྒྱ་མཚོའི་རྒྱུད་ལས། བླ་མའི་སྐུ་ཡི་དཀྱིལ་འཁོར་ལ། །དབང་བཞི་ཡོངས་སུ་རྫོགས་པར་ཞུས། །ས་

[Full Size]

ལམ་ཐམས་ཅད་དེ་ཡིས་བགྲོད། །ཅེས་དང་། བླ་མ་སྐུ་གསུམ་བདེ་བ་ཆེན་པོའི་རྒྱུད་ལས། ཐོག་མའི་སངས་རྒྱས་བླ་མ་ལ། །རང་སེམས་སྐུ་གསུམ་སྨིན་པ་ཡི། །འདི་ལས་བྱིན་རླབས་རྗེས་གནང་ཞུ། །རབ་ཟབ་བླ་མའི་དབང་ཐོབ་ནས། །མྱུར་བ་ཉིད་དུ་མངོན་སངས་རྒྱས། །ཞེས་དང་། དམ་ཚིག་བཀོད་པའི་རྒྱུད་ལས། བསྙེན་སྒྲུབ་བཟླས་པ་ས་ཡ་བས། །བླ་མའི་གསོལ་འདེབས་ལན་གཅིག་དགའ། །ཞེས་དང་། ཡེ་ཤེས་མངོན་པར་བྱང་ཆུབ་པའི་རྒྱུད་ལས། ས་དང་ལམ་གྱི་རིམ་པ་རྣམས། །བླ་མའི་མོས་གུས་ལ་བཟླས་བློབགྲོད། །བླ་མའི་སྣང་བ་མི་འབྲལ་ན། །སངས་རྒྱས་རྣམས་དང་འབྲལ་བ་མེད། །ཅེས་དང་། ཆོས་སྐུ་ཡེ་ཤེས་མཁའ་འགྲོའི་གསུང་ལས། གསང་སྔགས་བསྙེན་སྒྲུབ་བྱིན་རླབས་ཀྱི་ལམ་ཡིན། བྱིན་རླབས་མོས་གུས་ཀྱི་ལམ་ཡིན། མོས་གུས་གསོལ་འདེབས་ལ་རགས་ལས་པ་ཡིན་པས། གསོལ་བ་འབར་ཐབས་སུ་ཐོབ་དང་། བྱིན་རླབས་སྙིང་གི་དཀྱིལ་དུ་འབབ་པ་ཞིག་འོང་བ་ཡིན། ཞེས་གསུངས། དེ་རྣམས་ནི་སྤྱིར་བླ་མ་མཚན་ཉིད་དང་ལྡན་པ་སུ་ལ་གསོལ་བ་བཏབ་ཀྱང་ཕན་ཡོན་དེ་རྣམས་འབྱུང་མོད། འོན་ཀྱང་ཕན་ཡོན་དེ་ཐམས་

[Full Size]

ཅད་འབྱུང་ཞིང་བྱིན་རླབས་དངོས་གྲུབ་མྱུར་དུ་ཐོབ་འདོད་ན། གུ་རུ་པདྨ་འབྱུང་གནས་བསྒོམ་ཞིང་གསོལ་བ་བཏབ་པར་བྱ་སྟེ། གུ་རུ་ཉིད་ཀྱི་ཞལ་ནས། ཁྱད་པར་བྱིན་རླབས་དངོས་གྲུབ་མྱུར་འདོད་ན། །རྡོ་རྗེ་དྲག་རྩལ་པདྨ་ང་ཉིད་བསྒོམ། །དུས་གསུམ་སངས་རྒྱས་ཡོན་ཏན་བདག་ལ་རྫོགས། །རྒྱལ་བ་ཞི་ཁྲོ་གསང་སྔགས་ཕྱི་ནང་དང་། །དཔའ་བོ་མཁའ་འགྲོའི་བྱིན་རླབས་དངོས་གྲུབ་རྣམས། །ནོར་བུ་རིན་ཆེན་ཡོན་ཏན་ཀུན་ལྡན་ལྟར། །དེ་དག་ཐམས་ཅད་མ་ལུས་བདག་ལ་རྫོགས། །ང་ཉིད་དྲན་དང་བསྒོམ་པ་ཙམ་གྱིས་ཀྱང་། །རྒྱལ་བ་སྲས་བཅས་ཐུགས་རྗེས་བདག་ལ་གཟིགས། །གསང་སྔགས་ཕྱི་ནང་ལྷ་ཚོགས་ཐམས་ཅད་ཀྱིས། །དབང་བསྐུར་བྱིན་རླབས་དངོས་གྲུབ་སྟེར་བར་བྱེད། །མ་མོ་མཁའ་འགྲོའི་ཚོགས་རྣམས་སྤྲིན་ལྟར་འདུ། །བཀའ་སྲུང་ཆོས་སྐྱོང་ཐམས་ཅད་བྲན་ལྟར་ཉན། །སྣང་སྲིད་ལྷ་འདྲེ་ཐམས་ཅད་བཀའ་བཞིན་སྒྲུབ། །ཡོན་ཏན་ཐམས་ཅད་ང་ཉིད་བསྒོམས་པས་འབྱུང་། དངོས་གྲུབ་ཐམས་ཅད་ང་ཉིད་བསྒོམས་པས་འཐོབ། ཕྲིན་ལས་ཐམས་ཅད་ང་ཉིད་བསྒོམས་པས་འགྲུབ། །ཅེས་གསུངས་ཏེ། གུ་རུ་ཉིད་ཀྱི་སྒྲུབ་ཐབས་

[Full Size]

མཛད་ནས་གནང་། སྒྲུབ་ཐབས་ལའང་ཆོས་ཚན་བཞིར་ཕྱེས་ནས། ཕྱི་གསོལ་འདེབས་ཀྱི་སྐོར། ནང་བྱིན་རླབས་ཀྱི་སྐོར། གསང་བ་དངོས་གྲུབ་ཀྱི་སྐོར། དྲག་པོ་ཕྲིན་ལས་ཀྱི་སྐོར་དང་བཞི་རུ་མཛད། ཅེས་འབྱུང་བའི་ནང་ནས་ལེའུ་བདུན་པ་འདི་ནི་ཕྱི་གསོལ་འདེབས་ཀྱི་སྐོར་ཡིན་ནོ། །སྤྱིར་དེང་སང་དུས་སྙིགས་མ་ལས་ཀྱང་ཆེར་སྙིགས་མར་གྱུར་པས། གསོལ་བ་བཏབ་པས་ཀྱང་རྟགས་དང་ཕན་ཡོན་བཤད་པ་ལྟར་དངོས་སུ་འབྱུང་དཀའ་དུས་ཡིན་ནའང་། དུས་ཇི་ཙམ་སྙིགས་བཞིན་དུ་ཨོ་རྒྱན་རིན་པོ་ཆེའི་བྱིན་རླབས་ཇེ་ཆེ་ཐུགས་རྗེ་ཇེ་མྱུར་དུ་འགྲོ་བར་གསུངས་པས། སྙིང་ཐག་པ་ནས་གསོལ་བ་འདེབས་མཁན་ཡོད་ན། བྱིན་རླབས་འབྱུང་ངེས་པར་གདའ་སྟེ། དུས་སྙིགས་མའི་དུས་དེང་སང་ཡང་། ཚོང་དཔོན་ཞིག་གིས་པདྨ་བཀའ་ཐང་བཞེངས་ནས་དྲེའུར་བཀལ་ཡོད་པ། ཇག་པས་རོགས་གཞན་གྱི་དྲེལ་དང་ཚོང་དཔོན་དེའི་དྲེལ་ཐམས་ཅད་དེད་ཤོར་བས། བཀའ་ཐང་བཀལ་བའི་དྲེལ་དེ་ཚུར་ལ་རྒྱུག་བྱུང་བས་དེ་མ་ཤོར་ཟེར་བ་དང་། ཡང་རྒན་མོ་གཉིས་ལ་བ་གཉིས་ཡོད་པས། རྒན་མོ་གཅིག་དེས་ལེའུ་བདུན་མ་དང་བཛྲ་གུ་རུ་ལ་ཐུགས་དམ་རྩེ་གཅིག་བྱེད་པ་ཡིན་པས། རྐུན་

[Full Size]

མས་མཚན་ལ་བ་གཉིས་ཁྲིད་ནས་སོང་བ། རྒན་མོ་གཅིག་གིས་གྲོང་པ་ལ་ངག་བྱས་ནས་ཐམས་ཅད་རྒྱུགས་པས་མ་ལོན། རྒན་མོ་གཅིག་དེས་ཨོ་རྒྱན་ལ་གསོལ་བ་རྩེ་གཅིག་ཏུ་བཏབ་ནས་ཉལ་བསྡད་པས། ཕྱིར་ནངས་གསོལ་བ་འདེབས་མཁན་མའི་བ་དེས་བྲེང་ཞགས་གཅིག་ཁྱེར་ནས་ཁྱིམ་དུ་སླེབ་བྱུང་ཟེར་བ་དང་། ཇོ་མོ་རྒན་མོ་གཅིག་གི་ལེའུ་བདུན་མ་དང་བཛྲ་གུ་རུ་ལ་ཐུགས་དམ་རྩེ་གཅིག་ཏུ་བྱེད་ཅིང་། གྲོང་པ་དང་ཐག་རིང་བའི་རི་ཁྲོད་བཟུང་བ་ལ་དགོང་ཀ་ཆུ་ཁུར་ནས་ཚུར་འོང་བ་དང་ལམ་དུ་དྲེད་མོང་གཅིག་དང་ཏུག་གིས་ཐུག་པས། མིག་བཙུམས་ནས་ཨོ་རྒྱན་ལ་གསོལ་བ་བཏབ་ནས་ཁ་རོག་བསྡད་ཛ། དྲེད་མོང་དེས་མོའི་ཞྭ་ཡུ་ལ་ཁ་སྣ་གཏུགས་ནས་སྣོམ་སྟེ་གནོད་པ་མ་བྱས་པར་སོང་ཟེར་བ་དང་། བླ་མ་ཆེན་པོ་ཞིག་གིས་ལེའུ་བདུན་མ་ལ་ཐུགས་དམ་གཙོ་བོར་མཛད་པས། ནམ་མཁའི་འཇའ་གུར་ནང་ནས་དངོས་སུ་ཨོ་རྒྱན་ཞལ་གཟིགས་པ་དང་། ཀུན་གྱིས་མཐོང་བར་མེ་ཏོག་གི་ཆར་ལོ། ཆེན་བབས་ཟེར་བ་དང་། ཡང་བླ་དཔོན་ཆེན་པོ་གཅིག་གིས་གཡུལ་གཏུག་ཁར་ཕམ་དོགས་ནས་ཨོ་རྒྱན་ལ་གསོལ་བ་བཏབ་པས། མདུན་དུ་འཇའ་ཟུག་པའི་སྣ་ལ་ཨོ་རྒྱན་གཙོ་འཁོར་

[Full Size]

གསུམ་ཞལ་གཟིགས་ནས་གཡུལ་ལས་རྒྱལ་ཟེར་བ་དང་། ལེའུ་བདུན་མ་དང་བཛྲ་གུ་རུ་ལ་ཐུགས་དམ་མཛད་པས་ཚེ་རིང་བ་དང་། གཟའ་ཀླུ་རྒྱལ་པོའི་ནད་ཡོད་པ་ལ་ཕན་པ་དང་། རྨི་ལམ་དུ་ཨོ་རྒྱན་རིན་པོ་ཆེ་མཇལ་ནས་དབང་དང་བྱིན་རླབས་གདམས་ངག་བདུད་རྩི་དངོས་གྲུབ་གནང་ཟེར་མཁན་མང་དུ་མཐོང་ཞིང་ཐོས་སོ། །དེ་ན་ཡིད་ཆེས་པར་བྱའོ། །ཨེ་མ་ཧོ། ལེའུ་བདུན་པའི་དམིགས་རིམ་རྒྱས་པ་འདི། །སྔོན་ཆད་ཡི་གེར་བཀོད་པ་མ་མཆིས་ཀྱང་། །འགྲོ་བ་སེམས་ཅན་རྣམས་ལ་ཕན་པའི་ཕྱིར། །རཱ་ག་ཨ་སྱ་བདག་གིས་ཡི་གེར་བཀོད། །སྙན་བརྒྱུད་ཟབ་མོ་ཡི་གེར་བཀོད་པ་ལ། །ཆོས་བདག་ཊཱཀིས་ཀོ་ལོང་མི་མཛད་གསོལ། །འདི་ལ་འགལ་འཁྲུལ་ཉེས་པ་མཆིས་སྲིད་ན། །པད་འབྱུང་རྩ་བ་གསུམ་གྱི་ལྷ་ལ་བཤགས། །འདི་བྲིས་དགེ་བས་བདག་དང་སེམས་ཅན་ཀུན། །སྐུ་གསུམ་བླ་མའི་གོ་འཕང་ཐོབ་པར་ཤོག །སྡེ་བརྒྱད་བརྟན་མ་མགུར་ལྷ་དགེ་བསྙེན་ཚོགས། །ཨོ་རྒྱན་ཆེན་པོའི་དམ་ལས་མ་འདའ་བར། །ཆོས་འདི་འཕེལ་ཞིང་ཕྱོགས་བཅུར་རྒྱས་པ་དང་། །འདི་ཉིད་ཉམས་སུ་ལེན་པའི་སྲུང་མ་མཛོད། །བཀྲ་ཤིས་ཀུན་གྱི་འབྱུང་གནས་རིན་པོ་ཆེ། །པདྨ་

[Full Size]

འབྱུང་གནས་བཀྲ་ཤིས་དེང་འདིར་ཤོག །སྦྱིན་བདག་ལུས་ངག་ཡིད་གསུམ་སྒྲིབ་པ་དག །ཕྱི་མ་ཨོ་རྒྱན་མཁའ་འགྲོའི་གནས་ཐོབ་ཤོག །འབྱུང་པོའི་གནོད་པ་ཞི་བར་མཛད་དུ་གསོལ། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །བཀྲ་ཤིས་དཔལ་འབར་བསྟན་པ་དར་རྒྱས་ཤོག །སརྦ་མངྒ་ལཾ། དགེའོ།། བཀྲ་ཤིས། ཞལ་དྲོ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསོལ་འདེབས་ལེའུ་བདུན་མའི་དམིགས་རིམ་ངག་ཁྲིད་ཤིན་ཏུ་གསལ་བ་ཞིག

[Full Size]

གསོལ་འདེབས་ལེའུ་བདུན་མའི་དམིགས་རིམ་ངག་ཁྲིད་ཤིན་ཏུ་གསལ་བ་ཞིག་བཞུགས་སོ། །

[Full Size]

ན་མོ་གུ་རུ་སིདྡྷི་ཧཱུྃ༔ ཨོ་རྒྱན་རྗེ་ལ་ཕྱག་འཚལ་ལོ༔ དེ་ཡི་སྒྲུབ་ཐབས་མཐའ་ཡས་ཀྱང་༔ ཕྱི་ལྟར་སྒྲུབ་ཐབས་གསོལ་འདེབས་སྐོར༔ ལེའུ་བདུན་མའི་གསོལ་འདེབས་བརྗོད༔ བཀའ་སྲུང་ལྷ་མོ་བཞི་པོ་ཡིས༔ བཀའ་ཡི་གནང་བ་བསྩལ་དུ་གསོལ༔ ཁྲག་འཐུང་རོལ་པའི་རྩ་རྒྱུད་ལས༔ རྒྱ་གར་སྟོན་པ་ཤཱཀ་ཐུབ་ལ༔ བོད་ཀྱི་སྟོན་པ་ཨོ་རྒྱན་ཉིད༔ ཨོ་རྒྱན་པདྨ་ཞེས་བྱ་བ༔ ཀུན་ཏུ་བཟང་པོའི་ངོ་བོ་ཉིད༔ རྡོ་རྗེ་འཆང་ཆེན་སྤྲུལ་པའི་སྐུ༔ རིགས་ལྔའི་སངས་རྒྱས་འདུས་པའི་དཔལ༔ རིགས་གསུམ་མགོན་པོའི་རང་བཞིན་ཏེ༔ སྣང་བ་མཐའ་ཡས་སྤྲུལ་པའི་

[Full Size]

སྐུ༔ ཐུགས་རྗེ་ཆེན་པོ་མངོན་སུམ་ཉིད༔ བདག་ཅག་ཐུབ་པ་དྲུག་གི་སྐུ༔ གཅིག་ཏུ་སྤྲུལ་པའི་སྲས་གཅིག་པོ༔ མ་འོངས་སེམས་ཅན་མགོན་གཅིག་ཡིན༔ སངས་རྒྱས་སྟོང་གི་གདུང་གཅིག་པོ༔ དུས་གསུམ་སངས་རྒྱས་སྤྱི་འདུས་དཔལ༔ བདེ་གཤེགས་ཐམས་ཅད་སྐུ་ལ་རྫོགས༔ སངས་རྒྱས་ཀུན་གྱི་རང་བཞིན་ཏེ༔ དེ་སྐད་ཐུབ་པ་ཆེན་པོས་གསུངས༔ གུ་རུ་ཉིད་ཀྱི་ཞལ་ནས་ཀྱང་༔ སྐྱིད་སྡུག་བཟའ་བཏུང་འགྲོ་འཆག་ཀྱང་༔ སེམས་ཀྱིས་སྐད་ཅིག་ངང་དྲན་པས༔ དེ་ཚེ་ང་ཡི་བྱིན་རླབས་དེས༔ ང་ལ་མོས་འདུན་སྐྱེས་ནས་སུ༔ བསྐལ་པ་མང་པོའི་སྔོན་རོལ་

[Full Size]

ནས༔ ང་དང་འབྲེལ་བར་ཤེས་པར་གྱིས༔ མཐར་ནི་ང་ཡི་ཞིང་དུ་སྐྱེ༔ པད་འབྱུང་རྫུན་ཚིག་མི་སྨྲ་ཡིས༔ དགའ་བར་སོམས་ཤིག་མོས་བྱེད་རྣམས༔ གང་ཟག་མོས་པའི་བློ་ཡོད་ལྷན༔ ང་ཡི་ཐུགས་རྗེ་རྒྱུན་ཆད་མེད༔ དོན་ལ་ང་ལ་འགྲོ་འོང་མེད༔ རང་གི་ལས་དང་སྒྲིབ་པ་ཉིད༔ དེ་ཉིད་དག་ན་ང་དང་མཇལ༔ སྨོན་ལམ་ཀུན་རྫོབ་གདུལ་བྱའི་ངོར༔ སྲིན་ཡུལ་བཞུགས་པར་བདེན་མོད་ཀྱི༔ ཐུགས་རྗེ་བྱིན་རླབས་རྒྱུན་ཆད་མེད༔ སུས་མོས་རྩ་ན་ང་ཉིད་འདུག༔ དེ་བས་མང་དུ་ཅི་བཤད་ཀྱང་༔ ཚིག་གི་སྦྱིན་རོ་ཡིན་མོད་ཀྱི༔ དོན་ལ་གློ་སྙིང་ང་ལ་ཁོལ༔ ཆེ་རིག་ཆེ་ལ་ཆུང་རིག་ཆུང་༔ རང་གི་མོས་གུས་དང་བསྟུན་པའི༔ བྱིན་རླབས་འཇུག་པར་ཐེ་ཚོམ་མེད༔ གསུངས་ཕྱིར་གསོལ་འདེབས་འདི་ལ་བརྩོན་དབང་མ་ཐོབ་ཀྱང་འདོན་རུང་སྟེ༔ རང་ཉིད་ཐ་མལ་ལུས་སུ་བྱ༔ གུ་རུ་ཞི་བའི་དབང་ཐོབ་ནས༔ རང་ཉིད་རྟ་ཕག་ཡབ་ཡུམ་སྐུ༔ དམར་པོ་གྲི་གུག་ཐོད་ཁྲག་འཛིན༔ སྤྱི་གཙུག་རྟ་དབུ་ཕག་ཞལ་ཅན༔ སྐུ་ལ་དུར་ཁྲོད་ཆས་བརྒྱད་གསོལ༔ ཞབས་གཉིས་པད་ཉིར་བདུད་བཞི་མནན༔ མེ་དཔུང་ཀློང་ན་འགྱིངས་བར་བསྒོམ༔ དེ་ནི་ལེའུ་བདུན་མ་ཀུན་ལ་

[Full Size]

འགྲེས༔ ལེའུ་བདུན་མའི་གསོལ་འདེབས་ནི༔ དྲུག་ནི་མང་ཡུལ་བྲག་ལ་སྦས༔ བདུན་ནི་ལག་རྐྱང་གཙུག་ལག་སྦས༔ གཏེར་སྲུང་ལྷ་མོ་དྲེལ་ཞོན་མ༔ བསེ་ཡི་ལྷ་མོ་མཆེད་བཞིས་སྲུངས༔ རི་ཁྲོད་བཟང་པོ་དཔལ་ཞེས་པས༔ གཏེར་ནས་བཏོན་ཀྱང་ཕབ་མ་ཐུབ༔ ཤོག་སེར་རྒོད་ལྡེམ་ཅན་ལ་ཕུལ༔ དེ་ཡིས་ཕབ་ནས་འགྲོ་དོན་རྒྱས༔ ལེའུ་བདུན་མའི་སྒྲུབ་ཐབས་སྐོར༔ གཏེར་ཁ་གཞན་ནས་བྱུང་གྱུར་ཀྱང་༔ མང་དུ་མ་འཕེལ་མཐོང་ཐོས་དཀོན༔ འདི་ནི་རང་གཞུང་ཚིག་རིས་དང་༔ མཐུན་པའི་དམིགས་རིམ་ཞལ་གདམས་ཏེ༔ འདི་ལྟར་བསྒོམ་ཞིང་ཉམས་སུ་ལོངས༔ ཨྠྀི༔ རང་གི་སྤྱི་བོར་པདྨ་དཀར་དམར་མཐིང་༔ དཀར་པོའི་སྟེང་དུ་སྤྲུལ་སྐུ་པདྨ་འབྱུང་༔ པད་ཞྭ་ཆོས་གོས་ཟ་འོག་བེར་ཕྱམ་ཅན༔ མཚན་དཔེའི་རབ་རྒྱས་སྤྲུལ་སྐུའི་ཆ་ལུགས་རྫོགས༔ དེ་སྟེང་པདྨ་དམར་པོའི་སྟེང་དུ་ནི༔ བླ་མ་ལོངས་སྤྱོད་རྫོགས་སྐུ་ཚེ་དཔག་མེད༔ དམར་པོ་མཉམ་བཞག་ཚེ་བུམ་ཡུམ་དང་འཁྲིལ༔ དར་དང་རིན་ཆེན་རྒྱན་ལྡན་ལོངས་སྐུའི་ཆས༔ དེ་ཡི་དབུ་གཙུག་པདྨ་སྔོན་པོའི་སྟེང་༔ བླ་མ་ཆོས་སྐུ་གསང་འདུས་རྡོ་རྗེ་འཆང་༔ མཐིང་ནག་སྤྱན་གསུམ་རྡོ་རྗེ་

[Full Size]

དྲིལ་བུ་འཛིན༔ རིགས་ལྔས་དབུ་བརྒྱན་རུས་པའི་རྒྱན་དྲུག་གསོལ༔ མཚོ་རྒྱལ་དཀར་མོ་གྲི་ཐོད་འཛིན་པས་འཁྱུད༔ སྤྲུལ་སྐུའི་ཕྱི་རིམ་པདྨ་འདབ་དྲུག་སྟེང་༔ ནམ་མཁའི་སྙིང་པོ་ཁྲི་སྲོང་ལྡེའུ་བཙན་དང་༔ མཚོ་རྒྱལ་སྣ་ནམ་རྡོ་རྗེ་བདུད་འཇོམས་དང་༔ མུ་ཁྲི་བཙན་པོ་རིག་འཛིན་རྒོད་ལྡེམ་ཅན༔ དྲུག་པོ་རྒྱན་དང་ཆ་ལུགས་འཚམས་པར་བསྐྱེད༔ གཙོ་འཁོར་གསུམ་གྱི་གནས་གསུམ་འབྲུ་གསུམ་ལས༔ འོད་འཕྲོས་འོག་མིན་བདེ་ཆེན་སྲིན་ཡུལ་ནས༔ བླ་མ་སྐུ་གསུམ་འཁོར་བཅས་སྤྱན་དྲངས་བསྟིམ༔ ཨེ་མ་ཧོ༔ སྤྲོས་བྲལ་ཆོས་ཀྱི་དབྱིངས་ཀྱི་ཞེས་སོགས་ནས༔ པདྨ་སིདྡྷི་ཧཱུྃ་ཞེས་གསོལ་བ་བཏབ༔ སྐུ་གསུམ་བླ་མའི་དཔྲལ་བའི་ཨོཾ་དཀར་ལས༔ འོད་ཟེར་ཐིག་ལེ་དཀར་པོའི་ཨོཾ་མཚན་པ༔ འཕྲོས་ནས་རང་ཉིད་དཔྲལ་བར་ཐིམ་པ་ཡིས༔ ལུས་སྒྲིབ་དག་ནས་སྐུ་ཡི་བྱིན་རླབས་ཞུགས༔ བླ་མ་སྐུ་གསུམ་མགྲིན་པའི་ཨཱཿདམར་ལས༔ འོད་ཟེར་དམར་པོ་ཐིག་ལེ་ཨཱཿདམར་མཚན༔་འཕྲོས་ནས་རང་གི་མགྲིན་པར་ཐིམ་པ་ཡིས༔ ངག་སྒྲིབ་དག་ནས་གསུང་གི་བྱིན་རླབས་ཞུགས༔ བླ་མ་སྐུ་གསུམ་ཐུགས་ཀའི་ཧཱུྃ་མཐིང་ལས༔ ཐིག་ལེ་སྔོན་པོ་ཧཱུྃ་གིས་མཚན་པ་འཕྲོས༔ རང་གི་

[Full Size]

སྙིང་ཁར་ཐིམ་པས་ཡིད་སྒྲིབ་དག༔ ཐུགས་ཀྱི་བྱིན་རླབས་ཞུགས་བསྒོམ་སྙིང་པོ་བསྒྲང་༔ དེ་ནས་བླ་མ་སྐུ་གསུམ་འཁོར་དང་བཅས༔ འོད་དུ་ཞུ་ནས་རང་དང་དབྱེར་མེད་ཐིམ༔ རང་དང་བླ་མ་དབྱེར་མེད་ངེས་ཤེས་བསྐྱེད༔ དེ་ནས་མ་བཅོས་སེམས་ཀྱི་རང་ཞལ་ལྟ༔ ངོ་བོ་སྟོང་པ་བླ་མ་ཆོས་ཀྱི་སྐུ༔ རང་བཞིན་གསལ་བ་བླ་མ་ལོངས་སྤྱོད་རྫོགས༔ སྣ་ཚོགས་འགགས་མེད་བླ་མ་སྤྲུལ་པའི་སྐུ༔ སྐུ་གསུམ་རང་ལ་རྙེད་པས་བླ་མ་འགྲུབ༔ ལེའུ་དང་པོའི་དམིགས་རིམ་སྤྱི་རྒྱ༔ ༈ དེ་ནས་རང་གི་སྤྱི་གཙུག་ནམ་མཁའ་ལ༔ ཨོ་རྒྱན་སྤྲུལ་སྐུའི་ཆ་ལུགས་གཞུང་ལྟར་ལས༔ སྐུ་ཚད་བསམ་ལས་འདས་པ་བསྒོམ་པ་ཡི༔ ཐུགས་དབུས་ཀུན་བཟང་རིགས་ལྔ་ཞི་བའི་ལྷ༔ མགྲིན་པར་པདྨ་གར་དབང་རིག་འཛིན་ཚོགས༔ ཀླད་པར་ཆེ་མཆོག་ཁྲག་འཐུང་ལྔ་བཅུ་བརྒྱད༔ སྤྱི་གཙུག་ཚངས་བུག་ཚེ་དཔག་ཚེ་ཡི་ལྷ༔ དཔྲལ་བར་གཤིན་རྗེའི་གཤེད་པོ་སྐུ་ཡི་ལྷ༔ མགྲིན་པའི་སྟེང་༧ དུ་རྟ་མཆོག་གསུང་གི་ལྷ༔ ཐུགས་ཀའི་ཆ་སྨད་ཡང་དག་ཐུགས་ཀྱི་ལྷ༔ ལྟེ་བར་རྡོ་རྗེ་གཞོན་ནུ་ཕུར་པའི་ལྷ༔ གསང་བར་བླ་མེད་མ་མོ་རྦོད་གཏོང་ལྷ༔ པུས་མོ་གཡས་སུ་འཇིག་

[Full Size]

རྟེན་མཆོད་བསྟོད་ལྷ༔ པུས་མོ་གཡོན་དུ་དམོད་པ་དྲག་སྔགས་ལྷ༔ སྲོག་རྩར་ཤཱཀ་ཐུབ་ཉན་ཐོས་འཁོར་དང་བཅས༔ དེ་སོགས་རྩ་གནས་དྲུག་ལ་ཐུབ་པ་དྲུག༔ ལྟེ་འོག་སོར་བཞིར་ཕག་མོའི་དཀྱིལ་འཁོར་ལྷ༔ སྐུ་ཡི་རྩ་གནས་ཉི་ཤུ་རྩ་བཞི་ན༔ ཡུལ་ཆེན་ཉེར་བཞིའི་དཔའ་བོ་རྣལ་འབྱོར་མ༔ སྐུ་ཡི་བ་སྤུ་བྱེ་བ་ས་ཡ་ལ༔ དཔའ་བོ་མཁའ་འགྲོ་བྱེ་བ་ས་ཡ་སྟེ༔ ཐམས་ཅད་མེ་ལོང་ནང་གི་གཟུགས་བརྙན་བཞིན༔ རྒྱས་པར་སོ་སོའི་མངོན་རྟོགས་ཤེས་དགོས་ཏེ༔ མི་ཤེས་མོས་པ་ཙམ་དུ་བསྒོམས་པས་འཐུས༔ མདོར་ན་སངས་རྒྱས་ཞིང་ཀུན་སྐུ་ཡིས་ཁྱབ༔ སྐུ་ལ་སངས་རྒྱས་ཞིང་ཀུན་བཀོད་པ་རྫོགས༔ དེ་ཕྱིར་སྤྱན་འདྲེན་ལ་སོགས་མི་དགོས་སོ༔ གང་ཞིག་སངས་རྒྱས་ཡིད་བྱེད་དེ་ཡི་མདུན༔ ཐུབ་པ་བཞུགས་པར་གསུངས་དང་དོན་མཐུན་ནོ༔ དེ་ལྟར་བསྒོམས་ནས་མོས་གུས་རྩེ་གཅིག་པས༔ ཨེ་མ་ཧོ༔ སངས་རྒྱས་བསྟན་པ་རྨད་བྱུང་ཞེས་སོགས་ནས༔ ལེའུ་གཉིས་པ་ཚང་བར་གསོལ་འདེབས་བྱ༔ ལྷ་ཚོགས་ཀུན་གྱི་སྐུ་ལས་བདུད་རྩི་བབས༔ གུ་རུའི་སྐུ་གང་ལུས་ལས་བདུད་རྩིའི་རྒྱུན༔ ཚངས་བུག་ནས་ཞུགས་རང་གི་སྤྱི་བོ་གང་༔ ལུས་ཀྱི་སྒྲིབ་དག་སྐུ་ཡི་དབང་བསྐུར་ཐོབ༔ མགྲིན་

[Full Size]

གང་ངག་སྒྲིབ་དག་ནས་གསུང་དབང་ཐོབ༔ སྙིང་ཁ་གང་ནས་ཡིད་ཀྱི་སྒྲིབ་པ་དག༔ ཤེར་ཡེའི་དབང་ཐོབ་ལུས་ཀུན་ལྟེམས་སེ་གང་༔ ཆ་མཉམ་སྒྲིབ་དག་དབང་བཞི་རྫོགས་པར་བསྒོམ༔ དེ་ནས་སྤྱི་བོའི་གུ་རུ་འོད་དུ་ཞུ༔ རང་ལ་ཐིམ་ནས་ཤེས་བྱའི་སྒྲིབ་པ་དག༔ རིག་པའི་རྩལ་དབང་ཐོབ་བསྒོམ་མཉམ་པར་བཞག༔ ལེའུ་གཉིས་པའི་དམིགས་རིམ་རྒྱ༔ ༈ རང་ཉིད་ལྷོ་ནུབ་མཚམས་སུ་ཁ་གྱུས་ལ༔ བདག་བསྐྱེད་རྟ་མགྲིན་རི་རབ་ཙམ་ཞིག་བསྒོམ༔ རྔ་ཡབ་གླིང་ཕྲན་མདུན་བསྐྱེད་དཀྱིལ་འཁོར་བྱ༔ ཆུ་བུར་མིག་གིས་གསལ་བར་མ་མཐོང་ཡང་༔ ཡིད་ཀྱི་ཡུལ་དུ་ཟངས་མདོག་དཔལ་གྱི་རི༔ པདྨ་འོད་ཀྱི་གཞལ་ཡས་གསལ་བཏབ་སྟེ༔ དབུས་སུ་རིན་ཆེན་ཟུར་བརྒྱད་པད་ཟླའི་སྟེང་༔ དཔལ་ཆེན་ཆེ་མཆོག་པདྨ་ཐོད་ཕྲེང་རྩལ༔ སྤྲུལ་སྐུའི་ཆ་ལུགས་རི་རྒྱལ་ལྷུན་པོ་བཞིན༔ ཕྱོགས་མཚམས་པདྨ་འདབ་མ་བརྒྱད་པོའི་སྟེང་༔ བཀའ་བརྒྱད་གཙོ་འཁོར་བརྒྱད་པོ་འཁོར་དང་བཅས༔ དེ་རྒྱབ་པད་འདབ་བཞི་བཞི་བཅུ་དྲུག་སྟེང་༔ གིང་བཞི་མཁའ་འགྲོ་བཅུ་དྲུག་ཡབ་དང་ཡུམ༔ དེ་དག་རྒྱས་པ་སོ་སོའི་མངོན་རྟོགས་བཞིན༔ བསྡུ་ན་མོས་པ་ཙམ་གྱིས་

[Full Size]

བསྐྱེད་པས་ཆོག༔ ཨེ་མ་ཧོ༔ འདི་ནས་ཉི་མ་ལྷོ་ནུབ་ཅེས་སོགས་ནས༔ ལེའུ་གསུམ་པའི་གསོལ་འདེབས་རྫོགས་པར་བྱ༔ གསོལ་བ་བཏབ་པས་ལྷ་ཚོགས་དེ་དག་གི༔ དཔྲལ་བ་མགྲིན་པ་ཐུགས་ཀ་ལྟེ་བ་ནས༔ འོད་ཟེར་དཀར་དམར་མཐིང་དང་ལྗང་གུའི་ཚོགས༔ སྐར་མདའ་ཆད་བཞིན་རང་གི་གནས་བཞིར་ཐིམ༔ དབང་དང་བྱིན་རླབས་དངོས་གྲུབ་ཐོབ་པར་བསྒོམ༔ ལེའུ་གསུམ་པའི་དམིགས་རིམ༔ རྒྱ༔ ༈ རང་གི་སྤྱི་བོར་པདྨ་སུམ་བརྩེགས་སྟེང་༔ ལྟེ་བར་པད་འབྱུང་ཡབ་ཡུམ་མཐིང་ཀ་སྟེ༔ དེ་མཐར་རིགས་ལྔ་རྡོ་རྗེ་འཆང་ལ་སོགས༔ རྒྱལ་བ་དགོངས་བརྒྱུད་སངས་རྒྱས་ཀུན་གྱིས་བསྐོར༔ དེ་འོག་སྟོན་པ་རྡོ་རྗེ་སེམས་དཔའ་ལ༔ དགའ་རབ་ཤྲཱི་སེང་རྒྱ་གར་རིག་འཛིན་བརྒྱད༔ རིག་འཛིན་བརྡའ་བརྒྱུད་བླ་མ་ཀུན་གྱིས་བསྐོར༔ དེ་འོག་སྤྲུལ་སྐུ་པདྨ་འབྱུང་གནས་ལ༔ རྗེ་འབངས་ཉེར་ལྔ་གཏེར་སྟོན་བརྒྱ་རྩ་བརྒྱད༔ གང་ཟག་སྙན་བརྒྱུད་བླ་མ་ཀུན་གྱིས་བསྐོར༔ ཀུན་ཀྱང་འཇའ་འོད་ཐིག་ལེ་ཐིག་ཕྲན་འཁྲུགས༔ ནམ་མཁའི་ཁམས་ཀུན་གང་བར་བསྒོམས་བྱས་ལ༔ ཨེ་མ་ཧོ༔ སྤྲོས་བྲལ་བདེ་ཆེན་རྒྱལ་བ་ནས་བཟུང་སྟེ༔ ལེའུ་བཞི་པའི་གསོལ་

[Full Size]

འདེབས་ཚང་བར་བྱ༔ ལྷ་ཚོགས་ཐམས་ཅད་ཨོ་རྒྱན་ཉིད་ལ་ཐིམ༔ ཨོ་རྒྱན་འོད་ཞུ་རང་ལ་ཐིམ་པ་ཡིས༔ རང་གི་སེམས་ཉིད་ཆོས་སྐུ་རྗེན་པར་གྱུར༔ རྫོགས་ཆེན་ཁྲེགས་ཆོད་རྟོགས་པ་སྐྱེས་པར་བསྒོམ༔ མ་བཅོས་རང་བྱུང་ངོ་བོ་སྐྱོང་བའི་ཚེ༔ བལྟ་བྱ་ལྟ་བྱེད་དབྱེར་མེད་གཅིག་ཏུ་འདྲེས༔ མིག་གི་ཡུལ་དུ་མཐོང་བའི་གཟུགས་རྣམས་ཀྱང་༔ སྣ་ཚོགས་མཐོང་ཡང་འདི་ཡིན་འཛིན་པ་མེད༔ དཔེར་ན་བྱིས་པས་ལྷ་ཁང་མཐོང་བ་བཞིན༔ རྣ་བའི་ཡུལ་དུ་གྲག་པའི་སྒྲ་རྣམས་ཀྱང་༔ སྙན་དང་མི་སྙན་ཆགས་སྡང་འཛིན་པ་མེད་བྲག་རའི་ཁྲོད་ནས་བྱུང་བའི་སྒྲ་སྐད་བཞིར༔ སེམས་ལ་དུག་ལྔའི་རྟོག་པ་ཅི་ཤར་ཡང་༔ གང་ཤར་རང་ངོ་བལྟས་པས་རང་སར་གྲོལ༔ དཔེར་ན་ཆུ་རླབས་ཆུ་ལ་ཐིམ་པ་བཞིན༔ ཕྱི་རོལ་སྣོད་བཅུད་སྣང་སྟོང་ཆུ་ཟླ་བཞིན༔ གང་དུ་སེམས་ཉིད་སྟོང་གསལ་ནམ་མཁའ་བཞིན༔ ཕྱི་ནང་དབྱེར་མེད་མ་བཅོས་ཅོག་གེར་བཞག༔ དེ་ལ་བརྟན་པ་ཐོབ་ན་རང་རྒྱུད་གྲོལ་ལེའུ་བཞི་པའི་དམིགས་རིམ་ཨྠ྄ྀི་རྒྱ༔ ༈ རང་གི་སྤྱི་བོར་པདྨའི་སྡོང་པོ་ནི༔ དབུས་དང་འདབ་བརྒྱད་སྟེང་དུ་པད་ཟླའི་སྟེང་༔ དབུས་སུ་ཨོ་རྒྱན་སྤྲུལ་སྐུ་གཞུང་ལྟར་

[Full Size]

ལས༔ འདབ་བརྒྱད་སྟེང་དུ་མཚན་བརྒྱད་སྤྱི་ལྟར་བསྒོམ༔ རྔ་ཡབ་གླིང་ནས་སྤྱན་དྲངས་གཉིས་མེད་བསྟིམ༔ ཨེ་མ་ཧོ༔ ལྷོ་ནུབ་རྔ་ཡབ་གླིང་ཕྲན་ཞེས་སོགས་ནས༔ བྱིན་གྱིས་བརླབ་ཏུ་གསོལ་ཞེས་གསོལ་བཏབ་པས༔ དེ་ནས་མཚན་བརྒྱད་འོད་ཞུ་གཙོ་བོར་ཐིམ༔ གཙོ་བོ་འོད་ཞུ་རང་ལ་ཐིམ་པར་བསྒོམ༔ འདི་ལ་ལྷ་དགུ་སྤྱི་བོར་བསྒོམས་མོད་ཀྱང་༔ མཐར་ནི་རང་གི་འདོད་པ་དང་བསྟུན་ནས༔ ཐམས་ཅད་གང་ཡིན་དེ་ལ་ཐིམ་བྱས་ཏེ༔ དེ་ཉིད་རང་ལ་ཐིམ་བསྒོམ་ལས་ཚོགས་གྲུབ༔ སྒྲིབ་པ་དག་པར་འདོད་ན་པདྨ་འབྱུང་༔ ཤེས་རབ་ཆེ་འདོད་བློ་ལྡན་མཆོག་སྲེད་དེ༔ འགྲོ་དོན་སྒོ་འབྱེད་ཉི་མ་འོད་ཟེར་ཡིན༔ ཕ་རོལ་གནོད་པ་ཟློག་ན་སེངྒེ་སྒྲ༔ ཡོན་ཏན་རིག་གནས་སློབ་ན་པདྨ་སཾ་བྷ་ཝ༔ སྣང་སྲིད་དབང་དུ་སྡུད་ན་པདྨའི་རྒྱལ༔ བསྟན་པ་འཕེལ་འདོད་བསྒྲུབ་པ་ཤཱཀྱ་སེང་༔ ལྷ་འདྲེ་གདུག་པ་འདུལ་ན་གྲོ་ལོད་བསྒོམ༔ རང་ལ་ཐིམ་དམིགས་འགྲོ་དོན་སོ་སོར་འབྱུང་༔ ལེའུ་ལྔ་པའི་དམིགས་རིམ་ཨྠ྄ྀི་རྒྱ༔ ༈ སིནྡྷ་རྒྱ་མཚོ་རོལ་པའི་མཚོ་གླིང་དུ༔ པད་ཟླའི་གདན་ལ་རང་ཉིད་ཡིད་དམ་གསལ༔ སྐུ་རྒྱབ་གཏད་པའི་པད་སྡོང་ཆེན་པོའི་རྩེར༔ ཨོ་རྒྱན་

[Full Size]

ཆེན་པོ་སྤྲུལ་སྐུའི་ཆ་ལུགས་ཅན༔ ཁྲོ་འཛུམ་སྤྱན་གཉིས་ནམ་མཁར་གཟིགས་པར་བསྒོམ༔ རྔ་ཡབ་གླིང་ནས་ཡིད་ཀྱིས་སྤྱན་དྲངས་བསྟིམ༔ ཨེ་མ་ཧོ༔ ནུབ་ཕྱོགས་བདེ་བ་ཅན་སོགས་གསོལ་འདེབས་བྱ༔ ཨོ་རྒྱན་སྐུ་ལུས་ཆུང་ངུ་གཅིག་ཏུ་གྱུར༔ རང་གི་ཚངས་བུག་ནས་ཞུགས་སྙིང་གར་བྱོན༔ རང་སྙིང་པདྨ་དམར་པོ་འདབ་བརྒྱད་པ༔ ཅུང་ཟད་ཁ་བྱེའི་ནང་དུ་བཞུགས་པར་བསྒོམ༔ དེ་ནས་དམིགས་རིམ་ཉམས་ལེན་ཐུན་གཅིག་སྐྱོངས༔ ལེའུ་དྲུག་པའི་བསྒོམ་བྱ་ཨྠ྄ྀི་རྒྱ༔ ༈ མདུན་གྱི་ནམ་མཁར་ཨོ་རྒྱན་སྤྲུལ་པའི་སྐུ༔ ཕྱག་གཡོན་མཉམ་བཞག་བྷནྡྷ་ཚེ་བུམ་འཛིན༔ ཕྱག་གཡས་རྡོ་རྗེ་དང་བཅས་སྐྱབས་སྦྱིན་མཛད༔ སྐྱབས་སྦྱིན་འོག་ཏུ་བདག་དང་བསྲུང་བྱ་ཚུད༔ འཇིགས་དང་གནོད་པ་ཀུན་ལས་སྐྱོབ་པར་བསྒོམ༔ བསམ་པ་ལྷུན་གྲུབ་མ་ཡི་གསོལ་འདེབས་བྱ༔ དེ་ནི་སྤྱི་ཁྱབ་འཇིགས་པ་ཀུན་སེལ་ཡིན༔ ཁྱད་པར་ནད་ཀྱི་འཇིགས་པས་ཉན་པ་ན༔ རང་ངམ་ནད་པའི་སྤྱི་བོར་ཨོ་རྒྱན་ཉིད༔ ཆ་ལུགས་སངས་རྒྱས་སྨན་བླའི་སྐུ་རུ་བསྒོམ༔ ཕྱག་གཡོན་བདུད་རྩི་སྨན་གྱི་ལྷུང་བཟེད་ནས༔ ཚ་བའི་ནད་ལ་ག་པུར་བསིལ་བའི་ཆུ༔ ཚངས་བུག་ནས་ཞུགས་

[Full Size]

ལུས་ཀུན་དག་པར་བསྒོམ༔ གྲང་བའི་ནད་ལ་ཁྲོ་ཆུ་ཁོལ་མའི་རྒྱུན༔ བབས་ནས་ནད་ཀུན་བྱ་སྒྲོ་མེར་བསྲེགས་བཞིན༔ རླུང་གི་ནད་ལ་འབྲི་མར་ཞུན་མའི་རྒྱུན༔ ལུས་ཀུན་ཀོ་ཀམ་སྣུམ་གྱིས་བརླན་པ་བཞིན༔ འདུས་པའི་ནད་ལ་བདུད་རྩི་ཁ་དོག་ལྔ༔ བབས་པས་ལུས་གང་འབྱུང་བ་ཁོད་སྙོམ་བསྒོམ༔ འཆི་བར་ཉེ་ཚེ་སྤྱི་གཙུག་པད་ཟླའི་སྟེང་༔ ཨོ་རྒྱན་ཆོས་སྐུ་སྣང་བ་མཐའ་ཡས་བསྒོམ༔ རང་ལུས་དབུས་སུ་ཨ་ཝ་དྷུ་ཏིའི་རྩ༔ མར་སྣེ་ལྟེ་འོག་ཕུག་རྡུགས་སྨྱུག་ཚིགས་བཞིན༔ ཡར་སྣེ་ཚངས་བུག་ཧད་པོར་སྐར་ཁུང་བཞིན༔ སྙིང་ཁར་རང་གི་རླུང་སེམས་རྣམ་ཤེས་ནི༔ ཐིག་ལེ་དཀར་དམར་མདངས་ལྡན་འཕར་ལ་ཁད༔ སྐར་མདའ་ཆད་བཞིན་ཚངས་པའི་བུ་ག་ནས༔ ཨོ་རྒྱན་སྣང་མཐའི་ཐུགས་ཀར་ཡང་ཡང་བསྟིམ༔ དབུགས་ཆད་བར་དུ་དེ་ཉིད་སྒོམ་པས་འཐུས༔ ཆུ་དང་གཡང་ས་དགྲ་རྐུན་གཅན་གཟན་སོགས༔ འཇིགས་པ་ཡོད་སར་འགྲོ་ཚེ་ནམ་མཁའ་ལ༔ ཨོ་རྒྱན་སྐྱབས་སྦྱིན་མཛད་པ་སྒོམ་བཞིན་དུ༔ བསམ་པ་ལྷུན་གྲུབ་མ་ཉིད་འདོན་པས་འཐུས༔ ལེའུ་བདུན་པའི་དམིགས་རིམ་སྤྱི་རྒྱ༔ ༈ དེ་ནས་ཐེ་ཚོམ་གཅོད་པའི་ཞལ་གདམས་ནི༔ སྔོན་ཚེ་རུ་ཏྲ་

[Full Size]

བསྒྲལ་བའི་ཕུང་པོ་གཏོར༔ དེ་ཡི་ལུས་ལ་གནས་ཆེན་རྣམས་བྱུང་སྟེ༔ སྙིང་ནི་རྡོ་རྗེ་གདན་དུ་ཕེབས་པར་འདོད༔ ཙིཏྟ་ཨོ་རྒྱན་ཡུལ་ཟེར་མ་དག་སྟེ༔ ཙིཏྟ་ཨོ་རྒྱན་ཡུལ་དུ་བབ་པ་དང་༔ ཙིཏྟ་ཞེས་པ་གསང་རྡོར་མིང་ཅན་ནོ༔ ཟངས་མདོག་དཔལ་གྱི་རི་བོ་ཙིཏྟའི་དབྱིབས༔ མ་དག་ཙིཏྟའི་དབྱིབས་ཞེས་བྱ་བ་སྟེ༔ རི་དེ་གསང་རྡོ་གྱེན་དུ་འགྲེང་འདྲར་ཡོད༔ ལྷོ་ནུབ་རྔ་ཡབ་གླིང་ཕྲན་སྲིན་པོའི་ཡུལ༔ སིན་རྒྱ་མཚོ་རོལ་པའི་མཚོ་གླིང་དུ༔ ཨོ་རྒྱན་འཁྲུངས་པར་བཤད་པ་ཅི་ཞེ་ན༔ མཐའ་ཡི་རྒྱ་མཚོས་བར་ནི་ཆོད་པ་ཡི༔ ཕ་རི་ལྷོ་ནུབ་སྲིན་པོའི་ཡུལ་ཡིན་ལ༔ ཚུ་རི་ནུབ་ཕྱོགས་ཨོ་རྒྱན་ཡུལ་ཡིན་པས༔ མཐའ་ཡི་རྒྱ་མཚོའི་གཙང་ལག་གཙོ་ཆེན་དེ༔ དེ་རུ་ཨོ་རྒྱན་པདྨ་འཁྲུངས་པའི་དོན༔ དབང་གི་ལྷ་མོ་ནཱ་ག་རྫུ་ནའི་དོན༔ དབང་གི་ལྷ་མོ་སྒྲོལ་མ་དམར་མོ་སྟེ༔ ལྷ་མོ་ཀུ་རུ་ཀུལླེ་བྱ་བ་ཡིན༔ ནཱ་ག་རྫུ་ན་ཀླུ་སྒྲུབ་མཚན་ཡིན་ནོ༔ བསམ་པ་ལྷུན་གྲུབ་མ་ཡི་དཔེ་ཆ་ལ༔ བདག་འདྲ་ཞེས་ཚེ་དང་ང་ཉིད་ཅེས་པ་རྣམས༔ ཨོ་རྒྱན་གསུངས་དུས་དེ་ལྟར་གསུངས་འདུག་སྟེ༔ འདོན་དུས་ཨོ་རྒྱན་ཞེས་བྱར་བསྒྱུར་དགོས་སོ༔ དེ་ལྟར་ལེའུ་བདུན་མའི་ཞལ་གདམས་འདི༔ བཙུན་

[Full Size]

པ་ཨ་གྲོ་སྦྱིན་པས་བསྐུལ་བའི་ངོར༔ རྟ་ལོ་ཐ་སྐར་ཟླ་བའི་ཉི་ཤུ་ཉིན༔ ༧ རཱ་ག་ཨ་སྱས་འཕྲལ་དུ་སྨྲས་པ་རྣམས༔ འབྲོང་པ་ཐབས་མཁས་ཞེས་བྱས་ཡི་གེར་བཀོད༔ འདི་ལ་འགལ་འཁྲུལ་ཉེས་པ་ཅི་མཆིས་ན༔ ཨོ་རྒྱན་མཁའ་འགྲོའི་ཚོགས་དང་བཅས་ལ་བཤགས༔ དགེ་བས་འདི་ཉིད་མཐོང་ཐོས་དྲན་རེག་རྣམས༔ ཚེ་འདིར་བསམ་པ་ཡིད་བཞིན་འགྲུབ་པ་དང་༔ ཕྱི་མ་བདེ་ཆེན་དག་པའི་ཞིང་ཁམས་སུ༔ ཨོ་རྒྱན་ཆོས་སྐུའི་ཞབས་འབྲིང་བྱེད་པར་ཤོག༔ མངྒ་ལཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཨོ་རྒྱན་རིན་པོ་ཆེའི་གསོལ་འདེབས་བླ་མ་རྒྱང་འབོད་བྱིན་རླབས་ཆར་འབེབས།

[Full Size]

ཨོ་རྒྱན་རིན་པོ་ཆེའི་གསོལ་འདེབས་བླ་མ་རྒྱང་འབོད་བྱིན་རླབས་ཆར་འབེབས་བཞུགས་སོ། །

[Full Size]

ན་མོ་གུ་རུ་དྷེ་ཝ་ཌཱཀི་ནཱི་ཡེ། མི་བདག་གི་སྤྱི་བོའི་གཙུག་རོལ་ན། །གདན་པདྨ་ཉི་ཟླ་སུམ་བརྩེགས་སྟེང་། །ཕ་དྲིན་ཆེན་རྩ་བའི་བླ་མ་དང་། །དོན་དབྱེར་མེད་གུ་རུ་པདྨ་འབྱུང་། །སྐུ་དཀར་དམར་མདངས་ལྡན་མཚན་དཔེ་རྫོགས། །ཞལ་ཞི་འཛུམ་སྤྱན་གསུམ་ཞི་མ་ཁྲོ། །དབུ་པད་ཞྭ་རྒོད་ལྡེམ་ཉི་ཟླས་སྤྲས། །ཕྱག་རྡོ་རྗེ་བྷནྡྷ་ཚེ་བུམ་འཛིན། །སྐུ་ཟབ་བེར་ཆོས་གོས་རྣམ་གསུམ་གསོལ། །ཡུམ་ཌཱཀི་སྦས་ཚུལ་ཁ་ཊཾ་འཆང་། །ཞབས་རྡོ་རྗེ་སྐྱིལ་མོ་ཀྲུང་གིས་བཞུགས། །རྗེ་རྒྱལ་བའི་ཞིང་ཁམས་མ་ལུས་པ། །དེ་ཐམས་ཅད་པད་འབྱུང་སྐུ་ཡིས་ཁྱབ། །

[Full Size]

ལྷ་རྒྱུད་སྡེའི་དཀྱིལ་འཁོར་མ་ལུས་པ། །དེ་ཐམས་ཅད་པད་འབྱུང་སྐུ་ལ་རྫོགས། །རྗེ་དེ་ཡི་དཔྲལ་མགྲིན་ཐུགས་ཀ་རུ། །རྗེ་རྒྱལ་བ་ཀུན་གྱི་སྐུ་གསུང་ཐུགས། །དོན་ཨོཾ་དཀར་ཨཱཿཿདམར་ཧཱུྃ་མཐིང་གསལ། །ཐུགས་ཧཱུྃ་ཡིག་སྣ་ཚོགས་ཕྱོགས་བཅུར་འཕྲོས། །གནས་ཆོས་དབྱིངས་རབ་འབྱམས་ཞིང་ཁམས་ནས། །རྗེ་བླ་མ་རིག་འཛིན་གྲུབ་ཐོབ་ཚོགས། །སྐྱབས་སངས་རྒྱས་བྱང་སེམས་ཡི་དམ་ལྷ། །ལྷ་མཁའ་འགྲོ་ཆོས་སྐྱོང་སྲུང་མའི་ཚོགས། །དཔེ་ཁ་བ་བུ་ཡུག་འཚུབ་བཞིན་བྱོན། །དེ་ཐམས་ཅད་པད་འབྱུང་འཁོར་གྱི་ཚུལ། །ཞིང་ནམ་མཁའ་བར་སྣང་

[Full Size]

ཁྱབ་པར་བཞུགས། །གནས་འོག་མིན་ཆོས་དབྱིངས་ཞིང་ཁམས་ནས། །དཔལ་ཀུན་ཏུ་བཟང་པོ་རྡོ་རྗེ་འཆང་། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །སྐྱབས་ཤཱཀ་ཐུབ་བྱང་སེམས་ཉེ་སྲས་བརྒྱད། །དཔལ་གནས་བརྟན་བཅུ་དྲུག་དགྲ་བཅོམ་ཚོགས། །བདག་གསོལ་བ་འདེབས་སོ་ཐུགས་རྗེས་ཟུངས། །ལུས་ཚུལ་ཁྲིམས་ལྡན་པར་བྱིན་གྱིས་རློབས། །རྗེ་རྒྱ་གར་གྲུབ་ཆེན་བརྒྱད་ཅུ་བཞི། །དཔལ་པད་འབྱུང་རྗེ་འབངས་ཉི་ཤུ་ལྔ། །བདག་གསོལ་བ་འདེབས་སོ་ཐུགས་རྗེས་ཟུངས། །བདག་ཕྱག་ཆེན་རྟོགས་པར་བྱིན་གྱིས་རློབས། །དཔལ་ཆོས་རྒྱལ་མེས་དབོན་ལོ་པཎ་ཚོགས། །རྗེ་ས་སྐྱའི་འཇམ་དབྱངས་བདུན་བརྒྱུད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །དོན་བསྐྱེད་རྫོགས་འབྱོངས་བར་བྱིན་གྱིས་རློབས། །རྗེ་ཇོ་འབྲོམ་ཁུ་རྔོག་རྒྱལ་སྲས་གསུམ། །ཆོས་བཀའ་གདམས་བརྒྱུད་པའི་བླ་མ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །བྱམས་སྙིང་རྗེ་འབྱོངས་བར་བྱིན་གྱིས་རློབས། །རྗེ་མར་མི་དྭགས་པོ་དུས་གསུམ་མཁྱེན། །དཔལ་འབྲི་སྟག་ཚལ་

[Full Size]

འབྲུག་བརྒྱུད་པ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །དོན་རང་ངོ་ཤེས་པར་བྱིན་གྱིས་རློབས། །ཉང་ཆོས་དབང་གཏེར་སྟོན་བརྒྱ་རྩ་བརྒྱད། །ཆོས་རྫོགས་ཆེན་བརྒྱུད་པའི་བླ་མ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །དོན་གནས་ལུགས་རྟོགས་པར་བྱིན་གྱིས་རློབས། །རྗེ་དམ་པ་མ་གཅིག་ལབ་ཀྱི་སྒྲོན། །གཅོད་བཀའ་བབ་བུ་ཆེན་བཅུ་དྲུག་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །བདུད་བཞི་རང་སར་ཞི་བར་བྱིན་གྱིས་རློབས། །ལྷ་བདེ་གསང་འཇིགས་གསུམ་དུས་འཁོར་ལོ། །སྔགས་གསར་མའི་དཀྱིལ་འཁོར་ལྷ་ཚོགས་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །ལྷ་བཀའ་དགོངས་ཕུར་གསུམ་ཞི་ཁྲོ་སོགས། །སྔགས་རྙིང་མའི་ལྷ་ཚོགས་ཐམས་ཅད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །བསྐྱེད་རྫོགས་བརྟན་པ་ཐོབ་པར་བྱིན་གྱིས་རློབས། །ཡུམ་ཕག་ཁྲོས་སེང་གསུམ་སྒྲོལ་མ་གཉིས། །གནས་གསུམ་གྱི་དཔའ་བོ་མཁའ་འགྲོ་ལ། །བདག་གསོལ་བ་འདེབས་སོ་ཐུགས་རྗེས་

[Full Size]

ཟུངས། །འཇའ་ལུས་མཁའ་སྤྱོད་འགྲུབ་པར་བྱིན་གྱིས་རློབས། །ཕྱག་བཞི་དྲུག་གུར་མགོན་བེར་ནག་ཅན། །ཡུམ་དུད་སོལ་རང་བྱུང་རེ་མ་ཏི། །དཔལ་ཡེ་ཤེས་ཆོས་སྐྱོང་སྲུང་མ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །རྐྱེན་ངན་བར་ཆད་མེད་པར་བྱིན་གྱིས་རློབས། །དཔལ་འཛམ་ལྷ་རིགས་ལྔ་ནོར་རྒྱུན་མ། །མགོན་ཡེ་ཤེས་ནོར་ལྷ་གཏེར་བདག་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ཚེ་བསོད་ནམས་རྒྱས་པར་བྱིན་གྱིས་རློབས། །རྗེ་བླ་མ་ཡི་དམ་མཁའ་འགྲོའི་ཚོགས། །སྐྱབས་བསླུ་མེད་ཨོ་རྒྱན་རིན་པོ་ཆེ། །མི་བདག་ལ་རེ་ས་གཞན་ན་མེད། །ལུས་ཐོབ་དཀའི་དལ་འབྱོར་རིན་ཆེན་འདི། །ཚེ་ཡང་ཡེངས་ངང་ལ་མི་ཟད་པར། །ལུས་སྙིང་པོ་ལོན་པར་བྱིན་གྱིས་རློབས། །ཚེ་མི་རྟག་རླུང་གསེབ་མར་མེ་འདྲ། །ཆོས་བྱེད་བསམ་ངང་ལ་མི་བཞག་པར། །བདག་དགེ་སྦྱོར་ནུས་པར་བྱིན་གྱིས་རློབས། །ལས་དགེ་སྡིག་ལུས་དང་གྲིབ་མ་བཞིན། །ཁོང་བཙན་པོ་གཤིན་རྗེའི་ཁྲིམས་ར་ན། །རང་ངོ་གནོང་མེད་པར་བྱིན་གྱིས་རློབས། །བདག་རིགས་དྲུག་གང་དུ་སྐྱེས་ཀྱང་སྡུག །ཐར་དཀའ་བའི་འཁོར་

[Full Size]

བའི་རྒྱ་མཚོ་ལས། །བདག་སྐྱོ་བ་སྐྱེ་བར་བྱིན་གྱིས་རློབས། །སྐྱོབ་ངེས་པའི་བླ་མ་དཀོན་མཆོག་གསུམ། །དེ་གཅིག་བསྡུས་པདྨ་འབྱུང་གནས་ལ། །བདག་སྐྱབས་སུ་མཆིའོ་ཐུགས་རྗེས་ཟུངས། །མ་འགྲོ་དྲུག་བདེ་ལ་འགོད་པའི་ཕྱིར། །བདག་བྱང་ཆུབ་མཆོག་ཏུ་སེམས་བསྐྱེད་དོ། །ལས་མི་དགེའི་སྡིག་ལྟུང་ཅི་བགྱིས་པ། །མགོན་ཁྱེད་ཀྱི་སྤྱན་སྔར་མཐོལ་ལོ་བཤགས། །ལུས་ལོངས་སྤྱོ་དགེ་རྩ་ཅི་མཆིས་པ། །དེ་ཀུན་བཟང་མཆོད་སྤྲིན་ལྟ་བུར་གྱུར། །རྗེ་ཁྱེད་རྣམས་ཀུན་ལ་གུས་པས་འབུལ། །བདག་རྩེ་གཅིག་གུས་པས་གསོལ་བཏབ་ན། །འཁོར་ནམ་མཁའ་བར་སྣང་གང་བ་ཀུན། །དེ་ཐམས་ཅད་པད་འབྱུང་སྐུ་ལ་ཐིམ། །རྗེ་པད་འབྱུང་དཔྲལ་མགྲིན་ཐུགས་ལྟེ་ནས། །འོད་རྒྱུ། དཀར་དམར་མཐིང་དང་ལྗང་གུ་འཕྲོས། །མི་བདག་གི་དཔྲལ་མགྲིན་སྙིང་ལྟར་ཐིམ། །བདག་སྒྲིབ་བཞི་དག་ནས་དབང་བཞི་ཐོབ། །ཅེས་བསྒོམ་ཞིང་། ཨོཾ་ཨཱཿཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། རྗེ་པད་འབྱུང་འོད་ཞུ་བདག་ལ་ཐིམ། །དེ་ཐིམ་པས་བདག་ལུས་གདོས་བཅས་འདི། །འོད་འཇའ་ལུས་ཐུགས་རྗེ་ཆེན་པོའི་སྐུ། །སྐུ་དཀར་གསལ་སྟོན་ཀའི་ཟླ་རྒྱས་

[Full Size]

བཞིན། །ཞལ་མཛེས་འཛུམ་སྤྱན་གཉིས་འགྲོ་ལ་གཟིགས། །ཕྱག་དང་པོས་ཐུགས་ཀར་ཐལ་མོ་སྦྱར། །ཕྱག་འོག་གཉིས་བསྒྲང་ཕྲེང་པད་དཀར་འཛིན། །དབུ་ཐོར་ཚུགས་དབུ་རྒྱན་འོད་དཔག་མེད། །སྐུ་མཚན་དཔེ་དར་དང་རིན་ཆེན་བརྒྱན། །ཞབས་སྐྱིལ་ཀྲུང་པད་ཟླའི་གདན་ལ་བཞུགས། །ཐུགས་ཟླ་སྟེང་ཧྲིལ་ཡིག་དྲུག་བསྐོར། །འོད་ཕྱོགས་བཅུའི་འཇིག་རྟེན་ཁྱབ་པར་འཕྲོས། །ཞིང་ཕྱོགས་བཅུར་བཞུགས་པའི་རྒྱལ་བ་རྣམས། །དེ་ཐམས་ཅད་ཐུགས་རྗེ་ཆེན་པོར་གྱུར། །ཆར་ན་བུན་བཞིན་བྱོན་བདག་ལ་ཐིམ། །མ་འགྲོ་དྲུག་སེམས་ཅན་མ་ལུས་པ། །དེ་ཐམས་ཅད་ཐུགས་རྗེ་ཆེན་པོར་གྱུར། །གསུང་ཡིག་དྲུག་ཆོས་སྒྲས་སྟོང་གསུམ་གང་། །དུས་སྐད་ཅིག་དུང་ཕྱུར་གྲངས་མེད་འགྲུབ། །ཨོཾ་མ་ཎི་པདྨེ་ཧཱུཾ། ཞེས་ཅི་ནུས་བཟླས་མཐར། ཕྱི་སྣོད་བཅུད་འོད་ཞུ་བདག་ལ་ཐིམ། །བདག་འོད་ཞུ་ཐུགས་ཀའི་ཧྲིལ་ཐིམ། །མི་དམིགས་སྟོང་ཉིད་དབྱིངས་སུ་ཡལ། །ད་ཚུར་ལྟོས་རང་གི་སེམས་ལ་ལྟོས། །སེམས་ཡོད་པ་མ་ཡིན་དངོས་པོ་མེད། །ཆོས་སྟོང་པ་ཉིད་ཅེས་དེ་ལ་ཟེར། །སེམས་མེད་པ་མ་ཡིན་ཅི་ཡང་འཕྲོ། །ཆོས་ཡེ་ཤེས་ཟང་ཐལ་དེ་ལ་

[Full Size]

ཟེར། །སེམས་ཡོད་མེད་གཉིས་ཀ་མ་ཡིན་པར། །ཆོས་དབུ་མ་ཆེན་པོ་དེ་ལ་ཟེར། །ཆོས་ཐམས་ཅད་དེ་ལས་མི་འདའ་བས། །བཀའ་ཕྱག་རྒྱ་ཆེན་པོ་དེ་ལ་ཟེར། །དེ་ཤེས་ན་ཤེས་བྱ་ཀུན་གྱི་རབ། །བཀའ་ཤེས་རབ་ཕར་ཕྱིན་དེ་ལ་ཟེར། །སེམས་འདི་ལ་མ་རྫོགས་ཆོས་གཅིག་མེད། །བཀའ་རྫོགས་པ་ཆེན་པོ་དེ་ལ་ཟེར། །དེ་རྟོགས་ན་འཁོར་བའི་སྡུག་བསྔལ་ཞི། །ཆོས་སྡུག་བསྔལ་ཞི་བྱེད་དེ་ལ་ཟེར། །སེམས་རྩ་བ་ཆོད་ན་ཐམས་ཅད་གཅོད། །ཆོས་གཅོད་ཡུལ་ཕྱག་རྒྱ་ཆེན་པོ་ཟེར། །མིང་སྙན་པོས་གཅེས་མིང་ཅི་བཏགས་ཀྱང་། །དོན་རང་སེམས་ཧྲིག་ཧྲིག་འདི་ཀ་ཡིན། །འདི་བསྒོམ་དུས་འདི་སྒོམ་གཏད་སོ་མེད། །སེམས་མ་ཡེངས་ཙམ་ལ་ལྷོད་དེ་ཞོག །སེམས་འཚུབ་དུས་ལུས་སེམས་ཀློད་ལ་ལྟོས། །སེམས་འཐིབ་ན་ལུས་སེམས་བསྒྲིམ་ལ་ལྟོས། །སྐབས་སྐབས་སུ་གསོལ་འདེབས་རྒྱང་འབོད་མཛོད། །སྐབས་སྐབས་སུ་ནམ་འཆི་ནམ་འཆི་བསམ། །སྐབས་སྐབས་སུ་གར་སྐྱེ་གར་སྐྱེ་བསམ། །སྐབས་སྐབས་སུ་དགེ་སྡིག་རྩིས་གྲངས་ཐོང་། །སྐབས་སྐབས་སུ་བཟླས་བརྗོད་གཏོར་བསྔོས་མཛོད། །དུས་རྒྱུན་དུ་དྲན་

[Full Size]

པའི་རྒྱངས་སོ་ཚུགས། །སྒོམ་ཐ་མས་རྣམ་རྟོག་རྩད་རྗེས་བཅད། །དེ་རྩད་རྗེས་བཅད་པས་སྟོང་ཉིད་འཆར། །སྒོམ་འབྲིང་གིས་ནམ་དྲན་བསྒོམ་དུ་འཆར། །དེ་དྲན་པ་ཙམ་གྱིས་ཐོག་ཏུ་གནས། །སྒོམ་རབ་ཀྱིས་རྣམ་རྟོག་བསྒོམ་དུ་འཆར། །དཔེ་ཆུ་ལ་ཆུ་རླབས་ཐིམ་པ་བཞིན། །ནུབ་གཉིད་དུས་འོད་གསལ་ཨེ་ཟིན་ལྟོས། །དེ་ལན་བདུན་ཟིན་ན་ཐུགས་དམ་ཟིན། །དེ་མ་ཟིན་རྨི་ལམ་ཨེ་ཟིན་ལྟོས། །དེ་ལན་བདུན་ཟིན་ན་བར་དོ་ཟིན། །དེ་བར་དོ་ཟིན་ན་མངོན་སངས་རྒྱས། །དེ་རྒྱུད་སྡེ་རྣམས་ཀྱི་དགོངས་པ་ཡིན། །མི་བདག་གི་དགེ་སྦྱོར་བསྐྱེད་རྫོགས་སོགས། །དུས་གསུམ་དུ་དགེ་བ་ཅི་བསགས་མཐུས། །ཚེ་འདི་ཡང་ཚེ་རིང་ནད་མེད་ཅིང་། །ཉམས་རྟོགས་པ་ཡར་ངོའི་ཟླ་ལྟར་འཕེལ། །དུས་ནམ་ཞིག་མི་གནས་འཕོ་བའི་ཚེ། །མ་གནས་གསུམ་ཌཱཀི་དཔའ་བོའི་ཚོགས། །གདུགས་རྒྱལ་མཚན་རོལ་མོའི་སྒྲ་དང་བཅས། །ནུབ་བདེ་བ་ཅན་གྱི་ཞིང་ཁམས་སུ།། གདན་མེ་ཏོག་པདྨའི་སྙིང་པོ་ལ། །ལུས་བརྫུས་སྐྱེས་སྤྲུལ་སྐུ་ཐོབ་ནས་ཀྱང་། །ས་ལམ་གྱི་ཡོན་ཏན་རབ་རྫོགས་ནས། །བདག་བླ་མེད་བྱང་ཆུབ་ཐོབ་གྱུར་ཅིག །དེ་ཐོབ་ནས་

[Full Size]

སྤྱན་རས་གཟིགས་དབང་ལྟར། །དུས་ནམ་ཞིག་ནམ་མཁའ་གནས་ཀྱི་བར། །དོན་འབད་མེད་འགྲོ་དོན་མྱུར་འགྲུབ་ཤོག །གཞི་གདོད་ནས་སྐྱེ་བ་མེད་པ་དང་། །ལམ་རྟེན་འབྲེལ་བསླུ་བ་མེད་པ་དང་། །རྗེ་རྒྱལ་བའི་བྱིན་རླབས་ཚད་མེད་མཐུས། །བདག་སྨོན་ལམ་བཏབ་བཞིན་འགྲུབ་གྱུར་ཅིག །དཔལ་ཙཱ་རི་ཏྲ་ཡི་རྟོགས་ལྡན་གྱིས། །ཆོས་འབྲེལ་པ་གསོལ་འདེབས་དགོས་གསུངས་པས། །འཕྲལ་ཉམས་ལ་གང་ཤར་བྲིས་པ་ཡིན། །དོན་འགལ་བ་མཆིས་ན་བཟོད་པར་གསོལ། །ཐུགས་དགྱེས་པར་གྱུར་ན་རྒྱུན་དུ་ཐོན། །མི་དད་ལྡན་བྱུང་ན་སྤེལ་ཡང་རུང་། །དོན་འདོན་སྒོམ་སྦྲགས་ན་རྟོགས་པ་སྐྱེ། །ཚིག་དབྱངས་སུ་གྱེར་ན་རྣ་བ་སྙན། །འདི་རྟོགས་ལྡན་རྣམས་ཀྱི་ཆོས་སྐལ་མཛོད། །ཚིག་དེ་སྐད་རཱ་ག་ཨ་སྱས་སྨྲས། །དོན་དངོས་གྲུབ་བྱིན་རླབས་ཐོབ་པར་ཤོག །འདི་ཉམས་ཀྱི་མགུར་མའི་གསོལ་འདེབས་ཡིན། །འབྲེལ་ཚད་རྣམས་སངས་རྒྱས་སར་འགོད་ཤོག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བཀའ་གསར་རྙིང་གི་བརྒྱུད་རིམ་རྣམས་ཀྱི་གསོལ་འདེབས།

[Full Size]

བཀའ་གསར་རྙིང་གི་བརྒྱུད་རིམ་རྣམས་ཀྱི་གསོལ་འདེབས་བཞུགས་སོ། །མ་ཎི་བསྐུལ་དུས་གསོལ་འདེབས་སོ། །དེ་ནས་ཞི་ཁྲོ་དང་རྙིང་མ་སྤྱིའི་གསོལ་འདེབས་ནི། ཆོས་སྐུ་ཀུན་ཏུ་བཟང་པོ་ལ་གསོལ་བ་འདེབས། །ཐུན་ཐུང་བྱེད་ན་གསོལ་བ་འདེབས་པ་དང་གཉིས་གང་འདོད་བྱེད་ཆོག །དྲུག་པ་རྡོ་རྗེ་འཆང་ཆེན་ལ་གསོལ་བ་འདེབས། །སྟོན་པ་རྡོ་རྗེ་སེམས་དཔའ་ལ་གསོལ་བ་འདེབས། །རིག་འཛིན་དགའ་རབ་རྡོ་རྗེ་ལ་གསོལ་བ་འདེབས། །མཁས་པ་ཤྲཱི་སེང་ཧ་ལ་གསོལ་བ་འདེབས། །འཆི་མེད་པདྨ་འབྱུང་གནས་ལ་གསོལ་བ་འདེབས། །རྗེ་འབངས་ཉི་ཤུ་རྩ་ལྔ་ལ་གསོལ་བ་འདེབས། །གཏེར་སྟོན་བརྒྱ་དང་རྩ་བརྒྱད་ལ་གསོལ་བ་འདེབས། །རྫོགས་ཆེན་བརྒྱུད་པའི་བླ་མ་ལ་གསོལ་བ་འདེབས། །ཞི་བ་བཞི་བཅུ་རྩ་གཉིས་ལ་གསོལ་བ་འདེབས། །འབར་བ་ཁྲག་འཐུང་ལྔ་བཅུ་ལ་གསོལ་བ་འདེབས། །དག་པ་རིག་འཛིན་ལྷ་ཚོགས་ལ་གསོལ་བ་འདེབས། །བཀའ་སྲུང་དམ་ཅན་རྒྱ་མཚོ་ལ་གསོལ་བ་འདེབས།། ༈ ཐུགས་རྗེ་ཆེན་པོ་རྒྱལ་བ་རྒྱ་མཚོའི་གསོལ་འདེབས་ནི། ཆོས་སྐུ་སྣང་བ་མཐའ་ཡས་ལ་གསོལ་བ་འདེབས། །ལོངས་སྐུ་ཐུགས་རྗེ་ཆེན་པོ་ལ་གསོལ་བ་

[Full Size]

འདེབས། །སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས། །མ་གཅིག་གྲུབ་པའི་རྒྱལ་མོ་ལ་གསོལ་བ་འདེབས། །ཏི་པུ་གསང་སྔགས་སྡོང་པོ་ལ་གསོལ་བ་འདེབས། རས་ཆུང་རྡོ་རྗེ་གྲགས་པ་ལ་གསོལ་བ་འདེབས། །གྲུབ་ཐོབ་ཟངས་རི་རས་པ་གསོལ་བ་འདེབས། །འགྲོ་མགོན་རས་པ་ཆེན་པོ་ལ་གསོལ་བ་འདེབས། །རྒྱལ་སྲས་སྤོམ་བྲག་ཆེན་པོ་ལ་གསོལ་བ་འདེབས། །སྐྱེས་མཆོག་ཀརྨ་པཀྵི་ལ་གསོལ་བ་འདེབས། །དྲིན་ཅན་རྩ་བརྒྱུད་བླ་མ་ལ་གསོལ་བ་འདེབས། །ཡི་དམ་རྒྱལ་བ་རྒྱ་མཚོ་ལ་གསོལ་བ་འདེབས། །རྟ་མགྲིན་དཔའ་བོ་རྒྱ་མཚོ་ལ་གསོལ་བ་འདེབས། །གསང་ཡེ་མཁའ་འགྲོ་རྒྱ་མཚོ་ལ་གསོལ་བ་འདེབས། །པད་འབྱུང་གྲུབ་ཐོབ་རྒྱ་མཚོ་ལ་གསོལ་བ་འདེབས། །མ་མགོན་དམ་ཅན་རྒྱ་མཚོ་ལ་གསོལ་བ་འདེབས།། ༈ ཕྱག་ཆེན་གསོལ་འདེབས། དྲུག་པ་རྡོ་རྗེ་འཆང་ཆེན་ལ་གསོལ་བ་འདེབས། །བྱང་སེམས་བློ་གྲོས་རིན་ཆེན་ལ་གསོལ་བ་འདེབས། །བྲམ་ཟེ་ས་ར་ཧ་པ་ལ་གསོལ་བ་འདེབས། །དཔལ་མགོན་འཕགས་པ་ཀླུ་སྒྲུབ་ལ་གསོལ་བ་འདེབས། །གྲུབ་ཆེན་ཤ་བ་རི་པ་ལ་གསོལ་བ་འདེབས། །རྒྱལ་སྲས་

[Full Size]

མེ་ཏྲི་ཆེན་པོ་ལ་གསོལ་བ་འདེབས། །མར་པ་ཆོས་ཀྱི་བློ་གྲོས་ལ་གསོལ་བ་འདེབས། །མི་ལ་བཞད་པ་རྡོ་རྗེ་ལ་གསོལ་བ་འདེབས། །དྭགས་པོ་ཟླ་འོད་གཞོན་ནུ་ལ་གསོལ་བ་འདེབས། །དཔལ་ལྡན་དུས་གསུམ་མཁྱེན་པ་ལ་གསོལ་བ་འདེབས། །ཕྱག་ཆེན་བརྒྱུད་པའི་བླ་མ་ལ་གསོལ་བ་འདེབས། །དྲིན་ཆེན་ཆོས་ཀྱི་དབང་ཕྱུག་ལ་གསོལ་བ་འདེབས། །དྲུང་ཆེན་ཀུན་དགའ་རྣམ་རྒྱལ་ལ་གསོལ་བ་འདེབས། །སྒྲུབ་བརྒྱུད་བསྟན་པ་རྣམ་རྒྱལ་ལ་གསོལ་བ་འདེབས། །ཡི་དམ་འཁོར་ལོ་བདེ་མཆོག་ལ་གསོལ་ཐོབ་འདེབས། །ཆོས་སྐྱོང་བྱ་རོག་མཚན་ཅན་ལ་གསོལ་བ་འདེབས། ༧ ཆོས་དྲུག་བརྒྱུད་པའི་གསོལ་འདེབས། ཆོས་སྐུ་རྡོ་རྗེ་འཆང་ཆེན་ལ་གསོལ་བ་འདེབས། །ལོངས་སྐུ་ཡེ་ཤེས་མཁའ་འགྲོ་ལ་གསོལ་བ་འདེབས། །སྤྲུལ་སྐུ་ཏེ་ལོ་སངས་རྒྱས་ལ་གསོལ་བ་འདེབས། །མཁས་པ་ནཱ་རོ་པཎ་ཆེན་ལ་གསོལ་བ་འདེབས། །སྒྲ་བསྒྱུར་མར་པ་ལོ་ཙཱ་ལ་གསོལ་བ་འདེབས། །གུང་ཐང་མི་ལ་རས་པ་ལ་གསོལ་བ་འདེབས། །མཉམ་མེད་དྭགས་པོ་ལྷ་རྗེ་ལ་གསོལ་བ་འདེབས། །གྲུབ་ཐོབ་ཁམས་པ་དབུ་སེ་ལ་གསོལ་བ་འདེབས། །

[Full Size]

ཆོས་དྲུག་བརྒྱུད་པའི་བླ་མ་ལ་གསོལ་བ་འདེབས། །ཡི་དམ་རྡོ་རྗེ་ཕག་མོ་ལ་གསོལ་བ་འདེབས། །ཆོས་སྐྱོང་མ་མགོན་ལྕམ་དྲལ་ལ་གསོལ་བ་འདེབས། ༧ བློ་སྦྱོང་བརྒྱུད་པའི་གསོལ་འདེབས། །སྟོན་པ་ཤཱཀྱའི་རྒྱལ་པོ་ལ་གསོལ་བ་འདེབས། །འཇམ་དཔལ་གཞོན་ནུ་གྱུར་པ་ལ་གསོལ་བ་འདེབས། །གྲུབ་ཆེན་ཤནྟ་དེ་ཝ་ལ་གསོལ་བ་འདེབས། །ཇོ་བོ་གསེར་གླིང་ཆེན་པོ་ལ་གསོལ་བ་འདེབས། །པཎ་ཆེན་ཇོ་བོ་ལྷ་ཅིག་ལ་གསོལ་བ་འདེབས། །འབྲོམ་སྟོན་རྒྱལ་བའི་འབྱུང་གནས་ལ་གསོལ་བ་འདེབས། །རྒྱལ་སྲས་སྐུ་མཆེད་རྣམ་གསུམ་ལ་གསོལ་བ་འདེབས། །བཀའ་གདམས་བརྒྱུད་པའི་བླ་མ་ལ་གསོལ་བ་འདེབས། །ཡི་དམ་བཀའ་གདམས་ལྷ་བཞི་ལ་གསོལ་བ་འདེབས། །ཆོས་སྐྱོང་དཀར་པོ་བརྒྱ་ཅུ་ལ་གསོལ་བ་འདེབས།། ༈ གཏེར་མ་སྤྱི་དང་ཐུགས་སྒྲུབ་གསོལ་འདེབས་ནི། ཆོས་སྐུ་སྣང་བ་མཐའ་ཡས་ལ་གསོལ་བ་འདེབས། །ལོངས་སྐུ་ཐུགས་རྗེ་ཆེན་པོ་ལ་གསོལ་བ་འདེབས། །སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས། །མཁའ་འགྲོ་ཡེ་ཤེས་མཚོ་རྒྱལ་ལ་གསོལ་བ་འདེབས། །རིག་འཛིན་རཏྣ་གླིང་པ་ལ་གསོལ་བ་འདེབས། །

[Full Size]

གཏེར་སྟོན་གླིང་པ་མཆེད་བརྒྱད་ལ་གསོལ་བ་འདེབས། །གཏེར་མ་བརྒྱུད་པའི་བླ་མ་ལ་གསོལ་བ་འདེབས། །སྐུ་གསུམ་སྐུ་ལྔ་མཚན་བརྒྱད་ལ་གསོལ་བ་འདེབས། །ཡི་དམ་རྟ་ཕག་ཡབ་ཡུམ་ལ་གསོལ་བ་འདེབས། །མཁའ་འགྲོ་གིང་བཞི་ལྕམ་དྲལ་ལ་གསོལ་བ་འདེབས། །ཆོས་སྐྱོང་དཔལ་མགོན་ལྕམ་དྲལ་ལ་གསོལ་བ་འདེབས། ༧ པདྨ་འོད་འབར་གྱི་གསོལ་འདེབས་ནི། ཆོས་སྐུ་འོད་དཔག་མེད་ལ་གསོལ་བ་འདེབས། །ལོངས་སྐུ་འཇིག་རྟེན་དབང་ཕྱུག་ལ་གསོལ་བ་འདེབས། །སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས། །རིག་འཛིན་ཧཱུྃ་ནག་མེ་འབར་ལ་གསོལ་བ་འདེབས། །ལས་ཅན་ཆོས་བདག་ཉེར་ལྔ་ལ་གསོལ་བ་འདེབས། །དྲིན་ཆེན་རྩ་བརྒྱུད་བླ་མ་ལ་གསོལ་བ་འདེབས། །ཡི་དམ་པདྨ་འོད་འབར་ལ་གསོལ་བ་འདེབས། །ཆོས་སྐྱོང་མཁའ་འགྲོ་སེང་གདོང་ལ་གསོལ་བ་འདེབས།། ༈ བསྟན་པ་སྤྱིའི་གསོལ་འདེབས་ནི། ཆོས་སྐུ་ཡུམ་ཆེན་ཤེར་ཕྱིན་ལ་གསོལ་བ་འདེབས། །ལོངས་སྐུ་རྒྱལ་བ་རིགས་ལྔ་ལ་གསོལ་བ་འདེབས། །སྤྲུལ་སྐུ་སངས་རྒྱས་སྟོང་རྩ་ལ་གསོལ་བ་འདེབས། །སྟོན་པ་ཤཱཀྱའི་རྒྱལ་པོ་ལ་གསོལ་

[Full Size]

བ་འདེབས། །བྱང་སེམས་ཉེ་བའི་སྲས་བརྒྱད་ལ་གསོལ་བ་འདེབས། །འཕགས་པ་གནས་བརྟན་བཅུ་དྲུག་ལ་གསོལ་བ་འདེབས། །དགྲ་བཅོམ་ཁྲི་དང་དྲུག་སྟོང་ལ་གསོལ་བ་འདེབས། །དགེ་བསྙེན་དྷརྨཱ་ཏཱ་ལ་ལ་གསོལ་བ་འདེབས། །མཆོག་གི་རིག་འཛིན་བརྒྱད་པོ་ལ་གསོལ་བ་འདེབས། །རྒྱ་གར་གྲུབ་ཆེན་བརྒྱད་ཅུ་ལ་གསོལ་བ་འདེབས། །ཨོ་རྒྱན་པདྨ་འབྱུང་གནས་ལ་གསོལ་བ་འདེབས། །རྗེ་འབངས་ཉི་ཤུ་རྩ་ལྔ་ལ་གསོལ་བ་འདེབས། །ཆོས་རྒྱལ་མེས་དབོན་རྣམ་གསུམ་ལ་གསོལ་བ་འདེབས། །དྲིན་ཆེན་ལོ་པཎ་ཐམས་ཅད་ལ་གསོལ་བ་འདེབས། །ཇོ་བོ་ཁུ་རྔོག་འབྲོམ་གསུམ་ལ་གསོལ་བ་འདེབས། །བཀའ་གདམས་བརྒྱུད་པའི་བླ་མ་ལ་གསོལ་བ་འདེབས། །གསང་ཕུ་སེང་ཆེན་མཆེད་བརྒྱད་ལ་གསོལ་བ་འདེབས། །མཚན་ཉིད་བརྒྱུད་པའི་བླ་མ་ལ་གསོལ་བ་འདེབས། །ཕ་གཅིག་དམ་པ་སངས་རྒྱས་ལ་གསོལ་བ་འདེབས། །ཞི་བྱེད་བརྒྱུད་པའི་བླ་མ་ལ་གསོལ་བ་འདེབས། །མ་གཅིག་ལབ་ཀྱི་སྒྲོལ་མ་ལ་གསོལ་བ་འདེབས། །གཅོད་ཡུལ་བརྒྱུད་པའི་བླ་མ་ལ་གསོལ་བ་འདེབས། །ཀཿཐོག་དམ་གཙང་བྱམ་གསུམ་ལ་གསོལ་བ་

[Full Size]

འདེབས། །རྙིང་མ་བརྒྱུད་པའི་བླ་མ་ལ་གསོལ་བ་འདེབས། །གཏེར་སྟོན་མངའ་བདག་ཡབ་སྲས་ལ་གསོལ་བ་འདེབས། །གཏེར་མ་བརྒྱུད་པའི་བླ་མ་ལ་གསོལ་བ་འདེབས། །ས་སྐྱ་འཇམ་དབྱངས་བདུན་བརྒྱུད་ལ་གསོལ་བ་འདེབས། །ལམ་འབྲས་བརྒྱུད་པའི་བླ་མ་ལ་གསོལ་བ་འདེབས། །དྭགས་པོ་བཀའ་བརྒྱུད་ཡ་བཞི་ལ་གསོལ་བ་འདེབས། །གྲུབ་ཆེན་ཁམ་པ་དབུ་སེ་ལ་གསོལ་བ་འདེབས། །ཟུང་འཇུག་བརྒྱུད་པའི་བླ་མ་ལ་གསོལ་བ་འདེབས། །རྒྱ་རས་སེང་གེ་དགུ་ཚར་ལ་གསོལ་བ་འདེབས། །ཆོས་དྲུག་བརྒྱུད་པའི་བླ་མ་ལ་གསོལ་བ་འདེབས། །ཐང་པ་སེང་ཆེན་བཅུ་གསུམ་ལ་གསོལ་བ་འདེབས། །མོས་གུས་བརྒྱུད་པའི་བླ་མ་ལ་གསོལ་བ་འདེབས། །སྐྱོབ་པ་སེང་ཆེན་༔ བཅུ་གསུམ་ལ་གསོལ་བ་འདེབས། །དྲིན་ཅན་བརྒྱུད་པའི་བླ་མ་ལ་གསོལ་བ་འདེབས། །པཎ་ཆེན་ཤཱཀྱ་དཔལ་བཟང་ལ་གསོལ་བ་འདེབས། །འདུལ་བ་བརྒྱུད་པའི་བླ་མ་ལ་གསོལ་བ་འདེབས། །ཡི་དམ་རྒྱུད་སྡེ་བཞི་པོ་ལ་གསོལ་བ་འདེབས། །སྒྲུབ་ཆེན་བཀའ་བརྒྱད་ལྷ་ཚོགས་ལ་ལ་གསོལ་བ་འདེབས། །སྒྲོལ་མ་ཉི་ཤུ་རྩ་གཅིག་ལ་གསོལ་བ་

[Full Size]

འདེབས། །ཆོས་སྐྱོང་མགོན་ཆེན་སྡེ་བཞི་ལ་གསོལ་བ་འདེབས། །མ་གཅིག་ལྷ་མོ་དཔོན་གཡོག་ལ་གསོལ་བ་འདེབས། །བཀའ་སྲུང་དཔལ་མགོན་བདུན་ཅུ་ལ་གསོལ་བ་འདེབས། །ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། ཞེས་རྒྱང་འབོད་ཚུལ་དུ་བསྐུལ་ལམ། གསོལ་བ་འདེབས་སོ་ཞེས་ཐུང་ཐེག་བསྐུལ་བ་གང་བྱེད་བྱའོ། །ཡང་ན་བརྒྱུད་པ་རེས་མོས་གང་འདོད་བསྐུལ་ཆོག །ཅེས་པའང་༧ ཨ་རཱ་གས་སྦྱར་བ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཆོས་འབྲེལ་ཡོད་པའི་དཔལ་ལྡན་བླ་མ་དམ་པ་འགའ་ཞིག་ལ་ཡོན་ཏན་རྗེས་སུ་དྲན་པའི་བསྟོད་པ་གསོལ་འདེབས་འགའ་ཟུང་ཞིག

[Full Size]

ཆོས་འབྲེལ་ཡོད་པའི་དཔལ་ལྡན་བླ་མ་དམ་པ་འགའ་ཞིག་ལ་ཡོན་ཏན་རྗེས་སུ་དྲན་པའི་བསྟོད་པ་གསོལ་འདེབས་འགའ་ཟུང་ཞིག་བཞུགས་ཡོད་དོ།།

[Full Size]

ན་མོ་གུ་རུ་བུདྡྷ་བོདྡྷི་སཏྭ་ཡེ། དུས་གསུམ་སངས་རྒྱས་ཐམས་ཅད་ཀྱི། །གསང་བ་གསུམ་གྱི་མཛོད་འཛིན་ཅིང་། །ཡེ་ཤེས་དབྱེར་མེད་རོ་གཅིག་པ། །རྡོ་རྗེ་འཛིན་ལ་གསོལ་བ་འདེབས། །སྔོན་ཚེ་པདྨ་འབྱུང་གནས་ཀྱིས། །དབང་བསྐུར་བྱིན་གྱིས་རླབས་པའི་མཐུས། །རྫུ་འཕྲུལ་ཆུ་ལ་ཐོགས་པ་མེད། །དཔལ་གྱི་དབང་ཕྱུག་ཞབས་ལ་འདུད། །རྗེ་བཙུན་མི་ལ་རས་ཆེན་གྱིས། །བྱིན་རླབས་ཐུགས་ཀྱི་སྲས་སུ་གྱུར། །འཇའ་ལུས་མཁའ་སྤྱོད་གནས་སུ་གཤེགས། །ཞི་བ་འོད་ལ་གསོལ་བ་འདེབས། །གོ་ཤྲི་དཔལ་འབྱོར་དོན་གྲུབ་དང་། །

[Full Size]

གྲགས་པ་དཔལ་འབྱོར་གྲུབ་པའི་གཙོ། །རྗེ་བཙུན་གྲགས་པ་དོན་གྲུབ་སྟེ། །རྒྱལ་ཚབ་རྣམས་ལ་གསོལ་བ་འདེབས། །བླ་མ་ཡི་དམ་དབྱེར་མེད་ཅིང་། །མཁས་དང་གྲུབ་པའི་རྩེ་མོར་བྱོན། །གྲགས་པ་མཆོག་དབྱངས་ཞེས་བྱ་བའི། །དྲིན་ཆེན་རྗེ་ལ་གསོལ་བ་འདེབས། །སྙིགས་མ་ལྔ་བརྒྱའི་དུས་འདིར་ཡང་། །གཞན་སེམས་མཁྱེན་པའི་མངོན་ཤེས་ཀྱིས། །ཐེ་ཚོམ་དྲ་བ་གཅོད་མཛད་པ། །ངོ་མཚར་ཅན་ལ་གསོལ་བ་འདེབས། །རབ་མཁྲེགས་རྡོ་བའི་ངོས་དག་ལ། །ཁ་དོག་བསྒྱུར་བའི་ཞབས་རྗེས་ཀྱིས། །འགྲོ་བའི་སྒྲིབ་པ་སྦྱངས་བ་

[Full Size]

ཡི། །རྫུ་འཕྲུལ་སྟོན་ལ་གསོལ་བ་འདེབས། །གདོད་ནས་ཀུན་མཁྱེན་ཡིན་མོད་ཀྱང་། །བསྟན་པ་དར་ཞིང་རྒྱས་པའི་ཕྱིར། །དཀའ་སྤྱད་བརྩོན་འགྲུས་དུ་མ་ཡིས། །བསླབ་སྦྱང་མཛད་ཚུལ་སྟོན་ལ་འདུད། །མ་རུངས་སྙིགས་མའི་སེམས་ཅན་གྱི། །དུག་ཆེན་ཧ་ལ་དྲངས་པའི་ཚེ། །མཁྱེན་བཞིན་གསོལ་ནས་དུག་ནུས་བཅོམ། །རྡོ་རྗེའི་སྐུ་མངའ་དེ་ལ་འདུད། །ཛ་ལེན་དྷ་རའི་རི་ཕུག་ན། །རྫུ་འཕྲུལ་བྲག་ལས་གྲུབ་ཆུ་བཏོན། །སྣང་བ་དབང་དུ་འདུས་པའི་རྗེ། །གྲགས་པའི་མཚན་ཅན་དེ་ལ་འདུད། །དགུང་ལོ་བཅུ་དྲུག་ཙམ་གྱི་ཚེ། །བཤད་པའི་འདུས་སྡེ་བཙུགས་པར་མཛད། །ཐུབ་བསྟན་སླར་ཡང་རྒྱུས་མཛད་པ། །བཤེས་གཉེན་དེ་ལ་གསོལ་བ་འདེབས། །བླ་མ་ཡི་དམ་དབྱེར་མེད་ལ། །ངེས་ཤེས་ཚད་མ་མངོན་མཐོང་ནས། །རྩེ་གཅིག་དད་པས་གསོལ་བཏབ་པས། །བྱིན་གྱིས་བརླབ་པར་མཛད་དུ་གསོལ། །ཅེས་པ་འདི་སྔ་སོར་རྗེ་དཔལ་ལྡན་གྲགས་པ་མཆོག་དབྱངས་འགྲོ་བའི་ཁྱུ་མཆོག་ཀུན་ཏུ་བཟང་པོའི་རྣམ་པར་རོལ་པའི་ཞལ་སྔ་ནས་ཚོགས་བསྔོ་དང་བསྔོ་བའི་བཤད་པའི་ལེའུ་དུ་མར་ཆོས་འབྲེལ་ཅུང་ཟད་རེ་ཐོབ་པས། དུས་ཕལ་ཆེར་ཡབ་སྲས་གསུམ་ཚོགས་དབུ་མཛད་ནས་ཚོགས་གྲོལ་ཁ་གདོང་གྲལ་བར་ནས་

[Full Size]

གཤེགས་པའི་སྲོལ་ཡོད་པ་ལས། ཉིན་གཅིག་བདག་གི་བསམ་པ་ལ་རྒྱལ་ཚབ་པ་འདི་ཕྱག་ན་རྡོ་རྗེའི་སྤྲུལ་པ་ཟིན་ཟེར་བ་ཨེ་བདེན། ཡབ་སྲས་གཉིས་ལུང་བསྟན་ཨོ་རྒྱན་གྱིས་གསུངས་པ་མང་དུ་གདའ་བས་འཆུག་པ་མེད། རྒྱལ་ཚབ་པ་ལ་ནི་ཨོ་རྒྱན་གྱིས་གསུངས་གསལ་པོ་ཡང་མ་མཐོང་། ཁོང་ཕྱག་རྡོར་ཡིན་ན་བདག་གིས་སྔར་ནས་ཕྱག་རྡོར་གྱི་བསྙེན་པ་མང་པོ་སོང་ཞིང་ད་ལྟ་ཡང་ཡི་དམ་ཡིན་པས་ཁོང་གིས་དེ་མཁྱེན་འོས་སྙམ་ནས་ཕྱག་རྡོར་གྱི་བསྐྱེད་རིམ་གསལ་བར་བྱས་ནས་བསྙེན་པ་ཕྲེང་སྐོར་གཅིག་གཉིས་བྱས་ནས་ཐལ་མོ་གཞན་གྱིས་མ་མཐོང་བར་སྦྱར་མའི་ནང་དུ་སྦྱར་ནས། ཁྱེད་ཕྱག་རྡོར་ཡིན་ངེས་ན་ང་ཡི་ཡི་དམ་ཡིན་པས་ཕྱིར་གདོང་གྲལ་ནས་གཤེགས་པའི་ཚེ་ང་ལ་ཚུར་ལེགས་པར་གཟིགས་ཤིག །ཅེས་སུས་མ་གོ་བར་ལྐོག་ལབ་གཅིག་བྱས་པས། དུས་རྒྱུན་པར་གདོང་གྲལ་ནས་ཡབ་སྲས་གཉིས་དེའི་རྒྱབ་ནས་རྒྱལ་ཚབ་པ་ཕེབས་དུས་ཕན་ཚུན་དུ་གཟིགས་སྲོལ་མེད་པ་ལ། དེ་ཉིན་གདོང་གྲལ་དཀྱིལ་ཙམ་ནས་འབྱོན་དུས། ང་དེ་ཉིན་གཡོན་གྲལ་ཟུར་ཚུར་ཟད་འདིར་ཡོད་པ་ལ་ཞལ་སྐྱོགས་ནས་ལེགས་པར་གཟིགས་བཞད་མོ་གཅིག་མཛད་བྱོན་སོང་བས། ཕྱག་རྡོར་དངོས་སུ་ཐག་ཆོད་པས་ཕྱག་རྡོར་གྱི་ཆོས་འབྲེལ་ཞུ་འདོད་ཀྱང་ཕྱག་རྟེན་མེད་པས་ཞུ་མ་སྤོབས། འོན་ཀྱང་བླ་མའི་རྣལ་འབྱོར་ལ་ཏིང་ངེ་འཛིན་གྱི་དབང་བཞི་ལེགས་པར་བཤད་གདའ་བས། ནམ་ཚོགས་དབུས་སུ་ཕེབས་ཚེ་ཐམས་ཅད་ལ་ཕྱག་རྡོར་དངོས་སུ་གསལ་བཏབ་ཐག་བཅད་ནས་ཏིང་ངེ་འཛིན་གྱི་དབང་བཞི་དུ་མ་བླངས་

[Full Size]

ཤིང་ཕྱིས་དེ་དག་དྲན་ནས་གསོལ་འདེབས་དང་བསྟོད་པ་འདི་ཡང་བྱས་སོ། ༈ །འཕགས་ཡུལ་གྲུབ་ཆེན་ཌོམྦི་ཧེ་རུ་ཀ། །སྟག་ཞོན་རིགས་ངན་བུ་མོ་མཆན་དུ་ཐོགས། །དུག་སྦྲུལ་ལག་ཏུ་ཐོགས་ནས་མུ་སྟེགས་བཏུལ། །རྫུ་འཕྲུལ་མཁའ་ལ་གཤེགས་དེར་གསོལ་བ་འདེབས། །བོད་ཡུལ་མུན་པ་སེལ་མཛད་ལྷོ་བྲག་པ། །དུད་འགྲོ་ཤི་བའི་ལུས་ལ་གྲོང་འཇུག་མཛད། །ཚོགས་འཁོར་མཛད་ཚེ་མཁའ་ལ་ཆར་རྒྱུན་བབས། །ཆོས་ཀྱི་བློ་གྲོས་ཞབས་ལ་གསོལ་བ་འདེབས། །བདེ་དྲོད་ནུས་པས་ལོ་སར་ཆབས་བྲོམ་ཞུ། །མགོན་པོ་ཞལ་ལྕོགཟིགས་བསྟན་དགྲ་བོན་པོ་བཏུལ། །ཏིང་འཛིན་དབང་ཐོབ་ཡི་དམ་དཔག་མེད་གཟིགས། །གྲུ་གུ་རས་ཆེན་ཞབས་ལ་གསོལ་བ་འདེབས། །མི་དབང་མཚན་གསོལ་སི་ཏུ་ཆོས་རྒྱལ་མཚན། །དེ་བཞིན་བཀྲ་ཤིས་གྲགས་པ་དཔལ་འབྱོར་ཞབས། །ཆོས་ཀྱི་གོ་ཆ་ནོར་བུ་བསམ་འཕེལ་དང་། །ཆོས་ཀྱི་རྒྱལ་མཚན་རྣམས་ལ་གསོལ་བ་འདེབས། །བསམ་ཡས་མཐིལ་དུ་ཡུན་རིང་བཞུགས་པའི་ཚེ། །གནོད་སྦྱིན་རྩི་དམར་འབེབས་པར་མ་ནུས་པས། །འདི་ནི་ཡེ་ཤེས་མགོན་པོ་དངོས་ཉིད་ཅེས། །ཀུན་གྱིས་བསྟོད་པར་འགྱུར་ལ་

[Full Size]

གསོལ་བ་འདེབས། །གྲོང་ཁྱེར་ཆེན་པོར་མེ་ཆེན་མཆེད་པའི་ཚེ། །རྒྱངས་ནས་ཕྱག་ནས་མཛད་པའི་མོད་ལ་ཞི། །འབྱུང་བཞི་དབང་དུ་འདུས་པའི་སྐྱེས་བུ་ཞེས། །དབུས་གཙང་ཡོངས་ལ་གྲགས་དེར་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །སླར་ཡང་སྤྲུལ་སྐུ་ཡུན་རིང་ཞབས་བརྟན་ཅིང་། །ཆོས་ཀྱི་འཁོར་ལོ་བླ་ན་མེད་པ་ཡིས། །བདག་ཅག་འཁོར་བཅས་ངོམས་པར་མཛད་དུ་གསོལ། །ཅེས་པ་འདི་༧ སི་ཏུ་ཆོས་ཀྱི་རྒྱལ་མཚན་དགེ་ལེགས་དཔལ་བཟང་པོའི་ཞལ་སྔ་ནས། ཁམས་སུ་བྱིས་སྒྲའི་དུས། །ཆོས་རྣམས་ཐམས་ཅད་རྒྱུ་ལས་སོགས་ཤོ་ལོ་ཀ་གཉིས་ཀྱི་ཆོས་འབྲེལ་དང་། རང་ལོ་ཉེར་གཉིས་པར་གྲྭ་ཚང་གོངས་དཀར་ཕུབ་རོན་ལྕང་གསེབ་ཏུ་བཞུགས་དུས། རྗེ་སྤྲུལ་པའི་སྐུ་ཆུ་བར་དུ་ཞིང་བརྗེ་བར་ཉེ་བ་ན། ༧ རྒྱལ་བའི་དབང་པོས་ངེད་ཀྱི་སྐུ་ཚེ་བརྟན་པར་གསོལ་བ་བཏབ་ཀྱང་ཞལ་བཞེས་མ་བྱུང་བས། སི་ཏུ་པ་བརྟན་བཞུགས་འབུལ་དུ་འབྱོན་གསུངས་པའི་བཀའ་ཤོག་ཕེབས་དུས། དྲུང་ནས་རྒྱལ་བའི་དབང་པོའི་བཀའ་ཡིན་པས་ཁོ་བོ་འགྲོ་སྟེ། མཆོག་གི་སྤྲུལ་སྐུའི་ཞལ་རྩེབས་པ་མེད་གསུངས་ཤིང་བྱོན་དུས། ངེད་མཆེད་གྲོགས་བཞི་བཅུ་ཙམ་ཆུ་བོ་རིའི་ཕར་གྲིབ་དེར་མཇལ་བས་ཐུགས་དགྱེས་པའི་རྣམ་འགྱུར་དུ་མ་དང་། གངས་དཀར་རྫོང་དཔོན་གྱིས་དཀར་གྲོ་བཤམས་པ་ནས་བུ་རམ་དང་ཟས་སྣ་གྱ་

[Full Size]

ནོམ་པ་གནང་། ཕྱིས་མཚུར་ཕུར་རྗེ་ཆོས་དབྱིངས་རྡོ་རྗེའི་ཐུགས་རྩོམ་དགེ་འདུན་སྤྱི་ལ་ཞལ་གདམས་ཀྱི་ཤོག་དྲིལ་ཆེན་པོ་དཔེ་བྲིས་ནས་ཁ་གྲས་ཀྱི་ལྡེབ་བུ་བཅུ་ཙམ་པར་འོང་བ་བདག་ལ་སི་ཏུ་རིན་པོ་ཆེས་ལུང་གནང་སྟེ། གསུངས་ཤིན་ཏུ་ཆེ་བས་ཚངས་པའི་དབྱངས་ཡིན་ཞེས་གླེང་བ་བྱུང་ཡང་། ཚོགས་ཆེ་བྲག་པས་མ་ཐོས་དོགས་ནས་ཚོགས་ཀྱི་མཐའ་རྒྱས་སུ་ལན་གསུམ་ཀློག་པར་མཛད་པ་དང་། གོང་དུ་ཆུ་བོ་རིར་ངེད་བཅུ་ཙམ་གཅིག་ལ་ཕག་མོ་ཀུན་རིག་མགོན་པོ་གསུམ་གྱི་བཀའ་པོ་ཏི་གླེགས་བམ་གྱིས་དབང་མཛད་དེ། རྙིང་མའི་ལུགས་ལྟར་ན་འདི་དབང་གི་ཆུ་བོ་བཞི་ཡི་ནང་གཅིག་ཡིན་པར་སྣང་ངོ་། །དེ་དུས་ཁོང་འགའ་ཞིག་ན་རེ་རྗེ་མཆོག་གི་སྤྲུལ་སྐུས་དཔེ་དབང་མཛད་དུས་གླེགས་ཐག་བཀྲོལ། དཔེ་ཞལ་ཕྱེས་ཏེ་རྒྱ་ཤོག་སྟེང་དུ་ཡོད་པར་བྱས་དཔེ་སྣ་སློབ་མ་ལ་སྟོན་ནས་མགོར་བཞག་པ་མཛད་པ་ལས། དེ་ལྟར་མ་མཛད་ཟེར་ནས་མ་མགུ་བར་ལྟར་སྨྲ་བའང་བྱུང་ལ། ཕྱིས་བདག་གི་བསམས་པས་སོ་སོའི་སྐྱེ་བོ་རང་རེ་རྣམས་ཆོ་ག་ཕྱག་ལེན་མ་འཁྲུལ་བར་བྱ་དགོས་དེ་མིན་བྱིན་རླབས་མི་འབྱུང་། འཕགས་ཆེན་རྣམས་ལ་ངེས་པ་མེད་དེ། ཏེ་ལོས་རས་ཡུག་བསྲེགས་ཏེ་ནཱ་རོའི་རྒྱུད་ལ་དབང་དོན་གྱི་ཡེ་ཤེས་སྐྱེས་ཏེ། རྒྱུད་གང་ནས་ཀྱང་རས་ཡུག་བསྲེགས་པས་དབང་བསྐུར་དུ་འགྲོ་བར་མ་བཤད་པ་འདྲ། ཁོང་རྣམས་དབང་བསྐུར་བ་དང་བྱིན་གྱིས་རླབས་པའི་ཐུགས་འདུན་གཏད་པ་གཅིག་པུས་ཆོ་ག་ཕྱག་ལེན་ལ་མ་ལྟོས། འོན་ཀྱང་དེ་མ་དགོངས་བ་དེ་གང་ཡིན་མཚན་ཉིད་གྲ་སར་ཟ་ཆོག་ལ་ལྟ་དབང་མེད་ཅིང་དཔེ་མ་སྐུང་

[Full Size]

ན་སྤྱི་བས་བསྡུ་བའི་སྲོལ་ཡོད་ལ་ཉིན་གླིང་ཡང་མ་འོངས་པར་སྔགས་གྲ་རུ་འགྱུར་དོགས་ཡོད་པར་ལུང་བསྟན་ཡོད་པས་དེ་ལ་དགོངས་པ་འདྲ་བསམ་མོ། །དོན་ཆོས་འབྲེལ་ཐོབ་ཚུལ་དྲན་ནས་གསོལ་བ་བཏབ་པའོ། །ན་མོ་གུ་རུ། དབང་ཕྱུག་རྡོ་རྗེའི་གསུང་གི་སྤྲུལ་པར་གྲགས། །གཡེ་ཡི་ཕྱོགས་འཁྲུངས་ཡིག་རིས་མཁས་པར་མཁྱེན། །རྒྱལ་དབང་དགུ་པའི་དྲུང་ཡིག་མཛད་པའི་ཕྱིར། །དྲུང་ཡིག་པ་ཞེས་གྲགས་ལ་གསོལ་བ་འདེབས། །རྒྱལ་བའི་དབང་པོར་ཕྱག་ཆེན་ཁྲིད་ཞུས་པས། །ཇི་ལྟར་བསྒོམས་ཀྱང་རྟོགས་པ་མ་སྐྱེས་པས། །བཀའ་བཀྱོན་བཅས་པས་ཆབ་ལྷམ་རྒྱབ་མ་ཐག །འོད་གསལ་མངོན་སུམ་རྟོགས་ལ་གསོལ་བ་འདེབས། །ཇོ་བོའི་དྲུང་དེར་ལོ་གསུམ་བསྒོམ་པའི་ཚེ། །ཇ་འདྲེན་མང་པོའི་ཟངས་སྐྱེམས་ཚན་མོ་ཡིས། །དབུ་གཙུག་ཆལ་སྟེགས་རེས་མོས་བྱས་གྱུར་ཀྱང་། །ཏིང་འཛིན་གཡོ་བ་མེད་དེར་གསོལ་བ་འདེབས། །དགུན་སྒང་ལྷ་སར་རས་རྐྱང་མཛད་པའི་ཚེ། །སྣུམ་ཞིང་བག་དྲོ་དངུལ་ཆུ་དང་བཅས་པས། །དམ་ཆོས་དཀར་ལུགས་འདི་ག་ཟབ་བོ་ཞེས། །ལྷ་ས་སྡེ་བཞིའི་བསྟོད་དེར་གསོལ་བ་འདེབས། །གྲུབ་ཆེན་གཞན་དང་རླུང་ནུས་འགྲན་པའི་

[Full Size]

ཚེ། །དགུ་འགྲིམ་སྒང་ལ་རས་རྐྱང་ཆུར་སྦང་མནབ། །ཆབ་བྲོམ་སྟེང་དུ་བཞུགས་ཚེ་མདའ་བརྒྱང་གིས། །ཆབ་བྲོམ་མར་ལྟར་བཞུ་མཛད་དེ་ལ་འདུད། །རྐང་བཞིའི་ནོར་དང་ཟས་ནོར་གསོག་འཇོག་སྤང་། །དབུ་སྔས་སྤང་ཞིང་ཉེ་སྐོར་འབུལ་ནོར་སྤང་། །ཤིན་ཏུ་བསྒྲེས་ཀྱང་ཁྲེས་པོ་ཁོང་རང་ཁུར། །བྱ་བཏང་མཐར་ཕྱིན་དེ་ལ་གསོལ་བ་འདེབས། །བྱ་བཏང་སློབ་མ་ནམ་མཁའི་སྐར་འཚོགས་ཙམ། །ཀཾ་ཚང་སྒྲུབ་བརྒྱུད་དར་ཞིང་རྒྱས་མཛད་པ། །གངས་ཆེན་ལྗོངས་འདིར་བྱ་བཏང་འགྲན་མེད་པ། །གཡེར་པ་དྲུང་ཡིག་པ་དེར་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བདག་ཀྱང་ཚེ་འདིའི་འདུན་མས་མི་བསླུ་ཞིང་། །ཟས་ནོར་བསྙེན་བཀུར་འདོད་པ་མི་སྐྱེ་བར། །རྗེ་བཙུན་ཁྱེད་རང་ལྟ་བུར་བྱིན་གྱིས་རློབས། །ཞེས་པ་འདི་མཚུར་ཕུར་སེར་ཚོགས་དུས་སོར་མོ་འབུལ་བའི་རོག་དན་སོགས་ཐུགས་ལ་བཏགས་པོ་ཞེས་བྱས་ཤིང་། དེ་སྐོར་ཁྲིད་གཅིག་བཙུགས་གདའ་བ་འགྲོ་སུ་འདོད་རེད་ན་ཡང་༔ གྲྭ་རྒན་རྣམས་ན་རེ། མེས་མ་དྲོས་ན་ཐལ་བས་མི་དྲོ། ༧ ཞྭ་དམར་པའི་ཁྲིད་དཔེའི་མ་དྲོས་ན་དྲུང་ཡིག་པའི་ཁྲིད་ཀྱིས་གྲོལ་ལྟ་བུ། བྱ་ལག་མ་མང་ཟེར་ནས་གཞན་འགའ་ལ་སྐྱོན་དེ་བས་འགྲོ་མ་སྤོབས། ཉིན་གཅིག་ལེགས་

[Full Size]

བཤད་གླིང་པའི་གྲྭ་པ་སུམ་ཅུ་ཙམ་དང་མཉམ་དུ་ཆོས་འབྲེལ་གཅིག་ཞུས་པས། བླ་མའི་རྣལ་འབྱོར་གཞན་སྤྱི་དང་འདྲ་བ་ལ་བདག་བསྐྱེད་ཕག་མོ། དེའི་སྤྱི་བོར་ཆོས་དབྱིངས་རྡོ་རྗེ་དེ་ཡི་སྤྱི་བོར་ཆོས་ཀྱི་དབང་ཕྱུག་ནས་རྡོ་རྗེ་འཆང་བར་ཐོ་བརྩེགས་དང་སྤྱི་བོའི་གཡས་ངོས་སུ་གྲགས་པ་དོན་གྲུབ། གཡོན་དུ་གྲགས་པ་མཆོག་དབྱངས། རྒྱབ་ཏུ་གཙུག་ལག་རྒྱ་མཚོ། མདུན་དུ་སི་ཏུ་ཆོས་ཀྱི་རྒྱལ་མཚན་རྣམས་བསྐྱེད་ཅིང་དབང་ལེན་པ་སོགས་སྤྱི་ལྟར་དང་། མཐར་བཞག་ཐབས་ངོ་སྤྲོད་དང་བཅས་པ་གཅིག་ཐོབ་པས། ཁོང་སྙིགས་དུས་འདིར་སྒྲུབ་བརྒྱུད་ཀྱི་བཀའ་བབས་ཏེ། སློབ་མ་རྣམས་ལ་ཡང་ཚེ་བློས་ངེས་པར་ཐོངས་བ་དཔག་ཏུ་མེད་པ་བྱུང་བས། ཆོས་དེ་འབྲེལ་པ་ཐོབ་པའང་རྟེན་འབྲེལ་བཟང་སྙམ་ནས་འདི་བྲིས་སོ།། ན་མོ་གུ་རུ་ཝེ། སྔོན་ཚེ་སློབ་དཔོན་པདྨ་འབྱུང་གནས་ཀྱིས། །ཙནྡན་སྦྲུལ་སྙིང་ཕུར་པ་ལོ་བརྒྱད་ཚད། །གནང་ནས་སྲིན་མོ་འདུལ་བར་བཀའ་བསྒོས་པ། །དཔལ་གྱི་དབང་ཕྱུག་དེ་ལ་གསོལ་བ་འདེབས། །ཕུར་པ་བསྒྲུབས་ནས་སྲིན་མོ་བཏུལ་བའི་ཚེ། །རྔ་ཡབ་གླིང་ནས་སྤྲུལ་པའི་འོད་ཟེར་གྱིས། །ལུང་པ་དེ་ཉིད་བྲན་པ་ལྟར་གྱུར་པས། །འོ་བྲན་པ་ཞེས་གྲགས་ལ་གསོལ་བ་འདེབས། །ལྷ་མོ་ཞལ་གཟིགས་དངོས་གྲུབ་ཅི་འདོད་གསུངས། །ང་ཡིས་བརྒྱུད་པ་གཏོར་མ་བཤམ་ཙམ་

[Full Size]

གྱིས། །བསྒྲུབ་མི་དགོས་པར་ཕྲིན་ལས་སྒྲུབས་ཤིག་གསུངས། །རོ་ཟན་ཝ་ཡི་བརྒྱུད་པར་གྲགས་ལ་འདུད། །དེ་ནས་བཟུང་སྟེ་བླ་རབས་ཉི་ཤུ་ལྔ། །མཁས་བཙུན་ནུས་ལྡན་ཁོ་ན་འབྱོན་པ་ཡི། །ཆོས་ཀྱི་རྒྱལ་པོ་སྟག་ལུང་ཐང་པ་ཡིས། །ཁྲི་ཟུར་གཡས་པར་གྱུར་པ་རྣམས་ལ་འདུད། །ཁྱད་པར་ངག་དབང་གྲགས་པ་འཇིགས་མེད་ཉིད། །ཡུམ་གྱིས་ལྷུམས་སུ་ཞུགས་པར་གྱུར་པའི་ཚེ། །ཡུམ་གྱི་མཛེ་ནད་སངས་བར་གྱུར་ནས་ནས། །ཕྱག་རྡོར་འགྲུབ་པའི་སྐྱེས་བུར་གྲགས་ལ་འདུད། །ཉིད་ལ་མཛེ་ནད་བྱུང་བ་གསལ་བའི་ཕྱིར། །རྟ་མགྲིན་ནག་པོ་ཟླ་གཅིག་བསྙེན་པའི་ཚེ། །བུམ་པའི་ནང་ནས་དུ་བ་རབ་འཕྱུར་ཞིང་། །སྐུ་ལས་སྦལ་པ་དངོས་སུ་ཐོན་ལ་འདུད། །སྟག་ལུང་ཞབས་དྲུང་ཁུ་དབོན་སྤྱན་སྔ་རུ། །ཕུག་རོན་གཤོག་པ་ཆག་ལ་འཕོ་བ་བཏབ། །སྤྱི་བོར་སྤུ་དོན་གཤོག་པ་སླེབས་ཀྱིས་ཤི། ་།འཕོ་བའི་གྲུབ་ཐོབ་ཆེན་པོར་གྲགས་ལ་འདུད། །ཡུན་རིང་འདག་སྦྱར་ཆོས་དྲུག་སྒོམ་པའི་ཚེ། །ཅ་ནེ་ཨེ་ཐར་ཙམ་གྱི་བུག་སྒོ་ནས། །ཐོག་མེད་གཤེགས་བཞུགས་ཡང་ཡང་མཛད་པ་ཡི། །རྩོད་མེད་གྲུབ་ཆེན་ཆེན་པོར་གྲགས་ལ་འདུད། །སྟག་

[Full Size]

ལུང་གླིང་དུ་མགོན་པོ་བསྙེན་པའི་ཚེ། །དེ་རུ་མེད་པའི་རོལ་མོ་སྣ་ཚོགས་སྒྲ། །མངོན་དུ་བྱུང་བས་མགོན་པོའི་གྲུབ་ཐོབ་ཅེས། །ནུས་ལྡན་ཆེན་པོར་གྲགས་པ་དེ་ལ་འདུད། །ཧོར་གྱིས་ལུག་བསད་སྟོད་སྨད་ཟླུམ་བྱས་ནས། །སྔོན་དུ་གང་འདྲེན་ཁྱིམ་དུ་གླེང་པ་རྣམས། །གདན་འདྲེན་སོང་ཚེ་གསུངས་ནས་མ་བྱོན་པས། །མངོན་ཤེས་མངའ་བར་ཡོངས་ལ་གྲགས་དེར་འདུད། །ཁྱི་སྨྱོན་སྨུག་པའི་མཛོ་མོའི་གཟེར་མཐོང་ནས། །འཕོ་བ་མཛད་པས་དེ་མ་ཐག་ཏུ་འགྱེལ། །དེ་ཕྱིན་དགེ་འདུན་ཀུན་གྱིས་སྤྱི་བོར་བཀུར། །གྲུབ་པའི་སྐྱེས་མཆོག་དེ་ལ་གསོལ་བ་འདེབས། །ལྷ་འདྲེ་བབ་པའི་ལྷབ་ཁས་སྙན་ཚ་ནས། །དམིགས་པས་ལྕགས་བླུག་ལྷ་འདྲེའི་སྐད་ངན་ཤོར། །དེ་ཕྱིན་དགོངས་པ་མ་ཞུས་འབབ་མི་ཕོད། །སྣང་སྲིད་ཟིལ་གནོན་དེ་ལ་གསོལ་བ་འདེབས། །སྐུ་ལ་བསྡོ་བའི་དགྲ་བོ་བྱུང་བའི་ཚེ། །གཏོར་མ་མེ་དཔུང་འབར་ཞིང་ཉིན་ལམ་ཙམ། །འཕུར་ཞིང་སོང་བས་དགྲ་བོའི་ཡུལ་མཁར་རྣམས། །དངོས་སུ་བསྲེག་ཅིང་བརླགས་མཛད་དེ་ལ་འདུད། །ཆུ་ཐན་འཕྱུར་ནས་ཞིང་མང་ཕྱགས་པའི་ཚེ། །ཆུ་སྣར་སྐྱིལ་ཀྲུང་བཅས་ནས་

[Full Size]

བཞུགས་པའི་མོད། །སྐད་ཅིག་ཉིད་ལ་ཆུ་བོ་ཕར་བཟློག་པས། །འཕེན་པོ་ཀུན་གྱིས་གུས་པར་བྱེད་ལ་འདུད། །སུས་ཀྱང་མ་ཕན་འཆི་བར་ཐག་ཆོད་པས། །ནད་པའི་དོན་དུ་གདན་འདྲེན་བྱུང་བའི་ཚེ། །གྲི་འདི་འབུལ་ན་གྲགས་པར་བྱེད་ཅེས་གསུངས། །དེ་བཞིན་ཕན་པར་མཛད་དོར་བདག་གིས་བསྟོད། །སྤྲོས་བཅས་དགེ་སྦྱོར་ཅི་ཡང་མི་མཛད་པར། །ཉིན་མཚན་མེད་པར་གཅེར་ཉལ་ངང་དུ་གཟིམ། །ང་ནི་བྷུ་སུ་ཀུ་པ་ཡིན་ནོ་གསུངས། །དོན་གྱི་རྣལ་འབྱོར་དེ་ལ་གསོལ་བ་འདེབས། །རེས་འགའ་ཟས་ནོར་སུས་ཁྱེར་བདག་པོ་མེད། །རེས་འགའ་ཅུང་ཟད་ཙམ་ལ་ཤིན་ཏུ་སྐྱོན། །གྲྭ་འཁོར་རྣམས་ལའང་མཐུ་ཡི་བསྡིག་ཤིང་དངངས། ་།ངེས་མེད་རྣལ་འབྱོར་དེ་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །རླུང་སེམས་དབང་ཐོབ་ལྷ་སྲིན་བྲན་དུ་ཁོལ། །ཡི་དམ་ལྷ་ཡིས་དངོས་སུ་རྗེས་བཟུང་ནས། །ནུས་མཐུའི་དབང་ཕྱུག་ཁྱེད་ལྟར་བྱིན་གྱིས་རློབས། །ཞེས་པ་འདི་རང་ལོ་བཅུ་དགུ་པར་ཟ་དམ་དུ་སླེབ་འགྲོགས་འདུ་གང་ཀ་དཔུང་གི་རྩ་བ་དེ་ན་བླ་མ་ཕྱག་ན་ཐོད་ཕྲེང་བསྒྲུང་བ་གཅིག་གིས་ལག་གཡུག་བྱས་བྱུང་ནས་དྲུང་དུ་སོང་བས་རྒྱུས་མེད་པར། ད་ང་ཡང་སྔགས་པ་གཅིག་གི་

[Full Size]

བུ་ཡིན་ཁྱོད་ཀྱང་སྔགས་པ་གཅིག་གི་བུ་རེད། ངེད་རང་གཉིས་གྲོགས་མཆེད་བྱེད་གསུངས་ནས་སྐད་ཆ་མང་དུ་དྲིས་ཏེ་ཕྱིན་ཆད་ནས་ལུགས་གཉིས་ཀྱི་ཐུགས་བཏགས་ཚད་མེད་པ་མཛད། དབང་ལུང་ཡང་ཅི་ཞུས་ཞུས་གནང་། ཉིན་གཅིག་ཁྲོ་ཡི་བུམ་པ་སོགས་ཕྱག་བརྟེན་ཅུང་ཟད་ཕུལ་ནས་ཀུན་རིག་གི་དབང་ཞུས་པས། ཀུན་རིག་ང་ཡི་བྲག་ནག་ལ་ཡིན་ཀར་ཆོག་ཐོབ་ཀྱང་བློ་ལ་མེད་པས་དཔེ་ཆོག་བྱེད་གསུངས་ནས་དབང་སྒྲུབ་ཚེ། བདག་གིས་ཕྱག་ལེན་དེ་ལ་ལྟ་བསམས་པས། ཁྱོད་རང་དབང་སྒྲུབ་ཚེ་འདིར་མ་སྡོད་གསུངས་ད་རུང་ཡང་བསྡད་པས་ལན་གསུམ་གསུངས། ད་རུང་ཡང་བསྡད་པས། སྐུ་ལུས་བསྲང་ལྟ་སྟངས་ཤིག་མཛད་ནས། གྲེ་གུང་ནས་སུམྦྷ་ནི་སུམྦྷ་ནི་བྱུང་བས་བླ་མ་འགྲིབ་ཁྲག་པས་ང་སྐྲག་ལེ་ཡང་མིན་པ་ལ་རང་དབང་མེད་པར་སྒོ་རྒྱབས་སུ་འགྲོ་དགོས་པ་གཅིག་བྱུང་སྟེ་ཤོག་མ་གསུངས་བར་འགྲོ་མ་ཕོད། དེ་ཕྱིན་ཆད་ནས་ཏིང་ངེ་འཛིན་ལ་རང་དབང་ཐོབ་པ་གཅིག་གདའ་བསམ་ནས་དད་པ་ཡང་སྐྱེས། །ཕྱིར་ཁམས་སུ་འོང་ཁ་རྟེན་འབྲེལ་བརྟགས་པས་ཀྱང་མགོ་ཐོན་པར་ལུང་བསྟན་བདག་ལ་ཐུགས་རྩིས་ཤིན་ཏུ་ཆེ་བར་མཛད་དེ། དམ་ཅན་མགར་ནག་ཀློང་གསལ་ལུགས་ཀྱི་སྒྲུབ་ཐབས་ཐམས་ཅད་དང་། ཀིང་ཀང་དམར་པོའི་ལུང་དགོས་གསུངས་ནས་ཡར་ཕུལ་ཏེ། ཇ་གྲལ་མང་པོ་བྱེད་དུས་ཆགས་མེད་ཡར་སྡོད་གསུངས། ཆགས་མེད་ངེད་གཉིས་ཕར་བླ་ཚུར་བླ་ཡིན་ལེ་ཨེ་ཤེས་ལན་མང་དུ་གསུངས་ཀྱང་། ཁོང་བླ་ཆེན་ཡིན་པས་ང་ལ་ལུང་ཞུས་བསམ་པའི་སྣང་བ་གྲྭ་ཚང་སུ་

[Full Size]

གང་ལ་ཡང་མི་སྣང་། དེ་ལྟར་བླ་མ་དེ་དང་འབྲེལ་ཆེ་ཞིང་ཆོས་དྲུག་སོགས་ཀྱི་དྲིན་དྲན་ནས་ཡོན་ཏན་དྲན་པའི་བསྟོད་པ་གསོལ་འདེབས་བྱས་སོ། །ན་མོ་གུ་རུ་བཛྲ་རཱ་ཛ་ཡེ། འདས་པའི་སངས་རྒྱས་འཁོར་བ་འཇིག་མ་འོངས་སངས་རྒྱས་སྨན་པའི་རྒྱལ། །ད་ལྟ་ཤཱཀ་ཐུབ་ཉིད་ཡིན་གསུངས། །དུས་གསུམ་སངས་རྒྱས་སྤྲུལ་པའི་སྐུ། །ཕག་གྲུ་པ་ལ་གསོལ་བ་འདེབས། །སྐད་ཅིག་མལ་གྱི་སྤྱིལ་པོ་རུ། །ལྔ་སྟོང་བརྒྱད་བརྒྱ་འཚོགས་གྱུར་ཀྱང་། །ཡང་དང་དོགས་པ་མི་མངའ་བའི། །རྫུ་འཕྲུལ་སྟོན་ལ་གསོལ་བ་འདེབས། །ཁྱེད་ཀྱི་སྐུ་ཚབ་རིན་པོ་ཆེས། །ལོ་གསུམ་བར་དུ་ཆོས་དྲུག་གསུངས། །མདུན་དུ་ལུས་གནད་བྱས་ཙམ་གྱིས། །རྟོགས་པ་བསྐྱེད་མཛད་དེ་ལ་འདུད། །ཁྱེད་ཀྱི་གདན་ས་སེང་གེའི་ཁྲི། །ཀུན་ཏུ་བཟང་པོའི་ནགས་ཁྲོད་ཅེས། །གངས་ཅན་ལྗོངས་ན་འགྲན་བྲལ་བའི། །ཆོས་འཁོར་ཆེན་པོ་དེར་ཕྱག་འཚལ། །སེང་གེའི་ཁྲི་ལ་ལེགས་བཞུགས་ཤིང་། །ཐུབ་པའི་བསྟན་པ་རིན་པོ་ཆེ། །འཛིན་སྐྱོངས་སྤེལ་བར་མཛད་པ་པོ། །མཁས་ཆེན་དེ་ལ་གུས་པས་འདུད། །བསླབ་པ་གསུམ་གྱི་བྱ་བ་ཡིས། །ཉིན་མཚན་ཆོས་ཀྱི་འདའ་གྱུར་པ། །པད་ཚལ་

[Full Size]

རྒྱས་པ་ལྟ་བུ་ཡི། །དགེ་འདུན་རྒྱ་མཚོ་དེ་ལ་འདུད། །བྱ་རོག་མ་དང་ཚེ་རིང་མ། །ཞིང་སྐྱོང་གླང་གི་གདོང་ཅན་སོགས། །བདེ་གཤེགས་བསྟན་པ་སྲུང་བ་པོ། །ཆོས་སྐྱོང་ཚོགས་ལ་བདག་གིས་བསྟོད། །དེ་ལྟར་བསྟོད་ཅིང་གསོལ་བཏབ་པས། །ཐོས་བསམ་སྒོམ་པ་མཐར་ཕྱིན་ནས། །བདེ་གཤེགས་ནོར་རྒྱལ་ཇི་བཞིན་དུ། །རང་གཞན་དོན་གཉིས་འགྲུབ་གྱུར་ཅིག །ཅེས་པ་འདི་རང་ལོ་ཉེར་གཉིས་པ་ལ་ངེད་མཆེད་གྲོགས་མང་པོ་དབུས་གནས་མཇལ་དུ་སོང་བས་སྐུ་དཔལ་ཀུན་ཏུ་བཟང་པོའི་ནགས་ཁྲོད་དུ་གསོ་སྦྱོང་གཅིག་དང་དུས་འགྲིགས་པར་སྣང་བས་གསོ་སྦྱོང་བྱས་དུས། མཁན་པོ་དེའི་དྲུང་ནས་སོ་སོ་ཐར་བའི་མདོ་ལེགས་པར་ཐོབ་ཅིང་གནང་སྦྱིན་ཡང་ལེགས་པར་མཛད་དེ། ཞག་གཅིག་གནས་འབྲེལ་དང་རྟེན་རྣམས་ཞིབ་ཏུ་མཇལ། འདྲ་སྐུ་ཆོས་དྲུག་མའི་དྲུང་དུ་ལུས་གནད་བཅས་ནས་ངོ་བོ་ཡུད་ཙམ་བསྐྱང་བའི་རྟེན་འབྲེལ་བྱས་པ་སོགས་དྲན་ནས། ཆོས་འབྲེལ་ཡོད་པའི་མཁན་པོ་སོགས་ལ་བསྟོད་པའི་ཚིགས་བཅད་འདི་བྱས་སོ།། ༈ ན་མོ་གུ་རུ་མཉྫནཱ་ཐ་ཡེ། སྔོན་ཚེ་སློབ་དཔོན་པདྨས་ལུང་བསྟན་པ། །དབང་ཕྱུག་རྡོ་རྗེས་མདོ་སྔགས་བསྟན་པ་བཙུགས། །གསུང་ལྟར་དབང་ཕྱུག་རྡོ་རྗེས་བཙུགས་མཛད་པའི། །མདོ་སྔགས་ཉིན་མོར་བྱེད་པའི་གླིང་ལ་

[Full Size]

འདུད། །མི་ལ་རྗེ་ཡི་རྫུ་འཕྲུལ་གྱིས་ཕེབས་ནས། །བྲག་འདིའི་ཐོག་ཏུ་ང་ཡི་སློབ་བརྒྱུད་ཀྱི། །བསྟན་པ་དར་བར་འགྱུར་ཞེས་ལུང་བསྟན་པ། །ཐུབ་བསྟན་ཉིན་གླིང་དེ་ལ་བདག་གིས་བསྟོད། །དུས་གསུམ་མཁྱེན་པས་ཀར་ལ་ནས་གཟིགས་ཏེ། །བྲག་འདི་སྟེང་དུ་ང་ཡི་སློབ་བརྒྱུད་ཀྱིས། །འདུལ་བའི་བསྟན་པ་རི་བཙུགས་ལྟ་བུ་ཞེས། །ལུང་བསྟན་ཉིན་གླིང་དེ་ལ་གསོལ་བ་འདེབས། །འཇམ་དབྱངས་བླ་མ་དངོས་སུ་ཞལ་གཟིགས་ཚེ། །རི་རབ་རྩ་རྩེ་སྦོམ་ཕྲ་མེད་པའི་སར། །མི་ཁྱོད་ཀྱིས་ནི་བསྟན་པ་དར་བར་འགྱུར། །ཞེས་གསུངས་འདུས་སྡེ་དེ་ལ་ཕྱག་འཚལ་བསྟོད། །དབང་ནི་དད་པ་མཐོང་བ་ལ་སོགས་པའི། །ས་ཐོབ་སློབ་མ་མང་བར་ལུང་བསྟན་ལྟར། །སྨྲ་བའི་སེང་གེ་རྣམ་རྒྱལ་མཆོད་སྤྲིན་སོགས། །རིན་པོ་ཆེ་པ་རྣམས་ལ་བདག་འདུད་དོ། །གདན་རབས་ལྔ་པ་དཀོན་མཆོག་དཔལ་འབྱོར་ཞེས། །གཞུང་ལུགས་རབ་འབྱམས་སྨྲ་བ་ཆེན་པོ་སྟེ། །མང་ཐོས་གནས་བརྟན་སྡེ་སྣོད་འཛིན་པ་སོགས། །རིན་པོ་ཆེ་ཡི་ཞབས་ལ་གུས་པས་འདུད། །སྐྱབས་མཆོག་བསླུ་མེད་ཆོས་ཀྱི་དབང་ཕྱུག་གིས། །འཚོགས་གདན་འདི་དག་སྟེང་

[Full Size]

དུ་འདུག་ཙམ་གྱིས། །ངན་སོང་མི་གཏང་གསུངས་ནས་དབུ་ལ་བཞག །བག་རྡུལ་ལྗགས་ལ་བཞག་དེར་བསྟོད་པར་བགྱི། །རྫོགས་པའི་སངས་རྒྱས་རྒྱལ་བ་ཡབ་སྲས་ཀྱིས། །ཆོས་བསྐོར་ཚོགས་ཕྱག་བཀུར་སྟི་ཡང་མཛད་ནས། །འགྲོ་བའི་མཆོད་སྡོང་ཡིན་པར་སྨོས་ཅི་དགོས། །ཐུབ་བསྟན་ཉིན་མཛད་གླིང་དེར་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །འཆད་རྩོད་རྩོམ་ལ་བློ་གྲོས་རབ་རྒྱས་ཏེ། །ཐོས་བསམ་སྒོམ་པའི་བྱ་བ་མཐར་ཕྱིན་ནས། །ཐུབ་བསྟན་མཛེས་ཡ་པའི་རྒྱན་དུ་བདག་གྱུར་ཅིག །ཅེས་པ་འདི་ཐུབ་བསྟན་མདོ་སྔགས་ཉིན་མོར་བྱེད་པའི་གླིང་དུ་རིན་པོ་ཆེ་འཇམ་དབྱངས་དཀོན་མཆོག་དཔལ་འབྱོར་གྱི་དྲུང་ནས་གསོ་སྦྱོང་གི་ཚེ། ཆོས་གྲགས་ཇི་ཡོད་དང་སོ་སོར་ཐར་པའི་མདོ་ལན་དུ་མར་དང་། ཉིན་གླིང་གི་བཅའ་ཡིག་བསླབ་པ་ཀུན་ལས་བཏུས་པ་ཞེས། གོས་ཡུག་ངུར་སྨིག་ལ་བྲིས་པ་གཅིག་ཡོད་པ་དེ་ལན་དུ་མ་དང་། ཆོས་རའི་ཚེ་བཀའ་ཆོས་དུམ་རེ་འོང་བ་བསགས་པས་ཐར་རྒྱན་སྐྱེས་རབ་བརྒྱ་རྩ་རང་བྱུང་བས་མཛད་པ་དང་བཀའ་གདམས་གླེགས་བམ་ཕ་ཆོས་བུ་ཆོས་གཉིས་ལ་སོགས་ཀྱི་ཆོས་འབྲེལ་དང་། གཞན་ཡང་འདུས་སྡེ་དེར་བཞུགས་པའི་སློབ་ཆུང་བ་ཀརྨ་རྒྱས་པ་སོགས་མང་དག་ལ། མཚན་ཉིད་ཀྱི་ཆོས་འབྲེལ་སྤྱི་བྱེ་བྲག་ཏུ་འབྲས་ཡིན་

[Full Size]

ལོགས་མིན་ལོགས་རྗེས་འགྲོ་འདོག་ཁྱབ་སོགས་བསྡུས་རའི་རིགས་དང་། གཞུང་པོ་ཏི་སོ་སོའི་འབྲུ་སྦྱར་ལ་སོགས་དང་། ས་རིས་དང་སྒྲ་དང་བོད་སྒྲ། ཆོ་ག་ཕྱག་ལེན་དང་འཁྲུལ་འཁོར་ལ་སོགས། ཡོན་ཏན་གང་ལ་ཡང་བག་ཆགས་ཅུང་ཟད་བཞག་ནས་བསྐལ་པ་བཟང་བཟང་ཙམ་རེ་བྱས་པས། གྲྭ་པ་དང་བླ་མ་དགེ་བའི་བཤེས་གཉེན་རྣམས་ཀྱི་བཀའ་དྲིན་དང་ཡོན་ཏན་རྗེས་སུ་དྲན་ནས་བསྟོད་པ་དང་གསོལ་འདེབས་འདི་དག་ཕྱིས་བྱས་པའོ།། ༈ སྐྱབས་གསུམ་བསླུ་བ་མེད་པ་དང་། །ཐུབ་པ་གནས་བརྟན་བཅུ་དྲུག་པོ། །བདེན་ལྡན་ཅི་སྙེད་བདེན་པའི་མཐུས། །ཐུབ་བསྟན་ཉིན་གླིང་དར་གྱུར་ཅིག །མཁས་མང་འདུ་བའི་འདུན་ས་ཆེ། །ཐུབ་བསྟན་རྒྱས་པའི་པད་ཚལ་ཏེ། །རང་གཞན་དོན་གཉིས་འགྲུབ་པའི་ས། །ཉིན་གླིང་ཡུན་རིང་རྒྱས་གྱུར་ཅིག །སྡོམ་གསུམ་དྲི་འབྱུང་སྤོས་ཀྱི་རི། །བསླབ་གསུམ་ནོར་བུ་འབྱུང་བའི་མཚོ། །ཐོས་པའི་སྣང་བ་གསལ་བའི་ཉི། །ཉིན་གླིང་ཡུན་རིང་དར་གྱུར་ཅིག །དགོས་འདོད་འབྱུང་བའི་རིན་པོ་ཆེ། །འགྲོ་བའི་ནད་སེལ་སྨན་པའི་མཆོག །ཐུབ་བསྟན་གསལ་བའི་ཉི་མ་ཆེ། །ཉིན་གླིང་ཡུན་རིང་རྒྱས་གྱུར་ཅིག །མཁས་སློབ་དགེ་བའི་བཤེས་རྣམས་ཀྱང་། །ཡུན་རིང་བར་དུ་ཞབས་བརྟན་ནས། །འཆད་

[Full Size]

རྩོད་རྩོམ་པའི་བྱ་བ་ཡིས། །ཐུབ་བསྟན་རྒྱས་པར་བྱེད་གྱུར་ཅིག །དགེ་འདུན་རྣམས་ཀྱང་མི་ཕྱེད་ཅིང་། །ཐོས་བསམ་སྒོམ་པའི་བྱ་བ་ཡིས། །ཐུབ་པའི་བསྟན་པ་གསལ་བ་དང་། །རང་གཞན་དོན་ལྡན་བྱེད་གྱུར་ཅིག །དེ་དག་རྣམས་ཀྱི་ཐུགས་རྗེའི་མཐུས། །བདག་ཅག་འཁོར་དང་བཅས་པ་རྣམས། །ཚངས་སྤྱོད་མཐའ་རུ་ཕྱིན་ནས་ཀྱང་། །བདེ་བ་ཅན་དུ་སྐྱེ་གྱུར་ཅིག །ཅེས་པའང་འདོད་དོན་གསོལ་འདེབས་སྨོན་ལམ་དུ་བྲིས་པའོ། །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྗེ་ཞྭ་ནག་ཅོད་པན་འཆང་བ་བཅུ་པའི་ཞལ་སྔ་ནས་ཐོབ་པའི་ཆོས་ཀྱི་བཀའ་དྲིན་དྲན་ནས་གསོལ་བ་བཏབ་པ་འགའ་ཞིག

[Full Size]

རྗེ་ཞྭ་ནག་ཅོད་པན་འཆང་བ་བཅུ་པའི་ཞལ་སྔ་ནས་ཐོབ་པའི་ཆོས་ཀྱི་བཀའ་དྲིན་དྲན་ནས་གསོལ་བ་བཏབ་པ་འགའ་ཞིག་བཞུགས་སོ།

[Full Size]

སངས་རྒྱས་སྐྱེས་རབས་ཀྱི་བརྒྱུད་པའི་གསོལ་འདེབས་ནི། ན་མོ་ཤཱཀྱ་མུ་ནེ་ཡེ། སྔོན་ཚེ་ཤཱཀྱ་ཐུབ་ཆེན་ལ། །བྱང་ཆུབ་དམ་པར་སེམས་བསྐྱེད་ནས། །གྲངས་མེད་གསུམ་དུ་ཕར་ཕྱིན་དྲུག །སྤྱོད་མཛད་དེ་ལ་གསོལ་བ་འདེབས། །ཡིད་བཞིན་ནོར་བུ་ཡན་ལག་མཆོག །ཤ་དང་ཁྲག་དང་ལུས་ཀུན་ཀྱང་། །འགྱོད་པ་མེད་པར་སྦྱིན་མཛད་པ། །སེམས་དཔའ་དེ་ལ་གསོལ་བ་འདེབས། །ཚུལ་ཁྲིམས་སྲོག་ལས་གཅེས་མཛད་པ། །བཟོད་དང་བརྩོན་འགྲུས་མཚུངས་མེད་པ། །དེ་བཞིན་ཕྱིན་བཅུར་མཐར་ཕྱིན་པ། །སེམས་དཔའ་དེ་ལ་གསོལ་བ་འདེབས། །

[Full Size]

ལྷ་ལས་བབ་དང་ལྷུམས་སུ་ཞུགས། །བལྟམས་དང་སྒྱུ་རྩལ་རོལ་པ་དང་། །ངེས་འབྱུང་རང་བྱུང་དཀའ་བ་བསྐྱེད་པ་ཡི། །རྒྱལ་བ་དེ་ལ་གསོལ་བ་འདེབས། །བདུད་བཅོམ་བྱང་ཆུབ་ཆོས་འཁོར་བསྐོར། །མྱང་འདས་སྐུ་གདུང་རྒྱས་པ་དང་། །བསྟན་པ་ལྔ་སྟོང་གནས་མཛད་པ། །ཐུབ་ཆེན་དེ་ལ་གསོལ་བ་འདེབས། །རྒྱལ་བས་ལུང་བསྟན་པཎྜི་ཏ། །གྲུབ་ཐོབ་ཀུན་གྱི་ཕ་རོལ་སོན། །མ་ཏི་ཙི་ཀྲ་ཞེས་བྱ་བའི། །དཔའ་བོར་གྲགས་ལ་གསོལ་བ་འདེབས། །དེ་ཡི་སྤྲུལ་པར་རབ་གྲགས་ཤིང་། །རྫུ་འཕྲུལ་བཀོད་པས་ནུབ་གཅིག་ལ། །སྐྱེས་

[Full Size]

རབས་ཡོངས་རྫོགས་བརྩམས་མཛད་པ། །རང་བྱུང་རྗེ་ལ་གསོལ་བ་འདེབས། །དེ་ཡི་སྐྱེ་བ་རྩོད་མེད་པ། །ལྷར་བཅས་འགྲོ་བའི་གཙུག་གི་རྒྱན། །ཆོས་དབྱིངས་རྡོ་རྗེ་ཞེས་བྱ་བའི། །དྲིན་ཅན་རྗེ་ལ་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །བདག་ཉིད་འདི་ནས་འཆི་འཕོས་ཚེ། །བདེ་བ་ཅན་དུ་སྐྱེས་ནས་ཀྱང་། །ས་བཅུ་ཐོབ་པར་བྱིན་གྱིས་རློབས། །ས་བཅུ་ཐོབ་ནས་ཕྱོགས་བཅུ་ཡི། །ཞིང་ཀུན་སྤྲུལ་པས་རབ་བཀང་སྟེ། །ཤཱཀྱའི་སྐྱེས་རབས་ཇི་བཞིན་དུ། །གཞན་དོན་བྱེད་པར་བྱིན་གྱིས་བློརློབས། །རྒྱུན་མཐའ་རྡོ་རྗེ་ལྟ་བུ་ཡིས། །སྐད་ཅིག་མངོན་པར་བྱང་ཆུབ་ནས། །འཁོར་ལོ་བླ་མེད་རབ་བསྐོར་ནས། །འགྲོ་ཀུན་སྒྲོལ་བར་བྱིན་གྱིས་རློབས། །ཞེས་པ་འདི་ཟ་དམ་པར་རྗེ་ཞྭ་དམར་དྲུག་པས་རྒྱལ་བའི་དབང་པོ་ལ་བརྒྱ་འབུལ་ཉིན་གླིང་གི་དགེ་འདུན་གཙུག་ལག་དང་བཅས་པ་རྗེ་ཉིད་ཀྱི་སྒར་གཞི་མུ་ཏིག་ཞྭ་དམར་དང་བཅས་པ་ཕུལ་ནས། འབུལ་ཡིག་ཞུགས་སུ་ཉིན་མཛད་གླིང་པ་ལ་ཐུགས་རྗེས་གཟིགས་ཤིག་བྱ་བ་ལན་གསུམ་མཛད་པ་དང་བཅས་པས་འབུལ་ཆེན་མཛད། གྲྭ་པ་ཀུན་གྱིས་ཁ་འཆལ་མང་པོས་ཞྭ་དམར་བའི་ཐུགས་ཀྱིས་དགོངས་བཞེད་དེ་རིང་འགྲུབ་བོ་ཞེས་གླེང་པས། དེ་དུས་བཞེད་པ་འགྲུབ་པས་སྐུ་ཚེའི་འཕེན་པ་མང་

[Full Size]

བར་སྣང་སྟེ་དེ་མ་ཐག་འབྲུག་སྒྲ་དྲག་པོ་དང་། སེར་བ་དང་རླུང་དམར་པོ་གཡོ་བ་ཙམ་བྱུང་ཞིང་། དེ་མ་ཐག་བློ་བུར་དུ་བསྙུངས་ནས་དེའུ་འདས་བྱས་པས། གྲྭ་རྒན་ཀུན་ན་རེ་ད་ལོ་ཤིན་ཏུ་དྲག་ཟེར་ཡང་རྒྱལ་བའི་དབང་པོའི་དྲུང་ནས་བརྟན་བཞུགས་ཐོས་པའི་སློང་བར་རྩམ་པས་དེ་ནུབ་མང་ཇ་མང་དུ་འཚོགས་ཏེ་བརྒྱུན་འདྲ་བ་བྱས་པས། ཕྱིར་ནངས་སྐུ་ཁམས་དྭངས་ཏེ་ལོ་ངོ་གསུམ་བཞུགས་པ་ཡིན་ནོ། །སླར་དེ་དུས་རྒྱལ་བའི་དབང་པོ་ལ་ཕུལ་བ་བྱི་རུ་དཀར་པོའི་གཙོས་པ་བསམ་གྱིས་མི་ཁྱབ་པ་ཕུལ་ནས་ཁྲི་ཆེན་པོར་བཞུགས་སུ་གསོལ། རྗེ་ཉིད་ཁྲི་རྩ་ན་ལྡིང་བ་རྐྱང་པ་བཏིང་ལ་བཞུགས་ནས། ཆོས་ཀྱི་འཁོར་ལོ་བསྐོར་བར་ཞུས་པའི་ངོར། སངས་རྒྱས་སྐྱེས་རབས་ཀྱི་ལེའུ་གཅིག་གསུངས་པས། ཞལ་སྐྱེངས་བ་ལྟར་ཀློག་དཀའ་བ་ལྟར་མཛད་པས། དཔོན་སློབ་ད་རུང་བཞུགས་དགོས་ངེས་ཀྱི་བསྟན་པའི་ཁུར་མི་ཐེགས་ཞེས་གསུངས་པའི་བརྡ་ཡིན་ཞེས་གྲྭ་རྒན་རྣམས་གསུངས་ཏེ་དེ་ཁོ་ན་ལྟར་སྣང་ངོ་། །ཕྱིས་དེ་དག་དྲན་ནས་གསོལ་བ་འདི་བྱས་སོ། ༈ །སོ་ཐར་མདོ་ཡི་བརྒྱུད་པའི་བླ་མར་གསོལ་བ་འདེབས་པ་ནི། ན་མོ་ཤཱཀྱ་མུ་ན་ཡེ། འཛམ་བུའི་ཆུ་བོ་གསེར་གྱི་ཁ་དོག་ཅན། །ཐུགས་རྗེའི་འོད་སྟོང་འགྲོ་ལ་ཁྱབ་མཛད་ཅིང་། །མཚན་དང་དཔེ་བྱད་ཆ་ཤས་ཡོངས་རྫོགས་སྐུ། །རྒྱལ་བ་ཉི་མ་དེ་ལ་གསོལ་བ་འདེབས། །མཁྱེན་བརྩེའི་དཀྱིལ་འཁོར་རབ་ཏུ་གང་འགྱུར་ཅིང་། །རྣམ་

[Full Size]

དག་ཐུགས་རྗེའི་འོད་དཀར་འཁོར་ཡུག་ཅན། །མཁས་གྲུབ་རྒྱུ་སྐར་དབུས་ན་གཟི་འབར་བ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །བསླབ་གསུམ་རིན་ཆེན་དུ་མས་རབ་གང་ཞིང་། །ལུང་དང་རིག་པའི་རླབས་འཕྲེང་གཡོ་བ་ཅན། །ཐར་འདོད་བློ་གསལ་དད་པ་འདུ་བའི་གནས། །དགེ་འདུན་རྒྱ་མཚོ་དེ་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །སྲོག་གི་ཕྱིར་ཡང་རྩ་བཞི་མི་སྟོང་ཞིང་། །ཕམ་པས་གོས་པ་མེད་པར་བྱིན་གྱིས་རློབས། །ལྷག་མ་བཅུ་གསུམ་སྤང་ལྟུང་སུམ་ཅུ་པོ་ལྟུང་བ་འཕེལ་བ་མེད་པར་བྱིན་གྱིས་རློབས། །ཚུལ་ཁྲིམས་གོང་དུ་འཕེལ་བར་བྱིན་གྱིས་རློབས། །ལྟུང་བྱེད་དགུ་བཅུ་སོ་སོར་བཤགས་པ་བཞི། །བསླབ་པའི་ཆོས་ནི་མང་པོའི་ལྟུང་བ་རྣམས། །བཤགས་པས་ཡོངས་སུ་དག་པར་བྱིན་གྱིས་རློབས། །གལ་ཏེ་བཤགས་ཡུལ་དགེ་འདུན་མ་རྙེད་ན། །སྤང་པའི་ཁོང་པར་ཞི་གནས་གསོ་སྦྱོང་གིས། ཚུལ་ཁྲིམས་ཡོངས་སུ་དག་པར་བྱིན་གྱིས་རློབས། །དགའ་བའི་ཆོས་ཐོབ་འཆི་དུས་འགྱོད་པ་མེད། །བདེ་བར་གནས་དང་སྙན་པས་ཁྱབ་པ་སོགས། །ཚུལ་ཁྲིམས་ཡོན་ཏན་ཐོབ་

[Full Size]

པར་བྱིན་གྱིས་རློབས། །ལྷ་རྣམས་སྲུང་ཞིང་ཕན་འདོགས་བྱེད་པ་དང་། །གཞན་ལ་ཉམས་ང་བག་ཚ་མེད་པ་སྟེ། །ཚུལ་ཁྲིམས་ཡོན་ཏན་ཐོབ་པར་བྱིན་གྱིས་རློབས། །མི་མ་ཡིན་རྣམས་གླགས་རྙེད་མི་འགྱུར་ཞིང་། །ཚིག་ཆུང་ཆེ་བོ་སྨོན་ལམ་འགྲུབ་པ་སྟེ། །ཚུལ་ཁྲིམས་ཡོན་ཏན་ཐོབ་པར་བྱིན་གྱིས་རློབས། །བདེ་བར་གཉིད་ལོག་བདེ་བར་སད་པ་དང་། །གཉིད་ཚེའང་ལྷས་སྲུང་རིམ་གྱིས་མྱང་འདས་ཐོབ། །ཚུལ་ཁྲིམས་ཡོན་ཏན་ཐོབ་པར་བྱིན་གྱིས་རློབས། །འཇིགས་དང་སྔངས་དང་བག་ཚ་མེད་པ་དང་། །དགྲ་དང་བགེགས་ཀྱིས་གནོད་མེད་ཕན་འདོགས་བྱེད། །ཚུལ་ཁྲིམས་ཡོན་ཏན་ཐོབ་པར་བྱིན་གྱིས་རློབས། །ཡོ་བྱད་ཚེགས་མེད་ཐོབ་ཅིང་ཀུན་གྱིས་བཀུར། །རྒྱལ་བའི་བསྟན་པ་ཀུན་ནས་མཛེས་བྱེད་པ། །ཚུལ་ཁྲིམས་ཡོན་ཏན་ཐོབ་པར་བྱིན་གྱིས་རློབས། །བདག་ཉིད་འཆི་ཚེ་འགྱོད་པ་མེད་པ་རུ། །དྲན་དང་ཤེས་བཞིན་ཉམས་པ་མེད་པ་ནས། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་པ་འདི་མཚུར་ཕུར་དགེ་འདུན་ཁྲི་ཕྲག་བདུན་འཚོགས་དུས་རྗེ་ཆོས་དབྱིངས་རྡོ་རྗེའི་སོ་སོ་ཐར་པའི་མདོ་གསུངས་ཏེ། རྗེ་དྲུག་པ་ཞིང་བརྗེས་འབྲོག་ཡིན་པས་རྒྱལ་

[Full Size]

བའི་དབང་པོས་སྤྱན་ཆབ་མང་དུ་བསྲིངས་ནས་མདོ་མི་ཐོན་པ་ལྟར་མཛད་ཅིང་། དེ་སྐོར་ཤིང་རྟ་ལ་བསྐྱོན་པའི་སྤོས་དང་། གཞན་ཡང་ཕྱག་གི་སྤོས་འགྲིམས་མང་དུ་མཛད་དུས་སྤྱན་ཆབ་ཆར་ལྟ་བུ་ཟད་མེད་དུ་བྱོན་པས། རང་རེ་ཚོགས་རྣམས་ཀྱི་ན་བཟའ་ལ་ཡང་ཕོག་པར་བྱུང་སྟེ། དྲུང་རམ་པ་འགའ་ན་རེ་སྤྱན་ཆབ་རེ་འཕགས་པའི་སྤྲུལ་པར་སྣང་སྟེ་སོ་སྐྱེ་ལ་སྤྱན་ཆབ་དེ་འདྲ་གར་སྲིད་ཟེར་ཞིང་། ཕྱིས་བསམ་པས་རྗེ་སྤྲུལ་པའི་སྐུ་དེ་གཤེགས་ནས་གངས་རིའི་ལྗོངས་འདིའི་བཅུད་ཤོར་ཏེ། དུས་འཁྲུག་དང་མི་ཕྱུགས་ཀྱི་ནད་སོགས་ཀྱིས་བསྟན་པ་ཕྱེད་ལྷག་ཙམ་ནུབ་ཅིང་སེམས་ཅན་བདེ་བའི་སྐབས་ཡེ་མ་བྱུང་བས། དེ་དག་འབྱུང་བ་དགོངས་ཤིང་བརྡའི་སྒོ་ནས་ལུང་བསྟན་པར་སྣང་སྟེ་སུས་གོ་བར་མི་སྣང་། དེ་མིན་ན་ཁོང་རྣམས་ངོ་བོ་དབྱེར་མེད་ཅིང་མཇལ་བར་བཞེད་ན་ནམ་ཡང་ཞལ་མཇལ་ཆོག་པ་ལ་ཐུགས་ནད་དེ་ཙམ་ཅི་ཡོད། ཕྱིས་དེ་དག་གི་དོན་ཡིད་ལ་དྲན་ནས་གསོལ་བ་བཏབ་པའོ། ཨ༈ །ན་མོ་གུ་རུ་དྷརྨ་དྷརྟ་བཛྲ་ཡེ། སྐུ་ལྔའི་བདག་ཉིད་རྒྱལ་བ་རྡོ་རྗེ་འཆང་། །བཀའ་བཞི་བརྒྱུད་པས་བྱིན་རླབས་ཏེ་ལོ་པ། །བླ་མའི་ཕྱིར་དུ་དཀའ་བ་བརྒྱ་རྩ་བརྒྱད། །སྲོག་ལ་བསྡོས་པས་དཀའ་བ་བཅུ་གཉིས་ཀྱིས། །བླ་མ་མཉེས་ནས་མཆོག་གི་དངོས་གྲུབ་ཐོབ། །གནས་ལྔ་རིག་པའི་པཎ་ཆེན་ནཱ་རོ་པ། །བླ་མ་གཤེགས་ཀྱང་མོས་གུས་གདུང་ཤུགས་ཀྱིས། །དངོས་སུ་མཇལ་

[Full Size]

ནས་བྱིན་རླབས་ལྷོ་བྲག་པ། བླ་མའི་གསུང་བཞིན་མཁར་ལེན་དཀའ་སྤྱད་ཀྱིས། །མཐོང་གྲོལ་དངོས་གྲུབ་ཐོབ་པ་མི་ལ་རྗེ། །བསྒྲུབས་པས་མཆོད་ནས་དོན་གཉིས་མཐར་ཕྱིན་པས། །དྭགས་པོ་དུས་མཁྱེན་རས་ཆེན་སྤོམ་བྲག་པ། །པཀི་ཨོ་རྒྱན་རང་བྱུང་གཡུང་སྟོན་རྗེ། །འཛམ་གླིང་གྲགས་པ་མཁའ་སྤྱོད་ཆོས་དཔལ་བཟང་། །རཏྣ་བྷ་དྲ་དོན་ལྡན་འཇམ་དཔལ་བཟང་། །གོ་ཤྲི་མཚོ་སྐྱེས་མཉན་པ་དབྱངས་ཅན་བཟང་། །དཀོན་མཆོག་ཡན་ལག་མི་ཕམ་ཆོས་ཀྱི་མཚན། །ཆོས་ཀྱི་དབང་ཕྱུག་ཆོས་དབྱིངས་རྡོ་རྗེའི་ཞབས། །མོས་གུས་བཀའ་བབ་རྣམས་ལ་གསོལ་བ་འདེབས། །རྒྱུད་སྡེ་ཀུན་གྱི་སྙིང་པོ་གཅིག་བསྡུས་པ། །ཚེ་གཅིག་སངས་རྒྱས་སར་བསྒྲོད་ཉེ་ལམ་མཆོག །བཀའ་བརྒྱུད་ཀུན་གྱི་གཤེགས་ལམ་གེགས་མེད་པ། །བླ་མའི་རྣལ་འབྱོར་དེ་ལ་གསོལ་བ་འདེབས། །ཆོས་སྐུ་ཡེ་ཤེས་མཁའ་འགྲོའི་གསུངས་ལས་ཀྱང་། །སྙན་བརྒྱུད་རྩ་བར་བྱིན་རླབས་མོས་གུས་ལམ། །མོས་གུས་གསོལ་བ་འདེབས་ལ་རག་ལས་གཅེས། །ངོ་མཚར་སྙན་བརྒྱུད་དེ་ལ་གསོལ་བ་འདེབས། །དམ་ཚིག་བཀོད་པའི་རྒྱུད་ལས་བཅོམ་ལྡན་

[Full Size]

ཀྱིས། །བསྙེན་སྒྲུབ་བཟླས་པ་ས་ཡ་བྱས་པ་བས། །བླ་མའི་གསོལ་འདེབས་ལན་གཅིག་དགའ་ཞེས་གསུངས། །ཁྱད་འཕགས་དམ་ཆོས་དེ་ལ་གསོལ་བ་འདེབས། །ཡེ་ཤེས་གསལ་བ་སྒྲོན་མའི་རྒྱུད་ལས་ཀྱང་། །མཚན་དང་དཔེ་བྱད་ལྡན་པའི་ལྷ་ཡི་སྐུ། །བསྐལ་པར་བསྒོམ་པས་བླ་མ་དྲན་ཙམ་མཆོག །བསྐྱེད་རིམ་རྒྱལ་པོ་དེ་ལ་གསོལ་བ་འདེབས། །དམ་ཚིག་བཀོད་པའི་རྒྱ་མཚོའི་རྒྱུད་ལས་ནས། །རྫོགས་རིམ་བསྐལ་པའི་བར་དུ་བསྒོམ་པ་བས། །བླ་མ་དར་གཅིག་དྲན་པ་མཆོག་ཏུ་གསུངས། །རྫོགས་རིམ་སྙིང་པོ་དེ་ལ་གསོལ་བ་འདེབས། །ཡེ་ཤེས་མངོན་པར་བྱང་ཆུབ་རྒྱུད་ལས་ཀྱང་། །ས་དང་ལམ་གྱིས་རིམ་པ་མ་ལུས་རྣམས། །བླ་མའི་མོས་གུས་ལ་བཟླས་བགྲོད་ཅེས་གསུངས། །མདོ་རྒྱུད་དགོངས་དོན་དེ་ལ་གསོལ་བ་འདེབས། །བཀའ་བབས་ཡི་དམ་སྡོམ་པ་ཡབ་ཡུམ་གཉིས། །ཆོས་བདག་ནག་པོ་ལྕམ་དྲལ་ཚེ་རིང་མ། །ཤ་ཟ་ཌཱཀྐི་ལྔ་སོགས་བཀའ་བརྒྱུད་ཀྱི། །ཡི་དམ་ཆོས་སྐྱོང་རྣམས་ལ་གསོལ་བ་འདེབས། །དེ་ལྟར་གསོལ་བ་འབར་ཐབས་སུ་བཏབ་པས། །བྱིན་རླབས་སྙིང་གི་དཀྱིལ་དུ་ད་ཕོབ་ཅིག །གྲངས་མེད་གསུམ་དུ་

[Full Size]

ཐོབ་དཀའི་བྱིན་རླབས་མཆོག །རྗེ་ཡི་དྲིན་གྱིས་ཚེ་འདིར་ད་སྩོལ་ཅིག །ཐེ་ཚོམ་བྲལ་བའི་མོས་གུས་འདི་བྱས་པས། །འབྲལ་མེད་ལྷུན་གྲུབ་རྟོགས་པ་ད་མྱུར་སྩོལ། །ཅེས་པ་འདི་སྔོན་རྫོགས་པའི་སངས་རྒྱས་ཀྱིས་མ་འོངས་པ་ན་བྱང་གི་ཕྱོགས་རི་ནག་པོ་བཅུ་གསུམ་འདས་པའི་ཕ་རོལ་རྡོ་འདི་གར་སོང་བའི་ས་ན་ང་ཡི་བསྟན་པ་དར་ཞེས་གསུངས་ནས་ཕྱག་རྡེལ་འཕང་བའི་ཕ་ཝང་ད་ལྟ་ལྟར་ཡོད་ཅིང་། དཔལ་འཁོར་ལོ་སྡོམ་པ་ཐུགས་ཀྱི་གནས་སུ་གྱུར་པས་ན། བྲག་རི་མཆོད་རྟེན་གྱི་དབྱིབས་སུ་ཡོད་པའི་གནས་སྟོད་ལུང་མཚུར་ཕུར་རྗེ་ཆོས་དབྱིངས་རྡོ་རྗེའི་བླ་མའི་རྣལ་འབྱོར་རྗེ་དཀོན་མཆོག་ཡན་ལག་གིས་མཛད་པ་གཅིག་གནང་བས། ད་བསམ་པས་སྤྱིར་བླ་མེད་ཀྱི་རྒྱུད་སྡེ་མཐའ་དག་དང་ཁྱད་པར་བཀའ་བརྒྱུད་དང་སྙན་བརྒྱུད་ཀྱི་ཆོས་ཐམས་ཅད་དེ་ལ་འདུས་པར་སྣང་བསམས་ནས་བརྒྱུད་པ་ཆོས་དང་བཅས་པར་གསོལ་བ་འདེབས་པ་འདི་བྱས་པའོ། ༈ ༧ ན་མོ་གུ་རུ་མ་ཧཱ་ཀ་རུ་ཎི་ཀ་དྷརྨ་དྷཱ་ཏུ་བཛྲ་ཡེ། བདེ་བ་ཅན་ན་བདེ་གཤེགས་འོད་དཔག་མེད། །དེ་ཡི་སྤྱན་གཡས་ལས་སྤྲུལ་སྤྱན་རས་གཟིགས། །ཁ་བ་ཅན་ན་རྒྱལ་བ་ཀརྨ་པ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །ལོངས་སྐུའི་ཞིང་ན་ཐུབ་པ་གངས་ཅན་མཚོ། །སེམས་དཔའི་ཚུལ་བཟུང་འཕགས་པ་སྤྱན་རས་གཟིགས། །གངས་

[Full Size]

རིའི་ཁྲོད་འདིར་རྒྱལ་བ་ཀརྨ་པ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །ཕྱག་སྟོང་འཁོར་ལོས་སྒྱུར་བའི་རྒྱལ་པོ་སྟོང་། །སྤྱན་སྟོང་བསྐལ་པ་བཟང་པོའི་སངས་རྒྱས་སྟོང་། །གང་འདུལ་སྤྲུལ་པའི་གར་མཁན་ཀརྨ་པ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །འཛམ་གླིང་བྱེ་བ་ཕྲག་བརྒྱར་ཤཱཀ་ཐུབ་རེ། །དེ་སྙེད་སྤྱན་རས་གཟིགས་དང་སྲོང་བཙན་ཞབས། །ཞྭ་ནག་འཛིན་པ་བཅུ་གསུམ་དེ་སྙེད་སྤྲུལ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །སྟོང་གསུམ་གངྒཱ་ཀླུང་གི་བྱེ་སྙེད་ཞིང་། །ཟློསངས་རྒྱས་སྟོང་རྩ་རེ་རེ་སྤྲུལ་མཛད་ནས། །མཐའ་ཡས་འགྲོ་བའི་དོན་མཛད་ཀརྨ་པ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །བ་སྤུའི་བུ་ག་རེར་ཡང་སངས་རྒྱས་ཞིང་། །བསམ་ཡས་སྤྲུལ་ནས་འགྲོ་བའི་དོན་མཛད་པ། །འཇིག་རྟེན་དབང་ཕྱུག་རྒྱལ་བ་ཀརྨ་པ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །བདེ་ཆེན་ཞིང་ན་ཆོས་སྐུ་འོད་མཐའ་ཡས། །པོ་ཊ་ལ་རུ་ལོངས་སྐུ་ཐུགས་རྗེའི་བདག །རྔ་ཡབ་གླིང་ན་འཆི་མེད་སྤྲུལ་པའི་སྐུ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །འོག་མིན་

[Full Size]

གནས་ན་རྟ་མཆོག་ཧེ་རུ་ཀ །ཨོ་རྒྱན་གནས་ན་ཨིནྡྲ་བྷ་ཏི་རྗེ། །འཕགས་པའི་ཡུལ་ན་མདའ་བསྣུན་གྲུབ་པའི་གཙོ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །ཆོས་ཀྱི་གྲགས་པ་སྒྲ་ཚད་གྲུབ་པའི་ཚུལ། །ཀླུ་ཡིས་བྱང་ཆུབ་གསུང་མཆོག་གྲུབ་པའི་ཚུལ། །རྒྱལ་བ་མཆོག་དབྱངས་རྟ་མགྲིན་གྲུབ་པའི་ཚུལ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །སངས་རྒྱས་བྱེ་བ་འབུམ་གྱིས་མཚན་འཛིན་པས། །གང་གིས་མཚན་མཆོག་འཛིན་ན་ཆེས་ལྷག་པ། །ཐུགས་རྗེ་ཆེན་པོ་འཕགས་པ་སྤྱན་རས་གཟིགས། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །ཁྱེད་སྐུ་སྒོམས་སམ་ཡིད་ལ་དྲན་པས་ཀྱང་། །མཚམས་མེད་སྡིག་དང་མི་དགེ་དག་མཛད་པ། །འཇིག་རྟེན་དབང་ཕྱུག་ཡི་དམ་ཀུན་གྱི་གཙོ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །ལན་གཅིག་བསྒྲགས་པས་བསོད་ནམས་བསྒྲུང་མི་ནུས། །ལན་གསུམ་བརྗོད་ན་ངན་སོང་གསུམ་ལས་ཐར། །བདེ་ཆེན་ཞིང་དུ་བསྒྲོད་པའི་ཉེ་བརྒྱུད་དེ། །ཁྱེད་སྔགས་ཡི་གེ་དྲུག་དེར་གསོལ་བ་འདེབས། །ཆོས་ཀྱི་སྲུང་མ་མ་མགོན་སྐྱེས་བུ་ཆེ། །དབང་ཕྱུག་ཆེན་

[Full Size]

པོ་ཀླུ་བརྒྱད་མཁར་ནག་ཆེ། །བླ་མའི་བཀའ་དང་མདོ་རྒྱུད་གང་ཟག་རྣམས། །སྲུང་བྱེད་ཆོས་སྐྱོང་རྣམས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །སྤྱན་རས་གཟིགས་དབང་བླ་མའི་སྐུ་གསུང་ཐུགས། །བདག་གི་ལུས་ངག་ཡིད་གསུམ་དབྱེར་མེད་པར། །ཆུ་ལ་ཆུ་བཞག་ཅི་བཞིན་བྱིན་གྱིས་རློབས། །འཆི་ཚེ་རྣམ་ཤེས་ཚངས་པའི་བུ་ག་ནས། །འོད་དཔག་མེད་མགོན་སྲས་བཅས་མདུན་བསུས་ཏེ། །བདེ་བ་ཅན་དུ་པདྨོར་བརྫུས་སྐྱེས་ནས། །ས་བཅུ་ཐོབ་པར་བྱིན་གྱིས་བརླབ་ཏུ་གསོལ། །ཅེས་པ་འདི་འོག་མིན་མཚུར་ཕུའི་དགོན་པར་རྗེ་ཆོས་དབྱིངས་རྡོ་རྗེའི་སྤྱན་སྔ་ནས་ཐུགས་རྗེ་ཆེན་པོའི་ཡི་གེ་དྲུག་པའི་སྒོམ་བཟླས་རྗེ་དཀོན་མཆོག་འབངས་ཀྱི་བཀའ་འབུམ་ལས་བྱུང་བ་དེ་ཤིན་ཏུ་གསལ་ཞིང་སྔགས་རིང་ཆ་ཐུང་ཆ་དང་བཅས་པ་ལན་གཉིས་གསུམ་ལ་བསྐྱལ་ཞིང་གསུངས་པ་གཅིག་ཐོབ་ཅིང་བྱིན་བསམ་པས། རྗེ་པཀྵིའི་གསུངས་ལས། མིང་ཡོངས་སུ་གྲགས་པ་ཀརྨ་པ་དང་། ཐུགས་རྗེ་ཆེན་པོ་གཉིས་ཀྱི་བར་ན་བརྒྱུད་པ་གཞན་ཡོད་ཀྱང་རུང་ལ་མེད་ཀྱང་རུང་གསུང་བར་གདའ་བས། དོན་ལ་ཐུགས་རྗེ་ཆེན་པོ་དངོས་ཡིན་པར་སྣང་སྙམ་ནས་གསོལ་འདེབས་འདི་བྱས་སོ། །ན་མོ་མ་ཧཱ་མུ་དྲ་ཡེ། རྡོ་རྗེ་འཆང་ཆེན་ཡེ་ཤེས་མཁའ་འགྲོ་མ། །གསང་བདག་ཕྱག་

[Full Size]

རྡོར་བྲམ་ཟེ་ས་ར་ཧ། །འཁོར་ལོ་སྡོམ་པའི་རྒྱུད་གཞུང་ལ་བསྟེན་ནས། །ཕྱག་ཆེན་བཀའ་བབས་རྣམས་ལ་གསོལ་བ་འདེབས། །ཏེ་ལོ་ནཱ་རོ་མར་པ་མི་ལ་རྗེ། །དྭགས་པོ་དུས་མཁྱེན་རས་ཆེན་སྤོམ་བྲག་མཚན། །པཀི་ཨོ་རྒྱན་རང་བྱུང་གཡུང་སྟོན་མཚན། །རོལ་པའི་རྡོ་རྗེ་མཁའ་སྤྱོད་དེ་བཞིན་གཤེགས། །རཏྣ་བྷ་དྲ་དོན་ལྡན་བན་སྒར་བ། །གོ་ཤྲི་ཆེན་པོ་མཚོ་སྐྱེས་བཀྲ་ཤིས་མཚན། །མི་བསྐྱོད་རྒྱལ་བ་གར་དབང་དཀོན་མཆོག་འབངས། །དབང་ཕྱུག་རྡོ་རྗེ་ཆོས་ཀྱི་དབང་ཕྱུག་དང་། །བཀའ་དྲིན་མཉམ་མེད་ཆོས་དབྱིངས་རྡོ་རྗེའི་ཞབས། །ཕྱག་ཆེན་བརྒྱུད་པ་རྣམས་ལ་གསོལ་བ་འདེབས། །སྡོམ་པ་ཡབ་ཡུམ་བསྟན་སྲུང་བྱ་རོག་མཚན། །དུད་སོལ་ལྷ་མོ་བེར་ཅན་ཡབ་ཡུམ་སོགས། །ཆོས་བདག་སྲུང་མར་བཅས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བློ་རབ་རྣམས་ཀྱི་ཆོས་རབ་དམ་པ་སྟེ། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །བསྟན་ཆོས་ཀུན་གྱི་མཐར་ཐུག་སྐྱེལ་ས་ཆེ། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །གཅིག་ཤེས་ཀུན་ལ་མཁས་པའི་རིག་པ་

[Full Size]

མཆོག །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །རྒྱུད་སྡེ་ཀུན་གྱི་སྙིང་ཁུ་དམ་པ་སྟེ། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །ཡེ་ཤེས་མཁའ་འགྲོ་ཀུན་གྱི་གསང་ཚིག་སྟེ། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །གྲུབ་ཐོབ་ཀུན་གྱི་ཉམས་མྱོང་དམ་པ་སྟེ། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །སྐུ་གསུམ་རང་ལ་རྙེད་པ་འབྲས་བུའི་མཆོག །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །ཞེས་པ་འདི་འོག་མིན་མཚུར་ཕུའི་གནས་སུ་རྗེ་ཆོས་དབྱིངས་རྡོ་རྗེའི་ཞལ་སྔ་ནས་ཕྱག་རྒྱ་ཆེན་པོའི་ངོ་སྤྱོད་རྗེ་ཞྭ་དམར་ལྔ་པའི་བཀའ་འབུམ་ནས་བྱུང་བ་དེ་ལེགས་པར་ཐོབ་པས་ས་ར་ཧ་དངོས་ལས་ཐོབ་པར་སེམས་ནས་ཕྱིས་གསོལ་བ་བཏབ་པའོ། ༈ ན་མོ་ཤཱཀྱ་མུ་ནེ་ཤ་ས་ན་ཡེ། ཝཱ་རཱ་ཎ་སཱིའི་ནགས་ཚལ་དུ། །བདེན་བཞིའི་འཁོར་ལོ་བསྐོར་མཛད་ཅིང་། །སྲིད་པའི་སྡུག་བསྔལ་སྐེམ་མཛད་པ། །སྟོན་པ་དེ་ལ་གསོལ་བ་འདེབས། །བྱ་རྒོད་སྤུངས་པའི་རི་བོ་རུ། །མཚན་ཉིད་མེད་པའི་འཁོར་ལོ་ཡིས། །རང་སྲས་མྱུ་གུ་རྒྱས་མཛད་པ། །སངས་རྒྱས་དེ་ལ་གསོལ་བ་འདེབས། །རྡོ་རྗེ་གདན་སོགས་དུ་མ་རུ། །ངེས་པར་རྣམ་འབྱེད་འཁོར་ལོ་ཡིས། །

[Full Size]

སྲིད་ཞིའི་མཐའ་ལས་སྒྲོལ་མཛད་པ། །རྒྱལ་བ་དེ་ལ་གསོལ་བ་འདེབས། །ངམ་རིང་འདུས་པའི་རྒྱ་མཚོ་ལ། །ངོ་མཚར་ལེགས་བཤད་འཁོར་ལོ་ཡིས། །གངས་ཅན་བསྟན་པ་རྒྱས་མཛད་པ། །འཇམ་དབྱངས་བླ་མར་གསོལ་བ་འདེབས། །གངས་ཅན་གདུལ་བྱ་རྒྱ་མཚོ་ལ། །ཟབ་རྒྱས་ཆོས་ཀྱི་འཁོར་ལོ་ཡིས། །ཐུབ་བསྟན་སླར་ཡང་རྒྱས་མཛད་པ། །ཆོས་དབྱིངས་རྡོ་རྗེར་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །རྒྱལ་དབང་ཡུན་རིང་ཞབས་བརྟན་ཅིང་། །དཔག་མེད་ཆོས་ཀྱི་འཁོར་ལོ་ཡིས། །བདག་སོགས་སྨིན་པར་བྱིན་གྱིས་རློབས། །ཞེས་པ་འདི་སྔ་སོར་གསོ་སྦྱོང་གི་དུས་ཡབ་སྲས་གཉིས་ཀའི་གསུང་གཅིག་ཏུ་བསྡེབས་ནས་ཆོས་གྲགས་ཀྱིས་མདོ་ལན་དུ་མར་ཐོབ་པའི་བཀའ་དྲིན་དྲན་ནས་གསོལ་བ་བཏབ་པ་སྟེ། སླད་ནས་ཀྱང་བདག་ཅག་འཁོར་དང་བཅས་པ་ལ་ལུས་འདིས་༧ རྒྱལ་དབང་བཅུ་པ་དང་། ༧ སྤྲུལ་སྐུ་བདུན་པའི་ཆོས་ཀྱི་འཁོར་ལོ་རྒྱ་ཆེན་པོའི་སྨིན་གྲོལ་འགྱུར་བར་ཤོག་ཅིག །ཅེས་པ་འདིའང་ཀརྨ་ཨ་རཱ་གས། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རྗེ་ཞྭ་དམར་ཅོད་པན་འཆང་བ་དྲུག་པ་གར་དབང་ཆོས་ཀྱི་དབང་ཕྱུག་རིན་པོ་ཆེའི་ཞབས་དྲུང་ནས། རང་གི་དབང་ལུང་གི་བཀའ་དྲིན་ལེགས་པར་ཐོབ་པའི་བླ་མ་བརྒྱུད་པ་རྣམས་ཀྱི་གསོལ་འདེབས་ཀྱི་རིམ་པ་མང་དག་གཅིག

[Full Size]

རྗེ་ཞྭ་དམར་ཅོད་པན་འཆང་བ་དྲུག་པ་གར་དབང་ཆོས་ཀྱི་དབང་ཕྱུག་རིན་པོ་ཆེའི་ཞབས་དྲུང་ནས། རང་གི་དབང་ལུང་གི་བཀའ་དྲིན་ལེགས་པར་ཐོབ་པའི་བླ་མ་བརྒྱུད་པ་རྣམས་ཀྱི་གསོལ་འདེབས་ཀྱི་རིམ་པ་མང་དག་གཅིག་བཞུགས་སོ། །

[Full Size]

སོ་ཐར་བརྒྱུད་པའི་གསོལ་འདེབས་ནི། ༈ ན་མོ་ཤཱཀྱ་མུ་ན་ཡེ། ཐུབ་དབང་ཤཱ་རིའི་བུ་དང་སྒྲ་གཅན་འཛིན། །ས་ར་ཧ་དང་འཕགས་མཆོག་ཀླུ་སྒྲུབ་ཞབས། །གསོལ་བ་འདེབས་སོ་ཐུགས་རྗེས་སྤྱན་གྱིས་གཟིགས། །ཚུལ་ཁྲིམས་ཉམས་པ་མེད་པར་བྱིན་གྱིས་རློབས། །ཡོན་ཏན་བློ་གྲོས་རིན་ཆེན་བཤེས་གཉེན་དང་། །ཆོས་ཀྱི་བཟང་པོ་ཡོན་ཏན་རྒྱ་མཚོའི་ཞབས། །གསོལ་བ་འདེབས་སོ་ཐུགས་རྗེས་སྤྱན་གྱིས་གཟིགས། །ཚུལ་ཁྲིམས་ཉམས་པ་མེད་པར་བྱིན་གྱིས་རློབས། །ཆོས་ཀྱི་ཕྲེང་བ་བློ་གྲོས་འབྱུང་གནས་སྦས། །པཎ་ཆེན་ཤཱཀྱ་ཤྲཱི་དང་བྱང་

[Full Size]

ཆུབ་དཔལ། །གསོལ་བ་འདེབས་སོ་ཐུགས་རྗེས་སྤྱན་གྱིས་གཟིགས། །ཚུལ་ཁྲིམས་ཉམས་པ་མེད་པར་བྱིན་གྱིས་རློབས། །དབང་ཕྱུག་གྲགས་པ་གཞོན་ནུ་བྱང་ཆུབ་དང་། །གནས་བརྟན་ཡོན་རྒྱལ་ཡོན་ཏན་བློ་གྲོས་ཞབས། །གསོལ་བ་འདེབས་སོ་ཐུགས་རྗེས་སྤྱན་གྱིས་གཟིགས། །ཚུལ་ཁྲིམས་ཉམས་པ་མེད་པར་བྱིན་གྱིས་རློབས། །སེང་གེ་དཔལ་དང་རབ་འབྱོར་སེང་གེ་དང་། །ཆོས་གྲུབ་སེང་གེ་མཚུངས་མེད་དབྱངས་ཅན་བཟང་། །གསོལ་བ་འདེབས་སོ་ཐུགས་རྗེས་སྤྱན་གྱིས་གཟིགས། །ཚུལ་ཁྲིམས་ཉམས་པ་མེད་པར་བྱིན་གྱིས་རློབས། །

[Full Size]

དཀོན་མཆོག་ཡན་ལག་དབང་ཕྱུག་རྡོ་རྗེ་དང་། །དཔལ་ལྡན་གར་དབང་ཆོས་ཀྱི་དབང་ཕྱུག་ཞབས། །གསོལ་བ་འདེབས་སོ་ཐུགས་རྗེས་སྤྱན་གྱིས་གཟིགས། །ཕམ་ལྷག་ལྟུང་བྱེད་སོར་བཤགས་ཉེས་བྱས་ཏེ། །ལྟུང་བ་སྡེ་ལྔས་གོས་པར་མི་འགྱུར་ཞིང་། །ཉེ་བ་འཁོར་ལྟར་ཚུལ་ཁྲིམས་མཐར་ཕྱིན་ནས། །ཐུབ་བསྟན་མཛེས་པའི་རྒྱན་དུ་བདག་གྱུར་ཅིག །ཅེས་པ་འདུལ་བ་ལུགས་ཀྱི་རང་ལོ་ཉི་ཤུ་པར། མཚུར་ཕུའི་གཙུག་ལག་ཁང་ཆེན་པོར། དོན་གྱིས་སླད་དུ་མཚན་ནས་སྨོས་ན་བདག་གི་མཁན་པོ་ཡོངས་རྫོགས་བསྟན་པའི་མངའ་བདག་དཔལ་ལྡན་གར་དབང་ཆོས་ཀྱི་དབང་ཕྱུག་རྡོ་རྗེ་དགའ་བ་དོན་ཀུན་ཡོངས་སུ་གྲུབ་པ་ཕྱོགས་ཐམས་ཅད་ལས་རྣམ་པར་རྒྱལ་བའི་ཞལ་སྔ་ནས་དང་། སློབ་དཔོན་ཟུར་རིའི་དྲུང་པ་བདེ་མཆོག་ཅེས་བགྱི་བའི་ཞལ་སྔ་ནས་དང་། ལས་སློབ་སྨྲ་སེང་གསང་སྟོན་དགེ་སློང་ཉི་མ་ཞེས་བགྱི་བ་དང་། དུས་འཛིན་པ་དགེ་སློང་ཆོས་རྒྱལ་ཞེས་བགྱི་བ་དང་། ཟུར་རིའི་དགེ་སློང་གནས་བརྟན་དང་བཅས་པའི་དྲུང་དུ། མགོ་ཟླ་བའི་དཀར་པོའི་བཅོ་ལྔ་དགེ་ཚུལ་ཞུས་པའི་མིང་ཀརྨ་སློབ་ལམ་དང་། ཆིག་རྫོགས་སུ་བསྙེན་པ་རྫོགས་པའི་མིང་། ཀརྨ་ཆགས་མེད་ཅེས་བྱ་སྟེ། དེ་ལྟར་རང་བྱུང་དང་བསྙེན་རྫོགས་ཞུས་པའི་མཁན་རྒྱུད་ལ་གསོལ་འདེབས་འདི། རང་ལོ་སོ་བཞི་པར་གཟའ་སྐར་བཟང་བའི་ཡར་གྱི་བཅུ་བཞི་ལ་བྲིས་པའོ། །ཀརྨ་ཨ་རཱ་གས་སོ།། ༈ གསོ་

[Full Size]

སྦྱོང་བརྒྱུད་པའི་གསོལ་འདེབས་ནི། ན་མོ་མ་ཧཱ་ཀ་རུ་ཎི་ཀ་ཡེ། ཐུབ་དབང་བྱམས་པ་ཐོགས་མེད་དབྱིག་གི་གཉེན། །རྣམ་གྲོལ་སྡེ་དང་གྲོལ་སྡེ་མཆོག་གི་སྡེ། །འདུལ་སྡེ་རྣམ་སྣང་མཛད་དང་སེང་གེ་བཟང་། །ཀུ་ས་ལི་གཉིས་པཎ་ཆེན་གསེར་གླིང་པ། །རྒྱ་ཆེན་སྤྱོད་པའི་རྒྱུད་ལ་གསོལ་བ་འདེབས། །ཤེར་ཕྱིན་དེ་ཉིད་རྟོགས་པར་བྱིན་གྱིས་རློབས། །སངས་རྒྱས་འཇམ་དབྱངས་ཀླུ་སྒྲུབ་འཕགས་པ་ལྷ། །ཟླ་གྲགས་རིགས་པའི་ཁུ་བྱུག་ཆེ་ཆུང་སོགས། །ཟབ་མོ་ལྟ་བའི་བརྒྱུད་པ་ལ་གསོལ་བ་འདེབས། །མཐའ་བྲལ་དབུ་མ་རྟོགས་པར་བྱིན་གྱིས་རློབས། །ཤིང་རྟ་གཉིས་ཀྱི་ཆུ་བོ་འབབ་པའི་མཚོ། །དྷི་པཾ་ཀ་ར་ཤྲཱི་ཛྙཱ་ནའི་ཞབས། །འབྲོམ་སྟོན་ཚུལ་ཁྲིམས་འབར་དང་བྱ་ཡུལ་བ། །ཡེ་ཤེས་འབར་དང་རྡོ་རྗེ་སེང་གེ་དང་། །ལྕགས་རི་བ་དང་སྣེ་ཟུར་བ་ལ་སོགས། །བཀའ་གདམས་བརྒྱུད་པ་རྣམས་ལ་གསོལ་བ་འདེབས། །བྱང་ཆུབ་སེམས་གཉིས་འབྱོང་བར་བྱིན་གྱིས་རློབས། །བཀའ་ཕྱག་ཆུ་བོ་གཉིས་འདྲེས་རྒྱ་མཚོ་ཆེ། །རྒྱལ་བས་ལུང་བསྟན་དགེ་སློང་འཚོ་མཛད་ཅེས། །གངས་རིའི་ཁྲོད་འདིར་མཚུངས་མེད་ཟླ་བྲལ་བ། །དྭགས་

[Full Size]

པོ་བཀའ་བརྒྱུད་གྲགས་ལ་གསོལ་བ་འདེབས། །ལྟ་སྤྱོད་ཟུང་དུ་འབྲེལ་བར་བྱིན་གྱིས་རློབས། །དུས་གསུམ་མཁྱེན་པ་རས་ཆེན་སྤོམ་བྲག་པ། །ཀརྨ་པ་དང་གཉེན་རས་རང་བྱུང་བ། །གཡུང་སྟོན་པ་དང་མགོན་པོ་རྒྱལ་མཚན་ཞབས། །རོལ་པའི་རྡོ་རྗེ་མཁའ་སྤྱོད་དྲི་མེད་དཔལ། །དེ་བཞིན་གཤེགས་པ་ཆོས་དཔལ་ཡེ་ཤེས་དང་། །མཐོང་བ་དོན་ལྡན་ཀུན་མཁྱེན་འཇམ་དཔལ་བཟང་། །དཔལ་འབྱོར་དོན་གྲུབ་ཆོས་གྲགས་རྒྱ་མཚོ་དང་། །བཀྲ་ཤིས་དཔལ་འབྱོར་མི་བསྐྱོད་དཀོན་མཆོག་འབངས། །དབང་ཕྱུག་རྡོ་རྗེ་དྲིན་ཆེན་ཆོས་རྗེ་དབང་། །རྫོགས་པའི་སངས་རྒྱས་ཕྲེང་བ་རྨད་བྱུང་བ། །ཀརྨ་བཀའ་བརྒྱུད་རྣམས་ལ་གསོལ་བ་འདེབས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །དེ་ལྟར་བློ་སྦྱོང་བརྒྱུད་པའི་བླ་མ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ནག་པོའི་ཆོས་བཞི་ནམ་ཡང་མི་སྤྱོད་ཅིང་། །དཀར་ནག་བླང་དོར་ཕྱེད་པར་བྱིན་གྱིས་རློབས། །མི་རྟག་འཆི་བས་བློ་སྣ་རབ་བསྐྱུངས་ནས། །ཚེ་འདིས་བྱ་བློ་མེད་པར་བྱིན་གྱིས་རློབས། །ཕྱི་རུ་དགྲ་འདྲེ་བརྡུང་བཏགས་མི་བྱེད་པར། །ནང་དུ་རང་རྒྱུད་འདུལ་

[Full Size]

བར་བྱིན་གྱིས་རློབས། །ཚེ་འདིས་ཆེ་འབྱོར་བསྒྲུབ་ལ་མི་བརྩོན་པར། །བྱང་ཆུབ་བསྒྲུབ་ལ་བརྩོན་པར་བྱིན་གྱིས་རློབས། །ཐེག་དམན་ཞི་བདེའི་བསམ་པ་མི་སྐྱེ་བར། །ཚད་མེད་སྙིང་རྗེ་སྐྱེ་བར་བྱིན་གྱིས་རློབས། །འགྲོ་བའི་དོན་དུ་རྫོགས་པའི་བྱང་ཆུབ་ནི། །གེགས་མེད་མྱུར་དུ་ཐོབ་པར་བྱིན་གྱིས་རློབས། །ཞེས་པ་འདི་རང་ལོ་ཉི་ཤུ་པ་ཡི་དུས་ཤར་འོད་ཟེར་དམ་པའི་ཕོ་བྲང་གི་ཆོས་རའི་ཐོག་ཏུ། ༧ རྗེ་དྲིན་ཆེན་ཆོས་ཀྱི་དབང་ཕྱུག་གི་ཞལ་སྔ་ནས་བློ་སྦྱོང་ཚིགས་བཅད་བརྒྱད་མའི་འགྲེལ་པ་རྗེ་ཉིད་ཀྱིས་མཛད་པ་རྩ་བར་བྱས་ནས་ཞག་རེ་རེ་ལ་ཚིགས་བཅད་རེ་རེའི་ཁྲིད་ལྔགས་བཤད་ཤིན་ཏུ་རྒྱས་པ་དང་བཅས་ནས་ཞག་བརྒྱད་ལ་གསུངས་ཏེ། རྗེ་གླང་རི་ཐང་པ་ནི་སངས་རྒྱས་སྣང་བ་མཐའ་ཡས་ཀྱི་སྤྲུལ་པ་ཡིན་པར་བཤད་དེ། མཁས་གྲུབ་ཁྱུང་པོ་རྣལ་འབྱོར་རྒྱ་གར་རྡོ་རྗེ་གདན་གྱི་མཁན་པོ་ལ་བསྙེན་རྫོགས་ཞུས་པས་མཁན་པོའི་ངེད་ཀྱིས་ཁྱོད་ཀྱི་མཁན་པོ་མི་ཡོངས་ཁྱོད་འཕགས་པ་སྤྱན་རས་གཟིགས་ཀྱི་སྤྲུལ་པ་ཡིན་པར་འདུག །ཁྱོད་ཀྱི་མཁན་པོ་བོད་དུ་སངས་རྒྱས་འོད་དཔག་མེད་ཀྱིས་སྤྲུལ་པ་ཤིང་གླང་མའི་ཚལ་ན་རྡོ་རྗེ་སེང་གེ་བྱ་བ་བཞུགས་པས་དེ་ལ་གསུངས་ནས་ལུང་བསྟན་པ་ཡིན་ནོ། །དེས་ན་ཇོ་བོ་རྗེ་ཨ་ཏི་ཤ་དང་རྗེ་གླང་རི་ཐང་པོ་དང་། ༧ རྗེ་ཞྭ་དམར་ན་རིམ་རྣམས་ཐུགས་བརྒྱུད་གཅིག་ཅེས་གྲྭ་བསྒྲེས་མང་ཐོས་དཔྱོད་ལྡན་རྣམས་ཀྱིས་ཡང་ཡང་གསུངས་ཤིང་། ༧ རྗེ་ཉིད་ཀྱི་

[Full Size]

ཁྲིད་འདི་རྩལ་དུ་སྟོན་པར་མཛད་པ་དང་བྱིན་རླབས་ཀྱི་བཀའ་བབས་སུ་སྣང་ངོ་། །ཁྲིད་འདི་གསུངས་པའི་ཚེ་དབུ་ཞྭ་བཀའ་གདམས་ཞྭ་མོ་ཆེ་དང་སྐུ་སྟོད་ཇོ་གོས་དང་། ན་བཟའ་ཆོས་སྒོ་རྣམ་གསུམ་མཛད་པས་རྒྱུན་པར་དང་མི་འདྲ་བར་སྐུ་ཤིན་ཏུ་ཟིལ་ཆེ་ཞིང་བག་ཆགས་པ་ཅིག་བྱུང་ཞེས་དགེ་འདུན་པ་ཀུན་མཐུན་སྣང་གྲུབ་སྟེ། བཀའ་བབས་ཀྱི་རྟེན་འབྲེལ་ཡིན་ནམ་བདག་རང་སྙམ་མོ། །དེ་ལྟར་སྔ་སོར་བཀའ་དྲིན་དུ་རྩལ་བའི་བློ་སྦྱོང་བརྒྱུད་པའི་གསོལ་འདི་ཕྱིས་༧ ཀརྨ་རཱ་ག་ཨ་སྱས་རང་ལོ་སོ་བཞི་པར་དཔལ་རི་ཁྲོད་དུ་བྲིས་པའོ།། ༈ ཕྱག་ཆེན་བརྒྱུད་པའི་གསོལ་འདེབས་ནི། ན་མོ་མ་ཧཱ་མུ་དྲ་ཡེ། རྡོ་རྗེ་འཆང་ཆེན་བློ་གྲོས་རིན་ཆེན་དང་། །བྲམ་ཟེ་ཆེན་པོ་ཀླུ་སྒྲུབ་ཤ་བ་རི། །མེ་ཏྲི་མར་པ་མི་ལ་སྒམ་པོ་པ། །གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །རང་སེམས་ཆོས་སྐུར་རྟོགས་པར་བྱིན་གྱིས་རློབས། །དུས་གསུམ་མཁྱེན་པ་རས་ཆེན་སྤོམ་བྲག་པ། །ཀརྨ་པ་དང་ཨུ་རྒྱན་རང་བྱུང་བ། །གཡུང་སྟོན་པ་དང་རོལ་པའི་རྡོ་རྗེའི་ཞབས། །གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །རང་སེམས་ཆོས་སྐུར་རྟོགས་པར་བྱིན་གྱིས་རློབས། །མཁའ་སྤྱོད་དབང་པོ་ཐུབ་ཆེན་དེ་བཞིན་གཤེགས། །རིན་ཆེན་བཟང་པོ་མཐོང་བ་དོན་ལྡན་དང་། །འཇམ་དཔལ་བཟང་པོ་

[Full Size]

དཔའ་འབྱོར་དོན་གྲུབ་ཞབས། །གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །རང་སེམས་ཆོས་སྐུར་རྟོགས་པར་བྱིན་གྱིས་རློབས། །ཆོས་གྲགས་རྒྱ་མཚོ་མཉན་པ་མི་བསྐྱོད་རྗེ། །དཀོན་མཆོག་ཡན་ལག་དབང་ཕྱུག་རྡོ་རྗེའི་ཞབས། །བཀའ་དྲིན་མཉམ་མེད་ཆོས་ཀྱི་དབང་ཕྱུག་ལ། །གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །རང་སེམས་ཆོས་སྐུར་རྟོགས་པར་བྱིན་གྱིས་རློབས། །རབ་འབྱམས་དཀྱིལ་འཁོར་ཀུན་གྱི་དབང་ཕྱུག་གཙོ། །སྐལ་ལྡན་བྱིན་གྱིས་བརླབ་མཛད་རྣལ་འབྱོར་མ། །ཕྲིན་ལས་ཀུན་འགྲུབ་ནག་པོ་ལྕམ་དྲལ་ལ། །གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །རང་སེམས་ཆོས་སྐུར་རྟོགས་པར་བྱིན་གྱིས་རློབས། །དེ་ལྟར་ཕྱག་ཆེན་བརྒྱུད་པའི་བླ་མ་ལ། །གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །ཐ་སྙད་ཚིག་གི་བརྒྱུད་པར་མི་ཞུགས་པར། །ཀཾ་ཚང་དོན་བརྒྱུད་བསྙེག་པར་བྱིན་གྱིས་རློབས། །མ་གོ་གོ་བརྫུ་རང་ཉིད་མི་བསླུ་བར། །ངོ་སྤྲོད་རྡོ་རུས་གཏུགས་པར་བྱིན་གྱིས་རློབས། །ཚེ་འདིས་ཆེད་དུ་སྒོམ་སྒྲུབ་མི་བཤོལ་བར། །ཞེན་པ་ནང་ནས་ལོག་པར་བྱིན་གྱིས་རློབས། །

[Full Size]

གེགས་སེལ་བོགས་འདོན་གཞན་ནས་མི་ཚོལ་བར། །གདུང་ཤུགས་གསོལ་བ་འདེབས་པར་བྱིན་གྱིས་རློབས། །བློ་བྱས་སྟོང་ཉིད་ཙམ་གྱིས་མི་ཚིམ་པར། །རང་སེམས་ངོ་བོར་ལྟ་བར་བྱིན་གྱིས་རློབས། །སྟོང་ལྟས་རྒྱུ་འབྲས་ཁྱད་དུ་མི་གསོད་པར། །སྡོམ་གསུམ་ཚུལ་བཞིན་བསྲུང་བར་བྱིན་གྱིས་རློབས། །བདེ་གསལ་མི་རྟོག་ཉམས་ཀྱིས་མི་འཆིང་བར། །གང་ཤར་སྤང་བླང་མེད་པར་བྱིན་གྱིས་རློབས། །བསྒོམ་ཡུལ་བཟང་ཡུལ་ང་རྒྱལ་མི་སྐྱེ་བར། །རང་སེམས་དམན་ས་འཛིན་པར་བྱིན་གྱིས་རློབས། །འབྲས་བུ་ཕྱི་དུས་ཡིད་སྨོན་མི་བྱེད་པར། །སྐུ་གསུམ་རང་ལ་རྙེད་པར་བྱིན་གྱིས་རློབས། །འཆི་ཚེ་བློས་བྱས་རྩབ་རྩུབ་མི་བསྒོམ་པར། །འོད་གསལ་ཆོས་སྐུར་འཕོ་བར་བྱིན་གྱིས་རློབས། །བར་དོ་འཇིགས་སྐྲག་སྣང་བ་ཤར་སྲིད་ན། །འཇིགས་མཁན་ངོ་བོ་རྟོགས་པར་བྱིན་གྱིས་རློབས། །ལོངས་སྐུའི་ཞིང་དུ་བརྫུས་ཏེ་སྐྱེས་ནས་ཀྱང་། །སྤྲུལ་པས་གཞན་དོན་བྱེད་པར་བྱིན་གྱིས་རློབས། །ཞེས་པ་འདི་སྔ་སོར་རང་ལོ་ཉི་ཤུ་པར་ཟ་དམ་པར་ཞེས། སྔོན་རྗེ་མི་ལ་རས་ཆེན་གྱིས་རླུང་བུམ་པ་ཅན་བཟུང་ནས་ལ་ཕྱི་ནས་སྔ་དྲོ་གཅིག་ལ། འཕན་ཡུལ་དུ་སླེབ་པར་མཛད་ནས་བྲག་ཕ་ཀིའི་སྟེང་དུ་ང་ཡི་བརྒྱུད་འཛིན་

[Full Size]

ཞིག་གི་བསྟན་པ་དར་བར་འདུག །ཅེས་ལུང་བསྟན་པའི་གནས་སུ་ཡབ་སྲས་གསུམ་ཞལ་རྒྱས་དུས། ཐུབ་བསྟན་ཉིན་གླིང་གི་རབ་འབྱམས་པ་ཡང་མང་པོས་ཕྱག་ཆེན་གསུང་དགོས་ཞུས་པས། ཁྱེད་རྣམས་སོ་དཀར་ནས་མགོ་མ་དཀར་བར་དུ་ཕར་ཕྱིན་དབུ་མ་ལ་སློབ་གཉེར་བྱས་ནས་སླར་སེམས་ངོ་སྤྲད་དགོས་ཟེར་བ་བསྟན་པ་ལ་གནོད་པར་སྣང་། དབུ་ཕལ་ལས་ལྷག་པའི་ཕྱག་ཆེན་ང་ལ་མེད། འོན་ཀྱང་ཁྱེད་རྣམས་ཀྱིས་འཆད་མ་བྲ་བསམ་པར་འདུག་པས། འཆད་གསུངས་ནས་ཟླ་བ་ཧྲིལ་གཅིག་ཏུ་ཉི་མ་ཕྱེད་ཡོལ་ནས་ཉི་མ་མ་ནུབ་བར་དུ་ལྗགས་བཤད་རྒྱས་པ་དང་། གྲོལ་ཁ་དམིགས་པ་རེ་སྤྲད་པར་མཛད་དོ། །གྲྭ་རྒན་རྣམས་ཀྱིས་ལྷན་ཅིག་སྐྱེས་སྦྱོར་རྒྱས་པ་འདི་ལྟ་བུ་ནི་སློབ་དཔོན་གྱིས་སྔ་གང་དུ་ཡང་མ་འཆད་ཅེས་གླེང་ཕྱིས་ཞིང་བརྗེས་ནས་དེ་དུས་ཀྱི་ཁྲིད་ཟབ་པ་རྒྱས་པ་དེ། ཐུབ་པ་མྱ་ངན་ལས་འདས་ཁར་དཔལ་འབྲས་སྤུང་དུ་དཔལ་ལྡན་དུས་ཀྱི་འཁོར་ལོ་ཞལ་ཆེམ་གྱི་ཚུལ་དུ་གསུངས་པ་ལྟར། ཁྲིད་ཡང་རང་རེ་ལ་ཞལ་ཆེམ་གྱི་ཚུལ་དུ་གསུངས་པ་ལྟར་སྣང་ཞེས་གྲྭ་རྒན་རྣམས་གླེང་ངོ་། ༈ །ཕྱིས་རྗེ་ཉིད་ཀྱི་ཆིབས་ཆུང་བ་སྟག་ཚང་ཡང་དག་ཅེས་ལུས་ཧྲིལ་བུར་མར་མེར་དམིགས་ནས་ཤིང་བརྩིགས་ཆེན་པོར་མེ་སྦར་བའི་ནང་དུ་བསྲེགས་པས། མེས་ཅུང་ཟད་ཀྱང་མ་གནོད་ཅིང་ཕྱིས་ནས་ཆུ་བར་གྱིས་ཚོགས་ནས་ནམ་མཁར་འཕུར་ཏེ་མཁའ་སྤྱོད་དུ་གཤེགས་པ་དེ་དང་། ༧ ཉིན་གླིང་གི་རབ་འབྱམས་བ་སྐུ་སྐྱེ་ཞེས་པ་ཕྱིས་ཇོ་མོ་ཚེ་རིང་མའི་གངས་མགུར་ཕུག་པར་བསྒོམས་པས། གངས་ཀྱིས་

[Full Size]

བཅད་དེ་ཟླ་བ་དྲུག་ལ་འཚོ་བ་ཅུང་ཟད་ཀྱང་མེད་པས། རྣ་བ་གཅིག་བཞོས་ཤི་ང་གསོལ་ནས་སྐུ་ཉམས་དང་ལྡན་པར་བཞུགས་པས་གྲུབ་ཐོབ་ཆེན་པོར་གྲགས་པ་དེ་དང་། གྲྭ་ཚང་གི་གྲྭ་པ་རྟོགས་ལྡན་ཤཱཀྱ་ཞེས་པ་གཡེར་པའི་ཟླ་བ་ཕུག་ཏུ་ཕྱེ་བྲེ་གསུམ་ཙམ་ལས་མེད་པར་ཕུག་པའི་སྒོ་བརྩིགས་ཏེ་ཟླ་བ་དྲུག་ཏུ་རླུང་གི་བཅུད་ལེན་མཛད་པས་སྐུ་གཟི་བརྗིད་དང་ལྡན་པར་བཞུགས་པ་དང་། རྒྱུན་པར་དབྱར་དགུན་མེད་པར་རས་གོས་རུལ་པ་གཅིག་ཀྱང་མཛད་ནས་གྲུབ་ཐོབ་ཆེན་པོར་གྲགས་པ་དེ་དང་། ཆོས་མཛད་རྣམས་རུ་བ་ཞེས་གྲྭ་ཚང་དུ་སློབ་གཉེར་མ་ཆག་པའི་ངོས་ནས་དབྱར་དགུན་མེད་པར་སྐུ་གཟན་ཅིག་ཀྱང་མཛད་ཅིང་ནམ་དུའང་དབུ་སྔས་སྤངས་བར་མཛད་ཅིང་ཕྱིས་འདུལ་ལུང་བཟུང་ནས་འདུལ་འཛིན་གྲགས་པ་དེ་བློདང་། དགེ་སློང་རྒྱལ་བ་ཞེས་དབུ་སྔས་སྤངས་བ་དང་ཡེང་མེད་རྒྱུན་དུ་མཛད་པ་དེ་དང་། དགེ་སློང་སྣང་མཐའ་ཞེས་ཤིན་ཏུ་དམན་ས་བཟུང་ནས་ངག་སློབ་དཔོན་གྱི་མཚན་སྔགས་དང་དང་ལུས་གཙུག་ལག་ཁང་གི་ཕྱག་དར་གཙོ་བོར་མཛད་པ་དེ་དང་། རིན་ཆེན་དཀོན་མཆོག་དཔལ་འབྱོར་དང་། རབ་འབྱམས་པ་བདེ་ཆེན་དང་འདྲ་བའི་དྲུང་རམ་པ་བྱིན་རླབས་དང་། ཕྱིས་ཆུ་བར་དུ་སྒྲུབ་པ་མཛད་པའི་རབ་འབྱམས་པ་དགའ་བ་དང་། དགེ་སློང་ཏའུ་ཀརྨ་བཀྲ་ཤིས་ལ་སོགས་པ་རྣམས་ཀྱང་ཁྲིད་དེའི་ཁོང་དུ་ཐུགས་དམ་གསལ་དུ་འཁྲུངས་པ་དང་བོགས་བྱུང་བར་གྱུར་པ་མངོན་ཏེ། ཁོང་རྣམས་ཀྱི་རྩ་བའི་བླ་མ་སློབ་དཔོན་རིན་པོ་ཆེ་དང་། ཆོས་ཕྱག་རྒྱ་ཆེན་པོ་ཡིན་ཅིང་། ལྷན་ཅིག་སྐྱེས་སྦྱོར་གྱི་ཁྲིད་རྒྱས་པ་ནི་དེ་དུས་

[Full Size]

མ་གཏོགས་གསུངས་སྐད་མི་འདུག་པས་སོ། །བདག་ལྟ་བུ་བསོད་ནམས་ཆུང་བའང་རྒྱལ་བ་ཐམས་ཅད་མཁྱེན་པའི་དྲུང་ནས་ཁྲིད་ཟབ་ལ་རྒྱས་པ་དེ་འདྲ་བ་ཐོབ་ཨང་སྙམ་ནས་དགའ་བ་ཡང་ཡང་སྐྱེས་ཏེ། ༧ རཱ་ག་ཨ་སྱས་རང་ལོ་སོ་བཞི་པར་གསོལ་བ་བཏབ་པའོ། ༈ བདེ་མཆོག་ལྷ་ལྔའི་བརྒྱུད་འདེབས་བཞུགས་སོ།། ན་མོ་ཤི་ཙཀྲ་སཾ་ཝ་ར་ཡེ། རྡོ་རྗེ་འཆང་ཆེན་རྡོ་རྗེ་རྣལ་འབྱོར་མ། །དྲིལ་བུ་པ་དང་ཛ་ལེན་དྷ་ར་པ། །བརྟུལ་ཞུགས་སྤྱོད་པའི་ཞབས་དང་མ་ཏང་གི །གསོལ་བ་འདེབས་སོ་བདེ་ཆེན་དངོས་གྲུབ་སྩོལ། །རྣམ་པར་རྒྱལ་བའི་ཞབས་དང་ཏེ་ལོ་པ། །ནཱ་རོ་མར་པ་མི་ལ་སྒམ་པོ་པ། །དུས་མཁྱེན་རས་ཆེན་སྤོམ་བྲག་ཀརྨ་པ། །གསོལ་བ་འདེབས་སོ་བདེ་ཆེན་དངོས་གྲུབ་སྩོལ། །གཉན་རས་རང་བྱུང་ཞབས་དང་གཡུང་སྟོན་པ། །རོལ་པའི་རྡོ་རྗེ་མཁའ་སྤྱོད་དེ་བཞིན་གཤེགས། །རཏྣ་བྷ་དྲ་དོན་ལྡན་འཇམ་དཔལ་བཟང་། །གསོལ་བ་འདེབས་སོ་བདེ་ཆེན་དངོས་གྲུབ་སྩོལ། །དཔལ་འབྱོར་དོན་འགྲུབ་མ་ཕམ་མཉན་པ་རྗེ། །མི་བསྐྱོད་རྒྱལ་བ་གར་དབང་དཀོན་མཆོག་འབངས། །དབང་ཕྱུག་རྡོ་རྗེ་དྲིན་ཅན་ཆོས་ཀྱི་དབང་། །གསོལ་བ་འདེབས་སོ་བདེ་ཆེན་དངོས་གྲུབ་སྩོལ། །ཧེ་

[Full Size]

རུ་ཀ་དང་གཉིས་མེད་རྣལ་འབྱོར་མ། །ཕྱོགས་བཞིར་མཁའ་འགྲོ་མཚམས་བཞི་ཐོད་པས་མཚན། །གཞལ་ཡས་དུར་ཁྲོད་པད་རྡོར་མེ་རི་བཅས། །གསོལ་བ་འདེབས་སོ་བདེ་། ཆེན་དངོས་གྲུབ་སྩོལ། །རྒྱུད་ཀྱི་སྲུང་མ་ནག་པོ་བྱ་རོག་མཚན། །སྐུ་གསུང་ཐུགས་དང་དམ་ཚིག་ཡེ་ཤེས་ལྔའི། །དཀྱིལ་འཁོར་སྐྱོང་མཛད་དཔའ་བོ་མཁའ་འགྲོའི་ཚོགས། །གསོལ་བ་འདེབས་སོ་བདེ་ཆེན་དངོས་གྲུབ་སྩོལ། །དེ་ལྟར་བདེ་མཆོག་བརྒྱུད་པའི་བླ་མ་དང་། །དཀྱིལ་འཁོར་སྲུང་མ་བཅས་ལ་གསོལ་བ་འདེབས། །ཕྱི་རུ་འཛམ་གླིང་གནས་མཆོག་ཉི་ཤུ་བཞི། །ནང་དུ་རྩ་རླུང་ཐིག་ལེ་ཡིག་འབྲུའི་གཟུགས། །གཞན་དུ་དཔའ་བོ་རྣལ་འབྱོར་དྲུག་ཅུ་གཉིས། །དབྱེར་མེད་གཅིག་ཏུ་ཤེས་པའི་བསྐྱེད་རིམ་གྱིས། །ཉེ་བའི་བའི་གནས་སོགས་བགྲོད་པར་བྱིན་གྱིས་རློབས། །རྩ་གསུམ་འཁོར་ལོ་ལྔ་པོ་གསལ་བའི་དབུས། །སྤྲུལ་པའི་གནས་སུ་འབར་བའི་རྣལ་འབྱོར་ལ། །བདེ་ཆེན་ཧེ་རུ་ཀ་དཔལ་རང་བཞུགས་ནས། །འཁོར་ལོ་ལྔ་ཡི་ལྷ་ཚོགས་མཉེས་བྱས་ཏེ། །མཆོག་ཏུ་མི་འགྱུར་འགྲུབ་པར་བྱིན་གྱིས་རློབས། །བསྐྱེད་རིམ་སྤྲུལ་སྐུ་འོད་གསལ་ཆོས་སྐུ་དང་། །ཟུང་

[Full Size]

འཇུག་ལོངས་སྤྱོད་རྫོགས་སུ་གོམས་པའི་མཐུས། །འཆི་བ་ཆོས་སྐུ་བར་དོ་ལོངས་སྐུ་དང་། །སྐྱེ་བ་སྤྲུལ་པའི་སྐུ་རུ་རྟོགས་བྱས་ཏེ། རྒྱུད་ཀྱི་དགོངས་དོན་འགྲུབ་པར་བྱིན་གྱིས་རློབས། །འཆི་བ་ཞེས་བྱའི་རྣམ་རྟོག་ཤར་བའི་ཚེ། །འཁོར་ལོ་ལྔ་ཡི་དཔའ་བོ་ཌཱཀི་ཡིས། །གདུགས་དང་རྒྱལ་མཚན་བ་དན་རོལ་མོ་དང་། །གླུ་དང་གར་དང་འཇའ་འོད་མེ་ཏོག་ཆར། །སྣ་ཚོགས་མཆོད་པས་བདག་གི་སྡུན་བསུས་ནས། །བདེ་ཆེན་གནས་སུ་ཁྲིད་པར་བྱིན་གྱིས་རློབས། །ཞེས་ཟ་དམ་ཞེས་རྒྱལ་བས་ལུང་བསྟན་པའི་གནས་ཨོ་དནྟ་པུ་རིའི་ཀྱི་གཙུག་ལག་ཁང་དུ་རྗེ་ཆོས་ཀྱི་དབང་ཕྱུག་གི་ཞལ་སྔ་ནས་བདེ་མཆོག་ལྷ་ལྔ་ཚིགས་བཅད་མ་རྗེ་དུས་མཁྱེན་གྱི་ཐུགས་དམ་ལྔ་ཚན་དུ་གྲགས་པའི་དབང་བཞི་ཡོངས་རྫོགས་ཐོབ་པའི་བཀའ་དྲིན་དྲན་ནས་ཕྱིས་རང་ལོ་སོ་བཞི་པར་། ༧ ཀརྨ་ཨ་རཱ་གས་གསོལ་བ་བཏབ་པའོ།། ༈ །སྙན་བརྒྱུད་ལྷན་ཅིག་སྐྱེས་མ་ལྷ་ལྔ་བརྒྱུད་པའི་གསོལ་འདེབས་ནི། ན་མོ་གུ་རུ་བཛྲ་ཝཱ་ར་ཧི་ཡེ། རྡོ་རྗེ་འཆང་ཆེན་ཡེ་ཤེས་མཁའ་འགྲོ་མ། །ཏེ་ལོ་ནཱ་རོ་མར་པ་མི་ལ་རྗེ། །དྭགས་པོ་དུས་གསུམ་མཁྱེན་དང་རས་ཆེན་པ། །སྤོམ་བྲག་པ་དང་སྐྱེས་མཆོག་ཀརྨ་པ། །གཉེན་རས་རང་བྱུང་ཞབས་དང་གཡུང་སྟོན་

[Full Size]

པ། །རོལ་པའི་རྡོ་རྗེ་ཡན་ཆད་གཅིག་བརྒྱུད་དུ། །སྙན་དུ་བརྒྱུད་པ་རྣམས་ལ་གསོལ་བ་འདེབས། །ད་ཕྱིན་རྒྱ་ཆེན་སྤེལ་ན་འགྲོ་དོན་ཆེ། །ཞེས་པའི་གནང་བ་ཕག་མོས་རབ་གནང་ནས། །འགྲོ་དོན་རླབས་ཆེན་མཛད་པའི་མཁའ་སྤྱོད་དབང་། །དེ་བཞིན་གཤེགས་པ་རཏྣ་བྷ་དྲ་དང་། །དོན་ལྡན་འཇམ་དཔལ་བཟང་པོ་གོ་ཤྲི་པ། །རང་བྱུང་མཚོ་སྐྱེས་མཉན་པ་མི་བསྐྱོད་རྗེ། །དཀོན་མཆོག་འབངས་དང་དབང་ཕྱུག་རྡོ་རྗེའི་ཞབས། །མཚུངས་མེད་བཀའ་དྲིན་སྩོལ་མཛད་ཆོས་ཀྱི་དབང་། །སྙན་བརྒྱུད་བླ་མ་རྣམས་ལ་གསོལ་བ་འདེབས། །བདག་མེད་མ་དང་རྡོ་རྗེ་རྣལ་འབྱོར་མ། །རྡོ་རྗེ་བདེ་མ་དེ་བཞིན་སྣ་ཚོགས་ཡུམ། །དོན་གྲུབ་མ་དང་ཁྲོས་མ་དབུ་བཅད་མ། །ཞལ་བཞི་ཞལ་གཉིས་མཁའ་སྤྱོད་དཀར་དམར་སོགས། །མཚན་དང་སྐུ་ཡི་རྣམ་འགྱུར་མཐའ་ཡས་ཀྱང་། །ཀུན་འདུས་ཀུན་གྱི་བདག་ཉིད་ཞལ་གཅིག་མ། །ཕྱོགས་བཞིར་རིགས་བཞིའི་ཆོས་འབྱུང་གཞལ་ཡས་ཁང་། །པད་ཀོར་ཐོད་ར་རྡོ་རྗེ་མེ་རིའི་གུར། །དཀྱིལ་འཁོར་ལྷ་དང་བཅས་ལ་གསོལ་བ་འདེབས། །ལས་ཀྱི་མཁའ་འགྲོ་འཇིག་རྟེན་མཁའ་འགྲོ་དང་། །ཤ་ཟ་མཁའ་འགྲོ་

[Full Size]

མཁའ་འགྲོ་ཕོ་ཉ་སོགས། །ཆོས་བདག་སྲུང་མར་བཅས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཕྱི་རུ་འབྱུང་ལྔ་རིགས་ལྔ་ཁ་དོག་ལྔ། །ནང་དུ་ཕུང་ལྔ་ཁམས་ལྔ་ཉོན་མོངས་ལྔ། །དག་པ་སྐུ་ལྔ་ཡེ་ཤེས་སངས་རྒྱས་ལྔ། །སྦྱང་གཞི་སྦྱོང་བྱེད་ཤེས་པའི་བསྐྱེད་རིམ་གྱིས། །མཁའ་འགྲོ་ལྔ་པོ་འགྲུབ་པར་བྱིན་གྱིས་རློབས། །ལྟོགས་ན་ཟས་དང་འཁྱག་ན་གོས་དང་ནི། །འཇིགས་ལས་སྐྱོབ་སོགས་རྟེན་འབྲེལ་སྣ་ཚོགས་དང་། །འབར་བ་གསུམ་དང་འདུ་བ་རྣམ་པ་གསུམ། །དྲོད་ཚད་གསུམ་དང་བརྟུལ་ཞུགས་ངར་ལྡན་པ། །ཐུན་མོང་དངོས་གྲུབ་ཐོབ་པར་བྱིན་གྱིས་རློབས། །ལྟེ་བར་ཆོས་འབྱུང་སྔགས་བཅས་འཁོར་བའི་འོད། །དྷུ་ཏིའི་ལམ་ནས་ཕག་ཞལ་སྨིན་ཕྲག་ཏུ། །བདེ་བའི་གཡུང་དྲུང་བར་མེད་འཁོར་བའི་མཐུས། །རྒྱལ་བ་ཀུན་གྱི་བྱིན་རླབས་རབ་བསྡུས་ནས། །མཆོག་ཐུན་དངོས་གྲུབ་ཐོབ་པར་བྱིན་གྱིས་རློབས། །རྟག་ཆད་འགྲོ་འོང་བྲལ་བ་ཆོས་ཀྱི་སྐུ། །སུས་ཀྱང་མ་བྱས་གདོད་ནས་རྣམ་པར་དག །ཀུན་ཁྱབ་ཀུན་གྱི་རང་བཞིན་གདོད་མའི་མགོན། །སྨྲ་བརྗོད་ཡིད་དཔྱོད་ལས་འདས་རྒྱལ་བའི་

[Full Size]

ཡུམ། །དོན་གྱི་ཕག་མོ་རྟོགས་པར་བྱིན་གྱིས་རློབས། །སྤྲུལ་པའི་འཁོར་ལོ་ཨ་ཡིག་ཐུང་ངུའི་གཟུགས། །རབ་ཏུ་འབར་བས་ཕུང་ཁམས་སྐྱེ་མཆེད་སྦྱངས། །བདེ་ཆེན་འཁོར་ལོ་ཧཾ་ཡིག་ཞུ་བའི་རྒྱུན། །རྩ་འཁོར་ཀུན་བཀང་བདེ་སྟོང་དབྱེར་མེད་པ། །བརྡ་ཡི་ཕག་མོ་འགྲུབ་པར་བྱིན་གྱིས་རློབས། །ཆོས་སྐུ་མཁའ་འགྲོ་སེམས་ལ་རབ་རྟོགས་ཏེ། ལོངས་སྐུ་མཁའ་འགྲོ་བསྙེན་ཅིང་བསྒྲུབ་པའི་མཐུས། །རྩ་རླུང་ལས་སུ་རུང་བའི་བརྟུལ་ཞུགས་ཀྱིས། །སྤྲུལ་སྐུ་མཁའ་འགྲོ་བདེ་བས་མཆོད་བྱས་པས། །ཚེ་གཅིག་འཇའ་ལུས་འགྲུབ་པར་བྱིན་གྱིས་རློབས། །ལྷག་མེད་འཇའ་ལུས་ཚེ་འདིར་མ་འགྲུབ་ཀྱང་། །ཕུང་པོ་ལྷག་མ་སྐུ་གཟུགས་རིང་བསྲེལ་དང་། །ས་གཡོས་འཇའ་འོད་མེ་ཏོག་ཆར་དང་བཅས། །བར་དོའི་རྣམ་ཤེས་མཁའ་འགྲོས་རབ་བསུས་ནས། །བདེ་བ་ཅན་དུ་འཁྲིད་པར་བྱིན་གྱིས་རློབས། །ཞེས་པ་འདི། ༧ རཱ་ག་ཨ་སྱས་རང་ལོ་ཉི་ཤུ་པར་གནས་སྟོད་ལུང་མཚུར་ཕུ་ཞེས་ས་རྡོ་རི་བྲག་ཐམས་ཅད་དཔལ་བདེ་མཆོག་ཡབ་ཡུམ་གྱི་སྐུ་ཁོ་ན་སྣང་བས། ༈ རྗེ་དུས་མཁྱེན་གྱི་རྗེས་སུ་ཡང་མ་རྙེད་པར་གྲགས་པའི་གནས་དེར། ༈ ཞྭ་དམར་དྲུག་པའི་ཞལ་སྔ་ནས་སྙན་བརྒྱུད་ལྷན་ཅིག་སྐྱེས་མ་ལྷ་ལྔའི་དབང་བཞི་ཡོངས་རྫོགས་དབང་རྫས་ཕྱག་

[Full Size]

གིས་འགྲིམ་པ་དང་། སླར་ཡང་འོད་ཟེར་དམ་པའི་གཙུག་ལག་ཏུ་དབང་བཞི་ཡོངས་རྫོགས་དབང་རྫས་རྣམས་ཕྱག་གིས་ལན་དུ་མར་འགྲིམ་པ་ཞིག་ཐོབ་པས་བཀའ་དྲིན་དྲན་པས་ཕྱིས་གསོལ་འདེབས་འདི་ངོམ་སྟོད་ཀྱི་རི་ཁྲོད་དུ་བྲིས་པའོ། །རྗེ་བཙུན་མ་འདི་རྗེ་ནཱ་རོ་ནས་ད་ཕན་ཞལ་གཟིགས་ཀྱི་རྒྱུན་མ་ཆད་ཅིང་། རྗེ་འདི་ཕས་ཀྱང་བྱང་ངམ་རིང་ཕྱོགས་སུ་ཞལ་གཟིགས་པར་སྣང་བས་བྱིན་རླབས་རྒྱུན་གཞན་དང་མི་འདྲ་བ་གཅིག་ཡོད་པར་སྣང་ངོ་། །ལྷག་པར་ཀར་ལུགས་འདི་ལ་བཀའ་བབ་པའི་ལོ་རྒྱུས་དུ་མ་སྣང་ཞིང་བདེ་མཆོག་རྒྱུད་ཀྱི་གྲྭ་ཚན་གཅིག་ཡིན་སྣང་ལགས་སོ། ། ༈ རྒྱ་ཆེན་བརྒྱུད་པའི་བརྒྱུད་རིམ་གསོལ་འདེབས་ནི། ན་མོ་ཨཱཿརྱ་མཻ་ཏྲི་ཡེ། དང་པོ་བྱང་ཆུབ་མཆོག་ཏུ་ཐུགས་མཆོག་བསྐྱེད། །བར་དུ་ཕ་རོལ་ཕྱིན་བཅུ་མཐར་ཕྱིན་མཛད། །ད་ལྟ་རྒྱལ་ཚབ་འགྲོ་བའི་མགོན་གྱུར་པ། །དགའ་ལྡན་བཞུགས་པ་དེ་ལ་གསོལ་བ་འདེབས། །སྔོན་ཚེ་བྱམས་པ་ཞེས་བྱའི་དགེ་སློང་གྱུར། །ལོ་གྲངས་དུ་མར་བྱམས་པ་བསྒོམས་པའི་མཐུས། །སྐྱེ་བ་ཀུན་ཏུ་བྱམས་པའི་མཚན་ལྡན་ཞིང་། །མ་འོངས་བྱམས་པར་གྱུར་དེར་གསོལ་བ་འདེབས། །དམ་པ་ཏོག་དཀར་འཛམ་གླིང་གཤེགས་པའི་ཚེ། །ཁོ་བོའི་འདི་ནས་འཛམ་བུའི་གླིང་དུ་འགྲོ། །ཁྱོད་ཀྱིས་ལྷ་རྣམས་བག་མེད་གཉིད་ལས་

[Full Size]

སློངས། །ཞེས་གསུངས་ཅོད་པན་བཅིང་དེར་གསོལ་བ་འདེབས། །སྔོན་ཚེ་ཐོགས་མེད་ཅེས་བྱའི་པཎྜི་ཏས། །བཞི་གསུམ་ལོ་གྲངས་བར་དུ་ཁྱེད་བསྒྲུབ་ཚེ། །དངོས་སུ་ཞལ་བསྟན་ལྷ་ཡུལ་ཁྲིད་མཛད་ནས། །བྱམས་ཆོས་གསུངས་མཛད་དེ་ལ་གསོལ་བ་འདེབས། །བདེ་བ་ཅན་ན་རྒྱལ་བ་འོད་དཔག་མེད། །དགའ་ལྡན་གནས་ན་རྒྱལ་སྲས་མ་ཕམ་པ། །གངས་རིའི་ཁྲོད་འདིར་ཞྭ་དམར་ཅོད་པན་ཅན། །སྤྲུལ་མང་སྣ་ཚོགས་སྟོན་དེར་གསོལ་བ་འདེབས། །ངོ་བོ་གཅིག་ཀྱང་སྣང་ཚུལ་ཐ་དད་ཡང་། །དགའ་ལྡན་བྱམས་པ་གླིང་གི་ཆོས་གྲྭ་རུ། །ཆོས་ཀྱི་དབང་ཕྱུག་ཆོས་འཁོར་བསྐོར་བའི་ཚེ། །དངོས་སུ་ཞལ་སྟོན་མཛད་པར་གསོལ་བ་འདེབས། །བྱམས་ཆོས་དངོས་ཀྱིས་རྗེས་སུ་བཟུང་བའི་མཐུས། །ལྷ་ཡི་ཁྲོད་དུ་སྐད་ཅིག་ཆོས་ཉན་ནས། །འཛམ་བུའི་གླིང་འདིར་བྱམས་ཆོས་དར་མཛད་པ། །སློབ་དཔོན་ཐོགས་མེད་ཞབས་ལ་གསོལ་བ་འདེབས། །དེ་ལས་བྱུང་བ་རྒྱ་ཆེན་སྤྱོད་པའི་ཆུ། །གདུལ་བྱའི་ཡུལ་དུ་འདྲེན་མཛད་ཤིང་རྟ་མཆོག །པཎྜི་ཏ་དང་སྐད་གཉིས་སྨྲ་བ་སོགས། །བརྒྱུད་པའི་བླ་མ་རྣམས་ལ་གསོལ་བ་འདེབས། །གྲུབ་ཐོབ་ཀརྨ་པཀྵིའི་

[Full Size]

ལུང་བསྟན་ལས། །ང་ཡི་རྣམ་འཕྲུལ་སྐྱེ་བ་ཉེར་གཅིག་པ། །བྱམས་པའི་བསྟན་པ་རྒྱས་པར་བྱེད་གསུངས་ལྟར། །ཞྭ་དམར་ཉེར་གཅིག་འབྱོན་ལ་གསོལ་བ་འདེབས། །མི་བསྐྱོད་རྗེ་དང་ཆོས་དབྱིངས་རྡོ་རྗེ་སོགས། །ཡེ་ཤེས་སྤྱན་ལྡན་སྐྱེས་བུ་དུ་མ་ཡིས། །བྱམས་ཆེན་དངོས་ཀྱི་སྤྲུལ་པར་མངའ་གསོལ་བ། །ཆོས་ཀྱི་དབང་ཕྱུག་ཞབས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བྱམས་མགོན་བླ་མས་རྟག་ཏུ་རྗེས་བཟུང་སྟེ། །བྱམས་པ་ཆེན་པོར་སྐྱེ་བར་བྱིན་གྱིས་རློབས། །འཕགས་བཞི་བསྐྱེད་ཡུམ་རྟོགས་པར་བྱིན་གྱིས་རློབས། །ཕ་རོལ་ཕྱིན་བཅུ་རྫོགས་པར་བྱིན་གྱིས་རློབས། །ཞེས་པ་འདི་སྔ་སོར། ༧ རྗེ་ཆོས་ཀྱི་དབང་ཕྱུག་གི་ཞབས་དྲུང་ནས། རྒྱན་གཉིས་འབྱེད་གཉིས་བླ་མར་བཅས་པ་ཐོབ་ཅིང་རྗེའི་འདས་མཆོད་ཀྱི་ཚེ། ༧ རྒྱལ་བའི་དབང་པོའི་བཀའ་བཀོད་ཤོག་དྲིལ་དུ་བྱས་ཏེ་ཚོགས་ལ། ༧ སི་ཏུ་རིན་པོ་ཆེས་ཀློག་པ་ལས། བྱང་ཆུབ་སེམས་དཔའ་བྱམས་པ་ཉིད་བསམ་བཞིན་དུ་མི་ཡིས་སྲིད་པ་ཉེ་བར་བཟུང་སྟེ། ཆོས་ཀྱི་འཁོར་ལོ་བསྐོར་ནས་སེམས་ཅན་མ་བསྒྲལ་བ་རྣམས་བསྒྲལ། མ་གྲོལ་བ་རྣམས་དགྲོལ། དབུགས་མ་དབྱུང་བ་རྣམས་དབུགས་དབྱུང་། ཕུང་པོ་ཡོངས་སུ་མྱ་ངན་ལས་འདས་པ་རྣམས་ཡོངས་སུ་མྱ་ངན་ལས་

[Full Size]

བཟླས་ནས། རིང་པོར་མ་ལོན་པ་མྱ་ངན་ལས་འདས་པའི་ཚུལ་བསྟན་ཞེས་དང་། འདི་ཡི་ཚེ་བཟང་སྤྱོད་དང་། ལྷག་པར་བྱམས་སྨོན་ཁོ་ན་འདོན་དགོས་གསུངས་པས། བྱམས་པ་དངོས་ཡིན་པར་ཐག་ཆོད་ནས། རང་གི་ཡང་ལོ་བཅུ་ཙམ་ཞིག་ལ་བྱམས་སྨོན་མ་ཆག་པར་བྱས་ཤིང་ཕྱིས་གསོལ་འདེབས་འདི་བྱས་ཏེ། བྱམས་པ་དངོས་ལས་བྱམས་ཆོས་ཐོབ་ཨང་སྙམ་པ་ཡང་ཡང་བྱུང་བས། ཨ་རཱ་གས་སོ། ། ༈ །བྱང་ཆུབ་ལམ་སྒྲོན་གྱི་བརྒྱུད་པའི་གསོལ་འདེབས་ནི། ན་མོ་དྷི་པཾ་ཀ་ར་ཤྲཱི་ཛྙཱ་ན་ཡེ། སྣང་བ་མཐའ་ཡས་ཐུགས་རྗེའི་མཁའ་ལམ་ནས། །མར་མེ་མཛད་དཔལ་འགྲོ་བའི་དཔལ་དུ་ཤར། །བྱང་ཆུབ་སྤྱོད་པའི་འོད་སྟོང་རབ་འཕྲོ་བ། །ཇོ་བོ་ལྷ་གཅིག་ཞབས་ལ་གསོལ་བ་འདེབས། །བྷ་གྷ་ལ་རུ་རྒྱལ་བའི་སྲས་སུ་འཁྲུངས། །རྒྱལ་སྲིད་སྤང་ནས་རྒྱལ་བའི་བསྟན་ལ་ཞུགས། །རྒྱུད་སྡེ་ཀུན་ལ་མཁས་ཤིང་གྲུབ་པ་བརྙེས། །དྷི་པཾ་ཀ་རའི་ཞབས་ལ་གསོལ་བ་འདེབས། །འཕགས་པའི་ཡུལ་དུ་རིག་པའི་གནས་ལྔ་སྦྱངས། །ཤེས་བྱ་ཀུན་ལ་མཁས་པའི་མཁྱེན་པ་རྒྱས། །ལྔ་བརྒྱའི་གཙུག་རྒྱན་པཎྜི་ཏ་རུ་གྲགས། །དཔལ་ལྡན་ཨ་ཏི་ཤ་ལ་གསོལ་བ་འདེབས། །སྒྲོལ་མས་ལུང་བསྟན་བོད་ཡུལ་དབུས་སུ་ཁྱབ། །མཁའ་འགྲོས་ལུང་བསྟན་རྒྱལ་ཆོས་

[Full Size]

གཏེར་ནས་བཏོན། །ཐེག་ཆེན་གདམ་པས་བོད་ཡུལ་མུན་པ་སེལ། །ཇོ་བོ་བཀའ་དྲིན་ཅན་ལ་གསོལ་བ་འདེབས། །ཁུ་རྔོག་འབྲོམ་གསུམ་རྒྱལ་སྲས་སྐུ་མཆེད་གསུམ། །བརྒྱུད་འཛིན་སྐྱེས་བུ་རྣམས་ལ་གསོལ་བ་འདེབས། །འབྲོམ་སྟོན་ཉིད་ཀྱི་སྤྲུལ་པ་ལུང་བསྟན་པར། །གྲགས་པའི་མིང་ཅན་བདུན་རྒྱུད་འབྱུང་གསུངས་ལྟར། །བཀའ་གདམས་ཆོས་ཚུལ་ལྷད་མེད་འཛིན་མཛད་པ། །གྲགས་པ་དོན་གྲུབ་ཞབས་ལ་གསོལ་བ་འདེབས། །བདེ་ཆེན་ཞིང་དུ་མགོན་པོ་ཚེ་དཔག་མེད། །འཕགས་པའི་ཡུལ་ན་པཎ་ཆེན་མར་མེ་མཛད། །གངས་རིའི་ལྗོངས་འདིར་ཞྭ་དམར་ཅོད་པན་ཅན། །ཆོས་ཀྱི་དབང་ཕྱུག་ཞབས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །མཐའ་མེད་འཁོར་བའི་འཇིགས་པ་ཆེན་པོ་ལས། །ཐར་འདོད་ངེས་འབྱུང་སྐྱེ་བར་བྱིན་གྱིས་རློབས། །མ་རྒན་སྡུག་བསྔལ་རྒྱ་མཚོར་བྱིང་བ་ལས། །བསྒྲལ་འདོད་བྱམས་སེམས་སྐྱེ་བར་བྱིན་གྱིས་རློབས། །གནས་སྐབས་བཞི་པོ་འགྲུབ་པར་གྱུར་པ་ལས། །སྨིན་གྲོལ་གདམས་པ་ཐོབ་པར་བྱིན་གྱིས་རློབས། །སྡོམ་གསུམ་མི་འགལ་སུམ་ལྡན་

[Full Size]

རྡོ་རྗེ་འཛིན། །ཕྱི་རུ་ཉན་ཐོས་ནང་དུ་བྱང་ཆུབ་སེམས། །གསང་བ་རྡོ་རྗེ་ཐེག་པའི་དོན་རྟོགས་ནས། །ཇོ་བོའི་བཞེད་པ་འགྲུབ་པར་བྱིན་གྱིས་རློབས། །ཞེས་པ་འདི་སྔ་སོར་རྗེ་ཞྭ་དམར་ཅོད་པན་འཆང་བ་དྲུག་པའི་ཞལ་སྔ་ནས། བྱང་ཆུབ་ལམ་གྱི་སྒྲོན་མེའི་གཞུང་དང་དེ་ཡི་འགྲེལ་རྒྱན་རྒྱལ་ཚབ་གྲགས་པ་དོན་གྲུབ་ཀྱིས་བསྒྲིགས་པ་དེ་ཐོབ་ཅིང་། ཇོ་བོ་དངོས་ལ་ཐོབ་པ་དང་འདྲ་བར་སེམས་ནས། ༧ རཱ་ག་ཨ་སྱས་ཕྱིས་གསོལ་བ་བཏབ་པའོ།། ༈ །བྱང་ཆུབ་སྤྱོད་འཇུག་གི་བརྒྱུད་པའི་གསོལ་འདེབས་ནི། ན་མོ་ཤིན་ཏང་དེ་ཝ་ཡེ། སོ་སྐྱེར་ཞལ་གྱིས་བཞེས་ཀྱང་འཕགས་པ་ཉིད། །ཁྱོད་ཀྱི་རྣམ་ཐར་ངོ་མཚར་གཏམ་བདུན་ལྡན། །རྒྱས་པ་བསླབ་བཏུས་བསྡུས་པ་མདོ་ཀུན་བཏུས། །སྤྱོད་འཇུག་མཛད་པ་དེ་ལ་གསོལ་བ་འདེབས། །ལྷོ་ཕྱོགས་རྒྱལ་པོའི་སྲས་སུ་འཁྲུངས་གྱུར་ཅིང་། །འཇམ་དཔལ་རྣོན་པོ་བསྒྲུབས་པས་ཞལ་མཐོང་ཞིང་། །ལུང་བསྟན་རྒྱལ་སྲིད་སྤངས་ནས་ནཱ་ལེནྡྲར། །རབ་ཏུ་བྱུང་བ་དེ་ལ་གསོལ་བ་འདེབས། །ནང་དུ་འཕགས་པར་ཆོས་གསན་བསྙེན་པར་རྫོགས། །བསྟན་བཅོས་ཟབ་མོ་རྩོམ་པར་མཛད་མོད་ཀྱང་། །ཕྱི་རུ་འདུ་ཤེས་གསུམ་པའི་ཟ་ཉལ་འགྲོ་གསུམ་མཆན། བརྟུལ་ཞུགས་བཟུང་། །བྷུ་སུ་ཀུ་

[Full Size]

པར་གྲགས་ལ་གསོལ་བ་འདེབས། །ནཱ་ལེནྡྲ་པས་ཉམས་ཚད་བྱས་པའི་ཚེ། །ཁྲི་མཐོན་ཕྱག་གི་མནན་ཏེ་མི་མངོན་གཤེགས། །སྔར་མ་གྲགས་པའི་བྱང་ཆུབ་སྤྱོད་འཇུག་གསུངས། །ཤེར་ལེའུ་དངོས་དང་དངོས་མེད་ཞེས་པ་ནས། །ནམ་མཁར་ཇེ་མཐོར་གཤེགས་ལ་གསོལ་བ་འདེབས། །ཤར་ཕྱོགས་འཁྲུག་རྩོད་རྫུ་འཕྲུལ་དག་གིས་བསྡུམ། །མུ་སྟེགས་ལྔ་བརྒྱ་འཚོ་བ་ཆད་པ་ལས། །འབྲས་ཆེན་ལྷུང་བཟེད་གང་གིས་ཚིམ་པར་མཛད། །དད་ནས་ནང་པར་བཙུད་ལ་གསོལ་བ་འདེབས། །སྤྲང་པོ་ལྔ་བརྒྱའི་འཚོ་བ་ཉམས་པ་གསལ། །རྒྱལ་པོའི་སྐུ་སྲུང་མཛད་ཚེ་རྗེ་བཙུན་གྱིས། །ཤིང་གི་རལ་གྲི་འོད་ཟེར་རབ་འཕྲོས་ནས། །རྒྱལ་པོའི་དྲེགས་པ་བཅོམ་ལ་གསོལ་བ་འདེབས། །མུ་སྟེགས་སྟོན་པས་ནམ་མཁར་དབང་ཕྱུག་གིས། །དཀྱིལ་འཁོར་བྲིས་ལ་བཤིག་པར་མ་ནུས་ལན། །ནང་པ་ཐམས་ཅད་ཕྱི་པར་བཙུད་གྲགས་ཚེ། །བཤིག་ཅིང་ནང་པར་བཙུད་ལ་གསོལ་བ་འདེབས། །ཁྱོད་ཀྱིས་ཐུགས་བཅུད་བྱང་ཆུབ་སྤྱོད་འཇུག་ཅེས། །འཕགས་པའི་ཡུལ་ན་འབྲེལ་ཆེན་བརྒྱ་རྩ་བརྒྱད། །བོད་དུ་འགྱུར་བའི་རྒྱ་འགྲེལ་རྣམ་པ་བརྒྱད། །

[Full Size]

ཁྱེད་གསུང་བདུད་རྩིའི་རྒྱུན་ལ་གསོལ་བ་འདེབས། །འགྲོ་བའི་མགོན་པོ་ས་སྐྱ་པཎྜི་ཏས། །བོད་དུ་འགྱུར་བའི་དམ་ཆོས་མཐའ་དག་ལས། །བྱང་ཆུབ་སྤྱོད་འཇུག་གཅིག་པུ་གདམས་ཞེས་གྲགས། །ཁྱེད་གསུང་མཚུངས་བྲལ་དེ་ལ་གསོལ་བ་འདེབས། །ཁྱེད་གསུངས་གདུལ་བྱའི་ཡུལ་དུ་འདྲེན་མཛད་པ། །ལོ་པཎ་མཁས་གྲུབ་བརྒྱུད་པའི་བླ་མ་དང་། །སྙིགས་དུས་འགྲོ་བའི་སྐྱབས་གནས་སྤྲུལ་པའི་སྐུ། །ཆོས་ཀྱི་དབང་ཕྱུགས་ཞབས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །གཞན་གྱི་སྐྱོན་ལ་བྱ་ར་མི་བྱེད་པར། །རང་སྐྱོན་མཚང་ནས་འདོན་པར་བྱིན་གྱིས་རློབས། །བཟང་འདོད་ཡོན་ཏན་མཛུབ་མགོར་མི་ངོམས་པར། །ཉམས་རྟོགས་ཁོང་དུ་སྦས་པར་བྱིན་གྱིས་རློབས། །གོས་ལགས་མཆོད་ཆས་སྣང་ཤེས་མི་འགྱང་བར། །གང་བྱུང་ཧྲུལ་པོས་ཆོག་པར་བྱིན་གྱིས་རློབས། །ཆེ་འདོད་བཙན་འདོད་སྡིག་རྩ་མི་བསྒྲུབ་པར། །རང་སེམས་དམན་ས་འཛིན་པར་བྱིན་གྱིས་རློབས། །ཁེ་ཚོང་དོམ་སྐྱེད་ལོག་འཚོ་མི་སྒྲུབ་པར། །གང་བྱུང་ཆོག་ཤེས་སྐྱེ་བར་བྱིན་གྱིས་རློབས། །རྒྱལ་སྲས་སྤྱོད་དང་ནམ་ཡང་མི་འབྲལ་ཞིང་། །བྱང་ཆུབ་

[Full Size]

གེགས་མེད་འགྲུབ་པར་བྱིན་གྱིས་རློབས། །ཞེས་པ་འདི་ཡུལ་བྱང་ཕྱོགས་རྒྱུད་ཀྱི་པཎྜི་ཏ། འཇམ་དབྱངས་བླ་མ་ཆོས་ཀྱི་སྣང་བ་ཅན་ཞེས་ཡི་དམ་ལྷའི་མཚན་གསོལ་བའི་ཞལ་སྔ་ནས་བྱང་ཆུབ་སེམས་པའི་སྤྱོད་པ་ལ་འཇུག་པ་ལེགས་པར་ཐོབ་པ་འདི་ནི་མདོ་ཕྱོགས་ཀྱི་ཆོས་ཐམས་ཅད་ཀྱི་སྙིང་པོར་འདུག་པས་བཀའ་དྲིན་དྲན་ནས། ཀརྨ་ཨ་རཱ་གས་ཕྱིས་གསོལ་བ་བཏབ་པའོ།། ༈ དབུ་མ་ལ་འཇུག་པའི་བརྒྱུད་པའི་གསོལ་འདེབས་ནི། ན་མོ་མ་ཧཱ་ཀཱ་ལ་ཡ། སངས་རྒྱས་རིགས་གསུམ་མགོན་དང་འཕགས་པ་ཀླུ། །ཨཱཿརྱ་དེ་ཝ་ཟླ་གྲགས་མ་ཏང་གི །ཏེ་ལོ་ནཱ་རོ་རྗེ་བཙུན་ལྷོ་བྲག་པ། །དབུ་མའི་དོན་བརྒྱུད་རྣམས་ལ་གསོལ་བ་འདེབས། །ནཱ་རོ་མེ་ཏྲིའི་བུ་གཅིག་ལྷོ་བྲག་པ། །སྤྲོས་མེད་དོན་གྱི་རྣལ་འབྱོར་མི་ལ་རྗེ། །དབུ་མའི་དོན་བརྒྱུད་རྣམས་ལ་གསོལ་བ་འདེབས། །ཀླུ་སྒྲུབ་ཨཱཿརྱ་དེ་ཝ་དཔལ་ལྡན་ཟླ་བ་གྲགས། །རིག་པའི་ཁུ་བྱུག་གཉིས་དང་མར་མེ་མཛད། །འབྲོམ་སྟོན་སྤྱན་སྔ་བ་དང་བྱ་ཡུལ་བ། །དབུ་མའི་དོན་བརྒྱུད་རྣམས་ལ་གསོལ་བ་འདེབས། །བརྒྱུད་པ་གཉིས་ཀྱི་ཆུ་བོ་ལེགས་བརྡོལ་ཞིང་། །རྒྱལ་བས་ལུང་བསྟན་དགེ་སློང་འཚོ་མཛད་ཅེས། །མཐའ་བྲལ་ལྟ་བའི་བཀའ་བབས་འགྲན་བྲལ་པ། །དྭགས་པོ་

[Full Size]

བཀའ་བརྒྱུད་དེ་ལ་གསོལ་བ་འདེབས། །གཞན་ཡང་པོ་ཏོ་བ་དང་ཤ་ར་བ། །མཐའ་བྲལ་ཅི་བཞིན་གཟིགས་མཛད་དུས་གསུམ་མཁྱེན། །དབུ་མའི་དོན་བརྒྱུད་རྣམས་ལ་གསོལ་བ་འདེབས། །རས་ཆེན་སྤོམ་བྲག་པ་དང་ཀརྨ་པ། །ཨུ་རྒྱན་པ་དང་རང་བྱུང་རྒྱལ་བ་གཡུང་། །རོལ་པའི་རྡོ་རྗེ་མཁའ་སྤྱོད་དེ་བཞིན་གཤེགས། །རཏྣ་བྷ་དྲ་དོན་ལྡན་འཇམ་དཔལ་བཟང་། །ཆོས་གྲགས་རྒྱ་མཚོ་མཉན་པ་མི་བསྐྱོད་རྗེ། །དཀོན་མཆོག་འབངས་དང་དབང་ཕྱུག་རྡོ་རྗེའི་མཚན། །ཆོས་ཀྱི་དབང་ཕྱུག་ཞབས་ལ་གསོལ་བ་འདེབས། །མཐའ་བྲལ་ཇི་བཞིན་རྟོགས་པར་བྱིན་གྱིས་རློབས། །གཞན་ཡང་ཟླ་བ་གྲགས་དང་འཇམ་དཔལ་གྲགས། །དེ་བ་ཙན་ཏྲ་རིན་ཆེན་རྡོ་རྗེ་དང་། །ས་ར་ཧ་སྟེ་ཧ་སུ་ལ་ཏི་དང་། །པ་ཚབ་ལོ་ཙཱ་ཆོས་རྗེ་དུས་གསུམ་མཁྱེན། །དབུ་མའི་དོན་བརྒྱུད་རྣམས་ལ་གསོལ་བ་འདེབས། །མཐའ་བྲལ་མངོན་སུམ་རྟོགས་པར་བྱིན་གྱིས་རློབས། །པ་ཚབ་ལོཙྪ་ཞང་སྟོན་ཐང་པཱག་པ། །དབང་ཕྱུག་གྲགས་པ་ཤེས་རབ་རྡོ་རྗེ་དང་། །བསྟན་ཚུལ་གྲགས་ལྡན་མཆེད་གཉིས་བདེ་བའི་ལྷ། །ཇོ་བཙུན་དབུ་ར་བ་དང་ཤེས་རབ་དཔལ། །དར་མ་ཤེས་

[Full Size]

རབ་བང་སྟོན་ཤེས་རིན་དང་། །བསོད་ནམས་སེང་གེ་བང་སྟོན་བསམ་བཟང་བ། །བང་སྟོན་གཞོན་བསམ་ཐང་ནག་བཀྲས་སེང་ཞབས། །གཞོན་ནུ་བཟང་པོ་ཆོས་གྲགས་གཞོན་རྒྱལ་དང་། །རོང་སྟོན་ཆེན་པོ་བྱམས་ཆེན་རབ་འབྱམས་པ། །འབུམ་ཕྲག་གསུམ་པ་ཀརྨ་ཕྲིན་ལས་ཞབས། །མི་བསྐྱོད་ཞབས་དང་རྒྱལ་བ་དཀོན་མཆོག་འབངས། །དབང་ཕྱུག་རྡོ་རྗེ་སྨྲ་བའི་སེང་གེའི་ཞབས། །འཇམ་དབྱངས་བླ་མ་ཆོས་ཀྱི་སྣང་བ་ཅན། །དབུ་མའི་བཤད་བརྒྱུད་རྣམས་ལ་གསོལ་བ་འདེབས། །དེ་ལྟར་དབུ་མའི་བཤད་སྒྲུབ་བརྒྱུད་པ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རྟག་ཆད་འགྲོ་འོང་གཅིག་དང་དུ་མ་དང་། །བདག་དང་གཞན་དང་གཉིས་མེད་གཉིས་མིན་དང་། །རྟོག་པས་བཏག་པའི་ལྟས་ངན་ཀུན་སྤངས་ནས། །མཐའ་བྲལ་དབུ་མ་རྟོགས་པར་བྱིན་གྱིས་རློབས། །དངོས་ཀུན་ངོ་བོས་སྟོང་ཚེ་རང་སྟོང་དང་། །གཞན་གྱི་རྐྱེན་གྱིས་སྟོང་ཚེ་གཞན་སྟོང་སྟེ། །དེ་གཉིས་མི་འགལ་གདོད་ནས་ཟུང་འཇུག་ཉིད། །འཐའ་བྲལ་དབུ་མ་རྟོགས་པར་བྱིན་གྱིས་རློབས། །གཞན་གྱི་མཐའ་ཀུན་རིག་པས་ལེགས་

[Full Size]

བཀག་ནས། །རང་ཉིད་མཐའ་བྲལ་གྲུབ་མཐའ་བཞག་མེད་པ། །ཚིག་དང་དཔེ་ཡི་མི་མཚོན་ཆེས་ཕྲ་བ། །མཐའ་བྲལ་དབུ་མ་རྟོགས་པར་བྱིན་གྱིས་རློབས། །ཞེས་པ་འདི་སྔ་སོར་ཞྭ་དམར་ཅོད་པན་འཛིན་པ་འཇམ་དབྱངས་གསལ་དུ་བཞད་པའི་ཞལ་སྔ་ནས། དབུ་མ་ལ་འཇུག་པའི་ཚིག་ལེའུ་བྱས་པ་ལེགས་པར་ཐོབ་ཅིང་། རང་གི་ཡང་ཀུན་ཆུབ་པར་བྱས་ནས་ཚོགས་ཆེན་ལ་སྐྱོར་བ་དང་། ལོ་ཡ་ཟུང་དུ་ཁ་ཐོན་དུ་བྱས་པའི་ཚེ་ཤིག་གཏན་ནས་མེད་པ་བྱུང་ཞིང་། རབ་འབྱམས་སྨྲ་བ་ཀརྨ་འཇིགས་མེད་ཀྱི་དྲུང་ནས་འབྲུ་སྦྱོར་ཅུང་ཟད་རེ་དང་། རྗེ་དབང་ཕྱུག་རྡོ་རྗེའི་བཀའ་ཊིག་ཆུང་བ་ཡང་ཅུང་ཟད་བག་ཆགས་བཞག་ཅིང་ཕྱིས་བརྒྱུད་རིམ་གསོལ་འདེབས་འདི། ༧ རཱ་ག་ཨ་སྱས་བྲིས་པའོ།། ༈ དམ་ཆོས་དགོངས་པ་གཅིག་པའི་གཞུང་འགྲེལ་གྱི་བརྒྱུད་པའི་གསོལ་འདེབས་ནི། ན་མོ་གུ་རུ་ལོ་ཀ་ན་ཐ་ཡེ། འདས་པའི་སངས་རྒྱས་ཀླ་རིགས་སྒྲོན་མེ་ཞེས། །འཕགས་པའི་ཡུལ་ན་འགྲན་མེད་མགོན་པོ་ཀླུ། །གངས་རིའི་ཁྲོད་འདིར་འཇིག་རྟེན་གསུམ་མགོན་ཞེས། །བསྟན་པའི་མངའ་བདག་དེ་ལ་གསོལ་བ་འདེབས། །ད་ལྟའི་མཁན་པོ་བྷོ་ཏི་སཏྭ་ཁྱོད། །མ་འོངས་འབྲི་ཞེས་བྱ་བའི་ས་ཕྱོགས་སུ། །འཇིག་རྟེན་གསུམ་མགོན་ཞེས་བྱར་འགྱུར་རོ་ཞེས། །པདྨས་ལུང་བསྟན་ཁྱེད་ལ་

[Full Size]

གསོལ་བ་འདེབས། །ཟླ་བའི་གླིང་ན་གནས་པའི་དགྲ་བཅོམ་གྱིས། །ཁྱོད་ཉིད་ཀླུ་སྒྲུབ་སྤྲུལ་པ་ལུང་བསྟན་ཅིང་། །ཁ་ཆེའི་པཎ་ཆེན་ཤཱཀ་ཤཱི་མཆེད་གཉིས་ལ། །མེ་ཏོག་སྐྱེས་སུ་བཀུར་ལ་གསོལ་བ་འདེབས། །མི་མཇེད་བདག་པོ་ཚངས་པ་གདོང་བཞི་ཡིས། །གསེར་གྱི་འཁོར་ལོ་ཕུལ་ནས་ཁྱོད་ཉིད་ལ། །ཆོས་ཀྱི་འཁོར་ལོ་བསྐོར་བར་གསོལ་བཏབ་པས། །དམ་ཆོས་དགོངས་གཅིག་གསུངས་ལ་གསོལ་བ་འདེབས། །དྲི་ཟའི་རྒྱལ་པོ་ས་བརྒྱད་གནས་པ་ཡི། །ཁྱོད་ལ་ཕྱག་འཚལ་དམ་ཆོས་ཡང་ཡང་ཞུས། །ཚུལ་འདིས་ཁྱོད་ཉིད་ས་བཅུའི་སེམས་པར་ངེས། །གསུངས་ནས་ཀུན་གྱིས་བསྔགས་དེར་གསོལ་བ་འདེབས། །གཅུང་དང་གླིང་པ་གྲགས་པ་བྱང་ཆུབ་སོགས། །དགེ་འདུན་འདུས་པ་ཁྲི་ཕྲག་བཅོ་བརྒྱད་དེ། །ཀུན་ཀྱང་རྫུ་འཕྲུལ་མཁའ་ལ་གཤེགས་བཞུགས་མཛད། །དགེ་འདུན་མངའ་བདག་དེ་ལ་གསོལ་བ་འདེབས། །གནས་མཆོག་གསུམ་དུ་ལྔ་ཁྲི་ལྔ་སྟོང་དང་། །ལྔ་བརྒྱ་བརྫངས་ཀྱང་འདུས་པ་ཉུང་མ་གྱུར། །གསོ་སྦྱོང་མཛད་ཚེ་ནམ་མཁའི་མདོག་གྱུར་པའི། །བརྒྱུད་འཛིན་སློབ་མའི་ཚོགས་ལ་གསོལ་བ་འདེབས། །བསྟན་པ་

[Full Size]

མི་རྟག་མུན་ནག་གློག་དང་འདྲ། །གསེར་གྱི་དཀོན་མོ་ཙམ་ཞིག་མི་འཆད་ཅེས། །ལབ་ཀྱི་སྒྲོན་མས་ལུང་བསྟན་མཛད་པ་ལྟར། །ཆོས་བརྒྱུད་རིམ་པར་བྱོན་ལ་གསོལ་བ་འདེབས། །སྐྱུ་ར་རིན་པོ་ཆེ་ཡིས་བཀས་བསྐུལ་ནས། །སྐྱོབས་པའི་བསྟན་པ་སླར་ཡང་གསལ་བའི་ཕྱིར། །དགོངས་གཅིག་ཀར་ཊིཀ་གསར་དུ་རྩོམ་མཛད་པ། །མི་བསྐྱོད་རྡོ་རྗེའི་ཞབས་ལ་གསོལ་བ་འདེབས། །དེ་ཉིད་བཞད་པ་ཅི་བཞིན་ཐུགས་ཆུད་ནས། །རྡོ་རྗེའི་གསུང་རྣམས་ཚིགས་སུ་བཅད་མཛད་ནས། །གངས་རིའི་ཁྲོད་འདིར་རྒྱ་ཆེར་སྤེལ་མཛད་པ། །དཀོན་མཆོག་ཡན་ལག་ཞབས་ལ་གསོལ་བ་འདེབས། །སྐྱུ་རའི་རིགས་འཁྲུངས་དགོངས་གཅིག་ཅི་བཞིན་གཟིགས། །བཞེད་དགོངས་རྣམས་ལ་མང་པོའི་མི་འགལ་བའི་བར། །སེང་གེ་སྒྲ་སྒྲོགས་རྗེས་འཇུག་དབུགས་འབྱིན་པ། །ཆོས་ཀྱི་དབང་ཕྱུག་ཞབས་ལ་གསོལ་བ་འདེབས། །ཡི་དམ་འཁོར་ལོ་སྡོམ་དང་ཆོས་སྐྱོང་བ། །བྱ་རོག་མཚན་ཅན་ཁྱད་པར་རིགས་རྒྱུད་དང་། །ཆོས་རྒྱུད་སྲུང་མཛད་ཨ་ཕྱི་ཆོས་སྒྲོན་མ། །གསོལ་བ་འདེབས་སོ་བྱིན་རླབས་དངོས་གྲུབ་སྩོལ། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །

[Full Size]

ཐེག་པ་ཆེ་ཆུང་མདོ་སྔགས་མི་འགལ་བར། །གཅིག་གྲོགས་གཅིག་ཏུ་ཤེས་པར་བྱིན་གྱིས་རློབས། །བསྐྱེད་རྫོགས་མི་འགལ་ཟུང་འཇུག་དོན་རྟོགས་ནས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །ཞེས་པ་འདི་ཟ་དམ་པ་རྡོ་རྗེའི་གདན་དུ་འབྲི་གུང་སྐྱུ་རའི་གདུང་རིགས་དྲི་མ་མེད་པར་འཁྲུངས་ཤིང་། ཆོས་ཀྱི་མཛོད་འཛིན་པ་༧ རྗེ་ཆོས་ཀྱི་དབང་ཕྱུག་གི་དྲུང་ནས་དགོངས་གཅིག་གི་གཞུང་གི་ལུང་དང་། །འགྲེལ་པ་ཉིད་ཀྱིས་མཛད་པ་ལྗགས་བཤད་ཀྱིས་བརྒྱན་པ་ཤིན་ཏུ་རྒྱས་པ་དང་། སླར་གཙང་རྒྱལ་མཁར་གྱི་སྐྱེལ་དུ་ཡང་འགྲེལ་པ་དེ་འཆད་དགོས་ཞེས། རྗེ་ཆོས་དབྱིངས་རྡོ་རྗེའི་བཞེད་བསྐུལ་བར་བསྟན་ནས་སྟོད་ཆ་རེའི་བཤད་པ་གསུངས་པའི་ཚེ། ༧ རྒྱལ་བའི་དབང་པོ་རྒྱལ་ཚབ་པ་སོགས་དབུ་མཛད་ཚོགས་པ་སྟོང་ར་ཅན་ཡོད་པའོ། །འབྲི་གུང་གི་གདུང་རིགས་འདི་གཞན་མ་གཏོགས་སངས་རྒྱས་བྱང་སེམས་ཁོ་ན་ཡིན་ཞེས་བསྟོད་བསྔགས་ཆེན་པོ་མཛད་ཅིང་། རིགས་རྒྱུད་ཁོ་ནར་མ་ཟད་ཆོས་མང་དུ་ཡབ་ལ་གསན་ནས་ཆོས་བརྒྱུད་རྣམ་པར་དག་པའི་གསང་མཛོད་འཛིན་པའི། སྲུང་མ་ཨ་ཕྱི་མ་ཡང་ཕྱི་བཞིན་དུ་འབྲང་སྟེ་དྲུང་པ་རྒྱལ་ཚབ་པའི་བཀའ་སྲུང་རྫིང་བཙན་པ་བབ་ནས་སྐུ་གཞོག་ནས་སོང་དུས། ཁོས་ཁྱེད་ལ་སྐུ་གོང་མ་དུས་མེད་པའི་བུད་མེད་འཇིགས་སུ་རུང་བ་འདི་སུ་ཡིན་ཞེས་ཞུས་པའི་ལོ་རྒྱུས་སྣང་ཞིང་། རང་རེ་གྲྭ་སློབ་ལ་ཡང་མགོན་ནས་ཟ་དམ་མགོན་ཁང་དུ་ལོགས་བྲིས་ཀྱི་སྐུ་བཞེངས། གཏོར་བསྔོས་

[Full Size]

བྱེད་པ་ཡང་དེ་ཚུགས་ཡིན་པར་སྣང་ཞིང་། དེ་བས་ན་རང་རེ་འཇིག་རྟེན་གསུམ་མགོན་གྱི་ཆོས་བརྒྱུད་དུ་སོང་བར་གདའ་སྙམ་ནས། ༧ རཱ་ག་ཨ་སྱས་ཕྱིས་གསོལ་བ་བཏབ་པའོ། །སྔ་སོར་ཉིན་གླིང་དུ་ཡང་གཞུང་འདི་ཚོགས་སུ་བསྐྱེད་ཅིང་། ལོ་ཡ་ཟུང་ཁ་ཐོན་བྱས་ལ་ད་ལྟའང་མདོ་སྔགས་ཀྱི་གནད་གསང་གི་གོ་བ་ལེན་ཡུལ་འདི་རང་ལ་བྱེད་པའོ།། ༈ སོ་སོར་ཐར་པའི་མདོ་དང་འདུལ་བའི་མཁན་བརྒྱུད་ལ་གསོལ་བ་འདེབས་པ་ནི། ན་མོ། བདུད་སྡེ་བཅོམ་ནས་ཐམས་ཅད་མཁྱེན་བརྙེས་ཏེ། །དྲང་སྲོང་ལྷུང་བ་རི་དྭགས་ནགས་ཚལ་དུ། །འཁོར་གྱི་ཐོག་མ་ལྔ་སྡེ་བཟང་པོ་ལ། །བདེན་བཞི་གསུངས་མཛད་དེ་ལ་གསོལ་བ་འདེབས། །ལུང་གི་གཞི་དང་ལུང་རྣམ་འབྱེད་པ་དང་། །དགེ་སློང་མ་ཡི་རྣམ་འབྱེད་ལུང་ཕྲན་ཚིག །འདུལ་བ་ལུང་སྡེ་བཞི་ཞེས་ཡོངས་གྲགས་པའི། །ཁྱེད་གསུང་བདུད་རྩི་དེ་ལ་གསོལ་བ་འདེབས། །ཁྱེད་སྲས་དགྲ་བཅོམ་ཆོས་ཀྱིས་ཚོང་དཔོན་ཞེས། །དེ་མཛད་དགེ་སློང་ཕ་མའི་སོ་ཐར་མདོ། །འདུལ་བའི་སྡེ་ཡིག་བསྟན་པའི་སྒྲོན་མེ་སྟེ། །དམ་ཆོས་ཁྱད་འཕགས་དེ་ལ་གསོལ་བ་འདེབས། །ང་ནི་འདི་ནས་མྱ་ངན་འདས་འོག་ཏུ། །འདི་ནི་ཁྱོད་ཀྱིས་སྟོན་པ་ཡིན་ནོ་གསུངས། །སྟོན་པ་ང་ནི་དམ་ཆོས་གཞི་མཐུན་པ། །

[Full Size]

དམ་ཆོས་འདུལ་བ་དེ་ལ་གསོལ་བ་འདེབས། །མདོ་དང་བརྒྱུད་དང་མངོན་པའི་བསླབ་བྱ་སོགས། །བྱང་སེམས་དགྲ་བཅོམ་རྣམས་ཀྱིས་སྨྲ་བར་ནུས། །འདུལ་བའི་གནང་བཀག་རྒྱལ་བ་ཁོ་ནའི་ཡུལ། །དཔག་དཀའི་དམ་ཆོས་དེ་ལ་གསོལ་བ་འདེབས། །ཡིད་བདེ་བསོད་སྙོམས་བསླབ་ཅིང་སྐྲག་སེམས་མེད། །འཆི་ཚེ་འགྱོད་མེད་ལྷ་དང་མི་རུ་སྐྱེ། །མཐར་ཐུག་སྡུག་བསྔལ་ཀུན་ལས་ངེས་གྲོལ་བ། །དམ་ཆོས་འདུལ་བ་དེ་ལ་གསོལ་བ་འདེབས། །རྒྱལ་བའི་བསྟན་པ་ལྔ་བརྒྱ་ཕྲག་བཅུ་ལས། །ད་ལྟ་འདུལ་བའི་ལེའུ་ཡིན་པར་མངོན། །དེ་ན་དུས་ལ་བབས་པའི་དམ་ཆོས་ཏེ། །བྱིན་ལྡན་དམ་ཆོས་དེ་ལ་གསོལ་བ་འདེབས། །སོ་ནམ་སེན་མོའི་སྟེང་དུ་བྱེད་གྱུར་ཅིག །འབྲུ་དང་མུ་ཏིག་མཉམ་བརྗེད་བྱེད་གྱུར་ཀྱང་། །ང་ཡི་ཉན་ཐོས་འཚོ་བས་མི་ཕོངས་གསུངས། །འདོད་འབྱུང་འདུལ་བའི་ཆོས་ལ་གསོལ་བ་འདེབས། །རྣམ་དག་སྡོམ་པ་ཆོས་ལ་སྨིན་མཛད་པ། །མཁན་པོ་རྒྱལ་བ་ཐམས་ཅད་མཁྱེན་པ་དང་། །སློབ་དཔོན་ལས་སློབ་གསང་སྟོན་དུས་འཛིན་པ། །འདུལ་བའི་བླ་མ་ལྔ་ལ་གསོལ་འདེབས། །དེ་ལྟར་གསོལ་བ་བཏབ་པའི་བྱིན་

[Full Size]

རླབས་ཀྱིས། །ལོ་བརྒྱའི་བར་དུ་འདུལ་ཁྲིམས་སྐྱོན་མེད་པར། །གནས་བརྟན་ཆེན་པོར་འགྱུར་བར་བྱིན་གྱིས་རློབས། །འདུལ་བའི་ཤོ་ལོ་འབུམ་ཕྲག་བློར་ཆུད་ནས། །འདུལ་འཛིན་ཆེན་པོར་འགྱུར་བར་བྱིན་གྱིས་རློབས། །ལྔ་ཕྲག་ཉེར་ལྔ་གང་རུང་རབ་ལྡན་ནས། །མཁན་པོ་ཆེན་པོར་འགྱུར་བར་བྱིན་གྱིས་རློབས། །བཅུ་བདུན་བཞི་ཡིས་དེ་ཉིད་རབ་ཤེས་ནས། །འདུལ་བ་གསལ་བར་ནུས་པར་བྱིན་གྱིས་རློབས། །འཆི་དུས་འགྱོད་སེམས་སྐྲག་པ་མི་དགོས་པར། །སྡོམ་པ་མཐའ་རུ་ཕྱིན་པར་བྱིན་གྱིས་རློབས། །ཞེས་པ་འདི་སྔ་སོར་མཁན་པོ་སློབ་དཔོན་ཐམས་ཅད་མཁྱེན་པའི། ཆགས་ཕྱིར་ལོ་གཉིས་འབྲིང་དུས་གསོ་སྦྱོང་ཆག་མེད་མཛད་པའི་སྟབས་ཀྱིས། སོ་སོར་ཐར་པའི་མདོ་འདོན་པ་དང་པོ་གཉིས་པ་དང་། ཡོངས་སུ་རྫོགས་པར་འདོན་པ་ལན་ཉི་ཤུ་རྩར་དྲུག་བདུན་ཙམ་ཞལ་སྔ་ནས་ཐོབ་པའི་བཀའ་དྲིན་དྲན་ནས་༧ ཨ་རཱ་གས་ཕྱིས་གསོལ་བ་བཏབ་པའོ།། ༈ ས་ལུ་འཇང་བའི་མདོ་ཡི་བརྒྱུད་པའི་གསོལ་འདེབས་ནི། ན་མོ་དྷརྨ་ཤྭ་ར་ཡེ། ཚོགས་གཉིས་རྒྱ་མཚོ་ལས་འཁྲུངས་ཤིང་། །ཀུན་མཁྱེན་ཡེ་ཤེས་འདབ་སྟོང་བཞད། །མཚན་དཔེས་ཟེའུ་འབྲུའི་ཕྲེང་བ་ཅན། །ཐུབ་དབང་དེ་ལ་གསོལ་བ་འདེབས། །ཁྱེད་གསུང་དམ་ཆོས་

[Full Size]

སུས་ཐོབ་པ། །ཆོས་མཁན་སྡིག་དང་དོན་མེད་སྤངས། །མྱ་ངན་འདས་པ་ཐོབ་འགྱུར་བའི། །དམ་པའི་ཆོས་ལ་གསོལ་བ་འདེབས། །མ་ཐོས་ཐོས་དང་ཐོས་པ་བྱང་། །སེམས་ཉིད་སྤང་དང་ལྟ་བ་དག །སྨྲ་མཁས་ཟབ་མོའི་དོན་རྟོགས་འདི། །དམ་པའི་ཆོས་ལ་གསོལ་བ་འདེབས། །དད་པ་བསྐྱེད་ཅིང་ཚུལ་ཁྲིམས་དག །གདུང་བ་སེལ་ཞིང་ཡང་སྲིད་ཞི། །བྱང་ཆུབ་ཚོགས་རྣམས་འཕེལ་མཛད་པ། །དམ་པའི་ཆོས་ལ་གསོལ་བ་འདེབས། །རང་རྒྱུད་སྨིན་ཞིང་ཉོན་མོངས་བསྲེགས། །འཁོར་བའི་འཇིགས་པས་སྐྲག་བྱེད་ཅིང་། །ཐེ་ཚོམ་ལམ་ངན་སྤང་བྱེད་པ། །དམ་པའི་ཆོས་ལ་གསོལ་བ་འདེབས། །ཚུལ་ཁྲིམས་དྲི་མེད་འདོད་སྲིད་ནི། །བསམ་གཏན་མངོན་ཤེས་རྣམ་ཐར་ཐོབ། །འཇིགས་ཚོགས་སྤངས་ནས་ཞི་ཐོབ་པ། །དམ་པའི་ཆོས་ལ་གསོལ་བ་འདེབས། །དཀོན་མཆོག་གསུམ་ལ་སྐྱབས་སོང་ཡང་། །སྐྱོབ་བྱེད་དམ་ཆོས་ཁོ་ནར་གསུངས། །དེ་ཕྱིར་སྐྱབས་ཀྱི་དམ་པ་སྟེ། །དམ་པའི་ཆོས་ལ་གསོལ་བ་འདེབས། །དམ་ཆོས་བདུད་རྩི་འབྱུང་བའི་གནས། །ཅུང་ཟད་ཕུལ་ཀྱང་དོན་ཆེ་བ། །དྲིན་ཐོབ་བཤེས་གཉེན་འགྲོ་བའི་

[Full Size]

དམིགས། །དགེ་འདུན་རྣམས་ལ་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །རྫོགས་སངས་རྒྱས་ལ་སྐྱབས་ཞུས་ཏེ། །དམ་པའི་ཆོས་ཀྱི་ལེགས་སྐྱབས་ནས། །དགེ་འདུན་ཉིད་དུ་བྱིན་གྱིས་རློབས། །ཞེས་པ་འདི་རྒྱལ་བ་མཆོག་གི་སྤྲུལ་སྐུའི་དྲུང་ནས། ས་ལུ་འཇང་པའི་མདོ་ལེགས་པར་ཐོབ་ནས། ཕྱིས་ཆོས་ཐོབ་པའི་ཡོན་ཏན་རྗེས་སུ་དྲན་ནས་གསོལ་བ་བཏབ་པའོ།། ཅེས་པ་༧ ཀརྨ་ཨ་རཱ་གས་སོ།། གནས་བརྟན་གྱི་ཆོ་གའི་ལུང་གི་བརྒྱུད་པའི་གནས་བརྟན་གྱི་གསོལ་འདེབས་ནི། ན་མོ་ཤཱཀྱ་མུ་ན་ཡེ། གང་གིས་མཚན་མཆོག་དྲན་པས་ཀྱང་། །མནར་མེད་གནས་ནས་མྱུར་ཐར་ནས། །མངོན་མཐོའི་ངེས་ལེགས་ཐོབ་མཛད་པ། །སྐྱོན་དག་ཡོན་ཏན་ཀུན་གྱི་གཏེར། །ཤཱཀྱ་ཐུབ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཤཱ་རིའི་བུ་སོགས་ཉན་ཐོས་ནི། །མཆོག་ཆེན་བརྒྱད་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །འདི་གསར་འཛུད། ཁྱོད་མཚན་ཐོས་དང་དྲན་པས་ཀྱང་། །ཚུལ་ཁྲིམས་རྣམ་དག་ཉོན་མོངས་སེལ། །ཡན་ལག་འབྱུང་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །མཐོང་དང་ཐོས་དང་དྲན་པས་

[Full Size]

ཀྱང་། །ཡོན་ཏན་མ་ལུས་འཕེལ་མཛད་པ། །མ་ཕམ་པ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །གནས་བརྟན་ཆེན་པོ་ནགས་ལ་གནས། །གནོད་པ་ཐམས་ཅད་ཞི་མཛད་པ། །འཕགས་པ་དེ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །གང་ཞིག་ཁྱོད་མཚན་དྲན་པས་ཀྱང་། །འཁོར་བཟང་འདུ་ཞིང་སྤངས་རྟོགས་ཐོབ། །དུས་ལྡན་ལ་ཡང་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །དོན་རྣམས་ཐམས་ཅད་འགྲུབ་མཛད་པ། །འཕགས་པའི་གནས་བརྟན་ཆེན་པོ་སྟེ། །རྡོ་རྗེ་མོའི་བུ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །དོན་རྣམས་ཅི་བཞིན་རྟོགས་འགྱུར་ཞིང་། །ཏིང་ངེ་རྒྱུའཛིན་རྣམས་འགྲུབ་མཛད་པ། །གནས་བརྟན་བཟང་པོར་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཆོས་རྣམས་མི་བརྗེད་གཟུངས་ཐོབ་ཅིང་། །སློབ་པ་ཕུན་སུམ་ཚོགས་མཛད་པ། །གསེར་བེའུ་དེ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །གང་གིས་ཁྱེད་མཚན་ཐོས་པས་ཀྱང་། །ངན་སོང་གནས་ནས་

[Full Size]

སྒྲོལ་མཛད་པ། །བྷ་ར་དྷ་ཛར་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཁྱོད་ལ་བསྟོད་ཅིང་གསོལ་བཏབ་ན། །འབྱོར་པ་ཕུན་སུམ་ཚོགས་མཛད་པ། །བ་ཀུ་ལ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཆོས་རྣམས་ཀུན་གྱི་དོན་རྟོགས་ཤིང་། །ཉེས་པའི་སྐྱོན་རྣམས་ཞི་མཛད་པ། །སྒྲ་གཅན་འཛིན་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཉོན་མོངས་པ་དང་སྡུག་བསྔལ་ཀུན། །མ་ལུས་ཀུན་ནས་ཞི་མཛད་པ། །ལམ་ཕྲན་བསྟན་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །གང་གིས་མཐོང་ཐོས་དྲན་རེག་པས། །སྡུག་བསྔལ་ཐམས་ཅད་ཞི་མཛད་པ། །བསོད་སྙོམས་ལེན་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཆོས་ཀྱིས་སྤོབས་པ་བསྐྱེད་མཛད་ཅིང་། །བློ་གྲོས་རབ་ཏུ་འཕེལ་མཛད་པ། །ལམ་བསྟན་ལ་ཡང་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །སྡུག་བསྔལ་མ་ལུས་རབ་ཞི་ཞིང་། །འདོད་དགུ་ཡིད་བཞིན་འགྲུབ་མཛད་པ། །ཀླུ་ཡི་སྡེ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་

[Full Size]

རློབས། །རིག་པའི་གནས་ལྔ་མ་ལུས་པ། །མཁས་པའི་མཁྱེན་པ་སྩོལ་མཛད་པ། །སྦེད་བྱེད་དེ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །དོན་རྣམས་ཅི་བཞིན་རབ་འགྲུབ་ཅིང་། །སྡིག་ཞི་བདེ་ལེགས་འབྱུང་བ་པོ། །མི་ཕྱེད་པ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཁྱེད་ལ་གུས་ཤིང་གསོལ་བཏབ་པས། །གདུལ་བྱ་སྨིན་གྲོལ་འབྱུང་མཛད་པ། །དྷརྨ་ཏ་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །ཕྱོགས་བཞིའི་དགྲ་རྣམས་ཞི་བ་དང་། །ལོངས་སྤྱོད་ཕུན་སུམ་ཚོགས་མཛད་པ། །རྒྱལ་ཆེན་བཞི་ལ་གསོལ་བ་འདེབས། །བསྟན་པ་རྒྱས་པར་བྱིན་གྱིས་རློབས། །སྟོན་པ་གནས་བརྟན་བཅུ་དྲུག་དང་། །གནས་བརྟན་རྣམས་ཀྱི་འཁོར་གྱུར་པ། །དགྲ་བཅོམ་ཁྲི་དང་དྲུག་སྟོང་ལ། །གསོལ་བ་འདེབས་སོ་བྱིན་གྱིས་རློབས། །སྤྱིར་དུ་ཐུབ་བསྟན་རྒྱས་པ་དང་། །སྒོས་སུ་བདག་ཅག་འཁོར་སློབ་བཅས། །ཚུལ་ཁྲིམས་ཉམས་པ་མེད་པ་ནས། །དར་ཞིང་རྒྱས་པར་བྱིན་གྱིས་རློབས། །ཞེས་པ་འདི་སྔ་སོར་མཁན་པོ་༧ རྗེ་རྒྱལ་བ་ཐམས་ཅད་མཁྱེན་པ་དྲུག་པའི་ཞལ་སྔ་ནས་ཉིད་ཀྱིས་

[Full Size]

བསྩལ་བའི་གནས་བརྟན་ཆོ་ག་རྒྱས་པ་ལོ་རྒྱུས་སྒྲུབ་ཐབས་དང་བཅས་པ། སྡེབ་མ་མདའ་ཚད་མའི་སྡེབ་མ་བདུན་ཅུ་ཙམ་ཡོད་པ་ཅིག་ཐོབ་ཅིང་། སྔོན་དགོན་པ་གཅིག་དམག་གིས་བསྐོར་བ་ལས། ཆུ་ཆད་ནས་གནས་ཆོག་བྱས་པས། བཙུན་པ་ངོ་མི་ཤེས་པ་བྱུང་ནས་འདི་རྐོས་དང་ཆུ་ཡོད་ཟེར་ནས་བསྐོས་པས་ཆུ་བྱུང་སྟེ། དམག་གི་འཇིགས་པ་ལས་ཐར་བའི་ལོ་རྒྱུས་མང་པོ་དང་། དོན་འགྲུབ་པར་འདོད་ན་རྡོ་རྗེ་མོའི་བུ་མཚན་ཐོག་མར་བྱ། དེས་འགྲེལ་གནས་བརྟན་བཅུ་དྲུག་ལ་ལས་ཚོགས་བཅུ་དྲུག །ད་ལྟ་ཡན་ལག་འབྱུང་ཐོག་མར་བྱེད་པ་ནི། ཚུལ་ཁྲིམས་གཙང་བའི་ཆེད་དུ་ཡིན་སོགས་གསུངས་ཤིང་རང་གིས་ཡང་ཆོ་ག་དེ་ཀུན་ཆུབ་པར་བྱས་ནས་ལོ་ཁ་ཡར་བཏོན་ཅིང་། ཕྱིས་སུ་ཡོན་ཏན་དེ་དག་དྲན་ནས་གསོལ་བ་བཏབ་པའོ། །རཱ་ག་ཨ་སྱས་སོ།། ལས་རྟེན་ཅིང་འབྲེལ་བར་འབྱུང་བའི་མདོ་དང་པོ་དང་གཉིས་པའི་བརྒྱུད་རིམ་གསོལ་འདེབས་ནི། ན་མོ་ཤཱཀྱ་མུ་ན་ཡེ། ཆོས་རྣམས་ཐམས་ཅད་རྟེན་འབྱུང་དུ། །ངེས་ཞེས་བདེན་པ་བཞི་པོ་ཡིས། །འཁོར་ལོ་རབ་ཏུ་བསྐོར་མཛད་པ། །ཐུབ་དབང་དེ་ལ་གསོལ་བ་འདེབས། །མ་རིག་པ་ལས་འདུ་བྱེད་འབྱུང་། །དེ་བཞིན་རྒ་ཤི་མྱ་ངན་བར། །ལུགས་འབྱུང་སྲིད་པའི་འཁོར་ལོ་ཞེས། །སྟོན་མཛད་དེ་ལ་གསོལ་བ་འདེབས། །མ་རིག་འགགས་པས་འདུ་བྱེད་འགགས། །དེ་བཞིན་རྒ་ཤིའི་

[Full Size]

བར་འགགས་ཞེས། །ཐར་པའི་འཁོར་ལོ་སྟོན་མཛད་པ། །བཅོམ་ལྡན་དེ་ལ་གསོལ་བ་འདེབས། །སྡུག་བསྔལ་ཤེས་ཤིང་ཀུན་འབྱུང་སྤོང་། །འགོགས་པ་སྟོན་དང་ལམ་མངོན་བྱ། །ཞེས་གསུངས་བདེན་པ་བཞི་སྟོན་པ། །ཐུབ་ཆེན་དེ་ལ་གསོལ་བ་འདེབས། །གང་གིས་བློ་གྲོས་བུམ་པ་ཆེ། །ལུང་དང་རིག་པའི་ཆུས་བཀང་ནས། །གདུལ་བྱའི་དྲི་མ་སེལ་མཛད་པ། །ལོ་པཎ་རྣམས་ལ་གསོལ་བ་འདེབས། །གང་གིས་མཁྱེན་བརྩེའི་ཚ་གཟེར་གྱིས། །ཐུབ་བསྟན་པད་མོ་འབྱེད་མཛད་ཅིང་། །གདུལ་བྱའི་བློ་། མུན་སེལ་མཛད་པ། །འཇམ་དབྱངས་བླ་མར་གསོལ་བ་འདེབས། །དེ་ལྟར་གསོལ་བཏབ་བྱིན་རླབས་ཀྱིས། །ལུགས་འབྱུང་སྲིད་པའི་འཁོར་ལོ་ལ། །སྐྱོ་བ་སྐྱེ་བར་བྱིན་གྱིས་རློབས། །ལུག་ལྡོག་ཐར་པའི་འཁོར་ལོ་ལ། །མོས་པ་སྐྱེ་བར་བྱིན་གྱིས་རློབས། །འཁོར་བ་སྡུག་བསྔལ་བདེན་པ་ལ། །ཞེན་པ་ལོག་པར་བྱིན་གྱིས་རློབས། །ཉོན་མོངས་ཀུན་འབྱུང་བདེན་པ་ལ། །གཉེན་པོ་བརྟེན་པར་བྱིན་གྱིས་རློབས། །བསམ་གཏན་འགོག་པའི་བདེན་པ་ལ། །བརྩོན་འགྲུས་བསྐྱེད་པར་བྱིན་གྱིས་རློབས། །འབྲས་བུ་ལམ་གྱི་

[Full Size]

བདེན་པ་ཉིད། །མངོན་དུ་བྱེད་པར་བྱིན་གྱིས་རློབས། །ཞེས་པ་འདི་མཁན་པོ་ཐམས་ཅད་མཁྱེན་པའི་ཞལ་སྔ་ནས། རྟེན་ཅིང་འགྲེལ་བར་འབྱུང་བ་དང་པོ་དང་གཉིས་པའི་མདོ་ལེགས་པར་ཐོབ་པའི་བཀའ་དྲིན་དྲན་ནས། རཱ་ག་ཨ་སྱས་གསོལ་བ་བཏབ་པའོ།། ཕ༈ སེང་ཧ་མུ་ཁའི་བརྒྱུད་པའི་གསོལ་འདེབས་ནི། ན་མོ་བཛྲ་ཌཱ་ཀི་སོ་ཧ་མུ་ཁ་ཡེ། །སྔོན་ཚེ་བཅོམ་ལྡན་རྡོ་རྗེ་རྣལ་འབྱོར་མས། །ཤ་ཟ་མཁའ་འགྲོ་སྡེ་བརྒྱད་འདུལ་བའི་ཕྱིར། །ཐུགས་བསྐྱེད་སྨོན་ལམ་དམོད་པ་བོར་བའི་མོད། །སེང་གེའི་གདོང་མར་གྱུར་ལ་གསོལ་བ་འདེབས། །དྲེགས་པ་དབང་བསྡུས་སྲོག་གི་སྙིང་པོ་བླངས། །རི་རབ་སོ་གཉིས་རྡུལ་མཉམ་མཁའ་འགྲོ་ཡི། །སྲོག་སྙིང་བསྡུས་ནས་ཡིག་འབྲུ་བཅུ་བཞི་པོ། །ཉིད་ཀྱི་ཐུགས་ཀར་བཀོད་དེར་གསོལ་བ་འདེབས། །ཀྱེ་ཡི་རྡོ་རྗེ་གོའུ་རིའི་ལེའུར་གྲགས། །དུས་ཀྱི་འཁོར་ལོའི་རྡོ་རྗེའི་ལུས་སྲུང་དང་། །སྒེལ་རྒྱུད་དྲག་མོ་ཐོག་གི་རྒྱུད་ཅེས་གྲགས། །རྩོད་མེད་རྒྱུད་མཆོག་མངའ་དེར་གསོལ་བ་འདེབས། །རྫུ་འཕྲུལ་སྟོབས་ཀྱིས་ཨོ་རྒྱན་གནས་སུ་བྱོན། །ཀྱེ་རྡོར་འབུམ་ཕྲག་སུམ་ཅུའི་བཅུད་བསྡུས་ནས། །མཁའ་འགྲོའི་སྒྲུབ་ཐབས་མི་ཡུལ་སྣང་མཛད་པ། །དཔལ་

[Full Size]

ལྡན་ཀླུ་སྒྲུབ་ཞབས་ལ་གསོལ་བ་འདེབས། །བདུད་འདུལ་མཁའ་འགྲོས་ཆོས་ཀྱི་སྒྲོམ་ཕུལ་ནས། །དྲག་མོའི་རྒྱུད་མཆོག་ཐུགས་སུ་ཆུད་པའི་མཐུས། །མུ་སྟེགས་ལྔ་བརྒྱ་ཐོག་གིས་བསྒྲལ་མཛད་པ། །པད་འབྱུང་འཆི་བ་མེད་དེར་གསོལ་བ་འདེབས། །ཡེ་ཤེས་མཁའ་འགྲོ་མངོན་སུམ་ཞལ་མཐོང་ནས། །སྒྲོམ་བུ་དགུ་བསྐོར་གཏེར་ཁ་གཏད་པའི་མཐུས། །མུ་སྟེགས་སྐལ་ལྡན་རྒྱལ་པོ་བསྒྲལ་མཛད་པ། །བ་རི་ལོ་ཙཱའི་ཞབས་ལ་གསོལ་བ་འདེབས། །ཡེ་ཤེས་ཌཱཀྐིས་དུས་གསུམ་བྱིན་གྱིས་བརླབས། །བཻ་རོའི་།སྦས་པའི་རྡོ་རྗེ་མཁའ་འགྲོ་ཡི། །སྒྲུབ་སྐོར་གཏེར་ནས་ཕྱུངས་ཏེ་སྤེལ་མཛད་པ། །དུས་གསུམ་མཁྱེན་པའི་ཞབས་ལ་གསོལ་བ་འདེབས། །ཟམ་བུ་ལུང་དང་མཁའ་འགྲོའི་གསང་ཕུག་ཏུ། །ལོ་གསུམ་བར་དུ་ཡེངས་མེད་སྒྲུབ་པའི་མཐུས། །མཛེས་གསལ་ཞལ་གཟིགས་འཇའ་ལུས་ཆོས་སྐུ་ཐོབ། །སངས་རྒྱས་མགོན་པོའི་ཞབས་ལ་གསོལ་བ་འདེབས། །དབང་གིས་རབ་སྨིན་རྒྱུད་གཞུང་གདམས་པ་རྟོགས། །བསྙེན་ཅིང་བསྒྲུབས་པས་དྲོད་རྟགས་མངོན་དུ་ཕྱུངས། །སྣོད་ལྡན་བུ་ལ་གདམས་ངག་རྗེས་སུ་བསྟན། །བརྒྱུད་པའི་བླ་མ་

[Full Size]

རྣམས་ལ་གསོལ་བ་འདེབས། །གདོད་ནས་མཁའ་འགྲོའི་དབང་ཕྱུག་དཀྱིལ་འཁོར་གཙོ། །བརྟན་གཡོའི་བདག་པོ་དཔལ་ལྡན་ཧེ་རུ་ཀ །ཁྲག་འཐུང་རྒྱལ་པོ་དྷརྨེ་ཤྭ་རེ་ཞེས། །རྡོ་རྗེ་སློབ་དཔོན་དེ་ལ་གསོལ་བ་འདེབས། །རི་རབ་སུམ་ཅུ་གཉིས་དང་རྡུལ་ཕྲན་དང་། །གྲངས་མཉམ་ཡེ་ཤེས་ལས་དང་འཇིག་རྟེན་གྱི། །སྲུང་མ་མཁའ་འགྲོའི་ཚོགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །དཀར་མོའི་ཏིང་འཛིན་འབྲུ་བརྒྱད་གསང་སྔགས་ཀྱི། །སྒྲུབ་པའི་བར་ཆད་བསྲུང་བར་བྱིན་གྱིས་རློབས། །ནག་མོའི་ཏིང་འཛིན་བཅུ་ཡི་གསང་སྔགས་ཀྱིས། །ལུས་སྲོག་བར་ཆད་བཟློག་པར་བྱིན་གྱིས་རློབས། །ཨེ་ཡིག་ཏིང་འཛིན་བཅུ་ཡི་བསད་སྔགས་ཀྱིས། །རྒྱལ་བའི་བསྟན་པ་བསྲུང་བར་བྱིན་གྱིས་རློབས། །རྩ་གསུམ་འཁོར་ལོ་བཞི་ཡི་ཏིང་འཛིན་གྱིས། །སྲོག་རྩོལ་བརྟན་པ་ཐོབ་པར་བྱིན་གྱིས་རློབས། །ལྟེ་དབུས་ཌཱཀྐི་དམར་མོའི་ཏིང་འཛིན་གྱིས་།ལུས་ལ་བདེ་དྲོད་འབར་བར་བྱིན་གྱིས་རློབས། །སྤྱི་བོའི་ཌཱཀྐི་དཀར་མོའི་ཏིང་འཛིན་གྱིས། །སེམས་ལ་བདེ་སྟོང་འཆར་བར་བྱིན་གྱིས་རློབས། །འཆི་ཚེ་མཁའ་འགྲོ་

[Full Size]

རྣམས་ཀྱིས་རབ་བསུས་ནས། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་པ་འདི་དཔལ་ཧེ་རུ་ཀ་དང་ཐ་མི་དད་པ་རྗེ་ཆོས་ཀྱི་དབང་ཕྱུག་གི་ཞལ་སྔ་ནས། སེང་གདོང་མའི་ཟློག་པའི་་ལུང་ལེགས་པར་ཐོབ་པའི་བཀའ་དྲིན་དྲན་ནས་བཀའ་བབས་ཀྱི་བླ་མ་རྣམས་ལ་གསོལ་བ་བཏབ་པའོ། །ཨ་རཱ་གས་སོ།། ༈ ཟབ་མོ་ནང་དོན་གྱི་བརྒྱུད་པའི་གསོལ་འདེབས་ནི། ན་མོ་གུ་རུ་སཏཱ་སོ་ཡཾ་བྷ་བཛྲ་ཡེ། རིགས་ཀུན་ཁྱབ་བདག་དཀྱིལ་འཁོར་གཙོ། །སྣང་སྲིད་ཀུན་གྱི་བྱེད་པ་པོ། །ཆོས་རྣམས་ཀུན་གྱི་བདག་ཉིད་དེ། །རྡོ་རྗེ་འཆང་ལ་གསོལ་བ་འདེབས། །གསང་བ་གསུམ་གྱི་མཛོད་འཛིན་ཅིང་། །རྒྱུད་ཀུན་སྡུག་ཅིང་སྤེལ་མཛད་པ། །སེམས་དཔའ་མཁས་གྲུབ་ལོ་པཎ་དང་། །བརྒྱུད་པའི་བླ་མར་གསོལ་བ་འདེབས། །ཁྱད་པར་མཁས་རྒྱུ་མཆོག་འཛམ་གླིང་རྒྱན། །རྒྱུད་ཀུན་ཇི་བཞིན་དོན་གཟིགས་ནས། །བསྟན་ཆོས་ནང་དོན་རྩོམ་མཛད་པ། །རང་བྱུང་རྗེ་ལ་གསོལ་བ་འདེབས། །རིགས་ཀུན་བདག་མེད་རྡོ་རྗེ་འཆང་། །པདྨ་གར་དབང་རྟ་མཆོག་རྒྱལ། །འཇིག་རྟེན་དབང་ཕྱུག་དབྱེར་མེད་སྐུ། །ཞྭ་དམར་རྗེ་ལ་གསོལ་བ་འདེབས། །ཀྱེ་རྡོར་བདུད་རྩི་ཐོད་པ་སོགས། །ཁྱོད་ཀྱི་ནང་

[Full Size]

དུ་འདུས་པར་གསུངས། །དེ་ཕྱིར་རྒྱུད་ཀྱི་རྒྱལ་པོ་སྟེ། །འཁོར་ལོ་སྡོམ་ལ་གསོལ་བ་འདེབས། །དམར་ནག་གདོང་དྲུག་འཇིགས་བྱེད་དགྲ་ནག་སོགས། །ཁྱོད་ཀྱི་ནང་དུ་འདུས་པའི་ཕྱིར། །རྒྱུད་ཀྱི་རྒྱལ་པོ་ཡིན་པར་རྟོགས། །གསང་བ་འདུས་ལ་གསོལ་བ་འདེབས། །རྣལ་འབྱོར་རྒྱུད་ཀུན་དེར་འདུས་ཤིང་། །བྱ་སྤྱོད་ཁྱོད་ཀྱི་ཡན་ལག་ཕྱིར། །རྒྱུད་ཀྱི་རྒྱལ་པོ་ཆེན་པོ་སྟེ། །དུས་ཀྱི་འཁོར་ལོར་གསོལ་བ་འདེབས། །ཕྱག་བཞི་པ་དང་གདོང་བཞི་པ། །ཐ་བྷི་ར་དང་གྲི་ཐོད་ཅན། །ཆོས་དང་གང་ཟག་སྐྱོངས་བ་པོ། །རྒྱུད་སྲུང་རྣམས་ལ་གསོལ་བ་འདེབས། །དེ་ལྟར་གསོལ་བཏབ་བྱིན་རླབས་ཀྱིས། །མ་དག་སེམས་ཅན་རྣམས་ཀྱི་ཁམས། །ཅུང་ཟད་དག་པ་ལམ་གྱི་སྐབས། །ཤིན་ཏུ་རྣམ་པ་དག་རྒྱལ་བའི་སྐུ། །ཀུན་ཀྱང་བདེར་གཤེགས་སྙིང་པོའི་རྩལ། །རང་སེམས་རྟོགས་པར་བྱིན་གྱིས་རློབས། །ཕྱི་རུ་འཇིག་རྟེན་ཆགས་གནས་འཇིག །ནང་དུ་མི་ལུས་སྐྱེས་གནས་འཆི། །དཀྱིལ་འཁོར་བསྐྱེད་ཅིང་གནས་པ་དང་། །བསྡུས་ཏེ་རྫོགས་པའི་རིམ་པ་དང་། །སྦྱང་གཞི་སྦྱོང་བྱེད་སྦྱངས་ཚུལ་རྣམས། །ཇི་བཞིན་རྟོགས་པར་བྱིན་གྱིས་

[Full Size]

རློབས། །གཉིད་ནས་ཆོས་སྐུའི་རྨི་ལམ་ནས། །ལོངས་སྐུ་སད་མ་སྤྲུལ་པའི་སྐུ། །སྙོམས་པར་འཇུག་པ་ཡེ་ཤེས་སྐུ། །སྦྱང་གཞི་སྦྱོང་བྱེད་རབ་སྦྱངས་ནས། །གནས་སྐབས་བཞི་ཡི་འཁྲུལ་པ་བསལ། །སྐུ་བཞི་ཐོབ་པར་བྱིན་གྱིས་རློབས། །ཀུན་གཞི་དཔལ་ལྡན་ཧེ་རུ་ཀ །རྩ་དང་རླུང་དང་ཐིག་ལེ་རྣམས། །དྲུག་ཅུ་རྩ་གཉིས་ལྷ་ཡི་ཚོགས། །སྦྱང་གཞི་སྦྱོང་བྱེད་རབ་སྦྱངས་ཏེ། །དེ་ཉིད་བཅུ་བཞིའི་རབ་གོམས་པས། །བདེ་མཆོག་འགྲུབ་པར་བྱིན་གྱིས་རློབས། །ཕུང་པོ་ཁམས་དང་སྐྱེ་མཆེད་དང་། །ཡན་ལག་ཚིགས་སོགས་བཅས་པ་རྣམས། །རིགས་ལྔ་ཡུམ་དང་སེམས་དཔའི་ཚོགས། །ཁྲོ་བོ་བཅུ་དང་བཅས་པ་ཡིས། །སྦྱང་གཞི་སྦྱོང་བྱེད་རབ་ཤེས་ནས། །གསང་འདུས་འགྲུབ་པར་བྱིན་གྱིས་རློབས། །ཕྱི་རུ་ལོ་ཟླ་ཞག་དང་དུས། །ནང་དུ་ཡིག་འབྲུ་རླུང་གི་གྲངས། །གཞན་ཏུ་རྒྱུ་སྐར་དཀྱིལ་འཁོར་ཅན། །དག་པ་དུས་འཁོར་ལྷ་ཡི་ཚོགས། །དབྱེར་མེད་སྦྱར་ཚུལ་ཤེས་བྱས་ཏེ། །དུས་འཁོར་འགྲུབ་པར་བྱིན་གྱིས་རློབས། །དེ་ལྟར་ལམ་ལ་རབ་བརྩོན་ནས། །ཚེ་འདི་ཉིད་ལ་རྡོ་རྗེ་འཆང་། །སྐུ་གསུང་

[Full Size]

རྒྱན་འཁོར་ལྔ་ཡི་བདག །གེགས་མེད་མྱུར་དུ་འགྲུབ་གྱུར་ནས། །སྐལ་ལྡན་རྗེས་སུ་འཛིན་བྱེད་པ། །འགྲུབ་པར་བྱིན་གྱིས་བརླབ་ཏུ་གསོལ། །ཅེས་པ་འདི་རྗེ་རྡོ་རྗེ་འཆང་ཆོས་ཀྱི་དབང་ཕྱུག་གི་དྲུང་ནས། ཟབ་མོ་ནང་གི་དོན་ལེགས་པར་ཐོབ་ཅིང་། ཀུན་ཆུབ་པར་བྱས་ནས་རྒྱལ་བ་ཉིད་ཀྱི་ཕྱག་ཏུ་དཔེ་བསྣམས་ནས་ལེའུ་གཉིས་ཙམ་ཞིག་འཚོགས་ཆེན་དང་། གཞན་སྒར་ཆོས་སྡེ་སོགས་འདུས་པ་སྟོང་ར་ཅན་དང་ཡང་བརྒྱ་ལྷག་ཙམ་གྱི་དྲུང་དུ་བསྐྱོར་བ་དང་། སྐུ་ཟིལ་གྱིས་ཞད་པ་ཚད་མེད་པ་བྱུང་བས་དེ་དུས་སྒྲིབ་པ་མི་དག་སྙམ་པ་ཙམ་བྱུང་། འཕྲོ་ཡང་རྗེས་ནས་རྫོགས་པར་སྐྱོར་ཞིང་རང་གིས་ལོ་འགའ་ལ་ཁ་ཐོན་དུ་བྱས་ཤིང་། ཕྱིས་བསམས་པས་འདི་བདེ་དགྱེས་གསང་གསུམ་དུས་འཁོར་དང་བཅས་པའི་རྒྱུད་ཚིག་རྣམས་བསྡུས་པར་སྣང་བས། རྒྱུད་དེ་དག་ཐམས་ཅད་ཀྱང་ཐོབ་པར་དོན་གྱི་འགྱུར་བར་གདའ་སྙམ་ནས། བཀའ་དྲིན་དྲན་ནས་གསོལ་འདེབས་འདི་ཡང་། ཨ་རཱ་གས་བྱས་སོ།། ༈ བླ་མ་ལྔ་བཅུ་པ་ཡི་བརྒྱུད་རིམ་གསོལ་འདེབས་ནི། ན་མོ་གུ་རུ་ཡེ། ཕྱོགས་བཅུའི་འཇིག་རྟེན་ཐམས་ཅད་ནས། །རྒྱལ་བ་ཀུན་གྱིས་ཕྱག་མཛད་པ། །རབ་ཏུ་བསྟོད་ཅིང་བསྔགས་མཛོད་ལ། །བླ་མ་རྣམས་ལ་གསོལ་བ་འདེབས། །བསྐལ་པ་བྱེ་བ་དུ་མ་རུ། །འབད་པར་བྱས་ཀྱང་རྙེད་དཀའ་བའི། །བྱང་ཆུབ་ཚེ་འདིར་སྩོལ་མཛད་པ། །

[Full Size]

བླ་མ་རྣམས་ལ་གསོལ་བ་འདེབས། །མ་འོངས་སྙིགས་མའི་དུས་དག་ཏུ། །ང་ཉིད་སློབ་དཔོན་ཚུལ་དུ་འོང་། །དེ་ཚེ་དེ་ལ་གུས་བྱོས་ཞེས། །ལུང་བསྟན་ཐོབ་དེར་གསོལ་བ་འདེབས། །བསྐལ་པ་བྱེ་བར་སངས་རྒྱས་ནས། །ཁྱོད་མཆོད་བསོད་ནམས་འཕེལ་ཞེས་གསུངས། །ཞིང་མཆོག་དམ་པ་རྒྱལ་བའི་སྲས། །བླ་མ་རྣམས་ལ་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །བླ་མ་དམ་པས་རྗེས་བཟུང་སྟེ། །འཁྲུལ་མེད་ལམ་བཟང་དེར་བསྒྲོད་ནས། །བྱང་ཆུབ་མྱུར་དུ་ཐོབ་མཛད་གསོལ། །ཅེས་པ་འདི་རྒྱལ་བ་ཐམས་ཅད་མཁྱེན་པའི་དྲུང་ནས་བླ་མ་ལྔ་བཅུ་པ་ལེགས་པར་ཐོབ་པའི་བཀའ་དྲིན་དྲན་ནས་བླ་མ་སྤྱི་ལ་གསོལ་བ་བཏབ་པའོ།། མ།ལ་སྨན་བླའི་དབང་ཆོག་གི་བརྒྱུད་པའི་གསོལ་འདེབས་ནི། ན་མོ་བྷི་ཥ་ཛུ་མ་ཧཱ་རཱ་ཛ་ཡེ། བསོད་ནམས་ཡོན་ཏན་རྒྱ་མཚོའི་གཏེར་མངའ་ཞིང་། །བསམ་གྱིས་མི་ཁྱབ་ཐུགས་རྗེའི་བྱིན་རླབས་ཀྱིས། །འགྲོ་བའི་སྡུག་བསྔལ་གདུང་བ་ཞི་མཛད་པ། །བཻཌཱུརྱ་ཡི་འོད་ལ་གསོལ་བ་འདེབས། །ཤིན་ཏུ་སེར་སྣ་དྲག་པོས་རབ་བཅིངས་པས། །ཡི་དྭགས་གནས་སུ་སྐྱེ་བའི་སྐྱེ་བོ་ཡིས། །ཁྱོད་མཚན་ཐོས་ན་

[Full Size]

མིར་སྐྱེ་སྦྱིན་པར་དགའ། །བཅོམ་ལྡན་སྨན་གྱི་བླ་ལ་གསོལ་བ་འདེབས། །ཚུལ་ཁྲིམས་འཆལ་དང་གཞན་ལ་གཤེ་བརྩོན་པས། །དམྱལ་བར་སྐྱེ་བའི་འགྲོ་བ་འདི་དག་གིས། །ཁྱོད་མཚན་ཐོས་ན་མཐོ་རིས་སྐྱེ་བར་གསུངས། །སྨན་གྱི་རྒྱལ་པོ་དེ་ལ་གསོལ་བ་འདེབས། །གང་དག་དབྱེན་དང་ཕྲ་མ་དུ་མ་ཡིས། །རབ་ཏུ་འབྱེད་ཅིང་ལུས་སྲོག་ཕྲལ་བ་དག ཁྱོད་མཚན་ཐོས་ན་དེ་དག་འཚེ་མི་ནུས། །སྨན་པའི་རྒྱལ་པོ་དེ་ལ་གསོལ་བ་འདེབས། །མཚན་ལེགས་གསེར་བཟང་དྲི་མེད་སྣང་བ་དང་། །མྱ་ངན་མེད་མཆོག་དཔལ་དང་ཆོས་བསྒྲགས་དབྱངས། །མངོན་མཁྱེན་རྒྱལ་པོ་སྒྲ་དབྱངས་རྒྱལ་པོ་དང་། །ཤཱཀྱའི་རྒྱལ་པོ་རྣམས་ལ་གསོལ་བ་འདེབས། །འཇམ་དཔལ་སྐྱབས་གྲོལ་ཕྱག་ན་རྡོ་རྗེ་འཛིན། །ཚངས་དབང་བརྒྱ་བྱིན་ཕྱོགས་བཞིའི་རྒྱལ་པོ་བཞི། །གནོད་སྦྱིན་སྡེ་དཔོན་ཆེན་པོ་བཅུ་གཉིས་སོགས། །དཀྱིལ་འཁོར་ཡོངས་སུ་རྫོགས་ལ་གསོལ་བ་འདེབས། །དེ་བཞིན་གཤེགས་པ་བདུན་གྱི་སྨོན་ལམ་མདོ། །སྨན་གྱི་ལྷ་ཡི་མདོ་སྡེ་ཉིད་དང་ནི། །མཁན་ཆེན་ཞི་བ་འཚོས་མཛད་གཞུང་ལ་སོགས། །དམ་ཆོས་གླེགས་བམ་ཚོགས་ལ་གསོལ་བ་

[Full Size]

འདེབས། །བོ་དྷི་སཏྭ་ཁྲི་སྲོང་ལྡེའུ་བཙན་སོགས། །ལོ་པཎ་རྒྱལ་བློན་བྱང་ཆུབ་སེམས་དཔའ་དང་། །བརྒྱུད་པའི་བླ་མ་དམ་པ་ཐམས་ཅད་དང་། །ཆོས་ཀྱི་དབང་ཕྱུག་སོགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །གནས་སྐབས་ནད་དང་འཇིགས་པ་སྣ་ཚོགས་ཞི། ་།འཆི་ཚེ་ངན་སོང་འཇིགས་པ་ཀུན་ཞི་ནས། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་པ་འདི་སྔ་སོར་རྗེ་སྤྲུལ་པའི་སྐུ་དྲུག་པའི་ཞལ་སྔ་ནས། དེ་བཞིན་གཤེགས་པ་བདུན་མཆོད་པའི་ཆོ་ག་རྗེ་གྲགས་པ་དོན་གྲུབ་ཀྱིས་མཛད་པ་དང་། དེའི་དབང་བྱིན་རླབས་དང་བཅས་པ་ལེགས་པར་ཐོབ་པས། ཕྱིས་མཚན་ཐོས་པའི་ཕན་ཡོན་དྲན་ནས། ཨ་རཱ་གས་གསོལ་བ་བཏབ་པའོ།། ༈ ཤེས་རབ་སྙིང་པོའི་བརྒྱུད་པའི་གསོལ་འདེབས་ནི། ན་མོ་པྲཛྙཱ་པཱ་ར་མི་ཏ་ཡེ། སེང་ཁྲི་པདྨ་ཟླ་བའི་སྟེང་། །གསེར་མདོག་ས་གནོན་མཉམ་བཞག་མཛད། །ཆོས་གོས་གསུམ་གསོལ་སྐྱིལ་ཀྲུང་བཞུགས། །རྫོགས་སངས་རྒྱས་ལ་གསོལ་བ་འདེབས། །ཤེས་རབ་རྫུ་འཕྲུལ་ཆེ་བའི་མཆོག །ཉེ་རྒྱལ་དང་ནི་སང་ནས་སྐྱེས། །ཉོན་མོངས་གཡུལ་ལས་རབ་རྒྱལ་བའི། །ཉན་ཐོས་གཉིས་ལ་ཕྱལ་འཚལ་ལོ། །རང་གི་

[Full Size]

སྙིང་ཁར་ཟླ་བའི་སྟེང་། །ཤེས་རབ་སྙིང་པོ་ཟབ་པའི་མདོ། །ཡིག་འབྲུ་དཀར་ཞིང་རབ་གསལ་བའི། །དམ་ཆོས་དེ་ལ་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །ཤེས་རབ་ཕ་རོལ་ཕྱིན་པ་ཡི། །རྟོགས་པ་རྒྱུད་ལ་སྐྱེ་བ་དང་། །འཕེལ་ཞིང་བརྟན་པར་བྱིན་གྱིས་རློབས། །ཁྱོད་ཀྱི་མཛོད་སྤུའི་འོད་ཟེར་གྱིས། །སྣོད་བཅུད་བདག་དང་བཅས་པ་ཀུན། །མེ་ལོང་ནང་གི་གཟུགས་བརྙན་ལྟར། །སྣང་སྟོང་རྟོགས་པར་བྱིན་གྱིས་རློབས། །ཕུང་པོ་ཁམས་དང་སྐྱེ་མཆེད་མེད། །བདེན་པ་བཞི་དང་རྟེན་འབྱུང་མེད། །སྐྱེ་འགག་འགྲོ་འོང་ཀུན་མེད་པ། །བདག་མེད་རྟོགས་པར་བྱིན་གྱིས་རློབས་། །སྔོན་ཚེ་བདུད་ཀྱི་དཔུང་གཡོས་ཚེ། །དབང་པོའི་ཡུལ་དོན་རབ་བསྒོམ་མཐུས། །ལོག་འདྲེན་དཔུང་ཆེན་བཟློག་པ་ལྟར། །རྐྱེན་ངན་བཟློག་པར་བྱིན་གྱིས་རློབས། །ཞེས་པ་འདི་སྔ་སོར་རྒྱལ་བ་མཆོག་གི་སྤྲུལ་པའི་སྐུ་དྲུག་པའི་ཞབས་དྲུང་ནས་མདོ་ཤེར་སྙིང་ལེགས་པར་ཐོབ་པས། ཕྱིས་དེའི་སྒྲུབ་ཐབས་མཐུན་པའི་གསོལ་འདེབས་འདི་༧ ཨ་རཱ་གས་སྦྱར་བའོ།། ཡ། སྒྲོལ་དཀར་ཡིད་བཞིན་འཁོར་ལོའི་བཀའ་བབས་གསོལ་འདེབས་ནི། ན་མོ་ཨཱཿརྱ་ཏཱ་རེ་ཡེ། རྒྱུད་རྒྱལ་གསུངས་

[Full Size]

མཛད་བཅོམ་ལྡན་ཤཱཀྱ་ཐུབ། །འདུས་པའི་འཁོར་དང་ཞུ་སྤོབས་འཇམ་པའི་དབྱངས། །མངོན་པར་འབྱུང་དང་སྣ་ཚོགས་ལས་བྱུང་རྒྱུད། །སྟོན་འཁོར་ཆོས་དང་བཅས་ལ་གསོལ་བ་འདེབས། །འཕགས་མ་ཉིད་དང་དེ་ཡིས་རྗེས་བཟུང་ནས། །འཆི་བསླུའི་བསྟན་བཅོས་མཛད་པོ་ངག་དབང་ཕྱུག །བསྟན་བཅོས་རྒྱས་པའི་ལས་མཛད་ངག་དབང་གྲགས། །དེ་སྲས་ཐུ་བོ་རྣམས་ལ་གསོལ་བ་འདེབས། །སྒྲུབ་ཐབས་བརྒྱ་རྩ་མཛད་པ་རྡོ་རྗེ་གདན། །མན་ངག་བོད་དུ་སྣང་མཛད་བ་རི་པ། །སླེ་ནག་པ་དང་སྒྲེ་པ་ཟུར་ཁ་པ། །བཀའ་བབས་བརྒྱུད་པ་རྣམས་ལ་གསོལ་བ་འདེབས། །པཎ་ཆེན་གསེར་གླིང་པ་དང་ཨ་ཏི་ཤ །འབྲོམ་སྟོན་རྗེ་དང་རྒྱལ་སྲས་སྤྱན་སྔ་པ། །འཕགས་མས་དངོས་སུ་རྗེས་བཟུང་སྒྲེ་པའི་ཞབས། །ཞལ་གཟིགས་བརྒྱུད་པ་རྣམས་ལ་གསོལ་བ་འདེབས། །མ་འོངས་རྒྱལ་བ་བདུན་པ་ཤཱཀྱའི་སྲས། །གནས་ལྔ་མཁས་པའི་པཎ་ཆེན་དཱ་ན་ཤཱི། །བཙན་ཐང་བླ་མ་ཀ་པ་ལ་ལ་སོགས། །བྱིན་རླབས་བརྒྱུད་པ་རྣམས་ལ་གསོལ་བ་འདེབས། །དྭགས་པོ་ཕག་གྲུ་རྒྱལ་བ་སྟག་ལུང་པ། །བ་ལམ་པ་དང་ཤཱཀྱ་གཞོན་ནུ་དང་། །

[Full Size]

གྲགས་པ་སེང་གེ་དར་རྒྱལ་མཁའ་སྤྱོད་དབང་། །བརྒྱུད་པའི་བླ་མ་རྣམས་ལ་གསོལ་བ་འདེབས། །གཞན་ཡང་གཡུང་སྟོན་རྡོ་རྗེ་དཔལ་ལ་སོགས། །དབང་གིས་རབ་སྨིན་རིམ་གཉིས་མཐར་སོན་ནས། །འཕགས་མའི་རྒྱུད་གཞུང་ཆུ་བོ་རྒྱས་མཛད་པ། །ངོ་མཚར་བརྒྱུད་པ་དྲུག་ལ་གསོལ་བ་འདེབས། །བསོད་ནམས་འབུམ་དང་བླ་མ་རྒྱལ་མཚན་དང་། །ཆོས་ཀྱི་གྲགས་པ་མཉན་པ་མི་བསྐྱོད་རྗེ། །དཀོན་མཆོག་འབངས་དང་ཞྭ་ནག་དགུ་པའི་ཞབས། །བརྒྱུད་པའི་བླ་མ་རྣམས་ལ་གསོལ་བ་འདེབས། །འཕགས་མ་ཡང་ཡང་ཞལ་གཟིགས་ལུང་བསྟན་ཐོབ། །གནས་ལྔ་མཁས་པའི་བྱང་ཕྱོགས་པཎྜི་ཏ། །འཇམ་དབྱངས་བླ་མ་ཆོས་ཀྱི་སྣང་བ་ཅན། །རྩ་བའི་བླ་མའི་ཞབས་ལ་གསོལ་བ་འདེབས། །ཚེ་དཔག་མེད་ཡུམ་བཅོམ་ལྡན་གོས་དཀར་མོ། །བསྒོམ་དང་བཟླས་པས་འཇིགས་པ་ཀུན་སྐྱོབས་ཤིང་། །ཚེ་དཔལ་ཡོན་ཏན་ཡེ་ཤེས་རྒྱས་མཛད་མ། །ཡི་དམ་འཕགས་མའི་ཞབས་ལ་གསོལ་བ་འདེབས། །འཕགས་མའི་རྗེས་འབྲངས་ནོར་འཆང་གནོད་སྦྱིན་མ། །སྤྲུལ་པའི་ལྷ་མོ་ལྕགས་སྤྱང་སྔོན་མོ་སོགས། །སྒྲོལ་མའི་རྒྱུད་གཞུང་གང་ཟག་སྲུང་མཛད་

[Full Size]

པ། །ཆོས་བདག་སྲུང་མའི་ཚོགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཡིད་བཞིན་འཁོར་ལོ་གཡས་སྐོར་འོད་ཟེར་གྱིས། །ཉོན་མོངས་སྒྲིབ་གཉིས་བྱང་བར་བྱིན་གྱིས་རློབས། །ནུས་ལྡན་གསང་སྔགས་གཡོན་སྐོར་ཏིང་འཛིན་གྱིས། །ཚེ་དཔལ་ཡེ་ཤེས་འཕེལ་བར་བྱིན་གྱིས་རློབས། །འཁོར་ལོ་འོད་ཟེར་རིམ་དྲུག་ཏིང་འཛིན་གྱིས་། །འཇིགས་པ་ཀུན་ལས་སྐྱོབས་པར་བྱིན་གྱིས་རློབས། །སྣ་ཚོགས་སྔགས་དང་ཏིང་འཛིན་འཁྲུལ་འཁོར་གྱིས། །འགྲོ་བའི་རེ་་འདོད་བཀང་བར་བྱིན་གྱིས་རློབས། །ཆོས་ཀུན་སྒྱུ་མ་མེ་ལོང་གཟུགས་བརྙན་ལྟར། །རྒྱལ་ཡུམ་དགོངས་པ་རྟོགས་པར་བྱིན་གྱིས་རློབས། །འཆི་ཚེ་རྣམ་ཤེས་ཏཱཾ་ཡིག་མདའ་འཕང་བཞིན། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་པ་འདི་ཁ་ཆེ་པཎྜི་ཏ་ཉི་མ་སྦས་པ་ནས་ཉེ་བར་བཟུང་སྟེ་སྐྱེ་བ་ཐམས་ཅད་དུ་འཕགས་མས་རྗེས་སུ་བཟུང་ནས་གཏམ་རྒྱུད་མཐའ་ཡས་པ་མངའ་ཞིང་སྐུ་སྐྱེ་བ་འདི་ལའང་ལན་དུ་མར་ཞལ་གཟིགས་ཤིང་ལུང་བསྟན་པ་ཐོབ་པའི་ཚུལ་བསྟན་པ་རྗེ་ཆོས་ཀྱི་དབང་ཕྱུག་གི་ཞལ་སྔ་ནས་འཕགས་མའི་སྤྲུལ་པ་རྒྱ་བཟའ་དང་ཁྲི་བཙུན་གཉིས་ཡུན་རིང་དུ་བཞུགས་པའི་གནས་ཤར་འོད་ཟེར་དམ་པའི་ཕོ་བྲང་དུ་སྒྲོལ་

[Full Size]

མ་ཡིད་བཞིན་འཁོར་ལོའི་རྗེས་གནང་གི་རིམ་པ་ཇོ་བོ་རྗེའི་ལུགས་སུ་ཐོབ་པས་རཱ་ག་ཨ་སྱས་བརྒྱུད་རིམ་ལ་གསོལ་བ་བཏབ་པའོ།། ༈ བྱམས་ཆོས་བརྒྱུད་པའི་གསོལ་འདེབས་ནི། ན་མོ་པྲཛྙཱ་པཱ་ར་མི་ཏ་ཡེ། བརྗོད་བྲལ་སྐྱེ་འགགས་མེད་པ་སྟེ། །དངོས་བྲལ་དངོས་ཀུན་བདག་ཉིད་ཅན། །འཕགས་བཞི་བསྐྱེད་བྱེད་རྒྱལ་བའི་ཡུམ། །ཕ་རོལ་ཕྱིན་ལ་གསོལ་བ་འདེབས། །སྐྱོན་རྣམས་ཀུན་བྲལ་ཡོན་ཏན་གཏེར། །མཚན་བཟང་སུམ་ཅུ་སོ་གཉིས་དང་། །དཔེ་བྱེད་བརྒྱད་ཅུས་རབ་བརྒྱན་པ། །ཐུབ་དབང་དེ་ལ་གསོལ་བ་འདེབས། །བྱེ་བ་ཕྲག་བརྒྱ་འབུམ་ཕྲག་བརྒྱ། །སྟོང་ཕྲག་བརྒྱ་དང་ཉི་ཤུ་ལྔ། །ཁྲི་པ་བརྒྱད་སྟོང་པ་ལ་སོགས། །དམ་ཆོས་རྣམས་ལ་གསོལ་བ་འདེབས། །ཤར་ཕྱོགས་འོ་མའི་རྒྱ་མཚོ་ལས། །བཅུད་བསྡུས་མངོན་རྟོགས་རྒྱན་བརྩམས་ནས། །འགྲོ་བའི་སྡུག་བསྔལ་ཞི་མཛད་པ། །མ་ཕམ་མགོན་ལ་གསོལ་བ་འདེབས། །ལྔ་བརྒྱ་སྙིགས་མའི་དུས་འདི་རུ། །མཁས་གྲུབ་པཎ་ཆེན་ཚུལ་བཟུང་ནས། །བྱམས་ཆེན་བཞད་པ་གསལ་མཛད་པ། །ཞྭ་དམར་འཆང་ལ་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །དོན་ནི་རྣམ་པ་བདུན་ཅུ་དང་། །

[Full Size]

དངོས་པོ་བརྒྱད་ཀྱི་དོན་རྟོགས་ནས། །ཡུམ་དོན་མངོན་དུ་གྱུར་ནས་ཀྱང་། །བྱམས་བཞད་བསྐང་བར་བྱིན་གྱིས་རློབས། །ཤེས་རབ་ཕ་རོལ་ཕྱིན་པ་ཡི། །ཤོ་ལོ་འབུམ་ཕྲག་བློར་ཆུད་ནས། །མདོ་སྡེ་འཛིན་པར་བདག་གྱུར་ཏེ། །རྒྱལ་བསྟན་གསལ་བར་བྱིན་གྱིས་རློབས། །གཞི་ཤེས་ལམ་ཤེས་རྣམ་མཁྱེན་དང་། །འབྲས་བུ་ཆོས་སྐུའི་དོན་རིག་ནས། །བྱམས་པའི་བཞེད་པ་བདག་བསྐངས་ནས། །བྱང་ཆུབ་ཐོབ་པར་བྱིན་གྱིས་རློབས། །ས་གསེར་ཟླ་བ་མེ་ལ་སོགས། །སེམས་བསྐྱེད་ཉི་ཤུ་རྩ་གཉིས་པོ། །རིམ་བཞིན་བདག་ལ་ལེགས་སྐྱེས་ནས། །རྣམ་མཁྱེན་ཐོབ་པར་བྱིན་གྱིས་རློབས། །ཚངས་པ་ལྷ་ཡི་རྔ་བོ་ཆེ། །ནོར་བུ་དཔག་བསམ་ཤིང་བཞིན་དུ། །འབད་རྩོལ་མེད་པར་འགྲོ་བའི་དོན། །བདག་གིས་འགྲུབ་པར་བྱིན་གྱིས་རློབས། །ཞེས་པ་འདི་བྱམས་པ་ཉིད་ཀྱི་སྤྲུལ་པ་རྗེ་ཆོས་ཀྱི་དབང་ཕྱུག་གི་ཞལ་སྔ་ནས། བྱམས་ཆོས་ལྔ་དང་ཁྱད་པར་མངོན་པར་རྟོགས་པའི་རྒྱན་ལེགས་པར་ཐོབ་སྟེ་རང་གིས་ཡང་བཟུང་ནས་ཚོགས་ལ་ཡང་བསྐྱོར་བ་དང་། ལོ་ཁ་ཡར་ལ་ཁ་ཐོན་བྱས་ཤིང་འབྲུ་སྦྱོར་དང་ཁྱབ་པ་ཡང་འགའ་རེ་བསླབ་ཅིང་ཕྱིས་བསམ་པ་ལ། རྗེ་ཉིད་བསྙུངས་ནས་སྐུ་རིམ་མང་ཇ་སྤྱི་སྒེར་མང་དུ་བྱུང་དུས་ང་

[Full Size]

ཡི་རིམ་གྲོ་བསམས་ནས་མངོན་རྟོགས་རྒྱན་ཁོ་ན་ཐོན་གསུངས་པ་དང་། རྒྱབ་རི་རིགས་གསུམ་མགོན་པོའི་རྩེར་བྱམས་པའི་ལྷ་ཁང་དང་བྱམས་ཆོས་འདོན་མཁན་བཞི་རེ་ཐ་ནའང་མ་ཆད་དགོས་པའི་ཞལ་བཀོད་མཛད་པའི་སྟབས་ཀྱིས། གྲྭ་ཚང་ན་བྱམས་ཆོས་སྡེ་ལྔ་པ་མང་དུ་བྱུང་བ་དང་། དགེ་རྩ་དང་རིམ་གྲོ་སོགས་ལ་བྱམས་ཆོས་པ་ཟུར་དུ་ཚོགས་པའི་སྲོལ་ཆེན་པོ་བྱུང་སོང་བ་དྲན་ནས། ༧ རཱ་ག་ཨ་སྱས་ཕྱིས་གསོལ་བ་བཏབ་པའོ།། ༈ བློ་སྦྱོང་དོན་བདུན་མའི་ཁྲིད་ཀྱི་བརྒྱུད་པའི་གསོལ་འདེབས་ནི། ཤཱཀ་ཐུབ་བྱམས་པ་ཐོགས་མེད་ཞི་བ་ལྷ། །གསེར་གླིང་པ་དང་ཇོ་བོ་མར་མེ་མཛད། །འབྲོམ་སྟོན་སྤྱན་སྔ་བ་དང་རྒྱ་སྒོམ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དྭགས་པོ་དུས་མཁྱེན་རས་ཆེན་སྤོམ་བྲག་པ། །ཀརྨ་པ་དང་རང་བྱུང་རྒྱལ་བ་གཡུང་། །རོལ་པའི་རྡོ་རྗེ་མཁའ་སྤྱོད་དེ་བཞིན་གཤེགས། །རིན་ཆེན་བཟང་པོ་དོན་ལྡན་འཇམ་དཔལ་བཟང་། །ཆོས་གྲགས་རྒྱ་མཚོ་མཉན་པ་མི་བསྐྱོད་རྗེ། །དཀོན་མཆོག་ཡན་ལག་མི་ཕམ་ཆོས་དབང་ཕྱུག །གྲངས་མེད་བསྐལ་པའི་སྔོན་ནས་བྱང་ཆུབ་ཀྱང་། །འགྲོ་བའི་དོན་དུ་སླར་ཡང་སེམས་བསྐྱེད་ནས། །མ་དག་གདུལ་བྱའི་སྣང་ངོར་སེམས་དཔའི་ཚུལ། །ཆོས་ཀྱི་དབང་ཕྱུག་ཞབས་ལ་གསོལ་

[Full Size]

བ་འདེབས། །སྐྱབས་གནས་ཐུབ་པ་ཡི་དམ་སྤྱན་རས་གཟིགས། །འཇིགས་པ་ཀུན་ལས་སྒྲོལ་མཛད་རྗེ་བཙུན་མ། །བར་ཆད་བདུད་དཔུང་ཟློག་བྱེད་མི་གཡོ་བ། །བཀའ་གདམས་ལྷ་བཞིར་གྲགས་ལ་གསོལ་བ་འདེབས། །བསྟན་པ་སྲུང་མཛད་ཏྲག་ཤད་བྲག་ལྷ་མགོན། །ཀླུ་ཆེན་བཞི་དང་བརྟན་མ་བཅུ་གཉིས་སོགས། །བཀའ་བབས་ཆོས་དང་བརྒྱུད་འཛིན་སྐྱོངས་བ་སོགས། །ཆོས་བདག་སྲུང་མའི་ཚོགས་ལ་གསོལ་བ་འདེབས། །གསེར་གླིང་བླ་མའི་ཐུགས་བཅུད་བདུད་རྩིའི་རྒྱུན། །རྒྱལ་བའི་ཉེ་རྒྱུ་བྱང་ཆུབ་སེམས་གཉིས་ཞེས། །མི་ཉིད་རྒྱལ་སྲས་བྱེད་པའི་གསེར་འགྱུར་རྩི། །བློ་སྦྱོང་དམ་ཆོས་དེ་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཆོས་ཀུན་རྨི་ལམ་ལྟ་བུར་རྟོགས་བྱས་ནས། །རང་རིག་མངོན་དུ་རྟོགས་པར་བྱིན་གྱིས་རློབས། །བདག་གིས་གཞན་ཚིམས་གཞན་སྡིག་བདག་སྨིན་པའི། །གཏོང་ལེན་དམིགས་པ་འབྱོངས་བར་བྱིན་གྱིས་རློབས། །སྣོད་བཅུད་མི་སྲུན་སྡིག་པས་གང་བའི་ཚེ། །ལེ་ལེན་རང་ལ་བདའ་བར་བྱིན་གྱིས་རློབས། །གཞན་ཕྱོགས་སྐྱོན་ལ་ནམ་ཡང་མི་བསམ་

[Full Size]

ཞིང་། །ཀུན་ལ་བཤེས་གཉེན་ལྟ་བར་བྱིན་གྱིས་རློབས། །འགྱུར་ལྡོག་ངན་ཤག་འཕང་རྒྱུག་རབ་སྤངས་ནས། །ཡེངས་སྐྱ་ཐུབ་པར་འབྱོངས་པར་བྱིན་གྱིས་རློབས། །བདག་ནི་འཆི་ཚེ་བྱང་སེམས་མི་འབྲལ་ཞིང་། །བདེ་བ་ཅན་དུ་སྐྱེ་བར་བྱིན་གྱིས་རློབས། །འགྲོ་བའི་དོན་ཕྱིར་རྒྱལ་བ་ཆོས་ཉན་ཏེ། །ས་བཅུ་མྱུར་དུ་བསྒྲོད་པར་བྱིན་གྱིས་རློབས། །གྲངས་མེད་སྤྲུལ་ནས་གྲངས་མེད་རྒྱལ་བ་ལ། །མཆོད་ཅིང་དམ་ཆོས་ཐོབ་པར་བྱིན་གྱིས་རློབས། །མཐའ་ཡས་སྤྲུལ་པས་མཐའ་ཡས་འགྲོ་བ་རྣམས། །བྱང་ཆུབ་ལམ་ལ་བཀོད་པར་བྱིན་གྱིས་རློབས། །མདོར་ན་བླ་མ་སྤྱན་རས་གཟིགས་དབང་གིས། །ཕྲིན་ལས་བསྒྲུབ་པའི་ཐུ་བོར་བྱིན་གྱིས་རློབས། །ཞེས་པ་འདི་ནི་ཤར་འོད་ཟེར་དམ་པའི་ཕོ་བྲང་གི་ཆོས་རའི་སྟེང་དུ་བློ་སྦྱོང་དོན་བདུན་མའི་ཁྲིད། ཇོ་བོ་ཆེན་པོ་གསེར་གླིང་པའི་ལུགས། ཇོ་བོ་ཨ་ཏི་ཤ་ཡི་ཐུགས་དམ་ཡི་དོན་རེ་རེ་ལ་ཉིན་རེ་མཛད་པས་ཕྱེད་ཙམ་འགྲུབ་ནས་གསུང་འཕྲོ་དེ་བཞག་ནས། སྒར་ཆེན་གཙང་ཕྱོགས་སུ་བཏེགས་པས་དེ་ཕྱིན་ཆད་སྐུ་སྐྱེ་བ་དེ་ལ་ཟ་དམ་དུ་མ་ཕེབ་ཅིང་། ཕྱིས་གཙང་ཕྱོགས་སུ་ཡང་ཆོས་དེ་ཡི་འཕྲོ་མ་གནང་སྟེ། ཕྱིས་བསམ་པ་ཟ་དམ་གྱི་གནས་དེར་མཛད་པས་ཕྲིན་ལས་ཀྱི་ཁྱད་ཙམ་ཞིག །སྐུ་སྐྱེ་བ་ཕྱི་མས་མཛད་དགོས་པའི་བརྡའམ་རྟེན་འབྲེལ་དུ་སྣང་

[Full Size]

སྟེ། ཉིད་ཀྱིས་བཀོད་ཡིག་ལྟར་ནའང་གཙུག་ལག་ཁང་ཕྱེད་ཙམ་ལས་ད་ལྟ་མ་འགྲུབ་པ་དང་། སྟག་ཚང་རོང་གི་རྟོགས་ལྡན་རྩ་རླུང་ལ་རང་དབང་ཐོབ་པ་ཞིག་གིས། རི་བོ་རྩེ་ལྔ་ནས་ཟངས་ཀྱི་གའུ་ཤོག་སེར་གྱིས་གང་བ་ཞིག་གཏེར་ནས་བཏོན་ཏེ། རྒྱལ་བའི་དབང་པོ་དགུ་པ་ལ་ཕུལ་བའི་ནང་ན་ཟ་དམ་གྱི་བཀོད་པ་དང་དགེ་འདུན་གྱི་ཁ་གྲངས་ལ་སོགས་གསལ་བར་ལུང་བསྟན་ཡོད་པར་སྣང་སྟེ། དེ་ལྟར་ན་ཟ་དམ་གོང་འོག་གཉིས་ལ་༧ ཞྭ་དམར་བདུན་པ་དང་བརྒྱད་པས་དགོན་རེ་རེ་བསྒྲིགས། ཚོགས་པ་སྟོང་ར་ཅན་ཚོགས་བོད་ཀྱི་རབ་འབྱམས་ཀྱི་གྲྭ་སྐོར་དེར་བྱེད་པ་འོང་ངོ་སྣང་སྐད། གྲུབ་ཐོབ་དེ་དངོས་དང་གྲ་རྒན་འགའ་རེས་མཇལ་བར་གོས་སྐུ་བཞེངས་ན་ཐོག་མར་བཤམས་དུས་དགུན་ལ་འབྲུག་ཆེན་གྲགས་ཟེར་བ་ཡོད་ཨེ་བྱུང་གསུངས་དེ་བྱུང་སྐད། ལྷོ་ཕྱོགས་རྒྱ་བལ་ལྟ་བུའི་གྲོང་ཁྱེར་དང་ཚོང་དུས་ཆེན་པོ་ཡང་འབྱུང་བ་དང་། བྲག་ཅིག་གི་མཐའ་དེར་མཚོ་ཡིས་བསྐོར་བར་གཏེར་ཡིག་དེར་ཡོད་སྐད། རྗེ་ཉིད་ཀྱི་ཞལ་ནས་བྲག་འདི་རྣམ་སྲས་དམར་པོའི་ཕོ་བྲང་དུ་སྣང་བས་ལོངས་སྤྱོད་ཆེན་པོ་འོང་ཞེས་དང་། ལུང་བསྟན་མགུར་བཞེངས་པ་ལས། གོས་དར་ཟབ་གྱོན་ཀྱང་རྩུབ་རྩུབ་འདྲ། །ཟས་བུར་སྦྲང་ཟོས་ཀྱང་ཁ་ཁ་འདྲ། །ཞེས་ལོངས་སྤྱོད་ཆེན་པོ་ལུང་བསྟན་པས། དེ་རྣམས་སླད་ནས་འབྱུང་བར་སྣང་ངོ་། །དེ་ལྟར་བློ་སྦྱོང་དོན་བདུན་མའི་ཁྲིད་ཕྱེད་ཙམ་ཐོབ་པའི་བརྒྱུད་རིམ་ལ་ཕྱིས་གསོལ་བ་བཏབ་པ་སྟེ། ༧སླར་ཡང་སྤྲུལ་སྐུ་བདུན་པས་བཀའ་ཆོས་ཀྱི་འཕྲོ་སྐྱོངས་བར་གྱུར་ཅིག །ཅེས་

[Full Size]

པ་འདི་རྣམས་༧ ཀརྨ་ཨ་རཱ་གས་བྲིས་པའོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སྤྲུལ་པའི་ཆོས་རྒྱལ་སྲོང་བཙན་སྒམ་པོའི་གསོལ་འདེབས།

[Full Size]

སྤྲུལ་པའི་ཆོས་རྒྱལ་སྲོང་བཙན་སྒམ་པོའི་གསོལ་འདེབས་ནི།

[Full Size]

ན་མོ་ལོ་ཀི་ཤྭ་ར་ཡེ། བཅོམ་ལྡན་ཤཱཀ་ཐུབ་མྱ་ངན་འདས་པའི་ཚེ། །སྤྱན་རས་གཟིགས་ཀྱིས་བཞུགས་པར་གསོལ་བཏབ་པས། །གདུལ་བྱ་རྫོགས་ཕྱིར་མྱ་ངན་འདས་གསུངས་ཚེ། །ད་དུང་བོད་ཡུལ་ཞབས་ཀྱིས་མ་བཅགས་པས། །དེ་ཕྱིར་མྱ་ངན་མི་འདའ་བཞུགས་གསོལ་པས། །དེ་ནི་ཁྱོད་ཀྱི་གདུལ་བྱ་ཡིན་ནོ་གསུངས། །བོད་ཀྱི་འདུལ་སྐལ་དེ་ལ་གསོལ་བ་འདེབས། །དེ་དོན་འོད་དཔག་མེད་ལ་ཞུས་པ་ཡིས། །བོད་ཀྱི་སེམས་ཅན་ཁྱོད་ཀྱི་སྨིན་གྱིས་ལ། །ང་ཡི་དྲུང་དུ་ཁྲིད་ལ་ཤོག་ཅིག་གསུངས། །བོད་ཁམས་འདྲེན་མཛད་དེ་ལ་གསོལ་བ་

[Full Size]

འདེབས། །འཇམ་དཔལ་རྩ་བའི་རྒྱུད་ལས་བཅོམ་ལྡན་གྱི། །བྱང་ཕྱོགས་ལྷ་ལྡན་ཞེས་བྱའི་ཡུལ་དུ་ནི། །རྒྱལ་པོ་མི་ཡི་ལྷ་ཞེས་བྱ་བ་འབྱུང་། །ལོ་ནི་བརྒྱད་ཅུར་རྒྱལ་སྲིད་བྱེད་འགྱུར་གསུངས། །རྒྱལ་བས་ལུང་བསྟན་དེ་ལ་གསོལ་བ་འདེབས། །ཐུགས་རྗེ་ཆེན་པོ་བོད་ཀྱི་རྒྱལ་པོར་སྤྲུལ། །ལྷམ་ཞུགས་བལྟམས་ཚེ་འཇའ་འོད་མེ་ཏོག་ཆར། །དབུ་ལ་ཨ་མི་དྷེ་ཝའི་ཞལ་མངའ་བས། །ལྭ་བ་དམར་པོས་དཀྲིས་པས་ལ་ཐོད་བྱུང་། །དབུ་གཉིས་མངའ་བ་དེ་ལ་གསོལ་བ་འདེབས། །བློན་པོ་ཐོན་མི་རྒྱ་གར་ཡུལ་དུ་བཏང་། །རྒྱ་ཡིག་ལྔ་བཅུ་བོད་

[Full Size]

ཡིག་སུམ་ཅུར་བསྒྱུར། །བཟོ་རྩིས་སྨན་དང་གཏམ་རྒྱུད་མང་པོ་ཡི། །བོད་ཡུལ་རྨོང་པ་སེལ་ལ་གསོལ་བ་འདེབས། །སྒྲོལ་མ་དཀར་སྔོན་སྤྲུལ་པའི་བཙུན་མོ་གཉིས། །ཇོ་བོ་རྣམ་གཉིས་བོད་དུ་གདན་དྲངས་ནས། །བསྟན་པའི་སྲོལ་བསྟོད་མཛད་ལ་གསོལ་བ་འདེབས། །ར་ས་འཕྲུལ་སྣང་རྒྱལ་སྟག་ར་མོ་ཆེ། །ཡེར་པ་ལ་སོག་གཙུག་ལག་བརྒྱ་རྩ་བཞེངས། །འགྲོ་བའི་སྒྲིབ་སྦྱོང་མཛད་ལ་གསོལ་བ་འདེབས། །བལ་པོ་ཤྲཱི་ལ་མཉྫ་སྤྱན་དྲངས་ནས། །ཐུགས་རྗེ་ཆེན་པོའི་མདོ་རྒྱུད་ཉེར་གཅིག་བསྒྱུར། །སྤྱན་རས་གཟིགས་རྒྱུདབང་དངོས་ལ་ཆོས་གསན་ནས། །བློན་འབངས་ཐམས་ཅད་སྨིན་གྲོལ་ལམ་ལ་བཀོད། །མུན་སེལ་སྒྲོན་མེ་དེ་ལ་གསོལ་བ་འདེབས། །སྤྲུལ་པའི་དགེ་སློང་རྒྱ་གར་ཡུལ་དུ་བཏང་། །ཙནྡན་ཇོ་བོ་སྒྲོལ་མ་རང་བྱོན་སོགས། །སྟོན་མཆོག་གདན་འདྲེན་མཛད་དེ་གསོལ་བ་འདེབས། །ལི་ཡི་ཡུལ་དུ་བཙུན་པ་གཉིས་ལ་ནི། །འཕགས་པ་འཇམ་དཔལ་དབྱངས་ཀྱིས་ལུང་བསྟན་ནས། །མཇལ་ཚེ་དབུ་ཡི་ཨ་མི་དྷེ་ཝ་བསྟན། །བྱེ་མ་གསེར་དུ་བསྒྱུར་ནས་དངོས་གྲུབ་གནང་། །སྐད་ཅིག་རང་ཡུལ་སླེབ་པའི་རྫུ་འཕྲུལ་བསྟན། །རྫུ་

[Full Size]

འཕྲུལ་སྟོབས་ལྡན་དེ་ལ་གསོལ་བ་འདེབས། །པདྨ་དྲྭ་བའི་རྒྱུད་ལས་ལུང་བསྟན་ལྟར། །ཐུགས་དམ་བཅུ་གཅིག་ཞལ་ནི་རང་བྱོན་གྱུར། །འབྱོན་བཞུགས་དངོས་སུ་མཛད་ཅིང་འོད་ཟེར་འཕྲོ། །ངོ་མཚར་བསམ་ལས་འདས་ལ་གསོལ་བ་འདེབས། །པད་འབྱུང་ལ་སོགས་རྒྱ་གར་གྲུབ་ཆེན་རྣམས། །རྫུ་འཕྲུལ་སྟོབས་ཀྱིས་བྱོན་ནས་དམ་ཆོས་ཞུས། །སྤྱན་རས་གཟིགས་དངོས་བོད་ཀྱི་རྒྱལ་པོ་ཞེས། །འཛམ་གླིང་ཀུན་ཏུ་གྲགས་ལ་གསོལ་བ་འདེབས། །འཛམ་གླིང་བྱེ་བ་ཕྲག་བརྒྱའི་ཞིང་ཁམས་ན། །གངས་ཆེན་བོད་ཡུལ་བྱེ་བ་ཕྲག་བརྒྱ་སྟེ། །སྲོང་བཙན་སྒམ་པོ་རྒྱ་བཟའ་བལ་བཟའ་དང་། །བཅུ་གཅིག་ཞལ་སྐུ་བྱེ་བ་ཕྲག་བརྒྱ་རུ། །སྤྲུལ་ནས་མཁའ་མཉམ་འགྲོ་བ་འདྲེན་ནོ་ཞེས། །མདོ་ལས་ལུང་བསྟན་དེ་ལ་གསོལ་བ་འདེབས། །མ་འོངས་ལུང་བསྟན་བཀའ་ཆེམས་གཏེར་དུ་སྦས། །རྒྱལ་པོ་བཙུན་མོ་གཉིས་བཅས་འོད་ཞུ་ནས། །བཅུ་གཅིག་ཞལ་ལ་དངོས་སུ་ཐིམ་གྱུར་པས། །ཐེ་ཚོམ་བསལ་ཕྱིར་ལྷ་ཡི་ཐུགས་ཀ་ནས། །ཡབ་ཡུམ་གསུམ་གྱི་ཞལ་ནི་དངོས་སུ་བསྟན། །མ་འོངས་ཞལ་ཆེམས་བཞག་ལ་གསོལ་བ་འདེབས། །འོད་

[Full Size]

ཟེར་བཀྱེ་བས་གཙུག་ལག་བྱིན་གྱིས་བརླབས། །འོད་ཟེར་ལྷ་བརྒྱད་ལ་ཐིམ་བྱིན་རླབས་ལྡན། །འཇའ་ལུས་རྡོ་རྗེའི་སྐུ་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བདག་གིས་བཞེངས་པའི་སྐུ་འདྲ་འདི་དག་རྣམས། །རང་བྱོན་བཅུ་གཅིག་ཞལ་བཞིན་བྱིན་རླབས་ལྡན། །འབྲེལ་ཚད་བདེ་ཆེན་ཞིང་དུ་སྐྱེ་བ་དང་། །ཁྱེད་ཀྱིས་གསུངས་པའི་ཐུགས་རྗེའི་སྒྲུབ་ཐབས་རྣམས། །བདག་གིས་ཉམས་བླངས་དངོས་གྲུབ་གཉིས་ཐོབ་ནས། །བདག་དང་བདག་གི་རྒྱུད་འཛིན་འཁོར་སློབ་བཅས། །སྤྲུལ་པའི་རྒྱལ་པོ་སྲོང་བཙན་སྒམ་པོ་དང་། །སྐུ་གསུང་ཐུགས་ཡོན་ཕྲིན་ལས་མཉམ་གྱུར་ཅིག །ཅེས་པ་མེ་ཕོ་རྟའི་ལོ་ནག་པ་ཟླ་བའི་ཉེར་གསུམ་འགྲུབ་སྦྱོར་དང་ལྡན་པ་ལ། གདུང་རྟེན་སྐུ་འདྲ་རྣམས་ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་། ཐུགས་སྒྲུབ་གསང་འདུས་དང་། གནམ་ཆོས་ལུགས་དང་དཀྱིལ་འཁོར་བཞིའི་སྒོ་ནས་རབ་གནས་བྱས་དུས། འབྱུང་བ་ཁོད་སྙོམས་པ་དང་། ནམ་མཁའ་ལ་འཇའ་ཚོན་དང་། སློབ་བུ་རྫོགས་ཆེན་པ་ཞིག་གིས། ལྷ་སོ་སོ་ལ་སྐུ་ཕྲ་མོ་མང་པོ་ནས་གཏོར་བ་ལྟར་ཐིམ་པ་མཐོང་འདུག་ཅིང་། ཆོས་དང་ཟང་ཟིང་གི་རྟེན་འབྲེལ་ལེགས་བྱུང་། དེ་ནས་ཞག་བདུན་ལྷའི་མདུན་དུ་གྲྭ་པ་རྣམས་ལ་ཆོ་ག་དང་མཆོད་པ་བྱེད་བཅུག་ཅིང་། རང་གི་ཡང་བྱིན་འབེབས་

[Full Size]

ཀྱི་དམིགས་རིམ་ལ་འབད་པས་ཉེར་ལྔའི་ཐོ་རངས། ཉམས་ཀྱི་སྣང་བ་དང་རྨི་ལམ་འདྲེས་པའི་སྣང་བ་ལ། མདུན་གྱི་ནམ་མཁར་ཆོས་རྒྱལ་སྲོང་བཙན་སྒམ་པོ་དེ། སྐུ་ཁང་རྩག་གསུམ་ཙམ་ཨེ་ཡོད་སྙམ་པ། དབུ་ལ་དར་དམར་པོའི་ལྭ་ཐོད་ཅན་སྐུ་ལ་གོས་ཆེན་ལྗང་ཁུའི་རལ་གུ་གསོལ་བའི་རྒྱབ་ན། བེར་ཕྱམ་དམར་པོ་གསོལ་བ་ཞབས་སྐྱིལ་ཀྲུང་གིས་བཞུགས་པ། ཤིན་ཏུ་གསལ་བ་གཅིག་ལམ་མེ་བཞུགས་པ་མཇལ་བ་ལ་བརྟེན་ནས་ཀརྨ་རཱ་ག་ཨ་སྱས་བྲིས་སོ།། ༈ །།གྲུབ་ཆེན་སངས་རྒྱས་དབོན་གྱི་གསོལ་འདེབས་ནི། ༈ ན་མོ་གུ་རུ་གིར་ཏི་ཤྲཱི་ཡེ། ཨུ་རྒྱན་ཆེན་པོའི་ལུང་དུ་བསྟན་པ་ལྟར། །རྒྱ་གར་གྲུབ་ཆེན་ནཱ་རོ་པཎྜི་ཏ། །བསམ་བཞིན་བོད་ཀྱི་ཡུལ་དུ་སྐུ་འཁྲུངས་པ། །སངས་རྒྱས་དབོན་དུ་གྲགས་ལ་གསོལ་བ་འདེབས། །སྐུ་འཁྲུངས་ལྟེ་བ་བཅད་པའི་སྒྲ་ལ་ཡང་། །སྙན་པའི་དབྱངས་ཀྱིས་ཚིགས་བཅད་མང་པོ་སོགས། །ངོ་མཚར་རྟགས་དང་མཚན་མ་དུ་མ་ཡི། །སྤྲུལ་པའི་སྐུ་རུ་གྲགས་ལ་གསོལ་བ་འདེབས། །བྱིས་སྦའི་ཚེ་ན་གཞོན་ནུའི་རོལ་རྩེད་ཀྱིས། །རི་བྲག་ཐོགས་མེད་ལ་སོགས་རྫུ་འཕྲུལ་གྱིས། །གྲུབ་མཆོག་སངས་རྒྱས་དབོན་ཞེས་ཡོངས་སུ་གྲགས། །རྗེ་བཙུན་གྲགས་པའི་དཔལ་ལ་གསོལ་བ་འདེབས། །ཇོ་བོ་བྲག་ནག་ལ་

[Full Size]

སོགས་ལྷ་སྲིན་བཏུལ། །སྤྲུག་གི་བཙན་རྒོད་བདུད་རྩི་འདྲེན་པ་སོགས། །སློབ་དཔོན་ཆེན་པོ་པདྨའི་སྤྲུལ་པ་ཞེས། །ལྷ་འདྲེས་གུས་ཤིང་བསྟོད་ལ་གསོལ་བ་འདེབས། །བདག་མེད་མ་ཡི་བཀའ་སྲུང་དུར་ཁྲོད་ཀྱིས། །མཁའ་འགྲོ་ལྔ་ཡི་གདུང་བའི་གླུ་བླངས་ཤིང་། །སྲོག་སྙིང་ཕུལ་ནས་བསྟན་པ་བསྲུངས་བར་ཆད། །དགྱེས་རྡོར་གྲུབ་པའི་རིག་འཛིན་གྷིརྟི་ཤི། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །བདེན་ཚིག་བརྗོད་པས་སངས་རྒྱས་ཚེམས་ཐོབ་ཅིང་། །དབྱར་ཁའི་ཆུ་ལ་མཁའ་འགྲོའི་དར་ལམ་འཐེན། །རི་བོ་ཆེ་སོགས་གདན་ས་ཆགས་བཅགས་མཛད། །བསྟན་པའི་རྒྱལ་མཚན་བཙུགས་ལ་གསོལ་བ་འདེབས། །ཟབ་ཆོས་རྒྱ་མཚོ་ཁམས་ཕྱོགས་དཀར་པོར་བཏང་། །དགེ་འདུན་སྟོང་ཕྲག་མང་པོ་འདུས་མཛད་དེ། །གཙུག་ལག་དམ་ཆོས་ཡུན་རིང་དར་རྒྱས་པའི། །ལུང་བསྟན་བྱིན་རླབས་མཛད་དེར་གསོལ་བ་འདེབས། །བཀའ་ཤོག་ཙམ་གྱིས་གྲོལ་བ་བརྒྱ་ཕྲག་སྟེ། །མཐོང་ཐོས་དྲན་རིག་འགྲོ་བ་སྨིན་གྲོལ་མཛད། །རིགས་རྒྱུད་ཆོས་བརྒྱུད་དབྱར་གྱི་ཆུ་བཞིན་རྒྱས། །བསྟན་པའི་བདག་པོ་དེ་ལ་གསོལ་བ་འདེབས། །ཞེ་

[Full Size]

བདུན་བཞེས་ཚེ་མཁའ་འགྲོའི་སུན་མ་བྱུང་། །རྡོ་རྗེ་འཆང་གི་ཆ་ལུགས་མཛད་ནས་གཤེགས། །བརྒྱུད་འཛིན་ཨུ་རྒྱན་མགོན་པོས་ལུང་བསྟན་མཛད། །སྐལ་ལྡན་རྣམས་ལ་ཞལ་སྟོན་གདམས་པ་གནང་། །འདས་ཚུལ་བསྟན་ཡང་འཆི་མེད་རྡོ་རྗེའི་སྐུ། །གྲུབ་པའི་རིག་འཛིན་དེ་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཐུགས་རྗེ་ཆེན་པོ་དམར་པོ་ལུགས་དང་ནི། །སྤྲུལ་སྐུ་ལྷ་གཅིག་བུམ་གཅིག་ལ་སོགས་པ། །ཁྱད་ལས་བརྒྱུད་པའི་ཟབ་ཆོས་འདི་དག་གིས། །བདག་བརྒྱུད་སྨིན་ཅིང་གྲོལ་བར་བྱིན་གྱིས་རློབས། །ཁྱེད་ཀྱི་བྱིན་རླབས་བཀའ་བབས་ཉེ་བརྒྱུད་ནི། །བདག་ལ་དངོས་སུ་འབྱུང་བར་བྱིན་གྱིས་རློབས། །དེ་ལ་བསྟན་ནས་ཐུགས་རྗེ་ཆེན་པོ་འགྲུབ། །འབྲེལ་ཚད་དོན་ལྡན་ཁྱེད་དང་མཉམ་པར་ཤོག །ཅེས་པ་ཚེ་དཔག་ལྷ་གཅིག་བུམ་གཅིག་དང་། ཐུགས་རྗེ་ཆེན་པོ་དམར་པོ་ལུགས་ལ་ཡང་ཅུང་ཟད་རེ་བསྙེན་པའི་སྐབས། མེ་ཕོ་རྟའི་ལོ་ནག་པ་ཟླ་བའི་གནམ་གང་གི་ནམ་ལང་ཙམ་ལ། ཅུང་ཟད་འཐུམ་ཙམ་ལ་རྗེ་སངས་རྒྱས་དབོན་རིན་པོ་ཆེ་དགེ་སློང་གི་ཆ་ལུགས་ཞབས་སྐྱིལ་ཀྲུང་གིས་བཞུགས་པ། དབུ་ལ་དྭགས་ཞུ་འདྲ་བ་དམར་པོ་གསོལ་བ་ཞིག་མཇལ། དེས་རྩ་རླུང་གིས་གདམས་པ་

[Full Size]

སོགས་ཟབ་ཆོས་མང་པོ་གནང་སྟེ་ཡིད་ལ་ནི་མ་ཟིན་པ་ཅིག་བྱུང་བས་གསོལ་བ་བཏབ་པའོ། །ཨ་རཱ་གས་སོ།། ༈ །ཆོས་སྐྱོང་བཀའ་སྲུང་ཚོགས་ལ་དོན་གྱི་བསྟོད་པ་དང་ནོངས་བཤགས་སུ་མཛད་པ་བཞུགས་སོ། ༈ །ན་མོ་དྷརྨ་པཱ་ལ་ཡེ། འཁོར་བའི་སྐྱབས་གནས་དཀོན་མཆོག་གསུམ། །དེ་ལ་ཕྱི་ནང་གསང་བ་གསུམ། །ནང་གི་དཀོན་མཆོག་རྣམ་གསུམ་ནི། །རྩ་བ་གསུམ་དུ་གྲགས་པ་ཡི། །ཕྲིན་ལས་རྩ་བ་མཁའ་འགྲོ་དང་། །ཆོས་སྐྱོང་དམ་ཅན་རྒྱ་མཚོ་ལ། །གུས་པའི་ཡིད་ཀྱིས་ཕྱག་འཚལ་ལོ། །མ་གུས་སྐྱབས་འགྲོ་གཏོང་ཉེན་གདའ། །སངས་རྒྱས་བྱེ་བ་ཕྲག་བདུན་གྱི། །ཐུགས་སྤྲུལ་མགོན་པོ་ཕྱག་བཞི་པ། །རྡོ་རྗེ་འཆང་དངོས་ཡིན་པར་གསུངས། །རང་ཉིད་བར་དོར་འཁྱམས་ཚེ་ཡང་། །དག་་པའི་ཞིང་དུ་ཁྲིད་འགྱུར་ཞེས། །གྲི་གུག་བརྩེགས་པའི་རྒྱུད་ལས་གསུངས། །ཕྱི་ལྟར་ལྷ་མོ་དབྱངས་ཅན་མ། །ནང་ལྟར་རྡོ་རྗེ་ཕག་མོ་སྟེ། །གསང་བ་དུད་སོལ་ལྷ་མོ་ཉིད། །དེ་སྐད་གྲུབ་ཆེན་མཚོ་སྐྱེས་གསུངས། །དེ་ལ་མཆོད་ཅིང་བསྟོད་བྱས་ནས། །སངས་རྒྱས་ཀུན་ལ་མཆོད་པར་འགྱུར། །དེ་སྐད་ཕྱག་ན་རྡོ་རྗེས་གསུངས། །དེ་ཕྱིར་མ་མགོན་འདི་

[Full Size]

གཉིས་ནི། །ཡི་དམ་ཆོས་སྐྱོང་གཉིས་ཀ་ལགས། །དེ་ལ་ཕྱག་འཚལ་བསྟོད་པར་བགྱི། །ཡེ་ཤེས་མགོན་པོ་བེར་ནག་ཅན། །སྤྱན་རས་གཟིགས་དབང་སྤྲུལ་པ་རུ། །རིན་ཆེན་དཔུང་རྒྱན་རྒྱུད་ནས་གསུངས། །གྲུབ་ཆེན་པཀཱི་ཡེ་ཤེས་མགོན་པོ་ཉིད། །དབྱེར་མེད་པཀྵི་ཉིད་ཀྱིས་གསུངས། །ཨུ་རྒྱན་ཆེན་པོས་ལུང་ཡང་བསྟན། །འཇམ་དཔལ་སྦྱོར་ཡུམ་བཱ་ཏ་ལི། །རང་བྱུང་རྒྱལ་མོ་དབྱེར་མེད་དེ། །དོན་ལ་ས་བཅུའི་སེམས་མ་ཉིད། །དེ་ཕྱིར་མ་མགོན་ལྕམ་དྲལ་འདི། །བླ་མ་ཡི་དམ་ཆོས་སྐྱོང་གསུམ། །གཅིག་ཏུ་འདུས་པའི་ངོ་བོ་ཉིད། །དེ་ཕྱིར་ཕྱག་འཚལ་བསྟོད་པར་བགྱི། །ཕྱག་དྲུག་རིགས་དྲུག་སྐྱེ་སྒོ་གཅོད། །ལན་གཅིག་འབྲེལ་པ་ཐོབ་པས་ཀྱང་། །བར་དོའི་འཇིགས་པ་སྐྱོབ་པའི་ཕྱིར། །བར་དོའི་མགོན་པོ་ཞེས་སུ་གྲགས། །ཐུགས་རྗེ་ཆེན་པོ་དག་པོ་སྟེ། །བྱིན་རླབས་མྱུར་མཛད་སྤྱན་རས་གཟིགས། །ཁྱེད་ལ་ཕྱག་འཚལ་བསྟོད་པར་བགྱི། །ཀུན་བཟང་ཆེ་མཆོག་ཧེ་རུ་ཀ །འཁོར་བའི་རྩ་བ་བདག་འཛིན་ཏེ། །དུག་གསུམ་རུ་ཏྲ་སྡེ་གསུམ་བསྒྲལ། །ངོ་བོ་ཀུན་ཏུ་བཟང་པོ་ཉིད། །སྟོབས་པོ་ཆེ་དང་སྨེ་བརྩེགས་

[Full Size]

སོགས། །རེས་འགའ་ཡི་དམ་སྐུ་རུ་སྟོན། །ཡི་དམ་ཆོས་སྐྱོང་དབྱེར་མེད་ཉིད། །དེ་ཕྱིར་ཁྱེད་ལ་ཕྱག་འཚལ་བསྟོད། །སྲིན་མགོན་གཉེན་མགོན་དུར་ཁྲོད་བདག །འཁོར་ལོ་སྡོམ་པའི་སྤྲུལ་པར་གསུངས། །ད་ལྟ་ས་གནས་སེམས་དཔའ་སྟེ། །ས་ལམ་བར་ཆད་སེལ་བར་བཤད། །དེ་ཕྱིར་ཁྱེད་ལ་ཕྱག་འཚལ་བསྟོད། །བདེ་མཆོག་ཐུགས་སྤྲུལ་མགོན་པོ་སེང་གདོང་དང་། །ཁྱེད་གཉིས་མཆོད་ཅིང་བསྒྲུབ་པའི་མི། །མངོན་པར་དགའ་དང་དཔལ་ལྡན་ཞིང་། །བདེ་བ་ཅན་དང་ལས་རབ་རྫོགས། །འཐུག་པོ་བཀོད་ཚིསོགས་ཞིང་ཁམས་བརྗོད། །ཀུན་བཟང་ཐུགས་ཀར་ཐིམ་གྱུར་ཞེས། །ཞིང་སྐྱོང་སྲིན་མགོན་རྒྱུད་ལས་བཤད། །དེ་ཕྱིར་ཁྱེད་ལ་ཕྱག་འཚལ་བསྟོད། །འདས་པའི་སངས་རྒྱས་རིན་ཆེན་མང་། །མ་འོངས་སངས་རྒྱས་རིན་ཆེན་གདུགས། །ད་ལྟ་རྣམ་སྣང་ཐུགས་སྤྲུལ་ཏེ། །རྫོགས་པའི་སངས་རྒྱས་ཉིད་ཡིན་ཞེས། །གར་མཁན་མཆོག་གི་རྒྱུད་ལས་གསུངས། །དེ་ཕྱིར་རྣམ་སྲས་སེར་ཆེན་བསྟོད། །ཁྱད་པར་སྣང་བ་མཐའ་ཡས་ཀྱི། །གསུང་གི་སྤྲུལ་པའི་ནོར་ལྷ་སྟེ། །གཞན་ལས་ཁྱད་པར་འཕགས་སོ་ཞེས། །བཀའ་

[Full Size]

གཏེར་གཉིས་ཀའི་གཞུང་ལས་གསུངས། །དེ་ཕྱིར་རྣམ་སྲས་དམར་པོར་བསྟོད། །སྤྱན་རས་གཟིགས་དབང་སྤྱན་ཆབ་སྤྲུལ། །འདི་ཉིད་བསྒྲུབ་ཅིང་མཆོད་པ་ན། །བདེ་བ་ཅན་གྱི་ཞིང་ཁམས་སྐྱེ། །སྤྱན་རས་གཟིགས་ཀྱི་གོ་འཕང་ཐོབ། །དེ་སྐད་ཇོ་བོ་རྗེ་ཡིས་གསུངས། །དེ་ཕྱིར་འབྲུག་ཞོན་ལྷ་ལྔར་བསྟོད། །བདེ་གཤེགས་ཀུན་གྱི་གསུང་སྤྲུལ་སྟེ། །སྣང་བ་མཐའ་ཡས་ནོར་ལྷའི་སྐུ། །ཡུམ་ནི་སྒྲོལ་མ་དམར་མོ་སྟེ། །འདི་ཉིད་མཆོད་བསྟོད་བསྒྲུབས་པ་ན། །བདེ་བ་ཅན་དུ་སྐྱེ་འགྱུར་ཞེས། །འཕགས་པ་སྤྱན་རས་གཟིགས་ཀྱིས་གསུངས། །རྒྱ་གར་གྲུབ་ཆེན་འགས་ཀྱང་གསུངས། །དེ་ཕྱིར་འཛམ་དམར་ཡབ་ཡུམ་བསྟོད། །ས་བཅུའི་སེམས་དཔའ་རྡོ་རྗེ་ལེགས། །རྡོར་དབྱིངས་སྦྱོང་རྒྱུད་གཉིས་ཀའི་ལྷ། །ཕྱག་རྡོར་འཁོར་གྱི་སེམས་དཔའ་ཆེ། །པདྨ་དྲྭ་བའི་དཀྱིལ་འཁོར་ལྷ། །འགྲོ་ཀུན་བདེ་ལ་འགོད་པར་ནུས། །དེ་ཕྱིར་མགར་བ་ནག་པོར་བསྟོད། །སྒྲོལ་མ་སྔོན་མོའི་སྤྲུལ་པ་སྟེ། །སྤྱན་རས་གཟིགས་ཀྱི་ལྕམ་སྲིང་ཉིད། །འཁོར་ལོ་བདེ་མཆོག་དཀྱིལ་འཁོར་གྱི། །འཚམས་མ་གཤིན་རྗེའི་མཆེ་བ་ལ། །རྡོ་རྗེ་གཡུ་ཡི་སྒྲོལ་

[Full Size]

མར་བསྟོད། །རྡོར་དབྱིངས་སྦྱོང་རྒྱུད་སེམས་དཔའི་གྲངས། །སེམས་དཔའ་རྡོ་རྗེ་ཁུ་ཚུར་ཏེ། །བདེ་གཤེགས་ཀླུ་དབང་རྒྱལ་པོའི་སྤྲུལ། །ས་དྲུག་ལ་གནས་སེམས་དཔའ་ཆེ། །ཇོ་བོ་སྔགས་ཀྱི་བདག་པོར་བསྟོད། །སྒྲོལ་མ་དཀར་མོའི་སྤྲུལ་པ་སྟེ། །ཚེ་ཡི་ལྷ་མོ་གོས་དཀར་མོ། །མ་མོ་རྦོད་གཏོང་དཀྱིལ་འཁོར་ལྷ། །དཀར་མོ་ཉི་ཟླ་ཐོད་ཕྲེང་ཅན། །བཀྲ་ཤིས་ཚེ་རིང་མ་ལ་བསྟོད། །སེམས་དཔའ་ཉེ་བའི་སྲས་བརྒྱད་གྲགས། །ད་ལྟ་ས་བརྒྱད་སེམས་དཔའི་ཚུལ། །ཐང་ལྷ་མཁར་ནག་སྨྱོ་ཁ་སོགས། །མཚན་བརྒྱད་གནས་བརྒྱད་ལྡན་ལ་བསྟོད། །ཀུན་ཏུ་བཟང་མོའི་སྤྲུལ་པ་སྟེ། །གསང་སྔགས་སྲུང་མ་རལ་གཅིག་མ། །ཕྱག་ན་རྡོ་རྗེའི་ཕྲིན་ལས་སྤྲུལ། །ཡེ་ཤེས་གཟའ་མཆོག་རཱ་ཧུ་ལ། །དེ་སོགས་བཀའ་སྲུང་ཕལ་ཆེར་རྣམས། །སངས་རྒྱས་བསྟན་པ་བསྲུང་བའི་ཕྱིར། །འཇིག་རྟེན་དྲེགས་པའི་ཚུལ་སྟོན་ཡང་། །ངོ་བོ་འཕགས་མའི་སྤྲུལ་པ་སྟེ། །དོན་ལ་ས་གནས་སེམས་དཔའ་ཆེ། །དགེ་འདུན་དཀོན་མཆོག་གྲར་གཏོགས་པས། །བདག་གིས་མཆོད་ཅིང་བསྟོད་པར་བགྱི། །དེ་དོན་རྒྱུད་ཀྱི་འགྲེལ་ཆེན་ལས། །རྒྱུད་ཀྱི་སྟོན་པ་རྡོ་

[Full Size]

རྗེ་འཆང་། །ཞུ་བ་པོ་དང་ཉན་པའི་འཁོར། །དེ་ཉིད་འཛིན་པའི་རིག་འཛིན་མཆོག །རྒྱུད་དེ་སྲུང་བའི་ཆོས་སྐྱོང་རྣམས། །སྟོན་པ་ཉིད་ཀྱི་སྤྲུལ་པར་གསུངས། །དེ་ཕྱིར་རྩ་བ་གསུམ་པོ་ཉིད། །རྣམ་པ་མཆོག་དམན་ཚུལ་སྟོན་ཡང་། །ངོ་བོ་དབྱེར་མེད་དོན་ཤེས་པས། །བདག་གིས་འབྲལ་མེད་བརྟེན་པར་བགྱི། །ཉམས་ཆག་འཁྲུལ་པ་གང་མཆིས་བཤགས། །ཕྱིན་ཆད་མི་བགྱིད་དམ་བཅའ་བས། །མས་གདུང་བུ་ལ་བརྩེ་བ་བཞིན། །རྟག་ཏུ་འབྲལ་མེད་སྡོང་གྲོགས་མཛོད། །ཅེས་པ་འདི་བླ་མ་ཆོས་ལ་དབང་ཀུན་བཟང་འདས་ནས། ཡིད་ཆད་པ་ལྟར་གྱུར་ཏེ་ཆོས་སྐྱོང་གི་བསྐང་གསོལ་དང་བཀའ་སྲུང་གི་གསོལ་མཆོད་ལོ་དུ་མར་གཟབ་ཀྱང་། རྐྱེན་ཁ་དང་བར་ཆད་ནི་དཔུང་པ་ལྟར་བྱུང་། མཐུན་རྐྱེན་བསྒྲུབ་ཅིང་འགའ་རྐྱེན་མི་སེལ་ན། །དེ་རྣམས་ཀྱིས་རྩ་བ་ལ་སྨན་མཆོག་གམ་གནམ་ཆོས་ལྟ་བུ་ཞིག་ཐུགས་དམ་བྱས་ན་དགའ་བ་འདྲ། ཆོས་སྐྱོང་བཀའ་སྲུང་འདི་ཚོ་ལ་མཆོད་བསྟོད་བྱས་ཀྱང་སྐྱག་དད་མེད་པ་འདྲ་བསམ་ཉལ་བའི་ནུབ། ཉམས་རྨི་ལམ་འདྲེས་པའི་མཚམས་ན། །རང་གི་བསོད་ནམས་ཀྱིས་མ་ཕེར་བ་ཡིན། བཀའ་སྲུང་གི་མ་ཕེར་བ་སྤུ་ཙམ་ཡང་མེད་ཟེར་བའི་སྒྲ་ཞིག་ནམ་མཁའ་ནས་གསལ་བར་གྲགས། དེ་ཡི་དོན་ཕྱིས་ཀྱང་ཡང་ཡང་བསམ་བློ་བཏང་བས། མ་མགོན་སོགས་མཐོ་རིམ་རྣམས་ནི་ཡི་

[Full Size]

དམ་དང་དབྱེར་མེད་དུ་འདུག །བཀའ་སྲུང་དམའ་རིགས་རྣམས་ཀྱང་ས་གནས་ཀྱི་སེམས་དཔའ་ཁོ་ན་རེད། ཐ་ན་ཚེ་རིང་མ་དང་ལྷ་སྨན་སོགས་ཀྱིའང་བར་དོའི་གནས་སྐབས་སུ་ཕན་འདོགས་པ་དང་ལམ་སྟོན་ནུས་པའི་ལོ་རྒྱུས། རང་བྱུང་རྡོ་རྗེའི་བར་དོའི་རྣམ་ཐར་ན་གསར་བར་གདའ་ན། གཞན་ཆོས་སྐྱོང་མཐོ་བ་ཚོ་ལ་སྨོས་ཅི་དགོས། རང་གི་ཕ་མྱེས་སྔགས་འཆང་མགོན་པོ་རྒྱལ་ཞེས་བྱ་བ་ལོ་བརྒྱད་ཅུ་གྱ་གཉིས་རེད་དུས། མི་སྔོན་པོ་རས་དཀར་པོའི་ཨ་གྷ་རོག་ཅན། །གཟུགས་ཐུང་ཞིང་འཇིགས་པ་ཞིག་གིས། ཁོང་ཁང་པ་རྙིང་པ་འགྱེལ་ལ་ཁད་གཅིག་གི་སྟེང་ན་འདུག་པ་དེ་སྟེང་ནས་ཁང་པ་གསར་པ་བཟོས་མ་ཐག་གཅིག་གི་སྟེང་དུ་བཞག་པ་རྨིས། ད་ལོ་འཆི་ཞིང་གཞན་ཞིག་ཏུ་སྐྱེ་བ་ལེན་པ་འདྲ། །གསུངས་པས་དེ་ལོ་འདས་ཤིང་རྟེན་རིང་སྲེལ་མང་དུ་བྱོན་སྐད་དོ། །མི་དེ་མགོན་པོ་ཡིན་པར་འདུག་གསུངས་སྐད། དེས་ན་ཆོས་སྐྱོང་རྣམས་ལ་གསོལ་མཆོད་ཐེངས་ན་ཕྱི་མ་ཡང་རང་དག་པའི་ཞིང་དུ་སྐྱེལ་བར་བཤད་གདའ། ཐ་ན་ཡང་ངན་སོང་དུ་ལྟུང་མི་འཇུག་པར། ལྷ་མིའི་ལུས་བརྟེན་བཟང་པོ་རེ་ན་སྐྱེལ་བ་ཡིན་པར་འདུག །དེ་ཡི་གནད་ཀྱིས་ང་ཡི་བླ་མ་འོལ་བ་འདས་ཁ། ད་ང་འགྲོ་རན་འདུག་པས་ལམ་གཏོར་གཏོང་དགོས་གསུངས་ནས་ཆོས་སྐྱོང་ལྷ་གྲངས་ཀྱི་དམར་གཏོར་མང་པོ་བཅས་ཏེ། གཏོར་འབུལ་རྒྱས་པར་མཛད་ནས་དེ་མ་ཐག་འདས་སྐད། དེ་ཚོ་ལ་བསམ་བཀའ་སྲུང་ཚོ་སྐྱུར་དགོས་བསམ་པ་དེ། དམ་ཚིག་གི་སེལ་རེད་པས་བསྟོད་པ་དང་བཤགས་པ་འདི་བྱས་པའོ། ༧ ཀརྨ་ཨ་རཱ་གས་

[Full Size]

སོ།། ༈ རྒྱལ་བའི་དབང་པོ་ལ་དོན་དམ་ངེས་པའི་སྒོ་དང་སྤྲུལ་པ་ཐབས་ཀྱིས་འགྲོ་བའི་དོན་མཛད་པའི་ཆ་ཙམ་ལ་གསོལ་བ་འདེབས་པ་ནི། ན་མོ་གུ་རུ་ལོ་ཀི་ཤྭ་ར་ཡེ། །བདེ་བ་ཅན་གྱི་ཞིང་ཁམས་ན། །འོད་དཔག་མེད་པའི་ཉེ་གནས་ཚུལ། །འཇིག་རྟེན་དབང་ཕྱུག་སྤྱན་རས་གཟིགས། །སྤྲུལ་པ་བྱེ་བ་བསམ་མི་ཁྱབ། །ཀུན་གྱི་སྤྲུལ་གཞི་རྩ་བའི་ལྷ། །གསོལ་བ་འདེབས་སོ་ཐུགས་རྗེས་ཟུངས། །འོག་མིན་འཐུག་པོ་བཀོད་པ་ན། །རྣམ་པར་སྣང་མཛད་གངས་ཅན་མཚོ། །སྐུ་ལ་ཞིང་ཁམས་དཔག་མེད་རྫོགས། །ངེས་པ་ལྔ་ལྡན་ལོངས་སྤྱོད་རྫོགས། །ཀུན་རིག་རྣམ་པར་སྣང་མཛད་ལ། །གསོལ་བ་འདེབས་སོ་ཐུགས་རྗེས་ཟུངས། །གྲངས་མེད་བསྐལ་པའི་སྔོན་རོལ་ན། །གཞན་ཕན་རྣམ་རོལ་བཅོམ་ལྡན་འདས། །དེ་སོགས་འདས་པའི་སངས་རྒྱས་བཞུགས། །གྲངས་མེད་སྟོན་ལ་ཕྱག་འཚལ་ལོ། །འཛམ་གླིང་བྱེ་བ་ཕྲག་བརྒྱ་ན། །སྐལ་བཟང་སངས་རྒྱས་བྱེ་བ་བརྒྱ། །ལྷོ་ནུབ་རྔ་ཡབ་གླིང་ཕྲན་ན། །པདྨ་འབྱུང་གནས་བྱེ་བ་བརྒྱ། །རི་བོ་ཏ་ལར་བྱེ་བ་བརྒྱ། །སྤྱན་རས་གཟིགས་དབང་བྱེ་བ་བརྒྱ། །རྣམ་པ་ཐ་དད་ངོ་བོ་གཅིག །

[Full Size]

གསོལ་བ་འདེབས་སོ་ཐུགས་རྗེས་ཟུངས། །སྟེང་ཕྱོགས་དགའ་ལྡན་ལྷ་ཡུལ་ན། །བློ་གྲོས་རིན་ཆེན་ཞེས་སུ་གྲགས། །རྒྱལ་བ་བྱམས་པའི་ཉེ་གནས་ཚུལ། །ལྷོ་ཕྱོགས་དཔལ་གྱི་རི་བོ་ན། །ས་ར་ཧ་པ་ཞེས་སུ་གྲགས། །གྲུབ་ཆེན་བརྒྱད་ཅུའི་ཚོགས་དཔོན་ཚུལ། །གནས་མཆོག་ཉི་ཤུ་རྩ་བཞི་ན། །འཆི་མེད་འཇའ་ལུས་གྲུབ་ཆེན་ཚུལ། །ཀླུ་ཡི་འབྱུང་གནས་ཞེས་སུ་གྲགས། །གསོལ་བ་འདེབས་སོ་བྱིན་གྱིས་རློབས། །དུར་ཁྲོད་མེ་རི་འབར་བ་ན། །དབང་ཆེན་རྟ་མགྲིན་ཁྲོ་བོའི་ཚུལ། །བྱང་ཕྱོགས་དུར་ཁྲོད་ཆེན་པོ་ན། །རྡོ་རྗེ་བེར་ཆེན་མགོན་པོའི་ཚུལ། །གསོལ་བ་འདེབས་སོ་དངོས་གྲུབ་སྩོལ། །མ་འོངས་ཚེ་ལོ་བརྒྱད་ཁྲིའི་དུས། །འཁོར་ལོས་སྒྱུར་བའི་རྒྱལ་པོ་དང་། །རྒྱལ་བ་བྱམས་པའི་སྦྱིན་བདག་ཚུལ། །དེ་འོག་བཅོམ་ལྡན་སེང་གེ་སྒྲ། །སྐལ་བཟང་སངས་རྒྱས་དྲུག་པའི་ཚུལ། །སངས་རྒྱས་དགུ་བརྒྱ་གོ་དགུའི་མཐར། །དེ་བཞིན་གཤེགས་པ་སྣང་མཛད་ཞེས། །སྐལ་བཟང་སངས་རྒྱས་ཐ་མའི་ཚུལ། །མ་འོངས་དུས་མཐའི་བསྐལ་པ་ལ། །བདེ་བ་ཅན་གྱི་ཞིང་ཁམས་སུ། །འོད་ཟེར་དཔལ་བརྩེགས་རྒྱལ་པོ་ཞེས། །མཛད་པ་

[Full Size]

མཐར་ཕྱིན་བཅོམ་ལྡན་འདས། །གསོལ་བ་འདེབས་སོ་བྱིན་གྱིས་རློབས། །དེང་སང་མ་དག་འཁྲུལ་པའི་ངོར། །ལྷོ་ཕྱོགས་འཇང་གི་པོ་ཊ་ལར། །ངེས་མེད་དགེ་སློང་རྣལ་འབྱོར་ཚུལ། །མཐོན་མཐིང་ཅོད་པན་འཛིན་པ་པོ། །བཛྲ་དྷརྨ་དྷརྟུ་ལ། །གསོལ་བ་འདེབས་སོ་ཐུགས་རྗེས་ཟུངས། །དུས་ངན་སྙིགས་མའི་འགྲོ་བ་ལ། །ཐུགས་རྗེས་དཔུང་ཆེན་ཆེར་བསྐྱེད་ནས། །ལོ་བརྒྱར་ཞབས་པད་བརྟན་པ་དང་། །སྒྲུབ་བརྒྱུད་བསྟན་པ་རྒྱས་པ་གཅིག །བྱིན་གྱིས་བརླབས་པར་མཛད་དུ་གསོལ། །ཅེས་པ་འདི་ཉམས་རྨི་ལམ་གྱི་མཚམས་སུ་རྟེན་འབྲེལ་གྱི་གནད་ཅིག་གིས་རྒྱལ་བའི་དབང་པོ་ཁྱོད་ལ་ཐུགས་ཤིན་ཏུ་མཉེས་པ་འདུག་ཟེར་བའི་སྒྲ་ཞིག་གྲགས། དེ་རྗེས་ནུབ་གཅིག་རྒྱལ་བའི་དབང་པོ་དངོས་ལྟར་མཇལ། བཙུན་མ་འདྲ་བ་འགའ་རེས་ང་ལ་ཞུ་སྣ་འགའ་བཅུག །དེ་རིན་པོ་ཆེ་ལ་ཞུ་དགོས་སྙམ་ནས་ཞུ་སྡེ་རྒྱལ་བའི་དབང་པོ་ཕེབས་སོང་། དེར་བྱིསྦ་འདྲ་བ་འགའ་དད་འདུན་མི་ཤེས་པར་འདུག་པས། དེར་ངས་རྒྱལ་བའི་དབང་པོ་པང་དུ་བླང་ནས་ཕྲག་ལ་སྦྱར་བ་འདྲ་བྱས་ནས་འདི་ཕ་ལ་རྒྱུན་ཏུ་འོ་བརྒྱལ་འདི་འདྲ་བ་སྨྲས་ཤིང་། དད་པའི་གདུང་ཤུགས་ཀྱིས་མཆི་མ་ཆར་ལྟར་བབ་པ་རྨིས་པས་འདི་ལ་བརྟེན་གནད་ཅིག་ཡིན་པ་འདྲ་བསམས་ནས་སྨྲས་སོ། །དེ་དུས་ཐོ་རངས་ཉམས་སྣང་ལ་ཡི་གེ་དོད་པ་ལས་རང་གི་དོན་

[Full Size]

འབྲེལ་ཚིག་བཞི་འདུག་སྟེ། རེ་ཞིག་དུས་ལ་མ་བབ་པར་མི་བྲིའོ། །ཨ་རཱ་གས་སོ། །མངྒ་ལཾ།། ༈ །།བཀའ་རྩོམ་བསྒྲིག་ཆོག་ཟིན་བྲིས་ཀྱི་རྣམ་དབྱེ་དང་། མཛད་ཆོས་རུང་བའི་རྟེན་འབྲེལ་བྱུང་ཚུལ་སྨོན་ལམ་དང་བཅས་པ་བཞུགས་སོ།། ༈ ན་མོ་སརྦ་དྷརྨཱ་ཡེ། ལུང་རྟོགས་དམ་པའི་ཆོས་ལ་ཕྱག་འཚལ་ལོ། །ཆོས་རྣམས་ཐམས་ཅད་བཀའ་དང་བསྟན་བཅོས་གཉིས། །ལེགས་པར་གསུངས་དང་དེ་ཡི་དགོངས་འགྲེལ་བ། །དེ་ཡི་དབང་གིས་ཐུབ་པའི་བསྟན་པ་ནི། །འཇིག་རྟེན་ཁམས་སུ་ཡུན་རིང་གནས་འགྱུར་གསུངས། །བཀའ་ལ་ཞལ་ནས་གསུངས་དང་བྱིན་གྱིས་བརླབས། །རྗེས་སུ་གནང་བའི་བཀའ་དང་གསུམ་ཡིན་ཏེ། །བཀའ་འགྱུར་ལ་སོགས་མདོ་རྒྱུད་རྣམས་ཡིན་ནོ། །བསྟན་བཅོས་མཛད་མཁན་ལ་ཡང་རབ་འབྲིང་གསུམ། །རབ་ནི་ཆོས་ཉིད་བདེན་པ་མཐོང་བ་སྟེ། །ས་ར་ཧ་སོགས་གྲུབ་ཆེན་རྣམས་ཡིན་ནོ། །འབྲིང་ནི་ཡི་དམ་ལྷ་ཡི་གནང་བ་ཐོབ། །ཕྱོགས་ཀློང་རྡོ་རྗེ་གདན་པ་ཆེ་ཆུང་ལྟར། །ཐ་མ་རིག་པའི་གནས་ལྔར་མཁས་པ་སྟེ། །རྒྱ་གར་པཎ་ཆེན་རྣམས་ནི་ཡིན་པར་བཤད། །རྒྱ་གར་རྒྱལ་པོ་ཆོས་ཀྱི་ཁྲིམས་དམ་པས། །པཎ་གྲུབ་མང་པོ་ཚོགས་

[Full Size]

ནས་བརྩམས་ཆོས་ལྟར། །ལེགས་ན་ཁྲི་འདོན་བཀུར་སྟི་ངོ་སོ་བསྟོད། །མ་ལེགས་བསྟན་བཅོས་ཁྱི་ཡི་མཇུག་མར་བསྲི། །མེ་སྦར་སྣ་ཁོབ་དམྱལ་བར་ལྟུང་དགོས་ཟེར། །རྩོམ་པ་པོ་ལ་སྨ་འབེབས་ཆད་པ་གཅོད། །དེ་ཕྱིར་རྒྱ་གར་ཆོས་ཁུངས་བཙུན་ཟེར་ཡང་། །ངེས་པ་མེད་དེ་ཚད་མ་རྣམ་འགྲེལ་ཡང་། །པཎྜི་ཏ་ཀུན་ཆགས་སྡང་མ་ལེགས་ཟེར། །དང་པོ་ཁྱི་ཡི་མཇུག་མར་བསྲིས་ན་ཡང་། །ཕྱིས་ནས་ཀུན་གྱི་གཙུག་གི་ནོར་བུར་གྱུར། སློབ་དཔོན་མཁས་པ་ཙན་དྲ་གོ་མི་ཡི། །སྒྲ་ཡི་བསྟན་བཅོས་བརྩམ་པ་མ་ལེགས་པས། །གཞན་གྱི་བསྟན་བཅོས་མཐོང་བས་རང་ངོ་ཚ། །རང་གི་བརྩམ་པ་ཆུ་དོང་ནང་དུ་འཕང་། །དེ་ཚེ་སྤྱན་རས་གཟིགས་དབང་ནམ་མཁར་བྱོན། །ཁྱོད་ཀྱིས་རྩོམ་པ་ཧ་ཅང་མི་ལེགས་ཀྱང་། །བསམ་པ་བཟང་པོས་བརྩམ་ཕྱིར་འགྲོ་དོན་འབྱུང་། །ཡར་ཐོན་གསུངས་ལྟར་བཏོན་པས་རྒྱ་ཆེར་འཕེལ། །ཆུ་དེ་སུས་འཐུང་ཤེས་རབ་ཆེའོ་སྐད། །རྒྱ་གར་ནས་འགྱུར་བསྟན་བཅོས་ཕལ་ཆེར་ནི། །བསྟན་འགྱུར་ཨུ་རྒྱན་གསུངས་སོགས་མཐའ་ཡས་སོ། །བོད་ཀྱི་མཁས་གྲུབ་རྣམས་ཀྱི་རྩོམ་པ་ཡང་། །གྲུབ་མཐའ་

[Full Size]

གཞན་གྱི་མི་དང་སྐུར་འདེབས་མང་། །འོན་ཀྱང་རང་རང་རྗེས་འཇུག་རྣམས་ལ་ཕན། །མདོར་ན་རྫོགས་པའི་སངས་རྒྱས་མ་ཐོབ་པར། །ཤེས་བྱ་རེ་རེའི་མཐའ་ཡང་ཆོད་མི་སྲིད། །དེ་ཕྱིར་བསྟན་བཅོས་རྩོམ་པ་ཕལ་ཆེར་གྱིས། །དེ་དོན་མཐའ་དག་རྟོགས་པར་དཀའ་ལགས་ཀྱང་། །རང་གི་ཤེས་ཚོད་ཙམ་ཞིག་གསུངས་པ་ལགས། །དཔེར་ན་ཁྱུང་དང་བྱེ་མ་ལྷེབ་ཡན་ཆོད། །འཕུར་བ་འདྲ་ཡང་གཤོག་རྩལ་ཆེ་ཆུང་ཁྱད། །གཉིས་ཀ་ནམ་མཁའ་མཐའ་མི་ཆོད་པ་མཉམ། །འོན་ཀྱང་གཤོག་ཐོགས་ཡིན་ཕྱིར་གཉིས་ཀ་འཕུར། །དེ་ཕྱིར་རྩོམ་པ་མཁས་པའི་བྱ་བ་སྟེ། །བློ་ཚོད་ཙམ་ཞིག་རུང་བ་ཟླ་གྲགས་གསུངས། །དེ་ཡང་དོན་ལོགས་དོན་མེད་དོན་འགལ་དང་། །བརྩེ་བ་བྲལ་བའི་བསྟན་བཅོས་སྤང་བྱ་ཡིན། །གང་ཕྱིར་རྒྱལ་བའི་བསྟན་པ་འབའ་ཞིག་གིས། །དབང་བྱས་རྣམ་གཡེང་མི་ཅན་ཡིད་ཀྱིས་བྱས། །ཐར་པ་ཐོན་པའི་ལམ་དང་རྗེས་འབྲེལ་བ། །དེ་ཡང་དྲང་སྲོང་བཀའ་བཞིན་སྤྱི་བོར་བླངས། །གསུངས་པའི་མཚན་ཉིད་དེ་ནི་ཚང་གལ་ཆེ། །ཐེག་པ་ཆེ་ཆུང་དགོངས་པ་དཀྲུགས་པ་དང་། །གཏེར་ཆོས་དཀྲུགས་ཤིང་གཏེར་རྫུན་རྩོམ་པ་སོགས། །

[Full Size]

མནར་མེད་རྒྱུ་ཡིན་དུག་ལྟར་སྤངས་བར་བྱ། །མཁས་ཁྱད་འདོད་པའི་བསྲེ་སླད་མང་པོ་ཡང་། །གདམས་པ་འཆལ་ཤིང་བྱིན་རླབས་ཡལ་བའི་རྒྱུ། །དེ་ཕྱིར་ཨུ་རྒྱན་ཆེན་པོའི་ཡང་ཡང་བཀག །འོན་ཀྱང་དུས་ཀྱི་དབང་གིས་དེ་མང་སྟེ། །གདམས་ངག་ཚོང་དུས་འོ་མ་ལྟར་འགྱུར་གསུངས། །ཉམས་མགུར་གསོལ་འདེབས་སོགས་ལ་བཀག་པ་མེད། །དེ་ཡང་གཞན་ནས་ཐུ་དང་འདྲ་དཔེ་མིན། །འཕྲལ་དུ་ཉམས་ལ་གང་ཤར་བརྗོད་པ་ཡིན། ༈ །གཞུང་ནས་གབ་འཁྲུགས་སྤྲད་དགོས་ཡོད་པ་རྣམས། །ཤྲཱི་བསྒྲིགས་ནས་བྲི་བ་བཅོས་སླད་མ་ཡིན་ཏེ། །རྗེས་འཇུག་བློ་དམན་རྣམས་ལ་ཕན་ཕྱིར་ཡིན། །ཞལ་ཤེས་གནད་ཀྱི་མན་ངག་ཟབ་མོ་རྣམས། །སྔར་དུས་གསེར་གྱིས་བསླུ་བ་དགོས་ན་ཡང་། །སྙིགས་དུས་བྲི་མཁན་ཙམ་ཡང་དཀོན་པའི་ཕྱིར། །ཟིན་བྲིས་བྲི་བ་ཕན་འདོད་སེམས་བསྐྱེད་ཡིན། ༈ །དེ་ཕྱིར་བདག་གིས་ཟིན་བྲིས་འགྲིགས་ཆོག་སོགས། །མང་པོ་བྲིས་པ་མཁས་འདོད་ཁྱད་ཆོས་མིན། །མ་འོངས་བློ་དམན་རང་འདྲ་མང་པོ་ལ། །ཕན་པའི་སེམས་ཀྱིས་བཞག་པ་བྱས་པ་ཡིན། །དེ་ལ་འགལ་འཁྲུལ་སྦ་

[Full Size]

འོས་གསལ་བཀོད་སོགས། །འགལ་འཁྲུལ་མཆིས་ན་ཆོས་བདག་སྲུང་མར་བཤགས། །འདི་ཕྱིར་སྒྲིབ་པར་མི་འགྱུར་དངོས་གྲུབ་སྩོལ། །དེ་དག་ཉམས་སུ་ལེན་པ་ཐམས་ཅད་ལ་།བྱིན་གྱིས་རློབས་ལ་སྲུང་སྐྱོབ་མཛད་དུ་གསོལ། །ཞེས་པ་འདི་བླ་མ་ཆོས་དབང་འདས་རྗེས། བདག་གི་སྔར་ནས་ཟིན་བྲིས་འགྲིགས་ཆོག་རྩོམ་སོགས་མང་དུ་བྱས། དེ་དག་མ་ལེགས་པ་ཡིན་ནམ་ད་ལོ་ན་ཉིང་རྐྱེན་ཁ་ཆེན་པོ་བྱུང་། རང་གི་ལག་པ་འདི་ཡང་མ་བདེ། སྔོན་དྲུང་རམ་དཀར་པོ་བས་དགོངས་འདུས་མེ་ཏོག་ཕྲེང་མཛེས་ཀྱི་བཤད་པ་བརྩམས་པས། སྨྱུག་གྲི་ཟུག་ནས་འདས་རྐྱེན་བྱས་སྐད། ཉི་མ་ཞེས་བྱ་བའི་སྔགས་པས་གུ་དྲག་དུང་ཐོན་ཐོག་བརྒྱབ་པ་སྡུག་ཁོང་ནམ་མཁའི་སྙིང་པོའི་གདུང་རྒྱུད་ཡིན་པ་འདུག་སྟེ། རཏ་གླིང་པད་གླིང་གི་གུ་དྲག་བསྲེས་ནས་བྲིས་མ་ཐག་ལྕེ་དིག །བུ་བུ་མོ་རྣམས་སྨྱོ་ནས་རབས་ཆད་སྐད། འབྲི་ཁུང་ཞབས་དྲུང་ཆོས་ཀྱི་གྲགས་པས། གཤིན་རྗེ་ཚེ་བདག་གི་ཟིན་བྲིས་འགའ་མཛད་པས། ཕྱག་མཛུབ་བསྙུངས་ནས་འདས་རྐྱེན་བྱས་སྐད། ད་ནི་བདག་གིས་ཀྱང་རྩོམ་དང་ཟིན་བྲིས་གང་ཡང་མི་བྱེད་དགོས། སྙམ་པ་ཆགས་དོ། མི་ཕོད་པ་ཨེ་ཡིན་བསམ་ནས་ཉལ་ནུབ་རྨི་ལམ་དུ། མཆོད་ཁང་འདྲ་བ་གཅིག་གི་ནང་དུ་ཕྱིན་པས། ང་རང་གི་ལག་ཏུ་ང་རང་གི་གཏེར་བཏོན་པ་ཡིན་སྙམ་པའི་དཔེ་ཆ་གསར་བ་འགའ་གདའ། སྐུ་འདྲ་དེ་ཚོའི་གསེབ་ནས་ད་རུང་ང་ཡི་གཏེར་འདོན་རྒྱུ་མང་པོ་གདའ་སྟེ། དེ་སྔ་ཡང་

[Full Size]

བཏོན་ཏེ་ང་ལ་གཏེར་ཐོན་ཟེར་བའི་ལུང་བསྟན་མེད་པས་འདོན་མི་ཕོད་བསམས་པས། ཁྱོད་རང་གི་གཏེར་འདོན་འཕྲོ་རྣམས་ཐོན་ཟེར་བའི་སྒྲ་ཞིག་ནམ་མཁའ་ནས་གྲག །གཉིད་པ་དང་རྩོམ་རྣམས་རུང་ཟེར་བའི་བརྡའ་རུ་གོ་ནས་བྲིས་པའོ། །རཱ་ག་ཨ་སྱས་སོ།། ༈ །།པད་འབྱུང་ལ་གདུང་བའི་གསོལ་འདེབས་སྤྲུལ་སྐུ་ལ་ས་གཏེར་གྱི་སྐལ་པ་དུས་ལས་མི་འདའ་བའི་བདེན་ཚིག་ནི། ༅། གུ་རུ་པདྨ་སིདྡྷི་ཧཱུྃ༔ གནམ་ལོ་རྒྱལ་པོར་མཚན་གསོལ་བ། །ཅང་ཤེས་རྒྱལ་པོ་བ་ལ་ཧོ། །ཟླ་བ་བློན་པོས་རིས་བབ་པ། །བལ་ཆེན་གཡང་གི་ཕྱི་མོ་ལ། །ཨུ་རྒྱན་འབྱོན་པར་ཞལ་བཞེས་པའི། །དཀར་པོའི་ཕྱོགས་ཀྱི་ཚེས་བཅུ་ལ། །ཟབ་རྒྱས་ཚོགས་ཀྱི་འཁོར་ལོའི་དུས། །གསོལ་བ་གང་བཏབ་འགྲུབ་གསུངས་ན། །འདོད་དོན་གསོལ་བ་འདེབས་ལགས་ཀྱི། །སེམས་ཅན་ཀུན་གྱི་བསམ་པ་ནི། །མ་འདྲེས་སོ་སོར་མཁྱེན་ལགས་ན། །བདག་གིས་འདོད་དོན་དགོངས་པར་མཛོད། །འགྲོ་དྲུག་ཀུན་གྱིས་སྒྲ་སྐད་ནི། །མ་འདྲེས་སོ་སོར་གསན་ལགས་ན། །བདག་གི་ཚིག་འདི་གསན་དུ་གསོལ། །ཐུགས་རྗེ་གློག་བས་མྱུར་བ་ན། །མྱུར་མགྱོགས་ཕྱག་གིས་བསྐྱབ་ཏུ་གསོལ། །ལུང་བསྟན་མི་འགྱུར་རྡོ་རྗེ་ཡི། །

[Full Size]

བར་ཆད་ཐམས་ཅད་བཟློག་ཏུ་གསོལ། །ས་རྟགས་གནམ་རྟགས་ཚང་ལགས་ཀྱི། །ཁ་བྱང་ཤོག་སེར་གནང་དུ་གསོལ། །ཚེ་དབང་རིག་འཛིན་ཁྱེད་ལགས་ཀྱིས། །ཚེ་ཡི་བར་ཆད་བཟློག་ཏུ་གསོལ། །རེ་ས་གཞན་མེད་ཁྱེད་རང་མཁྱེན། །སྤྲུལ་སྐུ་མི་འགྱུར་རྡོ་རྗེ་ནི། །ལོ་བརྒྱའི་བར་དུ་ཞབས་བརྟན་ཅིང་། །ཕྲིན་ལས་རྒྱས་པར་བྱིན་གྱིས་རློབས། །རྩེ་གཅིག་དད་པས་གསོལ་བཏབ་ན། །གསོལ་བཏབ་དོན་དང་ལྡན་པར་མཛོད། །དེ་སྐད་རཱ་ག་ཨ་སྱས་སྨྲས།། ༈ །།རྒྱལ་དབང་ཆོས་དབྱིངས་རྡོ་རྗེ་བླ་མ་ཡི་དམ་དབྱེར་མེད་དུ་གསོལ་འདེབས་སྨོན་ལམ་བཞུགས་སོ། །ན་མོ་ལོ་ཀི་ཤྭ་ར་ཡེ། འཇིག་རྟེན་དབང་ཕྱུག་སྤྱན་རས་གཟིགས། །དམར་ནག་དཀར་བའི་ཞལ་གསུམ་པ། །ཕྱག་དྲུག་དར་དང་རིན་ཆེན་བརྒྱན། །དང་པོས་པདྨ་དེའི་ཁ་འབྱེད། །བར་པས་རྡོ་རྗེ་རིན་ཆེན་ཏེ། །ཐ་མས་འཁོར་ལོ་རལ་གྲི་འཛིན། །རང་འདྲའི་ཡུམ་དང་གཉིས་སུ་མེད། །འཇིག་རྟེན་དབང་ཕྱུག་སྤྱན་རས་གཟིགས། །གུས་པའི་ཡིད་ཀྱིས་ཕྱག་འཚལ་བསྟོད། །དེ་དང་ངོ་བོ་དབྱེར་མེད་ཀྱང་། །མི་ལས་འདས་ཀྱང་མི་གཟུགས་འཛིན། །མཐོན་མཐིང་ཅོད་པན་འཆང་

[Full Size]

བ་སོགས། །བཛྲ་དྷརྨ་དྷརྟུ་ལ། །གསོལ་བ་འདེབས་སོ་ཐུགས་རྗེས་ཟུངས། །བླ་མ་ཡི་དམ་དབྱེར་མེད་པ། །གོ་བ་སྔར་ནས་ཡོད་མོད་ཀྱང་། །ངེས་ཤེས་ད་ལམ་གཏིང་ནས་སྐྱེས། །ད་ནི་སྙིང་ནས་གསོལ་བ་འདེབས། །གསོལ་བ་བཏབ་པའི་བྱིན་རླབས་ཀྱིས། །བདག་དང་བདག་ལ་འབྲེལ་ཐོག་རྣམས། །འདི་ནས་ཚེ་འཕོས་གྱུར་མ་ཐག །བདེ་བ་ཅན་དུ་ལམ་སྣ་དྲོངས། །འོད་དཔག་མེད་དང་ཞལ་མཇལ་ནས། །འཇིག་རྟེན་དབང་ཕྱུག་ཁྱེད་ཉིད་དང་། །རྟག་ཏུ་མི་འབྲལ་ཞིང་དེ་འཛིན། །བླ་མེད་བྱང་ཆུབ་འབྲས་ཐོབ་ཤོག །ཅེས་གསང་འདུས་འཇིག་རྟེན་དབང་ཕྱུག་གི་བསྙེན་པ་ཞག་བདུན་བྱས་པས་ཞག་དྲུག་ནུབ་ཉམས་རྨི་ལམ་གྱི་མཚམས་སུ། གསང་འདུས་དམར་པོ་ཞལ་གསུམ་ཕྱག་དྲུག་པ་མང་པོས་ནམ་མཁའ་ཐམས་ཅད་གང་བ་ཧ་ལམ་ཙམ་མཐོང་། བདུན་ནུབ་རྒྱལ་བའི་དབང་པོས་གསུངས་རིན་པོ་ཆེ་བས་ཕྱག་བྲིས་མཛད་ནས་བཀུར་བ་ཡིན་སྙམ་པའི་བཀའ་ཤོག་ཅིག་ལ། ཡི་དམ་གཅིག་ལ་ཐུགས་དམ་བྱ་ཚུལ་དང་ཡང་ན་རྒྱལ་བའི་དབང་པོ་ཉིད་ལ་བློ་བཀལ་ནས་གསོལ་བ་འདེབས་ཚུལ་གདམས་པ་ཟབ་མོ་འགའ་གདའ་བ། ཀློག་པས་དེ་ནུབ་ཡིད་ལ་གསལ་ཏེ་ཕྱིར་ནངས་བརྗེད། ཐོ་རངས་རྒྱལ་བའི་དབང་པོས་བྱིན་རླབས་རྟེན་ཤོག་ཐུམ་འགའ་བསྐུར་གདའ་བའི་ཁ་ཡིག་ལ། ཕོ་བྱས་གོ་བཅད་ད་རུང་

[Full Size]

ལོ་གྲངས་འདི་ཙམ་ལ་འགྲོ་དོན་གྱིས་ཟེར་བའི་ཡི་གེ་གདའ་སྟེ་ལོ་གྲངས་འདི་རུ་བྲིས་པར་མི་རུང་རྨི་ལམ་དེ་ལྟར་བྱུང་བས་གསོལ་བ་བཏབ་པའོ། ༧ ཨ་རཱ་གས་སོ།། ༈ །།སྒམ་པོ་སྤྲུལ་སྐུའི་དྭགས་བརྒྱུད་ལ་གསོལ་བ་འདེབས་པ་ནི། ན་མོ་གུ་རུ། སྔོན་ཚེ་སེམས་དཔའ་མེ་ཏོག་ཟླ་མཛེས་ནི། །ཤཱཀ་ཐུབ་སྤྱན་སྔར་ཟླ་འོད་གཞོན་ནུར་གྱུར། །གངས་རིའི་ཁྲོད་དུ་དགེ་སློང་འཚོ་མཛད་ཅེས། །མདོ་སྡེ་དུ་མར་ཡང་ཡང་ལུང་བསྟན་པ། །ཐུབ་དབང་གཉིས་པ་དེ་ལ་གསོལ་བ་འདེབས། །ཡང་ཟབ་ཕྱག་རྒྱ་ཆེན་པོའི་ཆོས་ཀྱི་སྒྲ། །ཆོས་ཀྱི་རྔ་ཆེན་ཁྱེད་ཀྱིས་བརྡུང་བའི་མཐུས། །གང་ཐོས་ཐམས་ཅད་མཆོག་གི་དངོས་གྲུབ་ཐོབ། །གྲུབ་ཐོབ་ཆར་པ་འབེབས་ལ་གསོལ་བ་འདེབས། །སྤྱན་རས་གཟིགས་དབང་རྒྱལ་བ་ཀརྨ་པ། །པད་འབྱུང་ས་ར་ཧ་དང་འཚོ་མཛད་ཉིད། །མཐོང་ཐོས་དྲན་གྲོལ་ཉིད་དུ་ཞལ་བཞེས་པའི། །འབྲེལ་ཚད་དོན་ལྡན་དེ་ལ་གསོལ་བ་འདེབས། །སྤྱོད་པ་འདུལ་བ་དང་མཐུན་གཙང་བ་དང་། །བསམ་པ་བྱང་ཆུབ་སེམས་ཀྱི་བཟོ་རྒྱ་ལེགས། །ཉམས་ལེན་ཕྱག་རྒྱ་ཆེན་པོ་གནད་དུ་བསྣུན། །མགོན་པོ་ཁྱེད་ཀྱི་རྣམ་ཐར་འགྲུབ་པར་ཤོག །བདག་དང་སློབ་མ་གས་

[Full Size]

བརྒྱུད་པར་བཅས་པ་ཡང་། །མགོན་པོ་ཁྱེད་ཀྱི་རྗེས་སུ་འཇུག་ལགས་ཀྱི། །ཁྱེད་ལྟར་ཚེ་འདིར་མཆོག་གི་དངོས་གྲུབ་ཐོབ། །ཕྱི་མ་བདེ་བ་ཅན་དུ་སྐྱེ་བར་ཤོག །ཅེས་པ་སྒམ་པོ་སྤྲུལ་སྐུས་ཆོས་བསྐུར་བྱུང་བ། སྔས་སུ་བཞག་ནས་ཉལ་ནུབ། ནམ་ཕྱེད་གྲུབ་ཐོབ་དྲུག་བདུན་ཙམ་ཞིག་གྲལ་བྱས་ནས་བཞུགས་འདུག་པའི་གྲལ་འདབས་སུ་རང་ཡང་བསྡད་པ་དང་། ཐོ་རངས་རྒྱལ་བའི་དབང་པོ་སྐུ་དངོས་འདྲ་བ་ཞིག་མཇལ། །ང་ལ་སྐུ་རྩེད་མཛད་ནས་ཡར་ལ་ཕེབས་སོང་བ། ང་རང་ཡང་དྭགས་ཞུ་དང་ཆོས་གོས་གཟན་ནས་དེའི་རྗེས་སུ་སོང་ཙ་ན། ཁང་བཟང་ལེགས་པོ་གཅིག་ཏུ་སླེབས་པ་རྨིས། གཉིད་སད་ནས་ཉམས་སྣང་ལ། ཕྱག་རྒྱ་ཆེན་པོའི་དོན་རྟོགས་ཟེར་བའི་སྒྲ་ཞིག་གྲགས་སོ། །དེ་ཕྱིར་གསོལ་འདེབས་འདི་བྱས་སོ། །རཱ་ག་ཨ་སྱས་སོ། །མངྒ་ལཾ།། ༈ །།འཕགས་མ་སྒྲོལ་མ་དཀར་མོའི་གསོལ་འདེབས་བཞུགས་སོ། །ན་མོ་ཨཱཿརྱ་ཏཱ་རེ་ཡེ། བདེ་བ་ཅན་གྱི་ཞིང་ཁམས་ན། །མགོན་པོ་ཚེ་དཔག་མེད་པའི་ཡུམ། །གོས་དཀར་མོ་ལ་གསོལ་བ་འདེབས། །པོ་ཊ་ལ་ཡི་གནས་མཆོག་ན། །འཕགས་པ་སྤྱན་རས་གཟིགས་ཀྱི་ཡུམ། །འཕགས་མ་སྒྲོལ་མར་གསོལ་བ་འདེབས། །སྤྲུལ་པས་འཛམ་གླིང་ཆུ་བཞིའི་རྒྱུད། །ཐམས་ཅད་མ་ལུས་ཁྱབ་

[Full Size]

མཛད་ཅིང་། །འགྲོ་དོན་མཛད་ལ་གསོལ་བ་འདེབས། །བྱང་ཆུབ་སེམས་དཔའ་ཐམས་ཅད་ལ། །ལུས་དང་གྲིབ་བཞིན་རྗེས་འབྲང་ནས། །སྲུང་སྐྱོབ་མཛད་ལ་གསོལ་བ་འདེབས། །འཇིགས་པ་བཅུ་དྲུག་གང་བྱུང་སར། །གློག་བཞིན་མྱུར་བར་དེར་བྱོན་ཏེ། །སྐྱབས་ཞུས་སྐྱོབ་མཛད་མ་ལ་འདུད། །མཆོག་དང་ཐུན་མོང་དངོས་གྲུབ་ཀུན། །ཅི་འདོད་ཡིད་བཞིན་སྩོལ་མཛད་མ། །ཡིད་བཞིན་འཁོར་ལོར་གྲགས་ལ་བསྟོད། །བདག་དང་སློབ་མ་བརྒྱུད་པར་བཅས། །ལྷ་མོ་ཁྱོད་ལ་སྐྱབས་གསོལ་གྱིས། །རྟག་ཏུ་ཐུགས་རྗེས་སྐྱོབས་པར་ཞུ། །ཞེས་པ་འདི་ནི་གཉེར་པས་ཚེ་དཔག་སྟོང་སྐུའི་པར་བཏབ། ནང་གཞུག་ལ་བདག་གི་སྐུ་མཚལ་བཞག །ཚོན་རྩི་ལེགས་པར་གསོལ་འདུག་པ་ལ་རབ་གནས་ནུབ་རྨི་ལམ་དུ་ལྷ་ཁང་གཅིག་གི་ནང་དུ། སྐུ་སྐྱེ་འགའ་མཇལ་རྒྱུ་ཡོད་སྙམ་ནས་སོང་ཙ། ཁྲི་མཐོན་པོ་ལྔའི་སྟེང་ན། སྒྲོལ་མ་དཀར་མོ་ལྔ་ཤིན་ཏུ་གསལ་བ་དངོས་སུ་བཞུགས་འདུག་ཅིང་། སྤྱན་ཅུང་ཟད་བསྒྲད་འདུག །ལྔ་ཁ་ཞི་ཞིང་འཛུམ་པ་བཞད་ཅིང་འདུག་པ་མཇལ། སྐུ་འདྲ་ལ་རབ་གནས་ཞག་འགའི་བར་འཛིན་འདུག་ཟེར་བ་ལ་བརྟེན་ནས་བྲིས་པའོ། །ཨ་རཱ་གས་སོ།། ༈ །།རྒྱལ་བའི་དབང་པོ་བཅུ་པ་དང་དྲུང་པ་ལ་ངོ་བོ་དོན་གྱིས་སྣང་ཚུལ་གྱི་གསོལ་འདེབས་

[Full Size]

ནི། ན་མོ་ལོ་ཀི་ཤྭ་ར་ཡེ། བདེ་བ་ཅན་གྱི་ཞིང་ཁམས་ན། །བཞུགས་ཚེ་རྒྱལ་བ་རྒྱ་མཚོར་གྲགས། །རི་བོ་ཏ་ལའི་རྩེ་མོ་རུ། །བཞུགས་ཚེ་འཕགས་པ་སྤྱན་རས་གཟིགས། །ཟངས་མདོག་དཔལ་རིའི་རྩེ་མོ་རུ། །བཞུགས་ཚེ་རིག་འཛིན་ཐོད་ཕྲེང་རྩལ། །རི་བོ་ཏ་ལའི་རྩེ་མོ་རུ། །བཞུགས་ཚེ་འཕགས་པ་སྤྱན་རས་གཟིགས། །ཟངས་མདོག་དཔལ་རིའི་རྩེ་མོ་རུ། །བཞུགས་ཚེ་རིག་འཛིན་ཐོད་ཕྲེང་རྩལ། །ཤར་གྱི་ཕྱོགས་ཀྱི་ཞིང་ཁམས་ན། །བཞུགས་ཚེ་འཕགས་པ་སེང་གེ་སྒྲ། །ལྷོ་ཡི་ཕྱོགས་ཀྱི་ཞིང་ཁམས་སུ། །བཞུགས་ཚེ་ཡིད་བཞིན་འཁོར་ལོ་ཞེས། །ནུབ་ཀྱི་ཕྱོགས་ཀྱི་ཞིང་ཁམས་སུ། །བཞུགས་ཚེ་འཇིག་རྟེན་དབང་ཕྱུག་ཟེར། །བྱང་གི་ཕྱོགས་ཀྱི་ཞིང་ཁམས་སུ། །བཞུགས་ཚེ་དོན་ཡོད་ཞགས་པར་གྲགས། །འོག་མིན་འཐུག་པོ་བཀོད་པ་ན། །བཞུགས་ཚེ་རྣམ་པར་གངས་ཅན་མཚོ། །སྟོང་གསུམ་བྱེ་བ་ཕྲག་བརྒྱ་ན། །བསྐལ་བཟང་སངས་རྒྱས་བྱེ་བ་བརྒྱ། །བོད་ཡུལ་བྱེ་བ་ཕྲག་བརྒྱ་ན། །སྲོང་བཙན་སྒམ་པོ་བྱེ་བ་བརྒྱ། །འཇང་ཡུལ་རི་བོ་པོ་ཊ་ལར། །བཛྲ་དྷརྨ་དྷཱ་ཏུ་ཞེས། །ཚེར་ལུང་པར་གྲགས་ལ་སོགས་

[Full Size]

པ། །གར་འདྲ་སྟོང་གི་འཁོར་དང་བཅས། །གསོལ་བ་འདེབས་སོ་ཐུགས་རྗེས་གཟིགས། །བདག་དང་བདག་ལ་འབྲེལ་ཐོགས་རྣམས། །བདེ་བ་ཅན་དུ་ལམ་སྣ་དྲོངས། །ཞེས་པ་འདི་ནི་ལུག་ལོ་ཆོ་འཕྲུལ་ཆེན་པོའི་ཚེས་བརྒྱད་ལ་དུང་གཉིས་ཚར་བའི་དུང་སྟོན་དང་བསྔོ་བ་སྨོན་ལམ་ཚར་ནུབ། རྨི་ལམ་དུ་བཛྲ་དྷམཱ་དྷཱཏུ་སྐུ་མངོན་སུམ་ལྟ་བུ་ཞིག་མཇལ། བདག་ལ་ཐུགས་ཤིན་ཏུ་དགྱེས་པའི་ཚུལ་གྱིས། ཕྱག་གཉིས་ཀྱིས་བདག་ལ་འཁྱུད་དེ། བདག་གི་ཁ་དང་དཔུང་པ་གཡོན་འོ་བསྐྱལ་བ་ཅིག་རྨིས། དེ་རྗེས་དྲུང་སྐྱིད་སྤྲུལ་སྐུས་བདག་ལ་ཐུགས་ཤིན་ཏུ་དགྱེས་པའི་གསུང་གླེང་འགའ་རེ་དང་། མི་གཞན་མང་པོ་འགའ་ལ། བླ་མ་འདི་ལ་འབྲེལ་པ་ཐོགས་ལ་བཀུར་སྟི་གྱིས་དང་། དོན་ཆེན་པོ་དང་ལྡན་པའི་བཀའ་བཀོད་འགའ་རེ་གནང་ཐལ་བ་ཞིག་རྨིས་པ་ལ་བརྟེན་ནས་ཨ་རྭགས་བྲིས་པའོ།། ༈ །།རི་པ་ཆོས་རྗེ་བག་ཡོད་ཀྱི་སྐུ་ཚེ་ཕྲིན་ལས་རྒྱས་པའི་ཆེད་དུ། རྩེ་གསུམ་ལ་གསོལ་འདེབས་བདེན་སྟོབས་ཀྱི་སྨོན་ལམ་བཞུགས་སོ། ། ༈ ན་མོ་གུ་རུ་ལོ་ཀེ་ཤྭ་ར་ཡེ། རྡོ་རྗེ་འཆང་ཆེན་ཏཻ་ལོ་ནཱ་རོ་དང་། །མར་པ་མི་ལ་དྭགས་པོ་འབའ་བྲོམ་པ། །རས་ཆེན་པ་དང་རས་པ་དཀར་པོའི་མཚན། །ལུས་མེད་རྡོ་རྗེ་ཁུ་དབོན་རྣམ་གཉིས་དང་། །མཆོག་ཐུན་དངོས་གྲུབ་གཉིས་ལ་མངའ་བརྙེས་པའི། །གྲུབ་ཆེན་

[Full Size]

དངུལ་རྫོངས་ཤཱཀྱ་རྡོ་རྗེ་ལ། །གསོལ་བ་འདེབས་སོ་ཐུགས་རྗེས་སྤྱན་གྱིས་གཟིགས། །རིགས་རྒྱུད་ཆོས་བརྒྱུད་རྣམས་ལ་བྱིན་གྱིས་རློབས། །ཆོས་ཀྱི་དབང་ཕྱུག་ཆོས་དབྱིངས་རྡོ་རྗེ་དང་། །ཀུན་དགའ་རྣམ་རྒྱལ་ཀརྨ་བསྟན་སྐྱོང་སོགས། །འབྲེལ་ཐོག་བླ་མ་རྣམས་ལ་གསོལ་བ་འདེབས། །རང་སེམས་ཆོས་སྐུར་རྟོགས་པར་བྱིན་གྱིས་རློབས། །འཇམ་དབྱངས་གྲགས་པ་བཀྲ་ཤིས་དཔལ་འབྱོར་དང་། །མགོན་དབང་བ་སོགས་ཀརྨ་ཚེ་དབང་སོགས། །བཀའ་བབས་རིག་འཛིན་བརྒྱུད་པའི་བླ་མ་རྣམས། །དེང་འདིར་ཐུགས་རྗེས་གཟིགས་ལ་བྱིན་གྱིས་རློབས། །དྲག་པོ་པདྨ་ཁྲོ་ཆུ་དུག་གདོང་དང་། །འཁོར་ལོ་སྡོམ་པ་རྡོ་རྗེ་ཕག་མོ་སོགས། །བཀའ་བབས་བརྒྱུད་པའི་ཡི་དམ་ཐམས་ཅད་ཀྱང་། །རིགས་ཀྱི་བུ་ལ་བརྒྱུད་པའི་ལྷ་འཁོར་ཕྱིར། །ལུས་ངག་ཡིད་གསུམ་སྲུང་ཞིང་བསྐྱབ་པ་དང་། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །བྱ་རོག་མཚན་ཅན་དུད་སོལ་ལྷ་མོ་སོགས། །བཀའ་བབས་རྒྱུད་པའི་ཆོས་སྐྱོང་སྲུང་མ་རྣམས། །སྔོན་གྱི་བཀའ་བསྒོས་དམ་ཚིག་དྲན་མཛོད་ལ། །རིགས་རྒྱུད་ཆོས་བརྒྱུད་དར་ཞིང་རྒྱས་

[Full Size]

པ་དང་། །ཕྲིན་ལས་རྣམ་བཞི་འགྲུབ་པའི་སྡོང་གྲོགས་མཛོད། །དེ་ལྟར་བླ་མ་ཡི་དམ་ཆོས་སྐྱོང་ལ། །རྩེ་གཅིག་གུས་པས་གསོལ་བ་བཏབ་པའི་མཐུས། །རྡོ་རྗེ་འཛིན་པ་ཀརྨ་བག་ཡོད་སོགས། །རི་པ་རྫ་རི་བ་ཞེས་རབ་གྲགས་པའི། །རིགས་རྒྱུད་ཆོས་བརྒྱུད་བཅས་པ་འདི་རྣམས་ལ། །གལ་ཏེ་བག་མེད་བདུད་ཀྱིས་འཚེ་བ་ན། །བག་ཡོད་ཐུགས་རྗེ་ལྡན་པའི་ལྷ་སྲུང་གིས། །མི་མཐུན་གནོད་པའི་རྐྱེན་རྣམས་རབ་བསལ་ཏེ། །འཆི་མེད་རྡོ་རྗེའི་སྐུ་ལྟར་བག་ཡོད་ཤོག །བག་མེད་རྨོང་པའི་དྲི་མ་རབ་བསལ་ནས། །བག་ཡོད་ཐོས་བསམ་སྒོམ་པའི་ཤེས་རབ་ཀྱིས། །མདོ་རྒྱུད་གསར་རྙིང་གཞུང་ལུགས་རྒྱ་མཚོ་ལ། །ཐོགས་མེད་འཇམ་པའི་དབྱངས་ལྟར་བག་ཡོད་ཤོག །བག་མེད་འཆལ་བའི་དྲི་མ་རབ་སྤངས་ནས། །བག་ཡོད་ཤེས་བཞིན་ལྡན་པའི་བཙུན་ཚུགས་ཀྱིས། །ཉིས་བརྒྱ་ལྔ་བཅུ་རྩ་གསུམ་ཁྲིམས་ཀྱི་གཞི། །ཉམས་མེད་ཉེ་བ་འཁོར་ལྟར་བག་ཡོད་ཤོག །བག་མེད་ཞེ་སྡང་གནོད་སེམས་རབ་སྤངས་ནས། །བག་ཡོད་བྱམས་དང་སྙིང་རྗེའི་ཕན་སེམས་ཀྱིས། །སྨོན་དང་འཇུག་པའི་བྱང་ཆུབ་སེམས་གཉིས་པོ། །མཉམ་མེད་མི་ཕམ་མགོན་ལྟར་

[Full Size]

བག་ཡོད་ཤོག །བག་མེད་ཉམས་ཆག་སྒྲིབ་པ་རབ་སྤངས་ནས། །བག་ཡོད་བསྐྱེད་རྫོགས་ཟུང་དུ་འཇུག་པའི་མཐུས། །རྩ་བ་ཡན་ལག་བཅས་པའི་དམ་ཚིག་རྣམས། །ཉམས་ལེན་གསང་བའི་བདག་ལྟར་བག་ཡོད་ཤོག །བག་མེད་ཐ་མལ་སྣང་བ་རབ་སྤངས་ནས། །བག་ཡོད་བསྐྱེད་རིམ་བརྟན་པ་ཐོས་པའི་མཐུས། །གྲུབ་ཆེན་བརྒྱད་དང་ཕྲིན་ལས་རྣམ་པ་བཞི། །ཐོགས་མེད་པད་འབྱུང་ལྟ་བུར་བག་ཡོད་ཤོག །བག་མེད་ཐ་མལ་ལས་རླུང་དག་བྱས་ཏེ། །བག་ཡོད་རྩ་རླུང་གནད་དུ་བསྣུན་པའི་མཐུས། །དགའ་བཞིའི་ཡེ་ཤེས་བདེ་སྟོང་ཏིང་ངེ་འཛིན། །ཉམས་ལེན་ནཱ་རོ་པ་ལྟར་བག་ཡོད་ཤོག །བག་མེད་ཐ་མལ་འཁྲུལ་པ་རབ་སྤངས་ནས། །བག་ཡོད་ཡེངས་མེད་དྲན་པ་བརྟན་པའི་མཐུས། །སྣངསྲིད་ཕྱག་རྒྱ་ཆེན་པོའི་དཀྱིལ་འཁོར་ལས། །ཉམས་ལེན་ས་ར་ཧ་ལྟར་བག་ཡོད་ཤོག །བག་མེད་རང་དོན་ཞི་བདེའི་སེམས་སྤངས་ནས། །བག་ཡོད་སེམས་བསྐྱེད་སྨོན་ལམ་རྒྱ་མཚོའི་མཐུས། །འབྲེལ་ཚད་དོན་ལྡན་འགྲོ་དོན་རྒྱ་མཚོ་ལས། །ཉམས་མེད་སྤྱན་རས་གཟིགས་ལྟར་བག་ཡོད་ཤོག །ཀརྨ་བཀའ་བརྒྱུད་ཐར་པའི་ཁང་བཟང་

[Full Size]

རྩེར། །བག་ཡོད་བསླབ་གསུམ་ངུར་སྨྲིག་རྒྱལ་མཚན་འཛིན། །ལུགས་གཉིས་རྣམ་སྤྱོད་རིན་ཆེན་འོད་འབར་བས། །ཐུབ་བསྟན་མི་ནུབ་རྒྱས་པའི་བཀྲ་ཤིས་ཤོག །ཅེས་པ་འདི་རིགས་རུས་རྣམ་སྤྱོད་ཕུན་སུམ་ཚོགས་པ། རི་པ་བླ་མ་ཀརྨ་བག་ཡོད་ཀྱིས་བཞེད་པ་ལྟར། རྣལ་འབྱོར་པ་ཀརྨ་ཨ་རཱ་གས་ཆོ་འཕྲུལ་ཆེན་པོའི་ཡར་ཚེས་བཅུ་གཉིས་པར། མེ་རླུང་འཕྲོད་པའི་བཀྲ་ཤིས་པའི་དུས་སྦྱོར་བཟང་པོ་ལ་སྦྱར་བའོ། །མངྒ་ལཾ།། ༈ རྟོགས་ལྡན་སངས་རྒྱས་དར་མཆེད་གྲོགས་ལ་གདམས་པའི་མགུར་ཚན་གཅིག་བཞུགས་སོ། །ན་མོ་གུ་རུ། མི་བདག་གི་སྤྱི་བོའི་གཙུག་རོལ་ན། །གདན་པདྨ་ཉི་ཟླ་བརྩེགས་པའི་སྟེང་། །ཆོས་འབྲེལ་བ་ཐོབ་ཚད་བླ་མ་དང་། །དོན་དབྱེར་མེད་གུ་རུ་པདྨ་འབྱུང་། །སྐུ་དཀར་དམར་མདངས་ལྡན་མཚན་དཔེ་རྫོགས། །དབུ་པད་ཞྭ་རྒོད་སྒྲོ་ཉི་ཟླས་བརྒྱན། །ཞལ་ཁྲོ་འཛུམ་སྤྱན་གཉིས་བདག་ལ་གཟིགས། །ཕྱག་རྡོ་རྗེ་བྷནྡྲ་ཁ་ཊཾ་འཛིན། །སྐུ་ཟབ་བེར་ཆོས་གོས་སྐུ་ལ་གསོལ། །ཞབས་རྡོ་རྗེ་སྐྱིལ་མོ་ཀྲུང་གིས་བཞུགས། །འོད་ཟེར་གཟི་བརྗིད་ཉི་མ་འབུམ་བཞིན་འབར། །ཞིང་ཕྱོགས་བཅུའི་རྒྱལ་བ་སྲས་བཅས་རྣམས། །དེ་ཐམས་ཅད་སྤྱན་དྲངས་དབྱེར་མེད་ཐིམ། །རྗེ་

[Full Size]

སངས་རྒྱས་ཐམས་ཅད་འདུས་པའི་སྐུ། །ཐུགས་ཆོས་སྐུའི་ངོ་བོ་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུར་རྟོགས་པར་བྱིན་གྱིས་རློབས། །སྐྱབས་དམ་ཆོས་ཐམས་ཅད་འདུས་པའི་གསུང་། །གསུང་ལོངས་སྐུའི་ངོ་བོ་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །ངག་ལོངས་སྐུར་རྟོགས་པར་བྱིན་གྱིས་རློབས། །དཔལ་དགེ་འདུན་ཐམས་ཅད་འདུས་པའི་ཐུགས། །སྐུ་སྤྲུལ་སྐུའི་ངོ་བོ་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །ལུས་སྤྲུལ་སྐུར་རྟོགས་པར་བྱིན་གྱིས་རློབས། །ལུས་དལ་འབྱོར་མི་ལུས་རིན་ཆེན་འདི། །དཔེ་ལོ་བརྒྱ་ནང་གི་ཐོག་གཅིག་བཞིན། །དུས་ཡང་ཡང་མི་ཐོབ་ད་རེས་ཙམ། །ལུས་སྙིང་པོ་ལོན་པར་བྱིན་གྱིས་རློབས། །ཚེ་འདི་ཡི་ལོངས་སྤྱོད་སྙན་གྲགས་རྣམས། །དཔེ་ཁ་ཟས་དུག་དང་འདྲེས་པ་བཞིན། །འཕྲལ་སྐྱིད་ཀྱང་ཕུགས་སུ་གནོད་པ་ཆེ། །སྤྲང་བྱ་བ་ཐོངས་བར་བྱིན་གྱིས་རློབས། །གནས་ངན་སོང་གསུམ་གྱི་སྡུག་བསྔལ་འདི། །ཚིག་རྣ་བས་ཐོས་ཀྱང་གློ་སྙིང་འདར། །འདི་ཐོག་ཏུ་བྱུང་ན་ཇི་ལྟར་བཟོད། །ལས་སྡིག་ལ་

[Full Size]

འཛེམ་པར་བྱིན་གྱིས་རློབས། །ཚེ་མི་རྟག་རླུང་གསེབ་མར་མེ་འདྲ། །དགྲ་འཆི་བདག་ནམ་འོང་ཚོད་ཟིན་མེད། །དེ་བྱུང་ན་ཡུད་ཙམ་བཤོལ་ཐབས་མེད། །སྤྲང་དམ་ཆོས་འགྲུབ་པར་བྱིན་གྱིས་རློབས། །ཐར་དཀའ་བ་འཁོར་བའི་རྒྱ་མཚོ་ལས། །སྐྱོབས་ངེས་པའི་བླ་མ་དཀོན་མཆོག་གསུམ། །དེ་གཅིག་བསྡུས་པདྨ་འབྱུང་གནས་ལ། །བདག་སྐྱབས་སུ་མཆིའོ་ཐུགས་རྗེས་ཟུངས། །གནས་འགྲོ་དྲུག་སེམས་ཅན་མ་ལུས་པ། །སྔོན་ཚེ་རབས་མང་པོའི་ཕ་མ་ཡིན། །དེ་ཐམས་ཅད་བདེ་ལ་འགོད་པའི་ཕྱིར། །བདག་བྱང་ཆུབ་མཆོག་ཏུ་སེམས་བསྐྱེད་དོ། །སྔོན་ཐོག་མེད་དུས་ནས་ད་ལྟའི་བར། །ལས་མི་དགེའི་སྡིག་པ་ཅི་བསགས་པ། །རྗེ་པད་འབྱུང་སྤྱན་སྔར་མཐོལ་ལོ་བཤགས། །ལུས་ལོངས་སྤྱོད་དགེ་རྩ་ཅི་མཆིས་པ། །རྗེ་ཁྱེད་ཀྱི་སྤྱན་སྔར་མཆོད་པ་འབུལ། །བདག་ཚོགས་གཉིས་ཡོངས་སུ་རྫོགས་ནས་ཀྱང་། །དོན་དབང་བཞི་རྫོགས་པར་བསྐུར་དུ་གསོལ། །སྙིང་རུས་པའི་གཏིང་ནས་གསོལ་བཏབ་པས། །ཕ་པདྨ་འབྱུང་གནས་འོད་དུ་ཞུ། །མི་བདག་དང་དབྱེར་མེད་གཅིག་ཏུ་འདྲེས། །དོན་དབང་བཞི་རྟན་ཐོག་གཅིག་ཏུ་ཐོབ། །ད་ཚུར་

[Full Size]

ལྟོས་རང་གི་སེམས་ལ་ལྟོས། །སེམས་བལྟས་པས་མི་མཐོང་དངོས་པོ་མེད། །ཆོས་སྟོང་པ་ཉིད་ཅེས་དེ་ལ་ཟེར། །སེམས་མེད་པ་མ་ཡིན་ཅི་ཡང་འཆར།། དོན་རང་རིག་འོད་གསལ་དེ་ལ་ཟེར། །སེམས་བཞག་པས་མི་འདུག་ཕྱོགས་བཅུར་རྒྱུག །དོན་ཡེ་ཤེས་ཟང་ཐལ་དེ་ལ་ཟེར། །སེམས་བཏང་ན་མི་འགྲོ་ཚུལ་ལ་འཁོར། །སེམས་གནས་པའི་ངོ་བོ་དེ་ལ་ཟེར། །རང་སེམས་ཀྱིས་སེམས་ལ་ལྟ་བ་འདི། །ཕ་པདྨ་འབྱུང་གནས་ལྟ་བ་ཡིན། །སྤྱང་བདག་ཀྱང་ལྟ་བ་དེ་ལ་བལྟ། །ད་ལྷག་ཆད་མེད་པས་ཉམས་རེ་དགའ། །སེམས་མ་ཡེངས་དྲན་པའི་རྒྱུངས་སོ་འདི། །རྗེ་པདྨ་འབྱུང་གནས་སྒོམ་པ་ཡིན། །སྤྲང་བདག་ཀྱང་ཉམས་ལེན་དེ་ལ་བྱེད། །ད་གོལ་ས་མེད་པ་ཉམས་རེ་དགའ། །སེམས་ཡེངས་མེད་དྲན་པས་སྡིག་པ་སྤངས། །རྗེ་པདྨ་འབྱུང་གནས་སྤྱོད་པ་ཡིན། །སྤྲང་བདག་ཀྱང་སྤྱོད་པ་དེ་ལྟར་བྱེད། །ད་ཉེས་ལྟུང་མེད་པ་ཉམས་རེ་དགའ། །རང་སེམས་ཆོས་སྐུ་མངོན་གྱུར་ན། །རྗེ་པདྨ་འབྱུང་གནས་འབྲས་བུ་ཡིན། །སྤྲང་བདག་ཀྱང་འབྲས་བུ་དེ་ལ་བྱེད། །རང་སེམས་སངས་རྒྱས་རྟོགས་པས་ཉམས་རེ་དགའ། །

[Full Size]

འཚོ་བ་སྒོ་འགྲིམ་བསོད་སྙོམས་འདི། །རྗེ་མི་ལ་རས་པའི་འཚོ་བ་ཡིན། །སྤྱང་བདག་ཀྱང་འཕྲལ་ཕྱིར་འཚོ་བ་བསྟེན། །ད་ཟད་དོགས་མི་དགོས་ཉམས་རེ་དགའ། །ཡོན་བདག་རྒྱལ་ཁམས་ཕྱོགས་མེད་འདི། །དགེ་འདུན་རྣམས་ཀྱི་རྣམ་ཐར་ཡིན། །སྤྲང་བདག་ཀྱང་ཡོན་བདག་དེ་ལ་བྱེད། །ད་ངོ་སྲུང་མི་དགོས་ཉམས་རེ་དགའ། །མི་བདག་གིས་ཉམས་ལེན་སྐྱོངས་བ་སོགས། །དུས་གསུམ་དུ་བསགས་པའི་དགེ་བ་འདི། །ཚེ་འདི་ལ་ཚེ་རིང་ནད་མེད་ཅིང་། །ཉམས་རྟོགས་པ་ཡར་ངོའི་ཟླ་བཞིན་འཕེལ། །དུས་ནམ་ཞིག་མི་གནས་འཕོ་བའི་ཚེ། །ནུབ་བདེ་བ་ཅན་གྱི་ཞིང་ཁམས་སུ། །གདན་མེ་ཏོག་པདྨའི་ཟེའུ་འབྲུ་ལ། །ལུས་བརྫུས་སྐྱེས་སྤྲུལ་སྐུ་ཐོབ་པར་ཤོག །གཞི་གདོད་ནས་སྐྱེ་བ་མེད་པ་དང་། །ལམ་རྟེན་འབྲེལ་བསླུ་བ་མེད་པ་དང་། །རྗེ་རྒྱལ་བའི་ཐུགས་རྗེ་ཚད་མེད་མཐུས། །བདག་སྨོན་ལམ་བཏབ་བཞིན་འགྲུབ་གྱུར་ཅིག །ཅེས་པ་འདི་རྟོགས་ལྡན་སངས་རྒྱས་དར་མཆེད་གྲོགས་གཉིས་ཀྱི་ཉམས་ལེན་རྒྱུར། ༧ ཨ་རཱ་གས་འཕྲལ་དུ་བྲིས་པའོ། །འདི་བློ་ལ་ཟུང་ལ་དོན་འདི་ཡིད་ལ་བསྒོམ་ཞིང་ཁ་ཐོན་མཛོད་དང་རྟོགས་པ་སྐྱེའོ། །མངྒ་ལཾ།། ༈ ། །།ཟུང་འཇུག་བརྒྱུད་པའི་བླ་

[Full Size]

མར་གསོལ་བ་འདེབས་པའི་དུས་མིན་འཆི་བཟློག་གི་དམིགས་རིམ་ཁྱད་པར་ཅན་བཞུགས་སོ།། ༄༅། །རང་གི་སྤྱི་གཙུག་པདྨ་དང་ཟླ་བའི་གདན་ལ་རང་གི་ཆོས་འབྲེལ་ཐོབ་ཚད་ཀྱིས་དད་པ་གང་ཡོད་ཀྱི་བླ་མ་ཐམས་ཅད་གཅིག་ཏུ་འདུས་པའི་ངོ་བོ་ལ། རྣམ་པ་སངས་རྒྱས་ཚེ་དཔག་མེད་དམར་པོ་མཉམ་བཞག་གི་སྟེང་ན་ཚེའི་བུམ་པ་འཛིན་པ། དར་དང་རིན་པོ་ཆེའི་རྒྱན་དཔེ་བྱད་འོད་འབར་བ། དེའི་དབུ་གཙུག་ནས་ཡར་ལ་བཀའ་བརྒྱུད་བླ་མ་ཐམས་ཅད་ཡར་ལ་རྡོ་རྗེ་འཆང་ལ་ཐུག་གི་བར་དུ་ཐོ་ལྟར་བརྩེགས་པ། ཐམས་ཅད་ཕྱག་གཡས་སྐྱབས་སྦྱིན་གྱི་ཕྱག་རྒྱ་དང་། གཡོན་ཚེའི་བུམ་པ་བདུད་རྩིས་བཀང་བ་འཛིན་པར་བསྒོམས་ལ། རྡོ་རྗེ་འཆང་ལ་།གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །ཏེ་ལོ་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །ནཱ་རོ་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །ལྷོ་བྲག་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་

[Full Size]

དང་། །ཡེ་ཤེས་ལྔ་ལྡན་ཐོབ་པར་ཤོག །མི་ལ་རྗེ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །སྒམ་པོ་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །དུས་གསུམ་མཁྱེན་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །རས་ཆེན་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །སྤོམ་བྲག་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །ཨོ་རྒྱན་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །རང་བྱུང་བ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་

[Full Size]

དང་། །ཡེ་ཤེས་ལྔ་ལྡན་ཐོབ་པར་ཤོག །གཡུང་སྟོན་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །རོལ་པའི་རྡོ་རྗེ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །མཁའ་སྤྱོད་པ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །དེ་བཞིན་གཤེགས་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །གནས་ལུག་མཆོག་གི་དོན་རྟོགས་ཤིང་། །ཉོན་མོངས་གཡུལ་ལས་རྒྱལ་བ་ཡི། །རཏྣ་བྷ་དྲ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །མཐོང་བ་དོན་ལྡན་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་

[Full Size]

པར་ཤོག །འཇམ་དཔལ་བཟང་པོ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །དཔལ་འབྱོར་དོན་གྲུབ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །ཆོས་གྲགས་རྒྱ་མཚོ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །བཀྲ་ཤིས་དཔལ་འབྱོར་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །མི་བསྐྱོད་རྡོ་རྗེ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །དཀོན་མཆོག་འབངས་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །དབང་ཕྱུག་རྡོ་རྗེ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །

[Full Size]

བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །ཆོས་ཀྱི་དབང་ཕྱུག་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག ༈ །རྡོ་རྗེ་ཕག་མོ་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །མ་མགོན་གཉིས་ལ་གསོལ་བ་འདེབས། །དུས་མིན་འཆི་བ་བཟློག་ཏུ་གསོལ། །བསམ་པ་བཞིན་དུ་འགྲུབ་པ་དང་། །ཡེ་ཤེས་ལྔ་ལྡན་ཐོབ་པར་ཤོག །སེམས་དཔའ་རང་བྱུང་རྡོ་རྗེ་ནི། །ཡིད་བཞིན་ནོར་བུ་རྙེད་པ་ལྟར། །བདག་གཞན་ཡོངས་ཀྱིས་དབུལ་བ་སེལ། །དགོས་འདོད་འབྱུང་བའི་བཀྲ་ཤིས་ཤོག །བྱང་ཆུབ་སེམས་ཀྱི་ཕྲིན་ལས་ཀྱིས། །ཐུགས་རྗེས་འོད་ཟེར་ཕྱོགས་བཅུར་འཕྲོ། །བཅོ་ལྔའི་ཟླ་བ་ཉ་རྒྱས་ལྟར། །འཛམ་གླིང་བདེ་བའི་བཀྲ་ཤིས་ཤོག །འཛམ་བུ་གླིང་བདེ་བར་མཛད་དུ་གསོལ། །ཅེས་གསོལ་བ་བཏབ་པས་བརྒྱུད་པའི་བླ་མ་ཐམས་ཅད་རྩ་བའི་བླ་མ་ཚེ་དཔག་མེད་ལ་ཐིམ། དེ་ཡང་རང་ལ་ཐིམ་པར་བྷོ་པས། རང་གི་སེམས་ལ་སེམས་ཀྱིས་ལྟོས། དེ་རྣམ་རྟོག་སྐྱེ་བའི་

[Full Size]

གེགས་སེལ་ལོ། །གསོལ་འདེབས་འདི་གྲུབ་ཐོབ་ཀརྨ་པཀི་ལ་རྒྱ་ནག་རྒྱལ་པོས་ཆད་པ་བཅད་དུས་གསུངས་པས། མེ་ཆུ་དུག་མཚོན་གང་གིས་མི་གནོད་པ་ཡིན་པས། བྱིན་རླབས་ཤིན་ཏུ་ཆེ་ཕྱིར་ཆོས་སྡེ་ཐམས་ཅད་དུ་ཐུགས་དམ་ཆག་མེད་ཡིན་ནོ། །བསྒོམ་བྱ་དམིགས་པ་དང་བཅས་བཙུན་པ་རྣམས་ཀྱི་བར་ཆད་ཞི་ཕྱིར། རཱ་ག་ཨ་སྱས་ཆོས་སྤྱོད་རབ་གསལ་ནས་བྲིས་སོ། །རྒྱུན་དུ་མ་ཆག་པར་འདོན་པར་གྱིས་ཤིག །མངྒ་ལཾ།། ༈ །ཡེ་ཤེས་རྡོ་རྗེའི་བརྟན་བཞུགས་དང་ཀརྨ་ཆགས་མེད་ཀྱི་གསུང་མགུར་བཞུགས་སོ། ༈ །མཁྱེན་བརྩེའི་རང་བཞིན་མཆོག་གི་བདག་ཉིད་ཅན། །རྒྱལ་བ་ཀུན་དང་ཕྲིན་ལས་མཉམ་པ་ལས། །ལྷག་པའི་ཐུགས་རྗེ་མངའ་བ་ཀརྨ་པ། ཞབས་པད་བསྐལ་པ་རྒྱ་མཚོར་བརྟན་གྱུར་ཅིག །ཚོགས་གཉིས་རྫོགས་པ་མཚན་དཔེའི་སྐུ་མངའ་བ། །མཐོང་བ་ཙམ་གྱིས་མངོན་མཐོ་ངེས་ལེགས་ཀྱིས། །རྣམ་པར་གྲོལ་བའི་བདེ་བ་མཆོག་གཏེར་བ། །བསྐལ་མང་རྒྱ་མཚོར་བཞུགས་པར་གསོལ་བ་འདེབས། །ཆོས་རྣམས་ཀུན་ལ་ཡེ་ཤེས་སྔོན་འགྲོ་ཞིང་། །ཡན་ལག་དྲུག་ཅུའི་ཆོས་སྒོ་མཐའ་ཡས་པ། །གཅིག་ཆར་སྟོན་ལ་འཇིགས་མེད་བསྙེངས་བྲལ་བ། །བསྐལ་མང་རྒྱ་མཚོར་བཞུགས་པར་གསོལ་བ་འདེབས། །ཟག་མེད་ཆོས་

[Full Size]

དབྱིངས་ཟབ་ཅིང་ཡངས་པ་ལ། །བདེ་ཆེན་འགྱུར་བ་མེད་པས་སྤྲོས་དང་བྲལ། །མཁྱེན་པའི་ཡེ་ཤེས་ཆགས་ཐོགས་མི་མངའ་བ། །བསྐལ་མང་རྒྱ་མཚོར་བཞུགས་པར་གསོལ་བ་འདེབས། །བྲལ་སྨིན་ཡོན་ཏན་བྱེ་བ་རང་བཞིན་ལ། །ལེགས་བྱས་དུ་མས་འབྱུང་བ་དབང་གི་རྒྱལ། །འགྲོ་བ་ཡོངས་ཀྱི་རེ་བ་སྐོང་མཛད་པ། །བསྐལ་མང་རྒྱ་མཚོར་བཞུགས་པར་གསོལ་བ་འདེབས། །ཕན་བདེ་མ་ལུས་འབྱུང་བའི་གནས་གཅིག་པུ། །གང་འདུལ་ཐབས་ཀྱིས་རྣམ་འཕྲུལ་ཅིར་ཡང་སྟོན། །འབད་མེད་ལྷུན་གྱིས་གྲུབ་པའི་ཐུགས་རྗེ་ཅན། །བསྐལ་མང་རྒྱ་མཚོར་བཞུགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །འགྲོ་བའི་བླ་མ་ཡེ་ཤེས་རྡོ་རྗེ་དེས། །སྐུ་ཚེ་བརྟན་ཞིང་ཕྲིན་ལས་རྒྱས་པ་དང་། །བདག་སོགས་གདུལ་བྱ་རྗེས་སུ་འཛིན་མཛད་གསོལ། །ཅེས་རྗེ་བཙུན་དཔལ་ལྡན་བླ་མ་རྒྱལ་དབང་མཆོག་གི་སྤྲུལ་པའི་སྐུའི་བརྟན་བཞུགས་གསོལ་འདེབས་སུ། །ཤཱཀྱའི་བཙུན་པ་ཡེ་ཤེས་སྙིང་པོའི་འོག་མིན་དཔལ་གྱི་མཚུར་ཕུ་ནས་གསོལ་བ་བཏབ་པའོ།། ༈ །།ལྷ་སའི་ཇོ་བོའི་གསོལ་འདེབས་བཞུགས་སོ། །ན་མོ་གུ་རུ། བསླུ་བ་མེད་པ་སྐྱབས་ཀྱི་

[Full Size]

མཆོག ཤཱཀྱ་མུ་ནེ་འཛམ་གླིང་རྒྱན། །རྟེན་མཆོག་དེ་ལ་གསོལ་བ་འདེབས། །བར་ཆད་ཞི་བར་བྱིན་གྱིས་རློབས། །རང་བྱུང་སྤྲུལ་པའི་རྟེན་གྱི་མཆོག །ལྷ་ལྡན་ཇོ་བོ་བཅུ་གཅིག་ཞལ། །གསོལ་བ་འདེབས་སོ་ཐུགས་རྗེས་གཟིགས། །བར་ཆད་ཞི་བར་བྱིན་གྱིས་རློབས། །མི་བསྐྱོད་རྡོ་རྗེ་སྒྲོལ་མ་སོགས། །བཀྲ་ཤིས་དབུས་རིས་ལྷ་ས་ཡི། །རྟེན་དང་སྲུང་མ་ཐམས་ཅད་ལ། །གསོལ་བ་འདེབས་སོ་བར་ཆད་སོལ། །རྟེན་མཆོག་མ་ཧཱ་བོ་དྷི་དང་། །རྟ་མགྲིན་སྲིད་གསུམ་ཟིལ་གནོན་སོགས། །དཔལ་གྱི་བསམ་ཡས་གཙུག་ལག་ལ། །གསོལ་བ་འདེབས་སོ་བར་ཆད་སོལ། །ཁྲ་འབྲུག་ཀུན་བཟང་ནགས་ཁྲོད་དང་། །ཤེལ་བྲག་མཆིམས་ཕུ་ར་སྒྲེང་དང་། །མཚུར་ཕུ་ཟངས་རི་ཡེར་པ་སོགས། །གསོལ་བ་འདེབས་སོ་བར་ཆད་སོལ། །གཞན་ཡང་གནས་དང་གཙུག་ལག་ཁང་། །ཁྱད་པར་འཕགས་པ་ཐམས་ཅད་ལ། །གསོལ་བ་འདེབས་སོ་ཐུགས་རྗེས་ཟུངས། །བར་ཆད་རྐྱེན་ངན་ཐམས་ཅད་སོལ། །ཕྱི་ཡི་བར་ཆད་ཕྱི་རུ་སོལ། །ནང་གི་བར་ཆད་ནང་དུ་སོལ། །མི་མཐུན་རྐྱེན་ངན་བར་ཆད་སོལ། །མཆོག་དང་ཐུན་མོང་དངོས་གྲུབ་སྩོལ། །

[Full Size]

ཚེ་ཡི་བར་ཆད་ཞི་བར་མཛོད། །སྲོག་གི་བར་ཆད་ཞི་བར་མཛོད། །བསམ་པ་ཡིད་བཞིན་འགྲུབ་པར་ཤོག །ཅེས་ཇོ་མཇལ་བ་ཚོ་མགོ་ཐོན་དཀའ་བ་ཐོས་དུས་རཱ་ག་ཨ་སྱས་སྦྱར་བའོ།། ༈ །།མགོན་པོ་བེར་ནག་ཞལ་གཟིགས་པའི་དུས་བསྟོད་བསྐུལ་བཞུགས། ན་མོ་གུ་རུ་མ་ཧཱ་ཀཱ་ལ་ཡེ། ཧཱུཾ། རྒྱལ་བ་ཀུན་གྱི་ཕྲིན་ལས་པ། །ཀརྨ་པ་ཉིད་ཁྲོ་སྐྱེ་བོའི་ཚུལ། །བྱིན་རླབས་ཀུན་གྱི་གཏེར་གྱུར་པ། །བླ་མ་མགོན་པོ་དབྱེར་མེད་ཁྱོད་ལ་བསྟོད། །ཡི་དམ་ཀུན་འདུས་སྤྱན་རས་གཟིགས། །གདུག་པ་འདུལ་ཕྱིར་དྲག་པོའི་གཟུགས། །དངོས་གྲུབ་མ་ལུས་སྩོལ་མཛད་པ། །ཡེ་ཤེས་མགོན་པོ་ཁྱོད་ལ་བསྟོད། །ཐུབ་པའི་བསྟན་པ་བསྲུང་བའི་ཕྱིར། །འཇིག་རྟེན་འདས་ཀྱང་འཇིག་རྟེན་ཚུལ། །ཕྱོགས་བཅུའི་མགོན་པོས་གཙོ་བོ་མཛད། །ལས་མགོན་ནག་པོ་ཁྱོད་ལ་བསྟོད། །གདུག་པའི་དགྲ་བགེགས་ཚར་གཅོད་ཕྱིར། །སྡེ་བརྒྱད་ཡོངས་ཀྱི་དམག་དཔོན་མཛད། །ཁམས་གསུམ་མ་ལུས་ཟ་བྱེད་པའི། །འཇིག་རྟེན་མགོན་པོ་ཁྱོད་ལ་བསྟོད། །རྡོ་རྗེ་འཆང་ངམ་ཤཱཀྱ་ཐུབ། །རྡོ་རྗེ་འཛིན་དང་ཌ་བྷི་པ། །རས་ཆེན་པ་དང་པཀི་སོགས། །

[Full Size]

བརྒྱུད་པའི་སྤྱན་སྔར་ཞལ་བཞེས་དགོངས། །རྣལ་འབྱོར་བདག་ཅག་འཁོར་བཅས་ཀྱི། །བར་ཆད་སོལ་ལ་མཐུན་རྐྱེན་སྒྲུབས། །བསྟན་པ་དར་ཞིང་རྒྱས་པ་དང་། །བསམ་པ་ཡིད་བཞིན་འགྲུབ་པར་མཛོད། །ཅེས་པ་འདི་ཆོ་འཕྲུལ་ཟླ་བའི་ཚེས་བཅུའི་ནུབ་ཉམས་ཀྱི་སྣང་བ་ལ་མགོན་པོ་བེར་ནག་ཅན་ཆེ་ཆུང་མདའ་ཚད་ཙམ་སྐུ་ཞལ་རས་སོགས་ཤིན་ཏུ་གསལ་བ་གཅིག་མཇལ་སྣང་བྱུང་ནས་རཱ་ག་ཨ་སྱས་བྲིས་པའོ།། ༈ བླ་མ་རིན་པོ་ཆེ་༧ རཱ་ག་ཨ་སྱས་མཛད་པའི་པདྨ་འབྱུང་གནས་བླ་མའི་རྣལ་འབྱོར་གསོལ་འདེབས་ཀུན་ཚང་བཞད་པ་ཞིག་བཞུགས་སོ། །འཚོ་མཛད་ཤེས་རབ་ལ་གནང་བའོ།། ན་མོ་གུ་རུ། མི་བདག་གི་སྤྱི་གཙུག་ནམ་མཁའ་ལ། །འཇའ་འོད་དཔུང་འཁྲིགས་པའི་གུར་ཁང་ན། །སྐྱབས་ཀུན་འདུས་གུ་རུ་པདྨ་འབྱུང་། །སྐུ་དཀར་དམར་མདངས་ལྡན་མཚན་དཔེ་རྫོགས། །དབུ་པད་ཞྭ་རྒོད་སྒྲོ་ཉི་ཟླས་བརྒྱན། །ཞལ་ཁྲོ་འཛུམ་སྤྱན་གཉིས་བདག་ལ་གཟིགས། །སྐུ་ཟབ་བེར་ཆོས་གོས་རྣམ་གསུམ་གསོལ། །ཕྱག་རྡོ་རྗེ་བྷནྡྷ་ཚེ་བུམ་འཛིན། །ཡུམ་སྦས་ཚུལ་ཁ་ཊཾ་གྲུ་མོར་བརྟེན། །ཞབས་རྡོ་རྗེ་སྐྱིལ་ཀྲུང་པད་ཟླའི་གདན། །འོད་གཟི་བརྗིད་ཉི་མ་འབུམ་བཞིན་འབར། །

[Full Size]

ཞིང་ཕྱོགས་བཅུའི་རྒྱལ་བ་སྲས་བཅས་རྣམས། །དཔེ་ཁ་བ་བུ་ཡུག་འཚུབ་བཞིན་བྱོན། །དེ་ཐམས་ཅད་པད་འབྱུང་སྐུ་ལ་ཐིམ། །སྐྱབས་ཀུན་འདུས་གུ་རུ་རིན་པོ་ཆེ། །བདག་གསོལ་བ་འདེབས་སོ་ཐུགས་རྗེས་ཟུངས། །དུས་དེང་སང་སྙིགས་མ་ལྔ་ཡི་དུས། །ལྷ་གཞན་གྱི་ཐུགས་རྗེ་རྡུགས་པའི་དུས། །ཆོས་གཞན་གྱི་བྱིན་རླབས་ཡལ་་བའི་དུས། །བདུད་ལྷ་སྲིན་སྡེ་བརྒྱད་ཁ་འཕྱུར་དུས། །གདོན་ནད་མུག་མཚོན་གསུམ་འཚུབ་པའི་དུས། །ཁྱེད་ཐུགས་རྗེ་ཆེ་བར་གསུངས་ལག་ན། །ད་ཆེ་བའི་དུས་ལ་བབ་ནི་གདའ། །ཚེ་འདི་དང་ཕྱི་མ་བར་དོ་གསུམ། །ད་མཐོ་བཏང་དམའ་བཏང་ཁྱེད་རང་ཤེས། །ད་ཐོབ་དཀའ་བའི་མི་ལུས་ཐོབ་ལགས་ཀྱང་། །དགྲ་འཆི་བདག་ནམ་འོང་ཏིག་ཏིག་་མེད། །བདག་དམ་ཆོས་འགྲུབ་པར་བྱིན་གྱིས་རློབས། །ལས་དགེ་སྡིག་གང་བྱས་རང་ལ་སྨིན། །ཁས་བཙན་པོ་གཤིན་རྗེའི་ཁྲིམས་ར་ན། །བདག་ངོ་གནོང་མེད་པར་བྱིན་གྱིས་རློབས། །དུས་དེང་སང་ཚེ་ཚད་བཞི་བཅུའི་མཐར། །དུས་ནམ་ཞིག་འདི་ནས་འཕོས་པའི་ཚེ། །མར་རིགས་དྲུག་གནས་སུ་མ་བཏང་བར། །ནུབ་བདེ་བ་ཅན་དུ་ལམ་སྣ་

[Full Size]

དྲོངས། །དེ་དུས་ཀྱི་འཆི་བ་བཟློག་ཐབས་མེད། །རྐྱེན་དུས་མིན་འཆི་བ་ཁྱེད་ཀྱིས་ཟློག །ལུས་འདི་ལ་སྐུ་ཡི་བྱིན་གྱིས་རློབས། །ལུས་འཆི་མེད་ཚེ་ཡི་དངོས་གྲུབ་སྩོལ། །ངག་འདི་ལ་གསུང་གི་བྱིན་གྱིས་རློབས། །ངག་ནུས་པ་འབར་བར་མཛད་དུ་གསོལ། །སེམས་འདི་ལ་ཐུགས་ཀྱི་བྱིན་གྱིས་རློབས། །སེམས་རྟོགས་པ་འཆར་བར་བྱིན་གྱིས་རློབས། །བདག་དེ་ལྟར་རྩེ་གཅིག་གསོལ་བཏབ་པས། །རྗེ་པདྨ་འབྱུང་གནས་འོད་དུ་ཞུ། །མི་བདག་དང་དབྱེར་མེད་གཅིག་ཏུ་འདྲེས། །ད་ཚུར་ལྟོས་རང་གི་སེམས་ལ་ཟླུལྟོས། །སེམས་བལྟས་པས་མི་མཐོང་དངོས་པོ་མེད། །སེམས་མེད་པ་མ་ཡིན་ཅིར་ཡང་འཆར། །སེམས་ཡོད་མེད་མཐའ་བྲལ་དབུ་མའི་དོན། །སེམས་གར་ཤར་བཟོད་མེད་རང་ངོ་སྐྱོངས། །ཆོས་ཕྱག་རྒྱ་ཆེན་པོའི་ཉམས་ལེན་ཡིན། །སེམས་ངོ་བོ་སྟོང་པ་ཆོས་ཀྱི་སྐུ། །སེམས་མ་འགགས་རང་གསལ་ལོངས་སྤྱོད་རྫོགས། །སེམས་སྣ་ཚོགས་འགགས་མེད་སྤྲུལ་པའི་སྐུ། །དོན་སྐུ་གསུམ་རང་གི་སེམས་ལ་རྫོགས། །བཀའ་རྫོགས་པ་ཆེན་པོའི་ཁྲེགས་ཆོད་ཡིན། །ལམ་ཐོད་རྒལ་འཇའ་འོད་ཐིག་ལེ་ལྟ། །དོན་གསལ་སྟོང་ཟུང་

[Full Size]

འཇུག་དངོས་སུ་འཆར། །ཆོས་ཐེག་པ་དགུ་ཡི་ཡང་རྩེ་ཡིན། །མི་བདག་གིས་དུས་གསུམ་དགེ་བསགས་མཐུས། །ཚེ་འདི་ལ་ཚེ་རིང་ནད་མེད་ཅིང་། །དཔལ་བསོད་ནམས་ཡར་ངོའི་ཟླ་བཞིན་འཕེལ། །དུས་ནམ་ཞིག་མི་གནས་འཕོ་བའི་ཚེ། །ནུབ་བདེ་བ་ཅན་གྱི་ཞིང་ཁམས་སུ། །ལུས་བརྫུས་སྐྱེས་སྤྲུལ་སྐུ་ཐོབ་ནས་ཀྱང་། །རྟེན་དེ་ལ་མངོན་པར་བྱང་ཆུབ་ནས། །མ་འགྲོ་དྲུག་སེམས་ཅན་འདྲེན་པ་ལ། །ལྷ་སྤྱན་རས་གཟིགས་དང་དབྱེར་མེད་ཤོག །ཅེས་པ་རྟག་བྲལ་འཚོ་མཛད་ཤེས་རབ་ཀྱིས་བསྐུལ་བ་ལ་བརྟེན་ནས། རཱ་ག་ཨ་སྱས་ངག་ནས་སྨྲས་པ་ལྟར། དགེ་སློང་སྦྱིན་པས་ཡི་གེར་བཀོད་པ་མངྒ་ལཾ།། ༈ །།མི་རྒན་བཅོས་པའི་བཅོས་གཏམ་ཡི་གེར་བྲིས་པ་འབྲས་མེད་ཤོག་བུ་ཆུད་ཟོས་སོ། ༈ །ན་མོ་གུ་རུ་དྷམཱ་ཤྭ་ར་ཡེ། དྲིན་ཅན་བླ་མ་རྗེ་བཙུན་ལ། །གསོལ་བ་འདེབས་སོ་ཐུགས་རྗེས་ཟུངས། །ཆོས་རྣམས་ཐམས་ཅད་མདོར་བསྡུས་ན། །ལྟ་སྒོམ་སྤྱོད་པ་འབྲས་བུ་བཞི། །ལྟ་བ་བཤད་ལུགས་མང་ན་ཡང་། །སེམས་ཀྱིས་སེམས་ལ་ལྟ་བ་འདི། །མི་ལ་རས་པའི་ལྟ་བ་ཡིན། །ཕྱག་རྫོགས་ལྟ་བ་དེ་ལ་འདུས། །ཁ་འབྱམས་ཚིག་གི་ལྟ་བ་དེ། །

[Full Size]

བཤད་པ་མཁས་ལ་དགོས་ལགས་ཀྱང་། །ཉམས་ལེན་བྱེད་ལ་དགོས་རྒྱུ་ཆུང་། །འབྲོག་པ་ཕྱུག་པོའི་རྟ་ལུག་གྲངས། །སྤྲང་པོས་བརྩིས་ཀྱང་རང་ལ་མེད། །དེ་ཡི་ལྟ་བ་མ་རྟོགས་ན། །ལྟ་བ་བཤད་ཀྱང་དགོས་པ་ཆུང་། །བསྒོམ་ལུགས་རྣམ་གྲངས་མང་ན་ཡང་། །མ་ཡེངས་དྲན་པའི་རྒྱངས་སོ་འདི། །མི་ལ་རས་པའི་བསྒོམ་ལུགས་ཡིན། །མ་བཅོས་བཞག་པའི་མན་ངག་ཡིན། །གང་ཤར་སྐྱོང་བ་གདམས་ངག་ཡིན། །སྤང་བླང་མེད་པ་གནད་འགགས་ཡིན། །སེམས་འཛིན་དམིགས་རིམ་མང་པོ་དེ། །ཁྲིད་སྟོན་རྣམས་ལ་མཁོ་ལགས་ཀྱང་། །ཉམས་ལེན་བྱེད་ན་དགོས་རྒྱུ་ཆུང་། །དམིགས་རིམ་མང་པོ་རྣམ་རྟོག་ཡིན། །རྣམ་རྟོག་མ་རིག་འཁྲུལ་པ་ཡིན། །དཔེར་ན་དར་གྱི་བཀྱིག་དང་འདྲ། །སྤྱོད་པའི་ས་མཚམས་མང་ལགས་ཀྱང་། །མ་ཡེངས་ངང་ནས་ཤུགས་འབྱུང་སྤྱོད། །མི་ལ་རས་པའི་སྤྱོད་པ་ཡིན། །སེམས་སྲུང་སྡོམ་པ་ཀུན་གྱི་མཆོག །རང་སེམས་འདུལ་ན་འདུལ་བ་ཡིན། །གནང་བཀག་ས་མཚམས་མང་པོ་དེ། །དགེ་སློང་རྣམས་ལ་མཁོ་ལགས་ཏེ། །ཉམས་ལེན་སྐྱོངས་ལ་དགོས་རྒྱུ་ཆུང་། །ཐབ་ཀྱི་མེ་ལ་ཆུ་བླུག་ན། །

[Full Size]

རྩེག་སེང་དུ་བ་ཐམས་ཅད་ཆད། །དེ་བཞིན་རང་སེམས་བསྲུང་བ་ན། །ཉེས་ལྟུང་ཐམས་ཅད་རང་འགགས་ཡིན། །འབྲས་བུ་ཐོབ་ལུགས་མང་བཤད་ཀྱང་། །རང་སེམས་རང་དབང་ཐོབ་པ་ན། །འབྲས་བུ་ཡིན་པར་བཀའ་བརྒྱུད་བཞེད། །ས་ལམ་འབྲས་བུའི་བཞེད་དགོངས་རྣམས། །བགྲོ་གླེང་མཁན་ལ་མཁོ་ལགས་ཏེ། །ཉམས་ལེན་མཁན་ལ་དགོས་རྒྱུ་ཆུང་། །ཕྱག་རྒྱ་ཆེན་པོའི་གཅིག་ཆོད་ལ། །ས་ལམ་རྩི་བ་རྨོངས་པ་འཁྲུལ། །དེ་སྐད་སྐྱེ་མེད་ཞང་གིས་གསུངས། །ལྟ་སྒོམ་སྤྱོད་པ་འབྲས་བུའི་གླུ། །འཕྲལ་དུ་ཉམས་ལ་ཤར་ནས་སྨྲས། །མཁས་པ་རྣམས་ཀྱིས་ཁྲེལ་ལགས་ཀྱང་། །ཉམས་ལེན་མཁན་འགའི་སེམས་ལ་འཕྲོད། །བཤད་པའི་གཞུང་དང་མི་མཐུན་ཀྱང་། །མན་་ངག་སྙན་བརྒྱུད་དོན་དང་མཐུན། །ཞེས་སྒོམ་ཆེན་༧ རཱ་ག་ཨ་སྱས་ཉམས་མགུར་དུ་གདམས་པའོ། །མངྒ་ལཾ།། ༈ །།བན་ཆེན་པད་སྲུང་ལ་གནང་བའི་ལྟ་སྒོམ་སྤྱོད་འབྲས་ཀྱི་སྨོན་ལམ་བཞུགས་སོ། །ཨོཾ་སྭ་སྟི། མཆོག་གསུམ་བླ་མ་བྱིན་རླབས་ལྡན་པའི་སྟོབས། །ཡི་དམ་ལྷ་ལ་བསྐྱེད་རྫོགས་བསྒོམ་པའི་སྟོབས། །མཁའ་འགྲོ་ཆོས་སྲུང་ཕྲིན་ལས་བསྒྲུབ་པའི་

[Full Size]

སྟོབས། །སྟོབས་གསུམ་རྣམ་དག་ལྡན་པའི་ཆོས་ཉིད་ཀྱིས། །སྔགས་འཆང་བན་ཆེན་པད་སྲུང་འདི་ཉིད་ཀྱི། །རྣམ་དཀར་ཡེ་ཤེས་ཐམས་ཅད་རྒྱས་གྱུར་ཅིག །ད་ལྟའི་རང་རིག་སྟོང་གསལ་རྗེན་པ་འདི། །དབྱིངས་སྣང་གཉིས་མེད་མ་བཅོས་རང་གསལ་བ། །ཀ་དག་ལྟ་བའི་ངོ་བོ་ཡིན་ཤེས་ནས། །དེ་ལ་སྤྲོ་བསྡུའི་བཟོ་བཅོས་མི་མཛད་པར། །རང་ཡན་འོད་གསལ་བསྒོམ་པ་རྟོགས་གྱུར་ཅིག །དེ་དང་སྤྱོད་ལམ་རྣམ་བཞི་ཐམས་ཅད་དུ། །འབྲལ་མེད་རང་སེམས་ཡེངས་མེད་ངང་ནས་སྤྱོད། །དེ་ཚེ་འཛིན་རྟོགས་ཐམས་ཅད་དབྱིངས་ཐིམ་ནས། །སྤྲིན་མེད་དྭངས་པའི་མཁའ་དབྱིངས་ཅི་བཞིན་དུ། །རང་རིག་དྲི་བྲལ་ཀ་དག་མངོན་གྱུར་པའི། །ཀུན་བཟང་རང་རིག་འབྲས་བུ་ཐོབ་གྱུར་ཅིག །ཅེས་ལྟ་སྒོམ་སྤྱོད་འབྲས་ཀྱི་སྨོན་ལམ་དྲུག་ཚིག་མ་ཞེས་བྱ་བ་པད་སྲུང་གིས་བཀས་བསྐུལ་ངོར་བྱ་བྲལ་ཨ་རཱ་གས་བྲིས་པའོ།། ༈ བ་ཤ་བོན་ཆུང་ལ་གནང་བའི་༧ཨོ་རྒྱན་རིན་པོ་ཆེའི་བླ་མའི་རྣལ་འབྱོར་བཞུགས་སོ།། ༈ །ན་མོ་གུ་རུ། གནས་སྤྱི་བོའི་གཙུག་གི་ནམ་མཁའ་ལ། །འཇའ་འོད་ཕུང་འཁྲིགས་པའི་གུར་ཁང་ན། །སྐྱབས་དཀོན་མཆོག་ཀུན་འདུས་པདྨ་འབྱུང་། །ཞལ་དཀར་དམར་

[Full Size]

མདངས་ལྡན་ཁྲོ་ཞིང་འཛུམ། །དབུ་པད་ཞྭ་རྒོད་ལྡེམ་ཉི་ཟླས་བརྒྱན། །ཕྱག་རྡོ་རྗེ་བྷནྡྷ་ཚེ་བུམ་འཛིན། །སྐུ་ཟ་བེར་ཆོས་གོས་རྣམ་གསུམ་གསོལ། །ཡུམ་སྦས་ཚུལ་ཁ་ཊཾ་མཆན་དུ་བཅུག །ཞབས་རྡོ་རྗེའི་སྐྱིལ་ཀྲུང་གཟི་བརྗིད་འབར། །ཞིང་ཕྱོགས་བཅུའི་རྒྱལ་བ་སྲས་དང་བཅས། །དཔེ་ཁ་བ་བུ་ཡུག་འཚུབ་བཞིན་བྱོན། །དེ་ཐམས་ཅད་པད་འབྱུང་སྐུ་ལ་ཐིམ། །སྐྱབས་བསླུ་མེད་ཨུ་རྒྱན་རིན་པོ་ཆེ། །ཚེ་འདི་དང་ཕྱི་མ་བར་དོ་གསུམ། །ད་རེ་ས་གཞན་མེད་ཁྱེད་རང་ཤེས། །དུས་དེང་སང་དུས་ངན་སྙིགས་མའི་མཐའ། །བདུད་ལྷ་སྲིན་སྡེ་བརྒྱད་ཁ་དར་ནས། །སྔར་མེད་པའི་ནད་མཚོན་མུ་གེ་དར། །རྐྱེན་བར་ཆད་རླུང་ལྟར་འཚུབ་པའི་དུས། །ལྷ་གཞན་གྱི་ཐུགས་རྗེ་རྡུགས་པའི་དུས། །ཆོས་གཞན་གྱི་བྱིན་རླབས་ཡལ་བའི་དུས། །འདྲེ་འབྱུང་པོ་མངོན་རྒྱུག་བྱེད་པའི་དུས། །ཚེ་ལོང་མེད་དགུན་ཉི་འདྲ་བའི་དུས། །བློ་ཕ་བུ་གཉིས་ཀྱང་མི་མཐུན་དུས། །མི་སུ་ལའང་ཡིད་ཆེས་མེད་པའི་དུས། །ཁྱེད་ཐུགས་རྗེ་བྱིན་རླབས་ཆེ་གསུངས་ན། །ད་ཆེ་བའི་དུས་ལ་བབ་ནི་གདའ། །མི་བདག་གི་ལུས་ལ་བྱིན་གྱིས་རློབས། །

[Full Size]

ལུས་ནད་མེད་བདེ་བའི་དངོས་གྲུབ་སྩོལ། །མི་བདག་གི་ངག་ལ་བྱིན་གྱིས་རློབས། །ངག་ནུས་པ་འབར་བར་བྱིན་གྱིས་རློབས། །མི་བདག་གི་སེམས་ལ་བྱིན་གྱིས་རློབས། །སེམས་ཆོས་སྐུར་རྟོགས་པར་བྱིན་གྱིས་རློབས། །ཚེ་འདི་ལ་ཚེ་རིང་ནད་མེད་ཅིང་། །དཔལ་བསོད་ནམས་མངའ་ཐང་འཕེལ་ཞིང་རྒྱས། །དུས་ནམ་ཞིག་མི་གནས་འཕོ་བའི་ཚེ། །ནུབ་བདེ་བ་ཅན་དུ་ལམ་སྣ་དྲོངས། །ཕ་ཨུ་རྒྱན་འོད་ཞུ་བདག་ཐིམ། །དོན་རང་སེམས་ཆོས་སྐུ་རྗེན་པར་རྟོགས། །མི་བདག་གི་དུས་གསུམ་དགེ་བསགས་མཐུས། །ལྷ་པདྨ་འབྱུང་གནས་འགྲུབ་གྱུར་ཅིག །དེ་བཛྲ་གུ་རུ་ཅི་འགྲུབ་བཟླས། ཞེས་བ་ཤ་བོན་ཆུང་གིས་བསྐུལ་ནས་རཱ་ག་ཨ་སྱས་འཕྲལ་དུ་སྨྲས། མངྒ་ལཾ།། ༈ རྡོ་རྗེ་འཆང་གི་བླ་མའི་རྣལ་འབྱོར་གསོལ་འདེབས་ངོ་སྤྲོད་སྨོན་ལམ་བཞུགས་སོ། །སྐྱག་ལའི་ཨ་མཆོད་ལ་གནང་བའོ། །ན་མོ་མ་ཧཱ་མུ་དྲ་ཡེ། མི་བདག་གི་སྤྱི་བོའི་གཙུག་རོལ་ན། །གདན་ཉི་ཟླ་པདྨ་བརྩེགས་པའི་སྟེང་། །རང་བཀའ་དྲིན་ཐོབ་པའི་བླ་མ་རྣམས། །དེ་གཅིག་བསྡུས་ཆོས་སྐུ་རྡོ་རྗེ་འཆང་། །སྐུ་མཐིང་གསལ་ནམ་མཁའ་དྭངས་བའི་མདོག །ཕྱག་རྡོ་རྗེ་དྲིལ་བུ་ཐུགས་ཀར་བསྣོལ། །ཞབས་རྡོ་རྗེ་

[Full Size]

སྐྱིལ་མོ་ཀྲུང་གིས་བཞུགས། །མཚན་དཔེ་བྱད་དར་དང་རིན་ཆེན་བརྒྱན། །འོད་འོད་ཟེར་འཇའ་སྤྲིན་ཀློང་ན་བཞུགས། །རྗེ་དེ་ཡི་དབུ་གཙུག་ནམ་མཁའ་ལ། །ཆོས་ཕྱག་ཆེན་བརྒྱུད་པའི་བླ་མ་རྣམས། །དཔེ་མུ་ཏིག་སྟར་ལ་བརྒྱུན་པ་བཞིན། །ཆོས་སྒྲུབ་བརྒྱུད་བླ་མ་སྤྲིན་ལྟར་འཁྲིགས། །ལྷ་དེ་དག་གནས་གསུམ་འབྲུ་གསུམ་ལས། །འོད་འཕྲོས་པས་ཞིང་ཁམས་རབ་འབྱམས་ནས། །ལྷ་ཡེ་ཤེས་སེམས་དཔའ་སྤྱན་དྲངས་བསྟིམ། །དེ་རྒྱལ་བ་ཀུན་དང་དབྱེར་མེད་གྱུར། །གནས་འོག་མིན་ཆོས་དབྱིངས་ཕོ་བྲང་ནས། །དཔལ་རྡོ་རྗེ་འཆང་ལ་གསོལ་བ་འདེབས། །ཤར་ཟ་ཧོར་ནོར་བུའི་དགོན་པ་ན། །རྗེ་ཏེ་ལོ་སངས་རྒྱས་ལ་གསོལ་བ་འདེབས། །བྱང་པུལླ་ཧ་རའི་དགོན་པ་ན། །མཁས་པ་ནཱ་རོ་པཎ་ཆེན་ལ་གསོལ་བ་འདེབས། །ལྷོ་གྲོ་བོ་ལུང་གི་སྨན་ལྗོངས་ན། །སྒྲ་བསྒྱུར་མར་པ་ལོ་ཙྪ་ལ་གསོལ་བ་འདེབས། །ནུབ་ལ་ཕྱི་གངས་ཀྱི་ར་བ་ན། །རྗེ་རས་པ་ཆེ་ཆུང་ལ་གསོལ་བ་འདེབས། །ཤར་དྭགས་ལྷ་དཔལ་གྱི་སྒམ་པོ་ན། །རྗེ་ལྷ་རྗེ་ཁུ་དབོན་ལ་གསོལ་བ་འདེབས། །དཔལ་ཕག་མོ་གྲུ་ཡི་མཐའ་རྩ་ན། །བདེ་གཤེགས་

[Full Size]

ཁམས་པ་རྡོར་རྒྱལ་ལ་གསོལ་བ་འདེབས། །མཚུར་མདོ་བོ་ལུང་གི་དགོན་པ་ན། །རྗེ་ཁམས་པ་དབུ་སེ་ལ་གསོལ་བ་འདེབས། །འབྲུག་ར་ལུང་གཉིས་ཀྱི་དགོན་པ་ན། །གྲུབ་ཐོབ་གླིང་རྗེ་རས་པ་ལ་གསོལ་བ་འདེབས། །གནས་སྟག་ལུང་རྡོ་རྗེའི་གདན་སྟེང་ན། །ཆོས་སྐུ་སྟག་ལུང་ཐང་པ་ལ་གསོལ་བ་འདེབས། །འབྲི་ཁུང་དཔལ་གྱི་ཡང་དགོན་ན། །སྐྱོབ་པ་འཇིགས་རྟེན་གསུམ་མགོན་ལ་གསོལ་བ་འདེབས། །གནས་མར་ཐང་དཔལ་གྱི་རི་བོ་ཆེར། །ཆོས་སྐུ་ཨུ་རྒྱན་མགོན་པོ་ལ་གསོལ་བ་འདེབས། །གནས་སྤྱི་གཙུག་པད་ཟླའི་གདན་སྟེང་དུ། །འཇམ་དབྱངས་བཀྲ་ཤིས་དཔལ་གྲུབ་ལ་གསོལ་བ་འདེབས། །དག་སྣང་ཕྱོགས་མེད་ཀྱི་གཞལ་ཡས་ན། །བསྟན་འཛིན་སྐྱེས་བུ་དམ་པ་ལ་གསོལ་བ་འདེབས། །རྗེ་བཀའ་བརྒྱུད་བླ་མ་བྱིན་རླབས་ཅན། །རྗེ་བྱིན་རླབས་ཅན་ལ་གསོལ་བ་འདེབས། །མིབདག་ལ་དབང་བསྐུར་བྱིན་གྱིས་རློབས། །ཐོབ་དཀའ་བའི་དལ་འབྱོར་མི་ལུས་འདི། །དོན་མེད་སྟོང་ལོག་མི་བྱེད་པར། །ལུས་སྙིང་པོ་ལོན་པར་བྱིན་གྱིས་རློབས། །ཚེ་མི་རྟག་ནམ་བཞུགས་སྦྲང་མ་འདྲ། །ད་ཡུན་རིང་སྡོད་རྩིས་མི་བྱེད་པ། །

[Full Size]

བདག་འཆི་བ་དྲན་པར་བྱིན་གྱིས་རློབས། །ལས་རྒྱུ་འབྲས་མེ་ལོང་གཟུགས་བརྙན་བཞིན། །ཁས་བཙན་པོ་གཤིན་རྗེའི་ཁྲིམས་ར་ན། །བདག་ངོ་གནོང་མེད་པར་བྱིན་གྱིས་རློབས། །གནས་རིགས་དྲུག་སྡུག་བསྔལ་བཙོན་ར་ན། །སྐྱོབ་ངེས་པ་བླ་མ་དཀོན་མཆོག་གསུམ། །བདག་སྐྱབས་སུ་མཆིའོ་ཐུགས་རྗེས་ཟུངས། །མ་འགྲོ་དྲུག་བདེ་ལ་འགོད་པའི་ཕྱིར། །བདག་བྱང་ཆུབ་མཆོག་ཏུ་སེམས་བསྐྱེད་དོ། །སྔོན་ཐོག་མེད་དུས་ཀྱི་སྡིག་སྒྲིབ་རྣམས། །རྗེ་ཁྱེད་ཀྱི་སྤྱན་སྔར་མཐོལ་ཞིང་བཤགས། །ལུས་ལོངས་སྤྱོད་དགེ་རྩ་ཅི་མཆིས་པ། །རྗེ་བཀའ་བརྒྱུད་རྣམས་ཀྱི་སྤྱན་སྔར་འབུལ། །སྙིང་རུས་པའི་གཏིང་ནས་གསོལ་བ་འདེབས། །སེམས་ཆོས་སྐུ་རྟོགས་པར་བྱིན་གྱིས་རློབས། །བདག་དེ་ལྟར་རྩེ་གཅིག་གསོལ་བཏབ་པས། །ཕ་བཀའ་བརྒྱུད་བླ་མ་འོད་དུ་ཞུ། །མི་བདག་དང་དབྱེར་མེད་གཅིག་ཏུ་འདྲེས། །དོན་འོད་གསལ་ཆོས་སྐུ་རྗེན་པར་འབུད། །ཆོས་ཀུན་གྱི་རྩ་བ་རང་གི་སེམས། །བུ་མ་ཡེངས་རང་གི་སེམས་ལ་ལྟོས། །སེམས་བལྟས་པས་གཟུགས་དང་ཁ་དོག་མེད། །ཆོས་སྟོང་ཉིད་ཟེར་བ་ལོགས་ན་མེད། །སེམས་

[Full Size]

མེད་པ་མ་ཡིན་གར་ཡང་འགྲོ། །དེ་རིག་ན་རང་རིག་ཡེ་ཤེས་ཡིན། །ལུས་ཕྱི་རུ་བཙལ་ཡང་སེམས་མ་མཆིས། །ཕྱི་སྟོང་པ་ཉིད་ཅེས་དེ་ལ་ཟེར། །ལུས་ནང་དུ་བཙལ་ཡང་སེམས་མ་མཐོང་། །ནང་སྟོང་པ་ཉིད་ཅེས་དེ་ལ་བཏགས། །འདི་ཤེས་ན་ཤེས་བྱ་ཀུན་གྱི་རབ། །བཀའ་ཤེས་རབ་ཕར་ཕྱིན་རང་གི་སེམས། །སེམས་གར་འགྲོ་ཐོངས་ལ་ཆངས་སོ་ཚུགས། །དོན་ཕྱག་རྒྱ་ཆེན་པོ་ལོགས་ན་མེད། །སེམས་གསལ་ན་གསལ་བའི་ངོ་བོ་ལྟོས། །དོན་གསལ་སྟོང་ཡེ་ཤེས་ཨེ་མ་ཧོ། །སེམས་བདེ་ན་བདེ་བའི་ངོ་བོ་ལྟོས། །དོན་བདེ་སྟོང་དབྱེར་མེད་ཨེ་མ་ཧོ། །སེམས་མི་འཕྲོ་འདུག་ལ་ངོ་བོ་ལྟོས། །དོན་མི་རྟོག་ཡེ་ཤེས་ཨེ་མ་ཧོ། །སེམས་འཕྲོ་ན་འཕྲོ་མཁན་ངོ་བོ་ལྟོས། །དོན་དྲན་སྟོང་ཡེ་ཤེས་ཨེ་མ་ཧོ། །བུ་འགྲོ་ཞིང་འགྲོ་ཞིང་སེམས་ལ་ལྟོས། །དོན་དམ་པའི་སྐོར་བ་ཨེ་མ་ཧོ། །བུ་ཟ་ཞིང་ཟ་ཞིང་སེམས་ལ་ལྟོས། །དོན་དམ་པའི་ཚོགས་འཁོར་ཨེ་མ་ཧོ། བུ་ཉལ་ཞིང་ཉལ་ཞིང་སེམས་ལ་ལྟོས། །གཉིད་འོད་གསལ་གདམས་པ་ཨེ་མ་ཧོ། །བདག་གསོལ་འདེབས་དགེ་སྦྱོར་སྐྱོང་བ་སོགས། །དུས་གསུམ་གྱི་དགེ་བ་ཅི་བསགས་

[Full Size]

མཐུས། །ཚེ་འདི་ལ་ཚེ་རིང་ནད་མེད་ཅིང་། །དཔལ་འབྱོར་པའི་མཐུན་རྐྱེན་རབ་འཕེལ་ཞིང་། །དོན་འོད་གསལ་ཆོས་སྐུ་རྟོགས་པར་ཤོག །དུས་ནམ་ཞིག་མི་གནས་འཕོ་བའི་ཚེ། །ནུབ་བདེ་བ་ཅན་གྱི་ཞིང་ཁམས་སུ། །ལུས་བརྫུས་སྐྱེས་སྤྲུལ་སྐུ་ཐོབ་ནས་ཀྱང་། །ས་ལམ་གྱི་ཡོན་ཏན་རབ་རྫོགས་ནས། །བདག་བྱང་ཆུབ་མངོན་དུ་བྱེད་པར་ཤོག །རྗེ་རྒྱལ་བ་སྲས་བཅས་ཐུགས་རྗེ་དང་། །གཞི་གདོད་ནས་སྐྱེ་བ་མེད་པ་དང་། །ལམ་རྟེན་འབྲེལ་བསླུ་མེད་བདེན་པའི་མཐུས། །བདག་སྨོན་ལམ་བཏབ་བཞིན་འགྲུབ་གྱུར་ཅིག །ཅེས་སྐྱག་ཟླའི་ཨ་མཆོད་སེར་གཟུགས་འཛིན་པས་བསྐུལ་ཕྱིར། ཨ་རཱ་གས་འཕྲལ་དུ་བྲིས་པའོ། །འདི་ཁྲིད་མ་ཐོབ་པ་ལ་དཔེ་སྐུང་བར་བྱའོ། །མངྒ་ལཾ།། ༈ པདྨ་འབྱུང་གནས་ཀྱི་བླ་མའི་རྣལ་འབྱོར་ཞལ་གདམས་མགུར་མ་བླ་མ་སྲུང་ལ་གནང་བ་བཞུགས་སོ། ༈ །ན་མོ་པྲ་ཝ་ཀ་ར་ཡེ། མི་བདག་གི་སྤྱི་བོའི་གཙུག་རོལ་ན། །གདན་པདྨ་ཉི་ཟླ་སུམ་བརྩེགས་སྟེང་། །འཇའ་འོད་ཕུང་འཁྲིགས་པའི་གུར་ཁང་ན། །ཕ་དྲིན་ཅན་རྩ་བའི་བླ་མ་དང་། །དོན་དབྱེར་མེད་གུ་རུ་པདྨ་འབྱུང་། །སྐུ་དཀར་གསལ་མདངས་ལྡན་མཚན་

[Full Size]

དཔེས་སྤྲས། །ཞལ་འཛུམ་མཛེས་སྤྱན་གཉིས་ཞི་མ་ཁྲོ། །དབུ་པད་ཞྭ་རྒོད་ཀྱི་ལྡེམ་འཕྲུ་ཅན། །ཕྱག་རྡོ་རྗེ་བྷནྡྷ་ཚེ་བུམ་འཛིན། །ཡུམ་ཌཱཀྐི་སྦས་ཚུལ་ཁ་ཊཾ་བརྟེན། །བེར་ཕོད་ཁ་ཆོས་གོས་ངུར་སྨྲིག་གསོལ། །ཞབས་རྡོ་རྗེ་སྐྱིལ་མོ་ཀྲུང་གིས་བཞུགས། །ཞིང་ཕྱོགས་བཅུའི་རྒྱལ་བ་སྲས་བཅས་རྣམས། །དེ་ཐམས་ཅད་སྤྱན་དྲངས་དབྱེར་མེད་ཐིམ། །རྗེ་སངས་རྒྱས་ཐམས་ཅད་འདུས་པའི་ཐུགས། །བཀའ་དམ་ཆོས་ཐམས་ཅད་འདུས་པའི་གསུང་། །ཚོགས་དགེ་འདུན་ཐམས་ཅད་འདས་པའི་སྐུ། །སྐྱབས་དཀོན་མཆོག་ཀུན་འདུས་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །དུས་དེང་སང་སྙིགས་མ་ལྔ་བརྒྱའི་མཐའ། །རྗེ་སངས་རྒྱས་ཀུན་གྱི་ཐུགས་རྗེ་རྡུགས། །བཀའ་དམ་ཆོས་ཀུན་གྱི་ངད་པ་ཡལ། །ལྷ་དཀར་ཕྱོགས་སྐྱོང་བ་ཐམས་ཅད་བྲོས། །བདུད་ནག་ཕྱོགས་གདོན་རིགས་རླུང་ལྟར་འཚུབ། །ཆར་དུས་སུ་མི་འབབ་ལོ་དགྲ་མང་། །དུས་མི་བདེ་མཐའ་དབུས་ཐམས་ཅད་འཁྲུག །སྤུན་ཉེ་དུ་མི་མཐུན་རྨེ་འཁྲུག་བྱེད། །དུས་འདི་འདྲ་ཁྱེད་ཉིད་ཐུགས་རྗེ་ཆེ། །དོན་དེ་ཕྱིར་ཁྱེད་ལ་གསོལ་བ་འདེབས། །སྟེང་གཟའ་སྐར་

[Full Size]

འཁྲུག་པས་ཐོག་སེར་རྒོད། །མི་ཕལ་ཆེར་གཟའ་ནད་ཧུར་ཐུམ་མང་། །འོག་ཀླུ་གདོན་འཁྲུག་པས་གཅོང་ནད་མང་། །མི་ཕལ་ཆེར་ཞ་གྲུམ་མཛེ་ཡིས་འཁྱེར། །གདོན་རྒྱལ་འགོང་དར་བས་ནང་འཁྲུག་མང་། །མི་ཕལ་ཆེར་སྨྱོ་འབོག་ཆག་འདྲེས་འདེབས། །མ་མཁའ་འགྲོ་འཁྲུག་པས་རིམས་ནད་མང་། །མི་ཕལ་ཆེར་བདུན་དྲུག་ནད་ཀྱི་འཆི། །གདོན་གནོད་སྦྱིན་དར་བས་ཁ་ལྕེ་རྒོད། །མི་ཉེས་མེད་བདེ་དབྱེན་སྲོག་བྲལ། །བདུད་སྣང་སྲིད་ལྷ་འདྲེ་ཟིང་ལང་དུས། །ཕ་ཁྱེད་ཀྱི་འདུལ་སྐལ་ཡིན་ལགས་པས། །དོན་དེ་ཕྱིར་ཁྱེད་ལ་གསོལ་བ་འདེབས། །བདག་དལ་འབྱོར་མི་ལུས་ཐོབ་ལགས་ཀྱང་། །ཆོས་བྱེད་བསམ་ངང་ལ་མི་ཚེ་ཟད། །དུས་སྙེམས་མེད་གཅིག་ལ་འཆི་བས་གཏུག །དགྲ་འཆི་བདག་གཤིན་རྗེས་ཟིན་པའི་དུས། །སྨན་རིམ་གྲོས་མི་ཕན་ཕྱིར་ཕྱིར་ཐུ། །གཉེན་ཉེ་དུ་ཟས་ནོར་ཤུལ་དུ་ལུས། །སེམས་དབང་མེད་བྱ་སྒྲོ་རླུང་ཁྱེར་བཞིན། །འགག་གཟུར་མེད་བར་དོའི་འཕྲང་ལ་འགྲིམ། །ལས་དགེ་སྡིག་གཤིན་རྗེའི་ཁྲིམས་ལ་གཏུག །རྫུན་སྨྲས་ཀྱང་མི་ཕན་མེ་ལོང་གསལ། །དུས་དེ་འདྲའི་དུས་

[Full Size]

ཤིག་བྱུང་ཙམ་ན། །སྐྱོབ་ངེས་པའི་བླ་མ་དཀོན་མཆོག་གསུམ། །དེ་གཅིག་བསྡུས་ཨུ་རྒྱན་རིན་པོ་ཆེ། །དུས་དེ་ཚེ་རེ་ས་གཞན་ན་མེད། །ཕ་ཐུགས་རྗེས་ཟུང་ཞིག་པདྨ་ལྟའབྱུང་། །ཚེ་འདི་དང་ཕྱི་མ་བར་དོ་གསུམ། །སྐྱབས་གཞན་ན་མ་མཆིས་ཁྱེད་རང་ཤེས། །བདག་གདུང་ཤུགས་དྲག་པོས་གསོལ་བཏབ་པས། །རྗེ་པདྨ་འབྱུང་གནས་འོད་དུ་ཞུ། །མི་བདག་དང་དབྱེར་མེད་གཅིག་ཏུ་འདྲེས། །དོན་དབང་བཞི་བྱིན་རླབས་ཅིག་ཆར་ཕོབ། །ད་ཚུར་ལྟོས་རང་གི་སེམས་ལ་ལྟོས། །སེམས་བལྟས་པས་གཟུགས་དང་ཁ་དོག་མེད། །སེམས་མེད་པ་མ་ཡིན་གར་ཡང་རྒྱུག །དེ་བལྟས་པས་མི་མཐོང་ངང་ལ་ཞོག །དོན་སེམས་ངོ་མཐོང་ཞེས་དེ་ལ་ཟེར། །སེམས་གནས་ན་གནས་པའི་ངང་ལ་ལྟོས། །སེམས་སྟོང་གསལ་ངང་ན་རྗེན་ནེར་ཞོག །སེམས་གར་འགྲོ་ལྷོད་ལ་རྒྱང་སྲུང་གྱིས། །དཔེ་ཆུ་ལ་ཆུ་རླབས་ཐིམ་པ་བཞིན། །སེམས་འཕྲོ་རྒོད་སྟོང་ཉིད་དབྱིངས་སུ་ཞི། །རང་སེམས་ཀྱིས་སེམས་ལ་ལྟ་བ་དེ། །རྗེ་པདྨ་འབྱུང་གནས་ལྟ་བ་ཡིན། །དེ་མ་ཡེངས་གོམ་འདྲིས་བྱེད་པ་དེ། །བསྒོམ་ཉམས་ལེན་མིང་དུ་བཏགས་པ་ཡིན། །ལས་དགེ་སྒྲུབ་སྡིག་

[Full Size]

སྤང་བྱེད་པ་དེ། །ལྷ་པད་འབྱུང་དགྱེས་པའི་སྤྱོད་པ་ཡིན། །དོན་ཚོགས་གཉིས་མཐའ་རུ་ཕྱིན་པ་དང་། །དུས་ནམ་ཞིག་འབྲས་བུ་སངས་རྒྱས་ཐོབ། །མི་བདག་གིས་གསོལ་འདེབས་དགེ་སྦྱོར་སོགས། །དུས་གསུམ་དུ་བསགས་པའི་དགེ་བ་འདིས། །ཚེ་འདི་ལ་ཆེ་རིང་ནད་མེད་ཅིང་། །དཔལ་འབྱོར་པ་ཡར་ངོའི་ཟླ་བཞིན་འཕེལ། །དུས་ནམ་ཞིག་མི་གནས་འཕོ་བའི་ཚེ། །ནུབ་བདེ་བ་ཅན་གྱི་ཞིང་ཁམས་སུ། །ལུས་བརྫུས་སྐྱེས་སྤྲུལ་སྐུ་ཐོབ་ནས་ཀྱང་། །རྟེན་དེ་ལ་ས་བཅུ་རབ་བསྒྲོད་ནས། །དོན་བླ་མེད་བྱང་ཆུབ་ཐོབ་པར་ཤོག །གཞི་ཆོས་དབྱིངས་སྐྱེ་བ་མེད་པ་དང་། །ལམ་རྟེན་འབྲེལ་བསླུ་བ་མེད་པ་དང་། །སྐྱབས་པད་འབྱུང་ཐུགས་རྗེ་ཚད་མེད་མཐུས། །བདག་སྨོན་ལམ་བཏབ་བཞིན་འགྲུབ་པར་ཤོག །ཅེས་བླ་མ་སྲུང་གི་ཐུགས་དམ་བྱ་ཕྱིར། ཨ་རཱ་གས་འཕྲལ་དུ་བྲིས་པའོ། །མངྒ་ལཾ།། ༈ ལུང་བསྟན་གདམས་པའོ། །དུལ་མོ་བ་ཀརྨ་དར་རྒྱས་ཕུན་ཚོགས་ས་ཐག་རིང་པོ་ནས་འོ་བརྒྱལ་ཆེ་བར་ཕེབས་ཀྱང་། ང་མཚམས་ཀྱི་བཅད་རྒྱ་དམ་པས། ངོ་གཏུག་པ་དང་ངག་འདྲེས་པའི་ཐབས་ནི་མ་བྱུང་། ཆགས་ཕེབས་ཀྱི་ཚུལ་དུ་རྡུལ་བྱང་

[Full Size]

ངོས་ནས་བྲེ་མོའི་གཏམ་འགའ་རེ་ཞུས་པས། ཆུང་ངུ་ནས་ལས་འཕྲོ་སད་པས་འཇིག་རྟེན་ཀྱི་བྱ་བ་མ་འདོད་པས། ཁྱིམ་ནས་ཁྱིམ་མེད་པ་རབ་ཏུ་བྱུང་། དེ་ཚུལ་ཁྲིམས་མིག་གི་འབྲས་བུ་ལྟར་སྲུང་ཞིང་བསྟན་པའི་མིག་རྐྱེན་ལ་ཕན་པ་ཅིག་མི་བྱེད་རེ་དབུ་བསྙུང་གིས་མཚོན་ནས་གསུངས་པས། ཁོ་བོ་ཡང་ས་ཐོབ་པ་ཙམ་དུ་དགའ། ད་ནི་ཉེ་བར་མཁོ་བའི་དབང་ལུང་། གནད་མན་ངག་རྣམས་ལ་མཁས་པར་རྩད་ཆོད་སོགས། རྫོགས་རིམ་རྩ་རླུང་ལ་ཡང་རས་རྐྱང་ཐུབ་ཅིང་ཉམས་ལེན་སྐྱོངས་བདེ་ཡོད། བླ་བརྒྱུད་བཟང་ཞིང་བཙུན་ཚུགས་བཟང་། བསྙེན་སྒྲུབ་འགའ་རེ་བྱས་པ་ལ་ཡང་རྟགས་མཚན་བཟང་པོ་ཐོན་འདུག །ད་བར་ཆད་བྱུང་ན་དབང་ལུང་ཁྲིད་སོགས་ཀྱི་བསྟན་པ་ལ་ཕན་པའི་བླ་མ་ཞིག་བྱུང་ཚར་བ་འདི་ག་ཡིན་པས། དགའ་བ་བསྒོམས། ཕར་འབྱོན་ཁ་ཐ་སྐར་ཟླ་བའི་ཚེས་བཞི་ལ་ཀརྨ་བཟང་དོ་བས། ངའི་བུ་ཆེན་དུལ་མོ་དར་རྒྱས་འདི་ལ་མཐར་ཅི་འདྲ་ཞིག་འོང་རྨི་ལམ་བརྟགས་པས་གཉིད་པ་མ་ཡིན་ཉམས་ཀྱི་སྣང་བ་ལ་སུས་ཟེར་མེད་པའི་སྐྱབས་སུ་མཆི་ཟེར་སྒྲ་ལན་གཉིས་གྲགས་པ་ཐོས་པས་བླ་མ་བཟང་པོ་ཀུན་གྱི་དད་འདུན་བྱེད་པ་ཞིག་འོང་བར་

[Full Size]

འདུག་སྙམ། དེ་གཉིད་དུ་སོང་བའི་རྨི་ལམ་དུ། ང་ཡི་མདུན་དེར་ཕོ་རོག་གཞན་ལས་ཆེ་ཞིང་མདོག་བཟང་བ་གཅིག་ཕར་འགྲོ་ཚུར་འགྲོ་བྱེད་དོ། །ཕོ་རོག་འདི་ཙམ་ཆེ་བ་དང་མདོག་ལེགས་པ་མཐོང་མ་མྱོང་། འདི་མགོན་པོའི་བླ་རྟགས་རེད་སྙམ་ནས་སེམས་རབ་ཏུ་དགའ། དེ་ནས་འབྲོག་པའི་དཔོན་རིགས་གཅིག་ཡིན་སྙམ་པའི་མི་རྒན་ཐོར་ལྕོག་ཅན་ཨམ་ཚོམ་ཆེ་བ། ཚར་ཙག་རིས་ཤན་འདྲ་བའི་གོས་སྔོན་རྙིང་པ་གོན་པ་གཅིག་ངའི་མདུན་དུ་བྱུང་ནས་ད་ང་རྒས་ནས་ཡོད་དེ་ངའི་ནང་ཟོག་རྩིས་ཆེན་འདི་བཞག་པ་རྒྱུ་ཡིན་ཟེར་ནས་ང་ལ་ངོམས་དོ་བས། གྲི་གུག་ཤིན་ཏུ་ལེགས་པ་ཕོ་གྲི་མོ་གྲི་གཉིས་ཆེ་ཆུང་གྲུ་གང་ཙམ་པ། གཞན་གྲི་གུག་ཕོ་གྲི་མོ་གྲི་ཡིད་ལ་མེད་པ་གཅིག་དང་གསུམ་བསྟན་བྱུང་། འདི་ཚོ་ཤིན་ཏུ་རྣོ་ཞིང་སྤུ་འདེད་པ་འདུག །རྩིས་ཆེན་རེད་སྙམ་པ་ཞིག་རྨིས་པས་ཁྱེད་ཀྱི་མགོན་པོ་འགྲུབ་ཅིང་མཐུ་ནུས་ཆེན་པོ་འོང་བར་གོ །དེ་ནས་ཀཿཐོག་གི་བླ་མ་རེད་སྙམ་པའི་རལ་པ་ཅན་ཞིག་གིས་གནམ་ཆོས་ཀྱི་ལོ་མ་ཅན་དེ་ལ་རྫོགས་ཆེན་གྱི་ཚིག་གཅིག་གདའ་སྟེ་ཆ་ཚང་པོ་མི་འདུག་ཟེར་ནས་ཅུང་ཟད་མི་འགུ་མགུ་བྱེད་དོ་བ་རྨིས་པས། ཁྱེད་

[Full Size]

རྙིང་མ་ལ་མཁས་པའི་གྲགས་པ་ཐོབ་པ་མི་འོང་བ་འདྲ་བསམ། དེ་ནས་ཀར་ལུགས་ཀྱི་བནྡེ་དྲུག་བདུན་ཙམ་ཞིག་འདུག་པ་ལ་གཅིག་ལ་ཁྱོད་བསྙེན་རྫོགས་ཞུས་པ་ཡིན་ནམ་བྱས་པས་ཡིན་ཟེར། འོ་ན་བསྙེན་རྫོགས་ཞུས་པ་ལ་རྟགས་ཆབ་རིལ་སོགས་མེད་པ་འོ་སྐོར་ཀར་ལུགས་འདི་དགེ་བསྙེན་དང་། དགེ་ཚུལ་དང་། དགེ་སློང་གསུམ་བསྲུང་བྱ་དང་ཆ་ལུགས་ཁྱད་མེད་པ་འདི་མི་ལེགས་པ་རྨིས་པས་ཁྱེད་ཀྱི་གྲྭ་སློབ་རྣམས་ཧ་ཅང་བཙུན་ཚུགས་བཟང་བ་རང་མི་འོང་ངམ་སྙམ། ཁྱེད་སློབ་མ་བརྒྱུད་པར་བཅས་པ་ཆོས་མགོ་ཐོན་ཅིང་བསྟན་པའི་རྒྱན་དུ་འགྱུར་བར་བདག་གིས་བླ་མ་ཡི་དམ་རྣམས་ལ་གསོལ་བ་འདེབས་སོ། །མཁའ་འགྲོ་ཆོས་སྐྱོང་རྣམས་ལ་ཕྲིན་ལས་བཅོལ་ལོ། །དུལ་མོ་བཀྲ་ཤིས་འོད་ཟེར་གྱི་བསྟན་པ་འཕེལ་ཞིང་རྒྱས་པར་གྱུར་ཅིག །ཅེས་པ་རཱ་ག་ཨ་སྱས་སོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མདོ་སྡེ་མཛངས་བླུན་ནས་བཏུས།

[Full Size]

མདོ་སྡེ་མཛངས་བླུན་ནས་བཏུས་སོ།

[Full Size]

ཐམས་ཅད་མཁྱེན་པ་ལ་ཕྱག་འཚལ་ལོ། །སྔོན་སངས་རྒྱས་འོད་སྲུང་གི་བསྟན་པའི་མཇུག་ཏུ། བྲམ་ཟེ་གཉིས་ཀྱིས་བསྙེན་གནས་གཅིག་བསྲུང་བ་ལ་གཅིག་གིས་རྒྱལ་པོར་སྐྱེ་བའི་སྨོན་ལམ་བཏབ་པས་རྒྱལ་པོར་སྐྱེས། གཅིག་གིས་ལྷར་སྐྱེ་བའི་སྨོན་ལམ་བཏབ་ཀྱང་དེ་ནུབ་ཆུང་མས་དགོང་མི་ཟ་ཁ་མེད་བྱས་ནས་ཟོས་པས་ཀླུར་སྐྱེས། རྒྱལ་པོ་དེས་གཡོག་བཟའ་ཤིང་གི་ར་བ་བསྲུང་མཁན་གཅིག་ཡོད་པས་ཆུ་མགོ་ནང་ནས་ཤིང་ཏོག་ཤིན་ཏུ་ཆེ་ཞིང་མངར་བ་རྙེད་ནས། རྒྱལ་པོའི་སྒོ་སྲུང་ལ་ཕུལ། དེས་བཙུན་མོ་དེས་རྒྱལ་པོ་ལ་ཕུལ་བས་དེར་རྒྱལ་པོས་བརྩད་

[Full Size]

བཅད་ནས་འདི་རྙེད་མཁན་དེས་འདི་འདྲ་བ་མང་དུ་ཕུལ་ཅིག །མ་ཕུལ་ན་གསོད་ཟེར་བས། མི་དེ་ངུ་ཞིང་ཆུ་མིག་རྩར་བསྡད་པས་ཀླུ་དེ་མིར་སྤྲུལ་ནས་ཅི་ཡིན་ཟེར། ལོ་རྒྱུས་བཤད་པས། ཀླུ་དེས་ཤིང་ཏོག་གཞོང་པ་གང་བཀུར་ནས་རྒྱལ་པོ་ཁྱོད་དང་ང་གཉིས་གྲོགས་ཡིན་པས། ཁྱོད་བསྙེན་གནས་གཙང་མ་གཅིག་བསྲུང་བས་རྒྱལ་པོར་སྐྱེས། ང་མ་གཙང་བས་ཀླུར་སྐྱེས། ང་ལ་བསྙེན་གནས་ཡན་ལག་བརྒྱད་པའི་དཔེ་གཅིག་བྱིན། དེ་མི་སྦྱིན་ན་ངས་ཡུལ་འདི་མཚོ་རུ་བསྒྱུར་ནས་རླག་པར་བྱེད་ཅེས་ཕྲིན་བསྐུར་བས་བསྟན་པ་ནུབ་ནས་དཔེ་རྙེད་པ་མེད་ནས་རྒྱལ་

[Full Size]

པོས་བློན་པོ་ལ་ཚོལ། མ་རྙེད་ན་ཁྱོད་གསོད་ཟེར། བློན་པོས་ཕ་རྒན་པོ་ཞིག་ཡོད་པ་ལ་དྲིས་པས། ཁྱིམ་གྱི་ཀ་བ་འདི་ལ་རྟག་ཏུ་འོད་འབྱུང་དོ་བ་ལྟོས་ཟེར། ཀ་བ་བཤགས་པས་ནང་དུ་རྟེན་འབྲེལ་འབྱུང་བཅུ་གཉིས་ཀྱི་མདོ་དང་། ཉིན་ཞག་གཅིག་པའི་ཁྲིམས་བརྒྱད་ཀྱི་དཔེ་བྱུང་། རྒྱལ་པོས་གསེར་གྱི་སྒྲོམ་བུར་བཅུག་ནས་ཀླུ་ལ་བསྐུར། ཀླུ་དགའ་ནས་རྒྱལ་པོ་ལ་རིན་པོ་ཆེ་མང་དུ་ཕུལ་ལོ། ཀླུ་རྒྱལ་པོ་གཉིས་བསྙེན་གནས་བསྲུང་ཞིང་གཞན་ལ་ཡང་བསྐུར་བས་ཁོང་གཉིས་ལྷར་སྐྱེས་ཏེ། ཤཱཀྱ་ཐུབ་པ་མཇལ་དུ་འོང་ནས་ཆོས་ཉན་པས་རྒྱུན་ཞུགས་ཀྱི་འབྲས་བུ་ཐོབ་བོ། །ནམ་ཡང་ངན་སོང་དུ་མི་ལྟུང་ཞིང་ལྷ་མིའི་བདེ་སྐྱིད་མྱོང་སྟེ་མཐར་མྱང་འདས་པ་ཐོབ་པར་ལུང་བསྟན་ཏོ། །ཀུན་དུ་རྒྱུས་ཚུལ་ཁྲིམས་བསྲུང་བའི་ལེའུ་སྟེ་གསུམ་པའོ།། །།སྔོན་བསྐལ་པ་གྲངས་མེད་པའི་སྔོན་རོལ་དུ་རྒྱལ་པོ་ཚངས་སྦྱིན་འཁོར་དང་བཅས་པ་སྐྱེད་མོས་ཚལ་དུ་བྱོན་པའི་ར་བའི་རྒྱབ་ནས་མི་གཅིག་སྐད་ཆེན་པོའི་གླུ་བླངས་པས་རྒྱལ་པོ་ཁྲོས་ཏེ་བཙོན་དུ་བཟུང་ནས་བསད་པར་ཤོམ་པ་བློན་པོས་རྒྱལ་པོ་ལ་ཞུས་ནས་མ་བསད་དེ་གཡོག་བྱེད་བཅུག །ཕྱིས་རབ་ཏུ་བྱུང་ནས་རང་

[Full Size]

སངས་རྒྱས་སུ་གྱུར་པ་ལ་བློན་པོས་བསྙེན་བཀུར་བྱས་སྨོན་ལམ་བཏབ་པས། བློན་པོ་སྐྱེ་བ་ཐམས་ཅད་དུ་རིགས་མཐོ་ཤིང་ཕྱུག་ལ་ཚེ་རིང་བའི་ལྷ་དང་མིའི་ལུས་གཞན་བས་བརྒྱ་སྟོང་འགྱུར་གྱི་ལྷག་པ་ཁོ་ནར་སྐྱེས། ཕྱིས་བློན་པོ་ཆེན་པོ་ཕྱུག་ཅིང་བུ་མེད་པ་གཅིག་གི་བུར་སྐྱེས་པ་ཕས་རབ་ཏུ་བྱུང་མ་བཅུག་པས། རིགས་དམའ་བ་གཅིག་ཏུ་སྐྱེས་ན་རབ་ཏུ་བྱུང་ཆོག་སྙམ་ནས་བྲག་མཐོན་པོ་ལ་འཕྱོངས་ཀྱང་མ་གནོད། ཆུ་ལ་ལྕེབ་ཀྱང་མ་ཁྱེར། བཙན་དུག་ཟོས་ཀྱང་མ་གནོད། རྒྱལ་པོས་ཁྲིམས་བཤིགས་པས་རྒྱལ་པོས་མདའ་ལན་གསུམ་འཕང་བས་མདའ་ཚུར་ལ་ལྷུང་། དེར་རྒྱལ་པོས་ཁྱོད་ལྷ་འདྲེ་ཡིན་ནམ་ཟེར་བས་ཤི་འདོད་ཚུལ་ཞུས་པས། རྒྱལ་པོས་རབ་ཏུ་བྱུང་བར་གནང་སྟེ། ཤཱཀྱ་ཐུབ་པའི་དྲུང་དུ་རབ་ཏུ་བྱུང་སྟེ་དགྲ་བཅོམ་ཐོབ་བོ། །དེ་ལྟར་སྲོག་སྐྱབས་བྱས་པས། བློན་པོ་དེ་གར་སྐྱེས་ཀྱང་ཚེ་ལ་བར་ཆད་ཀྱིས་མ་ཚུགས་མཐར་དགྲ་བཅོམ་ཐོབ་བོ། །ཡང་སྔོན་ཁྱིམ་བདག་ཕྱུག་པོ་གཅིག་ལ་བླ་མཆོད་རང་སངས་རྒྱས་ཞིག་ཡོད་པ་དེའི་ཞལ་མདོག་ཤིན་ཏུ་མི་སྡུག་ལྤགས་པ་རྩུབ་པ་གཅིག་ཡོད་པ་ལ། ཁྱིམ་བདག་གི་བུ་མོ་གཅིག་གིས་

[Full Size]

བརྙས་ཤིང་རེ་བཙོག་ཅེས་ཚིག་ངན་སྨྲས། ཕྱིས་རང་དེ་འདས་ཁ་ནམ་མཁའ་ལ་འཕུར་བ་སོགས་ཆོ་འཕྲུལ་བསྟན་པས་མོས་འགྱོད་དེ་བཤགས་པ་བྱས་སོ། །དེར་རང་སངས་རྒྱས་ལ་བཀུར་བསྟི་བྱས་པས་ཚེ་རབས་ཐམས་ཅད་རིགས་མཐོ་ཞིང་ལོངས་སྤྱོད་ཅན་དུ་གྱུར། སྐུ་ལ་འཕྱས་པས་གར་སྐྱེས་ལུས་མི་སྡུག་པར་གྱུར་ཏེ། ཕྱིས་རྒྱལ་པོ་གསལ་རྒྱལ་གྱི་བུ་མོ་རྡོ་རྗེ་ཞེས་བྱ་བར་སྐྱེས་ཏེ་ལུས་ངན་པ་སྟེ་མི་རུང་བར་གྱུར་པས་གསང་བས་གསོས། ན་སོ་བབ་ནས་རུས་ཆེ་བའི་མི་སྤྱང་པོ་གཅིག་དམག་པར་བསྐོས་ནས་མོ་ཁྱིམ་དགུ་རིམ་མུན་པའི་ནང་དུ་བསྐུང་ནས་འཇོགས་པ་ལ། མོས་ང་ནི་རྒྱལ་པོའི་བུ་མོ་ཡིན་ཀྱང་ཉི་ཟླའི་ཟེར་མཐོང་དབང་མེད་པ་སྡུག་བསྔལ། སྡུག་ལས་སྐྱོབ་པ་ནི་སངས་རྒྱས་ཡིན་སྙམ་ནས་ཤཱཀྱ་ཐུབ་པའི་མཚན་ནས་བོས་ཤིང་སྐྱབས་འགྲོ་བྱས་པས། སངས་རྒྱས་ཞལ་མཐོང་ནས་མོ་ལྷའི་ལུས་ལྟར་གྱུར། ཆོས་གསུངས་པས་རྒྱུན་དུ་ཞུགས་པ་ཐོབ་སྟེ་གྲོལ་ལོ། །དེ་ན་སེམས་ཅན་སུ་ལ་ཡང་བརྙས་པས་སྨྲ་བར་མི་བྱའོ། །ཡང་སྔོན་བསྐལ་པ་དགུ་བཅུ་རྩ་གཅིག་གི་ཕ་རོལ་ན། མི་དབུལ་པོ་གཅིག་གིས་ཤིང་བཙོང་ནས་གསེར་གྱི་དོང་ཙེ་གཉིས་ཐོན་དེ་སངས་

[Full Size]

རྒྱས་གསེར་ཐུབ་དགེ་འདུན་དང་བཅས་པ་ལ་ཕུལ་བས། བསྐལ་པ་དགུ་བཅུ་རྩ་གཅིག་གི་བར་དུ་མིར་སྐྱེས་ཤིང་། གར་སྐྱེས་ལག་ཏུ་གསེར་གྱི་དོང་ཙེ་ཡོད་པར་གྱུར། ནོར་ཕྱུགས་ཤིང་ལོངས་སྤྱོད་ཟད་པ་མེད་པར་གྱུར་ཏེ། ཕྱིས་རྒྱལ་པོའི་ཁབ་ན་ཁྱིམ་བདག་མོ་གཅིག་ལ་བུ་སྐྱེས་པ་བུ་ལྟ་བས་ཆོག་མི་ཤེས་པ་ཁུ་ཚུར་བཅངས་བ་གཅིག་སྐྱེས། ཁུ་ཚུར་གཉིས་ཕྱེས་པས་གསེར་གྱི་དོང་ཙེ་གཉིས་གདའ། དེ་བླངས་བས་ཀྱང་རེ་རེ་བྱུང་ནས་གསེར་གྱི་བང་མཛོད་གང་བས་བུའི་དོང་ཙེ་མ་ཟད། ཕྱིས་སྟོན་པ་ལ་རབ་ཏུ་བྱུང་ནས་དགྲ་བཅོམ་ཐོབ་སྟེ་དགེ་སློང་གསེར་གྱི་དབྱིག་གོ ༧ །ཡང་སྔོན་སངས་རྒྱས་གསེར་ཐུབ་ཀྱི་བསྟན་པ་ལ་མི་དབུལ་པོ་ཞིག་གིས་དགེ་འདུན་ལ་དད་པས་ཕྱགས་དར་བྱས་མེ་ཏོག་བཏུས་ཏེ་གཏོར་ནས་སྨོན་ལམ་བཏབ་པས་བསྐལ་པ་དགུ་བཅུ་རྩ་གཅིག་ཏུ་གར་སྐྱེས་ཀྱང་གཟུགས་བཟང་ཞིང་མཛེས་པ་དང་། བཟའ་བཏུང་ཁྲི་སྟན་ཕུན་སུམ་ཚོགས་པར་གྱུར་ཏེ། ཕྱིས་མཉན་ཡོད་ན་ཁྱིམ་བདག་ཆེ་ཞིང་མཐོ་བའི་བུར་སྐྱེས་ཏེ། གཟུགས་བལྟ་བས་ཆོག་མི་ཤེས་པར་གྱུར་ཏེ་སྐྱེས་མ་ཐག་ལྷ་རྫས་མེ་ཏོག་གི་ཆར་བབས་པས་མིང་ལྷའི་

[Full Size]

མེ་ཏོག་བཏགས། ཕྱིས་བུ་དེས་ཤཱཀྱ་ཐུབ་པ་འཁོར་བཅས་སྤྱན་དྲངས་ནས་བསྙེན་བཀུར་བ་ལ། ཁྱིམ་དུ་རིན་པོ་ཆེའི་གདན་དང་ཞལ་ཟས་ཐམས་ཅད་བསམ་པ་ཙམ་ནས་བྱུང་། དེ་ནས་རབ་ཏུ་བྱུང་བས་དགྲ་བཅོམ་ཐོབ་བོ། །དེ་ནས་སྦྱིན་པ་ཆུང་ངུ་ལ་ཡང་བསོད་ནམས་མེད་དོ་སྙམ་ནས་མ་བརྙས་ཤིག་གསུངས་སོ། ༧ །ཡང་སྔོན་སངས་རྒྱས་གསེར་ཐུབ་ཀྱི་བསྟན་པ་ལ། དགེ་འདུན་རྣམས་ཁྱིམ་བདག་སོ་སོའི་བསྙེན་བཀུར་བ་ལ་མི་དབུལ་པོ་ཞིག་ཡིད་རང་ཞིང་རྡེའུ་དཀར་པོ་ལ་བྱས་པའི་ནོར་བུ་སྤར་གང་དགེ་འདུན་ལ་གཏོར་ཞིང་སྨོན་ལམ་བཏབ་པས་བསྐལ་པ་དགུ་བཅུ་རྩ་གཅིག་ཏུ་ནོར་བུ་དང་ཟས་གོས་ལོངས་སྤྱོད་ལྷུན་གྱིས་གྲུབ་པར་གྱུར། དེ་ནས་མཉན་ཡོད་དུ་ཁྱིམ་བདག་ཞིག་གི་བུར་སྐྱེས་མ་ཐག་ནམ་མཁའ་ལས་རིན་པོ་ཆེའི་སྣ་བདུན་ཆར་བཞིན་བབས་ནས་ཁྱིམ་གང་བུ་ལྷའི་རིན་པོ་ཆེ་བཏགས། ཕྱིས་རབ་ཏུ་བྱུང་ནས་ཐུབ་པའི་དྲུང་དུ་དགྲ་བཅོམ་ཐོབ་བོ། ༧ །ཡང་སྔོན་འདས་པའི་དུས་ན་རྒྱལ་པོའི་ཞལ་ལྕེ་བ་གཅིག་ཡོད། ཡུལ་དེའི་ཆས་ཀ་བྱིན་པ་ལ་དཔང་པོར་བྱེད་ལ་དེའི་ཚ་བོ་ལ་མེ་ཡི་བུ་ལོན་མང་པོ་དགོས་པ་ལ། བློན་པོས་ཆུང་མ་ལ་ལྐོག་རྔན་བྱིན་ནས་

[Full Size]

ཆུང་མས་བློན་པོ་བསྐུལ་ཏེ། བུ་ལོན་པ་གཉིས་བློན་པོ་ལ་གཏུག་པས་བློན་པོས་རྫུན་སྨྲས་ཏེ་བུ་ལོན་མི་དགོས་སྨྲས་འཇལ་བཅུག་གོ །དེའི་རྣམ་སྨིན་གྱི་བློན་པོ་དེ་དམྱལ་བར་སྐྱེས་སོ། །དེ་ནས་སྐྱེ་བ་ལྔ་བརྒྱར་མིག་རྣ་བ་སོགས་དབང་པོ་མེད་པའི་ཤའི་གང་བུར་སྐྱེས་སོ། །དེ་ནས་མཉན་ཡོད་དུ་ཁྱིམ་བདག་ཕྱུག་པོ་བུ་མེད་པ་ནོར་རྒྱལ་པོས་བཞེས་གྲབ་ཡོད་པ་གཅིག་གི་བུར་མཚན་མ་མ་གཏོགས་ཅི་ཡང་མེད་པ་གཅིག་བྱུང་བས། བུག་པ་དང་ཁ་ཡོད་པས་གསོས་ནས་ནོར་རྒྱལ་པོས་མ་བཞེས་སོ། །དེ་ཅི་ལས་བྱུང་བཅོམ་ལྡན་འདས་ལ་ཞུས་པས་སྔོན་བྱུང་གསུངས་སོ། །དེ་ཡང་བློན་པོ་དེ་སྦྱིན་པ་ལ་དགའ་བས་རྟག་ཏུ་ཕྱུག་པོར་སྐྱེས་ཀྱང་། རྫུན་གཅིག་སྨྲས་པས་དབང་པོ་མ་ཚང་བར་འགྱུར་རོ། །ཡང་སྔོན་སངས་རྒྱས་བསོད་སྐྱབས་བཞུགས་པའི་ཚེ་དགེ་སློང་གཅིག་གིས་ཡུལ་ཐམས་ཅད་དུ་དགེ་བསྐུལ་ལ་བྱོན་ནོ། །དེར་བུད་མེད་འདའ་ནི་ཀ་བྱ་བ་ཤིན་ཏུ་དབུལ་ཕོངས་ཏེ་ཁྱོ་ཤུག་གཉིས་ལ་རས་ཡུག་གཅིག་ལས་མེད་དོ། །སྒོ་ན་སུ་འགྲོ་དེས་གྱོན་རེས་བྱེད་གཅིག་གཅེར་བུར་འདུག་གོ །དེར་དགེ་སློང་གི་བུད་མེད་དེ་ལ་སྦྱིན་པའི་ཕན་ཡོན་གསུངས་

[Full Size]

པས། མོས་མི་བདག་ལ་ཡང་བསྟུན་ནས་རས་ཡུག་ཕུལ་ཏེ་གཉིས་གཅེར་བུར་ཁྱིམ་ན་ཡིབ་སྟེ་བསྡད་དོ། །དགེ་སློང་གི་རས་ཡུག་སངས་རྒྱས་ལ་ཕུལ་བས་དྲི་མ་ཅན་དེ་ཕྱག་ཏུ་བསྣམས་ནས། སྦྱིན་པ་རྣམ་པར་དག་པ་ནི་འདི་ན་ཡིན་ནོ་གསུངས་པས། རྒྱལ་པོ་དང་བཙུན་མོས་ལུས་གོས་དང་རྒྱན་ཕུད་དེ་ཁོང་གཉིས་ལ་བཀུར་རོ། །ཁོང་གཉིས་འོང་ནས་སངས་རྒྱས་ལ་ཆོས་ཉན་ནོ། །དེ་ནས་བསྐལ་པ་དགུ་བཅུ་རྩ་གཅིག་ཏུ་གར་སྐྱེས་ཀྱང་རས་གོས་དང་བཅས་ཏེ་སྐྱེས་ནས་ལོངས་སྤྱོད་ཆེན་པོ་དང་ལྡན་ནོ། །ཕྱིས་མཉན་ཡོད་ན་ཁྱིམ་བདག་པོ་ཞིག་ལ་བུ་མོ་བལྟ་བས་ཆོག་མི་ཤིས་པ་གཅིག་རས་དཀར་པོ་འཇམ་པོ་གྱོན་པ་གཅིག་སྐྱེས་པས་དཀར་མོ་བཏགས། བུ་མོ་ཚར་བཞིན་དུ་རས་ཡང་ཚར་ཏེ་གོས་གཞན་མ་དགོས། དེ་ནས་ཐུབ་པའི་དྲུང་དུ་དགེ་སློང་མ་ཞུས་པས་དགེ་སློང་མའི་གོས་ཐམས་ཅད་རས་དེ་ལ་རང་གྲུབ་ཏུ་བྱུང་ངོ་། །དེ་ནས་དགྲ་བཅོམ་པ་ཐོབ་བོ། ༧ །སྔོན་ཡུལ་ཨ་པ་དེ་ན་ཁྱིམ་བདག་ལོངས་སྤྱོད་ཆེ་ལ་སེར་སྣ་ཆེ་ཞིང་སྙིང་རྗེ་མེད་པ་གཅིག་ལ། གཡོག་མོ་རྒན་མོ་གཅིག་ཡོད་པས་མི་ཚེར་ལས་ཀ་བྱས་ཀྱང་གོས་ཀྱི་ལུས་མི་ཐུམ། ཟས་ཀྱང་མ་མྱོང་

[Full Size]

ནས། ད་ང་ཟས་གོས་ནི་མེད་རྒས་གྲགས་ཀྱང་ལས་ཀ་ནི་དགོས་འཆི་རྒྱུ་མེད་པ་སྙམ་པས་ཆུ་ལེན་ནས་ངུ་འབོད་བྱེད་ཅིང་ཡོད་ཙ། དེར་འཕགས་པ་ཀཱ་ཏྱཱ་ཡ་བྱོན་ནས། ཁྱོད་དབུལ་ཞིང་སྡུག་བསྔལ་འདི་ཨེ་བཙོང་གསུངས། ཅི་ལྟར་བྱ་ཞུས་པས། ཁྱོད་སང་ཁྲུས་གྱིས་ལ་ང་ལ་ཆུ་ལྷུང་བཟེད་གང་ཕུལ། དེ་ལ་བསྔོ་བ་ཤོ་ལོ་ཀ་མཛད། །བསླབ་པའི་ཚིག་ཀྱང་གཅིག་གནང་། སངས་རྒྱས་ཀྱི་མཚན་ནས་བརྗོད་དུ་བཅུག་གོ །དེར་མོ་ཚེ་འཕོས་ནས་སུམ་ཅུ་རྩ་གསུམ་པའི་ལྷའི་བུ་མོར་སྐྱེས་སོ། །དེ་ནས་ལྷ་མོ་དེ་འཁོར་ལྔ་བརྒྱ་བཅས་ནས་རྒན་མོའི་རུས་བུ་ལ་མཆོད་པ་བྱེད་པས་ཡུལ་དེའི་མི་རྣམས་ཀྱིས་ཀྱང་མཐོང་ནས། ཅི་ཡིན་དྲིས་པས་ལོ་རྒྱུས་བཤད་ལྷ་དེ་དག་ཀཱ་ཏྱཱ་ཡ་ན་ལ་ཆོས་ཞུས་པས་སོ་སོ་ནས་འབྲས་བུ་ཐོབ་བོ། ༧ །ཡང་སྔོན་སངས་རྒྱས་རྣམ་པར་གཟིགས་མྱ་ངན་ལས་འདས་རྗེས་དགེ་སློང་མང་པོ་ལ་ཁྱིམ་བདག་རྣམས་བསྙེན་བཀུར་བྱེད་པ་ལ། མི་དབུལ་པོ་ཁྱོ་ཤུག་གཉིས་ལ་འབུལ་རྒྱུ་མེད་པས་མི་དེ་ངུས་པས། བུད་མེད་དེས་ཁྱིམ་དང་མཛོད་རྣམས་ཉུག་དང་ཅུང་ཟད་ཅི་གདའ་འབུལ་ཟེར། བཙལ་བས་གསེར་གྱི་དོང་ཙེ་གཅིག་

[Full Size]

གདའ་བ་བུམ་པ་ནང་དུ་བཅུག་སྟེ་ཆུ་གཙང་མས་བཀང་མེ་ལོང་གིས་བཀབ་ནས་ཕུལ་ལོ། །དེའི་དགེ་བས་དེ་གཉིས་སུམ་ཅུ་རྩ་གསུམ་པའི་ལྷར་སྐྱེས་ཏེ། བསྐལ་པ་དགུ་བཅུ་རྩ་གཅིག་ཏུ་གར་སྐྱེས་ཀྱང་མཛེས་ཤིང་བལྟ་ན་སྡུག་པ་གསེར་གྱི་ཁ་དོག་ཏུ་གྱུར། ལོངས་སྤྱོད་ཕུན་སུམ་ཚོགས་པར་འགྱུར་རོ། །དེ་ནས་མཉན་ཡོད་ན་ཁྱིམ་བདག་ཕྱུག་པོ་གཅིག་ལ་བུ་གསེར་གྱི་མདོག་ཅན་གཅིག་དང་། ཡུལ་རྩམ་པ་ན་བུ་མོ་དེ་འདྲ་བ་གཅིག་སྐྱེས་ཏེ། དེ་གཉིས་སྐྱེས་མ་ཐག་ཁྱིམ་དུ་ཁྲོན་པ་གཅིག་བྱུང་བ་ནས་ཆུ་བཅུས་ན་རིན་པོ་ཆེ་དང་ཟས་གོས་ཡིད་ལ་ཅི་བསམ་པ་འོང་བར་འགྱུར་རོ། །དེ་གཉིས་ཕ་མས་གཉེན་བྱས་ཏེ་བསུས་པ་ན་བཅོམ་ལྡན་འདས་སྤྱན་དྲངས་ནས་ཆོས་ཉན་ཏེ་གཉིས་ཀ་རབ་ཏུ་བྱུང་སྟེ་དགྲ་བཅོམ་ཐོབ་བོ། །དགེ་སློང་གསེར་ལྷའོ། །དབུལ་པོ་དེས་ཅུང་ཟད་སྦྱིན་པའི་བསོད་ནམས་དེ་ལྟར་རོ། ༧ །ཡང་སྔོན་སངས་རྒྱས་རྣམ་པར་གཟིགས་དུས་ཁྱིམ་བདག་གཅིག་གིས་གསེར་གྱི་དོང་རྩེ་གཅིག་ཕུལ་བསླབ་ཚིག་གསུམ་མནོས་ཏེ་སྲོག་བཅད་སོགས་སྤངས་བས། བསྐལ་པ་དགུ་བཅུ་རྩ་གཅིག་ཏུ་ལོངས་སྤྱོད་ཆེ་ཞིང་ཚེ་རིང་ངོ་། །ཕྱིས་མཉན་ཡོད་ན་ཁྱིམ་བདག་ཕྱུག་པོ་

[Full Size]

བུ་མེད་པ་གཅིག་གི་བུར་སྐྱེས་པ་པང་ནས་ལྷུང་སྟེ་ཆུ་ལ་ཤོར་བས་ཉ་ཆེན་པོ་གཅིག་གིས་མིད། ཉ་དེ་གྲོང་ཁྱེར་འོག་མའི་ཉ་པས་སོད་པའི་ཁོག་ནས་བུ་མ་ཤི་བར་བྱུང་བ་དེར་ཁྱིམ་བདག་ཕྱུག་པོ་བུ་མེད་པ་གཅིག་གི་བུ་བྱས་པ། ཁྱིམ་བདག་གཉའ་མས་ཐོས་ཏེ་ངའི་བུ་ཡིན་པས་གཏོད་ཟེར། འོག་མས་ངས་ལྷ་མཆོད་པས་ལྷས་གནང་ནས་ཉའི་ཁོག་ནས་བྱུང་ཟེར་མ་འཆམས་ནས་རྒྱལ་པོ་ལ་གཏུགས་པས་ཁྱེད་གཉིས་ཀའི་ཐུན་མོང་གྱིས་གསུངས། གཉིས་ཀ་ཕྱུག་པས་བུ་དེ་ལོངས་སྤྱོད་ཕུན་སུམ་ཚོགས་པས་གསོས་ཏེ་ཆེར་སྐྱེས་ནས་ཕ་མ་གཉིས་ལ་ང་རབ་ཏུ་བྱུང་དགོས་ཟེར་ནས། ཕ་གཉིས་ཀྱི་བུ་གཅེས་དྲག་པས་ངོ་མ་ཆོག །ཤཱཀྱ་ཐུབ་པའི་དྲུང་དུ་རབ་ཏུ་བྱུང་སྟེ་དགྲ་བཅོམ་ཐོབ་པ་དགེ་སློང་རིགས་གཉིས་པའོ། །གསེར་ཕུལ་བས་ཚེ་རབས་ཀུན་ཏུ་ལོངས་སྤྱོད་ཆེ། སྲོག་བཅད་སྤངས་བས་ཆུར་བྲུལ་ནས་ཉས་མིད་ཀྱང་མ་ཤི། སྐྱབས་སྡོམ་ཞུས་པས་དགྲ་བཅོམ་ཐོབ་པ་ཡིན་གསུངས་སོ། ༧ །སྔོན་འདས་པའི་དུས་ན་མི་སུམ་ཅུ་སོ་གཉིས་ཀྱི་བ་གླང་གཅིག་བརྐུས་ནས་རྒན་མོ་གཅིག་གི་ཁྱིམ་དུ་ཁྲིད་པས་བ་གླང་དེས་ཀྱང་གསོད་པར་ཤེས་ནས་ཁྱེད་རྣམས་གསོད་

[Full Size]

པར་གྱུར་ཅིག་ཅེས་སྨོན་ལམ་བཏབ་ནས། བ་གླང་བཤས་ཏེ་རྒན་མོ་དང་མཉམ་དུ་ཟོས་སོ། །ཡང་རྒན་མོ་ཞིག་གིས་སྤོས་ཉོས་ནས་མར་དང་སྦྱར་ཏེ་མཆོད་རྟེན་ལ་བྱུག་པའི་རོག་མི་སུམ་ཅུ་སོ་གཉིས་ཀྱིས་བྱས་ཏེ་སྐྱེ་བ་ཐམས་ཅད་དུ་མ་བུར་སྐྱེས་ཤིང་ཆོ་རིགས་བཙུན་ལ་ཕྱུགས་པར་སྨོན་ལམ་བཏབ་བོ། །དགེ་སྡིག་དེ་དག་སོ་སོར་སྨིན་ཏེ། སྐྱེ་བ་ཐམས་ཅད་དུ་སྨོན་ལམ་བཏབ་བཞིན་སྐྱེས་ཀྱང་དུས་གཅིག་ཏུ་བ་གླང་གི་སྐྱེ་བ་དེས་གསོད་པ་ལན་ལྔ་བརྒྱ་བྱུང་ཞིང་། ཕྱིས་མཉན་ཡོད་ན་རྒྱལ་པོ་གསལ་རྒྱལ་གྱི་བློན་པོ་རི་དྭགས་ཞེས་པའི་བུ་བདུན་གྱི་ཐ་ཆུང་ལ་མནའ་མ་ལྷ་མཚམས་མ་ཞེས་བྱ་བ་རིག་པ་ཅན་ཞིག་ཡོད་པ་རྒྱལ་པོས་ཀྱང་ཐུགས་གཅེས། དེ་ལ་སྒོ་ང་སུམ་ཅུ་རྩ་གཉིས་བྱུང་བ་ལས་བུ་དཔལ་རྩལ་དང་ལྡན་པ་སུམ་ཅུ་རྩ་གཉིས་ཚར་བ་ལ། བློན་པོ་གཞན་ཞིག་གིས་རྒྱལ་པོ་གསོད་པར་འདུག་གོ་ཞེས་དབྱེན་བྱས་པས་རྒྱལ་པོས་གྱད་སྟོབས་པོ་ཆེ་རྣམས་གཏང་ནས་དུས་གཅིག་ལ་བསད་དོ། །ལྷ་མཚམས་མ་ནི་བཅོམ་ལྡན་འདས་ཀྱི་དགེ་སློང་མར་གྱུར་ཏོ། །རྒྱལ་པོ་ནི་བ་ལང་གི་སྐྱེ་བ། མ་དེ་ནི་རྒན་མོ་དེ་བུ་སུམ་ཅུ་སོ་གཉིས་ནི་རྐུན་མ་དེ་རྣམས་ཡིན་པར་གསུངས་སོ། །དེ་

[Full Size]

ལྟར་བ་གཅིག་བསད་པའི་འབྲས་བུ་ནི་དེ་ལྟར་རོ། ༧ །སྔོན་སངས་རྒྱས་འོད་སྲུང་འདས་ནས་ཁྱིམ་བདག་གཅིག་གིས་མཆོད་རྟེན་བརྩེགས་དགེ་འདུན་གྱི་འདུ་ཁང་བྱས་ནས་ཡུན་རིང་འཚོ་བ་སྦྱར་བ་ལ། ཕྱིས་དེ་རྣམས་ཞིག་ཅིང་འཚོ་བ་ཆད་པ་ལས། ཁྱིམ་བདག་དེའི་བུ་དགེ་སློང་ཞིག་ཡོད་པས་ཞིག་གསོས་སྔར་བཞིན་བྱས་ནས་སྨོན་ལམ་བཏབ་པས། ཕྱིས་ལྷོ་ཕྱོགས་ཡུལ་གསེར་སའི་རྒྱལ་པོ་ཀ་པི་ན་ཆེན་པོར་སྐྱེས་ཏེ། ཡོ་བྱད་བཏང་བ་ནི་འཁོར་རྒྱལ་ཕྲན་ཁྲི་བརྒྱད་སྟོང་དུ་སྐྱེས་ནས་ཤིན་ཏུ་སྟོབས་ཆེ་ནས་ཡུལ་དབུས་ཀྱི་རྒྱལ་པོ་གསལ་རྒྱལ་ཞབས་སུ་བཅུག་པར་ཤོམ་པ་ལ་བཅོམ་ལྡན་འདས་འཁོར་ལོ་སྒྱུར་རྒྱལ་དུ་སྤྲུལ་ནས་བཏུལ་ཏེ། རྒྱལ་པོ་དེ་རབ་ཏུ་བྱུང་ནས་དགྲ་བཅོམ་ཐོབ་བོ། །དེ་ལྟར་ཞིག་གསོས་ཀྱི་བསོད་ནམས་ཀྱི་ནི་རྒྱལ་པོ་སྟོབས་ཆེན་དུ་སྐྱེ་ཞིང་འབྲས་བུ་ཐོབ་བོ། ༧ །སྔོན་མི་ཕྱུག་པོ་གཅིག་ལ་བུ་མེད་ནས་ཆུང་མ་བཞག་པ་ལ་བུ་ཡོད་པ་ཆེན་མས་ཚངས་སྨེ་ལ་ཁབ་བཙུགས་ནས་བསད། མོས་མ་བསད་ཟེར་ནས་སྨོན་ཚུལ་ལོག་པའི་མནའ་བསྐྱལ་ལོ། །ཡང་རང་སངས་རྒྱས་གཅིག་ལ་བསོད་སྙོམས་ཕུལ་བས་དེ་ནམ་མཁའ་ལ་འཕུར་བ་

[Full Size]

མཐོང་ནས་མོ་དད་པ་སྐྱེས་ཏེ། ང་ཡང་ཁྱོད་འདྲ་བར་གྱུར་ཅིག་ཅེས་སྨོན་ལམ་བཏབ་བོ། །དེར་བུ་བསད་པས་ངན་སོང་དུ་སྐྱེས་ནས་སྡུག་བསྔལ་དཔག་མེད་མྱོང་སྟེ། ཕྱིས་མཉན་ཡོད་ན་བུད་མེད་མཆོག་ཏུ་གྱུར་པ་གཅིག་ཏུ་སྐྱེས་ནས་བག་མ་ལ་སོང་ནས་བུ་གཉིས་ཡོད་པ་ལ་མི་དེ་དུག་སྦྲུལ་གྱིས་བསད། བུ་གཅིག་ཆུས་ཁྱེར་གཅིག་སྤྱང་ཀིས་ཟོས། ཕ་མིང་ལ་མེ་མཆེད་ནས་ཕ་མ་མིང་པོ་ཐམས་ཅད་ཚིག །ཡང་གཞན་མི་ཞིག་དང་མཉམ་དུ་བསྡད་ནས་བུ་གཅིག་ཡོད་ཛ་མི་དེ་ཆང་བཟི་བྱས་ནས་བུ་བསད་ནས་ཤ་མོ་ལ་མི་ཟ་དབང་མེད་བྱས། དེར་མོ་སྡུག་ནས་བྲོས་སོང་བས་མི་གཞན་ཞིག་གིས་བུད་མེད་ཤི་བ་དང་ཕྲད་པས་མོ་བཞག་པ་ལ་མི་དེ་ཤི། དེ་ས་ཆའི་སྲོལ་ཡིན་པས་མོ་རོ་དང་མཉམ་དུ་དོང་ནང་དུ་བཅུག་པ་དང་། །རྐུ་མས་དུར་སློག་པས་མོ་ཁྱེར་ནས་ཆུང་མ་བྱས་པ་ལ་རྐུན་མ་ལ་ཁྲིམས་ཕོག་ནས་རྒྱལ་པོས་བསད་དེ་ཡང་རོ་དང་མཉམ་དུ་དུར་དུ་བཅུག་པ་དུར་སྤྱང་ཀུས་སློག་ནས་མོ་ཐར་ཏེ་བཅོམ་ལྡན་འདས་མཇལ་རབ་ཏུ་བྱུང་སྟེ་དགྲ་བཅོམ་ཐོབ་ཀྱང་ལྕགས་སྲེག་གི་ཐུར་མ་སྤྱི་བོ་ནས་རྐང་པའི་མཐིལ་གྱི་བར་དུ་ཟུག་ནས་དུས་རྟག་ཏུ་ཟུག་གཟེར་ཆེ་བ་བྱུང་ངོ་། །དེ་ནི་ཁབ་བཙུགས་

[Full Size]

པའི་ལས་ལྷག་མ་དང་། ཡུགས་སར་ལན་མང་དུ་ལུས་པ་སྨོན་ཚུལ་ངན་པ་དང་། དགྲ་བཅོམ་ཐོབ་པ་རང་སངས་རྒྱས་ལ་བསྙེན་བཀུར་བ་སྟེ་སོ་སོར་ལུས་གཅིག་ལ་སྨིན་ནོ། ༧ །སྔོན་བསྐལ་པ་གྲངས་མེད་པའི་གོང་དུ་རི་གཅིག་ན་དྲང་སྲོང་ཉིས་སྟོང་བཞུགས་པ་ལ་ལོ་བཅུ་གཉིས་ལ་ཆར་མི་འབབ་པ་ཐོས་ནས་ཁྱིམ་བདག་ཕྱུག་པོ་གཅིག་མི་ལོ་བཅུ་གཉིས་ལ་ཡོན་བདག་བྱེད་པར་ཁས་བླངས། མི་ལྔ་བརྒྱ་འཚོ་བ་སྦྱར་བར་བསྐོས་པས་མ་འཁྱོངས་ནས། རྒྱུན་དུ་དཀའ་ལས་འདི་སྤྲང་པོ་འདི་ཚོའི་དོན་ཡིན་ཞེས་ཚིག་ངན་སྨྲས། གུང་ཚིག་དུས་མི་གཅིག་གདན་འདྲེན་ལ་བཏང་བའི་རྗེས་སུ་ཁྱི་གཅིག་ཀྱང་རྒྱུན་དུ་འགྲོ་བ་ལ་ཉིན་གཅིག་གདན་འདྲེན་བརྗེད་ཀྱང་ཁྱི་དེ་ཡོངས་ནས་ཟུག་པས་བྱོན། །ལོ་བཅུ་གཉིས་སོང་ནས་ཆར་འབབ་པས་སོ་ནམ་གྱིས་གསུངས་ནས་ཞིང་རྨོས་པས་ཀུ་བ་ཁོ་ན་སྐྱེས་པ་འབྲས་བུས་གང་ནས་བང་མཛོད་ཐམས་ཅད་གང་། དེར་མི་ལྔ་བརྒྱ་དད་པ་སྐྱེས་ནས་སྔར་ཚིག་ངན་སྨྲས་པ་ལ་བཤགས་པ་བྱས་སོ། །སྤྲང་པོ་ཚོ་སྨྲས་པས་སྐྱེ་བ་ལྔ་བརྒྱ་སྤྲང་པོར་སྐྱེས་ཏེ། ཕྱིས་མཉན་ཡོད་ན་སྤྲང་པོ་ལྔ་བརྒྱར་གྱུར་པ་རབ་ཏུ་བྱུང་སྟེ་དགྲ་བཅོམ་པ་

[Full Size]

ཐོབ་པར་བཤད་པའི་ཕན་ཡོན་ཏེ། རྒྱལ་པོ་བློན་པོ་རྣམས་ཀྱིས་ཐུབ་པ་འཁོར་བཅས་སྤྱན་དྲངས་ཀྱང་སྤྲང་པོ་རབ་ཏུ་བྱུང་བ་མི་འབོད་ཟེར་བས་ཐུབ་པས་བཀའ་གནང་སྟེ་སྒྲ་མི་སྙན་ནས་མ་རྨོས་ལོ་ཐོག་གི་འབྲས་ལྷུང་བཟེད་རེ་བླངས་ནས་ནམ་མཁའ་ལ་བྱོན་ནས་ཐུབ་པ་དང་མཉམ་དུ་གུང་ཚིག་གསོལ་བས་ཐམས་ཅད་དད་ཅིང་དེ་ཕྱིས་མཉམ་དུ་གདན་དྲངས་སོ། ཁྱིམ་བདག་དེ་ནི་བཅོམ་ལྡན་འདས། བང་མཛོད་བསྲུང་བ་ནི་རྒྱལ་བུ་རྒྱལ་བྱེད། སྤྱན་འདྲེན་པ་ནི་རྒྱལ་པོ་ཨུ་པ་ན། ཁྱི་དེ་ནི་ཁྱིམ་བདག་སྐད་སྙན་ཏེ་སྐྱེ་བ་ཐམས་ཅད་དུ་སྐད་སྙན་ནོ། ༧ །མཉན་ཡོད་ན་བུད་མེད་སྙན་དགའ་མོ་ཞེས་བྱ་བ་དབུལ་ཞིང་ཕོངས་པ་ཞིག་སྤང་སྤྱང་པས་མར་ཅུང་ཟད་ཅིག་རྙེད་པ་བཅོམ་ལྡན་འདས་ལ་མར་མེ་ཆུང་ཆུང་གཅིག་བྱས་ཏེ་ཕུལ་བ་མར་མེ་འཛིན་ནས་ཕྱིར་ནངས་ཡང་མ་དམའ། དེ་མོའུ་འགལ་གྱི་བུ་ཉིན་པར་མར་མེ་མི་དགོས་སྙམ་ནས་བསད་ཀྱང་མ་སོད། དེར་བཅོམ་ལྡན་འདས་ཀྱི་བུད་མེད་མ་འོངས་གྲངས་མེད་གཉིས་འདས་པ་ན་སངས་རྒྱས་མར་མེའི་འོད་དུ་ལུང་བསྟན་ཏོ། །དེ་ཡང་སྔོན་སངས་རྒྱས་འོད་སྲུང་འཁོར་བཅས་བུད་མེད་ཕྱུག་མོ་གཅིག་དང་དབུལ་མོ་གཉིས་ཀྱི་

[Full Size]

སྤྱན་འདྲེན་དུས་གཅིག་བྱུང་བས། སྔོན་ལ་དབུལ་མོའི་སར་བྱོན་པ་ལ། མོ་རིགས་མཐོ་ཞིང་ཕྱུག་པའི་ང་རྒྱལ་གྱིས་ངའི་སར་སྔོན་ལ་མི་གཤེགས་པར་སྤྲང་མོ་སར་གཤེགས་ཞེས་ཚིག་ངན་སྨྲས་པས་མོ་སྐྱེ་བ་ལྔ་བརྒྱ་སྤྲང་མོར་སྐྱེས་ཏེ། ཕྱིན་ཉིན་མཆོད་ཅིང་དད་པས་ཐུབ་པ་དང་མཇལ་ཏེ་བྱང་ཆུབ་ལུང་བསྟན་ཐོབ་པའོ། །ཞེས་གསུངས་པས་ཐམས་ཅད་ཀྱི་བཅོམ་ལྡན་འདས་ལ་མར་མེ་དཔག་ཏུ་མེད་པ་ཕུལ་ལོ། །དེ་ཡང་སྔོན་སངས་རྒྱས་རིན་ཆེན་གཙུག་ཕུད་ཀྱི་དྲུང་དུ་དགེ་སློང་འཕགས་པའི་བཤེས་གཉེན་གྱིས་ཟླ་བ་པ་གསུམ་དུ་མར་མེ་ཕུལ་བའི་ཕྱིར་བསོད་སྙོམས་བྱས་པ་ལ་རྒྱལ་པོས་བུ་མོ་ཞིག་གིས་མར་མང་པོ་བྱིན་ནས། བསོད་སྙོམས་མི་དགོས་པར་ཟླ་བ་གསུམ་མར་མེ་ཕུལ་རྒྱུ་རྙེད་པས། བསྐལ་པ་གྲངས་མེད་པར་ཁོང་གཉིས་ལྷ་དང་མིའི་བདེ་སྐྱིད་མྱོང་སྟེ་གཟུགས་ཀྱང་ཁྱད་པར་འཕགས། མཐར་དགེ་སློང་དེ་སངས་རྒྱས་པ་མར་མེ་མཛད། བུ་མོ་ཤཱཀྱ་ཐུབ་པ་ཡིན་ཅིང་སངས་རྒྱས་ནས་མར་མེ་འབུལ་མཁན་མང་བ་ཡིན་གསུངས། ༧ སངས་རྒྱས་འོད་སྲུང་གི་བསྟན་པ་ལ་དགེ་སློང་གསར་པ་དགེ་སློང་ཞིག་ཡུར་བ་ལ་འཕྱོངས་བ་ལ་འཕྱོངས་

[Full Size]

རྐྱེན་སྤྲེའུ་འདྲའོ་སྨྲས་པས། ང་ནི་དགྲ་བཅོམ་པ་ཡིན་པས་ངག་འཁྱལ་མ་སྨྲ་གསུངས་པས། དེས་བཤགས་པ་བྱས་ཀྱང་སྐྱེ་བ་ལྔ་བརྒྱ་སྤྲེའུ་སྐྱེས་ཏེ། རྒྱབ་རེས་བཤགས་པ་བྱས་པས་ཤཱཀྱ་ཐུབ་པ་མཇལ་ནས་སྦྲང་རྩི་ཕུལ་ཏེ་ཚེ་འཕོས་ནས་མིར་སྐྱེས་མ་ཐག་ཁྱིམ་སྦྲང་རྩིས་གང་ཕྱིས་རབ་ཏུ་བྱུང་ནས་དགྲ་བཅོམ་ཐོབ་པ་དགེ་སློང་སྦྲང་རྩི་མཆོག་གོ །དེ་ལྟར་ངག་འཁྱལ་བསྲུང་བ་གལ་ཆེ་གསུངས་སོ། ༧ །སྔོན་སངས་རྒྱས་འོད་སྲུང་གི་མཆོད་རྟེན་མཇལ་དུ་མི་གཅིག་འོང་བས་མཆོད་རྟེན་དེ་ལ་བྱང་ཆུབ་སེམས་དཔའ་དགའ་ལྡན་ནས་འཕོ་དུས་ཀྱི་གླང་པོ་ཆེའོ་གཟུགས་ཆུང་ངུ་གཅིག་ཡོད་པ་ཅུང་ཟད་ཅིག་འདུག་པ་གསོས་ཏེ་སྡོང་རོས་བྱུགས་པས་མི་དེ་སྐྱེ་བ་ཐམས་ཅད་དུ་ཆོ་རིགས་བཙུན་ཞིང་ལོངས་སྤྱོད་མི་ཟད་པར་གྱུར། །ཕྱིས་མཉན་ཡོད་ན་ཁྱིམ་བདག་གཅིག་ལ་བུ་གཅིག་ཡོད་མ་ཐག་མཛོད་ནང་ན་གསེར་གྱི་གླང་པོ་ཆེའི་ཕྲུ་གུ་གཅིག་རང་བྱུང་དུ་སྣང་བུ་ཚར་བ་བཞིན་གླང་པོ་ཡང་ཚར། དེའི་གཅིན་སྡུག་ཡང་གསེར་དུ་བྱུང་། དེ་ལ་རྟག་ཏུ་ཆིབས་ཏེ་འགྲོ་བ་རྒྱལ་པོ་མ་སྐྱེས་དགྲས་འཕྲོག་ཀྱང་རྒྱལ་པོའི་རྩར་མེད་ཅིང་ཁོང་གི་རྩར་ཕྱིན་ནོ། །དེ་ནས་བཅོམ་ལྡན་འདས་ལ་རབ་ཏུ་བྱུང་སྟེ་

[Full Size]

དགྲ་བཅོམ་པ་གླང་པོ་སྐྱོང་ཞེས་བྱ་སྟེ། གླང་པོ་ཆེ་ལྟ་མཁན་མང་བས་སོ་མ་གསོད་དེ་ད་ཁྱོད་མི་དགོས་སོ་ལན་གསུམ་སྨྲས་པས་ས་འོག་ཏུ་ནུབ་བོ། ༧ །སྔོན་སངས་རྒྱས་རྣམ་གཟིགས་ཀྱི་བསྟན་པའི་མཇུག་གཟུགས་བརྙན་གྱི་ཆོས་ལ་སྤྱོད་པ་ན་དགེ་སློང་ལྔ་བརྒྱ་དབེན་པ་བརྟེན་པ་ན། དགེ་སློང་གཅིག་གིས་བསོད་སྙོམས་བྱས་ཏེ་འཚོ་བ་སྦྱར་བས་དེའི་དགེ་སློང་བདེན་བཞིའི་འབྲས་བུ་ཐོབ་ནས་མཚམས་བརྒྱག་སྤྲད་མཁན་ལ་སྨོན་ལམ་བཟང་པོ་བཏབ་པས། བསོད་སྙོམས་པ་དེ་བསྐལ་པ་དགུ་བཅུ་རྩ་གཅིག་ཏུ་ལྷ་དང་མིའི་ལོངས་སྤྱོད་ཆེན་པོར་གྱུར་ཕྱིས་ཡུལ་ཀོ་ས་ལ་ན་ཁྱིམ་བདག་ཏུ་སྐྱེས་པ་ཡང་རིན་པོ་ཆེའི་སྣ་བདུན་གྱི་ཁང་པ་བདུན་བརྩེགས་པ་དང་ལྷའི་བུ་མོའི་འཁོར་མང་པོ་སོགས་ལྷའི་ལོངས་སྤྱོད་ཅི་འདྲ་བ་ཡོད་པར་གྱུར་ཏེ། ཕྱིས་བཅོམ་ལྡན་འདས་ལ་རབ་ཏུ་བྱུང་ནས་དགྲ་བཅོམ་ཐོབ་བོ། ༧ །སྔོན་སངས་རྒྱས་ཐམས་ཅད་སྐྱོབ་ཀྱི་མཆོད་རྟེན་མང་པོ་ཡོད་པའི་གཅིག་ཞིག་པ་ལ་རྒན་མོ་གཅིག་གི་གསོ་བའི་རོགས་མི་བཅུས་བྱས་ནས་སྨོན་ལམ་བཏབ་པས་བསྐལ་པ་དགུ་བཅུ་རྩ་གཅིག་ཏུ་ལྷ་དང་མིར་སྐྱེས་ཏེ་གཟུགས་བཟང་ཞིང་ལོངས་སྤྱོད་མཛེས་པ་དང་།

[Full Size]

ཀུན་གྱིས་བཀུར་བ་དང་། ནམ་ཡང་དམྱལ་བར་མི་ལྟུང་བར་གྱུར་ཏེ། ཕྱིས་ཁྱིམ་བདག་མགོན་མེད་ཟས་སྦྱིན་བུ་མོ་ཆུང་བ་སུ་ན་མ་ཞེས་བྱ་བར་གྱུར་ཏེ་ལྟ་ན་སྡུག་པར་གྱུར་པ་རྒྱལ་པོའི་བུ་གཅིག་གིས་བླངས་བ་ལ་སྒོ་ང་བཅུ་བྱུང་བ་ལ་བུ་བཅུ་བྱུང་བ་ཕྱིས་རབ་ཏུ་བྱུང་ནས་དགྲ་བཅོམ་པར་གྱུར་ཏོ། །དེ་ལ་རྒན་མོ་ནི་བུ་མོ་དེ་དང་མི་བཅུ་ནི་དགྲ་བཅོམ་བཅུའོ། ༧། ཡང་བཅོམ་ལྡན་འདས་ཀྱི་ཆོས་གསུངས་པའི་ཚེ་ནམ་མཁའ་ལ་ངང་པ་ལྔ་བརྒྱ་འཕུར་བས་ཐོས་ནས་ཡིད་དགའ་སྟེ་འབབ་འདོད་པ་རྔོན་པས་རྒྱ་བྲེས་ཏེ་ཟིན་ནས་བསད་མ་ཐག་སུམ་ཅུ་རྩ་གསུམ་པའི་ལྷར་སྐྱེས་ཏེ་སྐྱེ་བ་དྲན་ནས་བཅོམ་ལྡན་འདས་ལ་མཇལ་དུ་འོང་སྟེ་རྒྱུན་ཞུགས་ཐོབ་བོ། །དེ་ནས་སངས་རྒྱས་ཀྱི་བསྟན་པའི་ཆོས་ལ་ནན་ཏན་གྱིས་ཤིག་གསུངས་སོ། །དགེ་སློང་གོས་ངུར་སྨིག་གྱོན་པ་ལ་ངན་སེམས་དུས་གསུམ་གྱི་འཕགས་པ་ཐམས་ཅད་ལ་ངན་སེམས་བསྐྱེད་པ་ཡིན་པས་སྡིག་པ་ཚད་མེད་ལ། དད་པ་སྐྱེད་ན་བསོད་ནམས་ཚད་མེད་པར་གསུངས་ནས། སེང་གེ་ཡི་དམ་བརྟན་གྱི་བརྔོན་པ་ངུར་སྨྲིག་ཅན་ལ་གུས་པར་བྱས་པས་སྐལ་པ་ཁྲི་ཕྲག་བཅུའི་བར་དུ་འཁོར་ལོས་བསྒྱུར་རྒྱལ་དུ་གྱུར་བས་མཐར་སངས་རྒྱས་ཚུལ་

[Full Size]

རྒྱས་པར་གསུངས་སོ། ༧ །སྔོན་སངས་རྒྱས་རྣམ་པར་གཟིགས་ཀྱི་བསྟན་པ་ལ་དགེ་སློང་སྟོང་ཕྲག་བཅུ་འབྲས་བུ་ཐོབ་ཙེ་དགོན་པ་གཅིག་ན་བཞུགས་པ་ལ་ཚོང་པ་རྣམས་ཀྱིས་རིན་པོ་ཆེ་ཞིག་ཕུལ་བ་ལས་བྱེད་པའི་དགེ་སློང་ལ་གཏད་ནས་ཕྱིས་འཚོ་བ་སྲབ་ནས་བཙོང་བསམ་པ་ལ། འདི་ང་ལ་བྱིན་པ་ཡིན་ཁྱེད་སྤྱི་ལ་མིན་ཟེར། ཡིན་ཚུལ་སྨྲས་པས་འདི་ང་ཡིས་ཡིན་ཁྱེད་སྐྱག་པ་ཟའམ་ཟེར་བས། དེ་ཉིད་དམྱལ་བ་ཆེན་པོར་ཚེ་འཕོས་མ་ཐག་སྐྱེས་བསྐལ་པ་དགུ་བཅུ་རྩ་གཅིག་ཏུ་ངན་སྐྱུག་གི་ནང་དུ་སྐྱེས། འདས་པའི་སངས་རྒྱས་མང་པོའི་རིང་ལ་ཡང་ངན་སྐྱུག་གི་ནང་དུ་སྐྱེས། དེ་ནས་བྱ་རྒོད་ཕུང་པོའི་ཉེ་ལོག་གྲོང་ཁྱེར་མཚོ་ཆུང་གཅིག་ལ་མི་ཐམས་ཅད་བཤང་གཅི་འདོར་ཞིང་དྲི་ང་བའི་ནང་དུ་སྲིན་བུ་ཆེན་པོ་སྦྲུལ་འདྲ་བ་རྐང་ལག་བཞི་དང་མིའི་ཁ་མིག་ཅན་ལ་སྲིན་བུ་ཆུང་བ་མང་པོས་ཟ་ཞིང་མཚོའི་ནང་ནས་ཟུག་ཟེར་གྱིས་སྟེང་འོག་ཏུ་རྒྱུག་གོ །དེ་རྒྱུག་པ་ན་ཡང་མི་གཙང་གི་དྲི་ངད་ཁྱབ་སྟེ། ལོ་ཁྲི་ཕྲག་དུ་མ་ན་ཤི་ཡང་དེ་ཉིད་དུ་སྐྱེས་ཏེ་སངས་རྒྱས་སྟོང་མ་རྫོགས་བར་དུ་དེར་གནས་དགོས་པར་གསུངས་སོ། །དགེ་སློང་ཀུན་ཏེའི་ལེའུའོ།། །

[Full Size]

བསྐལ་པ་གྲངས་མེད་པའི་གོང་དུ་ཡུལ་ཝཱ་རཱ་ཎ་སཱིར་མི་ཞིག་གི་ནོར་ཐམས་ཅད་གསེར་དུ་བསྒྱུར་ནས་གསེར་བུམ་བདུན་སར་སྦས་སོ། །ཕྱིས་ཤི་ཁ་དེ་ལ་སེམས་ཐོག་ནས་སྤྲུལ་དུ་སྐྱེས་ཏེ་གསེར་དེ་བསྲུང་ཞིང་ལོ་དུ་མ་ནས་གནས་གྲོང་ཁྱེར་ཞིག་ནས་ས་སྟོང་དུ་གྱུར་ཀྱང་སྦྲུལ་དེ་ཡང་ཡང་སྐྱེས་ཏེ་འདུག་པ་ལ་མི་ཞིག་འོང་བ་ལ་སྦྲུལ་དེས་བོས་ནས། ང་ལ་གསེར་ཡོད་པ་དགེ་འདུན་ལ་སྟོན་མོ་གྱིས་དེ་ཉིན་ང་ཡང་སུས་དེ་ལྟར་མི་བྱེད་ན་གནོད་པ་བྱེད་ཟེར་བས། མིས་ཀྱང་གསེར་བུམ་གཅིག་ཁྱེར་ནས་བཙོང་སྟེ་དགེ་འདུན་ལ་སྟོན་མོ་བྱེད་ཅིན་སྨྱུག་གཟེབ་ཁྱེར་ནས་སྦྲུལ་བསུས། སྦྲུལ་ལ་དགེ་འདུན་གྱིས་ཆོས་བཤད་པས་གསེར་བུམ་དྲུག་ཡང་ཕུལ་ལོ། །སྤྲུལ་ལྷར་སྐྱེས་སོ། །སྦྲུལ་ཤཱ་རིའི་བུ་དང་མི་དེ་སྟོན་པ་ཡིན་པར་གསུངས་སོ། ༧ །སངས་རྒྱས་འོད་སྲུང་གི་ཚེ་དགེ་སློང་དགྲ་བཅོམ་པ་རྒན་པོ་སྐད་མི་སྙན་པ་གཅིག་དང་གཞོན་ནུ་སྐད་སྙན་པ་གཉིས་འདོན་པ་དབྱངས་བྱེད་པ་ལ། གཞོན་པས་ཁྱོད་ཀྱི་དབྱངས་ནི་ཁྱི་ཟུག་པ་འདྲའོ་སྨྲས་པ་ལ། དེ་སྐད་མ་སྨྲ་ང་ནི་དགྲ་བཅོམ་པའོ་གསུངས་པས་འགྱོད་ནས་བཤགས་པ་བྱས་ཀྱང་། སྐྱེ་བ་ལྔ་བརྒྱར་ཁྱིར་སྐྱེས་ཏེ། ཕྱིས་མཉན་ཡོད་ན་

[Full Size]

ཁྱི་གཅིག་ཏུ་སྐྱེས་པས་ཚོང་པའི་ཤ་བརྐུས་པས་རྐང་པ་བཅག་ནས་ས་སྟོང་དུ་བསྒྱུར་བ་ལ་ཤཱ་རིའི་བུས་ཟས་བྱིན་ཞིང་ཆོས་བཤད་པས་ཚེ་འཕོས་ནས་བྲམ་ཟེའི་བུར་སྐྱེས་པ་ཤཱ་རིའི་བུས་དགེ་ཚུལ་བྱས་དགྲ་བཅོམ་ཐོབ་བོ། །མཛངས་བླུན་ལེའུ་ང་གཅིག་སྣང་ངོ་། །ཞེས་པ་ནི་རང་གི་བརྗེད་ཐོ་ཙམ་དུ་དགེ་སློང་༧ རཱ་ག་ཨ་སྱས་བསྡུས་པའོ། །མངྒ་ལཾ།། ༈ །།ཆོ་འཕྲུལ་ཆེན་པོ། སྔོན་རྒྱལ་པོ་གཟུགས་ཅན་སྙིང་པོའི་བཅོམ་ལྡན་འདས་ལ་གུས་པས་བསྙེན་བཀུར་བྱེད། ནུ་བོ་ནི་སྟོན་པ་དྲུག་ལ་བསྙེན་བཀུར་བ་ལ། རྒྱལ་པོས་སྟོན་པ་ལ་བསྙེན་བཀུར་གྱིས་ཞེས་ནན་གྱིས་བསྐུལ་བས། ཁས་བླངས་ཀྱང་སྟོན་པ་དྲུག་ལ་ངག་བྱས་པས་སྔོན་ལ་གྲལ་མགོར་བསྡད་པ་ལ། སྟོན་པ་འཁོར་བཅས་དེའི་མཇུག་ཏུ་བཞུགས་ཙམ་ནས་སྟོན་པ་དྲུག་གྲལ་མཇུག་ཏུ་གྱུར། སླར་གྲལ་མགོར་ལན་གསུམ་སོང་ཡང་མ་ཚོར་བར་གྲལ་མཇུག་ཏུ་སླེབས། ཆབ་སྔོན་ལ་བཏང་བས་ཆབ་དྲིལ་འགགས། སྔོན་ལ་ཟས་འདྲེན་སྙམ་པ་རྩམ་ཟས་ནམ་མཁའ་ལ་ལྡིང་བས་འདྲེན་རྒྱུ་མ་རྙེད། སྨོན་ལམ་དང་ཆོས་བཤད་སྔོན་ལ་བཅུག་ཀྱང་ཁ་འཐམས་ནས་སྐད་མ་ཐོན། །

[Full Size]

ཐམས་ཅད་སྔོན་ལ་སངས་རྒྱས་ཀྱི་མཛད་ཅིང་ཆོས་གསུངས་པས་རྒྱལ་པོ་ཅུང་པོ་ཆོས་ཀྱི་མིག་ཐོབ། གཞན་མང་པོ་རབ་ཏུ་བྱུང་སྟེ་དགྲ་བཅོམ་ཐོབ་པ་དང་བྱང་ཆུབ་ཏུ་སེམས་བསྐྱེད་དོ། །དེར་སྟོན་པ་དྲུག་མ་དགའ་སྟེ་དབེན་པར་འདུག་ན་བདུད་ཀྱི་རྫོགས་བྱེད་དུ་སྤྲུལ་ནས། རྫུ་འཕྲུལ་སྣ་ཚོགས་བསྟན། སྟོན་པ་དྲུག་གཅིག་གིས་གཅིག་ལ་རྫུ་འཕྲུལ་ཐོགས་པ་མེད་པར་མཐོང་སྟེ། སོ་སོ་ནས་ང་མ་གཏོགས་རོགས་རྣམས་རྫུ་འཕྲུལ་དང་ལྡན་སྙམ་སྟེ། དགེ་སྦྱོང་ཤཱཀྱའི་བུ་འདིས་རང་རེའི་བཀུར་བསྟི་ལ་གནོད་པས་ཆོ་འཕྲུལ་ཁོང་གི་ཅི་བསྟན་པའི་ལོག་པོ་སྟོན་པར་བྱ་ཞེས་བསྒོས་ནས། གཟུགས་ཅན་སྙིང་པོ་ལ་ཞག་བདུན་ནས་ཆོ་འཕྲུལ་འདྲེན་དགོས་ཞེས་ཟེར་རོ། །སྟོན་པ་རྒྱལ་པོས་ཞུས་པས་གནས་བྱི་དོར་མཛོད་གསུངས་ནས་སྟོན་པ་ཡུལ་གྲུ་ཕྲུག་ཏུ་རིམ་གྱིས་བྱོན་པས་ཁོང་རྣམས་ལ་བྲོས་སོ་ཞེས་བསྒྲགས་ནས་ཕྱི་བཞིན་དུ་བསྙགས་པས་ཡུལ་དྲུག་གི་རྒྱལ་པོ་ཆེན་པོ་དྲུག་ཀ་འཁོར་དང་བཅས་པ་ཡང་ཆོ་འཕྲུལ་བལྟ་ཕྱིར་འབྲང་ངོ་། །སྟོན་པ་དྲུག་གི་རྒྱལ་པོ་རྣམས་ལ་ཡང་ཡང་བསྐུལ་ནས་ཐུབ་པ་ལ་ནན་ཏན་གྱི་ཞུས་པ་ལ། བསྟེན་ནས་འཁོར་དཔག་ཏུ་མེད་པའི་དབུས་སུ།

[Full Size]

དཔྱིད་ར་བའི་ཚེས་གཅིག་ནས་བཟུང་སྟེ་རྒྱལ་པོ་དྲུག་དང་རྒྱལ་བྱིན་ཚངས་པ་རྒྱལ་པོ་བཞི་སོགས་ཉིན་རེ་བཞིན་སྦྱིན་བདག་བྱས་ཏེ། དང་པོ་ཚེམས་ཤིང་ས་ལ་བཙུགས་མ་ཐག་ཡལ་འདབ་རྒྱས་པ་དཔག་ཚད་ལྔ་བརྒྱ་པ་ཤིང་ཐོག་བྲེ་ལྔ་ཤོང་བའི་བུམ་པ་ཙམ་དྲི་རོ་ཕུན་སུམ་ཚོགས་སོ། །གཉིས་པ་སྐུའི་གཡས་གཡོན་དུ་རིན་པོ་ཆེའི་རི་གཉིས་མཐོ་ལ་མཛེས་པ་ཁ་དོག་སྣ་ཚོགས་ཤིང་སྣ་ཚོགས་མེ་ཏོག་འབྲས་བུ་སྒྲ་སྙན་བྲག་རི་གཅིག་གི་རྩེ་ནས་འབྲས་བུ་རོ་བརྒྱ་དང་ལྡན་པས་མི་མང་པོ་ཚིམ། གཅིག་གི་རྩེ་ནས་རྩྭ་འཇམ་པོས་དུད་འགྲོ་རྣམས་ཚིམ་པར་སྤྲུལ་ལོ། །གསུམ་པ་ཞལ་བསིལ་བའི་ཆབ་བོར་བས་རིན་པོ་ཆེའི་རྫིང་བུ་དཔག་ཚད་ཉིས་བརྒྱ་རིན་ཆེན་སྣ་བདུན་གྱིས་སྤྲས་པ་འོད་ཟེར་འཕྲོ་ཞིང་ཡན་ལག་བརྒྱད་དང་ལྡན་རིན་པོ་ཆེའི་བྱེ་མ་པདྨ་ཤིང་རྟའི་འཕང་ལོ་ཙམ་ཁ་དོག་སྣ་ཚོགས་འོད་ཟེར་ཐམས་ཅད་གསལ་ལོ། །བཞི་པ་རིན་པོ་ཆེའི་རྫིང་ངོས་བཞི་པ་ན་ཡུར་བ་བརྒྱད་འབབ་པ། ཆུ་སྒྲ་ལ་ཆོས་ཀྱི་སྒྲ་སྣ་ཚོགས་ཅན་སྤྲུལ་ལོ། །ལྔ་པ་ཞལ་ནས་གསེར་མདོག་གི་འོད་ཟེར་སྤྲོས་ཏེ་ཆེན་པོའི་འཇིག་རྟེན་ཀུན་སྣང་བར་བྱས་ནས་ཐམས་ཅད་སྡུག་བསྔལ་དང་བྲལ་བདེ་བ་

[Full Size]

དང་ལྡན་ནོ། །དྲུག་པ་ལ་འཁོར་ཐམས་ཅད་འཁོར་ལོའི་སྒྱུར་རྒྱལ་དུ་བསྒྱུར་ནས་རིན་པོ་ཆེ་སྣ་བདུན་དང་བུ་སྟོང་དང་རྒྱལ་ཕྲན་བློན་པོ་རྣམས་ཀྱིས་བསྙེན་བཀུར་བྱེད་པར་སྤྲུལ་པས་ཐམས་ཅད་སྤྲོའོ། །བདུན་པ་ལ་རྒྱལ་བྱིན་གྱིས་སེང་ཁྲི་བཤམས་གཡོན་ནས་མཆོད། ཚངས་པས་གཡས་ནས་མཆོད་པ་ལ། ཕྱག་གཡས་ཁྲི་ལ་མནན་པས་སྒྲ་ཆེན་པོ་གྲགས་ཏེ་སྲིན་པོ་ལྔ་བྱུང་ནས་སྟོན་པ་དྲུག་གི་ཁྲི་བཤིགས། །ཕྱག་ན་རྡོ་རྗེའི་རྡོ་རྗེ་མེ་འབར་བས་སྟོན་པ་དྲུག་ལ་གཟིར་བས་སྟོན་པ་དྲུག་སྐྲག་ནས་བྲོས་ཏེ་ཁ་གཅིག་ཆུར་འཕྱོངས་ཏེ་ཤིའོ། །སྟོན་པ་དྲུག་འཁོར་སྟོང་ཕྲག་དགུ་བཅུ་ནི་སངས་རྒྱས་ལ་སྐྱབས་སུ་སོང་ནས་རབ་ཏུ་བྱུང་སྟེ་དགྲ་བཅོམ་ཐོབ་བོ། །དེ་ནས་སྐུ་ལས་འོད་ཟེར་ནམ་མཁའ་གང་འོད་ཟེར་རེ་རེ་ལ་པདྨ་རེ་རེ། པདྨ་རེ་རེ་ལ་སངས་རྒྱས་འཁོར་བཅས་རེ་རེ་སྤྲུལ་ལོ། །བརྒྱད་པ་ལ་སྐུ་ཚངས་ལྷ་ལ་ཐུག་གི་བར་དུ་མཐོ་བ་ལྷང་ངེར་བཞུགས། འོད་ཟེར་ཆེན་པོ་གནས་ཐམས་ཅད་སྣང་ངོ་། །ཐམས་ཅད་ཀྱི་གསུངས་པ་ཡང་ཐོས་སོ། །དགུ་པ་ལ་སྐུས་སྲིད་རྩེ་བར་གང་བ་འོད་ཟེར་ཆེན་པོ་བཞི་འབྱུང་མཛད་དོ། །བཅུ་བྱམས་པའི་ཏིང་ངེ་འཛིན་གྱིས་སྐུ་མི་སྣང་བ་

[Full Size]

འོད་ཟེར་ཆེན་པོ་བཀྱེ་ཞིང་གསུང་གི་ཆོས་སྟོན་ནོ། །བཅུ་གཅིག་བྱམས་པའི་ཏིང་ངེ་འཛིན་སྟོང་ཆེན་པོའི་འཇིག་རྟེན་འོད་ཀྱིས་གང་བས་ཐམས་ཅད་བྱམས་པའི་སེམས་དང་ལྡན་ནོ། །བཅུ་གཉིས་སྐུའི་ལྟེ་བ་ནས་འོད་ཟེར་གཉིས་བྱུང་བ་ལ་པདྨ་རེ་རེའི་སྟེང་ན་སངས་རྒྱས་རེ་རེ། དེ་གཉིས་ལྟེ་བ་ནས་དེ་བཞིན་ཏེ་དེའི་མུ་ལ་སྟོང་གསུམ་གང་བར་སྤྲུལ་ལོ། །བཅུ་གསུམ་བཅོམ་ལྡན་འདས་ལ་རྒྱལ་པོ་ཨུ་དྲ་ཡ་ནས་མེ་ཏོག་གཏོར་བ་རིན་པོ་ཆེའི་ཤིང་ལྔ་སྟོང་ཉིས་བརྒྱ་ལྔ་བཅུས་སྟོང་གསུམ་ཀུན་སྣང་བར་བྱས་སོ། །བཅུ་བཞི་སྣོད་ཀུན་ཟས་རོ་བརྒྱ་པས་གང་ནས་ཐམས་ཅད་ཚིམས་ཤིང་ལུས་སེམས་བདེ་བས་ཁྱབ་པ་དང་ཕྱག་གཡས་དར་ལ་སར་བས་དམྱལ་ཁམས་བཅོ་བརྒྱད་དངོས་སུ་མཐོང་སྟེ། དེ་དག་སོ་སོ་ནས་བདག་ཅག་སྔོན་སྡིག་པ་འདི་ལྟ་བུ་བྱས་པས་སྡུག་བསྔལ་འདི་ལྟ་བུ་བྱུང་ངོ་ཞེས་སྨྲས་པས་འཁོར་དེ་དག་གིས་མཐོང་ཞིང་ཐོས་ནས་སྙིང་རྗེ་ཞིང་བ་སྤུ་ལྡང་ངོ་། །དམྱལ་བ་དེ་སངས་རྒྱས་མཐོང་ཞིང་གསུངས་ཐོས་པས་ཚེ་འཕོས་ནས་ལྷ་དང་མིར་སྐྱེས་སོ། །དེ་ནས་གཟུགས་ཅན་སྙིང་པོའི་བཅོམ་ལྡན་འདས་ཀྱི་མཚན་སུམ་ཅུ་རྩ་གཉིས་མངའ་བ་གཞན་ལྟར་སྣང་ན་

[Full Size]

ཞབས་མཐིལ་འཁོར་ལོ་བསྟན་དུ་གསོལ་ཞུས་པས་འཁོར་ལོ་བྲིས་པ་ལྟ་བུ་བསྟན་ནོ། །དེ་ནས་མཚན་གྱི་རྒྱུ་དང་སྟོན་པ་དྲུག་དང་ལྷས་བྱིན་གྱི་སྔོན་ཡང་གསུངས་སོ། །ཞེས་པ་མཛངས་བླུན་ནས་བརྗེད་ཐོ་ཙམ་དུ་༧ ཨ་རཱ་གས་བྲིས་པའི་དགེ་བས་བདག་ཅག་དང་འབྲེལ་ཐོགས་ཐམས་ཅད་སྐྱེ་བ་ནས་ཚེ་རབས་ཐམས་ཅད་དུ་བདུད་དང་བདུད་ཀྱི་རིགས་ཀྱིས་གླགས་མི་རྙེད་ཅིང་ལོག་འདྲེན་གྱི་གཡུལ་ལས་རྣམ་པར་རྒྱལ་ནས་སེམས་ཅན་ཐམས་ཅད་ཡང་དག་པའི་ལམ་ལ་འགོད་པ་ལ་མཐུ་ཐོགས་པ་མེད་པར་གྱུར་ཅིག །མངྒ་ལཾ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཚུངས་མེད་ཆགས་མེད་ཉིད་ཀྱི་སྐུ་བཞིའི་གསོལ་འདེབས།

[Full Size]

མཚུངས་མེད་ཆགས་མེད་ཉིད་ཀྱི་སྐུ་བཞིའི་གསོལ་འདེབས་བཞུགས། ན་མོ་གུ་རུ་རཏྣ་ཡ། གནས་འོག་མིན་ཆོས་དབྱིངས་ཞིང་ཁམས་ན། །རྗེ་བླ་མ་སངས་རྒྱས་ཆོས་སྐུ་ལ། །བདག་གསོལ་བ་འདེབས་སོ་ཐུགས་རྗེས་གཟིགས། །ཕ་བླ་མའི་སྐུ་ཚེ་བརྟན་པ་དང་། །བདག་བར་ཆད་ཞི་བར་བྱིན་གྱིས་རློབས། །གནས་དག་པ་རབ་འབྱམས་ཞིང་ཁམས་ན། །རྗེ་བླ་མ་ལོངས་སྤྱོད་རྫོགས་སྐུ་ལ། །བདག་གསོལ་བ་འདེབས་སོ་ཐུགས་རྗེས་གཟིགས། །ཕ་བླ་མའི་སྐུ་ཚེ་བརྟན་པ་དང་། །བདག་བར་ཆད་ཞི་བར་བྱིན་གྱིས་རློབས། །གནས་གདུལ་བྱ་སྣང་བ་དག་པ་ན། །རྗེ་བླ་མ་ཐུགས་རྗེ་སྤྲུལ་སྐུ་ལ། །བདག་གསོལ་བ་འདེབས་སོ་ཐུགས་རྗེས་གཟིགས། །ཕ་བླ་མའི་སྐུ་ཚེ་བརྟན་པ་དང་། །བདག་བར་ཆད་ཞི་བར་བྱིན་གྱིས་རློབས། །གནས་འཁོར་འདས་མཉམ་ཉིད་གཞལ་ཡས་ན། །རྗེ་བླ་མ་ངོ་བོ་ཉིད་སྐུ་ལ། །བདག་གསོལ་བ་འདེབས་སོ་ཐུགས་རྗེས་གཟིགས། །ཕ་བླ་མའི་སྐུ་ཚེ་བརྟན་པ་དང་། །བདག་བར་ཆད་ཞི་བར་བྱིན་གྱིས་རློབས། །དཔལ་པདྨ་འབྱུང་གནས་བླ་མ་རྗེ། །ཕ་ཁྱེད་ཀྱི་སྐུ་གསུང་ཐུགས་རྡོ་རྗེ། །མི་བདག་གི་ལུས་ངག་

[Full Size]

ཡིད་དང་གསུམ། །དོན་ཆོས་ཉིད་ངང་དུ་དབྱེར་མེད་པར། དུས་ནམ་ཡང་འབྲལ་བ་མེད་པར་ཤོག །ཅེས་པ་སྤྲུལ་སྐུ་མི་འགྱུར་རྡོ་རྗེས་བསྐུལ་ནས། རང་ལ་དེ་ལྟར་སྐུ་བཞི་ཐོབ་པ་ཅུད་ཟད་མེད་ཀྱང་རྒྱུད་སྡེའི་དགོངས་པ་དང་མཐུན་པར་བྲིས་སོ། །དགེ་སློང་ཀརྨ་རཱ་ག་ཨ་སྱས་སྦྱར་བའོ།། ༈ །།རྗེ་སྤྲུལ་པའི་སྐུ་ལ་གསོལ་བ་འདེབས། །ཚེ་མི་རྟག་ནམ་མཁའི་འཇའ་ཚོན་འདྲ། །དེ་རྟག་པར་འཛིན་པའི་མི་རེ་འཁྲུལ། །དུས་དེང་ནས་དམ་ཆོས་མ་འགྲུབ་ན། །ཆོས་བྱེད་སྙམ་གྱི་ངང་དུ་མི་ཚེ་ཟད། །གནས་གང་དུ་འདུག་ཀྱང་དགེ་སྦྱོར་གྱིས། །དུས་དེ་རིང་ཉིད་ནས་དགེ་སྦྱོར་འབུངས། །བློ་བསམ་པའི་འཁྱེར་ཕྱོགས་ཤེས་པ་ན། །ཇི་ལྟར་བྱས་ཀྱང་དམ་ཆོས་སླ། །དུས་དེང་ནས་ཅི་བྱེད་བྱང་ཆུབ་བསྔོ། །ཞེས་སྨྲས་ནས་དགེ་སྦྱོར་ལ་འབུང་བར་བྱས་སོ། །ཨ་རཱ་གས་གསུངས་སོ།། ༈ ན་མོ་གུ་རུ་དྷེ་ཝ་ཌཀྐི་ཡེ། སངས་རྒྱས་ཆོས་དང་དགེ་འདུན་གསུམ། །དཀོན་མཆོག་གསུམ་ལ་གསོལ་བ་འདེབས། །བླ་མ་ཡི་དམ་མཁའ་འགྲོ་གསུམ། །རྩ་བ་གསུམ་ལ་གསོལ་བ་འདེབས། །ཆོས་དང་ཆོས་ཅན་འགོགས་ལམ་གསུམ། །བདེན་དོན་གསུམ་ལ་གསོལ་བ་

[Full Size]

འདེབས། །གཞི་དང་ལམ་དང་འབྲས་བུ་གསུམ། །ཆོས་ལམ་གསུམ་ལ་གསོལ་བ་འདེབས། །ལྟ་བ་སྒོམ་པ་སྤྱོད་པ་གསུམ། །རྣམ་དག་གསུམ་ལ་གསོལ་བ་འདེབས། །འདུལ་བ་མདོ་སྡེ་མངོན་པ་གསུམ། །སྡེ་སྣོད་གསུམ་ལ་གསོལ་བ་འདེབས། །རྒྱུད་དང་ལུང་དང་མན་ངག་གསུམ། །གསང་སྔགས་གསུམ་ལ་གསོལ་བ་འདེབས། །ཕྱི་ནང་གསང་བ་ཡང་གསང་གསུམ། །དཀྱིལ་འཁོར་གསུམ་ལ་གསོལ་བ་འདེབས། །རྩ་དང་རླུང་དང་ཐིག་ལེ་གསུམ། །གནས་འགགས་གསུམ་ལ་གསོལ་བ་འདེབས། །ངོ་བོ་རང་བཞིན་ཐུགས་རྗེ་གསུམ། །དོན་དམ་གསུམ་ལ་གསོལ་བ་འདེབས། །བདེ་དང་གསལ་དང་མི་རྟོག་གསུམ། །ཉམས་རྟོགས་གསུམ་ལ་གསོལ་བ་འདེབས། །ཆོས་སྐུ་ལོངས་སྐུ་སྤྲུལ་སྐུ་གསུམ། །འབྲས་བུ་གསུམ་ལ་གསོལ་བ་འདེབས། །སྐྱེ་མེད་འགགས་མེད་གནས་མེད་གསུམ། །རྣམ་ཐར་གསུམ་ལ་གསོལ་བ་འདེབས། །དབྱིངས་དང་ཐིག་ལེ་ལུག་རྒྱུད་གསུམ། །རྫོགས་ཆེན་གསུམ་ལ་གསོལ་བ་འདེབས། །གཤིན་རྗེ་རྟ་མགྲིན་ཕྱག་རྡོར་གསུམ། །ཁྲོ་བོ་གསུམ་ལ་གསོལ་བ་

[Full Size]

འདེབས། །འཇམས་དབྱངས་སྤྱན་གཟིགས་ཕྱག་རྡོར་གསུམ། །རིགས་གསུམ་མགོན་ལ་གསོལ་བ་འདེབས། །སྣང་མཐའ་སྤྱན་གཟིགས་པད་འབྱུང་གསུམ། །སྐུ་གསུམ་ལྷ་ལ་གསོལ་བ་འདེབས། །ཆོས་ལོངས་སྤྲུལ་པའི་དྷ་ཀི་གསུམ། །མཁའ་འགྲོ་གསུམ་ལ་གསོལ་བ་འདེབས། །ཡེ་ཤེས་ལས་དང་འཇིག་རྟེན་གསུམ། །མགོན་པོ་གསུམ་ལ་གསོལ་བ་འདེབས། །མ་མོ་གཟའ་དང་དམ་ཅན་གསུམ། །བསྟན་སྲུང་གསུམ་ལ་གསོལ་བ་འདེབས། །བདུད་རྗེ་བཙན་རྒོད་ཀླུ་བདུད་གསུམ། །སྤུ་གྲི་གསུམ་ལ་གསོལ་བ་འདེབས། །ཕོ་རྒྱུད་མོ་རྒྱུད་མ་ནིང་གསུམ། །བཀའ་སྲུང་གསུམ་ལ་གསོལ་བ་འདེབས། །དེ་ལྟར་སྐྱབས་གནས་རྩ་གསུམ་ལ། །ལན་གསུམ་སྙིང་ནས་འོ་དོད་འབོད། །ད་ནི་ཟླ་ཕྱེད་གསུམ་ཙམ་ལ། །འགྲོ་དོན་བསྡུ་བ་རྣམ་བཞི་སྩོལ། །དེ་ནས་ལོ་གྲངས་འགའ་ཞིག་ལ། །སྒོ་གསུམ་མཚམས་ལ་བར་ཆད་མེད། །སྡོམ་གསུམ་མཐའ་རུ་ཕྱིན་པ་དང་། །སྐུ་གསུམ་འབྲས་བུ་ཐོབ་པ་ཞིག །རེ་ས་གཞན་མེད་རྩ་གསུམ་མཁྱེན། །གླིང་ཐང་ཆོས་རའི་ཚེས་གསུམ་ལ། །གསོལ་བཏབ་དོན་དང་ལྡན་གྱུར་ཅིག །རཱ་ག་ཨ་སྱས་

[Full Size]

གསུངས་སོ། །དགེ་ལེགས་འཕེལ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

རིམས་བཟློག་གསོལ་འདེབས་ལེའུ་ཚན་བདུན།

[Full Size]

ན་མོ་དཀོན་མཆོག་གསུམ་དང་བླ་མེད་རྩ་བ་གསུམ། །སྨན་ལྷ་མཆེད་བརྒྱད་གུ་རུ་མཚན་བརྒྱད་དང་། །དོན་ཡོད་ཞགས་པ་སྒྲོལ་མ་ཉི་ཤུ་གཅིག །ལོ་མ་གྱོན་མ་ལྷ་མོ་དཔོན་གཡོག་སོགས། །རྩ་བ་གསུམ་གྱི་ལྷ་ལ་གསོལ་འདེབས་ཀྱིས། །བསྲུང་བྱར་གྱུར་པའི་ནོར་ཕྱུགས་ཐམས་ཅད་ལ། །ཕྱུགས་ནད་ཧོན་གྱི་གནོད་པ་མེད་གྱུར་ཅིག །ཆོས་ཉིད་གདོད་ནས་རྣམ་པར་དག་པ་དང་། །རྒྱུ་འབྲས་བསླུ་མེད་རྟེན་འབྲེལ་བསླུ་མེད་དང་། །རྒྱལ་བ་སྲས་བཅས་བདེན་པའི་བདེན་སྟོབས་ཀྱིས། །བསྲུང་བྱར་གྱུར་པའི་ནོར་ཕྱུགས་ཐམས་ཅད་ལ། །གློ་གོར་ཧོན་གྱི་གནོད་པ་ཞི་གྱུར་ཅིག །སརྦ་གྲ་ཧཱ་རོ་ག་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་ཅི་མང་བཟླས། དུད་པའི་སོལ་བ་མ་དང་རེ་མ་ཏི། །སྲིད་པའི་མ་མོ་བྱེ་བ་འབུམ་ཕྲག་དང་། །དཔལ་མགོན་བདུན་ཅུ་སྡེ་དཔོན་སུམ་ཅུ་དང་། །དྲེགས་པ་བཅོ་བརྒྱད་དགེ་བསྙེན་ཉི་ཤུ་གཅིག །བརྟན་མ་བཅུ་གཉིས་མགུར་ལྷ་བཅུ་གསུམ་དང་། །ཁྱད་པར་འཛམ་གླིང་བོད་ཁམས་གནས་པ་ཡི། །ལྷ་ཀླུ་གཞི་བདག་འདྲེ་གདོན་འབྱུང་པོ་རྣམས། །སྔོན་ཚེ་སློབ་དཔོན་པདྨ་འབྱུང་གནས་ཀྱིས། །བཀའ་དང་དམ་ཚིག་

[Full Size]

གཉེན་ལ་མ་འདའ་བར། །ཡུལ་ཕྱོགས་འདི་ཡི་མི་ནོར་ཐམས་ཅད་ལ། །མི་ནད་ཕྱུགས་ནད་གོད་ཡམས་མ་བཏང་ཞིག །འདིར་བྱོན་བཀའ་ཡི་གཏོར་མ་འདི་བཞེས་ལ། །ཕྱུགས་ནད་འདི་ཉིད་མྱུར་དུ་ཆད་པར་མཛོད། །མཐུ་རྩལ་ནུས་པ་ཅི་འདུག་དུས་འདིར་ལྟ། །བཀའ་དང་དམ་ལ་མ་འདའ་དམ་ཚིག་ཅན། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་དཀར་གཏོར་བསང་གི་གཤམ་དུ་བཏགས་པ་ལེགས། ཞེས་ཕྱུགས་ནད་གཅོད་བྱེད་འདི་རཱ་ག་ཨ་སྱས་སྤོམ་ནེ་རྡོ་རྗེའི་བྲག་ཏུ་སྦྱར་བའོ། །སརྦ་མངྒ་ལཾ།། ན་མོ་རཏྣ་ཏྲ་ཡཱ་ཡ། ཕྱོགས་བཅུའི་དུས་གསུམ་ཞིང་བཞུགས་བཅོམ་ལྡན་འདས། །ས་དང་ལམ་གནས་འཕགས་པའི་བདེན་སྟོབས་ཀྱིས། །བསྲུང་བྱར་གྱུར་པའི་ནོར་ཕྱུགས་ཐམས་ཅད་ལ། །ཕྱུགས་ནད་གོད་ཁའི་གནོད་པ་མ་བཏང་ཞིག །སྲིད་པའི་མ་མོ་མཁའ་འགྲོ་ཐམས་ཅད་དང་། །བརྟན་མ་བཅུ་གཉིས་མགུར་ལྷ་བཅུ་གསུམ་དང་། །སྡེ་དཔོན་སུམ་ཅུ་དྲེགས་པ་བཅོ་བརྒྱད་དང་། །ཁྱད་པར་ཡུལ་ཕྱོགས་འདི་ཡི་ལྷ་འདྲེ་རྣམས། །ཨོ་རྒྱན་ཆེན་པོའི་དམ་ལ་མ་འདའ་བར། །བདག་གིས་བསྲུང་བྱར་གྱུར་

[Full Size]

པའི་ནོར་ཕྱུགས་ལ། །གློ་གོར་ཧོན་སོགས་ནོར་ནད་མ་བཏང་ཞིག །ཛམ་ལྷ་རིགས་ལྔ་ནོར་རྒྱུན་མཆེད་ལྔ་སོགས། །ནོར་ལྷ་ཀུན་གྱི་བསྲུང་བྱའི་ནོར་ཕྱུགས་ལ་།བསྲུང་ཞིང་སྐྱོབ་ལ་ཚེ་སྲོག་བརྟན་པར་མཛོད། །ཆོས་ཉིད་རྣམ་དག་རྒྱུ་འབྲས་བསླུ་མེད་དང་། །དཀོན་མཆོག་རིན་ཆེན་གསུམ་གྱི་བདེན་སྟོབས་ཀྱིས། །བསྲུང་བྱར་གྱུར་པའི་ནོར་ཕྱུགས་ཐམས་ཅད་ལ། །ཕྱུགས་ནད་ཧོན་གྱི་གནོད་པ་ཞི་གྱུར་ཅིག །ཅེས་པ་འདི་ཨ་རཱ་གས་སྤོམ་ནེ་མདོར་ལེགས་པར་སྦྱར་བའོ། དུད་པའི་སོལ་བ་མ་རེ་མ་ཏི། །སྲིད་པའི་མ་མོ་བྱེ་བ་དུང་ཕྱུར་ཕྲག །དཔལ་མགོན་བདུན་ཅུ་སྡེ་དཔོན་སུམ་ཅུ་དང་། །དྲེགས་པ་བཅོ་བརྒྱད་དགེ་བསྙེན་ཉི་ཤུ་གཅིག །བརྟན་མ་བཅུ་གཉིས་མགུར་ལྷ་བཅུ་གསུམ་དང་། །ཁྱད་པར་མདོ་ཁམས་སྒང་གི་ལྷ་འདྲེ་རྣམས། །ཨོ་རྒྱན་ཆེན་པོ་པདྨ་འབྱུང་གནས་ཀྱི། །བཀའ་དང་དམ་ཚིག་གཉེན་ལ་མ་འདའ་བར། །བདག་གི་བསྲུང་བྱའི་ནོར་ཕྱུགས་ཐམས་ཅད་ལ། །ཕྱུགས་ནད་ཧོན་གྱི་གནོད་པ་མ་བཏང་ཞིག །ཕྱུགས་ནད་འདི་ཉིད་མྱུར་དུ་ཆད་པར་མཛོད། །མཐུ་རྩལ་ནུས་པ་ཅི་འདུག་ད་ལྟའོ། །བཀའ་དང་དམ་

[Full Size]

ཚིག་གཉེན་ལ་མ་འདའ་བར། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་དཀར་གཏོར་གྱི་མཇུག་ཏུ་སྦྱར་བ་ལེགས་མིན་ཀྱང་རུང་རཱ་ག་ཨ་སྱས་སྤོམ་ནེ་ཡོར་བྲི་གུ་རྡོ་རྗེས་བྲག་ཏུ་སྦྱར་བའོ།། ༈ ན་མོ་རཏྣ་ཏྲ་ཡཱ་ཡ། ན་མོ་བཛྲ་པཱ་ཎི་ཡེ། སྐྱབས་གནས་བསླུ་བ་མེད་པའི་དཀོན་མཆོག་གསུམ། །བདེ་གཤེགས་སྨན་ལྷ་སྒྲོལ་མ་ཉི་ཤུ་གཅིག །ཐུགས་རྗེ་ཆེན་པོ་པད་འབྱུང་ལོ་མ་ཅན། །ཆོས་ཉིད་ཆོས་ཅན་འགོགས་དང་ལམ་གྱི་བདེན། །བདེ་ལྡན་ཇི་སྙེད་མཁྱེན་པའི་བདེན་སྟོབས་ཀྱི། །ཕྱུགས་ནད་ཧོན་གྱི་གནོད་པ་མེད་པར་ཤོག །སྐྱེས་བུ་ཆེན་པོ་ལྷ་སྨན་གཡུ་སྒྲོན་མ། །དཔལ་མགོན་བདུན་ཅུ་ཡུལ་ལྷ་གཞི་བདག་ཚོགས། །སློབ་དཔོན་པདྨའི་དམ་ལ་མ་འདའ་བར། །ནོར་ནད་ཧོན་གྱི་གནོད་པ་བཟློག་པར་མཛོད། །ཁྱད་པར་རྣམ་སྲས་ནོར་ལྷ་མཆེད་བརྒྱད་ཚོགས། །སྔོན་གྱི་ཐུགས་དམ་དམ་བཅའ་མ་བསྙེལ་བར། །ནོར་ཕྱུགས་རྣམས་ལ་བསྲུང་ཞིང་སྐྱབས་མཛོད་ལ། །ནོར་ནད་ལ་སོགས་འཁོར་བའི་སྡུག་བསྔལ་ཀུན། །ཡེ་ནས་མ་གྲུབ་སྟོང་ཉིད་བདེ་བ་ཆེ། །སྐྱེ་མེད་ཆོས་སྐུའི་ཀློང་དུ་བཛྲ་མཿ ཞེས་པ་ནོར་ལུག་ཡོད་དུས་ཁག་ཁུར་ཟེར་བའི་བརྡའ་གྲགས་ནས། ཞོ་ནི་གུར་

[Full Size]

ཙམ་ཞིག་ལ་སྤྱོད་པར་རྨིས། ཞེས་པའང་ཨ་རཱ་གས་བྲིས་པའོ།། ༄༅། །ན་མོ་རཏྣ་ཏྲ་ཡཱ་ཡ། དཀོན་མཆོག་རིན་ཆེན་གསུམ་ལ་ཕྱག་འཚལ་ལོ། །ན་མོ་བཛྲ་པཱ་ཎི་ཡེ། གསང་བདག་རྡོ་རྗེ་འཛིན་ལ་ཕྱག་འཚལ་ལོ། །སྨོན་ལམ་ཡོངས་སུ་འགྲུབ་པར་བྱིན་གྱིས་རློབས། །འཕགས་པ་སྤྱན་རས་གཟིགས་ནི་ཐུགས་རྗེའི་བདག །འཇམ་དབྱངས་མཁྱེན་རབ་མཚུངས་པ་མེད་པ་དང་། །ཕྱག་ན་རྡོ་རྗེ་མཐུ་སྟོབས་ཟླ་མེད་པས། །བདེན་པ་ཆེན་པོས་ཕྱུགས་ནད་ཞི་གྱུར་ཅིག །ཐུབ་དབང་གྲངས་མེད་གསུམ་དུ་ཚོགས་བསགས་དང་། །པདྨ་འབྱུང་གནས་རྫུ་འཕྲུལ་བསམ་ལས་འདས། །སྒྲོལ་མ་ཉེར་གཅིག་ཐུགས་རྗེ་མྱུར་བ་ཡི། །བདེན་པ་ཆེན་པོས་ཕྱུགས་ནད་ཞི་གྱུར་ཅིག །ཆོས་རྣམས་ངོ་བོ་ཡེ་ནས་སྟོང་ཉིད་དང་། །རྣམ་པ་རྟེན་འབྲེལ་བསླུ་བ་མེད་པའི་མཐུས། །ཕྱུགས་ནད་གློ་ཧོན་གནོད་པ་ཞི་གྱུར་ཅིག །བསྐལ་བཟང་འདི་ལ་བཅོམ་ལྡན་རྒྱལ་བ་སྟོང་། །འབྱོན་པར་གསུངས་པའི་ལུང་བསྟན་དེ་བདེན་ན། །བདེན་པ་དེ་ཡི་ཕྱུགས་ནད་ཞི་གྱུར་ཅིག །འཛམ་གླིང་བྱེ་བ་ཕྲག་བརྒྱའི་ཞིང་ཁམས་སུ། །ཐུབ་དབང་ཨོ་རྒྱན་བྱེ་བ་ཕྲག་བརྒྱ་ནི། །བྱོན་ཅིང་མདོ་

[Full Size]

སྔགས་ཆོས་འཁོར་བསྐོར་གསུངས་པ། །བདེན་པ་དེ་ཡི་བདེན་པས་ནོར་ནད་ཆོད། །རྒྱ་གར་ཡུལ་དུ་གྲུབ་ཆེན་བརྒྱད་ཅུ་དང་། །བོད་དུ་རྗེ་འབངས་ཉི་ཤུ་རྩ་ལྔ་དང་། །མར་མི་དྭགས་པོ་བཀའ་བརྒྱུད་གྲུབ་ཐོབ་སོགས། །མཆོག་ཐུན་དངོས་གྲུབ་ཐོབ་པ་དེ་བདེན་ན། །བདེན་པ་དེ་ཡི་ཧོན་ནད་ཞི་གྱུར་ཅིག །དགེ་སྡིག་རྒྱུ་འབྲས་བསླུ་བ་མེད་པ་དང་། །རྒྱལ་བའི་བཀའ་ནི་ནམ་ཡང་མི་རྫུན་ཞིང་། །མ་མགོན་ཆོས་སྐྱོང་དམ་ལ་མི་འདའ་ན། །བདེན་པ་དེ་ཡི་བསྲུང་བྱའི་ནོར་ཕྱུགས་ལ། །ཧོན་གྱི་གནོད་པ་ཐམས་ཅད་ཞི་གྱུར་ཅིག །པད་འབྱུང་གཏེར་ཁ་བྱེ་བ་སར་སྦས་ཤིང་། །གཏེར་སྟོན་བརྒྱ་དང་རྩ་བརྒྱད་ལ་སོགས་པས། །འདོན་ཅིང་རིམ་པར་འགྲོ་དོན་འབྱུང་བདེན་ན། །ཕྱུགས་ནད་ཧོན་གྱི་གནོད་པ་ཞི་གྱུར་ཅིག །ཐུགས་རྗེ་ཆེན་པོའི་ཡང་སྤྲུལ་སད་ན་ལེགས། །སྤྲུལ་པའི་ཆ་ཤེས་ཆགས་མེད་ཡིན་པ་རུ། །ལུང་བསྟན་བདེན་ན་དེ་ཡི་བདེན་སྟོབས་ཀྱིས། །བསྲུང་བྱའི་ནོར་ཕྱུགས་ཧོན་གྱིས་མི་ཚུགས་ཤོག །ལོཙྪཅོག་རོ་ཀླུ་ཡི་རྒྱལ་མཚན་གྱིས། །སྤྲུལ་པའི་ཆ་ཤེས་ཆགས་མེད་ཡིན་ནོ་ཞེས། །བསམ་ཡས་གཏེར་ཁའི་ཤོག་སེར་ལས་བྱུང་བས། །

[Full Size]

བདེན་ན་དེ་ཡི་བདེན་པས་བསྲུང་བྱ་ཡིས། །ནོར་ཕྱུགས་ཧོན་གྱི་གནོད་པས་མི་ཚུགས་ཤོག །བོད་རྗེའི་གདུང་དང་མཁའ་སྤྱོད་པ་ཡི་གདུང་། །རིགས་རྒྱུད་ཟཆགས་མེད་ཡིན་པར་རློམ་པ་དེ། །བདེན་ན་དེ་ཡི་བདེན་པས་བསྲུང་བྱ་ཡིས། །ནོར་ཕྱུགས་རྣམས་ལ་ཧོན་གྱིས་མི་ཚུགས་ཤོག །གང་གི་སྤྲོས་བྲལ་ཕྱག་རྒྱ་ཆེན་པོའི་དོན། །མ་ནོར་མངོན་སུམ་རྟོགས་པར་རློམ་པ་དང་། །སྡོམ་གསུམ་རྩ་བ་མ་ཉམས་སྐྱོན་མེད་པར། །སུམ་ལྡན་རྡོ་རྗེ་འཛིན་པ་ཡིན་ངེས་ན། །དེ་ཡི་བདེན་པས་ཧོན་གྱི་འཇིགས་བྲལ་ཤོག །སྡེ་དཔོན་སུམ་ཅུ་ལྷ་སྲིན་སྡེ་བརྒྱད་ཚོགས། །མགུར་ལྷ་བརྟན་མ་བོད་ཀྱི་དགེ་བསྙེན་རྣམས། །སློབ་དཔོན་པདྨའི་དམ་ལ་མི་འདའ་ན། །དེ་ཡི་བདེན་པས་ཧོན་ནད་གནོད་པ་ཟློག །འཕགས་པ་བཞི་དང་འཇིག་རྟེན་སྐྱོང་བ་དང་། །བདེན་ལྡན་ཇི་སྙེད་བདེན་པའི་ནུས་མཐུ་ཡིས། །བསྲུང་བྱའི་ནོར་ཕྱུགས་ཧོན་གྱིས་མི་ཚུགས་ཤོག །ནོར་ཕྱུགས་གོད་ཁ་མེད་ཅིང་འཕེལ་གྱུར་ཅིག །ཏདྱཐཱ་པཉྩ་དྲི་ཡ་ཨ་བ་བྷོ་དྷ་ན་ཡེ་སྭཱ་ཧཱ། ཞེས་པ་འདི་ནི་ཉལ་ཁ་བདེན་སྟོབས་ཀྱི་སྨོན་ལམ་འགའ་རེ་བཏབ་ནུབ་རྨི་ལམ་དུ་ཕྱག་ན་རྡོ་རྗེས་སངས་རྒྱས་ཐམས་ཅད་ལ། ཅི་བསམ་

[Full Size]

འགྲུབ་པའི་གདམས་ངག་གནོང་ཞུས་པས། ཁྱེད་རང་སྨོན་ལམ་ཐོབ་དང་འགྲུབ་གསུངས་ཞེས། གནམ་རྒྱུད་འདྲ་བའི་སྒྲ་ཞིག་གྲགས་པ་ལ། བརྟེན་ནས་ཕྱིར་ནུབ་རྟེན་འབྲེལ་བྱས་ནས་བྲིས། །ཨ་རཱ་གས་སོ།། ༄༅། །ན་མོ་ཨརྱ་ཏཱ་རེ་ཡེ། པོ་ཊ་ལ་བཞུགས་སྤྱན་མྱུར་མ། །སྒྲོལ་མ་ཉི་ཤུ་རྩ་གཅིག་ལ། །གསོལ་བ་འདེབས་སོ་ཕྱག་མྱུར་བརྐྱང་། །བདག་དང་བདག་ལ་ལྟོས་པ་རྣམས། །རིམས་ནད་དྲག་པོའི་འཚེ་བ་ཟློག །ལྷོ་ཕྱོགས་སངས་རྒྱས་ཞིང་ཁམས་ནས། །ཡིད་བཞིན་འཁོར་ལོ་སྤྱན་རས་གཟིགས། །སེམས་དཔའ་བྱེ་བ་ཕྲག་དང་བཅས། །གློག་བཞིན་མྱུར་བར་འདིར་གཤེགས་ལ། །བདག་དང་བདག་ལ་ལྟོས་པ་རྣམས། །རིམས་ནད་འཚེ་བ་མྱུར་དུ་ཟློག །རྔ་ཡབ་སྤྲུལ་པའི་གནས་མཆོག་ནས། །མཐུ་སྟོབས་རྨད་བྱུང་ཨོ་རྒྱན་རྗེ། །རྗེ་འབངས་རིག་འཛིན་རྒྱ་མཚོ་ལ། །གསོལ་བ་འདེབས་སོ་ཐུགས་རྗེས་གཟིགས། །བདག་དང་བདག་ལ་ལྟོས་པ་རྣམས། །ནད་རིམས་དུས་མིན་འཆི་བའི་རྐྱེན། །ད་ལྟ་ཉིད་དུ་བཟློག་ཏུ་གསོལ། །མུ་ལེ་མཐིང་གི་མཚོ་འགྲམ་ནས། །དཔལ་ལྡན་ལྷ་མོ་དཔོན་གཡོག་ལ། །གསོལ་བ་འདེབས་སོ་ཐུགས་དམ་བསྐུལ། །ཁྱེད་མཆོད་

[Full Size]

རིག་སྔགས་བཟླས་ལགས་ན། །དམ་ཚིག་སོམ་ལ་རིམས་ནད་དང་། །དལ་ཡམས་རྐྱེན་ཁ་བཟློག་ཏུ་གསོལ། །ཁྱད་པར་རིག་པ་ཤིང་ལོ་ཅན། །དུར་ཁྲོད་གནས་པའི་ཤ་ཟ་མ། །ཁྱོད་ཀྱི་རིག་སྔགས་བདག་འཆང་གི །དལ་ཡམས་རྐྱེན་ཁ་ད་ལྟ་ཟློག །བདག་གིས་གསོལ་བཏབ་བདེན་པའི་མཐུས། །མངོན་ཤེས་དྲུག་དང་རྡོ་རྗེ་ཡི། །སྤྱན་དང་སྙན་མངའ་ཁྱོད་ལགས་པས། །དོན་གྱི་འབྲས་བུ་མཆིས་པར་མཛོད། །ཅེས་པ་རང་གི་སློབ་བུ་བརྩོན་འགྲུས་རྒྱ་མཚོ་སོགས་ལ་རིམས་ནད་ཀྱི་འཚེ་བ་ཆེན་པོའི་སྐབས་སུ་༧ རཱ་ག་ཨ་སྱས་སྦྱར། སརྦ་མངྒ་ལཾ། །བཀྲ་ཤིས་དཔལ་འབར་འཛམ་གླིང་རྒྱན། རྒྱལ་ཁམས་ཀུན་ལ་དར་ཞིང་རྒྱས་པར་ཤོག །བཀྲ་ཤིས་ཤོག །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གསོལ་འདེབས་བྱང་ཆུབ་ལམ་སྟོན།

[Full Size]

གསོལ་འདེབས་བྱང་ཆུབ་ལམ་སྟོན་བཞུགས་པའི་དབུ་ཕྱོགས། ན་མོ་ཤཱཀྱ་མུ་ནེ་ཡེ། གནས་འོག་མིན་ཆོས་དབྱིངས་ཕོ་བྲང་ནས། །དཔལ་ཀུན་བཟང་རིགས་ལྔ་རྡོ་རྗེ་འཆང་། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་མི་མཇེད་དག་པའི་ཞིང་ཁམས་ནས། །དཔལ་ཤཱཀ་ཐུབ་བསྐལ་བཟང་སངས་རྒྱས་སྟོང་། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་གླིང་བཞི་རི་རབ་བཅས་པ་ནས། །དཔལ་འཕགས་པའི་གནས་བརྟན་བཅུ་དྲུག་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་རྒྱ་གར་འཕགས་པའི་ཡུལ་མཆོག་ནས། །རྗེ་གྲུབ་ཐོབ་བརྒྱད་ཅུ་རྩ་བཞི་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་ལྷོ་ནུབ་སྲིན་པོའི་ཡུལ་དབུས་ན། །རྗེ་པད་འབྱུང་གུ་རུ་མཚན་བརྒྱད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་པུ་རྒྱལ་

[Full Size]

གངས་ཅན་བོད་ཡུལ་ན། །མི་རྗེ་འབངས་ཉེར་ལྔ་མེས་དབོན་གསུམ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །བོད་གངས་ཅན་གཏེར་གནས་སོ་སོ་ནས། །རྗེ་གཏེར་སྟོན་བརྒྱ་དང་རྩ་བརྒྱད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་ལ་སྟོད་སྒྲོལ་མ་ས་སྐྱ་ནས། །རྗེ་ས་སྐྱ་འཇམ་དབྱངས་བདུན་རྒྱུད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་ར་སྒྲེང་དཔལ་གྱི་ནགས་ཚལ་ན། །རྗེ་ཇོ་འབྲོམ་ཁུ་རྔོག་རྒྱལ་སྲས་གསུམ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་ཟངས་རི་མཁར་དམར་དགོན་པ་ནས། །མ་ལབ་སྒྲོན་བརྒྱུད་འཛིན་བརྒྱ་རྩ་བརྒྱད། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །ཤར་དྭགས་ལ་དཔལ་གྱི་སྒམ་པོ་ན། །རྗེ་དྭགས་པོ་བཀའ་བརྒྱུད་ཡ་བཞི་ལ། །བདག་གསོལ་བ་འདེབས་སོ་ཐུགས་རྗེས་

[Full Size]

ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །མཚུར་མདོ་བོ་ལུང་གི་དགོན་པ་ན། །རྗེ་ཞྭ་ནག་འཛིན་པ་བཅུ་གསུམ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་སྒར་ཆེན་ཆོས་ཀྱི་ཕོ་བྲང་ནས། །རྗེ་ཞྭ་དམར་འཛིན་པ་ཉེར་གཅིག་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །འབྲུག་ར་ལུག་གཉིས་ཀྱི་དགོན་པ་ན། །རྗེ་རྒྱ་རས་སེང་ཆེན་བཅུ་གསུམ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་འབྲི་གུང་དཔལ་གྱི་ནགས་ཚལ་ནས། །རྗེ་སྐྱོབ་པ་སེང་ཆེན་བཅུ་གསུམ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་སྟག་ལུང་རྡོ་རྗེའི་གདན་སྟེང་ན། །རྗེ་ཐང་པ་སེང་ཆེན་བཅུ་གསུམ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་གསང་ཕུག་ཆོས་ཁྲི་སེར་མོ་ནས། །རྗེ་ལོ་ཆེན་སེང་ཆེན་

[Full Size]

བརྒྱད་པོ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་ངོམ་སྟོད་དཔལ་རི་ལྷ་རྩེ་ནས། །རྗེ་མཁས་གྲུབ་ཀརྨ་ཆགས་མེད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་གར་བཞུགས་ཆོས་ཀྱི་ཕོ་བྲང་ནས། །རྗེ་མཚན་ལྡན་བླ་མ་དྲིན་ཆེན་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །གནས་སྤྱི་གཙུག་ཉི་ཟླའི་གདན་སྟེང་ན། །ཆོས་དྲིན་ཐོབ་རྩ་བའི་བླ་མ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་སྐུ་རྟོགས་པར་བྱིན་གྱིས་རློབས། །ཐོབ་དཀའ་བའི་དལ་འབྱོར་མི་ལུས་འདི། །ཚེ་སུམ་གཉིས་ཡང་ཡེང་ངང་ལ་ཟད། །སྔར་གང་བྱས་ཟས་གོས་ཚེ་འདིས་དོན། །ཚེ་ཕྱི་མའི་བརྒྱག་ཕྱེ་རབ་རིབ་ཟིན། །ལུས་སྙིང་པོ་ལེན་པ་ཞཅིག་བླ་མ་མཁྱེན། །མི་ལུས་སྟོང་ལོག་མཁན་ཚོ་ལ་ཐུགས་རྗེའི་གཟིགས། །ཕྱི་འཇིག་རྟེན་མི་རྟག་མེ་ཆུས་འཇིག །ནང་སེམས་ཅན་མི་རྟག་ལུས་སེམས་བྲལ། །དུས་དབྱར་དགུན་མི་རྟག་འགྱུར་ཞིང་འགྲོ། །དུས་

[Full Size]

ཉིན་མཚན་གཉིས་པོ་ཚེ་ལ་རྐུ། །སེམས་སྐྱོ་ཤེས་སྐྱེ་བ་ཞིག་བླ་མ་མཁྱེན། །རྟག་འཛིན་ཕྱི་ཆོས་མཁན་ཚོ་ལ་ཐུགས་རྗེའི་གཟིགས། །སྔར་སྐྱེས་པ་མ་ཤི་གཅིག་ཀྱང་མེད། །མི་རྒས་ནས་འཆི་བར་རེ་རེ་ཙམ། །སང་ནང་པར་ཨེ་འཆི་ཆ་མེད་པ། །རང་འཆི་གྲབ་དམ་ཆོས་མི་སྒྲུབ་པ། །ཕོ་རང་གིས་རང་ལ་མགོ་གཡོག་བྱེད། །ལས་རྒྱུ་འབྲས་མེ་ལོང་གཟུགས་བརྙན་འདྲ། །དེ་བསླུ་མེད་རང་ལ་སྨིན་ངེས་ཀྱང་། །དེ་མི་ཤེས་ཤེས་ཀྱང་འཆོལ་བར་སྤྱོད། །དེ་ཤེས་བཞིན་བཙན་དུག་ཟོས་དང་འདྲ། །བདག་སྡིག་ལྟུང་མེད་པ་ཞིག་བླ་མ་མཁྱེན། །སྡིག་ཆོས་ཤེས་མེད་པ་ཚོ་ལ་ཐུགས་རྗེས་གཟིགས། །ལས་དགེ་བ་མཁོ་སྟེ་བྱེད་མཁན་དཀོན། །དུས་སྙིགས་མའི་དགེ་བ་སྡིག་དང་འདྲེས། །སྡིག་མེད་པའི་ལུས་ངག་དགེ་སྦྱོར་ལ། བདག་བརྩོན་འགྲུས་ནུས་པ་ཞིག་བླ་མ་མཁྱེན། །ཁ་སྤྱིན་སྦྱར་འདྲ་བ་ཚོ་ལ་ཐུགས་རྗེས་གཟིགས། །མར་ངན་སོང་གསུམ་གྱི་སྡུག་བསྔལ་དེ། །གཏམ་རྣ་བར་ཐོས་ཀྱང་འཇིགས་སྐྲག་ན། །དེ་མཐོང་ན་སྙིང་ཁྲག་ཨེ་མི་འགས། །དུས་ད་ལྟ་མེ་སྟག་ཕོག་ན་ཚ། །དུས་རྒྱུན་དུ་ལྕགས་སྲེག་ས་གཞི་ལ། །མེ་ཆེན་པོས་

[Full Size]

བསྲེགས་ན་ཅི་འདྲ་འོང་། །བདག་རྒྱུ་འབྲས་ཞིབ་པ་ཞིག་བླ་མ་མཁྱེན། །མི་སྡིག་རྔམས་ཅན་ལ་ཐུགས་རྗེས་གཟིགས། །དུས་ད་ལྟ་ཞག་ཅིག་འཁྱག་མི་ཁྱག །ལོ་དུང་ཕྱུར་འཁྱགས་རོམ་ནང་དུ་འཁེང་། །ལུས་བརྒྱ་སྟོང་གིས་ན་ཅི་འདྲ་ཨང་། །བདག་ཆོས་མགོ་ཐོན་པ་ཞིག་བླ་མ་མཁྱེན། །ཕོ་རྒོད་མདའ་སྐྱེན་ཚོ་ལ་ཐུགས་རྗེས་གཟིགས། །དུས་ད་ལྟ་ཞག་གཅིག་ལྟོག་མི་ཁྱགས། །ལོ་སྟོང་ཕྲག་མང་པོར་ཟས་དང་སྐོམ། །ཆུ་ཐིགས་ཤིག་འཐུང་དབང་མེད་པའི་དུས། །ཟས་ཞིམ་པོ་ཟ་འདོད་ཚོ་ཅི་བྱེད་ཨང་། །བདག་ཚོགས་བསགས་ནུས་པ་ཞིག་བླ་མ་མཁྱེན། །རྐུ་ཇག་འཕྲོག་བཅོམ་མཁན་ཚོ་ལ་ཐུགས་རྗེས་གཟིགས། །ཡར་མཐོ་རིས་ལྷ་མིའི་བདེ་སྐྱིད་འདི། །ཟས་ཞིམ་པོ་དུག་དང་འདྲེས་པ་བཞིན། །འཕྲལ་སྐྱིད་ཀྱང་ཕུག་ཏུ་གནོད་པ་ཆེ། །ཚེ་འདི་ཡི་ཟས་ནོར་སྙན་གྲགས་ལ། །བདག་ཞེན་པ་ལོག་པ་ཞིག་བླ་མ་མཁྱེན། །ཆོས་བརྒྱད་ཁེ་དྲག་མཁན་ཚོ་ལ་ཐུགས་རྗེ་གཟིགས། །མི་བདག་དང་བདག་ལ་འབྲེལ་ཐོགས་རྣམས། །ནུབ་བདེ་བ་ཅན་དུ་ལམ་སྣ་དྲོངས། །ལུས་རྫུས་སྐྱེས་ཐོབ་པ་ཞིག་བླ་མ་མཁྱེན། །མཐའ་མེད་འཁོར་བ་འཁྱམས་

[Full Size]

ཚོ་ལ་ཐུགས་རྗེས་གཟིགས། །འགྲོ་ཀུན་བྱང་ཆུབ་ཐོབ་པར་བྱིན་གྱིས་རློབས། །མཆོག་དང་ཐུན་མོངས་དངོས་གྲུབ་བསྩལ་དུ་གསོལ། །ཅེས་པ་འདི་ཡང་བྱམས་པ་སྐྱབས་ཀྱིས་བསྐུལ་ངོར། རཱ་ག་ཨ་སྱས་བྲིས་པའོ།། །།ན་མོ་མ་ཧཱ་མུ་དྲ་ཡ། ནུབ་བདེ་བ་ཅན་གྱི་ཞིང་ཁམས་ན། །རྗེ་ཆོས་སྐུ་སྣང་བ་མཐའ་ཡས་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །ལྷོ་པོ་ཊ་ལ་ཡི་གཞལ་ཡས་ན། །རྗེ་ལོངས་སྐུ་ཐུགས་རྗེ་ཆེན་པོ་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །གནས་ལྷོ་ནུབ་རྔ་ཡབ་གླིང་ཕྲན་ན། །རྗེ་སྤྲུལ་སྐུ་པདྨ་འབྱུང་གནས་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །བོད་ཁ་བ་

[Full Size]

ཅན་གྱི་གཏེར་གནས་ནས། །རྗེ་རཏྣ་གླིང་དང་འཇའ་ཚོན་པ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །གནས་ལྷོ་ཕྱོགས་དཔལ་གྱི་རི་བོ་ན། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །རྗེ་ས་ར་ཧ་པ་ཆེ་ཆུང་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །ཤར་ཟ་ཧོར་ནོར་བུའི་དགོན་པ་ན། །རྗེ་ཏེ་ལོ་སངས་རྒྱས་གྲུབ་ཆེན་བརྒྱད། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །བྱང་པུལླ་ཧ་རིའི་དགོན་པ་ན། །རྗེ་ནཱ་རོ་མི་ཏྲི་རྣམ་གཉིས་ལ། །བདག་མོས་གུས་དྲག་པོས་

[Full Size]

གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །ལྷོ་གྲོ་བོ་ལུང་གི་དགོན་པ་ན། །རྗེ་སྒྲ་བསྒྱུར་མར་པ་ཡབ་སྲས་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །ནུབ་ལ་ཕྱི་གངས་ཀྱི་ར་བ་ན། །རྗེ་རས་ཆེན་རས་ཆུང་རྣམ་གཉིས་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །ཤར་དྭགས་ལྷ་དཔལ་གྱི་སྒམ་པོ་ན། །རྗེ་མཉམ་མེད་ལྷ་རྗེ་ཁུ་དབོན་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །གནས་སྒར་ཆེན་ཆོས་ཀྱི་ཕོ་བྲང་ན། །རྗེ་མཚུངས་མེད་རྒྱལ་བ་ཡབ་སྲས་ལ། །བདག་མོས་གུས་དྲག་

[Full Size]

པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །གནས་སྤྱི་གཙུག་ཚངས་པའི་ཡུལ་ས་ན། །རྗེ་སུམ་ལྡན་རྩ་བའི་བླ་མ་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །གནས་སྣང་སྲིད་དག་པའི་གཞལ་ཡས་ན། །རྗེ་ཡི་དམ་ཞི་ཁྲོ་རབ་འབྱམས་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །གནས་ནུབ་ཕྱོགས་ཨོ་རྒྱན་གཞལ་ཡས་ན། །མ་མཁའ་འགྲོ་བྱེ་བ་འབུམ་སྡེ་ལ། །བདག་མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །གནས་བསིལ་བ་ཚལ་གྱི་དུར་ཁྲོད་ན། །བཀའ་ཆོས་སྐྱོང་སྲུང་མ་ཐམས་ཅད་ལ། །བདག་

[Full Size]

མོས་གུས་དྲག་པོས་གསོལ་བ་འདེབས། །གཞི་གདོད་མའི་གནས་ལུགས་རྫོགས་པ་དང་། །ལམ་ཞི་ལྷག་ཟུང་དུ་འཇུག་པ་དང་། །འབྲས་བུ་རང་ལ་རྙེད་པར་བྱིན་གྱིས་རློབས། །རྗེ་རྩ་བརྒྱུད་བླ་མའི་སྐུ་གསུང་ཐུགས། །མི་བདག་གི་ལུས་ངག་ཡིད་དང་གསུམ། །དཔེ་དབྱེར་མེད་ཆུ་ལ་ཆུ་བཞག་བཞིན། །དོན་ཆོས་སྐུའི་ངང་དུ་གཅིག་གྱུར་ནས། །རྗེ་སྐུ་ལྔའི་བདག་ཉིད་རྡོ་རྗེ་འཆང་། །དུས་རྟེན་ཐོག་འདི་ལ་འགྲུབ་པར་ཤོག །ཅེས་ཨ་རཱ་གས་འཕྲལ་དུའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཉམས་ཀྱི་མགུར་མ་འགའ་ཞིག་ཚིགས་སུ་བཅད་དེ་སྨྲས་པ་ངེས་འབྱུང་སྐྱོ་ཤས་ཀྱི་དབྱར་རྔ།

[Full Size]

ཉམས་ཀྱི་མགུར་མ་འགའ་ཞིག་ཚིགས་སུ་བཅད་དེ་སྨྲས་པ་ངེས་འབྱུང་སྐྱོ་ཤས་ཀྱི་དབྱར་རྔ་ཞེས་བྱ་བ་བཞུགས་སོ།།

[Full Size]

ཨེ་མ་ཧོ། རྒྱལ་བའི་དབང་པོ་འོད་སྟོང་རབ་འབར་ཡང་། །བསྟན་པའི་སྙིགས་མར་མེ་ཤེལ་སྐྱོན་ལྡན་ཞིང་། །གདུལ་བྱའི་སྤྲོ་བ་ལོག་ལྟའི་རླན་གྱིས་བང་། །བྱིན་རླབས་བྱིན་ཟ་རྒྱས་པར་དཀའ་འམ་སྙམ། །རྒྱལ་དབང་ཐུགས་རྗེའི་ཆུ་འཛིན་རབ་འཁྲིགས་ཀྱང་། །གསོལ་འདེབས་དབྱར་སྐྱེས་མགྲིན་རྔ་མི་སྒྲོག་ཅིང་། །ལོག་ལྟའི་རླུང་དམར་རབ་ཏུ་སྡུད་ལུགས་ཀྱིས། །བྱིན་རླབས་བསིལ་རྒྱུན་ནམ་ཞིག་འབབ་ན་ཡང་། །རྒྱལ་བསྟན་མཚན་མོའི་མགོན་པོ་ཤར་ན་ཡང་། །ངེས་འབྱུང་བཟང་པོའི་སྤྲིན་དཀར་འཛུམ་མེད་པར། །ཚུལ་མིན་སྤྱོད་པའི་ཆར་

[Full Size]

མུན་འཁྲིགས་ལུགས་ཀྱིས། །ཐར་པའི་ལམ་བཟང་ནམ་ཞིག་རྙེད་ན་ཨང་། །སེམས་བསྐྱེད་པད་སྡོང་ལོ་འདབ་གཡུར་ཟ་ཡང་། །གཞན་ཕན་བསམ་པའི་ཉི་འོད་མི་མཐོང་ཞིང་། །གནོད་སེམས་མི་སྲུན་ཀིང་ཀིང་འབེབས་ལུགས་ཀྱིས། །རབ་དགའ་འདབ་སྟོང་ནམ་ཞིག་བཞེད་ན་ཨང་། །དབང་བཞིའི་དཔག་བསམ་ལོ་འདབ་ཁྱོན་ཡངས་ཀྱང་། །བསྐྱེད་རྫོགས་བུང་བས་གཉེར་མྱུར་མ་མཐོང་ཞིང་། །མི་བརྩོན་འཆལ་བའི་སྟ་ཐོགས་མང་ལུགས་ཀྱིས། །དངོས་གྲུབ་འབྲས་བུ་ནམ་ཞིག་སྨིན་ན་ཨང་། །ཟབ་ཆོས་བེཊྛར་སྙིང་པོ་མང་ན་ཡང་། །

[Full Size]

བརྩོན་འགྲུས་ཀ་ཤིའི་རས་ཀྱི་མི་འཕྱི་ཞིང་། །སྒྲུབ་པའི་རྒྱལ་མཚན་སྲོག་ཤིང་ཆག་ལུགས་ཀྱིས། །དགོས་འདོད་རེ་བ་ནམ་ཞིག་བཀང་ན་ཨང་། །སྨྲ་མང་ཉམས་ལེན་བྲལ་བ་ནེ་ཙོ་བཞིན། །དམ་ཆོས་སྨྲས་ཀྱང་རང་རྒྱུད་གྱོང་པོ་རང་། །བྱ་བྲལ་ང་ནི་རང་ལ་གྲོས་ཤིག་ཐོབ། །ཅེས་རང་གཞན་འགའ་ལ་བསམས་པས་ཅུང་མ་མགུ་ཞིང་། ཁྱད་པར་དྲུང་རམ་པ་སྟོབས་ཅན་གྱིས་རྒྱལ་བའི་དབང་པོ་ལ་མ་དད་ནས་ངག་འཁྱལ་འགའ་སྨྲས་ཟེར་བ་དྲན་ནས་སྨྲས་སོ།། ༈ །།ན་མོ་གུ་རུ་ཨ་མོ་གྷ་པཱ་ཤ་ཡ། རྗེ་འཇིག་རྟེན་དབང་ཕྱུག་སྤྲུལ་པའི་སྐུ། །ཕ་དྲིན་ཆེན་བླ་མའི་ཞབས་ལ་འདུད། །ངས་བྱང་ཆུབ་མཆོག་ཏུ་སེམས་བསྐྱེད་ནས། །ལས་གཞན་ཕན་བསྒྲུབ་པར་དམ་བཅས་ཀྱང་། །ཚིག་འཇམ་པོ་སྨྲས་ཀྱང་ཉན་མཁན་མེད། །ངག་རྩུབ་པོར་སྨྲས་ན་ཁོང་ཁྲོ་ལྡང་། །ད་གཞན་ཕན་ཇི་ལྟར་སྨྲ་ན་ཨང་། །ནད་ཚད་པ་ལྡང་ནས་རྒྱས་པ་ལ། །ཟས་ཤ་ཆང་བཀོད་པའི་བྱམས་བྱམས་དེ། །སྡང་དགྲ་བོ་ཞིག་གི་དོ་ཟླ་མིན། །འདིས་རིན་ཆེན་སྲོག་དང་བྲལ་ལོ་ཞེས། །ངག་ཕན་པར་སྨྲས་ཚེ་མི་དགའ་ལྟ། །ལུས་སྲོག་དང་འབྲལ་དུས་འགྱོད་ཀྱང་མཆིས། །བློ་གསལ་ན་གཞོན་གྱི་བན་ཆུང་

[Full Size]

འགའ། །ཡིག་རིས་དང་ཡོན་ཏན་མ་ཤེས་ན། །གོས་བཟང་ཡང་བོང་བུ་རྒྱབ་སེར་ཡིན། །ཞེས་ཕན་པར་སྨྲས་ཚེ་ཀོ་ལོང་བྱེད། །རང་ཤི་རྒས་ལ་ཐུག་དུས་འགྱོད་ཀྱང་འཕྱིས། །ནོར་འདོད་པས་ཚོང་ཁེ་བུན་སྐྱེད་སོགས། །འཕྲལ་དཀའ་ཞིང་གོང་མ་རྣམས་ཀྱིས་ཁྲེལ། །འདི་སྨྲས་ཚེ་མི་དགའི་ངོ་ནག་སྤྱད། །རང་ཆོས་པ་དང་ཚོང་པ་གང་དགའ་སོམས། །རང་ཆོས་ཚུགས་དང་སྡོམ་ལ་མི་འགལ་བར། །གཉེན་ཉེ་འབྲེལ་དང་ཡོན་བདག་བསྐྱང་ཡང་བཟོད། །རང་ཆོས་ཚུགས་དང་སྡོམ་ལ་འགལ་བཞིན་དུ། །ཉེ་འབྲེལ་དང་ཡོན་བདག་སྐྱོང་འདོད་པ། །དེ་ནག་པོ་བདུད་ཀྱི་ཆོ་འཕྲུལ་ཡིན། །འདི་སྨྲས་ཚེ་མི་དགའི་ཅང་སྐད་འབྱིན། །རང་ཀུན་གྱིས་འཕྱ་དུས་འགྱོད་ཀྱང་འཕྱིས། །རང་གཉོམ་ཆུང་གི་ཆོས་པར་ཁས་བླངས་ནས། །མི་གཞན་ལ་གྱོད་རྩའི་ཕུང་གཞི་སློབ། །འདི་འགོང་པོ་སྙིང་ལ་ཞུགས་པ་བཞིན། །ཞེས་ཚིག་ངན་སྨྲས་ཚེ་འགྲོ་སྡིག་བྱེད། །དོན་རང་གཞན་ཀུན་ཕུང་དུས་འགྱོད་ཀྱང་འཕྱིས། །མི་གཞན་ལ་ཕན་ངེས་ཀྱི་དོན་རིག་ན། །ངན་ཚིག་རྩུབ་སྨྲ་བ་རྒྱལ་བས་གནང་། །ད་འོན་ཀྱང་མི་མཇེད་འཇིག་རྟེན་ཁམས། །

[Full Size]

དོན་ཕན་གནོད་གཉིས་པོ་འབྱེད་པར་དཀའ། །ལས་ངན་པ་བསླབས་ན་ཕན་པར་གོ །ཚིག་ཕན་པར་སྨྲས་ན་སྡང་བར་མཐོང་། །ངག་ཡང་ཡང་སྨྲས་ན་ཁོང་ཁྲོ་སྐྱེ། །ད་དེ་ནས་དམ་བཅའ་ཚིག་གསུམ་འབུལ། །ངས་སྔོན་ཆད་བློ་སེམས་མི་ངན་ཡང་། །ངག་ཚིག་གསུམ་གང་སྨྲས་མཐོལ་ཞིག་བཤགས། །བདག་འདི་ཕྱིར་སྒྲིབ་པར་མ་གྱུར་ཅིག །ད་དེང་ནས་ཇི་སྲིད་འཚོ་ཡི་བར། །གྲྭ་སློབ་དང་མཆེད་གྲོགས་སུ་ལ་ཡང་། །ངག་འཇམ་པོའི་ཁ་ད་ཞུ་བ་ལས། །ཚིག་རྩུབ་མོ་མི་སྨྲ་དམ་བཅའོ། །རྗེ་བླ་མ་ཡི་དམ་མཁའ་འགྲོ་དང་། །སྐྱབས་དཀོན་མཆོག་གསུམ་པོ་ཐམས་ཅད་ཀྱིས། །ད་དམ་བཅའ་མཐའ་རུ་ཕྱིན་པ་དང་། །བདག་ངག་སྒྲིབ་དག་པར་བྱིན་གྱིས་རློབས། །ཞེས་ཡོན་བདག་དང་གྲྭ་སློབ་འགའ་རེ་ལ་ཤ་ཚ་མ་བཟོད་ནས། ཚིག་རྩུབ་འགའ་རེ་སྨྲ་ཤོར་བ་ལ་མི་དགའ་བའི་རྣམ་འགྱུར་མང་དུ་སྟོན་འདུག་པས། ད་ནས་མི་སྨྲ་བའི་དམ་བཅའ་བྱས་པའོ།། ༈ །།ཨོ་རྒྱན་ཡུལ་གྱི་བསྟོད་པ་ཌཱཀྐི་དགྱེས་གླུ་བཞུགས་སོ། །ན་མོ་བཛྲ་ཝ་ར་ཧེ། རྒྱ་གར་ཡུལ་དབུས་མ་ག་དྷ། །རྡོ་རྗེ་གདན་གྱི་ཤར་ཕྱོགས་ན། །བྷ་ག་ལ་ཞེས་བྱ་བ་ཡོད། །བྱང་ཕྱོགས་ཁ་ཆེའི་ཡུལ་ཡིན་ཏེ། །ནུབ་

[Full Size]

ཕྱོགས་ཨོ་རྒྱན་ཡུལ་ཡིན་ནོ། །ལྷོ་ན་ཀོ་ས་ལ་ཡི་ཡུལ། །བྱང་ཤར་ཀ་མ་རུ་པའི་ཡུལ། །ཤར་ལྷོ་མཚམས་ན་ཟ་ཧོར་ཏེ། །ལྷོ་ནུབ་སིནྡྷའི་ཡུལ་ཡིན་ནོ། །ནུབ་བྱང་དེ་ཝི་ཀོ་ཊིའོ། །ཁྱད་པར་ཨོ་རྒྱན་ཡུལ་དེ་ནི། །རང་བྱུང་དུར་ཁྲོད་བརྒྱད་ཀྱིས་བསྐོར། །ཤར་དུ་གཏུམ་དྲག་དུར་ཁྲོད་དེ། །བྱང་དུ་ཚང་ཚིང་འཁྲིགས་པའོ། །ནུབ་ཏུ་རྡོ་རྗེ་འབར་བ་སྟེ། །ལྷོ་རུ་འཇིགས་སུ་རུང་བ་དང་། །ཤར་ལྷོ་དཔལ་གྱི་ནགས་ཚལ་དང་། །ལྷོ་ནུབ་མུན་པ་མི་བཟད་དེ། །ནུབ་བྱང་ཀི་ལི་ཀི་ལ་སྒྲོག །བྱང་ཤར་ཧ་ཧ་དགོད་རྣམས་སུ། །གྲུབ་ཆེན་ཞིང་སྐྱོང་ཕྱོགས་སྐྱོང་དང་། །ཀླུ་དང་མཁའ་འགྲོ་ཕྲ་མེན་མ། །མེ་ཆུ་ཤིང་སྤྲིན་རི་མཆོད་རྟེན། །རོ་དང་བྱ་གཅན་བརྒྱད་བརྒྱད་གནས། །འཇིག་རྟེན་འདས་དང་འཇིག་རྟེན་པའི། །གནས་ནི་མཆོག་ཏུ་གྱུར་པའོ། །དེ་དབུས་ཐུན་མོང་མ་ཡིན་པའི། །དཔལ་ཆེན་ཧེ་རུ་ཀ་དཔལ་གྱི། །རང་བྱུང་ལྷ་ཁང་ཞེས་བྱ་བ་། །ཨོ་རྒྱན་གྷནྡྷོའི་གཙུག་ལག་ཁང་། །དུག་མཚོའི་འོབ་དང་ལྕགས་རི་དང་། །གདུག་པའི་སྲོག་ཆགས་མང་པོས་བསྐོར། །འཁོར་ས་རིམ་གསུམ་སྒོ་རྟ་བབས། །དེ་དབུས་དྷརྨ་གྷནྡ་

[Full Size]

ཞེས། །ཆོས་ཀྱི་མཛོད་ན་རྒྱུད་ཀུན་བཞུགས། །ལྕགས་རི་རིམ་གསུམ་སྒོ་བཞི་ལ། །སྤྲུལ་སྐུ་ཟ་བྱེད་ལས་ཌཀྐི། །སྒོ་སྲུང་འབངས་ཀྱི་ཚུལ་བཞུགས་ནས། །སྣོད་མིན་བྱུང་ན་ཚར་གཅོད་མཛད། །ལོངས་སྐུ་ལས་ཀྱི་ཌཱཀྐི་མས། །རྒྱུད་རྣམས་བདག་བཟུང་མཆོད་པར་བརྩོན། །ཆོས་སྐུ་ཡེ་ཤེས་ཌཱཀྐི་མ། །གཞལ་ཡས་ཁང་དབུས་བདེ་ཆེན་ངང་། །བཞུགས་པ་མེད་པའི་ཚུལ་དུ་བཞུགས། །ཡབ་གཅིག་འཁོར་ལོ་སྡོམ་པ་ནི། །སྐུ་དང་ཡིག་འབྲུ་ཕྱག་མཚན་ཏེ། །ནོར་བུ་གསུམ་གྱི་ངོ་བོ་ལ། །ལྕགས་གསུམ་རྒྱ་བདུན་ལྡན་པར་བཞུགས། །ལྷན་ཅིག་སྐྱེས་པ་རྒྱལ་བའི་ཡུམ། །རྒྱན་དྲུག་གསོལ་ཞིང་གྲི་ཐོད་བསྣམས། །པད་ཉི་འཇིགས་དུས་གདན་ལ་བཞེངས། །འཁོར་ནི་དཔའ་མོ་སུམ་ཅུ་བདུན། །རེ་རེའང་མཁའ་འགྲོ་བྱེ་བས་བསྐོར། །རྡོ་རྗེ་ལས་དང་རིན་ཆེན་དང་། །སངས་རྒྱས་དམ་ཚིག་སྣ་ཚོགས་དང་། འཇིག་རྟེན་མཁའ་འགྲོའི་ཚོགས་བཅས་བཞུགས། །དེ་དག་འཁོར་དང་སྤྲུལ་པ་ཡིས། །ཉི་ཤུ་རྩ་བཞིའི་གནས་རྣམས་ཁྱབ། །འོག་མིན་དག་པའི་གནས་རྣམས་དང་། །འཛམ་གླིང་གནས་ཆེན་ཉི་ཤུ་བཞི། །རང་

[Full Size]

ལུས་རྩ་གནས་ཉེར་བཞི་རྣམས། །དབྱེར་མེད་ཆུ་ཟླ་བཞིན་དུ་སྣང་། །བརྡ་དོན་རྟགས་ཀྱི་ཕག་མོ་ལ། གཉིས་མེད་ངང་དུ་བདག་ཕྱག་འཚལ། །མཆོག་གི་དངོས་གྲུབ་འདིར་སྩོལ་ཅིག །ཨོ་རྒྱན་གྷནྡྷོའི་གནས་བསྟོད་དེ། །རཱ་ག་ཨ་སྱས་འཕྲལ་དུ་བྲིས། །ཉེས་པ་ཌཱཀྐིའི་ཚོགས་ལ་བཤགས། །དགེ་བས་ཡུམ་དོན་མྱུར་རྟོགས་ཤོག །བྷ་ཝནྟུ།། ༈ །།ན་མོ་གེ་སར་ཀ་ར་ཡེ། རྗེ་རྒྱལ་བ་ཐམས་ཅད་འདུས་པའི་སྐུ། །གདན་པདྨ་ལས་འཁྲུངས་མཚན་དཔེ་རྫོགས། །དཔལ་པདྨ་འབྱུང་གནས་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་གནས་ལྔ་མཁས་པའི་པཎྜི་ཏ། །དོན་ཤེས་བྱ་ཀུན་ལ་ཐམས་ཅད་མཁྱེན། །དཔལ་པདྨ་སཾ་བྷ་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་དཀྱིལ་འཁོར་ཀུན་བདག་ཧེ་རུ་ཀ །རྒྱུད་མན་ངག་རྒྱ་མཚོའི་གཏེར་མཛོད་ཆེ། །དཔལ་བློ་ལྡན་མཆོག་སྲེད་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་སྣང་སྲིད་ཀུན་ལ་དབང་བསྒྱུར་མཁན། །ཆོས་ལོངས་སྤྱོད་ཀུན་གྱི་འབྱུང་གནས་མཆོག །དཔལ་པདྨ་རྒྱལ་པོ་ལ་

[Full Size]

གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་འབད་མེད་ལྷུན་གྲུབ་ཀྱི་ཕྲིན་ལས་ཅན། །མ་མཁའ་མཉམ་འགྲོ་བའི་མུན་སེལ་ཆེ། །དཔལ་ཉི་མ་འོད་ཟེར་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་ཡོན་ཏན་ཀུན་རྫོགས་རྫོགས་སངས་རྒྱས། །དགྲ་བདུད་བཞི་བཅོམ་ནས་ཆོས་འཁོར་བསྐོར། དཔལ་ཤཱཀྱ་སེང་གེ་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་རྒྱལ་བ་ཀུན་གྱི་མཐུ་སྟོབས་བདག །བདུད་མུ་སྟེགས་སྐྲག་མཛད་སེང་གེ་སྒྲ། །དཔལ་སེང་གེ་སྒྲ་སྒྲོག་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་ཁྲོ་རྒྱལ་ཀུན་འདུས་ཧེ་རུ་ཀ །བདུད་སྣང་སྲིད་ལྷ་འདྲེའི་གཉེན་གཅིག་པུ། །དཔལ་རྡོ་རྗེ་གྲོ་ལོད་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་ཚད་མེད་ཐུགས་རྗེའི་མཐུ་སྟོབས་ཅན། །དུས་འཇིགས་རུང་འགྲོ་བ་འདུལ་མཛད་པ། །དཔལ་བདུད་འདུལ་རྡོ་རྗེ་ལ་གསོལ་བ་འདེབས། །ཕ་ཁྱེད་རང་ལྟ་བུར་བྱིན་གྱིས་རློབས། །རྗེ་དྲག་པོ་གནམ་ལྕགས་མེ་ཡི་འཁོར་ལོ་ཅན། །སྐྱབས་ཡིད་བཞིན་འཁོར་ལོ་ལོ་མ་ཅན། །དཔལ་ཡི་

[Full Size]

དམ་རྣམས་ལ་གསོལ་བ་འདེབས། །མཆོག་ཐུན་མོང་དངོས་གྲུབ་ཆར་ལྟར་ཕོབ། །རྗེ་པད་འབྱུང་བཀའ་གསུམ་རྡོ་རྗེའི་ཚིག །དོན་བསླད་མེད་མཁའ་འགྲོའི་ཁ་རླངས་ཅན། །དཔལ་ཟབ་གཏེར་རྣམས་ལ་གསོལ་བ་འདེབས། །རྒྱད་འབད་མེད་གྲོལ་བར་བྱིན་གྱིས་རློབས། །རྗེ་དཔལ་ལྡན་ལྷ་མོ་དཔོན་དང་གཡོག །མགོན་བྱ་རོག་ཅན་དང་སེང་གེའི་གདོང་། །དཔལ་བཀའ་སྲུང་རྣམས་ལ་གསོལ་བ་འདེབས། །མི་བདག་གི་སྡོང་གྲོགས་མེལ་ཚེ་མཛོད། །རྗེ་རྩ་གསུམ་ལ་གདུང་ཤུགས་འབར་བ་དང་། །ལམ་སྡོམ་གསུམ་ལ་བར་ཆད་མེད་པ་དང་། །དོན་སྐུ་གསུམ་གྱི་རང་ངོ་འཕྲོད་པ་དང་། །བདག་འགྲོ་དོན་འགྲུབ་པར་བྱིན་གྱིས་རློབས། །ཞེས་ཀརྨ་ཨ་རཱ་གས་མཛད་པའོ།། །ན་མོ་གུ་རུ་ཝེ། མཐོན་མཐིང་ཡངས་པའི་སྤང་ལྗོངས་འདི་དང་གཅིག །སིལ་སིལ་འབབ་པའི་རྫ་ཆབ་འདི་དང་གཉིས། །ནེའུ་སིང་ལྗང་སྔོན་འཇམ་པོའི་རྩ་དང་གསུམ། །དེ་གསུམ་འཛོམ་དུས་ཅང་ཤེས་ང་སྣང་བ་བདེ། །རྩ་བ་བརྟན་པའི་ཤིང་ཕུང་འདི་དང་གཅིག །རྒྱུ་འགྲུལ་དཀའ་བའི་ལྕང་རོང་འདི་དང་གཉིས། །སྨིན་ཞིང་ཞིམ་པའི་

[Full Size]

ཤིང་ཏོག་འདི་དང་གསུམ། །འདི་གསུམ་འཛོམས་དུས་བྱིའུ་ཆུང་ང་སྣང་བ་བདེ། །འདབ་སྟོང་བཞད་པའི་ནགས་ཚལ་འདི་དང་གཅིག །ཟེའུ་འབྲུ་མཛེས་པའི་རྩི་བཅུད་འདི་དང་གཉིས། །རྩལ་ལ་མཐོ་བའི་བྲག་ཁུང་འདི་དང་གསུམ། །དེ་གསུམ་འཛོམ་དུས་སྦྲང་མ་ང་སྣང་བ་བདེ། །པདྨ་ཟབ་པའི་རྒྱུད་སྡེ་འདི་དང་གཅིག །ཛ་ལེན་དྷ་རའི་རྒྱ་གཞུང་འདི་དང་གཉིས། །རང་བྱུང་རྒྱལ་བའི་མན་ངག་འདི་དང་གསུམ། །འདི་གསུམ་འཛོམ་དུས་སྔགས་འཆང་ང་སྣང་བ་བདེ། །སོ་ཐར་སྡོམ་པའི་བཙུན་ཆུང་འདི་དང་གཅིག །བྱང་ཆུབ་སེམས་ཀྱི་ལྷག་བསམ་འདི་དང་གཉིས། །མ་ཉམས་གཙང་མའི་དམ་ཚིག་འདི་དང་གསུམ། །འདི་གསུམ་འཛོམ་དུས་རྡོར་འཛིན་ང་སྣང་བ་བདེ། །ངེས་དོན་རྒྱ་མཚོའི་ཁྲིད་ཡིག་འདི་དང་གཅིག །བཀའ་བབ་བརྒྱུད་པའི་བྱིན་རླབས་འདི་དང་གཉིས། །བླ་མ་དམ་པའི་ངོ་སྤྲོད་འདི་དང་གསུམ། །འདི་གསུམ་འཛོམ་དུས་སྐལ་ལྡན་ང་སྣང་བ་བདེ། །འདག་སྦྱར་སྨྲ་བཅད་བསྒྲུབ་གཞུག་འདི་དང་གཅིག །སོ་གསོད་སྤོང་བའི་བརྩོན་འགྲུས་འདི་དང་གཉིས། །བསྐྱེད་རྫོགས་ཟུང་འཇུག་ཏིང་འཛིན་འདི་དང་གསུམ། །འདི་གསུམ་འཛོམ་

[Full Size]

དུས་སྒོམ་ཆེན་ང་སྣང་བ་བདེ། །གནས་ལུགས་ཤེས་པའི་གོ་བ་འདི་དང་གཅིག །རང་ངོ་འཕྲོད་པའི་རྟོགས་པ་འདི་དང་གཉིས། །རྒྱུན་དུ་སྐྱོང་བའི་ཉམས་ལེན་འདི་དང་གསུམ། །འདི་གསུམ་འཛོམ་དུས་བྱ་བྲལ་ང་སྣང་བ་བདེ། །མདོ་རྒྱུད་དབང་ལུང་ཐོས་རྒྱ་འདི་དང་གཅིག །མན་ངག་མང་པོའི་ཕྱག་ཁྲིད་འདི་དང་གཉིས། །གཞན་ཕན་བསམ་པའི་ཀུན་སློང་འདི་དང་གསུམ། །འདི་གསུམ་འཛོམས་དུས་བླ་མ་ང་སྣང་བ་བདེ། །ལེགས་ལེགས་འདྲ་བའི་དབྱངས་ཆུང་འདི་དང་གཅིག །བདེ་ཉམས་སྐྱེས་པའི་རང་མཐོང་འདི་དང་གཉིས། །མཐུན་རྐྱེན་འཛོམ་པའི་འཕྲལ་སྐྱིད་འདི་དང་གསུམ། །འདི་གསུམ་འཛོམ་དུས་ཅོལ་ཆུང་ང་སྣང་བ་བདེ། །ཞེས་ཨ་རཱ་གས་སྨྲས་སོ།། ༈ ། མོ་གུ་རུ་མ་ཧཱ་མུ་དྲ་ཡེ། བདག་རང་ལོ་སོ་དྲུག་པར་མཚམས་དང་བསྙེན་སྒྲུབ་ཅུང་ཟད་བྱས་པ་ནས་བཟུང་སྟེ། གཉིད་འོད་གསལ་དུ་ཟིན་པ་དང་། རེས་འགའ་རྨི་ལམ་གྱི་འོད་གསལ་ཟིན་པ་མང་དུ་བྱུང་ཞིང་། ཉིན་པར་གྱི་ཉམས་ལ་ཁ་ཞེ་མེད་པར་ཚེ་འདི་བློས་བཏང་ནས། བྲག་ཕུག་དང་ནི་ཤིང་དྲུང་ལྟ་བུར་ཟླ་རེ་ཟླ་གཉིས་རེ་བསྒོམ་ཞིང་། དེ་ལྟ་བུས་

[Full Size]

ཡུལ་མི་གཅིག་པ་རྣམས་སུ་གནས་ངེས་མེད་དང་། ཟས་གོས་འཕྲལ་ཕྱི་དགྲ་མེད་གཉེན་མེད་རང་ཞིག་བྱེད་ན་ཅི་མ་རུང་སྙམ་པ་ཞེ་ཐག་པ་ནས་ཡང་ཡང་དྲན་པ་བྱུང་། དེ་ལ་སྨྲས་པ། རྗེ་སྤྲུལ་པའི་སྐུ་ལ་གསོལ་བ་འདེབས། །ཚེ་མི་རྟག་ནམ་མཁའི་འཇའ་ཚོན་འདྲ། །དེ་རྟག་པར་འཛིན་པའི་མི་རེ་འཁྲུལ། །དུས་དེང་ནས་དམ་ཆོས་མ་འགྲུབ་ན། །ཆོས་བྱ་སྙམ་གྱི་ངང་དུ་མི་ཚེ་ཟད། །གནས་གང་དུ་འདུག་ཀྱང་དགེ་སྦྱོར་གྱིས། །དུས་དེ་རིང་ཉིད་ནས་དགེ་སྦྱོར་འབུངས། །བློ་བསམ་པའི་ཁྱེར་ཕྱོགས་ཤེས་པ་ན། །ཇི་ལྟར་བྱས་ཀྱང་དམ་ཆོས་སླ། །དུས་དེང་སང་ཅི་བྱེད་བྱང་ཆུབ་བསྔོ། །ཞེས་སྨྲས་ནས་དགེ་སྦྱོར་ལ་འབུངས་པར་བྱས་སོ། །དེ་ནས་སྤྲུལ་སྐུ་ཀརྨ་སྒྲུབ་བརྒྱུད་བསྟན་པ་རྣམ་རྒྱལ་རི་ཁྲོད་དུ་གདན་འདྲེན་ཞུས་པས། གཞན་རྐྱེན་འགས་དུས་ལ་འབྱོན་རྒྱུ་མ་བྱུང་ནས་མི་ཕེབས་པ་འདྲ་སྙམ་ཞིང་ཉལ་བའི་རྨི་ལམ་ལ། རང་ཉིད་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་བསྐྱེད་རིམ་བྱས་པས། མངོན་སུམ་ལྟ་བུར་གྱུར་ནས། ཁྲོམ་འགའ་ལ་ཡིག་དྲུག་བསྐུལ་བས་ཐམས་ཅད་ཀྱིས་འུར་དི་རི་རི་བཏོན་སོང་བ་རྨིས་པས། ཕྱིར་ཉིན་སྤྲུལ་སྐུ་ཕེབས་ནས་ཐུགས་དགྱེས་དགྱེས་མཛད་ཅིང་། གཟིགས་སྐར་བསྐུང་ནས་ཡོད་པ་གྲལ་དུ་བཏོན་ནས་ངོས་འཛིན་གནང་། ཐུགས་རྗེ་ཆེན་པོའི་དབང་གནང་བའི་ཚེ་ལས་དག་

[Full Size]

པ་འགའ་ཞིག་གི་སྣང་ངོར་རྡོ་རྗེ་འཆང་ཆེན་པོའི་སྐུར་དངོས་སུ་སྣང་བ་སོགས་ངོ་མཚར་ཆེ་བའི་མཛད་པ་དུ་མ་བསྟན་ཏེ། འདིར་སྨྲས་པ། ཐུགས་རྗེ་ཆེན་པོ་འཕགས་པ་སྤྱན་རས་གཟིགས། །སྤྲུལ་གཞི་དེ་ལས་སྤྲུལ་པའི་ཕྲེང་བ་ནི། །རྒྱ་ནག་ཡུལ་དུ་མཁས་པ་ཤྲཱི་སེང་། །འཕགས་པའི་ཡུལ་དུ་ཌོམ་བྷི་ཧེ་རུ་ཀ །གངས་ཅན་ལྗོངས་སུ་མི་ལ་རས་ཆེན་ཞབས། །ཡང་སྤྲུལ་སྐྱེ་བའི་ཕྲེང་བ་ཚར་མངའ་བ། །ཚེར་ལུང་པར་གྲགས་རྣམས་ལ་གུས་པས་འདུད། །སྔོན་ཆད་རྗེས་སུ་བཟུང་བའང་ཐུགས་རྗེ་ཆེ། །སླར་ཡང་འབྲལ་མེད་ཐུགས་རྗེའི་ལྕགས་ཀྱུས་ཟུངས། །ཞེས་སོ། །དེ་ནས་རྒྱལ་ཟླའི་ཚེས་བཅུ་གཉིས་ཀྱི་ཉིན་པར་ཤ་གསར་རྙིང་མར་དཀར་སེར་ཇ་གྲོ་ཐུད་སྐྱ་ཐུད་སོགས་ཟས་སྣ་གྱ་ནོམས་པ་རྙེད་ཡོད་པས། ཐུགས་རྗེ་ཆེན་པོ་རྒྱལ་བ་རྒྱ་མཚོའི་ཆོ་ག་རྒྱས་པའི་སྒོ་ནས་ཚོགས་འཁོར་དང་གཏོར་བསྔོས་སོགས་རྒྱས་པར་བྱས་ནས་ཉལ་བའི་རྨི་ལམ་ན། སྤྱན་རས་གཟིགས་འགྲོ་འདུལ་སྐུ་མདོག་དཀར་པོ་ཞལ་གཅིག་ཕྱག་བཞི་པ། སྐུའི་རྣམ་པ་གསལ་ཞིང་མཚན་དཔེ་དང་རྒྱན་ཆ་མི་གསལ་ཙམ་ཞིག་གི་ཞལ་ནས། ད་ལོ་ཁྱོད་ཀྱི་དུས་ལ་བབ། འགྲོ་བའི་དོན་ནི་དཔག་མེད་བྱོས། །ཞེས་གསུངས་པའི་མོད་ལ་གཉིད་སད། དེ་ལ་སྨྲས་པ། ན་མོ་ལོ་ཀེ་ཤྭ་ར་ཡེ། དུས་སྙིགས་མ་ལྔ་བདོའི་ཐ་མ་ལ། །བདུད་ལྷ་འདྲེས་ལྷ་རུ་བརྫུ་

[Full Size]

བའི་དུས། །ལྷ་ཞལ་དང་ལུང་བསྟན་ཡིད་གཏད་མེད། །འོན་ཀྱང་བླ་མའི་བཀའ་དྲིན་གྱིས། །བར་ཆད་དང་དངོས་གྲུབ་མི་ནོར་ཞིང་། །ལྷ་དང་དམ་སྲི་མི་ནོར་བའི། གདམས་ངག་ཟབ་མོ་མང་དུ་ཤེས། །ལྷ་མཁའ་འགྲོ་མཐོང་སྣང་རང་གི་སེམས། །བདུད་སྲིན་པོའི་ཆོ་འཕྲུལ་རང་གི་སེམས། །དེ་གཉིས་ལ་སེམས་ཉིད་གཅིག་པུའི་འཕྲུལ། དོན་ཆོས་ཉིད་ཀྱི་ངང་དུ་རོ་གཅིག་པས། །བཏང་སྙོམས་ཀྱི་ངང་དུ་གནས་པར་རིགས། །ཞེས་སོ། །དེ་ནས་རྒྱལ་ཟླ་བའི་ཉེར་བརྒྱད་ཀྱི་ནུབ་ཉི་ཤུ་བརྒྱད་མཆོད་རྒྱས་པར་བྱས། ནག་རྒྱ་ཕག་གསུམ་བདེ་མཆོད་ཟླུ། རྣམས་ཀྱི་ཆོ་ག་དང་། བེར་ནག་ཅན་གྱི་བསྐང་གསོ་དང་། བླ་མའི་གསོལ་འདེབས་སོགས་བྱས་ནས་ཉལ་བའི་རྨི་ལམ་ན། འཕགས་པ་སྤྱན་རས་གཟིགས་ཁ་སར་པཱ་ཎི་སྐུ་མདོག་དཀར་པོ་ཞལ་གཅིག་ཕྱག་གཉིས་པ་སྐུའི་རྣམ་པར་གསལ་ཙམ་ལ་རྒྱན་དང་ཕྱག་མཚན་མི་གསལ་བ་ཞིག་གི་ཞལ་ནས། ད་ལྟ་དུས་ངན་སྙིགས་མའི་དུས་འདིར་བཅོམ་ལྡན་འདས་ཐུབ་པ་ཆེན་པོའི་བསྟན་པ་ཉམས་དམའ་བར་འདུག་པས། བསྟན་པ་འདི་རྒྱས་པར་བྱ་བའི་ཆེད་དུ་བཅོམ་ལྡན་འདས་ཐུབ་པའི་དབང་པོའི་སྐུར་བཞེངས་དགོས་གསུངས་ནས། སྐད་ཅིག་ཉིད་ལ་ཁ་སརྦ་ཎི་དེ་ཉིད་བཅོམ་ལྡན་འདས་ཤཱཀྱ་ཐུབ་པ་སྐུ་མདོག་སེར་པོ་མཉམ་བཞག་ས་གནོན་ཅན། ཆོས་གོས་གསུམ་དང་དབུ་གཙུག་ཏོར་སོགས་མངོན་སུམ་ལྟ་བུ་ལ། ཁྲི་

[Full Size]

མཐོན་པོའི་སྟེང་ན་རྡོ་རྗེའི་སྐྱིལ་མོ་ཀྲུང་གིས་བཞུགས་པ་ཞིག་ཏུ་གྱུར་ནས་སོང་། དེའི་གཡས་གྲལ་གཡོན་གྲལ་གཉིས་ལ་འཕགས་པའི་གནས་བརྟན་བཅུ་དྲུག་པོ་ཐམས་ཅད་མངོན་སུམ་ལྟ་བུ་ཐམས་ཅད་ཀྱང་ཆོས་གོས་གསོལ་བའི་ལེའུ་སོགས་དང་བཅས་པ་ཤིན་ཏུ་གསལ་བ་དྭངས་བ་འདྲེན་པར་སྣང་། ཀུན་ལ་ཕྱག་མཚན་ནི་མི་སྣང་གྲལ་རིམ་གྱིས་འཁོད་པར་སྣང་། དྷརྨ་ཏ་དང་རྒྱལ་ཆེན་བཞི་སོགས་ནི་མི་སྣང་ངོ་། །དེར་བདག་སྟོན་པའི་མདུན་དྲང་པོར་སྐྱིལ་ཀྲུང་གིས་འཁོད་ནས་སྟོན་པའི་ཞལ་ལྟ་བ་ལ། སྟོན་པའི་སྐུ་ལས་འོད་སྤྲོས་ནས་བདག་ལ་ཐིམ་པ་འདྲ་བ་ཞིག་བྱུང་མ་ཐག་ཏུ་བདག་ཀྱང་སྟོན་པ་ཤཱཀྱ་ཐུབ་པའི་སྐུ་ཆེ་ཆུང་རང་གི་ལུས་ཚད་ཙམ་ས་ནོན་མཉམ་བཞག་གི་ཕྱག་རྒྱ་རྡོ་རྗེའི་སྐྱིལ་ཀྲུང་གིས་བཞུགས་ཤིང་དབུ་གཙུག་ཏོར་དང་ཆོས་གོས་གཙོ་བོ་འདྲ་བ་ཞིག་ཏུ་རང་གི་ལུས་འདི་ལམ་གྱིས་གྱུར་ནས་འདུག་པ་ཞིག་རྨིས་ཤིང་། དེ་མ་ཐག་ཏུ་གཉིད་ལས་སད། དེ་ལ་སྨྲས་པ། ཐུགས་རྗེ་ཆེན་པོ་གངས་ཆེན་མཚོ། །སངས་རྒྱས་སྟོང་གི་འོད་ཟེར་འཕྲོ། །རྒྱལ་བ་རྒྱ་མཚོ་སྤྱན་རས་གཟིགས། །རྒྱལ་བའི་བསྟན་པ་རྒྱས་པའི་ཕྱིར། །གནས་བརྟན་བཅུ་དྲུག་ཚུལ་དུ་སྣང་། །རྫོགས་སངས་རྒྱས་ཀྱང་ཉན་ཐོས་ཚུལ། །གསོལ་བ་འདེབས་སོ་ཐུགས་རྗེས་ཟུངས། །ཐུབ་པའི་བསྟན་པ་རྒྱས་པ་དང་། །འགྲོ་དོན་དཔག་མེད་འགྲུབ་པ་དང་། །བདག་དང་བདག་གི་རྗེས་འཇུག་

[Full Size]

རྣམས། །ཚུལ་ཁྲིམས་ཉམས་པ་མེད་པ་རུ། །བྱིན་གྱིས་རློབས་ཤིག་གནས་བརྟན་རྣམས། །ཐུགས་རྗེས་གཟིགས་ཤིག་སྤྱན་རས་གཟིགས། །ཞེས་སྨྲས། རྨི་ལམ་ལ་ངེས་པ་མེད་ཀྱང་། དེ་ཕྱིན་ཆད་བསྐང་གསོ་དབང་བསྐུར་ཞི་ཁྲོ་ཆོས་བཤད་སོགས་ཟླ་བ་ཁ་སྦྲེལ་ནས་བྱས་ཀྱང་ངལ་བ་དང་དུབ་པ་མེད་པར་ལུས་གོ་འབོལ་གྱིས་འགྲོ་བ་དང་། བྱ་བ་ཅི་བྱས་ཀྱང་བསམ་པ་བྱང་ཆུབ་སེམས་ཀྱི་ཀུན་སློང་བཟང་པོ་དང་མི་འབྲལ་ཞིང་། ཉོན་མོངས་པ་ཤུགས་ཀྱིས་ཆུང་བ་དང་། སྐབས་སྐབས་སུ་སེམས་ཏིང་ངེ་འཛིན་ལ་ཕྱམ་ཕྱམ་འགྲོ་བ་དང་། རྣམ་གཡེང་གིས་དགེ་སྦྱོར་ལ་ཆེར་མི་གནོད་ཅིང་། ངག་སྨྲ་བཅད་འདོད་པ་རྒྱུན་དུ་བྱུང་ངོ་། །དེ་ནས་ཁྲོམ་དབང་མང་ཞིག་བྱས་པས། གྲྭ་ལྔའི་ལྷ་མོ་ལྔའི་ནང་ནས་གསང་སྔགས་རྗེས་འཛིན་མའི་དབང་བྱས་དུས། ཆུ་སྙིམ་གང་ཅུང་ཟད་ལྷག་ཙམ་འགྲོ་བའི་བུམ་པ་ཆུ་ཅུང་ཟད་མ་གང་ཙམ་ཡིན་པ་ལ། ཁྲོམ་བདུན་ཅུ་ལྷག་ཙམ་ལ། བུམ་ཆུ་ལག་མཐིལ་ཁེངས་པ་ཙམ་རེ་བླུགས་ཀྱང་། ད་རུང་བུམ་ཆུ་ཁྱོར་བ་ཕྱེད་ཙམ་ལྷག་པར་འདུག་སྟེ། བུམ་ཆུ་ལོག་པོ་འཕེལ་བའི་ཚད་དུ་སྣང་། ཕྱིར་ཉིན་བསིལ་བའི་ཚལ་མའི་དབང་བྱས་པས་ཀྱང་དེ་ལྟ་བུ་བྱུང་། དེ་ལ་སྨྲས་པ། མི་བདག་ལ་བྱིན་རླབས་མ་མཆིས་ཀྱང་། །བློ་བླ་མ་རྗེ་ལ་གཏད་པའི་མཐུས། །འབད་མེད་ཀྱི་དངོས་གྲུབ་ཅིར་ཡང་སྣང་། །བུམ་ཆུ་འཛད་མེད་ཀྱི་ངོ་མཚར་སྣང་། །རྒྱུ་བྱང་ཆུབ་སེམས་ཀྱི་

[Full Size]

ཀུན་སློང་སྣང་། །དབང་འགྲིམ་པའི་གནས་སྐབས་ཕལ་ཆེར་ན། །ཞི་ལྷག་ཟུང་འཇུག་གི་ཉམས་རྟོགས་སྣང་། །དུས་དང་གནས་སྐབས་ཕལ་ཆེར་ན། ལུས་སེམས་བདེ་བའི་ཉམས་རྟོགས་སྣང་། །རྣམ་གཡེང་གི་སྦྱར་ཚུབ་ཅི་བྱུང་ཡང་། །དགེ་སྦྱོར་མི་བཤོལ་གྱི་ཐུགས་དམ་སྣང་། །དེ་སྣང་ན་རྣལ་འབྱོར་བདག་ལ་སྣང་། །ཡིན་པ་བླ་མའི་ཐུགས་རྗེ་ཡིན། །ཉམས་དགའ་འོ་སྐྱིད་དོ་བློ་རེ་བདེ། །བློ་བདེ་བ་བླ་མའི་ཐུགས་རྗེ་ཡིན། །ཞེས་སོ། །དེར་བར་དོ་ཐོས་གྲོལ་གྱི་མང་ཆོས་དང་ལྷན་ཅིག་སྐྱེས་སྦྱོར་གྱི་ཉུང་ཁྲིད་ཞག་བཅོ་བརྒྱད་ཀྱི་བར་དུ་བྱས་པས། དཔོན་སློབ་ཐམས་ཅད་བར་ཆད་མེད་ཅིང་ཐུགས་དམ་འཕེལ་བར་བྱུང་ནས་ཚོགས་ཆེན་བསྔོ་བ་སྨོན་ལམ་བཀྲ་ཤིས་དང་བཅས་པ་ཚར་ནས་བློ་བདེ་བ་བྱུང་ནས་སྨྲས་པ། རྗེ་བླ་མ་རྣམས་དང་ཡི་དམ་ལྷ། །ཆོས་བདག་མཁའ་འགྲོ་དགོངས་སུ་གསོལ། །བདག་གིས་དབང་བསྐུར་ཆོས་བཤད་དང་། །ཉམས་ཁྲིད་སྐྱོང་བའི་དགེ་བ་དེས། །རྒྱལ་བའི་བསྟན་པ་འཕེལ་གྱུར་ཅིག །བསྟན་འཛིན་ཕྲིན་ལས་འཕེལ་གྱུར་ཅིག །བདག་དང་བདག་ལ་འབྲེལ་ཐོགས་པའི། །འགྲོ་བ་གཅིག་ཀྱང་མ་ལུས་པ། །འདི་ནས་ཚེ་འཕོས་གྱུར་མ་ཐག །བདེ་བ་ཅན་གྱི་ཞིང་

[Full Size]

ཁམས་སུ། །བརྫུས་ཏེ་སྐྱེ་བ་ལེན་པར་ཤོག །སྐྱེས་མ་ཐག་ཏུ་འོད་དཔག་མེད། །སྣ་ཚོགས་མཆོད་པས་མཉེས་བྱེད་ཅིང་། །བྱང་ཆུབ་ལུང་བསྟན་ཐོབ་པར་ཤོག །ཅེས་སྨྲས་སོ།། ༈ ན་མོ་གུ་རུ། རྒྱ་གར་ན་བྲམ་ཟེ་ས་ར་ཧ། །བོད་ཡུལ་ན་སྐྱེས་མཆོག་ཀརྨ་པ། །གང་འདུལ་གྱི་སྐུ་སྤྲུལ་ཆོས་ཀྱི་དབང་། །ཡང་སྤྲུལ་གྱི་འདྲེན་མཆོག་ཀུན་དགའི་མཚན། །བུ་རྗེས་འཇུག་ལ་ཐུགས་རྗེའི་སྤྱན་གྱིས་གཟིགས། །གཞི་མ་བཅོས་མཐའ་བྲལ་ཆོས་ཀྱི་དབྱིངས། །ལམ་གང་ཤར་མ་བཅོས་ཕྱག་རྒྱ་ཆེ། །དོན་སྐུ་བཞི་ལྷུན་གྲུབ་བདེ་བ་ཆེ། །དུས་ཕྱི་མར་མ་འགྱངས་ཚེ་འདི་ལ། །དོན་མངོན་སུམ་སྟོན་པར་བྱིན་གྱིས་རློབས། །ཞེས་སྨྲས་སོ། །ཨ་རཱ་གས་སོ།། ༈ །།ན་མོ་གུ་རུ་དྷརྨེ་ཤྭ་ར་ཡེ། སྤྱང་རང་ལོ་ཞེ་གསུམ་ལོན་པའི་ཚེ། །དུས་ཆུ་སྟོད་ཟླ་བའི་ཡར་ཚེས་ལ། གཉིད་རབ་རིབ་འཁྲུལ་པའི་རྨི་ལམ་ན། །རྗེ་དྲིན་ཆེན་ཆོས་ཀྱི་དབང་ཕྱུག་དེ། །སྐུ་མངོན་སུམ་ལྟ་བུར་གསལ་བར་མཇལ། །ཆོས་མདོ་སྡེ་ཟབ་ལ་རྒྱ་ཆེ་བ། །དེ་སྔར་ནས་བདག་ལ་གསུངས་ཤིང་འདུག །བདག་ཡེངས་ནས་མ་གོ་འདུག་པ་ལ། །སླར་འགྱོད་པས་

[Full Size]

ཐལ་སྦྱར་ཉན་པ་རྨིས། །དུས་ཕྱིར་ནངས་ཉི་མའི་སྔ་དྲོ་ནས། །དཔལ་བདེ་གཤེགས་བདུན་གྱི་ཆོ་ག་ལ། །སེམས་ངེས་ཤེས་དད་པ་རྒྱ་ཆེར་འཕེལ། །མདོ་ཆེ་ཆུང་གཉིས་པོའི་དགོངས་པ་རྟོགས། །དཔལ་དྲིན་ཆེན་མཆོག་གི་སྤྲུལ་སྐུ་ལ། །བློ་ཚད་བཟུང་མེད་པའི་མོས་གུས་སྐྱེས། །སྔར་དད་པ་བྱས་ཀུན་རྨོངས་ཞེན་ཙམ། །ད་སྨྲ་བརྗོད་བྲལ་བའི་དད་པ་སྐྱེས། །སྔར་བླ་མའི་ཐུགས་དང་རང་གི་སེམས། །དེ་བསྲེས་པའི་དམིགས་སྐོར་མང་པོ་ཡང་། །ད་བསམ་ཙ་རྟོགས་པའི་གྱ་གྱུ་ཙམ། །ད་སྨྲ་བརྗོད་བྲལ་བའི་བསྲེ་བ་རྟོགས། །དེ་བསྲེས་པས་ལུས་སེམས་བདེ་བས་ཁྱབ། །དོན་ཐུགས་ཡིད་གཅིག་ཏུ་འདྲེས་སྙམ་བྱེད། །དོན་མོས་གུས་ཕྱག་རྒྱ་ཆེན་པོའི་ལམ། །སྔར་བྱས་སྙམ་རྣ་ཐོས་ཙམ་དུ་སྣང་། །ད་ངོ་ཤེས་འཕྲོད་ལྟར་ངེས་ཤེས་ཐོབ། །ཡང་འཁྲུལ་པའི་རྨི་ལམ་ངོ་མཚར་བ། །སྔོན་རྒྱལ་བ་མྱ་ངན་འདས་ཁ་རུ། །གསུང་བཀའ་ཤོག་འཚོགས་པར་།གནང་བའི་ནང་། །ངེད་བླ་མ་ཐག་རིང་འགྱང་བ་ན། །དེ་དཀོན་པའི་འདུ་ཤེས་རབ་སྐྱེས་ནས། །སེམས་མོས་གུས་དག་སྣང་ཆེར་འགྲོ་ཞེས། །དེ་གསུངས་པ་འདི་ལ་དགོངས་

[Full Size]

ཡིན། །དེ་ཟེར་བའི་ངོ་སྤྲོད་བྱེད་མཁན་བྱུང་། །དེ་རེད་སྙམ་ངེས་ཤེས་སྐྱེས་པ་དང་། །ད་དེ་དུས་གསུང་དེ་ལུང་བསྟན་རེད། །དེ་བསམ་ཞིང་གཉིད་ལས་སད་ནས་ཀྱང་། །སེམས་དད་པའི་གདུང་ཤུགས་ཆེས་ཆེར་འབར། །དུས་དེ་དུས་བསྒྲིགས་དང་ཆོས་ལུགས་སོགས། །དེ་ཐམས་ཅད་གྲ་འགྲིགས་མཛེས་ཆོས་ཙམ། །དོན་གནད་གསང་ཟབ་མོ་མི་འདུག་སྙམ། །བདག་འཁྲུལ་པའི་ལོག་རྟོག་མཐོལ་ལོ་བཤགས། །བུ་ངན་པར་ཕ་ཟོག་ཡིད་བཞིན་ནོར། །དེ་ཕོགས་ཀྱང་མ་ཤེས་རྡོ་གསེབ་བོར། །ད་དེ་བཞིན་ཁྱེད་ཀྱི་དམ་ཆོས་རྣམས། །ད་བསམ་ན་ཤཱཀ་ཐུབ་བསྟན་པའི་གཞུང་། །སྔོན་བཏང་སྙོམས་ལུས་པ་མཐོལ་ལོ་བཤགས། །ད་སྲོག་ལ་བབ་ཀྱང་ཉམས་སུ་ལེན། །སྔར་དགེ་སྦྱོར་འབྱང་ལོ་བྱས་ན་ཡང་། །སྔགས་བྱེ་གྲངས་གང་མང་ཁོ་ན་སེམས། །ད་གསོལ་འདེབས་ཁོ་ན་བྱེད་སྙིང་འདོད། །བློ་མོས་བློས་ཕར་གཞལ་མ་ཡིན་ཞིང་། །གཞན་ཕོ་རྒྱུད་བསྟོད་འདོད་མ་ཡིན་པར། །རྗེ་འོད་དཔག་མེད་མགོན་སྤྲུལ་པའི་སྐུ། །དེ་ཡིན་ལ་ཡིན་བཞིན་མཁས་གྲུབ་འཛོམ། །རྗེ་དེ་ལས་སྡོམ་གསུམ་རྫོགས་པར་ཐོབ། །བཀའ་གཞུང་ལུགས་འགག་རྩ་

[Full Size]

གང་ཆེ་ཐོབ། །ཁྲིད་ཟབ་མོ་ཕྱག་ཆེན་བློ་སྦྱང་ཐོབ། །དེ་བསམས་ཤིང་བཀའ་དྲིན་བསམ་མཐའ་ཡས། །རྗེ་མཇལ་དཀའ་མཇལ་ཞིང་ཐོབ་དཀའ་ཐོབ། །ད་འོན་ཀྱང་མོས་གུས་གསོལ་འདེབས་ཞན། །དོན་དེ་སླད་ཉམས་ལེན་བྱིན་ཟ་རང་། །དེ་བསམས་ཤིང་རང་ལ་རང་ངོ་ཚ། །བདག་མོས་གུས་ཆུང་བ་མཐོལ་ལོ་བཤགས། །ངག་གསོལ་འདེབས་ཞན་པ་མཐོལ་ལོ་བཤགས། །དུས་ད་ནས་ཅི་མཛད་ཁྱེད་ཤེས་ཀྱིས། །བློ་ལིང་སྐྱུར་གྱི་གསོལ་འདེབས་དམ་བཅའ་འབུལ། །ཆོས་གང་ཐོབ་ལ་ཉམས་ལེན་དམ་བཅའ་འབུལ། །རྗེ་ཁྱེད་ཀྱི་ཡེ་ཤེས་མཁའ་དང་མཉམ། །མི་བདག་སོགས་འགྲོ་ཀུན་ཐུགས་རྗེས་ཟུངས། །དོན་ལྷན་སྐྱེས་ཡེ་ཤེས་རྟོགས་པ་དང་། །གནས་བདེ་བ་ཅན་དེར་ལམ་སྣ་དྲོངས། །ཞེས་བྱུང་རྒྱལ་དུ་སྨྲས་སོ།། ༈ །།ཐུགས་རྗེ་ནི་ཆེན་པོ། །སངས་རྒྱས་ནི་ཀུན་འདུས། །དེ་ཡི་ནི་སྤྲུལ་པ། །ཆོས་དབྱིངས་ཀྱི་རྡོ་རྗེ། །གསོལ་བ་ཞིག་འདེབས་སོ། །ཐུགས་རྗེས་རང་གཟིགས་ཤིག །ཡི་དམ་ནི་ཀུན་འདུས། །རྒྱལ་བ་ཡི་རྒྱ་མཚོ། །དེ་ཡི་ནི་རྣམ་སྤྲུལ། །གར་གྱི་ནི་དབང་པོ། །གསོལ་བ་ཞིག་འདེབས་

[Full Size]

སོ། །ཐུགས་རྗེས་རང་གཟིགས་ཤིག །མི་ཕམ་ནི་མགོན་པོ། །རྒྱལ་ཚབ་ནི་དམ་པ། །དེ་ཡི་ནི་སྤྲུལ་སྐུ། །ཞྭ་དམར་ནི་བདུན་པ། །གསོལ་བ་ཞིག་འདེབས་སོ། །ཐུགས་རྗེས་རང་གཟིགས་ཤིག །པདྨ་ཡི་འབྱུང་གནས། །རིག་འཛིན་གྱི་རྒྱལ་པོ། །དེ་ཡི་ནི་རྣམ་སྤྲུལ། །ཞྭ་ནག་གི་བཅུ་པ། །གསོལ་བ་ཞིག་འདེབས་སོ། །ཐུགས་རྗེས་རང་གཟིགས་ཤིག །ས་ར་ཡི་ཧ་པ། །གྲུབ་ཐོབ་ཀྱི་སྤྱི་མེས། །དེ་ཡི་ནི་རྣམ་འཕྲུལ། །ཀརྨ་པ་བཅུ་པ། །གསོལ་བ་ཞིག་འདེབས་སོ། །ཐུགས་རྗེས་རང་གཟིགས་ཤིག །ཚེ་དཔག་ནི་མེད་པའི། །རྣམ་འཕྲུལ་ནི་ཁྱེད་རང་། །ཡིན་པར་ནི་ངེས་པས། །ལོ་བརྒྱ་ཡི་བར་དུ། །བརྟན་པར་ནི་བཞུགས་ཤིག །ཁྲོ་རྒྱལ་ནི་རྟ་མགྲིན། །ཁྱེད་རང་དངོས་ཡིན་པས། །བདུད་དང་ནི་ལོག་འདྲེན། །མྱུར་བར་ནི་ཐུལ་ཅིག །རྡོ་རྗེ་ནི་བེར་ཅན། །ཁྱེད་རང་དངོས་ཡིན་པས། །རས་ཆེན་གྱི་བསྟན་པ། །ད་ནི་རང་སྲུང་མཛོད། །སྤྲང་པོ་ནི་བདག་ལ། །ཐུགས་རྗེས་རང་གཟིགས་ལ། །ཉམས་དང་ནི་རྟོགས་པ། །གོང་འཕེལ་རང་སྩོལ་ཅིག །ཅེས་སྨྲས་སོ། །༈ །རྩི་བཅུད་ཀྱི་

[Full Size]

འབྱུང་གནས་སྤང་ལྗོངས་ཀྱི་ཀུ་མུད། །འོད་ཟེར་གྱི་འབྱུང་གནས་མཚན་མོ་ཡི་མགོན་པོ། །ཟེའུ་འབྲུ་མཛེས་པའི་མཆོད་པ་འདི་ཡར་ལ་རང་འབུལ་ལོ། །དཀར་གསལ་འོད་ཟེར་ཕྱོགས་རིས་མེད་པར་རང་ཕོབ་ཅིག །ཡིད་བཞིན་གྱི་འབྱུང་གནས་ཡངས་པ་ཡི་ཆུ་གཏེར། །ཆར་ཆུ་ཡི་འབྱུང་གནས་ནམ་མཁའ་ཡི་ཆུ་འཛིན། །རླབས་ཕྲེང་མཛེས་པའི་མཆོད་པ་འདི་ཡར་ལ་རང་འབུལ་ལོ། །སྦྲང་ཆར་ཟིམ་བུ་ཕྱོགས་རིས་མེད་པར་རང་ཕོབ་ཤོག །ཐུགས་རྗེ་ཡི་འབྱུང་གནས་སྤྱན་རས་གཟིགས་དབང་ཕྱུག །བརྩོན་འགྲུས་ཀྱི་འབྱུང་གནས་སྒྲུབ་པ་ཡི་རྣལ་འབྱོར། །བསྐྱེད་རིམ་སྒོམ་བཟླས་ཀྱི་མཆོད་པ་འདི་ཡར་ལ་རང་འབུལ་ལོ། །དྲོད་རྟགས་དངོས་གྲུབ་ཕྱོགས་རིས་མེད་པར་རང་ཕོབ་ཤོག །ལྷབྱིན་རླབས་ཀྱི་འབྱུང་གནས་རྒྱལ་མཆོག་གི་ཡབ་སྲས། །མོས་གུས་ཀྱི་འབྱུང་གནས་སྐལ་ལྡན་གྱི་སློབ་མ། །གསོལ་འདེབས་གདུང་དབྱངས་ཀྱི་མཆོད་པ་འདི་ཡར་ལ་རང་འབུལ་ལོ། །བྱིན་རླབས་ཉམས་རྟོགས་ཕྱོགས་རིས་མེད་པ་རང་ཕོབ་ཤོག །ཅེས་རྒྱལ་བ་ཡབ་སྲས་ལ་སེམས་ཡང་ཡང་འཕྲེང་ཞིང་སྐྱོ་བར་བྱུང་ནས་སྨྲས་སོ། །ཨ་རཱ་གས་སོ།། ༈ །།ཕ་གཅིག་

[Full Size]

དམ་པ་སངས་རྒྱས་ཀྱིས། །ན་བ་ན་བ་མ་ཡིན་ཏེ། །རྣལ་འབྱོར་སྒྲིབ་པའི་ཕྱགས་ཤིང་ཡིན། །གསུངས་པའི་དོན་དེ་མ་གོ་ན། །ཐ་མལ་སྐྱེ་བོ་ན་བ་དང་། །ཆོས་ལྡན་སྐྱེས་བུ་ན་བ་གཉིས། །ན་ཚ་ཟུག་གཟེར་འོང་ལུགས་དང་། །སྨན་དཔྱད་རིམ་གྲོ་དགོས་ལུགས་དང་། །ནད་གཡོག་དགོས་ལུགས་འདྲ་ན་ཡང་། །དོན་ལ་མི་འདྲ་ཁྱད་པར་ཆེ། །ཐ་མལ་སྐྱེ་བོ་ན་བ་ན། །བུ་དང་སྤྱན་ཡ་ཉེ་དུ་རྣམས། །ལ་ལས་བླ་མ་སྨན་པ་འབོད། །ལ་ལས་བཤས་དང་རི་དྭགས་བྱེད། །བུ་དང་ཆུང་མ་བུ་མོ་ཡིས། །མགོ་ནས་བཏེགས་ཤིང་སྨན་ཆུ་གཏུག །ལ་ལས་ཟས་ཧུབ་ཅི་འགྲོ་བྱེད། །ལ་ལས་མཆི་མ་འབྱིན་ཞིང་ངུ་། །ནད་པ་རང་གིས་བསམ་པ་ལ། །ཐུ་དུས་རང་ཉིད་འཆི་དོགས་སྡུག །བདེ་དུས་ཟས་ནོར་ཟད་དོགས་སྡུག །མ་ཐུབ་པ་ཡི་དགྲ་རྣམས་ལ། །ཞེ་སྡང་སྐྱེ་ཞིང་བུ་ཚ་ལ། །དགྲ་བོར་ཁ་མཆུའི་ཁ་ཆེམས་འཇོག །བུ་མོ་ཆུང་མ་སྙིང་སྡུག་ལ། །ཆགས་སེམས་འདོད་ཆགས་མ་སྤངས་པས། །སྡུག་མ་འཇུག་ཅེས་ཁ་ཆེམས་འཇོག །དེ་ལྟར་ཆགས་སྡང་མཚམས་སྦྱོར་གྱིས། །དམྱལ་བ་ཡི་དྭགས་ས་བོན་འདེབས། །ཤི་ནས་ངན་སོང་གནས་སུ་

[Full Size]

ལྟུང་། །རྗེས་ནས་དགེ་རྩ་བྱས་པ་ཡང་། །བཤས་སོགས་སྡིག་པའི་ལས་དང་འདྲེས། །ཁ་ཟས་དུག་དང་འདྲེས་པ་ལྟར། །ཕན་གནོད་གཉིས་ག་འབྱུང་ཉེན་ཡོད། །གལ་ཏེ་ནད་པར་ཕན་ན་ནི། །མི་ཚེ་སྡིག་སྡུག་གཉིས་ལ་སྐྱེལ། །རྔོན་དང་རི་དྭགས་སྤུ་ནག་གསོད། །རྐུ་བྱེད་མནའ་ཟ་ཇག་ལ་འགྲོ། །སྡིག་པ་དཔག་ཏུ་མེད་པ་སོགས། །དེ་ལྟར་ཐ་མལ་ནད་པ་དེ། །ཤི་ན་འཕྲལ་དུ་སྡུག་བསྔལ་ཆེ། །སོས་ན་སྡིག་སྡུག་དཔག་མེད་བསགས། །ཤི་སོས་ཇི་ལྟར་བྱུང་ཡང་བྱུང་། །ན་བས་སྒྲིབ་པ་དག་རྒྱུ་མེད། །ཞོད་ཆེན་ཞོད་པའི་ཞོད་སྣ་བཞིན། །ལས་ངན་སྨིན་པའི་སྔ་ཐ་ཡིན། །ཤི་བས་ཞིང་ཁམས་བགྲོད་རྒྱུ་མེད། །རྒྱ་མཚོའི་ནང་དུ་རྡོ་འཕང་བཞིན། །ཐར་མེད་དམྱལ་བའི་ནང་དུ་འགྲོ། །ཆོས་བྱེད་སྐྱེས་བུ་ན་བ་ནི། །སྡིག་པའི་མཐའ་སྡུད་ཅེས་བྱ་སྟེ། །ཉམས་ལེན་བསྒྲུབ་པའི་བྱིན་རླབས་ཀྱིས། །ཕྱི་མ་ངན་སོང་སྐྱེ་རྒྱུ་ཡི། །ཚེ་རབས་མང་པོའི་སྡིག་སྒྲིབ་རྣམས། །ད་རེས་ན་བ་ཙམ་གྱིས་དག །ཕྱི་མ་གཏན་བདེ་ཐོབ་རྒྱུ་ཡིན། །བཅོམ་ལྡན་སྨན་ལྷའི་བཀའ་མི་བཅག །དལ་འབྱོར་རྙེད་དཀའི་དོན་རྟོགས་ནས། །

[Full Size]

ལུས་འདི་ལྷ་ཡི་དཀྱིལ་འཁོར་ཡིན། །དེ་ཕྱིར་ལུས་ལ་ཕན་པའི་ཕྱིར། །སྨན་དང་ཟས་འཛེམ་གཉིད་ལ་འཛེམ། །ཕན་པའི་ཟས་སྤྱོད་འབད་དེ་བསྟེན། །སྨན་དང་རིམ་གྲོ་མ་བྱས་པར། །འཕོ་བ་ཤེས་ཀྱང་བསྒོམ་མི་རུང་། །འཕོས་ན་ལྷ་བསད་ཉེས་པ་འབྱུང་། །དམ་པ་རིགས་བརྒྱ་བསད་པ་ན། །མཐོ་རིས་གནས་སུ་ག་ལ་འགྲོ། །སྨན་དང་རིམ་གྲོ་འཆི་བསླུ་རྣམས། །ལན་དགུ་བྱས་ཀྱང་ཇེ་ཐུ་ན། །དུས་ལ་བབ་པའི་འཆི་བ་ཡིན། །དེ་ནས་འཕོ་བ་བསྒོམ་ཡང་རུང་། །གལ་ཏེ་འཕོ་བ་མི་བསྒོམ་ཡང་། །འོད་གསལ་ངང་དུ་ཐུགས་དམ་ཟིན། །འདུས་བྱས་མི་རྟག་པར་ཤེས་པས། །ཉེ་དུ་ནོར་ལ་ཆགས་འཛིན་མེད། །འགྲོ་དྲུག་ཕ་མར་ཤེས་པའི་ཕྱིར། །དགྲ་ལ་ཞེ་སྡང་ཁ་ཆེམ་མེད། །བསྐྱེད་རྫོགས་ཉམས་ལེན་ཡོད་པའི་ཕྱིར། །དཔའ་བོ་མཁའ་འགྲོས་སུན་མ་འབྱུང་། །བདེ་བ་ཅན་ནམ་མཁའ་སྤྱོད་དུ། །སྣ་ཚོགས་མཆོད་པའི་སྤྲིན་གྱིས་བསུ། །སངས་རྒྱས་རྣམས་ལ་དམ་ཆོས་ཞུ། །ཡི་དམ་རྣམས་ལ་དབང་བསྐུར་ཞུ། །ལྷ་ཡི་གོས་གྱོན་བདུད་རྩི་འཐུང་། །བྱང་ཆུབ་སེམས་དཔའ་སེམས་མ་ཡི། །གྲོགས་ནི་བྱེ་བ་དུ་མར་འགྲོ། །སྤྲུལ་

[Full Size]

པས་འགྲོ་བ་སེམས་ཅན་འདྲེན། །གལ་ཏེ་མ་ཤི་སོས་ན་ནི། །རིམ་གྲོས་དཀོར་རྫས་ཆོས་ལ་ཐེང་། །སེར་སྣ་མེད་ཅིང་བློ་སེམས་བདེ། །རྐྱེན་ངན་དགེ་བའི་བསྐུལ་མར་གྱུར། །འགྲོ་དྲུག་ན་ཚ་སྡུག་བསྔལ་རྣམས། །ན་སར་བསྟིམ་པའི་དམིགས་པ་ཡིས། །ཚོགས་རྫོགས་སྒྲིབ་པ་དཔག་མེད་འབྱོང་། །ན་མཁན་ངོ་བོ་བལྟས་པ་ཡིས། །ཉམས་དང་རྟོགས་པ་བོགས་སུ་ཐོན། །སྨན་དང་ཟས་སྤྱོད་གཟབ་པ་ཡིས། །ལུས་ལྷ་ཐམས་ཅད་མཆོད་པས་མཉེས། །མ་ཤི་བར་གྱི་ཚེ་གང་ལ། །ཚུལ་ཁྲིམས་སྲུངས་ཤིང་བསྐྱེད་རྫོགས་བསྒོམ། །སྡིག་ཆེན་ལོ་བརྒྱར་བསྡད་པ་བས། །ཆོས་བྱེད་ཞག་གཅིག་བསྡད་ན་དགའ། །ཆོས་པ་ཡུན་རིང་ཚེ་རིང་ན། །རབ་ཏུ་ཚེ་གཅིག་སངས་རྒྱས་འགྲུབ། །འབྲིང་དུ་རང་གཞན་དོན་གཉིས་འགྲུབ། །ཐ་མ་རང་ཉིད་བཙན་ས་ཟིན། །དེ་ལ་དགོངས་ནས་རྒྱུད་རྣམས་ལས། །ཚེ་སྒྲུབ་དཔག་ཏུ་མེད་པ་གསུངས། །པཎ་ཆེན་ངག་དབང་གྲགས་པས་ཀྱང་། །ཆོས་སྤྱོད་དབང་པོ་དུལ་བ་ནི། །འཁོར་བ་རུ་ནི་ཇི་སྲིད་འཚོ། །དེ་སྲིད་བསོད་ནམས་ལ་སོགས་ཚོགས། །རྒྱུན་མི་འཆད་པར་རབ་ཏུ་སྐྱེ། །ཞེས་

[Full Size]

གསུངས་དོན་ཡང་དེ་ལྟར་ཡིན། །འོ་ན་འབྲུག་ལུགས་གཅོད་ལུགས་ལ། །སྨན་དང་རིམ་གྲོ་མི་བྱེད་པ། །དེ་ཡི་དོན་དེ་ཅི་ཡིན་ན། །དམ་ཆོས་རོ་སྙོམས་གདམས་ངག་ལ། །ནད་ལ་སྨན་དཔྱད་མི་བྱེད་པར། །ནད་ཀྱི་ངོ་བོ་བལྟས་པ་ན། །ན་བའི་ཟུག་གཟེར་ཆོས་སྐུར་འཆར། །ན་བའི་རྩ་བ་སྡིག་སྒྲིབ་ཡིན། །ཉམས་ལེན་དེ་གས་སྡིག་པ་དག །ནད་ཀྱང་ཕན་པར་གསུངས་པ་ཡིན། །འོན་ཀྱང་ཚ་གྲང་སོ་སོ་ལ། །ཕན་པའི་དམིགས་པ་སྒོམ་རྒྱུ་ཡོད། །དེ་ཡང་སྒོམ་ལུགས་སྨན་དང་འདྲ། །གྲང་བའི་ནད་ལ་མེ་བསྒོམ་ཞིང་། །ཚ་བའི་ནད་ལ་ཆུ་བསྒོམ་དགོས། །རོ་སྙོམས་བྱེད་ལ་དུས་ཚོད་ཡོད། །ཀུན་གྱིས་རོ་སྙོམས་བྱེད་པ་མིན། །སྤྲོས་བྲལ་ཆེན་པོ་མ་རྟོགས་བར། །རོ་སྙོམས་བྱས་པས་ལམ་མི་འགྲོ། །སྤྲོས་བྲལ་ཆེན་པོའི་རྣལ་འབྱོར་པས། །རོ་སྙོམས་བྱས་ན་དེ་མ་ཐག །རོ་གཅིག་ཆུང་ངུ་རྟོགས་པར་འགྱུར། །རོ་གཅིག་ཆེན་པོ་ཡན་ཆད་དུ། །རོ་སྙོམས་ཆེད་དུ་བསྒོམ་མི་དགོས། །ཅི་མཛད་ཡེ་ཤེས་རོལ་པ་ཡིན། །རྟེན་འབྲེལ་སྣ་ཚོགས་དེ་དུས་འཆར། །སླར་ཡང་རྟེན་འབྲེལ་ཅི་ཡང་བསྒྲིག །དེ་ཕྱིར་ཡབ་སྲས་ལ་སོགས་པས། །

[Full Size]

རོ་སྙོམས་མི་མཛད་སྨན་ཡང་གསོལ། །གཅོད་ནས་སྨན་དང་རིམ་གྲོ་རྣམས། །མི་རུང་གསུངས་ལ་གནས་སྐབས་ཡོད། །གཉན་ཐོག་ལ་སོགས་གཅོད་པའི་དུས། །ན་ན་སྨན་ནི་མི་རུང་སྟེ། །ལྟས་ངན་མཐོང་ཡང་གཏོ་མི་རུང་། །གདོན་ནི་དངོས་སུ་གདའ་ན་ཡང་། །དེ་ལ་རིམ་གྲོ་མི་རུང་སྟེ། །བྱས་ན་གཅོད་ལོག་ཅེས་བྱ་སྟེ། །གཅོད་པའམ་ནད་པ་ངེས་པར་འཆི། །ཡང་ན་མི་རུང་སྣ་ཚོགས་འབྱུང་། །དེ་མིན་གཅོད་ལུགས་ཤེས་ཙམ་གྱིས། །སྨན་དང་རིམ་གྲོ་སྤང་བ་མིན། །ཐོག་བཅས་བདུད་ལ་འཛེམ་གསུངས་པས། །ཟས་འཛེམ་ལ་སོགས་བྱ་བར་རུང་། །ཚད་པའི་ནད་ལ་བུར་ཆང་བཏུང་། །ཉིན་ལ་གཉིད་སོགས་བྱ་གསུངས་པ། །སུ་ཡིན་གཅོད་པས་བྱ་རྒྱུ་མིན། །ས་ཐོབ་པ་ཡི་གཅོད་པའམ། །རོ་གཅིག་ངེས་པར་རྟོགས་ན་རུང་། །སྣང་བ་བདེན་མེད་རྟོགས་ཕྱིར་ཡིན། །ནད་དེ་བདེན་མེད་མྱུར་དུ་སོས། །དེ་མིན་གཅོད་པས་དེ་བྱས་ན། །སེང་གེའི་རྗེས་ལ་ཝ་མཆོངས་བཞིན། །ནད་དེར་མི་ཕན་རང་སྲོག་སྐྱེལ། །ལུས་ལྷ་བསད་པའི་ལྟུང་བ་ཕོག །ཐོབ་དཀའི་དལ་འབྱོར་དོན་མེད་སྟོར། །དེ་འདྲའི་བྱེ་བྲག་མི་

[Full Size]

ཤེས་པར། །སྨན་དང་རིམ་གྲོ་སྤང་བ་ལ། །ཆོས་པ་བཟང་པོ་ཡིན་པར་རློམ། །སྨན་དང་རིམ་གྲོ་བྱས་ཙམ་གྱིས། །ཐ་མལ་པ་དང་འདྲའོ་སྙམ། །ཆོས་བྱེད་ནད་ཀྱི་ཉེས་པ་དང་། །གཟེར་བཅག་ནད་ཟོ་ཞན་པ་ལ། །ཉམས་ལེན་མེད་པར་མཐོང་ནས་འཕྱ། །སྒོམ་སྒྲུབ་ཉམས་ལེན་བྱེད་པ་ལ། །ནད་གདོན་འབྱུང་བར་མི་འོས་ཞེས། །སྒོམ་སྒྲུབ་ཆོས་ལ་ལོག་ལྟ་བྱེད། །ཀྱེ་མ་མི་ཤེས་གཏི་མུག་ཅན། །ཀུན་ཀྱང་བསྐྱང་སྙམ་དཔྱད་གཞི་འཇོག །དེ་ཀུན་ཐོས་པ་ཆུང་བས་ལེན། །མདོ་རྒྱུད་ཀུན་ལ་ལྟ་རྟོགས་གྱིས། །དེ་དོན་ཐམས་ཅད་དེ་རུ་གསལ། །བཅོམ་ལྡན་ཤཱཀ་ཐུབ་བསྙུང་བའི་ཚེ། །ཀུན་དགའ་བོ་ལ་བཀའ་སྩལ་བ། །ང་ཡི་ཀླད་པ་མི་བདེ་བས། །ཁྱོད་ཀྱིས་མདོ་སྡེ་ཐོན་ཅིག་གསུངས། །དེ་ཡང་རིམ་གྲོ་དགོས་པའི་དཔེ། །དང་པོ་འདུལ་བར་སྨན་བཀག་པས། །དགེ་སློང་ནད་པ་མང་པོ་དག །ལུས་རིད་ཁ་དོག་ངན་པར་གྱུར། །དེ་ཚེ་མུ་སྟེགས་ཀུན་གྱིས་འཕྱས། །ཁྱེད་རྣམས་སྟོན་པ་ཐུགས་རྗེ་ཆུང་། །ནད་པས་སྨན་ཡང་ཟ་དབང་མེད། །ཟེར་ཞིང་འཕྱ་བཞད་སྐུར་བ་བཏབ། །དེ་ནས་སྨན་ནི་ཟ་བར་གནང་། །སྟོན་

[Full Size]

པ་ཤཱཀ་ཐུབ་བསྙུང་ཚུལ་བསྟན། །ཉིན་རེ་སྨན་སྲང་སུམ་ཅུ་གསོལ། །ཨོ་རྒྱན་པདྨ་འབྱུང་གནས་ཀྱིས། །སྨན་རྣམས་ཀུན་གྱི་བཅུད་ལེན་མཛད། །བདུད་རྩི་སྨན་གྱི་སྒྲུབ་པ་མཛད། །འབྲི་སྟག་ཀར་འབྲུག་ལ་སོགས་པའི། །བོད་ཀྱི་མཁས་གྲུབ་ཐམས་ཅད་ཀྱང་། །སྨན་བླ་སྨན་པ་རྒྱུན་དུ་འཚགས། །སྐུ་རིམ་བསྐང་གསོལ་ཀློག་འདོན་ལ། །ལོ་དུས་རྒྱུན་དང་བསྙུང་དུས་མཛད། །དེས་ན་རང་ཅག་ཕ་སྤྱད་ཀྱང་། །དེ་དག་ཀུན་གྱི་རྗེས་འབྲང་ཡིན། །ནད་གཡོག་སྨན་དང་རིམ་གྲོ་དང་། །གཟེར་བཙགས་ནད་ཟོ་མ་ཐུབ་ལ། །གཞན་དག་འཕྱས་ཀྱང་སྡུག་རྒྱུ་མེད། །ན་ལུགས་རིམ་གྲོ་སྨན་དཔྱད་རྣམས། །མི་ནག་གཞན་དང་འདྲ་ན་ཡང་། །དོན་ལ་མི་འདྲ་ཁྱད་པར་འཕགས། །དེ་ཕྱིར་ནད་འདིར་ཕན་ན་ལེགས། །གལ་ཏེ་མཚམས་ཁུང་ཤི་ན་ཡང་། །ཆོས་ཕྱིར་སྲོག་སོང་ཤི་ལུགས་བཟང་། །ཆོས་ཕྱིར་ཤི་བ་སུ་ཡིན་ཀྱང་། །ངན་སོང་འགྲོ་བའི་གོ་སྐབས་མེད། །རབ་ཏུ་ཞིང་ཁམས་དག་པའམ། །ཐ་ནའང་ལས་འཕྲོ་བཟང་བའི་ཕྱིར། །མི་ལུས་ཐོབ་ནས་ལས་འཕྲོ་བསྙག །དེ་ཕྱིར་གལ་ཏེ་ཤི་ན་ཡང་། །ཕལ་པ་ཤི་དང་འདྲ་བ་

[Full Size]

མིན། །དེ་ཕྱིར་ནད་ནི་བྱུང་ངོ་ཞེས། །མཚམས་གྲོལ་བག་ཡངས་མི་བྱེད་དོ། །ཕྱི་ལྟར་བསྟན་པ་སྤྱི་དང་བསྟུན། །སྨན་དང་རིམ་གྲོ་ལ་སོགས་པ། །འཆི་བསླུའི་རིམ་པ་གང་འགྲུབ་བྱ། །ཟུག་གཟེར་ཆེ་དུས་འགྲོ་དྲུག་གི །སྡུག་བསྔལ་ཟུག་གཟེར་དེ་ལ་བསྟིམ། །འགྲོ་བ་བདེ་དང་ལྡན་པར་བསྒོམ། །དེ་ཡིས་ངན་སོང་སྐྱེ་སྒོ་ཆོད། །ཟུག་གཟེར་འབྲིང་ཙམ་བྱུང་བའི་དུས། །ན་བསམ་སེམས་ལ་ཅེ་རེ་ལྟ། །ན་ཚས་ཉམས་ལེན་བོགས་སུ་འདོན། །ཟུག་གཟེར་ཆུང་ངུ་བྱུང་བའི་དུས། །མ་འོངས་རང་ཉིད་སངས་རྒྱས་པའི། །ཞིང་དུ་ནད་ཀུན་མེད་པར་ཤོག །སྙམ་པའི་ཞིང་སྦྱོང་སྨོན་ལམ་བཏབ། །སྐྱེ་བ་འདི་ནས་ཚེ་རབས་ཀུན། །བདག་ཉིད་མཐོང་ཐོས་དྲན་རེག་དང་། །སྐུ་གདུང་རུས་བུར་བསྐོར་བ་དང་། །སྐྱ་སེན་གོས་དུམ་ཙམ་གྱིས་ཀྱང་། །འགྲོ་བའི་ནད་ཀུན་སེལ་བར་ཤོག །སྙམ་དུ་གཞན་དོན་སྨོན་ལམ་བཏབ། །ནད་ཕན་བདེ་ན་ཤིན་ཏུ་ལེགས། །ཐུགས་དམ་འཕེལ་ཞིང་སྒྲུབ་པ་ཐོན། །རྒྱུན་དུ་ན་ཡང་སྐྱོན་ཆེན་མིན། །སྐམ་ཐག་ཆུ་ཡི་ནང་ནས་གཅོད། །ཉམས་ལེན་བོགས་ཐོན་སྒྲིབ་པ་བྱང་། །གང་བྱུང་ལེགས་པ་ཆོས་པའི་ལུགས། །

[Full Size]

བདག་ཀྱང་ཉམས་ལེན་འདི་ལྟར་བྱས། །བུ་ཁྱོད་ཉམས་ལེན་དེ་བཞིན་མཛོད། །རོ་སྙོམས་ས་མཚམས་མི་ཤེས་པར། །གནས་འགྱུའམ་རྩེ་གཅིག་རྟོགས་ཙམ་གྱིས། །རོ་སྙོམས་བྱེད་ཟེར་རང་སྲོག་སྐྱེལ། །ཡང་ན་དང་པོར་རོ་སྙོམས་ཟེར། །ཐུ་ནས་མི་ཐུབ་ཐ་མལ་ཤོར། །གཉེན་ཐོག་གཅིག་ཙམ་མ་བཅད་པར། །ལུས་སྦྱིན་དམིགས་ཕྲན་ཤེས་ཙམ་གྱིས། །གཅོད་ལུགས་ཡིན་ཟེར་ཟས་ལད་ཟ། །ཐོབ་དཀའི་མི་ལུས་དོན་མེད་བརླག །དོན་མ་གོ་བའི་ཆོས་ལུགས་འགའ། །ཐོས་པ་ཆུང་བས་གོལ་ས་ཆེ། །དེ་འདྲའི་རྗེས་སུ་འབྲང་དོན་མེད། །ང་ནི་ཐུབ་བསྟན་སྤྱི་ལམ་བསྙགས། །བུ་ཁྱོད་ང་ཡི་རྗེས་སུ་འབྲང་། །ང་ལ་ཡོན་ཏན་མ་མཆིས་ཀྱང་། །རྒྱལ་བ་ཐམས་ཅད་མཁྱེན་པ་ཡི། །ཞབས་རྡུལ་སྤྱི་བོས་རེག་པའི་མཐུས། །གོལ་མེད་ལམ་ལ་ངེས་ཤེས་ཐོབ། །དེ་སྐད་དོན་གྲུབ་དྲིས་པའི་ལན། །ད་ལྟ་འཕྲལ་དུ་གང་དྲན་སྨྲས། །ཞེས་ཨ་རཱ་གས་སོ།། ༈ །ཨེ་མ་ཧོ། སེམས་འཁྲུལ་སྣང་མང་བའི་སྤྲང་པོ་བདག །ལོ་ཞེ་གསུམ་ལོན་པ་ཡོས་ཀྱི་ལོ། །དུས་གྲོ་ཞུན་ཟླ་བའི་བཅུ་བདུན་ནུབ། །ཁ་ཟ་

[Full Size]

འདོད་ཀྱི་ཚོགས་འཁོར་མ་ཡིན་པར། །རྫས་ཤུགས་འབྱུང་ཚོགས་ཆེན་རྒྱས་པར་བཤམས། །ཟས་ཚོགས་རྫ་ས་ཅུང་ཟད་ཙམ་མགུལ་དུ་བསྒྲིལ། །སེམས་འོད་གསལ་ཟིན་པའི་བསམས་པས་ཉལ། །སྤྲང་རྨི་ལམ་འཁྲུལ་པའི་སྣང་བ་ལ། །བར་དོ་གནས་སྦྱོང་གི་སྣང་བ་ཤར། །ཀྱེ་མ་བདག་ནི་ཤི་བ་རྨིས། །ཕྱི་ཚོགས་བརྒྱད་མི་གསལ་འགགས་ནི་ཐལ། །ནང་འོད་གསལ་ཐུགས་དམ་ཟིན་དགོས་སྙམ། །སེམས་འོད་གསལ་ཟིན་པའི་སྣང་བ་ཤར། །དེ་འོད་གསལ་ཡིན་མིན་ཐེ་ཚོམ་སྐྱེས། །སེམས་རང་ངོ་ཧྲིག་གེ་ཡེ་རེ་བལྟས། །དོན་ཕྱག་ཆེན་ངང་དུ་ཡེ་རེ་གདའ། །སེམས་ཐེ་ཚོམ་ཆོད་ནས་ཡུན་རིང་བསྡད། །ཡང་རྣམ་རྟོག་སྤྱན་སྤུན་ཅུང་ཟད་སྐྱེས། །དེ་མི་རུང་ཐུགས་དམ་གྲོལ་དོགས་སྙམ། །སེམས་འོད་གསལ་ངང་དུ་བཞག་ཡོད་པས། །སེམས་གློ་བུར་སྐྲག་སྔངས་ཆེན་པོ་བྱུང་། །ལུས་བེམ་རིམ་བྲལ་ནས་བར་དོར་སླེབས། །ཡར་བལྟས་པས་ནམ་མཁའ་བར་སྣང་ཀུན། །ལྷ་ཐུགས་མཆོག་བཛྲ་ཧེ་རུ་ཀ །སྐུ་མཐིང་གསལ་ཞལ་གསུམ་ཕྱག་དྲུག་པ། །དེ་གྲངས་མེད་འཇའ་ཚོན་ལྟ་བུས་གང་། །དེ་ངོ་ཤེས་འཇིགས་སྐྲག་དགའ་སྡུག་མེད། །

[Full Size]

དེ་ཡལ་རྗེས་རཏྣ་ཧེ་རུ་ཀ །སྐུ་སེར་གསལ་ཚོགས་ཀྱིས་ནམ་མཁའ་གང་། །དེ་མི་སྣང་པདྨ་ཧེ་རུ་ཀ །སྐུ་དམར་གསལ་ཚོགས་ཀྱིས་ནམ་མཁའ་གང་། །དེ་མེད་རྗེས་ཀརྨ་ཧེ་རུ་ཀ །སྐུ་ལྗང་གསལ་ནམ་མཁའ་གང་བར་མཐོང་། །དེར་ཞག་རེ་ཞག་རེ་ཡིན་སྣང་བྱུང་། །དེས་བྱིས་པས་འཇའ་ཚོན་མཐོང་བ་བཞིན། །སྐུ་དབྱིབས་དང་ཁ་དོག་ཤིན་ཏུ་གསལ། །རྒྱན་ཕྱག་མཚན་གསལ་བའི་ངོས་བཟུང་མེད། །དེ་རྗེས་ཆེ་མཆོག་ཧེ་རུ་ཀ །དཔལ་བྷངྒ་ལ་སོགས་ཁྲག་འཐུང་ལྔ་། །འཁོར་ཀོ་རི་མ་མོ་བརྒྱད་བཅས་ཤར། །ཡང་དེ་རྒྱབ་སེདྷ་ཕྲ་མེན་བརྒྱད། །རྟ་གདོང་སོགས་སྒོ་མ་བཞི་ཡིས་བསྐོར། །ཡང་དེ་རྒྱབ་དབང་ཕྱུག་ཉེར་བརྒྱད་བསྐོར། །དཔལ་ཁྲག་འཐུང་དྲུག་ཅུའི་ལྷ་ཚོགས་ཀྱིས། །ནམ་མཁའ་བར་སྣང་ཐམས་ཅད་གང་། །དེ་ཐམས་ཅད་ལྷ་རུ་ངོ་ཤེས་ཀྱང་། །བདག་དབང་མེད་འཇིགས་སྐྲག་སྣང་བ་འཁྲུལ། །བདག་ཚེ་སྔོན་བུད་མེད་ཅིག་ཡིན་པ། །དུས་ད་ལྟར་བར་དོར་འཁྱམ་མོ་སྙམ། །དུས་དེ་ཚེ་གཟུགས་ནི་མ་མཐོང་ཡང་། །སྐད་སྙན་པོས་ངོ་སྤྱོད་འདི་ལྟར་གསུངས། །ཁྱོད་མ་འཁྲུལ་གསང་མཚན་དྲན་པར་

[Full Size]

གྱིས། །ལུས་ཕུང་པོ་འདི་ལ་ཞུགས་ཤིག་ཟེར། །དེ་ཐོས་པས་རྨི་ལམ་ཡིན་པར་ཤེས། །ལུས་ཕུང་པོ་ལ་ཞུགས་པའི་སྣང་བ་བྱུང་། །དེ་མ་ཐག་ཏུ་གཉིད་ལས་སད། །གཉིད་སད་ཀྱང་ཉམས་ཀྱི་སྣང་བ་ལ། །བདག་ཞི་བའི་བར་དོ་མི་འཆར་བ། །ལྷ་ཁྲོ་བོའི་བར་དོ་ཤར་བ་དེ། །ལྷ་ཞི་བ་ཤར་རྒྱུའི་ཞག་གྲངས་ལ། །བདག་ཐུགས་དམ་འོད་གསལ་ངང་ལ་བསྡད། །ད་དེ་ནས་ཐུགས་དམ་གློ་བུར་འདྲོགས། །དོན་དེ་ནས་ཁྲག་འཐུང་ཤར་བ་རེད། །དེ་བསམ་པའི་སྣང་བ་ཉམས་ལ་ཤར། །ད་དེ་ནས་ཉམས་ཀྱི་སྣང་བ་སད། །ཆོས་རྩ་རླུང་བསྒོམ་པའི་གང་ཟག་ལ། །ཉམས་རྨི་ལམ་ཡང་ན་མངོན་སུམ་དུ། །གནས་བར་དོ་རིགས་དྲུག་གི་སྣང་བ་ཤར། །དོན་གསང་སྔགས་ཟབ་མོའི་ཉེ་ལམ་གྱིས། །ཚེ་གཞན་དུ་མྱོང་རྒྱུའི་ལས་སྒྲིབ་རྣམས། །དུས་ད་ལྟ་རྨི་ལམ་རྨིས་པས་དག །དེ་རིགས་དྲུག་སོ་སོའི་གནས་སྦྱོང་ཡིན། །དོན་དེ་སྐད་བཀའ་བརྒྱུད་བླ་མས་གསུངས། །བདག་བརྩོན་འགྲུས་སྙིང་རུས་ཆུང་བ་དེ། །དོན་དེ་འདྲའི་རེ་དོགས་མ་མཆིས་མོད། །ད་འོན་ཀྱང་གསང་སྔགས་ཟབ་མོའི་མཐུས། །བདག་དུད་འགྲོའི་ལུས་སུ་སྣང་བ་དང་། །བདག་

[Full Size]

དམྱལ་བ་བསྡུས་འཇོམས་ཟེར་བ་དེར། །དུས་སྐད་ཅིག་ཙམ་ལ་སླེབས་པ་ཡིན། །རི་ལྕགས་སྲེག་གནམ་ས་ཙམ་པ་ཞིག །དེ་བརྡབས་པའི་བར་དུ་རང་གི་ལུས། །དེ་བྱ་སྒྲོ་མེ་ལ་བསྲེགས་བཞིན་ཐལ་སྣང་བྱུང་། །མི་བདག་གི་ཚེ་རབས་ཐོག་མེད་ནས། །ལས་མི་དགེའི་སྡིག་པ་ཅི་བགྱིས་པ། །སྤྱིར་འགྲོ་དྲུག་སེམས་ཅན་སྡིག་ལྟུང་ཀུན། །བདག་རྨི་ལམ་གནས་སྦྱངས་སྡུག་བསྔལ་དེས། །ལས་ལྷག་ལུས་མེད་པར་བྱང་གྱུར་ཅིག །ད་ལས་དང་ལས་ཀྱི་རྣམ་སྨིན་དང་། །གནས་རིགས་དྲུག་བར་དོའི་སྡུག་བསྔལ་ཀུན། །དོན་མེད་བཞིན་སྣང་བ་རྟེན་འབྲེལ་འགྲོས། །དཔེ་རྨི་ལམ་ཉིད་དང་ཁྱད་པར་མེད། །དོན་ཆོས་ཀུན་རྨི་ལམ་ལྟར་མཐོང་ནས། །དོན་ཟུང་འཇུག་སྒྱུ་མ་ལྷ་ཡི་སྐུ། །དེ་བདག་གཞན་ཀུན་གྱིས་ཐོས་པར་ཤོག །ཅེས་སྔགས་འཆང་རཱ་གས་བྲིས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བྱང་ཆུབ་ལམ་གྱི་གེགས་སེལ་མདོར་བསྡུས་པ།

[Full Size]

བྱང་ཆུབ་ལམ་གྱི་གེགས་སེལ་མདོར་བསྡུས་པ་བཞུགས་སོ།

[Full Size]

ན་མོ་ལོ་ཀི་ཤྭ་ར་ཡེ། བླ་མ་ཡི་དམ་དབྱེར་མེད་པའི། །སྤྱན་རས་གཟིགས་ལ་གསོལ་བ་འདེབས། །ཉམས་རྟོགས་སྐྱེ་བར་བྱིན་གྱིས་རློབས། །རེ་ས་གཞན་མེད་ཐུགས་རྗེས་གཟིགས། །གནས་པོ་ཚེ་དབང་འབུམ་ཞེས་པས། །གེགས་སེལ་བསྐྱལ་ཞེས་གསུངས་པའི་ལན། །གསར་རྙིང་མདོ་རྒྱུད་བསྟན་བཅོས་ཀུན། །གེགས་སེལ་ཁོ་ན་མ་ལགས་སམ། །དལ་འབྱོར་མི་ལུས་ཐོབ་ན་ཡང་། །དམ་པའི་ཆོས་ལ་བློ་མི་འགྲོ། །དུག་གསུམ་མི་དགེ་ཅི་ནུས་འབད། །སྨྱོན་པ་ཆུ་ལ་མཆོང་བ་འདྲ། །ངན་སོང་གཏན་ཡུལ་བྱེད་པའི་གེགས། །གེགས་འདིས་

[Full Size]

བསླུས་པ་ཤིན་ཏུ་མང་། །དེ་ལ་གེགས་སེལ་གདམས་ངག་ནི། །ཡིད་བཞིན་ནོར་བུ་རིན་ཆེན་ལས། །མི་ལུས་རྙེད་པར་དཀའ་ཚུལ་བསམ། །ད་རེས་ཆོས་ཤིག་མ་ནུས་ན། །རིན་ཆེན་གླིང་ནས་སྟོང་ལོག་ངེས། །སྙིང་མེད་མདོ་མེད་ཡིན་པར་སོམས། །ཚེ་འདིའི་དགྲ་གཉེན་སྐྱིད་སྡུག་སོགས། །གལ་ཆེ་བསྲན་ཚུགས་མི་གདའ་ཡང་། །རྨི་ལམ་ཙམ་ཞིག་ཡིན་པར་སོམས། །དགེ་སྡིག་གཉིས་པོ་མ་གཏོགས་པ། །དགྲ་དང་གཉེན་དང་ལོངས་སྤྱོད་ནོར། །དར་གུད་གཏམ་གྱི་བཟང་ངན་སོགས། །གཅིག་ཀྱང་རྗེས་སུ་མི་འབྲང་བར། །རང་ཉིད་

[Full Size]

གཅིག་པུར་འགྲོ་བ་སོམས། །སྔོན་ཚེ་བསྐལ་པ་དུ་མ་ནས། །སངས་རྒྱས་གྲངས་མེད་བྱོན་གྱུར་ཀྱང་། །བྱང་བལྟས་ཕུག་པར་ཉི་མ་བཞིན། །རང་ལ་ཕན་པར་མ་གྱུར་ན། འཁོར་བར་འཁྱམས་ལ་སྐྱོ་བ་སྐྱེ། །ད་རེས་བསྟན་དང་བླ་མ་མཇལ། །དབང་ཁྲིད་གདམས་པ་ཐོབ་དུས་འདིར། །ལམ་སྣ་ཟིན་ཙམ་མ་བྱས་ན། །འཁོར་བ་དོན་མེད་ཡིན་པར་སོམས། །དེ་ལྟར་ཡང་ཡང་བསམ་བྱས་པས། །བློ་སེམས་ཆོས་ལ་ཤུགས་ཀྱིས་ཚུད། །ལམ་སྣ་ཟིན་པའི་བོགས་སྐྱེད་འོང་། །དེ་ལྟར་ཆོས་ལ་བློ་སོང་ཡང་། །དམན་རྣམས་ཟས་གོས་ཚོལ་ཕྱིར་གཡེང་། །འབྲིང་རྣམས་སོ་ནམ་འཚོ་སྐྱོང་གཡེང་། །མི་ཆེན་དགྲ་འདུལ་གཉེན་སྐྱོང་གཡེང་། །ད་རེས་གལ་ཆེན་འདི་བསྒྲུབ་ནས། །རྗེས་སོར་ཁོམ་དུས་ཆོས་བྱེད་བསམ། །བྱ་བཞག་ཆུ་ཡི་གཉེར་མ་བཞིན། །གཅིག་རྒྱབ་གཅིག་འབྱུང་དལ་དུས་མེད། །བྱེད་བསམ་ངང་ལ་མི་ཚེ་ཟད། །ཆོས་འདོད་ཉམས་ལེན་ཤེས་ན་ཡང་། །འགྲུབ་དུས་མེད་པའི་གེགས་ཆེན་ཡིན། །དེ་ལ་མི་རྟག་འཆི་བ་སྒོམས། །ཤི་བའི་མི་ཚོ་རྩིས་བགྲང་ཐོངས། །རང་བས་གཞོན་པ་དེ་ཙམ་ཤི །རྒས་གཞོན་ངེས་པ་མི་གདའ་

[Full Size]

ན། །རྒྱལ་པོ་བློན་པོ་མི་ཆེན་རྣམས། །སྨན་དང་རིམ་གྲོས་མ་ཕན་འདས། །འཆི་བ་བཟློག་ཐབས་མི་གདའ་ན། །སྙིགས་མ་ལྔ་ཡི་དུས་ཚོད་འདིར། །ཚེ་ཐུང་ནད་མང་བར་ཆད་རྒོད། །གློ་བུར་ཧུར་ཐུམ་ཤི་བ་མང་། །སང་ཕོད་ཕྱི་མ་གང་སྔ་ཨང་། །ཟླ་བ་རྒྱབ་མ་ཚེ་ཕྱི་མ། །གང་སྔ་ཐག་ཆོད་ང་ལ་མེད། །དེ་ཕྱིར་བྱ་བ་གཞན་རྣམས་ལས། །དམ་ཆོས་ཉམས་ལེན་གལ་ཆེར་བྱ། །ཚེ་འདི་བློས་བཏང་མ་ནུས་ཀྱང་། །དམ་ཆོས་ཉམས་ལེན་གཙོ་བོ་ལ། །ཚེ་འདི་ཞོར་ལ་བསྒྲུབ་ཙམ་མཛོད། །དེ་བྱས་འཕྲལ་དུ་ཤི་ན་ཡང་། །འགྱོད་མེད་བློ་བདེའི་བོགས་སྐྱེད་འོང་། །རྒྱུ་འབྲས་དམ་ཆོས་མ་ཐོས་པས། །ཕན་ཡོན་ཉེས་དམིགས་མ་ཤེས་གྱུར་ན། །སྡིག་སྤང་དགེ་སྒྲུབ་མི་བྱེད་པ། །བསམ་མེད་བྱིས་པ་མེར་མཆོང་འདྲ། །ཕན་ཡོན་ཉེས་དམིགས་ཤེས་བཞིན་དུ། །སྡིག་ལ་མི་འཛེམ་འཆོལ་ཉོག་སྤྱོད། །ཤེས་བཞིན་བཙན་དུག་ཟ་བ་འདྲ། །དེ་འདྲ་བཤགས་ཀྱང་དག་པར་དཀའ། །མནར་མེད་དམྱལ་བར་སྲེག་པའི་གེགས། །དེ་ལ་མདོ་སྡེ་མཛངས་བླུན་སོགས། །རྒྱུ་འབྲས་ཆོས་ལ་ཡིད་ཆེས་བསྐྱེད། །ཕ་མ་མཉམ་པའི་བུ་

[Full Size]

ལ་ཡང་། །ཚེ་ཡི་རིང་ཐུང་སྐྱིད་དང་སྡུག །མི་མཉམ་ལས་འབྲས་སོ་སོའི་རྟགས། །མི་ལུས་ཐོབ་པ་འདྲ་འདྲ་ལ། །དབང་སྟོབས་མངའ་ཐང་ཆེ་དང་ཆུང་། །མི་མཉམ་ལས་འབྲས་བལྟས་པས་གསལ། །སྐྱེ་བ་འདི་དང་ཚེ་རབས་ཀུན། །ཕན་ངེས་གཉེན་ནི་དགེ་བ་ཆོས། །གནོད་ངེས་དགྲ་ནི་མི་དགེའི་སྡིག །དེ་ཕྱིར་སྡིག་སྤངས་དགེ་ལ་འབད། །ངན་སོང་སྤོང་བའི་བོགས་སྐྱེད་འབྱུང་། །དེ་ལྟར་སྡིག་སྤང་དགེ་བསྒྲུབས་ཀྱང་། །ཕྱི་མ་ལྷ་དང་མི་རྣམས་ཀྱི། །བདེ་སྐྱིད་འདོད་ཕྱིར་ཡིན་ན་ནི། །སྐྱེ་བ་བརྒྱ་སྟོང་ཁྲི་འབུམ་དུ། །འདོད་བཞིན་བདེ་སྐྱིད་འབྱུང་ན་ཡང་། །དེ་ནས་དགེ་རྩ་དེ་ཟད་ནས། །སླར་ཡང་ངན་སོང་མཐའ་མེད་འཁྱམས། །ཐར་པ་མི་ཐོབ་གེགས་ཆེན་ཡིན། །སྔར་ཡང་གེགས་འདིས་བསླུས་པས་ལན། །འཇིག་རྟེན་འདི་ཡི་བདེ་སྐྱིད་མཆོག །ཚངས་པ་བརྒྱ་བྱིན་འཁོར་ལོས་སྒྱུར། །དེ་ཡང་ནམ་ཞིག་ལྟུང་དགོས་ན། །འཁོར་བར་སྙིང་པོ་ག་ལ་ཡོད། །འཕྲལ་དུ་གནས་སྐབས་བདེ་སྐྱིད་ཀྱང་། །དུག་དང་འདྲེས་པའི་ཟས་ཞིམ་ལྟར། །ཕུགས་སུ་ཕན་ལས་གནོད་པ་ཆེ། །དེ་ཕྱིར་སྡིག་སྤངས་དགེ་བ་བསྒྲུབ། །འཁོར་

[Full Size]

བའི་བདེ་སྐྱིད་འདོད་པ་སྤང་། །བཙོན་དོང་ནང་གི་བཙོན་བཞིན་དུ། །སྐྱེ་རྒས་ན་འཆི་བྱེ་བ་དུང་། །འདི་ལ་སྐྱག་པས་འཁོར་བ་ནས། །ནམ་ཐར་བསམ་པ་ཡིད་ལ་འཆང་། །ཐར་པ་ཐོབ་པའི་བོགས་སྐྱེད་འབྱུང་། །དེ་ལྟར་ཐར་པ་སྒྲུབ་པོ་ཡང་། །སྙིང་རྗེ་སེམས་བསྐྱེད་མི་ལྡན་པར། །རང་དོན་ཁོ་ན་ལ་དམིགས་ན། །ཉན་རང་དགྲ་བཅོམ་ཐོབ་ནས་ཀྱང་། །འཁོར་བའི་སྡུག་བསྔལ་སྤངས་ལགས་ཀྱང་། །རྫོགས་པའི་སངས་རྒྱས་མི་ཐོབ་པས། །ཐེག་དམན་ལམ་གོལ་གེགས་ཆེན་ཡིན། །དེ་ལ་བྱམས་དང་སྙིང་རྗེ་བསྐྱེད། །རང་གི་ཕ་མ་མ་བྱས་པའི། །སེམས་ཅན་གཅིག་ཀྱང་ཡོད་པ་མིན། །དེ་དག་ཐམས་ཅད་འཁོར་བ་ཡི། །སྡུག་བསྔལ་རྒྱ་མཚོར་བྱིང་བཞིན་དུ། །རང་ཉིད་ཐར་ཡང་དགོས་པ་ཆུང་། །དེ་ཡང་གནས་སྐབས་ལྷ་མི་ཡི། །བདེ་བར་བཀོད་ཀྱང་སླར་ཡང་ལྟུང་། །དེ་བས་སེམས་ཅན་ཐམས་ཅད་ཀུན། །བླ་མེད་རྫོགས་པའི་སངས་རྒྱས་སར། །བདག་ཉིད་ཁོ་ནས་བཀོད་པའི་ཕྱིར། །ཉམས་ལེན་དགེ་སྦྱོར་འབད་སྙམ་པའི། །བློ་སྟོབས་བསྐྱེད་ལ་སེམས་བསྐྱེད་སྒོམས། །ཐུབ་པས་གཞན་དོན་མཛད་པ་

[Full Size]

དང་། །བྱིས་པས་རང་དོན་བྱས་པ་གཉིས། །གང་དེ་ལེགས་གདའ་གནད་དེ་སོམས། །དགེ་སྦྱོར་དགེ་རྩ་ཆེ་ཕྲ་ཀུན། །འགྲོ་ཀུན་སངས་རྒྱས་ཐོབ་ཕྱིར་བསྔོས། །ཅི་བྱས་བྱང་ཆུབ་ལམ་དུ་འགྲོ། །མཐར་འཚང་རྒྱ་བའི་བོགས་ཆེན་འབྱུང་། །དེ་ལྟར་སེམས་བསྐྱེད་ཆོས་བྱས་ཀྱང་། །བླ་མ་བཀའ་བརྒྱུད་རྣམ་ཐར་དང་། །ཕན་ཡོན་ཞིང་ཁམས་བཀོད་པ་དང་། །ངན་སོང་སྡུག་བསྔལ་ཡོད་ལུགས་དང་། །ཕན་ཡོན་ཉེས་དམིགས་ཅི་ཐོས་ཀྱང་། །བཤད་ཚོད་ཡིན་སྙམ་ངེས་ཤེས་མེད། དཀོན་མཆོག་བྱིན་རླབས་རྒྱང་རིང་ཞིང་། །ཆོས་བྱས་ཕན་ཡོན་ཆུང་བའི་གེགས། །ཉི་ཟླ་ཐང་ལ་ལྟུང་ཡང་སྲིད། །རླུང་ནི་ཞགས་པས་ཟིན་ཡང་སྲིད། །སངས་རྒྱས་བཀའ་ལ་བརྫུན་མི་སྲིད། །སྙམ་པའི་ངེས་ཤེས་དྲག་པོ་བསྐྱེད། །འདི་དང་ཕྱི་མ་བར་དོ་རུ། །ཅི་མཛད་དཀོན་མཆོག་ཁྱེད་ཤེས་སེམས། །གཟུངས་སྔགས་ལ་སོགས་ཕན་ཡོན་རྣམས། །ད་ལྟ་གསུངས་ལྟར་མ་བྱུང་བ། །རང་གི་རྣམ་སྨིན་སྒྲིབ་པས་བསྒྲིབས། །ལས་ཀྱི་རྣམ་སྨིན་མ་གཏོགས་གསུངས། །དེ་དོན་གོ་བས་ལོག་ལྟ་སྤོངས། །དཀོན་མཆོག་གསུམ་གྱི་བྱིན་རླབས་འཇུག །ཕན་ཡོན་འབྱུང་བའི་

[Full Size]

བོགས་འབྱུང་ངོ་། །དེ་ལྟར་སེམས་བསྐྱེད་ཆོས་སྤྱོད་ཀྱང་། །བསྐལ་པ་གྲངས་མེད་གསུམ་གྱི་བར། །རྫོགས་པའི་སངས་རྒྱས་མི་ཐོབ་གེགས། །རང་ལུས་ལྷ་རུ་མ་ཤེས་ནས། །ཐ་མལ་རང་རྒྱུད་བཟུང་བས་ལེན། །ཕུང་པོ་ཁམས་དང་སྐྱེ་མཆེད་རྣམས། །ཡེ་ནས་ལྷ་ཡི་དཀྱིལ་འཁོར་དུ། །གསར་རྙིང་བླ་མེད་རྒྱུད་ཀུན་མཐུན། །དེ་ཕྱིར་རང་ལུས་སྤྱན་རས་གཟིགས། །གར་འདུག་གནས་དེ་གཞལ་ཡས་ཁང་། །སུ་འགྲོགས་དཔའ་བོ་མཁའ་འགྲོའི་འཁོར། །གདན་ནི་པདྨ་ཟླ་བ་སྟེ། །གོས་རྣམས་ལྷ་ཡི་ན་བཟའ་རྒྱན། །ཟས་རྣམས་ཚོགས་འཁོར་བདུད་རྩིར་བསྒོམ། །ཚེ་འདིའམ་ནི་བར་དོར་དང་། །སྐྱེ་བ་བདུན་ལས་མི་ཐོག་པར། །སངས་རྒྱས་ཐོབ་པའི་བོགས་འབྱུང་ངོ་། །དེ་ལྟར་མོས་པ་ཙམ་བྱས་ཀྱང་། །དོན་ལ་ཡིན་རྒྱུ་མེད་བསམ་ནས། །ངེས་ཤེས་སྐྱེ་བར་མི་ནུས་པ། །བྱིན་རླབས་རྟགས་མཚན་མི་འབྱུང་གེགས། །རང་ཉིད་ཡི་དམ་གང་ཡིན་པའི། །ངེས་ཤེས་ཨུ་ཚུགས་འདྲ་བ་སྒོམས། །རྟགས་མཚན་གསལ་བའི་བོགས་འབྱུང་ངོ་། །ལྷ་རྟགས་དངོས་ཉམས་རྨི་ལམ་དུ། །ཞལ་མཐོང་ལུང་བསྟན་དག་སྣང་ལ། །

[Full Size]

མཆོག་ཡིན་སྙམ་ནས་རློམ་སེམས་ཆེ། །རང་མཐོང་རང་རྩིས་ཆེར་སྐྱེས་ན། །མཆོག་གི་དངོས་གྲུབ་མི་ཐོབ་གེགས། །མེ་བུས་རྟགས་ལ་དུ་བའི་དཔེ། །རྟགས་མཚན་དེ་ཙམ་ལས་འོང་ཡིན། །སྙམ་དུ་རློམ་སེམས་མི་བསྐྱེད་པར། །ངེས་ཤེས་བསྐྱེད་ལ་བསྙེན་སྒྲུབ་བྱ། །ལམ་དུ་འགྲོ་བའི་བོགས་འབྱུང་ངོ་། །སྔགས་བཟླས་བསྐྱེད་རིམ་གསལ་ན་ཡང་། །གདོས་བཅས་འདོག་སྐུ་འདྲར་བསྒོམས་པས། །ལྷ་དེ་འདྲ་བའི་འབྱུང་པོའི་རིགས། །ཡང་ན་གཟུགས་ཀྱི་ཁམས་ཀྱི་ལྷར། །སྐྱེ་ཞིང་སངས་རྒྱས་མི་ཐོབ་གེགས། །ལྷ་སྐུ་གསལ་ཡང་ངོ་བོ་སྟོང་། །སྣང་སྟོང་འཇའ་ཚོན་བཞིན་དུ་བསྒོམ། །ལུས་འདི་བོར་ནས་བར་དོ་རུ། །ལོངས་སྤྱོད་རྫོགས་སྐུའི་ཞིང་ཁམས་སུ། །སྐྱེས་ནས་བྱང་ཆུབ་མཆོག་ཐོབ་བོ། །དེ་ནི་བོགས་འདོན་ཆེན་པོ་གཅིག །ཁྲིད་ཞུས་གནས་འགྱུ་སྐྱོང་ཤེས་ནས། །ཡུན་རིང་མ་སྐྱུར་བསྲུངས་ན་ཡང་། །དང་པོའི་བྲོས་དེད་དེ་ག་ལས། །ཅི་ཡང་ཡར་སྐྱེད་མེད་པའི་གེགས། །མོས་གུས་དད་པ་ཆུང་བས་ལེན། །རང་ལ་དྲིན་ཐོབ་བླ་མ་དེ། །སངས་རྒྱས་སེམས་ཅན་སུ་ཡིན་འདྲ། །རང་སེམས་ངོ་བོ་སྤྲད་པ་དེ། །སངས་རྒྱས་ཀུན་བས་

[Full Size]

བཀའ་དྲིན་ཆེ། །རྡོ་རྗེ་འཆང་དང་ཀུན་ཏུ་བཟང་། །སངས་རྒྱས་ཀུན་གྱི་ཆོས་སྐུ་དང་། །བླ་མ་དབྱེར་མེད་མོས་གུས་བསྐྱེད། །བླ་མ་སངས་རྒྱས་ཆོས་སྐུ་དེ། །རྡོ་རྗེ་འཆང་དང་སྣང་མཐའ་ཡས། །ཆོས་སྐུའི་སངས་རྒྱས་གཅིག་ཏུ་བསྒོམ། །དཀོན་མཆོག་བླ་མ་ཡི་དམ་ལྷ། །ཀུན་འདུས་བསྒོམ་ལ་གསོལ་བ་བཏབ། །གདུང་ཤུགས་མཆི་མ་ཕྱུང་བར་བྱ། །བླ་མ་འོད་ཞུ་རང་ལ་བསྟིམ། །དེ་འདྲ་ཐུན་གསུམ་ཐུན་བཞི་སོགས། །འབད་ནི་དབྱར་ཁའི་སོས་བཞིན་དུ། །ཉམས་རྟོགས་རང་རྡོལ་ཁོག་ནས་འཆར། །ཅི་ཡང་འཆར་བའི་བོགས་འབྱུང་ངོ་། །དེ་ལྟར་ཉམས་ལེན་བསྐྱངས་ཙམ་ན། །རིག་པ་འཕྲོ་རྒོད་འཚུབ་ཅིང་རྒྱུག །སྐྱོང་རྒྱུ་མི་རྙེད་ཡི་མུག་སྐྱེ། །ནན་གྱིས་བསྐྱངས་ན་བློ་མི་བདེ། །རྒན་མོས་ཕྱུགས་ལུག་འཚོས་པ་འདྲ། །དེ་ལ་རྒོད་པའི་གེགས་ཞེས་བྱ། །གནས་འགྱུ་གདམ་ག་བྱས་པས་ལེན། །འཁྱིལ་པའི་ཆུ་དང་རྦ་རླབས་ཆུ། །ཆུ་ཡིན་པ་ལ་ཁྱད་པར་མེད། །གནས་པའི་སེམས་དང་འགྱུ་བའི་སེམས། །སེམས་ཉིད་ཡིན་ལ་ཁྱད་པར་མེད། །སེམས་ཉིད་ཡེ་ནས་ཆོས་ཀྱི་སྐུ། །དེ་ལ་བཅོས་སླད་བྱས་ན་ཞེན། །

[Full Size]

གནས་འདོད་མ་ཆེ་འགྱུ་དོགས་སྤོང་། །མ་ཡེངས་ཙམ་ལ་ལྷོད་ནས་སྐྱོངས། །གསལ་ཚེ་སྐྱུར་ལ་ཡང་ཡང་སྒོམས། །བློ་བདེ་སྐྱོང་སླའི་བོགས་ཤིག་འབྱུང་། །དེ་ལྟར་བསྐྱངས་བས་རེས་འགའ་ཞིག །བལྟས་ཀྱང་གསལ་དང་ངེས་ཤེས་མེད། །གནམ་ངོ་རྨུགས་ལྟར་ཐིབ་བེ་བ། །ཧྲིག་གེ་བྱས་ནས་བལྟས་ན་ཡང་། །རྣམ་རྟོག་འདི་ཡིན་ངོས་བཟུང་རྒྱུ། །མེད་པའི་བན་བུན་ཕྲ་ཞིབ་ལྡང་། །ཡུན་རིང་སྐྱོང་ཡང་མི་འདོད་པ། །བྱིང་བའི་སྐྱོན་ཏེ་གེགས་ཤིག་ཡིན། །དེ་ལ་ལྟ་སྟངས་ནམ་མཁར་གཏད། །སེམས་དང་ནམ་མཁའ་སྔོ་བསང་བསྲེ། །ལུས་སེམས་སྒྲིམས་ལ་ལུས་གནད་བསྲང་། །གསལ་དྭངས་རྗེན་པའི་བོགས་ཤིག་འབྱུང་། །ཏིང་འཛིན་གེགས་ལ་རྣམ་མང་ཡང་། །བྱིང་རྒོད་གཉིས་ལ་ཕལ་ཆེར་འདུས། །དེ་ལ་གེགས་སེལ་མང་ན་ཡང་། །དོན་ལ་བསྒྲིམ་ལྷོད་གཉིས་ཡིན་ཏེ། །རྒོད་ན་ལྷོད་ལ་བྱིང་ན་བསྒྲིམ། །ལ་ཆེན་གང་ཤར་ངོ་བོ་ལ། །གང་བྱུང་དེས་ཆོག་སྐྱོང་བ་མཆོག །བཟང་བཟང་པོ་གཅིག་མ་འདོད་ལ། །ངན་ངན་འདྲེ་ཡང་མི་སྐྱུར་བར། །ཡུགས་སས་དྭ་ཕྲུག་སྐྱོང་བ་ལྟར། །རྒྱུན་བསྲིང་བ་ནི་གནད་ཡིན་ནོ། །ལམ་ལུས་ཕོག་

[Full Size]

པའི་གེགས་སེལ་ཡིན། །དེ་ལྟར་རྒྱུན་གཅིག་བསྲིངས་ནུས་ན། །བདེ་གསལ་མི་རྟོག་ཉམས་བཟང་འཆར། །ལུས་བདེ་སེམས་བདེ་སེམས་རྩ་སྐྱིད། །ང་ལས་སྐྱིད་པ་མེད་དོ་སྙམ། །འགྱུ་བ་ཉུང་ཞིང་མེར་རེ་གནས། །སྤྱོད་ལམ་ཕལ་ཆེར་འབྲལ་བ་མེད། །འོད་གསལ་འཁོར་ཡུག་ཡིན་ནམ་སྙམ། །ཉོན་མོངས་དུག་ལྔའི་མགོ་ཡང་ནོན། །འཇིག་རྟེན་བྱ་བས་དགོས་པ་མེད། །གཅིག་པུར་བྲག་ཕུག་འགྲིམ་ན་བསམ། །མཚན་མོ་རྨི་ལམ་ཕལ་ཆེར་ཟིན། །ཉམས་ལེན་འདི་དང་མ་བྲལ་ན། །འདི་ཕྱིའི་དོན་ཆེན་འགྲུབ་བོ་སྙམ། །དེ་ལ་ངེས་ཤེས་མཆོག་འཛིན་གྱི། །ངང་ནས་ཚེ་ཡི་དུས་བྱས་ན། །ཉམས་ལེན་ཆེ་ཆུང་རིམ་པ་ཡིས། །རྒྱལ་ཆེན་རིགས་བཞིའི་ལྷ་རྣམས་དང་། །སུམ་ཅུ་རྩ་གསུམ་མཐའ་བྲལ་དང་། །དགའ་ལྡན་འཕྲུལ་དགའ་གཞན་འཕྲུལ་གྱི། །ལྷ་ཡི་གནས་སུ་སྐྱེ་བ་ལེན། །བདེ་སྐྱིད་ལོངས་སྤྱོད་དཔག་མེད་ཀྱང་། །བྱང་ཆུབ་མི་ཐོབ་གེགས་ཡིན་ནོ། །དེ་ལ་བདེ་ཉམས་ཅི་སྐྱེས་ཀྱང་། །དེ་ལ་ཆགས་ཞེན་མཆོག་འཛིན་སྤང་། །བདེ་བ་དེ་ཡི་ངོ་བོ་ལ། །ཧྲིག་གེ་བལྟས་པས་བདེ་བ་དང་། །སྟོང་པ་དབྱེར་མེད་

[Full Size]

ཟུང་དུ་འཇུག །བདེ་སྟོང་ཕྱག་རྒྱ་ཆེན་པོར་འཆར། །གོལ་ས་གཅོད་པའི་བོགས་འདོན་ཡིན། །དེ་ཉིད་བསྐྱངས་བས་དེ་མི་རྟག །རང་སེམས་གསལ་སྟོང་རྗེན་པར་འཆར། སྤྲིན་ཐག་ཆད་པའི་ནམ་མཁའ་ལྟར། །ལྷང་ངེ་རྗེན་ནེ་ས་ལེ་བ། །དྲན་པས་ནམ་ཟིན་དེ་ཡི་ངང་། །ཐེ་ཚོམ་མེད་པའི་ངེས་ཤེས་སྐྱེ། །འདི་བས་ལྷག་པའི་ཉམས་རྟོགས་ནི། །གྲུབ་ཐོབ་རྣམས་ལའང་མེད་དམ་སྙམ། །གཉིད་དང་རྨི་ལམ་མཚམས་ཤེད་ན། །ཉི་ཟེར་ཟླ་ཐིག་མེ་རུ་ནི། །འདྲ་བའི་འོད་ཅིག་རྐྱེན་བྱས་ནས། །ཉམས་ལེན་ཉིན་པར་བཞིན་དུ་ཟིན། །གཉིད་བཞིན་ཁང་པའི་ནང་དང་ནི། །ས་ཐག་རིང་དང་ལ་གྲིབ་ཀྱིས། །ཅི་གདའ་ཅི་བྱེད་རེས་འགའ་མཐོང་། །སུ་ཡིན་ཟེར་ཡང་ང་ཡི་འདི། །རྟོགས་པ་མཆོག་གྱུར་ཡིན་ནོ་སེམས། །དེ་ལ་ཆགས་ཞེན་ཆེན་པོ་དང་། །ངེས་ཤེས་བརྟན་པོས་ཚེ་འཕོས་ན། །ཚངས་རིས་ཚངས་པ་མདུན་ན་འདོན། །དགེ་ཆུང་ཚད་མེད་དགེ་ལ་སོགས། །ཉམས་ལེན་དེ་ཡི་ཆེ་ཆུང་གིས། །གཟུགས་ཁམས་གནས་རིགས་བཅུ་བདུན་གྱི། །ལྷ་ཡི་གནས་སུ་སྐྱེས་ནས་ཀྱང་། །རིན་པོ་ཆེ་ཡི་གཞལ་ཡས་སུ། །མཚན་དཔེས་ལྡན་པའི་

[Full Size]

ལུས་ཐོབ་ནས། །རེ་ཞིག་ལོ་གྲངས་དཔག་མེད་དུ། །བདེ་སྐྱིད་སངས་རྒྱས་ཞིང་འདྲ་ཡང་། །སླར་ཡང་ངན་སོང་ལྟུང་བའི་གེགས། །དེ་ལྟར་གསལ་ཉམས་ཆེ་དྲག་པས། །ཟག་བཅས་མངོན་ཤེས་ཤར་འདྲ་ཡང་། །དེ་ལ་མཆོག་འཛིན་ང་རྒྱལ་སྤང་། །གསལ་བ་དེ་ཡི་ངོ་བོ་ལ། །བལྟས་པས་ངོ་བོ་སྟོང་པར་རྟོགས། །གསལ་སྟོང་དབྱེར་མེད་གཅིག་ཏུ་འདྲེས། །གསལ་སྟོང་ཕྱག་རྒྱ་ཆེན་པོར་འཆར། །བླ་མེད་མཆོག་ཐོབ་བོགས་ཤིག་འདོན། །དེ་ཉིད་བསྐྱངས་བས་ནམ་ཞིག་ན། །བདེ་ཉམས་གསལ་ཉམས་གཉིས་ཀ་མེད། །ཐམས་ཅད་སྟོང་པ་ཉིད་དུ་མཐོང་། །ལུས་ཀྱང་དངོས་སུ་མེད་དམ་སྙམ། །ཕྱི་ནང་སྣོད་བཅུད་འཁོར་འདས་རྣམས། །ཐམས་ཅད་སྟོང་པ་ནམ་མཁའ་འདྲ། །སྙམ་པའི་རྟོག་པ་སྐྱེས་ཙམ་ན། །ཐམས་ཅད་སྟོང་པ་ཉིད་དུ་གདའ། །དགེ་སྡིག་ཕན་གནོད་ག་ལ་ཡོད། །སྙམ་ནས་སྡིག་ལ་མི་འཛེམས་ཤིང་། །དགེ་བ་སྒྲུབ་པར་མི་བྱེད་ན། །སྟོང་ལྟ་ཧད་པོ་བདུད་ཀྱི་ལས། །སྟོང་པ་ཉིད་ལ་ལྟ་ཉེས་པས། །ཤེས་རབ་དམན་རྣམས་ཕུང་གསུངས་ལྟར། །མནར་མེད་གནས་སུ་ལྟུང་བའི་གེགས། །རྟོགས་པ་

[Full Size]

ཅི་ཙམ་མཐོ་ན་ཡང་། །རྒྱུ་འབྲས་ལགས་ལེན་ཞིབ་ཏུ་བརྩི། །དཔེར་ན་ནམ་མཁའ་སྟོང་པ་ལས། །རླན་དང་ཚ་གྲང་རྟེན་འབྲེལ་གྱིས། །འཇའ་དང་སྤྲིན་དང་ཆར་པ་དང་། ཐོག་དང་སེར་བ་འོང་བ་ལྟར། །ཆོས་ཀུན་སྟོང་པ་ཉིད་ཡིན་ཀྱང་། །རྒྱུ་འབྲས་རྟེན་འབྲེལ་མི་བསླུ་བས། །རིགས་དྲུག་སྐྱིད་སྡུག་སྣ་ཚོགས་འབྱུང་། །ཤེས་རབ་སྟོང་ཉིད་བསྒོམ་པ་ཡི། །འཁོར་བ་སྤངས་ནས་ཆོས་སྐུ་ཐོབ། །ཚོགས་བསགས་སྙིང་རྗེ་བསྒོམས་པ་ཡིས། །ལོངས་སྐུ་སྤྲུལ་སྐུ་ཐོབ་པ་སྟེ། །ཤེས་རབ་སྟོང་ཉིད་ཐབས་ནི་ཚོགས། །ཚོགས་གཉིས་ཟུང་འཇུག་ཉམས་སུ་བླང་། །སྐུ་གཉིས་ཐོབ་པའི་བོགས་འདོན་ཆེ། །དེ་ལྟར་ཚོགས་གཉིས་འབད་པའི་ཚེ། །ཐམས་ཅད་སེམས་རེད་བསམ་པ་དང་། །སེམས་ནི་ནམ་མཁའ་དང་འདྲ་བསམ། །སེམས་ནི་ཡོད་མེད་གཉིས་ཀ་མིན། །ཡོད་མིན་མེད་མིན་རེད་བསམ་དང་། །སེམས་ནི་ཅི་ཡང་མི་གདའ་བསམ། །དེ་འདྲ་རེས་འགའ་སྐྱེས་ཀྱང་བཟོད། །དེ་འདྲ་ཡིན་ལ་ཁ་ཡོད་ཀྱང་། །དེ་འདྲ་ཡིན་ནོ་བསམ་པ་ཡི། །ངེས་ཤེས་འཛིན་པ་དམ་པོའི་ངང་། །གལ་ཏེ་ཚེ་འདིར་འཕོས་ན་ནི། །གཟུགས་མེད་སྐྱེ་མཆེད་མུ་

[Full Size]

བཞིར་གོལ། །བསྐལ་པ་ཁྲི་ཕྲག་བརྒྱད་ཀྱི་བར། །བཟང་ངན་ལུས་ནི་ལེན་རྒྱུ་མེད། །དྲན་མེད་བརྒྱལ་བ་འདྲ་ཞིག་འབྱུང་། །སླར་ཡང་ལུས་ལེན་འཁོར་བར་འཁྱམས། །དེ་འདྲའི་ཏིང་འཛིན་བརྟན་པོ་ནི། །སྐྱེས་པ་ཕྱི་རོལ་མུ་སྟེགས་ལུགས། །ཆོས་སྐུ་ཐོབ་པར་འདོད་པ་རེ། །དེ་འདྲའི་རྟོགས་པ་སྐྱེས་ན་ཡང་། །ཐམས་ཅད་སེམས་རེད་བསམ་མཁན་སོགས། །འཛིན་པ་དེ་ག་རང་ལ་ལྟོས། །འཛིན་པ་དེ་དག་རང་སར་དག །སྟོང་ཉིད་ཕྱག་རྒྱ་ཆེན་པོར་འཆར། །དེ་ནི་བོགས་འདོན་ཡང་དག་གོ ། དེ་ལྟར་བདེ་གསལ་མི་རྟོག་ཉམས། །བྱིང་རྒོད་ལ་སོགས་དེ་རྣམས་ལ། །གོ་རིམ་ངེས་པ་མེད་པ་སྟེ། །སྔ་འཆར་ཕྱི་འཆར་ཅི་ཡང་འབྱུང་། །འཆར་བའི་སྐོར་རྫོགས་མང་དུ་འོང་། །ཡུན་ཡང་ལོ་མང་ཟླ་གྲངས་དང་། །ཞག་འགའ་དང་ནི་ཡུད་རེ་ཙམ། །ངེས་མེད་མི་ཡི་རིགས་ཡིན་ནོ། །མི་འཆར་བ་ནི་མི་འབྱུང་སྟེ། །སྐས་ཐེམ་བཞིན་དུ་བརྒྱུད་དགོས་སོ། །རེས་འགའ་ཞེ་སྡང་འདོད་ཆགས་དང་། །ཕྲག་དོག་སེར་སྣ་སྔར་ལས་ཆེ། །ཚིག་རྩུབ་རྒྱུད་གྱོང་མི་རྣམས་ཀྱང་། །སྒོམ་ཆེན་ཟེར་ཞིང་མཚངས་ནས་འབྲུ། །རྩུབ་

[Full Size]

ཉམས་སྡིག་སྒྲིབ་སློང་བའི་གེགས། །བླ་མ་རྗེ་ལ་གསོལ་བ་འདེབས། །ལུས་སེམས་ལྷོད་དེ་ཀློད་ལ་བསྐྱང་། །དེ་ཉིད་ཤིན་ཏུ་བོགས་ཆེའོ། །མཚང་འབྲུ་ཚིག་ངན་ལ་སོགས་པའི། །ཆེད་དུ་དེ་ལ་དམིགས་གཏད་བྱས། །ངོ་བོ་བལྟས་པས་སྟོང་པར་རྟོགས། །དེ་ལྟར་ཆུང་བ་ནས་བརྩམ་སྟེ། །གནད་ཆེན་ལ་ཡང་རིམ་པར་བསླབ། །རྣམ་རྟོག་ངན་པ་གང་སྐྱེས་ལ། །དང་པོ་རྗེས་སླེབ་བྱ་བ་ཅེས། །དེ་ནས་སྐྱེས་ཐོག་འབུར་འཇོམས་དང་། །དེ་ནས་རང་གྲོལ་ཆུ་རླབས་ལྟར། །རང་སེམས་འདུལ་བ་འདུལ་བའི་མཆོག །ཉོན་མོངས་འཇོམས་པའི་བོགས་འདོན་ཡིན། །ཉོན་མོངས་རྣམ་རྟོག་དགྲ་ཡིན་པས། །ངོ་བོ་བསྐྱངས་པས་འཇོམས་སྙམ་ན། །གཉེན་པོ་ཤོར་བའི་གེགས་ཡིན་ཏེ། །གསང་སྔགས་དོན་དང་མི་ཐུན་གེགས། །ཉོན་མོངས་དང་ནི་རྣམ་རྟོག་ཀུན། །ཡེ་ནས་ཡེ་ཤེས་ཆེན་པོ་སྟེ། །མ་རྟོགས་འཁོར་བར་འཁྱམས་པ་ཡིན། །ཉོན་མོངས་སྤང་བའི་ཕ་རོལ་ན། །ཡེ་ཤེས་བཙལ་དུ་མ་མཆིས་ཀྱང་། །དེ་རྗེས་འབྲངས་ན་འཁོར་བར་འཁྱམས།། །སྤངས་ནས་བསམ་པ་བསྒྱུར་ཐུབ་ཀྱང་། །ཐེག་དམན་ཡིན་གྱིས་ཕྱག་རྫོགས་མིན། །ཉོན་མོངས་

[Full Size]

རྣམ་རྟོག་དགེ་མི་དགེ །གང་ཤར་ཁྱད་མེད་རང་ངོ་ལྟ། །བཟོ་བཅོས་མེད་པར་དེ་གར་ཀློད། །ཆུ་རླབས་ཆུ་རུ་གྲོལ་བ་ལྟར། །ཉོན་མོངས་ཡེ་ཤེས་ཆེན་པོར་འཆར། །གང་ཤར་སྤང་བླང་མ་དགོས་པར། །བསྒོམ་དུ་འཆར་བའི་བོགས་འདོན་ཡིན། །མངོན་རྟོགས་ལ་སོགས་བསྒོམ་པའི་དུས། །སྭ་བྷཱ་ཝ་སོགས་སྔགས་བརྗོད་ནས། །སྟོང་པ་ཉིད་དུ་གྱུར་བརྗོད་དུས། །ཅི་ཡང་མེད་པའི་སྟོང་པ་ཉིད། །ནམ་མཁའ་ལྟ་བུར་གྱུར་བསྒོམ་པ། །སྟོང་ཉིད་དངོས་སུ་མ་རྟོགས་པར། །བློས་བཟོ་རྒྱས་འདེབས་ཤོར་བའི་གེགས། །བློ་ཡིས་སྟོང་པ་མི་བཟོ་བར། །རང་སེམས་སྟོང་པའི་ངོ་བོ་ལྟ། །མངོན་སུམ་རྟོགས་པའི་བོགས་འདོན་ཡིན། །མདོ་རྒྱུད་གྲུབ་ཐོབ་གསུངས་མང་པོ། །མཐོང་བས་ཆོས་ཀུན་སྟོང་པ་ཉིད། །ནམ་མཁའ་ལྟ་བུ་ཡིན་རྒྱུ་རེད། །བསམ་པའི་གོ་བ་སྐམ་པོ་ལ། །ངེས་ཤེས་སྐྱེ་ནས་སྟོང་སྐད་འདོན། །དབུལ་པོས་ཕྱུག་པོའི་ལོ་རྒྱུས་ཚོ། །གོ་ཡང་ཕན་པ་མེད་དང་འདྲ། །དེ་ཕྱིར་གོ་བ་ཆེ་ན་ཡང་། །རྟོགས་པ་མཐོ་བར་མི་རློམ་པར། །རང་སེམས་སྟེང་དུ་རྡོ་རུས་གཏུགས། །ཉམས་སུ་མྱོང་བའི་བོགས་འདོན་ཡིན། །དེ་

[Full Size]

ལྟར་བྱིང་རྒོད་སྐྱོན་གཉིས་བསལ། །བདེ་དང་གསལ་དང་མི་རྟོག་པའི། །ཉམས་བཟང་རྣམས་ལ་མ་ཆགས་ཤིང་། །སེམས་སློང་རྩུབ་འཁྲུགས་མགོ་ནོན་ནས། །ཤོར་ས་གསུམ་དེར་མ་ཤོར་བར། །རྒྱུན་བསྲིང་ཉམས་སུ་བླང་ནུས་ན། །ནམ་ཞིག་བསོད་ནམས་དགེ་སྦྱོར་མཐུས། །བླ་མའི་བྱིན་རླབས་སེམས་ལ་འཇུག །བལྟ་རྒྱུ་ལྟ་མཁན་གཅིག་ཏུ་འདྲེས། །འདི་བསྒོམ་གཏད་སོ་གཅིག་ཀྱང་མེད། །འདི་ཡིན་འདི་མིན་འཛིན་པ་ཞིག །བདེ་གསལ་མི་རྟོག་ཉམས་བཟང་པོ། །ལེགས་ལེགས་འདྲ་ཚོ་ཤུན་པར་བུད། །ང་ཡི་སྒོམ་དེ་བོར་རམ་ཅི། །འདི་བསྒོམ་གཏད་སོ་མི་འདུག་པས། །སྒོམ་མེད་ཨམ་དེ་ཨུ་ཡིན་ཨང་། །འདི་ཆ་དེ་ཆ་མེད་པ་འདི། །གོལ་ས་གཅིག་ནི་ཨུ་ཡིན་ནམ། །སྙམ་ནས་རང་ལ་ཡིད་མི་ཆེས། །ཐ་མལ་ཤེས་པ་རྗེན་པར་བུད། །རང་སེམས་ངོ་བོ་མཐོང་བ་དེ། །ཕྱག་རྒྱ་ཆེན་པོའི་སྣེ་ཁེ་ཡིན། །སྤྲོས་བྲལ་ནམ་དྲན་དུས་ཉིད་ལ། །འཕེལ་འགྲིབ་ཆེན་པོ་མེད་ན་ཡང་། །བརྗེད་སྐབས་ཡེངས་སྐབས་འཁྲུལ་པར་འཆོར། །དྲན་རྫི་ཡང་ཡང་གསལ་འདེབས་གཅེས། །འདི་ནས་རྟོགས་ལྡན་མིང་བཏགས་རུང་། །རྣམ་གཡེང་

[Full Size]

གནས་དང་གཅིག་པུ་གཉིས། །ཨེ་མཉམ་བོགས་སུ་ཅི་ཐོན་ལྟ། །བོགས་འདོན་བླ་མའི་གསོལ་འདེབས་དང་། །སྤྲོས་བཅས་དགེ་སྦྱོར་ཉུང་བཅུག་ལ། །ངོ་བོ་ཉིད་ལ་ཨུ་ཚུགས་བསྐྱེད། །སྤྱོད་ལམ་རྣམས་དང་ཨེ་འདྲེས་ཚད། །འདི་ནས་འདྲེས་ན་འདྲེས་ངེས་ཡིན། །བྷེ་རྒྱུ་ཅི་ཡང་མི་གདའ་བས། །བསྒྱུར་ནས་བཞག་པས་འཐུས་གདའ་བསམ། །སྤྲོས་བྲལ་མེད་པའི་སྟོང་རྗེས་ཁྱེར། །འཁྲུལ་པར་འབྱམས་པའི་གེགས་ཤིག་ཡིན། །དྲན་པས་ཡང་ཡང་གསལ་འདེབས་བྱ། །དྲན་ནས་སྒོམ་ཡིན་དྲན་པས་ཆོག །མི་དྲན་ཐ་མལ་འཁྲུལ་པ་རང་། །ཡང་ཡང་དྲན་པ་བོགས་སུ་ཆེ། །རང་སེམས་སྟེང་དུ་བཞག་པའི་ཚེ། །གཟུགས་སྒྲ་དྲི་རོ་ལ་སོགས་པ། །མཐོང་ཐོས་ཚོར་བ་མ་བཀག་ཀྱང་། །ཡིན་མིན་བླང་དོར་འཛིན་པ་མེད། །ནང་དུ་འདི་བསྒོམ་གཏད་སོ་མེད། །མ་བཅོས་རྗེན་པར་ཕྱམ་མེ་བ། །གང་ཟག་བདག་མེད་ཅེས་བྱ་སྟེ། །ཉམས་ལེན་བཟང་པོ་ཡིན་མོད་ཀྱང་། །ཆོས་ཀྱི་བདག་མེད་མ་རྟོགས་པས། །ད་རུང་སྟོང་ཉིད་ཕྱེད་པོ་ཡིན། །ཕྱི་རོལ་རི་དང་ཁང་ཁྱིམ་དང་། །སྐྱེས་པ་བུད་མེད་ལ་སོགས་ལ། །རིག་པ་

[Full Size]

གཏད་ནས་བསྒོམ་ཙམ་ན། །འདི་ཕན་གཟུགས་དང་འདི་ཚུན་སེམས། །ཕྱེ་རྒྱུ་མེད་པར་དབྱེར་མེད་དུ། །ཉམས་ལེན་དེ་དང་ངོ་བོ་གཅིག །དེ་བཞིན་སྣང་སྲིད་འཁོར་འདས་ཀུན། །རང་གི་སེམས་དང་དབྱེར་མེད་ཅིང་། །རང་སེམས་ཡེ་ནས་སྟོང་པ་ཉིད། །སྟོང་དང་མི་སྟོང་འཛིན་པ་བྲལ། །ཕྱི་རོལ་ཡུལ་སྣང་སྣ་ཚོགས་ལ། །ཆུ་ནང་ཟླ་བའི་གཟུགས་བརྙན་ལྟར། །གསལ་ཡང་ངོ་བོ་སྟོང་པར་མཐོང་། །དེ་ཡང་བསྲེ་སོགས་མི་དགོས་པར། །རང་ཤར་རྒྱུན་དུ་བྱུང་བ་ན། །ཉམས་ཀྱི་རོ་གཅིག་ཅེས་བྱ་སྟེ། །ཆོས་ཀྱི་བདག་མེད་རྟོགས་པ་ཡིན། །དེ་ནས་སྟོང་ཉིད་ཆ་ཚང་ངོ་། །སྣང་སྲིད་འཁོར་འདས་ཆོས་ཀུན་ལ། །ཐམས་ཅད་སྟོང་ཉིད་རྩི་ཡིས་ཟིན། །གང་བྱས་ཅི་བྱས་སྒྲིབ་མི་ནུས། །སྙམ་ཞིང་སྤྱོད་པ་རྩིང་ཤོར་ནས། །མི་རྒྱུ་གྱོང་ཞིང་རྩབ་རྩུབ་མང་། །སྐབས་སུ་ཡེངས་སྐབས་བརྗེད་སྐབས་ཆེ། །འཇིག་རྟེན་བྱ་བར་རུ་ང་ཆེ། །རོ་གཅིག་འདྲེས་པའི་རྦ་ལ་གཡེང་། །ལན་གཅིག་ངན་སོང་ལྟུང་དོགས་གདའ། །དེ་ལ་སྤྱོད་པ་ཞིབ་ཏུ་བྱ། །ད་རུང་གསོལ་འདེབས་དྲག་ཏུ་གདབ། །འདི་སྐབས་གཉན་ས་འགའ་རེ་འགྲིམ། །ཆོ་

[Full Size]

འཕྲུལ་སེམས་དང་བསྲེ་ཞིང་བསྒོམ། །སྙིང་རྗེ་སེམས་བསྐྱེད་དྲག་ཏུ་བསྒོམ། །དུས་གསུམ་རྒྱལ་བའི་ཐུགས་རྒྱུད་དང་། །འགྲོ་དྲུག་སེམས་ཅན་སེམས་རྒྱུད་གཉིས། །དབྱེར་མེད་ངོ་བོ་གཅིག་ཏུ་རྟོགས། །སེམས་དང་ནམ་མཁའ་ཆོས་ཀྱི་དབྱིངས། །དབྱེར་མེད་ཆེ་ཆུང་མེད་པར་རྟོགས། །སྣོད་བཅུད་འཁོར་འདས་ཐམས་ཅད་ཀུན། །ལན་ཚྭ་ཆུ་རུ་ཐིམ་པ་ལྟར། །རང་སེམས་ངང་དུ་དབྱེར་མེད་འདྲེས། །ད་རུང་བརྗེད་སྐབས་ཡེངས་སྐབས་ཡོད། །ཡེངས་དང་མ་ཡེངས་བརྗེད་མ་བརྗེད། །དབྱེར་མེད་བཟང་ངན་མེད་པ་རུ། །ངོ་བོ་འགྱུར་མེད་ཀློང་དུ་རྟོགས། །དེ་ག་ཙམ་ཞིག་བྱུང་བ་ན། །མི་ལུས་ཐོབ་པ་དོན་དང་ལྡན། །ནམ་ཞིག་འཆི་བའི་དུས་ན་ཡང་། །བདེ་བ་ཅན་ནམ་རྔ་ཡབ་གླིང་། །སྨོན་ལམ་རྩེ་གཅིག་གར་བཏབ་དེར། །འགྲོ་བར་ཐེ་ཚོམ་མི་དགོས་པར། །དེ་ཙམ་ཨེ་འོང་བརྩོན་འགྲུས་མཛོད། །གཞན་ཡང་བོགས་འདོན་གེགས་སེལ་ནི། །རྟོགས་པའི་གདེང་ཡང་ཐོབ་དཀའ་བས། །ནམ་འཆི་མི་ཤེས་འཆི་བའི་དུས། །བར་དོ་མི་ཆོད་པ་ཡི་གེགས། །འཇིགས་རུང་གེགས་ཆེན་དེ་སེལ་ཐབས། །རྒྱུད་སྡེ་འབུམ་ཕྲག་

[Full Size]

དྲུག་ཅུའི་དོན། །དགའ་རབ་ཤྲཱི་སེང་པདྨ་འབྱུང་། །བི་མ་མི་ཏྲ་ལ་སོགས་པ། །རིག་འཛིན་རྗེ་འབངས་ཐུགས་ཀྱི་བཅུད། །བསྒོམ་ནི་མི་དགོས་བལྟས་པས་གྲོལ། །རྫོགས་ཆེན་ཐོད་རྒལ་ཉམས་སུ་ལོངས། །འཇའ་འོད་ཐིག་ལེ་ཐིག་ཕྲན་དང་། །རང་སེམས་ངོ་བོ་བསྲེས་ལ་ལྟོས། །གསལ་སྟོང་དབྱེར་མེད་མངོན་སུམ་མཐོང་། །གལ་ཏེ་སེམས་ངོ་མི་ཤེས་ཀྱང་། །དེ་ལ་བལྟས་པས་བར་དོ་ཆོད། །འདི་ལས་ཟབ་དང་སླ་བའི་ཆོས་མེད་དོ། །ཐེག་པ་དགུ་ཡི་ཡང་རྩེ་ཡིན། །འཇའ་འོད་ཐིག་ལེ་ཐིག་ཕྲན་རྣམས། །དངོས་སུ་གསལ་པོར་ཡིད་ཆེས་མཐོང་། །རྩེ་གཅིག་བྷོ་དང་ངོ་མཉམ་སྟེ། །ཆོས་ཉིད་མངོན་སུམ་མཐོང་བ་ཡིན། །འོད་ལྔ་ཡེ་ཤེས་ལྔ་ཡི་འོད། །འོད་སྐོར་དབྱིངས་ཀྱི་སྒྲོན་མ་སྟེ། །ཐིག་ཕྲན་རིག་པ་ལུ་གུ་རྒྱུད། །དེ་དག་ཇེ་ཆེ་ཇེར་ཆེར་འཕེལ། །ཉམས་སྣང་གོང་དུ་འཕེལ་བ་ཡིན། །སྤྲོས་བྲལ་བསྒོམ་དང་ངོ་མཉམ་ཡིན། །ཐིག་ལེའི་ནང་དུ་ལྷ་སྐུ་མཇལ། བར་དོར་ཞི་ཁྲོའི་ལྷ་འཆར་ཚེ། །ངོས་ཟིན་དག་པའི་ཞིང་དུ་སྐྱེ། །ད་ལྟར་ཞི་ཁྲོའི་ལྷ་ཡོངས་རྫོགས། །ཤར་ནས་བར་དོ་བགྲོད་མི་དགོས། །ཕྱི་དབུགས་ཆད་པ་དེ་མ་ཐག་

[Full Size]

ནམ་མཁའི་དཀྱིལ་ནས་འོད་ཀྱི་ལམ། །མིག་གི་དཀྱིལ་དུ་ཟུག་ནས་འོང་། །དེ་ཡི་རྒྱུད་ནས་རྣམ་ཤེས་འཕོ། །རྡོ་རྗེ་སེམས་དཔའི་ཐུགས་ཀར་ཐིམ། །རྫོགས་ཆེན་ཉེ་ལམ་ངོ་མཚར་ཆེ། །དེ་ལས་ཟབ་དང་སླ་བའི་ཆོས། །འཇིག་རྟེན་གང་དུའང་མེད་པར་གསུངས། །ཨོ་རྒྱན་པདྨའི་ཟབ་ཁྱད་ཡིན། །རྒྱུན་དུ་དགེ་སྦྱོར་གང་བྱེད་ཀྱང་། །སེམས་ཅན་ཀུན་གྱི་དོན་གྱི་ཕྱིར། །འདི་ནས་ཚེ་འཕོས་གྱུར་མ་ཐག །བདེ་བ་ཅན་གྱི་ཞིང་ཁམས་སུ། །སྐྱེ་བའི་བསྔོ་བ་སྨོན་ལམ་མཛོད། །སྐྱེའམ་མི་སྐྱེ་ཐེ་ཚོམ་སྤོངས། །སྐྱེ་བར་ཐེ་ཚོམ་མི་དགོས་དང་། །འོད་དཔག་མེད་ཀྱི་སྨོན་ལམ་སྟོབས། །ཡིན་པས་བློ་གཏད་དེ་ལ་མཛོད། །དེ་ལྟར་གེགས་སེལ་བོགས་འདོན་རྣམས། །འཕྲལ་དུ་ཡིད་ལ་གང་ཤར་ཙམ། །ཆོ་འཕྲུལ་ཟླ་བའི་གནམ་གང་གི །ཉི་ཤར་ནས་བཟུང་དགོང་ཆེན་བར། །རྫོགས་པར་བྲིས་པའི་དགེ་བ་དེས། །གནས་པའི་ཉམས་རྟོགས་འཕེལ་བ་དང་། །འདི་ཉིད་སུ་ཡིས་མཐོང་ཐོས་རྣམས། །བྱང་ཆུབ་སྒྲུབ་ལ་གེགས་མེད་ཅིང་། །ཉམས་རྟོགས་དབྱར་གྱི་ཆུ་བོ་བཞིན། །རབ་ཏུ་འཕེལ་ཞིང་རྒྱས་ནས་ཀྱང་། །ཚེ་གཅིག་ལུས་

[Full Size]

གཅིག་འདི་ཉིད་ལ། །ཕྱག་རྒྱ་ཆེན་པོ་འགྲུབ་པར་ཤོག །དེ་སྐད་རཱ་ག་ཨ་སྱས་སྨྲས། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལོ་འོར་ལ་གདམས་པ་མགུར་ཚན་གསུམ།

[Full Size]

ན་མོ་གུ་རུ་ལོ་ཀེ་ཤྭ་ར་ཡེ། བླ་མ་ཡི་དམ་དབྱེར་མེད་པའི། །ཐུགས་རྗེའི་གཏེར་ལ་ཕྱག་འཚལ་ལོ། །དད་པ་དང་ལྡན་པའི་ལོ་འོར་གྱིས། །སེམས་ལ་ཕན་པ་གཅིག་དགོས་ཟེར་བ། །སེམས་ལ་གང་ཤར་གཅིག་འཕྲལ་དུ་བརྗོད། །བསྐལ་པ་ནི་བྱེ་བ་བརྒྱ་སྟོང་ལ། །སངས་རྒྱས་ནི་འབྱོན་པ་ད་རེས་ཙམ། །ད་རེས་ནི་བསྐལ་པ་བཟང་པོར་སྐྱེས། །ངན་སོང་ནི་ས་ཆེན་རྡུལ་གྲངས་ཙམ། །མི་ལུས་ནི་སེན་མོའི་རྡུལ་ཙམ་ཡིན། །ད་རེས་ནི་མི་ལུས་རིན་ཆེན་ཐོབ། །ལུས་འཕགས་དང་བ་ལང་སྒྲ་མི་སྙན། །གླིང་གསུམ་དུ་སྐྱེས་ཀྱང་ཆོས་མི་དར། །ད་རེས་ནི་འཛམ་བུའི་གླིང་འདིར་སྐྱེས། །མཐའ་འཁོབ་ནི་བརྒྱ་དང་ཡང་འཁོབ་སྟོང་། །དེ་དག་ཏུ་ཆོས་ཀྱི་བསྐལ་པ་མེད། །ད་རེས་ནི་ཁ་བ་ཅན་འདིར་སྐྱེས། །སངས་རྒྱས་ཀྱི་བསྟན་པ་གནས་ཡུན་ཐུང་། །བསྟན་པ་ནི་ནུབ་ན་དམ་ཆོས་མེད། །ད་རེས་ནི་ཐུབ་བསྟན་དར་དུས་སྐྱེས། །འོན་པ་དང་ལྐུགས་པ་སྨྱོན་པ་ལ། །དམ་ཆོས་དར་ཀྱང་ཆོས་སྐལ་མེད། །ད་རེས་ནི་དབང་པོ་སྒོ་ལྔ་ཚང་། །འདི་འདྲ་ནི་ཡང་ཡང་འཛོམ་དཀའ་བས། །ད་རེས་དམ་ཆོས་ཤིག་བསྒྲུབས་ན་ལེགས། །ད་

[Full Size]

རེས་དམ་ཆོས་ཤིག་མ་བསྒྲུབས་ན། །རང་གི་རང་ཉིད་བསླུ་ཚབས་ཆེ། །ཆོས་བྱེད་བསམ་ཅིག་ཡོད་པས་མི་ཕན་ཏེ། །ལོ་ཟླ་འདི་སོང་བཞིན་འཆི་ལ་ཉེ། །མི་ཚེ་ནི་ཟད་པ་མི་ཚོར་རོ། །ཟས་གོས་ནི་ཟད་སྙམ་སེར་སྣ་སྐྱེ། །ཚེ་ཟད་ནས་འཆི་བ་ཡང་རེ་རེ་ཅེས། །ནད་རིགས་དང་གདོན་རིགས་འདི་རླུང་ལྟར་འཚུབ། །ཚེ་སྲོག་འདི་རླུང་གསེབ་མར་མེ་འདྲ། །ངེས་པར་འཆི་བདག་ཁོ་སླེབ་ཙ་ན། །མགོ་དཔོན་དང་ཕ་སྡེས་ཀྱང་ཁེབ་ས་མེད། །གཏམ་ལས་དང་ཟས་ནོར་གྱིས་བསླུ་ཐབས་མེད། །རིམ་གྲོ་སྨན་དཔྱད་བྱས་བཞིན་ཐུ། །ཉེ་དུ་དང་མཐུན་གྲོགས་ཀྱིས་མཐའ་བསྐོར་ཡང་། །སྲོག་ཆད་པའི་སྡུག་བསྔལ་བགོ་ཐབས་མེད། །ལུས་ནི་སྡུག་བསྔལ་བཟོད་མེད་ཀྱི་ཟུག་གཟེར་ལྡང་། །སེམས་ནི་འཁྲུལ་སྣང་གི་འཇིགས་སྐྲག་ཆེ། །བེམ་རྒོག་ཀྱང་སྐྱུར་ནས་འགྲོ་དགོས་ན། །ཉེ་དུ་དང་ཟས་ནོར་སྨོས་ཅི་དགོས། །རྣམ་ཤེས་ནི་བྱ་སྒྲོ་རླུང་ཁྱེར་བཞིན། །ཆ་མེད་ཀྱི་ཡུལ་དུ་རྒྱུས་མེད་འཁྱམས། །དགེ་སྡིག་ནི་ལུས་དང་གྲིབ་བཞིན་འཁོར། །གཤིན་རྗེའི་ཁྲིམས་ར་ཡ་རེ་ང་། །ལས་ཀྱི་མེ་ལོང་མདོག་རེ་གསལ། །གསང་སྒྲིབ་དང་རྫུན་ཞུས་དེར་མི་

[Full Size]

ཚུད། །དགེ་བ་ནི་འདོད་ཀྱང་ཚོལ་ཁོངས་མེད། །སྡིག་པ་ལ་འགྱོད་ཀྱང་དེ་ནས་འཕྱིས། །དམྱལ་བའི་མེ་ལྕེ་ཚ་ངར་ཆེ། །གཤིན་རྗེའི་ལས་མཁན་སྙིང་རྗེ་མེད། །དེ་འདྲ་སོམ་ལ་དམ་ཆོས་མཛོད། །ཅེས་པ་བློ་སེམས་ཆོས་ལ་འཇུག་པའི་ཀླུའོ།། ༈ །།ན་མོ་གུ་རུ། ཁྱེད་ལོ་འོར་དམ་ཆོས་མཛད་དགོངས་ན། །ལྷ་དཀོན་མཆོག་གསུམ་ལ་སྐྱབས་སུ་སོང་། །ཁྱེད་ལུས་ལ་སྙིང་པོ་ལེན་འདོད་ན། །དུས་ཉ་མཚམས་བསྙེན་གནས་གཙང་མ་སྲུངས། །ཁྱེད་ལུས་ཀྱི་སྒྲིབ་པ་དག་འདོད་ན། །དུས་རྒྱུན་དུ་བརྒྱ་ཕྱག་ཆག་མེད་མཛོད། །ཁྱེད་ངག་གི་སྒྲིབ་པ་དག་འདོད་ན། །དུས་རྒྱུན་དུ་ཡི་གེ་དྲུག་པ་ཐོན། །ཁྱེད་སེམས་ལ་འཁྲུལ་པ་མེད་འདོད་ན། །སེམས་སྨྱོ་བའི་སྨྱོ་ཆུ་ཆང་འདི་སྤོངས། །ཁྱེད་བླ་མའི་བྱིན་རླབས་འཇུག་འདོད་ན། །སེམས་དད་པ་བརྟན་པོས་གསོལ་བ་ཐོབ། །ཁྱེད་དག་སྣང་ཕྱོགས་མེད་སྦྱོང་འདོད་ན། །གོས་སེར་མོ་ཀུན་ལ་དད་པ་བསྐྱེད། །ཁྱེད་དམྱལ་བའི་སྡུག་བསྔལ་སྤང་འདོད་ན། །ལས་སྲོག་གཅོད་སྤོངས་ལ་གནོད་སེམས་སྐྱུར། །ཁྱེད་ཡི་དྭགས་སྡུག་བསྔལ་སྤང་འདོད་ན། །ལས་རྐུ་འཕྲོག་སྤོངས་

[Full Size]

ལ་རློམ་སེམས་སྐྱར། །ཁྱེད་དུད་འགྲོའི་སྡུག་བསྔལ་སྤང་འདོད་ན། །ངག་ཚིག་ངན་སྤོངས་ལ་སྐུར་འདེབས་སྒྱུར། །ཁྱེད་ལྷ་མའི་སྡུག་བསྔལ་སྤང་འདོད་ན། །ལས་འཛིང་རྩོད་སྤོངས་ལ་དབྱེན་ཚིག་སྒྱུར། །ཁྱེད་ལྷ་ལུས་མི་ལུས་ཐོབ་འདོད་ན། །ལས་དགེ་བ་བཅུ་པོ་ཅི་འགྲུབ་གྱིས། །ཁྱེད་མཐར་ཐུག་སངས་རྒྱས་ཐོབ་འདོད་ན། །ཆོས་ཅི་བྱེད་འགྲོ་དྲུག་སྤྱི་ལ་བསྔོས། །ཁྱེད་རང་སེམས་ཆོས་སྐུར་རྟོགས་འདོད་ན། །སེམས་མ་བཅོས་རང་སེམས་ངོ་བོ་ལྟོས། །ཁྱེད་འཇའ་ལུས་ལོངས་སྐུ་ཐོབ་འདོད་ན། །ལུས་སྣང་སྟོང་ཐུགས་རྗེ་ཆེན་པོར་བསྒོམ། །ཁྱེད་སྤྲུལ་སྐུས་འགྲོ་དོན་བསྒྲུབ་འདོད་ན། །མ་འགྲོ་དྲུག་དོན་དུ་སྨོན་ལམ་ཐོབ། །དེ་སྤྲང་པོ་ང་ཡི་སྙིང་གཏམ་ཡིན། །ཁྱེད་ལོ་འོར་ཐུགས་ལ་དེ་ལྟར་ཞོག །ཅེས་ཉམས་སུ་ལེན་ཚུལ་གོ་བདེ་བའི་གླུའོ།། ༈ །།ན་མོ་མ་ཧཱ་མུ་དྲ་ཡེ། ལོ་འོར་རྣམས་ཉམས་ལེན་སྐྱོང་འདོད་ན། །མ་ཡེངས་རང་གི་སེམས་ལ་ལྟོས། །བལྟས་པས་མི་མཐོང་ངང་ལ་ཞོག །འཕྲོ་ན་འཕྲོ་མཁན་ངོ་བོར་ལྟོས། །རང་སར་ཞི་ཚེ་ངང་ལ་ཞོག །གསལ་ན་གསལ་བའི་ངོ་བོར་ལྟོས། །མ་ཡེངས་ས་ལེ་སེང་ངེ་ཞོག །གནས་ན་གནས་

[Full Size]

པའི་ངོ་བོར་ལྟོས། །ཧྲིག་གེ་རྗེན་ནེ་ཡེ་རེ་ཞོག །དུག་ལྔ་ཤར་དུས་ངོ་བོར་ལྟོས། །རང་གྲོལ་ཡེ་ཤེས་ངང་ལ་ཞོག །འཚུབ་ན་རང་སེམས་ཀློད་ལ་ལྟོས། །གར་འགྲོ་ཐོངས་ལ་རྒྱང་སོ་ཚུགས། །བྱིང་རྨུག་འཐིབ་ན་བསྒྲིམ་ལ་ལྟོས། །བྱིང་རྨུག་རང་གསལ་ངང་ལ་ཞོག །ལྟ་བ་བཤད་ལུགས་མང་ན་ཡང་། །རང་ངོ་བལྟ་བ་ལྟ་བའི་མཆོག །སྒོམ་པ་བཤད་ལུགས་མང་ན་ཡང་། །ཡེངས་མེད་དྲན་པ་སྒོམ་པའི་མཆོག །སྤྱོད་པ་བཤད་ལུགས་མང་ན་ཡང་། །དགེ་སྒྲུབ་སྡིག་སྤང་སྤྱོད་པའི་མཆོག །འབྲས་བུ་བཤད་ལུགས་མང་ན་ཡང་། །ཆོས་སྐུ་མངོན་གྱུར་འབྲས་བུའི་མཆོག །བོགས་འདོན་རྣམ་གྲངས་མང་ན་ཡང་། །མོས་གུས་གསོལ་འདེབས་བོགས་འདོན་མཆོག །གེགས་སེལ་རྣམ་གྲངས་མང་ན་ཡང་། །སྡིག་པ་འཛེམ་པ་གེགས་སེལ་མཆོག །མན་ངག་གདམས་པ་མང་ན་ཡང་། །བརྩོན་འགྲུས་སྒོམ་སྲན་མན་ངག་མཆོག །སྒྲུབ་གནས་རྣམ་གྲངས་མང་ན་ཡང་། །གར་འདུག་དགེ་སྒྲུབ་སྒྲུབ་གནས་མཆོག །འོ་ན་དད་ལྡན་ལོ་འོར་ཁྱོད། །འཆི་དུས་འགྱོད་མེད་ད་རེས་རན། །ཉམས་ལེན་འབྲལ་མེད་ཨེ་ཡོང་ལྟོས། །

[Full Size]

ཞེས་པ་སེམས་ལ་ཕན་ཕྱིར་འཕྲལ་དུ་དགེ་སློང་ཨ་རཱ་གས་སྣོན་ཟླ་བའི་ཡར་ཚེས་དགུ་ལ་སྨྲས་པའོ།།

ཕར་ཕྱིན་དྲུག་སྙན་ངག་དང་སྦྱར་བའི་ཉམས་མགུར།

[Full Size]

ཕར་ཕྱིན་དྲུག་སྙན་ངག་དང་སྦྱར་བའི་ཉམས་མགུར་བཞུགས་སོ།

[Full Size]

བསོད་ནམས་དགེ་ཚོགས་ལས་བྱུང་བའི་དཔལ་འབྱོར་ལོངས་སྤྱོད། །ད་ལྟ་རང་དབང་ཡོད་དུས་ཡར་མཆོད་མར་སྦྱིན་ཞིག་གྱིས་དང་། །དགྲ་འདྲེ་མཐའ་དམག་གིས་ཁྱེར་དུས་འགྱོད་ཀྱང་ནི་འཕྱིས་པ་གདའ་བས། །གྲོགས་སུ་དགེ་སེམས་ཞིག་བསྐྱེད་མཛོད་འབྱོར་ལྡན་གྱི་ཡོན་བདག །ཡངས་པའི་པད་ཚལ་དུ་རྒྱུ་བའི་སྟག་ཆུང་གི་བུང་བ། །རྩི་བཅུད་ཀྱིས་ཚང་མང་ཁེངས་དུས་བུང་བ་ཀུན་ཚིམ་པར་ཟོ་དང་། །དབང་མེད་མི་ཡིས་ཁྱེར་དུས་དར་དིར་འབང་མདུང་གིས་མི་ཕན། །གྲོགས་སུ་གསོག་འཇོག་སྐྱུང་མཛོད་པད་ཚལ་གྱི་གླུ་མཁན། ཤཱཀ་ཐུབ་

[Full Size]

བསྟན་པ་ལ་ཞུགས་པའི་རབ་བྱུང་གི་བཙུན་ཆུང་། །ད་ལྟ་གཙང་མར་ཡོད་དུས་ཚུལ་ཁྲིམས་ཤིག་བསྲུང་དང་། །བག་མེད་དུ་འཁྱལ་ནས་ངན་སོང་དུ་ལྟུང་ཚབས་ཆེ་ཉན་ཡོད་པས། །གྲོགས་སུ་བག་ཡོད་དྲན་ཤེས་བརྟེན་མཛོད་ཁྲིམས་ལྡན་གྱི་བནྡྷེ། །སྤང་ལྗོངས་མཐོན་མཐིང་ལས་འཁྲུངས་པའི་འདབ་རྒྱས་ཀྱི་པདྨ། །ད་ལྟ་བཀྲག་མདངས་ཟིལ་མངར་ལྡན་དུས་དཀོན་མཆོག་ཅིག་མཆོད་དང་། །དུས་ཀྱི་བ་མོས་བསིལ་ངད་ལྡང་དུས་རང་དབང་མི་འདུག་པས། །གྲོགས་སུ་མཆོད་པ་སྔུན་མཛོད་བུང་བ་ཡི་གཉེན་གཅིག །རྒྱལ་ཁྲིམས་ཆོས་ཁྲིམས་ལ་བསྟེན་

[Full Size]

པའི་དབུ་ནག་གི་མི་ཚོ། །དོན་མེད་ཚིག་རྩོད་འདྲ་བྱུང་དུས་བཟོད་པ་རེ་སྒོམ་དང་། །འཐབ་འཁྲུག་ནི་སྨས་ལ་ཐུག་ན་གཉིས་ཕུང་དུ་འགྲོ་བས། །གྲོགས་སུ་གཤིས་འཇམ་བརྟེན་མཛོད་ཤེས་ལྡན་གྱི་མི་ཕོ། །སྲ་བརྟན་གོ་ཆའི་རྒྱལ་པོ་རྦ་ཕུབ་ནི་ལིང་ཆེན། །ཉག་ཕྲན་མདའ་མོ་བྱུང་དུས་རང་རྟགས་ཤིག་སྟོན་དང་། །སྐྱེས་བུ་ཤི་སྨས་ཤོར་ན་དགོས་པ་ནི་སྟོར་བས། །གྲོགས་སུ་བཟུར་ཤེས་བརྟེན་མཛོད་སྤྲིས་ཕུབ་ནི་སྒོར་མོ། །ནམ་འཆི་ཆ་མེད་དུ་ངེས་པའི་མི་ལུས་ནི་རིན་ཆེན། །ད་ལྟ་རང་དབང་ཡོད་དུས་དམ་ཆོས་ཤིག་གྱིས་དང་། །འཆི་བདག་གཤིན་རྗེས་ཟིན་ན་སྡོད་དབང་ནི་མེད་པས། །གྲོགས་སུ་བརྩོན་འགྲུས་བརྟེན་མཛོད་འཛམ་གླིང་གི་མི་སྡེ། །འདུར་འགྲོས་ལྔ་གསུམ་འཛོམ་པའི་ཅང་ཤེས་ཀྱི་རྟ་ཕོ། །སྲོག་གཅོད་དགྲ་ཡིས་དེད་དུས་དཀྱུས་ཐག་ཅིག་ཆོད་དང་། །སྔོ་མཉེན་ལྕགས་སུ་བཅུག་ན་རང་དབང་ནི་མེད་པས། །གྲོགས་སུ་རྩལ་ཆེན་བརྟེན་མཛོད་གྱི་ལིང་གི་རྟ་ཕོ། །ཉམས་དང་རྟོགས་པ་སྐྱེ་འདོད་ཁྲིད་ཕྲུག་ནི་གསར་པ། །རྣམ་གཡེང་སྤོངས་ལ་ལུས་གནད་སེམས་གནད་ལ་གཅུན་དང་། །ཞི་གནས་མེད་པར་ལྷག་མཐོང་སྐྱེས་ཀྱང་ཡོན་ཏན་ནི་ཆུང་

[Full Size]

བས། །ཡེངས་མེད་བསམ་གཏན་སྒོམ་མཛོད་སྒོམ་ཆེན་གྱི་གསར་བུ། །རས་དཀའ་སྣུམ་གྱིས་སྦགས་པའི་སྣང་གསལ་གྱི་སྒྲོན་མེ། །ད་ལྟ་བཀྲག་མདངས་གསལ་དུས་རྟེན་གསུམ་ལ་མཆོད་དང་། །རླུང་ནག་འཚུབ་མ་འདྲ་ལྡང་ན་རང་དབང་ནི་མེད་པས། །གྲོགས་སུ་རླུང་ཡོལ་བརྟེན་མཛོད་ཞུན་མར་གྱི་དྷི་པཾ། །ཤེས་རབ་ཕར་ཕྱིན་རྟོགས་པའི་སྒོམ་ཆེན་ནི་རྙིང་པ། །ད་ལྟ་ལུས་སེམས་བདེ་དུས་རང་ཞལ་རེ་སྟོན་དང་། །ན་ཚ་ཟུག་གཟེར་གྱིས་མནར་དུས་རང་དབང་འདུ་བར་དཀའ་བས། །གྲོགས་སུ་ཡེངས་མེད་བརྟེན་མཛོད་རི་ཁྲོད་ཀྱི་སྒོམ་ཆེན། །སྤྲིན་དཀར་གསེབ་ནས་ཐོན་པའི་རྟ་བདུན་གྱི་རྒྱལ་པོ། །དགུང་སྔོན་དྭངས་པའི་ཚེ་ན་འོད་སྣང་རེ་འགྱེད་དང་། སྒྲ་གཅན་མུན་པས་ནུབ་ཚེ་རང་དབང་ནི་མེད་པས། །གྲོགས་སུ་རྟ་བདུན་བརྟེན་མཛོད་ནམ་མཁའི་ནོར་བུ། །ཞེས་ཕར་ཕྱིན་དྲུག་གི་གླུ་སྙན་ངག་དང་སྦྱར་བ་དགེ་སློང་ཨ་རཱ་གས་སོ།། ༈ །།ཡོན་བདག་དཔོན་རིགས་འགའ་ལ་གསུངས་པའི་བསྒྲུབ་པའི་དམ་བཅའི་མགུར་བཞུགས་སོ། །ན་མོ་ཨཱཿརྱ་པ་ལོ། དཔལ་ཐུགས་རྗེ་ཆེན་པོ་སྤྱན་རས་གཟིགས། །སྤྲང་མི་འབྲལ་སྙིང་ནས་གསོལ་བ་འདེབས། །

[Full Size]

བདག་བསྒྲུབ་པའི་བར་ཆད་བསལ་དུ་གསོལ། །བདག་གྲོང་ཆོག་གི་འདྲེ་འདུལ་བྱས་ལགས་ཀྱང་། །འཕྲལ་ཁ་སྐྱིད་ཀྱི་ཞིམ་ལྟོ་མ་གཏོགས་པ། །བློ་གཞན་ཕན་གྱི་བྱང་སེམས་མ་འབྱོངས་པས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་འཕོ་འདེབས་དང་བདུན་ཚིགས་བྱས་ལགས་ཀྱང་། །འཕྲལ་འབུལ་ནོར་ཞིག་ཅི་རྙེད་མ་གཏོགས་པ། །བློ་མི་རྟག་དང་སྙིང་རྗེ་མི་སྐྱེ་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་དབང་བཀའ་རྗེས་གནང་བྱས་ལགས་ཀྱང་། །འཕྲལ་གྲིབ་ཀ་ཞིག་ཨེ་ཕན་མ་གཏོགས་པ། །རྗེས་དམ་ཚིག་སྲུང་མཁན་མི་གདའ་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་གང་བྱུང་གི་སློབ་མ་བསྟེན་ལགས་ཀྱང་། །འཕྲལ་ཟ་ཆོག་དང་ངན་སྔགས་འདོད་པ་བས། །བློ་ཆོས་དང་མཐུན་པ་མི་རྙེད་པས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་བླ་མའི་གདན་ས་བཟུང་ལགས་ཀྱང་། །འཕྲལ་ཆགས་སྡང་གི་འཁོར་ལོ་འཁོར་བ་བས། །ཕ་བཀའ་བརྒྱུད་ཀྱི་གདན་ས་མི་ཚུགས་པས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་དཀོར་ཇའི་འབུལ་

[Full Size]

སྡུད་བྱས་ལགས་ཀྱང་། །འཕྲལ་དགྲ་རྐུན་གྱི་གཡབ་མོ་མ་གཏོགས་པ། །ཞིང་དག་པ་ལ་བརྒྱ་འབུལ་མི་ཁྱོག་པས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་ཆོས་ར་དང་ཁྲོམ་དབང་བྱས་ལགས་ཀྱང་། །འཕྲལ་སྒར་ཆུང་གི་ཁ་ཐོན་མ་གཏོགས་པ། །རྒྱུད་སྨིན་གྲོལ་གྱི་ནུས་པ་མི་ཐོབ་པས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་སུས་ཟེར་གྱི་སྐུ་ཕུད་བླངས་ལགས་ཀྱང་། །འཕྲལ་སྣང་ཤེས་ཀྱི་དཔོན་སློབ་མ་གཏོགས་པ། །ཕུགས་བསླབ་སྡོམ་བསྲུང་མཁན་དཀོན་པས་ན། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་སྡིག་སྤོང་གི་ཁས་ལེན་བྱས་ལགས་ཀྱང་། །འཕྲལ་ངོ་མ་ཆོག་པའི་ཚིག་སྐམ་པས། །ཕུགས་སྲོག་གཅོད་སྤོང་བ་དཀོན་དོ་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་དགེ་བའི་ཁས་ལེན་བྱས་ལགས་ཀྱང་། །འཕྲལ་ཁྲོམ་ནང་དུ་ཁ་འཕྱོར་མ་གཏོགས་པ། །དོན་ལག་ཏུ་ལེན་མཁན་དཀོན་པས་ན། །འཕྲུལ་བསྒྲུབ་པ་འདི་མཐའ་རུ་འདོན་ན་བསམ། །བདག་སེམས་བསྐྱེད་དང་བློ་སྦྱང་བཤད་ལགས་ཀྱང་། །འཕྲལ་བཤད་ལོ་དང་ཉན་ལོ་མ་

[Full Size]

གཏོགས་པ། །བྱམས་སྙིང་རྗེ་བསྒོམ་མཁན་མི་འོང་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་བླ་མའི་རྣལ་འབྱོར་བཤད་ལགས་ཀྱང་། །འཕྲལ་གསོལ་རས་ཀྱི་ངོ་བསྟོད་མ་གཏོགས་པ། །སེམས་མོས་གུས་སྐྱེ་མཁན་མི་འོང་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །ཕྱག་ཆེན་དང་སེམས་ཁྲིད་བཤད་ལགས་ཀྱང་། །འཕྲལ་གོ་བརྫུའི་ཟོམ་ཟོམ་མ་གཏོགས་པ། །སེམས་རང་ངོ་འཕྲོད་པ་མི་འོང་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་རྫོགས་ཆེན་དང་ཐོས་གྲོལ་བཤད་ལགས་ཀྱང་། །འཕྲལ་སྤྱོད་པ་རྩིང་འདྲེ་མ་གཏོགས་པ། །ལམ་ཁྲེགས་ཆོད་བགྲོད་མཁན་མི་འོང་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་གཅོད་ཁྲིད་དང་གསང་སྤྱོད་བཤད་ལགས་ཀྱང་། །འཕྲལ་ཟ་ཕྱིར་དུ་ཐོབ་རྫོས་མ་གཏོགས་པ། །རྐྱེན་ལམ་དུ་སློང་མཁན་མི་འོང་བས། །འཕྲལ་བསྒྲུབ་པ་འདི་མཐའ་རུ་འདོན་ན་བསམ། །བདག་གྲྭ་མང་གི་མགོ་ཕུ་བྱས་ལགས་ཀྱང་། །འཕྲལ་སྣང་ཤེས་ཀྱི་འདུ་ཚོགས་མ་གཏོགས་པ། །ཕུགས་ཆོས་དང་མཐུན་པ་མི་འོང་བས། །འཕྲལ་བསྒྲུབ་པ་

[Full Size]

འདི་མཐའ་རུ་འདོན་ན་བསམ། །རྗེ་བླ་མ་ཡི་དམ་མཁའ་འགྲོའི་ཚོགས། །བདག་བསམ་པ་འགྲུབ་པར་བྱིན་གྱིས་རློབས། །ཞེས་པ་འདི་ཡོན་བདག་དཔོན་རིགས་འགའ་ཕུག་སྒོ་ན་མཇལ་དུ་བྱུང་ནས་ཁྱེད་འདི་ལྟར་བཞུགས་པ་བས་ཁྲིད་ཆུང་རེ་བཙུགས་ན་ཕན་ཆེ་ཟེར་བར་སྨྲས་པའོ། །ཨ་རཱ་གས་སོ།། ༈ །།རྗེ་བཙུན་བླ་མ་རིན་པོ་ཆེ་ཀརྨ་རཱ་ག་ཨ་སྱས་བལ་པོའི་སྒོམ་ཆེན་ལ་གདམས་པ་རྣམ་ཐར་གྱི་ཚུལ་གྱིས་གསུངས་པའི་མགུར་བཞུགས་སོ།། ན་མོ་གུ་རུ། བསམ་ཆུང་བདག་གི་བསམ་ཚུལ་འབྲས་མེད་འགའ། །ཉེ་རིང་བུ་ལ་ཁ་ནས་གླེང་བར་སྤྲོ། །འགྲོ་དྲུག་ནང་ནས་དལ་འབྱོར་མི་ལུས་ཐོབ། །བླ་མར་བཟུང་དུ་རུང་བའི་སྲས་སུ་གྱུར། །དྲུག་ལ་ཡི་གེ་དགུ་ནས་བསྐྱེད་རིམ་བསྒོམ། །དབུལ་པོར་སྐྱེས་ཀྱང་སྐལ་པ་བཟང་ངོ་བསམ། །བཅུ་དགུའི་བར་དུ་ཕ་ཇོའི་ཆོས་ལུགས་བསྐྱངས། །བར་སྐབས་མཚམས་སྒྲུབ་སྐབས་འགར་རིག་གནས་སྦྱངས། །གྲོང་ནག་འགྲིམ་ཡང་གྲོང་པའི་ཆོས་མ་གོས། །ཆུང་ནས་རབ་བྱུང་གཙང་བཙུན་ཡིན་ནོ་བསམ། །ལོ་ཤས་གནས་རི་བསྐོར་ཞིང་གྲྭ་ས་འགྲིམ། །གྲྭ་སྐོར་མཁས་པའི་མིང་སྙན་མ་ཐོབ་ཀྱང་། །སློབ་གཉེར་ཡེངས་མེད་སྒྲིག་དང་

[Full Size]

འགལ་མེད་བྱས། །གྲྭ་རྐྱང་ཆོས་མཐུན་ཉམ་ཆུང་ཡིན་ནོ་བསམ། །རིག་གནས་ཤེས་བྱ་གང་ལ་ཡང་འབྲེལ་པ་བཞག །ཤེས་རབ་ཆེ་ཞེས་ཀུན་གྱིས་ཡིད་སྨོན་བྱེད། །གཅིག་ལ་མཁས་མཐར་ཕྱིན་པ་མ་བྱུང་ཡང་། །བློ་གསལ་མང་དུ་ཐོས་པ་ཡིན་ནོ་བསམ། །རབ་བྱུང་དགེ་ཚུལ་བསྙེན་པར་རྫོགས་པ་ཞུས། །རྩ་བ་བཞི་པོ་འཕྱུག་མེད་སྲོག་ལྟར་བསྲུང་། །ཕྲ་ཞིབ་འཆལ་ལ་གསོ་སྦྱོང་བྱིན་གྱིས་བརླབས། །སོ་ཐར་ཁྲིམས་ལྡན་དགེ་སློང་ཡིན་ནོ་སྙམ། །འགྲོ་དྲུག་ཕ་མར་གོ་ནས་སེམས་བསྐྱེད་བླངས། །དགེ་བ་གང་བྱེད་འགྲོ་བ་སྤྱི་ལ་བསྔོས། །བྱམས་དང་སྙིང་རྗེ་བཏང་ལེན་ཅི་ནུས་འབད། །བྱང་སྡོམ་བརྒྱུད་ལྡན་སེམས་དཔའ་ཡིན་ནོ་བསམ། །དབང་བཞི་ཞུས་ནས་སྣང་སྲིད་ལྷ་སྐུར་གོ །བསྐྱེད་རིམ་བཟླས་བརྗོད་རྒྱུན་གཏོར་དུས་གཏོར་དགའ། །ཉམས་རྨིས་རྟགས་དང་ལས་ཚོགས་ཕྲན་བུ་འགྲུབ། །མ་ཧཱ་ཡོ་གའི་རྣལ་འབྱོར་ཡིན་ནོ་སྙམ། །རྡོ་རྗེའི་ལུས་དང་སེམས་ཀྱི་གནས་ལུགས་གོ །རྩ་རླུང་ཐིག་ལེར་མོས་པ་ལམ་དུ་བྱས། །ཀུན་བྱང་ཆུབ་སེམས་ལ་གཅེས་སྤྲས་བཟུང་། །ཨ་ནུ་ཡོ་གའི་རྣལ་འབྱོར་ཡིན་ནོ་བསམ། །འཁོར་འདས་གདོད་ནས་རྣམ་

[Full Size]

དག་ཆོས་སྐུར་གོ །བདེ་གསལ་མི་རྟོག་མྱོང་བ་རྒྱུད་ལ་སྐྱེས། །ཐ་མལ་མ་བཅོས་རྗེན་པའི་ཟབ་གནད་རིག །ཨ་ཏི་ཡོ་གའི་རྣལ་འབྱོར་ཡིན་ནོ་བསམ། ཀུན་རྫོབ་དོན་དམ་བདེན་གཉིས་ཟུང་འཇུག་གོ །ཐབས་ཤེས་གཅིག་གྲོགས་གཅིག་བྱེད་གནད་ཟབ་ཤེས། །འབྲས་བུ་སྐུ་གཉིས་འབྱུང་ཚུལ་ལེགས་པར་ཐོབ། །དབུ་མ་ཆེན་པོའི་རྣལ་འབྱོར་ཡིན་ནོ་བསམ། །གཞི་ཤེས་བདེ་གཤེགས་སྙིང་པོའི་གནད་གསང་གོ །ལམ་ཤེས་སྟོང་ཉིད་སྙིང་རྗེ་ཟུང་དུ་ཆུད། །རྣམ་མཁྱེན་འབྲས་བུའི་ཡོན་ཏན་རྒྱ་ཆེར་ཐོབ། །ཕ་རོལ་ཕྱིན་པའི་རྣལ་འབྱོར་ཡིན་ནོ་བསམ། །གཞི་ཡི་གནས་ལུགས་འཁོར་འདས་དབྱེར་མེད་གོ །ལམ་གྱི་བགྲོད་ཚུལ་རིག་སྟོང་དབྱེར་མེད་རྟོགས། །འབྲས་བུའི་ཐོབ་ཚུལ་ཐོབ་བྱ་བྲལ་བར་གོ །ཕྱག་རྒྱ་ཆེན་པོའི་རྣལ་འབྱོར་ཡིན་ནོ་བསམ། །ཡོན་ཏན་མེད་པ་ང་རྒྱལ་ལྷག་པར་ཆེ། །ངན་པ་རྣམས་ནི་རང་མཐོང་གནམ་བས་ཆེ། །ངན་པས་རང་བསྟོད་དེ་འདྲ་སྨྲས་ན་ཡང་། །སྐྱོན་གྱི་ཆ་ཡང་ཤིན་ཏུ་མང་ངོ་བསམ། །གནས་མདོ་ཁྱི་ནག་གྲེ་ཁུང་ས་ཆ་འདིར། །ཕ་ཡུལ་ཡིན་ཞེས་ཤོར་དོགས་ཤི་སྤར་འཐམ། །འདི་འདྲ་

[Full Size]

ཆོས་པའི་སྤྱོད་པ་མ་ཡིན་ཞེས། །དེ་འདྲ་གཞན་གྱིས་གླེང་ཞིང་རང་ཡང་བསམ། །ཕ་ཡུལ་བདུད་ཀྱི་བཙོན་ར་ཆགས་སྡང་འཕེལ། །མི་རྩིས་ཆུང་ཞིང་དད་མེད་མཚང་དགུ་ཀློག །མི་ཚེ་འདི་ན་སྐྱེལ་བའི་བསམ་པ་མེད། །ཕྱོགས་མེད་ཡུལ་དུ་འགྲོ་དོན་བྱའོ་སྙམ། །འབྲི་སྟག་ས་འབྲུག་སྐྱེས་ཆེན་དཔག་མེད་རྣམས། །འཁྲུངས་ཡུལ་ཉིད་དུ་དོན་གཉིས་ལྷུན་གྱིས་གྲུབ། །ཕ་ཡུལ་ཡིན་ཡང་མི་དགེ་སྤོང་བྱེད་ཅིང་། །དམ་ཆོས་བསྒྲུབས་ན་ཉེས་པས་མི་དགོས་བསམ། །ཁམས་པས་ཏི་སེ་བཟུང་ནས་འབྲི་འབྲུག་རྩོད། །ཀོང་པོས་འབའ་བློབཟུང་ཤི་བསད་འཁྲུག་པ་བསླང་། །སྤྱོད་ལམ་དམ་པའི་ཆོས་དང་མ་མཐུན་ན། །ཕ་ཡུལ་སྤངས་ཀྱང་དམ་ཆོས་མ་ཡིན་བསམ། །ཉེ་དུ་རྣམས་ནི་འཁོར་བའི་བཤལ་ཐག་ཡིན། །དཀོར་གྱིས་ཉེ་དུ་གསོས་ན་གཉིས་ཀ་ཕུང་། །ཉེ་དུས་བསྐོར་བ་དམ་པའི་ཆོས་དང་འགལ། །འདི་འདྲ་གཞན་ཡང་གླེང་ཞིང་རང་ཡང་བསམ། །རྒྱུ་ཡི་ཟོས་ལན་དཀོར་གྱིས་གསོད་པ་དང་། །རྣ་མེད་གཞུང་མེད་ངོ་ཚ་སྤང་བའི་ཕྱིར། །ངོ་བྲིད་ཅུང་ཟད་ཙམ་རེ་མ་གཏོགས་པ། །ཉེ་དུར་དོན་མེད་དཀོར་ནག་མི་སྦྱིན་བསམ། །ཕ་དང་མ་ནི་དཀོན་མཆོག་བཞི་

[Full Size]

པ་ཞེས། །ས་བཅུའི་སེམས་དཔའ་ཞིག་དང་མཉམ་གསུང་ཕྱིར། །དཀོར་སྒྲིབ་རང་གིས་སྦྱངས་བའི་ཟས་གོས་ཀྱིས། །ནམ་འཚོ་བར་དུ་བཀུར་སྟི་བྱའོ་སྙམ། །རྒས་པའི་ནད་དང་གཅོས་པའི་གདོན་གྱིས་ཟིན། །མི་རྩོད་ཁྱི་འཁོན་གྲྭ་ས་ཆགས་མི་འཇུག །ཁ་མང་སྤྱོད་ངན་སྔོ་ལོ་འཕྱར་ན་ཡང་། །བརྡེག་ཚོག་ཚིག་ངན་ཡི་ཆད་མི་རུང་བསམ། །འབྲི་འབྲུག་ས་སྟག་གཏེར་སྟོན་ཐམས་ཅད་ཀྱང་། །རུས་དབོན་སྣག་དབང་མུ་ཏིག་སྟར་བརྒྱུན་བཞིན། །ཅུང་ཟད་ཆོས་དང་འཇིག་རྟེན་འོང་སྙམ་པས། །ཉེ་དུས་བསྐོར་ཡང་ཆོས་དང་མི་འགལ་བསམ། །བདག་ནི་ཆོས་ཕག་གཟན་ཚོལ་དཀོར་སྒྲིབ་ཆེ། །དད་ཟས་གྲིབ་ཟས་མང་པོའི་རྒྱ་མཚོར་ལྟུང་། །ཤི་ཤོག་གསོན་ཤོག་མང་པོའི་གཏིང་རྡོ་བཏགས། །ཐར་བར་དཀའ་ཞེས་རང་གཞན་གཉིས་ཀས་བསམ། །ལོ་དགུ་ལོན་ནས་མི་ཟས་དཀོར་ལ་འབགས། །མི་ཚེའི་ཕྱེད་ལ་ཡོན་ཏན་བཙོང་ཟོས་ཀྱང་། །སྦྱོར་དངོས་རྗེས་ཚང་རྒྱལ་བའི་བཀའ་བཞིན་བསྒྲུབས། །རྫུན་དང་མགོ་བསྐོར་སྒྲིབ་པ་མེད་དོ་བསམ། །འཁོར་ལོས་སྒྱུར་རྒྱལ་ལྔ་བརྒྱའི་བསོད་ནམས་ཚོགས། །སྟོན་པས་ཉན་ཐོས་

[Full Size]

རྣམས་ཀྱི་འཚོ་བར་བསྔོས། །ཚུལ་ཁྲིམས་ལྡན་རྣམས་འཚོ་བས་མི་འཕངས་པ། །ཐུབ་པའི་དབང་པོའི་ཐུགས་རྗེ་ཡིན་ནོ་སྙམ། །རྫུན་དང་ཟོབ་ཀྱིས་མི་མགོ་བསྐོར་བ་དང་། །དགེ་འདུན་ནོར་ལ་ཐུག་ཐུབ་སྤྱོད་པ་རྣམས། །ལྕགས་ཀྱི་ཐུ་ལུམ་མེ་འབར་ཟ་བ་སྟེ། །དེ་འདྲའི་དཀོར་སྒྲིབ་བདག་ལ་མེད་དོ་སྙམ། །ཚུལ་ཁྲིམས་འཆལ་ཡང་ཚུལ་ཁྲིམས་ལྡན་བརྫུན་ནས། །དཀོར་ལ་སྤྱོད་ན་ལྷར་བཅས་འཇིག་རྟེན་ལ། །བརྫུན་ཤིང་ཟོས་པའི་སྒྲིབ་པ་འབྱུང་གསུངས་ཀྱང་། །དེ་འདྲའི་དཀོར་སྒྲིབ་བདག་ལ་མེད་དོ་བསམ། །སྤྲུལ་སྐུ་དང་ནི་གྲུབ་ཐོབ་ལ་སོགས་པ། །མན་ལ་ཡིན་པར་རང་གིས་ཁས་བླངས་ནས། །དེ་ཡིས་དཀོར་བསྡུས་བདུད་ལས་རང་གཞན་ཕུང་། །དེ་འདྲའི་དཀོར་སྒྲིབ་བདག་ལ་མེད་དོ་བསམ། །ཚུལ་ཁྲིམས་ལྡན་པས་བདག་པོའི་ཚུལ་དུ་ཟ། །བསྐྱེད་རིམ་འབྱོང་བས་དངོས་གྲུབ་ཚུལ་དུ་ཟ། །རང་རྒྱུད་དུལ་ལམ་ཡོན་ཏན་ཤེས་པ་ལ། །ཐུབ་པས་གནང་ཕྱིར་དཀོར་སྒྲིབ་མེད་དམ་བསམ། །སྐུ་སྐྱེ་མིན་ཞིང་བླ་རྒྱུད་དཔོན་རྒྱུད་མེད། །དགོན་པ་གདན་སའི་ཐོབ་མེད་བྱ་བྲལ་ལ། །འབུལ་བ་ཆེ་དང་བྱང་ཞུས་མི་འོས་ཞེས། །དེ་འདྲ་

[Full Size]

གཞན་གྱིས་གླེངས་ཤིང་རང་ཡང་བསམ། །སྔོན་བྱོན་བླ་མ་ཆེན་པོ་དེ་དག་ཀྱང་། །དེང་ནས་སྐུ་སྐྱེ་བླ་རྒྱུད་དབོན་བརྒྱུད་ཡིན། །དེ་ཡི་རྒྱབ་ལ་གདན་ས་བླ་བརྒྱུད་བྱུང་། །རང་བྱུང་དེ་འདྲ་བྱུང་ན་མཆོག་ཡིན་བསམ། །ཆོ་ག་ཚང་ཞིང་བསྐྱེད་རིམ་གསལ་བའི་ངང་། །བྱམས་དང་སྙིང་རྗེས་སྒྲིབ་སྦྱོང་རྣམ་ཤེས་སྤར། །བསྔོ་བས་རྒྱས་བཏབ་བསྔོ་ཡིག་རྒྱུན་དུ་བཅང་། །མཚན་བྱང་མ་བཞུས་སྒྲིབ་པ་མེད་དམ་བསམ། །གསོན་ཤོག་རུང་དང་མི་རུང་བདེན་མི་བདེན། །ཟེར་མཁན་ཡོད་ཀྱང་བདེ་མཆོག་རྒྱུད་ནས་གསུངས། །གསུང་བཞིན་བྱས་ལ་བསྔོ་ཡིག་ནང་དུ་བྲིས། །གསོན་ཤོག་བཞུས་པས་སྒྲིབ་པ་མི་འབྱུང་བསམ། །བསྔོ་ཡིག་ཐེབ་ཚད་གཙོར་བྱས་སེམས་ཅན་ཀུན། །རྫོགས་བྱང་མཆོག་ལ་འགོད་པར་སེམས་བསྐྱེད་ནས། །སྨོན་ལམ་བསྔོ་བ་ཕྱིར་ལྡོག་གང་ཐུབ་འབད། །བསྔོ་ཡིག་ཡབ་སྲས་སྤྱན་སྔར་ཨེ་ཕྱིན་བསམ། །སྒྲུབ་པ་བྱེད་པར་འཚོ་བས་ཐབས་ཆགས་ན། །བསྒྲུབ་པ་མི་བཤོལ་དཀའ་ཐུབ་བཅུད་ལེན་བྱ། །དཀོར་སྒྲིབ་ཆུང་ཞིང་ཉམས་འཕེལ་མངོན་ཤེས་འཆར། །དེ་འདྲ་དགོས་དུས་བྱུང་ན་བྱེད་ན་བསམ། །

[Full Size]

ལོངས་སྤྱོད་ཡོད་བཞིན་མི་ཟ་ལུས་གདུང་བ། །རྒྱ་ཆེ་རོལ་པར་མུ་སྟེགས་ལུགས་སུ་བཤད། །ཐུབ་པའི་དབང་པོས་མཐའ་གཉིས་སྤོང་བར་གསུངས། །འདུལ་བ་བཞིན་དུ་དུས་སུ་ཟ་ན་བསམ། །འདུལ་བའི་ལུགས་ལ་ཆང་དང་དགོང་གཉིས་སྤོང་། །བྱང་སེམས་ལུགས་བཞིན་ཤ་སྤོང་གདན་གཅིག་བྱ། །དེ་ཡང་སྔགས་ལྟར་ནང་གི་སྦྱིན་སྲེག་སྤྱད། །དེ་ལྟར་ཟོས་པས་སྒྲིབ་མེད་ཚོགས་རྫོགས་བསམ། །དཀོར་མང་བསྡུས་ཤིང་འཇིག་རྟེན་ཟས་སྤངས་ཀྱང་། །རྒྱུ་ཟས་ཆགས་འཛིན་ཡོད་ཕྱིར་སྒྲིབ་པའང་ཡོད། །གསང་སྔགས་ལུགས་ཀྱི་ལྷ་བསྙེན་ལྟུང་བའང་ཕོག །འཇིག་རྟེན་པ་རྣམས་དད་ཀྱང་འབྲས་ཆུང་བསམ། །རང་རྒྱུད་མ་ཐུལ་གཞན་རྒྱུད་ག་ལ་ཐུལ། །དེང་སང་རང་དོན་རྩེ་གཅིག་བསྒྲུབ་པའི་དུས། །རླབས་ཆེན་གཞན་དོན་འགྲུབ་པའི་དུས་ལ་བབ། །ཆོས་འཆད་འཁོར་སྐྱོང་ད་རུང་མ་རན་བསམ། །རང་དོན་གྲུབ་ནས་གཞན་དོན་མ་བྱས་ན། །བྱང་སྡོམ་འཆོར་ཞིང་རྒྱལ་བ་སྲས་བཅས་བསླུས། །ཚེ་མཇུག་དངོས་སུ་འགྲོ་དོན་གང་འགྲུབ་དང་། །མ་འོངས་འགྲོ་དོན་སྨོན་ལམ་འདེབས་སོ་བསམ། །ཕ་ཡུལ་མི་གཅིག་གྲྭ་པ་གཉེར་པ་འགས། །

[Full Size]

བླ་མའི་དབང་བསྐུར་འཁྲུག་རྩོད་སྡིག་ཚབས་ཆེ། །ངན་དབང་ཆེ་ན་ཉེ་དུ་ཡིན་ན་ཡང་། །མི་དགེ་སྤྱོད་ནས་བཟང་རྒྱུ་མེད་དོ་བསམ། །སྙིང་རིང་བཀའ་བསྒོ་མི་བདེ་ཚིག་གཤིས་གྱོང་། །ཆོས་དང་ཡོན་ཏན་མི་སློབ་དཀོར་ལ་རྔམ། །བླ་མའི་ཡོན་ཏན་མི་གཙང་སྐྱོན་རྣམས་བགྲངས། །དེ་འདྲའི་གྲྭ་པ་མེད་ན་ལེགས་སོ་བསམ། །ཡོན་ཏན་བསླབ་འདོད་བློ་ཕུགས་ཆོས་ལ་གཏད། །བླ་མར་དད་ཅིང་སྙིང་ཉེ་མཆེད་ལ་བྱམས། །ལྐོག་ཐུབ་བློ་ཁེལ་ཚུལ་ཁྲིམས་ངོས་ལྐོག་མེད། །དེ་འདྲའི་གྲྭ་པ་བརྒྱ་སྟོང་ལོང་མོད་བསམ། །སྤྱི་སེམས་མེད་ཅིང་རང་འདོད་ཁོང་དུ་བཅུག །དཀོར་གྱིས་ཉེ་དུ་སྐྱོང་དང་སྒེར་ཟོག་བྱེད། ། །ཆང་དང་བྷ་གའི་རིན་ལ་ནང་ཏི་བཤང་། །དེ་འདྲའི་གཉེར་པ་མེད་ན་ལེགས་སོ་སྙམ། །བླ་མའི་བསྟན་པ་བསམ་ཞིང་སྤྱི་སེམས་ཆེ། །དགྲ་གྱོད་ཁ་མཆུ་ཐབས་ཀྱིས་སྤང་བར་མཁས། །དཀོར་རྣམས་ཆུད་ཟོས་མི་བྱེད་ཆོས་ལ་བཏང་། །དེ་འདྲའི་གཉེར་པ་ཆོས་སྐྱོང་དངོས་ཡིན་བསམ། །བླ་མ་མི་འདོད་ཡོན་ཏན་ཐབས་ཀྱིས་ལེན། །དབང་ལུང་ཐོབ་ནས་ཕྱི་ཐག་དམ་ཚིག་མེད། །བརྒྱུད་པ་གང་མཐོ་འདྲེན་ཞིང་བླ་མ་

[Full Size]

གསང་། །དེ་འདྲའི་སློབ་མ་མེད་ན་ལེགས་སོ་བསམ། །དད་པ་དམ་ཚིག་ལྡན་ཞིང་བསྒྲུབ་ལ་བརྩོན། །རྒྱུད་དུལ་ཤེས་རབ་སྙིང་རྗེ་རྟོགས་པ་ལྡན། །ཆོས་མང་ཐོས་ཀྱང་རང་གི་ཆོས་བརྒྱུད་འཛིན། །དེ་འདྲའི་སློབ་མ་སྙིང་བས་དམར་རོ་བསམ། །སྦྱོར་བ་བྱང་ཆུབ་སེམས་ཀྱིས་ཀུན་སློང་བཟང་། །སྤྱོད་པ་འདུལ་བ་ཁོ་ནར་གཙོ་བོར་འཛིན། །ཉམས་ལེན་བསྐྱེད་རྫོགས་ཟུང་འཇུག་སྒོམ་བྱེད་པ། །འདི་འདྲའི་སྲོལ་འཇགས་བསྟན་པ་དར་རོ་བསམ། །སྙིགས་མའི་དུས་འདིར་གཞན་སྣང་བསྒྱུར་ནུས་པའི། །རྫུ་འཕྲུལ་སྤྲུལ་བསྒྱུར་དངོས་སུ་མི་ནུས་པར། །མྱུར་ལམ་ཕོ་ཉའི་ལམ་སོགས་ཉམས་བླངས་ན། །བསྟན་པ་མེ་མགལ་ཆུར་བཅུག་འདྲའོ་བསམ། །རྒྱ་གར་རྒྱ་ནག་གངས་ཅན་བོད་ཡུལ་དུ། །ངོ་མཚར་གནས་ཆེན་དཔག་མེད་ཡོད་ན་ཡང་། །ཚེགས་ཆེ་འདུལ་བ་འཛིན་པ་འགྲོ་སྟབས་དཀའ། །རྩ་རླུང་བསྒོམ་ན་རང་ལུས་གནས་ཡིན་བསམ། །ཡབ་སྲས་གཏེར་སྟོན་ལ་སོགས་མཇལ་འདོད་ཀྱང་། །འགྲོ་སྟབས་དཀའ་ཞིང་མཇལ་ཡང་ཆོས་ཐོབ་དཀའ། །ཞལ་མཇལ་ཙམ་གྱིས་ཆོས་འདོད་བློ་མི་ཚིམ། །དེ་བས་རྒྱང་ནས་གསོལ་བ་འདེབས་ན་

[Full Size]

བསམ། །དེང་སང་ཕྱོགས་རིས་གཏམ་ལ་ངེས་མེད་ཀྱང་། །གཏེར་ལུང་ཐམས་ཅད་ས་ཕག་གྲོས་བྱས་འདྲ། །རྒྱལ་བ་ཡབ་སྲས་རྫོགས་པའི་སངས་རྒྱས་དངོས། །དེ་ཕྱིར་སྙིང་གི་ཐིག་ལེར་འཆང་ན་བསམ། །ཟབ་ཆོས་ནམ་མཁའི་སྐར་ཚོགས་འདྲ་ན་ཡང་། །ལམ་འདི་ཁོ་ནས་གྲུབ་ཐོབ་གྲངས་མེད་བྱོན། །སྟབས་བདེ་ཉམས་སུ་ལོན་སླ་བཀའ་བབ་ལྡན། །ལྷན་ཅིག་སྐྱེས་སྦྱོར་སྙིང་ལ་འཆང་ན་བསམ། །དབང་ལུང་ཡོན་ཏན་སུ་ལ་འདུག་ན་ཡང་། །ཐབས་ཀྱིས་བླངས་ནས་དམ་ཚིག་མ་ཆག་བྱ། །དགེ་བའི་ཆོས་རྣམས་སྡུད་པའི་ཚུལ་ཁྲིམས་དང་། །བུང་བ་ལྟ་བུའི་སྤྱོད་པ་ཡིན་ནོ་བསམ། །སྣ་ཚོགས་ཐབས་ཀྱིས་བསྒྲུབ་པའི་ཟས་དང་ནོར། །མེད་ན་ཐབས་ཆག་མང་ན་ཕུང་གཞི་འབྱུང་། །ཇི་ལྟ་ཡོད་ཀྱང་ཆོག་ཤེས་སྐྱེ་དཀའ་བས། །ཉེར་མཁོ་ཙམ་ལས་བསོགས་ཆོད་བྱས་ན་བསམ། །དཀོར་རྫས་བསགས་ནས་འབུལ་སྐྱེལ་རི་ཤུ་དང་། །བརྒྱ་འབུལ་ལ་སོགས་དགེ་ཆེན་བྱ་བསམ་ཡང་། །ཐོག་ཏུ་མི་འགྲོ་དགྲ་བོའི་གཡབ་མོ་བྱེད། །དེ་བས་འཕྲལ་འཕྲལ་ཆོས་ལ་བཏང་ན་བསམ། །སློབ་བུས་རྒྱ་མཚོ་ལྟ་བུའི་དཀོར་ནག་བསྡུས། །

[Full Size]

བློ་གཏད་བཅས་ནས་བདག་མདུན་སྤུངས་ན་ཡང་། །ཡི་དམ་མཆོད་ཅིང་བསྔོ་བའི་རྒྱ་ཡིས་བཏབ། །དཀོར་གྱི་སྒྲིབ་པས་ལྟུང་བར་མི་འགྱུར་བསམ། །དབུལ་ཕོངས་བཀྲེས་སྐོམ་ལྡན་པའི་དུས་བྱུང་ཡང་། །ཚེ་གཅིག་སྒྲུབ་པ་བྱེད་པའི་སློབ་བུ་ལ། །སྒྲུབ་པ་སྐྱུར་ནས་དཀོར་སྡུས་ང་གསོས་ཞེས། །བསྒྲུབ་ལ་བར་ཆད་འོང་བ་མི་སྨྲ་བསམ། །ཉེ་དུ་ཡིན་རུང་མིན་རུང་སློབ་བུ་ཡི། །དཀོར་བསྡུ་ལུགས་གཉིས་ཚོ་འཛིན་གོ་ཆོད་ན། །བདག་ལ་དབང་མེད་ཁོ་དབང་ཆེའོ་ཞེས། །མི་ངན་ཕལ་པའི་གཏམ་འདི་མི་སྨྲ་བསམ། །འཇིག་རྟེན་མཐུན་འཇུག་བསམ་བློ་ཆེ་མི་དགོས། །ཆོས་མིན་བྱ་རྒྱུ་མེད་པར་ཟོལ་བདེ་རུ། །འདུག་དུས་འདི་ལ་ཐུགས་དམ་མ་འཕེལ་ན། །ཐུགས་དམ་འཕེལ་དུས་ནམ་ཡང་མི་འབྱུང་བསམ། །མངོན་ཤེས་མེད་ཀྱང་མདོ་རྒྱུད་དཔང་བཞག་ན། །ལུས་འདི་བོར་ནས་བདེ་ཆེན་ཞིང་དུ་སྐྱེ། །དེ་ནི་སྲིད་པ་ཐ་མའི་བྱང་སེམས་ཡིན། །དེ་བས་འཚངས་ཆེ་ལམ་མྱུར་མེད་དོ་བསམ། །བདག་དང་བློ་མཐུན་བདག་གཞན་སུས་སྤྱོད་པ། །ཚེ་འདིར་འགྲོ་བས་བཀུར་ཞིང་བསྟན་ལའང་ཕན། །ཕྱི་མ་བདེ་ཆེན་ཞིང་དུ་མཉམ་དུ་སྐྱེ། །དེ་དག་བདག་

[Full Size]

གི་སློབ་མ་ཡིན་ནོ་བསམ། །བདག་དང་མི་མཐུན་འགལ་བར་སུས་སྤྱོད་པ། ཡང་ན་རབ་བྱུང་ཡང་ན་ཐ་མར་ལྟུང་། །འབྲིང་པོ་དོར་བས་བཟང་ངན་ལུང་སྟོན་དཀའ། །དེ་ཡང་དུས་ཀྱི་ཐ་མར་ཉེ་འོ་བསམ། །བདག་གི་བསམ་པ་དྲུག་ཅུ་རེ་གསུམ་པོ། །དགེ་སློང་སྒོམ་ཆེན་ཞིག་གི་རྣམ་ཐར་ཚང་། །ཉམས་སུ་སུ་ཡིས་བླངས་ཀྱང་ལོན་ངེས་པས། །ཉམས་དང་བསྟུན་པའི་དྲང་གཏམ་ཡིན་ནོ་བསམ། །དེ་སྐད་ས་གའི་ཚེས་ལྔ་སྔ་དྲོར་བྲིས། །རཱ་གའི་མིང་ཅན་དགེ་སློང་རྒན་པོ་ཡི། །ལུས་པོ་ཟུང་ཟད་བདེ་བའི་ཁམས་དྭངས་ནས། །བལ་པོ་སྒོམ་ཆེན་དེ་ལ་སྤྲིང་བའོ།། ༈ །།ཨོ་རྒྱན་རིག་འཛིན་ལ་གདམས་པ་བཞུགས་སོ། །ན་མོ་གུ་རུ་དྷརྨེ་ཤྭ་ར་ཡེ། ཡིད་གཞུངས་བློ་གསལ་དད་ལྡན་བུ་ཁྱོད་ལ། །བསླབ་བྱ་མི་དགོས་ཇི་བཞིན་ཤུགས་ལ་རྟོགས། །འོན་ཀྱང་ཅུང་ཟད་འཕྲལ་དུ་གང་དྲན་བརྗོད། །རང་ཉིད་མཐའ་མེད་འཁོར་བའི་རྒྱ་མཚོ་ནས། །ཐར་ཐབས་ད་རེས་ཁོ་ནར་བསྒྲུབ་པ་ལ། །གཞན་ལ་ཡུས་དང་ཁོང་ལོང་སྤང་བ་གཅེས། །འགལ་རྐྱེན་མང་ཞིང་ཉོན་མོངས་དབང་བཙན་ན། །ཚུལ་ཁྲིམས་མིག་འབྲས་བཞིན་དུ་

[Full Size]

བསྲུང་བ་འདི། །ངན་འགྲོའི་མཚོ་ལས་སྒྲོལ་བའི་གྲུ་དང་གཟིང་། །ཚུལ་ཁྲིམས་བསྲུང་བའི་ཡུས་དང་ང་རྒྱལ་སྤོངས། །མི་སྙན་ཚིག་དང་མི་འོས་བྱ་བ་ལ། །བཟོད་པ་བསྒོམ་པ་ཆོས་ཀྱི་སྙིང་པོ་ཡིན། །ལན་དགུའི་བར་དུ་བཟོད་པ་ཅི་ནུས་བསྒོམ། །ཅུང་ཟད་ཙམ་ལ་ངན་སྔགས་སྦྱོར་བ་སྤོངས། །དཀོར་སྒྲིབ་མེད་པའི་རང་ཟས་བདུད་རྩི་མཆོག །ཉམས་རྟོགས་འཕེལ་ཞིང་རྟགས་མཚན་མི་སྒྲིབ་གསལ། །ས་ཐོབ་རྣམས་ཀྱང་རྟགས་མཚན་དཀོར་གྱིས་འགག །དཀོར་ལ་ཟ་འདོད་རློམ་སེམས་སྤང་བ་གཅེས། །རང་འཚོ་ཙམ་གྱི་ལོངས་སྤྱོད་མི་འཕོངས་ཀྱང་། །སེར་སྣས་བཅིང་ནས་བཟའ་བཏུང་མི་བྲ་ན། །སྦྲང་མའི་རྩི་བཞིན་སུས་སྤྱོད་ཅི་ཆ་ཡོད། །སེར་སྣ་དཀའ་ཐུབ་ཡིན་པ་མི་དགོངས་འཚལ། །དེང་སང་ཚེ་ཚད་བཞི་བཅུ་ཁ་རལ་གསུངས། །དེ་ལ་ཉི་ཤུ་རྩ་ཐོག་གཉིད་ཀྱིས་བཅད། །ལོ་གསུམ་བསྒྲུབ་ཀྱང་ཟླ་བ་བཅུ་དགུ་གཉིད། །ལོ་གསུམ་བསྒྲུབ་གཉུག་རིང་བའི་སྐྱོ་དུབ་སྤོངས། །ལེགས་ལེགས་མཁོ་མཁོ་འདྲ་བའི་དཔེ་ཆ་ཡང་། །མི་ཚེར་བྲིས་ཀྱང་འཛད་མེད་ཇོ་ཇོ་མང་། །དཔེ་བྲལ་དོན་གཅིག་སེམས་ལ་མ་འགྲོགས་ན། །འཆི་དུས་དཔེ་ཆ་

[Full Size]

ཤུལ་དུ་ལུས་པར་སོམས། །ད་ལྟ་ལུས་སེམས་བདེ་ཞིང་མཐུན་རྐྱེན་འཛོམ། །རྩ་རླུང་དར་བབ་དབང་པོ་གསལ་དུས་འདིར། །ཉམས་ལེན་རྡོ་རུས་མི་གཏུག་སོ་གསོད་ཙམ། །མ་འོངས་ཉམས་ལེན་བྱེད་སྙམ་འཁྲུལ་པར་སོམས། །ཉམས་ལེན་ཧ་ཅང་མི་བཤོལ་ངང་ཉིད་ནས། །བྲི་འདོན་ཕྱག་དང་ཚ་ཚ་ཆུ་སྦྱིན་སོགས། །རྩལ་སྦྱོང་ཚོགས་གཉིས་ཟུང་འཇུག་ཡིན་པའི་ཕྱིར། །འདུས་བྱས་དགེ་བ་ཁྱད་དུ་མི་གསོད་འཚལ། །གལ་ཏེ་བསྐྱེད་རྫོགས་ཉམས་ལེན་བཤོལ་ན་ནི། །འདུས་བྱས་དགེ་བ་མ་ལྕོགས་ན་ཡང་རུང་། །བསྐྱེད་དང་རྫོགས་དང་བསྐྱེད་རྫོགས་ཟུང་འཇུག་གསུམ། །གང་རུང་ཞིག་དང་མ་བྲལ་སེམས་ལ་འཆོང་། །གཞན་སྣང་འགྱུར་བའི་རྟེན་འབྲེལ་ལ་བསྟེན་ནས། །ཤུགས་ཀྱིས་འཚོ་བ་བྱུང་བ་དགག་མེད་དགོས། །ཞེན་ཆགས་མེད་པར་ནང་གི་སྦྱིན་སྲེག་འབུལ། །དཀོར་ལ་འཛེམ་སྐད་ཇོ་བརྫུའི་སྨྲ་བ་སྤང་། །རྩ་རླུང་དར་བབ་བཟའ་བཏུང་བཅུད་ལྡན་པས། །ཁམས་རྒྱས་ཆགས་པའི་བསམ་སྦྱོར་རྒྱས་སྲིད་ན། །རང་གཞན་ལུས་འདི་མི་གཙང་ཕུང་པོ་སྟེ། །ཆུ་གཅིན་རྣག་ཁྲག་ཕུང་པོ་ཡིན་ཚུལ་དཔྱད། །རོ་རུལ་ཀེང་

[Full Size]

རུས་ཉིད་དང་ཁྱད་མེད་བསྒོམ། །ཡང་ན་རང་ཉིད་ཡི་དམ་ཡབ་ཡུམ་བསྒོམ། །དམིགས་པ་འཁྲུལ་འཁོར་རླུང་གིས་བྱང་སེམས་དབབ། །རྩ་གནས་བཞི་པོར་དགའ་བཞིའི་ངོས་བཟུང་ནས། །ཐེག་ལེ་མི་གཏོང་གྱེན་ལྡོག་སྤྱི་བོར་བསྟིམ། །རྒྱུན་གྱི་ཉམས་ལེན་མ་ཡེངས་དྲན་རྫི་སྟེ། །ཡེངས་ན་འཁྲུལ་པ་མ་ཡེངས་ཡེ་ཤེས་ཉིད། །མ་ཡེངས་ངང་ནས་ཅི་བྱེད་ཟག་མེད་ལམ། །རྒྱུན་དུ་དལ་བུས་སྤྱོད་ལམ་ཀུན་དང་བསྲེ། །གཟུགས་སྒྲ་དྲི་རོ་གང་ཤར་དེ་དང་བསྲེ། །ཁྱི་སྒྲ་ཀུ་ཅོ་མི་སྙན་ཟེ་རེ་སོགས། །སེམས་ལ་གནོད་ཚབས་གང་ཆེ་དེ་ཉིད་ལས། །ཆེད་དུ་བསྲེ་ཞིང་ངོར་ལྟ་བོགས་འདོན་མཆོག །འོད་གསལ་མི་རྟོག་ཉམས་བཟང་ཅི་ཤར་ཡང་། །ཆགས་ཞེན་སྤོངས་ལ་དེ་ཡི་ངོ་བོར་ལྟ། །བྱིང་རྒོད་མི་བདེའི་ཉམས་ངན་ཅི་ཤར་ཡང་། །དེ་ཡི་ངོ་བོ་ལྟ་བ་གེགས་སེལ་མཆོག །སྐབས་སུ་ཐུན་བཞི་ལ་སོགས་གསོལ་འདེབས་ལ། །རྒྱང་འབོད་གང་ཤེས་རྣལ་འབྱོར་རང་གདངས་བྱ། །རྒྱུན་དུ་དཀོན་མཆོག་ཀུན་འདུས་པད་འབྱུང་ལ། །ཅི་མཛད་ཁྱེད་ཤེས་བློ་བཀལ་གདུང་ཤུགས་བསྐྱེད། །སྐབས་སུ་མ་གཏོགས་འགྲོ་ལ་སྙིང་རྗེ་བསྐྱེད། །རང་ཉིད་དམ་

[Full Size]

ཆོས་སྒྲུབ་པའི་དགའ་བ་བསྒོམ། །ཐུན་མཇུག་བསྔོ་བ་སྨོན་ལམ་རྒྱ་ཡིས་བཏབ། །དེ་ལྟར་ཉམས་སུ་བླངས་ན་གཏན་བདེ་འགྲུབ། །དེ་ལྟར་རཱ་གའི་མིང་གིས་འཕྲལ་ཉིད་བྲིས། །ཨོ་རྒྱན་རིག་འཛིན་ཉམས་ཀྱི་གསལ་འདེབས་མཛོད། ། ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།