མཁས་གྲུབ་ཀརྨ་ཆགས་མེད་ཀྱི་གསུང་འབུམ།

མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ཞི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

བླ་མ་མཆོད་པའི་ཆོ་གའི་འདོན་བྱ་ཁོལ་དུ་ཕྱུང་བ།

― CMR051_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་མཆོད་པའི་ཆོ་གའི་འདོན་བྱ་ཁོལ་དུ་ཕྱུང་བ་བཞུགས་པའི་དབུ་ཕྱོགས་ལགས་སོ། །

― CMR051_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་འགྲོ་གཏོར་མ་བཤམས་ལ། ཨོཾ་ཨ་བིགྷན་ཏ་ཀྲི་ཏ་ཧཱུཾ་ཕཊ་ཀྱིས་བསངས། ཨོཾ་སྭ་བྷཱ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་ཨེ་ཧྱ་ཧི་པདྨ་ཀཱ་མ་ལྱཱ་སྟྭཾ། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་ཨརྒྷཾ་པྲ་ཏིཙྪ་སྭཱ་ཧཱ། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་པཱདྱཾ་པྲ་ཏིཙྪ་སྭཱ་ཧཱ། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་པུཥྤེ་པྲ་ཏཱིཙྪ་སྭཱ་ཧཱ།

― CMR051_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་དྷུ་པེ་པྲ་ཏཱིཙྪ་སྭཱ་ཧཱ། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་ཨཱ་ལོ་ཀེ་པྲ་ཏཱིཙྪ་སྭཱ་ཧཱ། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་གྷནྡྷེ་པྲ་ཏིཙྪ་སྭཱ་ཧཱ། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་ནཻ་ཝི་དྱ་པྲ་ཏིཙྪ་སྭཱ་ཧཱ། ཨོཾ་ད་ཤ་དིག་ལོ་ཀ་པ་ལ་བྷུ་མི་པཱ་ཏི་ས་པཱ་རི་ཝཱ་ར་བཛྲ་ཤཔྟ་པྲ་ཏཱིཙྪ་སྭཱ་ཧཱ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱརྱ་ནུཏྤན་ན་ཏོཏྟ་ཨོཾ་ཨཱཿཧཱུྃ་ཕཊ་སྭཱ་ཧཱ། ། ཞིང་སྐྱོང་ཆེན་པོ་བརྒྱད་རྣམས་དང་། །མཁའ་འགྲོ་སུམ་ཅུ་སོ་གཉིས་སོགས། །ལྷ་ཀླུ་གནོད་སྦྱིན་སྲིན་པོ་

― CMR051_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །འབྱུང་པོ་ཡི་དྭགས་ཤ་ཟའི་ཚོགས། །སྨྱོ་བྱེད་བརྗེད་བྱེད་མཁའ་འགྲོ་མ། །མ་མོའི་ཚོགས་རྣམས་མ་ལུས་དང་། །སྡེ་བརྒྱད་ཡུལ་ལྷ་གཞི་བདག་དང་། །སྨན་མོ་གནས་བདག་ལ་སོགས་པ། །གཏོར་མགྲོན་ཚོགས་རྣམས་མ་ལུས་ཀུན། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅིག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་བའི་ནད་མེད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་རྣམས་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཅེས་གཏོར་མ་དོར། ཨོཾ་སུཾ་བྷ་ནི་སུམྦྷ་ནི་ཧཱུྃ། གྲྀཧྞ་གྲྀཧྞ་ཧཱུྃ། གྲྀཧྞཱ་པ་

― CMR051_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་གྲྀཧྞཱ་པ་ཡ་ཧཱུྃ། ཨཱ་ན་ཡ་ཧོཿབྷ་ག་ཝན་བཱིརྱ་རཱ་ཛ་ཧཱུྃ་ཧཱུྃ་ཕཊ། ཅེས་བརྗོད། འོག་ཐམས་ཅད་རྡོ་རྗེའི་ས་གཞི། ལོགས་ཐམས་ཅད་རྡོ་རྗེའི་ར་བ། སྟེང་ཐམས་ཅད་རྡོ་རྗེའི་གུར་བླ་བྲེ་སུ་གྱུར། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཞེས་བརྗོད། མཆོད་རྫས་བསངས་སྦྱངས། ཨོ་ལས་བྱུང་བའི་རིན་པོ་ཆེའི་སྣོད་དུ་ཧཱུྃ་ཡིག་ལས་བྱུང་བའི་ལྷ་རྫས་ཀྱི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ། འདོད་ཡོན་ལྔ། རྒྱལ་པོ་ལ་འོས་པའི་རིན་པོ་ཆེ་སྣ་བདུན། བཀྲ་ཤིས་པའི་རྟགས་བརྒྱད། མཆོད་པའི་ལྷ་མོ་བཅུ་དྲུག །ལྷ་རྫས་དང་རིན་པོ་ཆེ་ཡི་རིགས་ལས་བྱུང་བའི་མཆོད་པའི་རྫས་དུ་མ་དང་། ཕྱི་ནང་གསང་བ། དེ་ཁོ་ནི་ཉིད་དངོས་འབྱོར་ཡིད་སྤྲུལ་གྱི་མཆོད་པའི་སྤྲིན་བསམ་གྱིས་མི་ཁྱབ་པ་ས་དང་བར་སྣང་ཁྱབ་པ་ནམ་མཁའ་དང་མཉམ་པར་གྱུར། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷམ་པཱ་ལ་ས་པཱ་རི་ཝཱ་ར་བཛྲ་ཨརྒྷཾ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནི་དྷརྨཱ་པཱ་ལ་ས་པཱ་རི་ཝཱ་ར་བཛྲ་པཱདྱཾ་ཨཱཿཧཱུྃ་སྭཱ་ཧཱ། ༀ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་པུཥྤེ་ཨཱཿཧཱུྃ་སྭཱ་

― CMR051_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་དྷུ་པེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་དཱི་པཾ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་གྷནྡྷེ་ཨརྒྷཾ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་ནཻ་ཝི་དྱ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་ཤཔྟ་ཨཱཿཧཱུྃ་སྭཱ་ཧཱ། ༀ་ཤྲཱི་མན་གུ་རུ་དྷེ་ཝ་ཌཱཀྐི་ནི་དྷརྨཱ་པཱ་ལ་ས་པཱ་རི་ཝཱ་ར་བཛྲ་གྷནྡྷེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནི་དྷརྨཱ་པཱ་ལ་ས་པཱ་རི་ཝཱ་ར་བཛྲ་རཱ་ས་ཨཱཿཧཱུྃ་སྭཱ་ཧཱ། ༀ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་སྤརྵེ་ཨཱཿཧཱུྃ་སྭཱ་ཧཱ། ༀ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་ཝིར་ནི་ཨཱཿཧཱུྃ་སྭཱ་ཧཱ། ༀ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་ཝང་ཤེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་མྲ་དཾ་གེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་མུ་ར་ཛེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནི་དྷརྨཱ་པཱ་ལ་ས་པཱ་རི་ཝཱ་ར་བཛྲ་ཧཱ་སྱེ་ཨཱཿཧཱུྃ་སྭཱ་ཧཱ། ཨོཾ་ཤི་མན་གུ་རུ་དྷེ་ཝ་ཌཱཀྐི་ནི་དྷརྨཱ་པཱ་ལ་ས་པཱ་རི་ཝཱ་

― CMR051_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ར་བཛྲ་ལཱ་སྱེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷམཱ་པཱ་ལ་ས་པཱ་རི་ཝཱ་ར་བཛྲ་གཱིརྟི་ཨཱཿཧཱུྃ་སྭཱ་ཧཱ། ༀ་ཤྲཱི་མན་གུ་རུ་དྷེ་ཝ་ཌཱཀྐི་ནི་དྷམ་པཱ་ལ་ས་པཱ་རི་ཝཱ་ར་བཛྲ་ནཱིརྟི་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་པུཥྤེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷམ་པཱ་ལ་ས་པཱ་རི་ཝཱ་ར་བཛྲ་དྷུ་པེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་དཱི་པཾ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་གྷནྡྷེ་ཨཱཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་རཱུ་པ་བཛྲ་ཨཿཧཱུྃ་སྭཱ་ཧཱ། ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་རཱ་ས་བཛྲ་ཨཱཿཧཱུྃ་སྭཱ་ཧཱ། ཨོཾ་ཐི་མན་གུ་རུ་དྷེ་ཝ་ཌཱཀྐི་ནི་དྷརྨཱ་པཱ་ལ་ས་པཱ་རི་ཝཱ་ར་བཛྲ་སྤརྴེ་བཛྲ་ཨཱཿཧཱུྃ་སྭཱ་ཧཱ། ༀ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་བཛྲ་དྷརྨཱ་དྷརྟུ་བཛྲ་ཨཱཿཧཱུྃ་སྭཱ་ཧཱ། ཨོཾ་སརྦ་བིད་པཱུ་ར་པཱུ་ར་སུ་ར་སུ་ར་ཨ་བརྟ་ཨ་བརྟ་ཡ་ཧོཿ བཛྲ་སྥ་ར་ཎ་ཁཾ། ཞེས་མཆོད་པ་བྱིན་གྱིས་བརླབས་ནས། སྐྱབས་འགྲོ་སེམས་བསྐྱེད་ནི། བདག་སོགས་མཁའ་མཉམ་འགྲོ་བ་ཀུན། །དུས་འདི་ནས་བཟུང་བྱང་ཆུབ་བར། །

― CMR051_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་གཤེགས་པའི་རྒྱན་འཁོར་ལྔ། །གཅིག་བསྡུས་ཆོས་ཕུང་བརྒྱད་ཁྲི་དང་། །བཞི་སྟོང་འབྱུང་གནས་འཕགས་པ་ཡི། །དགེ་འདུན་བདག་ཉིད་རྩ་བརྒྱུད་ཀྱི། །བླ་མ་རྣམས་ལ་སྐྱབས་སུ་མཆི། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །མཁའ་ཁྱབ་ཕ་མ་མཐའ་མེད་འཁོར་བར་འཁྱམས། །བདེ་བ་འདོད་ཀྱང་སྡུག་བསྔལ་འབའ་ཞིག་བསྒྲུབ། །རྒྱུ་འབྲས་གོ་ལྡོག་སྤྱོད་རྣམས་སྙིང་རེ་རྗེ། །དེ་དག་ཐམས་ཅད་བདག་གིས་བསྒྲལ་བར་བྱ། །ཞེས་འདོན་བསྒོམ་བྱ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག་།ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཚད་མེད་བཞི་བསྒོམ། དེ་ནས་རྡོར་སེམས་སྒོམ་བཟླས་ནི། རང་གི་སྤྱི་བོར་པད་ཟླའི་སྟེང་། །དཔལ་ལྡན་བླ་མ་རྡོ་རྗེ་སེམས། །སྐུ་མདོག་དཀར་པོ་ཞལ་གཅིག་པ། །ཕྱག་གཉིས་རྡོ་རྗེ་དྲིལ་བུ་འཛིན། །མཚན་དཔེའི་རིན་ཆེན་བརྒྱན་གྱིས་སྤྲས། །ཞབས་

― CMR051_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སེམས་དཔའི་སྐྱིལ་ཀྲུང་སྟེ། །རང་འདྲའི་ཡུམ་གྱིས་རྣམ་པར་འཁྱུད། །ཐུགས་ཀར་ཟླ་སྟེང་ཧཱུྃ་ཡིག་མཐར། །ཡི་གེ་བརྒྱ་པས་བསྐོར་བར་གྱུར། །ཡིག་ཕྲེང་དེ་ལས་འོད་འཕྲོས་ཏེ། །ཕྱོགས་བཅུའི་སངས་རྒྱས་བྱང་སེམས་རྣམས། །སྤྱན་དྲངས་རྡོར་སེམས་ལ་ཐིམ་པས། །སངས་རྒྱས་ཀུན་འདུས་སྐུ་རུ་གྱུར། །བདག་སོགས་སེམས་ཅན་རྣམས་ཀྱིས་ཐོག་མེད་ནས། །ད་ལྟ་ཡན་གྱི་སྡིག་སྒྲིབ་ཉེས་ལྟུང་ཀུན། །མཐོལ་ལོ་བཤགས་སོ་ཕྱིན་ཆད་བསྡོམས་ལགས་པས། །འདི་ཕྱི་སྒྲིབ་པར་མི་འགྱུར་དངོས་གྲུབ་སྩོལ། །ཞེས་གསོལ་མོད་ལ་སྔགས་ལས་བདུད་རྩི་བབས། །སྐུ་ཡི་དབྱིབས་བརྒྱུད་སྦྱོར་མཚམས་ནས་བབ་སྟེ། །སྤྱི་བོ་ནས་ཞུགས་ལུས་གང་སྡིག་སྒྲིབ་བསལ། །བདུད་རྩིས་ལུས་ཀྱི་ནང་གང་སྤྱི་བོར་རེག །དམིགས་པ་དེ་ལྟ་བུ་ཡང་ཡང་བསྒོམ་ཞིང་སྡིག་སྒྲིབ་དག་པའི་ངེས་ཤེས་བརྟན་པོ་བྱས་ལ་ཡིག་བརྒྱ་བཟླས། ཐུན་བསྡུ་དུས། རྡོར་སེམས་ཡབ་ཡུམ་ཞལ་ནས་བུ་ཁྱོད་ཀྱི། །སྡིག་སྒྲིབ་དག་གོ་གསུངས་ནས་དགྱེས་བཞིན་དུ། །འོད་ཞུ་རང་ལ་ཐིམ་པས་རང་ཉིད་དང་། །རྡོ་རྗེ་སེམས་དཔའ་དབྱེར་མེད་རོ་གཅིག་གྱུར། །དེ་ནས་དངོས་གཞི་ལ་

― CMR051_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་སྟེ། ཨོཾ་སྭ་བྷ་ཝ་སོགས། སྟོང་པའི་ངང་ལས་སྔོན་གྱི་སྨོན་ལམ་དང་། དཀོན་མཆོག་གསུམ་གྱི་བདེན་པ་དང་བྱིན་རླབས་དང་ཚོགས་གཉིས་ཡོངས་སུ་རྫོགས་པའི་མཐུ་དང་ཆོས་ཀྱི་དབྱིངས་ཀྱི་རང་བཞིན་གྱི་ཡོན་ཏན་དང་། བྱང་ཆུབ་སེམས་དཔའ་རྣམས་ཀྱི་ཞིང་དག་པའི་སྦྱོར་བ་ལ་སོགས་པ་སངས་རྒྱས་ཀྱི་ཞིང་ཡོངས་སུ་སྦྱངས་པའི་མཐུ་དང་བདག་ཅག་རྣམས་ཀྱི་མོས་པའི་མཐུ་ལས། གནས་འདིར་སངས་རྒྱས་ཀྱི་ཞིང་ཐམས་ཅད་ཀྱི་བརྒྱན་དང་བཀོད་པ་ཡོན་ཏན་ཕུན་སུམ་ཚོགས་པ་ཐམས་ཅད་དང་ལྡན་པར་གྱུར་པའི་དབུས་སུ་ཐར་པ་ཆེན་པོའི་ཕོ་བྲང་གཞལ་ཡས་ཁང་དུ་རིན་པོ་ཆེ་སྣ་ཚོགས་ལས་གྲུབ་པ་རྒྱ་ཁྱོན་ནམ་མཁའི་མཐའ་དང་མཉ་པ་ཁམས་གསུམ་ལས་ཡང་དག་པར་འདས་པའི་སྤྱོད་ཡུལ། དེ་བཞིན་གཤེགས་པ་ཐམས་ཅད་ཀྱི་གནས། རྣམ་པར་ཐར་པའི་སྒོ་བསམ་གྱིས་མི་ཁྱབ་པ་ཕྱི་ནང་སྒྲིབ་པ་མེད་པའི་རང་བཞིན་དུ་གྱུར། གཞལ་མེད་ཁང་དབུས་པད་སྡོང་གཅིག་ལས་དབུས། །གཡས་གཡོན་མདུན་རྒྱབ་པདྨ་ལྔར་གྱེས་པའི། །དབུས་མ་རྒྱ་ཆེ་པད་འདབ་ལྡན་པའི་སྟེང་། །མི་འཇིགས་སེང་གེའི་བཏེག་པའི་རིན་ཆེན་ཁྲིར། །བཀའ་དྲིན་མཉམ་མེད་རྩ་བའི་

― CMR051_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་མཆོག །དཀོན་མཆོག་ཀུན་འདུས་དཔལ་ལྡན་ཀརྨ་པ། །རྗེ་བཙུན་དམ་པ་ཆོས་ཀྱི་དབང་ཕྱུག་ཞབས། །སྐུ་མདོག་དཀར་གསལ་ཞལ་གཅིག་སྤྱན་གསུམ་པ། །དགེ་སློང་ཆ་ལུགས་ཞྭ་ནག་གསེར་མདོངས་ཅན། །ཕྱག་གཡས་རྡོ་རྗེ་དང་བཅས་ས་གནོན་མཛད། །གཡོན་པས་མཉམ་བཞག་འཆི་མེད་བུམ་པ་འཛིན། །ཞབས་གཉིས་རྡོ་རྗེ་སྐྱིལ་མོ་ཀྲུང་གིས་བཞུགས། །ཐུགས་རྗེས་སྤྱན་གྱིས་འགྲོ་ལ་རྟག་གཟིགས་ཤིང་། །འགྲོ་ཀུན་བདེ་ནས་བདེ་བར་འདྲེན་པ་ཡི། །མཁྱེན་བརྩེ་ནུས་པའི་ཡོན་ཏན་ཀུན་དང་ལྡན་། །སྐུ་ལས་འོད་ཟེར་སྣ་ཚོགས་འཕྲོས་གྱུར་པས། །ཐུགས་རྗེས་རྒྱུན་མི་འཆད་པའི་ཕྲིན་ལས་ཀྱིས། །གདུལ་བྱ་མ་ལུས་རྗེས་སུ་འཛིན་མཛད་ཅིང་། །འབྲེལ་ཚད་དོན་དང་ལྡན་ཞིང་ལྷམ་མེར་བཞུགས། །པད་འདབ་རྒྱབ་ནས་རིམ་བཞིན་གཡས་བསྐོར་དུ། རྒྱས་པར་ན། །ཞྭ་དམར་ཉི་ཤུ་ཀརྨ་པ་བཅུ་གསུམ། །རྒྱལ་ཚབ་པ་དང་མཚེར་ལུང་པ་བདུན་པ། །དཔའ་བོ་སི་ཏུ་ན་རིམ་ཉེར་གཅིག་སྟེ། །མྱེས་བོན་རྣམ་གསུམ་དྲུང་ཆེན་གོང་འོག་གསུམ། །བཀྲ་ཤིས་དཔལ་གྲུབ་ལྷོ་པ་གཏེར་སྟོན་གཉིས། །ལུང་རིགས་ཉི་མ་ཀརྨ་དོན་

― CMR051_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་སོགས། །དྲིན་ཐོབ་བླ་མ་ཀུན་གྱིས་བསྐོར་བའི་རྒྱབ། །པད་འདབ་ཕྱི་མ་འདབ་མ་འབུམ་ལྡན་ལ། །ཏེ་ནག་ལ་སོགས་གྲུབ་ཆེན་བརྒྱད་ཅུ་ལྔ། །རྗེ་འབངས་ཉེར་ལྔ་མར་མི་དྭགས་པོ་དང་། །ཇོ་འབྲོམ་ཁུ་རྔོག་རྒྱལ་སྲས་སྐུ་མཆེད་གསུམ། །དམ་པ་མ་གཅིག་བུ་ཆེན་བཅུ་དྲུག་དང་། །འཇམ་དབྱངས་བདུན་བརྒྱུད་རྒྱ་རས་སེང་ཆེན་དགུ། །སྐྱོབ་པ་ཐང་པ་སེང་ཆེན་བཅུ་གསུམ་སྟེ། །རྨ་སེ་སངས་རྒྱས་དབོན་པོ་ལ་སོགས་དང་། །རཏྣ་གླིང་པ་གཏེར་སྟོན་བརྒྱ་རྩ་བརྒྱད། །ཀརྨ་ཆགས་མེད་བརྒྱུད་པར་བཅས་པ་སོགས། །རྒྱ་བོད་རིག་འཛིན་གྲུབ་ཐོབ་ཀུན་གྱིས་བསྐོར། །སྟེང་གི་ནམ་མཁར་ཁྱབ་བདག་རྡོ་རྗེ་འཆང་། །གཡས་སུ་སྒྲོལ་མ་གཡོན་དུ་པདྨ་འབྱུང་། །འོག་ཏུ་ཆོས་སྐྱོང་དང་བཅས་གསལ་བར་གྱུར། །ཞེས་བྱས་ཀྱང་ཆོག །དེ་ནས་སྤྱན་འདྲེན་པ་ནི། སྟེང་ཆོས་དབྱིངས་བདེ་ཆེན་ཕོ་བྲང་ནས། །ཆོས་སྐུ་རྡོ་རྗེ་འཆང་ཆེན་ལ། །ལོངས་སྤྲུལ་སངས་རྒྱ་ཚོགས་ཀྱིས་བསྐོར། །གནས་འདིར་སྤྱན་འདྲེན་གཤེགས་སུ་གསོལ། །གཡས་པོ་ཊ་ལ་ཡི་གནས་མཆོག་ནས། །རྗེ་བཙུན་འཕགས་མ་སྒྲོལ་མ་ལ། །ཡི་དམ་ལྷ་ཚོགས་འཁོར་གྱིས་བསྐོར། །གནས་

― CMR051_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་སྤྱན་འདྲེན་གཤེགས་སུ་གསོལ། །གཡོན་ནུབ་ཕྱོགས་ཨོ་རྒྱན་གནས་མཆོག་ནས། །སློབ་དཔོན་པདྨ་འབྱུང་གནས་ལ། །དཔའ་བོ་བྱང་སེམས་ཚོགས་ཀྱིས་བསྐོར། །གནས་འདིར་སྤྱན་འདྲེན་གཤེགས་སུ་གསོལ། །དབུས་གར་བཞུགས་རྒྱལ་བའི་གཞལ་ཡས་ནས། །རྒྱལ་བ་ཀརྨ་པ་སོགས་ལ། །བཀའ་བརྒྱུད་བླ་མའི་ཚོགས་ཀྱིས་བསྐོར། །གནས་འདིར་སྤྱན་འདྲེན་གཤེགས་སུ་གསོལ། །འོག་དུར་ཁྲོད་ཆེན་པོའི་གནས་མཆོག་ནས། །ཆོས་སྐྱོང་མ་མགོན་ལྕམ་དྲལ་ལ། །ཆོས་སྐྱོང་སྲུང་མའི་ཚོགས་ཀྱིས་བསྐོར། །གནས་འདིར་སྤྱན་འདྲེན་གཤེགས་སུ་གསོལ། །མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཨོ་ཐི་མན་གུ་རུ་དྷེ་ཝ་ཌཱཀྐི་ནི་དྷརྨ་པཱ་ལ་ས་པཱ་རི་ཝཱ་ར་བཛྲ་ས་མཱ་ཛཿ བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གིས་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །

― CMR051_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །པདྨ་ཀ་མ་ལ་སྟཱཾ། དེ་ལྟར་སྤྱན་དྲངས་བཞུགས་གསོལ་ལྷ་ཚོགས་རྣམས། །སོ་སོའི་ལྷར་ཐིམ་བསྐྱེད་པའི་ལྷ་རྣམས་དང་། །དབྱེར་མེད་གཅིག་འདྲེས་ཀུན་འདུས་སྐུར་གྱུར་ཏེ། །བདག་སོགས་འགྲོ་ལ་ཐུགས་རྗེས་རྟག་གཟིགས་གྱུར། །ཛཧཱུྃ་བཾ་ཧོས་གཉིས་སུ་མེད་པར་གྱུར། །བསྟོད་པ་ནི། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །སངས་རྒྱས་ཐམས་ཅད་འདུས་པའི་སྐུ། །རྡོ་རྗེ་འཛིན་པའི་ངོ་བོ་ཉིད། །དཀོན་མཆོག་གསུམ་གྱི་རྩ་བ་དེ། །བླ་མ་རྣམས་ལ་ཕྱག་འཚལ་ལོ། །བླ་མའི་སྐུ་ནི་རྡོ་རྗེའི་སྐུ། །མཛེས་ཤིང་ལྟ་བས་མཆོག་མི་ཤེས། །བསམ་གྱིས་མི་ཁྱབ་ཡོན་ཏན་ལྡན། །བླ་མའི་སྐུ་ལ་ཕྱག་འཚལ་ལོ། །བླ་མའི་གསུང་ནི་ཚངས་པའི་དབྱངས། །འགགས་མེད་སེང་གེའི་སྒྲ་དང་ལྡན། །མུ་སྟེགས་རི་དྭགས་སྐྲག་མཛད་པའི། །བླ་མའི་གསུང་ལ་ཕྱག་འཚལ་ལོ། །བླ་མའི་ཐུགས་ནི་ནམ་མཁའ་

― CMR051_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ། །བདེ་གསལ་མི་རྟོག་སྟོང་པའི་ངང་། །རྣམ་ཐར་གསུམ་ལ་ལེགས་གནས་པའི། །བླ་མའི་ཐུགས་ལ་ཕྱག་འཚལ་ལོ། །གང་གི་འཁོར་བའི་ཉེས་པ་ནི། །དྲན་པ་ཙམ་གྱིས་འཇོམས་མཛད་ཅིང་། །བླ་མེད་བྱང་ཆུབ་ཐོབ་མཛད་པའི། །བླ་མ་རྣམས་ལ་ཕྱག་འཚལ་ལོ། །སྤྲོ་ན་འདིར། གང་གི་མ་རིག་མུན་པའི་ཚོགས། །སྨག་ཏུ་གྱུར་སོགས་ནས། པདྨ་འབྱུང་གནས་ཕྱག་འཚལ་ལོ། །བར་དང་ཡང་། མ་འོངས་སངས་རྒྱས་དྲུག་པ་སོགས་ནས། མི་བསྐྱོད་རྡོ་རྗེའི་ཞབས་ལ་ཕྱག་འཚལ་ལོ། །ཡང་ན། ཟབ་ཞི་སྤྲོས་བྲལ་ངང་ལས་མ་གཡོས་བར། །སོགས། དཀོན་མཆོག་ཡན་ལག་ཞབས་ལ་ཕྱག་འཚལ་ལོ། །སླར་ཡང་ཚད་མེད་ཐུགས་རྗེ་སོགས་ཤོ་ལོ་ཀ་དང་། བསྟན་པ་སྲུང་ཞིང་རྣལ་འབྱོར་བུ་བཞིན་སྐྱོང་སོགས་ནས། །བཀའ་སྡོད་སྲུང་མའི་ཚོགས་ལ་ཕྱག་འཚལ་བསྟོད། །དེ་ནས་མཎྜལ་ཕུལ་མཆན། ཨོཾ་བཛྲ་བྷ་མི་ཨཱཿཧཱུྃ། གཞི་རྣམ་པར་དག་པ་དབང་ཆེན་གསེར་གྱི་ས་གཞི། ཨོཾ་བཛྲ་རེ་ཥེ་ཨཱཿཧཱུྃ། ཕྱི་ལྕགས་རི་འཁོར་ཡུག་མུ་ཁྱུད་ཀྱིས་ཡོངས་སུ་བསྐོར་བའི་དབུས་སུ་རི་ཡི་རྒྱལ་པོ་རི་བོ་མཆོག་རབ། ཤར་ལུས་འཕགས་པོ། ལྷོ་འཛམ་བུ་གླིང་། ནུབ་བ་ལང་སྤྱོད། བྱང་སྒྲ་མི་

― CMR051_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་། ཤར་དུ་ལུས་དང་ལུས་འཕགས། ལྷོ་རུ་རྔ་ཡབ་དང་རྔ་ཡབ་གཞན། ནུབ་ཏུ་གཡོ་ལྡན་དང་ལམ་མཆོག་འགྲོ། བྱང་དུ་སྒྲ་མི་སྙན་དང་སྒྲ་མི་སྙན་གྱི་ཟླ། །རིན་པོ་ཆེའི་རི་བོ། དཔག་བསམ་གྱི་ཤིང་། འདོད་འཇོའི་བ། མ་རྨོས་པའི་ལོ་ཏོག །འཁོར་ལོ་རིན་པོ་ཆེ། ནོར་བུ་རིན་པོ་ཆེ། བཙུན་མོ་རིན་པོ་ཆེ། བློན་པོ་རིན་པོ་ཆེ། གླེང་པོ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ། གཏེར་ཆེན་པོའི་བུམ་པ། སྒེག་མོ་མ། ཕྲེང་བ་མ། གླུ་མ། གར་མ། མེ་ཏོག་མ། བདུག་སྤོས་མ། སྣང་གསལ་མ། དྲི་ཆབ་མ། ཉི་མ། ཟླ་བ། རིན་པོ་ཆེའི་གདུགས། ཕྱོགས་ལས་རྣམ་པར་རྒྱལ་བའི་རྒྱལ་མཚན། ལྷ་དང་མི་ཡི་དཔལ་འབྱོར་ཕུན་སུམ་ཚོགས་པ་མ་ཚང་བ་མེད་པ་རབ་འབྱམས་རྒྱ་མཚོའི་རྡུལ་གྱི་གྲངས་ལས་འདས་པ་མངོན་པར་བཀོད་དེ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། །ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་དང་བྱང་ཆུབ་སེམས་དཔའ་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ལ་འབུལ་བར་བགྱིའོ། །ཐུགས་རྗེས་

― CMR051_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། ༈ །ས་གཞི་སྤོས་ཆུས་བྱུག་ཅིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་དུ་སྤྱོད་པར་ཤོག །ཕྱོགས་བཅུ་དུས་གསུམ་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་དང་། །བླ་མ་རྡོ་རྗེ་སློབ་དཔོན་དང་། །ཡི་དམ་ལྷ་ཚོགས་དང་འཁོར་དང་བཅས། །དུས་གསུམ་བདེ་གཤེགས་མ་ལུས་ལ། །གླིང་བཞི་རི་རབ་བཅས་པ་དང་། །གླིང་བཞི་བྱེ་བ་ཕྲག་བརྒྱ་དང་། །བྱེ་བ་འབུམ་དང་དུང་ཕྱུར་བཅས། །མཎྜལ་གཅིག་ཏུ་བསྡུས་ནས་ནི། །མོས་བློས་གོང་མ་རྣམས་ལ་འབུལ། །ཐུགས་རྗེས་བརྩེར་དགོངས་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །མཉེས་བྱེད་མཎྜལ་བཟང་པོ་འདི་ཕུལ་བས། །བྱང་ཆུབ་ལམ་ལ་བར་ཆད་མི་འབྱུང་ཞིང་། །དུས་གསུམ་བདེ་གཤེགས་དགོངས་པ་རྟོགས་པ་དང་། །སྲིད་པར་མི་འཁྲུལ་ཞི་བར་མི་གནས་ཤིང་། །ནམ་མཁའ་དང་མཉམ་པའི་འགྲོ་རྣམས་སྒྲོལ་བར་ཤོག །སྐུ་གསུམ་ཡོངས་རྫོགས་བླ་

― CMR051_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་ཚོགས་རྣམས་ལ། །ཕྱི་ནང་གསང་གསུམ་དེ་བཞིན་ཉིད་ཀྱིས་མཆོད། །བདག་ལུས་ལོངས་སྤྱོད་སྣང་སྲིད་ཡོངས་བཞེས་ལ། །བླ་མེད་མཆོག་གི་དངོས་གྲུབ་བསྩལ་དུ་གསོལ། །ཐོས་པའི་མཆོད་ཡོན་རྒྱ་མཚོ་ལེགས་གཏམས་ཤིང་། །རྣམ་བཀྲ་རིག་པའི་མེ་ཏོག་ཀུན་ཏུ་བཀྲམ། །ཚུལ་ཁྲིམས་རྣམ་དག་དྲི་ཡི་བདུག་སྤོས་འཐུལ། །འཆད་པ་ཉིན་མོར་བྱེད་པའི་སྒྲོན་མེ་སྦར། །རྩོད་པ་འོས་པ་རྣམ་སྦྱོང་དྲི་ཆབ་གཏམས། །བསམ་གཏན་རོ་བརྒྱ་ལྡན་པའི་ཞལ་ཟས་བཤམས། །རྩོམ་པ་སྡེབ་ལེགས་སྙན་པའི་རོལ་མོ་སོགས། །འཕགས་རྣམས་དགྱེས་བྱེད་མཆོད་པ་འདི་དག་གིས། །བླ་མེད་བླ་མ་རྒྱལ་བ་སྲས་དང་བཅས། །མཆོད་པར་འོས་པའི་སྐྱབས་ཀུན་མཆོད་པར་བགྱི། །སྟོན་པ་མཆོག་གིས་ཇི་ལྟར་བསྟན་པ་བཞིན། །རྒྱུ་དང་འབྲས་བུ་ཐེག་པ་རབ་གསལ་ནས། །ཞིང་རྣམས་ཀུན་ཏུ་ནུབ་མེད་འབར་མཛད་པ། །བཀའ་བརྒྱུད་རིམ་པར་འབྱོན་རྣམས་མཆོད་པར་བགྱི། །རྒྱལ་དབང་ཆོས་གྲགས་རྒྱ་མཚོ་མཆོད་པར་བགྱི། །མཚུངས་མེད་དབྱངས་ཅན་བཟང་པོ་མཆོད་པར་བགྱི། །སྤྲུལ་སྐུ་དཀོན་མཆོག་ཡན་ལག་མཆོད་པར་བགྱི།

― CMR051_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙན་དབང་ཕྱུག་རྡོ་རྗེ་མཆོད་པར་བགྱི། །གར་དབང་ཆོས་ཀྱི་དབང་ཕྱུག་མཆོད་པར་བགྱི། །རྒྱལ་མཆོག་ཆོས་དབྱིངས་རྡོ་རྗེ་མཆོད་པར་བགྱི། ༈ ། ཆགས་མེད་རཱ་ག་ཨ་སྱ་མཆོད་པར་བགྱི། །གསང་ཕུ་པདྨ་ཀུན་དགའ་མཆོད་པར་བགྱི། །མཆོག་སྤྲུལ་ཕྲིན་ལས་དབང་འབྱུང་མཆོད་པར་བགྱི། །ཀུན་མཁྱེན་ཤེས་རབ་གྲགས་པ་མཆོད་པར་བགྱི། །ཀརྨ་ཐུབ་བསྟན་རབ་འཕེལ་མཆོད་པར་བགྱི། །ཁྱབ་བདག་བསྟན་འཛིན་ཕྲིན་ལས་མཆོད་པར་བགྱི། །ཁ་སྤྲུལ་སྨོན་ལམ་ཡོངས་གྲུབ་མཆོད་པར་བགྱི། །མཚུངས་མེད་གསང་སྔགས་བསྟན་འཛིན་མཆོད་པར་བགྱི། །སངས་སྤྲུལ་ཀརྨ་སངས་རྒྱས་མཆོད་པར་བགྱི། །ཨ་རཱ་ག་མན་ཆད་གནས་ལུགས་གསེར་ཕྲེང་ལྟར་སབ་པ་ཡིན། དྲིན་ཆེན་རྩ་བའི་བླ་མ་མཆོད་པར་བགྱི། །ཡི་དམ་རྡོ་རྗེ་ཕག་མོ་མཆོད་པར་བགྱི། །ཆོས་སྐྱོང་མ་མགོན་ལྕམ་དྲལ་མཆོད་པར་བགྱི། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །དངོས་འབྱོར་ཡིད་ཀྱིས་སྤྲུལ་པ་ཡི། །ལྷ་རྫས་དམ་པའི་ཉེར་སྤྱོད་རྣམས། །བླ་མ་དཀྱིལ་འཁོར་ལྷ་ལ་འབུལ། །བཞེས་ནས་བདག་ལ་དངོས་གྲུབ་སྩོལ། །ཨོཾ་ཤྲཱི་མན་གུ་རུ་དྷེ་ཝ་

― CMR051_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

ཊཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་ཨརྒྷཾ་སོགས། ཤབྡ་པྲ་ཏིཙྪ་སྭཱ་ཧཱ། དངོས་འབྱོར་ཡིད་ཀྱིས་སྤྲུལ་པ་ཡི། །ལྷ་རྫས་དམ་པའི་འདོད་ཡོན་རྣམས། །བླ་མ་དཀྱིལ་འཁོར་ལྷ་ལ་འབུལ། །བཞེས་ནས་བདག་ལ་དངོས་གྲུབ་སྩོལ། །ཨོཾ་ཤྲཱི་མན་གུ་རུ་དྷེ་ཝ་ཀི་ནི་དྷརྨཱ་པཱ་ལ་ས་པཱ་རི་ཝཱ་ར་རཱུ་པ་ ཤབྷ་ གྷནྡྷེ་ རྭ་ས་ སྤརྙེ་པྲ་ཏཱིཙྪ་སྭཱ་ཧཱ། ཞིང་འདིར་རིན་ཆེན་སྣ་བདུན་གྱིས། །མཁས་པ་དག་གིས་ཡོངས་བཀང་སྟེ། །དངོས་གྲུབ་འདོད་པ་སྦྱིན་པའི་ཕྱིར། །ཉིན་རེ་ཤེས་རབ་ཅན་གྱིས་དབུལ། །ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་ཙཀྲ་རཏྣ་ མ་ཎི་རཏྣ་ སམྦྷཱི་རཏྭཱ་ པུ་རུ་ཥ་རཏྣ་ ཧསྟི་རཏ་ རུ་རངྒ་ཨ་ཤཱ་རཏྣ་ ཁང་རཏྣ་པྲ་ཏིཙྪ་སྭཱ་ཧཱ། ཞེས་དང་། རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་ཀུན་གཏན་དུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་མཆི་བར་བགྱི། །ལུས་འབུལ་བ་ཕྱི་མཆོད་དང་། ནང་གི་དམ་ཚིག་རྫས་མཆོག་མ་དཱ་ན། །རྩ་བརྒྱད་སྟོང་སྦྱར་སྨན་དང་འོ་མ་བཅས། །ཟག་མེད་བདེ་བ་སྐྱེད་བྱེད་བདུད་རྩི་འདི། །དཔལ་ལྡན་བླ་མ་

― CMR051_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དང་བཅས་ལ་འབུལ། །ཕྱོགས་བཅུ་དུས་གསུམ་སངས་རྒྱས་ངོ་བོ་ཉིད། །སུམ་ལྡན་རྩ་བ་བརྒྱུད་པར་བཅས་རྣམས་དང་། །ཡི་དམ་ཞི་ཁྲོ་མ་དང་མཁའ་འགྲོའི་ཚོགས། །ཆོས་སྐྱོང་སྲུང་མའི་ཞལ་དུ་ཨོཾ་ཨཱཿཧཱུྃ། །ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་དྷརྨཱ་པཱ་ལ་ས་པཱ་རི་ཝཱ་ར་པཉྩ་ཨ་མྲྀ་ཏ་ཨོཾ་ཨཱཿཧཱུྃ། ཞེས་ནང་མཆོད་དང་། སླར་རིག་མ་བཅུ་དྲུག་གི་མཆོད་པ་ནི། པི་ཝང་གླིང་བུ་རྔ་ཆེན་རྫ་རྔ་མ། །སྔོ་སེར་དམར་དང་ལྗང་བའི་ཁ་དོག་ཅན། །རབ་མཛེས་རང་རང་ཕྱག་མཚན་འཛིན་བཞིན་དུ། །སྐུ་ལ་ལེགས་འཁྱུད་བདེ་བས་མཆོད་པར་བགྱི། །ཨོཾ་བཛྲ་ཝི་ཎི་ཝཾ་ཤེ་མྲྀ་དཾ་གེ་མུ་ར་ཛེ་ཨཱཿཧཱུྃ། བཞད་པ་སྒེག་མ་གླུ་མ་གར་བྱེད་མ། །དམར་སྐྱ་སྔོ་སེར་ལྗང་བའི་ཁ་དོག་ཅན། །རབ་མཛེས་རང་རང་རྣམ་འགྱུར་དང་བཅས་པས། །སྐུ་ལ་ལེགས་འཁྱུད་བདེ་བས་མཆོད་པར་བགྱི། །ཨོཾ་བཛྲ་ཧཱ་སྱ་ལཱ་སྱ་གཱིརྟི་ནཱིརྟི་ཨཱཿཧཱུྃ། མེ་ཏོག་བདུག་སྤོས་སྣང་གསལ་དྲི་ཆབ་མ། །དཀར་མཐིང་དམར་དང་ལྗང་བའི་ཁ་དོག་ཅན། །རབ་མཛེས་རང་རང་ཕྱག་མཚན་འཛིན་བཞིན་དུ། །སྐུ་ལ་ལེགས་འཁྱུད་བདེ་བས་མཆོད་པར་བགྱི། །ཨོཾ་བཛྲ་པུཥྤེ་དྷུ་པེ་དཱི་པཾ་གྷནྡྷེ་ཨཱཿཧཱུྃ།

― CMR051_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་མ་རོ་མ་རེག་མ་ཆོས་འབྱུང་མ། །དཀར་དམར་ལྗང་དང་དཀར་བའི་ཁ་དོག་ཅན། །རབ་མཛེས་རང་རང་ཕྱག་མཚན་འཛིན་བཞིན་དུ། །སྐུ་ལ་ལེགས་འཁྱུད་བདེ་བས་མཆོད་པར་བགྱི། །ཨོཾ་བཛྲ་རཱུ་པ་རྭ་ས་སྤརྴེ་དྷརྨཱ་དྷརྟུ་བཛྲ་ཨཱཿཧཱུྃ། ཞེས་གསང་མཆོད་དང་། མཆོད་ཡུལ་མཆོད་བྱེད་མཆོད་པ་ཐམས་ཅད་པ། །རང་གི་ངོ་བོར་མ་གྲུབ་སྒྱུ་མ་ཙམ། །སྒྱུ་མ་ཙམ་དུ་མཆོད་པ་ཕུལ་བའི་དགེས། །སྒྱུ་མ་ཙམ་དུ་སེམས་ཅན་ཐམས་ཅད་ཀྱི། །བདེ་སྐྱིད་ཟད་མེད་འབྱུང་འདིའང་དབུལ་བར་བགྱི། །ཞེས་དེ་ཁོ་ན་ཉིད་ཀྱིས་མཆོད་དོ། །གཏོར་མ་འབུལ་བ་ནི། གཏོར་མ་བདུད་རྩི་སོགས་ཀྱིས་བྲན་ལ། བྱིན་གྱིས་རླབས་ཏེ་འབུལ་ཚིག་རྒྱས་བསྡུས། མ་དག་མ་ལྟ་བུ་རང་རང་གང་སྤྲོ་བྱའོ། །དེ་ནས་བཤགས་པ་ནི། ཨུ་ཧུ་ཧུ་ལགས་སོ། །བླ་མ་རྡོ་རྗེ་འཛིན་པ་ཆེན་པོ་ལ་སོགས་པ་ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་ཚེ་འཁོར་བ་ཐོག་མ་མེད་པ་ནས་ཐ་མ་ད་ལྟ་ལ་ཐུག་གི་བར་དུ་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་གི་དབང་གིས་ལུས་དང་ངག་དང་ཡིད་ཀྱི་སྒོ་ནས་སྡིག་པ་མི་དགེ་བ་

― CMR051_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་བགྱིས་པ་དང་། མཚམས་མེད་པ་ལྔ་བགྱིས་པ་དང་། དེ་དང་ཉེ་བ་ལྔ་བགྱིས་པ་དང་། སོ་སོར་ཐར་པའི་སྡོམ་པ་ལ་འགལ་བ་དང་། བྱང་ཆུབ་སེམས་དཔའི་བསླབ་པ་ལ་འགལ་བ་དང་། གསང་སྔགས་ཀྱི་དམ་ཚིག་ལ་འགལ་བ་དང་། དཀོན་མཆོག་གསུམ་ལ་མ་དད་ཅིང་མ་གོས་པ་བགྱིས་པ་དང་། ཕ་དང་མ་ལ་མ་དད་པ་བགྱིས་པ་དང་། མཁན་པོ་དང་སློབ་དཔོན་ལ་མ་དད་པ་བགྱིས་པ་དང་། གྲོགས་ཚངས་པ་མཚུངས་པར་སྤྱོད་པ་རྣམས་ལ་མ་དད་ཅིང་མ་གོས་པར་བགྱིས་པ་དང་། གསུང་རབ་ཀྱི་གླུད་ཟོས་པ་དང་། དམ་པའི་ཆོས་སྤངས་བ་དང་། འཕགས་པའི་དགེ་འདུན་ལ་སྐུར་པ་བཏབ་པ་དང་། སེམས་ཅན་ལ་གནོད་པ་བགྱིས་པ་ལ་སོགས་པ་མདོར་ན་མཐོ་རིས་དང་ཐར་པའི་གེགས་སུ་གྱུར་ཅིང་འཁོར་བ་དང་ངན་སོང་གི་རྒྱུར་གྱུར་པའི་སྡིག་པ་མི་དགེ་བའི་ལས་ཅི་བགྱིས་པ་ཐམས་ཅད་བླ་མ་རྡོ་རྗེ་འཛིན་པ་ཆེན་པོ་ལ་སོགས་པ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་སྔར་མཐོལ་ལོ་བཤགས་སོ། །མི་འཆབ་བོ། །མི་སྦེད་དོ། །སླན་ཆད་ཀྱང་གཅོད་ཅིང་བསྡོམས་པར་བགྱིའོ། །

― CMR051_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོལ་ཞིང་བཤགས་ན་བདག་བདེ་བ་ལ་རེག་པར་གནས་པར་འགྱུར་ལ། མ་མཐོལ་མ་བཤགས་ན་དེ་ལྟར་མི་འགྱུར་བ་ལགས་སོ། །གང་ཞིག་ཐོག་མེད་སྲིད་པའི་ཆུ་ཀླུང་དུ།། །མ་ལུས་ཀུན་རྟོགས་གིས་བསགས་རྙོག་པ་རྣམས། །ཐུགས་རྗེ་ཆེ་ལྡན་སྤྱན་སྔར་དེ་དག་ནི། །ཆོ་ག་བཞིན་དུ་དེ་དག་བཤགས་པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་དང་། །འཕགས་པ་གཞན་གྱི་དགེ་བ་གང་མཛད་དང་། །མ་ལུས་འགྲོ་བ་བསོད་ནམས་རྒྱ་མཚོའི་ཚོགས། །དེ་དག་ཀུན་ལ་རྗེས་སུ་ཡི་རང་ངོ་། །བླ་མ་དམ་པ་དྲན་བྱུང་ངོ་། །རིགས་དྲུག་པ་རྡོ་རྗེ་འཆང་ཆེན་པོ་གསལ་བྱུང་ངོ་། །རྣམ་དག་ཞིང་ཁམས་རྒྱ་མཚོར་འབྱམས་ཀླས་སོང་ངོ་། །འོད་ཟེར་བཟོད་མེད་དུ་འབར་སོང་ངོ་། །སྣོད་བཅུད་ཐམས་ཅད་ཞུ་སོང་ངོ་། །རྡོ་རྗེ་འཆང་བདག་ལ་འབེབས་པར་མཛོད། །བདག་ལ་ངལ་གསོ་བར་མཛོད། བསྟོད་པ་ནི། ཨོཾ་སྐུ་ལ་ཚད་མེད་བགྲང་དུ་མེད། །ནམ་མཁའ་དང་ནི་མཉམ་བྱུང་ཞིང་། །སྣ་ཚོགས་དབང་ཕྱུག་མི་ཤིགས་པ། །རྡོ་རྗེའི་སྐུ་ལ་ཕྱག་འཚལ་བསྟོད། །ཨཱབརྗོད་དུ་མེད་པའི་ངང་ཉིད་ལས། །ཚངས་པ་ལ་སོགས་སྙན་

― CMR051_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དབྱངས། །ཕྱོགས་བཅུ་ཀུན་ཏུ་སྒྲོག་མཛད་པའི། །རྣམ་དག་གསུང་ལ་ཕྱག་འཚལ་བསྟོད། །ཧཱུྃ་ཕུང་པོ་ཁམས་དང་སྐྱེ་མཆེད་དང་། །གཟུགས་དང་འཛིན་པ་ལ་སོགས་པའི། །རྟོག་པ་ཀུན་ལས་རྣམ་གྲོལ་བའི། །ཡེ་ཤེས་ཐུགས་ལ་ཕྱག་འཚལ་བསྟོད། །གང་གིས་མ་རིག་མུན་པའི་ཚོགས། །སྨག་ཏུ་གྱུར་པ་སེལ་མཛད་པ། །ཉི་མའི་དཀྱིལ་འཁོར་ལྟ་བུ་ཡི། །བླ་མའི་ཞབས་ལ་ཕྱག་འཚལ་བསྟོད། །གང་གིས་འཁོར་བའི་སྡུག་བསྔལ་གྱི། །ཚ་གདུང་མ་ལུས་སེལ་མཛད་པ། །ཟླ་བའི་དཀྱིལ་འཁོར་ལྟ་བུ་ཡི། །བླ་མའི་ཞབས་ལ་ཕྱག་འཚལ་བསྟོད། །གང་གིས་འདོད་ཆགས་ལ་སོགས་པའི། །ཉོན་མོངས་ནད་རྣམས་སེལ་མཛད་པ། །སྨན་པའི་རྒྱལ་པོ་ལྟ་བུ་ཡི། །བླ་མའི་ཞབས་ལ་ཕྱག་འཚལ་བསྟོད། །གང་གིས་ཟག་མེད་བདེ་ཆེན་གྱི། །གྲོང་ཁྱེར་མཆོག་ཏུ་སྐྱེལ་མཛད་པའི། །རྟ་མཆོག་རིན་ཆེན་ལྟ་བུ་ཡི། །བླ་མའི་ཞབས་ལ་ཕྱག་འཚལ་བསྟོད། །གང་གིས་སྐྱེ་རྒ་ན་འཆི་ཡི། །ཆུ་བོ་ཆེ་ལས་སྒྲོལ་མཛད་པ། །མཉན་པའི་རྒྱལ་པོ་ལྟ་བུ་ཡི། །བླ་མའི་ཞབས་ལ་ཕྱག་འཚལ་བསྟོད། །གང་གིས་འགྲོ་བའི་

― CMR051_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་འདོད་དག །ཡིད་བཞིན་རྫོགས་པར་འབྱུང་གྱུར་པ། །ནོར་བུ་རིན་ཆེན་ལྟ་བུ་ཡི། །བླ་མའི་ཞབས་ལ་ཕྱག་འཚལ་བསྟོད། །གང་གིས་ཆོས་རྣམས་ཐམས་ཅད་ཀུན། །འདུ་འབྲལ་མེད་པར་ཁྱབ་གྱུར་པ། །ནམ་མཁའ་ལྟ་བུའི་ཐུགས་མངའ་བའི། །བླ་མའི་ཞབས་ལ་ཕྱག་འཚལ་བསྟོད། །ཁོང་སྟོང་ཁྱེད་ཀྱི་སྐུ་ལ་མེད། །ཤ་དང་རུས་པ་ཁྲག་མེད་ཀྱང་། །ནམ་མཁའ་ལ་ནི་འཇའ་ཚོན་ལྟར། །ཁྱེད་ཀྱི་སྐུ་ནི་སྟོན་པར་མཛོད། །སྐུ་ལ་སྙུན་མེད་མི་གཙང་མེད། །བཀྲེས་དང་སྐོམ་པ་འབྱུང་མེད་ཀྱང་། །ཁྱོད་ནི་འཇིག་རྟེན་རྗེས་འཇུག་ཕྱིར། །འཇིག་རྟེན་བྱ་བ་སྟོན་པར་མཛད། །ཆུ་ཟླ་བཞིན་དུ་བཟུང་དུ་མེད། །ཆོས་རྣམས་ཀུན་ལ་གནས་པ་མེད། །ང་རྒྱལ་མེད་ཅིང་རྨོངས་མི་མངའ། །དམིགས་མེད་ཁྱོད་ལ་ཕྱག་འཚལ་བསྟོད། །གཤེགས་དང་བཞུགས་དང་དེ་བཞིན་གཟིམ། །སྤྱོད་ལམ་དག་ནི་ཐམས་ཅད་དུ། །ཁྱོད་ནི་རྟག་ཏུ་མཉམ་འཇོགས་པ། །དམིགས་མེད་ཁྱོད་ལ་ཕྱག་འཚལ་བསྟོད། །སྒྱུ་མ་ལྟ་བུའི་ཏིང་འཛིན་གྱིས། །རྫུ་འཕྲུལ་ཆེ་ལ་རྣམ་རོལ་ཞིང་། །སྣ་ཚོགས་མིན་ལ་སྙོམས་འཇུག་པ། །དམིགས་མེད་ཁྱོད་ལ་ཕྱག་འཚལ་

― CMR051_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད། །ཁམས་གསུམ་ལས་ནི་རྣམ་གྲོལ་ཞིང་། །ནམ་མཁའ་དང་ནི་མཉམ་གྱུར་པ། །འདོད་པ་རྣམས་ཀྱི་མ་གོས་པ། །དམིགས་མེད་ཁྱོད་ལ་ཕྱག་འཚལ་བསྟོད། །ཕུང་པོ་རྣམས་དང་ཁམས་རྣམས་དང་། །སྐྱེ་མཆེད་རྣམས་ལ་མི་བརྟེན་ཞིང། །ཕྱིན་ཅི་ལོག་ལས་རྣམ་གྲོལ་བ། །དམིགས་མེད་ཁྱོད་ལ་ཕྱག་འཚལ་བསྟོད། །རྣམ་རྟོག་མེད་ཅིང་ཀུན་རྟོགས་མེད། །ཐུགས་ནི་རབ་ཏུ་མི་གནས་པ། །བསམ་གྱིས་མི་ཁྱབ་པ་ཡི་ཐུགས། །དམིགས་མེད་ཁྱོད་ལ་ཕྱག་འཚལ་བསྟོད། །ཇི་ལྟར་ནམ་མཁའི་གནས་མེད་ཀྱི། །སྤྲོས་མེད་གོས་པ་མེད་པ་ལྟར། །མཁའ་དང་མཉམ་པའི་ཐུགས་མངའ་བ། །དམིགས་མེད་ཁྱོད་ལ་ཕྱག་འཚལ་བསྟོད། །ཐོག་མཐའ་མེད་ཅིང་ཞི་བ་དང་། །ཉོན་མོངས་ཐམས་ཅད་རྣམ་སྦྱོང་ཞིང་། །ལུས་དང་ངག་དང་སེམས་སྦྱོངས་བ། །རྡོ་རྗེ་ཆེ་ལ་ཕྱག་འཚལ་བསྟོད། །མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པ་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་གྲོལ་ཞིང་། །གཅིག་

― CMR051_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གོས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །ལྷ་དང་ལྷ་མིན་ཅོད་པན་གྱི། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་ཕྱག་འཚལ་ལོ། །པདྨ་ལས་འཁྲུངས་གསེར་གྱི་པདྨ་བཞིན། །ཉེས་པ་ཀུན་སྤངས་འགྲོ་ཀུན་བདེ་ལ་སྦྱར། །རྡོ་རྗེའི་སྐུ་བརྙེས་སྣང་སྲིད་ཟིལ་གྱིས་གནོན། །དྲིན་ཆེན་པདྨ་འབྱུང་གནས་ཕྱག་འཚལ་ལོ། །བསྟན་པ་སྲུང་ཞིང་རྣལ་འབྱོར་བུ་བཞིན་སྐྱོང་། །བར་ཆད་སེལ་ཞིང་ཕྲིན་ལས་ཀུན་འགྲུབ་པ། །མ་ཧཱ་ཀཱ་ལ་ལྕམ་དྲལ་འཁོར་དང་བཅས། །བཀའ་སྡོད་སྲུང་མའི་ཚོགས་ལ་ཕྱག་འཚལ་ལོ། །མོས་དང་བསམ་པ་ཇི་བཞིན་ཟབ་པ་དང་། །རྒྱ་ཆེའི་ཆོས་འཁོར་རྒྱུན་མི་འཆད་པར་བསྐོར། །སྤྲུལ་པས་འགྲོ་ལ་སྨན་སླད་བཞུགས་སུ་གསོལ། །བསོད་ནམས་བླ་མེད་བྱང་ཆུབ་ཐོབ་ཕྱིར་བསྔོ། །ཀརྨ་པ་མཁྱེན་ནོ། །ཅེས་བསྙེན་པ་གང་མང་། ཁྱབ་བདག་རྡོ་རྗེ་འཆང་ཆེན་ལ་གསོལ་བ་འདེབས། །ཡི་དམ་

― CMR051_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་མ་སྒྲོལ་མ་ལ་གསོལ་བ་འདེབས། །གུ་རུ་པདྨ་འབྱུང་གནས་ལ་གསོལ་བ་འདེབས། །དཔལ་ལྡན་དུས་གསུམ་མཁྱེན་པ་ལ་གསོལ་བ་འདེབས། །གྲུབ་ཆེན་ཀརྨ་པཀྵི་ལ་གསོལ་བ་འདེབས། །སེམས་དཔའ་རང་བྱུང་རྡོ་རྗེ་ལ་གསོལ་བ་འདེབས། །འཛམ་གླིང་རོལ་པའི་རྡོ་རྗེ་ལ་གསོལ་བ་འདེབས། །ཐུབ་ཆེན་དེ་བཞིན་གཤེགས་པ་ལ་གསོལ་བ་འདེབས། །ཀུན་མཁྱེན་མཐོང་བ་དོན་ལྡན་ལ་གསོལ་བ་འདེབས། །རྒྱལ་དབང་ཆོས་གྲགས་རྒྱ་མཚོ་ལ་གསོལ་བ་འདེབས། ། །སངས་རྒྱས་མི་བསྐྱོད་རྡོ་རྗེ་ལ་གསོལ་བ་འདེབས། །སྤྲུལ་སྐུ་དཀོན་མཆོག་ཡན་ལག་ལ་གསོལ་བ་འདེབས། །རྗེ་བཙུན་དབང་ཕྱུག་རྡོ་རྗེ་ལ་གསོལ་བ་འདེབས། །རྒྱལ་མཆོག་ཆོས་དབྱིངས་རྡོ་རྗེ་ལ་གསོལ་བ་འདེབས། །དྲིན་ཆེན་ཆོས་ཀྱི་དབང་ཕྱུག་ལ་གསོལ་བ་འདེབས། ༈ །རྒྱལ་ཚབ་གྲགས་པ་མཆོག་དབྱངས་ལ་གསོལ་བ་འདེབས། །སི་ཏུ་ཆོས་ཀྱི་རྒྱལ་མཚན་ལ་གསོལ་བ་འདེབས། །དཔའ་བོ་གཙུག་ལག་རྒྱ་མཚོ་ལ་གསོལ་བ་འདེབས། །རྒྱལ་སྲས་གཏེར་སྟོན་རྣམ་གསུམ་ལ་གསོལ་བ་འདེབས། །ཆོས་ཀྱི་གྲགས་པ་ཡབ་སྲས་ལ་གསོལ་

― CMR051_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འདེབས། །དབོན་དང་བཀྲ་ཤིས་དཔལ་གྲུབ་ལ་གསོལ་བ་འདེབས། །ཚེར་ལུང་སྤྲུལ་སྐུ་གོང་འོག་ལ་གསོལ་བ་འདེབས། །མཁའ་སྤྱོད་ནམ་མཁའ་རྒྱལ་མཚན་ལ་གསོལ་བ་འདེབས། ༧ ཆགས་མེད་རཱ་ག་ཨ་སྱ་ལ་གསོལ་བ་འདེབས། །གསང་ཕུ་པདྨ་ཀུན་དགའ་ལ་གསོལ་བ་འདེབས། །མཆོག་སྤྲུལ་ཕྲིན་ལས་དབང་འབྱུང་ལ་གསོལ་བ་འདེབས། །ཀུན་མཁྱེན་ཤེས་རབ་གྲགས་པ་ལ་གསོལ་བ་འདེབས། །ཀརྨ་ཐུབ་བསྟན་རབ་འཕེལ་ལ་གསོལ་བ་འདེབས། །ཁྱབ་བདག་བསྟན་འཛིན་ཕྲིན་ལས་ལ་གསོལ་བ་འདེབས། །ཁ་སྤྲུལ་སྨོན་ལམ་ཡོངས་གྲུབ་ལ་གསོལ་བ་འདེབས། །མཚུངས་མེད་གསང་སྔགས་བསྟན་འཛིན་ལ་གསོལ་བ་འདེབས། །སངས་སྤྲུལ་ཀརྨ་སངས་རྒྱ་ལ་གསོལ་བ་འདེབས། །ཨ་རཱ་ག་མན་ཆད་གནས་ལུགས་གསེར་ཕྲེང་ལྟར་སབ། དྲིན་ཐོབ་རྩ་བརྒྱུད་བླ་མ་ལ་གསོལ་བ་འདེབས། །རྒྱ་བོད་གྲུབ་ཐོབ་རྒྱ་མཚོ་ལ་གསོལ་བ་འདེབས། །ཆོས་སྐྱོང་མ་མགོན་འཁོར་བཅས་ལ་གསོལ་བ་འདེབས། །དེ་ནས་བསྙེན་པ་བྱ་བ་ནི། །དེ་ལྟར་གསོལ་བ་བཏབ་པས་རྡོ་རྗེ་འཆང་ནས་ཆོས་སྐྱོང་ཡན་གྱི་ལྷ་ཚོགས་ཐམས་ཅདཀྱི་སྐུ་ལས་འོད་འཕྲོས་གཙོ་

― CMR051_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་ལ་ཐིམ། གཙོ་བོའི་སྐུ་ཡི་གནས་རྣམས་ལས་འོད་འཕྲོས་བདག་སོགས་རྣམས་ཀྱི་སྙིང་ཁར་ཐིམ་པས་སྡིག་སྒྲིབ་ཉེས་ལྟུང་མི་ཤེས་པའི་དྲི་མའི་ཚོགས་ཐམས་ཅད་བྱང་། བསོད་ནམས་ཡེ་ཤེས་ཀྱི་ཚོགས་གཉིས་རྫོགས། མཆོག་ཐུན་མོང་གི་དངོས་གྲུབ་དང་ཐུགས་རྗེ་བྱིན་རླབས་མཁྱེན་བརྩེ་ནུས་པ་ཡོན་ཏན་ཕྲིན་ལས་བདག་དོན་གཞན་དོན་ཐམས་ཅད་འགྲུབ། སྐད་ཅིག་ཉིད་ལ་བླ་མའི་གོ་འཕང་ཐོབ་སྟེ་ཕྱག་རྒྱ་ཆེན་པོའི་ཡེ་ཤེས་སྩོལ་མེད་དུ་སྐྱེ་བར་འགྱུར། ཨོཾ་ཨི་ཤྭ་ར་དྷམྨེ་ཧཱུྃ། ཞེས་གཙོ་བོའི་སྙིང་པོ་གང་མང་། ཨོཾ་བཛྲ་དྷིཀ་ཧཱུྃ་སྭཱ་ཧཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨོཾ་བཛྲ་གུ་རུ་པདྨ་སིདྡྷི་ཧཱུྃ་སྭཱ་ཧཱ། ཨོཾ་ཤྲཱི་མནྟྲི་ཀ་ལ་ཛྷཱ་ཧཱུྃ་སྭཱ་ཧཱ། ཨོཾ་སིདྡྷི་མ་ཧཱ་ཀརྨ་ཀཾ་དྷརྨཱ་གུ་རུ་ཧཱུྃ་སྭཱ་ཧཱ། ཨོཾ་སཏཱ་སྭ་ཡཾ་བྷུ་བཛྲ་ཧཱུྃ་སྭཱ་ཧཱ། ཨོཾ་ཛི་བུ་དཱི་པཱ་ལ་ལི་ཏ་བཛྲ་ཧཱུྃ་སྭཱ་ཧཱ། ཨོཾ་མ་ཧཱ་མ་ནི་ཏ་ཐཱ་ག་ཏ་ཧཱུྃ་སྭཱ་ཧཱ། ཨོཾ་བཛྲ་སརྦ་ཛྙཱ་ན་དརྵཱ་རྠ་མཱནྟ་ལ་ཧཱུྃ་སྭཱ་ཧཱ། ཨོཾ་ཛ་ལེན་ཊ་དྷརྨཱ་ཀཱིརྟི་སཱ་ག་ར་ཧཱུྃ་སྭཱ་ཧཱ། ཨོཾ་བུདྡྷ་ཨཀྵྱོ་བྷྱ་བཛྲ་ཧཱུྃ་སྭཱ་ཧཱ། ཨོཾ་བྷཊྚ་རཱ་ཀ་ཨི་ཤྭ་ར་བཛྲ་ཧཱུྃ་སྭཱ་ཧཱ། ཨོཾ་དྷརྨཱ་དྷཱརྟུ་བཛྲ་ཧཱུྃ་སྭཱ་ཧཱ། ཨོཾ་ཨཱཿགུ་རུ་ག་ག་ན་དྷུ་ཛ་ཧཱུྃ་སྭཱ་ཧཱ། ཨོཾ་ཨཱཿགུ་རུ་ཀརྨ་ཨ་རཱ་ག་ཧཱུྃ་སྭཱ་ཧཱ། འདི་རྗེས་ནས་

― CMR051_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣན་མཆན། ཨོཾ་དྷརྨ་པཱ་ལ་མ་ཧཱ་ཀཱ་ལ་མ་ཧཱ་ཀཱ་ལི་ཧཱུྃ་སྭཱ་ཧཱ། ཞེས་པ་རྣམས་གང་མང་དང་། གཙོ་བོ་རང་གང་མོས་དེའི་མཚན་སྔགས་ལ་བསྙེན་པ་གང་མང་བྱ། བླ་སྒྲུབ་གསོལ་འདེབས་དང་། སྣང་སྟོང་ལྷ་སྐུ་བླ་མ་ཕྱག་རྒྱ་ཆེ། །གྲག་སྟོང་བརྗོད་མེད་བླ་མ་ཕྱག་རྒྱ་ཆེ། །རིག་སྟོང་རྩ་བྲལ་བླ་མ་ཕྱག་རྒྱ་ཆེ། །བཅོས་མིན་བླ་མའི་དགོངས་པ་རྫོགས་བྱེད་ཤོག །སྐྱིད་ན་སྐྱབས་གཅིག་སྡུག་ན་མགོན་གཅིག་སྟེ། །རྣམ་པ་ཀུན་ཏུ་ཡོངས་སུ་འཛིན་པ་ཡི། །རྗེ་བཙུན་ཐུགས་རྗེའི་དབང་ཕྱུག་བླ་མ་རྗེ། །རྐྱེན་ངན་ལམ་དུ་ངན་བུ་མི་གཏོང་གསོལ། །དབང་ལེན་པར་འདོད་ན་འོད་ཟེར་གྱི་དབང་ནི། དཔལ་ལྡན་བླ་མ་དམ་པ་ཁྱེད་རྣམས་ཀྱིས། །བདག་ལ་སྨིན་བྱེད་དབང་བཞི་བསྐུར་དུ་གསོལ། །རྒྱུད་བཞི་མྱུར་དུ་སྨིན་པར་བྱིན་གྱིས་རློབས། །ཕྲིན་ལས་རྣམ་བཞིའི་དངོས་གྲུབ་བསྩལ་དུ་གསོལ། །ཞེས་པའི་གསོལ་བ་བཏབ་པའི་མོད་ཉིད་ལ། །འཁོར་རྣམས་འོད་ཞུ་གཙོ་བོའི་སྐུ་ལ་ཐིམ། །གཙོ་བོ་དཀོན་མཆོག་ཀུན་འདུས་བདག་ཉིད་ལ། །རྣམ་པ་བླ་མ་དངོས་སུ་གསལ་གྱུར་པའི། །མཛོད་སྤུའི་གནས་ནས་འོད་ཟེར་དཀར་པོ་འཕྲོས། །རང་གི་དཔྲལ་བར་ཐིམ་པས་ལུས་སྒྲིབ་དག །བུམ་པའི་དབངཐོབ་

― CMR051_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རིམ་བསྒོམ་ལ་དབང་། །འབྲས་བུ་སྤྲུལ་སྐུ་འགྲུབ་པའི་སྐལ་ལྡན་གྱུར། །མགྲིན་པའི་གནས་ནས་འོད་ཟེར་དམར་པོ་འཕྲོས། །རང་གི་མགྲིན་པར་ཐིམས་པས་ངག་སྒྲིབ་དག །གསང་བའི་དབང་ཐོབ་རྩ་རླུང་བསྒོམ་ལ་དབང་། །ལོངས་སྤྱོད་རྫོགས་སྐུ་འགྲུབ་པའི་སྐལ་ལྡན་གྱུར། །ཐུགས་ཀའི་གནས་ནས་འོད་ཟེར་སྔོན་པོ་འཕྲོས་། །རང་གི་སྙིང་གར་ཐིམ་པས་ཡིད་སྒྲིབ་དག །ཤེར་དབང་ཐོབ་ཅིང་སྙོམས་འཇུག་བསྒོམ་ལ་དབང་། །འབྲས་བུ་ཆོས་སྐུ་འགྲུབ་པའི་སྐལ་ལྡན་གྱུར། །གནས་གསུམ་འོད་ཟེར་དཀར་དམར་མཐིངགསུམ་འཕྲོས། །གནས་གསུམ་ལ་ཐིམ་སྒོ་གསུམ་དྲི་མ་དག །བཞི་པའི་དབང་ཐོབ་ཕྱག་ཆེན་བསྒོམ་ལ་དབང་། །ངོ་བོ་ཉིད་སྐུ་འགྲུབ་པའི་སྐལ་ལྡན་གྱུར། །དེ་ནས་བླ་མ་འོད་ཞུ་རང་ལ་ཐིམ། །རང་གི་ལུས་ངག་ཡིད་གསུམ་བླ་མ་ཡི། །རྡོ་རྗེ་གསུམ་པོ་དབྱེར་མེད་རོ་གཅིག་ཅིང་། །ཁྱེར་སོ་གསུམལྡན་ལྷུན་གྲུབ་རང་གྲོལ་ལོ། །ཞེས་བརྗོད་དེ་ནས་ཕྱག་ཆེན་ངང་དུ་བཞག །བུམ་པ་བསངས་སྦྱངས། སྟོང་ལས་བུམ་བྱུང་བུམ་པའི་ལྟོ་བ་ཡངས། །མཆུ་འཕྱང་མགྲིན་རིང་མཚན་རྫོགས་རྣམ་རྒྱལ་དབུས། །པདྨའི་

― CMR051_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་སུ་ཁྱབ་བདག་རྡོ་རྗེ་འཆང་། །སྐུ་མདོག་སྔོན་པོ་རྡོར་དྲིལ་ཟུང་འཇུག་འཛིན། །རང་འོད་ཡུམ་འཁྱུད་རིན་ཆེན་རྒྱན་གྱིས་བརྒྱན། །མཚན་དཔེ་རྡོ་རྗེ་སྐྱིལ་ཀྲུང་དང་བཅས་བཞུགས། །ཆོས་དབྱིངས་བདེ་ཆེན་ཕོ་བྲང་ནས། །ཆོས་སྐུ་རྡོ་རྗེ་འཆང་ཆེན་ལ། །སངས་རྒྱས་བྱང་སེམས་བླ་མས་བསྐོར། །གནས་འདིར་སྤྱན་འདྲེན་གཤེགས་སུ་གསོལ། །ཨོཾ་ཤྲཱི་མན་གུ་རུ་དྷེ་ཝ་ཌཱཀྐི་ནཱི་ས་པཱ་རི་ཝཱ་ར་བཛྲ་ས་མཱ་ཛཿ བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡང་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །པདྨ་ཀ་མ་ལུ་ཧཱུཾ། དེ་ལྟར་སྤྱན་དྲངས་བཞུགས་གསོལ་ལྷ་ཚོགས་རྣམས། །སོ་སོའི་ལྷར་ཐིམ་བསྐྱེད་པའི་ལྷ་རྣམས་དང་། །དབྱེར་མེད་གཅིག་འདྲེས་ཀུན་འདུས་སྐུར་གྱུར་ཏེ། །བདག་སོགས་འགྲོ་ལ་ཐུགས་རྗེས་རྟག་གཟིགས་གྱུར། །ཛཿཧཱུྃ་བྃ་ཧོཿས་གཉིས་སུ་མེད་པར་གྱུར། །དེ་ནས་མཆོད་བསྟོད་མདོར་བསྡུས་བྱ། །

― CMR051_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཕྱིར་བསྔོའོ། །ཡན་ལག་བདུན་པ་བྱ། ཨོཾ་བཛྲ་དྷིཀ་ཨི་ཤྭ་ར་བཛྲ་ཧཱུྃ་སྭཱ་ཧཱ། ཞེས་བསྙེན་པ་གང་འགྲུབ་བྱ། ལྷ་རྣམས་འདོད་ཆགས་ཆེན་པོས་ཞུ་བ་ལས། །ཡེ་ཤེས་ངོ་བོ་བུམ་ཆུར་རོ་གཅིག་གྱུར། །ཞེས་བརྗོད། དེ་ནས་གསོལ་བ་གདབ་པ་ནི། ཡང་དབང་རྫས་མེད་ན་དམིགས་པས་དབང་བླང་ཆོག །རྒྱུན་དུ་ཆུ་རྒྱུན་གཅིག་མའམ། འོད་ཟེར་གྱི་དབང་གང་མོས་བླང་ཆོག །ཆུ་རྒྱུན་གཅིག་མའི་དབང་གི་གསོལ་གདབ་ནི། ཨོཾ་ནམ་མཁའ་ལས་བྱུང་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །རྡོ་རྗེ་སེམས་དཔའ་ཆེ་རང་བཞིན། །རྡོ་རྗེ་སེམས་དཔར་བདག་སྒྲུབས་ཤིག །བླ་མ་རྡོ་རྗེ་འཆང་ཆེན་ཡབ་ཡུམ་དེའི། །སྦྱོར་མཚམས་བདུད་རྩིའི་རྒྱུན་བྱུང་རང་ཉིད་ཀྱི། །སྤྱི་བོ་ནས་ཞུགས་ལུས་གང་སྒྲིབ་ཀུན་དག །གནས་སྐབས་བག་ཆགས་བཞི་དག་དབང་བཞི་ཐོབ། །སྐུ་བཞི་མངོན་བྱས་རྡོ་རྗེ་བཞི་ལྡན་ཉིད། །མངོན་དུ་བྱས་ནས་མཛད་པ་ཕྲིན་ལས་ཀྱི། །འཁོར་བ་མ་སྟོངས་བར་དུ་འགྲོ་དོན་བྱེད། །འབྲེལ་ཚད་

― CMR051_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ལྡན་རྡོ་རྗེ་འཆང་ཆེན་པོ། །ཞེས་ངེས་ཤེས་བསྐྱེད་ལ་བསྒོམ་མོ། །བསྡུ་ན་སྨོན་ལམ་ནི། བདག་གི་དུས་གསུམ་དགེ་བ་ཅི་བསགས་པ། །ནམ་མཁའི་མཐའ་ཀླས་གྱུར་པའི་སེམས་ཅན་ཀུན། །བླ་མེད་ཐེག་པ་ཆེན་པོའི་སྣོད་གྱུར་ནས། །ཀུན་ཀྱང་རྡོ་རྗེ་འཛིན་པའི་ས་ཐོབ་ཤོག །བདག་བློ་གཏི་མུག་རྨོངས་པའི་དབང་གྱུར་པའི། །ལེགས་བྱས་འདི་ལ་ཉེས་པར་གྱུར་པ་གང་། །སྐྱེས་མཆོག་རིན་ཆེན་རྣམས་དང་དེ་ཡི་སྲས། །བདག་ཉིད་ཆེན་པོ་རྣམས་ལ་བཟོད་པར་གསོལ། །ཡིག་བརྒྱ་འདོན། མདུན་བསྐྱེད་ཀྱི་རྟེན་དང་དཀྱིལ་འཁོར་སོགས་ཡོད་ན་བརྟན་བཞུགས་བྱེད། ཁྱེད་ཀྱི་ཐུགས་རྗེས་འགྲོ་བའི་དོན་ཀུན་མཛད། །ཐུན་མོང་མཆོག་གི་དངོས་གྲུབ་བདག་ལ་སྩོལ། །ཆོས་སྐུ་ཞི་བའི་དབྱིངས་སུ་བཞུགས་ནས་ཀྱང་། །གཟུགས་སྐུ་འགྲོ་བའི་དོན་དུ་རྟག་བཞུགས་གསོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཕྱི་རོལ་སྣོད་བཅུད་འོད་ཞུ་བླ་མར་ཐིམ། །བླ་མ་འོད་དུ་ཞུ་ནས་རང་ལ་ཐིམ། །རང་ཉིད་བླ་མ་ཉིད་དང་དབྱེར་མེད་དང་། །འགྲོ་དོན་ཕྲིན་ལས་དཔག་མེད་འགྲུབ་པར་འགྱུར། །བཀྲ་ཤིས་ནི། རྡོ་རྗེ་འཆང་ལ་གསོལ་བ་འདེབས། །ཐུགས་རྗེ་བྱིན་རླབས་བཀྲ་ཤིས་ཀྱི། །

― CMR051_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་ཡུན་རིང་གནས་པ་དང་། །སྒྲུབ་བརྒྱུད་བསྟན་པ་འབར་བར་ཤོག །བླ་མ་རྣམས་ལ་གསོལ་བ་འདེབས། །ཐུགས་རྗེ་བྱིན་རླབས་བཀྲ་ཤིས་ཀྱི། །བསྟན་པ་ཡུན་རིང་གནས་པ་དང་། །སྒྲུབ་བརྒྱུད་བསྟན་པ་འབར་བར་ཤོག །ཡི་དམ་རྣམས་ལ་གསོལ་བ་འདེབས། །ཐུགས་རྗེ་བྱིན་རླབས་བཀྲ་ཤིས་ཀྱི། །བསྟན་པ་ཡུན་རིང་གནས་པ་དང་། །སྒྲུབ་བརྒྱུད་བསྟན་པ་འབར་བར་ཤོག །ཆོས་སྐྱོང་རྣམས་ལ་གསོལ་བ་འདེབས། །ཐུགས་རྗེ་བྱིན་རླབས་བཀྲ་ཤིས་ཀྱི། །བསྟན་པ་ཡུན་རིང་གནས་པ་དང་། །སྒྲུབ་བརྒྱུད་བསྟན་པ་འབར་བར་ཤོག །བཀྲ་ཤིས་ཀྱི་དང་པོ་བཀྲ་ཤིས་པ། །སངས་རྒྱས་འཇིག་རྟེན་དུ་བྱོན་པ་ཡིན། །བཀྲ་ཤིས་དེ་ཡི་བཀྲ་ཤིས་པ། །བདེ་སྐྱིད་ཕུན་སུམ་ཚོགས་པར་ཤོག །བཀྲ་ཤིས་ཀྱི་གཉིས་པ་བཀྲ་ཤིས་པ། །དམ་ཆོས་ཀྱི་འཁོར་ལོ་བསྐོར་བ་ཡིན། །བདེ་སྐྱིད་ཕུན་སུམ་ཚོགས་པར་ཤོག །བཀྲ་ཤིས་ཀྱི་གསུམ་པ་བཀྲ་ཤིས་པ། །ཞིང་མཆོག་དགེ་འདུན་ཚོགས་རྣམས་ཡིན། །བཀྲ་ཤིས་དེ་ཡི་བཀྲ་ཤིས་པ། །བདེ་སྐྱིད་ཕུན་སུམ་ཚོགས་པར་ཤོག །བཀྲ་ཤིས་ཀུན་གྱི་བཀྲ་ཤིས་པ།

― CMR051_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་བརྒྱུད་ངོ་མཚར་ཅན་རྣམས་ཡིན། །བཀྲ་ཤིས་དེ་ཡི་བཀྲ་ཤིས་པ། །བདེ་སྐྱིད་ཕུན་སུམ་ཚོགས་པར་ཤོག །འཕྲལ་སྐྱིད་པ་འཇིག་རྟེན་མི་ཡི་ཆོས། །དགའ་བདེ་སྨོན་བཞིན་ཐོབ་པར་ཤོག །ཕུག་སྐྱིད་པ་དམ་པའི་ལྷ་ཆོས་ལ། །དུས་རྟག་ཏུ་འབྲལ་མེད་འབྱོར་བར་ཤོག །བཀྲ་ཤིས་ཀྱི་ར་བ་འཛམ་གླིང་རྒྱན། །འཛམ་གླིང་བརྒྱན་གྱི་བཀྲ་ཤིས་ཤོག །བསམ་པ་ཡིད་བཞིན་འགྲུབ་པར་ཤོག །བདེ་སྐྱིད་ཕུན་སུམ་འཚོགས་པར་ཤོག །བླ་མ་མཆོད་པའི་ཆོ་གའི་འདོན་བྱ་ཁོལ་དུ་ཕྱུང་བ་རཱ་ག་ཨ་སྱས་སྦྱར། མངྒ་ལཾ།། །།

རྒྱལ་བ་ཐམས་ཅད་མཁྱེན་པ་དཀོན་མཆོག་འབངས་ཀྱིས་བསྩལ་བའི་ཕྱག་རྒྱ་ཆེན་པོའི་ངོ་སྤྲོད་མདོར་བསྡུས་པའི་དོན་འགྲེལ་ཉམས་སུ་བླང་བདེ།

― CMR051_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཐམས་ཅད་མཁྱེན་པ་དཀོན་མཆོག་འབངས་ཀྱིས་བསྩལ་བའི་ཕྱག་རྒྱ་ཆེན་པོའི་ངོ་སྤྲོད་མདོར་བསྡུས་པའི་དོན་འགྲེལ་ཉམས་སུ་བླང་བདེ་བཞུགས་སོ།།

― CMR051_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་མུ་དྲ་ཡེ། རང་སེམས་ཡིད་བཞིན་གྱི་ནོར་བུ་ལ་ཕྱག་འཚལ་ལོ། །འདིར་ཆོས་ཕྱག་རྒྱ་ཆེན་པོའི་གདམས་ངག་སྟོན་པ་ལ། རྗེ་ས་པཎ་སོགས་དཔལ་ལྡན་ས་སྐྱའི་གསུང་རྒྱུན་ལས། སྔོན་བྱོན་གོང་མའི་གསུང་རབ་ཀྱི། །ཚིག་ཙམ་ལ་ཡང་བྱིན་རླབས་ཡོད། །ཅེས་གསུངས་པས། རྗེ་ཐམས་ཅད་མཁྱེན་པ་དཀོན་མཆོག་འབངས་ཀྱིས་བསྩལ་བའི་ཕྱག་རྒྱ་ཆེན་པོའི་ངོ་སྤྲོད་མདོར་བསྡུས་ཞེས་པ་འདི་འཆད་པར་བྱའོ། །དེ་ལ་ཆོས་ཁུངས་བཙུན་པར་ཤེས་པའི་ཆེད་དུ་ཐོག་མར་མཛད་པ་པོའི་ཆེ་བ་བརྗོད་པ་སྔོན་གྱི་མཁས་པ་རྣམས་ཀྱི་ལུགས་ལ་ཡོད་པ་ལྟར་

― CMR051_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་ན། དེ་ཡང་ཟ་དམ་པ་བསམ་ཡས་བྱང་མའི་གཙུག་ལག་ཁང་ཆེན་པོར་རྗེ་ཆོས་ཀྱི་དབང་ཕྱུག་གིས་དགོངས་གཅིག་ལྗགས་བཤད་རྒྱས་པར་གནང་དུས། དགོངས་གཅིག་མཛད་པ་པོའི་ཆེ་བ་འཆད་པའི་སྐབས་སུ། སྔོན་གྱི་དུས་སངས་རྒྱས་ཤཱཀྱ་ཐུབ་ཆེན་དང་། སངས་རྒྱས་དཀོན་མཆོག་ཡན་ལག་གི་ངོ་བོ་རྒྱལ་བ་ཐམས་ཅད་མཁྱེན་པ་དཀོན་མཆོག་འབངས་ཀྱིས་མཛད། ཅེས་སོགས་རྒྱ་ཆེར་གསུངས་པ་དངོས་སུ་ཐོས་ལ། རྡོ་རྗེ་འཆང་དབང་དཀོན་མཆོག་ཡན་ལག་ནི། །ཞེས་རྣམ་ཐར་བསྟོད་པ་ཡང་འབྲི་བར་མཛད་ལ། དེ་བཞིན་དུ་རྗེ་དབང་ཕྱུག་རྡོ་རྗེས་

― CMR051_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་བསྟོད་པ་མཐའ་ཡས་ཤིང་རིགས་ཀྱི་བདག་པོར་མཛད་ཅིང་། དེ་དག་མོས་བློས་ཡར་གཞལ་ཙམ་དང་། ཞེན་ཕོ་རུས་ཀྱིས་བསྟོད་ཙམ་ནི་མ་ཡིན་ཏེ། རྗེ་དཀོན་མཆོག་འབངས་ཉིད་ཀྱི་ཞལ་ནས། །འོག་མིན་རབ་འབྱམས་འཐུག་པོ་བཀོད་པ་ན། །གར་དབང་རྡོ་རྗེ་འཆང་གི་ངོ་བོ་ཉིད། །ཞྭ་དམར་ཅོད་པན་འཛིན་པ་དཀོན་མཆོག་འབངས། །དགའ་ལྡན་ཆོས་ཀྱི་ཕོ་བྲང་དམ་པ་ན། །རྒྱལ་ཚབ་བྱམས་པ་མགོན་པོའི་སྤྲུལ་པའི་སྐུ། །དཀོན་མཆོག་ཡན་ལག་ཅེས་བྱའི་ཆོས་ཀྱི་རྗེ། །ཞེས་དང་། ད་ལྟ་བྱམས་ཆེན་མགོན་པོའི་ཚུལ་འཛིན་ཅིང་། །མ་འོངས་མགོན་པོ་ཀུན་གཟིགས་ཞེས་བྱ་བ། །ཞྭ་དམར་ཅོད་པན་ཞེས་དང་། །འདས་པའི་སངས་རྒྱས་ཤཱཀྱ་ཐུབ་པ་དང་། །དཀོན་མཆོག་ཡན་ལག་ལ་སོགས་སྤྲུལ་པའི་སྐུ། །ཞེས་སོགས་དོན་ལ་རྫོགས་པའི་སངས་རྒྱས་སུ་ཞལ་གྱིས་བཞེས་ཤིང་སྐུ་ཚེ་དེ་ཉིད་ལ་ཕྱག་རྒྱ་ཆེན་པོའི་རྟོགས་པ་མཐར་ཐུག་པ་འཁྲུངས་ཚུལ་ཡང་བསྟན་ཏེ། །གནས་ལུགས་རང་ངོ་འཕྲོད་པའི་རྗེ་བཙུན་མཆོག །དཀོན་མཆོག་ཡན་ལག །ཅེས་གསུངས་སོ། །དེ་ལྟར་རང་གི་ཁས་ཆེ་བ་ཙམ་ཁོ་ན་ཡིན་ནམ་ཞེ་ན་མ་ཡིན་ཏེ། རྗེ་མི་བསྐྱོད་རྡོ་

― CMR051_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས། རིགས་ཀྱི་བདག་པོ་པདྨ་གར་དབང་པོ། །དཀྱིལ་འཁོར་ཀུན་གྱི་རྒྱས་གདབ་ཆེན་པོ་པ། །རྡོ་རྗེའི་བརྟུལ་ཞུགས་གྲུབ་པ་ཆོས་ཀྱི་རྗེ། །དཀོན་མཆོག་ཡན་ལག་ཞབས་པད་སྤྱི་བོར་ལེན། །ཞེས་གསུངས་ནས་སྐུ་བྱིས་དུས་ཕྱག་གཉིས་ཀྱིས་པང་ནས་ཉིད་ཀྱི་དབུ་གཙུག་ཏུ་བཞག་པར་མཛད་པའི་ལོ་རྒྱུས་དང་། སྐུ་ནར་སོན་ནས་བསྔགས་པ་གསུང་ཚུལ་ཉིད་ཀྱི་གསུངས་ལས། །མཚུངས་མེད་བླ་མ་མི་བསྐྱོད་རྡོ་རྗེས་ཀྱང་། །སྤྱན་རས་གཟིགས་དངོས་མི་བསྐྱོད་རྒྱས་བཏབ་དང་། །འོད་དཔག་མེད་པས་རྒྱས་བཏབ་སྤྱན་རས་གཟིགས། །ཁྱོད་ཅེས་བསྔགས་པར་མཛད་ལ་ཕྱག་འཚལ་བསྟོད། །ཅེས་གསུངས་སོ། །དེར་མ་ཟད་གྲུབ་ཆེན་ཀརྨ་པཀཱིས་གསུངས་ལས། ལུང་བསྟན་སྐྱེས་བུ་རྣམ་གཉིས་དང་། །དབྱེར་མེད་རང་བྱུང་རྡོ་རྗེ་དང་། །ཞེས་སོགས་གསུངས་ནས་ཞྭ་དམར་གཅིག་བཟོས་ནས་ང་ཡི་སྐུ་སྐྱེ་གཉིས་འབྱུང་བས་གཅིག་གིས་འདི་གྱོན་གསུངས་པའི་ལོ་རྒྱུས་ལྟར། གྲུབ་ཐོབ་ཆེན་པོ་ཀརྨ་པཀི་དེས། མ་འོངས་སྤྲུལ་སྐུ་ཟུང་གཅིག་ལུང་བསྟན་ཅིང་། དེ་གཉིས་ཐུགས་རྒྱུད་གཅིག་པར་ཞལ་གྱིས་བཞེས། དཀོན་མཆོག་ཡན་ལག་

― CMR051_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་སོགས་གསུངས་སོ། །དེ་ལྟར་གྲུབ་མཐའ་རང་ལུགས་ཀྱིས་རང་ལུགས་བསྟོད་པ་ཙམ་ཁོ་ན་ཡིན་ནམ་སྙམ་ན་མ་ཡིན་ཏེ། བདེ་མཆོག་དམར་པོའི་ལོ་རྒྱུས་ལུང་བསྟན་ལས། འཕགས་པ་ཉེ་བར་འཁོར་ཉིད་གར་དབང་རྡོ་རྗེ་འཆང་ཆེན་པོར་མངོན་དུ་གྱུར་ཏེ། དེའི་རྣམ་པར་འཕྲུལ་པ་ས་ལ་གནས་པའི་བྱང་ཆུབ་སེམས་དཔའ་རཏྣའི་མིང་ཅན་ཞེས་བྱ་བ། ཞེས་དེ་དང་གཏེར་སྟོན་དུས་མཉམ་པར་ལུང་བསྟན་པ་ལྟར། གཏེར་སྟོན་ཞིག་པོས་ཀྱང་རྗེ་འདི་ཉིད་ལ་རྒྱལ་བ་རྒྱ་མཚོ་ཞུས་ནས་ཐུགས་དམ་དུ་མཛད་པར་སྣང་ངོ་། དེ་དུས་མཉམ་པས་ཆེ་བརྗོད་བཙུད་པར་དོགས་ན་དེར་མ་ཟད་དེ། རཏྣའི་གཏེར་མ་བསྟན་པ་སྤྱི་ལུང་། བསྟན་འཛིན་དམ་པ་རྣམས་ལུང་བསྟན་པའི་སྐབས་ནས། དཀོན་མཆོག་མིང་ཅན་ཀོང་པོའི་ཕྱོགས་ནས་འབྱུང་། །དེ་རྣམས་སྐལ་ལྡན་སྐྱེས་བུ་དམ་པ་སྟེ། །ཆོས་ཀྱི་བསྟན་པ་དབུས་ཁམས་ཕྱོགས་ནས་བསླངས། །ཞེས་འཁྲུངས་ཚུལ་ལུང་བསྟན་པ་དང་། ཡང་ཨོ་རྒྱན་ལུང་བསྟན་ལས། བྱང་གི་ཕྱོགས་སུ་དཀོན་མཆོག་མིང་ཅན་འབྱུང་། །བྱམས་དང་སྙིང་རྗེའི་ཆུ་བོ་རྒྱུན་མི་འཆད། །སྒོམ་སྒྲུབ་གཉིས་ཀྱིས་སངས་རྒྱས་བསྟན་བསྲུང་། །ཞེས་

― CMR051_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཡངས་པ་ཅན་དུ་ཡུན་རིང་བཞུགས་པ་དང་། འདས་ནས་སྐུ་གདུང་བཞུགས་ས་ལུང་བསྟན་པའོ། །དེས་ན་མཛད་པ་པོ་ཞིང་འདིར་བླ་མའི་ཚུལ་སྣང་ཡང་ཞིང་གཞན་དུ་རྫོགས་པའི་སངས་རྒྱས་ཀྱི་སྐུར་བཞུགས་པས་ན། ཆོས་འདི་ཉིད་དོན་ལ་རྡོ་རྗེའི་ཚིག་རྐང་རྒྱུད་ཁོ་ན་ཡིན་པས་བྱིན་རླབས་ཆེའོ། །དེ་ཡང་ཞུ་བ་པོ་བཟང་ན་འཇིག་རྟེན་ཐམས་ཅད་ཡིད་ཆེས་པ་སྟེ། སྔོན་བཅོམ་ལྡན་འདས་ཀྱིས་ཀྱང་ཆོས་མ་གསུངས་པར་བཞུགས་པ་ན། ལྷ་ཚངས་པས་གསེར་གྱི་འཁོར་ལོ་རྩིབས་སྟོང་དང་ལྡན་པ་ཕུལ་ནས་གསོལ་བ་བཏབ་པ་ལ་བརྟེན་ནས་ཆོས་ཀྱི་འཁོར་ལོ་བསྐོར་ཏེ། ཚངས་པ་ནི་མི་མཇེད་ཀྱི་འཇིག་རྟེན་གྱི་ཁམས་ན་ཆེ་ཞིང་མཆོག་ཏུ་གྲགས་པའི་ཕྱིར། སྟོན་པའི་གསུངས་ལ་ཡང་སྒྲོ་སྐུར་དང་རྩོད་པ་བྲལ་བ་ཡིན་པར་གསུངས་པ་ལྟར། འདི་ཡང་རྩེ་ཞབས་དྲུང་རིན་པོ་ཆེས་བསྐུལ་བའི་ངོར་ཞྭ་དམར་པ་ལྔ་པས་སྦྱར་བའོ། །ཞེས་གསུངས་ཏེ། སྤྱིར་སྣེ་གདོང་རྩེའི་ཞབས་དྲུང་དང་། ཕག་མོ་རྩེའི་ཞབས་དྲུང་དང་། རྩེ་གདོང་ཞབས་དྲུང་སོགས་རྩེ་མིང་ཐོགས་པའི་ཞབས་དྲུང་འགའ་མཆིས་ནའང་འདི་ནི་སྟག་ལུང་རྩེ་པ་ཞབས་དྲུང་ཡིན་པར་

― CMR051_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་ཏེ། སྟག་ལུང་ཀུན་དགའ་བཀྲ་ཤིས་དེ་ཉིད་ལོ་འགའ་ཞིག་ལ་རྗེ་དཀོན་མཆོག་འབངས་ཀྱི་དྲུང་བསྐོར་གྱི་ཚུལ་དུ་བཞུགས་ཤིང་། ཁོང་ཁྲི་ཐོག་པའི་ཚེ་སྟག་ལུང་མཆོད་ཁང་དམར་པོ་འཇིག་པར་གྱུར་པ་སྒང་ནས་ཀྱང་མཐུན་རྐྱེན་མང་དུ་སྦྱར་ནས་རིང་པོར་མ་ཐོག་པར་ཞིག་སོས་སྔར་ལས་ལེགས་པར་འགྲུབ་པས། ཀུན་དགའ་བཀྲ་ཤིས་དེ་ཕྲིན་ལས་དང་མཛད་པ་ཆེ་བར་བསྒྲུང་བ་གྲྭ་བསྒྲེས་འགའི་གསུང་རྒྱུན་ལས་ཐོས་སོ། །དེ་ལྟར་ཆོས་མཛད་པ་པོ་དང་ཞུ་བ་པོ་ལས་བརྩམས་ནས་ཆོས་འདི་ཁུངས་བཙུན་ཚུལ་བཤད་ན། དངོས་གཞི་གཞུང་ཉིད་ལས་བཀའ་བརྒྱུད་རིན་པོ་ཆེའི་ལུགས་ཀྱི་ཕྱག་ཆེན་གྱི། ཞེས་པས། ལུགས་ཀྱི་ཕྱག་ཆེན་ཟེར་བའི་ལུགས་གང་ཡིན་ཞེ་ན། སྤྱིར་བཀའ་དང་པོ་ནས་གསུངས་པའི་ཞི་ལྷག་ཟུང་འཇུག །བཀའ་བར་པ་ནས་བཤད་པའི་ཤེས་རབ་ཀྱི་ཕ་རོལ་ཏུ་ཕྱིན་པ། བཀའ་ཐ་མ་ནས་བཤད་པའི་དབུ་མ། ཕ་རྒྱུད་རིམ་ལྔའི་ནང་ནས་ཟུང་འཇུག་གི་ཉམས་ལེན། མ་རྒྱུད་ཕྱག་རྒྱ་བཞིའི་ནང་ནས་སྣང་སྲིད་ཕྱག་རྒྱ་ཆེན་མོ། །རྙིང་མ་རྫོགས་ཆེན་གྱི་ནང་ནས་ཁྲེགས་ཆོད་ཀྱི་ཉམས་ལེན་ཏེ། དེ་ཐམས་ཅད་ཆོས་འདི་ལ་འདུས་སོ། །དེ་

― CMR051_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་རྒྱུད་གང་ནས་བཤད་སྙམ་ན། སྤྱིར་མདོ་རྒྱུད་ཐམས་ཅད་ཀྱི་བརྗོད་དོན་གྱི་རྩ་བ་ཡིན། ཅི་རིགས་པར་མདོ་རྒྱུད་ཐམས་ཅད་ནས་འཐོར་བུར་གསུངས་ལ། ཁྱད་པར་བདེ་མཆོག་གི་རྒྱུད་འབུམ་ཕྲག་གསུམ་པ་ན་ལྷན་ཅིག་སྐྱེས་པ་འབྱུང་བའི་རྟོགས་པ་དང་། ལྷན་ཅིག་སྐྱེས་སྦྱོར་གྱི་རྒྱུད་གེལ་ཁ་ཅིག་ཡོད་པ་བོད་དུ་མ་འགྱུར་སྐད་ཅིང་། གུར་བརྟག་པ་གསུམ་ན་ཡང་གསལ་ཞིང་། གསང་བ་བསམ་གྱིས་མི་ཁྱབ་པའི་རྒྱུད་དང་། གསང་བ་མཛོད་རྒྱུད་གཉིས་ནི་འདིའི་གེལ་རྒྱུད་ལྟ་བུར་ཡང་སྣང་ལ། མདོ་ཏིང་འཛིན་རྒྱལ་པོ་ཡང་འདི་ཉིད་སྟོན་པ་ཡིན་ལ། སེམས་རྟོགས་པའི་བསྔགས་པ་བརྗོད་པའི་མདོ་ནི་འདི་ཉིད་ཁོ་ན་སྟོན་པར་གསལ་ལོ། །ཤེར་ཕྱིན་ཡུམ་སྲས་རྣམས་དང་རྒྱུད་བླ་མ་རྣམས་ཀྱང་འདི་ཉིད་ཀྱི་བརྗོད་བྱ་ཡིན་པར་བཤད་ལ། སྙན་བརྒྱུད་རྡོ་རྗེའི་ཚིག་རྐང་དང་། དོ་ཧ་སྐོར་གསུམ་མཛོད་བརྒྱད་དང་། ཏེ་ལོའི་བསམ་གྱིས་མི་ཁྱབ་པ་བརྒྱད་དང་གང་གཱ་མ། ནཱ་རོའི་ཚིག་བསྡུས་སོགས་དང་། མེ་ཏྲིའི་ཡིད་ལ་མི་བྱེད་པའི་སྐོར་རྣམས་ཆོས་འདིའི་རྒྱ་གཞུང་ལགས་སོ། །དེ་ལ་གསུམ་སྟེ། ཕྱག་རྒྱ་ཆེན་པོའི་བཤད་པ་ཚིག་གི་བསྐོར། བྲིས་

― CMR051_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡི་གེའི་བསྐོར། ཉམས་ལེན་བྱིན་རླབས་ཀྱི་བསྐོར་དང་གསུམ་དུ་བཞེད་པ་ལས། འདི་གཙོ་ཆེར་བྱིན་རླབས་ཀྱི་བསྐོར་རྟོགས་པ་དོན་བརྒྱུད་ཡིན་ནོ། འོ་ན་མདོ་དང་རྒྱུད་དང་རྒྱ་གཞུང་དེ་དག་གི་སྙིང་པོ་བྱིན་རླབས་ཉམས་ལེན་གྱི་བརྒྱུད་པ་དེ་དག་གང་ལས་བརྒྱུད་སྙམ་ན། གཞུང་ལས་བཀའ་བརྒྱུད་རིན་པོ་ཆེའི་ཞེས་གསུང་ལས་སྟོན་ཏེ། དེ་ལ་ཉེ་བརྒྱུད་དང་རིང་བརྒྱུད་གཉིས་སོ། །རིང་བརྒྱུད་ལ་ཡང་གསུམ་སྟེ། བཅོམ་ལྡན་འདས་ཀྱིས་རིགས་ཅན་གསུམ་གྱི་གདུལ་བྱ་ལ་ཆོས་འཁོར་གསུམ་དངོས་སུ་བསྐོར་ནས། གསང་སྔགས་ཕྱག་རྡོར་གྱིས་གསུང་པར་ལུང་བསྟན་ནས་དངོས་སུ་མ་གསུངས་ཀྱང་། ལྐོག་གྱུར་དུ་བྱང་ཆུབ་སེམས་དཔའ་དང་མཁའ་འགྲོ་སོགས་ལ་རྒྱུད་སྡེ་བཞི་གསུངས་ནས། དེ་ཕལ་ཆེར་མཁའ་འགྲོའི་ཕྱག་ཏུ་བཞུགས་པས་ཡུལ་དབུས་སུ་དངོས་སུ་སྤྱོད་པ་ཉུང་ལ། སྦས་ཚུལ་དུ་ནི་གསང་སྔགས་ཉམས་སུ་ལེན་པ་ཡོད་སྐད་དོ། །དེ་ཡང་བདེ་མཆོག་ཕྲེང་བའི་རྒྱུད་ལས། དབང་ལྡན་ཧ་ཧ་དགོད་པ་རུ། །བྲམ་ཟེ་ཆེན་པོ་ས་ར་ཧ། །མདའ་འཛིན་སྤྱོད་པའི་ཡུམ་དང་བཅས། །ཞེས་ལུང་བསྟན་པ་ལྟར་སྟོན་པ་འདས་ནས་རིང་པོར་མ་ལོན་པར་

― CMR051_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུངས་ནས། སྲས་སྒྲ་གཅན་འཛིན་ལ་རབ་ཏུ་བྱུང་བས་བྲམ་ཟེ་སྒྲ་གཅན་འཛིན་དུ་གྲགས། ལྐོག་ཏུ་སྒྲ་གཅན་འཛིན་ཉིད་ལ་གསང་འདུས་སོགས་གསང་སྔགས་ལྷོ་ཕྱོགས་ཀྱི་རྒྱལ་པོ་བི་སུ་ཀལྤག་ལ་གསང་འདུས་ཞུས་པར་བཤད་པ་རྒྱལ་པོའི་དེ་སྲས་སྒྲ་གཅན་འཛིན་གྱི་མཚན་ཡིན་སྐད་དོ། །དེ་ནས་མཁས་པར་གྱུར་པས་རྡོ་རྗེ་གདན་གྱི་མཁན་པོ་མཛད་པ་ན། ཡེ་ཤེས་ཀྱི་ཌཱཀྐིས་བྱིན་གྱིས་བརླབས། ཕྱག་ན་རྡོ་རྗེ་དངོས་སུ་བྱོན་ནས་དབང་བསྐུར། བྱང་ཆུང་སེམས་དཔའ་བློ་གྲོས་རིན་ཆེན་དང་། བདེ་བའི་མགོན་པོས་ཕྱག་རྒྱ་ཆེན་པོའི་རྟོགས་པ་ངོ་སྤྲོད་ནས། རྡོ་རྗེ་གདན་དུ་མཚམས་བཅད་ནས་ལོ་བཅུ་གཉིས་བསྒོམས་ནས་སྤྱོད་པ་མཛད་པས་གྲུབ་ཆེན་ས་ར་ཧ་ཞེས་གྲགས་ཏེ། མུ་གེའི་དུས་རི་མོར་བྲིས་པའི་མ་ཧེ་བཞོས་པའི་ཞོ་དགེ་འདུན་འཚོགས་པ་ལ་འདྲེན་པར་མཛད་ཅིང་། ཉིད་ཀྱི་རྟོགས་པ་གླུར་བླངས་པ་དོ་ཧ་མཛོད་གསུམ་མཛད། དེ་ནས་ལྷོ་ཕྱོགས་དཔལ་གྱི་རིར་ཕྱག་རྒྱ་ཆེན་པོ་བསྟན་པས། ཡུལ་ལྷོ་ཕྱོགས་ཀྱི་དེ་ངོས་ཀྱི་བྱ་རི་དྭགས་སོགས་ཐམས་ཅད་མཁའ་སྤྱོད་དུ་གཤེགས་ནས་ལན་གསུམ་སྟོང་པར་གྱུར། ཡུལ་དབུས་སུ་

― CMR051_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་སྔགས་ཀྱི་གྲུབ་པ་ཐོབ་པའི་སྔ་ཤོས་གྲུབ་ཆེན་བརྒྱད་ཅུའི་སྤྱི་མྱེས་སུ་གྱུར་པ། དཔལ་རྟ་མགྲིན་གྱི་སྤྲུལ་པར་རྩོད་མེད་དུ་གྲགས་སོ། །དེའི་སློབ་མ་ནི་ཀླུ་སྒྲུབ་སྟེ་རྔ་བོ་ཆེ་སོགས་མདོ་སྡེ་བཅུ་གཉིས་དང་། དུས་ཀྱི་འཁོར་ལོ་བདེ་མཆོག་རྒྱུད་སོགས་ནས་ལུང་བསྟན་ཅིང་། ས་དང་པོའམ་བརྒྱད་པར་ཡང་གསུངས་སོ། །དེས་ས་བརྒྱད་པར་ལུང་བསྟན་པ་ཨཱརྱ་དེ་ཝ་ལའོ། །དེས་ཟླ་བ་གྲགས་པ་ལའོ། །དེས་མ་ཏདྲི་ལའོ། །དེས་ཏེ་ལོ་པ་ལའོ། །དེ་རིང་བརྒྱུད་ཀྱི་རིང་བརྒྱུད་དེ། ཏེ་ལོ་པ་ལ་བཀའ་བབ་ཆུ་བོ་ཆེན་པོ་བཞིའམ་ལྔ་འདུས་པའི་ནང་ནས་དབུས་ཕྱོགས་ནས་བདེ་མཆོག་གི་རྒྱུད་ལ་བསྟེན་ནས་ཕྱག་ཆེན་གྱི་བཀའ་བབ་པའི་བརྒྱུད་པ་ཡིན་ནོ། །ཏེ་ལོ་པས་ཕྱག་ཆེན་གསུངས་པས་ཟ་ཧོར་ཡུལ་གྱི་བྱ་རི་དྭགས་ཡན་མཁའ་སྤྱོད་དུ་གཤེགས་ནས་ཟ་ཧོར་ཡུལ་ལན་གསུམ་སྟོང་སྐད་དོ། །ཡང་ཀླུ་སྒྲུབ་ཀྱིས་ཤ་ཝ་རི་པ་ལ་གནང་། ཤ་ཝ་རི་ལྷོ་ཕྱོགས་དཔལ་གྱི་རིར་འཇའ་ལུས་གྲུབ་ནས་བཞུགས་པ་ལ། ཕྱིས་མེ་ཏྲི་པས་དཔལ་གྱི་རིར་བཙལ་བས་དངོས་སུ་མཇལ། ཕྱག་རྒྱ་ཆེན་པོ་གནང་བས་གྲུབ་པ་ཐོབ་ནས། རྡོ་རྗེ་གདན་དུ་བྱོན་ནས་ཕྱག་རྒྱ་ཆེན་པོའི་ལྟ་སྒོམ་གྱི་

― CMR051_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་བཅའ་ཆེན་པོ་བཞི་བཞག་པ་ལ་ཕྱི་ནང་གི་པཎྜི་ཏ་སུས་ཀྱང་གླགས་མ་རྙེད། ཁྱད་པར་མུ་སྟེགས་ཀྱི་པཎྜི་ཏ་ཆེན་པོ་གྲུབ་པ་ཐོབ་པ་གཅིག་དང་བཙད་པས་རྒྱལ་ཏེ། ནང་པ་ལ་ཚུད་པས་རྒྱལ་བ་མེ་ཏྲི་པར་གྲགས་སོ། །དེ་ནས་མར་པ་ལོཙྪ་ལན་གསུམ་རྒྱ་གར་དུ་བྱོན་པ་ལ་གསུམ་ཁར་མེ་ཏྲི་པ་དང་མཇལ་ཞིང་ཕྱག་རྒྱ་ཆེན་པོ་ཁོ་ན་ནན་ཏན་མཛད། རྒྱུད་བསྟོད་པ་གླུར་བླངས། ཕྱག་ཆེན་ཐིག་ལེའི་རྒྱུད། དོ་ཧ་སོགས་རྩ་འགྲེལ་བདེ་རྒྱས་ཀྱི་དབང་སོགས་གནང་། རྨི་ལམ་དུ་ཡང་ས་ར་ཧ་དང་མེ་ཏྲི་པས་གདམས་པ་གནང་ནས་རྟོགས་པ་མཆོག་ཏུ་གྱུར་པའི་ལོ་རྒྱུས་རྒྱ་ཆེར་བྱུང་བས་འདི་ནི་རྟོགས་པ་དོན་གྱི་བརྒྱུད་པ་སྟེ་རིང་བརྒྱུད་ཀྱི་ཉེ་བརྒྱུད་དོ། །ཡང་ཏེ་ལོ་པའི་ཞལ་ནས། །ང་ནི་ཞིང་ཁམས་བརྒྱར་ཡང་ཕྱིན། །རྡོ་རྗེ་འཆང་དང་ང་གཏམ་བྱས། །ཞེས་གསུངས་པས། ཏཻ་ལོ་ནཱ་རོ་ནས་མར་པ་ལ་བརྒྱུད་པ་ནི་ཉམས་ལེན་བྱིན་རླབས་ཀྱི་བརྒྱུད་པ་སྟེ་རིང་བརྒྱུད་ཀྱི་ཤིན་ཏུ་ཉེ་བརྒྱུད་ཡིན་ནོ། །ཡང་མཻ་ཏྲིའི་སློབ་མ་རྒྱ་གར་ཕྱག་ན། དེས་བལ་པོ་ཨ་སུ་ཏེ། དེ་གཉིས་རྒྱ་བལ་དུ་ཕྱག་ཆེན་ལ་མཁས་པའི་གྲགས་པ་ཆེན་པོ་ཡོད་པས་རེས་ཆུང་བས་ཨ་སུ་ལ་

― CMR051_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་འབུལ་བྱས་ནས། དོ་ཧ་སྐོར་ཨ་མ་ན་སེའི་སྐོར། དཀར་ཁྲིད་དམར་ཁྲིད་སོགས་ཁྲིད་རིམ་བརྒྱ་རྩ་བརྒྱད་སོགས་ཞུས་ནས། རས་ཆུང་བ་ལས་དུས་མཁྱེན་གྱིས་གསན་པ་ནི་བཤད་པ་ཚིག་གི་བརྒྱུད་པའོ། །མར་པས་མི་ལ་ལ་དེས་དྭགས་པོ་ལ་གདམས་ཏེ། དྭགས་པོ་དེ་དང་པོ་ཤིང་རྟའི་སྲོལ་གཉིས་ཀྱི་གདམས་པ་ཇོ་བོའི་རིང་ལུགས་བཀའ་གདམས་ཀྱི་ལྟ་སྤྱོད་མཐར་ཕྱིན་པར་མཛད་ནས། སླར་རྗེ་བཙུན་མི་ལ་ལ་ཕྱག་རྒྱ་ཆེན་པོའི་གདམས་པ་གསན་ནས། ཕྱི་བཀའ་གདམས་ལྟར་སོ་སོར་ཐར་པ་ལ་གཞི་བཅའ་ཞིང་། ཚོགས་ཆོས་སུ་བཀའ་གདམས་བློ་སྦྱོང་གནང་། ནང་གསང་སྔགས་ཉམས་སུ་ལེན་ཅིང་སྐལ་ལྡན་རྣམས་ཕྱག་རྒྱ་ཆེན་པོའི་གདམས་པ་སྟོན་ནས། དེའི་བོགས་འདོན་ནཱ་རོའི་ཆོས་དྲུག་ཉམས་སུ་ལེན་པར་མཛད་པས། གྲུབ་ཐོབ་གནམ་གྱི་སྐར་མ་ཙམ་བྱོན་ནས་བོད་ཐམས་ཅད་དྭགས་པོ་བཀའ་བརྒྱུད་ལ་འགྱུར་གྲབས་བྱུང་ཙམ་ན། རྗེ་བཙུན་པ་པཎྜི་ཏས་རང་གི་ཆོས་བརྒྱུད་ཆད་ན་མི་རུང་དགོངས་ནས་སྡོམ་གསུམ་གོང་རྒྱན་ཕྱོགས་བཅུ་སྤྲིན་ཡིག་སོགས་བཀའ་བརྒྱུད་ལ་བཀག་པ་མཛད། བཀའ་བརྒྱུད་ཀྱི་ཕྱག་ཆེན་འདི་ཧྭ་ཤང་ལྟ་བ་དང་ཆ་

― CMR051_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ། དེ་མིན་ཀྱང་སེམས་ཙམ་ལས་མི་འཕགས་པའི་ཚུལ་ཉིན་མོ་རྒྱ་ཆེར་གསུངས་ཤིང་མཚན་མོ་འབྲི་གུང་འཇིག་རྟེན་གསུམ་མགོན་གྱི་སྐུ་འདྲ་ལ་བརྒྱ་ཕྱག་དང་བཤགས་པ་མཛད་སྐད་དོ། རང་གི་བསྟན་པ་བསྲུང་ཕྱིར་མཁྱེན་བཞིན་དུ་སྨྱོན་པར་འདུག་སྟེ། ས་ལུགས་ལམ་འབྲས་ཀྱི་ལྟ་བ་དང་། ཕྱག་ཆེན་བཀའ་བརྒྱུད་ལུགས་གཉིས་ཁྱད་པར་ཅུང་ཟད་མི་འདུག་པའི་ཕྱིར་རོ། །དེ་བཞིན་དུ་ཕྱག་ཆེན་པའི་ལུགས་འདི་ལ་རྩོད་མཁན་འགའ་རེ་བྱུང་འདུག་ན་ཡང་ཐེ་ཚོམ་མི་བྱ་སྟེ། སྔོན་ཏིང་འཛིན་རྒྱལ་པོའི་མདོ་གསུངས་པའི་ཚེ་བྱང་ཆུབ་སེམས་དཔའ་ཟླ་འོད་གཞོན་ནུས་ཏིང་ངེ་འཛིན་མཆོག་འདི་སྙིགས་དུས་འཛིན་ཅིང་སྤེལ་བར་ལུང་བསྟན་ཏེ། འདི་ནི་ཕྱི་དུས་འཇིགས་པ་ཆེན་པོ་ལ། །རྟག་ཏུ་ཚངས་སྤྱོད་གཙང་མར་རབ་གནས་པ། །ཏིང་འཛིན་འདི་ནི་ཤིན་ཏུ་རྒྱས་བྱེད་འགྱུར། །འདི་ལ་མ་ཕམ་ཁྱོད་ཉིད་ང་ཡི་དཔང་། །ཏིང་འཛིན་དམ་པ་འདི་ནི་རབ་འཚོལ་ཞིང་། །ལམ་འདིར་ཞུགས་པས་བྱང་ཆུང་དེ་ཐོབ་འགྱུར། །ཅེས་སོགས་ལུང་བསྟན་ཅིང་ཟླ་འོད་གཞོན་ནུས་སངས་རྒྱས་སྤྱན་སྔར་དམ་བཅས་པ་ཡང་། སྐྱེས་བུ་དམ་པ་མྱ་ངན་ཡོངས་འདས་

― CMR051_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །མ་འོངས་དུས་ན་བདག་གིས་མདོ་འདི་བཟུང་། །བདག་གིས་ལུས་དང་སྲོག་ཀྱང་ཡང་བཏང་སྟེ། །འཇིག་རྟེན་སྤྱོད་པ་མ་ལུས་ཀུན་བཏང་པ། །བདག་གིས་འཇིགས་པ་ཆེན་པོའི་དུས་འདིར་ཡང་། །ཏིང་འཛིན་ཞི་མཆོག་འདི་ནི་བཟུང་བར་བགྱི། །དེ་ཡི་ཚེ་ན་ཏིང་འཛིན་ལྡན་པ་དག །ལྔ་བརྒྱ་ལས་ནི་མི་ཉུང་དེར་འབྱུང་སྟེ། །མདོ་སྡེ་མཆོག་འདི་རྒྱ་ཆེར་བཟུང་བར་བགྱི། ་།དེ་དག་མངོན་དུ་འདྲེན་པ་གཞོན་ནུ་ཡིན། །ཅེས་དམ་བཅས་པ་ནི་མཉམ་མེད་དྭགས་པོ་ཉིད་ཡིན་ལ། ཆོས་སྨྲ་བ་ནི་གཞན་དག་ཀྱང་། །བརྒྱད་བརྒྱ་པོ་དག་ལངས་ནས་སུ། །ཕྱི་མའི་དུས་ན་བདག་ཅག་ཀྱང་། །མདོ་སྡེ་འདི་ནི་འཛིན་པ་ལགས། །ཞེས་དམ་བཅས་པ་ནི་བཀའ་བརྒྱུད་ཀྱི་བླ་མ་རྣམས་ཡིན་པར་གསུངས་ལ། །སྙིང་རྗེ་པདྨ་དཀར་པོའི་མདོ་ལས།ཀུན་དགའ་བོ་ང་འདས་ནས་མ་འོངས་པའི་དུས་སུ། བྱང་ཕྱོགས་ཀྱི་རྒྱུད་ན་དགེ་སློང་འཚོ་བྱེད་ཅེས་བྱ་བ། སྔོན་གྱིས་རྒྱལ་བ་ལ་ལྷག་པར་བྱ་བ་བྱས་པ། སངས་རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ། དགེ་བའི་རྩ་བ་བསྐྱེད་པ། ལྷག་པའི་བསམ་པ་བསྐྱེད་པ། མང་དུ་ཐོས་པ་བྱང་ཆུབ་སེམས་དཔའི་སྡེ་སྣོད་

― CMR051_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་པ། ཐེག་པ་ཆེན་པོའི་བསྔགས་པ་བརྗོད་པ། ཐེག་པ་ཆེན་པོ་ཡང་དག་པར་སྟོན་པ་ཞིག་འབྱུང་བར་འགྱུར་རོ། །ཞེས་གསུངས་སོ། །སྒོམ་ཚུལ་གྱིས་ལྷ་ས་ཞིག་གསོས་བྱེད་ཚུལ་དང་། དག་པ་དང་མ་དག་པའི་འཁོར་འབྱུང་ཚུལ་རྒྱས་པར་ལུང་བསྟན་ནས། དྭགས་པོའི་སྐུ་ཕྱི་མ་ལུང་བསྟན་ཡང་། བྱང་ཆུབ་སེམས་དཔར་བྱེད་པའི་དགེ་བའི་རྩ་བ་རྒྱ་ཆེན་པོར་རྣམ་པོ་སྣ་ཚོགས་པ་བསགས་ནས་འཆི་བའི་དུས་བྱེད་མ་ཐག་ཏུ། ནུབ་ཕྱོགས་སུ་སངས་རྒྱས་ཀྱི་ཞིང་བྱེ་བ་བརྒྱ་སྟོང་འདས་པ་ན། དེ་བཞིན་གཤེགས་པ་འོད་དཔག་མེད་ཀྱིས་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། འཇིག་རྟེན་གྱི་ཁམས་ཡོན་ཏན་ཐམས་ཅད་ཀྱིས་བརྒྱན་པ་ཞེས་བྱ་བར་དེ་བཞིན་གཤེགས་པ་འོད་དྲི་མ་མེད་པ་ཞེས་བྱ་བར་འགྱུར་རོ། །ཀུན་དགའ་བོ་དགེ་སློང་འཚོ་བྱེད་དེས་ཀྱང་ངའི་བསྟན་པ་འདི་ཤིན་ཏུ་རྒྱས་པར་འགྱུར་གྱིས། ཀུན་དགའ་བོ་ཁྱོད་མྱ་ངན་མ་བྱེད། སྨྲེ་སྔགས་མ་འདོན་ཅིག །ཅེས་གསུངས་པ་དང་། ཡང་མདོ་སྡེ་གཞན་དག་ལས། རྡོ་རྗེ་གདན་གྱི་བྱང་ཕྱོགས་ཁ་བ་ཅན་གྱི་ལྗོངས། ཆུ་བོ་མ་ཧཱ་ལོ་གི་ཏའི་

― CMR051_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲམ། རི་བྲག་ཚང་ཚིང་ཅན་ན་དགེ་སློང་འཚོ་བྱེད་ཅེས་གྲགས་པ། དག་པའི་འཁོར་དང་མ་དག་པའི་འཁོར་འདྲེས་པ་གཅིག བུ་ལྔ་བརྒྱ་ལས་མི་ཉུང་བ་དང་ལྷན་ཅིག་ཏུ་དེ་བཞིན་གཤེགས་པའི་ཡེ་ཤེས་ལ་སྤྱོད་པ་ཞེས་གསུང་པ་དང་། ཨོ་རྒྱན་རིན་པོ་ཆེའི་མ་འོངས་ལུང་བསྟན་ལས། ལོ་ཏོག་ཟླ་མཛེས་བྱང་སེམས་སྤྲུལ་པ་གཅིག །གདུལ་བྱའི་མངའ་བདག་དྭགས་པོ་ལྷ་རྗེ་འབྱུང་། །ཞེས་དང་། ཨོ་རྒྱན་ང་ཉིད་དམྱལ་འདིར་ལྷ་རྗེར་སྤྲུལ། །དྭགས་སྒོམ་སྙིང་པོའི་དོན་སྒོམ་ཁྱུ་གཅིག་འབྱུང་། །ཞེས་ལུང་བསྟན་ཏོ། །ལུང་བསྟན་པའི་དགེ་སློང་འཚོ་བྱེད་དེ་དྭགས་པོ་ལྷ་རྗེ་ཡིན་ནམ་སྙམ་ན། དྭགས་ལ་སྒམ་པོའི་ཆོས་ཁྲིམས་པས་ཁམས་པ་མི་གསུམ་ཕུད་པས་རྟེན་མཆོད་ཆ་ཐམས་ཅད་རྗེས་སུ་འུར། དེར་དྭགས་པོ་བཤོལ་དུ་བྱོན་ནས་ཡར་ཤོག་གི་མགུར་གསུང་སྟེ། སྟོན་པའི་དྲུང་དུ་བདག་ཟླ་འོད་གཞོན་ནུར་གྱུར་དུས་ལ་རང་རེ་རྣམས་དམ་བཅའ་དང་སྨོན་ལམ་མཛད་ཚུལ་གསུངས་པས་། ཁམས་པ་མི་གསུམ་དགའ་ནས་བྲོ་འཁྲབ་པས་བྲག་ཐོག་ན་འཇིམ་པའི་སྟེང་དུ་བྲོ་བརྡུང་བ་ལྟ་བུ་ད་ལྟ་མཇལ་རྒྱུ་ཡོད་པ་དང་། དྭགས་པོ་ལ་གྲྭ་པ་ཞིག་གི་སྣང་སེམས་འདྲེས་

― CMR051_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གང་འདྲ་ཞིག་འོང་ཞུས་པས། འདི་ལྟར་འོངས་གསུངས་ནས་ཕྱག་ཀ་བ་ལ་བརྒྱབ་པས་ཉི་ཞུར་ལ་བརྒྱབ་པ་ལྟར་ཀ་བ་ཟད་ཀྱིས་བཅད་སོང་བ་ད་ལྟ་ཡོད་སྐད་པ་དང་། ང་སངས་རྒྱས་ཀྱིས་ལུང་བསྟན་ཅིང་ང་ཡི་རྟོགས་པ་འདི་ཡང་དག་གཅིག་ཡིན་ན་ཤིང་ཁྱོད་ལ་ཕྲེང་བ་འདི་སྐྱེས་ཤིག་གསུངས་ནས། ཕྱག་ཕྲེང་བོ་དྷི་ཙིཏྟ་བརྒྱ་རྩ་བརྒྱད་པ་གཅིག་ཤིང་སྡོང་སྐམ་པོ་ལ་བརྒྱབས་པས། ཕྱག་ཕྲེང་ཤིང་ལ་ནུབ་ནས་དེ་མ་ཐག་ཏུ་སྔོ་ལྷུབས་སེ་སྐྱེས་སོ། །རྒྱུ་མཚན་དེ་རྣམས་ཀྱིས་དྭགས་པོ་བཀའ་བརྒྱུད་ཀྱི་ལྟ་བ་ཕྱག་རྒྱ་ཆེན་པོ་ལ་ཐེ་ཚོམ་མི་དགོས་སོ། །དྭགས་པོ་ནས་དུས་མཁྱེན་ཏེ། ཆོས་དབྱིངས་རྡོ་རྗེའི་བར་ཟུང་འཇུག་བརྒྱུད་རིམ་སྟེ། སངས་རྒྱས་ནས་སངས་རྒྱས་སུ་བར་མ་ཆད་པའོ། །དེ་དག་ནི་རིང་བརྒྱུད་དོ། ། །ཉེ་རྒྱུད་ལ་ཡང་གསུམ་ལས། གྲུབ་ཆེན་ཀརྨ་པཀྱིས་སྤྱན་རས་གཟིགས་དང་མིང་ཡོངས་སུ་གྲགས་པ་ཀརྨ་པ་གཉིས་ཀྱི་བར་ན་རྒྱུད་པ་གཞན་ཡོད་ནའང་ཉན་མེད་ནའང་ཉན་གསུངས་པ་ལྟར། རྡོ་རྗེ་འཆང་། བློ་གྲོས་རིན་ཆེན། ས་ར་ཧ། ས་ར་ཧ་ཉིད་ཆོས་དབྱིང་རྡོ་རྗེ་ཡིན་ཅིང་དེ་གཉིས་བར་དུ་བརྒྱུད་པ་གཞན་འདེད་མི་དགོས་ལ།

― CMR051_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་དབང་བཅུ་པ་ཉིད་ཀྱི་རྗེ་ཞྭ་དམར་དྲུག་པའི་གདུང་མཆོད་དུས་དབུས་གཙང་གི་ཀཾ་ཚང་ཆོས་སྡེ་ཐམས་ཅད་བསྡུས་དུས། དགེ་འདུན་པ་ཐམས་ཅད་འོ་བརྒྱལ་གསུངས་ནས་ཆོས་འདི་ཉིད་དང་ཐུགས་རྗེ་ཆེན་པོའི་བསྒོམ་ལུང་། བླ་མའི་རྣལ་འབྱོར་རྣམས་གནང་དུས། ཆོས་སྒོ་དོག་དྲགས་པས་དཀོན་པའི་འདུ་ཤེས་ཀྱིས་རི་དྭགས་སྒྲ་ལ་ཉན་པ་ལྟར་རྩེ་གཅིག་པས་ཉན་ཅིང་། སྡོད་ས་ཡང་ཁྲི་དང་ཉེ་ས་གཅིག་ཏུ་མཆོང་ས་རྙེད་པས་ཤིན་ཏུ་གསལ་བར་ཐོས་པ་ལགས་སོ། །དེ་ཉེ་བརྒྱུད་ཀྱི་རིང་བརྒྱུད་དོ། །བླ་མ་དང་ནི་རྡོ་རྗེ་འཛིན། །ཐ་དད་པ་ཡང་མི་རྟོག་གོ །ཞེས་རྒྱུད་རྣམས་ནས་གསུངས་ལ། གྲུབ་ཐོབ་གླིང་རས་ཀྱིས། ། བླ་མ་སངས་རྒྱས་སུ་འདུག་པ་མི་རུ་བཟུང་། །བརྒྱུད་པ་ཉེ་རིང་དུ་བགྲང་བ་མཐོལ་ལོ་བཤགས། །ཞེས་གསུངས་པ་ལྟར་རྒྱལ་བའི་དབང་པོ་ཉིད་མོས་བློས་ཡར་གཞལ་མི་དགོས་པར་རྫོགས་པའི་སངས་རྒྱས་དངོས་ཡིན་ཏེ། ཨོ་རྒྱན་རིན་པོ་ཆེའི་ལུང་བསྟན། སངས་རྒྱས་གླིང་པ་དང་། རཏྣ་གླིང་པའི་གཏེར་ཁ་ཚིག་མཐུན་པར། ཆོས་དབྱིང་རྡོ་རྗེའི་ཉམས་ལེན་སྒྲུབ་སྡེ་འཛུགས། །ཞེས་གསུངས་པ་ལྟར། འདི་ཕའི་སྟེང་ལ་ལ་ཕྱི་ཆུ་

― CMR051_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

བར་གྱི་སྒྲུབ་སྡེ་བཙུགས་ཤིང་། འཇའ་ཚོན་པའི་གཏེར་ཁ་ནས་རྟ་ཕག་ཡིད་བཞིན་ནོར་བུའི་འོད་ཟེར་ལས། དགེ་སློང་ཀརྨའི་མིང་ཅན་འབྲུག་སྦྲུལ་ཡོས་ལོ་པ། ཞེས་རྟ་མགྲིན་གྱི་སྤྲུལ་པར་ལུང་བསྟན་ཅིང་དགུང་སྙིང་ཡང་འབྲུག་ཡིན་ནོ། །དེས་ན་སངས་རྒྱས་དངོས་ལས་ཐོབ་པ་ཡང་ཡིན་ཏེ། ཉེ་བརྒྱུད་དོ། །བླ་མེད་རྒྱུད་སྡེ་དུ་མ་ལས། །སེམས་ནི་རྫོགས་པའི་སངས་རྒྱས་སྟེ། །ཞེས་གསུངས་པས་རང་སེམས་ཆོས་སྐུའི་བླ་མ་མཇལ་ནས། ཆོས་ཐམས་ཅད་སེམས་སུ་གོ་ཞིང་རྟོགས་པས་སྣང་བ་དཔེ་ཆར་ཤར་ནས་ཆོས་གསུངས་པ་སྟེ། འདི་ནི་ཤིན་ཏུ་ཉེ་བརྒྱུད་ཡིན་ནོ། །དེས་ན་བརྒྱུད་པ་དྲི་མ་མེད་པ་དང་། ཐུགས་དམ་ཚིག་གི་སེལ་མེད་ཅིང་གློ་སྙིང་སངས་རྒྱས་ཀྱི་བརྒྱུད་པ་དེ་ལྟ་བུ་ལ་གཏད་པ་ནི་བླ་མའི་མཚན་ཉིད་ཀྱང་ཚང་པ་སྟེ། དགོངས་གཅིག་ལས། དམ་ཆོས་བརྒྱུད་པ་འབྲེལ་པ་ཉིད་ཟབ། ཅེས་གསུངས་པ་དང་། རྗེ་ནཱ་རོ་པས། བླ་མའི་མཚན་ཉིད་བརྒྱུད་པར་ལྡན། །ཅེས་དང་། ཨོ་རྒྱན་རིན་པོ་ཆེས། བླ་མ་མ་ནོར་ན་དམ་ཆོས་མི་ནོར། དམ་ཆོས་མ་ནོར་ན་ཉམས་ལེན་ཅི་བྱས་ཆུད་མི་ཟ་བས་གྲུབ་པ་མི་ཐོབ་ཀ་མེད་གསུངས་པ་

― CMR051_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུའོ། །དེས་ན་བརྒྱུད་པའི་མཆོག་འདིར་ཞུགས་པ་ཁོ་ན་བློ་བདེ་བའི་གདེང་ཆེ་ཤོས་ཏེ།། བརྒྱུད་པ་འདིར་ཞུགས་ནས་ཉམས་ལེན་མ་ནུས་ཀྱང་། དེ་ཕྱོགས་མགོ་བསྟན་ནས་ཉལ་བས་ཀྱང་བློ་མ་ཁུམ་པ་ཞིག་འོང་བ་ཡིན་ཞེས་གོང་མ་རྣམས་ཀྱིས་གསུངས་སོ། །སློབ་མ་མཚན་ཉིད་ལྡན་པ་དཀོན་མོད་ཀྱི། སྔོན་འགྲོའི་ཆོས་རྣམས་ཀྱིས་རིམ་པར་བློ་སྦྱངས་ན་སྣོད་དང་མི་ལྡན་པ་ཡང་རིམ་གྱིས་སྣོད་ལྡན་དུ་འགྱུར་བ་ནི་ཐབས་ལ་མཁས་པའམ་ཁྲིད་མཁས་པའི་ཁྱད་པར་རོ། །གཞུང་ལས་རྟོགས་པ་ངོ་སྤྲོད་པའི་ཚུལ་མདོར་བསྡུས་པ་ནི་འདི་ལྟ་སྟེ། ཞེས་གསུངས་པས་ངོ་སྤྲོད་བསྡུས་ན་སྔོན་འགྲོ་དངོས་གཞི་རྗེས་གསུམ་དུ་བསྡུས་ལ། སྔོན་འགྲོ་ཐུན་མོང་དང་ཁྱད་པར་བ་གཉིས་ཡོད། དང་པོ་ལ་ཡང་བཞིར་ཡོད་པའི་དང་པོ་ནི། ངན་སོང་གསུམ་དང་། ཀླ་ཀློ་དང་། ལྷ་ཚེ་རིང་པོ་དང་། དཀོན་མཆོག་ལ་ལོག་པར་ལྟ་བ་དང་། སངས་རྒྱས་མ་བྱོན་པའི་འཇིག་རྟེན་མུན་བསྐལ་དུ་སྐྱེས་པ། ལྷུག་པ་རྣམས་ཆོས་བྱེད་པའི་སྐལ་པ་མེད་པས་མི་ཁོམ་པ་སྟེ་དེ་བརྒྱད་དུ་མ་སྐྱེས། མི་ལུས་ཐོབ་པ་དང་། ཆོས་དར་སར་སྐྱེས་པ་དང་། དབང་པོ་ཚང་བ་དང་། ཚེ་འདིར་མཚམས་

― CMR051_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་མ་བྱས་པ་དང་། དཀོན་མཆོག་ལ་དད་པ་སྟེ། རང་འབྱོར་ལྔ་དང་། སངས་རྒྱས་བྱོན་པ་དང་། དེས་ཆོས་སྟོན་པ་དང་། དེའི་བསྟན་པ་ལ་གནས་པ་དང་། བསྟན་འཛིན་དགེ་བའི་བཤེས་གཉེན་བཞུགས་པ་དང་། དེས་སྙིང་བརྩེ་བས་གཞན་རྗེས་སུ་འཛིན་པ་ཡོད་པ་སྟེ། གཞན་འབྱོར་ལྔ་དང་བཅོ་བརྒྱད་ཚང་བའི་ལུས་འདི་ནི་དམ་པའི་ཆོས་ལ་བསྐོལ་ན་རྫོགས་པའི་བྱང་ཆུང་སྒྲུབ་ནུས་པས་ནོར་བུ་རིན་པོ་ཆེ་ལས་ཀྱང་ཆེར་ལྷག་པའི་ནོར་བུ་རིན་པོ་ཆེ་ཡིན་ནོ། །འདི་ལྟ་བུ་ཐོབ་པར་དཀའ་སྟེ། རྒྱུ་ཚུལ་ཁྲིམས་རྣམ་པར་དག་པ་བསྲུངས་བ་ལས་ཐོབ་དགོས་པ་ལས་ཚུལ་ཁྲིམས་རྣམ་དག་སྲུང་བ་ཡང་དཀོན་པའི་ཕྱིར་དང་། དཔེ་རྒྱ་ཁབ་བསླང་བ་ལ་ཡུངས་ཀར་གཏོར་ན་དེ་མིག་ཏུ་འགྲོ་དཀའ་བ་དང་། རྔ་དང་གྱང་ལོགས་སུ་སྲན་མ་གཏོར་ན་ཆགས་དཀའ་བ་དང་། རྒྱ་མཚོ་ཆེན་པོར་གཉའ་ཤིང་བུག་པ་གཅིག་ལ་རླུང་གིས་ཕྱོགས་བཅུར་བསྐྱོད་པའི་མིག་ཏུ་རུ་སྦལ་ཞར་བ་ལོ་བརྒྱ་རེ་ལོན་པ་ཞིག་ལན་རེ་ཆུ་སྟེང་དུ་འོང་བའི་མགྲིན་པ་ཆུད་དཀའ་བ་ལྟར། མི་ལུས་ཐོབ་དཀའ་ཞིང་། གྲངས་ངན་སོང་གསུམ་ས་ཆེན་པོའི་རྡུལ་ཙམ། མཐོ་རིས་

― CMR051_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

སེན་མོའི་སྟེང་གི་རྡུལ་ཙམ་མོ། ངན་སོང་གསུམ་ནས་ཕུང་གི་རྨིང་། ལྷ་མིན་རྐེད་པ། ནས་ཕུང་གི་རྩེ་མོ་མི་ཡི་ལུས་ཀྱི་གྲངས་ཙམ་ཡིན་ལ། དེང་སང་ཆེ་བར་གྲགས་པའི་རྒྱལ་པོ་ཆེན་པོའི་དཔུང་ལ་ཡང་གྲོག་ཚང་གཅིག་གི་གྲངས་ཙམ་ལས་མི་འདུག་པས། དལ་འབྱོར་གྱི་མི་ལུས་འདི་ལྟ་བུ་ཐོབ་པ་ནི་ལོང་བའི་ལག་ཏུ་ནོར་བུ་ཚུད་པ་དང་འདྲ། ད་རེས་ཤོར་ནས་ཕྱིས་མི་རྙེད་པས་ད་རེས་དགེ་སྦྱོར་ལ་ལྟེམས་ཀྱང་མེད་པར་བྱ་སྙམ་དུ་བསམ་ལ། དལ་འབྱོར་འདི་ནི་ཤིན་ཏུ་རྙེད་པར་དཀའ། །སྐྱེས་བུ་དོན་གྲུབ་ཐོབ་པར་གྱུར་པ་ལ། །གལ་ཏེ་དེ་ལ་ཕན་པ་མ་བསྒྲུབས་ན། །ཕྱིས་ནས་ཡང་དག་རྙེད་པར་ག་ལ་འགྱུར། །ཅེས་སྤྱོད་འཇུག་གི་ཚིག་འདི་འདོན་བསྒོམ་བྱའོ། །དེས་ན་ལུས་ལ་གྲུའི་འདུ་ཤེས་དང་། འོག་རྟ་དང་། གཡོག་གི་འདུ་ཤེས་བཞག་ལ་དགེ་བའི་ཕྱོགས་ལ་བསྐོར་ཞིང་། མི་ཡི་གྲུ་ལ་བསྟེན་ནས་ནི། །སྡུག་བསྔལ་ཆུ་བོ་ཆེ་ལས་སྒྲོལ། །གྲུ་འདི་ཕྱིས་ནས་རྙེད་དཀའ་བས། །སྐྱེས་བུའི་དུས་སུ་གཉིད་མ་ལོག །ཅེས་གསུངས་པ་ཡང་ཡིད་ལ་བྱའོ། །དེ་ཅིའི་ཕྱིར་ཞེ་ན། རྙེད་དཀའ་བ་རྙེད་ཀྱང་འཇིག་སླ་བའི་ཕྱིར་ཏེ་ཕྱི་སྣོད་ཀྱི་འཇིག་རྟེན་ཡང་མི་

― CMR051_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

རྟག་སྟེ། མེ་བདུན་ཆུ་གཅིག་རླུང་སོགས་ཀྱིས་འཇིག །བསྐལ་པའི་འཕེལ་འགྲིབ་ནམ་ཟླ་དུས་བཞི་རྣམས་ཀྱང་མི་རྟག་འགྱུར་ཞིང་འགྲོ་བ་རིག་པས་མི་རྟག་པ་དང་། སྣོད་བཅུད་ཐམས་ཅད་སྐད་ཅིག་རེ་རེར་འགྱུར་ནི་འགྲོ་སྟེ། རྟག་པ་འདྲ་བ་ནི་འདྲ་བ་གཞན་བྱུང་ཆུ་བོའི་རྒྱུན་ལྟ་བུ་ཡིན་པར་བཤད་པ་ལ། བཅུད་ཀྱི་སེམས་ཅན་མི་རྟག་པ་འཛམ་བུའི་གླིང་གི་ཚེ་ལ་ངེས་པ་མེད་པའི་ཕྱིར་དང་། ལུས་མི་གཙང་བའི་རྫས་ཚོགས་པ་སྙིང་པོ་མེད་པའི་ཕྱིར་དང་། སྐྱེས་ནས་བཟུང་སྟེ་ལོ་ཟླ་ཞག་དུས་ཇི་ཙམ་སོང་བཞིན་དུ་ཚེ་ཟད་པའི་ཕྱིར་དང་། ཉིན་མཚན་གཉིས་ཀྱི་ཚེ་ལ་རྐུ་ཞིང་ཚེ་བསྣོན་པ་ནི་མེད་པའི་ཕྱིར་དང་། སྔར་མ་ཤི་བའི་མི་མ་ཐོས་པའི་ཕྱིར་དང་། སངས་རྒྱས་བྱང་སེམས་ཉན་ཐོས་ཚངས་པ་བརྒྱ་བྱིན་འཁོར་ལོས་སྒྱུར་རྒྱལ་དྲང་སྲོང་རྫུ་འཕྲུལ་མངོན་ཤེས་ཅན་རྣམས་ཀྱང་མཐར་འདས་དགོས་པའི་ཕྱིར་དང་། རང་རེ་རྣམས་ངེས་པར་འཆི། ནམ་འཆི་ཆ་མེད་པར་འཆི། །ཅེས་ཀྱང་མི་སྟོང་པར་འཆི། ད་ནངས་གསོན་པོ་རེ་ཡོད་པ་དོ་དགོང་རོ་ཐག་གིས་འཆིང་བ་ཡང་མང་དུ་མཐོང་ན་། བདག་ལའང་དེ་མི་འོང་བའི་གདེང་ཅི་ཡོད་སྙམ་དུ་བསམ་ལ།

― CMR051_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་རིང་ཁོ་ན་མི་འཆི་ཞེས། །བདེ་བར་འདུག་པ་རིག་མ་ཡིན། །བདག་ནི་མེད་པར་གྱུར་བའི་དུས། །དེ་ནི་གདོན་མི་ཟ་བར་འབྱུང་། །སང་དང་འཇིག་རྟེན་ཕྱི་མ་གཉིས། །སྔོན་དུ་གང་འོང་རྟོལ་མེད་པས། །སང་གི་ཚིས་ལ་མི་འབད་པར། །ཕྱི་མའི་ཚིས་ལ་འབད་པར་རིགས། །ཞེས་སྤྱོད་འཇུག་གི་ཚིག་དེ་འདོན་བསྒོམ་བྱའོ། །ཤི་ནས་གར་སྐྱེའི་རང་དབང་ཡོད་ན་དེས་འཐུས་ཏེ། གར་སྐྱེ་རང་གིས་བྱས་པའི་ལས་དབང་ཆེ། སྲིད་རྩེ་ནས་མནར་མེད་ཡན་ཆད་དུ་སེམས་ཅན་ཐམས་ཅད་ལ་བདེ་སྡུག་མཐོ་དམན་ཆེ་ཆུང་དྲག་ཞན་མི་འདྲ་བ་དུ་མ་སྣང་བ་ནི། མུ་སྟེགས་ཀྱི་འདོད་པ་ལྟར་ཕྱ་དང་དབང་ཕྱུག་གིས་བྱས་པ་དང་ངོ་བོ་ཉིད་ཀྱི་རྒྱུ་ལས་བྱུང་བ་སོགས་མིན། དེ་ཐམས་ཅད་རང་གིས་བྱས་པའི་ལས་ལས་བྱུང་བ་སྟེ། ལས་བརྒྱ་པ་ལས། ལས་རྣམས་ཀྱང་ནི་སྣ་ཚོགས་ལས། །དེ་ཡིས་འགྲོ་རྣམས་སྣ་ཚོགས་བྱས། །ཞེས་དང་། མངོན་པ་མཛོད་ལས། ལས་ལས་འཇིག་རྟེན་སྣ་ཚོགས་སྐྱེས། །ཞེས་གསུངས་སོ། །དེ་ལ་འདོད་ཆགས་ཀྱི་སྒོ་ནས་ལས་གང་བསགས་ཡི་དྭགས་དང་། ཞེ་སྡང་གིས་བསགས་པ་དམྱལ་བ། གཏི་མུག་གིས་བསགས་པ་དུད་

― CMR051_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ། དགེ་བ་ཅུང་ཟད་དང་ཕྲག་དོག་འདྲེས་པ་ལྷ་མ་ཡིན། ཚུལ་ཁྲིམས་བསྲུངས་བས་མི་དང་འདོད་ལྷ། ཞི་གནས་ལ་ཆགས་ཤིང་ཞེན་པས་གཟུགས་ཁམས་ཀྱི་ལྷ། ཚེ་འདིར་ངེས་པར་སྨིན་པ་མཐོང་ཆོས་མྱོང་འགྱུར། སྐྱེ་བ་གཞན་གྱིས་བར་མི་ཆོད་པར་སྨིན་པ་མཚམས་མེད་པ། སྐྱེ་བ་གཞན་དང་གཞན་དུ་སྨིན་པ་ལན་གྲངས་གཞན་དུ་མྱོང་འགྱུར། ཚེ་སྟོད་ལ་སྡིག་པ་བྱས་ཚེ་སྨད་འཆི་ཁར་དགེ་བ་བྱས་པ་འཕེན་བྱེད་སྡིག་པས་འཕངས་ཀྱང་རྫོགས་བྱེད་དགེ་བས་རྫོགས་ཏེ་སྔོན་ལ་དགེ་བ་སྨིན་པ་དང་། ཚེ་གོང་ལ་དགེ་བ་བྱས་ཀྱང་འཆི་ཁར་སྡིག་པ་བྱས་པ་འཕེན་བྱེད་དགེ་བ་རྫོགས་བྱེད་སྡིག་པ་སྟེ་སྔོན་ལ་སྡིག་པ་སྨིན་པ་དང་། དགེ་སྡིག་གང་ཡང་དང་པོ་བྱེད་བསམ་པའི་བསམ་པ་དང་། །དངོས་གཞི་བྱེད། རྗེས་ནས་དགའ་ཞིང་འགྱོད་པ་མེད་ན་ཆེའོ། །གཉིས་ཚང་ན་འབྲིང་། གཅིག་ལས་མ་ཚང་ན་ཆུང་ངུ་ཡིན་པ་དང་། བསམ་པ་བརྟན་པོས་སེམས་ཅན་གྱི་དོན་ལ་ཁ་ཞེ་མེད་པར་སྡིག་པ་བྱེད་པ་ལས་ནག་རྣམ་སྨིན་དཀར་བ། འགྲན་ཟླ་དང་གྲགས་འདོད་དང་རྙེད་པ་བཀུར་སྟི་འདོད་ཕྱིར་དགེ་བ་བྱེད་པ་ལས་དཀར་རྣམ་སྨིན་ནག་པ། དགེ་བ་

― CMR051_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ནས་བཅོམ་པ། ངོམ་འདོད་དང་ཁོང་ཁྲོ་དང་འགྱོད་པ་སྐྱེས་ན་ཟད་པར་བྱེད་ལ། སྡིག་པ་མི་འཆབ་སྟེ། མི་བསམ་བར་ངོ་གནོང་དང་བཅས་པས་བཤགས་པ་དང་། །འགྱོད་ཅིང་ཕྱིན་ཆད་སྤངས་ན་དག་པར་འགྱུར་བ་དང་། མདོར་ན་བདེ་སྐྱིད་སྲིད་དོ་འཚལ་ཐམས་ཅད་ནི་དགེ་བའི་འབྲས་བུ་དང་སྡུག་བསྔལ་སྲིད་དོ་འཚལ་ཐམས་ཅད་ནི་སྡིག་པའི་འབྲས་བུ་ཡིན་པར་ཐག་ཆོད་པས། སྡིག་པ་ལ་དུག་ལྟར་འཛེམ་ཞིང་དགེ་བ་ལ་བདུད་རྩི་ལྟར་ཅི་ཐོབ་བྱ་སྙམ་པས། དགེ་བ་ཡིས་ནི་བདེ་བ་ཐོབ། །མི་དགེ་བ་ལས་སྡུག་བསྔལ་འབྱུང་། །དེ་ལྟར་དགེ་དང་མི་དགེ་བའི། །ལས་ཀྱི་འབྲས་བུ་གསལ་བར་བསྟན། །ཅེས་དྲན་ཉེ་ཆུང་བའི་ལུང་དེ་འདོན་སྒོམ་བྱའོ། །དེ་ཡང་ལས་དེ་དག་བསགས་ཕྱིན་ཆད་བཤགས་སྦྱང་ཆེན་པོ་བྱས་ན་བྱང་གི་དེ་མ་ཡིན་དུས་ནམ་ཞིག་རྐྱེན་དང་འཕྲད་པའི་ཚེ་སྨིན་པར་ཐེ་ཚོམ་མེད་དེ། སྟོན་པའི་ཞབས་ལ་སེང་ལྡིང་གི་ཚལ་པ་ཟུག་ནས་འདས་ཚུལ་བསྟན་པ་དང་། བཻ་རོ་ཙ་ན་སྦས་པའི་དོང་དུ་འཕང་བ་དང་། ལྷ་ལྕམ་པདྨ་གསལ་གྱི་སྐྱེས་རབས་སོགས་ལ་བསམས་ནས་ལས་འབྲས་ལ་ཡིད་ཆེས་པར་བྱ་སྟེ། མེ་ནི་གྲང་བར་འགྱུར་

― CMR051_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་སྲིད་། །རླུང་ནི་ཞགས་པས་ཟིན་ཡང་སྲིད། །ཉི་ཟླ་ཐང་ལ་ལྟུང་ཡང་སྲིད། །ལས་ཀྱི་རྣམ་སྨིན་བསླུ་མི་སྲིད། །ཅེས་དྲན་པ་ཉེ་བཞག་ལས་གསུང་པ་ཡིད་ལ་བྱའོ། །དེ་ལྟའི་ལས་འབྲས་ལ་ཡིད་ཆེས། །སྡིག་པ་སྲོག་ལ་བབ་ཀྱང་སྤང་། །དགེ་བ་སྲོག་དང་བརྡོས་ནས་བསྒྲུབས་ཙམ་ན། ངན་སོང་དུ་རྡོག་པས་ཕུལ་ཡང་མི་འགྲོ་སྟེ། དམན་པ་ལྷ་མའི་ཐེག་པ་ཞེས་ཀྱང་བྱ་སྟེ། སྐྱེས་བུ་ཆུང་ངུའི་ལམ་ཡིན་ནོ། །དེ་ཡང་ལྷ་མིའི་བདེ་སྐྱིད་འདོད་ན་སྐྱེས་བུ་ཆུང་ངུ་ཡིན་ཀྱང་འདི་བྱང་ཆུབ་འདོད་པ་སྐྱེས་བུ་ཆུང་ངུ་དང་ཐུན་མོང་པའི་ལམ་ཡིན་པས་ཐུན་མོང་གི་སྔོན་འགྲོ་ཟེར་རོ། །དེ་ལྟར་ལྷ་མའི་བདེ་སྐྱིད་མཆོག་ཏུ་གྱུར་པ་ཚངས་པ་བརྒྱ་བྱིན་འཁོར་ལོས་སྒྱུར་རྒྱལ་ཐོབ་ཀྱང་སླར་བསོད་ནམས་འབྲས་བུ་ཟད་ནས་ངན་སོང་དུ་འཁོར་བས་སྙིང་པོ་མེད། འཁོར་བ་ནི་སྡུག་བསྔལ་གྱི་རང་བཞིན་ཡིན་ཏེ། སེམས་ཅན་གཅིག་གིས་གཅིག་ལ་དགྲའི་འདུ་ཤེས་ཀྱིས་མཚོན་སྣ་ཚོགས་བསྣུན་ནས་ཐམས་ཅད་ཤི་བ་དང་། ནམ་མཁའ་ནས་སོས་པར་གྱུར་ཅིག་གི་སྒྲ་གྲག་པ་དང་། ཐམས་ཅད་སོས་ནས་ཡང་སྔར་ལྟར་བྱེད་པ་ཉིན་རེ་ལན་བརྒྱ་ཕྲག་འཆི་བ་ཡང་སོས་དང་།

― CMR051_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ལ་ཐིག་བཏབ་ནས་སྟ་རེ་དང་སོག་ལེས་གཤག་པ་ཐིག་ནག །ལྕགས་ཀྱི་རི་གཉིས་དང་ལྕགས་སྲེག་གི་རམ་ལེབ་བར་དུ་ཏིལ་ལྟར་བཙིར་བ་བསྡུས་འཇོམས་དང་། ཕྱི་རོལ་མེའི་འཁོར་ནས་དུ་བ་ངུ་འབོད། ལྕགས་ཁང་དུ་ཚུད་ནས་མེ་ཆེར་འབར་བས་ཕ་མའི་མིང་ནས་འབོད་ཅིང་ངུ་བ་ངུ་འབོད་ཆེན་པོ། །ལྕགས་ཀྱི་ཞིབ་མར་མེ་མདག་གི་ནང་དུ་ཡོས་བཀྲབ་པ་ལྟར་བྱེད་པ་དང་། ལྕགས་སྲེག་གི་ཁཊ་གི་རྐང་མཐིལ་དང་བཤང་ལམ་ནས་སྤྱི་བོ་དང་ཕྲག་པར་ཕུག་པ་ནི་ཚ་བ། ཁྲོ་ཆུ་ཁོལ་མ་དང་ཐོ་ལུམ་མེ་འབར་བ་ཁར་བཅུག་པས་ནང་ཁྲོལ་ཚིག་ཅིང་བུ་ག་དགུ་ནས་མེ་ལྕེ་བྱུང་བ་རབ་ཏུ་ཚ་བ། ཟངས་ཆེན་པོར་ཁྲོ་ཆུ་བཀོལ་བའི་ནང་དུ་འབྲས་སམ་གྲོའི་ཚོད་མ་ལྟར་བཙོ་བས་སྡུག་བསྔལ་ཡུད་ཙམ་བར་མཚམས་མེད་པ་མནར་མེད་དེ། དེ་དག་འདོད་ཁམས་ཀྱི་ལྷ་དང་ཚེ་ཚད་མཉམ་པས་རིམ་པར་འོག་མ་ཚེ་རིང་ལ། མནར་མེད་ཀྱི་བར་གྱི་བསྐལ་པ་གཅིག་ཐུབ་བོ། །དེ་ལྟར་དམྱལ་བ་རེ་རེའི་ཕྱོགས་བཞིར་མེ་མ་མུར་གྱི་ས་གཞི་དང་། མི་གཙང་བའི་འདམ་རྫབ་འབུ་ལྕགས་ཀྱི་མཆུ་ཅན་གྱིས་གང་བ་དང་། སྤུ་གྲིའི་ལམ་རལ་གྲིའི་ནགས་ཚལ་དང་། ཐལ་ཚན་དང་

― CMR051_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་ཆུའི་ཆུ་བོ་རབ་མེད་དང་། ཤལ་མ་རིའི་སྡོང་པོ་སྟེ། དམྱལ་བ་རེ་རེར་ལོ་དུ་མ་མྱོང་ནས་ཉེ་འཁོར་བཞི་པོ་ལ་གཡས་བསྐོར་གྱིས་བསྒྲོད་དེ། དེ་ལྟ་བུའི་བརྒྱད་ཁ་བསྒྲོད་ཅིང་ལས་ངན་མ་ཟད་ན་ཚེ་ཚད་རྫོགས་ནས་ཤི་བ་སླར་དེར་སྐྱེ་བ་དང་། འཇིག་རྟེན་འདི་བསྐལ་པ་ཞིག་པ་ན་འཇིག་རྟེན་གཞན་གྱི་དམྱལ་བར་སྐྱེ་བ་ཡང་ཡོད་ལ། །དཀོན་མཆོག་གསུམ་རྗེས་སུ་དྲན་པའམ་བྱང་ཆུབ་ཀྱི་སེམས་སྐྱེས་ན་ཚེ་ཚད་མ་རྫོགས་པར་ཐར་པ་ནི་ཡོད་དོ། །འཁྱག་ནས་ལུས་ལ་ཆུ་བུར་བྱུང་བ་དང་། ཆུ་བུར་རྡོལ་ནས་ཁྲག་དང་ཆུ་སེར་འཛག་པ་དང་། ཨ་ཆུ་ཞེས་སྨྲེ་སྔགས་འདོན་པ་དང་། ཕ་མ་ཉེ་དུ་ལ་ཀྱེ་ཧུད་ཅེས་འབོད་པ་དང་། སོ་ཐམ་ཐམ་བྱེད་ཅིང་སྐད་མི་ཐོན་པ་དང་། ལུས་དམར་ཞིང་པདྨ་ལྟར་དུམ་བུ་བརྒྱད་དུ་གས་པ་དང་། ལུས་སྔོ་ཞིང་ཨུཏྤལ་ལྟར་བཅུ་དྲུག་ཏུ་གས་པ་དང་། ཤིན་ཏུ་དམར་ཞིང་པདྨ་ཆེན་པོ་ལྟར་བརྒྱ་སྟོང་དུ་གུས་པ་སྟེ། ཉི་ཟླ་མེད་པའི་མུན་ཁུང་འཁྱག་སྦུབས་སུ་རླུང་ངར་ཆེན་པོས་སྦྱད་པར་གནས་ཏེ། ཏིལ་ཁལ་ཉི་ཤུའི་ནང་ནས་ལོ་བརྒྱ་རེ་ན་ཏིལ་རེ་བླངས་བས་ཟད་པ་ན་ཆུ་བུར་ཅན་གྱི་ཚེ་ཚད་རྫོགས་ལ། གཞན་རྣམས་

― CMR051_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་མ་ཉི་ཤུ་འགྱུར་གྱི་ཚེ་རིང་བར་གསུངས་སོ། །ཡི་དྭགས་ཕྱིའི་སྒྲིབ་པ་ཅན་ཆུ་རྣམས་རྣག་ཁྲག་དང་ཁྲོ་ཆུར་མཐོང་བ་དང་། ཤིང་རྣམས་མེ་ལྕེ་དང་ཆར་རྣམས་ལྕགས་མདའ་དང་དུག་མདའ་དུད་པ་འཐུལ་བར་མཐོང་ཞིང་། གང་གཱ་ལ་སོགས་ཆུ་ཆེན་པོ་རྣམས་ཀྱང་བལྟས་པ་ཙམ་ནས་སྐམ་པས་ལོ་བྱེ་བར་ཡང་ཆུ་ཐིག་གཅིག་མི་མྱོང་བ་དང་། བཟའ་བཏུང་ལོངས་སྤྱོད་པུས་མོ་ནུབ་ཙམ་ཡོད་ཀྱང་ཁྲོ་བོ་དང་གོ་མཚོན་ཅན་གྱིས་བསྲུངས་ནས་ཟ་དབང་མེད་པ་དང་། བཟའ་བཏུང་གི་ཟས་རྣམས་མི་གཙང་བ་དང་ཐལ་བ་དང་མེ་མ་མུར་དུ་མཐོང་ནས་བཟར་མེད་པ་དང་། ནང་གི་སྒྲིབ་པ་ཅན་ལྟོ་བ་རི་རབ་ཙམ་ལ་ཡན་ལག་ཕྲ་ཞིང་མགྲིན་པ་རྟ་རྔ་ཙམ་ཁ་ཁབ་ཀྱི་མིག་ཙམ་དུ་གྱུར་ནས་མི་ཐར་མི་འགྲང་བ་དང་། ལྟོ་བར་ཕྱིན་པ་རྣམས་མེར་གྱུར་ནས་སྐོམ་ཞིང་ཚིག་པའི་སྡུག་བསྔལ། མིའི་ཟླ་གཅིག་ཞག་གཅིག་ལ་བརྩི་བའི་ལོ་ལྔ་བརྒྱ་ཐུབ་བོ། །དུད་འགྲོའི་གནས་རྒྱ་མཚོའི་ནང་མུན་པའི་གླིང་ན་རང་ཤ་རང་གིས་ཟ་བ་དང་། ཆེ་བས་ཆུང་ཟ་བ་དང་། ཆུང་བས་ཆེ་བ་འཕུག་པ་དང་། ཁ་འཐོར་བའི་དུད་འགྲོ་འདི་དག་ནི་ཤ་དང་སྒོ་དང་རྩི་དང་མུ་ཏིག་དང་སྤུ་དང་རུས་པའི་ཆེད་དུ་

― CMR051_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཤི་བ་དང་། མི་ནུས་བཞིན་རྨོ་མི་ཐེག་བཞིན་འགེལ་ཡུན་རིང་དྲིན་གྱིས་བསྐྱངས་རྗེས་བཤའ་བ་སོགས་མཐོང་བ་འདི་དག་ཡིན། ཚེ་རིང་གྲ་བར་བསྐལ་ཐུབ་པ་ཡོད་ཅིང་ཉིན་རེ་ནས་འཆི་བ་སོགས་མ་ངེས་སོ་ལྷ་མ་ཡིན་རྣམས་ལྷའི་ལོངས་སྤྱོད་ལ་ཕྲག་དོག་གིས་ཡིད་བདེ་དུས་མེད་ལ། ལོ་རེ་ལན་གཉིས་འཁྲུག་པས་སྐེ་དང་ལུས་སྟོད་སྨད་མ་ཕྲལ་བར་ཤི་མི་ནུས་པས་ཐམས་ཅད་མུན་པའི་གླིང་དུ་འདོར་བའི་སྡུག་བསྔལ། རྒྱལ་ཆེན་རིགས་བཞི་དང་སུམ་རྩེན་བར་གྱི་ལྷ་རྣམས་བདེ་སྐྱིད་ལྡན་ཀྱང་རེས་འགའ་ལྷ་མ་ཡིན་དང་འཐབ་དགོས། རྩེད་འཇོ་དང་ལོངས་སྤྱོད་ལ་ཡེངས་ནས་ནམ་ཞིག་ཚེ་དང་བསོད་ནམས་ཟད་ནས་སྒྲ་མི་སྙན་པ་གྲག །དར་གོས་མེ་ཏོག་རྒྱན་རྙིང་དྲི་ངན་བྲོ་བས་གྲོགས་རྣམས་ཀྱིས་སྒྱུར། ཕྱི་མ་ངན་སོང་ཏུ་ལྟུང་ས་དེ་དངོས་སུ་མཐོང་ཡང་དེར་མི་ལྟུང་བའི་ཐབས་ནི་མེད་དེ་སྡུག་བསྔལ་དཔག་ཏུ་མེད་དོ། །མི་རྣམས་མངལ་དུ་མི་གཙང་བའི་དོང་དུ་བཅུག་པ་དང་འདྲ་བ་སོགས་སྐྱེ་རྒ་ན་འཆིའི་སྡུག་བསྔལ་དང་ཤི་ནས་བར་དོར་འཇིགས་སྐྲག་སྡུག་བསྔལ་དཔག་ཏུ་མེད་དོ། །མདོར་ན་འཁོར་བའི་གནས་ཐམས་ཅད་མེ་འོབ་དང་བཙོན་དོང་ལྟ་བུ། །

― CMR051_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བའི་བདེ་སྐྱིད་ཐམས་ཅད་ནི་གསོད་སར་ཁྲིད་པའི་དགའ་སྟོན་ལྟ་བུ་ཡིན་སྙམ་དུ། སེམས་ཅན་དམྱལ་བ་དམྱལ་མེས་ཉམས། །ཡི་དྭགས་བཀྲེས་ཤིང་སྐོམ་པས་ཉམས། །དུད་འགྲོ་གཅིག་ལ་གཅིག་ཟས་ཉམས། །མི་དག་འཚོ་བ་འཐུང་བས་ཉམས། །ལྷ་དག་བག་མེད་པ་ཡི་ཉམས། །འཁོར་བ་ཁབ་ཀྱི་རྩེ་ཙམ་ན། །བདེ་བ་ནམ་ཡང་ཡོད་མ་ཡིན། །ཅེས་འདོན་བསྒོམ་བྱ་སྟེ་འཁོར་བའི་བདེ་འབྱོར་ལ་འདོད་པ་མེད་པར་ཐར་བ་ཞི་བ་མྱ་ངན་ལས་འདས་པ་ཐོབ་པར་འདོད་པ་ནི་སྐྱེས་བུ་འབྲིང་གི་ལམ་ཡིན་ལ། དེ་ཡང་འབྲས་བུ་ཉན་ཐོས་དགྲ་བཅོམ་པའམ་རང་སངས་རྒྱས་ཐོབ་པར་འདོད་ན་འབྲིང་ཡིན་མོད་ཀྱང་རང་རེ་རྣམས་རྫོགས་པའི་སངས་རྒྱས་ཐོབ་འདོད་པས། འབྲིང་གི་ལམ་དང་ཐུན་མོང་ཡིན་པས་ཐུན་མོང་གི་སྔོ་འགྲོ་ཟེར་རོ། །དེ་ལྟར་འཁོར་བའི་སྡུག་བསྔལ་དེ་ནི་ཕན་ཅིང་བྱམས་པའི་ཕ་མ་དང་། མཐུ་ཆེ་བའི་ལྷ་ཀླུ་གཞི་བདག །འཇིག་རྟེན་ན་དབང་ཆེ་བར་གྲགས་པའི་ཚངས་པ་དང་བརྒྱ་བྱིན། དབང་ཕྱུག་དྲག་པོ་འཇིགས་བྱེད་ཆེན་པོ་སོགས་འཇིག་རྟེན་པའི་ལྷས་མི་སྐྱོབས་ཏེ། ཁོ་རང་རྣམས་འཁོར་བའི་འཇིགས་པ་ལས་མ་གྲོལ་བས་

― CMR051_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །དེ་ལ་སྐྱོན་ཐམས་ཅད་ཟད་ཡོན་ཏན་རྫོགས་པ་ནི་སངས་རྒྱས་ཡིན་པས་དེ་ལ་སྐྱབས་འོས། དེས་སྐྱབས་ཐུབ་པས་དེ་ལ་སྐྱབས་ཞུ་དགོས། སངས་རྒྱས་ཀྱི་སར་འགྲོ་བའི་ལམ་ནི་ཆོས། ལམ་གྲོགས་ནི་དགེ་འདུན་ཡིན་པས་དེ་གསུམ་ལ་སྐྱབས་སུ་འགྲོའོ། །དེ་ཡང་རང་མ་ཤི་བར་དུ་སྐྱབས་སུ་འགྲོ་བ་ནི་སོ་སོར་ཐར་པའི་སྡོམ་པ་བརྒྱད་ཁའི་རྩ་བ་ཉན་རང་གི་ལམ་དང་ཐུན་མོང་ཡིན་ཀྱང་འདིར་བྱང་ཆུབ་མ་ཐོབ་བར་སྐྱབས་སུ་འགྲོ་བ་ཐུན་མོང་ལ་ཡིན་པའི་སྔོན་འགྲོ་ཟེར་བའོ། །ཐུན་མོང་མ་ཡིན་པའི་སྔོན་འགྲོ་ཚིགས་སུ་བཅད་པ་ཐམས་ཅད་མཁྱེན་པ་དྲུག་པས་བསྩལ་བ་སྔོན་འགྲོ་བསྐྱེད་རྫོགས་དང་བཅས་པའི་ཉམས་ལེན་མདོར་བྱས་ཤཱི་ཧ་ར། ཞེས་པ་འདི་ཆོས་འདི་ལ་འབྲེལ་ཆེ་ཞིང་བྱིན་རླབས་ཆེ་བས་འདི་བྱའོ། །དེ་ལ་གཞུང་ཚིག་ཁ་གསལ་བས་དེ་བཀྲོལ་མ་དགོས་པས། མདུན་དུ་མཚོ་དབུས་དཔག་བསམ་ལྗོན་ཤིང་གི །སྡོང་པོ་རྩ་བ་གཅིག་ལ་ཡལ་ག་ལྔ་། །གྱེས་པའི་དབུས་མར་སེང་ཁྲི་པདྨ་དང་མ། །ཉི་ཟླའི་སྟེང་དུ་རྩ་བའི་བླ་མ་ནི། །རྡོ་རྗེ་འཆང་ལ་བཀའ་བརྒྱུད་བླ་མས་བསྐོར། །མདུན་དུ་ཡི་དམ་གཡས་སུ་སངས་རྒྱས་དང་། །རྒྱབ་ཏུ་

― CMR051_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཆོས་གཡོན་དུ་དགེ་འདུན་དང་། །གནད་ཁྲི་འོག་ཏུ་ཆོས་སྐྱོང་སྲུང་མ་རྣམས། །སོ་སོའི་རིགས་མཐུན་འཁོར་ཚོགས་རྒྱ་མཚོས་བསྐོར། །མཚོ་མཐའ་ནེའུ་སེང་སྟེང་དུ་མཁའ་ཁྱབ་ཀྱི། །མ་རྒན་ཐམས་ཅད་འཁོད་པར་གྱུར་པ་རྣམས། །རྩེ་གཅིག་སེམས་ཀྱིས་སྐྱབས་འགྲོ་སེམས་བསྐྱེད་གྱུར། །འདི་ནས་བྱང་ཆུབ་སྙིང་པོར་མཆིས་ཀྱི་བར། །བླ་མ་སངས་རྒྱས་ཆོས་དང་དགེ་འདུན་ལ། །དང་བའི་ཡིད་ཀྱིས་སྐྱབས་སུ་གསོལ་བར་བགྱི། །ཞེས་སྐྱབས་ཡུལ་གསལ་བཏབ་ནས་ཚིག་རྗེས་མ་ལན་གསུམ་སྙིང་ཐག་པ་ནས་བརྗོད། །ནངས་ནུབ་སྐྱབས་འགྲོ་ལ་བརྩོན་པ། ཟ་འཐུང་ཕུད་ཀྱིས་དཀོན་མཆོག་མཆོད་པ། སྡུག་བསྔལ་ཅི་བྱུང་ཡང་དཀོན་མཆོག་ལས་གཞན་པའི་སྐྱབས་མི་འཚོལ། ཕྱི་རོལ་པའི་ལྷ་ལ་ཕྱག་མི་འཚལ། སེམས་ཅན་ལ་གནོད་འཚེ་སྤངས། གྲོགས་མུ་སྟེག་ཅན་དཀོན་མཆོག་ལ་ལོག་ལྟ་ཅན་མི་བསྟེན། སྐུ་གཟུགས་དོད་ཙམ་ལ་ཡང་གུས་པ། ཡི་གེ་འབྲུ་གཅིག་ལ་ཡང་གུས་པ་དང་། སེར་གོས་གྱོན་ཙམ་ལ་ཡང་གུས་པར་བྱའོ། །དེ་ལྟར་བྱས་ན་འཇིགས་པ་ཐམས་ཅད་ལས་སྐྱོབ་པ་སྟེ། མདོ་སྡེ་མྱང་འདས་ལས། དཀོན་མཆོག་གསུམ་ལ་

― CMR051_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་སོང་བ། །འཇིགས་པ་མེད་པ་ཐོབ་པར་འགྱུར། །ཞེས་གསུངས་པས་ཕན་ཡོན་མཐའ་ཡས་སོ། །སྐྱབས་སོང་ཡོན་ཏན་ཚད་བརྗོད་ན། ནམ་མཁའ་ཁམས་སུ་མི་ཤོར་ངོ་། །ཞེས་གསུང་སོ། །དེ་ཡང་གཞུང་ལས་སེམས་ཅན་ཐམས་ཅད་ལ་རིས་མེད་པའི་བྱམས་སྙིང་རྗེ་དང་། ཞེས་གསུངས་ཏེ། །རང་ཉིད་ཁོ་ན་སྡུག་བསྔལ་ལས་ཐར་བས་མི་ཆོག་སེམས་ཅན་རེ་རེས་རང་གི་མ་བྱས་པའི་གྲངས་ནི་ས་ཆེན་པོ་འདི་རྒྱ་ཤུག་གི་ཚིག་གུ་ཙམ་གྱི་རིལ་བུ་བྱས་ཀྱང་ས་ཆེན་པོ་འདིས་མི་འདང་བར་གསུངས་སོ། །མ་བྱས་རེས་ཀྱིས་ལུས་བྱིན་པ་སྲོག་བྱིན་པ་དང་། འཇིག་རྟེན་བསྟན་དང་ལོངས་སྤྱོད་བྱིན་པ་སོགས་དྲིན་ཆེན་པོས་བསྐྱངས་བསྐྱང་བ་ཡིན་པས་ན་སེམས་ཅན་མ་རྒན་རྣམས་འཁོར་བའི་བཙོན་རར་བསྐྱུར་ནས། རང་ཉིད་བདེ་བར་སོང་ནས་བསྡད་ན་དེ་བས་ཁྲེལ་མེད་པ་དང་ངོ་ཚ་མེད་པ་དང་དྲིན་མི་གཟོ་བ་དང་ཕྱི་ཐག་ཐུང་བ་ཅི་ཞིག་ཡོད་དེས་ན་དང་པོ་བྱམས་པ་བསྒོམ་སྟེ། དང་པོ་རང་གི་སྙིང་དུ་སྡུག་པ་གཅིག་ལ་བསྒོམས་པས་སྐྱེ་སླ། དེ་ནས་རྩ་བའི་བླ་མ་དང་ཕ་མ་ལ། དེ་ནས་སྤུན་ཟླ་དང་ཉེ་དུ་ལ། དེ་ནས་ཡུལ་ཕྱོགས་སྡེ་རིས་རང་

― CMR051_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ངོས་ལ། དེ་ནས་དགྲ་ལ། དེ་ནས་བོད་ཁམས་ལ། དེ་ནས་འཛམ་གླིང་དང་སྟོང་དང་པོ་གཉིས་པ་གསུམ་པ་རྣམས་ལ་རིམ་པར་བསྒོམས་ནས། ཕྱོགས་བཅུའི་འཇིག་རྟེན་དང་མཐར་སེམས་ཅན་ཐམས་ཅད་ལ་བསྒོམ་མོ། །སྒོམ་ལུགས་སེམས་ཅན་དེ་དག་བདེ་བ་ཐམས་ཅད་དང་བདེ་བའི་རྒྱུ་དགེ་བ་ཐམས་ཅད་དང་ལྡན་ན་ཅི་མ་རུང་སྙམ་དུ་ཞེ་ཐག་པ་ནས་བསམ་པའོ། །དེ་ཡང་དགྲ་གཉེན་ཁྱད་མེད་པར་སེམས་ཅན་ཐམས་ཅད་བདེ་བ་འདོད་པའི་དབང་གིས་མཆུ་མ་འཁྲུག་པ་བྱུང་ན་བྱམས་པ་ཚད་མེད་པའོ། །དེ་ལྟ་བུ་སྐྱེས་ན་མེ་ཆུ་དུག་མཚོན་སོགས་འཇིགས་པ་ཐམས་ཅད་ཞི་བ་དང་། ངན་སོང་དུ་མི་ལྟུང་། ཚངས་པའི་འཇིག་རྟེན་དུ་སྐྱེ་བ་སོགས་ཕན་ཡོན་ཆེ་སྟེ། །ཟླ་བ་སྒྲོན་མའི་མདོ་ལས། བྱེ་བ་ཁྲག་ཁྲིག་ས་ཡའི་ཞིང་དག་ན། །མཆོད་པ་དཔག་མེད་ཇི་ཡོད་ཇི་སྙེད་པ། །སྐྱེས་མཆོག་དེ་ལ་དེ་ནི་རྟག་མཆོད་པས། །བྱམས་པའི་སེམས་ཀྱིས་གྲངས་དང་ཆེར་མི་ཕོད། །ཅེས་གསུངས་སོ། །དེ་ལྟར་བྱམས་པ་བསྒོམས་པས་སྙིང་རྗེ་སྐྱེ་སླ་སྟེ། ཕ་མ་སེམས་ཅན་དེ་དག་ཐམས་ཅད་ངན་སོང་དང་འཁོར་བའི་སྡུག་བསྔལ་དེ་ལྟ་བུས་དུས་རྒྱུན་ཆད་མེད་པར་

― CMR051_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

མནར་བ་སྙིང་རེ་རྗེ། སེམས་ཅན་དེ་དག་ཐམས་ཅད་སྡུག་བསྔལ་དང་བྲལ་སྡུག་བསྔལ་འབྱུང་བའི་རྒྱུ་མི་དགེ་བ་ཐམས་ཅད་དང་བྲལ་ན་ཅི་མ་རུང་སྙམ་དུ་ཞེ་ཐག་པ་ནས་བསྒོམས་པས། སེམས་ཅན་ཕྱོགས་རིས་མེད་པ་ལ་སྙིང་རྗེའི་ཤུགས་ཀྱིས་མཆི་མ་འཁྲུག་ན་སྙིང་རྗེ་ཚད་མེད་པའོ། །དེ་ལྟ་བུའི་སྙིང་རྗེ་དེ་ནི་སངས་རྒྱས་ཐོབ་པའི་རྒྱུ་ས་བོན་དང་འདྲ་། རྐྱེན་ཆུ་ལུད་དང་འདྲ། འབྲས་བུ་ལོ་ཐོག་སྨིན་པ་དང་འདྲ་བས་ཆོས་ཀྱི་རྩ་བ་ཡིན་པར་ཟླ་བ་གྲགས་པས་གསུངས་ཤིང་། སྙིང་རྗེ་པདྨ་དཀར་པོ་ལས། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཅིག་དང་ལྡན་ན་དེའི་ལག་ཏུ་སངས་རྒྱས་ཀྱི་ཆོས་ཐམས་ཅད་མཆིས་པར་འགྱུར་ཏེ། ཆོས་གཅིག་པོ་གང་ཞེ་ན། འདི་ལྟ་སྟེ་སྙིང་རྗེ་ཆེན་པོའོ། །ཞེས་གསུངས་སོ། །དེ་ལྟར་བྱམས་སྙིང་རྗེ་བསྒོམས་པས་བྱང་ཆུབ་ཀྱི་སེམས་སྐྱེ་སྟེ། སེམས་ཅན་ཐམས་ཅད་ཀྱི་སྡུག་བསྔལ་ཐམས་ཅད་བསལ་ནས་བདེ་བའི་མཆོག་ལ་འགོད་ནུས་པ་རྫོགས་པའི་སངས་རྒྱས་ཡིན་པས་དེ་བདག་གིས་ཐོབ་པར་བྱས་ལ། དེ་ནས་སེམས་ཅན་ཐམས་ཅད་ཀྱང་དེའི་གོ་འཕང་ལ་འགོད་པར་བྱ་། དེའི་ཕྱིར་སྔོན་གྱི་རྒྱལ་བས་ཐུགས་

― CMR051_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་པ་ལྟར་བསྐྱེད། བྱང་ཆུབ་ཀྱི་སྤྱོད་པ་ལྟར་སྤྱད་སྙམ་པ་ཞེ་ཐག་པ་ནས་བྱས་ལ། སྐྱབས་ཡུལ་གསལ་བཏབ་པའི་དྲུང་དུ་སྐྱབས་འགྲོའི་ཚིག་གི་མཇུག་ཏུ། ཇི་ལྟར་སྔོན་གྱི་རྒྱལ་བས་བྱང་ཆུབ་ཏུ། །ཐུགས་བསྐྱེད་སྤྱོད་པ་སྤྱད་པར་མཛད་པ་བཞིན། །བདག་ཀྱང་འགྲོ་ལ་ཕན་ཕྱིར་སེམས་བསྐྱེད་ཅིང་། །བྱང་ཆུབ་སྤྱོད་པ་རྒྱ་ཆེན་སྤྱད་པར་བགྱི། །འདིའི་བར་ལན་གསུམ་བཟླས་པས་བྱང་ཆུབ་ཀྱི་སེམས་བསྐྱེད་སྡོམ་པ་མ་སྐྱེས་པ་ཡང་སྐྱེ། སྐྱེས་པ་འཕེལ་ཉམས་པ་སོར་ཆུད་དེ། དེ་ལ་བདག་ཚེ་འབྲས་ཡོད་དེ་རིང་རྒྱལ་སྲས་གྱུར། །ཞེས་རང་དགའ་བ་བསྒོམ། ལྷ་མི་ལ་སོགས་འགྲོ་བ་ཁྱེད་ཀུན་ཡང་། །བདེ་ལ་མགྲོན་དུ་བོས་ཟིན་དགའ་བར་གྱིས། །ཞེས་གཞན་དགའ་བ་བསྒོམ་འཇུག །ཐ་མལ་སྐྱབས་ཡུལ་འོད་ཞུ་བདག་ལ་འདྲེས། ཞེས་རང་ལ་བསྟིམ་མོ། །སྨོན་པ་སེམས་བསྐྱེད་ཀྱི་བསླབ་པ་ནི། ཐེག་ཆེན་བླ་མ་ལ་གུས་པ་དང་། ནག་པོའི་ཆོས་བཞི་སྤང་དཀར་པོའི་ཆོས་བཞི་བསྟེན། སེམས་ཅན་བློས་མི་སྤང་ངོ་། དེ་ཡང་བསྡུ་ན་སེམས་ཅན་གྱི་དོན་དུ་སངས་རྒྱས་ཐོབ་པར་བྱ་སྙམ་ན་སྡིག་པ་སྤང་ཞིང་དགེ་བ་བསྒྲུབ་བོ། །འཇུག་པ་སེམས་

― CMR051_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་ཀྱི་བསླབ་བྱ་ནི། སེམས་ཅན་ཐམས་ཅད་ཀྱི་དོན་དུ་དམིགས་ནས་ཕར་ཕྱིན་དྲུག་ཅི་ནུས་སུ་འབད་དོ། །དེས་བྱང་ཆུབ་སེམས་དཔའ་ཞེས་བྱ་བའི་གྲངས་སུ་འགྱུར་ཏེ། སྤྱོད་འཇུག་ལས། བྱང་ཆུབ་སེམས་སྐྱེས་གྱུར་ནས་སྐད་ཅིག་གིས། །འཁོར་བའི་བརྩོན་རར་བསྡམས་པའི་ཉམས་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང་། །འཇིག་རྟེན་ལྷ་མིར་བཅས་པས་ཕྱག་བྱར་འགྱུར། །ཞེས་གསུངས་ལ། བྱམས་པ་ལ་འཇུག་པའི་མདོ་ལས། མི་དགེ་བ་བཅུའི་ལས་ཀྱི་ལམ་ཡང་དག་པར་བླངས་ཏེ་འདུག་གམ་མཚམས་མེད་པ་ལྔའི་ལས་བྱས་སུ་ཟིན་ཀྱང་བྱང་ཆུབ་ཀྱི་སེམས་དང་མ་བྲལ་ན་སྒྲིབ་པར་མི་འགྱུར་རོ། །ཞེས་གསུངས་སོ། །དེ་ཡང་བསྒོམ་བྱའི་གཙོ་བོ་ནི། །རང་གི་དབུགས་ཕར་འབྱིན་དུས་རང་གི་དགེ་རྩ་དང་བདེ་བ་ཐམས་ཅད་སེམས་ཅན་ཐམས་ཅད་ལ་ཐིམ་པས། སེམས་ཅན་ཐམས་ཅད་གནས་སྐབས་སུ་སྐྱིད་ཅིང་བདེ། མྱུར་དུ་སངས་རྒྱས་བའི་སྐལ་བ་ཅན་དུ་གྱུར། དབུགས་ཚུལ་རྔུབ་དུས་སེམས་ཅན་ཐམས་ཅད་ཀྱི་སྡིག་སྒྲིབ་དང་སྡུག་བསྔལ་རང་ལ་ཐིམ་པས་ཁོང་རྣམས་སྡིག་སྡུག་དང་བྲལ་བར་བསྒོམས་

― CMR051_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བསོད་ནམས་ཚད་མེད་པ་ཐོབ་སྟེ། རྗེ་ཕག་མོ་གྲུ་པས། བྱང་ཆུབ་སེམས་ཀྱི་རྟ་ཕོ་ལ། །གཞན་ཕན་གྱི་ཀྱུས་ཐག་མ་བཅད་ན། །ཁྲོམ་ལྷ་མའི་བདེ་སྐྱིད་མི་འབྱུང་བས། །སེམས་སྔོན་འགྲོ་འདི་ལ་ནན་ཏན་མཛོད། །ཅེས་གསུངས་པའི་དོན་ནོ། །སྤྱོད་འཇུག་ལས། མི་རྟག་ཚེ་འདིའི་ཆེད་དག་ཏུ། །སྡིག་པ་མང་པོ་ཉེ་བར་བསྒྲུབ། །ཅེས་གསུངས་པ་ལྟར། ལྟོ་གོས་གཏམ་གསུམ་གྱི་ཆེད་དུ་སྡིག་པ་མང་པོ་བྱས་ཤིང་། རང་རེ་རབ་ཏུ་བྱུང་བ་རྣམས་སྡིག་པ་མངོན་གྱུར་བ་ཆེར་མ་བྱས་བསམ་ན་ཡང་འདུལ་ཁྲིམས་ཉིས་བརྒྱ་ལྔ་བཅུ། བྱང་ཆུབ་སེམས་དཔའི་སྡོམ་པ་ཉི་ཤུ་པ། རྩ་ལྟུང་བཅུ་བཞི་སྦོམ་པོ་བརྒྱད། རྙིང་མ་ལྟར་རྩ་བ་གསུམ་ཡན་ལག་ཉེར་ལྔ་སོགས་བསྲུང་བྱ་རྣམས་རྩ་བ་མ་ཉམས་ཀྱང་། །ཕྲ་ཞིབ་ཡན་ལག་གི་ལྟུང་བ་ཆར་ལྟར་འབབ། བཤགས་པ་མ་ཐེང་བའི་ལྟུང་བ་རེ་རེས་ཀྱང་ངན་སོང་དུ་ལྟུང་ངེས་པར་གསུངས་པས་ཡ་ཆ་བ་ཡིན། དེར་མ་ཟད་བསྐལ་པ་གྲངས་མེད་པ་ནས་སྡིག་བསགས་པ་གྲངས་མེད་དེ། དེ་དག་བསམ་ལས་འདས་པ་ཞིག་སྨིན་རྒྱུ་ཡོད་འདུག་ན། དེ་དག་ཐམས་ཅད་བཤགས་དགོས། དེ་ལ་སྔར་བྱས་ལ་འགྱོད་པ་

― CMR051_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སུན་འབྱིན་པའི་སྟོབས། དཀོན་མཆོག་གསུམ་སོགས་ལ་བཤགས་པ་རྟེན་གྱི་སྟོབས། གཟུངས་སྔགས་སམ་རྡོར་སེམས་སྒོམ་བཟླས་སོགས་གཉེན་པོ་ཀུན་ཏུ་སྤྱོད་པའི་སྟོབས། ཕྱིན་ཆད་མི་བྱེད་པར་དམ་བཅའ་བ་ཆུར་ལོན་སྟོབས་ཏེ། སྟོབས་བཞིའི་སྒོ་ནས་བཤགས་ན་སྡིག་པ་ཅི་ཆེ་ཡང་མི་དག་མི་སྲིད་དེ། སོར་ཕྲེང་ཅན་གྱི་མི་སྟོང་ལས་གཅིག་ཆག་པ་བསད་པ་དང་། མ་སྐྱེས་དགྲས་ཕ་བསད་པ་དང་། ཁྱིའུ་མཐོང་དགས་མ་བསད་པ་དང་། ཅུང་དགའ་བོ་བུད་མེད་ལ་ཆགས་པ་སོགས་ཀྱང་སྟོབས་རེ་རེས་དག་ནས་འབྲས་བུ་ཐོབ་པའི་ལོ་རྒྱུས་དང་། དག་པའི་དཔེ་མི་གཙང་བས་གོས་པའི་གོས་ལེགས་པར་བཀྲུས་ནས་སྤོས་ཀྱིས་བདུག་པ་དང་འདྲ་གསུངས་སོ། །དེས་ན་རྡོར་སེམས་སྒོམ་བཟླས་བྱ་སྟེ། རང་གི་སྤྱི་བོར་པད་ཟླའི་གདན་གྱི་སྟེང་། །བླ་མ་རྡོ་རྗེ་སེམས་དཔའ་རྒྱན་ལྡན་དཀར། ཞལ་གཅིག་ཕྱག་གཉིས་གཡས་པས་རྡོ་རྗེ་དང་། །གཡོན་པས་དྲིལ་བུ་འཛིན་ཅིང་སྐྱིལ་ཀྲུང་བཞུགས། །གསོལ་བ་བཏབ་པས་སྐུ་ལས་བདུད་རྩི་བབ། །བདག་གི་ཚངས་བུག་ནས་ཞུགས་ལུས་གང་བས། །སྡིག་སྒྲིབ་ཉེས་ལྟུང་ཐམས་ཅད་དག་པར་

― CMR051_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར། །ཅེས་བསྒོམ་ལ་ཡི་གེ་བརྒྱ་པ་བཟླས་ཏེ། ཉེར་གཅིག་བཟླས་ན་ལྟུང་བ་ཐམས་ཅད་བྱིན་གྱིས་རླབས་པར་འགྱུར་ཏེ་ལྟུང་བ་མི་འཕེལ་ལོ། དེ་མིན་ན་ལྟུང་བ་རྣམས་ཞག་རེ་རེ་སོང་ཞིང་སྐྱེད་འཕེལ་ལོ། །འབུམ་ཕྲག་གཅིག་བཟླས་ན་ལྟུང་བ་རྩ་བ་ནས་དག་པར་གསུངས་སོ། །ཡིག་བརྒྱ་དག་པོ་ཀློག་མི་ཤེས་པའི་རིགས་ལ་ཨོཾ་བཛྲ་སཏྭ་ཧཱུྃ་ཞེས་ཡི་གེ་དྲུག་པ་འདི་བཟླས་ཀྱང་རུང་སྟེ། ཕྱག་རྡོར་དྲག་པོ་གསུམ་འདུལ་གྱི་རྒྱུད་ལས། ཡི་གེ་དྲུག་པ་འདི་འབུམ་བརྗོད་ན་རྩ་བའི་དམ་ཚིག་ཉམས་པ་ཞི་བར་འགྱུར་རོ། །ཞེས་གསུངས་སོ། །རྡོ་རྗེ་སེམས་དཔས་བདག་ལ་དབུགས་དབྱུང་ནས། །འོད་ཞུ་རང་ལ་ཐིམ་པས་གཉིས་མེད་གྱུར། །ཅེས་རང་ལ་བསྟིམ། དེ་ལྟར་ཉམས་སུ་བླངས་བས་གཉིད་ཆུང་ཁམས་བདེ་སྙིང་དགའ་ཡལ་བ་འབྱུང་། ་རྨི་ལམ་གཅེར་བུར་བུད་པ་འཁྲུ་སྐྱུག་རྣག་ཁྲག་མི་གཙང་བ་ཐོན་པ། འཕུར་བ་གོས་དཀར་པོ་གྱོན་པ་སོགས་བྱུང་ན་སྡིག་པ་དག་རྟགས་སོ། །དེ་ནས་གནས་སྐབས་སུ་བདེ་སྐྱིད་ཐམས་ཅད་དང་མཐར་བྱང་ཆུབ་ཐོབ་པ་ལ་ཡང་ཚོགས་བསགས་པ་གལ་ཆེ། དེ་ཡང་བླ་མ་དང་དཀོན་མཆོག་མཆོད་པ་ལ་རག་ལས་

― CMR051_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། དེ་ཡང་དངོས་སུ་མཆོད་པ་ཆེན་པོ་རྙེད་དཀའ་ཞིང་། རྩོལ་བས་བསྒྲུབས་ན་དཀའ་ཚེགས་ཆེ་ཞིང་སྡིག་པ་འདྲེས། སེར་སྣ་དང་ངེས་བྱས་དང་ང་རྒྱལ་གྱི་དྲི་མས་ཀྱང་གོས་པས། དེ་ནས་མཎྜལ་འབུལ་བ་འདི་ཚོགས་རྫོགས་མཆོད་པ་རྒྱ་ཆེ། སེར་སྣ་སོགས་དང་དཀའ་ཚེགས་མེད་ལ་ཟབ་པར་གསུངས་པས། སྒྲུབ་པའི་མཎྜལ་ཚོམ་བུའམ་ཐང་རྟེན་སོགས་ལ་དམིགས་སམ་ནམ་མཁའ་ལ་དམིགས་ཀྱང་རུང་སྟེ། མདུན་གྱི་ནམ་མཁར་དབུས་སུ་བླ་མ་དང་། །མདུན་གཡས་རྒྱབ་དང་གཡོན་དུ་རིམ་པ་བཞིན། །ཡི་དམ་སངས་རྒྱས་ཆོས་དང་དགེ་མདུན་རྣམས། །རང་རིག་འཁོར་བཅས་བཞན་ཡང་གདན་མཚམས་སུ། །ཆོས་སྐྱོང་རྒྱ་མཚོ་ལ་སོགས་དཀོན་མཆོག་རྣམས། །ཚོགས་ཀྱི་ཞིང་མཆོག་དམ་པར་བཞུགས་པའི་དྲུང་། །ཞེས་དམ་ཡེ་དབྱེར་མེད་དུ་གསལ་བཏབ་ནས། ཡོད་ན་མཎྜལ་འབྲུའི་ཚོམ་བུ་བཀོད། མེད་ན་ལག་པའི་མཎྜལ་བཅས་ལ། གླིང་བཞི་རི་རབ་བྱེ་བ་ཕྲག་བརྒྱ་མཆོད་པ་དུ་མས་གང་བར་དམིགས་ནས། མཉེས་བྱེད་མཎྜལ་བཟང་པོ་འདི་ཕུལ་བས། །བྱང་ཆུབ་ལམ་ལ་བར་ཆད་མི་འབྱུང་ཞིང་། །དུས་གསུམ་བདེ་

― CMR051_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་དགོངས་པ་རྟོགས་པ་དང་། །སྲིད་ཞིར་མི་གནས་འགྲོ་རྣམས་སྒྲོལ་བར་ཤོག །ཅེས་ཤོ་ལོ་ཀ་འདི་བརྒྱའམ་ཉེར་གཅིག་བདུན་སོགས་འབུལ། དེ་ནས་བདག་གཞན་དུས་གསུམ་བདོག་པ་ཀུན་ཕུལ་བས། །འགྲོ་ཀུན་ཚོགས་གཉིས་རབ་ཏུ་གང་གྱུར་ཏེ། །ཚོགས་ཞིང་འོད་ཞུ་བདག་དང་རོ་མཉམ་གྱུར། །ཞེས་ཉམས་སུ་བླངས་བས་ཟས་ཆེར་མ་ཟོས་ཀྱང་མི་རྟོགས། ཤེས་རབ་དང་གོ་བ་ཆེར་སོང་བ་ཉམས་དགའ་བ། བློ་ལས་སུ་རུང་བ་འབྱུང་། བུད་མེད་བཟང་མོས་ཟས་སྟེར་བ། ཉི་ཟླ་ཤར་བ་གོས་གསར་རྒྱན་བཏགས་རོལ་མོ་དཀྲོལ་གྱེན་ལ་འགྲོ་བ་སོགས་རྨིས་ན་ཚོགས་རྫོགས་རྟོགས་སོ།།། ༈ དེ་ནས་བླ་མའི་རྣལ་འབྱོར་ནི། གཞུང་ལས། བླ་མ་རིན་པོ་ཆེ་སངས་རྒྱས་ཐམས་ཅད་འདུས་པའི་ངོ་བོར་མོས་པ་མི་ཕྱེད་པའི་དད་པས་གསོལ་བ་ཕུར་ཚུགས་སུ་བཏབ་པ་ལ་བསྟེན་ནས། ཞེས་གསུངས་པའི་དོན། ཨ་ཏི་བཀོད་པའི་རྒྱུད་ལས། དྲིན་དང་ལྡན་པའི་བླ་མ་དེ། །སྙིང་གི་དཀྱིལ་ལམ་སྤྱི་བོའི་གཙུག །ཡན་ལག་མཐིལ་དུ་གང་བཀོད་པ། །སངས་རྒྱས་སྟོང་གི་ཡོན་ཏན་ཡང་། །གང་ཟག་དེ་ཡིས་འཛིན་པར་འགྱུར། །

― CMR051_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་པས་ཕན་ཡོན་ཆེ་ལ། དྭགས་པོ་རིན་པོ་ཆེས། ཕྱག་རྒྱ་ཆེན་པོའི་རྟོགས་པ་ཡི། །ཐབས་ལ་མོས་གུས་ལས་གཞན་མེད། །ཅེས་དང་། འགྲོ་མགོན་ཕག་གྲུས། བླ་མ་སྐུ་བཞིའི་གངས་རི་ལ། །མོས་གུས་ཀྱི་ཉི་མ་མ་ཤར་ན། །བྱིན་རླབས་ཀྱི་ཆུ་རྒྱུན་མི་འབྱུང་བས། །སེམས་མོས་གུས་འདི་ལ་ནན་ཏན་མཛོད། །ཅེས་གསུངས་སོ། །དེ་ལ་རྒྱལ་བ་ཡབ་སྲས་ལྟ་བུ་རྩ་བའི་བླ་མར་བསྟེན་པའི་སྐལ་བ་རྙེད་ན། དེ་ཉིད་སྐུ་དངོས་སུ་བསྒོམས་པས་མོས་གུས་འཕེལ་བ་སོགས་བྱིན་རླབས་འཇུག་སླ་བས་ལེགས་ལ། ཡང་དུས་འཁོར་ནས། སྙིགས་མའི་དུས་སུ་སློབ་དཔོན་སྐྱོན་དང་ཡོན་ཏན་འདྲེས། །རྣམ་པ་ཀུན་ཏུ་ཉེས་པ་མེད་པ་ཡོད་མ་ཡིན། །གང་གི་ཡོན་ཏན་ཤས་ཆེར་གྱུར་པ་ཡི། །དེ་ལ་བུ་རྣམས་ཀྱིས་ནི་བསྟེན་པར་བྱ་བའོ། །ཞེས་གསུངས་པ་ལྟར་བླ་མ་སོ་སོའི་སྐྱེ་བོ་ནི་རྡོ་རྗེ་འཆང་གི་སྐུར་བསྒོམ་པ་མན་ངག་གོ །དེ་ལ་རང་གི་སྤྱི་བོར་ཁྲུ་གང་ཙམ་གྱི་སར་པདྨ་ཉི་མའི་སྟེང་དུ་རང་ལ་བཀའ་དྲིན་ཐོབ་པའི་བླ་མ་དེ་དང་། ཆོས་འབྲེལ་ཐོབ་ཅིང་རང་ལ་དད་འདུན་ཡོད་ཚད་ཀྱི་བླ་མ་ཐམས་ཅད་གཅིག་ཏུ་འདུས་པའི་ངོ་བོ་སློབ་དཔོན་པདྨ་

― CMR051_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དབྱེར་མེད་པའི་རྡོ་རྗེ་འཆང་གི་སྐུར་བསྒོམ། དེའི་སྟེང་དུ་རྒྱལ་དབང་བཅུ་པ་ནས་མར་པའི་བར་ཐོ་བརྩེགས། མར་པའི་དབུ་ལ་མེ་ཏྲི་པ། དེའི་བླ་མ་ཡིན་པས་ནཱ་རོ། ཏཻ་ལོའི་དབུར་ཤ་བ་རི་པ་ནས་ས་ར་ཧའི་བར། དེའི་དབུར་བློ་གྲོས་རིན་ཆེན་དང་བདེ་བའི་མགོན་པོ་དབྱེར་མེད་བྱང་ཆུབ་སེམས་དཔའི་སྐུ་གཅིག །དེའི་སྟེང་དུ་གསུང་བདག་ཞི་བ། །དེའི་སྟེང་དུ་རྡོ་རྗེ་འཆང་དང་ཡེ་ཤེས་མཁའ་འགྲོ་ཕག་མོ་ཞལ་སྦྱོར། དེ་རྣམས་ཀྱི་མཐའ་བསྐོར་དུ་རྒྱ་གར་གྱི་རིག་འཛིན་བརྒྱད་དང་གྲུབ་ཆེན་བརྒྱད་ཅུ། རྗེ་འབངས་ཉེར་ལྔ་གཏེར་སྟོན་བརྒྱ་རྩ་བརྒྱད། ཇོ་བོ་ཁུ་རྔོག་འབྲོམ་གསུམ། རྒྱལ་སྲས་སྐུ་མཆེད་གསུམ། ས་སྐྱ་འཇམ་དབྱངས་བདུན་རྒྱུད། འབྲུག་པ་སེང་གེ་དགུ་ཚར། འབྲི་གུང་བ་དང་སྟག་ལུང་པའི་སེང་ཆེན་བཅུ་གསུམ། བཀའ་བརྒྱུད་ཆེ་བཞི་ཆུང་བརྒྱད་སོགས་མདོར་ན་མཆོག་གི་དངོས་གྲུབ་ཐོབ་པའི་རྣལ་འབྱོར་ཕོ་མོ་པཎ་གྲུབ་ཐམས་ཅད་མོས་པ་ཙམ་དུ་བསྐྱེད་དེ་ཁྲོམ་འཚོགས་སུའོ། ་།རང་གི་སྤྱི་བོར་པད་ཟླའི་གདན་སྟེང་དུ། །རྩ་བའི་བླ་མ་རྡོ་རྗེ་འཆང་དབང་པོ། །རྒྱན་ལྡན་རྡོ་དྲིལ་འཛིན་པའི་ཕྱག་རྒྱ་བསྣོལ། རྡོ་རྗེའི་གདན་བཞུགས་

― CMR051_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་པའི་བླ་མ་དང་། །དཀོན་མཆོག་རྒྱ་མཚོ་ཐོ་བརྩེགས་ཁྲོམ་ལྟར་འཚོགས། །ཞེས་བསྒོམས་ནས། ཆོས་སྐུ་ཡེ་ཤེས་ཀྱི་མཁའ་འགྲོ་མའི་ཞལ་ནས། །གསང་སྔགས་སྙན་བརྒྱུད་བྱིན་རླབས་ཀྱི་ལམ་པ་ཡིན། བྱིན་རླབས་མོས་གུས་ཀྱི་ལམ་པ་ཡིན། །མོས་གུས་གསོལ་འདེབས་ལ་རག་ལས་པས། གསོལ་བ་འབར་ཐབས་སུ་ཐོབ་དང་། །བྱིན་རླབས་སྙིང་གི་དཀྱིལ་དུ་འབབ་པ་ཞིག་འོང་། །ཞེས་གསུངས་པས། དད་མོས་རྩེ་གཅིག་པས། བླ་མ་རིན་པོ་ཆེ་ལ་གསོལ་བ་འདེབས། །བདག་འཛིན་བློ་ཡིས་ཐོངས་བར་བྱིན་གྱིས་རློབས། །དགོས་མེད་རྒྱུད་ལ་སྐྱེ་བར་བྱིན་གྱིས་རློབས། །རང་སེམས་སྐྱེ་མེད་རྟོགས་པར་བྱིན་གྱིས་རློབས། །འཁྲུལ་པ་རང་སར་དག་པར་བྱིན་གྱིས་རློབས། །སྣང་སྲིད་ཆོས་སྐུར་འཆར་བར་བྱིན་གྱིས་རློབས། །ཞེས་དང་། སྤྲོ་ན་མ་ནམ་བཞི་བསྐོར་བྱ། གསོལ་འདེབས་བསྙེན་པ་བླ་སྒྲུབ་སུས་བྱེད་ན། ཀརྨ་པ་མཁྱེན་ནོ། །ཞེས་བསྙེན་པ་དང་རྒྱང་འབོད་སོགས་བྱས་ལ། རྩེ་གཅིག་གུས་པས་དད་པ་ཕུལ་བ་བས། །འཁོར་རྣམས་འོད་དུ་ཞུ་ནས་གཙོ་བོར་ཐིམ། །དེ་ཡང་འོད་ཞུ་བདག་ལ་ཐིམ་

― CMR051_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལས། །སྐུ་དང་བདག་ལུས་འདྲེས་པས་བུམ་དབང་་་་་་་་་ཡེ་ཤེས་རྒྱ་མཚོའི་རྒྱུད་ལས། བླ་མའི་སྐུ་ཡི་དཀྱིལ་འཁོར་ལ། །དབང་བཞི་ཡོངས་སུ་རྫོགས་པར་ཞུས། །ས་ལམ་རིམ་པ་མ་ལུས་བསྒྲོད། །རྒྱུད་སྡེའི་དགོངས་པ་གནད་ཀྱི་མཆོག །ཅེས་གསུངས་པ་དང་། མཆན ཐོབ། དེ་བཞིན་གསུང་དང་ཐུགས་དང་ཡེ་ཤེས་ནི། །བདག་གི་ངག་ཡིད་ཡེ་ཤེས་དང་འདྲེས་པས། །གསང་བ་ཤེས་རབ་ཡེ་ཤེས་བཞི་པའི་དབང་། །ཐོབ་ཅིང་སྒོ་གསུམ་དྲི་མ་དག་པར་སྦྱངས། །སྐུ་བཞིའི་ས་བོན་རྒྱུད་ལ་བཞག་པར་མཛད། ། །ཅེས་འདོན་བསྒོམ་བྱའོ། །དེ་ཡང་བླ་མ་སོ་སོའི་སྐྱེ་བོ་ཡང་རྡོ་རྗེ་འཆང་དུ་བསྒོམས་ནས་གསོལ་བ་བཏབ་ན། དད་ལྡན་རྗེས་སུ་བཟུང་ཕྱིར་སངས་རྒྱས་རྣམས་ཀྱི་བྱིན་རླབས་སློབ་བུ་ལ་འཇུག་པར་བཤད་ལ། ཡང་སྔར་གྱི་བཀའ་བརྒྱུད་གྲུབ་ཆེན་རྣམས་ལ་དད་པ་ཆེན་པོས་གསོལ་བ་བཏབ་ན་དེ་ཉིད་རྩ་བའི་བླ་མར་གྱུར་ནས་བྱིན་རླབས་འཇུག་སྟེ་ཚིག་རྒྱུད་མི་དགོས་དོན་རྒྱུད་འདི་ཁོ་རང་ལ་དད་ཆོག་ཅེས། སྒམ་པོ་པ་དུས་མཁྱེན་པཀྴི་ཞང་རྒོད་ཚང་བ་སོགས་ཀྱིས་གསུངས་ཤིང་། ཇོ་བོ་རྗེས་ཌོམྦྷི་པ་ཆུང་བ་དངོས་སུ་མ་མཇལ་ཡང་གསོལ་བ་བཏབ་པས་རྨི་ལམ་དུ་དགེ་སློང་མི་ཤ་ཟ་བ་གཅིག་བྱུང་ནས་

― CMR051_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོང་ལ་ཡང་མི་ཤ་བྱིན་པས་ཟོས་པ་རྨིས་བས་རྟོགས་པ་ཁྱད་པར་ཅན་སྐྱེས་པའི་ལོ་རྒྱུས་ལྟ་བུའོ། །དེ་ཡང་རྒྱུད་ལས། བཀའ་བརྒྱུད་རིན་པོ་ཆེའི་ལུགས་ཀྱི་ཕྱག་ཆེན་ཞེས་གསུངས་པས། བདེ་གཤེགས་ཕག་གྲུས། མདོ་རྒྱུད་མན་ངག་ཐམས་ཅད་ཆོས་ལྔ་པོ་འདིར་དྲིལ་ནས་གསུངས་པས་སློབ་མ་གདུགས་ཐོགས་པ་ལྔ་སྟོང་བརྒྱད་བརྒྱ་བྱུང་བར་གྲགས། དེའི་སྤུ་རིས་ཇི་ལྟ་བ་བཞིན་འཇིག་རྟེན་གསུམ་མགོན་གྱིས་མཁྱེན་ནས། ཇི་སྙེད་ཆོས་རྣམས་ཐམས་ཅད་ཀུན། །བྱང་ཆུབ་སེམས་དང་ཡི་དམ་ལྷ། །བླ་མ་དམ་པའི་མོས་གུས་དང་། །དབྱེར་མེད་ཕྱག་རྒྱ་ཆེན་པོ་ལ། །དགེ་རྩ་བྱང་ཆུབ་བསྔོ་བ་སྟེ། །རྣམ་པ་ལྔ་པོར་བསྡུས་ནས་ཀྱང་། །སྐལ་ལྡན་སློབ་མ་རྣམས་ལ་བསྟན། །ཅེས་དང་། ཕྱག་རྒྱ་ཆེན་པོ་སེང་གེ་ཡིན། །ལྔ་ལྡན་མེད་ན་མིག་མེད་ཡིན། །ཅེས་གསུངས་ཤིང་། ཐང་ལྷས་གསོལ་བ་བཏབ་པ་ལ་བསྟེན་ནས། ལྔ་ལྡན་གྱི་རྒྱས་བཤད་དགོངས་གཅིག་སོགས་མཛད་པས་དགེ་འདུན་ཁྲི་ཚོ་བཅོ་བརྒྱད་བྱུང་། དེར་རྗེ་དུས་མཁྱེན་གྱིས་ཀྱང་སྐྱོབ་པ་ལ་ལྔ་ལྡན་གསན་ཚུལ་མཛད་ཅིང་ཀཾ་ཚང་ལ་ཡང་བརྒྱུད་དོ། །དེ་ལ་དེ་ཡི་རྩ་ཚིག་ལས།

― CMR051_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ལུས་ལྷ་སྐུའི་རྒྱལ་པོ་ལ། །འགྱུར་མེད་ཀྱི་བརྟན་པ་མ་ཐོབ་ན། །མ་མཁའ་འགྲོའི་འཁོར་འབངས་མི་འདུ་བས། །ལུས་ཡི་དམ་ལྷ་ལ་ནན་ཏན་མཛོད། །ཅེས་གསུངས་པས། མདོ་ལུགས་སངས་རྒྱས་རྗེས་དྲན་དང་བྱ་སྤྱོད་རྣལ་འབྱོར་གསུམ་ནས་ལྷ་སྐུ་བསྒོམ་པར་གསུངས་ཀྱང་བསྐྱེད་རིམ་དུ་མི་ཐེ་ལ། བླ་མེད་རྒྱུད་ནས་ཡན་ལག་དྲུག་གིས་བསྐྱེད་པ་དང་། མངོན་བྱང་ལྔ་དང་། བསྙེན་སྒྲུབ་ཡན་ལག་བཞི་དང་། ཆོ་ག་གསུམ་སོགས་བསྐྱེད་རིམ་རྒྱས་བསྡུས་སྒོམ་ལུགས་མང་དུ་གསུངས་པ་ལས། འདིར་སྐད་ཅིག་དྲན་རྫོགས་སུ་བསྒོམ་པར་བྱ། དེ་ཡང་ཐུགས་རྗེ་ཆེན་པོ་སོགས་ཡི་དམ་གང་རུང་སྒོམ་པར་གསུངས་ཀྱང་། བདེ་མཆོག་གི་རྒྱུད་ལ་ཕྱག་རྒྱ་ཆེན་པོའི་བཀའ་བབས་པས་བདེ་མཆོག་བསྒོམ་པ་འབྲེལ་ཆེ་བས། ༀ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོཉཧཾ། ། །དབང་བཞིས་སྨིན་པར་བྱས་པའི་བདག་ཉིད་ནི། །སྐད་ཅིག་དཔལ་ལྡན་དྲྭ་བ་སྡོམ་པའི་སྐུ། །ཕྱག་རྒྱ་དྲུག་ལྡན་གཡས་བརྐྱང་སྟབས་ཀྱིས་གནས། །རྡོ་དྲིལ་འཛིན་པས་གང་ལ་འཁྱུད་པའི་ཡུམ། །རྡོ་རྗེ་ཕག་མོ་གྲི་ཐོད་འཛིན་པས་འཛེག །པད་ཉི་འཇིགས་དུས་བསྒྱེལ་བའི་གདན་

― CMR051_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རོལ། །གནས་གསུམ་འབྲུ་གསུམ་གནས་དྲུག་གོ་ཆར་བཅས། །ཧཱུྃ་ལས་འོད་འཕྲོས་ཡེ་ཤེས་སེམས་དཔའ་དྲངས། །ཛཿཧཱུྃ་བྃ་ཧོཿགཉིས་སུ་མེད་པ་ལས། །དབང་ལྷས་དབང་བསྐུར་མི་བསྐྱོད་རྒྱས་གདབ་པའི། །སྤྲུལ་པའི་འཁོར་ལོ་པད་ལྟར་ནཱ་ད་ལས། །བཟླ་བའི་སྔང་ཕྲེང་ཁ་སྒོའི་ལམ་ནས་ཐོན། །དཀྱིལ་འཁོར་པར་གྱུར་འགྲོ་དོན་མཛད་ནས་སྔགས། །གཟུགས་ཀྱི་ཡུམ་གྱི་ཞལ་ནས་སྐུ་ལུས་བརྒྱུད། །པདྨའི་ལམ་ནས་ཡབ་ཀྱི་གསང་བར་ཞུགས། །ལྟེ་བར་པད་ཉིའི་ནཱ་དར་ཐིམ་པར་གྱུར། །ཞེས་སྤྲོ་བསྡུ་བརྒྱུད་མར་བྱས་ནས། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུྃ་ཕཊ། ཌཱཀི་ནི་ཛཱ་ལ་སམྦྷ་རཾ་སྭཱ་ཧཱ། ཞེས་སོགས་ཡབ་ཡུམ་གྱི་སྙིང་པོ་ཉེ་སྙིང་རྒྱས་བསྡུས་གང་འོས་བཟླ་གསུངས་པས། །བསྙེན་ཚད་གསོག་ན་ཉེར་གཉིས་པ་ལ་བཞི་འབུམ་ཡིན་ལ། ཉེ་སྙིང་ཨོཾ་ཧྲཱིཿཧ་ཧ་ཧཱུྃ་ཧཱུ་ཕཊ། ལ་ནི་འབུམ་ཕྲག་བཅུ་གཉིས་ཡིན་ནོ། །རྒྱུན་དུ་ནི་ཅི་རིགས་པས་ཆོག་གོ །དེ་ནས་རྫོགས་རིམ་འོད་གསལ་ཕྱག་ཆེན་བསྒོམ་པ་ནི། སྣོད་བཅུད་རང་ལ་བསྡུས་ནས། ཐུགས་ཀའི་ཧཱུྃ་གི་འོད་ཀྱིས་གདན་འོད་ཞུ། ཡུམ་ལ་ཐིམ་ཞིང་ཡུམ་ཡང་ཡབ་ལ་ཐིམ། །དེ་

― CMR051_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཧཱུྃ་དང་ཞབས་ཀྱུ་ཁོག་པ་མགོ །ཟླ་ཚེས་ཐིག་ལེ་ནཱ་ད་དེ་ལས་ཀྱང་། །འདས་པ་དམིགས་སུ་མེད་པ་སྟོང་ཉིད་དུ། །ཞུགས་པས་རང་རིག་འོད་གསལ་བཅོས་མིན་གྱི། །སེམས་ཀྱི་རང་བཞིན་རིག་སྟོང་རྗེན་པར་བུད། །ཅེས་ཅི་གནས་ཕྱག་ཆེན་དུ་བཞག་པ། ཞེས་གསུངས་པ་ལྟར་བཞག །འདི་ནི་སྒོམ་མ་སྐྱེས་པ་སྐྱེ་ཐབས། །སྐྱེས་པ་བོགས་དབྱུང་ཐབས་མཆོག་ཡིན་ལ། ཉལ་དུས་བསྒོམས་པས་འོད་གསལ་ཟིན་པ་དང་། འཆི་ཁ་བསྒོམས་པས་འཆི་བ་འོད་གསལ་ཟིན་ཏེ། མདོར་ན་ཡོངས་སུ་གྲགས་པའི་རྫོགས་རིམ་གྱི་གདམས་པ་ཆེན་པོའོ། །དེ་ནས་ཐུན་མཚམས་སུ་བདེ་མཆོག་ཕྱག་གཉིས་རྒྱན་དང་ཕྱག་མཚན་ཡུམ་མེད་པ་གཅིག་བསྒོམས་ལ་ཆོས་ཐམས་ཅད་བདེན་པར་མ་གྲུབ་སྒྱུ་མ་རྨི་ལམ་ལྟ་བུར་བསྒོམ་ལ། འཁོར་བ་ཅི་སྲིད་འགྲོ་དོན་བྱ་བར་མོས་པ་བྱས་ནས། སྙིང་ཁར་ཨོ་ཧ་དཀར་པོ། མགོར་ན་མ་ཧི་སེར་པོ། སྤྱི་གཙུག་ཏུ་སྭཱ་ཧཱ་ཧུ་དམར་པོ། ཕྲག་པ་གཉིས་སུ་བཻ་ཥ་ཊ་ཧེ་ནག་པོ། མིག་གཉིས་སུ་ཧཱུྃ་ཧཱུྃ་ཧེ་དམར་སེར། ཡན་ལག་ཐམས་ཅད་ཕཊ་ཧཾ་ལྗང་ཁུས་གོ་ཆ་བགོས་པར་བསམས་ནས། གོས་གཡང་གཞི་དང་སྟག་ཤམ། གདན་

― CMR051_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

པད་ཉི་སོགས་སུ་མོས། འགྲོ་བའི་ཚེ་གཡས་སུ་བདེ་མཆོག་གི་དཀྱིལ་འཁོར་པད་སྡོང་སྟེང་དུ་བཞུགས་པ་ལ་བསྐོར་བ། འདུག་དུས་ཕྱག་འཚལ་བ། གཉིད་ཚེ་འོད་གསལ་ཆོས་སྐུའི་རྣལ་འབྱོར། རྨི་ལམ་བཟུང་ནས་སྤྲུལ་བསྒྱུར་ལོངས་སྐུའི་རྣལ་འབྱོར། སད་ཚེ་རྒྱུ་ལུས་སྤྲུལ་སྐུའི་རྣལ་འབྱོར། ཐ་མལ་དང་སྙོམས་འཇུག་གི་ཚེ་རིག་སྟོང་ངོ་བོ་ཉིད་སྐུའི་རྣལ་འབྱོར་ཏེ། སྐུ་བཞིའི་རྣལ་འབྱོར་དུ་ཉམས་སུ་བླངས་ཤིང་། ལས་དང་པོ་པ་ཡིན་ན་ཡང་དེ་དག་ཅི་ལྕོགས་ཙམ་དུ་འདོན་བསྒོམ་བྱ་སྟེ། རྗེས་ཐོབ་ཆུ་ལས་ཉ་བཞིན་བདག་ཉིད་ནི། །དཔལ་ལྡན་སྡོམ་པ་སྒྱུ་མ་ལྟ་བུའི་སྐུའི། །འཁོར་བ་ཇི་སྲིད་དེ་སྲིད་འགྲོ་དོན་མཛད། །བགོ་བ་སྔགས་ཀྱི་གོ་ཆ་མཚན་དཔེས་བརྒྱན། །འགྲོ་འདུག་དཀྱིལ་འཁོར་པ་ལ་བསྐོར་བ་ཕྱག །སད་རྨི་གཉིད་དང་ཐ་མལ་གནས་སྐབས་རྣམས། །སྐུ་བཞིའི་རྣལ་འབྱོར་སྒྱུ་མའི་རྣམ་ཐར་རོ། །ཞེས་འདོན་བསྒོམ་བྱའོ། སྔོན་འགྲོ་བཞི་བསྐྱེད་རྫོགས་དང་བཅས་པ་འདི་རྗེ་ཆོས་ཀྱི་དབང་ཕྱུག་གིས་གསུངས་པའོ། ༈ །དེ་ནས་ཞི་གནས་སྒྲུབ་པ་ལ། ཤིང་བུ་དང་རྡེའུ་ལ་སེམས་བཟུང་བ་འདི་ལ་བོད་ཀྱི་

― CMR051_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་འགའ་ཞིག་གིས་བཀག་ཀྱང་། མདོ་ལུགས་འགའ་ཞིག་ནས་བྱུང་ཞིང་གོང་མ་རྣམས་ཀྱི་ཕྱག་སྲོལ་ཡིན་པས་ལེགས་མོད། འོན་ཀྱང་རྗེ་ཆོས་ཀྱི་དབང་ཕྱུག་གི་ཞལ་ནས། ས་ནག་པོའམ་ཟན་ནག་པོ་ལ་ཀོང་བུ་བྱས་པའི་ནང་དུ་ཐུར་མ་ནག་པོ་སོར་བཞི་བཙུགས་ནས། དེ་ཟླ་ཚེས་དང་ནཱ་དའི་མཚོན་པ་ཡིན་པས་དེ་ལ་སེམས་བཟུང་བ་ལེགས་གསུངས་པས། རྡེའུ་འམ་དེ་འདྲ་ཞིག་ལ་སེམས་ཅི་གནས་སུ་བཟུང་ངོ་། །དེ་ནས་ཏིང་འཛིན་རྒྱལ་པོ་ལས་་གསུངས་པ་ལྟར་། ནམ་མཁའ་ཤཱཀྱ་ཐུབ་པ་སྒོམ་ལ་དེའི་ཐུགས་ཀའམོ་མཛོད་སྤུ་ལྟ་བུ་ལ་སེམས་རྩེ་གཅིག་ཏུ་བཟུང་ངོ་། །རྗེ་དཀོན་མཆོག་འབངས་ཀྱིས། སེམས་གནས་ཀྱི་རྩ་བ་མི་བརྟན་ན། །ཞི་ལྷག་གི་ཉམས་བཟང་མི་སྐྱེ་བས། །དམིགས་བཅས་དང་དམིགས་མེད་གང་ལ་ཡང་། །རྩེ་གཅིག་ཏུ་འཛིན་པའི་གནས་པ་སྐྱོང་། །ཞེས་གསུངས་པ་ལྟར། སེམས་རྩེ་གཅིག་ཏུ་དེ་ལ་གནས་ཅི་ཐུབ་བྱའོ། །དེས་གོམས་ནས་སེམས་གར་གཏད་སར་ནམ་འདོད་བར་མི་འཕྲོ་བར་ལྷན་ནེ་སྡོད། བཏང་ན་གར་འདོད་དུ་འགྲོ་བ་བཀོལ་བཏུབ་པ་འདྲ་ན་ཞི་གནས་ཀྱི་དོན་འགྲུབ་པའོ། །མཚན་བཅས་ཀྱི་ཞི་གནས་བསྒོམ་

― CMR051_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་སོ། །དེང་སང་འགའ་ཞིག་གིས་ཞི་གནས་དེ་ངན་ནེ་ཞིག་ཡིན་སྙམ་པར་བྱེད་དེ། མངོན་ཤེས་རྫུ་འཕྲུལ་ཐམས་ཅད་ཞི་གནས་ལས་འབྱུང་བར་གསུངས་སོ། །དལ་འབྱོར་རྙེད་དཀའ་ནས་མཚན་བཅས་ཞི་གནས་ཡན་ཆད་གྲུབ་མཐའ་ཐམས་ཅད་འདྲ་བར་སྣང་ངོ་། །དེ་ནས་ལྷག་མཐོང་གི་ཡེ་ཤེས་སམ་ལྟ་བ་ངོ་སྤྲོད་ལུགས་མི་འདྲ་བ་གཉིས་ཡོད་དེ། པཎྜི་ཏ་དང་མཁས་པ་རྣམས་མདོ་རྒྱུད་གཞུང་ཆེན་རྣམས་ནས་བཤད་པ་དང་མཐུན་པར། དང་པོ་ཐོས་པས་སྒྲོ་འདོགས་ཕྱི་ནས་བཅད་དེ་མདོ་རྒྱུད་ཀྱི་ལུགས་དང་།། མཐའ་བཞི་སྐྱེ་འགག་དང་གཅིག་ཏུ་བྲལ་གྱི་རིགས་པས་ཆོས་ཀྱི་བདག་མེད་དང་། གང་ཟག་གི་བདག་མེད་གཉིས་གཏན་ལ་ཕབ་ནས། བསྒོམ་རྒྱུའི་ལྟ་བ་ངོས་ཟིན་པར་བྱས་ནས་བཟོད་བསྒོམ་དགོས། དེ་མིན་པར་བསྒོམས་ཀྱང་འབེན་མ་མཐོང་བར་མདའ་འཕེན་པ་དང་འདྲ་བས་ཅིར་འགྱུར་ཆ་མེད་ཟེར་རོ། །མན་ངག་ཟབ་མོའི་ལུགས་སྒོམ་ཆེན་ཀུ་སུ་ལུ་པ་རྣམས་ཀྱི་ལུགས། ཁ་རག་བསྒོམ་ཆུང་གིས། ཚེ་ལ་ལོང་མེད་ཚིག་ལ་ཐུག་པ་མེད། །དེ་བས་དམ་པའི་ཆོས་ལ་ལོངས་མཛོད་ལ། །གསུངས་པ་ལྟར་། ཚིག་གི་མཐའ་ཇི་

― CMR051_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བཅད་ཀྱང་ཟད་མཐའ་མེད། དེ་བས་རྟོགས་ལྡན་གྱི་བླ་མ་དམ་པ་ལ་གསོལ་བ་ཞིག་བཏབ་ཅིང་བསྒོམས་པས་བྱིན་རླབས་ཀྱི་སྟོབས་ཀྱིས་ལྟ་བ་ནང་ནས་འཆར་འོང་གསུངས། དེས་ན་སྔོན་ལ་བསྒོམས་ནས་ལྟ་བ་རྒྱབ་ནས་ངོ་སྤྲོད་པས་ངོ་འཕྲོད་སླ་བས་བཀའ་བརྒྱུད་སྤྱིའི་ལུགས་ཀྱང་དེ་ཡིན་ལ། བདག་གི་འདྲེན་མཆོག་ཆོས་ཀྱི་དབང་ཕྱུག་གི་ཞལ་ནས། བྱུང་ན་དབང་རྣོན་ཆོས་ཀྱི་རྗེས་འབྲང་བྱུང་ན་ལེགས། མ་བྱུང་ན་དབང་རྟུལ་དད་པའི་རྗེས་འབྲང་བྱ། ཞེས་གསུངས་པ་ཐོས་སོ། །དེ་ལྟར་གཉིས་ཀ་འཛོམས་ན་མཆོག་ཡིན་ལ།། དཀོན་མཆོག་འབངས་ཀྱི་གསུངས་ལས། ཆོས་ཐ་སྙད་ཚིག་གི་ཚོགས་འདི་དག །ཉམས་མྱོང་དང་འབྲེལ་བར་མ་མཆིས་ན། །ང་རྒྱལ་གྱི་ས་བོན་ཡིན་ལགས་པས། །ཁ་བཤད་ལ་ཡིད་སྨོན་མ་བྱེད་ཅིག །ཅེས་གསུངས་པ་ལྟར་ཐོས་པ་ལས་ཉམས་སུ་ལེན་པ་གལ་ཆེའོ། །དེ་ལ་ཆོས་སྤྱིའི་ལྷག་མཐོང་ནི་བརྟག་དཔྱད་བྱེད་པ་ཉིད་ལྷག་མཐོང་དུ་བཤད་པས། རང་གི་སེམས་དེ་ལུས་ཕྱི་ནང་ཐམས་ཅད་དུ་ལེགས་པར་འཚོལ། དབྱིབས་ཁ་དོག་ཆེ་ཆུང་ལ་སོགས་ཞེ་ཐག་པ་ནས་ཐག་ཆོད་ཆོད་དུ་ཚོལ། མ་རྙེད་ན་མ་རྙེད་བསམ་མཁན་ཡང་

― CMR051_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོལ། སེམས་འདི་ཡོད་པ་ཞིག་གམ་མེད་པ་ཞིག་གམ་ཡོད་མེད་གཉིས་ཀའམ་ཡོད་མིན་མེད་མིན་ཇི་ལྟ་བུ་ཞེས་ལེགས་པར་ཚོལ། ངེས་པར་ང་ཡི་སེམས་དེ་ལ་ཇི་ལྟ་བུ་ཞིག་ཡོད་སྙམ་དུ་ཐག་ཆོད་པར་བཙལ་ལོ། །དེ་ལྟར་བཙལ་བས་ཡོད་པ་མ་ཡིན་གཟུགས་ཁ་དོག་མེད། མེད་པ་མ་ཡིན་ཅི་ཡང་དྲན་ཞིང་གར་ཡང་ཐོགས་པ་མེད་པར་རྒྱུག་པ། ཡོད་མིན་མེད་མིན་མ་ཡིན་ཏེ་རེ་རེ་ནས་མ་ཡིན་པ། ཅི་ཡང་སྨྲ་མི་ཤེས་པ་འདྲ་བ་ཅི་སྨྲས་ཀྱང་ཕྱོགས་འདྲ་ཙམ་ལས་མི་འགལ་བ་འདྲ་བ་གཅིག་མཐོང་བ་མེད་པར་མཐོང་ངོ་། །དེའི་ཚེ་ལུས་རྣམ་སྣང་ཆོས་བདུན་ལེགས་པར་བཅས་ཏེ། རྐང་པ་རྡོར་དཀྱིལ་ལམ་སེམས་སྐྱིལ། སྒལ་པ་བསྲང་ལག་པ་མཉམ་བཞག་ལྕེ་ཡ་རྐན་ལ་སྦྱར། མགྲིན་པ་ཅུང་ཟད་བཀུག་དཔུང་པ་བརྒྱང་མིག་སྣ་རྩེའི་ཐད་ཀྱི་བར་སྣང་ལ་བལྟ། དེ་ནས་དབུགས་ཕྱི་ནང་དུ་རྒྱུ་བ་ཉེར་གཅིག་ཙམ་མ་འཆུག་པར་གྲངས་སུ་བསྒྲུང་། དེ་ནས་སེམས་ལྷོད་དེ་ཀློད་ལ་སེམས་དེ་ཉིད་ལ་མ་ཡེངས་ཙམ་དུ་ལྟའོ། །འདི་ལ་བོད་ཀྱི་མཁས་པར་གྲགས་པ་འགའ་ཞིག་གིས་བཀག་པ་མཛད་མོད་ཀྱང་། བྲམ་ཟེ་ཆེན་པོ་ར་ཧས། འཇུར་བུའི་བཅིངས་པའི་སེམས་

― CMR051_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་འདི། །ཀློད་ན་གྲོལ་བ་ཐེ་ཚོམ་མེད། །ཅེས་དང་། ་ཏེ་ལོ་པས། མ་བཅོས་གཉུག་མའི་ངང་ལ་ཀློད་ལ་ཞོག །བཅིངས་པ་ཀློད་ན་གྲོལ་བར་ཐེ་ཚོམ་མེད། །ཅེས་སོགས་གསུངས་ཕྱིར་ཐེ་ཚོམ་མི་བྱའོ། །དེ་ལྟར་ཀློད་ནས་བལྟས་པས་སེམས་མི་འཕྲོ་བར་ཀྱི་ལེ་གནས་པར་འདྲ་དེ་གནས་པ་ཟེར། སེམས་མི་འཕྲོ་དགུ་འཕྲོ་གར་ཡང་ཕྱིན་པ་འདྲ་དེ་འགྱུ་བ་ཟེར། གནས་སམ་འཕྲོ་བ་རིག་པ་དེ་རིག་པ་ཟེར་རོ། །རང་བྱུང་རྡོ་རྗེས། ཕྱག་རྒྱ་ཆེན་པོ་ཟེར་བའི་སྒྲ་བོ་ཆེ་གཡེར་པོ་ཆེ་དེ་རང་གི་སེམས་ལ་ཟེར་བ་ཡིན། རང་གི་སེམས་ངོ་མི་ཤེས་ན་ངའི་སེམས་ངའི་སེམས་ཟེར་བའི་རིག་རིག་ཏུར་ཏུར་པོ་འདི་ཡིན། ཞེས་གསུངས་སོ། །འོ་ན་གནས་འགྱུ་ཤེས་ཙམ་ཕྱག་རྒྱ་ཆེན་པོ་ཡིན་སྙམ་ན། དཔེར་ན་ཀ་ཚར་ཤེས་པ་ཡི་གེ་ཤེས་པའི་གྲལ་བརྩི་བ་ཙམ་མོ། །གནས་འགྱུ་ཤེས་ཕྱག་ཆེན་མིན། གནས་འགྱུ་ལས་གཞན་པའི་ཕྱག་ཆེན་མེད་དོ། །དེ་ཉམས་དང་པོ་རི་གཟར་གྱི་ཆུ་ལྟ་བུ་རྣམ་རྟོག་གཅིག་རྒྱབ་གཉིས་རྒྱབ་མང་དུ་སྐྱེ་སྟེ་ང་ལ་སྒོམ་མི་ཆགས་པར་འདུག་སེམས་ཡུད་ཙམ་མི་སྡོད་པར་གདའ་བསམ་པ་འབྱུང་། ། དེ་ལ་སྐྱོང་ལུགས་རབ་འབྲིང་ཐ་གསུམ་ཡོད་

― CMR051_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

དེ། རབ་ནི་གང་ཤར་ངོ་བོ་ལ་བཟོ་བཅོས་མེད་པར་བསྐྱངས་ཏེ། ཤནྟི་པས། གནས་ན་ཞོག་ལ་འཕྲོ་ན་ཐོངས། །གཉེར་ཁ་མ་བྱེད་ཡན་དུ་ཆུག །ཅེས་གསུངས་སོ། །འབྲིང་ནི་རྣམ་རྟོག་གང་ཤར་བ་དེ་ལ་རེ་རེ་བལྟས་པས་གཞི་མེད་དུ་ཡལ་འགྲོ། དེའི་ངང་ལ་ཅུང་ཟད་ཅིག་གནས་ཀྱང་རྣམ་རྟོག་གཅིག་ཤར་འོང་བས་སྔར་ལྟར་བལྟས་ལ་རང་གྲོལ་དུ་བཏང་དེའི་མུ་མཐུད་དོ། །ཐ་མ་སེམས་རྒྱང་རིང་དུ་འཕྲོས་ནས་སོང་ན་ཚུར་བཀུག་པ་ལྟ་བུ་གཅིག་བྱས་ནས་རང་གི་སྙིང་ཁར་སེམས་གཏད་པ་འདྲ་ཞིག་བྱས་ནས་བལྟས་པས་རང་ཞིར་འགྲོ། དེའི་མུ་མཐུད་དེ་དེ་ལ་སྒོམ་ལྕགས་ཀྱུ་མ་ཟེར་རོ། །དེ་ལྟར་སྐྱོང་ལུགས་གསུམ་ཁ་ལ་ལྟ་ཡུན་ཐུང་བ་གསལ་བདོ་ལ་སྐྱུར་ཞིང་ལྟ་གྲངས་མང་བ་དེ་མ་ཐག་ནི་ལྟ་བ་མན་ངག་སྟེ། བཀའ་བརྒྱུད་བླ་མ་རྣམས་ཀྱིས་སྒོམ་དང་ངན་གྱས་མི་བྱ་བཟང་གྱས་བྱ་གསུངས་པའི་དོན་ནོ། །དེ་ནས་ཉམས་གཉིས་པ་ཅོང་རོང་གི་ཆུ་ལྟ་བུ་རེས་འགའ་རྣམ་རྟོག་མང་དུ་འཕྲོ་རེས་འགའ་མི་འཕྲོ་བར་གནས་པ་འབྱུང་ངོ་། དེའི་ཚེ་སེམས་གནས་པའི་ཚེ་དགའ་ཞིང་འཕྲོ་རྒོད་ཆེ་ན་མི་དགའ་བའི་སྣང་བ་འབྱུང་སྟེ། དེ་ལ་སྐྱོང་ལུགས་ནི་

― CMR051_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་འཕྲོ་རྒོད་ཆེ་ན་ལུས་སེམས་ལྷོད་དེ་ལྷོད་ལ་ལྟའོ། །སེམས་གནས་པའི་ཚེ་དེའི་ངོ་བོ་ལ་ཧྲིག་གེར་ལྟའོ། །གནས་པ་དང་འགྱུ་བ་གཉིས་ལ་བཟང་ངན་ཅུང་ཟད་ཀྱང་མེད་དེ་དགའ་སྡུག་མི་བྱའོ། །སེམས་རྟོག་པ་ལ་སྐྱོན་དུ་ལྟ་མི་དགོས། མི་རྟོག་པ་ལ་ཆེད་དུ་བསྒྲུབ་མི་དགོས། གང་ཤར་གྱི་ངོ་བོ་ཞིག་ལྟོས་དང་ཅེས་བཀའ་བརྒྱུད་རྣམས་དང་ཡང་དགོན་པས་གསུང་སྐད་དོ། །དེ་ལྟར་སྐྱོང་བས་ཉམས་གསུམ་པ་ཆུ་བོ་གང་གཱ་ལྟ་བུ་འཆར་ཏེ། གནས་ཉམས་ཆེན་པོའི་ངང་ནས་རྣམ་རྟོག་ཅུང་ཟད་ཅུང་ཟད་འཕྲོ་བ་ཞིག་འབྱུང་། དེ་ཡང་རླུང་ཁམས་པའི་རིག་ལ་འཕྲོ་རྒོད་ཤས་ཆེ་གནས་ཉམས་ཆེན་པོ་མི་ཡོང་། ཆུ་ཁམས་པའི་རིགས་ལ་བདེ་ཉམས་ཤས་ཆེ་སྟེ་ལུས་སེམས་བདེ་འབོལ་ལེ་འབྱུང་། མེ་ཁམས་པའི་རིགས་ལ་གསལ་ཉམས་ཤས་ཆེ་སྟེ་གསལ་ཉམས་ལྷང་ངེ་བ་འབྱུང་། ། ས་ཁམས་པ་ལ་མི་རྟོག་པ་ཤས་ཆེ་སྟེ་རྣམ་རྟོག་ཉུང་གནས་ཉམས་ཆེའོ། །འདིའི་དུས་སྐྱོང་ལུགས་ཀྱི་གནད་ནི། རེ་མདའ་བའི་ཞལ་ནས། ལྕགས་པར་ཐོངས་ལ་དྲན་པའི་རྒྱུངས་སོ་ཚུགས། །ཞེས་གསུངས་པ་ལྟར། གང་ཤར་གྱི་ངོ་བོ་ལ་མ་ཡེངས་ཙམ་དུ་སྐྱོང་ངོ་། །དེ་ནས་

― CMR051_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་བཞི་པ་རྒྱ་མཚོ་རླུང་གིས་མ་བསྐྱོད་པ་ལྟ་བུ་སེམས་མེ་རེ་འཁྱིལ་ལེ་གནས་པ་རྣམ་རྟོག་ཉུང་ཞིང་རྣམ་རྟོག་གང་ཤར་ཡང་གནས་ཉམས་དེའི་ངང་ནས་ཆུ་དང་རླབས་བཞིན་རང་གྲོལ་དུ་འགྲོ་བ་གཅིག་འབྱུང་། དེའི་ཚེ་ཀློད་དྲགས་ན་གསལ་དངས་མི་ཐོན་པར་རླགས་སེ་བ་འདྲ་བ་ཞིག་འབྱུང་བས་ཅུང་ཟད་ཀྲིམ་མེ་ལུས་སེམས་བསྒྲིམ་ཞད་གཅིག་བྱས་ལ་ཧྲིག་གེ་ལྟའོ། །གང་ཤར་དེ་ལ་ཧྲིག་གེ་བལྟས་པས་ཅིའི་ངོ་བོར་ཡང་མ་གྲུབ་པ་ལ། འདི་ལྟ་བུའོ་ཞེས་དེའི་གནས་ཚུལ་བརྗོད་མི་ཤེས་པ་དེའི་ཕྱོགས་འདྲ་རེ་འདི་འདྲའོ་ཞེས་བརྗོད་ན་བརྗོད་རྒྱུ་ཟད་པ་མེད་པ་དེ་ལྟ་བུ་གཅིག་འབྱུང་སྟེ། འདིའི་སྐབས་སུ་ངོ་སྤྲད་ན་ལེགས་ཤིང་ངོ་སྤྲོད་སྔ་ན་དྲེད་པོར་འགྱུར་རོ། །དུས་སུ་ངོ་མ་སྤྲད་ན་ངོ་མི་འཕྲོད་ཅིང་སྐྱོང་མི་འདོད་པར་འགྱུར་བས་སོ། །གཞུང་ལས་སེམས་ལ་རྟོག་པ་གང་ཡང་མི་འཆར་བར་རྗེན་ལྷང་ངེར་ལུས་པ་ལྟ་བུའམ་སྟོང་ཕྱམ་མེར་སོང་བ་ལྟ་བུའི་ཉམས་ཤིག་ཡོད་པ་དེ་ལ་དྲན་པས་ཁ་ནང་དུ་ཕྱོགས་ཏེ་བལྟས་པས་ཡོད་མེད་སོགས་གང་དུའང་མ་གྲུབ་པ་སྨྲ་བསམ་གྱི་ཡུལ་ལས་འདས་པར་གོ་བ་ན་སེམས་ངོ་མཐོང་བ་ཞེས་ཐ་སྙད་མཛད་པ་ལགས་ཤིང་། །

― CMR051_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་སོ། །དེས་ན་སེམས་ཕྱི་རོལ་དུ་བཙལ་བས་མི་རྙེད་པ་ཕྱི་སྟོང་པ་ཉིད་དང་། ནང་དུ་བཙལ་བས་མི་རྙེད་པ་ནང་སྟོང་པ་ཉིད་དང་། གཉིས་ཀར་བཙལ་བས་མི་རྙེད་པ་ཕྱི་ནང་སྟོང་པ་ཉིད་སོགས་སྟོང་ཉིད་བཅོ་བརྒྱད་སེམས་ལ་ཚང་ཚུལ་དང་། སེམས་ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། མི་འགག་ཅིར་ཡང་འཆར་བ་སྤྲུལ་སྐུ། དེ་གསུམ་དབྱེར་མེད་པ་ངོ་བོ་ཉིད་སྐུ་ཡིན་ལ། དེ་བཞིན་དུ་གནས་པ་ཆོས་སྐུ། འགྲུ་བ་སྤྲུལ་སྐུ། རིག་པ་ལོངས་སྐུ། དེ་གསུམ་དབྱེར་མེད་ངོ་བོ་ཉིད་སྐུའི་རང་བཞིན་ཡིན་ནོ། །སེམས་དངོས་པོར་མ་གྲུབ་པས་ཡོད་པ་མ་ཡིན། ཅི་ཡང་དྲན་ཅིང་རིག་པས་མེད་པ་མ་ཡིན། ཡོད་མེད་གཉིས་ཀ་མ་ཡིན་ཏེ་རེ་རེ་ནས་མིན། གཉིས་མིན་མ་ཡིན་ཏེ་མི་སྲིད། དེས་ན་མཐའ་བཞི་དང་བྲལ་བའི་དབུ་མ་ནི་རང་གི་སེམས་འདི་ཡིན་ནོ། །འདི་ཤེས་ན་ཤེས་བྱ་ཐམས་ཅད་ཀྱི་རབ་ཡིན་ལ། འདི་བསྒོམས་ན་འཁོར་བའི་རྒྱ་མཚོའི་ཕ་རོལ་ཏུ་ཕྱིན་པས་ཤེས་རབ་ཕར་ཕྱིན་ཡང་འདི་ཡིན། འདི་ལ་མ་ཚང་བ་དང་མ་རྫོགས་པའི་ཆོས་མེད་ཅིང་འདི་བས་ལྷག་པའམ་གོང་དུ་ཆོས་གཞན་མེད་པས་རྫོགས་པ་ཆེན་པོའོ། །

― CMR051_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཉིད་སྟོང་པ་ཉིད་ཀྱི་ཕྱག་རྒྱ་འདི་ལ་འཁོར་འདས་ཀྱི་ཆོས་ཐམས་ཅད་འདའ་ས་མེད་པས་ཕྱག་རྒྱ་ཆེན་པོའོ། །འདི་རྟོགས་ན་སྲིད་པའི་སྡུག་བསྔལ་ཐམས་ཅད་ཞི་བར་བྱེད་པས་སྡུག་བསྔལ་ཞི་བྱེད་དོ། །དེ་ལ་བཀའ་བརྒྱུད་རིན་པོ་ཆེའི་སྙན་བརྒྱུད་ཀྱི་རྩ་བ་ནི། དྭགས་པོ་རིན་པོ་ཆེས། སེམས་ཉིད་ལྷན་ཅིག་སྐྱེས་པ་ཆོས་ཀྱི་སྐུ། །རྣམ་རྟོག་ལྷན་ཅིག་སྐྱེས་པ་ཆོས་ཀྱི་རླབས། །སྣང་བ་ལྷན་ཅིག་སྐྱེས་པ་ཆོས་སྐུའི་འོད། །དབྱེར་མེད་ལྷན་ཅིག་སྐྱེས་པ་ཆོས་སྐུའི་དོན་ཡིན་གསུངས་པས། ཕྱི་ཚོགས་དྲུག་གི་སྣང་བ་འདི་ཐམས་ཅད་སེམས་ཡིན། ཕྱི་རོལ་དུ་དངོས་སུ་གྲུབ་པ་མེད་དེ་རྨི་ལམ་གྱི་ཡུལ་དུ་སྣ་ཚོགས་སྣང་བ་དང་ཁྱད་མེད་རྨི་ལམ་བག་ཆགས་སྲབ་པས་སད་ནས་མི་བདེན་པར་རྟོགས་སླ། ད་ལྟའི་སྣང་བ་འདི་ཡང་འཁྲུལ་པའི་བག་ཆགས་འཐུག་པས་མི་བདེན་པར་རྟོགས་དཀའ་ན་ཡང་དོན་ལ་ནི་བདེན་གྲུབ་ཏུ་མེད་པར་ཐག་ཆོད་པས་དེས་ན་སྣང་བ་སེམས་སུ་ཐག་བཅད། སེམས་ནི་དང་པོ་བྱུང་ས་བཙལ་བས་མ་རྙེད་པ་སྐྱེ་མེད། ད་ལྟ་གང་དུ་གདའ་བལྟས་པས་གནས་ས་མེད་པས་གནས་མེད། ཐ་མ་གང་དུ་འགྲོ་བལྟས་པས་འགྲོ་ས་མེད་པས་འགག་

― CMR051_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

མེད། སྐྱེ་འགག་གནས་གསུམ་དང་བྲལ་བ་ཆོས་སྐུ་ཡིན་ནོ། །དེས་ན་སེམས་དེ་སྨྲ་བསམ་བརྗོད་པ་དང་བྲལ་བས་སྟོང་ཉིད་དུ་ཐག་བཅད། སྟོང་ཉིད་དེ་ཆོས་སྐུར་ཐག་བཅད་དོ། །དེ་ལྟར་ངོ་སྤྲོད་པའི་ལུགས་ནི་མཐའ་ཡས་པ་གཅིག་ཡོད་པ་རྒྱས་པར་མདོ་རྒྱུད་གསུང་འབུམ་ཐམས་ཅད་ལ་ལྟ་བར་བྱ་འདིར་བྲིར་མ་ལོང་ལ། ཅུང་ཟད་ཡིད་ཆེས་ཕྱིར་བཀོད་ན། གྲུབ་ཆེན་ཤ་བ་རིས། ཆོས་རྣམས་ཐམས་ཅད་རང་གི་སེམས་ཡིན་ཏེ། །སེམས་ལས་མ་གཏོགས་ཆོས་གཞན་རྡུལ་ཙམ་མེད། །གང་གི་གདོད་ནས་སེམས་མེད་རྟོགས་པ་ཡི། །དུས་གསུམ་རྒྱལ་བའི་དགོངས་པ་དམ་པ་རྙེད། །ཅེས་དང་། ནཱ་རོ་པས། སྣང་ཞིང་སྲིད་པའི་ཆོས་འདི་རྣམས། །རང་རིག་སེམས་ལས་གུད་ན་མེད། །ཅེས་དང་། །མཻ་ཏྲི་པས། སོ་སོ་སྣ་ཚོགས་རང་གི་སེམས་ཉིད་ཡིན། །འཁོར་འདས་ཐམས་ཅད་རྣལ་འབྱོར་དབྱེ་རུ་མེད། །དཔེར་ན་ཆུ་དང་དེ་ཡི་རླབས་བཞིན་ནོ། །ཞེས་དང་། ཏཻ་ལོ་པས། དེ་ལྟར་སེམས་ཀྱི་རང་བཞིན་གདོད་ནས་ནམ་མཁའ་འདྲ། །ཆོས་རྣམས་མ་ལུས་དེ་རུ་མ་འདུས་མེད། །ཅེས་གསུངས་སོ། །འོ་ན་སེམས་དེ་ངོ་མི་ཤེས་སྙམ་ན་འཇིག་

― CMR051_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་གསུམ་མགོན་གྱི་ཞལ་ནས། བདེ་སྡུག་ཉམས་སུ་མྱོང་བ་དང་བཅས་པའི་ཤེས་རིག་མངོན་གསུམ་པ་ཝལ་ཝལ་ཧྲིག་ཧྲིག་པ་འདི་ཁོ་ན་རང་ཡིན་ནོ། །ཞེས་གསུངས་པ་དང་། རང་བྱུང་རྡོ་རྗེས། སེམས་ངོ་མི་ཤེས་ན་ངའི་སེམས་ངའི་སེམས་ཟེར་བའི་རིག་རིག་ཏུར་ཏུར་པོ་འདི་ཡིན། །ཅེས་གསུངས། ཨོ་རྒྱན་རིན་པོ་ཆེས། ཡིད་ཀྱི་བསམ་མཁན་ཁོ་རང་ཡིན་པ་ལ། །ཞེས་གསུངས་སོ། །སྐྱོབ་པ་རིན་པོ་ཆེས། སེམས་འདི་ཉིད་མི་དྲན་དགུ་དྲན་མི་འགྱུ་དགུ་འགྱུ་མི་རིག་དགུ་རིག་མི་བཀྲ་དགུ་བཀྲ་མི་ཤེས་དགུ་ཤེས་མི་འཆར་དགུ་འཆར་མི་ཚོར་དགུ་ཚོར་མི་འཇུག་དགུ་འཇུག་གི་ཤེས་པ་ཅན་ནེ་ཤེས་ལ། ཅན་ནེ་རིག་པའི་སེམས་དེ་ལྟ་རང་གི་མངོན་སུམ་དུ་ལྷག་གེ་བ་འདི་ཡིན་ནོ། །ཞེས་གསུངས་སོ། །དེ་ལྟའི་སེམས་དེ་སྟོང་ཉིད་ཡིན་པར་ཀླུ་སྒྲུབ་ཀྱི་ཞལ་ནས། རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་ཡིན་ནོ། །ཞེས་དང་། རྨད་དུ་བྱུང་བའི་རྒྱུད་ལས། རང་གི་སེམས་ལས་གཞན་པའི་ཆོས། །ཕྱོགས་བཅུའི་འཇིག་རྟེན་གང་ནས་ཀྱང་། །རྒྱལ་བ་རྣམས་ཀྱིས་མ་རྙེད་པས། །དེ་ལས་གཞན་དུ་མ་ཚོལ་ཅིག །

― CMR051_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་གསུངས་སོ། །དེ་ལྟར་སེམས་དེ་བདེ་གཤེགས་སྙིང་པོ་ཡིན། རྒྱུ་ཡི་རྒྱུ་ཡིན། གཞི་ཡིན་ལྟ་བ་ཡིན། སྟོང་ཉིད་ཕྱག་རྒྱ་ཆེན་པོ་ཡིན་ནོ། །འོ་ན་ཆོས་ཐམས་ཅད་སེམས་སུ་འདོད་ན་སེམས་ཙམ་པའི་ལྟ་བ་དང་ཁྱད་མེད་དོ་སྙམ་ན། ཆོས་ཐམས་ཅད་སེམས་སུ་འདོད་པ་ལ་འདྲ་ཡང་སེམས་ཙམ་པས་སེམས་དེ་དོན་དམ་པར་བདེན་གྲུབ་ཏུ་འདོད་ལ། །རང་རེས་སེམས་ཉིད་ཀྱང་བདེན་པར་གྲུབ་པ་སྤུ་ཙམ་མེད་དེ། སྟོང་པ་ཉིད་བརྗོད་པའི་ཡུལ་ལས་འདས་པས་སེམས་ཙམ་པ་དང་མི་འདྲའོ། །བོད་ཀྱི་མཁས་པ་འགའ་ཞིག་གིས་ལུང་རིགས་ཀྱི་སྒོ་ནས་ལྟ་བ་ཚོལ་ཏེ། མདོ་རྒྱུད་ཀྱི་ལུང་རྣམ་དག་དང་། གཅིག་ཏུ་བྲལ་གྱི་རིག་པ་དང་མཐའ་བཞི་སྐྱེ་འགག་གི་རིགས་པ་སོགས་ཡིད་ཡུལ་དུ་བཤར་སྦྱངས་བྱས་ནས་ཆོས་ཐམས་ཅད་སྟོང་པ་ཉིད་དུ་གོ་བའི་ངེས་ཤེས་དྲག་པོ་སྐྱེས་ཙམ་ན། དེའི་ངང་ལ་ཡུད་ཙམ་བཞག་ལ་ཡང་སྔར་ལྟར་བརྟག་དཔྱད་བྱེད་དགོས་ཏེ། བརྟག་དཔྱད་དེ་ལྷག་མཐོང་སོ་སོར་རྟོག་པའི་ཤེས་རབ་ལྷག་མཐོང་ཡིན། ངེས་ཤེས་ཤུགས་དྲག་པོ་ལ་སེམས་མི་འཕྲོ་བར་གནས་པ་ཞི་ལྷག་ཟུང་འཇུག་ཡིན། སེམས་ཅི་ཡང་མི་འཕྲོ་བར་གར་གཏད་པར་གནས་

― CMR051_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཞི་གནས་ཡིན་ཟེར་མོད། མཁས་པ་གཞན་རྣམས་ཀྱང་ཐུན་རེ་རེ་ཞིང་བརྟག་དཔྱད་མི་དགོས་ཀྱང། དང་པོ་བརྟག་དཔྱད་ཐག་ཆོད་པར་ལུང་རིགས་ཀྱི་སྒོ་ནས་ངེས་ཤེས་སྐྱེ་བ་རེ་དགོས་གསུངས་ལ། དེ་རྣམས་ནི་སྤྲོས་པ་ཕྱི་ནས་གཅོད་པའི་ལུགས་ཡིན་ནོ། །འདིར་དགེ་བཤེས་བྱ་ཡུལ་བའི་ཞལ་ནས། ཐབ་ཀའི་མེ་སོད་ན་སྐར་ཁུང་གི་དུ་བ་རང་འགགས་སུ་འགྲོ་བ་ཡིན། ཞེས་གསུངས་པ་ལྟར་བླ་མ་ལ་གསོལ་བ་བཏབ་ནས་ལུང་རིགས་ལ་བརྟག་དཔྱད་བྱ་མི་དགོས། བུ་རམ་ཁར་མྱོང་བ་ལ་དེའི་ལོ་རྒྱུས་བསམ་མི་དགོས་པས་རང་གི་སེམས་ཀྱིས་སེམས་ལ་བཟོས་བཅོས་མེད་པར་ལྟ་བ་ཁོ་ནས་ཆོག་སྟེ། ཤ་ཝ་རི་པས། ཀྱེ་ཧོ་མ་ཡེངས་སེམས་ཀྱིས་རང་གི་རང་ལ་ལྟོས། །རང་གི་སེམས་ཉིད་རང་གིས་རྟོགས་གྱུར་ན། །ཡེངས་བའི་སེམས་ཀྱང་ཕྱག་རྒྱ་ཆེན་པོར་འཆར། །ཞེས་དང་། །ཏཻ་ལོ་པས། ནམ་མཁའི་དཀྱིལ་བལྟས་མཐོང་བ་འགག་པར་འགྱུར། །དེ་བཞིན་སེམས་ཀྱིས་སེམས་ལ་བལྟས་བྱས་ན། །རྣམ་རྟོག་ཚོགས་འགག་བླ་མེད་བྱངཆུབ་འཐོབ། །ཅེས་དང་། སྙན་བརྒྱུད་རྡོ་རྗེའི་ཚིག་རྐང་ལས། །བལྟས་པས་མཐོང་མེད་སེམས་ཀྱི་

― CMR051_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཉིད་ལྟོས། །དམིགས་སུ་མེད་པའི་མ་བཅོས་རང་སར་ཞོག །གཞན་དུ་མ་ཚོལ་ངོ་བོ་རྟོགས་པར་གྱིས། །ཞེས་དང་། མ་གཅིག་ལབ་སྒྲོན་གྱི། དེ་བཞིན་རང་སེམས་ངོ་ཤེས་ན། །སངས་རྒྱས་གཞན་ནས་བསྒྲུབ་མི་དགོས། །ཞེས་དང་། རྗེ་མར་པས། འཁོར་བ་སྐྱོན་དུ་མི་ལྟ་ཞིང་། །མྱ་ངན་འདས་ལ་མི་རེ་བ། །ཐ་མལ་ཤེས་པ་རང་ལུགས་དེ། །མ་བཅོས་སོ་མ་ཉིད་དུ་ཞོག །ཅེས་གསུངས་སོ། །རྗེ་མི་ལས། ལྟ་བ་ཡིན་པར་ངེས་ཀྱི་རང་གི་སེམས་ལ་ལྟོས། ཞེས་དང་། རང་བྱུང་བས། རང་གི་སེམས་ལ་ལྟ་བས་ལྟ་བ་ཡིན། །ཅེས་གསུངས་པས། རང་གི་སེམས་ལ་སེམས་ཀྱིས་བཅོས་བསླད་མེད་པར་ལྟ་བ་འདི་ལྟ་བ་ཡིན་པར་ཐག་བཅད་དོ། ། །དེ་ཅིའི་ཕྱིར་ཞེ་ན། རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས། དེ་ལ་བྱང་ཆུབ་གང་ཞེ་ན། རང་གིས་སེམས་ཡང་དག་པར་ཅི་ལྟ་བ་བཞིན་དུ་ཡོངས་སུ་ཤེས་པ་སྟེ། དེ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ། །ཞེས་དང་། རྡོ་རྗེ་གུར་ལས་ཀྱང་། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་དང་། །

― CMR051_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་མདའ་བ་གཞོན་ནུ་བློ་གྲོས་ཀྱིས། འཁོར་འདས་དབྱེར་མེད་རོ་གཅིག་ཕྱག་རྒྱ་ཆེ། །ཡོད་མེད་རྟག་ཆད་སྤང་བ་གཉུག་མའི་སེམས། །ཞེས་རང་སེམས་དེ་ཉིད་ལྟ་བའི་དངོས་གཞིར་གསུངས་སོ། །སེམས་ཀྱི་རྩ་བ་འདི་ཆོད་ན་ཆོས་ཐམས་ཅད་ཀྱི་རྩ་བ་དུས་གཅིག་ལ་ཆོད་ནས་གཅིག་ཤེས་པས་ཀུན་གྲོལ། ཆུ་བརྒྱ་ཟམ་པ་གཅིག་གི་འོག་ཏུ་ཚུད། བྱ་བརྒྱ་འུར་རྡོ་གཅིག་གིས་དེད་པའི་གདམས་པ་ཡིན་ཏེ། ཏེ་ལོ་པས། དཔེར་ན་ལྗོན་ཤིང་སྡོང་པོ་ཡལ་ག་ལོ་འདབ་རྒྱས། །རྩ་བ་གཅིག་བཅད་ཡལ་ག་ཁྲི་འབུམ་སྐམ། །དེ་བཞིན་སེམས་ཀྱི་རྩ་བ་བཅད་ན་འཁོར་བའི་ལོ་འདབ་སྐམ། །དཔེར་ན་བསྐལ་པ་སྟོང་དུ་བསགས་པའི་མུན་པ་ཡང་། །སྒྲོན་མེ་གཅིག་གིས་མུན་པའི་ཚོགས་རྣམས་སེལ། །དེ་བཞིན་རང་སེམས་འོད་གསལ་སྐད་ཅིག་གིས། །བསྐལ་པར་བསགས་པའི་མ་རིག་སྡིག་སྒྲིབ་སེལ། །ཅེས་དང་། སྙན་བརྒྱུད་རྡོ་རྗེའི་ཚིག་རྐང་ལས། །ཐ་མལ་རང་ལུགས་ཆེན་པོར་བཞག་པས་ན། །འཕོ་འགྱུར་མེད་པ་ནམ་མཁའི་ཀློང་ཡངས་སུ། །སྐྱེ་ཤི་མེད་པ་ཆོས་སྐུའི་ལུས་ཐོབ་འགྱུར། །ཞེས་དང་། གསང་བ་མཛོད་ཀྱི་རྒྱུད་

― CMR051_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། སེམས་ནི་རིན་ཆེན་སྒྲོན་མེ་ཡིས། །མ་རིག་མུན་པའི་རང་བཞིན་གསལ། །སེམས་ཀྱི་ཟླ་བ་ཤར་བ་ཡིས། །འདོད་ཆགས་ལ་སོགས་གདུང་བ་སེལ། །སེམས་ཀྱི་ཐུགས་རྗེས་ཆར་ཕབ་པས། །ཉོན་མོངས་ཐལ་བ་ཚིམ་པར་བྱས། །རང་ལས་མ་གཏོགས་གཞན་སྣང་དང་། །སེམས་ལས་མ་གཏོགས་སངས་རྒྱས་ནི། །ཡོད་མིན་བཙལ་བར་མི་བྱའོ། །ཞེས་དང་། གང་ལ་སེམས་ཀྱི་དམ་པ་རིན་ཆེན་དེ། །རྟོགས་པ་དེ་ལ་ཀུན་ཀྱང་བཀུར་བར་བྱ། །ཕྱོགས་བཅུའི་དཔའ་བོ་མཁའ་འགྲོ་མ་ཚོགས་ཀྱང་། །དེ་ལ་རྟག་ཏུ་སྲུང་དང་སྐྱབས་དང་སྦ། །བསྔགས་ཤིང་བསྟོད་དང་མཆོད་པ་ལ་སོགས་བྱེད། །དེས་ནི་ཚད་མེད་སྐྱེ་བོའི་ཚོགས་རྣམས་དང་། །དགྲ་དང་བདུད་ཀྱི་སྡེ་ནི་རབ་ཏུ་བཅོམ། །བདེ་མཆོག་བདེ་བླག་ཉིད་དུ་ཐོབ་པར་བྱེད། །འཁོར་བའི་ཆུ་བོ་འདི་ཡིས་སྒྲོལ་བ་ལས། །ཐབས་གཞན་གང་གིས་ངེས་པར་སྒྲོལ་མ་ཡིན། །ཉོན་མོངས་གཡུལ་ལས་འདི་ཡིས་རྒྱལ་བ་ལས། །དཔའ་བོ་གཞན་གྱིས་གཡུལ་ལས་རྒྱལ་མ་ཡིན། འཁོར་བར་འཆིང་བའི་སྲེད་བུ་འདི་ཡིས་གྲོལ་བ་ལས། །མཚན་མའི་ལས་གཞན་གང་གི་འང་གྲོལ་མ་ཡིན། །

― CMR051_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་ཁྲིམས་འཆལ་པ་དམ་ཚིག་ཉམས་རྣམས་ཀྱི། །བསྡམས་ཤིང་གསོ་བའི་མཆོག་ཀྱང་འདི་ཡིན་ནོ། །བཀྲེས་སྐོམ་འཇིགས་ཚོགས་སྡུག་བསྔལ་དུ་མ་ཡི། །མགོན་དང་སྐྱབས་ཀྱི་མཆོག་ཀྱང་འདི་ཡིན་ནོ། །ནད་དང་དུག་སོགས་སྡུག་བསྔལ་དུ་མ་ཡི། །གསོ་བའི་སྨན་གྱི་མཆོག་ཀྱང་འདི་ཡིན་ནོ། །ཞེས་དང་། དོན་ཡང་དག་པར་བསྟན་པའི་མདོ་ལས། སེམས་ཀྱི་རང་བཞིན་ཤེས་ན་ཆོས་ཐམས་ཅད་ཀྱི་རང་བཞིན་ཤེས་པར་འགྱུར་རོ། །སེམས་སྣང་བའི་ཡུལ་ལ་ཆགས་པར་མི་འགྱུར། ཆགས་པ་མེད་ན་ཉོན་མོངས་པ་སྐྱེ་བར་མི་འགྱུར། ཉོན་མོངས་པ་མ་སྐྱེས་ན་འཁོར་བར་མི་འགྱུར་བའི་ཕྱིར་རོ། །ཞེས་དང་། རིགས་ཀྱི་བུ་སེམས་ཀྱི་རང་བཞིན་མ་ཤེས་ན། སྦྱིན་པ་ལ་སོགས་པ་བསོད་ནམས་བྱ་བའི་དངོས་པོ་ལུས་ངག་གི་འབད་པ་ཐམས་ཅད་བྱས་ཀྱང་ཆོས་ཀྱི་སྐུ་ཐོབ་པར་མི་འགྱུར་རོ། །དེ་མ་ཐོབ་ན་གཟུགས་སྐུ་གཉིས་ཀྱང་གདུལ་བྱ་ལ་སྣང་བར་མི་འགྱུར་རོ། །ཞེས་གསུངས། ཀླུ་སྒྲུབ་ཀྱི་སེམས་ཀྱི་རྡོ་རྗེ་ལ་བསྟོད་པ་ལས། རིན་ཆེན་སེམས་ནི་རྣམ་གྲོལ་ལས། །ལྷ་རྣམས་བསྒྲུབ་ཏུ་ཡོད་མ་ཡིན། །སེམས་མཐོང་བས་ནི་བྱང་

― CMR051_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སྟེ། །ཞེས་གསུངས། མདོར་ན་སེམས་སྟོང་ཉིད་ཕྱག་རྒྱ་ཆེན་པོའི་དོན་འདི་མ་རྟོགས་ན། བསྐལ་པ་གྲངས་མེད་པ་བྱེ་བ་འབུམ་དུ་ཚོགས་བསགས་སྒྲིབ་པ་སྦྱང་ཡང་འཁོར་བ་ནས་ཐར་མི་སྲིད་པ་མདོ་རྒྱུད་མན་ངག་ཐམས་ཅད་ནས་གསུངས་པས། དམ་པའི་ཆོས་ཐམས་ཅད་ཀྱི་སྲོག་རྩ་ཡིན་པར་ཤེས་པར་བྱའོ། །དེ་ལྟར་ཐག་ཆོད་པའི་ལྟ་བ་དེ་ཉིད་བསྒོམས་པས་ཉམས་སུ་ལེན་ཚུལ་ནི། གཞུང་ལས་སེམས་དེ་གའི་ངོ་བོར་བལྟས་པས་གཞི་མེད་དུ་རྩལ་གྱིས་ཡལ་འགྲོ་བ་དེ་མཐུད་ནས་སྐྱོང་བ་ལ་ངོར་ལྟ་དང་། གང་ཤར་གྱི་ཉམས་སྐྱོང་བ་ཞེས་གྲགས་པ་ཡིན་པས། ཞེས་གསུངས། དེ་ལ་དུས་རྒྱུན་ཏུ་སེམས་མ་བཅོས་པར་རང་ལུགས་སུ་ལྷོད་དེ་ཀློད་ལ་མ་ཡེངས་ཙམ་དུ་ངོ་བོ་ལྟའོ། །དེའི་ཚེ་སེམས་གར་ཡང་མི་འཕྲོ་བར་གནས་པ་དེ་ཞི་གནས། དེའི་ངོ་བོ་ལ་བལྟས་པས་ཅིར་ཡང་མ་གྲུབ་པའི་ངང་ལ་སྟོང་སང་ངེ་བ་འདྲ་བ། ངག་ཏུ་བརྗོད་མ་ཤེས་ཀྱང་ཡིད་ཡུལ་དུ་མྱོང་རྒྱུ་ཡོད་པ་འདྲ་བ་ཞིག་ཡོད་པ་དེ་ལྷག་མཐོང་ངོ་། །དེ་གཉིས་དབྱེར་མེད་མེད་དེ་རོ་གཅིག་པ་དེ་ཞི་ལྷག་ཟུང་འཇུག་ཡིན་ནོ། །དེ་སྐྱོང་ལུགས་རབ་འབྲིང་ཐ་གསུམ་ལས། རབ་གང་ཤར་ལ་

― CMR051_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

དགག་སྒྲུབ་མེད་པར་མ་ཡེང་ཙམ་དུ་སྐྱོང་བས་ཆུ་དང་རླབས་བཞིན་རང་གྲོལ་དུ་འགྲོ། འབྲིང་དྲན་རྟོག་ནམ་ཤར་དེའི་ངོ་བོ་ལ་ཅེར་གྱིས་བལྟས་པས་རང་ཞིར་འགྲོ། ཐ་མ་དྲན་རྟོག་རེ་སྐྱེས་ཙ་ན་དེའི་བྱུང་གནས་སོགས་རྩད་བཅད་པས་གཞི་མེད་རྩ་བྲལ་དུ་རྟོགས་ཙམ་ན། སྨྱུག་མའི་ནགས་ཚལ་ནས་སྨྱུག་མ་གཅིག་བཅད་ནས་ནང་སྙིང་པོ་མེད་པར་སྟོང་པར་མཐོང་ཙམ་ན་སྨྱུག་གི་ནགས་ཚལ་ཐམས་ཅད་དེ་དང་འདྲ་བར་གོ་བ་ལྟར། རྣམ་རྟོག་གཅིག་རང་བཞིན་མེད་པར་རྟོགས་ནས། རྣམ་རྟོག་ཐམས་ཅད་དེ་དང་མཚུངས་པར་ཤེས་པར་བྱས་ལ་མ་ཡེངས་ཙམ་དུ་བསྐྱང་ངོ་། །དྭགས་པོ་རིན་པོ་ཆེས་གསུངས། དྲན་རྟོག་ལ་གཅེར་གྱིས་ལྟ་བ་རང་སེམས་མ་བུ་འཕྲོད་པའི་གནད་ཡིན། སེམས་ལྷོད་ཀྱི་ཀློད་ནས་རིག་པ་རྟེན་མེད་དུ་ཅེན་ནེ་འཇོག་པ་བཞག་ཐབས་ཀྱི་གནད་ཡིན། ཡེངས་སུ་མི་འཇུག་པར་ཡང་ཡངསེམས་ལ་ལྟ་བ་གསལ་འདེབས་ཀྱི་གནད་ཡིན། ཅེས་དང་། པཎ་ཆེན་ཤཱཀྱ་ཤྲིས། རབ་ཅིར་སྣང་རང་སར་བཞག་པ། འབྲིང་གང་ཤར་ངོ་ཡི་བཟུང་བ། ཐ་མ་འགྱུ་བའི་རྩད་གཅོད་ཅིང་དྲན་རྟོག་རང་ཡལ་དུ་བཏང་ངོ་། །ཞེས་

― CMR051_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་སོ། །ཇོ་བོ་གསེར་གླིང་པས། རྒྱངས་ཀྱིས་སྐྱུར་ལ་ལྷོད་ཀྱིས་ཀློད། །ཤིགས་ཀྱི་ཤིག་ལ་འབོལ་ལེ་ཞོག །ཅེས་དང་། ཇོ་བོ་ཨ་ཏི་ཤས། ཆོས་ཐམས་ཅད་རང་གི་སེམས་སུ་ཤེས་པར་བྱས་ལ་སེམས་ཀྱི་ངང་དུ་བཞག །སེམས་རང་སར་བཞག །སེམས་ཀློད་ལ་བཞག །སེམས་རང་གར་བཞག་།སེམས་ལྷུག་པར་བཞག །ཅེས་གསུངས། ས་ཆེན་ཀུན་དགའ་སྙིང་པོས། གཉིས་མེད་ཕྱག་རྒྱ་ཆེན་པོ་ལ། །རྟོག་པའི་དུས་ཀྱང་མི་གདའ་ན། །རྔ་མོང་བུ་དང་འཕྲད་པ་ལྟར། །སེམས་ངོ་ཤེས་ན་རྟོག་པ་ལགས། ་།ཞེས་དང་། ས་སྐྱ་གྲགས་པ་རྒྱལ་མཚན་གྱིས། སོ་མ་ལྷུག་པ་རངོ་ཐང་ལ་མ་བཅོས་པར་བཞག །ཅེས་གསུངས་པ་དང་། པཎྜི་ཏ་ཤཱཀྱ་ཤྲཱིས། ཅིར་སྣང་རང་སར་བཞག་ན་བྱ་བྲལ་ལྷུན་གྲུབ་ཡིན། །གང་ཤར་ངོ་ཡིས་བཟུང་ན་རིག་པ་རང་སར་གྲོལ། །འགྱུ་བའི་རྩད་རྗེས་བཅད་ན་དྲན་རྟོག་དབྱིངས་སུ་ཡལ། །འདི་གསུམ་རང་སེམས་གནས་ལུགས་ཡིན་པས་དངོས་གཞིར་བསྒོམ། །ཅེས་གསུངས་པ་ལྟར་བསྒོམ་མོ། །ཡང་མཉམ་མེད་དྭགས་པོ་རིན་པོ་ཆེས་བཞག་ཐབས་འདི་ལ་དཔལ་ལྡན་འབྲུག་པས་རྣམ་པ་

― CMR051_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

དགུར་གསུངས་ཏེ། སོ་མར་བཞག །ལྷུག་པར་བཞག །རང་གར་བཞག །འདི་ག་ལྟར་བཞག །མ་བཅོས་པར་བཞག །གཟའ་གཏད་མེད་པར་བཞག །ཨ་ཕྱ་དེ་བཞག །རང་ཐང་དུ་བཞག །རྩོལ་བ་མེད་པར་བཞག །ཅེས་རྣམ་གྲངས་དགུར་གསུངས་སོ། །དེ་ཉིད་ཀྱི་དོན་རྒྱལ་བ་ཨོ་རྒྱན་པས་བཀྲོལ་བ་ནི། དེ་ཡང་སོ་མར་བཞག་བྱ་བ་དེ། འདི་ལྟར་སྣང་བ་འདི་རང་སེམས་སུ་ཐག་ཆོད་པའི་གདེང་ལ་བཅས་བཅོས་མི་དགོས་ཏེ། སེམས་ཉིད་ཆོས་སྐུ་ཡིན་པས་གང་ཤར་ཐམས་ཅད་སོ་མར་བཞག །དེ་ཡང་བློས་བྱས་ནས་འཇོག་པ་མིན། ཁོ་རང་མ་བཅོས་པར་སོ་མར་བཞག །བཅོས་པ་གང་ཡིན་ནའང་སྤྲོ་ནའང་བཅོས་པ་ཡིན། བསྡུས་ནས་སྒོམ་ནའང་བཅོས་པ་ཡིན། བལྟས་ནའང་བཅོས་པ་ཡིན། བྱར་མེད་རང་སེམས་སུ་ཐག་ཆོད་ནས་གཉིས་འཛིན་གྱི་བློ་མི་ཡོང་བ་ཡིན་ནོ། །ལྷུག་པར་བཞག་བྱ་བ་དེ་གང་ཤར་ལ་དགག་སྒྲུབ་མེད་པར་སོག་མའི་ཐག་པ་བཅད་ལྟར་ལྷུགས་སེ་འཇོག་པའོ། །རང་གར་བཞག་པ་ནི། དེ་ཉིད་ཀྱི་ངང་ལས་རྟོག་པ་གཅིག་ཏོལ་གྱིས་སྐྱེས་ན་གང་སྐྱེས་ཀྱི་རྟོག་པ་དེ་ལ་གཞི་རྩ་མེད་པས་རྟོག་

― CMR051_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་ཉིད་སྐྱེ་བཅུག་ནས་འགེགས་ཀྱང་མི་འགེགས་སྤང་ཡང་མི་སྤང་། ཞེན་ཀྱང་མི་ཞེན། བློས་བཟོ་གང་ཡང་མི་བྱེད་པར་རང་བཞིན་དུ་འཇོག་པའོ། །འདི་ག་ལྟར་བཞག་པ་ནི། དེ་ལས་འགོག་པ་བཞིན། སྐྱོང་བ་བཞིན། གཉེན་པོར་གཏོང་བ་བཞིན། གང་བྱས་ཀྱང་དེ་རང་རྟོག་པ་ཡིན་པས། རྣམ་རྟོག་གང་སྣང་གང་ཤར་རང་ལུགས་སུ་འཇོག་པའོ། །མ་བཅོས་པར་བཞག་པ་ནི། བྱ་བ་བྱེད་བྱེད་དམ། འཆར་སྒོ་གང་ཤར་ཤར་རྐྱེན་གང་བྱུང་དེ་གཉུག་མ་ལྷུན་གྲུབ་ཀྱི་ངང་དུ་འཇོག་པའོ། །གཟའ་གཏད་མེད་པར་བཞག་པ་ནི། །ཡིད་དཔྱད་མེད། ཤེས་བཟོ་མེད། ། དམིགས་གཏད་མེད། གང་སྣང་མི་འགལ་བར་རང་སར་འཇོག་པའོ། །ཨ་ཕྱ་དེ་འཇོག་པ་ནི། སྣང་བར་ཡང་མི་འཛིན། སྟོང་པར་ཡང་མི་སྒོམ། མྱོང་འདོད་ཀྱང་མི་བྱེད་པར་གཉེར་ལ་སྐྱུང་ནས་གླན་པ་བཞིན་དུ་འཇོག་པའོ། །རང་ཐང་དུ་འཇོག་པ་ནི། ཕྱོགས་གང་རུང་དུའང་མ་ལྷུང་རིས་གང་དུ་ཡང་མ་ཆད་རེ་དོག་གང་ཡང་མི་བྱེད་པར་མ་ཡེངས་ཙམ་དུ་འཇོག་པའོ། །རྩོལ་བ་མེད་པར་བཞག་པ་ནི། དྲན་པས་ཆེད་དུ་བཟུང་བའང་མེད། ཡེངས་ཀྱང་མི་ཡེངས། མ་བཟུང་ན་གཏང་

― CMR051_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་དུ་བཞག་པའོ། །དེ་ལྟར་བཞག་ཐབས་དགུའི་གནད་ཟིན་ཅིང་བཏང་སྙོམས་དང་ལེ་ལོར་མ་ཤོར་བར་ཐམས་ཅད་བཟོས་བཅོས་མེད་པའི་ཆོས་སྐུ་ལྷུན་གྲུབ་ཏུ་ཐོབ་པ་ཡིན་ཞེས་འབྱུང་ངོ་། །དེ་ནས་ཤོར་ས་བཞི་ལ་གཤིས་ཤོར་ནི། མདོ་རྒྱུད་ཀྱི་གོ་བ་སྐམ་པོ་ལ་བརྟེན་ནས་ཉམས་མྱོང་མེད་པར་ལུང་དང་རིགས་པས་དཔྱད་ན་སྟོང་ཉིད་དེ་ལ་འདི་འདྲ་བ་ཞིག་ཡོད་སྙམ་པའི་ངེས་ཤེས་དེས་གོ་མི་ཆོད་པས་རང་སེམས་ངོ་བོ་ལྟ་བས་མྱོང་བ་ཐོན་པར་བྱའོ། །རྒྱས་འདེབས་སུ་ཤོར་བ་སྭ་བྷ་ཝའི་སྔགས་ཀྱིས་སྟོང་པར་གྱུར་སྙམ་དུ་བློས་རྒྱས་བཏབ་པ་དེས་མི་ཆོག་པས། ཐ་མལ་ཤེས་པའི་རང་ངོ་སྐྱོང་ནས་ཉམས་སུ་མྱོང་བར་བྱའོ། །ཉོན་མོངས་དང་རྣམ་རྟོག་སྤང་བྱ་དེའི་གཉེན་པོ་སྟོང་ཉིད་ཡིན་སྙམ་པ་གཉེན་པོར་ཤོར་བ་སྟེ། སྤང་གཉེན་སོ་སོར་གྲུབ་པས་ཉོན་མོངས་རང་ངོ་ལྟ་བ་ཉིད་ཡེ་ཤེས་རང་ལོག་སུ་ཤེས་པར་བྱའོ། །ལམ་ཤོར་ནི་སྟོང་ཉིད་ལམ་མཆོག་ཡིན་སྙམ་ནས་ཐབས་ཀྱི་ཆ་སྤང་བ་སྟེ། མཆོག་འཛིན་སྤངས་ཏེ་འཁོར་འདས་མཉམ་པ་ཉིད་དུ་རྟོག་པར་བྱའོ། །གོལ་ས་གསུམ་ནི། བདེ་ཉམས་ལ་ཆགས་ན་འདོད་ཁམས་ཀྱི་ལྷ་དྲུག །གསལ་ཉམས་མ་

― CMR051_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་ན་གཟུགས་ཁམས་གནས་རིས་བཅུ་བདུན། མི་རྟོག་པ་རྟོགས་མེད་ལ་ཆགས་ཤིང་ཞེན་ན་གཟུགས་མེད་པའི་སྐྱེ་མཆེད་མུ་བཞིར་གོལ་བས། བདེ་གསལ་མི་རྟོག་པའི་ཉམས་བཟང་པོ་ཅི་བྱུང་ཡང་དེ་ལ་ཆགས་ཤིང་ཞེན་པ་སྤངས་ལ་གང་ཤར་གྱི་ངོ་བོ་ལ་ལྟའོ། །འཕྲང་གསུམ་དགྲར་ལོང་བསལ་བ་ནི། ཆོས་ཐམས་ཅད་སྟོང་པ་ཉིད་ཡིན་པས་དགེ་སྡིག་གིས་ཕན་གནོད་མེད་སྙམ་ནས་སྤྱོད་པ་འབྱོལ་ཉོག་བྱེད་པ་སྟོང་ལྟ་ཧད་པོ་རྒྱུ་འབྲས་ཁྱད་དུ་གསོད་པ་ནག་པོ་ཁ་འབྱམས་བདུད་ཀྱི་ལྟ་བ་ཡིན་པས། ལྟ་སྤྱོད་ཟུང་འཇུག་ལྟ་བ་མཐོ་བཞིན་སྤྱོད་པ་ཞིབ་པར་བྱ་སྟེ། དགོངས་གཅིག་ལས་སྟོང་ཉིད་རྟོགས་ཚེ་རྒྱུ་འབྲས་སུ་གཟིགས་གསུངས་པ་ལྟར་བྱའོ། །སྙིང་རྗེ་དགྲར་ལང་རང་གི་ཉམས་ལེན་སྐྱུར་ནས་མི་འགྲུབ་བཞིན་དུ་གཞན་དོན་བྱེད་པ་སྟེ། སྙིང་རྗེའི་ངང་ནས་རང་གི་ཉམས་ལེན་སྐྱོང་ལ་གཞན་དོན་སྨོན་ལམ་བཏབ་བོ། །རྒྱུ་འབྲས་དགྲར་ལང་ཐམས་ཅད་མཁྱེན་པར་བྱ་སྙམ་ནས་ཤེས་བྱ་སྒྲ་ཚད་སོགས་བསླབས་ནས་ཐུགས་དམ་དངོས་དེ་ཤོལ་བས་དེ་སྤངས་ནས་སྟོང་ཉིད་ངང་ནས་གང་འགྲུབ་བྱ། གཉིས་མི་ལྕོགས་ན་སྟོང་ཉིད་སྒོམ་ལ་ཤེས་བྱ་སྐྱུར་རོ། །དེ་ནས་ནད་

― CMR051_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

གདོན་ཉོན་མོངས་སོགས་ལམ་དུ་འཁྱེར་ཚུལ་ནི། གཞུང་ལས། མྱོང་བ་དེས་ཆགས་སྡང་ལ་སོགས་པའི་ཉོན་མོངས་དྲག་པོ་ནམ་སྐྱེས་ཀྱང་རྒྱས་འདེབས་ན་ཚ་ལ་སོགས་པའི་སེམས་ལ་ངལ་བ་དང་སྐྲག་སྔངས་སོགས་གང་བྱུང་རྒྱས་འདེབས་ནས། ཞེས་གསུངས་པས། འདོད་ཆགས་རང་ཁར་ཤོར་ན་ཡི་དྭགས་ཀྱི་ས་བོན་ཡིན། འདོད་ཆགས་དེའི་ངོ་བོ་ལ་བལྟས་པས་རང་བཞིན་མེད་པར་གྲོལ་བ་དེ་སོ་སོར་རྟོག་པའི་ཡེ་ཤེས་འོད་དཔག་མེད་ཀྱི་དགོངས་པའོ། །དེ་བཞིན་དུ་ཞེ་སྡང་དམྱལ་བའི་ས་བོན། དེའི་ངོ་བོ་ལ་བལྟས་པས་མ་སྤང་རང་སར་གྲོལ་བ་མེ་ལོང་ཡེ་ཤེས་རྡོར་སེམས་དགོངས་པ། ང་རྒྱལ་ལྷ་ཡི་ས་བོན་དེའི་ངོ་བོ་ལ་བལྟས་པས་རང་སར་གྲོལ་བ་མཉམ་ཉིད་ཡེ་ཤེས་རིན་འབྱུང་དགོངས་པ། གཏི་མུག་དུད་འགྲོའི་ས་བོན་དེའི་ངོ་བོ་ལ་བལྟས་པས་རང་གྲོལ་ཆོས་དབྱིངས་ཡེ་ཤེས་རྣམ་སྣང་གི་དགོངས་པ། ཕྲག་དོག་ལྷ་མིན་ས་བོན། ངོ་བོ་ལ་བལྟས་པས་བྱ་གྲུབ་ཡེ་ཤེས་དོན་ཡོད་གྲུབ་པའི་དགོངས་པ་སྟེ། དུག་ལྔ་ཡེ་ཤེས་ལྔ་ལག་པ་ལྟོ་རྒྱབ་ལྟར་རིག་མ་རིག་གི་ཁྱད་ལས་མེད་ཕྱིར་གསང་སྔགས་ཀྱི་མི་སྤང་བའི་དམ་ཚིག་ལྔ་དུག་ལྟར་གསུངས་

― CMR051_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །ཉོན་མོངས་ལམ་ཁྱེར་རོ། །དུག་ལྔ་སྤང་བ་ནི་ཐེག་པ་ཐུན་མོང་གི་ལུགས་ཏེ་དམན་པའོ། །ན་ཚ་ལམ་ཁྱེར་ལ་རབ་ཟུག་གཟེར་དེའི་ངོ་བོ་ལ་ཅེ་རེ་བལྟས་ནས་ཀློད་དེ་བཞག་པས་ནད་རང་བཞིན་མེད་པ་ཆོས་སྐུ། ནའོ་སྙམ་པ་རང་བཞིན་གསལ་བ་ལོངས་སྐུ། ཟུག་གཟེར་གྱི་རྟོག་པ་མ་འགག་པར་འཆར་བ་སྤྲུལ་སྐུ། དེ་གསུམ་དབྱེར་མེད་པ་ངོ་བོ་ཉིད་སྐུ་སྟེ། དེའི་ངང་ལ་མ་ཡེངས་པར་གནས་ནུས་ན། དང་པོ་ལྟར་ཟུག་གཟེར་གྱི་སེམས་སྡུག་བསྔལ་བར་མི་འགྱུར། ཟུག་གཟེར་མ་ཞི་ཡང་བཟོད་ཐུབ་ཙམ་འགྱུར། དེ་ལ་ཅུང་ཟད་རྒྱུན་བསྲིངས་བས་ནད་མ་ཕན་ཀྱང་ཟུག་གཟེར་གྱི་ངར་ཆག་ནས་སྦྱད་ཆིལ་འདྲ་ཞིག་འབྱུང་། དེ་ནས་ཟུག་གཟེར་གྱི་ངོ་བོ་ལ་ལྟ་བ་དེ་ག་ཉམས་ལེན་གཙོ་བོ། ཟུག་གཟེར་དེ་ཉམས་ལེན་གྱི་བསྐུལ་འདེབས་སུ་བྱས་ལ་བསྒོམས་པས་བོགས་ཆེན་པོ་འབྱུང་ངོ་། །དེ་ལྟར་ཉམས་སུ་མ་ལོན་ན་འབྲིང་བཏང་ལེན་བྱ་སྟེ། སེམས་ཅན་ཐམས་ཅད་ཀྱི་ན་ཚ་སྡུག་བསྔལ་ཐམས་ཅད་ན་ས་དེར་ཐིམ་པས་སེམས་ཅན་ཐམས་ཅད་བདེ་བ་དང་ལྡན་པར་བསྒོམས་པས་ན་ཚ་དེ་བྱུང་ཆུབ་ཀྱི་ལམ་དུ་འགྱུར་རོ། །ཐ་མ་ཀུ་སུ་ལིའི་ཚོགས་གསོག་བྱ་སྟེ་ཕཊ་

― CMR051_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རང་སེམས་ཐིག་ལེ་དཀར་པོ་དབུ་མ་ནས་ཐོན་པ་རྡོ་རྗེ་ཕག་མོར་གྱུར་པས། གྲི་གུག་གི་ཐོད་པ་བྲེག་དེར་བེམ་པོར་བཅུག་པས་ཨོཾ་ཨཱཿཧཱུྃ་གིས་བདུད་རྩིར་བྱིན་བརླབས་ནས། རང་འདྲ་བའི་ཌཀི་བྱེ་བ་གྲངས་མེད་ཀྱི་ཐོད་པའི་བདུད་རྩི་བཅུས་ནས། བླ་མ་དཀོན་མཆོག་ཡི་དམ་ལྷ་ཚོགས། ཆོས་སྐྱོང་སྲུང་མ་འགྲོ་བ་རིགས་དྲུག་ལན་ཆགས་གདོན་བགེགས་ཐམས་ཅད་མཆོད་ནས་མི་དམིགས་པར་བཞག །ནན་ལྟར་གཟེར་ཆེ་ན་བེམ་རིག་ཕྲལ་ལ་རིག་པ་ནམ་མཁའ་ལ་བསྟིམས་ནས་ཉམས་ལེན་གྱི་སྟེང་དུ་བཞག་པས་དུམ་པ་ཕན་ནོ། །དེ་ཡང་མ་ནུས་ན་སྒྲིབ་པ་དག་པས་དགའ་བ་བསྒོམ་མོ། །སྐྱིད་སྡུག་ལམ་ཁྱེར་ཡང་སྐྱིད་དུས་སྣང་བ་རྒྱ་ཡན་དུ་མ་སོང་བ་ཉམས་ལེན་སྐྱོང་། སྐྱིད་པ་བླ་མ་དཀོན་མཆོག་གི་ཐུགས་རྗེར་ཤེས་པས་དཀོན་མཆོག་མཆོད་པ་ལ་བརྩོན་ནོ། །སྡུག་ན་མྱ་ངན་མི་བྱ་བར་སྡུག་པའི་ངོ་བོ་ལ་བལྟས་པས་སྐྱེ་མེད་ཆོས་སྐུར་འཆར་རོ། །དེ་ཡང་མ་ནུས་ན་སེམས་ཅན་ཐམས་ཅད་ཀྱི་སྡུག་བསྔལ་རང་ལ་བསྟིམས་ལ་སེམས་ཅན་ཐམས་ཅད་བདེ་བར་བསམ་པས་བྱང་ཆུབ་ཀྱི་ལམ་དུ་འགྲོའོ། །ནན་ལྟར་སྡུག་ན་སྐྱིད་སྡུག་ཐམས་ཅད་སྒྱུ་མ་རྨི་

― CMR051_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ལྟ་བུ་བདེན་གྲུབ་མེད་པའི་ངེས་ཤེས་བྱ། སྡུག་ནས་སྙིང་མི་དགའ་འམ་གཟེར་ན་སྙིང་དཀྱིལ་དུ་ངོ་བོ་བླ་མ་ལ་རྣམ་པ་ཡི་གེ་བམ་ཡིག་དཀར་པོ་ལས་བདུད་རྩི་འོ་མ་ལྟར་བབ། །སྙིང་ལྟེམ་གྱིས་ཁེངས་པར་བསམས་པས་བདེའོ། །དངོས་ཉམས་རྨི་ལམ་གང་དུ་ཡང་སྐྲག་སྔངས་བྱུང་ངམ་འཇིགས་སྐྲག་དྲག་པོས་ཅི་བྱ་གཏོལ་མེད་ན་དེ་རང་གི་ངོ་བོ་ལ་བལྟས་པས་སྟོང་ཉིད་དུ་འཆར་ཞིང་སེམས་དྲོ་ལྷུབ་བེ་འབྱུང་སྟེ། དེས་བར་དོ་ལ་ཡང་ཟིན་ནས་གྲོལ་ལོ། །དེས་རོ་སྙོམས་དང་གཅོད་དང་ཞི་བྱེད་ཐམས་ཅད་ཀྱི་དོན་རྩ་བ་ཡང་ཚང་ངོ་། །དེ་ལ་ཐབས་ལམ་ལ་བརྟེན་ནས་བོགས་འདོན་སྤྲོ་ན། རླུང་ཞི་དྲག་སྙོམས་གསུམ་གྱིས་བུས་ནས། བདག་ཉིད་ཧེ་རུ་ཀ་གནས་སྐུ་ཡི་ནང་། །རྩ་གསུམ་འཁོར་ལོ་བཞི་ལྡན་དེ་ཉིད་ཀྱིས། །སྤྱི་བོར་ཧཾ་དཀར་མགྲིན་པར་ཨོཾ་དཀར་པོ། །སྙིང་ཁར་ཧཱུྃ་སྔོན་ལྟེ་བར་ཨཱཿདམར་པོ། །ཨཱལས་གཏུམ་མོ་མེ་སྦར་ཡིག་གསུམ་བསྲེགས། །ཧཾ་ལས་དཀར་ཆའི་རྒྱུན་བབ་ཡིག་གསུམ་གསོས། །སླར་ཡང་འོད་འཕྲོས་བདེ་ཆེན་ཉམས་མྱོང་གྱུར། །ཞེས་འདོན་བསྒོམས་བྱས་པས་དུ་བ་ལྟ་བུ། སྨིག་རྒྱུ་ལྟ་བུ། མེ་ཁྱེར་ལྟ་བུ། མར་མེ་ལྟ་བུ། སྤྲིན་

― CMR051_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ནམ་མཁའ་ལྟ་བུའི་ཉམས་འཆར་རོ། །མདོར་ན་དུས་ཐམས་ཅད་དུ་མ་ཡེངས་དྲན་པའི་རྒྱང་སོ་ཙམ་གྱི་ངང་ནས་ལྷོད་དེ་ཀློད་ནས་ཡག་འདོད་དང་མ་ཉན་དོག་གི་བཟོ་བཅོས་མེད་པར་ཤུགས་འབྱུང་དུ་སྐྱོང་བ་གནད་ཆེའོ། །རྗེ་ཕག་གྲུས། སེམས་ཉིད་ཀྱི་ནམ་མཁའ་ཡངས་པ་ལ། །རྣམ་རྟོག་གི་སྤྲིན་ཚོགས་མ་དངས་ན། །མཁྱེན་གཉིས་ཀྱི་གཟའ་སྐར་མི་བཀྲ་བས། །སེམས་མི་རྟོགས་འདི་ལ་ནན་ཏན་མཛོད། །ཅེས་དང་། གཞུང་ལས། ཚུལ་དེ་བཞིན་དུ་རྒྱུན་མི་འཆད་པར་ཉམས་སུ་བླངས་བས་ན་རིང་པོར་མི་ཐོག་པར་དོན་གཉིས་ལྷུན་གྲུབ་ཏུ་འབྱུང་བ་ཉིད་དོ། །ཞེས་དང་། ཞེས་གསུངས་པས་དེ་ལྟར་ཉམས་སུ་བླངས་བས་སེང་གེ་རྣམ་པར་འགྱིངས་བའི་ཏིང་ངེ་འཛིན་ཞེས་ཀྱང་བྱ། སྒོམ་རྩེ་གཅིག་གི་རྟོགས་པ་འཆར་ཏེ། སེང་གེ་འགྱིངས་བའི་དུས་ཚུལ་རང་གི་ལུས་ལ་རང་གིས་ལྟ་བ་ལྟར། འདིར་རང་གི་སེམས་ལ་རང་གིས་ལྟ་བའི་ཕྱིར་ཏེ། གསང་བ་བསམ་གྱིས་མི་ཁྱབ་པའི་རྒྱུད་ལས། སེང་གེ་རྣམ་པར་འགྱིངས་བའི་ཏིང་འཛིན་གྱིས། །མི་གཡོ་རྩེ་གཅིག་དྭངས་མའི་ཤེས་པ་གསལ། །རང་རིག་ཡེ་ཤེས་ཁོང་ནས་སད་པར་བྱེད། །

― CMR051_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་པ་བརྟན་པོས་ངན་སོང་སྡུག་བསྔལ་སྤངས། །ཞེས་གསུངས་སོ། །དེ་ལ་རྩེ་གཅིག་ཆུང་དུ་ནི་སེམས་བདེ་བ་དང་གསལ་སེང་ངེ་བ་དང་། དེ་རང་བཞིན་མེད་པར་སྟོང་ཉིད་དུ་ཤེས་པའི་ངོ་བོ་ལེགས་པར་འཕྲོད་ནས། རེས་འགའ་མ་བསྒོམས་ཀྱང་རྟོགས་པ་དེ་གསལ་ཡེ་རེ་ཚུར་འཆར་བ་འབྱུང་། རེས་འགའ་ལུས་གནད་དང་གཟབ་ནས་བསྒོམ་ཡང་རྣམ་རྟོག་འཕྲོ་རྒོད་ཆེ་ཞིང་མ་བདེ་ཁ་རེ་བ་འབྱུང་ངོ་། །འདི་དུས་བདེ་ཉམས་ལུས་སེམས་ཞུ་ལ་ཁད་པ་འདྲ་བས་སྒོམ་དེ་བཤིག་མི་བྲ་བ་འདྲ་བ་དང་། གསལ་ཉམས་ཉམས་རྨི་ལམ་ཅི་རིགས་པར་མུན་པར་ཡང་ཟླ་བ་ཤར་བ་ལྟར་གསལ་བའི་ངོ་བོ་མཐོང་བ་དང་། སྟོང་ཉམས་ལུས་འདི་མེད་པ་ཡིན་ནམ་སྙམ་པ་འབྱུང་། དེ་དག་ལ་ཆགས་འཛིན་སྤངས་ཤིང་དེའི་ངོ་བོ་ལ་ཧྲིག་གེ་ལྟ། རེས་འགའ་འཕྲོ་རྒོད་ཤས་ཆེ་སེམས་མ་བདེ་ཀ་རེ་བ་སྙིང་མི་དགའ་བ། བལྟས་ཀྱང་ནག་ནོག་འདྲ་བ་གསལ་སེང་ངེ་བ་མི་འབྱུང་། དེ་དུས་གསོལ་འདེབས་བྱས་བླ་མའི་རྣམ་འབྱོར་བསྒོམས་ལ་བསྲེ། དེ་ནས་ལུས་སེམས་བག་ཀློད་ལ་བསྒོམ། དབེན་པ་བསྟེན་པ་ལུས་གནད་མོས་གུས་དང་བྱ་བ་བཏང་ཅི་ཐུབ་བྱའོ། །དེ་ནས་འབྲིང་པོ་

― CMR051_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རྟོག་ཅི་ཤར་ཡང་སྒོམ་ལ་མི་གནོད་པར་རྣམ་རྟོག་སྒྲོམ་དེའི་ངང་དུ་ལྷན་ལྷན་ཞི། བདེ་གསལ་མི་རྟོག་པ་སྔར་ལས་ཆེར་སོང་། སྒོམ་ལ་ངེས་ཤེས་ཆེར་སྐྱེས། །དད་པ་དག་སྣང་ཆེར་འགྲོའོ། །དེ་དུས་ངེས་ཤེས་དྲག་པོ་དང་དེ་དང་འགྱུ་བ་བསྲེ་ཞིང་བསྒོམ། ངེས་ཤེས་དེ་རང་གི་ངོ་བོ་ལ་ཅེ་རེ་ལྟའོ། །དེ་ནས་ཆེན་པོ་ནི་གསལ་སྟོང་དེ་རྒྱུན་རིང་དུ་གནས། རྣམ་རྟོག་ཐམས་ཅད་མཚོ་ལ་ཁ་བ་བབ་པ་ལྟར་དེའི་ངང་དུ་ཞི་ཞིང་། རྨི་ལམ་དུ་ཡང་རེས་འགའ་ཟིན། རེས་འགའ་རྨི་ལམ་འོད་གསལ་ཟིན་པ་དང་དག་སྣང་མང་དུ་འབྱུང་། དེ་ལ་སྒོམ་ཡུན་ཅི་རིང་ཡང་མ་བདེ་བ་དང་སུན་པ་མི་འབྱུང་། རྩ་བཟང་ན་རྟགས་ལྔ་སོགས་འཆར། ཉོན་མོངས་ཆགས་སྡང་གི་མགོ་ཡང་རེ་ཞིག་ནོན། སྟོང་ཉམས་ནམ་མཁའ་གཡའ་དག་དང་འདྲ་བ་དང་། གསལ་ཉམས་མར་མེ་རླུང་མེད་འདྲ་བ་དང་། བདེ་ཉམས་ལུས་སེམས་བདེ་བས་ཚིམ་པར་ཡང་སྐབས་སུ་འབྱུང་སྟེ་རྒྱུན་ཏུ་མི་གནས། རིང་ན་ཟླ་བ་བཞི་ལྔའམ་ཞག་གཉིས་གསུམ་ཡན་ཅི་རིག་པ་གནས། རྟོགས་པ་མཐོན་པོའི་ངེས་ཤེས་དང་རློམ་སེམས་ཡང་ཆེན་པོ་སྐྱེ། འདི་དུས་མོས་གུས་དྲག་པོས་གསོལ་བ་

― CMR051_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་པ་གལ་ཆེའོ། །འདི་ཡན་ཉམས་ཁོ་ན་ཤས་ཆེ་རྩེ་གཅིག་ཉམས་ཀྱི་འཁོར་ཡུག་ཟེར། ད་རུང་རྟོགས་པ་མ་ཤར་བས་ཞི་གནས་སམ། གནས་པའི་ཕྱོགས་སུ་གཏོགས་སོ། །རྩེ་གཅིག་ནར་མའི་བུ་དང་འདྲ། །སྐྱེས་པ་མང་སྟེ་ཁས་ལེན་ཉུང་། །ཞེས་པས་འདི་ཡི་བར་སྐྱེས་ཙམ་མང་ཡང་མཐོ་འདོད་ནས་ང་ཡིན་ཟེར་མཁན་དཀོན་ནོ། །དེ་ཡང་རྣམ་གཡེང་གི་རྟོག་པ་ཞི་ནས་ཉམས་ལེན་སེམས་ངོ་ལྟ་བའི་ངང་ལ་རྩེ་གཅིག་ཏུ་གནས་པ་ནི་རྩེ་གཅིག་གི་རྩེ་གཅིག །དེའི་ངོས་ནས་དངོས་འཛིན་གྱི་སྤྲོས་པ་བྲལ་བར་མཐོང་བ་རྩེ་གཅིག་གི་སྤྲོས་བྲལ་ཡིན། བདེ་གསལ་མི་རྟོག་པ་གསུམ་རོ་གཅིག་ཏུ་འདྲེས་པ་རྩེ་གཅིག་གི་རོ་གཅིག །དེ་ལ་བརྟན་པ་ཐོབ་ནས་ཉིན་མཚན་འཁོར་ཡུག་ཏུ་སོང་བ་རྩེ་གཅིག་གི་སྒོམ་མེད་ཡིན་པར་གསུངས་ལ། རྩེ་གཅིག་ཆེན་པོའི་རྩལ་རྫོགས་ཡོན་ཏན་སྐྱེས་ན་ཉིན་མཚན་འཁོར་ཡུག་ཏུ་འགྲོ་བ་དང་། ཟག་བཅས་ཀྱི་མངོན་ཤེས་གྲུབ་རྟགས་ཕྲན་བུ་འབྱུང་བར་གསུངས་ཀྱང་། རྩལ་དང་ཡོན་ཏན་མ་རྫོགས་ཀྱང་རྟོགས་པ་གོང་དུ་ན་འཕར་བ་ཁོ་ན་མང་བར་འདུག་གོ །ཕྱི་ཚོགས་དྲུག་གི་སྣང་བ་ས་རྡོ་རི་བྲག་ཐམས་ཅད་ཆུ་ཟླ་འཇའ་ཚོན་ལྟར་མཐོང་། དེ་

― CMR051_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་མཁན་གྱི་ཤེས་པ་སྟོང་རྗེན་ལྷང་ངེ་འཆར་བ་འབྱུང་བ་ནི་སྤྲོས་བྲལ་ཆུང་ངུ་ཡིན་པར་སྣང་སྟེ། ཆོས་ཐམས་ཅད་སྒྱུ་མ་ལྟ་བུར་འཆར་བས་སྒྱུ་མ་ལྟ་བུའི་ཏིང་ངེ་འཛིན་ཏེ། གསང་བ་བསམ་གྱིས་མི་ཁྱབ་པའི་རྒྱུད་ལས། གཉིས་པ་སྒྱུ་མ་ལྟ་བུའི་ཏིང་འཛིན་གྱིས། །སྤྲོས་དང་བྲལ་བའི་མཉམ་བཞག་ཆེན་པོ་ལ། །བསམ་གྱིས་མི་ཁྱབ་ཏིང་འཛིན་རྩལ་དུ་འཆར། །དྲོད་ཐོབ་ནས་ནི་སྐྱེ་ལ་དབང་བ་ཡིན། །ཅེས་གསུངས། འདི་སྐབས་སྟོང་ཉམས་གོ་བ་དང་། ཉམས་རྟོགས་པ་མི་འབྱེད་པའི་མཐོ་མཐོ་འདྲ་བ་ཞིག་སྐྱེ་སྟེ། དེ་ལ་རློམ་སེམས་མི་བྱེད་པར་ཡུལ་སྣང་དང་སེམས་ཀྱི་ངོ་བོ་བསྲེ་ཞིང་བསྒོམ་མོ། །མོས་གུས་དང་རྒྱང་འབོད་བྱས་པས་སྔར་གྱི་བདེ་གསལ་མི་རྟོག་པའི་ཉམས་ཐམས་ཅད་ཡལ་ཐ་མལ་དུ་ལུས་པ་དང་འདྲ་བ་སྔར་གྱི་སྒོམ་དེ་བོར་བ་འདྲ་བ། ཨ་འདི་སྒོམ་ཡིན་ནམ་སྔར་གྱི་དེ་ཡིན། དེ་གཉིས་གཅིག་ཡིན་པར་འདུག་སྙམ་ནས་འདི་སྒོམ་གྱི་གཏད་སོ་གཅིག་ཀྱང་མེད་པ་ངེས་ཤེས་ཀྱི་འཛིན་པ་དེ་ཞིག་འགྲོ་སྟེ། རང་ལུས་ཐ་མལ་རང་གར་བཞག་པ་ལས་གཞན་བསྒོམ་རྒྱུ་མེད་པར་མཐོང་བ་ནི་སྤྲོས་བྲལ་འབྲིང་པོའོ། །དེའི་ཚེ་ཡིད་

― CMR051_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཆེས་ན་བཀའ་བརྒྱུད་ཀྱི་གསུང་འབུམ་འགའ་བལྟས་པས་ངོ་ཤེས་འཕྲད་པ་ལྟར། ཡ་སེམས་ཀྱི་ངོ་བོ་མཐོང་བ་དེ་འདི་ཡིན་པར་གདའ། དེ་སྔའི་ལེགས་ལེགས་དེ་ཐམས་ཅད་ཉམས་སྣ་ཚོགས་རེད་སྙམ་པ་འབྱུང་། འདི་སྐབས་བྱ་ཆ་ཆོས་སྤྱོད་སོགས་སྤྲོས་བཅས་ཆེར་སྐྱུར་ནས་ཐབས་ལམ་གཏུམ་མོ་ལ་འབད་ན་བོགས་ཆེའོ། །དེ་ནས་སྤྲོས་བྲལ་ཆེན་པོ་ནི། རང་གི་སེམས་ཉིད་སྟོང་པ་སྐྱེ་མེད་དུ་རྟོགས་པ་དེ་བཞིན་དུ་འགྲོ་བ་སེམས་ཅན་ཐམས་ཅད་ཀྱི་སེམས་ཡང་དེ་ལྟར་མཐོང་། སངས་རྒྱས་བྱང་སེམས་ཀྱི་ཐུགས་རྒྱུད་ཀྱང་དེ་ལྟར་མཐོང་། སངས་རྒྱས་ཀྱི་ཐུགས་སེམས་ཅན་གྱི་སེམས་རང་གི་སེམས་གསུམ་ངོ་བོ་དབྱེར་མེད་གཅིག་ཏུ་མཐོང་སྟེ། ལྟ་བ་འཁོར་འདས་དབྱེར་མེད་ཟེར་བ་འདི་ནས་ཡིན། ཤོར་ས་གོལ་ས་ཐམས་ཅད་ཀྱང་འདི་ནས་ཆོད་པར་སྣང་ངོ་། །དེ་ཡང་གང་ཤར་ལ་རྩེ་གཅིག་ཏུ་མ་ཡེངས་པར་ལྟ་བ་སྤྲོས་བྲལ་གྱི་རྩེ་གཅིག །བལྟས་པའི་ཚེ་སྤྲོས་པའི་མཐའ་ཐམས་ཅད་དང་བྲལ་བས་སྤྲོས་བྲལ་གྱི་སྤྲོས་བྲལ། ཆོས་ཐམས་ཅད་དེའི་ངང་དུ་ཆུ་ལ་ཆུ་བཞག་པ་ལྟར་རོ་གཅིག་པས་སྤྲོས་བྲལ་གྱི་རོ་གཅིག །དེ་ལ་འཁོར་ཡུག་ཏུ་སོང་ན་སྤྲོས་བྲལ་གྱི་སྒོམ་

― CMR051_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་གསུངས་སོ། །སྤྲོས་བྲལ་སྤྱི་རྟ་རྒས་ཧྲལ་འདྲ། །ཞེས་ཁས་བདག་པ་མང་བར་གསུངས་པ་ལྟར། རྩལ་དང་ཡོན་ཏན་ནི་རྩེ་གཅིག་ཆེན་པོའི་ཡོན་ཏན་མ་ཤར་ཡང་། ཉམས་དང་རྟོགས་པ་ནི་འདི་ཙམ་བར་དུ་ས་རྒྱུས་ཡོད་པར་རློམས་ནས་ཞིབ་པར་བཀོད་པ་ཡིན་ལ། དེ་ཡང་གཅིག་ཆར་བ་ཐོད་རྒལ་བ་རིམ་སྐྱེས་པ་གསུམ་ལས། རེ་རེ་ལ་ཡང་གསུམ་གསུམ་དུ་ཕྱེ་སྟེ། གཅིག་ཆར་བའི་གཅིག་ཆར་བ་ནི་ཐོབ་ཙམ་ནས་བསྒོམ་ལུང་མེད་པར་རྟོགས་པ་མཆོག་སྐྱེ། དེ་ལ་འགྱུར་ལྡོག་མེད་དེ་དེ་འདྲ་སྦྱང་པ་སྔོན་སོང་རེ་རེ་ལས་མི་འབྱུང་གསུངས། གཅིག་ཆར་བའི་ཐོད་རྒལ་བ་ནི་དང་པོ་ཁྲིད་ཞུ་དུས་ནས་རྟོགས་པ་བཟང་པོ་སྐྱེ་སྟེ་འགྱུར་ལྡོག་ཆེའོ། །གཅིག་ཆར་བའི་རིམ་སྐྱེས་པ་ནི་ངོ་སྤྲོད་སྔ་བསྒོམ་ན་རྟོགས་པ་སྐྱེ་མྱུར་རོ། །ཐོད་རྒལ་བའི་གཅིག་ཆར་བ་ནི་དང་པོ་ངོ་སྤྲད་ནས་རྟོགས་པ་མཐོན་པོ་སྐྱེ་སྟེ་འགྱུར་ལྡོག་ཅུང་ཟད་འོང་ངོ་། །ཐོད་རྒལ་བའི་ཐོད་རྒལ་བ་ནི་དང་པོ་ནས་རྟོགས་པ་མཆོག་སྐྱེ། རེས་འགའ་ཐ་མལ་པ་ལྟར་འབྱུང་བས་བླ་མ་དང་བྲལ་ན་སྤྱོད་ངན་བྱེད་སྲིད་དོ། །ཐོད་རྒལ་བའི་རིམ་སྐྱེས་པ་ནི་ངོ་སྤྲོད་སླ་བསྒོམས་ན་རྟོགས་པ་སྐྱེ་སླ་སྟེ་མཐོ་

― CMR051_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

དམན་མང་དུ་འབྱུང་ངོ་། །རིམ་སྐྱེས་པའི་གཅིག་ཆར་བ་ནི་ཁྲིད་རིམ་ལྟར་རྟོགས་པ་མུ་མུ་སྐྱེ་སྟེ། ཧ་ཅང་ཡུན་རིང་མི་འགོར་སྐྱེས་པ་ལ་འགྱུར་ལྡོག་མེད་དོ། །རིམ་སྐྱེས་པའི་ཐོད་རྒལ་བ་ནི་ཉམས་རྟོགས་བསྒོམ་པའི་མུས་ཀྱི་ཅུང་ཟད་ཅུང་ཟད་སྐྱེ། དེ་ཡང་རེས་འགའ་མཐོན་པོ་རེས་འགའ་དམའ་འུ་ལས་མེད་དེ། བདག་ལྟ་བུ་ཡིན་པར་འདུག་གོ །རིམ་སྐྱེས་བའི་རིམ་སྐྱེས་ནི། དང་པོ་ཁྲིད་མང་པོ་མ་ཐོབ་བར་ངོ་མི་འཕྲོད། འཕྲོད་ནས་ལོ་གྲངས་དུ་མར་བསྒོམས་ན་རྟོགས་པ་ཅུང་ཟད་ཅུང་ཟད་སྐྱེ། གང་སྐྱེས་དེ་བརྟན་ནས་འགྱུར་ལྡོག་མེད་དོ། །ཆུ་ཀླུང་ཆེན་པོའི་རྒྱུད་ལས། རོ་གཅིག་ནི་དཔའ་བར་འགྲོ་བའི་ཏིང་ངེ་འཛིན་དུ་གསུངས་ཏེ། གསུམ་པ་དཔའ་བར་འགྲོ་བའི་ཏིང་འཛིན་ནི། དུ་མ་རོ་གཅིག་ས་བཅུའི་རྟོགས་པ་འཆར། །དུས་གསུམ་རྒྱལ་བའི་སྲས་པོས་གཞན་དོན་མཛད། །རྩེ་མོ་ཐོབ་ནས་འཕེལ་བ་རྒྱུན་མི་འཆད། །ཅེས་གསུངས་ཤིང་། རྗེ་མི་བསྐྱོད་རྡོ་རྗེས། ཚོགས་དྲུག་ཡུལ་སྣང་སྣ་ཚོགས་འདི། །སྣང་བ་དུ་མར་སྣང་གྱུར་ཀྱང་། །རྟོགས་པ་གཅིག་གི་ངོ་བོར་ཤར། །རོ་གཅིག་ཆུང་ངུའི་རྣལ་འབྱོར་ཡིན། །སྣངེ་འཛིན་ཉམས་ཀྱི་དྲི་མ་དག །

― CMR051_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནང་དབྱེར་མེད་གཅིག་ཏུ་འདྲེས། །སྣང་སེམས་གཉིས་མེད་ཀྲོང་ངེ་བ། །རོ་གཅིག་འབྲིང་པོའི་རྣལ་འབྱོར་ཡིན། །ཅེས་གསུངས་པ་ཡང་ཉམས་མཐོ་དུས་ལན་རེ་དེ་འདྲ་བ་བྱུང་སྙམ་ཡང་ཉམས་ཡིན་དངོས་མིན་པས་གྲུལ་མི་ཐུབ་བོ། །སྣང་ཞིང་སྲིད་པའི་ཆོས་རྣམས་ལ། །སྤང་བླང་དགག་སྒྲུབ་མ་དགོས་པར། །སྣང་སྟོང་གཅིག་ཏུ་འདྲེས་པ་དེ། །རོ་གཅིག་ཆེན་པོའི་རྣལ་འབྱོར་ཡིན། །ཅེས་གསུངས་སོ། །བཞི་པ་བསྒོམ་མེད་ནི་རྡོ་རྗེ་ལྟ་བུའི་ཏིང་ངེ་འཛིན་ཡིན་སྐད་དེ། ཆུ་ཀླུང་ཆེན་པོའི་རྒྱུད་ལས། བཞི་པ་རྡོ་རྗེ་ལྟ་བུའི་ཏིང་ངེ་འཛིན་གྱིས། །སྒོམ་དུ་མེད་པའི་ཉམས་ལེན་བརྩོན་པ་ལས། །མཁྱེན་པའི་ཡེ་ཤེས་སངས་རྒྱས་ཞིང་ཁམས་མཐོང་། །མ་བཙལ་ལྷུན་གྲུབ་ཆོས་མཆོག་ཆེན་པོའི་ངང་། །ཞེས་དང་། མི་བསྐྱོད་རྡོ་རྗེ་དང་དྲུང་རྨ་སེ་གསུངས་མཐུན་པར། ཉིན་མཚན་བསམ་གཏན་འབའ་ཞིག་ལ། །ནུབ་མོ་རྨི་ལམ་ཡུད་ཙམ་རེ། །དེ་མིན་འཁོར་ཡུག་གཅིག་ཏུ་འདྲེས། །སྒོམ་མེད་ཆུང་ངུའི་རྣལ་འབྱོར་ཡིན། །ཉིན་མཚན་སྟོང་ཉིད་འཁོར་ཡུག་ལ། །ནུབ་མོ་གསལ་བའི་འོད་གསལ་ལ། །ཤེས་སྒྲིབ་ཕྲ་མོ་དང་བཅས་པ། །

― CMR051_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་མེད་འབྲིང་པོའི་རྣལ་འབྱོར་ཡིན། །གཞི་ཉིད་ཇི་བཞིན་མངོན་དུ་གྱུར། །འོད་གསལ་གཅིག་འདྲེས་རང་རིག་ངང་། །སྟོང་ཉིད་གཞི་ཉམས་སྟོབས་སོགས་ཡོན་ཏན་ལྡན། །སྒོམ་མེད་ཆེན་པོའི་རྣལ་འབྱོར་ཡིན། །ཅེས་གསུངས་སོ། །དེ་ལ་མཁས་པ་འགའ་ཞིག་ཚོགས་སྦྱོར་གྱི་ལམ་ལ་བཞི་རིམ་བརྩིས་ནས། སྒོམ་མེད་ཆེན་པོའི་མཐོང་ལམ་ཡིན་ཟེར་རོ། །བཀའ་བརྒྱུད་ལུགས་ཀྱི་རྩེ་གཅིག་ཆུང་འབྲིང་ཆེ་གསུམ་ཚོགས་ལམ་ཆུང་འབྲིང་ཆེ་གསུམ་སྤྲོས་བྲལ་མཐོང་ལམ་དུ་བཞེད་པ་ལ། མཁས་པ་འགའ་ཞིག་ན་རེ། བསྐལ་པ་གྲངས་མེད་གསུམ་དུ་ཚོགས་བསགས་སྒྲིབ་སྦྱངས་མ་བྱས་པར་མཐོང་ལམ་ཐོབ་མི་སྲིད་ཟེར་ཡང་། མདོ་ལུགས་མཚན་ཉིད་ཐེག་པ་ལ་དེ་ཡིན་ཀྱང་། གསང་སྔགས་བླ་མེད་ལ་དབང་ཁོ་ནས་གྲོལ་བ། གདམས་ངག་ཐོས་ཙམ་ནས་གྲོལ་བ། ཟླ་དྲུག་དང་ལོ་གསུམ་ཕྱོགས་གསུམ་དང་། ལོ་བཅུ་གཉིས་དང་། ཚེ་གཅིག་ལ་ཡང་སངས་རྒྱས་ཐོབ་པ་ཡོད་པར་གསུངས་ན་དེ་མི་འགལ་ལོ། །དེ་ལ་འོ་ན་མཐོང་ལམ་ས་དང་པོ་ཡིན་པས་དེ་ཐོབ་ན་སྐད་ཅིག་ལ་སྤྲུལ་པ་བརྒྱ་ཕྲག་གཅིག་འགྱེད་པ་འཇིག་རྟེན་གྱི་ཁམས་བརྒྱ་གཡོ་བ་སོགས་ནུས་

― CMR051_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གསུངས་ན་དེ་ཚོ་གར་ཡོད་ཟེར་ཀྱང་། དེ་ནི་སེངྒེའི་མངལ་རྒྱ་ཁྱུང་གི་སྒོང་རྒྱ་རྣལ་འབྱོར་པ་ལུས་རྒྱས་བསྒྲིབས་པས་ལུས་རྣམ་སྨིན་གྱི་ཕུང་པོ་གདོས་བཅས་འདིས་སྒྲིབ། བར་དོར་ཡོན་ཏན་དེ་དག་མངོན་དུ་གྱུར་ཏེ་རྩལ་དང་ཡོན་ཏན་རྫོགས་པས་བར་དོ་ཟེར་རོ། །རྣལ་འབྱོར་པ་ཐོད་པ་བོར་ཆོག །ནམ་ཤི་སངས་རྒྱས་དེ་ལ་ཟེར་གསུངས་ཏེ། སྔོན་བཅོམ་ལྡན་འདས་ལ་ཡང་གདུལ་བྱ་མ་དག་པ་རྣམས་མཚན་བཟང་ཚང་མ་མི་མཐོང་བར་གསུངས་པ་དང་། སྟོན་པ་བཞུགས་དུས་སུ་བྱམས་པ་དགེ་སློང་མ་ཕམ་པར་གྱུར་པ་ལ་གཞན་དག་ཉོན་མོངས་པ་མ་སྤངས་ཡོན་ཏན་ཅི་ཡང་མེད་པར་མཐོང་བའི་ལོ་རྒྱུས་མདོ་ལས་གསུངས་ན། རྣལ་འབྱོར་པའི་ཡོན་ཏན་དེ་དག་རྣལ་འབྱོར་པ་རང་གི་ཉམས་སྣང་དང་ལས་དག་པ་འགའ་རེའི་སྣང་བ་ལ་མི་འབྱུང་བའི་ངེས་པ་མེད་ལ། མ་དག་པས་མ་མཐོང་བ་ནི་ལོང་བའི་དཔེ་ལྟར་མེད་པ་ཡང་མིན་ནོ་སྙམ་མོ། །འོ་ན་ལམ་དང་འབྲས་བུ་ཇི་ལྟར་ཞེ་ན་གཞུང་ལས་དོན་གཉིས་ལྷུན་གྲུབ་ཏུ་འབྱུང་བ་ཉིད་དོ། །ཞེས་གསུངས་པས། རང་དོན་ཆོས་སྐུ་ཐོབ་ནས་གཞན་དོན་གཟུགས་སྐུ་གཉིས་འབྱུང་བ་སྟེ། ལམ་

― CMR051_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲོད་ལུགས་རྗེ་དབང་ཕྱུག་རྡོ་རྗེས། རྩེ་གཅིག་ཚོགས་སྦྱོར་སྤྲོས་བྲལ་མཐོང་བའི་ལམ། །རོ་གཅིག་སྒོམ་མེད་འབྲིང་མན་བསྒོམ་ལམ་སྟེ། །སྒོམ་མེད་ཆེན་པོ་རྫོགས་པའི་སངས་རྒྱས་སོ། །ཞེས་གསུངས་སོ། །དེ་ཡང་རྩེ་གཅིག་རྟོགས་པ་གཅིག་ཤི་ནས་ཐུགས་དམ་མ་ཟིན་ཡང་ངན་སོང་དུ་མི་ལྟུང་། སྤྲོས་བྲལ་རྟོགས་པ་གཅིག་ཤི་ནས་འོད་གསལ་མ་ཟིན་ཡང་གར་སྐྱེ་ལ་རང་དབང་ཐོབ་བོ། །རྩེ་གཅིག་རྟོགས་པ་གཅིག་ཐུགས་དམ་ཟིན་ན་ས་མཚམས་གང་ཡིན་རྩལ་རྫོགས་ཏེ། ཐུགས་དམ་དེ་ལ་ཆགས་ཞེན་སྐྱེ་ན་འདོད་ལྷ་དྲུག་སོགས་ལྷ་གནས་སུ་གོལ་སྲིད། ཆགས་ཞེན་མ་སྐྱེས་ན་སྤྲོས་བྲལ་དུ་ན་འཕར། སྤྲོས་བྲལ་བ་ནི་ཐུགས་དམ་ལ་གོལ་ས་མེད་དེ་རོ་གཅིག་ལ་ན་འཕོའོ། །རོ་གཅིག་སྒོམ་མེད་དུ་ན་འཕོ། དེ་ཡང་སྤྲོས་བྲལ་མན་ཞེན་ཆགས་མེད་པར་ཐུགས་དམ་ཡུན་རིང་ན་སངས་རྒྱའོ། །རོ་གཅིག་ཡན་ཡུན་རིང་མི་དགོས་པར་སངས་རྒྱའོ། །སྒོམ་མེད་ཆེན་པོ་ཚེ་འདིར་སངས་རྒྱས་ཟིན་པས་ཐུགས་དམ་སླར་ངོས་བཟུང་རྒྱུ་མེད་པས་ཐུགས་དམ་ལ་མི་བཞུགས་ཏེ་ཡབ་སྲས་ལྟ་བུའོ། །འཆི་དུས་འོད་གསལ་ཟིན་ནས་ཐུགས་དམ་ལ་བཞུགས་ན་ཆོས་སྐུར་སངས་རྒྱའོ། །

― CMR051_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་མ་ཟིན་ན་བར་དོར་བསྐྱེད་རིམ་བསྒོམས། དེ་ནས་འོད་གསལ་བསྒོམས་པས་ལོངས་སྤྱོད་རྫོགས་སྐུར་སངས་རྒྱའོ། །དེ་ལ་མ་ཟིན་ན་མངལ་བསྡམས་ནས་སྐྱེ་བ་བརྒྱུད་ནས་ཉམས་སུ་ལེན་འཕྲོ་མཐུད་དེ་སངས་རྒྱའོ། །སྐྱེ་བ་བདུན་ཕན་འགོར་མི་སྲིད། གལ་ཏེ་འགོར་ན་དམ་ཚིག་ཆག་པ་ཡིན་གསུངས་སོ། །དེས་ན་དེང་སང་ཚེ་འདིར་སངས་རྒྱ་བ་དཀའ་ནའང་། རབ་འཆི་བ་ཆོས་སྐུར་སངས་རྒྱ་བ་གཅིག །འབྲིང་བར་དོར་ཕྱག་རྒྱ་ཆེན་པོའི་རིག་འཛིན་ཐོབ་པ་གཅིག །ཐ་མ་ཡང་བདེ་བ་ཅན་ནམ་དགའ་ལྡན་ཟངས་མདོག་དཔལ་རི་སོགས་སུ་སྐྱེས་ནས་སྐྱེ་བ་དེ་ལ་སངས་རྒྱ་བ་གཅིག་དམིགས་རྩེ་གཏད་དགོས། གཏད་ན་འགྲུབ་ངེས་པ་མདོ་རྒྱུད་མན་ངག་དཔང་པོ་ཡིན་ནོ། །དེ་ལ་ཕྱག་རྒྱ་ཆེན་པོ་འདི་བདེ་མཆོག་གི་རྒྱུད་ཀྱི་དགོངས་པ་གཙོ་ཆེ་བ་ཡིན་ཅིང་། སྟོང་ཉིད་སྒོམ་དང་བདེ་མཆོག་རྣལ་འབྱོར་པ། །ཉེ་བར་སྐྱོང་མཛད་མགོན་པོ་བྱ་རོག་མཚན། །ཞེས་དང་། །དུས་མཁྱེན་གྱིས། ལྷན་ཅིག་སྐྱེས་སྦྱོར་གྱི་ཁྲིད་ལས་ཆོས་འདིའི་སྲུང་མ་མགོན་པོ་བྱ་རོག་མས་མཛོད། ཅེས་བཀའ་བསྒོས་པའི་ཕྱིར་ཕྱག་བཞི་བ་བཀའ་སྲུང་ཡིན། བེར་ནག་ཅན་

― CMR051_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྒྲུབ་སྐོར་དང་ལོ་རྒྱུས་མང་པོ་ནས་འགྲོ་མགོན་རས་པ་ཆེན་པོ་ཡས་སྲས་ཀྱི་བརྒྱུད་པ་འཛིན་ཅིང་ཕྱག་རྒྱ་ཆེན་པོའི་དོན་སྒོམ་པ་རྣམས་ལ་ཆོས་སྐྱོང་འདི་མ་བསྒྲུབས་ཀྱང་ཕྲིན་ལས་སྒྲུབ་པར་གསུངས་པ་དང་། རྗེ་དབང་ཕྱུག་རྡོ་རྗེས། ཆོས་འདིའི་སྲུང་མ་བེར་ནག་ཅན་གྱིས་མཛོད་གསུངས་པས། འདིའི་བཀའ་སྲུང་ཡིན་པས་རྒྱུན་དུ་གཏོར་བསྔོས་བྱས་ཤིང་བསྒོམས་པས་བར་ཆད་སེལ་ཞིང་ཕྲིན་ལས་སྡོང་གྲོགས་བྱེད་དོ། །ཕག་གྲུས། ཚོགས་གཉིས་ཡིད་བཞིན་གྱི་ནོར་བུ་ལ། །སྨོན་ལམ་གྱི་བྱི་དོར་མ་བྱས་ན། །དགོས་འདོད་ཀྱི་འབྲས་བུ་མི་འབྱུང་བས། །རྗེས་བསྔོ་བ་འདི་ལ་ནན་ཏན་མཛོད། །ཅེས་གསུངས་པས། དགེ་སྦྱོར་གྱི་མཇུག་ཐམས་ཅད་ལ། ། འཇམ་དཔལ་སངས་རྒྱས་ཞིང་བཀོད་ལས། ཆོས་རྣམས་ཐམས་ཅད་རྐྱེན་བཞིན་དུ། །འདུན་པའི་རྩེ་ལ་རབ་ཏུ་གནས། །གང་གི་སྨོན་ལམ་ཅི་བཏབ་པ། །དེ་འདྲའི་འབྲས་བུ་ཐོབ་པར་འགྱུར། །ཞེས་གསུངས་པས། དགེ་བ་འདི་ཡིས་མྱུར་དུ་བདག །ཕྱག་རྒྱ་ཆེན་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་བསྔོ་བ་སྨོན་ལམ་གལ་ཆེའོ། །བསྔོ་བས་རྒྱས་མ་ཐེབ་ན་

― CMR051_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོང་ཁྲོ་དང་འགྱོད་པ་སོགས་ཀྱིས་དགེ་རྩ་འཛད། རྒྱས་ཐེབ་ན་སངས་རྒྱས་མ་ཐོབ་བར་འབྲས་བུ་འབྱུང་ཡང་ཟད་མི་ཤེས་པའི་ཕྱིར་རོ། །ཞེས་པ་འདི་ནི་ཀརྨ་ཡང་དག་གིས་བསྐུལ་བས་དགེ་སློང་སྒོམ་པ་ལ་མོས་པ་ལམ་དུ་བྱེད་པ། ༧ རཱ་ག་སྱ་ཞེས་པས་སྦྱར་བ་ལ་འགལ་འཁྲུལ་གང་མཆིས་བཤགས་ཤིང་དགེ་བས་སེམས་ཅན་ཐམས་ཅད་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་གྱུར་ཅིག །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་གྱི་ཁྲིད་ངེས་དོན་རྒྱ་མཚོའི་བརྒྱུད་ཚུལ་དོགས་གཅོད།

― CMR051_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་གྱི་ཁྲིད་ངེས་དོན་རྒྱ་མཚོའི་བརྒྱུད་ཚུལ་དོགས་གཅོད་བཞུགས་པའི་དབུའོ།།

― CMR051_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་མུ་དྲ་ཡེ། ཟབ་ལམ་ཕྱག་ཆེན་ལྷན་ཅིག་སྐྱེས་སྦྱོར་གྱི་རྒྱུད་གཞུང་དང་བརྒྱུད་ཚུལ་ནི། སྤྱིར་བཅོམ་ལྡན་འདས་ཀྱིས་གསུངས་པའི་སྡེ་སྣོད་གསུམ་དང་རྒྱུད་སྡེ་བཞི་ཀ་ནས་སྟོང་པ་ཉིད་ཀྱི་དོན་རྒྱ་ཆེར་གསུངས་ཤིང་། ཁྱད་པར་བདེ་མཆོག་གི་རྒྱུད་ལས་ཕྱག་ཆེན་བཀའ་བབས་པར་བཤད་ལ། གུར་བརྟག་སམ་གསུམ། ། གསང་འདུས་རྩ་བཤད་དུས་འཁོར་གདན་བཞི་སོགས་ནས་གསལ་བར་གསུངས་ཤིང་། །རྒྱུད་སྡེ་བཞི་ནས་བླ་མེད་རྒྱུད་འདི་ལ་ལྷན་ཅིག་སྐྱེས་པའི་ཡེ་ཤེས་གཙོ་བོར་སྟོན་པ་སྟེ། རྒྱུད་ལས། དང་པོ་ལུས་སྤྱོད་གཙོ་བོར་སྟོན། །གཉིས་

― CMR051_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ངག་སྤྱོད་གཙོ་བོར་སྟོན། །གསུམ་པ་སེམས་སྤྱོད་གཙོ་བོར་སྟོན། །བཞི་པ་ལྷན་སྐྱེས་གཙོ་བོར་སྟོན་པ་འབའ་ཞིག་གོ ། ཞེས་གསུངས་པ་དང་། དྭགས་པོ་རིན་པོ་ཆེའི་བཞེད་པ་བཀའ་ཕྱག་ཆུ་བོ་གཉིས་འདྲེས་ཀྱི་ལུགས་ལ། བཀའ་བར་པའི་སྐོར་ལ་དབུ་ཕར་སོགས་སྟོང་ཉིད་སྟོན་པའི་གཞུང་མན་ངག་ཐམས་ཅད་ཕྱག་ཆེན་ལྷན་ཅིག་སྐྱེས་སྦྱོར་གྱི་གཞུང་འདི་ཡི་ལུང་རྒྱབ་ཏུ་འདྲེན་པ་ཡིན་ལ། ཡང་ཕྱི་མཚན་ཉིད་ཀྱི་ཐེག་པ་དང་། ནང་གསང་སྔགས་ཀྱི་ཐེག་པ་གཉིས་ཀ་ལས་ཁྱད་པར་དུ་འཕགས་པ། བླ་མེད་སྙིང་པོ་ཐེག་པ་ཡིན་པར་མེ་ཏྲི་པའི་བཤད་སྲོལ་

― CMR051_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འབྱུང་ངོ་། །དེ་ལ་འདི་ཡི་རྒྱུད་ངོས་བཟུང་ན། ཕྱག་རྒྱ་ཆེན་པོ་ཐིག་ལེའི་རྒྱུད་དང་། རབ་ཏུ་མི་གནས་པའི་རྒྱུད་ལ་ངོས་འཛིན་ཅིང་། བདེ་མཆོག་བྱེ་བ་རྒྱ་མཚོའི་བཅུད་ཕྱུང་བ་སྙན་བརྒྱུད་རྡོ་རྗེའི་ཚིག་ལས། ཕྱག་ཆེན་ཆོས་དྲུག་གཉིས་ཀ་གསལ་བར་གསུངས་ཤིང་། དགྱེས་རྡོར་གསང་བ་མཛོད་ལས་ཤིན་ཏུ་གསལ་བར་གསུངས་པ་སྒེར་རྒྱུད་ལྟ་བུར་བཞུགས་པ་དང་། ཨཱ་ལི་ཀཱ་ལི་གསང་བ་བསམ་གྱིས་མི་ཁྱབ་པའི་རྒྱུད་ལས་རྣལ་འབྱོར་བཞི་རིམ་གསལ་བར་གསུངས་ཤིང་། བདེ་མཆོག་སྙན་བརྒྱུད་ནས་ཤིན་ཏུ་གསལ་བར་གསུངས། རྒྱུད་ལ་བརྟེན་པའི་ཕྱག་ཆེན་རྒྱ་གཞུང་ནི། གྲུབ་པ་སྡེ་བདུན། སྙིང་པོ་སྐོར་དྲུག །ཡིད་ལ་མི་བྱེད་པའི་ཆོས་སྐོར་ཉེར་ལྔ་ཞེས་གྲགས་ལ། དེ་དག་གི་རྗེས་འབྲང་གི་རྒྱ་གཞུང་ཡང་མང་བར་ཡོད་པ་ལས། གྲུབ་པ་སྡེ་བདུན་ནི། ཨོ་རྒྱན་གྱི་སློབ་དཔོན་པདྨ་བཛྲ་གྱིས་མཛད་པ་དཔལ་གསང་བ་གྲུབ་པ། སློབ་དཔོན་ཡན་ལག་མེད་པའི་རྡོ་རྗེའམ། པཎྜི་ཏ་བདུད་རྩི་དགའ་བའི་འབྱུང་གནས་ཀྱིས་མཛད་པའི་ཐབས་དང་ཤེས་རབ་གཏན་ལ་དབབ་པའི་སྒྲུབ་པ་དེ་ཡི་དོན་བསྡུས། ཙ་མ་རི་མས་མཛད་པ་ཡེ་ཤེས་གྲུབ་

― CMR051_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

པ། ཨིནྡྲ་བོ་དྷི་འབྲིང་པོས་མཛད་པ་གཉིས་མེད་གྲུབ་པ། ལེགས་སྨིན་ཀ་རས་མཛད་པ་ལྷན་ཅིག་སྐྱེས་གྲུབ་ཀྱི་སྔ་མ་ཌོཾ་བི་ཧེ་རུ་ཀ་དང་། ཕྱི་མ་ལྭ་བ་པས་མཛད་པ། དེ་ཡི་འགྲེལ་པ་དགེ་སློང་དཔལ་མོས་མཛད་དེ། གཞུང་དེ་གཉིས་མཚན་མཐུན་པས་གཅིག་ཏུ་བསྒྲུང་། དངོས་པོ་གསལ་བའི་དེ་ཁོ་ན་ཉིད་གྲུབ་པ་རྣལ་འབྱོར་མ་ཙི་ཏོས་མཛད་པ་དང་། དེ་ཁོ་ན་ཉིད་གྲུབ་པ་ཀྱེ་ར་ལི་པས་མཛད་པ་གཉིས་མཚན་མཐུན་པས་གཅིག་ཏུ་བསྒང་། སིདྡྷི་ཀས་གྲུབ་ད་ར་ཀས་མཛད་པ་རྣམས་ཏེ་གྲུབ་པ་སྡེ་བདུན་ནོ། །སྙིང་པོ་སྐོར་དྲུག་ནི། ས་ར་ཧ་ཡི་དོ་ཧ་མཛོད། རྩེ་མོ་དོ་ཧ། བདག་བྱིན་རླབས། ཀླུ་སྒྲུབ་ཀྱི་ཕྱག་རྒྱ་བཞི་པ། ཨཱརྱ་དེ་ཝའི་སེམས་ཀྱི་སྒྲིབ་སྦྱོང་། ཏོག་ཙེ་བའི་བསམ་གྱིས་མི་ཁྱབ་པ་དང་དྲུག་ཡིན་ནོ། །དོ་ཧའི་རྗེས་འབྲང་རྒྱལ་པོ་དོ་ཧ། བཙུན་མོ་དོ་ཧ་མཛོད་ཆུང་།། ཀ་ཀའི་དོ་ཧ་རྣམས་ཡིན་ནོ། །ཕྱག་རྒྱ་བཞི་པའི་རྗེས་འབྲང་བྱང་ཆུབ་སེམས་འགྲེལ་དང་། སེམས་ཀྱི་རྡོ་རྗེ་ལ་བསྟོད་པ་རྣམས་ཡིན་ནོ། །རྩ་རྒྱུད་བསམ་གྱིས་མི་ཁྱབ་པ་དང་། བཤད་རྒྱུད་རྙོག་མེད་ལ་བརྟེན་པ་ཡིད་ལ་མི་བྱེད་པའི་ཆོས་སྐོར་ཉེར་ལྔ་

― CMR051_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ཐུན་མོང་གྲུབ་མཐའ་བསྟན་པ་རིན་པོ་ཆེའི་ཕྲེང་བ། དེའི་དོན་སྔགས་དང་སྦྱར་བའི་དོ་ཧ། རྩོད་སྤོང་ཡིད་ལ་མི་བྱེད་པར་བསྟན་པའམ། བདག་མེད་གསལ་བ་ལྟ་བ་ངན་སེལ། ལྟ་བ་ངན་སེལ་གྱི་དྲན་པ། བྱ་བ་མདོ་བསྟན། དབང་ངེས་བསྟན། དགོས་པ་མདོར་བསྡུས། དབང་གི་པྲ་ཁྲིད། བྱ་བ་མདོར་བསྡུས། དབང་པྲ་ཁྲིད་རྣམ་དག །ཕྱག་རྒྱ་ལྔ་པ་ཕྱེད་ལྔ་པ། དགའ་བཅུག་ལྔ་པ། ཟུང་འཇུག་དེ་ཉིད་ལྟ་བ། དབུ་མ་དྲུག་པ། ལྷན་སྐྱེས་དྲུག་པ། ཟུང་འཇུག་བཤད་པ། ཐེག་ཆེན་ཉི་ཤུ་པ། དེ་ཉིད་ཉི་ཤུ་པ། རབ་ཏུ་མི་གནས་པ། སྟོན་པའི་བདེ་ཆེན་གསལ་བ། ཟུང་འཇུག་ངེས་བསྟན། རྨི་ལམ་ངེས་བསྟན། སྒྱུ་མ་ངེས་བསྟན། དེ་ཉིད་བཅུ་པ། དེ་ཉིད་རབ་ཏུ་བསྟན་པ། རབ་ཏུ་མི་གནས་པ་གསལ་བར་སྟོན་པ། མ་རྟོགས་པ་རྟོགས་པར་བྱེད་པ། ཚིགས་བཅད་ཕྱེད་པ། རྩ་འགྲེལ་རྣམས་མེ་ཏྲི་པས་མཛད་དོ། །དེ་ཉིད་བཅུ་པ་ལ་ལྷན་ཅིག་སྐྱེས་པའི་རྡོ་རྗེས་འགྲེལ་པ་མཛད་པ་དང་། ཁོང་རང་གིས་སྦྱར་བའི་གནས་པ་བསྡུས་པ་སྟེ་དཔེ་སྣ་གསུམ་མོ། །དེ་རྣམས་ལ་ཕྱག་རྒྱ་ཆེན་པོ་བཤད་པ་ཚིག་གི་བསྐོར་ཞེས་

― CMR051_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་ཡིན་པའོ། །ཤ་ཝ་རིས་མེ་ཏྲི་ལ་གནང་བའི་ཕྱག་རྒྱ་ཆེན་པོ་ཐོག་བབ། དམར་ཁྲིད་མཚན་མ་མེད་པ་མེ་ཏྲིས་མཛད་པ། གྲུབ་ཐོབ་རྣམས་ཀྱི་རྟོགས་བརྗོད་མེ་ཏྲི་པས་གཅིག་ཏུ་བསྡུས་པ། རྟོགས་བརྗོད་གསེར་གྱི་ཕྲེང་བ་དེ་རྣམས་ལ་ཕྱག་ཆེན་པོའི་གདམས་ངག་ཉམས་ལེན་གྱི་སྐོར་ཞེས་བྱའོ། ༈ །ཕྱག་རྒྱ་ཆེན་པོའི་རྟོགས་པ་བྱིན་རླབས་ཀྱི་སྐོར་ནི་ལྷན་ཅིག་སྐྱེས་སྦྱོར་ཡིན་ཏེ། འདི་ལ་ནཱ་རོ་མཻ་ཏྲིའི་ལུགས་གཉིས་ཏེ། དང་པོ་ཏེ་ལོའི་ཆོས་དྲུག །གང་གཱ་མ་གཉིས་ལྷན་ཅིག་སྐྱེས་སྦྱོར་གྱི་ཆ་ལག་ཡིན་ལ། ཕྱག་རྒྱ་ཆེན་པོ་བསམ་གྱིས་མི་ཁྱབ་པ་ཞེས་བྱ་བ་ཏེ་ལོའི་སློབ་མ་གྲུབ་ཆེན་བརྒྱད་ལ་གདམས་པ་ཚན་པ་བརྒྱ། ཏཻ་ལོའི་ཚིགས་བཅད་མ་འདི་དང་ནཱ་རོས་མཛད་པའི་གཉུག་མ་གཅིག་ཆོད་དུ་ཁྲིད་པ་ཞེས་བྱ་བ་དང་། བསྲེ་འཕོའི་གཞུང་གི་སེམས་དངོས་པོའི་གནས་ལུགས་བསྟན་པ་ཁོ་ན་ལྷན་ཅིག་སྐྱེས་སྦྱོར་གྱི་གཞུང་ཡིན་ནོ། །ནཱ་རོའི་ལུགས་འདི་ལ་ཆོས་དྲུག་གི་གཏུམ་མོ་རྫོགས་ནས་འོད་གསལ་གྱི་སྐབས་སུ་ངོ་སྤྲད་པ་ཡིན་ནོ། །ཡང་རྒྱལ་པོ་ཨིནྡྲ་བོ་དྷིས་ལྷན་ཅིག་སྐྱེས་སྦྱོར་གྱི་རྒྱ་གཞུང་མཛད་དོ། །མེ་ཏྲི་པའི་ལུགས་ལ་འོད་གསལ་

― CMR051_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཁྱད་པར་དུ་གྱུར་པ་ཞེས་ཐ་མལ་གྱི་ཤེས་པ་རྗེན་པར་ངོ་སྤྲད་པ་ཡིན་ནོ། །གཞན་ཡང་དོ་ཧ་མཛོད་བརྒྱད་དང་། གྲུབ་ཆེན་བརྒྱད་ཅུའི་དོ་ཧ་བརྒྱད་ཅུ་ཞེས་པ་དང་། རྡོ་རྗེ་འཆང་གི་གསུངས་པ་ཕྱག་རྒྱ་ཆེན་པོ་རང་ཤར་རྡོ་རྗེའི་ཚིག་རྐང་དང་། ནི་གུ་མ་ཡི་རང་བབ་རྣམ་གསུམ་དང་། ལུས་མེད་མཁའ་འགྲོའི་ཆོས་སྐོར་ལས་རང་གྲོལ་ཕྱག་རྒྱ་ཆེན་པོ་ཞེས་པ་དང་། སློབ་དཔོན་པདྨས་གཏེར་མ་ཕྱག་ཆེན་ཉི་མའི་སྙིང་པོ་དང་། བལ་པོ་ཨ་སུ་ནས་བརྒྱུད་པ་དོ་ཧའི་སྐོར་དང་འབྲེལ་བའི་ཁྲིད་ཀ་བཤད་པ་དཔག་ཏུ་མེད་པ་ཡོད་དེ། ཕྱག་ཆེན་གྱི་རྒྱ་གཞུང་རྣམ་དག་ཕལ་ཆེར་ཕྱོགས་གཅིག་ཏུ་རྗེ་ཆོས་གྲགས་རྒྱ་མཚོས་བསྒྲིགས་པའི་གླེགས་བམ་ཆེན་པོ་གཅིག་ཡོད་པ། ཕྱག་ཆེན་གླེགས་བམ་མར་གྲགས་སོ། །དེ་ལྟར་རྒྱུད་དང་རྒྱ་གཞུང་རྣམས་ཀྱི་རྐང་གྲངས་སྨོས་ནས་དེ་དག་བརྒྱུད་ཚུལ་ནི། དོ་ཧའི་ལོ་རྒྱུས་ལྟར་ན། དགོངས་པ་ཡོངས་སུ་མྱ་ངན་ལས་འདའ་ཁར། ལྷོ་ཕྱོགས་བྷེ་ཏའི་གྲོང་ཁྱེར་དུ་བྱང་ཆུབ་སེམས་དཔའ་འཇམ་དཔལ་དང་སྤྱན་རས་གཟིགས་ལ་ཞལ་ཆེམ་གྱི་ཚུལ་དུ། ཆོས་ཐམས་ཅད་ཀྱི་སྙིང་པོ་ཕྱག་རྒྱ་ཆེན་པོ་གཏད་ཅིང་གཉེར་རོ། །མ་འོངས་པའི་དུས་སུ་གང་

― CMR051_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཟག་གཅིག་ཆར་བ་དང་། རིམ་སྐྱེས་པ་རྣམས་ལ་ཕན་པར་གྱིས་ཤིག་ཅེས་ལུང་བསྟན་ཏོ། །དེ་ནས་སྤྱན་རས་གཟིགས་ཀྱིས་ལྷ་སྲས་དགེ་བའི་མགོན་པོར་སྤྲུལ་ཏེ་བྲམ་ཟེ་ཆེན་པོ་ས་ར་ཧ་ལ་གནང་སྟེ་གྲོལ་བར་མཛད་ཅིང་དོ་ཧའི་སྐོར་གསུངས་སོ། །འཕགས་པ་གྱིས་ལྷ་སྲས་བློ་གྲོས་རིན་ཆེན་དུ་སྤྲུལ་ནས་འཕགས་པ་ཀླུ་སྒྲུབ་ལ་གནང་ནས་གྲོལ་བར་མཛད་དོ། །དེ་ལ་དཔལ་ཤཱ་ཝ་རི་དབང་ཕྱུག་གིས་གསན་ནས་དོ་ཧའི་ཡིག་ཆ་ཅི་རིགས་སུ་མཛད་དོ། །དེ་ལ་རྒྱལ་བ་མེ་ཏྲི་པས་གསན་ནས་གསང་སྤྱོད་ཀྱི་སྐོར་མཛད་དོ། ཡང་བླ་མེད་ཀྱི་རྒྱུད་རྣམས་ཕྱག་ན་རྡོ་རྗེ་ལ་གཏད་པའི་ཕྱིར་བདེ་མཆོག་གི་རྒྱུད་ལས་ཕྱག་ཆེན་བཀའ་བབས་པ་ཡིན་ཏེ། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ། ལོ་ཧི་པ། དྷིང་གི་པ། ཏེ་ལོ་པ་ལའོ། །དོ་ཧ་ནི། རྡོ་རྗེ་འཆང་། སེམས་དཔའ་རྣམ་གཉིས། ས་ར་ཧ། ཀླུ་སྒྲུབ། ཤ་ཝ་རི། མེ་ཏྲི་པའོ། །ཉེ་བརྒྱུད་བྱེད་ན། བྱང་ཆུབ་སེམས་དཔའ་བློ་གྲོས་རིན་ཆེན་ལ་ཤ་ཝ་རིས་གསན་ནོ། །གྲུབ་པ་སྡེ་བདུན་བརྒྱུད་པ་ནི། སངས་རྒྱས་བཅོམ་ལྡན་འདས། རྒྱལ་པོ་ཨིནྡྲ་བོ་དྷི། ཕྱག་ན་རྡོ་རྗེ། དྲང་སྲོང་

― CMR051_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་འབྱིན། བུ་མོ་རོལ་པ་མོ། །དཔའ་བོ་རྡོ་རྗེ། དམ་ཚིག་རྡོ་རྗེ། པདྨ་རྡོ་རྗེ། ལྷན་ཅིག་སྐྱེས་པའི་རྡོ་རྗེ། དག་པའི་རྡོ་རྗེ། བྲམ་ཟེ་མོ་རྡོ་རྗེ། གྲུབ་པའི་རྡོ་རྗེ། ཀུན་འགྲོ་རྡོ་རྗེ། ཐུགས་རྡོ་རྗེ། དགེ་སློང་མ་དཔལ་མོ། ལྭ་བ་པ། ཏེ་ལོ་པ་ལའོ། །སྙིང་པོ་སྐོར་དྲུག་གི་བརྒྱུད་པ་ནི། སངས་རྒྱས་བཅོམ་ལྡན་འདས། ལྷོ་ཕྱོགས་ཀྱི་རྒྱལ་པོ་སུ་ཀ་སུ་ཞེས་ཀྱང་བྱ་སྟེ། སྲས་སྒྲ་གཅན། ས་ར་ཧ། ཀླུ་སྒྲུབ། ཨཱརྱ་དེ་ཝ། ཏཻ་ལོ་པའོ། །ཡང་རྡོ་རྗེ་འཆང་། ཨིནྡྲ་བོ་དྷི། ཀླུའི་རྣལ་འབྱོར་མ། །ས་ར་ཧ། ལོ་ཧི་པ། དྷ་རི་ཀ་པ་དང་། རྙིང་གི་པ་གཉིས་ཀ་ལ་ཏི་ལོ་པས་གསན་ནོ། ། །ཡང་ཀླུ་སྒྲུབ་ནས། ཤ་ཝ་རི། ལོ་ཧི་པའོ། །ཡང་བསམ་གྱིས་མི་ཁྱབ་པ། རྟ་མཆོག་འཛི་ན། ཨིནྡྲ་བོ་དྷི་འབྲིང་པོ། ལེགས་སྨིན་ཀ་རའོ། །ཡང་རྟ་མཆོག་འཛི་ནས་སྒེག་པའི་རྡོ་རྗེ། གུ་དྷི་རའམ། ཞིང་པ་པདྨ་བཛྲ། དེས་ཡན་ལག་མེད་པའི་རྡོ་རྗེའམ། ཕྱག་རྡོར་བ། ཆོས་ཀྱི་པ། བཟང་པོ་ཞབས། ཏོག་རྩེ་བའམ། སྟོང་ཉིད་ཏིང་འཛིན། དེས་ལེགས་སྨིན་ཀ་ར། གུ་དྷི་ར། ཡན་ལག་མེད་པའི་རྡོ་རྗེ་ལའང་

― CMR051_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པས་གྲུབ་པ་སྡེ་བདུན་དེ་ལྟར་བརྒྱུད་ཅིང་། ཏོག་རྩེ་པས། ལྭ་བ་པ་ལ་གསུངས། དེས་ཏེ་ལོ་པ་ལའོ། །ཡང་ན་ཏོག་རྩེས་ཤ་ཝ་རི་ལ། དེས་ཏཻ་ལོ་པ་ལའོ། །ཏཻ་ལོས་ནཱ་རོ། །དེས་མཻ་ཏྲི་དང་མར་པ་གཉིས་ལའོ། །ཤ་ཝ་རི་པས་མཻ་ཏྲི། ། དེས་མར་པའོ། །ཡིད་ལ་མི་བྱེད་པའི་ཆོས་སྐོར་ཉེར་ལྔ་ནི། མཻ་ཏྲི་པས་མར་པ་དང་། རྒྱ་གར་ཕྱག་ན་དང་། ཏི་ཕུ་པ་གསུམ་ཀ་ལ་གནང་། མར་པས་མི་ལ། ཏི་ཕུས་རས་ཆུང་ལ། ཕྱག་ནས་བལ་པོ་ཨ་སུ་དང་། དེས་རས་ཆུང་པའོ། །ཉེ་བརྒྱུད་ནི། ཏཻ་ལོས། ང་ནི་ཞིང་ཁམས་བརྒྱར་ཡང་ཕྱིན། །རྡོ་རྗེ་འཆང་དང་ང་གཏམ་བྱས། །ཞེས་དང་། མེ་ལོ་ང་ལ་མི་ཡི་བླ་མ་མེད། །རྡོ་རྗེ་འཆང་ཆེན་ང་ཡི་བླ་ཡིན། །ཞེས་གསུངས་པས། རྡོ་རྗེ་འཆང་། ཏཻ་ལོ། ནཱ་རོ། མར་པའོ། །ཡང་རྡོ་རྗེ་འཆང་། བློ་གྲོས་རིན་ཆེན། ཤ་ཝ་རི། མེ་ཏྲི་པ། མར་པ་ལོ་ཙཱའོ། །དེ་ལ་རྟོགས་པ་དོན་བརྒྱུད་ནི། ས་ར་ཧ། ཀླུ་སྒྲུབ། ཤ་ཝ་རི། མཻ་ཏྲི་པ། མར་མི་དྭགས་པོ་ནས་ཀཾ་ཚང་དོན་བརྒྱུད་ལྟར་ཡིན་ལ། བཤད་པ་ཚིག་གི་བརྒྱུད་པ་ནི། མཻ་ཏྲིའི་སློབ་མ་ཏི་ཕུ་

― CMR051_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། བལ་པོ་གཉིས་ཀ་ལ་རས་ཆུང་པས་གསན། དེ་ལ་དུས་མཁྱེན།། དེས་རྒྱ་བོ་ཕོ་བ་ལུང་པ། རས་ཆེན་པའོ། །རས་ཆུང་བས། ཟངས་རི་རས་པ། རས་ཆེན་པའོ། །དེ་ནས་སྤོམ་བྲག་པ། ཀརྨ་པའོ། །གཉེན་རས་པའོ། །རང་བྱུང་བ། ཆོས་རྡོ་རྗེ། ཡང་དགོན་པ། སོག་དབོན་པ། མཐོང་བ་དོན་ལྡན། དཔལ་འབྱོར་དོན་གྲུབ། ཆོས་གྲགས་རྒྱ་མཚོ། །གྲུབ་ཆེན་རིན་པོ་ཆེ། མི་བསྐྱོད་ཞབས། དཀོན་མཆོག་ཡན་ལག །དབང་ཕྱུག་རྡོ་རྗེའོ། །དེ་ལ་རྗེ་མེ་ཏྲི་མར་པ་སོགས་ནས་ད་ལྟའི་བར་ཁྲིད་སྲོལ་ཕྱག་ལེན་དང་། རྟོགས་པ་བྱིན་རླབས་བཀའ་བབས་མ་ཉམས་པར་ཡོད་ཅིང་། དེ་དག་གི་ཁྲིད་ཡིག་རྗེ་དུས་མཁྱེན་གྱིས་མཛད་པ་སོགས་མང་དུ་བཞུགས་པ་ལས། རྟོགས་པ་དོན་བརྒྱུད་ལུགས་ཀྱི་ལྷན་ཅིག་སྐྱེས་སྦྱོར་ལ་རྩ་བ་དངོས་གཞིར་མཛད་ནས་བཤད་པ་ཚིག་གི་བསྐོར་རྣམས་ཀྱིས་ངེས་ཤེས་བསྐྱེད་པའི་ལུང་འདྲེན་དང་བཅས་ཏེ། རྗེ་བཙུན་བྲམ་ཟེ་ཉིད་ཀྱི་སྐུ་ཡི་བཀོད་པ་ཀརྨ་པ་དགུ་པས་ཁྲིད་ཡིག་རྒྱས་བསྡུས་གསུམ་མཛད་པ་ལས་རྒྱས་པ་འདི་ཉིད་ཞྭ་དམར་ཅོད་པན་འཛིན་པ་དྲུག་པའི་ཞལ་སྔ་ནས་ཟླ་ཁྲིད་རྒྱས་པར་ལྗགས་

― CMR051_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་དང་བཅས་པ་ཐོབ་པ་ལགས་སོ། །ཏེ་ལོ་ནཱ་རོ་ནས་བརྒྱུད་པའི་ལྷན་ཅིག་སྐྱེས་སྦྱོར་ཡང་འདི་རང་ལ་འཐུས་ཤིང་། བརྒྱུད་པ་ཡང་མར་པ་མན་གཅིག་གོ ། བརྒྱུད་པའི་དོགས་གཅོད་ནི་ཀར་ལུགས་ལ། བྲམ་ཟེ་ཆེན་པོའི་ལོ་རྒྱུས་དྲུང་པ་རིན་པོ་ཆེས་གསུངས་པ་ཅུང་ཙམ་ཡིད་ལ་སྣང་བ་ནི། སྔོན་སངས་རྒྱས་ཞིག་སངས་རྒྱས་ནས་རིང་པོར་མ་ལོན་པ་ན། བྲམ་ཟེ་མཆེད་ལྔ་ཡོད་པ་སྐྱོ་བསངས་ལ་བྱོན་པས། བུད་མེད་ཁ་དོག་མི་གཅིག་པ་ལྔས་ཆང་མི་གཅིག་པ་ལྔ་ཁྱེར་ནས། གླུ་ལྔ་བླངས་ཏེ་ཆང་དྲངས་བ་བྲམ་ཟེ་མཆེད་བཞིས་གསོལ་བས། དོ་ཧ་གླུ་བཞི་པོ་དེ་ཡི་དོན་རྟོགས་ཏེ་སྐད་ཅིག་དེ་ཉིད་ལ་མི་སྣང་བར་མཁའ་སྤྱོད་དུ་གཤེགས། ཐ་ཆུང་རྟེན་དགེ་སློང་ཡིན་པ་དང་། རིགས་བྲམ་ཟེ་ཡིན་པས་ཆང་མ་གསོལ་བས་ལུས། དེ་ནས་ཕྱིར་ཉིན་ཐུགས་སྐྱོ་ཞིང་སྐྱེད་མོས་ཚལ་དུ་བྱོན་ཙ་ན་བུད་མེད་དམར་མོ། །ལྟ་བས་ཆོག་མི་ཤེས་པ་གཅིག་གིས་ཁོང་ལ་ཟུར་གྱིས་ལྟ་ཞིང་བྱོན་ནས་དོ་ཧའི་གླུ་བླངས་པས། སྔོན་ཡང་ཐེ་ཚོམ་བྱས་པས་ལེན་དགོངས་ནས། དེ་ཡི་ཆང་གསོལ། སྙོམས་འཇུག་རོལ་པས་བརྗོད་མེད་ལྷན་སྐྱེས་ཀྱི་རྟོགས་པ་ཤར། དེ་

― CMR051_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་མཁའ་འགྲོ་མ་དེས་ལུང་བསྟན་ནས། ད་ནི་ཞག་གཉིས་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་བྱོན་ནས་དབང་དང་གདམས་པ་གནང་ནས་ལུང་བསྟན་པ། ད་ནི་ཞག་གཉིས་ནས་བྱང་ཆུབ་སེམས་དཔའ་བློ་གྲོས་རིན་ཆེན་བྱོན་ནས་བྱིན་གྱིས་རླབས་པར་འགྱུར་རོ་གསུངས་ནས་མི་སྣང་བར་གྱུར་ཏོ། །དེ་ནས་ཞག་གཉིས་ནས་དགའ་ལྡན་ནས་ལྷའི་བུ་བྱང་ཆུབ་སེམས་དཔའ་བློ་གྲོས་རིན་ཆེན་དངོས་སུ་བྱོན་ནས་ཕྱག་རྒྱ་ཆེན་པོ་གནང་བ་ཡིན་པ་ཐོས་སོ། །འགའ་ཞིག་ན་རེ། ས་ར་ཧ་ཡི་གསང་མཚན་བློ་གྲོས་རིན་ཆེན་ཡིན། དེ་ལྷའི་བུ་གཅིག་ལོགས་སུ་འདོད་པ་ནོར་ཟེར་ནའང་། ཀར་ལུགས་ཀྱིས་བཞེད་པ། ས་ར་ཧའི་གསང་མཚན་བློ་གྲོས་རིན་ཆེན་གཞན་མིན་པ་ག་ལ་གྲུབ་སྟེ། ད་ལྟ་ཡང་ཀརྨ་པ་ཡི་སྐུའི་བཀོད་པ་དགའ་ལྡན་ན་བློ་གྲོས་རིན་ཆེན་དང་། ལྷོ་ཕྱོགས་དཔལ་གྱི་རི་ལ་ས་ར་ཧ་དངོས་སུ་བཞུགས་ཏེ། ཐུགས་རྒྱུད་གཅིག་ལ་སྐུ་སོ་སོར་འདོད་དོ། །གྲུབ་ཆེན་སེང་ལྡེང་པས་བཞེད་པས། སྟོན་པའི་དྲུང་དུ་ལི་ཙཱ་བྱི་དྲི་མ་མེད་པར་གྲགས་པ་དེ་བློ་གྲོས་རིན་ཆེན་ཡིན་པར་བྱེད་དོ། །སྤྱིར་བྲམ་ཟེ་ཆེན་པོ་ས་ར་ཧ་ཆེན་པོ་དང་། ཤ་ཝ་རི་པ་ལ་ས་ར་ཧ་འབྲིང་

― CMR051_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དང་། མེ་ཏྲི་པའི་སློབ་མ་ར་མ་ཕ་ལ་དེ་ལ་ཏྲི་ས་ར་ཧ་ཞེས་ས་ར་ཧ་ཆུང་བའི་ཐ་སྙད་བྱེད་ལ། པདྨ་ས་ར་ཧ་ཞེས་པ་ཨོ་རྒྱན་རིན་པོ་ཆེའི་མཚན་བཞི་བཅུའི་གཅིག་དེ་ལ་བྲམ་ཟེ་ཆེན་པོ་ས་ར་ཧ་འདི་ནི་བཅོམ་ལྡན་འདས་མྱ་ངན་ལས་འདས་ནས་རྡོ་རྗེ་ཐེག་པའི་སྒོ་ནས་གྲུབ་པ་བརྙེས་པའི་སྔ་ཤོས་ཡིན་པས། གྲུབ་ཐོབ་ཐམས་ཅད་ཀྱི་སྤྱི་སྐྱེས་ལྟ་བུ་སྟེ་འདི་ལས་མ་རྒྱུད་པ་ཆེར་མེད་ལ། ས་ར་ཧ་རབ་ཏུ་བྱུང་བ་ཡང་སྲས་སྒྲ་གཅན་འཛིན་ལ་ཡིན་ཏེ། འདུལ་བའི་མཁན་རྒྱུད་ལས་བྲམ་ཟེ་སྒྲ་གཅན་འཛིན་ཞེས་ས་ར་ཧ་ཡིན་པས། དེས་ཀླུ་སྒྲུབ་རབ་ཏུ་བྱུང་ལ་ས་ར་ཧས་ལྷོ་ཕྱོགས་ཀྱི་རྒྱལ་པོ་སུ་ཀལྤག་ལས་གསང་འདུས་སོགས་གསན་ཏེ། རྒྱལ་པོ་དེ་ནི་སྲས་སྒྲ་གཅན་འཛིན་ཡིན་ནོ། །ཐུན་མོང་མ་ཡིན་པ་གསང་བའི་རྒྱུད་ལས། རྡོ་རྗེ་སེམས་དཔའ་སྒྲ་གཅན་འཛིན། །ཞེས་གསུངས་པས་དོན་ལ་རྡོ་རྗེ་སེམས་དཔའ་འོ། །དེ་ལྟར་ས་ར་ཧ་ནི་ཕྱག་ན་རྡོ་རྗེ་དང་བྱང་སེམས་བདེ་བའི་མགོན་པོ་དང་། བློ་གྲོས་རིན་ཆེན། རྡོ་རྗེ་རྣལ་འབྱོར་མ་དང་། ཀླུ་ལས་གྱུར་པའི་རྣལ་འབྱོར་མ། ལྔ་ཀ་ལས་དངོས་སུ་ཕྱག་རྒྱ་ཆེན་པོ་འདི་གསན་ཅིང་། བདེ་མཆོག་

― CMR051_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲེང་བའི་རྒྱུད་སོགས་ནས་ས་ར་ཧ་དང་གྲུབ་ཆེན་བརྒྱད་ལུང་བསྟན་གསལ་བར་ཡོད། ཁྱད་པར་ཀླུ་སྒྲུབ་ནི་རྔ་བོ་ཆེ་ཡི་མདོ་སོགས་མདོ་སྡེ་བཅུ་གཉིས་ནས་ལུང་བསྟན་པས་སྟོན་པ་གཉིས་པ་ལྟ་བུ་ཡིན་ནོ། །ཡང་ཐེལ་ལུགས་ཀྱི་བཤད་སྲོལ་ལ། རྗེ་བཙུན་མི་ལ་ཡོན་ལ་ཆོས་དྲུག་གི་གཏུམ་མོའི་ཡོན་ཏན་རྫོགས་ནས་འོད་གསལ་གྱི་སྐབས་སུ་ངོ་སྤྱོད་པ་ལས། མགོན་པོ་ཟླ་འོད་གཞོན་ནུས་ཚད་མེད་པའི་ཐུགས་རྗེས་ཀུན་ནས་བསླངས་ཏེ་འགྲོ་བ་མཆོག་དམན་ཐམས་ཅད་ཀྱི་རྟོགས་སླ་བའི་ཕྱིར་ཟུར་ཁྲིད་དུ་གོ་ཆ་གཉིས་སམ་བཞི་ཡི་ལམ་ཁྱེར་མཛད། དེ་ཡི་འགྲེལ་པ་ཕག་གྲུས་ལྷན་ཅིག་སྐྱེས་སྦྱོར་ཚིགས་བཅད་མ་མཛད། དེ་ལ་གླིང་རས་པ་དང་འཇིག་རྟེན་གསུམ་མགོན་གྱིས་གསན་ནས་འབྲི་གུང་པ་སྤྱན་སྔ་ཡབ་སྲས་ཀྱིས་ལྔ་ལྡན་ལ་གཙོ་བོར་མཛད་པ་ཡིན་གསུངས་སོ། །ཡང་ཕྱག་ཆེན་གོ་ཆ་གཉིས་མ་ནི་མདོ་ལུག་གས་ཡིན་པར་ཕག་གྲུས་བཤད་དེ། མཛད་མཁན་ཤར་ཕྱོགས་ལྭ་བ་པ་ཇོ་བོའི་བླ་མ་རྩྭ་རིའི་གནས་སྒོ་འབྱེད་མཁན་དེ་ཡིན། དེས་རཀྴི་ཏ། དེས་མར་པའོ། །ཡང་ལྭ་བ་པ། ཇོ་བོ་རྗེ། དགེ་བཤེས་དགོན་པ་བ། རྒྱ་ལྕགས་རི་བ། དྭགས་པོ་རིན་པོ་

― CMR051_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེའོ། །འདི་ལ་འགའ་ཞིག་འཁྲུལ་ནས་ལྷན་ཅིག་སྐྱེས་སྦྱོར་བཀའ་གདམས་པའི་གདམས་པ་ཡིན་ཟེར་བ་འབྱུང་ངོ་། །ཡང་རྗེ་བཙུན་ཀུན་དགའ་རྣམ་རྒྱལ་ལ་ལྷན་ཅིག་སྐྱེས་སྦྱོར་གྱི་ཁྲིད་ཞག་པོ་བཅོ་བརྒྱད་ཙམ་ལ་ཐོབ་ཅིང་གནས་འགྱུའི་ངོ་སྤྲོད་མཛད་དོ། །དེ་དུས་རྒྱ་བོད་དུ་ཕྱག་ཆེན་གྱི་བཀའ་བབས་བྱོན་ཚད་ཕལ་ཆེར་གྱི་རྣམ་ཐར་ཧྲག་བསྡུས་དང་། དེ་ཐམས་ཅད་ཀཾ་ཚང་གི་བརྒྱུད་པ་དེ་ལ་ཆུ་བོ་ཐམས་ཅད་རྒྱ་མཚོར་འབབ་པ་ལྟར་ཚང་ཚུལ་རྒྱ་ཆེར་གསུངས་ཤིང་། ཟུར་མང་ལུགས་ཀྱི་ལྷན་ཅིག་སྐྱེས་སྦྱོར་འདི་ནི་གནས་ལུགས་ཡིད་བཞིན་ནོར་བུ་ཞེས་བྱ་སྟེ། སྙན་བརྒྱུད་ཀྱི་ཆ་ལག་ཏུ་བགྲང་བར་བྱེད་པས་ན། དེ་ཡི་གནད་ཀྱིས་ཟུར་མང་ལུགས་ཀྱི་ཁྲིད་འདི་གཉན་ཅིང་། འཚུབ་སློང་ཆེ་བ་ཡིན་ཟེར་ཏེ་བདེན་པར་སྣང་ལ། དེ་ཡི་ལུགས་ཀྱི་རྟོགས་པ་དོན་བརྒྱུད་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། ཏཻ་ལོ་ནཱ་རོ་ནས་ཀཾ་ཚང་དོན་བརྒྱུད་ལྟར་ལས། དེ་བཞིན་གཤེགས་པས་གྲུབ་ཆེན་རྨ་སེ་ལ། ཆོས་སྐུ་འོད་ཀྱི་མཚན་ཅན་ཞེས་སམ། །ལྷ་ཡག་ཆོས་དཔལ་ཡེ་ཤེས་འདི་པ་སྐྱེས་བུ་ཡེ་ཤེས་རྡོ་རྗེའི་སྐྱེས་མཐའ་ཡིན་པར་སྣང་ལ། དེ་རྨ་སེའི་

― CMR051_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པ་དང་དབོན་གཉིས་ཡིན་པས་ཇོ་དན་བློ་གྲོས་གྲགས་པ་ལ། དེས་རྒྱལ་བ་རྒོད་ཚང་པའི་སྤྲུལ་པ་རྨ་སེའི་དབོན་རིགས་བྱ་བཏང་བློ་གྲོས་རྒྱ་མཚོ་ལ། དེས་འགྲོ་མགོན་ཏི་ཤྲཱི་རས་པའི་སྐྱེས་མཐའ་རྟོགས་ལྡན་དོན་གྲུབ་བཀྲ་ཤིས་དང་། དེས་བྱ་བཏང་བློ་གྲོས་སྐུ་སྐྱེ་རྨ་སེའི་གདུང་རིགས་ལེགས་བཤད་སྒྲ་དབྱངས་ལའོ། །དེས་གར་དབང་སྤྲུལ་སྐུ་རྒྱལ་སྲས་བློ་གྲོས་རྣམ་རྒྱལ་ལའོ། །དེས་སྔགས་འཆང་སངས་རྒྱས་རིན་པོ་ཆེ། དེས་དྲིན་ཀུན་དགའ་རྣམ་རྒྱལ་ལའོ། །ཡང་དོ་ཧ་མཛོད་བརྒྱད་ཀྱི་ལུང་ཐོབ་པའི་བརྒྱུད་པ་ནི། གོང་དུ་བཤད་པའི་ཚིག་གི་བརྒྱུད་པ་དེ་ཉིད་ལ། དབང་ཕྱུག་རྡོ་རྗེ། ཆོས་ཀྱི་དབང་ཕྱུག །དེས་མཁས་གྲུབ་ལུང་རིགས་ཉི་མ་ལ། དེས་བདག་ལའོ། །ཡང་མོས་གུས་ཕྱག་ཆེན་གྱི་ལུང་ཐོབ་པའི་བརྒྱུད་པ་ནི། རྡོ་རྗེ་རྣལ་འབྱོར་མས་རྒོད་ཚང་བ་ལ་དངོས་སུ་གནང་ནས། ཨོ་རྒྱན་པ་དང་། སྙེ་མདོ་བ་ཀུན་དགའ་དོན་གྲུབ་སོགས་ལ་རང་བྱུང་བས་གསན་པ་ནས། རྗེ་ཆོས་ཀྱི་དབང་ཕྱུག་གི་དོན་བརྒྱུད་ལྟར་ལས། དྷརྨའི་མཚན་ཅན་གྱིས་བདག་ལའོ། །ལྔ་ལྡན་ཉུང་ངུས་ལུང་ཐོབ་པ་ནི། བརྒྱུད་པ་ཏེ་ལོ་ན་རོ་ནས་འདེད་ཅིང་།

― CMR051_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ཕག་གྲུ་འཇིག་རྟེན་མགོན་པོ། །རྗེ་དུས་མཁྱེན་ནས་དོན་བརྒྱུད་ལྟར་ལས་ཆོས་ཀྱི་དབང་ཕྱུག །རབ་འབྱམས་སྨྲ་བ་ངག་གི་དབང་ཕྱུག །དེས་བདག་ལའོ། །ལྔ་ལྡན་གྱི་མཐའ་གཅོད་འབྲི་གུང་དགོངས་གཅིག་གཞུང་བཤད་རྒྱ་ཆེན་པོ་དང་བཅས་པ་ཚར་ཕྱེད་གཉིས་ནི་རྗེ་ཞྭ་དམར་དྲུག་པ་ཉིད་ལའོ། །དེ་ལས་གཞན་པའི་བཞག་ཐབས་དང་ཕྱག་ཆེན་ལུང་འདྲེན་ཐོབ་པའི་བརྒྱུད་པ་ཁྲིར་མི་ལོང་ལ། རས་ཆུང་སྙན་བརྒྱུད་ཀྱི་ནང་ནས་ཕྱག་ཆེན་ཡེ་ཤེས་གསལ་བྱེད་ཀྱི་ལུང་ཐོབ་པ་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། ཏཻ་ལོ་ནཱ་རོ་མར་མི། རས་ཆུང་པ། ཁྱུང་ཚང་གྲུབ་ཐོབ་རྣམ་གསུམ་འགྲོ་མགོན་ཡབ་སྲས། ཀུན་ལྡན། གཟི་བརྗིད་རྒྱལ། བཀའ་བབས་རྣམ་གསུམ། ཤེས་རྡོ་ལོ་ཙཱ། ཟླ་བ་རྒྱལ་མཚན། ཆོས་གྲགས། སང་ཡེའི་མཚན་ཅན་རཏྣ་བཛྲ། ཡར་བྱོན་སངས་རྒྱས་བཟང་པོ། །སྤྲུལ་སྐུ་བསོད་ཡེ། སངས་རྒྱས་རིན་ཆེན། དྲུང་པ་ཀུན་དགའ་རྣམ་རྒྱལ་ཀརྨ་དོན་དམ་སྙིང་པོ། དེས་བདག་ལའོ། །དེ་ལྟར་ཆོས་ཕྱག་རྒྱ་ཆེན་པོ་ཉམས་སུ་བླངས་པས་གྲུབ་ཐོབ་བྱོན་ཚུལ་ནི། ས་ར་ཧས་ཆོས་བསྟན་པས་རྒྱ་གར་ལྷོ་ཕྱོགས་

― CMR051_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་གྱི་རིའི་བྱ་རི་དྭགས་ཡན་ཆད་མཁའ་སྤྱོད་དུ་གཤེགས་ནས་རྒྱ་གར་ལྷོ་ཕྱོགས་ལན་གཅིག་སྟོང་པར་གྲགས་ཤིང་། རྒྱ་གར་གྱི་གྲུབ་ཆེན་ཐམས་ཅད་ས་ར་ཧ་ཡི་ཆོས་བརྒྱུད་དེ་ལ་མ་ཐུག་པར་ཆེར་མེད་སྐད། ཀླུ་སྒྲུབ་ཀྱིས་ལོ་བརྒྱའི་བར་དུ་མདོ་སྔགས་གཉིས་ཀ་བསྐྱངས་པས་དེ་དུས་པཎ་གྲུབ་ཐམས་ཅད་སློབ་མར་མ་གྱུར་པ་མེད་ལ་ཟབ་མོ་ལྟ་བའི་ཤིང་རྟ་ཆེན་པོ་ཡིན་ཅིང་ཤ་ཝ་རི་ཀླུ་ཡི་བྱང་ཆུབ་སོགས་ལ་མན་ངག་བསྟན་པས་གྲུབ་པ་ཐོབ་པ་མཐའ་ཡས་ལ། ཀླུ་ཡི་བྱང་ཆུབ་དང་མ་ཏང་གི་གཉིས་གཅིག་ཡིན་པར་འགའ་ཞིག་གིས་འདོད་དོ། །ཏཻ་ལོ་པས་ཆོས་གསུངས་པས་ཐམས་ཅད་མཁའ་སྤྱོད་དུ་བཞུད་ནས་ཟ་ཧོར་གྱི་ཡུལ་རེ་ཞིག་སྟོང་པར་གྲགས། ནཱ་རོ་པ། ཏི་རི་པ། ཀཎྜ་རི་པར་སྤྲུལ་པས་བཏུལ་བའི་གྲུབ་ཐོབ་བརྒྱུད་སོགས་བྱོན་ནོ། །རྗེ་ནཱ་རོ་པ་ལ་མེ་ཏྲི་པ་སོགས་རང་དང་འདྲ་བ་བདུན། སན་དྷ་པ་སོགས་གྲུབ་ཐོབ་བརྒྱ་རྩ་བརྒྱད། བརྟུལ་ཞུགས་གྲུབ་པའི་རྣལ་འབྱོར་པ་ལྔ་བཅུ་ང་བཞི། མཚན་ལྡན་གྱི་རྣལ་འབྱོར་མ་སྟོང་དང་ཆིག་བརྒྱ། ཕམ་མཐིང་བ་དང་མར་པ་ལ་སོགས་པ་སྙན་བརྒྱུད་ཀྱི་སློབ་མ་ཡ་ཟུང་བྱོན་ཅིང་། དེ་དག་རེ་རེའི་སྨིན་གྲོལ་ལ་བཀོད་པ་

― CMR051_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་ཏུ་མེད་དོ། །ཤཱ་ཝ་རི་པ་ལྷོ་ཕྱོགས་དཔལ་གྱི་རི་ལ་མཁའ་སྤྱོད་གྲུབ་ནས་སངས་རྒྱས། མེ་ཏྲི་པ་ལ་སློབ་མ་རྒྱལ་པོ་ར་མ་ཕ་ལ། དེ་ཝ་ཙནྡ། ན་ཏི་གྷ་ན། བཛྲ་པཱ་ཎི་བཞི། གྲུབ་ཐོབ་པ་ཎི་བཞི། གྲུབ་ཐོབ་བུ་བཞི་སྟེ་འདའ་ཁར་འཛམ་བུ་གླིང་གི་ཕྱོགས་བཞིར་སྙིང་པོའི་དོན་སྤེལ་བར་བཀའ་བསྒོས་སོ། །མར་པ་ལ་བཀའ་བབས་བུ་ཆེན་བཞི། མགོ་ཡག་སོགས་བྱོན། མགོ་ལེགས་ནས་བརྒྱུད་པ་མང་རབས་བྱོན་ཅིང་། མཚུར་སྟོན་དབང་ངེ་ནས་ཀུན་མཁྱེན་འཕགས་འོད་དང་བུ་སྟོན་ཡན་དུ་མཁས་གྲུབ་མང་དུ་བྱོན། རྔོག་ཆོས་སྐུ་རྡོ་རྗེ་མཁའ་སྤྱོད་དུ་བྱོན་པར་གྲགས་ལ། སྲས་རྒྱུད་རྒྱུན་གྱི་བར་དུ་བཤད་སྒྲུབ་མཐར་ཕྱིན་པའི་མཁས་གྲུབ་ཤ་སྟག་བྱོན། མེས་སྟོན་ཆེན་པོ་ནས་རྒྱུད་པ་གསུམ་གྱི་བར་དུ་གྲུབ་ཐོབ་བྱོན། མི་ལའི་སློབ་མ་རས་ཆུང་བ། ཞི་བ་འོད། བདེ་བ་སྐྱོངས། རས་ལ་དབུས་ན་མོ་རྣམས་ལུས་མ་སྤངས་པར་མཁའ་སྤྱོད་དུ་བྱོན། རིས་པ་ཆེ་བཞི་ཆུང་བརྒྱད་སྟོན་པ་དྲུག་སོགས་གྲུབ་ཐོབ་མང་དུ་བྱོན། རས་ཆུང་བ་ལ་ལོ་རས་མཆེད་གསུམ། ཁྱུང་ཚང་བ། བུར་སྒོམ་འགྲོ་རས་སོགས་དང་། །

― CMR051_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་བཙུན་ཆུང་ལ་སོགས་མཁའ་སྤྱོད་དུ་གཤེགས་པ་བཞི་ལྔ་ཙམ་བྱུང་། འབྲོ་རས་ལ་ཟངས་རི་རྒྱ་རས་སོགས་མང་དུ་བྱུང་། བུལ་སྒོམ་ལ་ཕག་གྲུ་རྨོག་ཅོག་པ་སོགས་ཀྱི་ཆོས་གསན་པས་ཡོན་ཏན་དུ་མ་སྐྱེས། མི་ལའི་སློབ་མ་འབྲི་སྒོམ་རས་པ་ལ། །སློབ་མ་མལ་ཡེལ་སྐུ་མཆེད་བྱོན། །དེ་ལ་ཞང་ཚལ་པ་ཐུན་མོང་། གཞན་ཡང་མི་ཡི་འགྲོ་བ་འདུལ་བའི་མཆོག་རྗེ་སྒམ་པོ་པ། མི་མ་ཡིན་འདུལ་བའི་མཆོག་ཇོ་མོ་ཚེ་རིང་མ། མཁའ་འགྲོ་མ་འདུལ་བའི་མཆོག་སྔགས་སྐྱེས་ལྷན་ཅིག་སྒྲོན་མེ། ཞེས་པའི་ནང་ནས་རྗེ་སྒམ་པོ་པ་ལ། བརྒྱུད་འཛིན་གྱི་བུ་འགྲོ་མགོན་ཕག་གྲུ། དྭགས་པོ་སྒོམ་ཚུལ། གྲུབ་ཐོབ་དབུ་སེ། །འབྲོམ་བྲོམ་དར་མ་དབང་ཕྱུག་དང་བཞི། རྣལ་འབྱོར་ཆོས་གཡུང་སོགས་ཡོངས་གྲགས་ཀྱི་གྲུབ་ཐོབ་བཞི། དྭགས་པོ་འདུལ་དཀར་སོགས་ཉེ་བའི་སྲས་བཞི། སྒོམ་ཚུལ་སོགས་ཐུགས་སྲས་བཞི། དག་པའི་སློབ་མ་ལྔ་བརྒྱ། མ་དག་སློབ་མ་ལྔ་བརྒྱ། དགྲ་བཅོམ་པ་ལྔ་བརྒྱ་ཞེས་གྲགས་སོ། །སྒོམ་ཚུལ་ཞང་ཚལ་པ་དང་། དྭགས་ལྷ་སྒམ་པོའི་བླ་བརྒྱུད་རྣམས་བྱོན། ཚལ་པ་བུ་ཆེན་བཞི་སོགས་མང་དུ་བྱོན། ཕག་གྲུ་ལ་ཐང་པ་

― CMR051_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་རས་ཐུགས་སྲས་བུ་བཞི། འཇིག་རྟེན་མགོན་པོ་སོགས་རོ་གཅིག་རྟོགས་པ་ཕྱེད་བཞི། སྐལ་ལྡན་ཡེ་ཤེས་སེངྒ། ཀུན་མཁྱེན་གཙང་པ་ལ་སོགས་གདམས་པའི་བུ་ཆེན་བཞི། གཉེར་མགོན་དཀར་ལ་སོགས་པ་ཐུགས་སྲས་བུ་བཞི། ཤུག་མཚེར་བ་ལ་སོགས་ཡི་གེ་མེད་པའི་བུ་བཞི། སྨར་པ་ཡེལ་པ་སོགས་ཉེ་བའི་སྲས་བཞི། གདུགས་ཐོགས་པ་ལྔ་སྟོང་དང་བརྒྱདབརྒྱ་བྱུང་ཞེས་གྲགས་སོ། །འཇིག་རྟེན་གསུམ་མགོན་ལ་རྗེ་སྤྱན་སྔ་རིན་པོ་ཆེ། དབོན་རིན་པོ་ཆེ། ཅུང་རིན་པོ་ཆེ། དབོན་ཤེལ་འབྱུང་། གཉོས་མགརཆོས་གསུས། བོ་མུ། གང་པོ་བཀྲ་ཤིས་ལ་སོགས་པ་མང་དུ་བྱོན། རྗེ་སྤྱན་སྔ་རིན་པོ་ཆེ་ལ་རྒྱལ་བ་བཅུ་གཉིས་པ། ཡང་དགོན་པ། གྲགས་བསོད་པ། གཏེར་རྒྱབ་པ། ཐོག་ཁ་བ་སོགས་མང་དུ་བྱོན་ཞིང་། འདི་སྐབས་འབྲི་གུང་འཚོགས་པ་ཁྲི་ཚོ་བཅོ་བརྒྱད་འཚོག ཏི་སེ་ཆུ་བར་ཙཱ་རི་གསུམ་དུ་ལྔ་ཁྲི་ལྔ་སྟོང་ལྔ་བརྒྱ་རེ། སྒྲུབ་པ་ལ་བརྫངས་ཀྱང་ད་རུང་འཚོགས་པ་ཉུང་དུ་མ་སོང་། དེ་ཐམས་ཅད་རྫུ་འཕྲུལ་གྱིས་མ་མཁའ་ལ་འཕུར་ནུས་པ་ཤ་སྟག་ཡིན་པས། གསོ་སྦྱོང་དུས་བྱང་རོག་པོ་འདམ་མཆོད་རྟེན་

― CMR051_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

མདར་འབེབས་ཀྱི་དྲུང་དུ་འཕུར་ནས་འབྱོན་པའི་སྣམ་སྦྱར་གྱི་འོད་ཀྱིས་ནམ་མཁའ་མདོག་འགྱུར་ཐུབ་པར་གྲགས་སོ། །དེ་ནས་བཅུ་གཉིས་པ་ནས་གྲགས་ཡེ་པ་གཉིས་མཆོད་པ།། ཚེས་བཞི་པ། བཅུ་གཉིས་པ། གྲགས་བྱུང་པ། བསོད་ནམས་གྲགས་པ། བསོད་ནམས་རྒྱལ་མཚན་སོགས་ཐེལ་པ་རྣམས་དང་། སྐྱེས་བུ་དམ་པ་དུ་མ་བྱོན་པ་རེ་རེ་ལའང་བུ་ཆེན་ཁྱད་པར་ཅན་མང་དུ་བྱོན། དབོན་རིན་པོ་ཆེ་ནས་རིམ་པར་བརྒྱུད་དེ་འབྲི་གུང་པའི་སློབ་བརྒྱུད་མང་དུ་བྱོན། གཉོས་ལྷ་ནང་པ་ནས་ལྷ་སི་སློབ་བརྒྱུད་རྣམས་བྱོན། སྟག་ལུང་ཐང་པ་ནས་སྐུ་ཡལ་ན། སངས་རྒྱས་ཡར་བྱོན། སངས་རྒྱས་དབོན། ཨོ་རྒྱན་མགོན་པོ་རྣམས་གྲུབ་ཐོབ་རྩོད་མེད་བྱོན་ལ། ཡར་ཐང་དུ་འཚོགས་པ་སུམ་སྟོང་དྲུག་བརྒྱ། མར་ཐང་དུ་ཡང་སྟོང་ཕྲག་ཙམ་བྱུང་ཞིང་། རིམ་པར་སྐྱེས་བུ་དམ་པ་མང་དུ་བྱོན་ནོ། །སྐལ་ལྡན་ཡེ་ཤེས་སེང་གེ་ནས་གཡའ་བཟང་བའི་བླ་རབས་རྣམས་བྱོན། ཀུན་ལྡན་གཙང་པོ་རས་ཆུང་ནས་ཁྲོ་ཕུའི་བླ་རབས་རྣམས་བྱོན་ཏེ། ཁྲོ་ཕུ་ལོ་ཙཱ། བུ་སྟོན། གཅེར་སྒོམ་ལྗོང་པ་སོགས་མཁས་གྲུབ་ཁྱད་པར་ཅན་མང་དུ་བྱོན། གཤེན་མགོན་དཀར་བ་ལ། །

― CMR051_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཞང་སོགས་བུ་ཆེན་དུ་མ་བྱོན། བླ་མ་སྨར་པས་ཤོ་དགོན་བཏབ་པ་ནས་གྲུབ་ཐོབ་འགའ་བྱོན་གདའ། ཡེལ་པས་རྟ་རྣ་ཡེལ་ཕུག་སོགས་བཏབ་ཅིང་བུ་ཆེན་མང་དུ་བྱོན། གླིང་རས་ལ་ནཱ་རོའི་སྤྲུལ་པ་གཙང་པ་རྒྱ་རས་བྱོན། དེ་ལ་སློབ་མ་དབོན་རས་དང་། དང་པོར་ཆེ་བ་སྤ་རི་བ་དང་། སྤྱང་མོ་ཁ་པ། བར་དུ་ཆེ་བ་རྒྱ་ལེགས་པ་དང་། འབྲས་མོ་བ། ཐ་མར་ཆེ་བ་ལོ་རས་པ་དང་། རྒོད་ཚང་པ་རྣམས་བྱོན། དབོན་རས་ནས་གཞོན་ནུ་སེང་གེ །ཉི་མ་སེང་གེ་སོགས་དབོན་བརྒྱུད་རིམ་པར་བྱོན་པ་བར་འབྲུག་ཟེར། ལོ་རས་ནས་སྨད་འབྲུག་པའི་གྲགས་པ་བྱུང་ཟེར་ཏེ་དགོན་པ་བརྒྱ་རྩ་བརྒྱད་དར་འདུག །རྒོད་ཚང་བ་ལ་རང་ལས་ལྷག་པ་གཅིག །རང་དང་འདྲ་བ་དང་བརྒྱད། །དེ་ཡང་དགོན་པ། ཨོ་རྒྱན་པ། ནེ་རིགས་པ། བ་རི་བ། ཕོ་རི་པ། མ་བདུན་པ། སྤྱིལ་དཀར་བ། གས་པ་བ། བྱང་ཆུང་གླིང་པ་རྣམས་དང་། གཞན་ཡང་ཤཀ་རས་། ཟླ་རས་ལ་སོགས། རྒོད་ཚང་བའི་བུ་སློབ་བྱ་རྒོད་པོས་ཉིན་ལམ་བཅོ་བརྒྱད་དུ་ཁྱབ་པས་སྟོདའབྲུག་གནམ་གྱི་སྐར་མ་ཙམ་བྱུང་ངོ་། ཡང་ཡང་དགོན་པ་ལ་སྤྱན་སྔ་རིན་

― CMR051_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ལྡན་དང་། ལོ་རས་ཆོས་སྐྱོང་དཔལ་སོགས་བྱོན་ནོ། །རྗེ་དུས་མཁྱེན་སོགས་ཀྱི་གནས་གསུམ་སོགས་གདན་ས་ཆེ་ཕྲ་རྣམས་སུ་བཤད་སྒྲུབ་ཀྱི་སྡེ་དཔག་ཏུ་མེད་པ་དང་། །བསྟན་པ་ཤར་ཕྱོགས་རྒྱ་མཚོའི་མཐའ་ལ་ཐུག་གི་བར་དུ་ཁྱབ་ཅིང་གྲགས་སོ། །ཁྱད་པར་འབའ་ཚ་སྟག་དེལ་སོགས་རྫུ་འཕྲུལ་ཐོབ་པ་དང་། རབ་བྱུང་བའི་སློབ་མ་བརྒྱ་རྩ་བརྒྱད་དུས་གཅིག་ཏུ་མཁའ་སྤྱོད་དུ་གཤེགས་པ་དང་། དྲུང་མཁའ་སྤྱོད་པ་ནས་རྗེ་ཞྭ་དམར་དྲུག་པའི་སློབ་བུ་སྟག་ཚང་ཡང་དག་ཡན་དུ་འཇའ་ལུས་མཁའ་སྤྱོད་གྲུབ་པ་མང་དུ་བྱུང་ངོ་། ། ཀཾ་ཚང་གི་བུ་སློབ་བྱུང་ཚུལ་རྣམ་ཐར་རྣམས་ན་གསལ་ཕྱིར་མ་སྤྲོས་ལ། སྤྱིར་དྭགས་པོ་རིན་པོ་ཆེ་ནི། ཏིང་འཛིན་རྒྱལ་པོ་དང་། པདྨ་དཀར་པོ་ནས་གསལ་བར་ལུང་བསྟན་པས་སྙིང་པོ་དོན་གྱི་སྟོན་པ་གཉིས་པ་ལྟ་བུ་ཡིན་ཞིང་། རྗེ་དྭགས་པོའི་ཁམས་པ་མི་གསུམ་ལ་ཆོས་བརྒྱུད་ཀྱི་རྟེན་འབྲེལ་བསྒྲིགས་ནས་ཤིང་ཐུ་བཅུག་པས་ཕག་གྲུས་ཤིང་སྣ་ཚོགས་སྐམ་རློན་རིང་ཐུང་བཟང་ནང་ཇི་སྙེད་གཤིབ་པའི་ཁུར་པོ་ཆེ་བ་ལོན། དུས་མཁྱེན་གྱིས་ཤིང་སྐམ་པོ་གཙང་མ་རིང་ཐུང་མཉམ་པ་ཁུར་པོ་རན་པ་གཅིག་ལོན། སྒོམ་ཤོས་ཐང་ཤིང་རྩ་བ་

― CMR051_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བལ་ནས་ཕྲག་ལ་བཀར་ནས་ཕྱིན་པ་དང་། ཕྲུག་དམར་པོ་འདོན་རེ་བྱིན་ནས། ཞྭ་རེ་བཟོ་བཅུག་པས། གསུམ་ཁས་ཞྭ་དབྱིབས་དྭགས་ཞུ་ལ་དཔེ་བྱས་ནས། ཕག་གྲུས་འདོན་ཕྱེད་བསྣན་ནས་སྨུག་སྤེལ་མ། དུས་མཁྱེན་གྱིས་བསྣོན་ཕྲི་མེད་པར་དར་སྣ་ལྔས་བརྒྱན་ནས་ཞྭ་ཁྲ། སྒོམ་ཤོས་ཕྱེད་དེ་ཆང་ལ་བཙོང་ནས་ཕྱེད་དེ་ལ་ཏིལ་མིག་མ་བཟོས། ཁྱེད་གསུམ་ད་ལྟ་ཡིད་ལ་ཅི་འདོད་གསུངས་པས། ཕག་གྲུས་དགོན་ཆེན་ཁྲ་ལྟེམ་མེ་བ། དུས་མཁྱེན་གྱིས་སྒར་ཆེན་རྟ་དྲེལ་འཚེར་ལྷང་ངེ་བ། སྒོམ་ཤོས་དགེ་མ་ཉ་ཡུ་ཚོ་འདི་གེ་བས་ཆང་དམ་ཁུར་རུ་གེ་བ་འདོད་ཞུས་པ་སོགས་ཀྱིས་རྟེན་འབྲེལ་ལ་ཕག་གྲུས་བརྒྱུད་པ་མང་ཞིང་རྒྱ་ཆེ་ལ་འགའ་ཞིག་འཆོབ་པ་དང་། དུས་མཁྱེན་བརྒྱུད་པ་ཧ་ཅང་མི་མང་མི་ཉུང་བར་གཙང་རུག་གེ་བ་དང་། སྒོམ་ཤོས་ཆོས་བརྒྱུད་ཆད་པའི་རྟེན་འབྲེལ་རྣམས་བྱུང་བར་གྲགས་སོ། །དེ་ལྟར་སྨོས་པ་དེ་དག་ཆེ་ལོང་ཙམ་སྟེ་དེ་རྣམས་ནི་ཡང་དག་པའི་ལམ་ལ་ཞུགས་ནས་མངོན་ཤེས་རྫུ་འཕྲུལ་མངའ་བ་ཤ་སྟག་ཡིན་ཅིང་། དེ་དག་གིས་བསྒྲོད་པ་གཅིག་པའི་ལམ་ཕྱག་ཆེན་ལྷན་ཅིག་སྐྱེས་སྦྱོར་འདི་ཡིན་ཞེས་སྤྱན་སྔ་བསོད་

― CMR051_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

ནམས་རྒྱལ་མཚན་པས་གསུངས་སོ། །དེ་ལྟར་གྲུབ་ཐོབ་དེ་ཙམ་གྱིས་བགྲོད་པ་གཅིག་པའི་ལམ་འདིར་སྤྲོ་བ་དང་བཅས་པས་འཇུག་པར་གྱིས་ཤིག་ཀྱང་གསུངས་སོ། །འོན་ཀྱང་འགའ་ཞིག་གིས་དགག་པ་མཛད་པ་ཡོད་པས་ཕྱག་ཆེན་འདི་ལ་དོགས་པ་བསལ་བ་ནི། འགའ་ཞིག་གིས་གཅིག་ཆར་བ་དང་། རིམ་སྐྱེས་པ་ལ་དགག་པ་བྱེད་ཀྱང་། དབང་པོ་རྣོ་བརྟུལ་ལ་གཅིག་ཆར་དང་རིམ་སྐྱེས་ཟེར་བ་ཡིན་ལ། དབང་པོ་རྣོ་བརྟུལ་གཉིས་ནི་མདོ་རྒྱུད་ཐམས་ཅད་ནས་གསུངས་པས་དེ་ལ་ཐེ་ཚོམ་མེད་དོ། །ཡང་ཕྱག་རྒྱ་ཆེན་པོ་ཡིད་ལ་མི་བྱེད་ལ་སོགས་ཧྭ་ཤང་ལྟ་བ་དང་མཐུན་སྙམ་ན། དེ་ནི་ཤིན་ཏུ་འཁྲུལ་ཏེ་ཧྭ་ཤང་གིས་ཡིད་ལ་མི་བྱེད་པ་ནི་ལུང་མ་བསྟན་ཡིན་ལ། འདི་ཡང་དག་པའི་དྲན་པ་དང་མ་བྲལ་བའི་ཕྱིར་དང་། ཧྭ་ཤང་གིས་རྒྱུ་འབྲས་ཁྱད་དུ་གསོད་ལ། འདིར་སྟོང་ཉིད་རྟེན་འབྲེལ་དབྱེར་མེད་པ་རྟོགས་ནས་རྒྱུ་འབྲས་ལ་འཕྲིག་ཚུད་ཅིང་དགེ་བ་རྒྱ་ཆེན་པོ་སྒྲུབ་པ་ཡིན་ཏེ་བཀའ་བརྒྱུད་རྣམས་ཀྱི་ཕྱག་རྗེས་ལ་ལྟོས་ཤིག །འོ་ན་སེམས་ཐོག་ཏུ་ངོ་སྤྲད་པས་སེམས་ཙམ་པ་ཡིན་ཏེ། སེམས་ཙམ་པས་ནི་གཟུང་འཛིན་གཉིས་མེད་ཀྱི་ཤེས་པ་བདེན་པར་འདོད་ལ། །

― CMR051_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ནི་སེམས་སྤྲོས་བྲལ་དུ་གཏན་ལ་འདེབས་པ་ཡིན་ནོ། །འོ་ན་སྣང་བ་སེམས། སེམས་སྤྲོས་བྲལ་དུ་འདོད་པ་རྣལ་འབྱོར་སྤྱོད་པའི་བུ་མོ་སྙམ་ན། དེ་དག་ནི་བློས་བྱས་ཀྱི་སྟོང་པ་ཞིག་འདོད་ལ། འདིར་བློས་མ་བརྟག་ཡིད་ལ་མི་བྱེད་གནས་ལུགས་ཀྱི་དོན་མངོན་སུམ་དུ་གཏན་ལ་འབེབས་པའི་རྣལ་འབྱོར་སྤྱོད་པར་མ་ཟད་མཚན་ཉིད་ཐེག་པ་ནས་བསྟན་པའི་དབུ་མ་པ་ཐམས་ཅད་ལས་ཁྱད་པར་དུ་འཕགས་པའོ། །འདི་ལ་དགོངས་ནས་བྲམ་ཟེ་ཆེན་པོའི་དབུ་མ་པ་རྣམས་ཀྱང་གནས་ལུགས་དོན་མ་རྟོགས། ཞེས་སོགས་རྒྱ་ཆེར་གསུངས་སོ། །འོ་ན་རིགས་ཚོགས་དྲུག་སོགས་དབུ་མ་དོན་མེད་དམ་སྙམ་ན། ཐེག་པ་འོག་མ་རྣམས་དགག་པའི་ཕྱིར་རིགས་པས་གཏན་ལ་དབབ་ཅིང་། གང་ཟག་གི་བློ་དང་བསྟུན་ནས་མཁས་གྲུབ་རྣམས་ཀྱི་གསུངས་པ་ལ་འགལ་བ་མེད་པས་ཐེ་ཚོམ་མི་བྱའོ། །ས་པཎ་གྱིས་ཕྱག་ཆེན་བཀག་པ་ནི། མར་པས་རྫོགས་ཆེན་འདི་ས་བརྒྱད་པ་ཡན་གྱི་ཆོས་ཡིན། ད་ལྟ་རྫོགས་ཆེན་པ་ཚོས་བྱི་སྦ་ལོ་ལྔ་ལོན་པ་གཅིག་གིས་ལོ་ཉི་ཤུ་ལོན་པའི་དཔའ་རྩལ་ཡོད་པར་ཁས་ལེན་པ་དང་འདྲ་གསུངས་པ་དང་། མི་ལར་དྭགས་པོས་ཞག་བཅུ་

― CMR051_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཙམ་མི་འཆོར་བའི་ཏིང་འཛིན་བཟང་པོ་ཡོད་ཞུས་པས། ཧ་ཧ་བོད་ངན་པའི་སྙིང་ལ་འདྲེ་ཞུགས་ནས་ཨ་ཏི་ཤ་ལ་གསང་སྔགས་འཆད་མ་བཅུག་པས་བོད་མང་པོ་ཕུང་འདུག་གསུངས་པ་དང་། རོང་སྟོན་ལྷ་དགས་རྫོགས་པ་ཆེན་པོ་འདི་ལྟ་བ་ནམ་མཁའ་དང་འདྲ་སྟེ་སྤྱོད་པ་ཐབས་ནག་དགུ་པ་ཅིག་འདུག་ང་རང་ཡིད་མ་ཆེས་གསུངས་པའི་ལོ་རྒྱུས་དང་། །ཕག་གྲུས་ས་སྐྱ་པ་གྲགས་པ་རྒྱལ་མཚན་ལ་ལམ་འབྲས་ཞུས་ནས་མཐོང་ལམ་དུ་ངོ་སྤྲད་པ་དེ་དྭགས་པོས་ཁྱོད་ཀྱི་ལྟ་བ་དེ་ལས་ང་ཡི་འདི་ཟོ་དང་དགའ་གསུངས་ནས་གསོལ་འཕྲོ་ཟན་ཆང་གང་གནང་བ་གསོལ་བས་རྟོགས་པ་ཁྱད་པར་ཅན་སླར་སྐྱེས་ནས་སྔར་གྱི་བླ་མ་ཚོ་ལ་ཅི་བྱུང་བ་ཡིན་གསུངས་ཤིང་། ང་མཉམ་མེད་དྭགས་པོ་དང་མ་མཇལ་ན་ལྷ་ཚེ་རིང་པོ་གཅིག་ཏུ་དེའུ་ཤི་སྐྱེས་གསུངས་ཤིང་། ཚིག་འདི་རྣམས་གྲུབ་མཐའ་གཞན་ལ་ཅུང་གནོད་པ་དང་། སྐྱོབ་པའི་སྐུ་ཚེའི་སྨད་ཙམ་ལ། བཀའ་བརྒྱུད་ཤིན་ཏུ་དར་ཞིང་མངོན་ཤེས་གྲུབ་རྟགས་ཐོན་པ་ཁོ་ན་བྱུང་བས་ཞི་བྱེད་བཀའ་གདམས་རྙིང་མ་ས་སྐྱ་པ་ཐམས་ཅད། རྟ་མཐོང་བེར་ག་ཤེས་པའི་དཔེ་ཐམས་ཅད་བཀའ་བརྒྱུད་ལ་འགྱུར་གྲབས་བྱུང་། དེའི་ཚེ་རྒྱ་

― CMR051_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

གར་གྱི་པཎྜི་ཏ་ཤྲཱི་རྣམ་གཉིས་སོགས་ཀྱིས་ཀྱང་བཀའ་བརྒྱུད་རྣམས་ལ་བསྟོད་པ་བྱས། འཇིག་རྟེན་གསུམ་མགོན་ཀླུ་སྒྲུབ་ཡིན་པའི་ལུང་བསྟན་དང་མེ་ཏོག་དགྲ་བཅོམ་པས་བསྐུར་པ་འཕྲོད་ཅིང་། ལྷག་པར་བཀའ་བརྒྱུད་ལ་མོས་པ་བྱུང་དུས། ས་སྐྱ་པའི་མཁས་པ་གྲུ་སྐྱ་མོ་འབྲི་གུང་པ་སུན་འབྱིན་པའི་ཕྱིར་རྩོད་པ་ལ་བཏང་བ་ཡང་སློབ་མར་གྱུར། ས་པཎ་ཉིད་རྩོད་པ་ལ་བྱོན་པས་འབྲི་གུང་མདའ་ཡི་ཆུ་སྒྲ་ལས་ནཱ་ག་ཛུ་ནའི་སྒྲ་གྲག་པས་ཀླུ་སྒྲུབ་ཀྱི་སྤྲུལ་པར་ཤེས་པས་བྲོས་ཤིང་། དོན་ལ་བཀའ་བརྒྱུད་ལ་དད་པས་ནུབ་མོ་མིས་མ་ཚོར་བར་འཇིག་རྟེན་གསུམ་མགོན་གྱི་སྐུ་ལ་ཕྱག་བསྐོར་བ་བཤགས་པ་མཛད་ཅིང་། ཉིན་མོ་བཀའ་བརྒྱུད་ལ་དགག་པ་ཁོ་ན་མཛད་ཅིང་། སྡོམ་གསུམ་སྤྲིང་ཡིག་བཞི་སོགས་མཛད་དོ། །དགོས་པ་རང་གི་ཆོས་བརྒྱུད་ཆད་དོགས་ནས་རང་གི་བསྟན་པ་སྲུང་བ་ཡིན་ནོ། །པཎ་ཆེན་ཤཱཀྱ་ཤྲཱི་དང་ས་སྐྱ་གོང་མ་དཀར་པོ་རྣམ་གསུམ་སོགས་ཀྱིས་མཛད་པའི་ཁྲིད་ཡིག །ལྟ་སྒོམ་བཀའ་བརྒྱུད་ལ་ཁྱད་པར་ཅུང་ཟད་མེད་པ་དངོས་སུ་གསལ་ལོ། །ས་པཎ་ལ་གསོལ་དཔོན་གྱིས་ཞུས་ནས་ཁྱེད་ཉིན་མོ་འབྲི་གུང་པ་བཀག །མཚན་མོ་

― CMR051_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲི་གུང་པའི་སྐུ་འདྲ་ལ་ཕྱག་བསྐོར་བ་མཛད་པ་ཅི་ལགས་ཞུས་པས། བཀག་པ་མ་བྱས་ན་ང་ཡི་ཆོས་བརྒྱུད་ཆད་པར་འདུག་པས་བསྟན་པ་བསྲུང་བ་ཡིན། བཤགས་པ་མ་བྱས་ན་ཁོང་སྐྱེས་བུ་དམ་པ་ཡིན་པས་ཉེས་པ་ཆེ་གསུངས་པ་དང་། སྐྱོབ་པ་འདས་དུས་གྲྭ་པ་ཞིག་གིས་འབྲི་རྒན་ཡང་ད་རེས་འགྱེལ་ཟིག་སྨྲས་པས། གསོལ་དཀོར་ཕྱག་ནས་ཤོར་ཏེ། །བསྟན་པའི་རུ་ཡ་བུ་གསུངས་ནས་ཐུགས་ནད་ཆེན་པོ་མཛད་སྐད་དོ། །དེས་ན་ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་འདི་ནི། མདོ་རྒྱུད་ཐམས་ཅད་ཀྱི་དགོངས་པ། རྒྱ་གར་གྱི་པཎ་གྲུབ་ཐམས་ཅད་ཀྱི་ཐུགས་ཀྱི་སྙིང་ཁུ། བཀའ་བརྒྱུད་བླ་མ་ཐམས་ཅད་ཀྱི་ཉམས་སུ་བླངས་བའི་ཆོས་འདི་བྱིན་རླབས་ཀྱི་བརྒྱུད་པ་ཟམ་མ་ཆད་པས་བར་ཆད་མི་འཇུག །ཉམས་ལེན་གྱི་བརྒྱུད་པ་བར་མ་ཆད་པས་གོལ་འཕྱུག་མེད། གནས་ལུགས་ཀྱི་དོན་མངོན་སུམ་གཏན་ལ་འབེབས་པས་ཐེ་ཚོམ་མི་ཟ། འདི་བས་ལྷག་ཅིང་ཟབ་པའི་ཆོས་ཅིག་ཡོད་ན་དུས་གསུམ་གྱི་སངས་རྒྱས་ཐམས་ཅད་ཀྱིས་བདག་ལ་ཆད་པ་ཆོད་ཅིག །ཅེས་དམ་བཅའ་བར་ནུས་ཞེས་སྤྱན་སྔ་བསོད་ནམས་རྒྱལ་མཚན་པས་གསུངས་སོ། །དེ་ལ་ཕྱག་ཆེན་གྱི་ལྟ་བ་

― CMR051_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་མྱོང་ཐོག་ཏུ་སྒྲོ་འདོག་ཆོད་པས་སངས་རྒྱས་བྱོན་ཡང་ཐེ་ཚོམ་དང་དྲི་རྒྱུ་མེད་པ་ཞིག་དགོས་ཀྱི། དེ་མ་ཡིན་པའི་ཞེན་པ་དང་ཕྱོགས་འཛིན་ལ་ངེས་པ་མེད་ཅིང་། རང་སྟོང་གཞན་སྟོང་དང་། སངས་རྒྱས་ཀྱི་ས་ན་ཡེ་ཤེས་ཡོད་མེད། ཀུན་རྫོབ་ཏུ་ཡོད་པས་གོ་ཆོད་མི་ཆོད་སོགས་དགོངས་པ་མང་དུ་ཡོད་ནའང་དེ་ཐམས་ཅད་མཉམ་བཞག་སྐད་ཅིག་མ་ཡི་ཐོག་ཏུ་འགལ་མེད་དུ་འཁྱེར་ཤེས་ན་ཕྱག་རྒྱ་ཆེན་པོའི་དགོངས་པ་ཤེས་པ་ཡིན་ཏེ། མི་ལས། ལྟ་བ་ཕྱོགས་རེས་མེད་པ་ཡིན། །ཅེས་གསུངས་སོ། །དེ་ལྟར་མ་རྟོགས་ནའང་སེམས་ཅན་གྱི་བློ་རིག་དང་བསྟུན་ནས་སངས་རྒྱས་ཀྱིས་གང་ལ་གང་འདུལ་དུ་གསུངས་པ་ལྟར། མཁས་གྲུབ་རྣམས་ཀྱིས་བཀྲལ་བ་ཡིན་པས། རང་གང་མོས་པའི་རྗེས་སུ་འབྲང་ལ་གཞན་ལ་སྡིག་པ་མི་བསགས་པ་གལ་ཆེ་གསུངས་སོ། །དེ་ལྟར་གྲུབ་མཐའ་ཐམས་ཅད་དང་མི་འགལ་ཅིང་ཀུན་ལས་ཁྱད་པར་དུ་འཕགས་པའི་ཆོས་འདི་ལ་ཨ་སྒམ་བཅའ་བར་རིགས་སོ། །ཡང་རྗེ་བཅུ་པའི་ཞལ་སྔ་ནས་ཕྱག་ཆེན་བཞག་ཐབས་ཉུང་ངུ་ཐོབ་ཅིང་། རྒྱས་པར་སླད་ནས་རྒྱས་པར་གནང་བར་སྨོན་ནོ། །ཞེས་ཕྱག་རྒྱ་ཆེན་པོའི་ཁྲིད་

― CMR051_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ངེས་དོན་རྒྱ་མཚོའི་སྙིང་པོ་ཕྲིན་ལས་འོད་འཕྲོ་ཞེས་བྱ་བའི་བརྒྱུད་ཚུལ་དོགས་གཅོད། དེ་ཉིད་ལ་མོས་པ་ལམ་དུ་བྱེད་པའི་དགེ་སློང་རི་ཁྲོད་པ་ཀརྨ་ཨ་རཱ་གས་བྲིས་པའོ། །འདི་ལ་འགལ་འཁྲུལ་ཉེས་པ་གང་མཆིས་བཀའ་བརྒྱུད་རྣམས་ལ་བཤགས་ཤིང་། དགེ་བས་བདག་དང་བདག་ལ་འབྲེལ་ཐོགས་ཀྱིས་གཙོས་པའི་སེམས་ཅན་ཐམས་ཅད་ཚེ་གཅིག་ལུས་གཅིག་འདི་ཉིད་ལ་རྡོ་རྗེ་འཆང་ཆེན་པོའི་གོ་འཕང་ཐོབ་པར་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དཔལ་ནཱ་རོ་པ་ཆེན་པོའི་གེགས་སེལ་གཟེར་ལྔའི་མན་ངག

― CMR051_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ནཱ་རོ་པ་ཆེན་པོའི་གེགས་སེལ་གཟེར་ལྔའི་མན་ངག་བཞུགས་སོ།

― CMR051_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་རྣམས་ལ་ཕྱག་འཚལ་ལོ། །ལམ་གྱི་བར་ཆད་སེལ་བར་བྱེད་པའི་མན་ངག་འདི་ལ་དོན་གཉིས་ཏེ། ཉམས་ཀྱི་མཚན་ཉིད་བསྟན་པ་དང་། སྐྱོན་བཅོས་པའི་ཐབས་སོ། །དེ་ཡང་དང་པོ་དཔེར་ན་ཞིང་པས་དཔྱིད་ཞིང་གི་སོ་ནམ་བྱས་པས། འབྲས་བུ་སྟོན་ཐོག་ཕུན་སུམ་ཚོགས་པ་ཞིག་འབྱུང་བ་ཡིན། གལ་ཏེ་འབྲས་བུ་སྟོན་ཐོག་མ་བྱུང་ན་སོ་ནམ་དེ་དོན་མེད་སོང་བ་བཞིན་དུ་རྣལ་འབྱོར་པས་འཇིག་རྟེན་གྱི་བྱ་བ་བཏང་ནས་ལམ་ཚུལ་བཞིན་དུ་བསྒོམ་པ་ལས་འབྲས་བུ་སྒོམ་ཉམས་ཤིག་མི་འབྱུང་མི་སྲིད་དོ། །གལ་ཏེ་ཉམས་མ་བྱུང་ན་སྒོམ་པ་དོན་མེད་དུ་སོང་

― CMR051_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

བའོ། །དེའི་ཕྱིར་ཉམས་ཀྱི་རིམ་པ་སྐྱེ་བ་ནི། བསྒོམ་པའི་བརྩོན་འགྲུས་ཀྱི་འབྲས་བུ་ཡིན་ཏེ་བཙལ་བས་རྙེད། བྱས་པ་བྱུང་། བསྒྲུབས་པས་འགྲུབ་ཅེས་བྱའོ། །ཉམས་དེའི་སྐྱེ་ཚུལ་གཉིས་འཇམ་ཆོས་དང་། དྲག་ཏུ་སྐྱེ་བའོ། །ཡང་ན་གསུམ་སྟེ། ཡོན་ཏན་གྱི་ཉམས་དང་། སྐྱོན་མེད་ཡོན་ཏན་མེད་པའི་ཉམས་དང་། སྐྱོན་ཅན་གྱི་ཉམས་སོ། །དང་པོ་ལ་གསུམ། ཐབས་ཀྱི་ཉམས་ནི་ལུས་ཡངས་ཤིང་བདེ་བ་སྙམ་བྱེད་པ་དང་། ལུས་ལ་དྲོད་སྐྱེས་པ་དང་། ཕྱི་ནང་གི་དངོས་པོ་ཐམས་ཅད་བདེ་བར་འཆར་རོ། །གཉིས་པ་ཤེས་རབ་ཀྱི་

― CMR051_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ནི། ཆོས་ཐམས་ཅད་ཀྱི་རང་བཞིན་ལ་སོ་སོར་རྟོག་པའི་ཡེ་ཤེས་སྐྱེ་བ་དང་། ཏིང་ངེ་འཛིན་གྱི་དམིགས་པའི་མཚན་མ་ཞི་བ་དང་། རྟོགས་པ་མེད་པར་གསལ་ལ་མི་གཡོ་བར་གནས་པ་དང་། རླུང་རྒྱུ་བ་མི་ཚོར་བ་དང་། ལུས་ཡོད་དུ་མི་ཚོར་བའོ། །གསུམ་པ་ཐབས་ཤེས་རབ་གཉིས་སུ་མེད་པའི་ཉམས་ནི། ཉམས་དེ་དག་ཟུང་འབྲེལ་དུ་འཆར་ཏེ་བདེ་བ་བསྐྱེད་པའི་དུས་རྟོག་མེད་ཀྱི་བདེ་སྟོང་དབྱེར་མེད་དུ་ཉམས་སུ་མྱོང་བ་དང་། བདེ་བ་སྣ་ཚོགས་སུ་འཆར་བ་སྟོང་པར་རོ་གཅིག་པས་སྣང་སྟོང་དབྱེར་མེད་པ་ཉམས་སུ་མྱོང་བ་དང་། དེ་ལྟར་མ་རྟོགས་པའི་སེམས་ཅན་ཐམས་ཅད་ལ་འབད་སྩོལ་མེད་པའི་སྙིང་རྗེ་ཆེན་པོ་རང་ཤུགས་ཀྱིས་སྐྱེ་བ་དང་། སྟོང་པ་དང་སྙིང་རྗེ་དབྱེར་མེད་པར་ཉམས་སུ་མྱོང་བ་ལ་སོགས་པའོ། ཉམས་གསུམ་པོ་དེ་དག་ཡོན་ཏན་ཅན་ཡིན་ཏེ། ལམ་བསྒོམ་པའི་འབད་རྩོལ་གྱིས་གོང་ནས་གོང་དུ་བོགས་འདོན་པར་བྱའོ། །ཕན་གནོད་མེད་པའི་ཉམས་ནི། དཔེར་ན་དབྱར་གྱི་སྤང་ལ་ཅི་ཡང་སྐྱེ་བ་ལྟར། རྣལ་འབྱོར་པའི་ཉམས་ལ་ཅི་ཡང་འཆར་རོ། །མཉམ་རྗེས་གཉིས་ཀྱི་དུས་སུ་ཉམས་ལ་འདི་འབྱུང་མི་འབྱུང་བྱ་བ་མེད་དེ། ཕྱོགས་

― CMR051_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་མཚོན་ན་སྣང་བ་འདི་མེར་འབར་བ་དང་། ཆུར་འབྲུབ་པ་དང་། སར་བྱིང་བའམ། རླུང་གིས་གཏོར་བའམ། ཉིན་པར་མུན་ནག་ཏུ་འགྱུར་བ་དང་། མཚན་མོ་ཤིན་ཏུ་གསལ་བ་དང་། འཇིག་རྟེན་གྱི་ཁམས་མང་པོ་མཐོང་བ་དང་། སྟག་མོ་སོ་བདར་བའམ། བདུད་ཀྱི་ཚོགས་ཀྱིས་བསྐོར་ནས་འཇིགས་པའི་སྒྲ་སྒྲོགས་པ་དང་། ལྷའི་ཚོགས་ཀྱིས་བསྐོར་ནས་ཆོས་བཤད་ཅིང་ལུང་སྟོན་པའམ། རང་གིས་ལུས་སྣ་ཚོགས་སུ་སྤྲུལ་པའམ། དབང་པོ་ཡན་ལག་མི་ཚང་བའམ། ནམ་མཁའི་དཀྱིལ་དུ་སྡོད་པ་ལ་སོགས་པ། ཐ་ན་མི་མགོ་སྐམ་པོས་རྟ་སྐད་འཚེར་བ་མི་སྲིད་དེ། རྣལ་འབྱོར་པའི་ཉམས་ལ་དེ་ལྟ་བུ་ཡང་འབྱུང་སྲིད་དེ། ཉམས་དེ་དག་ནི་ཕན་གནོད་མེད་པས་སྐྱོན་ཡོན་གང་དུ་ཡང་མི་ལྟ་བས་བཅོས་མི་དགོས་སོ། །སེམས་ནང་དུ་གནས་པའི་རྟགས་ཙམ་ཡིན་ནོ། །ཉམས་རྩུབ་ཆོས་སུ་སྐྱེས་པ་ལྔ་སྟེ། འབྱུང་བ་ཆ་མ་སྙོམ་ན། ན་ཚའི་ཟུག་བསྐྱེད་པ་དང་། འཆི་འཕོའི་སྡུག་བསྔལ་དང་། ཉོན་མོངས་པ་དྲག་པོ་དང་། ཏིང་ངེ་འཛིན་གཡེལ་བའི་རྟོག་པ་སྣ་ཚོགས་དང་། ཕྱི་ནང་གི་བྱ་བ་སྣ་ཚོགས་སུ་སྐྱེ་བའོ། །སྐྱོན་དེ་དག་

― CMR051_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོས་པའི་ཐབས་ལ། ལམ་གྱི་གེགས་བསལ་བར་བྱེད་པའི་གཟེར་ལྔ་ལས། དང་པོ་ན་ཚ་བོགས་སུ་འདོན་པའི་གཟེར་སྟོན་ཏེ། དེའི་དོན་ནི། ན་ཚའི་ཟུག་དེ་དག་མ་བསལ་ན་དེས་བསམ་གཏན་གྱི་གེགས་བྱེད་ཅིང་ཏིང་ངེ་འཛིན་གྱི་ལམ་འཇིགས་པ་ཡིན་པས། གོང་འོག་ནས་བསྟན་པའི་གདམས་ངག་གིས། ན་ཚའི་ཟུག་དེ་ཞི་བར་བྱས་ན། ཉམས་དེས་ཏིང་ངེ་འཛིན་གོང་ནས་གོང་དུ་འཕེལ་བར་བྱེད། ལམ་གྱི་འཇིགས་པ་སེལ་བར་བྱེད་ཅིང་ན་ཚ་བོགས་སུ་འདོན་པར་བྱེད་པས་གཟེར་ལྔ་ཞེས་བྱའོ། །འདི་ལ་གསུམ་སྟེ། ཟུག་གི་རྒྱུ་དང་མཚན་ཉིད་དང་བཅོས་ཐབས་བསྟན་པའོ། །དེ་ལ་དང་པོ་ཟུག་འབྱུང་བའི་རྒྱུ་ནི། རྩ་དང་རླུང་དང་ཐིག་ལེ་ནི། དེ་རེ་རེ་ལའང་གསུམ་གསུམ་སྟེ། ཕོ་རྩ་ནི་གཞོན་པའོ། །མོ་རྩ་ནི་མི་གཞོན་པའོ། །མ་ནིང་གི་རྩ་ནི་སྙོམ་པའོ། །ཕོ་རླུང་དྲག་ཅིང་རྩུབ་ལ་དྲང་མི་བདེ་སྟེ། རླུང་ཟིན་པའི་དུས་སུ་ལུས་འཕར་ཞིང་སྤྲུགས་པའོ། །མོ་རླུང་དལ་ལ་འཇམ་ཞིང་དྲང་བདེ་བ་སྟེ། རླུང་ཟིན་པ་དང་ལུས་སྦྲིད་པ་དང་འདར་བའོ། །མ་ནིང་གི་རླུང་ནི་སྣོད་ཀྱི་རྐྱེན་གྱིས་བསྒྱུར་བའོ། །ཕོའི་བདེ་བ་ནི་མི་རྟོག་པ་ཤས་ཆུང་ལ་བདེ་

― CMR051_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཤས་ཆེ་བ་སྟེ། དེའང་ལུས་ལ་ཀོར་ལིང་དུ་སྐྱེ་ཞིང་ཟུག་ཅན་འོང་ལ་ཡུལ་ཡིད་ལ་བྱེད་པའོ། །མོའི་བདེ་བ་ནི་བདེ་བ་ཤས་ཆུང་ཞིང་མི་རྟོག་པ་ཤས་ཆེ་བ་སྟེ། དེ་ཡང་བདེ་ཟུག་མེད་ཡུལ་ཡིད་ལ་མི་བྱེད་པའི་བདེ་བ། སྔ་མ་བས་བག་ཙམ་ཕྲ་ཞིང་སྲབ་པ་ཞིག་ལུས་ཐམས་ཅད་ལ་ཁྱབ་པར་སྐྱེ་བའོ། །མ་ནིང་གི་བདེ་བ་དང་མི་རྟོག་པ་སྙོམས་པར་འབྱུང་ཞིང་ལུས་སེམས་གཉིས་ཀ་ལ་མཉམ་པར་སྐྱེ་བའོ། །དེ་ཡང་ཕོ་རྩ་དང་མོ་རླུང་གཉིས་འཚོགས་ན་ཟུག་མི་འབྱུང་མི་སྲིད་དོ། །དེ་ཡང་ལན་གྲངས་མང་དུ་མི་འབྱུང་སྟེ། བྱུང་དུས་བཅོས་དཀའོ། །ཕོ་རྩ་ཕོ་རླུང་གཉིས་འཚོགས་ནས། ན་ཚའི་ཟུག་ཡོད་པ་དང་། གྲངས་མང་དུ་འབྱུང་སྟེ་བཅོས་སླའོ། །ཕོ་རྩ་དང་མ་ནིང་རླུང་གཉིས་འཚོགས་ན། ཟུག་མང་ཉུང་ཡང་འབྲིང་ལ། བཅོས་དཀའ་སླ་ཡང་འབྲིང་ངོ་། །མོ་རྩ་ཕོ་རླུང་གཉིས་འཚོགས་ན་སྟོང་པ་ནང་འཕྲད་ན། ཟུག་འབྱུང་མི་སྲིད་པས་ཉམས་སོང་བ་ཤས་ཆེའོ། །མོ་རྩ་མོ་རླུང་གཉིས་འཚོགས་ན། མཐུན་པའི་རྐྱེན་འཛོམ་པ་ཡིན་ཏེ། ཟུག་མི་འབྱུང་བར་འོད་གསལ་མི་རྟོག་པའི་ཉམས་བཟང་པོ་སྐྱེའོ། །མོ་རྩ་དང་མ་ནིང་གི་རླུང་གཉིས་འཚོགས་ན་

― CMR051_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུག་ཆུང་ལ་བཅོས་སླའོ། །མ་ནིང་གི་རྩ་དང་དེ་ཉིད་ཀྱི་རླུང་འཚོགས་ན། ཟུག་མི་འབྱུང་ལ་ཉམས་ཤིན་ཏུ་བརྟན་པ་འབྱུང་ངོ་།། །མ་ནིང་གི་རྩ་དང་མོ་རླུང་གཉིས་འཚོགས་ན་ན་ཚ་ཅུང་ཟད་ཅིག་འབྱུང་ཞིང་བཅོས་ཀྱང་སླའོ། །ཟུག་གི་མཚན་ཉིད་ལ་གསུམ་སྟེ། རྩ་ཟུག་ནི་ཀོར་ལིང་དུ་ན་ཞིང་ལྷག་པར་ཟུག་གཟེར་ཆེ་བའོ། །རླུང་ཟུག་ནི་ན་ཚའི་དམིགས་ངོས་བཟུང་མེད་པར་སྙོམས་པར་ན་ཞིང་ཤེས་པ་བྱིང་། ཟས་མི་ལེན། ཉམས་སྟོབས་ཆུང་བའོ། །ཐིག་ལེའི་ཟུག་ནི་ན་ཚ་ཟུག་གཟེར་དང་བདེ་བ་འདྲེས་མ་འོང་སྟེ་དེ་ཉིད་རླུང་སེམས་འདུས་ནས་རྩོལ་བ་བྱས་ན་ཕན་པ་སྙམ་བྱེད་པ་དང་། ཟུག་གི་རྗེས་ལ་བདེ་བར་འགྲོ་སྙམ་བྱེད་པའོ། །དེ་ཡང་དཔེར་ན་སྐྱེ་བོ་ཐ་མལ་པ་གཅིག་ལ་ན་ཚ་བྱུང་ན་སྨན་པ་དང་། མོ་མ་དང་། དཔྱད་མཁན་གསུམ་བོས་ནས། དེ་གསུམ་གྱིས་རིམ་པ་ལྟར་ནད་འདུ་བ་རྣམ་བཞི། འདྲེ་གདོན་དང་། ལོ་ཟླའི་སྐག་རྣམས་ལ་སོགས་པར་ངོས་བཟུང་ནས་འཆོས་པ་བཞིན་དུ་རྣལ་འབྱོར་པ་ལ་ཟུག་དག་བྱུང་བའི་དུས་སུ། འབྱུང་བ་ཆ་མ་སྙོམས་པའི་ནད་ཡིན་ནམ་སྙམ་པ་དང་། འདྲེ་གདོན་ཡིན་ནམ་སྙམ་པ་དང་། སྒོམ་པའི་སྐྱོན་ཡིན་ནམ་སྙམ་

― CMR051_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྟོག་པ་གསུམ་འབྱུང་ངོ་། །དེ་དག་བཅོས་པའི་ཐབས་ལ་གསུམ་སྟེ། དང་པོ་ཕྱི་འབྱུང་བའི་རོ་སྙོམས་སོ། །གཉིས་པ་ནང་སེམས་ཀྱི་རོ་སྙོམས་པ་དང་། ། གསུམ་པ་གསང་བ་ཉམས་ཀྱི་རོ་སྙོམས་པའོ། །དེ་ལ་དང་པོ་ནི། བདུད་རྩི་རྣམ་པ་ལྔ་བསྟེན་པ་སྟེ། རང་གི་ལུས་ལས་བྱུང་བའི་བྱང་སེམས་དཀར་དམར་གཉིས། དྲི་ཆེན་དྲི་ཆུ་གཉིས་ཏེ་བཞི། བུག་པ་བདུན་ནས་འཛག་པའི་རྫས་གཅིག་ཏུ་བརྩིས་པས་ལྔའོ། །དེ་རྣམས་ལ་ཅིའི་ཕྱིར་བདུད་རྩི་ལྔ་ཞེས་བྱ་ཞེ་ན། རྣལ་འབྱོར་པའི་ནད་དང་འཆི་བ་ནི་བདུད་ཡིན་ལ། དེ་གཉིས་ལ་རྫས་ལྔ་པོ་དེས་གསོ་བར་བྱེད་པས་ན་རྩི་ཡིན་ནོ། །དེ་བསྟེན་པའི་ཚུལ་ལ་གཉིས་ལས། སྤྱིར་ནི་གསང་སྔགས་རྣལ་འབྱོར་བླ་ན་མེད་པའི་སྒོར་ཞུགས་པ་རྣམས་ཀྱིས། སྤྱད་པར་བྱ་བའི་དམ་ཚིག་ཡིན་ཏེ། དེ་ཡང་རབ་ཀྱིས་ཐུགས་ཕྲད་དུ། འབྲིང་གིས་སྨན་གྱིས་ཁ་དོག་དང་དྲི་བསྒྱུར་བའི་རིལ་བུ། ཐ་མལ་ཡང་མོས་པས་བསྟེན་པར་བྱའོ། །དེ་ལ་ཁྱད་པར་དུ་འདིའི་སྐབས་སུ་བདུད་རྩི་དྲི་ཆུ་བསྟེན་པར་བྱ་སྟེ། ཞག་གཉིས་གསུམ་གྱི་སྔོན་རོལ་ནས། བདུད་རྩི་མི་འདྲེད་ཅིང་ནུས་པ་ཆེ་བར་བྱ་བའི་ཕྱིར། །

― CMR051_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ཟས་ཤ་ཆང་ལ་སོགས་བཅུད་སྣུམ་རྣམས་དང་ལན་ཚྭ་དང་སྔོའི་བྱེ་བྲག་དང་། ཚ་སྐྱུར་དང་རུལ་སུམ་རྣམས་སྤང་ལ་ཕྱེ་ཐུག་ཟུན་དྲོན་གཏང་། ལྟོ་བརྗེས་པའི་དྲི་ཆུ་བྱུང་ཚད་ན་སྤྲོད་དམ་ལྕགས་སྣོད་དུ་བཅུགས་ལ་མ་དྲང་བརླབས་ཆེན་ཡོལ་ཙམ་ན་བཏུང་། དེ་ལྟར་ཞག་གྲངས་ལ་སོགས་ཚོད་དང་སྦྱར་ཞིང་བདུད་རྩི་བསྐོལ་བས། ཚ་གྲང་ལ་སོགས་པ་འདུ་བ་རྣམ་བཞི་སྟོད་ན་ཡོད་ན་ཡར་ལ་སྐྱུག་ལ་སྨད་ལ་ཡོད་ན་མར་ལ་བཤལ་ཅིང་། དེས་འབྱུང་བ་ཆ་སྙོམ་ནས་ནད་ཟུག་ཐམས་ཅད་ཞི་བར་འགྱུར་རོ། །ལག་ལེན་བླ་མའི་ཞལ་ལས་ཤེས། རྗེས་ཀྱང་དེ་ཉིད་ཀྱིས་ཚོད་འཛིན་པའོ། །གཉིས་པ་ནང་སེམས་ཀྱི་རོ་སྙོམས་ནི། རྣལ་འབྱོར་པ་ལ་ན་ཚའི་ཟུག་བྱུང་ཙམ། འདྲེ་གདོན་ཡིན་སྙམ་པའི་རྟོག་པ་བྱུང་ན་འདྲེ་མེད་པར་ཐག་བཅད་དོ། །དོན་དམ་པར་འདྲེ་བས་རང་ཡང་མེད། དེས་ཀུན་རྫོབ་ཏུ་ན་ཚའི་སྐྱོན་མི་བྱེད། ཀུན་རྫོབ་ཏུ་ཡང་མེད་ན་འདྲ་སྟེ། འདྲེ་ནི་མཁའ་ལ་རྒྱུ་བའི་ཡི་དྭགས་ཡིན་པས། དེ་མེད་ན་འགྲོ་བ་རིགས་དྲུག་མི་ཚང་སྟེ། བཀའ་མདོ་རྒྱུད་མཐའ་དག་ནས་རིགས་དྲུག་ཡོད་པར་གསུངས་པ་དང་འགལ་ལོ་སྙམ་ན། དེ་ལྟར་བདེན་མོད་

― CMR051_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས། དཔེར་ན་ཚ་རེག་གྲང་རེག་འགལ་བས་ཚ་རེག་ཡིན་ན་གྲང་རེག་མ་ཡིན་པ་བཞིན། འདྲེ་ཡོད་ན་རྣལ་འབྱོར་མ་ཡིན་ལ། རྣལ་འབྱོར་ཡིན་ན་འདྲེ་མེད་པར་ཐག་ཆོད་པའོ། །དེ་ཡང་ཕྱི་ནང་གསང་བ་གསུམ་ལས། ཕྱི་ཕ་རོལ་དུ་ཕྱིན་པའི་ཐེག་པ་དང་ལུང་ཙམ་སྒོ་བསྟུན་ན་ལུང་ལས་ཀྱང་། སེམས་ཅན་ཐམས་ཅད་གང་གིས་ཕ་དང་མ་མ་བྱས་པ་མེད་ཅིང་། སེམས་ཅན་གཅིག་གིས་མ་བྱས་པའི་གྲངས་ཀྱང་བརྗོད་ཀྱིས་མི་ལངས་པར་གསུངས་ལ། རིགས་པ་ལྟར་ན། རིགས་དྲུག་གི་སེམས་ཅན་གྲངས་མཐའ་མེད་ཅིང་། འཁོར་བ་ལ་ཐོག་མ་མེད་པའི་ཕྱིར། སེམས་ཅན་གྱིས་མ་བྱས་པས་ཐག་ཆོད་པས་ན། སྨོན་འཇུག་བྱང་ཆུབ་ཀྱི་སེམས་སྦྱོང་བའི་རྣལ་འབྱོར་པ་ལ། འགྲོ་དྲུག་གི་སེམས་ཅན་ཐམས་ཅད་མར་མ་གྱུར་པ་མེད་པས་དེ་ལས་གཞན་པའི་འདྲེ་མེད་དོ། །དེ་རྣམས་ལ་རང་གིས་ངེས་པར་མའི་བློ་ཞིག་བསྐྱེད་ནས་བལྟས་ན། གཞན་དེས་ཀྱང་བདག་ལ་བུའི་བློས་ཕན་འདོགས་པ་ལས་གནོད་པ་བྱེད་མི་སྲིད་དོ། གལ་ཏེ་མ་ཤེས་སམ། ཤེས་ཀྱང་བདག་ལ་གནོད་པ་བྱེད་དོགས་ནས་བཏག་བརྡུང་བྱེད་དོ་ཞེ་ན། དཔེར་ན་ཡུར་བ་

― CMR051_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

འགགས་པས་ཆུ་ལམ་ཆད་པ་ལྟར། རྣལ་འབྱོར་དེ་ཕ་རོལ་ཏུ་ཕྱིན་པའི་ལམ་སྐལ་ཆད་པ་ཞེས་བྱའོ། །ནང་ལྟར་སྨིན་བྱེད་དབང་བཞི་ལས། བུམ་དབང་ཐོབ་ནས། གྲོལ་བྱེད་བསྐྱེད་རིམ་སྒོམ་པར་བྱེད་པའི་གང་ཟག་ལས་སྣང་སྲིད་འཁོར་འདས་ཐམས་ཅད་ལྷ་དང་ལྷ་མོའི་སྣང་བ་མ་གཏོགས་པར་གནོད་བྱེད་ཀྱི་སྣང་བ་མེད་དེ། ཡང་འཁོར་ལོ་སྡོམ་པའི་རྒྱུད་ལས་ཀྱང་། གང་དུ་བསྡད་ཀྱང་གཞལ་ཡས་ཁང་། །སུ་དང་འགྲོགས་ཀྱང་ཡི་དམ་ལྷ། །ཅི་ལྟར་བྱས་ཀྱང་ཆོས་ཀྱི་སྐུ། །དོན་དུ་མི་འགྱུར་གང་ཡང་མེད། །ཅེས་གསུངས་པས་གནོད་བྱེད་ཀྱི་འདྲེ་མེད་དོ། །དེ་ཡང་ཇི་ལྟར་ཡིན་ཞེ་ན། ཉིན་བར་གྱི་དུས་ན་མུན་པ་མ་ཡིན་པ་བཞིན་དུ། ཐམས་ཅད་ལྷ་ཡིན་པས་འདྲེ་མ་ཡིན་ཏེ། ཐམས་ཅད་ཡི་དམ་གྱི་ལྷར་ཤེས་པར་བྱས་ན། ཡི་དམ་གྱི་ལྷས་གནོད་པ་བྱེད་མི་སྲིད་དོ། །གལ་ཏེ་དེ་ལྟར་མ་ཤེས་སམ་ཤེས་ཀྱང་གནོད་བྱེད་དུ་འཛིན་ན། དེ་གཉིས་འགལ་ནས་ནང་གསང་སྔགས་ཀྱི་རྣལ་འབྱོར་པ་གྲོལ་བྱེད་བསྐྱེད་རིམ་སྒོམ་པའི་ལམ་སྐལ་ཆད་པའོ། །གསང་བ་ལྟར་ན། སྨིན་བྱེད་དབང་བཞི་རྫོགས་ནས། གྲོལ་བྱེད་རྫོགས་རིམ་སྒོམ་པའི་དབང་དུ་བྱས་

― CMR051_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

ན། སྣང་གྲག་འཁོར་འདས་ཀྱི་ཆོས་ཐམས་ཅད་སྤྲོས་མེད་ལྷན་ཅིག་སྐྱེས་པའི་ཡེ་ཤེས་ཀྱི་སྣང་བ་ལས་མ་འདས་ཏེ། དེ་སྐད་དུའང་། ཧེ་བཛྲ་ལས། བསྟན་པ་ང་ཉིད་སྟོན་པ་ང་། །རང་གི་ཚོགས་ལྡན་འཛིན་བ་ང་། །འཇིག་རྟེན་འཇིག་རྟེན་འདས་པ་ང་། །ལྷན་ཅིག་སྐྱེས་པའི་ཡེ་ཤེས་ང་། །འགྲོ་བ་ཐམས་ཅད་ང་ལས་བྱུང་། །ང་ཡིས་འདི་ཀུན་ཁྱབ་པ་སྟེ། །འགྲོ་བའི་རང་བཞིན་གཞན་མ་མཐོང་། །ཞེས་པ་དང་། བདེ་བ་གནག་ཅིང་བདེ་བ་སེར། །བདེ་བ་དམར་པོ་བདེ་བ་དཀར། །བདེ་བ་ལྗང་གུ་བདེ་བ་སྔོ། །བདེ་བ་རྒྱུ་དང་མི་རྒྱུ་ཀུན། །བདེ་བ་ཤེས་རབ་བདེ་བ་ཐབས། །དེ་བཞིན་ཀུན་ཏུ་རུ་སྐྱེས་བདེ། །བདེ་བའི་དངོས་པོ་དངོས་མེད་བདེ། །རྡོ་རྗེ་སེམས་དཔའ་བདེ་བ་བརྗོད། །ཅེས་གསུངས་པས། དེའི་ཕྱིར་ན་བདེན་རྫུན་གཉིས་གཅིག་ཏུ་འགལ་བས་བདེན་པར་གྲུབ་ན་བརྫུན་པ་མ་ཡིན་པ་བཞིན། ཐམས་ཅད་ལྷན་ཅིག་སྐྱེས་པའི་ཡེ་ཤེས་ཀྱི་རང་བཞིན་ཡིན་པས། གནོད་བྱེད་ཀྱི་འདྲེ་མེད་པར་ཐག་ཆོད་དོ། །གལ་ཏེ་དེ་ལྟར་མ་ཤེས་པར། འདྲེ་རྟོག་བྱུང་ན། དེ་གཉིས་འགལ་བའི་ཕྱིར། རྣལ་འབྱོར་པ་དེ་

― CMR051_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་སྔགས་གྲོལ་བྱེད་རྫོགས་རིམ་སྒོམ་པའི་ལམ་སྐལ་ཆད་པའོ། །དེ་ལྟར་ན་སེམས་ཀྱི་རོ་སྙོམས་གསུམ་པོ་དེ་རང་གི་རྒྱུད་ལ་གང་འཐད་པ་གཅིག་གམ། ཡང་ན་གཉིས་ཀའི་སྒོ་ནས་རྣལ་འབྱོར་པ་ལ་ན་ཚ་སྡུག་བསྔལ་ཅི་བྱུང་ཡང་འདྲེ་མ་ཡིན་པར་ཤེས་པར་བྱའོ། །གལ་ཏེ་དེ་ལྟར་ཕྱི་འབྱུང་བའི་རོ་སྙོམས་དང་། ནང་སེམས་ཀྱི་རོ་སྙོམས་དང་གཉིས་བྱས་ཀྱང་། ནད་ཀྱི་ཟུག་དེ་མ་སོས་ན་འབྱུང་བ་དེ་འདྲེ་མ་ཡིན་ཞིང་འབྱུང་བ་རོ་སྙོམས་པར་ཐག་ཆོད། ཟུག་དེ་སྒོམ་ཉམས་རྩུབ་ཆོས་སུ་ན་ཚའི་ཟུག་ཆེན་སྐྱེ་བ་ཡིན་ནོ། །ད་དེ་གང་གིས་བཅོས་ན། གསུམ་པ་གསང་བ་རོ་སྙོམས་ཀྱིས་བཅོས་སོ། །རྗེ་ནཱ་རོ་པའི་ཞལ་ནས། བཅོས་ཐབས་བསམ་གྱིས་མི་ཁྱབ་ཀྱང་། །སྟོང་པའི་གོ་ཆ་རྩིས་སུ་ཆེ། །ཞེས་གསུངས་པས། དང་པོ་སྟོང་པའི་གོ་ཆ་བསྒོམ་པར་བྱ་སྟེ། དེ་ཡང་གནད་བཞི་སྟེ། དུས་གནད་ནི་ན་ཚ་དྲག་པོ་བྱུང་བའི་དུས་སོ། །ལུས་གནད་གཏུམ་མོ་དང་མཐུན། ཡུལ་གནད་ན་ཚ་བྱུང་བ། ཤེས་པའི་གནད་སྤྱི་བོ་ནས་རྐང་མཐིལ་གྱི་བར་དུ་ན་ཚ་གང་བྱུང་བ་དེ་སྟོང་པར་བསྒོམ་པ་སྟེ། དེ་ཡང་སྐར་ཁུང་དང་ཟང་ཐལ་གྱི་ཚུལ་གྱིས་སོ། །གཉིས་པ་

― CMR051_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། དེས་མ་སེལ་ན་བདེ་བའི་གོ་ཆ་བསྒོམ་པར་བྱ་སྟེ། གནད་བཞི་ལས། དུས་དང་ཡུལ་དང་། ལུས་གསུམ་སྔ་མ་དང་མཐུན། ཤེས་པའི་གནད་ནི། ན་ས་སྟོང་པར་བསྒོམ་པའི་ས་དེར་ཀུན་རྫོབ་བྱང་ཆུབ་སེམས་ཀྱི་ཐིག་ལེ་དངུལ་ཆུ་ལྟར་དཀར་དམར་གྱིས་གང་བས། ན་ཚ་དེ་ཉིད་བདེ་བར་གྱུར་ནས། བདེ་བ་ཕྲིལ་ཕྲིལ་བའམ། བདེ་སྟོང་དབྱེར་མེད་དུ་བསྒོམ། གསུམ་པ་ནི། དེས་ཀྱང་མ་སེལ་ན་གཏུམ་མོའི་གོ་ཆ་བསྒོམ་པར་བྱའོ། །གནད་བཞི་ལས་གསུམ་པོ་སྔ་མ་དང་མཐུན། ཤེས་པའི་གནད་ནི། ། ན་སར་སྟོང་པར་བསྒོམ་པའི་ནང་དེར་གཏུམ་མོའི་མེ་མཚན་ཉིད་བཞི་ལྡན་སྦོམ་ཕྲ་ཅི་རིགས་པ་ཞིག་བསྒོམ་མོ། །བཞི་པ་ནི། གལ་ཏེ་ཟུག་གཟེར་ཤིན་ཏུ་ཆེ་ནས་གོ་ཆ་གསུམ་པོ་གང་ལ་ཡང་ཤེས་པ་གཏད་མ་ཚུགས་ནས་སེམས་ཀྱི་གོ་ཆ་བསྒོམ་པར་བྱ་སྟེ། ཡང་གནད་བཞི་ལས་གསུམ་པོ་སྔ་མ་དང་འདྲ། ཤེས་པའི་གནད་ནི། ཟུག་གཟེར་དེ་རང་ལ་ཤེས་པ་བསྡུ་ཞིང་རླུང་མནན་པས་རྩ་མིག་ཁེངས་ཙམ་ན་ལུས་ཕར་གཅུ་ཚུར་གཅུ་བྱ་སྟེ། གར་ནི་ས་དེ་ཉིད་དུ་རླུང་དང་ཤེས་པ་དྲིལ་ལ་བསྒོམ་མོ། །དེ་ནི་དམིགས་པའི་བློ་ལྡོག་ཅེས་བྱ་

― CMR051_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། གོ་ཆ་གོང་མ་གསུམ་གྱི་གྲོགས་སུ་ཡང་འགྲོའོ། །ལྔ་པ་ནི། ཐབས་དེ་དག་གིས་མ་སེལ་ན། བསོད་ནམས་བསགས་པ་དང་། དམ་ཚིག་ཉམས་པའི་སྐྱོན་ཡོད་པ་ཡིན་སྲིད་པས་ན། བླ་མའི་གོ་ཆ་བསྒོམ་པར་བྱ་སྟེ། རང་གི་བླ་མ་ལ་བསྟེན་ནས་བསོད་ནམས་བསགས་ཤིང་དམ་ཚིག་སྐོང་བའི་ཐབས་ལ། གནད་བཞི་ལས་གསུམ་སྔ་མ་དང་འདྲ། ཤེས་པའི་གནད་ནི། ན་ས་སྟོང་པར་བསྒོམ་པའི་གནད་དེར་ནད་གཞི་ཚ་གྲང་གང་ཡིན་བརྟགས་ལ། ཚད་པ་ཤས་ཆེ་བ་ལ་བླ་མའི་གདན་ཟླ་བའི་གདན་ཅིག་བསམ། ། གྲང་བ་ཤས་ཆེ་ན་ཉི་མའི་གདན་སྟེང་དུ་རྩ་བའི་བླ་མ་ཞལ་འཛུམ་བག་གི་མདངས་དང་ལྡན་པ་གསལ་བར་བསྒོམ་ལ། ཁ་ཙམ་ཚིག་ཙམ་མ་ཡིན་པར། ཞེ་ཁོང་རུས་པའི་གཏིང་ནས། མོས་གུས་སིང་སིང་ངེས་པར་བྱས་ན། བསོད་ནམས་འགྲིབ་པའམ། དམ་ཚིག་ཆག་ཉམས་ཐམས་ཅད་སོར་ཆུད་ནས། སྡུག་བསྔལ་ལས་གྲོལ་ནས། བདེ་བ་ཉམས་སུ་འཆར་བར་འགྱུར་རོ། །དེ་རྣམས་ལ་རླུང་རྩོལ་སྔ་མ་བས་སོགས་ཆུང་བ་ཤིན་ཏུ་རིགས་པར་བྱའོ། །དེ་ལྟར་རོ་སྙོམས་པ་གསུམ་པོ་དེ་ཡང་གདམས་ངག་བཤད་པའི་གོ་རིམ་ཕྱི་

― CMR051_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བའི་རོ་སྙོམས་སྔོན་ལ་བྱ་གསུངས་ཀྱང་། གལ་ཏེ་ཐབས་དེ་གཅིག་པུས་ནད་མ་སོས་པར་ལུས་ཀྱི་ཉམས་དམའ་ན་ས་རྗེས་ལ་ནང་དང་གསང་བའི་རོ་སྙོམས་མི་ནུས་པ་སྲིད་པས་ན། ལག་ལེན་གྱི་དུས་སུ་དང་པོ་ནང་དང་གསང་བའི་རོ་སྙོམས་ཀྱིས་བཅོས་ལ། དེ་གཉིས་ཀྱིས་མ་སོས་ན། གཟོད་ཕྱིའི་རོ་སྙོམས་བྱ་སྟེ། དེ་གསུམ་བསྡེབས་ནས་བཅོས་པས་སྐྱོན་ཉམས་ནད་ཀྱི་ཟུག་རྔུ་ལས་གྲོལ་ནས། བདེ་ཉམས་ཡོན་ཏན་གྱི་བོགས་སུ་སྐྱེ་བ་ལ་ཐེ་ཚོམ་མེད་དོ། །ན་ཚ་བོགས་སུ་འདོན་པའི་གཟེར་རོ། །གལ་ཏེ་ཐབས་དེ་དག་གིས་ནད་ཀྱི་ཟུག་དེ་མ་སེལ་ན་ངེས་པ་ཁོ་ནར། རྣལ་འབྱོར་པ་དེ་ཚེ་ཟད་པའམ་དུས་ཐུག་པ་ཡིན་ཏེ། གཟེར་གཉིས་པ་འཆི་འཕོ་ལྟུང་བྱེད་ཀྱི་སྡུག་བསྔལ་ནི་སྐྱོན་། ཉམས་ཀྱིས་བཅོས་པའི་ཐབས། འཆི་བ་གྲོགས་སུ་ཁྱེར་བའི་གཟེར་ཉམས་སུ་བླང་བར་བྱའོ། །དེ་ལ་ཆོས་ཉིད་དམ་རང་བཞིན་གྱིས་འཕོ་བ་ཞེས་བྱ་བ་འདི། སྐྱེ་བོ་ཐ་མལ་པ་ལ་འདི་འདྲ་བདུད་ཡིན་པས། རྣལ་འབྱོར་པ་བླ་མ་དམ་པའི་གདམས་ངག་དང་ལྡན་པ་ཞིག་ལ། དཔའ་བོ་མཁའ་འགྲོའི་སུན་མ་འབྱུང་སྟེ། དཔལ་འཁོར་ལོ་སྡོམ་པ་

― CMR051_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། རྣལ་འབྱོར་པ་རྣམས་འཕོ་བའི་ཚེ། །ཁྲག་འཐུང་ཚོགས་དང་རྣལ་འབྱོར་མ། །མེ་ཏོག་སྣ་ཚོགས་ལག་ན་ཐོགས། །རྒྱལ་མཚན་བ་དན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །གླུ་དང་མཆོད་པ་སྣ་ཚོགས་ཀྱིས། །མཁའ་སྤྱོད་གནས་སུ་ཁྲིད་པར་བྱེད། །འཆི་བ་ཞེས་བྱ་རྣམ་རྟོག་ཡིན། །ཞེས་གསུངས་པས། འཆི་བ་ལ་བརྟེན་ནས་བར་དོར་ཕྱག་རྒྱ་ཆེན་པོའི་དངོས་གྲུབ་ཐོབ་པར་བྱེད་ཅིང་། ལམ་གྱི་གྲོགས་སུ་འགྲོ་བས་གཟེར་ཞེས་བྱའོ། །དེའི་ཐབས་ལ་གཉིས་ཏེ། རང་བཞིན་འབྱུང་ཚུལ་དང་། དེ་ལམ་དུ་སློང་བའི་ཚུལ་ལོ། །དང་པོ་ལ་ཡང་གསུམ་སྟེ། འཆི་བའི་སྦྱོར་བ་དང་། དངོས་གཞི། རྗེས་སོ། །དེ་ལ་དང་པོ་སྦྱོར་བ་ནི། མི་འཆི་ན་མི་འཆི་བ་འཐད། འཆི་བ་ན་འཆི་བ་ཐམས་ཅད་སྤྱིར་འགྲོ་བ་རིགས་དྲུག །ཁྱད་པར་དུ་མིའི་འགྲོ་བ་རྣམས་ལ་རྒས་པ་དང་ན་བ་ཡུན་རིང་པོར་རིམ་གྱིས་འཆི་བའམ་ཡང་ན་གློ་བུར་མཚོན་ནམ་གཏིབས་གྲི་ལ་སོགས་པ་ལྟ་བུས་ཅིག་ཆར་དུ་འཆི་བས། འཆི་རྟགས་ཀྱི་སྒོ་ནས་དངོས་པོ་ཐམས་ཅད་མི་རྟག་པར་རྫུན་པ། སྒྱུ་མའི་མཚན་ཉིད་ཅིག་མངོན་སུམ་དུ་མི་སྐྱེ་མི་སྲིད་དོ། །དེ་ཡང་

― CMR051_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ལྟར་འཆི་ཀའི་དུས་སུ་ཕུང་པོ་ཁམས་དང་སྐྱེ་མཆེད་འབྱུང་བ་ཆེན་པོ་བཞི་ལ་ཐིམ་ནས་འགྲོའོ། །དེ་བཞིན་ཡང་། སའི་རླུང་ཆུ་ལ་ཐིམ་པའི་དུས་སུ་ཕྱི་རྟགས་སུ་ལུས་ཀྱི་སྟོབས་ཤོར་ཏེ། གོས་ཀྱང་མི་ཐེག་ཅིང་ཟུང་མི་ཐུབ། ནང་རྟགས་སུ་ཤེས་པའི་ཉམས་མྱོང་ལ། ད་ལྟའི་སྣང་བ་བརྟན་ཅིང་ཐེར་ཟུག་ཏུ་འཛིན་པ་འདི་ནུབ་ནས། སྐད་ཅིག་མི་སྡོད་པར་གཡོ་བ་སྨིག་སྒྱུ་ལྟ་བུའི་སྣང་བ་འབྱུང་ངོ་། །ཆུའི་རླུང་མེ་ལ་ཐིམ་པའི་རྟགས་སུ་ཕྱི་རྟགས་ལ་ཁ་སྣའི་ཆུ་རླུང་ཕྱིར་བུད་ནས། དེའི་རྗེས་ལ་ཁ་སྣ་སྐམས་ནས་འོང་། །ནང་རྟགས་སུ་འཁྲིག་ཆགས་ཀྱི་སྣང་བ་དེ་ནུབ་ནས་དུད་པ་ལྟ་བུ་བན་བུན་ལང་ལོང་གི་སྣང་བ་འབྱུང་ངོ་། །མེའི་རླུང་རླུང་ལ་ཐིམ་པའི་རྟགས་སུ་ཕྱི་རྟགས་སུ་ལུས་དྲོད་མཐའ་ནས་འཆོར་། ནང་རྟགས་སུ་སྣང་བ་འདི་རྣམས་རེས་གསལ། རེས་མི་གསལ་དུ་འགྲོ་བའི་སྲིན་བུ་མེ་ཁྱེར་ལྟ་བུའི་སྣང་བ་འབྱུང་ངོ་། །རླུང་གི་རླུང་རྣམ་པར་ཤེས་པ་ལ་ཐིམ་པའི་དུས་སུ། ཕྱི་རྟགས་སུ་དབུགས་ཤར་ཤར་ཕྱིར་རྒྱུ་བ་རིང་ཞིང་ནང་དུ་འཇུག་པ་དཀའ་ཞིང་ཐུང་། ནང་རྟགས་སུ་ཕྱི་རོལ་གྱི་སྣང་བ་ནུབ་ནས་རྣམ་པར་ཤེས་པ་བུམ་པ་ནང་གི་མར་མེ་ལྟར་

― CMR051_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་པ་མེད་པར་རང་བཞིན་གྱིས་གསལ་བར་འགྱུར། གཉིས་པ་འཆི་བ་དངོས་ནི། དེ་ནས་རྣམ་པར་ཤེས་པ་འོད་གསལ་ལ་ཐིམ་པའི་དུས་སུ་ཕྱི་རྟགས་སུ་དབུགས་ཐམས་ཅད་ཕྱིར་ཕྱུང་ནས་ནང་དུ་རྔུབས་པའི་འཕྲོ་ཆད་ནས་ནད་པ་ཤི་ནས་ཐལ་ཟེར་བ་འབྱུང་། ནང་རྟགས་སུ་འཆི་བ་དོན་དམ་པའི་བདེན་པ་འོད་གསལ་སྤྲིན་མེད་པའི་ནམ་མཁའ་ལྟ་བུའི་ཆོས་ཉིད་སྐད་ཅིག་ཙམ་མངོན་དུ་བྱེད་པའོ། །དེ་སྐད་དུ་ཡང་། ཧེ་བཛྲ་ལས། དང་པོ་དུ་བ་ལྟ་བུ་སྟེ། །སྨིག་རྒྱུ་ལྟ་བུ་གཉིས་པ་ཡིན། །གསུམ་པ་མཁའ་སྣང་ལྟ་བུ་སྟེ། །མར་མེ་ལྟར་འབར་བཞི་པ་ཡིན། །སྤྲིན་མེད་ནམ་མཁའ་ལྟ་བུ་ནི། །རྟག་ཏུ་སྣང་བ་ལྔ་པའོ། །ཞེས་གསུངས། གསུམ་པ་འཆི་བའི་རྗེས་ནི། དེ་ནས་འོད་གསལ་དེའི་ངང་ལས། །སྲིད་པར་བར་དོའི་རྣམ་ཤེས་ཟུང་འཇུག་རྡོ་རྗེའི་སྐུར་ལྡང་བར་འགྱུར་རོ། །དེ་ཡང་མངོན་པ་མཛོད་ལས། སྔོན་འབྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་ལྡན། །ལས་ཀྱི་རྫུ་འཕྲུལ་ཤུགས་དང་ལྡན། །རིགས་མཐུན་ལྷ་མིག་དག་པས་མཐོང་། །ཞེས་བཤད་པ་ལྟར། ཚེ་སྔ་མའི་ལུས་ཀྱི་བག་ཆགས་ཀྱི་སྣང་བ་ལ། མེ་ལོང་

― CMR051_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་གི་གཟུགས་བརྙན་ལྟར། སྣང་སྟོང་དབྱེར་མི་ཕྱེད་པའི་འོད་གསལ་གྱི་ལུས་ཅན། དབང་པོ་ཀུན་ཚང་བ། སྲ་བ་བྲག་དང་། སྙི་བ་ཆུ་ལ་སོགས་པ་ལ་ཐོགས་རྒྱུགས་མེད་ཅིང་། མེས་བསྲེག་ཏུ་མེད། མཚོན་གྱིས་བཅད་གཏུབ་ཏུ་མེད་པ། དེ་ཡང་སྔགས་སམ། རྫས་སམ་ཏིང་ངེ་འཛིན་ལ་སོགས་པའི་སྒོ་ནས་བསྒྲུབ་པའི་རྫུ་འཕྲུལ་མ་ཡིན་ཏེ། ལས་ཀྱི་རྫུ་འཕྲུལ་ལས་གྲུབ་པའི་རྫུ་འཕྲུལ་དང་ལྡན་པ། བར་དོའི་སེམས་ཅན་ཕན་ཚུན་གཅིག་གིས་གཅིག་མཐོང་བས་ལྷའི་མིག་རྣམ་པར་དག་པས་མཐོང་ཞིང་། འགྲོ་བ་གཞན་གྱིས་མི་མཐོང་བའོ། །དེ་ལྟར་སེམས་ཅན་ཐམས་ཅད་ཀྱི་ཆོས་ཉིད་སྒྱུ་མའི་འོད་གསལ་ཟུང་འཇུག་དེ། འཆི་བའི་དུས་གསུམ་ལ་བརྟེན་ནས་རང་བཞིན་གྱིས་མངོན་སུམ་དུ་བྱས་ཀྱང་། གདམས་ངག་དང་མི་ལྡན་པ་རྣམས་ཀྱིས་དེ་དག་ངོས་མ་ཟིན་ཅིང་ངོ་མ་ཤེས་པས་སླར་ལ་ལོག་རྟོག་དང་བདག་འཛིན་འཕེལ་ནས། ཡང་སྐྱེ་བ་དང་། འཆི་བ་དང་། བར་དོའི་སྲིད་པ་གསུམ་འཁོར་ཞིང་། རྒྱུ་དྲུག་ཏུ་འཁྱམས་པའོ། ། །དེ་ནི་རང་བཞིན་འབྱུང་ཚུལ་ལོ། །དེ་ལྟ་བུ་དེ་ལམ་དུ་སློང་བའི་ཐབས་ལ་གསུམ་

― CMR051_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། སྦྱོར་བ། དངོས་གཞི། རྗེས་དང་གསུམ་མོ། །སྦྱོར་བ་ལ་ཡང་ཐུན་མོང་དང་། ཐུན་མོང་མ་ཡིན་པ་གཉིས་ལས། དང་པོ་ནི། འཆི་བའི་རང་བཞིན་འབྱུང་ཚུལ་ལ་སོགས་པའི་གདམས་ངག་ཁོང་དུ་ཆུད་པའི་རྣལ་འབྱོར་པས། སྨིག་རྒྱུ་ལྟ་བུ་ལ་སོགས་པའི་རྟགས་བྱུང་ནས་ད་འཆི་བར་ངེས་པས་ན། འདི་ལྟར་དུ་ཤེས་པར་བྱ་སྟེ། གལ་ཏེ་དངོས་པོ་འདི་རྣམས་ཡང་དག་པར་བདེན་ན་འཆི་མི་སྲིད་ལ། འཆི་བ་བདེན་མི་སྲིད་པས། ད་ལྟར་དུ་འཆི་བར་སྣང་བའི་ཕྱིར། ཆོས་ཐམས་ཅད་རྫུན་པ་སྒྱུ་མ་ལྟ་བུར་མངོན་དུ་ཤེས་པའི་ཤེས་པ་བསྐྱེད་དེ། ཕྱི་ནང་གི་དངོས་པོ་ཐམས་ཅད་ལ་ཞེན་ཆགས་དང་བྲལ་བར་བྱས་ལ། རྫས་དང་ཡོ་བྱད་ཅི་ཡོད་པ་ཐམས་ཅད་ཚོགས་སུ་བཏང་། ཕྱི་ནང་གི་དུ་བ་དང་སྨྲེ་སྔགས་ལ་སོགས་པ་ཏིང་ངེ་འཛིན་གཡེང་བའི་རྒྱུ་རྣམས་སྤངས་ལ་བླ་མ་གྲོགས་པོ་དམ་ཚིག་དང་ལྡན་པས་གདམས་ངག་གསོ་ཞིང་། གསལ་འདེབས་ལ་མཁས་པའི་རྩར་བརྟེན་པར་བྱའོ། །གཉིས་པ་ཐུན་མོང་མ་ཡིན་པའི་སྤྱོད་པ་ནི། བླ་མ་ཡི་དམ་ཁྱད་པར་དུ་བྱས་པའི་དཀོན་མཆོག་གསུམ་ལ། སྙིང་ཐག་པ་རུས་པའི་གཏིང་ནས་མོས་གུས་བྱས་ལ།

― CMR051_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་པ་ལ་དགའ་ན་བདུན་རྣམ་དག་བྱ་བ་དང་། སྐྱབས་འགྲོ་སེམས་བསྐྱེད་ལ་སོགས་པའི་ཆོ་ག་རྒྱས་པར་བྱ། སྤྲོས་པ་མི་དགའ་ན་སྐྱབས་འགྲོ་ཁྱད་པར་ཅན་བདག་གིས་འཆི་བའི་འོད་གསལ་དོན་དམ་པའི་བདེན་པ་རྟོགས་པར་བྱས་ཏེ། བར་དོར་ཟུང་འཇུག་ཕྱག་རྒྱ་ཆེན་པོའི་གོ་འཕང་ཐོབ་ནས་འགྲོ་བ་སེམས་ཅན་མཐའ་དག་གི་དོན་རྗེས་སུ་སྤྱོད་པར་བྱའོ་སྙམ་པའི་སེམས་བསྐྱེད་ཡང་ཡང་དུ་བྱ་ཞིང་བར་དོ་རང་ངོ་ཤེས་པར་བྱས་ལ་དེའི་ལུས་སྒྱུ་མ་ལྟ་བུ་དེ་ཟུང་འཇུག་རྡོ་རྗེའི་སྐུར་རྟོགས་པར་བྱའོ་སྙམ་དུ་ཡང་ཡང་སེམས་བསྐྱེད་ཀྱི་འཕེན་པ་དྲག་ཏུ་བྱའོ། །གཉིས་པ་དངོས་གཞི་ནི། ཆོས་ཐམས་ཅད་བརྫུན་པ་སྒྱུ་མ་ལྟ་བུ་ཡིན་པའི་ཕྱིར། བྱ་བ་གང་ཡང་མི་འགྲུབ་པ་མི་སྲིད་དོ། །དོན་ཇི་ལྟར་བསམ་པ་ལྟར་འགྲུབ་པ་ཡིན་གྱི་སྙམ་དུ་འཆི་བས་མི་འཇིགས་པའི་གདེང་ཆེན་པོ་དང་ལྡན་པས་ནུས་པར་གྱུར་ན་ལུས་རྡོ་རྗེའི་སྐྱིལ་ཀྲུང་ལ་སོགས་པ་བྱ། དེ་ལྟར་མ་ནུས་ན། ། མགོ་བྱང་དུ་བསྟན་ལ་ཁ་ནུབ་ཏུ་ལྟ་ཡང་གསུངས། མགོ་ཤར་དུ་བསྟན་ནས་ཁ་བྱང་དུ་བལྟས་ལ་སེང་གེའི་ཉལ་ཐབས་བྱ། རང་ཡི་དམ་ལྷར་བསྒོམས་ནས། སྔར་གཏུམ་མོ་ལ་

― CMR051_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཐབས་ལམ་རྫོགས་རིམ་གྱི་ཉམས་མྱོང་གང་ལ་ངེས་ཤེས་སྐྱེས་ཤིང་གསལ་བ་ཞིག་ལ་བློ་བཞག་ལ། ཏིང་ངེ་འཛིན་མ་ཡེངས་པར་བྱའོ། །དེ་ལྟར་བསྒོམས་པས། ས་ཆུ་ལ་ཐིམ་པ་ལ་སོགས་པའི་ཕྱི་ནང་གི་རྟགས་རྣམས་རིམ་གྱིས་རྫོགས་ནས། མཐར་རྣམ་པར་ཤེས་པ་འོད་གསལ་ལ་ཐིམ་པའི་དུས་སུ་ལམ་གྱི་འོད་གསལ་དང་འཆི་ཀ་གཉིས་དབྱེར་མེད་པར་རང་བཞིན་གྱིས་འབྱུང་བ་དེ་གཉིས་དབྱེར་མེད་དུ་འདྲེས་ནས་དེའི་ངང་ལ་ལོའམ་ཟླ་བའི་བར་དུ་གནས་ཤིང་། བདག་འཛིན་ལོག་རྟོག་ཐམས་ཅད་སྤངས་ནས། དཔེར་ན་མཚོ་དྭངས་པ་ལས་ཉ་འཕར་བ་ལྟར། འོད་གསལ་དེའི་ངང་ལས་བར་དོ་ཟུང་འཇུག་རྡོ་རྗེའི་སྐུ་མངོན་དུ་བྱེད་དེ་མཆོག་གི་དངོས་གྲུབ་ཐོབ་པར་འགྱུར་རོ། །གསུམ་པ་རྗེས་ཀྱི་མན་ངག་ནི། གལ་ཏེ་འཆི་ཀར་ཤེས་པ་མི་གསལ་བའམ། གནད་གཅོད་དྲག་པོས་བསྒོམ་མ་ནུས་སམ། ལོང་མེད་དུ་གློ་བུར་དུ་འཆི་བའི་རྐྱེན་གྱིས་སྒོམ་པའི་སྐབས་མ་བྱུང་བའམ། ། སྔར་འོད་གསལ་ལ་གོམས་ཤས་ཆུང་བའི་སྟོབས་ཀྱིས་འཆི་ཀའི་འོད་གསལ་དེ་མ་ཟིན་པར་ཐ་མལ་པར་ཤི་ན་ཡང་། དཔེར་ན་ནུབ་མོ་ཉལ་ཁ་རང་གི་ཤེས་པ་ལ་སང་ནང་པར་ལས་ཀ་

― CMR051_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་གལ་ཅན་འདི་ལྟ་བུ་ཞིག་བྱའོ་སྙམ་པའི་དྲན་འདུན་དྲག་པོ་ཞིག་ཡོད་ན་ནང་པར་གཉིད་སད་མ་ཐག་ཏུ་དེ་དྲན་པ་ལྟར། སྔར་འཆི་བའི་འཕེན་པ་དྲག་པོའི་སྟོབས་ཀྱིས། བར་དོར་བར་དོ་ཤེས་ཤིང་དེའི་མཚན་ཉིད་རྟོགས་པས་བར་དོའི་ལུས་སེམས་ལ་ཡང་བདག་ཏུ་འཛིན་པའི་མངོན་ཞེན་ལྡོག་སྟེ། བདག་འཛིན་ཕྱིན་ཅི་ལོག་གི་འཆིང་བ་ལས་གྲོལ་ནས། དུས་དེ་ཉིད་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པ་ལ་ཐེ་ཚོམ་མེད་དོ། །དེའི་དུས་དེར་བར་དོ་མི་ཤེས་ཟེར་ན། བར་དོ་ཞག་བདུན་ནས་རིང་ན་བདུན་ཕྲག་བདུན་གྱི་བར་དུ་གནས་ཤིང་། བདུན་ཕྲག་རེ་རེ་ལ་འཆི་བའི་སྣང་བ་རེ་རེ་འབྱུང་སྟེ། དེའི་དུས་སུ་ཡང་ཆོས་ཉིད་ཀྱི་འོད་གསལ་དང་བར་དོའི་ལུས་མངོན་དུ་བྱེད་པས་དུས་དེ་དག་ཏུ་སྔར་གྱི་འཕེན་པའི་སྟོབས་ཀྱིས་དྲན་ཞིང་འོད་གསལ་དང་བར་དོ་ངོ་ཤེས་པ་ཙམ་གྱིས་གྲོལ་ནས། ཟུང་འཇུག་གི་གོ་འཕང་མི་ཐོབ་མི་སྲིད་དོ། །དེ་ལྟ་བུའི་གདམས་ངག་དང་ལྡན་པའི་རྣལ་འབྱོར་པས། འཆི་བ་ཉིད་མཆོག་གི་དངོས་གྲུབ་ཐོབ་པའི་རྐྱེན་ནམ་ཡོན་ཏན་དུ་ཤེས་པར་བྱའོ། །འཆི་བ་གྲོགས་སུ་ཁྱེར་བའི་གཟེར་རོ། །གུ་རུ་ན་མོ།

― CMR051_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

གལ་ཏེ་ཐབས་ལམ་སྒོམ་པའི་རྣལ་འབྱོར་པས། རྩ་རླུང་གི་བྱེ་བྲག་གིས་ཉམས་མི་བདེ་བ་ལ་གཟེར་གསུམ་པ་བདེ་བ་ཟུག་ཅན་ཡུལ་ཡིད་ལ་བྱེད་པ་འཁྲིག་པ་ལས་བྱུང་བའི་འདོད་ཆགས་ཀྱིས་ཉོན་མོངས་པ་དྲག་པོ་སྐྱེས་ན། འདིར་ལམ་གསང་སྔགས་རྡོ་རྗེ་ཐེག་པ་ནི་གདུལ་བྱ་འདོད་ཆགས་ཅན་གྱི་ངོར་གསུངས་པས། ཉོན་མོངས་པ་དེ་ཉིད་བླ་མའི་གདམས་ངག་གིས་ཡོན་ཏན་གྱི་ལམ་དུ་སློང་བར་བྱའོ། །དེ་ཡང་དཔལ་གསང་བ་འདུས་པ་ལས། སྐྱེ་བོ་འདོད་ཆགས་ཅན་དོན་དུ། །དེ་ཡི་བྱེད་པ་རྡོ་རྗེ་སེམས། །ཞེས་དང་། དཔལ་འཁོར་ལོར་སྡོམ་པ་ལས་ཀྱང་། བལྟ་དང་དགོད་དང་ལག་འཛིན་དང་། །འཁྱུད་དང་གཉིས་སྤྱོད་ལ་སོགས་པ། །རྒྱུད་སྡེ་རྣམ་པ་བཞི་རུ་བཤད། །ཅེས་ཆགས་ཚུལ་བཞི་ལ་དགོངས་ནས་ཀྱང་བཤད་དང་། ཡང་དགྱེས་པ་རྡོ་རྗེ་ལས་ཀྱང་། ཇི་ལྟར་མེ་ཡིས་ཚིག་པ་ལས། །སླར་ཡང་མེ་ལ་གདུང་བར་བྱ། །དེ་བཞིན་འདོད་ཆགས་མེས་ཚིག་ལ།། འདོད་ཆགས་ཉིད་ཀྱིས་གདུང་བར་བྱ། །སྐྱེ་བོ་མི་བཟད་པ་ཡི་ལས། །གང་དང་གང་གིས་འཆིང་གྱུར་པ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་ལས་གྲོལ་

― CMR051_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འགྱུར། །བཟློག་པའི་བསྒོམ་པ་འདི་ཉིད་ཀྱི། །སངས་རྒྱས་མུ་སྟེགས་ཀྱིས་མི་ཤེས། །ཞེས་པ་ལ་སོགས་པ་གསུངས་པའི་ཕྱིར་རོ། །དེ་ལམ་དུ་སློང་བ་ལ་གཉིས་ཏེ། བསྙེན་པ་དང་། སྒྲུབ་པའོ། །བསྙེན་པ་ལ་བཞི་སྟེ། ཐིག་ལེ་བཟུང་བ་དང་། གྱེན་དུ་བཟློག་པ་དང་། རྩ་མིག་གདབ་པ་དང་། རླུང་དང་བསྲེ་བའོ། །དང་པོ་ལ་གནད་བཞི་སྟེ། དུས་གནས་ནི། འཕོ་མེད་ཟུག་བཅས་ཉོན་མོངས་པ་རང་ག་མ་སྐྱེས་ཤིང་ཐིག་ལེ་གསང་གནས་སུ་བབས་པའི་དུས་སུ། ལུས་གནད་གཏུམ་མོ་དང་མཐུན། ཡུལ་གནད་སྤྱི་བོར་བདེ་བ་ཆེན་པོའམ། འོག་སྒོ་གསང་གནས་སུའོ། །ཤེས་པའི་གནད་རླུང་སྦྱོར་འགའ་ཙམ་བྱས་ནས་ངལ་གསོ་ལ། རྟོག་མེད་དུ་ལྷན་གྱིས་གློད་ན་ཟིན་པར་འགྱུར་རོ། །གཉིས་པ་ཐིག་ལེ་བཟློག་པ་ནི། འཁྲུལ་འཁོར་རྣམ་པ་གསུམ་ལ་བརྟེན་པ་སྟེ། ངག་གི་འཁྲུལ་འཁོར་རླུང་ནང་དུ་ཅུང་ཟད་རྔུབ་སྟེ། དབུགས་འཁོར་གཅིག་ལ་ཀ་ཧིག་ཀ་ཧིག་ཅེས་པ་ལན་གཅིག་བརྗོད་པས། ལུས་ཀྱི་འཁྲུལ་འཁོར་འོག་སྒོ་བསྡོམ་ཞིང་རྒྱུ་མ་སྒལ་པ་ལ་སྦྱར་ཞིང་བྱའོ། །ཡིད་ཀྱི་འཁྲུལ་འཁོར་གསང་གནས་ཀྱི་ཐིག་

― CMR051_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ལེ་སྐར་མདའ་འཕངས་བ་ལྟར། རྩ་དབུ་མའི་ནང་ནས་ཡར་སྤྱི་བོའི་ཧཾ་ལ་སྐྱ་སིབ་སིབ་ཐིམ་པར་བསམ་མོ། །དེ་ལྟར་ལན་གཅིག་གིས་མ་བཟློག་ན། ཧིག་ཀ་ཉི་ཤུ་རྩ་གཅིག་གམ་ལྔའི་བར་དུ་བརྗོད་པས་ཐིག་ལེ་བཟློག་པར་འགྱུར་རོ། །གསུམ་པ་ཐིག་ལེ་རྩ་མིག་ཏུ་གདབ་པ་ནི། ལག་པ་གཡོན་པའི་སྲིན་ལག་མདུན་དུ་ས་ལ་བཙུགས་ལ། ལུས་ཀྱི་ལྗིད་བསྒྱུར་ནས་ཅུང་ཞིག་བསྡད་པས། རྩ་མིག་རྣམས་སུ་ཐིམ་པར་འགྱུར་རོ། །བཞི་པ་བསྲེ་བ་ནི། དེའི་རྗེས་ལ་སྟེང་རླུང་ནང་དུ་དྲང་། འོག་རླུང་གྱེན་དུ་དྲག་པོར་བསྡམས་ཏེ། །རླུང་བུམ་པ་ཅན་རྩོལ་བ་དྲག་པོ་ཅིག་བྱས་ནས། དེ་ཀ་ལ་འཕྲོ་བ་ཅན་དེ་རྟོག་མེད་དུ་ལྷན་གྱིས་བཞག་པས་ཟག་བཅས་འཕོ་བ་དེའི་སྐྱོན་ལས་གྲོལ་ནས་ཟག་མེད་བདེ་གསལ་མི་རྟོག་པའི་ཡེ་ཤེས་སྐྱེ་བར་འགྱུར་རོ། །གལ་ཏེ་དེས་ཀྱང་མ་སེལ་ན། བདེ་བ་བོགས་དབྱུང་བའི་སྒོ་ནས་སྐྱོན་དེ་བསལ་བའི་ཕྱིར་སྒྲུབ་པ་ལ་གཉིས་གཉིས་ཏེ། ཆགས་ཅན་དང་ཆགས་བྲལ་གཉིས་ཀྱི་ལུགས་སོ། །དང་པོ་ནི་རྗེ་ནཱ་རོ་པའི་ཞལ་ནས། རིག་མ་མཚན་ལྡན་ཡུལ་གྱི་གནད། །ཅེས་གསུངས་པས། གཞན་ལུས་ཀྱི་ཕྱག་རྒྱ་ལ་བསྟེན་ཏེ། གཞན་དུ་

― CMR051_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་པར་བྱའོ། །གཉིས་པ་ཆགས་བྲལ་ལུགས་ལ་གནད་བཞི་ལས། དུས་ཀྱི་གནད་ནི། འཕོ་བདེ་ཟུག་ཅན་སྐྱེས་ནས་གཉེན་པོས་མ་སེལ་བར་དུའོ། །ལུས་གནད་ནི་སྔ་མ་དང་མཐུན། ཡུལ་གནད་ནི་ཐིག་ལེ་ལ་དབང་ཐོབ་མ་ཐོབ་ཀྱི་བྱེ་བྲག་གིས་ལྟེ་བ། སྙིང་ག །མགྲིན་པ། སྤྱི་བོ་གར་རེག་པའི་ནང་དུའོ། །ཤེས་པའི་གནད་ནི། དེར་གང་ལ་ཆགས་པའི་ཡིད་ཀྱིས། རིག་མ་གཅེར་བུའི་རྣམ་པ་ཅན་ཞིག་གསལ་བར་བསམ་པའམ། ཡང་ན་དེ་དང་སྙོམ་པར་འཇུག་པར་བྱེད་པ་དམིགས་ལ། རྩོལ་བ་ནུས་ཚད་བྱའོ། །དེས་ནི་བདེ་བ་ལྷག་པར་སྐྱེ་བའི་སྟོབས་ཀྱིས་བདེ་བ་འཕེལ་ནས་དེའི་སྟོབས་ཀྱིས། ཉོན་མོངས་པའི་རྟོག་པ་དེ་ཉིད་ཟིལ་གྱིས་གནོན་ཏེ། ཟག་བཅས་འཕོ་བདེའི་ཟུག་རྔུ་དང་བྲལ་ནས། བདེ་གསལ་མི་རྟོག་པའི་ཉམས་འཆར་རོ། །གཞན་ཡང་ཐིག་ལེ་བཟུང་བ་ལས་དངོས་གཞི་ནི་བསྙེན་པ་དང་འདྲའོ། །ཉོན་མོངས་པ་ལམ་དུ་སློང་བའི་གཟེར་རོ། །ན་མོ་གུ་རུ། ཡང་གལ་ཏེ་རྣལ་འབྱོར་པ་རྣམ་རྟོག་གི་ཏིང་ངེ་འཛིན་ལ་སེམས་གནས་སུ་མ་འདོད་པར་བསམ་གཏན་གྱི་གེགས་བྱེད་ན། བླ་མའི་གདམས་ངག་

― CMR051_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་རྣམ་རྟོག་རང་སར་གྲོལ་བར་བྱའོ། །དེ་ལའང་གཉིས་ལས། དང་པོ་ཕྱི་རོལ་གྱི་སྣང་བ་དཀར་དམར་ལ་སོགས་པའི་རྐྱེན་གྱིས་སྐྱེ་བ་སྟེ། དེ་ལ་ཕྱི་བཟུང་བའི་ཡུལ་ལ་གཏོགས་པའི་རྣམ་རྟོག་རང་སར་གྲོལ་བ་ནི། གནད་བཞི་ལ་བརྟེན་པ་སྟེ། དུས་གནད་ནི། རྣམ་རྟོག་གིས་སེམས་མི་སྟེར་བའི་དུས་སུ། ལུས་གནད་གོང་དང་མཐུན། ཡུལ་རྗེ་ནཱ་རོ་པའི་ཞལ་ནས། ཕྱི་སྣང་བ་དཀར་དམར་ཡུལ་གྱི་གནད། །ཅེས་གསུངས་པས། ཕྱི་རོལ་གྱི་ཡུལ་སྣང་བ་དཀར་དམར་ལ་སོགས་པའི་དངོས་པོ་གང་ཡང་རུང་བ་ཞིག་ལ་ཤེས་པའི་གནད་ཧུར་ཕྱུང་ལ། དངོས་པོ་གང་ཡིན་དེ་ལ་མིག་འབུར་ཚུགས་སུ་བལྟས་པས། དང་པོ་ཡུལ་གང་ཡིན་པ་དེ་ལ་དེར་འཛིན་རྟོག་བཅས་ཀྱི་ཤེས་པ་ཞིག་སྐྱེ་ཅུང་ཞིག་ནས་ཡུལ་དེ་ལ་དེར་འཛིན་རྟོགས་བཅས་ཀྱི་ཤེས་པ་རང་སར་གྲོལ་བ་ལས། སྣང་ལ་མི་རྟོག་པའི་ཉམས་སྐྱེའོ། །གཉིས་པ་ཕྱིའི་ཡུལ་རྐྱེན་མེད་པར་འཕྲོ་བ་ན། སེམས་ཀྱི་ཀུན་རྟོག་རང་སར་གྲོལ་བ་ནི། གནད་བཞི་ལས་དུས་དང་ལུས་གནད་སྔ་མ་དང་མཐུན། ཡུལ་ཞེ་སྡང་ལ་སོགས་པ་རྣམ་རྟོག་གང་སྐྱེས་པ་དེ་ཉིད། ཤེས་པའི་

― CMR051_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

གནད་ནི། མིག་གྱེན་ལ་བཟློག་ལ་རྣམ་རྟོག་དེ་ཉིད་ལ་གཅེར་གྱིས་བལྟས་པའི་ཚུལ་གྱིས་དཔྱད་པས། མ་རྙེད་པའི་དུས་སུ་བརྟག་དཔྱད་འཕྲོ་བ་ཅན་དང་། །ཀློད་ལ་བཞག་པས་དེ་ཉིད་གསལ་ལ་མི་རྟོག་པའི་ཉམས་མྱོང་འཆར་རོ། །དེ་ལྟར་ཡང་དང་ཡང་དུ་བསྒོམས་ན་ཕྱི་ནང་གི་རྣམ་རྟོག་གི་སྐྱོན་ལས་གྲོལ་ཏེ། བདེ་གསལ་མི་རྟོག་པའི་ཡེ་ཤེས་སྐྱེ་བ་ལ་ཐེ་ཚོམ་མེད་དོ། །རྣམ་རྟོག་རང་སར་གྲོལ་བའི་གཟེར་རོ། །ན་མོ་གུ་རུ། ཡང་གལ་ཏེ་རྣལ་འབྱོར་པ་ལ་ཕྱི་ནང་གི་བར་ཆད་བྱེད་པ་བྱུང་ན། དེ་ཉིད་བླ་མའི་གདམས་ངག་གིས་བར་ཆད་དངོས་གྲུབ་ཏུ་བླང་བའི་ཐབས་བསྟན་པར་བྱ་བ་ལ་གཉིས་ལས། རང་གི་རྒྱུད་ལས་བྱུང་བའི་ནང་གི་བར་ཆད་དང་། གཞན་རྒྱུད་ལས་བྱུང་བའི་ཕྱིའི་བར་ཆད་དོ། །དང་པོ་ལ་ཡང་གཉིས་ལས་འབྱུང་བ་ཕྱིའི་བར་ཆད་ནི། ལུས་ཀྱི་འབྱུང་བཞི་ཆ་མ་སྙོམས་པས་ནང་དུ་འགྱུར་བ་དེ་དངོས་གྲུབ་ཏུ་བླང་བའི་ཕྱིར། ཕྱི་ན་ཚ་བོགས་འདོན་འབྱུང་བ་རོ་སྙོམས་ཀྱི་སྐབས་སུ་བསྟན་ཏོ། །གཉིས་པ་སེམས་དང་སེམས་ལས་བྱུང་བའི་བར་ཆད་ལ་ཡང་གཉིས་ལས། དང་པོ་ནི། ནང་གི་བར་ཆད་འདོད་ཆགས་འཁྲིག་

― CMR051_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལས་བྱུང་བའི་ཉོན་མོངས་པའི་བར་ཆད་དངོས་གྲུབ་ཏུ་བླང་བ་ནི། ཉོན་མོངས་པ་ལམ་དུ་སློང་བའི་སྐབས་སུ་བསྟན་ཏོ། །གཉིས་པ་དེ་ལས་གཞན་པའི་ཉོན་མོངས་པ་ཞེ་སྡང་ལ་སོགས་པ་ནས་འཁོར་གསུམ་དུ་བརྟག་པའི་བར་སེམས་བྱུང་གི་བར་ཆད་དངོས་གྲུབ་ཏུ་བླང་བ་ནི་རྣམ་རྟོག་རང་སར་གྲོལ་བའི་སྐབས་སུ་བསྟན་ཏོ། །གཞན་རྒྱུད་ལས་བྱུང་བའི་ཕྱིའི་བར་ཆད་ལ་ཡང་གཉིས་ཏེ། འདྲེ་དང་མིའི་བར་ཆད་དོ། །དང་པོ་ལ་འདྲེའི་བར་ཆད་ཀྱི་སྣང་བ་བྱུང་ན། དེ་དངོས་གྲུབ་ཏུ་བླང་བའི་ཐབས་ནི། ནང་སེམས་ཀྱི་རོ་སྙོམས་ན་ཚ་བོགས་འདོན་གྱི་སྐབས་སུ་བསྟན་ཏོ། །འོ་ན་བར་ཆད་དངོས་གྲུབ་ཏུ་བླང་བའི་ཐབས་གོང་དུ་བསྟན་ཟིན་ན། གཟེར་རྣམ་པ་ལྔའི་གྲངས་སུ་ཇི་ལྟར་འགྲོ་ཞེ་ན། འདིར་ཁྱད་པར་དུ་ཕྱི་རོལ་མིའི་བར་ཆད་བྱེད་པ་བྱུང་ན་དེ་དངོས་གྲུབ་ཏུ་བླང་བའི་ཐབས་སྟོན་པར་བྱེད་པས་ན་གཟེར་ལྔའི་གྲངས་སུ་བཞག་པའོ། །མིའི་བར་ཆད་ལ་ཡང་སྡེ་ཚན་གཉིས་ལས། དང་པོ་རང་གི་ཕྱོགས་སུ་གཏོགས་པའི་ཚེ་འདིའི་ཕ་མ་ལ་སོགས་པའི་གཉེན་འདུན་ནམ། ཆོས་ཀྱིས་བསྡུས་པའི་མཁན་སློབ་བམ། སློབ་མ་ལ་སོགས་ཀྱི་མཛའ་བོས་ཚེ་འདིའི་ཆེ་ཐབས་

― CMR051_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཆོས་བརྒྱད་ལ་སོགས་པའི་མི་དགེ་བ་ལ་སྦྱོར་ཞིང་། དམ་པའི་ཆོས་བྱེད་པའི་བར་ཆད་བྱེད་ན། དེ་དངོས་གྲུབ་ཏུ་བླང་བའི་ཐབས་ནི། ཕ་མ་ལ་སོགས་པ་དེ་དག་བདག་ཆོས་ལས་ཟློག་པ་བྱུང་ན། བདུད་ཡིན་པའམ། ཡང་ན་བདུད་ཀྱིས་བརླབས་པར་ཤེས་པས། དེ་དག་གི་དབང་དུ་མ་ཤོར་བར་བྱས་ལ། མི་འགྱུར་བའི་དད་པ་བརྟན་པོས་སླར་ལེ་ལོ་སྤངས་ནས་བརྩོན་འགྲུས་བརྩམས་ཏེ་དགེ་བ་དེ་དག་མྱུར་དུ་ཅི་འགྲུབ་འགྲུབ་ཏུ་བྱའོ། །གཞན་གྱི་ཕྱོགས་ལའང་གཉིས་ལས། དང་པོ་ཐ་མལ་བཏང་སྙོམས་པས་བར་ཆད་མི་བྱེད་དོ། །གཉིས་པ་དགྲ་ཕྱོགས་ཀྱིས་བར་ཆད་བྱེད་ན་དེ་དངོས་གྲུབ་ཏུ་བླང་བའི་ཐབས་ནི། རང་ལས་དང་པོ་པ་ཡིན་ན་གནོད་བྱེད་དེ་ཉིད་བཟོད་པའི་བླ་མར་ཤེས་པར་བྱས་ལ། དེ་ལ་དགའ་བར་བལྟས་ལ་བཟོད་པ་བསྒོམ་ཞིང་དེའི་བསོད་ནམས་དངོས་གྲུབ་ཏུ་བླང་ངོ་། །རང་དྲོད་ཀྱི་ནུས་པ་ཐོན་པ་ཙམ་ཡིན་ན་གནོད་བྱེད་ཚར་བཅད་པ་དང་། རྗེས་སུ་བཟུང་བའི་ཕྲིན་ལས་ཀྱིས་བཏུལ་ནས་སངས་རྒྱས་ཀྱི་བསྟན་པ་ལ་བཀོད་དོ། །གལ་ཏེ་རང་ལ་ནུས་པ་ཡོད་བཞིན་དུ་གདོན་ལ་སོགས་པའི་གནོད་བྱེད་དེ་མ་བཏུལ་

― CMR051_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ན་སངས་རྒྱས་ཀྱི་བསྟན་པ་དང་སེམས་ཅན་ཡལ་བར་དོར་བའི་ཉེས་པར་གྱུར་ནས་རྩ་བའི་ལྟུང་བར་འགྱུར་རོ། །གཞན་ཡང་གལ་ཏེ་ཕྱི་ནང་གི་བར་ཆད་ཀྱི་རྐྱེན་ནམ་དུས་ལ་ཐུག་ནས་འཆི་བ་ལ་བབས་ན། དེ་ཡང་དངོས་གྲུབ་ཏུ་བླང་བའི་ཐབས་ནི། འཆི་བ་གྲོགས་སུ་འཁྱེར་བའི་སྐབས་སུ་བསྟན་ཟིན་ཏོ། །དེ་ལྟར་ན་ཚ་བོགས་སུ་འདོན་པ་ལ་སོགས་པའི་ཐབས་འདི་དག་ནི་སྐྱོན་ཐམས་ཅད་ཡོན་ཏན་དུ་སྒྱུར་བར་བྱེད་པའི་ལམ་གྱི་གཟེར་རྣམ་པ་ལྔ་ཞེས་བྱའོ། །མན་ངག་འདི་རྣལ་འབྱོར་ཆེན་པོ་བླ་ན་མེད་པའི་ཕ་རྒྱུད་མ་རྒྱུད་རྣམས་ཀྱི་དགོངས་པའི་གནད་རྣམས་དཔལ་ནཱ་རོ་པ་ཆེན་པོ་ཞེས་བྱ་བ་དུག་ལྔ་ཡེ་ཤེས་ལྔ་སྐད་ཅིག་རྫོགས་པའི་རྡོ་རྗེ་འཆང་ཆེན་པོ་དང་ཐམས་ཅད་པ་དེ་ཉིད་ཀྱིས་གཞི་ལམ་འབྲས་བུའི་ལམ་གྱི་སྐྱོན་སེལ་བ། ན་ཚ་བོགས་སུ་འདོན་པའི་གཟེར་དང་། འཆི་བ་གྲོགས་སུ་འཁྱེར་བའི་གཟེར་དང་། ཉོན་མོངས་ལམ་དུ་སློང་བའི་གཟེར་དང་། རྣམ་རྟོག་རང་སར་གྲོལ་བའི་གཟེར་དང་། བར་ཆད་དངོས་གྲུབ་ཏུ་བླང་ཞིང་འབྲས་བུ་སྐུ་ལྔ་རང་བྱུང་ཡེ་ཤེས་སུ་རྫོགས་པའི་གཟེར་ལྔ་གནད་ཀྱི་འཁོར་ལོ་ཞེས་བྱ་བར་བསྡུས་ཏེ། མི་ལ་རྣལ་འབྱོར་ལ་སོགས་པ་བརྒྱུད་

― CMR051_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་ཀྱིས་ཇི་ལྟ་བར་ཐུགས་ཉམས་སུ་བཞེས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཉམས་ལེན་ཆོས་སྤྱོད་བུང་བའི་སྒྲ་སྙན་གྱི། །གཞུང་གི་ཆ་ལག་དགོས་འདོད་འབྱུང་བ་ལས། །ཕྱག་རྒྱ་ཆེན་པོའི་ཉམས་ལེན་ཆ་ལག་ཏུ། །རྒྱབ་ཆོས་ཀུན་འདུས་ཡིད་བཞིན་ནོར་བུ།

― CMR051_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་ཆོས་སྤྱོད་བུང་བའི་སྒྲ་སྙན་གྱི། །གཞུང་གི་ཆ་ལག་དགོས་འདོད་འབྱུང་བ་ལས། །ཕྱག་རྒྱ་ཆེན་པོའི་ཉམས་ལེན་ཆ་ལག་ཏུ། །རྒྱབ་ཆོས་ཀུན་འདུས་ཡིད་བཞིན་ནོར་བུ་བཞུགས།།

― CMR051_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དྷེ་བ་དྷཱ་ཀི་ནཱི། སརྦ་དྷརྨཱ་པཱ་ལ་མ་ཧཱ་མུ་ཏྲ་ཡེ། བླ་མ་ཡི་དམ་མཁའ་འགྲོ་དང་། །ཆོས་སྐྱོང་སྲུང་མར་ཕྱག་འཚོལ་ནས། །ཕྱག་རྒྱ་ཆེན་པོའི་ཉམས་ལེན་ཆ་ལག་ཏུ། །རྒྱབ་ཆོས་ཀུན་འདུས་ཡིད་བཞིན་ནོར་བུ་བྲི། །རྩ་གསུམ་སྲུང་མས་བྱིན་རླབས་དངོས་གྲུབ་སྩོལ། །དེ་ཡང་མདོ་རྒྱུད་གསར་རྙིང་གཏེར་རྣམས་ཀྱི། །དོན་རྣམས་ཐམས་ཅད་ཕྱག་རྒྱ་ཆེན་པོར་འདུས། །དེ་ཉིད་དོན་རྩ་ཉམས་སུ་ལེན་པ་ལོ། །དང་པོའི་ཐོག་མར་ཐོས་པ་དགོས་པ་སྟེ། །རྗེ་བཙུན་ནཱ་རོ་པ་ཡི་ཞལ་ནས་ཀྱང་། །ཕྱི་ནང་ཆོས་ལ་ཐོས་པ་དགོས། །གོ་བས་མཐའ་

― CMR051_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཡོང་བ་ཡིན། །ཡིན་མིན་སྒྲོ་འདོགས་ཆོད་རྩ་ན། །གོལ་སས་མི་འཇིགས་གདེང་ཞིག་འཐོབ། །ཅེས་གསུངས་ཉམས་སུ་མ་བླང་མི་ཚེ་ཐོས་པ་ལ། །སྦྱངས་པས་དོན་ནི་མེད་པ་སྟེ། །གཙུག་ཏོར་ཆེན་པོའི་མདོ་ལས་ཀྱང་། །བསྐལ་པ་མང་པོར་ཐོས་པ་བསགས་པ་བས། །ཉིན་གཅིག་ཆོས་ཉིད་དོན་ལ་མཉམ་བཞག་བསོད་ནམས་ཆེ། །ཞེས་གསུངས་ཕྱག་རྒྱ་ཆེན་པོའི་ཉམས་ལེན་ལ། །ལང་གྲོའི་ཞུས་ལན་མཐོང་བ་ཡིད་འཕྲོག་ལས། །བསྒོམ་རྒྱུ་ཅི་མེད་མི་སྒོམ་སྒོམ་མེད་ཀྱི། །ངང་དུ་བསྒོམ་མེད་མཐའ་རུ་སྐྱེལ་བ་ཡིན། །དེ་ལས་གཞན་པའི་སྒོམ་

― CMR051_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་ནི། །སངས་རྒྱས་ལ་ཡང་མེད་དེ་མཆིས། །ཞེས་གསུངས་དེ་ལྟར་བསྒོམས་པས་སྒོམ་ཐབས་ཀུན། །མང་པོ་གསུངས་པ་ཐམས་ཅད་འདུས་པ་སྟེ། །སྟོན་པས་སྡོང་པོ་བཀོད་པའི་མདོ་ལས་ཀྱང་། །འཇིག་རྟེན་ཁམས་ནི་ཐམས་ཅད་དུ། །ངས་ནི་མདོ་སྡེ་གང་བཤད་པ། །ཚིག་འབྲུ་ཐམས་ཅད་དོན་གཅིག་ལ། །ཐམས་ཅད་བསྒོམ་པར་མི་ནུས་ཚིག་གཅིག་རྣམ་པར་བསྒོམ་པ་ཡིན། །ཞེས་གསུངས་ས་ར་ཧ་ཡི་ཞལ་ནས་ཀྱང་། །ནུབ་གཅིག་ཚེས་གཅིག་བསྒོམས་པས་གྲུབ་པ་ཐོབ། །ཅེས་གསུངས་ཕྱག་རྒྱ་ཆེན་པོ་བསྒོམས་པས་ནི། །བླ་མ་བསྒོམ་དང་མོས་གུས་ཀུན་འདུས་ཏེ། །གསང་འདུས་རྣམ་ཐར་ཞལ་ཆེམས་ལས། །བླ་མ་རང་སེམས་ཆོས་ཀྱི་སྐུ། །དབྱེར་མེད་ཡིན་པར་མ་ཤེས་ན། །ང་ཉིད་བསྡད་ཀྱང་དོན་གོ་ཆུང་། །གསོལ་བ་ཐོབ་ཅིག་རྗེ་འབངས་རྣམས། །ཞེས་གསུངས་རང་བྱུང་རྡོ་རྗེའི་ཞལ་ནས་ཀྱང་། །རང་སེམས་བླ་མར་མ་ཤེས་ན། །ཐ་སྙད་ཀྱི་བླ་མ་དགོས་པ་ཆུང་། །ཞེས་གསུངས་སངས་རྒྱས་ཡེ་ཤེས་ཀྱིས། །བླ་མ་རང་རིག་སྐྱེ་མེད་ཆོས་སྐུ་ཡིན། །བླ་མའི་སྒྲུབ་སྐོར་མེད་ཀྱང་དགོས་པ་ཆུང་། །ཞེས་གསུངས་

― CMR051_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མའི་སྒོམ་སྒྲུབ་ཐམས་ཅད་འདུས། །དེ་ནས་ཕྱག་རྒྱ་ཆེན་པོ་ཉམས་བླངས་པས། །བླ་མ་སྐུ་གསུམ་སྒྲུབ་པའི་ཉམས་ལེན་དང་། །ཡི་དམ་ཞི་བ་ཁྲོ་བོའི་ཉམས་ལེན་ཀུན། །ཕྱག་རྒྱ་ཆེན་པོའི་ཁོངས་སུ་འདུས་པ་ཉིད། །རྫོགས་པ་ཆེན་པོ་ལས་ནི་འདི་སྐད་གསུངས། །ཆོས་ཀྱི་སྐུ་རུ་བཞུགས་ཙམ་ན། །མི་རྟོག་མཉམ་པའི་ངོ་བོར་བཞུགས་ཙམ་ན། །སྣ་ཚོགས་ཆོས་ལ་ལོངས་སྤྱོད་ཅིང་། །མ་སྤང་ཡེ་ཤེས་རྒྱན་དུ་བཞུགས། །སྤྲུལ་པའི་སྐུ་རུ་བཞུགས་ཙམ་ན། །གང་ལ་གང་འདུལ་དེར་སྤྲུལ་ནས། །དགོས་པ་ཕུན་སུམ་ཚོགས་པར་བཞུགས། །སྐུ་གསུང་ཐུགས་གསུམ་ཉམས་ལེན་ཐམས་ཅད་འདུས། །དེ་ནས་ཕྱག་རྒྱ་ཆེན་པོ་ཉམས་བླངས་པས། །ཡེ་ཤེས་ལྔ་ཡང་དེ་ཡི་ཁོངས་སུ་འདུས། །དེ་ཡང་རྫོགས་པ་ཆེན་པོ་ལ། །བྱང་ཆུབ་སེམས་ཀྱི་ཆོས་ཉིད་དེ། །མ་བཅོས་རྣལ་དུ་བཞག་པ་ནི། །དེ་ནི་ཆོས་དབྱིངས་ཡེ་ཤེས་ཡིན། །གསལ་ལ་རྟོག་པ་མེད་པ་ནི། །དེ་ནི་མེ་ལོང་ཡེ་ཤེས་ཡིན། །སེམས་ལ་དབྱེ་བ་མེད་པ་ནི། །དེ་ནི་མཉམ་ཉིད་ཡེ་ཤེས་ཡིན། །སྣང་ཚུལ་ཅིར་ཡང་སྣང་བས་ན། །དེ་ནི་སོར་རྟོག་ཡེ་ཤེས་ཡིན། །སེམས་ཀྱིས་ཀུན་

― CMR051_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་དབང་བསྒྱུར་བས། །དེ་ནི་བྱ་གྲུབ་ཡེ་ཤེས་ཡིན། །ཞེས་གསུངས་ཡེ་ཤེས་ལྔ་ཡང་ཕྱག་རྒྱ་ཆེན་པོར་འདུས། །དེ་ལྟར་ཕྱག་རྒྱ་ཆེན་པོ་ཉམས་བླངས་པས། །རིགས་ལྔའི་སངས་རྒྱས་དེ་ཡི་ཁོངས་སུ་འདུས། །དེ་ཡང་རྫོགས་པ་ཆེན་པོ་ལས། །སེམས་ཅིར་ཡང་སྣང་བས་རྣམ་པར་སྣང་མཛད་ཡིན། །དུས་གསུམ་འཕོ་འགྱུར་མེད་པས་རྡོ་རྗེ་སེམས་དཔའ་ཡིན། །ཆེ་བའི་ཡོན་ཏན་འབྱུང་བས་རིན་ཆེན་འབྱུང་ལྡན་ཡིན། །སེམས་ཀྱིས་ཀུན་ལ་ཁྱབ་པས་སྣང་བ་མཐའ་ཡས་ཡིན། །བྱ་རྩོལ་མེད་པར་གྲུབ་པས་དོན་ཡོད་གྲུབ་པ་ཡིན། །ཞེས་གསུངས་རིགས་ལྔའི་སངས་རྒྱས་ཕྱག་རྒྱ་ཆེན་པོར་འདུས། །དེ་ལྟར་ཕྱག་རྒྱ་ཆེན་པོ་ཉམས་བླངས་པས། ། །ཕུང་པོ་ལྔ་ཡང་དེ་ལ་འདུས་པ་སྟེ། །ཀློང་གསལ་སྙིང་ཐིག་ཉི་མའི་གསང་རྒྱུད་ལས། །རང་རིག་རིག་པའི་ཡེ་ཤེས་འདི། །ནང་ལྟར་ཕུང་པོ་ལྔ་ཡིན་ནོ། །གཟུགས་ཕུང་རྡོ་རྗེ་སེམས་དཔའ་ཡིན། །ཚོར་བའི་ཕུང་པོ་རིན་ཆེན་འབྱུང་། །འདུ་ཤེས་ཕུང་པོ་སྣང་མཐའ་ཡས། །འདུ་བྱེད་ཕུང་པོ་དོན་ཡོད་གྲུབ། །རྣམ་ཤེས་ཕུང་པོ་རྣམ་སྣང་མཛད། །ཐུབ་པ་དྲུག་ནི་རིག་རྩལ་ངང་། །ང་རྒྱལ་ལྷ་ཡི་ཐུབ་པ་ཡིན། །ཕྲག་

― CMR051_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

དོག་ལྷ་མིན་ཐུབ་པ་ཡིན། །འདོད་ཆགས་མི་ཡི་ཐུབ་པ་ཡིན། །གཏི་མུག་བྱོལ་སོང་ཐུབ་པ་ཡིན། །སེར་སྣ་ཡི་དྭགས་ཐུབ་པ་ཡིན། །ཞེས་སྡང་དམྱལ་བའི་ཐུབ་པ་ཡིན། །སྐྱེ་མཆེད་བཅུ་དྲུག་སེམས་དཔའ་སེམས་མའི་ཚོགས། །ཆུ་ཡི་སྒོ་ནི་ལྕགས་ཀྱུ་ཡབ་ཡུམ་ཡིན། །ས་ཡི་སྒོ་ནི་ཞགས་པ་ཡབ་ཡུམ་ཡིན། །མེ་ཡི་སྒོ་ནི་ལྕགས་སྒྲོག་ཡབ་ཡུམ་ཡིན། །རླུང་གི་སྒོ་ནི་དྲིལ་བུ་ཡབ་ཡུམ་ཡིན། །ཕ་ཡི་ཐིག་ལེ་ཟླ་བ་ཡིན། །མ་ཡི་ཐིག་ལེ་ཉི་མ་ཡིན། །རིག་པ་ཡེ་ཤེས་སྐུ་ལྔ་སྟེ། །རིག་པ་ཅིར་ཡང་སྣང་བས་རྣམ་པར་སྣང་མཛད་ཡིན། །རིག་པ་འགྱུར་བ་མེད་པས་མི་བསྐྱོད་པ། །རིག་པ་ཐོག་མཐའ་མེད་པས་སྣང་མཐའི་སྐུ། །རིག་པ་དགོས་འདོད་འབྱུང་བས་རིན་འབྱུང་སྐུ། །རིག་པ་ལྷུན་གྲུབ་ཡིན་པས་དོན་ཡོད་གྲུབ། །རིག་པ་རང་རིག་ཡིན་པས་དེ་བཞིན་རིགས། །རང་རིག་འགྱུར་བ་མེད་པས་རྡོ་རྗེའི་རིགས། །རིག་པར་ཡོན་ཏན་འབྱུང་བས་རིན་ཆེན་རིགས། །རིག་པ་སྐྱོན་དང་བྲལ་བས་པདྨའི་རིགས། །རིག་རྩལ་མ་འགགས་ལས་ཀྱི་རིགས། །ཞེས་གསུངས་ཡི་དམ་ཞི་བ་ཁྲོ་བོ་ལ་སོགས་པ། །རང་སེམས་ཕྱག་རྒྱ་ཆེན་པོའི་

― CMR051_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོངས་སུ་འདུས། །ཅི་ཡི་ཕྱིར་ན་རིགས་ལྔར་མ་གཏོགས་པའི། །ཡི་དམ་ལྷ་ནི་འབྱུང་བར་མི་སྲིད་དོ། །དེ་ནས་ཕྱག་རྒྱ་ཆེན་པོ་ཉམས་བླངས་པས། །མཁའ་འགྲོའི་ཉམས་ལེན་ཐམས་ཅད་འདུས་པ་སྟེ། །ཀློང་གསལ་སྙིང་ཐིག་ཉི་མའི་གསང་རྒྱུད་ལས། །རང་རིག་རིག་པའི་ཡེ་ཤེས་འདི། །བླ་མེད་ལྟར་ན་མཁའ་འགྲོ་ལྔ། །རིག་རྩལ་ཡེ་ཤེས་སེམས་ཉིད་དོ། །བརྟེན་པ་ཕྱི་ཡི་ཡུལ་ལ་བརྟེན། །ཁྲག་ནི་ཡུམ་ཆེན་མཱ་མ་ཀཱི །དྲོད་ནི་ཡུམ་ཆེན་གོས་དཀར་མོ། །ཤ་ནི་སངས་རྒྱས་སྤྱན་མ་སྟེ། །དབུགས་ནི་དམ་ཚིག་སྒྲོལ་མ་ལ། །སེམས་ནི་ནམ་མཁའི་དབྱིངས་ཕྱུག་མ། །རིག་པ་ཡེ་ཤེས་མཁའ་འགྲོ་ལྔ། །རིག་པ་མི་འགྱུར་རང་བྱུང་སྐུ། །རྡོ་རྗེ་མཁའ་འགྲོ་རིག་པ་ཉིད། །རིག་པ་ཟང་ཐལ་སྣ་ཚོགས་འཆར། །རིན་ཆེན་མཁའ་འགྲོ་རིག་པ་ཡིན། །རིག་པ་སྐྱོན་བྲལ་རིག་མདངས་ལྔ། །པདྨ་མཁའ་འགྲོ་རིག་པ་ཡིན། །རིག་པ་ཐོགས་མེད་ཀུན་ལ་ཁྱབ། །ལས་ཀྱི་མཁའ་འགྲོ་རིག་པ་ཡིན། །རིག་པ་རང་བྱུང་སྐྱེ་འགག་བྲལ། །སངས་རྒྱས་མཁའ་འགྲོ་རིག་པ་ཡིན། །བདག་མེད་ཆོས་ཀྱི་སྐུ་གསལ་སྟོང་། །རིག་པ་ཡིག་འབྲུ་རིགས་ལྔར་

― CMR051_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། །ཕྱི་དང་ནང་དང་གསང་བའོ། །ཕྱི་ལྟར་ཨོཾ་ཧཱུྃ་ཏྲཱྃ་ཧྲཱིཿཨཱཿ །ནང་ལྟར་ཧ་རི་ནི་ས་ཧཱུྃ། །གསང་བ་ཨོཾ་དང་ཨཱཿདང་ཧཱུྃ། །རིག་པ་སྐུ་གསུམ་ཉིད་ཡིན་ནོ། །ཞེས་གསུངས་མཁའ་འགྲོའི་བསྐྱེད་རྫོགས་ཉམས་ལེན་ཀུན། །ཕྱག་རྒྱ་ཆེན་པོའི་ཉམས་ལེན་ཁོངས་སུ་འདུས། །དེ་ནས་ཕྱག་རྒྱ་ཆེན་པོ་ཉམས་བླངས་པས། །ཆོས་སྐྱོང་སྲུང་མའི་ཉམས་ལེན་འདུས་པ་སྟེ། །མགོན་པོ་སྐུ་རག་མ་ལས་འདི་སྐད་གསུངས། །ཡེ་ཤེས་མགོན་པོ་བྱ་བ་དེ། །བླ་མ་དམ་པས་ངོ་སྤྲད་ནས། །ཉམས་སུ་བླངས་ནས་མངོན་དུ་གྱུར། །ཡེ་ནས་གནས་པ་དེ་ཤེས་ཡེ་ཤེས་བྱ་བ་ཡིན། །ཞི་རྒྱས་དབང་དྲག་ལ་སོགས་པས། །མཁའ་མཉམ་སེམས་ཅན་ཐམས་ཅད་ཀུན། །འཁོར་བ་སྡུག་བསྔལ་རྒྱ་མཚོ་ལས། །སྒྲོལ་བ་བྱེད་པས་མགོན་པོའོ། །བདུད་རིགས་ཐམས་ཅད་ཕམ་མཛད་ཅིང་། །དཀར་ཕྱོགས་སྐྱོང་བས་ཆོས་སྐྱོང་ཡིན། །ཞེས་གསུངས་མ་ནིང་སྲོག་དབང་ལས། །རང་སེམས་འགགས་མེད་ཆོས་ཀྱི་སྐུ། །འཁོར་འདས་ཀུན་གྱི་རྩ་བ་སྟེ། །ཡ་ཀི་ཀུན་བཟང་ཆེ་མཆོག་ནས། །མ་ཀི་ཐེའུ་རང་ཡན་ཆོད་དུ། །ཀུན་སྲོག་སེམས་ཉིད་གཅིག་ཏུ་

― CMR051_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས། །མ་ནིང་ལ་སོགས་དྲེགས་པ་རྣམས། །དོན་ལ་རང་གི་རྟོག་ཚོགས་ཏེ། །ལྷ་སྲིན་ཀུན་གྱི་དྲྭ་བར་བྱུང་། །རྟོག་ཚོགས་སུམ་ཅུ་སྡེ་དཔོན་ཚོགས། །ཁམས་ཆེན་བཅོ་བརྒྱད་དྲེགས་བཅོ་བརྒྱད། །རྣམ་ཤེས་ཚོགས་བརྒྱད་སྡེ་བརྒྱད་དོ། །འདི་ནི་ཀུན་གྱི་མི་ཐུབ་པས། །དུག་གསུམ་ཕོ་མོ་ཀླུ་གསུམ་སྟེ། །ངར་འཛིན་ལྷན་སྐྱེས་མ་རིག་པ། འདི་ཉིད་གཅིག་པུ་མ་ནིང་སྟེ། །འདི་ནི་ཀུན་གྱི་མི་ཐུབ་པས། །གཞན་གྱིས་སྲུང་ཟློག་མི་ནུས་ཏེ། །ངར་འཛིན་རུ་ཏྲའི་རྒྱལ་པོ་ཡིན། །གཅིག་ཤུལ་དུར་ཁྲོད་བདག་པོ་སྟེ། །མ་རིག་མ་ནིང་རང་གི་ལུས། །རྟོགས་ན་ཀུན་བཟང་ཧེ་རུ་ཀ །སྟོང་སྲོག་རང་རིག་ཆོས་སྐུར་བཅད། །དེ་ཕྱིར་མ་ནིང་རང་རྒྱུད་དུ། །མི་བསྐོལ་རང་སེམས་ཆོས་སྐུ་ཡིན། །ཞེས་གསུངས་ཆོས་སྐྱོང་སྲུང་མ་ཐམས་ཅད་ཀུན། །དོན་ལ་རང་གི་རྟོག་ཚོགས་ལས། །གུད་ན་ཡོད་པར་མི་འདུག་པས། །ཕྱག་རྒྱ་ཆེན་པོའི་ཁོངས་སུ་འདུས། །སྐུ་ནི་གསང་བ་མཛོད་གཞུང་ལས། །ཕྱག་རྒྱ་ཆེན་པོ་གཞན་ལ་མི་ལྟོས་ཕྱིར། །བསྒོམ་བྱ་རང་ལ་སྒོམ་བྱེད་རང་གི་སེམས། །བློ་འདས་ཉིད་ལ་དམིགས་པ་ཉིད་དང་བྲལ། །དེ་ཉིད་འབྲས་བུ་

― CMR051_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ཕྱིར་རང་ལ་རག་མ་ལུས། །ལྷ་སྒྲུབ་སྔགས་བཟླས་རང་གི་སེམས་ཡིན་ཏེ། །ཡི་དམ་ལྷ་ཡང་རང་གི་སེམས་ཡིན་པས། །དེ་ཕྱིར་མཁའ་འགྲོ་ལ་སོགས་ལུང་བསྟན་རང་གི་སེམས། །བློ་འདས་ངང་ལ་དམིགས་པ་ཉིད་དང་བྲལ། །ཞེས་གསུངས་ཡོད་མེད་སྐྱེ་འགགས་བྲལ་བའི་ངང་། །མ་ཡེངས་ཡེངས་མེད་ངང་དུ་ཉམས་སུ་བླངས། །ཕྱག་རྒྱ་ཆེན་པོའི་ཉམས་ལེན་རྒྱབ་ཆོས་སུ། །ཀུན་འདུས་ཡིད་བཞིན་ནོར་བུའི་གདམས་པ་མཆོག །བཀའ་བརྒྱུད་གོང་མའི་གསུང་སྒྲོས་གསེར་འདྲ་འདི། །གུ་རུ་རྩ་གསུམ་ལྷ་ལ་གསོལ་བཏབ་ནས། །བསམ་པ་སེམས་བསྐྱེད་བཟང་པོའི་བཀོད་གྲུབ་འདི། །སྔགས་འཆང་དེས་བྲིས་དགེ་བས་བདག་གཞན་ཀུན། །མ་བཅོས་རང་གསལ་སྙིང་པོ་དོན་རྟོགས་ནས། །སྒྲུབ་པ་ཉམས་ལེན་མཐའ་རུ་ཕྱིན་པར་ཤོག །ཕྱི་མའི་དུས་སུ་འོད་དཔག་མེད་མགོན་དང་། །དགོངས་པ་དབྱེར་མེད་མངོན་པར་སངས་རྒྱས་ནས། །གྲངས་མེད་སྤྲུལ་པས་གཞན་དོན་ལྷུན་གྲུབ་ཤོག །དཀོན་མཆོག་གསུམ་ལ་ཕྱག་འཚལ་ལོ། །ཏདྱ་ཐཱ། པཉྩ་པྲི་ཡ་ཨ་བ་བྷོ་དྷ་ན་སྭཱ་ཧཱ། ཨོཾ་ཨཱཿཧཱུྃ། ཡེ་དྷརྨཱ་ཧེ་ཏུ་པྲ་བྷ་ཝ་ཧེ་ཏུནྟེ་ཥཱན་

― CMR051_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཐཱ་ག་ཏོ་ཧྱ་ཝ་དཏ་ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དི་མ་ཧཱ་ཤྲ་མ་ཎཿ །སྤྱི་གཏེར་ཆོས་རྣམས་དུས་སྐབས་སོ་སོར་དར་ནས། གཏེར་ཆོས་མཁའ་འགྲོས་གདན་དྲངས་ནས། སངས་རྒྱས་བླ་མ་སོགས་སྔ་མ་རྣམས་ཀྱི་དཔེ་ཡང་མེད་པ་ཆེས་མང་བར་འདུག་ཅེས་བྱང་བདག་སོགས་གསུངས་སོ། །རཏྣ་ལུགས་དང་ཐུགས་རྗེ་ཆེན་པོ་འདི་བསྟན་པ་མཐའ་རྒྱས་སུ་འགྲོ་བར་ལུང་བསྟན་ཏེ། གསང་བ་འདུས་པའི་རྒྱུད་ལས། ཁ་བ་ཅན་གྱི་རྒྱལ་ཁམས་སུ། །འགྲོ་མགོན་ཐུགས་རྗེའི་འདུལ་ཞིང་དེར། །ཐུགས་རྗེའི་སྤྲུལ་སྲས་རྒྱུན་འཛིན་གྱིས། །ཡིག་བདུན་བསྟན་པ་འཛིན་སྐྱོང་སྲུངས། །རིམ་པ་བཞིན་དུ་དོན་གཉིས་སྤྱོད། །ཅེས་དང་། ལང་གྲོའི་ཞུས་ལེན་ལས། བུ་བས་ཡང་སློབ་རྗེས་ཀྱི་དུས་ན་མར་ལ་བསྟན་པ་མཐའ་རྒྱས་སུ་འགྲོ་བར་འགྱུར་རོ། །ཞེས་ལུང་བསྟན་ཆེན་མོ་ལས། རཏྣ་གླིང་པ་ཉིད་ལུང་བསྟན་ནས། སྐལ་ལྡན་དེ་ཡི་རྗེས་འཇུག་རྣམས། །སློབ་མ་བས་ཀྱང་ཡང་སློབ་རྗེས་སློབ་དུས། །རིམ་པ་བཞིན་དུ་བསྟན་པ་མཐའ་རྒྱས་འགྱུར། །ཕྱོགས་དང་མཐའ་དབུས་ཀུན་ཏུ་ཆོས་འདི་དར། །སྙིགས་མའི་འགྲོ་བ་ཕྱམ་གཅིག་ཐར་

― CMR051_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་བགྲོད། །འཕྲད་ཚད་མཐོང་གྲོལ་གྱུར་ཏེ་ངོ་མཚར་ཆེ། །ཞེས་དང་། དག་སྣང་ཡིད་བཞིན་ནོར་བུའི་སྐབས་སུ། མ་གཅིག་མཚོ་རྒྱལ་གྱིས་དུང་དཀར་ཅིག་དང་། རྡོ་རྗེ་དྲིལ་བུ་ཞིག་གནང་ནས་ཨོ་རྒྱན་ལ་ཕྱག་རྟེན་ལ་ཕུལ་བས། ཨོ་རྒྱན་ཆེན་པོའི་ཞལ་ནས། ཁྱོད་ཀྱི་རྟེན་འབྲེལ་བཟང་། རྡོ་རྗེ་འདིས་ཁྱོད་ཀྱི་བུ་སློབ་ཡང་སློབ་བརྒྱུད་པ་རྣམས་མི་འགྱུར་རྡོ་རྗེ་ལྟ་བུའི་དོན་རྟོགས་པ་དང་། དུང་འདིས་ཁྱོད་ཀྱི་སྤྱོད་པའི་གཏེར་ཆོས་འདི་རྣམས་ཀྱིས་མ་ཁྱབ་པ་དང་མ་ཐོས་པ་མེད་པ་ཞིག་འོང་བ་ཡིན། དྲིལ་བུ་འདིས་ཐབས་ཤེས་དབྱེར་མེད་ཀྱི་དོན་གྱིས། ཁྱོད་འཁོར་བཅས་འདིར་མྱུར་དུ་འོང་བར་འདུག་གོ །ཞེས་སོ། །དེས་ན་ད་རུང་བྱིན་རླབས་ཀྱི་སོ་མ་ཉམས་པ་དང་། མ་འོངས་པའི་ཆོས་འདི་དར་ཞིང་ཕྱོགས་ཀུན་ཏུ་འཕེལ་བའི་རྟེན་འབྲེལ་ཡོད་པས་མཐའ་བཟང་བསྟན་པའི་བརྒྱུད་རིང་བ་དང་། འབྲེལ་ཚད་དོན་དང་ལྡན་པ་ཡིན་ནོ། །མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕྱག་རྒྱ་ཆེན་པོ་མཐོང་བ་ཞལ་གདམས་གནད་འགག

― CMR051_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་ཆེན་པོ་མཐོང་བ་ཞལ་གདམས་གནད་འགག་བཞུགས་སོ། །ན་མོ་ལོ་ཀེ་ཤྭ་ར་ཡེ། ད་ནི་ངོ་བོ་རྗེན་པར་མཐོང་། །ཚེས་གསུམ་ཟླ་བ་མཐོང་དང་འདྲ། །རྟོགས་པ་གོང་དུ་འཕེལ་བ་དང་། །ངོ་བོ་འགྱུར་བ་མེད་པ་ཡིན། །རྣལ་འབྱོར་བཞི་རིམ་དང་བསྟུན་ན། །སྤྲོས་བྲལ་ཆུང་ངུའི་རྣལ་འབྱོར་དང་། །འདི་བསྒོམ་གཏད་སོ་སྤུ་ཙམ་མེད། །བལྟ་བྱ་ལྟ་བྱེད་གཅིག་ཏུ་དྲིལ། །རྣམ་རྟོག་ཉུང་དུ་མ་སོང་ཡང་། །མཚོ་ལ་ཁ་བ་བབ་པ་ལྟར། །རྣམ་རྟོག་བསྒོམ་གྱི་ངོ་བོར་འཆར། །མ་དྲན་ན་ནི་འཁྲུལ་པ་སྟེ། །ནམ་དྲན་བསྒོམ་གྱི་ངོ་བོ་སྟེ། །དྲན་པ་ཙམ་གྱི་ཐོག་ཏུ་སླེབ། །ད་རུང་མཐོ་དམན་འགའ་རེ་འཆར། །མཐོ་དུས་སྤྱོད་ལམ་ཀུན་ཏུ་འདྲེས། །ཉིན་པར་ཕལ་ཆེར་འབྲལ་བ་མེད། །རྨི་ལམ་རེས་ཟིན་རེས་མི་ཟིན། །རེས་འགའ་དལ་དུས་ཅུང་རེ་འགྲུལ། །སྡུག་བསྔལ་ན་ཚ་འཇིགས་སྐྲག་དུས། །ལྷག་པར་གསལ་ཞིང་བརྟེན་པར་འགྱུར། །རེས་འགའ་རྨི་ལམ་འོད་གསལ་ཟིན། །ཉིན་ལས་གསལ་ཞིང་བརྟན་པར་འབྱུང་། །དེ་ཡང་དལ་དུས་ཟིན་པ་དང་། །མ་སད་བར་དུ་ཟིན་པ་སོགས། །ཡུན་ལ་ངེས་མེད་སྣ་ཚོགས་ཏེ། །ལན་

― CMR051_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་ཟིན་ན་བར་དོ་ཆོད། །ནམ་གཉིད་ཕལ་ཆེར་ཟིན་ན་ནི། །འཆི་ཁར་འོད་གསལ་ངོས་ཟིན་པས། །བར་དོ་མེད་པར་མངོན་སངས་རྒྱས། །རྟོགས་པ་འདི་ཙམ་སྐྱེས་པ་དེ། །དང་པོའི་ས་ཐོབ་སེམས་དཔའ་དང་། །རྟོགས་པ་མཐོ་དམན་མཉམ་པར་བཤད། །རྩལ་དང་ཡོན་ཏན་མ་རྫོགས་པས། །གཞན་དོན་རྫུ་འཕྲུལ་སྟོན་མི་ནུས། །སྒོ་ངའི་ནང་གི་ཁྱུང་ཕྲུག་ལྟར། །གཤོག་དྲུག་རྒྱས་ཀྱང་འཕུར་མི་ནུས། །སྒོ་ང་ཆག་ནས་འཕུར་བ་ལྟར། །ཤ་ཁྲག་ལུས་དང་བྲལ་མ་ཐག །ཡོན་ཏན་བརྒྱ་ཕྲག་བཅུ་གཉིས་ཐོབ། ། ཐོད་པ་བོར་ཆོག་དེ་ལ་ཟེར། །རྟོགས་ལྡན་ཞེས་བྱའི་མིང་དེ་ཡང་། །འདི་ཙམ་ཞིག་ལ་བཏགས་པ་ཡིན། །ད་རུང་གེགས་སེལ་ཕྲན་བུ་དགོས། །སྤྲོས་བྲལ་མེད་པའི་སྟོང་རྫིས་ཁྱེར། །ཕྱི་ནང་སྣོད་བཅུད་འཁོར་འདས་ཀུན། །སྟོང་པ་ཡིན་པར་བློས་དཔྱད་དེ། །གོ་བ་ཙམ་ལ་གདེང་བཅས་ནས། །དགེ་སྒྲུབ་སྡིག་སྤངས་མ་བྱས་ན། །སྟོང་ལྟ་ཧད་པོར་འགྲོ་ཉན་ཡོད། །ལྟ་བ་ཇི་ཙམ་མཐོ་ན་ཡང་། །སྤྱོད་པ་ཞིབ་པ་སྙིང་གཏམ་ཡིན། །སྤྲོས་བྲལ་ངོ་བོ་མཐོང་བ་འདི། །རང་སེམས་སྟོང་ཉིད་མངོན་སུམ་རྟོགས། །སྨྲ་བསམ་

― CMR051_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་མེད་དོན་གོ་བས། །གང་ཟག་བདག་མེད་རྟོགས་མོད་ཀྱང་། །ཆོས་ཀྱི་བདག་མེད་མ་རྟོགས་པས། །རང་སེམས་བསྲེ་བའི་བོགས་འདོན་དགོས། །མིག་གི་ཡུལ་དུ་གང་སྣང་བའི། །གཟུགས་དང་རང་སེམས་གཅིག་ཏུ་བསྲེ། །ཉམས་ལེན་ཐོག་ཏུ་བཞག་པ་ཡིས། །སྣང་སྟོང་ཕྱག་རྒྱ་ཆེན་པོར་འཆར། །རྣ་བའི་ཡུལ་དུ་གྲག་པའི་སྒྲ། །དེ་དང་རང་སེམས་གཅིག་ཏུ་བསྲེ། །ཉམས་ལེན་ཐོག་ཏུ་བཞག་པ་ཡིས། །སྒྲ་དང་རང་སེམས་གཅིག་ཏུ་བསྲེས། །གྲུག་སྟོང་ཕྱག་རྒྱ་ཆེན་པོར་འཆར། །ནམ་མཁའ་སེམས་ཉིད་གཅིག་ཏུ་བསྲེ། །ཉམས་ལེན་ཐོག་ཏུ་བཞག་པ་ཡིས། །ནམ་མཁས་གར་ཁྱབ་སེམས་ཀྱིས་ཁྱབ། །སེམས་ཀྱིས་གར་ཁྱབ་ཆོས་སྐུས་ཁྱབ། །དེ་ཙམ་རྟོགས་པ་སྐྱེས་ཙ་ན། །ཚེ་འདས་དང་ནི་ནད་པ་ལ། །རིག་པ་གཏད་ནས་ཉམས་ལེན་ལ། །མཉམ་པར་བཞག་པས་ཕན་ཐོགས་ཆེ། །བཀའ་བརྒྱུད་ལུགས་ཀྱི་བསྲེ་བ་ཡིན། །རྒྱལ་བ་རྣམས་ཀྱི་ཐུགས་དང་ནི། །འགྲོ་དྲུག་ཀུན་གྱི་སེམས་རྒྱུད་དང་། །རྣལ་འབྱོར་རང་གི་རིག་པ་གསུམ། །དབྱེར་མེད་བསྲེས་ནས་ངོ་བོ་སྐྱོང་། །དེ་གསུམ་དབྱེར་མེད་ངོ་བོ་

― CMR051_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག །ངོ་བོ་སྟོང་པ་ཡིན་པར་མཉམ། །རང་བཞིན་གསལ་བ་ཡིན་པར་མཉམ། །ཐུགས་རྗེ་འགགས་མེད་འཆར་བ་མཉམ། །ལྟ་བ་འཁོར་འདས་དབྱེར་མེད་ཡིན། །འདི་ག་ཙམ་ཞིག་རྟོགས་པས་ན། །གསོན་ཤོག་བཞུ་བར་རུང་བ་ཡིན། །འོན་ཀྱང་དེ་དག་ཐམས་ཅད་ལ། །གོ་བ་དང་ནི་ཉམས་མྱོང་དང་། །རྟོགས་པ་ཤར་བ་གསུམ་རེ་ཡོད། །དེ་འདྲ་ཡིན་པར་འདུག་སྙམ་ན། །གོ་བ་ཡིན་ན་ཕན་པ་ཆུང་། །དེ་འདྲ་བཅོས་ཤིང་བསྒོམ་པའི་ཚེ། །དེ་འདྲ་ཉིད་དུ་འུར་ཆོང་ན། །ཉམས་ཡིན་དེ་འདྲ་ཕྱོགས་འགྲོ་ཙམ། །མ་བཅོས་ཤུགས་ཀྱིས་འཆར་བ་ལ། །ནམ་སྒོམ་དེ་ཡི་ངང་སོང་ན། །རྟོགས་པ་ཡིན་ཞིང་ངོ་མཚར་ཆེ། །ད་རུང་ཡངས་སྐབས་བརྗེད་སྐབས་ཡོད། །མཐོ་དམན་གསལ་འགྲིབ་འགའ་རེ་ཡོད། །མ་བརྗེད་དྲན་པའི་སོ་མ་བཞག །རེས་འགའ་འབྲལ་མེད་ཡེངས་མེད་ཀྱང་། །ཉམས་ཀྱི་གཤིས་ཡིན་རྟག་མི་ཐུབ། །གཞི་ཡི་གནས་ལུགས་གོ་བ་ཡིན། ། ཡེངས་དང་མ་ཡེངས་ཁྱད་མེད་ཅེས། །སྨྲ་ན་གོ་བ་སྐམ་པོ་ཡིན། །ཡེངས་དང་མ་ཡེངས་ཁྱད་མེད་པའི། །རྟོགས་པ་འབྲལ་བ་མེད་པ་དེ། །བསྒོམ་མེད་རྟོགས་དུས་ཡིན་སྐད་

― CMR051_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས། །སྣང་སྟོང་ཡི་དམ་བསྐྱེད་རིམ་དང་། །ངོ་བོ་སྐྱོང་བའི་རྫོགས་རིམ་གཉིས། །ནམ་མཁའ་དང་ནི་འཇའ་ཚོན་བཞིན། །དབྱེར་མེད་གཅིག་གིས་གཅིག་མི་བཤོས། །བསྐྱེད་རྫོགས་ཟུང་འཇུག་རྣལ་འབྱོར་ཡིན། །བླ་མའི་ཐུགས་དང་རང་གི་སེམས། །དབྱེར་མེད་ངོ་བོ་གཅིག་ཏུ་རྟོགས། །མོས་གུས་ཕྱག་རྒྱ་ཆེན་པོ་ཡིན། །ཉམས་ལེན་སྟོང་ཉིད་ལྟ་བའི་ངང་། །མ་རྟོགས་འགྲོ་ལ་སྙིང་རྗེ་སྐྱེས། །སྟོང་ཉིད་སྙིང་རྗེ་ཟུང་འཇུག་ཡིན། །སྙིང་རྗེ་སྐྱེ་ཡུལ་སེམས་ཅན་ཡང་། །རང་གི་སེམས་ལས་གཞན་མ་གྲུབ། །དམིགས་པ་མེད་པའི་སྙིང་རྗེ་ཡིན། །རང་གི་མྱོང་བ་དང་བསྟུན་ནས། །རཱ་ག་ཨ་སྱས་འཕྲལ་དུ་བྲིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕྱག་ཆེན་ཞལ་གདམས།

― CMR051_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་པདྨ་སིདྡྷི་ཧཱུྃ། སངས་རྒྱས་ཀུན་གྱི་ངོ་བོ་པདྨ་འབྱུང་། །བླ་མ་རང་སེམས་དབྱེར་མེད་ཆོས་སྐུ་ལ། །གསོལ་བ་འདེབས་སོ་སྙིང་རྗེའི་དོན་རྟོགས་སྩོལ། །རང་སེམས་ངོ་བོ་རྫོགས་པ་ཆོས་ཀྱི་སྐུ། །སེམས་ཀྱི་རང་བཞིན་རང་གསལ་ལོངས་སྤྱོད་རྫོགས། །སེམས་ཀྱི་རྣམ་པ་འགགས་མེད་སྤྲུལ་པའི་སྐུ། །བླ་མ་སྐུ་གསུམ་རང་གི་སེམས་ལ་རྫོགས། །གང་ཤར་མ་བཅོས་ལྷོད་པར་ཀློད་ལ་ཞོག །མ་ཡེངས་དྲན་རྫི་ཙམ་ཞིག་སྐྱོང་བ་ལས། །བསྒོམ་རྒྱུ་ཅི་ཡོང་མེད་ན་བསྒོམ་པའི་མཆོག །དུས་གསུམ་བསགས་པའི་དགེ་བ་ཅི་ཡོད་མཐུས། །ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །ཕྱི་མ་བདེ་ཆེན་ཞིང་དུ་བརྫུས་སྐྱེས་ནས། །ཆོས་སྐུ་འོད་དཔག་མེད་དང་མི་འབྲལ་ཤོག ༈ །ལྟ་ལུགས་དེ་གཉིས་ལ་དང་པོ་འདི་ལྟར་ཡིན་ཏེ། ད་ནི་དེ་འདྲ་མ་བྱེད། སེམས་གང་ཤར་ལ་བལྟས་པས་སྟོང་པ་ཡལ་ནས་ཡུད་ཙམ་སྟོང་སེང་ངེ་བ་དེ་བསྒོམ་ཡིན་བསམ། ཡང་ཅིག་ཤར་ཙ་ན་དེའི་ངོ་བོ་ལ་བལྟ་དེ་ལྟར་བྱེད་པ་དེ་སེམས་ལ་སེམས་མཐུད་པ་ཞེས་བྱ་སྟེ། བསྒོམ་གྱི་གོ་མི་ཆོད། སེམས་ལ་བལྟ་དགོས་བསམ་ཧྲིག་གེ་བྱེད་མི་རུང་།

― CMR051_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཁོ་རང་གནས་ན་ཡང་རུང་། འགྱུ་ན་ཡང་རུང་། གསལ་ན་ཡང་རུང་། མི་གསལ་ན་ཡང་རུང་། མ་ཡེངས་དྲན་རྫི་སྐྱོང་ཙམ་གྱིས་ཆོག །དེ་ལ་ཡག་འདོད་ཉེས་དོགས་ཅི་ཡང་མི་བྱེད། དེ་སེམས་མ་བཅོས་པ་ཡིན། ཕྱག་རྒྱ་ཆེན་པོ་ཡིན། དེ་ཡིན་དོན་ནི་སེམས་ཁོ་རང་ཡེ་ནས་ཡེ་ཤེས་ཡིན་པར་འདུག །དེ་ངོ་མ་ཤེས་ན་མ་རིག་པ་རེད། ངོ་ཤེས་ན་ཡེ་ཤེས་རེད། འགྱུ་བ་ངོ་མ་ཤེས་ན་རྣམ་རྟོག་རེད། ངོ་ཤེས་ན་ཆོས་སྐུ་རེད། དེ་ངོ་ཤེས་པས་ཆོག །རང་ཞི་རང་གྲོལ་མི་དགོས། དྲན་རྗེ་དང་བྲལ་བ་དང་མ་བྲལ་བ་ཙམ་མ་གཏོགས་ཁྱད་ཆེར་མི་གདའ། དེ་ལ་ཡེ་ཤེས་སྐྱེས་ན་དེས་ཆོག །དྲན་རྫི་མ་བྲལ་ཙམ་གྱི་ངང་ནས་ལྷ་བསྒོམ་པ་དང་འདོན་པ་བྱེད་པ་སོགས་ཅི་བྱས་ཀྱང་བསྒོམ་རེད། དྲན་རྫི་ཡང་མི་དགོས་པ་ནི་བསྒོམ་མེད་པ་འོང་རྒྱུ་མ་རེད། དྲན་རྫི་ཙམ་མ་གཏོགས་ལུས་ངག་ཡིད་གསུམ་ལྷོད་ཅི་ཐུབ་གྱིས། ལྷོད་རབ་ལ་བསྒོམ་རབ་ཟེར་བ་ཡིན། འགྱུ་བ་མང་ན་ཡེ་ཤེས་མང་བ་ཡིན་པས་མི་དགའ་བ་མ་བྱེད་དགའ་བ་བསྒོམ། ཅི་འཕྲོ་འཕྲོ་ཆུག་ལ་ངོས་བཟུང་མི་དགོས་རང་བབས་ཞོག །བར་སྐབས་བརྗེད་པ་འོང་དེ་ལ་འགྱོད་པ་མི་རུང་། །

― CMR051_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་མཚམས་ནས་བཟུང་སྟེ་དྲན་པའི་རྩི་ཡིས་གཟུང་། བསྒོམ་རྒྱུ་ནི་ཅི་ཡང་མེད་དེ། རྒྱལ་བ་བྱམས་པས།། འདི་ཡི་དམིགས་པ་དངོས་མེད་དེ། །བདག་པོ་དྲན་པ་ཡིན་པར་བཞེད། །ཅེས་གསུངས་སོ། །ཀྱི་ལེ་གནས་དུས་ཞི་གནས་དེའི་ངོ་བོ་ལ་བལྟས་པས་སྟོང་པར་མཐོང་བ་ལྷག་མཐོང་། འགྱུ་བ་གང་ཤར་ངོས་བཟུང་ནས་དེའི་ངོ་བོ་ལ་བལྟས་པས་སྟོང་པ་ཡ་ལེ་དེ་འགྱུ་བའི་སྟེང་ནས་ལྷག་མཐོང་ཤར་བ་དེ་རྣམས་དང་པོ་ངོ་སྤྱད་དུས་དེ་ལྟར་རེད་དེ་ད་དེ་མི་དགོས་གནས་དང་འགྱུ་བ་ངོས་བཟུང་མི་དགོས། འགྱུ་བ་ཕྲ་ཞིབ་དེ་ཚོའང་ངོས་བཟུང་མི་དགོས། སེམས་ཀྱི་ངོ་བོ་ལ་ཧྲིག་གེར་བྱེད་ནས་བལྟ་ཡང་མི་དགོས། སེམས་མ་བཅོས་པར་ཞོག་ཟེར་བའི་ཚིག་གཅིག་པོ་དེ་གོ་བའི་སྐྱོན་ཡིན། མ་བཅོས་པ་དེ་གང་ཡིན་ན་ཐ་མལ་གྱི་ཤེས་པ་དེ་ཡིན། ཐ་མལ་གྱི་ཤེས་པ་དེ་གང་ཡིན་ན། ནམ་དྲན་དུས་སུ་སེམས་ལ་བལྟ་སྙམ་པའི་དྲན་རྫི་མ་བརྗེད་ཙམ་དེ་བས་བསྒོམ་རྒྱུ་ཅི་ཡང་མེད། རང་གར་ཁ་རོག་ཡེངས་ནས་འདུག་པ་འདྲ་བ། ཡེངས་པ་རང་ནི་མིན་ཏེ་སེམས་བསྲུང་བའི་དྲན་རྫི་མ་བརྗེད་ཙམ་ཞིག་ཡོད་པ་དེ་ཕྱག་རྒྱ་ཆེན་པོ་ཡིན། དེ་མ་བཅོས་པ་

― CMR051_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། ཐ་མལ་གྱི་ཤེས་པ་ཡིན། སེམས་ཁོ་རང་ཡེ་ནས་ཆོས་སྐུ་རེད་པས་དེ་མ་བརྗེད་ཙམ་དུ་བསྲུང་བ་དེས་ཆོག །ཡག་འདོད་པ་དང་ཉེས་དོགས་པ་ཅི་ཡང་མི་བྱེད་པར་བློས་བཏང་ལ་མ་ཡེངས་པའི་དྲན་ཙམ་མ་གཏོགས་ཅི་ཡང་གཏད་སོ་མེད་པར་ལྷོད་ཅི་ཐུབ་གྱིས་དང་སྐྱེད་ཆེ་བ་ཡིན། བདེ་ཉམས་གསལ་ཉམས་ཅི་ཤར་ཡང་དེ་བློ་གཏད་མེད། མགོ་གཡོགས་བྱེད་མི་འདྲ། དེ་བས་ཐ་མལ་ཤེས་པ་དང་རང་ཚོ་མ་ཡེངས་ཙམ་འདི་བསྒོམ་ཡིན་པས་ལྷག །བར་སྐབས་ཅུང་ཟད་ཡེངས་ཀྱང་སྐྱོན་མེད། སེམས་ལ་བསྒོམ་རྒྱུ་ཅི་ཡང་མེད། གཏད་སོ་ཅི་ཡང་མེད་པའི་ངང་ནས་ལྷོད་ཅི་ཐུབ་བྱ། སྐབས་སྐབས་སུ་དྲན་རྫི་ཡང་ཡང་གསལ་འདེབས། དེ་མ་འགྱོགས་དུས་དམིགས་པ་ཕུར་ཚུགས་སུ་བསྒོམ། ། ཡེངས་སྐབས་སུ་དྲན་རྫི་མ་ཡེངས་པའི་ངང་ནས་དམིགས་པ་བསྒོམ་ཨེ་ཐུབ་ཚད། དེའི་གནད་ནི་དམིགས་པ་བསྒོམ་པ་དེ་འགྱུ་བ་ཡིན། འགྱུ་བ་དེ་རྣམ་རྟོག་ཡིན། རྣམ་རྟོག་ཡེ་ནས་ཆོས་སྐུ་ཡིན་རྣམ་རྟོག་འཕྲོ་འཕྲོའི་ངང་ནས་ངོ་བོ་སྟོང་པ་ཉིད་ཡིན། དེ་ངོ་ཤེས་པས་ཆོག །བླ་མའི་རྣལ་འབྱོར་ནམ་རེད་བསྒོམ་ཆོག་ཐུན་མཚམས་མི་དགོས། ཁྱེད་རང་གི་ད་

― CMR051_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཟུང་སྟེ། སེམས་ནི་ཆོས་སྐུ་ཕྱག་རྒྱ་ཆེན་པོ་ཡིན་པས་བློ་ཐག་རྦད་ཀྱིས་ཆོད། དེ་ངོ་ཤེས་པས་ཆོག་པར་ཐག་ཆོད། བསྒོམ་རྒྱུ་ཅི་ཡང་མེད་པ་ལ་མ་ཡེངས་པའི་དྲན་རྫི་བརྟེན་ཙམ་དེ་ཕྱག་རྒྱ་ཆེན་པོ་ཡིན་པ་ཐག་ཆད་ཀྱིས་ཆོད། སེམས་ལ་བཟང་ངན་ཅི་ཤར་ཡང་ཁྱད་མེད་པར་ཐག་རྦད་ཀྱིས་ཆོད། ལུས་སེམས་ལྷོད་ལ་དྲན་རྫི་ཡང་ཡང་གསལ་འདེབས་པ་གལ་ཆེ། དྲན་རྫི་དང་མ་བྲལ་བའི་ངང་ནས་བསྐྱེད་རིམ་སྒོམ་ཨེ་ཐུབ་ལྟོས་དེ་མ་ཐུབ་ན་རེས་མོས་ཀྱིས་ནད་གདོན་སེལ་བ་ལ་དམིགས་པ་གལ་ཆེ། ཉམས་རྟོགས་བཟང་པོ་སྐྱེ་འདོད་པའི་རེ་བ་དང་། གེགས་གོལ་སར་འགྲོ་བའི་དོགས་པ་གཏན་ནས་མ་བྱེད་པ་བློས་ཐོངས། མི་དྲན་དགུ་དྲན་གྱི་འགྱུ་བ་དེ་མེད་ནི་འགྲོ་མི་སྲིད། ཆུ་རླབས་ལྟ་བུའོ། །དྭགས་པོས། རང་ལས་སྐྱེས་པའི་རྣམ་རྟོག་འདི། །ཆོས་སྐུ་ཡིན་པ་ཙིར་གྱིས་ཟུངས། །ཉམས་སུ་མྱོང་ན་སྙིང་པོ་མཐོང་། །གསུངས་སོ། །སྙིང་པོ་ནི་འགྱུ་བ་ཁོ་རང་འགྱུ་དུས་ནས་ངོ་བོ་སྟོང་པ་ཡིན། སྟོང་པ་དེ་ཆོས་སྐུ་ཡིན་དེ་ཤེས་པར་གྱིས་ལ་མི་དྲན་དགུ་དྲན་གྱི་རྣམ་རྟོག་ཅི་བྱུང་དེ་སྐྱོན་དུ་མ་བལྟ། བལྟ་མི་འདོད་ན་སེམས་ལ་མ་ལྟ་མ་སྒོམ་

― CMR051_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་མལ་དུ་ཞོག་གསུངས་པས། སེམས་ཁོ་རང་རང་སར་བཞག་པ་མ་གཏོགས་ཧྲིག་གེར་བལྟས་ནས་ངོས་བཟུང་མི་དགོས་ལྷོད་ལ་ཞོག །བར་སྐབས་སུ་ཡེངས་བ་དེས་མི་སྒྲིབ་གསུངས་པས། ཡེངས་བ་ལ་འགྱོད་པ་མ་བྱེད། ཡེངས་ཤོར་བའི་སེམས་ལ་ཅི་འདྲ་ཞིག་ཡོད་ལྟོས། མ་ཡེངས་པའི་སེམས་ཀྱི་ངོ་བོ་ཅི་འདྲ་ཞིག་གདའ་ལྟོས་དང་། །ཁྱད་མེད་པ་ངོ་བོ་སྟོང་པ་ཉིད། དེ་ལ་གོམས་ནས་དོན་ལ་ཡེངས་མ་ཡེངས་ཁྱད་མེད་པའི་ངེས་ཤེས་ཤིག་སྐྱེས། དེ་ལ་རང་བཞིན་ཡོངས་ཤེས་བྱ་བ་ཡིན། དེ་རྟོགས་ན་འབྲུག་པ་རྣམས་ཀྱིས་དེ་ལ་ཡེངས་སྐབས་མེད་པ་བརྩིའོ། །དྭགས་པོས། ཡེངས་བྱ་བ་མེད་པ་ཡིན་གསུངས་པ་དེ་ལ་དགོངས་པ་རེད། ཁར་ཉིན་ཚིག་གཅིག་པོ་དེས་ཕྱག་རྒྱ་ཆེན་པོ་དེ་ངོ་འཕྲོད་པ་རེད་པས་བོགས་ཆེན་པོ་བྱུང་ཟིན་ད་རུང་ཡང་སྐྱོང་ལུགས་སྔ་མ་ལྟར་གྱིས་ངོ་འཕྲོད། དེས་ཀྱང་གསལ་འགྲིབ་ནི་མང་པོ་འོང་བ་ཡིན། ཞེས་དབོན་པོའི་ཞུས་པའི་ལན་དུ་རྭ་ག་ཨ་སྱས་སོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

― CMR051_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་ཉམས་ལེན་འདོད་ཟེར་བའི་སོགས་ཉམས་ཀྱི་འཆར་ལུགས་དང་ཞི་ལྷག་ཁྲིད་བཅས།

― CMR051_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་ཉམས་ལེན་འདོད་ཟེར་བའི། །ལེན་པ་གདམས་པ་ཚིག་གསུམ་བཤད། །སེམས་ལ་རྟོགས་པ་འཆར་བའི་ཐབས། །བླ་མ་སྒྲུབ་ལས་ཟབ་པ་མེད། །བླ་སྒྲུབ་ཀུན་གྱི་མཆོག་གྱུར་པ། །པདྨ་འོད་འབར་ངོ་མཚར་ཆེ། །མི་ཁྱིམ་རང་ཁྱིམ་གང་དུ་ཡང་། །དེ་ཉིད་ཉིན་རེ་ཚར་གསུམ་ཐོན། །ཁྱེད་རང་ཆོས་སྒོར་འཛུད་མཛད་པའི། །བླ་མ་ཀརྨ་དགེ་ལེགས་དང་། །ཆོས་འབྲེལ་ཐོབ་ཚད་བླ་མ་དང་། །དད་པ་གང་ཡོད་བླ་མ་དང་། །ཐམས་ཅད་གཅིག་བསྡུས་ཨོ་རྒྱན་དང་། །དབྱེར་མེད་པདྨ་འོད་བར་དེ། ། རང་དང་དབྱེར་མེད་གཅིག་ཏུ་བསྒོམ། །བླ་མ་རང་སེམས་གཅིག་ཏུ་བསྲེས། །རེས་འགའ་སྤྱི་བོའི་གཙུག་ཏུ་བསྒོམ། །ལེའུ་བདུན་ལེའུ་དང་པོ་ཐོན། །ཨོ་རྒྱན་འོད་ཞུ་རང་ལ་བསྟིམ། །རེས་འགའ་འོད་འབར་མདུན་བསྐྱེད་བྱ། །ཚོགས་དང་མཆོད་གཏོར་ཐམས་ཅད་ཕུལ། །ཉམས་རྟོགས་སྐྱེ་བར་གསོལ་བ་འདེབས། །རྒྱུན་དུ་སེམས་ཀྱིས་ལ་སེམས་ལ་ལྟོས། །བལྟས་པས་མི་མཐོང་དངོས་པོ་མེད། །མེད་པ་མ་ཡིན་གང་ཡང་འཕྲོ། །འཕྲོ་ན་འཕྲོད་མཁན་སེམས་དེ་ལ། །ཧྲིག་གེ་བལྟས་པས་སྟོང་པར་ཡལ། །ཅི་ཡང་མི་

― CMR051_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

དྲན་ཡུད་ཙམ་གནས། །དེ་ཡི་མིང་ལ་གནས་པ་ཟེར། །རི་བྲག་ཆུ་ཡིས་མི་གནོད་པར། །ཐལ་ཐལ་འགྲོ་བ་འགྱུ་བ་ཡིན། །གནས་སམ་འགྱུ་བ་ཅི་བྱེད་དེ། །སེམས་ཀྱིས་རིག་པས་རིག་པ་ཟེར། །གནས་སམ་འགྱུ་བ་རིག་པ་གསུམ། །ཕྱག་ཆེན་བསྒོམ་པའི་ལམ་སྣེ་ཡིན། །ལམ་སྣེ་འདི་ཉིད་མ་སྐྱུར་ན། །ཕྱག་རྒྱ་ཆེན་པོའི་གྲོང་དུ་ཕྱིན། །སེམས་ཀྱིས་སེམས་ལ་ལྟ་བ་དེ། །ལྟ་བ་ཡིན་པར་བློ་ཐག་ཆོད། །དེ་ལ་རྒྱུན་དུ་བསྒོམ་འཇུག་ན། །བསྒོམ་པ་ཡིན་ནོ་རིགས་ཀྱི་བུ། །དེ་ཡི་ངང་ལ་སྡིག་ལ་འཛེམ། །དགེ་བ་སྒྲུབ་པ་སྤྱོད་པའི་མཆོག །རང་སེམས་ཆོས་སྐུར་རྟོགས་པ་ན། །འབྲས་བུ་སངས་རྒྱས་དེ་ལ་མཛོད། ༈ །ཉམས་དང་པོ་རི་གཟར་ཆུ་འབབ་འདྲ། །སེམས་མི་དྲན་དགུ་དྲན་རླུང་ལྟར་འཚུབ། །འཚུབ་པས་སྐྱོན་མེད་སློད་ལ་ཐོངས། །གར་འགྲོ་ཐོངས་ལ་རྒྱངས་སྲུང་གྱིས། །བཏང་བས་མི་འགྲོ་ཚུར་ལ་འཁོར། ༈ །ཉམས་གཉིས་པ་ལུང་རོང་ཆུ་དང་འདྲ། །སེམས་རེས་གནས་དེ་རེས་འགའ་འགྲོ། །གནས་ན་གནས་པའི་ངོ་བོར་ལྟོས། །འགྱུ་བ་འགྱུ་བའི་ངོ་བོར་ལྟོས། །བལྟ་ཡུན་ཐུང་ལ་གྲངས་མར་ལྟོས། །

― CMR051_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་གསུམ་པ་ཆུ་བོ་གང་གཱ་འདྲ། །སེམས་མེར་རེ་འཁྱིལ་ལེ་གནས་ནས་འོང་། །བདེ་ཉམས་ལུས་སེམས་ཞུ་ལ་ཁད། །གསལ་ཉམས་གསལ་དང་ལྷན་ནེ་བ། །སྟོང་ཉམས་ཐམས་ཅད་སྟོང་པར་འཆར། །ལེགས་ལེགས་འདྲ་བའི་ཉམས་སྣང་ལ། །ཆགས་ཞེན་མ་བྱེད་རིགས་ཀྱི་བུ། །སྤྲིན་དང་ཆར་པ་འཇའ་སྤྲིན་གསུམ། །ནམ་མཁའ་ཁོ་ནའི་ཆོ་འཕྲུལ་ཡིན། །བདེ་དང་གསལ་དང་མི་རྟོག་གསུམ། །སེམས་ཉིད་ཁོ་ནའི་ཆོ་འཕྲུལ་ཡིན། །མ་བཅོས་རང་ངོ་གང་ཤར་ལྟོས། །རེས་འགའ་མི་གསལ་ཟིང་ཞིང་འཐིབས། །བལྟས་ཀྱང་ལྟ་རྒྱུ་མི་རྙེད་ལ། །བདག་ལ་བསྒོམ་ནི་མི་གདའ་སྙམ། །དེ་འདྲ་བྱུང་ཡང་སྐྱོན་མེད་དེ། །ལུས་སེམས་བསྒྲིམས་ལ་ཧྲིག་གེ་ལྟོས། །མིག་རྒྱང་རི་རྩེ་མཐོན་པོར་ལྟོས། །རེས་འགའ་སེམས་འཚུབ་ཅི་ཡང་དྲན། །སྙིང་ཡང་མི་བདེ་སྡོད་མི་ཚུགས། །དེ་ཡང་ཉམས་ཀྱི་བྱེ་བྲག་ཡིན། །དེ་དུས་ལུས་སེམས་བག་ཞི་ལྷོད་། །སེམས་ཀྱང་ལྷོད་ལ་གར་འགྲོ་ཐོངས། །རྒྱངས་སོ་ཚུགས་དང་རང་ལ་འཁོར། ༈ །ཉམས་བཞི་པ་རྒྱ་མཚོ་ཆེན་པོ་འདྲ། །མེར་རེ་འཁྱིལ་ལེ་གནས་པ་ལ། །

― CMR051_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རྟོག་བསྒོམ་ལ་མི་གནོད་པར། །དྲན་ཚད་ཐམས་ཅད་བསྒོམ་དུ་འཆར། །མཚོ་ལ་ཁ་བ་འབབ་པའམ། །ཆུ་རླབས་ཆུ་ལ་ཐིམ་པ་འདྲ། །དེ་དུས་སྤྱོད་ལམ་ཀུན་ལ་བསྲེས། །ཟ་ཞིང་འགྲོ་ཞིང་གཏམ་ཞིང་བསྒོམ། །ཉལ་ཞིང་ལང་ཞིང་ལས་ཤིང་བསྒོམ། །གང་ཤར་བསྒོམ་གྱི་འཁོར་ལོ་ཡིན། །དེ་འདྲའི་སྐབས་མཚམས་ཐམས་ཅད་དུ། །རང་ཉིད་པདྨ་འོད་འབར་བསྒོམ། །རྔ་ཡབ་གླིང་ནས་ཨོ་རྒྱན་དང་། །དད་པ་གར་ཡོད་བླ་མ་རྣམས། །ཁ་བ་བུ་ཡུག་འཚུབ་བཞིན་བྱོན། །རང་གི་སྙིང་ཁར་ཐིམ་པར་བསྒོམ། །བྱིན་རླབས་འཇུག་པའི་གདམས་ངག་ཟབ། །བྱིན་རླབས་ཞུགས་ན་ཉམས་རྟོགས་ནི། །མི་འདོད་ན་ཡང་དབང་མེད་འཆར། །གལ་ཏེ་བྱིན་རླབས་མ་ཞུགས་ན། །ལོ་བརྒྱར་མཚམས་བཅད་བསྒོམས་བྱས་ཀྱང་། །ཕྱག་རྒྱ་ཆེན་པོ་སྐྱེ་མི་སྲིད། །བྱིན་རླབས་འཇུག་གམ་མི་འཇུག་ནི། །མོས་གུས་ཆེ་ཆུང་དེ་ལ་རག །མོས་གུས་དད་པ་མེད་པ་ལ། །བྱིན་རླབས་ཞུགས་པར་མི་སྲིད་དོ། །མོས་གུས་དྲག་པོས་གསོལ་བཏབ་ན། །བྱིན་རླབས་མི་ཞུགས་རང་དབང་མེད། །དེ་ཕྱིར་ཨོ་རྒྱན་ཆེན་པོ་དང་། །འབྲེལ་ཐོགས་

― CMR051_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཐམས་ཅད་ལ། །དད་གུས་བསྐྱེད་ཅིག་རིགས་ཀྱི་བུ། །རྩེ་གཅིག་སྒྲུབ་པ་བྱེད་པ་དང་། །བླ་མའི་ཆགས་ཕྱི་བྱེད་པ་གཉིས། །འདྲ་འདྲ་འདྲ་ལ་ཆགས་ཕྱི་ལྷག །ཉམས་རྟོགས་སྐྱེ་ལ་ཆགས་ཕྱི་ལྷག །སྡིག་སྒྲིབ་དག་ལ་ཆགས་ཕྱི་ལྷག །བྱིན་རླབས་འཇུག་ལ་ཆགས་ཕྱི་ལྷག །དེ་ཚོ་ང་ཡི་འདོད་གཏམ་མིན། །མདོ་རྒྱུད་གྲུབ་གསུང་རྣམས་མཐུན། །དེ་ཕྱིར་བླ་མའི་ཆགས་ཕྱི་དང་། །མི་ཁོམ་མི་ལྕོགས་མང་པོས་གཡེང་། །ཉམས་ལེན་མི་ཡོང་མ་བསམ་ལ། །རྒྱུན་དུ་སེམས་ངོ་མ་སྐྱུར་བསྲུང་། །རི་ཁྲོད་འདུག་དུས་ནངས་སྔ་དང་། །ནུབ་ཕྱི་ལུས་གནད་བསྲང་ལ་བསྲུང་། །རི་ཁྲོད་སྔགས་གདོན་གཏོར་བཅའ་དང་། །འགྲོ་འདུག་ཟ་འཐུང་མེ་བཞོག་དུས། །དལ་བུས་ལས་ཤིང་སེམས་ངོ་བསྲུང་། །དུས་དང་རྣམ་པ་ཐམས་ཅད་དུ། །མར་ཁུའི་ཕོར་ཁ་འཚོ་བ་བཞིན། །རང་སེམས་ཡེངས་དོགས་འཚོ་ཤེས་མཛོད། །བདག་གིས་བྲིས་པའི་དཔེ་ཆ་འདི། །དཔེ་རུལ་གསེབ་ཏུ་མ་བཅུག་ལ། །རྒྱུན་དུ་ལྟོས་ཤིང་སེམས་ལ་སྦྱོར། །ཉམས་རྟོགས་སྐྱེ་བར་ཐེ་ཚོམ་མེད། །ཟླ་ཁྲིད་མང་པོའི་བཤད་ཆོས་ལ། །འདི་འདྲའི་དམར་

― CMR051_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན་འོང་བར་དཀའ། །ལན་གཅིག་གསུངས་ཀྱང་བརྗེད་ནས་འགྲོ། །དཔེ་འདི་སློབ་དཔོན་ཁྲོད་མེད་ཡིན། །དེ་སྐད་༧ རཱ་གའི་མིང་ཅན་གྱི། །ཕན་སེམས་བཟང་པོའི་བྲིས་པ་འདི། །བུ་ཡི་སེམས་ལ་ཐིམ་པར་ཤོག །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །མངྒ་ལཾ།། །། ༈ ཞི་གནས་ལྷག་མཐོང་གི་ངོ་སྤྲོད་ཞལ་གདམས་ཟབ་མོ་བཞུགས་སོ། །ན་མོ་རཏྣ་ཏྲ་ཡཱ་ཡ། བསྒོམ་གྱི་རྩ་བ་ཞི་ལྷག་གཉིས། །ཡིན་པར་སྔར་ནས་ཤེས་མོད་ཀྱང་། །བོགས་སྐྱེད་ཆེན་པོ་མི་འབྱུང་བས། །ཆོས་དང་འཇིག་རྟེན་བྱ་བ་རྣམས། །གལ་པོ་ཆེ་རྣམས་གཙོ་བོར་བྱས། །བསྒོམ་ལོ་ཞོར་ལ་བྱས་པས་ལན། །ད་རེས་མཚམས་འདི་བྱེད་ཚེ་ལ། །བྱ་བ་གཞན་རྣམས་བློ་ཡིས་ཐོངས། །རིག་པ་རྩེ་གཅིག་བསྒོམ་ལ་གཏོད། །རང་ཉིད་ཚེ་དཔག་དམར་སེར་སྐུ། །ནམ་མཁའི་འཇའ་ལྟར་ལམ་ཙམ་བསྒོམ། །སྙིང་དབུས་ཚེ་དཔག་ཡབ་ཡུམ་དཀར། །སྐུ་ཆུང་བཀྲག་མདངས་ལྡན་པ་ལ། །སྐད་ཅིག་རིག་པ་གཏད་པ་ཡིས། །ཡུན་རིང་མི་འཕྲོ་གནས་པ་ན། །མཚན་བཅས་ཞི་གནས་ཆགས་པ་ཡིན། །རང་ལུས་ཚེ་དཔག་ཡིན་སྙམ་པའི། །མོས་པ་རྩེ་

― CMR051_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་དང་པོ་བྱ། །དེ་ནས་དམིགས་པ་མི་སྒོམ་པར། །སེམས་ཀྱིས་སེམས་ལ་བལྟས་བསྡད་པས། །མི་འཕྲོ་མེ་རེ་འཁྱིལ་ལེ་གནས། །མཚན་མེད་ཞི་གནས་ཆགས་པ་ཡིན། །གནས་པའི་ངོ་བོ་བལྟས་པའི་ཚེ། །སྟོང་པ་ཉིད་དུ་ལྷག་གིས་མཐོང་། །དེ་ལ་ལྷག་མཐོང་ཤར་བ་ཟེར། །གནས་པ་དེ་དང་སྟོང་པ་གཉིས། །གནས་ཤིང་སྟོང་ལ་སྟོང་ཤིང་གནས། །དེ་ལ་ཞི་ལྷག་ཟུང་འཇུག་ཟེར། །ཉམས་ལེན་གཙོ་བོ་དེ་ལ་བྱ། །མི་གནས་འགྱུ་བ་མང་ན་ཡང་། །འགྱུ་བ་མི་དགག་ལྷོད་ལ་བལྟ། །ཆུ་རླབས་ཆུ་རུ་ཐིམ་པ་ལྟར། །འགྱུ་བ་ཉིད་ཀྱང་སྟོང་པར་མཐོང་། །འགྱུ་བའི་སྟེང་ན་ལྷག་མཐོང་ཤར། །གནས་འགྱུ་གདམས་ག་མི་བྱེད་པར། །ལྷོད་དེ་ལྷོད་ལ་གང་ཤར་བལྟ། ། གནས་པ་དེ་ལ་མི་གནོད་པར། །འགྱུ་བ་ཅུང་ཟད་བྱུང་ན་ཡང་། །དེ་ཉིད་དོགས་ཟོན་མི་གནོད་པར། །ཞི་གནས་མཚོ་ཆུང་འཁྱིལ་འདྲ་ལ། །ལྷག་མཐོང་ཉ་མོ་འཁྱུག་འདྲ་ལ། །དེ་ལས་རབ་ཅིག་བསྒོམ་པ་དང་། །འགྱུ་བ་ཇི་ལྟར་མང་ན་ཡང་། །གནས་པས་ཉམས་ལ་མི་གནོད་པར། །མཚོ་ལ་ཆར་པ་འབེབས་པ་ལྟར། །སྔར་དང་མི་འདྲ་སྐྱོང་

― CMR051_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ། །གནས་འགྱུ་གཅིག་ཏུ་འདྲེས་པ་ཟེར། །དེང་ཕན་གནས་ན་དགའ་སྣང་ཆེ།

རང་རིག་གཉུག་མ་ཉམས་སུ་བླངས་པས་རྣལ་འབྱོར་བཞིའི་རིམ་པ་འཆར་ཚུལ་མདོར་བསྡུས་པ་སྒོམ་ཆེན་གུ་རུ་བསྟན་འཛིན་ལ་ཞལ་གདམས་གནང་བ།

― CMR051_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རིག་གཉུག་མ་ཉམས་སུ་བླངས་པས་རྣལ་འབྱོར་བཞིའི་རིམ་པ་འཆར་ཚུལ་མདོར་བསྡུས་པ་སྒོམ་ཆེན་གུ་རུ་བསྟན་འཛིན་ལ་ཞལ་གདམས་གནང་བ་བཞུགས་སོ། །ན་མོ་མ་ཧཱ་མུ་དྲ་ཡེ། རྡོ་རྗེ་འཆང་དང་དབྱེར་མེད་པའི། །དྲིན་ཆེན་བླ་མ་རྗེ་ལ་འདུད། །སྒོམ་ཆེན་གུ་རུ་བསྟན་འཛིན་གྱིས། །རྣལ་འབྱོར་བཞི་རིམ་ས་མཚམས་རྣམས། །བདག་ལ་བྲིས་ནས་བསྐུར་ཅིག་ཟེར། །ཉམས་དང་རྟོགས་པ་མེད་པའི་ཕྱིར། །བཞི་རིམ་ས་མཚམས་ངས་མི་འབྱེད། །དེང་སང་རྣམ་གཡེང་ཆེ་དྲགས་པས། །དཔེ་ཆ་ལྟ་བའི་ལོང་མི་གདའ་། །དོན་ལ་གནས་པ་དཀའ་ན་ཡང་། །རང་གི་ཉམས་ལེན་དང་བསྟུན་ནས། །འཕྲལ་དུ་གང་དྲན་ཡི་གེར་བཀོད། །ངོ་མཐོང་འདི་ལ་གཉིས་སུ་གདའ། །གནས་འགྱུ་ངོ་འཕྲོད་ངེས་ཤེས་ཐོབ། །དེ་ཡང་ངོ་མཐོང་བཏགས་པ་ཙམ། །འདི་སྐབས་ཤོར་ས་གསུམ་ཡོད་པ། །ཚུར་ལ་རང་སེམས་ལྟ་མ་ཤེས། །སྭ་བྷ་ཝ་སོགས་སྔགས་བརྗོད་པས། །ནམ་མཁའ་ལྟ་བུའི་སྟོང་ཉིད་དུ། །བསྒོམ་པ་སྟོང་ཉིད་རྒྱས་འདེབས་ཤོར། །མདོ་རྒྱུད་དབུ་ཕར་གཞུང་ཚིག་ལ། །གོ་བ་རིགས་པས་དཔྱད་བྱས་པས། །ཆོས་ཀུན་

― CMR051_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཉིད་ནམ་མཁའ་ལྟར། །ཡོད་མེད་ལ་སོགས་མཐའ་བྲལ་བ། །ཡིན་པར་འདུག་གོ་ངེས་ཤེས་ལ། །དེ་ངང་འདུག་པ་གཤིས་ལ་ཤོར། །ཉོན་མོངས་དུག་ལྔ་འདུལ་བའི་ཕྱིར་། སྟོང་ཉིད་བསྒོམ་པ་ཡིན་བསམ་པ། །དེ་ནི་གཉེན་པོར་ཤོར་བ་ཡིན། །དེ་དག་བློས་བྱས་བཅོས་པའི་ལམ། །དེ་ལྟར་མ་ཡེངས་རང་སེམས་ལ། །རང་གིས་རང་ལ་བལྟས་པའི་ཚེ། །གཟུགས་དང་དངོས་པོ་མ་མཐོང་ཡང་། །མ་མཐོང་བ་ཡི་མཐོང་རྒྱུ་ཞིག །ས་ལེ་སིང་ངེ་ཡེ་རེ་བ། །ཡུད་ཙམ་ཀྱི་ལེ་གནས་པ་དེ། །གནས་པ་ཡིན་ཞིང་དེ་ཡང་ནི། །ཡུན་རིང་མི་གནས་ཀུན་ཏུ་རྒྱུག །དེ་ཡང་འགྱུ་མཁན་ཁོ་རང་ལ། །ཧྲིག་གེར་བལྟས་པས་རང་སར་ཞི། །ཆུ་རླབས་ཆུ་ལ་ཐིམ་པ་འདྲ། །འགྱུ་དང་གནས་པ་གང་བྱེད་པ། །རིག་ཅིང་མཐོང་བ་གནས་འགྱུ་ཤེས། །དེ་ལ་ཡུན་རིང་སྐྱོང་པའི་ཚེ། །དྲན་པ་ཙམ་ནས་ཐོག་ཏུ་སླེབ། །མ་དྲན་ན་ནི་འཁྲུལ་བ་སྟེ། །དྲན་ན་ཉམས་ལེན་སྟེང་དུ་ཕྱིན། །གནས་འགྱུ་སྐྱོང་བདེ་ཟེར་བའོ། །དེ་ལ་ཡུན་རིང་བསྐྱངས་བྱས་པས། །རླུང་མེད་མར་མེ་ཇི་བཞིན་དུ། །སྟོང་གསལ་བདེ་བའི་ཉམས་དང་ལྡན། །དེ་ལ་བསྒོམ་དུས་

― CMR051_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེ་གཅིག་གནས། །ཡེངས་ན་ཐ་མལ་འཁྲུལ་པར་འབྱམས། །རེས་འགའ་ཉམས་ལེན་རེས་འགའ་འཁྲུལ། །ཉིན་རེ་ལ་ཡང་རེས་འཇོག་མང་། །རྩེ་གཅིག་ཆུང་ངུའི་རྣལ་འབྱོར་རོ། །དེ་ལ་བརྩོན་འགྲུས་ཆེར་བྱས་པས། །རེས་འགའ་བདེ་ལ་རེས་འགའ་གསལ། །རེས་འགའ་མི་རྟོག་ཉམས་འཆར་ཏེ། །གོལ་ས་གསུམ་ནི་འདི་སྐབས་འབྱུང་། །ལུས་བདེ་སེམས་བདེ་འགྱུ་བ་ཉུང་། །ཉིན་མོ་ཕལ་ཆེར་འབྲལ་བ་མེད། །སྤྱོད་ལམ་རྣམ་བཞིར་འབྲལ་མེད་འབྱུང་། །དེ་ལ་ཆགས་ཞེན་སྐྱེས་ན་ནི། །དེ་ཡན་ཉམས་རྟོགས་འཕར་མི་ནུས། །ཕྱི་མ་འདོད་ཁམས་ལྷ་རུ་སྐྱེ། །རེས་འགའ་གསལ་སྟོང་རྗེན་པར་བུད། །སྤྲིན་ཐག་ཆད་པའི་ནམ་མཁའ་བཞིན། །སྟོང་ཉིད་ཉམས་ལེན་མཐོ་སྙམ་པའི། །ངེས་ཤེས་འཛིན་པ་ཆེན་པོ་ཡོད། །ལྷང་ངེ་ས་ལེ་ཧྲིག་གེ་བ། །ལྟ་མི་ལྟ་རྒྱུ་ཡོད་ཡོད་འདྲ། །དེ་ལ་ཆགས་ཞེན་ཆེ་ན་ནི། །ཉམས་རྟོགས་དེ་ལས་མི་འཕར་ཞིང་། །ཕྱི་མ་གཟུགས་ཁམས་ལྷ་རུ་སྐྱེ། །དེ་ནས་དེ་དག་ཉམས་རྣམས་ལ། །ཆགས་ཞེན་འཛིན་པ་མ་སྐྱེས་ན། །ནམ་ཞིག་རྩུབ་ཉམས་ངེས་པར་སྐྱེས། །རྣམ་རྟོག་རླུང་

― CMR051_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

འཚུབ་བཞིན་དུ་ལྡང་། །སེམས་རྒྱུད་མི་བདེ་བློ་མི་བདེ། །སེམས་ལ་བལྟས་ཀྱང་ལྟ་རྒྱུ་མེད། །སྲོག་རླུང་ལྡང་བ་འདྲ་ཞིག་འབྱུང་། །ཞེ་སྡང་ཉོན་མོངས་སྔར་ལས་ཆེ། །དེ་ནི་ལས་སློང་རྩུབ་ཉམས་ཏེ། །དེ་དུས་དེ་ཡི་དབང་བཏང་ན། །སྒོམ་འཁྲེབ་སོང་ཞིང་ཀུན་གྱིས་འཕྱ། ། །དེ་དུས་གསོལ་འདེབས་རྒྱང་འབོད་བྱ། །རང་སེམས་ཀློད་ལ་འབོལ་ལེ་བཞག །དེ་ཡིས་བོགས་ནི་ཆེན་པོ་འབྱུང་། །རེས་འགའ་ཕར་ལ་མ་བལྟས་ཀྱང་། །ཚུར་ལ་རྗེན་ནེ་ས་ལེ་འཆར། །བདེ་ཉམས་གསལ་ཉམས་མི་རྟོག་ཉམས། །མ་ངེས་ཅི་ཡང་འཆར་བ་སྟེ། །འདུག་ས་ནོན་ལ་བྱ་བ་ཐོངས། །ཉམས་ལེན་རྩེ་གཅིག་བྱེད་སྙིང་འདོད། །རྨི་ལམ་ཕལ་ཆེར་ཟིན་གྲངས་མང་། །བརྩོན་འགྲུས་ཆེ་ན་ཉིན་ཕལ་ཆེར། །ཡེངས་སྐབས་འདྲ་བ་མེད་པ་འབྱུང་། །དེ་ལ་རྩེ་གཅིག་འབྲིང་པོར་རྩི། །དེ་ནས་གསལ་ཉམས་འཆར་བ་ནི། །གཞན་སེམས་ཤེས་ལ་ཁད་པ་དང་། །གཉིད་དང་མ་གཉིད་སོ་མཚམས་ན། །མེ་རུ་བཀྱག་འདྲའི་འོད་དང་ནི། །ཟླ་ཐིག་འདྲ་བའི་འོད་འབྱུང་བས། །དེ་ཡིས་རྐྱེན་བྱས་སེམས་ངོ་ཟིན། །ཐག་རིང་མི་ཡིས་ཅི་བྱེད་མཐོང་། །ཐག་རིང་ཅི་

― CMR051_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྲས་སྐད་གོ་བ། །མངོན་ཤེས་འདྲ་བ་ལན་འགའ་འབྱུང་། །རྒྱུན་དུ་འབྱུང་བ་མ་ཡིན་ནོ། །རྨི་ལམ་རེས་ཟིན་རེས་འགའ་འཁྲུལ། །འཁྲུལ་དུས་རྨི་ལམ་གང་རྨིས་པ། །མངོན་ཤེས་ལྟ་བུར་ཐོག་ཏུ་བབ། །ཉམས་དང་རྨི་ལམ་ཡི་དམ་དང་། །ཆོས་སྐྱོང་ལྷ་འདྲེ་གཞི་བདག་མཐོང་། །དེ་དག་མངོན་ཤེས་ཡིན་སྙམ་ནས། །ང་རྒྱལ་སྐྱེས་ན་བདུད་ཀྱིས་བསླུས། །མཆོག་འཛིན་མེད་ན་ལམ་དུ་འགྲོ། །འགྱུ་བས་བསྒོམ་ལ་མི་གནོད་ཅིང་། །ཆུ་དང་རླབས་བཞིན་དབྱིངས་སུ་ཐིམ། །རྣམ་རྟོག་སྒོམ་དུ་ཤར་བ་སྟེ། །བསྐྱེད་རྫོགས་ཟུང་འཇུག་གསལ་སྟོང་འཆར། །དེ་ནས་སྟོང་ཉམས་འཆར་བ་སྟེ། །འཁོར་འདས་ཐམས་ཅད་སྟོང་པ་ཉིད། །ནམ་མཁའ་ལྟ་བུའི་ཉམས་ཤིག་འཆར། །ཐམས་ཅད་ནམ་མཁའ་འདྲ་འོ་ཞེས། །འཛིན་པས་བཅིངས་ན་གོལ་ས་འོ། །ཐམས་ཅད་རང་སེམས་ཁོ་ནར་རྟོགས། །ཐམས་ཅད་རང་སེམས་ཡིན་ནོ་ཞེས། །འཛིན་པས་བཅིངས་ན་གོལ་ས་འོ། །ཐམས་ཅད་སེམས་ཡིན་སེམས་དེ་ཡང་། །མེད་སྟོང་ཉིད་མིན་སེམས་ཡིན་པར། །སེམས་མེད་བསམ་པའི་འཛིན་པས་བཅིངས། །དེ་ཡང་གོལ་ས་ཡིན་པ་འོ། །

― CMR051_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ནི་ཡོད་པ་མ་ཡིན་ཞིང་། །མེད་པ་མ་ཡིན་ཅི་ཡང་འཆར། །ཡོད་མིན་མེད་མིན་ཡིན་ནོ་ཞེས། །འཛིན་པས་བཅིངས་ན་གོལ་ས་སྟེ། །གཟུགས་མེད་མུ་བཞིའི་གོལ་ས་འོ། །འདོད་ཁམས་ལྷ་ཡི་གོལ་ས་དང་། །བདེ་སྟོང་ཕྱག་ཆེན་ནོར་དོགས་གདའ། །གཟུགས་ཁམས་ལྷ་ཡི་གོལ་ས་དང་། །གསལ་སྟོང་ཕྱག་ཆེན་ནོར་དོགས་གདའ། །སྐྱེ་མཆེད་མུ་བཞིའི་གོལ་ས་དང་། །མི་རྟོག་ཕྱག་ཆེན་ནོར་དོགས་གདའ། །གང་ཤར་འཛིན་མེད་ཕྱག་ཆེན་ཡིན། །འཛིན་པས་བཅིངས་ན་གོལ་ས་ཡིན། །བདེ་གསལ་མི་རྟོག་ཏིང་འཛིན་བརྟན། །ཆོས་ཚུགས་འཛིན་ལ་རང་རྒྱུད་དུལ། །ཉམས་རྟོགས་བཟང་བའི་རློམ་པ་ཆེ། །ལྟ་རྒྱུའི་ངེས་ཤེས་ཆེན་པོ་ཡོད། །རྩེ་གཅིག་རབ་ཡིན་དེ་ཡན་ཆད། །ཉམས་ཡིན་འཕོ་འགྱུར་ཤིན་ཏུ་ཆེ། །དེ་ནས་བལྟ་མི་ལྟ་རྒྱུ་མེད། །ངེས་ཤེས་བརྟན་པོ་གར་སོང་མེད། །འདི་ཡིན་འདི་མིན་འདི་བསྒོམ་མེད། །སེམས་ངོ་མ་ཤེས་ཐ་མལ་ལུས། །དེ་དང་ཁྱད་མེད་འདྲ་བ་ལ། །ཅུང་ཙམ་མི་འདྲ་ཅི་ཡིན་སྙམ། །ཁ་རོག་བསྡད་པ་འདྲ་གཅིག་ལས། །ཅི་ཡང་བསྒོམ་རྒྱུ་མེད་པ་ཅིག །བྱུང་ན་ངོ་བོ་མཐོང་བ་སྟེ། །

― CMR051_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་མལ་ཤེས་པ་རྗེན་པ་ཞེས། །སྤྲོས་བྲལ་ཆུང་ངུའི་རྟོགས་པ་ཡིན། །ཡེངས་སྐབས་ཐ་མལ་འཁྲུལ་པ་སྟེ། །མ་ཡེངས་འཕོ་འགྱུར་ཆེན་པོ་མེད། །ཕྱི་རོལ་གཟུགས་སྒྲ་དྲི་རོ་སོགས། །ཚོགས་བརྒྱད་སྣང་བ་ཅི་ཤར་ཡང་། །སོ་སོར་མཐོང་ཐོས་ཚོར་ན་ཡང་། །འཛིན་པ་མི་འཇུག་ཉམས་ལེན་ངང་། །གང་ཟག་བདག་མེད་ཅེས་བྱ་འོ། །ཡེངས་སྐབས་ཉོན་མོངས་རྟོག་པ་འཆར། །དྲན་པས་ཟིན་ན་རང་སར་ཞི། །ཡེངས་སྐབས་མང་ཉུང་བརྩོན་འགྲུས་ཁྱད། །ཕལ་ཆེར་བསྐྱེད་རྫོགས་ཟུང་འཇུག་གོ །དེ་ནི་སྤྲོས་བྲལ་འབྲིང་པོ་འོ། །དེ་ནས་རང་སེམས་ནམ་མཁའ་གཉིས། །དབྱེར་མེད་འདྲེས་པའི་འཛིན་པ་ཅན། །ཐམས་ཅད་སྟོང་པའི་ཉམས་ཤིག་འཆར། །སྤྲོས་པ་མེད་པའི་སྟོང་རྫིས་ཁྱེར། །ཡང་ཡང་ངོ་བོ་ལྟ་བ་དང་། །ལྟ་སྟངས་ཡང་ཡང་བྱ་བ་གཅེས། །རྒྱལ་བའི་ཐུགས་དང་རང་སེམས་དང་། །འགྲོ་བའི་སེམས་རྒྱུད་དབྱེར་མེད་པའི། །རྟོགས་པ་རེས་འཆར་རེས་མི་འཆར། །སྤྲོས་བྲལ་ཆེན་པོ་ཡིན་པའོ། །དེ་ནས་ཕྱི་ཡི་སྣང་བ་ཡི། །རི་བྲག་གྲོང་ཁྱེར་གཟུགས་སྒྲ་སོགས། །ཐམས་ཅད་རྒྱ་མཚོར་གཟའ་སྐར་ལྟར། །

― CMR051_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་གསལ་ཡང་ངོ་བོ་སྟོང་། །ཕལ་ཆེར་རང་ཤར་ཤུགས་འབྱུང་འཆར། །ལྷ་དང་འདྲེ་དང་བཟང་དང་ངན་། །ཐམས་ཅད་སེམས་དང་དབྱེར་མེད་འདྲེས། །རོ་གཅིག་ཆུང་ངུ་ཡིན་པར་སྣང་། །ཡེངས་སྐབས་ད་རུང་འཁྲུལ་པར་འབྱམས། །དུག་ལྔ་ཁོང་ཁྲོ་སྔར་ལས་ཧྲག །རོ་གཅིག་འདྲེས་པའི་རྦ་ལ་གཡེང་། །ཡེངས་སྐབས་མང་བས་ཡིད་མི་ཚིམ། །དེ་ནས་ཡེངས་སྐབས་ཡོད་ན་ཡང་། །ཡེངས་དང་མ་ཡེངས་ཁྱད་མེད་ཅིང་། །གཉིད་དང་མ་གཉིད་ཁྱད་མེད་ལ། །འཁྲུལ་དང་མ་འཁྲུལ་ཁྱད་མེད་པའི། །གོ་བ་སྐམ་པོ་མ་ཡིན་པའི། །རྟོགས་པའི་གདེང་ཞིག་ནང་ནས་འཆར། །བླ་མ་ཡི་དམ་མཁའ་འགྲོ་ཡང་། །རང་སེམས་ཉིད་དང་དབྱེར་མེད་རྟོགས། །རྣམ་རྟོག་རང་གཟུགས་མ་གཏོགས་པའི། །འདྲེ་གཞན་མེད་པར་ཁོ་ཐག་ཆོད། །རོ་གཅིག་འབྲིང་པོ་ཡིན་ནམ་སེམས། །དེ་ཡན་ང་ལ་བཤད་རྒྱུ་མེད། །སྐྱིད་སྡུག་བདེ་དང་ནད་ཐུ་མོ། །གཤེ་དང་བསྟོད་སོགས་ཁྱད་མེད་པ། །རོ་གཅིག་ཆེན་པོ་ཡིན་སྐད་ཐོས། །དེ་ནས་དྲན་རྫི་མི་དགོས་པར། །ངོ་བོ་རྗེན་པར་གནས་པ་ནི། །བསྒོམ་མེད་ཡིན་པར་ནཱ་རོས་གསུངས། །བསྒོམ་ཡོད་

― CMR051_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་མེད་ཁྱད་པར་ནི། །དྲན་རྫི་དགོས་དང་མི་དགོས་ཀྱིས། །ཁྱད་པར་ཡིན་པར་གསུངས་གདའོ། །གང་དྲན་བྲིས་པས་མཁས་གྲུབ་རྣམས། །བཀའ་བསྐྱོན་གནང་བ་སྲིད་ན་ཡང་། །རྣལ་འབྱོར་ཉམས་ལ་ཅི་ཡང་འཆར། །འགལ་འཁྲུལ་ཐམས་ཅད་མཐོལ་ལོ་བཤགས། །དཔེ་དང་བསྟུན་ན་འགྲིགས་དཀའ་ཡང་། །གང་དྲན་ཉམས་ལ་གང་ཤར་ཡིན། །རཱ་ག་ཨ་སྱས་གདམས་པའོ།། ༈ །།རྟ་མགྲིན་མགོན་ལ་གནང་བའི་ཞལ་གདམས་བཞུགས། །ན་མོ་ལོ་ཀེ་ཤྭ་ར་ཡེ། བུ་འདྲེས་སྔའི་གྲོགས་མཆོག་རྟ་མགྲིན་མགོན། །ཡུན་རིང་པོ་ན་ནས་ཡུས་ཆེ་ཞིང་། །དུས་ད་རེས་ང་དང་མཇལ་བ་དེ། །དཔེ་ཤི་གསོན་འཕྲད་ལྟར་དགའ་བར་བྱུང་། །སྔོན་རང་གིས་བྱས་པའི་ལས་འབྲས་ལ། །དེ་བཅོས་སུ་མེད་པར་ཐུབ་པས་གསུངས། །དོན་དེ་ཕྱིར་ནད་འདིར་ཕན་དཀའ་ཡང་། །ནད་བྱང་ཆུབ་ལམ་དུ་བསྒྱུར་བའི་ཐབས། །ཚེ་འདི་ཕྱིར་ཕན་པའི་གདམས་ངག་འཆད། །དེས་ཕན་སྲིད་མ་ཕན་ཤི་ན་ཡང་། །བདག་མཚམས་ཀྱི་བཅད་རྒྱ་དམ་པ་དེས། །ཚེ་འདི་ལ་འཕྲད་པའི་སྐབས་མེད་ཀྱང་། །ནུབ་བདེ་བ་ཅན་

― CMR051_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཞིང་ཁམས་སུ། །རང་གཉིས་པོ་མཇལ་བའི་སྨོན་ལམ་བྱེད། །དེ་བར་དུ་ང་དང་འཕྲད་འདོད་དུས། །དཔེ་ཡི་གེ་འདི་དོན་ལྟོས་ཤིང་བསྒོམ། །སྔོན་ཤཱཀ་ཐུབ་ལ་སོགས་སངས་རྒྱས་ཀུན། །རང་བློས་བཏང་གཞན་དོན་བྱས་པས་འཆིངས། །མ་འགྲོ་དྲུག་སེམས་ཅན་ཐམས་ཅད་ཀྱིས། །གཞན་བློས་བཏང་རང་དོན་བྱས་པས་ཕུང་། །གནད་འདི་ལ་བསམ་བློ་ཐོངས་མཛོད་ལ། །རླུང་སྣ་ནས་ཕར་ལ་འགྲོ་བའི་ཚེ། །བདག་རང་གི་བདེ་སྐྱིད་དགེ་རྩ་ཀུན། །མ་འགྲོ་དྲུག་ཀུན་ལ་སིབ་སིབ་ཐིམ། །དེ་ཐམས་ཅད་བདེ་སྐྱིད་ལྡན་པར་བསྒོམ། །དེ་བྱམས་པ་ཚད་མེད་བྱང་ཆུབ་ལམ། །རླུང་སྣ་ནས་ཚུར་ལ་རྔུབ་པའི་དུས། །མ་འགྲོ་དྲུག་སྡིག་སྒྲིབ་སྡུག་བསྔལ་ཀུན། །དེ་སིབས་སེ་བསྡུས་ནས་རང་ལ་བསྟིམ། །མ་འགྲོ་དྲུག་སྡུག་བསྔལ་བྲལ་བར་བསྒོམ། །དེ་སྙིང་རྗེ་ཚད་མེད་བྱང་ཆུབ་ལམ། །དེ་སྙིང་ནས་རྩེ་གཅིག་བསྒོམ་ནུས་ན། །ཚེ་སྔོན་གྱི་ལས་ངན་ཐམས་ཅད་གང་། །ནད་ཀུན་ཞི་གདོན་ཀུན་དམ་ལ་ཐོགས། །ཆོས་མདོ་སྡེ་རྣམས་ཀྱི་སྙིང་པོའི་བཅུད། །དཔལ་ཇོ་བོ་རྗེ་ཡི་ཟབ་ཆོས་ཏེ། །དཔལ་འབྲི་གུང་འཇིག་རྟེན་གསུམ་མགོན་

― CMR051_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །དགེ་བཤེས་འཆད་ཁའི་མཛེ་བཅོས་ཡིན། །དེ་སྔོན་འགྲོའི་ཉམས་ལེན་མཐིལ་པོ་མཛོད། །ཡང་རང་ལ་གནོད་བྱེད་གང་ཡིན་དང་། །མ་འགྲོ་དྲུག་ཀུན་གྱི་སྡུག་བསྔལ་ཀུན། །དེ་མ་ལུས་བསྡུས་ནས་ན་སར་བསྟིམ། །དེ་རུལ་བ་ལྟར་དུ་ཁྲག་བབ་ནས། །ས་ལུང་པ་ཐམས་ཅད་གང་བ་ལ། །གདོན་ལན་ཆགས་ཀུན་གྱིས་དེ་འཐུང་བས། །ཁོ་དགའ་མགུ་ལན་ཆགས་བྱང་བར་བསྒོམ། །དེ་ཕ་གཅིག་དམ་པའི་གདམས་ངག་ཡིན། །དོན་དམིགས་པའི་ཁྲག་གཏད་ནད་ལ་ཕན། །ཡང་གཟེར་ཆེན་བསྒྱུར་ཡང་མི་ཚུགས་ན། །རང་སེམས་ཉིད་ནམ་མཁའི་དཀྱིལ་དུ་འཕོངས། །ལུས་བེམ་རིག་ཉལ་ས་དེ་ལ་བཞག །རང་ནམ་མཁའི་དབྱིངས་སུ་ཡོད་པ་དེས། །ཕྱིར་ལུས་པོ་དེ་ལ་ལྟ་བར་བསྒོམ། །དེས་གཟེར་ཆེན་ཆོག་ནས་བསྲན་ཚུགས་འོང་། །གདོན་ཆེ་ནས་ཅིས་ཀྱང་མ་ཐུབ་ན། །རང་ལྟེ་བའི་དབུས་སུ་རཾ་དམར་པོ། །རཾ་དེ་ལས་མེ་འབར་ལུས་ཀུན་དང་། །གདོན་སྡིག་སྒྲིབ་བཅས་པ་དུས་གཅིག་བསྲེགས། །ལུས་མེ་ལྕེ་ཕུང་པོ་གཅིག་ཏུ་གྱུར། །མེ་དེ་ཡི་མེ་སྒྲ་སྔགས་སྒྲར་བསྒོམ། །སྔགས་རྟ་མགྲིན་སྙིང་པོ་ཅི་ནུས་འདོན། །

― CMR051_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་པདྨ་འབྱུང་གནས་གདམས་པ་སྟེ། །གདོན་ལུས་ལ་ཞུགས་པ་དེ་ཡིས་སེལ། །ལུས་བེམ་པོ་འདི་ནི་ས་རྡོ་འདྲ། །སེམས་སྟོང་པ་དངོས་མེད་ནམ་མཁའ་འདྲ། །ནད་ཅེས་བྱ་སེམས་ཀྱི་རྣམ་རྟོག་ཙམ། །ང་ནའོ་བསམ་མཁན་སེམས་ལ་ལྟོས། །དེ་བལྟས་པས་སྟོང་གསལ་རྗེན་པར་འཆར། །གཟེར་ནམ་བྱུང་སེམས་ལ་ལྟ་ནུས་ན། །ནད་སྡུག་བསྔལ་ཕྱག་རྒྱ་ཆེན་པོར་འཆར། །དེ་ནཱ་རོ་པཎ་ཆེན་གདམས་ངག་ཡིན། །ཁྱོད་དེ་ལྟར་རྒྱུན་དུ་ཉམས་བླངས་ན། །ནད་ན་བ་སྒྲིབ་པའི་ཕྱགས་ཤིང་ཡིན། །དུས་ནམ་ཞིག་ལུས་སེམས་བྲལ་བའི་ཚེ། །རང་བར་དོ་ཡིན་པར་ངོ་ཤེས་ཚེ། །ནུབ་བདེ་བ་ཅན་གྱི་ཞིང་ཁམས་སུ། །རང་འགྲོ་བའི་འདུན་པ་རྩེ་གཅིག་མཛོད། །དེར་བསམ་མ་ཐག་ཏུ་ཕྱིན་པར་འགྱུར། །དེ་དྲན་པས་ཆོག་གོ་དཀའ་ལས་མེད། །དེ་མགྱོགས་བུལ་ད་ལྟའི་འགྱུ་བ་ལྟོས། །དེ་འོད་དཔག་མེད་པ་ཞལ་མཐོང་ནས། །ཡིད་དགའ་ནས་པདྨའི་སྦུབས་ལ་སྐྱེས། །དེ་སངས་རྒྱས་མཇལ་བའི་བྱིན་རླབས་ཡིན། །གདན་པདྨ་ངོས་བཟུང་སོགས་མི་དགོས། །དེ་མདོ་རྒྱུད་དགོངས་པ་ཡིན་པའི་ཕྱིར། །ཁྱོད་ཐེ་ཚོམ་མ་བྱེད་སྙིང་ལ་

― CMR051_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོངས། །དེ་གསང་འདུས་སྒྲུབ་ཆེན་ཆོས་ར་ན། །མཚན་མར་མེའི་ངོས་ལ་བྲིས་པ་ཡིན། །བདག་རྣལ་འབྱོར་རཱ་ག་ཨ་སྱས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གློ་བུར་འཆི་བ་ཐོག་བབ་བྱུང་ན་འདི་བྱ་འདི་བྱེད་ཀྲིག་གེ་ཡོད་པ་པདྨ་མཐར་ཕྱིན་ལ་གདམས་པ།

― CMR051_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

གློ་བུར་འཆི་བ་ཐོག་བབ་བྱུང་ན་འདི་བྱ་འདི་བྱེད་ཀྲིག་གེ་ཡོད་པ་པདྨ་མཐར་ཕྱིན་ལ་གདམས་པ་ཀུན་ལ་གལ་ཆེའོ།།

― CMR051_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭ་ར་ཡེ། གསོན་དང་བདག་ལ་ལྟོས་པའི་གྲྭ་སློབ་རྣམས། །ད་རེས་དལ་འབྱོར་མི་ལུས་ལན་གཅིག་འདི། །དུས་ངན་སྙིགས་མ་ལྔ་ཡི་དུས་དང་ཐུག །ཚེ་སྟོད་ཕལ་ཆེར་ཡང་ཡེངས་ངང་ལ་ཟད། །བྱ་བ་སྒྲུབ་དགོས་ཆུ་ཡི་གཉེར་མ་འདྲ། །རྣམ་གཡེང་མང་པོས་དམ་ཆོས་སྒྲུབ་མི་ཁོམ། །མེད་པ་འཚོལ་དགོས་ཡོད་པ་འཚོ་སྐྱོང་སྡུག །མུ་གེ་དུས་འཁྲུག་ནད་ཡམས་མང་བས་སྡུག །དགྲ་ཇག་ཆོམ་རྐུན་རྒྱལ་པོའི་འཇིགས་པས་སྡུག །ནད་དང་གདོན་དང་དུས་མིན་འཆི་དོགས་སྡུག །འཆི་ཁ་གནད་གཅོད་ཟུག་གཟེར་དྲག་པོས་སྡུག །འབྱུང་བཞི་ཐིམ་

― CMR051_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུད་སྲོག་ཆད་ཚོར་བས་སྡུག །བར་དོའི་འཁྲུལ་སྣང་འཇིགས་སྐྲག་དྲག་པོས་སྡུག །སྡུག་བསྔལ་དེ་རྣམས་མི་མྱོང་ཐབས་མི་གདའ་། །འོན་ཀྱང་ཚེ་མཇུག་དགུན་གྱི་ཉི་མ་ཙམ། །འཆི་ནད་སྲོག་གཅོད་ཟླ་ཤས་ཞག་ཤས་ཙམ། །བར་དོའི་འཁྲུལ་སྣང་ཟླ་ངོ་གཅིག་གཉིས་ཙམ། །འཁོར་བ་མཐའ་མེད་གནས་སུ་མ་འཁྱམས་ན། །དེ་ཙམ་སྡུག་ཀྱང་སྡུག་ཡུན་ཐུང་བས་དྲག །སྡུག་བསྔལ་དེ་རྣམས་སྡུག་བསྔལ་རྫོགས་སོ་བྱེད། །དེ་བས་གཏན་བདེའི་གནས་སུ་འགྲོ་བའི་ཐབས། །ཆོས་སྐད་དམའ་འུ་ལག་ཏུ་ལོན་ངེས་པ། །སྙིང་གི་གཏམ་འདི་སྙིང་ལ་འཆང་

― CMR051_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ནི། །ཕན་ངེས་སྐྱོབ་ངེས་ཡིན་ནོ་རིགས་ཀྱི་བུ། །ལོ་མང་མཐའ་འམ་ད་ལོ་སང་ཕོད་བར། །བསམ་དུ་མེད་པར་འཆི་ནད་ཕོག་བྱུང་ན། །ཅི་བྱ་བསམ་དུས་ངེས་ཀྲིག་ཡོད་པར་བྱ། །བདག་ནི་ཆོས་སྒོར་ཞུགས་པའི་ལ་དོན་དེ། །དགོས་པའི་དུས་ལ་བབ་བསམ་རིག་པ་སྒྲིམས། །ངོ་ཤི་སྙམ་དུ་ཞེ་རྩ་མ་ཁུམ་པར། །ཤཱཀ་ཐུབ་མན་ནས་འཇག་མའི་སྲིན་བུ་ཡན། །མི་འཆི་འདུག་པས་ཆོག་པ་གཅིག་ཀྱང་མེད། །ད་རེས་ཁོ་ན་ཤི་བ་མ་ཡིན་ཏེ། །ཚེ་སྔོན་བྱེ་བ་དུང་ཕྱུར་གྲངས་མེད་ཤི །ལུས་པོ་ཁང་པ་སྒྱུར་ལྟར་བྱེད་པ་ལས། །སེམས་ཉིད་སྟོང་པ་ཉིད་ལ་འཆི་རྒྱུ་མེད། །འཆི་ཁ་གནད་གཅོད་སྡུག་བསྔལ་འདི་སྡུག་ཀྱང་། །འཆི་བ་དངོས་ནི་སྐད་ཅིག་བཏང་སྙོམས་ཏེ། །བདེ་སྡུག་ཚོར་བ་ཅི་ཡང་མེད་པར་གསུངས། །ད་རེས་འཆི་བ་འདི་ལ་བརྟེན་ནས་ཀྱང་། །འགྲོ་བ་སེམས་ཅན་ཀུན་ལ་ཕན་པའི་ཕྱིར། །འཆི་བ་འོད་གསལ་ཆོས་སྐུར་ངོས་བཟུང་སྟེ། །བར་དོར་ལོངས་སྤྱོད་རྫོགས་པའི་སྐུར་བཞེངས་ནས། །སྐྱེ་བ་སྤྲུལ་སྐུ་བདེ་ཆེན་ཞིང་ཁམས་སུ། །མེ་ཏོག་པདྨའི་སྦུབས་ལ་བརྫུས་སྐྱེས་ནས། །ས་བཅུ་ཐོབ་ནས་ཕྱོགས་བཅུའི་ཞིང་ཁམས་སུ། །

― CMR051_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པས་འགྲོ་བ་མ་ལུས་འདྲེན་པར་བྱ། །སྙམ་དུ་སེམས་བསྐྱེད་སྙིང་ལ་ལན་འགར་བསམ། །དེ་ནས་རང་ཉིད་རྒྱལ་བ་རྒྱ་མཚོར་བསྒོམ། །སྤྱི་གཙུག་ཁྲུ་གང་ཙམ་གྱི་ནམ་མཁའ་ལ། །པདྨ་འདབ་མ་སྟོང་ལྡན་ཟླ་བའི་སྟེང་། །བླ་མ་ཡི་དམ་སངས་རྒྱས་བྱང་སེམས་ཀུན། །གཅིག་བསྡུས་ངོ་བོ་སངས་རྒྱས་འོད་དཔག་མེད། །མངོན་སུམ་ལྟ་བུར་ཤིན་ཏུ་གསལ་བར་བསྒོམ། །བདེ་བ་ཅན་ནས་ཡིད་ཀྱིས་སྤྱན་དྲངས་བསྟིམ། །ལུས་དང་ལོངས་སྤྱོད་ཉེ་དུ་རྟེན་གསུམ་སོགས། །མཎྜལ་དུ་དམིགས་མཎྜལ་ལན་གསུམ་ཕུལ། །དེ་ནས་འབུལ་བ་ཚར་བའི་ཡོན་བདག་བཞིན། །སུ་ཡིས་ཁྱེར་ན་སེར་སྣ་ཆགས་སྡང་སྤོངས། །དེ་ནས་རང་ལུས་སྟོང་པ་ཕུས་བཏབ་བཞིན། །མ་དག་སྒོ་བརྒྱད་ཧཱུྃཿཡིག་རེ་རེས་བཀག །ལུས་དབུས་དབུ་མ་ཁང་སྟོང་ཀ་བ་བཞིན། །ཕྱི་དཀར་ནང་དམར་སྟོང་པ་སང་ངེ་བ། །ཡར་སྣེ་ཚངས་བུག་གནས་སུ་ཧད་པོ་ལ། །མར་སྣེ་ལྟེ་འོག་ཕུག་རྡུགས་སྨུག་ཚིགས་བཞིན། །ལྟེ་བར་པདྨ་དམར་པོ་འདབ་བཞིའི་སྟེང་། །རང་གི་རླུང་སེམས་རྣམ་ཤེས་ངོ་བོ་ནི། །ཐིག་ལེ་དཀར་པོ་སྲན་མ་རློན་པ་ཙམ། །བཀྲག་མདངས་ལྡན་ཞིང་

― CMR051_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

འཕར་འདར་ལིང་ལིང་བསྒོམ། །ཐིག་ལེ་དེ་ཉིད་སྐར་ཁུང་མདའ་འཕང་བཞིན། །འོད་དཔག་མེད་ཀྱི་ཐུགས་ཀར་ཐིམ་པར་བསྒོམ། །སླར་ཡང་ལྟེ་བར་ཐིག་ལེ་གོང་ལྟར་བསྒོམ། །བསྒོམ་ཝིག་སྤར་ཝིག་བདུན་ནམ་ཉེར་གཅིག་བྱ། །དེ་ཡིས་གལ་ཏེ་ཐུགས་དམ་མ་ཟིན་ན། །བར་ཆད་རྐྱེན་གྱིས་ཟིན་པ་འགྲོགས་ན་ཡང་། །བུ་ག་གཞན་ནས་མི་འགྲོ་སྤྱི་བོར་འཕོ། །འཆི་ཁ་སེམས་དང་བསམ་པ་སྟོབས་ཆེ་བས། །བཟང་ངན་ཡིད་ལ་གང་བཟུང་ནུས་པ་ཆེ། །ལོ་ཏོག་སེམས་ཆགས་སད་ཀྱིས་ཁྱེར་ཟེར་དང་། །ཞེ་སྡང་སྨོན་ལམ་ངན་པས་འདྲེར་སྐྱེ་ནུས། །དེ་ཕྱིར་ཤི་ནས་ཞག་གྲངས་ལྔ་བདུན་ནམ། །ཅི་ཙམ་འདོད་པའི་བར་དུ་ཐུགས་དམ་ལ། །འདུག་ཅིང་མི་འཕོ་བསམ་པའི་དམ་བཅའ་བྱ། །ཞག་གྲངས་དུ་སོང་རང་གིས་ཤེས་དཀའ་སྟེ། །འཆི་སེམས་སྟོབས་ཀྱིས་དམ་བཅའི་སྟེང་དུ་འགྲོ། །དེ་ནས་ཐུགས་དམ་བརྟན་པར་བྱེད་པའི་ཐབས། །རང་ཉིད་རྒྱལ་བ་རྒྱ་མཚོའི་སྐུ་གཟུགས་ནི། །ཤིན་ཏུ་གསལ་བའི་བསྐྱེད་རིམ་གཟུང་བར་བྱ། །ཐུགས་ཀར་ཟླ་བའི་དཀྱིལ་འཁོར་སྟེང་དུ་ནི། །ཧྲཱིཿཡིག་དམར་པོ་སྔགས་ཀྱིས་བསྐོར་བ་དེ། །འོད་ནི་མར་མེ་བལྟམས་

― CMR051_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟ་བུ་ཡིས། །ལུས་ཀྱི་ནང་ཀུན་གསལ་བར་ཐུན་གཅིག་བསྒོམ། །དེ་ནས་དམིགས་པ་ཅི་ཡང་མི་བསྒོམ་པར། །སྙིང་དཀྱིལ་ཐད་དུ་རིག་པ་ཚུར་བཀུག་ལ། །སེམས་ངོའི་སྟེང་དུ་རིག་པ་ཅི་གནས་བྱ། །འབྱུང་བཞི་ཐིམ་རིམ་དཀར་ལམ་དམར་ལམ་སོགས། །སོ་སོར་ངེས་ཤེས་ངོས་བཟུང་བྱ་མི་དགོས། །གང་ཤར་དེ་ཡི་ངོ་བོ་བལྟས་པས་ཆོག །དེ་ཡན་འཆི་ཁ་ཇི་ལྟར་བསྒོམ་པའི་ཚུལ། །རབ་འབྲིང་ཐ་མ་གསུམ་ཀ་སྒོམ་ལུགས་འདྲ། །དེ་ལྟར་སྒོམ་ལུགས་ཁྱད་པར་མེད་ན་ཡང་། །ཟིན་ལུགས་རབ་འབྲིང་ཐ་མ་ཡང་ཐ་བཞི། །རབ་ལ་རང་དབང་ཆེ་བ་འདྲ་ཞིག་བྱུང་། །ཕྱི་དབུགས་ཆད་ནས་ནག་ལམ་འཐུག་པོའི་སྐབས། །ཕྱི་ཡི་ཚོགས་བརྒྱད་འགགས་ནས་འཁོར་བ་མེད། །ཕུང་པོ་ཕན་ཚུན་ཁྱེར་རམ་གདུང་བཅས་སོགས། །ཤ་ཚ་མེད་ལྟར་བྱས་ཀྱང་ཚོར་བ་མེད། །དཔེར་ན་བུམ་པའི་ནང་གི་མར་མེ་འདྲ། །དེ་ནས་གཞི་ཡི་འོད་གསལ་ཞེས་བྱ་སྟེ། །ཕྱི་རོལ་ཅུང་གསལ་སྐྱ་རེངས་ཤར་བ་བཞིན། །ནང་དུ་སེམས་ངོ་སྟོང་གསལ་རྗེན་ལྷང་ངེར། །ཕར་ལ་ཚོལ་མི་དགོས་པར་ཚུར་ལ་འཆར། །ངོ་ཤེས་མི་དང་འཕྲད་བཞིན་ངོས་བཟུང་ནས། །

― CMR051_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡི་ངང་དུ་ལྷན་ནེ་གནས་པ་ཡིན། །རྟགས་ནི་ཕུང་པོ་བཀྲག་མདངས་བཟང་བ་དང་། །མིག་ནི་ཟིམ་བུ་ཁ་ཡང་འཛུམ་འདྲ་འབྱུང་། །སེམས་ངོ་ཡོད་པ་དེ་ཡི་དྲུང་ཕྱིན་ཚེ། །སེམས་ངོ་གསལ་ཞིང་བོགས་ནི་ཐོན་འདྲ་འབྱུང་། །རྣམ་རྟོག་རིགས་པ་སྐྱེས་པར་མ་གྱུར་ན། །ནང་དུ་རྣམ་རྟོག་ཕྲའུ་འགྱུ་ན་ཡང་། །དེ་ཡིས་ཐུགས་དམ་འགྲོགས་པར་མི་འགྱུར་ཏེ། །གདུང་ལ་ཐུག་རེག་མཆོད་བཤམས་ལ་སོགས་ཀྱིས། །གྲོལ་བར་མི་འགྱུར་ནམ་འདོད་བར་དུ་གནས། །དེ་ནས་འདུག་ཆེད་དམ་བཅའི་དུས་ཚང་ནས། །གཞན་ནས་མི་འཕོ་ཚངས་པའི་བུག་ནས་འཕོ། །དེ་ནས་ལུས་སེམས་བྲལ་བར་གྱུར་མ་ཐག །ད་ལྟར་དུ་འོད་གསལ་ཚུར་ལ་འཆར། །དེ་ཉིད་ངོས་བཟུང་ཅི་འདོད་བར་དུ་གནས། །དེ་ནི་འཆི་བ་ཆོས་སྐུར་སྦྱོང་བ་ཡིན། །གསོན་དུས་རྫོགས་ཆེན་རིག་པ་ཚད་ཕེབ་དང་། །འཆི་བ་འོད་གསལ་དེ་ཉིད་ངོས་ཟིན་ན། །བར་དོར་ཞི་ཁྲོའི་ལྷ་ཚོགས་མི་འཆར་ཏེ། །འོན་ཀྱང་བར་དོར་ལོངས་སྐུར་སྦྱོང་བའི་ཕྱིར། །རྒྱལ་བ་རྒྱ་མཚོ་ལ་སོགས་ཡི་དམ་གྱི། །བསྐྱེད་རིམ་གསལ་སྟོང་འཇའ་ཚོན་ལྟ་བུར་བསྒོམ། །ཐུགས་ཀའི་སྔགས་ཕྲེང་འོད་ཟེར་སྤྲོ་བསྡུ་

― CMR051_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །སངས་རྒྱས་མཆོད་དང་བྱིན་རླབས་སྡུད་པ་དང་། །སེམས་ཅན་རྣམས་ཀྱི་སྒྲིབ་སྦྱང་འདྲེན་སྟོན་སོགས། །བསྙེན་སྒྲུབ་དུས་ཀྱི་དམིགས་པ་བཞིན་དུ་བྱ། །ད་ལྟ་བསྒོམ་དང་མི་འདྲ་དེ་དུས་སུ། །བསྒོམ་པ་དེ་དག་དངོས་སུ་འགྱུར་བ་ཡིན། །དེ་ནི་བར་དོ་ལོངས་སྐུར་སྦྱོང་བའོ། །དེ་ནས་སྐྱེ་བ་སྤྲུལ་སྐུ་སྦྱོང་བ་ནི། །འཁོར་བ་རིགས་དྲུག་སྡུག་བསྔལ་རྒྱ་མཚོ་ལས། །བྲམ་ཟེའི་མདུན་དུ་བཤང་གཅི་བཞག་པ་བཞིན། །ཞེ་ཡི་གཏིང་ནས་ཞེན་པ་ལོག་པ་ཡིས། །ཡུལ་ཕྱོགས་གྲྭ་སློབ་གཉེན་འདུན་ལ་སོགས་པ། །ཐམས་ཅད་ཀུན་ལ་ཆགས་ཞེན་གཏིང་ནས་སྤོང་། །འོད་དཔག་མེད་དང་བདེ་ཆེན་ཞིང་ཁམས་ཀྱི། །ཡོན་ཏན་རྣམས་ལ་འདོད་པ་ཆེར་བསྐྱེད་དེ། །ཞིང་དེར་བདག་ཉིད་འགྲོ་བར་བྱེད་པ་ལ། །བར་ཆད་སོལ་ཅིག་ལམ་སྣ་དྲོངས་ཤིག་ཅེས། །བླ་མ་ཡི་དམ་ཆོས་སྐྱོང་རྣམས་ལ་འབོད། །དེ་ཚེ་འོད་དཔག་མེད་པའི་སྤྲུལ་པ་ཡང་། །བསུ་མའི་ཚུལ་དུ་མདུན་དུ་འབྱོན་པར་བཤད། །བསྒྲུབས་པའི་ཡི་དམ་མཁའ་འགྲོ་ཆོས་སྐྱོང་རྣམས། །མཆོད་པའི་སྤྲིན་དང་བཅས་ཏེ་སྐྱེལ་བསུ་བྱེད། །དེ་དོན་བདེ་མཆོག་རྩ་བའི་རྒྱུད་ལས་

― CMR051_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །རྣལ་འབྱོར་པ་རྣམས་འཕོ་བའི་ཚེ། །དཔལ་ལྡན་ཁྲག་འཐུང་ལ་སོགས་པས། །མེ་ཏོག་ལ་སོགས་ལག་ན་ཐོགས། །འཆི་བ་ཞེས་བྱ་རྣམ་རྟོག་སྟེ། །མཁའ་སྤྱོད་གནས་སུ་ཁྲིད་པར་འགྱུར། །གསུངས་པ་དེ་ཡང་དེ་ལ་དགོངས་པ་ཡིན། །དེ་ནས་འབྲིང་པོ་རྣམས་ཀྱིས་ཟིན་ལུགས་ལ། །འོད་གསལ་བཟུང་ལུགས་ཟིན་ལུགས་ཁྱད་མེད་དེ།། གྲིབ་གཞི་ཕོག་དང་སྡིག་ཅན་གྲིབ་ཕོག་དང་། །བྱི་བ་སྲེ་མོང་རྨུག་དང་ཀུ་ཅོས་གྲོལ། །འདུག་པའི་དམ་བཅའ་སྟེང་དུ་མ་སོང་བར། །འོད་གསལ་གཉིས་པ་ཤར་ཡང་མ་ཟིན་ནོ། །ཟིན་ཀྱང་ཡུན་རིང་མི་གནས་འཁྲུལ་པར་འགྱུར། །དེ་ནས་ཞི་ཁྲོའི་ལྷ་ཚོགས་ཐམས་ཅད་ནི། །རིམ་བཞིན་ཐོས་གྲོལ་ནང་ནས་བཤད་ལྟར་འཆར། །ཤར་ཡང་ལོག་ནས་གྲུབ་པ་མེད་པ་ལྟར། །རང་གི་སེམས་ཀྱི་འཁྲུལ་སྣང་ཡིན་ཤེས་ནས། །སེམས་ངོའི་ངང་དུ་མཉམ་པར་བཞག་ན་ནི། །ལྷ་རྣམས་རང་ལ་ཐིམ་ནས་རང་ཉིད་ཀྱང་། །རྟོགས་པ་ལྷ་དེའི་དགོངས་པ་རྟོགས་པར་འགྱུར། །སེམས་ངོ་མ་ཤེས་ངོས་ཟིན་དད་འདུན་བྱས། །ཞིང་ཁམས་དག་པར་སྐྱེ་བའི་རྟེན་འབྲེལ་འགྲིགས། །དེ་ནས་ལྷ་སྐུའི་སྣང་བ་རྫོགས་ཚར་

― CMR051_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །རིགས་དྲུག་འཁྲུལ་པའི་སྣང་བ་མ་ཤར་སྔོན། །བདེ་བ་ཅན་ན་འགྲོ་བའི་འདུན་པ་བྱ། །བླ་མ་ཡི་དམ་ཆོས་སྐྱོང་རྣམས་ལ་འབོད། །དེ་ནས་སངས་རྒྱས་སྤྲུལ་པ་སངས་རྒྱས་སྐུ། །མཐོང་བ་ཡིད་དགའ་སྐྱེ་བའི་རྒྱུ་བྱེད་ཅིང་། །སྨན་བླ་བཏོན་ན་བྱང་ཆུབ་སེམས་དཔའ་བརྒྱད། །ནམ་མཁར་འབྱོན་ནས་ལམ་ཡང་སྟོན་པར་གསུངས། །གསོན་པོའི་དུས་ནས་སྨོན་ལམ་བཏབ་པ་དང་། །བླ་མ་ཡི་དམ་རྣམས་ཀྱི་ཐུགས་རྗེ་ཡིས། །བདེ་བ་ཅན་དུ་ངེས་པར་སྐྱེ་བར་གསུངས། །དེ་ནི་ཟིན་ལུགས་འབྲིང་གི་དབང་ཡིན་ནོ། །ཐ་མས་འོད་གསལ་བཟུང་ལུགས་གོང་དང་འདྲ། །དང་པོ་ཟིན་ཀྱང་ཡུན་དུ་མི་གནས་ཏེ། །རེ་ཞིག་ཟིན་ཡང་མྱུར་དུ་འཁྲུལ་གྱུར་ཏེ། །ད་ལྟ་རྨི་ལམ་དང་པོ་ཟིན་ན་ཡང་། །དེ་ནས་མི་གནས་མཇུག་ན་འཁྲུལ་དང་འདྲ། །ལུས་སེམས་བྲལ་ནས་འོད་གསལ་གཉིས་པ་ཡང་། །ཡུད་ཙམ་ཟིན་ཏེ་དེ་ཡི་སྟེང་མི་གནས། །དེ་ནས་ཞི་ཁྲོའི་ལྷ་ཚོགས་རིམ་པ་བཞིན། །ཡུན་རིང་མི་འཆར་ཡུད་ཙམ་ཡུད་ཙམ་འཆར། །གཏན་གཏན་ངོས་མ་ཟིན་པས་གྲོལ་མི་ཐུབ། །ཁྲོ་བོ་ཤར་ཚེ་སྐག་སྔངས་བརྒྱལ་ནས་འགྲོ། །ཡང་

― CMR051_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་སོང་ཞིང་ཡང་ཡང་བརྒྱལ་བར་བྱེད། །དེ་ནས་སྲིད་པ་བར་དོ་ཤར་བའི་ཚེ། །རིག་པ་གསལ་ཞིང་ཤི་བ་ཐག་ཆོད་ནས། །གར་འགྲོ་ཅི་བྱེད་བློ་སེམས་སྦྱར་ཚུབས་སེ། །དེ་དུས་ད་ལྟ་སྨོན་ལམ་བཏབ་པ་དང་། །ཚེ་དཔག་འོད་དཔག་ལ་སོགས་པདྨའི་རིགས། །བསྙེན་སྒྲུབ་བྱས་པ་དེའང་ངེས་པར་དྲན། །ཡི་དམ་མཁའ་འགྲོའི་བསུ་སྐྱེལ་མ་བྱུང་ཡང་། །འགྲོ་ཤེས་མི་ལུས་ཆགས་ཞེན་མ་སྐྱེས་ན། །དེ་མ་ཐག་ཏུ་ཞིང་དེར་ངེས་པར་ཕྱིན། །ཆགས་ཞེན་སྐྱེས་ན་ལས་ཀྱི་སྒྲིབ་པ་ཡི། །བར་ཆད་ཡིན་པར་ངོས་བཟུང་ཆགས་ཞེན་སྤོངས། །དེ་ནས་ཐ་མའི་ཡང་ཐའི་འཆར་ལུགས་ལ། །འཆི་རྐྱེན་ངན་པས་ཐུགས་དམ་བཟུང་འོས་མེད། །འཕོ་བ་མ་ཐེབ་ཞི་ཁྲོ་ངོས་མ་ཟིན། །བདུན་གཉིས་ཡོལ་ནས་སྲིད་པ་བར་དོ་ཤར། །དེ་ནས་དུད་འགྲོ་ལ་སོགས་མ་ཡིན་ཞིང་། །མཚམས་མེད་བྱས་པའི་སྡིག་ཆེན་མ་ཡིན་པ། །མི་ནི་ཤི་ཚད་ཐམས་ཅད་ཁྱད་པར་མེད། །རྫུ་འཕྲུལ་ལྡན་ཞིང་ཟག་བཅས་མངོན་ཤེས་ཡོད། །དགེ་སྡིག་གང་བྱས་ཐམས་ཅད་ཡིད་ལ་གསལ། །ཤི་བའི་སྡུག་བསྔལ་ཆེ་ཞིང་ངན་སོང་སྐྲག །གར་འགྲོ་ཅི་བྱེད་བསམ་བློ་མང་པོ་དྲན། །ས་གཅིག་

― CMR051_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཆགས་སྟོང་གསུམ་ཀུན་ན་རྒྱུག །དེ་དུས་ད་ལྟ་བླ་མས་གསུངས་པ་ཡི། །རིགས་དྲུག་ཀུན་ཏུ་སྡུག་བསྔལ་ཆེ་ལུགས་དང་། །བདེ་ཆེན་ཞིང་གི་བདེ་སྐྱིད་ཡོན་ཏན་རྣམས། །དྲན་པར་གྱིས་ལ་མ་ཆགས་མ་ཞེན་པར། ཉེས་ཆེན་ས་བཙོན་ལྕགས་སྒྲོག་བཀྲོལ་བའམ། །བྱ་རྒྱལ་རྒོད་པོ་རྙི་ལས་ཐར་པ་བཞིན། །ཐེ་ཚོམ་མེད་པར་བདེ་བ་ཅན་དུ་སོང་། །བར་དོར་ཉི་མ་ཟླ་བ་མེད་པའི་ཕྱིར། །ནུབ་ཀྱི་ཕྱོགས་དེ་གར་ཡིན་མ་ཤེས་ན། །བདེ་བ་ཅན་དང་སངས་རྒྱས་འོད་དཔག་མེད། །ཡིད་ལ་དུང་དུང་བསྒོམ་ཞིང་འགྲོ་བར་བྱ། །འོད་དཔག་མེད་པ་བསྒོམ་པ་མ་གཏོགས་པ། །རྣམ་རྟོག་གཞན་དུ་མ་འཕྲོ་ངང་དུ་སོང་། །ང་ཡིས་བཤད་པའི་གདམས་ངག་འདི་རྣམས་ལ། །འབྲེལ་པ་བཞག་ན་ཐེ་ཚོམ་མེད་པར་ཕྱིན། །ཞིང་དེར་ཕྱིན་ནས་ཕྱིར་མི་ལྡོག་པར་གསུངས། །གལ་ཏེ་གདམས་ངག་འདི་དག་མ་བསྒོམ་ཞིང་། །ཞི་དྲག་ལ་སོགས་སྔགས་ཆོས་ཉམས་ལེན་མཁན། །བདེ་བ་ཅན་དུ་སྨོན་ལམ་མ་བཏབ་ན། །བདེ་བ་ཅན་དེ་ས་ཐག་རིང་བ་སྟེ། །འདི་ནས་ནུབ་ཀྱི་ཕྱོགས་རོལ་སྟེང་གི་ཆར། །འཇིག་རྟེན་ཁམས་ནི་གངྒཱའི་ཀླུང་གི་

― CMR051_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། །བྱེ་མ་སྙེད་ནི་འདས་པའི་ཕ་རོལ་ཡིན། །ས་ཐག་དེ་ཙམ་རིང་བས་འགྲོ་མི་འབྱོང་། །ཡི་དམ་ཆོས་སྐྱོང་བསུ་སྐྱེལ་ལམ་སྟོན་མེད། །འགྲོ་བའི་ཕྱོགས་ཀྱང་མི་ཤེས་མགོ་འཁོར་ན། །འཛམ་གླིང་འདི་ཡི་ལྷོ་ཕྱོགས་པོ་ཏ་ལར། །སྤྱན་རས་གཟིགས་དང་སྒྲོལ་མ་བཞུགས་པ་ཡིན། །འཛམ་གླིང་ནུབ་ཕྱོགས་ཨོ་རྒྱན་ཡུལ་གྱི་དབུས། །རྡོ་རྗེ་ཕག་མོ་མཁའ་འགྲོ་འབུམ་བཅས་བཞུགས། །རྒྱ་ནག་རི་བོ་རྩེ་ལྔར་འཇམ་དབྱངས་བཞུགས། །གངས་རི་ཏི་སེའི་རྩེ་མོར་བདེ་མཆོག་བཞུགས། །ཙཱ་རིའི་རྩེ་མོ་དག་པ་ཤེལ་རི་ན། །ལྷ་ཚོགས་ཉིས་སྟོང་བདུན་བརྒྱ་བཞུགས་པར་བཤད། །བསྙེན་སྒྲུབ་བྱས་ཤིང་དམ་ཚིག་གཙང་བ་ན། །དེ་དག་མཇལ་སྲིད་མཁའ་སྤྱོད་ཆུང་ངུ་ཡིན། །མཇལ་ནས་དབང་དང་གདམ་ངག་བྱིན་རླབས་ཞུས། །འོན་ཀྱང་དེ་དག་ཞིང་ཁམས་མ་ཡིན་ཞིང་། །གནས་རི་བཟང་པོ་ཡིན་ཕྱིར་དངོས་སུ་མེད། །ལས་ཅན་སྐྱེས་བུ་མིན་པས་མཇལ་ཤས་ཆུང་། །དེ་བས་ཕ་ཀི་ལྷོ་ནུབ་རྔ་ཡབ་གླིང་། །ཟངས་མདོག་དཔལ་གྱི་རི་བོའི་རྩེ་མོ་ན། །པདྨ་འོད་ཀྱི་ཕོ་བྲང་དངོས་སུ་ཡོད། །དེ་ན་ཨོ་རྒྱན་པདྨ་དངོས་སུ་བཞུགས། །སྣང་སྲིད་ས་ལེར་མཁྱེན་པ་

― CMR051_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་ན་གཟིགས། །དེ་ལ་དབང་དང་བྱིན་རླབས་གདམས་ངག་ཞུས། །ལས་འཕྲོ་རབ་ལ་འཇའ་ལུས་རིག་འཛིན་འགྱུར། །ཨོ་རྒྱན་ཉིད་ཀྱི་འཁོར་དུ་གཏོགས་པ་ཡི། །དཔའ་བོ་མཁའ་འགྲོའི་གྲལ་དུ་ཚུད་པ་ཡིན། །འབྲིང་ནི་སྲིན་པོའི་བུ་རུ་སྐྱེས་ནས་ཀྱང་། །ཨོ་རྒྱན་ཞལ་མཐོང་ཆོས་ཐོབ་རྗེས་སུ་འཛིན། །དེ་ནི་ལུས་ངན་ཡིན་ཕྱིར་སྐྱེ་སླ་ཕྱིར། །མི་འོང་བ་ཡི་དོགས་པ་མེད་པ་ཡིན། །ཐ་མ་ཨོ་རྒྱན་ཆེན་པོའི་དབང་བསྐུར་ནས། །གསང་སྔགས་ཉམས་སུ་ལེན་པའི་མི་ལུས་སུ། །སོང་གསུངས་བཀའ་གནང་སྲིད་དེ་ཐ་མ་ཡིན། །དེ་མིན་རང་གི་དད་པ་ཆེ་བ་ཡི། །བླ་མའི་དྲུང་དུ་རེ་བཅར་སོང་ན་ཡང་། །བླ་མ་དོན་ལ་སངས་རྒྱས་ཡིན་ན་ཡང་། །སྐུ་ལུས་ཤ་ཁྲག་ལུས་དེས་སྒྲིབ་པའི་ཕྱིར། །རྒྱུན་དུ་བར་དོའི་རྣམ་ཤེས་གཟིགས་པར་དཀའ། །ཕན་པའི་དམིགས་རིམ་བསྔོ་བ་སྨོན་ལམ་ཙམ། །མ་མཛད་ལམ་སྟོན་ཚིག་གཅིག་མ་གསུངས་སམ། །རེ་མཁོན་ཞུགས་ནས་དད་པ་ལོག་ཉེན་ཡོད། །དེ་བས་ཨོ་རྒྱན་དྲུང་དུ་འགྲོ་བར་དྲག །དེ་ལྟར་འདི་རུ་བཤད་པའི་ངོ་སྤྲོད་ཀུན། །དབང་ཐོབ་ལུང་ཐོབ་ཕྱག་རྫོགས་ཧ་གོ་ཡོད། །འོན་ཀྱང་ཚུལ་བཞིན་

― CMR051_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་སུ་མ་ལོན་པའི། །གང་ཟག་རབ་འབྲིང་ཐ་མ་ཡང་ཐ་ཡིས། །ཚུལ་བཞིན་ཉམས་སུ་ལེན་པ་འདིར་མ་གཏོགས། །བར་དོ་དང་པོ་དང་ནི་གཉིས་པ་ལ། །ཆོས་སྐུ་དང་ནི་ལོངས་སྐུར་སངས་རྒྱས་གསུངས། །ཆོས་སྒོར་མ་ཞུགས་སྐྱེ་བོ་ཕལ་པ་དང་། །སྡིག་ཆེན་རྣམས་ནི་འདི་རུ་མ་གཏོགས་ཏེ། །ཐུགས་དམ་ངོ་མི་ཤེས་པས་བཟུང་རྒྱུ་མེད། །ཆོས་མ་བྱས་པས་ཞིང་ཁམས་གདམས་རྒྱུ་མེད། །འཁོར་བ་མཐའ་མེད་སྐྱེ་འཆིའི་འཁོར་ལོར་འཁོར། །འདི་ནི་རང་དང་རང་གི་གྲྭ་སློབ་ཚོགས། །རབ་དང་འབྲིང་དང་ཐ་མ་ཡང་ཐ་ཡིས་། །རང་རང་ཉམས་ཚོད་དཔག་ལ་ཡིད་དུ་འཆང་། །འཆི་བ་ནམ་འོང་ཆ་མེད་གལ་ཆེ་ཡོད། །འདི་ཉིད་ཡིད་ལ་འཆང་བར་བྱེད་པ་དང་། །གདམས་ངག་བསྟན་པ་དེ་ཚོ་ཉམས་བླངས་ན། །གནད་གཅོད་སྲོག་ཆད་ཚོར་བས་འཚེ་ན་ཡང་། །དེ་བས་གཏན་དུ་བདེ་བའི་གནས་ཐོབ་སྟེ། །མི་ལུས་དོན་ལྡན་བྱ་བ་ཁམ་ཆེན་འགྲུབ། །དེ་ཕྱིར་བློ་སེམས་བདེ་བའི་ཞེ་གདེང་བསྐྱེད། །གདམས་ངག་དེ་རྣམས་ཅི་ནུས་ཉམས་སུ་ལོངས། །དེ་དོན་རང་གི་སྙིང་ལ་འཆང་བ་རྣམས། །གྲྭ་སློབ་རྣམས་ལ་ཕན་པར་བྱ་བའི་ཕྱིར། །རཱ་ག་ཨ་

― CMR051_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

སྱས་ཇི་ལྟར་སྨྲས་པའི་ཚིག །བུ་ཆེན་པདྨ་མཐར་ཕྱིན་ཞེས་པས་བྲིས། །ནོངས་པ་མེད་པས་བཤགས་བྱ་ཅི་ཡང་མེད། །དགེ་བས་འགྲོ་དོན་རྒྱ་ཆེན་འབྱུང་བར་ཤོག །སརྦ་མངྒ་ལཾ། །། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐིམ་རིམ་འཆི་བ་ཀྲིག་གེ་མའི་ཁྲིད།

― CMR051_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ཀརྨ་ཨ་རཱ་གས་མཛད་པའི་ཐིམ་རིམ་འཆི་བ་ཀྲིག་གེ་མའི་ཁྲིད་བཞུགས་སོ། །དགེའོ། །

― CMR051_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་འཆང་རཱ་ག་ཨ་སྱ་ཡིས། །ཐིམ་རིམ་ལ་སོགས་བཤད་པ་ནི། །མང་པོ་ཤེས་ཀྱང་དགོས་པ་མེད། །ལག་ཏུ་ལོན་ངེས་འདི་ལྟ་སྟེ། །རང་ཉིད་འཆི་བར་ཐག་ཆོད་དུས། །རང་ལུས་ཡི་དམ་ལྷར་གསལ་བའི། །སྤྱི་བོར་བླ་མ་འོད་དཔག་མེད། །སངས་རྒྱས་ཀུན་འདུས་སྐུ་རུ་བསྒོམ། །ལུས་དང་ལོངས་སྤྱོད་ཉེ་དུ་དང་། །ཞིང་ཁང་ནོར་རྫས་ཅི་ཡོད་ཀུན། །མཎྜལ་གཅིག་ཏུ་དམིགས་བྱས་ཏེ། །ས་གཞི་སྤོས་བྱུགས་ལན་གསུམ་འབུལ། །འབུལ་བ་ཚར་བའི་ཡོན་བདག་ལྟར། །སུས་ཁྱེར་ཁྱེར་ལ་སུས་ཟ་ཟོ། །ཆགས་ཞེན་འཁྲི་བ་རྩད་ནས་

― CMR051_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

སྤངས། །ཁོ་བོའི་ལས་དོན་སྒོམ་སྒྲུབ་དེ། །དེ་ཉིད་ད་ལྟ་དགོས་རྒྱུ་ཡིན། །བསམ་སྟེ་ཅུང་ཟད་རིག་པ་བསྒྲིམ། །རྫོགས་སངས་རྒྱས་ནས་སྲིན་བུ་ཡན། །མི་འཆི་སྡོད་ས་གཅིག་ཀྱང་མེད། །ཁོ་བོའི་མི་ཚེ་ཆོས་ལ་བསྐྱལ། །རང་ལས་སྐྱིད་པ་མེད་སྙམ་པའི། །ང་རྒྱལ་ཆེན་པོ་བསྒོམ་དགོས་སོ། །འགྲོ་བ་སེམས་ཅན་དོན་གྱི་ཕྱིར། །འཆི་བ་ཆོས་སྐུར་སངས་རྒྱས་ནས། །བར་དོ་ལོངས་སྤྱོད་རྫོགས་སྐུར་བཞེངས། །སྐྱེ་བ་སྤྲུལ་སྐུའི་འགྲོ་དོན་བྱེད། །སྙམ་པའི་སེམས་སྐྱེད་ལན་གསུམ་བྱ། །དེ་ནས་རང་ཉིད་ལྷར་གསལ་བའི། །མ་དག་སྒོ་

― CMR051_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཧཱུྃཡིག་བཀག །ལུས་དབུས་དབུ་མ་སྦ་ལྕག་ཙམ། །ཕྱི་དཀར་ནང་དམར་སྟོང་སང་ངེ་། །ཡར་སྣེ་ཚངས་བུག་ཧད་པོ་ལ། །མར་སྣེ་ལྟེ་འོག་སྙུག་ཚིགས་བཞིན། །ལྟེ་བར་པདྨ་འདབ་བཞིའི་སྟེང་། །སྙིང་དབུས་རང་སེམས་ཐིག་ལེ་ནི། །དཀར་པོ་སྲན་མ་རློན་པ་ཙམ། །བཀྲག་མདངས་འཕར་འདར་ལིང་ལིང་བསྒོམ། །འཕོ་བའི་དུས་ལྟར་སྤྱི་བོ་རུ། །འོད་དཔག་མེད་པའི་ཐུགས་ཀར་བསྟིམ། །དེ་འདྲ་སྤྱིར་ཝིག་ལན་གསུམ་བྱ། །དེ་ནས་ཅི་ཡང་མི་སྒོམ་པར། །ཉམས་ལེན་སེམས་ངོའི་སྟེང་དུ་བཞག །ཐིམ་རིམ་དཀར་ལམ་ནག་ལམ་སོགས། །ངོ་ཤེས་ངོས་བཟུང་བྱེད་མི་དགོས། །གང་ཤར་དེ་ཡི་ངོ་བོ་སྐྱོང་། །ཕྱི་དབུགས་ཆད་པར་གྱུར་པའི་མཚམས། །གདུང་གཡོག་པ་ཡིས་གདུང་བཅས་གཟབ། །ཐུགས་དམ་མ་ཡེངས་བརྗོད་དུ་འཇུག །དེ་ཚེ་ནམ་མཁའ་ཡལ་ནས་ཀྱང་། །གཞི་ཡི་འོད་གསལ་ཞེས་བྱ་བ། །སྤྲིན་མེད་ནམ་མཁའ་འདྲ་བ་ཟེར། །དོན་ལ་ངོ་བོ་རྗེན་པ་དེ། །ཚུར་ལ་ལྷང་ངེ་འཆར་ནས་འོང་། །དེ་དུས་དེ་ཉིད་ངོས་བཟུང་ནས། །དེ་ཡི་ངང་དུ་འདུག་པ་དེ། །ཐུགས་དམ་བཞུགས་ཞེས་མིང་དུ་བཏགས། །ཡུན་ནི་ཇི་

― CMR051_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་འདུག་པ་ནི། །འཆི་ཁའི་སེམས་ནི་སྟོབས་ཆེ་བས། །དམ་བཅའ་གང་བྱས་སྟེང་དུ་འགྲོ། །དེ་ཕྱིར་འདི་ཙམ་འདུག་སྙམ་པའི། །འཆི་ཁ་དམ་བཅའ་དྲག་པོ་བྱ། །དང་པོ་འཕོ་བ་བསྒོམ་པ་ནི། །གལ་ཏེ་ཐུགས་དམ་མ་ཟིན་ན། །རྐྱེན་གྱིས་ཐུགས་དམ་འདྲོགས་ནའང་། །གཞན་དུ་མི་འཕོ་སྤྱི་བོར་འཕོ། །རང་ལུས་ཡི་དམ་བསྒོམ་པ་དེ། །ཐུགས་དམ་བརྟེན་ཞིང་བར་ཆད་མེད། །དམ་བཅའ་གང་བྱས་སྟེང་དུ་འགྲོ། །རང་དང་འདྲ་བའི་མཆེད་གྲོགས་ཀྱིས། །ཐུགས་དམ་གསལ་འདེབས་བྱས་པ་ཡིས། །ཐུགས་དམ་བརྟན་པོ་ཟིན་པ་དང་། །དམ་བཅའ་ཐོག་ཏུ་འགྲོ་བར་མཐོང་། །རྟེན་འབྱོན་འདས་རྟགས་བཟང་བ་ཡིན། །ལན་གྲང་དུ་མར་མྱོང་བས་འགྲུབ། །འཕོ་བ་ཟུང་འཇུག་ཐུགས་དམ་ནི། །མཉམ་མེད་དྭགས་པོའི་གསུངས་ལས་བྱུང་། །དེ་ནས་བར་དོ་བགྲོད་ལུགས་ལའང། །མཐོ་དམན་ཉི་ཤུ་རྩ་གཅིག་འབྱུང་། །མང་དུ་བརྗོད་ནས་དབྱེ་བ་ལ། །ཀུན་ཏུ་བསྡུས་ན་དོན་ཡང་ཚང་། །ཐ་མའི་ཐ་མ་ཡང་ཐའི་ལུགས། །སུས་ཀྱང་ཉམས་སུ་ལོན་ངེས་ཡིན། །ཐུགས་དམ་ཟིན་རུང་མ་ཟིན་རུང་། །འཕོ་བ་ཐེབ་རུང་མ་

― CMR051_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེབ་རུང་། །བར་དོ་ཞི་ཁྲོའི་ལྷ་ཚོགས་རྣམས། །ངོས་ཟིན་རུང་ལ་མ་ཟིན་རུང་། །ཤི་ནས་ཉིན་བདུན་བདུན་གཉིས་དང་། །བདུན་གསུམ་ཡོལ་ལ་ཁད་ཀྱི་སྐབས། །རང་ཉིད་ཤི་བར་ཐག་ཆོད་ཡོངས། །མངོན་ཤེས་རྫུ་འཕྲུལ་ཐོགས་པ་མེད། །གར་འགྲོ་རང་དབང་ཆེ་བ་ཡོད། །ཡུལ་དང་ཉེ་དུ་མཆེད་གྲོགས་སོགས། །དེ་དག་རྣམས་ལ་སེམས་ཆགས་ནས། །ས་ཕྱོགས་འདི་རུ་མི་ལུས་ཤིག །ལེན་ནས་དམ་ཆོས་གཤའ་མ་བྱེད། །མྱུར་དུ་ལུས་ཤིག་མ་ལོན་ན། །གཤིན་རྗེའི་ཕོ་ཉ་ཡོངས་ནས་འཁྲིད། །དགེ་སྡིག་གཉིས་པོ་བགོས་བྱུང་ན། །ལེགས་པོ་མི་ཡོངས་སྙམ་ནས་སྐག །དེ་དུས་འདི་ལྟར་དྲན་པར་གྱིས། །འཁོར་བ་ཐོག་མ་མེད་པ་ནས། །འཁོར་བར་འཁྱམས་འདི་གཉུག་རེ་རིང་། །སངས་རྒྱས་དེ་སྙེད་བསྟན་པ་ལ། །བདག་ནི་མ་ལ་རེ་ནས་ངས། །ད་རུང་འཁོར་བ་མཐའ་མེད་དུ། །སྐྱེ་འཆི་གྲངས་མེད་ཡི་རེ་མུག །ད་ལྟ་དུས་ངན་སྙིགས་མའི་མཐའ། །ཚེ་ཐུང་ནད་མང་བར་ཆད་རྒོད། །མི་ལུས་བླངས་ནས་རང་སྡུག་ཉོས། །མངོན་དགའ་ལ་སོགས་དག་པའི་ཞིང་། །ས་ཐོབ་མ་གཏོགས་སྐྱེ་མི་སྲིད། །མི་རྩིབ་ས་ལ་སྙབ་ཞན་

― CMR051_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ། །དགའ་ལྡན་ཟངས་མདོག་དཔལ་རི་སོགས། །སྐྱེས་ཀྱང་མི་ལྷུང་ངེས་པ་མེད། །པོ་ཏ་ལ་ནི་གནས་རི་ཡིན། །སོགས་ཀྱང་རང་རེ་ལས་མ་དག །སྤྱན་རས་གཟིགས་ནི་མཇལ་ཤས་ཆུང་། །འོད་དཔག་མེད་པའི་སྨོན་ལམ་མཐུས། །སྐྱེ་གསུངས་བདེ་སྐྱིད་ཡོན་ཏན་ལྡན། །སྐྱེས་ནས་ཕྱིར་མི་ལྡོག་པའི་ཞིང་། །བདེ་བ་ཅན་དུ་འགྲོ་བར་གྱིས། །བར་དོར་ཉི་ཟླ་མེད་པའི་ཕྱིར། །ནུབ་ཕྱོགས་གང་ཡིན་མ་ཤེས་ན། །འོད་དཔག་མེད་ལ་རྩེ་གཅིག་གིས། །དད་གུས་རྩེ་གཅིག་བྱེད་ཅིང་སོང་། །འཇིག་རྟེན་ཁམས་ནི་དཔག་མེད་པའི། །འདས་པའི་ཕ་རོལ་ཞིང་ཡིན་ཡང་། །འགྲོ་ལ་དཀའ་ཚེགས་ཡོད་པ་མིན། །མགྱོགས་བུལ་འགྱུ་བ་འདི་ཉིད་ཡིན། །ཐག་རིང་མི་སླེབ་བསམ་མི་དགོས། །དེ་ལ་ཐེ་ཚོམ་བྱེད་མི་རུང་། །སྐད་ཅིག་པདྨའི་སྦུབ་ལ་སྐྱེས། །སྐྱེ་བའི་སྡུག་བསྔལ་དེ་ལ་མེད། །སྐྱེའམ་མི་སྐྱེ་ཐེ་ཚོམ་ན། །ཡུན་རིང་པདྨའི་ཁ་མི་འབྱེ། །སངས་རྒྱས་ཞལ་མཇལ་ཕྱི་སྐྱོན་ཡོད། །དེ་ཕྱིར་རང་རིག་ནམ་འཆིའི་ཚེ། །དེ་རུ་འགྲོ་བའི་བློ་ཐག་ཆོད། །དེ་རུ་སྐྱེས་ནས་ཅི་དགའ་མང་། །གསེར་མདོག་མཚན་དང་དཔེ་བྱད་

― CMR051_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་། །མངོན་ཤེས་རྫུ་འཕྲུལ་ཐོགས་པ་མེད། །མངོན་དགའ་ལ་སོགས་ཞིང་ཁམས་ཀུན། །བགྲོད་ཅིང་ཆོས་ཞུ་དེ་ཉིད་འཁོར། །འབྲེལ་ཐོགས་ཀུན་ཀྱང་དེ་བཞིན་འདྲེན། ། བསྐལ་པ་བྱེ་བ་དུང་ཕྱུར་ལ། །ན་རྒྱུ་རྒས་རྒྱུ་འཆི་རྒྱུ་མེད། །ཟས་གོས་ལོངས་སྤྱོད་གནས་མལ་སོགས། །ཅི་འདོད་ཡིད་ལ་བསམ་པས་འགྲུབ། །ཅེས་པ་རཱ་ག་ཨ་སྱས་སྦྱར། མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགེ་སློང་ཀརྨ་རིན་ཆེན་ལ་གདམས་པའི་ཕྱག་རྫོགས་ཟུང་འཇུག་གི་ཁྲིད་ཡིག

― CMR051_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་གྲུབ་ཨ་རཱ་གས་དགེ་སློང་ཀརྨ་རིན་ཆེན་ལ་གདམས་པའི་ཕྱག་རྫོགས་ཟུང་འཇུག་གི་ཁྲིད་ཡིག་བཞུགས་པའི་དབུ་ཕྱོགས་དགེ་ལེགས་འཕེལ། །

― CMR051_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་མུ་དྲ་ཡེ། དགེ་སློང་ཀརྨ་རིན་ཆེན་གྱིས། །རྟོགས་འབུལ་བྱས་པའི་ཚིག་ལན་ཞུ། །བན་རྒན་རཱ་ག་ཨ་སྱ་བདག །དབང་པོ་རབ་ཏུ་མ་གྱུར་པས། །ཉམས་རྟོགས་མཐོན་པོ་མ་མཆིས་ཀྱང་། །ཡུན་རིང་བསྒོམས་པའི་མྱོང་བ་ཡོད། །རྩེ་གཅིག་རིབ་ཀྱི་བདེ་ཉམས་སྐབས། །ཡེངས་མེད་འཁོར་ཡུག་འབྱུང་མོད་ཀྱང་། །རྟག་མི་ཐུབ་སྟེ་ཉམས་ཀྱིས་གཡོས། །སྤྲོས་བྲལ་རྟོགས་ནས་བརྗེད་སྐབས་མང་། །ནམ་དྲན་ཉམས་ལེན་དེ་ཡི་ངང་། །བརྗོད་ཚེ་ཐ་མལ་འཁྲུལ་པར་འཆོར། །དེ་ཡང་མཉམ་རྗེས་མ་འདྲེས་ཟེར། །མཉམ་པར་

― CMR051_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་པའི་སྐབས་སུ་ནི། །བྱིས་པས་ལྷ་ཁང་མཐོང་བ་བཞིན། །གཟུགས་ཀྱི་ལེགས་ཉེས་འཛིན་པ་མེད། །དེ་བཞིན་རྣ་བའི་ཡུལ་གྱི་སྒྲ། །སྙན་དང་མི་སྙན་འཛིན་པ་མེད། །རང་སེམས་ཉམས་ལེན་ངང་ན་གནས། །ཉམས་ལེན་ངང་ལ་གནས་པའི་ཚེ། །འདི་བསྒོམ་གཏད་སོ་སྤུ་ཙམ་མེད། །བལྟ་རྒྱུ་ལྟ་མི་གཅིག་ཏུ་འདྲེས། །ས་ལེ་སིང་ངེ་ཡེ་རེ་བ། །ཁ་རོག་རང་གར་འདུག་པ་འདྲ། །བསྒོམ་ཡིན་སྙམ་པའི་ངེས་པ་མེད། །དེ་ནི་སྤྲོས་བྲལ་ངོ་མཐོང་ཡིན། །གསུང་རབ་རྣམས་ལས་བྱུང་བ་ཡིན། །གང་ཟག་བདག་མེད་རྟོགས་ཞེས་བྱ། །ང་དང་

― CMR051_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་སེམས་ཉིད་སོགས། །གཅིག་ཀྱང་མེད་པར་མཐོང་ཕྱིར་རོ། །འདི་ཉིད་སྟོང་ཉིད་ཕྱེད་པོ་སྟེ། །ནང་གི་སེམས་ཉིད་དོན་རྟོགས་ཀྱང་། །ཕྱི་ཡི་སྣང་བའི་དོན་མ་རྟོགས་། །དེ་ལ་བོགས་ཤིག་འདོན་དགོས་ན། །ཕྱི་ཡི་ས་རྡོ་རི་བྲག་དང་། །སེམས་ཉིད་བསྲེས་ལ་ངོ་བོ་ལྟ། །འདི་ཕན་ས་རྡོ་འདི་ཚུན་ནི། །རང་སེམས་ཡིན་ཞེས་ཕྱེ་རྒྱུ་མེད། །དབྱེར་མེད་འདྲེས་ཏེ་ཉམས་ལེན་ངང་། །དཔེར་ན་མཚོ་ནང་གཟའ་སྐར་བཞིན། །རྣམ་པ་སོ་སོར་གསལ་ན་ཡང་། །ངོ་བོ་སྟོང་པ་ཉིད་དུ་རྟོགས། །དེ་ནས་བསྲེ་ཡང་མི་དགོས་པར། །རང་བཞིན་ཤུགས་ཀྱིས་དེ་ལྟར་འཆར། །དེ་བཞིན་ཉམས་ལེན་ངང་བསྲེས་པས། །ནམ་མཁས་གར་ཁྱས་སེམས་ཀྱིས་ཁྱབ། །སེམས་ཀྱིས་གར་ཁྱབ་ཆོས་ཀྱི་སྐུ། །ཉམས་ལེན་རྗེན་པ་དེ་ཡིས་ཁྱབ། །རང་བཞིན་ཤུགས་ཀྱིས་དེ་ཤར་ནས། །ཉམས་ཀྱི་རོ་གཅིག་མིང་དུ་བཏགས། །རྟོགས་པའི་རོ་གཅིག་ཧ་ཐག་རིང་། །དེ་བཞིན་རང་གི་སེམས་ཉིད་དང་། །བླ་མའི་ཐུགས་རྒྱུད་གཅིག་ཏུ་བསྲེས། །ངོ་བོ་སྐྱོང་བས་དབྱེར་མེད་འདྲེས། །རྒྱ་གར་ཆུ་དང་བོད་ཀྱི་ཆུ། །ལུང་པའི་དབང་གིས་ཐ་དད་ཀྱང་། །ཆུ་

― CMR051_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པ་ལ་ཁྱད་པར་མེད། །དེ་བཞིན་བླ་མའི་ཐུགས་རྒྱུད་དང་། །རང་གི་སེམས་ཉིད་ཁྱད་མེད་དེ། །ངོ་བོ་སྟོང་པ་ཡིན་པར་གཅིག །རང་བཞིན་གསལ་བ་ཡིན་པར་གཅིག །ཐུགས་རྗེ་འགགས་མེད་ཡིན་པར་གཅིག །དེ་ལ་ཐུགས་ཡིད་གཅིག་འདྲེས་པ། །བླ་མ་ཆོས་སྐུའི་རྣལ་འབྱོར་ཟེར། །དེ་བཞིན་དམྱལ་བ་ཡི་དྭགས་སོགས། །སེམས་ཅན་ཀུན་དང་སེམས་ཉིད་བསྲེས། །དབྱེར་མེད་གཅིག་ཏུ་རྟོགས་གྱུར་ན། །ལྟ་བ་འཁོར་འདས་དབྱེར་མེད་ཡིན། །ད་རུང་བརྗེད་སྐབས་མང་བ་དང་། །དེ་ཚེ་བརྗེད་སྙམ་འགྱོད་པ་སྐྱེས། །མཉམ་རྗེས་མ་འདྲེས་པ་ཡི་སྐྱོན། །ཡང་ཡང་དྲན་པ་གསལ་འདེབས་བྱ། །ཡེངས་བ་དེ་ལ་ཕྱི་ལྟས་བྱ། །ཡེངས་བའི་ངོ་བོ་དེ་ལ་བལྟ། །དེ་ཡང་སྟོང་པ་སིང་ངེ་འགྲོ། །དེ་ཡི་ཅུང་ཞིག་ཕན་པར་འབྱུང་། །ཡེངས་བའི་ངོ་བོ་ཡིད་ལ་བཀོད། །དེ་ཡི་ངོ་བོར་ཧྲིག་གེར་ལྟ། །དེ་ལ་ཁྱད་པར་ཅི་འདུག་བརྟག །མི་རྒན་མདུན་གྱི་གསེར་དང་ནི། །བསམ་མེད་བྱིས་པའི་མདུན་གྱི་གསེར། །རྒྱུ་ངོ་ཤེས་དང་མི་ཤེས་ཁྱད། །གསེར་ཡིན་པ་ལ་ཁྱད་པར་མེད། །དེ་བཞིན་ཡེངས་དང་མ་ཡེངས་སེམས། །ཁྱད་

― CMR051_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ངོ་བོ་ཆོས་སྐུ་རང་། །གོ་བ་ཙམ་ཞིག་མ་ཡིན་པར། །སྙིང་ནས་དེ་དོན་རྟོགས་གྱུར་ན། །དེ་བཞིན་ཡོངས་སུ་ཤེས་པ་ཟེར། །མཉམ་རྗེས་འདྲེས་པའི་གྲལ་དུ་བརྩི། །དེ་དོན་དྭགས་པོ་ལྷ་རྗེ་ཡིས། །རྒྱུན་དུ་མ་ཡེངས་ཏུ་རེ་བ། །དྲན་པ་བརྟེན་ཡང་མི་དགོས་ཏེ། །ཡེངས་དང་མ་ཡེངས་ཁྱད་པར་མེད། །ཅུང་ཟད་ཡེངས་ཀྱང་མི་ཏོ་གསུངས། །འོན་ཀྱང་ཡང་ཡང་དྲན་པ་ཡིས། །གསལ་འདེབས་བྱ་བ་ཟབ་བོ་གསུངས། །དྲན་རྫི་བརྟེན་ནི་མི་དགོས་པར། །རྒྱུན་དུ་ངོ་བོ་འགྱུར་མེད་པ། །ཉམས་ལེན་ངང་དུ་འགྲོ་བ་དེ་། །བསྒོམ་མེད་ཨམ་དེ་ཡིན་ཚོད་རེད། །དེ་ཡི་ཉམས་མྱོང་ང་ལ་མེད། །བསྒོམ་ཡོད་བསྒོམ་མེད་གཉིས་ཀྱི་ཁྱད། །དྲན་རྫི་དགོས་དང་མི་དགོས་ཡིན། །བསྒོམ་བྱ་སྒོམ་བྱེད་མེད་པ་དང་། ཉིན་མཚན་ཁོར་ཡུག་སོང་བ་ན། །དྲན་རྫི་དགོས་ན་བསྒོམ་ཡོད་ཡིན། །དྲན་རྫི་ཅི་ཡང་མི་དགོས་པར། །རྒྱུན་དུ་ཉམས་ལེན་ངང་ལ་གནས། །བསྒོམ་མེད་མིང་དུ་བཏགས་ཚོད་རེད། །གསུང་རབ་རྣམས་དང་སངས་རྒྱས་ཆོས། །མ་འདྲེས་བཅོ་བརྒྱད་གསུང་པའི་སྒྲ། །ཐུགས་ནི་མཉམ་པར་མ་བཞག་པར། །མི་མངའ་གསུངས་

― CMR051_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་སྐད་ལགས། །དེ་འདྲ་འདོད་པ་ཧཾ་པ་ཆེ། །ཉམས་ལེན་བཟང་པོ་ཡོད་ན་ཡང་། །སེམས་བསྐྱེད་སྙིང་རྗེ་མེད་པ་ན། །ཐེག་དམན་ཉན་ཐོས་ལམ་དུ་གོལ། །མི་རྟོག་འགྲོ་ལ་སྙིང་རྗེ་བསྐྱེད། །སེམས་ཅན་ཐམས་ཅད་རང་གི་སེམས། །སེམས་ཉིད་ཡེ་ནས་སྟོང་པ་ཉིད། །དངོས་པོར་གྲུབ་པའི་སེམས་ཅན་རྣམས། །འགྲོ་དྲུག་གཅིག་ཀྱང་མེད་པར་མཐོང་། །དེ་ལ་འཁོར་བ་དོང་སྤྲུགས་ཟེར། །སྙིང་རྗེ་བསྒོམ་ཡུལ་མ་མཆིས་ཀྱང་། །དེ་ལྟར་མ་རྟོག་སེམས་ཅན་ལ། །ཤུགས་འབྱུང་སྙིང་རྗེ་དྲག་པོ་སྐྱེ། །དམིགས་པ་མེད་པའི་སྙིང་རྗེ་ཟེར། །དེ་ལ་ངེས་ཤེས་ཐོབ་པ་ན། །འགྲོ་དོན་ཤུགས་ལ་འབྱུང་བ་ཡིན། །མདོ་ལུགས་ཆོས་ཀྱི་སྙིང་པོ་ཡིན། །རང་ལུས་གདོད་ནས་ཡི་དམ་ལྷ། །དམ་ཚིག་སེམས་དཔའི་ངོ་བོ་ཡིན། །སེམས་ཉིད་གདོད་ནས་ཡི་དམ་ལྷ། །ཡེ་ཤེས་སེམས་དཔའི་ངོ་བོ་ཡིན། །སྤྱན་འདྲེན་ལ་སོགས་མི་དགོས་པར། །རང་སེམས་ལྷ་རུ་ཤེས་པ་དེ། །གསང་སྔགས་ནང་གི་རྒྱུད་ཅེས་བྱ། །རླུང་ནི་ནང་དུ་རྒྱུ་བ་ཨོ། །ཁོང་དུ་གནས་པ་ཡི་གེ་ཨཱ། །ཕྱི་རུ་རྒྱུ་བ་ཡི་གེ་ཧཱུྃ། །དེ་ཉིད་ཡིན་ལ་ཤེས་པར་

― CMR051_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། །ཞག་གཅིག་ཉི་ཁྲི་ཆིག་སྟོང་དང་། །དྲུག་བརྒྱའི་བསྙེན་པ་བྱས་པར་འགྲོ། །ཕྲེང་བ་བྲལ་བའི་བཟླས་པ་ཟེར། །གསར་རྙིང་རྒྱུད་སྡེ་ཀུན་ནས་གསུངས། །ཡི་དམ་ལྷ་རུ་མ་བསྒོམས་ན། །སྟོང་ཉིད་ཉམས་ལེན་བཟང་ན་ཡང་། །གྲངས་མེད་གསུམ་དུ་འཚང་མི་རྒྱུ། །དང་པོ་མཁའ་ལ་འཇའ་ཤར་ལྟར། །ཉམས་ལེན་རྩི་དང་མ་བྲལ་བར། །ཡི་དམ་ལྷ་རུ་གསལ་བར་བསྒོམ། །མེ་ལོང་ནང་གི་གཟུགས་བརྙན་ལྟར། །རྒྱན་དང་ཆ་ལུགས་གསལ་བར་བསྒོམ། །ཆུ་ནང་ཤར་བའི་ཟླ་བ་བཞིན། །སྣང་ལ་རང་བཞིན་མེད་པར་བསྒོམ། །བསྐྱེད་པ་ཡི་ནི་རིམ་པ་དང་། །རྫོགས་པ་ཡི་ནི་རིམ་པ་གཉིས། །རིམ་གཉིས་མཉམ་པར་གང་གནས་པ། །འདི་ནི་སངས་རྒྱས་བསྟན་པ་ཡིན། །དེ་སྐད་རྡོ་རྗེ་འཆང་གིས་གསུངས། །བསྐྱེད་རྫོགས་ཟུང་དུ་འཇུག་པ་དེ། །གསང་སྔགས་ཉམས་ལེན་རྩ་བ་ཡིན། །ནངས་ནུབ་ཉི་མའི་ཟེར་གཉིས་ལ། །འཇའ་འོད་ཐིག་ལེ་ཐིག་ཕྲན་ལྟོ། །མིག་གིས་འཇའ་འོད་མཐོང་བ་དང་། །ཉམས་ལེན་སེམས་ཉིད་ངོ་བོ་བསྲེ། །ཀུན་ཏུ་བཟང་པོས་གསུངས་པ་ཡི། །འབུམ་ཕྲག་དྲུག་ཅུ་རྩ་བཞིའི་རྒྱུད། །ཀུན་གྱི་

― CMR051_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་དེ་ལ་འདུས། །ཀརྨ་པཀྵིའི་ཞལ་ནས་ཀྱང་། །ཕྱག་ཆེན་དང་ནི་རྫོགས་ཆེན་གཉིས། །ཚིག་ལ་ཁྱད་པར་ཡོད་ན་ཡང་། །དོན་ལ་ཁྱད་པར་མེད་ཅེས་གསུངས། །ཀརྨ་པཀྴི་རང་བྱུང་བ། །གཡུང་སྟོན་རོལ་པའི་རྡོ་རྗེ་རྣམས། །ཕྱག་རྫོགས་ཟུང་འཇུག་དགོངས་པ་གཏད། །དེ་ཕྱིར་ཀརྨ་རིན་ཆེན་ཁྱོད། །ཕྱག་རྫོགས་ཟུང་འཇུག་ཉམས་ལེན་མཛོད། །གསར་མའི་བླ་མ་ཕལ་ཆེར་གྱིས། །རྫོགས་ཆེན་ཐེ་ཚོམ་ཡིན་གསུངས་ཀྱང་། །ནམ་མཁའ་ལས་བྱུང་རང་བྱུང་བ། །ཤེས་རབ་ཡེ་ཤེས་མེ་བོ་ཆེ་། །འོད་ཆེན་རྣམ་པ་སྣང་བར་བྱེད། །གསུངས་པའི་དོན་དེ་ཡིན་ཞེས་བྱ། །གེགས་སེལ་ཀུན་གྱི་གཙོ་བོ་ཡིན། །ནམ་འཆི་ཆ་མེད་ཡང་ཡང་བསམ། །བོགས་འདོན་ཀུན་གྱིརྩ་བ་ཡིན། །གདུང་ཤུགས་དྲག་པོས་གསོལ་བ་གདབ། །འབྲེལ་ཐོགས་བླ་མ་མང་ན་ཡང་། །ཡབ་སྲས་རྩ་བའི་བླ་མར་བཟུང་། །དེ་ནས་པཀྴི་དུས་མཁྱེན་དང་། །དྭགས་པོ་ལ་སོགས་ཞལ་ཆེམས་མཇལ། །ཁྲིད་ཀྱི་རྒྱུན་ལུང་ཐོབ་ཕྱིན་ནས། །གང་ལ་དད་པའི་བཀའ་བརྒྱུད་ཀྱི། །བླ་མ་སྤྱི་བོར་བསྒོམས་ནས་ཀྱང་། །གསོལ་བ་ཐོབ་དང་ཕྱག་ཆེན་

― CMR051_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི། །རྟོགས་པ་སྐྱེ་བར་འགྱུར་རོ་གསུངས། །མི་བསྐྱོད་རྡོ་རྗེའི་ཞལ་ནས་ཀྱང་། །གསོལ་བ་ཁྱི་བཏབ་ཕག་བཏབ་ཀྱང་། །སངས་རྒྱས་ཐོབ་པར་མི་འགྱུར་བས། །བླ་མ་མིན་པར་བླ་མ་རུ། །བཅོས་མིན་བླ་མ་མ་ཡིན་པར། །བླ་མ་ཡིན་པ་བླ་མ་རུ། །བྱོན་པ་སངས་རྒྱས་མཉན་པ་འདྲ་ཞིག་དགོས། །གསུངས་ཕྱིར་ང་འདྲའི་བླ་མ་ལ། །དབང་ལུང་ཁྲིད་སོགས་འབྲེལ་ཆེ་བའི། །རྨོངས་ཞེན་བྱས་ནས་གསོལ་བཏབ་ཀྱང་། །བརྐོས་ཕོར་རི་མོ་མེད་པ་ལ། །འབི་འབི་སཱཙྪ་མི་དོད་ལྟར། །ཕྱག་ཆེན་དངོས་ནི་མི་རྟོགས་ཞེས་། །མཉམ་མེད་དྭགས་པོ་ལྷ་རྗེས་གསུངས། །རྩེ་གཅིག་རབ་འབྲིང་ཐ་མ་དང་། །ཉམས་ལེན་སྐྱོང་བདེ་ཡོད་སོང་ངེ་། །སྐྱེ་སྟེ་དེ་ནི་ཕྱག་ཆེན་མིན། །དེ་ཕྱིར་ཡབ་སྲས་ལྟ་བུ་ཞིག །རྫོགས་པའི་སངས་རྒྱས་ཡིན་པ་ལ། །ཡིན་པར་ཡིན་ཤེས་གསོལ་བཏབ་ན། །ཕྱག་རྒྱ་ཆེན་པོའི་རྟོགས་པ་འཆར། །དེ་ལ་གེགས་དང་གོལ་ས་མེད། །ཆོས་ཀྱི་དབང་ཕྱུག་གསུང་ལས་ཀྱང་། །རྒྱ་གར་ལུགས་དང་རྒྱ་ནག་ལུགས། །ཆོས་ལུགས་མང་པོ་ཤེས་དགོས་ན། །ཉམས་སུ་ལེན་བྱ་རང་ལུགས་ལས། །གཞན་ལུགས་བསྲེས་པ་

― CMR051_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

མང་བྱེད་ན། །བླ་མ་བརྒྱུད་པ་གཞན་གྱིས་རུལ། །རླུང་འཚུབ་མང་པོའི་དཔལ་འབྱོར་ཅན། །འབྱུང་བར་དོགས་པ་ཁོ་བོས་སེམས། །གསུང་པ་འདི་ལ་གནད་འགགས་མང་། །དེ་དོན་ཞིབ་པར་བརྗོད་མི་རུང་། །དོན་ལ་ཆོས་འབྲེལ་ལ་སོགས་པ། །མཐོ་དམའ་ཕྱོགས་རིས་མེད་པར་ཞུ། །བུང་བ་ལྟ་བུའི་སྤྱོད་པ་ཡིན། །རང་ཉིད་དབང་ལུང་ཆོས་ཀྱིས་ཕྱུག །དེ་དོན་ཇོ་བོ་ཨ་ཏི་ཤ །ཐང་སྟོང་རྒྱལ་པོའི་རྣམ་ཐར་ལྟོས། །གསོལ་བ་འདེབས་ཡུལ་མ་ནོར་དགོས། །ནོར་ན་ལོག་པའི་ལམ་དུ་འགྲོ། ། ཉམས་རྟོགས་ལེགས་པོ་སྐྱེས་ན་ཡང་། །ཕྱག་ཆེན་དངོས་ནི་རྟོགས་མི་སྲིད། །སྙིང་གཏམ་ཡིན་ནོ་ཡིད་ལ་འཆོངས། །བཀའ་མ་གཏེར་མ་ཐམས་ཅད་ལ། །གཟིགས་རྒྱ་ཆེ་ན་དེ་དོན་གོ །དེ་མིན་སྨྲས་ན་ཟུར་ཟར་གོ །ཟུར་ཟ་མ་ཡིན་དོན་གཏམ་ཡིན། །ཨོ་རྒྱན་གསུང་ལ་དཔང་པོ་ཡིན། །ཆོས་སྒོར་ཞུགས་པའི་དོན་གོ་ཡིན། །འཆི་བ་གློ་བུར་བྱུང་ཙ་ན། །འདི་བྱ་འདི་བྱེད་ཀྲིག་གེ་བ། །ད་ལྟའི་དུས་ནས་ཡིད་ལ་ཞོག །སྐམ་པོའི་ལག་སྟབས་ཆུ་ནང་དཔེ། །ཐིམ་རིམ་ལ་སོགས་བཤད་པ་ན། །མང་པོ་ཤེས་ཀྱང་དགོས་པ་

― CMR051_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

མེད། །ལག་ཏུ་ལོན་ངེས་འདི་ལྟ་སྟེ། །རང་ཉིད་ཡི་དམ་གསལ་བ་ཡི། །སྤྱི་བོར་བླ་མ་འོད་དཔག་མེད། །སངས་རྒྱས་ཀུན་འདུས་སྐུ་རུ་བསྒོམ། །ལུས་དང་ལོངས་སྤྱོད་ཉེ་དུ་དང་། །ཞིང་ཁང་ནོར་རྫ་ས་ཅི་ཡོད་ཀུན། །མཎྜལ་གཅིག་ཏུ་དམིགས་པ་བྱ། །ས་གཞི་སྤོས་ཆུས་ལན་གསུམ་འབུལ། །འབུལ་བ་ཚར་བའི་ཡོན་བདག་ལྟར། །སུས་ཁྱེར་ཁྱེར་ལ་སུ་ཟ་ཟོ། །ཆགས་ཞེན་འཁྲི་བ་རྩད་ནས་སྤངས། །ཁོ་བོ་མི་ཚེར་ཆོས་བྱས་པའི། །ལ་དོན་ད་ལྟ་དགོས་རྒྱུ་ཡིན། །བསམ་སྟེ་ཅུང་ཟད་རིག་པ་བསྒྲིམ། །རྫོགས་སངས་རྒྱས་དང་སྲིན་བུ་ཡན། །མི་འཆི་སྡོད་ས་གཅིག་ཀྱང་མེད། །ཁོ་བོས་མི་ཚེར་ཆོས་ལ་བསྐྱལ། །ང་བས་སྐྱིད་པ་མེད་པ་ཡི། །ང་རྒྱལ་ཆེན་པོ་བསྒོམ་དགོས་གསུངས། །འགྲོ་བ་སེམས་ཅན་དོན་གྱི་ཕྱིར། །འཆི་བ་ཆོས་སྐུར་སངས་རྒྱས་ནས། །བར་དོར་ལོངས་སྤྱོད་རྫོགས་སྐུར་བཞེངས། །སྐྱེ་བ་སྤྲུལ་སྐུས་འགྲོ་དོན་བྱེད། །སྙམ་པའི་སེམས་བསྐྱེད་ལན་གསུམ་བྱ། །དེ་ནས་རང་ཉིད་ལྷར་གསལ་བའི། །མ་དག་སྒོ་བརྒྱད་ཧྲི་ཡིག་བཀག །ལུས་དབུས་དབུ་མ་སྦ་ལྕག་ཙམ། །སྙིང་དབུས་རང་སེམས་ཐིག་ལེ་ནི།

― CMR051_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

འཕོ་བའི་དུས་སུ་སྤྱི་བོར་འཕོ། །འོད་དཔག་མེད་ཀྱི་ཐུགས་ཀར་བསྟིམ། །དེ་འདྲ་སྤར་ཝིག་ལན་མང་བྱ། །དེ་ནས་ཅི་ཡང་མི་བསྒོམ་པར། །ཉམས་ལེན་ངོ་བོའི་སྟེང་དུ་བཞག །ཐིམ་རིམ་དཀར་ལམ་ནག་ལམ་སོགས། །ངོ་ཤེས་ངོས་བཟུང་བྱེད་མི་དགོས། །གང་ཤར་དེ་ཡི་ངོ་བོ་སྐྱོངས། །ཕྱི་དབུག་ཆད་པར་གྱུར་པའི་ཚེ། །གདུང་གཡོག་པ་ཡི་གདུང་ཆེས་གཟབ། །ཐུགས་དམ་མ་ཡེངས་བརྗོད་དུ་འཇུག །དེ་ཚེ་ནག་ལམ་ཡལ་ནས་ཀྱང་། །གཞི་ཡི་འོད་གསལ་ཞེས་བྱ་བ། །སྤྲིན་མེད་ནམ་མཁའ་འདྲ་བར་ཟེར། །དེ་ལ་ངོ་བོ་རྗེན་པ་དེ། །ཚུར་ལ་ལྷང་ངེར་འཆར་ནས་འོང་། །དེ་དུས་དེ་ཉིད་ངོས་བཟུང་ལ། །དེ་ཡི་ངང་དུ་འཇུག་པ་དེ། །ཐུགས་དམ་བཞུགས་ཞེས་མིང་དུ་བཏགས། །ཡུན་ནི་ཇི་ཙམ་འདུག་པ་ནི། །འཆི་ཁའི་སེམས་ནི་སྟོབས་ཆེ་བས། །དམ་བཅའ་གང་བྱས་སྟེང་དུ་འགྲོ། །དེ་ཕྱིར་འདི་ཙམ་འདུག་སྙམ་པའི། །འཆི་ཁ་དམ་བཅའ་དྲག་པོ་བྱ། །དང་པོ་འཕོ་བ་བསྒོམས་པ་དེས། །གལ་ཏེ་ཐུགས་དམ་མ་ཟིན་ན། རྐྱེན་གྱིས་ཐུགས་དམ་འདྲོགས་གྱུར་ན། །གཞན་དུ་མི་འཕོ་སྤྱི་བོར་འཕོ། །རང་ལུས་

― CMR051_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་དམ་བསྒོམས་པ་དེས། །ཐུགས་དམ་བརྟན་ཞིང་བར་ཆད་མེད། །དམ་བཅའ་གང་བྱས་སྟེང་དུ་འགྲོ། །ང་ནི་ཚེ་འདིར་ཤི་མ་མྱོང་། །རང་དང་འདྲ་བའི་མཆེད་གྲོགས་ལ། །གསལ་འདེབས་འདི་ལྟར་བྱས་པ་ཡིས། །ཐུགས་དམ་བརྟན་པོ་ཟིན་པ་དང་། །དམ་བཅའི་ཐོག་ཏུ་འགྲོ་བ་མཐོང་། །རྟེན་བྱོན་འདས་རྟགས་བཟང་བ་ནི། །ལན་གྲངས་མང་དུ་མྱོང་བས་གྲུབ། །འཕོ་བ་ཟུང་འཇུག་ཐུགས་དམ་འདི། །མཉམ་མེད་དྭགས་པོའི་གསུང་ལས་བྱུང་། །དེ་ནས་བར་དོ་བགྲོད་ལུགས་ལ། །མཐོ་དམན་ཉི་ཤུ་རྩ་གཅིག་གསུངས། ། ཐ་མའི་ཐ་མ་ཡང་ཐའི་ལུགས། །སུས་ཀྱང་ཉམས་སུ་ལོན་ངེས་ནི། །ཐུགས་དམ་ཟིན་རུང་མ་ཟིན་རུང་། །འཕོ་བ་ཐེབ་རུང་མ་ཐེབ་རུང་། །བར་དོར་ཞི་ཁྲོའི་ལྷ་ཚོགས་རྣམས་། །ངོས་ཟིན་རུང་ལ་མ་ཟིན་རུང་། །ཤི་ནས་ཉིན་བདུན་གཉིས་ཡོལ་ནས། །བདུན་གསུམ་གྲོས་ལ་ཁད་ཀྱི་སྐབས། །རང་ཉིད་ཤི་བ་ཐག་ཆོད་ནས། །མངོན་ཤེས་རྫུ་འཕྲུལ་ཐོགས་པ་མེད། །གར་འགྲོ་རང་དབང་ཆེ་ན་ཡང་། །ཡུལ་དང་ཉེ་དུ་མཆེད་གྲོགས་སོགས། །དེ་དག་རྣམས་ལ་སེམས་ཆགས་ནས། །ས་ཕྱོགས་འདི་རུ་མི་ལུས་ཤིག །

― CMR051_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་ནས་དམ་ཆོས་བཤའ་མ་བྱེད། །མྱུར་དུ་ལུས་ཤིག་མ་ལོན་ན། །གཤིན་རྗེའི་ཕོ་ཉ་འོང་ནས་ཁྲིད། །དགེ་སྡིག་གཤག་རལ་དགོས་བྱུང་ན། །ལེགས་པོ་མི་འོང་སྙམ་ནས་སྡུག །དེ་དུས་འདི་ལྟར་དྲན་པར་གྱིས། །འཁོར་བ་ཐོག་མ་མེད་པ་ནས། །འཁོར་བར་འཁྱམས་པས་གཉུག་རེ་བུད། །སངས་རྒྱས་དེ་སྙེད་བསྟན་པ་ལ། །བདག་ནི་མ་གྲོལ་ལས་རེ་ངན། །ད་རུང་འཁོར་བ་མཐའ་མེད་དུ། །སྐྱེ་འཆི་གྲངས་མེད་ཡི་རེ་མུག །ད་ནི་དུས་ངན་སྙིགས་མའི་མཐའ། །ཚེ་ཐུང་ནད་མང་བར་ཆད་རྒོད། །མི་ལུས་བླངས་ན་རང་སྡུག་ཉོས། །མངོན་དགའ་ལ་སོགས་དག་པའི་ཞིང་། །ས་ཐོབ་མ་གཏོགས་སྐྱེ་མི་སྲིད། །མི་རྩིབ་ས་ལ་བསྙབ་པ་འདྲ། །དགའ་ལྡན་ཟངས་མདོག་དཔལ་རི་སོགས། །སྐྱེས་ཀྱང་མི་ལྟུང་ངེས་པ་མེད། །པོ་ཏ་ལ་ནི་གནས་རི་ཡིན། །སོང་ཡང་རང་རེ་ལས་མ་དག །སྤྱན་རས་གཟིགས་དང་མཇལ་ཤས་ཆུང་། །འོད་དཔག་མེད་པའི་སྨོན་ལམ་མཐུས། །སྐྱེ་སླ་བདེ་སྐྱིད་ཡོན་ཏན་ལྡན། །སྐྱེ་ནས་ཕྱིར་མི་ལྡོག་པའི་ཞིང་། །བདེ་བ་ཅན་དུ་འགྲོ་བར་གྱིས། །བར་དོར་ཉི་ཟླ་མེད་པའི་ཕྱིར། །ནུབ་ཕྱོགས་

― CMR051_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཡིན་མ་ཤེས་ན། །འོད་དཔག་མེད་ལ་རྩེ་གཅིག་གིས། །དད་གུས་རྩེ་གཅིག་བྱེད་ཅིང་སོང་། །འཇིག་རྟེན་ཁམས་ནི་དཔག་མེད་པའི། །འདས་པའི་ཕ་རོལ་ཡིན་ནའང་། །འགྲོ་ལ་དཀའ་ཚེགས་ཡོད་མ་ཡིན། །མགྱོགས་བུལ་འགྱུ་བ་འདི་ཉིད་ཡིན། །ཐག་རིང་མི་སླེབ་བསམ་མི་དགོས། །སྐད་ཅིག་པདྨའི་སྦུབས་ནས་སྐྱེ། །སྐྱེ་བའི་སྡུག་བསྔལ་དེ་ལ་མེད། །སྐྱེའམ་མི་སྐྱེ་ཐེ་ཚོམ་ན། །ཡུན་རིང་པདྨ་ཁ་མི་བྱེ། །སངས་རྒྱས་ཞལ་མཐོང་ཕྱི་སྐྱོན་ཡོད། །དེ་ཕྱིར་རང་ཉིད་ནམ་འཆི་ཚེ། །དེ་རུ་འགྲོ་བར་བློ་ཐག་ཆོད། །ཨོ་རྒྱན་བྱེ་བ་ཕྲག་བརྒྱ་དང་། །མཆོག་གི་སྤྲུལ་སྐུ་ན་རིམ་ཀུན། །འོད་དཔག་མེད་པའི་སྤྲུལ་པ་ཡིན། །འཛམ་གླིང་བྱེ་བ་ཕྲག་བརྒྱ་ན། །སྤྱན་རས་གཟིགས་དབང་ཀརྨ་པ། །བསྐལ་བཟང་སངས་རྒྱས་སྟོང་ལ་སོགས། །སྤྱན་རས་གཟིགས་ཀྱི་སྤྲུལ་པ་ཡིན། །དངོས་དེ་བདེ་བ་ཅན་ན་བཞུགས། །རི་རབ་བྱེ་བ་ཕྲག་བརྒྱའི་གྲངས། ། ཕྱག་ན་རྡོ་རྗེ་དེ་སྙེད་གྲངས། །རྒྱལ་ཚབ་ན་རིམ་ལ་སོགས་པ། །མཐུ་ཆེན་ཐོབ་དེའི་སྤྲུལ་པ་ཡིན། །གཞན་ཡང་དྭགས་པོ་དུས་གསུམ་མཁྱེན། །མཐོང་བ་དོན་ལྡན་ལ་སོགས་

― CMR051_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །སྐུ་ཡི་བཀོད་པ་རེ་རེ་བཞུགས། །བེན་རྩ་དགོས་ན་དེ་ན་ཡོད། །ཀརྨ་རིན་ཆེན་དེ་རུ་བྱོན། །དེ་རུ་སྐྱེས་ན་ཅི་དགའ་ན། །གསེར་མདོག་མཚན་དང་དཔེ་བྱད་ལྡན། །མངོན་ཤེས་རྫུ་འཕྲུལ་ཐོགས་པ་མེད། །མངོན་དགའ་ལ་སོགས་ཞིང་ཁམས་ཀུན། །བགྲོད་ཅིང་ཆོས་ཞུ་དེ་དགོང་འཁོར། །འབྲེལ་ཐོགས་ཀུན་ཀྱང་དེར་ཞིང་འདྲེན་། །བསྐལ་པ་བྱེ་བ་དུང་ཕྱུར་ལ། །ན་རྒྱུ་འཆི་རྒྱུ་རྒས་རྒྱུ་མེད། །ཟས་གོས་ལོངས་སྤྱོད་གནས་མལ་སོགས། །ཅི་འདོད་ཡིད་ལ་བསམ་པ་འགྲུབ། །རྩོལ་སྒྲུབ་འཚོ་སྐྱོང་བྱ་མི་དགོས། །ཚེ་སྔོན་སྡིག་པ་གང་ཡོད་པ། །འོད་དཔག་མེད་པའི་ཞལ་མཐོང་ཞིང་། །ཆོས་ཉན་ཕྱག་བསྐོར་བྱས་པས་དག །རྣམ་སྨིན་སྡུག་བསྔལ་མྱོང་མི་དགོས། །དེ་ལྟར་དམ་ཆོས་ཏིང་འཛིན་བསྒོམ། །ལུས་དེ་ས་བཅུ་ལམ་ལྔ་བགྲོད། །ནམ་ཞིག་དེ་ནས་ཚེ་འཕོས་ནས། །རྫོགས་སངས་མི་རྒྱ་མི་སྲིད་གསུངས། །དེ་ཕྱིར་འོད་བཀོད་ཞིང་མདོ་དང་། །པད་དཀར་མདོ་དང་རྔ་སྒྲའི་གཟུངས། །ད་ལྟའི་སངས་རྒྱས་བཞུགས་མདོ་རྣམས། །ཨོ་རྒྱན་གསུང་དང་ལབ་སྒྲོན་གསུང་། །ཐམས་ཅད་ས་ཕག་གྲོས་བྱས་འདྲ། །

― CMR051_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཕྱིར་དེ་རུ་སྐྱེ་བའི་ཕྱིར། །དགེ་བ་ཐམས་ཅད་དེ་རུ་བསྔོ། །བཟང་སྤྱོད་བདེ་སྨོན་ཆག་མེད་ཐོན། །དེ་ལྟར་བྱས་ན་མཚམས་མེད་ལྔ། །དམ་ཆོས་སྤངས་བ་མ་གཏོགས་སྐྱེ། །འོད་དཔག་མེད་ཀྱི་སྨོན་ལམ་ཡིན། །ཁ་ཞེ་མེད་པར་ལན་བཅུ་རུ། །སྨོན་ལམ་བཏབ་ན་སྐྱེ་བར་གསུངས། །ཆགས་ཞེན་མེད་པ་གནད་དུ་ཆེ། །བན་རྒན་རཱ་ག་ཨ་སྱས་བདག་གསར་རྙིང་མདོ་རྒྱུད་རྒྱ་མཚོ་ལ། །བལྟས་པས་སྙིང་པོ་ཆོས་འདི་རྙེད། །གང་ཟག་མཐོན་པོ་མ་ཡིན་པའི། །ཆོས་སྒོར་ཞུགས་པ་མང་པོ་ལ། །འཆི་ཡང་ཧ་ཀྱང་མི་སྐག་པ། །བློ་བདེའི་གདེང་འདི་བདག་གིས་བྱིན། །ཡིད་བཞིན་ནོར་བུ་བས་ཀྱང་ལྷག །ས་ཐོབ་སེམས་དཔའ་ཆེན་པོ་རྣམས། །འཁོར་བའི་སྡུག་བསྔལ་མཐོང་མཛད་ནས། །བསམ་བཞིན་སེམས་ཅན་དོན་ལ་བྱོན། །ཁྱེད་ཀྱང་དེ་ལ་མི་འགྲན་བསམ། །གལ་ཏེ་སྐུ་སྐྱེ་འབྱོན་དགོངས་ན། །ངས་ནི་འགྲོ་དོན་བཀག་དོན་མེད། །དཔའ་སྡར་འཁྲུག་པའི་ཉམས་དང་བསྟུན། །ང་ནི་སྡར་མ་འབྲོས་རྩིས་ཡིན། །དེ་སྐད་རཱ་ག་ཨ་སྱ་ངས། །ལྕགས་ཕག་ནག་ཟླའི་བཅུ་གཉིས་ཉིན། །ཉམས་ལ་ཤར་ནས་སྨྲས་པ་ལ། །ཁྲོ་བོ་དགེ་

― CMR051_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

སློང་སྦྱིན་པ་ཡི། །ཨ་དགེ་སྙོལ་བོ་ཟེར་གྱིས་བྲིས། །སརྦ་མངྒ་ལཾ། དགེའོ།། །། ༄༅། །ན་མོ་བཛྲ་པཱ་ཎི་ཡེ། བསླུ་མེད་སྐྱབས་གནས་དཀོན་མཆོག་གསུམ། །གསོལ་བ་འདེབས་སོ་བྱིན་གྱིས་རློབས། །པད་འབྱུང་རྩ་བ་གསུམ་གྱི་ཚོགས། །གསོལ་བ་འདེབས་སོ་བྱིན་གྱིས་རློབས། །བདག་གི་བྱང་ཆུབ་སེམས་བསྐྱེད་ནས། །དེང་ནས་ཚེ་མཇུག་ཅི་ཡོད་ཚེ། །འགྲོ་དོན་དཔག་མེད་འགྲུབ་པ་རུ། །བྱིན་གྱིས་རློབས་ཤིག་དཀོན་མཆོག་གསུམ། །དེ་ལ་བར་ཆད་མེད་པ་རུ། །བྱིན་གྱིས་རློབས་ཤིག་རེ་མ་ཏི། །བསམ་པ་ལྷུན་གྱིས་འགྲུབ་པ་རུ། །བྱིན་གྱིས་རློབས་ཤིག་པདྨ་འབྱུང་། །ཆོས་ར་འདི་རུ་འོང་ཚད་ལ། །ཡམས་ནད་ཆུ་ནད་གདོན་སོགས་ཀྱི། །བར་ཆད་སྲུངས་ཤིག་ཆོས་སྐྱོང་ཚོགས། །མཐོང་གྲོལ་དྲན་གྲོལ་རེག་གྲོལ་དང་། །ཐོས་པ་ཙམ་གྱིས་རྒྱུད་གྲོལ་སོགས། །བྱིན་གྱིས་རློབས་ཤིག་སྤྱན་རས་གཟིགས། །བར་ཆད་སོལ་ཅིག་གསང་བ་ཡུམ། །དངོས་གྲུབ་སྩོལ་ཅིག་

― CMR051_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་རྗེའི་གཤེད། །ཆོམ་རྐུན་ཆིངས་ཤིག་འོད་ཟེར་ཅན། །རྟོག་པ་བསྐྱེད་ཅིག་གྲུབ་ཐོབ་རྣམས། །རྣམ་གཡེང་བར་ཆད་མི་གཏོང་བར། །སྒྲུབ་པའི་རྒྱལ་མཚན་ཚུགས་པ་ཞིག །བདེན་ལྡན་ཀུན་གྱི་བདེན་སྟོབས་དང་། །ཆོས་སྐྱོང་སྲུང་མའི་སྟོབས་ཀྱིས་ཤོག །ཅེས་གནས་མདོ་ནང་དུ་ཆོས་ར་བཙུགས་དུས་ཨ་རཱ་གས་སོ། །དགེའོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕྱག་རྫོགས་ཟུང་འཇུག་གི་ཉམས་ལེན་ཁྲིད་བསྡུས་པ་ཆམ་ཕུ་དབུ་མཛད་ལ་གནང་བ།

― CMR051_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྫོགས་ཟུང་འཇུག་གི་ཉམས་ལེན་ཁྲིད་བསྡུས་པ་བཞུགས་སོ། །ཆམ་ཕུ་དབུ་མཛད་ལ་གནང་བ་བཞུགས། །

― CMR051_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་མུ་དྲ་ཡེ། ཀུན་ཏུ་བཟང་པོ་རྡོ་རྗེ་འཆང་། །དགའ་རབ་རྡོ་རྗེ་ས་ར་ཧ། །དབྱེར་མེད་དྲིན་ཐོབ་བླ་མ་ལ། །གསོལ་བ་འདེབས་སོ་ཐུགས་རྗེས་གཟིགས། །ཉམས་རྟོགས་སྐྱེ་བར་བྱིན་གྱིས་རློབས། །ཆམ་ཕུ་དབུ་མཛད་ད་ཞག་སྐོར། །ཡི་གེ་འདི་ལ་ཐུགས་བསམ་ཐོངས། །དལ་འབྱོར་རྙེད་དཀའི་ཆོས་ཐུན་ལ། །བཤད་པ་རྒྱ་ཆེར་གྲངས་མང་ཡང་། །བཤད་པ་མི་དགོས་མིག་གིས་ལྟོས། །རྒྱལ་པོ་མངའ་ཐང་རྒྱས་པ་ཡི། །དམག་ལ་འབུམ་ཕྲག་འབྱུང་བར་དཀའ། །གྲོག་ཚང་རེར་ཡང་འབུམ་ཕྲག་ལྷག །འབུ་སྲིན་གྲངས་ཁ་འདི་ལ་

― CMR051_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟོས། །མི་ལུས་ཐོབ་པ་ཨེ་དཀའ་ལྟོས། །མི་རྟག་བསྒོམ་པའི་ཆོས་ཐུན་ལ། །བཤད་པ་མི་དགོས་རྣ་བས་ཉོན། །རྒས་གཞོན་ངེས་པ་མི་གདའ་ན། །མཐོན་པོ་དང་ནི་དམའུ་གཉིས། །ཐམས་ཅད་རིམ་གྱིས་འཆི་གྲགས་ཉོན། །རང་ལ་མི་འཆི་གདེང་ཅི་ཡོད། །ཚེ་ཚད་ངེས་པ་ཡོད་མེད་བསམ། །སྟོབས་ཆེན་དཔལ་འབྱོར་ཅན་ཚོས་ཀྱང་། །འཆི་བ་བཟློག་ཐབས་མ་རྙེད་ནས། །ཐམས་ཅད་ཤི་རབས་རྣ་བས་ཉོན། །རང་ཉིད་དེ་རིང་སོང་ཙམ་ཡང་། །མི་འཆི་ངེས་ཤེས་ཨེ་ཡོད་བསམ། །ཤི་ནས་གར་འགྲོའི་ངེས་ཏིག་དང་། །ཤི་བས་མི་

― CMR051_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་གདེང་ཅི་ཡོད། །རྒྱུ་འབྲས་ཆོས་ཐུན་བསྒོམ་བྱ་ལ། །བཤད་པ་མི་དགོས་བསམ་བློ་ཐོངས། །ཕ་མ་མཉམ་པའི་བུ་ལ་ཡང་། །ཚེ་ཡི་རིང་ཐུང་སྐྱིད་སྡུག་དང་། །ཕྱུག་དབུལ་ལ་སོགས་མི་མཉམ་པ། །ལས་འབྲས་མིན་ན་ཅི་ཞིག་ཡིན། །ད་ལྟའི་སྐྱིད་སྡུག་སྔོན་གྱི་ལས། །ཕྱི་མ་གར་སྐྱེ་ད་ལྟའི་ལས། །གཏན་ནས་གནོད་ངེས་སྡིག་དང་ལྟུང་། །གཏན་དུ་ཕན་ངེས་དགེ་བའི་ཕྱོགས། །གནོད་ངེས་སྤངས་ལ་ཕན་ངེས་སྒྲུབས། །ཞག་བར་འདི་ལ་གོ་བ་ལོངས། །འཁོར་བའི་ཉེས་དམིགས་བསྒོམ་བྱ་ལ། །བཤད་པ་མི་དགོས་ལྟོས་དང་གསལ། །རིགས་དྲུག་མཆོག་གྱུར་མི་ལུས་ལ། །སྐྱེ་རྒ་ན་འཆི་ཅི་འདྲ་ན། །མཛེ་སོགས་ནད་ངན་དམྱལ་བ་འདྲ། །འཁྲུག་རྩོད་ཤི་བསད་ལྷ་མིན་འདྲ། ། མཐོན་པོ་དམའ་ལུགས་ལྷ་དང་འདྲ། །མུ་གེའི་ཤི་ཚད་ཡི་དྭགས་འདྲ། །ཁྲིམས་གཅོད་བཀྱིག་བརྡུང་དུད་འགྲོ་འདྲ། །མི་ཡི་སྡུག་བསྔལ་འདི་འདྲ་ན། །ངན་སོང་སྐྱེ་ན་སྨོས་ཅི་དགོས། །རང་ཐོག་བྱུང་ན་ཅི་འདྲ་སོམས། །དེ་ཡང་རང་བྱས་འབྲས་བུ་སྟེ། །སུ་ཡང་མ་ལེན་རང་གི་ལས། །སྡུག་བསྔལ་ནམ་ཡང་མི་འདོད་ན། །འཁོར་བའི་འདམ་ལ་མ་

― CMR051_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་པར། །དག་པའི་ཞིང་དུ་ཕྱིན་ཐབས་འབད། །འཁོར་བ་སྡུག་བསྔལ་འབའ་ཞིག་སྟེ། །དེ་ལས་སྐྱོབ་པ་གཞན་མ་མཆིས། །སྐྱོབ་པར་ངེས་པ་དཀོན་མཆོག་གསུམ། །གཅིག་བསྡུས་ཨོ་རྒྱན་རིན་པོ་ཆེ། །པད་ཞྭ་ཆོས་གོས་ཁ་ཊཾ་སོགས། །རྒྱན་དང་ཆ་ལུགས་ཡོངས་རྫོགས་པ། །སྤྱི་བོའི་གཙུག་ཏུ་གསལ་བར་བསྒོམ། །འདི་དང་ཕྱི་མ་བར་དོ་གསུམ། །ཅི་མཛད་ཁྱེད་ཤེས་གློ་སྙིང་གཏོད། །སྐྱབས་འགྲོ་སྤྱི་ལྟར་གང་ཤེས་བྱེད། །རིགས་དྲུག་སེམས་ཅན་ཐམས་ཅད་ཀུན། །ཚེ་རབས་དུ་མའི་ཕ་དང་མ། །རིགས་དྲུག་སྡུག་བསྔལ་སྙིང་རེ་རྗེ། །དེ་དག་ཐམས་ཅད་བདེ་བ་ལ། །རང་ཉིད་ཁོ་ནས་འགོད་སྙམ་པའི། །བློ་སྟོབས་བྱང་ཆུབ་སེམས་བསྐྱེད་དེ། །རང་གིས་དགེ་སྦྱོར་གང་བྱེད་རྣམས། །སེམས་ཅན་སྤྱི་ཡི་དོན་དུ་བསྔོས། །དེ་ནི་ཐེག་ཆེན་ལམ་གྱི་མཆོག །མཐར་ཐུག་སངས་རྒྱས་འགྲུབ་པའི་རྒྱུ། །དེ་ཡི་བསྒོམ་བྱ་འདི་ལྟ་སྟེ། །སྣ་དབུགས་རླུང་ནི་ཕར་འགྲོ་དུས། །རང་གི་དགེ་བའི་རྩི་བོ་རྣམས། །འགྲོ་དྲུག་སེམས་ཅན་ཀུན་ལ་ཐིམ། །ཐམས་ཅད་བདེ་སྐྱིད་ལྡན་པར་བསྒོམ། །རླུང་ནི་ཚུར་ལ་རྩུབ་པའི་

― CMR051_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་། །སེམས་ཅན་ཀུན་གྱི་སྡིག་དང་ལྟུང་། །ཐམས་ཅད་རང་ལ་སིབས་སེ་ཐིམ། །འགྲོ་ཀུན་སྡུག་བསྔལ་བྲལ་བར་བསྒོམ། །དེ་ནི་བཏང་ལེན་དམིགས་པ་ཞེས། །བཀའ་གདམས་ཆོས་ཀྱི་རྩ་བ་ཡིན། །ནད་གདོན་བར་ཆད་ཞི་བའི་ཐབས། །བྱམས་པའི་གོ་ཆ་བསྲུང་བའི་མཆོག །རྫོགས་པའི་སངས་རྒྱས་སྒྲུབ་པའི་ཐབས། །ས་བོན་ཆུ་ལུད་ལྟ་བུ་ཡིན། །དེ་ཕྱིར་ནངས་སྔ་ནུབ་ཕྱི་ལ། །དམིགས་པ་རླུང་གི་རྒྱུ་བ་དང་། །སྦྲག་པ་བརྒྱའམ་ཉེར་གཅིག་ཙམ། །ཞག་སྐོར་བསྒོམ་ལ་རྒྱུན་དུ་མཛོད། །དེ་ནས་སྡིག་སྒྲིབ་སྦྱོང་བའི་ཐབས། །སྤྱི་བོའི་པདྨ་འབྱུང་གནས་ཀྱི། །སྐུ་ལས་བདུད་རྩིའི་རྒྱུན་བབས་པས། །སྤྱི་བོ་ཚངས་པའི་བུག་ནས་ཞུགས། །ལུས་གང་སྡིག་ལྟུང་དྲི་མ་རྣམས། །དུད་ཁུ་སོལ་ཁུ་ལྟ་བུ་རུ། །རྐང་མཐིལ་བཤང་བའི་ལམ་ནས་ཐོན། །འོག་གི་ས་ལ་ཐིམ་པ་ཡིས། །རང་ལུས་ཤེལ་སྒོང་ལྟར་གྱུར་བསྒོམ། །བཛྲ་གུ་རུ་ཅི་ནུས་བཟླ། །དེ་ནས་བསོད་ནམས་ཚོགས་བསགས་ཐབས། །རང་ལུས་ལོངས་སྤྱོད་དགེ་རྩེར་བཅས། །གླིང་བཞི་རི་རབ་ཉི་ཟླ་དང་། །ལྷ་མིའི་ལོངས་སྤྱོད་ཕུན་ཚོགས་རྒྱུ། །ཨོ་རྒྱན་རྗེ་ལ་ཕུལ་དམིགས་

― CMR051_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་། །ས་གཞི་སྤོས་བྱུགས་མ་ལ་སོགས། །མཎྜལ་གང་ཤེས་འབུལ་བར་བྱ། །དེ་ནས་བྱིན་རླབས་འཇུག་པའི་ཐབས། །སྤྱི་བོར་བསྒོམ་པའི་ཨོ་རྒྱན་དེ། །རྩ་བརྒྱུད་བླ་མ་ཀུན་འདུས་དམིགས། །བླ་མ་སྐུ་གསུམ་གསོལ་འདེབས་སོགས། །གསོལ་འདེབས་གང་ཤེས་འདོན་པའམ། །ཡང་ན་བཛྲ་གུ་རུ་བཟླས། །དེ་ནས་དབང་བཞི་བྱིན་རླབས་ནི། །པད་འབྱུང་འོད་དུ་ལྟེམས་སེ་ཞུ། །རང་ལ་དབྱེར་མེད་ཐིམ་པར་བསྒོམས། །དེ་ཡི་སྔོན་འགྲོ་དམིགས་པའི་སྐོར། །མདོར་བསྡུས་ཚང་ཞིང་དངོས་གཞི་སེམས་ལ་ཅི་ཡང་མི་བསྒོམ་པར། །ཞི་གནས་ལྷག་མཐོང་གཉིས་ཡིན་ཏེ། །མདུན་གྱི་ནམ་མཁར་བཅོམ་ལྡན་འདས། །ཤཱཀྱའི་དབང་པོ་གསལ་བར་བསྒོམ། །དེ་ཡི་སྐུ་ལ་རྩེ་གཅིག་ཏུ། །སེམས་གཏད་སེམས་གཞན་མི་འཕྲོ་བར། །རིག་པ་ཅི་ཙམ་གནས་ཐུབ་ལྟ། །མི་གནས་འཕྲོ་ན་ཚུར་བཀུག་ལ། །སྔར་ལྟར་སེམས་དེ་སྟོན་པ་ལ། །ཅི་ཙམ་གནས་གནས་བར་དུ་བཞག །སེམས་གཞན་མི་འཕྲོ་ཐུབ་པ་ལ། །ཡུན་རིང་སེམས་ནི་གནས་པ་ལ། །ཐུན་མོང་ཞི་གནས་བྱ་བ་ཡིན། །ཐུན་མོང་མིན་པའི་ཞི་གནས་ནི། །

― CMR051_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ལ་ཅི་ཡང་མི་བསྒོམ་པར། །སེམས་ལ་སེམས་ཀྱིས་ལྟ་བྱས་ལ། །སེམས་དེ་གཞན་དུ་མི་འཕྲོ་བར། །ཀྱི་ལེར་གནས་པ་དེ་དག་ཏུ། །ཅི་ཙམ་གནས་གནས་བར་དུ་བཞག་རྣམ་རྟོག་ཚབ་ཚུབ་མི་འཕྲོ་བར། །སེམས་དེ་ཀྱི་ལེ་མེ་རེ་གནས། །གནས་པ་དེ་ཡང་སེམས་ཀྱིས་རིགས། །ད་ལྟ་ང་ཡི་སེམས་དེ་ནི། །ཀྱི་ལེ་གནས་ནི་ཡོད་སྙམ་པའི། །སེམས་ལ་འཛིན་པའི་ངེས་ཤེས་ཡོད། །དེ་ནི་མཚན་མེད་ཞི་གནས་ཡིན། །དེ་ལ་རེ་ཞིག་ཉམས་ལེན་ཞུ། །དེ་ནས་ལྷག་མཐོང་ལ་ཡང་གཉིས། །དང་པོ་ཐུན་མོང་ལྷག་མཐོང་གི །ཆོས་ཀུན་རྩ་བ་རང་གི་སེམས། །སེམས་ཀྱི་རྩ་བ་ཆོད་པ་ན། །ཆོས་ཀུན་རྩ་བ་ཆོད་པ་ཡིན། །དེ་ཕྱིར་རང་སེམས་ལེགས་པར་ཚོལ། །ལུས་ཀྱི་ཕྱི་ནང་བར་གསུམ་དང་། །ཕྱི་རོལ་སྟེང་འོག་ཕྱོགས་མཚམས་སུ། །རང་སེམས་གར་གདའ་ཚོལ་བར་གྱིས། །སེམས་དེའི་ཁ་དོག་ཅི་ལྟ་བུ། །སེམས་དེའི་དབྱིབས་ནི་ཇི་ལྟ་བུ། ། གཟུགས་སྒྲ་དྲི་རོ་རེག་བྱ་སོགས། །སེམས་དེའི་རྣམ་པ་ཅི་ལྟ་བུ། །གལ་ཏེ་རང་སེམས་མ་རྙེད་ན། །མ་རྙེད་བསམ་མཁན་སུ་ཞིག་ཡིན། །སེམས་དེ་ཚོལ་མཁན་སུ་ཞིག་

― CMR051_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །གལ་ཏེ་སེམས་དེ་ཡོད་ན་ནི། །དངོས་པོ་གཟུགས་བརྙན་ཅི་ལྟར་སྣང་། །གལ་ཏེ་སེམས་དེ་མེད་ན་ནི། །སྐྱིད་དང་སྡུག་པ་ཅི་ལས་བྱུང་། །དུག་ལྔ་ཁོང་ཁྲོ་གང་ནས་བྱུང་། །དད་པ་དག་སྣང་གང་ལས་བྱུང་། །ཆོས་ཞུ་བསམ་མཁན་གང་ནས་བྱུང་། །དེ་འདྲ་ཡིད་ལ་ཕྲེང་བ་ཡི། །རྣམ་རྟོག་མི་དྲན་དགུ་དྲན་དེ། །དང་པོ་གང་ནས་བྱུང་བ་ཡིན། །ད་ལྟ་གང་དུ་གནས་པ་ཡིན། །ཐ་མ་གང་དུ་འགྲོ་བ་རེད། །ད་ལྟ་ལེགས་པར་ཚོལ་བར་གྱིས། །དེ་ནས་གལ་ཏེ་མ་རྙེད་ན། །མ་རྙེད་བསམ་མཁན་དེ་ཉིད་ལ། །ལྟོས་དང་སྡོད་དང་ཅི་འདྲ་འོང་། །དེ་ཚེ་ལེགས་པར་བསམ་བློ་ཐོངས། །དེ་ནས་ཁྱད་པར་ལྷག་མཐོང་ལ། །རེས་འགའ་ཅི་ཡང་མི་བསམ་པར། །སེམས་དེ་ལྷོད་དེར་ཞོག་མཛོད་ལ། །ཅི་ཡང་ཡིད་ལ་མི་དྲན་པ། །ཅི་ཙམ་འདུག་རྒྱུ་གདའ་བར་ཞོག །སེམས་དེ་གར་ཡང་མི་འགྲོ་བར། །ཅི་ཙམ་སྡོད་ཐུབ་ཚད་སྤུ་གྱིས། །རེས་འགའ་གར་འགྲོ་ཐོངས་མཛོད་ལ། །འགྲོ་ས་གར་གདའ་དེ་རུ་ཐོངས། །དེ་ལྟར་སྒྲིམ་ལྷོད་རེས་མོས་གྱིས། །ངོ་བོ་དེ་ལ་ཕྱིན་པའི་དུས། །སེམས་ཀྱི་མདོག་དབྱིབས་གནས་འདུག་དེ། །

― CMR051_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

ང་ལ་བཤད་རྒྱུ་ཡོད་པར་གྱིས། །ཁ་དལ་ལ་སོགས་མ་ཡེངས་པར། །སེམས་ལ་ཅི་གདའ་ངེས་ཤིག་ཅིག། །ང་ལ་བཤད་རྒྱུ་ཡོད་ངེས་མཛོད། །དམིགས་ཐུན་དང་པོའོ།། ༈ །།དེ་ནས་ཐུན་མོང་མ་ཡིན་པའི། །ཞི་གནས་དང་ནི་ལྷག་མཐོང་གཉིས། །སེམས་ལ་ཅི་ཡང་མི་དྲན་པར། །ཀྱི་ལེ་གནས་ཤིང་གནས་པ་དེ། །རིག་པ་དེ་ནི་ཞི་གནས་ཟེར། །དེ་ཡི་གནས་མཁན་ངོ་བོ་ལ། །བལྟས་པས་དངོས་པོ་ཅི་ཡང་མེད། །སྟོང་པར་མཐོང་བ་ལྷག་མཐོང་ཡིན། །གནས་པ་དེ་དང་སྟོང་པ་གཉིས། །དབྱེར་མེད་ངོ་བོ་གཅིག་པ་ལ། །ཞི་ལྷག་ཟུང་འཇུག་ཟེར་བ་ཡིན། །དེ་ལ་ཡུན་རིང་གནས་པ་ནི། །གནས་པ་ཆགས་ཞེན་བྱ་བ་ཡིན། །གལ་ཏེ་མི་གནས་འཕྲོ་ན་ཡང་། །མ་སྒྲིམ་ལྷོད་ལ་བབ་ཀྱི་ལྟོས། །མང་པོ་བཤད་པའི་སོ་ན་མེད། །ལུས་གནད་བསྲང་ལ་རྩེ་གཅིག་ལྟོས། །རང་སེམས་བཙལ་བས་མ་རྙེད་ན། །དེ་ལ་སྟོང་པ་ཉིད་ཅེས་བྱ། །དབྱིབས་སུ་མ་གྲུབ་ཁ་དོག་མེད། །ལུས་ཀྱི་ཕྱི་དང་ནང་ན་མེད། །ཕྱི་རོལ་ཕྱོགས་བཅུར་བཙལ་ཡང་མེད། །སེམས་དེ་མེད་པ་ཉིད་ཀྱང་མིན། །སྐྱིད་སྡུག་དུག་ལྔ་དད་གུས་སོགས། །སྣ་

― CMR051_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་དྲན་ཞིང་ཅི་ཡང་འཆར། །ཡོད་མེད་གཉིས་ཀ་མ་ཡིན་པས། །སེམས་ཀྱི་གནས་ལུགས་བརྗོད་མི་ཤེས། །དེ་ཕྱིར་སྨྲ་བསམ་བརྗོད་མེད་ཡིན། །རང་སེམས་ཡེ་ནས་ཕྱག་རྒྱ་ཆེ། །རང་ངོ་ཤེས་པས་ཆོག་པ་ཡིན། །ཡག་འདོད་ཉེས་དོགས་བྱས་ན་འཆིང་། ་།རེ་དོགས་མེད་པར་གང་ཤར་བ། །བཟོ་བཅོས་མེད་པར་ལྷུག་པར་ཞོག །སེམས་ལ་སེམས་ཀྱིས་ཚུར་ལྟ་བ། དེ་ནི་བསྒོམ་ཞེས་བྱ་བ་ཡིན། །རང་སེམས་རང་གིས་ལྟ་མ་ཤེས། །བསྒོམ་ནི་མ་ཤེས་པ་ཡིན་པས། །བལྟས་པས་མཐོང་རྒྱུ་ཡོད་པ་མིན། །མཐོང་རྒྱུ་མེད་པ་མཐོང་བ་དེ། །སེམས་ངོ་ཤེས་པ་ཡིན་ལགས་སོ། །ཕྱག་རྒྱ་ཆེན་པོ་ཟེར་བ་དེ། །རང་གི་སེམས་ལ་ཟེར་བ་ཡིན། །གཞན་ན་མེད་པར་བློ་ཐག་ཆོད་། །དེ་ཉིད་ཉམས་སུ་ལེན་པའི་ཐབས། །སེམས་ལ་སེམས་ཀྱིས་ལྟ་བ་ཡིན། །བསྒོམ་རྒྱུ་མེད་པ་བློ་ཐག་ཆོད། །སེམས་དེ་བལྟས་པས་མ་མཐོང་ན། །སྟོང་ཉིད་དོན་དམ་མཐོང་བ་ཡིན། །དེ་ཉིད་བསྒོམ་དུ་བློ་ཐག་ཆོད། །གནས་ནི་དགའ་དང་འགྱུ་ན་སྡུག །དེ་འདྲ་དང་པོར་མཐོང་ན་ཡང་། །ཆུ་དང་ཆུ་རླབས་བཟང་ངན་མེད། །གནས་འགྱུ་

― CMR051_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

གདམ་ཀ་མ་བྱེད་པར། །གང་ཤར་རང་ངོ་བལྟ་བ་དེ། །ཉམས་ལེན་ཡིན་པར་བློ་ཐག་ཆོད། །རང་ངོ་རང་གིས་མ་རིག་ན། །བཟང་པོ་ངན་པ་ཅི་དྲན་ཡང་། །འཁྲུལ་བ་ཡིན་པར་བློ་ཐག་ཆོད། །དེ་ཕྱིར་མ་ཡེངས་དྲན་རྫི་ཡི། །མར་ཁུའི་ཕོར་ཁ་འཚོ་བ་ལྟར། །སྤྱོད་ལམ་ཀུན་ཏུ་རང་སེམས་སྲུངས། །དེ་ལྟར་རང་སེམས་འཚོ་ཐུབ་ན། །ཚོང་དུས་ཁ་ཡང་དབེན་པ་ཡིན། །རང་སེམས་འཚོ་ནི་མ་ཐུབ་ན། །མུན་མཚམས་བྱས་ཀྱང་ཕན་པ་མེད། །རང་སེམས་བྱ་ར་ཡང་ཡང་མཛོད། །ཉམས་དང་པོ་རི་གཟར་གྱི་ཆུ་དང་འདྲ། སེམས་སྐད་ཅིག་མི་སྡོད་ཚུབ་ཚུབ་རྒྱུག །བསྒོམ་འོང་ལེ་མི་གདའ་བསམ་པ་འབྱུང་། །བསྒོམ་འོང་རྟགས་ཡིན་ནོ་སྡུག་མི་དགོས། །ཉམས་གཉིས་པ་ས་རོང་གི་ཆུ་དང་འདྲ། སེམས་རེས་འགའ་དལ་ཏེ་རེས་འགའ་བྲེལ། །སེམས་གནས་ན་དགའ་ཞིང་འགྱུ་ན་སྡུག །གནས་འགྱུ་ལ་གདམ་ག་མ་བྱེད་དང་། །དོན་རིག་པས་ཆོག་གོ་བཟང་ངན་མེད། ཉམས་གསུམ་པ་གཙང་པོའི་ཆུ་ཆེན་འདྲ། །སེམས་མེ་རི་འཁྱིལ་ལེ་ཡུན་རིང་གནས། །སེམས་གནས་པའི་ངང་ནས་འགྱུ་བ་ཡང་། །དཔེ་ཆུ་ཆེན་ནང་གི་ཆུ་རླབས་འདྲ། །

― CMR051_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་འོང་བ་གདའ་བསམ་སྤྲོ་བ་སྐྱེ། །ཉམས་བཞི་པ་རྒྱ་མཚོ་ཆེན་པོ་འདྲ། །སེམས་མེ་རེ་འཁྱིལ་ལེ་ཡུན་རིང་གནས། །སེམས་གནས་པའི་ངང་ནས་འགྱུ་བ་ཡང་། །མཚོ་དྭངས་བའི་ནང་དུ་ཉ་རྒྱུག་འདྲ། །དེ་སྤྱོད་ལམ་ཕལ་ཆེར་འབྲལ་མེད་འདྲ། །བསྒོམ་ལེགས་པོར་སྐྱེས་ན་དགའ་བ་སྐྱེས། །ཉམས་དེ་རྣམས་ཡུན་ལ་ངེས་པ་མེད། །དུས་ཡུད་ཙམ་རེ་དང་ཉིན་ཞག་ཙམ། །དུས་ཟླ་ཆས་ལོ་ཤས་འདུག་ཀྱང་སྲིད། །དེ་མ་བསྐྱུར་རྒྱུན་དུ་སྐྱོང་བ་ན། །སེམས་བདེ་གསལ་མི་རྟོག་ཉམས་བཟང་འཆར། ། བླ་མའི་བྱིན་རླབས་མ་ཡིན་ཞིང་། །དམ་ཆོས་ཟབ་པས་མ་ཡིན་ཏེ། །བསྐལ་པ་གྲངས་མེད་སྔོན་རོལ་ནས། །སེམས་ཉིད་ཆོས་སྐུ་ཡིན་པར་འདུག །དེ་ཉིད་ཡིན་པར་མ་ཤེས་པས། །སྐྱོན་གྱིས་འཁོར་བར་འཁྱམས་པར་སྣང་། །སེམས་ཉིད་ཆོས་སྐུར་ངོ་སྤྲད་ཀྱང་། །དེ་ནི་མི་བདེན་བསམ་པ་རྣམས། །ལས་ངན་སྒྲིབ་པ་ཡིན་པར་གདའ། །ད་ནི་རང་གི་སེམས་ཉིད་ནི། །ཆོས་སྐུ་ཡིན་པར་ཐག་ཆོད་མཛོད། །སེམས་ལ་སེམས་ཀྱིས་ལྟ་བ་འདི། །ཉམས་ལེན་ཡིན་པར་ཐག་ཆོད་མཛོད། །གནས་པ་ཆོས་སྐུའི་ངོ་བོ་སྟེ། །

― CMR051_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པ་ལོངས་སྤྱོད་རྫོགས་པའི་སྐུ། །འགྱུ་བ་སྤྲུལ་པའི་སྐུ་ཡིན་ཏེ། །དེ་གསུམ་ངོ་བོ་དབྱེར་མེད་པ། །ངོ་བོ་ཉིད་ཀྱི་སྐུ་ཞེས་བྱ། །སངས་རྒྱས་སྐུ་བཞིའི་ངོ་བོ་དེ། །ཡེ་ནས་རང་གི་སེམས་ལ་ཚང་། །དེ་ལྟར་རྟོགས་ན་བདེ་བ་ཆེ། །མ་རྟོགས་འཁོར་བའི་སྡུག་བསྔལ་མཚོ། །འཁོར་བ་དང་ནི་མྱ་ངན་འདས། །རྟོགས་དང་མ་རྟོགས་ཁྱད་པར་ཙམ། །རྣམ་རྟོག་དང་ནི་ཆོས་སྐུ་གཉིས། །རིག་དང་མ་རིག་ཁྱད་པར་ཙམ། །དེ་ཕྱིར་རང་སེམས་རང་གིས་ལྟོས། །སེམས་མ་བཅོས་རང་སར་ཞོག་ཟེར་བ། །ཚིག་བརྗོད་པར་སླ་སྟེ་ཤེས་པར་དཀའ། །སེམས་གནས་ན་དགའ་བའི་རེ་བ་ཅིག །སེམས་འཕྲོ་ན་མི་དགའི་དོགས་པ་གཉིས། །བསྒོམ་ལེགས་པོ་སྐྱེ་བའི་རེ་འདོད་གཅིག །བསྒོམ་མི་སྐྱེ་དོགས་པའི་དོགས་པ་གཉིས། །སེམས་གསལ་ན་དགའ་བའི་རེ་བ་གཅིག །སེམས་སྨུག་ན་མི་དགའི་དོགས་པ་གཉིས། །སེམས་མཐོང་དུ་རེ་བའི་རེ་བ་གཅིག །སེམས་ངོ་བོ་མ་མཐོང་དོགས་པ་གཉིས། །བསྒོམ་སྐྱོན་མེད་སྐྱེ་འདོད་རེ་བ་གཅིག །གེགས་གོལ་ས་ཤོར་དོགས་ཡི་མུག་གཉིས། །སེམས་རྣམ་རྟོག་དེ་ཚོ་ཡོད་རིགས་ལ། །སེམས་མ་བཅོས་མ་

― CMR051_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་བཅོས་མ་ཡིན། །ད་སེམས་ལ་སེམས་ཀྱིས་ལྟ་བ་ཡིན། །སེམས་དྲན་རྫི་མ་བརྗེད་ཙམ་དང་ཞིག །གཞན་ཡག་འདོད་ཉེས་དོགས་རྒྱབ་ཏུ་སྒྱུར། །སེམས་ཀློད་དེ་ལྷོད་ལ་རང་བབས་ཞོག །དེ་བཞག་པས་མཐོང་རྒྱུ་གཞན་མེད་པར། །དཔེ་བར་སྣང་སྟོང་པར་བལྟས་པ་བཞིན། །གཟུགས་དངོས་པོ་མེད་པར་སྟོང་པར་མཐོང་། །དེ་མཐོང་ཚུལ་ཡིད་ལ་གསལ་ན་ཡང་། །དོན་དེ་འདྲ་ངག་ནས་བརྗོད་མི་ཤེས། །དཔེ་ལྐུགས་པས་བུ་རམ་ཟོས་པ་ལྟར། །ཚིག་བརྗོད་དུ་མེད་ཀྱང་རང་ལ་གསལ། །སེམས་བདེ་ཉམས་བདེ་ལུས་བདེ་སེམས། །སེམས་འབོལ་ལེ་ཤིག་གེར་གནས་པ་བྱུང་། །སེམས་གསལ་ཉམས་སྟོང་རྗེན་ལྷང་ངེ་བ། །དཔེ་ནམ་མཁའ་དྭངས་པའི་དཀྱིལ་ལྟར་འཆར། །སེམས་སྟོང་ཉམས་ཐམས་ཅད་སྟོང་པ་ཉིད། །ལུས་འདི་ཡང་མེད་པ་འདྲ་ཞིག་འཆར། །ཉམས་བཟང་བ་ལ་མ་ཆགས་ངོ་བོ་ལྟོས། །སེམས་རྩུབ་ཉམས་རྣམ་རྟོག་འཕྲོ་རྒོད་སྐྱོན། །སེམས་ལྟ་རྒྱུ་མེད་པ་རླུང་འཚུབ་འདྲ། །སེམས་མི་བདེ་དུག་ལྔ་ཅི་ཤར་ཡང་། །དེ་སྐྱོན་དུ་མ་ལྟ་ཀློད་ལ་ལྟོས། །སེམས་བྱིངས་བ་སྨུག་འཐིབ་མོག་གེ་བ། །སེམས་

― CMR051_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

བལྟས་ཀྱང་ལྟ་རྒྱུ་མི་རྙེད་ན། །ལུས་ཀྲིམ་མེར་བསྒྲིམས་ལ་ནམ་མཁའ་དང་། །སེམས་དབྱེར་མེད་བསྲེས་ལ་ངོ་བོ་ལྟོས། །སེམས་བལྟ་རྒྱུ་ཧྲིག་གེ་རྗེན་ནེ་བ། །རང་ངེས་ཤེས་གདིང་ནས་སྐྱེས་ཙམ་ན། །སེམས་ངར་འཛིན་མ་ཆེ་རང་བབས་ལྟོས། །དུས་ནམ་ཞིག་བལྟ་རྒྱུ་ལྟ་བ་འདྲེས། །སེམས་འདི་བལྟ་འདི་བསྒོམ་མེད་པ་ཡི། །སེམས་ཐ་མལ་རང་ག་འཇོག་པ་དེ། །བསྒོམ་ཡིན་ནམ་མིན་ནམ་སྙམ་པ་བྱུང་། །དེ་བཅོས་མ་མི་དགོས་དེ་གར་སྐྱོངས། །དེས་ཕྱག་ཆེན་གྱི་ལམ་སྣེ་ཟིན་པའོ། །དེ་ལྟར་བསྒོམས་པས་སངས་རྒྱས་པ། །སྔོན་གྱི་བཀའ་བརྒྱུད་ཐམས་ཅད་ལགས། །བསྒོམས་པས་གྲོལ་བ་སྤྱི་ཡི་ལུགས། །དེ་ལ་ངོ་མཚར་ཆེ་རྒྱུ་མེད། །མ་བསྒོམས་སངས་རྒྱས་ངོ་མཚར་ཆེ། །ཨོ་རྒྱན་པདྨའི་ཟབ་ཁྱད་ལ། །མ་བསྒོམས་སངས་རྒྱས་ཐབས་བཞི་ཡོད། །དེ་ཡི་ནང་ནས་ཁྱད་པར་དུ། །ཐེག་པ་དགུ་ཡི་ཡང་རྩེའི་ཆོས། །རྫོགས་ཆེན་ཨ་ཏི་སྤྱི་ཏི་ཞེས། །ཀུན་ཏུ་བཟང་པོས་གསུངས་པའི་དོན། །བལྟས་པས་གྲོལ་བ་ཐོད་རྒལ་ཁྲིད། །ཡེ་ཤེས་ལྔ་པོ་དངོས་སུ་མཐོང་། །ཐེ་ཚོམ་ཅན་ལ་གསང་བའི་གནས། །ལོག་ལྟ་སྐྱེས་ན་མནར་མེད་ལྟུང་། །

― CMR051_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་མེད་ཕལ་ལ་འདི་བཤད་ན། །མ་གཟའ་དམ་གསུམ་བཀའ་ཆད་འབེབས། །དེ་ལྟར་ཟབ་ཅིང་གཉན་པའི་ཆོས། །སྟོན་པའི་སྔོན་འགྲོའི་དམིགས་རིམ་ནི། །རང་གི་སྤྱི་བོར་པད་ཟླའི་སྟེང་། །ཆོས་སྐུ་ཀུན་བཟང་ཡབ་ཡུམ་ལ། །རྫོགས་ཆེན་བརྒྱུད་པས་བསྐོར་བར་བསྒོམ། །གསོལ་འདེབས་གང་འོས་བྱ་བའམ། །བཛྲ་གུ་རུ་མ་ཞིག་བཟླས། །སྤྱི་བོའི་ལྷ་ཚོགས་རང་ལ་བསྟིམ། །དབང་དང་བྱིན་རླབས་ཐོབ་པར་བསྒོམ། །དེ་ནས་རང་སེམས་ངོ་བོ་སྐྱོང་། །དེ་ནི་ཁྲེགས་ཆོད་དོན་འདུས་སོ། །ལུས་ངག་ཡིད་གསུམ་འཁོར་བ་དང་། །རུ་ཤན་ཕྱེ་བའི་དོན་བསྡུས་ནི། །རང་ཉིད་དམྱལ་བར་སྐྱེས་ནས་ཀྱང་། །སྡུག་བསྔལ་དཔག་མེད་ཡོད་པར་བསྒོམ། །དེ་བཞིན་ཡི་དྭགས་དུད་འགྲོ་དང་། །ལྷ་མིན་རྣམས་སུ་སྐྱེ་བར་བསྒོམ། །དེ་དག་སྐྱེས་པའི་སྡུག་བསྔལ་དེའི། །ངོ་བོ་སེམས་ལ་སྐབས་སུ་བལྟ། །རང་ཉིད་ལྷ་ཡི་རྒྱལ་པོ་དང་། །མི་ཡི་རྒྱལ་པོ་སྐྱེས་པར་བསྒོམ། །བདེ་སྐྱིད་དཔག་མེད་ཡོད་པར་བསྒོམ། །སྐྱིད་སྙམ་སེམས་ལ་ཧྲིག་གེར་བལྟ། །ལུས་ཀྱང་སྤྱོད་ལམ་རྣམ་འགྱུར་བྱ། །རང་ལ་སེམས་ཅན་ཐམས་ཅད་

― CMR051_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས། །གཤེ་སྐུར་ཚིག་ངན་བརྗོད་པར་བསྒོམ། །རང་ལ་སེམས་ཅན་ཐམས་ཅད་ཀྱིས། །བསྟོད་བཀུར་དཔག་མེད་བྱེད་པར་བསྒོམ། །དེ་གཉིས་སེམས་ཀྱི་ངོ་བོ་ལ། །བལྟས་པས་དངོས་མེད་སྟོང་པར་སྙོམས། །སེམས་ལ་རྣམ་རྟོག་མང་པོ་སྤྲོ། །ཕྱོགས་བཞི་མཚམས་བརྒྱད་ཀུན་ཏུ་བཏང་། །སེམས་ལ་ཅི་ཡང་མི་དྲན་འཇུག །འགྱུ་བ་བཀག་ལ་ངོ་བོ་བལྟ། །དེ་གཉིས་སེམས་ཀྱི་ངོ་བོ་ལ། །བཟང་ངན་ཁྱད་པར་ཅི་གདའ་བལྟ། །རིགས་དྲུག་སྐྱེ་སྒོ་ཆོད་པ་དང་། །འཁོར་འདས་རུ་ཤན་ཕྱེ་བའི་ཐབས། །ཤིན་ཏུ་བསྡུས་ཏེ་བསྟན་པའོ། །རྒྱས་པར་ཕྱེ་ན་བསམ་མི་ཁྱབ། །རང་ལུས་སྟོང་པ་སང་ངེར་བསྒོམ། །དེ་དབུས་དབུ་རྐྱང་རོ་གསུམ་རྩ། །ཁང་སྟོང་ཀ་བ་བཙུགས་འདྲ་བསྒོམ། ། གཡས་པར་ཨོཾ་དཀར་ཨཱདམར་གཡོན། །དབུ་མའི་ནང་དུ་ཧཱུྃ་མཐིང་ནི། །སྐུ་གསུམ་ཐུགས་ཀྱི་ངོ་བོ་བསྒོམ། །རྐང་མཐིལ་གཉིས་སུ་དམྱལ་བ་ཡི། །ས་བོན་དུ་ཡིག་ནག་པོ་རེ། །གསང་གནས་ཡི་དྭགས་སྲེ་དམར་པོ། །ལྟེ་བར་དུད་འགྲོར་ཏྲི་དུད་ཁ། །སྙིང་ཁར་མི་ཡི་ནི་ལྗང་གུ། །མགྲིན་པར་ལྷ་མིན་སུ་དམར་སྐྱ། །སྤྱི་བོར་ལྷ་ཡི་ཨ་དཀར་

― CMR051_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། །ཚེ་རབས་འཁོར་བ་ཐོག་མེད་ནས། །རིགས་དྲུག་སྐྱེ་བའི་སྡིག་སྒྲིབ་རྣམས། །ཡི་གེ་དེ་དག་རྣམས་ལ་ཐིམ། །སྙིང་ཁའི་ཨོཾ་ཨཱཿཧཱུྃ་གསུམ་ལས། །མེ་འབར་རིགས་དྲུག་ས་བོན་བསྲེག །དེ་ནས་རང་ལུས་ནང་ཐམས་ཅད། །ཡི་གེ་ཧཱུཾ་ཡིག་སྔོན་པོ་ཡིས། །ཐེམ་འགགས་ནེམ་འགགས་གང་བར་བསྒོམ། །དེ་ནས་དེ་རྣམས་སྒོམ་མཁན་གྱི། །སེམས་ལ་སེམས་ཀྱིས་ཧྲིག་གེར་བལྟ། །དངོས་པོ་ཁ་དོག་མ་མཐོང་བས། །སྟོང་རྗེན་ལྷང་ངེར་སྣང་བ་ནི། །རྫོགས་པ་ཆེན་པོའི་ཁྲེགས་ཆོད་ཅེས། །གནས་པ་གཞི་ཡི་སྒྲོན་མ་ཡིན། །རང་སེམས་སངས་རྒྱས་ཡིན་པ་ནི། །མདོ་སྔགས་གཉིས་ཀ་མཐུན་ན་ཡང་། །མདོ་ལུགས་ལམ་ཐག་རིང་བ་ནི། །རང་ལུས་སངས་རྒྱས་མ་རྟོགས་སྐྱོན་། །རང་ལུས་ཕུང་ཁམས་རྩ་ཐིག་རླུང་། །སངས་རྒྱས་ཡིན་ཚུལ་གསར་རྙིང་གི །རྒྱུད་སྡེ་ཀུན་ནས་གསུངས་པ་ཡིན། །ཡིན་ལ་ཡིན་བཞིན་གསལ་འདེབས་དགོས། །རང་ལུས་རྡོ་རྗེ་སེམས་དཔར་བསྒོམ། །སྙིང་དབུས་ཀུན་ཏུ་བཟང་པོ་ལ། །ཞི་བ་བཞི་བཅུ་རྩ་གཉིས་བསྐོར། །མགྲིན་པར་པདྨ་གར་དབང་ལ། །རིག་འཛིན་དཔའ་བོ་ཌཱཀྐིའི་

― CMR051_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར། །ཀླད་པ་དུང་ཁང་ནང་དུ་ནི། །ཆེ་མཆོག་ཁྲག་འཐུང་ལྷ་ཚོགས་བསྒོམ། །ཟས་རྣམས་ཐམས་ཅད་མཆོད་པར་དམིགས། །གོས་རྣམས་ཐམས་ཅད་འབུལ་བར་དམིགས། །གདན་ཡང་པདྨ་ཉི་ཟླའི་གདན། །རླུང་ནི་རྡུབ་པ་ཡི་གེ་ཨོཾ། །ཁོག་ཏུ་གནས་པ་ཡི་གེ་ཨཱ། །ཕྱིར་ལ་རྒྱུ་བ་ཡི་གེ་ཧཱུྃ། །དེ་ལྟར་ཤེས་ཤིང་གསལ་ཐེབས་ན། །བྱ་བ་སྤྱོད་ལམ་བྱང་ཆུབ་ལམ། །སྙིང་ག་སངས་རྒྱས་བཞི་བཅུ་གཉིས། །ཡེ་ནས་དངོས་སུ་ལུས་ལྷར་བཞུགས། །བཞུགས་རྟགས་མིག་ནི་མཛུབ་མོ་ཡིས། །མནན་པས་ཐིག་ལེ་གོར་མོ་འཆར། །ཙིཏྟ་ཤ་ཡི་སྒྲོན་མ་ཞེས། །ཞི་བ་རྡོ་རྗེ་དབྱིངས་ཀྱི་ལྷ། །རང་ལ་བཞུགས་པ་ངོ་མཚར་ཆེ། །སྙིང་དང་མིག་གཉིས་འབྲེལ་བའི་རྩ། །དར་དཀར་སྐུད་པ་འདྲ་བ་དོད། །དཀར་འཇམ་རྩ་ཡི་སྒྲོན་མ་ཡིན། །མིག་དབུས་ལུས་བཅུད་ཀུན་འདུས་པ། །གཟུགས་རྣམས་སོ་སོར་མཐོང་བྱེད་པ། །རྒྱང་ཞགས་ཆུ་ཡི་སྒྲོན་མ་ཡིན། །ཙཀྵུས་ཟིམ་བྱས་ཟེར་གཉིས་དུས། །སུརྻའི་དཀྱིལ་འཁོར་ལ་བལྟས་པས། །འཇའ་ཚོན་ཁ་དོག་སྣ་ཚོགས་འཆར། །རྣམ་དག་དབྱིངས་ཀྱི་སྒྲོན་མ་ཡིན། །དེ་དབུས་འོད་ཟེར་མུ་ཁྱུད་

― CMR051_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི། །ར་བ་ཟླུམ་པོར་འཆར་བ་ནི། །ཐིག་ལེ་སྟོང་པའི་སྒྲོན་མ་ཡིན། །དེ་སྟེང་རྟ་རྔའི་ཉག་མ་ཙམ། །དྲྭ་བ་དྲྭ་ཕྱེད་ལུ་གུ་རྒྱུད། །ལྕགས་ཐག་འདྲ་བ་འཆར་བ་ནི། །རིག་པ་རྡོ་རྗེ་ལུ་གུ་རྒྱུད། །ཞི་བའི་ལྷ་ཚོགས་སྙིང་དཀྱིལ་དུ། །བཞུགས་པའི་རང་འོད་ཡེ་ཤེས་ལྔ། །རྩ་ཡི་རྒྱུད་ནས་མིག་ལ་གསལ། །དངོས་སུ་ནམ་མཁའི་དབྱིངས་སུ་མཐོང་། །དེ་ལ་རྒྱུན་དུ་གོམས་བྱས་པས། །བཀྲག་མདངས་ལྟ་བར་མི་བཟོད་པའི། །ཐིག་ལེ་དཀར་སེར་དམར་དང་ལྗང་། །གཅིག་གམ་གསུམ་ཙམ་ལྔ་ཚོམ་འཆར། །ཆོས་ཉིད་མངོན་སུམ་སྣང་བ་ཡི། །ཡིད་ཡུལ་བསྒོམ་པའི་ཕྱག་ཆེན་གྱི། །རྟོགས་པ་གཞན་ལས་ཁྱད་པར་འཕགས། །ཅི་ཕྱིར་ཡེ་ཤེས་མིག་གིས་མཐོང་། །ཡིད་དཔྱོད་ལྟ་བར་རག་མ་ལུས། །དངོས་སུ་མཐོང་བར་ཐེ་ཚོམ་མེད། །དེ་ནས་དེ་ལ་གོམས་བྱས་པས། །འོད་དང་ཐིག་ལེ་ཐིག་ཕྲན་ནི། །ཇེ་ཆེ་ཆེ་ཞིང་ལུང་པ་ཁེངས། །ཐིག་ལེའི་དབུས་ན་རྡོ་རྗེ་དང་། །འཁོར་ལོ་ནོར་བུ་པདྨ་དང་། །ཕྱག་མཚན་ཡིག་འབྲུ་ལ་སོགས་འཆར། །ཉམས་ལེན་གོང་དུ་འཕེལ་བ་ཡིན། །འདི་ཙམ་མཐོང་བ་ཤི་ན་ཡང་། །

― CMR051_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དོར་རང་ངོ་འཕྲོད་དེ་གྲོལ། །དེ་ནས་གོམས་པར་བྱས་པ་ལ། །ཐིག་ལེའི་དཀྱིལ་ན་ལྷ་ཡི་སྐུ། །རེ་རེའི་གཙོ་འཁོར་སྣ་ཚོགས་པ། རིགས་ལྔ་ཞི་ཁྲོ་ཕལ་ཆེར་འཆར། ། དེ་ཡང་དང་པོ་གསལ་ཙམ་དང་། །དེ་ནས་རྒྱན་དང་ཆ་ལུགས་གསལ། །ཐམས་ཅད་གཏན་ལ་ཕབ་ན་ནི། །བར་དོ་བགྲོད་པར་མི་དགོས་ཏེ། །ཕྱི་དབུགས་ཆད་མ་ཐག་ཏུ་ནི། །རྡོ་རྗེ་སེམས་དཔའི་ཐུགས་ཀ་ནས། །འོད་ཀྱི་སྦུ་གུ་མིག་ལ་ཟུག །རིག་པ་རྡོར་སེམས་ཐུགས་ཀར་ཐིམ། ། །འདི་ལྟར་རྫོགས་ཆེན་ཐོད་རྒལ་འདི། །བསྒོམ་ཤེས་མི་དགོས་བལྟས་པས་གྲོལ། །ཟླ་དྲུག་མ་ཆག་བལྟས་ན་ནི། །རིག་པ་ཚད་ལ་ཕེབ་པ་སྟེ། །ཞི་ཁྲོའི་ལྷ་ཚོགས་དངོས་སུ་འཆར། །འདི་ལས་སླ་དང་ཟབ་པ་མེད། །གེགས་དང་གོལ་ས་ཅི་ཡང་མེད། །ཅུང་ཟད་མིག་ལ་གནོད་དོགས་ན། །དང་པོ་བལྟ་ཞིང་དེ་ནས་ནི། །གཡས་གཡོན་གང་གསལ་ཁྲིད་ལ་བལྟ། །ཟླ་བ་གཅིག་གཉིས་མ་བསྐྱུར་ན། །ནུབ་མོ་གཉིད་ཁ་ལ་སོགས་འཆར། །ཟླ་བ་མར་མེ་མེ་ལོང་དང་། །གསལ་ཁུང་ལ་ཡང་བལྟས་པས་འཆར། །ཐེག་དགུའི་ཡང་རྩེ་ཀུན་བཟང་བཀའ། །མ་བསྒོམས་སངས་རྒྱས་

― CMR051_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་མཚར་ཆེ། །གསར་མའི་ལུགས་ལ་མེད་པའི་ཕྱིར། །ཕལ་པའི་རྣ་བར་མི་ཤོང་བས། །གཞན་ལ་གསང་བ་དམ་ཚིག་ཡིན། །མ་གསང་བཀའ་སྲུང་ཆད་པ་འོང་། །དེ་ནས་སེམས་ངོ་སྐྱོང་ཤེས་ན། །ཕྱག་རྫོགས་ཟུང་འཇུག་ཉམས་ལེན་ནི། །མིག་གིས་འཇའ་འོད་ཐིག་ལེར་བལྟ། །དེ་ཚེ་རྣམ་རྟོག་མི་འཕྲོ་བས། །འཇའ་ཚོན་རྣམས་ལ་སེམས་གནས་པ། །དེ་ཡི་ངོ་བོ་བལྟས་པ་ཡི། །གསལ་སྟོང་ཟུང་དུ་འཇུག་པ་ནི། །དངོས་སུ་འཆར་ཞིང་བོགས་ཐོན་འགྱུར། །དེ་ལྟར་ཉམས་སུ་བླང་པ་ན། །ཨོ་རྒྱན་ཆེན་པོའི་ཟབ་ཆོས་ལ། །དེ་ལས་ཐེག་པ་མཐོ་བ་མེད། །དེ་བས་ཟབ་པའི་ཆོས་མེད་དོ། །དེ་བས་སླ་བའི་ཆོས་མེད་དོ། །དེ་བས་ལམ་ཐག་ཉེ་བ་མེད། །དེ་ལྟར་ཉམས་ལེན་སྐྱེས་བུ་ལ། །འདས་དུས་འཇའ་འོད་རིང་བསྲེལ་དང་། །གདུང་ལ་ལྷ་སོགས་ངེས་པར་འབྱོན། །དེང་སང་ཚེ་ལོ་ལྔ་བཅུའི་མཐའ། །ཚེ་ལོ་བཅུ་པའི་མཐར་ཐུག་བར། ། ཀུན་བཟང་ཐུགས་ཀྱི་བསྟན་པ་སྟེ། །རྫོགས་ཆེན་རྣམས་ནི་གྲོལ་བར་སླ། །ཤཱཀ་ཐུབ་བསྟན་པ་རྟགས་ཙམ་དུས། །ཡིན་པར་གསར་མ་ཉམས་བླངས་ཀྱང་། །རྟགས་མཚན་

― CMR051_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོན་ཉུང་གྲོལ་བར་དཀའ། །དེ་ཚུལ་རྫོགས་ཆེན་རྣམས་ནས་གསུངས། །དེ་ཕྱིར་ཕྱག་རྫོགས་ཟུང་འཇུག་གི །དམིགས་ཐུན་གོ་བདེ་ཚིག་ཉུང་བ། །ལུང་འདྲེན་ལ་སོགས་མ་བྱས་པར། །འཕྲལ་དུ་ཡིད་ལ་གང་ཤར་སྨྲས། །ཆམ་ཕུ་དབུ་མཛད་ལ་ཕན་ཕྱིར། །ཁྲིད་ཀྱི་རིམ་པ་རྫོགས་པ་ཡིན། །ཨ་ནུ་ཨ་ཏིའི་ཉམས་ལེན་འདུས། །མ་ཧཱ་ཡོ་གའི་ཉམས་ལེན་ནི། །ནངས་ནུབ་ནམ་ཁོམ་ཕུར་པ་ཡི། །ལས་བྱང་ལ་སོགས་གཏོར་བསྔོས་སམ། །བསྐྱེད་རིམ་བསྙེན་པ་རྒྱུན་དུ་མཛོད། །དེ་ཙམ་ཉམས་སུ་བླངས་པ་ན། །གསང་སྔགས་རྙིང་མའི་གྲལ་དུ་གཏོགས། །ཨོ་རྒྱན་རྗེས་འཇུག་ཡིན་ཞེས་བཤད། །དེ་སྐད་རཱ་ག་ཨ་སྱ་ཡིས། །སྙིང་གཏམ་གབ་སྦས་སྤངས་པའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཕྱག་རྫོགས་གདམས་པ། ལེ་ཚན་གཉིས།

― CMR051_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭ་ར་ཡེ། བླ་མ་ཡི་དམ་དབྱེར་མེད་པའི། །ཐུགས་རྗེ་ཆེན་པོ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་ཟུངས། །བདག་དང་འབྲེལ་བའི་འགྲོ་བ་རྣམས། །འདི་ཕྱིའི་སྐྱིད་སྡུག་ཁྱེད་རང་ཤེས། །གོ་འཇོའི་ཡུལ་ནས་བྱོན་པ་ཡི། །གཅིག་ཞུས་བྱེས་མཁན་འགའ་ཞིག་དང་། །དགོན་པ་གསུམ་གྱི་བཙུན་པ་རྣམས། །བན་རྒན་བདག་ལ་ཕྲད་པ་ལ། །བསླབ་བྱ་ཁ་ད་ཚིག་གསུམ་ཞུ། །མི་ལུས་ཡང་ཡང་ཐོབ་དཀའ་བས། །ལུས་འདི་དོན་དང་ལྡན་པའི་ཕྱིར། །སྡོམ་པ་དམ་ཚིག་གཙང་མར་སྲུང། །ནམ་འཆི་ངེས་མེད་ངེས་པར་འཆི། །ཤི་ཁ་མི་འགྱོད་ཙམ་རེ་མཛོད། །ལས་འབྲས་བསླུ་མེད་རང་ལ་སྨིན། །དགེ་སྒྲུབ་སྡིག་སྤང་བརྩོན་འགྲུས་སྐྱེད། །རིགས་དྲུག་གང་དུ་སྐྱེས་ཀྱང་སྡུག །ད་རེས་ཐར་པའི་ལམ་ཡུ་ཟུངས། །འགྲོ་དྲུག་ཕ་མ་དྲིན་ཆེན་ལ། །སྙིང་རྗེ་ཕན་སེམས་རྒྱ་མ་ཆུང་། །བཤགས་ན་མི་འདག་སྡིག་ལྟུང་མེད། །སྔར་བྱས་ལས་ལ་བཤགས་པ་མཛོད། །ཚེ་རབས་གཏན་གྱི་སོ་ནམ་ཡིན། །གང་འགྲུབ་བསོད་ནམས་ཚོགས་ལ་འབད། །འབྲེལ་ཐོགས་བླ་མ་ཐམས་ཅད་དང་། །

― CMR051_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེར་མེད་དཀོན་མཆོག་ཀུན་འདུས་པ། །ཨོ་རྒྱན་ཆེན་པོ་སྤྱི་བོར་བསྒོམ། །ཅི་མཛད་ཁྱེད་ཤེས་བློ་སྙིང་གཏོད། །གདུང་ཤུགས་དྲག་པོས་གསོལ་བ་ཐོབ། །རང་ལུས་ཐུགས་རྗེ་ཆེན་པོར་བསྒོམས། །སྙིང་པོ་ཡི་གེ་དྲུག་པ་ཐོན། །སྐབས་སུ་རང་གི་སེམས་ལ་ལྟོས། །བལྟས་པས་མི་མཐོང་དངོས་པོ་མེད། །སྟོང་པ་ཉིད་ཅེས་དེ་ལ་ཟེར། །མེད་པ་མ་ཡིན་གར་ཡང་འགྲོ། །དྲན་རྩལ་ཐོགས་མེད་དེ་ལ་ཟེར། །གཅིག་པ་མ་ཡིན་དུ་མ་འཕྲོ། །ཐ་དད་མ་ཡིན་ངོ་བོ་གཅིག །ཡོད་མིན་མེད་མིན་གཉིས་ཀ་མིན། །དབུ་མ་ཆེན་པོ་དེ་ལ་ཟེར། །དེ་ཤེས་ཤེས་བྱ་ཀུན་གྱི་རབ། །ཤེས་རབ་ཕ་རོལ་ཕྱིན་པ་ཟེར། ། །ཆོས་ཀུན་དེ་ལས་འདའ་ས་མེད། །ཕྱག་རྒྱ་ཆེན་པོ་དེ་ལ་ཟེར། །དེ་ལ་མ་རྫོགས་ཆོས་ཤིག་མེད། །རྫོགས་པ་ཆེན་པོ་དེ་ལ་ཟེར། །དེ་ལ་བཟོ་བཅོས་མི་བྱེད་པར། །གང་ཤར་ངོ་བོ་སྐྱོང་བ་ལ། །ཉམས་ལེན་སྐྱོང་བའི་མིང་དུ་བཏགས། །དང་པོ་རི་གཟར་ཆུ་དང་འདྲ། །རིག་པ་འཕྲོ་རྒོད་ཚུབ་ཚུབ་ཚུབ། །དེ་དུས་ལྷོད་ཅིང་རང་ངོ་ལྟོས། །རེས་འགའ་ལུང་རོང་ཆུ་དང་འདྲ། །རེས་འགའ་དལ་ཞིང་རེས་འགའ་བྲེལ། །དགའ་སྡུག་མ་བྱེད་

― CMR051_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཤར་སྐྱོང་། །དེ་ནས་མེ་རེ་འཁྱིལ་ལེ་གནས། །དེ་དུས་ངོ་བོ་ཧྲིག་གེ་ལྟོས། །རེས་འགའ་ལུས་བདེ་སེམས་ཀྱང་བདེ། །བདག་གཞན་མ་བྱེད་ངོ་བོ་ལྟོས་། །རེས་འགའ་ས་ལེ་རྗེན་ནེ་བ། །ང་རྒྱལ་མ་སྐྱེ་ངང་ལ་ཞོག །རེས་འགའ་མི་གསལ་ཐིབ་བེ་བ། །ལུས་སེམས་ཀྲིམ་མེ་སྒྲིམ་ལ་ལྟོས། །རེས་འགའ་སྟོང་པ་ཧད་དེ་བ། །ཐམས་ཅད་སྟོང་པ་རེད་བསམ་པའི། །འཛིན་པ་མ་ཞུགས་རྒྱུ་འབྲས་རྩིས། །རེས་འགའ་ཐེ་ཚོམ་ཡིད་གཉིས་སྐྱེ། །སྐྱུར་ནས་མ་བཞག་རྒྱུན་དུ་སྲུངས། །རྣམ་རྟོག་ཉུང་དུ་མ་སོང་ཡང་། །ཆུ་དང་རླབས་བཞིན་རང་སར་ཞི། །དྲན་པ་ཙམ་ནས་ཐོག་ཏུ་སླེབས། །སྤྱོད་ལམ་ཕལ་གྱིས་མི་གནོད་པ། །ཉམས་ལེན་སྐྱོང་བདེ་ཙམ་ཞིག་ཡིན། །མ་སྐྱུར་རྒྱུན་དུ་སྐྱོང་ནུས་ན། །ངོ་བོ་སླདེ་ནས་རྟོགས་པར་འགྱུར། །ཉམས་ལེན་ཐུགས་དམ་གང་བྱེད་ཀྱང་། །རང་དང་འབྲེལ་ཐོགས་ཐམས་ཅད་ཀུན། །བདེ་ཆེན་ཞིང་དུ་སྨོན་ལམ་ཐོབ། །ད་ལམ་ཆོས་འབྲེལ་དེ་ཙ་མཛོད། །དེ་སྐད་རཱ་ག་ཨ་སྱ་ཡིས། །འབྱོན་ཁར་མར་མེའི་ངོགས་ནས་བྲིས། །མངྒ་ལཾ།། །།

― CMR051_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་རཏྣ་ཡེ། བླ་མ་ནམ་མཁའ་བཀྲ་ཤིས་ཁྱེད། །བླ་མ་དམ་པའི་དབོན་ལས་འཁྲུངས། །ཨོ་རྒྱན་ཆེན་པོའི་རྗེས་ཞུགས་ནས། །ཟབ་གཏེར་བསྟན་ལ་གང་ཕན་དང་། །གདུལ་བྱ་འགྲོ་དོན་ཆེ་བ་དེ། །ཧ་ཅང་རྣམ་གཡེང་ཆེ་ན་ཡང་། །ཉམས་རྟོགས་ལེགས་པོར་འཁྲུངས་པ་དེ། །ཨོ་རྒྱན་ཐུགས་རྗེ་ངོ་མཚར་ཆེ། །ད་ཡང་ཨོ་རྒྱན་བསྟན་པ་ལ། །གང་ཕན་གྲྭ་ཚོགས་སྐྱོང་བར་མཛོད། །དེང་སང་དུས་ངན་སྙིགས་མ་ལ། །སེམས་ཅན་བཅུ་ཕྲག་རེ་ཡན་གྱི། །སྣང་བ་ཆོས་ལ་བསྒྱུར་ནུས་ན། །བྱང་ཆུབ་སེམས་དཔའ་ཡིན་པར་གསུངས། །འགྲོ་དོན་སྐྱོང་ལ་སེམས་བསྐྱེད་གཙོ། །བྱ་བ་སྤྱོད་ལམ་ཅི་བྱེད་ཀྱང་། །བསྟན་དང་འགྲོ་བའི་དོན་དུ་སེམས། །རྟོགས་པ་སྐྱེ་དང་མི་སྐྱེ་ནི། །མོས་གུས་ཆེ་ཆུང་ཁོ་ནའི་ཁྱད། །བླ་མ་ཨོ་རྒྱན་དབྱེར་མེད་ལ། །གསོལ་བ་སྙིང་གི་དཀྱིལ་ནས་ཐོབ། །ཕུང་པོ་ཁམས་དང་སྐྱེ་མཆེད་རྣམས། །གདོད་ནས་ལིང་གའི་དཀྱིལ་འཁོར་ཏེ། །ཡིན་ན་ཡིན་པར་ཤེས་པ་ཡི། །བསྐྱེད་རིམ་སྣང་སྟོང་དབྱེར་མེད་བསྒོམ། །ཉམས་ལེན་རྩི་དང་མ་བྲལ་བའི། །མཁའ་ལ་འཇའ་ཚོན་ཤར་བ་ལྟར།།

― CMR051_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རྫོགས་ཟུང་འཇུག་རྒྱུན་དུ་བསྒོམ། །ཁྲེགས་ཆོད་ཉམས་ལེན་དངོས་གཞི་ལ། །ཚོགས་དྲུག་སྣང་བ་སྣ་ཚོགས་འདི། །རྣམ་པ་གསལ་ཡང་ངོ་བོ་སྟོང་། །ཆུ་ནང་ཤར་བའི་ཟླ་གཟུགས་འདྲ། །དེ་འདྲ་རྟོགས་པར་མ་གྱུར་ན། །ཚོགས་དྲུག་གཟུགས་སྒྲ་དྲི་རོ་དང་། །ས་རྡོ་རི་བྲག་ཐམས་ཅད་དང་། །རང་སེམས་བསྲེས་ལ་ངོ་བོ་སྐྱོང་། །དབྱེར་མེད་འདྲེས་ནས་སྟོང་ཉིད་འཆར། །ནམ་མཁས་གར་ཁྱབ་སེམས་དང་བསྲེ། ། །ཉམས་ལེན་ངོ་བོ་སྐྱོང་བ་དང་། །སངས་རྒྱས་ཐུགས་དང་སེམས་ཅན་སེམས། །རང་སེམས་བསྲེས་ལ་ངོ་བོ་སྐྱོང་། །དབྱེར་མེད་ཆེ་ཆུང་བཟང་ངན་དེ། །ལྟ་བ་འཁོར་འདས་དབྱེར་མེད་དེ། །ལྟ་བ་གྱད་ཀྱི་ལྷ་ཞེས་བྱ། །ཉམས་ལེན་སེམས་ངོ་མ་ཡེངས་པར། །བསྔོ་བ་སྨོན་ལམ་བྱ་བ་དེ། །འཁོར་གསུམ་ཡང་དག་བསྔོ་བ་སྟེ། །བསྔོ་བ་རྣམ་པར་དག་པ་ནི། །ཉམས་ལེན་མེད་པའི་བསྔོ་བ་ནི། །བསྔོ་བ་དུག་ཅན་ཕན་ཡོན་ཆུང་། །དངོས་གྲུབ་ཡི་དམ་ལྷ་ཡིས་འབྱུང་། །ཚེས་བཅུ་ཚོགས་འཁོར་གཏོར་བསྔོས་བརྩོན། །བསམ་པ་ཆོས་སྐྱོང་སྲུང་མས་སྒྲུབས། །དགུ་གཏོར་དུས་སུ་གསོལ་མཆོད་འབད། །ནུས་པ་སྔགས་ལས་འབྱུང་

― CMR051_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཕྱིར། །བསྙེན་སྒྲུབ་ཆུ་བོའི་རྒྱུན་བཞིན་བཟླ། །ཨོ་རྒྱན་བསྟན་ལ་ཕན་པ་ནི། །རང་དོན་དེ་བས་ལྷག་པ་མེད། །གྲྭ་ཚོགས་སྐྱོང་ལ་བློ་སྟོབས་བསྐྱེད། །བླ་མའི་ཐུགས་ལ་དེ་ལྟར་ཞོག །དེ་སྐད་རཱ་ག་ཨ་སྱས་འཕྲལ་དུ་གང་དྲན་ཞུས་པ་ལགས།།

བླ་མ་དོན་གྲུབ་ཀྱི་གཏོར་བསྔོས་བྲིས་ཟེར་ནས་ཤོག་བུ་གཏད་པ་ལ་ཤོག་ལྷག་བྱུང་བས་བྲིས་པ།

― CMR051_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དོན་གྲུབ་ཀྱི་གཏོར་བསྔོས་བྲིས་ཟེར་ནས་ཤོག་བུ་གཏད་པ་ལ་ཤོག་ལྷག་བྱུང་བས་བྲིས་པའོ། ། །

― CMR051_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭ་ར་ཡེ།། ཐུགས་རྗེ་ཅན་ལ་གསོལ་བ་འདེབས། །ཐུགས་རྗེ་ཆེན་པོས་བྱིན་གྱིས་རློབས། །ཐུགས་རྗེ་ཆེན་པོས་དངོས་གྲུབ་སྩོལ། །ཐུགས་རྗེ་ཆེན་པོས་ལམ་སྣ་དྲོངས། །ཐུགས་རྗེ་ཆེན་པོས་བར་ཆད་སོལ། །ཐུགས་རྗེ་ཆེན་པོ་འགྲུབ་པར་ཤོག །ཐུགས་རྗེ་ཆེན་པོ་འགྲུབ་ནས་ཀྱང་། །མཐོང་ཐོས་དྲན་རེག་འགྲོ་བ་རྣམས། །བདེ་བ་ཅན་དུ་ཁྲིད་པར་ཤོག །འཇིག་རྟེན་སྲིད་པའི་ཁ་དཔེ་ལ། །མ་རྒས་བར་དུ་མི་གོམས་ཟེར། །དེ་ལ་བདེན་པ་ཆེན་པོ་གདའ། །ད་ནི་ཁོ་བོ་རབ་ཏུ་རྒས། །བསམ་བློ་ཆེན་པོ་སྐྱེས་ནས་བྱུང་། །སྔོན་ཆད་ཧ་

― CMR051_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་ལོང་དུ་སོང་། །ད་ནི་དོན་གྱི་སྙིང་པོ་མཐོང་། །ཆུ་བུར་མིག་གིས་མ་མཐོང་ཡང་། །ཡེ་ཤེས་དག་པའི་སྤུན་ཟླར་བྱེད། །སེམས་ཉིད་སྟོང་པའི་དཀྱིལ་འཁོར་ན། །ཆོས་སྐུ་རྡོ་རྗེ་འཆང་ཆེན་དེ། །འདུ་འབྲལ་མེད་པར་བཞུགས་ནས་གདའ། །སེམས་ཉིད་གསལ་བའི་དཀྱིལ་འཁོར་ན། །ལོངས་སྐུ་ཐུགས་རྗེ་ཆེན་པོ་དེ། །གསལ་འགྲིབ་མེད་པར་བཞུགས་ནས་གདའ། །སེམས་ཉིད་འགགས་མེད་དཀྱིལ་འཁོར་ན། །སྤྲུལ་སྐུ་པདྨ་འབྱུང་གནས་དེ། །རྒྱུན་ཆད་མེད་པར་བཞུགས་ནས་གདའ། །ཕུང་པོ་ལྔ་ཡི་དཀྱིལ་འཁོར་ན། །སངས་རྒྱས་རྒྱལ་བ་

― CMR051_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྔ་དེ། །ལྷུན་གྱིས་གྲུབ་པར་བཞུགས་ནས་གདའ། །ཁམས་ལྔ་དག་པའི་དཀྱིལ་འཁོར་ན། །ཡུམ་ཆེན་ལྷ་མོ་དབྱིངས་ཕྱུག་ལྔ། །གདོད་ནས་དག་པར་བཞུགས་ནས་གདའ། །ཚོགས་བརྒྱད་དག་པའི་དཀྱིལ་འཁོར་ན། །ཉེ་བའི་སྲས་ཆེན་བརྒྱད་པོ་དེ། །སྤྲུལ་སྒྱུར་བྱེད་ཅིང་བཞུགས་ནས་གདའ། །ཚོགས་བརྒྱད་རྒྱུ་བའི་ཡུལ་བརྒྱད་ན། །སྒེག་སོགས་མཆོད་པའི་ལྷ་མོ་བརྒྱད། །རོལ་གར་འཆམ་སྟབས་ངང་ནས་གདའ། །སྣང་སྲིད་སྲིད་པའི་ཆོས་རྣམས་ཀུན། །ཐམས་ཅད་སེམས་སུ་རོ་གཅིག་ཐིམ། །ཕྱི་ནང་དབྱེར་མེད་འདྲེས་ནས་གདའ། །སྣང་བ་ཕྱི་རུ་མ་ལུས་ཤིང་། །རིག་པ་ནང་དུ་མ་ལུས་པར། །དབྱེར་མེད་ཁྱབ་གདལ་ཆེན་པོར་གདའ། །བདག་དང་གཞན་དུ་མ་གྲུབ་ཅིང་། ། ཐམས་ཅད་སེམས་ཉིད་གཅིག་ཏུ་གདའ། །སེམས་ཡང་ཡེ་ནས་ཡོད་མེད་དང་། །རྟག་ཆད་སྐྱེ་འགགས་བྲལ་བར་གདའ། །མ་བསྒོམ་པ་ཡང་འཁྲུལ་པ་སྟེ། །བསྒོམ་པ་རང་ཡང་འཁྲུལ་པ་ཉིད། །བསྒོམ་དང་མི་སྒོམ་ཁྱད་མེད་པར། །ཡེ་ནས་ཆོས་སྐུ་རྗེན་པར་གདའ། །ཡེངས་བ་ཉིད་ནི་འཁྲུལ་པ་ཉིད། །མ་ཡེངས་པ་ཡང་འཁྲུལ་པ་ཉིད། །ཡེངས་

― CMR051_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མ་ཡེངས་དབྱེར་མེད་པར། །ཡེ་ནས་སྤྲོས་བྲལ་ཆེན་པོར་གདའ། །བདག་མེད་ཕྱིར་ན་གཞན་མེད་ཕྱིར། །བདག་གཞན་གཉིས་མེད་སྟོང་པ་ཉིད། །དབྱེར་མེད་རོ་གཅིག་ཆེན་པོ་གདའ། །རང་སེམས་གདོད་ནས་ཀུན་ཏུ་བཟང་། །དང་པོའི་སངས་རྒྱས་བཅོམ་ལྡན་འདས། །རང་ལ་ཡེ་ནས་བཞུགས་པའི་ཕྱིར། །འབྲས་བུ་ཐོབ་འདོད་ངང་གིས་ཆུང་། །རིགས་དྲུག་སེམས་ཀྱི་སྣང་བ་ལས། །གཞན་དུ་གྲུབ་པ་མ་དམིགས་པས། །འཁོར་བར་འཁྱམས་དོགས་ད་ནི་ཆུང་། །སེམས་ཅན་ཡེ་ནས་མ་དམིགས་པས། །སྙིང་རྗེ་སྐྱེ་བའི་ཡུལ་མ་མཆིས། །དངོས་འཛིན་སྙིང་རྗེ་ད་ནི་ཆུང་། །རང་སེམས་རྫོགས་པའི་སངས་རྒྱས་མཐོང་། །ལྷ་ཞལ་མཐོང་འདོད་ད་ནི་ཆུང་། །མུན་པ་ལ་ནི་སྒྲོན་མེ་ལྟར། །རང་སེམས་ཆོས་སྐུར་རྟོགས་མ་ཐག །སྡིག་སྒྲིབ་མ་ལུས་ཐམས་ཅད་དག །དཀོར་སྒྲིབ་ཆེ་ཡང་ང་མི་སྐྲག །རྗེས་སུ་འཇུག་པའི་སློབ་མ་ཚོ། །ཚ་ཚ་བརྐོས་ཕོར་ཇི་བཞིན་དུ། །བོགས་སྐྱེད་འོང་ན་ད་འོང་རན། །ཚོང་པ་ཁྱིམ་དུ་བསླེབས་པ་བཞིན། །བློ་བདེའི་བསམ་དོན་ད་ནི་འགྲུབ། །གངས་དཀར་སེང་ལྕམ་དཀར་མོ་

― CMR051_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །ཡ་ང་བག་ཚ་མི་འདུག་སྟེ། །གངས་དཀར་འགྲིམས་པ་སེང་གེའི་ལུགས། །འཁོར་བར་ལྟུང་དོགས་མི་གདའ་སྟེ། །རྒྱུ་འབྲས་འཛེམ་པ་ཆོས་པའི་ལུགས། །གཙང་ཆབ་ཉ་མོ་གསེར་མིག་དེ། །འཚུབ་ནས་འཆི་དོགས་མི་གདའ་སྟེ། །མཚོ་འཁྱིལ་བསྡོམ་པ་གསེར་ཉའི་ལུགས། །ལྟུང་བའི་དོགས་པ་མི་གདའ་སྟེ། །ཚུལ་ཁྲིམས་བསྲུང་བ་བཙུན་པའི་ལུགས། །འཕགས་པ་འཇིག་རྟེན་དབང་ཕྱུག་གི །སེམས་ཅན་དམིགས་སུ་མ་མཆིས་ཏེ། །འགྲོ་དོན་བྱེད་པ་རྒྱལ་སྲས་ལུགས། །བདག་གཞན་གཉིས་མེད་རྟོགས་ལགས་ཀྱང་། །གཞན་ཕན་བྱེད་པ་བློ་སྦྱང་ལུགས། །ཡུམ་ཆེན་འཕགས་མ་སྒྲོལ་མ་དེ། །སངས་རྒྱས་ཀུན་དང་དབྱེར་མེད་ཀྱང་། །དཀྱིལ་འཁོར་ཀུན་གྱི་མཆོད་ལྷ་མ། །རང་ལུས་རྒྱལ་བའི་དཀྱིལ་འཁོར་དུ། །ད་ནི་ངེས་ཤེས་སྐྱེ་ལགས་ཀྱང་། །མཆོད་གཏོར་མཎྜལ་མི་གཅོད་པར། །འདི་ཡང་རྟེན་འབྲེལ་དོན་རྟོགས་རྟོགས། །ཆོས་སྐྱོང་བཀའ་སྲུང་ཐམས་ཅད་ཀྱང་། །རང་རིག་རྩལ་དུ་རྟོགས་མོད་ཀྱང་། །གཏོར་བསྔོ་དུས་གཏོར་མི་གཅོག་པར། །འདི་ཡང་རྟེན་འབྲེལ་གནད་ཅིག་རྟོགས། །སྣང་སྲིད་ལྷ་འདྲེ་སྡེ་བརྒྱད་ཀུན། །

― CMR051_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

རང་སེམས་ཡིན་པར་ཐག་ཆོད་ཀྱང་། །བསང་མཆོད་དཀར་གཏོར་བསྔོ་བ་སོགས། །རྟེན་འབྲེལ་ཁྱད་དུ་མི་གསོད་པ། །འདི་ཡང་རྒྱུད་ཀྱི་དགོངས་པ་ཡིན། །ད་ལྟ་ཤི་ཡང་མི་འགྱོད་ཅིང་། །བློ་བདེ་ཁོང་དུ་ཆུད་ལགས་ཀྱང་། །སྲུང་འདོགས་ཚེ་སྒྲུབ་སྨན་བླ་སོགས། །རྟེན་འབྲེལ་ཐབས་ལ་འབུངས་བ་འདི། །ད་རུང་ལུས་འདིས་མགྲོན་པོ་ཞིག །འགྲུབ་ན་བསམ་པའི་སེམས་བསྐྱེད་ཡིན། །རྒས་པོ་བཅོས་པའི་དཔའ་གཏམ་འདི། །བུང་བུས་སེང་སྐད་ཡིན་ནམ་མིན། །ཡེ་ཤེས་སྤྱན་ལྡན་རྣམས་ཀྱིས་མཁྱེན། །ཆུང་ནས་འགྲོགས་པའི་དོན་འགྲུབ་ལ། །དེ་རིང་སྙིང་གཏམ་རྗེན་པར་ཞུ། །ཤོག་བུ་ལྷག་པས་ཉམས་མཚར་དུ། །ཁོང་ཆུང་དབེན་ཕྱིར་ཉམས་ལ་ཤར། །འཕྲལ་དུ་བྲིས་པ་མངྒ་ལཾ། །ཨ་རཱ་གས་སོ།། ༈ །།རྗེ་ཆོས་སྐུའི་རྒྱལ་པོ་སྣང་བ་མཐའ་ཡས་ལ་གསོལ་བ་འདེབས་སོ། །ལུས་འཆི་མེད་ཚེ་ཡི་རིག་འཛིན་མ་ཐོབ་པར་གྱུར་ཀྱང་། །ལྷ་མིའི་བདེ་སྐྱིད་ལ་ཆགས་ཞེན་སྤངས་ནས་བདེ་སྨོན་ལ་ཡི་དམ་བྱེད་དང་། །འདི་ནས་འཕོས་མ་ཐག་ཏུ་ཞིང་དེར་སྐྱེ་བ་ཞིག་འོད་དཔག་མེད་ཁྱེད་མཁྱེན་ནོ། །རྗེ་ལོངས་

― CMR051_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུའི་རྒྱལ་པོ་ཐུགས་རྗེ་ཆེན་པོ་ལ་གསོལ་བ་འདེབས་སོ། །ཚེ་འདིར་འགྲོ་དོན་དུས་གསུམ་སངས་རྒྱས་དང་མ་མཉམ་པར་གྱུར་ཀྱང་། །རང་དོན་ཡིད་བྱེད་སྤངས་ནས་སེམས་བསྐྱེད་དང་སྨོན་ལམ་འདི་ལ་འབད་དང་། །འབྲེལ་ཚད་དོན་དང་ལྡན་པ་ཞིག་སྤྱན་རས་གཟིགས་ཁྱེད་རང་མཁྱེན་ནོ། །རྗེ་སྤྲུལ་སྐུ་པའི་སྐུ་ཡི་རྒྱལ་པོ་པདྨ་འབྱུང་གནས་ལ་གསོལ་བ་འདེབས་སོ། །འབྱུང་བཞི་ལ་རང་དབང་བསྒྱུར་བའི་གྲུབ་རྟགས་མ་ཐོན་གྱུར་ཀྱང་། །ཐ་མལ་གྱི་སྣང་ཞེན་སྤངས་ནས་བསྐྱེད་རིམ་བསྙེན་སྒྲུབ་ཞིག་བྱེད་དང་། །ཕྲིན་ལས་རྣམ་བཞི་འགྲུབ་པ་ཞིག་པད་འབྱུང་ཁྱེད་རང་མཁྱེན་ནོ། །རྗེ་མཁའ་འགྲོའི་རྒྱལ་མོ་བྷ་ག་ལ་ཡི་ཕག་མོ་ལ་གསོལ་བ་འདེབས་སོ། །ཚེ་འདིར་འཇའ་ལུས་མཁའ་སྤྱོད་རང་མ་གྲུབ་གྱུར་ཀྱང་། །ཐེག་དམན་གྱི་བསམ་པ་སྤངས་ནས་རྩ་རླུང་ལ་ཉམས་ལེན་ཞིག་བྱེད་དང་། །རླུང་སེམས་དབུ་མར་ཚུད་པ་ཞིག་མ་གཅིག་ཁྱེད་རང་མཁྱེན་ནོ། །རྗེ་པཎ་གྲུབ་རྒྱལ་པོ་ཏེ་པུ་པ་ཆེན་པོ་ལ་གསོལ་བ་འདེབས་སོ། །རྒྱ་བོད་ཀུན་ཏུ་མཁས་གྲུབ་ཀྱི་གྲགས་པ་འཐོན་པར་མ་བྱུང་གྱུར་ཀྱང་། །རྨོངས་ཞེན་གྱི་ཨུ་ཚུག་སྤངས་ནས་མདོ་རྒྱུད་ཕྱོགས་མེད་ལ་ལྟ་

― CMR051_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ལམ་ལོག་ལམ་གོལ་མེད་པ་ཞིག་པཎ་གྲུབ་ཁྱེད་རང་མཁྱེན་ནོ། །རྗེ་རྟོགས་ལྡན་གྱི་རྒྱལ་པོ་རས་ཆུང་རྡོར་གྲགས་ལ་གསོལ་བ་འདེབས་སོ། །ལུས་འདིས་འཕགས་ཡུལ་སོགས་གནས་ཆེན་དུ་མ་བགྲོད་པར་མ་གྱུར་ཀྱང་། །མི་གཙང་བའི་འདུ་ཤེས་སྤངས་ནས་རྡོ་རྗེའི་ལུས་ལ་གནད་དུ་བསྣུན་དང་། །གནས་གསུམ་ཌཱཀྐིས་བྱིན་གྱིས་བརླབས་པ་ཞིག་སྐྱེས་བུ་ཁྱེད་རང་མཁྱེན་ནོ། །རྗེ་རས་པའི་རྒྱལ་པོ་ཟངས་རི་རས་པ་ལ་གསོལ་བ་འདེབས་སོ། །ལོ་སར་གངས་ཁྲོད་དུ་ཆུ་རས་ཐུབ་པ་མ་བྱུང་གྱུར་ཀྱང་། །དགུན་ཚེའི་རིང་ལ་གཏུམ་མོ་ཨ་ཐུང་གི་དམིགས་ཐུན་རེ་སྐྱོང་དང་། །བདེ་སྟོང་གི་ཡེ་ཤེས་སྐྱེ་བ་ཞིག་རས་པ་ཁྱེད་རང་མཁྱེན་ནོ། །རྗེ་འགྲོ་མགོན་རྒྱལ་པོ་རས་ཆེན་ཡབ་སྲས་ལ་གསོལ་བ་འདེབས་སོ། །ཆོས་སྐྱོང་མི་བཞིན་དུ་དངོས་སུ་འཁོར་བའི་ནུས་པ་མཐུ་སྟོབས་ཞིག་མ་བྱུང་གྱུར་ཀྱང་། །སྡིག་གྲོགས་སྤངས་ནས་ཆོས་སྐྱོང་སྲུང་མ་འདི་གྲོགས་སུ་བརྟེན་དང་། །ཆོས་དང་བསྒྲུབ་པའི་ས་ལམ་དུ་འགྲོ་བ་ཞིག་འགྲོ་མགོན་ཁྱེད་མཁྱེན་ནོ། །རྗེ་གྲུབ་ཆེན་གྱི་རྒྱལ་པོ་ཀརྨ་པཀྵི་ལ་གསོལ་བ་འདེབས་སོ། །མེ་ཆུ་དུག་མཚོན་གྱི་ནུས་པ་

― CMR051_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་པར་མ་ནུས་སུ་གྱུར་ཀྱང་། །སྣང་བ་འདི་བདེན་འཛིན་སྤངས་ནས་སྒྱུ་ལུས་ཀྱི་རྣལ་འབྱོར་བསྒོམ་དང་། །དགྲ་གཉེན་གྱི་འཛིན་པ་ཞིག་པ་ཞིག་གྲུབ་ཆེན་ཁྱེད་རང་མཁྱེན་ནོ། །རྗེ་བཀའ་བརྒྱུད་གྱི་རྒྱལ་པོ་ཀཾ་ཚང་དོན་བརྒྱུད་ལ་གསོལ་བ་འདེབས་སོ། །མཐོང་གྲོལ་དྲན་གྲོལ་ཐོས་གྲོལ་ཙམ་མ་གྲུབ་གྱུར་ཀྱང་། །བླ་མའི་སྐྱོན་ཚོལ་སྤངས་ནས་སྙིང་ནས་གསོལ་བ་ཞིག་འདེབས་དང་། །ཉམས་རྟོགས་འདི་ཡར་ངོའི་ཟླ་ལྟར་འཕེལ་བ་ཞིག་བཀའ་བརྒྱུད་ཁྱེད་རང་མཁྱེན་ནོ། །རྗེ་དྲིན་ཆེན་གྱི་རྒྱལ་པོ་ཆོས་ཀྱི་དབང་ཕྱུག་ཡབ་སྲས་ལ་གསོལ་བ་འདེབས་སོ། །མཁས་བཙུན་བཟང་གསུམ་གྱི་གྲགས་པོས་འཛམ་གླིང་ཁྱབ་པར་མ་གྱུར་ཀྱང་། །སྡོམ་གསུམ་ལ་ངོས་ལྐོག་མེད་པར་བསླབ་གསུམ་ལ་ནན་ཏན་ཞིག་བྱེད་དང་། །འཁོར་བ་ལ་ཕྱི་ཕྱག་འཚལ་བ་ཞིག་རྩ་བའི་བླ་མ་ཁྱེད་རང་མཁྱེན་ནོ། །རྗེ་ཡི་དམ་གྱི་རྒྱལ་པོ་རྒྱལ་བ་རྒྱ་མཚོ་ལ་གསོལ་བ་འདེབས་སོ། །ཡི་དམ་དངོས་སུ་མཇལ་བ་རྫུ་འཕྲུལ་སྟོན་པར་མ་ཐོབ་གྱུར་ཀྱང་། །ལོ་གྲངས་བཅུ་གསུམ་གྱི་བར་དུ་གསོལ་བ་འདེབས་པ་ཞིག་བསྒྲུབ་དང་། །བདེ་ཆེན་གྱི་ཞིང་དུ་སྐྱེས་ནས་ས་བཅུ་ཐོབ་པ་ཞིག་ཡི་དམ་ཁྱེད་རང་

― CMR051_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་ནོ། །རྗེ་ཆོས་སྐྱོང་གི་རྒྱལ་པོ་མ་མགོན་ལྕམ་དྲལ་ལ་གསོལ་བ་འདེབས་སོ། །སངས་རྒྱས་བསྟན་པ་སྲུང་བའི་མཐུ་ནུས་ཞིག་མ་གྲུབ་གྱུར་ཀྱང་། །དམ་ཚིག་ཆག་ཉམས་སྤངས་ནས་གཏོར་བསྔོས་དང་དགུ་གཏོར་འདི་མ་ཆག་པར་བྱེད་ན། །བསྒྲུབ་པའི་བར་ཆད་ཞི་ཞིང་མཐུན་རྐྱེན་འབྱོར་བ་ཞིག་ཆོས་སྐྱོང་ཁྱེད་རང་མཁྱེན་ནོ། །རྗེ་བསླུ་བ་མེད་པའི་ཀུན་རྫོབ་དོན་དམ་གྱི་བདེན་པ་གཉིས་ལ་གསོལ་བ་འདེབས་སོ། །བསྔོ་བ་སྨོན་ལམ་གང་བཏབ་འཕྲལ་དུ་དངོས་སུ་མ་གྲུབ་པར་གྱུར་ཀྱང་། །བློ་ཆུང་སྤངས་ནས་དགེ་བ་ཅི་བྱེད་གཞན་དོན་དུ་བསྔོ་དང་། །མཐར་ཐུག་རྫོགས་སངས་རྒྱས་པ་ཞིག་བདེན་གཉིས་ཁྱེད་རང་མཁྱེན་ནོ།། ༈ །།དབང་ལུང་གི་ཐོབ་རྒྱ་བསྐྱེད་ན། །ས་སྟེང་གི་བླ་མ་ཀུན་བསྟེན་ཡང་དགོས་པར་འདུག་སྟེ། །རྩེ་གཅིག་གསོལ་བ་བཏབ་ན་ལྷན་སྐྱེས་ཡེ་ཤེས་ནི་རྩ་བའི་བླ་མ་གཅིག་པོས་ཀྱང་སྟེར་བར་འདུག་པས། །འབུལ་སྡུད་ཀྱི་ཚོང་ཟོག་ལ་དམིགས་ནས་ཐོབ་རྒྱ་ཡི་བླ་མ་རྩ་བ་བཞག་ལ། །མོས་གུས་གཅིག་ཆོག་གིས་གསོལ་བ་འདེབས་ཡུལ་རྒྱལ་བ་ཡབ་སྲས་བཞུགས་པ་འདི་དགའ་ཡང་དགའོ། །སྔགས་ལ་མཁས་པའི་

― CMR051_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་པ་བསྒྲུབས་ན་གསར་རྙིང་གི་དཀྱིལ་འཁོར་ཐམས་ཅད་ཀྱང་དགོས་པར་འདུག་སྟེ། །རྒྱུད་སྡེ་བཞི་ཡི་སྤྱི་སྒྲུབ་ནི་རྒྱལ་བ་རྒྱ་མཚོ་ལྷ་ལྔས་ཀྱང་ཐུབ་པར་འདུག་པས། །མངོན་དཀྱིལ་མང་པོའི་ཟིན་ཐུན་ལ་མི་ཚེ་བསྐྱལ་བ་དེ་བཞག་ལ། །དཀྱིལ་འཁོར་ཀུན་འདུས་རྒྱལ་བ་རྒྱ་མཚོ་ལྷ་ལྔའི་དཀྱིལ་འཁོར་ཉམས་སུ་ལེན་པ་འདི་དགའ་ཡང་དགའོ། །མང་པོའི་ལས་ཚོགས་དང་བརྩོན་འགྲུས་རྣམས་བསྒྲུབས་ན་ལྷ་ཚོགས་རྒྱ་མཚོ་ཐམས་ཅད་ཀྱང་དགོས་པར་འདུག་སྟེ། ། །མཆོག་ཐུན་མོང་གི་དངོས་གྲུབ་ནི་རྒྱལ་བ་རྒྱ་མཚོས་ཀྱང་སྟེར་བར་འདུག་པས། །ངག་ནུས་དང་འདྲེ་བརྡུང་ལ་དམིགས་པའི་མཚམས་སྒྲུབ་མང་པོ་བཞག་ལ། །ལུས་སེམས་འཁྲུལ་པ་སྦྱོང་ཕྱིར་ཐུགས་རྗེ་ཆེན་པོ་ཡབ་ཡུམ་བསྒོམ་པ་འདི་དགའ་ཡང་དགའོ། །མཆོད་བསྟོད་ཀྱིས་བསོད་ནམས་བསགས་ན་གསར་རྙིང་གི་ཆོ་ག་དང་མཆོད་ཕྲེང་མང་པོ་ཡང་དགོས་པར་འདུག་སྟེ། །རྩ་བ་གསུམ་དང་སངས་རྒྱས་ཀྱི་མཆོད་རྟེན་ནི་ཐུགས་རྗེའི་ཆོ་གས་ཀྱང་འཐུས་པར་འདུག་པས། །དབང་ལུང་ངེས་ཆ་མེད་ཅིང་བསྙེན་སྒྲུབ་མ་ཐེམ་པའི་ཆོ་ག་མང་པོ་བཞག་ལ། །ཐམས་ཅད་ཀུན་འདུས་ཐུགས་རྗེ་ཆེན་པོའི་མཆོད་

― CMR051_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲེང་བཏང་བ་འདི་དགའ་ཡང་དགའོ། །བསྟན་པའི་རླབས་རྒྱ་སྐྱོང་ཞིང་བསྟན་འགྲོའི་ལམ་ངན་འདུལ་ན་ཆོས་སྐྱོང་ཐམས་ཅད་ཀྱང་དགོས་པར་འདུག་སྟེ། །བྱང་ཆུབ་སྒྲུབ་པའི་བར་ཆད་ནི་མ་མགོན་ཡབ་ཡུམ་ཁོ་ནས་ཀྱང་སེལ་བར་འདུག་པས། །གཏད་སེལ་སྲེག་གསུམ་བསྒྲུབ་པའི་ངག་བཅད་དང་མུན་མཚམས་ཀྱང་བཞག་ལ། །བརྒྱུད་པའི་བཀའ་སྲུང་ལ་གཏོར་བསྔོས་དང་དུས་གཏོར་ཙམ་བཏང་ནས་འདོད་དོན་གསོལ་བ་འདི་དགའ་ཡང་དགའོ། །མཁས་པའི་གྲལ་ལ་བསྙག་ན་བཀའ་བཅུ་དང་རབ་འབྱམས་ཀྱང་གྲྭ་སྐོར་ཡང་དགོས་པར་འདུག་སྟེ། །མདོ་རྒྱུད་ཀྱི་གོ་བ་ནི་བསྒོམས་བྱུང་གི་ཤེས་རབ་དང་དཔེ་བལྟས་གཉིས་སྦྲགས་ན་ཡང་འོང་བར་འདུག་པས། །མི་ཚེ་ཚིག་ཕྱིར་འབྲང་ནས་ཉམས་ལེན་དང་བྲལ་བ་དེ་བཞག་ལ། །གཅིག་ཤེས་ཀུན་གྲོལ་གྱི་གདམས་ངག་ཟབ་མོ་ཉམས་སུ་ལེན་པ་འདི་དགའ་ཡང་དགའོ། །བཟང་པོའི་གྲྭ་ལ་བསྐངས་ན་དཀའ་ཐུབ་དང་ཆུ་འཐུང་རྡེལ་འཆའ་ཡང་དགོས་པར་འདུག་སྟེ། །བསོད་ནམས་བསགས་པའི་ཐབས་ལ་ནང་གི་སྦྱིན་སྲེག་ཀྱང་ཟབ་པར་འདུག་པས། །ཕུང་ཁམས་ཀྱི་ལྷ་ལ་བརྙས་ཆོས་ཀྱིས་དཀའ་ཐུབ་དྲག་པོ་

― CMR051_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་བཞག་ལ། །ཤ་ཆང་ལོག་འཚོ་སྤངས་ནས་གདན་གཅིག་བྱེད་པ་འདི་དགའ་ཡང་དགའོ། །བཙུན་པོའི་གྲལ་བསྙགས་ན་དགོན་པ་དང་གྲ་འགྲིག་བཅའ་ཁྲིམས་ཀྱང་འོང་དགོས་པར་འདུག་སྟེ། །ཚུལ་ཁྲིམས་གཙང་མ་ནི་བག་ཡོད་དྲན་ཤེས་བརྟེན་པ་ཁོ་ནས་ཀྱང་ཆོག་པར་འདུག་པས། །སྐྱབས་གནས་བླ་མ་ཚེ་འདིའི་མི་དཔོན་དུ་མཐོང་བའི་བཅའ་ཁྲིམས་ཀྱང་བཞག་ལ། །རང་གིས་ཚུལ་ཁྲིམས་བསྲུང་ཞིང་གཞན་ལ་ཚུལ་ཁྲིམས་ཀྱི་བསྔགས་པ་བརྗོད་པ་འདི་དགའ་ཡང་དགའོ། །བྱ་བཏང་གི་གྲ་ལ་བསྙག་ན་ཚོང་དང་རྐང་བཞི་སྤོང་བའང་དགོས་པར་འདུག་སྟེ། །ཏིང་འཛིན་གྱི་གཡེང་བ་སྤང་བ་ནི་དགོས་མེད་ཀྱི་དྲན་པ་བརྟེན་པས་ཀྱང་ཆོག་པར་འདུག་སྟེ། །བྱ་བ་བཏང་ནས་འབུལ་སྡུད་རྒྱལ་ཁམས་འགྲིམ་པ་དེ་བཞག་ལ། །གང་བྱུང་ལེན་ཞིང་དཀོར་ཕུད་དགེ་བ་གང་འགྲུབ་བསྒྲུབ་པ་འདི་དགའ་ཡང་དགའོ། །ནུས་པ་ཆེ་བའི་གྲ་ལ་བསྙག་ན་བཟླས་པའི་དུང་གྲངས་ཕྲེང་བ་ཁྲ་ཆོབ་སེར་སོང་དགོས་པར་འདུག་སྟེ། །བསྐྱེད་རྫོགས་འབྲེལ་པའི་བྱེ་ཆུང་བཅའ་བཅུས་ཀྱང་རྟགས་མཚན་ཅུང་ཟད་སྟོན་པར་འདུག་པས། །ལྷ་དང་བྲལ་བའི་མི་ནག་སྔགས་འདྲེན་གྱི་དུང་གྲངས་

― CMR051_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་བཞག་ལ། །བསྐྱེད་རྫོགས་མཆོད་བསྟོད་རྡོ་རྗེའི་བཟླས་པ་རྣམས་དང་འབྲེལ་པ་འདི་དགའ་ཡང་དགའོ། །ཆེན་པོ་གྲྭ་ལ་བསྙག་ན་སྡེ་དང་དགོན་པ་གདན་ས་ཡང་འོང་དགོས་པར་འདུག་སྟེ། །ཅི་ཡང་མེད་ན་དཀའ་ལས་དང་སེམས་ཁུར་སྡུག་བསྔལ་ནི་ཆུང་བར་འདུག་པས། །ཆེན་པོའི་ས་ལ་ཞེ་འདོད་དང་ཡིད་སྨོན་རློམས་སེམས་ཀྱང་བཞག་ལ། །གཉོམ་ཆུང་རི་སུལ་དུ་ཉམས་ལེན་རྩེ་གཅིག་ཏུ་སྐྱོང་བ་འདི་དགའ་ཡང་དགའོ། །ཞེན་ལོག་གི་གྲྭ་ལ་བསྙག་ན་ཕ་ཡུལ་དང་གཉེན་འདུན་སྤང་བ་ཡང་དགོས་པར་འདུག་སྟེ། །དད་འདུན་དང་རྩི་འཇོག་ཆུང་བའི་རང་ཡུལ་ན་ཐུགས་དམ་འཕེལ་བར་འདུག་པས། །རང་ཡུལ་སྤངས་ནས་མི་ཡུལ་ན་དགྲ་འདུལ་གཉེན་སྐྱོང་བྱེད་པའང་བཞག་ལ། །དགྲ་གཉེན་སུ་ལའང་ཧ་ཅང་མཛའ་འཁོན་མེད་པ་འདི་དགའ་ཡང་དགའོ། །རྟོགས་ལྡན་གྱི་གྲལ་ལ་བསྙག་ན་རྒྱ་བོད་ཀྱི་གནས་རི་བསྐོར་བའང་དགོས་པར་འདུག་སྟེ། །ཉི་ཤུ་རྩ་བཞིའི་གནས་ཆེན་རྣམས་རྡོ་རྗེའི་ལུས་ལའང་ཚང་བར་འདུག་པས། །ཁ་ཕྱེད་ཀྱིས་རྒྱལ་ཁམས་བསྐོར་ཞིང་དབུས་རྐང་གི་དགེ་དགོན་འགྲིམ་པ་དེ་བཞག་ལ། །རྟེན་འབྲེལ་ལུས་ལ་

― CMR051_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲིགས་པས་རྟོགས་པ་སེམས་ལ་འཆར་བ་འདི་དགའ་ཡང་དགའོ། །བདེ་སྟོང་དཔེའི་ཡེ་ཤེས་བསྒྲུབས་ན་ལས་ཀྱི་ཕྱག་རྒྱ་བསྟེན་པ་ཡང་དགོས་པར་འདུག་སྟེ། །བདེ་སྟོང་ལྷན་སྐྱེས་ཀྱི་ཡེ་ཤེས་ནི་ཙཎྜ་ལི་དམ་ཚིག་གི་ཕྱག་རྒྱས་ཀྱང་སྟེར་བར་འདུག་པ། །བསྟན་པའི་ཞབས་འདྲེན་བྱིས་པ་ལྐོག་གསོད་བྱེད་པའི་ཆགས་ལམ་དེ་བཞག་ལ། །ཡིད་རིག་ཡེ་ཤེས་ཀྱི་ཕྱག་རྒྱས་གསང་སྔགས་ཀྱི་དམ་ཚིག་མི་འགལ་བ་འདི་དགའ་ཡང་དགའོ། །སྤྲོས་མེད་ཁོར་ཡུག་གིས་ཉམས་ལེན་སྐྱོང་ན་བྱ་ཆ་དང་དགེ་སྦྱོར་ཡང་སྤོང་དགོས་པར་འདུག་སྟེ། །འབྲས་བུ་སྐུ་གཉིས་ནི་ཐབས་ཤེས་ཟུང་འཇུག་གིས་ཀྱང་འགྲུབ་པར་གསུངས་པས། །སྤྲོས་མེད་དུ་རློམས་ནས་ལུས་ངག་བཏང་སྙོམས་སུ་ལུས་པ་འདི་བཞག་ནས། །གཉིད་ཚེ་མ་གཏོགས་བསྐྱེད་རྫོགས་བཟླས་བརྗོད་གང་རུང་ཞིག་དང་ནམ་ཡང་འབྲལ་མེད་འདི་དགའ་ཡང་དགའོ། །དབུ་ཕར་གྱི་བཤད་པ་བཏང་ན་རང་གཞན་གྱི་ལྟ་གྲུབ་དགག་བཞག་ཀུན་དགོས་པར་འདུག་སྟེ། །ཕྱག་རྫོགས་དབུ་གསུམ་གྱི་ཉམས་ལེན་ནི་རང་སེམས་རང་ངོ་ལྟ་བས་ཀྱང་འཐུས་པར་འདུག་པས། །ཆོས་སྤང་གི་སྒྲིབ་པ་སོགས་པའི་ལྟ་གྲུབ་ཀྱི་དགག་

― CMR051_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་ཀུན་བཞག་ལ། །བྱིན་རླབས་སྟོབས་ལས་འཁྲུངས་པའི་ཉམས་མྱོང་སྐྱོང་བ་འདི་དགའ་ཡང་དགའོ། །མངོན་ཤེས་དང་རྫུ་འཕྲུལ་བསྒྲུབས་ན་ཞི་གནས་ཀྱི་ཏིང་འཛིན་བཟང་པོ་ཡང་དགོས་པར་འདུག་སྟེ། །འཁོར་བའི་འཁྲུལ་སྣང་རྒྱུན་ནི་ལྷག་མཐོང་གི་རྟོགས་པས་ཀྱང་སེལ་བར་འདུག་པས། །དམིགས་བཅས་ཀྱི་སེམས་འཛིན་མང་པོ་ལ་སྡུག་བཙིར་བྱེད་པ་དེ་བཞག་ལ། །གང་ཤར་དགག་སྒྲུབ་མེད་པར་ལྷུག་པར་འཇོག་པ་འདི་དགའ་ཡང་དགའོ། །བྱང་སེམས་ཀྱི་སྤྱོད་པ་སྐྱོང་ན་ཕྱོགས་མེད་འགྲོ་དོན་ཀྱང་དགོས་པར་འདུག་སྟེ། །གཞན་དོན་གཟུགས་སྐུའི་ས་བོན་ནི་སེམས་བསྐྱེད་བསྔོ་བས་ཀྱང་ཐོབ་པར་འདུག་པས། །རང་གི་འགྲོ་དོན་བཤོལ་ཞིང་གཞན་རྒྱུད་མི་གྲོལ་བའི་འགྲོ་དོན་ཡང་བཞག་ལ། །རང་རྒྱུད་ཅི་ཐུལ་བྱེད་ཅིང་གཞན་དོན་སྨོན་ལམ་འདེབས་པ་འདི་དགའ་ཡང་དགའོ། །དགེ་བཤེས་ཀྱི་གྲལ་ལ་བསྙག་ན་ས་ལམ་དང་འབྲས་བུའི་བཤད་པའང་དགོས་པར་འདུག་སྟེ། །རང་སེམས་གློ་བུར་གྱི་དྲི་མ་དེ་དག་ནི་སངས་རྒྱས་རང་ཡིན་པར་གསུངས་པས། །ས་ལམ་འབྲས་བུའི་རྩིས་བགྲང་དང་རྩོད་པ་དེ་བཞག་ལ། །རང་སེམས་

― CMR051_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

གཉུག་མའི་ངོ་བོ་སྐྱོང་བ་འདི་དགའ་ཡང་དགའོ། །ཞེས་པ་འདི་གྲོ་ཞུན་ཟླ་བའི་ཡར་ཚེས་གསུམ་གྱི་ཉིན་ཉམས་མཚར་དུ་བྱས་པའོ། །ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཏན་ཐུབ་སྐྱབས་ལ་རེ་བ་སོམ་ཉི་དང་བྲལ་བར་ཉམས་སུ་ལོངས་ན་དོན་འགྲུབ་པའི་ཉམས་མྱོང་སྐྱིད་པ་དགུའི་མགུར།

― CMR051_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

གཏན་ཐུབ་སྐྱབས་ལ་རེ་བ་སོམ་ཉི་དང་བྲལ་བར་ཉམས་སུ་ལོངས་ན་དོན་འགྲུབ་པའི་ཉམས་མྱོང་སྐྱིད་པ་དགུའི་མགུར་ནི། ཨེ་མ་ཧོ། བློ་ཁྱེད་ཤེས་ཀྱི་ལིང་སྐྱུར་ནུས་པ་ན། །བསླུ་མེད་ཀྱི་སྐྱབས་གནས་དཀོན་མཆོག་བཞུགས། །རྒྱབ་རྟེན་འདི་བཟང་བས་ང་རེ་སྐྱིད། །སེམས་གདུང་ཤུགས་ཀྱིས་གསོལ་བ་འདེབས་ནུས་ན། །བྱིན་རླབས་ཀྱི་གཏེར་མཛོད་བླ་མ་བཞུགས། །འཇུ་ས་འདི་བཟང་བས་ང་རེ་སྐྱིད། །ཚད་མེད་ཀྱི་སྙིང་རྗེ་བསྒོམ་ནུས་ན། །ཚོགས་གཉིས་ཀྱི་གཏེར་མཛོད་སེམས་བསྐྱེད་བཞུགས། །ཅི་བྱས་ཀུན་ཆོས་ཕྱོགས་སུ་འགྲོ་བས་ང་རེ་སྐྱིད། །བསྐྱེད་རིམ་དང་བསྙེན་སྒྲུབ་འབད་ནུས་ན། །དངོས་གྲུབ་ཀྱི་གཏེར་མཛོད་ཡི་དམ་བཞུགས། །མཆོག་ཐུན་མོང་གཉིས་འགྲུབ་པས་ང་རེ་སྐྱིད། །སྣང་སྟོང་སངས་རྒྱས་སུ་བསྟེན་ནུས་ན། །དཀྱིལ་འཁོར་གྱི་གཏེར་མཛོད་ལུས་ལ་བཞུགས། །ཐིག་ཚོན་མི་དགོས་ང་རེ་སྐྱིད། །བྱིན་རླབས་ཀྱི་དམིགས་རིམ་གསལ་ནུས་ན། ། ཚོགས་འཁོར་གྱི་གཏེར་མཛོད་བཟའ་བཏུང་བཞུགས། །ཚོགས་ཞོར་ལ་རྫོགས་པ་ང་རེ་སྐྱིད། །མ་བཅོས་ཀྱི་རང་བབས་སྐྱོང་ནུས་ན། །ཆོས་སྐུའི་གཏེར་མཛོད་སེམས་ཉིད་

― CMR051_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས། །འབྲས་བུ་འདི་རང་ཆས་ང་རེ་སྐྱིད། །མ་ཡེངས་ཀྱི་ཏིང་འཛིན་གསལ་ནུས་ན། །ཕོ་ཉའི་གཏེར་མཛོད་དམིགས་རིམ་བཞུགས། །དངོས་རྟགས་རང་ཐོན་པས་ང་རེ་སྐྱིད། །མཆོད་བསྟོད་དང་བསྐང་གསོལ་བརྩོན་ནུས་ན། །ཕྲིན་ལས་ཀྱི་གཏེར་མཛོད་ཆོས་སྐྱོང་བཞུགས། །གང་བསམ་ཀུན་འགྲུབ་པ་ང་རེ་སྐྱིད། །ཅེས་པ་འདི་འགྲུབ་པར་དཀའ་བའི་དོན་ཅིག་གྲུབ་པས་ཡིད་དགའ་ནས་ཨ་རཱ་གས་སྦྱར་བའོ།། མངྒ་ལཾ།། ༈ །།སངས་རྒྱས་ཀུན་གྱི་རང་བཞིན་སྐུ། །རང་བྱུང་རྡོ་རྗེའི་ཞབས་ལ་འདུད། །སངས་རྒྱས་ཀུན་གྱི་རིང་བཞིན་ནི། །ཆོས་སྐུ་སྐྱེ་བ་མེད་པར་ལགས། །སེམས་ཅན་ཀུན་གྱི་རང་བཞིན་ཡང་། །དེ་ལས་གཡོ་བ་མ་མཆིས་ཀྱང་། །རང་ངོ་ཤེས་དང་མི་ཤེས་ལས། །སངས་རྒྱས་སེམས་ཅན་ཁྱད་པར་བྱུང་། །གདོད་ནས་རྣམ་དག་ཆོས་ཀྱི་དབྱིངས། །འགྱུར་མེད་ནམ་མཁའ་ལྟ་བུ་ལ། །འདུ་བྱེད་གཡོ་བའི་བདག་འཛིན་གྱིས། །རྣམ་རྟོག་སྤྲིན་ཚོགས་ལྟ་སྤྲིན་ཚོགས་ནམ་མཁའི་ཆོ་འཕྲུལ་ལགས། །ནམ་མཁའ་ལས་བྱུང་ནམ་མཁར་ཐིམ། །སྤྲིན་ཀྱང་ནམ་མཁའ་ལས་གཞན་མིན། །བདག་ཏུ་འཛིན་པའི་རྣམ་རྟོག་

― CMR051_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

འདི། །སེམས་ལས་བྱུང་ཞིང་སེམས་སུ་ཐིམ། །སེམས་ལས་རྣམ་རྟོག་གཞན་མ་ཡིན། །རྣམ་རྟོག་རང་བཞིན་ཤེས་པ་ལ། །མི་རྟོག་ཡེ་ཤེས་མཚན་དུ་གསོལ། །རྣམ་རྟོག་དགག་པས་མི་རྟོག་མིན། །ཆུ་རླབས་ཆུ་ལས་གཞན་མིན་ལྟར། །རྣམ་རྟོག་སེམས་ལས་གཞན་མིན་ཏེ། །སེམས་ཉིད་ཡེ་ནས་ཆོས་ཀྱི་སྐུ། །ཆོས་སྐུ་དེ་ལ་བཅོས་མི་དགོས། །ཡག་འདོད་བཅོས་པས་འཁྲུལ་པ་ཉིད། །ངན་དོགས་གཟབ་པས་ངན་དུ་སོང་། །བཟོ་བཅོས་མེད་པར་རང་བབས་སུ། །ཀློད་དེ་བཞག་ལ་མ་ཡེངས་ཙམ། །འདི་བསྒོམ་གཏད་སོ་མེད་པ་ལ། །འདི་ཡིན་འདི་མིན་འཛིན་པ་ཞིག །ཉམས་ལ་བཟང་ངན་བླང་དོར་མེད། །གང་ཤར་དེ་ཡི་ངང་དུ་ལྷོད། །སངས་རྒྱས་དེ་ཡིན་སེམས་ཅན་དེ། །འཁོར་བ་དེ་ཡིན་མྱང་འདས་ཏེ། །ཐམས་ཅད་དེ་ཡི་རང་བཞིན་ཉིད། །སེམས་ཉིད་དངོས་པོའི་གནས་ཚུལ་ཏེ། །ཡིན་ལ་ཡིན་བཞིན་བཞག་པ་ན། །ཕྱག་ཆེན་སྒོམ་པའི་ཉམས་ལེན་ཟེར། །དེ་ཡི་རང་བཞིན་ཤེས་པ་ལ། །རང་བཞིན་ཡོངས་ཤེས་མི་ཟེར་རམ། །དབང་པོ་རབ་ཀྱི་གང་ཟག་ལ། །དེ་དོན་གོ་རྟོགས་དུས་གཅིག་

― CMR051_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་། །དབང་པོ་འབྲིང་གི་གང་ཟག་ལ། །དང་པོ་གོ་སྟེ་ཕྱིས་ནས་རྟོགས། །དབང་པོ་ཐ་མའི་གང་ཟག་ལ། །གསོལ་བ་བཏབ་ཅིང་ཉམས་བླངས་ན། །རིག་པར་ཉམས་ནི་སྣ་ཚོགས་འཆར། །ཉམས་དེ་ཡལ་ནས་དངོས་སུ་རྟོགས། །གློ་བུར་སྒྲིབ་པ་ཟེར་བ་དེ། །འཛིན་པའི་འདུ་ཤེས་ཡིན་པར་སྣང་། །གང་དང་གང་ལ་དེར་འཛིན་གྱི། །མཚན་མ་མ་ཞུགས་རང་བབས་སུ། །མ་ཡེངས་ཙམ་ལས་གཞན་མེད་པར། །བཞག་པས་ཆོག་པ་གནད་དམ་པ། །དྲན་རྫི་དགོས་དང་མ་དགོས་ནི། །སློབ་དང་མི་སློབ་ལམ་གྱིས་ཁྱད་། །བ་གླང་མདུན་གྱི་གསེར་དེ་ནི། །ངོ་མི་ཤེས་ཀྱང་གསེར་ཡིན་ལྟར། །དྲན་རྫི་ཡོད་དམ་མེད་ཀྱང་རུང་། །སེམས་ཉིད་ཆོས་སྐུ་ཡིན་ཞེས་པ། །གཞི་ཡི་ཆོས་སྐད་གོ་བ་ཙམ། །གོ་བ་ཕྱི་ཡི་ལྷན་པོ་དེ། །མངོན་སུམ་མ་རྟོགས་དགོས་པ་ཆུང་། །དེ་ཕྱིར་མ་བསྒོམས་མ་རྟོགས་བར། །དྲན་རྫི་བརྟེན་པ་གནད་དུ་ཆེ། །འདི་བསྒོམ་གཏད་སོ་མེད་པ་དེ། །སྤྲོས་དང་བྲལ་བའི་རྟོགས་པ་སྟེ། །བསྒོམ་མེད་ཡིན་པར་རློམ་པ་ན། །ཝ་ཡི་སེང་སྐད་གོལ་ས་ཆེ། །འོན་ཀྱང་ཆོས་སྐུའི་བཞུགས་ཚུལ་གྱིས། །གནད་གསང་གསང་

― CMR051_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་སྙིང་པོའི་དོན། །ཡེ་ཤེས་མཁའ་འགྲོའི་སྙན་བརྒྱུད་དོན། །གྲུབ་ཆེན་རྣམས་ཀྱི་ཉམས་རྟོགས་གདེང་། །མདོ་རྒྱུད་ཀུན་གྱི་བཅུད་དང་སྙིང་། །བཀའ་བརྒྱུད་བླ་མའི་བཞེད་པའི་དོན། །རང་བྱུང་རྡོ་རྗེའི་དགོངས་པའི་མཐིལ། །ནམ་ལང་གཉིད་ལས་སད་པ་བཞིན། །བླ་མའི་ཐུགས་རྗེའི་ཅུང་ཟད་ཙམ། །རྟོགས་པ་བླ་མའི་དྲིན་དུ་གོ །སངས་རྒྱས་ཀུན་འདུས་བླ་མ་རྗེ། །ད་དུང་ཐུགས་རྗེའི་སྤྱན་གྱིས་གཟིགས། །བདག་དང་སློབ་མ་བརྒྱུད་བཅས་ལ། །རྒྱུན་ཆད་མེད་པར་བྱིན་གྱིས་རློབས། །ཞེས་པ་འདི་རྗེ་རང་བྱུང་རྡོ་རྗེའི་གསུང་གཅིག་མཐོང་བ་ལ་བརྟེན་ནས། རང་གི་རྟོགས་པ་ལ་བོགས་ཆེན་པོ་ཞིག་བྱུང་བ་ལ་བརྟེན་ནས་རྭགས་སྨྲས་པ་སྟེ། ཁ་སྦད་རང་མིང་ཉམས་པ་ཡོད། །རྗེ་བཙུན་བླ་མའི་རྟོགས་པ་དེ། །བདག་གཞན་འགྲོ་ལ་སྨིན་གྱུར་ཅིག །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བླ་མ་ཀརྨ་དགེ་ལེགས་པའི་དྲིས་ལན་མགུར་སྣ་བདུན་པ།

― CMR051_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཀརྨ་དགེ་ལེགས་པའི་དྲིས་ལན་མགུར་སྣ་བདུན་པ་བཞུགས་སོ།།

― CMR051_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་བཛྲ་དྷ་ར་ཡེ། །དཔལ་རྡོ་རྗེ་འཆང་ལ་ཕྱག་འཚལ་ལོ། །ཁྱེད་བླ་མ་ཀརྨ་དགེ་ལེགས་པས། །གནས་གོ་བོ་ཁྱུང་ཕུག་གནས་སྒོ་དེ། །མི་བདག་གིས་ཕྱེས་ན་ཨེ་འབྱེད་གསུངས། །ཕྱི་ས་རྡོའི་གནས་སྒོ་ངས་མི་འབྱེད། །དེ་འབྱེད་པའི་ལུང་བསྟན་བདག་ལ་མེད། །ས་རྐོ་རྡོ་མཆུའི་ལྷ་ཞལ་ངས་མི་མཐོང་། །དེ་མཐོང་བའི་ཁ་བྱང་བདག་ལ་མེད། །ང་ཡི་མཆེད་པོ་ཆོས་དབང་ཀུན་བཟང་གིས། །གནས་གོ་བོ་ཕུག་དེ་མཇལ་བའི་དུས། །ཨོ་རྒྱན་གྱི་ཞབས་རྗེས་གསལ་པོ་གཅིག །སྔར་མེད་པར་གསར་དུ་རྙེད་ནས་ཀྱང་། །སྣུམ་བྱུགས་ནས་

― CMR051_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ལ་བསྟན་འདུག་ཀྱང་། །དེ་ངེས་ཤེས་དང་ཡིད་རང་བྱེད་མཁན་མེད། །ངས་ཕྱི་ཡི་གནས་སྒོ་མི་འབྱེད་ཀྱང་། །ནང་རྡོ་རྗེ་ལུས་ཀྱི་གནས་སྒོ་ཅིག །དེ་ཅི་འབྱེད་ལ་བརྩོན་འགྲུས་བྱེད་ན་བསམ། །དེ་ཁ་བྱང་བླ་མེད་ཀྱི་རྒྱུད་སྡེ་མཐོང་། །ཡང་བྱང་བླ་མའི་བཀའ་ལུང་ཐོབ། །གནས་བྱང་རང་སེམས་ཀྱི་ངོ་བོ་མཐོང་། །གནས་སྤྱི་བོ་བདེ་ཆེན་གྱི་འཁོར་ལོ་ན། །ལྷ་ཕ་རྒྱུད་གསང་འདུས་ཀྱི་ལྷ་ཚོགས་བཞུགས། །ཐབས་གཙོ་བོ་སྟོན་ནས་འབྱེད་ན་བསམ། །གནས་མགྲིན་པ་ལོངས་སྤྱོད་ཀྱི་འཁོར་ལོ་ན། །ལྷ་མ་རྒྱུད་མཱ་ཡཱའི་ལྷ་ཚོགས་བཞུགས། །ཤེས་རབ་

― CMR051_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ་བོར་སྟོན་ནས་འབྱེད་ན་བསམ། །གནས་སྙིང་ག་ཆོས་ཀྱི་འཁོར་ལོ་ན། །ལྷ་དགྱེས་རྡོར་སྤྲུལ་པའི་ལྷ་དགུ་བཞུགས། །ཐབས་ལམ་གཙོ་བོར་སྟོན་ནས་ཕྱེ་ན་བསམ། །གནས་ལྟེ་བ་སྤྲུལ་པའི་འཁོར་ལོ་ན། །ལྷ་བདེ་མཆོག་དྲུག་ཅུ་རྩ་གཉིས་བཞུགས། །ཨ་ཐུང་གཙོ་བོར་སྟོན་ནས་ཕྱེ་ན་བསམ། །གནས་གསང་གནས་བདེ་སྐྱོང་གི་འཁོར་ལོ་ན། །ལྷ་དུས་འཁོར་བདུན་བརྒྱ་ཉི་ཤུ་བཞུགས། །ཟུང་འཇུག་གཙོ་བོར་སྟོན་ནས་ཕྱེ་ན་བསམ། ། །གནས་ཙིཏྟ་སྙིང་གི་ཕུག་པ་ན། །ལྷ་ཞི་བ་བཞི་བཅུ་རྩ་གཉིས་བཞུགས། །ཨ་ཏི་གཙོ་བོར་སྟོན་ནས་ཕྱེ་ན་བསམ། །གནས་མགྲིན་པ་ལོངས་སྤྱོད་ཀྱི་འཁོར་ལོ་ན། །ལྷ་དག་པ་རིག་འཛིན་གྱི་ལྷ་ཚོགས་བཞུགས། །ཨ་ནུ་གཙོ་བོར་སྟོན་ནས་ཕྱེ་ན་བསམ། །གནས་སྤྱི་བོར་ཀླད་པ་དུང་ཁང་ན། ལྷ་ཁྲག་འཐུང་དྲུག་ཅུའི་ལྷ་ཚོགས་བཞུགས། །མ་ཧཱ་གཙོ་བོར་སྟོན་ནས་ཕྱེ་ན་བསམ། །ལུས་རྩ་གནས་ཉི་ཤུ་རྩ་བཞི་ན། །ཡུལ་ཉི་ཤུ་རྩ་བཞིའི་གནས་སྒོ་ཡོད། །རླུང་འཁྲུལ་འཁོར་ལ་བརྟེན་ནས་ཕྱེ་ན་བསམ། །གནས་གསང་བའི་རྩ་མདུད་འོག་མ་ན། །ཕྲིན་ལས་གྲུབ་པའི་གནས་ཆེན་ཡོད། །ལྷ་ལས་ཀྱི་མཁའ་

― CMR051_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་དངོས་སུ་བཞུགས། །ངས་དབབ་བཟློག་ལ་བརྟེན་ནས་ཕྱེ་ན་བསམ། །གསང་གནས་ཀྱི་རྩ་མདུད་བར་མ་ན། །ལྷ་དོན་ཡོད་གྲུབ་པ་དངོས་སུ་བཞུགས། །ངས་ལྷ་ཞལ་གཅིག་དེ་རུ་མཇལ་ན་བསམ། །གསང་གནས་ཀྱི་རྩ་མདུད་གོང་མ་ན། །ལྷ་རྡོ་རྗེ་གཞོན་ནུ་དངོས་སུ་བཞུགས། །ངས་ཕྲིན་ལས་ཀྱི་རྟེན་འབྲེལ་ཞིག་བསྒྲིགས་ན་བསམ། །གནས་ལྟེ་བའི་རྩ་མདུད་འོག་མ་ནི། །ལྷ་རིན་ཆེན་མཁའ་འགྲོ་དངོས་སུ་བཞུགས། །ཡོན་ཏན་རྒྱས་པའི་གནས་ཆེན་ཡིན། །ངས་ཨ་ཐུང་གི་གདམས་པས་ཕྱེ་ན་བསམ། །གནས་ལྟེ་བའི་རྩ་མདུད་བར་མ་ན། །ལྷ་རིན་ཆེན་འབྱུང་ལྡན་དངོས་སུ་བཞུགས། །ངེས་ལྷ་ཞལ་གཅིག་དེ་རུ་མཇལ་ན་བསམ། །གནས་ལྟེ་བའི་རྩ་མདུད་འོག་མ་ན། །ལྷ་ཆེ་མཆོག་ཧེ་རུ་དངོས་སུ་བཞུགས། །ངས་ཡོན་ཏན་གྱི་རྟེན་འབྲེལ་ཞིག་བསྒྲིགས་ན་བསམ། །གནས་སྙིང་གའི་རྩ་མདུད་འོག་མ་ན། །གནས་མི་འགྱུར་རྡོ་རྗེའི་གཞལ་ཡས་ཡོད། །ལྷ་རྡོ་རྗེ་མཁའ་འགྲོ་དངོས་སུ་བཞུགས། །ངས་འོད་གསལ་གྱི་གདམས་པས་ཕྱེ་ན་བསམ། །གནས་སྙིང་གའི་རྩ་མདུད་བར་མ་ན། །ལྷ་རྡོ་རྗེ་སེམས་དཔའ་དངོས་

― CMR051_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བཞུགས། །དྭངས་མ་ལྔ་ལྡན་གྱི་བུ་ག་ན། །ལྷ་ཆོས་སྐུ་ཀུན་བཟང་ཡབ་ཡུམ་བཞུགས། །ངས་ལྷ་ཞལ་གཅིག་དེ་རུ་མཇལ་ན་བསམ། །གནས་སྙིང་གའི་རྩ་མདུད་གོང་མ་ན། །ལྷ་ཐུགས་མཆོག་བཛྲ་ཧེ་རུ་ཀ །ཉམས་རྟོགས་པའི་རྟེན་འབྲེལ་ཞིག་བསྒྲིགས་ན་བསམ། །གནས་མགྲིན་པའི་རྩ་མདུད་འོག་མ་ན། །པདྨ་གསུང་གི་གནས་ཆེན་ཡོད། །ལྷ་པདྨ་ཊཱཀི་དངོས་སུ་བཞུགས། །ངས་སྔགས་བཟླས་ལ་བརྟེན་ནས་ཕྱེ་ན་བསམ། །གནས་མགྲིན་པའི་རྩ་མདུད་བར་མ་ན། །ལྷ་སྣང་བ་མཐའ་ཡས་དངོས་སུ་བཞུགས། །ངས་ལྷ་ཞལ་ཞིག་དེ་རུ་མཇལ་ན་བསམ། །གནས་མགྲིན་པའི་རྩ་མདུད་འོག་མ་ན། །ལྷ་པདྨ་དབང་ཆེན་དངོས་སུ་བཞུགས། །ངག་ནུས་པའི་རྟེན་འབྲེལ་ཞིག་བསྒྲིགས་ན་བསམ། །གནས་སྤྱི་བོའི་རྩ་མདུད་འོག་མ་ན། །བདེ་ཆེན་དག་པའི་གནས་ཆེན་ཡོད། །ལྷ་སངས་རྒྱས་མཁའ་འགྲོ་དངོས་སུ་བཞུགས། །ངས་རྩ་ཐིག་རླུང་གི་གདམས་པས་ཕྱེ་ན་བསམ། །གནས་སྤྱི་བོའི་རྩ་མདུད་བར་མ་ན། །ལྷ་སྐུ་མཆོག་རྣམ་པར་སྣང་མཛད་བཞུགས། །ངས་ལྷ་ཞལ་ཞིག་དེ་རུ་མཇལ་ན་བསམ། །གནས་སྤྱི་བོའི་རྩ་མདུད་གོང་མ་

― CMR051_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །ལྷ་འཇམ་དཔལ་གཤིན་རྗེ་གཤེད་པོ་བཞུགས། །ལུས་སྤྲུལ་སྐུའི་རྟེན་འབྲེལ་ཞིག་བསྒྲིགས་ན་བསམ། །མིག་ཙཱ་རི་དང་ཙཱ་འདྲའི་གངས་རི་ན། །མིག་འབྲས་གཡུ་མཚོ་དང་མཐིང་མཚོ་ཡོད། །ལྷ་ས་སྙིང་ཡབ་ཡུམ་དངོས་སུ་བཞུགས། །ངས་སྣང་སྟོང་གི་མཚོ་ཞལ་ཞིག་མཇལ་ན་བསམ། །རྣ་བ་དྷེ་ཝི་ཀོ་ཊི་ན། །ལྷ་ཕྱག་རྡོར་ཡབ་ཡུམ་དངོས་སུ་བཞུགས། །ངས་གྲག་སྟོང་གི་སྒྲུབ་ཕུག་ཞིག་མཇལ་ན་བསམ། །གནས་རྡོ་རྗེ་གངས་རིའི་ཏི་སེ་ན། །ལྷ་དབང་ཕྱུག་ཆེན་པོ་དངོས་སུ་བཞུགས། །ངས་དབབ་ལྡོག་གིས་གངས་བསྐོར་ཅིག་བྱེད་ན་བསམ། །གནས་དེ་ཚོ་ངེས་པར་འབྱེད་གྱུར་ན། །ས་རྡོའི་གནས་ཀྱིས་དོ་ཟླ་མེད། །སྔར་བྱོན་གྱི་གྲུབ་ཐོབ་ཐམས་ཅད་ཀྱང་། ། གནས་དེ་ཚོ་ཕྱེས་ནས་གྲུབ་པ་ཐོབ། །གནས་དེ་ཚོ་ཕྱེས་ནས་དངོས་གྲུབ་ཐོབ། །གནས་དེ་ཚོ་ཕྱེས་ནས་རྫོགས་སངས་རྒྱས། །མི་བདག་ཀྱང་དེ་འདྲའི་གནས་སྒོ་ན། །ད་མྱུར་དུ་གེགས་མེད་ཕྱེས་པ་ཞིག །ལྷ་ཐུགས་རྗེ་ཆེན་པོ་ཁྱེད་རང་མཁྱེན། །གནས་དེ་འདྲ་འབྱེད་ལ་ཡིད་སྨོན་ཆེ། །ས་རྡོའི་གནས་སྒོ་ཡིད་སྨོན་མེད། །དེ་འཕྲལ་དུ་ཡིད་ལ་ཤར་ནས་

― CMR051_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྲས། །མངྒ་ལཾ།། ༈ །།ན་མོ་མ་ཧཱ་མུ་དྲ་ཡེ། ཡང་གསོན་དང་ཀརྨ་དགེ་ལེགས་པ། །གནས་ཚྭ་བ་རྡོ་རྗེ་དྲེལ་དཀར་ནས། །སྐྱེ་བདུན་རིལ་བུའི་གཏེར་ཁ་སོགས། །ལུང་བསྟན་དང་ཁ་བྱང་བདག་ལ་མེད། །ཕྱི་རྫ་ས་གཏེར་ཆོས་གཏེར་ངས་མི་ཐོན། །དེ་ཐོན་པའི་ལུང་བསྟན་བདག་ལ་མེད། །ནང་རིག་པ་ཆོས་སྐུའི་གཏེར་ཆེན་གཅིག །དེའི་ཁ་བྱང་མདོ་རྒྱུད་ཀུན་ནས་མཐོང་། །ཡང་བྱང་བླ་མའི་བཀའ་ལུང་ཐོབ། །གནད་བྱང་ངོ་སྤྱོད་ལ་རྡོ་རུས་གཏུག །ལུས་ཤ་ཁྲག་གདོས་བཅས་ཀྱི་རི་བོ་ལ། །སེམས་ཆོས་སྐུའི་གཏེར་ཆེན་གཅིག་འདོན་ན་བསམ། །སེམས་ཞི་གནས་ཀྱི་རྒྱ་མཚོ་མེར་བ་ན། །སེམས་ལྷག་མཐོང་གི་ཆོས་གཏེར་གཅིག་ཐོན་ན་བསམ། །སེམས་འགྱུ་བའི་ནགས་ཚལ་སྤྱན་སྤུན་ན། །སེམས་གཅེར་མཐོང་གི་ཤོག་དྲིལ་འགའ་འདོན་ན་བསམ། །སེམས་སྒོམ་འདོད་ཀྱི་བྲག་རི་གཟར་མོ་ན། །སེམས་མ་བཅོས་ཀྱི་སྐྱེ་བདུན་གཅིག་འདོན་ན་བསམ། །སེམས་ཞེ་སྡང་གི་བྲག་རི་ནག་པོ་ན། །ལྷ་རྡོ་རྗེ་སེམས་དཔའི་ཐུགས་གཏེར་ཡོད། །མེ་ལོང་ཡེ་ཤེས་ཀྱི་གཏེར་ཁ་ཞིག་འདོན་ན་བསམ། །ང་རྒྱལ་གྱི་སྤང་རི་སེར་

― CMR051_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ན། །ལྷ་རིན་ཆེན་འབྱུང་ལྡན་ཐུགས་གཏེར་ཡོད། །མཉམ་ཉིད་ཡེ་ཤེས་ཀྱི་གཏེར་ཁ་ཞིག་འདོན་ན་བསམ། །སེམས་འདོད་ཆགས་ཀྱི་རྫ་རི་དམར་པོ་ན། །ལྷ་སྣང་བ་མཐའ་ཡས་ཀྱི་ཐུགས་གཏེར་ཡོད། །སོར་རྟོག་ཡེ་ཤེས་ཀྱི་གཏེར་ཁ་ཞིག་འདོན་ན་བསམ། །སེམས་ཕྲག་དོག་གི་གཡའ་རི་ལྗང་ཁུ་ནི། །ལྷ་དོན་ཡོད་གྲུབ་པའི་ཐུགས་གཏེར་ཡོད། །བྱ་གྲུབ་ཡེ་ཤེས་ཀྱི་གཏེར་ཁ་ཞིག་འདོན་ན་བསམ། །གཉིད་གཏི་མུག་ཀླུ་བདུད་ཀྱི་བླ་མཚོ་ན། །སེམས་འོད་གསལ་ཆོས་སྐུའི་གཏེར་ཆེན་ཡོད། །འོད་གསལ་ཆོས་སྐུའི་གཏེར་ཞིག་འདོན་ན་བསམ། །རྨི་ལམ་འཁྲུལ་པའི་ལྷ་ཁང་ན། །ལོངས་སྐུ་ཞིང་སྦྱོང་གི་གཏེར་ཆེན་ཡོད། །ལོངས་སྐུ་དག་པའི་གཏེར་ཁ་ཞིག་འདོན་ན་བསམ། །སད་པ་ཉིང་འཁྲུལ་གྱི་བྲག་ཕུག་ན། །གཏུམ་མོ་ཨ་ཐུང་གི་གཏེར་གཅིག་ཡོད། །བདེ་དྲོད་རང་འབར་གྱི་གཏེར་གཅིག་འདོན་ན་བསམ། །ཐུན་མཚམས་ཐ་མལ་གྱི་འདྲེ་གནས་ན། །སྒྱུ་ལུས་ལྷ་སྐུའི་རྫས་གཏེར་ཡོད། །འཁྲུལ་པ་རང་གྲོལ་གྱི་གཏེར་གཅིག་འདོན་ན་བསམ། །གཏེར་དེ་འདྲ་ལ་ཡིད་སྨོན་ཤིན་ཏུ་ཆེ། །ད་བརྩོན་འགྲུས་གཅིག་ཆེ་ན་ཐོན་

― CMR051_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་སྲིད། །མཚོ་རི་བྲག་ལ་སྦས་པའི་གཏེར་ཁ་འདིར། །དེ་དུག་སྦྲུལ་མགོ་ཡི་ནོར་བུ་བཞིན། །ཁོ་ཡག་ཉེས་ཤིན་ཏུ་ཆེ་བའི་ཕྱིར། །ད་ལུང་བསྟན་བྱུང་ཡང་དགའ་བ་ཆུང་། ། སྔོན་གཏེར་སྟོན་བརྒྱ་རྩ་ལྷག་ཙམ་བྱོན། །དེ་བར་ཆད་དབང་དུ་མ་ཤོར་བར། །དོན་འགྲོ་དོན་ལུང་བཞིན་འགྲུབ་པ་ནི། །རྗེ་རཏྣ་གླིང་པ་ཙམ་ཞིག་ལགས། །གཞན་གཏེར་སྟོན་ཚད་ལྡན་ཕལ་ཆེར་ཡང་། །ལ་ལ་ནི་དུས་གནད་རྟེན་འབྲེལ་འཆུགས། །ལ་ལ་ནི་གསང་བའི་རྟེན་འབྲེལ་འཆུགས། །ལ་ལ་ནི་ཕྱག་རྒྱའི་རྟེན་འབྲེལ་འཆུགས། །ལ་ལ་ནི་ཆོས་བདག་རྟེན་འབྲེལ་འཆུགས། །ལ་ལ་ནི་སྐུ་ཚེའི་བར་ཆད་གྱུར། །ལ་ལ་ནི་ཆོས་རྒྱུད་མྱུར་དུ་ཆད། །ལ་ལ་ནི་འགྲོ་དོན་རྒྱ་སྡུག་འགྱུར། །དེ་འདྲའི་ཁེ་ཉེས་དགོས་དོན་མེད། །ཆོས་འདོད་ན་གཏེར་ཆོས་ཀྱིས་ས་གཞི་གང་། །གཏེར་ཕྲན་གཅིག་ཐོན་པས་ཅི་མི་འཚངས། །གནས་འདོད་ན་གནས་ཆེན་གྱི་འཛམ་གླིང་གང་། །གནས་ཕྲན་གཅིག་ཕྱེས་པས་ཅི་མི་འཚིངས། །སྔོན་བྱོན་གྱི་སངས་རྒྱས་བྱང་སེམས་ཀུན། །རང་སེམས་ཆོས་སྐུའི་གཏེར་ཐོན་པས། །ས་ལམ་རྣམས་རིམ་པར་བགྲོད་པ་ཡིན། །བདག་ཀྱང་དེ་འདྲ་

― CMR051_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡིད་སྨོན་འཆོར། །ཁྱེད་ཀྱང་དེ་འདྲ་ལ་ཐུགས་འདུན་མཛོད། །ཅེས་པ་ཡང་འཕྲལ་དུ་སྨྲས་སོ། །མངྒ་ལཾ།། ༈ །།ན་མོ་གུ་རུ་ཡེ། ཁྱེད་བླ་མ་ཀརྨ་དགེ་ལེགས་ཀྱིས། །ཁོང་བལ་པོ་རྟོགས་ལྡན་དྲིས་པའི་ལན། །རྗེ་མཁས་པ་ནཱ་རོ་པཎ་ཆེན་དེས། །ཁོང་སྒྲ་བསྒྱུར་མར་པ་ལོ་ཙཱ་ལ། །བུ་སེང་གེ་ཁྱུང་གི་ཕྲུ་གུ་བཞིན། །སློབ་མ་བས་ཀྱང་ཡང་སློབ་བཟང་། །ཞེས་གསུངས་ལུང་བསྟན་བསྔགས་པ་མཛད། །རྗེ་རྨོག་ཅོག་རིན་ཆེན་བརྩོན་འགྲུས་པས། །ཁོང་གྲུབ་ཐོབ་སྤྱོད་པ་དགོངས་པ་ལ། །ཉམས་རྟོགས་ང་བས་ཁྱོད་རང་བཟང་། །བ་ལ་མཛོ་སྐྱེས་ཡིན་གསུངས་སོ། །དཔེ་དེ་བཞིན་བལ་པོ་རྟོགས་ལྡན་པ། །ཕ་ང་བས་ཉམས་རྟོགས་བུ་ཁྱོད་བཟང་། །ངེད་ཕ་ཡང་ཕ་གླང་བུ་མཛོ་ཡིན། །མི་ང་བས་བུ་དགའ་བལ་པོ་དེ། །སེམས་ཤེས་རབ་རིག་པའི་བློ་ཁ་བྱེ། །ལག་ཅི་བཟོས་སྤྲུལ་པའི་ལྷ་བཟོ་འདྲ། །སེམས་ངེས་འབྱུང་སྐྱོ་ཤས་རང་དབང་མེད། །ཚེ་འདི་ཡི་བྱ་བར་ཡིད་མི་འགྱུར། །ཟས་འདོད་ཡོན་ཞེན་པ་གཏིང་ནས་ལོག །ཟས་དཀའ་ཐུབ་བཅུད་ལེན་སྙིང་ལ་འཆང་། །ཚེ་འདི་ཡི་སྙན་གྲགས་འདོད་པ་མེད། །ལུས་

― CMR051_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་ཚུགས་མི་འཛིན་སྨྱོ་སྤྱོད་བྱེད། །ཆོས་ལུས་ངག་དགེ་སྦྱོར་ཞེ་མི་ཚིམ། །གནད་རྩ་རླུང་ཐིག་ལེ་སྙིང་ལ་འཆང་། །སྒོམ་རྩེ་གཅིག་ཙམ་གྱིས་ཞེ་མི་ཚིམ། །དོན་རོ་གཅིག་ཆེན་པོ་སྙིང་ལ་འཆང་། །ཉམས་བཟང་དུས་དཔའ་སྐད་ཞེ་མི་ཚིམ། །རྐྱེན་དྲག་པོ་བསྲེ་བ་སྙིང་ལ་འཆང་། །ཆོས་བརྩམ་ཆོས་པོད་གཞུང་ཞེ་མི་ཚིམ། །དོན་གཏེར་ཆོས་སེལ་མེད་སྙིང་ལ་འཆང་། །འཕྲལ་གྲོང་ཆོག་འགྲོ་དོན་ཞེ་མི་ཚིམ། །ཚེ་བློས་བཏང་སློབ་མ་སྙིང་ལ་འཆང་། །ལུས་སོས་དལ་ཙམ་སྒྲུབ་ཞེ་མི་ཚིམ། །དོན་བརྩོན་འགྲུས་དྲག་པོ་སྙིང་ལ་འཆང་། །རྟག་དག་སྣང་ཕྲན་བུས་ཞེ་མི་ཚིམ། །དོན་ཡི་དམ་དངོས་མཇལ་སྙིང་ལ་འཆང་། །ལུས་འདུལ་ཁྲིམས་མཛེས་ཆོས་ཞེ་མི་ཚིམ། །སྔགས་གྲུབ་ཐོབ་སྤྱོད་པ་སྙིང་ལ་འཆང་། །གནས་གྲོང་ལྟག་རི་ཁྲོད་ཞེ་མི་ཚིམ། །གནས་མི་མེད་ལུང་སྟོང་སྙིང་ལ་འཆང་། །དོན་ལྟ་བ་ནམ་མཁའ་གཡའ་དག་འདྲ། །སེམས་སྒོམ་པ་ཆུ་བོའི་གཞུང་དང་འདྲ། །ལུས་སྤྱོད་པ་ངེས་མེད་སྨོན་པ་འདྲ། །ཉམས་རྨི་ལམ་ཞལ་གཟིགས་འཇའ་ལྟར་བཀྲ། །ངག་ངོ་སྲུང་མི་ཤེས་གདོལ་ཚིག་སྨྲ། །ནོར་གསོག་འཇོག་མི་ཤེས་ཅི་དགར་

― CMR051_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད། །གནས་གཅིག་ཏུ་མི་སྡོད་རླུང་ལྟར་འཕྱོ། །མི་ང་ལ་མངོན་ཤེས་མ་མཆིས་ཀྱང་། །རྟགས་དེ་ཚོ་དོན་ལ་རྗེས་དཔག་ན། །ཁོང་ལས་ཅན་སྐྱེས་བུ་གཅིག་ཡིན་ངོ་ཤེས། །ངེས་མེད་སྤྲུལ་པ་གཅིག་ཡིན་ངོ་ཤེས། །ཚེ་སྲོག་ལ་བར་ཆད་མ་བྱུང་ན། །འབྲེལ་ཚད་དོན་ལྡན་ཞིག་འོང་ངོ་ཤེས། །རྗེ་པད་འབྱུང་གི་བསྟན་ལ་ཕན་ངོ་ཤེས་། །རྒྱ་ཆེན་གྱི་འགྲོ་དོན་ཞིག་འགྲུབ་བམ་སེམས། །དོན་དེ་ཚོ་བལ་པོའི་སྤྱོད་འགྲོའི་ལགས། །ཞེས་སྨྲས་སོ། །མངྒ་ལཾ།། ༈ །།ན་མོ་གུ་རུ་པྲ་ཝ་ཀ་ར་ཡེ། པད་འབྱུང་རྗེ་ལ་གསོལ་བ་འདེབས། །དཔེ་ཆ་འགའ་རེ་འདོད་གསུངས་པས། །འདི་ལ་ཉམས་མཚར་ཚིག་འགའ་ཞུ། །བདག་ཏུ་འཛིན་པའི་རྩ་བ་འདི། །ཤེས་རབ་མཚོན་ཆས་བཅད་པ་ན། །འཁོར་བའི་འཁོར་ལོ་རྒྱུན་ཆད་ནས། །སྤང་བྱའི་སྒྲིབ་པ་མཐའ་དག་གཏོར། །འཁོར་བ་མྱང་འདས་གནས་སུ་ཟློག །མཚོན་ཆ་འཁོར་ལོའི་གཏོར་ཟློག་ཡིན། །རང་ཉིད་དྲག་པོའི་སྐུར་གསལ་བས། །ཐ་མལ་གཟུགས་ཀྱི་ཕུང་པོ་ནི། །སྣང་སྟོང་ལྷ་ཡི་སྐུ་རུ་བཟློག །གུ་རུ་དྲག་པོའི་བཟློག་པ་ཡིན། །སྣང་བ་སྐུ་ཡི་ཁྱེར་སོ་

― CMR051_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །མཐོང་ཚད་ལྷ་ཡི་སྐུར་གསལ་བས། །ཐ་མལ་གཟུགས་ཀྱི་སྣང་བ་ཟློག་།འཇམ་དཔལ་སྐུ་ཡི་བཟློག་པ་ཡིན། །སྣང་བ་སྐུ་ཡི་ཁྱེར་སོ་ཡིན། །གྲག་པ་གསུང་གི་ཁྱེར་སོ་ཡིན། །སྒྲ་གྲག་སྔགས་ཀྱི་སྒྲར་གསལ་བས། །བསྟོད་སྨད་ཆགས་སྡང་འཛིན་པ་ཟློག །རྟ་མགྲིན་གསུང་གི་བཟློག་པ་ཡིན། །དྲན་རྟོག་ཐུགས་ཀྱི་ཁྱེར་སོ་ཡིས། །གང་ཤར་བཟོ་མེད་རང་ངོར་བལྟ། །དྲན་ཚད་ཕྱག་རྒྱ་ཆེན་པོར་ཟློག །ཕྱག་རྡོར་ཐུགས་ཀྱི་བཟློག་པ་ཡིན། །གཏུམ་མོའི་འབར་འཛག་བཟློག་པ་ཡིས། །ཁམས་ལྔ་ཌཱཀྐི་ལྔ་རུ་སྒྱུར། །དུག་ལྔ་ཡེ་ཤེས་ལྔ་རུ་ཟློག །ཡོན་ཏན་མཁའ་འགྲོའི་བཟློག་པ་ཡིན། །ལྷ་སྔགས་འགྲེལ་བའི་ཏིང་འཛིན་གྱིས། །ལས་ཚོགས་གང་འདོད་ཐམས་ཅད་འགྲུབ། །བདུད་དང་ལོག་འདྲེན་བར་ཆད་ཟློག །ཡཀཱ་མེ་དབལ་བཟློག་པ་ཡིན། །རང་ངོ་ཤེས་པའི་མཁའ་ལྡིང་གིས། །མ་རིག་དུག་སྦྲུལ་ཞལ་དུ་ཐོབ། །རྣམ་རྟོག་ཐམས་ཅད་ཆོས་སྐུར་ཟློག །བྱ་ཁྱུང་རྒྱལ་པོའི་བཟློག་པ་ཡིན། །འདོད་ཆགས་མ་མོ་སྲིན་མོ་ལ། །ཡེ་རིག་ཡེ་ཤེས་རིཀས་མཆོད། །འདོད་ཆགས་བདེ་སྟོང་ངང་དུ་ཟློག །སྲིན་མོ་ཟ་ལམ་བཟློག་

― CMR051_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན། །དྲག་པོའི་གཏོར་ཟློག་དེ་ལྟར་མཛོད། །འདྲེ་ངན་བརྡུངས་བའི་གཏོར་ཟློག་སྟེ། །སེམས་བསྐྱེད་སྙིང་རྗེས་མ་ཟིན་ན། །ཕ་མ་བརྡུངས་དང་ཁྱད་པར་མེད། །དེ་ཕྱིར་སྙིང་རྗེ་སེམས་བསྐྱེད་གཟོབ། །ཁྲོ་བོའི་བཞུགས་གནས་དུང་ཁང་ལ། །བྱང་ཆུབ་སེམས་ཀྱི་ཆུ་རྒྱུན་འབབ། །གནས་སྐབས་བཞི་ཡི་སྒྲིབ་པ་གཏོར། །འབྲས་བུ་སྐུ་བཞིའི་ངང་དུ་ཟློག །ཁྲོ་ཆུའི་གཏོར་ཟློག་དེ་ལ་ཟེར། །ཁྲོ་དང་འདོད་ཆགས་གཏི་མུག་གསུམ། །བྱང་ཆུབ་སེམས་ཀྱི་ཆུ་རྒྱུན་གྱིས། །དུག་ལྔ་འཁོར་བའི་སྡོང་པོ་ལྔ་། །སྐུ་ལྔ་ཡེ་ཤེས་ལྔ་རུ་ཟློག །ཁྲོ་ཆུ་དུག་སྡོང་བཟློག་པ་ཡིན། །ཚོགས་གཉིས་ཟུང་དུ་འཇུག་པ་ཡིས། །ཚེ་བསོད་འཕེལ་ཞིང་བདག་འཛིན་ཞི། །ནག་པོ་བདུད་ཀྱི་གཡུལ་ངོ་ཟློག །ཚེ་བདག་ནག་པོའི་བཟློག་པ་ཡིན། །སྐྱེ་འཆི་མེད་པའི་དོན་རྟོགས་ནས། །ཤི་ཡང་བདག་གིས་སྐྲག་པ་མེད། །ངན་སོང་ནག་པོ་ལུས་ངན་ཟློག །འཆི་བདག་ནག་པོའི་བཟློག་པ་ཡིན། །སྲོག་དང་རྩོལ་བའི་རླུང་ལ་སྦྱོང་། །རྡོར་བཟླས་དག་གིས་ངག་ནུས་འབར། །ནག་པོ་བདུད་ཀྱི་བར་ཆད་ཟློག །སྲོག་བདག་ནག་པོའི་བཟློག་པ་ཡིན། །

― CMR051_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

བྷེ་ཝ་ས་ཏ་ཡོན་ཏན་ཏེ། །མདོ་རྒྱུད་མན་ངག་གནད་ཤེས་པས། །བླུན་སྒོམ་ཨུ་ཚུགས་གོལ་ས་ཟློག །བྷེ་ཝ་ས་ཏའི་བཟློག་པ་ཡིན། །ཤུགས་འབྱུང་དཀོར་ཟས་ཅི་ཟ་བ། །རང་བྱུང་ལྗགས་དམར་མེ་ལ་བསྲེགས། །ཕུང་པོའི་ལྷ་མཆོད་དཀོར་སྒྲིབ་ཟློག །ཟ་བ་ལྗགས་དམར་བཟློག་པ་ཡིན། །བཟློག་པ་མཛད་ན་དེ་ལྟར་མཛོད། །ཡ་མཚན་ལྡན་པའི་ཞིང་ཁམས་སུ། །མ་གྱུར་འགྲོ་རྣམས་འདྲེན་པའི་ཕྱིར། །ཐབས་ཤེས་རྭ་ལྟར་འབྲལ་མེད་ཅིང་། །རྩ་དང་རླུང་བསྒོམ་འཁྲུལ་པ་ཟློག །ཡ་མ་ར་ཙའི་བཟློག་པ་ཡིན། །གྱེར་བསྒོམ་རྔ་སྒོག་ཅི་བརྡུང་ཡང་། །གོང་མའི་ཕ་རབ་མི་ཟིན་པས། །གཏོར་ཟློག་དེ་ལྟར་བྱེད་སྙིང་འདོད། །ཚེ་ལུང་ཁྲུས་ལུང་མི་ཤེས་པར། །དམིགས་ངན་བསྒོམ་ཞིང་འགུགས་གཞུག་བྱེད། །ཞེ་སྡང་སྐྱེད་ཅིང་ཕུར་པ་འདེབས། །དམིགས་ངན་དེ་འདྲས་དམྱལ་བར་སྐྱེ། །དེ་འདྲའི་ལས་འགྲིགས་དགོས་པ་མེད། །སྐུ་གསུམ་རང་ཤར་ཧོམ་ཁུང་དུ། །དུག་ལྔ་དུག་གསུམ་དགྲ་དང་བགེགས། །བདག་མེད་རྟོགས་པའི་ཕུར་པས་བསྒྲལ། ། །བསྒྲལ་ལས་དེ་འདྲ་བྱེད་སྙིང་འདོད། །རྣམ་ཤེས་ཆོས་ཉིད་བསྟིམ་མི་ཤེས། །ལིངྒ་ཤ་

― CMR051_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

དུམ་ཁྲག་ཐིགས་རྣམས། །ང་རྒྱལ་བསྐྱེད་ཅིང་བསྟབ་པ་བྱེད། །དགྲ་བགེགས་ཟོས་བསམ་གཏོར་མར་བླུག །ཕྱི་མ་རང་ཉིད་གཤིན་རྗེས་ཟ། །དེ་འདྲའི་བསྟབ་པ་ངོས་མི་འདོད། །ཆོས་ཉིད་སྐྱེ་མེད་ཞལ་ནང་དུ། །གང་སྐྱེས་རྣམ་རྟོག་རང་ཞིར་བསྟབ། །ལྷན་སྐྱེས་ཡེ་ཤེས་ལྷ་ཞལ་མཐོང་། །དེ་འདྲའི་བསྟབ་པ་བྱེད་སྙིང་འདོད། །བརྡ་དོན་རྟེན་འབྲེལ་མི་ཤེས་པའི། །དུག་ཤིང་སྐྱེར་པའི་རྩང་ཁྲོས་དེ། །བཟོ་ན་ཕྱག་ཚ་ཁུར་ན་དཀའ། །འཁོར་ལོ་བཞི་ཡི་རྩ་འདབ་རྣམས། །དྲྭ་བ་དྲྭ་ཕྱེད་འཚུབ་མ་རིས། །རང་བྱུང་རྩང་ལྷས་ངོ་མཚར་ཆེ། །སྟོང་རའི་རྩང་ར་བསྐོར་སྙིང་འདོད། །ཨ་མྱེའི་གསོལ་ལྷག་ཆང་སྐྱུར་ཏེ། །ཡོན་བདག་ནས་ལ་གཟན་པའི་རྒྱུ། །འཐུང་ན་འདུལ་བའི་ཁྲིམས་དང་འགལ། །ཆང་སྐྱུར་བདུད་རྩི་ཅི་ལ་ཕན། །སྤྱི་བོ་ཚངས་པའི་ཡུལ་ས་ན། །ཧཾ་ཡིག་ཀུནྡྷའི་བདུད་རྩི་བབས། །ཧེ་རུ་ཀ་རྣམས་དེ་ལ་དགྱེས། །དེ་འདྲའི་ཆང་བཟང་བཙག་ན་བསམ། །འཆག་ཁྲག་གཏར་བའི་སྣེ་ཁྲག་དེ། །རྣམ་སྨིན་ཆེ་བས་ལྷ་མི་དགྱེས། །ལྟེ་བ་སྤྲུལ་པའི་འཁོར་ལོ་ན། །རཀྟ་ཀུན་གྱི་དྭངས་མ་ནི། །ཨ་ཐུང་

― CMR051_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་རཱ་གའི་མདོག །མ་རྒྱུད་མཁའ་འགྲོ་དེ་ལ་འཁོར། །དེ་འདྲའི་རཀྟ་སྤེལ་ན་བསམ། །ཟས་སུ་ཁ་རེའི་གཏོར་གདུགས་དེ། །ཁྱེར་ན་ཡོན་བདག་སེར་སྣ་སྐྱེ། །དབུ་མ་ལུས་ཀྱི་སྲོག་ཤིང་སྟེ། །བདེ་ཆེན་འཁོར་ལོའི་རྩ་འདབ་རྣམས། །རང་བྱུང་གདུགས་ཀྱི་ཚུལ་དུ་ཡོད། །གཙུག་ཏོར་རྩ་བཞི་ཏོག་གི་ཚུལ། །དེ་འདྲའི་གཏོར་གདུགས་ཕུབ་སྙིང་འདོད་། །གཟའ་དང་དབང་ཕྱུག་མཁའ་འགྲོ་སོགས། །ཐེབ་ལྡོག་རྒྱུ་དུས་མི་ཤེས་པའི། །གཏོར་འཕེན་ཕན་བས་གནོད་པ་ཆེ། །གང་ཤར་འགྱུ་བའི་གཏོར་མ་འདི། །རང་གྲོལ་དབྱིངས་སུ་འཕེན་ཤེས་ན། །ཉོན་མོངས་བདུད་བགེགས་ཐམས་ཅད་ཐུལ། །དེ་འདྲའི་གཏོར་མ་འཕེན་སྙིང་འདོད། །ལྔ་སེར་ལྟོ་འཕྱེ་ལ་སོགས་པ། །མི་ཤེས་མེ་མཆོད་གནོད་པ་ཆེ། །ཟང་ཟིང་རྫས་རྣམས་སྣང་བ་སྤུན། །ཀུན་རྟོགས་བསྲེག་རྫས་སྣ་ཚོགས་པ། །མི་རྟོག་ངང་དུ་བསྲེག་ཤེས་ན། །ཡེ་ཤེས་མེ་ཆེན་རབ་ཏུ་འབར། །དེ་འདྲའི་མེ་མཆོད་བླུག་སྙིང་འདོད། །ཨ་ནུ་ཨ་ཏི་ཡོ་གའི་ལུགས། །གཏོར་ཟློག་སྦྱིན་སྲེག་བྱ་ཚུལ་འདི། །འཕྲལ་དུ་ཉམས་ལ་ཤར་ནས་སྨྲས། མ་གྱུར་འགྲོ་བ་ཐམས་ཅད་ཀྱི། །གཏོར་

― CMR051_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག་དེ་འདྲ་བཅའ་བར་ཤོག །ཅེས་སྨྲས་སོ། །མངྒ་ལཾ།། ༈ །།ན་མོ་ཤཱཀྱ་མུ་ན་ཡེ། །བླ་མ་རིག་འཛིན་དགེ་ལེགས་པས། །དུས་རྟག་ཏུ་ལུང་བསྟན་དགོས་གསུངས་པ། །སྐྱེས་པའི་ཐ་མ་ངེས་པར་འཆི། །བསགས་པའི་ཐ་མ་ངེས་པར་ཟད། །འདུས་པའི་ཐ་མ་ངེས་པར་འབྲལ། །བརྩེགས་པའི་ཐ་མ་ངེས་པར་འཇིག །དར་བའི་ཐ་མ་ངེས་པར་རྒུད། །ཐམས་ཅད་མི་རྟག་སྒྱུ་མ་ཡིན། །རྟག་པར་གནས་པ་གཅིག་ཀྱང་མེད། །དེ་ནི་ལུང་བསྟན་རྩ་ཚིག་ཡིན། །ལོ་ཟླ་ཡུད་ཡུད་ཟད་པ་འདི། །ཚེ་ཡུད་ཡུད་ཟད་པའི་ལུང་བསྟན་ཡིན། །མི་ཕུ་ཤི་མདའ་ཤི་ཟེར་བ་འདི། །ད་མྱུར་དུ་འཆི་བའི་ལུང་བསྟན་ཡིན། །ནོར་བསགས་པ་དགྲ་ཡིས་ཁྱེར་ཐོས་ཚེ། །ནོར་སྙིང་པོ་མེད་པའི་ལུང་བསྟན་ཡིན། །གྲོགས་ཉེ་དུ་དམེ་ཤི་བྱས་ཐོས་ཚེ། །གྲོགས་སྙིང་པོ་མེད་པའི་ལུང་བསྟན་ཡིན། །རྗེ་རྒྱལ་པོ་མེད་པའི་སྒྲ་ཐོས་ཚེ། །གཏམ་སྙིང་པོ་མེད་པའི་ལུང་བསྟན་ཡིན་། །རྗེ་སངས་རྒྱས་ལ་སྐུར་བ་འདེབས་ཐོས་ཚེ། །གཏམ་སྙིང་པོ་མེད་པའི་ལུང་བསྟན་ཡིན། །དགོན་དགེ་འདུན་ཚོགས་ཆེན་འཐོར་ཐོས་ཚེ། །གྲྭ་སློབ་སྙིང་པོ་མེད་པའི་

― CMR051_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་བསྟན་ཡིན། །མི་ད་ནངས་ནད་མེད་དོ་དགོང་ཤི། །ཚེ་ངེས་པ་མེད་པའི་ལུང་བསྟན་ཡིན། །གནས་གྲོག་ཚང་རེ་ན་སྟོང་ཕྲག་བརྒྱ། །དལ་འབྱོར་རྙེད་དཀའ་ལུང་བསྟན་ཡིན། །འབྲས་དྲུག་སོ་སོར་སྨིན་པ་འདི། །རྒྱུ་འབྲས་བསླུ་མེད་ཀྱི་ལུང་བསྟན་ཡིན། །སྨན་རིམ་གྲོས་མ་བསླུས་ཤི་ཐོས་ཚེ། །འཆི་བ་བཟློག་མེད་ཀྱི་ལུང་བསྟན་ཡིན། །རང་སྡུག་བསྔལ་བྱུང་དུས་ཡིད་མི་དགའ། །སྡིག་སྒྲིབ་བཤགས་པ་དགོས་པའི་ལུང་བསྟན་ཡིན། །ཚེ་བསོད་དཔལ་འབྱོར་རྒྱས་ན་དགའ་བ་སྐྱེས། །བསོད་ནམས་ཚོགས་བསགས་དགོས་པའི་ལུང་བསྟན་ཡིན། །མི་གནོད་འཚེ་མཁན་ལ་མནར་སེམས་སྐྱེ། །བྱམས་སྙིང་རྗེ་བསྒོམ་དགོས་ཀྱི་ལུང་བསྟན་ཡིན། །རང་ཁོ་ན་སྐྱིད་འདོད་ཞེ་ན་ཆང་། །ཐེག་དམན་ལམ་དུ་གོལ་བའི་ལུང་བསྟན་ཡིན། །ཞེ་སྡང་བསྐྱེད་ཅིང་ཁྲོ་སྐུ་ཨ་འཐས་བསྒོམ། །སྲིན་པོའི་ལུས་སུ་སྐྱེ་བའི་ལུང་བསྟན་ཡིན། །དམ་ཚིག་མི་སྲུང་གསང་སྔགས་སྒྲུབ་ལ་འབདེ། །རླུང་ལྷའི་འཁོར་དུ་སྐྱེ་བའི་ལུང་བསྟན་ཡིན། །བླ་མ་མི་བཀུར་སྨད་ཅིང་དཔེ་ཆོས་སྤྱོད། །དམ་སྲིའི་རིགས་སུ་སྐྱེ་བའི་ལུང་བསྟན་ཡིན། །སྤྱོད་པ་མ་དག་ལྟ་བ་རྣམ་པར་དག །

― CMR051_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླུ་ཡི་རིགས་སུ་སྐྱེ་བའི་ལུང་བསྟན་ཡིན། །ལྟ་བ་མ་རྟོགས་སྤྱོད་པར་རྣམ་པར་དག །ཐར་པ་མི་ཐོབ་འཁོར་བ་ཡུན་རིང་དུ། །ལྷ་མིའི་ལུས་བཟང་ལེན་པའི་ལུང་བསྟན་ཡིན། །བདེ་གསལ་མི་རྟོག་ཉམས་ལ་ཆགས་ཞེན་ཆེ། །ཁམས་གསུམ་གནས་སུ་གོལ་བའི་ལུང་བསྟན་ཡིན། །རྣམ་རྟོག་བཀག་ནས་མི་རྟོག་སྒོམ་པར་སེམས། །དགེ་སྡིག་གཉིས་ཀ་སྤངས་ནས་སྟོང་སྙམ་གནས། །ཧཱཤང་ལྟ་བར་གོལ་བའི་ལུང་བསྟན་ཡིན། །ལྟ་བ་མཐོ་ཡང་རྒྱུ་འབྲས་བྱོལ་ཉོག་སྤྱོད། །བདུད་ཀྱི་ལྟ་བར་གོལ་བའི་ལུང་བསྟན་ཡིན། །དགེ་བ་མི་བསྒྲུབ་སྡིག་པ་ཚབས་ཆེན་སྤྱོད། །དམྱལ་བར་གཏན་ཡུལ་བྱེད་པའི་ལུང་བསྟན་ཡིན། །དམ་པའི་ཆོས་ལ་འབྲེལ་བ་ཅུང་ཟད་མེད། །ནམ་ཡང་ཐར་དུས་མེད་པའི་ལུང་བསྟན་ཡིན། །སྡོམ་པ་དམ་ཚིག་ཞུས་ནས་མི་བསྲུངས་ན། །རེ་ཞིག་ཚབས་ཆེ་ཡུན་ཐུང་སྡུག་བསྔལ་སྤྱོད། །ནམ་ཞིག་ཐར་པ་ཐོབ་པའི་ལུང་བསྟན་ཡིན། །སྙིང་རྗེ་ཆུང་ཞིང་རང་དོན་ཆོས་ལ་འབད། །ཉན་ཐོས་དགྲ་བཅོམ་ཐོབ་པའི་ལུང་བསྟན་ཡིན། །བླ་མ་གསང་ཞིང་རང་དོན་ཆོས་ལ་འབད། །རང་རྒྱལ་དགྲ་བཅོམ་ཐོབ་པའི་ལུང་

― CMR051_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་ཡིན། །སྙིང་རྗེ་ཆེ་བས་དགེ་བ་འགྲོ་ལ་བསྔོ། །ནམ་ཞིག་རྫོགས་སངས་རྒྱས་པའི་ལུང་བསྟན་ཡིན། །བླ་མ་ཡི་དམ་དངོས་ལྟར་སྒྲུབ་ལ་བརྩོན། །དངོས་གྲུབ་རྣམ་གཉིས་ཐོབ་པའི་ལུང་བསྟན་ཡིན། །རྩེ་གཅིག་ཡེངས་མེད་རྩ་རླུང་འོད་གསལ་བསྒོམ། །མྱུར་དུ་སངས་རྒྱས་འགྲུབ་པའི་ལུང་བསྟན་ཡིན། །བླ་མ་སངས་རྒྱས་དངོས་ལ་གསོལ་འདེབས་རེམ། །མྱུར་དུ་ཉམས་རྟོགས་འཆར་བའི་ལུང་བསྟན་ཡིན། །དགེ་སྒྲུབ་སྡིག་སྤང་སྨོན་ལམ་རྣམ་པར་དག །དག་པའི་ཞིང་ཁམས་བགྲོད་པའི་ལུང་བསྟན་ཡིན། །ལུང་བསྟན་སོ་བཞིར་ལྡན་པའི་ལུང་བསྟན་འདི། །འཕྲལ་དུ་ཡིད་ལ་ཤར་ནས་སྨྲས་པ་ཡིན། །མངྒ་ལཾ། ༈ །།ན་མོ་ཀཱ་ལ་ཙཀྲ་མཉྫ་གྷོ་ཥ་ཡེ། དཀར་ནག་གི་རྩིས་གཞུང་རྒྱ་མཚོ་ལས། །བློ་གྲོས་ཀྱི་སྣང་བ་ཆེར་རྒྱས་པའི། །རྩིས་པའི་མཆོག་གྱུར་དགེ་ལེགས་པས། །རྒྱ་འབོར་དང་དོན་བདུན་གྱིས་རྩིས་གཞུང་ལ། །རྡེལ་བཞག་གི་ཡི་གེ་གྱིས་གསུངས་པ། །ཕྱི་ཀུན་རྫོབ་ཀྱི་རྡེའུ་དཀར་ནག་དེ། །ཐབས་མཁས་ཀྱི་དགེ་བསྐུལ་མ་ཤེས་ན། །ལྕགས་ཚེར་གྱིས་འབིགས་པའི་དམྱལ་བར་སྐྱེ། །ནང་དོན་དམ་གྱི་རྡེའུ་འདི་

― CMR051_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བཀྲམ། །ལུས་སྣང་སྟོང་རྡོར་སེམས་ཀྱི་རྡེའུ་གཞི་བཏིང་། །སྙིང་ཙཏྟ་འོད་ཀྱི་རེ་མིག་ལ། །ལྷ་ཞི་བའི་རྡེའུ་དཀར་ཞེ་གཉིས་བཞག །མགོ་ཀླད་པ་དུང་ཁང་གི་རེ་མིག་ལ། །ལྷ་ཁྲག་འཐུང་གི་རྡེའུ་ནག་ང་བརྒྱད་བཞག །ངག་མགྲིན་པ་འཇའ་ཚོན་གྱི་རྡེའུ་ལམ་ལ། །ལྷ་རིག་འཛིན་གྱི་རྡེའུ་ཕྲེང་ལྔ་པོ་བཀོད། །ཡུལ་ཉི་ཤུ་རྩ་བཞིའི་རྡེའུ་ལམ་ལ། །ལྷ་དཔའ་བོ་ཌཱཀྐིས་ཁ་དམར་རྒྱབ། །ཁྱེད་རྒྱ་འབོར་ཅིག་རྒྱབ་ན་དེ་ལྟར་རྒྱོབས། །རྡེའུ་ངོ་མཚར་ཅན་བརྒྱ་དང་རྩ་དགུ་ཡིན། །ད་དཔྱད་དོན་བདུན་མ་འདི་ལྟར་སྤྱད། །ཚུལ་ཁྲིམས་ཀྱི་ས་གཞི་གཙང་མ་ལ། །དགེ་བའི་ལོ་ཏོག་ཐམས་ཅད་སྨིན། །དེ་ས་གཞི་ལྟ་བུར་དཔྱད་པ་ཡིན། །ལྷན་སྐྱེས་མ་རིག་པའི་རུས་སྦལ་ལ། །ཆོས་རྟེན་འབྲེལ་བཅུ་གཉིས་ལུགས་སུ་འབྱུང་། །དེ་འཁོར་བའི་རྒྱ་མཚོ་འཁོར་ལུགས་ཤེས། །དེ་ལུས་པོ་ཐར་པའི་ཐོབ་ལུགས་གསལ། །དེ་རུས་སྦལ་ལྟ་བུར་དཔྱད་པ་ཡིན། །ཚད་མེད་བཞི་ཡི་ཀ་བ་ལ། །འཕགས་ལམ་བརྒྱད་ཀྱི་གདུང་མ་བྲིས། །བསྡུ་དངོས་བཞི་ཡི་སྒོ་བཞི་གསལ། །ཚད་མེད་སྙིང་རྗེ་ཕུག་ན་གནས། །དེ་གཙུག་ལག་ལྟ་བུར་དཔྱད་པ་

― CMR051_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །ཆོས་སྡོམ་པ་གསུམ་གྱི་བང་རིམ་སྟེང་། །བློ་བྱང་ཆུབ་སེམས་ཀྱི་བུམ་པ་བཞག །དོན་ཚད་མེད་བཞི་ཡི་བྲེ་སྟེང་དུ། །ས་བཅུ་རིམ་པའི་ཆོས་འཁོར་ལ། །མ་འགྲོ་དྲུག་སྐྱོབ་པའི་གདུགས་ཀྱི་དགབ། །འབྲས་བུ་སྐུ་གསུམ་ཉི་ཟླའི་ཏོག །དེ་མཆོད་རྟེན་ལྟ་བུར་དཔྱད་པ་ཡིན། །ཆོས་ཚད་མེད་བཞི་ཡི་རི་རབ་ལ། །དོན་འཕགས་ནོར་གསེར་རི་བདུན་གྱིས་བསྐོར། །ཐབས་ཤེས་རབ་ཉི་ཟླ་ཟུང་གིས་བརྒྱན། །དེ་རི་རབ་ལྟ་བུ་དཔྱད་པ་ཡིན། །ཆོས་སེམས་བསྐྱེད་ཟབ་མོའི་རྩ་བ་ལ། །དོན་བྱང་ཆུབ་སེམས་ཀྱི་སྡོང་པོ་རྒྱས། །བྱང་ཆོས་སོ་བདུན་གྱི་ཡལ་འདབ་ལ། །སྐུ་ལྔ་ཡེ་ཤེས་ཀྱི་མེ་ཏོག་བཀྲ། །སྐུ་གསུམ་ལྷུན་གྲུབ་ཀྱི་འབྲས་བུ་སྨིན། །དེ་ལྗོན་ཤིང་ལྟ་བུར་དཔྱད་པ་ཡིན། །དོན་མཐའ་བཞིར་མ་ལྷུང་དབུ་མའི་ལམ། །ཆོས་འོད་གསལ་ཕྱག་རྒྱ་ཆེན་པོ་དེ། །དཔེ་སྤྲིན་ཐག་ཆད་པའི་ནམ་མཁའ་བཞིན། །སྤྲིན་འཇའ་ཚོན་ཀུན་ལངས་སྣ་ཚོགས་པ། །དེ་མཁའ་ལས་བྱུང་ཞིང་མཁའ་ལ་ཐིམ། །སེམས་རྣམ་རྟོག་འགྱུ་བ་སྣ་ཚོགས་པ། །དེ་སེམས་ལས་བྱུང་ཞིང་སེམས་ལ་ཐིམ། །སྤྲིན་འཇའ་ཚོན་ཤར་ཚེ་ནམ་མཁའི་ངང་། །སེམས་འགྱུ་བ་

― CMR051_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ལས་གཞན་དུ་མེད། །གཞི་ཕྱག་རྒྱ་ཆེན་པོའི་དོན་རྟོགས་ནས། །ཡེ་གདོད་ནས་ཐམས་ཅད་ཆོས་སྐུར་རྟོགས། །དེ་ནམ་མཁའ་ལྟ་བུར་དཔྱད་པ་ཡིན། ། རྩིས་དཔྱད་དོན་བདུན་མ་དེ་ལ་མཛོད། །ཅེས་སྨྲས་སོ། །མངྒ་ལཾ།། ༈ །།ན་མོ་གུ་རུ་དྷེ་ཝ་ཌཱཀི་ནི། རིག་འཛིན་ཀརྨ་དགེ་ལེགས་པས། །འབྲས་མོའི་གནས་ཡིག་གསུངས་པའི་ལན། །འབྲས་མོ་ལྗོངས་སོགས་གནས་ཆེན་དུ། །འགྲོ་བའི་དུས་ཚོད་ཡིན་སྲིད་ཀྱང་། །ན་སོ་རྒས་པས་ཕྱིན་པར་དཀའ། །དེ་བས་ཐག་ཉེའི་སྦས་ལུང་དང་། ། གནས་རི་བཟང་པོ་མང་དུ་གདའ། །བྱང་ཆུབ་སེམས་བསྐྱེད་ལུང་པ་ན། །བྱང་ཆོས་སོ་བདུན་གྱི་ལོ་ཏོག་འཁྲུངས། །སྐུ་ལྔ་ཡེ་ཤེས་ཀྱི་ནོར་བུ་ལ། །བཟོད་པའི་ལམ་འགག་དམ་དྲགས་པས། །དགྲ་བོ་མཐའ་དམག་གི་འཇིགས་པ་བྲལ། །འབྲས་མོའི་སྦས་ལུང་ཞིག་དེ་ན་གདའ། །ཕྱག་རྒྱ་ཆེན་པོའི་ལུང་པ་ན། །ཉམས་རྟོགས་རང་གྲོལ་གྱི་ལོ་ཏོག་རྒྱས། །དུག་ལྔ་ཡེ་ཤེས་ཀྱི་མེ་ཏོག་རྒྱས། །རང་སེམས་སངས་རྒྱས་ཀྱི་གཏེར་ཆེན་བརྡོལ། །པདྨ་བཀོད་ཆེན་ཞིག་དེ་ན་གདའ། །ཕྱག་རྒྱ་ཆེན་པོའི་ལུང་པ་ན། །ཉམས་

― CMR051_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་རང་གྲོལ་གྱི་ལོ་ཏོག་རྒྱས། །ཞི་གནས་བརྟན་པོའི་ལུང་ཕྲན་ལ། །ལྷག་མཐོང་ཉམས་རྟོགས་ཀྱི་གྲོ་མ་ཞིམ། །གྲོ་མའི་སྐུ་ལུང་ཞིག་དེ་ན་གདའ། །ཙིཏྟ་འོད་ཀྱི་ལུང་པ་ན། །ཞི་བའི་ལྷ་ཚོགས་རང་བྱོན་བཞུགས། །དྭངས་མ་ལྔ་ཡི་འཇའ་ཚོན་འཁྲིགས། །ཟམ་བུའི་གཏེར་ལུང་ཞིག་དེ་ན་གདའ། །ཀླད་པའི་དུང་མཚོ་དཀར་པོ་ན། །ཁྲག་འཐུང་ལྔ་བཅུའི་ཞལ་གཟིགས་གསལ། །ཙཱ་རི་མཚོ་དཀར་ཞིག་དེ་ན་གདའ། །ལྟོ་བ་རྒྱ་མཚོ་ཆེན་པོའི་དཀྱིལ། །སྤྲུལ་པའི་འཁོར་ལོ་པདྨའི་སྟེང་། །ཨ་ཐུང་ཕག་མོ་དངོས་སུ་བཞུགས། །མ་ཕམ་གཡུ་མཚོ་ཞིག་དེ་ན་གདའ། །དབུ་མ་བྱང་ཆུབ་ཤིང་དྲུང་ན། །སྙིང་ཁ་མི་ཤིགས་རྡོ་རྗེའི་གདན། །རང་སེམས་མ་ཧཱ་བོ་དྷི་བཞུགས། །རྡོ་རྗེ་གདན་ཞིག་དེ་ན་གདའ། །ཡན་ལག་ལྔ་ཡི་དབུས་མ་སྟེ། །དཔྲལ་བ་མི་ཤིགས་མཛོད་སྤུ་ན། །སྐུ་མཆོག་འཇམ་དཔལ་ལྷ་ཚོགས་བཞུགས། །རི་བོ་རྩེ་ལྔ་ཞིག་དེ་གདའ། །གསང་གནས་བདེ་སྐྱོང་འཁོར་ལོ་ན། །དབང་ཕྱུག་ཆེན་པོ་རང་བྱུང་ཡོད། །ཏི་སེའི་གནས་ཆེན་ཞིག་དེ་ན་གདའ། །དབུ་སྐྲ་ལྕང་ལོ་འཁྱིལ་བའི་གསེབ། །རྣ་བོ་ཕྱག་ན་རྡོ་རྗེ་བཞུགས། །

― CMR051_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕང་ལོ་ཅན་ཞིག་དེ་ན་གདའ། །ཁ་རང་བྱུང་ཡེ་ཤེས་བྲག་ཕུག་ན། །ལྕེ་རང་བྱོན་སྤྱན་རས་གཟིགས་དབང་བཞུགས། །པོ་ཊ་ལ་ཡི་གནས་ཤིག་དེ་ན་གདའ། །རྫི་མ་མུ་ལེའི་གྲམ་ཤིང་ཚོལ། །མིག་འབྲས་བྱང་སེམས་ས་སྙིང་བཞུགས། །རྒྱ་ནག་གི་མི་ཤན་ཞིག་དེ་ན་གདའ། །རང་ལུས་གླང་ཆེན་འགྱིང་རི་ལ། །རང་སེམས་ཀུན་ཏུ་བཟང་པོ་བཞུགས། །གླང་ཆེན་འགྱིང་རི་ཞིག་དེ་གདའ། །ཐག་ཉེ་བའི་སྦས་ལུང་གནས་རི་དེ། །བགྲོད་འདོད་ཀྱི་ཐུགས་མོས་ཡོད་པ་ན། །གསང་སྔགས་ཀྱི་ཉམས་ལེན་གནད་དུ་བསྣུན། །བརྩོན་འགྲུས་ལ་ཐང་ལྷོད་མེད་པར་མཛོད། །སྦས་ལུང་དེ་ཚོར་ཕྱིན་པས་འཇིགས་པ་བྲལ། །གནས་རི་དེ་ཚོ་བསྐོར་ན་སྒྲིབ་པ་དག །རང་བྱོན་དེ་ཚོ་མཇལ་ན་དངོས་གྲུབ་ཐོབ། །དེ་ཕྱིར་གནས་བསྐོར་དེ་ལྟར་མཛོད། །ཅེས་སྨྲས་སོ། །བླ་མ་ཀརྨ་དགེ་ལེགས་པའི་དྲིས་ལན་མགུར་སྣ་བདུན་པོ་འདི་ཤིང་ཕོ་རྟ་ལོའི་སྤྲུལ་གྱི་ཟླ་བའི་ནག་པོའི་ཕྱོགས་ཀྱི་ཚེས་བདུན་བརྒྱད་གཉིས་ལ། ཀརྨ་ཨ་རཱ་གས་རྫོགས་པར་བྲིས་པའོ། །མངྒ་ལཾ།། །། ༧ ནང་ཆེན་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཟོ་པའི་དཔོན་གསེར་འོད་གཟུངས་ལ་གདམས་པའི་མགུར་ལེའུ་དགུ་པ།

― CMR051_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོ་པའི་དཔོན་གསེར་འོད་གཟུངས་ལ་གདམས་པའི་མགུར་ལེའུ་དགུ་པ་བཞུགས་སོ།

― CMR051_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་མད་སུམ་ཅུའི་གླུ་ཞེས་བྱ་བ་བྷ་ཝནྟུ། ཀ་ཡེ་གསོན་དང་དཔོན་རྒན་གསེར་འོད་གཟུངས། །ཁ་ད་རང་གིས་རང་ལ་མཛད་ན་ལེགས། །ག་ནས་བསམ་ཀྱང་ངེས་པར་འཆི་དགོས་པས། །ང་ཁྱོད་ང་རྒྱལ་མ་རྩོད་གཤིས་འཇམ་མཛོད། །ཅ་ཅོའི་འཆལ་གཏམ་སྤོངས་ལ་ཡིག་དྲུག་གསུངས། །ཆ་བེ་ཆོ་བའི་སྤྱོད་པ་རྣམས་ཀྱང་སྤོངས། །ཇ་གསོལ་ཆང་ལ་གསོལ་ཚོད་རན་པར་མཛོད། །ཉ་སྟོང་བརྒྱད་ལ་བསྙེན་གནས་གཙང་མ་སྲུངས། །ཏ་ཐཱ་ག་ཏའི་རྟེན་ལ་ཕྱག་བསྐོར་མཛོད། །ཐ་མལ་ཁྱི་སྤྱང་ཡན་ལ་སྦྱིན་པ་ཐོངས། །ད་ནི་ཚེ་ཡང་སུམ་གཉིས་ཙམ་

― CMR051_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་སོང་། །ན་རྒས་འཆི་བ་བྱུང་ཚེ་འགྱོད་མེད་མཛོད། །པ་དེ་པུ་དེའི་དོན་ཆུང་མནའ་འདི་སྤོངས། །ཕ་རོལ་ཕྱིན་པའི་གླེགས་བམ་ཅི་འགྲུབ་ཐོན། །བ་སོགས་སྒོ་ནོར་གཅིག་ཀྱང་བཤས་མ་བྱེད། །མ་སོགས་རྒན་རྒོག་རྣམས་ལ་བཀུར་སྟི་མཛོད། །ཙ་ཐོར་ཤིང་འགེལ་ཡན་གྱིས་ཡིག་དྲུག་བསྐུལ། །ཚྭ་སོགས་ཚོང་ལ་བྲེ་སྲང་གཡོ་སྒྱུ་སྤོངས། །ཛ་རེ་ཛོ་རེའི་འགྲོ་འདུག་སྤྱོད་ལམ་དུས། །ཝ་རེ་ཡེ་རེ་རང་སེམས་ངོ་བོར་ལྟོས། །ཞྭ་ལྟར་བླ་མ་སྤྱི་བོའི་གཙུག་ཏུ་བསྒོམ། །ཟ་འཐུང་ཕུད་ཀྱིས་བླ་མ་དཀོན་མཆོག་མཆོད། །འ་རེ་འུ་རེའི་རྣམ་གཡེང་ཅི་

― CMR051_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་ཡང་། །ཡ་ང་མེད་པར་ཐུགས་རྗེ་ཆེན་པོ་སྒོམས། །ར་ལུག་ཕོ་རིགས་གང་ཡོད་ཚེ་ཐར་ཐོངས། །ལ་ཆེན་བློ་ཕུག་དམ་པའི་ཆོས་ལ་གཏོད། །ཤ་ཡང་ཉིན་ཤ་སྔོས་ཤ་སྤང་བར་མཛོད། །ས་ཆ་ཡུལ་རིས་མི་ལ་ཕན་པར་མཛོད། །ཧ་ཁོག་གོ་ན་དམ་ཆོས་ཞོར་ལས་འབྱུང་། །ཨ་ཀྱང་ཀུ་རེ་མིན་པས་ཐུགས་ལ་ཞོག །ཅེས་སྨྲས་སོ།། ༈ །།དམ་པའི་ཆོས་ལ་བསྐུལ་བ་གྲོས་འདེབས་ཀྱི་གླུ། ན་མོ་ལོ་ཀེ་ཤྭ་ར་ཡེ། ཐུགས་རྗེ་ཆེན་པོ་སྤྱན་རས་གཟིགས། །མི་བདག་དང་འགྲོ་དྲུག་སེམས་ཅན་རྣམས། །གནས་བདེ་ཆེན་ཞིང་དེར་ལམ་སྣ་དྲོངས། །སྤྱིར་མགོ་ནག་མི་ལ་གྲོས་ཤིག་འདེབས། །དགོས་གསེར་འོད་གཟུངས་ལ་ཞུ་རྒྱུ་ལ། །སྤྱིར་བསྐལ་པ་བྱེ་བ་དུང་ཕྱུར་ལ། །དེ་ཕལ་ཆེར་མུན་པའི་བསྐལ་པ་ཡིན། །ཆོས་སངས་རྒྱས་ཟེར་བའི་སྒྲ་མི་གྲག །དུས་ད་རེས་བསྐལ་པ་བཟང་པོར་སྐྱེས། །དུས་ད་རེས་དམ་ཆོས་བསྒྲུབ་པ་ནི། སྤྱིར་བསྐལ་བཟང་སངས་རྒྱས་སྟོང་འབྱོན་ཀྱང་། །དེ་བསྟན་པའི་གནས་ཡུན་ཤིན་ཏུ་ཐུང་། །བར་སྐབས་སུ་ཆོས་མེད་མུ་སྟེགས་དར། །དུས་ད་རེས་ཤཱཀ་ཐུབ་བསྟན་དང་མཇལ། །དུས་ད་རེས་དམ་ཆོས་བསྒྲུབས་ན་

― CMR051_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས། །ངན་སོང་གསུམ་དུ་སྐྱེ་བའི་གྲངས། །ས་ཆེན་རྡུལ་གྱི་གྲངས་དང་མཉམ། །མི་ལུས་གཙང་མར་སྐྱེས་པ་ནི། །སེན་མོ་སྟེང་གི་རྡུལ་ཙམ་ཡིན། །ད་རེས་དལ་འབྱོར་མི་ལུས་ཐོབ། །ད་རེས་དམ་ཆོས་བསྒྲུབས་ན་ལེགས། །མཐའ་འཁོབ་བརྒྱ་དང་རྩ་བརྒྱད་དང་། །ཡང་འཁོབ་སྟོང་དང་རྩ་གཉིས་ན། །མི་ལུས་ཐོབ་ཀྱང་ཆོས་མི་དར། །ད་རེས་བོད་ཁམས་ཁ་བ་ཅན། །ཐུགས་རྗེ་ཆེན་པོས་བྱིན་གྱིས་བརླབས། །དམ་ཆོས་དར་ས་འདི་རུ་སྐྱེས། །ད་རེས་དམ་ཆོས་བསྒྲུབས་ན་ལེགས། །ཐོབ་དཀའི་དལ་འབྱོར་མི་ལུས་ཐོབ། །མཇལ་དཀའི་སངས་རྒྱས་བསྟན་དང་མཇལ། །སངས་རྒྱས་བྱང་སེམས་སྤྲུལ་པའི་སྐུ། ། །ས་ཐོབ་སེམས་དཔའ་མང་དུ་བཞུགས། །ད་རེས་ཆོས་འབྲེལ་ཞུ་ན་ལེགས། །སྔོན་གྱི་ལོ་པཎ་མཁས་གྲུབ་རྣམས། །གསེར་སྲང་སྟོང་ཕྲག་མང་པོ་ཁྱེར། །དཀའ་སྤྱད་རྒྱ་གར་ཡུལ་དུ་གཤེགས། །དམ་ཆོས་སྣ་ཁ་འགའ་རེ་ཐོབ། །ད་ལྟ་དཀའ་སྤྱད་མི་དགོས་པར། །ཟབ་ཆོས་ཐམས་ཅད་སྒོ་སྐྱེལ་ཡོད། །ད་རེས་དམ་ཆོས་བསྒྲུབས་ན་ལེགས། །ནཱ་རོ་པཎ་ཆེན་ལ་སོགས་པ། །བླ་མ་སྲོག་ལ་བརྔོས་

― CMR051_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཙལ། །ད་ལྟ་བླ་མས་སློབ་མ་ཚོལ། །ད་རེས་བླ་མ་བསྟེན་ན་ལེགས། །སྔོན་གྱི་བྱང་ཆུབ་སེམས་དཔའ་རྣམས། །བསྐལ་པ་གྲངས་མེད་ཚོགས་བསགས་ནས། །དེ་ནས་སེམས་ངོ་གསར་དུ་མཐོང་། །ད་ལྟ་གདམས་ངག་ཟབ་ཁྱད་ཀྱིས། །ཟླ་རེ་ཙམ་ནས་སེམས་ངོ་མཐོང་། །མར་མེ་འཆི་ཁ་གསལ་བ་བཞིན། །སངས་རྒྱས་བསྟན་པ་ནུབ་ཀ་རུ། །ཟབ་མོའི་ཆོས་རྣམས་དར་གསུངས་པའི། །དུས་དེ་རིང་སང་ཉིན་ཡིན་པའི་ཕྱིར། །ད་ལྟ་ཟབ་ཆོས་ཞུས་ན་ལེགས། །གྲུབ་མཐའ་མི་གཅིག་གྲངས་མང་ཡང་། །ཐམས་ཅད་ཤཱཀ་ཐུབ་བསྟན་པ་ཡིན། །སེར་མོའི་རྟགས་ཙམ་འཆང་བ་ཡང་། །མོས་པའི་བསྟན་ལ་བྱང་ཆུབ་ཐོབ། །ངུར་སྨྲིག་ཆོས་ཀྱི་གོས་རྣམས་ཀྱང་་། །ལྷ་མི་ཀུན་གྱི་མཆོད་པའི་རྟེན། །དེང་སང་སེར་གཟུགས་ས་སྟེང་ཁྱབ། །ཀུན་ལ་དག་སྣང་སྦྱང་ན་ལེགས། །འདྲེན་མེད་སྤྲུལ་པའི་སྐུ་རྣམས་ཀྱིས། །བཟང་འབྲེལ་ངན་འབྲེལ་ཐམས་ཅད་འདྲེན། །གནོད་འཚེ་གཤེ་སྐུར་བྱེད་རྣམས་ཀྱང་། །ལས་ངན་བྱང་རྗེས་ངེས་པར་འདྲེན། །དེ་ཕྱིར་དེ་ཡང་ཕྲིན་ལས་སྒོ། །དེ་ཕྱིར་དེང་སང་ཕྱོགས་རིས་ཀྱིས། །གཤེ་སྐུར་རྩོད་པ་བྱེད་

― CMR051_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱང་། །དོན་ལ་སངས་རྒྱས་ཕྲིན་ལས་ཡིན། །སྣ་ཚོགས་ཐབས་ཀྱིས་འབྲེལ་པ་ཐོབ། །སྣ་ཚོགས་ཐབས་ཀྱིས་འགྲོ་བ་འདྲེན། །དེ་ཕྱིར་ཕྱོགས་རིས་ཆགས་སྡང་སྤོངས། །ཀུན་ལ་དད་གུས་བསྐྱེད་ན་ལེགས། །སངས་རྒྱས་སེམས་ཅན་ཁྱད་པར་ཡང་། །རང་སྣང་དག་དང་མ་དག་ཡིན། །དེ་ཕྱིར་རང་སེམས་དག་སྣང་སྦྱོངས། །སྣོད་ཀྱི་འཇིག་རྟེན་བདེ་བ་ཅན། །བཅུད་ཀྱི་སེམས་ཅན་ཡི་དམ་ལྷ། །ཕོ་རྣམས་ཐམས་ཅད་སྤྱན་རས་གཟིགས། །མོ་རྣམས་ཡི་གེ་དྲུག་མའི་སྐུ། །བུ་རྣམས་སྲས་པོ་ནོར་བུ་འཛིན། །བུ་མོ་ལྷ་མོ་རིག་སྔགས་འཛིན། །སྒྲ་སྐད་ཐམས་ཅད་ཡིག་དྲུག་སྒྲ། །དེ་འདྲ་བསྒོམ་ལ་དག་སྣང་སྦྱོངས། །སེམས་ཀྱི་དྲན་རྟོག་སྣ་ཚོགས་ཀུན། །མ་རིག་རྣམ་རྟོག་འཁོར་བའི་རྒྱུ། ། །རིག་ན་རང་རིག་ཡེ་ཤེས་ཏེ། །དུས་གསུམ་རྒྱལ་བའི་དགོངས་པ་ཡིན། །མ་བཅོས་ཐ་མལ་རང་ངོ་སྐྱོངས། །དེ་འདྲའི་ཉམས་ལེན་མཛད་ན་ལེགས། །ཞེས་སྨྲས་སོ།། ༈ །།མི་རྟག་པའི་སྐྱོ་ཤས་ཀྱི་གླུ་དྲན་པའི་ལྕགས་འདེབས་སོ། །ན་མོ་གུ་རུ། བསམ་བློ་གཅིག་བཏང་ན། །སྐྱོ་བ་ནི་སྐྱེའོ། །སངས་རྒྱས་

― CMR051_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་འདས་ན། །རང་རེ་ནི་ལོས་འཆི། །འཇིག་རྟེན་ཡང་འཇིག་ན། །མི་ལུས་ནི་ལོས་འཇིག །ལོ་ཟླ་ནི་སོང་བཞིན། །འཆི་བ་ནི་ཉེའོ། །འབྱུང་བཞི་ཡི་ལུས་ལ། །བློ་གཏད་ནི་མི་འདུག །ཁར་སང་གི་ནད་མེད། །དེ་རིང་ནི་རོར་གྱུར། །འཆི་བདག་གི་གཤིན་རྗེ། །ནམ་ཡོང་ནི་ཆ་མེད། །གཤིན་རྗེ་ཡི་ཕོ་ཉ། །བཟློག་པ་ཡི་ཐབས་མེད། །ནོར་གྱིས་ནི་བསླུ་ཐབས། །འབྲོས་ས་ཡི་ས་མེད། །ཚིག་གསུམ་གྱི་གཏམ་བ། །སྤྱད་ཙམ་གྱིས་འཐེན་མེད། །བེམ་རྒོག་ཀྱང་བསྐྱུར་ནས། ཟས་ནོར་ནི་ལོས་ལུས། །ཤ་རུས་ཀྱང་འབྲལ་ན། །ཉེ་དུ་དང་ལོས་འབྲལ། །ཆ་མེད་ཀྱི་ཡུལ་དུ། །རྒྱུས་མེད་ཀྱིས་བགྲོད་དགོས། །མཐུན་གྲོགས་ཀྱང་སྐྱུར་ནས། །གཅིག་པུ་རང་འཁྱམས་དགོས། །བཟུར་བ་ནི་ས་མེད། །བར་དོ་ཡི་འཕྲང་དམ། །འཇིགས་སྐག་ནི་ཆེ་སྟེ། །མགོ་དཔོན་གྱིས་མི་སྐྱོབ། །བཀྲེས་སྐོམ་ནི་ཆེ་སྟེ། །ཟས་ནོར་གྱིས་མི་སྐྱོབ། །གཅིག་པུ་རུ་སྐྱེ་སྟེ། །ཟླ་གྲོགས་ཀྱིས་མི་སྐྱོབ། །འཁྲུལ་སྣང་ནི་ཆེ་སྟེ། །ངོ་སྤྲོད་མཁན་མི་རྙེད། །གར་འགྲོ་ནི་ཆ་མེད། །ལས་དབང་གི་ཤུགས་བཙན། །གཤིན་རྗེ་ཡི་

― CMR051_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིམས་རར། །རྫུན་ཞུས་ཀྱིས་མི་ཕན། །ཡིག་ཆུང་ནི་མི་ནོར། །མེ་ལོང་ནི་མདོག་གསལ། །སྡིག་པ་ལ་འགྱོད་ཀྱང་། །དེ་དུས་སུ་བཅོས་མེད། །དམ་ཆོས་ནི་འདོད་ཀྱང་། །ཉོ་སྐྱི་ཡི་ས་མེད། །དེ་འདྲ་ཡི་དུས་ཤིག །མགོ་ནག་ནི་ཀུན་ལ། །ངེས་པར་ནི་འོང་བས། །བསམ་བློ་རེ་ཐོངས་ལ། །དྲན་ཆིས་རེ་མཛོད་དང་། །ནམ་འོང་ཡང་ཆ་མེད། །སྔ་ཐབས་སུ་དགོས་སོ། །དེ་འདྲ་ཡི་དུས་ལ། །འགྱོད་མེད་གཅིག་བྱུང་ན། །ཕོ་རྒོད་ནི་ཡིན་ན། །སྤྲང་པོ་ཡི་སྙིང་གཏམ། །དཔོན་པོ་ལ་ཞུས་སོ། །མགོ་ནག་གི་མི་སྡེའི། །ཐུགས་ལ་ཡང་ཞོག་ཅིག །ཅེས་སྨྲས་སོ།། ༈ །།འཁོར་བར་ཞེན་པ་ལོག་གླུའོ། །ན་མོ་རཏྣ་གུ་རུ་དྷརྨ་ཤྭ་ར་ཡེ། དྲིན་ཆེན་གྱི་རྗེ་བཙུན་བླ་མ་ལ། །མི་འབྲལ་བར་སྙིང་ནས་གསོལ་བ་འདེབས། །འཁོར་བ་ལ་ཞེན་པ་ལོག་པ་དང་། །ཐར་ལམ་ཅིག་ཟིན་པར་བྱིན་གྱིས་རློབས། །ཞེ་སྡང་སྲོག་བཅད་ཀྱི་རྣམ་སྨིན་གྱིས། །དམྱལ་བའི་སྡུག་བསྔལ་ཡ་རེ་ང་། །ཉིན་རེ་ཡང་ལན་གྲངས་སྟོང་ཕྲག་ཏུ། །མཚོན་ཆས་གས་གཏུབ་ལུས་སེམས་བྲལ། །ལས་ངན་གྱི་དབང་གིས་སླར་ཡང་

― CMR051_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

སོས། །སོག་ལེ་དང་སྟ་མོས་དྲ་ཞིང་བཞག །ལྕགས་སྲེག་གི་རི་བོས་མནན་ཞིང་བཙིར། །ཟངས་ཆེན་གྱི་ནང་དུ་ཆང་ལྟར་བཙོ། །མེ་མ་མུར་གྱི་འོབ་ཏུ་འཕེན། །ཁྲོ་ཆུ་ཁོལ་མ་འབོག་ཅིང་སྐྱལ། །མེ་དཔུང་ཆེན་པོའི་དཀྱིལ་དུ་བསྲེག །མི་ཡུལ་དུ་ཡོད་པའི་མེ་འདི་བས། །དམྱལ་བ་ཡི་མེ་འདི་བདུན་འགྱུར་ཚ། །ད་ལྟ་མེ་སྟག་རེ་ཕོག་ན་ཡང་། །བྱབ་པ་ལ་ལག་མགྱོགས་འདི་ཙམ་ལ། །དེ་འདྲ་ཞིག་བྱུང་ན་ཅི་འདྲ་བྱེད། །དེ་ཚོ་ལ་བསམ་བློ་ཐོངས་མཛོད་ལ། །སྲོག་བཅད་འདི་སྲོག་ལ་བབ་ཀྱང་སྤོངས། །གྲང་དམྱལ་གྱི་སྡུག་བསྔལ་ཡི་རེ་མུག །ལུས་པོ་ནི་འཁྱགས་པས་ཆུ་བུར་འབུད། །ཆུ་བུར་ཡང་རྡོལ་ནས་ཁྲག་རྣག་འབབ། །ཁ་སོ་ཡང་འདར་ནས་འདར་ཞིང་བསྔངས། །ལུས་པོ་ཡང་བརྒྱ་སྟོང་དུ་མར་གས། །ལུས་པོ་ནི་མེ་ལ་གདུང་ལུག་གིས། །ལོ་གྲངས་ཡང་བརྒྱ་སྟོང་ཁྲི་འབུམ་ལ། །ལས་ངན་ཡང་མི་ཟད་ཐར་ཐབས་མེད། །ད་ལྟ་ནི་ཞག་རེ་གོས་སྲབ་ཀྱང་། །བཞོག་ཡིན་མེ་ལ་གདུང་ལུགས་ཀྱིས། །དེ་འདྲ་ཞིག་བྱུང་ན་ཇི་ལྟར་བྱེད། །དེ་ཚོ་ལ་སོམས་ལ་སྡིག་པ་འཛེམ། །སེར་སྣ་དང་རྐུ་འཕྲོག་རྣམ་སྨིན་གྱིས། །ཡི་དྭགས་ཀྱི་སྡུག་

― CMR051_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་སྐྱུགས་རེ་བྲོ། །ལོ་གྲངས་བརྒྱ་སྟོང་མང་པོ་ལ། །ཆུ་ཐིགས་གཅིག་འཐུང་རྒྱུ་མི་རྙེད་ན། །ཟས་སྐོམ་ནི་རྙེད་པ་ག་ལ་སྲིད། །གལ་ཏེ་ཟས་ཁམ་གང་རྙེད་ན། །མིད་པ་ནི་ཕྲ་བས་ཐར་བར་དཀའ། །ཟས་ཁམ་གཅིག་ཁོག་ཏུ་ཕྱིན་པ་ན། །མེ་ལྕེ་རུ་འབར་ནས་ལུས་སྲོག་འཚིག །ལས་ངན་གྱི་དྲག་པོའི་རྣམ་སྨིན་གྱིས། །ཆུ་ཆེན་ཀུན་བལྟས་པ་ཙམ་གྱིས་སྐམ། །ཆར་པ་ཀུན་ལྕགས་མདའ་མེ་འདག་མཐོང་། །ས་གཞི་ཀུན་བྱེ་ཚན་དུ་གྱུར་པས་སྐམ། །དེ་འདྲའི་གནས་ཚུལ་བསམ་གཞིག་ན། །གཞན་ནོར་རྐུ་འཕྲོག་ཇི་ལྟར་ཕོད། །སྐུར་འདེབས་དང་ཚིག་ངན་གྱི་རྣམ་སྨིན་གྱིས། །དུད་འགྲོའི་སྡུག་བསྔལ་སྙིང་རེ་རྗེ། །ད་ལྟ་བསམ་ཡོད་ཀྱི་མི་ཡིན་པ། །ཕྱི་མ་བསམ་མེད་ཀྱི་དུད་འགྲོར་སྐྱེས། །གླིང་བར་མུན་པའི་གླིང་ནར་དྲུ། །ལྟོགས་དྲགས་པས་རང་ཤ་རང་གིས་ཟ། །དེ་ཟོས་པས་ན་ཚ་ཆེ་ན་ཡང་། །བླུན་དྲགས་པས་དེ་དོན་མི་ཤེས་ཟ། །གཡུང་དྭགས་ཀུན་རྨོ་འགེལ་རྒས་ཙ་བཤའ། །རི་དྭགས་ཀུན་ཉེས་མེད་སྲོག་དང་ཕྲལ། །ཀླུ་རྣམས་ཀྱང་བྱེ་ཚན་ཚད་པས་གདུང་། །སྐབས་སྐབས་སུ་ཁྱུང་གིས་གསོན་པོར་ཟ། །

― CMR051_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཕལ་ཆེར་ལན་གྲངས་ལྔ་བརྒྱར་སྐྱེ། །དེ་འདྲའི་གནས་ཚུལ་གོ་བའི་མི། །སྐུར་འདེབས་དང་རྫུན་ཚིག་ཅི་ལ་སྨྲ། །ཕྲག་དོག་དང་འཛིང་རྩོད་རྣམ་སྨིན་གྱིས། །ལྷ་མིན་གྱི་སྡུག་བསྔལ་བློ་སེམས་སྐྱོད། །ལོ་རེར་ལན་གྲངས་གཉིས་རེ་འཐབ། །སྨྲས་པ་ཀུན་མུན་པའི་གླིང་དུ་འཕེན། །དེར་ཡུན་རིང་དུ་མི་འཆི་སྡུག་བསྔལ་ཆེ། །ལྷ་དབང་པོ་བརྒྱ་བྱིན་མངའ་ཐང་ལ། །དུས་རྒྱུན་དུ་ཕྲག་དོག་སེམས་སྡུག་ཆེ། །དེར་ཤི་བ་ཕལ་ཆེར་དམྱལ་བར་འགྲོ། །དེ་འདྲའི་ལས་ངན་དེ་བསམས་ན། །ཁ་ལྕེ་དང་དབྱེན་འདི་ཅི་ལ་ཡོད། ། གནས་སྐབས་དགེ་བའི་འབྲས་བུ་ཡིས། །ལྷ་ཁམས་ནི་བདེ་སྐྱིད་ཕུན་སུམ་ཚོགས། །ཚེ་རིང་ཞིང་བག་མེད་རྩེ་མོར་ཡེངས། །དུས་ནམ་ཞིག་དགེ་འབྲས་ཚེ་ཚད་རྫོགས། །རྒྱན་དར་གོས་མེ་ཏོག་ཕྲེང་བ་རྙིང་། །ལུས་དྲི་ངན་བྲོ་བས་རོགས་ཀུན་བྲལ། །རང་འཆི་བས་ངན་སོང་ལྟུང་བར་ཤེས། །དེ་ཤེས་ཀྱང་ཐབས་མེད་སྡུག་བསྔལ་ཆེ། །ལྷ་ཡུལ་འདི་སྐྱིད་ཀྱང་ནམ་ཕུག་ཞན། །ཚུལ་ཁྲིམས་དང་དགེ་བའི་འབྲས་བུ་ཡིས། །དལ་འབྱོར་གྱི་མི་ལུས་ཐོབ་ན་ཡང་། །ནད་གདོན་དང་དུས་མིན་འཆི་བ་མང་། །ཆུང་ཚེ་ནས་བསམ་

― CMR051_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་འབུ་སྲིན་བཞིན། །བསོད་ཡོད་ཀུན་ཚེ་འདིའི་བྱ་བས་གཡེང་། །ནད་མུག་མཚོན་གསུམ་ཡང་ཇེ་ཆེར་དར། །སྐྱེ་རྒས་ན་འཆིའི་འཕྲང་ལ་འགྲིམ། །མི་ལུས་ཀྱི་བདེ་སྐྱིད་ཀྱང་རྨི་ལམ་ཙམ། །དེ་འདྲ་ཡི་དོན་དེ་གོ་བའི་མི། །ལྷ་མི་རུ་སྐྱེས་ཀྱང་ཅི་ལ་སྨོན། །ཟངས་མདོག་དཔལ་རི་པོ་ཏ་ལ། །དགའ་ལྡན་བྱམས་པའི་ཞབས་དྲང་སོགས། །སྐྱེ་རྒ་ན་འཆིའི་སྡུག་བསྔལ་ཡོད། །སྐྱེས་ཀྱང་མི་ལྟུང་ངེས་པ་མེད། །མངོན་དགའ་དཔལ་ལྡན་ལས་རབ་རྫོགས། །འོག་མིན་འཐུག་པོ་བཀོད་པ་སོགས། །ས་ཐོབ་སེམས་དཔའ་མ་གཏོགས་པ། །སྨོན་ལམ་བཏབ་ཀྱང་སྐྱེ་མི་སྲིད། །དམ་པའི་ལྷ་ཆོས་མ་སྤོངས་ཤིག །མཚམས་མེད་ཀྱི་སྡིག་པ་མ་བསགས་ན། །སྡིག་སྒྲིབ་དང་ཉེས་ལྟུང་གཞན་ཡོད་ཀྱང་། །རྩེ་གཅིག་ཏུ་སྨོན་ལམ་བཏབ་པ་ནི། །ནུབ་ཕྱོགས་བདེ་ཆེན་གྱི་ཞིང་ཁམས་སུ། །ཞིང་དེ་རུ་ངན་སོང་གི་སྒྲ་མི་གྲག །སྡུག་བསྔལ་ཀུན་མེད་པས་བདེ་བ་ཅན་། །དེར་སྐྱེས་ན་འཁོར་བར་ལྟུང་མི་སྲིད། །ལོ་བསྐལ་པ་བྱེ་སྟོང་འཆི་བ་མེད། །ཚེ་བརྗེས་ནས་རྫོགས་པའི་སངས་རྒྱས་ཐོབ། །སྤྱང་བདག་ཀྱང་སྨོན་ལམ་དེ་རུ་བཏབ། །

― CMR051_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ཁྱེད་ཀྱང་སྨོན་ལམ་དེ་རུ་ཐོབ། །འོད་མདོ་ལ་ཚར་གྲངས་མང་དུ་ཐོན། །བདེ་ཆེན་གྱི་ཞིང་བཀོད་ཐང་སྐུ་བཞེངས། །ཡིག་དྲུག་སོགས་དགེ་སྦྱོར་གང་བྱེད་ཀྱང། །ཞིང་དེ་རུ་སྐྱེ་བའི་ཕྱིར་དུ་བསྔོ། །དུས་ནམ་ཞིག་གནད་ཅན་གྱི་སྙིང་གཏམས། །ཞིང་དེ་རུ་འགྲོ་བའི་དམ་བཅའ་ནི། །དུས་རྒྱུན་དུ་ཡིད་ལ་དུང་ངེ་གྱིས། །དེར་ཕྱིན་ནམ་མི་ཕྱིན་ཐེ་ཚོམ་སྤོངས། །སྤང་བདག་གི་གནད་ཅན་གྱི་སྙིང་གཏམ་ཡིན། །ཁྱེད་དཔོན་རྒན་གྱི་ཐུགས་ལ་དེ་ལྟར་ཞོག །ཅེས་སྨྲས་སོ།། ༈ །།གསོལ་འདེབས་ཀྱི་གླུ་དབྱངས་བྱིན་རླབས་ཆར་འབེབས་བཞུགས་སོ། །ན་མོ་གུ་རུ་བྷྱ། གནས་སྤྱི་གཙུག་ཚངས་པའི་ཡུལ་ས་ན། །གདན་པདྨ་ཉི་མ་བརྩེགས་པའི་སྟེང་། །ཆོས་འབྲེལ་བ་ཐོབ་ཚད་བླ་མ་དང་། །དོན་དབྱེར་མེད་ཨོ་རྒྱན་སྤྲུལ་པའི་སྐུ། །སྐུ་དཀར་དམར་མདངས་ལྡན་མཚན་དཔེས་རྫོགས། །དབུ་པད་ཞྭ་སྒྲོ་དར་ཉི་མས་བརྒྱན། །ཞལ་ཁྲོ་འཛུམ་སྤྱན་གཉིས་བདག་ལ་གཟིགས། ། ཕྱག་རྡོ་རྗེ་བྷནྡྷ་ཁཊཱྃ་འཛིན། །སྐུ་ཟ་བེར་ཆོས་གོས་རྣམ་གསུམ་གསོལ། །ཞབས་རྡོ་རྗེ་སྐྱིལ་མོ་ཀྲུང་གིས་བཞུགས། །འཁོར་རྗེ་འབངས་ཉི་ཤུ་རྩ་ལྔ་སོགས། །གང་ཟག་སྙན་

― CMR051_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་ཀྱི་བླ་མ་རྣམས། །དེ་ཁྲོམ་ཚོགས་བཞིན་དུ་སྤུངས་སེ་བཞུགས། །རྗེ་དེ་ཡི་དབུ་གཙུག་བར་སྣང་ན། །རིག་འཛིན་དགའ་རབ་རྡོ་རྗེ་སོགས། །རིག་འཛིན་བརྡ་བརྒྱུད་ཀྱི་བླ་མ་རྣམས། །དེ་སྤྲིན་ཕུང་འཁྲིགས་པ་བཞིན་དུ་བཞུགས། །རྗེ་དེ་ཡི་དབུ་གཙུག་ནམ་མཁའ་ལ། །དཔལ་ཆོས་སྐུ་རྡོ་རྗེ་འཆང་ལ་སོགས། །རྒྱལ་བ་དགོངས་བརྒྱུད་ཀྱི་བླ་མ་རྣམས། །དེ་འཇའ་ཚོན་བཞིན་དུ་གསལ་བཞིན་བཞུགས། །ཞིང་ཕྱོགས་བཅུའི་དཀོན་མཆོག་རྒྱ་མཚོ་ཚོགས། །དཔེ་ཁ་བ་བུ་ཡུག་འཚུབ་བཞིན་བྱོན། །དེ་དབྱེར་མེད་ཆུ་ལ་ཆུ་བཞག་ཚོགས། །གནས་འོག་མིན་ཆོས་དབྱིངས་ཞིང་ཁམས་ན། །དཔལ་ཀུན་བཟང་རིགས་ལྔ་རྡོ་རྗེ་འཆང་། །བསྐལ་བཟང་གི་སངས་རྒྱས་སྟོང་རྩ་སོགས། །རྒྱལ་བ་དགོངས་བརྒྱུད་ཀྱི་བླ་མ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །རྫས་བུམ་དབང་གཏོར་དབང་མ་ཐོབ་ཀྱང་། །དོན་དགོངས་པས་བྱིན་གྱིས་བརླབས་པ་ཞིག །དགོངས་བརྒྱུད་ཀྱི་བླ་མ་ཁྱེད་རྣམས་མཁྱེན། །གནས་འཕགས་ཡུལ་དང་ནུབ་ཕྱོགས་ཨོ་རྒྱན་ནས། །རྗེ་དགའ་རབ་རྡོ་རྗེ་རིག་འཛིན་བརྒྱད། །རྒྱ་གར་གྱི་གྲུབ་ཆེན་

― CMR051_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཅུ་སོགས། །རིག་འཛིན་བརྡ་བརྒྱུད་ཀྱི་བླ་མ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ཁྲིད་ཟླ་ཁྲིད་དང་བདུན་ཁྲིད་མ་ཐོབ་ཀྱང་། །བརྡ་བསྟན་པ་ཙམ་གྱིས་གྲོལ་བ་ཞིག །བརྡ་བརྒྱུད་ཀྱི་བླ་མ་ཁྱེད་རྣམས་མཁྱེན། །གནས་གངས་ཅན་བོད་ཀྱི་ཞིང་ཁམས་ན། །རྗེ་རྒྱལ་འབངས་ཉེར་ལྔ་མེས་དབོན་གསུམ། །ལོ་པཎ་མཁས་གྲུབ་ཐམས་ཅད་སོགས། །གང་ཟག་སྙན་བརྒྱུད་ཀྱི་བླ་མ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །བཤད་ཆོས་ཀྱི་སོ་གྲངས་མ་ཐོབ་ཀྱང་། །དོན་ཚིག་གཅིག་ཙམ་གྱི་གྲོལ་བ་ཞིག །སྙན་བརྒྱུད་ཀྱི་བླ་མ་ཁྱེད་རྣམས་མཁྱེན། །གནས་རི་བོ་ཤན་སོགས་སྒྲུབ་གནས་ན། །རྗེ་མར་མི་དྭགས་པོ་དུས་གསུམ་མཁྱེན། །ཕག་གྲུ་དང་འབྲི་སྟག་ཚལ་འབྲུག་སོགས། །བཀའ་བརྒྱུད་བླ་མ་ཐམས་ཅད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ཚེ་གྲངས་མེད་དུ་ཚོགས་གཉིས་མ་བསགས་ཀྱང་། །དོན་སྟོང་ཉིད་མངོན་སུམ་རྟོགས་པ་ཞིག །བཀའ་བརྒྱུད་བླ་མ་ཁྱེད་རྣམས་མཁྱེན། །གནས་ར་སྒྲེང་སོགས་དགོན་གནས་སོ་སོ་ནས། །རྗེ་ཇོ་འབྲོམ་དང་ཁུ་རྔོག་རྒྱལ་སྲས་གསུམ། །དོན་དགྲ་

― CMR051_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ཐོབ་པ་བརྒྱད་ཁྲི་སོགས། །བཀའ་གདམས་ཀྱི་བླ་མ་ཐམས་ཅད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ཕྱི་ཐོས་བསམ་གྱི་སྒྲོ་འདོགས་མ་ཆོད་ཀྱང་། །ནང་བྱམས་དང་སྙིང་རྗེ་འབྱོང་བ་ཅིག །བཀའ་གདམ་གྱི་བླ་མ་ཐམས་ཅད་མཁྱེན། །གནས་ཙཱ་རི་སོགས་གནས་ཆེན་སོ་སོ་ནས། །རྗེ་བི་མ་བེ་རོ་གཡུ་སྒྲ་སྙིང་། །གཏེར་སྟོན་པའི་སྤྲུལ་སྐུ་བརྒྱ་རྩ་སོགས། །རྫོགས་ཆེན་གྱི་བླ་མ་ཐམས་ཅད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ལོ་ཟླ་གྲངས་མང་པོར་མ་བསྒོམས་ཀྱང་། །ཆོས་ཐོས་པ་ཙམ་གྱིས་གྲོལ་བ་ཅིག །རྫོགས་ཆེན་གྱི་བླ་མ་ཁྱེད་རྣམས་མཁྱེན། །དུས་དེང་སང་སྙིགས་མ་ལྔ་བརྒྱའི་མཐའ། །ལྷ་གཞན་གྱི་ཐུགས་རྗེ་རྡུགས་པའི་དུས། །ཆོས་གཞན་གྱི་བྱིན་རླབས་འཇའ་ལྟར་ཡལ། །ལྷ་མཁའ་འགྲོ་ཆོས་སྐྱོང་ཐམས་ཅད་བྲོས། །བ་ལྷ་སྲིན་སྡེ་བརྒྱད་རླུང་ལྟར་འཚུབ། །རྐྱེན་ནད་མུག་མཚོན་གསུམ་མེ་ལྟར་འབར། །དུས་དེ་འདྲར་ཐུགས་རྗེ་བྱིན་རླབས་ཀུན། །ཁྱེད་པདྨ་འབྱུང་གནས་ཆེ་གསུངས་ན། །མི་བདག་གིས་ཁྱེད་ལ་གསོལ་བ་འདེབས། །ཁྱེད་མ་གཡེལ་

― CMR051_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེའི་དཔུང་བསྐྱེད་ལ། །མི་བདག་ལ་དབང་བསྐུར་བྱིན་གྱིས་རློབས། །ཁྱེད་སྐུ་ཡིས་ལུས་ལ་བྱིན་གྱིས་རློབས། །ལུས་འཆི་མེད་ཚེ་ཡི་དངོས་གྲུབ་སྩོལ། །ཁྱེད་གསུང་གིས་ངག་ལ་བྱིན་གྱིས་རློབས། །ངག་ནུས་པ་འབར་བའི་དངོས་གྲུབ་སྩོལ། །ཁྱེད་ཐུགས་ཀྱིས་སེམས་ལ་བྱིན་གྱིས་རློབས། །སེམས་རྟོགས་པ་འཆར་བའི་དངོས་གྲུབ་སྩོལ། །བདག་དེ་ལྟར་རྩེ་གཅིག་གསོལ་བཏབ་པས། །འཁོར་ཐམས་ཅད་པད་འབྱུང་སྐུ་ལ་ཐིམ། །རྗེ་པད་འབྱུང་འོད་ཞུ་བདག་ལ་ཐིམ། །མི་བདག་དང་དབྱེར་མེད་གཅིག་ཏུ་འདྲེས། །དོན་འོད་གསལ་རང་སེམས་རྗེན་པར་བུད། །སེམས་བལྟ་རྒྱུ་ལྟ་མཁན་གཅིག་ཏུ་འདྲེས། །སེམས་བཟོ་མེད་ཆོས་སྐུའི་རང་ཞལ་མཐོང་། །མི་བདག་གི་གསོལ་འདེབས་སྒོམ་བཟླས་སོགས། །དུས་གསུམ་དུ་དགེ་བ་ཅི་བསགས་མཐུས། །ཚེ་འདི་ལ་ཚེ་རིང་ནད་མེད་ཅིང་། །ཉམས་རྟོགས་པ་ཡར་ངོའི་ཟླ་བཞིན་འཕེལ། །དུས་ནམ་ཞིག་མི་གནས་འཕོ་བའི་ཚེ། །ནུབ་བདེ་བ་ཅན་གྱི་ཞིང་ཁམས་དེར། །གདན་པདྨ་མཆོག་ལ་བརྫུས་སྐྱེས་ནས། །གཏན་དེ་ལ་ས་བཅུ་མངོན་གྱུར་ཤོག །བདག་སྨོན་ལམ་བཏབ་བཞིན་འགྲུབ་གྱུར་

― CMR051_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །གསོལ་འདེབས་དཔོན་རྒན་གསེར་འོད་ཟུང་གི་རྒྱུན་འདོན་དུ་བྲིས་སོ། ། ཨ་རཱ་གས་སྦྱར་བའོ།། ༈ །།གནས་འགྱུ་ངོ་སྤྲོད་ཀྱི་གླུ་རྒན་མོ་མཛུབ་ཚུགས་ཞེས་བྱ་བ། ན་མོ་མ་ཧཱ་མུ་དྲ་ཡེ། ཆོས་གསང་སྔགས་དམར་འདོན་བཤད་པ་འདི། །གསང་སྒྲོག་གི་ལྟུང་བ་ཕོག་པའི་རྒྱུ། །མ་མཁའ་འགྲོ་མི་དགྱེས་འཁྲུག་ན་ཡང་། །དུས་དེང་སང་བསྟན་པ་དར་བའི་དྲིན། །དབང་མ་ཐོབ་མི་གཅིག་མེད་པའི་ཕྱིར། །ད་གསང་སྒྲོག་གི་ལྟུང་བ་མེད་དོ་སེམས། །ངོ་སྤྲད་པ་ཙམ་གྱིས་རྟོགས་པ་སྐྱེས། །དེ་མི་འགྲིབ་ཟླ་བ་ཡར་བཞིན་འཕེལ། །དེ་སྔོན་སྦྱང་ཅན་གྱི་གང་ཟག་ཡིན། །ཚིག་ངོ་སྤྲོད་མང་པོ་དེར་མི་དགོས། །དེ་གཅིག་ཆར་གང་ཟག་རེ་རེ་ཡིན། །ཁྲིད་ཐོབ་ནས་ཉམས་རྟོགས་མཐོན་པོར་སླེབས། །དེ་བསྒོམ་ཡུན་ཅི་དགོས་ངོ་བོ་མཐོང་། །སེམས་ཆགས་ཞེན་བྲལ་བའི་གྲུབ་ཐོབ་འདྲ། །དུས་རེས་འགའ་ཉམས་རྟོགས་འཇའ་ལྟར་ཡལ། །སེམས་ཉོན་མོངས་དུག་ལྔ་གཞན་བས་ཆེ། ། ཉམས་རྟོགས་མ་ཐུབ་གཤེ་སྐུར་མང་། །དེ་ཐོད་རྒལ་པ་ཡི་གང་ཟག་ཡིན། །དེ་འདྲ་ཡང་དེང་སང་རེ་རེ་ཙམ། །རིམ་སྐྱེས་པ་ཡི་གང་ཟག་ནི། །ཚེ་སྔོན་གྱི་སྦྱངས་པ་ཤིན་ཏུ་

― CMR051_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

ཞན། །སེམས་མཛུབ་ཚུགས་ངོ་སྤྲོད་མ་བྱས་ན། །ཁྲིད་ཁྲམ་ཆོས་ཙམ་གྱིས་ངོ་མི་འཕྲོད། །ངོ་འཕྲོད་ཀྱང་ད་རུང་ཐེ་ཚོམ་ཆེ། །དེ་རྒྱུན་དུ་སྐྱོང་ཡང་བོགས་སྐྱེད་ཆུང་། །དུས་དེང་སང་དེ་འདྲ་ཤིན་ཏུ་མང་། །དོན་དེ་ཕྱིར་གཅེར་མཐོང་མཛུབ་ཚུགས་དགོས། །ཡར་གསོན་དང་དཔོན་རྒན་གསེར་འོད་གཟུངས། །ཕར་རྒྱས་ན་ཆོས་ཕུང་བརྒྱད་ཁྲི་དེ། ། ཚུར་བསྡུས་ན་ངོ་སྤྲོད་ཚིག་གསུམ་ཡོད། །དེ་རྒྱས་བསྡུས་ཡིན་ནོ་རིགས་ཀྱི་བུ། །དཔལ་རྡོ་རྗེ་འཆང་དང་ད་ལྟའི་བར། །ཕ་གྲུབ་ཐོབ་བརྒྱུད་པ་རྒྱུན་མ་ཆད། །ཚིག་ངོ་སྤྲོད་ཞུ་གཏུགས་རྒྱུན་མ་ཆད། །དེ་ཐེ་ཚོམ་མེད་དོ་རིགས་ཀྱི་བུ། །རྗེ་མར་མི་གཉིས་ནས་ད་ལྟའི་བར། །ཉམས་རྟོགས་པའི་བརྒྱུད་པ་རྒྱུན་མི་ཆད། །དོན་ཉམས་ལེན་སྒྲུབ་བརྒྱུད་རྒྱུན་མ་ཆད། །ལམ་གོལ་ས་མེད་དོ་རིགས་ཀྱི་བུ། །ཆོས་ཕྱག་ཆེན་དང་རྫོགས་ཆེན་དབུ་མ་སོགས། །མིང་ཆེ་ཆེ་བཟང་བཟང་ཅི་བཏགས་ཀྱང་། །དོན་རང་སེམས་ཡིན་ནོ་རིགས་ཀྱི་བུ། །རང་སེམས་ཀྱིས་རང་ལ་བལྟས་ཙ་ན། །གཟུགས་ཁ་དོག་དངོས་པོ་མ་མཐོང་བས། །དེ་སྟོང་ཉིད་ཡིན་ནོ་རིགས་ཀྱི་བུ། །སེམས་རེས་འགའ་མེ་རེ་ཀྱི་ལེ་གནས། །

― CMR051_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་འདི་ཡིན་འདི་བསམ་གཅིག་ཀྱང་མེད། །དེ་གནས་པ་ཡིན་ནོ་རིགས་ཀྱི་བུ། །སེམས་རེས་འགའ་མི་འདུག་ཕྱོགས་བཅུར་རྒྱུག །དོན་ཡོད་མེད་བཟང་ངན་སྣ་ཚོགས་དྲན། །དེ་འགྱུ་བ་ཡིན་ནོ་རིགས་ཀྱི་བུ། །སེམས་གནས་སམ་འགྱུ་བ་ཅི་བྱེད་རིག །དེ་ངོ་བོར་བལྟས་པས་སྟོང་པར་ཡལ། །དེ་རིག་པ་ཡིན་ནོ་རིགས་ཀྱི་བུ། ། སེམས་གནས་པ་འགྱུ་བ་རིག་པ་གསུམ། །དེ་སོ་སོར་མཐོང་ཡང་ངོ་བོ་གཅིག །དཔེ་ཆུ་དང་ཆུ་རླབས་ཆུ་བུར་བཞིན། །དོན་རང་སེམས་ཡིན་ནོ་རིགས་ཀྱི་བུ། །སེམས་གནས་པ་སྟོང་ཉིད་ཆོས་ཀྱི་སྐུ། །སེམས་འགྱུ་བ་སྣ་ཚོགས་སྤྲུལ་པའི་སྐུ། །སེམས་རིག་པ་སྟོང་གསལ་ལོངས་སྤྱོད་རྫོགས། །དེ་གསུམ་ཀ་དབྱེར་མེད་ངོ་བོ་གཅིག །དོན་སྐུ་བཞིའི་སེམས་ལ་ངོ་སྤྲོད་ལ། །ཆོས་སྙན་བརྒྱུད་ཡིན་ནོ་རིགས་ཀྱི་བུ། །རང་སེམས་ཀྱི་སེམས་ཀྱི་ལྟ་བ་འདི། །ལྟ་བ་ཀུན་གྱི་ཡང་རྩེ་ཡིན། །རང་སེམས་ངོ་བོ་ལྟོས་དང་རིགས་ཀྱི་བུ། །སེམས་མ་ཡེངས་དྲན་པའི་རྒྱང་སོ་འདི། །ཆོས་ཕྱག་རྒྱ་ཆེན་པོའི་ཉམས་ལེན་ཡིན། །སེམས་འཚོ་སྐྱོང་མཛོད་དང་རིགས་ཀྱི་བུ། །ལས་དགེ་སྒྲུབ་སྡིག་སྤོང་བྱེད་པ་འདི། །

― CMR051_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་རྒྱལ་བས་གསུངས་པའི་སྤྱོད་པ་ཡིན། །ལས་སྡིག་པ་འཛེམ་དང་རིགས་ཀྱི་བུ། །དོན་ཚོགས་གཉིས་བྲེ་ཁ་གང་བ་དེ། །དོན་འབྲས་བུ་བྱང་ཆུབ་ཐོབ་པར་གསུངས། །མཐར་སྨོན་ལམ་ཐོབ་དང་རིགས་ཀྱི་བུ། །ངོ་སྤྲོད་གཅར་ཕོད་གླུ་ཆུང་འདི། །དཔོན་རྒན་ཐུགས་ལ་བཞག་པར་ཞུ། །འགྲོ་བ་གཞན་ལའང་ཕན་པར་ཤོག་།ཅེས་པོ་མགུར་སྣ་ཁ་དྲུག་འདི་ཤིང་ཕོ་རྟ་ལོ་སྨིན་དྲུག་ཟླ་བའི་ཚེས་དགུའི་ཉིན་བར་ཁོ་ནར་ཉམས་ལ་གང་ཤར་འཕྲལ་དུ་བྲིས་པའོ།། ༈ །།ན་མོ་མ་ཧཱ་མུ་ཏྲ་ཡེ། གསོན་དང་དཔོན་རྒན་གསེར་འོད་འབུམ། །ཕར་བྱས་ན་ཆོས་ཕུང་བརྒྱད་ཁྲི་དེ། །ཚུར་བསྡུས་ན་ངོ་སྤྲོད་ཚིག་གསུམ་ཡིན། །དེ་རྒྱས་བསྡུས་ཡིན་ནོ་རིགས་ཀྱི་བུ། །རང་སེམས་ཀྱི་སེམས་ལ་བལྟས་ཙམ་ན། །གཟུགས་ཁ་དོག་དངོས་པོ་མ་མཐོང་ན། །དེ་སྟོང་ཉིད་ཡིན་ནོ་རིགས་ཀྱི་བུ། །སེམས་རེས་འགའ་མེ་རེ་ཀྱི་ལེ་གནས། །དེ་འདི་ཡིན་འདི་མིན་གཅིག་ཀྱང་མེད། །དེ་གནས་པ་ཡིན་ནོ་རིགས་ཀྱི་བུ། །སེམས་རེས་འགའ་མི་སྡོད་ཕྱོགས་བཅུར་རྒྱུག །དེ་འགྱུ་བ་ཡིན་ནོ་རིགས་ཀྱི་བུ། །སེམས་གནས་པ་འགྱུ་བ་ཅི་བྱེད་པ། །དེའི་ངོ་བོར་བལྟས་པས་ཅི་བྱེད་རིགས། །དེ་རིག་པ་

― CMR051_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ནོ་རིགས་ཀྱི་བུ། །སེམས་གནས་པ་འགྱུ་བ་རིག་པ་གསུམ། །དེ་སོ་སོར་མཐོང་ཡང་ངོ་བོ་གཅིག །དཔེ་ཆུ་རླབས་ཆུ་ཐིམ་ལྟ་བུ་ཡིན། །དོན་རང་སེམས་ཡིན་ནོ་རིགས་ཀྱི་བུ།། ༈ །།ཉམས་འཆར་ལུགས་ཀྱི་གླུ་རྒན་པོའི་འབུག་སྒྲུང་ཞེས་བྱ་བ། ན་མོ་མ་ཧཱ་མུ་དྲ་ཡེ། དམ་ཆོས་འདོད་ན་བླ་མ་བཙལ། །ཉམས་ལེན་འདོད་ན་སྒོམ་ཁྲིད་ཞུས། །ཆོས་ཀུན་རྩ་བ་རང་སེམས་ཡིན། །རང་སེམས་ཚོལ་ལ་ཤོག་ཅེས་གསུངས། །ཕྱོགས་བཞི་མཚམས་བརྒྱད་སྟེང་འོག་བཅུ། །ཕྱི་ནས་བཙལ་ཡང་སེམས་མི་རྙེད། །ཤ་རུས་ལྤགས་པ་དོན་སྙིང་སོགས། །ནང་ནས་བཙལ་ཡང་སེམས་མི་རྙེད། །མ་ཞུས་ན་ཡང་ངོ་ནི་ཚ། །རྙེད་ཀྱི་འདི་རྙེད་ཞུ་རྒྱུ་མེད། །ཅི་དྲག་བསམ་ནས་བློ་མ་བདེ། །སེམས་ནི་དུས་གསུམ་རྒྱལ་བས་ཀྱང་། །མ་རྙེད་མི་རྙེད་མི་སྲིད་གསུངས། །མ་མཐོང་བ་དེ་མཐོང་བའི་མཆོག །སྟོང་ཉིད་ཕྱོགས་ཙམ་མཐོང་བ་ཡིན། །མ་བཅོས་ངང་ལ་ཞོག་དང་གསུངས། །སེམས་ནི་བཞག་པས་འདུག་མ་ཉན། །རྒྱ་བོད་ལྷོ་ཁྲི་འདན་གསུམ་བསྐོར། །བཟུང་བས་མི་ཟིན་རྒྱུན་མཆོང་ཙམ། །ང་ལ་བསྒོམ་གྱི་ལས་

― CMR051_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་མེད། །སེམས་ནི་འདུག་མཁན་མ་ཉན་བསམ། །སེམས་རྩ་སྡུག་ཅིང་བློ་མ་བདེ། །སེམས་ནི་རྒྱུག་པ་སྐྱོན་མེད་ཀྱིས། །གང་ཤར་ངོ་བོར་ལྟོས་ཤིག་གསུངས། །གང་ཤར་ངོ་བོར་ལྟས་ཙམ་ན། །ཡུད་ཙམ་གནས་དུས་སེམས་རྩ་སྐྱིད། །སྒོམ་ཆེན་དེ་ཉིད་ཡིན་འོས་བསམ། །ཡང་ནི་མི་སྡོད་ཏུར་ཏུར་འགྲོ། །འཕྲོ་དུས་མི་དགའ་འཕྲོ་ཤོར་བསམ། །དེ་ལ་ཡུན་རིང་བསྒོམས་བྱས་ཀྱང་། །ཡར་གྲགས་མེད་པ་དེ་ག་རང་། །འདི་ལ་འདི་ཡིན་མི་གདའ་བས། །དེ་བས་ཡིག་དྲུག་འདོན་དགའ་བསམ། །སྒོམ་ཆེན་འགའ་ལ་ཁ་ཉམས་ཉུལ། །འགའ་རེས་དེ་བས་མེད་དོ་ཟེར། །འགའ་རེས་དེ་བས་མི་ཆོག་ཟེར། །རང་ཡང་ཐེ་ཚོམ་འཁུ་འཕྲིགས་མང་། །བླ་མ་རྗེ་ལ་ཞུ་མ་ཕོད། །ཁྲིད་ཕྲུག་གསར་པའི་འཆར་ཚུལ་ཡིན། །དེ་ལ་གནས་འགྱུ་ངོ་སྤྲོད་དགོས། །སེམས་ལ་དངོས་པོ་མེད་པའི་ཕྱིར། །སྟོང་པ་ཉིད་ཀྱིས་མིང་དུ་བཏགས། །མི་འཕྲོ་ཀྱི་ལེར་གནས་པ་ལ། །གནས་པ་མིང་དུ་བཏགས་པ་ཡིན། །རྣམ་རྟོག་ཞི་ནས་ལྷན་ནེ་གནས། །ཞི་གནས་མིང་དུ་བཏགས་པ་ཡིན། །ཕྱོགས་བཅུར་གང་ཡང་འཕྲོ་བ་ལ། །འགྱུ་བ་མིང་དུ་

― CMR051_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་པ་ཡིན། །ཚུབ་ཚུབ་འཚུབ་ཅིང་ཅི་ཡང་དྲན། །རི་གཟར་ངོས་ཀྱི་འབབ་ཆུ་འདྲ། །དང་པོ་ཉམས་ཀྱི་འཆར་ཚུལ་ཡིན། །གནས་དུས་གནས་པའི་ངོ་བོ་རིག །འགྱུ་དུས་འགྱུ་བའི་ངོ་བོ་རིག །རིག་པ་མིང་དུ་བཏགས་པ་ཡིན། །གནས་སམ་ཡང་ན་འགྱུ་ཡང་རུང་། །གང་ཤར་ངོ་བོ་ཧྲིག་གེར་བལྟ། །གཟུགས་དང་ཁ་དོག་དངོས་པོ་མེད། །སྟོང་པ་ཉིད་དུ་ལྷང་ངེ་མཐོང་། །ལྷག་མཐོང་མིང་དུ་བཏགས་པ་ཡིན། །ཀྱི་ལེ་གནས་པ་ཞི་གནས་ཡིན། །སྟོང་པར་མཐོང་བ་ལྷག་མཐོང་གཉིས། །དབྱེར་མེད་ཟུང་དུ་འཇུག་པ་ལ། །ཞི་ལྷག་ཟུང་འཇུག་མིང་དུ་བཏགས། །སེམས་ལ་འགྱུ་བ་ཅི་ཤར་ཡང་། །ངོ་བོ་བལྟས་པས་སྟོང་པར་ཡལ། །རང་ཞི་རང་གྲོལ་མིང་དུ་བཏགས། །འགྱུ་བའི་རྗེས་སུ་མི་འབྲང་བ། །འགྱུ་མཁན་ངོ་བོར་བལྟ་བར་བྱ། །ཕྲག་དོག་སྡུག་བཙིར་མ་བྱེད་པར། །གར་འགྲོ་ཐོངས་ལ་རྒྱང་སོ་ཚུགས། །རྟེའུ་ཆུང་ཟུང་བའི་རྒོད་མ་བཞིན། །བཏང་ཡང་མི་འགྲོ་ཚུར་ལ་འཁོར། །འཚུབ་དུས་ལུས་སེམས་ལྷོད་ལ་ཞོག །སྐྱོང་ལུགས་མན་ངག་ཟབ་ཁྱད་ཡིན། །ཡུན་རིང་བལྟས་ན་མི་གསལ་ཞོག །ཡུན་ཐུང་

― CMR051_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་མང་བལྟས་ན་ཡང་། །སྒོམ་ཆེན་གསང་བའི་བདུད་རྩི་ཡིན། །དེ་ལྟར་ཡུན་རིང་སྐྱོང་བྱས་ན། །རེས་འགའ་མེ་རེ་ཀྱི་ལེ་གནས། །སེམས་ལ་སྤྲོ་བ་ཅུང་ཟད་སྐྱེ། །རེས་འགའ་འགྱུ་ལྷུར་ལྟ་བུར་འགྲོ། །འགྱུས་ཀྱང་སེམས་ལ་མི་དགའ་མེད། །ལུང་རོང་ནང་གི་ཆུ་འབབ་བཞིན། །རེས་འགའ་དལ་ཞིང་རེས་འགའ་དྲིལ། །ཉམས་གཉིས་པའི་འཆར་ཚུལ་དེ་ཡིན་ནོ། །དེ་ཉིད་མ་སྐྱུར་སྐྱོང་ནུས་ན། ཁམས་ཀྱི་དབང་གིས་འཆར་ཚུལ་མང་། །ས་ཁམས་པ་ནི་གནས་ཉམས་ཆེ། །མེ་ཁམས་པ་ནི་གསལ་ཉམས་ཆེ། ། རླུང་ཁམས་པ་ནི་འཕྲོ་རྒོད་ཆེ། །ཆུ་ཁམས་པ་ནི་བདེ་ཉམས་ཆེ། །ཕལ་ཆེར་མེ་རེ་འཁྱིལ་ལེར་གནས། །མཚོ་ཆེན་འཁྱིལ་བའི་རྦ་རླབས་བཞིན། །སྐབས་སུ་རྣམ་རྟོག་རེ་རེ་འཕྲོ། །འཕྲོས་ཀྱང་ངོ་བོ་གསལ་པོར་མཐོང་། །ད་ནི་བསྒོམ་ཞིག་སྐྱེས་པ་འདྲ། །བསམ་པའི་སེམས་ཙམ་དྲོ་བ་འོང་། །ཉམས་གསུམ་གྱི་འཆར་ཚུལ་དེ་རང་ཡིན། །ལུས་སེམས་ལྷོད་ཙམ་མ་ཡེངས་ཙམ། །ཧྲིག་གེ་ཡེ་རེ་བལྟ་བར་བྱ། །དེ་ལ་ཡུན་རིང་སྐྱོང་ནུས་ན། །བདེ་གསལ་མི་རྟོག་ཉམས་བཟང་དང་། །རྩུབ་ཉམས་དྲག་པོར་བསྲེ་ཞིང་

― CMR051_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

འོང་། །རེས་འགའ་ལུས་བདེ་སེམས་ཀྱང་བདེ། །ང་ལས་སྐྱིད་པ་མེད་དོ་བསམ། །ཉམས་ལེན་སྐྱོང་བདེ་ཅི་བྱས་བདེ། །དེ་ལ་ཆགས་ཞེན་ཆེ་བ་ན། །འདོད་ཁམས་ལྷ་ཡི་གནས་སུ་སྐྱེ། །བདེ་བའི་ངོ་བོ་ཧྲིག་གེར་བལྟ། །བདེ་བའི་ངོ་བོ་སྟོང་པར་མཐོང་། །བདེ་སྟོང་དབྱེར་མེད་ཉམས་ལེན་ཡིན། །རེས་འགའ་གསལ་དང་སེང་ངེ་བ། །མར་མེ་རླུང་གིས་མ་བསྐྱོད་ལྟར། །ང་ཡི་བསྒོམ་བཟང་འདི་འདྲ་བ། །གཞན་ནི་སུ་ལ་མེད་དོ་བསམ། །ང་རྒྱལ་རློམ་སེམས་ཆེན་པོ་སྐྱེས། །དེ་ལ་ཆགས་ཞེན་ང་རྒྱལ་བ། །གཟུགས་ཁམས་ལྷ་ཡི་གནས་སུ་སྐྱེ། །དེ་ལ་མ་ཆགས་ངོ་བོ་ལྟོས། །གསལ་བའི་ངོ་བོ་སྟོང་པར་མཐོང་། །གསལ་སྟོང་དབྱེར་མེད་ཉམས་ལེན་ཡིན། །རེས་འགའ་ཐམས་ཅད་སྟོང་པར་མཐོང་། །ཅི་ཡང་མི་འདུག་སྟོང་པ་རེད། །བསམ་པའི་ངེས་ཤེས་འཛིན་པ་ཆེ། །དེ་ལ་ཆགས་ཞེན་ཆེ་བ་ན། །གཟུགས་མེད་ལྷ་ཡི་རིགས་སུ་སྐྱེ། །རེས་འགའ་ཕྱི་ནང་ཆོས་རྣམས་ཀུན། །ཐམས་ཅད་མཐོང་བ་བློ་ཐག་ཆོད། །དགེ་བ་སྡིག་པ་ཟེར་བའང་། །མ་གྲུབ་སྟོང་པ་ཉིད་ཡིན་བསམ། །དགེ་བ་མི་སྒྲུབ་ཁ་རོག་འདུག །

― CMR051_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་པ་མི་འཛེམ་ཅི་དྲན་སྤྱོད། །སྟོང་ལྟ་ཧད་པོ་བདུད་ཀྱི་ལས། །ཆོས་ཀུན་ངོ་བོ་སྟོང་པ་ཡང་། །རྣམ་པ་རྒྱུ་འབྲས་བསླུ་བ་མེད། །ཤཱཀ་ཐུབ་མི་ནག་བསད་པ་ཡིས། །རྣམ་སྨིན་ཞབས་ལ་ཚེར་མང་ཟུག །འཆར་ཀས་དགྲ་བཅོམ་ཐོབ་ན་ཡང་། །རྣམ་སྨིན་རྐུན་མས་མགོ་བོ་བཅད། །རྫུ་འཕྲུལ་ཆེ་མཆོག་མོའུ་འགལ་བུ། །རྣམ་སྨིན་མུ་སྟེགས་པ་ཡིས་བརྡུང་། །དེ་ཚོ་བསམ་ནས་རྒྱུ་འབྲས་རྩི། །དགེ་སྒྲུབ་སྡིག་སྤང་ཅི་ནུས་འབད། །རེས་འགའ་རྣམ་རྟོག་འཕྲོ་འདུ་འདི། །ཡོད་ན་བསྒོམ་གོ་མི་ཆོད་པས། །ཅི་ཡང་སེམས་ལ་མི་དྲན་པ། །གནས་པ་ཁོ་ནར་དགོས་སོ་བསམ། །རྣམ་རྟོག་བཀག་ནས་གནས་པ་ཚོལ། །རྒྱ་ནག་ཧྭ་ཤང་ལྟ་བ་ཡིན། དེ་དུས་རྣམ་རྟོག་མ་བཀག་པར། །གང་ཤར་མ་ཡེངས་ཙམ་དུ་བལྟ། །ཆུ་རླབས་ཆུ་ལས་གཞན་མི་བལྟ། །གནས་འགྱུ་གཉིས་ཀ་སེམས་ཡིན་པས། །དེ་བས་བཟང་ངན་གདམ་ག་སྤངས། །གནས་ན་གནས་པའི་ངོ་བོར་ལྟོས། །གནས་པའི་ངོ་བོ་སྟོང་པར་མཐོང་། །གནས་པའི་སྟེང་གི་ལྷག་མཐོང་ཡིན། །འགྱུ་ན་འགྱུ་མཁན་ངོ་བོར་ལྟོས། །འགྱུ་བའི་ངོ་བོ་སྟོང་པར་མཐོང་། །འགྱུ་བའི་སྟེང་

― CMR051_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ལྷག་མཐོང་ཡིན། །རེས་འགའ་རྩུབ་ཉམས་དྲག་པོ་འཆར། །བདེ་གསལ་མི་རྟོག་ཉམས་བཟང་རྣམས། །ཐམས་ཅད་འཇའ་ཚོན་བཞིན་དུ་ཡལ། །སེམས་ལ་བལྟས་ཀྱང་མི་གསལ་ཞོག །བློ་སེམས་མི་བདེ་ཡི་ཟ་འཁྲུགས། །ཞེ་སྡང་འདོད་ཆགས་སྔར་བས་ཆེ། །སེར་སྣ་ཕྲག་དོག་གསོག་འཇོག་ཅན། །མིས་ཀྱང་བསྒོམ་དྲེད་སོང་གདའ་ཟེར། །རང་ཡང་རང་ལ་ཡིད་མི་ཆེས། །བློ་སྣ་མང་ལ་ཚིག་གཤིས་གྱོང་། །ཁྲོ་འཕགས་ཀོ་ལོང་གཞན་བས་རྐྱེན། །ཉམས་ལེན་མི་འདོད་བསྒྱུར་སྙིང་འདོད། །དེ་དུས་ངོ་སྤྲད་མེད་པའི་མི། །ང་རྒྱལ་ཁེངས་པ་སྐྱེས་ནས་ཡོང་། །ངོ་བོ་བལྟས་པས་སྟོང་པ་ཉིད། །བསྒོམ་ལ་ལམ་ལུས་འགོར་ཉན་ཡོད། །མེ་ཆེན་འབར་བའི་སྔ་ལྟས་སུ། །དུད་ཕྱུར་ཆེན་པོ་འབྱུང་བ་རེད། །བསྒོམ་བཟང་སྐྱེ་བའི་སྔ་བལྟས་སུ། །བླ་མ་རྗེ་ལ་གསོལ་བ་འདེབས། །ཕྱག་དང་བསྐོར་བ་མོས་གུས་སྐྱེས། །ལུས་སེམས་ལྷོད་ཅིང་ངོ་བོར་བལྟ་། །འཆི་བ་མི་རྟགཔ་ཡང་བསྒོམ། །ངན་སོང་སྡུག་བསྔལ་ཡང་ཡང་བསམ། སྙིང་རུས་བསྐྱེད་ལ་ངོ་བོ་ལྟ། །དེ་ཡི་སྣ་ལ་བོགས་ཆེན་ཐོན། །ཉོན་མོངས་རྣམ་རྟོག་ཅི་ཤར་

― CMR051_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་། །རྣམ་རྟོག་བསྒོམ་ལ་མི་གནོད་པར། །མཚོ་ལ་ཆར་པ་འབབ་པ་བཞིན། །ཐམས་ཅད་ཉམས་ལེན་ངང་དུ་ཐིམ། །འགྲོ་འདུག་སྤྱོད་ལམ་ཕལ་ཆེར་ཡང་། །ཉམས་ལེན་ངང་ལ་བྱེད་པས་ཆོག །རང་དབང་ཐོབ་པ་འདྲ་ཞིག་འོང་། །སེམས་ལ་ཞེ་སྡང་ཅི་སྐྱེས་ཀྱང་། །ངོ་བོ་བལྟས་པས་སྟོང་པར་ཡལ། །དེ་ལ་མེ་ལོང་ཡེ་ཤེས་ཟེར། །འདོད་ཆགས་རྟོག་པ་གར་སྐྱེས་ཀྱང་། །ངོ་བོ་བལྟས་པས་སྟོང་པ་ཉིད། །དེ་ལ་སོར་རྟོག་ཡེ་ཤེས་ཟེར། །གཏི་མུག་བྱིང་རྨུག་འཐིབས་ན་ཡང་། །ངོ་བོ་བལྟས་པས་སྟོང་པ་ཉིད། །དེ་ལ་ཆོས་དབྱིངས་ཡེ་ཤེས་ཟེར། །ང་རྒྱལ་ཁེངས་པ་ཅི་སྐྱེས་ཀྱང་། །ངོ་བོ་བལྟས་པས་སྟོང་པ་ཉིད། །དེ་ལ་མཉམ་ཉིད་ཡེ་ཤེས་ཟེར། །ཕྲག་དོག་མཐུ་དོགས་མ་དགའ་ཡང་། །ངོ་བོ་བལྟས་པས་སྟོང་པར་ཉིད། །དེ་ལ་བྱ་གྲུབ་ཡེ་ཤེས་ཟེར། །ཉོན་མོངས་དུག་ལྔའི་རྣམ་རྟོག་དེ། །མ་རིགས་རིགས་དྲུག་འཁོར་བའི་རྒྱུ། །ངོ་བོ་རྟོགས་ན་ཡེ་ཤེས་ལྔ། །རྒྱལ་བ་རིགས་ལྔའི་དགོངས་པ་ཡིན། །ཡེ་ཤེས་ལྔ་ཡི་ངོ་སྤྲོད་དེ། །ཟབ་ཆོས་ཡིན་ནོ་སྙིང་ལ་འཆོངས། །དེ་ལྟར་ཉམས་རྟོགས་བཟང་ངན་རྣམས། །དཔྱིད་ཀའི་

― CMR051_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མ་ཇི་བཞིན་དུ། །ངེས་མེད་སྣ་ཚོགས་ཅི་ཡང་འཆར། །སྙིང་རུས་ཅན་གྱིས་སེམས་བསྐྱེད་ན། །སངས་རྒྱས་ཀུན་གྱི་ཐུགས་དགོངས་དང་། །སེམས་ཅན་ཀུན་གྱི་སེམས་ཉིད་དང། །རྣལ་འབྱོར་རང་གི་སེམས་ཉིད་གསུམ། །དབྱེར་མེད་ངོ་བོ་གཅིག་ཏུ་རྟོགས། །ལྟ་བ་ཕྱོགས་ཙམ་རྟོགས་པ་ཡིན། །ནམ་མཁས་གར་ཁྱབ་དེར་གནས་ཤིང་། །སྣོད་བཅུད་དཔལ་འབྱོར་སྐྱེ་འགྲོ་སོགས། །རྣལ་འབྱོར་རང་གི་སེམས་ཉིད་གཉིས། །དབྱེར་མེད་ཕྱི་ནང་མེད་པར་རྟོགས། །བདག་མེད་ཕྱོགས་ཙམ་རྟོགས་པ་ཡིན། །ཕྱི་རོལ་ས་རྡོ་རི་བྲག་ཀུན། །ངོ་བོ་སྟོང་ལ་རང་བཞིན་གསལ། །ཆུ་ནང་ཟླ་བ་བཞིན་དུ་མཐོང་། །རེས་འགའ་ཐ་མལ་འཁྲུལ་པར་འཆོར། །རེས་འགའ་སྔར་ལྟར་རྩུབ་ཉམས་སྟང་། །རེས་འགའ་བདེ་གསལ་ཉམས་རྟོགས་བཟང་། །རེས་འགའ་རྨི་ལམ་འོད་གསལ་ཟིན། །རེས་འགའ་རྨི་ལམ་དག་སྣང་འཆར། །རེས་འགའ་རྨི་ལམ་མངོན་ཤེས་འདྲ་། །རེས་འགའ་སྐྲག་སྣང་འཁྲུལ་པ་མང་། །ཟས་ནོར་ཆགས་འཛིན་ཆུང་ཆུང་འདྲ། །རི་ཁྲོད་བཟུང་ནས་ཟིམ་གྱིས་འདྲ། །བསྒོམ་ཡོད་བསམ་པའི་ང་རྒྱལ་ཆེ། །རང་གི་

― CMR051_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ལ་ངེས་ཤེས་སྐྱེ། །མ་རེད་ཟེར་ཡང་བློ་མི་འགྱུར། །ཟེར་མཁན་དེ་ལ་ཞེ་ཁྲེལ་འཇོག །དེ་ཚོ་ཉམས་ཀྱི་ཆེ་དགུ་ཡིན། །རྟོག་པ་ད་བཟོད་སྐྱེ་དགོས་པས། །ཉམས་ལེན་ལམ་ལུས་ལམ་ཕོག་ན། །སྔར་གྱི་ཉམས་བཟང་ངེས་ཤེས་ཀུན། །སྦྲུལ་གྱི་ཤུན་པ་བཞིན་དུ་བུད། །ལྟ་རྒྱུ་ལྟ་མཁན་གཅིག་ཏུ་འདྲེས། །འདི་བསྒོམ་དེ་བསྒོམ་གཅིག་ཀྱང་མེད་། །བལྟ་རྒྱུ་མེད་པ་རང་གར་ལུས། །སྔར་གྱི་བསྒོམ་དང་ཡེ་མ་གཅིག །ད་ནི་བསྒོམ་དེ་བོར་རོ་བསམ། །ངེས་ཤེས་འཛིན་པ་གཏིང་ནས་སྐྱེས། །འདི་ཡིན་འདི་མིན་ཅི་ཡང་མེད། །སྔར་གྱི་ཉམས་རྟོགས་བཟང་པོ་ཀུན། །ད་ནི་མི་འདུག་ཅི་ཡིན་ཨང་། །ཡང་ན་སྔར་གྱི་དེ་ཡིན་ལ། །ད་ལྟའི་འདི་ནི་མིན་པ་འདྲ། །གོལ་ས་ཨོཾ་དེ་ཨུ་ཡིན་ཨང་། བསྒོམ་མེད་ཨོཾ་དེ་ཨུ་ཡིན་ཨང་། །སྟོང་ལྟ་ཧད་པོ་ཨུ་ཡིན་ཨང་། །གཟུགས་མེད་སྐྱེ་མཆེད་མུ་བཞི་ཡི། །ཅི་ཡང་མེད་པ་ཨཾ་དེ་ཨུ་ཡིན་ཨང་། །དྲི་ས་གཅིག་ཡོད་ན་འགའ་བ་ལ། །སུ་ཡིན་ལ་དྲིས་ཀྱང་ཡིད་མི་ཆེས། །གྲུབ་ཐོབ་གཅིག་དྲི་ས་ཡོད་ན་ཨང་། །ཡིད་མ་ཆེས་ཐེ་ཚོམ་མང་པོ་སྐྱེས། །ཨེ་མ་ཧོ། དེ་དུས་ངོ་སྤྲོད་ཟབ་མོ་དགོས།

― CMR051_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་གྱི་བདེ་གསལ་མི་རྟོག་པའི། །ཉམས་བཟང་པོ་ཀུན་སྐྱེད་པའི་དུས་ཀྱི་གྲོགས། །དེ་འཇའ་ཚོན་འདྲ་སྟེ་ཡལ་རྒྱུ་ཡིན། །བསྒོམ་ཡིན་ནོ་བསམ་པའི་ངེས་ཤེས་ཀུན། །བྱེ་མའི་ཁང་པ་ཇི་བཞིན་དུ། །བརྟན་མའི་ཐུབ་སྟེ་འཇིག་རྒྱུ་ཡིན། །ལྟ་རྒྱུ་ལྟ་མཁན་སོ་སོར་མེད། །འདི་ཡིན་འདི་མིན་རྩིས་གདབ་མེད། །ཐ་མལ་རིག་པ་རྗེན་པ་ལ། །ཕྲི་བསྣན་བཅོས་སླད་ཅི་ཡང་མེད། །བསྒོམ་འདོད་འཇུར་བུས་མ་བཅིང་བར། །སྨྲ་བསམ་བརྗོད་དུ་མེད་པའི་དོན། །འོད་གསལ་ཕྱག་རྒྱ་ཆེན་པོ་དེ། །དེ་ལྟ་ཟུར་ཙམ་རྟོགས་པ་ཡིན། །འདི་ཉིད་སྐྱོང་དང་ཐེ་ཚོམ་མེད། །འདི་ཉིད་ཡུན་དུ་སྐྱོང་བས་ན། །ངོ་བོ་རྗེན་པ་དེ་ལ་ནི། །དེ་ཕྱིར་འཕེལ་འགྲིབ་བཟང་ངན་མེད། །ནམ་དྲན་དུས་སུ་ལྷོད་ལ་ཞོག །ངོ་བོ་འཕེལ་འགྲིབ་མེད་ན་ཡང་། །ད་རུང་ཉམས་ཀྱི་དགྱེ་དགུ་མང་། །བསྒོམ་ཡུན་ཤི་དང་མཉམ་གལ་ཆེ། །དེ་ཡིན་ལམ་རྒྱུས་མེད་པའི་ཕྱིར། །དཔེ་རྒྱུད་བཤད་ན་དགོས་པ་ཆུང་། །ཉམས་རྟོགས་མགུར་གླུ་འབུག་སྒྲུངས་འདི། །འབྲུག་ལོའི་དགོང་མོའི་ཐུན་མཚམས་སུ། །དཔོན་རྒན་སེམས་ལ་ཕན་ཕྱིར་བྲིས། །ཁྲིད་ཕྲུག་གཞན་

― CMR051_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕན་པར་ཤོག །ཨ་རཱ་གས་སོ། །མངྒ་ལཾ།། ༈ །།བཀྲ་ཤིས་སྨོན་ལམ་གྱི་གླུ་མེ་ཏོག་ཆར་འབེབས་ཞེས་བྱ་བ། ན་མོ་དྷེ་ཝ་ཌཱཀི་ནཱི་ཡེ། འོག་མིན་གནས་ནས་བཀྲ་ཤིས་པ། །རྡོ་རྗེ་འཆང་གི་བཀྲ་ཤིས་ཤོག །རང་སེམས་ཆོས་སྐུ་མངོན་གྱུར་ནས། །ཚེ་གཅིག་སངས་རྒྱས་བཀྲ་ཤིས་ཤོག །ཤར་གྱི་ཕྱོགས་ནས་བཀྲ་ཤིས་པ། །རྡོ་རྗེ་སེམས་དཔའི་བཀྲ་ཤིས་ཤོག །མེ་ལོང་ཡེ་ཤེས་དོན་རྟོགས་ཤིང་། །འཇིགས་བརྒྱད་ཞི་བའི་བཀྲ་ཤིས་ཤོག །ལྷོ་ཡི་ཕྱོགས་ནས་བཀྲ་ཤིས་པ། །རིན་ཆེན་འབྱུང་ལྡན་བཀྲ་ཤིས་ཤོག །མཉམ་ཉིད་ཡེ་ཤེས་དོན་རྟོགས་ནས། །ཚེ་བསོད་རྒྱས་པའི་བཀྲ་ཤིས་ཤོག །ནུབ་ཀྱི་ཕྱོགས་ནས་བཀྲ་ཤིས་པ། །སྣང་བ་མཐའ་ཡས་བཀྲ་ཤིས་ཤོག །སོར་རྟོག་ཡེ་ཤེས་དོན་རྟོགས་ནས། །རླུང་སེམས་དབང་བསྡུས་བཀྲ་ཤིས་ཤོག །བྱང་གི་ཕྱོགས་ནས་བཀྲ་ཤིས་པ། །དོན་ཡོད་གྲུབ་པའི་བཀྲ་ཤིས་ཤོག །བྱ་གྲུབ་ཡེ་ཤེས་དོན་རྟོགས་ནས། བདུད་བཞི་ཚར་གཅོད་བཀྲ་ཤིས་ཤོག །དབུས་ཀྱི་ཕྱོགས་ནས་བཀྲ་ཤིས་པ། །རྣམ་པར་སྣང་མཛད་བཀྲ་ཤིས་ཤོག །ཆོས་དབྱིངས་ཡེ་ཤེས་དོན་རྟོགས་ནས། །ཅི་

― CMR051_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་ལྷུན་གྲུབ་བཀྲ་ཤིས་ཤོག །ཆོས་ཀྱི་དབྱིངས་ནས་བཀྲ་ཤིས་པ། །ཤཱཀྱ་ཐུབ་པའི་བཀྲ་ཤིས་ཤོག །སྡོམ་པ་གསུམ་གྱི་རྒྱུད་སྨིན་པ། །བྱང་ཆུབ་ཐོབ་པའི་བཀྲ་ཤིས་ཤོག །པོ་ཊ་ལ་ནས་བཀྲ་ཤིས་པ། །ཐུགས་རྗེ་ཆེན་པོའི་བཀྲ་ཤིས་ཤོག །ཚད་མེད་བྱམས་དང་སྙིང་རྗེ་དང་། །འགྲོ་དྲུག་འདྲེན་པའི་བཀྲ་ཤིས་ཤོག །རྔ་ཡབ་གླིང་ནས་བཀྲ་ཤིས་པ། །པདྨ་འབྱུང་གནས་བཀྲ་ཤིས་ཤོག །བསྐྱེད་རྫོགས་བརྟན་པ་ཐོབ་ནས་ཀྱང་། །སྣང་སྲིད་ཟིལ་གནོན་བཀྲ་ཤིས་ཤོག །བསིལ་བ་ཚལ་ནས་བཀྲ་ཤིས་པ། །ཆོས་སྐྱོང་སྲུང་མའི་བཀྲ་ཤིས་ཤོག །དགྲ་བགེགས་ལོག་འདྲེན་ཚར་བཅད་ནས། །ཐུབ་བསྟན་རྒྱས་པའི་བཀྲ་ཤིས་ཤོག །ལྕང་ལོ་ཅན་ནས་བཀྲ་ཤིས་པ། །ནོར་ལྷ་གཏེར་བདག་བཀྲ་ཤིས་ཤོག །ཚེ་དང་བསོད་ནམས་རྒྱས་པ་དང་། །ཕུན་སུམ་ཚོགས་པའི་བཀྲ་ཤིས་ཤོག །ཅེས་ཉམས་འཆར་ལུགས་དང་བཀྲ་ཤིས་གཉིས་པོ་ཕྱིར་ནངས་ཚེས་བཅུའི་སྔ་དྲོ་ལ་བྲིས་པ་སྟེ། དེ་ལྟར་མགུར་སྣ་དགུ་པོ་འདི་ཟོ་བའི་དཔོན་གསེར་འོད་གཟུངས་ཀྱིས་བསྐུལ་བ་ལ་བརྟེན་ནས། དགེ་སློང་ཀརྨ་རཱ་ག་ཨ་སྱས་བྲིས་པ་སེམས་ཅན་མང་པོ་ལ་ཕན་པར་གྱུར་ཅིག །སརྦ་མངྒ་ལཾ་བྷ་ཝནྟུ།།

གསུང་མགུར། རང་སྤྱོད་ལ་ལེགས་པར་བརྟག་པའི་གླུ།

― CMR051_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

རང་སྤྱོད་ལ་ལེགས་པར་བརྟག་པའི་གླུའོ། །རྗེ་དེ་ཉིད་དགུང་ལོ་སོ་བཞིའི་དུས་ཙམ་ལ་བསྒྲིགས་པའི་སྐོར་ཡིན། ན་མོ་རཏྣ་ཏྲ་ཡཱ་ཡ། རྗེ་མཁྱེན་ལྡན་ཀུན་གྱི་སྤྱན་གྱིས་གཟིགས། །སྒོས་སྲུང་མ་རྣམས་ཀྱི་ཞལ་ཆེ་ཆོད། །བདག་མཆིས་པའི་བན་ཆུང་འདུག་པ་འདི། །རང་འགྱོད་མེད་ཀྱི་གདེང་ཚད་འདི་ལྟར་གདལ། །ང་དང་པོར་དལ་འབྱོར་རིན་ཆེན་ཐོབ། །དེ་རྗེས་རྒྱལ་བའི་བསྟན་ལ་ཞུགས། །བར་དུ་མཚན་ལྡན་གྱི་བླ་མ་བསྟེན། །མི་སྐལ་ཆད་ཟེར་ཡང་ང་མི་འགྱོད། །རྗེ་སྤྲུལ་པའི་སྐུ་ལ་བསྙེན་པར་རྫོགས། །རྩ་བཞི་དང་ཆང་ལྔ་སྲོག་ལྟར་བསྲུང་། །གཞན་ཉེས་པ་ཀུན་ལ་གསོ་སྦྱང་བྱས། །མི་སྡོམ་འཆལ་ཟེར་ཡང་ང་མ་འགྱོད། །ལྷ་ཇོ་བོའི་དྲུང་དུ་སེམས་བསྐྱེད་ཞུས། །ལམ་ཕ་རོལ་ཕྱིན་དྲུག་ཅི་ནུས་འབད། །ལས་ཅི་བྱེད་འགྲོ་བའི་དོན་དུ་བསྔོས། །མི་བློ་ཆུང་ཟེར་ཡང་ང་མི་འགྱོད། །རྗེ་མཚན་ལྡན་འགའ་ལ་དབང་བཞི་ཞུས། །སྐུ་གསུམ་གྱི་དམ་ཚིག་སྲོག་ལྟར་བསྲུངས། །ཡན་ལག་ཀུན་བསྐང་བཤགས་བདག་འཇུག་འབད། །མི་དམ་ཉམས་ཟེར་ཡང་ང་མི་འགྱོད། །མཁས་གྲུབ་ཀྱི་འདུན་པ་ཉིན་གླིང་དུ། །སྤྱི་དགེ་འདུན་ཀུན་ལ་དག་

― CMR051_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་སྦྱང་། །བསྒྲིགས་མཐུན་པར་ཆོས་པ་ཀུན་ཞལ་འཆམ། །མི་མ་རབས་ཟེར་ཡང་ང་མི་འགྱོད། །ཉིན་རེ་ལ་ཁྱབ་པ་དྲུག་རེ་བསླབས། །བར་བར་དུ་ཟིན་ཐུན་དང་རིག་ལུང་སྦྱངས། །འཛིན་ཤེས་རབ་ཆེ་ཞེས་ཀུན་གྱིས་སྨོན། །མི་ཏིར་རྒན་ཟེར་ཡང་ང་མི་འགྱོད། །རྗེ་བླ་མ་ལ་བཟློག་མེད་ཀྱི་མོས་གུས་སྐྱེས། །རང་སེམས་ལ་འགྱུར་མེད་ཀྱི་ངེས་ཤེས་རྙེད། །དུས་ངེས་མེད་དུ་རང་ཞལ་ཡང་ཡང་བལྟས། །མི་ཁ་ལྟ་མཁན་ཟེར་ཡང་ང་མི་འགྱོད། །དུས་ཕལ་ཆེར་བསྐྱེད་རིམ་འདུ་འབྲལ་མེད། །བསྙེན་སྒྲུབ་དང་མཆོད་གཏོར་རྒྱུན་དུ་འབད། ། །བློ་གཏད་ས་རྩ་བ་གསུམ་ལ་བྱས། །མི་འདྲེས་ཁྱེར་ཟེར་ཡང་ང་མི་འགྱོད། །ཆོ་ག་དང་དབང་བསྐུར་མདོས་ཟློག་སོགས། །དོན་སྦྱོར་དངོས་རྗེས་གསུམ་མ་ཚང་བའི། །བསླུ་ཆོས་ཀྱི་མགོ་བསྐོར་གཏན་ནས་སྤོངས། །མི་ལོག་འཚོ་ཅན་ཟེར་ཡང་ང་མི་འགྱོད། །ཆུང་བསམ་ལུས་འཕྲོད་ནས་ཆོས་སྒོར་ཞུགས། །ཆོས་ཐོས་བསམ་བསྒོམ་ལ་མི་ཚེ་བསྐྱལ། །ལམ་བསླབ་པ་གསུམ་ལ་ཅི་ནུས་འབད། །ད་ངན་འགྲོར་ལྟུང་ཡང་ང་མི་འགྱོད། །ད་འགྱོད་མེད་བཅུ་ཡི་དབྱངས་ཆུང་འདི། །ངན་པའི་རང་

― CMR051_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད་མ་ལགས་ཏེ། །རང་ངེས་ཤེས་སྐྱེས་ནས་སྨྲས་པ་ཡིན། །ད་འགྱོད་མེད་ཀྱི་བན་ཆུང་བློ་རེ་བདེ།། །ཞེས་པ་འདི་སྡུག་འདྲེས་བཏབ་པ་འགའ་ལ་གླུད་གཏོར་དང་དྲག་ལས་མང་པོ་དང་། དམིགས་པ་དྲག་པོས་གཅུན་ནས་ཚེགས་མེད་དུ་བདེ་བ་མང་པོ་བྱུང་བ་ལ། གཞན་དག་ན་རེ། ཁོ་རང་གི་འདྲེ་དེ་བསྒྲུབ་པ་མིན་ཏེ་ཡིན་ན་དེ་ཙམ་ཕན་མི་ཐུབ་ཕྲག་དོག་གིས་སྨྲ་བ་བྱུང་བས། ཡོན་བདག་ཐམས་ཅད་ལ་དེ་ལྟར་སྨྱོ་བའི་འདྲེ་དེ་བདག་གིས་གཟིར་བ་དང་བསྐྱེད་པ་མ་གཏོགས། །ལྷར་འདུ་ཤེས་ནས་མཆོད་བསྒྲུབ་བྱས་རེ་ཞེས་མནའ་དཀོན་མཆོག་གསུམ་དཔང་བཙུགས་ཡང་ཡང་བྱས་ཤིང་ཡི་གེ་འབྱམས་ཡིག་བཏང་བས། ངོམ་གྱི་སྡེ་བའི་དྲུང་ནས་དེ་ལྟར་དཔྱོད་ལྡན་སུས་མི་སེམས་ཤིང་ཕྲག་དོག་གིས་སྨྲ་བ་ནི་རྒྱལ་བ་ཡབ་སྲས་ལའང་འདི་དག་གིས་ལྷག་པར་དུའང་སྨྲ་འདུག་པས་ན། གཞན་ལ་ལྟ་ཅི་སྨོས་ཞེས་བློ་གཟུར་གནས་ཀྱི་གསུང་དང་། བཀའ་ཤོག་དང་བསླབ་བྱ་དར་ཁ་བཅས་བྱུང་བས་སེམས་ངལ་སོས། ཁ་ཅིག་དག་བྱས་པ་མ་ཉན་པའི་པའི་ཆོས་གཏམ་སྨྲ་བྱུང་སྟེ། རོ་སྙོམས་མཁན་ལ་དེ་འདྲའི་ངག་མི་རུང་ཡང་བདག་རོ་སྙོམས་པ་མིན་ལ། གཞན་མི་དད་པའི་རྒྱུ་གང་ཡང་བྱང་ཆུབ་སེམས་དཔའ་གསལ་བའམ་མི་སྤངས་ན་ལྟུང་བར་བཤད་པས་གསལ། ཁ་ཅིག་གིས་མནའ་བྱས་པས་ཀྱང་དུས་ལོག་པ་དག་དཀའ་བའི་ཚུལ་ཟེར་བས། འོ་ན་རང་མ་ཁྲེལ་བ་ཆོས་པ་རབ་ཏུ་གསུངས་པས་ཡང་རང་ཁྲེལ་བའམ་འགྱོད་པ་མེད་ནས་དབྱངས་དེ་སྨྲས་སོ། །ཞེས་པའང་

― CMR051_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་རཱ་གས་སོ།། ༈ །།ན་མོ་མ་ཧཱ་མུ་དྲ་ཡེ། སྐྱབས་ཆོས་ཀྱི་དབང་ཕྱུག་ཞབས་ལ་འདུད། །གདོན་ཕོ་གདོན་འདི་རྒྱལ་པོ་མཐུ་སྟོབས་ཅན། །བཏུལ་ན་འདི་ཡང་ཐུལ་ལགས་ཏེ། །བདུད་གཏི་མུག་འདི་ཐུལ་དུས་མི་གདའ་ན། །མོ་གདོན་གྱི་འདྲེ་མོ་ཞན་ཆགས་ཅན། །བསྐྱེད་ན་མོ་ཡང་འབྲོས་ལགས་ཏེ། །བདུད་འདོད་སྲེད་འདི་ཕུད་དུས་མི་གདའ་ན། །འོག་ཀླུ་བདུད་ནག་པོ་ཞེ་ནག་པོ། །གཟེར་ནས་འདི་ཡང་ཐུབ་ལགས་ཏེ། །བདུད་གཏི་མུག་འདི་སངས་དུས་མི་གདའ་ན། །ཤེས་དཀའ་བ་སྒྲ་དང་ཚད་མ་གཉིས། །བསླབ་ན་འདི་གཉིས་ཀྱང་ལོབ་ལགས་ཀྱང་། །སེམས་ཡེངས་མེད་འདི་ལོབ་དུས་མི་གདའ་ན། །རས་བྲིས་ཀྱི་སྐུ་དང་ཤོག་བྲིས་ཀྱི་གསུང་། །བྲིས་ན་འདི་གཉིས་ཀྱང་བཀྲ་ལགས་ཏེ། །སེམས་སྟོང་གསལ་འདི་བཀྲ་དུས་མི་གདའ་ན། །ནག་པོ་རྒྱ་དང་སོག་བྲང་དབུས། །སོང་ན་འདི་གཉིས་སུག་ཕྱིན་ལགས་ཏེ། །རང་བཙན་སར་ཕྱིན་དུས་མི་གདའ་ན། །འབྲོང་ཀོའི་གཞུང་དང་ཤ་ཀོའི་གཉའ། །མཉེས་ན་འདི་གཉིས་ཀྱང་ཉེད་ལགས་ཏེ། །རང་སེམས་རང་རྒྱུད་འདི་གཉེན་དུས་མི་གདའ་ན། །ནག་པོའི་མཛེ་

― CMR051_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྨྱོ་འབོག་གཟའ། །གསལ་ན་འདི་ཡང་སོས་ལགས་ཏེ། །སེམས་དུག་ལྔ་འདི་སེལ་དུས་མི་གདའ་ན། །ཚིག་གསུམ་གསུམ་བསྡེབ་པའི་མི་གདའ་བརྒྱད་། །ངག་དབྱངས་སུ་སྨྲས་ཀྱང་ཚིག་ཏུ་གདའ། །དོན་ཉམས་སུ་ལོན་པ་མི་གདའ་ན། །ཞེས་པ་འདི་གདོན་དྲག་པོས་གཟིར་བའི་སྨྱོ་འབོག་ཅན་འགའ་ལ་དྲག་ལས་ཀྱི་སྦྱོར་བས་བཏུལ་ནས་བདེ་བར་བྱུང་ཡང་། །ཡོན་བདག་དེ་དག་འགའ་རེས་མི་དགའ་བའི་རྣམ་འགྱུར་སྟོན་པ་དང་། འགའ་ཞིག་གིས་ངོ་མཚར་དུ་མི་འཛིན་པར་བཙོག་ལྟ་བ་འདྲ་འགའ་རེ་བྱུང་ནས། རྗེ་གླང་རི་ཐང་པས་སྐྱོན་ཐམས་ཅད་རང་གི་ཡིན། ཡོན་ཏན་ཐམས་ཅད་ཇོ་བོ་སེམས་ཅན་གྱི་ཡིན་གསུངས་འདུག་པས་ཅི་ཡིན་བསམས་པས། ཡོན་བདག་ལ་ཕན་འདོད་ཀྱི་ཆགས་ཞེན་དང་། རང་ནུས་པ་ཅན་དུ་རློམ་པའི་ང་རྒྱལ་དང་། གདོན་དེ་ལ་ཐུབ་ཐུབ་ཀྱི་བརྙས་ཆོས་དང་། བསྐྱེད་རིམ་ངར་དབང་གི་ཞེ་སྡང་དང་། འབུལ་ནོར་ལ་རེ་བ་ཅུང་ཟད་རེ་བྱུང་གདལ། སྔགས་ཀྱི་དམ་ཚིག་ལས་མི་འཚམ་པ་ལྔའི་ནང་ནས་ཡི་དྭགས་ལ་མི་འཁུ་ཟེར་བ་དེར་སྣང་། རང་གི་ཆོས་གྲོགས་ཕན་ཚུན་ཆོས་ཀྱི་འབྲེལ་པ་ཟབ་ཅིང་ཐུགས་དམ་ཡུལ་དུ་ཕྱིན་པ་ཞིག་གིས་ཀྱང་། ། ད་ལོ་ཁོ་ན་ལ་སྨྱོན་པ་དེ་ཙམ་བཏུལ་བ་ཚེ་ལ་གནོད། དེ་ལྟ་བུའི་དྲག་ལས་ཁོ་ན་བྱེད་པ་དཔེ་གར་སྲིད། ངེད་རྣམས་ཀྱང་ཁ་ཐོན་པར་བྱུང་། ད་དེ་ཙམ་མཛད་མི་ཐོན་དང་ཁ་ཐོན་ཡོངས་གསུངས་ནས་ཐུགས་རྩར་བཅར་བའི་

― CMR051_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ཕྲིན་བྱུང་བས། ད་ཕྱིན་ཤུགས་འབྱུང་ལ་ཕན་ན་མ་གཏོགས་ཆེད་གཉེར་གྱིས་བརྡུང་བཏགས་དྲག་དམིགས་ཀྱིས་གཟིར་བར་མི་བྱེད་པར་དམ་བཅས་ཏེ་ཉམས་ལེན་ལ་སྐྱོ་བའི་གླུ་ཆུང་དེ་བྱས་པའོ།། །།རྗེ་བླ་མ་རྣམས་ལ་ཕྱག་འཚལ་ལོ། །མི་ལ་ལས་བླ་མ་སྐྱོན་ལྟར་གསང་། །མི་ཁོ་བོས་བླ་མ་རྒྱན་དུ་འཕྱུར། །མི་ལ་ལས་ཆོས་ཐོབ་མཚངས་སུ་སྦ། །མི་ཁོ་བོས་ཆོས་ཐོབ་རྒྱན་དུ་བཏགས། དྲིན་མཉམ་མེད་ཀྱི་རྒྱལ་བ་ཆོས་ཀྱི་དབང་། །མིང་ཡོངས་སུ་གྲགས་པའི་ཀརྨ་པ། །དེ་སྐྱབས་གནས་ཀྱི་སངས་རྒྱས་རྣམ་གཉིས་ཡིན། །དྲུང་རྒྱལ་ཚབ་དྲག་པ་མཆོག་དབྱངས་གཅིག །དཔལ་སི་ཏུ་ཆོས་ཀྱི་རྒྱལ་མཚན་གཉིས། །རྗེ་ངག་དབང་བཀྲ་ཤིས་དཔལ་གྲུབ་གསུམ། །ཆོས་འབྲེལ་ཐོགས་ཀྱི་རྒྱལ་སྲས་རྣམ་གསུམ་ཡིན། །དཔལ་འབྲུག་པ་འཇིག་རྟེན་གསུམ་གྲགས་དང་། །སྒྲུབ་བརྒྱུད་ཀྱི་བཀའ་བབས་དྲུང་ཡིག་པ། །བརྟུལ་ཞུགས་ཀྱི་བཀའ་བབས་རྒྱ་ར་བ། །དེ་ཆོས་འབྲེལ་ཐོབ་ཀྱི་གྲུབ་ཐོབ་རྣམ་གསུམ་ཡིན། །དཔལ་ཨཱརྱ་དེ་ཝཱ་ཆོས་ཀྱི་རྗེ། །དེ་མོ་སྤྲུལ་སྐུ་གོང་འོག་གཉིས། །གནས་གདན་ས་མཐིལ་གྱི་མཁན་ཆེན་བཞི། །ཆོས་འབྲེལ་ཐོབ་ཀྱི་ཆོས་རྗེ་ཆེ་བཞི་ཡིན། །རྗེ་དྲུང་པ་ཀུན་

― CMR051_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་རྣམ་རྒྱལ་དང་། །དཔལ་ངག་དབང་འཇིགས་མེད་དྲག་པ་གཉིས། །སྔགས་འཆང་བ་ཀརྨ་དོན་ཡོད་གསུམ། །སྦས་པའི་རྣལ་འབྱོར་པར་རྣམ་རོལ་བཞི། །དྲིན་འཁོར་མེད་ཀྱི་སློབ་དཔོན་རྣམ་བཞི་ཡིན། །དཔལ་འཇམ་དབྱངས་དཀོན་མཆོག་དཔལ་འབྱོར་དང་། །སློབ་ཆུང་བ་ཀརྨ་རྒྱས་པ་གཉིས། །ལུང་རིག་པའི་དབང་ཕྱུག་རྒྱལ་རོངས་པ། །གཞུང་རབ་འབྱམས་སྨྲ་བའི་བདེ་ཆེན་བཞི། །མཚན་ཉིད་ཀྱི་དགེ་རྒན་རྣམ་བཞི་ཡིན། །རྗེ་རྟོགས་ལྡན་ཚུལ་ཁྲིམས་རིན་ཆེན་དང་། །དོན་བརྒྱུད་ལྡན་ཆོས་ལྡན་རབ་འབྱོར་གཉིས། །བསྙེན་སྒྲུབ་པ་མཐར་ཕྱིན་གུ་རུའི་མཚན། །གཞུང་བཀའ་བཅུ་སྨྲ་བའི་རྣམ་དག་པ། །གཞུང་གསོལ་རིག་མཐར་སོན་དགེ་ལེགས་དང་། །རང་མཆེད་པོ་ཆོས་དབང་ཀུན་བཟང་དྲུག །ཆོས་ཕན་ཚུན་འབྲེལ་ཡོད་ཀྱི་བླ་མ་ཡིན། །ཆོས་ཚད་མའི་དབང་ཕྱུག་འགྲོ་སྐྱོང་བ། །མཚན་རབ་འབྱམས་སུ་གྲགས་པའི་དགའ་བ་པ། །གཞུང་ཀུན་ལ་སྦྱང་པའི་ཀུན་འཕེལ་བ། །ཆོས་འབྲེལ་ཐོབ་ཀྱི་རབ་འབྱམས་རྣམ་གསུམ་ཡིན། །མཚན་ལོ་ཙཱ་རུ་འབོད་པའི་ཆོས་དྲུག་པ། །མཚན་མགོན་བླ་རུ་འབོད་པའི་བསམ་གཏན་

― CMR051_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །མཚན་རྐང་ཀྱོག་རུ་འབོད་པའི་མཆོད་གནས་པ། །མཚན་ཁྲོམ་པ་རུ་འབོད་པའི་བཀའ་བཅུ་པ། །མཚན་རིན་ཆེན་དུ་འབོད་པའི་གནས་སྒོ་བ། །ཆོས་འབྲེལ་ཡོད་ཀྱི་བླ་མ་རྣམ་ལྔ་ཡིན། །ཆོས་དྲིན་ཐོབ་ཀྱི་བླ་མ་སུམ་བཅུ་བཞི། །ད་རུང་ལོ་རོ་གཏེར་སྟོན་མི་འགྱུར་རྡོ་རྗེ། སྤུ་བོ་གཏེར་སྟོན་བདུད་འདུལ་རྡོ་རྗེ། ལྷོ་རིན་པོ་ཆེ་ཕྲིན་ལས་རྣམ་རྒྱལ། སྒར་རྗེ་བླ་མ་ཀུན་བཟང་ཤེས་རབ། །འཇའ་ཚོན་པའི་སློབ་མ་མུ་ནེའི་མཚན་ཅན། ལྷ་ས་ཀུན་མཁྱེན་ཆེན་པོ་ལུང་རིགས་ཉི་མ། རྫ་ཁོག་བླ་མ་ཀརྨ་འདུལ་བ། བལ་པོ་རྟོགས་ལྡན་པདྨ་རིག་འཛིན། རབ་འབྱམས་བཀའ་ཆེན་རྣམ་དག །དྲུང་པ་སྤྲུལ་སྐུ་སྒྲུབ་བརྒྱུད་བསྟན་པ་རྣམ་རྒྱལ་སོགས་མང་ངོ་། མཆན། མི་ངས་ནི་མི་གསང་ཐོད་དུ་བཅིང་། །ཆོས་རྒྱ་མཚོ་དང་འདྲ་སྟེ་ཟད་མི་ཤེས། །མཐའ་རྫོགས་པར་ཐོབ་དུས་མི་གདའ་སྟེ། །འདུལ་བ་དང་ཕར་ཕྱིན་མངོན་པའི་ཆོས། །ཚད་མ་དང་ལེགས་སྦྱར་བོད་ཀྱི་སྒྲ། །ཡིག་རིགས་དང་སྙན་ངག་ཚིག་གི་རྒྱུན། །གྱེར་དབྱངས་དང་རྔ་རྡུང་ཕྱག་རྒྱའི་རིགས། །བཟོ་རིག་དང་འགའ་འབྲེལ་བསྡུས་རའི་རིགས། །སྐྱེས་རབ་དང་རྣམ་ཐར་ཆོས་འབྱུང་རིགས། །ཊི་ཀ་དང་སྤྱི་དོན་བཤད་པའི་རིགས། །བསྙེན་སྒྲུབ་དང་ལས་སྦྱོར་སྒྲུབ་ཐབས་རིགས། །དབུ་ཕྱག་

― CMR051_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཚན་ནས་ཀློག་དྲ་འབྱོར་སྤྱི་མང་གནས་པ། །མཚན་ཟློས་ལྟ་ནའཁོད་པ་བཀའ་བཅུ་པ། གངས་ཆེན་རྒྱུ་འབོད་པའི་གནས་སྒོ་། སྒོས་འབྲེལ་ཐོག་ཕྱི་དང་རྫོགས་ཆེན་ཁྲིད་ཀྱི་རིགས། །དབང་བཞི་དང་རྗེས་གནང་བྱིན་རླབས་ཀྱི། །གསོལ་འདེབས་མགུར་འབུམ་ཉམས་དབྱངས་རིགས། །ཆོས་གང་ལའང་དག་སྣང་གི་འབྲེལ་པ་བཞག །ཚད་པོད་ཆུང་གིས་གཞལ་ན་སུམ་ཅུ་ཙམ། །མི་ངས་ནི་མི་གསང་རྒྱན་དུ་ངོམས། །མགོར་ནོར་བུའི་ཅོད་པན་ལྔ་བརྒྱ་བས། །ཕ་བླ་མས་བརྒྱན་ན་བརྗིད་དོ་སྙམ། །ལུས་ཟ་འོག་གི་ལྷབ་ལྷུབ་ལྔ་བརྒྱ་བས། །ཆོས་སྡོམ་གསུམ་གྱིས་བརྒྱན་ན་མཛེས་སོ་སྙམ། །ཞེས་པ་འདི་རང་གི་ཆོས་གྲོགས་བླ་མ་ཞིག་ལ། དབང་ལུང་ཤིན་ཏུ་མང་བ་འགའ་ཕུལ་བས། གཞན་མ་ཞུས་པའི་ཁུངས་གསང་ནས་བརྒྱུད་པ་བཟང་པོ་གཞན་དག་ནས་བྱུང་བ་སྐད་ཟེར་ནས། གཞན་ལ་ཟབ་སོར་འཆད་འདུག་ཟེར་བ་ཐོས་ནས། ཆོས་ཐོབ་པའི་བླ་མ་གསང་ན་བརྒྱུད་པ་བཟང་པོ་ནས་ཐོབ་སྐད་སྨྲ་བ་གསང་སྔགས་ནས་ལྟུང་བར་བཤད་ལ། བླ་མ་དེ་ཞན་པའི་འདུ་ཤེས་ཀྱིས་ཡིན་ན་རྩ་ལྟུང་དང་པོ་འབྱུང་། དེ་མིན་ཀྱང་རང་མཆོག་ཏུ་འདོད་ཅིང་བླ་མ་ལ་སེམས་དད་ནའང་དེ་དང་ཆ་འདྲའམ་ལྟུང་བ་སྦོམ་པོར་འགྱུར། བླ་མ་ལ་རྩེ་གཅིག་དད་ཀྱང་ཆོས་དེ་གཞན་གྱིས་ཞུ་དོགས་ན་ཉེས་བྱས་སུ་གདའ་བ་དང་། རྒྱལ་བུ་དོན་འགྲུབ་ཀྱིས་ཡི་གེ་གཞན་ནས་བསླབ་པ་དང་། མུ་སྟེགས་པ་མང་པོ་བླ་མར་བསྟེན་པ་དང་། སློབ་དཔོན་པདྨས་རྫ་མཁན་ལ་ཕྱག་འཚལ་ནས་རྫ་བཟོ་བསླབས། རྒྱ་

― CMR051_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

བོད་ཀྱི་མཁས་གྲུབ་རྣམས་ཀྱི་རྣམ་ཐར་ན་བླ་མ་མཆོག་དམན་སྣ་ཚོགས་པ་མ་གསང་བར་གདའ་སྟེ། ཁོང་རྣམས་ངན་དུ་མ་སོང་བར་འདུག་པ་ལ། ང་རང་གིས་ནི་གསང་དགོས་པ་མེད་སྙམ་ནས། བླ་མའི་རྩིས་བསྒྲང་འདི་བྱས་སོ། །ཞེས་ཀརྨ་ཨ་རཱ་གས་སོ།། །།ན་མོ་གུ་རུ་ལོ་ཀེ་ཤྭ་ར་ཡེ། འཕགས་པ་རྣམས་ལ་ང་རྒྱལ་དྲི་མ་བྲལ། །བླུན་པོས་རང་ཉིད་མཁས་བཙུན་བཟང་པོར་རློམ། །དེ་ཕྱིར་བླུན་པོ་བདག་གིས་རང་བསྟོད་ལ། །མཁས་པ་རྣམས་ཀྱིས་བཞད་གད་སྟོན་མཛོད་ཅིག །ཀུན་དང་མཐུན་ཞིང་བཀའ་བློ་བདེ་ལུགས་ཀྱིས། །འཇིག་རྟེན་མི་ཆོས་མཁན་ཞིག་འདྲ་དང་གཅིག །ལུས་ཀྱི་ཀུན་སྤྱོད་དམ་ཞིང་བཙུན་ལུགས་ཀྱིས། །སོ་ཐར་ཐེག་དམན་དགེ་སློང་འདྲ་དང་གཉིས། །སེམས་སྐྱེད་སྨོན་ལམ་སྙིང་རྗེ་ཆེ་ལུགས་ཀྱིས། །མདོ་ལུགས་སོར་བཞག་བྱང་སེམས་འདྲ་དང་གསུམ། །བསྐྱེད་རིམ་བསྙེན་སྒྲུབ་མཆོད་གཏོར་བརྩོན་ལུགས་ཀྱིས། །མ་ཧཱ་ཡོ་གའི་རྣལ་འབྱོར་འདྲ་དང་བཞི། །ཐིག་ལེ་གཅེས་སྤྲས་རྩ་རླུང་སྒོམ་ལུགས་ཀྱིས། །ཨ་ནུ་ཡོ་གའི་རྣལ་འབྱོར་འདྲ་དང་ལྔ། །འཁོར་འདས་སྣོད་བཅུད་སྟོང་པར་རྟགས་ལུས་ཀྱིས། །ཨ་ཏི་ཡོ་གའི་རྣལ་འབྱོར་འདྲ་དང་དྲུག །མོས་གུས་འགྱུར་མེད་

― CMR051_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

གདུང་ཤུགས་ཆེ་ལུགས་ཀྱིས། །པཎ་ཆེན་ནཱ་རོའི་བུ་བརྒྱུད་འདྲ་དང་བདུན། །ཐ་མལ་ཤེས་པ་གླན་སྒོམ་བྱེད་ལུགས་ཀྱིས། །མེ་ཏྲི་ཆེན་པོའི་བུ་བརྒྱུད་འདྲ་དང་བརྒྱད། །ཉམས་དང་མི་ལམ་དག་སྣང་མང་ལུགས་ཀྱིས། །འཇིག་རྟེན་སྟབས་ཁ་མཁན་ཅིག་འདྲ་དང་དགུ། །བཀའ་སྲུང་སྒྲུབ་སྐོར་རྫས་སྣ་མང་ལུགས་ཀྱིས། །ཕུང་བྱེད་ངན་སྔགས་མཁན་ཞི་འདྲ་དང་བཅུ། །བསླབ་པའི་ཡོན་ཏན་སྣ་ཁ་མང་ལུགས་ཀྱིས། །བློ་གསལ་ཤེས་རབ་ཅན་ཞིག་འདྲ་བཅུ་གཅིག །ཡི་གེ་དྲུག་པ་རྒྱུན་དུ་འདྲེན་ལུགས་ཀྱིས། ། ཏི་ཐུག་བླུན་དད་ཅན་ཞིག་འདྲ་བཅུ་གཉིས། །ཁ་ལ་མི་ཉན་གྲྭ་སློབ་ཧྲལ་ཧྲུལ་མང་། །བཟའ་ངན་དཔོན་པོ་འདྲ་དང་བཅུ་གསུམ་སྟེ། །སུ་ཤིའི་བསྔོ་ཞུས་སྣ་རེ་འོང་ལུགས་ཀྱིས། །སྡེ་དགོན་བསྐོར་བླ་འདྲ་དང་བཅུ་བཞི་པ། །དངོས་པོ་གང་བྱུང་གར་སོང་འདི་ཆ་མེད། །གྲམ་སེང་ཆུ་བླུགས་འདྲ་དང་བཅོ་ལྔའོ། །ཀུན་གྱིས་གཏད་ར་གཏུག་སྒོ་མང་ལུགས་ཀྱིས། །ས་མདོའི་གཙོ་བོ་འདྲ་དང་བཅུ་དྲུག་པ། དབང་ལུང་དཔེ་ཆ་མང་ཡང་ཆོག་ཤེས་མེད། །ལན་ཚྭའི་ཆུ་འཐུང་འདྲ་དང་བཅུ་བདུན་པ། འདི་ནས་འཕོས་ཚེ་བདེ་བ་ཅན་དུ་

― CMR051_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ། །བྱ་རྒོད་རྙི་ཐར་འདྲ་དང་བཅོ་བརྒྱད་པ། འདྲ་བ་བཅོ་བརྒྱད་ང་ཡི་རྣམ་ཐར་ཡིན། །འཕྲལ་དུ་ཉམས་ལ་ཤར་ནས་གླུ་རུ་བླངས། །ཁམས་ཀྱི་བྱིང་བ་བསང་ཕྱིར་རཱ་གས་སྨྲས།། ༈ །།རྗེ་ཆོས་ཀྱི་དབང་ཕྱུག་ཞབས་ལ་འདུད། །ངས་དང་པོར་གདམས་ངག་གི་ནུ་ཞོ་འཐུང་། །བར་དུ་ཐོས་བསམ་གྱི་སྣ་རྒྱག་ཕྱིར། །ད་ལྟ་སྡོམ་གསུམ་གྱི་ཐེག་པ་ཁུར། །སྤྲང་ལག་ལྡན་གྱི་ཕྲུ་གུ་མ་ལགས་སམ། །ང་དང་པོ་རྒྱལ་བསྟན་གྱི་ལྷོ་སྤྲིན་བསྙགས། །བར་དུ་མོས་གུས་ཀྱི་གློག་དམར་འཁྱུག །ད་ལྟ་གདམས་ངག་གི་འབྲུག་སྒྲ་སྒྲོག །སྤྲང་ལུས་གཉིས་ཀྱི་ཕྲུ་གུ་མ་ལགས་སམ། །ངས་དང་པོ་བཀའ་བརྒྱུད་ཀྱི་གངས་རི་བསྙགས། །བར་དུ་གདམས་ངག་གི་གཡུ་རལ་རྒྱས། །ད་ལྟ་ཉམས་ཀྱི་སྡེར་བཞི་བསྒྲད། །སྤྲང་གདོང་ལྔའི་ཕྲུ་གུ་མ་ལགས་སམ། །ངས་དང་པོ་སྒྲུབ་བརྒྱུད་ཀྱི་ནགས་ཚལ་བསྙགས། །བར་དུ་ངོ་སྤྲོད་ཀྱི་འཛུམ་དྲུག་རྒྱས། །ད་ལྟ་ཡེངས་མེད་ཀྱི་ས་མདོ་བཟུང་། །སྤང་རྒྱལ་སྟག་གི་ཕྲུ་གུ་མ་ལགས་སམ། །ངས་དང་པོ་ངེས་འབྱུང་གི་ནམ་འཕང་བསྙགས། །བར་དུ་ངུར་སྨྲིག་གི་འདབ་དྲུག་རྒྱས། །ད་ལྟ་ཚུལ་ཁྲིམས་ཀྱི་ནོར་

― CMR051_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

བུས་བརྒྱན། །སྤྲང་མཁའ་ལྡིང་གི་ཕྲུ་གུ་མ་ལགས་སམ། །ངས་དང་པོ་མཚན་ལྡན་མཁན་པོ་བསྟེན། །བར་དུ་ངེས་འབྱུང་གི་སྡོམ་པ་ཞུས། །ད་ལྟ་བསླབ་གསུམ་ལ་ནན་ཏན་བྱེད། །སྤྲང་ཤཱཀྱའི་སྲས་པོ་མ་ལགས་སམ། །ངས་དང་པོ་སྨོན་འཇུག་གིས་སེམས་བསྐྱེད་ཞུས། །བར་དུ་ཐེག་ཆེན་གྱི་གཞུང་ལུགས་སྦྱངས། །ད་ལྟར་ཕྱིན་དྲུག་ལ་ནན་ཏན་བྱེད། །སྤང་རྒྱལ་བའི་སྲས་པོ་མ་ལགས་སམ། །ངས་དང་པོར་སྨིན་བྱེད་ཀྱི་དབང་བཞི་ཞུས། །བར་དུ་རྒྱུད་གཞུང་དང་མན་ངག་སྦྱངས། །ད་ལྟ་བསྐྱེད་རྫོགས་ལ་ནན་ཏན་བྱེད། །སྤང་རིག་འཛིན་གྱི་སྲས་པོ་མ་ལགས་སམ། །དོན་ངེས་པར་མིན་ཀྱང་ཉམས་དགའ་ཙམ། །སྤྱིར་སྙན་ངག་བ་ལ་བཀག་པ་མེད། །དྲིན་ཆེན་ལ་འཛམ་བུའི་ཆུ་གསེར་མདོག །བྱི་བ་ལ་གླང་ཆེན་སྨྲ་དང་མཚུངས། །ཞེས་པ་འདི་དོན་དུ་ཅུང་ཟད་ཀྱང་གནས་པ་མི་སྲིད་ནའང་། སྙན་ངག་གིས་བསྟོད་པ་ལ་སྐྱོན་མེད་པས། སེམས་བདེ་ཉམས་ཅུང་ཟད་ཤར་དུས་ཤིག་ཉམས་དགར་སྨྲས་པར་ཟད་དོ། །ཨ་རཱ་གས་སོ།། ༈ །།རྗེ་སྤྲུལ་པའི་སྐུ་ལ་གསོལ་བ་འདེབས། །ལྟ་བ་ལ་བཤད་ལུགས་མང་ན་ཡང་། །རང་སེམས་ལ་སེམས་ཀྱིས་ལྟ་བ་

― CMR051_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

འདི། །ལྟ་བ་ཡིན་པར་བློ་ཐར་ཆོད། །ཚིག་དགའ་སྒྲུབ་མང་པོ་སྣང་བ་སྤུན། །བསྒོམ་པ་ལ་བཤད་ལུགས་མང་ན་ཡང་། །སེམས་གང་ཤར་ལ་སྤང་བླང་མེད་པ་འདི། །བསྒོམ་པ་ཡིན་པར་ཁོ་ཐག་ཆོད། །གེགས་སེལ་གྱི་བཅས་བཅོས་སྣང་བ་སྤྱན། །སྤྱོད་པ་ལ་བཤད་ལུགས་མང་ན་ཡང་། །སྡིག་སྤང་དང་དགེ་སྒྲུབ་འབད་པ་འདི། །སྤྱོད་པ་ཡིན་པར་ཁོ་ཐག་ཆོད། །གནང་བཀག་ཀྱི་ཀྱོག་བཤད་སྣང་བ་སྤུན། །འབྲས་བུ་ལ་ཐོབ་ལུགས་མང་བཤད་ཀྱང་། །ཚོགས་གཉིས་ཀྱི་བྲེ་ཁ་གང་བ་ན། །འབྲས་བུ་ཐོབ་པར་ཁོ་ཐག་ཆོད་། །རེ་དོགས་ཀྱི་གནད་གཞུང་སྣང་བ་སྤུན། །ད་ལྟ་སྒོམ་དང་སྤྱོད་པ་འབྲས་བུའི་གླུ། །ཉམས་བྱུང་རྒྱལ་དུ་ཤར་ནས་སྨྲས་པ་ཡིན། །ཞེས་པ་ཉམས་བྱུང་རྒྱལ་དུ་ཤར་ནས་སྨྲས་པ་ཡིན་པས་ཐོས་བསམ་ལ་གཤེ་བར་མི་དགོངས་འཚལ། ཨ་རཱ་གས་སོ།། ༈ །།སྐྱབས་དཀོན་མཆོག་གསུམ་ལ་ཕྱག་འཚལ་ལོ། །སྒྲོས་སྤྲུལ་པའི་སྐུ་ཡི་བྱིན་གྱིས་རློབས། །སྔོན་རྒྱལ་བས་ལུང་བསྟན་གདོང་དམར་ཡུལ། །ཁ་བ་ཅན་ལྗོངས་མདོ་སྨད་ན། །དཔལ་འཁོར་ལོ་སྡོམ་པའི་གསུང་གི་གནས། །འོག་མིན་ཀརྨའི་ལྷོ་ཕྱོགས་ན། །རྗེ་མཁའ་ལ་སྤྱོད་

― CMR051_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བྱིན་རླབས་པ། ཡུལ་ངོམ་དུ་རུང་བའི་སྟོད་ཆ་ན། །དཔལ་ཆོས་གྲགས་རྒྱ་མཚོའི་བྱིན་རླབས་པའི། །ཡུལ་གནས་སུ་གྲགས་པའི་རི་ཁྲོད་འདིར། །ས་ལུང་གསུམ་རྩ་གསུམ་འདུས་པ་འདྲ། །དེ་སྐུ་གསུམ་ལྷུན་གྱིས་གྲུབ་པའི་བརྡའ། །དགུང་ནམ་མཁའི་ཤར་ནུབ་ཕྱེས་པ་འདྲ། །དེ་ལྟ་བ་མཁའ་ལྟར་ཡངས་པའི་བརྡའ། །འོད་ཉི་ཟླ་སྒྲོན་མེ་བཀྱག་པ་འདྲ། །དེ་ཉམས་རྟོགས་གསལ་འགྲིབ་མེད་པའི་བརྡའ། །རྒྱབ་རི་རྒྱལ་པོ་གདན་བཞུགས་འདྲ། །དེ་སྐུ་བཞིའི་རྒྱལ་ས་ཟིན་པའི་བརྡའ། །ཞྭ་དཀར་འཁོར་ལོ་རིན་ཆེན་འདྲ། །དེ་ཆོས་ཀྱི་འཁོར་ལོ་བསྐོར་བའི་བརྡའ། །ཟོ་རྒྱལ་བློན་པོ་རིན་ཆེན་འདྲ། །དེ་ཐེག་པ་སྣ་ཚོགས་རྟོགས་པའི་བརྡའ། །རྟ་འདྲ་རྟ་མཆོག་རིན་ཆེན་འདྲ། །དེ་ཐར་བའི་གྲོང་དུ་ཕྱིན་པའི་བརྡའ། །རྒྱལ་མོ་བཙུན་མོ་རིན་ཆེན་འདྲ། །དེ་ཐབས་ཤེས་ཟུང་དུ་འཇུག་པའི་བརྡའ། །དཔལ་རི་གླང་པོ་རིན་ཆེན་འདྲ། །དེ་སྟོབས་བཅུ་ལྷུན་གྱིས་གྲུབ་པའི་བརྡའ། །མགར་ནག་དམག་དཔོན་རིན་ཆེན་འདྲ། །དེ་བདུད་བཞིའི་གཡུལ་ལས་རྒྱལ་བའི་བརྡའ། །མདུན་གྲུ་གསུམ་ཕག་མོའི་དཀྱིལ་འཁོར་འདྲ། །དེ་སྙན་

― CMR051_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་གདན་ས་འཛིན་པའི་བརྡའ། །ཆུ་རྒྱུན་འབབ་ཡོན་ཆབ་བལྟམས་པ་འདྲ། །དེ་དབང་བཞིའི་ཆུ་བོ་རྒྱས་པའི་བརྡའ། །རྩྭ་ཆུ་ཤིང་འདོད་འབྱུང་གཏེར་ཀ་འདྲ། །དེ་དགོས་འདོད་ལྷུན་གྱིས་གྲུབ་པའི་བརྡའ། །ཟངས་རྡོ་ནོར་བུ་རིན་ཆེན་འདྲ། །དེ་རང་གཞན་དོན་གཉིས་འགྲུབ་པའི་བརྡའ། །བརྡའ་བཅུ་བཞི་ལྡན་པའི་རི་ཁྲོད་འདིར། །ངེད་འཁོར་བཅས་བྱང་ཆུབ་སྒྲུབ་པ་ལ། །ཁྱོད་གནས་བདག་གི་ཀོ་ལོང་མ་སྡོམ་པར། །ལས་དགེ་བ་སྒྲུབ་པའི་གྲོགས་དན་མཛོད། །ཐུགས་འགལ་བ་བྱུང་ཡང་བཟོད་པར་བཞེས། །ཆོས་བྱང་ཆུབ་ཀྱི་འབྲས་བུ་ཐུན་མོང་བྱེད། །དོན་གོ་བར་མཛོད་ཅིག་མི་མ་ཡིན། །ཐུགས་དགྱེས་པར་མཛོད་ཅིག་ཨ་ལ་ལ། །ཞེས་པ་འདི་སྔ་སོར་གྲྭ་པ་གཅིག་གིས་ཉམས་དགར་གནས་བསྟོད་ཅིག་གྱིས་ཟེར་བས་རི་ཁྲོད་བྱས་ནས་ཡུན་མི་རིང་བ་ཞིག་ལ། ཚིག་འདི་དང་འདྲ་ཙམ་ཞིག་གྲོ་ག་ལ་བྲིས་པ་ཡོད་པ་ཁོང་དགའ་རེས་མེ་སྒྲོན་དུ་སྦྱར་འདུག་པས། ཡི་གེའི་ཐད་ནས་མ་འབར་བར་སྣང་ཡང་ཕྱིས་གར་སོང་ཆ་མེད་ལ། སླད་ནས་བྲག་ཚན་ཆེན་པོ་བཤིགས་ནས་བསམ་གཏན་གྱི་ཁང་པ་བརྩེགས་པས་ཉམས་རྨི་ལམ་གྱི་འཚུབས་ཆ་ངེས་པ་ཅན། ཡང་མང་དུ་བྱུང་ཞིང་། རྟེན་འབྲེལ་གྱི་བཀྲ་བརྟག་འགའ་ལའང་གནས་བདག་མ་དགའ་བ་ན་ཚ་ཡོད་ཟེར་བ་ཡང་ཡང་བྱུང་ཞིང་། དངོས་

― CMR051_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ན་ཚ་རྐྱེན་ངན་མང་བ་ཞིག་བྱུང་ནས། བསང་དང་གཏོར་མ་བཏང་བ་སོགས་བྱས་ཀྱང་འཚུབས་ཆའི་ལྷོང་དེ་ཚེར་མ་ཞི་བས། གནས་བསྟོད་འདི་བྲིས་ནས་ལན་འགའ་བྱས་པའོ།། ༈ །།ཕ་ཆོས་ཀྱི་དབང་ཕྱུག་རིན་པོ་ཆེ། །སྤང་ཞན་པ་ལོག་པར་བྱིན་གྱིས་རློབས། །སྤྱིར་འཁོར་བའི་ཆོས་ལ་སྙིང་པོ་མེད། །དེ་རྣ་ཐོས་ཀྱིས་མི་ཚད་དངོས་སུ་བསྟན། །ཡུལ་དབུས་གཙང་དག་པའི་ཞིང་ཁམས་ན། །ས་གཙང་སྟོད་ཀྱི་ཆོས་རྒྱལ་སྟོབས་འབྱོར་ཅན། །སྡེ་མངའ་རིས་བྱེ་བ་དུང་ཕྱུར་ཡང་། །དེ་གཅིག་པུར་འཁྱམས་པ་ཐོས་ཙ་ན། །སྡེ་མངའ་རིས་ལ་སྙིང་པོ་འདུག་གམ་ལྟོས། །སྤྲང་སྙིང་པོའི་ཆོས་ཤིག་ཅུག་བྱེད་ཨང་། །ང་སྐྱེན་དང་ང་རྒོད་ང་མཁས་ཅན། །ཟས་གོས་ཀྱིས་བུ་བཞིན་སྐྱོང་བ་ཡི། །ཐབས་གསོས་ཀྱི་གཟིམ་ཆུང་སྟོང་ཕྲག་བཅུ། །བློན་རིགས་རུས་ལྡན་པ་བསམ་ཡས་ཀྱང་། །རང་གཅིག་པུར་འཁྱམས་པ་མཐོང་ཙ་ན། །གཡོག་འཁོར་རེས་ལ་སྙིང་པོ་འདུག་གམ་ལྟོས། །གསེར་དངུལ་དང་གོས་དར་ནོར་བུའི་མཛོད། །གྲོ་ནས་དང་ཏིལ་འབྲས་འབྲུ་ཡི་མཛོད། །བུར་སྦྲང་དང་ཤ་མར་ཟས་ཀྱི་མཛོད། །གོས་སྐུ་དང་ལི་མ་རྟེན་གྱི་མཛོད། །དེ་གཞན་གྱིས་སྤྱོད་པ་

― CMR051_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་ཙ་ན། །ནོར་ལོངས་སྤྱོད་ལ་སྙིང་པོ་འདུག་གམ་ལྟོས། །བོད་རྩམ་ཟན་གྱི་རྒྱལ་པོ་ཡིན་ནོ་ཞེས། །ཡུལ་མངའ་རིའི་སྟོད་ནས་ལྷ་ཕྱག་འཚལ། །ཟངས་གསེར་དངུལ་དང་རིན་ཆེན་རི་ལྟར་འབུལ། །ཡུལ་བལ་པོའི་བར་དུ་བཀའ་ལུང་རྒྱུག །ད་དབང་མེད་དུ་བཅིང་བ་མཐོང་ཙ་ན། །སྙན་གྲགས་པ་ལ་སྙིང་པོ་འདུག་གམ་ལྟོས། །དེ་བསྟན་པའི་སྦྱིན་བདག་ཡིན་ནོ་ཞེས། །རྗེ་རྒྱལ་བ་རྣམས་ཀྱིས་ཤེས་བརྗོད་མཛད། །བཙུན་དགེ་བཤེས་རྣམས་ཀྱིས་ལྷ་ཕྱག་འཚལ། །ཚིག་འཁོར་གསུམ་སོང་ལ་མཆོད་བརྗོད་འབུལ། །གྲོང་འདབས་སུ་འབེབ་པ་མཐོང་ཙ་ན། །གཏམ་ངོ་བསྟོད་ལ་སྙིང་པོ་འདུག་གམ་ལྟོས། །ཡུལ་དབུས་གཙང་རུ་བཞིའི་སྟག་ཤར་ཚོས། །དཔོན་ཅིག་ཆོག་གཙང་སྟོད་ཀྱི་རྒྱལ་པོ་ཞེས། །འབེན་སོར་བཞི་ཉེ་ལ་མཆོད་བརྗོད་བྱེད། །རྒྱང་མཐོ་གང་རིང་ལ་མཆོད་བརྗོད་བྱེད། །དེ་བཙོན་དུ་བཅུག་པ་མཐོང་ཙ་ན། །གཏམ་སྙན་གྲགས་ལ་སྙིང་པོ་འདུག་གམ་ལྟོས་། །ཡུལ་སོ་སོ་ནས་མཛེས་སྡུག་གི་ཤར་མོ་ཚོས། །རྫོང་རྒྱན་ཆ་སོ་སོའི་ཡུལ་གྱི་འདོན། །བྲོ་ཁོད་ཕོག་རེ་ལ་མཆོད་བརྗོད་བྱེད། །གླུ་ལེས་ཁ་རེ་ལ་འཁྲུངས་ཞུས་བཀྱག །

― CMR051_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

ད་གྲོགས་མེད་དུ་འཁྱམས་པ་མཐོང་ཙ་ན། །གྲོང་མཛེས་སྡུག་ལ་སྙིང་པོ་འདུག་གམ་ལྟོས། །ཡུལ་གཙང་ཕྱོགས་སུ་རྩེ་ཆེན་བཅོ་བརྒྱད་དེ། །ཡུལ་སོ་སོར་སྐུ་མཁར་གྲངས་ལས་འདས། །རྫོང་ཆུ་ཕི་དང་ལྕགས་རི་འོབ་ཀྱིས་བསྐོར། །དབྱིབས་བཅའ་ཐབས་ལང་ཀ་པུ་རི་འདྲ། །ད་ཁང་ངན་ནང་དུ་འདུག་མཐོང་ན། །གཞེས་ཡུལ་མཁར་ལ་སྙིང་པོ་འདུག་གམ་ལྟོས། །དམག་ཡོངས་རྫོགས་ལ་བརྩིས་པའི་གྲངས་ཀ་མེད། །གཙང་ཁོ་ནའི་ཉེ་སྐོར་བསྡུས་པའི་ཚེ། །ཁྲབ་སྔོ་སིལ་ཁྲི་ཕྲག་བཅུ་གསུམ་ཟེར། །སྲོག་རྗེ་ལ་འབུལ་བ་ལྔ་བརྒྱ་ཙམ། །སྐྱོགས་མེ་མདའ་མཁས་ཀྱང་ཐ་མ་ཕམ། །དམག་བུ་རྟ་ལ་སྙིང་པོ་འདུག་གམ་ལྟོས། །སོག་མཁར་ཁ་དང་ཁ་ཐན་ཝ་བྲོས་བྱས། །བོད་རུ་བཞིའི་རྒྱལ་ཕྲན་ས་མཐར་ཕུད། །མོན་གི་རིའི་རྒྱལ་པོ་བཙོན་དུ་བཟུང་། །སྟོད་གུ་གེའི་རྒྱལ་པོའི་སྲོག་སྐྱབས་ཞུས། །རྐང་མཇུག་རྡུམ་ཡན་ཆད་ཞབས་སུ་བཅུག །ད་བཙོན་དུ་བཅུག་པ་མཐོང་ཙ་ན། །ཆུས་བཙན་དྲག་ལ་སྙིང་པོ་འདུག་གམ་ལྟོས། །སྤྱིར་འཁོར་བའི་ཆོས་ལ་སྙིང་པོ་མེད། །སྒོས་སྙིགས་མའི་ཚེ་ལ་ལོང་ཁམས་མེད། །ཚེ་འདི་ཡི་དཔལ་

― CMR051_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་མཁོ་མཁོ་པོ། །འདི་བསྒྲུབ་པར་དཀའ་ལ་རྟག་མི་ཐུབ། །ད་སྙིང་པོ་མེད་པའི་མཚངས་རིག་ནས། །སྤྱང་སྙིང་པོའི་ཆོས་ཤིག་ཅུག་བྱེད་ཨང་། །ཞེས་པ་འདི་གཙང་པ་ཆོས་རྒྱལ་དེ་ཁེངས་ལོག་བྱུང་ནས་ནང་དུ་བཅུག་སྟེ་ལྷ་སར་ཁང་ངན་ཞིག་ན་བཞག་འདུག་ཟེར་བ་ཐོས་པས། སྤྱིར་འདུས་བྱས་ཐམས་ཅད་དང་། ཚངས་པ་དབང་པོ་འཁོར་ལོས་སྒྱུར་རྒྱལ་རྣམས་ཀྱང་མི་རྟག་པར་གསུངས་པ་ནི་རྣ་ཐོས་ཙམ་ཡིན་ལ། འདི་ནི་མི་རྟག་ཅིང་སྙིང་པོ་མེད་པའི་ངོ་སྤྲོད་ཤིན་ཏུ་མཚར་བར་བོད་ཡུལ་ཐམས་ཅད་ལ་བསྟན་པར་སྣང་བ་སམ་སྟེ་སྨྲས་སོ། །འདི་ཡི་སྟོད་ཆ་རྣམས་སྔ་སོར་ཤོག་རས་དང་ཤིང་ཤུན་འདྲ་ལ་དམ་དུམ་དུ་བྲིས་ཡོད་པ། ཕྱིས་ཕྱོགས་གཅིག་ཏུ་རང་ལོ་སོ་བཞི་པར་བསྒྲིགས་པ་སྟེ། ལྟ་འདོད་ཟེར་བ་འགའ་ཞིག་བྱུང་བ་རྐྱེན་བྱས་ཏེ་བསྒྲིགས་པའོ། །ཀརྨ་ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགེ་སློང་རཱ་ག་ཨ་སྱས་རང་ལོ་ལྔ་བཅུ་ང་གཉིས་སྤྲེལ་ཟླའི་ཉི་ཤུ་ལྔ་ཚུན་ཆད་བར་སྐབས་ཀྱི་ཉམས་མགུར་འགའ་རེ་ཡོད།

― CMR051_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་སློང་རཱ་ག་ཨ་སྱས་རང་ལོ་ལྔ་བཅུ་ང་གཉིས་སྤྲེལ་ཟླའི་ཉི་ཤུ་ལྔ་ཚུན་ཆད་བར་སྐབས་ཀྱི་ཉམས་མགུར་འགའ་རེ་ཡོད་དོ།།

― CMR051_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭ་ར་ཡེ། བླ་མ་ཡི་དམ་དབྱེར་མེད་པའི། །སྤྱན་རས་གཟིགས་ལ་ཕྱག་འཚལ་ལོ། །རྣལ་འབྱོར་རཱ་ག་ཨ་སྱ་རང་ལོ་ང་གཉིས་བྱི་བའི་ལོར། །གཞན་རྐྱེན་འགའ་ཡིས་རྐྱེན་བྱས་ནས། །བདག་གི་འཇིག་རྟེན་མི་ཤེས་པས། །བསམ་པ་བཟང་བའི་ཡོན་བདག་འགས། །ཁ་ད་བྱེད་མཁན་མང་དུ་བྱུང་། །ལ་ལས་གྲྭ་པ་ཀུན་གཏོར་ལ། །གཅིག་པུར་སྐུ་མཚམས་བསྡམས་ན་ཟེར། །ལ་ལས་འགྲོ་དོན་བློས་ཐོངས་ལ། །རང་གི་ཡུལ་དུ་བཞུགས་ན་ཟེར། །ལ་ལས་གནས་སྐབས་འཚོ་བ་ཟེར། །ཟང་ཟིང་འབུལ་བ་མ་བསྡུ་ཟེར། །

― CMR051_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་རིས་དཔོན་རིགས་འགའ་རེ་ཡིས། །ངེད་ཀྱི་ཡུལ་དུ་བྱོན་བཞུགས་ཟེར། །བླ་མ་དཔོན་རིགས་འགའ་རེ་ཡིས། ། འདིར་བྱོན་ཆོས་འབྲེལ་གནང་དགོས་ཟེར། །གཏེར་སྟོན་བདུད་འདུལ་རྡོ་རྗེ་ལ། །མཚམས་ཀྱི་དམ་བཅའ་ཕུལ་བ་ལ། །ཁྱོད་ནི་རིག་འཛིན་རྒད་པོ་རེད། །ད་ནི་མཚམས་ཀྱི་དགོས་པ་མེད། །དབང་ལུང་གང་འཕེལ་མཛོད་ཅིག་གསུངས། །ང་རང་བློ་ལ་འདི་ལྟར་ཤར། །དྲུག་ཅུ་ཚེ་འཕྲང་དམ་པའི་ཕྱིར། །ལྔ་བཅུ་ང་དགུ་ཚུན་ཆད་ལ། །སྒྲུབ་པ་འགྲོ་དོན་སྤེལ་མར་བྱེད། །དེ་ནས་ཚེ་དང་སྒྲུབ་པ་མཉམ། །དེ་རིང་དམར་

― CMR051_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཚེས་པ་བཅུ། །འགྲུབ་སྦྱོར་དུས་བཟང་འཛོམ་པའི་ཉིན། །རྩ་བ་གསུམ་དང་དཀོན་མཆོག་གསུམ། །བདེན་པར་གྲུབ་པ་ཐམས་ཅད་ཀྱིས། །ཐུགས་རྗེས་སྤྱན་གྱིས་འདིར་གཟིགས་ལ། །སྨོན་ལམ་འགྲུབ་པར་བྱིན་གྱིས་རློབས། །དེང་ནས་བཟུང་སྟེ་བྱང་ཆུབ་བར། །བདག་ནི་གར་ཕྱིན་གར་བསྡད་དུ། །ནད་མུག་མཚོན་འཁྲུག་ཞི་བ་དང་། །ཆར་ཆུ་དུས་འབབ་ལོ་ལེགས་ཤོག །བདག་ནི་མཐོང་དང་རེག་པ་དང་། །ཐོས་ནས་གུས་པ་ཐམས་ཅད་ལ། །ནད་གདོན་བར་ཆད་འཕྲལ་དུ་ཞི། །ཚེ་བསོད་བདེ་སྐྱིད་འཕེལ་བ་དང་། །བྱང་ཆུབ་ས་བོན་ཐོབ་པར་ཤོག །ཆོས་དང་ཟང་ཟིང་ལ་སོགས་ཀྱི། །འབྲེལ་པ་ཐོབ་པ་ཐམས་ཅད་ནི། །བར་ཆད་ཞི་ཞིང་ཉམས་རྟོགས་འཕེལ། །མཆོག་ཐུན་དངོས་གྲུབ་མྱུར་ཐོབ་ཤོག །མིང་ཡིག་ཐོས་ཚད་ཚེ་འདས་ཀུན། །བར་དོའི་འཇིགས་པ་ཀུན་བྲལ་ཞིང་། །སྐྱེན་པོའི་མདའ་འཕང་ཇི་བཞིན་དུ། །བདེ་ཆེན་ཞིང་དུ་སྐྱེ་བར་ཤོག །ལ་ལ་གནོད་སེམས་རྐུ་འཕྲོག་དང་། །གཤེ་སྐུར་ལ་སོགས་ངན་འབྲེལ་ཡང་། །དེ་ཡི་ཉེས་པས་ཁོང་རྣམས་ནི། །ངན་སོང་འགྲོ་བར་མ་གྱུར་ཅིག །ཚེ་འདིར་ཕན་པའི་སྐལ་མེད་

― CMR051_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །ནམ་ཞིག་དུས་ལ་བབ་པའི་ཚེ། །བདག་ཉིད་ཁོ་ནས་འཁོར་བ་ནས། །དྲངས་ཏེ་སངས་རྒྱས་སར་འགོད་ཤོག །རྟ་ཁལ་དུད་འགྲོ་ཐམས་ཅད་དང་། །དེ་ཡིས་བརྫིས་པའི་འབུ་སྲིན་སོགས། །ལས་ཀྱི་སྒྲིབ་པ་ཀུན་བྱང་སྟེ། །བདེ་ཆེན་ཞིང་དུ་སྐྱེ་བར་ཤོག །མདོར་ན་འབྲེལ་ཐོགས་མ་ལུས་པ། །འདི་ནས་ཚེ་འཕོས་གྱུར་མ་ཐག །བདེ་ཆེན་ཞིང་དུ་སྐྱེ་བར་ཤོག །དེ་འདྲའི་སྐལ་མེད་སྡིག་ཆེན་ཡང་། །བདག་གི་སྤྲུལ་པ་ཡང་སྤྲུལ་གྱིས། །རིམ་གྱིས་བདེ་ཆེན་ཞིང་ཁམས་སུ། །ཐམས་ཅད་མ་ལུས་ཁྲིད་པར་ཤོག །བདག་ཀྱང་འདི་ནས་འཕོས་མ་ཐག །བདེ་ཆེན་ཞིང་དུ་བརྫུས་སྐྱེས་ཤོག །དེ་རུ་ས་བཅུ་མངོན་བྱས་ནས། །སྤྲུལ་པས་འགྲོ་བ་འདྲེན་པ་ལ། །སྤྱན་རས་གཟིགས་དང་དབྱེར་མེད་ཤོག །ཅེས་སྨྲས་སོ།། །།ན་མོ་ལོ་ཀེ་ཤྭ་ར་ཡེ། འགྲོ་བ་འདུལ་མཛད་ཐུགས་རྗེ་ཅན། །སྤྱན་རས་གཟིགས་ལ་ཕྱག་འཚལ་ལོ། །བདག་གིས་ཐོབ་དཀའི་མི་ལུས་ཐོབ། །མཇལ་དཀའི་མཁས་གྲུབ་མང་པོ་བསྟེན། །ཐོབ་དཀའི་དབང་ལུང་རྒྱ་མཚོ་ཐོབ། །རྟོགས་དཀའི་རང་སེམས་ཆོས་སྐུ་རྟོགས། །ད་ནི་ལོ་ནི་འགའ་

― CMR051_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུང་ཙམ། །དམ་པའི་ཆོས་སྦྱིན་བྱེད་ན་བསམ། །མཆོག་དམན་བར་མའི་འགྲོ་བ་ལ། །བསྔོ་སྨོན་འབྲེལ་པ་འཇོག་ན་བསམ། །བདག་གིས་ལྷག་བསམ་རྣམ་དག་ལ། །བར་ཆད་མེད་པར་དོན་འགྲུབ་པར། །ཐུགས་རྗེ་ཆེན་པོའི་བྱིན་གྱིས་རློབས། །ཨོ་རྒྱན་རྗེ་ཡིས་བར་ཆད་སོལ། །བཀའ་སྲུང་ཀུན་གྱིས་ཕྲིན་ལས་སྒྲུབས། །ལྷ་སྲིན་ཀུན་གྱིས་སྡོང་གྲོགས་མཛོད། །བདག་ལ་རང་འདོད་ཁོང་སྲིན་མེད། །དཀའ་ལས་ངལ་དུབ་ཁྱད་བསད་ནས། །བསྟན་དང་འགྲོ་བའི་དོན་ཁོ་ན། །ཡིན་མིན་ཡེ་ཤེས་སྤྱན་གྱིས་གཟིགས། །གལ་ཏེ་བསམ་སྦྱོར་རྣམ་དག་ན། །ཁྱེད་བཞེད་འགྲོ་དོན་འདི་ལགས་པས། །བསམ་པ་འགྲུབ་པར་ཐུགས་རྗེས་ཟུངས། །ཐུགས་རྗེ་ཐུགས་དམ་དུས་ལ་བབ། །ཅེས་སྨྲས་སོ། །ཅེས་པ་འགྲོ་དོན་ཞིག་ལ་འགྲོ་སྙམ་དུས། ཉམས་རྨི་ལམ་མཚམས་སུ་སྤྱན་རས་གཟིགས་བཞུགས་པ་སྒྲུབ་པ་བས་བཞེངས་པ་བསྒྲུབ་པ་དགའ། བཞེངས་བ་བསྒྲུབ་པ་བས་མཆོད་པ་བསྒྲུབ་པ་དགའ། ཞེས་པའི་སྒྲ་གཅིག་ཞགས་པས། དེ་བསྒྲུབ་པ་བས་རེ་ཞིག་འགྲོ་དོན་དགའ་ཞེས་བདུད་འདུལ་རྡོ་རྗེའི་གསུངས་པ་བདེན་པའི་བརྡར་གོ་ནས་སྨྲས་སོ། །དེ་ནས་སྒར་པ་བཀྱག་ཁ་རྨི་ལམ་ལ། །རྒྱལ་པོའི་ཆོ་འཕྲུལ་བྱུང་བའི་ཕྱི་ཉིན་དེར། །ཁལ་མ་བརྩད་གུལ་ཀ་ཆ་ཚུར་ཤོར་

― CMR051_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །ཅུང་ཟད་ཁ་སྨྲས་བྱུང་ཞིང་དེ་ནུབ་ལ། །རྨ་དབྲ་འགག་ཏུ་ཞག་ནུབ་ཉམས་རྨིས་མཚམས། །བུད་མེད་རལ་པ་ཅན་དང་རྒྱན་ཆ་ཅན། །སུམ་ཅུ་ཙམ་གྱིས་བདག་ལ་གུས་ཚུལ་བསྟན། །ས་ཆ་དེ་ཡི་གནས་བདག་མཚོ་སྨན་རྣམས། །ཡིན་པ་འདྲ་སྙམ་དེ་ནུབ་བསམ་པ་ལ། །དེ་ལོ་ས་སྒང་སྡེ་བ་ཆུང་བ་ལ། །དབང་དགོས་ཟེར་ཡང་ང་རང་ན་བས་བཤོལ། །ད་ལོ་ཟེར་ན་མ་བསྐུར་ཀོ་ལོང་བྱེད། །བསྐུར་ན་དཔོན་པའི་ཐུགས་དང་འགལ་དོགས་སྐྲག །གདེང་ལ་དད་པ་ཡོད་མེད་མི་ཤེས་སྙམ། །དེ་ཚེ་ཐོ་རངས་ཉམས་དང་རྨི་ལམ་མཚམས། །གཟུགས་མེད་སྒྲ་འདི་བར་སྣང་ཁམས་ནས་གྲག །དབང་དུ་མ་འདུས་པའི་མིའི་མགོར་གཏོར་མ་བཞག་ན་དགོས་པ་མེད། དེ་ལྟ་ཤིང་གྱིས། ཞེས་ཟེར་ཕྱིར་ནངས་དབང་དགོས་མི་ཟེར་རོ། །ནང་རྟེན་མཇལ་ཞིང་དྲུང་ཆེན་མཁའ་སྤྱོད་པའི། །ང་འདྲ་མ་ལ་སྙན་དར་སྨོན་ལམ་ཞུས། །དེ་ནུབ་རག་མོ་ཕུ་རུ་སྒར་པ་ཞིག །ཉམས་ཀྱི་སྣང་བ་བུད་མེད་རལ་པ་ཅན། །རྒན་མོ་མིག་ཡ་ཞར་བ་གཅིག་བྱུང་ནས། །ཕྱག་འཚལ་ནས་ཐུམ་གཅིག་གིས་འབུལ་བ་བྱས། །ས་ཆ་དེ་ཡི་གཞི་བདག་ཡིན་ནམ་སེམས། །ཕྱིར་ནངས་ཐོ་རངས་ཉམས་དང་རྨི་ལམ་མཚམས། །རྣམ་རྒྱལ་དགོང་གི་དགོན་པ་དེ་ཉིད་ནི། །ཞྭ་དམར་བ་ལ་འབུལ་རྒྱུ་ཡིན་ནོ་ཞེས། །ཟེར་ཞིང་དེ་ལྟར་ཡིན་ནོ་སྙམ་པ་རྨིས། །དེ་ཕྱིར་རྟེན་འབྲེལ་གསོལ་འདེབས་འདི་བྱས་སོ། །ན་མོ་གུ་རུ་དྷརྨེ་ཤྭ་ར་ཡེ། དཔལ་རིགས་ཀུན་ཁྱབ་བདག་རྡོ་རྗེ་འཆང་། །

― CMR051_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་སྟོབས་བཅུའི་མངའ་བདག་ཏེ་ལོ་པ། །གནས་འཕགས་ཡུལ་གཙོ་བོ་ནཱ་རོ་པ། །བོད་གངས་ཅན་སྒྲོན་མེ་ལྷོ་བྲག་པ། །ཆོས་བསྒྲུབ་པའི་སྲོག་ཤིང་མི་ལ་རྗེ། །དོན་སྙིང་པོའི་མངའ་བདག་སྒམ་པོ་པ། །བདག་གསོལ་བ་འདེབས་སོ་བྱིན་གྱིས་རློབས། །ཆོས་བཀའ་ཕྱག་ཆུ་བོ་གཉིས་འདྲེས་ཀྱི། །ད་བསྟན་པ་དར་བར་ཁྱེད་རང་མཁྱེན། །རྗེ་བསྐལ་བཟང་སངས་རྒྱས་དུས་གསུམ་མཁྱེན། །དཔལ་མ་ཧཱ་ཀཱ་ལ་རས་ཆེན་པ། །ཕ་ཧཱུཾ་ཆེན་ཀ་ར་སྤོམ་བྲག་པ། །དཔལ་རྟ་མཆོག་རྒྱལ་པོ་པཀྵིའི་ཞབས། །དཔལ་ནག་པོ་སྤྱོད་པ་ཨོ་རྒྱན་པ། །སྐྱབས་པད་འབྱུང་དངོས་ཉིད་རང་བྱུང་བ། ། །བདག་གསོལ་བ་འདེབས་སོ་བྱིན་གྱིས་རློབས། །ཆོས་བཀའ་ཕྱག་ཆུ་བོ་གཉིས་འདྲེས་ཀྱི། །ད་བསྟན་པ་དར་བར་ཁྱེད་རང་མཁྱེན། །རྗེ་དགའ་རབ་རྡོ་རྗེ་གཡུང་སྟོན་མཚན། །དཔལ་སྤྱན་རས་གཟིགས་དངོས་རོལ་པའི་མཚན། །རྗེ་འོད་དཔག་མེད་མགོན་མཁའ་སྤྱོད་དབང་། །དཔལ་ཤཱཀ་ཐུབ་དངོས་ཉིད་དེ་བཞིན་གཤེགས། །རྗེ་གྲུབ་ཆེན་ནམ་མཁའ་རྒྱལ་མཚན་པ། སྲས་མཁས་གྲུབ་ཆོས་ཀྱི་རྒྱལ་མཚན་པ། །བདག་གསོལ་བ་འདེབས་སོ་བྱིན་གྱིས་རློབས། །ཆོས་

― CMR051_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ཕྱག་ཆུ་བོ་གཉིས་འདྲེས་ཀྱི། །ད་བསྟན་པ་དར་བར་ཁྱེད་རང་མཁྱེན། །དཔལ་ཡི་དམ་འཁོར་ལོ་བདེ་བའི་མཆོག །ཤྲཱི་མ་ཧཱ་ཀཱ་ལ་བྱ་རོག་མཚན། ། །བཀའ་བསྟན་པ་སྲུང་མཛད་རྡོ་རྗེ་ལེགས། །ཀླུ་གྷ་ཡ་དྷ་ར་བྱིས་པའི་གཟུགས། །ཁྱེད་ཐམས་ཅད་མཐུ་དང་དཔུང་བསྐྱེད་ལ། །ངོམ་རྣམ་རྒྱལ་དགོན་གྱི་གདན་ས་འདིར། །ཆོས་སྒྲུབ་བརྒྱུད་བསྟན་པ་དར་ནས་ཀྱང་། །ཕ་མཁའ་སྤྱོད་ནམ་མཁའ་རྒྱལ་མཚན་པའི། །ཐུགས་དགོངས་པ་ཡོངས་སུ་རྫོགས་པ་ཞིག །ད་འགྲུབ་པར་ལྷ་སྲུང་ཁྱེད་རྣམས་མཁྱེན། །ཞེས་པ་འདི་ཕྱིར་ཉིན་བྲིས་སོ།། ༈ །།ན་མོ་མ་ཧཱ་མུ་དྲ་ཡེ། བུང་བ་འདི་ཚོས་རྩི་བཅུད་ལེན་པ་ལ་ལྟོས་ལ། །བླ་མའི་དྲུང་ནས་གདམས་ངག་ཟབ་མོ་ཚོ་ལོངས་ལ། ། འདི་དང་ཕྱི་མའི་བརྒྱག་ཕྱེ་རེ་སྒྲུབ་མཛོད། །མེ་ཏོག་འདི་ཚོ་བ་མོས་འཁྱེར་བ་ལ་ལྟོས་ལ། །གཞོན་ནུ་བཀྲག་མདངས་ལྡན་པའི་ལུས་འདི་ཡང་རྒས་འཁོབ། །ད་ལྟ་དབང་པོ་གསལ་དུས་འགྱོད་མེད་ཀྱི་སློབ་གཉེར་རེམཛོད་ཅིག །དགུ་གཏོར་སྒར་པ་ཇོ་བོའི་དྲུང་དུ་གཤར་བ་འདིར་ལྟོས་ལ། །ངེད་རང་དཔོན་སློབ་ཚོ་བདེ་ཆེན་གྱི་ཞིང་དུ་འགྲོ་བས། །ད་

― CMR051_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་ཚོགས་གཉིས་བསགས་པའི་ཁེ་སྤོག་ལ་འབད་མཛོད། །ད་ནང་གི་ནམ་མཁའ་སྤྲིན་ཐག་ཆད་པ་དེ་ལྟོས་ལ། །རང་སེམས་སྤྲིན་མེད་ནམ་མཁའ་དང་འདྲ་བའི། །འོད་གསལ་རྗེན་པའི་ཉམས་ལེན་ལ་འབུངས་དང་། །ཡེ་ཤེས་ཀྱི་རང་རྩལ་ཉི་མ་ཤར་བ་བཞིན་དུ། །བསྟན་པ་དང་འགྲོ་བའི་མུན་པ་ནི་སེལ་ལོ། །མེ་ཏོག་གི་གླིང་འདི་སྣང་བ་ཡང་དགའ་བས། གྲྭ་པ་རྣམས་ལ་ཉམས་དགའ་རུ་སྨྲས་སོ། །ཞེས་གནས་ཆེན་སྨན་རིའི་ཉེ་ལོག་ཞིག་ཏུ་སྨྲས་སོ།། ༈ །།ན་མོ་གུ་རུ་དྷརྨ་དྷ་ཏུ་བཛྲ་ཡེ། རྒྱལ་བ་ཀུན་གྱི་ཐུགས་རྗེའི་རང་གཟུགས་ནི། །རྒྱལ་བ་རྒྱ་མཚོ་དགེ་སློང་ཚུལ་འཛིན་པ། །རྒྱལ་དབང་བཅུ་པ་ཆོས་དབྱིངས་རྡོ་རྗེ་ནི། །ཡིན་ལ་ཡིན་པའི་ཐུགས་རྗེའི་དཔུང་བསྐྱེད་ལ། །བསྐལ་པའི་བར་དུ་བརྟན་པར་བཞུགས་སུ་གསོལ། །དཔལ་ཆེན་རྟ་མཆོག་རྒྱལ་པོ་ཧེ་རུ་ཀ །ཡིན་ལ་ཡིན་བཞིན་མཐུ་སྟོབས་དཔུང་བསྐྱེད་ལ། །མ་རུང་བདུད་དང་དམ་སྲི་ཚར་བཅད་ནས། ། གསང་སྔགས་བསྟན་པ་རྒྱས་པར་མཛད་དུ་གསོལ། །དབང་གི་རང་བཞིན་བཛྲ་ཝཱ་ར་ཧི། །ཉིད་ཀྱི་ཐུགས་ལས་གཞན་དུ་མ་གྲུབ་པའི། །དངོས་རྟགས་འཛམ་གླིང་སྤྱི་དང་གངས་

― CMR051_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ལྗོངས། །དབང་དུ་བསྡུས་ནས་སྨིན་པར་མཛད་དུ་གསོལ། །སྣང་སྲིད་ཟིལ་གནོན་གུ་རུ་པདྨ་འབྱུང་། །ཡིན་པར་ངེས་པའི་རྟགས་མཚན་ཕྱུང་ནས་ཀྱང་། །འགོང་པོ་དམ་སྲི་ཐམས་ཅད་ཟིལ་མནན་ནས། །སྒྲུབ་བརྒྱུད་བསྟན་པ་རྒྱས་པར་མཛད་དུ་གསོལ། །མ་ཧཱ་ཀཱ་ལ་རྡོ་རྗེ་བེར་ནག་པོ། །ཡིན་ལ་ཡིན་པའི་མངོན་སྤྱོད་དྲག་པོ་ཡིས། །བསྟན་དགྲ་རུ་ཏྲེ་ཐམས་ཅད་མྱུར་བརླགས་ནས། །ཀཾ་ཚང་བསྟན་པ་རྒྱས་པར་མཛད་དུ་གསོལ། །བསླུ་མེད་དཀོན་མཆོག་གསུམ་དང་རྩ་བ་གསུམ། །བདེན་ལྡན་ཇི་སྙེད་བདེན་པའི་བདེན་སྟོབས་ཀྱིས། །ཆོས་དབྱིངས་རྡོ་རྗེ་བསྐལ་པར་ཞབས་བརྟན་ཅིང་། །སྙིང་པོ་དོན་གྱི་བསྟན་པ་འཕེལ་གྱུར་ཅིག །ཅེས་པ་དང་།། ༈ །།ན་མོ་པྲ་ཝ་ཀཱ་ར་ཡེ། པདྨ་འབྱུང་གནས་བྱེ་བ་ཕྲག་བརྒྱ་དང་། །མཚོ་རྒྱལ་རྗེ་འབངས་དེ་ཡི་གྲངས་མཉམ་པ། །དེང་འདིར་ཐུགས་རྗེའི་སྤྱན་གྱིས་ཉེར་གཟིགས་ལ། །མི་འགྱུར་རྡོ་རྗེའི་སྐུ་ཚེ་བརྟན་པ་དང་། །བར་ཆད་ཞི་བར་བྱིན་གྱིས་བརླབ་ཏུ་གསོལ། །བཀའ་དགོངས་ཕུར་གསུམ་ཞི་ཁྲོ་རབ་འབྱམས་དང་། །བཀའ་སྲུང་དམ་ཅན་རྒྱ་མཚོ་ཐམས་ཅད་ཀྱིས། །མཐུ་

― CMR051_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

རྩལ་ནུས་པའི་དཔུང་ཆེན་ད་བསྐྱེད་ལ། །མི་འགྱུར་རྡོ་རྗེའི་སྐུ་ཚེ་བརྟན་པ་དང་། །བར་ཆད་ཞི་ཞིང་ས་གཏེར་མྱུར་ཐོན་ནས། །འགྲོ་ཀུན་སྨིན་གྲོལ་ལམ་ལ་འགོད་པར་མཛོད། །ཅེས་པའི་བརྟན་བཞུགས་ཚན་པ་གཉིས་པོ་འདི། །བཅུ་གཉིས་ལོ་ཡི་མགོ་བོ་བྱི་བའི་ལོ། །འབྲུ་བཅུད་སྨིན་པའི་མགོ་བོ་སྟོན་ར་བ། །རྒྱལ་ཕུར་འཛོམ་པའི་འགྲུབ་སྦྱོར་ཉིན་པར་ལ། །ལྷ་རྩེ་ཞེས་པའི་ས་ཆར་བྲིས་པ་དགེ །དེ་ལྟར་རྣམ་རྒྱལ་དགོང་གི་དགོན་པ་ན། །སྒྲུབ་བརྒྱུད་བསྟན་པ་དར་བའི་གསོལ་འདེབས་སོགས། །བྲིས་ནས་ཡུད་ཙམ་འཐུམ་པའི་ཉམས་སྣང་ལ། །སྒྲུབ་བརྒྱུད་བསྟན་པ་མི་དགའ་བར་གཅོད་མཁན། །རྒྱལ་འགོང་བཙུན་པའི་གཟུགས་ཅན་རོ། ངན་གཅིག །མདུན་དེར་བྱུང་ནས་བདག་ལ་མི་དགའ་བའི། །རྣམ་འགྱུར་སྟོན་ཞིང་ཁྲེལ་བགད་བྱེད་པར་སྣང་། །ཀྱེ་མ་ནག་ཕྱོགས་འདི་ཡི་ཁ་དུག་ལ། །དེ་ཙམ་གཅིག་ཀྱང་ཁོ་ཡི་རིག་པ་མཚར། །སྙམ་ཞིང་སེམས་ཡང་རབ་ཏུ་སྐྱོ་བར་གྱུར། །དེ་ནུབ་སྐེ་ཡི་མདའ་རུ་ཞག་པའི་ནུབ། །གེ་མོ་རུ་བར་ཆོས་ར་ཚུགས་མི་ཚུགས། །བསམ་ཞིང་གཉིད་པའི་རྨི་ལམ་ཟ་ཟི་ལ། །བདག་ནི་ལོ་བརྒྱ་རུ་བར་ཕྱིན་འདུག་པས། །མི་འགས་གུས་པས་བདག་ལ་ཐལ་མོ་སྦྱར། །དེ་ཚེ་བདག་ནི་ཐ་མལ་མ་ཡིན་པར། །ཐུགས་རྗེ་ཆེན་པོ་བཅུ་གཅིག་ཞལ་ཉིད་ཀྱི། །སྐུ་རུ་གྱུར་ནས་མདོག་ཀྱང་ངང་ཙེ་རེ། །

― CMR051_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག་པའི་རྨི་ལམ་ཡད་ཡུད་ཙམ་ཞིག་བྱུང་། །དེ་ནས་བྱ་བ་སུམ་མདོར་ཞག་པའི་ནུབ། །ཉམས་ཀྱི་སྣང་བས་བཙུན་གཟུགས་ཆས་བཟང་བ། །ངོ་ཡི་ཚད་ཀྱང་འདོམ་ཕྱེད་ལོང་ཡོད་ཙམ། །མཛེས་ཤིང་བརྗིད་ཆགས་པ་ཞིག་བདག་ལ་བལྟ། །འཛུམ་ཞིང་དགའ་བའི་རྣམ་འགྱུར་སྟོན་པ་མཐོང་། །དཀར་ཕྱོགས་གཞི་བདག་ཞིག་ནི་ཡིན་ནམ་སྙམ། །རྨི་ལམ་ཡུལ་དུ་ཆོས་ར་ཚུགས་ཟེར་བའི། །གཟུགས་མེད་སྒྲ་སྐད་ཅིག་ཀྱང་གྲག་པར་བྱུང་། །དེ་ནས་མཁར་དམར་མདོ་རུ་སྒར་ཕེབས་ནུབ། །བཀའ་སྲུང་ལྷ་མོ་རྒྱན་དང་ལྡན་པ་དང་། །མི་གཞོན་མཛེས་པ་འགའ་ཡི་དབང་ཞུ་དང་། །སྐྱེས་པ་རྒས་གཞོན་ཉི་ཤུ་ཙམ་ཞིག་ལ། །ལྭ་བ་དཀར་པོ་ཞིག་གིས་བྱིན་བརླབས་བྱས། །དེ་དག་ཡུལ་ལྷ་དཀར་ཕྱོགས་ཡིན་ནམ་སེམས། །ཀོང་པོས་མགྲོན་པོ་ནོར་ནད་ཡོད་དམ་ཞེས། །ཐེ་ཚོམ་བྱུང་ཞིང་རང་ཡང་སྐྲག་པའི་ཚེ། །ཐུགས་རྗེ་ཆེན་པོའི་སྒོ་ནས་བརྟག་པ་བྱས། །ནོར་མུ་སྣ་ཅེས་ཟེར་བའི་སྒྲ་གྲག་ཅིང་། །ཁག་ཁུར་ཟེར་བ་རང་ལ་མི་སྐྱོན་སྙམ། །ཞོ་ནི་གུར་ཙམ་ཞིག་ལ་སྤྱོད་པའང་རྨིས། །༧ སྤྲུལ་སྐུ་མི་འགྱུར་རྡོ་རྗེ་བདག་ཉིད་ཀྱི། །པང་དུ་བཞུགས་པ་རྨིས་པ་རྟེན་འབྲེལ་ལེགས། ན་མོ་རཏྣ་ཏྲ་ཡཱ་ཡ། ན་མོ་བཛྲ་པཱ་ཎི་ཡེ། སྐྱབས་གནས་བསླུ་བ་མེད་པའི་དཀོན་མཆོག་གསུམ། །བདེ་གཤེགས་སྨན་ལྷ་སྒྲོལ་མ་ཉི་ཤུ་གཅིག །ཐུགས་རྗེ་ཆེན་པོ་པད་འབྱུང་ལོ་མ་ཅན། །ཆོས་ཉིད་ཆོས་ཅན་འགོགས་དང་

― CMR051_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གྱི་བདེན། །བདེན་ལྡན་ཅི་སྙེད་མཆིས་པའི་བདེན་སྟོབས་ཀྱིས། །ཕྱུགས་ནད་ཧོན་གྱི་གནོད་པ་མེད་པར་ཤོག །སྐྱེས་བུ་ཆེན་པོ་ལྷ་སྨན་གཡུ་སྒྲོན་མ། །དཔལ་མགོན་བདུན་ཅུ་ཡུལ་ལྷ་གཞི་བདག་ཚོགས། །སློབ་དཔོན་པདྨའི་དམ་ལས་མ་འདའ་བར། །ནོར་ནོད་ཧོན་གྱིས་གནོད་པ་བཟློག་པར་མཛོད། །ཁྱད་པར་རྣམ་སྲས་ནོར་ལྷ་མཆེད་བརྒྱད་ཚོགས་། །སྔོན་གྱི་ཐུགས་དམ་དམ་བཅའ་མ་བསྙེལ་བར། །ནོར་ཕྱུགས་རྣམས་ལ་བསྲུང་ཞིང་སྐྱབས་མཛོད་ཅིག །ནོར་ནད་ལ་སོགས་འཁོར་བའི་སྡུག་བསྔལ་ཀུན། །ཡེ་ནས་མ་གྲུབ་སྟོང་ཉིད་བདེ་བ་ཆེ། །སྐྱེ་མེད་ཆོས་སྐུ་ངང་དུ་བཛྲ་མུཿ །ཞེས་པའང་དེ་དུས་སྨྲས་སོ།། ༈ །།ན་མོ་ལོ་ཀེ་ཤྭ་ར་ཡེ། རྒྱལ་བ་རྒྱ་མཚོ་སྤྱན་རས་གཟིགས། །དེ་ཉིད་བོད་ཡུལ་མིར་སྤྲུལ་པ། །རིག་འཛིན་རྒྱལ་བ་མཆོག་དབྱངས་ལ། །གསོལ་བ་འདེབས་སོ་བར་ཆད་སོལ། །བསྟན་པ་འཕེལ་བར་བྱིན་གྱིས་རློབས། །རྗེ་འབངས་ཤུད་བུ་དཔལ་སེང་ཉིད། །དེང་སང་འགྲོ་བའི་དོན་ལ་བྱོན། །རིག་འཛིན་མི་འགྱུར་རྡོ་རྗེ་ལ། །གསོལ་བ་འདེབས་སོ་ཐུགས་རྗེ་བསྐྱེད། །བསྐལ་པའི་བར་དུ་འཚོ་གཞེས་ཤིང་། །

― CMR051_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་གཏེར་བསྟན་པ་འཕེལ་མཛད་གསོལ། །སྤྱན་རས་གཟིགས་དབང་ཐུགས་རྗེའི་བདག །བདག་དང་འགྲོ་ལ་ཐུགས་རྗེས་གཟིགས། །འགྲོ་དོན་ཕྱོགས་མེད་ནམ་མཁའ་བཞིན། །ཀུན་ལ་ཁྱབ་པར་བྱིན་གྱིས་རློབས། །འགྲོ་དྲུག་སེམས་ཅན་འདྲེན་པ་དང་། །སྤྱན་རས་གཟིགས་དང་དབྱེར་མེད་ཅིང་། །འཁོར་བ་མ་སྟོང་བར་དུ་ནི། །སྤྲུལ་པས་འགྲོ་བ་འདྲེན་པར་ཤོག །ཉམས་དང་རྟོགས་པ་ཆོས་ཀྱི་རྒྱུད། །གང་གཱའི་རྒྱུན་བཞིན་འཕེལ་གྱུར་ཅིག །ཅེས་པ་ཞི་ཁྲོའི་དབང་ཁྲིད་བསྐུར་བ་འབྲིང་པོའི་དབུ་བཙུགས་པའི་ནུབ་བར་རྨི་ལམ་ཟ་ཟི་ལ། བདག་གི་ཐུལ་པ་འདྲ་བའི་གོས་ཤིག་གྱོན། །གཞོགས་གཡས་ངོས་སུ་མི་འགྱུར་རྡོ་རྗེ་རུམ། །གཞོགས་གཡོན་ངོས་སུ་རྒྱལ་བ་མཆོག་དབྱངས་རུམ། །དེ་ཚེ་སྤྲུལ་སྐུའི་ཞལ་ནས་འདི་སྐད་གསུངས། །རྒྱལ་བ་མཆོག་དབྱངས་ངེད་གཉིས་གཡས་ཕྱོགས་འདིར། །ཕྱོགས་གཅིག་ཞོག་དང་རྟེན་འབྲེལ་བཟང་ངོ་གསུངས། །དེ་ནས་གཟུགས་ནི་མ་མཐོང་ཚིག་འདི་ཐོས། །ཁྱོད་ཀྱི་མིང་ནི་ནམ་མཁའ་ཆགས་མེད་ཡིན། །ཟེར་སྙམ་བདག་ཀྱང་དེ་ལྟར་ཡིན་སྙམ་བྱེད། །བདག་གི་བླ་བྲན་དབང་ལུང་ཆོས་གསུམ་གྱི། །འགྲོ་དོན་འཕེལ་བ་བྱུང་ན་དགའ་སྙམ་པས། །ཁྱོད་ཀྱི་མིང་ཅན་བརྒྱ་ཕྲག་འབྱུང་གྱུར་ཏེ། །དེ་ལྟར་འོང་བ་ཁྱེད་རང་བྲིས་འདུག་ཟེར། །དེ་འདྲ་མ་བྲིས་ཅི་ཡིན་སྙམ་པ་

― CMR051_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །ཆོས་བརྒྱུད་སློབ་རྒྱུད་འདྲ་ལ་ལྟའམ་སྙམ། །དེ་ཕྱིར་གསོལ་འདེབས་འདི་ཉིད་ཕྱིར་ནངས་བྲིས། །བརྒྱ་ཕྲག་དེ་ནི་བླ་བྲན་དབང་ལུང་དང་། །ཆོས་བཤད་ཁྲིད་འཇུག་འགྲོ་དོན་ཆེ་བ་ནི། །ཁོ་ན་ཡིན་ནོ་སྙམ་པ་ཡིད་ལ་ཤར།། ༈ །།བྷཻ། འདས་པའི་དེ་བཞིན་གཤེགས་པ་རིན་ཆེན་མང་། །མ་འོངས་སངས་རྒྱས་རྒྱལ་བ་རིན་ཆེན་གདུགས། །ད་ལྟ་རྣམ་པར་སྣང་མཛད་ཐུགས་ལས་སྤྲུལ། །རྒྱལ་ཆེན་རྣམ་ཐོས་སྲས་ལ་ཕྱག་འཚལ་བསྟོད། །གྲངས་མེད་གོང་ནས་མངོན་པར་སངས་རྒྱས་ཀྱང་། །འགྲོ་བའི་དོན་དུ་ས་བརྒྱད་སེམས་དཔའི་ཚུལ། །ཚད་མེད་ཐུགས་རྗེས་འགྲོ་ལ་བུ་བཞིན་གཟིགས། །རྒྱལ་ཆེན་རྣམ་ཐོས་སྲས་ལ་ཕྱག་འཚལ་ལོ། །ཡབ་ནི་ལྷ་ཆེན་དབང་ཕྱུག་ཆེན་པོ་སྟེ། །ཡུམ་ནི་ལྷ་མོ་དཔལ་གྱི་སྲས་སུ་འཁྲུངས། །གླིང་བཞི་དབང་བསྒྱུར་སེང་གེ་དཀར་མོ་ཆིབས། །འཇིག་རྟེན་སྐྱོང་བ་ཁྱེད་ལ་ཕྱག་འཚལ་བསྟོད། །ལྷ་མིན་དམག་གི་ལྷ་གནས་འཕྲོག་པའི་ཚེ། །སྐུ་མདོག་སྔོན་པོ་གསེར་གྱི་གོ་བགོས་ནས། །ལྷ་མིན་དཔུང་བཅོམ་ལྷ་དམག་དབུགས་ཕྱུང་བ། །གནོད་སྦྱིན་ལུས་ངན་པོ་ལ་ཕྱག་འཚལ་བསྟོད། །ནོར་ལྷ་ཕོ་བརྒྱད་མོ་བརྒྱད་ལ་སོགས་པ། །གནོད་སྦྱིན་བྱེ་བ་

― CMR051_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་འབུམ་འཁོར་དང་བཅས། །གླིང་བཞི་གླིང་ཕྲན་ཀུན་གྱི་བདག་པོ་སྟེ། །མགོན་པོ་རྣམ་སྲས་འཁོར་དང་བཅས་ལ་བསྟོད། །གཏེར་བདག་འཁོར་བཅས་བསྟོད་པའི་བྱིན་རླབས་ཀྱིས། །ཕྱུགས་ནད་གོད་ཡམས་ཐམས་ཅད་ཞི་བ་དང་། །བསོད་ནམས་དཔལ་དང་མངའ་ཐང་འཕེལ་ཞིང་རྒྱས། །རྐང་བཞི་ཕྱུགས་ཀྱི་དངོས་གྲུབ་བསྩལ་དུ་གསོལ། །ཁྱད་པར་བདག་དང་བདག་གི་རྗེས་འཇུག་རྣམས། །ཚེ་རབས་ཀུན་ཏུ་འབྱོར་པ་ཕུན་ཚོགས་ནས། །དཀོན་མཆོག་མཆོད་ཅིང་དབུལ་ཕོངས་སྐྱོང་བ་ཡི། །སྦྱིན་པའི་ཕར་ཕྱིན་རྫོགས་པའི་སྡོང་གྲོགས་མཛོད། །རྒྱལ་ཆེན་སྲས་མཆོག་ཨཱརླ་ཛ་བྷ་ལ། །ཡུམ་གཅིག་ལྷ་མོ་ནོར་གྱི་རྒྱུན་མ་སོགས། །རྒྱལ་བ་ཀུན་གྱི་སྦྱིན་པའི་སྟོབས་ཆེན་པོའི། །རང་གཟུགས་ནོར་ལྷའི་ཚུལ་དུ་སྣང་ལ་བསྟོད། །ཤཱཀ་ཐུབ་ལ་སོགས་སངས་རྒྱས་ཐམས་ཅད་ཀྱང་། །ཁྱོད་ལ་བརྟེན་ནས་སྦྱིན་པའི་ཕར་ཕྱིན་རྫོགས། །དེ་ནས་བླ་མེད་བྱང་ཆུབ་མཆོག་བརྙེས་ཕྱིར། །རྒྱལ་བ་ཀུན་གྱི་ཡབ་ཏུ་གྱུར་ལ་བསྟོད། །བསོད་ནམས་གཏེར་གྱུར་ཡབ་ཡུམ་བསྟོད་པའི་མཐུས། །ཕྱུགས་ནད་གོད་ཡམས་གནོད་པ་ཞི་བ་དང་། །

― CMR051_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་བདག་གི་རྗེས་སུ་ཞུགས་པ་རྣམས། །དཔལ་འབྱོར་བསོད་ནམས་ཡེ་ཤེས་འཕེལ་བར་མཛོད། །ཅེས་པ་འདི་ཕྱུགས་ནད་ཀྱི་འཚེ་བའི་འཇིགས་པས་ཐམས་ཅད་སྐྲག་ཅིང་བསྔངས་བའི་ཚེ་སེ་སྨད་མཁར་དམར་མདོ་རུ་ཡར་ཚེས་བརྒྱད་ཉིན་བྲིས་པའོ།། ༈ །།ན་མོ་བཛྲ་དྷརྨཱ་དྷ་ཏུ་ཡེ། བྱང་སྒོ་སྲུང་བའི་པཎྜི་ཏ། །མཁས་པ་ཛྙཱ་ན་སིདྡྷི་ལ། གསོལ་བ་འདེབས་སོ་ཐུགས་རྗེས་གཟིགས། །བྱང་ཕྱོགས་རྒྱུད་དུ་ཁྱེད་ཀྱི་བསྟན། །དར་བར་བྱིན་རླབས་ལུང་བསྟན་ཀྱང་། །དེང་སང་ནུབ་པར་གྱུར་ལ་གཟིགས། །སྒྲུབ་བརྒྱུད་སྙིང་པོ་འཕེལ་མཛད་གསོལ། །སྣང་སྲིད་ཟིལ་གནོན་ཧེ་རུ་ཀ །པྲ་ཝ་ཀ་ར་ལ་གསོལ་བ་འདེབས། །ཁྱེད་སྤྲུལ་དྷརྨཱ་དྷ་ཏུ་ཡི། །བསྟན་པ་དར་བར་ལུང་བསྟན་ཀྱང་། །ནུབ་ཡུན་རིང་བ་འདི་ལ་གཟིགས། །ད་ནི་མྱུར་དུ་དར་མཛད་གསོལ། །རྟ་མཆོག་རྒྱལ་པོ་ཧེ་རུ་ཀ །བཛྲ་དྷམཱདྷཱ་ཏུ་ལ། གསོལ་བ་འདེབས་སོ་ཐུགས་རྗེས་གཟིགས། །གང་འདུལ་སྤྲུལ་པ་སྣ་ཚོགས་ཀྱིས། །བསྟན་ལ་སྤེལ་བར་ལུང་བསྟན་ཀྱང་། །བག་ལ་ཞ་བ་འདི་ལ་གཟིགས། །ད་ནི་ཐུགས་རྗེས་མྱུར་དུ་བསྐྱེད། །སྒྲུབ་བརྒྱུད་བསྟན་པ་སོར་ཆུད་མཛོད། །གར་གྱི་

― CMR051_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་སྤྲུལ་པའི་སྐུ། །ཤྲཱི་སེང་མིར་སྤྲུལ་སི་ཏུ་པ། །ལྷ་ཡི་མེ་ཏོག་སྤྲུལ་པའི་སྐུ། །མཆོག་སྤྲུལ་གསུམ་ལ་གསོལ་བ་འདེབས། །སྒྲུབ་བརྒྱུད་བསྟན་པ་འཛིན་སྐྱོང་སྲུང་། །ཞལ་བཞེས་ཐུགས་དམ་དུས་ལ་བབ། །ད་ནི་མ་གཡེལ་མཐུ་དཔུང་བསྐྱེད། །བཀའ་ཕྱག་ཆུ་བོ་གཉིས་འདྲེས་ཀྱི། །སྙིང་པོ་ཀཾ་ཚང་དོན་བརྒྱུད་འདི། །མྱུར་དུ་འཕེལ་ཞིང་རྒྱས་མཛད་གསོལ། །བཅོམ་ལྡན་བཛྲ་ཝཱ་ར་ཧི། །ཁྱོད་ཞབས་དྲན་པས་འཇིགས་པ་ཀུན། །ཞི་བར་རྒྱུད་ལས་གསུངས་མོད་ཀྱང་། །ཁྱོད་ཉིད་ཡི་དམ་བྱེད་པ་རྣམས། །འཇིགས་པ་དུ་མས་འཚེ་བ་གཟིགས། །ད་ནི་འཇིགས་པ་བསལ་དུ་གསོལ། །མ་ཧཱ་ཀཱ་ལ་རྡོ་རྗེ་བེར། །མ་གཅིག་ལྷ་མོ་རང་བྱུང་མ། །སྒྲུབ་ཐབས་ལ་སོགས་མི་ཤེས་ཀྱང་། །ཇི་སྲིད་བསྟན་པ་གནས་ཀྱི་བར། །རྗེས་འཇུག་ཕྲིན་ལས་བསྒྲུབ་པ་དང་། །གདན་ས་སྐྱོང་བར་ཞལ་བཞེས་ལྟར། །ད་ནི་དམ་བཅའ་མ་བསྙེལ་བར། །བསྟན་པ་མྱུར་དུ་རྒྱས་པར་མཛོད། །རྩ་བརྒྱུད་བླ་མའི་ཐུགས་རྗེ་དང་། །ཡི་དམ་ཆོས་སྐྱོང་ནུས་མཐུ་ཡིས། །སྒྲུབ་བརྒྱུད་བསྟན་པ་འཕེལ་བ་དང་། །བསམ་པ་ཡིད་བཞིན་འགྲུབ་གྱུར་

― CMR051_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །ཅེས་པ་འདི་ནི་རིང་པོར་མི་ཐོགས་པར་རྒྱལ་བ་ཡབ་སྲས་མཇལ་བའི་ལྟས་ཤིག་རྨིས་པས་སྤྲོ་བ་སྐྱེས་ཏེ་བྲིས་པའོ།། ༈ །།ན་མོ་གུ་རུ་ཧཱུྃ་ཀ་ལ་ཛྭ་ལ་རཾ། སྣང་བ་མཐའ་ཡས་ཐུགས་རྗེས་མཁའ་ཀློང་ནས། །པདྨ་འབྱུང་གནས་མཁྱེན་བརྩེའི་དཀྱིལ་འཁོར་རྒྱས། །སྤྲུལ་པའི་འོད་ཟེར་འགྲོ་བའི་མུན་སེལ་བ། །ལས་འཕྲོ་གླིང་པའི་ཞབས་ལ་གསོལ་བ་འདེབས། ། ཧཱུྃ་ནག་མེ་འབར་སྣང་སྲིད་འདུལ་བའི་གཉེན། །རྫུ་འཕྲུལ་མཐུ་སྟོབས་ཐོགས་མེད་གློག་ལྟར་འཁྱུགས། །གང་འདུལ་དེར་སྟོན་སྤྲུལ་པའི་རིག་འཛིན་མཆོག །འཇའ་ཚོན་སྙིང་པོའི་ཞབས་ལ་གསོལ་བ་འདེབས། །ཁྱེད་ལ་གསོལ་བ་བཏབ་པའི་བྱིན་རླབས་ཀྱིས། །བར་ཆད་རྐྱེན་ངན་ཐམས་ཅད་ཞི་བ་དང་། །སྤྲོས་བྲལ་རྫོ་གས་ཆེན་རྟོགས་པ་མངོན་གྱུར་ནས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །ཞེས་པ་ཞི་ཁྲོའི་དབང་ཁྲིད་དུས། ནུབ་གཅིག་རིག་འཛིན་འཇའ་ཚོན་སྙིང་པོ་པད་ཞྭ་ཆོས་གོས་སོགས་རབ་བྱུང་གི་ཆ་ལུགས་རྟ་ལ་ཆིབས་ནས་ཆུ་བོ་རབ་ཏུ་རྒྱས་པ་ལ་རྫུ་འཕྲུལ་ཉ་ལྟར་འཕྱོ་བ་ཞིག་རྨི་ལམ་དུ་མཇལ་བས་གསོལ་བ་བཏབ་པའོ།། ༈ །།ན་མོ་ཤཱཀྱ་མུ་ན་ཡེ། སྟོབས་བཅུའི་མངའ་བདག་བཅོམ་ལྡན་འདས། །བཅོམ་ལྡན་ཤཱཀྱ་

― CMR051_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པ་ལ། །རྟ་རྣམས་སྐྱབས་སུ་མཆི་ལགས་པས། །རྟ་ནད་ཀུན་ལ་བསྲུང་དུ་གསོལ། །ས་གནས་བྱང་ཆུབ་སེམས་དཔའ་ཆེ། །ཅང་ཤེས་ཉི་མའི་སྙིང་པོ་ལ། །རྟ་རྣམས་སྐྱབས་སུ་མཆི་ལགས་སོ། །རྟ་འདི་རྣམས་ལ་སྐྱབས་སུ་གསོལ། །རྟ་མཆོག་རྒྱལ་པོ་ཧེ་རུ་ཀ །འཕགས་པ་རྟ་མགྲིན་རྒྱལ་པོ་ཡིས། །རྟ་འདི་རྣམས་ཀྱི་བར་ཆད་སོལ། །ཉི་མའི་སྲས་པོ་གཟི་བརྗིད་ཅན། །འཕགས་པ་རེ་མནྟ་ཁྱོད་ཀྱིས། །རྔོག་ཆགས་འདི་རྣམས་བསྲུང་བ་དང་། །སྐྱབས་ཤིང་སྤེལ་བའི་ཕྲིན་ལས་མཛོད། །གནོད་སྦྱིན་ཆེན་པོ་ཀུ་བེ་ར། །སྔོན་གྱི་དམ་བཅའ་མ་གཡེལ་བར། །བདག་གི་རྔོག་ཆགས་འདི་རྣམས་ཀྱི། །སྲུང་སྐྱོབ་འཚོ་རྫི་མ་གཡེལ་ཞིག །སྐྱེས་བུ་བཛྲ་སཱ་དྷུ་ཁྱོད། །རང་གི་འོག་རྟ་གྲྭ་ཁལ་ལ། །འཚོ་རྫི་བསྲུང་སྐྱབས་མ་གཡེལ་ཞིག །རྟ་ནད་ནོར་ནད་ལ་སོགས་པ། །འཁོར་བའི་སྡུག་བསྔལ་ནད་དང་གདོན། །བདེན་པར་མ་གྲུབ་སྟོང་པ་ཉིད། །སྤྲོས་བྲལ་ཕྱག་རྒྱ་ཆེན་པོའི་ངང་། །སྐྱེ་འགགས་གནས་པའི་མཐའ་དང་བྲལ། །རོ་གཅིག་ཆོས་སྐུ་ངང་དུ་ཐིམ། །སྟོང་ཉིད་ངང་དུ་ལམས་སེ་ལམ། །སྐྱེ་མེད་ངང་དུ་ཐ་ལ་

― CMR051_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །གང་ཤར་རང་སྣང་ངོ་བོ་སྟོང་། །ཡུམ་ཆེན་ཀློང་དུ་བཛྲ་མུཿ །ཞེས་པ་རྟ་ནད་ཀྱི་འཚེ་བ་ཞིག་བྱུང་དུས་སྨྲས་སོ། ༧ །དེ་ལྟར་རྟ་ཕྱུགས་ནད་དང་ཐོག་སེར་སོགས། །ཆོ་འཕྲུལ་ཆེ་ཡང་ཉེས་སྐྱོན་མ་བྱུང་ཞིང་། །ཞག་པོ་བཅོ་བརྒྱད་དབང་ཁྲིད་འགྲོ་དོན་འཕེལ། །དགེ་བ་ཁས་ལེན་བྱེད་པ་ཙམ་དུ་བྱུང་། །དེ་ཚེ་འགྲོ་དོན་འགྲུབ་པའི་ནུབ་བར་ལ། །ཉམས་དགའི་དབྱངས་ཆུང་འདི་ལྟར་འཐེན་པར་བྱས། ན་མོ་ལོ་ཀི་ཤྭ་ར་ཡེ། ། བླ་མ་ཡི་དམ་དབྱེར་མེད་པའི། །རྒྱལ་བ་རྒྱ་མཚོ་སྤྱན་རིས་གཟིགས། །བསླུ་མེད་སྐྱབས་ཀྱི་དམ་པར་བཟུང་། །ཅི་མཛད་ཁྱེད་ཤེས་བློ་སྙིང་གཏད། །མཐོང་ཐོས་འབྲེལ་ཐོགས་འགྲོ་བ་རྣམས། །བདེ་ཆེན་ཞིང་དུ་ཁྲིད་པ་ཡི། །སེམས་བསྐྱེད་སྨོན་ལམ་རྒྱ་ཆེན་བཏབ། །གསར་རྙིང་བཀའ་གཏེར་དབང་དང་ཆོས། །རྒྱ་ཆེར་སྤེལ་བའི་གོ་ཆ་ཡི། །ངལ་དུབ་དཀའ་ཚེགས་ཁྱད་དུ་བསད། །མཁར་དམར་མདོ་རུ་འོང་ཙ་ན། །དུས་ངན་སྙིགས་མའི་དུས་བབ་པས། །མི་ནད་ཕྱུགས་ནད་ཕྱོགས་ཀུན་ཁྱབ། །ཆུ་འཁྱག་སེར་བ་ཡང་ཡང་ཚ། །སྒར་ལ་གནམ་ལྕགས་ཐོག་མདའ་ཚད། །དེ་འདྲ་རྩུབ་སློང་ཆེ་བའི་ཚེ། །རྣལ་འབྱོར་རཱ་ག་ཨ་སྱ་བདག །མ་རྒན་འགྲོ་ལ་བྱམས་པ་དང་། །སྙིང་རྗེའི་དབང་གིས་

― CMR051_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

མཆི་མ་འཁྲུགས། །ལུས་ནི་ཡི་དམ་ལྷ་ཡི་སྐུ། །སྣང་སྟོང་སྒྱུ་མར་རྫོགས་ལ་ཞེན། །ངག་ནི་སྙིང་པོ་ལྷ་ཡི་སྔགས། །བཟླས་བརྗོད་ཆོས་བཤད་རྒྱུན་ཆད་མེད། །སེམས་ནི་བསྐྱེད་རྫོགས་ཟུང་དུ་འཇུག །འདི་བསྒོམ་གཏད་སོ་མེད་པར་བཞག །ཚོགས་དང་གཏོར་མ་མཆོད་པ་ཡིས། །རྩ་གསུམ་ལྷ་ཡི་ཐུགས་རྒྱུད་བསྐུལ། །དེ་ཚེ་ལྷ་དང་མཁའ་འགྲོ་ཡི། །ཐུགས་རྗེ་བྱིན་རླབས་ཅུང་ཟད་བྱུང་། །ནད་གདོན་འཇིགས་པའི་འཕྲང་ལས་ཐར། །གནམ་ལྕགས་ཐོག་མདའ་གཞན་དུ་འཁྱར། །མཁའ་ལ་ཉིན་གང་འཇའ་སྤྲིན་འཁྲིགས། །མཚན་མོ་སྒར་ལ་འཇའ་གུར་ཟུག །མར་མེ་ལན་གྲངས་འགའ་རེ་འཛིན། །དབང་ཁྲིད་དགེ་བ་ཁས་ལེན་འཕེལ། །དཀར་པོའི་ཕྱོགས་ཀྱི་མི་མ་ཡིན། །དད་ཅིང་འདུན་པའི་རྨིས་ལྟས་མཐོང་། །ཁྱད་པར་ཆོས་ར་ཚར་བའི་དུས། །ཕྱི་རུ་ནམ་མཁའ་གཡའ་དག་ཅིང་། །ནང་དུ་སེམས་ཉིད་མཁའ་ལྟར་དག །བར་དུ་ཚོགས་དྲུག་སྣང་བ་འདི། །ཆུ་ཟླ་འཇའ་ཚོན་བཞིན་དུ་མཐོང་། །འདུ་འཚོགས་ཟང་ཟིང་འུར་སྒྲིབ་ཀུན། །རྨི་ལམ་སྒྱུ་མ་ལྟ་བུར་མཐོང་། །གདུལ་བྱ་ནོར་དང་ལོངས་སྤྱོད་ནི། །

― CMR051_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཆར་པ་བཞིན་དུ་བབས་ན་ཡང་། །དཀོན་མཆོག་ཕྱོགས་སུ་ཨེ་ཐེང་བསམ། །བདག་ཏུ་བཟུང་བ་ཅུང་ཟད་མེད། །སྙིང་ནས་གཞན་དོན་བྱེད་བསམ་པས། །ངན་སོང་ལྟུང་ཡང་སྐྲག་པ་མེད། །དབང་ཁྲིད་གདམས་པ་སྣ་ཚོགས་པ། །འགྲོ་ལ་ཨེ་ཕན་མ་གཏོགས་པ། །གདམས་ངག་ནོར་ལ་བཙོང་བསམ་མེད། །ལམ་དུ་ལུང་བསྟན་ཚིག་འགའ་རེ། །བྱུང་བ་ཐོག་ཏུ་བབ་གྱུར་ཀྱང་། །རྟེན་འབྲེལ་ཆོས་ཉིད་མཚར་བསམ་ལས། །མཆོག་འཛིན་ང་རྒྱལ་སྐྱེས་པ་མེད། །ད་དུང་ལོ་ཤས་འགྲོ་དོན་ལ། །སྐྱོ་དུབ་མེད་པར་བྱེད་པར་སྨོན། །བསམ་པ་ལྷུན་གྱིས་འགྲུབ་པར་ཤོག །ཅེས་སྨྲས་སོ།། །།ས་ཆ་དེ་རུ་གེ་མོ་ཆུང་ཚང་དང་། །བ་སོགས་ཤོག་ཁས་བརྒྱ་འབུལ་རེ་རེ་བཀྱགས། །དད་འདུན་ཆེ་ཞིང་བརྗེ་འགའ་རེ་བྱུང་། །ཞི་ཁྲོའི་དབང་ཁྲིད་ལེགས་པར་ཚར་བའི་དོན། །ན་མོ་བཛྲ་སཏྭ་ཧཱུྃ། ཆོས་ཕུང་བརྒྱད་ཁྲི་བཞི་སྟོང་བཅུད། །ཐེག་པ་རིམ་པ་དགུ་ཡིས་རྩེ། །དམ་ཆོས་དགོངས་པ་རང་གྲོལ་གྱི། །དབང་ཁྲིད་འབྲིང་པོ་མཐའ་རུ་ཐོན། །མར་མེ་སྟོང་ཕྲག་གཉིས་ཙམ་སོགས། །བཀའ་བརྒྱུད་ཀུན་གྱི་ཐུགས་ཀྱི་བཅུད། །ལྔ་ལྡན་ཉུང་ཁྲིད་བློ་ནས་བཤད། །ཁྲིད་དཔེ་ལུང་འདྲེན་མ་ལྟོས་

― CMR051_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

པར། །སྣང་བ་དཔེ་རུ་ཤར་བ་འདྲ། །ཐ་མལ་སྐྱེ་བོ་འགའ་རེ་ལ། །སེམས་ལ་དམ་ཆོས་གླེན་རེས་བབས། །བཀའ་བརྒྱུད་བྱིན་རླབས་ཡིན་ནོ་བསམ། ། གཞན་ལ་དབང་ལུང་མང་དྲགས་ཀྱང་། །རང་གི་ཉམས་རྟོགས་འགྲན་ས་མེད། །ནད་ཅན་གདོན་ཅན་མང་པོ་ལ། །བཀའ་བསྒོ་བྱིན་རླབས་མང་དྲགས་ཀྱང་། །རང་ལ་གྲིབ་ཀྱིས་གོས་པ་མེད། །རང་ལ་ཡོན་ཏན་ཆེར་མེད་ཀྱང་། །གཞན་གྱིས་སངས་རྒྱས་འདྲ་བར་མཐོང་། །རང་ལ་མཁོས་ཁ་མེད་ན་ཡང་། །གཞན་གྱིས་ས་སྟེང་ཆོས་རྗེར་མཐོང་། །བདུད་འདུལ་རྡོ་རྗེའི་གསུངས་པ་ལྟར། །འགྲོ་དོན་དུས་བབས་ཡིན་ནོ་སྙམ། །ཞི་ཁྲོའི་དབང་ཁྲིད་བྱེད་པའི་ཚེ། །རང་ལུས་རྡོ་རྗེ་སེམས་དཔའི་སྐུ། །དམ་པ་རིགས་བརྒྱ་ལུས་ལ་རྫོགས། །མེ་ལོང་གཟུགས་བརྙན་བཞིན་དུ་བསྒོམ། །གཞན་ལ་དེ་འདྲའི་གདམས་པ་བསྟན། །ཕྱག་རྫོགས་དབྱེར་མེད་སྤྲོས་དང་བྲལ། །བསྒོམ་བྱ་སྒོམ་བྱེད་བློ་དང་བྲལ། །འདི་བསྒོམ་གཏད་སོ་མེད་པ་རུ། །ཁྲེགས་ཆོད་ཐ་མལ་རྗེན་པར་བུད། །སྣང་བ་ཆུ་ཟླ་འཇའ་ཚོན་བཞིན། །འཛིན་མེད་སྒྱུ་མ་ལྟ་བུར་བཞག །དེ་ཚེ་ཆབ་རོམ་ཆུར་ཞུ་བཞིན།

― CMR051_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་སྲིད་འཁོར་འདས་ཆོས་རྣམས་ཀུན། །སྟོང་ཉིད་ངང་དུ་རོ་གཅིག་འདྲེས། །ཉམས་ཀྱི་རོ་གཅིག་ཡིན་ནམ་སེམས། །དྲིན་ཅན་བླ་མའི་ཐུགས་རྗེ་ཡིས། །རྟོགས་པའི་རོ་གཅིག་འཆར་བ་དང་། །ཆུ་བོའི་རྒྱུན་གྱི་རྣལ་འབྱོར་པ། །མྱུར་དུ་འབྱུང་བར་བྱིན་གྱིས་རློབས། །ཞེས་པའང་དེ་དུས་སྨྲས་པ་དགེ་ལེགས་ཤོག། ༈ །།ན་མོ་གུ་རུ་པུརྱ་རཏྣ་ཡེ། ཤཱཀྱའི་རྒྱལ་པོའི་ལུང་བསྟན་པའི། །ཕྱག་རྒྱ་ཆེན་པོའི་བསྟན་པའི་བདག །མཉམ་མེད་ཟླ་འོད་གཞོན་ནུ་ལ། །མི་འབྲལ་སྙིང་ནས་གསོལ་བ་འདེབས། །ཁྱེད་ཀྱི་རྗེས་འཇུག་རྣལ་འབྱོར་བདག །ཁྱེད་ཀྱི་ཐུགས་རྗེའི་བྱིན་རླབས་ཀྱིས། །ཐ་མལ་ཤེས་པ་རྗེན་པར་རྟོགས། །ཁྱེད་ཀྱི་རྣམ་ཐར་བསྐྱང་འདོད་པས། །སྤྱོད་པ་བཀའ་གདམས་ལུགས་བཞིན་བྱས། །ལྟ་བ་ཕྱག་ཆེན་སྙིང་ལ་འཆང་། །བསམ་པ་བྱང་ཆུབ་སེམས་བསྐྱེད་སྦྱངས། །རྒྱལ་བས་ལུང་བསྟན་མཆོག་གི་ཞྭ། །ཞྭ་ཡང་ཁྱེད་ཀྱི་ལུགས་འདི་གྱོན། །རང་གིས་ཉམས་སུ་ལེན་པ་དང་། །གཞན་ལ་ཕན་སེམས་འཆང་བ་དང་། །ཁྱེད་ཀྱི་བཀའ་སྲོལ་ཇི་བཞིན་དུ། །ཟབ་མོ་ལྔ་ལྡན་ཁོག་ཕུབ་སྟེ། །མན་ངག་མཆོག་གི་དམ་པར་

― CMR051_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས། །དེ་ལ་གདེང་ཚད་ཅུང་ཟད་ཤར། །ཉམས་ལེན་དགེ་སྦྱོར་གང་བྱེད་དང་། །འདུས་བྱས་དགེ་བ་གང་བསྒྲུབ་པ། །འགྲོ་ཀུན་སངས་རྒྱས་ཐོབ་ཕྱིར་ལས། །རང་དོན་ཁོ་ནར་མ་དམིགས་པས། །སེམས་བསྐྱེད་བསྒོམ་པའི་གྲུབ་རྟགས་ཡིན། །མདོ་ལུགས་གྲུབ་རྟགས་ངོ་མཚར་ཆེ། །ལམ་ལྔའི་སྣེ་མོ་ཟིན་ངེས་པས། །དངོས་རྟགས་ཐེག་ཆེན་མདོ་དང་མཐུན། །ཡི་དམ་ལྷ་སྐུ་བསྒོམ་ཙམ་ན། །སྣང་ལ་རང་བཞིན་མ་གྲུབ་པ། །ཆུ་ཟླ་ནམ་མཁའི་འཇའ་ཚོན་ལྟར། །སྦྱང་གཞི་སྦྱོང་བྱེད་ངོ་ཡང་ཤེས། །འདི་ནི་བསྐྱེད་རིམ་གྲུབ་རྟགས་ཡིན། །བར་དོར་ལོངས་སྐུ་ཐོབ་པ་ཡི། །རྟགས་མཚན་ཡིན་པར་རྒྱུད་ལས་གསུངས། །དྲིན་ཆེན་ཆོས་ཀྱི་དབང་ཕྱུག་དེ། །འབྲལ་མེད་སྤྱི་བོའི་གཙུག་ཏུ་བཀོད། །རྒྱལ་བ་འོད་དཔག་མེད་པ་དངོས། །ཡིན་ལ་ཡིན་པའི་ངེས་ཤེས་ཀྱིས། །མཁས་བཙུན་བཟང་དགུ་སུ་མཐོང་ཡང་། །དེ་ཡི་སྤྲུལ་པ་ཡིན་སེམས་ལས། ། དེ་བས་ལྷག་པ་ཡོད་མི་སེམས། །དེ་ནི་མོས་གུས་བསྒོམ་པ་ཡི། །གྲུབ་རྟགས་ཡིན་པར་བཀའ་བརྒྱུད་གསུངས། །ལྟ་བ་རྟག་ཆད་མུ་བཞི་དང་། །འཇིགས་ཚོགས་ལྟ་བ་ཉི་ཤུ་

― CMR051_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ལྟ་ལོག་སུམ་བརྒྱ་དྲུག་ཅུ་དང་། །གྲུབ་མཐའ་བཞི་ཡི་ལྟ་བ་དང་། །ཐེག་རིམ་དགུ་ཡི་ལྟ་བ་སོགས། །མི་མཐུན་རྒྱ་ཆེན་གྲངས་མང་ཡང་། །ཐམས་ཅད་ཆུ་ལ་ཆུ་བཞག་ལྟར། །སྤྲོས་བྲལ་ཆོས་སྐུའི་ཀློང་དུ་ཐིམ། །བལྟ་བྱ་ལྟ་བྱེད་རང་སར་ཞི། །བྱ་བ་གྲུབ་པའི་སྐྱེས་བུ་བཞིན། །རང་གར་བཞག་པས་ཆོག་པར་བྱུང་། །བཤད་རྒྱུད་ཟད་པ་མ་མཆིས་ཀྱང་། །རང་གི་ཉམས་ལེན་ངོ་བོ་འདི། །གཞན་ལ་ཇི་བཞིན་བཤད་མ་ཤེས། །ཡིད་ལ་གསལ་ཡང་སྨྲ་བརྗོད་བྲལ། །འོན་ཀྱང་གང་དྲན་སྨྲས་པ་དེས། །ཁྲོམ་པ་འགའ་རེ་འཕྲིགས་ཚུད་ནས། །གནས་འགྱུ་བསྲུང་བདེ་འགའ་རེ་སྣང་། །རང་སེམས་རྗེན་པར་རྟོགས་པ་དེ། །ཕྱག་ཆེན་བསྒོམ་པའི་གྲུབ་རྟགས་ཡིན། །རང་གཞན་དགེ་རྩ་ཐམས་ཅད་པ། །ཉམས་ལེན་ངང་ནས་བསྔོ་བྱེད་ཅིང་། །དག་པའི་ཞིང་དུ་སྐྱེ་བ་དང་། །བྱང་ཆུབ་ཐོབ་ཕྱིར་མ་གཏོགས་པ། །ལྷ་མི་བདེ་སྐྱིད་འདོད་པ་དང་། །ཉན་རང་ས་རུ་མ་བསྔོས་པ། །བསྔོ་བ་བྱས་པའི་གྲུབ་རྟགས་ཡིན། །ལོངས་སྤྱོད་ཆར་ལྟར་བབ་ན་ཡང་། །ཆོས་ཕྱོགས་ཨེ་ཐེང་བསམ་པ་ལས། །འཚགས་འདོད་བདག་བཟུང་མེད་པ་

― CMR051_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

འདི། །ཞེན་ལོག་བསྒོམ་པའི་གྲུབ་རྟགས་ཡིན། །དབང་ལུང་གདམས་པ་ཟབ་དགུའི་ཚོགས། །སྤེལ་ས་གང་རྙེད་བྱས་ན་ཡང་། །གཞན་ཕན་གང་ཆེ་བསམ་པ་ལས། །ཡོན་དང་མཎྜལ་མི་སེམས་པ། །འགྲོ་དོན་བྱས་པའི་གྲུབ་རྟགས་ཡིན། །བདུད་འདུལ་རྡོ་རྗེའི་ས་གཏེར་དང་། །མི་འགྱུར་རྡོ་རྗེའི་གནམ་ཆོས་ལས། །ལས་ཅན་ཆོས་ཀྱི་བདག་པོ་རུ། །སྤྲང་རྒན་ཁོ་བོ་ལུང་བསྟན་པ། །ལས་འཕྲོ་བཟང་བའི་གྲུབ་རྟགས་ཡིན། །དེ་ལྟར་གྲུབ་རྟགས་བརྒྱད་པོ་དེ། །མདོ་རྒྱུད་རྒྱལ་བའི་གསུང་དང་མཐུན། ། དེ་ལ་ལྷད་མེད་གསེར་དང་འདྲ། །དེ་མིན་ཐུན་མོང་གྲུབ་རྟགས་ཀྱང་། །གར་བསྡད་འཇའ་གུར་ཕུབ་པ་དང་། །ཉམས་དང་རྨི་ལམ་མཚམས་ཤེད་དུ། །ལེགས་ཉེས་ལུང་དུ་སྟོན་པ་དང་། །སོ་ལ་རིང་བསྲེལ་བྱུང་བ་དང་། །གཏོར་མ་མར་མེ་ཡོན་ཆབ་འཛིན། །ཉམས་དང་རྨི་ལམ་ལན་མང་དུ། །ཡི་དམ་ཆོས་སྐྱོང་ཞལ་གཟིགས་དང་། །ཞི་རྒྱས་དབང་དྲག་ལས་ཕྲན་རྣམས། །དམིགས་པ་གཏད་པས་ཕལ་ཆེར་འགྲུབ། །དེ་འདྲ་མང་དུ་མཆིས་ན་ཡང་། །བར་ཆད་དངོས་གྲུབ་འབྱེད་དཀའ་བས། །མཆོག་ཏུ་མི་འཛིན་

― CMR051_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་སྙོམས་བཞག །ཕྱི་ལྟར་དགེ་སློང་འདུལ་ཁྲིམས་ལྡན། །ནང་ལྟར་བསྐྱེད་རྫོགས་ཟུང་དུ་འཇུག །གསང་བར་རང་སེམས་ངོ་བོ་རྟོགས། །བྱ་བ་གཞན་ཕན་སྙིང་ནས་བསམ། །དེང་སངས་སྙིགས་མའི་མཐར་ཐུག་ལ། །ཆོས་པའི་གྲལ་མཐར་བསླེབས་པ་ཙམ། །གྲུབ་རྟགས་མེད་ཀྱང་འགྱོད་པ་མེད། །བདུད་ཀྱིས་བྱིན་གྱིས་རླབས་པ་དང་། །རྫས་སྣ་ཕྱུག་པའི་སྦྱོར་སྡེ་དང་། །མི་མ་ཡིན་པའི་གྲོགས་བྱེད་དང་། །མངོན་ཤེས་གྲུབ་རྟགས་ལྟར་སྣང་ལ། །ཁོ་བོ་ཞེ་འདོད་མེད་པའོ། །བདུད་ཀྱིས་བྱིན་གྱིས་བརླབས་པ་དང་། །རྫ་སྣ་ཕྱུག་པའི་སྦྱོར་སྡེ་དང་། །མི་མ་ཡིན་པས་གྲོགས་བྱེད་པའི། །མངོན་ཤེས་གྲུབ་རྟགས་ལྟར་སྣང་ལ། །ཁོ་བོ་ཞེ་འདོད་མི་སྐྱེའོ། །སྤྱན་ལྔ་མངོན་པར་ཤེས་པ་དྲུག །དབང་བཅུ་སྟོབས་བཅུའི་གྲུབ་རྟགས་ནི། །ནམ་ཞིག་འགྲུབ་པར་སྨོན་ལམ་འདེབས། །བཏབ་པ་བཞིན་དུ་འགྲུབ་པར་ཤོག །ཅེས་པ་འདི་ནི་མཁར་དམར་མདོར། །ཕྱག་ཆེན་ལྔ་ལྡན་ཁྲིད་འཛུགས་དུས། །བརྒྱ་འབུལ་འགའ་ཟུང་བྱུང་བའི་ཚེ། །བན་ཆུང་བཟོད་པའི་རྨི་ལམ་དུ། །མདང་ནི་མི་འགས་ཁྱེད་ལ་ནི། །བརྒྱ་འབུལ་བཀྱག་ཅིང་འདུག་པ་ལ། །བརྒྱ་འབུལ་བཀྱག་དུས་གྲུབ་རྟགས་ནི། །བཞག་རེ་ཡོད་

― CMR051_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་བདག་གིས་ནི། །གྲུབ་རྟགས་མི་དགོས་གསུངས་ནས་ནི། །བསྔོ་བ་བྱེད་ཅིང་བཞུགས་རྨིས་ཟེར། །དེ་ལ་མཚར་སྣང་བྱུང་ནས་བྲིས། ༧ །དེ་ནས་དབོན་པོ་ལྷ་འབུམ་གྱིས། །སྔར་ནས་སྙན་ཞུས་ཡོད་པ་དང་། ། ཞལ་ངོ་གཅིག་གིས་ཐོན་གསུང་ཞིང་། །གེ་མོ་དབོན་པོ་ཁུ་ཚན་དང་། །པར་ངེ་བླ་མ་ལ་སོགས་ཀྱིས། །འཕྲལ་དུ་བསྙེན་བཀུར་མཛད་པའི་ཚེ། །རྟེན་འབྲེལ་ལེགས་ཚོགས་འགྲིགས་པ་དང་། །རྨི་ལམ་དུ་ཡང་དེ་ཕྱོགས་སུ། །དབང་ལུང་འཕེལ་བའི་ལྟས་བྱུང་བས། །སྒར་པ་རྡོར་ཤུལ་ནང་དུ་ཐེག །གཟར་ཐུང་ལ་མདའ་སྒར་ཞག་པས། །རྟ་ཞིག་འཐིང་ནས་བཞག་དགོས་བྱུང་། །དེ་ལ་དམིགས་པ་ཅུང་ཟད་གཏད། །ཉིན་གུང་ཉམས་སྣང་ཟ་ཟི་ལ། །མོ་གདོན་ཡིན་ནམ་སྙམ་པ་ཡི། །རྒན་མོ་མགོ་སེ་ཤ་ཆེ་བ། །ལུས་ནི་གོས་མེད་གཅེར་བུ་གཅིག །ཆེ་ཆུང་མི་ལས་སུམ་ལོག་ཆེ། །མདུན་དུ་ཙོག་པུར་འདུག་ནས་ཀྱང་། །རྟ་ནི་འཐིང་ནས་ལུས་པ་དེ། །ཁྱེད་རང་ཉིད་ཀྱི་སྐུ་གླུད་དང་། །ནོར་ཕྱུགས་རྣམས་ཀྱི་གླུད་ཡིན་པ། །ཕན་ནི་ཕན་ཏེ་ད་ཟེར་ནས། །ད་རྟ་དེ་ཤི་ན་ལེགས་རྒྱུ་ཡིན། །གཏམ་གཅིག་ཟེར་ཏེ་བདེན་འཛིན་མེད། །མོ་ཡི་ཁ་ལ་ཡིད་མ་ཆེས། །ན་མོ་གུ་རུ་ཨཱ་ཡུ་ཛྷ་ན་ཡེ། གནས་ནུབ་ཕྱོགས་བདེ་བ་ཆེན་པོ་ནས། །མགོན་པོ་ཚེ་དཔག་མེད་ལ་གསོལ་བ་འདེབས། །བུ་མི་འགྱུར་རྡོ་རྗེ་ཞབས་བརྟན་ཅིང་། །རྐྱེན་བར་ཆད་མེད་པར་བྱིན་གྱིས་རློབས། །གནས་པོ་

― CMR051_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

ཊ་ལ་ཡི་ཕོ་བྲང་ནས། །མགོན་པོ་སྤྱན་རས་གཟིགས་ལ་གསོལ་བ་འདེབས། །བུ་མི་འགྱུར་རྡོ་རྗེ་ཞབས་བརྟན་ཅིང་། །རྐྱེན་བར་ཆད་མེད་པར་བྱིན་གྱིས་རློབས། །གནས་ཟངས་མདོག་དཔལ་གྱི་རི་བོ་ནས། །མགོན་ཨོ་རྒྱན་རྗེ་ལ་གསོལ་བ་འདེབས། །བུ་མི་འགྱུར་རྡོ་རྗེ་ཞབས་བརྟན་ཅིང་། །རྐྱེན་བར་ཆད་མེད་པར་བྱིན་གྱིས་རློབས། །གནས་དག་པ་མཁའ་སྤྱོད་ཞིང་ཁམས་ནས། །མ་ཡེ་ཤེས་མཚོ་རྒྱལ་ལ་གསོལ་བ་འདེབས། །བུ་མི་འགྱུར་རྡོ་རྗེ་ཞབས་བརྟན་ཅིང་། །རྐྱེན་བར་ཆད་མེད་པར་བྱིན་གྱིས་རློབས། །གནས་འོག་མིན་ཆོས་དབྱིངས་ཕོ་བྲང་ནས། །ལྷ་བཀའ་དགོངས་ཕུར་གསུམ་ལ་གསོལ་བ་འདེབས། །བུ་མི་འགྱུར་རྡོ་རྗེ་ཞབས་བརྟན་ཅིང་། །རྐྱེན་བར་ཆད་མེད་པར་བྱིན་གྱིས་རློབས། །གནས་ཐོད་མཁར་མེ་རླུང་འཚུབ་དཀྱིལ་ནས། །མགོན་མ་ནིང་སྡེ་ལྔ་ལ་གསོལ་བ་འདེབས། །བུ་མི་འགྱུར་རྡོ་རྗེ་ཞབས་བརྟན་ཅིང་། །རྐྱེན་བར་ཆད་མེད་པར་བྱིན་གྱིས་རློབས། །སྐྱབས་རྩ་བ་གསུམ་གྱི་ཐུགས་རྗེ་དང་། །སྔོན་ཐུགས་བསྐྱེད་སྨོན་ལམ་བདེན་སྟོབས་དང་། །མི་བདག་གི་གསོལ་བ་བཏབ་པའི་མཐུས། །བདག་བསམ་པ་ལྷུན་

― CMR051_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་འགྲུབ་གྱུར་ཅིག །ཅེས་པ་སྟེ་སྟོད་ཆོས་རའི་དུས། རྒྱལ་པོ་བྱི་བའི་ལོ། ཁྲུམས་ཟླ་བའི་ཚེས་བཅུ་ལ་རིག་སྔགས་འཆང་བའི་རྣལ་འབྱོར་པ་རཱ་ག་ཨ་སྱས་གསོལ་བ་བཏབ་པའོ། །མངྒ་ལཾ།། ༈ །།དེ་ནས་སྐེ་སྟོད་ས་ཆ་དེར། ཞི་ཁྲོ་དབང་ཁྲིད་སྦྲེལ་མ་དང་། །ཉུང་ཆོས་ལྷན་ཅིག་སྐྱེས་སྦྱོར་བཙུགས། །ཁྲོམ་པ་སྟོང་དང་སུམ་བརྒྱ་ལྷག །བླ་ཚང་བླ་མ་ཁུ་དབོན་དང་། །རི་པ་ཁག་དང་པར་ངེ་བ། །སེར་རུ་ལ་སོགས་སེར་མོ་བ། །དབང་ལུང་མང་དུ་འཕེལ་བ་དང་། །སྐྲ་ཕུད་ཕུལ་བའི་བན་ཆུང་མང་། །དགེ་ཚུལ་ཡང་ནི་བཅོ་ལྔ་བསྒྲུབས། །སྒར་ལ་འཇའ་ཚོན་ལན་འགའ་ཟུག །ཟུག་པ་འགའ་རེས་མཐོང་བར་འདུག །ཁྲོམ་པ་ནད་མེད་བདེ་བ་བྱུང་། །ཉམས་དང་རྨི་ལམ་མཚམས་ཤེད་དུ། །བཀའ་སྲུང་ལྷ་མོ་དེ་ཉིད་ནི། །ཆས་བཟང་རིན་ཆེན་རྒྱན་ཕྱུག་པ། །ལན་གྲངས་མང་དུ་མཐོང་བ་བྱུང་། །གཞི་བདག་ཡིན་ནམ་སྙམ་པ་ཡི། །མི་སྐྱ་རལ་པ་ཅན་མང་པོ། །མདུན་དུ་བྱུང་བས་གུས་འདུད་བྱེད། །རིན་ཆེན་དངུལ་ནི་ཁོ་ན་ཡིས། །བརྒྱན་པའི་བུད་མེད་མཛེས་སྡུག་གཅིག །མདུན་དུ་བྱུང་ནས་ཕྱག་གསུམ་འཚལ། །དེ་འདྲ་ཉམས་རྨི་མཚམས་སུ་མཐོང་། །འོད་གསལ་ཟིན་པའི་ངང་དེ་ལ། །ས་ཕྱོགས་རྒྱུས་མེད་འགའ་རེ་མཐོང་། །དངོས་སུ་བཅོས་མིན་སྙིང་རྗེ་ནི། །རང་དབང་མེད་པར་ཤུགས་ལ་སྐྱེས། །སྲོག་རླུང་ཅན་ཞིག་དམིགས་པས་གཟིར། །སྐྱེས་བུ་དང་ནི་སྤྲག་བཙན་གྱི། །གནོད་པ་ཡིན་པར་རྨི་ལམ་དུ། །གསལ་པོ་གཅིག་

― CMR051_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་ཐོས་ཤིང་མཐོང་། །རང་ཉིད་དྲུག་ཅུ་རེ་ལྔའི་བར། །མི་འཆི་འཚོ་བའི་ལྟས་ཤིག་བྱུང་། །འོན་ཀྱང་མི་རྟག་འཆི་བ་ཉིད། །བཅོས་མིན་འཆི་བས་ཡིད་བསྔངས་པ། །ཤུགས་འབྱུང་རྒྱུད་ལ་འཆར་བ་བྱུང་། །བརྒྱ་འབུལ་བྱེད་མི་མང་པོ་སོགས། །འདུ་ལོང་གདུལ་བྱ་ཆེ་བར་བྱུང་། །ཞལ་གདམས་སྨོན་ལམ་མང་དུ་བྲིས། །གནས་དེར་འགྲོ་དོན་ཆེན་པོ་འགྲུབ། །དེ་ནས་དབྱི་ཤོད་འཛི་ཆུའི་འགྲམ། །རི་གཉིས་ཐང་དུ་ཞག་གཉིས་བསྡད། །བླ་ཆེན་སྟོབས་ལྡན་གཅིག་གིས་ནི། །བདག་ལ་བདག་རྐྱེན་བྱེད་ཟེར་ནས། །གོས་ཆེན་དམར་པོ་གསར་པ་ཡི། །ཁེར་སོགས་བསྐོ་ཇ་གནང་བ་དང་། །མི་ནག་རལ་པ་ཅན་ཞིག་ལ། །བདག་གིས་དབང་ཞིག་བསྐུར་བྱས་ཀྱང་། །འབྲུ་ནི་ནག་པོ་འཐོར་བར་བྱས། །གཞན་ཡང་མི་གཞོན་མང་པོ་འགས། །གུ་རུ་ཞི་དྲག་ཞུ་ཟེར་ནས། །གུས་འདུད་ཆེན་པོ་བྱེད་པ་ལ། །ཞི་དྲག་དབང་ལུང་བྱས་རྨིས་ཏེ། །དཀར་ཕྱོགས་ལྷ་འདྲེ་ཡིན་ནམ་སེམས། །དེ་ནས་ཆུ་གར་ལ་རྩ་རུ། །རི་དམར་ཞིག་གི་ཞོལ་དུ་བསྡད། །ཉིན་གུང་ཉམས་ཀྱི་སྣང་བ་ལ། །དཔོན་རིགས་རལ་པ་ཕྲུག་སྔོན་ཅན། །ང་ཡི་སྔོན་དེར་བྱུང་བསྡད་ནས། །རྐང་པ་ཅུང་ཟད་ན་བ་ལ། །བྱིན་རླབས་བཀའ་བསྒོ་དགོས་ཟེར་བར། །བྱིན་རླབས་ལ་སོགས་བྱས་པར་སྙམ། །ཡུལ་དེའི་གཞི་བདག་ཡིན་ནམས་སེམས། །དེ་ནུབ་སྲོད་ཙམ་ཉམས་རྨིས་མཚམས། །ཚོང་དཔོན་དྲེལ་ཁྱུ་མང་པོ་ཅན། །ཕ་ཀི་ལམ་ནས་གཤར་སོང་བ། །ཀླུ་བདུད་དགེ་བསྙེན་ཡིན་ནམ་སེམས། །དེ་ནས་ལྡིག་གི་ས་ཡི་

― CMR051_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ། །མི་མགོ་ཐང་དུ་ཞག་གཉིས་བསྡད། །ཉིན་གུང་ཉམས་ཀྱི་སྣང་བ་ལ། །ཇོ་བོ་ཚོགས་བདག་གླང་སྣ་ཡིས། །གནོད་བྱེད་ཁྲུམ་ཁྲུམ་གསོལ་བར་མཐོང་། །དེ་ཡི་ལྷ་བདག་རཱ་ཛ་ཡིས། །ཕྱིར་ནང་འཁྲུག་རྩོད་བསླང་འདོད་པའི། །བསམ་པ་ཐུགས་ལ་རྒྱུ་ཚུལ་ཐོས། །དེ་ནུབ་ཉམས་དང་རྨི་ལམ་མཚམས། །དཔོན་རིགས་ཆས་བཟང་ཕྲུག་སྔོན་ཅན། །རྟ་ནི་དཀར་པོ་གཡུ་རྔོག་ཆིབས། །འཁོར་ཚོགས་སྐྱ་པ་འགའ་དང་བཅས། །གུས་པའི་ཚུལ་དུ་མདུན་ནས་བསྐོར། །དབང་ཁྲིད་འཛུགས་པའི་ཞུ་བ་ཕུལ། །ཀླུ་བདུད་དགེ་བསྙེན་ཡིན་ནམ་སྙམ། །རེ་ཞིག་དུས་ལ་མ་བབ་ཀྱང་། །མ་འོངས་ལྕི་ཡི་ས་ཆ་རུ། །དབང་ཁྲིད་འགྲོ་དོན་འཕེལ་ལམ་སེམས། །དེ་ལྟར་ཚུག་མ་གསུམ་དུ་ཡང་། །དབང་འབྲེལ་བསྔོ་བ་སྨོན་ལམ་སོགས། །གནས་སྐབས་གདུལ་བྱ་འགྲོ་དོན་འཕེལ། །ཁྲོམ་ཡང་ཉེ་སྐོར་འཕྲལ་དུ་འདུས། །དེ་ནས་ལྕི་སྨད་མངར་གྱི་ས། །རུ་དར་ཐང་གི་ས་རུ་བསྡད། །མི་རྒན་རོད་ངན་རལ་པ་ཅན། །འགའ་རེས་ལན་ཆགས་གླུད་གཏོར་བསྙགས། །དེ་ཕྱིར་གླུད་གཏོར་ལུས་སྦྱིན་བྱས། །གཏོར་འབུལ་རྟེན་འབྲེལ་འགའ་བྱས་པས། །ཐུབ་རྟགས་འདྲ་བའི་རྨིས་ལྟས་དང་། །ཕ་རོལ་དགྲ་ཡི་ཕྲག་དོག་གིས། །ད་ནི་སྐྱོན་མེད་ཟེར་བར་སྙམ།། ༈ །།ན་མོ་ལོ་ཀི་ཤྭ་ར་ཡེ། །གནམ་ལོ་རྒྱལ་པོ་མཚན་གསོལ་བ། །བཅུ་གཉིས་ལོ་མགོ་བྱི་བའི་ལོ། །སྟོན་ཟླ་འབྲིང་པོའི་དམར་པོའི་ཕྱོགས། །ཚེས་

― CMR051_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་རྒྱལ་ཕུར་འཛོམ་པ་ལ། །སྒར་བཏེག་རྒྱལ་ཁམས་ཉུལ་དུ་ཕྱིན། །མཆོག་དམན་སྐྱེ་དགུ་མང་པོ་ལ། །དབང་ལུང་ཁྲིད་ཀྱི་འབྲེལ་པ་བཞག །དམིགས་མེད་བསྔོ་བས་རྒྱས་འདེབས་བྱས། །ཟང་ཟིང་ལོངས་སྤྱོད་ཆར་ལྟར་བབ། །ཆགས་ཞེན་སྤར་མོས་མ་བསྡམ་པར། །བསྡུ་དངོས་བཞི་དང་ཕྱོགས་མཐུན་བྱས། །གསུང་མཆོག་ཡི་གེ་དྲུག་པ་སོགས། །དགེ་བའི་བསྐུལ་མ་རྒྱ་ཆེན་འགྲུབ། །རིགས་རུས་ལྡན་པའི་བླ་བརྒྱུད་དང་། །བླ་མ་སྐུ་སྐྱེ་དཔོན་རིགས་སོགས། །དབང་ལུང་རྒྱ་ཆེན་ཕུལ་གྲུབ་པས། །ཟླ་ངོ་གཉིས་ཙམ་བར་མེད་ཀྱི། །འགྲོ་དོན་རྒྱ་ཆེན་ཡིན་ནོ་བསམ། །དཔོན་རིགས་ཆེ་དགུས་གུས་པས་བཏུད། །བདག་ལ་ཡོན་ཏན་མ་མཆིས་ཀྱང་། །བླ་མ་ཡི་དམ་དབྱེར་མེད་པའི། །ཐུགས་རྗེ་ཅན་ལ་བློ་གཏད་པས། །བྱིན་རླབས་ཅུང་ཟད་ཞུགས་སམ་སེམས། །ཀུན་གྱིས་སངས་རྒྱས་ལྟར་བཀུར་ཡང་། །ང་རྒྱལ་ཅུང་ཟད་མི་སྐྱེ་ཞིང་། །ལྷག་པར་དམན་ས་འཛིན་པར་བྱས། །གལ་ཏེ་སྨད་ཅིང་སྐུར་བཏབ་ཀྱང་། །ཞེ་སྡང་ཁོང་ཁྲོ་མི་ལྡང་ཞིང་། །རང་གི་སེམས་ལ་ཡ་ང་བྲལ། །བསྟོད་དང་སྨད་དང་རྙེད་མ་རྙེད། །འཇིག་

― CMR051_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འདི་ཡི་བྱ་བ་ཀུན། །སྒྱུ་མ་རྨི་ལམ་ཇི་བཞིན་དུ། །མི་བདེན་རྫུན་པའི་གནད་གཅིག་གོ །སྒྱུ་མའི་སྐྱེས་བུ་ཇི་བཞིན་དུ། །ཞེན་མེད་འགྲོ་དོན་བྱེད་སྙིང་འདོད། །རྨི་ལམ་དྲི་ཟའི་གྲོང་ཁྱེར་ལྟར། །མེད་བཞིན་སྣང་བའི་སེམས་ཅན་ལ། །བཅོས་མིན་སྙིང་རྗེ་ཤུགས་ལ་སྐྱེས། །ཆེད་དུ་གཏད་ནས་མ་བསྒོབས་ཀྱང་། །ཤུགས་འབྱུང་གསལ་སྟོང་རྗེན་པར་ཤར། །ངོ་མཚར་ཉམས་ལ་འཆར་ཚུལ་ཡིན། །མངྒ་ལཾ།། ༈ །།ན་མོ་མ་ཧཱ་མུ་དྲ་ཡེ། རུ་དར་ཐང་གི་ཐང་སྟོད་ན། །དགེ་བསྙེན་ཆེན་པོའི་ཕོ་བྲང་དྲུང་། །རྒྱུ་སྐར་མགོ་ལ་བབ་པའི་ཉིན། །ཉམས་ཀྱི་སྣང་བ་འདི་ལྟར་མཆིས། །བྱང་ཆུབ་མཆོག་ཏུ་སེམས་བསྐྱེད་ནས། །སྙིང་ནས་འགྲོ་དོན་བྱེད་བསམས་པས། །འགྲོ་བ་སེམས་ཅན་དོན་གྱི་ཕྱིར། །སྒྱུ་ལུས་བཏང་ཡང་མི་ཕོངས་སྙམ། །འགྲོ་དོན་བྱ་ཕྱིར་སེམས་བསྐྱེད་པས། །དཀོར་སྒྲིབ་ལ་སོགས་ཀྱིས་བསྒྲིབས་ནས། །དམྱལ་བར་ལྟུང་ཡང་མི་སྐག་སྟེ། །དམྱལ་བ་རང་བཞིན་མེད་པར་རྟོགས། །འཁོར་འདས་ཆོས་རྣམས་མ་ལུས་པ། །རང་གི་སེམས་སུ་ངེས་པར་རྟོགས། །རང་སེམས་སངས་རྒྱས་ཐག་ཆོད་

― CMR051_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

པས་། །འབྲས་བུ་ཐོབ་འདོད་ཨ་འཐས་བྲལ། །ས་རྡོ་རི་བྲག་ལ་སོགས་ཀུན། །རྣམ་པ་གསལ་ཡང་ངོ་བོ་སྟོང་། །ཆུ་ཟླ་འཇའ་ཚོན་བཞིན་དུ་མཐོང་། །ཨ་ལ་ལ་ཉམས་ཀྱི་མཚར་བ་ལ། །སྐྱེ་འཆི་ལ་རང་དབང་མ་ཐོབ་ཀྱང་། །འཆི་བ་ལ་འཚེར་བ་མེད་སྙམ་བགྱི། །ས་ཐོབ་ཀྱི་སེམས་དཔའ་མ་ལགས་ཀྱང་། །ངན་སོང་ལ་འཇིགས་པ་མེད་སྙམ་བགྱི། །བསམ་བཞིན་དུ་སྤྲུལ་སྐུ་མ་ལགས་ཀྱང་། །འགྲོ་དོན་ལ་སྐྱོ་དུབ་མེད་སྙམ་བགྱི། །རོ་གཅིག་གི་རྟོགས་པ་མ་སྐྱེས་ཀྱང་། །སྣོད་བཅུད་ཀུན་སེམས་སུ་འདྲེས་སྙམ་བགྱི། །བསྒོམ་མེད་ཀྱི་རྟོགས་པ་མ་སྐྱེས་ཀྱང་། །འདི་སྒོམ་གྱི་གཏད་སོ་མ་མཆིས་སོ། །ཆོས་བརྒྱད་ཀྱི་མགོ་བོ་མ་སྙོམས་ཀྱང་། །བསྟོད་སྨད་ལ་དགའ་སྡུག་མེད་སྙམ་བགྱི། །དག་པའི་སྒྱུ་ལུས་མ་འབྱོང་ཡང་། །སྣོད་བཅུད་ཀུན་ལྷ་རུ་འཆར་སྙམ་བགྱི། །དེ་རིང་གི་ཉམས་ལ་ཤར་ཚུལ་ལགས། །རྣལ་འབྱོར་གྱི་ཉམས་ལ་ཅི་ཡང་འཆར། །སྟོང་སྒྲོབ་ཀྱི་འུད་དུ་མི་དགོངས་འཚལ། །ཞེས་པ་རུ་དར་ཐང་དུ་ཁྲུམས་ཟླའི་ཉེར་གཉིས་ལའོ།། ༈ །།ན་མོ་ལོ་ཀི་ཤྭ་ར་ཡེ། མདངས་གསུམ་གཉིད་པའི་རྨི་ལམ་ན། །སངས་རྒྱས་ཀུན་གྱི་ཕྲིན་ལས་པ། །རྒྱལ་མཆོག་ཆོས་དབྱིངས་རྡོ་རྗེ་དེ། །སྐུ་ཤ་སྔར་ལས་རྒྱས་པ་ལ། །ན་བཟའ་སྣུམ་བག་ཆགས་པ་མནབས། །བླ་བྲན་ངོ་མི་ཤེས་པ་ཞིག །བདག་དང་གཉིས་ལ་བསྟོད་བསྔགས་གནང་། །བླ་མ་གཅིག་པོ་དེ་ལ་ནི། །ས་ནི་མང་པོ་ཐོབ་འདུག་གསུངས། །ཕྱག་གིས་ཐལ་སྦྱར་དགྱེས་ཚུལ་བཅས། །ཁྱོད་

― CMR051_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བ་མཆོག་ཉིད་ཀྱིས། །ཕྲིན་ལས་བསྒྲུབ་པར་གྱིས་གསུངས་ནས། །བསྐོ་འཇའ་བཀའ་སྩལ་འགྲོ་དོན་གནང་། །དེ་ལ་བདག་གིས་བསམ་པ་ལ། །བདག་ནི་ན་སོ་རྒས་པ་ཡིས། །ཡུན་རིང་འགྲོ་དོན་མི་འཁྱོངས་ཏེ། །ལོ་གསུམ་བཀའ་སྩལ་མི་བཅག་ཅེས། །ཡིད་ལ་བསམ་ཞིང་ངག་ཏུ་སྨྲས། །རྒྱལ་བ་ཀུན་གྱི་ཕྲིན་ལས་པ། །སྤྱན་རས་གཟིགས་དབང་ཀརྨ་པ། །དེ་ཡི་གཞན་དོན་ཕྲིན་ལས་རྣམས། །བདག་གིས་མྱུར་དུ་འགྲུབ་པར་ཤོག །རྨི་ལམ་འཁྲུལ་པ་ག་ལ་བདེན། །བདེན་འཛིན་རློམ་སེམས་མ་མཆིས་ཏེ། །མངོན་སུམ་འདི་ཡང་སྒྱུ་མ་དང་། །རྨི་ལམ་བཞིན་དུ་བདེན་པས་སྟོང་། །འཁོར་འདས་སྣང་སྲིད་ཐམས་ཅད་ཀུན། །ངོ་བོའི་ཆ་ནས་ཆོས་སྐུར་

― CMR051_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་། །རང་བཞིན་ལོངས་སྤྱོད་རྫོགས་པའི་སྐུ། །མ་འགགས་ཐུགས་རྗེ་སྤྲུལ་པའི་སྐུ། །ཡེ་ནས་སྐུ་གསུམ་རང་ཆས་སུ། །ད་ཞག་སེམས་ལ་འཆར་ཞིང་འདུག །རྒྱལ་བ་རྒྱ་མཚོའི་རྣལ་འབྱོར་པ། །རཱ་ག་ཨ་སྱས་དེ་སྐད་སྨྲས། །དེ་ནས་མངའ་རང་ཞེས་པར་ཞག །སྤང་ལྗོངས་མཛེས་ཤིང་རྩ་ཤིང་འཛོམ། །བྲག་རི་ཁྲོ་བོའི་ཆ་བྱད་འདྲ། །ན་བུན་སྦྲང་ཆར་སྣང་བ་སྤྲོ། །ཕྱི་ནང་རྟེན་འབྲེལ་གཅིག་པའི་ཕྱིར། །སེམས་དགའ་བདེ་གསལ་ཉམས་རྟོགས་འཕེལ། །དེ་ནས་རེ་རྒྱབ་དགོན་གྱི་མདུན། །ཨ་ཡིག་རང་བྱོན་གསལ་བའི་དྲུང་། །ཉམས་དང་རྨི་ལམ་འདྲེས་པའི་མཚམས། །མི་སྐྱ་དྲུག་བདུན་མཇལ་དུ་བྱུང་། །གཙོ་བོ་མི་ཆེན་རལ་པ་ཅན། །རལ་པ་དེ་དང་ཕྲུལ་ལེ་བ། །ལག་ཏུ་ཞིམ་ཇ་ཕོར་གང་བཟུང་། །བདག་ལ་མཛུབ་མགོས་མཆོད་པར་བྱེད། །བཙུན་པ་ཆོས་བཟང་ཅན་གཅིག་གིས། །ཇ་ཞུས་བྱེད་རྒྱུ་ཡིན་ཟེར་ནས། །གསོལ་ཏིར་ཁྱེར་ནས་ཐལ་བ་ལ། །ཕྱི་ནུབ་ཁ་ཆར་ཚན་ཆེན་བབས། །མཛུབ་མགོ་མཆོད་བྱེད་ནོར་བདག་དང་། །བཙུན་པ་ཆུ་བདག་ཡིན་ནམ་སེམས། །རེ་རྒྱབ་དགོན་པའི་དགེ་བཤེས་ཤིག །བདག་ལ་དད་

― CMR051_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་རྩེ་གཅིག་པས། །ཡོད་པ་རྨི་ལམ་སྐབས་སུ་མཐོང་། །བདག་གིས་སྐྱབས་གནས་དམ་པ་མཆོག །གར་དབང་ཆོས་ཀྱི་དབང་ཕྱུག་གི །གསོལ་དཔོན་བཙུན་པ་ཆས་བཟང་ཞིག །བདག་གི་གསོལ་དཔོན་བྱེད་འདུག་པས། །འདི་ནི་རྟེན་འབྲེལ་ལེགས་སྙམ་ནས། །ཡིད་ལ་དགའ་བ་ཆེར་སྐྱེས་རྨིས།། ༈ །།ན་མོ་དྷརྨེ་ཤྭ་ར་ཡེ། འོད་དཔག་མེད་མགན་སྤྲུལ་པའི་སྐུ། །དྲིན་ཆེན་ཆོས་ཀྱི་དབང་ཕྱུག་ལ། །གསོལ་བ་སྙིང་གི་དཀྱིལ་ནས་འདེབས། །འབྲེལ་ཐོགས་བླ་མ་མང་ལགས་ཀྱང་། །རྩ་བའི་བླ་མ་ཁྱེད་གཅིག་པུ། །དགེ་བའི་བཤེས་གཉེན་མང་མཇལ་ཡང་། །བདག་གི་མཁན་པོ་ཁྱེད་གཅིག་པུ། །སར་གནས་སེམས་དཔའ་མང་མཇལ་ཡང་། །བྱང་ཆུབ་སེམས་དཔའ་ཁྱེད་ཀྱི་དྲིན། །དབང་བསྐུར་ཞུས་པ་མང་ལགས་ཀྱང་། །རིགས་ཀྱི་བདག་པོ་ཁྱེད་གཅིག་པུ། །སྤྲུལ་པའི་སྐྱེས་ཆེན་མང་མཇལ་ཡང་། །ཤཱཀ་ཐུབ་དངོས་ཉིད་ཁྱེད་འདྲ་དཀོན། །རིག་གནས་བསླབས་པ་མང་ན་ཡང་། །གོ་བའི་ཀློང་ཡངས་ཁྱོད་ཀྱི་དྲིན། །ཉམས་ཁྲིད་ཞུ་པ་མང་ལགས་ཀྱང་། །ཐ་མལ་རྗེན་པ་ཁྱེད་ཀྱི་དྲིན། །གེགས་

― CMR051_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ་བོགས་འདོན་མང་ཐོབ་ཀྱང་། །གནད་འགག་ལུང་བསྟན་ཁྱེད་ཀྱི་དྲིན། །སྔར་ཡང་ཐུགས་རྗེས་དངོས་སུ་བཟུང་། །ད་ཡང་རེ་ས་གཞན་མ་མཆིས། །མཐོར་བཏང་དམར་བཏང་ཁྱེད་རང་མཁྱེན། །ད་ལམ་རྒྱུ་ལུས་འདི་ཉིད་དང་། །མ་འོངས་བདག་གི་སྐྱེ་རྒྱུད་ཀྱིས། །ཁྱེད་ཀྱི་ཐུགས་ཀྱི་དགོངས་རྫོགས་ཤིང་། །བསྟན་པ་ཕྱོགས་བཅུར་སྤེལ་ནུས་པར་། །རྒྱལ་བ་ཁྱེད་ཀྱིས་བྱིན་གྱིས་རློབས། །ཞེས་སྨྲས་སོ།། ༈ །།དེ་ནས་འདམ་འགྱོའི་གྲུ་ལ་བུད། །དེ་དོན་ཚིགས་སུ་བཅད་པ་ནི། །ན་མོ་མ་ཧཱ་མུ་དྲ་ཡེ། ས་འགགས་ལམ་འཕྲང་དོག་པོ་དེ་མཐོང་བས། །བྱང་ཆུབ་ལམ་གྱི་གེགས་དང་བར་ཆད་དེ་དྲན་ནོ། །རྩྭ་ཆུ་ཤིང་སོགས་འཛོམ་པའི་སྒར་པ་དེ་དཀོན་པས། །དལ་འབྱོར་ཆོས་ལྡན་མི་ལུས་དཀོན་པ་དེ་དྲན་ནོ། །ཆུ་ཆེན་རབ་མེད་བགྲོད་པ་དཀའ་བ་དེ་མཐོང་ཛ། །འཁོར་བ་སྡུག་བསྔལ་རྒྱ་མཚོ་བརྒལ་དཀའ་དེ་དྲན་ནོ། །ཆུ་བྲན་ཐམས་ཅད་རྒྱུག་ཅིང་ཆུ་ཆེན་བསྙགས་པ་དེ་མཐོང་ཛ། །ཚེ་འདི་མི་སྡོད་ཕྱི་མ་བསྙགས་པ་དེ་དྲན་ནོ། །སྡོང་གྲུ་བཟང་པོའི་ཆུ་ཆེན་བགྲོད་པ་དེ་མཐོང་བས། །སྡོམ་པ་དམ་ཚིག་གཙང་ན་འཁོར་བ་ནས་ཐར་བ་དེ་དྲན་ནོ།

― CMR051_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུ་དག་སྔ་ཤིང་ཕྱི་ཤིང་སྐྱོན་མེད་དགོས་པ་དེ་མཐོང་ཛ། །སྡོམ་པ་དམ་ཚིག་ཕྲ་ཞིབ་ལ་གཅེས་སྤྲས་དགོས་པ་དེ་དྲན་ནོ། །གྲུ་དང་གྲུ་པ་འཛོམ་ཡང་སྐྱ་བ་མེད་ཐབས་མེད་པ་དེ་མཐོང་ཛ། །མཚན་ལྡན་བླ་མ་མེད་ཐབས་མེད་པ་དེ་དྲན་ནོ། །ནམ་མཁའི་འགྱུ་མདོག་གསལ་འདྲའི་སྣ་ཚོགས་དེ་མཐོང་ཙ། །རྣལ་འབྱོར་རྣམས་ལ་མི་འཆར་དགུ་འཆར་དེ་དྲན་ནོ། །ཇི་ལྟར་ཤར་ཡང་ནམ་མཁའ་འགྱུར་བ་མེད་པ་དེ་མཐོང་ཛ། །ཆོས་ཉིད་འགྱུར་བ་མེད་པའི་ལྟ་བ་དེ་དྲན་ནོ། །དཀའ་ཚེགས་ཆེ་ཡང་ཉེས་སྐྱོན་མེད་པ་རུ་ཐལ་བས། །ལྷ་དང་བླ་མའི་ཐུགས་རྗེ་ལ་ངེས་ཤེས་གཅིག་སྐྱེས་སོ། །འོ་བརྒྱལ་ཆེའམ་ཆེའམ་ཟེར་མཁན་ནི་མང་ཡང་། །དཀའ་ལས་ངལ་དུབ་ཀྱང་སྒྱུ་མ་རྨི་ལམ་ལྟ་བུར་མཐོང་ངོ་། །ཞེས་སྨྲས་སོ།། །།དེ་ནས་འདམ་འགྱོར་ཞག་པའི་ནུབ། །འོག་མིན་ཀརྨའི་གནས་མཆོག་གི །ལྷ་ཁང་དབྱེར་མོ་ཆེ་ཡི་ནང་། །ཞག་འགའ་སྒྲུབ་པ་བྱས་ནས་ཀྱང་། །སྐུ་མཚམས་སྡོམ་ཤོམ་བྱེད་པ་རྨི། །འདི་རུ་ཞག་འགའ་བསྒྲུབས་ན་ཡང་། །འགྱུར་དང་ཕན་ཡོན་ཆེ་སྙམ་ནས། །སེམས་ལ་དགའ་བ་རབ་ཏུ་སྐྱེས། །གདན་ས་མཆོག་དེར་ཕྱག་ཕྱི་དང་། །རང་ཉིད་ཉམས་ལེན་བོགས་ཐོན་པ། །ནམ་ཞིག་འོང་ངམ་ཡིད་ལ་ཤར། །

― CMR051_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །།ན་མོ་གུ་རུ་ཀརྨ་ཀ་ཡེ། སྤྱན་རིས་གཟིགས་དབང་སྤྲུལ་པའི་སྐུ། །དཔལ་ལྡན་དུས་གསུམ་མཁྱེན་པ་ནས། །རྒྱལ་མཆོག་ཆོས་དབྱིངས་རྡོ་རྗེའི་བར། །ངོ་མཚར་ཞྭ་ནག་ཅོད་པན་ཅན། །ན་རིམ་བཅུ་ལ་གསོལ་བ་འདེབས། །ཡེ་ཤེས་མགོན་པོ་མིར་སྤྲུལ་པ། །མཐུ་སྟོབས་མངའ་བདག་རས་ཆེན་ནས། །ཆོས་རྒྱལ་མི་ཕམ་མཚན་ཅན་བར། ། སི་ཏུ་རྣམས་ལ་གསོལ་བ་འདེབས། །དཀྱིལ་འཁོར་ཀུན་བདག་ཝཱ་ར་ཧཱུྃ། །རྒྱལ་བའི་བསྟན་སྲུང་མ་མགོན་གཉིས། །རྟ་མཆོག་ཐུགས་སྤྲུལ་སྐྱེས་བུ་ཆེ། །ས་དྲུག་སེམས་དཔའ་སྔགས་ཀྱི་བདག །བླ་མ་ཡི་དམ་ཆོས་སྐྱོང་ལ། །ཡིད་གཉིས་སྤངས་ཏེ་གསོལ་བ་འདེབས། །བསྟན་པ་དར་ཞིང་རྒྱས་པ་དང་། །བསྟན་འཛིན་མཆོག་རྣམས་ཞབས་བརྟན་ཅིང་། །འགྲོ་ཀུན་བདེ་ལ་འགོད་པར་ཤོག །ཁྱད་པར་བདག་གི་སྒྱུ་ལུས་འདིས། །རྒྱལ་བ་ཡབ་སྲས་ཞལ་མཇལ་ཞིང་། །བསྟན་ལ་ཕན་པ་ཆེར་ནུས་ཤིང་། །བཞེད་དགོངས་བདག་གིས་འགྲུབ་གྱུར་ཅིག །ཅེས་སྨྲས་སོ།། ༈ །།ན་མོ་གུ་རུ་བེ་རོ་ཙ་ན་ཡེ། པདྨ་འབྱུང་གནས་ཁྲོས་པའི་སྐུ། །རྡོ་རྗེ་གྲོ་ལོད་དགོངས་སུ་གསོལ། །

― CMR051_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་སྤྱན་གྱིས་ད་གཟིགས་ཤིག །འཇམ་དཔལ་གཤིན་རྗེ་ཆེར་ཁྲོས་པ། །ཀིང་ཀང་དམར་ནག་དགོངས་སུ་གསོལ། །ཕྲིན་ལས་ནུས་པ་ད་ཕྱུང་ཞིག །འཁོར་ལོ་སྡོམ་པའི་ཡང་སྤྲུལ་པ། །དུར་ཁྲོད་བདག་པོ་ཡབ་ཡུམ་དགོངས། །མྱུར་མགྱོགས་ནུས་པའི་རྩལ་སྤྲུགས་ཤིག །སྙིང་པོ་དོན་གྱི་བསྟན་པ་དང་། །བསྟན་འཛིན་བརྒྱུད་པར་བཅས་པ་དང་། །བདག་གི་བསྲུང་བྱ་ཐམས་ཅད་ལ། །གནོད་ཅིང་འཚེ་བར་བྱེད་པ་རྣམས། །གནོན་ཅིང་གཟིར་དང་བཅིངས་པ་དང་། །གནོད་སེམས་གདུག་པ་ཞི་བར་མཛོད། །སྔོན་གྱི་དམ་བཅའ་དམ་ཚིག་རྣམས། །དུས་ལ་བབ་བོ་ས་མ་ཡ། །ཞེས་པ་ཉི་ནག་ཉིན་པར་བསྐུལ་བ་རྟེན་འབྲེལ་ལོ།། ༈ །།ན་མོ་ལོ་ཀི་ཤྭ་ར་ཡེ། འགྲོ་བ་སེམས་ཅན་འདྲེན་པ་ལ། །སྐྱོ་ངལ་མེད་པའི་ཐུགས་རྗེ་ཅན། །སྤྱན་རས་གཟིགས་ལ་གསོལ་བ་འདེབས། །འགྲོ་དོན་བྱེད་པར་སེམས་བསྐྱེད་ནས། །དབང་ཁྲིད་གདམས་པ་སྤེལ་བའི་ཕྱིར། །རྣལ་འབྱོར་རྒྱལ་ཁམས་འགྲིམ་པ་ལ། །འོ་བརྒྱལ་ཆེའམ་འདྲི་མཁན་མང་། །གཅིག་མིན་གཉིས་མིན་ཀུན་གྱིས་ཟེར། །དེ་ལ་སྤྱི་ལན་ཚིག་འགའ་ཞུ།

― CMR051_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་འགྲོ་བ་སེམས་ཅན་ཀུན། །ཐོག་མེད་དུས་ནས་ད་ལྟའི་བར། །འོ་བརྒྱལ་ཆེ་བའི་ངང་ལ་གདའ། །ལན་གྲངས་དུང་ཕྱུར་གྲངས་མེད་ལ། །སྐྱེ་བའི་སྡུག་བསྔལ་འོ་རེ་བརྒྱལ། །མ་ཡི་ལྟོ་ལ་གནས་པའི་ཚེ། །མུན་གླིང་མི་གཙང་ནང་དུ་ཚུད། །བརྒྱག་དུས་བྲག་བར་བཅར་བ་འདྲ། །ལྟོགས་དུས་གཡང་ལ་བརྐྱང་བ་འདྲ། །བུ་ག་དགུ་པོ་དོད་པའི་དུས། །རྣོན་པོས་མཚོན་གྱིས་ཕུག་པ་འདྲ། །ལས་རླུང་མགོ་མཇུག་སྒྱུར་བའི་དུས། །གནམ་ས་ཁ་ཞབས་ལོག་པ་འདྲ། །མ་ཡི་མངལ་ནས་སྐྱེ་བའི་དུས། །ཟུར་མའི་བར་ནས་དྲངས་བ་འདྲ། །སྟན་གྱི་ཁ་ན་བྲུལ་བའི་དུས། །ཚེར་དོང་ནང་དུ་བྲུལ་བ་འདྲ། །མ་ཡིས་ཕྲུ་མ་བཤུས་པའི་དུས། །ལུས་ཀྱི་པགས་པ་བཤུས་པ་འདྲ། །ལྟེ་བ་གྲི་ཡིས་བཅད་པའི་དུས། །སྲོག་རྩ་རྒལ་ནག་བཅད་པ་འདྲ། །མ་ཡིས་པང་ན་བླངས་བའི་དུས། །བྱིས་ཕྲུག་ཁྲ་ཡིས་ཁྱེར་བ་འདྲ། །གོག་རྒྱུག་ལང་གསུམ་བྱུང་ཙམ་ན། །བསམ་མེད་སྨྱོན་པ་ནག་པོ་འདྲ། །དེ་འདྲའི་འོ་བརྒྱལ་གྲངས་མེད་བྱུང་། །ཚར་ནས་བསམ་ལུས་འཕྲོད་ཙམ་ན། །ཡོད་པ་འཚོ་སྐྱོང་མི་ཐུབ་པ། །སེམས་སྡུག་ལུས་ལ་དལ་དུས་

― CMR051_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

མེད། །རྒན་མོའི་ཕྱུགས་ལུག་འཚོ་བ་འདྲ། །མེད་པ་བཙལ་བས་མི་རྙེད་སྡུག །ཁ་འཐོར་ཡི་དྭགས་འཁྱམས་པོ་འདྲ། །གཉོམ་ཆུང་དགྲ་ཡིས་གནོད་པས་སྡུག །རི་ཕྲུག་བྱ་འཁྱུས་འཚེ་བ་འདྲ། །དབང་ཡོད་དགྲ་མགོ་མཐོ་དོགས་སྡུག །ལྷ་མ་ཡིན་གྱི་རྒྱལ་པོ་འདྲ། །ལུས་པོ་བདེ་ཡང་སེམས་མི་བདེ། །ན་ཚས་གཉེན་འདུན་ཤི་ཚད་སྡུག །རྔ་མོང་རྔའུ་གཏོར་བ་འདྲ། །འོ་བརྒྱལ་དེ་འདྲ་བྱུང་བཞིན་པ། །རྒན་རྒོག་བུ་ཚས་བརྙས་པས་སྡུག །ཤི་དོགས་ཆེ་ཞིང་ཤི་སྨོན་འདེབས། །དབང་པོ་མི་གསལ་གོམ་སྟབས་འཁྱོར། །ལྷ་ལ་ཕམ་ལྟུང་ཕོག་པ་འདྲ། །འོ་བརྒྱལ་དེ་འདྲ་བྱུང་ཞིང་སྣང་། །འཆི་ཁ་གནད་གཅོད་འོ་བརྒྱལ་ཆེ། །སྨན་དཔྱད་མི་ཟུག་རིམ་གྲོས་ཐུ། །ཉེ་དུ་ཐམས་ཅད་འཛོམ་ན་ཡང་། །སྲོག་འཆད་ཚོར་བ་རང་གིས་མྱོང་། །ཟུག་གཟེར་ཉི་མ་ནམ་མི་ཆོད། །ཤི་བར་ཤེས་ཀྱང་བྱེད་ཐབས་མེད། །ཡུལ་དང་ཉེ་དུ་ལ་ཆགས་པས། །ང་ལ་ལྟ་ཆུག་ཟེར་ཞིང་བལྟ། །ཕྱི་ཡི་རྣམ་ཤེས་ཚོགས་བརྒྱད་འགགས། །དཀར་ལམ་དམར་ལམ་ནག་ལམ་དང་། །འོད་གསལ་འཆར་ཏེ་ངོས་མ་ཟིན། །བེམ་རིག་བྲལ་ནས་

― CMR051_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དོར་འཁྱམས། །འོ་བརྒྱལ་དེ་འདྲ་གྲངས་མེད་བྱུང་། །བར་དོར་སྒྲ་འོད་ཟེར་གསུམ་དང་། །ཞི་ཁྲོའི་ལྷ་ཚོགས་ནམ་མཁའ་གང་། །ལྷ་རུ་མ་ཤེས་གཤིན་རྗེར་མཐོང་། །ཉེས་ཆེན་བཙོན་དུ་བཟུང་བ་འདྲ།། །བསྔངས་སྐྲག་འཇིགས་སྣང་བརྒྱལ་ཞིང་འབོག །འོ་བརྒྱལ་ཆེན་པོ་དེ་ན་གདའ། །སྲིད་པ་བར་དོར་འཁྱམས་ཙམ་ན། །བྱིས་པ་ཐང་སྟོང་འཁྱམས་པ་འདྲ། །གར་འགྲོ་ཆ་མེད་སྐྱོ་ཞིང་སྐྲག །དབང་མེད་ལས་ཀྱི་རླུང་གིས་ཁྱེར། །རིགས་དྲུག་འཁོར་བའི་སྐྱེ་སྒོ་འགྲིམ། །དེ་འདྲའི་འོ་བརྒྱལ་ཡང་ཡང་བྱུང་། །ཆོས་ཀྱི་རྒྱལ་པོ་གཤིན་རྗེའི་དྲུང་། །དགེ་སྡིག་རྡེའུ་དཀར་ནག་སྤུངས། །དགེ་སྡིག་བསོག་མི་ལྷ་དང་འདྲེ། །ཡང་ལྡི་གཤིན་རྗེའི་རྒྱ་མར་བཤན། །ལོ་རྒྱུས་ཡིག་ཆུང་ནང་ན་གསལ། །གང་བྱས་ལས་ཀྱི་མེ་ལོང་གསལ། །སྡིག་པ་འཕྲལ་དུ་བསྒྱུར་ཐབས་མེད། །དགེ་བ་ཉོ་སྐྱི་ཚོལ་ཁུངས་མེད། །འོ་བརྒྱལ་འཇིགས་པ་དེ་ན་ཡོད། །གཤིན་རྗེའི་ལས་མཁན་བཙན་སྤུས་ཞན། །རང་བྱས་ཡིན་ནོ་ཟེར་ཞིང་བཙོ། །ཐལ་ཚན་ཆུ་བོ་གྲུ་རབ་མེད། །སྤུ་གྲིའི་ལམ་ལ་བར་མཚམས་མེད། །རལ་གྲིའི་ལོ་མ་རླུང་ལྟར་འཚུབ། །

― CMR051_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

ཤལ་མ་རི་བོ་རྣོ་ངར་ཆེ། །ལྕགས་ཀྱི་བྱ་རོག་མཆུ་རེ་རྣོ། །ཁྱི་དང་སེང་གེ་མཆེ་དུག་ཆེ། །ནགས་མཐའ་མེས་འཁོར་འབྲོས་ལམ་མེད། །ཁྲོ་ཆུ་ཁོལ་མས་ནང་ཁྲོལ་མྱག །ལྕགས་སྲེག་སྟེ་མོ་རལ་གྲི་དང་། །སོག་ལེ་ལ་སོགས་རབ་ཏུ་རྣོ། །ལྕགས་སྲེག་ཆོས་རྩིག་རབ་ཏུ་ལྗིད། །ཟངས་ཆེན་ཁྲོ་ཆུ་བར་མེད་ཁོལ། །འོ་བརྒྱལ་ཆེན་པོ་དེ་འདྲ་ལ། །སྔར་ཡང་གཏན་ཡུལ་འོ་བརྒྱལ་བཀུར། །ད་རེས་འགྲིམ་གཅིག་འདིར་ཕྱིན་ཏེ། །ད་རུང་སྔགས་མུན་འོ་བརྒྱལ་དོགས། །མུན་གླིང་འཁྱག་སྦུག་ནང་དུ་ཚུད། །རླུང་འཚུབ་སེར་བུ་གཟེར་ལྷང་སྡང་། །འཁྱག་པས་ཆུ་བུར་སྣག་ཁྲག་འཛག །ལུས་པོ་བརྒྱ་སྟོང་དུ་མར་གས། །སྡུག་ལ་ཚེ་རིང་འཆི་རྒྱུ་མེད། །ལན་སྟོང་ཤི་ཡང་ལན་སྟོང་སོས། །སྔར་ཡང་དེ་འདྲའི་འོ་བརྒྱལ་མང་། །ད་ཡང་འོ་བརྒྱལ་འབྱུང་ཉེན་གདའ། །ཚད་རོང་བྱེ་མའི་ས་ཕྱོགས་ན། །ཆུ་ཞེས་བྱ་བ་མིང་ཡང་མེད། །ལོ་བརྒྱར་ཆུ་ཐིགས་གཅིག་མི་མྱོང་། །ལུས་སྐམ་ཁོ་ཤོག་སྐམ་པོ་འདྲ། །རླུང་གིས་ཕྱོགས་རྣམས་ཀུན་ཏུ་ཁྱེར། །ཁོག་ནས་མེ་འབར་ནང་ཁྲོལ་སྐམ། །ལྷུ་ཚིག་འཐབ་པས་ཁྲག་ཁྲག་ཟེར། །དེ་འདྲའི་འོ་

― CMR051_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱལ་གྲངས་མེད་མྱོང་། །ད་རུང་དེ་འདྲའི་འོ་བརྒྱལ་དོགས། །མུན་གླིང་རྒྱ་མཚོའི་ནང་ཤེད་ན། །བཀྲེས་སྐོམ་རང་ལུས་རང་གིས་ཟ། །ཆེ་ཆེས་ཆུང་ཆུང་གྱུར་མིད་བྱེད། །ཆུང་རྣམས་ཆེ་བར་རུབ་ནས་ཟ། །དེ་འདྲའི་འོ་བརྒྱལ་མང་དུ་མྱོང་། །ད་རུང་འོ་བརྒྱལ་འབྱུང་ཉན་གདའ། །ལྷ་མིཟ་ཕྲག་དོག་སེམས་ནད་ཆེ། །ལོ་རེ་ལན་གཉིས་གཡུལ་ཆེན་འགྱེད། །སྨྲས་པ་མུན་པའི་གླིང་དུ་སྦས། །འཆི་མི་ནུས་པའི་སྡུག་བསྔལ་ཆེ། །དེ་འདྲའི་འོ་བརྒྱལ་ལན་མང་མྱོང་། །ད་རུང་འོ་བརྒྱལ་དེ་འདྲ་དོགས། །འོ་བརྒྱལ་མེད་པའི་བདེ་སྐྱིད་ཅན། །ལྷ་ལུས་བདེ་སྐྱིད་ཡུན་རིང་ཡང་། །ཚེ་ཚད་རྫོགས་ནས་སྒྲ་ངན་གྲག །མེ་ཏོག་རྒྱུན་རྙིང་དར་གོས་རུལ། །དྲི་ངན་བྲོ་ནས་གྲོགས་ཀྱིས་སྤངས། །ངན་སོང་ལྟུང་བ་མཐོང་ལགས་ཀྱང་། །བྱ་ཐབས་མེད་པར་སྡུག་བསྔལ་ཆེ། །མི་ལོ་དྲུག་ཅུར་སྡུག་བསྔལ་མྱོང་། །དེ་ནས་ཚེ་འཕོས་འོག་ཏུ་ལྟུང་། །དེ་འདྲའི་འོ་བརྒྱལ་སྔར་ཡང་མང་། །ད་རུང་དེ་འདྲ་མྱོང་དོགས་གདའ། །གཟུགས་ཁམས་གཟུགས་མེད་ཁམས་ཀྱི་ལྷ། །རེ་ཞིག་སྡུག་བསྔལ་མ་མཆིས་ཀྱང་། །ཚེ་ཚད་རྫོགས་ནས་ངན་སོང་འགྲོ། །དེ་འདྲ་འོ་བརྒྱལ་

― CMR051_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་ཡང་མྱོང་། །ད་དུང་ཡང་ནི་འབྱུང་དོགས་གདའ། །ཁོ་དེ་ཁམས་འདྲི་བྱེད་མི་ཚོ། །འོ་བརྒྱལ་མེད་པ་འདོད་ལགས་ན། །འཁོར་བ་འདི་ནས་ཐར་ཐབས་མཛོད། །འོ་བརྒྱལ་མེད་པར་མཛད་པའི་ལྷ། །ཐུགས་རྗེ་ཆེན་པོ་སྒྲུབ་པར་མཛོད། །འོ་བརྒྱལ་མེད་པར་བྱེད་པའི་སྔགས། །རྡོ་རྗེ་འབྲུ་དྲུག་བཟླས་པ་བྱ། །འོ་བརྒྱལ་མེད་པའི་གདམས་ངག་མཆོག །རང་སེམས་དྲི་མེད་ངོ་བོ་ལྟོས། །འོ་བརྒྱལ་མེད་པའི་སྤྱོད་པ་མཆོག །སྡོམ་གསུམ་དྲི་མེད་མིག་བཞིན་སྲུངས། །འོ་བརྒྱལ་མེད་པའི་ཞིང་ཁམས་མཆོག །བདེ་བ་ཅན་དུ་སྨོན་ལམ་ཐོབ། །ཅེས་པ་སྤྱི་ཡི་ཚིག་ལན་དུ་དགེ་སློང་རཱ་ག་ཨ་སྱས་སྨྲས་སོ།། །།ན་མོ་གུ་རུ་རཏྣ་ཡེ། ཐུགས་རྗེ་ཆེན་པོ་སྤྱན་རས་གཟིགས་། །རྗེས་འཇུག་རྣམས་ལ་ཐུགས་རྗེས་ཟུངས། །མ་ཡེངས་གསོན་དང་གྲྭ་པ་རྣམས། །སྙིང་ནས་དམ་ཆོས་བྱེད་མི་བྱེད། །སྙིང་ནས་དམ་ཆོས་བྱེད་དགོངས་ན། །ནམ་འཆི་ཆ་མེད་དྲན་མཛོད་ལ། །རྒྱུན་དུ་དགེ་སྦྱོར་ཐུགས་དམ་འབུང་། །མི་ལུས་ཐོབ་དཀའ་དྲན་མཛོད་ལ། །སྡོམ་པ་དམ་ཚིག་གཙང་མར་བསྲུང་། །ལས་འབྲས་བསླུ་མེད་

― CMR051_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

དྲན་མཛོད་ལ། །སྡིག་ལྟུང་གཉིས་ལ་དུག་ལྟར་འཛེམ། །འཁོར་བའི་སྡུག་བསྔལ་དྲན་མཛོད་ལ། །དམ་ཆོས་བསྒྲུབ་ལ་སྤྲོ་བ་བསྐྱེད། །གསང་སྔགས་ཉེ་ལམ་དྲན་མཛོད་ལ། །བསྐྱེད་རྫོགས་གཉིས་ལ་ཉམས་ལེན་འབུང་། །བླ་མའི་རྣལ་འབྱོར་དྲན་མཛོད་ལ། །ཆགས་ཕྱི་བཀའ་ལས་ཆོས་སུ་བསྒོམ། །ཆོས་ཐོས་ཕན་ཡོན་དྲན་མཛོད་ལ། །དབང་ལུང་ཚར་བརྒྱ་ཐོབ་ཀྱང་ཞུས། །སྒྲུབ་ཆེན་ཕན་ཡོན་དྲན་མཛོད་ལ། །བློ་ཕུགས་འདུན་པ་དེ་ལ་གཏོད། །མཆེད་གྲོགས་དམ་ཚིག་དྲན་མཛོད་ལ། །མཆེད་གྲོགས་རྣམས་ལ་འཛིང་རྩོད་སྤོངས། །སྡོམ་པ་དམ་ཚིག་དྲན་མཛོད་ལ། །བསྟན་ལ་གནོད་པའི་བྱ་བ་སྤོངས། །རང་དོན་ཡིན་པར་དགོངས་མཛོད་ལ། །རྩ་བཞི་ཆང་ལྔ་སྲོག་ལྟར་སྲུངས། །ཉམས་ཁྲིད་ཟབ་མོ་དྲན་མཛོད་ལ། །རང་སེམས་བྱ་ར་དྲན་རྫི་བརྟེན། །ཞིང་དེའི་ཕན་ཡོན་དྲན་མཛོད་ལ། །བདེ་ཆེན་ཞིང་གི་སྨོན་ལམ་ཐོབ། །དེ་སྐད་རཱ་ག་ཨ་སྱས་སྨྲས།། ༈ །།ན་མོ་དྷརྨ་ཤྭ་ར་ཀརྨ་ཡེ། དམ་ཆོས་མཐའ་རྒྱ་གཅོད་ན་མདོ་སྔགས་གཞུང་ལུགས་ཐམས་ཅད་དགོས་པར་གདའ་སྟེ། །དམ་ཆོས་སྙིང་ནས་བྱེད་ན་འཆི་བ་ངེས་པར་

― CMR051_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

དྲན་པ་གཅིག་པུས་ཀྱང་ཆོག་པར་གདའ་བས། །ནམ་འཆི་ནམ་འཆི་བསམ་པ་འདི་ཉིན་རེ་ལན་གསུམ་དྲན་པར་མཛོད་ཅིག །མཁས་པའི་མིང་སྙན་འདོད་ན་ཤེས་རབ་གོ་བ་རྒྱ་ཆེན་གཅིག་དགོས་པར་གདའ་སྟེ། །ཉམས་རྟོགས་སེམས་ལ་འཆར་ཐབས་བླ་མའི་མོས་གུས་གཅིག་པུས་ཆོག་པར་འདུག་པས། །རྒྱལ་བ་ཡབ་སྲས་སྤྱི་གཙུག་ཏུ་བསྒོམ་ལ་སྙིང་ནས་གསོལ་བ་རེ་ཐོབ་ཅིག །མཐུ་ནུས་ཀྱི་སྙན་གྲགས་ཤིག་འདོད་ན་ཆོས་སྐྱོང་བཀའ་སྲུང་ཀུན་འདུསུ་བསྒྲུབ་དགོས་གདའ་སྟེ། །དམ་ཆོས་ཚུལ་བཞིན་བསྒྲུབས་ན་ཆོས་སྐྱོང་ཡང་ཤུགས་ལ་འཁོར་བར་ནི་གདའ་བས། །རྩ་བཞི་སྲོག་ལྟར་བསྲུངས་ནས་རང་ཉིད་དགེ་འདུན་གྱི་གྲ་རུ་ཚུད་ངེས་རེ་མཛོད་ཅིག །རྩ་རླུང་གནད་དུ་བསྣུན་ན་རླུང་བཟུང་དང་འཁྲུལ་འཁོར་ཀུན་དགོས་པར་གདའ་སྟེ། །རླུང་སེམས་དྷ་ཏི་རུ་ཚུད་པ་ནི་བརྒྱ་ཕྱག་མང་པོས་ཀྱང་འགྲུབ་པར་གདའ་བས། །སྐབས་སུ་བརྒྱ་ཕྱག་རེ་འཚོལ་ལ་འཕྲལ་གྱི་གནས་ཉམས་ཀྱི་ངོ་བོ་ལ་ལྟོས་ཤིག །ཟབ་ཆོས་དང་ཟབ་ཁྲིད་ཀྱི་མཐའ་རྒྱ་བཅད་ན་ཁྲིད་སྟོང་ཞུས་ཀྱང་མི་རྫོགས་པར་གདའ་སྟེ། །དོན་གྱི་རྩ་བ་རང་སེམས་དྲན་རྫི་ས་སྐྱོང་བ་ལ་ཐམས་

― CMR051_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་འདུས་པ་རུ་འདུག་པས། །མ་ཡེངས་དྲན་རྫིའི་གསལ་འདེབས་ཡང་ཡང་མ་བརྗེད་པར་མཛོད་ཅིག །ཆོས་དང་འཇིག་རྟེན་ཀུན་གྱི་བར་ཆད་ཀྱི་བདུད་ནི་བློ་སེམས་མི་མཐུན་པ་འདི་ཡིན་པས། །གྲྭ་པ་ཀུན་བདག་གི་བློ་སེམས་གར་གཏད་ལ་ཕྱོགས་གཅིག་ཏུ་གཏོད་ཅིག །བློ་སེམས་གཏད་ས་ནོར་ན་འདི་ཕྱིའི་འདུན་མ་ཀུན་འཆུག་ཉེས་གདའ་སྟེ། །ང་ཡི་བློ་ཕུག་དང་གྲོས་ཕུག་ལ་ཨོ་རྒྱན་པདྨ་ཁོང་ཡོད་པས། །འདི་ཕྱིའི་བྱ་བ་ཀུན་བློ་ཉེས་ལ་མི་འགྲོ་བའི་གདེང་ཚོད་གཅིག་ཡོད་དོ། །དེ་སྐད་འཕྲལ་དུ་གྲྭ་པ་སྤྱི་ལ་སྨྲས་པ་ཡིན་པས། ། ཐམས་ཅད་ཀྱི་ཐུགས་ལ་ངེས་པར་མཛད་གལ་ནི་ཆེའོ། །ཞེས་སྨྲས་སོ།། ༈ །།ན་མོ་ལོ་ཀེ་ཤྭ་ར་ཡེ། དེ་རིང་ཉམས་དགའ་རིག་པ་དྭངས། །སྙིགས་དུས་བྱུང་བའི་དགེ་སློང་བདག །རྩ་བཞི་སྲོག་ལྟར་བསྲུང་བའི་ཕྱིར། །དཀོར་ལ་བདག་པོའི་ཚུལ་ལ་སྤྱོད། །འཇུ་བར་འདུལ་བའི་ལུང་ནས་གསུངས། །འགྲོ་དོན་སེམས་བསྐྱེད་བྱང་སེམས་བདག །ལུས་ངག་ཡིད་གསུམ་འགྲོ་ལ་བསྔོས། །དཀོར་ལ་གླ་རྔན་ཚུལ་དུ་སྤྱོད། །འཇུ་བར་མདོ་སྡེ་ལུང་ནས་གསུངས། །དམ་ཚིག་ལྡན་པའི་སྔགས་འཆང་བདག་

― CMR051_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རྫོགས་ཟུང་འཇུག་ཉམས་ལེན་ལྡན། །དཀོར་ལ་དངོས་གྲུབ་ཚུལ་དུ་སྤྱོད། །འཇུ་བར་རྒྱུད་སྡེའི་ལུང་ནས་གསུངས། །སྟོང་ཉིད་རྟོགས་པའི་རྟོགས་ལྡན་བདག །དཀོར་ལ་མཆོད་པའི་ཚུལ་དུ་སྤྱོད། །འཇུ་བར་སྡེ་སྣོད་མདོ་ནས་གསུངས། །བདག་གིས་དཀོར་ལ་སྤྱོད་པ་ལྟར། །གྲྭ་པ་རྣམས་ཀྱང་སྤྱོད་པར་མཛོད། །བདེ་བ་ལྷ་ཡི་ཕ་འབབ་ཡིན། །བཅོམ་ལྡན་ཤཱཀྱ་ཐུབ་པ་ཡིས། །འཁོར་ལོས་སྒྱུར་རྒྱལ་ལྔ་བརྒྱ་རུ། །སྐྱེ་རྒྱུའི་བསོད་ནམས་དངོས་པོ་དེ། །ཉན་ཐོས་རྣམས་ལ་བསྔོས་པ་ཡིན། །དེ་ཕྱིར་ལོངས་སྤྱོད་འབྱུང་བ་ཡིན། །རང་ཉིད་སྡོམ་གཙང་ཡིན་ངེས་ན། །དཀོར་གྱི་ལོངས་སྤྱོད་ཟད་པ་མེད། །སྡོམ་པ་མེད་པར་ཡོད་བརྫུ་བའི། །རྩ་རླུང་ལས་སུ་མི་རུང་བའི། །སྡོམ་པ་ལྐོག་ཤོར་གོས་བཟང་གྱོན། །དཀོར་ལ་སྤྱོད་པར་བྱེད་པ་ནི། །བྱིས་པས་མེ་མདག་འགམ་པ་འདྲ། །ཟས་ནི་ཁམ་བུ་དུ་ཟོས་གྲངས། །ལྕགས་སྲེག་ཐོ་ལུམ་ཟ་དགོས་སོ། །སྐོམ་ནི་ཧུབ་གང་གང་འཐུང་གྲངས། །ཁྲོ་ཆུ་ཁོལ་མ་འཐུང་དགོས་སོ། །དེ་ནས་ཐར་བར་གྱུར་ན་ཡང་། །སེམས་ཅན་ཆེན་པོའི་ལུས་བླངས་ནས། །ཚེ་འདས་འབུ་

― CMR051_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིན་མང་པོ་ལ། །སྐྱེས་ནས་ལུས་ལ་ཟ་བར་བྱེད། །དཀོར་ལ་བག་མེད་ཧབ་ཁྱེར་ན། །ཡི་དྭགས་ལུས་ནི་ལྔ་བརྒྱ་ལེན། །ལོ་སྟོང་ཆུ་ཐིགས་གཅིག་མི་མྱོང་། །ལུས་པོ་ཁོ་ཤོག་སྐམ་པོ་ལྟར། །རླུང་གི་ཕྱོགས་བཅུར་འཁྱེར་བར་བྱེད། །དོན་མེད་ཉེ་དུ་མཐུན་གྲོགས་ལ། །དཀོར་ལ་སྤྱད་ཅིང་བྱིན་པ་ན། །རང་ཉིད་རྔ་མོང་ལུས་བླངས་ནས། །མཐུན་གྲོགས་རྗེའུ་ལ་སྐྱེས་ནས། །བུ་ལ་གདུང་སེམས་ཆེན་པོ་འབྱུང་། །རྐང་ལག་ཆད་ཅིང་རྣག་ཁྲག་འབབས། །མི་ཁྱག་ཁལ་ལྗིད་འགེལ་བར་འགྱུར། །དབང་ཡོད་དཀོར་ལ་ཧབ་གཅོད་ན། །རྒྱལ་འགོང་བཙན་རིགས་ཆེན་པོར་སྐྱེ། །ལྟོག་སྐོམ་སྡུག་རྩུབ་རང་དབང་མེད། །སྐྱེ་འགྲོའི་སྲོག་དབུགས་འགམ་པར་བྱེད། །དེ་ནས་མནར་མེད་དམྱལ་བར་ལྟུང་། །དེ་ཕྱིར་ཤུགས་འབྱུང་དཀོར་ཟས་རྣམས། །དཔོན་སློབ་ཐམས་ཅད་སེམས་མཉམ་པར། །དགེ་བའི་ཕྱོགས་ལ་གང་འགྲོ་མཛོད། །བདག་ནི་ཆོས་གོས་ལྷུང་བཟེད་དང་། །ཁ་ཕོར་ཆབ་རིལ་མ་གཏོགས་པ། །སེམས་ཀྱིས་བདག་ཏུ་བཟུང་བ་མེད། །དགེ་འདུན་གྲྭ་པ་འདུ་རྟེན་དང་། །སྒྲུབ་ཆེན་སྒྲུབ་ཕྲན་མཐུན་རྐྱེན་དང་། །བསྟན་ལ་གང་

― CMR051_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་མ་གཏོགས་པ། །ང་རང་དོན་དུ་འཚག་པ་མེད། །དེ་དོན་གྲྭ་པ་ཀུན་གྱིས་དགོངས། །དཀོར་ཡེབ་ཆེ་བར་མི་དགོངས་འཚལ། །ཁྱད་པར་ད་ཞག་ཉམས་སྣང་ལ། །བདག་བས་གཞན་གཅེས་ཉམས་ཤིག་སྐྱེས། །རང་དོན་བསྒྲུབ་པའི་དམ་ཆོས་ཀྱང་། །བྱང་ཆུབ་བསྒྲུབ་པའི་གེགས་སུ་རྟོགས། །བདག་ནི་འཁོར་བ་ཇི་སྲིད་དུ། །རང་དོན་ཞི་བར་མི་འཇུག་པར། །འགྲོ་བའི་གཡོག་པོ་བྱེད་པར་འདོད། །སྐྱེ་རྒས་ན་འཆིའི་སྡུག་བསྔལ་ལས། །མི་འཇིགས་འཁོར་བ་འདིར་གནས་ནས། །གང་འདུལ་སྤྲུལ་པ་སྣ་ཚོགས་ཀྱིས། །མ་རྒན་འགྲོ་དྲུག་འདྲེན་པ་ལ། །སྤྱན་རས་གཟིགས་ཀྱི་ཚག་འཕྲོག་གིས། །ཕྱག་གཡོག་བདག་གིས་བྱེད་སྙིང་འདོད། །སྙིང་ནས་བསམ་པ་དེ་བསམས་པས། །དཀོར་གྱི་སྒྲིབ་པ་མེད་དམ་སེམས། །དེ་ཚོ་སྤྱོད་པའི་ངོས་ནས་ལགས། །ལྟ་བའི་ངོས་ནས་བསམ་པ་ནི། །འགྲོ་དྲུག་སེམས་ཅན་ཐམས་ཅད་ཀུན། །མེད་བཞིན་སྣང་བ་ཆུ་ཟླ་འདྲ། །སྣོད་བཅུད་སེམས་དང་དབྱེར་མེད་འདྲེས། །རང་སེམས་དང་པོའི་སངས་རྒྱས་དངོས། །དངོས་སུ་རྟོགས་ཏེ་གོ་བ་མིན། །འཁོར་གསུམ་ཡོངས་དག་བསྔོ་

― CMR051_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཤེས། །བསྔོ་བས་རྒྱས་བཏབ་ཚར་མ་ཐག །སྦྱིན་བདག་དོན་འབྲས་འགྲུབ་པ་སྟེ། །བླ་མེད་བྱང་ཆུབ་ས་བོན་ཐེབས། །སྐྱེ་བ་ཀུན་ཏུ་སྦྱིན་པའི་འབྲས། །ལོངས་སྤྱོད་འདོད་དགུ་འབྱུང་བ་ནི། །མདོ་རྒྱུད་གཉིས་ཀྱི་དགོངས་པ་ཡིན། །སེམས་ལ་རང་དོན་འཁྲིས་མེད་པས། །བདག་ལ་དཀོར་སྒྲིབ་མེད་པར་ངེས། །རང་འདོད་ཧམ་པ་ཡིན་ནམ་མིན། །བདག་གི་ལྟ་སྤྱོད་བསམ་པ་དང་། །མདོ་རྒྱུད་བསྡུར་ལ་དཔྱད་པར་གྱིས། །དཀོར་ཟན་རཱ་ག་ཨ་སྱ་ཡིས། །རང་འདོད་འདྲ་བའི་གཏམ་འདི་ནི། །འོདམ་འགྱོ་ཞེས་བྱའི་ས་རུ་སྨྲས།། ༈ །།ན་མོ་མ་ཧཱ་མུ་དྲ་ཡེ། ཁོ་ཐག་ཆོད་པའི་བན་རྒན་ངས། །ཁོ་ཐག་ཆོད་པའི་གཏམ་ཞིག་སྨྲ། །དམ་ཚིག་གཙང་མར་མ་བསྲུང་ན། །ཚེ་འདིར་བཀྲ་མི་ཤིས་པ་དང་། །མནར་མེད་སྐྱེ་བར་ཁོ་ཐག་ཆོད། །དམ་ཚིག་གཙང་མར་བསྲུང་བ་ལ། །སྡོམ་པ་གཙང་དགོས་ཁོ་ཐག་ཆོད། །རྩ་རླུང་ལས་སུ་མི་རུང་བའི་། །བྱི་ཕོ་ལྐོག་རྒྱུག་བྱེད་པ་ཚོ། །དམ་ཉམས་ཡིན་པ་ཁོ་ཐག་ཆོད། །དམ་ཉམས་བསྙེན་སྒྲུབ་རེམ་ན་ཡང་། །དམ་སྲི་སྐྱེ་བ་ཁོ་ཐག་ཆོད། །ཆོས་འདོད་བླ་མ་མི་འདོད་

― CMR051_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་། །རྒྱུ་འབྲས་དམ་ཚིག་མི་བརྩི་བར། །མཁའ་འགྲོ་ཆོས་སྐྱོང་བསྟེན་ན་ཡང་། །གཏོར་མ་ལྷ་ཡིས་ལེན་མི་སྲིད། །བགེགས་དང་འབྱུང་པོས་ཟ་བར་གསུངས་། །ནད་ཞི་གདོན་ཞི་ལ་སོགས་པ། །འཕྲལ་གྱི་ངག་ནུས་ཕྲན་བུ་ནི། །བེ་ནག་རྒྱལ་པོའི་བསླུ་བྲིད་ཡིན། །འབྲེལ་ཚད་ངན་སོང་ཁོ་ཐག་ཆོད། །སྡོམ་པ་བསྲུང་ཞིང་དམ་ཚིག་གཙང་། །བླ་མ་སྤྱི་བོར་བཀུར་བའི་མི། །ཚེ་འདིར་ཅི་བསམ་འགྲུབ་པ་དང་། །ཕྱི་མ་བདེ་བ་ཁོ་ཐག་ཆོད། །སྡོམ་པ་དམ་ཚིག་གཙང་བ་དང་། །དད་པ་དག་སྣང་ཆེ་བ་ན། །མཁའ་འགྲོ་ཆོས་སྐྱོང་མ་བསྒྲུབས་ཀྱང་། །ཤུགས་ལ་འཁོར་བར་ཁོ་ཐག་ཆོད། །གལ་ཏེ་བསྒྲུབ་ལ་བརྩོན་པ་ན། །མཆོག་དང་ཐུན་མོང་དངོས་གྲུབ་ནི། །ཚེ་འདིར་འགྲུབ་པར་ཁོ་ཐག་ཆོད། །ཚོགས་གཏོར་མཆོད་པ་བརྩོན་པ་ན། །མཁའ་འགྲོ་ཆོས་སྐྱོང་སྤྲིན་བཞིན་འདུ། །ཅི་བསམ་འགྲུབ་པར་ཁོ་ཐག་ཆོད། །བྱང་ཆུབ་མཆོག་ཏུ་སེམས་བསྐྱེད་ནས། །ལུས་ངག་ཡིད་གསུམ་གཞན་དོན་དུ། །ཚོགས་བསགས་སྒྲིབ་སྦྱོང་ལ་འབད་ན། །རྫོགས་སངས་རྒྱས་པ་ཁོ་ཐག་ཆོད། །བླ་མ་རྡོ་རྗེ་འཆང་དུ་བལྟ། །ཅི་མཛད་

― CMR051_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་བལྟ་བ་དང་། །ཅི་གསུངས་ཚད་མར་འཛིན་བྱེད་ཅིང་། །སྙིང་ནས་གསོལ་འདེབས་ལ་བརྩོན་ན། །ཕྱག་རྒྱ་ཆེན་པོ་རྟོགས་པ་ནི། །མངོན་སུམ་རྟོགས་པར་ཁོ་ཐག་ཆོད། །སྣང་སྲིད་འཁོར་འདས་ཆོས་རྣམས་ཀུན། །རང་སེམས་ཉིད་དུ་ཁོ་ཐག་ཆོད། །སེམས་ཉིད་སྐྱེ་བ་མེད་པ་འདི། །ཆོས་སྐུ་ཡིན་པར་ཁོ་ཐག་ཆོད། །འཇིག་རྟེན་བྱ་བ་ཐམས་ཅད་ཀུན། །འཁྲུལ་པ་ཡིན་པར་ཁོ་ཐག་ཆོད། །བཀའ་དྲིན་ཐོབ་པའི་བླ་མ་དེ། །རྡོ་རྗེ་འཆང་དུ་ཁོ་ཐག་ཆོད། །ཁོ་ཐག་ཆོད་པའི་དབྱངས་ཆུང་འདི། །འདམ་འགྱོ་གྲུ་ཁའི་ཉེ་ལོགས་སུ། །དལ་སྐབས་ཡིད་ལ་ཤར་ནས་སྨྲས།། ༈ །།ཧཱུྃ། འཁོར་ལོ་སྡོམ་པ་ཡབ་དང་ཡུམ། །པདྨ་བཛྲ་སྤྱན་སྔ་རུ། །རང་རྟགས་སྲོག་གི་སྙིང་པོ་ཕུལ། །དུར་ཁྲོད་ཆེན་པོའི་གནས་བརྒྱད་སྲུང་། །སོ་ས་གླིང་གི་ཞིང་སྐྱོང་བ། །དུར་ཁྲོད་བདག་པོ་ཡབ་དང་ཡུམ། །ཁྱོད་ནི་སྲུང་མ་ཐུགས་དམ་ཅན། །བདག་ནི་རྣལ་འབྱོར་དམ་ཚིག་ཅན། །བདག་ཅག་འཁོར་དང་ལོངས་སྤྱོད་བཅས། །བསྲུང་བའི་སྲུང་མ་ཁྱོད་ལ་བཅོལ། །དེ་ལ་གནོད་བྱེད་དགྲ་རྐུན་ཇག །འཆིངས་བའི་ཞགས་པ་ཁྱོད་

― CMR051_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོས་སོ། །མ་གཡེལ་མ་འདའ་མཐུ་རྩལ་ཅན། །བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་རྨི་ལམ་དུ་མི་སྐྱ་སྐྱ་མྱ་གེ་བ་བཅུ་ཙམ་དབང་ཞུ་ཟེར་བས། ཁོང་རྣམས་ཀྱིས་ལྷ་དེ་མི་འདོད་པ་འདྲ་ཞིག་འདུག་ཀྱང་ངན་བྱས་ནས་དུར་ཁྲོད་བདག་པོའི་དབང་བསྐུར་བ་དེ་ཇག་རྐུན་བཟློག་པའི་རྟགས་སུ་གོ་ནས་བསྟོད་པ་བྱས་སོ།། ༈ །།ན་མོ་ཤན་ཏིང་ཀྲོ་དྷ་ཡེ། མདངས་གསུམ་མུན་ཆུ་རུག་ཙམ་ན། །ཡོད་པ་འཚོ་སྐྱོང་སྡུག་བསྔལ་ལ། །བར་དོའི་ངོ་སྤྲོད་དངོས་སུ་བྱུང་། །ནམ་མཁའ་ཆུ་འཛིན་ནག་པོས་བསྒྲིབས། །ཁ་ཆར་དྲག་པོ་བྱོས་བཞིན་བབས། །རྔོག་ཆགས་རྟ་རྣམས་གར་སོང་མེད། །ཇག་རྐུན་རྦབ་གཡང་འཇིགས་པ་ཆེ། །ས་དུག་ནད་ཀྱིས་དུད་འགྲོ་འགུམ། །ཆར་རླུང་འུར་སྒྲ་ཐུག་ཆོམ་ཆེ། །གྲྭ་པ་རྣམས་ཀྱང་འོ་བརྒྱལ་ཆེ། །དེ་ཚེ་རྣལ་འབྱོར་བདག་ཉིད་ཀྱང་། །བློ་མ་བདེ་ཞིང་ཤེས་པ་འཚུབ། །དེ་ཚེ་རང་ལ་གསལ་བཏབ་པ། །ཀྱེ་མ་ཡོད་པ་འཚོ་སྐྱོང་གི །སྡུག་བསྔལ་དག་གི་དཔེ་བཞག་ན། །རྒན་མོའི་ཕྱུགས་ལུག་འཚོ་བ་འདྲ། །ཁྱད་པར་དོ་ནུབ་གྲྭ་པ་ཚོ། །སྲིད་པ་བར་དོར་འཁྱམས་པ་འདྲ། །རྐྱེན་ངན་ཅུང་ཟད་འདི་ཙམ་ལ། །ཉམས་ལེན་རྩི་

― CMR051_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས་མ་ཟིན་ན། །བར་དོ་བགྲོད་དུས་གང་ལྟར་བྱེད། །བསམ་ནས་རྣལ་འབྱོར་བདག་ཉིད་ནི། །ལུས་ནི་ལྷ་ཡི་དཀྱིལ་འཁོར་བསྒོམ། །ཏིང་ངེ་འཛིན་གྱི་ལྷ་སྲུང་རྣམས། །རྟ་ཕྱུགས་གྲྭ་པ་བསྲུང་ཕྱིར་མངག །མི་བདེ་སེམས་ཀྱི་ངོ་བོ་བལྟས། །སྣང་སྲིད་དག་པ་རབ་འབྱམས་དང་། །བསྐྱེད་རྫོགས་ཟུང་འཇུག་དགོངས་པ་བསྐྱེད། །བར་ཆད་མ་བྱུང་བོགས་སུ་ཐོན། །ཕྱི་ནང་སྣོད་བཅུད་དངོས་པོ་ཀུན། །བཟང་ངན་ཅི་ཤར་ངོ་བོ་སྟོང་། །བདེན་པར་མ་གྲུབ་སྒྱུ་མ་འདྲ། །འུར་སྒྲ་ཐུག་ཆོམ་སྟོང་པའི་སྒྲ། །གྲག་སྟོང་ཡི་གེ་དྲུག་པ་དངོས། །སྤྲིན་ནག་ཁ་ཆར་སྟོང་པའི་རྩལ། །བདེན་མེད་སྟོང་པའི་དབྱིངས་སུ་ཡལ། །མི་བདེ་རྣམ་རྟོག་ཆོས་ཀྱི་སྐུ། །ངོ་བོ་བལྟས་པས་བདེ་སྟོང་ངང་། །གང་ཤར་དེས་ཆོག་མ་བྱུང་ན། །ཉམས་བཟང་སྐྱིད་པའི་དུས་ཀྱི་གྲོགས། །བཟང་ངན་བདེ་སྡུག་ཅི་ཤར་ཡང་། །མ་བཅོས་བཞག་པས་ཆོས་སྐུར་གྲོལ། །ཕྱི་ནང་སྣོད་བཅུད་འཁོར་འདས་ཀུན། །ཡེ་ནས་སྐུ་གསུམ་ལྷུན་གྲུབ་ཏུ། །ངོ་བོ་སྟོང་ལ་རང་བཞིན་གསལ། །རྣམ་པ་འགགས་མེད་ཅིར་ཡང་འཆར། །ངོ་བོ་སྟོང་པ་དོན་དམ་གྱི། །བདེན་པ་ཡིན་པར་ཧྲིག་

― CMR051_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

གེར་རྟོགས། །རྣམ་པ་རྒྱུ་འབྲས་རྟེན་འབྲེལ་ཙམ། །ཀུན་རྫོབ་བདེན་པའི་གནད་མཚངས་རྟོགས། །དེ་གཉིས་མི་འགལ་ཟུང་འཇུག་པ། །ངོ་མཚར་ཡ་མཚན་ཨེ་མ་ཧོ། །སྙིགས་དུས་དམ་པའི་ཆོས་སྨྲ་བའི། །བཙུན་པ་རཱ་ག་ཨ་སྱ་ཡིས། །ཐོལ་བྱུང་འཆལ་གཏམ་འཕྲལ་དུ་སྨྲས།། ༈ །།ན་མོ་ལོ་ཀེ་ཤྭ་ར་ཡེ། འདམ་འགྱོ་གྲུ་སོའི་མར་ཐང་ན། །སྲོད་འཁོར་ཙམ་གྱི་དུས་ཚོད་ལ། །འགྲོ་དྲུག་སེམས་ཅན་ཐམས་ཅད་ལ། །རང་དབང་མེད་པའི་སྙིང་རྗེ་སྐྱེས། །བདག་བས་གཞན་གཅེས་བྱང་ཆུབ་སེམས། །འདི་ག་ཡིན་པར་འདུག་པ་ལ། །སྔོན་ཆད་གོ་བ་སྐམ་པོར་སོང་། །སྙམ་ནས་བདག་གཞན་བརྗེ་ནུས་པའི། །ཉམས་ཀྱི་འཆར་ཚུལ་ངོ་མཚར་ཆེ། །དེ་ཚེ་ཡིད་ལ་འདི་ལྟར་ཤར། །བདག་དང་བརྒྱུད་པར་བཅས་པ་ཡི། །མ་རྒན་འགྲོ་དྲུག་སེམས་ཅན་ལ། །ནམ་ཡང་གནོད་པ་སྤངས་བར་ཤོག །སྐྱེ་བ་འདི་ནས་ཚེ་རབས་ཀུན། །གཞན་ཕན་གཞི་བཅས་བསྒྲུབ་པར་ཤོག །བདག་ནི་འཁོར་བ་ཇི་སྲིད་དུ། །རང་དོན་ཞི་བདེར་མི་འཇུག་པར། གང་འདུལ་སྤྲུལ་པ་དཔག་མེད་ཀྱིས། །འགྲོ་བ་བདེ་ལ་འགོད་

― CMR051_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤོག །སྤྲུལ་པ་བྱེ་བ་ཕྲག་བརྒྱ་ཡིས། །འགྲོ་དྲུག་སྡུག་བསྔལ་སེལ་བ་ལ། །སྤྱན་རས་གཟིགས་དང་དབྱེར་མེད་ཤོག །སྤྲུལ་པ་བྱེ་བ་ཕྲག་བརྒྱ་ཡིས། །འགྲོ་བའི་བློ་མུན་སེལ་བ་ལ། །འཇམ་དཔལ་དབྱངས་དང་དབྱེར་མེད་ཤོག །སྤྲུལ་པ་བྱེ་བ་ཕྲག་བརྒྱ་ཡིས། །འགྲོ་བའི་སྐྱབས་མགོན་བྱེད་པ་ལ། །གསང་བའི་བདག་དང་དབྱེར་མེད་ཤོག །སྤྲུལ་པ་བྱེ་བ་ཕྲག་བརྒྱ་ཡིས། །གདུལ་དཀའ་མ་ལུས་འདུལ་བ་ཡི། །ཨོ་རྒྱན་རྗེ་དང་དབྱེར་མེད་ཤོག །བདག་ནི་སྐྱེ་བ་ཐམས་ཅད་དུ། །གང་གིས་མཐོང་བ་ཐམས་ཅད་ནི། །མཐོང་གྲོལ་ཉིད་དུ་སངས་རྒྱས་ཤོག །གང་གིས་ཐོས་པ་ཐམས་ཅད་ནི། །ཐོས་གྲོལ་ཉིད་དུ་སངས་རྒྱས་ཤོག །གང་གིས་དྲན་པ་ཐམས་ཅད་ནི། །དྲན་གྲོལ་ཉིད་དུ་སངས་རྒྱས་ཤོག །གང་གིས་རེག་པ་ཐམས་ཅད་ནི། །རེག་གྲོལ་ཉིད་དུ་སངས་རྒྱས་ཤོག །སྨོན་ལམ་བཏབ་བཞིན་འགྲུབ་པར་ཤོག །ཅེས་བསམ་ཕྱིར་ནངས་ཡི་གེར་བཀོད། མངྒལཾ།། ༧ དེ་ནས་ཉམས་ཀྱི་སྣང་བ་ལ། །གཡོན་དེར་མི་ཆེན་གཅིག་ཀྱང་འདུག །དེ་རྗེས་གཉིད་པའི་རྨི་ལམ་ན། །མི་སྐྱ་མང་པོ་འགའ་ཞིག་གིས། །བདག་ལ་གུས་

― CMR051_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

འདུད་དབང་ཞུ་བྱུང་། །ཀུན་རིག་དབང་བསྐུར་བྱས་པ་རྨིས། །མི་མ་ཡིན་འགའ་ཡིན་ནམ་སེམས། །དེ་ནས་གྲུབ་ཆེན་ཀརྨ་པས། །དཔལ་ལྡན་ལྷ་མོ་ཞལ་གཟིགས་ཤིང་། །རྩི་ཤིང་ནགས་ཚལ་ཐམས་ཅད་ཀུན། །ལྷ་མོའི་སྐུ་རུ་གཟིགས་པའི་ས། །ཏིང་ཐོག་ཁ་རུ་ཡུད་ཙམ་ཕྱིན། །ལྷ་མོའི་སྔགས་བཟླས་བསྟོད་པ་བྱས། ༈ ། ཀ་ཡེ་གསོན་དང་དཔལ་ལྡན་རང་བྱུང་མ། །ཁ་དོག་ཆར་སྤྲིན་གཏིབ་པ་ལྟ་བུའི་མདོག །ག་ཤལ་ཐོད་རློན་ཕྲེང་བས་རྒྱན་དུ་བྱས། །ང་རོ་མ་བྷོ་རུ་ལུའི་འབྲུག་སྒྲ་སྒྲོག །ཅ་ཅོའི་སྒྲ་སྒྲོག་སྲིད་གསུམ་མ་མོའི་ཚོགས། །ཆ་ལུགས་སྲིན་མོའི་གཟུགས་འཆང་འཁོར་བཅས་ལ། །ཇ་ཆང་ཕུད་དང་ཚོགས་དང་གཏོར་མས་མཆོད། །ཉ་རྒྱས་ཟླ་ལྟར་འགྲོ་བའི་མུན་སེལ་བ། །ཏ་ཐཱ་ག་ཏའི་བསྟན་པ་རྒྱས་པར་མཛོད། །ཐ་མལ་སྐྱེ་བོས་བསྟན་ལ་གནོད་བྱེད་རྣམས། །ད་ནི་ཚར་གཅོད་ཕྲིན་ལས་མ་གཡེལ་ཅིག །ན་མེད་བསྟན་པ་འགགས་ལ་ཐུག་པ་གཟིགས། །པ་དེ་པུ་དེའི་ཆོ་འཕྲུལ་ཕན་པ་མེད། །ཕ་རོལ་དགྲ་དཔུང་མ་ལུས་རྡུལ་དུ་རློགས། །བ་མོར་ཉི་ཟེར་ཕོག་བཞིན་མྱུར་དུ་ཐུལ། །མ་གཡེལ་མ་གཅིག་ཐུགས་

― CMR051_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་དུས་ལ་བབ། །ཙ་རླུང་བྱང་ཆུབ་སེམས་ལ་བརྟན་བཞུགས་ནས། །ཚ་གྲང་འབྱུང་བའི་ནད་རྣམས་ཞི་བ་དང་། །ཛ་ཡེའི་གོ་འཕང་ཚེ་འདིར་ཐོབ་པར་མཛོད། །ཝ་ལེར་སྲིད་གསུམ་གཟིགས་པའི་ལྷ་མོ་ཁྱོད། །ཞ་ནག་ཅོད་པན་འཛིན་པའི་བསྟན་པ་སྲུངས། །ཟ་བྱེད་ཕོ་ཉའི་ཚོགས་རྣམས་ལས་ལ་ཆས། །འ་རེ་འུ་རེའི་སྙན་གྲགས་ཕྱོགས་བཅུར་སྒྲོག །ཡ་མཚན་ཆེ་བའི་རྟགས་མཚན་སྣ་ཚོགས་སྟོན། །ར་ལ་ཞོན་པའི་རྡོ་རྗེ་ལེགས་པ་སོགས། །ལ་ཆེན་བཀའ་སྲུང་ཐམས་ཅད་ལས་ལ་ཆོས། །ཤ་ཟ་སྲིན་མོ་སྲོག་ལ་རྔམ་པ་རྣམས། །ས་ཆ་གང་དུ་འདུག་ཀྱང་བསྟན་དགྲ་ཟོ། །ཧ་ཡ་གྲི་ཝའི་དམ་ལས་མ་འདའ་བར། །ཨ་ལ་ལ་ཧོ་ཐུགས་དམ་དུས་ལ་བབས། །ཞེས་པ་ཏིང་ཐོག་ཁའི་ཉེ་ལོགས་སུ་རྟེན་འབྲེལ་བྱས་ནས་བསྟོད་པའོ།། ༈ །།བྷཻ། འདས་པའི་སངས་རྒྱས་བཅོམ་ལྡན་རིན་ཆེན་མང་། །ད་ལྟ་རྣམ་པར་སྣང་མཛད་ཐུགས་ལས་སྤྲུལ། །མ་འོངས་དེ་བཞིན་གཤེགས་པ་རིན་ཆེན་གདུགས། །ད་ལྟ་ས་བརྒྱད་ལ་གནས་སེམས་དཔའ་ཆེ། །གནོད་སྦྱིན་རྒྱལ་པོ་སྐུ་སྤྲུལ་རྣམ་ཐོས་སྲས། །དབང་གི་ལས་མཛད་པདྨ་རཱ་གའི་མདོག །ཁྱོད་ནི་སྣང་བ་

― CMR051_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཡས་སྤྲུལ་པ་སྟེ། །འཇིག་རྟེན་ཀུན་རྫོབ་ལམ་ལས་རིང་དུ་འདས། །དོན་དམ་རྒྱལ་བ་ཀུན་དང་དགོངས་པ་མཉམ། །དེ་ཕྱིར་མི་གཙང་རྫས་ཀྱི་ཤ་ཁྲག་དང་། །ཀུན་རྫོབ་ཤོག་བུ་སྣག་ཚའི་རི་མོ་ལ། །རྫོགས་པའི་སངས་རྒྱས་ཁྱེད་ནི་མ་ཆགས་པར། །དོན་དམ་རྣལ་འབྱོར་ལུས་ཀྱི་དཀྱིལ་འཁོར་ལ། །འབྲལ་བ་མེད་པར་རྟག་ཏུ་བཞུགས་པར་མཛོད། །གལ་ཏེ་རྟེན་འབྲེལ་ཁྱད་དུ་མི་གསོད་ན། །བདག་གིས་བསྐལ་པ་གྲངས་མེད་དུ་མ་རུ། །དཔའ་གཏུམ་ལྡན་པའི་མི་གཞོན་དུ་མར་སྐྱེས། །དེ་ཚེ་གཡུལ་དུ་གྲི་རྒོད་ཤི་བ་ཡང་། །མགོ་བོ་བྱང་དུ་བསྟན་ནས་ལན་བརྒྱ་ཤི །དེ་ཕྱིར་བདག་གི་ཙིཏྟ་རིན་ཆེན་འདི། །གྲི་རྒོད་ཙིཏྟ་ཡིན་པས་འདི་ལ་བཞུགས། །ཐ་མལ་སྡིག་ཆེན་སྙིང་ལ་ཁྱེད་མ་ཆགས། །བདག་གི་རྡོ་རྗེའི་ལུས་ཀྱི་དཀྱིལ་འཁོར་ལ། །རྩ་མདུད་ཐམས་ཅད་ཡི་གེའི་ཚུལ་དུ་གནས། །ནོར་བུ་མེ་ཤེལ་གདན་གྱི་མདོག་བསྒྱུར་ལྟར། །ལྷ་ཚོགས་གང་བསྒོམ་དེ་ཡི་སྔགས་སུ་གསལ། །དེ་ཕྱིར་བདག་གི་རྩ་རླུང་ཐིག་ལེ་ལ། །ཡེ་ཤེས་ལྷ་ཁྱོད་མི་འབྲལ་བརྟན་པར་བཞུགས། །ཤོག་སྣག་རི་མོ་ཙམ་གྱིས་ཅི་ཞིག་བྱ། །མདོར་ན་ས་

― CMR051_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་སེམས་དཔའ་ཆེན་པོ་ཁྱོད། །འདི་ནས་བཟུང་སྟེ་བྱང་ཆུབ་སྙིང་པོའི་བར། །རྣལ་འབྱོར་བོདག་དང་མི་འབྲལ་འགྲོགས་མཛོད་ལ། །མཁའ་མཉམ་འགྲོ་རྣམས་བླ་མེད་བྱང་ཆུབ་ལ། །འགོད་པའི་ཕྲིན་ལས་ཁྱོད་ཀྱིས་འགྲུབ་པར་མཛོད། །རྒྱལ་བའི་བསྟན་པ་དར་ཞིང་རྒྱས་པ་དང་། །བསྟན་འཛིན་དགེ་འདུན་མངའ་ཐང་འཕེལ་བ་དང་། །འགྲོ་ཀུན་བྱང་ཆུབ་མཆོག་ལ་འགོད་པ་ལས། །གཞན་པའི་རང་འདོད་རྣལ་འབྱོར་བདག་ལ་མེད། །ལྷ་མཆོག་ཁྱེད་ཀྱི་བཞེད་པ་དེ་མིན་ནམ། །རྣལ་འབྱོར་བདག་དང་ལྷ་མཆོག་ཁྱེད་གཉིས་ནི། །ཐུགས་རྒྱུད་ཐ་དད་གྱུར་ཀྱང་དམ་ཚིག་གཅིག །དེ་ཕྱིར་རྟེན་རྫས་སོགས་ལ་མ་ལྟོས་པར། །རྟག་ཏུ་བདག་དང་འབྲལ་མེད་མཛད་དུ་གསོལ། །ཞེས་པ་རྟེན་རྫས་གཅིག་བོར་ཤོར་ནས་བློ་སེམས་ཅུང་ཟད་མ་བདེ་དུས་ངེས་དོན་གྱི་དགོངས་པས་བསྐྱེད་ནས་བྲིས་སོ།། ༈ །།ན་མོ་ཀརྨ་ཀ་ཡེ། སྤྱན་རས་གཟིགས་དབང་དགེ་སློང་ཚུལ། །བཛྲ་དྷརྨཱ་དྷཱ་ཏུ་ལ། །གསོལ་བ་འདེབས་སོ་ཐུགས་རྗེས་གཟིགས། །ལོ་ཡི་རྒྱལ་པོ་བྱི་བའི་ལོ། །འབྲས་དྲུག་སྨིན་པ་སྟོན་གྱི་ཟླ། །ཐ་སྐར་ཁྲུམས་ཀྱི་ཉེར་དགུ་ལ། །མགོ་གཏུམ་དགུ་གཏོར་

― CMR051_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་བསྔོས་སྐབས། །གཉིད་པ་མ་ཡིན་ཉམས་སྣང་ལ། །ངག་དབང་བཀྲ་ཤིས་དཔལ་གྲུབ་དེ། །རྒྱང་རིང་ཞིག་ནས་ཞལ་མཐོང་ལ། །ཕེབས་བྱུང་བདག་གི་མདུན་དེ་རུ། །ཕེབས་བྱུང་ལེགས་པར་ཞལ་མཇལ་བས། །སྟག་ལུང་ཞབས་དྲུང་མ་ཡིན་པར། །ཆོས་དབྱིངས་རྡོ་རྗེ་དངོས་སུ་སྣང་། །ཞལ་རས་དཀར་ཞིང་གཞོན་ཤ་ཆགས། །སྔར་དུས་མཇལ་དང་ཁྱད་མེད་པར། །སྐུ་ལ་ཆོས་གོས་ངུར་སྨྲིག་གསོལ། །བཞེངས་ཐབས་དགྲ་བཅོམ་དུལ་བའི་ཚུལ། །མངོན་སུམ་མཇལ་དང་ཁྱད་མེད་པ། །མཇལ་བས་ཡིད་ལ་དགའ་བདེ་རྒྱས། །དད་པའི་གསོས་སུ་གྱུར་པ་བྱུང་། །སྐུ་ཚེ་བསྐལ་པར་ཞབས་བརྟན་ཅིང་། །གཞན་སྣང་འགྲོ་དོན་ཕྲིན་ལས་རྣམས། །ཕྱོགས་བཅུར་འཕེལ་ཞིང་རྒྱས་པ་གཅིག །ཐུགས་བསྐྱེད་སྨོན་ལམ་ལུང་བྱང་རྣམས། །ད་ནི་མྱུར་དུ་དུས་ལ་བབས། །ཞེས་འཕྲལ་ཉིད་དུ་བྲིས་སོ།། ༈ །།ན་མོ་གུ་རུ་དྷརྨེ་ཤྭ་ར་ཡེ། ཡང་དེ་ནུབ་ཉལ་བའི་རྨི་ལམ་ན། །དྲིན་ཅན་ཆོས་ཀྱི་དབང་ཕྱུག་དེ། །མངོན་སུམ་ལྟ་བུར་གསལ་བར་མཇལ། །སྐུ་ལ་ཟ་འོག་བེར་ཕྱམ་གསོལ། །ཞལ་རས་ལ་སོགས་དངོས་

― CMR051_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་སྣང་། །དེ་ཡི་སྐུ་གཞོགས་གཡོན་ངོས་ན། །ང་ཡི་མ་རྒན་ཡིན་སྙམ་པའི། །བུད་མེད་གཅིག་ཀྱང་བཞེངས་ནས་སྣང་། །དེ་ཚེ་མཆོག་གི་སྤྲུལ་པའི་སྐུའི། །ཞབས་གཉིས་ཅུང་ཟད་བསྙུང་ཚུལ་གྱིས། །ང་ལ་ཕུ་སུ་ཐོབ་གསུངས་བཏབ། །ཞབས་ལ་ཕན་པའི་དགོངས་གཏེར་གཅིག །སྤྲུལ་སྐུ་ལ་ནི་ཞུ་ཆོག་ཞུས། །དེ་ལ་ཁོང་གིས་ཞུ་འདོད་གསུངས། །ང་ལ་ཐུགས་རྩིས་དགྱེས་ཚོར་མཛད། །བདག་སེམས་རབ་ཏུ་ཚིམ་པར་རྨིས། །འདི་ནི་རྟེན་འབྲེལ་གནད་འགགས་ཤིག །ཡིན་ནམ་སྙམ་པ་ཡིད་ལ་ཤར། །ཆེ་དཔག་མེད་པ་སྤྲུལ་པའི་སྐུ། །ཡིན་ལ་ཡིན་ངེས་ཐུགས་རྗེ་ཡིས། །སྐུ་ཚེ་བསྐལ་པར་ཞབས་བརྟན་ཅིང་། །བསྟན་པ་ཕྱོགས་བཅུར་འཕེལ་བ་ཞིག །ད་ནི་ཐུགས་རྗེ་དུས་ལ་བབས། །ཞེས་པ་ཕྱི་དེ་ཉིད་ལ་བྲིས། །གཞན་ཡང་སྐྱེར་པ་ཐང་དེ་རུ། །ཞག་གཅིག་བསྡད་པའི་དང་པོ་ཉིད། །ལུས་ཀྱང་རབ་ཏུ་མ་བདེ་ནས། །ལྷ་མོའི་མདོས་ཆུང་གཅིག་ཀྱང་བཏང་། །དམིགས་པ་དཀར་འགྱེད་དམར་འགྱེད་བྱས། །དེ་ནས་ཉལ་བའི་རྨི་ལམ་དུ། །དབང་བསྐུར་ཞུ་མཁན་འགའ་བྱུང་བར། །རྗེས་གནང་གསུམ་འབྲེལ་གཅིག་ཀྱང་

― CMR051_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས། །དབང་ནི་ཞུ་མཁན་དེ་རྣམས་ཀྱི། །གཟུགས་ནི་གསལ་པོར་མ་མཐོང་ལ། །ཕྱིར་ནུབ་ལ་ཡང་དེ་བཞིན་དུ། །དབང་ཞུ་ཟེར་བ་འགའ་བྱུང་བས། །སྔར་ཡང་ལན་གཅིག་མཇལ་མྱོང་སྟེ། །ད་རེས་ཞལ་ལྟ་འོང་བ་ཡིན། །ཟེར་བའི་མཇལ་མི་ཚོ་གཅིག་ལ། །དབང་བསྐུར་ཞིག་ནི་བྱས་པ་ལ། །དབང་ནི་ཞུ་མཁན་དེ་རྣམས་ཀྱིས། །གཟུགས་ནི་གསལ་པོར་མི་སྟོན་དེ། །མི་མ་ཡིན་དང་ཀླུ་ཡི་རིགས། །མཐོང་བའི་དུག་ཅན་ཡིན་པའི་ཕྱིར། །ང་ལ་དུག་ནི་ཕོག་དོགས་ཀྱིས། །གཟུགས་དེ་མི་སྟོན་དེ་ཡི་དོན། །ཡིན་པ་འདྲའོ་བསམ་པ་ཤར། །འབྲེལ་ཐོགས་མི་དང་མི་མིན་ཀུན། །ཚེ་འདིར་བདེ་སྐྱིད་ཕུན་ཚོགས་ཤིང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་གྱི་ཞིང་ཁམས་སུ། །བརྫུས་སྐྱེས་སྤྲུལ་སྐུ་ཐོབ་པར་ཤོག །ཅེས་སྨྲས་སོ།། ༈ །།ན་མོ་ལོ་ཀེ་ཤྭ་ར་ཡེ། གནས་འོག་མིན་བདེ་ཆེན་ཞིང་ཁམས་ན། །དཔལ་པདྨ་གར་དབང་སྣང་མཐའ་ཡས། །བདག་གསོལ་བ་འདེབས་སོ་ཐུགས་རྗེས་གཟིགས། །ལར་མེད་བཞིན་སྣང་བའི་འགྲོ་དྲུག་རྣམས། །དེ་རང་སེམས་ཀློང་དུ་དབང་འདུས་ནས། །དེ་

― CMR051_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་མཁྱེན་ས་ལ་འགོད་པར་ཤོག །གནས་ལྷོ་ཕྱོགས་རི་བོ་གྲུ་འཛིན་ནས། །དཔལ་ཐུགས་རྗེས་བདག་པོ་སྤྱན་རས་གཟིགས། །བདག་གསོལ་བ་འདེབས་སོ་ཐུགས་རྗེས་ཟུངས། །སྔོན་ཚེ་རབས་དུ་མའི་མ་རྒན་རྣམས། །དེ་སྙིང་རྗེ་ཆེན་པོས་དབང་བསྡུས་ནས། །ནུབ་བདེ་ཆེན་ཞིང་དུ་ཁྲིད་པར་ཤོག །གནས་རྔ་ཡབ་ཟངས་མདོག་དཔལ་རི་ནས། །དཔལ་སྣང་སྲིད་ཟིལ་གནོན་པདྨ་འབྱུང་། །བདག་གསོལ་བ་འདེབས་སོ་ཐུགས་རྗེས་ཟུངས། །དུས་ད་དུས་གདུལ་དཀའི་འགྲོ་བ་རྣམས། །དེ་ཕྲིན་ལས་རྣམ་བཞིས་དབང་བསྡུས་ནས། །དོན་སྙིང་པོའི་བསྟན་ལ་འགོད་པར་ཤོག །གནས་སྒར་ཆེན་ཆོས་ཀྱི་ཕོ་བྲང་ནས། །དཔལ་བསྟན་པའི་བདག་པོ་ཉི་ཟླ་ཟུང་། །བདག་གསོལ་བ་འདེབས་སོ་ཐུགས་རྗེས་ཟུངས། །རྗེ་ཁྱེད་ཀྱི་ཐུགས་རྗེས་འོད་ཟེར་གྱིས། །དོན་སྙིང་པོའི་བསྟན་པ་གསལ་བར་ཤོག །གནས་ཆོས་དབྱིངས་ལྷུན་གྲུབ་གཞལ་ཡས་ནས། །དཔལ་རྟ་མཆོག་རྒྱལ་པོ་རྣལ་འབྱོར་མ། །བདག་གསོལ་བ་འདེབས་སོ་ཐུགས་རྗེས་ཟུངས། །དོན་སྣང་སྲིད་དབང་གི་དངོས་གྲུབ་ཀྱིས། །དུས་སྙིགས་མའི་འགྲོ་བ་འདུལ་བར་ཤོག །

― CMR051_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བྱང་ཕྱོགས་དུར་ཁྲོད་ཆེན་པོ་ནས། །དཔལ་མ་མགོན་ལྕམ་དྲལ་མཐུ་སྟོབས་བདག །བདག་གསོལ་བ་འདེབས་སོ་ཐུགས་རྗེས་ཟུངས། །དུས་སྙིགས་མའི་དུས་ཀྱི་འདུལ་དཀའ་རྣམས། །དེ་མྱུར་དུ་ཚར་གཅོད་རྗེས་འཛིན་ཤོག །ཅེས་པ་དམིགས་རིམ་ཞིག་གི་རྟེན་འབྲེལ་ལ་བརྟེན་ནས། སྒྲུབ་གནས་འབྲོག་རྫོང་གི་ཞོལ་དུ་ཕྱིན་མ་ཐག་བྲིས་སོ།། ། ༈ །།ན་མོ་མ་ཧཱ་མུ་དྲ་ཡེ། ལྟ་བ་ལ་འདོད་ཚུལ་མང་ན་ཡང་། ་།བལྟ་བྱ་ལྟ་བྱེད་གཉིས་སུ་མེད། །ལྟ་བའི་གནས་ཚུལ་སྨྲ་མི་ཤེས། །སྒོམ་པ་ལ་འདོད་ཚུལ་མང་ལགས་ཀྱང་། །འདི་བསྒོམ་གྱི་གཏད་སོ་སྤུ་ཙམ་མེད། །མ་ཡེངས་ཀྱི་དྲན་རྫིས་གསལ་འདེབས་ཙམ། །སྤྱོད་པ་ལ་ས་མཚམས་མང་ལགས་ཀྱང་། །མ་ཡེངས་གི་དྲན་རྫིསཟིན་བཞིན་དུ། །སྡོམ་གསུམ་ལ་གཅེས་སྤྲས་བྱེད་པ་ཙམ། །འབྲས་བུ་ལ་བཞེད་པ་མང་ལགས་ཀྱང་། །འོད་གསལ་ལ་རྒྱུན་ཆད་མེད་པ་ན། །གསང་སྔགས་ཀྱི་སངས་རྒྱས་ཡིན་པར་བསམ་། །ལྟ་སྒོམ་དང་སྤྱོད་པ་འབྲས་བུའི་གླུ། །སྒྲུབ་གནས་འབྲོག་རྫོང་གི་ཞོལ་དུ་བྲིས།། ༈ །།ན་མོ་གུ་རུ་ལོ་ཀེ་ཤྭ་ར་ཡེ། འཆི་བ་འདི་སྙིང་ནས་མ་གཟེར་ན། །

― CMR051_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་བསམ་དང་སྒོམ་སྒྲུབ་འབད་ལགས་ཀྱང་། །ཚེ་འདིའི་ལག་ཆར་གོལ་ཉན་གདའ། །ནམ་འཆི་འདི་ཚ་མེད་མ་བསྒོམས་ན། །གོ་རྟོགས་དང་ཤེས་རབ་ཆེ་ལགས་ཀྱང་། །བྱེད་བསམ་གྱི་ངང་ལ་ལུས་ཉན་གདའོ། །འཆི་དུས་ལ་ཅི་བྱེད་མ་བསམ་ན། །ཟུག་གཟེར་གྱིས་ཉམས་ལེན་གཏོར་ཉེན་གདའ། །བར་དོ་རུ་ཅི་བྱེད་མ་བསམ་ན། །འཁྲུལ་པའི་དབང་དུ་འགྲོ་ཉེན་གདའ། །བར་དོ་ནས་གར་འགྲོ་མ་བསམ་ན། །གར་འགྲོ་ཆ་མེད་ཅིག་འོན་ཉེན་གདའ། །སེམས་བསྐྱེད་ཀྱི་གནད་གསང་འདི་མ་གོ་ན། །ཆོས་གང་བྱས་ཐེག་དམན་དུ་གོལ་ཉན་གདའ། །ངེས་འབྱུང་གི་བསམ་པ་མ་སྐྱེས་ན། །འདུལ་ཁྲིམས་ཡང་ངོ་ཚར་གོལ་ཉེན་གདའ། །དགོས་མེད་ཀྱི་བསམ་པ་མ་སྐྱེས་ན། །ཆོས་གང་བྱས་དེ་ཆོས་བརྒྱད་དུ་གོལ་ཉེན་གདའ། །བཅོས་མིན་གྱི་སྙིང་རྗེ་མ་སྐྱེས་ན། །བཏང་ལེན་ཡང་གཏོ་ཆོས་སུ་གོལ་ཉེན་གདའ། །མི་རྟག་པ་བཅོས་མིན་མ་སྐྱེས་ན། །རྟེན་བཞེངས་ཡང་གྲགས་འདོད་དུ་གོལ་ཉེན་གདའ། །བསྔོ་བའི་ཕན་ཡོན་དེ་མ་གོ་ན། །འབུལ་བ་ཡང་བྱས་ཡུས་སུ་འགྲོ་ཉེན་གདའ། །འཛིན་ཆགས་འདི་གདེང་ནས་མ་གྲོལ་ན། །དཀོར་གྲིབ་

― CMR051_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཁུར་ཚ་ལྡི་ཉེན་གདའ། །རང་བབས་ཀྱི་ཀློད་ཚུལ་མ་ཤེས་ན། །སྡུག་བཙིར་གྱིས་སེམས་གཅོང་འཇུག་ཉེན་གདའ། །གང་བྱུང་དེས་ཆོག་གཅིག་མ་བྱུང་ན། །ཉམས་བཟང་ལ་ཆགས་པ་སྐྱེ་ཉེན་གདའ། །མ་བཅོས་ཀྱི་དོན་དེ་མ་རྟོགས་ན། སྟོང་ཉིད་དེ་ངོ་བོར་རློམ་ཉེན་གདའ། །བསྐྱེད་རིམ་གྱི་གནད་འགགས་མ་ཤེས་ན། །དཀའ་ཐུབ་ཀྱི་རྩ་ལྟུང་ཁུར་ཉེན་གདའ། །མདོ་རྒྱུད་ཀྱི་དགོངས་པ་མ་གོ་ན། །དོན་ཆུང་ལ་དཀའ་ལས་བྱེད་ཉེན་གདའ། །མོས་གུས་ཀྱི་གནད་འགག་མ་གོ་ན། །ཕོ་རུས་དང་དད་པ་ནོར་ཉེན་གདའ། །ཉམས་ལེན་གྱི་བླ་མ་མ་བསྟེན་ན། །གོ་བ་དང་རྟོགས་པ་ནོར་ཉེན་གདའ། །རང་དོན་གྱི་སེམས་འཁྲིས་མ་ཆོད་ན། །འགྲོ་དོན་ཡང་རྙེད་ཚུལ་དུ་གོལ་ཉེན་གདའ། །བསྟན་འགྲོ་ལ་སྙིང་ནས་མ་བསམ་ན། །དབང་ལུང་ཡང་ཚོང་པར་གོལ་ཉན་གདའ། །བླ་མའི་བསྟེན་ཚུལ་མ་ཤེས་ན། །སློབ་མ་ཡང་གླ་པར་གོལ་ཉེན་གདའ། །གཞན་གནོད་ཀུན་རྩད་ནས་མ་སྤངས་ན། །བསྟན་དོན་ཡང་སྡིག་རྩར་གོལ་ཉེན་གདའ། །དམིགས་མེད་ཀྱི་སྙིང་རྗེས་མ་ཟིན་ན། །ངག་ནུས་ཡང་སྲིན་པོར་གོལ་ཉེན་གདའ། །

― CMR051_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་འབྲས་ལ་ཕྲ་ཞིབ་མ་ཕྱེད་ན། །ཁ་ལྟ་ཀུན་རུ་ཏྲར་གོལ་ཉེན་གདའ། །འཛིན་པ་ཀུན་ནང་ནས་མ་ཞིག་ན། །བྱ་བ་བཏང་ཡང་ཇོ་བསྡུར་གོལ་ཉེན་གདའ། །དེ་ཀུན་རང་ཉིད་ལ་སྨྲས་པ་ཡིན། །གཞན་ལ་ནི་ཞུ་བ་མ་ལགས་པས། །སུ་ཡིན་ཡང་ཐུགས་རྟོག་མི་མཛད་ཞུ། །ཞེས་ཨ་མྱེ་འབྲོག་རྫོང་གི་ཞོལ་དུ་སྨྲས་སོ། །གནས་དེར་གཉིད་དང་རྨི་ལམ་མཚམས། །ཉམས་ཀྱི་སྣང་བ་ལྟ་བུ་ལ། །སྤྲུལ་སྐུ་མི་འགྱུར་རྡོ་རྗེ་ཡིས། །གནས་སྒོ་ཕྱེས་པའི་ས་ཡི་ཆ། །རྫ་ཡི་སྤྱི་འབྱམས་ཉེ་ལོགས་སུ། །སྤང་རི་འདྲ་བ་ཞིག་གི་ཞོལ། །སྔར་དུས་དགོན་སྡེ་ཆགས་པའི་ཤུལ། །གྱང་ཧྲལ་དམར་དང་ཐ་རེ་བ། །དེ་འདྲ་མཐོང་བའི་སྣང་བ་བྱུང་། །ཡང་ནི་འབྲོག་རྫོང་ཞོལ་ཉིད་དུ། །ཉམས་དང་རྨི་ལམ་མཚམས་ཤེད་ན། །བཀའ་སྲུང་ལྷ་མོ་ཡིན་ནམ་སྙམ། །བུད་མེད་རྒྱན་གྱིས་བརྒྱན་པ་བདུན། །རང་མདུན་གུས་པའི་ཚུལ་དུ་སྣང། །མི་སྐྱ་ཤས་ཆེའི་ཁྲོམ་པ་ནི། །བཅུའམ་ཉི་ཤུ་རྩ་གཅིག་ནི། །བདག་ལ་གུས་འདུད་མདུན་དུ་འཁོད། །དབང་བསྐུར་ཆོས་བཤད་མང་བྱས་སོ། །དེ་དག་ཡུལ་དེའི་མི་མ་ཡིན། །འགའ་ཞིག་ཡིན་པ་འདྲའོ་སྙམ།། ༈ །།ན་མོ་གུ་

― CMR051_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་ཨཀྟ་བྷེ། བླ་མ་མི་འཁྲུགས་རྒྱལ་པོ་ལ། གསོལ་བ་འདེབས་སོ་ཐུགས་རྗེས་ཟུངས། །ཀླུ་བདུད་ར་དཀར་གཉན་གྱི་ཞོལ། །སྡེ་འཁྲུག་བསླང་རྐྱེན་ལང་བ་ཡིས། །ཆུ་འདྲེ་གནས་པའི་རྐང་རབ་སོར། །དབག་ཐུག་མདའ་ཡི་ཐང་སྣེ་རུ། །སྒར་པ་བརྒྱབས་ནས་འདུག་མ་ཐག །གསང་སློང་སེམས་ཀྱི་ཟུག་རྔུ་ལྡང་། །དོན་མེད་ཞེ་སྡང་ཁོང་ཁྲོ་སྐྱེས། །ངག་གིས་གྱོང་ཚིག་ཅུང་ཟད་སྨྲས། །སེམས་ནི་གདེང་ནས་མ་བདེ་འཁྲུགས། །ཡི་དམ་མངོན་རྟོགས་འགའ་ཞིག་བཏོན། །དེ་རྗེས་ས་ཆའི་སློང་དུ་རིག །རིག་མ་ཐག་ཏུ་ངོ་བོ་བལྟས། །བལྟས་མ་ཐག་ཏུ་གསལ་སྟོང་ངང་། །རང་སེམས་སྟོང་རྗེན་ལྷང་ངེར་གནས། །བག་དྲོ་བྱིན་ཆགས་རིག་པ་དྭངས། །གཅོད་དམིགས་ལ་སོགས་མ་བྱས་ཀྱང་། །དོན་གྱིས་ཚར་སློང་གཉིས་ཀ་དེ། །ཇ་ཡུན་གཅིག་ལ་འགྲིགས་པར་བྱུང་། །གསང་གཅོད་སེམས་ཀྱི་རྣམ་རྟོག་ལ། །གཅོད་པའི་མྱོང་བ་ལེགས་པར་སྐྱེས། །དེ་ཚེ་སྔོན་གྱི་ལོ་རྒྱུས་དྲན། །ལོ་ནི་ཉི་ཤུ་ལྷག་ཙམ་གོང་། །བདག་གིས་གྲོང་ཆོག་བྱེད་པའི་དུས། །ཡུལ་ཕྱོགས་དེ་རུ་མི་གཅིག་ཤི །དེ་ལ་འཕོ་བ་བདག་གིས་བཏབ། །དེ་

― CMR051_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གཉིད་པའི་རྨི་ལམ་ན། །སྒར་པའི་མདུན་ཐད་ཆུ་ནང་ནས། །སྡིག་པ་ར་ཙ་གཡག་ཙམ་ཞིག །ལང་ནས་བྱུང་བ་བདག་དང་འཛིངས། །བདག་ཀྱང་གུ་རུ་དྲག་པོ་ཡི། །སྤྲུལ་པའི་ལྕགས་ཀྱི་སྡིག་རྒོད་ནི། །ཁོ་ལས་ཆེ་བ་གཅིག་ཏུ་བསྒོམ། །བདག་ནི་དེ་ཉིད་དངོས་སུ་གྱུར། །མཚན་རིང་ཁོ་དང་འཛིངས་བ་ཡིས། །མཇུག་དེ་ཁོ་ཉིད་སྙི་ཉོལ་སོང་།། ད་ནི་ཅུང་ཟད་ཉམས་ཐུབ་སྙམ། །དེ་མ་ཐག་ཏུ་གཉིད་ལས་སད། །ཆུ་དེས་སྔར་ནས་མི་བདུན་ཁྱེར། །དེ་ཡི་ཆུ་འདྲེ་དེ་ཉིད་ནི། །སྔ་མོ་ཅུང་ཟད་ཐུལ་ལགས་ཀྱང་། །ཐུལ་ཡག་རང་ནི་མེད་པ་ལ། །ད་རེས་ལེགས་པར་ཐུལ་ལམ་སེམས། །དེ་ནུབ་ཉལ་བའི་རྨི་ལམ་དུ། །གླེགས་བམ་ཅུང་ཟད་མ་ཚང་བ། །དང་པོ་དཔེ་ཕྲན་གཅིག་རྙེད་པ། །དེ་ནས་དངུལ་བྲིས་མཐིང་ཤོག་ཅན། །ཆུ་ཡིས་བང་བ་གཅིག་འདུག་པ། །འཆར་ཁའི་རྒྱུད་དང་སྒྲུབ་ཐབས་རྙེད། །དེ་མ་ཐག་ཏུ་མདུན་དེ་ན། །འཆར་ཁོའི་ངོ་བོ་ཡིན་པ་ལ། །མཚོ་ཆེན་རྦ་རླབས་འཁྲུགས་པ་མཐོང་། །དེ་ནི་ངང་པ་ཐང་དུ་འོ། །ཡང་སྔར་དུས་གྲོང་ཆོག་བྱེད་པའི་དུས། །ཐང་ཕོ་ཆེ་ཡི་ལ་ཁ་ན། །སེར་བ་དྲག་པོ་གཅིག་གིས་བརྡུངས། །

― CMR051_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

མུན་རུབ་ཐང་ཤིང་རྩ་རུ་ཉལ། །རླུང་ཐོག་ལ་སོགས་ཆོ་འཕྲུལ་ཆེ། །ཉམས་དང་རྨི་ལམ་མཚམས་ཤེད་ན། །གཞི་བདག་ཇོ་མོ་རྨེ་དིལ་དེ། །བུད་མེད་རྒྱན་ལྡན་ཐང་ཤིང་ཙམ། །མཆེ་བ་ལན་ཕུར་ཙམ་གཙིགས་ནས། །བདག་ལ་འཛིང་ཚུལ་སྟོན་དུ་བྱུང་། །དེ་ཚེ་བསྐྱེད་རིམ་ངང་ལ་གནས། །ཕྱིས་ཀྱང་ས་དེར་ནམ་ཕྱིན་ལ། ། གནམ་ངོ་རྩུབ་ཅིང་མི་དགའ་བསྟན། །ད་ལམ་ཨ་མྱེ་འབྲོག་རྫོང་གི །དྲུང་དུ་སྒར་པ་བསྡད་པའི་དུས། །ཇོ་མོ་རྨེ་དིལ་རི་མཐོང་བས། །ང་ལ་གར་སོང་གཞི་བདག་རྣམས། །དགའ་ཞིང་དད་གུས་བྱེད་པ་ལ། །ང་ལ་མི་དགའི་གཞི་བདག་ནི། །ཇོ་མོ་རྨེ་དིལ་འདི་ཡིན་སྨྲས། །དེ་ནུབ་ཉལ་བའི་རྨི་ལམ་དུ། །ཇོ་མོ་རྨེ་དིལ་དེ་ཉིད་ནི། །ཐ་མལ་བུད་མེད་རྒྱུན་ལྡན་གཟུགས། །མདུན་དུ་བྱུང་ནས་ཕྱག་གསུམ་འཚལ། །འོན་ཀྱང་ཕྱག་ནི་འཚལ་ཚེ་ཡང་། །སོ་གཙིགས་ཁ་སོ་བཀྲུལ་ཞིང་གདའ། །མོ་ལ་དམིགས་པ་མ་བྱས་ཀྱང་། །སྟོང་ཉིད་སྙིང་རྗེ་ཟུང་འཇུག་གི །ཉམས་ལེན་ཅུང་ཟད་བརྟན་པ་དེས། །མོ་ཡང་གུས་ཚུལ་བསྟན་ན་ཡང་། །ཐུལ་ཡག་རང་གཅིག་མི་འདུག་སྙམ། །དེ་ནས་རང་

― CMR051_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱིམ་རི་ཁྲོད་སླེབ། །ཞག་གཉིས་ངལ་གསོས་མཚམས་བསྡམས་སོ།། ༈ །།ན་མོ་རཏྣ་ཏྲ་ཡཱ་ཡ། ཐམས་ཅད་མཁྱེན་ཅིང་ཐམས་ཅད་གཟིགས། །ཤཱཀྱའི་གཙོ་ལ་ཕྱག་འཚལ་ལོ། །བདག་ནི་ཁྱེད་ཀྱི་བསྟན་ལ་ཞུགས། །ཁྱེད་ཀྱི་གསུང་ལ་དཔང་པོ་བྱས། །འོན་ཀྱང་དུས་ངན་སྙིགས་མའི་མི། །ཕྲག་དོག་དབང་གིས་ཅི་ཡང་སྨྲ། །བསམ་ལུས་འཕྲོད་ནས་ད་ལྟའི་བར། །རང་གི་སྲོག་གཅོད་སྤངས་བྱས་ཏེ། །གཞན་ཡང་སྲོག་གཅོད་སྤངས་ལ་བསྐུལ། །སྲོག་གཅོད་སྤངས་བའི་བསྔགས་པ་བརྗོད། །འགྲོ་བ་སེམས་ཅན་ཐམས་ཅད་ནི། །སྲོག་གཅོད་སྤངས་ལ་དགོད་པར་ཤོག །བཤས་ཚོང་བྱེད་པའི་བསམ་པ་ནི། །རྨི་ལམ་དུ་ཡང་དྲན་མ་དྲན། །ཡེ་ཤེས་སྤྱན་ལྡན་རྣམས་ཀྱིས་མཁྱེན་། །འོན་ཀྱང་བཤས་ཚོང་ཕབ་བོ་ཟེར། །དེ་ལྟར་མ་ཉེས་ཁ་ཡོག་གིས། །ནམ་མཁའི་མཐར་ཐུག་འགྲོ་བ་ཡི། །བཤས་ཚོང་གང་བྱས་སྡིག་སྒྲིབ་རྣམས། །བདག་ཉིད་ཁོ་ནས་ཁུར་ནས་ཀྱང་། །འགྲོ་བ་བདེ་ལ་འགོད་པར་ཤོག །བདག་ནི་གསུམ་ལ་སྐྱབས་སོང་བས། །དེང་སང་དགེ་སློང་བརྒྱ་སྟོང་གི །མཁན་པོར་གྱུར་པའི་ཆོས་རྗེ་ལ། །

― CMR051_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་ཕྱུགས་བརྒྱ་ཕྲག་ལྷག་ཕུལ་བས། །དགེ་འདུན་མཆོད་པ་ཡིན་པར་སེམས། །དྭངས་བའི་དད་པ་བསྐྱེད་པར་བྱས། །མི་དམིགས་བསྔོ་བས་རྒྱ་ཡིས་བཏབ། །དངོས་སུ་དེ་ལྟར་བྱས་པ་དེ། །ཡིད་ཀྱིས་ཐུགས་རྗེ་ཆེན་པོ་ལ། །མཎྜལ་མཆོད་པའི་རྫས་སུ་ཕུལ། །གཞན་ཡང་ནོར་ཕྱུགས་སྟོང་ཕྲག་ལྷག །དད་པས་བདག་ལ་ཕུལ་བ་ཀུན། །དུད་འགྲོའི་སྐྱེ་སྒོ་གཅོད་པའི་ཕྱིར། །སྐྱེ་བདུན་རིལ་བུ་ཁ་ལ་བྱིན། །བདེ་ཆེན་སྐྱེ་བའི་སྨོན་ལམ་བཏབ། །ཡོན་བདག་གསོན་པོ་ཐམས་ཅད་ལ། །དབང་ལུང་བཀའ་བསྒོ་བསྟབ་པ་སོགས། །སོ་སོའི་བསམ་པ་རྫོགས་པར་བྱས། །ཤི་གསོན་བྱང་བུ་ཐམས་ཅད་ཀྱང་། །ཏིང་ངེ་འཛིན་གྱི་བྱང་བཞུས་ནི། །བསྔོ་བའི་དུས་ནས་སོ་སོར་བྱས། །སྟོང་ད་རྩི་དང་མ་བྲལ་བར། །འཁོར་གསུམ་ཡང་དག་བསྔོ་བ་བྱས། །དེ་ལྟར་བསྔོ་བ་ཚར་མ་ཐག །བྱང་ཆུབ་ས་བོན་ཐེབ་ཚར་ནས། །ཕུལ་བས་དཀོར་རྗེ་ས་ནོར་ཕྱུགས་སོགས། །འགྲོ་ས་བཟང་ངན་གར་སོང་ཡང་། །ཕུལ་བའི་དགེ་བ་ཆུད་མི་ཟ། །སླར་ཡང་ཆོ་ག་ཆ་ཚང་བས། །ཤི་གསོན་བྱང་བུ་སྤོག་བཞུས་ཀྱང་། །དམིགས་པ་སོ་སོར་

― CMR051_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན་པར་བྱས། །སླར་ཡང་ཤི་གསོན་མིང་ཡིག་ཀུན། །སྒྲིབ་སྦྱོང་སྦྱིན་སྲེག་གཞུང་ལྟར་བྱས། །འབྲེལ་པ་ཐོགས་ཚད་སེམས་ཅན་ཀུན། །བདེ་ཆེན་ཞིང་དུ་སྐྱེ་བ་ཡི། །བསྔོ་བ་སྨོན་ལམ་ཡང་ཡང་བྱས། །དེ་ལྟར་བྱས་པའི་དཀོར་རྫས་རྣམས། །ཆོས་ཀྱི་ཕྱོགས་སུ་མ་ཐེང་ཡང་། །སྦྱིན་བདག་རྣམས་ཀྱིས་བྱིན་པ་དེ། །འཕྲོ་བརླག་རང་དུ་མི་འགྲོ་སྙམ། །ཐུབ་པའི་གསུངས་ལ་དཔང་པོ་ཡིན། །འོན་ཀྱང་དཀོར་རྫས་ནོར་ཕྱུགས་སོགས། །རང་ཉིད་གར་ཕྱིན་བླ་མ་དང་། །དགོན་སྡེ་ཀུན་ལ་དཀོར་ཕུད་ཀྱི། །འབྲེལ་པ་སྣ་རེ་མ་ཐེངས་མེད། །ཡིག་དྲུག་བརྐོ་དང་གསུང་རབ་དང་། །མང་ཇ་བསྐང་གསོལ་སྒྲུབ་ཆེན་སོགས། །དགེ་བའི་ཕྱོགས་ལ་གང་ཐེངས་བྱས། །དད་པས་ཕུལ་བའི་ནོར་ཕྱུགས་རྣམས། །རྐང་གཏད་བཤས་ལ་བཙོང་བ་མེད། །དགོན་པ་གཞན་གྱི་སྤྱན་ལྟོས་ལྟར། །ཚ་འགེལ་ཁེ་སྤོག་བྱས་པ་མེད། །འོན་ཀྱང་བླ་མ་དགོན་སྡེ་ལ། །ཕུལ་ནས་ཅི་མཛད་ཁྱེད་རྣམས་ཤེས། །བཤས་ཀྱང་ང་ལ་ལན་ཁག་མེད། །བླ་མ་དང་ནི་དགོན་པ་ལ། །འབུལ་ཆེན་བཀྱགས་པའི་དོན་གྱི་ཕྱིར། །འབྲོག་ནོར་ཡུལ་དུ་ཕབ་པ་ལ། །ཚད་

― CMR051_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

རོང་ཉེས་པ་ཆེ་བོ་སྐད། །བདག་གིས་ཚོགས་ཤ་མ་གཏོགས་པའི། །ཤ་ནི་ཟ་བར་མི་བྱེད་ཅིང་། །བསྔོས་ཤ་གཏན་ནས་སྤངས་བ་དང་། །སྒོ་བཤས་གཏན་ནས་མི་བྱེད་དང་། །རྐང་གཏད་བཤའ་རྒྱུ་མི་བཙོང་དང་། །ཚ་ནི་འགེལ་བར་མི་བྱེད་པ། །འདི་ནི་ཁོ་བོའི་རྣམ་ཐར་ཡིན། །དེ་མིན་དུད་འགྲོའི་ལུས་བླངས་ནས། །སྡུག་བསྔལ་ཅི་ཡང་མི་མྱོང་བ། །སངས་རྒྱས་ཀུན་གྱིས་མི་ཐུབ་ན། །བདག་གིས་ཐུབ་པ་ག་ལ་ཞིག །སྔོན་ཚེ་ཇོ་བོ་ཨ་ཏི་ཤ །ནོར་ཕྱུགས་མང་པོ་ཕུལ་བ་རྣམས། །འདི་དག་ཕ་མ་དྲིན་ཅན་ཏེ། །ཕ་མ་བཙོང་བར་མི་རུང་གསུངས། །བྱུང་ཚད་འཚག་པས་ཁྱུ་ཆེན་བྱུང་། །དེ་ཚེ་ཐ་མལ་མི་རྣམས་ཀྱིས། །པཎྜི་ཏ་འདི་ནོར་སྲེད་ཆེ། །གཅིག་ཀྱང་བཙོང་བར་མི་བྲ་ཞེས། །མི་རྣམས་ཕལ་ཁྱེར་འབར་ཤ་བྱས། །དེ་ནས་ནོར་ལུག་མང་དྲགས་ནས། །ཉ་ར་འཚོ་རྫི་མ་ཐུབ་ནས། །བྱང་ཕྱོགས་རྩྭ་ཆུ་བཟང་ས་རུ། །རྒྱོབ་ལ་ཞོག་གསུངས་བདག་མེད་རྒྱབ། །དེ་ཡང་གཅན་སྤྱང་ཇག་རྐུན་སོགས། །སུ་འདོད་ཁྱེར་བས་སྡིག་པ་གྱུར། །ཚེར་ལུང་ཀུན་དགའ་རྣམ་རྒྱལ་བས། །རྐང་བཞི་འབུལ་བ་མ་བླངས་

― CMR051_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

པས། །ཡང་རི་དྲུང་པ་དེ་ཉིད་ཀྱིས། །ཚེར་ལུང་དྲུང་པས་ཅི་མནོག་ཤེས། །རྟ་ནོར་སྒག་སྒོག་ཁོས་མི་ལེན། །གསེར་དངུལ་ཇ་དར་གང་བྱུང་ལེན། །ཟེར་ནས་འཕྱ་ཞིང་སྐུར་པ་བཏབ། །འབྲུག་ཆེན་ཀརྨ་བསྟན་འཕེལ་གྱིས། །ཚེ་སྟོད་སྒྲུབ་པ་གཙོར་བྱེད་ཚེ། །རྐང་བཞི་འབུལ་བ་མི་ལེན་བཀག །ཚེ་སྨད་གདུལ་བྱ་དུས་བབ་ཚེ། །དུད་འགྲོ་དཀར་སྔོ་ནག་དང་ཁྲ། །སྤུ་རིགས་མཐུན་པའི་ཁྱུ་མང་འཚག །དེ་ལ་མི་ཀུན་འཕྱ་བཞེད་བྱེད། །ཧ་ཧ་སྔ་མོ་ཆོས་གསུང་དུས། །རྐང་བཞི་དུད་འགྲོའི་གཡོག་པོ་དེ། །རྐང་གཉིས་དལ་འབྱོར་རིན་ཆེན་གྱིས། །མི་རུང་གསུངས་ནས་བཀག་མཛད་པ། །ད་ནི་ཁྱུ་རིགས་མི་གཅིག་པ། །དུ་མ་འཚགས་པ་ཨ་ལ་ཟེར། །དེ་བཞིན་འབྲུག་པའི་བུ་ཆེན་འགའ། །དང་པོ་རྐང་བཞི་སྤངས་བ་ལ། །ཕྱིས་ནས་གང་བྱུང་འཚགས་པ་ཡི། །ཇོ་བརྫུ་ཆེ་ཞེས་ཀུན་གྱིས་འབར། །རྟོགས་ལྡན་པདྨ་རིག་འཛིན་གྱིས། །འབུལ་བ་ཁབ་སྐུད་མི་ལེན་ཅིང་། །དབང་བསྐུར་ཆོས་བཤད་ཀུན་སྤངས་ནས། །འབུ་སུ་ཀུ་ཡི་སྤྱོད་པ་ཡི། །གནས་ལ་ངེས་མེད་བྱས་པ་ལ། །ཐུགས་ཕོག་ཆེ་གསུངས་ས་མཐར་ཕུད། །བཤགས་པ་

― CMR051_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་ཡང་ཞུ་མ་པག །བླ་མ་ཕྲིན་ལས་དཔོན་སློབ་གཉིས། །ཆར་འོག་སྲོག་རླུང་གྲིབ་གཞི་བཅོས། །སེར་བ་བསྲུང་དང་སྲུང་ཟློག་སོགས། །ཡོན་བདག་རྣམས་ལ་གང་ཕན་བགྱིད། །དེ་ཡང་ཐུགས་ཕོག་ས་མཐར་སྐྱུགས། །འབྲུག་པ་ཕྲིན་ལས་དགེ་བ་དེས། །ལོ་གསུམ་མཚམས་ཀྱི་དམ་བཅའ་བཟུང་། །གཅིག་པུར་རི་ཁྲོད་དབེན་པར་བསྒོམ། །ལོ་གཉིས་ནས་ནི་མ་ཆགས་ཕུད། །དེ་ལྟར་དུས་ངན་སྙིགས་མ་འདིར། །ཇི་ལྟར་བྱས་ཀྱང་བསྙེད་མེད་པའི། །ཟོལ་བདེར་གནས་པ་དཀའ་བར་གདའ། །སྔོན་བྱོན་མཁས་གྲུབ་དེ་རྣམས་ཀྱི། །ཐམས་ཅད་མགུ་བར་མ་གྲུབ་ན། །བདག་འདྲས་ཐམས་ཅད་མགུ་བ་ཡི། །སྤྱོད་པ་གྲུབ་པ་ག་ལ་ཞིག །ཤཱཀ་ཐུབ་གསུངས་ལ་མ་འགལ་ཞིང་། །པད་འབྱུང་ཐུགས་ཀྱིས་མ་ཁྲེལ་ན། །ཀུན་གྱི་ཞེ་ཁྲེལ་བཞག་ཀྱང་བཟོད། །བསྟོད་སྨད་སྒྲ་ཀུན་བྲག་ཆ་ལྟར། །སྙིང་པོ་མེད་པའི་གནད་མཚང་འདི། །གོའམ་དགེ་སློང་ཆགས་མེད་པ། །རྒྱལ་བ་ཀུན་ལ་སྐུར་འདེབས་ཤིང་། །ཐུབ་ན་སྐུ་སྲོག་ལ་ཡང་བསྡོ། །སྡིག་ཆེན་ཀུན་ལ་བསྟོད་ཅིང་བཀུར། །བློ་སྙིང་དཔྲལ་གསུམ་གཏོད་པ་ཡི།

― CMR051_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ངན་འགྲོ་བའི་བསོད་ནམས་འདི། །མཐོང་ངམ་དགེ་སློང་ཆགས་མེད་པ། །སུ་ལའང་བློ་གཏད་མི་གདའ་བས། །བསླུ་བ་མེད་པའི་པད་འབྱུང་ལ། །བློ་ལྗིད་ཁོལ་ཅིག་ཆགས་མེད་པ། །རེ་དང་དོགས་པའི་བསམ་པ་འདི། །ཁང་སྟོང་ནང་གི་རྐུན་མ་ལྟར། །ཐབ་ཤོར་ཕུག་འཚིང་མི་གདའ་བས། །ཉམས་ལེན་དགེ་སྦྱོར་སྟོང་ཉིད་དུ། །བློ་སེམས་ཕོབ་ཅིག་ཆགས་མེད་པ། །འདུས་བྱས་ཐམས་ཅད་རྨི་ལམ་བཞིན། །སྣ་ཚོགས་འཆར་ཡང་བདེན་པས་སྟོང་། །མི་རྟག་སྒྱུ་མའི་ཆོས་ཅན་ལ། །ཨ་འཐས་མ་ཆེ་ཆགས་མེད་པ། །རྣ་བ་སྒྲ་ཕྱིར་མ་འབྲང་ལ། །རྟོགས་པ་ཡུལ་ཕྱིར་མ་འབྲང་བར། །མཉམ་པར་ཞོག་དང་ཆགས་མེད་པ། །བསྟོད་ལ་ཞེན་ཆགས་མ་སྐྱེ་ལ། །སྨད་ལ་ཁོང་ཁྲོ་མ་སྐྱེད་པར། །སྙིང་རྗེ་བསྒོམ་དང་ཆགས་མེད་པ། །དགྲ་ལ་དོགས་པ་མ་བསྐྱེད་ལ། །གཉེན་ལ་རེ་བ་མ་ཆེ་བར། །བྱམས་པ་བསྒོམ་དང་ཆགས་མེད་པ། །དེ་སྐད་རཱ་ག་ཨ་སྱ་ཡིས་། །ཕ་ཡུལ་རི་ཁྲོད་སླེབ་པའི་དུས། །ཕུ་ཟེར་མདའ་ཟེར་འགའ་ཐོས་པས། །རང་གིས་རང་ལ་སྨྲས་པ་ཡིན།། ༈ །།ཀ་ཡེ་གསོན་དང་འཇམ་དཔལ་

― CMR051_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་རྗེ་གཤེད། །ཁ་དོག་དུ་བ་མུན་ཆེན་ཆར་སྤྲིན་འདྲ། །ག་ཤལ་དུག་སྦྲུལ་རྒྱུ་རློན་མགོ་ཕྲེང་འཕྱངས། །ང་རོ་ཧཱུྃ་ཧཱུྃ་ཕཊ་ཕཊ་འབྲུག་སྟོང་ལྡིར། །ཅ་ཅོ་རྒྱོབ་སོད་སྒྲ་སྒྲོག་དྲེགས་པའི་ཚོགས། །ཆ་ལུགས་མ་རུངས་འཇིགས་གཟུགས་ཅན་རྣམས་ལ། །ཇ་ཆང་སྨན་རཀ་གཏོར་མའི་མཆོད་པ་འབུལ། །ཉ་རྒྱས་ཟླ་ལྟར་ཐུགས་རྗེའི་འོདཀར་གྱི། ཏ་ཐཱ་ག་ཏའི་བསྟན་པ་རྒྱས་པར་མཛོད། །ཐ་མལ་རྨོངས་པའི་བསྟན་དགྲ་ལས་ངན་རྣམས། །ད་ནི་མྱུར་སྒྲོལ་དྲག་པོའི་དུས་ལ་བབས། །ན་མེད་དོན་ཆེན་འགག་ལ་ཐུགས་དུས་འདིར། །པ་དེ་པུ་དེའི་ཆོ་འཕྲུལ་ཅི་ལ་ཕན། །ཕ་རོལ་ལོག་པའི་དགྲ་དཔུང་རྩད་ནས་ཆོད། །བ་གླང་ལྟ་བུ་བླུན་རྨོངས་དགྲ་བོ་འདི། །མ་གཡེལ་མྱུར་དུ་ཁུག་ལ་དམ་དུ་ཆིངས། །ཙ་ཆེན་བཞི་ཡི་རཀྟ་དྲོངས་ལ་རོལ། །ཚ་གྲང་འདུ་བ་རྣམ་བཞི་ཁོང་ནས་སློང་། །ཛ་ཡེའི་ཐུགས་ཀར་རྣམ་པར་ཤེས་པ་སྤོར། །ཝ་དང་སྟག་གཟིག་བྱ་གཅན་ཤ་ལ་རོལ། །ཞ་གྲུམ་རེང་འགུམ་ནད་ཀྱི་ཆར་པ་ཕོབ། །ཟ་བྱེད་གཤིན་རྗེའི་ཚོགས་ཀྱིས་རྔམ་ཟས་གྱིས། །འ་རེ་འུ་རེའི་འབྲུག་སྒྲ་ཐོག་སེར་ཕོབ། །ཡ་མ་རཱི་ཙ་བཙན་བདུད་མ་

― CMR051_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་དང་། །ར་ལ་ཞོན་པའི་རྡོ་རྗེ་ལེགས་པ་སོགས། །ལ་ཆེན་སྡེ་བརྒྱད་དྲེགས་པ་ཐམས་ཅད་དང་། ཤ་ཟ་སྲིན་པོ་ལས་མཁན་ཐམས་ཅད་ཀྱིས། །ས་ཆ་གང་ན་འདུག་ཀྱང་དགྲ་བོ་སོད། །ཧ་ཧ་གསང་སྔགས་བདེན་པ་ངོ་མཚར་ཆེ། །ཨ་ལ་ལ་ཞེས་བསྟན་པ་རྒྱས་པར་མཛོད། །ཅེས་པ་བཅོམ་ལྡན་འཇམ་དཔལ་ཕ་རོལ་རྒོལ་འཇོམས་ཀྱི་བསྟོད་བསྐུལ། བྱི་བ་ལོ་ཕག་གི་ཟླ་བའི་ཚེས་བཅུ་ཉི་མ་ནག་པོའི་ཉིན་ལ་སྦྱར་བའོ། །ཨ་ཧོ་མཚར་པོ་མཚར་པོ། །འགྲོ་དྲུག་ཀུན་ཕ་མ་དྲིན་ཅན་དུ་རྟོགས་ཀྱང་། །དགྲ་དང་གཉེན་གཉིས་སོ་སོར་སྣང་བ་འདི་མཚར་པོ། །ནང་བཅུད་སེམས་ཅན་ཡི་དམ་གྱི་ལྷ་རུ་རྟོགས་ཀྱང་། །ལྷ་དང་འདྲེ་གཉིས་སོ་སོར་སྣང་བ་འདི་མཚར་པོ། །རང་སེམས་འདི་ཡེ་ནས་ཆོས་སྐུ་ཡིན་པར་རྟོགས་ཀྱང་། །ཉམས་ལེན་དང་འཁྲུལ་པ་གཉིས་སོ་སོར་སྣང་བ་འདི་མཚར་པོ། །ཆོས་ཀུན་གདོད་ནས་རྣམ་དག་ཡེ་སངས་རྒྱས་པ་རུ་རྟོགས་ཀྱང་། །འཁོར་བ་དང་མྱང་འདས་སོ་སོར་རུ་སྣང་བ་འདི་མཚར་པོ། ། འགྲོ་ཀུན་སངས་རྒྱས་སྙིང་པོ་ཅན་དུ་རྟོགས་ཀྱང་། །སྣོད་ལྡན་མི་ལྡན་གཉིས་སུ་སྣང་བ་འདི་མཚར་པོ། །མཚར་འདོད་འབྲེལ་མེད་གྱི་གཏམ་འདི་ཚེས་བཅུ་ལ་བྲིས་ཤོར་མཚར།། །༈ །།ན་

― CMR051_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་མ་ཧཱ་མུ་དྲ་ཡེ། ཕ་བཟང་པོ་བཀའ་བརྒྱུད་ཀྱི་བུ་ཆུང་ང་། །ས་བཙན་པོ་ཉམས་ལེན་གྱི་གནད་འགག་བཟུང་། །རྫོང་བཙན་པོ་སྡོམ་གསུམ་གྱི་སྐུ་མཁར་བརྩིགས། །གནད་ཆེན་པོ་ཡེངས་མེད་ཀྱི་བྱ་ར་བྱེད། །དུས་དེ་ཚོ་དོན་མེད་ཀྱི་འགྲིམ་འཁྱམས་འགའ། །ས་གར་འོང་དང་འདིར་འོང་མེད་པར་བྱུང་། །ངས་འགྲོ་དྲུག་ཀུན་ཕ་མ་རུ་བསྒོམ་པ་འདིར། །སེམས་ཁོང་ཁྲོ་ཡི་གནོད་སེམས་ཁྱོད་གང་ནས་འོང་། །བདག་བས་གཞན་གཅེས་ཀྱི་ལམ་ཁྲལ་གཅིག་མི་ལེན་རེ། །ངས་སྣོད་བཅུད་ཀུན་ལྷ་རུ་བསྒོམ་པ་འདིར་། །སེམས་འདྲེར་འཛིན་གྱི་རྣམ་རྟོག་ཁྱོད་གང་ནས་འོང་། །དག་པ་སྒྱུ་ལུས་ཀྱི་ཁྲལ་གཅིག་མི་ལེན་རེ། །ངས་ལུས་སྲོག་ཀུན་འགྲོ་བའི་དོན་དུ་བསྔོས་པ་འདིར། །དོགས་འཆི་དོགས་ཀྱི་གཅེས་འཛིན་ཁྱོད་གང་ནས་འོང་། །ངས་ཤ་ཁྱེར་ཁྲག་ཁྱེར་གྱི་ཁ་སྐྱིན་གཅིག་མི་བཏང་རེ། །ངས་འཁོར་འདས་མཉམ་ཉིད་ཀྱི་ལྟ་བ་སྐྱོང་བ་འདིར། །ཡེངས་མ་ཡེངས་ཀྱི་མཉམ་རྗེས་ཁྱོད་གང་ནས་འོང་། །ངས་གཏད་མེད་ཕྱལ་བའི་ངང་དུ་མི་སློད་རེ། །ངས་སྐྱིད་སྡུག་ཀུན་རྒྱུ་འབྲས་སུ་ངེས་ཤེས་བསྐྱེད་པ་འདིར། །སྐྱིད་འདོད་སྡུག་དོག་

― CMR051_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་རེ་དོགས་ཁྱོད་གང་ནས་འོང་། །ངས་སྐྱིད་སྡུག་གང་བྱུང་དཀོན་མཆོག་ཐུགས་རྗེ་རུ་མི་ལྟ་རེ། །ངས་ཐམས་ཅད་མཉམ་པ་ཉིད་ཀྱི་ལྟ་བ་སྐྱོང་པ་འདིར། །རྟགས་མཚན་བཟང་ངན་ལ་རློམ་སེམས་ཁྱོད་གང་ནས་འོང་། །ངས་ལྷ་མེད་འདྲེ་མེད་ཀྱི་ལྟ་བ་མི་བསྐྱེད་རེ། །ཞེས་རྣམ་རྟོག་སྨན་སྤུན་མང་དུ་བྱུང་དུས་སྨྲས།། ༈ །།ན་མོ་ཛྙཱ་ན་ཌཱཀི་ཡེ། ཀུན་བཟང་ཡབ་ཡུམ་མཁའ་ཀློང་ནས། །ཆོས་སྐུ་ཡེ་ཤེས་མཁའ་འགྲོ་མ། །གསོལ་བ་འདེབས་སོ་ཐུགས་རྗེས་ཟུངས། །ཁྱེད་ནི་འཕགས་བཞི་བསྐྱེད་པའི་ཡུམ། །འཕགས་རིགས་མི་འགྱུར་རྡོ་རྗེ་ཡི། །རྟོགས་པའི་ཡེ་ཤེས་བསྐྱེད་དུ་གསོལ། །མཁའ་སྤྱོད་རིགས་ལྔའི་ཞིང་ཁམས་ནས། །ལོངས་སྐུ་ཡེ་ཤེས་མཁའ་འགྲོ་མ། །གསོལ་བ་འདེབས་སོ་ཐུགས་རྗེས་ཟུངས། །ལོངས་སྐུའི་བསྟན་འཛིན་མི་འགྱུར་གྱི། །ཡེ་ཤེས་ལྔ་པོ་བསྐྱེད་དུ་གསོལ། །ནུབ་ཕྱོགས་ཨོ་རྒྱན་གཞལ་ཡས་ནས། །སྤྲུལ་སྐུ་ཡེ་ཤེས་མཁའ་འགྲོ་ལ། གསོལ་བ་འདེབས་སོ་ཐུགས་རྗེས་ཟུངས། །སྤྲུལ་སྐུ་མི་འགྱུར་རྡོ་རྗེ་ལ། །དགའ་བཞིའི་ཡེ་ཤེས་ངོ་སྤྲོད་གསོལ། །ཀེ་འུ་རི་ཡི་བྲག་ཕུག་ནས། །ལྷ་ལྕམ་མནྡཱ་ར་ཝ་ལ། །

― CMR051_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་བ་འདེབས་སོ་ཐུགས་རྗེས་ཟུངས། །རིག་འཛིན་མི་འགྱུར་རྡོ་རྗེ་ཡི། །ཚེ་གསོས་ཚེ་ཡི་བར་ཆད་སོལ། །ཟངས་མདོག་དཔལ་གྱི་རི་བོ་ནས། །མ་གཅིག་ཡེ་ཤེས་མཚོ་རྒྱལ་ལ། གསོལ་བ་འདེབས་སོ་ཐུགས་རྗེས་ཟུངས། །སྔོན་གྱི་ཐུགས་བསྐྱེད་མ་གཡེལ་བར། །མི་འགྱུར་རྡོ་རྗེའི་དབང་རྟེན་གནས་མཆོག་ནས། །འབུམ་ཕྲག་ཡངས་པའི་མཁའ་འགྲོ་མ། །ཐ་མལ་མི་གཟུགས་འཛིན་པ་རྣམས། །པདྨའི་མཚོ་ལ་ངང་པ་ལྟར། །སྐལ་ལྡན་མི་འགྱུར་རྡོ་རྗེ་ལ། །འབྲེལ་ཞོག་ཚེ་བསྲིང་བར་ཆད་སོལ། །ཟབ་གཏེར་ཀུན་གྱི་སྒོ་འབྱེད་ཅིང་། །གསང་སྔགས་བསྟན་པ་དར་བ་དང་། །འགྲོ་དོན་འགྲུབ་པའི་གྲོགས་མཛོད་ཅིག །མ་གཡེལ་མ་གཡེལ་ཆ་ཀིའི་ཚོགས། །ད་ནི་ཐུགས་དམ་དུས་ལ་བབས། །ཞེས་པ་འདི་ནི་བདག་གི་བྱི་བའི་ལོ་མགོ་ལ། དགོངས་འདུས་སྒྲུབ་ཆེན་བཙུགས་དུས་རྨི་ལམ་དུ་ཟུར་མང་དབོན་མོ་གཅིག་མི་འགྱུར་རྡོ་རྗེའི་ཕྱག་རྒྱར་རྟེན་འབྲེལ་ཡོད་པ་འདྲ་བསམ་པ་བྱུང་ནས། བདུད་འདུལ་རྡོ་རྗེ་ལ་དགོངས་པ་ཞུས་པས། དེ་བས་ནང་ཆེན་གྲ་ནང་ན་གཅིག་ཡོད་པ་དེ་ལེགས་གསོལ་བ་ཐོབ་དང་ཁྱོད་རང་ལ་ལུང་བསྟན་འོང་གསུངས། བྱི་བའི་ལོ་མཇུག་ཐ་སྐར་ཟླ་བ་ལ། ད་ནི་རིང་པོ་མི་

― CMR051_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་པར་སྤྲུལ་སྐུ་ཡང་རིགས་ལྡན་གྱི་ཌཱཀི་གཅིག་དང་འབྲེལ་བར་འདུག་སྙམ་པའི་རྨི་ལྟས་ལན་གཉིས་བྱུང་ཞིང་། བུད་མེད་དེ་ཡང་གསང་བ་ཡེ་ཤེས་ཀྱི་མཁའ་འགྲོས་བྱིན་གྱིས་བརླབས་པ་གཅིག་ཡིན་ནམ་སྙམ་པ་ཞིག་བྱུང་ནས་བྲིས་པའོ།། ༈ །།ན་མོ་གུ་རུ་ག་ག་དྷ་ཛ་ཡེ། པདྨ་འབྱུང་གནས་ཐུགས་སྤྲུལ་པ། །མཁའ་སྤྱོད་ནམ་མཁའ་རྒྱལ་མཚན་ལ། །གསོལ་བ་འདེབས་སོ་ཐུགས་རྗེས་ཟུངས། །ཁྱེད་ཀྱི་རིགས་རྒྱུད་རྒྱལ་མཚན་ལ། །བར་ཆད་མེད་པར་བྱིན་གྱིས་རློབས། །ལོ་ཙཱ་ཁྱེའུ་ཆུང་གི་སྤྲུལ་པའི་སྐུ། །སྒམ་པོ་ཆོས་ཀྱི་རྒྱལ་མཚན་ལ། །གསོལ་བ་འདེབས་སོ་ཐུགས་རྗེས་ཟུངས་། །ཁྱེད་ཀྱི་དབོན་རྒྱུད་རྒྱལ་མཚན་ལ། །བར་ཆད་མེད་པར་བྱིན་གྱིས་རློབས། །ཨོ་རྒྱན་གསོལ་དཔོན་སྐྱེ་བའི་མཐའ། །བྱ་བྲལ་ཀུན་དགའ་བཀྲ་ཤིས་ལ། །གསོལ་བ་འདེབས་སོ་ཐུགས་རྗེས་ཟུངས། །ཁྱེད་ཀྱི་གདུང་རྒྱུད་རྒྱལ་མཚན་ལ། །བར་ཆད་མེད་པར་བྱིན་གྱིས་རློབས། །པདྨ་འོད་ཀྱི་ཕོ་བྲང་ནས། །རིག་འཛིན་པྲ་ཝ་ཀ་ར་ལ། །གསོལ་བ་འདེབས་སོ་ཐུགས་རྗེས་ཟུངས། །ཁྱེད་ཀྱི་གདུང་རིགས་རྒྱལ་མཚན་ལ། །བར་ཆད་མེད་པར་བྱིན་གྱིས་རློབས། །བཀའ་བབ་བྱིན་རླབས་བརྒྱུད་པའི་ལྷ། །བདེ་

― CMR051_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཡབ་ཡུམ་འཁོར་བཅས་ལ། །གསོལ་བ་འདེབས་སོ་ཐུགས་རྗེས་ཟུངས། །བྱིན་རླབས་རིགས་རྒྱུད་རྒྱལ་མཚན་ལ། །བར་ཆད་མེད་པའི་དངོས་གྲུབ་སྩོལ། །བསྟན་སྲུང་ནག་པོ་བྱ་རོག་མཚན། །འཁོར་ཚོགས་བཅས་པ་ཐམས་ཅད་ལ། །གསོལ་བ་འདེབས་སོ་མཐུ་རྩལ་ཕྱུང་། །རིག་འཛིན་སྤྱན་སྔར་ཁས་བླངས་བཞིན། །དྲུང་ཆེན་གདུང་རྒྱུད་རྒྱལ་མཚན་ལ། །བར་ཆད་མེད་པའི་ཕྲིན་ལས་མཛོད། །སྐྱེས་བུ་ཆེན་པོ་འཁོར་བཅས་ལ། །གསོལ་བ་འདེབས་སོ་ཐུགས་དམ་བསྐུལ། །གྲུབ་ཆེན་སྤྱན་སྔར་ཁས་བླངས་ལྟར། །རིགས་རྒྱུད་རྒྱལ་མཚན་འདི་ཉིད་ལ། །བར་ཆད་མེད་པའི་སྡོང་གྲོགས་མཛོད། །བླ་མ་ཡི་དམ་མཁའ་འགྲོ་དང་། །བདེན་ལྡན་ཀུན་གྱི་བདེན་སྟོབས་ཀྱིས། །བདག་གི་སློབ་བུ་རྒྱལ་མཚན་འདི། །ལོག་པའི་ལམ་དུ་མི་འཇུག་ཅིང་། །སྙིང་པོ་དོན་གྱི་བསྟན་པ་ལ། །ཐོས་བསམ་སྒོམ་གསུམ་མཐར་ཕྱིན་ནས། །བསམ་པ་ཡིད་བཞིན་འགྲུབ་པར་ཤོག །ཅེས་པ་བུ་རྒྱལ་མཚན་ལ་བར་ཆད་ཆེན་པོ་ཞིག་གི་འཚེ་བའི་ཚེ་སྨོན་ལམ་བཏབ་པའོ།། ༈ །།ན་མོ་རཏྣ་ཏྲ་ཡཱ་ཡ། དགོངས་ཤིག་འཕགས་པ་དཀོན་མཆོག་

― CMR051_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། །གང་གིས་ཁྱེད་ལ་སྐྱབས་སོང་ན། །འཇིགས་པ་མེད་པ་ཐོབ་གསུངས་ན། །བདག་ཅག་སློབ་མ་བརྒྱུད་པར་བཅས། །རྩེ་གཅིག་ཁྱེད་ལ་སྐྱབས་ཞུས་ཀྱང་། །འཇིགས་པ་དུ་མས་མནར་བ་འདི། །ཐུགས་རྗེས་སྤྱན་གྱིས་མ་གཟིགས་སམ། །སྟོབས་བཅུའི་སྟོབས་ཀྱིས་ད་སྐྱབས་གསོལ། །དགོངས་ཤིག་འཕགས་མཆོག་སྤྱན་རས་གཟིགས་། །ཁྱེད་ཀྱི་མཚན་ནས་བོས་བྱས་ན། །འཛམ་གླིང་དགྲ་ཡིས་གང་གྱུར་ཀྱང་། །བ་སྤུ་ཙམ་ཡང་གནོད་པ་དང་། །སྡང་བས་བལྟ་བར་མི་ནུས་ན། །བདག་དང་སློབ་མ་བརྒྱུད་པར་བཅས། །ཁྱེད་བསྒོམ་ཁྱེད་མཚན་བརྗོད་བཞིན་དུ། །འཇིགས་པ་དུ་མ་ཇེ་ཆེར་བྱུང་། །ད་ནི་ཐུགས་རྗེས་ཕྱག་སྐྱོངས་ལ། །འཇིགས་པ་ཀུན་ལས་བསྐྱབ་ཏུ་གསོལ་། །དགོངས་ཤིག་རྗེ་བཙུན་སྒྲོལ་མ་དཀར། །ཁྱེད་དྲན་ཁྱེད་ཀྱི་སྔགས་བཟླས་ན། །དགྲ་དང་རྒྱལ་པོ་ཆོམ་རྐུན་སོགས། །འཁོར་བའི་འཇིགས་པ་ཐམས་ཅད་ལས། །སྐྱབས་པར་ཁྱེད་ཀྱི་དམ་ཚིག་ལགས། །ཁྱེད་དྲན་ཁྱེད་སྔགས་བཟླ་བཞིན་དུ། །བདག་དང་འཁོར་དང་བཅས་པ་ལ། །དགྲ་དང་རྒྱལ་པོའི་འཇིགས་པ་ཆེ། །སྒྲོལ་མ་མྱུར་མ་

― CMR051_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་ཅན། །མྱུར་དུ་སྐྱབས་པར་ཐུགས་རྗེས་ཟུངས། །དགོངས་ཤིག་སྒྲོལ་མ་སྣ་ཚོགས་ཡུམ། །ཁྱེད་ཞབས་ཡིད་ལ་ཤར་ཙམ་གྱིས། །འཇིགས་ཆེན་བཅུ་དྲུག་ཞི་བྱེད་པར། །རྒྱུད་རྒྱལ་འབྲེལ་བར་བཅས་ལས་གསུངས། །ཁྱེད་དྲན་ཁྱེད་ལ་སྐྱབས་གསོལ་ཀྱང་། །འཇིགས་པ་མང་པོའི་ཡ་ང་བ། །ཡེ་ཤེས་སྤྱན་གྱིས་མ་གཟིགས་སམ། །ད་ནི་སྐྱོབས་ཤིག་རྣལ་འབྱོར་མ། །དགོངས་ཤིག་ལྷ་མོ་འོད་ཟེར་ཅན། །ཁྱོད་མཚན་གང་གིས་བརྗོད་བྱེད་པ། །ཆད་པས་བཅད་མེད་འགགས་དུ་མེད། །དེ་སོགས་ཕན་ཡོན་ཆེ་གསུངས་ན། །བདག་ནི་ཁྱེད་ལ་གསོལ་བཏབ་ཀྱང་། །དགྲ་དང་རྒྱལ་པོ་ཆོམ་རྐུན་སོགས། །འཇིགས་པ་དུ་མས་ཡང་ཡང་འཚེས། །ལྷ་མོ་མ་གཡེལ་ཐུགས་དམ་ཅན་། །ད་ནི་བསྲུང་སྐྱབས་དུས་ལ་བབས། །ལས་འབྲས་བཙན་ཞེས་བསྙད་བཏགས་ན། །འཕགས་མའི་ཐུགས་རྗེས་ཅི་ལ་ཕན། །ད་ལྟ་ཉིད་དུ་བསྐྱབ་ཏུ་གསོལ། །ཞེས་པ་བོད་སོག་པོ་སོགས་གནས་དུས་རྩུབ་ནས་ཡ་ང་བའི་དུས་གསོལ་བ་བཏབ་པའོ།། ༈ །།ན་མོ་ལོ་ཀི་ཤྭ་ར་མེ་ཏྲི་ཡེ། ཀུན་བཟང་ཐུགས་ཀྱི་བསྟན་པའི་དུས། །ཐོས་པས་གྲོལ་བའི་

― CMR051_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཁྲིད་བཙུགས། །བལྟས་པས་གྲོལ་བའི་ཐོད་རྒལ་བསྟན། །དེ་ལ་ཕྲག་དོག་སྐྱེ་མཁན་མང་། །ཀུན་བཟང་རྒྱལ་བ་ཞི་ཁྲོའི་ཚོགས། །འདི་ལ་ཡེ་ཤེས་སྤྱན་གྱིས་གཟིགས། །འགྲོ་ཀུན་བྱམས་པའི་སེམས་སུ་བསྒྱུར། །རྫོགས་པ་ཆེན་པོའི་བསྟན་པ་ལ། །བར་ཆད་མེད་པར་བྱིན་གྱིས་རློབས། །ཐུགས་རྗེ་ཆེན་པོའི་འདུལ་ཞིང་འདིར། །ཐུགས་རྗེ་ཆེན་པོའི་དབང་གདམས་བསྟན། །ཟོས་པས་འགྲོ་བའི་སྐྱེ་བདུན་བཀྱེས། །དེ་ལ་ཕྲག་དོག་ཟུག་རྔུ་མང་། །གསང་འདུས་ཐུགས་རྗེའི་ལྷ་ཚོགས་རྣམས། །འདི་ལ་ཐུགས་རྗེའི་སྤྱན་གྱིས་གཟིགས། །འགྲོ་བའི་ཕྲག་དོག་རྒྱུན་ཆད་ནས། །བྱམས་པའི་སེམས་སུ་བྱིན་གྱིས་རློབས། །རྒྱལ་བས་ལུང་བསྟན་བྱང་ཕྱོགས་འདིར། །བསྒོམས་པས་གྲོལ་བའི་ཕྱག་ཆེན་བཤད། །དེ་ལ་ཕྲག་དོག་གནོད་སེམས་མང་། །རྡོ་རྗེ་འཆང་ཆེན་གྲུབ་ཆེན་བརྒྱད། །འདི་ལ་མངོན་ཤེས་སྤྱན་གྱིས་གཟིགས། །འགྲོ་བའི་ཕྲག་དོག་རྒྱུན་ཆད་ནས། །དད་པའི་སེམས་སུ་བྱིན་གྱིས་རློབས། །སྙིགས་དུས་པད་འབྱུང་འདུལ་ཞིང་འདིར། །དགོངས་པ་འདུས་པའི་སྒྲུབ་ཆེན་བཙུགས། །དབང་ལུང་གདམས་པ་བསླད་

― CMR051_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་སྤེལ། །དེ་ལ་ཕྲག་དོག་བར་ཆད་ལྡང་། །པད་འབྱུང་རྗེ་འབངས་ཉི་ཤུ་ལྔ། །འདི་ལ་ཐུགས་རྗེའི་སྤྱན་རྒྱང་བསྲིང་། །འགྲོ་བའི་གནོད་སེམས་རྒྱུན་ཆད་ནས། །བསྟན་པ་དར་བར་བྱིན་གྱིས་རློབས། །བསྟན་ཉམས་ཆོས་མུག་བྱུང་དུས་འདིར། །ཁྲོམ་ལ་སྐྱབས་སེམས་བསྙེན་གནས་ཕོག །བསྟན་ལ་ཞུགས་པར་འདོད་རྣམས་ལ། །དགེ་བསྙེན་རབ་བྱུང་བསྙེན་རྫོགས་བསྒྲུབ། །དེ་ལ་གཞན་དག་ཕྲག་དོག་སྐྱེས། །ཐུབ་པ་གནས་བརྟན་དགྲ་བཅོམ་ཚོགས། །འདི་ལ་ཡེ་ཤེས་སྤྱན་གྱིས་གཟིགས། ། འགྲོ་བའི་ཕྲག་དོག་རྒྱུན་ཆད་ནས། །ཐུབ་བསྟན་འཕེལ་བར་བྱིན་གྱིས་རློབས། །གསང་སྔགས་བསྟན་པ་ཆེར་རྙིང་ནས། །སྔགས་འཆང་ཀུན་ཀྱང་དབང་ལུང་གྲལ། །དེ་ལ་དབང་དང་སྒྲུབ་ཐབས་བྱིན། །དེ་ལ་ཕྲག་དོག་ཞེ་སྡང་སྐྱེས། །གསང་སྔགས་སྲུང་མ་དམ་ཅན་ཚོགས། །འདི་ལ་མངོན་ཤེས་སྤྱན་གྱིས་གཟིགས། །འགྲོ་བའི་བསམ་ངན་རྒྱུན་ཆད་ཅིང་། །གསང་སྔགས་དར་བར་མཛད་དུ་གསོལ། །བླ་མ་ཡི་དམ་མཁའ་འགྲོའི་ཚོགས། །གསོལ་བ་འདེབས་སོ་ཐུགས་རྗེས་གཟིགས། །སེམས་ཉིད་ལྷན་སྐྱེས་ཆོས་ཀྱི་

― CMR051_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ། །མ་བཅོས་བཞག་པས་མངོན་གྱུར་ནས། །སྣང་བ་ལྷན་སྐྱེས་ཆོས་སྐུའི་འོད། །དབང་དུ་འདུས་པར་བྱིན་གྱིས་རློབས། །ཞེ་སྡང་མ་བཅོས་ཞེ་སྡང་ཆེ། །གསལ་སྟོང་ཕྱག་རྒྱ་ཆེར་གྲོལ་ནས། །ཕོ་གདོན་དགྲ་ཇག་རྐུན་པོའི་ཚོགས། །རང་སར་ཞི་བར་བྱིན་གྱིས་རློབས། །འདོད་ཆགས་མ་བཅོས་འདོད་ཆགས་ཆེ། །བདེ་སྟོང་ཕྱག་རྒྱ་ཆེར་གྲོལ་ནས། །མོ་གདོན་བསླུ་བྲིད་ལོངས་སྤྱོད་ལ། །བསྟན་པའི་དགྲ་ཡི་ཚོགས་རྣམས་ཀུན། །རང་སར་ཞི་བར་བྱིན་གྱིས་རློབས། །གཏི་མུག་རྨོང་པ་གཏི་མུག་ཆེ། །མི་རྟོག་ཕྱག་རྒྱ་ཆེར་གྲོལ་ནས། །ཀླུ་གདོན་རྩུབ་པའི་བསམ་ངག་དགྲ། །རང་སར་ཞི་བར་བྱིན་གྱིས་རློབས། །མདོར་ན་ཕྱི་རོལ་སྣང་བ་ཀུན། །བདེན་པར་མ་གྲུབ་རྨི་ལམ་བཞིན། །རང་སེམས་ངང་དུ་རོ་གཅིག་ནས། །རང་སྣང་དབང་དུ་འདུས་པ་དང་། །གཞན་སྣང་ཟིལ་གྱིས་གནོན་པ་ཞིག །ད་ལྟ་ཉིད་དུ་བྱིན་གྱིས་རློབས། །ཞེས་པ་འདི་ཧ་ཅང་གདུལ་བྱ་འགྲོ་དོན་ཆེ་ནས་གཞན་ཕྱོགས་ཐམས་ཅད་ཕྲག་དོག་གི་མི་དགའ་བ་ཆེན་པོ་བྱེད་འདུག་ཟེར་བ་ཐོས་ནས་བྲིས་སོ།། ༈ །།ཀ་ཡེ་གསོན་དང་རྒྱལ་ཆེན་རྣམ་ཐོས་སྲས། །ཁ་དོག་པདྨ་རཱ་གའི་མདོག་ལྟར་འབར། །ག་

― CMR051_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

ཤལ་དར་དང་རཏྣའི་རྒྱན་ཆས་བཀླུབས། །ང་ཡི་སྲུང་མར་རྟག་ཏུ་ཁྱོད་བརྟེན་གྱིས། །ཅ་ཅོའི་བསྟོད་དབྱངས་སྒྲ་འདི་གསན་ལགས་སམ། །ཆ་ལུགས་དཔལ་བརྗིད་བསེ་ཡི་ཁྲབ་རྨོག་ཅན། །ཇ་ཆང་ཕུད་དང་གཏོར་མའི་མཆོད་པ་བཞེས། །ཉ་སྟོང་ཚེས་བརྒྱད་རྟག་ཏུ་འཇིག་རྟེན་ཉུལ། །ཏ་ཐཱ་ག་ཏ་ཀུན་གྱི་བསྟན་སྲུང་ཁྱོད། །ཐ་མལ་ལོག་པར་ལྟ་བའི་བསམ་པ་སྒྱུར། །ད་ནི་མ་གཡེལ་དམ་ཚིག་དུས་ལ་བབས། །ན་མེད་གག་ལ་ཐུག་པའི་དུས་འདི་ལ། །པ་དེ་པུ་དེའི་རྟགས་མཚན་ཅི་ཞིག་བྱ། །ཕ་རོལ་དགྲ་སྡེ་མ་ལུས་དབང་དུ་བསྡུས། །བ་གླང་ལྟར་རྨོངས་ནག་པོའི་ཚོགས་རྣམས་ཀུན། །མ་ལྟར་བྱམས་དང་བརྩེ་གདུང་བསྐྱེད་པར་མཛོད། །ཙ་ཤིང་གྲངས་ལྟར་འདུན་བྱེད་མང་བ་དང་། །ཚ་དང་ཇ་ལྟར་དམ་ཆོས་འགྲིམ་པར་མཛོད། །ཛ་ཡེའི་ས་ལ་འགྲོ་ཀུན་བཀོད་འདོད་འདི། །ཝ་ལེར་མངོན་ཤེས་མངའ་ཁྱེད་མ་གཟིགས་སམ། །ཞ་ལྟར་རྒྱལ་བསྟན་གཙུག་ཏུ་ཁུར་བྱེད་ཅིང་། །ཟ་འཐུང་ཕུད་ཀྱིས་སྲུང་མ་ཁྱོད་མཆོད་ན། །འ་རེ་འུ་རེའི་སྙན་དང་གྲགས་པ་ལ། །ཡ་མཚན་ཆེ་བའི་དངོས་གྲུབ་ཐམས་ཅད་སྩོལ། །ར་དམར་ཁྱི་

― CMR051_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་ལ་སོགས་བརྟེན་རྫས་དང་། །ལ་ཆེན་དངོས་འབྱོར་ཡིད་སྤྲུལ་མཆོད་པའི་ཚོགས། །ཤ་ཆང་སྨན་དང་རཀྟ་གཏོར་མར་བཅས། །ས་དང་བར་སྣང་ནམ་མཁའ་བཀང་ཏེ་འབུལ། །ཧ་ཧ་དགྱེས་པའི་གད་མོ་དང་བཅས་བཞེས། །ཨ་ལ་ལ་ཧོ་དངོས་གྲུབ་ད་ལྟ་སྩོལ། །ཅེས་པ་རྒྱལ་པོ་བྱི་བའི་ལོ། ཕག་ཟླ་བའི་ཚེས་བཅུ་གཉིས་ལ་རྟེན་འབྲེལ་ཞིག་གིས་བྲིས་སོ། ། ༈ །།ཨེ་ཡེ། གཞན་ལ་ཉམས་ཁྲིད་འཆད་པའི་སྒོམ་ཆེན་ཁྱེད། །རང་གིས་རང་ལ་གསལ་འདེབས་རན་ནས་གདའ། །ཚེ་འདིའི་སྐྱིད་སྡུག་ཚེ་སྔོན་ལས་འབྲས་གཙོ། །རེ་དང་དོགས་པའི་ཐོག་ཏུ་མི་འགྲོ་བས། །དོན་མེད་འོག་འགྱུ་མང་པོ་ད་སྒྱུར་ལ། །ཉམས་ལེན་རྩེ་གཅིག་སྐྱོངས་དང་ཆགས་མེད་པ། །ཚེ་ཚད་རིང་ཐུང་ལས་ཀྱི་འཕེན་པ་གཙོ། ། ན་དོགས་འཆི་དོགས་བྱས་ཀྱང་ཕན་པ་ཆུང་། །ལོ་ཟླའི་སྐག་རྩིས་མོ་འདེབས་དེ་སྐྱུར་ལ། །ཤི་ཡང་འགྱོད་མེད་ཉམས་ལེན་བསྒྲིམ་རེ་རན། །ལོངས་སྤྱོད་ཆེ་ཆུང་ཚེ་སྔོན་སྤྲིན་འབྲས་གཙོ། །རྩོལ་སྒྲུབ་བྱས་ཀྱང་འོང་ངེས་མི་གདའ་བས། །སྡོམ་བུ་འབུལ་སྡུད་རློམ་སེམས་ད་སྒྱུར་ལ། །གང་བྱུང་དེས་ཆོག་ཞེན་ལོག་བསྒོམ་རིན་གདའ། །ཉམས་རྟོགས་

― CMR051_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་དད་མི་སྐྱེ་མོས་གུས་གཙོ། །འདོད་པ་ཆེ་བས་སྐྱེ་ངེས་མི་གདའ་བས། །བླ་མ་མཆོག་ལ་སྙིང་ནས་བློ་བཀལ་ནས། །མ་བཅོས་ལྷུག་པར་ཞོག་དང་ཆགས་མེད་པ། །འགྲོ་དོན་ཆེ་ཆུང་སྔོན་གྱི་སྨོན་ལམ་གཙོ། །བྱེད་བསམ་ཡོད་ཀྱང་འགྲུབ་ངེས་མི་གདའ་བས། །སློབ་མ་ཡོན་བདག་རེ་ལྟོས་ངོ་བསྲུང་སྐྱུར། །བྱམས་དང་སྙིང་རྗེ་སྒོམས་ཤིག་ཆགས་མེད་པ། །ཚེ་འདིའི་སྐྱིད་སྡུག་ལེགས་ཉེས་གང་འོང་ཤོག །སྙམ་དུ་བློ་ཡིས་ལིངས་སྐྱུར་ཉམས་ལེན་སྐྱོངས། །གྲུབ་ཐོབ་ཨོ་རྒྱན་པ་ཡི་གདམས་ངག་འདི། །ད་ནི་ཉམས་སུ་ལོངས་ཤིག་ཆགས་མེད་པ། །སྐྱིད་ན་དཀོན་མཆོག་མཆོད་ཅིང་དགེ་བ་བསྔོ། །སྡུག་ན་ལས་ངན་ཟད་པའི་དགའ་བ་བསྒོམ། །པཎ་ཆེན་ཤཱཀྱ་ཤྲཱིའི་གདམས་ངག་འདི། །ད་ནི་ཉམས་སུ་ལོངས་ཤིག་ཆགས་མེད་པ། །མི་ལ་བཤད་མཁས་རང་ཉམས་མ་བླངས་ན། །ནེ་ཚོའི་ཁ་ཡི་ཆོས་དང་ཁྱད་པར་ཅི། །དེ་ཕྱིར་མི་ལ་བཤད་པའི་ཟབ་ཆོས་ཚོ། །རང་ཉམས་ལོངས་ལ་མྱོང་བ་ཐོན་པ་རེ། །མེད་ཐབས་མེད་དོ་དགེ་སློང་ཆགས་མེད་པ། །ཞེས་རེ་དོག་གི་འོག་འགྱུ་འགའ་བྱུང་དུས་རང་ལ་སྨྲས་པའོ།། ༈ །།ན་མོ་ལོ་

― CMR051_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

ཀེ་ཤྭ་ར་ཡེ། ལྷ་བླ་མ་ཡི་དམ་དབྱེར་མེད་པའི། །དཔལ་ཐུགས་རྗེ་ཅན་ལ་གསོལ་བ་འདེབས། །ལོ་བཅུ་གཉིས་ལོ་མགོ་བྱི་བའི་ལོ། །དུས་མེ་ཏོག་རྒྱས་པ་དབྱར་གྱི་དུས། །ཆོས་གནམ་ཆོས་སྐྱེ་བདུན་རིལ་བུ་བསྒྲུབ། །སྔོན་སྟོན་པས་ཆོས་འཁོར་བསྐོར་བའི་སྐབས། །ཞག་གསུམ་ལ་སྔགས་དམིགས་རྩེ་གཅིག་སྟེ། །འགྱུར་བརྩིས་ན་དུང་ཕྱུར་བཅུ་ཡི་གྲངས། །དེ་རྒྱུན་བསྙེན་ཟླ་བ་ཕྱེད་གཉིས་ཙམ། །གཞན་ཐུགས་དམ་གནམ་ཆོས་གཙོ་ཆེར་བྱས། །དུས་དེ་ཚེ་འཁྲུལ་པའི་རྨི་ལམ་དུ། །དཔལ་བདུད་འདུལ་རྡོ་རྗེས་གནང་ངོ་སྙམ། །བྱ་ཁྱུང་ཆེན་གཙུག་གི་ནོར་བུ་དེ། །མི་བདག་གི་ལག་ཏུ་ཕྱིན་འདུག་པས། །དབྱིབས་ཆུ་ཤེལ་སྒོ་ང་ཙམ་ཞིག་སྣང་། །འདི་ཡོད་ན་ཅི་བསམ་འགྲུབ་བོ་སྙམ། །ཡིད་དགའ་བ་དཔག་ཏུ་མེད་པ་སྐྱེས། །དེ་ཡ་མཚན་རྟགས་སུ་མི་འདུག་གམ། །དོན་རྨི་ལམ་བག་ཆགས་འཁྲུལ་པ་སྟེ། །དེ་བག་ཆགས་དེ་འདྲ་ཡོད་སྲིད་དམ། །ཉམས་རྨི་ལམ་འདྲེས་པའི་མཚམས་ཤེད་ན། །དཔལ་གྲུབ་ཆེན་ཌོམྦི་ཧེ་རུ་ཀ །སྐུ་གྲུབ་ཐོབ་ཆ་ལུགས་སྟག་ལ་ཆིབས། །སྐུ་ཆ་ལུགས་ཕལ་ཁྱེར་ཧ་ལམ་གསལ། །དེ་སྣང་སྟོང་ནམ་མཁའི་

― CMR051_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

འཇའ་ཚོན་ལྟར། །སྐུ་ཆེ་ཆུང་མི་ལས་གཉིས་འགྱུར་ཆེ། །དེ་བདག་གི་མདུན་དེར་བྱོན་པ་རྨིས། །ནུབ་རྨི་ལམ་འཁྲུལ་པའི་སྣང་བ་ལ། །རྗེ་ཨོ་རྒྱན་དངོས་སུ་དྲུང་། །མི་ཁོ་བོ་འདུག་པའི་སྣང་བ་བྱུང་། །སྐུ་ཆ་ལུགས་ཡིད་ལ་མ་ཟིན་ཀྱང་། །གསུང་ཞུ་གནང་མང་དུ་བྱས་པ་སྙམ། །ཉམས་རྨི་ལམ་འཁྲུལ་པའི་སྣང་བ་ལ། །རང་གུ་རུ་པདྨ་རྒྱལ་པོའི་སྐུ། །སྐུ་བེར་དམར་ལྭ་ཐོད་དམར་པོ་ཅན། །དེ་དངོས་སུ་གྱུར་པའི་སྣང་བ་བྱུང་། །གཞན་དག་སྣང་ཕྲན་བུ་དཔག་ཏུ་མེད། །དེ་དངོས་རྟགས་འཇའ་སྤྲིན་འཇའ་ཚོན་ཟུག །རྫས་རིལ་བུ་དྲིལ་བུ་དོ་ཙམ་འཕེལ། །ཆོས་གནམ་ཆོས་ཟབ་པའི་ངེས་ཤེས་སྐྱེས། །རྗེ་སྤྲུལ་སྐུ་ལ་མོས་གུས་ལྷག་པར་འཕེལ། །ཁོང་འབྲེལ་ཚད་དོན་ལྡན་ཡིན་ངེས་ཀྱང་། །རྫས་མྱོང་གྲོལ་གྱི་ཕྱག་ཆ་ལུས་ཀྱང་དགོས། །སྔོན་སྐྱེས་མཆོག་ཀརྨ་པཀི་ཁོང་། །དེར་འབྲེལ་ཚད་དོན་ལྡན་ཡོངས་གྲགས་ཀྱང་། །རྫས་མྱོང་གྲོལ་རིལ་བུ་རིགས་ལྔ་མཛད། །ད་ཕན་ཆད་རིལ་ནག་བསྟན་པ་དར། །ད་ཞྭ་དམར་བདུན་པའི་སྐུ་རིང་ལ། །རིལ་དམར་གྱི་འགྲོ་དོན་དར་བ་དང་། །དེ་རིམ་བཞིན་རིལ་བུ་རིགས་

― CMR051_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པོ། །འགྲོ་དོན་ཡང་རིམ་བཞིན་འབྱུང་ཞེས་ཐོས། །རྗེ་ཆོས་ཀྱི་དབང་ཕྱུག་རཏྣ་གླིང་། །སྔོན་བྱོན་དང་ད་ལྟ་སླད་ནས་འབྱོན། །ཚད་ལྡན་གྱི་གཏེར་སྟོན་ཕལ་ཆེར་གྱིས། །འགྲོ་དོན་གྱི་ཕྱག་ཆ་མྱོང་གྲོལ་ཡིན། །ལྷ་སྤྱན་རས་གཟིགས་ཀྱི་ཐུགས་རྗེ་དེ། །མ་འགྲོ་དྲུག་གི་རྒྱུད་ལ་འདྲེན་བྱེད་པའི། །ཐབས་མཁས་པའི་ཤིང་རྟ་མྱོང་གྲོལ་རྫས། །རྫས་ཕུན་ཚོགས་རྟགས་ཐོན་བསྒྲུབས་པ་འདི། །འདིའི་རིལ་བུ་རེ་རེ་ཁར་སོང་ན། །རྐྱེན་དུས་མིན་འཆི་བ་བཟློག་པ་ལ། །སེམས་བསྐྱེད་རིམ་ཏིང་འཛིན་མི་ལྡན་པས། །དེ་ཚེ་དབང་ཞིག་གི་དོ་ཟླ་མིན། །གདོན་རྒྱལ་བསེན་གཟའ་ཀླུ་བསྲུང་བ་ལ། སྔགས་བསྙེན་སྒྲུབ་དབང་ལུང་མི་ལྡན་པའི། །ཞག་གསུམ་བདུན་བསྲུང་བའི་དོ་ཟླ་མིན། །དཔལ་བསོད་ནམས་དབང་ཐང་འཕེལ་བ་ལ། །དོན་སྦྱོར་དངོས་ཕྱག་ལེན་མི་ལྡན་པའི། །དེ་གཡང་སྐྱབས་ཞིག་གི་དོ་ཟླ་མིན། །གནས་ངན་སོང་སྐྱེ་སྒོ་གཅོད་པ་ལ། །སྡོམ་པ་དམ་ཚིག་དབང་ལུང་མི་ལྡན་པའི། །དེ་ཆོ་ག་ཞག་འགའི་དོ་ཟླ་མིན། །བསྒོམ་མི་དགོས་ཟོས་པས་གྲོལ་བའི་རྫས། །དཔལ་ཐུགས་རྗེ་ཆེན་པོའི་ཐུགས་རྗེའི་འཕྲུལ། །འདི་སུས་

― CMR051_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོས་ཐུགས་རྗེ་ཆེན་པོ་དང་། །སྐྱེ་ཚེ་རབས་ཀུན་ཏུ་མི་འབྲལ་ཞིང་། །དེ་སྐྱེ་བ་བདུན་ནས་བདེ་ཆེན་ཞིང་། །དཔལ་འོད་དཔག་མེད་ཀྱི་སྲས་སུ་འགྱུར། །དེ་རྒྱུད་ལས་གསུངས་ཕྱིར་བསླུ་བ་མེད། །ཁོང་གཏེར་སྟོན་མཐོང་གྲོལ་ཡིན་ངེས་ཀྱང་། །དེ་རང་རྟགས་ཀྱི་ཕྱག་མཚན་རིལ་བུ་དགོས། །དོན་དེ་ཕྱིར་མྱོང་གྲོལ་འདི་རྒྱ་ཆེར་སྤེལ། །ཞེས་པ་འདི་རང་གི་སློབ་བུ་ཡང་དག་དང་མཇལ་ནས་བདག་གི་གནམ་ཆོས་ཀྱི་རིལ་བུ་བསྒྲུབས་ནས་སྤྲུལ་སྐུ་ལ་མང་དུ་ཕུལ་ཡོད་སྨྲས་པས། གཏེར་ལུང་ལས། མཐོང་ཐོས་སྐྱེ་འགྲོ་ངན་སོང་མེད་པར་འགྱུར། །ཞེས་གསུངས་པས། སྤྲུལ་སྐུ་ལ་རིལ་བུ་དགོས་རྒྱུ་ཅི་ཡོད། བསྒྲུབ་པའི་རྟགས་ཅི་བྱུང་ཟེར་ཡང་། དེ་ནུབ་འཕྱི་ཞིང་གཡེང་བ་ཆེ་བས་ལན་འདེབས་རྒྱུ་མ་བྱུང་ཡང་ཁོང་ཡོན་ཏན་ཅན་གྱི་གཏམ་དེ་ལ་ལན་གཅིག་དགོས་པར་འདུག་སྙམ་ནས་ཕྱིས་བྲིས་སོ།། ༈ །།ན་མོ་གུ་རུ་ལོ་ཀེ་ཤྭ་ར་ཡེ། བླ་མ་ཐུགས་རྗེ་ཆེན་པོ་ལ། །གསོལ་བ་འདེབས་སོ་ཐུགས་རྗེས་ཟུངས། །བདག་གི་བྱང་ཆུབ་སེམས་བསྐྱེད་ནས། །གཞན་ཕན་བསྒྲུབ་པའི་ཡི་དམ་བླངས། །སྔར་དུས་བསྐལ་པའི་བཟང་སྟོད་ལ། །སྐྱེ་འགྲོ་འབུམ་ཕྲག་སྨིན་གྲོལ་བས། །དེང་སང་ལྔ་བརྒྱ་ཐ་མའི་དུས། །བཅུ་ཙམ་བློ་སེམས་འགྱུར་ཐུབ་

― CMR051_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །ཕན་ཡོན་ཆེ་བར་པད་འབྱུང་གསུངས། །སྔོན་དུ་དགྲ་བཅོམ་ཐོབ་པ་བས། །དེང་སང་སེར་གོས་གྱོན་ཙམ་ཅིག །ཕན་ཡོན་ཆེ་བ་ཐུབ་པས་གསུངས། །སངས་རྒྱས་ཞིང་ཁམས་གཞན་དག་ཏུ། །ཚོགས་གཉིས་རྒྱ་ཆེན་བསགས་པ་བས། །ཞིང་འདིར་བསྟན་ལ་ཞུགས་ཙམ་ཡང་། །ཕན་ཡོན་ཆེ་བར་མདོ་ལས་གསུངས། །དེ་ཕྱིར་རང་དོན་བསྒྲུབ་པ་བཤོལ། །གཞན་དོན་བྱ་བའི་ཁུར་ཁྱེར་ཡང་། །བྱང་བལྟས་ཕུག་པར་ཉི་མ་བཞིན། །ཇི་ལྟར་བྱས་ཀྱང་ཕན་པར་དཀའ། །ཐུགས་རྗེས་གཟིགས་ཤིག་སྤྱན་རས་གཟིགས། །རང་གི་མཁན་སློབ་བྱས་ནས་ཀྱང་། །འདུལ་ཁྲིམས་བསྟན་ལ་བཙུད་ཕྱིན་ནས། །ཕ་བུའི་འདུ་ཤེས་དགོས་གསུངས་ལྟར། །བདག་གི་ཕ་ཡིས་འདུ་ཤེས་ཀྱིས། །ཆོས་མགོ་ཅི་ཐོན་བསམས་ན་ཡང་། །ཅི་སྨྲས་མ་ཉན་ལོག་པར་མཐོང་། །ཐུགས་རྗེས་གཟིགས་ཤིག་སྤྱན་རས་གཟིགས། །དབང་ལུང་ཡོན་ཏན་སེམས་ངོ་གསུམ། །འདོད་པ་དེ་ལས་མེད་ཟེར་བས། །ལེགས་སྙམ་ལྟོ་གོས་ཆོས་ཀྱིས་བསྐྱོངས། །ལོ་གྲངས་བརྩི་ནས་གླ་དགོས་ཟེར། །ཤཱཀ་ཐུབ་རིང་ནས་ད་ལྟའི་བར། །སློབ་མ་དང་ནི་གྲྭ་པ་ལ། །གླ་སྦྱིན་ཟེར་བ་

― CMR051_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་མ་མྱོང་། །སྙིགས་མའི་གཏམ་དང་བསམ་པ་ལ། །ཐུགས་རྗེས་གཟིགས་ཤིག་སྤྱན་རས་གཟིགས། །དབང་ནི་མི་ཞུ་ཞུས་ན་ཡང་། །དམ་ཚིག་བསྲུང་བསམ་ཡིད་ལ་མེད། །ཆོས་ནི་མི་ཉན་ཉན་ན་ཡང་། །ཚིག་གཅིག་དོན་ལ་གོ་བ་མེད། །གནས་འགྱུ་ཙམ་ཞིག་འཕྲོད་ན་ཡང་། །སྐྱོང་དགོས་བསམ་པ་ཡིད་ལ་མེད། །ཐུགས་རྗེས་གཟིགས་ཤིག་སྤྱན་རས་གཟིགས། །སྨྲ་ལྕེ་ནེ་ཚོ་འདྲ་ན་ཡང་། །ཡོན་ཏན་བསླབ་ན་བོང་བུ་འདྲ། །སྤྱང་གྲུང་འདྲེ་བས་ཆེ་ལགས་ཀྱང་། །ཉམས་ཁྲིད་བཤད་ན་ལུག་བས་བླུན། །འདོན་བརྗོད་ཅུང་ཟད་ལོབ་ན་ཡང་། །ལོབ་ནས་སྐྱུར་ཏེ་འདོན་དུས་མེད། །དབང་ལུང་བརྒྱ་ཕྲག་ཐོབ་ན་ཡང་། །གཅིག་ཙམ་ཡི་དམ་བྱེད་སྣང་མེད། །ཐུགས་རྗེས་ཟུངས་ཤིག་སྤྱན་རས་གཟིགས། །ལུས་བདེ་མཆོད་ཁང་བཟང་ན་ཡང་། །བརྒྱ་ཕྱག་གཅིག་ཙམ་མནའ་ཡིས་ཐེངས། །ངག་འཆལ་བཙོག་གཏམ་ཁ་མི་བཟུང་། །ཡིག་དྲུག་བསྙེན་པ་ཁོམ་དུས་མེད། །འདི་ཕྱིར་ཕན་པའི་བསམ་པ་ཡིས། །སྙིང་ནས་གང་ཕན་བྱས་གྱུར་ཀྱང་། །ཆད་དོན་ཞག་གསུམ་མལ་ན་མེད། །འདི་འདྲའི་འགྲོ་བ་ལས་ངན་

― CMR051_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །ཐུགས་རྗེས་ཟུངས་ཤིག་སྤྱན་རས་གཟིགས། །ཞེས་པ་ཤེས་རབ་དང་རྣམ་དག་གཉིས་ལོ་གསུམ་རེ་འདུག་ཆད་བྱས་པ་མཐར་མ་འཁྱོལ་སོང་བས་ཡི་མུག་ནས་སྨྲས་སོ།། ༈ །།ན་མོ་གུ་རུ་མཉྫ་ཤྲཱི་ཡེ། འཇམ་པའི་དབྱངས་དངོས་ས་སྐྱ་པ། །བརྒྱུད་པར་བཅས་ལ་ཕྱག་འཚལ་ལོ། །འགྲོ་མགོན་ས་སྐྱ་པཎྜི་ཏས། །ཐོས་བསམ་དག་ལ་བསྐུལ་ནས་ཀྱང་། །རྒྱལ་བའི་བསྟན་པ་ལུང་གི་དུས། །གསལ་བར་བྱ་བའི་ཐུགས་དགོངས་ཀྱིས། །ཅོ་འདྲི་བསྟན་བཅོས་རྣམ་བཞི་བརྩམ། །དེ་ཡི་དགོངས་པ་མ་རྟོགས་པར། །དེ་ཡི་ཚིག་ལ་དོན་བཟུང་ན། །གུ་རུ་པདྨ་འབྱུང་གནས་ཀྱི། །དགོངས་འདུས་འདྲ་མིན་ཤན་འབྱེད་ལས། །འགའ་ཞིག་ཆོས་ལོག་སུན་འབྱིན་ཞེས། །ཡིན་པའི་བཀའ་ལ་མིན་ཞེས་ནས། །གཤེ་ལོག་འགེལ་ཞིང་ལུང་རྒྱབ་མཐུད། །འགྲོ་ཀུན་ཡིད་གཉིས་གནས་སུ་འཕེན། །དེ་མཐུས་ཆོས་ལ་ཐེ་ཚོམ་ཟོས། །ཉམས་ལེན་འཕྲོ་སྐྱུར་རྩོད་པ་བསྒྲུབ། །ལམ་ལོག་ལམ་གོལ་བདུད་ཀྱིས་བསླུས། །གསུངས་པའི་ཐོག་ཏུ་འགྲོ་ཉན་གདའ། །སྡོམ་གསུམ་འོད་ཀྱི་ཕྲེང་བ་དང་། །ཨ་བྷྱ་ཀ་རའི་དགོངས་རྒྱན་སོགས། །སྡོམ་གསུམ་རྒྱ་གཞུང་ཚད་ལྡན་

― CMR051_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །ཚད་ལྡན་མིན་ཞེས་སུན་ཕྱུངས་ནས། །བླ་མའི་གསུང་རྒྱུན་གཙོ་བོར་མཛད། །མོས་གུས་ཆེ་བ་རྗེས་ཡི་རང་། །འོན་ཀྱང་ཁ་ཆེ་པཎྜི་ཏ། །མ་འོངས་སངས་རྒྱན་བདུན་པ་སྟེ། །རྡོ་རྗེ་གདན་གྱི་མཁན་ཆེན་མཆོག །བོད་ཀྱི་རབ་བྱུང་ཀུན་གྱི་ཕུག །དེ་ཡི་སྲས་ཀྱི་ཐུ་བོ་པ། །བྷི་བྷུ་ཏི་ཙནྡྲ་ཞེས་བྱ་བས། །བླ་མ་པཎ་ཆེན་གསུངས་བཞིན་དུ། །མཛད་པའི་རྒྱ་གཞུང་སེར་རྒྱབ་པ། །དེའང་ཧ་ཅང་ཐལ་ཆེས་སམ། །རྩ་ལྟུང་བཅུ་བཞིའི་དགོངས་པ་ཡང་། །འཇམ་དཔལ་གྲགས་པ་ཀུན་དགའ་སྙིང་། །ལེགས་སྨིན་ཁ་ཆེ་ལེགས་སྨིན་དང་། །མཚོ་སྐྱེས་སློབ་དཔོན་སྙིང་པོའི་ཞབས། །པཎ་གྲུབ་བདུན་གྱི་རྒྱ་གཞུང་རྣམས། །རྒྱ་གཞུང་མིན་ཞེས་སྐུར་བཏབ་ནས། །བླ་མའི་གསུང་རྒྱུན་གཙོ་བོར་མཛད། །ཆོས་སྤངས་ལས་སུ་མི་འགྱུར་རམ། །དེ་བཞིན་རྣལ་འབྱོར་རྒྱུད་ཀྱི་ནས། །རྒྱ་འགྲེལ་རྒྱ་གཞུང་ཆེན་པོ་བཞི། །ཚད་ལྡན་མིན་ཞེས་སུན་ཕྱུང་ནས། །བླ་མའི་གསུང་རྒྱུན་ཆོ་གར་གྱེར། །ཧ་ཅང་རྨོངས་ཞེན་མ་ལགས་སམ། །དོ་ཧ་མཛོད་གསུམ་གསང་བ་མཛོད། །གྲུབ་ཆེན་རྒྱ་གཞུང་མང་པོ་རྣམས། །སེར་བརྒྱབ་ཕྱག་ཆེན་

― CMR051_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

བཀག་མཛད་ནས། །རང་ལུས་ལྷན་ཅིག་སྐྱེས་དགའ་ཙམ། །ཕྱག་རྒྱ་ཆེན་པོར་བཞེད་ལགས་ན། །གསུམ་པའི་དོན་ནི་བཞི་པ་ལ། །གདམས་ཏེ་འཆད་པར་བྱེད་པ་ནི། །བདུད་ཀྱི་སློབ་དཔོན་ཡིན་ནོ་ཞེས། །དུས་འཁོར་སོགས་ལས་གསུངས་པ་དེ། །ཐོག་ཏུ་འབབ་དོགས་མ་མཆིས་སམ། །དཔེ་ཡི་ཡེ་ཤེས་མ་རྟོགས་པར། །དོན་གྱི་ཡེ་ཤེས་མི་རྟོགས་ན། །དཀར་པོ་རྣམ་གསུམ་མ་གཏོགས་པའི། །ས་པཎ་མན་ཆད་ས་སྐྱ་པའི། །འདུལ་འཛིན་དགེ་བའི་བཤེས་རྣམས་ཀྱིས། །ཕྱག་རྒྱ་ཆེན་པོ་མ་རྟོགས་སམ། །ཡང་ན་སྡོམ་རྒྱུན་མ་དག་གམ། །དབང་བཞི་འགྲོས་ནི་ཁོ་ན་བས། །བླ་མེད་གསང་སྔགས་ཐེག་པ་ལས། །བྱང་ཆུབ་འགྲུབ་ཐབས་མ་མཆིས་ན། །གསང་སྔགས་ཐབས་མང་མི་འཐད་དམ། །འབར་བ་པ་ལས་སྔོན་བྱོན་པའི། །རྒྱ་གར་གྲུབ་ཆེན་མང་པོ་རྣམས། །འབིར་བའི་གསུངས་ལ་བསྟེན་ལགས་སམ། །ལས་དང་སོ་སོའི་སྐྱེ་བོ་ནི། །རིམ་འཇུག་ཆོ་ག་མ་གཏོགས་པ། །བླ་མེད་ལམ་གཞན་བཀག་ལགས་ན། །འགྲོ་མགོན་ས་པཎ་མན་ཆད་དུ། །རྣལ་འབྱོར་གྲུབ་ཐོབ་སློབ་དཔོན་དང་། །སྐལ་ལྡན་སློབ་མ་མི་འབྱུང་ངམ། །

― CMR051_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ན་ལྔ་བརྒྱ་ཐ་མ་ལ། །གསང་སྔགས་འབྲས་བུའི་ཆོས་དར་བར། །གསུངས་པ་དེ་ལ་འབྲས་མེད་དམ། །ཙཱ་རི་ཙཱ་རི་ཏྲ་མིན་གསུངས། །བདེ་མཆོག་མཁའ་འགྲོ་རྒྱ་མཚོ་དང་། །རྗེ་བཙུན་གྲགས་པ་རྒྱལ་མཚན་གྱི། །གསུངས་དང་འགལ་བ་མ་མཆིས་སམ། །ཏི་སེ་གངས་ཆེན་མིན་གསུངས་པ། །དེ་ཙམ་ཚིག་ལ་རྩོད་པ་ན། །བོད་ཀྱི་གངས་རི་ཐམས་ཅད་ཀུན། །རི་བོ་ཡིན་ལ་གངས་ཅན་ཡིན། །ཏི་སེའི་རྩེ་ལ་གངས་མེད་པར། །ཁྱོད་ཀྱིས་གཟིགས་ན་ངོ་མཚར་ཆེ། །མ་ཕམ་མ་དྲོས་མིན་གསུངས་པ། །ཡིན་ཡང་རུང་ལ་མིན་ཡང་རུང་། །མ་ཕམོ་དཔལ་ལྡན་ལྷ་མོ་ཡི། །བླ་མཚོ་ཡིན་པ་རྒྱུད་ནས་གསལ། །མ་དྲོས་དེ་བས་ལྷག་གམ་ཅི། །ཨོ་ལ་རིང་ཆ་མེད་གསུངས་ཀྱང་། །གུ་རུ་པདྨ་འབྱུང་གནས་དང་། །ཆོས་རྒྱལ་སྲོང་བཙན་སྒམ་པོ་དང་། །དུས་ཕྱིས་པཎྜི་ཏས་བསྒྱུར་བའི། །སྒྲ་ཡི་བསྟན་བཅོས་རྒྱས་པ་ལས། །ཨོྃ་ལ་འ་འདོགས་ཡོད་པར་གསུངས། །གསར་མའི་ལུགས་ལ་གཏོར་མ་ལ། །ཟུར་གསུམ་བཅའ་བ་མེད་གསུངས་པ། །རྡོ་རྗེ་གདན་པ་ཆེ་ཆུང་གིས། །བསྒྱུར་བའི་མགོན་པོའི་རྒྱུད་ཆེན་

― CMR051_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །མ་གཟིགས་པ་ཡི་གསུང་དུ་སྣང་། །གཟའ་ལ་ཁྱབ་འཇུག་ཟེར་བ་ཡི། །ཚིག་དེ་འཁྲུལ་པར་གསུངས་ལགས་ཏེ། །ཡེ་ཤེས་མགོན་པོའི་རྒྱུད་ཆེན་ལས། །ཁྱབ་འཇུག་རྣམ་པ་གསུམ་དུ་གསུངས། །ལྷ་དང་ལྷ་མིན་གཟའ་དང་གསུམ། །མིང་གཅིག་དོན་ནི་སོ་སོར་བཤད། །གོ་བ་རྟོགས་པ་གཉིས་གསུངས་པ། །སངས་རྒྱས་ཆེ་བའི་ཡོན་ཏན་རྣམས། །ཐོས་ནས་གོ་བ་སྐྱེས་ཙམ་གྱིས། །སངས་རྒྱས་ཡོན་ཏན་ཐོབ་ལགས་སམ། །ཕྱེ་མ་ལེབ་ཀྱིས་ཁྱུང་ཆེན་ལ། །གཤོག་རྩལ་འགྲན་པ་མི་རིགས་ཀྱང་། །མི་འདྲ་བ་ཡི་གཏམ་བརྗོད་ན། །མི་རྟོགས་པ་ཡི་ཁ་འབྱུང་དཔེ། །གཞུང་ལུགས་རྒྱ་ཆེན་མ་བྱང་ཞིང་། །མཁས་པའི་མིང་སྙན་མ་ཐོབ་ཀྱང་། །བླ་མ་མཆོག་གི་ཐུགས་རྗེ་ཡིས། །རབ་འབྱམས་གསུང་ར་ཐམས་ཅད་ལ། །གོ་བའི་སྐྱ་རིས་འཆར་ཞིང་གདའ། །གཞུང་མང་བློ་ལ་མ་མཆིས་ཀྱང་། །མདོ་སྔགས་ཐེག་པ་ཆེ་ཆུང་ཀུན། །ཉམས་ལེན་ཐུན་གཅིག་ངང་དུ་འདུས། །མདོ་རྒྱུད་གཞུང་ལུགས་ཐམས་ཅད་ལ། །ལེགས་པར་བལྟས་ཞིང་བརྟགས་པས་ན། །སྒྲུབ་བརྒྱུད་འདི་ལ་དད་པ་འཕེལ། །ཐ་སྙེད་རྟོག་པའི་རི་མོ་ནི། །བདག་

― CMR051_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་བྲིས་ཀྱང་ཟད་པ་མེད། །དོན་ཆུང་སྐྱེ་འགྲིབ་བསྟན་བཅོས་ཀྱང་། །འཛམ་གླིང་ཀུན་ལ་གྲགས་ཆེ་ཞིང་། །ཐོས་བསམ་བྱེད་མཁན་མང་བྱུང་བ། །འཇམ་དབྱངས་ས་སྐྱ་པཎྜི་ཏའི། །གྲུབ་རྟགས་བླ་ན་མེད་པར་སྣང་། །རྒྱ་གཞུང་མང་པོར་སེར་བརྒྱབ་ནས། །བླ་མའི་གསུང་གིས་རྗེས་འབྲངས་ནས། །དཔལ་ལྡན་ས་སྐྱའི་རྗེས་འཇུག་རྣམས། །མོས་གུས་བླ་ན་མེད་པར་སྣང་། །གྲུབ་མཐའ་གཞན་ལུགས་འཛིན་རྣམས་ཀྱིས། །བསྟན་བཅོས་འདི་དག་མཐོང་ཙམ་གྱིས། །ཐེ་ཚོམ་དྲྭ་བ་གཅོད་པའི་ཕྱིར། །མདོ་རྒྱུད་གཞུང་ལུགས་རྒྱ་མཚོ་ལ། །ཐོས་བསམ་བརྩོན་པ་འཕེལ་བ་འདི། །ཐབས་མཁས་འགྲོ་དོན་བླ་ན་མེད། །བླ་མེད་སྡོམ་གསུམ་བསྟན་བཅོས་ལ། །ཕྱག་འཚལ་རྗེས་སུ་ཡི་རང་འབུལ། །ཞེས་པ་འདི་སྡོམ་གསུམ་རབ་དབྱེའི་འགྲེལ་ཆེན་བསོད་ནམས་སེང་གེས་འབྲས་ཡུལ་སྐྱེད་ཚལ་དུ་མཛད་པ་དེ་ལ་བལྟས་པས་ཡ་མཚན་ཆེ་བ་ཞིག་བྱུང་ནས་སྨྲས་སོ།། ༈ །།ན་མོ་གུ་རུ་དྷརྨེ་ཤྭ་ར་ཡེ། སྡོམ་གསུམ་རྒྱུད་ལ་སྲུང་མཛད་བཀའ་དྲིན་ཅན། །དཔལ་ལྡན་བླ་མ་མི་འབྲལ་སྤྱི་བོའི་རྒྱན། །སྡོམ་གསུམ་རིམ་ཅན་བསྟན་པ་ལྟར་དུ་སྟེ། །མ་ངེས་འཆོལ་བར་

― CMR051_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་ལ་འགལ་མེད་དེ། །ཉི་མ་ཤར་བས་ཟླ་སྐར་མ་བཀག་བཞིན། །ལྷན་ཅིག་སྐྱེས་ཀྱང་མ་འདྲེས་སོ་སོའི་དཔེ། །ཉི་ཟླ་སྐར་མ་མཁའ་ལ་ཤར་བ་བཞིན། །གོང་མས་བསྲུང་བས་འོག་མས་མི་རྟོགས་པས། །ཟླ་སྐར་ནུབ་ཀྱང་ཉི་མས་མུན་སེལ་བཞིན། །དེ་ཡང་སོ་སོའི་སྐྱེ་བོས་བསྲུང་ཚུལ་ནི། །གཞན་ཕན་ཆེ་ཆུང་འགལ་ཚབ་ཆེ་ཆུང་སྤྱད། །དོན་ཆུང་འོག་མ་ཁྱད་དུ་བསད་པ་ན། །གོང་མའི་བདེ་གཤེགས་བཀའ་འདས་མཉམ་དུ་འབྱུང་། །དུས་ལ་བབ་ཀྱང་འོག་མའི་ཁྲིམས་བཅངས་ན། །འབྲས་བུ་མྱུར་དུ་ཐོབ་རྒྱུ་ཕྱིར་ལ་འགྱངས། །དེ་ཕྱིར་སྤྱོད་པ་ས་མཚམས་ཟིན་པ་གཅེས། །ངོ་བོ་མི་གཅིག་སོ་སོར་བཏང་བའི་ཚུལ། །ནཱ་རོས་བསླབས་པ་ཕུལ་བའི་རྣམ་ཐར་ལྟོས། །ཆགས་སོགས་ཉོན་མོངས་དྲག་པོ་ནམ་སྐྱེས་ཚེ། །སྤངས་བའི་སེམས་ཀྱིས་དེ་རྗེས་མི་འབྲང་བ། །སོ་སོ་ཐར་པའི་བསྲུང་བྱ་དེ་ཉིད་རང་། །དེ་ཡང་རང་དོན་མ་ཡིན་གཞན་དོན་དུ། །བྱང་ཆུབ་ཐོབ་ཕྱིར་ཡིན་པས་བྱང་སེམས་སྡོམ། །དེ་ཡང་ཐ་མལ་ལུས་ཀྱི་མ་ཡིན་ཏེ། །ཡི་དམ་ལྷ་ཡི་སྐུ་གསུང་ཐུགས་ཀྱིས་ནི། །དཀྱིལ་འཁོར་གསུམ་དང་ལྡན་ཕྱིར་རིག་འཛིན་སྡོམ། །དེ་ལྟར་

― CMR051_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་གཅིག་ལ་གསུམ་ཀ་ཚང་། །རྒྱས་པར་སྤྲོ་ན་རྣམ་དབྱེ་བསམ་འདས་ཀྱང་། །ཉམས་སུ་ལེན་ན་དེ་ག་ཙམ་གྱིས་ཆོག །ཁྱད་པར་བསྲུང་མཚམས་བྲལ་བའི་དམ་ཚིག་ནི། །དགེ་དང་མི་དགེའི་རྟོག་པ་ཅི་ཤར་ཡང་། །ཆུ་རླབས་ཆུ་ལ་ཐིམ་པ་ཇི་བཞིན་དུ། །རང་གྲོལ་ཆོས་སྐུའི་ངང་དུ་རོ་གཅིག་པར། །སེམས་སྲུང་མཆོག་གི་བརྟུལ་ཞུགས་འདི་བརྟེན་ན། །སྤང་སེམས་བླང་སེམས་མང་པོ་སྦྱིན་པར་བུད། །མི་བསྲུང་བ་ཡི་བསྲུང་བ་ཆེན་པོར་གསུངས། །གཞན་གནོད་རང་འགག་ཡིན་པས་སོ་སོ་ཐར། །ཚེ་འདིར་མཆོག་གྲུབ་གཞན་ཕན་འཕྲལ་དུ་འོང་། །དོན་དམ་ཡི་དམ་ལྷ་དང་ངོ་བོ་གཅིག །སྒོ་གསུམ་རྡོ་རྗེ་གསུམ་སྟེ་རིག་འཛིན་མཆོག །འདི་འདྲ་སྒྲུབ་བརྒྱུད་མཆོག་གི་བཞེད་པ་སྟེ། །ཐོས་བསམ་དམན་ཀྱང་བྱིན་རླབས་སྟོབས་ཀྱིས་ཤར། །བསམ་བཞིན་བརྒྱུད་པ་འདི་ལ་ངེས་ཤེས་སྐྱེས། །བརྒྱུད་པའི་བྱིན་རླབས་བདག་དང་བརྒྱུད་འཛིན་ལ། །བྱིན་རླབས་སྟོབས་ཀྱིས་མྱུར་དུ་འཆར་བར་ཤོག །ཅེས་པའང་འཕྲལ་དུ་བྲིས།། ༈ །།བྷེ། འདས་པའི་སངས་རྒྱས་བདེ་གཤེགས་རིན་ཆེན་མང་། །མ་འོངས་སངས་

― CMR051_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་བཅོམ་ལྡན་རིན་ཆེན་གདུགས། །ད་ལྟར་རྣམ་པར་སྣང་མཛད་ཐུགས་ལས་སྤྲུལ། །བསླུ་མེད་སྐྱབས་ཀྱི་དམ་པའི་ཐུགས་དམ་བསྐང་། །གྲངས་མེད་གོང་ནས་མངོན་པར་སངས་རྒྱས་ཀྱང་། །འགྲོ་བའི་དོན་དུ་ས་བརྒྱད་སེམས་དཔའི་ཚུལ། །ཤཱཀ་ཐུབ་བྱེ་བ་ཕྲག་བརྒྱའི་བསྟན་པ་སྲུང་། །མགོན་པོ་ངལ་བསོ་པོ་ཡི་ཐུགས་དམ་བསྐང་། །ལྷ་ཡི་གནས་བསྲུང་ལྷ་མིན་གཡུལ་ངོ་ཟློག །གླིང་བཞི་གླིང་ཕྲན་ཀུན་གྱི་བདག་པོ་སྟེ། །གཏེར་ཆེན་བྱེ་བ་བརྒྱ་སྟོང་མངའ་བདག་པོ། །གཏེར་བདག་ལུས་ངན་པོ་ཡི་ཐུགས་དམ་བསྐང་། །རྒྱ་ནག་མ་ཧཱ་རཱ་ཛའི་དཀོར་སྲུང་མཛད། །བོད་དང་གྲུ་གུའི་རྒྱལ་པོས་ཁྱོད་མཆོད་པས། །བོད་དང་གྲུ་གུ་མི་དར་ལྷ་རུ་དར། །དཀོར་བདག་གནས་སྲུང་ཆེན་པོའི་ཐུགས་དམ་བསྐང་། །ཡབ་ནི་དབང་ཕྱུག་ཡུམ་ནི་ལྷ་མོ་དཔལ། །གར་མཁན་མཆོག་དང་ཛཾ་ལྷ་སེར་ནག་སོགས། །སྲས་དང་སྲས་མོ་ལྔ་བརྒྱ་ལྔ་བརྒྱ་རེ། །ཡབ་ཡུམ་སྲས་དང་བཅས་པའི་ཐུགས་དམ་བསྐང་། །མ་ཏྲག་བཞི་དང་པདྨའི་གཙུག་ཕུད་མ། །གནོད་སྦྱིན་མོ་བརྒྱད་སྲིན་པོ་ཆེན་པོ་བརྒྱད། །ཟས་གོས་ནོར་གྱི་ལྷ་མོ་མཆེད་གསུམ་སོགས། །

― CMR051_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་བདག་གནོད་སྦྱིན་མ་ཚོགས་ཐུགས་དམ་བསྐང་། །ནོར་ལྷ་མཆེད་བརྒྱད་ཀླུ་བརྒྱད་ཡུམ་དང་བཅས། །སྡེ་དཔོན་ཉེར་བརྒྱད་ཆོས་སྤྱན་སུམ་ཅུ་གཉིས། །ལྗོངས་གནས་བཅུ་དྲུག་ཡུལ་སྐྱོང་ལྔ་བརྒྱའི་ཚོགས། །བློན་པོའི་ཚོགས་དང་བཅས་པའི་ཐུགས་དམ་བསྐང་། །གནོད་སྦྱིན་འཁོར་ཚོགས་བྱེ་བ་བདུན་འབུམ་དང་། ། །ལྷ་ཀླུ་ལྷ་མིན་དྲི་ཟ་མིའམ་ཅི། །གཞན་གྱིས་མི་ཐུབ་དྲག་ཤུལ་སྟོབས་ལྡན་པའི། །སྡེ་ཆེན་དཔུང་དང་བཅས་པའི་ཐུགས་དམ་བསྐང་། །མགོན་པོ་འཁོར་བཅས་ཐུགས་དམ་བསྐང་བའི་རྫས། །གླིང་བཞི་རི་རབ་ལྷ་མིའི་ལོངས་སྤྱོད་ཚོགས། །བཀྲ་ཤིས་རྟགས་བརྒྱད་རྒྱལ་སྲིད་རིན་ཆེན་བདུན། །བློ་ཡིས་བླངས་དང་ཡིད་ཀྱིས་སྤྲུལ་ཏེ་འབུལ། །ཕྱི་ནང་གསང་བའི་རྟེན་སྒྲུབ་བསྐང་བའི་རྫས། །དཀར་གསུམ་མངར་གསུམ་འབྲུ་སྨན་རིན་པོ་ཆེ། །དམ་རྫ་ས་དཔལ་གྱི་གཏོར་ཆེན་འབར་བ་སོགས། །མཐུན་པའི་དམ་རྫས་དུ་མས་ཐུགས་དམ་བསྐང་། ། འགའ་འཁྲུལ་ཉམས་ཆག་གང་མཆིས་འགྱོད་པས་བཤགས། །ཁྱོད་ཀྱི་ཐུགས་དམ་གཉན་པོ་བསྐངས་གྱུར་ནས། །བདག་སོགས་འགྲོ་ཀུན་བསོད་ནམས་ཚོགས་རྫོགས་ཏེ། །

― CMR051_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

འཛད་མེད་རིན་ཆེན་གཏེར་ལ་མངའ་བརྙེས་ནས། །འཕགས་པ་མཆོད་དང་འགྲོ་བ་སྐྱོབ་པ་ལ། །བདེ་གཤེགས་རིན་ཆེན་མང་དང་མཉམ་པར་མཛོད། །ཅེས་པ་འདི་བླ་མ་རིན་པོ་ཆེ་རི་པ་བག་ཡོད་པས་རྟ་བཟང་པོས་མགོ་གཏད་དུ་འབུལ་བ་མང་པོ་དང་བཅས་རྐང་གཏད་མཇལ་དུ་བྱུང་དུས་རྣམ་སྲས་ཀྱི་བསྐང་ཐུང་གཏོར་ཆོག་ལ་སྦྱར་རྒྱུ་གཅིག་མཛོད་ལ་འགྲིམ་སུ་བྱུང་བ་ལ་བསྐུལ་བ་གལ་ཆེ་ཞེས་ནན་ཏན་མཛད་པས་བྲིས་པའོ།། ༈ །།མི་རྟག་པའི་མགུར་མ་བཞུགས། ན་མོ་གུ་རུ། སྤྲིན་མེད་ནམ་མཁའ་ལ་ཉི་ཤར་དང་། །ཟླུམ་རིས་པདྨ་ཁ་འབུས་གཉིས། །གནས་སྐབས་འབྲེལ་པ་ཡད་ཡུད་ཙམ། །ཉི་མས་གླིང་བཞི་བསྐོར་དུ་འགྲོ། །མེ་ཏོག་ལྷ་ཡི་དྲུང་དུ་འགྲོ། །བླ་མས་ཉམས་ཁྲིད་འཆད་པ་དང་། །སློབ་མས་རྟོགས་པ་སྐྱོང་བ་གཉིས། །གནས་སྐབས་འབྲེལ་པ་ཡད་ཡུད་ཙམ། །བླ་མ་མི་རྟག་ཞིང་ལ་གཤེགས། །སློབ་མ་རི་ཁྲོད་དབེན་པར་འགྲོ། །བཀྲག་མཛེས་མེ་ཏོག་ཚལ་རྒྱས་དང་། །བུང་བས་སྦྲང་རྩི་ལེན་པ་གཉིས། །གནས་སྐབས་འབྲེལ་པ་ཡད་ཡུད་ཙམ། །མེ་ཏོག་དུས་ཀྱི་བ་མོས་བཅོམ། །བུང་བ་བུང་ཚང་ནང་དུ་འཁུམ། །དད་ལྡན་སྡེ་ཡི་འབྱོར་པ་དང་། །འགྲོ་དོན་འབྲེལ་པ་འཇོག་པ་གཉིས། །

― CMR051_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སྐབས་འབྲེལ་པ་ཡད་ཡུད་ཙམ། །འབྱོར་པ་མི་རྟག་གཞན་གྱིས་ཁྱེར། །བླ་མ་ཡུལ་ཁམས་གཞན་དུ་དེང་། །སྡོང་གྲུ་བཟང་པོ་སྐྱོན་མེད་དང་། །མཉན་པས་ཆུ་ལས་སྒྲོལ་བ་གཉིས། །གནས་སྐབས་འབྲེལ་པ་ཡད་ཡུད་ཙམ། །སྡོང་གྲུ་ཆུ་ཡི་འགྲམ་ན་ལུས། །མཉན་པ་རང་གི་ཁྱིམ་དུ་འགྲོ། །དལ་འབྱོར་སྐྱོན་མེད་ཐོབ་པ་དང་། །བླ་མས་དབང་ཁྲིད་བསྟན་པ་གཉིས། །གནས་སྐབས་འབྲེལ་པ་ཡད་ཡུད་ཙམ། །དལ་འབྱོར་མི་ལུས་སྒྱུར་ནས་འགྲོ། །བླ་མ་ཞིང་ཁམས་གཞན་དུ་གཤེགས། །མཁའ་ལ་ཤར་བའི་འཇའ་ཚོན་དང་། །བྱིས་པ་དགའ་ནས་བལྟ་བ་གཉིས། །གནས་སྐབས་འབྲེལ་བ་ཡད་ཡུད་ཙམ། །འཇའ་ཚོན་མི་རྟག་ཡལ་ནས་འགྲོ། །བྱིས་པ་བསམ་མེད་ཨ་ཐང་ཆད། །བདེ་གསལ་མི་རྟོག་ཉམས་བཟང་དང་། །སྒོམ་ཕྲུག་ང་རྒྱལ་སྐྱེ་བ་གཉིས། །གནས་སྐབས་འབྲེལ་པ་ཡད་ཡུད་ཙམ། །ཉམས་བཟང་མི་རྟག་ཡལ་ནས་འགྲོ། །བསྒོམ་བོར་བསམས་ནས་སྡུག་བསྔལ་བྱེད། །བྲག་རི་བཙན་པོའི་རྒོད་ཚང་དང་། །རྒོད་ཕྲུག་ཤ་ཡིས་གསོ་བ་གཉིས། །གནས་སྐབས་འབྲེལ་པ་ཡད་ཡུད་ཙམ། །

― CMR051_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་ཕུག་རང་མལ་སྟོང་པར་གདའ། །རྒོད་ཕྲུག་ནམ་འཕང་གཅོད་དུ་འགྲོ། །རྩེ་གཅིག་སྒྲུབ་པའི་རི་ཁྲོད་དང་། །ཉམས་ལེན་སྐྱོང་བའི་སྒོམ་ཆེན་གཉིས། །གནས་སྐབས་འབྲེལ་པ་ཡད་ཡུད་ཙམ། །རི་ཁྲོད་ཕལ་ཆེར་སྟོང་པར་ལུས། །སྒོམ་ཆེན་འགྲོ་དོན་སྐྱོང་དུ་འགྲོ། །སྟོན་པས་བྱིན་རླབས་དུས་ཆེན་དང་། །དད་ལྡན་བསོད་ནམས་བསོགས་པ་གཉིས། །གནས་སྐབས་འབྲེལ་པ་ཡད་ཡུད་ཙམ། །དུས་ཆེན་མི་རྟག་ཚེས་གྲངས་འཕོ། །ཚོགས་ཞིང་དགེ་འདུན་གཞན་དུ་གཤེགས། །མི་རྟག་འགྱུར་ཚུལ་འདི་གོ་ན།། མི་ལུས་ཐོབ་ཅིང་བླ་མ་བསྟེན། །དབང་ལུང་ཁྲིད་ཀྱི་ཆར་འབེབས་དུས། ཉམས་སུ་མི་ལེན་སྲིད་ལགས་སམ། །ཞེས་པ་སྟོན་པ་ལྷ་བབ་ཀྱི་དུས་དང་ཟླ་བ་གཟའ་འཛིན་འཛོམ་ནུབ། སྟག་ལུང་པའི་དགེ་བཤེས་དཔོན་སློབ་དྲུག་ཙམ་ཕེབས་བྱུང་འགྱུར་ཤིན་ཏུ་ཆེ་བསམས་ནས་བཀུར་སྟི་གང་འགྲུབ་བར་བྱས་དུས་སེམས་ཚིམས་ནས་སྨྲས་སོ།། ༈ །།ཀྱེ་མ་ཧོ། ཁར་སང་དཔྱིད་ཀའི་ས་གཞི་ནག་འབོལ། །མི་རྟག་དབྱར་ཁའི་དུས་ལ་སླེབ་སོང་། །དབྱར་ཁའི་སྤང་ལྗོངས་མེ་ཏོག་གླིང་དེར། །མི་རྟག་སྟོན་ཁའི་དུས་ལ་སླེབ་སོང་། །སྟོན་ཁའི་འབྲུ་བཅུད་ཤིང་ཏོག་སྣ་

― CMR051_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས། །མི་རྟག་དགུན་ཁའི་དུས་ལ་སླེབ་སོང་། །དགུན་ཁའི་ཆབ་རོམ་ཆུ་བོའི་སྦུབ་ཆུད། །མི་རྟག་དཔྱད་ཁའི་དུས་ལ་སླེབ་སོང་། །དུས་བཞི་མི་རྟག་འགྱུར་ཚུལ་འདི་མཐོང་ནས། །སྐྱེ་རྒ་ན་འཆི་སྡུག་བསྔལ་དེ་དྲན་ནོ། །མཐོང་ཚད་དགའ་བའི་སྐྱེས་ཕྲུག་ནི་སྣུམ་རིལ། །བསམ་ལུས་རྫོགས་པའི་མི་གཞོན་དུ་གྱུར་སོང་། །ལུས་རྩལ་ལྡན་པའི་སྐྱེས་ཕྲན་ནི་དར་མ། །བཅོས་ཤིང་འཁོགས་པའི་རྒན་རྒོན་རུ་གྱུར་སོང་། །ནད་མེད་ཟས་གོས་ལ་བསམ་བློ་བཏང་བསྡོ། །ཡི་ག་ཆུ་ལས་མེད་པའི་ནད་པ་རུ་གྱུར་ཏོ། །གཅེས་ཤིང་འཕངས་བའི་སྒྱུ་ལུས་ཀྱི་བེམ་པོ། །བདག་མེད་བྱ་ཁྱི་གཅན་གཟན་གྱིས་ཟའོ། །ཤར་རིའི་རྩེ་ནས་བྱོན་པའི་སྤྲིན་མེད་ཀྱི་ཉི་མ། །ཡུད་ཙམ་མི་བཞུགས་ནུབ་རིའི་རྩེ་ལ་གཤེགས་པས། །གྲིབ་སོ་ནག་པོ་ཁོ་ཚུར་བཅར་ནི་བྱུང་ངོ་། །ཐོབ་དཀའི་མི་ལུས་རིན་ཆེན་འདི་ཐོབ་ཀྱང་། །ཚེ་འདི་ཡུད་ཙམ་མི་སྡོད་འཆི་བ་ལ་བསྙགས་པས། །འཆི་བདག་གཤིན་རྗེ་ཁོ་ཇེ་ཉེ་ལ་བཅར་ནི་བྱུང་ངོ་། །ངེས་པར་འཆི་བ་འདི་སྙིང་ནས་རང་དྲན་པས། །འཆི་ཆོས་ཀྱི་དྲན་ཤོམ་གཅིག་རན་ནི་གདའ་ཨང་། །སྡོམ་པ་དམ་ཚིག་འདི་

― CMR051_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་ལྟར་བསྲུང་དང་། །སྒྱུ་ལུས་གཡར་པོ་ཁོ་ཞིག་ཀྱང་འགྱོད་པ་མེད་དོ། །ཉམས་ལེན་བསྐྱེད་རྫོགས་ལ་ཨུ་ཚུག་གཅིག་བྱེད་དང་། །འཆི་བདག་བདུད་པོ་ཁོ་བྱུང་ཡང་འགྱོད་པ་ནི་མེད་དོ། །ཞེས་པ་ཉི་མ་དྲོན་པོ་གཅིག་བྱུང་ཡང་དགོང་ཁ་རེད་ནས་གྲིབ་སོ་ནག་ངོམ་མེར་བྱུང་བས། མི་རྟག་འཆི་བ་དྲན་ཏེ་སེམས་སྐྱོ་ལྷང་གིས་བྱུང་བ་ལ་བརྟེན་ནས་སྨྲས་སོ།། ༈ །།ན་མོ་གུ་རུ་ཧཱ་སྱ་བཛྲ་ཡེ། འཇིག་རྟེན་ཆོས་ཀྱིས་མ་གོས་པའི། །མི་ལ་རས་ཆེན་ཞབས་ལ་འདུད། ། །དེང་སང་སྙིགས་མ་ལྔ་ཡི་དུས། །དམ་ཆོས་ལམ་དུ་འགྲོ་བ་དཀའ། །སྒྲིག་དང་རྣམ་བཞག་ཆོས་སྤྱོད་ཀྱང་། །སྤྱི་པའི་ཁྲལ་དུ་མཐོང་བ་ལ། །མགོ་ཐང་ཏ་ཡན་བློ་རེ་བདེ། །གདན་ས་དགོན་སྡེ་བསྐྱངས་དྲན་ཡང་། །རྔམ་ཆེན་སྡིག་དང་འདྲེས་པ་མང་། །སྐྱོང་དགོས་མེད་པར་བློ་རེ་བདེ། །བླ་ཆེན་བཟང་པོའི་དབང་བཟུང་ཡང་། །ཐུགས་ཕོག་དམ་ཚིག་ཆག་པ་མང་། །མི་རྩིས་མེད་པས་བློ་རེ་བདེ། །མཁས་འདོད་མཁས་མིང་ཐོག་པ་ཡང་། །ཆོས་སྤངས་སྡིག་པ་སོག་པ་མང་། །མཁས་མིང་མ་ཐོབ་བློ་རེ་བདེ། །རྩ་རླུང་རས་རྐྱང་ཐུབ་པ་ཡང་། །བྱི་ཕྲུག་ཕ་རུ་གྱུར་པ་མང་། །རྟོགས་ལྡན་མིན་པ་བློ་རེ་བདེ། །

― CMR051_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་ཆེན་ནུས་པ་ལྡན་པ་ཡང་། །དོན་ཆུང་མི་སྡིག་ཁུར་བ་མང་། །དམའ་ས་བཟུང་བས་བློ་རེ་བདེ། །རྟོགས་པ་མཐོ་བའི་སྒོམ་ཆེན་ཡང་། །སྤྱོད་པ་འབྱོལ་ཉོག་བྱེད་པ་མང་། །ཚུལ་ཁྲིམས་བསྲུངས་བས་བློ་རེ་བདེ། །སྡོམ་པ་བསྲུང་སྡོམ་བཙུན་ན་ཡང་། །སེམས་ལ་རྫུ་མ་ཕོག་པ་མང་། །རང་ངོ་འཕྲོད་པ་བློ་རེ་བདེ། །མི་ཚེར་ཉམས་ལེན་བསྐྱངས་ན་ཡང་། །བདེ་གསལ་ཉམས་ལ་ཆགས་པ་མང་། །ངོ་བོ་མཐོང་བས་བློ་རེ་བདེ། །མི་ཚེར་བསྙེན་སྒྲུབ་རེམས་ན་ཡང་། །ཨ་འཐས་ཐེར་ཟུག་བསྒོམ་པ་མང་། །བསྐྱེད་རྫོགས་ཟུང་འཇུག་བློ་རེ་བདེ། །འགྲོ་དོན་གདུལ་བྱ་བསྐྱངས་ན་ཡང་། །དབང་ལུང་ཚོང་ཟོག་བྱེད་པ་མང་། །ཟང་ཟིང་མི་བསམ་བློ་རེ་བདེ། །གདུལ་བྱ་འདུ་ལོང་ཆེ་ན་ཡང་། །ཁུར་ཚ་ལྗི་མོ་འོང་བ་མང་། །འཛིན་ཆགས་མེད་པས་བློ་རེ་བདེ། །ཆོས་སྤྱོད་བསྔོ་བ་སྨོན་ལམ་ཡང་། །དངོས་འཛིན་དུག་དང་བཅས་པ་མང་། །འཁོར་གསུམ་ཡོངས་དག་བློ་རེ་བདེ། །ཉམས་ལེན་བསྐྱངས་བ་མང་ལགས་ཀྱང་། །འདི་བསྒོམ་གཏད་སོ་འཛིན་པ་མང་། །མ་བཅོས་སོ་མ་བློ་རེ་བདེ། །ཕྱི་རོལ་སྣང་བ་སྣ་

― CMR051_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་འདི། །ཐ་མལ་དབང་དུ་ཤོར་བ་མང་། །སྣང་སྟོང་རོ་གཅིག་བློ་རེ་བདེ། །བདེ་བ་མང་བའི་དབྱངས་ཆུང་འདི། །གསུང་པ་ན་བའི་ནད་ཕན་ཅིང་། །ལུས་བདེ་སེམས་ལ་བདེ་ཉམས་སྐྱེས། །དེ་ཚེ་ཉམས་མཚར་ཡི་གེར་བྲིས། །བདག་དང་སློབ་མ་བརྒྱུད་པར་བཅས། །བདེ་སྟོང་ཕྱག་ཆེན་རྟོགས་པར་ཤོག། ༈ །།ན་མོ་གུ་རུ་པྲ་ཝཱ་ཀ་ར་ཡེ། སྣང་བ་མཐའ་ཡས་ཆོས་སྐུའི་མཁའ་ལམ་ནས། །པདྨ་འབྱུང་གནས་མཁྱེན་བརྩེའི་དཀྱིལ་འཁོར་རྒྱས། ་།སྤྲུལ་པའི་འོད་ཀྱིས་བསྟན་འགྲོའི་མུན་སེལ་བ། །ཆོས་ཀྱི་གྲགས་པའི་ཞབས་ལ་གསོལ་བ་འདེབས། །སྤྱན་རས་གཟིགས་དངོས་ཆོས་རྒྱལ་ཁྲི་སྲོང་མཚན། །སྤྲུལ་པའི་རྒྱལ་ཚབ་ལྷ་སྲས་བོད་ཀྱི་རྗེ། །སྐྱེས་རྒྱུད་ཕྲེང་བས་བསྟན་པའི་སྲོག་འཛིན་པ། །ཆོས་ཀྱི་གྲགས་པའི་ཞབས་ལ་གསོལ་བ་འདེབས། །བཤད་པའི་སྲོལ་འཛིན་ཁུ་སྟོན་གཡུང་དྲུང་མཚན། །རྩོད་མེད་གྲུབ་ཐོབ་སྲས་སྡོང་སྒོམ་པ་སོགས། །ཐུབ་བསྟན་ལུང་རྟོགས་བསྟན་པ་སྤེལ་མཛད་པ། །ཆོས་ཀྱི་གྲགས་པའི་ཞབས་ལ་གསོལ་བ་འདེབས། །རཏྣ་བཛྲ་རིན་ཆེན་ཕུན་ཚོགས་སོགས། །སྐྱེ་བ་དུ་མར་སྐྱོབ་པ་འབྲི་གུང་

― CMR051_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

པའི། །རིགས་སུ་འཁྲུངས་པའི་བསྟན་པའི་བདག་པོ་མཆོག །སྒྲུབ་བརྒྱུད་བསྟན་པའི་མངའ་བདག་འབྲི་གུང་པ། །ཆོས་ཀྱི་གྲགས་པའི་ཞབས་ལ་གསོལ་བ་འདེབས། །རིག་པའི་གནས་ལྔ་མཁས་པའི་པཎྜི་ཏ། །རྫུ་འཕྲུལ་ཐོགས་མེད་སྟོན་པའི་གྲུབ་ཐོབ་མཆོག །དུས་གསུམ་སྒྲིབ་མེད་མཁྱེན་པའི་མངོན་ཤེས་ཅན། །ཆོས་ཀྱི་གྲགས་པའི་ཞབས་ལ་གསོལ་བ་འདེབས། །སྡེ་སྣོད་གསུམ་ལ་མཁས་པའི་སྡོམ་བརྩོན་མཆོག །རྩ་རླུང་ལས་སུ་རུང་བའི་རྣལ་འབྱོར་པ། །ཚར་གཅོད་རྗེས་འཛིན་ནུས་པའི་རིག་སྔགས་འཆང་། །ཆོས་ཀྱི་གྲགས་པའི་ཞབས་ལ་གསོལ་བ་འདེབས། །རྩ་གསུམ་ལྷ་ཚོགས་ནམ་མཁའི་སྐར་ལྟར་གཟིགས། །དབང་བསྐུར་བྱིན་རླབས་གདམས་པ་དངོས་སུ་གསན། །སྙིགས་དུས་པད་འབྱུང་གཉིས་པ་འགྲོ་བའི་མགོན། །ཆོས་ཀྱི་གྲགས་པའི་ཞབས་ལ་གསོལ་བ་འདེབས། །ཁྱད་པར་ཟབ་ཆོས་དགོངས་པ་འདུས་པ་ཡི། །དབང་ལུང་གདམས་པ་བདག་ལ་བསྐུར་མཛད་ཅིང་། །བར་ཆད་མེད་པའི་བཀའ་བསྒོ་དགོངས་གཏད་མཛད། །དྲིན་ཅན་བླ་མ་མཆོག་ལ་གསོལ་བ་འདེབས། །བདག་དང་མ་རྒན་སེམས་

― CMR051_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ཐམས་ཅད་ཀྱི། །ལུས་དང་ལོངས་སྤྱོད་དགེ་བའི་རྩ་བར་བཅས། །ཀུན་ཏུ་བཟང་པོའི་མཆོད་སྤྲིན་ལྟ་བུ་ཡི། །ཡིད་ཀྱིས་དམིགས་ཏེ་ཁྱེད་ཀྱི་སྤྱན་སྔར་འབུལ། །མགོན་ཁྱེད་སྐུ་གསུམ་ཞིང་ཁམས་གར་བཞུགས་ཀྱང་། །ཟག་མེད་ཐུགས་ཀྱི་དགོངས་པ་ཡོངས་རྫོགས་ནས། །བདག་སོགས་གདུལ་བྱར་གྱུར་པའི་འགྲོ་བ་ལ། །ཐུགས་རྗེའི་སྤྱན་གྱིས་འབྲལ་མེད་གཟིགས་སུ་གསོལ། །ཁྱད་པར་སྐྱོབ་པ་འཇིག་རྟེན་མགོན་པོ་ཡི། །རིགས་རྒྱུད་ཕྲ་ཞིང་བསྟན་པ་ཉམ་དམའ་ལ། །ཐུགས་རྗེས་གཟིགས་ཏེ་སྐྱུ་རའི་རིགས་འཁྲུངས་ནས། །སྒྲུབ་བརྒྱུད་བསྟན་པའི་སྒྲོན་མེ་སྦར་དུ་གསོལ། །སྔོན་ནས་ཉིད་ཀྱིས་བདག་བཟུང་བོད་འབངས་རྣམས། །ཉམ་ཐག་སྙིང་རྗེའི་གནས་སུ་གྱུར་ལ་གཟིགས། །སྟོབས་བཅུ་མངའ་ཁྱེད་ཐུགས་རྗེའི་རྩལ་ཕྱུང་ལ། །བོད་ཁམས་སྐྱོང་བའི་ཆོས་རྒྱལ་མཛད་དུ་གསོལ། །ཉིད་ཀྱི་ཐུགས་བསྐྱེད་སྨོན་ལམ་རྒྱ་ཆེན་དང་། །པདྨས་བཀའ་བསྒོས་ལུང་བྱང་རྗེས་དགོངས་ལ། །བོད་ཁམས་སྐྱོང་བའི་རྒྱལ་པོར་སྐུ་སྤྲུལ་ནས། །བསྟན་འགྲོའི་དོན་ཆེན་མཛད་པའི་དུས་ལ་བབ། །རིག་འཛིན་གྲུབ་ཐོབ་རྒྱ་མཚོའི་བྱིན་རླབས་དང་། །རྩ་

― CMR051_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དཀྱིལ་འཁོར་རབ་འབྱམས་ཐུགས་རྗེ་ཡིས། །རྒྱལ་བ་ཆོས་ཀྱི་གྲགས་པ་སྤྲུལ་པའི་སྐུ། །གངས་ཅན་ལྗོངས་འདིར་མྱུར་དུ་འབྱོན་པར་ཤོག །ཅེས་པ་འདི་བདག་གི་རྨི་ལམ་དུ། ཉི་མ་ནུབ་ཕྱོགས་ཀྱི་ནམ་མཁའ་ལ་གཟས་ཟིན་ཏེ་ནུབ་པ་ཞིག་རྨིས་པས། དེ་དུས་ཚོད་ཙམ་ལ་རྗེ་འབྲི་གུང་པ་ཆེན་པོ་ཞིང་ཁམས་སུ་བྱོན་པར་སྣང་། རྗེ་དེ་ཡི་མཆོད་བསྔོའི་རྟེན་དྲིན་ཅན་ལྷོ་པ་སྤྲུལ་པའི་སྐུའི་ཕྱག་ནས་གནང་སྦྱིན་ཇ་ནོམས་པ་ཕེབས་པས། མཆོད་བསྔོ་དང་གསོལ་འདེབས་འདྲ་བྱས་རུང་། རྒྱལ་བ་འབྲི་གུང་པ་དེ་ཡང་ཡང་དྲན་ཞིང་། ལྷོ་རིན་པོ་ཆེ་ཐུགས་ནད་ཆེ་དེ་བ་དེ་ཡང་དྲན་ནས། རང་ཡང་མྱ་ངན་གྱི་ཟུག་རྔུ་ཆེ་བར་བྱུང་། དེ་ནས་མཚམས་ཁུང་དུ་དགོངས་པ་ཡང་ཟབ་ཀྱི་དཔེ་ལ་བལྟས་པས་རྟེན་འབྲེལ་གྱི་གནད་གཅིག་གིས་བདག་གིས་གསོལ་བ་བཏབ་ན་ཐུགས་རྗེས་གཟིགས་པ་འཇུག་པ་དང་ཐུགས་རྗེས་བཟུང་རྒྱུ་ཞིག་འདྲའོ་སྙམ་ནས་བྲིས་སོ།། ༈ །། ན་མོ་གུ་རུ་དྷརྨེ་ཤྭ་ར་ཡེ། ཕ་མཁྱེན་ནོ་ཆོས་ཀྱི་དབང་ཕྱུག་མཁྱེན། །ཕ་མཁྱེན་ནོ་བཛྲ་དྷཅུ་མཁྱེན། །ཕ་མཁྱེན་ནོ་གྲགས་པ་མཆོག་དབྱངས་མཁྱེན། །སེམས་བརྩེ་བའི་རྡོ་རྗེ་སྤྱན་ཚོགས་འགའ། །ད་རིམ་པ་བཞིན་དུ་བྱོན་ནས་སོང་། །ཆོས་འབྲེལ་ཐོབ་ཀྱི་བླ་མ་རྣམ་རོལ་པ། །དེ་སྔར་ནས་དག་པའི་ཞིང་དུ་གཤེགས། །གྲོགས་ཆོས་འབྲེལ་ཡོད་པའི་

― CMR051_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ལྡན་མཚན། །དེ་དགའ་ལྡན་གནས་སུ་བྱོན་ནས་སོང་། །བུ་སྙིང་ལ་བརྩེ་བ་གྲགས་པའི་མཚན། །དེ་བདེ་ཆེན་ཞིང་དུ་བྱོན་ནས་སོང་། །ཆོས་འབྲེལ་ཡོད་ཀྱི་བླ་མ་གུ་རུ་པ། །ཁོང་དག་པའི་ཞིང་དུ་བྱོན་ནས་སོང་། །ཆོས་འབྲེལ་ཡོད་ཀྱི་སྤྱན་ཚོགས་དགེ་ལེགས་པ། །ཁོང་རྔ་ཡབ་ཀྱི་གནས་སུ་བྱོན་ནས་སོང་། །ཆོས་སྤྱན་གྱི་བླ་མ་བསམ་གཏན་མཚན། །སྐུ་མི་རྟག་དབྱིངས་སུ་གཤེགས་ནས་སོང་། །རིགས་ཆོས་སྤྱན་གྱུར་ཀརྨ་མི་མཆོག་པ། ཁོང་ད་ཞག་མྱ་ངན་འདས་ཞེས་ཐོས། །སེམས་མྱ་ངན་གྱིས་ཟིན་ཏེ་ཕན་པ་མེད་། །ད་རེས་མོས་འདི་བདག་ལ་ནམ་འབབ་ཨང་། །སེམས་རྟག་འཛིན་ཅན་གྱི་ཆགས་མེད་ཁྱོད། །ཡུན་རིང་པོའི་གྲབ་ཤོམ་མ་འདིང་བར། །སེམས་ཉམས་ལེན་ལ་རྩེ་གཅིག་སྒྲིམ་རེ་རན། །ཁོང་འཕགས་པ་དང་སོ་སྐྱེ་ཐམས་ཅད་ཀྱིས། །རྒྱུ་ཚོགས་གཉིས་བསགས་ལ་རྗེས་ཡི་རང་། །སེམས་ཡི་རང་ལས་བྱུང་བའི་དགེ་བ་དང་། །ཁོང་བླ་མ་ཀརྨ་མི་མཆོག་པས། །དུས་གསུམ་དུ་བསགས་པའི་དགེ་རྩ་དེ། །དཔལ་ཀུན་བཟང་མཆོད་པའི་སྤྲིན་གྱུར་ནས། །སྐྱབས་པད་འབྱུང་ལ་མཆོད་པའི་རྫས་སུ་བསྔོ། །དེ་བསྔོས་

― CMR051_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་དགེ་བ་གང་ཐོབ་དེས། །མ་འགྲོ་དྲུག་རྣམ་མཁྱེན་ཐོབ་པར་ཤོག །དེ་ཀུན་གྱི་དགེ་རྩ་གཅིག་བསྡུས་སྟེ། །གྲོགས་སྤུན་ཚོགས་ཀརྨ་མི་མཆོག་གིས། །ཐུགས་ཤེས་རྒྱུད་ལ་ད་ལྟ་ཉིད་སྨིན་ནས། །མར་རིགས་དྲུག་འཁོར་བའི་ལམ་བཀག་སྟེ། །གནས་ཟངས་མདོག་དཔལ་རི་རྩེ་མོ་རུ། །རྗེ་ཨོ་རྒྱན་དངོས་དང་ཞལ་མཇལ་ཏེ། །ཡབ་ཁུ་བོ་རྣམས་དང་ལྷན་ཅིག་ཏུ། །ཆོས་བླ་མེད་གསང་སྔགས་ཉམས་བླངས་ཏེ། །ལུས་དེ་ལ་རིག་འཛིན་མཆོག་ཐོབ་ཤོག །གཞི་གདོད་ནས་སྐྱེ་བ་མེད་པ་དང་། །ལམ་རྟེན་འབྲེལ་བསླུ་བ་མེད་པ་དང་། །རྗེ་པད་འབྱུང་ཐུགས་རྗེ་ཚད་མེད་མཐུས། །བདག་སྨོན་ལམ་བཏབ་བཞིན་འགྲུབ་གྱུར་ཅིག །ཅེས་པ་བླ་མ་ཀརྨ་མི་མཆོག་ཞིང་བརྗེས་སོ་ཐོས་པ་ལ་བརྟེན་ནས་མཆེད་གྲོགས་སྔར་འདས་པ་ཐམས་ཅད་ཀྱང་དྲན་མི་རྟག་པའི་སེམས་སྐྱོ་ཤས་དྲག་པོ་ཞིག་སྐྱེས་ནས་སྨྲས་སོ།། ༈ །།ན་མོ་ལོ་ཀི་ཤྭ་ར་ཡེ། སངས་རྒྱས་ཀུན་བས་སྔོན་དུས་སངས་རྒྱས་ཀྱང་། །འགྲོ་བའི་དོན་དུ་སེམས་དཔའ་ཉེ་སྲས་ཚུལ། །གོས་སྔོན་འཆང་བའི་ཁྲོ་བོ་རྡོ་རྗེ་འཛིན། །གྲགས་པ་མཆོག་དབྱངས་ཞབས་ལ་གསོལ་བ་འདེབས། །བླ་མེད་སྔགས་ཀྱི་སྟོན་པ་རྡོ་

― CMR051_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་འཆང་། །སངས་རྒྱས་ཀུན་གྱི་བདག་པོ་ཁྲོ་བོའི་རྗེ། །སྡེ་བརྒྱད་དྲེགས་པ་ཐམས་ཅད་འདུལ་བའི་གཉེན། །གྲགས་པ་མཆོག་དབྱངས་ཞབས་ལ་གསོལ་བ་འདེབས། །གང་གའི་བྱེ་སྙེད་རྒྱལ་བ་ཐམས་ཅད་ཀྱིས། །མཐུ་སྟོབས་བདག་པོར་དབང་བསྐུར་རྡོ་རྗེ་བྱིན། །དུས་གསུམ་རྒྱལ་བ་ཀུན་གྱི་བསྟན་སྲུང་བ། །གྲགས་པ་མཆོག་དབྱངས་ཞབས་ལ་གསོལ་བ་འདེབས། །སླར་ཡང་མི་ལས་འདས་ཀྱང་མི་གཟུགས་ཀྱིས། །རྗེ་འབངས་དཔལ་གྱི་དབང་ཕྱུག་ཞི་བ་འོད། །རིམ་པར་སྐྱེས་རབས་ཕྲེང་བ་ཚར་དངར་བ། །གྲགས་པ་མཆོག་དབྱངས་ཞབས་ལ་གསོལ་བ་འདེབས། །རིགས་གསུམ་མགོན་པོ་ངོ་བོ་དབྱེར་མེད་ཕྱིར། །འབྲོམ་གྱི་སྤྲུལ་པ་གྲགས་པའི་མཚན་ཅན་བདུན། །འབྱུང་བར་ལུང་བསྟན་ཇི་བཞིན་སྤྲུལ་པའི་སྐུ། །མྱུར་དུ་བྱོན་ནས་བོད་ཁམས་མུན་སེལ་གསོལ། །ཤཱཀྱའི་བསྟན་པ་དར་རྒུད་ལན་གསུམ་འབྱུང་། །དེ་ཚེ་རིགས་གསུམ་མགོན་པོས་གསོ་བར་བྱེད། །འོད་དཔག་མེད་ཀྱིས་བྱིན་རླབས་ལུང་བསྟན་ལྟར། །བསྟན་པ་གསོ་ཕྱིར་སྤྲུལ་སྐུ་མྱུར་འབྱོན་གསོལ། །དེ་ཡང་གཞན་སྣང་དྲི་མས་མ་གོས་པར། །རྡོ་རྗེ་གཏུམ་པོ་ཡིན་ལ་ཡིན་

― CMR051_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དུ། །བར་ཆད་བདུད་དཔུང་ཐམས་ཅད་འཇོམས་པ་དང་། །བཤད་སྒྲུབ་བསྟན་པའི་ཉི་འོད་བརྡལ་དུ་གསོལ། །བཀའ་བརྒྱུད་གྲུབ་ཐོབ་རྒྱ་མཚོའི་བྱིན་རླབས་དང་། །ཡི་དམ་རྒྱལ་བ་རྒྱ་མཚོའི་ཐུགས་རྗེ་དང་། །ཆོས་སྐྱོང་དམ་ཅན་རྒྱ་མཚོའི་མཐུ་སྟོབས་ཀྱིས། །རྒྱལ་ཚབ་མཆོག་གི་སྤྲུལ་སྐུ་མྱུར་བྱོན་ནས། །སྒྲུབ་བརྒྱུད་བསྟན་པ་རྒྱ་མཚོ་འཕེལ་བ་དང་། །འགྲོ་ལ་ཕན་བདེ་རྒྱ་མཚོ་འབྱུང་གྱུར་ཅིག །རྒྱལ་ཚབ་རིན་པོ་ཆེ་དྲན་ནས་གདུང་ཤུགས་དྲག་པོ་ག་གློ་བུར་དུ་སྐྱེས་ཏེ་གསོལ་བ་བཏབ་པའོ།། ༈ །།ཨེ་མ་ཧོ། བློ་ཁྱེད་ཤེས་ཀྱི་ལིང་བསྐྱུར་ནུབ་པ་ན། །བསླུ་མེད་ཀྱི་སྐྱབས་གནས་དཀོན་མཆོག་བཞུགས། །རྒྱབ་རྟེན་འདི་བཟང་བས་ང་རེ་སྐྱིད། །སེམས་གདུང་ཤུགས་ཀྱི་གསོལ་བ་འདེབས་ནུས་ན། །བྱིན་རླབས་ཀྱི་གཏེར་མཛོད་བླ་མ་བཞུགས། །ཅི་བྱས་ཀྱང་ཆོས་སུ་འགྲོ་བས་སྐྱིད། །བསྐྱེད་རིམ་དང་བསྙེན་སྒྲུབ་འབད་ནུས་ན། །དངོས་གྲུབ་ཀྱི་གཏེར་མཛོད་ཡི་དམ་བཞུགས། །མཆོག་ཐུན་གཉིས་འགྲུབ་པས་ང་རེ་སྐྱིད། །སྣང་སྟོང་གི་ང་རྒྱལ་སྟོན་ནུས་ན། །དཀྱིལ་འཁོར་གྱི་གཏེར་མཛོད་རང་ལུས་བཞུགས། །ཐིག་ཚོན་ཡང་

― CMR051_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

མི་དགོས་ང་རེ་སྐྱིད། །བྱིན་རླབས་ཀྱི་དམིགས་རིམ་གསལ་ནུས་ན། །ཚོགས་འཁོར་གྱི་གཏེར་མཛོད་བཟའ་བཏུང་བཞུགས། །ཚོགས་ཞོར་ལ་རྫོགས་པས་ང་རེ་སྐྱིད། །མ་བཅོས་ཀྱི་རང་བབས་སྐྱོངས་ནུས་ན། །ཆོས་སྐུའི་གཏེར་མཛོད་སེམས་ཉིད་བཞུགས། །འབྲས་བུ་འདི་རང་ཆས་ང་རེ་སྐྱིད། །མ་ཡེང་གི་ཏིང་འཛིན་གསལ་ནུས་ན། །ཕོ་ཉའི་གཏེར་མཛོད་དམིགས་རིམ་བཞུགས། །དངོས་རྟགས་རང་ཐོན་པས་ང་རེ་སྐྱེད། །མཆོད་བསྟོད་དང་བསྐང་གསོ་བརྩོན་ནུས་ན། །ཕྲིན་ལས་ཀྱི་གཏེར་མཛོད་ཆོས་སྐྱོང་བཞུགས། །ཞེས་པ་འདི་བསྒྲུབ་པར་དཀའ་བའི་དོན་གཅིག་འགྲུབ་པར་ཡིད་དགའ་ནས་སྨྲས་སོ།། ༈ །།ན་མོ་མ་ཧཱ་ཀཱ་ལ་ཡེ། ཕྱོགས་བཅུའི་རྒྱལ་བ་སྲས་བཅས་ཀྱིས། །ཕྲིན་ལས་དྲག་པོའི་སྐུར་བཞེངས་ནས། །གདུལ་དཀའི་འགྲོ་བ་འདུལ་མཛད་པ། །ཡེ་ཤེས་མགོན་པོ་བེར་ནག་ཅན། །ལེགས་ལྡན་མ་ནིང་ཕྱག་བཞི་པ། །སེང་གེའི་གདོང་ཅན་ལ་སོགས་པ། །ཕོ་རྒྱུད་མགོན་པོའི་ཐུགས་དམ་བསྐང་། །མོ་རྒྱུད་ལྷ་མོའི་ཐུགས་དམ་བསྐང་། །གསོལ་བ་འདེབས་སོ་ཐུགས་རྗེས་གཟིགས། །དེང་སང་སྙིགས་མ་ལྔ་བརྒྱའི་

― CMR051_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

དུས། །སངས་རྒྱས་བསྟན་པ་དར་བ་དང་། །བསྟན་འཛིན་དབུ་འཕང་མཐོ་བ་དང་། །བདག་དང་སློབ་མ་བརྒྱུད་པར་བཅས། །བར་ཆད་བདུད་ཀྱི་གཡུལ་ལས་རྒྱལ། །བསླབ་གསུམ་བརྒྱན་གྱིས་རབ་མཛེས་ཤིང་། །བསྐྱེད་རྫོགས་གཉིས་ལ་བརྟན་ཐོབ་ནས། །ཚེ་གཅིག་སངས་རྒྱས་འགྲུབ་པར་མཛོད། །ཁྱད་པར་ལུས་རྟེན་འདི་ཉིད་ཀྱིས། །བསྟན་པ་དང་ནི་འགྲོ་བའི་མགོན། །རླབས་ཆེན་འགྲུབ་པའི་ཕྲིན་ལས་མཛོད། །ཁྱེད་རྣམས་ཐུགས་དམ་ཞལ་བཞེས་དང་། །བདག་གི་འདོད་དོན་གཅིག་པའི་ཕྱིར། །རིགས་མི་མཐུན་ཡང་དམ་ཚིག་གཅིག །དེ་ཕྱིར་མ་གཡེལ་ཕྲིན་ལས་མཛོད། །ཅེས་པ་མགོན་པོ་སྤྱི་བསྡུས་ཀྱི་མདོས་ཆེན་གཏེར་སྟོན་གཉིས་ལ་དགོངས་པ་ཞུས་ནས་བཅས་དུས་ཉམས་རྨི་ལམ་གྱི་མཚམས་སུ་སྔགས་བཙུན་ཐོར་ཅོག་ཅན་གཟི་བརྗིད་ཅན་གཅིག་བྱུང་བ་མདོས་ལ་བལྟ་ཞིང་འདུག །བར་ཆད་ཞི་ཞིང་ཅི་བསམ་འགྲུབ་པའི་མཆོག་ཏུ་གྱུར། ཟེར་བའི་སྒྲ་ཞིག་གྲག། ལྷ་གང་ཡིན་མི་འབྱེད་པ་ཕྱག་གཡོན་ན་བརྒྱ་ཧྲིལ་པོ་བསྣམས་པ་གཅིག་མཇལ། འདི་ཅི་ཡིན་བསམ་པས། ཕྱག་གཡོན་མཉམ་བཞག་གི་སྟེང་ན་བཻཌཱུརླ་འཛིན་པས་ཅི་བསམ་འགྲུབ། ཕྱག་གཡས་དོན་ཡོད་གྲུབ་པའི་ཕྱག་རྒྱ་མཛད་པས་དོན་འགྲུབ་བོ། །ཞེས་པའི་སྒྲ་ཞེག་གྲག་པ་ཐོས་པ་ལ་

― CMR051_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟེན་ནས་བྲིས་པའོ།། ༈ །།ན་མོ་དྷེ་ཝི་ཀཱ་ལི་ཡེ། ས་བརྒྱད་ལ་གནས་སེམས་མ་སྟེ། །དཔལ་ལྡན་ལྷ་མོ་རེ་མ་ཏི། །དུས་གསུམ་རྒྱལ་བའི་བསྟན་སྲུང་མ། །ལས་མཁན་ཁྱབ་འཇུག་དྲག་ཤུལ་ཅན། །སྔོན་ཚེ་ཐུགས་དམ་དམ་བཅའ་བཞིན། །སངས་རྒྱས་བསྟན་པ་སྲུང་བ་དང་། །དཀོན་མཆོག་དབུ་འཕང་བསྟོད་པ་ལ། བདག་ནི་རིང་དོན་འཁྲིས་མེད་པར། །གཞན་དོན་བྱང་ཆུབ་སེམས་བསྐྱེད་ནས། །བསྟན་འགྲོའི་དོན་ཆེན་བསྒྲུབ་པ་ལ། །བར་ཆད་བརྩོམ་པའི་དམ་ཉམས་ལ། །ཁྱོད་ཀྱི་ཐུགས་དམ་དུས་ལ་བབ། །བདག་ནི་སེམས་ཅན་ཀུན་ལ་བྱམས། །ཐམས་ཅད་བདེ་ལ་འགོད་པར་ཤོག །དགྲ་ལ་མནར་སེམས་འཆང་བ་མེད། །འོན་ཀྱང་གསང་སྔགས་བླ་མེད་ཀྱི། །བསྟན་པའི་ཆེ་བ་འདོན་པ་དང་། །དཀོན་མཆོག་དབུ་འཕང་བསྟོད་པའི་ཕྱིར། །དགྲ་སྣ་རྐུན་སྣ་སྟོན་རྣམས་ལ། །འཇིགས་སྐྲག་ཆོ་འཕྲུལ་སྟོན་པར་མཛད། །སྙིང་རྗེའི་ཕྱིར་ན་སྲོག་ལ་གཅོད་། །བཅོལ་བའི་ཕྲིན་ལས་འགྲུབ་པར་མཛོད། །ཅེས་ལས་ཕྲན་གཅིག་བསྒྲུབས་པས། མེ་འོད་འཁྱུགས་ཤིང་སྐར་མདའ་ཤར། །དངོས་རྨིས་འབོད་རྟགས་མང་པོ་དང་། །དྲང་སྲོང་མི་ཆེན་རྒྱ་བོ་ནི། །ཞྭ་སྐྱ་

― CMR051_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

གྱོན་པ་མདུན་དུ་བྱུང་། །བདག་ལ་གུས་ཚུལ་ཞྭ་འདོང་བྱས། །དེ་ཕྱིར་ཚིགས་བཅད་དེ་ཡང་བྲིས།། ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འཕགས་པ་དོན་འགྲུབ་ཞེས་བྱ་བ་ལ། རཱ་ག་ཨ་སྱས་གདམས་པ་ལེའུ་གཅིག་ཡོད།

― CMR051_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་གར་སྐད་དུ་ཤྲཱི་ན་ཐ། བོད་སྐད་དུ་དཔལ་མགོན་རབ་ཏུ་བྱུང་བའི་མིང་། ཨརླ་ཨ་མོ་གྷ་སིདྡྷི། སྐད་དུ་འཕགས་པ་དོན་འགྲུབ་ཞེས་བྱ་བ་ལ། རཱ་ག་ཨ་སྱས་གདམས་པ་ལེའུ་གཅིག་ཡོད། །

― CMR051_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤཱཀྱ་མུ་ནེ་ཡེ། བསླུ་བ་མེད་པའི་སྐྱབས་གནས་དཀོན་མཆོག །ཤཱཀྱའི་གཙོ་ལ་ཕྱག་འཚལ་ལོ། །ནུབ་གཅིག་འཕགས་པ་དོན་འགྲུབ་ཀྱིས། །མགུར་ཞིག་བྲིས་ཟེར་ཤོག་བུ་གཏད། །རང་གི་སེམས་ལ་མི་ཕན་ཞིང་། །ཉམས་སུ་ལོན་པར་མི་འགྱུར་བའི། ། མགུར་གྱི་དགོས་པ་ཅི་ཡང་མེད། །ཁ་མཚར་སྒྲུང་མཁན་གླུ་དང་འདྲ། །དེ་ཕྱིར་ཕན་ངེས་ཉམས་ལེན་གྱི། །དམིགས་རིམ་ཉེར་མཁོ་ཟིན་སླ་བ། །འགའ་ཞིག་འདི་རུ་བྲི་བར་བྱ། །མི་ལུས་ཐོབ་ཅིང་རབ་ཏུ་བྱུང་། །ཚེ་སྔོན་བསོད་ནམས་བསགས་པ་ཡིན། །སངས་རྒྱས་བསྟན་ལ་

― CMR051_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་ཕྱིན་ནས། །བསྟན་དང་མཐུན་པར་མ་བྱས་ན། །ཤེས་བཞིན་བཙན་དུག་ཟོས་དང་འདྲ། །སྡོམ་པ་གཙང་མ་སྲུང་བ་དེ། །བླ་མ་དགོན་པའི་དོན་དུ་མིན། །རང་ཉིད་འཁོར་བར་འཁྱམས་དོགས་ཡིན། །ཟིན་ཐུན་སློབ་མའི་དཀའ་ལས་དེ། །སྤྱི་པ་བླ་མའི་དོན་དུ་མིན། །རང་ཉིད་ཆོས་ལ་ཚུད་ཕྱིར་ཡིན། །རབ་བྱུང་བརྒྱ་ཕྲག་འཚོགས་པ་ན། །བྱང་ཆུབ་སེམས་དཔའི་སྤྲུལ་པ་དང་། །གནས་བརྟན་སྤྲུལ་པ་རེ་རེ་ཡོད། །སྤྲུལ་པའི་དེ་ལ་བཟང་པོ་དང་། །དད་པ་འདྲོང་བ་ཡོད་ངེས་མེད། །སུ་མིན་མི་ཤེས་སྦ་ཚུལ་བཞུགས། །དེ་ཕྱིར་བནྡེ་སུ་

― CMR051_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡང་། །བརྙས་ཆོས་ཚིག་ངན་སྐུར་འདེབས་སྤང་། །གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །བྲིས་སྐུ་ལྡེར་སྐུ་གསར་པ་ཡང་། །བྱིན་རླབས་མེད་པར་མ་སེམས་པར། །ཕྱག་དང་སྐོར་བ་དད་གུས་བསྐྱེད། །དེ་ཡི་ཚོགས་རྫོགས་སྒྲིབ་བྱང་ངེས། །དབང་ལུང་ཁྲིད་སོགས་མ་ཐོབ་ཀྱང་། །ཆོས་རྗེ་གནས་ཀྱི་སློབ་དཔོན་ཞེས། །འདུལ་བ་ནས་བཤད་བླ་མ་ཡིན། །དེ་ལ་ཕ་ཡི་འདུ་ཤེས་ཀྱིས། །ཅི་གསུངས་བཀའ་བཞིན་བསྒྲུབས་པ་ན། །རང་ཉིད་བཙུན་པ་གྲྭ་ཐུབ་འོང་། །དཔོན་གྱི་འདུ་ཤེས་མི་བྱ་བར། །བླ་མའི་འདུ་ཤེས་དད་གུས་བསྐྱེད། །སྡོམ་པ་རྩ་བཞི་ཆང་དང་ལྔ། །ཚོགས་ཆང་མ་གཏོགས་ཆང་ཡང་སྤང་། །གཟན་གོས་ཟླུམ་ཁྱེར་བྱེད་པ་དང་། ། སེར་མོའི་གོས་དང་མི་འབྲལ་བ། །སངས་རྒྱས་བསྟན་ལ་ཕན་པ་སྟེ། །མཛེས་ཆོས་ཁོ་ནར་མ་སེམས་ལ། །བཙུན་པའི་སྤྱོད་ལམ་བག་ཡོད་མཛོད། །ཤཱཀྱ་ཐུབ་པའི་བསྟན་པ་ལ། །ཕན་ཡོན་མེད་ཅིང་དོན་མེད་པའི། །ཚིག་འབྲུ་གཅིག་ཀྱང་མེད་པའི་ཕྱིར། །ཟིན་ཐུན་གང་གསུང་ཅི་ལོན་མཛོད། །ཐུབ་པའི་བསྟན་པའི་གཞུང་ཤིང་ནི། །ཐོས་བསམ་

― CMR051_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་གསུམ་ཁོ་ན་སྟེ། །ཟིན་ཐུན་སློབ་གཉེར་ཐོན་པ་ཡིན། །དེ་དོན་གོ་བ་བསམ་པ་ཡིན། །དེ་ཡི་དོན་བསྒོམ་ཉམས་ལེན་ཡིན། །ཉམས་སུ་ལོན་ན་ཆོས་སྤྱོད་ནི། །སྣ་གཅིག་གིས་ཀྱང་ཆོག་པ་ཡིན། །ཉམས་ལེན་མ་རན་མ་བསམ་དང་། །ཚེ་ལ་ངེས་པ་མེད་པ་སྟེ། །སྔོན་ལ་རྒས་གཞོན་སུ་འཆི་བ། །ཚོད་ཟིན་སུ་ལའང་ཡོད་པ་མིན། །རྒས་ནས་འཆི་བ་རེ་རེ་ཙམ། །དེ་ཕྱིར་བུ་ཁྱོད་ཤེས་པ་ཡི། །ཆོས་སྤྱོད་འདི་གསུམ་ཡི་དམ་མཛོད། །ནད་གདོན་དུས་མིན་འཆི་བ་སོགས། །འཇིགས་པ་ཐམས་ཅད་སྐྱོབ་པ་དང་། །སངས་རྒྱས་བྱེ་བ་ཕྲག་བདུན་གྱིས། །དབང་བསྐུར་བྱིན་གྱིས་བརླབས་མཛད་ནས། །བདེ་བ་ཅན་དུ་སྐྱེ་བའི་ཐབས། །འཕགས་མ་སྒྲོལ་མའི་གཟུངས་རིང་ནི། །བཅོམ་ལྡན་རྣམ་པར་སྣང་མཛད་གསུངས། །དེ་ཉིད་བོད་སྐད་དུ་བསྒྱུར་བ། །སྒྲོལ་མ་ཉེར་གཅིག་འདི་ཡིན་པས། །འདི་ཉིད་འདི་ལྟར་ཉམས་སུ་ལོངས།། ༈ མདུན་དུ་མེ་ཏོག་པདྨ་ཡི། །སྡོང་པོ་བསམ་ལས་འདས་པ་ཡི། །ལོ་མས་བར་སྣང་ཁྱབ་པ་ལ། །འབྲས་བུ་བཀྲ་ཤིས་རྟགས་བརྒྱད་དང་། །ནོར་བུ་རིན་ཆེན་དུ་མ་སྨིན། །སྡོང་པོའི་

― CMR051_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེ་ཡར་མེ་ཏོག་ནི། །འདབ་མ་ཉི་ཤུ་ཐམ་པ་ཅན། །རྒྱ་ཁྱོན་ཤིན་ཏུ་ཆེ་བ་གཅིག །ཡར་ལ་ཁ་ནི་ཟེད་པ་ཡི། །ལྟེ་བ་དང་ནི་འདབ་མ་ལ། །བཅོ་ལྔའི་ཟླ་བ་ཉ་རྒྱས་པ། །ཉེར་གཅིག་གདན་ཐབས་བཏིང་བར་བསྒོམ། །འདི་ནས་ཉི་མ་ལྷོ་ཡི་ཕྱོགས། །པོ་ཏཱ་ལ་ཡི་རི་རྩེ་ནས། །རྗེ་བཙུན་སྒྲོལ་མ་ཉེར་གཅིག་དེ། །གློག་འགྱུ་བཞིན་དུ་སྐད་ཅིག་ལ། །བྱོན་ནས་ཟླ་བ་རིན་ཆེན་སྟེང་། །བཞུགས་པའི་གཙོ་མོ་སྒྲོལ་སྔོན་ཏེ། །སེང་ལྡེང་ནགས་ཀྱི་སྒྲོལ་མ་ཞེས། །གཡུ་ཡི་མདོག་འདྲ་ཞལ་གཅིག་པ། །ཕྱག་གཉིས་གཡས་པས་མཆོད་སྦྱིན་ལ། །གཡོན་པས་ཨུཏྤལ་ཡུ་བ་འཛིན། །དར་དང་རིན་ཆེན་རྒྱན་གྱིས་སྤྲས། །དབུ་གཙུག་འོད་དཔག་མེད་པ་བཞུགས། །ཞབས་གཉིས་རོལ་པའི་སྟབས་ཀྱིས་བཞུགས་། །འཁོར་གྱི་སྒྲོལ་མ་ཉི་ཤུ་པོ། །ཞལ་ཕྱག་མང་སྟེ་ཟིན་དཀའ་བས། །ཇོ་བོ་རྗེ་ཡི་ཞལ་གཟིགས་ལུགས། །ཐམས་ཅད་ཞལ་གཅིག་ཕྱག་གཉིས་པ། །བཞུགས་ཡོད་མོས་པ་ཙམ་གྱིས་ཆོག །གཙོ་མོ་ལ་ནི་དམིགས་པ་གཏད། །རང་ལུས་བྱེ་བ་ས་ཡར་སྤྲུལ། །ཕྱག་འཚལ་མཆོད་པ་སྣ་ཚོགས་འབུལ། །དངོས་སུ་མཆོད་པ་མེད་ན་ཡང་། །

― CMR051_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་གསུམ་འཇིག་རྟེན་ཕྱོགས་བཅུ་ཡི། །ལྷ་མི་ཀླུ་ཡི་ལོངས་སྤྱོད་ཚོགས། །ཡིད་ཀྱིས་མཆོད་པར་དམིགས་ལ་འབུལ། །བདག་དང་སེམས་ཅན་ཐམས་ཅད་ཀྱི། །སྡིག་སྒྲིབ་སྒྲོལ་མའི་དྲུང་དུ་བཤགས། །འཕགས་པ་དང་ནི་སོ་སྐྱེ་ཡི། །དགེ་བ་ཀུན་ལ་ཡི་རང་བསྒོམ། །ཆོས་ནི་རྒྱུན་དུ་གསུངས་པ་དང་། །མྱ་ངན་མི་འདའ་བཞུགས་པར་ཞུ། །དེ་ཡི་དགེ་བས་བདག་ཉིད་ཀྱང་། །འགྲོ་བ་ཀུན་ལ་ཕན་པའི་ཕྱིར། །རྫོགས་པའི་སངས་རྒྱས་ཐོབ་ཕྱིར་བསྔོ། །དེ་ནས་ལུས་ངག་ཡིད་དང་གསུམ། །རྩེ་གཅིག་དད་པས་བསྟོད་པ་དེ། །ཉེར་གཅིག་བདུན་ནམ་གསུམ་མམ་གཅིག །འདོན་ནས་ཡིད་ལ་དྲན་བཞིན་དུ། །ལྷ་མོ་ལ་གུས་ཕན་ཡོན་བརྗོད། །དེ་ནས་འཁོར་རྣམས་གདན་དང་བཅས་། །འོད་དུ་ཞུ་ནས་གཙོ་མོར་ཐིམ། །གཙོ་མོ་འོད་ཕུང་ལྗང་གུར་གྱུར། །རང་གི་སྙིང་ཁར་ཐིམ་པར་བསྒོམ། །དེ་ནས་དེ་ལྟར་བསྒོམ་མཁན་གྱི། །སེམས་ལ་སེམས་ཀྱིས་བལྟ་ནས་འདུག །གཟུགས་དང་དངོས་པོ་ཅི་ཡང་མེད། །མེད་ངེས་མ་ཡིན་ཅིར་ཡང་འཆར། །སྨྲ་བསམ་བརྗོད་དུ་མེད་པ་ཡི། །ཡུམ་ཆེན་སྒྲོལ་མ་རང་གི་སེམས། །

― CMR051_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་དུ་བསྒོམས་ན་ངེས་པར་རྟོགས།། ༈ ཤེས་རབ་སྙིང་པོའི་དོན་བསྒོམ་པའི་ཞལ་གདམས་ནི། མཆན་བུའོ།། སེང་ཁྲི་པདྨ་ཟླ་བའི་སྟེང་། ། །རང་ཉིད་བཅོམ་ལྡན་ཤཱཀྱ་ཐུབ། །ཆ་ལུགས་སྐུ་འདྲ་རྣམས་ལ་ལྟོས། །འཁོར་དུ་འཕགས་པ་སྤྱན་རས་གཟིགས། །ཤཱ་རིའི་བུ་ལ་སོགས་པ་ཡི། །དགྲ་བཅོམ་ལྔ་བརྒྱས་བསྐོར་བར་བསྒོམ། །རང་གི་སྙིང་ཁར་བློ་བའི་སྟེང་། །ཧཱུྃ་ཡིག་གསེར་མདོག་མཐའ་མ་ལ། །འདི་སྐད་བདག་ཐོས་ནས་བཟུང་སྟེ། །མངོན་པར་བསྟོད་བར་ཟབ་མདོ་ཡི། །ཚིག་རྣམས་ཡིག་འབྲུ་དཀར་པོའི་ཡི། །ཧཱུྃ་ལ་གཅུད་པའི་ཚུལ་དུ་བསྐོར། །དེ་ལས་འོད་ཟེར་གསེར་མདོག་འཕྲོས། །སངས་རྒྱས་ཞིང་ཁམས་ཐམས་ཅད་ནས། །ཐུབ་པ་འཁོར་བཅས་དཔག་མེད་བྱོན། །རང་ཉིད་འཁོར་དང་བཅས་ལ་ཐིམ། །ངག་ཏུ་ཟབ་མདོ་འདོན་བཞིན་དུ། །སྙིང་ཁའི་ཧཱུཾ་དང་ཡིག་འབྲུ་ལས། །འོད་ཟེར་ཁ་དོག་སྣ་ཚོགས་འཕྲོས། །ཕྱི་སྣོད་ས་རྡོ་རི་བྲག་དང་། །ནང་བཅུད་སེམས་ཅན་ཀུན་ལ་ཕོག །ཐམས་ཅད་ངོ་བོ་སྟོང་པ་ཉིད། །སྟོང་པའི་ངང་ལས་རྣམ་པ་གསལ། །ཆུ་ཟླ་འཇའ་ཚོན་ལྟ་བུར་གྱུར། །དེ་ལྟར་བསྒོམ་མཁན་སེམས་ལ་བལྟ། །

― CMR051_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པ་མ་ཡིན་དངོས་པོ་མེད། །མེད་པ་མ་ཡིན་རང་རིག་གསལ། །རྟག་པ་མ་ཡིན་སྣ་ཚོགས་འགྱུར། །ཆད་པ་མ་ཡིན་རྒྱུན་ཆད་མེད། །མཐའ་བཞི་བྲལ་བའི་དབུ་མའི་དོན། །རང་སེམས་མ་བཅོས་ཀློད་དེ་བཞག །དོན་ཟབ་ཡིད་ལ་བསྒོམ་པ་ཡིན། །ཚིག་ཟབ་ཟབ་མདོ་ཚར་བདུན་འདོན། །གལ་ཏེ་ཚར་བདུན་མ་ཐུབ་ན། །སྔགས་དེ་ཚར་བདུན་འདོན་པར་བྱ། །བདུད་བཟློག་ཐལ་རྡེབ་བྱེད་པའི་ཚེ། ། །འཁོར་གྱི་དགྲ་བཅོམ་ལྔ་བརྒྱ་ཡི། །ཆོས་གོས་ཕྱོགས་གཅིག་བརྡབས་བྱས་པས། །བདུད་དང་བར་ཆད་བཟློག་པར་བསྒོམ། །དེ་ནས་སེམས་ལ་སེམས་ཀྱིས་བལྟ། །གཤེགས་གསོལ་བསྡུ་ཆོག་དེ་གས་མཐུས།། ༈ མཁས་པའི་གཙུག་རྒྱན་ཙོང་ཁ་པས། །མཛད་པའི་བདེ་སྨོན་འདི་ཉིད་ནི། །ཉིད་ཀྱིས་མཁའ་སྤྱོད་པ་ལ་གནང་། །མཁའ་སྤྱོད་པ་ཡིས་ནམ་བཏོན་ཚེ། །མེ་ཏོག་ཆར་པ་བབ་པ་ཡིན། །སྨོན་ལམ་མེ་ཏོག་ཆར་འབེབས་ཟེར། །མཁའ་སྤྱོད་བཀའ་འབུམ་ནང་ནའང་ཡོད། །འོད་མདོ་བདེ་ཆེན་ཞིང་བཀོད་སོགས། །མདོ་སྡེ་མང་པོའི་དོན་བསྡུས་ཡིན། །འདི་ནས་ཉི་མ་ནུབ་ཀྱི་ཕྱོགས། །ཅུང་

― CMR051_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་སྟེང་དུ་མཐོ་བ་ན། །བདེ་བ་ཅན་གྱི་ཞིང་ཁམས་ཡོད། །བདེ་སྐྱིད་ངོ་མཚར་བརྗོད་མི་ལང་། །དེ་ན་སངས་རྒྱས་འོད་དཔག་མེད། །སྐུ་ནི་རི་རྒྱལ་ལྷུན་པོ་ཙམ། །ཚུར་ལ་ཞལ་ནི་གཟིགས་ནས་ཀྱང་། །རང་ལ་སྤྱན་གྱིས་གཟིགས་པར་བསྒོམ། །དེ་ལ་ཕྱག་འཚལ་མཆོད་པ་འབུལ། །རྩེ་གཅིག་དད་པས་འགྱུར་མེད་བློས། །རང་དང་རང་ལ་འབྲེལ་ཐོགས་རྣམས། །འདི་ནས་ཚེ་འཕོས་གྱུར་མ་ཐག །ཞིང་ཁམས་དེ་རུ་སྐྱེ་བ་ཡི། །སྨོན་ལམ་འདེབས་པའི་བསམ་པ་ཡི། །བདེ་སྨོན་ཅི་ཐོན་འདོན་བྱས་པས། །སངས་རྒྱས་དེ་ཡི་ཐུགས་ཀ་ནས། །འོད་ཟེར་ཉི་མ་ཤར་ལྟར་འཕྲོས། །རང་ལ་ཐིམ་པས་བྱིན་གྱིས་བརླབས། །ཚེ་ཡི་བར་ཆད་བསལ་བ་དང་། །ཕྱི་མ་ཞིང་དེར་སྐྱེ་བ་ཡི། །སངས་རྒྱས་ཐུགས་རྗེས་ཟིན་པར་བསྒོམ། །དེ་ནས་དེ་ལྟར་སྒོམ་མཁན་གྱི། །སེམས་ལ་སེམས་ཀྱིས་ཅེར་རེ་ལྟ། །བལྟས་པས་མཐོང་རྒྱུ་མེད་པ་དེ། །སྟོང་པ་ཉིད་ནི་མཐོང་བ་ཡིན། །མ་མཐོང་བ་དེ་མཐོང་བའི་མཆོག །དེ་ཡི་ངང་ལ་བཞག་ཙམ་ན། །ཅི་ཡང་མི་དྲན་ཁ་རོག་འདུག །དེ་ཡང་སེམས་ཀྱིས་རིག་པ་དེ། །གནས་པ་ཞེས་བྱ་མིང་དུ་བཏགས། །དེ་

― CMR051_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་མི་སྡོད་གང་ཡང་རྒྱུག །དེ་ལ་འགྱུ་བ་ཞེས་བྱའོ། །གནས་དུས་གནས་དང་འགྱུ་དུས་འགྱུ། །ཅི་བྱེད་རིག་པས་རིག་པ་ཟེར། །གནས་དང་འགྲུ་ལ་བཟང་ངན་མེད། །གང་བྱེད་རིག་ན་དེ་གས་ཆོག །གནས་འགྱུ་གདམ་ག་མི་བྱེད་པར། །གང་ཤར་ངང་ལ་རང་ངོ་ལྟ། །འདི་མཐོང་དེ་མཐོང་མེད་ན་ཡང་། །ཡིད་ལ་ངེས་ཤེས་མྱོང་བ་སྐྱེ། །དེ་ཉིད་ཁ་ནས་བརྗོད་མི་ཤེས། །ལྐུག་པས་བུ་རམ་ཟོས་པ་འདྲ། །དེ་ལ་སྨྲ་བསམ་བརྗོད་མེད་ཟེར། །དེ་ཤེས་ཤེས་བྱ་ཀུན་གྱི་རབ། །དེ་བསྒོམ་འཁོར་བའི་རྒྱ་མཚོ་ཡི། །ཕ་རོལ་ཕྱིན་ཏེ་ཐར་པ་ཐོབ། །སེམས་དེ་གང་ནས་འང་མ་སྐྱེས་ཤིང་། །མཐར་ནི་གང་དུའང་མི་འགྲོ་ལ། །ད་ལྟ་གང་དུ་མི་གནས་པ། །དཔེར་ན་ནམ་མཁའི་ངོ་བོ་འདྲ། །ནམ་མཁའ་གང་ནས་ཀྱང་མ་སྐྱེས་ཤིང་། །མཐར་ཡང་ནམ་མཁའ་གར་མི་འགྲོ། །ད་ལྟ་ནམ་མཁར་གར་མི་གནས། །དེ་ཕྱིར་སེམས་ནི་ནམ་མཁའི་དཔེ། །དེ་ཡང་དཔེ་དོན་ཕྱོགས་མཚོན་ཙམ། །དོན་ལ་ནམ་མཁའ་དང་མི་འདྲ། །ནམ་མཁའ་དྲན་མེད་བསམ་པ་མེད། །སེམས་ནི་སེམས་རིག་དྲན་པ་ཡོད། །དེ་ཕྱིར་དཔེ་ཡིས་མི་མཚོན་

― CMR051_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །བརྗོད་པ་ཀུན་དང་བྲལ་བ་སྟེ། །བརྗོད་མེད་བརྗོད་པ་ཀུན་གྱི་གཞི། །རྒྱས་པར་འབུམ་མདོ་ཉེར་ལྔར་གསལ། །དེ་ནི་གཞན་དུ་བསྟན་དུ་མེད། །སོ་སོ་རང་གི་རིག་པ་ཡིས། །རང་གི་སེམས་ལ་ལྟོས་དང་རྙེད། །ཡེ་ནས་རང་རིག་ཆོས་སྐུ་སྟེ། །དེ་ཉིད་ཤེས་ཤིང་རྟོགས་པ་ལ། །ཡེ་ཤེས་མིང་དུ་བཏགས་པ་ཡིན། །འདས་དང་མ་འོངས་སངས་རྒྱས་ཀུན། །དེ་ལས་སྐྱེས་པས་རྒྱལ་བའི་ཡུམ། །ལྷར་བཅས་འཇིག་རྟེན་ཐམས་ཅད་ཀྱི། །ཕྱག་མཚན་མཆོད་པ་འབུལ་བའི་གནས། །ཡུམ་ཆེན་ཤེས་རབ་ཕར་ཕྱིན་དེ། །གཞན་དུ་མ་ཚོལ་སེམས་ལ་ལྟོས། །སེམས་ནི་རྣམ་རྟོག་འཁྲུལ་པའི་ཆ། །འོ་མའི་དཀྱིལ་ན་མར་བཞིན་དུ། །སེམས་ཉིད་ཆོས་སྐུ་འགྱུར་མེད་ཡོད། །རྒྱུན་དུ་བལྟས་ན་ནམ་ཞིག་མཐོང་། །མཐོང་བ་མེད་པའི་ཚུལ་དུ་མཐོང་། །རྟོགས་པ་མེད་པའི་ཚུལ་དུ་རྟོགས། །བཅིང་གྲོལ་མེད་པའི་ངང་ནས་གྲོལ། །དེ་སྐད་རཱ་ག་ཨ་སྱ་ཡིས། །ཤིང་སྦྲུལ་ས་གའི་བཅོ་ལྔ་ཉིན། །སྟོན་པའི་དུས་མཆོད་བྱེད་པའི་སྐབས། །ཤོག་བུ་གཏད་བྱུང་འཕྲལ་ཉིད་དུ། །ཡིད་ལ་གང་ཤར་བྲིས་པ་སྟེ། །མགུར་ལ་དགའ་ན་མགུར་ཡང་ཡིན། །ཁ་

― CMR051_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

ད་བླངས་ན་ཞལ་གདམས་ཡིན། །ཉམས་སུ་བླངས་ན་གདམས་ངག་ཡིན། །གོ་བ་ཡོད་ན་ངོ་སྤྲོད་ཡིན། །བཀྲ་ཤིས་བདེ་ལེགས་འབྱུང་གྱུར་ཅིག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།